> རྒྱ་གར་སྐད་དུ། པྲཧྨ་ཛཱ་ལ་སཱུ་ཏྲ། བོད་སྐད་དུ། ཚངས་པ་དྲ་བའི་མདོ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དགེ་སློང་གི་དགེ་འདུན་ཆེན་པོ་དགེ་སློང་སྟོང་ཉིས་བརྒྱ་ལྔ་བཅུ་དང ། དགེ་བསྙེན་སྟོང་དང ། སློང་མོ་པ་ལྔ་བརྒྱ་རྣམས་དང་ཐབས་གཅིག་ཏུ་ཡུལ་མ་ག་དྷའི་ལྗོངས་རྒྱུ་ཞིང་གཤེགས་པ་གཤེགས་པ་ལས། མཚན་མོ་རྒྱལ་པོའི་ཁབ་དང ། སྐྱ་སྣང་ཅན་གྱི་གྲོང་གི་བར་དེ་ན། འོད་མའི་ལྕུག་ཕྲན་རྒྱལ་པོའི་གནས་སུ་དགེ་སློང་གི་དགེ་འདུན་དང་ཐབས་གཅིག་ཏུ་བཞུགས་ 111b > སོ། །དེའི་ཚེ་ཀུན་ཏུ་རྒྱུ་རབ་དགའ་རྣམ་གྲངས་དུ་མའི་སྒོ་ནས་སངས་རྒྱས་ལ་མི་སྙན་པར་བརྗོད་ལ། ཆོས་དང་དགེ་འདུན་ལ་ཡང་མི་སྙན་པ་བརྗོད་པ་དང ། ཀུན་ཏུ་རྒྱུ་རབ་དགའི་སློབ་མ་བྲམ་ཟེའི་བུ་ཚངས་བྱིན་ཞེས་བྱ་བ་ནི། རྣམ་གྲངས་དུ་མའི་སྒོ་ནས་སངས་རྒྱས་ལ་སྙན་པ་བརྗོད་ལ། ཆོས་དང ། དགེ་འདུན་ལ་སྙན་པར་བརྗོད་པ་ཞིག་སྟེ། དེ་ལྟར་སློབ་དཔོན་དང ། སློབ་མ་དེ་གཉིས་ཕན་ཚུན་ལྟ་བ་དང ། མོས་པ་དང ། བྱེ་བྲག་ཕྱེད་པ་དང ། བཟོད་པ་དག་གིས་མི་མཐུན་པར་སྨྲ་ཞིང ། དགེ་སློང་གི་དགེ་འདུན་དག་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཕྱི་བཞིན་ཞབས་འབྲིང་དུ་དོང་ངོ ། །དེ་ནས་དགེ་སློང་མང་པོ་རྒྱལ་པོའི་གནས་ན་འདུས་ཤིང་འཁོད་པ་རྣམས་ན་རེ། ཚེ་དང་ལྡན་པ་དག་།སེམས་ཅན་རྣམས་ཀྱི་མོས་པ་སྣ་ཚོགས་འདི་ལྟ་སྟེ། ཀུན་ཏུ་རྒྱུ་རབ་དགའ་རྣམ་གྲངས་དུ་མའི་སྒོ་ནས་སངས་རྒྱས་ལ་མི་སྙན་པར་བརྗོད་ལ། ཆོས་དང་དགེ་འདུན་ལ་ཡང་མི་སྙན་པ་བརྗོད་པ་དང ། ཀུན་ཏུ་རྒྱུ་རབ་དགའི་སློབ་མ་བྲམ་ཟེའི་བུ་ཚངས་བྱིན་ཞེས་བྱ་བ་ནི་རྣམ་གྲངས་དུ་མའི་སྒོ་ནས་སངས་རྒྱས་ལ་སྙན་པ་བརྗོད་ལ། ཆོས་དང་དགེ་འདུན་ལ་ཡང་སྙན་པ་བརྗོད་པ་ཞིག་སྟེ། དེ་ལྟར་སློབ་དཔོན་དང ། སློབ་མ་དེ་གཉིས་ཕན་ཚུན་ལྟ་བ་དང ། མོས་པ་དང ། བྱེ་བྲག་ཕྱེད་པ་དང ། བཟོད་པ་དག་གིས་མི་མཐུན་པར་སྨྲ་ཞིང་དགེ་སློང་གི་དགེ་འདུན་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་ 112a > ༄#། །པའི་སངས་རྒྱས་ཀྱི་ཕྱི་བཞིན་དུ་ཞབས་འབྲིང་དུ་དོང་བ་འདི་ནི་ངོ་མཚར་རབ་ཏུ་ཆེའོ་ཞེས་སྐབས་ཀྱི་གཏམ་དེ་ལྟ་བུ་དག་ཡང་དག་པར་བརྗོད་པར་གྱུར་ཏོ། ། དེ་ནས་དགེ་སློང་མང་པོ་དག་རྒྱལ་པོའི་གནས་ན་འདུས་ཤིང་འཁོད་པ་རྣམས་ཀྱི་སྐབས་ཀྱི་གཏམ་དུས་ལ་བབ་པ་དག་།བཅོམ་ལྡན་འདས་ཉིན་མོའི་གནས་ན་བཞུགས་བཞུགས་པའི་ལྷའི་སྙན་རྣམ་པར་དག་པ་མིའི་ལས་འདས་པས་གསན་པར་གྱུར་ཏོ། །གསན་ནས་ཀྱང་ཏིང་ངེ་འཛིན་དེ་ལས་བཞེངས་ནས། རྒྱལ་པོའི་གནས་ག་ལ་བ་དེར་གཤེགས་ཏེ། བྱོན་ནས་དགེ་སློང་གི་དགེ་འདུན་གྱི་མདུན་དུ་གདན་བཏིང་བ་ཉིད་ལ་བཞུགས་སོ། །བཞུགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་རྒྱལ་པོའི་གནས་སུ་དགེ་སློང་མང་པོ་རྣམས་འདུས་ཤིང་འཁོད་པ་རྣམས་ཀྱི་སྐབས་ཀྱི་གཏམ་དུས་ལ་བབ་པ་ནི་གང་ཡིན། ཁྱེད་གཏམ་གང་གིས་ན་ད་ལྟར་འདུས་ཤིང་འཁོད། བཙུན་པ། བདག་ཅག་དགེ་སློང་མང་པོ་རྣམས་རྒྱལ་པོའི་གནས་འདིར་འདུས་ཤིང་མཆིས་པ་ན། ཀུན་ཏུ་རྒྱུ་རབ་དགའ་རྣམ་གྲངས་དུ་མའི་སྒོ་ནས་སངས་རྒྱས་ལ་མི་སྙན་པ་བརྗོད་ལ། ཆོས་དང ། དགེ་འདུན་ལ་ཡང་མི་སྙན་པ་བརྗོད་པ་དང ། ཀུན་ཏུ་རྒྱུ་རབ་དགའི་སློབ་མ་བྲམ་ཟེའི་བུ་ཚངས་སྦྱིན་ཞེས་བགྱི་བ་ནི། རྣམ་གྲངས་དུ་མའི་སྒོ་ནས་སངས་རྒྱས་ལ་སྙན་པ་བརྗོད་ལ། ཆོས་དང ། དགེ་འདུན་ལ་ 112b > ཡང་སྙན་པ་བརྗོད་པ་ཞིག་སྟེ། དེ་ལྟར་ན་སློབ་དཔོན་དང ། སློབ་མ་དེ་གཉིས་ཕན་ཚུན་ལྟ་བ་དང ། མོས་པ་དང ། བྱེ་བྲག་ཕྱེད་བ་དང ། བཟོད་པ་དག་གིས་མི་མཐུན་པར་སྨྲ་ཞིང་དགེ་སློང་གི་དགེ་འདུན་དག་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སླད་བཞིན་ཞབས་འབྲིང་དུ་མཆིས་པ་འདི་ནི། ངོ་མཚར་རབ་ཏུ་ཆེའོ་ཞེས་སྐབས་ཀྱི་གཏམ་དེ་ལྟ་བུ་དག་གླེངས་སླངས་པ་ལགས་ལ། བཙུན་པ། བདག་ཅག་དགེ་སློང་མང་པོ་རྣམས། རྒྱལ་པོའི་གནས་སུ་འདུས་ཤིང་མཆིས་པ་ནི་སྐབས་ཀྱི་གཏམ་དུས་ལ་བབ་པ་ནི་དེ་ལགས་ཏེ། གཏམ་དེས་དེ་ལྟར་བདག་ཅག་འདུས་ཤིང་མཆིས་པ་ལགས་སོ། །དགེ་སློང་དག་།ང་ལ་མི་སྙན་པ་བརྗོད་པ་དང ། ཆོས་དང ། དགེ་འདུན་ལ་ཡང་མི་སྙན་པ་བརྗོད་པ་དེ་ལ་གནོད་སེམས་མི་བྱའོ། །མི་བཟོད་པ་མི་བྱའོ། །ངན་སེམས་མི་བྱའོ། །སེམས་མངོན་པར་མི་དགའ་བར་མི་བྱའོ། །དགེ་སློང་དག་།ང་ལ་མི་སྙན་པར་བརྗོད་པ་དང ། ཆོས་དང ། དགེ་འདུན་ལ་ཡང་མི་སྙན་པ་བརྗོད་པ་དེ་ལ། ཚེ་དང་ལྡན་པ་དག་གིས་གནོད་སེམས་དང ། མི་བཟོད་པ་དང ། ངན་སེམས་དང ། སེམས་མངོན་པར་མི་དགའ་བར་བྱས་ན། དེས་ན་ཁྱོད་ཀྱི་བར་དུ་གཅོད་པ་ཁོ་ནར་འགྱུར་བའི་ཕྱིར་རོ། །དེ་ཅིའི་ཕྱིར་ཞེ་ན། དགེ་སློང་དེ་རེ་ཞིག་ཁྲོས་འཁྲུགས་ལ། རྔམས་ཏེ་ཡིད་མི་དགའ་བར་གྱུར་པས། གཞན་བརྗོད་པའི་དོན་གྱི་རྣམ་པ་ཐམས་ཅད་ཡོངས་སུ་ 113a > ༄#། །རྫོགས་པར་ཤེས་པའམ། མཐོང་བར་འགྱུར་བ་འདི་ནི་གནས་མེད་དོ། །དགེ་སློང་དག་།དེའི་ཕྱིར་ང་ལ་མི་སྙན་པར་བརྗོད་ལ། ཆོས་དང ། དགེ་འདུན་ལ་ཡང་མི་སྙན་པ་བརྗོད་པ་ན། ཡང་དག་པ་ལ་ནི་ཡང་དག་པ་ཉིད་དུ་ཁས་བླང་བར་བྱ་ལ། ཡང་དག་པ་མ་ཡིན་པ་ལ་ནི་ཡང་དག་པ་མ་ཡིན་པ་ཉིད་དུ་སྟེ། འདི་ལྟར་དེ་ནི་ཡང་དག་པར་མ་ཡིན་ཞིང།་དེ་ཁོ་ན་མ་ཡིན་པས་ངེད་ཀྱི་ཆོས་འདི་ལ་ནི་ཡོད་པ་མ་ཡིན་ནོ་ཞེས་ལན་གདབ་པར་བྱའོ། །དགེ་སློང་དག་།ང་ལ་སྙན་པ་བརྗོད་ལ། ཆོས་དང ། དགེ་འདུན་ལ་ཡང་སྙན་པ་བརྗོད་པ་ན། དགའ་བར་ཡང་མི་བྱའོ། །ཡིད་བདེ་བར་ཡང་མི་བྱའོ། །སེམས་ཡ་ཡ་པོར་ཡང་མི་བྱའོ། །དགེ་སློང་དག་།ང་ལ་སྙན་པ་བརྗོད་ལ། ཆོས་དང ། དགེ་འདུན་ལའང་སྙན་པ་བརྗོད་པ་ན། དགའ་བའམ། ཡིད་བདེ་བའམ། སེམས་ཡ་ཡ་པོར་གྱུར་ན། དེས་ན་ཁྱེད་ཀྱི་བར་དུ་གཅོད་པ་ཁོ་ནར་འགྱུར་བའི་ཕྱིར་རོ། །དགེ་སློང་དག་།དེ་ཅིའི་ཕྱིར་ཞེ་ན། དགེ་སློང་དེ་རེ་ཞིག་དགའ་བར་གྱུར་པ་དང ། ཡིད་བདེ་བར་གྱུར་པ་དང ། སེམས་ཡ་ཡ་པོར་གྱུར་པས་གཞན་བརྗོད་པའི་དོན་གྱི་རྣམ་པ་ཐམས་ཅད་ཡོངས་སུ་རྫོགས་པར་ཤེས་པའམ། མཐོང་བར་འགྱུར་བ་འདི་ནི་གནས་མེད་དོ། །དགེ་སློང་དག་།དེའི་ཕྱིར་ང་ལ་སྙན་པ་བརྗོད་ལ། ཆོས་དང ། དགེ་འདུན་ལ་ཡང་སྙན་པ་བརྗོད་པ་ན། ཡང་དག་པ་ལ་ནི་ཡང་དག་པ་ 113b > ཉིད་དུ་ཁས་བླང་བར་བྱ་ལ། ཡང་དག་པ་མ་ཡིན་པ་ལ་ནི། ཡང་དག་པ་མ་ཡིན་པ་ཉིད་དུ་སྟེ། འདི་ལྟར་དེ་ནི་ཡང་དག་པར་མ་ཡིན་ཞིང་དེ་ཁོ་ན་མ་ཡིན་པས། ངེད་ཀྱི་ཆོས་འདི་ལ་ནི་ཡོད་པ་མ་ཡིན་ནོ་ཞེས་ལན་གདབ་པར་བྱའོ། །དགེ་སློང་དག་།གང་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་དག་དེ་བཞིན་གཤེགས་པའི་སྙན་པ་ཅུང་ཟད་ཙམ་འདི་སྨྲ་ཞིང་བརྗོད་པ། འདི་ལྟ་སྟེ། ཚུལ་ཁྲིམས་ཙམ་དང ། འདོད་པ་དག་ལས་རབ་ཏུ་དབེན་པ་ཡིན་ནོ། །ཇི་ལྟར་ན་ཚུལ་ཁྲིམས་ཙམ་ཡིན་ཞེ་ན། གཽ་ཏ་མ་དེ་ནི་འཕེལ་བའི་ཚུལ་ཁྲིམས་ཅན་ཡིན་ལ། ཇི་སྐད་སྨྲས་པ་དེ་བཞིན་བྱེད་ཅིང་ཇི་ལྟར་བྱེད་པ་དེ་བཞིན་སྨྲ་བ་ཡིན་ནོ། །གཽ་ཏ་མ་དེ་ནི་འདི་ལྟར་སྲོག་གཅོད་པ་སྤངས་ནས་སྲོག་གཅོད་པ་ལས་སླར་ལོག་པ་སྟེ། སྲོག་ཆགས་སུ་གྱུར་པའི་སེམས་ཅན་ཐམས་ཅད་ལ་སྙིང་རྗེ་དང་ལྡན་ཞིང་ངོ་ཚ་ཤེས་པ་དང ། དབྱུག་པ་སྤངས་ཤིང་མཚོན་ཆ་སྤངས་པས་ཐ་ན་སྲོག་ཆགས་གྲོག་སྦུར་ཡན་ཆད་ལ་ཡང་སྲོག་གཅོད་པ་སྤངས་པ་ཡིན་ནོ། །གཽ་ཏ་མ་དེ་ནི་འདི་ལྟར་མ་བྱིན་པར་ལེན་པ་སྤངས་ནས་མ་བྱིན་པར་ལེན་པ་ལས་སླར་ལོག་པ་སྟེ། མ་བྱིན་པར་མི་ལེན་ལ། བྱིན་པ་ལ་ནི་དགའ་བ་ཡིན་ཏེ། དེ་བཞིན་དུ་རྒྱ་ཆེར་རོ། །ཇི་ལྟར་འདི་ན་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་ཡོངས་སུ་སྦྱོད་ཅིང ། རིག་པ་ཡོན་པོ་དག་གིས་ལོག་པར་འཚོ་བས། འཚོ་བར་བྱེད་དེ། འདི་ལྟ་སྟེ། ཉི་མ་དང ། ཟླ་བ་གཉིས་ལམ་ནས་ 114a > ༄#། །རྒྱུ་བའི་རྣམ་པར་སྨིན་པ་ནི་འདི་ལྟ་བུའོ། །ཉི་མ་དང་ཟླ་བ་གཉིས་ལམ་ལོག་པ་ནས་རྒྱུ་བའི་རྣམ་པར་སྨིན་པ་ནི་འདི་ལྟ་བུའོ། །གཟའ་ཉི་མ་དང ། གཟའ་ཟླ་བའི་ལམ་དང ། སྐར་མདའ་ལྟུང་བ་ལས་ཕྱོགས་འབར་བ་དང ། བར་སྣང་ལས་ལྷའི་རྔ་སྒྲ་གྲག་པའི་རྣམ་པར་སྨིན་པ་ནི་འདི་ལྟ་བུའོ། །གཟའ་ཉི་མ་དང ། གཟའ་ཟླ་བའི་ལམ་ལོག་པ་དང ། སྐར་མདའ་ལྟུང་བ་ལས་ཕྱོགས་འབར་བ་དང ། བར་སྣང་ལས་ལྷའི་རྔ་སྒྲ་གྲག་པ་དང ། ཡང་ཉི་མ་དང ། ཟླ་བ་འདི་གཉིས་འདི་ལྟར་མཐུ་ཆེ་བ། འདི་ལྟར་རྫུ་འཕྲུལ་ཆེ་བའི་རྣམ་པར་སྨིན་པ་ནི་འདི་ལྟ་བུའོ། །འཆར་བ་དང ། འོང་བ་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་རྣམ་པར་གཞག་པ་དག་ཏུ་མི་ཤེས་པ་ནི། འདི་ལྟ་སྟེ། ལམ་དང ། ལམ་ལོག་པའི་ཕྱིར་རོ། །གཽ་ཏ་མ། དེ་ནི་རིག་པ་ཡོན་པ་དག་གིས་ལོག་པར་འཚོ་བས་ལོག་པར་འཚོ་བར་བྱེད་པ་དེ་ལྟ་བུ་དག་སྤངས་པ་ཡིན་ནོ། །ཇི་ལྟར་ན་འདོད་པ་རྣམས་ལས་རབ་ཏུ་དབེན་པ་ཡིན་ཞེ་ན། གཽ་ཏ་མ། དེ་ནི་འདི་ལྟར་འཕགས་པའི་ཚུལ་ཁྲིམས་ཀྱི་ཕུང་པོ་འདི་དག་དང་ལྡན་ཞིང ། དབང་པོ་རྣམས་ཀྱི་སྒོ་བསྡམས་པ་ལ་གནས་པ། དྲན་པས་ཀུན་ནས་བསྲུངས་པ། རྟག་པར་དྲན་པ་དང ། དྲན་པས་ཡིད་ཀུན་ནས་བསྲུངས་པ། གནས་སྐབས་མཉམ་པ་ལ་འཇོག་པར་བྱེད་པ། དེ་མིག་ 114b > གིས་གཟུགས་རྣམས་ལ་ལྟ་བ་ན་མཚན་མར་འཛིན་པ་མེད་པ་ཡིན་ཏེ། ཡིད་ཀྱི་དབང་པོའི་བར་དུ་ཡང་སྡོམ་པ་བླངས་པ་ཡིན་ནོ། །གཽ་ཏ་མ། དེ་ནི་འདི་ལྟར་ཚུལ་ཁྲིམས་ཀྱི་ཕུང་པོ་འདི་དང ། དབང་པོའི་སྒོ་བསྡམས་པ་འདི་དང་ལྡན་པ་ཡིན་ལ། འགྲོ་བ་དང ། འོང་བ་ལ་ཤེས་བཞིན་དུ་གནས་པ་ཡང་ཡིན་ཞིང ། ལྟ་བ་དང ། རྣམ་པར་ལྟ་བ་ནས་གཉིད་ཀྱིས་དུབ་བ་སེལ་བའི་བར་དུའང་ཤེས་བཞིན་དུ་གནས་པ་ཡིན་ནོ། །གཽ་ཏ་མ་དེ་ནི་འདི་ལྟར་འཕགས་པའི་ཚུལ་ཁྲིམས་ཀྱི་ཕུང་པོ་འདི་དང ། དབང་པོའི་སྒོ་བསྡམས་པ་འདི་དང་ལྡན་ལ། དྲན་པ་དང ། ཤེས་བཞིན་མཆོག་འདི་དང་ལྡན་པའི་ཕྱིར་མལ་སྟན་བདེ་བ་ལ་གནས་པ་ནས། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་ཤིང་དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན། བསམ་གཏན་དང་པོ་རྫོགས་པར་བྱས་ནས་གནས་པའི་བར་ཏེ། འདོད་པ་རྣམས་ལས་དབེན་པ་ནི་དེ་ལྟ་བུ་ཡིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས། མངོན་པར་རྫོགས་པར་སངས་རྒྱས་ནས་བཤད་ལ་ཕ་རོལ་པོས་ཀྱང་དེ་བཞིན་གཤེགས་པ་ལ། གང་ཡང་དག་པ་ཇི་ལྟ་བ་བཞིན་སྙན་པ་སྨྲ་ཞིང་རྗོད་པར་བྱེད་དོ། །དགེ་སློང་དག་།ཆོས་གང་དག་གཞན་ཟབ་པ། ཟབ་པར་སྣང་བ་ 115a > ༄#། །ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་བོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ་བཞིན་སྙན་པར་སྨྲ་ཞིང ། རྗོད་པར་བྱེད་པ་གང་ཞེ་ན། དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་རྟག་པར་སྨྲ་བ་རྣམས་སྔོན་གྱི་མཐའ་ལ་རྟོག་ཅིང ། བདག་དང་འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ཡོད་པ་ནི། འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང ། བྲམ་ཟེ་ཤེས་ལྡན་རྟག་པར་སྨྲ་བ་དེ་དག་།ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང ། འཇིག་རྟེན་ནི་རྟག་གོ་ཞེས་མངོན་པར་བརྗོད་པ་ནི། འདི་ལྟ་སྟེ། གཞི་བཞི་པོ་དག་ལའོ། །དགེ་སློང་དག་།འདི་ན་དགེ་སྦྱོང་དང ། བྲམ་ཟེ་ཁ་ཅིག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང ། སྤོང་བའི་རྒྱུ་ལས་བྱུང་བ་དང ། སྒོམ་པའི་རྒྱུ་ལས་བྱུང་བ་དང ། ལན་མང་དུ་བྱེད་པའི་རྒྱུ་ལས་བྱུང་བ་དང ། ཡང་དག་པའི་ཡིད་ལ་བྱེད་པའི་རྒྱུ་ལས་བྱུང་བ་དག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར་བཞག་པ་ན། འཇིག་པ་དང ། ཆགས་པའི་བསྐལ་པ་ཕྲག་ཉི་ཤུ་ཡང་ 115b > དག་པ་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེའི་ཕྱིར་བདག་དང ། འཇིག་རྟེན་རྟག་པ་དེས་ན། བདག་འདི་སྙམ་དུ་བདག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང ། སྤོང་བའི་རྒྱུ་ལས་བྱུང་བ་དང ། སྒོམ་པའི་རྒྱུ་ལས་བྱུང་བ་དང ། ལན་མང་དུ་བྱེད་པའི་རྒྱུ་ལས་བྱུང་བ་དང ། ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱའོ་སྙམ་མོ། །དེ་ལྟར་སེམས་མཉམ་པར་བཞག་པ་ན། འཇིག་པ་དང ། ཆགས་པའི་བསྐལ་པ་ཕྲག་ཉི་ཤུ་ཡང་དག་པར་རྗེས་སུ་དྲན་ནོ། །དེ་ལྟར་བདག་དང ། འཇིག་རྟེན་རྟག་པ་ནི། མི་འགྲོ་བ་མེད། འགྲོ་བ་མེད་པ། བསྒྱུར་དུ་མི་རུང་པ། ཐེར་ཟུག་ཏུ་གནས་པ། ལྕགས་ཀྱི་སྡོང་པོ་ལྟར་འདུག་པ་སྟེ། དེ་ལྟར་ན་སེམས་ཅན་ཤེས་ལྡན་འདི་དག་ནི། ཀུན་ཏུ་རྒྱུག་ཅིང་འཁོར་ལ་རྟག་པ་དེ་ལྟ་བུ་དང་མཚུངས་པ་མེད་པའོ། །རྟག་པར་སྨྲ་བ་རྣམས་ཅི་ལ་རྟེན་ཅིང ། ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་བརྗོད་པ་འདི་ནི་གཞི་དང་པོའོ། །གཉིས་པ་ནི། དགེ་སྦྱོང་དང ། བྲམ་ཟེ་ཤེས་ལྡན་རྟག་པར་སྨྲ་བ་རྣམས། ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང ། བདག་དང ། འཇིག་རྟེན་རྟག་པའོ་ 116a > ༄#། །ཞེས་མངོན་པར་སྨྲ་ཞིང ། མངོན་པར་བརྗོད་པ་སྟེ། དགེ་སློང་དག་།འདི་ནི་དགེ་སློང་དང ། བྲམ་ཟེ་ཤེས་ལྡན་ཅན་རྟག་པར་སྨྲ་བ་རྣམས་དགོན་པ་ན་གནས་ཀྱང་རུང།་ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང ། སྤོང་བའི་རྒྱུ་ལས་བྱུང་བ་དང ། སྒོམ་པའི་རྒྱུ་ལས་བྱུང་བ་དང ། ལན་མང་དུ་བྱེད་པའི་རྒྱུ་ལས་བྱུང་བ་དང ། ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར་བཞག་པ་ན། འཇིག་པ་དང ། ཆགས་པའི་བསྐལ་པ་ཕྲག་བཞི་བཅུ་ཡང་དག་པར་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེའི་ཕྱིར་བདག་དང ། འཇིག་རྟེན་རྟག་པ་དེས་ན། བདག་འདི་སྙམ་དུ་བདག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་བ་ནས། རྟག་པར་སྨྲ་བ་རྣམས་ཅི་ལ་རྟེན་ཅིང ། ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང ། བདག་དང ། འཇིག་རྟེན་རྟག་པའོ་ཞེས་མངོན་པར་སྨྲ་ཞིང ། མངོན་པར་བརྗོད་པ་འདི་ནི་གཞི་གཉིས་པའོ་ཞེས་བྱ་བའི་བར་དུ་སྔ་མ་བཞིན་ནོ། །གསུམ་པ་ནི། དགེ་སྦྱོང་དང ། བྲམ་ཟེ་ཤེས་ལྡན་རྟག་པར་སྨྲ་བ་རྣམས་ཅི་ལ་རྟེན་ཅིང ། ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང ། 116b > བདག་དང ། འཇིག་རྟེན་རྟག་པའོ་ཞེས་མངོན་པར་སྨྲ་ཞིང ། མངོན་པར་བརྗོད་པ་སྟེ། དགེ་སློང་དག་།འདི་ནི་དགེ་སྦྱོང་དང ། བྲམ་ཟེ་ཁ་ཅིག་ཅེས་བྱ་བ་ནས། སེམས་མཉམ་པར་བཞག་པ་ནས་འཇིག་པ་དང ། ཆགས་པའི་བསྐལ་པ་ཕྲག་བརྒྱད་ཅུ་ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་པ་དང ། དེ་འདི་སྙམ་དུ་སེམས་ཏེ། བདག་དང ། འཇིག་རྟེན་ནི་རྟག་པའོ་ཞེས་བྱ་བ་ནས། དེ་ལྟར་ན་སེམས་ཅན་ཤེས་ལྡན་འདི་དག་ནི་ཀུན་ཏུ་རྒྱུག་ཅིང་འཁོར་ལ། རྟག་པ་དེ་ལྟ་བུ་དང་མཚུངས་པ་མེད་པའོ། །རྟག་པར་སྨྲ་བ་རྣམས་ཅི་ལ་རྟེན་ཅིང ། ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང ། འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་བར་བརྗོད་པ་འདི་ནི་གཞི་གསུམ་པའོ། །བཞི་པ་ནི།་དགེ་སྦྱོང་དང ། བྲམ་ཟེ་ཤེས་ལྡན་རྟག་པར་སྨྲ་བ་རྣམས་ཅི་ལ་རྟེན་ཅིང ། ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་རྟོག་ཅིང་བདག་དང ། འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་བརྗོད་པ་སྟེ། དགེ་སློང་དག་།འདི་ན་དགེ་སྦྱོང་དང ། བྲམ་ཟེ་ཞེས་བྱ་བ་དག་སྔ་མ་བཞིན་ནོ། །སེམས་མཉམ་པར་བཞག་པ་ན་ལྷའི་མིག་རྣམ་པར་དག་པ་མིའི་ལས་འདས་པས་སེམས་ཅན་འཆི་བ་དང ། སྐྱེ་བ་དང ། ཁ་དོག་བཟང་པོ་དང ། ཁ་དོག་ངན་པ་དང ། དམན་པ་དང ། གྱ་ནོམ་པ་དང ། བདེ་འགྲོ་དང ། ངན་འགྲོ་དང ། ངན་ 117a > ༄#། །འགྲོར་འགྲོ་བ་དག་ལྟ་སྟེ། དེ་ལྟར་ན་བདག་དང ། འཇིག་རྟེན་ནི་རྟག་པའོ་ཞེས་བྱ་བ་ནས། རྟག་པར་སྨྲ་བ་རྣམས་ཅི་ལ་རྟེན་ཅིང ། །ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང ། འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་བརྗོད་པ་འདི་ནི་གཞི་བཞི་པའོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་རྟག་པར་སྨྲ་བ་རྣམས་སྔོན་གྱི་མཐའ་ལ་རྟོག་ཅིང ། བདག་དང ། འཇིག་རྟེན་རྟག་པའོ་ཞེས་མངོན་པར་སྨྲ་ཞིང ། མངོན་པར་བརྗོད་པ་དེ་ཐམས་ཅད་ནི་གཞི་བཞི་པོ་འདི་དག་ལྟ་སྟེ། དེ་ལས་མི་ལྷག་མི་མང་ལ་དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང ། འདི་ལྟར་མཆོག་ཏུ་འཛིན་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་མཁྱེན་ཏོ། །འདི་ལྟར་རབ་ཏུ་མཁྱེན་པ་ན། མཆོག་ཏུ་མི་འཛིན་ཏོ། །མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་ཡང་རིག་ཅིང་དེ་ལྟར་ལྟ་བར་སོང་བ་འདི་དག་གི་འགྲོ་བ་ནི་འདི་ལྟ་བུའོ། །སྐྱེ་བ་ནི་འདི་ལྟ་བུའོ། །ཚེ་ཕྱི་མ་ནི་ལྟ་བུ་ཡིན་ནོ་ཞེས་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་མཁྱེན། དེ་དག་དེ་བཞིན་གཤེགས་ 117b > བས་ཡང་དག་པ་ཇི་ལྟ་བ་བཞིན་དུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ནས་ཀྱང་མཆོག་ཏུ་མི་འཛིན་ཏོ། །མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་རིག་ནས། ཀུན་འབྱུང་ཚོར་བ་རྣམས་ནུབ་པར་ཐུགས་སུ་ཆུད་དེ། འདི་ནི་སྡུག་བསྔལ་ལོ། །འདི་ནི་སྡུག་བསྔལ་ངེས་པར་འཕྱིན་པའོ་ཞེས་བྱ་བར་མཁྱེན་ཏོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ། ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ་བཞིན་སྙན་པ་སྨྲ་ཞིང་རྗོད་པར་བྱེད་དོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་དག་ཅེས་བྱ་བ་སྡེ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང ། ཁ་ཅིག་ནི་རྟག་པ་སྟེ། བདག་དང ། འཇིག་རྟེན་ཁ་ཅིག་རྟག་གོ་ཞེས་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ། གཞི་བཞི་པོ་འདི་དག་ལའོ། །དགེ་སྦྱོང་དང ། བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང ། ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང ། ཁ་ཅིག་ནི་རྟག་པ་པ་སྟེ། བདག་དང ། འཇིག་རྟེན་པ་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ། གཞི་བཞི་པོ་དག་ལའོ། །དགེ་སློང་དག་།གང་འཇིག་རྟེན་འདི་འཇིག་ 118a > ༄#། །པའི་དུས་ལ་བབ་སྟེ། འཇིག་རྟེན་འཇིག་པ་ན་སེམས་ཅན་ཕལ་ཆེར་འོད་གསལ་གྱི་ལྷའི་རིས་སུ་སྐྱེ་བར་འགྱུར་ཏེ། དེ་དག་དེར་ཡིད་ལས་འབྱུང་ཞིང ། གཟུགས་ཅན་ཡིན་ལ་དབང་པོ་དམན་པ་མ་ཡིན་ཞིང ། མ་ཚང་བ་མེད་པ། ཡན་ལག་དང ། ཉིང་ལག་ཐམས་ཅད་དང་ལྡན་ཞིང་ཁ་དོག་མཛེས་པ་དང་ལྡན་པ་རྣམས་རང་གི་མཐུས་ནམ་མཁའ་ལ་འགྲོ་ཞིང་དགའ་བའི་ཟས་དང་ལྡན་ལ། དགའ་བའི་ཟས་ཟ་བ་དག་ཚེ་རིང་པོར་འཁོད་དོ། །དགེ་སློང་དག་།གང་འཇིག་རྟེན་འདི་ཆགས་པའི་དུས་ལ་བབ་སྟེ། འཇིག་རྟེན་ཆགས་པ་ན་ནམ་མཁའ་སྟོང་པ་ལ་ཚངས་པའི་གཞལ་མེད་ཁང་དག་མངོན་པར་འགྲུབ་ལ། ཡང་འོད་གསལ་གྱི་ལྷའི་རིས་ཀྱི་སེམས་ཅན་འགའ་ཚེ་ཟད་ཅིང་ལས་ཟད་ལ། བསོད་ནམས་ཟད་པ་ཞེས་ཤི་འཕོས་ནས། ཚངས་པའི་གཞལ་མེད་ཁང་སྟོང་པར་སྐྱེ། ད་དེ་ན་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་སོ། །དེ་ནས་སེམས་ཅན་དེ་ཡུན་རིང་པོ་ལས་འདས་པ་དང ། སྲེད་པ་སྐྱེས་ཤིང་མི་དགའ་བར་གྱུར་ཏེ། ཀྱེ་མ། བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་ཞེས་སེམས་ཅན་དེའི་སེམས་ཀྱིས་སྨོན་པ་དང ། འོད་གསལ་གྱི་ལྷའི་རིས་ཀྱི་སེམས་ཅན་གཞན་ཚེ་ཟད་ཅིང་ལས་ཟད་ལ་བསོད་ནམས་ཟད་པ་ཞིག་ཤི་འཕོས་ནས་ཚངས་པའི་ 118b > གཞལ་མེད་ཁང་དུ་སེམས་ཅན་དེ་དག་སྐལ་པ་མཉམ་པར་སྐྱེས་སོ། །དེ་ནས་སེམས་ཅན་དེ་འདི་སྙམ་དུ་བདག་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་ཏེ། བདག་ཡུན་རིང་པོར་གནས་པ་ལས་འདས་པས་སྲེད་པ་སྐྱེས་ཤིང་མི་དགའ་བར་འགྱུར་ཏེ། ཀྱེ་མ། བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་ཞེས། བདག་གི་སེམས་ཀྱིས་དེ་ལྟར་སྨོན་པ་དང ། སེམས་ཅན་འདི་དག་འདིར་བདག་དང་སྐལ་བ་མཉམ་པར་སྐྱེས་པ་ལས་ན། སེམས་ཅན་དེ་དག་ནི་བདག་གིས་སྤྲུལ་ཏོ། །བདག་སེམས་ཅན་འདི་དག་དང ། དངོས་པོ་རྣམས་ཀྱི་ཕར་གྱུར་པ་སྟེ། དབང་ཕྱུག་གོ་།བྱེད་པ་པོའོ། །འབྱིན་པ་པའོ། །འབྱིན་བྱེད་དོ་སྙམ་མོ། །སེམས་ཅན་དེ་དག་ཀྱང་འདི་སྙམ་དུ་སེམས་ཏེ། སེམས་ཅན་འདི་དག་ནི་བདག་གིས་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་པར་མཐོང་ངོ ། །དེ་ཡུན་རིང་པོར་གནས་པ་ལས་འདས་ནས་སྲིད་པ་སྐྱེས་ཤིང་མི་དགའ་བར་གྱུར་ཏེ། ཀྱེ་མ།་བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་སྙམ་ནས། སེམས་ཅན་དེས་དེ་ལྟར་སེམས་ཀྱིས་སྨོན་པ་དང ། འདིར་བདག་ཅག་སེམས་ཅན་དེ་དང་སྐལ་བ་མཉམ་པར་སྐྱེས་པ་ལས་ན། བདག་ཅག་ནི་སེམས་ཅན་དེས་སྤྲུལ་པའོ། །སེམས་ཅན་དེ་ནི་བདག་ཅག་དང ། དངོས་པོ་རྣམས་ཀྱི་ཕར་གྱུར་པ་སྟེ། དབང་ཕྱུག་གོ་།བྱེད་པ་ 119a > ༄#། །པོའོ། །འབྱིན་པ་པའོ། །འབྱིན་བྱེད་དོ། །སྙམ་མོ། །དེ་ནས་སེམས་ཅན་འགའ་ཚེ་ཟད་ཅིང ། ལས་ཟད་ལ་བསོད་ནམས་ཟད་པ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་གྱུར་ལ། དེ་དབང་པོ་རྣམས་ཡོངས་སུ་སྨིན་ཅིང་ནར་སོན་པའི་རྒྱུས་ན། སྐྲ་དང ། ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། ཡང་དག་པ་ཉིད་ཀྱི་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང ། སྤོང་བའི་རྒྱུ་ལས་བྱུང་བ་དང ། སྒོ་པའི་རྒྱུ་ལས་བྱུང་བ་དང ། ལན་མང་དུ་བྱེད་པའི་རྒྱུ་ལས་བྱུང་བ་དང ། ཡང་དག་པ་ཡིད་ལ་བྱེད་པ་དག་གི་རྒྱུ་ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར་བཞག་པ་ལས་སྔོན་གྱི་ལུས་དེ་ཡང་དག་པར་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། ཚངས་པ་དེ་ནི་དངོས་པོ་རྣམས་ཀྱི་ཕར་གྱུར་པ་སྟེ། དབང་ཕྱུག་གོ་།བྱེད་པ་པོའོ། །སྤྲུལ་པ་པའོ། །འབྱིན་པ་པའོ། །འབྱིན་བྱེད་དོ། །དེ་ནི་རྟག་པའོ། །བརྟན་པའོ། །ཐེར་ཟུག་པའོ། །རྣམ་པར་མི་འགྱུར་བའི་ཆོས་ཅན་ནོ། །ཡང་བདག་ཅག་ནི་ཚངས་པ་དེས་སྤྲུལ་པའི་ཕྱིར་བདག་ཅག་ནི་མི་རྟག་པའོ། །ཡིད་བརྟན་དུ་མི་རུང་བའོ། །རྣམ་ 119b > པར་འགྱུར་བའི་ཆོས་ཅན་ནོ་སྙམ་མོ། །དེ་ལྟར་ཁ་ཅིག་ནི་རྟག་ལ། ཁ་ཅིག་ནི་མི་རྟག་པ་སྟེ། ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག་པ་བ་སྟེ། བདག་དང ། འཇིག་རྟེན་ཁ་ཅིག་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་འདི་ནི་གཞི་དང་པོའོ། །གཉིས་པ་ནི། དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང ། ཁ་ཅིག་ནི་རྟག་པ་པ་སྟེ། བདག་དང ། འཇིག་རྟེན་ཁ་ཅིག་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་སྟེ། ཚངས་པ་དེའི་ལྟ་བ་ནི་འདི་ལྟ་བུའོ། །སྨྲ་བ་ནི་འདི་ལྟ་བུས་འདི་སྐད་ཅེས་བརྗོད་པ་བྱ་སྟེ། ས་དང ། ཆུ་དང ། མེ་དང ། རླུང་དེ་ནི་མི་རྟག་པ་མི་བརྟན་པ། ཡིད་བརྟན་དུ་མི་རུང་བ་རྣམ་པར་འགྱུར་བའི་ཆོས་ཅན་ཡིན་ལ། ཡང་འདི་སྐད་ཅེས་བརྗོད་པར་བྱ་སྟེ། སེམས་ཞེས་བྱ་བའམ། ཡིད་ཅེས་བྱ་བའམ། རྣམ་པར་ཤེས་པ་ཞེས་བྱ་བ་དེ་ནི་རྟག་པ། བརྟན་པ། ཐེར་ཟུག་པ། རྣམ་པར་འགྱུར་བའི་ཆོས་ཅན་མ་ཡིན་ནོ། །ཡང་སེམས་ཅན་འགའ་ཚེ་ཟད་ཅིང་ལས་ཟད་པ་ལ་བསོད་ནམས་ཟད་པ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་འགྱུར་ལ། དེ་དབང་པོ་རྣམས་ཡོངས་སུ་སྨིན་ཅིང་ནར་སོན་པའི་རྒྱུས་ནི་སྐྲ་དང ། ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་ཡང་དག་པ་ཉིད་ཀྱི་དད་པས་ཁྱིམ་ནས་ཁྱིམ་མེད་པར་རབ་ཏུ་ 120a > ༄#། །བྱུང་སྟེ། དེ་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང ། སྤོང་བའི་རྒྱུ་ལས་བྱུང་བ་དང ། སྒོམ་པའི་རྒྱུ་ལས་བྱུང་བ་དང ། ལན་མང་དུ་བྱས་པའི་རྒྱུ་ལས་བྱུང་བ་དང ། ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་ལ་རེག་པར་བྱེད་དོ། །དེ་ལྟར་མཉམ་པར་བཞག་པ་དང ། དེ་འདི་སྙམ་དུ་སེམས་ཏེ། ཚངས་པ་དེ་ནི་ལྟ་བར་གྱུར་པ་ཉམས་སུ་མྱོང་བའི་ཕྱིར་འདི་སྐད་ཅེས་བྱ་སྟེ། ས་དང ། ཆུ་དང ། མེ་དང ། རླུང་དེ་ནི་མི་རྟག་པའོ། །མི་བརྟན་པའོ། །ཡིད་བརྟན་དུ་ཡང་མི་རུང་བའོ། །རྣམ་པར་འགྱུར་བའི་ཆོས་ཅན་ཡིན་ནོ་སྙམ་ལ་ཡང་འདི་སྐད་ཅེས་བྱ་སྟེ། སེམས་ཞེས་བྱ་བའམ། ཡིད་ཅེས་བྱ་བའམ། རྣམ་པར་ཤེས་པ་ཞེས་བྱ་བ་དེ་ནི་རྟག་པའོ། །བརྟན་པའོ། །ཐེར་ཟུག་པའོ། །རྣམ་པར་འགྱུར་བའི་ཆོས་ཅན་མ་ཡིན་པའོ་སྙམ་མོ། །དེ་ལྟར་ཁ་ཅིག་ནི་རྟག་ལ། ཁ་ཅིག་ནི་མི་རྟག་པ་སྟེ། ཅི་ལ་རྟེན་ཅིང་ལ་གནས་ནས། ཅི་ལ་རྟེན་བཅས་ཏེ། སྔོན་གྱི་མཐའ་ལ་རྟོག་ཅིང ། ཁ་ཅིག་ནི་རྟག་པ་པ་སྟེ། བདག་དང ། འཇིག་རྟེན་ཁ་ཅིག་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་འདི་ནི་གཞི་གཉིས་པའོ། །གསུམ་པ་ནི། དགེ་སྦྱོང་དང ། བྲམ་ཟེ་ཤེས་ལྡན་ཁ་ཅིག་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་ 120b > བཅས་ཏེ། སྔོན་གྱི་མཐའ་ལ་རྟོག་ཅིང ། ཁ་ཅིག་ནི་རྟག་པ་པ་སྟེ། བདག་དང ། འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི། དགེ་སློང་དག། འདོད་པའི་ཁམས་ནི་ལྷའི་རྩོད་མོས་མྱོས་ཞེས་བྱ་བ་དག་ཡོད་དེ། དེ་དག་གང་གི་ཚེ་ཤིན་ཏུ་རྩེ་དགའ་རངས་པ་དང་ལྡན་ཞིང་འཁོད་དེ། རྩེ་དགའ་རངས་པ་ལྡན་པའི་སེམས་ཅན་དེ་དག་གི་ནང་ནས། ལུས་དུབ་ཅིང་དྲན་པ་རྨོངས་ལ་དྲན་པའི་སེམས་ཅན་གནས་དེ་ནས་ཤི་འཕོས་ནས་འགྱུར་རོ། །འདི་ལྟ་སྟེ། སེམས་ཅན་འགའ་ཚེ་ཟད་ལ་བསོད་ནམས་ཟད་པ་འགའ་ཞིག་གནས་དེ་ནས་ཤི་འཕོས་ནས། འདིར་མི་རྣམས་དང་སྐལ་བ་མཉམ་པར་འགྱུར་ལ། དབང་པོ་ཡོངས་སུ་སྨིན་ཅིང་ནར་སོན་པའི་རྒྱུས་ན། སྐྲ་དང ། ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། ཡང་དག་པ་ཉིད་ཀྱི་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་སྟེ། དེ་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང ། སྤོང་བའི་རྒྱུ་ལས་བྱུང་བ་དང ། སྒོམ་པའི་རྒྱུ་ལས་བྱུང་བ་དང ། ལན་མང་དུ་བྱེད་པའི་རྒྱུ་ལས་བྱུང་བ་དང ། ཡང་དག་པ་ཡིད་ལ་བྱེད་པ་དག་གི་རྒྱུ་ལས་བྱུང་བདག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་མཉམ་པར་བཞག་པ་ན། སྔོན་གྱི་ལུས་དེ་ཡང་དག་པར་རྗེས་སུ་དྲན་ནོ། །དེ་འདི་སྙམ་ 121a > ༄#། །དུ་སེམས་ཏེ། འདོད་པའི་ཁམས་ན་གང་ལྷ་རྩེད་མོས་མྱོས་ཞེས་བྱ་བ་དག་གི་ནང་ནས་གང་དག་རྩེ་དགའ་རངས་པ་དང་ཤིན་ཏུ་མི་ལྡན་པར་འཁོད་དེ། དེ་དག་ནི་རྟག་པའོ། །བརྟན་པའོ། །ཐེར་ཟུག་པའོ། །རྣམ་པར་མི་འགྱུར་བའི་ཆོས་ཅན་ཡིན་ནོ་སྙམ་མོ། །ཡང་བདག་ཅག་ནི་ཤིན་ཏུ་རྩེ་དགའ་རངས་པ་དང་ལྡན་པའི་སེམས་ཀྱིས་གནས་པས་བདག་ཅག་ནི་མི་བརྟག་པའོ། །མི་བརྟན་པའོ། །ཐེར་ཟུག་མ་ཡིན་པའོ། །ཡིད་བརྟན་དུ་མི་རུང་བའོ། །རྣམ་པར་འགྱུར་བའི་ཆོས་ཅན་ནོ་སྙམ་མོ། །དེ་ལྟར་ན་ཁ་ཅིག་ནི་རྟག་ལ་ཁ་ཅིག་ནི་མི་རྟག་པ་སྟེ། ཅི་ལ་རྟེན་ནས་ཞེས་བྱ་བ་ནི་སྔ་མ་བཞིན་ཏེ། འདི་ནི་གཞི་གསུམ་པའོ། །བཞི་པ་ནི། དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་ཁ་ཅིག་ནི་ཆགས་པ་སྟེ། བདག་དང ། འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི།་དགེ་སློང་དག། འདོད་པའི་ཁམས་ན་ལྷ་ཡིད་འཁྲུག་ཅེས་བྱ་བ་དག་ཡོད་དེ། དེ་དག་གང་གི་ཚེ་ཤིན་ཏུ་མིག་གིས་མིག་ཚུགས་སུ་ལྟའོ། །དེ་དག་ཤིན་ཏུ་མིག་གིས་མིག་ཚུགས་སུ་ལྟ་བ་ན། ཡིད་འཁྲུག་ཅིང་ཡིད་ཁྲོས་པས་སེམས་ཅན་དེ་དག་གནས་དེ་ནས་ཤི་འཕོ་བར་འགྱུར་རོ། །ཇི་སྟེ་སེམས་ཅན་འགའ་ཚེ་ཟད་ཅིང་ལས་ཟད་ལ་བསོད་ནམས་ 121b > ཟད་པ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་འགྱུར་ལ། དེ་དབང་པོ་རྣམས་ཡོངས་སུ་སྨིན་ཅིང་ནར་སོན་པའི་རྒྱུས་ན་ཞེས་བྱ་བ་ནས། སྔོན་གྱི་ལུས་ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་ནོ། །དེ་འདི་སྙམ་དུ་སེམས་ཏེ། འདོད་པའི་ཁམས་ན་གང་ལྷ་ཡིད་འཁྲུག་ཅེས་བྱ་བ་དེ་དག་གི་ནང་ནས་གང་དག་མིག་གིས་མིག་ཚུགས་སུ་ཤིན་ཏུ་མི་ལྟ་བ་དེ་དག་རྟག་པའོ། །བརྟན་པའོ། །ཐེར་ཟུག་པའོ། །མི་འགྱུར་བའི་ཆོས་ཅན་ནོ་སྙམ་མོ། །ཡང་བདག་ཅག་ནི་ཤིན་ཏུ་མིག་གིས་མིག་ཚུགས་སུ་ལྟ་བ་དང ། ལྡན་པས། བདག་ཅག་ནི་མི་རྟག་པའོ། །མི་བརྟན་པའོ། །ཡིད་བརྟན་དུ་མི་རུང་བའོ། །རྣམ་པར་འགྱུར་བའི་ཆོས་ཅན་ནོ་སྙམ་མོ། །དེ་ལྟར་ན་ཁ་ཅིག་ནི་རྟག་ལ་ཁ་ཅིག་ནི་མི་རྟག་པ་སྟེ།་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང ། ཁ་ཅིག་ནི་རྟག་པ་བ་སྟེ། བདག་དང ། འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་འདི་ནི་གཞི་བཞི་པའོ། །དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང ། བདག་དང ། འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི། གཞི་བཞི་པོ་འདི་དག་ལ་སྟེ། དེ་ལས་མི་ལྷག་མི་མང་ལ་དེ་ལྟར་ལྟ་བར་སོང་བ་འདི་དག་འདི་ལྟར་འཛིན་པ་དེ་དག་དེ་བཞིན་གཤེགས་ 122a > ༄#། །པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཅེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ། ཡོངས་སུ་དག་པ་ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ་བཞིན་སྙན་པར་སྨྲ་ཞིང་རྗོད་པར་བྱེད་དོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ་ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ་བཞིན་སྙན་པར་སྨྲ་ཞིང་རྗོད་པར་བྱེད་པ་གང་ཞེ་ན། དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་རྒྱུ་མེད་པར་འབྱུང་བ་སྟེ། བདག་དང ། འཇིག་རྟེན་ནི་རྒྱུ་མེད་པ་ལས་འབྱུང་བའོ་ཞེས་མངོན་པར་སྨྲ་ཞིང་མངོན་པར་བརྗོད་པ་ཡོད་པ་ནི། འདི་ལྟ་སྟེ། གཞི་གཉིས་པ་ལའོ། །དགེ་སྦྱོང་དག་དང ། བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་རྒྱུ་མེད་པར་འབྱུང་བ་སྟེ། བདག་དང ། འཇིག་རྟེན་ནི་རྒྱུ་མེད་པ་ལས་འབྱུང་བའོ་ཞེས་མངོན་པར་སྨྲ་ཞིང་ 122b > མངོན་པར་བརྗོད་པ་ནི། འདི་ལྟ་སྟེ། གཞི་གཉིས་པོ་དག་ལའོ། །དགེ་སྦྱོང་དག་།གཟུགས་ཀྱི་ཁམས་ན། འདུ་ཤེས་མེད་པའི་སེམས་ཅན་གྱི་ལྷ་རྣམས་ཀྱི་འདུ་ཤེས་འབྱུང་བའི་ཕྱིར། སེམས་ཅན་དེ་དག་གནས་དེ་ནས་ཤི་འཕོ་བར་འགྱུར་ལ། ཇི་ལྟར་སེམས་ཅན་འགའ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་པ་མཉམ་པར་འགྱུར་ཞེས་བྱ་བ་ནས།་སྔོན་འདུ་ཤེས་འབྱུང་བ་དེ་ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་ནོ། །འདི་སྙམ་དུ་སེམས་ཏེ། བདག་དང ། འཇིག་རྟེན་རྒྱུ་མེད་པ་ལས་འབྱུང་བ་དེའི་ཕྱིར།་དེས་ན་བདག་ནི་འདི་སྙམ་དུ་བདག་དང ། འཇིག་རྟེན་རྒྱུ་མེད་པ་ལས་བྱུང་བས་བདག་སྔོན་ཆད་མ་བྱུང་ལ། ད་ལྟར་བྱུང་ངོ་སྙམ་པ་ནི་གཞི་དང་པོ་སྟེ། ཅི་ལ་རྟེན་ཅིང་ཞེས་བྱ་བ་དག་ནི་སྔ་མ་བཞིན་ནོ། །གཞི་གཉིས་པ་དག་ནི། དགེ་སློང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང ། ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །འདི་ན་ཁ་ཅིག་དཔྱོད་པ་ཅན་རྟོག་གར་ཞུགས་པའི་ས་ལ་གནས་པ། རང་གི་སྤོབས་པ་ལས་བྱུང་བ། སོ་སོའི་སྐྱེ་བོ་པ། རྟོག་གེའི་རྗེས་སུ་འབྲང་བ་དེ། འདི་སྙམ་དུ་སེམས། བདག་དང ། འཇིག་རྟེན་རྒྱུ་མེད་པ་ལས་འབྱུང་བ་དེའི་ཕྱིར། དེས་ན་བདག་ནི་འདི་སྙམ་དུ་བདག་དང ། འཇིག་རྟེན་རྒྱུ་མེད་པ་ལས་བྱུང་བས། བདག་ནི་རྟོག་གེ་པ། དཔྱོད་པ་ཅན། རྟོག་གེར་ཞུགས་པའི་ས་ལ་གནས་ 123a > ༄#། །པ།་རང་གི་སྤོབས་པ་ལས་བྱུང་བ། སོ་སོའི་སྐྱེ་བོ་དཔྱོད་པའི་རྗེས་སུ་འབྲང་བ་འདི་ནི་གཞི་གཉིས་པ་སྟེ། ཅི་ལ་རྟེན་ཅིང་ཞེས་བྱ་བ་ནི་སྔ་མ་བཞིན་ནོ། ། དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་རྒྱུ་མེད་པར་འབྱུང་བ་པ་སྟེ། བདག་དང ། འཇིག་རྟེན་ནི་རྒྱུ་མེད་པ་ལས་འབྱུང་བའོ། །ཞེས་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི་གཞི་གཉིས་པོ་འདི་དག་ལ་སྟེ། དེ་ལས་མི་ལྷག་མི་མང་ལ། དེ་ལྟར་ན་ལྟ་བར་སོང་བ་དེ་དག་འདི་ལྟར་འཛིན་པ་དང ། འདི་ལྟར་མཆོག་ཏུ་འཛིན་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་མཁྱེན་ཏོ། །འདི་ལྟར་རབ་ཏུ་མཁྱེན་པ་ནས། མཆོག་ཏུ་མི་འཛིན་ཏེ། མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་ཡང་རིག་ཅིང་དེ་ལྟར་ལྟ་བར་སོང་བ་དེ་དག་གི་འགྲོ་བ་ནི་འདི་ལྟ་བུའོ། །སྐྱེ་བ་ནི་འདི་ལྟ་བུའོ། །སྐྱེ་བ་ནི་འདི་ལྟ་བུའོ། །ཚེ་ཕྱི་མ་ནི་འདི་ལྟ་བུ་ཞེས་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ནས་ 123b > ཀྱང་མཆོག་ཏུ་མི་འཛིན་ཏོ། །མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་རིག་ནས། ཀུན་འབྱུང་ཚོར་བ་རྣམས་ནུབ་བར་ཐུགས་སུ་ཆུད་ནས་འདི་ནི་སྡུག་བསྔལ་ལོ། ། འདི་ནི་སྡུག་བསྔལ་ངེས་པར་འབྱིན་པའོ་ཞེས་བྱ་བ་མཁྱེན་ཏོ། །དགེ་སློང་དག་།གང་དག་ཆོས་གཞན་ཟབ་པ་ཟབ་པར་སྣང་བ་ཞེས་བྱ་བ་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་ནས། དེ་དག་གང་ཞེ་ན། ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིག ། མཐའ་ཡོད་པ་དང ། མཐའ་མེད་པ་པ་སྟེ། བདག་དང ། འཇིག་རྟེན་ནི་མཐའ་ཡོད་བའང་མ་ཡིན། མཐའ་མེད་པའང་མ་ཡིན་ཞེས་མངོན་པར་སྨྲ་ཞིང་མངོན་པར་བརྗོད་པ་དེ་དག་ཡོད་པ་ནི།་འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང ། བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང ། མཐའ་ཡོད་པ་དང ། མཐའ་མེད་པ་སྟེ། བདག་དང ། འཇིག་རྟེན་ནི་མཐའ་ཡོད་པའང་མ་ཡིན། མཐའ་མེད་པའང་མ་ཡིན་ཞེས་མངོན་པར་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ།་གཞི་བཞི་པོ་དག་ལའོ། །དགེ་སློང་དག། འདི་ནི་དགེ་སྦྱོང་དང་བྲམ་ཟེ་ཤེས་ལྡན་གཅིག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། བརྩོན་པའི་ 124a > ༄#། །རྒྱུ་ལས་བྱུང་བ་དང ། སྤོང་བའི་རྒྱུ་ལས་བྱུང་བ་དང ། སྒོམ་པའི་རྒྱུ་ལས་བྱུང་བ་དང ། ལན་མང་དུ་བྱེད་པའི་རྒྱུ་ལས་བྱུང་བ་དང ། ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར་བཞག་པ་ན། འཇིག་རྟེན་ལ་མཐའ་ཡོད་པའི་འདུ་ཤེས་ཅན་དུ་གནས་སོ། །དེ་འདི་སྙམ་དུ་སེམས་ཏེ། འཇིག་རྟེན་མཐའ་དང་ལྡན་པ་དེའི་ཕྱིར་དེས་ན་བདག་ནི་འདི་སྙམ་དུ་འཇིག་རྟེན་ནི་མཐའ་དང་ལྡན་ཞིང་ཡོངས་སུ་ཆུད་པས་བདག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ། ཞེས་བྱ་བ་ནས། འཇིག་རྟེན་ལ་མཐའ་ཡོད་པའི་འདུ་ཤེས་ཅན་དུ་གནས་པར་བྱའོ་སྙམ་པའི་བར་དུ་སྔ་མ་བཞིན་ནོ། །དེ་ལྟར་ན་འཇིག་རྟེན་མཐའ་དང་ལྡན་ཞིང་ཡོངས་སུ་ཆད་པ་འདི་ནི་གཞི་དང་པོ་སྟེ། ཅི་ལ་རྟེན་ཅིང་ཞེས་བྱ་བ་ནི་སྔ་མ་བཞིན་ནོ། །གཉིས་པ་ནི། དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་ནས། འདི་ན་དགེ་སྦྱོང་དང ། བྲམ་ཟེ་ཁ་ཅིག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་དུང་\?\་ཤེས་བྱ་བའི་བར་དུ་སྔ་མ་བཞིན་ནོ། །དེ་ལྟར་སེམས་མཉམ་པར་བཞག་པ་ན། འཇིག་རྟེན་ལ་མཐའ་མེད་པའི་འདུ་ཤེས་ 124b > ཅན་དུ་གནས་སོ། །དེ་འདི་སྙམ་དུ་སེམས་ཏེ། འཇིག་རྟེན་ན་མཐའ་མེད་ཅིང་ཚད་མེད་པ་དེའི་ཕྱིར། དེས་ན་བདག་ནི་འདི་སྙམ་དུ་འཇིག་རྟེན་ནི་མཐའ་མེད་ཅིང་ཚད་མེད་པས་བདག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་ཞེས་བྱ་བ་ནས། དེ་ལྟར་སེམས་མཉམ་པར་བཞག་པ་ན། འཇིག་རྟེན་ལ་མཐའ་མེད་པའི་འདུ་ཤེས་ཅན་དུ་གནས་པར་བྱའོ་སྙམ་མོ། །དེ་ལྟར་ན་འཇིག་རྟེན་མཐའ་མེད་ཅིང་ཚད་མེད་པ་འདི་ནི་གཞི་གཉིས་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བའི་བར་དུ་སྔ་མ་བཞིན་ནོ། །གསུམ་པ་ནི། དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །འདི་ན་དགེ་སྦྱོང་དང ། བྲམ་ཟེ་ཁ་ཅིག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཞེས་བྱ་བ་ནས། སེམས་མཉམ་པར་བཞག་པ་ན། སྟེང་དང ། འོག་གི་འཇིག་རྟེན་ལ་ནི་མཐའ་ཡོད་པའི་འདུ་ཤེས་ཅན་ཡིན་ཞིང་ཐད་ཀར་ནི་མཐའ་མེད་པའི་འདུ་ཤེས་ཅན་དུ་གནས་སོ། །ཞེས་བྱ་བའི་བར་དུ་སྔ་མ་བཞིན་ནོ། །དེ་འདི་སྙམ་དུ་སེམས་ཏེ། སྟེང་དང ། འོག་གི་འཇིག་རྟེན་ལ་ནི་མཐའ་ཡོད་ཅིང ། ཐད་ཀར་ནི་མཐའ་མེད་དོ་སྙམ་པ་དེའི་ཕྱིར། དེས་ན་བདག་འདི་སྙམ་དུ་སྟེང་དང ། འོག་ནི་མཐའ་ཡོད་ལ་ཐད་ཀར་ནི་མཐའ་མེད་དོ་སྙམ་ནས། བདག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང་ཞེས་བྱ་བ་ནས་འདི་ 125a > ༄#། །ནི་གཞི་གསུམ་པ་སྟེ། ཅི་ལ་རྟེན་ཅིང་ཅི་ལ་གནས་ཞེས་བྱ་བའི་བར་དུ་སྔ་མ་བཞིན་ནོ། །བཞི་པ་ནི། ཞེས་བྱ་བ་ནས་དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བའི་བར་དུ་སྔ་མ་བཞིན་ནོ། །འདི་ན་དགེ་སྦྱོང་དང ། བྲམ་ཟེ་ཤེས་ལྡན་ཁ་ཅིག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང་ཞེས་བྱ་བ་དག་དང་སེམས་མཉམ་པར་བཞག་པ་ན་འཇིག་རྟེན་མཐའ་ཡོད་པ་མ་ཡིན་པའི་འདུ་ཤེས་ཅན་དང ། མཐའ་མེད་པ་མ་ཡིན་པའི་འདུ་ཤེས་ཅན་དུ་གནས་སོ། །དེ་འདི་སྙམ་དུ་སེམས་ཏེ། འཇིག་རྟེན་འདི་ནི་མཐའ་མེད་ཡོད་པ་ཡང་མ་ཡིན། མཐའ་མེད་པ་ཡང་མ་ཡིན་པ་དེའི་ཕྱིར། དེས་ན་བདག་འདི་སྙམ་དུ་འཇིག་རྟེན་ནི་མཐའ་ཡོད་པ་ཡང་མ་ཡིན། མཐའ་མེད་པ་ཡང་མ་ཡིན་ནོ་སྙམ་ནས། བདག་དགོན་པ་ན་གནས་ཀྱང་རུང ། ཤིང་དྲུང་ན་གནས་ཀྱང་རུང ། ཁང་སྟོང་ན་གནས་ཀྱང་རུང་སྟེ་ཞེས་བྱ་བ་ནས། སེམས་མཉམ་པར་བཞག་པ་ན། འཇིག་རྟེན་མཐའ་ཡོད་པ་ཡང་མ་ཡིན་པའི་འདུ་ཤེས་ཅན་དང ། མཐའ་མེད་པ་ཡང་མ་ཡིན་པའི་འདུ་ཤེས་ཅན་དུ་གནས་པར་བྱའོ་སྙམ་མོ། །དེ་ལྟར་ན་འཇིག་རྟེན་མཐའ་ཡོད་པ་ཡང་མ་ཡིན། མཐའ་མེད་པ་ཡང་མ་ཡིན་པ་འདི་ནི་གཞི་བཞི་པ་སྟེ། ཅི་ལ་རྟེན་ཅིང་ཅི་ལ་གནས་ནས་ 125b > ཞེས་བྱ་བའི་བར་དུ་སྔ་མ་བཞིན་ནོ། །དགེ་སྦྱོང་དང ། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང ། མཐའ་ཡོད་པ་དང ། མཐའ་མེད་པ་བ་སྟེ། བདག་དང ། འཇིག་རྟེན་མཐའ་ཡོད་པ་དང།་མཐའ་མེད་པའོ་ཞེས་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི་གཞི་བཞི་པོ་དག་ལ་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང ། འདི་ལྟར་མཆོག་ཏུ་འཛིན་པ་དང ། འདི་ལྟར་ལེན་པ་དང ། འདི་ལྟར་སྤྱོད་པ་ཞེས་བྱ་བ་ནི་སྔ་མ་བཞིན་ནོ། །དགེ་སློང་དག་།གང་དག་ཆོས་གཞན་ཟབ་པ་ཟབ་པར་སྣང་བ་ཞེས་བྱ་བ་ནི་སྔ་མ་བཞིན་ནོ། ། དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་དག་གང་ཞེ་ན། ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་ལྷ་མི་སྤོང་ལ་ལྟ་མི་སྤོང་བ་བྲི་བ་དྲིས་པ་དང ། གཏམ་རླུང་བསྐུར་བ་དག་ཡོད་པ་ནི། འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང ། ལྷ་མི་སྲོང་ལ། ལྷ་མི་སྤོང་\?\་བ་དྲིང་\?\་དྲིས་\?\་པ་དང ། ཚིག་རླུང་བསྐུར་བ་ནི། འདི་ལྟ་སྟེ། གཞི་བཞི་པོ་དག་ལའོ། ། 126a > ༄#། །འདི་ན་དགེ་སྦྱོང་དང ། བྲམ་ཟེ་ཁ་ཅིག་མི་དགེ་བ་ཡང་དག་པ་ཇི་ལྟ་བ་བཞིན་དུ་མི་ཤེས་ཤིང ། དགེ་བ་དང ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་ཡང་དག་པར་ཇི་ལྟ་བ་བཞིན་རབ་ཏུ་མི་ཤེས་སོ། །དེ་འདི་སྙམ་དུ་སེམས་ཏེ། བདག་གིས་ནི་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ཤིང ། དགེ་བ་དང ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་སོ་སྙམ་མོ། །དགེ་སྦྱོང་དང ། བྲམ་ཟེ་ཁ་ཅིག་གང་དག་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ཤིང ། དགེ་བ་དང ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་ཡང་དག་པར་ཇི་ལྟ་བ་བཞིན་རབ་ཏུ་མི་ཤེས་པ་དག་ཡོད་དེ། དེ་དག་བདག་ལ་མི་དགེ་བའི་དྲི་བ་དྲིས་པར་འགྱུར་པ་དང ། དགེ་བ་དང ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་དག་གི་དྲི་བ་དྲིས་པར་འགྱུར་ན། བདག་གིས་དེ་དག་གི་མི་སྤོང་བ་དྲི་བ་དྲིས་པར་ལུང་བསྟན་པ་དང ། དགེ་བ་དང ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་དག་གི་དྲི་བ་བྲིས་པ་རྣམས་ལུང་བསྟན་དུ་ནི་བདག་གི་བརྫུན་དུ་འགྱུར་བས། དེ་ལྟར་ན་དགེ་སྦྱོང་དང ། བྲམ་ཟེ་དེ་བརྫུན་དུ་སྨྲ་བས་འཇིགས་པ་དང ། བརྫུན་དུ་སྨྲ་བས་འཇིགས་སྐྲག་པ་ 126b > དང།་བརྫུན་དུ་སྨྲ་བ་ཡོངས་སུ་སྨད་པས་གཞི་དེ་དང ། གླིང་དེ་དང ། མགོན་དེ་དང ། སྐྱབས་དེ་དང ། གཞོལ་བ་དེ་ལ་གནས་སོ། །ལྷ་མི་སྤོང་བ་དེ་དྲི་བ་དྲིས་པ་དང ། ཚིག་རླུང་སྐུར་བར་བྱེད་དེ། ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་ལྷ་མི་སྤོང་ལ། ལྷ་མི་སྤོང་བ་དྲི་བ་དྲིས་པ་དང ། ཚིག་རླུང་བསྐུར་པ་འདི་ནི་གཞི་དང་པོའོ། །གཞི་གཉིས་པ་ནི། དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཞེས་བྱ་བ་དག་ནི་སྔ་མ་བཞིན་ནོ། །འདི་ན་དགེ་སྦྱོང་དང ། བྲམ་ཟེ་ཁ་ཅིག་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་ཤེས་ཤིང་ཞེས་བྱ་བ་དག་ནི་སྔ་མ་བཞིན་ནོ། །དེ་ནི་བདག་གི་བརྫུན་དུ་འགྱུར་ལ་གང་བདག་གི་བརྫུན་དུ་འགྱུར་བ་དེ་ནི་བདག་གི་ལོག་པར་འགྱུར་ཏེ། དེ་ལྟར་ན་དགེ་སྦྱོང་དང ། བྲམ་ཟེ་ཤེས་ལྡན་དེ་ནི་ལོག་པར་ལྟ་བས་འཇིགས་པ་དང ། ལོག་པར་ལྟ་བས་འཇིགས་སྐྲག་པ་དང ། ལོག་པར་ལྟ་བ་ཉིད་ཡོངས་སུ་སྨད་པས་གཞི་དེ་ལ་གནས་སོ་ཞེས་བྱ་བ་ནི་སྔ་མ་བཞིན་ནོ། །ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ་ཞེས་བྱ་བ་ནས། ཚིག་རླུང་བསྐུར་ཞེས་བྱ་བའི་བར་འདི་ནི་གཞི་གཉིས་པའོ། །གསུམ་པ་ནི། དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ལ་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་ཞེས་བྱ་བ་དག་ནི་སྔ་ 127a > ༄#། །མ་བཞིན་ནོ། །འདི་ན་དགེ་སྦྱོང་དང ། བྲམ་ཟེ་ཤེས་ལྡན་ཁ་ཅིག་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་ཤིང་དགེ་བ་དག་ཅེས་བྱ་བ་སྔ་མ་བཞིན་ནོ། །དེ་ནི་བདག་གི་བརྫུན་དུ་འགྱུར་ལ། གང་བདག་གི་བརྫུན་དུ་འགྱུར་བ་དེ་བདག་གི་ལོག་པར་འགྱུར་ཞིང་གང་བདག་གི་ལོག་པར་འགྱུར་བ་དེ་ནི་བདག་གི་ཤེས་བཞིན་མ་ཡིན་པར་འགྱུར་ཏེ། དེ་ལྟར་ན་དགེ་སྦྱོང་དང ། བྲམ་ཟེ་དེ་ནི་ཤེས་བཞིན་མ་ཡིན་པས་འཇིགས་པ་དང ། ཤེས་བཞིན་མ་ཡིན་པས་འཇིགས་སྐྲག་པ་དང ། ཤེས་བཞིན་མ་ཡིན་པ་ཉིད་ཡོངས་སུ་སྨད་པས་གཞི་དེ་དང ། གླིང་དེ་ལ་གནས་ཞེས་བྱ་བ་ནས། ཚིག་རླུང་བསྐུར་བ་འདི་ནི་གཞི་གསུམ་པའོ་ཞེས་བྱ་བའི་བར་དུ་སྔ་མ་བཞིན་ནོ། །བཞི་པ་ནི། དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །འདི་ན་དགེ་སྦྱོང་དང ། བྲམ་ཟེ་ཁ་ཅིག་རང་བཞིན་གྱིས་ཡིད་རྟུལ་ཞིང་བླུན་པ་ཡིན་ཏེ། དེ་འདི་སྙམ་དུ་སེམས་ཏེ། ཇི་སྟེ་བདག་གི་ཐད་དུ་ལ་ལ་ཞིག་འོངས་ནས། དེ་འཇིག་རྟེན་ཕ་རོལ་ཡོད་སྙམ་ནས་འཇིག་རྟེན་ཕ་རོལ་ཡོད་དམ་ཞེས་དྲི་བ་དྲིས་ན། བདག་གིས་དེ་ལ་འཇིག་རྟེན་ཕ་རོལ་ཡོད་དོ་ཞེས་ལུང་བསྟན་པར་བྱའོ། །འཇིག་རྟེན་ཕ་རོལ་མེད་པ་མ་ཡིན་ནམ། ཡོད་པ་ཡང་ཡིན། མེད་པ་ཡང་ཡིན་ནམ། ཡོད་ 127b > པ་ཡང་མ་ཡིན། མེད་པ་ཡང་མ་ཡིན་ནམ། དེ་འཇིག་རྟེན་འདི་ལྟ་བུའམ། འོན་ཏེ་མ་ཡིན། རྣམ་པར་གཞན་ཞིག་གམ། འོན་ཏེ་མ་ཡིན། མ་ཡིན་ནམ། འོན་ཏེ་མ་ཡིན། འདི་ལྟ་བུ་མ་ཡིན་ནམ། འོན་ཏེ་མ་ཡིན། དེ་འཇིག་རྟེན་ཕ་རོལ་མ་ཡིན་ནམ། འོན་ཏེ་མ་ཡིན། འདི་ལྟ་བུ་མ་ཡིན་ནམ། འོན་ཏེ་མ་ཡིན་ཞེས་དྲི་བ་དྲིས་ན། བདག་གིས་འཇིག་རྟེན་ཕ་རོལ་ཞེས་བྱ་བ་མ་ཡིན་ནམ། འོན་ཏེ་མ་ཡིན། འདི་ལྟ་བུ་མ་ཡིན་ནམ། འོན་ཏེ་མ་ཡིན་ཞེས་ལུང་བསྟན་པར་བྱའོ། །དགེ་སྦྱོང་དང ། བྲམ་ཟེ་དེ་གཏི་མུག་གི་འཇིགས་པ་དང ། གཏི་མུག་གིས་འཇིགས་སྐྲག་པ་དང ། དེས་གཏི་མུག་ཉིད་ཡོངས་སུ་སྨད་པས་གཞི་དེ་དང ། གླིང་དེ་དང ། མགོན་དེ་དང ། སྐྱབས་དེ་དང ། གཞོལ་བ་དེ་ལ་གནས་སོ། །ལྷ་མི་སྤོང་པ་དྲི་བ་དྲིས་པ་དང ། ཚིག་རླུང་བསྐུར་བ་འདི་ནི་གཞི་བཞི་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །དགེ་སྦྱོང་དང ། བྲམ་ཟེ་སྔོན་གྱི་མཐའ་ལ་རྟོག་ཅིང་ལྷ་མི་སྤོང་ལ་ལྷ་མི་སྤོང་བ་དྲི་བ་དྲིས་པ་དང ། ཚིག་རླུང་བསྐུར་བ་དེ་ཐམས་ཅད་ནི་གཞི་བཞི་པོ་འདི་དག་ལ་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་ལྟར་འཛིན་པ་དང ། འདི་ལྟར་ 128a > ༄#། །མཆོག་ཏུ་འཛིན་པ་དག་ནི་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་སྔོན་གྱི་མཐའ་དང་ལྡན་པ་ལྟ་བར་སོང་བ་དག་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི་ལྟ་བར་སོང་བ་བཅོ་བརྒྱད་པོ། འདི་ལྟ་སྟེ། དེ་ལས་མི་ལྷག་མི་མང་ཞེས་བྱ་བ་ནས། ལྷག་པར་མཁྱེན་ཏོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་དག་གང་ཞེ་ན་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་ཅན་དུ་སྨྲ་བ་དག་ཡོད་དེ། དེ་ཕན་ཆད་བདག་ནི་འདུ་ཤེས་ཅན་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ། བཞི་བཅུ་དྲུག་པོ་ལའོ། །དགེ་སྦྱོང་དང ། བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་འདུ་ཤེས་ཅན་དུ་སྨྲ་བ་དག་།དེ་ཕན་ཆད་བདག་ནི་འདུ་ཤེས་ཅན་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ། གཞི་བཅུ་དྲུག་པོ་དག་ལའོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་འདི་ལྟར་ལྟ་ཞིང ། འདི་སྐད་དུ། 128b > སྨྲ་བ་དག་ཡོད་དེ། དེ་ཕན་ཆད་བདག་གཟུགས་དང་ལྡན་པའི་འདུ་ཤེས་ཅན་དང ། དེ་ཕན་ཆད་བདག་གཟུགས་དང་མི་ལྡན་པ་ཡིན་པ་དང ། གཟུགས་དང་ལྡན་པ་ཡང་ཡིན་ལ། གཟུགས་དང་མི་ལྡན་པ་ཡང་ཡིན་པ་དང ། གཟུགས་དང་ལྡན་པ་ཡང་མ་ཡིན་ལ། གཟུགས་དང་མི་ལྡན་པ་ཡང་མ་ཡིན་པའི་འདུ་ཤེས་ཅན་དང ། དེ་ཕན་ཆད་བདག་མཐའ་དང་ལྡན་པའི་འདུ་ཤེས་ཅན་དང ། མཐའ་དང་མི་ལྡན་པ་དང ། དེ་ཕན་ཆད་བདག་མཐའ་དང་ལྡན་པ་ཡང་ཡིན་ལ། མཐའ་དང་མི་ལྡན་པ་ཡང་ཡིན་པ་དང ། མཐའ་དང་ལྡན་པ་ཡང་མ་ཡིན་ལ། མཐའ་དང་མི་ལྡན་པ་ཡང་མ་ཡིན་པའི་འདུ་ཤེས་ཅན་དང ། དེ་ཕན་ཆད་བདག་གཅིག་པའི་འདུ་ཤེས་ཅན་དང ། ཐ་དད་པའི་འདུ་ཤེས་ཅན་དང ། ཆུང་དུའི་འདུ་ཤེས་ཅན་དང ། ཚད་མེད་པའི་འདུ་ཤེས་ཅན་དང ། གཅིག་ཏུ་བདེ་བ་ཅན་དང ། གཅིག་ཏུ་སྡུག་བསྔལ་བ་ཅན་དང ། བདེ་བ་དང ། སྡུག་བསྔལ་བ་ཅན་དང ། བདེ་བ་དང ། སྡུག་བསྔལ་བ་ཅན་མ་ཡིན་པའི་འདུ་ཤེས་ཅན་འདི་དག་ནི། དགེ་སློང་དག་།གཞི་བཅུ་དྲུག་པོ་དག་ལ་སྟེ། ཅི་ལ་རྟེན་ཅིང་ཞེས་བྱ་བ་ནས་མངོན་པར་སྨྲ་ཞིང་མངོན་པར་བརྗོད་པ་ཞེས་བྱ་བའི་བར་དུའོ། །དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་ཅན་དུ་སྨྲ་བ་དག་དེ་ཕན་ཆད་བདག་གི་འདུ་ཤེས་ཅན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ 129a > ༄#། །ནི་གཞི་བཅུ་དྲུག་པོ་འདི་དག་ལ་སྟེ། དེ་ལས་མི་ལྷག་མི་མང་ལ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང ། འདི་ལྟར་མཆོག་ཏུ་འཛིན་པ་དང ། འདི་ལྟར་ལེན་པ་དང ། འདི་ལྟར་སྤྱོད་པ་དང ། འགྲོ་བ་ནི་འདི་ལྟ་བུའོ། །སྐྱེ་བ་ནི་འདི་ལྟ་བུའོ། །ཚེ་ཕྱི་མ་ནི་འདི་ལྟ་བུ་ཡིན་ནོ་ཞེས་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ནས་ཀྱང་མཆོག་ཏུ་མི་འཛིན་ཏོ། །མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་རིག་ནས་ཚོར་བ་རྣམས་ཀུན་ཏུ་འབྱུང་བ་ནུབ་པར་ཐུགས་སུ་ཆུད་དེ། འདི་ནི་སྡུག་བསྔལ་ལོ། །འདི་ནི་སྡུག་བསྔལ་ངེས་པར་འབྱིན་པའོ། །ཞེས་བྱ་བར་མཁྱེན་ཏོ། །དགེ་སློང་དག་།ཆོས་གང་དག་གཞན་ཟབ་བ་ཟབ་པར་སྣང་བ་ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་ 129b > དག་པ་ཇི་ལྟ་བ་བཞིན་དུ་སྙན་ནས་སྨྲ་ཞིང་རྗོད་པར་བྱེད་དོ། །དགེ་སློང་དག་།ཆོས་གང་དག་གཞན་ཟབ་པ་ཟད་བར་སྣང་བ་ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ་བཞིན་དུ་སྙན་པ་སྨྲ་ཞིང་རྗོད་པར་བྱེད་པ་གང་ཞེ་ན། དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་ཅན་དུ་སྨྲ་བ་དག་དེ་ཕན་ཆད་བདག་ནི་འདུ་ཤེས་ཅན་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ཡོད་པ་ནི། འདི་ལྟ་སྟེ། གཞི་བརྒྱད་པོ་འདི་དག་ལའོ། །དགེ་སྦྱོང་དང་བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་འདུ་ཤེས་མེད་པ་ཅན་དུ་སྨྲ་བ་དག་དེ་ཕན་ཆད་བདག་ནི་འདུ་ཤེས་མེད་པ་ཅན་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི།་འདི་ལྟ་སྟེ། གཞི་བརྒྱད་པོ་དག་ལའོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་འདི་ལྟར་ལྟ་ཞིང ། འདི་སྐད་དུ། སྨྲ་བ་དག་ཡོད་དེ། དེ་ཕན་ཆད་པ་དག་ནི་གཟུགས་ཅན་མ་ཡིན་ཞིང ། འདུ་ཤེས་ཅན་ཡང་ཡིན་པ་དང ། དེ་ཕན་ཆད་པ་དག་ནི་གཟུགས་ཅན་མ་ཡིན་པ་དང ། གཟུགས་ཅན་ཡིན་ལ། གཟུགས་ཅན་མ་ཡིན་པ་ཡང་ཡིན་པ་དང ། གཟུགས་ 130a > ༄#། །ཅན་ཡང་མ་ཡིན་ལ། གཟུགས་ཅན་མ་ཡིན་པ་ཡང་མ་ཡིན་ཞིང་འདུ་ཤེས་ཅན་ཡང་མ་ཡིན་པ་དང ། དེ་ཕན་ཆད་བདག་ནི་མཐའ་དང་ལྡན་ཞིང་འདུ་ཤེས་ཅན་ཡིན་པ་དང ། དེ་ཕན་ཆད་བདག་ནི་མཐའ་དང་མི་ལྡན་པ་དང ། མཐའ་དང་ལྡན་པའང་ཡིན་ལ་མཐའ་དང་མི་ལྡན་པའང་ཡིན་པ་དང ། མཐའ་དང་ལྡན་པ་ཡང་མ་ཡིན་ལ་མཐའ་དང་མི་ལྡན་པའང་མ་ཡིན་ཞིང་འདུ་ཤེས་ཅན་ཡང་ཡིན་པ་འདི་ནི་གཞི་བརྒྱད་པའོ། །ཅི་ལ་རྟེན་ཅིང་ཞེས་བྱ་བ་དག་ནི་སྔ་མ་བཞིན་ནོ། །དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་མེད་པ་ཅན་དུ་སྨྲ་བ་དག་དེ་ཕན་ཆད་བདག་ནི་འདུ་ཤེས་མེད་པ་ཅན་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི་གཞི་བརྒྱད་པོ་དག་ལ་སྟེ། དེ་ལས་མི་ལྷག་མི་མང་ལ། །དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟས་པར་སྣང་བ་གང་ཞེ་ན། ཞེས་བྱ་བ་དག་ནི་སྔ་མ་བཞིན་ནོ། །དགེ་ 130b > སློང་དག་།དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་ཅན་ཡང་མ་ཡིན་ལ། འདུ་ཤེས་ཅན་མ་ཡིན་པ་ཡང་མ་ཡིན་པར་སྨྲ་བ་དག་ཡོད་དེ། དེ་ཕན་ཆད་བདག་ནི་འདུ་ཤེས་ཅན་ཡང་མ་ཡིན་ལ། འདུ་ཤེས་ཅན་མ་ཡིན་པ་ཡང་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ། གཞི་བརྒྱད་པོ་དག་ལའོ། ། དགེ་སྦྱོང་དང ། བྲམ་ཟེ་དེ་དག་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་འདུ་ཤེས་ཅན་ཡང་མ་ཡིན་ལ་འདུ་ཤེས་ཅན་མ་ཡིན་པ་ཡང་མ་ཡིན་ནོ་ཞེས་སྨྲ་བ་དག་དེ་ཕན་ཆད་བདག་ནི་འདུ་ཤེས་ཅན་ཡང་མ་ཡིན་ལ་འདུ་ཤེས་ཅན་མ་ཡིན་པའང་མ་ཡིན་ནོ། །ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་དག་ནི་གཞི་བརྒྱད་པོ་དག་ལའོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་འདི་ལྟར་ལྟ་ཞིང ། འདི་སྐད་དུ་སྨྲ་བ་དག་དེ་ཕན་ཆད་བདག་ནི་གཟུགས་ཅན་ཡིན་ཞིང་འདུ་ཤེས་ཅན་ཡང་མ་ཡིན་ལ་འདུ་ཤེས་ཅན་མ་ཡིན་པ་ཡང་མ་ཡིན་པ་དང ། དེ་ཕན་ཆད་བདག་ནི་གཟུགས་ཅན་མ་ཡིན་པ་དང ། གཟུགས་ཅན་ཡང་ཡིན་ལ་གཟུགས་ཅན་མ་ཡིན་པ་ཡང་ཡིན་པ་དང ། གཟུགས་ཅན་ཡང་མ་ཡིན་པ་ལ་གཟུགས་ཅན་མ་ཡིན་པ་ཡང་མ་ཡིན་ཞིང ། འདུ་ཤེས་ཅན་ཡང་མ་ཡིན་ལ་འདུ་ཤེས་ཅན་མ་ཡིན་པ་ཡང་མ་ཡིན་པ་དང ། དེ་ཕན་ཆད་བདག་ 131a > ༄#། །ནི་མཐའ་དང་ལྡན་པ་ཡིན་ཞིང་འདུ་ཤེས་ཅན་ཡང་མ་ཡིན་ལ། འདུ་ཤེས་ཅན་མ་ཡིན་པ་ཡང་མ་ཡིན་པ་དང ། དེ་ཕན་ཆད་བདག་ནི་མཐའ་དང་མི་ལྡན་པ་དང་མཐའ་དང་ལྡན་པ་ཡང་ཡིན་ལ། མཐའ་དང་མི་ལྡན་པ་ཡང་ཡིན་པ་དང ། མཐའ་དང་ལྡན་པ་ཡང་མ་ཡིན་ལ། མཐའ་དང་མི་ལྡན་པ་ཡང་མ་ཡིན་ཞིང་འདུ་ཤེས་ཅན་ཡང་མ་ཡིན་ལ་འདུ་ཤེས་ཅན་མ་ཡིན་པ་ཡང་མ་ཡིན་པ་འདི་ནི་གཞི་བརྒྱད་ལའོ། །ཅི་ལ་བརྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་འདུ་ཤེས་ཅན་ཡང་མ་ཡིན། འདུ་ཤེས་ཅན་མ་ཡིན་པ་ཡང་མ་ཡིན་ནོ་ཞེས་སྨྲ་བ་དག་དེ་ཕན་ཆད་བདག་ནི་འདུ་ཤེས་ཅན་ཡང་མ་ཡིན། འདུ་ཤེས་ཅན་མ་ཡིན་པ་ཡང་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་གཞི་བརྒྱད་པོ་དག་ལ་སྟེ། དེ་ལས་མི་ལྷག་མི་མང་བ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་ཅེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་ཆོས་གང་དག་གཞན་ཟབ་བ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟ་བ་ 131b > བར་སྣང་བ་དག་གང་ཞེ་ན། ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག་ཡོད་དེ། དེ་ཕན་ཆད་བདག་ནི་ཆད་པར་འགྱུར་ཏེ་མེད་དོ། །ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ། གཞི་བདུན་པོ་དག་ལའོ། །དགེ་སློང་དག་།དགེ་སྦྱོང་དང ། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག་དེ་ཕན་ཆད་བདག་ནི་ཆད་པར་འགྱུར་ཏེ། མེད་དོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ནི་འདི་ལྟ་སྟེ། གཞི་བདུན་པོ་དག་ལའོ། །དགེ་སློང་དག་།དགེ་སློང་དང ། བྲམ་ཟེ་ཁ་ཅིག་འདི་ལྟར་ལྟ་ཞིང་འདི་སྐད་དུ་སྨྲ་བ་དག་ཡོད་དེ། བདག་གཟུགས་ཅན་ནི་འབྱུང་པ་ཆེན་པོ་བཞི་པོ་རགས་པ་ཇི་སྲིད་དུ་འཚོ་ཞིང་གནས་ལ། བརྟན་ཞིང་འདུག་པ་དེ་སྲིད་དུ་ནད་དང་བཅས་སོ། །ཤུ་བ་དང་བཅས་སོ། །ཟུག་རྔུ་དང་བཅས་སོ། །རིམས་ནད་དང་བཅས་སོ། །ཡོངས་སུ་གདུང་བ་དང་བཅས་སོ། །བདག་ནི་ནམ་ཞིག་ན་ཡོངས་སུ་ཆད་པར་འགྱུར་རོ། །འདོད་པ་ན་སྤྱོད་པའི་ལྷ་དང ། གཟུགས་ན་སྤྱོད་པའི་ལྷ་དང ། གཟུགས་ཅན་མ་ཡིན་པ་ནམ་མཁའ་མཐའ་ཡས་སྐྱེ་མཆེད་ལ་གནས་པ་དང ། གཟུགས་ཅན་མ་ཡིན་པ་རྣམ་ཤེས་མཐའ་ཡས་སྐྱེ་མཆེད་ལ་གནས་པ་དང ། གཟུགས་ཅན་མ་ཡིན་པ་ཅི་ཡང་མེད་པའི་སྐྱེ་ 132a > ༄#། །མཆེད་ལ་གནས་པ་དང ། གཟུགས་ཅན་མ་ཡིན་པ་ཡོད་མིན་མེད་མིན་སྐྱེ་མཆེད་ལ་གནས་པ་དག་ཇི་སྲིད་དུ་འཚོ་ཞིང་གནས་པ་ཞེས་བྱ་བ་ནས། འདི་ནི་གཞི་བདུན་པོའོ་ཞེས་བྱ་བའི་བར་དུ་སྔ་མ་བཞིན་ནོ། །ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག་དེ་ཕན་ཆད་བདག་ནི་ཆད་པར་འགྱུར་ཏེ་མེད་དོ། །ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་དོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག་དེ་ཕན་ཆད་བདག་ནི་ཆད་པར་འགྱུར་ཏེ། མེད་དོ་ཞེས་ཁ་ཅིག་མངོན་པར་སྨྲ་ཞིང་མངོན་པར་བརྗོད་པ་ཐམས་ཅད་ཀྱང་གཞི་བདུན་པོ་འདི་དག་ལ་སྟེ། དེ་ལས་མི་ལྷག་མི་མང་ལ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་དེ་དག་ཀྱང་གང་ཞེ་ན། ཞེས་བྱ་བ་དག་ཀྱང་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་འདི་ལྟར་ལྟ་ཞིང་འདི་སྐད་དུ་སྨྲ་བ་དག་ཡོད་དེ། གང་གི་ཚེ་བདག་འདོད་པའི་ཡོན་ཏན་ལྔ་འབྱོར་པར་གྱུར་ཅིང ། རྩེ་དགའ་ཡོངས་སུ་སྤྱོད་ 132b > པ་དེ་ཙམ་གྱིས་ན། བདག་འདི་མཐོང་བའི་ཆོས་ལ་མྱ་ངན་ལས་འདས་པ་ཐོབ་པ་ཡིན་ནོ། །གང་གི་ཚེ་བདག་འདོད་པ་དག་ལས་དབེན་ཞིང་བསམ་གཏན་བཞི་པའི་བར་དུ་རྫོགས་པར་བྱས་ཏེ་གནས་པ་དེ་ཙམ་གྱིས་ན། བདག་འདི་མཐོང་བའི་ཆོས་ལ་མྱ་ངན་ལས་འདས་པ་ཐོབ་པ་ཡིན་ནོ་ཞེས་བྱ་བ་འདི་ནི་གཞི་ལྔ་པའོ། །ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ།་ཕྱི་མའི་མཐའ་ལ་རྟོག་ཅིང ། མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་བ་དག་།མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་དོ། །དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང ། མཐོང་བའི་ཆོས་ལ་མྱ་ངན་ལས་འདས་པར་སྨྲ་བ་དག་།མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་པ་ཐམས་ཅད་ཀྱང ། གཞི་ལྔ་པོ་འདི་དག་ལ་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པར་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང ། ཞེས་བྱ་བ་ནས་ཐུགས་སུ་ཆུད་དོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང ། ཕྱི་མའི་མཐའ་ལ་གནས་པ། ལྟ་བར་སོང་བ་དག་མངོན་པར་སྨྲ་ཞིང་མངོན་པར་བརྗོད་ 133a > ༄#། །པ་ཐམས་ཅད་ཀྱང་ལྟ་བར་སོང་བ་བཞི་བཅུ་རྩ་བཞི་པོ་འདི་དག་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་ཞེས་བྱ་བ་ནས་ཐུགས་སུ་ཆུད་དོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་ཕྱི་མའི་མཐའ་ལ་གནས་པ་ལྟ་བར་སོང་བ་དག་མངོན་པར་སྨྲ་ཞིང་མངོན་པར་བརྗོད་པ་ཐམས་ཅད་ཀྱང་ལྟ་བར་སོང་བ་བཞི་བཅུ་རྩ་བཞི་པོ་འདི་དག་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་ལྟར་འཛིན་པ་དང་ཞེས་བྱ་བ་ནས་ཐུགས་སུ་ཆུད་དོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་།དགེ་སྦྱོང་དང ། བྲམ་ཟེ་ཤེས་ལྡན་ཁ་ཅིག་སྔོན་གྱི་མཐའ་ལ་རྟོག་ཅིང་སྤོན་གྱི་མཐའ་ལ་གནས་པ་ལྟ་བར་སོང་བ་དག་མངོན་པར་སྨྲ་ཞིང་མངོན་པར་བརྗོད་པ་དང ། ཕྱི་མའི་མཐའ་ལ་རྟོག་ཅིང ། ཕྱི་མའི་མཐའ་ལ་གནས་པ་ལྟ་བར་སོང་བ་དག་མངོན་པར་སྨྲ་ཞིང་མངོན་པར་བརྗོད་པ་ཐམས་ཅད་ཀྱང་ལྟ་བར་སོང་བ་ 133b > དྲུག་ཅུ་རྩ་གཉིས་པོ་འདི་དག་ལ་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང ། འདི་ལྟར་ལེན་པ་དང ། འདི་ལྟར་སྤྱོང་བ་དང ། འགྲོ་བ་ནི་འདི་ལྟ་བུའོ། །སྐྱེ་བ་ནི་འདི་ལྟ་བུའོ། །ཚེ་ཕྱི་མ་ནི་འདི་ལྟ་བུའོ་ཞེས་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལས་ལྷག་པར་ཡང་དག་པར་ཇི་ལྟ་བ་བཞིན་རབ་ཏུ་མཁྱེན་ནས་ཀྱང་མཆོག་ཏུ་མི་འཛིན་ཏོ། ། མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་རིག་ནས། ཚོར་བ་རྣམས་ཀུན་འབྱུང་བ་ནུབ་པར་ཐུགས་སུ་ཆུད་དེ་འདི་ནི་སྡུག་བསྔལ་ལོ། །འདི་ནི་སྡུག་བསྔལ་ངེས་པར་འབྱིན་པའོ་ཞེས་བྱ་བར་མཁྱེན་ཏོ། །དགེ་སློང་དག་།དེ་ལ་དགེ་སྦྱོང་དང ། བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་སྔོན་གྱི་མཐའ་ལ་གནས་པ་ལྟ་བར་སོང་བ་རྣམས་དང ། ཕྱི་མའི་མཐའ་ལ་རྟོག་ཅིང་ཕྱི་མའི་མཐའ་ལ་གནས་པ་ལྟ་བར་སོང་བ་རྣམས་ཀྱིས་གྱན་དུ་དམྱུགས་སུ་ཟིན་ཀྱང ། དེ་ཐམས་ཅད་ལྟ་བའི་ཆུའི་ནང་ན་འདུག་པས་བདུད་སྡིག་ཏོ་ཅན་གྱི་དབང་དུ་སོང་ཞིང་ལག་ཏུ་སོང་བ་སྟེ། བདུད་སྡིག་ཏོ་ཅན་གྱིས་ཅི་དགའ་མགུར་བྱ་བ་བདུད་ཀྱི་ཞགས་པ་དག་ལས་ཡོངས་སུ་གྲོལ་བ་མ་ཡིན་ནོ། །དགེ་སློང་དག་།དཔེར་ན། ཉ་པའམ། ཉ་པའི་ 134a > ༄#། །སློབ་མ་མཁས་པ་དག་གིས་རྒྱ་མིག་ཕྲ་མོ་ཐོགས་ཏེ་ལྟེང་ཀའི་ཆུ་ཆུང་དུ་བཅུས་པ་ན་དེ་སྲོག་ཆགས་གང་རགས་པ་ཆེ་ལོང་རྣམས་ཀྱིས་གྱེན་དུ་དམྱུགས་སུ་ཟིན་ཀྱང ། དེ་ཐམས་ཅད་ཆུའི་ནང་ན་གནས་པས་ཉ་བའི་དབང་དུ་སོང་ཞིང་ལག་ཏུ་སོང་བ་སྟེ། ཉ་བས་ཅི་དགའ་མགུར་བྱ་བ་ཡིན་པར་རིག་པར་བྱའོ། །དེ་བཞིན་དུ་དགེ་སྦྱོང་དང།་བྲམ་ཟེ་གང་ཁ་ཅིག་སྔོན་གྱི་མཐའ་ལ་རྟོག་ཅིང ། སྔོན་གྱི་མཐའ་ལ་གནས་པ་ལྟ་བར་སོང་བ་རྣམས་དང ། ཕྱི་མའི་མཐའ་ལ་རྟོག་ཅིང་ཕྱི་མའི་མཐའ་ལ་གནས་པ་ལྟ་བར་སོང་བ་རྣམས་ཀྱིས་ཀྱང་གྱེན་དུ་དམྱུགས་ཟིན་ཀྱང ། དེ་ཐམས་ཅད་ལྟ་བའི་ཆུའི་ནང་ན་འདུག་པས་བདུད་སྡིག་ཏོ་ཅན་གྱི་དབང་དུ་སོང་ཞིང་ལག་ཏུ་སོང་སྟེ། བདུད་སྡིག་ཏོ་ཅན་གྱིས་ཅི་དགའ་དགའ་མགུར་བྱ་བ་དག་གོ་།དགེ་སློང་དག་།དེ་ལ་དགེ་སྦྱོང་དང ། བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་རྟག་པར་སྨྲ་བ་དག་བདག་དང ། འཇིག་རྟེན་རྟག་ཏོ་ཞེས་མངོན་པར་བརྗོད་པ་ནི། འདི་ལྟ་སྟེ། གཞི་བཞི་པོ་དག་ལ་སྟེ། དགེ་སློང་དག་།དགེ་སྦྱོང་དང ། བྲམ་ཟེ་མཁས་པ་མ་ཡིན་ཞིང་མ་རིག་པར་གྱུར་པ་བག་མེད་ཅིང་རྨོངས་པ་ལ་གནས་པ་དེ་དག་སྲིད་པར་རིག་པར་བྱ་སྟེ། དེ་ནི་སྲིད་པས་རྣམ་པར་བསྐྱོད་པའོ། །དགེ་སློང་དག་།དེ་ལ་དགེ་སྦྱོང་དང ། བྲམ་ཟེ་གང་དེ་དག་ཕྱི་མཐའ་ལ་རྟོག་ཅིང་ཞེས་པ་ནི་མཐོང་བའི་ཆོས་ལ་མྱ་ངན་ 134b > ལས་འདས་པར་སྨྲ་བ་དག་མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་པ་ནི་གཞི་བཞི་པོ་དག་ལ་སྟེ་ཞེས་བྱ་བའི་བར་དུའོ། །དགེ་སྦྱོང་དང ། བྲམ་ཟེ་མཁས་པ་མ་ཡིན་ཞིང་མ་རིག་པར་གྱུར་པ་བག་མེད་ཅིང་རྨོངས་པ་ལ་གནས་པ་དེ་དག་ལ་རིག་པར་བྱ་སྟེ། དེ་ནི་སྲིད་པས་རྣམ་པར་བསྐྱོད་པའོ། །དགེ་སློང་དག་།དེ་ལ་དགེ་སྦྱོང་དང ། བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་རྟག་པར་སྨྲ་བ་དག་བདག་དང ། འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི་འདི་ལྟ་སྟེ། གཞི་བཞི་པོ་དག་ལ་སྟེ། དེ་ཡང་རྟེན་ཅིང་འབྲེལ་བར་འབྱུང་བ་ཡིན་པར་སྲིད་ཀྱི་རྟེན་ཅིང་འབྲེལ་བར་འབྱུང་བ་མ་ཡིན་པར་འགྱུར་བ་དེ་ནི་གནས་མེད་དོ། །མཐོང་བའི་ཆོས་ལ་མྱ་ངན་ལས་འདས་པར་སྨྲ་བ་དག་མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་པ་དག་གཞི་ལྔ་པོ་དག་ལ་སྟེ་ཞེས་བྱ་བའི་བར་དུའོ། །དེ་ཡང་རྟེན་ཅིང་འབྲེལ་བར་འབྱུང་བ་ཡིན་པར་སྲིད་ཀྱི་རྟེན་ཅིང་འབྲེལ་བར་འབྱུང་བ་མ་ཡིན་པར་འགྱུར་བ་འདི་ནི་གནས་མེད་དོ། །དགེ་སློང་དག་།དེ་ལ་དགེ་སྦྱོང་དང ། བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་རྟོག་པར་སྨྲ་བ་མཐོང་བའི་ཆོས་ལ་བདག་དང་འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི་གཞི་བཞི་པོ་དག་སྟེ། དེ་ཡང་རྟག་པའི་རྐྱེན་ལས་བྱུང་སྲིད་ཀྱི་རེག་པ་ལས་བྱུང་བ་ལས་གཞན་པའི་ཚོར་བར་འགྱུར་བ་ 135a > ༄#། །འདི་ནི་གནས་མེད་དོ། །ཕྱི་མའི་མཐའ་ལ་རྟོག་ཅིང་ཞེས་བྱ་བ་ནི་མཐོང་བའི་ནི་ཆོས་ལ་མྱ་ངན་ལས་འདས་པར་སྨྲ་བ་དག་མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་པ་ནི། འདི་ལྟ་སྟེ། གཞི་ལྔ་པོ་དག་ལའོ་ཞེས་བྱ་བའི་བར་དུའོ། །དེ་ཡང་རེག་པའི་རྐྱེན་ལས་བྱུང་བར་སྲིད་ཀྱི་རིག་པ་ལས་བྱུང་བ་ལས་གཞན་བའི་ཚོར་བར་འགྱུར་བ་འདི་ནི་གནས་མེད་དོ། །དགེ་སློང་དག་གིས་གང་ཚུན་ཆད་རེག་པའི་སྐྱེ་མཆེད་དྲུག་པོ་དག་ནི་ཀུན་འབྱུང་བ་ནུབ་པ་དང ། རོ་མྱང་བ་དང ། ཉེས་དམིགས་ཡང་དག་པ་ཇི་ལྟ་བ་བཞིན་ཁོང་དུ་ཆུད་པ་འདི་ནི་འདི་ལྟར་ལྷག་པར་ཡང་དག་པར་ཇི་ལྟ་བ་བཞིན་ཁོང་དུ་ཆུད་པ་ཡིན་ནོ། །དགེ་སློང་དག་།དེ་ལ་གང་ཟག་པ་ཀུན་ནས་ཉོན་མོངས་པ་ཅན་ཡང་སྲིད་པ་པ། རིམས་ནད་དང་བཅས་པ། སྡུག་བསྔལ་རྣམ་པར་སྨིན་པ། ཚེ་ཕྱི་མའི་རྒ་ཤིའི་རྗེས་སུ་མཐུན་པ་དེ་དག་དེ་བཞིན་གཤེགས་པས་སྤངས་ཤིང་ཡོངས་སུ་མཁྱེན་ལ། ཤིང་ཏ་ལའི་མགོ་བཞིན་རྩ་བ་ནས་བཅད་དེ། འགྲོ་བ་སྣང་བ་མེད་པ་སྐྱེ་སྟེ། ཕྱི་མ་ལ་མི་སྐྱེ་བའི་ཆོས་ཅན་དུ་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་གསུམ་དུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །འགུལ། རབ་ཏུ་འགུལ། ཀུན་ཏུ་རབ་ཏུ་འགུལ་ཏོ། ། 135b > ལྡེག་།ཀུན་ཏུ་ལྡེག་།ཀུན་ཏུ་རབ་ཏུ་ལྡེག་གོ་།དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་འདུག་ཅིང་བསིལ་ཡང་ཐོགས་ནས། བཅོམ་ལྡན་འདས་ལ་གཡོབ་ཅིང།་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ཆོས་ཀྱི་རྣམ་གྲངས་འདིའི་མིང་ཅི་ལགས། ཇི་ལྟར་གཟུང་བར་བགྱི། ཀུན་དགའ་བོ། དེའི་ཕྱིར་ཆོས་ཀྱི་རྣམ་གྲངས་འདི་ནི་རྒྱུའི་དྲ་བ་ཞེས་བྱ་བར་ཡང་ཟུངས་ཤིག་།དོན་གྱི་དྲ་བ་དང ། ཆོས་ཀྱི་དྲ་བ་དང ། ཚངས་པའི་དྲ་བ་ཞེས་བྱ་བར་ཡང་ཟུངས་ཤིག་།དེ་བས་ནི་ཚངས་པའི་དྲ་བ་ཞེས་བྱ་བ་འདི་ནི་ཆོས་ཀྱི་རྣམ་གྲངས་འདིའི་ཚིག་བླ་དྭགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ།། །།བར་གྱི་སྡོམ་ནི། རྟག་དང་གཅིག་པུ་རྒྱུ་མེད་དང ། །མཐའ་ལན་དེ་བཞིན་ལྷ་མི་སྤོང ། །འདུ་ཤེས་འདུ་ཤེས་མེད་ཅན་དང ། །ཆད་དང་མྱ་ངན་འདས་པ་དང ། དམྱུགས་དང་ཀུན་ནས་རྨོངས་པ་དང ། བརྟེན་དང་རེག་པ་དགེ་སློང་དང ། རྒྱུ་དང་དོན་ཆོས་འདྲ་བ་སྟེ། ཐེ་མ་ཚངས་པའི་དྲ་བའོ། །ཚངས་པའི་དྲ་བ་རྫོགས་སོ།། |