རྒྱ་གར་སྐད་དུ། ཨ་བྷི་དྷ་ན་ཨུཏྟ་ར་ཏནྟྲ་ནཱ་མ། །བོད་སྐད་དུ། མངོན་པར་བརྗོད་པའི་རྒྱུད་བླ་མ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ཇི་སྲིད་འགྲོ་བ་དྲུག་གི་མཐར། །སངས་རྒྱས་ཐམས་ཅད་རྣམ་པར་འབྱུང ། །རྡོ་རྗེ་སེམས་དཔའ་ཡིས་ནི་བྱེད། །ཆོས་ཀྱི་དབྱིངས་ལ་ཕྱག་འཚལ་བསྟོད། །དཔལ་ལྡན་རྡོ་རྗེ་མཁའ་འགྲོ་ནི། །སྐུ་གསུམ་ཡེ་ཤེས་ལྔ་ཡི་དངོས། །མཁའ་འགྲོ་མ་ཡི་འཁོར་ལོར་བཞུགས། །འགྲོ་བ་སྒྲོལ་ལ་ཕྱག་འཚལ་བསྟོད། །ཇི་སྲིད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་བཅིངས་བ་བཅད། །འཇིག་རྟེན་བྱ་བ་རབ་ཏུ་འཇུག་།དེ་སྲིད་རྟག་ཏུ་ཕྱག་འཚལ་བསྟོད། །འདི་སྐད་བདག་གིས་ 132a ༄#། །ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་དང ། མཁའ་འགྲོ་དང ། མཁའ་འགྲོ་མ་རྣམས་གསང་བའི་སྙིང་པོ་ལ་རྣམ་པར་བཞུགས་ཏེ། དེར་བཅོམ་ལྡན་འདས་དེ་བཞིན་གཤེགས་པ་ཐམས་ཅད་པ་བཅོམ་ལྡན་འདས་ཐོག་མ་མེད་པའི་རྡོ་རྗེ་སེམས་དཔའ་ལ་ཞུས་ཏེ་བཅོམ་ལྡན་འདས་ཀྱིས་གསུངས་པ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་དང ། མཁའ་འགྲོ་དང ། མཁའ་འགྲོ་མའི་དྲ་བ་མངོན་པར་བརྗོད་པའི་བླ་མའི་སྙིང་པོ་ངས་བཤད་ཀྱི། །ལག་ན་རྡོ་རྗེ་ཁྲོ་བོ་ཆེན་པོའི་བདག་པོ་འཁོར་སྣ་ཚོགས་པར་རྣམ་པར་འཁྲུལ་པ་རྒྱས་པར་བཤད་ཀྱི། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་།དེ་ལ་བཅོམ་ལྡན་འདས་ལ་ལེགས་སོ། །ཞེས་གསོལ་ཏེ་ཐལ་མོ་སྦྱར་བ་བཏུད་པ་ལ་བཅོམ་ལྡན་འདས་ཀྱིས་གསུངས་པ། དེ་ནས་གསང་པ་བཤད་བྱ་བ། །མདོར་བསྡུས་པ་སྟེ་རྒྱས་པར་མིན། །དཔལ་ཧེ་རུ་ཀ་ཡང་དག་སྦྱོར། །འདོད་པའི་དོན་ཀུན་སྒྲུབ་བྱེད་ཡིན། །བླ་མ་ལས་ཀྱང་བླ་མ་ནི། །མངོན་པར་བརྗོད་པའི་ཕྱི་མ་སྟེ། །མཁའ་འགྲོ་མ་ཡི་དྲ་བའི་སྔོམ། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །མཁའ་འགྲོ་སྒྱུ་མ་སེམས་དཔའ་ནི། ། 132b རྡོ་རྗེ་སེམས་དཔའ་བདེ་བའི་མཆོག་།འདིར་ནི་རང་བྱུང་བཅོམ་ལྡན་དཔའ། །མཁའ་འགྲོ་དྲ་བའི་སྔོམ་བ་ཡིན། །ཐོག་མ་མེད་པའི་ཚུལ་ཆེན་འདི། །བྷ་གར་སྲིད་སྒྲ་གཟུགས་སྐྱེས་གནས། །དམ་ཚིག་སྤྱོད་པའི་སྤྱོད་ཡུལ་ཡིན། །ཐོག་མ་དབུས་མཐར་དྲི་མ་མེད། །འཇིག་རྟེན་གསུམ་དུ་རྙེད་དཀའ་བ། །སྲུབ་དང་བསྲུབ་པར་ཡང་དག་སྦྱོར། །གང་ལ་དེ་ལ་ཇི་ལྟར་བཞིན། །རང་བཞིན་དག་པ་འོད་གསལ་བ། །གསུང་བའི་གནས་ལས་བྱུང་བ་ཡིན། །རྟག་ཏུ་ཉེས་བྲལ་ཞི་བ་སྟེ། །ནམ་མཁའ་དང་ནི་མཉམ་གྱུར་པ། །སྤྲོ་དང་བསྡུ་བ་བྱེད་པ་ཡིན། །རང་བཞིན་དག་པ་རང་བྱུང་སྟེ། །རྣལ་འབྱོར་མ་ཡི་བདེ་བ་སྟེར། །བཟླས་དང་བསམ་གཏན་ལྡན་པ་དང ། །སྦྱོར་ཉིད་ཆོ་གའི་ཡེ་ཤེས་ཀྱི། །དེ་དག་རྒྱུད་ལས་གསུངས་པ་དག་།གསང་བའི་བདག་པོ་རབ་ཏུ་ཉོན། །དབུགས་འབྱིན་པར་མ་མཆོག་དག་དང ། །དྲི་ཡི་ཆུ་དང་བཅས་པ་དག་།མཁས་པས་རིལ་བུར་བྱས་ནས་ནི།། འཁོར་གྱི་དཀྱིལ་འཁོར་དག་ལ་མཆོད། །འབྱུང་བའི་དུས་ཀྱི་ཁྱད་པར་ལ། །ཕོ་ཉས་ལྷན་ཅིག་སྐྱེས་པ་འགྲུབ། །མཆོག་དང་འབྲིང་དང་ཐ་མ་སྟེ། །མཐར་ཐུག་དངོས་གྲུབ་ཐམས་ཅད་འབྱུང ། །དགའ་བ་ཡིད་ལ་འདོད་པ་ཡི། །དངོས་གྲུབ་ཀྱང་ནི་འགྲུབ་པར་འགྱུར། །རང་རྫས་ཐིག་ལེགས་སངས་རྒྱས་དང ། །བྱང་ཆུབ་སེམས་དཔའ་མཆོད་པ་བྱ། །རང་གི་ལྷ་ 133a ༄#། །ཡི་སྦྱོར་བ་ཡིས། །རང་དང་གཞན་ཡང་མཆོད་པར་བྱ། །མཐོང་བ་དང་ནི་རེག་པ་དང ། །ཐོས་པ་དང་ནི་དྲན་པ་ཡིས། །སྡིག་པ་ཀུན་ལས་གྲོལ་འགྱུར་ཏེ། །དེ་ལྟར་འདི་ལ་ཐེ་ཚོམ་མེད། །རྣལ་འབྱོར་པ་ཉིད་བསོད་ནམས་མཆོག་།དག་བྱེད་སྡིག་པ་འཇིག་པར་བྱེད། །བཟླས་དང་བསམ་གཏན་དག་པས་ཀྱང ། །སྐྱེ་བ་འདི་ལ་དངོས་གྲུབ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས། དམ་ཚིག་ལ་འཇུག་པའི་གསང་བ་སྦས་པ་བསྟན་པ་སྟེ་ལེའུ་དང་པོའོ།། །།དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཆོས་ཀྱི་དབྱིངས་ལ་རྣམ་པར་འཁྲུལ་པ་ཞེས་བྱ་བ་ཁྲོ་བོ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས་དངོས་གྲུབ་ཐམས་ཅད་ཀྱི་གསང་བ་གསུངས་པ། ཆགས་པ་མེད་ཅིང་ཆགས་པ་དང་བྲལ་བའི་སངས་རྒྱས་ཀྱི་ཞིང་གྲངས་མེད་པའི་རྡུལ་དང་མཉམ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་འདི་ལྟ་སྟེ། དཔའ་བོ་ཆེན་མོ་གཟུགས་རྡོ་རྗེ་ཞེས་བྱ་བ་དང ། དཔའ་བོ་ཆེན་པོ་ཚོར་བ་རྡོ་རྗེ་ཞེས་བྱ་བ་དང ། དཔའ་བོ་ཆེན་པོ་འདུ་ཤེས་རྡོ་རྗེ་ཞེས་བྱ་བ་དང ། དཔའ་བོ་ཆེན་པོ་འདུ་བྱེད་རྡོ་རྗེ་ཞེས་བྱ་བ་དང ། དཔའ་བོ་ཆེན་པོ་རྣམ་པར་ཤེས་པ་རྡོ་རྗེ་ཞེས་བྱ་བ་དང ། ཆོས་ཀྱི་དབྱིངས་ཀྱི་དེ་བཞིན་གཤེགས་པ་ 133b ཐམས་ཅད་གཙོ་བོ་རྡོ་རྗེ་དབང་ཕྱུག་ཆེན་པོ་དང ། དཔའ་བོ་ཆེན་པོ་གཏི་མུག་རྡོ་རྗེ་དང ། དཔའ་བོ་ཆེན་པོ་རྣ་བ་རྡོ་རྗེ་དང ། དཔའ་བོ་ཆེན་པོ་སྣ་རྡོ་རྗེ་དང ། དཔའ་བོ་ཆེན་པོ་ཆགས་པ་རྡོ་རྗེ་དང ། དཔའ་བོ་ཆེན་པོ་ཕྲག་དོག་རྡོ་རྗེ་དང ། དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་ཅེས་བྱ་བའི་དཔའ་བོ་ཆེན་པོ་དང ། དཔའ་བོ་ཆེན་པོ་ས་རྡོ་རྗེ་དང ། དཔའ་བོ་ཆེན་པོ་ཆུ་རྡོ་རྗེ་དང ། དཔའ་བོ་ཆེན་པོ་མེ་རྡོ་རྗེ་དང ། དཔའ་བོ་ཆེན་པོ་རླུང་རྡོ་རྗེ་དང ། དཔའ་བོ་ཆེན་པོ་མཁའ་དབྱིངས་རྡོ་རྗེ་དང ། འདི་ལྟ་བུ་ལ་སོགས་པ་མ་ལུས་ཤིང་ལུས་པ་མེད་པ་ཆོས་ཀྱི་དབྱིངས་ཀྱི་མཐས་གཏུགས་པ་མཐའ་ཡས་པ་རྣམ་པར་འཕྲོ་བའི་གསང་བའི་སྙིང་པོ་འབྱུང་བས་དཀྱིལ་འཁོར་གྱི་འཁོར་ལོ་སྣ་ཚོགས་འདུས་པ་གསང་བ་གསུམ་གྱི་དམ་ཚིག་གི་འཁོར་ལོ་དང་ཐབས་ཅིག་ཏུ་བཞུགས་ཏེ། དཔའ་བོ་ཆེན་པོ་རྡོ་རྗེ་ཐོད་པའི་དུམ་བུ་དང ། དཔའ་བོ་ཆེན་པོ་རྡོ་རྗེ་ཀེང་རུས་ཆེན་པོ་དང ། དཔའ་བོ་ཆེན་པོ་རྡོ་རྗེ་ཀེང་རུས་དང ། དཔའ་བོ་ཆེན་པོ་རྡོ་རྗེ་མཆེ་བ་རྣམ་པར་གཙིགས་པ་དང ། དཔའ་བོ་ཆེན་པོ་རྡོ་རྗེ་ལྷ་དགྲ་དང ། དཔའ་བོ་ཆེན་པོ་རྡོ་རྗེ་དཔག་མེད་དང ། དཔའ་པོ་ཆེན་པོ་རྡོ་རྗེ་འོད་དང ། དཔའ་བོ་ཆེན་པོ་རྡོ་རྗེ་ལུས་དང ། དཔའ་བོ་ཆེན་པོ་རྡོ་རྗེ་མྱུ་གུ་དང ། དཔའ་བོ་ཆེན་པོ་རྡོ་རྗེ་རལ་པ་ཅན་དང ། དཔའ་པོ་ཆེན་པོ་རྡོ་རྗེ་དཔའ་བོ་ཆེན་པོ་ 134a ༄#། །དང ། དཔའ་བོ་ཆེན་པོ་རྡོ་རྗེ་ཧཱུཾ་མཛད་དང ། དཔའ་བོ་ཆེན་པོ་རྡོ་རྗེ་རབ་བཟང་དང ། དཔའ་བོ་ཆེན་པོ་རྡོ་རྗེ་བཟང་པོ་དང ། དཔའ་པོ་ཆེན་པོ་རྡོ་རྗེ་འཇིགས་བྱེད་ཆེན་པོ་དང ། དཔའ་བོ་ཆེན་པོ་རྡོ་རྗེ་མིག་མི་བཟང་དང ། དཔའ་བོ་ཆེན་པོ་རྡོ་རྗེ་སྟོབས་པོ་ཆེ་དང ། དཔའ་བོ་ཆེན་པོ་རྡོ་རྗེ་རིན་ཆེན་དང ། དཔའ་བོ་ཆེན་པོ་རྡོ་རྗེ་རྟ་མཆོག་དང ། དཔའ་བོ་ཆེན་པོ་རྡོ་རྗེ་ནམ་མཁའི་སྙིང་པོ་དང ། དཔའ་བོ་ཆེན་པོ་རྡོ་རྗེ་དཔལ་ཧེ་རུ་ཀ་ཆེན་པོ་དང ། དཔའ་བོ་ཆེན་པོ་རྡོ་རྗེ་པདྨ་གར་གྱི་དབང་ཕྱུག་དང ། དཔའ་བོ་ཆེན་པོ་རྡོ་རྗེ་རྣམ་པར་སྣང་མཛད་དང ། དཔའ་བོ་ཆེན་པོ་རྡོ་རྗེ་སེམས་དཔའ་དང ། འདི་ལྟ་བུ་ལ་སོགས་པའི་དཔའ་བོ་དང ། དེ་བཞིན་གཤེགས་པ་ཐམས་ཅད་ཀྱིས་ནམ་མཁའི་ཁམས་ཐམས་ཅད་ཡོངས་སུ་གང་བར་མཐོང་ངོ ། །དེ་ནས་བཅོམ་ལྡན་འདས་རིགས་ཐམས་ཅད་ཀྱི་བདག་པོ་རྡོ་རྗེ་གསུམ་གྱི་དམ་ཚིག་གཉིས་སུ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་གསང་བའི་དམ་ཚིག་གསང་བའི་བྷ་ག་ལས་འབྱུང་བ་རྣལ་འབྱོར་མ་དང ། དཔའ་བོའི་གསང་བའི་དམ་ཚིག་གཉིས་སུ་མེད་པའི་སྦྱོར་བའི་དམ་ཚིག་ཆེན་པོ་གསུངས་བ་འདི་ལྟ་སྟེ། རྣལ་འབྱོར་མ་ཆེན་མོ་ལྟུང་བྱེད་མ་ཞེས་བྱ་བ་དང ། རྣལ་འབྱོར་མ་ཆེན་མོ་ 134b གསོད་བྱེད་མ་ཞེས་བྱ་བ་དང ། རྣལ་འབྱོར་མ་ཆན་མོ་འགུགས་བྱེད་མ་ཞེས་བྱ་བ་དང ། རྣལ་འབྱོར་མ་ཆེན་མོ་གར་གྱི་དབང་ཕྱུག་མ་ཞེས་བྱ་བ་དང ། རྣལ་འབྱོར་མ་ཆེན་མོ་པདྨའི་དྲ་བ་མོ་ཞེས་བྱ་བ་དང ། མཁའ་འགྲོ་མ་ཆེན་མོ་རྡོ་རྗེ་མཁའ་འགྲོ་མ་ཞེས་བྱ་བ་དང ། མཁའ་འགྲོ་མ་ཆེན་མོ་རྡོ་རྗེ་ལཱ་མ་ཞེས་བྱ་བ་དང ། མཁའ་འགྲོ་མ་ཆེན་མོ་རྡོ་རྗེ་དུམ་སྐྱེས་མ་ཞེས་བྱ་བ་དང ། མཁའ་འགྲོ་མ་ཆེན་མོ་རྡོ་རྗེ་གཟུགས་ཅན་མ་ཞེས་བྱ་བ་དང ། རྣལ་འབྱོར་མ་ཆེན་མོ་རབ་གཏུམ་མ་ཞེས་བྱ་བ་དང ། རྣལ་འབྱོར་མ་ཆེན་མོ་གཏུམ་མིག་མ་ཞེས་བྱ་བ་དང ། རྣལ་འབྱོར་མ་ཆེན་མོ་འོད་ལྡན་མ་ཞེས་བྱ་བ་དང ། རྣལ་འབྱོར་མ་ཆེན་མོ་སྣ་ཆེན་མོ་ཞེས་བྱ་བ་དང ། རྣལ་འབྱོར་མ་ཆེན་མོ་དཔའ་བའི་བློ་གྲོས་མ་ཞེས་བྱ་བ་དང ། རྣལ་འབྱོར་མ་ཆེན་མོ་མིའུ་ཐུང་མ་ཞེས་བྱ་བ་དང ། རྣལ་འབྱོར་མ་ཆེན་མོ་ལངྐའི་དབང་ཕྱུག་མ་ཞེས་བྱ་བ་དང ། རྣལ་འབྱོར་མ་ཆེན་མོ་ཤིང་གྲིབ་མ་ཞེས་བྱ་བ་དང ། རྣལ་འབྱོར་མ་ཆེན་མོས་སྲུང་མ་ཞེས་བྱ་བ་དང ། རྣལ་འབྱོར་མ་ཆེན་མོ་འཇིགས་བྱེད་ཆེན་མོ་ཞེས་བྱ་བ་དང ། རྣལ་འབྱོར་མ་ཆེན་མོ་རླུང་གི་ཤུགས་ཅན་མ་ཞེས་བྱ་བ་དང ། རྣལ་འབྱོར་མ་ཆེན་མོ་ཆང་འཐུང་མ་ཞེས་བྱ་བ་དང ། རྣལ་འབྱོར་མ་ཆེན་མོ་སྔོ་སངས་མ་ཞེས་བྱ་བ་དང ། རྣལ་འབྱོར་མ་ཆེན་མོ་རབ་བཟང་མ་ཞེས་བྱ་བ་དང ། རྣལ་འབྱོར་མ་ཆེན་མོ་རྟ་རྣ་མ་ཞེས་བྱ་བ་ 135a ༄#། །དང ། རྣལ་འབྱོར་མ་ཆེན་མོ་བྱ་གདོང་མ་ཞེས་བྱ་བ་དང ། རྣལ་འབྱོར་མ་ཆེན་མོ་འཁོར་ལོའི་ཤུགས་ཅན་མ་ཞེས་བྱ་བ་དང ། རྣལ་འབྱོར་མ་ཆེན་མོ་དུམ་སྐྱེས་མ་ཞེས་བྱ་བ་དང ། རྣལ་འབྱོར་མ་ཆེན་མོ་ཆང་ཚོང་མ་ཞེས་བྱ་བ་དང ། རྣལ་འབྱོར་མ་ཆེན་མོ་འཁོར་ལོའི་གོ་ཆ་མ་ཞེས་བྱ་བ་དང ། རྣལ་འབྱོར་མ་ཆེན་མོ་རབ་དཔའ་མོ་ཞེས་བྱ་བ་དང ། རྣལ་འབྱོར་མ་ཆེན་མོ་སྟོབས་ཆེན་མ་ཞེས་བྱ་བ་དང ། རྣལ་འབྱོར་མ་ཆེན་མོ་འཁོར་ལོས་བསྒྱུར་མ་ཞེས་བྱ་བ་དང ། རྣལ་འབྱོར་མ་ཆེན་མོ་བརྩོན་འགྲུས་ཆེན་མོ་ཞེས་བྱ་བ་དང ། དེ་ལྟ་བུ་ལ་སོགས་པ་སྣ་ཚོགས་པས་ནམ་མཁའི་ཁམས་ཀྱི་མཐར་ཐུག་པར་ཧཱུཾ་དང་ཕཊ་ཀྱི་སྒྲ་སྒྲོག་པ།་གར་སྣ་ཚོགས་བྱེད་ཅིང་རང་གི་དམ་ཚིག་དང་འཁྱུད་པ་དང ། ཙུམ་པ་ནས་སྙིང་རྗེ་ཆེན་པོའི་རོ་ཡོངས་སུ་རྫོགས་པའི་དཔའ་བོ་དང ། རྣལ་འབྱོར་མ་རྣམས་ཀྱིས་གང་བར་མཐོང་ངོ ། །མཐོང་ནས་ཞུགས་ཏེ་དཔའ་བོའི་མཆོག་རྣམས་ཀྱི་དམ་ཚིག་རྗེས་སུ་དྲན་ནོ། །དཔལ་རྡོ་རྗེ་མཁའ་འགྲོ་དང ། མཁའ་འགྲོ་མ་རྡོ་རྗེ་ཕག་མོའི་དམ་ཚིག་གཉིས་སུ་མེད་པའི་ཡེ་ཤེས་ཡང་དག་པར་འབྱུང་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་འབྱུང་ངོ ། །དེ་ནས་བཅོམ་ལྡན་འདས་ཀྱིས་མ་མོའི་ཚོགས་ 135b ཐམས་ཅད་ཀྱི་རིགས་དང་གསང་བ་གསུངས་པ་འདི་ལྟ་སྟེ། རྡོ་རྗེ་མ་མོ་ཁཝ་གདོང་མ་ཞེས་བྱ་བ་དང ། རྡོ་རྗེ་མ་མོ་འུག་གདོང་མ་ཞེས་བྱ་བ་དང ། རྡོ་རྗེ་མ་མོ་ཀྱི་གདོང་མ་ཞེས་བྱ་བ་དང ། རྡོ་རྗེ་མ་མོ་ཕག་གདོང་མ་ཞེས་བྱ་བ་དང ། རྡོ་རྗེ་མ་མོ་གཤིན་རྗེ་སྲེག་མ་ཞེས་བྱ་བ་དང ། རྡོ་རྗེ་མ་མོ་གཤིན་རྗེ་ཕོ་ཉ་མོ་ཞེས་བྱ་བ་དང ། རྡོ་རྗེ་མ་མོ་གཤིན་རྗེ་མཆེ་བ་མ་ཞེས་བྱ་བ་དང ། རྡོ་རྗེ་མ་མོ་གཤིན་རྗེ་འཇོམས་མ་ཞེས་བྱ་བ་དང ། འདི་ལྟ་བུའི་མ་མོའི་ཚོགས་ཀྱི་མཆོག་ཐམས་ཅད་ཀྱིས་ནམ་མཁའི་ཁམས་ཐམས་ཅད་གང་སྟེ། རིགས་ཀྱི་བདག་པོ་རྣམ་པར་དག་པ་ཆོས་ཀྱི་དབྱིངས་ཀྱི་རང་བཞིན་གཉིས་སུ་མེད་པའི་ཡེ་ཤེས་འབྱུང་བ། དཔལ་ཧེ་རུ་ཀ་ཤེས་རབ་ཀྱི་ཕ་རོལ་ཏུ་ཕྱིན་པའི་བདག་ཉིད། དམ་ཚིག་ཆེན་པོ་རྡོ་རྗེ་རིགས་ཀྱི་དམ་ཚིག་ཡིན་ཏེ། ཆོས་རྣམས་ཐམས་ཅད་དངོས་པོ་མེད། །མཚན་ཉིད་ཐམས་ཅད་རྣམ་པར་སྤངས། །བདག་མེད་ཆོས་ལས་ཡང་དག་བྱུང ། །འདི་ནི་དམ་ཚིག་མཆོག་ཡིན་ནོ། །དེ་ནས་བཅོམ་ལྡན་འདས་ཀྱིས་གཉིས་སུ་མེད་པའི་རྡོ་རྗེ་གོ་ཆ་ཞེས་བྱ་བའི་རྡོ་རྗེ་དམ་ཚིག་གསུངས་པ་འདི་ལྟ་སྟེ། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་སེམས་དཔའ་དང ། རྣལ་འབྱོར་གྱི་དབང་ཕུག་ཆེན་པོ་རྣམ་པར་སྣང་མཛད་རྡོ་རྗེ་དང ། རྣལ་འབྱོར་གྱི་དབང་ཕྱུག་ཆེན་པོ་པདྨ་གར་གྱི་དབང་ཕྱུག་དང ། རྣལ་འབྱོར་གྱི་དབང་ཕྱུག་ཆེན་པོ་ 136a ༄#། །རྡོ་རྗེ་ཧེ་རུ་ཀ་དང ། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་ཉི་མ་དང ། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་རྟ་མཆོག་དང ། རིགས་དྲུག་པོ་དེ་ནི།་ཡན་ལག་དྲུག་ཏུ་དགོད་པ་སྟེ། སྲུང་བ་གཉིས་སུ་མེད་པའི་དམ་ཚིག་གི་མཆོག་དེ་ནི། ཐབས་དང་ཤེས་རབ་གཉིས་སུ་མེད་པ་ལས་བྱུང་ངོ་\?\། །རྣལ་འབྱོར་ཆེན་པོའི་མཆོག་ཏུ་གསང་བ་སྦས་པ་བཤད་པར་བྱ་སྟེ། རྡོ་རྗེ་དབང་ཕྱུག་ཆེན་མོ་རྡོ་རྗེ་ཕག་མོ་དང ། རྡོ་རྗེ་དབང་ཕྱུག་ཆེན་མོ་ཡ་མི་ནི་དང ། རྡོ་རྗེ་དབང་ཕྱུག་ཆེན་མོ་རྨོངས་བྱེད་མ་དང ། རྡོ་རྗེ་དབང་ཕྱུག་ཆེན་མོ་གཡོ་བྱེད་མ་དང ། རྡོ་རྗེ་དབང་ཕྱུག་ཆེན་མོ་སྐྲག་བྱེད་མ་དང ། རྡོ་རྗེ་དབང་ཕྱུག་ཆེན་པོ་ཙཎྚི་ཀ་སྟེ། འདི་ལྟ་བུས་ཡང་ནམ་མཁའི་ཁམས་དང ། ཆོས་ཀྱི་དབྱིངས་ཐམས་ཅད་ཀྱི་གཉིས་སུ་མེད་པའི་དམ་ཚིག་ཡང་དག་པར་སྲུང་བའི་སྦྱོར་བའི་ཐུགས་གསང་བ་ཆེན་པོ་སྟེ། དེ་ལྟ་བུ་སྣ་ཚོགས་དུ་མའི་རྣལ་འབྱོར་མ་རང་གི་ལག་པས་ཁྲག་དྲོན་མོ་མཆོག་གིས་མཆོད་པ་བྱས་ནས་ཐལ་མོ་སྦྱར་ཏེ་མོས་པ་མཆོག་གིས་སྤྱི་བོས་གཏུགས་སོ། །དེ་ནས་དམ་ཚིག་ཆེན་པོ་རྣམ་པར་འཕྲུལ་པ་རྡོ་རྗེ་སྣ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་བ་སྤུའི་བུ་གནས་སེམས་དཔའ་སྣ་ཚོགས་སྤྲོས་ཏེ་ཕྱུང་ནས་གདུལ་བ་དུ་མ་ལ་ 136b ཐབས་སྣ་ཚོགས་པ་མ་ལུས་ཤིང་ལུས་པ་མེད་པའི་ཆོས་ཀྱི་དབྱིངས་ཡོངས་སུ་གང་བར་བྱས་ཏེ་སྣ་ཚོགས་པས་མདུན་གྱི་ནམ་མཁའ་ཡོངས་སུ་གང་བར་མཐོང་ངོ ། །བཅོམ་ལྡན་འདས་ཀྱིས་རིགས་སྣ་ཚོགས་པའི་སྙིང་རྗེ་ཆེན་པོའི་ཁྲོ་བོའི་ཆ་ལུགས་འཛིན་ཅིང་སེམས་ཅན་རྣམས་ལ་ཕན་པའི་ཕྱིར་གཉིས་སུ་མེད་པའི་རོ་དགའ་བ་སྣ་ཚོགས་ཀྱི་ཆོ་འཕྲུལ་རྡུལ་སྙེད་དང་མཉམ་པ་བསྟན་ཏེ་ཁམས་གསུམ་གྱི་བདག་པོས་གསུངས་པ། ཆུ་དང ། མེ་དང ། རླུང་དང ། དབང་ཆེན་གྱི་སྟེང་དུ་སྣ་ཚོགས་པའི་རིའི་རྒྱལ་པོ་རི་རབ་སྣ་ཚོགས་རིན་པོ་ཆེ་སྣ་ཚོགས་པའི་གཟི་བརྗིད་ཀྱིས་མཛེས་པ། དེའི་སྟེང་དུ་དཔལ་རྡོ་རྗེ་སེམས་དཔའ་ཆོས་ཀྱི་དབྱིངས་ལས་རྡོ་རྗེ་ཁྲོ་བོ་ཆེན་པོ་ཕྱུང་ནས་སྤྲོས་ཏེ། རྡོ་རྗེ་ཆེན་པོའི་གཞལ་ཡས་ཁང་དཀྱིལ་འཁོར་ཆེན་པོར་སྤྲུལ་པ་ལ་ཀུན་ཏུ་བཟང་པོ་ཆེན་པོ་བྱུང་སྟེ། རྡོ་རྗེ་འཁོར་དང་ལྷན་ཅིག་བྱུང་ནས་བརྟན་པར་བཞུགས་སོ། །ཕུན་སུམ་ཚོགས་པ་སྣ་ཚོགས་པས་བརྒྱན་པ། རྡོ་རྗེ་རིན་པོ་ཆེའི་རྒྱན་གྱིས་སྤུད་པ། ཟླ་བ་དང་ཉི་མའི་མདོག་ལྟར་སྡུག་པ། དྲིལ་བུ་དང ། རྔ་ཡབ་དང ། རྒྱལ་མཚན་དང ། གཡེར་ཀའི་དྲ་བས་མིག་མང་རིས་སུ་བྲིས་པ། རྡོ་རྗེ་དམ་ཚིག་སྲད་བུ་ཆོས་ཀྱི་འཁོར་ལོ་ལ་འཇུག་པའི་སྒྲ་སྒྲོག་པ་སྣ་ཚོགས་པའི་ལྷ་དང ། ཀླུ་དང ། གནོད་སྦྱིན་དང ། སྲིན་ 137a ༄#། །བུ་དང ། འབྱུང་པོ་དང ། ཡི་དྭགས་དང ། ཤ་ཟ་དང ། སྨྱོ་བྱེད་དང ། བརྗེད་བྱེད་དང ། གྲིབ་གནོན་དང ། མ་རུངས་པ་དང ། ཤིན་ཏུ་གདུག་པ་དང ། རོ་ལངས་དང ། རོ་དང ། རོ་སྲེག་པ་དང ། ཁྱི་དང ། ལྕེ་སྤྱང་དང ། ལྕེ་སྤྱང་མོའི་སྒྲ་སྒྲོག་པ། དཔའ་བོ་དང ། མཁའ་འགྲོ་དང ། མཁའ་འགྲོ་མའི་སྒྲ་ཕེཾ་དང ། ་ལ་ལའི་སྒྲ་སྒྲོག་པ། དྲིལ་བུ་དང ། ཅང་ཏེའུའི་སྒྲ་སྒྲོག་པ། མགོ་བཅད་པ་གར་བྱེད་པས་ཉེ་བར་བརྒྱན་པ། བཅོམ་ལྡན་འདས་ཕྱག་ན་རྡོ་རྗེའི་སྤྱོད་པ་དང ། དགེ་བའི་ལས་ཀྱིས་གྲོལ་བ། སེམས་ཅན་ཐམས་ཅད་ལ་སྙིང་རྗེའི་རོས་ཕན་འདོགས་པ། རྣམ་པར་འཁོར་བས་བསྐོར་བ། པདྨའི་གར་གྱིས་གར་བྱེད་ཅིང་ཐལ་མོ་སྦྱོར་བ།་གཡས་བརྐྱང་བས་གནས་པ། ལག་པའི་ཐལ་མོ་སྦྱར་བ། སངས་རྒྱས་ཐོད་པའི་དུམ་བུའི་ཆོས་ཀྱི་མཆོག་ཟབ་མོའི་ཚུལ་དང ། ཁྲོ་བོའི་རྒྱལ་པོ་ཆེན་པོའི་འདོད་པ་སྟོན་པ། སྐུ་ལུས་ཆེན་པོ་འཛིན་པ། ཟབ་མོའི་སྒྲ་སྒྲོག་པ། རང་གི་འཁོར་གྱི་དཀྱིལ་འཁོར་ཅན། མངོན་པར་བརྗོད་པའི་བླ་མ་ཆེན་མོ་ཉེ་བར་འབྱུང་བ། མཁའ་འགྲོ་དང་མཁའ་འགྲོ་མའི་སྡོམ་པའི་རྒྱལ་པོའི་དྲ་བའི་དྲ་བ་ཅན། ཆོས་སྣ་ཚོགས་པའི་རྗེས་སུ་བསྟན་པའི་སྟོན་པ། སེམས་ཅན་གྱི་བསམ་པ་སྣ་ཚོགས་ཀྱི་བདེ་བ་སྟེར་ཞིང་སྟོན་ 137b པར་བྱེད་པ་སེམས་དཔའ་ཆེན་པོ་ལེགས་སོ་ལེགས་སོ། །ལག་ན་རྡོ་རྗེ་ལེགས་པར་ཉོན་ཅིག་།མངོན་པར་བརྗོད་པའི་རྒྱུད་བླ་མའི་བླ་མ་ལས། ཞུ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་ཐམས་ཅད་ལ་རྡོ་རྗེ་གསང་བའི་སྙིང་པོ་གསུངས་པ། སྙིང་གར་ཟླ་བ་བསྒོམས་ནས་ནི། །རྡོ་རྗེ་ཕྲ་མོའི་རྣམ་འཕྲལ་བ། །བདེ་གཤེགས་ཐམས་ཅད་གསང་བ་ནི། །མཁའ་འགྲོ་མ་ཡི་དྲ་བའི་སྔོམ། །དེར་ནི་གསང་བ་བྱིན་བརླབས་པ། ། སྙིང་པོ་མཆོག་ནི་ལེགས་པར་ཉོན།། བླ་མ་ཡི་ཡང་བླ་མ་སྟེ། །མཁའ་འགྲོ་མ་ཡི་དྲ་བའི་སྔོམ། །ོཾ་སཝ་བྷཱ་བ་ཤུདྡྷཱཿ སརྦྦ་དྷརྨཱཿ སཝ་བྷཱ་བ་ཤུདྡྷོཉཧཾ། ཨོཾ་ཤཱུ་ཉ་ཏཱ་ཛྙཱ་ན་བཛྲ་སཝ་བྷཱ་བ་ཨཱཏྨ་ཀོཉཧཾ། ཨོཾ་བཛྲ་ཤུདྡྷཱཿ སརྦ། དྷརྨཱ་བཛྲ་ཤུདྡྷོཉཧཾ། ཨོཾ་ཡོ་ག་ཤུདྡྷཱཿ སརྦ་དྷརྨཱཿ ཡོ་ག་ཤུདྡྷཱོཉཧཾ། ཨོཾ་ཛྙཱ་ན་ཤུདྡྷཿ སརྦཱ་དྷརྨཱ་ཛྙཱ་ན་ཤུདྡྷོཉཧཾ། ཨོཾ་ས་མ་ཡ་ཤུདྡྷཱཿ སརྦ་དྷརྨཱཿ ས་མ་ཡ་ཤུདྡྷོཉཧཾ། ཨོཾ་སརྦ་ཏ་ཐཱ་ག་ཏ་ཤཱུ་ནྱ་ཏཱ་ཨ་ནུ་རཱ་ག་ཎ་བཛྲ་སཝ་བྷཱ་བ་ཨཱཏྨ་ཀོཉཧཾ། ཨོཾ་སརྦ་ཏ་ཐཱ་ག་ཏ་སུ་པྲ་ཏི་བི་ཤུདྡྷཱཿ སརྦ་དྷརྨཱ་བྷཱ་ཏུ་ཛྙཱ་ན་བཛྲ་སཝ་བྷཱ་བ་ཨཱཏྨ་ཀོཉཧཾ། ཨོཾ་མནྟྲ་ཤུདྡྷཿ སརྦ་དྷརྨཱཿ སརྦ་མནྟྲ་ཤུདྡྷོཉཧཾ། ཨོཾ་ཀྲོ་དྷ་ཤུདྡྷཱཿ སརྦ་དྷརྨཱཿ ཀྲོ་དྷ་ཤུདྡྷོཉཧཾ། ཨོཾ་ཙིཏྟ་ཤུདྡྷཱཿ སརྦ་དྷརྨཱཿ ཙིཏྟ་ཤུདྡྷོཉཧཾ། ཨོཾ་ཝཱ་ཀ་ཤུདྡྷཱཿ སརྦ་དྷརྨཱ་ཝཱ་ཀ་ཤུདྡྷོཉཧཾ། ཨོཾ་ཀཱ་ཡ་ཤུདྡྷཱཿ སརྦ་དྷརྨཱཿ ཀཱ་ 138a ༄#། །ཡ་ཤུདྡྷོཉཧཾ། ཨོཾ་ཛྙཱ་ན་ཨ་མྲྀ་ཏ་ཤུདྡྷཱཿ སརྦ་དྷརྨཱ་ཛྙཱ་ན་ཨ་མྲྀ་ཏ་ཤུདྡྷོཉཧཾ། ཨོཾ་ནཱ་ནཱ་ས་མ་ཡ་ཤུདྡྷཱཿ སརྦ་དྷརྨཱ་ནཱ་ནཱ་ས་མ་ཡ་ཤུདྡྷོཉཧཾ། ཨོཾ་ཙཱ་རྱ་ན་ཡ་ཤུདྡྷཱཿ སརྦ་དྷརྨཱཿ ཙཱརྱ་ན་ཡ་ཤུདྡྷོཉཧཾ། ཨོཾ་ཏྲི་ཡོ་ག་པ་རི་ཤུདྡྷཱཿ སརྦ་དྷརྨཱཿ ཏྲི་ཡོ་ག་པ་རི་ཤུདྡྷོཉཧཾ། ཨོཾ་ཨ་ཕི་ཥེ་ཀ་ཤུདྡྷཱཿ སརྦ་དྷརྨཱཿ ་བྷི་ཥེ་ཀ་ཤུདྡྷོཉཧཾ། ཨོཾ་པཱུ་ཛ་ཤུདྡྷཱཿ སརྦ་དྷརྨཱཿ པཱུ་ཛ་ཤུདྡྷོཉཧཾ། ཨོཾ་སརྦ་ཏ་ཐཱ་ག་ཏ་ཨ་དྭ་ཡ་པཱུ་ཛ་བཛྲ་སཝ་བྷཱ་པ་ཨཱཏྨ་ཀོཉཧཾ། ཨོཾ་མཎྜལ་ལ་ཤུདྡྷཱཿ སརྦ་དྷརྨཱཿ མཎྜལ་ལ་ཤུདྡྷོཉཧཾ། ཨོཾ་ཨ་དྷི་པ་ཏི་ཤུདྡྷཱཿ སརྦ་དྷརྨཱཿ ་དྷི་པ་ཏི་ཤུདྡྷོཉཧཾ། ཨོཾ་བཱི་ར་ཤུདྡྷཿ སརྦ་དྷརྨཱཿ བཱིར་ཤུདྡྷོཉཧཾ། ཨོཾ་ཡོ་གཱི་ནི་ཤུདྡྷཱཿ སརྦ་དྷརྨཱཿ ཡོ་གཱི་ནི་ཤུདྡྷོཉཧཾ། ཨོཾ་ཏ་ཏྭ་ཤུདྡྷཿ སརྦ་དྷརྨཱཿ ཏ་ཏྭ་ཤུདྡྷོཉཧཾ། ཧེ་ཨི་ཏི་ཧེ་ཏུ་ཨ་པ་ག་ཏ་སརྦ་དྷརྨཱ་ཧེ་ཏུ་ཨ་བ་ག་ཏོཉཧཾ། རུ་ཨི་ཏི་རཱུ་ཀ་ར་ཨ་པ་ག་ཏ་སརྦ་དྷརྨཱ་རཱུ་ཀ་ར་ཨ་བ་ག་ཏོཉཧཾ། ཀ་ཨི་ཏི་ནཱ་ཀཱ་ཙིཏྟ་སྠི་ཏ་སརྦ་དྷརྨཱ་ནཱ་ཀཱ་ཙིཏྟ་སྠི་ཏོཉཧཾ། ཨོཾ་ཛྷ་ཊི་ཏ་ཀཱ་ར་ཤུདྡྷཱཿ སརྦ་དྷརྨཱ་ཛྷ་ཊི་ཏ་ཀཱ་ར་ཤུདྡྷོཉཧཾ། ཨོཾ་བྷ་པ་ཤུདྡྷཱཿ སརྦ་དྷརྨཱཿ བྷ་བ་ཤུདྡྷོཉཧཾ། ཨོཾ་ཛཱ་ལ་ཤུདྡྷཱཿ སརྦ་དྷརྨཱཿ ཛཱ་ལ་ཤུདྡྷོཉཧཾ། ཨོཾ་ཨཱ་ཧ་ར་ཤུདྡྷཱཿ སརྦ་དྷརྨཱཿ ཱཾ་ཧ་ར་ཤུདྡྷོཉཧཾ། ཨོཾ་བྷཀྵ་ཤུདྡྷཱཿ སརྦ་དྷརྨཱཿ ་བྷཀྵ་ཤུདྡྷཉཧཾ། ཨོཾ་ཨ་ས་མཱ་ཧི་ཏ་ཤུདྡྷཱཿ སརྦ་དྷརྨཱཿ ་ས་མཱ་ཧི་ཏེ་ཤུདྡྷོཉཧཾ། ཨོཾ་སི་སཾ་བེ་ད་ན་ཤུདྡྷཱཿ སརྦ་དྷརྨཱཿ སི་སཾ་བེ་ད་ན་ཤུདྡྷོཉཧཾ། ཨོཾ་དྭེ་ཥ་ཤུདྡྷཱཿ སརྦ་དྷརྨཱཿ དྭེ་ཥ་ 138b ཤུདྡྷོཉཧཾ། ཨོཾ་མོ་ཧ་ཤུདྡྷཱཿ སརྦ་དྷརྨཱཿ མོ་ཧ་ཤུདྡྷོཉཧཾ། ཨོཾ་རཱ་ག་ཤུདྡྷཱཿ སརྦ་དྷརྨཱཿ རཱ་ག་ཤུདྡྷོཉཧཾ། ཨོཾ་མཱ་ན་ཤུདྡྷཱཿ སརྦ་དྷརྨཱཿ མཱ་ན་ཤུདྡྷོཉཧཾ། ཨོཾ་ཨི་ཪྵ་ཤུདྡྷཱཿ སརྦ་དྷརྨཱཿ ིཪྵ་ཤུདྡྷོཉཧཾ། ཨོཾ་ཁ་བཛྲ་ཤུདྡྷཱཿ སརྦ་དྷརྨཱཿ ཁ་བཛྲ་ཤུདྡྷོཉཧཾ། ཨོཾ་ཏྲི་ཙ་ཀྲ་པ་རི་ཤུདྡྷཱཿ སརྦ་དྷརྨཱཿ ཏྲི་ཙ་ཀྲ་པ་རི་ཤུདྡྷོཉཧཾ། ཨོཾ་ཌཱ་ཀི་ནི་ཤུདྡྷཱཿ སརྦ་དྷརྨཱཿ ཌཱ་ཀི་ནི་ཤུདྡྷོཉཧཾ། ཨོཾ་ཤདྐུ་ལ་ཤུདྡྷཱཿ ་སརྦ་དྷརྨཱཿ ཤདྐུ་ལ་ཤུདྡྷོཉཧཾ། ཨོཾ་མཱ་ཏྲི་ཤུདྡྷཱཿ ་སརྦ་དྷརྨཱཿ མཱ་ཏྲི་ཤུདྡྷོཉཧཾ། ཨོཾ་པི་ཏྲི་ཤུདྡྷཱཿ ་སརྦ་དྷརྨཱཿ པི་ཏྲི་ཤུདྡྷོཉཧཾ། འདི་ལྟར་ཇི་ཉེ་བའི་དུར་ཁྲོད་ཀྱི་བར་ཐམས་ཅད་རྣམ་པར་དག་པར་ཤེས་པར་བྱའོ། །པུ་ཛ་ཨོ་ཨ་གོར་དེ་མ་ཀ་ཨོ་ཏྲི་ཀོ་ཀ་ལ་ཀ་ཧཾ་པྲེ་གྲི་སཽ་སུ་ན་སི་མ་ཀུ། ས་བཅུ་རྣམ་པར་དག་པའི་བདག་།ཕ་རོལ་ཕྱིན་བཅུའང་དེ་བཞིན་ཏེ། །ཤེས་པ་བཅུ་ཡང་རྣམ་དག་བདག་།བཅུ་པོ་དེ་དག་རྣམ་པར་བསྒོམ། །འཁོར་ལོ་གསུམ་ཡང་ཡོངས་དག་ཕྱིར། །ཉི་ཤུ་རྩ་བཞི་བདག་ཉིད་དགེ་།དུས་དང་ཚོད་རྣམས་རྣམ་གྲོལ་བས། ། རྣལ་འབྱོར་མ་ཡི་ཡིད་དགའ་བ། །སུམ་ཅུ་རྩ་བདུན་རྣམ་དག་དོན། །མངོན་མཐོ་ཧེ་རུ་ཀ་ལས་བྱུང ། །མངོན་བརྗོད་རྒྱུད་ནི་བླ་མའི་བླ། །གསང་ཆེན་མཆོག་གི་དམ་པ་འོ། ། གཡོན་དང་གཡས་སུ་བསྐོར་བ་ཡིས། །དགོད་ཅིང་མཆོད་དང་བསྐོར་བར་བྱ། །གང་གིས་དེ་ཉིད་ཤེས་པ་ཡིས། །བརྡ་ནི་ལྔ་པོ་བསྟན་པར་བྱ། །གང་ཡང་དབང་བསྐུར་མེད་ 139a ༄#། །པ་ལ། །གཞན་དུ་དེ་ཉིད་མ་བསྟན་ཅིག་།མངོན་བརྗོད་རྒྱུད་ལ་བླ་མ་ཡིས། །དབང་བསྐུར་སློབ་མ་དག་ལ་སྦྱིན། །གཞན་དུ་སློབ་མ་སྨྱོ་བ་དང ། །བརྒྱལ་དང་རྨོངས་པ་དག་ཏུ་འགྲོ། །མནར་མེད་འཇིགས་པ་ཆེན་པོ་དང ། །ངན་པ་དེར་ནི་ལྷུང་བར་འགྱུར། །གླེགས་བམ་བཤེས་མིན་ལ་སྟེར་བ། །ངན་པ་དེ་མ་ཐག་ཏུ་འཆི། །ཕོལ་མིག་རིམས་དང་དུག་དང་ནད། །མཁའ་འགྲོ་གདོན་གྱིས་གཙེས་པར་འགྱུར། །མི་སྲུན་བགེགས་དང་ཚོགས་བདག་གིས། །གསོད་ཅིང་དམྱལ་བར་ལྟུང་བར་འགྱུར། །ཇི་སྲིད་འབད་པ་ཐམས་ཅད་ཀྱིས། །བླ་མ་སློབ་མས་རིམ་བཞིན་དུ། །དེ་ཉིད་རྟག་ཏུ་སྦས་ན་ནི། །མྱུར་དུ་སྔགས་ཀྱི་དངོས་གྲུབ་འགྱུར། །བླ་མས་ཐམས་ཅད་རིམ་བཞིན་དུ། །མངོན་བརྗོད་རྒྱུད་ཀྱི་རིམ་པ་བཞིན། །ལྷ་ཡི་རྣལ་འབྱོར་ལ་སྦྱོར་བ། །གཉིས་སུ་མེད་པའི་ཡེ་ཤེས་འགྱུར། །དེ་མ་ཐག་ཏུ་བྱང་ཆུབ་སྟེ། །མཆོག་ནི་ངེས་པར་རྙེད་པར་འགྱུར། །མི་ཡི་བུ་མོ་འདི་འདྲ་སྤང ། །བདག་གི་དམ་ཚིག་མི་ཤེས་ཤིང ། །དྲག་ཅིང་ལོག་ལྟ་རང་བཞིན་ངན། །མི་སྲུན་སྙིང་རྗེ་མེད་པ་དང ། །བརྐམ་ཆགས་སེར་སྣར་ལྡན་པ་དང ། །སྤྱང་ཞིང་ངན་ལ་ཕྲག་དོག་ཅན། །སྐྱེས་པ་གཞན་ལ་ཆགས་པ་དང ། །རྣམ་པར་རྟོག་པ་མང་བ་དང ། །འདི་འདྲའི་ཕྱག་རྒྱ་སྤང་བར་བྱ། །སྦྱོར་བའི་དངོས་གྲུབ་རིང་བ་ཡིན། །པུཀྐ་སཱི་ནི་མཛེས་ 139b སྡུག་\?\་བླང ། །གཟུགས་སྡུག་གཞོན་པས་རྣམ་པར་བརྒྱན། །སྦྱོར་བ་ལ་ནི་གཅིག་ཏུ་སེམས། །བརྟུལ་ཞུགས་བརྟན་ཞིང་དམ་ཚིག་ཤེས། །དཔའ་ཞིང་ཆགས་བྲལ་ངོ་ཚ་མེད། ། ང་རྒྱལ་མེད་ཅིང་སེར་སྣ་མེད། །སྔགས་པ་རང་གི་སྤྱོད་པ་སྟེ། །རིག་མ་བརྟུལ་ཞུགས་ཁྱོད་ཀྱིས་ལོངས། །ཕྱག་རྒྱ་ལྔ་ནི་རྟག་ཏུ་འཆང ། །མགོ་ལ་ཐོད་པའི་རྒྱན་ཡང་བྱས། ། ཐོད་པ་དང་ནི་ཁ་ཊྭཱཾ་འཛིན། །ཐལ་བའི་རྡུལ་གྱིས་རྣམ་པར་བྱུགས། །རྟག་ཏུ་མ་ཧཱ་མཱ་ས་བཟའ། །ཐམས་ཅད་བཏུང་བས་མྱོས་པ་དང ། །རོ་ཡི་གདན་ལ་འདུག་པ་དང ། །པགས་པ་ཆེན་པོ་གོས་སུ་གྱོན། །རྗེས་སུ་མཐུན་པའི་བཟའ་བ་ཟ། །ཞག་དང་ཁྲག་གིས་ཚིམ་པ་དང ། །གྲོང་ངམ་དགོན་པ་དག་ཏུ་ཡང ། །གང་ཞིག་ཡུལ་དུ་འགྲོ་བ་ན། །རྟག་ཏུ་ཆགས་བས་མི་གནས་ཤིང ། །རྟག་ཏུ་དུར་ཁྲོད་སྤྱོད་བྱེད་ལ། །ཡང་ན་ཚོང་འདུས་གནས་པ་དང ། །ཉན་ཐོས་འཇིག་རྟེན་སྐལ་མེད་པའི། །མི་ཤེས་གཏི་མུག་གིས་ཁྱབ་པ། །ཉན་ཐོས་ཡོངས་སུ་ལོངས་སྤྱོད་པའི། །གཙུག་ལག་ཁང་དུ་གནས་མི་བྱ། །ཇི་ལྟར་སྐྱེས་བུ་དབུལ་པོ་བཞིན། །བྱང་ཆུབ་སེམས་དཔའ་དེ་བཞིན་གནས། །རྡོ་རྗེ་གར་གྱིས་རྣམ་པར་རོལ། །རྟག་ཏུ་དུར་ཁྲོད་ལ་གནས་ཤིང ། །དྲི་ཆེན་ཤ་ཆེན་ཟས་སུ་བཟའ། །མྱོས་བྱེད་བཏུང་བར་ལྡན་པ་ཡི། །དཔའ་བའི་གཙོ་བོས་རྩེ་གཅིག་པའི། །སེམས་ཀྱིས་རབ་ཏུ་བསྒོམ་པར་བྱ། །ཕྱག་རྒྱ་ཆེན་པོ་མ་ 140a ༄#། །རྙེད་ན། །གཡེང་བ་ཐམས་ཅད་རྣམ་སྤངས་པའི། །དེ་ནི་ཡེ་ཤེས་འབྱུང་གནས་ཏེ། །ཤེས་རབ་ཕ་རོལ་ཕྱིན་ལས་འབྱུང ། །གཟུང་དངོས་ཡིན་པ་མི་དམིགས་པའི། །གཉིས་སུ་མེད་པ་ཉིད་ལ་གནས། །རྩེ་གཅིག་སེམས་ནི་བྱས་ནས་ཀྱང ། །སྒོམ་པའི་སྤྱོད་པ་ལ་གནས་ན། །བདེ་ལ་དགའ་བའི་དངོས་གྲུབ་འགྱུར།། ཤེས་རབ་ཐབས་ཀྱི་ཆོ་གའི་རིམ། །ཕྱག་རྒྱ་ཆེ་དང་ངེས་པར་རོལ། །སྒོམ་པ་མངོན་དུ་གྱུར་པ་ཡིས། །རྣམ་གྲོལ་སངས་རྒྱས་ཐམས་ཅད་ཀྱང ། །སྐྱེ་བ་འདི་ལ་དངོས་གྲུབ་འགྱུར། །གཡོན་པའི་སྤྱོད་པ་ཤེས་རབ་སྟེ། །གཡས་པ་དེ་བཞིན་ཐབས་ཡིན་ནོ། །སྒོམ་པར་ལྡན་པའི་མཐུ་སྟོབས་ནི། །སུམ་ཅུའི་དབང་ཕྱུག་ལ་དབང་བྱེད།། རྣལ་འབྱོར་མ་ནི་དངོས་གྲུབ་དང ། །གནོད་སྦྱིན་ཀླུ་ཡི་བུ་མོ་དང ། །གཞན་ཡང་སྣ་ཚོགས་དྲི་ཟ་མོ། འདོད་པའི་ལོངས་སྤྱོད་དག་ལ་སྤྱོད། །དེ་ཉིད་གསང་བའི་མཆོག་གྱུར་པ། །ཱ་ལི་ཀཱ་ལི་རྟག་ཏུ་བསྒོམ། །རང་གི་ལྷ་ཡི་སྦྱོར་བ་ཡིས། །ཐམས་ཅད་དེ་བཞིན་རྣམ་པར་བརྟག་།དཔའ་བོས་བརྡ་རྣམས་བསྟན་པ་ནི། །རྣལ་འབྱོར་པ་ཡི་ལག་གཡོན་གྱིས། །བརྡ་རྣམས་ལ་ནི་འཇུག་པར་བྱ། །དཔའ་བོའི་གནས་སུ་གྱུར་པ་འདི། །རྒྱུ་དང་མི་རྒྱུའི་འཇིག་རྟེན་གསུམ། །འགྲོ་ཀུན་གཡོན་ལས་བྱུང་བ་ཡིན། ། 140b རྡོ་རྗེ་སེམས་དཔའ་མཐེ་བོང་ཉིད། །མཛུབ་མོར་རྣམ་པར་སྣང་མཛད་བཞུགས། །གུང་མོར་པདྨ་གར་དབང་གནས། །སྲིན་ལག་དཔའ་བོ་དངོས་གྲུབ་ཅན། །ཐ་མ་ལ་ནི་མི་ཟད་སྐུ། །སེན་མོའི་ངོས་ལ་རྟ་མགྲིན་གནས། །གཡོན་པའི་རྒྱུ་ལས་བྱུང་བ་ནི། །དཔའ་བོ་ཐམས་ཅད་ཡིན་པར་བཤད། །ལག་མཐིལ་ཕོ་ཉ་འདུས་པའི་མཆོག་།རྒྱབ་ཏུ་ཤིན་ཏུ་ངེས་བྱས་ཏེ།། བརྡ་ནི་ལྔ་པོ་བརྟན་པར་བྱ། །སྒྲུབ་པ་པོ་ཡིས་ཤེས་པར་གྱིས། །ས་ནི་སྤྱན་ཞེས་བྱ་བར་བཤད། །ཆུ་ཁམས་མཱ་མ་ཀཱི་རུ་བཤད། །མེ་ནི་གོས་དཀར་མོ་རུ་བཤད། །རླུང་ནི་སྒྲོལ་མ་དག་ཏུ་གྲགས།། འོ་བྱེད་མ་ནི་སྟོང་པ་སྟེ། །དེ་བཞིན་ཕ་རོལ་ཕྱིན་པ་ཡིན། །དབུས་ཀྱི་དཔའ་བོ་ཐམས་ཅད་ནི། །མཁས་པས་རྒྱབ་ཏུ་གཤེགས་སུ་གསོལ། །གསང་བ་འདི་ནི་མི་བསྟན་ཅིང ། །རབ་ཏུ་འབད་དེ་སྦ་བར་བྱ། །དེ་ལྟར་བརྡ་ཡིས་དཔའ་བོ་རྣམས། །དེ་དང་ལྷན་ཅིག་བཟའ་བ་བཟའ། །དཔའ་བོས་ཐམས་ཅད་མཉམ་སྦྱོར་བ། །མཁའ་འགྲོ་དྲ་བའི་བདེ་མཆོག་ཡིན། །ཕན་ཚུན་རྗེས་འགྲོ་ཐམས་ཅད་ཀྱི། །སྣ་ཚོགས་བརྡ་ནི་བཤད་པར་བྱ། །མཁའ་འགྲོ་མ་ཡི་མཚན་ཉིད་དང ། །ཕོ་ཉ་རྣམས་ཀྱི་མཚན་ཉིད་དང ། ། སྒྲུབ་པ་པོ་ལ་ཕན་པའི་ཕྱིར། །དེ་དག་ཐམས་ཅད་བཤད་པར་བྱ། །རས་བྲིས་དང་ནི་སྐུ་གཟུགས་དང ། །འབྲི་ན་དེ་བཞིན་དམ་ཚིག་དང ། །སྐུ་མདོག་གི་ 141a ༄#། །ནི་ཁྱད་པར་གྱིས། །གང་གིས་སྒྲུབ་པ་པོ་འགྲུབ་པ། །སྣ་ཚོགས་སྔགས་ཀྱིས་མཛེས་པ་ཡི། །ཕུན་སུམ་ཚོགས་པའི་དཀྱིལ་འཁོར་དང ། །ལྷ་ཡི་དམ་ཚིག་ཡིད་འོང་བ། །རྣལ་འབྱོར་མ་ནི་སྣ་ཚོགས་མཆོག་།དཔའ་བོ་སྣ་ཚོགས་ཡིད་འོང་བའི། །རྣལ་འབྱོར་མ་ནི་ཡང་དག་འདུས། །མཁའ་འགྲོ་མ་ཡང་ཡང་དག་འདུས། །རང་རིགས་སྣ་ཚོགས་མཆོག་དམ་པ། །བླ་མ་བརྒྱུད་པའི་བཀའ་བཞིན་དུ། །སློབ་མ་ལ་ནི་ཕན་པའི་ཕྱིར། །བདག་པོའི་ལས་ལ་ཤིན་ཏུ་མཁས། ། སྔགས་དང་རྒྱུད་ལ་ལེགས་པར་བསླབས། །གཞན་ཡང་ཆོ་གའི་རིམ་པ་དང ། །མངོན་བརྗོད་བླ་མའི་ལས་ལ་མཁས། །ཕྱུགས་ཀྱི་མཚན་ཉིད་སྔགས་པས་རྟོགས།། སྣ་ཚོགས་རིགས་ཀྱི་ཁྱད་པར་དང ། །རྣལ་འབྱོར་མ་ཡི་སྤྱོད་པ་དང ། །མཁའ་འགྲོ་མ་ཡང་དེ་བཞིན་ཏེ། །ཕྱི་རོལ་མ་མོའི་ཕྱག་རྒྱ་དག་།ཕག་མོ་ཡི་ནི་རིགས་ལས་བྱུང ། །དཔའ་པོ་ཀུན་གྱི་སྤྱོད་པ་དང ། །འཁོར་ལོའི་སྤྱོད་པ་ཤིན་ཏུ་བསླབས། །ཕྱི་ཡི་རྣལ་འབྱོར་དབང་ཕྱུག་གི་།མཚན་ཉིད་སྤྱོད་པ་དག་ལ་མཁས། །ཧེ་རུ་ཀ་དཔལ་རིགས་ལས་བྱུང ། །དགེ་བའི་སྤྱོད་པ་དག་ལ་བསླབས། །ཡུལ་གྱི་སྤྱོད་པའི་ཁྱད་པར་དང ། །སློབ་དཔོན་སྤྱོད་པ་དག་ལ་མཁས། །རྣལ་འབྱོར་མ་ཡི་རྒྱུད་སྤྱོད་ 141b དང ། །རྣལ་འབྱོར་རྒྱུད་ནི་རྒྱ་ཆེ་བ། །བྱ་བའི་རྒྱུད་ཀྱི་དབྱེ་བའི་རིམ། །ཐམས་ཅད་རྒྱུད་རྣམས་རྣམ་པར་ཤེས། །འགྲུབ་པའི་ལུང་དང་བསྟན་བཅོས་དང ། །མདོ་སྡེ་སྐྱེས་རབས་དེ་བཞིན་ཏེ། །བླ་ན་མེད་པའི་སྤྱོད་པ་དག་།ཤེས་རབ་ཕ་རོལ་ཕྱིན་ལས་བྱུང ། །ཕྱི་རོལ་བསྟན་བཅོས་ཡོངས་ལ་མཁས། །ཕུན་སུམ་ཚོགས་པ་སློབ་དཔོན་མཆོག་།སྦྱོར་བའི་སྒོམ་པར་ལྡན་པ་དང ། །ཡིད་གཉིས་མེད་པ་ཉིད་ཀྱིས་ནི། །བཟའ་བ་ཐམས་ཅད་བཟའ་བར་བྱ། །ཡི་གེ་བརྒྱ་པས་ཐམས་ཅད་དུ། །གསང་སྔགས་བརྟན་པར་བསྒོམས་ནས་སུ། །རང་གི་མིང་དང་ལྡན་པར་ནི། །གཅིག་ཏུ་སྤེལ་ནས་བཟླ་བར་བྱ། །རྟག་ཏུ་ཕྲེང་བའི་སྔགས་ཀྱང་བཟླ། །དོན་རྣམས་ཐམས་ཅད་འགྲུབ་པར་འགྱུར། །བླ་མ་ལས་ཀྱང་བླ་མ་སྟེ། །མཁའ་འགྲོ་མ་ཡི་དྲ་བའི་སྡོམ། །གསང་སྔགས་བཏུས་པས་གོ་ཆ་དང ། །སྙིང་པོ་དང་ནི་ཉེ་སྙིང་དང ། །གསང་སྔགས་བཏུས་པར་རྗེས་སུ་བསྲུང ། །དཀྱིལ་འཁོར་ཤིན་ཏུ་མཛེས་པ་ལ། །ཡི་གེའི་དཀྱིལ་འཁོར་ལེགས་བཀོད་ནས། །དཔའ་བོ་རྣལ་འབྱོར་མ་རྣམས་བསྐྱེད། །འདི་ནི་གསང་སྔགས་ཐམས་ཅད་དོ། །མ་མོ་རྣམས་ཀྱི་དམ་པ་མཆོག ། གསང་བ་དགའ་བ་སྦས་པ་སྟེ། །གསང་སྔགས་ཐམས་ཅད་བསྡུས་པ་ཡིན། །གསང་སྔགས་ཀུན་གྱི་གནས་ཡིན་ནོ། །འགྲོ་བ་འབྱུང་བའང་མ་མོས་ཁྱབ། །དེ་ཉིད་འདི་ནི་ 142a ༄#། །མི་བསྟན་ཏེ། །དངོས་གྲུབ་འཇོམས་པར་འགྱུར་བ་ཡིན། །སྒོམ་པ་འདི་ནི་མཆོག་ཡིན་ཏེ། །འདོད་པའི་དངོས་གྲུབ་བླ་ན་མེད། །སྐྱེ་འགྲོས་འདི་ནི་བསྒོམས་ཙམ་གྱིས། །རྡོ་རྗེ་སེམས་དཔའི་གོ་འཕང་རྙེད། །བྱམས་པའི་གོ་ཆ་བགོས་པ་སྟེ། །སྙིང་རྗེ་ཆོས་ཀྱི་གོ་ཆ་ཡིན། །ཤེས་རབ་མཚོན་ཆར་ལྡན་པ་ཡིན། །ཉོན་མོངས་བདུད་ནི་རྣམ་པར་སྤངས། །ཕྱིར་ལྡོག་ཆེན་མོས་སྲུང་བ་དང ། །རྡོ་རྗེ་ཞལ་བཞིས་རྣམ་པར་མཚན། །སྐུ་གསུང་ཐུགས་ཀྱི་དབྱེ་བ་ཡིས། །ཁ་སྦྱར་གསུམ་གྱི་རྡོ་རྗེས་མཚན། །ཐམས་ཅད་མཆོག་གི་སྲུང་བ་ཆེ། །དངོས་གྲུབ་ཐམས་ཅད་རབ་ཏུ་སྩོལ། །བཀའ་ཡི་འཁོར་ལོ་སྲུང་བ་ཆེ། །ཕུར་བུས་བགེགས་མེད་དངོས་གྲུབ་འགྱུར། ། སྲུང་བ་མཆོག་ནི་འདི་དག་གིས། །སྒྲུབ་པ་པོ་ལ་བྱང་ཆུབ་སྩོལ། །རྡོ་རྗེ་ཕུར་བུས་ར་བ་དང ། །རྡོ་རྗེའི་ས་དང་དྲ་བ་དང ། །སྟེང་གི་གུར་དང་བླ་རེ་ཡིས། །གདུག་པའི་བདུད་ནི་བསྐྲད་བྱས་ནས། །མི་གསོད་གསོད་པ་མེད་པ་ཡིན། །གང་གིས་རང་སེམས་ཐུལ་བ་ཡིས། །བདག་གི་སེམས་ནི་བཅིངས་པ་ཡིན། །གང་ལ་གང་གིས་གསོད་པ་ཡིན། །མཉམ་པའི་སེམས་ནི་དྲི་ཡིན་ཏེ། །གྲུ་བཞི་པ་ནི་བྱུག་པ་ཡིན། །ཙནྡན་དཀར་པོ་ལུས་ཡིན་ཏེ། །མཉམ་པར་གནས་པ་ཉིད་ཡིན་ནོ། །མེ་ཏོག་བཟོད་པ་རྣལ་ 142b འབྱོར་པ། །འབད་པས་གཏོར་པ་ཡིན་པར་བཤད། །རང་བཞིན་དག་པ་བདུག་པ་སྟེ། །མཉམ་པའི་སྒོམ་པ་བདུག་པ་ཡིན། །མངོན་པར་བརྗོད་པའི་རྒྱུད་བླ་མ་ཆེན་པེ་ལས། དེ་ཁོ་ན་ཉིད་ཀྱི་སྙིང་པོའི་དོན་དམ་པ་བསྟན་པ་སྟེ་ལེའུ་གསུམ་པའོ།། །།དེ་ནས་བཅོམ་ལྡན་འདས་རྡོ་རྗེ་མཁའ་འགྲོས་དེ་ཁོ་ན་ཉིད་ཀྱི་གསང་བ་གསུངས་པ།་དེ་ནས་ཡང་དག་བཤད་བྱ་བ། །མངོན་བརྗོད་རྒྱུད་ནི་བླ་མའི་བླ། །བླ་མ་བརྒྱུད་པས་བཤད་པ་བཞིན། །ཕྱི་རོལ་རྣམ་རྟོག་སྤངས་ནས་ནི། །མཉམ་པའི་དམ་ཚིག་མཆོག་དམ་པ། །རྟོག་པ་མེད་ཅིང་དཔྱོད་པ་མེད། །འཇིགས་པ་ཐམས་ཅད་རྣམ་པར་སྤངས། །ཚེས་གྲངས་མེད་ཅིང་སྐར་མ་མེད། །བསླབ་པའི་ཆོ་གའང་ཡོད་མ་ཡིན། །གཙང་སྤྲ་མེད་ཅིང་མི་གཙང་མེད། །དག་པའི་བྱ་བའང་ཡོད་མ་ཡིན། །དུས་དང་ཚོད་ལས་རྣམ་པར་གྲོལ། །དག་པའི་སྤྱོད་པ་རྣམ་པར་སྤངས། །རང་གི་སྔགས་རྒྱུད་སྦྱོར་བ་ཤེས། ། སེམས་ཅན་ཀུན་གྱི་དོན་ཡང་བྱེད། །རིལ་བུ་དང་ནི་རི་རྩི་དང ། །ཆུ་བོ་ཆེན་པོའི་ངོགས་དག་དང ། །རྒྱ་མཚོ་ཆེན་པོའི་འགྲམ་དག་དང ། །ཤིང་གཅིག་དང་ནི་དགེ་བའི་གནས། །མ་མོའི་ཁྱིམ་མམ་དུར་ཁྲོད་དམ། །སྣ་ཚོགས་དམ་པའི་ལྡུམ་ར་དང ། །ལྷ་ཁང་དང་ནི་མཆོད་རྟེན་གནས། །ཁྱིམ་མམ་བཞི་མདོ་དག་ཏུ་ནི། །སྒྲུབ་པ་པོ་ཡིས་སྦྱོར་ 143a ༄#། །བསྒྲུབས་ན། །འདོད་པ་ཀུན་གྱི་འབྲས་བུ་སྟེར། །གནས་ནི་བརྟག་པ་བྱས་ནས་ཀྱང ། །ཡིད་ནི་གང་དུ་དགའ་བ་དེར། །སྣ་ཚོགས་བདེ་མཆོད་དམ་པ་ནི། །དེ་རུ་བསྒྲུབས་ན་དངོས་གྲུབ་འགྱུར། །སེམས་སྦྱོར་མེད་པ་ཉིད་ལས་ནི། །དུ་མར་དབྱེ་བའི་སྒོམ་པ་ཡིས། །ཡེ་ཤེས་ལྔ་ཡི་བདུད་རྩིས་ནི། །ས་ནི་བྱུག་པ་བྱས་ནས་ཀྱང ། །བཟོད་པའི་ཕ་རོལ་ཕྱིན་པ་ཡི། །མེ་ཏོག་འབད་པས་དགྲམ་པར་བྱ། །སྣ་ཚོགས་ཕྱག་རྒྱ་ཡིད་འོང་གདན། །མཉམ་པར་བཞག་པས་རྒྱ་ཆེར་བྱ། །རྩེ་གཅིག་པ་ཡི་སེམས་ཀྱིས་ནི། །བསམ་གཏན་ཕ་རོལ་ཕྱིན་པ་སྒྲུབ། །ཚངས་པའི་གནས་བཞི་ལ་གནས་ཏེ། །བསྡུ་བའི་དངོས་པོ་བཞི་པོ་བྱ། །དགེ་བ་བཅུ་ཡང་དམིགས་ནས་ནི། །སེམས་ཅན་ཀུན་གྱི་དོན་ཡང་བྱ། །ཕྱི་དང་ནང་དུ་བལྟས་ན་ནི། །ཆོས་རྣམས་ཐམས་ཅད་སྟོང་པ་ཡིན། །བྱང་ཆུབ་ཚོགས་ཀྱི་མཆོག་དམ་པ། །སེམས་ཙམ་ལ་ནི་རབ་ཏུ་གནས། །རང་གི་སྙིང་ག་མཁའ་དཀྱིལ་དུ། །ཉི་མའི་དཀྱིལ་འཁོར་གནས་པར་བསྒོམ། །དེ་སྟེང་དེ་ཉིད་མཆོག་གྱུར་པ། །ཡེ་ཤེས་ལྔ་པོ་ཞི་བ་ཡིན། །སྣ་ཚོགས་འོད་ཟེར་གསལ་བ་ཡི། །རྣམ་པར་འཕྲོ་བས་ཀུན་ཏུ་ཁྱབ། །སྔོན་གྲུབ་པ་རྣམས་བསྐུལ་ནས་ནི། །བྱིན་གྱིས་བརླབས་པའང་ 143b བྱེད་པ་ཡིན། །ནམ་མཁའི་ཁམས་ནི་སྒོམ་དགའ་བས། །དཀྱིལ་འཁོར་མཆོག་ནི་མཐོང་བ་ཡིན། །ཏིལ་གྱི་གང་བུ་ལྟ་བུ་ཡི། །ལྷ་དང་ཁྲོ་བོས་ཁྱབ་པར་མཐོང ། །སངས་རྒྱས་བྱང་ཆུབ་སེམས་དཔའ་དང ། །བྱང་ཆུབ་སེམས་དང་བླ་མའི་གཙོ། །ལྷ་མོ་སྣ་ཚོགས་མཐོང་ནས་ནི། །བདག་གིས་མཆོད་ཅིང་བརྗེད་པར་བྱ། །སངས་རྒྱས་སྤྲོས་ཏེ་སྤྲུལ་པའི་ཚོགས། །ཁྲོ་བོའི་རྒྱལ་པོ་རྣལ་འབྱོར་མས། །འགྲོ་བ་རིགས་དྲུག་སེམས་ཅན་རྣམས། །སངས་རྒྱས་གནས་སུ་དགོད་པར་བྱེད། །ནམ་མཁའི་དཀྱིལ་ནི་ཀུན་ཁྱབ་པའི། །མཆོག་དེ་མཐོང་ནས་བསྡུས་ནས་སུ། །ཐམས་ཅད་གསུམ་ལ་སྐྱབས་སུ་མཆི། །བྱང་ཆུབ་མཐར་ཐུག་བར་དུ་ནི། །སེམས་ཅན་མ་ལུས་གྱུར་པ་རྣམས། ། སངས་རྒྱས་གོ་འཕང་དེ་ལ་གཞག་།དེ་ལ་སྒྲུབ་པ་པོས་གསོལ་གདབ། །དགེ་བའི་ལས་ལས་བྱུང་བ་ལ། །རྟག་ཏུ་བདག་ནི་སྐྱབས་སུ་མཆི། །རྨོངས་པའི་གཟུགས་ཅན་ང་རྒྱལ་དང ། །གཟུགས་དང་ཚོར་བ་འདུ་ཤེས་དང ། །འདུ་བྱེད་རྣམ་ཤེས་དེ་བཞིན་ནོ། །ོཾ་བྷྲུཾ་ཨོཾ་ཧྲཱིཾ་ཧོཿ ཧཱུཾ། དེ་ནི་རྣམ་པར་སྣང་མཛད་དང ། །རྡོ་རྗེ་ཉི་མ་གར་དབང་ཕྱུག ། རྡོ་རྗེ་རྒྱལ་པོས་ཁྱབ་པ་ཡིན། །རྡོ་རྗེ་སེམས་དཔའ་མཆོག་དེ་བཞིན། །དེ་བཞིན་གཤེགས་པ་ཐམས་ཅད་ནི། །ཧེ་རུ་ཀ་དཔལ་རྡོ་རྗེ་ཡི། །མིག་དང་རྣ་བ་སྣ་དང་ནི། །ལྕེ་དང་ 144a ༄#། །རེག་པ་ཡིད་དེ་བཞིན། །ོཾ་ཧཱུཾ་ཏྲཾ་ཨཾ་ཁཾ་ཧཾ། གཏི་མུག་དང་ནི་ཞེ་སྡང་དང ། །དེ་བཞིན་ཕྲག་དོག་འདོད་ཆགས་དང ། །སེར་སྣ་དང་ནི་རྨོངས་པ་ཉིད། །སྐྱེ་མཆེད་དག་ནི་ཐམས་ཅད་ལ། །དབང་ཕྱུག་རྡོ་རྗེ་ཉིད་ཡིན་ནོ། །ས་དང་ཆུ་དང་དེ་བཞིན་མེ། །རླུང་དང་ནམ་མཁའ་ཉིད་དག་གོ་།ལཱཾ་མཱཾ་པཱཾ་ཏཱཾ་ཁཱཾ། ལྟུང་བྱེད་མ་དང་གསོད་མ་དང ། །འགུགས་བྱེད་དང་ནི་གར་དབང་དང ། །པདྨའི་དྲ་བ་མོ་ལྷ་འོ། །མཁའ་མཉམ་ནམ་མཁའ་ལྟ་བུ་འོ། །དེ་ལྟར་ཕུང་པོ་ཁམས་དང་ནི། །སྐྱེ་མཆེད་རྣམས་ནི་རྣལ་འབྱོར་པས། །ཐ་མལ་དངོས་པོའི་རང་བཞིན་ནི། །ཡོངས་སུ་དག་པར་ཤེས་པར་བྱ། །ཐ་མལ་ཆོས་ཀུན་ཡོངས་དག་སྟེ། །བདག་ཀྱང་ཡོངས་སུ་དག་པ་ཡིན། །དེ་ནས་གསུམ་ལ་སྐྱབས་སུ་འགྲོ། །སྔགས་ཀྱི་སྐུ་རུ་འགྱུར་བ་ཡིས། །ཧེ་རུ་ཀ་དཔལ་དག་གྱུར་ནས། །སེམས་ཅན་ཀུན་གྱི་དོན་ཡང་བྱེད། ། ཧེ་རུ་ཀ་ཡི་གོ་འཕང་མཆོག་།ཐོབ་ནས་སེམས་ཅན་མ་ལུས་པ། །འདི་ལ་འཇོག་ཅིང་འགོད་པར་ཤོག་།ོཾ་པྲཀྲྀ་ཏི་པ་རི་ཤུདྡྷཱཿ སརྦ་དྷརྨཱཿ པྲཀྲྀ་ཏི་པ་རི་ཤུདྡྷོཉཧཾ། ཨོཾ་སཝ་བྷཱ་བཿ ཤུདྡྷཱཿ སརྦ་དྷརྨཱཿ སཝ་བྷཱ་བ་ཤུདྡྷོཉཧཾ། ལན་གསུམ་བར་དུ་བཟླ་བར་བྱ། །དངོས་མེད་མདུན་སོགས་ཕྱོགས་བཅུ་རུ། །སྙིང་པོའི་ཕྲེང་བ་སྤྲོ་བར་བྱ། ། 144b དེས་ན་སྙིང་པོ་དེ་མཐོང་ནས། །དྲ་བ་ར་བ་དེ་བཞིན་ཏེ། །རྡོ་རྗེས་སོགས་བྱིན་གྱིས་བརླབས། །བླ་རེ་མདའ་ཡི་དྲ་བ་དང ། །རྡོ་རྗེ་མེ་ནི་འབར་བར་བསྐོར། །ཕྱི་རོལ་རིང་ནས་དགོད་པར་བྱ། །ོཾ་མེ་དེ་ནི་\?\་བཛྲི་\?\་བྷ་\?\་བ་བཛྲ་བནྡྷ་ཧཱུཾ། ཨོཾ་བཛྲ་པྲ་ཀ་ར་ཧཱུཾ་བཾ་ཧཱུཾ། ཨོཾ་བཛྲ་པཉྩ་ར་ཧཱུཾ་བཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་བཛྲ་ཤ་ར་ཛཱ་ལ་ཏྲཱཾ་ཤཾ་ཏྲཱཾ། ཨོཾ་བཛྲ་ཛཱ་ལཱ་ན་ལཱ་རྐ་ཧཱུཾ་ཧཱུཾ་ཧཱུཾ། ཧེ་རུ་ཀ་ཡི་བཀའ་འཁོར་ལོ། །གཙོ་བོ་བརྒྱད་པོ་འབར་བ་དག་།དེ་མཐོང་ནས་ནི་ལེགས་པ་རུ། །ཉི་མའི་དཀྱིལ་འཁོར་དབུས་བཞུགས་པ། །རྡོ་རྗེ་སེམས་དཔའ་རྣམ་པར་བསྒོམ། །ཞལ་གསུམ་ཕྱག་དྲུག་ཞི་བ་སྟེ། །དག་པའི་ཤེལ་དང་ཟླ་མདོག་འདྲ། །ཕྱག་རྒྱ་ཆེ་དང་མཉམ་པར་ལྡན། །ཤེས་རབ་སྐྱིལ་ཀྲུང་ལེགས་པར་བཞུགས། །ཐོད་པའི་ཕྲེང་འདྲ་ལྡན་པའི་དབུ། །མི་བསྐྱོད་པ་ནི་དབུ་རྒྱན་བཞུགས། །རྒྱན་རྣམས་ཐམས་ཅད་ཡོངས་སུ་རྫོགས། །ཐམས་ཅད་མཚན་མས་མཚན་པ་ཡིན། །དཔེ་བྱད་ཀུན་གྱིས་བརྒྱན་པ་སྟེ། །ཐོད་པ་ཁ་ཊྭཱཾ་ག་འཛིན་ཅིང ། །རྡོ་རྗེ་དྲིལ་བུས་ལེགས་པར་འཁྱུད། །ཞགས་པ་ལྕགས་ཀྱུ་འཛིན་མཛད་ཅིང ། །དཔའ་ཆེན་བདེ་བའི་གོ་འཕང་བཞུགས། །དཀར་ཞིང་སེར་ལ་ལྗང་གུ་སྟེ། །ཞལ་གདོང་གཉིས་པོ་རྣམ་པར་འགྱུར། །ལུགས་སུ་འབྱུང་དང་ལྡོག་ཚུལ་གྱིས། །དེ་ཡི་ཁྲོ་བོ་བརྒྱད་དག་སྤྲོ། །རྡོ་རྗེ་དྲག་པོ་ན་ལརྐཾ། །རྡོ་རྗེ་གཙུག་ཏོར་དེ་བཞིན་ཏེ། །ཐབ་སྦྱོར་རྡོ་རྗེ་གནོད་སྦྱིན་དང ། །རྡོ་རྗེ་ 145a ༄#། །ནག་པོ་སྟོབས་པོ་ཆེ། །རྡོ་རྗེ་འཇིགས་བྱེད་ཅེས་བྱ་བ། །ཁྲོ་བོ་འདི་དག་རྣམ་པར་དགོད། །སྔོ་ཞིང་སེར་ལ་དེ་བཞིན་དམར། །ལྗང་གུ་དུ་བའི་མདོག་ཅན་ཏེ། །དཀར་ཞིང་ནག་ལ་གུར་གུམ་མདོག་།རབ་འཇིགས་ཐོད་པའི་དབུ་རྒྱན་ཅན། །ཞལ་གསུམ་པ་ལ་ཕྱག་དྲུག་པ། །ཐམས་ཅད་ན་རའི་རུས་པ་ཡི། །རྒྱན་གྱི་ས་སྤུད་པ་རབ་ཏུ་འབར། །གཡས་བརྐྱང་པ་ཡི་ཞབས་ཀྱིས་ནི། །སྣ་ཚོགས་པདྨའི་ནང་བཞུགས་ཤིང ། །ཉི་མའི་དཀྱིལ་འཁོར་དབུས་ན་བཞུགས། །འཇིག་རྟེན་སྐྱོང་བ་བརྒྱད་པོ་དག་།ཞབས་ཀྱིས་མནན་པར་རྣམ་པར་བསམ། །ཐོད་པ་དང་ནི་ཁ་ཊྭཱཾ་འཛིན། །ཞགས་པ་ལྕགས་ཀྱུ་མཆོག་ཀྱང་འཆང ། །ཐམས་ཅད་དྲིལ་བུ་ཅང་ཏེའུ། །ཤེས་རབ་བདེ་བས་ལེགས་པར་འཁྱུད།། དམར་སེར་དབུ་སྐྲ་དག་གིས་བརྒྱན། །མཆེ་བ་རྣམ་གཙིགས་འཇིགས་པ་ཅན། །སྟག་གི་པགས་པ་གོས་སུ་མནབས། །འཇིགས་པའི་ཕྲེང་བའི་རྒྱན་ཅན་ཏེ། །དེས་ནི་བདག་ཉིད་རྒྱན་དུ་བྱས། །རྡོ་རྗེ་ཧཱུཾ་མཛད་རྣམ་པར་བསྒོམ། །ཁྲོ་ཞིང་འབར་ལ་གཡོ་བ་དང ། །དྲག་ཅིང་འཇིགས་ལ་རྣམ་པར་འགྱུར། །རྒྱན་རྣམས་ཀུན་གྱིས་ལེགས་པར་བརྒྱན། །གཡས་བརྐྱང་བ་ཡི་གནས་པས་བཞུགས། །ལྕགས་ཀྱུ་ཞགས་པ་ཁ་ཊྭཱཾ་འཆང ། །དྲིལ་བུ་རྡོ་རྗེ་ཐོད་པ་འཛིན། །མགོ་ཡི་དོ་ཤལ་སྐུ་ལ་འཆང ། །ཐོད་པའི་ཕྲེང་བའི་ 145b སྐ་རགས་ཅན། །གདུག་པ་ཐམས་ཅད་ཞབས་འོག་མནན། །ཐབས་དང་ཤེས་རབ་མཉམ་པར་ལྡན། །རྡོ་རྗེ་སེམས་དཔའ་དབུ་རྒྱན་ཅན། །རྡོ་རྗེ་འཇིགས་བྱེད་བསྒོམ་པར་བྱ། །ཁྲོ་གོ་གཉིས་པོ་རྣམ་པར་བསྒོམ། །སྟེང་དུ་གཙུག་ཏོར་འཁོར་བསྒྱུར་ཏེ། །རྡོ་རྗེ་འཇིགས་བྱེད་རྣམ་པར་བསྒོམ། །འོག་ཏུ་རྡོ་རྗེ་ས་འོག་གོ་།དཀར་ལ་སྔོ་བའི་མདོག་ཅན་ཡིན། །ཐོད་པ་དང་ནི་ཁ་ཊྭཱཾ་འཛིན། ། འཁོར་ལོ་དང་ནི་མདུང་འཛིན་ཅིང ། །ཞབས་པ་ལྕགས་ཀྱུ་དྲིལ་རྡོ་རྗེ། །གཡས་བརྐྱང་བ་ཡི་གནས་པས་བཞུགས། །ཕུར་བུ་ཁྲོ་བོ་བྱས་ནས་སུ། །དེ་ནི་ཕྱོགས་བཅུར་རྣམ་པར་སྤྲོ། །དེ་ལ་བཀའ་ལུང་བསྒོ་བ་ནི། །བགེགས་ནི་མྱུར་དུ་མེད་པར་གྱིས། །གསང་སྔགས་རྗེས་སུ་དྲན་ནས་སུ། །ཕྱོགས་བཞི་དག་ཏུ་མཉམ་པར་གཟུགས། །མཐེ་བོང་སྡིགས་མཛུབ་སྦྱོར་བ་ཡིས། ། ཕྱོགས་བཅུ་དག་ཏུ་སེ་གོལ་བརྡབ། །ོཾ་སུཾ་བྷ་ནི་སུཾ་བྷ་ཧཱུཾ་ཧཱུཾ་ཕཊ་ཤར་དུའོ། །ོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ་བྱང་དུའོ། །ོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ་ནུབ་ཏུའོ། །ོཾ་ཨ་ན་ཡ་ཧོཿ བྷ་ག་བཱཾ་བི་དྱཱ་ཡཱ་\?\་ཛ་ཧཱུཾ་ཧཱུཾ་ཕཊ་ལྷོ་ཕྱོགས་སུའོ། །གསང་སྔགས་རྒྱལ་པོ་འདི་ཡིས་ནི། །བགེགས་ཀུན་གྱི་ནི་ཀླད་པ་ལ། །རྡོ་རྗེ་ཕུར་བུས་དགོད་ཅིང་མནན། །ལུགས་སུ་འབྱུང་དང་ལྡོག་པ་ཡིན། །ོཾ་གྷ་གྷ་གྷ་ཏ་ཡ་སརྦ་དུཥྚཾ་བིགྷཱན་ཧཱུཾ་ཕཊ། ཨོཾ་ཀཱི་ལ་ཡ་ཀཱི་ལ་ཡཱ་སརྦ་པཱ་པཾ་ཧཱུཾ་ཧཱུཾ་ཕཊ། །ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་ར་ཨཱ་ཛྙཱ་པ་ཡ་ཏི་ཀཱ་ཡ་ཝཱཀྩི་ཏྟ་བཛྲ་ཀཱི་ལ་ཡ་ཧཱུཾ་ཕཊ། ཕུར་བུ་དོ་རྗེ་ཁྲོ་བོ་རུ། །བལྟར་ 146a ༄#། །ནས་ཡོངས་སུ་བརྟག་པར་བྱ། །ལུགས་སུ་འབྱུང་དང་ལྡོག་པ་ཡིས། །དངོས་གྲུབ་རྡོ་རྗེས་བརྡུང་བར་བྱ། །ོཾ་བཛྲ་ཧཱུཾ་མུངྒ་ར་བཛྲ་ཀཱི་ལ་ཡ་ཨཱ་ཀོ་ཊ་ཡ་ཧཱུཾ་ཧཱུཾ་ཕཊ་ཕཊ། མཁས་པས་རྡོ་རྗེ་ཁྲོ་བོའི་ཚིག་།གསང་སྔགས་ཚིག་ནི་དྲག་ཏུ་བཟླ། །ོཾ་ཁ་བཛྲ་དྷྲྀཀ་བཛྲ་ཧཱུཾ་ཀཱ་ར་ཧཱུཾ་ཕཊ། ཨོཾ་བཛྲ་ཙཎྜ་བཛྲ་ཧཱུཾ་ཕཊ། །ོཾ་བཛྲ་ཨ་ན་ལཱ་རྐ་བཛྲ་ཧཱུཾ་ཕཊ། ཨོཾ་བཛྲ་ཨུཥྞཱི་ཥ་བཛྲ་ཧཱུཾ་ཕཊ། ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ། ཨོཾ་བཛྲ་ཡཀྵ་བཛྲ་ཧཱུཾ་ཕཊ། ཨོཾ་བཛྲ་ཀཱ་ར་ལ་བཛྲ་ཧཱུཾ་ཕཊ། ཨོཾ་བཛྲ་མ་ཧཱ་བ་ལ་བཛྲ་ཧཱུཾ་ཕཊ། ཨོཾ་བཛྲ་བྷཱི་ཥ་ན་བཛྲ་ཧཱུཾ་ཕཊ། ཨོཾ་བཛྲ་ཨུཥྞཱི་ཥ་ཙཀྲ་བརྟི་བཛྲ་ཧཱུཾ་ཕཊ། ཨོཾ་བཛྲ་པཱ་ཏཱ་ལ་བཛྲ་ཧཱུཾ་ཕཊ། བཀའ་འདི་དག་ནི་སྒྲུབ་པ་ཡིས། །དེ་མ་ཐག་ཏུ་བགེགས་མེད་འགྱུར། །མཱཾ་ས་རྐང་དང་ཞག་ཁ་ཆུ། །ཤུ་ཀྲ་རཀྟ་ལྷན་ཅིག་སྦྱར། །རྣལ་འབྱོར་པ་ཡིས་རིལ་བུར་བྱས། །ཟོས་ན་དངོས་གྲུབ་ངེས་པར་འགྱུར། །སྔོ་ཞིང་སེར་ལ་ལྗང་གུ་ནི། །རྡོ་རྗེ་ཧཱུཾ་མཛད་རང་བྱས་ཏེ། །སེར་ཞིང་ནག་ལ་ལྗང་གུ་དང ། །དུད་ཀ་སེར་ལ་སེར་སྐྱ་དང ། །དཀར་ཞིང་སེར་ལ་ལྗང་གུ་དང ། །དམར་ཞིང་སེར་ལ་ལྗང་བདག་།དེ་ལྟར་བཞི་ནི་བདག་པོ་བཞིན། །མི་བསྐྱོད་དབུ་རྒྱན་དམ་ཚིག་ཅན། །བསྒོམས་པས་རྡོ་རྗེ་འཛིན་པ་དགྱེས། ། འདི་ལྟར་ཁྲོ་བོ་ཐམས་ཅད་ཀྱང ། །དམ་ཚིག་ལས་ནི་འགལ་མ་བྱེད། །འདི་ལྟར་སྣ་ཚོགས་དུ་མ་ཡི། །གཙོ་བོའི་བཀའ་ནི་བླང་བར་གྱིས། །རྣལ་འབྱོར་པ་ནི་གར་གནས་པ། །བགེགས་ 146b རྣམས་ཐམས་ཅད་མེད་པར་མཐོང ། །གཅེར་བའམ་ཡང་ན་མི་གཅེར་བའམ། །སྐྲ་གྲོལ་ཐལ་བས་ཡན་ལག་བྱུགས། །ཇི་ལྟར་ཇི་སྲིད་མ་ངལ་བར། །འཁོར་ལོ་དག་གི་བཟླས་པ་བྱ། །སྟོང་པའི་ཡེ་ཤེས་རྡོ་རྗེ་ནི། །དད་པས་དྲན་ཞིང་མཉམ་པར་གཞག་།ོཾ་ཤཱུ་ནྱ་ཏཱ་ཛཉཱ་ན་བཛྲ་སཝ་བྷཱ་བ་ཨཱཏྨ་ཀོཉཧཾ། ཨོཾ་ཨ་ནི་མིཏྟ་ཛྙཱ་ན་བཛྲ་སཝ་བྷཱ་བ་ཨཱཏྨ་ཀོཉཧཾ། ཨོཾ་ཨ་པྲ་ཎི་ཧི་ཏ་ཛྙཱ་ན་བཛྲ་སཝ་བྷཱ་བ་ཨཏྨ་ཀོཉཧཾ། སྨིག་རྒྱུ་ཙམ་གྱི་ཡེ་ཤེས་ནི། །སེམས་ཙམ་དུ་ནི་རྣམ་པར་བརྟག་།འདི་ནི་མཁའ་དང་མཉམ་པ་ཡི། །ཆོས་མེད་ཆོས་མིན་པ་ཡང་མེད། །ནམ་མཁའ་གོས་པ་མེད་པ་ལྟར། །དངོས་པོ་མེད་ཅིང་དམིགས་སུ་མེད། །གང་གི་སྙིང་གི་ཁ་སྦྱར་དབུས་གནས་གསལ། །ཕྲ་བར་ལྟ་བ་རང་བྱུང་མྱོང་བའི་སེམས་འཇུག་པ། །ཁམས་གསུམ་མ་ལུས་གཉིས་མེད་པར་ནི་ཉེ་བར་འགྲེ། །གསལ་བ་ཆོས་ཀྱི་དབྱིངས་མཆོག་དེ་ལ་བདག་ཕྱག་འཚལ། །དབང་པོའི་གཡོ་བ་རྟ་ཀུན་ནང་དུ་ངེས་སྦྱར་བའི། །ཡེ་ཤེས་རྒྱལ་བ་མ་ལུས་འདུས་པའི་སྣོད་གྱུར་པ། །ཁམས་གསུམ་མ་ལུས་གཉིས་མེད་པར་ནི་ཉེར་འགྲོ་བའི། །མཐོང་བ་མཁའ་དང་འདྲ་བར་དྲི་མེད་དཔལ་དུ་གྱུར། །སངས་རྒྱས་རྗེས་དྲན་རྣལ་འབྱོར་གྱིས། །ཆོས་ནི་རྗེས་སུ་དྲན་པ་བསྒོམ། །ཆོས་རྗེས་དྲན་པའི་རྣལ་འབྱོར་གྱིས། །ཆོས་ཀྱི་སྐུ་ནི་རང་བྱུང་འགྱུར། །དབུས་ན་གསལ་བྱེད་རྣམ་པར་ཤེས། །ཡེ་ཤེས་མཆོག་ནི་ཤེས་རྣམས་ཀྱི། །ཤིན་ཏུ་གསལ་བར་བསྒོམས་པ་ལས། །འབར་བ་འདི་ནི་ཐེ་ཚོམ་ 147a ༄#། །མེད། །རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་པུ་ཡི་གེ་མེད། །སྐྱེས་བུས་དེ་ནི་བསྒོམས་གྱུར་ན། །ཡེ་ཤེས་སྐྱེ་བར་གྱུར་པ་མཆོག་།སེམས་པ་རྗེས་དྲན་རྣལ་འབྱོར་གྱིས། །སེམས་དཔའ་རྗེས་སུ་དྲན་པར་བསྒོམ། །སེམས་དཔའ་རྗེས་དྲན་ཆོས་ཀྱིས་ནི། །ཆོས་ཀྱི་སེམས་དཔའ་ཁྱད་པར་འབྱུང ། །བདག་ནི་སྙིང་རྗེས་ཕན་འདོགས་པ། །སྨོན་ལམ་དབང་གིས་མཐོང་བ་དང ། །མཐོང་ནས་ཇི་སྲིད་འོག་ཏུ་ནི། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་ཀུན་མཁྱེན་དག་།དགར་དང་སེར་དང་དེ་བཞིན་དམར། །སྔོན་པོ་ཡི་ནི་ཞལ་དང་བཞི། །རླུང་གི་དཀྱིལ་འཁོར་རྣམ་པར་བསམ། །ཡི་གེ་ཡཾ་ལས་ཡང་དག་འབྱུང ། །སྔོ་པའི་མདོག་ཅན་གཞུ་ལྟ་བུའོ། །རྒྱལ་མཚན་གྱིས་ནི་མཚན་པར་བསྒོམ། །དུད་པའི་ཕྲེང་བ་ཁྱབ་པར་དམིགས། །དེ་ཡི་སྟེང་དུ་ཡི་གེ་རཾ། །མེ་ཡི་དཀྱིལ་འཁོར་མཆོག་དམ་པ། །གྲུ་གསུམ་པ་ལ་དམར་བའི་མདོག་།འབར་བའི་ཕྲེང་བ་འབར་བས་ཁྱབ། །ཉི་མ་བྱེ་བ་འོད་མཐའ་ཡས། །རྡོ་རྗེས་མཚན་པ་བསྒོམ་པར་བྱ། །དེ་ཡི་སྟེང་དུ་ཆུ་ཉིད་དེ། །ཡི་གེ་བཾ་མཆོག་ལས་བྱུང་བ། །དུ་ཤ་ར་ཡི་མདོག་འདྲ་བ། །ཟླུམ་ལ་འོད་ཟེར་ཕྲེང་བ་ཅན། །དེ་ཡི་སྟེང་དུས་དཀྱིལ་འཁོར། །ལཾ་ལས་བྱུང་བ་སེར་པོ་སྟེ། །ཟུར་བཞི་པ་ལ་རྡོ་རྗེས་མཚན། །འོད་ཟེར་སེར་པོ་ཁྱབ་པར་འཁྲིགས། །རྣལ་འབྱོར་དེ་སྟེང་བསྒོམ་པ་ནི། །རི་རབ་ 147b ལྷུན་པོ་མཆོག་གྱུར་པ། །ཟུར་བཞི་པ་ལ་རིན་ཆེན་བཞི། །རྩེ་མོ་བརྒྱད་ཀྱིས་རྣམ་པར་མཛེས། །ཡི་གེ་སུཾ་ལས་ལེགས་པར་བྱུང ། །འོད་ཟེར་གཟི་བརྗིད་མཆོག་དམ་པའོ། །དེ་ཡི་སྟེང་དུ་བསམ་པ་ནི། །བྲུཾ་ནི་དཀར་པོ་ལས་བྱུང་བ། །དེ་སྟེང་འཁོར་ལོར་བཅས་པ་དག་།ཁང་པ་བརྩེགས་པ་རྣམ་པར་བསམ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཀྱིས་མཛེས་ཤིང ། །བ་དན་ཕྲེང་བས་རྣམ་པར་རྒྱན། །ཟུར་གྱི་ཆ་ནི་ཐམས་ཅད་དང ། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་ཅིང ། །ཕྱི་ཡི་དཀྱིལ་འཁོར་ཐིག་གདབ་བོ། །དེ་ཡི་ནང་དུ་འཁོར་ལོ་ནི། །བརྒྱད་པོ་དཀར་པོའི་མདོག་ཅན་ལ། །དེ་ཡི་དབུས་སུ་པདྨ་ཆེ། །སྣ་ཚོགས་འདབ་མ་བརྒྱད་པ་ལ། །ལྟེ་བ་གེ་སར་གྱིས་ཁྱབ་པ། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་རིག་མར་བཅས། །དཀར་པོ་སེར་པོ་དེ་བཞིན་ཏེ། །དམར་དང་ལྗང་གུ་ཞལ་བཞི་པ། །ཞི་ཞིང་དགོད་དང་ཁྲོ་བ་དང ། །རྣམ་པར་འགྱུར་བ་ཤིན་ཏུ་འཇིགས། །རྡོ་རྗེ་དྲིལ་བུས་མཉམ་པར་ལྡན། །མདུང་དང་དགྲ་སྟ་ཅང་ཏེའུ་དང ། །གྲི་གུག་ཐོད་པ་ཁ་ཊྭཱཾ་ག་།ཚངས་པའི་པགས་པ་གོས་སུ་མནབས། །ཞགས་པ་ཚངས་པའི་མགོ་བོ་དག་།ཕྱག་ནི་བཅུ་གཉིས་དེ་བཞིན་ཏེ། །སེམས་དཔའི་སྐྱིལ་མོ་ཀྲུང་དུ་བཞུགས། །དབུ་རྒྱན་ཐོད་པའི་ཅོད་པན་ཅན། །རྒྱན་རྣམས་ཐམས་ཅད་ཡོངས་སུ་རྫོགས། །དཔེ་བྱད་མཚན་དང་ཡང་དག་ལྡན། །ཐུགས་ཀྱི་ཡེ་ཤེས་དམ་ཚིག་ཅན། །ཅོད་ 148a ༄#། །པན་རྡོ་རྗེ་འཛིན་པ་ཡིན། །ཇི་ལྟར་ཐབས་བཞིན་ཤེས་རབ་དེ། །ཕྱག་རྒྱ་ལྔ་པོ་བྱིན་གྱིས་བརླབ། །རིགས་ཀྱི་དབྱེ་བས་ཕྱེ་ནས་ནི། །རྡོ་རྗེ་དབྱིངས་ཀྱི་དབང་ཕྱུག་མཆོག་།བདེ་བ་ཆེན་པོའི་ཐབས་སྦྱོར་བས། །སྐུ་ནི་གཉིས་སུ་མེད་པར་ཐིམ། །མཉམ་པ་ཉིད་ལས་བྱུང་བའི་སྐུ། །མཁའ་འགྲོའི་འཁོར་ནི་དཔའ་བོ་དང ། །རྣལ་འབྱོར་མ་དང་བཅས་པར་བྱུང ། །གཡས་བསྐུམ་གཡོན་བརྐྱང་ཚུལ་གྱིས་བཞུགས། །དཀར་སྔོན་སེར་དམར་ཞལ་མདོག་སྟེ། །འཁོར་ལོ་དྲིལ་བུས་འཁྱུད་པའི་ཕྱག་།སྔར་གྱི་རྡོ་རྗེ་སེམས་སོགས་པའི། །ཕྱག་མཚན་རིམ་པར་འཛིན་པ་ཡིན། །ཐོད་པའི་ཕྲེང་བའི་རྒྱན་དང་ནི། །མགོ་བོའི་ཕྲེང་བ་རློན་པས་སྤུད། །ཟླ་བ་ཕྱེད་པ་རབ་འཛིན་པ། །ཞལ་བཞི་མཆེ་བ་རྣམ་པར་གཙིགས། །སྤྱན་གསུམ་ཕྱག་ནི་བཅུ་གཉིས་པ། །ཚངས་པ་ལ་སོགས་པའི་ལྷ་ཞབས་ཀྱིས་གནོན་པ། ན་རའི་རུས་པའི་རྒྱན་ཅན། རྣམ་པར་སྣང་མཛད་ཀྱི་དབུ་རྒྱན་ཅན། ཕྱག་རྒྱ་དྲུག་གིས་བརྒྱན་པ། སྟག་གི་པགས་པ་བགོས་པ། སངས་རྒྱས་མཁའ་འགྲོ་མས་པང་དུ་འཁྱུད་པ། སྐུ་ལ་ཐོད་པ་དང་གདུག་པ་ལ་སྡིགས་མཛུབ་ཀྱི་འཁོར་ལོ་འཛིན་པས་འཁྱུད་པ། བྱིན་པ་གཉིས་ཀྱིས་འཁྲིལ་བ། བདེ་བ་དང་དགྱེས་པས་མྱོས་པ། ཁམས་དང ། ཕུང་པོ་དང ། སྐྱེ་མཆེད་རྣམས་བྱིན་གྱིས་བརླབས་ཏེ་སའི་ཁམས་ནི། ལཾ་སྟེ། ལྟུང་ 148b བྱེད་མའོ། །ཆུའི་ཁམས་ནི། མཾ་སྟེ། གསོད་བྱེད་མའོ། །མེའི་ཁམས་ནི། རཾ་སྟེ། འགུགས་བྱེད་མའོ། །རླུང་གི་ཁམས་ནི། ཡཾ་སྟེ། གར་གྱི་དབང་ཕྱུག་མའོ། །ནམ་མཁའི་ཁམས་ནི།་ཁཾ་སྟེ།་པདྨའི་དྲ་བ་མའོ། །སེར་བ་དང ། སྔོ་བ་དང ། དམར་བ་དང ། དུད་ཀ་དང ། །སྔོ་བའོ། །གཟུགས་ཀྱི་ཕུང་པོ་རྣམ་པར་སྣང་མཛད་དེ། ཨོཾ་མདོག་དཀར་པོ། ཚོར་བའི་ཕུང་པོ་རྡོ་རྗེ་རིན་ཆེན་ཏེ། ཨཾ་གསེར་བཙོ་མའི་མདོག་ལྟ་བུ། འདུ་ཤེས་ཧྲི་སྟེ། པདྨ་གར་གྱི་དབང་ཕྱུག་དམར་པོ། འདུ་བྱེད་རྡོ་རྗེ་རྒྱལ་པོ་ཧོ་ལྗང་གུ་།རྣམ་པར་ཤེས་པ་རྡོ་རྗེ་སེམས་དཔའ་ཧཱུཾ་དཀར་པོ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ནི། དཔལ་ཧེ་རུ་ཀ་སྟེ། ཧི་མདོག་ནག་པོ། མིག་བྲུཾ་སྟེ། གཏི་མུག་རྡོ་རྗེ་དཀར་པོ། རྣ་བ་ཧཱུཾ་ཞེ་སྡང་རྡོ་རྗེ་སྟེ། ནག་པོའོ། །སྣ་ནི། ཁཾ་ཕྲག་དོག་རྡོ་རྗེ་སྟེ།་སེར་པོའོ། །ངག་ཆགས་པ་རྡོ་རྗེ་སྟེ། ཨ་དམར་པའོ། །རེག་པ་ནི། སེར་སྣ་རྡོ་རྗེ་སྟེ། ཧཾ་ལྗང་གུའོ། །སྐྱེ་མཆེད་ཐམས་ཅད་དབང་ཕྱུག་རྡོ་རྗེ་སྟེ། ཧཾ་དཀར་པོའོ། །ལུས་ནི། ཧཱུཾ་སྟེ། དཀར་པོའོ། །ངག་ནི། ཨཱཿ སྟེ། དམར་པོའོ། །ཡིད་ནི། ཨོཾ་སྟེ། སྔོན་པོའོ། །དེ་ལྟར་ལུས་ངག་ཡིད་གསུམ་གྱི་བར་བྱིན་གྱིས་བརླབ་ཅིང་དམིགས་སོ། །དེ་ལ་ཤར་གྱི་འདབ་མའི་མཁའ་འགྲོ་མ་ནི། སྐུ་མདོག་སྔོན་པོའོ། །ལྷོ་ཕྱོགས་ཀྱི་འདབ་མ་ལ་ལཱ་མ་ནི། ལྗང་གུ་སྟེ། སྔོ་སངས་སོ། །ནུབ་ཕྱོགས་ཀྱི་འདབ་མ་ལ་དུམ་སྐྱེས་མ་དམར་མོ། བྱང་གི་འདབ་མ་ལ་གཟུགས་ 149a ༄#། །ཅན་མ་གསེར་གྱི་མདོག་སེར་སྐྱ་ཞལ་གཅིག་པ། ཕྱག་བཞི་པ། སྤྱན་གསུམ་པ། སྐྲ་གྲོལ་བ། ཕྱོགས་ཀྱི་གོས་འཆང་བ། གཡས་བརྐྱང་བས་གནས་པ། འཇིགས་པའི་རྣམ་པར་འགྱུར་བ། ཕྱག་རྒྱ་ལྔས་རྣམ་པར་བརྒྱན་པ། ཐོད་པ་དང་ཁ་ཊྭཱཾ་ག་དང་ཅང་ཏེའུ་དང་གྲི་གུག་འཛིན་པ། ཞལ་གདོང་རྗེས་སུ་ཆགས་པས་གནས་པ། དགྱེས་པའི་ཆགས་པས་ལྟ་ཞིང་རེག་པའོ། །མཚམས་བཞིར་བདུད་རྩི་ལྔའི་བུམ་པའི་སྟེང་དུ་བྱང་ཆུབ་ཀྱི་སེམས་ཀྱིས་གང་བའི་སྣོད་བཞི་གཞག་གོ་།ཤར་དུ་པྲེ་ཏ་པུ་རིར་སྟོབས་པོ་ཆེ་དང ། འཁོར་ལོའི་ཤུགས་ཅན་མ་ནག་པོ། །བྱང་དུ་གྲྀ་ཧ་དེ་བ་ཏར་རྡོ་རྗེ་རིན་ཆེན་དང ། དུམ་སྐྱེས་མ་སེར་མོ། །ནུབ་ཏུ་སཽ་རཥྚར་རྟ་མགྲིན་དང ། ཆང་ཚོང་མ་དམར་པོའོ། །ལྷོར་སུ་ཝརྞ་དྭཱི་པར་ནམ་མཁའི་སྙིང་པོ་དང ། འཁོར་ལོའི་གོ་ཆ་མ་ལྗང་གུའོ། །མེར་ནག་རར་དཔལ་ཁྲག་འཐུང་དང ། རབ་དཔའ་མོ་དམར་པོའོ།། བདེན་བྲལ་དུ་སིནྡྷུར་པདྨ་གར་གྱི་དབང་ཕྱུག་དང ། སྟོབས་ཆེན་མ་སྟེ་ཟླ་བ་དང ། སེར་སྐྱའོ། །རླུང་ཕྱོགས་ན་མ་རུ་ཏར་རྣམ་པར་སྣང་མཛད་དང ། འཁོར་ལོས་བསྒྱུར་མ་དུད་ཀའི་མདོག་དང ། དབང་ལྡན་དུ་ཀུ་ལུ་ཏར་རྡོ་རྗེ་སེམས་དཔའ་དང ། བརྩོན་འགྲུས་ཆེན་མོ་དཀར་པོའོ། །སྟོབས་པོ་ཆེ་ལ་སོགས་པའི་དཔའ་བོ་ནི། ཞལ་གཅིག་པ། ཕྱག་བཞི་པ། 149b རལ་པའི་དབུ་རྒྱན་འཆང་བ། ཕྱག་གཉིས་ལ་འཁོར་ལོ་དང་དྲིལ་བུས་འཁྱུད་པ། ཕྱག་གཞན་ལ་ཁ་ཊྭཱཾ་ག་དང་ཅང་ཏེའུ་འཛིན་པ། ཕྱག་རྒྱ་ལྔས་བརྒྱན་པ། གཡས་བརྐྱང་བས་བཞུགས་པའོ། །འཁོར་ལོའི་ཤུགས་ཅན་མ་ལ་སོགས་པའི་ལྷ་མོ་ནི། གདོང་གཅིག་པ། ཕྱག་གཉིས་པ། ཐོད་པ་དང ། སྡིགས་མཛུབ་འཁོར་ལོ་འཛིན་པས་འཁྱུད་པ། སྤྱན་གསུམ་པ།་དྲག་པོའི་གཟུགས་ཅན། སྐྲ་གྲོལ་པ། གཅེར་བུ་གཉིས་སུ་མེད་པར་སྦྱོར་བར་མཉམ་པར་གནས་པ། ཕྱོགས་ཀྱི་གོས་ཅན་མ་མགྲིན་པའི་ནོར་བུ་དང ། གདུ་བུ་དང ། དཔུང་རྒྱན་དང ། རྣ་ཆ་དང ། ཚངས་པའི་སྐུད་པ་དང ། མགུལ་རྒྱན་དང ། མགོའི་ཕྲེང་བ་དང ། གཡེར་ཀས་འོག་པག་བྱས་པ་ཤར་དང ། བྱང་དང ། ནུབ་དང ། ལྷོའི་སྒོར་ཁ་གདོང་མ་དང ། འུག་གདོང་མ་དང ། ཁྱི་གདོང་མ་དང ། ཕག་གདོང་མ་རྣམས་སོ། །མེ་དང ། བདེན་བྲལ་དང ། རླུང་དང ། དབང་ལྡན་དུ་ནི་གཤིན་རྗེ་སྲེག་མ་དང ། གཤིན་རྗེའི་ཕོ་ཉ་མོ་དང ། གཤིན་རྗེ་མཆེ་བ་མ་དང ། གཤིན་རྗེ་འཇོམས་མ་རྣམས་སོ། །ཇི་ལྟར་མཁའ་འགྲོ་མ་བཞི་ནི། ཁཝ་གདོང་མ་ལ་སོགས་པའི་དབྱེ་བ་ཡང་དེ་བཞིན་ནོ། །མཚམས་ཀྱི་ལྷ་མོ་གཟུགས་གཉིས་པ། ཡིད་འཕྲོག་བའི་ཚུལ་ཅན། ཡི་དྭགས་ཀྱི་གདན་ལ་བཞུགས་པ། དྲག་པོ་ཆེན་པོ་ཐུགས་རྗེས་སེམས་ཅན་ 150a ༄#། །གྱི་དོན་མཛད་པའོ། །དཔའ་བོ་འདི་དག་ཐམས་ཅད་ཀྱང་དཔྲལ་བར་འཁོར་ལོའི་ཕྲེང་བ་ཅན་ནོ། །འདི་དག་ནི། སྐུའི་འཁོར་ལོ་ས་འོག་ན་གནས་པའོ། །བཅོམ་ལྡན་འདས་དཀྱིལ་འཁོར་ལ་བཞུགས་ཏེ་དཔའ་བོ་དང་རྣལ་འབྱོར་མ་རྣམ་པ་སྣ་ཚོགས་པ་ཆགས་པའི་མིག་གིས་བལྟ་ཞིང ། སྣ་ཚོགས་རོ་བཅུད་བདེ་བ་སྟེ། །ཆགས་པའི་བདེ་བ་ཆེན་པོ་ནི། །དེ་རིང་དུ་ནི་བདག་གིས་རྙེད། ། ལ་ལ་ཧོ་དགྱེས་པ་ཆེ། །བདེ་བ་ཆེན་པོ་དེ་ཉིད་ཡིན། །བདེ་གཤེགས་ལྷ་ནི་ཤིན་ཏུ་མཛེས། །གླུ་འདི་བླངས་པ་ཙམ་གྱིས་ནི། །དགའ་བས་སྲིད་པ་དག་ལས་གྲོལ། །བདེ་བར་གཤེགས་པ་དག་པ་སྟེ། །དཀྱིལ་འཁོར་དུ་ནི་རྣམ་པར་བརྟག་།མངལ་སྐྱེས་གླུ་ཡི་དབང་གྱུར་པར། །རྣལ་འབྱོར་ཁ་ཅིག་འདོད་པ་ཡིན། །མངལ་སྐྱེས་སྐུ་ཡི་འཁོར་ལོ་སྟེ། །ཡེ་ཤེས་དཀྱིལ་འཁོར་བལྟས་ནས་ནི། །མཆོད་དང་བསྟོད་པ་བྱས་ནས་གཞུག་།སྤྲོ་དང་བསྡུ་བའི་སྦྱོར་བ་ཡིས། །དངོས་དང་དངོས་མེད་རྣམ་པར་བསྒོམ། །རྣལ་འབྱོར་པ་ཡིས་མ་ནོར་བར། ། བཟླས་པ་ཁྲི་འམ་འབུམ་དུ་བཟླ། །སྐྱེ་བ་ཅན་གྱི་ལུས་གྲུབ་སྟེ། །མཁའ་ལ་སྤྱོད་པར་ཐེ་ཚོམ་མེད། །ོཾ་ཤྲཱི་ཀཱ་ཡ་ཌཱ་ཀ་རུ་ལུ་རུ་ལུ་བྷྲཱུཾ་ཧཱུཾ་ཕཊ། ཌཱ་ཀི་ནཱི་ 150b ཛཱ་ལ་ཤཾ་ཝ་ར་སཝཱཧཱ། སྙིང་པོའོ། །ོཾ་བྷྲཱུཾ་ཧཾ་ཧ་བྷྲཱུཾ་ཧཱུཾ་ཕཊ། ཉེ་བའི་སྙིང་པོའོ། །ོཾ་བུདྡྷ་ཌཱ་ཀི་ནཱི་ཡེ་བྷྲཱུཾ་བཻ་རོ་ཙ་ནཱི་ཡེ་བྷྲཱུཾ་ཧཱུཾ་ཕཊ་སཝཱཧཱ། སྙིང་པོའོ། །ོཾ་བྷྲཱུཾ་སརྦ་བུདྡྷ་ཌཱ་ཀི་ནཱི་ཡེ་ཧཱུཾ་བྷྲཱུཾ་ཕཊ། ཉེ་བའི་སྙིང་པོའོ། །ོཾ་ཀྵྨཱཾ་མ་ཧཱ་བ་ལ་ཀྵྨཱཾ་ཧུཾ་ཧཱུཾ་ཕཊ། ཨོཾ་ཙཀྲ་བེ་གེ་ཧུཾ་ཧཱུཾ་ཕཊ། ཨོཾ་ཧཾ་རཾ་བཛྲ་ཧཱུཾ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་ཧ་ཡ་གྲཱི་བཱ་ཧི་ཧུཾ་ཧཱུཾ་ཕཊ། ཨོཾ་ཤོཎྜི་ནཱི་ཡེ་ཧུཾ་ཧཱུཾ་ཕཊ། ཨོཾ་ཧཱུཾ་ཨཱ་ཀཱ་ཤཱ་གརྦྷ་ཧུཾ་ཧཱུཾ་ཕཊ། ཨོཾ་ཙཀྲ་ཝརྨ་ཎཱི་ཡེ་ཧུཾ་ཧཱུཾ་ཕཊ། ཨོཾ་ཀི་ལི་ཤྲཱི་ཧེ་རུ་ཀ་ཀི་ལི་ཧུཾ་ཧཱུཾ་ཕཊ། ཨོཾ་སུ་བཱི་རེ་ཧུཾ་ཧཱུཾ་ཕཊ། ཨོཾ་སི་ལི་པདྨ་ནི་རྟེ་ཤཝ་ར་སི་ལི་ཧུཾ་ཧཱུཾ་ཕཊ། ཨོཾ་མ་ཧཱ་བ་ལེ་ཧུཾ་ཧཱུཾ་ཕཊ། ཨོཾ་ཧི་ལེ་བཻ་རོ་ཙ་ནཱི་ཡེ་ཧི་ལི་ཧུཾ་ཧཱུཾ་ཕཊ། ཨོཾ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་དྷི་ལི་བཛྲ་སཏྭ་དྷི་ལི་ཧུཾ་ཧཱུཾ་ཕཊ། ཨོཾ་མ་ཧཱ་བིརྱ་ཧུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤཝཱ་ནཱ་སྱེ་ཧུཾ་ཧཱུཾ་ཕཊ།་ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ། ཨོཾ་ཡ་མ་དཱ་ཌྷཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཧུཾ་ཧཱུཾ་ཕཊ། ཨོཾ་ཡ་མ་དཾཥྚཱི་ཎཱི་ཡེ་ཧུཾ་ཧཱུཾ་ཕཊ། ཨོཾ་མ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། ཨོཾ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མེ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་རཱུ་བི་ཎཱི་ཡེ་ཧུཾ་ཧཱུཾ་ཕཊ། མཁའ་འགྲོ་མཁའ་འགྲོ་མ་སོགས་ལ། །ཐོག་མ་པདྨ་ 151a ༄#། །ལ་གནས་ནས། །མཆོད་པ་བྱ་ཞིང་སྔགས་ཀྱང་བཟླ། །རྟག་ཏུ་བདག་ཉིད་ལྔ་པོ་དག་།འགྲུབ་པར་འགྱུར་གྱི་གཞན་དུ་མིན། ། ཞི་བ་དང་ནི་དབང་ཉིད་དང ། །རྨོངས་པར་བྱ་དང་གནོན་པ་དག་།སྐུ་ཡི་མཁའ་འགྲོས་བྱེད་པ་སྟེ། །དངོས་གྲུབ་དམ་པ་འགྲུབ་པར་འགྱུར། །དམ་ཚིག་ཅན་དག་ལངས་དུས་སུ། །ཡན་ལག་དྲུག་ཏུ་བསྒོམ་བྱ་བ། །རྣམ་དག་ཡེ་ཤེས་མིག་གིས་ནི། །དཔའ་བོ་རྣལ་འབྱོར་མ་རྣམས་བལྟ། །ོཾ་ཧ་སྙིང་ག་ལ། ན་མཿ ་ཧི་མགོ་བོ་ལ། སཝཱ་ཧཱ་ཧུ་སྤྱི་གཙུག་ལ། ཨོཾ་བཽ་ཥཊ་ཧེ་གོ་ཆ་འོ། ཧཱུཾ་ཧཱུཾ་ཧོ་མིག་ལའོ། །ཕཊ་ཧཾ་ཡན་ལག་ཀུན་གྱི་མཚོན་ཆའོ། །དཀར་བ་སེར་དང་དམར་བ་དང ། །སྔོ་དང་ལྗང་གུ་དུད་ཁ་དང ། །ཡིད་ཀྱིས་མདོག་དྲུག་རྣམ་པར་བསྒོམ། །ོཾ་བཾ་སངས་རྒྱས་མཁའ་འགྲོ་མ་སྟེ། ལྟེ་བ་ལའོ། །ཧཱཾ་ཨོཾ་ཡ་མི་ནི་སྟེ། སྙིང་ག་ལའོ། །ཧྲཱིཾ་མོཾ་རྨོངས་བྱེད་མ་སྟེ། ཁ་ལའོ། །ཧྲིཾ་ཧྲཱིཾ་གཡོ་བྱེད་མ་སྟེ། མགོ་བོ་ལའོ། །ཧཱུཾ་ཧཱུཾ་སྔག་\?\་བྱེད་མ་སྟེ། སྤྱི་གཙུག་ལ་འོ། །ཕཊ་ན་མཿ ་ཙཎྚི་ཀ་སྟེ། ཡན་ལག་ཐམས་ཅད་ཀྱི་མཚོན་ཆའོ། །དཔའ་བོ་རྣལ་འབྱོར་མ་ཐམས་ཅད། །མཁའ་འགྲོ་རྣམས་ནི་བཞུགས་ནས་ཀྱང ། །རང་གི་ལྷ་ཡི་སྦྱོར་བ་ཡིས། །ཐམས་ཅད་འདི་ཡིས་རྣམ་པར་བརྟག། འཆི་ 151b མེད་ཡེ་ཤེས་ལྔ་བཟའ་ཞིང ། །ཇི་ལྟར་བདེ་བར་གནས་པར་བྱ། །རྡོ་རྗེ་དམ་ཚིག་ཅན་མཆོད་ནས། །དུས་བཞི་དག་ཏུ་བསྙེན་པ་བྱ། །མངོན་པར་བརྗོད་བའི་རྒྱུད་བླ་མའི་བླ་མ་ལས། སྐུའི་སྡོམ་པའི་ཆོ་གའི་ལེའུ་སྟེ་བཞི་པའོ།། །།དེ་ནས་གཞན་ཡང་བཤད་བྱ་བ། །གསུང་གི་དཀྱིལ་འཁོར་རྣམ་བསྒོམས་ཏེ། །སྔར་གྱི་དཀྱིལ་འཁོར་དབུས་དག་ཏུ། ། གསུང་གི་འཁོར་ལོ་རྣམ་པར་བསྒོམ། །རྩིབས་བརྒྱད་དམར་པོའི་མདོག་ཅན་ལ། །ནང་གི་འདབ་མ་སྔ་མ་བཞིན། །རྡོ་རྗེ་སེམས་དཔའ་བླ་མེད་པ། །གསུང་གི་རྡོ་རྗེ་རྣམ་པར་བསྒོམ། ། གདོང་བཞི་པ་ལ་ཕྱག་བཅུ་གཉིས། །གཡས་བརྐྱང་བ་ཡི་གནས་པས་བཞུགས། །པདྨའི་མཁའ་འགྲོ་མས་འཁྱུད་ཅིང ། །རྟག་ཏུ་བདེ་བ་ཆེ་ལ་བཞུགས། །པདྨ་དྲིལ་བུས་མཉམ་པར་འཁྱུད། །དབང་ཕྱུག་ཆེན་པོའི་མགོ་བསྣམས་ཤིང ། །དབང་ཕྱུག་ཆེན་པོའི་པགས་པ་ནི། །ཕྱག་གཉིས་དག་གིས་བརྐྱང་ནས་འཛིན། །ལྷག་མ་ནི། སྔ་མའི་རིམ་པ་བཞིན་དུ་འགྱུར་རོ། །དབང་ཕྱུག་ཆེན་པོའི་འཁོར་རྣམས་ནི། །ཞབས་འོག་མནན་པར་རྣམ་པར་བལྟ། །དམར་ཞིང་སྔོ་ལ་དེ་བཞིན་སེར། །གཡོན་པ་དཀར་ལ་སྤྱན་གསུམ་པ། །རལ་བའི་དབུ་རྒྱན་དག་གིས་བརྒྱན། །ཐོད་པའི་ཕྲེང་བས་དབུ་ལ་མཛེས། །ཟླ་བ་ཕྱེད་པ་འཆང་བ་དང ། །སྣ་ཚོགས་པདྨ་རྣམ་དགོད་ཅིང ། །མཆེ་བ་རྣམ་པར་གཙིགས་པ་དང ། །འཇིགས་ 152a ༄#། །པའི་ཞལ་ནི་རྣམ་འགྱུར་ཞིང ། །སྒེག་པ་ལ་སོགས་ཉམས་དང་ལྡན། །སྟག་གི་པགས་པ་གོས་སུ་བགོས། །མི་མགོ་རློན་པའི་ཕྲེང་བ་ཅན། །མགུལ་རྒྱན་གདུ་བུ་རྣ་ཆ་དང ། །མགོ་བོའི་ཕྲེང་བས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བ་སྟེ། །ཕྱག་རྒྱ་དྲུག་ཏུ་རབ་ཏུ་གྲགས། །དེ་དག་ཕ་རོལ་ཕྱིན་དྲུག་སྟེ། །ཕྱག་རྒྱ་དྲུག་གིས་རྒྱས་བཏབ་པའོ། །དེ་ཡི་པང་ན་བཅོམ་ལྡན་མ། །པདྨའི་མཁའ་འགྲོ་མ་རང་མདོག། ཞལ་གཅིག་ཕྱག་གཉིས་སྤྱན་གསུམ་པ། །གཅེར་བུ་སྐྲ་ནི་གྲོལ་བ་ནི། །དུམ་བུས་བརྒྱན་པའི་སྐ་རགས་ཅན། །ཕྱག་གཡོན་ཐོད་འཛིན་འཁྱུད་པ་དང ། །གདུག་པའི་བདུད་ཀྱི་ཁྲག་འཆང་ཞིང ། །པད་ལྡན་ལག་པས་ཕྱོགས་ཀུན་ཏུ། །གདུག་པ་ཀུན་ལ་སྡིགས་མཛུབ་བྱེད། །བསྐལ་པའི་མེ་ལྷ་གཟི་བརྗིད་འབར། །ཞལ་ནས་ཀྱང་ན་ཁྲག་འཛག་ཅིང ། །བྱིན་པ་གཉིས་ཀྱིས་རྣམ་པར་འཁྲིལ། །བདེ་བ་ཆེན་པོ་ཐུགས་རྗེའི་བདག། །མཁའ་འགྲོ་མ་སོགས་སྔར་བཤད་བཞིན། །པདྨ་ལ་སོགས་ཕྱོགས་བཀོད་ན། །དངོས་གྲུབ་ཐམས་ཅད་རབ་ཏུ་སྩོལ། །སྔར་བཤད་མདོག་ཏུ་གནས་པ་སྟེ།། འོན་ཀྱང་མཁའ་འགྲོ་མ་དཀར་པོ། །དུམ་སྐྱེས་མ་ནི་དེ་བཞིན་ནག། ལྷ་མོ་གཉིས་པོ་མདོག་དེ་བཞིན། །ཕྱག་གཡོན་ཁ་ཊྭཱཾ་ཐོད་པ་དང ། །གཡས་པ་ཅང་ཏེའུ་གྲི་གུག་ 152b འཛིན། །མཚམ་པ་ནི་བཞི་པོ་དག་ཏུ་ཡང ། །འཆི་མེད་ལྔ་པོའི་བུམ་སྟེང་དུ། །བྱང་ཆུབ་སེམས་ཀྱི་སྣོད་ཀྱང་གཞག་།གསུང་གི་འཁོར་ལོའི་ཤར་དུ་ཀཱ་མ་རུ་པ་ན་མྱུ་གུ་ཅན་དང ། ས་སྲུང་མ་སྟེ། དཀར་པོའོ། །བྱང་དུ་ཨོ་ཏེ་ན་རྡོ་རྗེ་རལ་པ་ཅན་དང ། འཇིགས་བྱེད་མ་ཆེན་མོ་སྟེ། དམར་པོའོ། །ནུ་བ་ཏུ་ཏྲི་ཤ་ཀུ་ན་ན་དཔའ་བོ་ཆེན་པོ་དང ། རླུང་གི་ཤུགས་ཅན་མ་སྟེ། ནག་པོའོ།། ལྷོ་རུ་ཀོ་ས་ལར་རྡོ་རྗེ་ཧཱུཾ་མཛད་དང ། ཆང་འཐུང་མ་སྟེ། གནམ་མདོག་ལྗང་གུའོ། །མེའི་ཕྱོགས་སུ་ཀ་ལིངྐ་ན་རབ་བཟང་དང ། སྔོ་སངས་མ་སྟེ། སེར་སྐྱའོ། །བདེན་བྲལ་དུ་ལཱཾ་པ་ཀ་ན་རྡོ་རྗེ་བཟང་དང ། རབ་བཟང་མ་སྟེ། དཀར་པོའོ། །རླུང་གི་ཕྱོགས་སུ་ཀཱ་ཉྩི་ན་འཇིགས་བྱེད་ཆེན་པོ་དང ། རྟ་རྣམ་སྟེ། ལྗང་གུའོ། །དབང་ལྡན་ན་ཧི་མ་ལ་ཡ་ན་མིག་མི་བཟང་དང ། བྱ་གདོང་མ་སྟེ། གནམ་མདོག་སྔོ་སངས་སོ། །གསུང་གི་འཁོར་ལོ་ས་ལ་སྤྱོད་པའོ། །མྱུ་གུ་ཅན་ལ་སོགས་པའི་དཔའ་བོ་ནི། ཞལ་གཅིག་པ། ཕྱག་བཞི་པ། སྤྱན་གསུམ་པ་།རལ་པའི་ཅོད་པན་ཅན། དར་དཔྱང་དང་ལྡན་པ། ཕྱག་གཉིས་ན་པདྨ་དང ། དྲིལ་བུས་འཁྱུད་པ། གཡོན་པའི་ཕྱག་ན་ཁ་ཊྭཾ་ག་།གཡས་ན་ཅང་ཏེའུ། ཕྱག་རྒྱ་ལྔ་ལ་སོགས་པས་བརྒྱན་པ། །གཡས་བརྐྱང་བའི་གནས་པས་བཞུགས་པའོ། །ེ་རཱ་བ་ཏི་ལ་སོགས་པའི་ལྷ་མོ་རྣམས་ནི། ཕྱག་གཉིས་པ། ཞལ་གཅིག་པ། ཐོད་པ་དང ། སྡིགས་མཛུབ་པདྨ་ཅན་གྱིས་འཁྱུད་པ། 153a ༄#། །མགུལ་རྒྱན་དང ། གདུ་བུ་དང ། དཔུང་རྒྱན་དང ། རྣ་རྒྱན་དང ། ཚངས་པའི་སྐུད་པ་དང་ལྡན་པའོ། །ཐོད་པའི་ཕྲེང་བའི་མགུལ་རྒྱན་ཅན། །འོག་པག་དག་གི་སྐུ་རགས་ལྡན། །ཁ་གདོང་ལ་སོགས་དབྱེ་བ་ཡིས། །སྔར་བཤད་སྒོ་སྲུང་ལ་སོགས་བཞིན། །གཤིན་རྗེ་སྲེག་སོགས་ལྷ་མོ་རྣམས། །མཚམས་བཞི་འདི་ལྟར་ཤེས་པར་བྱ། །དཔའ་བོ་འདི་དག་ཐམས་ཅད་ཀྱང ། །དཔྲལ་པ་པདྨའི་ཕྲེང་བ་ཅན། །ཕུང་པོ་སྐྱེ་མཆེད་ཁམས་རྣམས་ཀུན། །སྐུ་གསུང་ཐུགས་སུ་རྣམ་པར་བརྟག། སྔར་བཤད་པ་ཡི་ཆོ་ག་བཞིན། །ཡི་གེ་རྣམས་ནི་དགོད་ཅིང་སྒོམ། །ཐུགས་ནི་ཨཱཿ ་སྟེ་དམར་པོ་ཡིན། །གསུང་ནི་ཨོཾ་སྟེ་དཀར་པོར་བཤད། །རྡོ་རྗེ་སྐུ་ནི་ཧཱུཾ་ཡིན་ཏེ། །ནམ་མཁའ་ཟླ་བ་ལྟ་བུའོ།། དཀྱིལ་འཁོར་དག་ནི་ཐམས་ཅད་ཀྱང ། །ཐམས་ཅད་སྦྱོར་ཞིང་བསྒོམས་ནས་སུ། །ཡེ་ཤེས་འཁོར་ལོ་དེ་མཐོང་ནས། །དབང་བསྐུར་བས་ནི་གཞུག་པར་བྱ། །ཐམས་ཅད་བྱུང་སྟེ་ཐིམ་ནས་སུ། །ཐམས་ཅད་སྒོམ་ཞིང་བསམ་པར་བྱ། །སྐུ་གསུང་ཐུགས་ཀྱི་རིམ་པ་ཡིས། །སྤྲོ་བསྡུ་དག་གི་སྦྱོར་བར་བྱ། །ོཾ་ཤྲཱི་ཝཱ་ཀ་ཌཱ་ཀ་ཨཱ་རོ་ལི་ཀ་ཧཱུཾ་ཕཊ། ཧཱུཾ་ཌཱ་ཀི་ནཱི་ཛཱ་ལ་ཤཾ་པ་རཾ་སཝཱ་ཧཱ། སྙིང་པོའོ། །ོཾ་ཨཱ་རོ་ལི་ཀ་ཧྲཱིཿ ་ཧཱུཾ་ཕཊ། ཉེ་བའི་སྙིང་པོའོ། །ོཾ་པདྨ་ཌཱ་ཀི་ནི་ཡེ་ཧྲཱིཿ ་ཧུཾ་ཧཱུཾ་ཕཊ་སཝཱ་ཧཱ། སྙིང་པོའོ། །ོཾ་སརྦ་པདྨ་ཌཱ་ཀི་ནཱི་པེ་ཨ་ཧུཾ་ཧཱུཾ་ཕཊ་སཝཱ་ཧཱ། 153b ཉེ་བའི་སྙིང་པོའོ། །ོཾ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མེ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཕཊ་ཨཾ་ཀུ་རི་ཀ་ཕཊ་ཧུཾ་ཧཱུཾ་ཕཊ། ཨོཾ་ཨཻ་རཱ་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་ད་ཧ་བཛྲ་ཛ་ཊི་ལ་ད་ཧ་ཧུཾ་ཧཱུཾ་ཕཊ། ཨོཾ་མ་ཧཱ་བྷཻ་ར་བཱི་ཡེ་ཧུཾ་ཧཱུཾ་ཕཊ། ཨོཾ་པ་ཙ་མ་ཧཱ་བཱི་ར་པ་ཙ་ཧུཾ་ཧཱུཾ་ཕཊ། ཨོཾ་བཱ་ཡུ་བེ་གེ་ཧུཾ་ཧཱུཾ་ཕཊ། ཨོཾ་བྷཀྵ་བཛྲ་ཧཱུཾ་ཀ་ར་བྷཀྵ་བ་ས་རུ་དྷི་ར་ཨནྟྲ་མཱ་ལཱ་བ་ལཾ་བི་ནེ་ཧུཾ་ཧཱུཾ་ཕཊ། ཨོཾ་སུ་ར་བྷ་ཀྵཱི་ཡེ་ཧུཾ་ཧཱུཾ་ཕཊ། ཨོཾ་གྲྀཧྞ་སུ་བྷ་དྲེ་གྲྀཧྞ་སབྟ་པཱ་ཏཱ་ག་ག་ཏ་བྷུ་ཛཾ་ག་སརྦ་བཱ། ཏརྫ་ཡ་ཏ་རྫ་ཡ་ཧུཾ་ཧཱུཾ་ཕཊ། ཨོཾ་ཤྱཱ་མ་དེ་བཱི་ཡེ་ཧུཾ་ཧཱུཾ་ཕཊ། ཨོཾ་ཨ་ཀ་ཌྜྷྱ་བཛྲ་བཛྲ་བྷ་དྲ་ཨཱ་ཀཌྜྷྱ་ཧུཾ་ཧཱུཾ་ཕཊ། ཨོཾ་སུ་བྷ་དྲེ་ཧུཾ་ཧཱུཾ་ཕཊ། ཨོཾ་ཧྲཱྀ་མ་ཧཱ་བྷཻ་ར་བ་ཧྲཱཾ་ཧུཾ་ཧཱུཾ་ཕཊ། ཨོཾ་ཧ་ཡ་ཀརྞེ་ཧུཾ་ཧཱུཾ་ཕཊ། ཨོཾ་ཛྞཽཾ་བི་རཱུ་པཱཀྵ་ཡེ་ཛྞཽཾ་ཧུཾ་ཧཱུཾ་ཕཊ། ཨོཾ་ཁ་གཱ་ན་ནེ་ཧུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལཱུ་ཀ་སྱེ་ཧུཾ་ཧཱུཾ་ཕཊ། ཨོཾ་ཤཱ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀཱ་རཱ་སྱེ་ཧུཾ་ཧཱུཾ་ཕཊ། ཨོཾ་ཡ་མ་དཱ་ཌྷཱི་ཡ་ཧུཾ་ཧཱུཾ་ཕཊ། ཨོཾ་ཡ་མ་དུ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཾཥྚི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། རྡོ་རྗེ་དམ་ཚིག་གིས་མཆོད་ནས། །བཟླས་པའི་ཆོ་ག་རབ་ཏུ་བྱ། །དགུག་པ་དང་ནི་རྒྱས་པ་ཉིད། །སྣ་ཚོགས་ལས་ནི་འགྲུབ་པར་འགྱུར། །ཆོས་ཅན་ཡིད་འོང་གྱུར་པ་སྟེ། །ངག་གི་དངོས་གྲུབ་འགྲུབ་པར་འགྱུར། །མཆོག་དང་བར་མ་ཐམས་ཅད་དང ། །ཐ་མ་ཐམས་ཅད་མཐར་གནས་ལ། །དེ་ལ་ཐམས་ཅད་གནས་པ་སྟེ། །སྣ་ཚོགས་གདུལ་བའི་མཆོག་ 154a ༄#། །དམ་པ། །འདོད་པའི་ཆགས་པས་རྗེས་སུ་ཆགས་པས་རྗེས་སུ་ཆགས། །འདོད་པའི་དགའ་བས་མྱོས་པ་དག། བདག་ཉིད་ཆེན་པོ་སྒྲུབ་པ་པོ། །དེ་ཡི་དབང་དུ་གནས་པ་ཡིན། །སྣ་ཚོགས་པདྨ་མཛེས་གནས་ནས། །རྣལ་འབྱོར་ཆེན་པོ་རྣམ་པར་སྤྱོད། །བྷུརྦྷུ་འདོད་ཆགས་ཆོས་ཀྱི་བདག། བདེ་བ་ཆེ་ལ་རྣམ་པར་བཞུགས། །ལངས་པའི་དུས་སུ་དམ་ཚིག་ནི། །དྲི་ཆེན་རྡོ་རྗེ་ཆུ་བཟའ་ཞིང ། །ཆོས་ཀྱི་ཕུང་པོ་རྫོགས་གྱུར་ནས། །རིག་པའི་རྒྱལ་པོ་ལ་སོགས་འགྲུབ། །ོཾ་ཧ་སྙིང་ག་ལ། ན་མཿ ་ཧི་མགོ་ལ། ཥ་སཝཱ་ཧཱ་ཧུ་ཨཱ་རོ་ལི་ཀ་སྤྱི་གཙུག་ལ། བཽཥྚ་ཧེ་གོ་ཆ། ཧཱུཾ་ཧཱུཾ་ཧོ་མིག་ལའོ། །ཕཊ་ཧཾ་མཚོན་ཆའོ། །ཆོས་ཀྱི་རྡོ་རྗེ་དང ། རྣམ་པར་སྣང་མཛད་དང ། པདྨ་གར་གྱི་དབང་ཕྱུག་དང ། རྡོ་རྗེ་འཇིགས་བྱེད་དང ། རྡོ་རྗེ་ཉི་མ་དང ། རྟ་མཆོག་སྟེ། དམར་བ་དང ། སེར་བ་དང ། དཀར་བ་དང ། སྔོ་བ་དང ། དམར་བ་དང་།གུར་གུམ་གྱི་མདོག་དང ། ལྗང་གུ་སྟེ། བྱེ་བྲག་གོ། ཨོཾ་བཾ་པདྨའི་མཁའ་འགྲོ་མ་སྟེ། ལྟེ་བ་ལའོ། །ཧཾ་ཡོཾ་པདྨ་ཡ་མི་ནི་དང ། ཧྲཱིཾ་མོཾ་པདྨ་རྨོངས་བྱེད་མ་དང ། ཧྲཱིཾ་ཧྲཱིཾ་པདྨ་གཡོ་བྱེད་མ་དང ། ཧཱུཾ་ཧཱུཾ་པདྨ་སྐྲག་བྱེད་མ་དང ། ཕཊ་ཕཊ་ཧཾ་པདྨ་ཙཎྜིཀ་སྟེ། སྙིང་ག་དང ། མགོ་དང ། སྤྱི་གཙུག་དང ། མིག་དང ། ཆོས་ཀྱི་མཚོན་ཆ་རྣམས་སོ། །དམར་བ་དང ། སྔོ་བ་དང ། དཀར་བ་དང ། སེར་བ་དང ། ལྗང་གུ་དང ། 154b དུད་ཀའི་མདོག་ཅན་ནོ། །བཟླས་པའི་དུས་སུ་དགོད་པ་སྟེ། །ཇི་ལྟར་བདེ་བར་སྤྱད་པར་བྱ། །དཔའ་བོ་རྣལ་འབྱོར་མ་རྣམས་ཀྱི། །གོ་འཕང་གནས་ནི་བཞུགས་པ་ཡིན། །མཉམ་པར་བཞག་པས་དྲོད་འབྱུང་བ། །རྩེ་གཅིག་དམིགས་པས་བླང་བྱ་སྟེ། །གསུང་གི་རྡོ་རྗེ་མཉམ་པ་ཉིད། །རང་གི་ལྷ་ཡི་སྦྱོར་བ་ཡི། །ཆོས་རྣམས་ཐམས་ཅད་རབ་ཏུ་བརྟག་།རྡོ་རྗེ་ཆུ་དང་རྣམ་སྣང་དང ། །སྦྲང་རྩི་མར་དཀར་ལྷན་ཅིག་སྦྱར། །ལྕེ་ཡི་དམ་ཚིག་སྦྱོར་བ་ཡིས། །སྙིང་པོའི་ཡེ་ཤེས་དེ་ཉིད་དོ། །བདག་པོ་དབུ་རྒྱན་ལ་བསྒོམས་ལ། །ཅི་བདེ་བར་ནི་བཟའ་བ་བཟའ། །ལྷ་ཡི་གཟུགས་སུ་གྱུར་ནས་སུ། །འདོད་པའི་ལྷ་ཡི་བདག་པོར་སྐྱེ། །བཟའ་བའོ་མའི་བཏུང་བ་ཡིས། །ནད་དང་རྒ་བ་རྣམ་པར་སྤངས། །སེམས་ཅན་རྗེས་སུ་ཆགས་པ་ཡི། །ལྷ་མོ་གླུ་འདིས་བསྐུལ་བ་ཡིས། །བྱང་ཆུབ་ཆོས་རྣམས་ཐམས་ཅད་ཀྱི། །སེམས་ཅན་དོན་ནི་བླ་མེད་མཛད། །བརྩོན་འགྲུས་ཕ་རོལ་ཕྱིན་པ་ཡིས། །ཐུགས་རྗེ་བསྐྱེད་ཅིང་བསྟན་པར་མཛད། །གསང་བའི་ཆོས་ནི་བསྟན་ནས་ཀྱང ། །ངག་གི་དངོས་གྲུབ་མཆོག་ཀྱང་འགྲུབ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟ་བར་ནི་བསྟན་པས་གྲོལ། །དེ་ཉིད་རྣལ་འབྱོར་མས་བསྐུལ་ནས། །སྣ་ཚོགས་དུ་མ་མང་པོ་ཡི། །དམ་ཚིག་མཆོད་པ་ངོ་མཚར་རྨད། །མིག་བྱེ་ནས་ནི་བསྟོད་པ་ནི། །ཱ་པར་ཏ་རུ་སུ་ར་ཏ་ 155a ༄#། །སུ་ཁ་བཱ་ཧཱ་སུ་ཁ་མེ་ཏཱ་སཽ་ཁྱ་མ་ཡ། ས་མ་ཡ་ར་མ་ར་མ་ཧོ། །སུར་ཏ་སོ་བྱ་ཡ་ཏྲེ་ས་མ་ཙ་རི་ཏི། སུ་ར་ཏ་སཽ་ཁྱ་ཡ་ཏྲེ་ས་མ་ཙ་རི་ཏི། །སུ་ག་ཏ་སཱ་ནྟ་མ་ཡ་པྲ་བི་འི་བི་ཀུརྦ་བི་ཀུརྦ། སུ་ར་ཏ་དི་ཡ་པདྨ་ཛྭ་ལེ། པྲ་བི་ཛིམྤ་ཛིམྤ། སུ་ར་ཏོ་སུ་ཁ་པདྨ་ཛྭ་ལེ། པྲ་བི་ནནྟ་ན་རྟ་སུ་ཁ་ས་ད་ན་པདྨ་ཛྭ་ལེ། པྲ་བི་མརད་སུ་ར་ཏ་མ་བ་སི་བི་ཤཝ་ཛ་ལེ་ཧོ་ཧ་ཧཱུཾ་ཧ་ཧ་ཧོ། །ཛ་ཡ་མཧཱ་སུ་ཁ་སུ་ཁ་ཏེ་ཛེ་མ་ཡ་ར་མ་ར་མ་ཧོ། །སུ་ར་ཀེ་ཏུ་སུ་ཁ་བ་ཧཱུཾ་བི་ཏི་ཏེ་ཛ་མུ་ཀ་ཛ་ཡ་ཏེ་ཛ་ར། ཧ་ན་ཏ་ཧོ་བ་རཱ་ཧ། ས་སུ་ཁ་ཧོ་ཧཱུཾ་ཧོ་ཧོ་སུ་ར་ཏོ་ཏྭཱ་ར་ག་སུ་ཁ་ར་ཏི་རཱི་ཛི་ན་པར་མ་ཤྲཱི་ར་ཏི་ཧོ། །པ་ར་མ་ཧེ་ཏུ་མྷཱ་སུ་ཁ་ཧོ། །སུ་ཁ་མ་ནུ་ཡོ་ན་ར་བ་ར་མེ་ཤཝ་ར་ཧོ། །ཧོ་བྷ་ག་ཝཱ་ན་མྷཱ་སུ་ཁཾ་ཧཱུཾ་ཧོ། །བ་ཧུཾ་བི་ཏི་བི་ཤཝ་ཛཱ་ལ་རི་ཏ་བི་ཤཝ་མ་ཧོ། །སུ་ར་ཏི་སུ་ཁཾ་ག་ཙིཏྟ་པ་ར་མ་མཧཱ་སུ་ཁ་ཧོ། །སུ་ཁུ་མ་ནུ་གྲྀཧྫྱ་ཧོ། །སུ་ར་ཏ་ཨུཏྟ་མ་སནྡི་སུ་ཁཾ་ཨ་ཨཱ་རོ་ལི་ཀ། ཨ་མ་ཧཱ་སུ་ཁ་གྲྀ་ཧྫྱ་ཧོ། །གླུ་འདི་དག་ནི་བླངས་ཙམ་གྱིས། །དགའ་ཞིང་བདེ་བ་ཡང་དག་འདུས། །བདེ་བ་ཆེན་པོ་ཡིད་འདོད་པ། །དངོས་གྲུབ་ཀྱང་ནི་འཐོབ་པར་འགྱུར། །འཁོར་ཚོགས་ཆེན་པོ་བྱིན་བརླབས་ནས། །དཀྱིལ་འཁོར་ཆེན་པོ་དགྱེས་པ་ཆེ། །པདྨ་དྲ་བའི་སྡོམ་པ་ཡིན། །མངོན་པར་བརྗོད་པའི་རྒྱུད་བླ་མ་ལས། གསུང་གི་སྡོམ་པའི་ལེའུ་སྟེ་ལྔ་པའོ།། །།དེ་ནས་གཞན་ཡང་བཤད་བྱ་བ། །ཐུགས་ཀྱི་དཀྱིལ་འཁོར་དམ་པ་སྟེ། །གཞལ་ཡས་ 155b བརྩེགས་མའི་དབུས་དག་ཏུ། །འཁོར་ལོ་མཆོག་ནི་དགོད་པར་བྱ། །སྔོན་པོའི་མདོག་ཅན་གཟི་བརྗིད་ཆེ། །གསང་བ་ལས་བྱུང་རྩིབས་བརྒྱད་པ། །དེ་ཡི་དབུས་སུ་པདྨ་ནི། །སྣ་ཚོགས་པདྨ་གེ་སར་ཅན། །འདབ་མ་བརྒྱད་དུ་བཤད་པ་སྟེ། །རྣམ་དག་གདན་དུ་བྱས་པ་ཡིན། །དེ་ཡི་དབུས་སུ་ཟླ་བ་བསྒོམ། །དེར་ནི་ཟླ་བ་ཁྱབ་པར་ནི། །རྡོ་རྗེ་སེམས་དཔའ་བདེ་བ་ཆེ། །ལྷ་མཆོག་གྲོལ་ཞིང་བཞེངས་པར་གྱུར། །ོཾ་ཧཱུཾ་ཨ་མཧཱ་སུ་ཁ་ཨ་ལ་ལ་ཧོ། །མྷཱ་སུ་ར་ཏ་སྟྭཾ་སུ་ར་ཏ་སུ་ཁ་བི་ཡོ་ག་སུ་ར་ཏ་ཨུཏྟ་མ་བོ་དྷི་སུ་ཁཾ། སུ་ཁ་མ་ནུ་སིདྡྷི་ཧོ། །སུ་ར་ཏ་བ་ཡ་སཽ་ཁྱ་མ་ཡ་ཨོཾ་ཨཱཿ ་ཧཱུཾ་ཧོཿ ་བྷ་ག་ཝཱ་ན་མྷཱ་སུ་ཁ་ཨུཏྟ་ར་ཨུཏྟ་ར། སརྦྦ་ཨུཏྟ་མ་སཽ་ཁྱ་མ་ཡ་ཧཱུཾ། ཨ་ལ་ལ་ཧོ། །མཧཱ་སུ་ཁ་སྟྭཾ། བ་ར་མ་སུ་ཁཱ་མ་ལཻ་དུ་བི་བི་ཨུཏྟ་མ་ཛཱ་ལ་སུ་ཁཾ་ཨ་ལ་ལ་ཧོ། །སུ་ར་ཏེ་སཽ་ཁྱ་མ་ཡ། བཅོམ་ལྡན་བདེ་བ་ཆེན་པོ་ནི། །འཁོར་དང་བཅས་པར་མཉམ་པར་བཞེངས། །ཐུགས་ཀྱི་འཁོར་ལོ་ཞལ་བཞི་པ། ཕྱག་བཅུ་གཉིས་པ། གཡས་བརྐྱང་གཡོན་བསྐུམ་པའི་ཞབས་ཀྱིས་བཞུགས་པ། སྤྱན་གསུམ་པ། མཆེ་བ་རྣམ་པར་གཙིགས་པ། སྔོ་བ་དང ། དཀར་བ་དང ། སེར་བ་དང ། དམར་བའི་ཞལ། རྡོ་རྗེ་དང་དྲིལ་བུས་འཁྱུད་པ། ཁྱབ་འཇུག་གི་མགོ་བོ་ཕྱག་ན་བསྣམས་པ། ཁྱབ་འཇུག་གི་པགས་པ་རློན་པ་བརྐྱང་ནས་ཕྱག་གཞན་གཉིས་ན་བསྣམས་པའོ། །ལྷག་མ་སྐུའི་མཁའ་འགྲོ་དང་མཚུངས་སོ། །ཐོད་པའི་ཕྲེང་བ་ 156a ༄#། །ཅན།་མགོའི་ཕྲེང་བ་འཆང་བ། མགོའི་ཕྲེང་བས་སྐུ་རགས་བཅིངས་པ། རྡོ་རྗེ་སེམས་དཔའ་དབུ་རྒྱན་ཅན། །ཟླ་བ་ཕྱེད་པའི་རྒྱན་ཡང་འཆང ། །སྣ་ཚོགས་རྡོ་རྗེ་ཅོད་པ་ན་གནོན། །སྟག་གི་པགས་པ་གོས་སུ་མན་བས། །ཕྱག་རྒྱ་དྲུག་གིས་རྣམ་པར་བརྒྱན། །མདུན་གྱི་མཁའ་འགྲོ་མ་ནི། ཞལ་གཅིག་པ། ཕྱག་གཉིས་པ། སྤྱན་གསུམ་པ།་སྐྲ་གྲོལ་བ། གཙེར་བུ་དུམ་བུས་བརྒྱན་པ། སྐ་རགས་ཅན། ཕྱག་གཡོན་པ་ཐོད་པ་ཐོགས་པས་འཁྱུད་པ། གཡས་པ་རྡོ་རྗེ་སྡིགས་མཛུབ་ཅན། །སྐ་རགས་གཡེར་ཀའི་སྒྲ་སྒྲོག་པ། །ཆོས་ཀྱི་སྒྲ་ནི་ཡིད་འོང་བ། །འབྱུང་བར་འགྱུར་བ་བྱེ་བ་སྙེད། ཆོས་ཀྱི་དབྱིངས་ཏེ་སྟོང་པ་ཡིན། །མཉམ་པ་ཉིད་དང་སོ་སོར་རྟོག། །བྱ་བྱེད་པ་ཡང་དེ་བཞིན་བསྒོམ། །སྦྱོར་བ་མཆོག་གི་དམ་པ་སྟེ། །རྣམ་དག་ལེགས་པར་བརྟགས་ནས་སུ། །མཉམ་ཉིད་ཆོས་ཀྱི་རོ་གཅིག་བྱས། །འཁོར་ལོ་ལ་ནི་རྣམ་པར་བལྟ། །ཤར་གྱི་འདབ་མར་མཁའ་འགྲོ་དང་།། ལྷོ་ཕྱོགས་ལཱ་མ་དེ་བཞིན་ཏེ། །ནུབ་ཕྱོགས་དུམ་སྐྱེས་མ་དང་ནི། །བྱང་ཕྱོགས་གཟུགས་ཅན་མ་དེ་བཞིན། །དཀར་དང་སེར་དང་དེ་བཞིན་དམར། །ལྗང་གུའི་མདོག་ཅན་མཆོག་དམ་པ། །ཐོད་པ་དང་ནི་ཁ་ཊྭཱཾ་འཛིན། །ཅང་ཏེའུ་གྲི་གུག་དེ་བཞིན་ཏེ། །སྤྱན་གསུམ་པ་ལ་བཞིན་རྣམས་བསྒྱུར། །གཅེར་བུ་སྐྲ་གྲོལ་འཇིགས་བ་ཅན། །གཡས་བརྐྱང་བ་ཡི་གནས་ 156b པས་བཞུགས། །འདོད་པའི་ཆགས་པས་ལེགས་པར་མྱོས། །ཅུང་ཟད་ངོ་ཚའི་མིག་ཟུར་དང ། །ནུ་མ་རབ་རྒྱས་དགའ་བ་འཛིན། །ཞལ་གྱི་མཆེ་བ་ཅུང་ཟད་གཙིགས། །ཕྱག་རྒྱ་ལྔ་ཡིས་རྒྱ་ཡང་གདབ། །མཚམས་བཞི་རུ་ནི་བུམ་པ་དག། ཡེ་ཤེས་བདུད་རྩི་གང་བས་དགོད། །དེ་སྟེང་བྱང་ཆུབ་སེམས་ཀྱིས་ནི། །ཡོངས་སུ་གང་བར་གཞག་པར་བྱ། །ཐུགས་ཀྱི་འཁོར་ལོའི་ཤར་ཕྱོགས་སུ་པཱུ་ལི་ར་མ་ལ་ཡ་ན་ཐོད་པའི་དུམ་བུ་དང ། རབ་གཏུམ་མ་སྟེ། དཀར་པོའོ། །བྱང་དུ་ཛཱ་ལནྡྷ་ར་ན་ཀེང་རུས་ཆེན་པོ་དང ། གཏུམ་མིག་མ་སྟེ། སེར་བོའོ། །ནུབ་ཏུ་ཨཽ་ཌྱན་ན་ཀེང་རུས་ཅན་དང ། འོད་ལྡན་མ་སྟེ། དམར་པོའོ། །ལྷོ་ཕྱོགས་སུ་ཨརྦུ་ཏ་ན་མ་ཆེ་བ་རྣམ་པར་གཙིགས་པ་དང ། སྣ་ཆེན་མ་སྟེ། ལྗང་གུའོ། །མེའི་ཕྱོགས་ན་གོ་དཱ་བ་རི་ན་ལྷ་དགྲ་དང ། དཔའ་བའི་བློ་གྲོས་མ་ནམ་མཁའི་མདོག་ཅན་མའོ། །བདེན་བྲལ་དུ་རཱ་མེ་ཤཝ་ར་ན་འོད་དཔག་མེད་དང ། མིའུ་ཐུང་མ་སྟེ། དཀར་སྐྱའོ། །རླུང་གི་ཕྱོགས་ན་དེ་བི་ཀོ་ཊི་ན་རྡོ་རྗེའི་འོད་དང ། ལངྐའི་དབང་ཕྱུག་མ་སྟེ། ལྗང་གུ་དང ། མུ་ཏིག་ལྟ་བུའོ། །དབང་ལྡན་ན་མ་ལཱ་བ་ན་རྡོ་རྗེ་ལུས་དང ། ཤིང་གྲིབ་མ་སྟེ། པདྨ་དང ། སེར་སྐྱའོ། །ཐུགས་ཀྱི་འཁོར་ལོ་ནམ་མཁའ་ལ་སྤྱོད་པའོ། །ཐོད་པའི་དུམ་བུ་ལ་སོགས་པའི་དཔའ་བོ་ནི། གདོང་གཅིག་པ། ཕྱག་བཞི་པ། རལ་པའི་ཅོད་པན་ཅན། ཐུགས་རྗེས་ཁྲོ་ཞིང་འཇིགས་པ། རྡོ་རྗེ་དང་དྲིལ་བུའི་ 157a ༄#། །ཕྱག་གཉིས་ཀྱིས་འཁྱུད་པ། གཡོན་པ་དང་གཡས་པའི་ཕྱག་གཉིས་ལ་ཁཝ་ཊྭཱཾ་ག་དང ། ཅང་ཏེའུ་འཆང་བ། ཕྱག་རྒྱ་ལྔས་བརྒྱན་པ། གཡས་བརྐྱང་པས་བཞུགས་པའོ། །རབ་གཏུམ་མ་ལ་སོགས་པའི་ལྷ་མོ་རྣམས་ནི། ཞལ་གཅིག་པ། ཕྱག་གཉིས་པ། སྡིགས་མཛུབ་ཀྱིས་ཐོད་བ་འཁྱུད་པ། སྤྱན་གསུམ་པ། སེར་སྐྱའི་གཟུགས་ཅན་ནོ། །སྐྲ་གྲོལ་བ། གཟུགས་གཉིས་པ། གཉིས་སུ་མེད་པར་མཉམ་པར་ལྡན་པ། ཕྱོགས་ཀྱི་གོས་ཅན་རྣམ་པར་རོལ་པ། མགྲིན་པའི་ནོར་བུ་དང ། གདུ་བུ་དང ། དཔུང་རྒྱན་དང ། རྣ་ཆ་དང ། ཚངས་པའི་སྐུད་པ་དང ། མགུལ་རྒྱན་དང ། མགོ་བོའི་ཕྲེང་བ་དང ། གཡེར་ཀའི་སྐུ་རགས་ཅན། སྒོ་དང་ཟུར་གྱི་ལྷ་མོ་རྣམས། །ཁཝ་གདོང་གཤིན་རྗེ་སྲེག་ལ་སོགས།། ཇི་ལྟར་མཁའ་འགྲོ་མདོག་བཞིན་དུ། །ཁཝ་གདོང་ལ་སོགས་དེ་བཞིན་ནོ། །མཚམས་རྣམས་ལྷ་མོ་དེ་བཞིན་ཏེ། །གཟུགས་གཉིས་འཛིན་ཅིང་ཡིད་འཕྲོག་པའོ། །ཕྱག་སོགས་དེ་ལྟར་བསྒོམས་ནས་ནི། །དངོས་གྲུབ་ཐམས་ཅད་རབ་ཏུ་སྩོལ། །ཡེ་ཤེས་འཁོར་ལོ་དེ་མཐོང་ནས། །མཆོད་དང་བསྟོད་དང་དབང་ཡང་བསྐུར། །སྒོམ་པ་རྩེ་གཅིག་བྱས་ན་ནི། །བདག་མེད་མ་ཡི་གོ་འཕང་གནས། །སྙིང་པོ་ཡེ་ཤེས་དམ་ཚིག་ནི། །སྒྲུབ་པོས་འདོད་པ་ཀུན་གྱི་ཕྱིར། །སྐུ་གསུང་ཐུགས་ལ་རྣམ་བཀོད་ནས། །སངས་རྒྱས་མཆོག་ནི་རྣམ་པར་སྤྲོ། །རྟག་ 157b ཏུ་དམ་ཚིག་བསྐྱང་བྱ་ཞིང ། །ཡེ་ཤེས་ལྔ་ཡི་བདུད་རྩི་ཆུ། །དམ་ཚིག་མཆོད་པའི་སྦྱོར་བ་ཡིས། །ཆོ་ག་བཞིན་དུ་བཟླས་པ་བྱ། །ོཾ་ཤྲི་ཙིཏྟ་ཌཱ་ཀི་དྷི་ཀ་ཨ་ཁཾ་ཧུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་ཤཾ་བ་ར་ཧུཾ་ཧཱུཾ་ཕཊ། སྙིང་པོའོ། །ོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ། ཉེ་བའི་སྙིང་པོའོ། །ོཾ་བཛྲ་ཌཱ་ཀི་ནཱི་ཧུཾ་ཧཱུཾ་ཕཊ། ཉེ་བའི་སྙིང་པོའོ། །ོཾ་སརྦ་བཛྲ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧུཾ་ཧཱུཾ་ཕཊ། སྙིང་པོ་དང་ཉེ་བའི་སྙིང་པོའོ། །ོཾ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མེ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་རཱུ་པི་ཎི་ཧུཾ་ཧཱུཾ་ཕཊ། ཨོཾ་ཀ་རཾ་ཁཎྜ་ཀ་པཱ་ལ་ཀ་ར་ཧུཾ་ཧཱུཾ་ཕཊ། ཨོཾ་པྲ་ཙ་ཎྜེ་ཧུཾ་ཧཱུཾ་ཕཊ། ཨོཾ་ཀུ་རུ་མཧཱ་ཀཾ་ཀཱ་ལ་ཀུ་རུ་ཧུཾ་ཧཱུཾ་ཕཊ། ཨོཾ་ཙཎྜཱ་ཀྵི་ཡེ་ཧུཾ་ཧཱུཾ་ཕཊ། ཨོཾ་བནྡྷ་ཀཾ་ཀཱ་ལ་བནྡྷ་ཧུཾ་ཧཱུཾ་ཕཊ། ཨོཾ་པྲ་བྷ་པ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཏཱ་ས་ཡ་བི་ཀ་ཌ་དཾ་ཥྚཾ་ཎི་ཏཱ་ས་ཡ་ཧུཾ་ཧཱུཾ་ཕཊ། ཨོཾ་མ་ཧཱ་ན་སེ་ཧུཾ་ཧཱུཾ་ཕཊ། ཨོཾ་ཀྵོ་བྷ་ཡ་སུ་ར་བཻ་རི་ཎ་ཀྵོ་བྷ་ཡ་ཧུཾ་ཧཱུཾ་ཕཊ། ཨོཾ་བཱི་ར་མ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཧྲོཾ་ཨ་མི་ཏཱ་བྷཱ་ཧྲོཾ་ཧུཾ་ཧཱུཾ་ཕཊ། ཨོཾ་ཁརྦ་རཱི་ཡེ་ཧུཾ་ཧཱུཾ་ཕཊ། ཨོཾ་ཧྲ་བཛྲ་བྷཱ་ཧྲ་ཧུཾ་ཧཱུཾ་ཕཊ། ཨོཾ་ལཾ་ཀེ་ཤཝཱ་རཱི་ཡེ་ཧུཾ་ཧཱུཾ་ཕཊ། ཨོཾ་ཕེཾ་བཛྲ་དེ་ཧ་ཕེཾ་ཧུཾ་ཧཱུཾ་ཕཊ། ཨོཾ་དྲུ་མཙྪ་ཡེ་ཧུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤཝཱ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ། ཨོཾ་ཡ་མ་དཱ་ཌྷཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དུ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཾ་ཥྚི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། བཟླས་པ་སྒོམ་པར་ལྡན་བྱས་ནས། །སྤྲོ་དང་བསྡུ་བའི་རིམ་པ་ཡིས། །སྔགས་པ་མྱུར་དུ་འགྲུབ་པ་སྟེ།། 158a ༄#། །རྡོ་རྗེ་སེམས་དཔའི་གོ་འཕང་རྙེད། །མཉམ་པའི་དམ་ཚིག་དམ་ཚིག་མཆོག་།ཐུགས་ཀྱི་རྙེད་པས་ཁྱབ་པ་ལ། །རྣལ་འབྱོར་ཆེན་པོ་རྣམ་པར་སྤྱོད། །མཁའ་ལ་སྤྱོད་པ་ཉད་ཐོབ་འགྱུར། །འདི་ནི་ཁམས་གསུམ་ཐམས་ཅད་དུ། །གོ་འཕང་མཆོག་ལ་ལེགས་པར་བཞུགས། །ལངས་བའི་དུས་སུ་དམ་ཚིག་ཅན། །ཡན་ལག་དྲུག་ཏུ་སྦྱོར་བ་བཤད། །ོཾ་ཧཿ ་སྙིང་ག་སྟེ། རྡོ་རྗེ་སེམས་དཔའ་དཀར་པོ། །ན་མ་ཧི་མགོ་ལ་སྟེ། རྣམ་པར་སྣང་མཛད་སེར་པོ། །སཝཱ་ཧཱ་ཧུ་སྤྱི་གཙུག་ལ་སྟེ། པདྨ་གར་གྱི་དབང་ཕྱུག་ཟླ་བ་དང་སེར་སྐྱའོ། །བཽ་ཥཊ་ཧེ་གོ་ཆ་སྟེ། ཧེ་རུ་ཀ་ནམ་མཁའི་མདོག་ཅན་ནོ། །ཧཱུཾ་ཧཱུཾ་ཧོ་མིག་ལ་སྟེ། རྡོ་རྗེ་ཉི་མ་གསེར་བཙོ་མ་ལྟ་བུའོ། །ཕཊ་ཧཾ་ནི། ཡན་ལག་ཐམས་ཅད་ཀྱི་མཚོན་ཆ་སྟེ། རྟ་མཆོག་ལྗང་གུ་སེར་སྐྱའོ། །ོཾ་བཾ་ལྟེ་བ་ལ་སྟེ། རྡོ་རྗེ་མཁའ་འགྲོ་ནམ་མཁའ་དང་སེར་སྐྱའོ། །ཧཾ་ཡོཾ་སྙིང་ག་ལ་ཡ་མི་ནི། དཀར་མོའོ། །ཧྲཱིཾ་མོཾ་ཁ་ལ་སྟེ། རྨོངས་བྱེད་མ་དམར་མོའོ། །ཧྲེཾ་ཧྲཱིཾ་མགོ་ལ་སྟེ། གཡོ་བྱེད་མ་སེར་མོའོ། །ཧཱུཾ་ཧཱུཾ་སྤྱི་གཙུག་ལ་སྟེ། སྐྲག་བྱེད་མ་སྔེན་མོའོ། །ཕཊ་ཕཊ་ཡན་ལག་ཐམས་ཅད་ཀྱི་མཚོན་ཆ་སྟེ། ཙ་ཎྜི་ཀ་དམར་སེར་རོ། །ཇི་ལྟར་བདེ་བར་ཆོ་ག་བཞིན་དུ་སྤྱོད་ཅིང་གནས་སོ། །འགྲོ་བ་དུ་མའི་བསམ་པལ། །ཐུགས་ཀྱི་རྡོ་རྗེ་ཚུལ་ཅན་འདི། །གཉིས་མེད་སྦྱོར་བ་མཐའ་ཡས་པ། །སྲིད་པ་ཀུན་གྱི་དངོས་པོར་གནས། །དྲི་ 158b མ་མེད་ཅིང་ང་རྒྱལ་མེད། །ཡི་གེ་མེད་ཅིང་བརྗོད་དུ་མེད། །མངོན་པར་བརྗོད་པའི་རྒྱུད་བླ་མ་ལས། ཐུགས་ཀྱི་སྡོམ་པ་དང ། བླ་མའི་བསྙེན་བཀུར་གྱི་ལེའུ་སྟེ་དྲུག་པའོ།། །།དེ་ནས་གཞན་ཡང་བཤད་བྱ་བ། །དཀྱིལ་འཁོར་དམ་ཚིག་མཆོག་གྱུར་པ། །འདོད་པའི་གསང་བ་ཀུན་སྟེར་བ། །ཤིན་ཏུ་གསང་བའི་དངོས་གྲུབ་སྩོལ། །སྒྲུབ་པ་པོ་ལ་ཕན་པའི་ཕྱིར། །སྒྲུབ་པའི་དོན་ནི་བཤད་པར་བྱ། །དཀྱིལ་འཁོར་སྔ་མའི་དབུས་སུ་ནི། །པདྨ་འདབ་མ་བརྒྱད་པ་བྲི། །སྣ་ཚོགས་མདོག་ཅན་གེ་སར་བཅས། །འདོད་པ་ཀུན་གྱི་འདྲས་བུ་སྟེར། །དེ་ཡི་དབུས་སུ་ཡི་གེ་ཧཱུཾ། །རྡོ་རྗེ་སེམས་དཔའ་རྣམ་པར་བསྒོམ། །མཚན་རྣམས་ཐམས་ཅད་ཡོངས་སུ་རྫོགས། །དཔེ་བྱད་ཀུན་གྱིས་རྣམ་པར་བརྒྱན། །དགྱེས་པ་ཆེན་པོའི་སྦྱོར་བ་ཡིས། །གཉིས་མེད་གཉིས་སུ་མེད་པའི་མཆོག། བྱང་ཆུབ་སེམས་ཀྱི་རྒྱུ་ལས་ནི། །བྱང་ཆུབ་ཟླ་བ་དྲི་མེད་པ། །དེ་མཐོང་ལྷ་མོ་ལངས་ནས་ནི། །གླུ་འདི་ཡིས་ནི་བསྐུལ་བར་བྱེད། །ཧཱུཾ། རོལ་ཅིག་རོལ་ཅིག་དགྱེས་པ་ཧོ། །བདེ་བ་ཆེན་པོའི་རྡོ་རྗེ་ནི། །བདེ་བ་ཆེན་པོ་རོ་ཉིད་ལས། །འདི་ཉིད་དུ་ནི་བཞེངས་སུ་གསོལ། ། ལ་ལ་ཧོ་དགྱེས་པ་ཆེ། །ཁྱོད་ནི་བདེ་བའི་མཆོག་ཡིན་ཏེ། །ཁྱོད་ཀྱི་ཞལ་ནི་ཁུམས་ཙམ་གྱིས། །བདག་གིས་འདིར་ནི་རོ་གཅིག་རྙེད། །ཀྱེ་མའོ་བཅོམ་ལྡན་བདེ་ཆེན་དགྱེས། །ོཾ། རྡོ་རྗེ་སེམས་དཔའ་ལེགས་དགྱེས་ཁྱོད། །རོ་དང་རོ་མཆོག་ཐམས་ཅད་དེ།། 159a ༄#། །དགྱེས་པ་ཆེན་པོ་བདེ་བ་རྣམས། །རྟག་པར་དངོས་གྲུབ་ཀུན་ལ་ཡང ། །རོལ་ཅིག་རོལ་ཅིག་ལྷ་མོ་ལ། །རྣལ་འབྱོར་མ་ནི་ཐམས་ཅད་དང ། །བཅོམ་ལྡན་རྡོ་རྗེ་ཆེན་པོ་ནི། །ལྷ་མོའི་པདྨ་དགྱེས་ལ་རོལ། །ཧཱུཾ། ཨ་ལ་ལ་ཧོ་དགྱེས་པ་ཆེ། །བཅོམ་ལྡན་འདོད་ལ་དགྱེས་པ་ཁྱོད། །འདོད་པའི་དངོས་གྲུབ་ལེགས་པར་སྩོལ། །པདྨ་མཆོག་ལ་དགྱེས་པར་རོལ། །ོཾ། ཨ་ལ་ལ་ཧོ་དགྱེས་པ་ཆེ། །ཚོགས་ཀྱི་བདེ་བས་དུས་རྟག་ཏུ། །རྡོ་རྗེ་མཆོག་ནི་འཛིན་པ་ཡིས། །པདྨའི་ཞལ་མཆོག་བྱེ་བ་ཡི། །པདྨ་ལ་ནི་རོལ་པར་མཛོད།། ཇི་ལྟར་བུང་བས་སྦྲང་རྩི་བཞིན། །ལྷ་རྣམས་པདྨ་ཉིད་ལ་རོལ། །ཀྱེ་མ་གྲོགས་པོ་དགྱེས་ཆེན་འདིར། །རྡོ་རྗེ་མཆོག་ནི་བདེ་བར་སྦྱར། །དུས་ཀུན་བདེ་བ་འདིར་མཛོད་ཅིག། དེ་རིང་དུས་ནི་འདི་ཉིད་དུ། །ཡང་དག་བྱང་ཆུབ་འདུས་པ་ཡིན། ། ལ་ལ་ཧོ་དགྱེས་པ་ཆེ། །བདེ་ཆེན་ཀུན་ཏུ་དགྱེས་མཆོག་རོལ། ། ལ་ལ་ཧོ་དགྱེས་པ་ཆེ། །གླུ་འདི་དག་གིས་བསྐུལ་ནས་སུ། །མཉམ་ཉིད་ལས་ནི་བཅོམ་ལྡན་འདས། །སྡོམ་པའི་རྡོ་རྗེ་བཞེངས་པར་གྱུར། །འཁོར་དང་བཅས་པར་གཟིགས་ནས་ནི། །བཅོམ་ལྡན་འདས་ནི་ཞལ་བཞི་པ། །སྔོ་བ་དང།་སེར་བ་དང ། དམར་བ་དང ། ལྗང་གུའི་ཞལ་ཏེ། སྤྱན་གསུམ་པ། ཕྱག་བཅུ་གཉིས་པ། གཡས་བརྐྱང་བས་འཇིགས་བྱེད་ཆེན་པོ་དང་དུས་མཚན་ཞབས་འོག་ཏུ་ 159b མནན་པ། ཕྱག་གཉིས་རྡོ་རྗེ་དྲིལ་བུ་བསྣམས་པས་དམ་ཚིག་རྡོ་རྗེ་ཕག་མོ་ལ་འཁྱུང་པ། ཕྱག་གཞན་གཉིས་པོ་ན་ཚོགས་བདག་གི་པགས་པ་འཛིན་པ། གཡས་པའི་གསུམ་པ་ན་ཅང་ཏེའུ་བཞི་པ་ལ་དགྲ་སྟ། ལྔ་བ་ལ་གྲི་གུག། དྲུག་པ་ལ་རྡོ་རྗེ་མདུང་བསྣམས་པ། ཕྱག་གཡོན་པའི་གསུམ་ན་རྡོ་རྗེ་ཁ་ཊྭཱཾ་ག། བཞི་པ་ལ་ཁྲག་གིས་བཀང་བའི་ཐོད་པ། ལྔ་པ་ལ་རྡོ་རྗེ་ཞགས་པ། དྲུག་པ་ལ་བདུད་བཞིའི་མགོ་བོ་བསྣམས་པའོ། །རལ་པའི་ཅོད་པན་རྒྱན་ཆ་ཅན། །དབུ་ལ་ཐོད་པའི་ཕྲེང་བ་འཆང ། །ཟླ་བ་ཕྱེད་པ་དབུ་ལ་འཛིན། །དབུ་ལ་སྣ་ཚོགས་རྡོ་རྗེས་མཚན། །འཇིགས་པའི་མཆེ་བ་རྣམ་བསྒྱུར་ཞལ། །སྒེག་པ་ལ་སོགས་ཉམས་དང་ལྡན། །སྟག་གི་པགས་པ་གོས་སུ་མནབས། །མི་ཡི་མགོ་བོའི་ཕྲེང་བ་འཛིན། །མགྲིན་ནོར་གདུ་བུར་ན་ཆ་དང ། །མགོ་ཡི་ནོར་བུས་རྣམ་པར་བརྒྱན། །ཚངས་པའི་སྐུད་པ་ཐལ་བ་སྟེ། །ཕྱག་རྒྱ་དྲུག་ཏུ་རབ་ཏུ་གྲགས། །དེ་ཡི་པང་ན་བཅོམ་ལྡན་མ། །དམ་ཚིག་རྡོ་རྗེ་ཕག་མོ་ནི། །སྐུ་མདོག་དེ་དང་འདྲ་བར་བྱ། །ཞལ་གཅིག་པ་ལ་ཕྱག་གཉིས་པ། །སྤྱན་གཉིས་པ་ལ་སྐྲ་གྲོལ་བ། །གཅེར་བུ་སྐ་རགས་འོག་པག་གིས་རྣམ་པར་བརྒྱན་པ། ཕྱག་གཡོན་པས་འཁྱུད་པ་སྟེ། བདུད་ཀྱི་ཁྲག་གིས་ཡོངས་སུ་གང་བའི་ཐོད་པ་བསྣམས་བ། གཡས་པ་ན་སྡིགས་མཛུབ་རྡོ་རྗེ་དང་བཅས་པས་ཕྱོགས་བཅུར་སྡིགས་པར་བྱེད་པ། བསྐལ་པའི་མེ་ཡི་གཟི་བརྗིད་ཅན། །ཁྲག་ལ་དགྱེས་ཤིང་ཞལ་ནས་འཛག། བྱིན་ 160a ༄#། །བ་གཉིས་ཀྱིས་མཉམ་པར་འཁྱུད། །ཐུགས་རྗེ་ཆེན་པོའི་བདག་ཉིད་ཅན། །ཆོས་ཀུན་གནས་ནི་དགེ་བ་ཡིན། །ཱ་ལི་ཀཱ་ལི་ལས་བྱུང་བ། །རྣམ་པར་རྟོག་པ་མེད་པ་སྟེ། །ཆོས་དང་ཆོས་མིན་རྣམ་པར་སྤངས། །པད་འདབ་ལྷ་མོ་དགོད་པ་ཡིས། །དངོས་གྲུབ་ཐམས་ཅད་རབ་ཏུ་སྩོལ། །མཁའ་འགྲོ་མ་དང་ལཱ་མ་དང ། །དུམ་སྐྱེས་མ་དང་གཟུགས་ཅན་མ། །གཡོན་ཕྱོགས་བསྐོར་བའི་དགོད་པ་ཡིས། །རྣལ་འབྱོར་མ་ལ་དངོས་གྲུབ་སྩོལ། །ནག་ཅིང་སེར་ལ་དེ་བཞིན་དམར། །ལྗང་གུ་དྲག་པོའི་གཟུགས་ཅན་ཏེ། །ཐམས་ཅད་ཞལ་གསུམ་ཕྱག་དྲུག་པ། །སྤྱན་གསུམ་གཡས་བརྐྱང་གནས་པས་བཞུགས། །གཅེར་བུ་དབུ་སྐྲ་གྲོལ་བ་སྟེ། །བདུད་བཞི་ཞབས་ཀྱིས་གནོན་པ་དང ། །ཆགས་ཤིང་ཞེན་པས་མྱོས་པ་དང ། །ཐོད་པ་དག་གི་དབུ་རྒྱན་ཅན། །ཕྱག་རྒྱ་ལྔས་ནི་རྣམ་པར་བརྒྱན། །ནག་ཅིང་སྔོ་ལ་ལྗང་བ་དང ། །ཤིན་ཏུ་འཇིགས་ཤིང་སྡང་མིག་ཅན། །སེར་ཞིང་ནག་ལ་ལྗང་གུ་སྟེ། །སྙིང་རྗེའི་རོ་ནི་ཡོངས་སུ་རྫོགས། །དམར་ཞིང་ནག་ལ་ལྗང་བ་དང ། །སྒེག་པ་ལ་སོགས་ཉམས་ཀྱི་འཁོར། །ལྗང་ཞིང་ནག་ལ་སེར་བ་དང ། །འཇམ་ཞིང་ཁྲོ་བས་འཇིགས་པ་དང ། །ཐོད་པ་དང་ནི་ཁ་ཊྭཱཾ་འཛིན། །གཡོན་པ་ཅང་ཏའུ་གྲི་གུག་སྟེ། །མགོ་བོ་རྡོ་རྗེ་མདུང་གཡས་ན། །མཚམས་ནི་བཞི་བོ་དག་ཏུ་ཡང ། །བུམ་པ་བདུད་རྩི་ལྔ་ཡི་ཆུས། །ཡོངས་སུ་གང་བའི་ 160b སྟེང་དུ་ཡང ། །བྱང་ཆུབ་སེམས་ཀྱིས་གང་སྣོད་གཞུག། ཁཝ་གདོང་ལ་སོགས་ལྷ་མོ་རྣམས། །གཡས་བརྐྱང་བ་ཡི་གནས་པས་བཞུགས། །ནག་དང་སྔོ་སངས་དམར་སེར་སྐྱ། །ཞལ་གཅིག་པ་ལ་ཕྱག་བཞི་པ། །སྤྱན་གསུམ་དྲག་པོའི་གཟུགས་ཅན་ལ། །སྐྲ་གྲོལ་བ་ཡིས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །གཅེར་བུ་ཡི་དྭགས་གདན་དུ་མནན། །འདོད་པའི་སྙིང་རྗེས་རྣམ་པར་མྱོས། །གཡོན་པར་མགོ་བོ་ཁ་ཊྭཱཾ་ག། གཡས་ན་ཐོད་པ་གྲི་གུག་གོ། །མཚམས་ནི་བཞི་པོ་དག་ཏུ་ཡང ། །གཤིན་རྗེ་སྲེག་སོགས་མཁའ་འགྲོ་མ། །ཞལ་གཅིག་པ་ལ་ཕྱག་བཞི་པ། །གཡས་བརྐྱང་པ་ཡི་གནས་པས་བཞུགས། །སྤྱན་གསུམ་པ་ལ་ཡི་དྭགས་གདན། །སྐྲ་གྲོལ་པ་ཡང་རབ་ཏུ་འཇིགས། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །གཅེར་བུ་སྣ་ཚོགས་གཟུགས་ཅན་ལ། །དགའ་ཞིང་བདེ་བས་རྣམ་པར་མྱོས། །གཡོན་ལ་ཐོད་པ་ཁ་ཊྭཱཾ་ག། གཡས་ལ་ཅང་ཏེའུ་གྲི་གུག་སྟེ། །གཡོན་ནས་བསྐོར་ཞིང་དགོད་བྱས་ན། །མཚམས་ཀྱི་དངོས་གྲུབ་སྩོལ་བར་འགྱུར། །ཁཝ་གདོང་ལ་སོགས་སྒོར་དགོད་པ། །གཡས་ནས་བསྐོར་ཞིང་དགོང་པར་བྱ། །ཁམས་དང་སྐྱེ་མཆེད་ཕུང་པོ་རྣམས། །སྐུ་གསུང་ཐུགས་སུ་རྣམ་པར་བསྒོམ། །སྔར་བཤད་རིམ་པའི་སྦྱོར་བ་ཡིས། །གོ་ཆ་བཞིན་དུ་དགོད་པར་བྱ། །དབང་ཆེན་དང་ནི་ཆུ་ 161a ༄#། །དང་ནི། །མེ་དང་རླུང་གི་དཀྱིལ་འཁོར་གྱི། །དེ་ཡི་དབུས་སུ་བཀོད་པ་ནི། །ས་སོགས་བཞི་པོ་དག་ཡིན་ནོ། །ལྟུང་བྱེད་མ་དང་གསོད་མ་ཉིད། །འགུགས་བྱེད་མ་དང་གར་མ་དག། དེ་ཉིད་ནམ་མཁའི་ཁམས་ཡིན་ཏེ། །པདྨའི་དྲ་བ་སྟོང་པ་ཡིན། །གཟུགས་ནི་རྣམ་པར་སྣང་མཛད་ཡིན། །ཚོར་བ་རྡོ་རྗེ་ཉི་མ་ཡིན། །འདུ་ཤས་གར་དབང་རྒྱལ་པོ་སྟེ། །འདུ་བྱེད་རྡོ་རྗེ་རྒྱལ་པོ་ཡིན། །རྣམ་ཤེས་རྡོ་རྗེ་སེམས་དཔའ་སྟེ། །བདེ་གཤེགས་ཀུན་ཉིད་ཧེ་རུ་ཀ། །མིག་ནི་གཏི་མུག་རྡོ་རྗེ་སྟེ། །རྣ་བ་ཞི་སྡང་རྡོ་རྗེ་ཡིན། །སྣ་ནི་ཕྲག་དོག་རྡོ་རྗེ་སྟེ།། ལྕེ་ནི་ཆགས་པ་རྡོ་རྗེ་ཡིན། །ལུས་ནི་སེར་སྣ་རྡོ་རྗེའོ། །སྐྱེ་མཆེད་ཀུན་དབང་རྡོ་རྗེའོ། །ཧཱུཾ་ནི་ཐུགས་ཀྱི་རྡོ་རྗེ་སྟེ། །ཱ་ཞེས་བྱ་བ་གསུང་དུ་འགྱུར། །ོཾ་ནི་སྐུ་ཡི་རྡོ་རྗེ་སྟེ། །ཧེ་ནི་རྡོ་རྗེ་ཡེ་ཤེས་ཡིན། །ལུས་སོགས་རིམ་པའི་སྦྱོར་བ་ཡིན། །དངོས་པོ་ཐམས་ཅད་རྣམ་པར་བསྒོམ། །བདེ་བའི་ཆགས་པ་བཅོམ་ལྡན་འདས། །ཆགས་པ་མེད་པའང་དེ་བཞིན་ཏེ། །ཡེ་ཤེས་འཁོར་ལོ་དེ་མཐོང་ནས། །མཆོད་དང་བསྟོད་དང་དབང་ཡང་བསྐུར། །རྗེས་སུ་ཆགས་པའི་སྦྱོར་བ་དག། འཇུག་བས་མཉམ་པའི་བཅུད་དུ་འགྱུར། །དངོས་དང་དངོས་མེད་རྣམ་བསྒོམས་ནས། །སྤྲོ་དང་བསྡུ་བའི་སྦྱོར་བྱས་ནས། །སྦྱོར་བའི་དམ་ཚིག་མཆོད་པ་ཡིས། །ཆོ་ག་བཞིན་དུ་བཟླས་པར་བྱ། །ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སཾ་བ་ 161b ར་སཝཱཧཱ། སྙིང་པོའོ། །ོཾ་ཧྲཱིཿ ་ཧ་ཧ་ཧཱུཾ་ཧཱུཾ་ཕཊ། ཉེ་བའི་སྙིང་པོའོ། །ོཾ་བཛྲ་བཻ་རོ་ཙ་ན་ནི་ཡེ་ཧཱུཾ་ཧཱུཾ་ཕཊ་སཝཱཧཱ། ཨོཾ་སརྦ་བུདྡྷ་ཊཱ་ཀི་ནཱི་ཡེ་བཛྲ་ཝརྞྞ་ནཱི་ཡེ་ཧཱུཾ་ཧཱུཾ་ཕཊ། ཕག་མོའི་སྙིང་པོ་དང ། ཉེ་བའི་སྙིང་པོའོ། །ོཾ་ཌཱ་ཀི་ནཱི་ཧཱུཾ་ཧཱུཾ་ཕཊ། ཨོཾ་ལཱ་མེ་ཧཱུཾ་ཧཱུཾ་ཕཊ། ཨོཾ་ཁཎྚ་རོ་ཧེ་ཧཱུཾ་ཧཱུཾ་ཕཊ། ཨོཾ་རུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧཱུཾ་ཧཱུཾ་ཕཊ། །ོཾ་ཨུ་ལཱུ་སྱེ་ཧཱུཾ་ཧཱུཾ་ཕཊ། ཨོཾ་སཝཱ་ནཱ་སྱེ་ཧཱུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧཱུཾ་ཧཱུཾ་ཕཊ། ཨོཾ་ཡ་མ་དཱ་ཌྷཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾ་ཥྚི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧཱུཾ་ཧཱུཾ་ཕཊ། སྤྲོས་དང་བསྡུ་བའི་སྦྱོར་བ་ཡིས། །སྒོམ་པ་མཆོག་ནི་བསྒོམ་པར་བྱ། །འདི་ནི་རྣལ་འབྱོར་མ་རྣམས་ཀྱི། །མཆོག་ཏུ་གསང་བ་སྨྲས་པ་ཡིན། །བཅུ་དྲུག་ཆ་ནི་ཡོངས་རྫོགས་པ། །སྔགས་དང་གསང་སྔགས་ཀུན་གྱི་གཙོ། །སྒོམ་པའི་དུས་ལས་ལངས་ནས་ནི། །གོ་ཆ་གཉིས་ནི་རྣམ་པར་དགོད། །ོཾ་ཧ་རྡོ་རྗེ་སེམས་དཔའ་སྙིང་ག་ལ། ན་མཿ ་ཧི་རྣམ་བར་སྣང་མཛད་མགོ་བོ་ལ། སཝཱཧཱ་ཧུ་པདྨ་གར་གྱི་དབང་ཕྱུག་སྤྱི་གཙུག་ལ། བཽ་ཥཊ་ཧེ་ཁྲག་འཐུང་སྟེ། དཔུང་པ་ལའོ། །ཧཱུཾ་ཧཱུཾ་ཧོ་རྡོ་རྗེ་ཉི་མ་སྟེ། མིག་ལའོ། །ཕཊ་ཧཾ་རྟ་མཆོག་སྟེ། ཡན་ལག་ཐམས་ཅད་ཀྱི་མཚོན་ཆའོ། །ོཾ་བཾ་རྡོ་རྗེ་ཕག་མོ་སྟེ། ལྟེ་བ་ལའོ། །ཧཾ་ཡོཾ་ཡ་མི་ནི་སྟེང ། །སྙིང་ག་ལའོ། །ཧྲིཾ་མོཾ་རྨོངས་བྱེད་མ་སྟེ། ལྕེ་ལའོ། །ཧྲེཾ་ཧྲཱིཾ་གཡོ་བྱེད་མ་སྟེ། མགོ་བོ་ལའོ། །ཧཱུཾ་ཧཱུཾ་སྐྲག་བྱེད་མ་སྟེ། སྤྱི་གཙུག་ལའོ། །ཕཊ་ཧཾ་གཏུམ་མོ་སྟེ། ཡན་ 162a ༄#། །ལག་ཐམས་ཅད་ཀྱི་མཚོན་ཆའོ། །འདི་ལྟར་དངོས་དང་དངོས་མེད་མཉམ། །ཐམས་ཅད་ཆོས་སུ་རོ་གཅིག་སྟེ། །མཉམ་པ་ཉིད་ལ་རྣམ་པར་བཞུགས། ། མཉམ་པའི་ཡེ་ཤེས་ལྔ་པོ་འདི། །རྣལ་འབྱོར་དམ་ཚིག་ཅན་གྱིས་སྐྱོངས། །དུས་བཞིའམ་ཡང་ན་དུས་གསུམ་དུ། །ཅི་ཙམ་ནུས་པ་བསྲུང་བར་བྱ། །འདི་ནི་གསང་བའི་མཆོག་ཡིན་ཏེ། །གང་ལ་ཡང་ནི་བསྟན་མི་བྱ། །མངོན་པར་བརྗོད་པའི་རྒྱུད་བླ་མ་ཆེན་པོ་ལས། སྡོམ་པའི་དམ་ཚིག་བསྟན་པ་སྟེ་ལེའུ་བདུན་བའོ།། །།དེ་ནས་ཆོ་གའི་གཞུང་བཞིན་བཤད། །པདྨ་འདབ་བརྒྱད་ལེགས་པར་མཛེས། །སྣ་ཚོགས་འདབ་མ་ཡིད་འོང་བ། །ཉི་མའི་དཀྱིལ་འཁོར་དབུས་སུ་ནི། །པདྨའི་རྒྱལ་པོ་རྣམ་པར་བསམ།། ལྟེ་བར་སྣ་ཚོགས་རྡོ་རྗེ་སྟེ། །རྡོ་རྗེ་རྩེ་མོ་ལྔ་པའོ། །དེ་ལ་ལྟེ་བའི་དབུས་སུ་ནི། །ཉི་མའི་དཀྱིལ་འཁོར་གྱིས་མཚན་པ། །དེ་སྟེང་ཨཱ་ལི་ཀཱ་ལི་སྟེ། །དབུས་སུ་རེག་བྱ་སྟོང་པ་ཡིན།། རྡོ་རྗེ་སེམས་དཔའ་མཆོག་གིས་ཁྱབ། །བདག་ཉིད་ཧེ་རུ་ཀ་དཔལ་ཉིད། །ཞལ་གདོང་ལྔ་ལ་ཕྱག་བཅུ་གཉིས། །སྤྱན་གསུམ་རྣམ་པར་འགྱུར་བ་སྟེ། །གཡས་བརྐྱང་བ་ཡི་གནས་པས་བཞུགས། །གཡོན་བརྐྱང་བ་ཡང་དེ་བཞིན་བཞུགས། །འཇིགས་བྱེད་དང་ནི་དུས་མཚན་ཉིད། །ཞབས་ཀྱི་འོག་ཏུ་མནན་པར་བྲི། །སྟག་གི་པགས་པ་གོས་སུ་ 162b མནབས། །ཐུགས་རྗེ་ཁྲོ་བོས་རྣམ་པར་རོལ། །ཐོད་པའི་ཕྲེང་བའི་དབུ་རྒྱན་ཅན། །རལ་པའི་ཅོད་པན་རྒྱན་དུ་ཐོགས། །ཟླ་བ་ཕྱེད་པའི་སྤྱི་གཙུག་ལ། །སྣ་ཚོགས་རྡོ་རྗེས་དབུ་ལ་མནན། །སྒེག་པ་ལ་སོགས་ཉམས་དང་ལྡན། །མི་མགོའི་ཕྲེང་བ་འཛིན་པ་སྟེ། །ཐོད་རློན་ཕྲེང་བས་རྣམ་པར་བརྒྱན། །མགུལ་རྒྱན་གདུ་བུ་རྣ་ཆ་དང ། །ཐོད་བའི་ཕྲེང་བས་དབུ་ལ་བརྒྱན། །ཚངས་པའི་སྐུད་པ་ཐལ་བ་སྟེ། །ཕྱག་རྒྱ་དྲུག་པོ་རྣམ་པར་བསྒོམ། །ཕྱག་གཉིས་ཐོད་པའི་དྲིལ་བུ་ཡིས། །ཕག་མོ་ལ་ནི་རྣམ་པར་འཁྱུད། །ཕྱག་གཞན་གཉིས་པོ་དག་གིས་ནི། །འཇིགས་བྱེད་ཆེན་པོའི་པགས་རློན་བསྣམས། །གཡས་པའི་ཕྱག་གསུམ་པ་ལ་རྡོ་རྗེ་གསོར་ཞིང་བདན་གསུམ་པ་འཛིན་པ། ཕྱག་བཞི་པ་ལ་མདུང་རྩེ་ལྔ་པ། ལྔ་པ་ལ་དགྲ་སྟ། དྲུག་པ་ལ་རྡོ་རྗེ་ཅང་ཏེའུ་རྣམས་སོ། །གཡོན་པའི་ཕྱག་གསུམ་པ་རྡོ་རྗེ་ཁ་ཊྭཱཾ་ག། བཞི་པ་ལ་རྡོ་རྗེ་ཞགས་པ། ལྔ་པ་ལ་གྲི་གུག། དྲུག་པ་ལ་དྲག་པོའི་མགོ་བོ། །པང་ན་གནས་པའི་ཕག་མོ་ནི། བཅོམ་ལྡན་འདས་ཀྱི་མདོག་ཅན་ཕྱག་གཉིས་པ། ཞལ་གཅིག་པ། སྤྱན་གསུམ་པ། སྐྲ་གྲོལ་བ། །གཅེར་བུ་དུམ་བུས་བརྒྱན་པའི་སྐ་རགས་ཅན། །ཕྱག་གཡོན་པ་ལ་བྱང་ཆུབ་ཀྱི་སེམས་ཀྱིས་གང་བའི་ཐོད་པ་བསྣམས་པས་འཁྱུད་པ། ཕྱག་གཡས་བའི་སྡིགས་མཛུབ་ཀྱིས་གདུག་པ་ཀུན་ལ་ཕྱོགས་སུ་སྡིག་མཛུབ་བྱེད་ཅིང་གྲི་གུག་ 163a ༄#། །འཛིན་པ། །བསྐལ་པའི་མེ་ཡི་གཟི་བརྗིད་ཅན། །ཁྲག་ལ་དགྱེས་ཤིང་ཁྲག་འཛག་པ། །བྱིན་པ་གཉིས་ཀྱིས་ལེགས་པར་འཁྲིལ། །བདེ་བའི་མཆོག་གི་དམ་པའོ། །དྲག་པོའི་གཟུགས་ཅན་རྣམ་པར་འགྱུར། །ཐུགས་རྗེའི་ཆགས་པས་རྣམ་པར་རོལ། །རྡོ་རྗེ་སེམས་དཔའི་དབུ་རྒྱན་ཅན། །ཧེ་རུ་ཀ་དཔལ་རྣམ་པར་བསྒོམ། །ནམ་མཁའི་མདོག་ཅན་སེར་བ་དང ། །དམར་དང་ལྗང་གུ་སེར་སྐྱའོ། །ཁྲོ་དང་བཞད་དང་སྒེག་པ་དང ། །རྔམ་དང་ཞི་བར་ལྡན་པ་དང ། །ཁམས་དང་སྐྱེ་མཆེད་ཕུང་པོ་དང ། །རེག་པའང་དེ་བཞིན་སྒོམ་པ་སྟེ། །མཁའ་འགྲོ་ལཱ་མ་དེ་བཞིན་ཏེ། །དུམ་སྐྱེས་མ་དང་གཟུགས་ཅན་མ། །ཕྱག་བཞི་པ་ལ་གདོང་གཅིག་པ། །སྤྱན་གསུམ་པ་ལ་དྲག་པོའི་གཟུགས། སྐྱིལ་མོ་ཀྲུང་ནི་ཕྱེད་པར་བཞུགས། །ཕྱོགས་ཀྱི་གོས་ཅན་མཆོག་ཡིན་ནོ། །ཐོད་པའི་ཕྲེང་བའི་དབུ་རྒྱན་ཅན། །སྐྲ་གྲོལ་བ་ཡིས་རྣམ་པར་བརྒྱན། །ལྷ་མོ་ཕྱག་རྒྱ་ལྔ་འཆང་ཞིང ། །འདོད་པའི་རྣམ་གྲོལ་རབ་ཏུ་སྟེ། །ཤར་དང་ལྷོ་དང་ནུབ་དང་ནི། །བྱང་གི་ཕྱོགས་སུ་རྣམ་པར་དགོད། །དཀར་དང་སེར་བ་དེ་བཞིན་དུ། །དམར་དང་ལྗང་གུ་ཆགས་པས་མྱོས།། ཐོད་པ་དང་ནི་ཁ་ཊྭཱཾ་འཛིན། །དྲིལ་བུ་ཅང་ཏེའུ་གྲི་གུག་འཆང ། །མཚམས་བཞི་དག་ཏུ་བུམ་པ་བཞི། །ཡེ་ཤེས་ལྔ་ཡིས་ཡོངས་གང་བ། །ཐོད་པའོ་མས་ཡོངས་གང་བས། །བུམ་ 163b པའི་སྟེང་དུ་གཞག་པར་བྱ། །གཡོན་ནས་བསྐོར་ཞིང་བཀོད་ནས་ཀྱང ། །ཡེ་ཤེས་སེམས་དཔའ་བཀུག་ནས་སུ། །མཆོད་དང་བསྟོད་དང་གཞུག་པར་བྱ། །ཡིད་ངག་ལུས་ལ་བཀོད་ནས་ནི།། གོ་འཕང་མཆོག་ནི་བསྒོམ་པར་བྱ། །ཧཱུཾ་ཨཱཿ ་ཨོཾ་ནི་རྣམ་པར་བསྒོམ། །གསང་སྔགས་ཇི་བཞིན་བཟླས་ན་ནི། །དངོས་གྲུབ་ཐམས་ཅད་རབ་ཏུ་སྩོལ། །ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་པཊ། ། ཌཱ་ཀི་ནཱི་ཛཱ་ལ་སཾ་བ་ར་སཝཱཧཱ། ཨོཾ་ཧྲཱིཿ ་ཧ་ཧ་ཧཱུཾ་ཧཱུཾ་ཕཊ། སྙིང་པོ་དང ། ཉེ་བའི་སྙིང་པོའོ། །ོཾ་བཛྲ་བཻ་རོ་ཙ་ནི་ཡེ་ཧཱུཾ་ཧཱུཾ་ཕཊ་སཝཱཧཱ། །ོཾ་སརྦ་བུདྡྷ་ཊ་ཀི་ནཱི་ཡེ་བཛྲ་བརྞ་ནི་ཡེ་ཧཱུཾ་ཧཱུཾ་ཕཊ་སཝཱཧཱ། །ལྷ་མོའི་སྙིང་པོ་དང ། །ཉ་བའི་སྙིང་པོའོ། །ོཾ་ཌཱ་ཀི་ནཱི་ཧཱུཾ་ཧཱུཾ་ཕཊ། ཨོཾ་ལཱ་མེ་ཧཱུཾ་ཧཱུཾ་ཕཊ། ཨོཾ་ཁཎྚ་རོ་ཧེ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡ་ཧཱུཾ་ཧཱུཾ་ཕཊ། ཁྲོ་བོའི་སྤྲུལ་པ་སྤྲོས་ནས་ནི། །འགྲོ་བ་གསུམ་པོ་རྫོགས་པར་བྱས། །སྒོམ་པར་བཟླས་པར་ལྡན་པ་ཡིས། །བདག་གིས་སྤྲོ་དང་བསྡུ་བར་བྱ། །ཁམས་གསུམ་མ་ལུས་ཀུན་ཏུ་ཡང ། །ལུས་ངག་ཡིད་གསུམ་ཅི་བདེར་སྤྱད། །དམ་ཚིག་ཅན་བསྒོམས་ལངས་ནས་ནི། །གོ་ཆ་གཉིས་པོ་བགོ་བར་བྱ། །ོཾ་ཧ་རྡོ་རྗེ་སེམས་དབའ་སྟེ། སྙིང་ག་ལའོ། །ན་མཿ ་ཧི་རྣམ་པར་སྣང་མཛད་སྟེ། མགོ་བོ་ལའོ། །སཝཱཧཱ་ཧུ་པདྨ་གར་དབང་སྟེ། སྤྱི་གཙུག་ལའོ། །བཽ་ཥཊ་ཧེ་དཔལ་ཁྲག་འཐུང་སྟེ། དཔུང་པ་གཉིས་ལའོ། །ཧཱུཾ་ཧཱུཾ་ཧོ་རྡོ་རྗེ་ཉི་མ་སྟེ། མིག་ལའོ། །ཕཊ་ཧཾ་རྟ་མཆོག་སྟེ། ཡན་ལག་ཐམས་ཅད་ཀྱི་གོ་ཆའོ། ། 164a ༄#། །ོཾ་བཾ་རྡོ་རྗེ་ཕག་མེ་སྟེ། ལྟེ་བ་ལའོ། །ཧཾ་ཡོཾ་ཡ་མི་ནི་སྟེ། །སྙིང་ག་ལའོ། །ཧྲཱི་མོཾ་རྨོངས་བྱེད་མ་སྟེ། ཁ་ལའོ། །ཧྲེཾ་ཧྲཱིཾ་གཡོ་བྱེད་མ་སྟེ། མགོ་བོ་ལའོ། །ཧཱུཾ་ཧཱུཾ་སྐྲག་བྱེད་མ་སྟེ། སྤྱི་གཙུག་ལའོ། །ཕཊ་ཕཊ་ཨོཾ་ནི། ཙཎྜི་ཀ་སྟེ། ཡན་ལག་ཐམས་ཅད་ཀྱི་མཚོན་ཆའོ། །འདི་ནི་དམ་ཚིག་ངོ་བོ་སྟེ། །དངོས་པོ་ཀུན་གྱི་རང་བཞིན་ནོ། །སྔགས་དབྱི་བས་ཆོས་བདག་རྣལ་འབྱོར་ནི། །བདག་ཉིད་ཆོས་སུ་སྦྱོར་བ་ཡིས། །ཇི་ལྟར་བདེ་བར་སྤྱད་པར་བྱ། །མངོན་པར་བརྗོད་པའི་རྒྱུད་བླ་མ་ལས། །གནས་ཀྱི་རིམ་པ་སྟེ་ལེའུ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །དཔའ་བོ་གཅིག་བུའི་ཆོ་ག་ནི། །སྔགས་པས་ལྟེ་བར་རྣམ་བསམས་པ། །རླུང་དང་མེ་ཡི་དབུས་སུ་ན། །དེའི་སྟེང་དུ་སྣ་ཚོགས་པདྨ། དེའི་སྟེང་དུ་ཉི་མའི་དཀྱིལ་འཁོར། དེའི་སྟེང་དུ་ཐོད་པ་ཡེ་ཤེས་ལྔའི་བདུད་རྩིས་གང་བ། དེའི་དབུས་སུ་ཨཱ་ལི་ཀཱ་ལི་ལུགས་སུ་འབྱུང་བ་དང ། ལུགས་ལས་ལྡོག་པའི་ཚུལ་དུ་གཉིས་ལྟབ་ཏུ་བྱས་ལ། ཧཱུཾ་བྱིན་གྱིས་བརླབས་པའི་རྡོ་རྗེ་སེམས་དཔའི་སྦྱོར་བ་དགའ་ཞིང་དགྱེས་བ་ལས་བྱུང་བ་ནི། དཔལ་ཐུགས་རྗེའི་བདག་ཉིད་ཧེ་རུ་ཀ་ཆགས་པས་རྣམ་པར་འཁོར་བར་བསྒོམ་མོ། །དེ་ཡང་ཞལ་བཞི་པ། ཕྱག་བཅུ་གཉིས་པ། ཞབས་གཡས་པ་བརྐྱང་བས་བཞུགས་པ། མཆེ་བ་རྣམ་པར་གཙིགས་པ། 164b སྤྱན་གསུམ་པ། ཞལ་རྣམ་པར་འགྱུར་བ། ཐོད་པའི་ཕྲེང་བ་ཅན། །དཔའ་བོའི་ཕྱག་རྒྱ་དྲུག་གིས་སྐུ་ལུས་ཕྱག་རྒྱས་བཏབ་པ། འཇིགས་བྱེད་ཆེན་པོ་དང ། དུས་མཚན་གཉིས་ཀྱི་མགོ་དང་ནུ་མ་མནན་པ། སྟག་གི་པགས་པ་མནབས་པ། སྙིང་རྗེའི་རོས་འཁོར་བ། རྡོ་རྗེ་ཕག་མོ་ལ་འཁྱུད་བའི་ཕྱག་གཉིས་ལ་རྡོ་རྗེ་རྩེ་དགུ་པ། རྡོ་རྗེ་དྲིལ་བུ། ཕྱག་གཞན་གཉིས་ལ་ཚོགས་ཀྱི་བདག་པོའི་ཕགས་པའི་སྟོབས་འཛིན་པ། གཡས་པའི་ཕྱག་གསུམ་པ་ལ་རྡོ་རྗེ་མདུང ། བཞི་པ་ལ་ལྕགས་ཀྱུ། །ལྔ་པ་ལ་རྡོ་རྗེ་གྲི་གུག། དྲུག་པ་ལ་རྡོ་རྗེ་ཅང་ཏེའུ་།ཕྱག་གཡོན་པའི་གསུམ་པ་ན་ཐོད་པ་རྐང་གིས་ཡོངས་སུ་གང་བ། རྣལ་འབྱོར་གྱི་མཆོད་ཕྱིར་ཐོགས་པ་དང ། རྡོ་རྗེ་ཁ་ཊྭཱཾ་ག། སྟེང་དུ་རྩེ་མོ་ལྔ་པའི་རྡོ་རྗེ་རབ་ཏུ་འཇིགས་པའི་རྡོ་རྗེ་དྲིལ་བུ་རབ་ཏུ་འཕྱང་བ། སྣ་ཚོགས་བ་དན་རབ་ཏུ་དཔྱངས་པ། དབུས་སུ་སྣ་ཚོགས་རྡོ་རྗེས་མཚན་པ། འོག་ནས་རྡོ་རྗེ་རྩེ་གཅིག་པ། བཞི་པ་ལ་རྡོ་རྗེ་ཞགས་པ། ལྔ་པ་ལ་ཚངས་པའི་མགོ་བོ། །དྲུག་པ་ལ་དགྲ་སྟ་བསྣམས་པ། ཞལ་མདོག་སྔོ་བ་དང ། སེར་བ་དང ། དམར་བ་དང ། ལྗང་གུ་རབ་ཏུ་འཇིགས་སུ་རུང་བ། སྒེག་པ་དང ། དགོད་པ་དང ། འགྱིང་བག་ཅན་དུ་བཞུགས་པའོ། །དེའི་མདུན་དུ་ཨཱ་ལི་ཀཱ་ལི་ལས་བྱུང་བའི་བཅོམ་ལྡན་འདས་མ་རྡོ་རྗེ་ཕག་མོ་འཁྱུད་ནས་བཞུགས་ཏེ། སྐུ་མདོག་དམར་པོ། ཕྱག་བཞི་པ། ཞལ་ 165a ༄#། །བཞི་པ། སྤྱན་གསུམ་པ། དབུ་སྐྲ་གྲོལ་བ། གཅེར་བུ་དུམ་བུའི་སྐ་རགས་ཅན། །ཕྱག་གཡོན་བ་ན་ཐོད་བ། བྱང་ཆུབ་ཀྱི་སེམས་དང་གདུག་པའི་བདུད་ཀྱི་རཀྟས་ཡོངས་སུ་གང་བ། གཡས་པའི་སྡིགས་མཛུབ་ཅན་ལ་རྡོ་རྗེ་གྲི་གུག་ཐོགས་པ། ཕྱག་གཞན་གཉིས་ལ་ཅང་ཏེའུ་དང ། ཁ་ཊྭཱཾ་ག་བསྣམས་པ། བསྐལ་པའི་མེ་ལྟར་གཟི་བརྗིད་ཅན། ཞལ་ནས་ཁྲག་འཛག་ཅིང་ཁྲག་ལ་དགའ་བ། བྱིན་པ་གཉིས་མཉམ་པར་བསྣོལ་བ། བདེ་བ་ཆེན་པོའི་སྙིང་རྗེའི་བདག་ཉིད་ཅན། དམར་བ་དང ། ལྗང་གུ་དང ། སེར་བ་དང ། སྔོ་བའི་ཞལ། གདུག་ཅིང་འཇིགས་པར་མཛད་པའོ། །བཅོམ་ལྡན་འདས་ཀྱི་ཞལ་དང ། སྐུ་མདོག་ཇི་ལྟ་བ་ཕྱག་དང་སྐུ་མདོག་ཀྱང་དེ་བཞིན་དུ་བྲིས་ཏེ། འདི་ལ་རྣལ་འབྱོར་པ་མཆོག་གིས་ནང་གི་གནས་ལ་སོགས་པའི་རིམ་པར་དགོད་དོ། །པུ་སྟེ་ཐོད་པའི་དུམ་བུ་དང ། །རབ་གཏུམ་མིན་མགོ་ལའོ། ། ཛཱ་སྟེ། ཀེང་རུས་ཆེན་པོ་དང ། གཏུམ་མའི་མིག་ཅན་མ་ནི། སྤྱི་གཙུག་ལའོ། །ོཾ་སྟེ། ཀེང་རུས་ཅན་དང ། འོད་ལྡན་མ་ནི། རྣ་བ་གཡས་པར་རོ། ། སྟེ། མཆེ་བ་རྣམ་པར་གཙིགས་པ་དང ། སྣ་ཆེན་མ་ནི། སྤྱི་བོའི་རྒྱབ་ཏུ་གནས་སོ། །གོ་སྟེ། ལྷ་དགྲ་དང ། དཔའ་བོའི་བློ་གྲོས་མ་ནི། རྣ་བ་གཡོན་པར་རོ། །རཱ་སྟེ། སྨིན་མའི་ 165b དབུས་སུ་ནི་འོད་དཔག་མེད་དང ། མི་ཐུང་མའོ། །དེ་སྟེ། མིག་གཉིས་སུ་ནི་རྡོ་རྗེའི་འོད་དང ། ལངྐའི་དབང་ཕྱུག་མའོ། །མཱ་སྟེ། དཔུང་རྩར་ནི་རྡོ་རྗེ་ལུས་དང ། ཤིང་གྲིབ་མའོ། །ཉེ་བའི་གནས་ཏེ། ཐུགས་ཀྱི་དཀྱིལ་འཁོར་ནམ་མཁའ་ལ་སྤྱོད་པའོ། །ཀཱ་སྟེ། མཆན་ཁུང་གཉིས་སུ་ནི་མྱུ་གུ་ཅན་དང ། ས་སྲུང་མའོ། །ོཾ་སྟེ། ནུ་མ་གཉིས་སུ་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་སྟེ། ཞིང་ངོ ། །ཏྲི་སྟེ། ལྟེ་བའི་དབུས་སུ་སྟོབས་པོ་ཆེ་དང ། རླུང་གི་ཤུགས་ཅན་མའོ། །ཀོ་སྟེ། སྣ་རྩེར་ནི་རྡོ་རྗེ་ཧཱུཾ་མཛད་དང ། ཆང་འཐུང་མ་སྟེ། ཉེ་བའི་ཞིང་ངོ ། །ཀ་སྟེ། ཁ་ལ་ནི་རབ་བཟང་དང ། སྔོ་སངས་ལྷ་མོའོ། །ལཱ་སྟེ། མགྲིན་པར་ནི་རྡོ་རྗེ་འོད་དང ། རབ་བཟང་མ་སྟེ། ཚནྡོ་ཧཱོ། །ཀ་སྟེ། སྙིང་ལ་ནི་རྡོ་རྗེ་འཇིགས་བྱེད་དང།་རྟ་རྣ་མའོ། །ཧི་སྟེ། བཤད་སྒོ་ལ་མིག་མི་བཟང་དང ། བྱ་གདོང་མ་སྟེ། ཉེ་བའི་ཚནོ་ཧཱོ། །གསུང་གི་འཁོར་ལོས་ལ་སྤྱོད་པའོ། །པྲེ་སྟེ། མཚན་མ་ལ་ནི་སྟོབས་པོ་ཆེ་དང ། འཁོར་ལོའི་ཤུགས་མའོ། །གྲྀ་སྟེ། གཞང་ལ་ནི་རྡོ་རྗེ་རིན་ཆེན་དང ། དུམ་སྐྱེས་མའོ། །འདུས་བ་ཅན་ནོ། །སཽ་སྟེ། བརཱ་གཉིས་སུ་རྟ་མགྲིན་དང་ཆང་ཚོང་མའོ། །སུ་སྟེ།་བྱིན་པ་གཉིས་ལ་ནི་ནམ་མཁའི་སྙིང་པོ་དང ། འཁོར་ལོའི་གོ་ཆ་མའོ། །ཉེ་བའི་འདུས་བ་ཅན་ནོ། །ན་སྟེ། སོར་མོ་རྣམས་ལ་ ནི་དཔལ་ཧེ་རུ་ཀ་དང ། ཤིན་ཏུ་དཔའ་མོའོ།། 166a ༄#། །སི་སྟེ། རྐང་པ་གཉིས་སུ་ནི་པདྨ་གར་གྱི་དབང་ཕྱུག་དང ། སྟོབས་ཆེན་མོའོ། །དུར་ཁྲོད་དོ། །ས་སྟེ། མཐེ་བོང་གཉིས་ལ་ནི་རྣམ་པར་སྣང་མཛད་དང།་འཁོར་ལོས་བསྒྱུར་མའོ། །ཀུ་སྟེ། པུས་མོ་གཉིས་སུ་རྡོ་རྗེ་སེམས་དཔའ་དང ། བརྩོན་འགྲུས་ཆེན་མོའོ། །ཉེ་བའི་དུར་ཁྲོད་དེ། སྐུའི་འཁོར་ལོ་ས་འོག་ན་གནས་པའོ།། མཁའ་འགྲོ་མ་ནི། རྡོ་རྗེ། ལཱ་མ་ནི། དྲིལ་བུ། དུམ་སྐྱེས་མ་དང་གཟུགས་ཅན་མ་ནི། །གླང་པོ་ཆེའི་པགས་པ་འཛིན་པའི་ཁུ་ཚུར། །ཁཝ་གདོང་མ་ནི། །རྡོ་རྗེ་མདུང ། འུག་གདོང་མ་ནི། ལྕགས་ཀྱུ། ཁྱི་གདོང་མ་ནི། གྲི་གུག། །ཕག་གདོང་མ་ནི། ཅང་ཏེའུ། གཤིན་རྗེ་སྲེག་མ་ནི། ཐོད་པའི་ཁ་ཊྭཱཾ་ག་མ། གཤིན་རྗེ་ཕོ་ཉ་མ་ནི། ཞགས་པ་མ། གཤིན་རྗེ་མཆེ་བ་མ་ནི། ཚངས་པའི་མགོ་བོ་མ། གཤིན་རྗེ་འཇོམས་མ་ནི། དགྲ་སྟ་མ། བྱང་ཆུབ་སེམས་ཀྱི་སྣོད་ནི། ཞལ་བཞིའི་ངོ་བོ། །སའི་ཁམས་ནི། འབེབས་མ། ཆུའི་ཁམས་ནི། གསོད་མ། མེའི་ཁམས་ནི། འགུགས་མ། རླུང་གི་ཁམས་ནི། གར་གྱི་དབང་ཕྱུག་མ། ནམ་མཁའི་ཁམས་ནི། པདྨའི་དྲ་བ་ཅན་ནོ། །གཟུགས་ཀྱི་ཕུང་པོ་ནི། རྣམ་པར་སྣང་མཛད། ཚོར་བའི་ཕུང་པོ་ནི། རྡོ་རྗེ་ཉི་མ། འདུ་ཤེས་ཀྱི་ཕུང་པོ་ནི། པདྨ་གར་གྱི་དབང་ཕྱུག། འདུ་བྱེད་ཀྱི་ཕུང་པོ་ནི་།རྡོ་རྗེ་རྒྱལ་པོ། རྣམ་པར་ཤེས་པའི་ཕུང་པོ་ནི། རྡོ་རྗེ་སེམས་ 166b དཔའ་སྟེ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ནི། དཔལ་རྡོ་རྗེ་ཧེ་རུ་ཀའོ། །མིག་གཉིས་ནི། གཏི་མུག་རྡོ་རྗེ། རྣ་བ་གཉིས་ནི། ཞེ་སྡང་རྡོ་རྗེ། སྣ་ནི། སེར་སྣ་རྡོ་རྗེ། ཁ་ནི། འདོད་ཆགས་རྡོ་རྗེ། རེག་བྱ་ནི། ཕྲག་དོག་རྡོ་རྗེ། སྐྱེ་མཆེད་ཐམས་ཅད་ནི་དབང་ཕྱུག་རྡོ་རྗེ། ཡིད་ནི། མི་འཁྲུགས་པ། ངག་ནི། ཚེ་དཔག་མེད། ལུས་ནི། རྣམ་པར་སྣང་མཛད་དོ། །ོཾ་ཧ་སྙིང་ལ་རྡོ་རྗེ་སེམས་དཔའ། ན་མཿ ་ཧི་མགོ་ལ་རྣམ་པར་སྣང་མཛད། སཝཱཧཱ་ཧུ་སྤྱི་གཙུག་ལ་པདྨ་གར་གྱི་དབང་ཕྱུག། བཽ་ཥཊ་ཧེ་དཔུང་པ་གཉིས་ལ་ཧེ་རུ་ཀ། ཧཱུཾ་ཧཱུཾ་ཧོ་མིག་གཉིས་སུ་རྡོ་རྗེ་ཉི་མ། ཕཊ་ཧཾ་ཡན་ལག་ཐམས་ཅད་དུ་རྟ་མཆོག་གི་གོ་ཆའོ། །ོཾ་བཾ་ལྟེ་བ་ལ་རྡོ་རྗེ་ཕག་མོའོ། །ཧཾ་ཡོཾ་སྙིང་ལ་ཡ་མི་ནིའོ། །ཧྲཱིཾ་མོཾ་ནི། ཁ་ལ་རྨོངས་བྱེད་མའོ། །ཧྲཱིཾ་ཧྲཱིཾ་ནི། མགོ་ལ་སྐྱོད་བྱེད་མའོ། །ཧཱུཾ་ཧཱུཾ་སྤྱི་གཙུག་ལ་སྐྲག་བྱེད་མའོ། །ཕཊ་ཕཊ་ཙཎྚི་ཀ་སྟེ། ཡན་ལག་ཐམས་ཅད་ཀྱི་གོ་ཆའོ། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་ཏུ་སྦྱར། །དེ་ཡི་དཔྲལ་བའི་དབུས་སུ་རབ་བཞག་ནས། །བསྐོར་ཞིང་བསྐོར་བས་ཀུན་ཏུ་བསྐོར་བར་བྱ། །རྐང་པ་མནན་ཅིང་སྟེང་དུ་བལྟ། །གྱེན་དུ་ཕེཾ་གྱི་སྒྲ་སྒྲོག་ཅིང ། ། ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་འགུགས། །ཇཿ ་ཧཱུཾ་བཾ་ཧོཿ ། རྡོ་རྗེ་ལྕགས་ཀྱུ་ལ་སོགས་པའི་སྦྱོར་བས་དགུག་ཅིང་རབ་ཏུ་ 167a ༄#། །གཞུག་སྟེ་བཅིང་ལ་དབང་དུ་བསྡུའོ། །དཔའ་བོ་དང་རྣལ་འབྱོར་མ་དེས་ནམ་མཁའི་དཀྱིལ་ཡོངས་སུ་གང་བར་མཐོང་བཞིན་དུ་ཐོད་པ་བདུད་རྩི་ལྔས་ཡོངས་སུ་གང་བས་སྟངས་ཐབས་དང་བཅས་པས་དབང་བསྐུར་དབུལ་ལོ། །ཇི་ལྟར་བལྟམས་པ་ཙམ་གྱིས་ཀྱང ། །དེ་བཞིན་གཤེགས་ཀུན་ཁྲུས་གསོལ་པ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བྱའོ། །ོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧུཾ་ཧཱུཾ། རླུང་དང་མེའི་དཀྱིལ་འཁོར་གྱི་སྟེང་དུ་ཐོད་པ། དེར་ཡི་གེ་ཨ་བསྐྱེད་པ་ལ་ཡེ་ཤེས་ལྔའི་བདུད་རྩིས་ཡོངས་སུ་གང་བ། ཟླ་བའི་ཆ་བཅུ་དྲུག་པ་ལ་ཡི་གེ་ཧཱུཾ་དང་ཨཱཿ ་ཨོཾ་གྱིས་བྱིན་གྱིས་བརླབས་ཏེ། ཡི་གེ་གསུམ་པའི་སྤྲོ་བ་ལས་འཁོར་ལོ་གསུམ་འབྱུང་བར་བསྒོམ་མོ། །ོཾ་ས་མ་ཡ་ཤུདྡྷཿ ་སརྦ་དྷརྨཿ ་ས་མ་ཡ་ཤུདྡྷོཉྷཾ། ཆོས་ཐམས་ཅད་ཀྱི་བཅུད་མཉམ་པར་གནས་པར་བསམ་མོ། །ཡེ་ཤེས་ལྔ་ཡི་སྦྱོར་བ་ཡིས། །རྡོ་རྗེ་བདུད་རྩིའི་ཆུ་བཏུང་ངོ ། །ོཾ་བཛྲ་ཨ་མྲྀ་ཏ་ཨུ་ཏ་ཀ་ཧཱུཾ་ཋ་ཋ་ཏྲཾ་ཨ་ཁཾ་ཧཱུཾ་ཨོཾ། །ཡེ་ཤེས་བཟླས་པའི་སྦྱོར་བ་ཡིས། །འཁོར་ལོ་མཆོག་ནི་རྣམ་པར་སྤྲོ། །དུང་ཆེན་ཕྲེང་བ་བླངས་ནས་ནི། །དེ་ནས་དེ་ལ་བཟླས་པར་བྱ། །རང་སྲོག་རྩོལ་བ་བྱས་ནས་ནི། །བསྒོམས་པས་དེ་མ་ཐག་ཏུ་འབར། །ོཾ་བཛྲ་ཤྲཱི་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཨོཾ་ཊཱ་ཀི་ནཱ་ཛཱི་ལ་སཾ་བ་ར་སཝཱཧཱ། ཨོཾ་ཧྲཱིཿ ་ཧ་ཧ་ཧུཾ་ 167b ཧཱུཾ་ཕཊ། སྙིང་པོ་དང ། ཉེ་བའི་སྙིང་པོའོ། །ོཾ་བཛྲ་བཻ་རོ་ཙ་ན་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་སརྦ་བུདྡྷ་ཊཱ་ཀི་ནཱི་ཡེ་བཛྲ་བརྞྞ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ལྷ་མོའི་སྙིང་པོ་དང ། ཉེ་བའི་སྙིང་བོའོ། །ཅི་སྟེང་བར་མ་གྱུར་ན། །དེ་ལྟར་བཟླས་ཤིང་བསམ་གཏན་བྱ། །ངལ་བར་གྱུར་ན་རྣམ་དག་བསྒོམ། །དེ་ལ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ཏེ། གང་ཞེ་ན། ལུས་དྲན་པ་ཉེ་བར་གཞག་པ་ནི། མཁའ་འགྲོ་མའོ། །ཚོར་བ་དྲན་པ་ཉེ་བར་གཞག་པ་ནི། ལཱ་མའོ། །ཆོས་དྲན་པ་ཉེ་བར་གཞག་པ་ནི། དུམ་སྐྱེས་མའོ། །སེམས་དྲན་པ་ཉེ་བར་གཞག་པ་ནི། གཟུགས་ཅན་མའོ། །འདུན་བའི་རྫུ་འཕྲུལ་གྱི་རྐང་པ་ནི། རབ་ཏུ་གཏུམ་མོའོ། །བརྩོན་འགྲུས་ཀྱི་རྫུ་འཕྲུལ་གྱི་རྐང་པ་ནི། གཏུམ་པའི་མིག་ཅན་མའོ། །དཔྱོད་པའི་རྫུ་འཕྲུལ་གྱི་རྐང་པ་ནི། འོད་ལྡན་མའོ། །སེམས་ཀྱི་རྫུ་འཕྲུལ་གྱི་རྐང་པ་ནི། སྣ་ཆེན་མོའོ། །ཡེ་ཤེས་ཀྱི་པདྨ་རྣམ་པར་སྦྱང་བའོ། །དད་པའི་དབང་པོ་ནི། བརྟན་པའི་བློ་ཆེན་མའོ། །བརྩོན་འགྲུས་ཀྱི་དབང་པོ་ནི། མིའུ་ཐུང་མའོ། །དྲན་པའི་དབང་པོ་ནི། ལངྐའི་དབང་ཕྱུག་མའོ། །ཏིང་ངེ་འཛིན་གྱི་དབང་པོ་ནི། ཤིང་གྲིབ་མའོ། །ཐུགས་ཀྱི་འཁོར་ལོ་རྣམ་པར་སྦྱང་བའོ། །ཤེས་རབ་ཀྱི་དབང་པོ་ནི། །ས་སྲུང་མའོ། །དད་པའི་སྟོབས་ནི། འཇིགས་བྱེད་མའོ། །བརྩོན་འགྲུས་ཀྱི་སྟོབས་ནི། རླུང་གི་ཤུགས་ཅན་མའོ། །དྲན་པའི་སྟོབས་ནི། ཆང་འཐུང་མའོ། །ཏིང་ངེ་འཛིན་གྱི་སྟོབས་ནི། སྔོ་སངས་ 168a ༄#། །ལྷ་མོའོ། །ཤེས་རབ་ཀྱི་སྟོབས་ནི། ཤིན་ཏུ་བཟང་མོའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི། རྟ་རྣ་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི། ཁཝ་གདོང་མའོ། །གསུང་གི་འཁོར་ལོ་རྣམ་པར་སྦྱང་བའོ། །དགའ་བ་ཡང་དག་བྱང་ཆུབ་ཀྱི་ཡན་ལག་ནི། འཁོར་ལོའི་ཤུགས་ཅན་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི། དུམ་སྐྱེས་མའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི། ཆང་ཚོང་མའོ། །དྲན་པ་ཡང་དག་བྱང་ཆུབ་ཀྱི་ཡན་ལག་ནི། འཁོར་ལོའི་གོ་ཆ་མའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི། ཤིན་ཏུ་དཔའ་མོའོ། །ཡང་དག་པའི་ལྟ་བ་ནི། སྟོབས་ཆེན་མའོ། །ཡང་དག་པའི་རྟོག་པ་ནི། འཁོར་ལོས་བསྒྱུར་མའོ། །ཡང་དག་པའི་ངག་ནི། དཔའ་མོ་ཆེན་མོའོ། །སྐུའི་འཁོར་ལོ་རྣམ་པར་སྦྱང་བའོ། །ཡང་དག་པའི་ལས་ཀྱི་མཐའ་ནི། ཁཝ་གདོང་མའོ། །ཡང་དག་པའི་འཚོ་བ་ནི། འུག་པའི་གདོང་ཅན་ནོ། །ཡང་དག་བའི་རྩོལ་བ་ནི། ཁྱི་གདོང་ཅན་ནོ། །ཡང་དག་པའི་དྲན་པ་ནི། ཕག་གདོང་མའོ། །རྣམ་པར་ཐར་པ་བཞིའི་སྒོའོ། །ཡང་དག་པའི་ཏིང་ངེ་འཛིན་ནི།་བཅོམ་ལྡན་འདས་དཔལ་ཧེ་རུ་ཀ་སྟེ། ཤིན་ཏུ་རྣམ་པར་དག་པའི་ཆོས་ཀྱི་དབྱིངས་ཀྱི་ཡེ་ཤེས་ཀྱི་རྡོ་རྗེའི་རང་གི་ངོ་བོ་ནི། བདག་ཁོ་ནའོ། །དགེ་བའི་ཆོས་མ་སྐྱེས་པ་རྣམས་ 168b བསྐྱེད་པ་ནི། གཤིན་རྗེ་སྲེག་མའོ། །དགེ་བའི་ཆོས་སྐྱེས་པ་རྣམས་ཡང་དག་པར་སྲུང་བ་ནི། གཤིན་རྗེ་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་ཡང་དག་པར་སྤོང་བ་ནི། གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་ནི། གཤིན་རྗེ་འཇོམས་མའོ། །དམ་ཚིག་གི་འཁོར་ལོའི་རྣམ་པར་སྦྱོང་བའོ། །འདི་ལྟར་མ་ལུས་པ་བསྒོམས་ན། །སྒྲུབ་པོས་ངེས་པར་འགྲུབ་པར་འགྱུར། །སེམས་ཅན་དོན་དུ་རྣལ་འབྱོར་བདག། མཉམ་ཉིད་དམ་ཚིག་དམ་པའོ། །འཁོར་ལོ་ལྔ་པོ་སོ་སོ་ཡི། །ཆོ་ག་སོ་སོའི་དབྱེ་བ་བསྒོམ། །མངལ་སྐྱེས་སོ་སོའི་དབྱེ་བ་དག་།འཁོར་ལོ་ལྔ་ཡི་མཆོག་ཉིད་ཅན། །རྣལ་འབྱོར་མ་སོགས་གཙོར་སྒོམ་པ། །སོ་སོའི་དབྱེ་བའི་དབྱེ་བ་ཡིན། །ཇི་ལྟར་རྡོ་རྗེ་ཧེ་རུ་ཀ། །དེ་བཞིན་ལྷ་མོའི་དབུས་སུ་ནི། སངས་རྒྱས་མཁའ་འགྲོ་མ་སྦྱོར་བ། །རྣལ་འབྱོར་མ་ཡི་འཁོར་དེ་བཞིན། །རྡོ་རྗེ་སྐུ་ཡི་དཔའ་བོ་དག། བྷ་གའི་དབུས་སུ་རྣམ་པར་བསྒོམ། །ཇི་ལྟར་སྒོམ་པའི་རིམ་པ་ཡིས། །དེ་ལྟར་འཁོར་ལོ་གསུམ་དུ་སྦྱོར། །བྷ་ག་ལྔ་པོ་བདག་གིས་བསྒོམ། །དབུས་སུ་མཁའ་འགྲོ་མ་སྦྱོར་དང ། །པདྨའི་མཁའ་འགྲོ་མ་སྦྱོར་དང ། །རྡོ་རྗེ་མཁའ་འགྲོ་མ་དབྱེ་ལ། བྷ་གའི་དབུས་སུ་འཁོར་ལོ་གསུམ། །ཧེ་རུ་ཀ་ནི་མཆོག་ཉིད་བསྒོམ། །དམ་ཚིག་འཁོར་ལོ་བསྒོམས་པ་ལ། །དམ་ཚིག་མཁའ་འགྲོ་མའི་དཀྱིལ་འཁོར། །ཡེ་ཤེས་མཁའ་ 169a ༄#། །འགྲོ་མའི་དཀྱིལ་འཁོར། །སྣ་ཚོགས་པདྨ་ལ་སོགས་དབུས། །ཡེ་ཤེས་འཁོར་ལོའི་སྦྱོར་བ་དག། །དེ་འདི་བྷ་གའི་དབུས་དག་ཏུ། །འཁོར་ལོ་ལྔ་པ་དག་ལ་བསྒོམ། །དཔའ་བོ་གཅིག་པུ་ཧེ་རུ་ཀ། ཇི་བཞིན་ཕག་མོ་དེ་བཞིན་དུ། །སྐུ་མདོག་ཞལ་དང་ཕྱག་དང་མཚན། །དེ་ཉིད་སྣ་ཚོགས་པདྨར་བསྒོམ། །ད་ཉིད་པདྨའི་དབུས་དག་ཏུ། །ཧེ་རུ་ཀ་ནི་མཆོག་ཉིད་བསྒོམ། །ཐོད་པ་ལྷན་ཅིག་མཉམ་པར་ནི། །ལྔ་ཡི་དབྱེ་བ་བདག་སྦྱོར་ཏེ། །རྣལ་འབྱོར་མ་ཡི་རིམ་པ་བསྒོམ། །བྷ་གའི་དབུས་སུ་རྣམ་པར་བསྒོམ། །འཁོར་ལོའི་བདག་པོ་མཐོང་མ་གྱུར། །འཁྱུད་པ་ཡི་ནི་ཕྱག་རྒྱ་ཅན། །དཔའ་བོ་འཁོར་ལོ་དེ་ལ་བསམ། །རང་རང་གི་ནི་རྣལ་འབྱོར་མ། །སྙིང་དུ་སྦས་པ་རྣམ་པར་བསྒོམ། །ཚོགས་ཀྱི་འཁོར་ལོའི་རྣལ་འབྱོར་ནི། །ཕྱག་བཞི་ཡིས་ནི་རྣམ་པར་མཛེས། །གཉིས་ནི་འཁྱུད་པའི་ཕྱག་ཡིན་ཏེ། །གཞན་ནི་སྣ་ཚོགས་མཚན་མ་འཛིན། ། ཕྱག་གཉིས་དག་ནི་འཁྱུད་པ་དང ། །དེ་ཡི་བྷ་གའི་དབུས་སུ་ནི། །དཔའ་བོ་ས་སྒོམ་པ་མ་མཐོང་ངོ ། །ཀུན་རྫོབ་སྤས་པའི་སྦྱོར་བ་ནི། །སྒོམ་པའི་མཆོག་ཀྱང་མ་མཐོང་ངོ ། །སྒོ་པ་ལས་སྐྱེས་རིམ་སྦྱོར་བའི། །སྒོམ་པའི་རྣམ་པར་སྒོམ་པ་ནི། །ལྔ་པོ་འདུས་པའི་བསམ་པ་སྟེ། །སྒོང་སྐྱེས་མཆོག་ནི་སྒོམ་པའོ། །འཁོར་ལོའི་དབྱེ་བའི་དབྱེ་བ་ཡིས། །འདི་ 169b ལྟར་རྣལ་འབྱོར་སྒོམ་པའོ། །ཇི་ལྟར་བསམ་པའི་བྱེ་བྲག་གིས། །དེ་ལྟར་འདོད་པ་སྒོམ་པའོ། །བདག་པོའི་དབྱེ་བའི་དབྱེ་བ་ཡིས། །རིགས་ཀྱི་དབྱེ་བ་རྣམ་པར་བསྒོམ། །ལྷ་མོའི་དབྱེ་བ་\?\་དབྱེ་བ་མིས། །བདག་པོ་ཡང་ནི་རྣམ་པར་བསྒོམ། །མིག་གི་དབྱེ་བའི་དབྱེ་བ་ཡིས། །མཁའ་འགྲོ་མ་ཡི་སྒྲ་ལ་སྦྱོར། །ཡང་ན་སྐུ་གསུམ་དབྱེ་གང་གིས། །དེ་ནི་བདག་པོར་བྱ་གང་ཡིན། །བདག་ལ་སོགས་དབྱེ་བ་ཡིས། །འཁོར་ལོའི་དབྱེ་བའི་དབྱེ་བ་ཡིན། །རིགས་ཀྱི་དབྱེ་བ་ཐམས་ཅད་ཀྱིས། །དཔའ་བོ་རྣལ་འབྱོར་མ་ཡིས་དབྱེ། །མངལ་སྐྱེས་གླུ་ཡི་སྦྱོར་བ་ཡིས། །\?\་སྒོམ་པ་རྣམས་ནི་ཡོངས་སུ་བརྟག། སྒོང་སྐྱེས་\?\་མེད་པ་སྟེ། །སྒྲ་དང་སྒྲ་ཉམས་སྤངས་པའོ། །འདི་ནི་རང་བྱུང་བཅོམ་ལྡན་འདས། །རྣལ་འབྱོར་བདེ་བའི་མཆོག་དམ་པ། ཁ་ཅིག་གི་ནི་རྣལ་འབྱོར་འདོད།་ཁ་ཅིག་རྣལ་འབྱོར་འདོད་མིན་ཏེ། །གླུ་སྒྲ་ལ་སོགས་སྤངས་པ་ཡི། །དངོས་པོ་མེད་པའི་གོ་འཕང་བཞུགས། །ཕྲ་ཞིང་མི་ཟད་དངོས་པོ་མེད། །གཟུང་དང་འཛིན་པ་རྣམ་སྤངས་པའོ། །གླུ་སྒྲ་ལ་སོགས་བཅས་པ་ཡིས། །གོ་འཕང་མཆོག་གི་ལོངས་སྤྱོད་ནི། །གླུ་སྒྲ་ལ་སོགས་སྤངས་པ་ཡི། །དངོས་པོ་མེད་པའི་གོ་འཕང་བཞུགས། །ཕྲ་ཞིང་མི་ཟད་དངོས་པོ་མེད། གཟུང་དང་འཛིན་པ་རྣམ་སྤངས་པའོ། །གོ་འཕང་མཆོག་གི་ལོངས་སྤྱོད་ནི། །གླུ་སྒྲ་ལ་སོགས་བཅས་པ་ཡི། །འདོད་པའི་ཡོན་ཏན་ཐམས་ཅད་ཀྱང ། །ཕན་དང་སྙིང་བརྩེར་བདག་གིས་ 170a ༄#། །བཟའ། །སེམས་ཅན་དོན་ལ་བརྩོན་པ་ཡིས། །བཟོད་པ་བརྩོན་འགྲུས་མཆོག་དམ་པ། །རྣལ་འབྱོར་པས་གླུ་མི་སྨད་ཅིང ། །མཁའ་འགྲོ་མས་ནི་ཕན་པར་དབྱེས། །ཧོ།་སྲིད་པ་གསུམ་ན་བདེ་བརྙེས་གཙོ། ། ལ་ལ་ཧོ། །རྒྱལ་བ་བདེ་ཅན་གྲེང་བའི་ཚོགས། །པདྨ་ལ་ནི་རྡོ་རྗེ་རོལ། ། ལ་ལ་ཧོ། །བདེ་གཤེགས་བྲལ་བའི་བཞད་ལས་གྲོལ། །བདག་པོ་དགྱེས་པ་ཀུན་གྱི་བཅུད། །ཆགས་པས་རབ་ཏུ་དགྱེས་མཛད་ཅིང ། །སྲིད་པ་གསུམ་ན་ཚོགས་ཀྱི་བཅུད། ། ལ་ལ་ཧོ། །དགྱེས་པས་མངོན་པར་གྲོལ་བ་པོ། །བདག་ནི་འདོད་ལས་རང་གྲོལ་མཛོད། །ཱ་ལ་ལས་ནི་བྱུང་བ་ཡིས། །པདྨ་ཡི་ནི་རྣལ་འབྱོར་པས། །གླུ་ཡི་རྒྱལ་པོ་འདི་བླངས་པས། །རྡོ་རྗེའི་རྣལ་འབྱོར་བདེ་བ་ནི། ། པདྨའི་དྲ་བ་ལས་བཞེངས་སོ། །འདིས་བསྐུལ་བས་ནི་མགོན་པོ་རྣམས། །བདེ་ཆེན་བདེ་ཕྱིར་གཞལ་ཡས་ནས། །སངས་རྒྱས་ཐམས་ཅད་བཞེངས་འཁྲུངས་ཏེ། །རྒྱལ་བ་མ་ལུས་སྐྱེ་བར་འགྱུར། །གླུ་དང་བཅས་པའི་དངོས་པོ་མེད། །སྒོང་སྐྱེས་ཆ་ནི་སྤངས་པ་ཡིས། །དེ་ཡི་གཟུགས་ནི་མ་མཐོང་སྟེ། །བདེ་བ་མེད་ཅིང་སྡུག་བསྔལ་མེད། །གཉིས་སུ་མེད་ཅིང་དངོས་པོ་མེད། །བརྟག་པའི་སྤྱོད་ཡུལ་རྣམ་པར་བརྟག་།ཚེས་དང་ཆོས་ལས་རྣམ་གྲོལ་ཞིང ། །སྡིག་པ་ཉས་པས་མི་གོས་སོ། །ཐམས་ཅད་གཉིས་མེད་རྣམ་གྲོལ་བའི། །སྒོང་ 170b སྐྱེས་དངོས་པོ་དང་བཅས་ཡིན། །གླུས་ནི་གཉིད་ལས་སད་པས་ན། །རྨོངས་པས་མཁས་པ་མི་སྨད་དོ། །མ་རྟོགས་པ་དང་རྟོགས་བྱའི་ཕྱིར། །སེམས་ཅན་དོན་དུ་སངས་རྒྱས་སོ། །ཞིང་སྐྱེས་ལྷན་ཅིག་སྐྱེས་ལྷ་མོ། །གནས་སྐྱེས་རྣལ་འབྱོར་མ་དེ་བཞིན། །རིགས་སྐྱེས་ལྷ་མོ་སྐྱེས་ལྷ་མོ། །མི་སྣང་མཁའ་སྤྱོད་མ་དེ་བཞིན། །ཐ་མའི་སྐྱེ་བ་མཆོག་ཉིད་དེ། །བར་མ་སྣ་ཚོགས་དམ་པ་ཡིན། །སུམ་ཅུ་པ་ནི་ས་ལ་སྤྱོད། །ས་འོག་སྤྱོད་པ་འོག་ན་གནས། །གནོད་སྦྱིན་མ་དང་གླུ་མོ་དང ། །མི་འམ་ཅི་མོ་དྲི་ཟ་མོ། །ལྷ་མོ་ཐམས་ཅད་སྔོན་གྲུབ་དང ། །གཞན་ཡང་བདེ་གཤེགས་བསམ་པ་ཅན། །དཀོན་མཆོག་གསུམ་ལ་བདག་དགའ་བ། ཐམས་ཅད་ཕྱི་ཡི་དཀྱིལ་འཁོར་ལོ། །སྣ་ཚོགས་གླུ་ནི་ཉེར་སྤྱད་ཅིང ། །རྟག་ཏུ་གླུ་ནི་བླང་བར་བྱ། ། སྣ་ཚོགས་རོ་ཡི་བདེ་བ་ཡིས། །ལྷ་མོ་མཁའ་འགྲོའི་གཙོ་བོ་མཆོད། །རླུང་གི་དཀྱིལ་འཁོར་ལ་གནས་ནས། །སྐུ་ཡི་འཁོར་ལོ་རྣམ་པར་བསྒོམ། །མཁས་པས་ཆུ་ལ་རབ་གནས་ནས། །གསུང་གི་དཀྱིལ་འཁོར་རྣམ་པར་བསྒོམ། །མེ་ཡི་དཀྱིལ་འཁོར་ལ་གནས་ནས། །ཐུགས་ཀྱི་དཀྱིལ་འཁོར་བདེ་བ་ཆེ། །དབང་ཆེན་དཀྱིལ་འཁོར་ལ་གནས་ནས། །དམ་ཚིག་དཀྱིལ་འཁོར་མཆོག་དམ་པ། །ཡེ་ཤེས་དཀྱིལ་འཁོར་དེ་ཉིད་ནི། །དེ་ལས་བསམ་ཞིང་རྣམ་པར་བསྒོམ། །བྷ་གའི་དཀྱིལ་འཁོར་དབུས་སུ་ནི། །སྣ་ཚོགས་པདྨའི་རྣམ་པ་ 171a ༄#། །བསྒོམ། །ཉི་མའི་དཀྱིལ་འཁོར་དབུས་སུ་ནི། །དཔའ་བོ་གཅིག་པུ་རྣམ་པར་བསྒོམ། །འཁོར་ལོ་པདྨ་རྡོ་རྗེ་ཕྲེང ། །འཁོར་ལོ་གསུམ་པོ་ཡོངས་སུ་བསྐོར། །ཇི་ལྟར་དམ་ཚིག་མཆོག་འཁྲོ་ལོ། །སྣ་ཚོགས་རྡོ་རྗེའི་ཕྲེང་གིས་བསྐོར། །ཡི་དྭགས་རྣམ་པ་ལྔས་དེ་བཞིན། །ཕྱི་རོལ་དཀྱིལ་འཁོར་ཡོངས་སུ་བསྐོར། །ཕྱི་རོལ་དུར་ཁྲོད་མ་རུངས་པའི། །སྣ་ཚོགས་མདོག་ཅན་མཆོག་དམ་པ། །སྣ་ཚོགས་ཤིང་ནི་ཉམས་དགའ་བ། །ཁྱི་དང་ལྕེ་སྤྱང་འཇིགས་པ་དང ། །བྱ་རོག་འུག་པ་ཆུ་སྐྱར་དང ། །བྱ་རྒོད་དང་ནི་སི་བི་ཀ། སྲེག་པའི་ས་ཡང་དེ་བཞིན་ཏེ། །ཀེང་རུས་གསལ་ཞིང་བསྐྱོན་པ་དང ། །རག་རོག་བསྲེགས་པ་རྣམ་པར་འཕྱང ། །དེ་བཞིན་ཕྱེད་ཚིག་ཕྱེད་མ་ཚིག་།མགོ་བོ་ཐོད་པ་རྗེ་ངར་དང ། །ཁོག་པ་ལག་པ་མགོ་བོ་དང ། །ལྕེ་སྤྱང་སྒྲ་ནི་སྒྲོག་པ་དང ། །སྦྲུལ་ནི་སྣ་ཚོགས་དགའ་བར་གནས། །སེངྒེ་ཕག་དང་སྟག་དང་ནི། །ར་དང་ལུག་དང་དེ་བཞིན་ཏེ། །གླང་པོ་ཁྱི་དང་བོང་བུ་གླང ། །རྔ་མོ་སྣ་ཆོགས་བདེ་བའི་མཆོག་།བཟའ་བ་རྣམ་པ་སྣ་ཚོགས་དང ། །ཆང་གི་བཏུང་བའི་མཆོག་རྣམས་དང ། །དཔའ་བོ་འདུས་པའི་མཆོག་དག་དང ། །རྣལ་འབྱོར་མ་ནི་མཆོག་སྣ་ཚོགས། །ཐོད་པ་ཁ་ཊྭཱཾ་ག་འཛིན་ཅིང ། །གྲི་གུག་ཅང་ཏེའུ་མཆོག་རྣམས་དང ། །སྣ་ཚོགས་ལྷ་ཡི་རྔ་དག་དང ། །རོ་མཆོག་བཟའ་བ་སྣ་ཚོགས་དང ། །སྣ་ཚོགས་ཙུམྤ་ཨཱ་ལི་ཀ་།ཀུ་ཤ་ལེ་ 171b མཆོག་དམ་པ་དག་།དེ་ལྟ་བུ་ཡི་དུར་ཁྲོད་དུ། །གནོད་སྦྱིན་རོ་ལངས་སྲིན་པོ་ལ། །གཏོར་མ་དེ་ལ་སྦྱིན་བྱ་ཞིང ། །ཧེ་རུ་ཀ་ཡི་གཟུགས་རྣམས་བསྒོམ། །ཅང་ཏེའུ་རྡོ་རྗེ་དྲིལ་བུ་དང ། ། སིལ་སྙན་གར་རྣམས་རབ་ཏུ་བྱ། །ཕྱོགས་ཀྱི་གོས་ཅན་ཕྱག་རྒྱ་སྦྱོར། །ཧཱུཾ་ཕཊ་ཅ་ཅོའི་སྒྲ་འབྱིན་ཅིང ། །ཞབས་གཡས་བརྐྱང་བའི་སྦྱོར་བ་ཡིས། །འབར་བའི་ཕྱག་རྒྱ་བཅིངས་ནས་སུ། །ཁ་ནི་དམ་ཚིག་གིས་བཀང་ནས། །འདི་ལ་གསང་སྔགས་རྗེས་དྲན་བྱ། །ོཾ་ཨཱ་ཨ་ར་ལི་ཧོ་ཛཿ ཧཱུཾ་བཾ་ཧོཿ ། བཛྲ་ཌཱ་ཀི་ནཱི་ས་མ་ཡ་སྟྭཾ་དྲི་ཤྱ་ཧོ། །འདི་ནི་གསུམ་མཾ་བཞི་ལྔ་རུ། །ཡང་དང་ཡང་དུ་བརྗོད་པར་བྱ། །ལུགས་སུ་འབྱུང་དང་ལྷག་པ་ཡིས། །ཐོད་པར་དེ་རྣམས་ལ་ཡང་སྦྱིན། །རྡོ་རྗེ་ཐལ་མོ་གྱེ་ན་ཕྱེ་ནས། །འདི་ལ་གསང་སྔགས་འདབ་པར་བྱ། །ོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙ་ཨུན་མཱ་ད་ཨ་པསྨཱ་ར་ཌཱ་ཀ་ཌཱ་ཀི་ནྱཱ་ད་ཡ། ཨི་མཾ་བི་ལཾ་གྲིཧྞ་ནྟུ། ས་མ་ཡ་རཀྵཾ་ཏུ། མ་མ་སརྦ་སིདྡྷིམྨེ་པྲ་ཡ་ཙྪནྟུ། ཡ་ཐཻ་བཾ་ཡ་ཐེཥྚཾ།་བྷུཉྫ་ཐ། ཛི་གྷྲ་ཐ། མཱ་ཏི་ཀྲ་མ་ཐ། མ་མ་སརྦ་ཀཱརྟ་ཡཱ་ས་ད་སུ་ཁ་བི་ཤུདྡྷ་ཡེ་ས་ཧ་ཡི་ཀཾ་བྷ་བནྟུ་ཧཱུཾ་ཧཱུཾ་ཕཊ་ཕཊ་སཝཱཧཱ། ཆོ་ག་འདི་ཡི་རིམ་པ་ཡིས། །ཐུན་མཚམས་བཞི་རུ་སྦྱིན་པར་བྱ། །གཅིག་པུ་བདེ་བར་གནས་ནས་སུ། །མ་ཧཱ་མ་ས་དོན་བྱ་བསྟེན། །རྣལ་འབྱོར་མཉམ་པར་བཞག་ནས་ནི། །འདི་ལ་ཐམས་ཅད་བཟའ་བར་བྱ། །ངེས་པར་བརྗོད་ 172a ༄#། །པའི་རྒྱུད་བླ་མའི་བླ་མ་ལས། གཉིས་སུ་མེད་པའི་འཁོར་ལོའི་རིམ་པར་ཕྱེ་བ་བསྟན་པ་སྟེ་ལེའུ་དགུ་པའོ།། །།དེ་ནས་གཞན་ཡང་བཤད་བྱ་བ། །དག་པའི་གནས་ཀྱི་ཆོ་ག་སྟེ། །གསང་བའི་ཆོ་གའི་གསང་བ་ནི། །མཁའ་འགྲོ་མ་ཡི་སྙིང་པོ་མཆོག་།གསང་སྔགས་ཀུན་གྱི་གནས་སྦྱོར་བ། །དངོས་གྲུབ་ཐམས་ཅད་སྩོལ་བ་ཡིན། །དེ་ནས་དེ་བཞིན་གཤེགས་པ་ཐམས་ཅད་ལ་དབང་ཕྱུག་ཆེན་པོའི་རྡོ་རྗེའི་འཁོར་དང ། མངག་གཞུག་དང་བཅས་པ་མཁའ་འགྲོ་ཆེན་པོ་དང ། མཁའ་འགྲོ་མའི་ཚོགས་རྣམས་དང ། གཞན་ཡང་བཅོམ་ལྡན་འདས་ཀུན་ཏུ་བཟང་པོ་ཆེན་པོ་རྡོ་རྗེ་འཛིན་པ་རྣམས་རང་གི་བདག་པོ་ལ་ཕྱག་བྱས་ཏེ་གསོལ་པ། ཨེ་མའོ་བདེ་བའི་སེམས་དཔའ་ཁྱོད། །ེ་མའོ་བདེ་བའི་གཙོ་བོ་ཡིས། །མཁའ་འགྲོ་མ་ཡི་གསང་བ་མཆོག་།རང་གི་དཀྱིལ་འཁོར་བཤད་དུ་གསོལ། །སངས་རྒྱས་རྣལ་འབྱོར་རྣལ་འབྱོར་ཆེ། །རྡོ་རྗེ་རྣལ་འབྱོར་མཆོག་གྱུར་པ། །རང་གི་གསང་བའི་དཀྱིལ་འཁོར་གསུངས། །འཇིག་རྟེན་གསུམ་གྱི་བདེ་བ་འབྱུང ། །རྡོ་རྗེ་རིན་ཆེན་པདྨ་ཆེ། །སྣ་ཚོགས་སྦྱོར་དང་སྣ་ཚོགས་གར། །རང་གི་དཀྱིལ་འཁོར་དག་པ་གསུངས། །གཞལ་ཡས་ཟུར་བཞི་རབ་ཏུ་མཛེས། །སྒོ་བཞི་དང་ནི་ཡང་དག་ལྡན། །རྒྱན་རྣམས་ཐམས་ཅད་ཡོངས་སུ་རྫོགས། །དཀྱིལ་ 172b འཁོར་བདེ་བ་ལས་བྱུང་བ། །དེ་ཡི་དབུས་སུ་འཁོར་ལོ་གཉིས། །ཐུགས་དང་གསུང་གི་འཁོར་ལོ་མཆོག་།རྩིབས་བརྒྱད་པ་ལ་སྔོ་དང་དམར། །རྡོ་རྗེ་པདྨས་རྣམ་པར་བསྐོར། །ཕྱི་རོལ་འཁོར་ལོས་བསྐོར་བར་བྲི། །དཀྱིལ་འཁོར་དཀྱིལ་འཁོར་མཆོག་གི་ནི། །ཕྱི་རོལ་རྣལ་འབྱོར་མ་སྣ་ཚོགས། །གླུ་དང་གར་གྱི་རྣམ་པར་རོལ། །ཕྱི་རོལ་ཡི་དྭགས་ཕྲེང་པ་ཡི། །སྣ་ཚོགས་མདོག་ནི་མཆོག་དམ་པ། །ལག་པའི་གར་གྱིས་གར་བྱེད་པ། །གདོང་ནི་རྣམ་བསྒྱུར་ལྕེ་ཡང་བསྐྱོད། །དེ་དབུས་སྟོང་པར་གྱུར་པ་སྟེ། །ཟླ་བར་ཡི་གེ་ཧཱུཾ་མཆོག་ཡིན། །དེར་ནི་རྡོ་རྗེ་ཁྱབ་པ་སྟེ། །རྡོ་རྗེ་སེམས་དཔའ་རྣམ་པར་བསྒོམ། །ཞལ་གསུམ་ཕྱག་ནི་དྲུག་པ་སྟེ། །སྐུ་གསུམ་སྙིང་རྗེའི་ཉམས་དང་ལྡན། །ཕྱག་རྒྱ་ཆེ་དང་ཡང་དག་ལྡན། །རྡོ་རྗེའི་སྐྱིལ་མོ་ཀྲུང་གིས་བཞུགས། །སྣ་ཚོགས་པདྨའི་གདན་སྟེང་དུ། །ཟླ་བའི་དཀྱིལ་འཁོར་དབུས་སུ་ནི། །དཀར་ཞིང་སྔོ་ལ་གུར་གུམ་ཞལ། །སྐུ་གསུང་ཐུགས་ཀྱི་རྡོ་རྗེ་ཡི། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་དྲིལ་བུས་ཡང་དག་འཁྱུད། །ཅང་ཏིའུ་ཚངས་པའི་མགོ་བོ་འཆང ། མི་བསྐྱོད་པ་ཡི་ཅོད་བན་འཛིན། །མཁའ་འགྲོའི་གནས་ནི་དགོད་བྱ་སྟེ། །དཔའ་བོའང་དེ་བཞིན་དགོད་པར་བྱ། །ཁམས་དང་ཕུང་པོ་སྐྱེ་མཆེད་རྣམས། །སྐུ་གསུང་ཐུགས་སུ་རྣམ་པར་བསྒོམ། །ལྷ་མོའང་དེ་འདྲའི་གཟུགས་ཅན་ཏེ། །ཕྱག་རྒྱ་ཆེན་པོ་བདེ་བ་ཡིན། །སྙིང་གར་མཾ་གྱི་ས་བོན་ནི། །ཟླ་བའི་དཀྱིལ་ 173a ༄#། །འཁོར་དབུས་དག་ཏུ། །ཧོ་གཉིས་དང་ནི་བཅས་པ་རུ། །སྔོན་དུ་དངོས་གྲུབ་རྗེས་དྲན་ནས། །ཕྱག་རྒྱ་འདི་ཡིས་རྒྱས་བཏབ་སྟེ། །དེ་མ་ཐག་ཏུ་ལྷ་མོ་ཡི། །སྙིང་གའི་གསང་བའི་པདྨ་ལ། །ཆགས་པར་སྤྱོད་པར་གྱུར་ནས་སུ། །མགོན་པོ་ཆེན་པོ་ཆགས་པ་ཡིས། །རྡོ་རྗེ་སེམས་དཔའི་བདེ་བ་ཆོས། །དེ་དང་ལྷན་ཅིག་རོལ་པ་སྟེ། །དབང་པོ་གཉིས་ནི་སྦྱོར་བར་འགྱུར། །དཔའ་བོ་རྣལ་འབྱོར་མ་རྣམས་ཀྱི། །ཡིད་ནི་དགའ་བར་གྱུར་ནས་སུ། །དགའ་བ་ཡི་ནི་བསམ་པ་ཡིས། །ཅང་ཏེའུའི་སྒྲ་ཡིས་བསྐུལ་ན་ནི། །མཉམ་ཉིད་དགའ་ལས་བཞེངས་པར་འགྱུར། །ཱ་ལི་ཀཱ་ལི་མཉམ་སྦྱོར་བ། །བདེ་བ་ཆེན་པོ་དགྱེས་པར་འགྱུར། །དེ་ནས་ནམ་མཁའ་དང་ཆོས་ཀྱི་དབྱིངས་ཀྱི་མཐའ་གཏུགས་པ་ཐམས་ཅད་ཀྱི་རྡུལ་དང་མཉམ་པའི་དེ་བཞིན་གཤེགས་པ་ཐམས་ཅད་འཁོར་དང་བཅས་པ་དང ། གསང་བའི་དཔའ་བོ་དང ། མཁའ་འགྲོ་མ་དང་བཅས་པས་ཁྱབ་པ། བྱང་ཆུབ་སེམས་དཔའི་ཚོགས་ཆེན་པོས་མདུན་དུ་བདར་བ། །མ་ལུས་ཤིང་ལུས་པ་མེད་པའི་མཁའ་འགྲོ་དང ། མཁའ་འགྲོ་མའི་ཚོགས་དང ། ཕྱིའི་རིག་མའི་བདག་ཉིད་ཕོ་ཉ་དང ། ཕོ་ཉ་མའི་ཚོགས་རྒྱ་ཆེ་བ་རྣམས་ངོ་མཚར་དུ་གྱུར་ནས་མིག་གིས་ལྟ་ཞིང་མཉམ་པར་འཁྱུད་དེ། གར་གྱི་རྣམ་པར་འཕྲུལ་པ་ཡིས། །དགའ་བོ་ཆེན་པོས་ 173b ལངས་ནས་ནི། །སྤྱི་བོར་ཐལ་མོ་སྦྱར་བྱས་ནས། །བྱིན་གྱི་རླབས་ཀྱིས་དགྱེས་པ་ཡིས། །མགོན་པོ་ཆེན་པོ་དགྱེས་པ་ཡིས་།གླུ་འདི་དག་གིས་བསྐུལ་བར་བྱ། །ེ་མའོ་ངོ་མཚར་རྨད་ཀྱི་ཆོས། །ེ་མའོ་ངོ་མཚར་རྨད་ཀྱི་ལུགས། །ེ་མའོ་ངོ་མཚར་རྨད་ཀྱི་གསང ། །ེ་མའོ་བདེ་བ་ལས་བྱུང་བ། །ེ་མའོ་ཀུན་ཏུ་བཟང་པོའི་དོན། །ེ་མའོ་བདེ་བ་ཡང་དག་འདུས། །ེ་མའོ་བདེ་ཆེན་དག་པ་སྟེ། །ེ་མའོ་བདེ་བ་བདེ་བའི་མཆོག་།ེ་མའོ་གསང་སྔགས་མཉམ་སྦྱོར་བ། །ེ་མའོ་ཐུགས་ཀྱི་སྤྱོད་པ་སྟེ། །ེ་མའོ་མཉམ་ཉིད་ཕྱག་རྒྱར་ལྡན། །ེ་མ་གྲུབ་པ་ཡང་དག་འབྱུང ། །ེ་མ་ཕ་རོལ་ཕྱིན་པ་ཡིས། །ེ་མ་རིག་པ་རྗེས་ཆགས་པ། །ེ་མ་སྣ་ཚོགས་ལས་ཆེན་པོ། །ེ་མ་ཁ་སྦྱར་གསུམ་དག་པ། །ེ་མ་རྡོ་རྗེ་མཉམ་ལ་སྦྱོར། །ེ་མ་པདྨ་རྣམ་འབྱེད་པ། །ེ་མ་དབང་པོ་གཉིས་མཉམ་ལྡན། །ེ་མ་རྨད་བྱུང་མཉམ་པ་སྟེ། །ེ་མ་དག་པའི་གར་ཆེན་ཏེ། །ེ་མ་དྲི་མེད་གླུ་རེ་ལེགས། །ེ་མ་རོལ་མོ་ལེགས་སྦྱོར་བ། །ེ་མ་ཕཊ་ཀྱིས་མུན་སེལ་བ། །ེ་མ་མེ་ཏོག་ན་བཟའ་མཛེས། །ེ་མ་བདུག་པ་གྷ་ཏི་བདུག་།ེ་མ་སྒྲོན་མ་གཏི་མུག་སེལ། །ེ་མ་དྲི་མཆོག་བསིལ་བ་སྟེ། །ེ་མ་རྣལ་འབྱོར་མཉམ་སྦྱོར་བ། །ེ་མ་སྒྱུ་འཕྲུལ་མཁའ་ལྟ་བུ། །ེ་མ་གདོད་ནས་སངས་རྒྱས་གདོད་ནས་རྡོ་རྗེ་སྟེ། །ེ་མ་གདོད་ནས་རིན་ཆེན་བདེ་ 174a ༄#། །བ་རབ་སྩོལ་བ། །ེ་མ་གདོད་ནས་པདྨ་གདོད་ནས་བྲིས་པ་སྟེ། །ེ་མ་སྣ་ཚོགས་སྒྱུ་འཕྲུལ་རྣམ་པར་འཕྲུལ་པ་ཡིན། །ེ་མ་ངོ་མཚར་རྨད་སངས་རྒྱས། །ེ་མ་ངོ་མཚར་འདི་ཉིད་རྨད། །ེ་མ་ངོ་མཚར་སེམས་ཅན་རྣམས། །ེ་མ་ངོ་མཚར་ལྷ་མོ་ཡིན། །འདིས་བསྐུལ་བས་ནི་མགོན་པོ་རྣམས། །མཆོག་ཏུ་སྦྱོར་བའི་ས་བོན་ལས། །གུར་གུམ་གྱི་ནི་མདོག་ལྟ་བུ། །རྡོ་རྗེས་མཚན་པ་འབྱུང་བར་འགྱུར། །ཞལ་དྲུག་ཕྱག་ནི་བཅུ་གཉིས་པ། །ཕག་མོ་ཡིས་ནི་རྣམ་པར་བརྒྱན། །དཔའ་ཆེན་འཇམ་པའི་རྡོ་རྗེ་ནི། །སྐྱིལ་ཀྲུང་ཕྱེད་པར་ཡང་དག་གནས། །སྤྱན་གསུམ་པ་ལ་རབ་ཏུ་བཞད། །དྲག་ཅིང་འཇིགས་ལ་རྔམ་པ་དང ། །སྙིང་རྗེ་གར་གྱི་ཉམས་ཅན་ཏེ། །འཇིགས་བྱེད་དང་ནི་དུས་མཚན་དག། །ཞབས་ཀྱི་འོག་ཏུ་མནན་པར་བཞུགས། །ཡང་ན་གཡས་བརྐྱང་གནས་པ་ཡིས། །རྣལ་འབྱོར་འབྱུང་བ་ཆེན་པོ་སྐྱེས། །ཟླ་བའི་དཀྱིལ་འཁོར་དབུས་སུ་ནི། ། སྣ་ཚོགས་པདྨ་དག་ལ་བཞུགས། །གེ་སར་གསར་པའི་མདོག་ཅན་ལ། །ཕྱག་རྒྱ་དེས་ནི་རྣམ་པར་བརྒྱན། །སྔོ་ཞིང་ལྗང་ལ་སེར་བ་དང ། །དམར་ཞིང་དཀར་ལ་ཞི་བ་སྟེ། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་གཟུགས་ཀྱིས་རྣམ་པར་མཛེས། །རྡོ་རྗེ་དྲིལ་བུ་མཉམ་པར་ལྡན། །ལྷ་མོའི་སྐུ་ཙ་འཆིར་བ་དང ། །ཚངས་པའི་སྐུད་པ་འཛིན་མཛད་ཅིང ། །དྲག་པོའི་ 174b འཇིགས་བྱེད་པགས་པ་ནི། །རྐེད་པར་འཆིང་ཞིང་བཞུགས་པ་ཡིན། །ཐོད་པ་ཁཊྭཱཾ་ག་འཛིན་ཅིང ། །རལ་གྲི་ཨུདྤལ་འདབ་བསྣམས་ཤིང ། །ལྕགས་ཀྱུ་ཞགས་པ་ཅང་\?\་ཏེའུ། ། མགོ་བོ་གཞུ་ཡང་དེ་བཞིན་ནོ། །དེ་ཡི་སྐུ་མདོག་ཕྱག་མཚན་བཞིན། །རྡོ་རྗེ་ཕག་མོ་ཆེན་མོ་ནི། །ཆགས་པ་ཆེན་པོའི་གོ་འཕང་གནས། །བྱིན་པ་གཉིས་ཀྱིས་ལེགས་པར་འཁྲིལ། །དགའ་བ་ཆེན་པོ་ཡིད་འོང་བ། །མགོ་བོའི་ཕྲེང་བས་སྐུ་ལུས་བརྒྱན། །ཕྱག་རྒྱ་དྲུག་གིས་རྣམ་པར་མཚན། །འདི་ལྟར་སྔགས་པས་བསྒོམས་བྱས་ཏེ། །འཇམ་དཔལ་རྡོ་རྗེ་བདེ་བ་ཆེ། ། གནས་སོགས་བདག་པོར་སྦྱོར་བ་ཡིས། །ཡེ་ཤེས་ལ་སོགས་བདག་པོ་ཀུན། །མཁའ་འགྲོ་དྲ་བའི་སྦྱོར་བ་སྟེ། །སྡོམ་པ་སྔོམ་པའི་མཆོག་ཡིན་ནོ། །ཐོག་མ་ཐུགས་ཀྱི་འཁོར་ལོ་སྟེ། །ཤར་ཕྱོགས་ཀྱི་རྩིབས་སུ་པུལླཱིར་མ་ལ་ཡ་ན་ཐོད་པའི་དུམ་བུ་དང ། རང་གཏུམ་མ་སྟེ། དཀར་བ་དང ། སྔོ་བ་དང ། ལྗང་གུའོ། །བྱང་ཕྱོགས་སུ་ཛཱ་ལནྡྷ་ར་ན་ཀེང་རུས་ཆེན་པོ་དང ། གཏུམ་མིག་མ་སྟེ། སེར་བ་དང ། སྔོ་བ་དང ། ལྗང་གུའོ། །ནུབ་ཕྱོགས་སུ་ཨཽ་ཌི་ཡཱ་ན་ན་ཀེང་རུས་ཅན་དང ། འོད་ལྡན་མ་སྟེ། དམར་བ་དང ། སྔོ་བ་དང ། ལྗང་གུའོ། །ལྷོ་རུ་ཨར་བུ་ད་ན་མཆེ་བ་རྣམ་པར་གཙིགས་པ་དང ། སྣ་ཆེན་མ་སྟེ་ལྗང་གུ་དང ། སེར་བ་དང ། དམར་བའོ། །མེའི་ཕྱོགས་ལ་གཱོ་དཱ་བ་རིར་ལྷ་ 175a ༄#། །དགྲ་དང ། དཔའ་བོའི་བློ་གྲོས་མ་སྟེ། དམར་བ་དང ། སེར་བ་དང ། ལྗང་གུའོ། །བདེན་བྲལ་དུ་རཱ་མེ་ཤཝ་ར་ན་འོད་དཔག་མེད་དང ། མི་ཐུང་མ་སྟེ། དཀར་བ་དང ། སེར་བ་དང་ལྗང་གུའོ། །རླུང་གི་ཕྱོགས་སུ་དེ་བི་ཀོ་ཊི་ན་རྡོ་རྗེའི་འོད་དང ། ལངྐའི་དབང་ཕྱུག་མ་སྟེ། ནམ་མཁའི་མདོག་ཅན། སེར་བ་དང ། ལྗང་གུའོ། །དབང་ལྡན་དུ་མཱ་ལ་བ་ན་རྡོ་རྗེ་ལུས་དང ། ཤིང་གྲིབ་མ་སྟེ། ལྗང་གུ་དང ། སེར་བ་དང ། སྔོ་བའོ། །ཐུགས་ཀྱི་འཁོར་ལོ་སྟེ་ཐོད་པའི་དུམ་བུ་ལ་སོགས་པའི་དཔའ་བོ་ནི། རབ་གཏུམ་མ་ལ་སོགས་པ་རྡོ་རྗེ་དང་དྲིལ་བུ་འཛིན་པས་འཁྱུད་པའོ། །གཉིས་པ་གསུང་གི་འཁོར་ལོ་ཡང་ཤར་ཕྱོགས་ཀྱི་རྩིབས་སུ་ཀཱ་མ་རུ་ཕན་མྱུ་གུ་ཅན་དང ། ས་སྲུང་མ་སྟེ། དཀར་བ་དང ། སྔོ་བ་དང ། ལྗང་གུའོ། །བྱང་ཕྱོགས་སུ་ཨོ་ཏྲེ་ན་རྡོ་རྗེ་རལ་པ་ཅན་དང ། འཇིགས་བྱེད་ཆེན་མོ་སྟེ། ལྗང་གུ་དང ། སེར་བ་དང ། སྔོ་བའོ། །ནུབ་ཏུ་ཏྲི་ཤ་ཀུ་ནེ་ན་དཔའ་བོ་ཆེན་པོ་དང ། ཞུང་\?\་གི་ཤུགས་ཅན་མ་སྟེ། སྔོ་བ་དང ། སེར་བ་དང ། ལྗང་གུའོ། །ལྷོ་རུ་ཀོ་ས་ལ་ན་རྡོ་རྗེ་ཧཱུཾ་མཛད་དང ། ཆང་འཐུང་མ་སྟེ། དམར་བ་དང ། སེར་བ་དམ། ལྗང་གུའོ། །མེའི་ཕྱོགས་སུ་ཀ་ལིངྐར་རབ་བཟང་དང ། སྔོ་བ་སངས་མ་སྟེ། ལྗང་གུ་དང ། སེར་བ་དང ། དམར་བའོ། །བདེན་བྲལ་དུ་ལཱཾ་པ་ཀ་ན་རྡོ་རྗེ་འོད་དང ། རབ་ 175b བཟང་མ་སྟེ། སེར་བ་དང ། སྔོ་བ་དང ། ལྗང་གུའོ། །རླུང་གི་ཕྱོགས་སུ་ཀཱཉྩི་ན་འཇིགས་བྱེད་ཆེན་པོ་དང ། རྟ་རྣམ་སྟེ། དུད་པའི་མདོག་དང ། སེར་བ་དང ། སྔོ་བའོ། །དབང་ལྡན་གྱི་ཕྱོགས་སུ་ཧི་མ་ལ་ཡ་ན་མིག་མི་བཟང་དང ། བྱ་གདོང་མ་སྟེ། གནམ་གྱི་མདོག་དང ། སེར་བ་དང ། ལྗང་གུའོ། །གསུང་གི་འཁོར་ལོ་སྟེ་མྱུ་གུ་ཅན་ལ་སོགས་པ་དང ། ས་སྲུང་མ་ལ་སོགས་པ་ནི། པདྨ་དང་པདྨའི་དྲིལ་བུ་འཛིན་པས་འཁྱུད་པ། དེ་ལྟར་མཁའ་ལ་སྤྱོད་པ་དང ། ས་ལ་སྤྱོད་པའི་འཁོར་ལོ་གཉིས་པོ་ཡིན་ནོ། །གསུམ་པའི་སྐུ་རྡོ་རྗེ་འབྱུང་བ་ནི། ཟུར་བཞི་པ་ལ་སྒོ་བཞི་པ་སྟེ། ཤར་ཕྱོགས་ཀྱི་སྒོར་པྲེ་ཏ་པུ་རི་ན་སྟོབས་པོ་ཆེ་དང ། འཁོར་ལོའི་ཤུགས་ཅན་མ་སྟེ། སྔོ་བ་དང ། སེར་བ་དང ། ལྗང་གུའོ། །བྱང་ཕྱོགས་ཀྱི་སྒོ་ལ་གྲྀ་ཧ་དེ་བ་ཏཱ་ན་རྡོ་རྗེ་རིན་ཆེན་དང ། དུམ་སྐྱེས་མ་སྟེ། སེར་བ་དང ། སྔོ་བ་དང ། ལྗང་གུའོ། །ནུབ་ཀྱི་སྒོར་སཽ་རཥྚ་ན་རྟ་མགྲིན་དང ། ཆང་ཚོང་མ་སྟེ། དམར་བ་དང ། སེར་བ་དང ། ལྗང་གུའོ། །ལྷོའི་སྒོར་སུ་ཝརྞ་དྭཱི་པ་ན་ནམ་མཁའི་སྙིང་པོ་དང ། འཁོར་ལོའི་གོ་ཆ་མ་སྟེ། དཀར་བ་དང ། སྔོ་བ་དང ། ལྗང་གུའོ། །མེའི་ཕྱོགས་སུ་ན་ག་ར་ན་ཁྲག་འཐུང་མ་དང ། རབ་དཔའ་མོ་སྟེ། ནམ་མཁའི་མདོག་དང ། སེར་བ་དང ། ལྗང་གུའོ། །བདེན་བྲལ་དུ་སིནྡྷུ་ན་པདྨ་གར་གྱི་དབང་ཕྱུག་དང ། སྟོབས་ཆེན་མ་སྟེ། སེར་བ་དང ། སྔོ་བ་དང ། ལྗང་ 176a ༄#། །གུའོ། །རླུང་གི་ཕྱོགས་སུ་མ་རུ་ཏ་ན་རྣམ་པར་སྣང་མཛད་དང ། འཁོར་ལོས་བསྒྱུར་མ་སྟེ། དཀར་བ་དང ། སྔོ་བ་དང ། ལྗང་གུའོ། །དབང་ལྡན་དུ་ཀུ་ལུ་ཏཱ་ན་རྡོ་རྗེ་སེམས་དཔའ་དང ། བརྩོན་འགྲུས་ཆེན་མོ་སྟེ། དཀར་བ་དང ། སྔོ་བ་དང ། ལྗང་གུའོ། །སྐུའི་འཁོར་ལོ་སྟེ་སྟོབས་པོ་ཆེ་ལ་སོགས་པ་ནི། འཁོར་ལོའི་ཤུགས་ཅན་མ་ལ་སོགས་པས་འཁོར་ལོ་དང ། འཁོར་ལོའི་དྲིལ་བུ་ལ་སོགས་པས་འཁྱུད་པའོ། །དཔའ་བོ་འདི་ཐམས་ཅད་གཡས་བརྐྱང་པས་བཞུགས་པ། སྤྱན་གསུམ་བ། ཞལ་གསུམ་པ།་ཕྱག་དྲུག་པ། ཐོད་པ་དང ། ཁ་ཊྭཱཾ་ག་དང ། ཅང་ཏེའུ་དང ། གྲི་གུག་བསྣམས་པ། ཇི་ལྟར་དཔའ་བོའི་ཕྱག་དང ། ཕྱག་མཚན་བཞིན་དུ་མཁའ་འགྲོ་མ་རྣམས་ཀྱང་དེ་བཞིན་ཏེ། ཐོད་པའི་ཕྲེང་བའི་དབུ་རྒྱན་ཅན། །རང་གི་རིགས་ཀྱི་མཆོག་གིས་བརྒྱན། །ཐམས་ཅད་ཕྱག་རྒྱ་ལྔ་འཛིན་ཅིང ། །སྟག་གི་པགས་པ་གོས་སུ་མནབས། །ལྷ་མོ་དགུ་སྐྲ་གྲོལ་བ་སྟེ། །བྱིན་པ་གཉིས་ཀྱིས་ལེགས་པར་འཁྲིལ། །ཐམས་ཅད་ཕྱོགས་ཀྱི་གོས་འཆང་ཞིང ། །སྐུ་ལུས་འཇིགས་པ་རྣམ་པར་བསྒྱུར། །དེའི་དབུས་འཇམ་པའི་རྡོ་རྗེ་ནི། །ཟླ་བ་ཕྱེད་པ་འཛིན་པའི་མཆོག་།སྣ་ཚོགས་རྡོ་རྗེ་རྣམ་གནོན་པའོ། །ཕག་མདོང་བུ་སྐྲ་གྲོལ་བ་སྟེ། །གཅེར་བུ་འོག་པག་སྐ་རགས་ཅན། །ཡེ་ཤེས་འཁོར་ལོ་བཀུག་ནས་ནི། །སྔ་མའི་ཆོ་ 176b གའི་རིམ་པ་བཞིན། །བཅུ་གནས་ཐིམ་པར་རྣམ་པར་བསྒོམ། །སྤྱོད་པ་བཞི་རུ་བྱིན་གྱིས་བརླབས། །དཔའ་བོ་རྣལ་འབྱོར་མ་ཐམས་ཅད། །གནས་ལ་སོགས་པའི་རིམ་པར་དགོད། །ཁམས་དང་ཕུང་པོ་སྐྱེ་མཆེད་རྣམས། །སྐུ་གསུང་ཐུགས་ཀྱི་དམ་པ་སྟེ། །སྙིང་པོ་ཡེ་ཤེས་མཆོག་གྱུར་པ། །དབང་བསྐུར་ཡང་ནི་དབུལ་བར་བྱ། །དེ་ནས་གོ་ཆ་དགོད་བྱ་སྟེ། །མཁས་པས་ཡེ་ཤེས་བཟླས་བ་ནི། །སྲོག་རྩོལ་བསྔམས་ཏེ་ལེགས་བཟླས་པ། །སྒོམ་པའི་བསྒོམས་པས་གསང་བར་བྱ། །ོཾ་ཨཱཿ མཾ་ཧཱུཾ། སྤྲོ་བསྡུ་དག་གི་སྦྱོར་བ་ཡིས། ། གཉིས་མེད་ཕྲེང་པའི་སྔགས་ཀྱང་བཟླ། །དེ་ནས་དམ་ཚིག་སེམས་དཔའ་ནི། ཆོ་ག་བཞིན་དུ་བཟླ་བར་བྱ། །ོཾ་ཤྲཱི་མྙྫུ་བྫྲ་དྷྲྀ་ཀ་ཨཱཿ ཧཾ་ཧཱུཾ་ཕཌ། ཌཱ་ཀི་ནཱི་ཛཱ་ལ་སཾ་བ་རམ་ཧཱུཾ་ཕཌ་སཝཱཧཱ། ཨོཾ་བཛྲ་བཱ་རཱ་ཧི་ཧུཾ་ཧཱུཾ་ཕཊ་སཝཱཧཱ། ཨོཾ་ཀ་ར་ཀ་ར་ཁཎྜ་ཀ་པཱ་ལི་ཧུཾ་ཧཱུཾ་ཕཊ། ཨོཾ་པྲ་ཙཎྜ་ཧུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་མ་ཧཱ་ཀཾ་ཀཱ་ལ་ཧུཾ་ཧཱུཾ་ཕཊ། ཨོཾ་ཙཎྜཱ་ཀྵཱི་ཡེ་ཧུཾ་ཧཱུཾ་ཕཊ། ཨོཾ་བནྡྷ་ཀཾ་ཀཱ་ལ་ཧུཾ་ཧཱུཾ་ཕཊ།་ཨོཾ་པྲ་བྷ་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ་བི་ཀ་ཊ་དཾ་ཥྚི་ཎི་ཧུཾ་ཧཱུཾ་ཕཊ། ཨོཾ་མ་ཧཱ་ནཱ་སེ་ཧུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་སུ་ར་བཻ་རི་ཎི་ཧུཾ་ཧཱུཾ་ཕཊ། ཨོཾ་བཱི་ར་མ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཧྲཽཾ་ཧྲཽཾ་ཨ་མི་ཏཱ་བྷཱ་ཧུཾ་ཧཱུཾ་ཕཊ། ཨོཾ་ཁརྦ་རཱི་ཡེ་ཧུཾ་ཧཱུཾ་ཕཊ། ཨོཾ་ཧྲ་ཧྲ་བཛྲ་པྲ་བྷ་ཧུཾ་ཧཱུཾ་ཕཊ། ཨོཾ་ལངྐེ་ཤཝ་རི་ཡེ་ཧུཾ་ཧཱུཾ་ཕཊ། ཨོཾ་ཕེཾ་ཕེཾ་བཛྲ་དེ་ཧ་ཧུཾ་ཧཱུཾ་ཕཊ། ཨོཾ་དྲུ་མཙྪཱ་ཡེ་ཧུཾ་ཧཱུཾ་ཕཊ། ཨོཾ་ཕཊ་ 177a ༄#། །ཕཊ་ཨངྐུ་རི་ཀ་ཧུཾ་ཧཱུཾ་ཕཊ། ཨོཾ་ཨཻ་རཱ་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་ད་ཧ་ད་ཧ་བཛྲ་ཊི་ལ་ཧུཾ་ཧཱུཾ་ཕཊ། ཨོཾ་མ་ཧཱ་བཱཻ་ར་བི་ཧུཾ་ཧཱུཾ་ཕཊ། ཨོཾ་པ་ཙ་པ་ཙ་མཧཱ་བཱི་ར་ཧུཾ་ཧཱུཾ་ཕཊ།་ཨོཾ་བཱ་ཡུ་བེ་གེ་ཧུཾ་ཧཱུཾ་ཕཊ། ཨོཾ་བྷཀྵ་བྷཀྵ་བཛྲ་ཧཱུཾ་ཀཱ་ར་བ་སཾ་རུ་དྷི་ར་ཨནྟྲ་མཱཾ་ལཱཾ་བ་ལི་ནི་ཧུཾ་ཧཱུཾ་ཕཊ། ཨོཾ་སུ་ར་བྷཀྵཱི་ཡེ་ཧུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་སུ་བྷ་དྲ་སཔྟ་པཱ་ཏཱ་ལ་ག་ཏ་བྷུ་ཛི་ག་སརྦཾ་བཱ་ཏ་རྫ་ཡ་ཏ་རྫ་ཡ་ཧུཾ་ཧཱུཾ་ཕཊ། ཨོཾ་ཤྱཱ་མ་དེ་བཱི་ཧུཾ་ཧཱུཾ་ཕཊ། ཨོཾ་ཨཱ་ཀཌྜྷྱ་ཨཱ་ཀཌྜྷྱ་བདྲ་བྷ་དྲ་ཧུཾ་ཧཱུཾ་ཕཊ། ཨོཾ་སུཾ་བྷ་དྲོ་ཧུཾ་ཧཱུཾ་ཕཊ། ཨོཾ་ཧྲིའཾ་ཧྲིའཾ་མ་ཧཱ་བྷཻ་ར་པ་ཧུཾ་ཧཱུཾ་ཕཊ། ཨོཾ་ཧ་ཡ་ཀ་རྞྞ་ཧུཾ་ཧཱུཾ་ཕཊ། ཨོཾ་ཇྞཽཾ་ཇྞཽཾ་བི་རུ་བཱཀྵ་ཧུཾ་ཧཱུཾ་ཕཊ། ཨོཾ་ཁ་གཱ་ན་ན་ཧུཾ་ཧཱུཾ་ཕཊ། ཨོཾ་ཀྵྨཱཾ་ཀཥྨཱཾ་མ་ཧཱ་པ་ལེ་ཧུཾ་ཧཱུཾ་ཕཊ། ཨོཾ་ཙ་ཀྲ་བེ་གེ་ཧུཾ་ཧཱུཾ་ཕཊ། ཨོཾ་ཧཾ་ཧཾ་རཏྣ་བཛྲ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ།་ཨོཾ་ཧྲཱིཾ་ཧྲཱིཾ་ཧ་ཡ་གྲཱྀ་བ་ཧུཾ་ཧཱུཾ་ཕཊ། ཨོཾ་ཤོཎྜི་ནཱི་ཡེ་ཧུཾ་ཧཱུཾ་ཕཊ། ཨོཾ་ཧུཾ་ཧཱུཾ་ཨཱ་ཀཱ་ཤ་གརྦྷ་ཧུཾ་ཧཱུཾ་ཕཊ། ཨོཾ་ཙ་ཀྲ་པ་རྨི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཀི་ལི་ཀི་ལི་ཧེ་རུ་ཀ་ཧུཾ་ཧཱུཾ་ཕཊ། ཨོཾ་སུ་བི་རེ་ཧུཾ་ཧཱུཾ་ཕཊ། ཨོཾ་སི་ལི་སི་ལི་པདྨ་ནརྟེ་ཤཝ་རི་ཧུཾ་ཧཱུཾ་ཕཊ། ཨོཾ་མ་ཧཱ་བ་ལེ་ཧུཾ་ཧཱུཾ་ཕཊ། ཨོཾ་ཧི་ལི་བཻ་རོ་ཙ་ནཱི་ཧུཾ་ཧཱུམ་ཕཊ། ཨོཾ་ཙཀྲ་བ་རྟྟི་ནཱི་ཡེ་ཧུཾ་ཧཱུཾ་ཕཏ། ཨོཾ་དྷི་ལི་དྷི་ལི་བཛྲ་སཏྭ་ཧུཾ་ཧཱུཾ་ཕཊ། ཨོཾ་མཧཱ་བཱི་རྱེ་ཧུཾ་ཧཱུཾ་ཕཊ། དུང་ཆེན་ཕྲེང་བ་བླངས་ནས་ནི། །གསང་སྔགས་ཆོ་ག་བཞིན་དུ་བཟླ། །དུས་བཞིར་སྦྱོར་བ་བྱས་ནས་ནི། །བཟླས་དང་སྒོམ་པ་རྩེ་ 177b གཅིག་བྱ། །རྣལ་འབྱོར་མྱུར་དུ་གྲུབ་ནས་ནི། །གསང་སྔགས་གྲུབ་པའི་རིམ་པ་ཡིས། །བདག་ཉིད་ཕྱག་རྒྱར་ལྡན་བྱས་ནས། །སྔགས་པས་རྟག་ཏུ་མཆོད་པར་བྱ། །སྔགས་པས་དཀྱིལ་འཁོར་ཞུགས་ནས་ནི། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །རང་གི་ལྷ་ཡི་སྦྱོར་བ་ཡིས། །དཀྱིལ་འཁོར་མཆོག་ནི་འགྲུབ་པ་ཡིན། །དཀྱིལ་འཁོར་ལྷ་ཡི་སྦྱོར་བ་ཡིས། །དངོས་གྲུབ་ཐམས་ཅད་རབ་ཏུ་སྩོལ། །མངོན་པར་བརྗོད་པའི་རྒྱུད་བླ་མའི་ཡང་བླ་མ་ལས། འཁོར་ལོ་གསུམ་གྱི་དཀྱིལ་འཁོར་གྱི་ཆོ་གའི་རིམ་པ་སྟེ་ལེའུ་བཅུ་པའོ།། །།དེ་ནས་གཞན་ཡང་བཤད་བྱ་བ། །རིགས་ཀྱི་དབྱེ་བའི་མཆོག་དམ་པ། །གནས་སོགས་སྤྱོར་བའི་རིམ་པ་ཡིས། །ཕྱོགས་ཀྱི་རིམ་པ་རྣམ་པར་དབྱེ། །ཐམས་ཅད་མཆོག་གི་སྦྱོར་ཆེན་པོ། །རྣལ་འབྱོར་དབང་ཕྱུག་རབ་ཏུ་འགྲུབ། །རྡོ་རྗེ་སྐུ་ལས་ངེས་འབྱུང་བ། །དཀྱིལ་འཁོར་དཀྱིལ་འཁོར་དམ་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང ། ཡང་དཔའ་བོ་དང ། རྣལ་འབྱོར་མ་ཐམས་ཅད་འདུས་ཤིང་འོངས་ནས་སངས་རྒྱས་བཅོམ་ལྡན་འདས་བདེ་བ་ཆེན་པོའི་བདག་པོ་རྡོ་རྗེ་འཛིན་པ་ཆེན་པོ་དང ། །མིག་ཡངས་དགའ་བས་གར་བྱེད་ཅིང ། །མྱུར་བས་བསྡུས་པའི་རིམ་པ་ཡིས། །རྐང་པ་གཡས་དང་གཡོན་གྱིས་ནི། །མདུན་ 178a ༄#། །དུ་གོམ་སྟབས་སྤྲོས་པ་ཡིས། །འདི་ལྟར་རྣམ་བསྒྱུར་འཁྲོས་པའི་སྤྱན། །སྨིན་མ་འདེགས་དང་འཁོར་བར་ལྡན། །སྐྱེ་མེད་ཕྱག་རྒྱར་འགྲོ་བ་དག ། མིག་གི་ཕྱག་རྒྱས་ཕྱག་འཚལ་ཏེ། །རྡོ་རྗེ་སེམས་དཔའ་ཆེན་པོ་ལ་རྣམ་པ་དུ་མས་བསྐུལ་ནས་ཞུས་ཏེ་རྣལ་འབྱོར་མ་ཆེན་མོ་ཐམས་ཅད་དགྱེས་པའི་དཀྱིལ་འཁོར་གསུངས་པ།་བཅོམ་ལྡན་འདས་ཀྱི་དེ་ཉིད་དང ། །དཀྱིལ་འཁོར་མཆོག་ནི་མཛེས་པ་སྟེ། །དགྱེས་པ་ཆེན་པོའི་རྡོ་རྗེ་ནི། །ཐམས་ཅད་སངས་རྒྱས་བདེ་བ་ཆེ། །རོལ་པའི་བདེ་བ་ཆེན་པོ་ནི། །དེ་རིང་དུ་ནི་བདག་གིས་རྙེད། ། ལ་ལ་ཧོ། །དེ་བཞིན་གཤེགས་པ་ཐམས་ཅད་ཀྱི། །བདེ་བ་ཆེན་པོ་མཆོག་ཏུ་དགྱེས། །གླུ་འདི་དག་ནི་བླངས་པ་ཡིས། ། ཤིན་ཏུ་སྲིད་པ་ངེས་ལྡོག་པ། །དེ་བཞིན་གཤེགས་པ་དག་པ་ཆེ། །དཀྱིལ་འཁོར་དུ་ནི་རྣམ་པར་བརྟག་།དེ་ནས་བཅོམ་ལྡན་འདས་བདེ་བ་ཆེན་པོ་རྡོ་རྗེ་སེམས་དཔའ་དགོངས་ཤིང་སྤྱན་རྣམ་པར་ཕྱེ་སྟེ་འཁོར་བཞི་རྣམ་པར་འཁོར་བའི་གར་གྱིས་སྨིན་མ་འདེགས་ཤིང ། མདུན་དུ་གཟིགས་ཤིང་གོམ་སྟབས་ཀྱིས། །དྲེགས་པས་སྙེམས་པར་རྣམ་འཁོར་བའི། །སྐུ་གསུང་ཐུགས་ནི་རྡོ་རྗེ་རང ། །དེ་ཉིད་འདི་ལ་བཞུགས་པ་ཡིན། །དཀྱིལ་འཁོར་དང་ནི་དཀྱིལ་འཁོར་མིང ། །རྡོ་རྗེ་ཡེ་ཤེས་ཐུགས་ལ་གནས། །རྟོགས་ 178b མེད་པར་བདག་སྦྱོར་བ། །རྡོ་རྗེ་དྐྱིལྐ་འཁོར་མཆོག་ཡིན་ནོ། །ཟླ་བའི་དཀྱིལ་འཁོར་མཆོག་ཡིན་ནོ། །ཟླ་བའི་དཀྱིལ་འཁོར་གང་པ་ནི། དགྱེས་པ་ཆེན་པོའི་རྡོ་རྗེ་འོ། །རི་མོ་མཁན་གྱིས་དཀར་པོ་ལྟར། །བང་ཆུབ་སེམས་མཆོག་དཱི་ལྟ་བུ། །སྔོ་ཞིང་འབར་བ་སྣ་ཚོགས་པའི་།།རླུང་གིས་བསྐྱོད་པའི་མེ་ལྟ་བུ། །ཟླ་བ་ཕྱེད་པས་བདག་ཉིད་མཛེས། །རྡོ་རྗེའི་དཀྱིལ་འཁོར་དག་ལ་བཞུགས། །ཆ་བརྒྱད་དཀྱིལ་འཁོར་ཡིད་འོང་བ། །འབར་བའི་ཉི་མ་དང་བཅས་པ། །དཀྱིལ་འཁོར་རྡོ་རྗེ་རིན་ཆེན་དེ། །བདེ་བ་མཆོག་ནི་འགྲུབ་པ་འགྱུར། །པདྨ་འདབ་བརྒྱད་ཁ་ཕྱེ་བ། །ལྟེ་བ་གེ་སར་གྱིས་ཁྱབ་པ། །པདྨ་པདྨ་ཉིད་ལས་ནི། །དགའ་བའི་དཀྱིལ་འཁོར་འབྱུང་བ་ཡིན། །དཀྱིལ་འཁོར་མཆོག་ནི་མཐོང་བ་ན། །བྱིན་ཟ་འབར་བ་ཇི་བཞིན་དུ། ། ལས་ཀྱི་རྡོ་རྗེ་དཀྱིལ་འཁོར་དུ། །ལས་རྣམས་ཐམས་ཅད་འགྲུབ་པར་འགྱུར། །འདི་ལྟར་དེ་དག་མཐའ་ཡས་པ། །དཀྱིལ་འཁོར་དུ་ནི་རབ་ཏུ་བརྟག་།གང་དུ་གང་ལ་སྤྲུལ་པ་ནི། །རྡོ་རྗེ་སེམས་དཔའ་ལས་བྱུང་ཡིན། །ཐམས་ཅད་བདག་ཉིད་ཀུན་ཏུ་བཟང ། །ནམ་མཁའི་ཁམས་ནི་ཀུན་ཏུ་ཁྱབ། །མཁའ་དབྱིངས་ས་ཡི་མཆོག་གྱུར་པར། །ཁང་པ་བརྩེགས་པར་རྣམ་པར་བསྒོམ། །ཁང་པ་བརྩེགས་པའི་དབུས་དཀྱིལ་དུ། །དཀྱིལ་འཁོར་ལྔ་ནི་རྣམ་པར་བརྟག་།སྣ་ཚོགས་པདྨ་མཛེས་པ་ལ། །ཇི་ལྟའི་གནས་སུ་རྣམ་པར་དགོད། ། 179a ༄#། །དབུས་མའི་དཀྱིལ་འཁོར་དབུས་སུ་ནི། །ཧེ་རུ་ཀ་ནི་རྣམ་པར་བསྒོམ། །སྔར་བཤད་སྐུ་མདོག་གནས་རྣམས་དང ། །ཕག་མོའི་བདེ་ལ་རྣམ་པར་གནས། །ཤར་དུ་པུ་ལི་ར་མ་ལ་ཡར་ཐོད་པའི་དུམ་བུ་དང ། རབ་གཏུམ་མའོ། །བྱང་དུ་ཛ་ལནྡྷ་རར་ཀེང་རུས་ཆེན་པོ་དང ། རབ་གཏུམ་མའི་མིག་ཅན་མའོ། །ནུབ་ཏུ་ཨུཌྱི་ན་ལ་ཀེང་རུས་ཅན་དང ། །འོད་ལྡན་མའོ། །ལྷོ་རུ་ཨར་བུ་དར་མཆེ་བ་རྣམ་པར་གཙིགས་པ་དང་།། སྣ་ཆེན་མའོ། །དབུས་མའི་དཀྱིལ་འཁོར་དེའི་ཤར་གྱི་དཀྱིལ་འཁོར་གྱིས་དབུས་སུ་གོ་ད་བ་རིར་ལྷ་དགྲ་དང ། དཔའ་བོའི་བློ་གྲོས་མའོ། །ཤར་གྱི་ཕྱོགས་སུ་རཱ་མེ་ཤཝ་རར་འོད་དཔག་མེད་དང ། མིའུ་ཐུང་མའོ། །བྱང་ཕྱོགས་སུ་དེ་བི་ཀོ་ཊི་ན་རྡོ་རྗེའི་འོད་དང ། ལངྐའི་དབང་ཕྱུག་མའོ། །ནུབ་ཏུ་མཱ་ལཱ་བ་ན་རྡོ་རྗེའི་སྐུ་དང ། ཤིང་གྲིབ་མའོ། །ལྷོ་ཕྱོགས་སུ་ཀཱ་མ་རུ་པ་ན་མྱུ་གུ་ཅན་དང ། ས་སྲུང་མའོ། །བྱང་ཕྱོགས་ཀྱི་དཀྱིལ་འཁོར་གྱི་དབུས་སུ་ཨོ་ཏྲེ་ན་རྡོ་རྗེ་རལ་པ་ཅན་དང ། འཇིགས་བྱེད་ཆེན་མོའོ། །ཤར་དུ་ཏྲི་ཤ་ཀུ་ནན་དཔའ་བོ་ཆེན་པོ་དང་།། རླུང་གི་ཤུགས་ཅན་མའོ། །བྱང་དུ་ཀོ་ས་ལ་ན་རྡོ་རྗེ་ཧཱུཾ་མཛད་དང ། ཆང་འཐུང་མའོ། །ནུབ་ཕྱོགས་སུ་ཀ་ལིངྐ་ན་རབ་བཟང་དང ། སྔོ་བསངས་ལྷ་མོའོ། །ལྷོ་ཕྱོགས་སུ་ལཱཾ་པ་ཀ་ན་རྡོ་རྗེ་རབ་བཟང་དང ། ཤིན་ཏུ་བཟང་མོའོ། །ནུབ་ཀྱི་དཀྱིལ་ 179b འཁོར་གྱི་དབུས་སུ་ཀཱ་ཙཱི་ན་འཇིགས་བྱེད་ཆེན་པོ་དང ། རྟ་རྣ་མའོ། །ཤར་ཕྱོགས་སུ་ཧི་མ་ལ་ཡ་ན་མིག་མི་བཟང་དང ། བྱ་གདོང་མའོ། །བྱང་དུ་པྲེ་ཏ་པུ་རིར་སྟོབས་པོ་ཆེ་དང ། འཁོར་ལོའི་ཤུགས་ཅན་མའོ། །ནུབ་ཏུ་གྲྀ་ཧ་དེ་བ་ཏཱ་ན་རྡོ་རྗེ་རིན་ཆེན་དང ། དུམ་སྐྱེས་མའོ། །ལྷོ་རུ་སཽ་རཱཥྚ་ན་རྟ་མགྲིན་དང ། །ཆང་ཚོང་མའོ། །ལྷོ་ཕྱོགས་ཀྱི་དཀྱིལ་འཁོར་གྱི་དབུས་སུ་ཝརྞ་དྲཝི་པ་ན་ནམ་མཁའི་སྙིང་པོ་དང ། འཁོར་ལོའི་གོ་ཆ་མའོ། །ཤར་དུ་ན་ག་ར་ན་དཔལ་ཁྲག་འཐུང་དང ། །རབ་དཔའ་མོའོ། །བྱང་དུ་སིནྡྷུ་ན་པདྨ་གར་གྱི་དབང་ཕྱུག་དང ། སྟོབས་ཆེན་མའོ། །ནུབ་ཏུ་མ་རུ་ན་རྣམ་པར་སྣང་མཛད་དང ། འཁོར་ལོས་བསྒྱུར་མའོ། །ལྷོ་རུ་ཀུ་ལུ་ཏཱ་ན་རྡོ་རྗེ་སེམས་དཔའ་དང ། བརྩོན་འགྲུས་ཆེན་མོའོ། །ཐོད་པའི་དུམ་བུ་ལ་སོགས་པའི་དཔའ་བོ་དང ། རབ་ཏུ་གཏུམ་མ་ལ་སོགས་པ་ཐམས་ཅད་ཀྱང་གཟུགས་སྣ་ཚོགས་པ། ཞལ་གསུམ་པ། ཕྱག་དྲུག་པ། སྤྱན་གསུམ་པ། གཡས་བརྐྱང་བས་བཞུགས་པ། ཕྱག་རྒྱ་ལྔས་རྒྱས་བཏབ་པ། ལྷ་མོ་གཅེར་བུ་སྐྲ་གྲོལ་བ། ཐོད་པ་དང ། ཁ་ཊྭཱཾ་ག་དང ། ཅང་ཏེ་འུ་དང ། གྲི་གུག་དང ། རྡོ་རྗེ་དང ། དྲིལ་བུས་འཁྱུད་པ། ལྷ་མོའི་བྱིན་པ་གཉིས་ཀྱིས་འཁྲིལ་བ། དགྱེས་པ་ཆེན་པོའི་དགའ་བའི་རོས་རྣམ་པར་མྱོས་པའོ། །དབུས་ཀྱི་དཀྱིལ་འཁོར་དཔའ་པོ་ཡིན། །ཟུར་བཞི་བུམ་པའི་སྟེང་དུ་ནི། །བྱང་ཆུབ་སེམས་ཀྱིས་ཡོངས་གང་བའི། 180a ༄#། །ཐོད་པའི་སྣོད་ནི་གཞག་པར་བྱ། །དཀྱིལ་འཁོར་གཞན་གྱི་ཟུར་ལ་ནི། །བུམ་པའི་ཐོད་པ་གཉིས་པོ་དགོད། །མཚམས་ཀྱི་ཆར་མཁའ་འགྲོ་མ་ལ་སོགས་པའི་ལྷ་མོ་བཞི་པོ་གཟུགས་ཕྱེད་པ་བུད་མེད་དབང་ཕྱུག་མ་སྟེ། ཞལ་གསུམ་པ། སྤྱན་གསུམ་པ། གཡས་བརྐྱང་བའི་གནས་པས་བཞུགས་པ། ཕྱོགས་ཀྱི་གོས་ཅན།་སྐྲ་གྲོལ་བ། ཕྱག་རྒྱ་ལྔ་བརྟན་པར་འཛིན་པའོ། །རྡོ་རྗེ་ཕྲེང་བས་ཡོངས་བསྐོར་བ། །དཀྱིལ་འཁོར་ལྔ་ཡི་ཕྱི་རོལ་ཏུ། །འབར་བའི་དཀྱིལ་འཁོར་སྣ་ཚོགས་བྲི། །དཔའ་བོ་དང་རྣལ་འབྱོར་མ་ཐམས་ཅད་ཀྱང་སྣ་ཚོགས་པདྨའི་སྟེང་དུ་ཡི་དྭགས་ཀྱི་གདན་ལ་བཞུགས་པ། སྒོ་བཞིའི་ཤར་ཕྱོགས་སུ་ཁཝ་གདོང་མ་ཁྲོས་པའི་མིག་ཅན། །ཤེལ་མིག་ཁྲོས་པའི་ཞལ་མངའ་བ། གྲི་གུག་དང ། མགོ་བོ་དང ། ཐོད་པ་དང ། ཁ་ཊྭཱཾ་ག་དང ། དྲིལ་བུ་དང ། ཅང་ཏེའུ་འཆང་བ། སྤྱན་གསུམ་པ། ཞལ་གསུམ་པ། སྐྲ་གྲོལ་བ། གཅེར་བུ་སྣ་ཚོགས་པའི་མདོག་ཅན་གཡས་བརྐྱང་བས་གནས་པ། ཡི་དྭགས་དང་སྣ་ཚོགས་པདྨ་ལ་བཞུགས་པ། འབར་བའི་དཀྱིལ་འཁོར་གྱི་དབུས་ན་བཞུགས་ཏེ་ཕྱག་རྒྱ་ལྔས་རྣམ་པར་བརྒྱན་པའོ། །འུག་གདོང་མ་དང ། ཁྱི་གདོང་མ་དང ། ཕག་གདོང་མ་ནི། ཇི་ལྟར་ཁཝ་གདོང་མའི་མདོག་དང ། ཕྱག་དང ། འདུག་སྟངས་དང ། གདན་ 180b བཞིན་ནོ། །བོང་བུ་དང ། རྔ་མོ་དང ། ར་དང ། བྱི་ལའི་ཞལ་ཏེ། ཤིན་ཏུ་དྲག་པོས་མངོན་དུ་གསོལ་བའོ། །གཤིན་རྗེ་སྲེག་མ་ནས་གཤིན་རྗེ་འཇོམས་མའི་བར་ནི། གང་བྱེད་པའི་དབང་ཕྱུག་མ་སྟེ། ཞལ་གསུམ་པ། ཕྱག་དྲུག་པ། སྤྱན་གསུམ་པ། གཡས་བརྐྱང་བས་གནས་པ། ཕྱོགས་ཀྱི་གོས་ཅན། སྐྲ་གྲོལ་བ། སྣ་ཚོགས་པདྨ་དང་ཡི་དྭགས་མནན་པ། ཕྱག་རྒྱ་ལྔས་བྱིན་གྱིས་བརླབས་པ། ཐོད་པ་དང ། ཁ་ཊྭཱཾ་འཛིན་པ། མགོ་བོ་དང ། གྲི་གུག་བསྣམས་པ། ཅང་ཏེའུ་དང ། རྡོ་རྗེ་དང ། མདུང་འཛིན་པ། མཆེ་བ་རྣམ་པར་གཙིགས་པ། འཇིགས་སུ་རུང་བ། ཐམས་ཅད་ཀྱང་མི་མགོའི་ཐོད་པའི་ཕྲེང་བརྒྱན་དུ་འཆང་བ། ཐོད་པའི་ཕྲེང་བའི་དབུ་རྒྱན་ཅན། །རྡོ་རྗེ་སེམས་དཔའི་དབུ་རྒྱན་ཅན། །ཅོད་པན་རྡོ་རྗེའི་ཕྲེང་བས་བྱས། །རྡོ་རྗེ་ལས་བྱས་རྒྱན་ཅན་ཏེ། །སྣ་ཚོགས་རྡོ་རྗེ་ཟླ་ཕྱེད་ཀྱིས། །དབུ་ལ་མནན་ཅིང་བརྒྱན་པ་ཡིན། །ཇི་ལྟར་བཅོམ་ལྡན་མདོག་བཞིན་དུ། །རྡོ་རྗེ་ཕག་མོའི་ཞལ་མདོག་ཕྱག་།ཕྱག་རྒྱ་འདུག་སྟངས་ལས་ཀྱང་དེ། །གཅེར་བུ་སྐྲ་ནི་གྲོལ་བ་སྟེ། །དུམ་བུའི་སྐ་རགས་རྒྱན་ཅན་ཏེ། ། འོད་ཀྱང་རྡོ་རྗེ་ཕག་མོ་ཡི། །སྟེང་གི་ཞལ་གདོང་དཀར་པོ་སྟེ། །མཆེ་བ་རྣམ་པར་གཙིགས་པ་འོ། །ཇི་ལྟར་གནས་ཀྱི་རིམ་པ་དག་།འབུམ་པ་མངོན་བརྗོད་རིམ་པ་ 181a ༄#། །ལས།་རྣལ་འབྱོར་མ་ཡི་དཀྱིལ་འཁོར་གྱི། །ལེའུ་རྡོ་རྗེ་སེམས་དཔས་བཤད། །གཞན་དུ་རྡོ་རྗེ་མཁའ་འགྲོ་དང ། །མངོན་བ་རྗོད་རྒྱུད་ཀྱི་དང་པོ་ཡི། །ལེའུ་ལ་ངེ་པར་འགལ་བ་མེད། །སྙོམས་པའི་དཀྱིལ་འཁོར་གྱི་ནི་ཆོ་ག་སྟེ། །ལྔ་པོ་ལྔ་པའི་བདག་ཉིད་སྦྱོར་ཆེན་པོ། །སྡོམ་པའི་ཆོ་ག་སྦས་པ་གསང་བ་སྟེ། །མཁའ་འགྲོམ་ནི་མ་ལུས་ཐམས་ཅད་ཀྱི། །འདི་ལྟར་གཞན་དུ་བཀའ་ཡི་ཕྱོགས་བཞིན་དུ། །བུམ་པ་རྣམ་པ་སྣ་ཚོགས་པ། །བུམ་བ་སྣ་ཚོགས་ཆོ་ག་བཞིན། །གསེར་དང་དངུལ་ལས་བྱས་པ་སྟེ། །སྣ་ཚོགས་གོས་ཀྱིས་མཛེས་པ་དང ། །མེ་ཏོག་ཕྲེང་བས་རྣམ་པར་བརྒྱན། །འཆི་མེད་ལྔ་ཡིས་ཡོངས་སུ་བཀང ། །རྣམ་ལྔ་སྨན་དང་ཡང་དག་ལྡན། །རིན་ཆེན་ལྔ་དང་བཅས་པ་དང ། །འབྲུ་ལྔ་དག་གིས་རྣམ་པར་མཛེས། །དཀྱིལ་འཁོར་ཕྱོགས་དང་མཚམས་རྣམས་སུ། །བུམ་པ་བཅུ་དྲུག་བཞག་ནས་ཀྱང ། །མཁའ་འགྲོ་མ་ནི་སྣ་ཚོགས་མཆོད། །གླུ་དང་གར་དང་བདེ་བ་ཆེ། །ཕྱོགས་ཀྱི་གོས་ཅན་སྐྲ་གྲོལ་བ། །སྣ་ཚོགས་རོལ་མོའི་སྒྲ་དང ། །སྣ་ཚོགས་ཡི་དྭགས་ཕྲེང་བ་ཡིས། །དཀྱིལ་འཁོར་ཕྱི་རོལ་ཡོངས་སུ་བསྐོར། །དེ་ཡི་ཕྱི་རོལ་མུ་ཁྱུད་ཀྱི། །དབུས་སུ་མཁའ་འགྲོ་མ་ཡིན་ཏེ། །ཕྱི་རོལ་སྐ་རགས་ཀྱིས་བསྐོར་བ། །དུར་ཁྲོད་རྣམ་པར་འཇིགས་པ་ 181b དག་།སྣ་ཚོགས་དུ་མས་རྣམ་པར་མཛེས། །མདུན་དུ་ཡེ་ཤེས་དམ་ཚིག་གི་།དཀྱིལ་འཁྲོ་མཆོག་ནི་མཐོང་ནས་ཀྱང ། །མངོན་བརྗོད་དམ་ཚིག་དེ་བཞིན་མཆོད། །རིམ་པ་བཞི་དུ་དབང་ཡང་བསྐུར། །མཁས་པས་ལུས་ལ་བཀོད་ནས་ནི། །གཅིག་ཏུ་བསྡུས་ཏེ་ཐིམ་ནས་སུ། །དཔའ་བོ་དང་ནི་རྣལ་འབྱོར་མ། །ཕུང་པོ་ཁམས་དང་སྐྱེ་མཆེད་གནས། །གོ་ཆ་གཉིས་པོ་བགོ་བར་བྱ། །འཁྲོ་ལོ་ཐམས་ཅད་རྣམ་བསྒོམས་ནས། །ཕུང་པོ་ཁམས་དང་སྐྱེ་མཆེད་དང ། །ལུས་ངང་ཡིད་ལ་རྣམ་པར་དགོད། །ཡེ་ཤེས་སེམས་དཔའ་སྙིང་ལ་དགོད། །སྣ་ཚོགས་ཡིད་དུ་འོང་བ་ཡི། །དམ་ཚིག་ལྷ་ཡི་མཆོད་པས་མཆོད། །ཡེ་ཤེས་བཟླས་པའི་བྱ་བ་དག་།རངས་མེད་པ་ནི་རྣམ་བར་སྤྲོས། །དུང་ཆེན་ཕྲེང་བ་བླངས་ནས་སུ། །མཉམ་པར་བཞག་ནས་བཟླས་པ་བྱ། །དེར་ནི་ཡེ་ཤེས་འཁོར་ལོ་ལ། །མཁས་པས་མཆོད་བསྟོད་བཟླས་པ་བྱ། །སེམས་ཅན་རྣམས་ལ་ཕན་པའི་ཕྱིར། །རྣལ་འབྱོར་པ་ཡིས་སྨོན་ལམ་གདབ། །ཐེག་པ་ཆེན་པོའི་ཆོས་རྣམས་ནི། །རྣལ་འབྱོར་པ་ཡིས་མྱུར་བར་འགྲུབ། །ོཾ་བཛྲ་ཧེ་ཧེ་རུ་རུ་ཀཾ་ཤྲཱི་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཧཱུཾ་ཕཊ་སཝཱཧཱ། ཨོཾ་ཧྲཱིཿ ་ཧ་ཧ་ཧཱུཾ་ཧཱུཾ་ཕཊ། སྙིང་པོ་དང་ཉེ་བའི་སྙིང་པའོ། །ོཾ་བཛྲ་པཻ་རོ་ཙ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ལྷ་མོའི་སྙིང་པོ་དང་ཉེ་བའི་སྙིང་ 182a ༄#། །པོའོ། །ོཾ་ཁཎྜ་ཀ་པཱ་ལི་ཀ་ར་ཀ་ར་ཧུཾ་ཧཱུཾ་ཕཊ་སཝཱཧཱ། ཨོཾ་པྲ་ཙཎྜེ་ཧུཾ་ཧཱུཾ་ཕཊ་སཝཱཧཱ། ཨོཾ་མ་ཧཱ་ཀཾ་ཀཱ་ལ་ཀུ་རུ་ཀུ་རུ་ཧུཾ་ཧཱུཾ་ཕཊ་སཝཱཧཱ། ཨོཾ་ཙཎྜ་ཀྵི་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཀཾ་ཀཱ་ལ་བནྡྷ་བནྡྡྷ་ཧུཾ་ཧཱུཾ་ཕཊ་སཝཱཧཱ། ཨོཾ་པྲ་བྷཱ་བ་ཏཱི་ཡ་ཧུཾ་ཧཱུཾ་ཕཊ་སཝཱཧཱ། ཨོཾ་བི་ཀ་ཊ་དཾ་ཥྚི་ཎ་ཏྲ་ས་ཡ་ཏྲ་ས་ཡ་ཧུཾ་ཧཱུཾ་ཕཊ་སཝཱཧཱ། ཨོཾ་མ་ཧཱ་ནཱ་སེ་ཧུཾ་ཧཱུཾ་ཕཊ་སཝཱཧཱ། ཨོཾ་སུ་རུ་བཱི་རི་ཎཱི་ཀྵོ་བྷ་མ་ཀྵོ་བྷ་ཡ་སཝཱཧཱ། ཨོཾ་བཱི་ར་མ་ཏཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་ཨ་མི་ཏཱ་བྷ་ཧྲཽཾ་ཧཱཽཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཁརྦ་རི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་བཛྲ་ཕྲ་བྷཱ་ཧྲ་ཧྲ་ཧུ་ཧཱུ་ཕཊ་སཝཱཧཱ། ཨོཾ་ལཾ་ཀེ་ཤཝ་རཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་བཛྲ་དེ་ཧ་ཕཻཾ་ཕཻཾ་ཧུཾ་ཧཱུཾ་ཕཊ་སཝཱཧཱ། ཨོཾ་བཛྲ་དྲུ་མཙྪ་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་ཨཾ་ཀུ་རི་ཀ་ཕཊ་ཧུཾ་ཧཱུཾ་ཕཊ་སཝཱཧཱ། ཨོཾ་ཨཻ་ར་བ་ཏཱི་ཡེ་ཧཱུཾ་ཧཱུཾ་ཕཊ་སཝཱཧཱ། ཨོཾ་བཛྲ་ཛ་ཊི་ལ་ད་ཧ་ད་ཧ་ཧུཾ་ཧཱུཾ་ཕཊ་སཝཱཧཱ། ཨོཾ་མ་ཧཱ་བྷེ་ར་པཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་མ་ཧཱ་བཱི་ར་པ་ཙ་པ་ཙ་ཧུཾ་ཧཱུཾ་ཕཊ་སཝཱཧཱ། ཨོཾ་བཱ་ཡུ་བེ་གེ་ཧུཾ་ཧཱུཾ་ཕཊ་སཝཱཧཱ། ཨོཾ་བཛྲ་ཧཱུཾ་ཀཱ་ར་བྷཀྵ་བྷཀྵ་བ་ས་རུ་དྷི་ར་ཨནྟ་མཱ་ལཱ་བ་ལཾ་པི་ནི་ཧུཾ་ཧཱུཾ་ཕཊ་སཝཱཧཱ། ཨོཾ་སུ་ར་བྷཀྵཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་སུ་བྷ་དྲ་གྲྀཧྞ་གྲྀཧྞ་སཔྟ་པཱ་ཏཱ་ལ་ག་ཏ་བྷུ་ཛཾ་ག་སརྦཾ་བཱ་ཏརྫྫ་ཡ་ཏཱརྫྫ་ཡ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྱཱ་མ་དེ་བཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་བཛྲ་བྷ་དྲ་ཨཱ་ཀཌྜྷྱ་ཨ་ཀཌྜྷྱ་ཧུཾ་ཧཱུཾ་ཕཊ་སྭའྷཱ། ཨོཾ་སུ་བྷ་དྲེ་ཧུཾ་ཧཱུཾ་ཕཊ་སཝཱཧཱ། ཨོཾ་ཧཱ་བྷཻ་ར་བ་ཧྲིཾ་ཧྲིཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཧ་ཡ་ཀརྞེ་ཧུཾ་ཧཱུཾ་ 182b ཕཊ་སཝཱཧཱ། ཨོཾ་བི་རཱུ་པཱཀྵི་ཛྞཽཾ་ཛྞཽཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཁ་གཱ་ན་ནེ་ཧུཾ་ཧཱུཾ་ཕཊ་སྭྷཱཧཱ། ཨོཾ་མ་ཧཱ་པ་ལ་ཀྵྨཱཾ་ཀྵྨཱཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཙཀྲ་བེ་ཀེ་ཧུཾ་ཧཱུཾ་ང་ཊ་སཝཱཧཱ། ཨོཾ་རཏྣ་བཛྲ་ཧཾ་ཧཾ་ཧྲཾ་ཧཱུཾ་ཕཊ་སཝཱཧཱ། ཨོཾ་ཁནྜ་ངོ་ཧེ་ཧུཾ་ཧཱུཾ་ཕཊ་སཝཱཧཱ། ཨོཾ་ཧ་ཡ་གྲཱི་བ་ཧྲཱིཾ་ཧྲཱིཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤེ་ཎྜི་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་ཨ་ཀཱ་ཤ་གརྦྷ་བཱུཾ་ཧཱུཾ་ཧཱུཾ་ཧཱུཾ་ཕཊ་སཝཱཧཱ། ཨོཾ་ཙ་ཀྲ་ཝ་རྨི་ཎཱི་ཡེ་ཧཱུཾ་ཧཱུཾ་ཕཊ་སཝཱཧཱ། ཨོཾ་ཧེ་རུ་ཀ་ཀི་ལི་ཀི་ལི་ཧུཾ་ཧཱུཾ་ཕཊ་སཝཱཧཱ། ཨོཾ་སུ་བཱི་རེ་ཧཱུཾ་ཧཱུཾ་ཕཊ་སཝཱཧཱ། ཨོཾ་པདྨ་ནརྟེ་ཤཝ་ར་སི་ལི་སི་ལི་ཧུཾ་ཧཱུཾ་ཕཊ་སཝཱཧཱ། ཨོཾ་མ་ཧཱ་བ་ལ་ཧུཾ་ཧཱུཾ་ཕཊ་སཝཱཧཱ། ཨོཾ་བཻ་རོ་ཙ་ན་ཧི་ལི་ཧི་ ་ཧུཾ་ཧཱུཾ་ཕཊ་སཝཱཧཱ། ཨོཾ་ཙཀྲ་ཝརྟེ་ནི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་བཛྲ་སཏྭ་དྷི་ལི་དྷི་ལི་ཧུཾ་ཧཱུཾ་ཕཊ་སཝཱཧཱ། ཨོཾ་མ་ཧཱ་བཱིརྱེ་ཧུཾ་ཧཱུཾ་ཕཊ་སཝཱཧཱ། ཨོཾ་ཌཱ་ཀཱི་ནཱི་ཡེ་ཧུཾ་ཧཱུཾ་ཕཊ་སཝཱཧཱ་ཨོཾ་ལཱ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ་སཝཱཧཱ། ཨོཾ་རཱུ་པི་ཎཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་ཀཱ་ཀཱ་སྱེ་ཧུཾ་ཧཱུཾ་སཝཱཧཱ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤཝ་ནཱ་སྱེ་ཧཱུཾ་ཧཱུཾ་ཕཊ་སཝཱཧཱ། ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ་སཝཱཧཱ། ཨོཾ་ཡ་མ་དཱ་ཌྷཱི་ཡེ་ཧཱུཾ་ཧཱུཾ་ཕཊ་སཝཱཧཱ། ཨོཾ་ཡ་མ་དཱུ་ཏཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་ཡ་མ་དཾཥྚྲི་ཎཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་ཡ་མ་མ་ཐ་ན་ཡེ་ཧུཾ་ཧཱུཾ་ཕཊ་སཝཱཧཱ། འདི་ནི་ཇི་ལྟའི་རིམ་པ་ཡིས། །གཞན་ལ་ཕན་ཕྱིར་དམ་ཚིག་ཅན། ། མཆོད་དང་སྒོམ་དང་བཟླས་པ་བྱ། །ཞི་བ་དང་ནི་རྒྱས་པ་འཕེལ། །ཡིད་དུ་འོང་བའི་དངོས་གྲུབ་ཐོབ། །སྒོང་སྐྱེས་དབྱེ་བའི་མཆོག་དམ་པ། །སྦྱོར་བས་འདོད་པས་ཐམས་ཅད་སྩོལ། །ཇི་ལྟའི་ལས་རྣམས་ 183a ༄#། །བྱས་ནས་ནི། །འགྲུབ་པར་ཡང་ནི་ཐ་ཚོམ་མེད། །སྦྱོང་བའི་དངོས་གྲུབ་དམ་པའི་མཆོག་།བླ་མའི་ངང་ལས་རྙེད་པར་འགྱུར། །གཞན་ཡང་ན་ལ་འབྱོར་མ་ཡི་གནས། །བརྒྱུད་པའི་རིམ་པའི་མཆོག་གྱུར་པ། །ཡང་ན་སྔོན་གྱི་དངོས་གྲུབ་ནི། །རྨི་ལམ་དུ་ནི་སྟོན་པ་ཡིན། །གཞན་ཡང་བླ་མའི་གོ་འཕང་བརྙེས་བ་ནི། །རྣ་ལ་འབྱོར་མ་ཡིས་རབ་ཏུ་སྩོལ། །དམ་ཚིག་མཆོག་གི་གསང་བ་དང ། །སྦས་པ་འདི་ནི་བསྟན་མི་བྱ། །རྣལ་འབྱོར་མ་ཡི་ཐུགས་དང་ནི། །སངས་རྒྱས་ཐུགས་ནི་མཆོག་གྱུར་བ། །མཁའ་འགྲོ་མ་ཡི་སྙིང་པོ་གསང ། །རྣལ་འབྱོར་སྦྱོར་བའི་མཆོག་ཡིན་ནོ། །མངོན་པར་བརྗོད་པའི་རྒྱུད་བླ་མའི་བླ་མ་ལས། དངོས་གྲུབ་ཀྱི་གནས་ཀྱི་རིམ་པའི་ལེའུ་སྟེ་བཅུ་གཅིག་པའོ།། །།དེ་ནས་སྦྱོར་བ་བཤད་བྱ་བ། །འདོད་པའི་དོན་ཀུན་སྒྲུབ་བྱེད་པ། །བླ་མ་ལས་ཀྱང་བླ་མ་སྟ། ་།མཁའ་འགྲོ་མ་ཡི་དྲ་བའི་སྡོམ། །ཕག་མོ་བདག་མོ་ཆེན་མོ་ནི། །རྣལ་འབྱོར་མ་ཡིས་ལེགས་བསྒྲུབས་པ། །འདི་ནི་ཀུན་གྱི་རྣལ་འབྱོར་ཏེ། །རྣལ་འབྱོར་སྙིང་པོ་བསྡུས་པ་ཡིན། །པདྨ་འདབ་བརྒྱད་ལ་བྲི་བ། །སྣ་ཚོགས་མདོག་ཅན་མཆོག་དམ་པ། །ལྟེ་བ་གེ་སར་བཅས་པ་ལ། །ཐམས་ཅད་ཡོངས་སུ་དག་པའི་གདན། །དེ་ཡི་དབུས་སུ་ཟླ་བའི་ཆ། །དེ་བཞིན་དག་ཅིང་དྲི་ 183b མ་མེད། །དེ་སྟེང་ཨཱ་ལི་ཀཱ་ལི་སྟེ། །དབུས་སུ་བཾ་གྱིས་རྣམ་པར་བརྒྱན། །དེ་དབུས་ལྷ་མོ་བཞེངས་པ་ནི། །རྡོ་རྗེ་ཕག་མོ་རྣལ་འབྱོར་མ། །ཞལ་བཞི་པ་ལ་ཕྱག་བཅུ་གཉིས། །སྦྱན་གསུམ་པ་ལ་ཞལ་རྣམ་བསྒྱུར། ས།ཀྱིལ་མོ་ཀྲུང་ནི་ཕྱེད་པར་བཞུགས། །གར་གྱིས་རྣམ་པར་ལེགས་བརྒྱན་ཅིང ། །ཕྱོགས་ཀྱི་གོས་ཅན་སྐྲ་གྲོལ་བ། །ཕྱེད་ནི་བུད་མེད་བང་ཕྱུག་ཞལ། །དཀར་ལ་དམར་པའི་གཟུགས་འཛིན་ཅིང ། །ཐོད་པའི་ཅོད་པན་རྣམ་པར་བརྒྱན། །རྡོ་རྗེ་དྲིལ་བུ་ཕྱག་ན་འཆང ། །པདྨ་འཁྱིལ་བས་རྣམ་བསྐོར་ཅིང ། །དཔྲལ་བ་ཡི་ནི་ཕྱག་རྒྱ་འབར། ། གཉིས་ཀྱིས་མི་ཡི་པགས་པ་མནབས། །ཐོད་པ་དང་ནི་ཁ་ཊྭཱཾ་འཆང ། །ཞགས་པ་ལྕགས་ཀྱུ་མཆོག་ཀྱང་འཛིན། །ཅང་ཏེའུ་གྲི་གུག་ཚངས་པ་ཡི། །མགོ་བོ་གདོང་ནི་བཞི་པ་སྟེ།། སྔོ་ཞིང་སེར་ལ་ལྗང་བ་ཡིས། །ཞལ་གྱིས་ལྷ་མོ་རྣམ་བར་བརྒྱན། །ཞལ་གདོང་མཆེ་བ་རྣམ་གཙིགས་ཤིང ། །ཟླ་བ་ཕྱེད་པས་རྣམ་བར་བརྒྱན། །སྣ་ཚོགས་རྡོ་རྗེ་དབུ་རྒྱ་ན་མཚན། ། དངོས་གྲུབ་ཐམས་ཅད་རབ་ཏུ་སྩོལ། །ཕྱག་རྒྱ་དྲུག་གིས་རྒྱས་བཏབ་ཅིང ། །ལྷ་མོ་དུམ་བུའི་སྐ་རགས་རྒྱན། །གཡེར་ཀའི་སྐུ་རགས་སྒྲ་དང་ལྡན། །རྐང་གདུབ་དག་གིས་ལེགས་པར་བརྒྱན། །དཔུང་དག་གིས་རྣམ་བར་མཛེས། །དཔྲལ་བ་ལ་ནི་རྡོ་རྗེའི་ཕྲེང ། །རྡོ་རྗེས་མཚན་པའི་ཕྱག་རྒྱ་ཅན། །སྐུ་ལུས་མཛེས་ཤིང་ཡིད་འཕྲོག་པའོ། །ཤར་གྱི་འདབ་མར་ 184a ༄#། །མཁའ་འགྲོ་མ། །སེངྒེའི་གདོང་སྟེ་རྣམ་པར་འཇིག་།གཡོན་དུ་ཕག་གི་གདོང་ཅན་ཏེ། །ལྷ་མོ། །མཱ་མ་རབ་འཇིགས་མ། །ནུབ་ཏུ་ལྷ་མོ་གླང་པོའི་གདོང་དུམ་སྐྱེས་མ་ནི་དབང་མའོ། །ལྷོ་རུ་ལྷ་མོའི་ཚུལ་ཅན་ནོ། །གཟུགས་ཅན་མ་སྟེ་རྟ་ཡི་གདོང ། །སྤྱན་གསུམ་པ་ལ་སྣ་ཚོགས་གཟུགས། །ཐོད་པ་ཁ་ཊྭཾ་ག་འཛིན་ཅིང ། །མགོ་དང་གྲི་གུག་ཕྱག་ན་བསྣམས། །གཅེར་བུ་དབུ་སྐྲ་གྲོལ་བ་ལ། །གར་གྱིས་ཀྱང་ནི་ལེགས་པར་མཛེས། །ཡི་དྭགས་རྒྱབ་ལ་སྐྱིལ་ཀྲུང་ཕྱེད། །བཞིན་རྣམས་བསྒྱུར་ཞིང་རབ་ཏུ་འཇིགས། ། འཇིགས་བྱེད་དང་ནི་དུས་མཚན་དག་།ལྷ་མོའི་ཞབས་ཀྱི་འགྲོ་ཏུ་མནན། །མེ་སོགས་མཚམས་ནི་བཞི་པོ་ལ། །བྱང་ཆུབ་སེམས་ལ་སོགས་པའི་སྣོད། །བུམ་པའི་སྟེང་དུ་རྣམ་པར་དགོད། །དུང་དང་ཀུན་ད་ཟླ་བའི་མདོག་།འཁྲོ་ལོ་རྩི་བས་ན་དྲུག་པ་བྲི། །མཁས་པས་དེ་དབུས་བྲི་བ་ནི། །མ་མོའི་རིགས་ནི་བཞི་པ་སྟེ། །མཱ་མ་ཀཱི་དང་སྤྱན་དང་ནི། །ལྷ་མོ་སྒྲོལ་མ་གོས་དཀར་མ། །སྔོ་དང་དཀར་དང་དམར་བ་སྟེ། །ལྷ་མོ་རྡོ་རྗེ་རིགས་དབང་ཕྱུག་།དཀར་དང་སྡོ་དང་དམར་བའི་ཞལ། །ལྷ་མོ་རྟག་པའི་རིགས་ཡིན་ནོ། །ལྗང་དང་དཀར་དང་དམར་པ་ཡི། །ལྷ་མོ་ལས་ཀྱི་རིགས་ཡིན་ནོ། །དམར་དང་སེར་དང་ལྗང་གུ་ཡི། །ལྷ་མོ་པདྨའི་རིགས་ཡིན་ནོ། །སྤྱན་གསུམ་པ་ལ་སྐྲ་གྲོལ་ཞིང ། །ཕྱོགས་ཀྱི་གོས་མཆོག་འཇིག་པ་ 184b ཡིན། །རྒྱན་རྣམས་ཐམས་ཅད་ཡོངས་སུ་རྫོགས། །ཕྱག་རྒྱ་དྲུག་གིས་རྣམ་བར་བརྒྱན། །ཐོད་པ་དང་ནི་ཁ་ཊྭཱཾ་འཛིན། །རང་གི་ཕྱག་མཆན་བཞི་པ་སྟེ། །རྡོ་རྗེ་ལ་བོར་ལོ་ཀུན་རྡོ་རྗེ། །པདྨ་དམར་པོ་མཆོག་དམ་པ། །ཐམས་ཅད་དེ་བཞིན་དྲིལ་བུ་འཛིན། །ཐོད་པ་འཁྱིལ་བས་རྣམ་བར་བསྐོར་།བདུད་བཞི་ཞབས་ཀྱིས་རྣམ་གནོན་ཅིང ། ག་ར་དང་གླུ་ཡིས་བཞད་པའི། ཞལ། །སྣ་ཚོགས་པདྨ་ཟླ་དབུས་བཞུགས། །རིགས་ཀྱི་དངོས་གྲུབ་རབ་སྟེར་བའོ། །ཕྱག་ན་མགོ་བོ་ཅང་ཏེའུ་བསྣམས། །རྡོ་རྗེ་གྲི་གུག་གིས་རྣམ་བརྒྱན། ཏ།ཧོད་པའི་བྲང་བའི་དབུ་རྒྱན་ཅན། །མགོ་ཡི་ཕྲེང་བས་རྣམ་བར་བརྒྱན། །ཟུར་གྱི་ཆ་ནི་ཐམས་ཅད་དུ། །གནས་ལ་སོགས་པའི་རིམ་བ་དགོད། །ཤར་དུ་རྩིབས་དྲུག་འཁོར་ལོ་ལ། །ཇི་ལྟའི་རྗེས་འབྲང་ལྷ་མོ་དགོད། །ཐོག་མའི་ཟུར་ལ་པུ་ལཱི་ར། །མ་ལ་ཡ་ན་རབ་གཏུམ་མའོ།། གཉིས་པ་ཛ་ལནྡྷ་ར་གཏུམ་མིག་མའོ། །གསུམ་པ་ཨུཌྱན་ན་འོད་ལྡན་མའོ། །བཞི་པ་ཨར་བུད་ན་སྣ་ཆེན་མའོ། །ལྔ་པ་གོ་ད་བཱ་རི་ན་དཔའ་བའི་བློ་གྲོས་མའོ། །དྲུག་པ་རཱ་མེ་ཤཝ་ར་ན་མིའུ་ཐུང་མའོ། །གཉིས་པ་བྱང་གི་འཁྲོ་ལོའི་རྩིབས་དྲུག་པ་དི་པཱི་ཀོ་ཊི་ན་ལངྐའི་དབང་ཕྱུག་མའོ། ། གཉིས་པ་མཱ་ལ་བ་ན་ཤིང་གྲིབ་མའོ། །གསུམ་པ་ཀཱ་མ་རུ་པ་ན་ས་སྲུང་མའོ། །བཞི་པ་ཨོ་དྲེ་ན་འཇིགས་བྱེད་མའོ། །ལྔ་པ་ཏྲི་ཤ་ཀུ་ནི་ན་རླུང་གི་ཤུགས་ཅན་མའོ། །དྲུག་པ་ཀོ་ས་ལ་ན་ 185a ༄#། །ཆང་འཐུང་མའོ། །ནུབ་ཀྱི་འཁོར་ལོ་གསུམ་པའི་རྩིབས་དྲུག་གི་ཤར་དུ་ཀ་ལིངྐ་ན་སྔོ་བསངས་ལྷ་མོའོ། །གཉིས་པ་ལམ་པ་ཀ་ན་རབ་བཟང་མའོ། །གསུམ་པ་ཀཱཾ་ཙི་ན་རྟ་རྣ་མའོ་བཞི་པ་ཧི་མ་ལ་ཡན་བྱ་གདོང་མའོ། །ལྔ་པ་པྲེ་ཏ་པུ་རིན་འཁོར་ལོའི་ཤུགས་ཅན་མའོ། །དྲུག་པ་གྲྀ་ཧ་དེ་བ་ཏཱ་ན་དུ་མ་སྐྱེས་མའོ། །ལྷོའི་འཁོར་ལོ་བཞི་པའི་རྩིབས་དྲུག་གི་ཤར་ལ་སཻ་རཱཥྚ་ན་ཆང་ཚང་མའོ། ། གཉིས་པ་ན་སུ་བརྞ་དྭི་པ་ན་འཁྲོ་ལོའི་གོ་ཆ་མའོ། གསུམ་པ་ན་རབ་ཏུ་དཔའ་མོའོ། །བཞི་པ་སིནྡྷཱུན་སྟོབས་ཆེན་མའོ། །ལྔ་པ་མ་རུ་ཏ་ན་འཁྲོ་ལོས་བསྒྱུར་མའོ། །དྲུག་པ་ཀུ་ལུ་ཏཱ་ན་བརྩོན་འགྲུས་ཆེན་མོའོ། །ཐོག་མ་དཀར་ཞིང་ལྗང་བ་དང ། །ཐོད་པ་དང་ནི་ཁ་ཊྭཱཾ་ག། །འཁོར་ལོ་ཅང་ཏེའུ་གྲི་གུག་གོ། །གཉིས་པ་བྱད་ནི་སྔོ་ལ་སེར། །རྡོ་རྗེ་ཐོད་པ་ཁ་ཊྭཾ་ག། །ཅང་ཏེའུ་དང་ནི་གྲི་གུག་གོ། །གསུམ་པ་ནུབ་ནི་དམར་པ་སེར། །ཐོད་པ་དང་ནི་ཁ་ཊྭཾ་ག་།པདྨ་ཅང་ཏེའུ་གྲི་གུག་གོ་།བཞི་པ་ལྷོ་ཡི་ལྷ་མོ་ནི། །སེར་དམར་སྣ་ཚོགས་རྡོ་རྗེ་དང་།ཅང་ཏེའུ་གྲི་གུག་ག་ཐོད་བ་དང ། །ཁ་ཊྭཾ་ག་ཡང་ཡོངས་སུ་འཛིན། །ལྷ་མོ་དེ་དག་ཐམས་ཅད་ཀྱང ། །ཕྱེད་ནི་བུད་མེད་དབང་ཕྱུག་མའོ། །སྤྱན་གསུམ་པ་ལ་ཕྱག་བཞི་པ། །གཅེར་བུ་དབུ་སྐྲ་གྲོལ་བ་དང ། །སྐྱིལ་མོ་ཀྲུང་ཕྱེད་གར་བཅས་པས། །ཡི་དྭགས་རྒྱབ་ལ་ཞབས་ཀྱིས་བཞུགས། ། ཐོད་པའི་ཕྲོད་པའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །རྐང་རྒྱན་དང་ནི་སྐ་རགས་དང ། །དབུ་རྒྱན་རྡོ་རྗེས་མཚན་པའོ། །འཁོར་ལོ་དེ་ཡི་རྒྱབ་ཏུ་ནི། ཤར་དུ་རྡོ་རྗེ་ 185b ཕྲེང་བས་བསྐོར། །བྱང་དུ་འཁྲོ་ལོའི་ཕྲེང་བ་སྟེ། །ནུབ་ཏུ་སྣ་ཚོགས་རྡོ་རྗེ་ཕྲེང ། །ལྷོ་རུ་པདྨའི་ཕྲེང་བའོ། །དབུས་སུ་རྡོ་རྗེ་ཕྲེང་བས་བརྒྱན། །ཟུར་གྱི་ཆ་ནི་ཐམས་ཅད་དུ། །སྣ་ཚོགས་རྡོ་རྗེ་མཉམ་བར་བྲི། །དེ་རྒྱབ་ཡི་དྭགས་སྣ་ཚོགས་ཀྱི། །ཕྲེང་བས་མཁས་པས་བསྐོར་བར་བྱ། །ཕྱིར་རོལ་དཀྱིལ་འཁྲོ་སྒོ་རྣམས་དང ། །ཟུར་གྱི་ཆ་ནི་བཞི་པོ་ལ། མཁའ་ལོ། འདུས་པའི་གཟུགས་དེ་ནི། །མཉམ་པར་བཞག་ནས་བྲི་ཞིང་དགོས། །ཁཝ་གདོང་ཤར་དུ་དགོད་པ་སྟེ། །སྔོ་ལ་དམར་དང་ཡིད་འཕྲོག་པ། །འགུག་གདོང་བྱང་སྒོར་དགོད་པ་སྟེ། །ལྗང་ཞིང་དམར་ལ་ལེགས་པར་མཛེས། །ཁྱི་གདོང་ནུབ་ཀྱི་སྒོ་ལ་ནི། །སེར་ཞིང་དུད་ཀ་རབ་ཏུ་གདུག་།ཕག་གདོང་ལྷོ་རུ་དགོད་པ་ནི། །ལྗང་ཞིང་སྔོ་བའི་གཟུགས་ཅན་ནོ། །སྤྱན་གསུམ་བཞིན་བསྒྱུར་རབ་གདུག་ཅིང་།། དམ་པ་ཕྱོགས་ཀྱི་གོས་འཆང་བའོ། །མིག་གཡན་དང་ནི་གཟུགས་མི་སྡུག་།གཡས་བརྐྱང་པ་ཡི་ཞབས་ཀྱིས་བཞུགས། །སྣ་ཚོགས་པདྨའི་ཉི་དབུས་བཞུགས། །ཕྱག་རྒྱ་ལྔ་ཡིས་རྣམ་བར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་གཟུགས་ཅན་ཡིད་འཕྲོག་པ། །གཅིར་བུ་སྐྲ་གྲོལ་རྣམ་བར་འཇིགས། །གཤིན་རྗེ་སྲེག་མ་མ་ཧེ་གདོང ། །མེ་ཡི་ཕྱོགས་སུ་རྣམ་པར་བཞུགས། །གཤིན་རྗེ་ཕོ་ཉ་བོང་བུའི་གདོང ། །བདེན་བྲལ་ཕྱོགས་སུ་རྣམ་པར་བཞུགས། །གཤིན་རྗེ་མཆེ་བ་རྔ་མོའི་གདོང ། །གདུག་པ་རླུང་ 186a ༄#། །ཕྱོགས་རབ་ཏུ་བཞུགས། །གཤིན་རྗེ་འཇོམས་མ་རྟ་ཡི་གདོང ། །འདི་དག་ཆགས་པས་རབ་ཏུ་མྱོས། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་གཟུགས་ཅན་ཡིད་འཕྲོག་མའོ། །གཅེར་བུ་དབུ་སྐྲ་གྲོལ་བ་ལ། །སྐྱིལ་ཀྲུང་ཕྱེད་པར་གར་དང་བཅས། །མཆེ་བ་རྣམ་པར་གཅིགས་པའི་ཞལ། །སྤྱན་གསུམ་པ་ལ་གཡོ་བའི་སྐུ། །སྣ་ཚོགས་པདྨའི་ཉི་དབུས་བཞུགས། །མི་སྡུག་རྗེས་སུ་ཆགས་པས་མྱོས། །ཐམས་ཅད་ཡི་དྭགས་སྟེང་ན་བཞུགས། །འཁོར་ལོ་སོགས་པའི་དཀྱིལ་འཁོར་རྣམས། །ཐོད་པ་ཁ་ཊྭཱཾ་ག་འཛིན་ཅིང ། །གྲི་གུག་དང་ནི་མགོ་བོ་འཆང ། །ཕྱག་གཡས་དག་ན་ཅང་ཏེའུ་ཡི། །ཤིན་ཏུ་འཇིགས་པའི་སྒྲ་ཡང་སྒྲོག་།ཕྱི་རོལ་བསྐོར་བའི་ཚུལ་ཅན་ནོ། །གཞན་དུ་རྣམ་པ་དུ་མ་ཡི། །གླུ་དང་གར་གྱི་མཆོད་པ་དང ། །སྣ་ཚོགས་དམ་ཚིག་དམ་པ་ཡི། །མེ་ཏོག་སྤོས་དང་མར་མེ་དང ། །དྲི་དང་ཕྲེང་བ་བྱུག་པ་དང ། །ལྷ་ཡི་གོས་ཀྱི་རྣམ་པ་དང ། ། ལྷ་མོ་སི་ལ་སྙན་མཆོག་དམ་པ། །ཕྱི་རོལ་རྣལ་འབྱོར་མ་དག་མཆོད། །དེ་ཡི་དབུས་མདུན་མཐའ་ཡས་པའི། །ཐམས་ཅད་དུ་ནི་འཁོར་ཡོངས་ཀྱིས། །ནམ་མཁའི་ཁམས་ནི་ཡོངས་གང་བའི། །ཕག་མོའི་མཆོག་ནི་དམ་པ་དང ། །རྣལ་འབྱོར་མ་གདུག་རྣམས་ཀྱང་མཆོད། །མཆོག་འདི་དག་ནི་གསང་ཞིང་སྦ། །སུ་ལ་ཡང་ནི་མི་བརྗོད་དོ། །ཕྱི་རོལ་ཡི་ 186b དགས་ཕྲེང་བ་ཡིས། །དཀྱིལ་འཁོར་མཆོག་གི་རང་བཞིན་ནི། །རྣམ་པར་འཕྲུལ་པ་དགོད་བྱ་སྟེ། །ཇི་ལྟའི་རིམ་པས་རྗེས་སུ་དགོད། །སེན་མོ་སོ་ནི་རབ་གཏུམ་མའོ། །སྐྲ་དང་སྤུ་ནི་གཏུམ་མིག་མའོ། །པགས་པ་དང་དྲི་མ་ནི། འོད་ལྡན་མའོ། །ཤ་ནི། སྣ་ཆེན་མའོ། །རྩ་རྒྱུས་ནི། དཔའ་བོའི་བློ་གྲོས་མའོ། །རུས་པ་ནི། མིའུ་ཐུང་མའོ། །མཁལ་མ་ནི། ལངྐའི་དབང་ཕྱུག་མའོ། །སྙིང་ནི། ཤིང་གྲིབ་མའོ། །མིག་ནི། ས་སྲུང་མའོ། །མཁྲིས་པ་ནི། འཇིགས་བྱེད་ཆེན་མོའོ། །གློ་བ་ནི། རླུང་གི་ཤུགས་ཅན་མའོ། །རྒྱུ་མ་ནི། ཆང་འཐུང་མའོ། ། གཉེ་མ་ནི། སྔོ་བསངས་ལྷ་མོའོ། །ལྟོ་བ་ནི། རབ་བཟང་ལྷ་མོའོ། །ལྒང་བ་ནི། རྟ་རྣ་མའོ། །སྐྲ་མཚམས་ནི། བྱ་གདོང་མའོ། །བད་ཀན་ནི། འཁོར་ལོའི་ཤུགས་ཅན་མའོ། ། རང་ནི།་དུམ་སྐྱེས་མའོ། །ཁྲག་ནི། ཆང་ཚོང་མའོ། །རྡུལ་ནི། འཁོར་ལོའི་གོ་ཆ་མའོ། །ཚིལ་ནི། ཤིན་ཏུ་དཔའ་མོའོ། །མཆི་མ་ནི། སྟོབས་ཆེན་མའོ། །མཆིལ་མ་ནི ། འཁོར་ལོས་བསྒྱུར་མའོ། །སྣབས་ནི། བརྩོན་ཆེན་མའོ། །པུ་ལླཱི་ར་མ་ལ་ཡ་སྟེ། མགོ་པོ་ལ་རབ་གཏུམ་མའོ། །ཛའ་ལནྡྷ་ར་སྟེ། སྤྱི་གཙུག་ལ་གཏུམ་མའི་མིག་ཅན་མའོ། ། ུ་ཌྱི་ན་ཏེ། རྣ་བ་གཡས་པར་འོད་ལྡན་མའོ། །ར་བུ་ད་སྟེ། སྤྱི་བོའི་རྒྱབ་ཏུ་སྣ་ཆེན་མའོ། །གོ་ད་བ་རི་སྟེ། རྣ་བ་གཡོན་པར་བརྟན་པའི་བློ་ཅན་མའོ། །རཱ་མེ་ཤཝ་ར་སྟེ། སྨིན་ 187a ༄#། །མའི་དབུས་སུ་མིའུ་ཐུང་མའོ། །དེ་བཱི་ཀོ་ཊི་སྟེ། མིག་ཏུ་ལངྐའི་དབང་ཕྱུག་མའོ། །མཱ་ལ་བ་སྟེ། ཕྲག་བ་གཉིས་སུ་ཤིང་གྲིབ་མའོ། །ཀཱ་མ་རཱུ་བ་སྟེ།་མིག་གཉིས་ལ་ས་སྲུང་མའོ། །ོ་ཏྲེ་སྟེ། ནུ་མ་གཉིས་སུ་འཇིགས་བྱེད་ཆེན་མོའོ། །ཏྲི་ཤ་ཀུ་ནི་སྟེ། ལྟེ་བར་རླུང་གི་ཤུགས་ཅན་མའོ། །ཀོ་ས་ལ་སྟེ། སྣ་རྩེར་ཆང་འཐུང་མའོ། །ཀ་ལིངྐ་སྟེ། ཁར་ཤྱཱ་མ་དེ་བའོ། །ལཾ་པཱ་ཀ་སྟེ། མགྲིན་པར་ཤིན་ཏུ་བཟང་མོའོ། །ཀཱཾ་ཙི་སྟེ། སྙིང་གར་རྟ་རྣམ་མའོ། །ཧི་མ་ལ་ཡ་སྟེ། འདོམས་སུ་བྱ་གདོང་མའོ། །ཕྲེ་ཏ་པུ་རི་སྟེ། མཚན་མ་ལ་།འཁོར་ལོའི་ཤུགས་ཅན་མའོ། །གྲྀ་ཧད་བ་ཏཱ་སྟེ། གཞད་ལ་དུ་མ་སྐྱེས་མའོ། །སཽ་རཱཥྚ་སྟེ། བརླ་གཉིས་ལ་ཆང་ཚོང་མའོ། ། སུ་བརྞ་དྭཱི་བ་སྟེ། རྗེ་རར་གཉིས་ལ་འཁོར་ལོའི་གོ་ཆ་མའོ། །ན་ག་ར་སྟེ། སོར་མོ་རྣམས་ལ་དཔའ་བོའི་བློ་གྲོས་མའོ། །སིནྡྷུ་སྟེ། རྐང་པའི་བོ་ལ་ལ་སྟོབས་ཆེན་མའོ། །མ་རུ་སྟེ།་མཐེ་བོང་གཉིས་ལ་འཁོར་ལོས་བསྒྱུར་མའོ། །ཀུ་ལུ་ཏཱ་སྟེ། པུས་མོ་གཉིས་ལ་བརྩོན་ཆེན་མའོ། །སའི་ཁམས་ནི། འཕེབས་མ། ཆུའི་ཁམས་ནི། གསོད་མ། མའི་ཁམས་ནི། འགུགས་མ། རླུང་གི་ཁམས་ནི། གར་གྱི་དབང་ཕྱུག་མའོ། །ནམ་མཁའི་ཁམས་ནི། པདྨའི་དྲ་བ་མའོ། །གཟུགས་ཀྱི་ཕུང་པོ་ནི། རྣམ་པར་སྣང་མཛད། 187b ཚོར་བའི་པུང་པོ་ནི། རྡོ་རྗེ་ཉི་མ། འདུ་ཤེས་ཀྱི་ཕུང་པོ་ནི། གར་གྱི་དབང་ཕྱུག་།འདུ་བྱེད་ཀྱི་ཕུང་པོ་ནི། རྡོ་རྗེ་ཆགས་པ། རྣམ་པར་ཤེས་པའི་བྱང་པོ་ནི། རྡོ་རྗེ་སེམས་དཔའ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི། རྡོ་རྗེ་ཤྲཱི་ཧེ་རུ་ཀའོ། །མིག་ནི། གཏི་མུག་རྡོ་རྗེ། རྣ་བ་ནི། ཞེ་སྡང་རྡོ་རྗེ། སྣ་ནི། སེར་སྣ་རྡོ་རྗེ། དག་ནི། ཆགས་བ་རྡོ་རྗེ། ལུས་ནི་ཕྲག་དོག་རྡོ་རྗེ། སྐྱེ་མཆེད་ཐམས་ཅད་ནི། དབང་ཕྱུག་རྡོ་རྗེ། ཡིད་ནི། མི་འཁྲུགས་རྡོ་རྗེ། ངག་ནི། དཔག་མེད་རྡོ་རྗེ། ལུས་ནི། སྣང་མཛད་རྡོ་རྗེ། འདི་དག་དགོད་པར་བྱ་བ་ནི།་ཡེ་ཤེས་འཁོར་ལོ་མཐོང་བ་ཡིན། །སྦྱོར་བ་འདི་ལ་གནས་ན་ནི། །དེ་ཡིས་ཐམས་ཅད་བསྒོམས་པར་འགྱུར། །དབང་བསྐུར་མཆོད་དང་དམ་ཚིག་དང ། །སྒོམ་པ་མཉམ་པ་བཅུད་དུ་བྱེད། །དེ་སྙིང་ཡེ་ཤེས་སེམས་དཔའ་ལ། །ཡེ་ཤེས་བདུད་རྩི་བཅུད་ཀྱིས་མཆོད། །ལུས་ངག་ཡིད་ཀྱི་དམ་ཚིག་རྣམས། །སེམས་དང་སེམས་མིན་ལེགས་པར་བརྟག་།བཟླས་དང་སྒམ་པའི་སྦྱོར་བ་ཡིས། །རྣམ་རྟོག་ཐམས་ཅད་སྤངས་ནས་ནི། །དམ་ཚིག་མཆོག་གི་བཟླས་པ་ཡིས། །གསང་སྔགས་རྒྱལ་པོ་མཆོག་ཀྱང་འགྲུབ། །ོཾ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སཝཱཧཱ། ཨོཾ་སརྦ་པུདྡྷ་ཌཱ་ཀཱི་ནཱི་ཡེ་བཛྲ་བརྞ་ཎཱི་\?\་ཧུཾ་ཧཱུཾ་ཕཊ་སཝཱཧཱ། བསྟོད་དང་མིང་དུ་ཡང་དག་སྦྱར། །ཧཱུཾ་ཧཱུཾ་ཕཊ་དང་ལྡན་པ་ཡི། །རབ་གཏུམ་མ་སོགས་གསང་ 188a ༄#། །སྔགས་དག་།སྦྱར་ནས་མཆོག་གི་བཟླས་པ་བྱ། །བཟླས་པ་ཡོངས་སུ་རྫོགས་ནས་ནི། །ཞི་བའི་བཏུང་བ་མཆོག་ཀྱང་བཏུང ། །ཆོས་རྣམས་ཐམས་ཅད་ཡོངས་མཉམ་པའི། །མཉམ་པའི་དམ་ཚིག་མཆོག་ཡིན་ཏེ། །དེ་བས་དེ་བསྒོམ་རྣམ་པར་དག་།སུམ་ཅུ་བདུན་པའི་གོ་འཕང་མཆོག་།བདག་མེད་ཆོས་དང་ལམ་དང་ནི། །དཀྱིལ་འཁོར་མཆོག་ལ་རབ་ཏུ་བཞུགས། །ཤེས་རབ་ཕ་རོལ་རྣལ་འབྱོར་མ། །རྣལ་འབྱོར་ལས་ནི་ངལ་བསོས་ནས། །མཚན་མེད་གོ་འཕང་གནས་ནས་སུ། །མཚན་མེད་ལ་ནི་མཉམ་པར་བརྟེན། །ཆོས་རྣམས་མེད་ཅིང་མཚན་མ་མེད། །ཆོས་མིན་ཆོས་ཅན་དག་ཀྱང་མེད། །རྟེན་འབྲེལ་ཆོས་ཀྱང་མཁའ་དང་མཉམ། །དངོས་པོ་མེད་ཅིང་མཚན་མ་མེད། །དེ་ཉིད་བཞི་ལ་འདིར་གནས་ན། །ཡེ་ཤེས་མིག་གིས་མཐོང་བ་ཡིན། །གནས་སོགས་འཁོར་ལོ་ངེས་པར་ཡང ། །ཉི་ཟེར་རྡུལ་དང་མཉམ་པར་མཐོང ། །སྐྲ་ཡི་རྩེ་མོ་འབུམ་བཤགས་པའི། །ཆ་ཡང་ཡོངས་སུ་རྟོགས་ཤིང་མཐོང ། །བྷ་གའི་དབུས་ན་བཞུགས་པ་ཡིས། །ཧེ་རུ་རྣལ་འབྱོར་མ་ལྷན་ཅིག་།འཁོར་ལོས་བསྒྱུར་བ་རབ་སྦྱོར་བ། །ཁཝ་གདོང་ལ་སོགས་ཕྱི་རོལ་དགོད། །ཧེ་རུ་ཀ་དཔལ་བདག་པོ་ནི། །མཁའ་འགྲོ་བཞི་ཡིས་ཡོངས་སུ་བསྐོར། །ཕན་ཚུན་བདག་པོས་བྱ་བ་ནི། །རྡོ་རྗེ་སེམས་སོགས་ 188b སྦྱོར་བ་ནི། །རྣལ་འབྱོར་མ་དང་ཐུན་མོང་འགྲུབ། །སྦྱོར་བ་གསུམ་ནི་དམ་ཚིག་མཆོག་།ཁམས་གསུམ་བདག་པོ་ཆེན་པོ་ནི། །རྣམ་པར་སྤྱོད་པར་མཐོང་མ་གྱུར། །མི་འགྲུབ་འཁོར་ལོས་བསྒྱུར་བ་དང ། །ཁམས་གསུམ་བདག་པོའི་རྒྱལ་པོར་འགྱུར། །གྲུབ་ན་དེ་ན་རྣལ་འབྱོར་ཆེ། །སྲིད་པ་གསུམ་གྱི་བདག་པོ་འཐོབ། །དེ་བཞིན་ཆོ་གའི་སྦྱོར་བ་ཡིས། །སྟོབས་ཀྱིས་ཤི་བ་བཟའ་བར་བྱ། །མཚམས་མེད་པ་ནི་བྱེད་པ་དག་།བཀུག་ལ་མཁས་པས་བྱིན་གྱིས་བརླབ། །གཞན་དུ་དངོས་གྲུབ་འཇིག་པར་འགྱུར། །ཇི་ལྟར་འདོད་པའི་འཚོ་བའི་འབྲས། །ཕྱུགས་གསད་པ་ཡི་སྦྱོར་བ་ནི། །རྣལ་འབྱོར་མ་ལ་ཞུས་ཏེ་བྱ། །ལྷ་བཤོས་སྒྲུབ་པའི་སྦྱོར་བ་འོ། །མ་དང་སྲིང་མོ་ལྷན་ཅིག་ཏུ། །མཆོག་དང་བར་མ་དེ་བཞིན་ཏེ། ། གཞན་དུ་བུ་མོ་ལྷན་ཅིག་ཏུ། །དབང་པོ་གཉིས་ནི་མཉམ་སྦྱོར་བ། །མཉམ་པ་མཆོག་གི་སྒྲུབ་པའོ། །རང་གི་ལྷ་ཡི་སྦྱོར་བ་ཡིས། །འདོད་པ་ལྔ་ནི་སྤྱད་པར་བྱ། །ཕག་མོ་རུ་ནི་བདག་བསྒོམས་ཏེ། །ལྟེ་བར་སྡིགས་མཛུབ་བཞག་ནས་ནི། །མཁའ་འགྲོ་མ་སོགས་འཁོར་ལོར་བཞུགས། །ལྷ་མོ་རབ་ཏུ་དང་བྱས་ནས། །སྒོ་དགུ་ལ་ནི་ཞུགས་ནས་ཀྱང ། ། སྙིང་པོ་པདྨ་ཕུག་ནས་ནི། །རྣལ་འབྱོར་མ་ནི་བརྒྱབ་ཙམ་གྱིས། །རྨ་སྐྱེས་མཆོག་ནི་བཏུང་བར་བྱ། །བསྣུན་པ་དེ་ཡིས་ཟོས་ན་ནི། །སངས་རྒྱས་འགྱུར་གྱི་གཞན་དུ་མིན། །མངོན་ 189a ༄#། །པར་བརྗོད་པའི་རྒྱུད་བླ་མའི་བླ་མ་ལས། རྣལ་འབྱོར་མའི་གནས་སྒྲུབ་པའི་མཚན་མའི་རིམ་པ་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་གཞན་ཡང་བཤད་བྱ་བ། །རྣལ་འབྱོར་དཔའ་བོའི་ཆོ་ག་དང ། །རྣལ་འབྱོར་མ་ཡི་གནས་འབྱུང་བ། །འདུས་པ་བདག་གིས་བཤད་པར་བྱ། །དཔའ་བོ་རྣལ་འབྱོར་མ་ཐམས་ཅད། །བླ་མའི་བཀའ་ལས་གཞན་དུ་མིན། །ཐམས་ཅད་མཁའ་འགྲོ་མ་རྣམས་ནི། །ངེས་པར་ལེགས་བ་སྩོལ་བར་འགྱུར། །རེའུ་མིག་དགུ་པ་དབུས་སུ་སྟེ། །ཕྱི་རོལ་དུ་ནི་བཅུ་དྲུག་བྲི། །རེའུ་མིག་དབུས་ཀྱི་དཀྱིལ་དུ་ཡང ། །ཤིན་ཏུ་མཛེས་པའི་པདྨ་བྲི། །སྣ་ཚོགས་པདྨ་བརྒྱད་པ་སྟེ། །ལྟེ་པ་དང་ནི་གེ་སར་བཅས། །དེ་དབུས་ཟླ་བ་བལྟ་བྱས་ཏེ། ། ལ་སོགས་བ་རྣམ་པར་སྦྱར། །ཱ་ལི་ཀཱ་ལི་མཉམ་བྱས་ཏེ། །ཧཱུཾ་ནི་ནང་དུ་ཆུད་པར་བྱ། །རྡོ་རྗེ་སེམས་དཔས་ཀུན་ཁྱབ་པ། །ཧེ་རུ་ཀ་ནི་རྣམ་པར་བསྒོམ། །ཞལ་ལྔ་ཕྱག་ནི་བཅུ་པ་སྟེ། ། ཕག་མོ་ཡིས་ནི་ཡོངས་སུ་བརྒྱན། །དཀར་ཞིང་སྔོ་ལ་དེ་བཞིན་དམར། །ལྗང་གུ་སེར་པོ་སྟེང་དུ་སྟེ། །སྤྱན་གསུམ་པ་ལ་འཇིགས་པའི་ཞལ། །གཡས་བརྐྱང་པ་ཡི་གནས་པས་བཞུགས། །འཇིགས་བྱེད་དང་ནི་དུས་མཚན་ཉིད། །ཤིན་ཏུ་མྱོས་པས་ཞབས་འོག་གནོན། །ཐོད་པའི་ཕྲེང་པའི་དབུ་རྒྱན་ཅན། །ཟླ་བ་ཕྱེད་པ་འཛིན་པས་མཛེས། །སྣ་ཚོགས་རྡོ་རྗེ་ཅོད་ 189b པན་ཅན། །རལ་པའི་དབུ་རྒྱན་དབུ་ལ་འཆིང ། །ཕྱག་རྒྱ་དྲུག་གིས་རྒྱས་བཏབ་ཅིང ། །སྐུ་ལ་རྡོ་རྗེ་རྒྱན་གྱིས་སྤུད། །རྡོ་རྗེ་དྲིལ་པུ་མཉམ་པར་ལྡན། །བདེ་བ་ཆེན་པོའི་བདེ་བ་མཆོག ། རྩེ་གསུམ་དང་ནི་ཅང་ཏེའུ་འཛིན། །རྡོ་རྗེ་གྲི་གུག་དེ་བཞིན་ཏེ། །ཐོད་པ་ཁ་ཊྭཱཾ་ཚངས་པའི་མགོ་།དགྲ་སྟ་དང་ནི་ཞགས་པའོ། །གཡས་དང་གཡོན་གྱི་ཕྱག་ལ་ནི། །ན་རའི་ཕགས་པ་གོས་སུ་མན་བས། །ཞབས་གཉིས་མཉམ་པར་འཁྲིལ་བ་ནི། །ཕག་མོ་ཡིས་ནི་ཁ་སྦྱར་བྱས། །དེ་མདོག་ཕྱག་དང་བཞུགས་སྟངས་ཅན། །དབུ་སྐྲ་གྲོལ་ཞིང་གཅེར་བུ་སྟེ། །སྟག་གི་པགས་པ་གོས་སུ་མན་བས། །དུམ་བུའི་རྒྱན་གྱི་སྐ་རགས་ཅན། །དྲག་པོའི་ཐོད་པའི་ཕྲེང་བ་ཅན། །ཐུགས་རྗེའི་ཆགས་པས་རྣམ་པར་མྱོས། །ཤར་གྱི་འདབ་ལ་མཁའ་འགྲོ་མ། །བྱང་དུ་ལཱ་མ་མཁའ་འགྲོ་མ། །ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་གཟུགས་ཅན་མཁའ་འགྲོ་མ། །ནག་དང་སྔོ་བསངས་དམར་སེར་སྐྱ། །ཕྱོགས་ཀྱི་གོས་འཆང་གཡས་བརྐྱང་བཞུགས། །ཐོད་པའི་ཕྲེང་བའི་དབུ་རྒྱན་ཅན། །སྐྲ་གྲོལ་གཉིས་སུ་མེད་པ་སྟེ། །ཟུར་གྱི་ཆ་ནི་ཐམས་ཅད་དུ། །བྱང་ཆུབ་སེམས་ཀྱི་སྣོད་ཀྱང་བཞག་།ཐོད་པ་ཁ་ཊྭཱཾ་དྲིལ་བུ་དང ། །ཅང་ཏེའུ་གྲི་གུག་མགོ་བོ་ཐོགས། །ཞལ་གསུམ་སྤྱན་གསུམ་བཞིན་རྣམས་བསྒྱུར། །དྲག་པོ་ཆགས་པའི་ཆགས་པས་མྱོས། །བཅོམ་ལྡན་བདེ་བས་གཟིགས་ནས་ནི།། 190a ༄#། །བདེ་བ་ཆེ་ལ་རྗེས་སུ་ཆགས། །མགོ་པོའི་དོ་ཤལ་འཆང་བ་ཡིས། །ཧེ་རུ་ཀ་ནི་རྣམ་པར་བསྒོམ། །འདི་ལྟར་རེའུ་མིག་དབུས་དཀྱིལ་དུ། །མཆོག་དེ་དག་ཀྱང་བསྒོམ་པར་བྱ། །དེ་ཡི་ཤར་གྱི་རེ་མིག་ལ་པུ་ལླཱི་ར་མ་ལ་ཡན་ཐོད་པའི་དུམ་བུ་དང ། རབ་གཏུམ་མ་སྟེ། སེར་པོའོ། །བྱང་དུ་ཛཱ་ལནྡྷ་ར་ན་ཀེང་དུས་ཆེན་པོ་དང ། གཏུམ་མིག་མ་སྟེ། སྔོན་པོའོ། །ནུབ་ཏུ་ཨུ་ཊྱན་ན་ཀེང་རུས་ཅན་དང ། འོད་ལྡན་མ་སྟེ། དཀར་པོའོ། །ལྷོ་རུ་ཨར་བུ་ད་ན་མཆེ་བ་རྣམ་པར་གཙིགས་པ་དང ། སྣ་ཆེན་མ་སྟེ ། ལྗང་གུའོ། །མེའི་ཕྱོགས་སུ་གོ་ད་པ་རི་ན་ལྷ་དགྲ་དང ། དཔའ་བོའི་བློ་གྲོས་མ་སྟེ། དམར་པོའོ། །བདེན་བྲལ་དུ་རཱ་མེ་ཤཝ་ར་ན་འོད་དཔག་མེད་དང ། མིའུ་ཐུང་མ་སྟེ། པདྨའི་མདོག་ཅན་ནོ། །རླུང་ཕྱོགས་སུ་དེ་བི་ཀོ་ཏི་ན་རྡོ་རྗེ་འོད་དང ། ལངྐའི་དབང་ཕྱུག་མ་སྟེ། དུད་ཀ་སྔོན་པོའོ། །དབང་ལྡན་དུ་མཱ་ལ་བ་ན་རྡོ་རྗེ་ལུས་དང ། ཤིང་གྲིབ་མ་སྟེ། ལྗང་གུ་དང ། མུ་ཏིག་ལྟ་བུའོ། །ཕྱག་ན་རྡོ་རྗེ་དང་དྲིལ་བུས་འཁྱུད་པའོ། །དེ་ལ་རེའུ་མིག་གཉིས་པའི་ཤར་ཕྱོགས་སུ་ཀཱ་མ་རཱུ་པ་ན་མྱུ་གུ་ཅན་དང ། ས་སྲུང་མ་སྟེ། དམར་པོའོ། །བྱང་དུ་ཨོཾ་དྲེན་རྡོ་རྗེ་རལ་བཅན་དང ། འཇིགས་བྱེད་ཆེན་མོ་སྟེ། ལྗང་གུའོ། །ནུབ་ཏུ་ཏྲི་ཤ་ཀུ་ནི་ན་དཔའ་བོ་ཆེན་པོ་དང ། རླུང་གི་ཤུགས་ཅན་མ་སྟེ། སྔོན་པོའོ། །ལྷོ་ཕྱོགས་ཀོ་ས་ལ་ན་རྡོ་རྗེ་ཧཱུཾ་ 190b མཛད་དང ། ཆང་འཐུང་མ་སྟེ། དཀར་པོའོ། །མེའི་ཕྱོགས་སུ་ཀ་ལིངྐ་ན་རབ་བཟང་དང ། སྔོ་བསངས་ལྷ་མོ་སྟེ། ནམ་མཁའ་སེར་སྐྱའོ། །བདེན་བྲལ་དུ་ལཾ་པཱ་ཀ་ན་རྡོ་རྗེ་བཟང་དང ། རབ་བཟང་མ་སྟེ། དམར་པོའོ། །རླུང་གི་ཕྱོགས་སུ་ཀཱཾ་པོ་ཙིན་འཇིགས་བྱེད་ཆེན་པོ་དང ། རྟ་རྣམ་སྟེ། སེར་བོའོ། །དབང་ལྡན་དུ་ཧི་མ་ལ་ཡན་མིག་མི་བཟང་དང ། བྱ་གདོང་མ་སྟེ།་སྔོན་པོའོ། །པདྨ་དང་དྲིལ་བུ་འཛིན་པས་འཁྱུད་པའོ། །རེའུ་མིག་གསུམ་པའི་ཤར་དུ་པྲེ་ཏ་པུ་རི་ན་སྟོབས་པོ་ཆེ་དང ། །འཁོར་ལོའི་ཤུགས་ཅན་མ་སྟེ། ནམ་མཁའ་དང་སེར་སྐྱའོ། །བྱང་དུ་གྲྀ་ཧ་དེ་བཱ་ཏཱ་ན་རྡོ་རྗེ་འོད་དང་དུ་མ་སྐྱེས་མ་སྟེ་སེར་པོའོ། །ནུབ་ཏུ་སཽ་རཱཥྜ་ན་རྟ་མགྲིན་དང ། ཆང་ཚོང་མ་སྟེ། དམར་པོའོ། །ལྷོ་ཕྱོགས་སུ་བརྞ་དྭི་པ་ན་ནམ་མཁའི་སྙིང་པོ་དང ། འཁོར་ལོའི་གོ་ཆ་མ་སྟེ། སྔོན་པོའོ། །མེའི་ཕྱོགས་སུ་ན་ག་ར་ན་དཔལ་ཁྲག་འཐུང་དང ། རབ་དཔའ་མོ་སྟེ། དུད་པའི་མདོག་ཅན་ནོ། །བདེ་ན་བྲལ་དུ་སིནྡྷུ་ན་པདྨ་གར་གྱི་དབང་ཕྱུག་དང ། སྟོབས་ཆེན་མ་སྟེ། ལྗང་གུའོ། །རླུང་གི་ཕྱོགས་སུ་མ་རུ་ཏ་ན་རྣམ་པར་སྣང་མཛད་དང ། འཁོར་ལོས་བསྒྱུར་མ་སྟེ། སྔོན་པོའོ། །དབང་ལྡན་དུ་ཀུ་ལུ་ཏཱ་མ་རྡོ་རྗེ་སེམས་དཔའ་དང ། བརྩོན་འགྲུས་ཆེན་མོ་སྟེ། དཀར་པོའོ། །འཁོར་ལོ་དང་དྲིལ་བུ་འཛིན་པས་འཁྱུད་པའོ། །གཞན་ཡང་ཐོད་པ་དང ། ཁ་ཊྭཱཾ་ག་དང ། ཅང་ཏེའུ་དང ། གྲི་གུག་ 191a ༄#། །དང ། མགོ་བོ་འཛིན་པ། ཕྱག་དྲུག་པ། ཞལ་གསུམ་པ་སྟེ། ཞལ་ནི། མན་ངག་གི་རྗེས་སུ་འབྲང་བས་བསྟན། སྤྱན་གསུམ་པ། གཡས་བརྐྱང་བས་བཞུགས་པ། ཕྱག་རྒྱ་ལྔ་ཡིས་རྣམ་པར་བརྒྱན། །སྟག་གི་པགས་པ་གོས་སུ་མན་བས། །མགོ་བོའི་ཕྲེང་བས་བརྒྱན་པ་སྟེ། །ཐོད་པའི་ཕྲེང་བའི་ཅོད་པན་ཅན། །རྡོ་རྗེ་ཕྲེང་དང་ཕད་འཁོར་ལོ། །ཇི་ལྟའི་རིམ་པས་དཔྲལ་བར་བརྒྱན། །ལྷ་མོ་སྐྲ་གྲོལ་གཅར་བུ་སྟེ། །བྱིན་པ་གཉིས་ཀྱིས་ལེགས་པར་འཁྲིལ། །ཇི་ལྟར་ཐབས་བཞིན་ཤེས་རབ་སྟེ། ། མཚན་མའི་ཕྱག་རྒྱ་ལེགས་ཁྱབ་པ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཀྱིས་བརྒྱན་པ། །དར་དང་ཕྲེང་བས་རྣམ་པར་བརྒྱན། །འཁོར་ལོའི་གཟུགས་ཅན་ལ་བཀོད་ནས། །ཇི་ལྟར་མཛེས་པར་རབ་ཏུ་བརྟག། །འདི་ལྟར་ཕྱི་ཡི་འཁོར་ལོ་ཡི། །དེ་ལ་སྒོ་སྲུང་རྣམས་ཀྱང་དགོད། །མཚམས་དང་ཟུར་དུ་ལྷ་མོ་རྣམས།། མཁས་པས་བྲི་བར་བྱ་བ་སྟེ། །ཆོ་ག་དུ་མ་ཐོས་ནས་ནི། །འབད་པས་གཅིག་ཏུ་བསྡུས་པ་ཡིན། །ཤར་གྱི་སྒོར་ནི་ཁཝ་གདོང་མ། །ཞལ་གསུམ་པ་ལ་ཕྱག་དྲུག་པ། །གཡས་དང་གཡོན་གྱི་ཞལ་གདོང་ནི། །བྱ་རོག་ཆུ་སྐྱར་ཞལ་ཡིན་ཏེ། །མི་འུ་ཐུང་ལ་མི་སྡུག་ཞལ། །བྱང་གི་སྒོར་ནི་འུག་གུ་དང ། །འུག་པ་བྱི་ལ་རྣམ་མཛེས་ཏེ། །གཡས་དང་ 191b གཡོན་གྱི་ཞལ་གདོང་གི་།ལྕེ་བསྐྱོད་འཇིགས་པའི་གཟུགས་ཅན་མ། །ནུབ་ཏུ་བྷ་བ་གི་ཞེས་པ། །ཁྱི་དང་སེངྒེའི་གདོང་པ་ཅན། །གཡོན་བ་དང་ནི་གཡས་པ་ཡི། །ལྕེ་བསྐྱོད་ཤིན་ཏུ་མཛེས་པའོ། །ལྷོ་ཕྱོགས་ས་འཛིན་ལྷ་མོ་ནི། །ཕག་གདོང་མ་ཧེའི་གཟུགས་ཅན་ཏེ། །གཡས་དང་གཡོན་གྱི་ཞལ་གདོང་ནི། །ཟབ་ཅིང་དྲག་ལ་འཇིགས་པ་འོ། །ཐོག་མ་ཁཝ་གདོང་ཞེས་བྱ་བ། །གཉིས་པ་འུག་པ་དེ་བཞིན་ཏེ། །གསུམ་པ་ཁྱི་ཡི་གདོང་ཅན་ལ། །བཞི་པ་དག་ནི་ཕག་ཉིད་དོ། །སྔོ་དང་དུད་ཀ་དཀར་པོའི་གདོང ། །ལྗང་གུ་སེར་པོ་དམར་པོ་སྟེ། །སེར་ཞིང་དམར་ལ་སྔོ་བའི་ཞལ། །དཀར་དང་སྔོ་དང་ལྗང་གུའི་མདོག་།དང་པོ་མེ་ནས་དབང་ལྡན་བར། །གཤིན་རྗེ་སྲེག་མ་ཕོ་ཉ་མོ། །གཤིན་རྗེ་མཆེ་བ་འཇོམས་པ་ཉིད། །དམར་དང་སེར་དང་ལྗང་གུ་དང ། །སྔོ་དང་སེར་དང་ལྗང་གུ་དང ། །དུད་ཀ་སེར་དང་ལྗང་གུ་དང ། །དཀར་དང་སེར་དང་ལྗང་གུ་སྟེ། །དེ་དག་ཞལ་གསུམ་ཕྱག་དྲུག་སྟེ། །སྤྱན་གསུམ་གཡས་པ་བརྐྱང་བས་བཞུགས།། ཕྱོགས་ཀྱི་གོས་འཆང་གསུས་པ་འཕྱང ། །དབུ་སྐྲ་དག་ནི་གྲོལ་བ་སྟེ། །ཕྱག་རྒྱ་ལྔ་ཡིས་རྒྱས་བཏབ་ཅིང ། །འཁོར་ལོ་དག་ནི་ཐམས་ཅད་ཀྱང ། །ཡི་དྭགས་སྟེང་དུ་རྣམ་པར་བཞུགས། སྣ་ཚོགས་པདྨ་ཉི་མ་དང ། །ཟླ་བའི་དཀྱིལ་འཁོར་དག་ལ་བཞུགས། །ཐོད་པ་དང་ནི་ཁ་ཊྭཱཾ་ག་།ཞགས་པ་ལྕགས་ཀྱུ་ཅང་ཏེའུ་དང ། །མགོ་བོ་གྲི་གུག་ཕྱག་ན་འཆང ། །ཐོད་པའི་ཕྲེང་བས་ 192a ༄#། །རྣམ་པར་བརྒྱན། །དགའ་ཞིང་དགྱེས་པས་རྣམ་པར་མྱོས། །རྗེས་སུ་ཆགས་པའི་ཞལ་གདོང་ནི། །འཇིགས་པའི་སྡང་མིག་འགྱུར་བ་འོ། །དེ་ནས་གཤིན་རྗེ་སྲེག་སོགས་སྒོ། །ཁཝ་གདོང་ལ་སོགས་མཚམས་སུ་སྟེ། །རང་གི་ཐབས་དང་མཉམ་པར་གཞག་།སྦྱོར་བའི་རིམ་པ་བསྒོམས་ནས་ནི། །འཁོར་ལོ་དཔའ་བོ་ཐམས་ཅད་ཀྱང ། །ཇི་བཞིན་རྡོ་རྗེ་མཁའ་འགྲོ་སྟེ། །སྔ་མའི་རྗེས་སུ་ཐམས་ཅད་ཀྱང ། །མཁའ་འགྲོ་མ་སོགས་ཀུན་དེ་བཞིན། །ཇི་བཞིན་བླ་མའི་བཀའ་བཞིན་དུ། །ཇི་ལྟར་འདོད་པ་གནས་དེ་བཞིན། །ཇི་ལྟར་སེམས་ཀྱི་ཁྱད་པར་གྱིས། །རྣལ་འབྱོར་མ་ཡི་དཀྱིལ་འཁོར་བསྒོམ། །བུམ་པ་སྣ་ཚོགས་སྦྱོར་བ་ཡིས། །ཐོད་པ་ཡིས་ནི་ཡོངས་སུ་བརྒྱན། ། འོ་མས་བཀང་བའི་ཐོད་པ་ནི། །བུམ་པའི་སྟེང་དུ་གཞག་པར་བྱ། །ཕྱི་རོལ་ཡོངས་སུ་བསྐོར་བ་སྟེ། །སྣ་ཚོགས་མཁའ་འགྲོ་མ་གནས་པ། །གླུ་དང་གར་ནི་ཉེར་ལྡན་པས། ། སྣ་ཚོགས་རོལ་མོ་རྣམ་པར་སྤྲུལ། །མེ་ཏོག་བདུག་སྤོས་མར་མེ་དང ། །དྲི་དང་གོས་མཆོག་དམ་པ་སྟེ། །སྣ་ཚོགས་དམ་ཚིག་རོ་ཡི་ཟས། །སྣ་ཚོགས་བཟའ་བ་ཆང་གིས་མཆོད། །དཀྱིལ་འཁོར་སྣ་ཚོགས་མཆོག་དམ་པ། །ཕྱི་རོལ་ཡི་དྭགས་གྱིས་ཡོངས་བསྐོར། །དངོས་དང་དངོས་མེད་རྣམ་པར་བསྒོམ། །བླ་མའི་མན་ངག་བཀའ་བཞིན་ 192b དུ། །རྡོ་རྗེ་པད་བསྐོར་འཁོར་ལོ་ནི། །ཟུར་བཞི་པར་ནི་རབ་ཏུ་གནས། །མཚམས་སུ་རྡོ་རྗེ་ཕྱེད་པས་མཚན། །རྡོ་རྗེ་ཀ་བའི་མདུན་དབུས་སུ། །རེའུ་མིག་རྡོ་རྗེ་ལྡན་པར་བྱ། །སྣ་ཚོགས་པ་ཡི་ཆོ་ག་མཆོག་།གནས་སོགས་རིམ་པས་དགོད་པར་བྱ། །ཁམས་དང་ཕུང་པོ་དེ་བཞིན་ཏེ། །སྐྱེ་མཆེད་དྲུག་ཀྱང་རྣམ་པར་དགོད། །ཡེ་ཤེས་རྡོ་རྗེ་རྣམ་པར་བསྒོམ། །སྐུ་གསུང་ཐུགས་སུ་སྦྱོར་བ་ཡིས། །ཡེ་ཤེས་འཁོར་ལོ་མཐོང་བ་ན། །རྒྷཾ་ཞབས་བསིལ་དག་གིས་མཆོད། །དམ་ཚིག་སྣ་ཚོགས་མཆོག་དམ་པ། །སྣ་ཚོགས་པ་ཡི་ཁྱད་པར་གྱིས། །མཱཾ་ས་རཀྟ་དག་གིས་མཆོད། །གོ་ཆ་གཉིས་པོ་སྦྱོར་བ་ཡིས། །ཕྱག་རྒྱ་ཡེ་ཤེས་མཆོག་དམ་པ། །རོ་གཅིག་མ་ལུས་བསྒོམས་ན་ནི། །ཡེ་ཤེས་འཁོར་ལོ་རྣམ་པར་བསྒོམ། །རེག་པ་ཡི་ནི་ཁྱད་པར་གྱིས། །མཁས་པས་སྦྱོར་བ་གསུམ་དུ་སྦྱར། །བསྒོམས་པས་རྣམ་པར་དག་པའི་དོན། །མཁས་པས་སུམ་ཅུ་རྩ་བདུན་ཏེ། །ཡེ་ཤེས་བཟླས་པའི་སྦྱོར་བ་ཡིས། །དམ་ཚིག་གསུམ་གྱི་མཆོག་གིས་བཟའ། །སྤྲོ་དང་བསྡུ་བའི་སྦྱོར་བ་ཡིས། །བཟླས་པའི་བསྒོམ་བ་རྣམ་པར་བསྒོམ། །དུས་བཞི་དག་ཏུ་དམ་ཚིག་ཅན། །གནས་སྦྱོར་མཁས་བས་བསྲུང་བར་བྱ། །ས་སྟེང་དུ་ནི་མཐོང་བ་ཀུན། །ཐམས་ཅད་ཧེ་རུ་ཀ་དཔལ་གཟུགས། །འགྲོ་བ་དྲུག་པོའི་སྲིད་པ་སྦྱངས། །སེམས་ཅན་དོན་ནི་གཞལ་མེད་བྱས། །ཐམས་ཅད་ཞུགས་ཏེ་ཞུགས་ 193a ༄#། །སྦྱོར་བས། །འདིས་ནི་ཐམས་ཅད་གཞུག་པར་བྱ། །འདི་ནི་སྦྱོར་བ་ངེས་པ་སྟེ། །ངེས་པའི་དངོས་གྲུབ་ཐོབ་པར་འགྱུར། །དུང་ཆེན་ཕྲེང་བ་དག་གིས་ནི། །དམ་ཚིག་མཆོག་གིས་བཟླས་པ་བྱ། །ཚོགས་ཀྱི་གོ་ཆའི་རིམ་པ་བཞིན། །རྣལ་འབྱོར་པ་ཡིས་སྔགས་མཆོག་བཟླ། །ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཌཱ་ཀི་ནཱི་ཛཱ་ལ་སཾ་བ་རཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ་སཝཱཧཱ། སྙིང་པོ་དང་ཉེ་བའི་སྙིང་པོའོ། །ོཾ་བཛྲ་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ཕག་མོའི་སྙིང་པོ་དང་ཉེ་བའི་སྙིང་པོའོ། །ོཾ་ཀ་ར་ཀ་ར་ཁཎྜ་ཀ་པཱ་ལི་ཧུཾ་ཧཱུཾ་ཕཊ། ཨོཾ་པྲ་ཙཎྜེ་ཧུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་མ་ཧཱ་ཀཾ་ཀ་ལ་ཧུཾ་ཧཱུཾ་ཕཊ། ཨོཾ་ཙཎྜཱ་ཀྵཱི་ཡེ་ཧུཾ་ཧཱུཾ་ཕཊ། ཨོཾ་བནྡྷ་བནྡྷ་ཀཾ་ཀ་ལ་ཧུཾ་ཧཱུཾ་ཕཊ། ཨོཾ་པྲ་བྷཱ་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ་བི་ཀ་ཊ་དཾ་ཥྚི་ཎི་ཧུཾ་ཧཱུཾ་ཕཊ། ཨོཾ་མ་ཧཱ་ནཱ་སེ་ཧུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་སུ་ར་བཻ་རི་ཎི་ཧུཾ་ཧཱུཾ་ཕཊ། ཨོཾ་བཱི་ར་མ་ཏྲཱི་ཡེ་ཧུཾ་ཧཱུཾ་ཕཊ། ཨོཾ་ཧྲཽཾ་ཧྲཽཾ་ཨ་མི་ཏྲཱ་བྷེ་ཧུཾ་ཧཱུཾ་ཕཊ། ཨོཾ་ཁརྦ་རི་ཡེ་ཧུཾ་ཧཱུཾ་ཕཊ། ཨོཾ་ཧྲ་ཧྲ་བཛྲ་པྲ་བྷེ་ཧུཾ་ཧཱུཾ་ཕཊ། ཨོཾ་ལཾ་ཀེ་ཤཝ་རཱི་ཡེ་ཧུཾ་ཧཱུཾ་ཕཊ། ཨོཾ་ཕེཾ་ཕེཾ་བཛྲ་དེ་ཧེ་ཧུཾ་ཧཱུཾ་ཕཊ། ཨོཾ་དྲུ་མཙྪ་ཡེ་ཧུཾ་ཧཱུཾ་ཕཊ། ཨོཾ་ཕཊ་ཕཊ་ཨཾ་ཀུ་རི་ཀེ་ཧུཾ་ཧཱུཾ་ཕཊ། ཨོཾ་ཨཻ་རཱ་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་ད་ཧ་ད་ཧ་བཛྲ་ཛ་ཊི་ལ་ཧུཾ་ཧཱུཾ་ཕཊ། ཨོཾ་མ་ཧཱ་བྷཻ་ར་བ་ཡེ་ཧུཾ་ཧཱུཾ་ཕཊ། ཨོཾ་པ་ཙ་པ་ཙ་མ་ཧཱ་བཱི་ར་ཧུཾ་ཧཱུཾ་ཕཊ། ཨོཾ་བཱ་ཡུ་བེ་ 193b གེ་ཧུཾ་ཧཱུཾ་ཕཊ། ཨོཾ་བྷཀྵ་བྷཀྵ་བཛྲ་ཧཱུཾ་ཀཱ་ར་བ་ས་རུ་དྷི་ར་ཨནྟྲ་མཱ་ལཱ་བ་ལཾ་བི་ནི་ཧུཾ་ཧཱུཾ་ཕཊ། ཨོཾ་སུ་ར་བྷཀྵི་ཡེ་ཧུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་སུ་བྷ་དྲ་ས་པ་པཱ་ཏཱ་ལ་ག་ཏ་བྷུ་ཛཾ་ག་སརྦ་བཱ་ཏ་རྫྫ་ཡ་ཏརྫྫ་ཡ་ཧུཾ་ཧཱུཾ་ཕཊ། ཨོཾ་ཤྱཱ་མ་དེ་བཱི་ཡེ་ཧུཾ་ཧཱུཾ་ཕཊ། ཨོཾ་ཨཱ་ཀཌྜྷྱ་ཨཱ་ཀཌྜྷྱ་བཛྲ་བྷ་དྲེ་ཧུཾ་ཧཱུཾ་ཕཊ། ཨོཾ་སུ་བྷ་དྲེ་ཧུཾ་ཧཱུཾ་ཕཊ། ཨོཾ་ཧྲིཾ་ཧྲིཾ་མ་ཧཱ་བྷཻ་ར་བ་ཧུཾ་ཧཱུཾ་ཕཊ། ཨོཾ་ཧ་ཡ་ཀརྞེ་ཧུཾ་ཧཱུཾ་ཕཊ། ཨོཾ་ཛྞཽཾ་ཛྞཽཾ་བི་རཱུ་པཱཀྵ་ཧུཾ་ཧཱུཾ་ཕཊ། ཨོཾ་ཁ་ག་ན་ནེ་ཧུཾ་ཧཱུཾ་ཕཊ། ཨོཾ་ཀྵྨཱཾ་ཀྵྨཱཾ་མ་ཧཱ་བ་ལ་ཧུཾ་ཧཱུཾ་ཕཊ། ཨོཾ་ཙཀྲ་བེ་གེ་ཧུཾ་ཧཱུཾ་ཕཊ། ཨོཾ་ཧཾ་ཧཾ་རཏྣ་བཛྲ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་ཧྲིཾ་ཧྲིཾ་ཧ་ཡ་གྲཱི་བ་ཧུཾ་ཧཱུཾ་ཕཊ། ཨོཾ་ཤཽཎྜི་ནཱི་ཡེ་ཧུཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཨཱ་ཀཱ་ཤ་གརྦྷེ་ཧུཾ་ཧཱུཾ་ཕཊ། ཨོཾ་ཙཀྲ་བ་རྨི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཀི་ལི་ཀི་ལི་ཧེ་རུ་ཀ་ཧུཾ་ཧཱུཾ་ཕཊ། ཨོཾ་སུ་བཱི་རེ་ཧུཾ་ཧཱུཾ་ཕཊ། ཨོཾ་ཤི་ལི་ཤི་ལི་པདྨ་ན་རྟེ་ཤཝ་རི་ཧུཾ་ཧཱུཾ་ཕཊ། ཨོཾ་མ་ཧཱ་བྷ་ལེ་ཧུཾ་ཧཱུཾ་ཕཊ། ཨོཾ་ཧི་ལི་ཧི་ལི་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ། ཨོཾ་ཙ་ཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་དྷི་ལི་དྷི་ལི་བཛྲ་སཏྭ་ཧུཾ་ཧཱུཾ་ཕཊ། ཨོཾ་མ་ཧཱ་བཱི་རྱེ་ཧུཾ་ཧཱུཾ་ཕཊ། ཨོཾ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མེ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤཝཱ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ།་ཨོཾ་ཡ་མ་དཱ་ ་ཡེ་ཧུཾ་ཧཱུཾ་ཕཊ། ཨོཾ་ཡ་མ་དུ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཾཥྚཱི་ནཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། རྣལ་འབྱོར་ཆོ་ག་བཟླས་ཙམ་གྱིས། །རྡོ་རྗེ་ 194a ༄#། །བཀུག་ཅིང་གནས་ནས་སུ། །འཁྲུག་ཅིང་རབ་ཏུ་གཡོ་བ་སྟེ། །ལུས་ལས་འོད་འབར་དགོད་པ་དང ། །དེ་ཡི་མིག་ནི་འབར་བ་དང ། །ཚིག་འཇམ་པ་དང་འབར་བ་དང ། །རྣལ་འབྱོར་པས་ནི་བཟླས་ཙམ་གྱིས། །རྡོ་རྗེ་འཇུག་པ་མཐོང་བ་དང ། །སྔགས་པ་མཉམ་བཞག་བཟླས་ནས་ནི། །དམ་ཚིག་སྤྱོད་པ་ལྡན་བྱས་ནས། །སྲོག་དང་རྩོལ་བ་བསྔམས་བྱས་ཏེ། །གསལ་བྱེད་ཧུཾ་ནི་བརྗོད་ནས་ཀྱང ། །ཆོས་ཀྱི་དབྱིངས་སུ་སྤྲོ་བར་བྱ། །སེམས་ཅན་ཀུན་ལ་ཕན་པ་དང ། །གདུལ་དཀའ་བ་དག་འདུལ་བའི་ཕྱིར། །སངས་རྒྱས་ཆོས་རྣམས་མདུན་དུ་སྤྲོ། །ཁྲོ་བོའི་གོ་འཕང་དེ་མཐོང་ནས། །ཁམས་གསུམ་དག་ཏུ་བསྡུ་བར་བྱ། །ལུས་ངག་ཡིད་ལ་བཅུག་ནས་ཀྱང ། །ས་སྟེང་དུ་ནི་སྤྱོད་པ་སྤྱད། །མཉམ་གཞག་མིན་པའི་རྣལ་འབྱོར་པས། །སྙིང་རྗེས་བརླན་པ་ཉིད་ཀྱིས་ནི། །སེམས་ཅན་ཐམས་ཅད་མཐོང་བ་ནི། །སྲིད་པ་གསུམ་པོ་ཧེ་རུ་ཀ། །སྔགས་པ་ཅི་དང་ཅི་ཟ་བ། །དམ་ཚིག་མཆོག་ནི་བསྒོམས་ནས་ཀྱང ། །ཐམས་ཅད་ཆོས་ཀྱི་དབང་ཕྱུག་རྒྱལ། །མཉམ་པ་ཉིད་ལ་རབ་ཏུ་གནས། །དམ་ཚིག་ཅན་ནི་ལངས་དུས་སུ།། བླ་མ་མཆོད་པ་རྗེས་དྲན་ནས། །བྱང་ཆུབ་སེམས་ཀྱི་ཆུས་ཁྲུས་བྱ། །ཡིད་འོང་ཕྱག་རྒྱ་ལ་གནས་ནས། །ཁྲོ་བོ་སངས་རྒྱས་དཔའ་བོ་དང ། །རྣལ་འབྱོར་མ་དང་མཁའ་འགྲོ་ 194b མའི། །གོ་འཕང་དུ་ནི་བྱིན་བརླབས་ནས། །ཡིད་འོང་མཆོད་པ་དག་ཏུ་བཤད། །མཁའ་དབྱིངས་དཀྱིལ་འཁོར་ཁྱབ་པ་ལ། །སྨོན་ལམ་དག་ནི་བྱ་བ་ཡིན། །དེ་མ་ཐག་པའི་རྣལ་འབྱོར་གྱིས། །རྒྱུ་དང་མི་རྒྱུ་མཐོང་བ་ནི། །རང་བཞིན་དག་པ་བཅོམ་ལྡན་འདས། །རང་བཞིན་ཡང་ནི་དངོས་མེད་བྱས། །སེམས་ཅན་རང་བཞིན་དག་པ་སྟེ། །སྲིད་པ་མཆོག་ཏུ་བྱས་པ་ཡིན། །རྡོ་རྗེ་ཕག་མོ་བླ་མེད་པ། །ཕྱག་རྒྱ་རུ་ནི་བྱིན་བརླབས་ནས། །རང་གི་ལྷ་ཡི་སྦྱོར་བ་ཡིས། །ཐམས་ཅད་འདི་ལྟར་རབ་ཏུ་བརྟག་།མངོན་པར་བརྗོད་པའི་རྒྱུད་བླ་མའི་བླ་མ་ལས།་རེའུ་མིག་དགོད་པ་དང ། གནས་བསྡུ་བ་བསྟན་པ་སྟེ་ལེའུ་བཅུ་གསུམ་པའོ།། །།དེ་ནས་གསང་བ་བཤད་བྱ་བ། །གནས་དང་འདུས་པ་མཆོག་ཡིན་པས། །དངོས་གྲུབ་ཀུན་གྱི་རང་བཞིན་ནི། །མཉམ་པར་འདྲེས་པ་བཅུད་དུ་འགྱུར། །གཉིས་མེད་བློས་ནི་མཉམ་བཞག་སྟེ། །འཁོར་ལོ་གསུམ་མདོག་ལྡན་པར་ནི། །དཀྱིལ་འཁོར་གྲུ་བཞིའི་དབུས་དག་ཏུ། །ཉི་ཤུ་རྩ་བཞིའི་འཁོར་ལོ་མཆོག་།དེ་ཡི་དབུས་སུ་པདྨ་ཆེ། །སྣ་ཚོགས་པདྨ་ལེགས་པར་མཛེས། །འདབ་མ་བརྒྱད་པ་ལྟེ་བར་བཅས། །གེ་སར་དག་གིས་ཉེ་བར་མཛེས། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །ཕྲེང་བ་དང་ནི་ཕྲེང་ཕྱེད་བརྒྱན། །མཚན་ཉིད་ཀུན་དང་ཡང་དག་ལྡན། །ཉི་མའི་དཀྱིལ་ 195a ༄#། །འཁོར་དབུས་སུ་ནི། །རྡོ་རྗེ་སེམས་དཔའ་བདེ་བ་ཆེ། །ཱ་ལི་ཀཱ་ལི་ཞུ་གྱུར་ལས། །ཡེ་ཤེས་ལྔ་ནི་རྣམ་པར་བསྒོམ། །དེ་ཡི་ཡོངས་སུ་འཕེལ་འགྱུར་བས། །རྡོ་རྗེ་ཧེ་རུ་ཀ་རྣམ་བསྒོམ། །དུས་མཐའི་མེ་ཆེན་ཚོལ་བ་ཡིས། །གདུལ་དཀའ་ཐམས་ཅད་རབ་ཏུ་གཤེག་།འཇིགས་བྱེད་དང་ནི་དུས་མཚན་དག་།ཞབས་ཀྱི་འོག་ཏུ་རྣམ་གནོན་ཅིང ། །ཞལ་གྱི་མཆེ་བ་རྣམ་པར་གཙིགས། །སྤྱན་གསུམ་འཇིགས་པ་རབ་ཏུ་འཇིགས། །སྐུ་ལུས་དག་ནི་སྔོན་པོ་ལས། །སྡོ་ཞིང་འབར་བའི་སྐུ་ཡང་སྤྲུལ། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔས་ནི་བྱིན་གྱིས་བརླབས། །སྣ་ཚོགས་རྡོ་རྗེ་དབུ་རྒྱན་ཅན། །ཟླ་བ་ཕྱེད་པ་རྣམ་པར་མཛེས། །ཞལ་དྲུག་དཔའ་པོ་མི་སྡུག་པ། །སྒེག་པ་དང་ནི་བཞད་བ་དང ། །དྲག་ཤུལ་འཇིགས་པའི་སྐུ་ལུས་ཅན། །ཕྱག་རྒྱ་དྲུག་གིས་རྒྱས་བཏབ་ཅིང ། །སྐུ་ནི་སྣ་ཚོགས་རྒྱན་གྱིས་སྤུད། །ཕག་མོ་དང་ནི་ཡང་དག་ལྡན། །བྱིན་པ་དག་གིས་གཉིས་མེད་འཁྱུད། །གཡས་བརྐྱང་བ་ཡི་ཞབས་གནས་ཤིང ། །གཡོན་བརྐྱང་བ་ཡི་ཞབས་ཀྱིས་བཞུགས། །ཧ་ཧ་མཛད་ཅིང་ཧུཾ་ཧཱུཾ་མཛད། །ཧི་ཧི་མཛད་ཅིང་འཇིགས་པ་ཅན། ། ཧུཾ་ཧཱུཾ་མཛད་ཅིང་ཕཊ་ཕཊ་ཅན། ། ཊ་ཊ་ཡི་སྒྲ་ཆེན་སྨྲ། །སྔོ་ཞིང་སེར་ལ་དེ་བཞིན་དམར། །ལྗང་གུ་དཀར་པོ་དེ་བཞིན་ཏེ། །སྟེང་གི་ཞལ་གདོང་གདུག་པ་ཆེ། །ཟས་སུ་གདུག་པ་ 195b ལོངས་སྤྱོད་ཅིང ། །རྡོ་རྗེ་དྲིལ་བུ་མཉམ་ལྡན་པས། །ལྷ་མོ་དག་གི་ནུ་མ་འཚིར། །དྲག་པོའི་པགས་པའི་གོས་མནབས་ཤིང ། །ཁྲག་རློན་འཛག་པར་བ་གསོལ་ཏེ། །ཐོད་པ་དང་ནི་ཁ་ཊྭཱཾ་འཛིན། ། མདུང་དང་གྲི་གུག་ལྕགས་ཀྱུ་དང ། །ཞགས་པ་དང་ནི་མགོ་བོ་འཛིན། །གདུག་པ་གཏུམ་ཞིང་ཅང་ཏེའུ་དང ། །མདུང་ནི་འབར་བའི་ཕྱག་རྒྱ་ཅན། །དཔྲལ་བ་དག་ཏུ་ཉེ་བར་མཛེས། ། དེ་ལྟའི་ཕྱག་དང་སྐུ་མདོག་བཞུགས། །དབུ་སྐྲ་གྲོལ་ཞིང་གཅེར་བུ་སྟེ། །འདི་ལྟའི་ཕྱག་རྒྱ་རྣམ་པར་བསྒོམ། །དུམ་བུའི་སྐ་རགས་ཀྱིས་བརྒྱན་ཅིང ། །ཕག་མོ་ཡང་ནི་འདི་འདྲར་བསྒོམ། །རྣལ་འབྱོར་སོམ་ཉི་སྤངས་ནས་ནི། །ཐབས་དང་ཤེས་རབ་མཉམ་ལྡན་པས། །ཐུགས་རྗེ་ཆགས་པའི་བདེ་བ་ཡིས། །སེམས་ཅན་དོན་གྱི་ཕྱིར་བྱུང་སྟེ། །སྙིང་རྗེ་ཆེན་པོས་བརླན་པ་ཡིས། །ནམ་མཁའི་སྦྱོར་བའི་ལོངས་སྤྱོད་ཀྱིས། །ཐུགས་རྗེ་ཆེན་པོའི་བཅུད་བདེ་བས། །འགྲོ་དྲུག་སྲིད་པ་རྣམ་སྦྱངས་ནས། །སེམས་ཅན་དེ་ནི་མཆོག་ཉིད་མཛད། །སྟོང་པའི་ཡེ་ཤེས་ལས་བྱུང་ཞིང ། །རྟོགས་པ་མེད་པའི་གནས་བཞི་ལ། །རང་བཞིན་མེད་ཅིང་མཆོག་ཏུ་ཕྲ། །ཐིག་ལེ་སྒྲ་ནི་རྣམ་སྤངས་པ། །མཉམ་པའི་དམ་ཚིག་མཐོང་ནས་ནི། །ཕྱི་དང་ནང་གི་མཆོག་གྱུར་པ། །སྙིང་པོ་ཡེ་ཤེས་དམ་ཚིག་ནི། །ཟླ་བའི་དཀྱིལ་འཁོར་དབུས་དག་ཏུ། །དེར་ནི་ཕྱག་མཚན་མདོག་མཐོང་ནས། །ཟླ་བའི་རྡོ་རྗེ་ས་བོན་ནི། །དེ་ 196a ༄#། །འདིར་སྙིང་པོ་བསྒོམ་བྱ་སྟེ། །བསྙེན་པའི་རྣལ་འབྱོར་དག་ཏུ་བརྟག་།མཁའ་འགྲོ་ལ་སོགས་རིམ་པ་ཡིས། །པདྨ་དག་ནི་དགོད་པར་བྱ། །ཤར་དུ་མཁའ་འགྲོ་དགོད་པར་བྱ། །བྱང་དུ་དེ་བཞིན་ལཱ་མ་སྟེ། །ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་དེ་བཞིན་གཟུགས་ཅན་མ། །སྔོ་དང་ལྗང་དང་དམར་བ་དང ། །སེར་དེ་དེ་བཞིན་བཞི་པོ་ནི། །བཞིན་རྣམས་བསྒྱུར་ཞིང་སྤྱན་གསུམ་གདུག་།སྐྲ་གྲོལ་ཕྱོགས་ཀྱི་གོས་ཅན་ཡིན། །རྒྱན་རྣམས་ཐམས་ཅད་ཡོངས་སུ་རྫོགས། །ཕྱག་རྒྱ་ལྔ་ཡིས་རྒྱས་བཏབ་ཅིང ། །ཐོད་པ་དང་ནི་ཁ་ཊྭཱཾ་ག་།གཡོན་གྱི་དཔུང་པ་ལ་བརྟེན་ཅིང ། །ཅང་ཏེའུ་གྲི་གུག་མགོ་བོ་ནི། །མཁའ་འགྲོ་མ་ཡི་དམ་ཚིག་མཆོག་།བྱང་ཆུབ་སེམས་ཀྱི་ཆུས་གང་བའི། ། ཐོད་པ་བུམ་པའི་སྟེང་དུ་བཞག་།འཁོར་ལོ་དགོད་པར་བྱ་བ་ནི། །སྔོན་དུ་གྲུབ་པའི་རྣལ་འབྱོར་མ། །བྱིན་གྱིས་བརླབ་སོགས་རིམ་པ་ཡིས། །ཤར་ཕྱོགས་བྱང་གི་རིམ་པ་སྟེ།། པུལླི་ར་མ་ལ་ཡ་ན་ཐོད་པའི་དུམ་བུ་དང ། རབ་གཏུམ་མ་སྟེ། ནམ་མཁའ་སེར་སྐྱའོ། །ཛཱ་ལནྡྷ་ར་ན་ཀེང་རུས་ཆེན་པོ་དང ། གཏུམ་མིག་མ་སྟེ། མདོག་སེར་པོའོ། །ཽ་ཌྱན་ན་ཀེང་རུས་ཅན་དང ། འོད་ལྡན་མ་སྟེ། མདོག་ལྗང་གུའོ། །ར་བུ་ད་ན་མཆེ་བ་རྣམ་པར་གཙིགས་པ་དང ། སྣ་ཆེན་མ་སྟེ། མདོག་ནམ་མཁའ་སེར་སྐྱའོ། །གོ་ད་བ་རི་ན་ལྷ་དགྲ་དང ། 196b དཔའ་བའི་བློ་གྲོས་མ་སྟེ། མདོག་སེར་པོའོ། །རཱ་མེ་ཤཝ་ར་ན་འོད་དཔག་མེད་དང ། མིའུ་ཐུང་མ་སྟེ། མདོག་ལྗང་གུའོ། །དེ་བཱི་ཀོ་ཊ་ན་རྡོ་རྗེ་འོད་དང ། ལངྐའི་དབང་ཕྱུག་མ་སྟེ། ནམ་མཁའ་སེར་སྐྱའོ། །མཱ་ལ་བ་ན་རྡོ་རྗེ་ལུས་དང ། ཤིང་གྲིབ་མ་སྟེ། མདོག་སེར་པོའོ། །ཀཱ་མ་རུ་བ་ན་མྱུ་གུ་ཅན་དང ། ས་སྲུང་མ་སྟེ། མདོག་ལྗང་གུའོ། །ོ་དྲེ་ན་རྡོ་རྗེ་རལ་པ་ཅན་དང ། འཇིགས་བྱེད་ཆེན་མོ་སྟེ། ནམ་མཁའ་སེར་སྐྱའོ། །ཏྲི་ཤ་ཀུ་ནི་ན་འཇིགས་བྱེད་ཆེན་པོ་དང ། རླུང་གི་ཤུགས་ཅན་མ་སྟེ། མདོག་སེར་པོའོ། །ཀོ་ས་ལ་ན་རྡོ་རྗེ་ཧཱུཾ་མཛད་དང ། ཆང་འཐུང་མ་སྟེ། མདོག་ལྗང་གུའོ། །ཀ་ལིངྐ་ན་རབ་བཟང་དང ། སྔོ་བསངས་ལྷ་མོ་སྟེ། ནམ་མཁའ་སེར་སྐྱའོ། །ལཾ་པཱ་ཀ་ན་རྡོ་རྗེ་བཟང་པོ་དང ། རབ་བཟང་མོ་སྟེ། མདོག་སེར་པོའོ། །ཀཱཉྩི་ན་འཇིགས་བྱེད་ཆེན་པོ་དང ། རྟ་རྣམ་སྟེ། མདོག་ལྗང་གུའོ། །ཧི་མ་ལ་ཡ་ན་མིག་མི་བཟང་དང ། བྱ་གདོང་མ་སྟེ། ནམ་མཁའ་སེར་སྐྱའོ། །པྲེ་ཏ་པུ་རི་ན་སྟོབས་པོ་ཆེ་དང ། འཁོར་ལོའི་ཤུགས་ཅན་མ་སྟེ། མདོག་སེར་པོའོ། །གྲི་ཧ་དེ་བ་ཏཱ་ན་རྡོ་རྗེ་རིན་ཆེན་དང ། དུམ་སྐྱེས་མ་སྟེ། མདོག་ལྗང་གུའོ། །སཽ་རཱཥྚ་ན་རྟ་མགྲིན་དང ། ཆང་ཚོང་མ་སྟེ།་ནམ་མཁའ་སེར་སྐྱའོ། །སུ་བྲྞ་དྭི་པ་ན་ནམ་མཁའི་སྙིང་པོ་དང ། འཁོར་ལོའི་གོ་ཆ་མ་སྟེ། མདོག་སེར་པོའོ། །ན་ག་ར་ན་ཧེ་རུ་ཀ་དང ། རབ་དཔའ་མོ་སྟེ། མདོག་ལྗང་ 197a ༄#། །གུའོ། །སིནྡྷུ་ན་པདྨ་གར་གྱི་དབང་ཕྱུག་དང ། སྟོབས་ཆེན་མ་སྟེ། ནམ་མཁའ་སེར་སྐྱའོ། །མ་རུ་ཏ་ན་རྣམ་པར་སྣང་མཛད་དང ། འཁོར་ལོས་བསྒྱུར་མ་སྟེ།་མདོག་སེར་པོའོ། །ཀུ་ལུ་ཏཱ་ན་རྡོ་རྗེ་སེམས་དཔའ་དང ། བརྩོན་ཆེན་མོ་སྟེ། མདོག་ལྗང་གུའོ། །ཡང་ན་སྐུ་གསུང་ཐུགས་ཀྱི་ནི། །ཅི་འདོད་མདོག་ནི་དབྱེ་བ་བྱ། ། གཡོན་གྱི་རིམ་པ་ཇི་ལྟ་བར། །སྒོ་རྣམས་དག་ནི་བྱ་བ་སྟེ། །ཤར་དུ་ཁཝ་གདོང་མ། བྱང་དུ་འུག་གདོང་མ། ནུབ་ཏུ་ཁྱི་གདོང་མ། ལྷོ་རུ་ཕག་གདོང་མ་སྔོ་བ་དང ། ལྗང་གུ་དང ། དམར་བ་དང ། སེར་པོའི་མདོག་ཅན་ནོ། །མེའི་ཕྱོགས་སུ་གཤིན་རྗེ་སྲེག་མ་མདོག་དམར་པོ། །བདེན་བྲལ་གྱི་ཕྱོགས་སུ་གཤིན་རྗེ་ཕོ་ཉ་མ་མདོག་སྔོན་པོ། །རླུང་གི་ཕྱོགས་སུ་གཤིན་རྗེ་མཆེ་བ་མ་དུད་ཀའམ་ཆར་སྤྲིན་གྱི་མདོག་ལྟ་བུ། དབང་ལྡན་གྱི་ཕྱོགས་སུ་གཤིན་རྗེ་འཇོམས་མ་མདོག་དཀར་པོ་སེར་སྐྱའོ། ། ཐོད་པའི་དུམ་བུ་ལ་སོགས་པའི་དཔའ་བོ་དང ། རབ་གཏུམ་མ་ལ་སོགས་པ་འདྲ་བར་གདོང་གཅིག་པ། ཕྱག་བཞི་པ། ཞབས་གཡས་བརྐྱང་བས་བཞུགས་པ། ཐོད་པའི་ཕྲེང་བ་ཅན། སྟག་གི་པགས་པ་མནབས་པ། ཕྱག་རྒྱ་ལྔ་འཆང་བ། ལྷ་མོའི་ཞབས་ཀྱིས་འཁྱུད་པ། གཅེར་བུ་མགོ་བོའི་ཕྲེང་བས་བརྒྱན་པ། སྤྱན་གསུམ་ 197b པ།་ཐོད་པའི་ཕྲེང་བས་དཔྲལ་བ་བརྒྱན་པ། རྡོ་རྗེ་དང་དྲིལ་བུས་འཁྱུད་པ། གཉིས་སུ་མེད་པའི་སྦྱོར་བའི་མཉམ་པ་དང་ལྡན་པ། ལྷ་མོའི་ནུ་མ་འཚིར་བ། ཐོད་པ་དང་ཁ་ཊྭཱཾ་འཛིན་པ། ཅང་ཏེའུ་འཆང་བ། ཡང་ན་རིགས་གསུམ་དབྱེ་བས་རྩ་བའི་མཚན་མ་འཛིན་པ། ཐམས་ཅད་ཕྱོགས་ཀྱི་གོས་འཆང་ཞིང ། ལྷ་མོ་སྐྲ་གྲོལ་གདུག་པ་མོ།། ཁཝ་གདོང་ལ་སོགས་ལྷ་མོ་རྣམས། །སྐྲ་གྲོལ་ཕྱོགས་ཀྱི་གོས་ཅན་ལ། །གཡས་བརྐྱང་པ་ཡི་གནས་པས་བཞུགས། །སྤྱན་གསུམ་པ་ལ་ཞལ་རྣམས་བསྒྱུར། །ཐོད་པའི་ཕྲེང་བའི་དབུ་རྒྱན་ཅན། །མགོ་བོའི་ཕྲེང་བའི་སེ་རལ་བརྒྱན། །ཐམས་ཅད་ཕྱག་རྒྱ་ལྔ་ཡང་འཆང ། །འདོད་པའི་ཆགས་པས་རབ་ཏུ་མྱོས། །རང་གི་ཐབས་དང་ལྷན་ཅིག་ཏུ། །མི་གཡོ་བ་དང་དེ་བཞིན་སྦྱོར། །ལྟོ་བ་འཕྱང་ཞིང་ལག་པ་འཕྱང ། །སྐུ་ལུས་འཇིགས་ཤིང་གདོང་ཡང་བསྒྱུར། །རབ་འཇིགས་ཉི་མ་པདྨ་ཡི། །སྟེང་དུ་སྒྲུབ་པར་རབ་གནས་ནས། །གང་ཞིང་ཇི་ལྟར་འདོད་པ་བཞིན། །རྗེས་སུ་ཆགས་པས་ཞལ་ཉིད་ནི། །དེ་ལྟ་བུ་ཡི་བསམ་པ་ཡིས། །རྣལ་འབྱོར་པས་ནི་བསྒོམ་པར་བྱ། །ཐོད་པ་ཁ་ཊྭཱཾ་ག་འཛིན་ཅིང ། །ཅང་ཏེའུ་གྲི་གུག་མགོ་བོ་འཆང ། །དཀྱིལ་འཁོར་དག་ནི་ཐམས་ཅད་ཀུན། །ཡི་དྭགས་ལ་ནི་བཞུགས་པར་བསྒོམ། །མཁའ་འགྲོའི་ཚོགས་ཀྱི་དཀྱིལ་འཁོར་ 198a ༄#། །ལ། །ཉེ་བསྙེན་རྗེས་སུ་རྣལ་འབྱོར་ཏེ། །དཔའ་བོའི་ཡན་ལག་སྦྱར་བ་ཡིས། །སྒྲུབ་པ་ལྷག་པའི་སྙོམས་པར་འཇུག་།སེན་མོ་དང་སོ་དག་ནི་ཐོད་པའི་དུམ་བུའོ། །སྐྲ་དང་སྤུ་དག་ནི་ཀེང་རུས་ཆེན་པོའོ། །པགས་པ་དང་དྲི་མ་དག་ནི་ཀེང་རུས་ཅན་ནོ། །ཤ་ནི་མཆེ་བ་རྣམ་པར་གཙིགས་པའོ། །རྩ་རྒྱུས་ནི་ལྷ་དགྲའོ། །རུས་པ་ནི་འོད་དཔག་ཏུ་མེད་པའོ། །མཁལ་མ་དག་ནི་རྡོ་རྗེ་འོད་དོ། །སྙིང་ནི་རྡོ་རྗེ་སྐུའོ། །མིག་ནི་རྡོ་རྗེ་མྱུ་གུ་ཅན་ནོ། །མཁྲིས་པ་ནི་རྡོ་རྗེ་རལ་པ་ཅན། གློ་བ་ནི་དཔའ་བོ་ཆེན་པོའོ། ། རྒྱུ་མ་ནི་རྡོ་རྗེ་ཧཱུཾ་མཛད་དོ། །གཉེ་མ་ནི་རབ་ཏུ་བཟང་པོའོ། །ལྟེ་བ་ནི་རྡོ་རྗེ་བཟང་པོའོ། །ལྒང་པ་ནི་འཇིགས་བྱེད་ཆེན་པོའོ། །སྐྲ་མཚམས་ནི་མིག་མི་བཟང་ངོ ། ། བད་ཀན་ནི་སྟོབས་པོ་ཆེའོ། །རྣག་ནི་རིན་ཆེན་རྡོ་རྗེའོ། །ཁྲག་ནི་རྟ་མགྲིན་ནོ། །རྡུལ་ནི་ནམ་མཁའི་སྙིང་པོའོ། །ཚིལ་ནི་དཔལ་ཧེ་རུ་ཀའོ། །མཆི་མ་ནི་པདྨ་གར་གྱི་དབང་ཕྱུག་གོ་།མཆིལ་མ་ནི་རྣམ་པར་སྣང་མཛད་དོ། །སྣབས་ནི་རྡོ་རྗེ་སེམས་དཔའོ། །པུ་ལླི་ར་མ་ལ་ཡ་སྟེ། མགོ་བོར་རབ་ཏུ་གཏུམ་མའོ། །ཛཱ་ལནྡྷ་ར་སྟེ། སྤྱི་གཙུག་ཏུ་གཏུམ་པའི་མིག་ཅན་མའོ། །ུཊྱིན་སྟེ། རྣབ་གཡས་པར་འོད་ལྡན་མའོ། །ར་བུ་ད་སྟེ། སྤྱི་བོའི་རྒྱབ་ཏུ་སྣ་ཆེན་མ་སྟེ། གནས་སོ། ། 198b གོང་བ་རི་སྟེ། རྣ་བ་གཡོན་པར་བརྟན་པའི་བློ་ཅན་མའོ། །ར་མེ་ཤཝ་ར་སྟེ། སྨིན་མའི་དབུས་སུ་མིའུ་ཐུང་མའོ། །དེ་བཱི་ཀོ་ཊ་སྟེ། མིག་ཏུ་ལངྐའི་དབང་ཕྱུག་མའོ། །མ་ལ་བ་སྟེ། ཕྲག་པ་གཉིས་སུ་ཤིང་གྲིབ་མ་སྟེ། ཉེ་བའི་གནས་སོ། །ཀཱ་མ་རུ་པ་སྟེ། མཆན་ཁུང་དག་ཏུ་ས་སྲུང་མའོ། །ོ་དྲེ་སྟེ། ནུ་མ་གཉིས་སུ་འཇིགས་བྱེད་ཆེན་མོ་སྟེ། ཞིང་ངོ ། །ཏྲི་ཤ་ཀུ་ནི་སྟེ། ལྟེ་བར་རླུང་གི་ཤུགས་ཅན་མའོ། །ཀོ་ས་ལ་སྟེ། སྣ་རྩེར་ཆང་འཐུང་མ་སྟེ། ཉེ་བའི་ཞིང་ངོ ། །ཀ་ལིངྐ་སྟེ། ཁར་སྔོ་བསངས་ལྷ་མོའོ།། ལཾ་པཱ་ཀ་སྟེ། མགྲིན་པར་ཤིན་ཏུ་བཟང་མོ་སྟེ། འདུས་པ་ཅན་ནོ། །ཀཱཉྩི་སྟེ། སྙིང་གར་རྟ་རྣ་མའོ། །ཧི་མ་ལ་ཡ་སྟེ། མདོམས་སུ་བྱ་གདོང་མ་སྟེ། ཉེ་བའི་འདུས་པ་ཅན་ནོ། །པྲེ་ཏ་པུ་རི་སྟེ། མཚན་མ་ལ་འཁོར་ལོའི་ཤུགས་ཅན་མའོ། །གྲི་ཧ་དེ་བ་ཏཱ་སྟེ། བཤང་བའི་ལམ་ལ་དུ་མ་སྐྱེས་མའི་སྟེ། འདུས་པ་ཅན་ནོ། །སཽ་རཱཥྚ་སྟེ། བརླ་གཉིས་སུ་ཆང་འཚོང་མའོ། །སུ་བརྩ་དྭི་བ་སྟེ། བྱིན་པ་གཉིས་ལ་འཁོར་ལོའི་གོ་ཆ་མའོ། །ཉེ་བའི་འདུས་བ་ཅན་ནོ། །ན་ག་ར་སྟེ། སོར་མོ་རྣམས་ལ་ཤིན་ཏུ་དཔའ་མོའོ། །སིནྡྷུ་སྟེ། རྐང་པའི་བོལ་ལ་སྟོབས་ཆེན་མ་སྟེ། འདི་དག་ནི་དུར་ཁྲོད་དོ། །མ་རུ་སྟེ། མཐེ་བོང་དག་ལ་འཁོར་ལོས་བསྒྱུར་མའོ། །ཀུ་ལུ་ཏཱ་སྟེ། པུས་མོ་གཉིས་ལ་བརྩོན་འགྲུས་མ་ཆེན་ 199a ༄#། །མོའོ། །འདི་དག་ནི། ཉེ་བའི་དུར་ཁྲོད་དོ། །སའི་ཁམས་ནི། ལྟུང་བྱེད་མའོ། །ཆུའི་ཁམས་ནི། གསོད་བྱེད་མའོ། །མེའི་ཁམས་ནི། འགུགས་བྱེད་མའོ། །རླུང་གི་ཁམས་ནི། གར་གྱི་དབང་ཕྱུག་མའོ། །ནམ་མཁའི་ཁམས་ནི། པདྨའི་དྲ་བ་མའོ། །གཟུགས་ཀྱི་ཕུང་པོ་ནི། རྣམ་པར་སྣང་མཛད་དོ། །ཚོར་བའི་ཕུང་པོ་ནི། རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་ནི། པདྨ་གར་གྱི་དབང་ཕྱུག་གོ་།འདུ་བྱེད་ཀྱི་ཕུང་པོ་ནི། རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་ནི། རྡོ་རྗེ་སེམས་དཔའ་སྟེ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི། དཔལ་ཧེ་རུ་ཀའོ། །མིག་གཉིས་ནི། གཏི་མུག་རྡོ་རྗེའོ། །རྣ་བ་གཉིས་ནི། ཞེ་སྡང་རྡོ་རྗེའོ། །སྣ་གཉིས་ནི། སེར་སྣ་རྡོ་རྗེའོ། ཁ་ནི། འདོད་ཆགས་རྡོ་རྗེ། རེག་བྱ་ནི། ཕྲག་དོག་རྡོ་རྗེ། སྐྱེ་མཆེད་ཐམས་ཅད་ནི། དབང་ཕྱུག་རྡོ་རྗེ། ཡིད་ནི། མི་འཁྲུགས་རྡོ་རྗེ། ངག་ནི། དཔག་མེད་རྡོ་རྗེ། ལུས་ནི། རྡོ་རྗེ་རྣམ་སྣང་ངོ ། །འདི་དག་སྒྲུབ་པའི་རྣལ་འབྱོར་ཡིན། །རང་སྙིང་ལྕགས་ཀྱུའི་སྦྱོར་བ་ཡིས། །ཡེ་ཤེས་འཁོར་ལོ་བཀུག་ནས་སུ། །དེ་དག་སྤྲུལ་ཅིང་བཀོད་ནས་ནི། །ཇི་ལྟའི་རིམ་པས་དབང་ཡང་བསྐུར། །ཞུགས་པར་གྱུར་ནས་བཅིང་བར་བྱ། །དགྱེས་པས་རྗེས་སུ་ཆགས་པས་སྦྱོར། །རང་གི་ངོ་བོ་གཅིག་གྱུར་ནས། །དེ་ལ་གོ་ཆ་གཉིས་པོ་དགོད། །ོཾ་ཧ་སྙིང་ག་ལ་ 199b རྡོ་རྗེ་སེམས་དཔའ། ན་མ་ཧི་མགོ་བོ་ལ་རྣམ་པར་སྣང་མཛད། སཝཱཧཱ་ཧུ་སྤྱི་གཙུག་ལ་པདྨ་གར་གྱི་དབང་ཕྱུག་།བཽ་ཥཊ་ཧེ་ཕྲག་པ་གཉིས་ལ་ཧེ་རུ་ཀ་།ཧཱུཾ་ཧཱུཾ་ཧོཿ ་མིག་གཉིས་ལ་རྡོ་རྗེ་ཉི་མའོ། །ཕཊ་ཧཾ་ལུས་ཐམས་ཅད་ཀྱི་གོ་ཆ་སྟེ། རྟ་མཆོག་གོ་།ོཾ་བཾ་ལྟེ་བ་ལ་རྡོ་རྗེ་ཕག་མོའོ། །ཧཾ་ཡོཾ་སྙིང་ག་ལ་ཡ་མི་ནིའོ། །ཧྲཱིཾ་ཡོཾ་ཁ་ལ་རྨོངས་བྱེད་མའོ། །ཧྲེཾ་ཧྲེཾ་མགོ་ལ་བསྐྱོད་བྱེད་མའོ། །ཧཱུཾ་ཧཱུཾ་སྤྱི་གཙུག་ལ་སྐྲག་བྱེད་མའོ། །ཕཊ་ཕཊ་ཙཎྜི་ཀ་སྟེ། ཡན་ལག་ཐམས་ཅད་ཀྱི་མཚོན་ཆའོ། །མཛུབ་མོ་འདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་ཏུ་སྦྱར། །དེ་ནི་དཔྲལ་བའི་དབུས་སུ་རང་བཞག་ནས། །བསྐོར་ཅིང་བསྐོར་བར་ཀུན་ཏུ་སྦྱར་བར་བྱ། །རྐང་པ་ཕྱེད་མནན་སྟེང་དུ་བལྟ། །གྱེན་དུ་ཕེཾ་གྱི་སྒྲ་སྒྲོག་ཅིང ། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་བཀུག་།ཛཿ ་ཧཱུཾ་བཾ་ཧོཿ ། སྦྱོར་བས་བཀུག་ནས་གཞུག་པ་དང ། །བཅིངས་ནས་དབང་དུ་བྱ་བ་ཡིན། །དཔའ་བོ་རྣལ་འབྱོར་མ་རྣམས་ཀྱིས། །མཁའ་དཀྱིལ་ཡོངས་སུ་གང་མཐོང་ནས། །ཡེ་ཤེས་ཆུ་ཡི་བདུད་རྩི་ཡིས། །གང་བའི་བུམ་པ་བླངས་ནས་ནི། །ལག་པས་དེ་ལ་དབང་བསྐུར་བྱ། །གླུ་དང་གར་གྱི་མཆོད་པ་ཡིས། །དབང་བསྐུར་དག་ནི་དབུལ་བར་བྱ། །དེ་ལ་སྔགས་ནི། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ་ཧཱུཾ། 200a ༄#། །གླུ་འདི་བླངས་པས་བསྐུལ་བའམ། ཡང་ན་མཁའ་འགྲོ་མ་ཆེན་མོ་རྣམས་ཐུགས་དགྱེས་པ་དང ། རབ་ཏུ་དགྱེས་པར་གྱུར་ཏེ། དབང་བསྐུར་རོལ་མོའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །དགྱེས་ཆེན་གསོལ་བའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །གསལ་མཛད་བདེ་བ་ཆེན་པོ་སྟེ། ། མཁའ་འགྲོ་དྲ་བའི་བདེ་ཆེན་པོ། ། ལ་ལ་ཧོ། །མཆོག་ཏུ་གྱུར་པ་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། ། ལ་ལ་ཧོ། །བདེ་ཆེན་ཡེ་ཤེས་དགྱེས་ནས་ནི། ། དམ་ཚིག་དམ་ཚིག་ཅན་ལ་བཞུགས། །ཡེ་ཤེས་རོ་གཅིག་བསྒོམས་ནས་ནི། །རོ་གཅིག་འཁོར་ལོའང་དེ་བཞིན་བསྒོམ། །རྡོ་རྗེ་སེམས་དཔའི་དབུ་རྒྱན་ཅན། །ཡེ་ཤེས་ལྔ་དང་ཡང་དག་ལྡན། །རྩ་བའི་སྔགས་སོགས་དཔའ་བོ་གང ། །ཚངས་པའི་སྐུད་པ་ལ་སོགས་བརྟག་།རྡོ་རྗེ་ཕག་མོའི་སྔགས་གང་ཡིན། །མགུལ་ནས་མགུལ་དུ་རྣམ་པར་བརྒྱན། །ལྷ་མོའི་སྙིང་པོའི་སྔགས་ཀྱིས་ནི། །ཕྲེང་བ་བརྒྱ་ཕྱེད་ཀྱིས་བརྒྱན་ཅིང ། །གསང་སྔགས་ཡི་གེ་བདུན་པ་ཡིས། །ནོར་བུ་རྣ་ཆ་ལེགས་མཛེས་ཤིང ། །སངས་རྒྱས་ཀུན་གྱི་མཁའ་འགྲོ་མ། །པགས་པའི་གོས་ནི་འཛིན་པའི་མཆོག་།རྣལ་འབྱོར་མ་དྲུག་གསང་སྔགས་ཀྱིས། །སྐ་རགས་རྒྱད་དུ་བྱས་པ་ཡིན། །གོ་ཆ་དྲུག་པོ་དག་གིས་ནི། །ཕྱག་ 200b རྒྱ་ལུས་ནི་རབ་ཏུ་མཛེས། །འཁོར་ལོ་ཀུན་གྱི་རྣལ་འབྱོར་མ། །སྔགས་ཀྱི་བཏུང་བའི་ཐོད་པ་ཡིན། །རྣམ་སྣང་མཛད་མ་སྔགས་གང་གིས། །ཐོད་པས་སྤྱི་གཙུག་རྒྱན་དུ་བྱས། །དཔའ་བོ་ཉི་ཤུ་རྩ་བཞི་ཡིས། །ལུས་ཀྱི་ཁམས་ལ་རྣམ་པར་བརྟག་།དེ་ལྟར་བདག་ཉིད་རྣམ་བསམས་ཏེ། །ཚམ་དམ་སྔགས་ཀྱིས་ལེགས་པར་བསྲུང ། །ཚངས་པར་སྤྱོད་པ་བརྟགས་གྱུར་ནས། །རྐང་པ་བརྒྱད་པའི་སྔགས་ཀྱིས་མཆོད། །འཇིགས་པ་ཐམས་ཅད་རྣམ་སྤངས་ཏེ། །དེ་ལྟར་རྣལ་འབྱོར་བདག་ཉིད་བསམ། །སྤྲོ་དང་བསྡུ་བའི་ཡེ་ཤེས་བསྒོམ། ། སྙོམས་འཇུག་ཡེ་ཤེས་བཟླས་པ་བྱ། །རྣལ་འབྱོར་ཆེན་པོ་སྒྲུབ་ཆེན་པོ། །རྡོ་རྗེ་ཁྲོ་བོའི་ཐིག་ལེ་ལས། །ཁམས་གསུམ་དུ་ནི་སྤྲོ་བར་བྱ། །རྡོ་རྗེའི་སྣ་ཡི་རྩེ་མོ་འབར། །སྤྲོ་བྱ་ནམ་མཁར་ཐིག་ལེ་ལས། །རྡོ་རྗེ་ཕྲ་མོ་མཐོང་གྱུར་པ། །བ་སྤུའི་ཁུང་བུའི་བར་དག་ནས། །རྒྱུ་བ་དང་ནི་མི་རྒྱུ་བར། །ཁྲོ་བོ་སངས་རྒྱས་སྤྲིན་རྣམས་སྤྲོ། །རྣམ་པར་དག་པའི་རྣལ་འབྱོར་ནི། །སུམ་ཅུ་རྩ་བདུན་རིམ་པ་ཡིན། །ལུས་དྲན་པ་ཉེ་བར་གཞག་པ་ནི། མཁའ་འགྲོ་མའོ། །ཚོར་བ་དྲན་པ་ཉེ་བར་གཞག་པ་ནི། ལཱ་མའོ། །ཆོས་དྲན་པ་ཉེ་བར་གཞག་པ་ནི། དུམ་སྐྱེས་མའོ། །སེམས་དྲན་པ་ཉེ་བར་གཞག་པ་ནི། གཟུགས་ཅན་མའོ། །འདུན་པའི་རྫུ་འཕྲུལ་གྱི་རྐང་པ་ནི། རབ་གཏུམ་མའོ། །བརྩོན་འགྲུས་ཀྱི་རྫུ་འཕྲུལ་གྱི་རྐང་པ་ནི། 201a ༄#། །མིའུ་ཐང་མའོ། །དཔྱོད་པའི་རྫུ་འཕྲུལ་གྱི་རྐང་པ་ནི། འོད་ལྡན་མའོ། །སེམས་ཀྱི་རྫུ་འཕྲུལ་གྱི་རྐང་པ་ནི། སྣ་ཆེན་མའོ། །དད་པའི་དབང་པོ་ནི། དཔའ་བའི་བློ་གྲོས་ཅན་མའོ། །བརྩོན་འགྲུས་ཀྱི་དབང་པོ་ནི། མིའུ་ཐུང་མའོ། །དྲན་པའི་དབང་པོ་ནི། ལངྐའི་དབང་ཕྱུག་མའོ། །ཏིང་ངེ་འཛིན་གྱི་དབང་པོ་ནི། ཤིང་གྲིབ་མའོ། ། ཤེས་རབ་ཀྱི་དབང་པོ་ནི། ས་སྲུང་མའོ། །དད་པའི་སྟོབས་ནི། འཇིགས་བྱེད་ཆེན་མོའོ། །བརྩོན་འགྲུས་ཀྱི་སྟོབས་ནི། རླུང་གི་ཤུགས་ཅན་མའོ། །དྲན་པའི་སྟོབས་ནི། ཆང་འཐུང་མའོ། །ཏིང་ངེ་འཛིན་གྱི་སྟོབས་ནི། སྔོ་བསངས་ལྷ་མོའོ། །ཤེས་རབ་ཀྱི་སྟོབས་ནི། ཤིན་ཏུ་བཟང་མོའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི། རྟ་རྣ་མའོ།། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི། བྱ་གདོང་མའོ། །དགའ་བ་ཡང་དག་བྱང་ཆུབ་ཀྱི་ཡན་ལག་ནི། འཁོར་ལོའི་ཤུགས་ཅན་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི། དུམ་སྐྱེས་མའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི། ཆང་ཚོང་མའོ། །དྲན་པ་ཡང་དག་བྱང་ཆུབ་ཀྱི་ཡན་ལག་ནི། འཁོར་ལོའི་གོ་ཆ་མའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི། ཤིན་ཏུ་དཔའ་མོའོ། །ཡང་དག་པའི་ལྟ་བ་ནི། སྟོབས་ཆེན་མའོ། །ཡང་དག་པའི་རྟོག་པ་ 201b ནི།་འཁོར་ལོས་བསྒྱུར་མའོ། །ཡང་དག་པའི་ངག་ནི། དཔའ་བོ་ཆེན་མོའོ། །ཡང་དག་པའི་ལས་ཀྱི་མཐའ་ནི། བྱ་རོག་གདོང་ཅན་མའོ། །ཡང་དག་པའི་འཚོ་བ་ནི། འུག་པའི་གདོང་ཅན་མའོ། །ཡང་དག་པའི་རྩོལ་བ་ནི། ཁྱིའི་གདོང་ཅན་མའོ། །ཡང་དག་པའི་དྲན་པ་ནི། ཕག་གི་གདོང་ཅན་མའོ། །ཡང་དག་པའི་ཏིང་ངེ་འཛིན་ནི། བཅོམ་ལྡན་འདས་དཔལ་ཧེ་རུ་ཀའོ། །དགེ་བའི་ཆོས་མ་སྐྱེས་པ་རྣམས་བསྐྱེད་པ་ནི། གཤིན་རྗེ་སྲེག་མའོ། །དགེ་བའི་ཆོས་སྐྱེས་པ་རྣམས་ཡང་དག་པར་སྲུང་བ་ནི། གཤིན་རྗེ་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་ཡང་དག་པར་སྤོང་བ་ནི། གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་ནི། གཤིན་རྗེ་འཇོམས་མའོ། །དམ་ཚིག་གི་འཁོར་ལོ་རྣམ་པར་སྦྱང་བའི་སྒོམ་པའོ། །དེ་ནས་དམ་ཚིག་འཁོར་ལོ་དག་།མཉམ་པར་བཞག་སྟེ་བཟླ་བར་བྱ། ཧ་ཧ། ཧཱུཾ་ཧཱུཾ། ཧི་ཧི། ཕཊ། ཧཱུཾ་ཧཱུཾ། ཨ་ཨ། ཨོཾ་ཤྲཱི་བཛྲ་ཧེ་ཧེ་རུ་རུ་ཀི་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་ཤཾ་བ་ར་ཧཱུཾ་ཧཱུཾ་ཕཊ་སཝཱཧཱ། ཨོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ་སཝཱཧཱ། སྙིང་པོ་དང་ཉེ་བའི་སྙིང་པོའོ། །ོཾ་བཛྲ་པཻ་རོ་ཙ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་སརྦ་བུདྡྷ་ཌ་ཀི་ནཱི་ཡེ་བཛྲ་བརྞ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ་སཝཱཧཱ། ཨོཾ་ལཱ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ་སཝཱཧཱ། ཨོཾ་རཱུ་པི་ཎཱི་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་ཁཎྜ་ཀ་པཱ་ལི་ནི་ཀར་ཀ་ར་ཧུཾ་ཧཱུཾ་ཕཊ། ཨོཾ་པྲ་ཙཎྜེ་ཧུཾ་ཧཱུཾ་ཕཊ། ཨོཾ་མ་ཧཱ་ཀཾ་ 202a ༄#། །ཀ་ལ་ཀུ་རུ་ཀུ་རུ་ཧུཾ་ཧཱུཾ་ཕཊ། ཨོཾ་ཙཎྜཱ་ཀྵཱི་ཡེ་ཧུཾ་ཧཱུཾ་ཕཊ། ཨོཾ་ཀཾ་ཀ་ལ་བནྡྷ་བནྡྷ་ཧུཾ་ཧཱུཾ་ཕཊ། ཨོཾ་པྲ་བྷཱ་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་བི་ཀ་ཊ་དཾ་ཥྚྲིར་ཎི་ཏྲ་ས་ཡ་ཏྲཱ་ས་ཡ་ཧུཾ་ཧཱུཾ་ཕཊ། ཨོཾ་མ་ཧཱ་ནཱ་སེ་ཧུཾ་ཧཱུཾ་ཕཊ། ཨོཾ་སུ་རཱ་བཻ་རི་ཎི་ཀྵོ་བྷ་ཡ་ཀྵོ་བྷ་ཡ་ཧུཾ་ཧཱུཾ་ཕཊ། ཨོཾ་བཱི་ར་མ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཨ་མི་ཏཱ་བྷེ་ཧྲོཾ་ཧྲོཾ་ཧུཾ་ཧཱུཾ་ཕཊ། ཨོཾ་ཁརྦ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲ་བྷཱ་ཧྲཿ ་ཧྲཿ ་ཧུཾ་ཧཱུཾ་ཕཊ། ཨོཾ་ལཾ་ཀེ་ཤཝ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དེ་ཧ་ཕེཾ་ཕེཾ་ཧུཾ་ཧཱུཾ་ཕཊ། ཨོཾ་དྲུ་མཙྪ་ཡེ་ཧུཾ་ཧཱུཾ་ཕཊ། ཨོཾ་ཨངྐུ་རི་ཀ་ཕཊ་ཕཊ་ཧུཾ་ཧཱུཾ་ཕཊ། ཨོཾ་ཨཻ་ར་བ་ཏཱི་ཡེ་ཧུཾ་ཧཱུཾ་ཕཊ།་ཨོཾ་བཛྲ་ཛ་ཊི་ལ་ད་ཧ་ད་ཧ་ཧུཾ་ཧཱུཾ་ཕཊ། ཨོཾ་མ་ཧཱ་བྷཻ་ར་བ་ཡེ་ཧུཾ་ཧཱུཾ་ཕཊ། ཨོཾ་མ་ཧཱ་བཱི་ར་པ་ཙ་པ་ཙ་ཧུཾ་ཧཱུཾ་ཕཊ། ཨོཾ་བཱ་ཡུ་བེ་གེ་ཧུཾ་ཧཱུཾ་ཕཊ། ཨོཾ་བཛྲ་ཧཱུཾ་ཀཱ་ར་བྷཀྵ་བྷཀྵ་བ་ས་རུ་དྷི་ར་ཨནྟྲ་མཱ་ལཱ་བ་ལཾ་བི་ནི་ཧུཾ་ཧཱུཾ་ཕཊ། ཨོཾ་སུ་ར་བྷཀྵི་ཡེ་དུཾ་ཧཱུཾ་ཕཊ། ཨོཾ་སུ་བྭྷ་དེ་གྲྀཧྞ་གྲྀཧྞ་སཔྟ་པཱ་ཏཱ་ལ་བྷུ་ཛཾ་ག་སརྦཾ་པཱ་ཏརྫྫ་ཡ་ཏ་རྫྫ་ཡ་ཧུཾ་ཧཱུཾ་ཕཊ། ཨོཾ་ཤྱ་མ་དེ་བཱི་ཡེ་ཧུཾ་ཧཱུཾ་ཕཊ ། ོཾ་བཛྲ་བྷ་དྲ་ཨཱ་ཀཌྜྷྱ་ཨཱ་ཀཌྜྷྱ་ཧུཾ་ཧཱུཾ་ཕཊ། ཨོཾ་སུ་བྷ་དྲེ་ཧུཾ་ཧཱུཾ་ཕཊ། ཨོཾ་མ་ཧཱ་བྷཻ་ར་བ་ཧྲིཾ་ཧྲིཾ་ཧུཾ་ཧཱུཾ་ཕཊ། ཨོཾ་ཧ་ཡ་ཀརྞེ་ཧུཾ་ཧཱུཾ་ཕཊ། ཨོཾ་བི་རཱུ་པཱཀྵ་ཛྞ་ཛྞཽ་ཧུཾ་ཧཱུཾ་ཕཊ། ཨོཾ་ཁ་ག་ན་ནེ་ཧུཾ་ཧཱུཾ་ཕཊ།་ཨོཾ་མ་ཧཱ་བ་ལ་ཀྵྨཱཾ་ཀྵྨཱཾ་ཧུཾ་ཧཱུཾ་ཕཊ། ཨོཾ་ཙཀྲ་བེ་གེ་ཧུཾ་ཧཱུཾ་ཕཊ། ཨོཾ་རཏྣ་བཛྲ་ཧཾ་ཧཾ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧི་ཧུཾ་ཧཱུཾ་ཕཊ། ཨོཾ་ཧ་ཡ་གྲཱི་བ་ཧཾ་ཧཾ་ཧུཾ་ཧཱུཾ་ཕཊ། ཨོཾ་ཤཽཎྜི་ནི་ཡེ་ཧུཾ་ཧཱུཾ་ 202b ཕཊ།་ཨོཾ་ཨཱ་ཀཱ་\?\་གརྦྷེ་ཧཱུཾ་ཧཱུཾ་ཧཱུཾ་ཧཱུཾ་ཕཊ། ཨོཾ་ཙཀྲ་བརྨཱི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཧེ་རུ་ཀ་ཀི་ལི་ཀི་ལི་ཧུཾ་ཧཱུཾ་ཕཊ། ཨོཾ་སུ་ར་བཱི་རཱི་ཡེ་ཧུཾ་ཧཱུཾ་ཕཊ། ཨོཾ་པདྨ་ན་རྟེ་ཤཝཱ་རི་སི་ལི་སི་ལི་ཧུཾ་ཧཱུཾ་ཕཊ། ཨོཾ་མ་ཧཱ་བ་ལེ་ཧུཾ་ཧཱུཾ་ཕཊ། ཨོཾ་བཻ་རོ་ཙ་ན་ཧི་ལི་ཧི་ལི་ཧུཾ་ཧཱུཾ་ཕཊ། ཨོཾ་ཙཀྲ་བརྟི་ནི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཏྭ་དྷི་ལི་དྷི་ལི་ཧུཾ་ཧཱུཾ་ཕཊ། ཨོཾ་མ་ཧཱ་བཱིརྱེ་ཧུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤཝ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ། ཨོཾ་ཡ་མ་དཱ་ཌྷི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཨེ་ཧུཾ་ཧཱུཾ་ཕཊ། ཨོཾ་ཡ་མ་དཾཥྟྲི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། འདི་དག་ཇི་ལྟའི་རིམ་པ་ཡིས། །དུང་ཆེན་ཕྲེང་བ་བླངས་ནས་སུ། །ལག་གཡོན་མཐེ་བོང་སྲིན་ལག་གིས། །གསང་སྔགས་དག་ནི་བཟླས་པ་བྱ། །དུས་བཞིན་ཇི་ལྟ་འདོད་པ་རུ། །རྣལ་འབྱོར་པས་ནི་བཟླས་པ་བྱ། །སྒོམ་པ་རྩེ་གཅིག་བྱ་བ་སྟེ། །དམ་ཚིག་དང་ནི་དམ་ཚིག་སྦྱོར། །བཟའ་དང་བཟླས་པ་བསྡུས་ནས་སུ། །ཆོ་ག་བཞིན་དུ་གཏོར་མ་སྦྱིན། །དཀྱིལ་འཁོར་ལ་ནི་ཅི་བདེ་བར། །གཅེར་བུ་སྐྲ་གྲོལ་འདུག་པ་ཡིས། །བརྟུལ་ཞུགས་ཅན་གྱིས་གཏོར་མ་སྦྱིན། །རྐང་པ་གཡས་བརྐྱང་གནས་ནས་སུ། ། མཉམ་པར་བཞག་སྟེ་ཕྱག་རྒྱ་བཅིང ། །མཛུབ་མོ་འདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་ཏུ་སྦྱར། །དཔྲལ་བའི་དབུས་ཀྱི་ཕྱོགས་སུ་རབ་བཞག་ 203a ༄#། །ནས། །གཅུ་ཞིང་གཅུ་ཞིང་བསྐོར་ནས་འདི་བརྗོད་དོ། །ོཾ་ཨཱ་ར་ལླི་ཧོཿ ་ཛཿ ་ཧཱུཾ་བཾ་ཧོཿ ་བཛྲ་ཌཱ་ཀི་ནཱི་ས་མ་ཡ་སྟྭཱཾ་དྲི་ཤྱཱ་ཧོཿ ། འདི་ནི་གསུམ་དང་བཞི་དང་ནི། །ལྔ་ཡི་བར་དུ་བརྗོད་པར་བྱ། །སྐྲ་གྲོལ་གཅེར་བུར་བྱུང་བ་ཡིས། །རྣལ་འབྱོར་མཐོ་བའི་གནས་ནས་ལངས། །ལྷོ་ཕྱོགས་ཁ་བལྟས་གནས་པ་ཡི། །མཚན་ཕྱེད་དུ་ནི་གཏོར་མ་སྦྱིན། ། ཇི་ལྟའི་ལས་ཀྱི་རྗེས་འབྲངས་ནས། །དེ་ཉིད་གསུམ་གྱིས་མངོན་བསྔགས་ཏེ། །རྡོ་རྗེ་ཐལ་མོ་གྱེན་ཕྱེ་ནས། །གསང་སྔགས་འདི་དག་རབ་ཏུ་བརྗོད། །ོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས། བྷུ་ཏ། པྲེ་ཏ། པི་ཤཱ་ཙ། ཨུན་མཱ་ད། ཨ་པསྨཱ་ར། ཌཱ་ཀ་ཌཱ་ཀི་ནྱ་ད་ཡ། ཨི་མཾ་བ་ལཾ་གྲྀཧྞ་ཏུ་ས་མ་ཡ་རཀྵནྟུ་སརྦ་སིདྡྷི་མྨེ་པྲ་ཡཙྪནྟུ། ཡ་ཐཻ་བཾ། ཡ་ཐེཥྚ། བྷུཉྫ་ཐ། པི་པ་ཐ།་ཇི་གྷྲ་ཐ། མཱ་ཏི་ཀྲ་མ་ཐ། མ་མ་སརྦཱ་ཀཱ་ར་ཏ་ཡཱ། སཏ་སུ་ཁཾ་བི་ཤུདྡྷ་ཡེ། ས་ཧ་ཡི་ཀ་བྷ་བནྟུ་ཧཱུཾ་ཧཱུཾ་ཕཊ་སཝཱཧཱ། དཔའ་བོ་རྣལ་འབྱོར་མ་ཐམས་ཅད། །བདེ་ཆེན་མཆན་གྱིས་གར་མཛད་ཅིང ། །བཅོམ་ལྡན་སྐུ་གསུང་ཐུགས་ལ་བཞུགས། །ཱ་ལི་ཀཱ་ལི་མཉམ་བྱས་ཏེ། །དེར་ནི་རེ་བའི་སྦྱོར་བ་ཡིས། །སྟེང་དུ་འབར་བའི་རེ་ཕ་ནི། །འོག་ཏུ་འཛག་པར་བྱེད་པ་ཡིན། །འཛག་པའི་ཁུ་བའི་ཚུལ་ཅན་ནི། །འཆི་མེད་ཐིགས་པའི་གཟུགས་སུ་འགྱུར། །སྲུབ་དང་བསྲུབ་པ་ཡང་དག་སྦྱོར། །ཡེ་ཤེས་མེ་ལ་ལས་ཀྱི་རླུང ། །རབ་ཏུ་ 203b བསྐྱོད་པས་བྱས་པ་ཡིས། །ལྟེ་བའི་དཀྱིལ་འཁོར་དུད་པ་འབྱུང ། །འོད་ཟེར་དག་ནི་འབར་བར་བྱེད། །དམ་ཚིག་འཁོར་ལོ་ངེས་དེ་བཞིན་གཤེགས་པ་ཐམས་ཅད་བསྲེགས་ནས་དེ་བཞིན་གཤེགས་པ་ཐམས་ཅད་ཀྱི་ལོངས་སྤྱོད་ཀྱི་འཁོར་ལོར་སོང་སྟེ། ཐབས་དེས་ལན་གསུམ་དུ་བསྐོར་བ་བྱས་ནས་སྨིན་མཚམས་ཀྱི་མཛོད་སྤུ་ནས་གནད་འབྱེད་པའི་སྒོ་ལས་འདས་ཏེ་བྱུང་ནས་ཕྱོགས་བཅུའི་འཇིག་རྟེན་གྱི་ཁམས་སུ་དེ་བཞིན་གཤེགས་པ་རྣམས་བཞུགས་པ་ལ་ཡེ་ཤེས་ལྔའི་བདུད་རྩི་བླངས་ཏེ་སྤྱི་བོའི་གཙུག་གསེར་སྒོ་ཛཱ་ལནྡྷ་ར་ཞེས་བྱ་བར་ཞུགས་ཏེ་།སོའི་མཚམས་ཀྱི་བུ་གའི་ནང་དུ་སོང་ནས་ལོངས་སྤྱོད་ཀྱི་འཁོར་ལོར་ངལ་བསོས་ནས་བསྲེགས་པའི་དེ་བཞིན་གཤེགས་པ་ཐམས་ཅད་ཀྱི་དགའ་བ་བསྐྱེད་ནས་ལྟེ་བའི་དཀྱིལ་འཁོར་དུ་གནས་པར་འགྱུར་རོ། །དེས་སྐྲའི་རྩེ་མོ་འབུམ་དུ་གཤགས་པའི་ཆ་ཙམ་ཡང་འབྱུང་བ་དང ། འཇུག་པ་མཐོང་སྟེ་དགའ་ཞིང་ཇི་ལྟར་བདེ་བར་གནས་སོ། །རང་ལྷག་ལྷ་ཡི་རྣལ་འབྱོར་གྱིས། །ཐམས་ཅད་འདི་ལྟར་རབ་ཏུ་བརྟག་།བསམ་པ་མེད་ལ་བསམ་པ་སྟེ། །སེམས་ཀྱང་མཚོན་པར་བྱ་བ་མིན། །བསམ་དུ་མེད་པའི་སྒོམ་པ་ཡིས། །དངོས་དང་དངོས་མིན་རྣམ་སྤངས་ཡིན། །སེམས་ཀྱིས་བསམས་པའི་སེམས་དེ་ནི། །རྙེད་པ་གང་ཡིན་གཟུང་བར་བྱ། །ཁ་ཊྭཱཾ་ག་ནི་ལྷ་ཡི་སྐུ། །ཌ་མ་རུ་ 204a ༄#། །སྒྲ་ཤེས་རབ་ཡིན། །ཉིན་མོ་བཅོམ་ལྡན་དཔའ་བོ་སྟེ། །མཚན་མོ་རྣལ་འབྱོར་མ་རུ་བཤད། །དག་པའི་ཆོས་ཀྱི་སྤྲུལ་པ་ནི། །ཕག་མོ་དག་གི་གཟུགས་སུ་བསྟན། །ཤྲཱི་གཉིས་མེད་ཡེ་ཤེས་ཏེ། །ཧེ་ནི་རྒྱུ་ཚོགས་རྣམ་པར་སྤངས། །རུ་ནི་བཀོད་པ་དང་བྲལ་བ། །ཀ་ནི་གང་ནའང་མི་གནས་པའོ། །རྣལ་འབྱོར་སེམས་ནི་ངལ་བསོ་ས་ལ། །མྱ་ངན་འདས་ཞེས་བསྟན་པ་ཡིན། །རྣལ་འབྱོར་འཕོ་བའི་དུས་ཀྱི་ཚེ། །ཧེ་རུ་ཀ་སེམས་དཔའ་རྣལ་འབྱོར། །ལག་ན་མེ་ཏོག་སྣ་ཚོགས་བསྣམས། །སྣ་ཚོགས་རྒྱལ་མཚན་བདན་ཅན། །སྣ་ཚོགས་རོལ་མོའི་སྒྲ་སྒྲོག་ཅིང ། །སྣ་ཚོགས་གླུ་ཡིས་མཆོད་པར་བྱ། །འཆི་བ་ཞེས་བྱའི་རྣམ་རྟོག་འདི། །མཁའ་ལ་སྤྱོད་པའི་གནས་སུ་ཁྱེར། ། མངོན་པར་བརྗོད་པའི་རྒྱུད་བླ་མའི་བླ་མ་ལས། གཉིས་སུ་མེད་པར་སྦྱར་བའི་གནས་ཀྱི་ལེའུ་སྟེ་བཅུ་བཞི་པའོ།། །།དེ་ནས་གཞན་ཡང་བཤད་བྱ་བ། །མ་མོའི་སྒོམ་པ་དགྱེ་བར་བྱ། །གསང་སྔགས་ཀུན་གྱི་གནས་སྦྱོར་བ། །དེ་བཞིན་གཤེགས་པ་ཀུན་གྱི་གནས། །ཐམས་ཅད་མཁྱེན་ཅིང་ཐམས་ཅད་མཛད། །བདེ་བ་ཆེན་པོས་ཀུན་ལ་ཁྱབ། །མགོན་པོ་སངས་རྒྱས་ཀུན་བདག་སྟེ། །སེམས་ཅན་ཀུན་གྱི་སྙིང་ལ་གནས། །ོཾ་ཨཾ་ཨཱཾ། ཨི་ཨཱིཾ། ཨུཾ་ཨཱུཾ། ཨེཾ་ཨཻཾ། ཨོཾ་ཨཽཾ། །ཾ་ཨཿ ་ཧཱུཾ། འདི་ནི་བཅོམ་ 204b ལྡན་དེ་ཉིད་ཀྱི། །ཧེ་རུ་ཀ་ནི་དབང་ཕྱུག་མཆོག་།མཁའ་ལ་དྲི་མེད་ཟླ་བ་ཡི། །ལྟེ་བའི་དབུས་སུ་བསྒོམ་པར་བྱ། །རྀཾ་རཱྀཾ་ལྀཾ་ལཱྀཾ། མཁའ་འགྲོ་མ་ནི་པད་འདབ་བཞུགས། །ཀཾ་ཁཾ་གཾ་གྷཾ་ངཾ ། ཙཾ་ཚཾ་ཛཾ་ཛྷཾ་ཉཾ། ཊཾ་ཋཾ་ཌཾ་ཌྷཾ་ཎཾ། ཏཾ་ཐཾ་དཾ་དྷཾ་ནཾ། པཾ་ཕཾ་བཾ་བྷཾ་མཾ། དེ་ཡི་ཐོད་པའི་དུམ་སོགས་དང ། །གཏུམ་མིག་མ་ལ་སོགས་ཀུན་གྱིས། །སྐུ་གསུང་ཐུགས་ཀྱི་འཁོར་ལོ་སྟེ། །དངོས་གྲུབ་ཐམས་ཅད་རབ་ཏུ་སྩོལ། །ཡཾ་རཾ་ལཾ་ཝཾ། ཤཾ་ཥཾ་སཾ་ཧཾ་ཀྵཾ། དེ་ཡི་ཁཝ་གདོང་ལ་སོགས་དང ། །གཤིན་རྗེ་སྲེག་སོགས་ཀུན་གྱི་འོ། །ཡི་གེ་ཀྵ་ཡི་བདག་ཉིད་ནི། ། བདེ་བ་ཆེན་པོའི་ཤུ་ཀྲའི་གཟུགས། །ཐམས་ཅད་མཁྱེན་ཅིང་ཐམས་ཅད་གཟིགས། །སངས་རྒྱས་ཀུན་གྱི་གནས་ཡིན་ཞིང ། །ཀུན་ལ་ཁྱབ་ཅིང་རྟག་ཏུ་སྟོང ། །བརྗོད་དུ་མེད་ཅིང་ཕྲ་བའི་དབུས། །འདི་ནི་ཚད་མེད་རྟག་པའི་ཐུགས། །རང་གི་གཟུགས་ནི་མཁའ་ལྟ་བུ། །འདི་ནི་བདག་ཉིད་བཅིངས་པ་སྟེ། །འདི་ནི་དགྲོལ་ལ་མཁས་པ་ཡིན། །འདི་ནི་ལྟེ་བའི་དབུས་བཞུགས་ཤིང ། །ཤུ་ཀྲའི་གཟུགས་ཀྱིས་བདེ་ཆེན་གནས། །སྐུ་གསུང་ཐུགས་ཀྱི་སྦྱོར་བ་ཡིས། །འཁོར་ལོ་གསུམ་གྱི་དབུས་སུ་དགོད། །འདི་ནི་གསང་བ་མཆོག་ཡིན་ཏེ། །གང་ལ་ཡང་ནི་བསྟན་མི་བྱ། །སྔར་བཤད་ཕྱག་དང་ཕྱག་མཚན་དང ། །གོ་ཆ་ཡང་ནི་དེ་བཞིན་ཏེ། །སྔར་བཤད་བཞིན་དུ་བཀོད་ནས་ཀྱང ། །ཕུང་པོ་ 205a ༄#། །ཁམས་དང་སྐྱེ་མཆེད་དག་།དཔའ་བོའི་ཡན་ལག་རྣམ་དག་ཉིད། །བྱང་ཆུབ་ཕྱོགས་ཀྱང་དེ་བཞིན་ཏེ། །ལུགས་སུ་འབྱུང་དང་ལྡོག་པ་ཡིས།། སྔར་བཤད་འཁོར་ལོ་རྣམ་པར་དགོད། །ཐམས་ཅད་དཀར་བའི་མདོག་ཅན་ལ། །འཁོར་ལོ་གསུམ་ནི་བཅུ་དྲུག་གོ་།དཔའ་བོ་ཡང་ནི་སོ་སོར་དགོད། །རྣལ་འབྱོར་མ་ཡང་སོ་སོར་ཏེ། །རང་གི་ཐབས་ཀྱི་སྦྱོར་བ་ཡིས། །གཉིས་སུ་མེད་པའི་གནས་པ་ཡིན། །དཔའ་བོའི་རང་གི་རིག་པ་དང ། །གཉིས་སུ་མེད་པར་གནས་པ་ཡིན། །མཁའ་འགྲོ་སོགས་དང་ཁྱི་གདོང་སོགས། །རང་གི་ཐབས་དང་གཉིས་མེད་གནས། །དེ་ནི་རྡོ་རྗེ་སྙིང་པོའོ། །རྣལ་འབྱོར་མ་ཡི་དམ་པ་སྟེ། །མཆོག་ཏུ་གསང་བ་སྦས་པ་དག་།རྡོ་རྗེ་སྙིང་པོས་ཞུས་ནས་ནི། །བཅོམ་ལྡན་འདས་ཀྱིས་གསུངས་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། དཔལ་ཧེ་རུ་ཀ་དང ། མཁའ་འགྲོ་མ་དང ། དཔའ་བོ་དང ། རྣལ་འབྱོར་མ་རྣམས་སྒོམ་པས་བསྐྱེད་པ་སྟེ་ལེའུ་བཅོ་ལྔ་པའོ།། །།དེ་ནས་གཞན་ཡང་བཤད་བྱ་བ། །དང་པོའི་ལས་ཀྱི་སྒོམ་པ་སྟེ། །རྣལ་འབྱོར་སྦྱོར་བའི་མཆོག་གྱུར་པ། །གཅིག་ཅར་དུ་ནི་བསྐྱེད་པ་དག་།རྡོ་རྗེ་སྙིང་པོས་གསུངས་པ་ཡིན། །ཕྱག་གཉིས་པ་ལ་ཞལ་གཅིག་པ། །སྤྱན་གསུམ་པ་ལ་ཞལ་རྣམས་བསྒྱུར། །འཇིག་ 205b བྱེད་དང་ནི་དུས་མཚན་དག་།གཡས་བརྐྱང་བ་ཡིས་མགོ་ལ་མནན། །རྒྱན་དྲུག་སྣ་ཚོགས་རྡོ་རྗེ་དང ། །ཟླ་བ་ཕྱེད་པས་རྣམ་པར་བརྒྱན། །སྟག་གི་པགས་པ་གོས་སུ་མནབས། ། མགོ་བོའི་ཕྲེང་བས་རྣམ་པར་བརྒྱན། །ཐོད་པ་ཁ་ཊྭཱཾ་ག་བསྣམས་ཤིང ། །དེ་ནི་རྡོ་རྗེ་མཆོག་ཀྱང་གསོར། །ཕག་མོས་ཀྱང་ནི་རྣམ་པར་ཁྲིལ། །དེ་ཡི་མདོག་དང་ཕྱག་གིས་གནས། །བྱིན་པ་གཉིས་ཀྱིས་མཉམ་པར་འཁྱུད། །ཐོད་པ་རྡོ་རྗེ་བསྡིགས་མཛུབ་ཀྱིས། །ཕྱོགས་སུ་བསྡིགས་ཤིང་སྐྲ་གྲོལ་ལ། །དུམ་བུའི་རྒྱན་གྱིས་སྐ་རགས་ཅན། །འཁོར་ལ་སོགས་བའི་དཀྱིལ་འཁོར་རྣམས། །ཕྱག་གཉིས་ཞལ་ནི་གཅིག་པ་སྟེ། །ཕྱག་རྒྱ་ལྔ་ནི་མཉམ་པར་སྦྱོར། །སྤྱན་གསུམ་པ་ལ་དྲག་པོའི་གཟུགས། །ཐམས་ཅད་ཡི་དྭགས་གདན་ལ་བཞུགས། །སྒོམ་པ་མཆོག་གི་སྒོམ་པའོ། །དབུས་སུ་ཁྲག་འཐུང་རྡོ་རྗེ་ནི། །སྔོ་བའི་མདོག་ཅན་བདེ་བ་ཆེ། །པདྨའི་དབུས་སུ་སྒོམ་པ་ནི། །མཁའ་འགྲོ་མ་ནི་སེར་པོའི་མདོག་།ཐུགས་ཀྱི་འཁོར་ལོའི་དཔའ་བོ་དང ། །མཁའ་འགྲོ་མ་ཡི་ཁྱད་པར་ནི། །དཔའ་བོ་མདོག་ནི་ནག་པོ་ལ། །མཁའ་འགྲོ་མ་ནི་དཀར་བ་ཉིད། །གསུང་གི་འཁོར་ལོའི་དཔའ་བོ་ནི། །དམར་བའི་མདོག་ཅན་ཆེར་འབར་བ། །མཁའ་འགྲོའང་དེ་བཞིན་ནག་པོ་སྟེ། །སྐུ་མདོག་གཉིས་སུ་རྣམ་པར་བསྒོམ། །སྐུ་ཡི་འཁོར་ལོའི་དཔའ་བོ་ནི། །ཟླ་བ་སེར་སྐྱས་ལེགས་བརྒྱན་པས། །དེ་ 206a ༄#། །ལ་མཁའ་འགྲོ་མ་ཡང་དམར། །ཅི་འདོད་གཟུགས་སུའང་འགྱུར་བ་ཡིན། །ཁཝ་གདོང་ལ་སོགས་ཀུན་ལྗང་གུ། །གཤིན་རྗེ་སྲེག་སོགས་ནུན་དུད་ཀ་།དེ་ལྟར་མདོག་གི་བྱེ་བྲག་གིས། །སྒོམ་པའི་མཆོག་གིས་ཤེས་པར་བྱ། །མཁའ་འགྲོ་མ་ཐོད་ཁ་ཊྭཱཾ་འཛིན། །ཅང་ཏེའུ་གར་གྱིས་རྣམ་པར་བཞུགས། །ཐམས་ཅད་དབུ་སྐྲ་གྲོལ་བ་སྟེ། །ཕྱོགས་ཀྱི་གོས་ཅན་བཞད་པའི་ཞལ། །ཐུགས་ཀྱི་འཁོར་ལོའི་དཔའ་བོ་རྣམས། །རྡོ་རྗེ་དྲིལ་བུས་ལེགས་པར་འཁྱུད། །རྣལ་འབྱོར་མ་ནི་ཐོད་རྡོ་རྗེ། །སྡིགས་མཛུབ་དང་ནི་ལྷན་ཅིག་བཅས། །གསུང་གི་འཁོར་ལོའི་དཔའ་བོ་རྣམས། །རྣལ་འབྱོར་མ་འཁོར་སྡིགས་མཛུབ་ཅན། །པདྨ་དྲིལ་བུས་རྣམ་པར་བརྒྱན། །རྣལ་འབྱོར་མ་ནི་ཐོད་པདྨ། །བསྡིགས་མཛུབ་དང་ནི་ལྷན་ཅིག་བཅས། །སྐུ་ཡི་འཁོར་ལོའི་དཔའ་བོ་རྣམས། །འཁོར་ལོ་དྲིལ་བུ་རབ་ཏུ་འབར། །རྣལ་འབྱོར་མ་འཁོར་སྡིགས་མཛུབ་ཅན། །ཐོད་པ་རྐང་གིས་གང་བའོ། །ཁཝ་གདོང་ལ་སོགས་ལྷ་མོ་ནི། །ཐོད་པ་དང་ནི་ཁ་ཊྭཱཾ་ག་།གྲི་གུག་དང་ནི་སྡིགས་མཛུབ་བཅས། །གཤིན་རྗེ་སྲེག་སོགས་ལྷ་མོ་ནི། །ཅང་ཏེའུ་མགོ་བོ་བསྡིགས་མཛུབ་དང ། །ཐོད་པའི་ཕྲེང་བའི་དབུ་རྒྱན་ཅན། །སྐྱིལ་ཀྲུང་ཕྱེད་པས་གར་དང་བཅས། །དཔའ་བོ་གཡས་བརྐྱང་གནས་པ་སྟེ། །མཁའ་འགྲོ་མ་ཡི་བྱིན་པས་འཁྲིལ། ། 206b གཉིས་སུ་མེད་པར་མཉམ་ལྡན་པ། །ཐུགས་རྗེ་ཆགས་པའི་བདེ་བ་ཆེ། །ཡེ་ཤེས་འཁོར་ལོ་མཉམ་ལྡན་པས། །བདེ་བའི་བདེ་བ་གཅིག་ཏུ་འགྱུར། །ཆོས་ཀྱི་རོ་ལས་ཡང་དག་འབྱུང ། །རང་མིན་ས་བོན་དང་བཅས་པ། །ཕྲེང་བའི་སྔགས་དང་མཉམ་པར་སྦྱར། །གསལ་བྱེད་མཉམ་པར་སྦྱར་ནས་སུ། །ཧཱུཾ་གཉིས་ཕཊ་དང་ཡང་དག་སྦྱར། །དཔའ་བོའི་གསང་སྔགས་ཡང་དག་སྦྱར། །རྣལ་འབྱོར་མ་ཡང་དེ་བཞིན་བཤད། །རང་གི་མིང་གི་ས་བོན་དབུས། །གསལ་བྱེད་དང་ནི་མཉམ་པར་ལྡན། །ཧཱུཾ་ཧཱུཾ་ཕཊ་ཀྱང་དེ་བཞིན་ཏེ། །སྔགས་པ་འདི་ལྟར་སྦྱར་བར་བྱ། །དབུས་སུ་ཁྲག་འཐུང་རྡོ་རྗེ་སྟེ། །གསང་སྔགས་འདི་ནི་མཁས་པས་བཟླ། །ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཨོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ། སྙིང་པོ་དང་ཉེ་བའི་སྙིང་པོའོ། ། ོཾ་བཛྲ་བཱ་རཱ་ཧི་ཧུཾ་ཧཱུཾ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ། ལྷ་མོའི་སྙིང་པོ་དང་ཉེ་བའི་སྙིང་པོའོ། །དུས་བཞི་དག་ཏུ་ཆོ་ག་བཞིན། །རྣལ་འབྱོར་པ་ཡིས་བཟླས་པ་བྱ། །མདུན་དུ་བ་སྤུའི་ཁུང་བུ་ལས། །ཆོས་དང་ལོངས་སྤྱོད་རྣམ་པར་སྤྲོ། །སེམས་ཅན་རྣམས་ལ་ཕན་གདགས་ཕྱིར། །ཆོས་ཀྱི་འཁོར་ལོ་བསྟན་པར་བྱ། །འགྲོ་བ་རིགས་དྲུག་གྲོལ་ནས་ནི། །བླ་མེད་གནས་སུ་འཇོག་པར་བྱེད། །སྔགས་པས་ཇི་ལྟར་འདོད་སྦྱོར་བ། །རིགས་ལྔ་རྣམས་ཀྱི་དབུས་སུ་ཡང ། །གང་གིས་རིགས་གསུམ་དབུས་ཁྱབ་པ། །ཁམས་གསུམ་གྱི་ནི་བདག་ 207a ༄#། །པོ་སྟེ། །སངས་རྒྱས་ཐམས་ཅད་ཡང་དག་འདུས། །སྐུ་གསུང་ཐུགས་ཀྱི་དབྱེ་བའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས། ལས་དང་པོ་པའི་སྦྱོར་བའི་སྒོམ་པ་བསྟན་པ་སྟེ་ལེའུ་བཅུ་དྲུག་པའོ།། །།རྡོ་རྗེ་སྙིང་པོས་རབ་བཤད་པ། །དངོས་གྲུབ་ཐམས་ཅད་འགྲུབ་པ་སྟེ། །ཕྱག་བཞི་པོ་ཡི་ཆོ་ག་ཡིས། །དབང་པོ་བར་མ་རྣམ་པར་བསྒོམ། །གཅིག་ཅར་སྐྱེད་པའི་སྦྱོར་བ་ཡིས། །སྒོམ་པ་དག་ནི་རྣམ་པར་བསྒོམ། །ཕྱག་བཞི་པ་ལ་ཞལ་བཞི་པ། །སྤྱན་གསུམ་དྲག་པོ་འཇིགས་པ་སྟེ། །གཡས་བརྐྱང་པ་ཡི་གནས་པས་བཞུགས། །འཇིགས་བྱེད་དང་ནི་དུས་མཚན་གནོན། །སྐུ་ལུས་མི་མགོའི་དོ་ཤལ་ཅན། །ཐོད་པའི་དབུ་རྒྱན་མཆོག་ཅན་ཏེ། །ཟླ་བ་ཕྱེད་པས་མཛེས་པ་ཡིན། །སྣ་ཚོགས་རྡོ་རྗེས་རྣམ་པར་མཚན། །ཕྱག་རྒྱ་དྲུག་པོ་དྲག་པོའི་གཟུགས། །སྐུ་མདོག་དཀར་པོ་འཇིགས་པ་སྟེ། །སྔོ་ཞིང་ལྗང་གུ་དམར་པོ་སྟེ། །སྟེང་གི་ཞལ་གདོང་རྣམ་པར་བསྒོམ། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་དྲིལ་བུ་ཅང་ཏེའུ་དང ། །རྡོ་རྗེ་ཕག་མོ་མཉམ་པར་ལྡན། །ལྷ་མོའི་ཀུ་ཙ་འཚིར་བ་སྟེ། །སྟག་གི་པགས་པ་གོས་སུ་མནབས། །ཕྱོགས་ཀྱི་གོས་མཆོག་འཛིན་པ་སྟེ། །སྐྲ་གྲོལ་དུམ་བུའི་སྐ་རགས་ཅན། །དེ་ཕྱག་ཞལ་དང་མདོག་གིས་མཚན། ། 207b མཁའ་འགྲོ་མ་ནི་སྔོ་ལ་སེར། །ལཱ་མ་ལྗང་དང་སེར་པོ་སྟེ། །དུམ་སྐྱེས་མ་ནི་དམར་ལ་ལྗང ། །གཟུགས་ཅན་མ་ནི་སེར་ལ་དམར། །ཐོད་པ་དང་ནི་ཁ་ཊྭཱཾ་འཛིན། །གྲི་གུག་མགོ་ནི་འཛིན་པའི་མཆོག་།ཅང་ཏེའུ་སྒྲ་ནི་དུ་མ་སྒྲོག་།གཅེར་བུ་སྐྲ་ནི་གྲོལ་བ་སྟེ། །ཐོད་པ་དག་གིས་ཅོད་པན་བྱས། །སྤྱན་གསུམ་པ་ལ་དྲག་པོའི་ཞལ། །རང་གི་མདོག་དང་ཕྱག་དེ་བཞིན། །སྐྱིལ་ཀྲུང་ཕྱེད་པའི་གར་ཅན་ཏེ། །བདུད་བཞི་ཞབས་འོག་གནོན་པ་དང ། །འདོད་པས་ལྟ་ཞིང་རྟོག་པ་སྟེ། །ཐུགས་ཀྱི་འཁོར་ལོའི་དཔའ་བོ་ནི། །སྔོ་དང་སེར་བར་རྣམ་པར་བསྒོམ། །དེ་བཞིན་རྡོ་རྗེ་མཁའ་འགྲོ་མའང ། །དཀར་ཞིང་སྔོ་བར་རྣམ་པར་བསྒོམ། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་དྲིལ་བུས་ལེགས་པར་འཁྱུད། །ཅང་ཏེའུ་ཡི་ནི་སྣ་ཚོགས་སྒྲ། །རྡོ་རྗེ་སྒྲ་ནི་ཡོངས་སུ་རྫོགས། །ཐོད་པ་དང་ནི་སྡིགས་མཛུབ་དང ། །གྲི་གུག་དང་ནི་མི་ཐོད་འཛིན། །ལྷ་མོའི་ཕྱག་རྣམས་དེ་བཞིན་ཏེ། །བྱིན་པ་གཉིས་ཀྱིས་ལེགས་པར་འཁྲིལ། །གཡས་བརྐྱང་པ་ཡི་གནས་པས་བཞུགས། །འཇིགས་པ་ཆེན་པོ་བཞིན་རྣམ་བསྒྱུར། །རྡོ་རྗེ་ཕྲེང་བའི་ཅོད་པན་བྱས། །དཔའ་བོ་རྡོ་རྗེས་མཚན་པའོ། །གསུང་གི་འཁོར་ལོའི་དཔའ་བོ་གང ། །དམར་ཞིང་ནག་ལ་འཇིགས་པ་སྟེ། །པདྨའི་དཔའ་བོས་རྣམ་པར་ཁྱབ། །རང་གི་ཕྱག་མཚན་འཛིན་པ་སྟེ། །པདྨའི་མཁའ་འགྲོ་ 208a ༄#། །མ་དེ་བཞིན། །ལྗང་དང་དཀར་བའི་སྐུ་ལུས་ཅན། །སྐུ་ཡི་འཁོར་ལོའི་དཔའ་བོ་ཡང ། །སེར་དང་ལྗང་བའི་སྐུ་ལུས་ཅན། །འཁོར་ལོས་དཔའ་བོ་ཡོངས་སུ་ཁྱབ། །འཁོར་ལོས་བསྒྱུར་བའང་སྟེར་བར་བྱེད། །འཁོར་ལོ་མཁའ་འགྲོ་མ་དེ་བཞིན། །དཀར་དམར་དང་ནི་ཡིད་འཕྲོག་པའོ། །རང་གི་མཚན་དང་ཡང་དག་ལྡན། །ཆོས་ཀྱི་འཁོར་ལོར་རབ་བསྐོར་བ། །ཁཝ་གདོང་སོགས་བཞི་མཁའ་འགྲོ་མ། །སྣ་ཚོགས་མདོག་ཅན་ཡིད་འཕྲོག་པའོ། །ཐོད་པ་དང་ནི་ཁ་ཊྭཱཾ་འཛིན། །གྲི་གུག་མགོ་བོ་ཅང་ཏེའུ་འཛིན། །གཤིན་རྗེ་སྲེག་སོགས་ལྷ་མོ་ནི། །དུད་ཀ་དམར་པོ་དེ་བཞིན་ནོ། །གཤིན་རྗེ་དབྱིག་ཏོ་གྲི་གུག་མགོ་།ཐོད་པ་དང་ནི་ཁ་ཊྭཱཾ་འཛིན། །འཁོར་གྱི་མ་སོགས་མཁའ་འགྲོ་མ། །ཡི་དྭགས་གདན་ལ་རྣམ་པར་བཞུགས། །བྱིན་པ་གཉིས་ཀྱིས་མཉམ་པར་འཁྲིལ། །མཁའ་འགྲོ་མ་ནི་དགྱེས་པ་ཆེ། །སྐྲ་གྲོལ་ཕྱོགས་ཀྱི་གོས་འཆང་ཞིང ། །ཐོད་པའི་ཕྲེང་བའི་དབུ་རྒྱན་ཅན། ། ཐམས་ཅད་ཕྱག་རྒྱ་ལྔ་འཛིན་ཅིང ། །དཔའ་བོ་མཁའ་འགྲོ་མ་ཡི་འཁོར། །སྤྱན་གསུམ་དྲག་པོ་རྣམ་བསྒྱུར་བ། །དཔའ་བོ་འདོད་པའི་ཟས་ལ་རོལ། །ཆགས་པའི་མིག་གིས་རྣམ་པར་ལྟ། །སྔར་བཤད་ཆོ་གའི་རིམ་པ་བཞིན། །གསང་སྔགས་རང་མིང་ས་བོན་དང ། །དཔའ་བོ་གསང་སྔགས་འདི་རུ་བཤད། །མཁའ་འགྲོ་མ་ཡང་དེ་བཞིན་ཏེ། ། 208b རྩ་བའི་གསང་སྔགས་འདི་ཉིད་ནི། །གསང་སྔགས་མཆོག་ཀྱང་དེ་བཞིན་ནོ། །ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ། ཨོཾ་བཛྲ་བཱ་རཱ་ཧི་བཾ་ཧུཾ་ཧཱུཾ་ཕཊ་སཝཱཧཱ། ཨོཾ་བཛྲ་བེ་རོ་ཙ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། ཐམས་ཅད་བསྒོམས་ཏེ་མཐོང་བ་ན། །བདག་པོ་དང་ནི་འཁོར་ལ་སོགས། །ཡ་ཤེས་འཁོར་ལོ་དེ་མཐོང་ནས། །ལེགས་པར་དབང་བསྐུར་གཞུག་པར་བྱ། །བསྒོམས་པས་གཅིག་ཏུ་བྱས་ནས་ནི། །བདུད་རྩི་མཆོག་གིས་ཚིམ་པར་བྱ། །ཡེ་ཤེས་བཟླས་པའི་སྦྱོར་བ་ཡིས། །ཁྲོ་བོ་ཚོགས་མཆོག་སྤྲོས་ནས་ནི། །དཔའ་བོ་མཁའ་འགྲོ་མཐོང་བ་ན། །སྐུ་གསུང་ཐུགས་ཀྱི་རིམ་པ་ཡིས། །དམ་ཚིག་ཅན་གྱིས་བཟླས་པ་བྱ། །འཁོར་སོགས་དཔའ་བོ་མཁའ་འགྲོ་མ། །འདི་ནི་ཀུན་གྱི་གསང་སྔགས་ཏེ། །དོན་དམ་བཟླས་པར་བཤད་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། དབང་པོ་བར་མའི་སྒོམ་པ་བསྟན་པ་སྟེ་ལེའུ་བཅུ་བདུན་པའོ།། །།དེ་ནས་གཞན་ཡང་བཤད་བྱ་བ། །རྡོ་རྗེ་སྙིང་པོའི་གསང་བ་སྟེ། །གང་ཡང་དེ་ཉིད་རིམ་པ་དག་།སྒྲུབ་པ་པོ་ལ་ཕན་པའི་ཕྱིར། །དབང་པོ་རྣོན་པོའི་སྒོམ་པ་བཤད། །བསྐྱེད་པའི་རིམ་པའི་སྦྱོར་བ་དག་།སྒོམ་པ་དེ་ཡིས་བསྒོམ་པར་བྱ། །ཐམས་ཅད་མཁྱེན་པའི་ཡེ་ཤེས་དང ། །ལམ་གྱི་རྣམ་མཁྱེན་ཡེ་ཤེས་སོ། །ཱ་ལི་ཀཱ་ལི་མཉམ་སྦྱོར་བ། །བདག་ཉིད་ཧེ་རུ་ཀར་ཡང་བྱ། ། 209a ༄#། །མགོན་པོ་ཞལ་གསུམ་ཕྱག་དྲུག་པ། །སྤྱན་གསུམ་རྣམ་པར་བསྒྱུར་བའི་ཞལ། །གཡས་བརྐྱང་བ་ཡི་གནས་པས་བཞུགས། །འཇིགས་བྱེད་དང་ནི་དུས་མཚན་གྱི། །མགོ་བོ་ལ་ནི་ཞབས་ཀྱིས་གནོན། །ན་རའི་པགས་པ་གོས་སུ་མནབས། །ཟླ་བ་ཕྱེད་པས་རྣམ་པར་བརྒྱན། །སྣ་ཚོགས་རྡོ་རྗེས་དབུ་ལ་མནན། །ཐོད་པའི་ཕྲེད་བའི་དབུ་རྒྱན་ཅན། །སྐུ་ལུས་ཕྱག་རྒྱ་དྲུག་གིས་བཏབ། །རྡོ་རྗེ་ཕག་མོ་མཉམ་པར་ལྡན། །གཉིས་སུ་མེད་པར་སྦྱོར་བ་ཡི། །བྱིན་པ་གཉིས་ཀྱིས་ལེགས་པར་འཁྲིལ། །གཅེར་བུ་སྐྲ་ནི་གྲོལ་བ་སྟེ། །དུམ་བུའི་རྒྱན་གྱི་སྐ་རགས་ཅན། །ཐོད་པ་ཡི་ནི་ཕྲེང་བ་སྟེ། །སྙིང་རྗེ་བདེ་བས་རྣམ་པར་མྱོས། །རྡོ་རྗེ་དྲིལ་བུ་མཉམ་ལྡན་པ། །འདོད་པའི་ཆགས་པས་བདེ་བར་དགྱེས། །ཐོད་པ་དང་ནི་ཁ་ཊྭཱཾ་འཛིན། །རལ་གྲི་དང་ནི་ཅང་ཏེའུ་འཆང ། །ཚངས་པའི་མགོ་བོས་ཕྱག་གཞན་ལ། །ཕྱག་རྒྱ་དྲུག་གིས་རྣམ་པར་བརྒྱན། །དེ་ཡི་སྐུ་མདོག་ཞལ་ཕྱག་མཚན། །འོན་ཀྱང་གྲི་གུག་འཛིན་པ་ཡིན། །གནམ་མདོག་སར་སྐྱ་དམར་དང་དཀར། །རྣམ་ཐར་གསུམ་དང་སྐུ་གསུམ་དང ། །ཐམས་ཅད་འཁོར་སོགས་མཁའ་འགྲོ་མ། །དཔའ་པོ་རྣལ་འབྱོར་མ་མཁའ་འགྲོ། །ཐམས་ཅད་ཞལ་གསུམ་ཕྱག་དྲུག་པ། །སྤྱན་གསུམ་གཡས་བརྐྱང་གནས་པས་བཞུགས། །ཡི་དྭགས་གདན་ལ་ 209b བརྟན་པར་གནས། །གཉིས་སུ་མེད་པའི་སྦྱོར་བས་བཞུགས། །མཁའ་འགྲོ་མ་ནི་དཀར་སྔོ་དམར། །ལཱ་མ་ལྗང་གུ་སྔོ་ལ་དཀར། །དུམ་སྐྱེས་མ་ནི་དམར་དཀར་སྔོ། །གཟུགས་ཅན་མ་ནི་སེར་སྔོ་དམར། །འདི་དག་ནི། སྤྱན་གསུམ་པ། གཅེར་བུ་སྐྲ་གྲོལ་བ། ཡི་དྭགས་ཀྱི་སྟེང་དུ་གཡས་བརྐྱང་བས་བཞུགས་པ། ཐོད་པ་དང ། ཁཝ་ཊྭཱཾ་ག་དང ། རལ་གྲི་དང ། འཁོར་ལོ་དང ། གྲི་གུག་དང ། མགོ་བོ་དང ། ཅང་ཏེའུ་བསྣམས་པའོ། །ཐུགས་ཀྱི་འཁོར་ལོའི་དཔའ་བོ་དང ། རྣལ་འབྱོར་མ་རྣམས་ལ་ཤར་དུ་ཐོད་པའི་དུམ་བུ་དང ། རབ་གཏུམ་མ་སྟེ། སྔོ་བ་དང ། དཀར་བ་དང ། དམར་བའོ། །བྱང་དུ་ཀེང་རུས་ཆེན་པོ་དང ། གཏུམ་མིག་མ་སྟེ། དམར་བ་དང ། དཀར་བ་དང ། སྔོ་བའོ། །ནུབ་ཏུ་ཀེང་རུས་ཅན་དང ། འོད་ལྡན་མ་སྟེ། དཀར་བ་དང ། དམར་པ་དང ། ལྗང་གུའོ། །ལྷོ་རུ་མཆེ་བ་རྣམ་པར་གཙིགས་པ་དང ། སྣ་ཆེན་མ་སྟེ། ལྗང་གུ་དང ། དཀར་བ་དང ། དམར་བའོ། །མེའི་ཕྱོགས་སུ་ལྷ་དགྲ་དང ། དཔའ་བའི་བློ་གྲོས་མ་སྟེ། དམར་བ་དང ། སྔོ་བ་དང ། དཀར་བའོ། །བདེན་བྲལ་དུ་འོད་དཔག་ཏུ་མེད་པ་དང ། མིའུ་ཐུང་མ་སྟེ། སེར་བ་དང ། སྔོ་བ་དང ། དཀར་བའོ། །རླུང་གི་ཕྱོགས་སུ་རྡོ་རྗེའི་འོད་དང ། ལངྐའི་དབང་ཕྱུག་མ་སྟེ། སྔོ་བ་དང ། དཀར་བ་དང ། དམར་བའོ། །དབང་ལྡན་དུ་རྡོ་རྗེ་ལུས་དང ། ཤིང་གྲིབ་མ་སྟེ། ལྗང་བ་དང ། དཀར་བ་དང ། དམར་བའོ། །གསུང་གི་འཁོར་ལོའི་ཤར་ཕྱོགས་སུ་མྱུ་གུ་ཅན་ 210a ༄#། །དང ། ས་སྲུང་མ་སྟེ། དམར་བ་དང ། སྔོ་བ་དང ། དཀར་བའོ། །བྱང་ཕྱོགས་སུ་རྡོ་རྗེ་རལ་པ་ཅན་དང ། འཇིགས་བྱེད་ཆེན་མོ་སྟེ། སྔོ་བ་དང ། དཀར་བ་དང ། དམར་བའོ། །ནུབ་ཏུ་དཔའ་བོ་ཆེན་པོ་དང ། རླུང་གི་ཤུགས་ཅན་མ་སྟེ། ལྗང་བ་དང ། དཀར་བ་དང ། དམར་བའོ། །ལྷོ་རུ་རྡོ་རྗེ་ཧཱུཾ་མཛད་དང ། ཆང་འཐུང་མ་སྟེ། སེར་བ་དང ། སྔོ་བ་དང ། དམར་བའོ། །མེའི་ཕྱོགས་སུ་རབ་བཟང་དང ། སྔོ་བསངས་ལྷ་མོ་སྟེ། ལྗང་བ་དང ། སེར་བ་དང ། དམར་བའོ། །བདེན་བྲལ་གྱི་ཕྱོགས་སུ་རྡོ་རྗེ་བཟང་དང ། རབ་བཟང་མ་སྟེ། སྔོ་བ་དང ། དཀར་བ་དང ། དམར་བའོ། །རླུང་གི་ཕྱོགས་སུ་འཇིགས་བྱེད་ཆེན་པོ་དང ། རྟ་རྣམ་སྟེ། དམར་བ་དང ། སྔོ་བ་དང ། སེར་བའོ། །དབང་ལྡན་དུ་མིག་མི་བཟང་དང ། བྱ་གདོང་མ་སྟེ། དཀར་བ་དང ། སྔོ་བ་དང ། ལྗང་གུའོ། །སྐུའི་འཁོར་ལོའི་ཤར་ཕྱོགས་སུ་སྟོབས་པོ་ཆེ་དང ། འཁོར་ལོའི་ཤུགས་ཅན་མ་སྟེ། དཀར་པོ་དང ། སྔོན་པོ་དང ། སེར་པོའོ། །བྱང་ཕྱོགས་སུ་རྡོ་རྗེ་རིན་ཆེན་དང ། དུམ་སྐྱེས་མ་སྟེ། སེར་བ་དང ། སྔོ་བ་དང ། ལྗང་གུའོ། །ནུབ་ཕྱོགས་སུ་རྟ་མགྲིན་དང ། ཆང་ཚོང་མ་སྟེ། དམར་བ་དང ། སྔོ་བ་དང ། དཀར་བའོ། །ལྷོ་ཕྱོགས་སུ་ནམ་མཁའི་སྙིང་པོ་དང ། འཁོར་ལོའི་གོ་ཆ་མ་སྟེ། སྔོ་བ་དང ། དམར་བ་དང ། ལྗང་གུའོ། །མེའི་ཕྱོགས་སུ་ཁྲག་འཐུང་དང ། རབ་དཔའ་མོ་སྟེ། ལྗང་གུ་དང ། སེར་པོ་དང ། 210b དམར་པོའོ། །བདེན་བྲལ་དུ་པདྨ་གར་གྱི་དབང་ཕྱུག་དང ། སྟོབས་ཆེན་མོ་སྟེ། དཀར་བ་དང ། སྔོ་བ་དང ། ལྗང་གུའོ། །རླུང་གི་ཕྱོགས་སུ་རྣམ་པར་སྣང་མཛད་དང ། འཁོར་ལོས་བསྒྱུར་མ་སྟེ། ལྗང་བ་དང ། དམར་བ་དང ། སེར་བའོ། །དབང་ལྡན་གྱི་ཕྱོགས་སུ་རྡོ་རྗེ་སེམས་དཔའ་དང ། བརྩོན་འགྲུས་ཆེན་མོ་སྟེ། ནམ་མཁའི་མདོག་ཅན་སྔོ་བསངས་དང ། སེར་བ་དང ། ལྗང་གུའོ། ། ཤར་ཕྱོགས་ཀྱི་སྒོར་ཁཝ་གདོང་མ་སྟེ། སྔོ་བ་དང ། སེར་བ་དང ། དམར་བའོ། །བྱང་དུ་འུག་གདོང་མ་སྟེ། ལྗང་གུ་དང ། དམར་བ་དང ། དཀར་བའོ། །ནུབ་ཏུ་ཁྱི་གདོང་མ་སྟེ། སེར་བ་དང ། སྔོ་བ་དང ། ལྗང་གུའོ། །ལྷོ་རུ་ཕག་གདོང་མ་སྟེ། དམར་བ་དང ། སྔོ་བ་དང ། ལྗང་གུའོ། །མེའི་ཕྱོགས་སུ་གཤིན་རྗེ་སྲེག་མ་སྟེ། དཀར་བ་དང ། སྔོ་བ་དང ། ལྗང་གུའོ། །བདེན་བྲལ་དུ་གཤིན་རྗེ་ཕོ་ཉ་མ་སྟེ། སྔོ་བ་དང ། དཀར་བ་དང ། དམར་བའོ། །རླུང་གི་ཕྱོགས་སུ་གཤིན་རྗེ་མཆེ་བ་མ་སྟེ། །དུད་ཀ་དང ། དམར་བ་དང ། དཀར་བའོ། །དབང་ལྡན་དུ་གཤིན་རྗེ་འཇོམས་མ་སྟེ། དམར་བ་དང ། སྔོ་བ་དང ། དཀར་བའོ། །ཐོད་པའི་དུམ་བུ་ལ་སོགས་པ་དང ། རབ་གཏུམ་མ་ལ་སོགས་པ་རྡོ་རྗེ་དྲིལ་བུས་མཉམ་པར་ལྡན་པ་རལ་གྲི་དང་།ཅང་ཏེའུ་དང ། མགོ་བོ་དང ། ཐོད་པ་དང ། ཁ་ཊྭཱཾ་ག་འཛིན་པ། པདྨ་པདྨའི་དྲིལ་བུ་དང ། འཁོར་ལོ་འཁོར་ལོའི་དྲིལ་བུ་སྟེ། །སྐུ་གསུང་དག་ནི་གཉིས་པོ་ཡང ། །ཐུགས་ཀྱི་འཁོར་ལོ་ཇི་ལྟ་ 211a ༄#། །པའོ། །ལྷ་མོ་ཅང་ཏེའུ་རལ་གྲི་དང ། གྲི་གུག་ཀྱང་ནི་དེ་བཞིན་ཏེ། །ཁཝ་གདོང་ལ་སོགས་པ་ནི། རལ་གྲི་དང ། ཅང་ཏེ་འུ་དང ། གྲི་གུག་དང ། ཐོད་པ་དང ། ཁ་ཊྭཱཾ་ག་དང ། མགོ་པོ་དང ། དྲིལ་བུ་འཛིན་པའོ། །གཤིན་རྗེ་སྲེག་མ་ལ་སོགས་པ་ནི། ཐོད་པ་དང ། ཁ་ཊྭཱཾ་ག་དང ། རལ་གྲི་དང ། ལྕགས་ཀྱུ་དང ། ཅང་ཏེའུ་དང ། དྲིལ་བུ་དང ། མགོ་བོ་འཛིན་པའོ། །དེ་ཐམས་ཅད་ཀྱང་སྤྱན་གསུམ་པ། ཕྱག་རྒྱ་ལྔས་རྣམ་པར་བརྒྱན་པ། ན་རའི་པགས་པ་མནབས་པ། དཔའ་བོ་རྣམས་ནི། གཡས་བརྐྱང་བས་བཞུགས་པ། ཐོད་པའི་ཕྲེང་བ་ཅན། རང་གི་རིགས་ཀྱི་ཅོད་པན་ཅན། ཡི་དྭགས་ཀྱི་སྟེང་ན་བཞུགས་པ། རྣལ་འབྱོར་མའི་བྱིན་པ་གཉིས་ཀྱིས་ལེགས་པར་འཁྲིལ་བ། །གཅེར་བུ་སླ་གྲོལ་བ།་དུམ་བུའི་རྒྱན་གྱི་སྐ་རགས་ཅན། །ཁཝ་གདོང་མ་ལ་སོགས་པ་དང ། གཤིན་རྗེ་སྲེག་མ་ལ་སོགས་པའི་ལྷ་མོ་རྣམས་ནི། གཅེར་བུ་སྐྲ་གྲོལ་བ། ཡི་དྭགས་ཀྱི་སྟེང་དུ་གཡས་བརྐྱང་བའི་ཞབས་ཀྱིས་གནས་པ། སྤྱན་གསུམ་པ། ཕྱག་རྒྱ་ལྔས་རྣམ་པར་བརྒྱན་པ། ཐོད་པའི་ཕྲེང་བ་ཅན། གསུས་པ་རློ་བ། སྐྱེ་གནས་རིང་བ་མཆེ་བ་རྣམ་པར་གཙིགས་པའི་ཞལ་མངའ་བ། ཐུགས་རྗེའི་ཆགས་པའི་རོས་རྣམ་པར་མྱོས་པ། འཇིགས་པའི་གཡོ་བས་འཇིགས་སུ་རུང་བ། འདི་ལྟར་མ་ལུས་བསྒོམས་ནས་ནི། །ཡེ་ 211b ཤེས་འཁོར་ལོ་མཐོང་བ་དང ། །ཡེ་ཤེས་ཆུ་སོགས་ཨརྒ་དང ། །དམ་ཚིག་མཆོག་གིས་མཆོད་པར་བྱ། །མཐོང་མ་ཐག་ཏུ་དབང་ཡང་བསྐུར། །མཆོད་ནས་ཐིམ་པར་བྱས་ནས་ནི། །ཡེ་ཤེས་བཟླས་པའི་ཆོ་ག་བཞིན། །བཏབ་ནས་འཐོར་འཐུང་རབ་ཏུ་བྱ། །སྲོག་དང་རྩོལ་བའི་སྦྱོར་བ་ཡིས། །འདོད་པའི་དངོས་གྲུབ་ཐོབ་པ་ཡིན། །དམ་ཚིག་འཁོར་ལོ་བཟླས་བྱས་ནས། །འཆི་མེད་ཡེ་ཤེས་ལྔ་ལྷན་ཅིག་།གསང་སྔགས་ཁྲོ་བོའི་ཚིག་གིས་བཟླ། །བདེ་བའི་དངོས་གྲུབ་སྟེར་བར་མཛད། །དཀྱིལ་འཁོར་མ་ལུས་ཐམས་ཅད་བྱ། །མཉམ་པར་བཞག་སྟེ་བཟླས་པ་བྱ། །ཤེས་རབ་ཐབས་ཀྱི་ཆོ་ག་བཞིན། །རྣལ་འབྱོར་བཟླས་པ་དོན་ཆེན་སྟེར། །རྣལ་འབྱོར་མ་དང་མཁའ་འགྲོ་དཔའ། །མངོན་སུམ་དུ་ནི་མཆོག་ཀྱང་སྩོལ། །ོཾ་ཤྲཱི་ཨ་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ། ཨོཾ་ཨ་ཨཱ། ཨི་ཨཱི། ཨུ་ཨཱུ་ཨེ་ཨཻ། ཨོ་ཨཽ། ཨཾ་ཨཿ ་ཧཱུཾ་ཧཱུཾ་ཧཱུཾ་ཕཊ་སཝཱཧཱ། ཨོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ། ཨོཾ་བཛྲ་བཻ་རོ་ཙ་ནཱ་ཡེ་ཧུཾ་ཧཱུཾ་ཕཊ་སཝཱཧཱ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞྞ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། དཔལ་ཁྲག་འཐུང་དང ། ཕག་མོའི་སྙིང་པོ་དང་ཉེ་བའི་སྙིང་པོའོ། །ོཾ་ཌཱ་ཀི་ནཱི་ཌཱོཾ་ཌཱཾ་ཧུཾ་ཧཱུཾ་ཕཊ། ཨོཾ་ལཱ་མེ་ལཱཾ་ཧུཾ་ཧཱུཾ་ཕཊ།་ཨོཾ་ཁཎྜ་རོ་ཧེ་ཁཾ་ཧུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་རུཾ་ཧུཾ་ཧཱུཾ་ཕཊ། ཨོཾ་ཀ་ར་ཀ་ར་ཀཾ་ཧུཾ་ཧཱུཾ་ཕཊ། ཨོཾ་པྲ་ཙཎྜེ་ཧུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་མ་ཧུཾ་ཧཱུཾ་ཕཊ། ཨོཾ་ཎྜཱ་ཀྵཱི་ཡེ་ཧཱུཾ་ཧཱུཾ་ 212a ༄#། །ཕཊ། ཨོཾ་བྷནྡྷ་བྷནྡྷ་ཀཾ་ཧུཾ་ཧཱུཾ་ཕཊ། ཨོཾ་པྲ་བྷ་བ་ཏི་ཡེ་ཧུཾ་ཧཱུཾ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ་བཾ་ཧུཾ་ཧཱུཾ་ཕཊ། ཨོཾ་མཧཱ་ནཱ་སེ་ཧུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་སཾ་ཧུཾ་ཧཱུཾ་ཕཊ། ཨོཾ་བཱི་ར་མ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཧྲོཾ་ཧྲོཾ་ཨཱཾ་ཧུཾ་ཧཱུཾ་ཕཊ། ཨོཾ་ཁརྦ་རཱི་ཡེ་ཧུཾ་ཧཱུཾ་ཕཊ། ཨོཾ་ཧྲཿ ་ཧྲཿ ་བཾ་ཧུཾ་ཧཱུཾ་ཕཊ། ཨོཾ་ལཾ་ཀེ་ཤཝ་རཱི་ཡེ་ཧུཾ་ཧཱུཾ་ཕཊ། ཨོཾ་ཕེཾ་ཕེཾ་བཾ་ཧུཾ་ཧཱུཾ་ཕཊ། ཨོཾ་དྲུ་མ་ཙྪ་ཡེ་ཧུཾ་ཧཱུཾ་ཕཊ། ཨོཾ་ཕཊ་ཕཊ་ཨོཾ་ཧུཾ་ཧཱུཾ་ཕཊ། ཨོཾ་ཨེ་ར་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་ད་ཧ་ད་ཧ་བཾ་ཧུཾ་ཧཱུཾ་ཕཊ། ཨོཾ་མཧཱ་བྷཻ་ར་བི་ཡེ་ཧུཾ་ཧཱུཾ་ཕཊ། ཨོཾ་པ་ཙ་པ་ཙ་མཾ་ཧུཾ་ཧཱུཾ་ཕཊ། ཨོཾ་བཱ་ཡུ་བེ་གེ་ཧུཾ་ཧཱུཾ་ཕཊ། ཨོཾ་བྷཀྵ་བྷཀྵ་བ་ས་རུ་དྷི་ར་ཨནྟ་མཱ་ལ་བ་ལཾ་བི་ནཱཾ་ཡེ་ཧུཾ་ཧཱུཾ་ཕཊ། ཨོཾ་སུ་ར་བྷཀྵི་ཡེ་ཧུཾ་ཧཱུཾ་ཕཊ། ཨོཾ་གྲིཧྞ་གྲིཧྞ་སུ་སབྟ་པཱ་ཏཱ་ལ་ག་ཏ་བྷུ་ཛཾ་ག་སརྦཾ་པཱ་ཏརྫྫ་ཡ་ཏརྫྫ་ཡ་ཧུཾ་ཧཱུཾ་ཕཊ། ཨོཾ་ཤྱཱ་མ་དེ་བཱི་ཡེ་ཧུཾ་ཧཱུཾ་ཕཊ། ཨོཾ་ཨཱ་ཀཌྜྷྱ་ཨཌྜྷྱ་བཾ་ཧུཾ་ཧཱུཾ་ཕཊ། ཨོཾ་སུ་བྷ་དྲེ་ཧུཾ་ཧཱུཾ་ཕཊ། ཨོཾ་ཧྲིཾ་ཧྲིཾ་མཾ་ཧུཾ་ཧཱུཾ་ཕཊ། ཨོཾ་ཧ་ཡ་ཀརྞྞེ་ཧུཾ་ཧཱུཾ་ཕཊ། ཨོཾ་ཇྞཽཾ་ཨོཾ་ཇྞཽཾ་བཾ་ཧུཾ་ཧཱུཾ་ཕཊ། ཨོཾ་ཁ་གཱ་ན་ནེ་ཧུཾ་ཧཱུཾ་ཕཊ། ཨོཾ་ཀྵྨཾ་ཀྵྨཱཾ་སཾ་ཧུཾ་ཧཱུཾ་ཕཊ། ཨོཾ་ཙཀྲ་བེ་གེ་ཧུཾ་ཧཱུཾ་ཕཊ། ཨོཾ་ཧཾ་ཧཾ་རཱ་ཧུཾ་ཧཱུཾ་ཕཊ། ཨོཾ་ཁཎྜ ་རོ་ཧི་ཧུཾ་ཧཱུཾ་ཕཊ། ཨོཾ་ཧིཾ་ཧི་ཧཾ་ཧུཾ་ཧཱུཾ་ཕཊ། ཨོཾ་ཤཽཎྜི་ནཱི་ཡེ་ཧུཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཧཾ་ཧུཾ་ཧཱུཾ་ཕཊ། ཨོཾ་ཙཀྲ་ཝརྨི་ཎི་ཡེ་ཧུཾ་ཧཱུཾ་ཕཊ། ཨོཾ་ཀི་ལི་ཀི་ལི་ཧཾ་ཧུཾ་ཧཱུཾ་ཕཊ། ཨོཾ་སུ་བཱི་རེ་ཧུཾ་ཧཱུཾ་ཕཊ། ཨོཾ་སི་ལི་སི་ལི་བཾ་ཧུཾ་ཧཱུཾ་ཕཊ། ཨོཾ་མཧཱ་བ་ལེ་ཧུཾ་ཧཱུཾ་ཕཊ། ཨོཾ་ཧི་ལི་ཧི་ལི་བཾ་ཧུཾ་ཧཱུཾ་ཕཊ། ཨོཾ་ཙཀྲ་བརྟི་ནི་ཡེ་ཧུཾ་ཧཱུཾ་ཕཊ། ཨོཾ་དྷི་ལི་ 212b དྷི་ལི་བཾ་ཧཱུཾ་ཧཱུཾ་ཕཊ། ཨོཾ་མཧཱ་བཱི་རྱེ་ཧུཾ་ཧཱུཾ་ཕཊ། ཨོཾ་ཀཱ་ཀཱ་སྱཱེ་ཧུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤཝཱ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ། ཨོཾ་ཡ་མ་དཱ་ཌྷཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དུ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཾཥྚི་ཎཱ་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། འདི་དག་ཇི་ལྟའི་རིམ་པ་ཡིས། །བཟླས་དང་སྒོམ་པ་བྱས་ནས་ནི། །ཡེ་ཤེས་བདུད་རྩི་སྒོམ་བྱས་ནས།། རང་གི་ལྷ་ཡི་སྦྱོར་བས་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས། དབང་པོ་རྣོན་པོའི་སྒོམ་པ་རྗེས་སུ་བསྟན་པའི་ལེའུ་སྟེ་བཅོ་བརྒྱད་པའོ།། །།རྡོ་རྗེ་སྙིང་པོས་གསུངས་པ། དེ་ནས་མཆོག་གི་དམ་པ་བཤད། །མཉམ་པར་སྦྱོར་བའི་སྡོམ་པ་དག་།སངས་རྒྱས་ཀུན་དང་མཉམ་སྦྱོར་བ། །མཁའ་འགྲོ་མ་ཡི་སྡོམ་བ་མཆོག་།གཅིག་ཅར་འཇུག་པ་མཐོང་ནས་སུ། །རྡོ་རྗེ་སེམས་དཔའ་བསྒོམས་ནས་སྤྲོ། །ཱ་ལི་ཀཱ་ལི་ལས་བྱུང་བ། །ཧེ་རུ་ཀར་ནི་བདག་ཉིད་བྱས། །སེར་དང་སྔོ་དང་ལྗང་ཀུ་སྟེ། །སྟེང་ནི་དཀར་པོ་ཞི་བའོ།། དབུ་རྒྱན་ཐོད་པའི་ཅོད་པན་ཅན། །སྤྱན་གསུམ་ཐུགས་རྗེ་དྲག་པོ་སྟེ། །ཕག་མོ་ཡིས་ནི་རྣམ་པར་བརྒྱན། །འཇིགས་བྱེད་དང་ནི་དུས་མཚན་གྱི། །མགོ་ལ་གཡས་བརྐྱང་གནས་བས་བཞུགས། །དྲག་པོ་གདུལ་དཀའ་འདུལ་མཛད་ཅིང ། །བགེགས་རྣམས་ཐམས་ཅད་འདུལ་བར་མཛད། །ཟླ་བ་ཕྱེད་དང་རལ་པ་འཆིང ། །སྣ་ཚོགས་རྡོ་རྗེ་རྣམ་པར་གནོན། །སྐུ་ལ་ 213a ༄#། །ཕྱག་རྒྱ་དྲུག་གིས་མཚན། །ཕྱག་རྒྱ་སྡོམ་པ་མཆོག་ཡིན་ཏེ། །སྟག་གི་པགས་གི་པགས་གས་\?\་སུམ་ནབས། །མགོ་བོའི་ཕྲེང་བས་རྣམ་པར་བརྒྱན། །རྡོ་རྗེ་ཕག་མོ་དམར་མོ་སྟེ། །གཅེར་བུ་སྐྲ་ནི་གྲོལ་བ་ཡིན། །དེ་ཡི་སྐུ་དང་ཞལ་དང་མཚན། །བྱིན་བ་གཉིས་ཀྱིས་ལེགས་པར་འཁྲིལ། །ཐོད་པའི་ཕྲེང་བའི་དབུ་རྒྱན་ཅན། །མཆུ་དང་མཆུ་ནི་བི་དི་དམ།། གཡེར་ཁ་ཡི་ནི་སྐ་རགས་ཅན། །རིགས་ཀྱི་དགའ་བས་རྣམ་པར་མོས། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་ཀུ་ཙ་འཛིན། །ཐོད་པ་དང་ནི་ཁ་ཊྭཱཾ་འཛིན། །ཞགས་པ་ལྕགས་ཀྱུ་མཆོག་ཀྱང་འཛིན། །ཚངས་པའི་པགས་པ་བརྐྱང་ནས་ནི། །མགོ་བོའི་སྟེང་དུ་ཕྱག་གིས་འཛིན། །ཅང་ཏེའུ་སྒྲ་ནི་སྙན་བདག་།ཆོས་ཀྱི་སྒྲས་ནི་རབ་ཏུ་འགེངས། །གཡོན་དང་གཡས་ཀྱི་ཐད་དུ་ནི། །མཁའ་འགྲོ་བཞི་པོ་རྣམ་པར་བསྒོམ། །གཡས་ཕྱོགས་མཁའ་འགྲོ་མ་ལཱ་མ། །བྱང་དུ་བུ་མ་སྐྱེས་གཟུགས་ཅན་མ། །སྔོ་དང་དུར་སྨྲིག་དཀར་ལ་སེར། ། སྤྱན་གསུམ་རྣམ་བསྒྱུར་དྲག་པོ་དང ། །དཀར་སྔོན་ལྗང་དམར་དུར་སྨྲིག་སྟེ། །དེ་ནི་རབ་ཏུ་ཆེར་འབར་བའོ། །གཡས་པའི་ཕྱོགས་སུ་བསྒོམས་ནས་ནི། །དངོས་གྲུབ་ཐམས་ཅད་རབ་ཏུ་སྩོལ། །གཡོན་ཕྱོགས་དམར་དང་སྔོ་དང་ལྗང ། །དཀར་པོ་སྟེང་གི་ཞལ་དེ་བཞིན། །ལྗང་དང་དམར་པོ་སེར་པོ་སྟེ། །སྟེང་གི་སྔོན་པོ་བདེ་བའང་དེ། །གཡས་བརྐྱང་བ་ཡི་ 213b ཞབས་ཀྱིས་བཞུགས། །ཕྱོགས་ཀྱི་གོས་མཆོག་འཆང་བ་དང ། །སྐྲ་གྲོལ་བ་ནི་འཇིགས་པ་སྟེ། །མགོ་བོའི་ཕྲེང་བས་རྣམ་པར་བརྒྱན། །བདུད་བཞི་པོ་ནི་ཞབས་འོ་ག་གནོན། །ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་མདུང་ནི་ཕྱག་ན་བསྣམས། །ན་རའི་པགས་པ་གོས་སུ་མནབས། །དྲིལ་བུ་ཅང་ཏེའུ་དེ་བཞིན་ཏེ། །མགོ་བོའི་གྲི་གུག་ཕྱག་ན་བསྣམས། །གཡེར་ཁའི་སྐ་རགས་སྒྲ་སྒྲོག་པ། །རྐང་རྒྱན་རུ་ལུ་རུ་ལུའི་སྒྲ། །སྣ་ཚོགས་པདྨའི་སྟེང་དུ་ནི། །ཉི་མའི་དཀྱིལ་འཁོར་དབུས་བཞུགས་ཏེ། །གདན་གཅིག་ལ་ནི་རྣམ་པར་བཞུགས། །སྙིང་ལ་དམ་ཚིག་ཡེ་ཤེས་ནི། །དེ་མཆོག་ཕྱག་དང་ཕྱག་མཚན་ཏེ། །རྡོ་རྗེ་སེམས་དཔའ་ཧེ་རུ་ཀ་།མི་བསྐྱོད་པ་ཡི་ཅོད་པན་ཅན། །ཐམས་ཅད་དེ་ལྟར་བསྒོམས་ནས་ནི།། མཚན་དང་དཔེ་བྱད་དང་བཅས་པ། །ཡེ་ཤེས་གཅིག་ཏུ་བྱས་ནས་ནི། །མཁའ་འགྲོ་མ་ཡི་སྡོམ་པ་བཟླ། །ོཾ་ཨཱཿ ་ཤྲཱིཿ ་བཛྲ་ཧེ་ཧེ་རུ་རུ་ཀཾ་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཧཱུཾ་ཕཊ་སཝཱཧཱ། ཨོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ། ཨོཾ་ཨཱཿ བཛྲ་བཱ་རཱ་ཧཱི་ཧྱེ་བཾ། ཌཱ་ཀི་ནཱི་ཛཱ་ལ་ཤཾ་བ་རཾ་ཧུཾ་ཧཱུཾ་ཕཊ་སཝཱཧཱ་།ོཾ་བཛྲ་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། དཔལ་ཁྲག་འཐུང་དང ། །ཕག་མོའི་སྙིང་པོ་དང་ཉེ་བའི་སྙིང་པོའོ། །ོཾ་བཛྲ་རཱ་ཀི་ནཱི་ཡེ་ཧུཾ་ཧཱུཾ་ཕཊ། །ོཾ་བཛྲ་ལཱ་མེ་ཧུཾ་ཧཱུཾ་ཕཊ། ཨོཾ་བཛྲ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་བཛྲ་རཱུ་པི་ཎཱི་ཡེ་སཝཱཧཱ། འདི་དག་ཇི་ལྟའི་རིམ་པ་ཡིས། །བཟླས་པ་དང་ནི་བསྒོམ་པ་བྱ། །དུས་བཞིའི་ 214a ༄#། །རྗེས་འབྲང་རིམ་པ་ཡིས། །དམ་ཚིག་སྡོམ་པ་གཉིས་མེད་པ། །མར་མེ་ལྔ་ཡང་བཟའ་བར་བྱ། །རྟག་ཏུ་དུར་ཁྲོད་ནང་དུ་བསྒོམ། །ནུབ་བདུན་དུ་ནི་སྦྱོར་བ་ཡིས། །མི་སྣང་དངོས་གྲུབ་ངེས་པར་འགྲུབ། །མཐོང་བར་བྱེད་པར་ཡང་ཀུན་འགྲོ། །སྣ་ཚོགས་གཟུགས་ཅན་བདེ་བ་ཆེ། །བཟའ་བ་རྣམས་ནི་བཟའ་བྱ་ཞིང ། །སྒོམ་གྱི་བཏུང་བའང་དེ་བཞིན་ཏེ། །ཕྱོགས་ཀྱི་གོས་ཅན་གར་གྱིས་ནི། །མྱོས་ཤིང་མྱོས་པ་ལྟ་བུར་གནས། །གྲིབ་མ་ཡང་ནི་མེད་པ་རུ། །རྣལ་འབྱོར་ཆེན་པོ་རྣམ་པར་སྤྱོད།། མ་ཧཱ་རུ་དྷིར་བཅས་པ་ཡི། །དྲི་ཆེན་ཆུ་ནི་མཉམ་ལྡན་པས། །མཱཾ་ས་སྣ་ཚོགས་དུ་མ་དག་།རྩེ་གཅིག་པ་ཡི་བཟའ་བ་བཟའ། །ནང་གི་བདག་ཉིད་སྦྱོར་ལྡན་པས། །རྟག་ཏུ་ཞེན་པས་འགྲོ་བར་བྱ། །མཉམ་པར་མ་བཞག་སྦྱོར་བའི་བདག་།ཡེ་ཤེས་མིག་གིས་མཐོང་བ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། མཁའ་འགྲོ་མ་བཞིའི་སྦྱོར་བའི་སྡོམ་པའི་ཆོ་ག་སྟེ་ལེའུ་བཅུ་དགུ་པའོ།། །།དེ་ནས་གཞན་ཡང་བཤད་བྱ་བ། །ཆོ་ག་བཟང་པོ་བཞིན་དུ་ནི། །ཞལ་བརྒྱད་པ་ལ་ཕྱག་བཅུ་དྲུག་།ཡང་ན་ཞལ་ནི་བཅུ་གཉིས་ཏེ། །ཕྱག་ནི་ཉི་ཤུ་རྩ་བཞིའོ། །ཡང་ན་སྣ་ཚོགས་ཕྱུགས་ཀྱི་ཞལ། །ཕྱག་ནི་བརྒྱ་དང་ལྡན་པར་བྱ། །ཡང་ན་དེ་བཞིན་གཤེགས་པའི་རིགས། །བྱང་ཆུབ་ 214b སེམས་དཔའ་དཔའ་བོ་དང ། །མཁའ་འགྲོ་མ་དང་གཟུགས་དང་ནི། །ཕ་རོལ་ཕྱིན་པའང་དེ་བཞིན་ཏེ། །ཕན་ཚུན་བྱེ་བྲག་ཅན་གྱིས་ཞལ། །མདོག་གི་བྱེ་བྲག་སྣ་ཚོགས་དང ། ཕྱག་ནི་སྟོང་དང་འབུམ་གྱི་བར། །སྣ་ཚོགས་ཕྱག་མཚན་འཛིན་པ་དང ། །སྣ་ཚོགས་པ་ཡི་ཞལ་ལྡན་པ། །སྣ་ཚོགས་པ་ཡི་གར་མཛད་ཅིང ། །གཡས་བརྐྱང་པ་ཡི་གཡེངས་པས་བཞུགས། །འཇིགས་བྱེད་ཆེན་པོ་དང ། དུས་མཚན་ལ་སོགས་པ་དང ། ཚངས་པ་དང ། དབང་པོ་དང ། ཉེ་དབང་དང ། དྲག་པོ་དང ། ཁྱབ་འཇུག་དང ། ཀུན་འགྱེད་གཞོན་ནུ་དང ། །ཀརྟི་ཀ་དང ། ནག་པོ་ཆེན་པོ་དང ། དགའ་བྱེད་དབང་ཕྱུག་དང ། གཤིན་རྗེ་དང ། ཆུ་ལྷ་དང ། ཀུ་བེ་ར་དང ། ཟླ་བ་དང ། ཉི་མ་དང ། སྣ་ཚོགས་པའི་བདུད་དང ། བགེགས་ཐམས་ཅད་ཁ་སྦུབ་ཏུ་ཞབས་ཀྱིས་མནན་པར་བལྟས་ཏེ། འཇིགས་སུ་རུང་བ། བཞིན་རྣམ་པར་འགྱུར་བ། དྲག་པོ་མཆེ་བ་རྣམ་པར་གཙིགས་པ། བཞད་པ། མི་སྡུག་པ། རབ་ཏུ་འཇིགས་པ། དཔའ་བ། སྒེག་པ། རྔམ་པ། སྨིན་པ་རྣམ་པར་གཡོ་བ། སྙེམས་པ། ཞི་བ། གཡོ་བ། ཞལ་མི་གཡོ་བ། ཞལ་རྣམ་པར་གདངས་པ། རྣམ་པར་རོལ་པ། ལྗགས་རྣམ་པར་བསྐྱོད་པ། སྣ་ཚོགས་པའི་ཉམས་ཀྱིས་མཆོག་སྟེར་བར་མཛད་བའོ། །ཐོད་བའི་ཕྲེང་བ་དང ། ཟླ་བ་ཕྱེད་དང ། སྣ་ 215a ༄#། །ཚོགས་རྡོ་རྗེས་དབུ་ལ་མནན། །སངས་རྒྱས་ལྔ་ཡི་ཅོད་པན་ཅན། །རྡོ་རྗེ་སེམས་དཔའ་སྤྱི་གཙུག་རྒྱན། །སྤྱན་གསུམ་སྟག་གི་པགས་པ་མནབས། ། མགོ་རློན་ཕྲེང་བས་སྐུ་ལུས་བརྒྱན། །ཕྱག་རྒྱ་དྲུག་པོ་སྐུ་ལ་རྫོགས། །ཕྲེང་བའི་རྒྱན་གྱིས་སྤུད་མཛད་པའོ། །སྐུ་ལ་པག་མོས་འཁྲིལ་མཛད་ཅིང ། །ཕྱོགས་ཀྱི་གོས་ཅན་སྐྲ་གྲོལ་བ། །ཕྱག་གཉིས་པ་ལ་ཞལ་གཅིག་པ། །དུམ་བུའི་རྒྱན་གྱི་སྐ་རགས་ཅན། །ཐོད་པའི་ཕྲེང་བའི་རྒྱན་ཅན་ཏེ། །རྡོ་རྗེ་སྡིགས་མཛུབ་ཐོད་པས་འཁྱུད། །བྱིན་པ་གཉིས་ཀྱིས་མཉམ་པར་འཁྱུད། །དགའ་བས་ཁྱབ་ཅིང་རྣམ་པར་མྱོས། །རྡོ་རྗེ་དྲིལ་བུས་མཉམ་པར་ལྡན། །ལྷ་མོའི་ཀུ་ཙ་འཚིར་བ་དང ། །ཐོད་པ་དང་ནི་ཁ་ཊྭཱཾ་འཛིན། ། གླང་པོའི་པགས་པ་བརྐྱང་པ་སྟེ། །ལྕགས་ཀྱུ་ཞགས་པ་དགྲ་སྟ་དང ། །མདུང་རྩེ་གསུམ་པ་མགོ་བོ་ཉིད། །ཅང་ཏེའུ་དང་ནི་གྲི་གུག་དང ། །མདའ་དང་གཞུ་ཡང་དེ་བཞིན་ཏེ། །ཐོད་པའི་དབྱིག་ཏོ་མདུང་ཐུང་དང ། །བསྡིགས་མཛུབ་དང་ནི་གཏུན་ཤིང་དང ། །འཁོར་ལོ་རལ་གྲི་རིན་ཆེན་དང ། །པདྨ་སྣ་ཚོགས་རྡོ་རྗེ་དང ། །དབྱུག་ཏོ་ཡུ་བ་རྡོ་རྗེ་ཅན། །ག་ད་མདུང་དང་པ་ཊི་ས། །གཤིན་རྗེ་དབྱུག་ཏོ་ཆུ་གྲི་དང ། །དུང་དང་རཝ་དུང་པ་ཊ་ཧ། །པི་ཝང་གླིང་བུ་རྫ་རྔ་ཆེ། །རྫ་རྔ་མཚོན་ཆ་ཕྱག་མཚན་བསྣམས། །རྩེ་མོ་རྣོ་བར་ 215b བལྟས་ནས་སུ། །སྣ་ཚོགས་ཕྱག་མཚན་སྣ་ཚོགས་འབྱུང ། །ཇི་སྲིད་ཕྱག་ནི་འབུམ་གྱི་བར། །ཕྱག་རྒྱ་སྣ་ཚོགས་དེ་བཞིན་ཏེ། །ཆོ་ག་སྣ་ཚོགས་དེ་བཞིན་ནོ། །མཁའ་འགྲོ་མ་སོགས་འཁོར་རྣམས་དང ། །དཔའ་བོ་དག་ནི་ཐམས་ཅད་དང ། །རྣལ་འབྱོར་མ་ནི་སྣ་ཚོགས་དག་།མདོག་ནི་མཐའ་ཡས་སྣ་ཚོགས་མདོག་།ཕྱག་མཚན་སྣ་ཚོགས་འཛིན་པ་ཡིན། །ཕྱོགས་ཀྱི་གོས་འཆང་སྐྲ་གྲོལ་ཞིང ། །སྣ་ཚོགས་ཉམས་ཀྱིས་བདེ་བ་ཅན། །འཇིགས་རུང་དྲག་པོ་ཧ་ཧ་བཞད། །སྣ་ཚོགས་གར་གྱིས་ལོངས་སྤྱོད་ཅིང ། །གླུ་དང་རོལ་མོ་ཉམས་དེ་བཞིན། །སྣ་ཚོགས་དམ་ཚིག་ཟས་རྣམས་དང ། །མེ་ཏོག་སྣ་ཚོགས་ཡིད་འོང་བ། །དྲི་དང་བདུག་པ་དེ་བཞིན་གོས། །མར་མེ་ཕྲེང་བ་ཡིད་འོང་བ། །ཕུན་སུམ་ཚོགས་པའི་མཆོད་པ་རྣམས། །མདོག་ནི་སྣ་ཚོགས་མཆོག་དམ་པ། །འདི་ལྟར་སྔགས་པས་བསྒོམས་ནས་ནི། །རྣལ་འབྱོར་མཆོག་གིས་རྫོགས་བྱས་ནས། །དེར་ནི་ཕྲེང་བ་སྔགས་ཀྱང་བཟླས།། ཡི་གེ་ཉི་ཤུ་གཉིས་བསྲེས་ནས། །ལྷ་མོ་རྡོ་རྗེ་ཕག་མོ་ནི། །འདི་ལྟར་དེ་བཞིན་བསྒོམ་བར་བྱ། །ཞལ་གདོང་སྣ་ཚོགས་ལེགས་མཛེས་པ། །ཕྱག་མཚན་སྣ་ཚོགས་འཛིན་པ་སྟེ། །ཕྱོགས་ཀྱི་གོས་ཅན་སྐྲ་གྲོལ་བ། །བྱང་ཆུབ་ཕ་རོལ་ཕྱིན་པ་སྟེ། །ས་འཛིན་ཐམས་ཅད་དེ་བཞིན་ནོ། །འདི་ལྟར་ཆོ་ག་བྱས་ནས་ནི། །ཕྲེང་བས་གསང་སྔགས་བཟླ་བར་བྱ། །ོཾ་ཤྲཱི་བཛྲ་ཧེ་ཧེ་རུ་རུ་ 216a ༄#། །ཀཾ་།ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏྲ་ས་ཡ་ཏྲ་ས་ཡ། ཀྵོ་བྷ་ཡ་ཀྵོ་བྷ་ཡ། ཧྲོཾ་ཧྲོཾ། ཧྲཿ ཧྲཿ ། ཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ་བ་ས་རུ་དྷི་ར། ཨནྟ་མཱ་ལཱ་བ་ལཾ་བི་ནེ། གྲིཧྞ་གྲིཧྞ། སཔྟ་པཱ་ཏཱ་ལ་ག་ཏ་བྷུ་ཛཾ་ག་སརྦཾ་པཱ་ཏརྫྫ་ཡ་ཏརྫྫ་ཡ། ཨཱ་ཀཌྜྷ་ཨཱ་ཀཌྜྷ། ཧྲཱིཾ་ཧྲཱིཾ། ཛྞཽཾ་ཛྞཽཾ། ཀཥྨཱཾ་ཀཥྨཱཾ། ཧཱཾ་ཧཱཾ། ཧཱིཾ་ཧཱིཾ། ཧཱུཾ་ཧཱུཾ། ཀི་ལི་ཀི་ལེ། སི་ལི་སི་ལི། ཧི་ལི་ཧ་ལི། དྷི་ལི་དྷི་ལི། ཧུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སཾ་བ་རཾ་ཧུཾ་ཧཱུཾ་ཕཊ་སཝཱཧཱ། འདི་ནི་སྙིང་པོ་མཆོག་ཡིན་ཏེ། །ལས་རྣམས་ཐམས་ཅད་བྱེད་པ་དགེ་།དཔའ་བོས་ས་བོན་རང་མིང་དང ། །རྣལ་འབྱོར་མོས་པས་རྟག་བཟླས་ན། །མ་ལུས་ལུས་པ་མེད་འགྲུབ་ཅིང ། །འགྲོ་བའི་གནས་སུ་འགྲོ་བར་བྱེད། །དུས་ནི་དེ་མ་ཐག་ཏུ་ཡང ། །སྡོམ་པ་མཆོག་ནི་གྲུབ་པ་ཡིན། །རྡོ་རྗེ་ཕག་མོའི་གསང་སྔགས་འདི། །འདོད་པའི་བདེ་བ་ཐམས་ཅད་སྩོལ། །ོཾ་བཛྲ་བཱ་རཱ་ཧི། པྲོ་ཏཾ་གེ་པྲོ་ཏཾ་གེ་།ཧ་ན་ཧ་ན། པྲཱ་ཎཱི། ཀིཾ་ཀི་ནི་ཀིཾ་ཀི་ནི། ཁིཾ་ཁི་ཎི་ཁུ་ལ་ནི། དྷུ་ན་དྷུ་ན། བཛྲ་ཧ་སྟེ། ཤོ་ཥ་ཡ་ཤོ་ཥ་ཡ། ཁ་ཊྭཱཾ་ག་ཀ་པཱ་ལ་དྷཱི་རི་ཎི། མ་ཧཱ་བི་ཤི་ཏ། མཱཾ་སཱ་ཤ་ནི། མཱ་ནུ་ཥ་ཨཾ་ཏྲ་པྲཱ་བྲྀཏྟེ། སིནྣི་དྱ་ན་ར་སི་ར་མཱ་ལ་གྲནྠི་ཏ་དྷ་རི་ཎི། སུམྦྷ་ནི་སུམྦྷ། ཧ་ན་ཧ་ན། པྲཱ་ཎཱཾ། སརྦ་པཱ་པ་སཏྭཱ་ནཾ། སརྦ་པ་ཤཱུཾ་ནཱཾ། མ་ཧཱ་མཱ་སཙྪེ་ད་ནི། ཀྲོ་དྷ་མཱུརྟེ་དཾཥྚ་ཀ་རཱ་ལི་ནི་མ་ཧཱ་མུ་དྲེ། ཤྲཱི་ཧེ་རུ་ཀ་དེ་བ་སྱཱ། ཨ་གྲ་མ་ཧི་ཥི། ས་ཧ་སྲ་ཤི་རེ་།ས་ཧ་ 216b སྲ་བཱ་ཧ་བེ་ཤ་ཏ་ས་ཧ་སྲ་ཨཱ་ན་ནོ། ཛྭ་ལི་ཏ་ཏེ་ཛ་སེ། ཛྭ་ལ་མུ་ཁེ། བིག་ལ་ལོ་ཙ་ནེ་བཛྲ་ཤཱ་རཱི་རེ་བཛྲ་ཨཱ་ས་ནེ། མི་ལི་ཏི། མི་ལི་ཏི། ཧེ་ཧེ། ཧ་ཧ། ཧཱུཾ་ཧཱུཾ། ཁ་ཁ། དྷུ་དྷུ། རུ་རུ། དྷུ་རུ་དྷུ་རུ། མུ་རུ་མུ་རུ། ཨ་དྭཻ་ཏེ། མ་ཧཱ་ཡོ་གི་ནཾ་པ་ཐི་ཏ་སིདྡྷེ། དྲེཾ་དྷྲེཾ། དྲེཾ་དྷྲེཾ། དཾ་དཾ། དྷེཾ་དྷེཾ། གྲཾ་གྲཾ། ཧེ་ཧ། ཧ་ཧ། བྷཱི་མེ་ཧ་ས་ཧ་ས་བཱི་རེ་ཧཱ་ཧཱ་ཧོ་ཧེ་ཧཱུཾ་ཧཱུཾ། ཏྲཻ་ལོ་ཀྱ་བི་ནཱ་ཤ་ནི། ཤ་ཏ་ས་ཧ་སྲེ་ཀོ་ཊི་ཏ་ཐཱ་ག་ཏ་པ་རི་པཱ་རི་ཏེ་ཧཱུཾ་ཧཱུཾ་ཕཊ། སི་ཧ་རཱུ་པེ་ཁཿ ་ག་ཛ་རཱུ་པེ་གཿ ་ཏྲཻ་ལོ་ཀྱ་ཨུ་ད་རེ། ས་མུ་དྲ་མེ་ཁ་ལེ་གྲ་ས་ཧུཾ་ཧཱུཾ་ཕཊ། བཱི་ར་དྭཻ་ཏེ་ཧུཾ་ཧཱུཾ་ཧཱ་ཧཱ་མ་ཧཱ་པ་ཤུ་མོ་ཧ་ནི། ཡོ་གཱི་ཤཝ་རི་ཏྭཱཾ་ཌ་ཀི་ནཱི་སརྦ་ལོ་ཀཱ་ནཱཾ། བདྡྷ་ནི། སཏྱ་ཧུཾ་ཧཱུཾ་ཕཊ། བྷཱུ་ཏ་ཏྲ་ས་ནི། མ་ཧཱ་བཱི་རེ་པ་ར་མ་སིདྡྷེ་ཡོ་གཱི་བིདྱེ་ཤཝ་ར་ཕཊ། ཧུཾ་ཧཱུཾ་ཕཊ་སཝཱཧཱ། རྡོ་རྗེ་ཕག་མོའི་རྩ་བའི་སྔགས་སོ། །འདི་ནི་རྡོ་རྗེ་ཕག་མོ་མཆོག་སྙིང་པོ་མཆོག་ཏུ་གྲུབ་པ་ཡིན། །གང་གིས་བཟླས་དང་སྒོམ་པ་ཡི། །དེ་ཡིས་ལས་རྣམས་ཀུན་འགྲུབ་སྟེ། །ཐེ་ཚོམ་མེད་པར་མོད་ལ་འགྲུབ། །བདག་ཉིད་གནས་སུ་མཆོད་པ་སྟེ།། ཕྱི་རོལ་ནམ་ཡང་མ་ཡིན་ནོ། །གྲུབ་པའི་ཁྲག་འཐུང་དེ་ཉིད་ཀྱི། །གསང་སྔགས་རྩ་བ་བརྒྱད་ལྡན་པ། །ོཾ་ན་མོ་བྷ་ག་བ་ཏེ་བཱི་རེ་ཤཱ་ཡ་ཧུཾ་ཧཱུཾ་ཕཊ། ཨོཾ་མཧཱ་ཀལྤཱ་གནི་སཾ་ནི་བྷ་ཡ་ཧུཾ་ཧཱུཾ་ཕཊ།་ཨོཾ་ཛ་ཊཱ་མ་ཀུ་ཊོཏྐ་ཊ་ཡ་ཧཱུཾ་ཧཱུཾ་ཕཊ། ཨོཾ་དཾཥྚྲཱ་ཀ་རཱ་ལོ་གྲ་བྷཱི་ཥ་ན་མུ་ཁཱ་ཡ་ཧུཾ་ཧཱུཾ་ཕཊ། ཨོཾ་ས་ཧ་སྲ་བྷུ་ཛ་བྷཱ་སུ་རཱ་ཡ་ཧུཾ་ཧཱུཾ་ཕཊ། ཨོཾ་པ་ར་ཤུ་པཱ་ཤོ་དྱ་ཏྲ་ཤཱུ་ལ་ཁ་ཊྭཱཾ་ག་དྷཱ་རི་ཎི་ཧུཾ་ཧཱུཾ་ཕཊ། ཨོཾ་ 217a ༄#། །བྱཱ་གྷྲཱ་ཛི་ནཱམྤ་ར་དྷ་ར་ཡ་ཧུཾ་ཧཱུཾ་ཕཊ། ཨོཾ་མཧཱ་དྷུ་མྲཱནྡྷ་ཀཱ་ར་བ་པུ་ཥཱ་ཡ་ཧུཾ་ཧཱུཾ་ཕཊ། འདི་ནི་ཁྲག་འཐུང་གསང་སྔགས་ཏེ། །བདག་ཉིད་བསྒོམ་ཞིང་མཆོད་པར་བྱ། །ོཾ་ན་མོ་བྷ་ག་བ་ཏེ་བཛྲ་བཱ་ར་ཧི་བཾ་ཧུཾ་ཧཱུཾ་ཕཊ། ཨོཾ་ཨཱརྱཱ་པ་ར་ཛི་ཏེ་ཏྲཻ་ལོཀྱ་མཱ་ཏེ་བིདྱེ་ཤཝ་རི་ཧུཾ་ཧཱུཾ་ཕཊ། ཨོཾ་བཛྲ་སརྦ་བྷུ་ཏ་བྷ་ཡ་བ་ཧེ་མ་ཧཱ་བཛྲེ་ཧུཾ་ཧཱུཾ་ཕཊ། ཨོཾ་བཛྲ་ཨཱ་ས་ནེ་ཨ་པ་རཱ་ཛི་ཏེ་བ་ཤྱཾ་ཀ་རི་ནེ་ཏྲ་བྷྲ་མ་ཅི་ཧཱུཾ་ཧཱུཾ་ཕཊ། ཨོཾ་ཤོ་ཥ་ཎི་རོ་ཥ་ཎི་ཀྲོ་དྷ་ཀཱ་ར་ལི་ནི་ཧུཾ་ཧཱུཾ་ཕཊ། ཨོཾ་ཏྲ་ས་ནི་མཱ་ར་ཎི་སུ་པྲ་བྷེ་ད་ནི་པ་རཱ་ཛ་ཡེ་ཧུཾ་ཧཱུཾ་ཕཊ། ཨོཾ་བི་ཛ་ཡེ་ཛཾ་བྷ་ནི་སྟཾ་བྷ་ནི་མོ་ཧ་ནི་ཧུཾ་ཧཱུཾ་ཕཊ། ཨོཾ་བཛྲ་པཱ་ར་ཧི་མ་ཧཱ་ཡོ་གི་ནཱི་ཀཱི་མེ་ཤཝ་རི་ཁ་གེ་ཧུཾ་ཧཱུཾ་ཕཊ། ན་མཿ ནི། ཐམས་ཅད་དུ་བྱའོ། །གསང་སྔགས་འདི་ཡིས་ལས་ཀུན་བྱ། །ཱ་ལི་ཀཱ་ལི་རྡོ་རྗེ་ནི། །ཕག་མོར་བདག་ཉིད་བསྒོམས་བྱས་ནས། །རྩ་བ་བརྒྱད་ཀྱ་སྔགས་ལྡན་བས། །བདག་ཉིད་ཀྱང་ནི་མཆོད་པར་བྱ། །ཞལ་བཞི་བྱིན་བརླབས་བྱས་ནས་སུ། །ོཾ་སུཾ་བྷ་ནི་སུམྦྷས་མཆོད།། ཡང་ན་ཞལ་བཞི་ཀུན་རྡོ་རྗེ། །དེ་ཡི་ལྟེ་བར་ཧེ་རུ་དཔལ། །བདག་ཉིད་སྒོམ་པ་བྱས་ན་ནི། །འཁོར་དང་བཅས་པའང་དེ་བཞིན་བསྒོམ། །བ་ཤ་ལ་སོགས་བཟའ་ཞིང་བསྒྲུབ། །བདེ་གཤེགས་བསྟན་ལ་འགྲོ་བ་འདུག་།སྐྱེ་བ་ཅན་ནི་བ་ཤར་གྲགས། །དཀོན་མཆོག་གསུམ་གྱི་དཀོར་འཕྲོག་དང ། །མཚམས་མེད་པ་ནི་བྱེད་པ་དང ། །གང་ཞིག་སློབ་དཔོན་སྨོད་ 217b པ་དང ། །ཐེག་པ་ཆེན་པོ་སྨོད་པ་དང ། །ཕྱུགས་དེ་རྣམས་ནི་བསད་ནས་ཀྱང ། །རྣལ་འབྱོར་མ་དང་ལྷན་ཅིག་བཟའ། །ཕྱུགས་དེ་རྣམས་ནི་དགུག་པ་ཡང ། །སྒྲུབ་པས་སྔོན་དུ་བསྐྱེད་པས་བྱ། །ཕྱུགས་བདུན་དང་ནི་དེ་བཞིན་ཕྱུགས། །བོང་བུ་མི་དང་རུས་སྦལ་དང ། །ཁྱི་དང་རྔ་མོ་ཅེ་སྤྱང་རྟ། །ཕྱུགས་ཀྱི་མར་མེ་འདི་རྣམས་ནི། །སྒྲུབ་པའི་དབྱེ་བའི་ཡན་ལག་གྲགས། །རིགས་ཀྱི་ཁ་དོག་དབྱེ་བའི་ཕྱུགས། །རྐང་བཞི་རྣམས་ལ་གླང་པོ་ཆེ། །བྱ་རྣམས་ལས་ནི་ངང་བསྒྱུར་ཏེ། །དུད་འགྲོ་རྣམས་ལས་མཆུ་གཡོ་བའི། །ལྷ་རྣམས་ཁ་རུ་ལྷ་བཤོས་ཏེ། །འདི་ནི་ཕྱུགས་ཀྱི་བརྟག་པར་བཤད། །གྲུབ་པའི་སྒྲུབ་པ་རྣམ་བཤད་པ། །བྱ་རོག་བྱ་སྐྱ་ལྕེ་སྤྱང་དང ། །སྐྱེ་གཉིས་དང་སྔགས་ཆེན་པོ་དང ། །ཀྲུང་ཀྲུང་བཞད་དང་ཀང་བུ་ཀ་།བཟའ་དང་སྦྱིན་སྲེག་གཏོར་མ་བྱ། །དངོས་གྲུབ་འདོད་པས་བསྒོམ་བྱ་བ། །ཁྱི་མོ་ནག་མོའི་འོ་མ་དང ། །སྲན་མ་ནག་པོ་འབྲས་དང་ལྡན། །རོ་ཡི་ཁར་ནི་སྦྱིན་སྲེག་བྱེ།། སྦྱིན་སྲེག་བརྒྱ་རྩ་བརྒྱད་པར་བྱ། །དེ་ནས་རོ་དེ་ལངས་ནས་ནི། །ཅི་བགྱི་ཞེས་ནི་སྨྲ་འགྱུར་ཞིང ། །ས་འོག་འགྲོ་བའམ་རལ་གྲི་འཾ། །ཚར་གཅོད་ཕན་འདོགས་ཉིད་དང་ནི། །རིལ་བུ་མར་\?\་སྨན་གསེར་རྣམས་སམ། །རྐང་མགྱོགས་དག་གམ་བཅུད་ཀྱིས་ལེན། །གཅིག་ཅིག་སྦྱིན་པར་བྱས་ནས་ནི། །འགྲོ་བར་འགྱུར་གྱི་གཞན་དུ་མིན། །སྟེང་དང་འོག་ཏུ་ཕོ་ཉ་འགྲུབ།། 218a ༄#། །རྒྱུད་འདིར་ཐེ་ཚོམ་མེད་པ་ཡིན། །མངོན་པར་བརྗོད་པའི་བླ་མའི་བླ་མ་ལས། །རྣལ་འབྱོར་གྱི་སྡོམ་པའི་ཆོ་གའི་ལེའུ་སྟེ་ཉི་ཤུ་པའོ།། །། དེ་ནས་གཞན་ཡང་བཤད་བྱ་བ། །སྲུང་དང་ཕྱིར་ཟློག་རིམ་པ་ནི། །རྒྱུད་གཞན་ལས་ནི་སྦས་པ་ཡིན། །སྲུང་བའི་མཆོག་ནི་རྙེད་དཀའ་བ། །རྒྱུད་འདིར་རབ་ཏུ་བཤད་པར་བྱ། ། ངེས་བརྗོད་རྒྱུད་ནི་བླ་མའི་བླར། །ཐེ་ཚོམ་བཟའ་བར་མི་བྱ་སྟེ། །སེམས་ཅན་རྗེས་སུ་བསྲུང་བའི་ཕྱིར། །པདྨ་འདབ་བརྒྱད་བྲི་བར་བྱ། །པདྨའི་ལྟེ་བ་གེ་སར་ཅན། །དེ་རྒྱབ་སྣ་ཚོགས་རྡོ་རྗེ་སྟེ། །གནོད་མཛེས་གསང་སྔགས་ཡང་དག་སྦྱར། །དེ་ཡི་ཕྱི་རོལ་སྐ་རགས་ཅན། །འདབ་མ་བཅུ་དྲུག་བྲི་བར་བྱ། །དེར་ནི་ཆ་རྣམས་རྣམ་བཀོད་དེ། །དེ་ཡིས་ཕྱི་རོལ་ཡོངས་སུ་བསྐོར། །མཁས་པས་ལྟེ་བར་བྲི་བ་ནི། །རྡོ་རྗེ་རྩེ་མོ་བཅུ་གཉིས་པ། །དེ་ཡི་ལྟེ་བར་དགོད་པ་ནི། །ཧཱུཾ་ནི་འཇིགས་པ་རྣམ་འཇིགས་པ། །ཧཱུཾ་གི་ལྟེ་བར་ཡི་གེ་པཾ། །བཾ་གྱི་ལྟེ་བར་ཡི་གེ་གསུམ། །བསྒྲུབ་བྱའི་མིང་དང་སྤེལ་ཞིང་བྲི། །མཁའ་འགྲོ་མ་ནི་བཞི་པོ་དག་།དེ་ཡི་གཡོན་ནས་དགོད་བསྐོར་བ། །ཌཱ་ལཱཾ་ཁཾ་རཱུཾ་དེ་རུ་དགོད། །རྀ་རཱྀ་ལྀ་ལཱྀ་ལྷན་ཅིག་ཏུ།། མཁའ་འགྲོ་དགོད་ཅིང་མིང་དང་ནི། །རྣམ་པར་སྤེལ་ཞིང་བྲི་བར་བྱ། །ཐུགས་ཀྱི་འཁོར་ལོའི་རིམ་ཇི་བཞིན། །མཁས་པས་འདབ་མར་དགོད་བྱ་བ། །ཁཾ་པྲཾ་ཤར་གྱི་འདབ་ 218b མ་ལ། །བྱང་དུ་ཀཾ་ཙཾ་ཉིད་ཡིན་ཏེ། །ནུབ་ཏུ་ཀཾ་པཾ་ཁོ་ན་འོ། །ལྷོ་རུ་བཾ་མཾ་ཉིད་ཡིན་ནོ། །མེ་སོགས་དབང་ལྡན་ཕྱོགས་རྣམས་སུ། །སུ་པཾ་ཨཾ་ཁཾ་བཾ་ལཾ་ཧྲིཾ། །འདི་དག་ཇི་ལྟའི་རིམ་པ་ཡིས། །ཡི་གེ་ཧཱུཾ་དང་སྤེལ་ནས་སུ། །ས་བོན་དག་ནི་བྲི་བར་བྱ། །ཀཾ་ཁཾ་གཾ་གྷཾ་ངཾ ། །ཙཾ་ཚཾ་ཛཾ། འདི་དག་ནི། པདྨའི་སྐ་རགས་སུ་བྲིའོ། །རྡོ་རྗེ་ཆ་ནི་བཅུ་གཉིས་པ། །བསྐོར་ལ་བིན་དུས་རྣམ་པར་བརྒྱན། །འདབ་མའི་ཕྱི་རོལ་བཅུ་དྲུག་ཏུ། །འཁོར་ལོ་རྩིབས་བཅུ་དྲུག་པ་བྲི། །དེ་འདིར་ཤར་ཕྱོགས་ལྷ་སོགས་པ། །གཡོན་ནས་བསྐོར་ཞིང་དགོད་པར་བྱ། །མཁའ་འགྲོ་དང་ནི་དཔའ་བོ་འོ། །ཾ་ཨ་བཱཾ་མཾ་པཱཾ་མཾ་བཾ་སུཾ་སུཾ་ཤཾ་བཾ་སུཾ་མཾ་ཧཾ་བཾ་ཁཾ་མཾ་ཙཾ་རཾ་ཁཾ་ཧཾ་སཾ་ཨཾ་ཙཾ་ཧེཾ་སུཾ་པཾ་མཾ་བཻཾ་ཙཾ་བཾ་མཾ། འདི་ནི་ཧྲི་དང་སྤེལ་ནས་སུ། །ོཾ་དང་སྤེལ་ཞིང་བྲི་བར་བྱ། ། སྒྲུབ་པའི་མིང་ནི་ནང་དུ་བྱ། །ཇི་ལྟའི་ལས་ཀྱི་རྗེས་འབྲང་བྲི། །ཛྷཾ་ཉཾ་ཊཾ་ཋཾ་ཌཾ་ཌྷཾ་ཎཾ། ཏཾ་ཐཾ་དཾ་དྷཾ་ནཾ། པཾ་ཕཾ་བཾ་དྷཾ་མཾ། ཕྱི་རོལ་ཏུ་སྐ་རགས་བྲིའོ། །འཁོར་ལོའི་ཕྱི་རོལ་གྲུ་བཞི་པའི། །ནང་དུ་སྒོ་ནི་འབྲེལ་བར་བྲི། །ཇི་ལྟར། ཁཝ་གདོང་ལ་སོགས་རིམ་པའི་བར། །གཤིན་རྗེ་འཇོམས་སོགས་ས་བོན་དགོད། །ཀཾ་ཨཾ་ཤཝཾ་སུཾ། ཡཾ་ཡཾ་ཡཾ་ཡཾ། ཡཾ་རཾ་ལཾ་ཝཾ་ཤཾ་ཥཾ་སཾ་ཧཾ་སྦྱར་ཞིང ། ཧཱུཾ་དང་ཕཊ་དང་རྣམ་པར་སྤེལ། །མིང་དང་ཡང་ནི་སྤེལ་བར་བྱ། །སྒོ་ཡི་སྟེང་དུ་རྩེ་བཞི་པའི། །རྡོ་རྗེ་ཕྱེད་པ་བྲི་བར་བྱ། །ཟུར་རྣམས་སུ་ནི་ཉི་ཟླ་དང ། །རྡོ་རྗེ་ཕྱེད་པ་བྲི་བར་བྱ། །དེ་ 219a ༄#། །སྟེང་རྐང་བརྒྱད་ཀྱིས་བརྗོད་པའི། །ཁྲོ་བོ་བརྒྱད་པའི་ཞལ་དུ་བལྟ། །ཕྱི་རོལ་སྐ་རགས་དབུས་དག་ཏུ། །ཕྱིར་ཟློག་འདི་དག་བྲི་བར་བྱ། །ན་མཿ ས་མནྟ་ཀཱ་ཡ་ཝཀྩིཏྟ་བཛྲ་ཧེ་རུ་ཀཱ་ནཱཾ། ཨོཾ་ཧཱུཾ་བཛྲ་ཧེ་རུ་ཀ་ཙཀྲ་བརྟི་སརྦ་ལོ་ཀི་ཀ་ལཽ་ཀོཏྟ་རཱ་ཎི། ཡནྟ་མནྟ་ཏནྟ་ཙུརྣྞ་པྲ་ཡོ་ག་དྷི་ནི་ཡ་ན་ཀེ་ན་ཙིཏྟན་ཏན་སརྦ་ནི་ཨཱ་ཀཌྜྷ་ཨཱ་ཀཌྜྷ། ཏ་རྫ་ཡ་ཏ་རྫ་ཡ། གྲྀཧྣ་གྲྀཧྣ། བྷཀྵ་ཡ་བྷཀྵ་ཡ། ཏཱ་ས་ཡ་ཏྲཱ་ས་ཡ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཀྵྨཱཾ་ཀྵྨཱཾ། ཛྞཽཾ་ཛྞཽཾ། མ་ཐ་མ་ཐ། བི་དྷྭཾ་ས་ཡ་བི་དྷྭཾ་ས་ཡ། ཤ་ཏ་ས་ཧ་སྲ་ཧ་ཙུརྞྞ་ཡ་ཙུརྞྞ་ཡ། ཨོཾ་ཕཊ། བཛྲ་ཧེ་རུ་ཀོཥྞི་ཥ་ཙ་ཀྲ་བྲྟཏ་ཏི་སྱ་བ་མུ་ཁཾ་ཙུཀྵ་ར་བཎྜྷ་བནྡྷ། ཧཱུཾ་ཧཱུཾ། ཨ་མུ་ཀ་སྱེ་ཤཱ་ནྟཾ་ཀུ་རུ་ཧུཾ་ཧཱུཾ་ཕཊ་ཨོཾ་སཝཱ་ཧཱ། འདི་ཡིས་ཡོངས་སུ་བསྐོར་བྱས་ནས། །ཀྵ་ཡི་ལྟོ་བའི་དབུས་སུ་དགོད། །ཡི་གེ་ཀྵ་ཡི་ཕྱི་རོལ་དུ། །ཐ་ཡིས་ཡོངས་སུ་བསྐོར་བྱས་ནས། །དབྱངས་ཀྱི་མཚན་ཉིད་ཀྱིས་ཡོངས་བསྐོར། །ཧེ་རུ་ཀར་བདག་བསྒོམས་བྱས་ནས། །ཡི་གེ་བདུན་པའི་སྔགས་ཀྱང་བཟླ། །ོཾ་ཧྲཱིཿ ་ཧ་ཧ་ཨ་མུ་ཀ་སྱ་ཤཱིནྟཾ་ཀུ་རུ་ཧུཾ་ཧཱུཾ་ཕཊ། རིགས་ང་ཡང་ན་བྲམ་ཟེ་འམ། །རྒྱལ་པོའི་བུ་མོའི་ཁྱད་པར་དུ། ། རང་བྱུང་མེ་ཏོག་བླངས་ནས་སུ། །གླང་ཆེན་མེ་ཏོག་དང་བསྲེས་ནས། །བྱང་ཆུབ་སེམས་ནི་མཉམ་ལྡན་པ། །རོ་ཙ་ན་དང་ལྷན་ཅིག་སྦྱར། །པདྨ་རྡོ་རྗེ་ཆུ་དེ་བཞིན། །མིག་སྨན་ཆེན་ 219b པོ་དང་བསྲེས་ནས། །ལྷ་མཆོག་འཁོར་ལོ་བྲི་བར་བྱ། །རྡོ་རྗེ་ཕྲེང་བས་རྣམ་པར་བསྐོར། །མི་ཡི་པགས་པའམ་གྲོ་ག་འམ། །ཡང་ནི་ཡི་དྭགས་གོས་ཀྱང་རུང ། །བདུད་རྩི་ལྔ་དང་ལྡན་པ་ཡི། །མར་དང་འོ་མ་བླངས་ནས་སུ། །གསང་སྔགས་རྐང་པ་བརྒྱད་ནི་བརྗོད། །དེ་བཞིན་བརྟུལ་ཞུགས་ཅན་གྱིས་མཆོད། །གསེར་རམ་དངུལ་གྱི་བུམ་པ་དག་།ཡེ་ཤེས་ལྔ་ཡི་བདུད་རྩིའི་ཆུས། །གང་བའི་དབུས་སུ་བཅུག་ནས་སུ། །འཁོར་ལོ་སྲིད་བུ་དཀར་པོས་དཀྲི། །ཕྲེང་བའི་གསང་སྔགས་དེ་ལ་བཟླ། །དེ་ནས་དབང་བསྐུར་སྦྱིན་པར་བྱ། །ནད་ཡོད་པ་ནི་ནད་མེད་བྱེད། །ནད་མེད་པ་ཡང་ནད་དུ་བྱེད། །མྱོས་བྱེད་ཆང་གི་དབུས་སུ་ནི། །མཁས་པས་དེ་ལ་བཅུག་ནས་ནི། །ནད་མེད་ནད་དུ་བྱེད་པ་སྟེ། །ཇི་ལྟའི་ལས་ཀྱི་རྗེས་སུ་འབྲང ། །གང་ཡང་རུང་བའི་ལས་རྣམས་ལ། །ཕྲེང་བའི་སྔགས་ཀྱིས་རྣམ་པར་བསྐོར། །རྣལ་འབྱོར་སྒྲུབ་པའི་འཁོར་ལོ་ནི། །མགོ་བོའི་ནང་དུ་སྦས་བྱས་ན། །མཁའ་འགྲོས་དེ་ལ་བྱིན་རླབས་ནི། །གདོན་མི་ཟ་བར་བྱེད་པར་འགྱུར། །ཅི་འདོད་ཐམས་ཅད་འགྲུབ་འགྱུར་ཏེ། །བགེགས་མེད་པར་ནི་དངོས་གྲུབ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས། སྲུང་བའི་ཕྱིར་ཟློག་གི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་དེ་ཡི་སྒོམ་བ་བཤད། །སེམས་ཅན་ཀུན་ལ་ཕན་འདོགས་པའི། །སྐད་ 220a ༄#། །ཅིག་གིས་ནི་བདག་ཉིད་དག་།ལྷ་མོ་ཕྱིར་ཟློག་རིམ་པ་སྟེ། །ཞལ་བཞི་པ་ལས་ཕྱག་བཅུ་དྲུག་།གདུག་པ་རྣམ་པ་སྣ་ཚོགས་པའི། །བགེགས་ནི་པདྨའི་འོག་མནན་ནས། །གཡས་བརྐྱང་བ་ཡི་ཞབས་ཀྱིས་བཞུགས། །ཟླ་བའི་དཀྱིལ་འཁོར་དབུས་ན་གནས། །དཀར་ཞིང་སྔོ་ལ་དམར་དང་སེར། །སྟེང་གི་ཞལ་གྱིས་རྣམ་པར་བརྒྱན། །རྒྱན་རྣམས་ཐམས་ཅད་ཡོངས་སུ་རྫོགས། །ན་བཟའ་དཀར་བའི་རྒྱན་དང་ལྡན། །སངས་རྒྱས་ལྔ་ཡི་དབུ་རྒྱན་ཅན། །འཆི་བ་ཡང་དག་འཚོ་བའི་མཆོག། སྤྱན་གསུམ་པ་ལ་འཇམ་པའི་ངག་།གཞན་ནི་གདུག་ཅིང་གཏུམ་པ་ལ། །སྡིགས་མཛུབ་རྡོ་རྗེ་གསོར་མཛད་ཅིང ། །དྲིལ་བུ་ཞགས་པ་འཛིན་པའི་མཆོག་།རྡོ་རྗེ་རལ་གྲི་མདུང་དང་ནི། །དགྲ་སྟ་ཐོད་པ་ལྕགས་ཀྱུ་དང ། །གཞུ་དང་ཁ་ཊྭཱཾ་ག་འཛིན་ཅིང ། །མདའ་ནི་དམ་པ་འགོངས་པར་བྱེད། །ཐོ་བ་འཁོར་ལོ་མི་འཇིགས་པ། །དངོས་གྲུབ་ཐམས་ཅད་རབ་སྩོལ་བའོ།། ཡང་ན་འདི་ལ་ཞལ་བརྒྱད་པ། །གཡས་དང་གཡོན་པའི་ངོས་དག་ཏུ། །གཡས་པ་སྔོ་ཞིང་དམར་ལ་སེར། །དྲག་ཤུལ་ཧ་ཧར་བཞད་པའོ། །གཡོན་པ་ལྗང་ཞིང་དམར་བ་དང ། །དུད་ཀ་དག་གི་མདོག་ཅན་ཡིན། །སྟེང་ནི་མཛེས་ཤིང་ཞི་བ་སྟེ། །སྐུ་ལུས་ཟླ་བའི་མདོག་ཅན་ནོ། །དེ་ཡི་ཐུགས་ཀར་འཁོར་ལོ་ནི། །ཟླ་བའི་དཀྱིལ་འཁོར་དབུས་ 220b དག་ཏུ། །དད་པས་ཤིན་ཏུ་མཉམ་བཞག་སྟེ། །འཆི་བ་འཚོ་བའི་རིག་སྔགས་བཟླ། །ོཾ་ཨ་མྲྀ་ཏ་སཾ་ཛཱི་བ་ནི། མ་ཧཱ་ཨ་མྲྀ་ཏ་སུ་མུ་ཁེ་ཛཱི་བཾ། པྲ་བེ་ཤ་ཡ་ཕྲ་བེ་ཤ་ཡ། སརྦ་བཛྲ་པདྨ་ས་མ་ཡོ་ག་མཱ་ཡ། བོ་དྷི་ཙིཏྟ་བས་བི་ཏ་མཱུ་རྟི་ཧུཾ་ཧཱུཾ། ཨ་ཨཱ།་ཨཾ་ཨ་ཧཾ་སཝཱཧཱ། འདི་ནི་ཁྲི་ཙམ་བཟླས་བྱས་པས། །འཆི་བ་ཐམས་ཅད་འཚོ་བར་བྱེད། །དུས་མིན་འཆི་བ་ཞི་འགྱུར་ཞིང ། །འཆི་བ་ལས་ནི་ངེས་པར་སློང ། །གཞན་དུ་རྣལ་འབྱོར་མ་དགྱེས་ནས། །རྨད་དུ་བྱུང་བར་མཛད་པ་ནི། །སོ་སོ་ནས་ནི་གང་མཛད་ཅིང ། །ཧི་ཧི་དག་གིས་དགའ་བ་དང་།། ཧོ་ཧོ་དག་གིས་དགྱེས་པ་དང ། །ཧེ་ཧེ་དག་གིས་ཚིག་ཏ་སྨྲ། །ཧུཾ་ཧུཾ་དག་གིས་རྫོགས་པའོ། །ཧུཾ་ཧུཾ་དག་ནི་བསམ་གཏན་ནོ། །ཕཊ་ཕཊ་དག་གིས་གསོད་པ་དང ། །ཧཱུཾ་ཧཱུཾ་དག་གིས་ཕུར་བུའོ། །ཛཿ ཛཿ ་དག་གིས་ལེགས་པར་དྲོངས། །ས་ས་དག་ནི་བདེན་པར་བྱེད། །ངེས་པར་ལེགས་སོ་ཞེས་པའི་སྒྲའོ། །ཧུཾ་བཾ་དག་ནི་གསོད་པ་འོ། །ཧཱུཾ་བྷཱུཾ་ཧཱུཾ་ཧཱུཾ་ཧཱུཾ་དག་ནི་ཐལ་བར་རློག་པའོ། །ཧ་ཧ་དག་གིས་གསལ་བར་བྱེད་པའོ། །བྷུཾ་བྷུཾ་དག་ནི་གཟི་བྱིན་བྱེད། །ཧྲཱི་ཧྲཱིཾ་དག་གིས་ལེགས་པར་དྲོངས། །ཏྲྱ་ཏྲྱཾ་དག་ནི་མཆོད་པའོ། །སཾ་སཾ་དག་གིས་དངོས་གྲུབ་ཐམས་ཅད་ཀྱི་འབྲས་བུ་སྟེར་བའོ། །ཧི་ཧི་དག་ནི་རྨོངས་པའོ། །ལཾ་ལཾ་དག་ནི་ཤིས་པའོ། །དི་དི་དག་ནི་འཛིན་པའོ། །ཛི་ཛི་དག་ནི་ལེགས་པར་དྲོངས། །ཧུཾ་ 221a ༄#། །ཧུཾ་དག་ནི་འཁོར་བ་འོ། །ཧྲི་ཧྲི་དག་ནི་གསོད་པ་འོ། །ཛཱཾ་ཛཱཾ་དག་ནི་རྨུགས་པར་མཛད་པ་འོ། །ཧོ་ཧོ་མཛད་པ་རྗེས་སུ་ཆགས་པར་བྱའོ། །ཧཾ་ཧཾ་དག་ནི་སྲུང་བ་འོ། །ཧོ་ཧོ་དག་ནི་དགྱེས་པ་འོ། །ཊཾ་ཊཾ་དག་ནི་གདུག་པ་འོ། །གྷཱུཾ་གྷཱུཾ་དག་ནི་མེ་ཏོག་གོ་།གཾ་གཾ་ནི། དྲིའོ། །རཾ་རཾ་ནི། གསང་བའོ། །འདི་དག་ཇི་ལྟའི་རིམ་པ་ཡིས།། ཞི་བ་ལ་སོགས་ཆོ་ག་ཡི། །རིམ་པ་འདི་ལ་རྗེས་སུ་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས། །འཆི་བ་སློང་བར་བྱེད་པའི་ལས་ཐམས་ཅད་བྱེད་པ་སྒོམ་པ་བསྟན་པ་སྟེ་ལེའུ་ཉི་ཤུ་རྩ་གཉིས་པའོ།། །།དེ་ནས་གཞན་ཡང་བཤད་བྱ་བ། །སྔགས་ཀྱི་དེ་ཉིད་ཆོ་གའི་རིམ། །རྡོ་རྗེ་སྙིང་པོས་བཤད་པ་སྟེ།། གསང་བ་ཀུན་གྱི་མཆོག་ཏུ་བཤད། །རྣལ་འབྱོར་མ་ཡི་བདེ་བ་མཆོག་།རྣལ་འབྱོར་མ་ཡི་བརྒྱུད་པའི་རིམ། །གསང་ཞིང་གསང་ལ་མཆོག་ཏུ་གསང ། །བསྐྱེད་པའི་རིམ་པའི་སྦྱོར་བ་ཡིས། །བསམ་གཏན་སྒོམ་པའི་མཆོག་ཡིན་ཏེ། །བདག་ཉིད་ཧེ་རུ་ཀར་བྱས་ནས། །མཁའ་འགྲོ་མས་ནི་ཡོངས་སུ་ཁྱབ། །སྐུ་ལུས་དམར་པོ་འཇིགས་པ་ཆེ། །ཡེ་ཤེས་ལྔ་ལས་ངེས་བྱུང་བ། །དམར་ཞིང་སྔོ་ལ་ལྗང་བ་དང ། །སེར་ཞིང་ཞི་ལ་སྟེང་ཞལ་དཀར། །སྤྱན་གསུམ་པ་ལ་ཕྱག་བཅུ་གཉིས། །གཡས་ 221b བརྐྱང་བ་ཡི་ཞབས་ཀྱིས་བཞུགས། །འཇིགས་བྱེད་ཆེ་དང་དུས་མཚན་དག་།སྐྱབས་སུ་འོངས་ནས་ཞབས་འོག་གནོན། །ཕྱག་རྒྱ་དྲུག་དང་ཟླ་བ་ཕྱེད། །སྣ་ཚོགས་རྡོ་རྗེ་རལ་པ་འཆང་།། གླང་པོའི་པགས་པ་གོས་སུ་བྣབྶ། །རྡོ་རྗེ་དྲིལ་བུ་མཉམ་པར་ལྡན། །རལ་གྲི་མདུང་ནི་འཇིགས་པའི་མཆོག་།ཐོད་པ་དང་ནི་ཁ་ཊྭཱཾ་འཛིན། །ཞགས་པ་ལྕགས་ཀྱུ་འཆང་བའི་མཆོག་།ཅང་ཏེའུ་ཚངས་པའི་མགོ་བོ་དང ། །མགོ་བོའི་ཕྲེང་བས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔ་ཡིས་རྣམ་པར་བརྒྱན། །དེ་མདུན་རྡོ་རྗེ་ཕག་མོ་ནི། །དེ་ཡི་མདོག་དང་ཕྱག་མཚན་འཛིན། །ཞགས་པ་ལྕགས་ཀྱུ་འཆང་བའི་མཆོག་།ཅང་ཏེའུ་ཚངས་པའི་མགོ་བོ་དང ། །མགོ་བོའི་ཕྲེང་བས་རྣམ་པར་བརྒྱན། །བྱིན་པ་གཉིས་ཀྱིས་ལེགས་པར་འཁྲིལ། །གཉིས་མེད་སྦྱོར་བ་མཉམ་ལྡན་པ། །ཕྱག་རྒྱ་ལྔ་ཡིས་རྣམ་པར་བརྒྱན། །ཀྵ་ཡི་ཡེ་ཤེས་ལས་བྱུང་བ། །དེ་ཡི་སྐུ་དང་ཞལ་ཕྱག་མཚན།། ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་སེམས་དཔའ་རྣམ་པར་བསྒོམ། །བཅུ་གཉིས་ཆ་ལས་ངེས་འབྱུང་བ། །དམ་ཚིག་སེམས་དཔའ་བདེ་བ་ཆེ། །ཐམས་ཅད་མཁྱེན་རྤ་ངེས་འབྱུང་བ། །སྔགས་ཀྱི་རྒྱུད་ནི་འདི་རུ་བཟླ། །ོཾ་ཤྲཱི་བཛྲ་ཧེ་ཧེ་རུ་རུ་ཀཾ་། ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། །ཾ་ཨཿ ། ཌཱ་ཀི་ནཱི་ཛཱ་ལ་སཾ་བ་རཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཨ་ཨཱ་ཨ་ 222a ༄#། །ཿ ཧཱུཾ་ཧཱུཾ་ཕཊ། སྙིང་པོ་དང ། ཉེ་བའི་སྙིང་པོའོ། །ོཾ་བཛྲ་བཱ་ར་ཧི་ཨ་ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། ཨཾ་ཨཿ ཧཱུཾ་ཧཱུཾ་ཕཊ་སཝཱཧཱ། ཨོཾ་བཛྲ་བཻ་རོ་ཙ་ནཱི་ཡེ་ཨ་ཨཱ་ཨཾ་ཨཱཿ ་ཧུཾ་ཧཱུཾ་ཕཊ་སཝཱཧཱ། ལྷ་མོའི་སྙིང་པོ་དང ། ཉེ་བའི་སྙིང་པོའོ། །ོཾ་ཌཱ་ཀཱི་ནཱི་རྀཾ་ཧུཾ་ཧཱུཾ་ཕཊ། ཨོཾ་ལཱ་མེ་རཱྀཾ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ལྀཾ་ཧུཾ་ཧཱུཾ་ཕཊ། ཨོཾ་རུ་པི་ཎཱི་ཡེ་ལཱྀཾ་ཧུཾ་ཧཱུཾ་ཕཊ། ཨོཾ་ཁཎྜ་ཀཱ་པཱ་ལ་ཀཾ་ཧུཾ་ཧཱུཾ་ཕཊ། ཨོཾ་པྲཾ་ཧུཾ་ཧཱུཾ་ཕཊ། ཨོཾ་གཾ་ཀཱ་ལ་ཁཾ་ཧུཾ་ཧཱུཾ་ཕཊ། ཨོཾ་ཙཾ་ཧུཾ་ཧཱུཾ་ཕཊ། ཨོཾ་མ་ཧཱ་ཀཾ་ཀཱ་ལ་ཀཾ་ཧུཾ་ཧཱུཾ་ཕཊ། ཨོཾ་པྲཾ་ཧུཾ་ཧཱུཾ་ཕཊ། ཨོཾ་བི་ཀ་ཊ་དཾཥྚི་ཎེ་གྷཾ་ཧུཾ་ཧཱུཾ་ཕཊ། ཨོཾ་མཾ་ཧུཾ་ཧཱུཾ་ཕཊ། ཨོཾ་སུ་ར་བཻ་རི་ཎི་དཾ་དཾ་ཧུཾ་ཧཱུཾ་ཕཊ། ཨོཾ་བཱིཾ་ཧུཾ་ཧཱུཾ་ཕཊ། ཨོཾ་ཨ་མི་ཏཱ་བྷཱ་ཙཾ་ཧུཾ་ཧཱུཾ་ཕཊ། ཨོཾ་ཁཾ་ཧུཾ་ཧཱུཾ་ཕཊ།་ཨོཾ་བཛྲ་པྲ་བྷཱ་ཚ་ཧུཾ་ཧཱུཾ་ཕཊ། ཨོཾ་ལཾ་ཧུཾ་ཧཱུཾ་ཕཊ། ཨོཾ་བཛྲ་དེ་ཧ་ཛཾ་ཧུཾ་ཧཱུཾ་ཕཊ། ཨོཾ་ཧུཾ་ཧུཾ་ཧཱུཾ་ཕཊ། ཨོཾ་ཨ་ཀུ་རི་ཀཾ་ཛྷ་ཧུཾ་ཧཱུཾ་ཕཊ། ཨོཾ་ཨཻ་ཧུཾ་ཧཱུཾ་ཕཊ། ཨོཾ་བཛྲ་ཛཱ་ཊི་ལ་ཉཾ་ཧུཾ་ཧཱུཾ་ཕཊ། ཨོཾ་མཾ་ཧུཾ་ཧཱུཾ་ཕཊ། ཨོཾ་མ་ཧཱ་བཱི་ར་ཊཾ་ཧཱུཾ་ཧཱུཾ་ཕཊ། ཨོཾ་བཾ་ཧུཾ་ཧཱུཾ་ཕཊ། ཨོཾ་བཛྲ་ཧཱུཾ་ཀཱ་ར་ཋཾ་ཧུཾ་ཧཱུཾ་ཕཊ། ཨོཾ་སུཾ་ཧུཾ་ཧཱུཾ་ཕཊ། ཨོཾ་སུ་བྷ་དྲ་ཊཾ་ཧུཾ་ཧཱུཾ་ཕཊ། ཨོཾ་ཥྚྲཾ་ཧུཾ་ཧཱུཾ་ཕཊ། ཨོཾ་བཛྲ་བྷ་དྲ་ཊྷཾ་ཧུཾ་ཧཱུཾ་ཕཊ། ཨོཾ་སུཾ་ཧུཾ་ཧཱུཾ་ཕཊ། མཧཱ་བྷེ་ར་བ་ཎཾ་ཧུཾ་ཧཱུཾ་ཕཊ། ཨོཾ་ཧཾ་ཧུཾ་ཧཱུཾ་ཕཏ། ཨོཾ་བི་རུ་པཱཀྵ་ཏཾ་ཧུཾ་ཧཱུཾ་ཕཊ། ཨོཾ་ཁཾ་ཧུཾ་ཧཱུཾ་ཕཊ། ཨོཾ་མ་ཧཱ་བ་ལ་ཐཾ་ཧུཾ་ཧཱུཾ་ཕཊ། ཨོཾ་ཙཾ་ཧུཾ་ཧཱུཾ་ཕཊ། ཨོཾ་རཏྣ་བཛྲ་དཾ་ཧུཾ་ཧཱུཾ་ཕཊ། ཨོཾ་ཁཾ་ཧུཾ་ཧཱུཾ་ཕཊ། ཨོཾ་ཧ་ཡ་གྲི་བ་དྷཾ་ཧུཾ་ཧཱུཾ་ཕཊ། ཨོཾ་ཤོཾ་ཧུཾ་ཧཱུཾ་ཕཊ། ཨོཾ་ 222b ཱ་གཱ་ཤ་གརྦྷ་ནཾ་ཧུཾ་ཧཱུཾ་ཕཊ། ཨོཾ་ཙཾ་ཧུཾ་ཧཱུཾ་ཕཊ། ཨོཾ་ཧེ་རུ་ཀ་བཾ་ཧུཾ་ཧཱུཾ་ཕཊ། ཨོཾ་སུཾ་ཧུཾ་ཧཱུཾ་ཕཊ། ཨོཾ་པདྨ་ནིརྟྣེ་ཤཝ་ར་ཕཾ་ཧུཾ་ཧཱུཾ་ཕཊ། ཨོཾ་མཾ་ཧུཾ་ཧཱུཾ་ཕཊ། ཨོཾ་བཻ་རོ་ཙ་ན་བཾ་ཧུཾ་ཧཱུཾ་ཕཊ། ཨོཾ་ཙུཾ་ཧུཾ་ཧཱུཾ་ཕཊ། ཨོཾ་བཛྲ་སཏྭ་བྷཾ་ཧུཾ་ཧཱུཾ་ཕཊ། ཨོཾ་མཾ་ཧུཾ་ཧཱུཾ་ཕཊ། ཨོཾ་ཡཾ་ཧུཾ་ཧཱུཾ་ཕཊ། ཨོཾ་རཾ་ཧུཾ་ཧཱུཾ་ཕཊ། ཨོཾ་ལཾ་ཧུཾ་ཧཱུཾ་ཕཊ། ཨོཾ་བཾ་ཧུཾ་ཧཱུཾ་ཕཊ། ཨོཾ་ཤཾ་ཧུཾ་ཧཱུཾ་ཕཊ། ཨོཾ་ཥཾ་ཧུཾ་ཧཱུཾ་ཕཊ། ཨོཾ་སཾ་ཧུཾ་ཧཱུཾ་ཕཊ། ཨོཾ་ཧཾ་ཧུཾ་ཧཱུཾ་ཕཊ། འདི་དག་ནི་དཔའ་བོ་དང ། རྣལ་འབྱོར་མའི་འཁོར་གྱི་སྙིང་པོའི་གསང་སྔགས་གསང་བའི་མཆོག་ཏུ་གྱུར་པ། དེ་ཉིད་སྦས་པ་འཁོར་ལོ་གསུམ་གྱི་ཡིན་ཏེ། ཐུགས་ཀྱི་འཁོར་ལོའི་དཔའ་བོ་དམར། །མཁའ་འགྲོ་མ་ནི་སྔོན་པོ་སྟེ། །རྡོ་རྗེ་དྲིལ་བུ་མཉམ་པར་ལྡན། །འཇིགས་བྱེད་ཆེན་པོ་བཞིན་རྣམ་སྒྱུར། །ཞེ་སྡང་གིས་ཁྱབ་བདེ་ཆེན་པོ། །གསུང་གི་འཁོར་ལོ་དཔའ་བོ་དཀར། །མཁའ་འགྲོ་མ་ནི་དམར་པོ་སྟེ། །པདྨ་དྲིལ་བུ་མཉམ་པར་ལྡན། །འདོད་ཆགས་ཀྱིས་ཁྱབ་བདེ་ཆེན་པོ། །སྐུ་ཡི་འཁོར་ལོའི་དཔའ་བོ་སེར། །མཁའ་འགྲོ་མ་དཀར་མེ་ཡི་མདོག་།གཏི་མུག་གིས་ཁྱབ་བདེ་བ་ཆེ། །མཁའ་འགྲོ་མ་སོགས་ལྷ་མོ་རྣམས། །སྣ་ཚོགས་མདོག་ཅན་སྣོད་ཆེན་པོའོ། །ཁཝ་གདོང་ལ་སོགས་ལྷ་མོ་རྣམས། །དམར་སེར་དཀར་ལ་ལྗང་གུའོ། །གཤིན་རྗེ་སྲེག་སོགས་ལྷ་མོ་རྣམས། །སྔོ་ཞིང་སེར་ལ་ལྔང་བ་དང ། །དེ་བཞིན་དཀར་བའི་མདོག་ཅན་ནོ། །འཁོར་ལ་སོགས་པ་ཐམས་ཅད་ཀུན། སྤྱན་གསུམ་གཡས་བརྐྱངས་ཞབས་ཀྱིས་ 223a ༄#། །བཞུགས། །དཔའ་བོ་སྟག་གི་བགས་མནབས་ཤིང ། །ལྷ་མོ་ཐམས་ཅད་གཅེར་བུ་སྟེ། །སྐྲ་གྲོལ་བ་ནི་རྣམ་པར་མཛེས། །བྱིན་པ་གཉིས་ཀྱིས་ལེགས་པར་འཁྲིལ། །དུམ་བུའི་རྒྱན་གྱི་སྐ་རགས་ཅན། །ཐམས་ཅད་ཐོད་བའི་ཕྲེང་བ་འཆང ། །ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པ་ཁ་ཊྭཱཾ་ག་འཛིན་ཅིང ། །དཔའ་བོ་དང་ནི་ལྷ་མོ་རྣམས། །ཐོད་པ་རྡོ་རྗེ་པདྨ་དང ། །འཁོར་ལོ་ཡང་ནི་དེ་བཞིན་ནོ། །མཁའ་འགྲོ་མ་སོགས་ཁཝ་གདོང་དང ། །གཤིན་ཏུ་སྲེག་སོགས་ལྷ་མོ་རྣམས། །ཐོད་པ་དང་ནི་ཁ་ཊྭཱཾ་འཛིན། །མེ་ལོང་དྲི་དང་རོ་དང་རེག་།གོས་མཆོག་ཡིད་དུ་འོང་བ་དང ། །ཅང་ཏེའུ་དང་ནི་དྲིལ་བུ་འཛིན། །མཁའ་འགྲོ་མ་ནི་ཐོད་པ་དང ། །ཁ་ཊྭཱཾ་ག་ཡང་འཛིན་མཛད་ཅིང ། །དྲིལ་བུ་ཅང་ཏེའུ་གྲི་གུག་བསྣབས། །ཁཝ་གདོང་ལ་སོགས་ལྷ་མོ་རྣམས། །ཕྱག་མཚན་འདི་ཡིས་རབ་ཏུ་བརྟག་།ཐམས་ཅད་ཡི་དྭགས་གདན་ལ་བཞུགས། །ཕྱོགས་ཀྱི་གོས་ནི་འཛིན་པའི་མཆོག་།ཐུགས་ཀྱི་འཁོར་ལོ་དྲག་པོ་སྟེ། །གསུང་གི་འཁོར་ལོ་བསྐྱོད་པའི་ཞལ། །སྐུ་ཡི་འཁོར་ལོ་ཞི་བ་སྟེ། །མཁའ་འགྲོ་མ་ནི་བཞིན་རྣམ་སྒྱུར། །ཇི་ལྟར་འདོད་བཞིན་བསྒོམས་ནས་ནི། །དབུས་ཀྱི་གཙོ་བོར་རྣམ་པར་བརྟག་།སངས་རྒྱས་བྱང་ཆུབ་སེམས་དཔའ་འམ། །ཁྲོ་བོ་སྣ་ཚོགས་དུ་ 223b མ་འམ། །ཁ་ཅིག་དེ་བཞིན་གཤེགས་པ་འམ། །མ་མོ་རིགས་ཀྱི་ཁྱད་པར་དང ། །འོད་ཟེར་ཅན་ནམ་སྐུལ་བྱེད་མ། །ཤེས་རབ་ཕ་རོལ་ཕྱིན་དེ་བཞིན། །གང་དང་གང་དག་སྒོམ་པ་ནི། །ཡིད་ཀྱི་དབང་པོ་སྦྱོར་བ་དག་།དེ་ཡིས་དྲེགས་པར་བྱས་པ་ནི། །སྣ་ཚོགས་གཟུགས་ཅན་རིན་ཆེན་བཞིན། །ཡང་ན་རྡོ་རྗེ་སེམས་དཔའ་ནི། །སྣ་ཚོགས་གཟུགས་ཀྱིས་འགྲོ་བར་གནས། །ཐམས་ཅད་མཁྱེན་ཅིང་ཐམས་ཅད་མཛད། །བདེ་བ་ཆེན་པོས་ཀུན་ཁྱབ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། རྣལ་འབྱོར་མའི་གསང་བའི་དམ་ཚིག་གི་དེ་ཁོ་ན་ཉིད་ཀྱི་སྒོམ་པ་བསྟན་པ་སྟེ་ལེའུ་ཉི་ཤུ་རྩ་གསུམ་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོ་རིགས་ཀྱི་ཆོ་གའི་རིམ། །སྣ་ཚོགས་དུ་མའི་རིགས་སུ་བཤད། །མདོར་བསྡུས་ན་ནི་གསུམ་དང་ལྡན། །དྲུག་ཏུ་ཡང་ནི་རབ་ཏུ་གྲགས། །རྣལ་འབྱོར་སྦྱོར་བའི་བླ་མ་སྟེ། །མཁའ་འགྲོ་མ་འཁོར་ལ་སོགས་ཀུན། །ཁམས་གསུམ་དག་ནི་མ་ལུས་པ། །རིགས་ལས་ཡང་དག་འབྱུང་བ་ཡིན། །སྐུ་ཀུན་སོ་སོར་འབྱུང་བ་སྟེ། །གཞན་དུ་ཐམས་ཅད་མ་མོའི་རིགས། །དགའ་ཞིང་དགྱེས་ལ་ཡིད་འོང་པ། །ཡིད་ལས་སྐྱེ་ཞིང་འབྱུང་བ་ཡིན། །བཅོམ་ལྡན་འདས་དགྱེས་པ་ཆེན་པོ་བདེ་བའི་རིགས་ཀྱི་བདག་པོས་དེ་ཁོ་ན་ཉིད་ཀྱི་གསང་བའི་སྙིང་པོའི་ས་བོན་ 224a ༄#། །འདི་བཤད་ཅིང་བསྟན་པ། ཧཱུཾ་བྲུཾ་ཨཾ་ཧྲཱིཾ་ཁཾ་བཾ། དེ་ནས་སྔགས་ཆེན་བཤད་པ་ཡིས། །སངས་རྒྱས་ཀུན་གྱི་སྲས་པོ་རྣམས།། རབ་ཏུ་གཡོ་ཞིང་བརྒྱལ་ནས་ཀྱང ། །རྡོ་རྗེ་ཡེ་ཤེས་རྗེས་སུ་དྲན། །མི་འཁྲུགས་པ་དང་རྟག་པའི་རིགས། །རྡོ་རྗེ་ཉི་མ་དེ་བཞིན་ཏེ། །འོད་དཔག་མེད་དང་དོན་ཡོད་གྲུབ། །རྡོ་རྗེ་སེམས་དཔའ་བདེ་བ་ཆེ། །འདི་ལྟར་སངས་རྒྱས་སྐུ་ལུས་ཀྱང ། །རྡོ་རྗེ་མཁའ་འགྲོ་རབ་ཏུ་གྲགས། །ཐོག་མར་རྡོ་རྗེ་མཁའ་འགྲོ་སྟེ། །གཉིས་པ་སངས་རྒྱས་མཁའ་འགྲོ་ཡིན། །གསུམ་པ་རིན་ཆེན་མཁའ་འགྲོ་སྟེ། །བཞི་པ་པདྨའི་མཁའ་འགྲོ་ཡིན། །ལྔ་པ་སྣ་ཚོགས་མཁའ་འགྲོ་སྟེ། །དྲུག་པ་རྡོ་རྗེ་སེམས་དཔའ་ཡིན། །ལྔ་པོ་ཧེ་རུ་ཀར་ཤེས་བྱ། །རྡོ་རྗེ་དཔའ་བོ་ཡང་དེ་ཉིད། །ནམ་མཁའི་ཟས་ཀྱིས་ལོངས་སྤྱོད་ཅིང ། །ཟླ་བའི་ཟས་ཀྱི་ལོངས་ཀྱང་སྤྱོད། །སྤྲུལ་པའི་ལོངས་སྤྱོད་ནམ་མཁའ་སྟེ། །པདྨའི་ཟས་ཀྱི་ལོངས་སྤྱོད་ཀྱང ། །སྣ་ཚོགས་ལོངས་སྤྱོད་སྤྲུལ་པ་སྟེ། །སྣ་ཚོགས་རིགས་ཀྱི་མཆོག་དམ་པ། །མཁའ་མཉམ་དྲི་མེད་རྣམ་པར་དག་།གངས་ཀྱི་རང་བཞིན་ལྟ་བུར་བསིལ། །དག་པའི་མདོག་ཅན་མཆོག་གི་མདོག་།ཟླ་བའི་ཟེར་དང་འདྲ་བའི་མཆོག་།སྤྱན་གསུམ་སྐལ་པ་སྣ་ཚོགས་བཟང ། །སྣ་ཚོགས་པདྨའི་གདན་ལ་བཞུགས། །ཟླ་བ་ཉི་མའི་དབུས་ན་གནས། །རྡོ་རྗེ་སྐྱིལ་མོ་ཀྲུང་དུ་བཞུགས། ། 224b ཐམས་ཅད་རལ་པའི་ཅོད་པན་ཅན། །ཐོད་པའི་ཕྲེང་བའང་དེ་བཞིན་ཏེ། །ཕྱག་རྒྱ་དྲུག་ནི་ཐམས་ཅད་རྒྱ། །རང་གི་གདན་ལ་ལེགས་པར་བཞུགས། །གླང་པོ་སེངྒེ་རྟ་དང་ནི། །རྨ་བྱ་དང་ནི་ནམ་མཁའ་ལྡིང ། །དེ་ཡི་སྟེང་དུ་ཡི་དྭགས་གདན། །བསྒོམས་ན་དངོས་གྲུབ་རབ་ཏུ་སྩོལ། །རྡོ་རྗེ་ལག་གིས་ས་ལ་རེག་།རྡོ་རྗེ་དྲིལ་བུ་དཀུར་བརྟེན་ཅིང ། །ཞལ་གྱི་མཆུ་ནི་རྣམ་པར་བསྒྱུར། །འཁོར་ལོ་དྲིལ་བུ་འགྱིང་དང་བཅས། །རིན་ཆེན་དྲིལ་བུའང་དེ་བཞིན་ཏེ། །པདྨའི་དྲིལ་བུའི་རིམ་པ་དང ། །དྲིལ་བུ་སྣ་ཚོགས་རྡོ་རྗེ་ཉིད། །ཐམས་ཅད་སྙེམས་པར་རྣམ་བསྒོམས་ཏེ། །རིགས་ཀྱི་རྡོ་རྗེ་མཆོག་དམ་པ། །དཀྱིལ་འཁོར་དྲུག་ནི་བྲི་བར་བྱ། །སྒོ་བཞི་དང་ནི་ཡང་དག་ལྡན། །རྡོ་རྗེ་འཁོར་ལོས་བསྐོར་བ་སྟེ། །རིན་ཆེན་པདྨས་དེ་བཞིན་བསྐོར། །སྣ་ཚོགས་རྡོ་རྗེས་བསྐོར་བ་སྟེ། །དབུས་སུ་རྡོ་རྗེས་བསྐོར་བར་བྱ། །ཕྱི་རོལ་དཀྱིལ་འཁོར་བྲི་བར་ནི། །ཁང་པ་བརྩེགས་པ་ཡིད་འོང་མཆོག་།རིགས་དྲུག་དག་ནི་རྣམ་པར་དགོད། །དེར་ནི་གནས་སོགས་རིམ་པ་དགོད། །དཀྱིལ་འཁོར་དབུས་སུ་དགོད་པ་ནི། །རྡོ་རྗེ་སེམས་དཔའ་བདེ་བ་ཆེ། །དེ་ཡི་ཤར་ཕྱོགས་ཀྱི་སྒོ་ལ། །པུ་ལི་ར་མ་ཡན་ཐོད་པའི་དུམ་བུ་དང ། རབ་གཏུ་མ་མའོ། །བྱང་དུ་ཛཱ་ལནྡྷ་རན་ཀེང་རུས་ཆེན་པོ་དང ། གཏུམ་མིག་མའོ། །ནུབ་ཏུ་ཨཽ་ནྱྣ་ན་ཀེང་རུས་ཅན་དང ། འོད་ལྡན་མའོ། །ལྷོ་རུ་ཨར་བུ་ད་ན་མཆེ་བ་རྣམ་ 225a ༄#། །པར་གཙིགས་པ་དང ། སྣ་ཆེན་མ་སྟེ་དབུས་སུ་ནི། ས་དང་པོ་རབ་ཏུ་དགའ་བ་སྟེ། དཔའ་བོ་སྐུ་མདོག་ནག་པོ། མཁའ་འགྲོ་མ་ཐལ་བ་དང ། སྤྲིན་གྱི་མདོག་ཅན། དཔའ་བོ་ནི། རྡོ་རྗེ་དང ། རྡོ་རྗེ་དྲིལ་བུ་དང ། མཁའ་འགྲོ་མ་ནི། ཐོད་པ་དང ། །རྡོ་རྗེ་སྡིགས་མཛུབ་བོ། །རྣམ་པར་སྣང་མཛད་ཀྱི་དཀྱིལ་འཁོར་དབུས་སུ་བཅོམ་ལྡན་འདས་སངས་རྒྱས་མཁའ་འགྲོ་བདེ་བ་ཆེན་པོའོ། །ཤར་ཕྱོགས་ཀྱི་སྒོར་གོ་ད་བ་རིན་ལྷ་དགྲ་དང ། དཔའ་བོའི་བློ་ཅན་མའོ། །བྱང་དུ་རཱ་མེ་ཤཝ་ར་ན་འོད་དཔག་མེད་དང ། མིའུ་ཐུང་མའོ། །ནུབ་དུ་དེ་བཱི་ཀོ་ཊ་ན་རྡོ་རྗེ་འོད་དང ། ལངྐའི་དབང་ཕྱུག་མའོ། །ལྷོ་རུ་མཱ་ལ་བ་ན་རྡོ་རྗེ་སྐུ་དང ། ཤིང་གྲིབ་མའོ། །དཔའ་བོའི་སྐུ་ལུས་དཀར་པོ། མཁའ་འགྲོ་མ་ནི་སེར་པོའོ། །དྲི་མ་མེད་པའི་ས་ན་དབུས་མ་སྟེ། སངས་རྒྱས་མཁའ་འགྲོ་མའོ། །འོད་བྱེད་པའི་སའི་དབུས་ན་རིན་ཆེན་མཁའ་འགྲོ་སྟེ། ཤར་གྱི་སྒོ་རུ་ཀཱ་མ་རཱུ་པ་ན་མྱུ་གུ་ཅན་དང ། ས་སྲུང་མའོ། །བྱང་དུ་ཨོ་ཏྲེ་ན་རྡོ་རྗེ་རལ་པ་ཅན་དང ། འཇིགས་བྱེད་ཆེན་མོའོ། །ནུབ་ཏུ་ཏྲི་ཤ་ཀུ་ནི་ན་དཔའ་བོ་ཆེན་པོ་དང ། རླུང་གི་ཤུགས་ཅན་མའོ། །ལྷོ་རུ་ཀོ་ས་ལ་ན་རྡོ་རྗེ་ཧཱུཾ་མཛད་དང ། ཆང་འཐུང་མ་སྟེ་དཔའ་བོ་སེར་པོ། མཁའ་འགྲོ་མ་ལྗང་གུའོ། །འོད་འགྲོ་བའི་སའི་དབུས་སུ་པདྨའི་མཁའ་འགྲོ། །དེའི་ཤར་ཕྱོགས་ཀྱི་ 225b སྒོར་ཀ་ལིངྐ་ན་རབ་བཟང་དང ། སྔོ་བསངས་ལྷ་མོའོ། །བྱང་དུ་ལཾ་པཱ་ཀ་ན་རྡོ་རྗེ་བཟང་དང ། རབ་བཟང་མའོ། །ནུབ་ཏུ་ཀཾ་ཅི་ན་འཇིགས་བྱེད་ཆེན་པོ་དང ། རྟ་རྣ་མའོ། །ལྷོ་རུ་ཧི་མ་ལ་ཡ་ན་མིག་མི་བཟང་དང ། བྱ་གདོང་མ་སྟེ། དཔའ་བོ་དམར་པོ། །མཁའ་འགྲོ་མ་ནི། དཀར་མོའོ། །སྦྱང་དཀའ་བའི་དབུས་སུ་རྡོ་རྗེ་མཁའ་འགྲོ་།དེའི་ཤར་གྱི་སྒོར་པྲེ་ཏ་པུ་རིན་སྟོབས་པོ་ཆེ་དང ། འཁོར་ལོའི་ཤུགས་ཅན་མའོ། །བྱང་དུ་གྲི་ཧ་དེ་བ་ཏ་ན་རྡོ་རྗེ་རིན་ཆེན་དང ། དུམ་སྐྱེས་མའོ། །ནུབ་ཏུ་སཽ་རཱཥྚ་ན་རྟ་མགྲིན་དང ། ཆང་ཚོང་མའོ། །ལྷོ་རུ་སུ་བརྞ་དྭཱི་པ་ན་ནམ་མཁའི་སྙིང་པོ་དང ། འཁོར་ལོའི་གོ་ཆ་མའོ། །དཔའ་བོ་ནག་པོ། མཁའ་འགྲོ་མ་སེར་མོའོ། །མངོན་དུ་གྱུར་པའི་སའི་དབུས་སུ་སྣ་ཚོགས་མཁའ་འགྲོ་།དེའི་ཤར་ཕྱོགས་ཀྱི་སྒོར་ན་ག་ར་ན་ཧེ་རུ་ཀ་དང ། ར་བ་དཔའ་མོའོ། །བྱང་དུ་སིནྡྷུ་ན་པདྨ་གར་གྱི་དབང་ཕྱུག་དང ། སྟོབས་ཆེན་མའོ། །ནུབ་ཏུ་མ་རུ་ཏན་རྣམ་པར་སྣང་མཛད་དང ། འཁོར་ལོས་བསྒྱུར་མའོ། །ལྷོ་རུ་ཀུ་ལུ་ཏཱ་ན་རྡོ་རྗེ་སེམས་དཔའ་དང ། བརྩོན་ཆེན་མོ་སྟེ། དཔའ་བོ་ནི། སྣ་ཚོགས་ཀྱི་མདོག་ཅན་ལ། མཁའ་འགྲོ་མ་དུད་པའི་མདོག་ཅན་ནོ། །དཀྱིལ་འཁོར་དེ་ཡི་ཕྱི་རོལ་ཏུ། །ཡི་དྭགས་ཕྲེང་བས་ཡོངས་སུ་བསྐོར། །དེ་ཡི་ཕྱི་རོལ་ཀུན་རྡོ་རྗེ། །ཟུར་དུ་མཁའ་འགྲོ་མ་ཡང་བྲི། །མཁའ་འགྲོ་མ་དང་ལཱ་མ་དང ། །དུམ་སྐྱེས་མ་དང་གཟུགས་ 226a ༄#། །ཅན་མ། །ཐོད་པ་བཞི་ནི་མཚམས་སུ་བྲི། །དབུས་ཀྱི་དཀྱིལ་འཁོར་མཚམས་སུ་ནི། །རིང་དུ་སོང་ས་མཁའ་འགྲོ་མ། །ལཱ་མ་མི་གཡོ་བ་ཡི་ས། ། ལེགས་པའི་བློ་གྲོས་དུམ་སྐྱེས་མ། །གཟུགས་ཅན་མ་ནི་ཆོས་ཀྱི་སྤྲིན། །སྔོ་ཞིང་སེར་ལ་ལྗང་བ་དང ། །བཞི་པ་དམར་བའི་མདོག་ཅན་ཡིན། །ཁཝ་གདོང་ལ་སོགས་མཁའ་འགྲོ་མ། །སྣ་ཚོགས་མདོག་ཅན་ཡིད་འཕྲོག་མ། །གཤིན་རྗེ་སྲེག་སོགས་མཁའ་འགྲོ་མ། །ཕྱེད་ནི་བུད་མེད་དབང་ཕྱུག་ཞལ། །དཔའ་བོ་ཐམས་ཅད་གཡས་བརྐྱང་གནས། ། ཕྱག་རྒྱ་ལྔ་ཡིས་རྣམ་པར་བརྒྱན། །སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །ཕྱོགས་ཀྱི་གོས་འཆང་སྐྲ་གྲོལ་བ། །ཡིད་འོང་མཁའ་འགྲོ་མ་ཡི་རིགས། །ཐམས་ཅད་ཡི་དྭགས་སྟེང་དུ་བཞུགས། །དཀྱིལ་འཁོར་མཆོག་ནི་རྣམ་པར་བསྒོམས། །པདྨ་ལ་གནས་འཁོར་ལོ་ནི། །དཀྱིལ་འཁོར་སྡོམ་པའི་མཆོག་ཡིན་ནོ། །ཐོད་པ་དང་ནི་ཁ་ཊྭཱཾ་འཛིན། །ཅང་ཏེའུ་ནི་ཕྱག་གཡས་ན། །འདི་ལྟར་མཁའ་འགྲོ་མ་ཡི་གཟུགས། །ཕྱག་མཚན་དག་གིས་རྣམ་པར་བརྒྱན། །ཁཝ་གདོང་ལ་སོགས་མཁའ་འགྲོ་མ། །ལྕགས་ཀྱུ་ཞགས་པ་ལ་སོགས་མཚན། །གཡོན་པར་ཁ་ཊྭཱཾ་གཡས་པར་ནི། །ཇི་སྲིད་ཞགས་པ་ལྕགས་སྒྲོག་དང ། །དྲིལ་བུ་ཡང་ནི་དེ་བཞིན་ 226b ནོ། །གཤིན་རྗེ་སྲེག་སོགས་མཁའ་འགྲོ་མ། །མེ་ལོང་དང་ནི་པི་ཝང་དང ། །དྲི་དང་རོ་ནི་གཡས་པ་ན། །གཡོན་པ་ཐོད་པ་ཁ་ཊྭཱཾ་ག་།དངོས་གྲུབ་ཐམས་ཅད་རབ་སྩོལ་བའི། །རང ་ ་གི་རིགས་ཀྱི་དབུ་རྒྱན་ཅན། །ཐོད་པའི་སྟེང་ན་ཡང་དག་གནས། །འཁོར་ལོ་སོ་སོར་བསྒོམས་ནས་ནི། །འཁོར་དང་བཅས་པས་ཡོངས་སུ་ཁྱབ། །ཡེ་ཤེས་སེམས་དཔའ་ཐུགས་ཀར་བལྟ། །རྣལ་འབྱོར་ཀུན་གྱི་སྦྱོར་བ་ཡིས། །ཡེ་ཤེས་འཁོར་ལོ་དེ་མཐོང་ནས། །བསྒོམས་པས་ཐིམ་པར་བྱས་ནས་སུ། །སྐུ་གསུང་ཐུགས་ཀྱི་ཡེ་ཤེས་ཀྱིས། །དབང་བསྐུར་ནས་ནི་རིམ་པར་སྤྲོ། །ོཾ་ཨཱཿ བཾ་ཧཱུཾ། འདི་དག་ཇི་ལྟའི་རིམ་པ་ཡིས། །སྲོག་དང་སྩོལ་བ་རིམ་པས་བྱ། །མཉམ་པར་སྤྲོས་ནས་དབང་བསྐུར་སྦྱིན། །ཇི་ལྟར་རིམ་པའི་སྦྱོར་བ་ཡིས། །དོགས་པ་མེད་པར་བཟླས་བསྒོམ་བྱ། །ཇི་ལྟར་གསང་སྔགས་རྗེས་མཐུན་པར། །དམ་ཚིག་ཅན་གྱིས་བཟླས་པ་བྱ། །ཧཱུཾ་བྲུཾ། ཨོཾ་ཧྲཱིཾ་ཁཾ་བཾ། ཨོཾ་ཨ་བཾ་ཧཱུཾ། ཨོཾ་ཤྲཱི་མ་ཧཱ་སུ་ཁཾ་བཛྲ་སཏྭ་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བུདྡྷ་ཌཱ་ཀ་ཨ་ལ་ལ་ལ་ཨཿ ཧཱུཾ་ཌཱ་ཀི་ནཱི་ཛཱ་ལ་ཤཾ་བར་ཧཱུཾ་ཕཊ་སཝཱཧཱ། ཨོཾ་ཤྲཱི་རཏྣ་ཌཱ་ཀི་ཏྲཱཾ་ཨཾ་ཨ་ཌཱ་ཀི་ནཱི་ཛཱ་ལ་སཾ་བཾ་རཾ་ཧཱུཾ་ཕཊ་སཝཱཧཱ། ཨོཾ་ཤྲཱི་པདྨ་ཌཱ་ཀི་ཧྲཱི་ཧྲཱིཾ་\?\་ཨ་ཧུཾ་ཨ་ཧུཾ་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་ཌཱ་ཀ་ཨཿ ཧཱུཾ་ཕཊ་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བི་ཤཝ་ཌཱ་ཀི་ཧོ་ཁཾ་ཨཱ་ 227a ༄#། །ཧཱུཾ་ཌཱ་ཀི་ནི་ཛཱ་ལ་སཾ་བ་ར་ཧཱུཾ་ཕཊ་སཝཱཧཱ། ཨོཾ་ཁཾ་ཧཱུཾ་ཕཊ། ཨོཾ་པྲཾ་ཧཱུཾ་ཕཊ། ཨོཾ་ཀཾ་ཧཱུཾ་ཕཊ། ཨོཾ་ཀཾ་ཙཾ་ཧཱུཾ་ཕཊ། ཨོཾ་མཾ་ཧཱུཾ་ཕཊ། ཨོཾ་པྲཾ་ཧཱུཾ་ཕཊ། ཨོཾ་བཾ་ཧཱུཾ་ཕཊ། ཨོཾ་མཾ་ཧཱུཾ་ཕཊ། ཨོཾ་སུཾ་ཧཱུཾ་ཕཊ། ཨོཾ་བི་ཧཱུཾ་ཕཊ། ཨོཾ་ཨཾ་ཧཱུཾ་ཕཊ། ཨོཾ་ཁཾ་ཧཱུཾ་ཕཊ། ཨོཾ་བཾ་ཧཱུཾ་ཕཊ། ཨོཾ་ལཾ་ཧཱུཾ་ཕཊ། ཨོཾ་བཾ་ཧཱུཾ་ཕཊ། ཨོཾ་ཏྲུཾ་ཧཱུཾ་ཕཊ། ཨོཾ་ཨཾ་ཧཱུཾ་ཕཊ། ཨོཾ་ཨཻཾ་ཧཱུཾ་ཕཊ། ཨོཾ་བཾ་ཧཱུཾ་ཕཊ། ཨོཾ་མཾ་ཧཱུཾ་ཕཊ། ཨོཾ་བཾ་ཧཱུཾ་ཕཊ། ཨོཾ་སུཾ་ཧཱུཾ་ཕཊ། ཨོཾ་ཤཝཾ་ཧཱུཾ་ཕཊ། ཨོཾ་བཾ་ཧཱུཾ་ཕཊ། ཨོཾ་སུཾ་ཧཱུཾ་ཕཊ། ཨོཾ་མཾ་ཧཱུཾ་ཕཊ། ཨོཾ་པཾ་ཧཱུཾ་ཕཊ། ཨོཾ་ཁཾ་ཧཱུཾ་ཕཊ། ཨོཾ་མཾ་ཧཱུཾ་ཕཊ། ཨོཾ་ཙཾ་ཧཱུཾ་ཕཊ། ཨོཾ་རཾ་ཧཱུཾ་ཕཊ། ཨོཾ་ཁཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཕཊ། ཨོཾ་ཤོཾ་ཧཱུཾ་ཕཊ། ཨོཾ་ཨཻཾ་ཧཱུཾ་ཕཊ། ཨོཾ་ཙཾ་ཧཱུཾ་ཕཊ། ཨོཾ་ཧཻཾ་ཧཱུཾ་ཕཊ། ཨོཾ་སུཾ་ཧཱུཾ་ཕཊ། ཨོཾ་ཕཾ་ཧཱུཾ་ཕཊ། ཨོཾ་མཾ་ཧཱུཾ་ཕཊ། ཨོཾ་ཕཻཾ་ཧཱུཾ་ཕཊ།་ཨོཾ་ཙཾ་ཧཱུཾ་ཕཊ། ཨོཾ་བཾ་ཧཱུཾ་ཕཊ། ཨོཾ་མཾ་ཧཱུཾ་ཕཊ། ཨོཾ་ཌཱཾ་ཧཱུཾ་ཕཊ། ཨོཾ་ལཾ་ཧཱུཾ་ཕཊ། ཨོཾ་ཁཾ་ཧཱུཾ་ཕཊ། ཨོཾ་རཱུཾ་ཧཱུཾ་ཕཊ། ཨོཾ་ཀཾ་ཧཱུཾ་ཕཊ། ཨོཾ་ཨུཾ་ཧཱུཾ་ཕཊ། ཨོཾ་ཤཾ་ཧཱུཾ་ཕཊ། ཨོཾ་སུཾ་ཧཱུཾ་ཕཊ། ཨོཾ་ཡཾ་ཧཱུཾ་ཕཊ། ཨོཾ་ཡཾ་ཧཱུཾ་ཕཊ། ཨོཾ་ཡཾ་ཧཱུཾ་ཕཊ། ཨོཾ་ཡཾ་ཧཱུཾ་ཕཊ། འཁོར་ལ་སོགས་པ་ཐམས་ཅད་ཀུན། །སྒོམ་ལ་གནས་ནས་བཟླས་པ་བྱ། །འཁོར་ལོས་བསྒྱུར་དྲུག་ལྷན་ཅིག་ཏུ། །མཁའ་འགྲོ་མཁའ་འགྲོ་མ་བཟླས་བྱ། །དམ་ཚིག་ཆེན་པོའི་སྦྱོར་བ་ཡིས། །དམ་ཚིག་དམ་ཚིག་མཆོག་གྱུར་པ། །གཉིས་མེད་འཁྱུད་པའི་སྦྱོར་བ་ 227b ཡིས། །གསང་སྔགས་བཟླས་ན་དངོས་གྲུབ་འགྱུར། །ཟླ་དྲུག་ངེས་ཏེ་གཞན་མིན་པར། །འཁོར་ལོས་བསྒྱུར་དྲུག་དངོས་གྲུབ་འཐོབ། །ཡང་ན་རྡོ་རྗེ་སེམས་དཔའ་དང ། །རྣམ་སྣང་རྡོ་རྗེ་ཉི་མ་དང ། །པདྨ་གར་དབང་རྒྱལ་པོ་དང ། །དབང་ཕྱུག་རྟ་མཆོག་ཧེ་རུ་ཀ་།གནས་སོགས་པ་ཡི་སྦྱོར་བ་ཡིས། །མཁས་པས་ངེས་པར་བསྒོམས་ནས་ནི། །རིམ་པར་སྦྱོར་བའི་རིམ་པ་དང ། །བརྒྱུད་པའི་གནས་ཀྱི་རིམ་པ་དང ། །རྣལ་འབྱོར་མ་ཡི་བཀའ་དག་ནི། །བླ་མའི་བརྒྱུད་པས་འཐོབ་པར་འགྱུར། །གཞན་དུ་སྔགས་པ་འཁོར་བྱེད་ཅིང ། །བཀའ་ནི་ནམ་ཡང་མཐོང་མ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། རིགས་དྲུག་གི་འཁོར་ལོས་བསྒྱུར་བའི་བཀའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་གཞན་ཡང་བཤད་བྱ་བ། །རྣལ་འབྱོར་ལམ་ནི་རྙེད་དཀའ་བ། །རྣལ་འབྱོར་མ་ཡི་སྦྱོར་སྙིང་པོ། །གཞན་གྱི་རྣལ་འབྱོར་རྗེས་མཐུན་པར། །ཡི་གེ་ལས་བྱུང་གཅག་ཅར་ཚུལ། །གཅིག་ཅར་མཚན་མ་ཕྱག་མཚན་ཡིན། །གཅིག་ཅར་རྡོ་རྗེ་སེམས་དཔའ་སྟེ། །བདེ་བ་ཆེན་པོ་བླ་ན་མེད། །དེ་རུ་འཇུག་ཅིང་དེ་ཡི་ཚུལ། །གཅིག་ཅར་ཧེ་རུ་ཀ་དཔལ་མཆོག་།སྟོན་ཀའི་\?\་ནམ་མཁའ་དྲི་མེད་ལྟར། །ཟར་མའི་མེ་ཏོག་དང་མཚུངས་པ། །ཕྱག་བརྒྱད་པ་ལ་ཞལ་བཞི་པ། །འཇིགས་ཤིང་རབ་ཏུ་འཇིགས་པར་མཛད། །གཡས་བརྐྱང་བ་ 228a ༄#། །ལ་ཞབས་ཀྱིས་བཞུགས། །སྤྱན་གསུམ་རྣལ་འབྱོར་མ་ཡི་གཙོ། །ཞལ་གདོང་གཡོན་དཀར་གཡས་དམར་ཏེ། །སྟེང་གི་ཞལ་ནི་སེར་ལ་མཛེས ་ ་དཔའ་བོ་ཐོད་པའི་ཕྲེང་བ་ཅན། །སངས་རྒྱས་ལྔ་ཡི་བྱིན་རླབས་ཅན། །སྟག་གི་པགས་པ་གོས་སུ་བྣབྶ། །མགོ་བོའི་ཕྲེང་བས་རྣམ་པར་བརྒྱན། །འཇིགས་བྱེད་དང་ནི་དུས་མཚན་དག་།ཞབས་ཀྱིས་པདྨར་གནོན་པར་བཞུགས། །རྡོ་རྗེ་དྲིལ་བུ་མཉམ་པས་འཁྱུད། །ཕག་མོ་ཡིས་ནི་བྱིན་པས་འཁྲིལ། །གཉིས་མད་སྦྱོར་པ་མཉམ་ལྡན་པས། །དབུ་སྐྲ་གྲོལ་བ་ཕྱོགས་གོས་ཅན། །སྐུ་མདོག་མཉམ་ཞིང་མཚུངས་པར་ལྡན། །དུམ་བུའི་རྒྱན་གྱི་སྐ་རགས་ཅན། །དེ་ཡི་ཞལ་དང་ཕྱག་མཚན་ཅན། །རྣལ་འབྱོར་དངོས་གྲུབ་རབ་ཏུ་སྩོལ། །ཐོད་པ་དང་ནི་ཁ་ཊྭཱཾ་འཛིན། །རྒྱལ་བའི་པགས་པ་སྟེང་དུ་སྟེ། །ཐོ་བ་མདུང་སྟེ་གཞན་དུ་ནི། །ཚངས་པའི་མགོ་པོ་བརྒྱན་པ་ལ། །ཟླ་བ་ཕྱེད་ས་ཞི་བ་འཛིན། །སྣ་ཚོགས་རྡོ་རྗེ་དབུ་ལ་བརྒྱན། །ཕྱག་རྒྱ་དྲུག་གིས་སྐུ་ལ་བརྒྱན། །རྡོ་རྗེ་མཚན་མ་དག་གིས་བརྒྱན། །རྡོ་རྗེ་ཕྲེང་བའི་དབུ་རྒྱན་ཅན། །འོག་པག་དག་གིས་སྐ་རགས་བྱས། །དཔུང་རྒྱན་རྡོ་རྗེ་མཚན་པ་སྟེ། །སྔགས་པའི་གཙོ་བོས་གསང་སྔགས་ནི། །འདི་ལྟར་ཆོ་གའི་སྙིང་པོ་ཤེས། །ཕག་མོ་བདེ་བར་གནས་པ་ནི། །རྒྱལ་བའི་པགས་པ་ 228b རྣམ་པར་སྤངས། །ཕག་མོ་རྒྱལ་བའི་མཚན་སོགས་ལས། །ཅང་ཏེའུ་གྲི་གུག་རྣམས་ཀྱིས་བརྒྱན། །བཅོམ་ལྡན་འདས་ནི་ལྟེ་བའི་དབུས། །པདྨ་འདབ་བརྒྱད་ཡིད་འོང་བ། ། སྣ་ཚོགས་པདྨ་མདོག་མཛེས་ལ། །ཐམས་ཅད་རྣམ་དག་མཆོག་དམ་པ། །ཤར་གྱི་འདབ་སོགས་ཕྱོགས་ཆ་ལ། །མཁའ་འགྲོ་མ་སོགས་བཞི་པོ་དགོད། །ཤར་དུ་མཁའ ་ ་འགྲོ་མ་དགོད་ཅིང ། །བྱང་དུ་ལཱ་མ་དེ་བཞིན་ཏེ། །ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་གཟུགས་ཅན་མ་ཡིན་ཏེ། །སྔོ་དང་སེར་དང་དེ་བཞིན་དམར། །ལྗང་གུ་དག་ནི་བཞི་པ་འོ། ། ཞལ་བཞི་པ་ལ་ཕྱག་བརྒྱད་པ། །སྤྱན་གསུམ་དྲག་པོ་གཟི་བརྗིད་ཅན། །སྐྱིལ་མོ་ཀྲུང་ནི་ཕྱེད་པར་བཞུགས། །སྐྲ་གྲོལ་བ་ནི་ཡིད་འོང་བ། །ཕྱོགས་ཀྱི་གོས་ཅན་མགོ་ཡི་ཕྲེང་།། ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པ་ཁ་ཊྭཱཾ་ག་འཛིན་ཅིང ། །དྲིལ་བུ་ཅང་ཏེའུ་གྲི་གུག་དང ། །དེ་བཞིན་གཞུ་དང་མདའ་འཛིན་ཅིང ། །རྡོ་རྗེ་མདུང་མཆོག་ཕྱག་ན་འཛིན།། སྙེམས་པའི་ཕྱག་གིས་གར་མཛད་ཅིང ། །ཐུགས་རྗེ་ཆགས་པས་རྣམ་པར་མྱོས། །སྔོ་བ་དང་ནི་སེར་བ་དང ། །ལྗང་གུ་སྟེང་གི་ཞལ་དཀར་པོ། །སེར་ཞིང་སྔོ་ལ་ལྗང་བ་དང་།། སྟེང་གི་ཞལ་གདོང་དྲག་ལ་དམར། །དམར་དང་སྔོ་དང་ལྗང་བ་དང ། །སྟེང་གི་ཞལ་ནི་དཀར་ལ་ཞི། །ལྗང་དང་དམར་དང་སྔོ་བ་དང ། །སྟེང་གི་ཞལ་ནི་སེར་པོ་མཆོག་།བདུད་ 229a ༄#། །བཞི་བོ་ནི་ཞབས་ཀྱིས་གནོན། །བཅོམ་ལྡན་འདས་ལ་གདོང་གིས་ལྟ། །ཟུར་གྱི་ཆར་ནི་བུམ་པ་དག་།ཡེ་ཤེས་བདུད་རྩིས་ཡོངས་གང་བ། །དེ་ཡི་སྟེང་དུ་ཐོང་པ་ནི། །བྱང་ཆུབ་འོ་མས་རབ་གང་བ། །ཕྱི་རོལ་དམ་ཚིག་གསུམ་འཁོར་ལ། །ཁང་པ་བརྩེགས་པ་ལེགས་པར་མཛེས། །ཤར་ཕྱོགས་སུ་ནི་གཽ་རཱི་སྟེ། །བྱང་དུ་དེ་བཞིན་ཙཽ་རི་མ། །ནུབ་ཏུ་རབ་རྨོངས་མ་ཡིན་ནོ། །ལྷོ་རུ་ཡང་ནི་རོ་ལངས་མ། །མེ་ལ་སྤོས་བྱེད་མ་ཡིན་ཏེ། །བདེན་བྲལ་དུ་ནི་གཏུམ་མོ་ཡིན། །རླུང་ཕྱོགས་སྨེ་མོ་ཉིད་ཡིན་ཏེ།། དབང་ལྡན་ཧེ་རུ་ཀ་མ་སྟེ། །དེ་བཞིན་རྣལ་འབྱོར་མ་བརྒྱད་ནི། །དཀར་མོ་སེར་ལ་སྔོ་ལྗང་གུ། །སྐུལ་བྱེད་དམར་ལ་སྔོ་ལྗང་གུ། །རབ་རྨོངས་མ་ནི་སྔོ་སེར་ལྗང ། །རོ་ལངས་མ་ནི་དཀར་སྔོ་ལྗང ། །སྤོས་བྱེད་མ་ནི་སྣ་ཚོགས་མདོག་།དམར་དང་སྔོ་དང་ལྗང་གུའོ། །གཏུམ་མོ་ཡང་ནི་ལྗང་སྔོ་སེར། །སྨེ་མོ་ཡང་ནི་དུད་སྔོ་ལྗང ། །ཧེ་རུ་ཀ་མ་སྔོ་ལྗང་དམར། །འདི་ལྟར་དེ་དག་ཐམས་ཅད་ཀྱང ། །སྤྱན་གསུམ་པ་ལ་སྐྲ་གྲོལ་བ། །ཕྱོགས་ཀྱི་གོས་འཆང་གར་དང་བཅས། །ཡི་དྭགས་གདན་ལ་ལེགས་པར་བཞུགས།། ཕྱག་རྒྱ་ལྔ་ཡེས་རྣམ་པར་བརྒྱན། །ཁ་ཊྭཱཾ་ཐོད་པ་དྲིལ་བུ་དང ། །ཅང་ཏེའུ་ཞགས་པ་ལྕགས་ཀྱུ་ཐོགས། །ཐམས་ཅད་ཐོད་པའི་ཕྲེང་བས་བརྒྱན། །མི་བསྐྱོད་པ་ཡིས་ཅོད་ 229b ཕན་བྱས། །འདི་ལྟར་གནས་དང་ཉེ་གནས་ཀྱི། །དངོས་གྲུབ་ཐམས་ཅད་རབ་ཏུ་སྩོལ། །འདི་ལྟར་ཐུགས་ཀྱི་འཁོར་ལོ་ནི། །ལྷ་མོ་དཀར་མོ་ལ་སོགས་པ། །རྣལ་འབྱོར་མ་ནི་རབ་ཏུ་བཤད། །བསྙེན་པས་བཀའ་དྲིན་སྩོལ་མཛད་དེ། །ཐོགས་པ་མེད་པའི་འབྲས་བུ་འགྲུབ། །ལྷ་མོ་མཁའ་སྤྱོད་གྲུབ་ནས་ནི། །མཁའ་ལ་སྤྱོད་པའི་གོ་འཕང་རྙེད། །དེ་ཡི་ཕྱི་རོལ་གསུང་འཁོར་ལོ། །ཤར་དུ་པི་པཾ་སྟངས་ཐབས་མ། །བྱང་དུ་གླིང་བུའི་སྟངས་ཐབས་མ། །ནུབ་ཏུ་རྫ་རྔ་ཆེ་སྟངས་ཐབས། །ལྷོ་རུ་རྫ་རྔའི་སྟངས་སྟབས་ཏེ། །སྔོ་དང་སེར་དང་དམར་ལྗང་གུ། །མེ་སོགས་རྡོ་རྗེ་བཞད་མ་སྟེ། །རྡོ་རྗེ་སྒེག་མོ་རྡོ་རྗེ་གླུ། །རྡོ་རྗེ་གར་ཏེ་དམར་བ་དང ། །སྔོ་དང་སེར་དང་ལྗང་གུའོ། །དེ་དག་ཞལ་གཅིག་ཕྱག་བཞི་པ། །གཅེར་བུ་དབུ་སྐྲ་གྲོལ་བ་དང ། །ཐོད་པ་ཡི་ནི་ཕྲེང་བ་ཅན། །སྤྱན་གསུམ་པ་ལ་ཡིད་འོང་བ། །ཐོད་པ་དང་ནི་ཁ་ཊྭཱཾ་འཛིན། །ཚམ་ངམ་ལག་པའི་སྟངས་ཐབས་ཀྱིས། །རྡོ་རྗེ་དྲིལ་བུ་སྟངས་ཐབས་ཅན། །མཁྲིག་མ་མཉམ་པར་བྱས་ནས་ནི། །པདྨ་བསྐོར་བའི་སྟངས་ཐབས་ཅན། །ཞིང་དང་ཉེ་བའི་ཞིང་དང་ནི། །ཚནྡོ་དང་ནི་ཚནྡོ་ཧ། །དེ་དག་འོད་དཔག་མེད་དབུ་རྒྱན། །སྐུ་ཡི་འཁོར་ལོའི་ཤར་དུ་ནི། །མེ་ཏོག་མ་བྱང་བདུག་པ་མ། །ནུབ་ཏུ་མར་མེ་ལྷོ་རུ་དྲི། །སེར་དང་དུད་ཀ་དམར་དཀར་པོ། །མེ་ལོང་རོ་དང་རེག་བྱ་ཆོས། །མེ་ཕྱོགས་ལ་སོགས་མཚམས་ 230a ༄#། །བཞི་སྟེ། །ཟླ་བའི་མདོག་ཅན་དམར་ལྗང་དཀར། །དེ་དག་སྤྱན་ནི་གསུམ་པ་སྟེ། །གཅེར་བུ་དབུ་སྐྲ་གྲོལ་བ་དང ། །ཞབས་ཀྱིས་ཀུན་ཏུ་གར་བྱེད་ཅིང ། །ཕྱག་ཏུ་མཆོད་པ་ཐོགས་ནས་ནི། །ཐོད་པ་ཁ་ཊྭཱཾ་ག་འཛིན་ཅིང ། །ཅང་ཏེའུ་ནི་ཕྱག་ནི་བསྣམས། །ཐོད་པ་ཡི་ནི་ཕྲེང་བ་ཅན། །ལྷ་མོ་དེ་དག་འདུ་ས་དང ། །ཉེ་བའི་འདུ་ས་དུར་ཁྲོད་དང ། །ཉེ་བའི་དུར་ཁྲོད་དག་ཡིན་ཏེ། །རྣམ་པར་སྣང་མཛད་དབུ་རྒྱན་བྱས། །སྒོ་རྣམས་རྡོ་རྗེ་ལྕགས་ཀྱུ་དང ། །རྡོ་རྗེ་ཞགས་པ་རྡོ་རྗེ་སྒྲོག་།རྡོ་རྗེ་དྲིལ་བུ་དེ་བཞིན་ཏེ། །སྔོ་དང་ལྗང་དང་དམར་དང་སེར། །ཤར་དང་བྱང་དང་ནུབ་དང་ནི། །ལྷོ་ཡི་ཕྱོགས་ཀྱང་དེ་བཞིན་ནོ། །མེ་ལ་སོགས་པའི་མཚམས་སུ་ནི། །གཤིན་རྗེ་སྲེག་ལ་སོགས་པ་དག་།དམར་དང་སྔོ་དང་དུད་ཀ་སེར། །ཐོད་པ་དང་ནི་ཁ་ཊྭཱཾ་ག་།རང་གི་མཚན་མ་ཅང་ཏེའུ་དང ། །གྲི་གུག་དང་ནི་མགོ་བོ་འཆང ། །སྤྱན་གསུམ་དབུ་སྐྲ་གྲོལ་བ་སྟེ། །གཅེར་བུ་གར་གྱིས་གནས་པས་བཞུགས། །ཐམས་ཅད་ཕྱག་རྒྱ་ལྔ་ཡིས་བརྒྱན། །ཐོད་པ་ཡི་ནི་ཕྲེང་བ་ཅན། །རང་གི་རིགས་ཀྱི་ཅོད་པན་ཅན། །ཇི་ལྟའི་རིམ་པས་རྗེས་སུ་གནས། །དེ་ཡི་སྙིང་གར་ཡེ་ཤེས་སེམས། །སྐུ་གསུང་ཐུགས་ཀྱི་འཁོར་ལོ་གསུམ། །གཙོ་བོའི་བདག་པོ་བསྒོམ་པར་བྱ། །དཀར་དང་དམར་དང་སྔོ་བ་ 230b ཡོད། །དཔའ་བོ་རྣལ་འབྱོར་མ་ལྷན་ཅིག་།ཇི་ལྟ་བུ་ཡིས་བསྒོམས་པ་ནི། །རྗེས་སུ་བསྟན་པའི་སྒོམ་པ་ལས། །ཡེ་ཤེས་ལྕགས་ཀྱུ་དག་གིས་ནི། །ཡེ་ཤེས་འཁོར་ལོ་བཀུག་ནས་ནི། །ཇི་ལྟར་རིམ་པས་མཆོད་དབང་བསྐུར། །གཅིག་ཏུ་བསྡུས་ཏེ་བསྟིམས་ནས་སུ། །ཇི་ལྟའི་རིམ་པ་བསྒོམས་ནས་སུ། །ཡེ་ཤེས་བཟླས་པ་དག་ཀྱང་བྱ། །སྤྲོ་བསྡུ་སྲོག་དང་རྩོལ་བ་ཡིས། །འཐོར་འཐུང་རིམ་པས་བྱས་པ་ཡིས། །སློབ་དཔོན་གྱིས་ནི་བཟླས་པ་བྱ། །ོཾ་ཨཱཿ ཧཱུཾ་ཧཱུཾ། འདི་ལྟ་བུ་ཡི་རིམ་པ་ཡིས། །གྲངས་མེད་པར་ནི་བྱས་ནས་སུ། །ཇི་སྲིད་སྐྱོ་བར་མ་གྱུར་པར། །གོང་གི་དམ་ཚིག་འཁོར་ལོ་ནི། །མཉམ་པར་བཞག་སྟེ་བཟླས་པ་བྱ། །དུང་ཆེན་ཕྲེང་བ་བླངས་ནས་ནི། །སྡོམ་པ་མཆོག་གི་བཟླས་པ་བྱ། །ོཾ་ཨཱཿ ཧཱུཾ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ་ཌཱ་ཀི་ནཱི་ཛཱ་ལ་སཾ་བ་རཾ་སཝཱཧཱ། ཨོཾ་བཛྲ་བཱ་ར་ཧི་ཧུཾ་ཧཱུཾ་ཕཊ། ཨོཾ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མེ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧུཾ་ཧཱུཾ་ཕཊ། ཨོཾ་གཽ་རཱི་ཧུཾ་ཧཱུཾ་ཕཊ། ཨོཾ་ཙཽ་རཱི་ཧུཾ་ཧཱུཾ་ཕཊ། ཨོཾ་པཱ་མ་ཧེ་ཧུཾ་ཧཱུཾ་ཕཊ། ཨོཾ་པཻ་ཏཱ་ལི་ཧུཾ་ཧཱུཾ་ཕཊ། ཨོཾ་པུག་\?\་སི་ཧུཾ་ཧཱུཾ་ཕཊ། ཨོཾ་ཙཎྜ་ལི་ཧུཾ་ཧཱུཾ་ཕཊ། ཨོཾ་གྷསྨ་རི་ཧུཾ་ཧཱུཾ་ཕཏ།ོཾ་ཧེ་རུ་ཀ་སནྣི་བྷ་ཧུཾ་ཧཱུཾ་ཕཊ།་ཨོཾ་བཛྲ་བི་ནེ་ཧུཾ་ཧཱུཾ་ཕཊ། ཨོཾ་བཛྲ་བཾ་ཤེ་ཧུཾ་ཧཱུཾ་ཕཊ། ཨོཾ་བཛྲ་མྲ་\?\་ཧུཾ་ཧཱུཾ་ཕཊ། ཨོཾ་བཛྲ་མུཾ་ར་ཛེ་ཧུཾ་ཧཱུཾ་ཕཊ། ཨོཾ་བཛྲ་ཧཱ་སྱེ་ཧུཾ་ཧཱུཾ་ཕཊ། ཨོཾ་བཛྲ་ལཱ་སྱེ་ཧུཾ་ཧཱུཾ་ཕཊ། ཨོཾ་བཛྲ་གཱི་ཏེ་ཧུཾ་ 231a ༄#། །ཧཱུཾ་ཕཊ། ཨོཾ་བཛྲ་ནརི་ཏྱེ་ཧུཾ་ཧཱུཾ་ཕཊ། ཨོཾ་བཛྲ་པུཥྤེ་ཧུཾ་ཧཱུཾ་ཕཊ། ཨོཾ་བཛྲ་དྷུ་པེ་ཧུཾ་ཧཱུཾ་ཕཊ། ཨོཾ་བཛྲ་དཱི་པེ་ཧཱུཾ་ཧཱུཾ་ཕཊ། ཨོཾ་བཛྲ་གནྡྷེ་ཧུཾ་ཧཱུཾ་ཕཊ། ཨོཾ་རཱུ་པ་བཛྲི་ཧུཾ་ཧཱུཾ་ཕཊ། ཨོཾ་ར་ས་བཛྲི་ཧུཾ་ཧཱུཾ་ཕཊ། ཨོཾ་སྤཪྵ་བཛྲི་ཧུཾ་ཧཱུཾ་ཕཊ། ཨོཾ་དྷརྨ་དྷ་ཏུ་བཛྲི་ཧུཾ་ཧཱུཾ་ཕཊ། ཨོཾ་བཛྲ་ཨཾ་ཀུ་ཤ་ཛཿ ་ཧུཾ་ཧཱུཾ་ཕཊ། ཨོཾ་བཛྲ་པཱ་ཤ་ཧུཾ་ཧཱུཾ་ཕཊ། ཨོཾ་བཛྲ་སྥོ་ཊ་བཾ་ཧུཾ་ཧཱུཾ་ཕཊ། ཨོཾ་བཛྲ་ཨཱ་བེ་ཤ་ཧོཿ ་ཧུཾ་ཧཱུཾ་ཕཊ། ཨོཾ་ཡ་མ་དཱ་ཌྷི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཾཥྚི་ཎཱཾ་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ།་དམ་ཚིག་ཅན་གྱིས་ཚིག་དག་པས། །མོས་པའི་ཡིད་ཀྱིས་རྟག་ཏུ་བཟླ། །ནང་གི་བདག་ཉིད་སྦྱོར་ལྡན་པས། །ཤེས་རབ་ཐབས་ཀྱི་བདག་ཉིད་ཅན། །རང་གི་ཐབས་དང་རིགས་པའི་ལུས། །གཉིས་སུ་མེད་པར་མཉམ་པའི་བདག་།ཁྲོ་བོ་སྤྲུལ་པའི་ཚོགས་སྤྲོས་པས། །འགྲོ་བ་གསུམ་པོ་བཅས་པར་ནི། །ཧེ་རུ་ཀར་ནི་བྱས་ནས་ཀྱང ། །ས་རྣམས་གསུམ་པོ་མ་ལུས་པར། །ཐམས་ཅད་དེར་ནི་བསྡུས་ནས་ཀྱང ། །སྐུ་གསུང་ཐུགས་ལ་རྣམ་པར་གནས། །འདི་ནི་རྣལ་འབྱོར་ཆོ་ག་སྟེ། །འཁོར་ལོ་སྒོམ་པའི་བཟླས་པ་འོ། །རང་གི་ལྷ་ཡི་སྦྱོར་བ་ཡིས། །རྒྱུ་དང་མི་རྒྱུ་མཐོང་བ་ན། །དམ་ཚིག་ཅན་ཉིད་ལངས་དུས་སུ། །དེ་བཞིན་གཤེགས་པ་ཐམས་ཅད་དང ། །དཔའ་ 231b བོ་དང་ནི་རྣལ་འབྱོར་མ། །མཁའ་འགྲོ་དང་ནི་མཁའ་འགྲོ་མ། །ཀུན་གྱིས་གསོལ་བ་གདབ་པར་བྱ། །ཁྲོ་བོ་བདེ་བའི་དགྱེས་པ་ཡི། །ལོངས་སྤྱོད་ལས་ནི་བྱུང་བ་ཡི། །རབ་རྨོངས་མ་ཡིས་བསྙེན་བྱས་ནས། །བདེ་བའི་སྦྱོར་བ་ལ་ཞུགས་ཏེ། །ར་མ་ཧེ་ནངྚ་ཎ་སུ་ར་ཨཱ་མ་ཧཱ་སུ་ཧཱུ་བ་ར་ཛོ་ཨི་ནི་ཀ་མ་ལ་སུ་ཧུ། ཨ་ལ་ལ་ལ་ཧོ། །སུ་ར་ཨ་ཨུཏྟ་མ་མ་ཧཱུཾ། མ་ཧཱ་སིཛྫ། ཨུ་མ་ཛོ་ཨི་ནི་ཛ་ལ་མ་ཧོ། ། ཨཱི། ཨཱ་ཨ་ར་ཧོ། ། རུ་ཧེ་བྱི་ནུ་སུ་བ་ཡ་ནཱ་ཧེ། སུ་ར་ཨ་སུ་ཧུ་དེ་ཧི་བ་ར་ཊཱ་ཨི་ནི། ཛ་ལ་སུ་ཧཱུ་བི་ས་ཕ་ན་ཏ་རོ་ཎ་ཎ་པ་དེ་ཧི་མ་ཧཱ་སུ་ཧཱུ་མ་ཛྫ་མུ་ཧཱུ་མོ་ཀྵུ་པ་ལ་ག་ཁ་ཨུ། ཏུཏྟུ་ས་ཧཱུ་ན་ཨི་སུ་ཧཱུཾ། བཛྫི་ཨུ་མོ་ཁུ་སུ་ཧཱུཾ། ཨི་ན་ཨི་དུ། ཁ་ལ་ཐ་ཨི་མོ་ཁུ་སུ་ཧུ། བ་སུ་ཨི་པཾ་ཀ་ཨུ་མཛ་ཏ་ནུ་ན་བ་རཱ། ཨཱ་པ་ད་ཏྲིཾ། བྷུ་ཛ་ཏ་ནུ་མུཉྨ་ཧཱ་སུ་ཧཱུ། ཨི་ལ་དརྤ་ཡ། ཨུ་མ་ཧཱུ། ཨ་ར་བཱི་ཨ་གི་ཨ་པཾ་ཨུ་ར་སུ། འདི་ཡིས་མགོན་པོ་བསྐུལ་ན་ནི། །དཀྱིལ་འཁོར་དངོས་གྲུབ་ངེས་པ་སྟེ། །སྙན་ཅིང་འཇམ་པའི་མགྲིན་པའི་དབྱངས། །དཔྱིད་ཀྱི་རྒྱལ་པོའི་གླུ་བླངས་པས། །མཁའ་འགྲོའི་དྲ་བ་དྲི་མེད་རྣམས། །གཟིགས་ཤིང་ལས་ཀུན་མཛད་པ་ཡིན། །རྡོ་རྗེ་པདྨ་ཡིད་འོང་མ། །སྦྱོར་པས་དངོས་གྲུབ་ཐམས་ཅད་འགྲུབ། །དགྱེས་པ་འདི་ཡིས་བསྐུལ་ན་ནི། །བདེ་བ་ཆེན་པོ་སྩོལ་བ་ཡིན། །སྦྱོར་བ་ཡི་ནི་དུས་དག་ཏུ། །རྡོ་རྗེ་ཅན་གྱིས་རབ་ཏུ་སྦྱར། །ཐོག་མ་དབུས་དང་མཐར་ཐུག་ 232a ༄#། །པར། །ཡི་གེ་བརྒྱ་པའི་གསང་སྔགས་བཟླ། །འཁོར་ལོ་དག་ནི་བརྟན་བྱས་ཏེ། །དཔའ་བོ་དང་ནི་མཁའ་འགྲོ་མ། །འདི་ནི་ཀུན་གྱི་གསང་སྔགས་ཏེ། །ཁྲོ་བོ་སངས་རྒྱས་དེ་བཞིན་གཤེགས། །ཐམས་ཅད་སྙིང་གར་བརྟན་བྱས་ཏེ། །བསྒོམས་པས་ཐམས་ཅད་བརྟན་པར་འགྱུར། །གལ་ཏེ་བདག་ཉིད་དངོས་གྲུབ་འདོད། །དངོས་གྲུབ་ཐམས་ཅད་གནས་པ་ཡིན། །ོཾ་བཛྲ་ཧེ་རུ་ཀ་ས་མ་ཡ་མ་ནུ་པཱ་ལ་ཡ་བཛྲ་ཧེ་རུ་ཀ་།ཏྭེ་ནོ་པ་ཏིཥྛ། དྲི་ཌྷོ་མེ་བྷ་བ། སུ་ཏོཥྱོ་མེ་བྷ་བ། ཨ་ནུ་རཀྟོ་མེ་བྷ་བྷ་བ། །སུ་པོ་ཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲི་ཡཿ ་ཀུ་རུ་ཧཱུཾ། ཧ་ཧ་ཧ་ཧ་ཧོ། །བཛྲ་ཧེ་རུ་ཀ་མཱ་མེ་མུཉྩ་ཧེ་རུ་ཀ་བྷ་བ། མ་ཧཱ་ས་མ་ཡ་སཏྭ་ཨཿ ་ཧཱུཾ་ཕཊ་སཝཱཧཱ། འདི་ནི་བཅོམ་ལྡན་ཀུན་ཁྱབ་ཅིང ། །ཡི་གེ་བརྒྱ་པ་མཆོག་གྱུར་པ། །ཧེ་རུ་ཀ་མཆོག་རང་ཉིད་ཡིན། །ཕྱིར་ཟློག་པ་ནི་གང་ཡིན་པ། །བཅུ་དྲུག་འདབ་མ་ལ་བཀོད་ཅིང ། །རྗེས་སུ་བསྟན་པའི་དཀྱིལ་འཁོར་ཀུན། །བདག་གིས་བསྒོམས་ཤིང་བརྟན་པར་བྱ། །རང་གི་ལྷ་ཡི་སྦྱོར་བ་ཡིས། །ཇི་ལྟར་བདེ་བར་གནས་པར་བྱ། ། རྣལ་འབྱོར་འདི་འདྲ་བསྒོམས་ན་ནི། །ཁམས་གསུམ་པ་ཡང་མཐོང་འགྱུར་ཏེ། །བདག་ཉིད་དཔའ་བོའི་མཚན་ཉིད་དེ། །དེ་ལྟར་སྲིད་བའང་སྟོང་པ་ཡིན། །བསྒོམས་ 232b བས་བདག་ཉིད་ཡང་དག་གནས། །འདིར་ནི་དཀའ་ཐུབ་བཤད་པ་མེད། །ཕྲེང་བ་མེད་ཅིང་སྔགས་ཀྱང་མེད། །གཟུངས་དང་སྦྱིན་སྲེག་ལས་རྣམས་དང ། །ཆོ་གའི་རིམ་པའི་གཞི་ཡང་མེད། །རྣལ་འབྱོར་ཕྱག་རྒྱ་བྱེད་པའང་མེད། །གཡས་བརྐྱང་ཞབས་ཀྱི་རིམ་པའང་མེད། །རྡོ་རྗེ་ཆེན་པོ་དངོས་འཛིན་པ། །རང་བྱུང་དངོས་གྲུབ་ཀུན་མཛད་པ། །འགོག་པ་ཉིད་ཀྱང་མཛད་པ་མེད། །བདག་ཉིད་བདག་གིས་མཆོད་པར་བྱ། །ཟླ་བའི་དཀྱིལ་འཁོར་གང་བ་ནི། །ལྟེ་བའི་དབུས་སུ་རྣམ་པར་བསྒོམ། །ཡི་གེ་གནས་ཀྱི་མཆོག་གྱུར་པ། །ལྷ་ཡི་གཟུགས་སུ་སྒོམ་པ་ནི། །དེ་ཡི་དབུས་སུ་རྣམ་པར་བསམ། །སྐུ་གསུང་ཐུགས་ནི་འདུས་པ་ཅན། །དེ་ཡི་ལུས་ལས་འདས་གྱུར་ཏེ། །སེམས་ཀྱི་དངོས་ཀྱང་བཙལ་དུ་མེད།། ཆགས་པ་མེད་ཅིང་ཆགས་བྲལ་མེད། །ཆགས་བྲལ་དང་ནི་ལྡན་གྱུར་པ། །སྙིང་གི་པདྨའི་དབུས་སུ་ནི། །བརྟགས་པས་ལེགས་པར་རྙེད་པ་ནི། །ཡིད་ཀྱིས་ངལ་བསོས་བྱས་པ་སྟེ། །རྣལ་འབྱོར་མ་ཀུན་བུད་མེད་ཡིན། །ཕྱག་རྒྱ་མཆོག་ཏུ་བཤད་པ་འོ། །ཟླ་བའི་སྟེང་དུ་བརྒྱ་ཕྱེད་རྒྱན། །ཡེ་ཤེས་སེམས་ནི་བསམ་པ་ནི། །མཆོག་སྟེ་སྤྱད་པར་བྱ་བ་མེད། །བླ་མའི་མན་ངག་ལམ་དང་ནི། །སེམས་ནི་མཆོག་ཏུ་འབར་བ་ཡིས། །འདི་ལྟར་ཞི་བའི་གནས་དེ་ནི། །འཇིག་རྟེན་དུ་མས་མ་རྟོགས་ཏེ། །སྦྱོར་དང་སྦྱོར་བ་བྲལ་བྱས་ནས། །གོ་འཕང་ 233a ༄#། །གཅིག་བུས་ཁྱབ་པ་ཡིན། །འདི་ལྟར་བྱང་ཆུབ་འབྲས་བུ་རྙེད་པར་དཀའ་བ་སྟེ། །དང་པོར་དབྱངས་ཀྱི་ཡི་གེ་ལས་བྱུང་གཞན་དུ་ཡང ། །སྟེག་དན་གཞུང་ལུགས་ལོག་པའི་བློ་གྲོས་དེ་ཉིད་ནི། །མ་ནིང་ཤེས་རབ་ལོང་བ་གཟུགས་བཞིན་འབྲས་བུ་མེད། །མངོན་པར་བརྗོད་པའི་རྒྱུད་བླ་མའི་བླ་མ་ལས། །སྐུ་གསུང་ཐུགས་ཀྱི་གནས་ཀྱི་རིམ་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་སྦྱོར་བ་བཤད་བྱ་བ། །ཐོད་པ་སངས་རྒྱས་མཆོག་དམ་པ། །དེ་ཉིད་སྦྱོར་བ་ཀུན་གྱི་མཆོག་།དངོས་གྲུབ་ཐམས་ཅད་རབ་སྩོལ་བ། །གསང་བ་ལེགས་པར་སྦ་བྱ་ཞིང ། །གང་གིས་སུ་ལ་འང་མི་བསྟན་ཏོ། །དེ་ཉིད་མཆོག་གི་སྒོམ་པ་གཟུང ། །རྣལ་འབྱོར་མ་ཡི་སྙིང་ལ་གནས།། གསང་བ་བསྟན་པར་སྦ་བྱ་ཞིང ། །བླ་མའི་ངག་ནི་བསྒོམ་པར་བྱ། །དུར་ཁྲོད་གནས་ནི་ཡིད་འོང་བ། །སྒྲུབ་པ་པོ་ཡིས་ངེས་བསྟན་པ། །བསྐྱེད་པའི་རིམ་པའི་སྦྱོར་བ་ཡིས། །ས་དང་གནས་ཀྱི་རིམ་པ་དང ། །རྡོ་རྗེ་ལྟེ་བའི་དབུས་སུ་ནི། །ཡི་གེ་ཧཱུཾ་ནི་བསྒོམ་པར་བྱ། །དེ་ཡིས་ཁྱབ་པར་བདག་ཉིད་ནི། །སངས་རྒྱས་ཐོད་པ་ཅན་གྱི་མཆོག་།གནས་མེད་ཞི་ཞིང་དག་པ་སྟེ། །རྟོག་པ་ཐམས་ཅད་རྣམ་སྤངས་ཡིན། །ཱ་ལི་ཀཱ་ལི་ལས་རང་བྱུང ། །གཉིས་མེད་མཆོག་ཏུ་ཞི་བ་སྟེ། །ཕྱག་གཉིས་པ་ལ་ཞལ་གཅིག་པ། །ཕྱག་རྒྱ་ 233b དྲུག་གིས་རྣམ་པར་བརྒྱན། །འཛམ་བུའི་མདོག་ཅན་མཉམ་པས་ཁྱབ། །འོད་ཟེར་ཕྲེང་བས་ཀུན་ཏུ་འཁྲིགས། །ཐོད་བའི་ཕྲེང་བའི་དབུ་རྒྱན་ཅན། །སྤྱན་གསུམ་པ་ལ་བཞད་པའི་ཞལ། །སེམས་དཔའ་ཀུན་གྱི་སྒོམ་པ་སྟེ། །གཉིས་མེད་ཆོས་ནི་བླ་ན་མེད། །སྟག་གི་པགས་པ་གོས་སུ་བྣབྶ། །ན་རའི་པགས་པ་སྟེང་དུ་བརྐྱང ། །ཐོད་པ་དང་ནི་ཁ་ཏྭཱཾ་འཛིན། ། གཡས་པ་མི་འཇིགས་ཕྱག་རྒྱ་ཅན། །སངས་རྒྱས་ལྔ་ཡི་དབུ་རྒྱན་ཅན། །མགོ་བོའི་ཕྲེང་བས་རྣམ་པར་བརྒྱན། །དེ་ཡི་ཕྱག་གཡོན་ཐོད་པ་ནི། །རྐང་གིས་རབ་ཏུ་གང་བ་དང ། སེམས་ཅན་ཀུན་གྱི་དོན་གྱི་ཕྱིར། །ཡེ་ཤེས་འཆི་མེད་ལྔས་བསྲེས་པ། །ཁ་ཊྭཱཾ་ག་ནི་ལྷའི་རྣལ་འབྱོར། །ཐོད་པ་དཔའ་བོ་རྣལ་འབྱོར་མ། །གཡས་པ་མི་འཇིགས་དག་པ་སྟེ། །འཇིགས་པ་མ་ལུས་མི་འཇིགས་གྲོལ། །གདུག་ཅིང་འཇིགས་པ་མ་ལུས་ཀུན། །འདིར་ནི་ཞབས་ཀྱིས་གནོན་པར་མཛད། །གདུག་པས་འཇིགས་པ་ཐམས་ཅད་སྤོང ། །ཟླ་བ་ཕྱེད་པ་ཞི་བ་འཛིན། །སྣ་ཚོགས་རྡོ་རྗེ་དབུ་ལ་མཚན། །རྡོ་རྗེ་ཕྲེང་བས་དཔྲལ་བ་མཛེས། །རྐང་རྒྱན་ཡིད་འོང་རྒྱན་ཆ་ཅན། །སྣ་ཚོགས་པདྨ་འདབ་བརྒྱད་ཀྱི། །ལྟེ་བའི་དབུས་ནས་བཞེངས་པ་ནི།། འཇིགས་བྱེད་དང་ནི་དུས་མཚན་དག་།ཆགས་བཞེ་སྡང་ཞབས་ཀྱིས་གནོན། །ཡེ་ཤེས་སེམས་དཔའ་དེ་གཟུགས་ཅན། །ཡི་གེ་བྲུཾ་ལས་བྱུང་བར་བསྒོམ། །ཐུགས་ཀྱི་འཁོར་ལོ་ 234a ༄#། །སྙིང་ག་རུ། །ཧེ་རུ་ཀ་ནི་རྣམ་པར་བསྒོམ། །གསུང་གི་འཁོར་ལོ་ཁ་ལ་བསྒོམ། །སྐུ་ཡི་འཁོར་ལོ་སྔ་མ་བཞིན། །སྔོ་དང་དམར་དང་དཀར་བ་དང ། ། ཕྱག་དྲུག་པ་ལ་ཞལ་གསུམ་པ། །རྡོ་རྗེ་དྲིལ་བུ་མཉམ་པར་ལྡན། །སྤྱན་གསུམ་པ་ལ་བཞིན་རྣམ་སྒྱུར། །ཐོད་པ་དང་ནི་ཁ་ཊྭཱཾ་འཛིན། །རྩེ་གསུམ་པ་དང་ཐོད་པ་འཆང ། །རང་རིག་ལུས་དང་ཡང་དག་འདུས། །བདེ་བ་ཆེན་པོའི་གོ་འཕང་གནས། །དཀྱིལ་འཁོར་བཞི་ཡི་དབུས་དག་ཏུ། །ཡི་གེ་གསུམ་སོགས་ལས་བྱུང་བ། །ཐོད་པའི་ཕྲེང་བའི་དབུ་རྒྱན་ཅན། །རང་གི་མཚན་མའི་མཆོག་དང་ལྡན། །གནས་ལ་སོགས་པའི་རིམ་སྦྱོར་བ། །སྡོམ་པ་གསུམ་གྱི་མཆོག་དམ་པ། །མཁའ་འགྲོ་མ་དང་ལཱ་མ་དང ། །དུམ་སྐྱེས་ན་\?\་དང་གཟུགས་ཅན་མ། །པདྨའི་ཕྱོགས་ཀྱི་གནས་ལ་དགོད། །ཐོད་པ་བཞི་པོ་མཆོག་ཡིན་ཏེ། །མཁའ་འགྲོ་མ་ནི་ཁ་དོག་སེར། །ལཱ་མ་པ་ལ་ཤ་ཡི་མདོག་།དུམ་སྐྱེས་མ་ནི་སྔོན་པོ་སྟེ། །གཟུགས་ཅན་མ་ནི་དམར་ལ་འབར། །ཐོད་པ་དང་ནི་ཁ་ཊྭཱཾ་འཛིན། །གཡས་པ་མི་འཇིགས་མཆོག་ཡིན་ཏེ། །སྒོ་རྣམས་སུ་ནི་ལྷ་མོ་བཞི། །ཁཝ་གདོང་ལ་སོགས་མཁའ་འགྲོ་མ། །སྔོ་དང་སེར་དང་དེ་བཞིན་དམར། །ལྗང་གུ་དྲག་པོའི་གཟུགས་ཅན་ནོ། །མཚམས་སུ་གཤིན་རྗེ་སྲེག་ལ་སོགས། །རབ་འཇིགས་ཤིན་ཏུ་འཇིགས་པ་སྟེ། །ཐོད་པ་དང་ 234b ནི་ཁ་ཊྭཱཾ་འཛིན། །མི་འཇིགས་མཆོག་ཀྱང་དེ་བཞིན་ཏེ། །ཅང་ཏེའུ་དང་ནི་གྲི་གུག་ཉིད། །བདུད་ནི་བཞི་པོའི་སྟེང་ན་བཞུགས། །སྤྱན་གསུམ་པ་ལ་སྐྲ་གྲོལ་བ། །ཕྱོགས་ཀྱི་གོས་མཆོག་འཛིན་པ་སྟེ། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །མེ་ལོང་རོ་དང་དྲི་དང་ནི། །རེག་གི་མཆོད་པ་བཞི་པོ་སྟེ། །ས་བཅུ་དག་ནི་རིམ་པ་དང ། །སྐུ་གསུང་ཐུགས་ཀྱི་སྦྱོར་བ་ཡིས། །ཕྱི་དང་ནང་གི་ཆོས་རྣམས་ཀུན། །བྱང་ཆུབ་ཕྱོགས་ཀྱིས་རྣམ་པར་དག་།ཀ་ལ་སོགས་པ་ཉི་ཤུ་བཞི། །མགོ་ལ་བིནྡུས་མནན་པ་སྟེ། །གསལ་བྱེད་ཧཱུཾ་གཉིས་དང་ཡང་སྦྱར། །མཐར་ནི་ཕཊ་དང་རབ་ཏུ་སྦྱར། །དཔའ་བོ་ཀུན་གྱི་གསང་སྔགས་ནི། །འདོད་པའི་འབྲས་བུ་ཐམས་ཅད་སྟེར། །གསལ་བྱེད་མཁའ་འགྲོ་མ་ཡི་མིང ། ། མཐར་ནི་ཧཱུཾ་ཧཱུཾ་ཕཊ་ཡིན་ཏེ། །འདི་ལྟར་རབ་གཏུམ་མཁའ་འགྲོ་མ། །སྔགས་ཀྱི་དེ་ཉིད་བདེ་བ་སྟེར། །སྐུ་གསུང་ཐུགས་ཀྱི་རྡོ་རྗེ་ནི། །ཧཱུཾ་ཨཱཿ ་ཨོཾ། འདི་ནི་རབ་ཏུ་གསང་བ་སྟེ། །པདྨའི་འདབ་ལ་མཁའ་འགྲོ་མ། །གསལ་བྱེད་མ་ནིང་དང་བཅས་པ། །ཧཱུཾ་ནི་གཉིས་པ་ཉིད་ཡིན་ཏེ། །མཁས་པས་མཐར་ནི་ཕཊ་དང་སྦྱར། །ཁ་གདོང་ལ་སོགས་གསང་སྔགས་ནི། །ཡ་ར་ལ་ཝ།་གསལ་བྱེད་དང་ནི་བཅས་པ་སྟེ། །མཐར་ནི་ཧཱུཾ་དང་ཕཊ་དང་སྦྱར། །གཤིན་རྗེ་སྲེག་མ་ལ་སོགས་པ། །ཤ་ཥ་ས་ཧ། གསལ་བྱེད་དང་ནི་ཧཱུཾ་གཉིས་དང ། །ཕཊ་ཀྱང་དེ་ 235a ༄#། །བཞིན་སྦྱར་བར་བྱ། །དབུས་སུ་སངས་རྒྱས་ཐོད་པ་ཡི། །གསང་སྔགས་དེ་བཞིན་རྗེས་སུ་དྲན། །ོཾ་ཨཾ་ཨཱཾ། ཨིཾ་ཨཱིཾ། ཨུཾ་ཨཱུཾ། ཨེ་ཨཻ། ཨཾ་ཨཿ ་ཥ་སཝཱ་ཧཱ་ཁམས་དང་ཕུང་པོ་སྐྱེ་མཆེད་ལ། །གོ་ཆ་རྣམས་ནི་སྦྱར་བར་བྱ། །ཡེ་ཤེས་འཁོར་ལོ་དམ་ཚིག་དང ། །མཉམ་པའི་རོ་ཡིས་མཆོད་པར་བྱ། །མཆོད་པ་བཞི་པོའི་གསང་སྔགས་རྣམས། །རང་མིང་གསལ་བྱེད་ཧཱུཾ་བྱས་ཏེ། །འདི་ལྟར་དཀྱིལ་འཁོར་དག་དང་སྦྱར། །སངས་རྒྱས་ཐོད་པ་ལས་བྱུང་བ། །རྡོ་རྗེ་རྒྱན་ནི་བགོས་པ་སྟེ། །ཐམས་ཅད་རིམ་པ་བཞིན་དུ་སྦྱར། །འཐོར་འཐུང་དུ་ནི་རབ་སྦྱར་བས། །གསང་བ་བཞི་པོ་བཟླ་བར་བྱ། །སྤྲོ་དང་བསྡུ་བའི་སྦྱོར་བ་ཡིས། །འཁོར་ལོ་གསུམ་གྱི་རིམ་པ་དང ། །འདིར་ནི་ཆོ་གའི་སྦྱོར་བ་ཡིས། །དུས་བཞི་དག་ཏུ་སྦྱར་ནས་སུ། །དམ་ཚིག་འཁོར་ལོའི་བཟླས་པ་བྱ། །དམ་ཚིག་མཆོག་ནི་དངོས་གྲུབ་འགྱུར། །དམ་ཚིག་ཅན་གྱི་གསང་སྔགས་ཀུན། །སངས་རྒྱས་ཐོད་པ་མཆོག་ཡིན་ཏེ། །མཉམ་པར་མ་བཞག་སྦྱོར་བ་ཡིས། །འདི་ལྟར་ཐམས་ཅད་རབ་ཏུ་བརྟག་།དམ་ཚིག་རྟག་ཏུ་བསྐྱང་བྱ་ཞིང ། །ཡེ་ཤེས་འཆི་མེད་ལྔ་ཡི་མཆོག། ཡང་ན་རང་མིང་བཟླས་པ་བྱ། །སྔགས་ཀྱི་དེ་ཉིད་བཟླས་པར་བྱ། །ོཾ་ཤྲཱི་བུདྡྷ་ཀ་པཱ་ལི་བྲུཾ་ཨཱཿ ་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཕཊ་སཝཱཧཱ། འདི་ནི་ཡིད་འོང་སྦྱོར་བའི་མཆོག་།རྣལ་འབྱོར་ 235b མ་ཡི་ཡེ་ཤེས་མཆོག་།གང་དུ་དམ་ཚིག་ཉམས་པ་ལ། །སྦྱོར་བ་འདི་ནི་སྦྱིན་པར་བྱ། །ཞི་བར་གྱུར་ནས་བླ་མེད་པ། །རྣལ་འབྱོར་མེ་ཡིས་དབང་ཡང་བསྐུར། །དུས་བཞི་དག་ཏུ་རིམ་པ་ཡིས། །ཕྱི་དང་ནང་གི་ཆུས་ཁྲུས་བྱ། །ཡང་ན་དམ་ཚིག་སྡོམ་པ་བླང ། །བླ་མ་ལ་ནི་གསོལ་བ་གདབ། །བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག་།གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་སྐྱབས་སུ་མཆི། །དེས་ནི་ཐེ་ཚོམ་མེད་བྱས་ནས། །ངེས་པར་དངོས་གྲུབ་ཅན་དུ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས། དམ་ཚིག་ལས་ལྡང་བ་སངས་རྒྱས་ཐོད་པ་བསྐྱེད་པ་སྟེ་ལེའུ་ཉི་ཤུ་རྩ་དྲུག་པའོ།། །།དེ་ནས་གཞན་ཡང་བཤད་བྱ་བ། །གསང་བའི་དེ་ཉིད་རྙེད་དཀའ་བ། །གསང་སྔགས་ཀུན་ནི་བསྐྱེད་པ་དང ། །འགྲོ་བའི་གནས་དང་འགྲོ་བ་དང ། །རྣལ་འབྱོར་མ་དང་དཔའ་བོ་ཀུན། །སངས་རྒྱས་རྣམས་ཀྱི་གནས་མཆོག་ཡིན། །མི་ཟད་གཉིས་མེད་རྣམ་པར་དག་།ཐོག་མ་དབུས་མཐར་དྲི་མ་མེད། ། ཡི་ཡེ་ཤེས་ལས་བྱུང་བ། །རྡོ་རྗེ་སེམས་དཔའ་བདེ་བ་ཆེ། །ཞལ་གསུམ་ཕྱག་དྲུག་ཞི་བ་སྟེ། །སྤྱན་གསུམ་པ་ལ་ཐུགས་རྗེའི་ཉམས། །ཕྱག་རྒྱ་ཆེ་དང་ཡང་དག་ལྡན། །རང་བཞིན་དག་ཅིང་ 236a ༄#། །དྲི་མ་མེད། །རལ་པ་ཟླ་ཕྱེད་དབུ་ལ་བརྒྱན། །སྣ་ཚོགས་རྡོ་རྗེས་དབུ་ལ་མཚན། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔ་ཡིས་རྣམ་པར་བརྒྱན། །སེམས་དཔའ་སྐྱིལ་མོ་ཀྲུང་གིས་བཞུགས། །ཕྱག་རྒྱ་དྲུག་གིས་རྣམ་པར་བརྒྱན། །རྡོ་རྗེ་དྲིལ་བུ་མཉམ་པར་ལྡན། །རལ་གྲི་ལྕགས་ཀྱུ་ཕྱག་ན་བསྣམས། །རིན་ཆེན་ཞགས་པ་མཛེས་པ་འཛིན། །དངོས་གྲུབ་ཐམས་ཅད་རབ་ཏུ་སྩོལ། །དཀར་དང་སྔོ་དང་དམར་བའི་ཞལ། །རྣམ་ཐར་གསུམ་གྱི་གནས་ཀྱི་མཆོག་།ཡེ་ཤེས་སེམས་དཔའ་སྙིང་ག་རུ། །འཁོར་ལོ་གསུམ་གྱི་མཆོག་ཀྱང་སྒོམ། །ཧཱུཾ་ལས་ཐུགས་ཀྱི་འཁོར་ལོ་སྟེ། །དེ་ཡི་ཕྱག་མཚན་སྔོན་པོ་དང ། །ཱཿ ་ལས་གསུང་གི་འཁོར་ལོ་སྟེ། །དེ་ཡི་ཕྱག་མཚན་དམར་པོ་འོ། །ོཾ་ལས་སྐུ་ཡི་འཁོར་ལོ་སྟེ། །དེ་ཡི་ཕྱག་མཚན་དཀར་པོ་ཡིན། །དཔའ་བོ་རྣལ་འབྱོར་མ་མཉམ་སྦྱོར། །སྐུ་གསུང་ཐུགས་ནི་དྲི་མ་མེད། །རཾ་ལས་ཕྱག་རྒྱ་ཆེན་པོ་སྟེ། །ལྟེ་བའི་དབུས་སུ་རྣམ་པར་བསམ། །ི་ལས་བྷ་ག་པདྨ་སྟེ། །བྱང་ཆུབ་ཟླ་བ་དྲི་མ་མེད། །ུ་ནི་སྙིང་གར་བསམ་པ་སྟེ། །ེ་ནི་མགོ་ལ་རྣམ་པར་དགོད། །ེ་ནི་སྤྱི་གཙུག་དག་ཏུ་དགོད། །ཾ་ནི་མིག་ཏུ་དགོད་པ་སྟེ། །ི་ནི་གོ་ཆར་བྱས་ནས་སུ། ། ནི་མདུན་གྱི་མཚོན་ཆའོ། །ལྀ་ལས་ལྷ་མོ་སྤྱན་ཡིན་ཏེ། །རྀ་ལས་ 236b དམ་ཚིག་སྒྲོལ་མ་ཡིན། །ལཱྀ་ལས་ལྷ་མོ་གོས་དཀར་མོ། །རཱྀ་ལས་རིན་ཆེན་ཡང་དག་འབྱུང ། །རིན་ཆེན་སྒྲོན་དང་ཡེ་ཤེས་སྒྲོན། །དཀར་ཞིང་པ་ལ་ཤ་ཡི་མདོག་།དམར་ཞིང་ཛམ་བུ་ཆུ་བོའི་མདོག་།ཞལ་གསུམ་པ་ལ་ཕྱག་དྲུག་པ། །སྤྱན་གསུམ་དགྱེས་པས་རྣམ་པར་མྱོས། །ཐམས་ཅད་ཕྱོགས་ཀྱིས་གོས་ཅན་ཏེ། །རང་གི་ཐབས་དང་མཉམ་པར་ལྡན། །འཁོར་ལོ་སྣ་ཚོགས་རྡོ་རྗེ་དང ། །པདྨ་དམར་པོ་རིན་ཆེན་དང ། །རྡོ་རྗེ་དྲིལ་བུ་ལྷན་ཅིག་སྦྱར། །འདོད་པ་ཐམས་ཅད་རབ་ཏུ་སྩོལ། །རལ་གྲི་མདའ་དང་ལྕགས་ཀྱུ་འཛིན།། གཞུ་ནི་འགུགས་པར་འཛིན་པ་སྟེ། །མཚན་རྣམས་ཐམས་ཅད་ཡོངས་སུ་རྫོགས། །ཐོད་པ་ཡི་ནི་ཅོད་པན་ཅན། །སྣ་ཚོགས་པདྨའི་དབུས་སུ་ནི། །སེམས་དཔའི་སྐྱིལ་མོ་ཀྲུང་དུ་བཞུགས། །དེ་དག་སྒོ་རུ་དགོད་པ་སྟེ། །དབུས་སུ་གཙོ་བོའི་ཟླ་བའི་གདན། །ཟུར་ལ་མཆོད་པ་རྣམ་པ་བཞི། །ཕྱོགས་ཀྱི་གོས་ཅན་སྐྲ་གྲོལ་བ། །ཞལ་གསུམ་པ་ལ་ཕྱག་དྲུག་པ།། སྦྱན་གསུམ་ཐོད་པའི་ཕྲེང་བ་ཅན། །མེ་ལོང་དང་ནི་པི་ཝང་དང ། །དྲི་དང་དུང་དང་བཅུད་ཀྱིས་ལེན། །ཆང་གི་བཏུང་བ་ལག་པས་མཆོད། །གཞན་དུ་ཇི་ལྟར་བདག་པོ་བཞིན། །རྒྱན་རྣམས་ཐམས་ཅད་ཡོངས་སུ་རྫོགས། །སྐྱིལ་ཀྲུང་ཕྱེད་པར་ལེགས་པར་བཞུགས། །ལག་པ་སྙིམ་པའི་ཐལ་མོ་ཡིས། །མཆོད་པ་ལག་ཏུ་ཐོགས་ནས་ནི། །འདི་ལྟའི་ཆོ་གས་ 237a ༄#། །ཐམས་ཅད་མཁྱེན། །ཱ་ལི་དེ་ཉིད་དྲི་མ་མེད། །གསང་བ་མཆོག་ནི་རྙེད་དཀའ་བ། །རྡོ་རྗེ་སེམས་དཔའ་བཤད་པ་ཡིན། །སྔགས་ཀྱི་དེ་ཉིད་ཆོ་ག་དག་།སྐུ་གསུང་ཐུགས་སུ་ཡང་དག་སྦྱར། །ོཾ་ཤྲཱི་མ་ཧཱ་སུ་ཁ་བཛྲ་ས་ཏྭ་ཨ་ཨཱཿ ་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་རཾ་སཝཱཧཱ། ཨོཾ་སིདྡྷི་ལོ་ཙ་ནཱི་ལི་ཨཱཿ ་ཧཱུཾ་སཝཱཧཱ། ཨོཾ་ས་མ་ཡ་ཏཱ་རེ་ཏུཏྟ་རེ་ཏུ་རེ་རྀ་ཨཱཿ ་ཧཱུཾ་སཝཱཧཱ། ཨོཾ་པདྨོ་དྡྷ་ཝེ་པཱཎྜ་ར་བ་སི་ནི་སི་ལི་ཨཱཿ ་ཧཱུཾ་སཝཱཧཱ། ཨོཾ་རཏྣ་ཀུ་ལ་ཀེ་ཀ་རཏྣ་ཛཱ་ལི་ནཱི་རཱྀ་ཨཱཿ ་ཧཱུཾ་སཝཱཧཱ། ཨོཾ་རཱུ་པ་བཛྲི་བྲུཾ། ཨོཾ་ཤབད་བཛྲི་ཧཱུཾ། ཨོཾ་གནྡྷ་བཛྲི་ཁཾ། ཨོཾ་ར་ས་བཛྲི་ཧྲཱིཿ ། ཐམས་ཅད་མཁྱེན་པ་དབང་ཕྱུག་མཆོག་།བྷ་གའི་དབུས་སུ་གནས་པར་བསྒོམ། །ཱ་ལི་རྡོ་རྗེ་གསང་བ་སྟེ། །སེམས་ཅན་ཀུན་གྱི་སྙིང་ལ་གནས། །གང་གིས་དངོས་པོ་ཀུན་གསང་བ། །དེ་ཡི་གསང་བ་བཤད་པ་ཡིན། །རྣལ་འབྱོར་པ་ཡིས་དུས་བཞི་རུ། །བཟླས་དང་བསྒོམ་པར་ལྡན་པར་བྱ། །སོམ་ཉི་ཐམས་ཅད་སྤངས་ནས་ནི། །སེམས་དཔའ་ཆེན་པོ་བརྩོན་འགྲུས་བརྟན། །ཡེ་ཤེས་འཁོར་ལོ་མཐོང་ནས་ནི། །དམ་ཚིག་ཅན་གྱིས་མཆོད་དབང་བསྐུར། །དེ་དག་གཅིག་ཏུ་བསྟིམས་ནས་སུ། །སྤྲོ་དང་བསྡུ་བའི་སྦྱོར་བ་ཡིས། །ཁམས་གསུམ་དག་ནི་མ་ལུས་པ། །ཐམས་ཅད་རྡོ་རྗེ་འཛིན་ལྟ་བུ། །འདས་པ་དང་ནི་ད་ལྟར་དང ། །མ་འོངས་པ་ཡི་ 237b དུ་ས་གསུམ་པོ། །དེ་ལྟར་སེམས་ཅན་གསུམ་པ་ལ། །རྡོ་རྗེ་སེམས་དཔའི་གོ་འཕང་གནས། །ལྷན་ཅིག་སྐྱེས་དགའ་དག་པའི་བདག་།ཐོག་མ་མེད་པའི་མཆོག་ཡིན་ནོ། །མངོན་པར་བརྗོད་པའི་རྒྱུད་བླ་མའི་བླ་མ་ལས། རྡོ་རྗེ་སེམས་དཔའ་བསྐྱེད་བའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་མཆོག་གི་ཆོ་ག་བཤད། །འཇམ་པའི་རྡོ་རྗེ་སྒྲུབ་པ་ནི། །མཾ་གྱི་ཡེ་ཤེས་ལས་བྱུང་བའི། །འཇམ་པའི་རྡོ་རྗེ་བདེ་བ་ཆེ། །ཞལ་དྲུག་ཕྱག་དྲུག་ཞི་བ་སྟེ། །སྐུ་མདོག་དཀར་བོ་དྲི་མ་མེད། །སྤྱན་གསུམ་རྡོ་རྗེ་སྐྱིལ་ཀྲུང་ཅན། །ཕྱག་རྒྱ་དྲུག་ནི་འབར་བས་བརྒྱན། །མི་བསྐྱོད་པ་ཡི་ཅོད་པན་ཅན། །ཐོད་པའི་ཕྲེང་བས་རྣམ་པར་བརྒྱན། །ཟླ་བ་ཆེ་བ་ཞི་བ་འཛིན། །རལ་པའི་ཐོར་ཚུག་བ་ཅིངས་པ་སྟེ། །དཀར་དང་སྔོ་དང་དུར་སྨྲིག་ཉིད། །སེར་དང་ལྗང་གུ་དེ་བཞིན་ཏེ། །སྟེང་གི་ཞལ་ནི་ཞི་བ་སྟེ། །ལྷ་ཡི་དངོས་གྲུབ་འབྲས་བུ་སྩོལ། །རྡོ་རྗེ་དྲིལ་བུ་མཉམ་པར་ལྡན་།རལ་གྲི་པོ་ཏི་འཛིན་བ་སྟེ། །ུཏྤ་ལ་དང་ལྕགས་ཀྱུ་ཉིད། །ཡེ་ཤེས་ལུས་ཅན་རྣམ་པར་བསྒོམ། །སྐུ་གསུང་ཐུགས་ཀྱི་སྙིང་པོ་ནི། །འཁོར་ལོའི་དབུས་སུ་རྣམ་པར་བསྒོམ། །སྔར་བཤད་གནས་ཀྱི་སྦྱོར་བ་ཡིས། །ཇི་ལྟར་རྡོ་རྗེ་སེམས་དཔའ་ལྟར། །གསང་སྔགས་འདི་ནི་རྗེས་སུ་དྲན། །འཇམ་པའི་རྡོ་རྗེ་གསང་བ་ནི། །གསང་གསུམ་ཡེ་ཤེས་དམ་ཚིག་ཅན། །དཔའ་བོ་རྣལ་འབྱོར་མ་སྦྱོར་ 238a ༄#། །བྱའོ། །ོཾ་ཤྲཱི་མ་ཧཱ་སུ་ཁ་མཉྫུ་བཛྲ་ཨ་མཾ་ཧཱུཾ་ཌཱ་ཀི་ནཱི་ཛཱ་ལ་སཾ་བ་རཾ་སཝཱཧཱ། རང་གིས་དབང་བསྐུར་བྱས་ནས་ནི། །བརྟུལ་ཞུགས་ཆེན་པོ་གསང་སྔགས་བཟླ། །གསང་གསུམ་འཁོར་ལོ་སྤྲོས་ནས་ནི། །ཁམས་གསུམ་དག་ནི་བསྡུ་བར་བྱ། །འདི་ནི་མཆོག་ཏུ་གསང་བ་སྟེ། །གང་གིས་སུ་ལའང་བསྟན་མི་བྱ། །མངོན་པར་བརྗོད་པའི་རྒྱད་བླ་མའི་བླ་མ་ལས། འཇམ་པའི་རྡོ་རྗེ་སྒྲུབ་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་གཞན་ཡང་བཤད་བྱ་བ། །ཡི་གེ་དགུ་པ་སྒྲུབ་པ་སྟེ། །ཀྵ་ཡི་ཡེ་ཤེས་ལས་བྱུང་བ། །གདུག་པ་ཐམས་ཅད་ཟ་བྱེད་པ། །ཟ་བྱེད་མཁའ་འགྲོ་ཟ་བྱེད་ཅིང ། །རྣམ་རྟོག་ཟོས་ཤིང་ཟད་པར་བྱེད། །མཁའ་མཉམ་སྟོང་པ་ལས་བྱུང་བ།། ནམ་མཁའི་ལོངས་སྤྱོད་ཟ་བྱེད་ཅིང ། །ཞལ་དྲུག་ཕྱག་ནི་བཅུ་གཉིས་པ། །སྤྱན་གསུམ་པ་ལ་ཞལ་རྣམ་སྒྱུར། །གཡས་བརྐྱང་པ་ཡི་ཞབས་ཀྱིས་བཞུགས། །གདུག་པའི་བདུད་ནི་ཟ་བྱེད་ཅིང ། །འཇིགས་བྱེད་དང་ནི་འཇིགས་བྱེད་མའོ། །ཁས་བུབ་ཞབས་ཀྱིས་མནན་པར་བཞུགས། །སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །ཟླ་བའི་ཕྱེད་པས་ཉེ་བར་མཛེས། །སྣ་ཚོགས་རྡོ་རྗེ་རལ་པ་མནན། །ཕྱག་རྒྱ་དྲུག་གིས་སྐུ་ལུས་བརྒྱན།། 238b ཞལ་གྱི་མཆེ་བ་རྣམ་པར་གཙིགས། །འཇིགས་བྱེད་རབ་ཏུ་ཆེར་འཇིགས་ཤིང ། །སྔོ་དང་དུང་ཀ་ལྗང་གུ་དང ། །དམར་དང་ལྔ་པ་སེར་པོ་འོ། །དྲུག་པ་དག་ནི་བོང་བུའི་མགོ་།སྟེང་གི་ཞལ་གདོང་རབ་ཏུ་འཇིགས། །ཐལ་བ་སྤྲིན་གྱི་མདོག་ཅན་ལ། །གདུག་པ་ཐམས་ཅད་རབ་འཇོམས་མ། །རྡོ་རྗེ་དྲིལ་བུ་མཉམ་པར་ལྡན། །དགྱེས་པའི་ལོངས་སྤྱོད་ལོངས་སྤྱོད་ཅིང ། །དཔང་དུ་རྡོ་རྗེ་ཕག་མོ་ནི། །དེ་མདོག་སྟེང་ཞལ་ཕག་མགོ་སྟེ། །གཉིས་སུ་མེད་པར་མཉམ་པར་ལྡན། །སྐྲ་གྲོལ་བ་དང་ཕྱོགས་གོས་ཅན། །བྱིན་པ་གཉིས་ཀྱིས་མཉམ་པར་འཁྲིལ། །ཐུགས་རྗེའི་ཆགས་པས་རྣམ་པར་མྱོས། །ཐོད་པ་ཁ་ཊྭཱཾ་ག་འཛིན་ཅིང ། །ཚངས་པའི་པགས་པ་མནབས་པ་སྟེ། །རྡོ་རྗེ་མདུང་དང་ཅང་ཏེའུ་དང ། །གྲི་གུག་ཞགས་པ་མགོ་བོ་དང ། །ཕྱག་ཏུ་རལ་གྲི་འཕྱར་བ་སྟེ། །དྲག་པོ་གདུག་པ་ཀུན་འཇོམས་པ། །སྙིང་གར་ཡེ་ཤེས་མཁའ་འགྲོ་ནི། །ཁ་གདོང་ལ་སོགས་ཡོངས་ཀྱིས་ཁྱབ། །འཁོར་ལོ་འདབ་བརྒྱད་དབུས་དག་ཏུ། །གཡོན་ནས་གཡས་སུ་བསྐོར་ནས་ནི། །དུར་ཁྲོད་དང་ནི་ཉེ་དུར་ཁྲོད། །མཁའ་འགྲོ་མཆོག་ནི་དགོད་པར་བྱ། །ཡཾ་རཾ་ལཾ་ཝཾ། ཤཾ་ཥཾ་སཾ་ཧཾ། ཡེ་ཤེས་འཁོར་ལོ་མཁའ་འགྲོ་དགོད། །ཞག་བདུན་བར་དུ་བསྒོམས་ནས་ནི། །གང་ཡང་ཐུན་ནི་བཞི་ཡི་རིམ། །ཆུ་འགྲམ་དང་ནི་དུར་ཁྲོད་དུ། །བསྒོམས་པས་དངོས་གྲུབ་ངེས་པར་རྙེད།། 239a ༄#། །འཕྲོག་པ་དང་ནི་གསོད་བྱེད་ཅིང ། །གང་དུ་ལས་ནི་ཅི་འདོད་པ། །མཁའ་འགྲོ་མ་ཡི་འཁོར་ལོས་འགྲུབ། །ལས་འདིར་ཡིད་གཉིས་དཔྱོད་པ་མེད། ། སྔོ་དང་པ་ལ་ཤ་ཡི་མདོག་།དམར་དང་བཞི་པ་སེར་པོ་སྟེ། །གཤིན་རྗེ་སྲེག་སོགས་བཞི་པོ་ནི། །སྣ་ཚོགས་མདོག་ཅན་མཛེས་པའི་ཞལ། །དམར་དང་སྔོ་དང་དུད་ཀ་སྟེ།། ཞལ་མདོག་དཀར་པོ་མཆོག་ཏུ་མཛེས། །ཐམས་ཅད་སྦྱན་གསུམ་པ་ཡི་ཞལ། །སྐྲ་གྲོལ་བ་ལ་ཕྱོགས་གོས་ཅན། །ཁཝ་གདོང་གཡོན་དང་གཡས་ཀྱི་ཞལ། །འུག་གདོང་ཞལ་ཡང་དེ་བཞིན་ཏེ། །གསུམ་པ་ཁྱི་ཡི་ཞལ་གདོང་ཡིན། །བཞི་པ་ཕག་གི་ཞལ་གདོང་སྟེ། །གཡོན་དང་གཡས་པའི་ཞལ་གདོང་ནི། །དྲག་པོའི་གཟུགས་ཅན་ཆོ་ག་བཞིན། །གཤིན་རྗེ་སྲེག་སོགས་ཞལ་གདོང་ནི། །གཡོན་དང་གཡས་པ་གཉིས་དེ་བཞིན། །ཐུག་རི་རྔ་མོ་རྟ་དང་ནི། །སེངྒེ་ར་དང་གླད་མ་ཧེ། །གཞན་ཡང་དོམ་གྱི་ཞལ་ཡིན་ཏེ། །ཐམས་ཅད་ཀྱང་ནི་མཉམ་པར་བྱ། །ཐོད་པ་དང་ནི་ཁ་ཊྭཱཾ་འཛིན། །ཞགས་པ་ལྕགས་ཀྱུ་ཕྱག་ན་བསྣམས། །དྲིལ་བུ་ཅང་ཏེའུ་གྲི་གུག་དང ། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །ཡི་དྭགས་གདན་ལ་གར་གྱིས་བཞུགས། །མི་འུ་ཐུང་ལ་སྐྱེས་གནས་རིང ། །མཆེ་བ་རྣམ་པར་གཙིགས་པའི་ 239b ཞལ། །ཐུགས་རྗེའི་རོ་ཡིས་རྣམ་པར་མྱོས། །སྐུ་གསུང་ཐུགས་ཀྱི་གསང་བ་ནི། །སྒོམ་ཞིང་རབ་ཏུ་བསྒོམ་པར་བྱ། །ཧཱུཾ་ཨཱཿ ་ཨོཾ། །འདི་ནི་གསང་བར་བཤད་པ་སྟེ། །རྡོ་རྗེ་པདྨ་འཁོར་ལོ་དབུས། །ཡེ་ཤེས་མཁའ་འགྲོ་སྙིང་ག་རུ། །མཁའ་འགྲོའི་ཡི་གེའི་འཁོར་ལོ་ནི། །ཡེ་ཤེས་འཁོར་ལོ་དེ་མཐོང་ནས། །མཆོད་ཅིང་ཐིམ་པར་རྣམ་པར་བསྒོམ། །མཉམ་པར་བཞག་ནས་ཡི་གེ་རྣམས། །སྲོག་དང་རྩོལ་བས་གསང་སྔགས་བཟླ། །རང་གིས་འཐོར་འཐུང་བྱས་ནས་སུ། །གསང་བ་གསུམ་གྱི་ཡེ་ཤེས་སྤྲོ། །ོཾ་ཤྲཱི་ཀྵ་ཌཱ་ཀི་ནཱི་ཛཱ་ལ་ས་བ་རཾ་ཧུཾ་ཧཱུཾ་ཕཊ་སཝཱཧཱ། ཐོག་མར་གསལ་བྱེད་མིང་དང་ཧཱུཾ། །མཐར་ནི་ཕཊ་དང་རྣམ་པར་སྦྱར། །མཁའ་འགྲོ་ཟླ་བས་བཤད་པ་ཡི། །འདོད་པའི་འབྲས་བུ་ཐམས་ཅད་སྩོལ། །མཆོག་འདི་དག་ནི་གསང་བ་སྟེ། །སུ་ལ་ཡང་ནི་སྦྱིན་མི་བྱ། །ཞག་བདུན་གྱིས་ནི་དབང་འགྱུར་ཏེ། །རྩེ་གཅིག་པ་ཡིས་བསྒོམས་ནས་ནི། །འཁོར་ལོ་གསུམ་གསང་མཁའ་འགྲོ་མའི། ། དངོས་གྲུབ་མྱུར་དུ་ཐོབ་པར་འགྱུར། །ངེས་པར་བརྗོད་པའི་རྒྱུད་བླ་མའི་བླ་མ་ལས། ཀྵའི་མཁའ་འགྲོ་སྒྲུབ་པའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་མཆོག་ཏུ་བཤད་བྱ་བ། །ཱ་ལི་མཁའ་འགྲོ་སྒྲུབ་པ་སྟེ། །ཱ་ལི་ཡེ་ཤེས་ལས་བྱུང་བ། །ཱ་ལི་མཁའ་འགྲོ་མཆོག་དམ་པ། །ཞལ་བརྒྱད་པ་ལ་ཕྱག་བཅུ་དྲུག་།སྤྱན་གསུམ་ 240a ༄#། །འཇིགས་པ་རབ་འཇིགས་པ། །ཞལ་གྱི་མཆེ་བ་རྣམ་པར་གཙིགས། །གཡས་བརྐྱང་བ་ཡི་ཞབས་ཀྱིས་བཞུགས། །ཟླ་བ་ཕྱེད་པ་རལ་པ་འཆང ། །ཐོད་པའི་ཕྲེང་བས་རྣམ་པར་བརྒྱན། །སྣ་ཚོགས་རྡོ་རྗེས་སྤྱི་གཙུག་མནན། །དཔྲལ་བ་ལ་ནི་རྡོ་རྗེ་ཕྲེང ། །སྟག་གི་པགས་པ་གོས་སུ་མནབས། །ཕྱག་རྒྱ་དྲུག་གིས་སྐུ་ལ་བརྒྱན། །རྣམ་པར་རྟོག་པ་འཇིགས་བྱེད་ཉིད། །སྲེད་དང་ཕྲག་དོག་དུས་མཚན་ཉིད། །ཞབས་ཀྱི་འོག་ཏུ་གནོན་པར་མཛད། །གདུལ་དཀའ་ཐམས་ཅད་འདུལ་མཛད་ཅིང ། །བགེགས་ཀྱི་མགོ་བོའི་ཕྲེང་བ་ཅན། །སྣ་ཚོགས་མདོག་ཅན་ལེགས་པར་མཛེས། །དཀར་བའི་མདོག་ཅན་སྐེད་པ་ཕྲ། །ལྷ་ཡི་གཟི་བརྗིད་འབར་བ་ཅན། །སྔོ་ཞིང་སེར་ལ་དུད་ཀ་དང ། །གཡས་པའི་ཞལ་ཡང་དེ་བཞིན་ཏེ། །ལྗང་གུ་དམར་དང་སེར་སྐྱ་སྟེ། །གཡོན་པའི་ཞལ་ཡང་སྣ་ཚོགས་མཛེས། །སྟེང་གི་ཐལ་ཁ་སྤྲིན་མདོག་ཞི། །ཆགས་ཤིང་རྗེས་སུ་ཆགས་པས་ལྟ། །ཐུགས་རྗེའི་རོ་ནི་ཡང་དག་རྫོགས། །སྐུ་ལུས་ལྡེམ་ཞིང་འཛོ་བག་ཅན། །ཱ་ལི་མཁའ་འགྲོ་མ་ཡི་སྐུ། །ཕྱག་གཉིས་པ་ལ་གཅེར་བུའི་ལུས། །ཐོད་པའི་ཕྲེང་བས་དབུ་ལ་བརྒྱན། །སྐྲ་གྲོལ་བ་ཡིས་རྣམ་པར་མྱོས། །སྤྱན་གསུམ་ནག་པོ་འཇིགས་པ་ཅན། །དེ་ཡི་མདོག་ཅན་སྐ་རགས་ཅན། །བྱིན་པ་གཉིས་ 240b ཀྱིས་ལེགས་པར་འཁྲིལ། །གཉིས་མེད་སྦྱོར་བས་ཡང་དག་གནས། །རྡོ་རྗེ་དྲིལ་བུ་ཡང་དག་ལྡན། །ལྷ་མོའི་ཀུ་ཙ་འཚིར་བའོ། །ཇི་ལྟར་མཁའ་འགྲོའི་ཕྱག་རྒྱ་ལྟར། །མཁའ་འགྲོམ་ཡང་དེ་བཞིན་སྦྱར། །ཕྱག་གཉིས་དག་ནི་བརྐྱང་བ་ལ། །ཁྱབ་འཇུག་པགས་པ་མནབས་པ་ཡིན། །ཐོད་པ་དང་ནི་ཁ་ཊྭཱཾ་འཛིན། །རལ་གྲི་དང་ནི་ཐོད་པ་འཆང ། །མདུང་རྩེ་གསུམ་པ་ཅང་ཏེའུ་ཉིད། །དགྲ་སྟ་ལྕགས་གྱུ་དེ་བཞིན་ཏེ། །ཞགས་པ་ཚངས་པའི་མགོ་བོ་དང ། །གྲི་གུག་དང་ནི་འཁོར་ལོ་ཉིད། །སྙིང་གར་རྩིབས་ནི་བཅུ་གཉིས་པའི། །འཁོར་ལོའི་རྒྱལ་པོ་ལེགས་པར་མཛེས། །དེ་ཡི་ལྟེ་བའི་དབུས་སུ་ནི། །ཡེ་ཤེས་མཁའ་འགྲོ་རྣམ་པར་བསྒོམ། །དེ་མདོག་ཞལ་དང་འདུག་སྟངས་དང ། །ཕྱག་དང་ཕྱག་རྒྱ་དེ་བཞིན་ཏེ། །ཤར་དུ་དམ་ཚིག་མཆོག་ཅེས་བྱ་བའི་རྡོ་རྗེ་མཁའ་འགྲོ་མ་ཡི་གེ་ཨའི་རིགས་ལས་བྱུང་བའོ། །བྱང་ཕྱོགས་སུ་སྣ་ཚོགས་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཱི་ལས་གྱུར་ཏེ་བཞུགས་པའོ། །ནུབ་ཕྱོགས་སུ་ནམ་མཁའི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨེ་དང་སྦྱར་བར་བྱའོ། །ལྷོ་ཕྱོགས་སུ་གནས་ཀྱི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཻ་ལས་ཡང་དག་པར་བཞུགས་པའོ། །མེའི་ཕྱོགས་ལ་སོགས་པའི་མཚམས་རྣམས་སུ་མཁའ་འགྲོ་མ་བཞི་པོ་དགོད་པར་བྱ་སྟེ། ཐོག་མ་ཆེ་བའི་མཆོག་ཅེ་ 241a ༄#། །བྱ་བའི་མཁའ་འགྲོ་མ་ཡི་གེ་ཨུ་དང་སྦྱར་བྱའོ། །བདེན་བྲལ་དུ་དྲག་པོ་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཱུ་དང་སྦྱར་བར་བྱའོ། །རླུང་གི་ཕྱོགས་སུ་དཔའ་བོའི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨོ་དང་སྦྱར་བར་བྱའོ། །དབང་ལྡན་དུ་ཁྲོ་བོའི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཽ་དང་སྦྱར་བར་བྱའོ། །དེ་བཞིན་འདིས་ནི་མཚམས་བཞི་རུ། །དབང་ལྡན་ལ་སོགས་ཕྱོགས་དགོད་པ། །ཡི་གེ་རི་ལས་དངོས་གྲུབ་ཀྱི་མཆོག་ཅེས་བྱ་བའི་མཁའ་འགྲོ་མ་དང ། ཡི་གེ་ལི་ལས་དུར་ཁྲོད་ཀྱི་མཆོག་ཅེས་བྱ་བའི་མཁའ་འགྲོ་མ་དང ། ཡི་གེ་རཱྀ་ལས་རྣལ་འབྱོར་གྱི་མཆོག་ཅེས་བྱ་བའི་མཁའ་འགྲོ་མ་དང ། ཡི་གེ་ལཱྀ་ལས་གཏུམ་པའི་མཆོག་ཅེས་བྱ་བའི་མཁའ་འགྲོ་མ་དང ། མཁའ་འགྲོ་མ་ནི་དེ་ཀུན་གྱི། །ཡན་ལག་བཅུ་གཉིས་རྣམ་པར་དག་།ཞལ་གསུམ་ཕྱག་ནི་དྲུག་པ་སྟེ། །ཐམས་ཅད་སྤྱན་གསུམ་རྣམ་སྒྱུར་ལ། །སྐུ་ལུས་དཀར་པོ་ཐམས་ཅད་ཞལ། །སྔོ་དང་ལྗང་གུ་གཉིས་མེད་བདེ། །གཡོན་དང་གཡས་པའི་ཞལ་གཉིས་ནི། །མཁས་པས་རྣམ་པར་བསྒོམ་པར་བྱ། །ཕྱོགས་ཀྱི་གོས་ཅན་གར་དང་བཅས། །སྐྲ་གྲོལ་བ་ལ་རབ་ཏུ་འཇིགས། །ཐོད་པ་དང་ནི་ཁ་ཊྭཱཾ་འཛིན། །ཅང་ཏེའུ་དང་ནི་གྲི་གུག་མཆོག་།མདུང་དང་མགོ་ 241b པོ་ཐམས་ཅད་ཀུན། །སྣ་ཚོགས་མདོག་དང་ཕྱག་མཚན་བསྣམས། །རོ་ཡི་མགོ་ཡི་སྟེང་བཞུགས་ཤིང ། །ཐུགས་རྗེའི་རོ་ནི་ཡོངས་སུ་རྫོགས། །ཕྱག་རྒྱ་ལྔ་ནི་འཛིན་པ་སྟེ། །ཐམས་ཅད་ཐོད་པའི་ཕྲེང་བས་བརྒྱན། །མགོ་བོའི་ཕྲེང་བ་འཛིན་པ་སྟེ། །ཐམས་ཅད་ཨ་ལ་ལ་ཡི་སྒྲ། །ོཾ་ནི་ཐུགས་ཀྱི་རྡོ་རྗེ་སྟེ། །ཱཿ ་ནི་གསུང་དུ་འགྱུར་བ་ཡིན། ། ནི་སྐུ་ཡི་རྡོ་རྗེ་སྟེ། ། རྡོ་རྗེ་པདྨ་འཁོར་ལོའི་དབུས། །འདི་ནི་མཆོག་ཏུ་གསང་བ་སྟེ། །རྣལ་འབྱོར་མ་ཡི་སྦྱོར་བ་མཆོག་།རྡོ་རྗེ་སེམས་དཔས་གསུངས་པ་སྟེ། །རྡོ་རྗེ་སྙིང་པོས་ཞུས་པ་ཡིན། །དཀྱིལ་འཁོར་འཁོར་ལོའི་མཁའ་འགྲོ་མ། །འཁོར་ལ་སོགས་པ་ཐམས་ཅད་དགོད། །ཡེ་ཤེས་འཁོར་ལོ་དེ་མཐོང་ནས། །གཅིག་པུ་ཆོས་ཀྱི་རོ་ཡང་བསྒོམ། །ཡེ་ཤེས་བཟླས་པའི་སྦྱོར་བ་ཡིས། །རང་གི་སྔགས་ཀྱི་འཐོར་འཐུང་བྱ། །ནང་གི་བདག་ཉིད་སྦྱོར་ལྡན་པས། །འཁོར་ལོ་མཆོག་གི་ཚོགས་དང་སྤྲོ། །མཆོག་དེ་མཐོང་ན་སླར་ཡང་བསྡུ། །ཡན་ལག་བཅུ་གཉིས་མཆོག་དམ་པ། །ས་ནི་བཅུ་གཉིས་དག་ཉིད་དེ། །རྡོ་རྗེ་ས་ནི་བཅུ་གསུམ་པ། །རབ་ཏུ་དགའ་དང་དྲི་མ་མེད། །འོད་བྱེད་པ་དང་འོད་འཕྲོ་བ། །སྤྱང་དཀའ་བ་དང་མངོན་དུ་གྱུར། །རིང་དུ་སོང་དང་མི་གཡོ་བ། །ལེགས་པའི་བློ་གྲོས་ཆོས་ཀྱི་སྤྲིན། །གཟུགས་མེད་པ་དང་ཡེ་ཤེས་ལྡན། །དེ་ལྟར་ས་ནི་བཅུ་གཉིས་པོ། །འཁོར་ 242a ༄#། །ལོའི་ལྷ་མོ་རྣམ་པར་དགོད། །དགྱེས་པ་ཆེན་པོ་བདེ་བའི་མཆོག་ཅེས་བྱ་བའི་རྡོ་རྗེ་སེམས་དཔས་དབུས་སུའོ། །འཁོར་ལ་སོགས་པ་ཀུན་གྱི་སྔགས། །མིང་དང་གསལ་བྱེད་ཧཱུཾ་བྱས་ཏེ། །དེ་དག་མཐར་ནི་ཕཊ་དང་སྦྱར། །སྔགས་ཀྱི་གཙོ་བོས་གསང་སྔགས་ནི། །རང་སྙིང་རང་གི་ས་བོན་དགོད། །སྐུ་གསུང་ཐུགས་དང་རྣམ་པར་སྦྱར། །ཡེ་ཤེས་འཁོར་ལོ་འདི་མཐོང་ནས། །གཅིག་ཏུ་བསྡུས་ཏེ་མཆོད་པར་བྱ། །བདག་གིས་ཕྱི་དང་ནང་དུ་ཡང ། །མཉམ་པར་བཞག་སྟེ་མི་སྨྲ་བཟླ། ། རང་གི་འཐོར་འཐུང་བྱས་ནས་ནི། །བློ་ལྡན་སྲོག་རྩོལ་བཟླས་པ་བྱ། །ོཾ་ཤྲཱི་ཨཱ་ལི་ཌཱ་ཀ་ཨ་ཨཾ་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཕཊ་སཝཱཧཱ། སྲིད་པ་མ་ལུས་ཐམས་ཅད་ཀུན། ། དངོས་པོ་མེད་པའི་རང་བཞིན་ཏེ། །སྔགས་དང་དབྱིབས་དང་ཆོས་བདག་ཉིད། །སྦྱོར་བ་ཡི་ནི་བདག་ཉིད་རྣམས། །སེམས་ཅན་ཁམས་ནི་ཆ་གནས་པས། །རང་གི་ལྷ་ཡི་སྦྱོར་བ་ཡིས། །བདག་ཉིད་སྦྱོར་ཞིང་མཆོད་པར་བྱ། །མཉམ་པར་མ་བཞག་སེམས་ཀྱིས་ནི། །སྒོམ་ཞིང་རབ་ཏུ་བསྒོམས་བྱས་ཏེ། །སྔགས་དང་དབྱིབས་དང་ཆོས་ཉིད་དེ། །ཆོས་གཅིག་རོ་ནི་སྟོང་པ་ཡིན། །ཆོས་རྣམས་བདག་མེད་ཉིད་ཡིན་ཏེ། །རང་བཞིན་མེད་པའི་ཆོས་ལ་ནི། །རྗེས་སུ་བརྟག་པར་བྱ་བ་ཡིན། །མངོན་པར་ 242b བརྗོད་པའི་རྒྱུད་བླ་མའི་བླ་མ་ལས། །གསང་བ་ཆེན་པོའི་གསང་བ་ཨཱ་ལིའི་མཁའ་འགྲོ་སྒྲུབ་པ་སྟེ་ལེའུ་སུམ་ཅུ་ཐམ་པའོ།། །།དེ་ནས་སྦྱོར་བ་བཤད་བྱ་བ། ། སྣ་ཚོགས་གར་གྱི་དབང་ཕྱུག་མཆོག་།ཐམས་ཅད་མཆོག་སྟེ་རྣལ་འབྱོར་ཆེ། །དངོས་གྲུབ་ཆེན་པོ་ལེགས་སྩོལ་བ། །བསྐྱེད་པའི་རིམ་པའི་སྦྱོར་བ་ཡིས། །སྒོམ་ཞིང་རབ་ཏུ་བསྒོམ་པར་བྱ། །ཉི་མའི་དཀྱིལ་འཁོར་དབུས་སུ་ནི། །སིཾ་ཨོཾ་དྭཾ་ལས་རྡོ་རྗེ་འབྱུང ། །དེ་ཉིད་ཡོངས་གྱུར་བདག་ཉིད་དེ། །གསལ་བྱེད་མཁའ་འགྲོ་མཆོག་གྱུར་པ། །སྣ་ཚོགས་དབང་ཕྱུག་སྣ་ཚོགས་མདོག་།ཐམས་ཅད་རིགས་ཀྱི་མཆོག་དམ་པ། །ཞལ་དྲུག་པ་ལ་ཕྱག་བཅུ་གཉིས། །སྤྱན་གསུམ་པ་ལ་གཡོ་བའི་སྒྲ། །ཟླ་བ་ཕྱེད་པ་ཞི་བ་འཛིན། ། ཐོད་པའི་ཕྲེང་བས་སྤུད་པ་སྟེ། །སྣ་ཚོགས་རྡོ་རྗེ་དབུ་ལ་འཆང ། །སྤྱི་གཙུག་རལ་པ་འཆང་བ་སྟེ། །ཕྱག་རྒྱ་དྲུག་གིས་སྐུ་ལ་མཚན། །ལྷ་ཡི་རྒྱན་གྱིས་སྡུད་པ་སྟེ། །སྐལ་ངན་མུ་སྟེགས་ཅན་རྣམས་ནི། །ཞབས་ཀྱི་པདྨའི་འོག་ཏུ་མནན། །ལྟ་པ་ལྔ་ཡི་རིམ་པ་དག་།གཡས་བརྐྱང་བ་ཡི་ཞབས་ཀྱིས་མནན། །སྐྱིལ་ཀྲུང་ཕྱེད་པའི་གར་ཞབས་ཅན། ། ཞལ་དྲུག་གིས་ནི་རྣམ་པར་བརྒྱན། །ཁྱབ་འཇུག་གི་ནི་པགས་པ་མནབས། །མགོ་བོའི་ཕྲེང་བས་བརྒྱན་པ་སྟེ། །རྡོ་རྗེ་ལྷ་མོས་རྣམ་པར་འཁྱུད། །གཅེར་བུ་འོག་པག་སྐ་ 243a ༄#། །རགས་ཅན། །སྐྲ་གྲོལ་བ་ལ་སྤྱན་གསུམ་ཅན། །མཆུ་དང་མཆུ་ནི་རྣམ་འཚིར་ཞིང ། །རྡོ་རྗེ་དྲིལ་བུ་མཉམ་པར་འཁྲིལ། །བྱང་ཆུབ་ཡན་ལག་གནས་འཚིར་ཞིང ། །བྱིན་པ་གཉིས་ཀྱིས་མཉམ་པར་འཁྲིལ། །ཐུགས་རྗེ་ཆགས་པའི་རོ་ཡིས་བདེ། །ཚངས་པའི་པགས་པ་ཡན་ལག་ནི། །ཕྱག་གཉིས་དག་གིས་བརྐྱང་ནས་འཛིན། །ཐོད་པ་དང་ནི་ཁ་ཊྭཱཾ་འཆང ། །དབང་ཕྱུག་ཆེན་པོའི་མགོ་བོ་ཐོགས། །མདུད་རྩེ་གསུམ་དང་རལ་གྲི་དང ། །ཅང་ཏེའུ་ཞགས་པ་ལྕགས་ཀྱུ་བསྣམས། ། དཀར་དང་སྔོ་དང་ལྗང་བ་ཉིད། །སེར་དང་དུད་ཀ་དུར་སྨྲིག་སྟེ། །གཡོན་དང་གཡས་པའི་ངོས་དག་ཏུ། །པི་ལ་དང་ནི་ཉེ་བི་ལ། །མཁའ་འགྲོ་མ་ནི་གཉིས་པོ་སྦྱར། །ཆོས་ཀྱི་མཆོག་ཅེས་བྱ་བ་ཡི། །རྡོ་རྗེ་མཁའ་འགྲོ་མ་ཉིད་ནི། །ཡི་གེ་དྭཾ་ལས་ཡང་དག་འབྱུང ། །གཡོན་གྱི་ཕྱོགས་སུ་དགོད་པར་བྱ། །ཡི་གེ་སི་ལས་ངེས་བྱུང་བ། །རྒྱ་མཚོའི་མཆོག་ཅེས་བྱ་བ་ཡི། །རྡོ་རྗེ་མཁའ་འགྲོ་མ་གཉིས་ནི། །སྣ་ཚོགས་མདོག་ཅན་སྣ་ཚོགས་ཞལ། །སྤྱན་གསུམ་པ་ལ་བཞིན་རྣམ་བསྒྱུར། །སྐྱིལ་ཀྲུང་ཕྱེད་པས་གནས་པ་སྟེ། །ཞབས་ནི་གར་དང་བཅས་པའོ། །ཞལ་ལྔ་པ་ལ་ཕྱག་བཅུ་པ། །སྤྱན་གསུམ་དྲག་པོ་འཇིགས་པ་སྟེ། །འཇིགས་བྱེད་དང་ནི་དུས་མཚན་དག་།ཞབས་ 243b ཀྱི་འོག་ཏུ་མནན་པར་བཞུགས། །མགྲིན་པ་དག་ནི་དྲུག་དང་བཞི། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་ཀྱི་གོས་ཅན་སྐྲ་གྲོལ་བ། །ཐོད་པའི་ཕྲེང་བའི་སྐུ་རགས་ཅན། ། རྐང་གདུབ་གཡེར་ཀའི་སིལ་སྒྲ་ཅན། །ཐོད་པའི་ཕྲེང་བས་རྣམ་པར་བརྒྱན། །ཟླ་བའི་དཀྱིལ་འཁོར་དབུས་སུ་ནི། །འཁྱུད་པ་ཡི་ནི་མཆོག་དམ་པ། །རྡོ་རྗེ་གསོར་ཞིང་སྡིགས་མཛུབ་ཀྱིས། །གཉིས་སུ་མེད་པར་རྣམ་པར་བརྒྱན། །ཐོད་པ་གཉིས་མེད་རྣམ་བརྒྱན་ཏེ། །ཞགས་པ་ལྕགས་ཀྱུ་ཕྱག་ན་བསྣམས། །ཐོད་པ་དང་ནི་གྲི་གུག་མཆོག་།སྐུ་གསུང་ཐུགས་ཀྱི་དབུ་རྒྱན་ཅན། །དངོས་གྲུབ་ཐམས་ཅད་རབ་སྩོལ་བ། །ཡེ་ཤེས་མཁའ་འགྲོ་མ་དབུས་སུ། །འཁོར་ལོ་གསུམ་གྱི་ཐབས་ཀྱང་སྒོམ། །ོཾ་གྱི་ཡེ་ཤེས་མཁའ་འགྲོ་ནི། ། ཐུགས་ཀྱི་འཁོར་ལོའི་དབུས་སུ་སྟེ། །སྐུ་གསུང་ཐུགས་ཀྱི་མཁའ་འགྲོ་ནི། །རང་གི་སྙིང་གར་དེ་དག་བསྒོམ། །སྔར་བཤད་སྦྱོར་བའི་རིམ་པ་ཡིས། །གནས་ལ་སོགས་པའི་རྗེས་རིམ་པ། །དེ་རུ་བསམ་ཞིང་རྣམ་བསྒོམས་ཏེ། །གསུམ་པོའི་རིམ་པ་རྗེས་སུ་སྤྲོ། །དེས་ནི་དངོས་གྲུབ་གཉིས་མེད་པ། །མཁའ་འགྲོ་མ་དང་ལྷན་ཅིག་བསྒོམ། །ཡེ་ཤེས་འཁོར་ལོའི་རོ་རྣམས་ནི། །བསྒོམས་ལ་གསང་སྔགས་བཟླས་པར་བྱ། །ོཾ་ཤྲཱི་པྲ་ཎ་བཌཱ་ཀ་ཨཱ་ཨཱ་ཨོཾ་ཧཱུཾ་ཌཱ་ཀི་ནཱི་ཛཱ་ལ་སཾ་བ་རཾ་ཨ་སཝཱཧཱ། ཨོཾ་ཧྲཱིཾ་དྷརྨ་ཨུཏྟ་མེ་མ་ཧཱ་བཛྲ་ཌཱ་ཀི་ནཱི་ཡེ་དྭཾ་ 244a ༄#། །ཧཱུཾ་ཕཊ་སཝཱཧཱ། ཨོཾ་སིཾ་སཱ་ག་ར་ཨུཏྟ་མེ་མ་ཧཱ་བཛྲ་ཌཱ་ཀི་ནཱི་ཡེ་སིཾ་ཧུཾ་ཧཱུཾ་ཕཊ་སཝཱཧཱ། གསང་གསུམ་ཡེ་ཤེས་བཟླས་ནས་ནི། །དཔའ་བོ་མཁའ་འགྲོ་མ་བཟླ་བྱ། །གསལ་བྱེད་རང་མིང་ཧཱུཾ་གཉིས་དང ། །མཐར་ནི་ཕཊ་དང་སྦྱར་བར་བྱ། །གསང་གསུམ་འཁོར་ལོ་བསྒོམས་ནས་ནི། །གསུམ་པོ་བསྡུ་ཞིང་བསྒོམས་ནས་སུ། ། དམ་ཚིག་གསང་གསུམ་སྦྱོར་བ་ཡིས། །བྷ་གའི་དབུས་སུ་བསྒོམ་པར་བྱ། །བྱང་ཆུབ་ཟླ་བ་དྲི་མ་མེད། །ཐུགས་ཀྱི་འཁོར་ལོ་ནཱ་ད་གསུམ། །གཙོ་བོ་དག་ནི་གསུམ་ཡིན་ཏེ། །མཁའ་འགྲོ་མ་གསུམ་གསུམ་མཁའ་འགྲོ། །སྡུད་ཅིང་སྐྱེད་པར་མཛད་པ་སྟེ། །བྷ་གར་རྡོ་རྗེ་ཕག་མོ་ནི། །གསང་བ་གསུམ་དུ་རྣམ་པར་བསྒོམ། །དེ་ཉིད་སྒོམ་པའི་སྦྱོར་བ་ཡིས། །དེ་ན་ང་རྒྱལ་རྣམས་སྤངས་ནས། །དུས་བཞི་དག་ཏུ་སྦྱོར་བ་ཡིས། །དེ་བཞིན་བསྒོམ་དང་བཟླས་པ་བྱ། །རྟག་ཏུ་དམ་ཚིག་བསྐྱང་བྱ་ཞིང ། །འོ་མ་སྣ་ཚོགས་པས་བྱུང་བ། །བྲམ་ཟེ་ཚ་དང་སྦྲང་རྩི་མར། །མ་ཧཱ་མཱཾ་ས་མཉམ་ལྡན་པ། །དེ་ཉིད་གསུམ་གྱིས་མངོན་བསྔགས་ཏེ། །བཟའ་བ་དག་ནི་བཟའ་བར་བྱ། །འདུ་འཛི་མེད་ཅིང་སྲེད་པ་མེད། །ཡོངས་སུ་བཟུང་བའི་འཁོར་ཡང་མེད། །ལོངས་སྤྱོད་མིན་པས་ལོངས་སྤྱོད་ལ། །འཆི་བ་མེད་པའི་ཟས་བཟའ་ཞིང ། །འདོད་པའི་ཡོན་ཏན་ལྔ་ཡང་ 244b བསྟེན། །ལོངས་སྤྱོད་མེད་པའི་ཟས་བཟའ་ཞིང ། །རྣལ་འབྱོར་སྒོམ་པའི་སྐོམ་ཡང་བཏུང ། །གཞན་དུ་གང་ཡང་བཏུང་བ་མིན། །ནང་གི་བདག་ཉིད་སྦྱོར་ལྡན་པས། །རང་ཉིད་བྱིན་གྱིས་བརླབས་བྱས་ནས། །བཅོམ་ལྡན་མཁའ་འགྲོ་པི་ལ་བ། །རྣལ་འབྱོར་མ་ནི་ཉེ་པི་ལ། །ཐབས་ནི་པི་ལ་བར་ཤེས་བྱ། །ཤེས་རབ་ཉེ་བའི་པི་ལང ། །གྲོང་ཁྱེར་མཐར་ནི་པི་ལ་ཉིད། །གྲོང་གི་མཐའ་ནི་ཉེ་པི་ལ། །ཟླ་བ་ཉི་མ་མཉམ་སྦྱོར་བ། །པི་ལ་དང་ནི་ཉེ་བི་ཡིན། །སྐད་ཅིག་སྦྱོར་བ་པི་ལ་བ། །དགའ་བ་ཉེ་བའི་པི་ལ་སྟེ། །མཐུ་སྟོབས་དུ་མ་ལྡན་པར་ནི། །སྐྱེ་བ་འདི་ལ་འགྲུབ་པ་ཡིན། །པ་ཤུ་ཐམས་ཅད་བཟའ་བྱ་ཞིང ། །ལྷ་བཤོས་དག་ཀྱང་དེ་བཞིན་བསྒྲུབ། །དཔའ་བོ་མཁའ་འགྲོ་མ་འདུས་ནས། །དུས་ལ་མཐུན་པ་འདུས་བྱས་ནས། །གླུ་དང་གར་དང་བཟའ་བ་དང ། །འདུས་པ་མཆོག་གིས་མཆོད་པར་བྱ། །རྟོག་པ་ཐམས་ཅད་རྣམ་སྤངས་ནས། །དམ་ཚིག་གི་ནི་སྤྱད་པ་སྤྱོད། །མངོན་པར་བརྗོད་པའི་རྒྱུད་བླ་མའི་བླ་མ་ལས། གསལ་བྱེད་མཁའ་འགྲོ་སྒྲུབ་པའི་མཚན་མ་བསྟན་པ་སྟེ་ལེའུ་སུམ་ཅུ་རྩ་གཅིག་པའོ།། །།དེ་ནས་གཞན་ཡང་བཤད་བྱ་བ། །དངོས་གྲུབ་སྦྱོར་བའི་རིམ་པ་སྟེ། །མཁའ་འགྲོ་མ་དང་མཁའ་འགྲོ་སྦྱོར། །དམ་ཚིག་མཆོག་གི་སྡོམ་པ་ཡིན། །ཆོས་རྣམས་ཀུན་གྱི་སྡོམ་པ་སྟེ། །མཁའ་འགྲོ་མ་ཡི་བདེ་བ་ཆེ། །མཁའ་དབྱིངས་ 245a ༄#། །རྡོ་རྗེའི་དབུས་གནས་པ། །དཀྱིལ་འཁོར་དམ་ཚིག་མཆོག་དམ་པ། །དེ་ཡི་དབུས་སུ་འཁོར་ལོ་ཆེ། །དཀྱིལ་འཁོར་ལྔ་ཡིས་རྣམ་པར་བརྒྱན། ། དབུས་སུ་ཉི་མའི་གདན་ཡང་མཛེས། །ཱ་ལི་ཀཱ་ལི་མཉམ་པར་ལྡན། །སུམ་ཅུ་རྩ་གཉིས་མཚན་དང་ལྡན། །དཔེ་བྱད་བཟང་པོ་བརྒྱད་ཅུས་བརྒྱན། །བྱིན་གྱིས་བརླབས། པ་བྱས་ནས་ནི། །རང་གི་ས་བོན་ལས་བསྐྱེད་དེ། །ཡི་གེ་ཧི་ལས་ཡང་དག་འབྱུང ། །དུས་མཐའི་མེ་ལྟར་རབ་ཏུ་འཇིགས། །ཞལ་གྱི་མཆེ་བ་རྣམ་པར་བཙིགས། །སྤྱན་གསུམ་ལྗགས་ནི་བསྐྱོད་པའི་ཞལ། །གདུག་པ་ཐམས་ཅད་ཞབས་འོག་གནོན། །ཁྲོ་བོ་དང་ནི་བཞད་པའི་ཞལ། །བསྐལ་པའི་མཐར་ཡང་འཁྲུག་པ་སྟེ། །རལ་པ་ཡི་ནི་དབུ་རྒྱན་ཅན། །གཡས་བརྐྱང་བ་ཡི་ཞབས་ཀྱིས་བཞུགས། །མགོ་བོའི་ཕྲེང་བས་རྣམ་པར་བརྒྱན། །འཇིགས་བྱེད་ཆེན་པོའི་པགས་པ་ཡིས། །རྐེད་པར་སྐ་རགས་བཅིངས་པ་ཡིན། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་རྡོ་རྗེ་ཟླ་ཕྱེད་འཆང ། །དཔྲལ་བ་ལས་ནི་རྡོ་རྗེ་ཕྲེང ། །ཁྲོ་བོ་མཐོང་ནས་རྣམ་པར་བརྟག་།ལྷ་རྣམས་ཐམས་ཅད་ཚར་ཡང་གཅོད། །ཀེང་རུས་ཅན་གྱི་བརྟུལ་ཞུགས་འཛིན། །འཆི་བ་འཚོ་བར་བྱེད་པའི་མཆོག་།གདུག་པ་ཐམས་ཅད་ངེས་པར་གནོན། །ཕྱག་རྒྱ་དྲུག་གིས་ 245b སྐུ་\?\་ལུས་བརྒྱན། །སྣ་ཚོགས་རྒྱན་གྱིས་སྤུང་པ་སྟེ། །ཕྱག་དྲུག་པ་ལ་ཞལ་ལྔ་པ། །སྣ་ཚོགས་རོ་ཡི་བཅུད་མཆོག་ཅན། །སྔོ་དང་སེར་དང་དེ་བཞིན་དམར། །ལྗང་གུ་དཀར་པོ་ཞི་བ་སྟེ།། རྡོ་རྗེ་དྲིལ་བུ་མཉམ་ལྡན་པ། །ཕག་མོ་ཡི་ནི་སྐུ་ལུས་ཁྱབ། །ལྷ་ཆེན་པགས་པ་འཛིན་མཛད་ཅིང ། །བླ་རེ་ཚུལ་དུ་བརྐྱང་བར་མཛད། །ཐོད་པ་དང་ནི་ཁ་ཊྭཱཾ་འཛིན། །དྲུག་པ་ན་ནི་ཅང་ཏེའུ་དང ། །ཞབས་གཡོན་དུ་ནི་དུས་མཚན་མནན། །གཡས་པ་ཡིས་ནི་འཇིགས་བྱེད་དེ། །ཞབས་ཀྱི་ས་འོག་ཏུ་མནན་མཛད་ཅིང ། །རྨོངས་ཤིང་རབ་ཏུ་མྱོས་པར་མཛད། ། རྡོ་རྗེ་ཕག་མོ་དེ་མདོག་ཅན། །སྐྲ་གྲོལ་བ་དང་གཅེར་བུ་སྟེ། །ཐོད་པའི་ཕྲེང་བའི་དབུ་རྒྱན་ཅན། །དུམ་བུའི་རྒྱན་གྱི་སྐ་རགས་ཅན། །བྱིན་པ་གཉིས་ཀྱིས་ལེགས་པར་འཁྲིལ། ། མགུལ་ནས་འཁྱུད་ཅིང་མྱོས་པ་སྟེ། །དེ་ཡི་ཕྱག་མཚན་ཕྱག་རྒྱ་བསྣམས། །གྲི་གུག་ཅང་ཏེའུ་མཆོག་ཀྱང་འཛིན། །དྲུག་པ་ལ་ནི་ཚངས་པའི་མགོ་།འདི་འདྲར་རྡོ་རྗེ་མཁའ་འགྲོ་ནི། །མཁས་པས་རེའུ་མིག་དབུས་སུ་དགོད། །ཤར་དུ་སངས་རྒྱས་མཁའ་འགྲོ་སྟེ། །བྱང་དུ་ལས་ཀྱི་མཁའ་འགྲོ་ཡིན། །ནུབ་ཏུ་པདྨའི་མཁའ་འགྲོ་སྟེ། །ལྷོ་རུ་རིན་ཆེན་མཁའ་འགྲོ་ཡིན། །དཀར་དང་སྔོ་དང་དམར་བ་དང ། །ལྗང་གུ་དང་ནི་སེར་པོ་འོ། །འཁོར་ལོ་དྲིལ་བུ་མཉམ་པར་ལྡན། །གཡས་བརྐྱང་བ་ཡི་ཞབས་ཀྱིས་བཞུགས། །ལྗང་གུ་སེར་པོ་ 246a ༄#། །དམར་པོ་སྔོ། །དཀར་པོ་སྟེང་བལྟས་དྲིལ་བུ་དང ། །སྣ་ཚོགས་རྡོ་རྗེ་བདེ་ཆེན་འཁྱུད། །གཡས་བརྐྱང་བ་ཡི་ཚུལ་གྱིས་བཞུགས། །དམར་པོ་སེར་དང་ལྗང་གུ་དང ། །དཀར་པོ་ཡང་ནི་དེ་བཞིན་ནོ། །པདྨ་དྲིལ་བུས་སྙོམས་འཇུག་ཅིང ། །ལྷ་མོའི་ནུ་མ་འཚིར་བའོ། །སེར་པོ་སྔོན་པོ་དེ་བཞིན་དམར། །ལྗང་གུ་དཀར་པོའི་ཁ་དོག་སྟེ། །རིན་ཆེན་དྲིལ་བུས་སྙོམས་པར་འཇུག། །གཡས་བརྐྱང་བ་ཡི་ཞབས་ཀྱིས་བཞུགས། །དེ་དག་མཁའ་འགྲོ་ལྔ་ཡིན་ཏེ། །སྡོམ་པ་ལྔ་ཡང་དེ་ཉིད་དོ། །མེ་དང་བདེན་བྲལ་རླུང་དང་ནི། །དབང་ལྡན་དེ་ནི་བཞི་པོ་རུ། །སངས་རྒྱས་མཁའ་འགྲོ་ལས་མཁའ་འགྲོ། །པདྨའི་མཁའ་འགྲོ་རིན་ཆེན་མཁའ། །ཞལ་གསུམ་པ་ལ་ཕྱག་དྲུག་པ། །སྤྱན་གསུམ་པ་ལ་སྐྲ་གྲོལ་བ། །ཐོད་པའི་ཕྲེང་བས་རྣམ་པར་བརྒྱན། །རྒྱན་རྣམས་ཐམས་ཅད་ཡོངས་སུ་རྫོགས། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་ཀྱི་གོས་ཅན་གར་མཆོག་ཅན། །མགོ་ཡི་ཕྲེང་བས་རྣམ་པར་བརྒྱན། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་མདའ་ལ་སོགས་པས་བརྒྱན། །ཞགས་པ་ལྕགས་ཀྱུ་ཕྱག་ན་མཛེས། །འདོད་པ་ཐམས་ཅད་སྩོལ་མཛད་ཅིང ། །ཐུགས་རྗེའི་རོ་ནི་ཡང་དག་རྫོགས། །ཐུགས་རྗེའི་འདོད་པས་རྣམ་པར་མྱོས། །ཅུང་ཟད་ངོ་ཚའི་མིག་ཟུར་ཅན། །དགྱེས་ 246b པ་སྩོལ་བས་བདེ་བ་སྟེ། །དེ་ལྟར་སྣ་ཚོགས་དུ་མ་ཡིས། །དཀྱིལ་འཁོར་རྣམས་ནི་ཡོངས་སུ་ཁྱབ། །དུ་མའི་གཟུགས་དང་གཟུགས་སྡུག་མ། །རྡོ་རྗེ་མཆུ་དང་འོད་བྱེད་མ། །རྟ་གདོང་དང་ནི་དྲག་པོའི་གདོང ། །རྡོ་རྗེ་དྲག་པོ་སྙན་གྲགས་མ། །རྡོ་རྗེ་ཕོ་ཉ་རྡོ་རྗེ་སེན། །རྡོ་རྗེ་གཞོན་ནུ་མ་དེ་བཞིན། །ཀཾ་བོ་ཅི་ཡང་དེ་བཞིན་ཏེ། །རྡོ་རྗེ་རོ་ལངས་མ་དང་ནི། །རྡོ་རྗེ་མ་མོའང་དེ་བཞིན་ཏེ། །དྲི་ཅན་མ་དང་འཇིགས་བྱེད་ཞལ། །ཟླ་བའི་སྤྱི་གཙུག་དེ་བཞིན་ཏེ། །ཁྲོ་གཉེར་ཅན་དང་སྣ་ཚོགས་གཟུགས། །རྡོ་རྗེ་གྲི་གུག་དེ་བཞིན་ཏེ། །རྡོ་རྗེ་ལུ་གུ་རྒྱུད་དང་ནི། ། སྒྱུ་འཕྲུལ་ལྷ་མོ་གྲགས་བྱེད་མ། །ན་ལར་ཀི་དང་སེར་སྐྱ་མ། །རྡོ་རྗེ་འབར་མ་ཐལ་སྦྱོར་མ། །རྡོ་རྗེ་འཇིགས་བྱེད་མ་ཉིད་དེ། །དཀྱིལ་འཁོར་གྲུབ་པའི་མཁའ་འགྲོ་མ། །མཁའ་འགྲོ་མ་ནི་དེ་དག་ཀུན། །སྤྱན་གསུམ་པ་ལ་ཞལ་རྣམ་སྒྱུར། །གསུས་པ་འཆང་ལ་སྐྲ་གྲོལ་བ། །ཐོད་པའི་ཕྲེང་བས་རྣམ་པར་བརྒྱན། །རྒྱན་རྣམས་ཐམས་ཅད་ཡང་དག་རྫོགས། ། ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་ཀྱི་གོས་ཅན་གང་མཆོག་སྟེ། །མགོ་བོའི་ཕྲེང་བས་རྣམ་པར་བརྒྱན། །ཐམས་ཅད་རོ་ཡི་གདན་ལ་བཞུགས། །སྣ་ཚོགས་གཟུགས་ཅན་ཡིད་འཕྲོག་པ། །ཐོད་པ་ཁ་ཊྭཱཾ་ག་འཛིན་ཅིང ། །ཞགས་པ་ལྕགས་ཀྱུ་ཕྱག་ན་བསྣམས། །རྡོ་རྗེ་མཆོག་ནི་གསོར་བྱེད་ཅིང ། །དྲིལ་བུ་དང་ནི་ཅང་ཏེའུ་མཆོག་།ཞལ་གསུམ་ 247a ༄#། །དཔའ་ཞིང་སྒེག་པ་སྟེ། །ཐུགས་རྗེའི་ཉམས་ནི་ཡོངས་སུ་རྫོགས། །སྤྱན་ནི་ཟུར་གྱིས་གཟིགས་མཛད་ཅིང ། །དགྱེས་པའི་སྩོལ་བས་གཡོ་བ་སྟེ། །དངོས་གྲུབ་ཐམས་ཅད་སྩོལ་མཛད་ཅིང ། །སྒྲུབ་པ་པོ་ཀུན་རྗེས་སུ་ཆགས། །ཟླ་བ་དྲུག་གིས་སྒྲུབ་པ་པོ། །མཁའ་འགྲོ་མ་ཡི་འཁོར་ལོ་འགྲུབ། །ཡིད་གཉིས་མེད་པར་དངོས་གྲུབ་མཆོག་།མཁའ་འགྲོ་ཐོད་པར་བྱེད་པ་ཡིན། །དུས་འདིར་དེ་མ་ཐག་ཏུ་ཡང ། །མཁའ་ལ་སྤྱོད་པར་ཐེ་ཚོམ་མེད། །ནང་གི་ཕོ་བྲང་དེ་ཉིད་ནི། །རེའུ་མིག་དགུ་སོགས་སྒོ་དང་བཅས། །སྒོ་རུ་ལྷ་མོ་བཞི་བཀོད་ལ། །མཁའ་འགྲོ་མ་ནི་དངོས་གྲུབ་སྟེ། །ཕྱི་རོལ་དཀྱིལ་འཁོར་ལྷ་མོ་བྲི། །སྣམ་བུའི་མཚམས་བཞི་དེ་རུ་ནི། ། ལྷ་མོ་ཉི་ཤུ་དགོད་བྱ་ཞིང ། །མཁའ་འགྲོ་མ་སོགས་མཚམས་རྣམས་སུ། །ཟུར་བཞི་པ་ལ་སྒོ་བཞི་པ། །ཕྱི་རོལ་དཀྱིལ་འཁོར་དག་ཏུ་བརྟག་།སྒོ་རྣམས་སུ་ནི་ལྷ་མོ་བཞི། །འདོད་པའི་འབྲས་བུ་ཐམས་ཅད་དུ། །རྟ་བབས་བཞིས་ནི་རྣམ་པར་བརྒྱུན། །ཟུར་བཞི་ཆ་ནི་ཐམས་ཅད་དང ། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་ཅིང ། །ཕྱི་རོལ་དཀྱིལ་འཁོར་ཐིག་གདབ་བོ། །དེ་ཡི་ནང་དུ་རེའུ་མིག་དགུ། །སྒོ་རྣམས་ཀྱང་ནི་བྱ་བ་སྟེ། །འདི་ལྟར་མཁའ་འགྲོ་མཁའ་འགྲོ་མ། །དྲ་ 247b བའི་སྡོམ་པ་སྟོང་པ་སྟེ། །བྱང་ཆུབ་ཕྱོགས་ནི་སུམ་ཅུ་བདུན། །ཆོས་ཀྱི་རྣམ་པར་དག་པ་ཡིན། །དབུས་སུ་ས་ནི་བཅུ་གསུམ་སྟེ། །ཕྱི་རོལ་གནས་དང་ཉེ་བའི་གནས་\?\་ཁྲོད་དང་ནི་ཉེ་དུར་ཁྲོད། །འདི་ལྟར་སྦྱོར་བས་རྣམ་དག་པར། །སྡོམ་པ་མཆོག་ནི་བསྒོམ་པར་བྱ། །དེ་ནི་ཐུགས་ཀྱི་ཡེ་ཤེས་ཏེ། །ཡེ་ཤེས་མཁའ་འགྲོ་མཁའ་འགྲོ་མའོ། །ཕུང་པོ་ཁམས་དང་སྐྱེ་མཆེད་ལ། །ཆོ་ག་གཉིས་པོ་སྦྱར་བར་བྱ། །ཡེ་ཤེས་མཆོག་གི་སྒོམ་པ་སྟེ། །གསང་བ་གསུམ་གྱི་འཁོར་ལོ་དགོད། །ཕྱེད་དང་ཕྱེད་དུ་རྣམ་པར་དགོད། །མཁའ་འགྲོ་གསུམ་ནི་འཁོར་ལོའི་དབུས། །དམ་ཚིག་རྣལ་འབྱོར་འབྱུང་བ་ཆེ། །ཡེ་ཤེས་འཁོར་ལོ་བཀུག་ནས་ནི། །ཞབས་བསིལ་བྱས་ནས་གཞུག་པར་བྱ། །ཡེ་ཤེས་ཆུ་ཡིས་དབང་བསྐུར་ནས། །གཙོ་བོ་དག་ནི་རྣམ་པར་བསྒོམ། །བདག་མེད་ཆོས་ཀྱི་རོ་ཀུན་གྱིས། །དམ་ཚིག་མཆོག་ནི་དྲི་མ་མེད། །བ་སྤུ་ཁུང་བུ་ཐམས་ཅད་ལས། །དམ་ཚིག་གསང་བ་གསུམ་སྤྲོས་ནས། །སེམས་ཅན་མ་ལུས་དམ་ཚིག་གི་།མཁའ་འགྲོ་རུ་ནི་རབ་གནས་བྱ། །འབད་པ་ཡིས་ནི་བསྡུས་ནས་ཀྱང ། །གསང་བ་གསུམ་དུ་གཞུག་པར་བྱ། ། སྔོན་གྲུབ་པ་ཡི་མཁའ་འགྲོ་ནི། །བྱིན་རླབས་གནས་སུ་དགོད་པར་བྱ། །འདི་ནི་རྡོ་རྗེ་ཐེག་ཆེན་ཏེ། །མཁའ་འགྲོ་སྤྱོད་པའི་གནས་ལ་བཞུགས། །སྡོམ་པ་མཆོག་ནི་བཟླས་ 248a ༄#། །པ་ཡིས། །བླ་ན་མེད་པའི་གོ་འཕང་སྟེར། །དུས་བཞི་དག་ཏུ་ཅི་འདོད་པར། །སྐྱོ་བ་མེད་པར་རྟག་ཏུ་སྒོམ། །ལུགས་སུ་འབྱུང་དང་ལྡོག་པ་ཡིས། །འཁོར་ལོ་མཆོག་ནི་རྣམ་པར་སྤྲོ། །བ་སྤུའི་ཁུང་བུ་ལས་མདུན་དུ། །བདེ་མཆོག་སྤྲོས་ནས་མཆོད་པར་བྱ། །རྡོ་རྗེ་གསུམ་ནི་དབང་བསྐུར་ནས། །འགོག་པའི་ཁྲོ་བོ་རྣམ་པར་བསྒོམ། །ཡེ་ཤེས་ཁྲོ་བོ་ལྷན་ཅིག་ཏུ། །སྤྲིན་གྱི་འབྲུག་སྒྲ་ལྟ་བུར་བཟླ། །འགྲོ་ཞིང་འོང་བ་སྦྱོར་བ་ཡིས། །མི་སྨྲ་རྡོ་རྗེ་བརྟུལ་ཞུགས་ཆེ། །ཞག་བདུན་གྱིས་ནི་ངེས་པར་ཡང ། །མཐུ་དང་སྟོབས་ནི་འགྲུབ་འགྱུར་ཏེ། །གཡོ་ཞིང་ལྡེག་པར་བྱེད་པ་དང ། །འཁྲུག་ཅིང་གཡེངས་དང་གཞུག་པ་དང ། །ནད་མེད་པ་ནི་ནད་ཡོད་བྱེད། །ནད་ཡོད་པ་ནི་ནད་མེད་བྱེད། །དེ་ལྟར་སྒོམ་པ་བྱས་ནས་ནི། །ལས་འདིར་ཐེ་ཚོམ་མེད་པ་ཡིན། །ནང་གི་བདག་ཉིད་སྦྱོར་ལྡན་པས། །བསྒོམ་དང་བཟླས་ལ་དགའ་བ་དང ། །དམ་ཚིག་ཟས་ལ་དགའ་བ་ནི། །ཐོགས་པ་མེད་པར་ཚེ་ཡང་བརྟན། །འདི་ལྟར་རང་གི་ཆོ་གས་བཟླས། །སངས་རྒྱས་གནས་སུ་ལེགས་པར་འཇུག་།དེར་ནི་དམ་ཚིག་འཁོར་ལོ་ནི། །མཁས་པས་སྒོམ་མཆོད་བཟླས་པ་བྱ། །གསང་སྔགས་འདི་དག་བཤད་བར་བྱ། །ོཾ་ཤྲཱི་བཛྲ་ཌཱ་ཀི་ནཱི་ཨཱཿ ་དྷི་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་རཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བུདྡྷ་ཌཱ་ 248b ཀཱི་ནཱི་ཨཱ་བྷྲུཾ་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་ར་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཀརྨཱ་ཌཱ་ཀི་ཨ་ཁཾ་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་ར་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་པདྨ་ཌཱ་ཀ་ཨ་ཧྲཱི་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་ར་ཧུཾ་ཧཱུཾ་ཕཊ། ཨོཾ་ཤྲཱི་རཏྣ་ཌཱ་ཀ་ཨཾ་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་ར་ཧུཾ་ཧཱུཾ་ཕཊ་སཝཱཧཱ། མཁའ་འགྲོ་བཞི་པོ་དེ་དག་དང ། །མཁའ་འགྲོ་མ་དང་ལཱ་མ་དང ། །དུམ་སྐྱེས་མ་དང་གཟུགས་ཅན་མ། །མགྲིན་པ་མཉམ་པར་བསྣོལ་བ་སྟེ། །བྱིན་པ་གཉིས་ཀྱིས་ལེགས་པར་འཁྲིལ། །དེ་ཡི་མདོག་དང་ཕྱག་དང་ཞལ། །ཕྱག་མཚན་རྣམས་ཀྱང་རྣམ་པར་བསྒོམ། །ལྷ་མོ་མངོན་དུ་བྱས་ནས་ནི། །སྙིང་པོའི་གསང་སྔགས་སོ་སོ་ཡིན། །ོཾ་ཤྲཱི་བཛྲ་བཱ་རཱ་ཧི་བཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཌཱ་ཀི་ནཱི་ཌཱཾ་ཧུཾ་ཧཱུམ་ཕཊ་སཝཱཧའ། ཨོཾ་ཤྲཱི་ལཱ་མེ་ལཱཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཁཎྜ་རོ་ཧེ་ཁཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་རཱུ་པ་ཎི་རཱུཾ་ཧུཾ་ཧཱུཾ་ཕཊ་སཝཱཧཱ། འདི་ནི་ལྔ་པོའི་བདག་ཉིད་ཀྱིའོ། །མཚམས་ཀྱི་མཁའ་འགྲོ་མའི་སྔགས་ནི། ཨོཾ་ཤྲཱི་བུདྡྷ་ཌཱ་ཀི་ནཱི་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཀརྨཱ་ཌཱ་ཀི་ནཱི་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་པདྨ་ཌཱ་ཀི་ནཱི་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་རཏྣ་ཧུཾ་ཧཱུཾ་ཕཊ་སཝཱཧཱ། སྒོ་རུ་མཁའ་གྲོ་མ་ཡི་སྔགས། །འདོད་པའི་འབྲས་བུ་ཐམས་ཅད་སྟེར། །བཞི་པོ་སྣ་ཚོགས་མདོག་ཅན་ཏེ། །ཇི་བཞིན་རིགས་ཀྱིས་ཀུན་ལ་ཁྱབ། །ོཾ་ཧཱུཾ་རཱུ་པེ་ཧུཾ་ཧཱུཾ་ཕཊ། །ོཾ་སུ་རཱུ་པེ་ཧུཾ་ཧཱུཾ་ཕཊ། ཨོཾ་བཛྲ་དུནྟི་ཧུཾ་ཧཱུཾ་ཕཊ། ཨོཾ་པྲ་བྷཱ་ཀ་རི་ཧུཾ་ཧཱུཾ་ཕཊ། ཤར་ཕྱོགས་ཀྱི་ནི་ 249a ༄#། །སྣམ་བུ་ལ། །ལྷ་མོ་བཞི་པོ་དགོད་པ་སྟེ། །སྐུ་ལུས་དཀར་པོའི་མདོག་ཅན་ལ། །དེ་ཡི་གསང་སྔགས་བཤད་པ་ཡིན། །ོཾ་བཛྲ་པ་ཌཱ་བ་མུ་ཁཱི་ཧུཾ་ཧཱུཾ་ཕཊ།་ཨོཾ་གྷོ་ར་མུ་ཁི་ཧུཾ་ཧཱུཾ་ཕཊ། ཨོཾ་བཛྲ་གྷོ་ཎེ་ཧུཾ་ཧཱུཾ་ཕཊ། ཨོཾ་ཡ་ཤ་སཝི་ནི་ཧཱུཾ་ཧཱུཾ་ཕཊ། ལྷོ་ཕྱོགས་ཀྱི་ནི་སྣམ་བུ་ལ། །ལྷ་མོ་བཞི་པོ་དགོད་པར་བྱ། །སྐུ་མདོག་དག་ནི་སེར་བ་སྟེ། དེ་ཡི་སྔགས་སུ་བཤད་པ་ཡིན། །ོཾ་བཛྲ་དཱུ་ཏི་ཧུཾ་ཧཱུཾ་ཕཊ། ཨོཾ་བཛྲ་ན་ཁ་ཧུཾ་ཧཱུཾ་ཕཊ། ཨོཾ་བཛྲ་ཀཽ་མ་རཱི་ཧུཾ་ཧཱུཾ་ཕཊ། ཨོཾ་བཛྲ་ཀཾ་པུཙྫི་ཧུཾ་ཧཱུཾ་ཕཊ། ནུབ་ཕྱོགས་ཀྱི་ནི་སྣམ་བུ་ལ། ། ལྷ་མོ་བཞི་པོ་སྐུ་མདོག་དམར་པོ་ཅན་གྱི་སྔགས་ཡིན་ནོ། །ོཾ་བཛྲ་བེ་ཏཱ་ལི་ཧུཾ་ཧཱུཾ་ཕཊ། ཨོཾ་བཛྲ་ས་ཡི་ཀི་ཧཱུཾ་ཧཱུཾ་ཕཊ། ཨོཾ་གནྡྷ་རི་ཧུཾ་ཧཱུཾ་ཕཊ། ཨོཾ་བ་མི་བ་ད་ནེ་ཧུཾ་ཧཱུཾ་ཕཊ། བྱད་གི་སྣམ་བུ་ལ་ལྷ་མོ་བཞི་སྐུ་མདོག་ལྗང་གུ་སྟེ། དེའི་གསང་སྔགས་བཤད་པ་ཡིན། །ོ་ཙཎྜ་ཤཾ་ཁ་རེ་ཧུཾ་ཧཱུཾ་ཕཊ། ཨོཾ་བྷྲྀ་ཀུ་ཊ་ཧུཾ་ཧཱུཾ་ཕཊ། ཨོཾ་བི་ཤཝ་རཱུ་པེ་ཧུཾ་ཧཱུཾ་ཕཊ། ཨོཾ་བཛྲ་ཀཌྜྷ་ནི་ཧུཾ་ཧཱུཾ་ཕཊ། དབང་ལྡན་ལ་སོགས་པའི་མཚམས་བཞི་རུ་ལྷ་མོ་བཞི་པོ་གཟུགས་གཉིས་པའི་མདོག་ཅན་ཏེ། དེའི་སྔགས་བཤད་པ། ཨོཾ་ཤྲཱི་བཛྲ་ཁ་ལེ་ཧུཾ་ཧཱུཾ་ཕཊ། ཨོཾ་བཛྲ་མ་ལེ་ཧུཾ་ཧཱུཾ་ཕཊ། ཨོཾ་བཛྲ་ཡ་ཤཿ ་ཀ་རི་ཧུཾ་ཧཱུཾ་ཕཊ། ཨོཾ་བཛྲ་ནཱ་ལཱ་ར་ཀེ་ཧུཾ་ཧཱུཾ་ཕཊ། སྒོ་རྣམས་སུ་ནི་ལྷ་མོ་བཞི་པོ་སྣ་ཚོགས་པའི་མདོག་ཅན་དྲག་པོའི་གཟུགས་ལྡན་ 249b པ་སྟེ།་དེའི་སྔགས་སུ་བཤད་པ། ཤར་དུ་ཨོཾ་ཤྲི་བཛྲ་པཾ་གེ་ལེ་ཛཿ ་ཛཿ ་ཧུཾ་ཧཱུཾ་ཕཊ། ལྷོ་རུ་ཨོཾ་ཤྲཱི་བཛྲ་ཛྭ་ལི་ནི་ཧཱུཾ་ཧུཾ་ཧཱུཾ་ཕཊ། ནུབ་ཏུ་ཨོཾ་ཤྲཱི་བཛྲ་ཀུཎྜ་ལི་པཾ་བཾ་ཧུཾ་ཧཱུཾ་ཕཊ། བྱང་དུ་ཨོཾ་ཤྲཱི་བཛྲ་ཕཻ་ར་བི་ཧོ་ཧུཾ་ཧཱུཾ་ཕཊ། ཐམས་ཅད་གསལ་བྱེད་མཐའ་རུ་ནི། །ཤྲཱི་ནི་སྤྱར་ཞིང་མཆོག་རིམ་བཞིན། །སྔགས་པས་དེ་ལྟར་བཟླས་ན་ནི། །མཁའ་འགྲོ་མ་ནི་དྲ་བ་ཡི། །སྡོམ་པའི་དངོས་གྲུབ་ཐོབ་པ་སྟེ། །ཟླ་བ་དྲུག་གིས་བདེ་དབང་འགྱུར། །གཅུག་ཏུ་བྱས་ཏེ་བསྡུས་ན་ནི། །རྣལ་འབྱོར་ཆེན་པོ་གཟི་བྱིན་ཅན། །དྲ་བའི་མཆོག་ནི་འགྲུབ་པར་འགྱུར། །གསང་སྔགས་འདི་དག་ཐམས་ཅད་ནི། །ཁྲི་འམ་དུ་བཟླས་ན་ནི། །གསང་སྔགས་རྒྱལ་པོ་འགྲུབ་པ་ཡིན། །སྙིང་པོ་དག་ནི་བཟླས་པ་ཡིས། །དཔའ་བོ་མཁའ་འགྲོ་མ་གྲུབ་ཅིང ། །རང་ཉིད་ཇི་ལྟར་འདོད་པར་འགྱུར། །གཞན་གྱི་ལུས་སུ་ཞུགས་འགྲོ་ཞིང ། །མི་སྣང་བ་དག་ཐོབ་ནས་ནི། །རྣལ་འབྱོར་ཆེན་པོ་རྣམ་པར་སྤྱོད། །སྣ་ཚོགས་གཟུགས་ནི་འཛིན་པ་ཡིན། ། མངོན་པར་བརྗོད་པའི་རྒྱུད་བླ་མའི་བླ་མ་ལས། དམ་ཚིག་གི་སྡོམ་པ་ལས་འབྱུང་བའི་དཀྱིལ་འཁོར་གྱི་རྒྱལ་པོ་ཞེས་བྱ་བའི་ལེའུ་སྟེ་སུམ་ཅུ་རྩ་གཉིས་པའོ།། །། དེ་ནས་གཞན་ཡང་བཤད་བྱ་བ། །སངས་རྒྱས་མཁའ་འགྲོའི་ཆོ་གའི་རིམ། །སྔར་བཤད་སངས་རྒྱས་མཁའ་འགྲོ་ཡི། །ལུང་ལ་སོགས་པའི་རིམ་པ་བྱ། །རྣལ་འབྱོར་ལུང་ནི་ 250a ༄#། །མི་ཤེས་པ། །སངས་རྒྱས་མུ་སྟེགས་ཅན་ཡིན་ཏེ། །རྟག་ཏུ་ལུང་ནི་སྤང་མི་བྱ། །དཀོན་མཆོག་གསུམ་ནི་མི་སྤང་ཞིང ། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་འགྲོ། །ཤེས་རབ་ཕ་རོལ་ཕྱིན་དམིགས་ན། །རྣལ་འབྱོར་གྱི་ནི་དངོས་གྲུབ་འགྲུབ། །གཅིག་ཅར་འཇུག་པའི་སྦྱོར་བ་ཡིས། །བདག་གི་ལུས་ནི་རྣམ་པར་བསམ། །སྔོ་ཞིང་དྲག་ལ་བཞིན་རྣམ་སྒྱུར། །གཏུམ་ཞིང་འཇིགས་པ་འཇིགས་པར་མཛད། །ཞལ་གྱི་མཆེ་བ་རྣམ་པར་གཙིགས། །རལ་པ་ཟླ་ཕྱེད་སྤྱི་གཙུག་འཆིད། །སྣ་ཚོགས་རྡོ་རྗེས་རལ་པ་གནོད། །ཐོད་པའི་ཕྲེང་བས་རྣམ་པར་བརྒྱན། །རྒྱན་རྣམས་ཐམས་ཅད་ཡོངས་སུ་རྫོགས། །བཾ་ཧཱུཾ་བཛྲ་ལས་བྱུང་སྐུ་ལུས་ཅན། ། ཕྱག་རྒྱ་དྲུག་དང་ཡང་དག་ལྡན། །སྟག་གི་པགས་པ་གོས་སུ་མནབས། །སྐྱིལ་ཀྲུང་ཕྱེད་པས་ལེགས་པར་གནས། །སྤྱན་གསུམ་དྲག་པོའི་སྐུ་ལུས་ཅན། །མགྲིན་པ་བཞི་ལ་ཞལ་བཞི་པ། །བཅུ་གཉིས་ཕྱག་དང་ཡང་དག་ལྡན། །སྟོང་པའི་ཡེ་ཤེས་ཡང་དག་མཆོག་།གདུག་པ་ཀུན་གྱི་ཐོད་པའི་ཕྲེང ། །དུས་མཐའ་ལས་བྱུང་དོ་ཤལ་ཅན། །གདུག་པ་ཀུན་ནི་ཞབས་འོག་གནོན། །ཉོན་མོངས་འཇིགས་བྱེད་མགོ་བོ་དང ། །སྲེད་པ་གཏི་མུག་ཕྲག་དོག་སྟེ། །དུས་མཚན་མོ་ནི་ཁས་ཕུབ་ལ། །གདུག་པའི་བགེགས་ནི་ 250b འཇིགས་པ་ཅན། །ཐམས་ཅད་ཞབས་ཀྱི་འོག་ཏུ་གནོན། །ནམ་མཁའ་དང་ནི་སྐྱ་བ་དང ། །དཀར་བ་དང་ནི་དམར་བ་དང ། །ལྗང་གུ་སྟེང་དུ་བལྟས་པའི་ཞལ། །རྡོ་རྗེ་དྲིལ་བུ་མཉམ་ལྡན་པ། །ཕག་མོ་དག་དང་བདེ་བས་འཁྱུད། །ཀུན་ཏུ་གཉིས་མེད་སྦྱོར་བ་ཡིས། །ཆོས་རྣམས་ཀུན་གྱི་རོ་གཅིག་ཏུ། །སྦྱངས་པའི་ཡོན་ཏན་ཞེས་བྱ་བ། །དཔལ་གྱི་བདེ་བ་ཆེན་པོ་ནི། །རྡོ་རྗེ་ཧེ་རུ་ཀ་ཉིད་ཡིན། །ཐོད་པ་དང་ནི་ཁ་ཊྭཱཾ་འཛིན། །ཆོས་ཀྱི་འཁོར་ལོ་མཁར་གསིལ་དང ། །ལྷུང་བཟེད་མདུང་དང་ཞགས་པ་དང ། །ལྕགས་ཀྱུ་མགོ་བོ་ཅང་ཏེའུ་དང ། །གཡས་དང་གཡོན་པའི་ཕྱག་དག་གིས། །ན་རའི་པགས་པ་བརྐྱང་ནས་བསྣམས། །ཤར་དུ་མཱ་ཏ་ངྒི་དང་ཌོཾ་བི་ཀ་།ཛ་ར་ཀི་དང་པུཀྐི་སི། །ཁ་ཊ་ཀི་དང་ཤ་བ་རི། །ཛི་བ་རི་དང་ས་མ་རི། །ལྷ་མོ་བརྒྱད་པོ་དེ་དག་ནི། །ཇི་བཞིན་རིམ་པས་རྗེས་སུ་དགོད། །སེར་དང་སྔོ་དང་དེ་བཞིན་དམར། །དུད་པ་ཡི་ནི་མདོག་ཅན་ཏེ། །དམར་དང་ལྗང་དང་དུད་ཀའི་མདོག་།བརྒྱད་པ་དཀར་པོ་ཉིད་ཡིན་ནོ། །སྒོ་རྣམས་སུ་ནི་དགོད་བྱ་བ། །ཁྲག་འཐུང་རྡོ་རྗེ་གཏུམ་མོ་དང ། །རྡོ་རྗེ་སྲིད་མཆོག་མ་དང་ནི། །རྡོ་རྗེ་འཇིགས་བྱེད་དྲག་མོ་སྟེ། །གདུལ་དཀའ་ཐམས་ཅད་གསོལ་མཛད་ཅིང ། །ཐལ་པ་སྤྲིན་མདོག་ལྗང་གུ་དང ། །དམར་དང་སྔོ་དང་ལྷག་པར་འཇིགས། །བརྒྱད་པའི་དབུས་སུ་ཆོས་མཁར་གསིལ། །ཐོད་པ་ཅང་ཏེའུ་གྲི་གུག་སྟེ། །ཕྲག་ 251a ༄#། །བའི་སྟེང་དུ་གོས་འཛིན་པའོ། །སྒོ་རྣམས་སུ་ནི་ལྷ་མོ་བཞི། །ཐོད་པ་ཁ་ཊྭཱཾ་མི་འཇིགས་པ། །ཆོས་ཀྱི་མཁར་གསིལ་ཅང་ཏེའུ། །ཞལ་གཅིག་པ་ལ་ཕྱག་བཞི་པ། །ཡི་དྭགས་གདན་གྱི་སྟེང་དུ་ནི། །སྐྱིལ་ཀྲུང་ཕྱེད་པའི་གར་གྱིས་བཞུགས། །བསོད་སྙོམས་པ་དང་ཆོས་གོས་གསུམ། །ཕྱིས་མི་ལེན་དང་ཙོག་བུ་བ།། གཞི་ཇི་བཞིན་དང་སྟན་ཅིག་པ། །བླ་གབ་མེད་དང་ཤིང་དྲུང་པ། །དགོན་པ་པ་དང་དུར་ཁྲོད་དང ། །ཁྲོད་པ་དང་ནི་ཕྱིང་བ་པའོ། །འདི་དག་ཇི་ལྟའི་རིམ་པ་ཡིས། །སྦྱངས་པའི་ཡོན་ཏན་རྣམ་དག་བསྒོམ། །ཡེ་ཤེས་མཉམ་པའི་དམ་ཚིག་མཆོག་།རོ་གཅིག་ཏུ་ནི་རྣམ་པར་བསྒོམ། །ོཾ་ཤྲཱི་མ་ཧཱ་སུ་ཁ་བཛྲ་ཧེ་ཧེ་རུ་རུ་ཀཾ་ཨཱཿ ་ཧུཾ་ཧཱུཾ་ཕཊ། ཨོཾ་མཾ་མ་ཏཾ་གི་ཧུཾ་ཧཱུཾ་ཕཊ། ཨོཾ་ཌཾ་བཛྲ་ཌོཾ་བི་ནི་ཧུཾ་ཧཱུཾ་ཕཊ། ཨོཾ་རཾ་རཱ་ཛ་ཀི་ཧུཾ་ཧཱུཾ་ཕཊ། ཨོཾ་པུཾ་པུཀྐ་སི་ཧུཾ་ཧཱུཾ་ཕཊ། ཨོཾ་ཁཾ་ཁ་ཏ་ཀཾ་ཧུཾ་ཧཱུཾ་ཕཊ། ཨོཾ་ཤཾ་ཤཱ་བ་རི་ཧུཾ་ཧཱུཾ་ཕཊ། ཨོཾ་ཛིཾ་ཛི་བ་རི་ཧུཾ་ཧཱུཾ་ཕཊ། ཨོཾ་སཾ་ས་མ་རི་ཧཱུཾ་ཧཱུཾ་ཕཊ། ཨོཾ་ཏེཾ་ཧེ་ཧེ་རུ་ཀི་ཧུཾ་ཧཱུཾ་ཕཊ། ཨོཾ་བཾ་བཛྲ་ཙཎྚི་ཧུཾ་ཧཱུཾ་ཕཊ། ཨོཾ་ཧཱུཾ་བཛྲ་རཱཀྵ་སི་ཧུཾ་ཧཱུཾ་ཕཊ། ཨོཾ་བྷེཾ་བཛྲ་བྷཻ་ར་བཱི་ཧུཾ་ཧཱུཾ་ཕཊ། དེ་ཀུན་གཅེར་བུ་སྐྲ་གྲོལ་བ། །སྤྱན་གསུམ་པ་ལ་ཞི་བ་སྟེ། །མཆེ་བ་རྣམ་གཙིགས་ལྕེ་བསྐྱོད་ཅིང ། །ཕྱག་རྒྱ་ལྔ་ཡིས་སྐུ་ལུས་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །བཞད་དང་ཞི་དང་སྙིང་རྗེ་དང ། །སྒེག་ 251b པ་དང་ནི་རྡམ་པ་དང ། །དྲག་ཅིང་ཁྲོ་བའི་ཉམས་ཅན་ཏེ། །བཟླས་དང་སྒོམ་པ་སྤྲོ་ཞིང་བསྡུ། །ལུས་དག་ཡིད་ལ་བདེ་བར་གནས། །སེམས་ཅན་མོས་པ་སྣ་ཚོགས་པ། །གདུལ་བའི་ཐབས་ཀྱི་བདེ་བ་ཡིས། །ཡུལ་ལ་ཡོངས་སུ་སྤྱོད་པ་ན། །བླ་མེད་ཡེ་ཤེས་འབྲས་བུ་འཐོབ། །སེམས་ཅན་ཐམས་ཅད་འདི་ཡིས་བདེ་\?\། །འཆི་མེད་བདེ་བའི་ལོངས་སྤྱོད་ཀྱིས། །ཡེ་ཤེས་འབྲས་བུ་རྙེད་པ་ཡིན། །འདི་ནི་སེམས་ཅན་ཐམས་ཅད་ཀྱི། །མཆོག་གི་གོ་འཕང་ཐོབ་པའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས། སྦྱངས་པའི་ཡོན་ཏན་བསྐྱེད་པའི་ལེའུ་སྟེ་སུམ་ཅུ་རྩ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཆར་དབབ་ཆོ་གའི་རིམ་པ་ནི། །པདྨ་འདབ་མ་བརྒྱད་མཆོག་གི། །ལྟེ་བ་གེ་སར་བཅས་པ་ལ།། དེ་ཡི་དབུས་སུ་རྡོ་རྗེ་ཆེ། །མཆེ་བ་རྣམ་གཙིགས་འཇིགས་པ་ཅན། །ཕྱག་བརྒྱད་པ་ལ་ཞལ་བཞི་པ། །སྤྱན་གསུམ་འཇིགས་པའང་རབ་ཏུ་འཇིགས། །རྡོ་རྗེ་མཚོན་ནི་གསོར་མཛད་ཅིང ། །སྡིགས་མཛུབ་ཞགས་པར་ལྡན་པ་དང ། །ཐོད་པ་དང་ནི་ཁ་ཊྭཱཾ་འཛིན། །ལྕགས་ཀྱུ་དང་ནི་མདུང་བསྣམས་ཤིང ། །དཔའ་བོའི་པགས་པ་བསྣམས་ཤིང་འཛིན། །ཅང་ཏེའུ་དང་ནི་བརྒྱད་པར་བཤད། །གཡས་བརྐྱང་བ་ཡི་ཞབས་ཀྱིས་ནི། །ཆུ་ལྷ་འཇིགས་པ་མྱོས་པ་གནོན། །ཟླ་བ་ཕྱེད་པ་རལ་པ་འཆིང ། །སྣ་ཚོགས་རྡོ་རྗེས་རྣམ་པར་བརྒྱན། །ཕྱག་རྒྱ་ 252a ༄#། །དྲུག་གིས་སྐུ་ལ་བརྒྱན། །ཐོད་པའི་ཕྲེང་བས་རྣམ་པར་བརྒྱན། །སྟག་གི་པགས་པ་གོས་སུ་མན་བས། །ཐོད་པའི་ཕྲེང་བའི་ཅོད་པན་མཆོག། མཆུས་གནོན་ཞལ་གདོང་རྣམ་སྒྱུར་ཞིང ། །ཁྲོ་བར་ལྟ་ཞིང་འཇིགས་པར་གཟིགས། །འདབ་མ་བརྒྱད་ལ་ཀླུ་བརྒྱད་བྲི། །མཐའ་ཡས་དང་ནི་ནོར་རྒྱས་དང ། །འཇོག་པོ་པདྨ་པདྨ་ཆེ། །དུང་སྐྱོང་དང་ནི་སྟོབས་ཀྱི་རྒྱུ། །དགའ་བོ་དང་ནི་བརྒྱད་ཡིན་ཏེ། །དཀར་དང་སྔོ་དང་དམར་དང་ལྗང ། །སེར་དང་དུད་པའི་མདོག་ཅན་ཏེ། །ལྗང་གུ་དང་ནི་སེར་པོ་སྟེ། །ཐལ་མོ་སྦྱར་བར་བྱས་ནས་ནི། །བཅོམ་ལྡན་འདས་ལ་མངོན་ཕྱོགས་པ། །འཇིགས་པས་བཀའ་དྲིན་སློང་བར་བྱེད། །སྐྲག་པས་ལྟ་ཞིང་གནས་པ་འོ། །བཅོམ་ལྡན་སྐུ་ལུས་སྔོན་པོ་ཅན། །འཇིགས་ཤིང་ཤིན་ཏུ་འཇིགས་པར་མཛད། །གཡས་པ་དུད་ཀ་དམར་པོ་སྟེ། །གཡོན་པ་ལྗང་གུ་དུད་ཀ་འོ། །སྟེང་གི་ཞལ་ནི་མཁའ་ལྡིང་གདོང ། །ཞལ་རྣམ་སྒྱུར་ཞིང་འཇིགས་པ་འོ། །ཉི་མ་དམར་པོའི་གཟི་བརྗིད་ཅན། །ཉི་མ་བཅུ་གཉིས་ཉི་མཉམ་འོད། །ཕག་མོ་དག་གིས་མགུལ་འཁྱུད་ཅིང ། །བྱིན་པ་གཉིས་ཀྱིས་ལེགས་པར་འཁྲིལ། །ཡང་ན་ཕྱག་ནི་བཅུ་གཉིས་པ། །བདེ་ཆེན་མཆོག་ནི་བཅུ་གཉིས་པ། །གྲི་གུག་ཚངས་པའི་མགོ་བོ་དང ། །རྡོ་རྗེ་དྲིལ་བུ་ཡང་དག་ལྡན། །ལྷ་མོའི་ 252b མཆུ་ནི་རྣམ་པར་འཚིར། །གཅེར་བུ་དབུ་སྐྲ་གྲོལ་བ་དང ། །སྤྱན་གསུམ་པ་ལ་སྐུ་རགས་ཅན། །ཛམྦུའི་ཆུ་བོ་མཆོག་གི་སྐུ། །གཉིས་སུ་མེད་པར་སྦྱོར་བར་གནས། །ཀླུ་ནི་རང་གི་ཆུང་མར་བཅས། །ཆུ་ལྷའང་ཆུང་མར་བཅས་པ་དང ། །ཆུ་ལྷའི་ལུས་ནི་དཀར་པོ་ཅན། །བཀའ་དྲིན་དག་ནི་སློང་བར་བྱེད། །སྙིང་གར་ཡེ་ཤེས་འཁོར་ལོ་དག་།དེ་མདོག་ཕྱག་དང་ཞལ་ཡང་སྐྱེད། །དེ་ཡི་སྙིང་ག་ཧཱུཾ་ནཱཾ་ཧཱུཾ་དགོད་ཅིང ། །ལུས་ངག་ཡིད་ཀྱང་དེ་བཞིན་ཏེ། །ཀླུ་ཡི་རང་སྙིང་དེ་ཉིད་ལ། །ཧཱུཾ་ནཱཾ་ཧཱུཾ་ནི་རྣམ་པར་དགོད། །གསང་སྔགས་རྒྱལ་པོའི་ཆོ་ག་ནི། །ཁྲོ་བོའི་ཚིག་ལྟར་བཟླས་བརྗོད་བྱ། །ཆུ་བོའི་འགྲམ་མམ་རྒྱ་མཚོ་འམ། ཁྲོན་པའམ་ཀླུ་ཡི་མཚོ་དང་ནི། །རྫིང་བུ་ལྟེང་ཀ་རྣམས་སུ་ནི། །བློ་ཅན་ཁྲོ་བོའི་བཟླས་པ་བྱ། །ཡང་ན་ཀླུ་ཡི་གནས་སུ་ནི། །སྒོམ་པ་བཟླས་པ་དག་ལ་འཇུག་།ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ནཱཾ་ནཱ་ག་བར་ཥཱ་པ་ཡ་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་ར་ཧཱུཾ་ཕཊ་སཝཱཧཱ། འདི་དག་བསྒོམ་ཏེ་ཁྲི་ཙམ་བཟླ། །དུས་བཞི་དག་ཏུ་སྟོང་དུ་འོ། །ཞག་བདུན་གྱིས་ནི་ངེས་པར་ཡང ། །ས་རྣམས་ཀུན་ཏུ་ཆར་འབབ་འགྱུར། །དམ་ཚིག་སྦྱིན་སྲེག་མཆོད་དུས་སུ། །གླུ་དང་གར་ནི་ཉེར་ལྡན་པས། །འོ་མ་དག་ནི་བཟའ་ཞིང་བཏུང ། །རྣལ་འབྱོར་པས་ནི་ཀླུ་བརྒྱད་བཟླ། །འོ་མའི་ཁྲུས་ཀྱི་ཆོ་ག་ཡིས། །འོ་མས་སྦྱིན་སྲེག་བསྲེག་བླུགས་བྱ། །འོ་མའི་ཤིང་ 253a ༄#། །གི་བུད་ཤིང་བྱ། །འོ་མའི་ཤིང་གི་ཡམ་ཤིང་དང ། །འོ་མར་བཅས་པས་སྦྱིན་སྲེག་བྱ། །བུམ་པ་འོ་མས་ཡོངས་སུ་དགང ། །མེ་སོགས་མཚམས་དང་ཕྱོགས་རྣམས་སུ། །འོ་མར་བཅས་པའི་གཏོར་མ་སྦྱིན། །ོཾ་ཨཾ་ཨ་ནནྟ་ཡ་ཧཱུཾ་ནཱཾ་ཧཱུཾ་སཝཱཧཱ། ཨོཾ་བཾ་བཱ་སུ་ཀེ་ཧཱུཾ་ནཱཾ་ཧཱུཾ་སཝཱཧཱ། ཨོཾ་ཏཾ་ཏཀྵ་ཀ་ཧཱུཾ་ནཱཾ་ཧཱུཾ་སཝཱཧཱ། ཨོཾ་པཾ་པདྨ་ཧཱུཾ་ནཱཾ་ཧཱུཾ་སཝཱཧཱ། ཨོཾ་མཾ་མཧཱ་པདྨ་ཧཱུཾ་ནཱཾ་ཧཱུཾ་སཝཱཧཱ། ཨོཾ་ཤཾ་ཤཾ་ཁ་པཱ་ལ་ཧཱུཾ་ནཱཾ་ཧཱུཾ་སཝཱཧཱ། ཨོཾ་ཀཾ་ཀརྐོ་ཊ་ཧཱུཾ་ནཱཾ་ཧཱུཾ་སཝཱཧཱ། ཨོཾ་ཨཾ་ཨ་ནནྟ་ཏཔྟ་ཧཱུཾ་ནཱཾ་ཧཱུཾ་སཝཱཧཱ། ཨོཾ་ཧཱུཾ་བཾ་བ་རུ་ཎ་ཡ་ནཱ་གཱ་དྷི་པ་ཏེ་ཡེ་ནཱ་གཾ་བཪྵཱ་པ་ཡ་ཧཱུཾ་ནཱཾ་ཧཱུཾ་སཝཱཧཱ། འདི་བཟླས་ཁྲོ་བོ་དང་བཅས་པས། །ཀུན་གྱི་བཟླས་པ་ཁྲི་ཙམ་བྱ། །འོ་མ་འབྲས་སྙིང་ཟས་སུ་བཟའ། །དབང་པོ་ཐུལ་ཅིང་ཡོད་མི་སྨྲ། །བྲི་གཟུགས་སྤངས་པའི་མངོན་སུམ་དུ། །ཁྲི་ཙམ་བཟླས་ན་མངོན་དུ་འགྱུར། །མངོན་སུམ་དུ་ནི་དངོས་གྲུབ་ཅིང ། །སྨྲས་པ་ཙམ་གྱིས་ཆར་འབེབས་ཏེ། །འདི་ལ་ཐེ་ཚོམ་མ་བྱེད་ཅིག་།དངུལ་གྱི་སྣོད་ཀྱི་ནང་དུ་ནི། །ཡུངས་ཀར་དང་ནི་ཆུ་བླུགས་ལ། །དེ་ལ་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ཏེ་སངས་རྒྱས་ཀྱི་སྐུ་གཟུགས་ལ་དྲི་ཆུ་དང་འོམ་བསྲེས་པས་ཁྲུས་བྱས་ཏེ་ཆུ་འགྲམ་གྱིས་སྦྲུས་པ་ལས་ཀླུའི་གཟུགས་བྱས་ལ་ནུབ་ཏུ་མགོ་བསྟན་ཏེ་མགོ་བོ་དགུ་ལ་ཆུས་དབང་བསྐུར་ཏེ། །དེ་ནས་ཆུ་བོའི་ 253b ནང་དུ་བཞུག་གོ། །དེ་མ་ཐག་ཏུ་ལྷས་ཆར་འབེབས་ཤིང ། ཛམྦུའི་གླིང་དུ་ཆར་འབེབས་འགྱུར། །ས་རྣམས་འབྲུ་ཡིས་གང་འགྱུར་ཞིང ། །ནགས་ཚལ་རྣམས་ནི་འཕེལ་བར་བྱེད། ། སེམས་ཅན་ཐམས་ཅད་བདེ་རེག་ནས། །ཕན་ཚུན་ཁྲོ་བོའི་གཟུགས་ཅན་ནི། །བདག་བསྒོམས་རྒྱུད་ཀྱི་རྗེས་འབྲངས་ནས། །རང་གཏི་སྙིན་ག་ཁོ་ནར་ནི། །ཧེ་རུ་རྡོ་རྗེ་བསྒོམས་པ་ཡི།། ཆར་པ་ཡང་ནི་འབབ་པར་འགྱུར། །རིའི་སྟེང་དུ་འཛེགས་ཏེ་རྩེ་གསུམ་པ་ལ་ཡོངས་སུ་བཟླས་ན་སེར་བ་གཅོད་པར་འགྱུར་རོ། །ཅང་ཏེའུ་ལ་ཡོངས་སུ་བཟླས་ན་མེ་མཆེད་པའི་མེ་རེངས་པར་འགྱུར་རོ། །ཞགས་པ་ལ་ཡོངས་སུ་བཟླས་ན་འགུགས་པར་བྱེད། ཐོད་པ་ལ་ཡོངས་སུ་བཟླས་ན་ཁྲག་འགུགས་པར་བྱེད་དོ། །དགྲ་སྟ་ལ་ཡོངས་སུ་བཟླས་ན་གསོད་པར་བྱེད་དོ། །ཁ་ཊྭཱཾ་ག་ལ་ཡོངས་སུ་བཟླས་ན་ཞི་བར་བྱེད་དོ། །གྲི་གུག་ལ་ཡོངས་སུ་བཟླས་ན་འཇིག་རྟེན་གསུམ་དུ་རྒྱུ་བ་གསོད་པར་བྱེད་དོ། །མགོ་བོ་ལ་ཡོངས་སུ་བཟླས་ན་འཆི་བ་སློང་བར་བྱེད་དོ། །རྡོ་རྗེ་གསོར་ཞིང་ཡོངས་སུ་བཟླས་ན་ས་འོག་གི་དངོས་གྲུབ་ཏུ་འགྱུར་རོ། །དྲིལ་བུ་ལ་ཡོངས་སུ་བཟླས་ན་མི་དགའ་བ་ཡོངས་སུ་འགུགས་པར་བྱེད་དོ། །གླང་པོ་ཆེའི་པགས་པ་ལ་ཡོངས་སུ་བཟླས་ཏེ་བཏིང་ན་བར་སྣང་ལ་འཕུར་བར་འགྱུར་ཏེ། དཔག་ཚད་སྟོང་ཕྲག་བརྒྱར་འགྲོ་ཞིང་སླར་ལྡོག་གོ་།ཕྱག་རྒྱ་དྲུག་ལ་ 254a ༄#། །ཡོངས་སུ་བཟླས་ན་ཕ་རོལ་གྱི་མདུན་དུ་མི་སྣང་བར་འགྱུར་རོ། །ས་སྟེང་དུ་ནི་ཀུན་སྤྱོད་ཅིང ། །ཅི་བདེ་བར་ནི་གནས་པར་འགྱུར། །མངོན་པར་བརྗོད་པའི་རྒྱུད་བལ་མའི་བླ་མ་ལས། ཆར་དབབ་པའི་ཆོ་གའི་ལེའུ་སྟེ་སུམ་ཅུ་རྩ་བཞིའོ།། །།དེ་ནས་གཞན་ཡང་བཤད་བྱ་བ། །གསང་བ་མཆོག་ནི་མདོར་པ་སྡུས་ནས། །སྐད་ཅིག་གིས་ནི་བདག་སྒོམ་པ། །ཧེ་རུ་ཀ་དཔལ་གཟུགས་སུ་བྱ། །སྡོ་ཞིང་དྲག་པོ་རྣམ་སྒྱུར་པ། །དྲག་པོ་སྤྱང་སུམ་ཞལ་དྲུག་མཆོག་།ཟླ་བ་ཕྱེད་པ་རལ་པ་འཛིན། །སྣ་ཚོགས་རྡོ་རྗེ་དབུ་མཆོག་ལ། །ཐོད་པའི་ཕྲེང་བའི་དཔུ་རྒྱན་ཅན། །རྡོ་རྗེ་ཕྲེང་བས་རྣམ་པར་བརྒྱན། །སྐུ་ལ་མགོ་བོའི་དོ་ཤལ་ཅན། །ཕྱག་རྒྱ་དྲུག་གིས་རྣམ་པར་བརྒྱན། །སྟག་གི་པགས་པ་གོས་སུ་མནབས། །ཕག་མོ་ཡིས་ནི་སྐུ་ལ་བརྒྱན། །ཞབས་གཅིག་པ་ནི་བཞེངས་པ་སྟེ། །གཡས་པ་སེར་ལ་དུད་པའི་མདོག་།གཡོན་པ་དམར་ལ་ལྗང་གུ་འོ། །སྟེང་གི་ཞལ་ནི་རྟ་གདོང་སྟེ། །དཀར་ཞིང་སྤྲིན་མདོག་དྲག་ཅིང་འཛིགས། །རྡོ་རྗེ་དྲིལ་བུ་མཉམ་པར་ལྡན། །ལྷ་མོ་མཆུ་ནི་འཚིར་བ་སྟེ། །རྒྱལ་བའི་པགས་པ་གོས་སུ་མན་བས། །མཁའ་འགྲོ་མ་ཡི་རིགས་འཛིན་ཅིང ། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་མཚན་གྱིས་བརྒྱན་པ་སྟེ། །ཞགས་པ་ 254b ལྕགས་ཀྱུ་ཕྱག་ན་བསྣམས། །ཅང་ཏེའུ་དང་ནི་མགོ་བོ་འཛིན། །གྲི་གུག་ཞགས་པ་དེ་བཞིན་ཏེ། །ཕྱག་ནི་བཅུ་གཉིས་དག་ཏུ་བཤད། །དཀྱིལ་འཁོར་དག་ནི་ཐམས་ཅད་ཀྱང ། ། ཞབས་གཅིག་ཏུ་ནི་རྣམ་པར་བསྒོམ། །གླང་པོའི་གདོང་དང་བྱི་འུའི་གདོང ། །སེངྒེའི་གདོང་ཡང་དེ་བཞིན་ཏེ། །དང་པོ་ཁྱི་ཡི་གདོང་ཡིན་ཏེ། །གཉིས་པ་འུག་པའི་གདོང་ཡང་ཡིན། །གསུམ་པ་ཕག་གི་གདོང་ཡིན་ཏེ། །བཞི་པ་ཁྲ་ཡི་གདོང་ཅན་ནོ། །གནས་ཀྱི་དབྱིབས་ཀྱི་ཆོས་བདག་ཉིད། །སྣ་ཚོགས་གཟུགས་རི་ཆེན་པོ་འཛིན། །མཐའ་ཡས་རྣམ་རྒྱལ་གྲགས་པ་སྟེ། །ཐམས་ཅད་མཁྱེན་ཅིང་ཐམས་ཅད་པ། །ཇི་ལྟར་འདོད་པའི་སྐུ་ལུས་འཆང ། །དེ་བཞིན་བསྒོམ་ཞིང་རྣམ་བསྒོམ་སྟེ། །སྣ་ཚོགས་གཟུགས་ཅན་རིན་ཆེན་བཞིན། །བདག་ཉིད་ཆེན་པོ་རྣམ་པར་རོལ། །མངོན་པར་བརྗོད་པའི་རྒྱུད་བླ་མའི་བླ་མ་ལས། །ལས་སྣ་ཚོགས་སྒྲུབ་པའི་ལེའུ་སྟེ་སུམ་ཅུ་རྩ་ལྔ་པའོ།། །།དེ་ནས་གཞན་ཡང་བཤད་བྱ་བ། །ཕག་མོའི་མཆོག་ནི་སྒྲུབ་བ་སྟེ། །བསྐྱེད་པའི་རིམ་པའི་སྦྱོར་བ་ཡིས། །བདག་ཉིད་བསྒོམ་ཞིང་རྣམ་པར་བསྒོམ། །སྐུ་ནི་ཉི་མ་བཅུ་གཉིས་གཟི།། སྐུ་ལུས་སིནྡུར་འདྲ་མི་གཡོ། །མེ་ཏོག་བནྟུ་ཀ་ལྟ་བུ། །ཞལ་གསུམ་པ་ལ་ཕྱག་དྲུག་པ། །རྒྱན་རྣམས་ཐམས་ཅད་ཡོངས་སུ་རྫོགས། །སེམས་དཔའི་སྐྱིལ་མོ་ཀྲུང་གིས་ 255a ༄#། །བཞུགས། །ཐོད་པའི་ཕྲེང་བའི་དབུ་རྒྱན་ཅན། །རྡོ་རྗེ་དྲིལ་བུ་མཉམ་པར་ལྡན། །དབུ་སྐྲ་མཛེས་པས་འཁྲིལ་བ་སྟེ། །ཐབས་ཀྱི་ཞལ་མཆུ་རྣམ་འཚིར་ཞིང ། །མདའ་དང་གཞུ་ནི་འཛིན་པ་སྟེ། །རྣ་བའི་མཐར་ཐུག་འགེངས་པར་བྱེད། །ཐོད་པ་དང་ནི་ཁ་ཊྭཱཾ་འཛིན། །ལྕགས་ཀྱུ་མཆོག་གིས་འགུགས་པ་སྟེ། །པདྨ་དམར་པོའི་དབུས་བཞུགས་ཤིང ། །འདོད་པ་ཐམས་ཅད་རབ་ཏུ་སྩོལ། །ཡང་ན་ཕྱག་ནི་བཅུ་གཉིས་པ། །ཞལ་དྲུག་ལྷ་མོའི་སྐུ་ལུས་འབྱུང ། །སྟེང་གི་ཞལ་ནི་ཕག་རྒོད་གདོང ། དྲག་པོ་གཟི་བརྗིད་འཇིགས་པའི་གཟི། །ཤར་གྱི་འདབ་ལ་རྡོ་རྗེ་གསང་བའི་མཆོག་།གཡོན་པའི་ཕྱོགས་སུ་རྡོ་རྗེ་དམ་ཚིག་མཆོག་།ནུབ་ཀྱི་ཕྱོགས་སུ་རྡོ་རྗེ་གཟི་བརྗིད་མཆོག་།ལྷོ་ཡི་ཕྱོགས་སུ་རྡོ་རྗེ་རིན་ཆེན་མཆོག་།མེ་ཡི་ཕྱོགས་སུ་རྡོ་རྗེ་ཡེ་ཤེས་མཆོག་།བདེན་བྲལ་ཕྱོགས་སུ་རྡོ་རྗེ་རིག་མཆོག་མ། །རླུང་གི་ཕྱོགས་སུ་རྡོ་རྗེ་གྲུབ་མཆོག་མ། །དབང་ལྡན་ཕྱོགས་སུ་རྡོ་རྗེ་ཐལ་མཆོག་མ། །སྒོ་ལ་རྡོ་རྗེ་འབར་མཆོག་མ། །རྡོ་རྗེ་གཟི་བརྗིད་མཆོག་མ་སྟེ། །རྡོ་རྗེ་ཁྲོ་བོ་མཆོག་མ་དང ། །རྡོ་རྗེ་མཆེ་བ་མཆོག་མ་འོ། །ལྷ་མོ་དེ་དག་ཐམས་ཅད་ཀྱང ། །དམར་བའི་མདོག་ཅན་ཞལ་གསུམ་པ། །ཕྱག་དྲུག་པ་ལ་སྤྱན་གསུམ་པ། །སེམས་དཔའི་སྐྱིལ་མོ་ཀྲུང་དུ་བཞུགས། །དབུ་སྐྲ་དག་ནི་གྲོལ་བ་སྟེ། 255b ཐམས་ཅད་རྒྱན་གྱིས་རྣམ་བརྒྱན་ཅིང ། །རྡོ་རྗེ་དྲིལ་བུ་མཉམ་ལྡན་པས། །རང་གི་ལུས་ཀྱིས་ཐབས་ལ་འཁྲིལ། །ཞགས་པ་དང་ནི་ལྕགས་ཀྱུ་དང ། །ཐོད་པ་དང་ནི་ཁ་ཊྭཱཾ་འཛིན།། གྲཝ་བཞི་དག་ཏུ་མདའ་གཞུ་དག་།ཡོངས་སུ་འགེངས་པ་གནས་པར་བཞག། །སྒོ་རུ་གཡས་བརྐྱང་ཞབས་ཀྱིས་བཞུགས། །གཅེར་བུ་རྣམ་པར་འགྱུར་བའི་ཞལ། །ཐམས་ཅད་ཡི་དྭགས་གདན་ལ་བཞུགས། །རྡོ་རྗེ་གསོར་ཞིང་སྡིགས་མཛུབ་དང ། །ཞགས་པ་དང་ནི་ཡང་དག་ལྡན། །གཞན་ཡང་ཕན་ཚུན་དག་ཏུ་ཡང ། །ཇི་ལྟར་འཁོར་ལ་སོགས་ཕྱག་འཚལ། །དེ་སྙིད་ཡེ་ཤེས་ལྷ་མོ་ནི། །སྐུ་གསུང་ཐུགས་དང་བཅས་པ་བསྒོམ། །ཡེ་ཤེས་དཀྱིལ་འཁོར་སྦྱོར་བ་ཡིས། །ཆོས་ཀྱི་རོ་ནི་མཉམ་པར་ཐིམ། །ཡེ་ཤེས་བཟླས་པ་སྤྲོས་ནས་ནི། །ཆོ་གའི་རིམ་པས་ཡང་དག་བསྡུ། །དམ་ཚིག་མཆོག་གི་བཟླས་པ་ཡིས། །ཟླ་བའི་དེ་ཉིད་འགྲུབ་པར་འགྱུར། །ོཾ་ཤྲཱི་བཛྲ་བཱ་རཱ་ཧི་ཨཱ་བཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་གུ་ཧྱ་ཨུཏྟ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲི་བཛྲ་ས་མ་ཡ་ཨུཏྟ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་ཏེ་ཛོཏྟ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་རཏྣོཏྟ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་ཛྙ་ནོ་ཏྟ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་བིདྱ་ཨུཏྟ་མེ་ཧུཾ་ཧཱུཾ་ཕཊ་སཝཱ་ཧཱ། ཨོཾ་ཤྲཱི་བཛྲ་སིདྡྷེ་ཏྟ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་བྷསྨཏྟ་མེ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་ཛཱ་ལོཏྟ་མེ་ཛེཿ ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་ཨོཾ་མྲྀ་ཏོཏྟ་མེ་ཧུཾ་ཧཱུཾ་ཕཊ་ 256a ༄#། །སཝཱཧཱ། ཨོཾ་ཤྲཱི་བཛྲ་ཀྲོ་བྷོཏྟ་མེ་བཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་བཛྲ་དཾཥྚོཏྟ་མེ་ཧོཿ ཧུཾ་ཧཱུཾ་ཕཊ་སཝཱཧཱ། འདི་དག་ཇི་ལྟའི་རིམ་པ་ཡིས། །སྒོམ་པ་དང་ནི་བཟླས་པ་བྱ། །བསྡུ་དང་སྤྲོ་བ་བྱས་ནས་ནི། །ཆོས་རྣམས་ཀུན་དང་ཆོས་ཙན་ནི། །རང་གི་ལྷ་ཡི་སྦྱོར་བས་དག་།སེམས་ཅན་ཐམས་ཅད་རབ་ཏུ་བརྟག་།རྣལ་འབྱོར་གནས་ནི་ཆོས་ཡིན་ཏེ། །གསང་བ་གསུམ་ལ་རབ་ཏུ་གཞུག་།གསང་གསུམ་གནས་ནི་ཆོས་ཡིན་ཏེ། །ཆོས་ཀྱང་དེ་བཞིན་དེ་ལྟ་བུ། །བདག་མེད་ཆོས་ནི་ཆོས་ཡིན་ཏེ། །ཆོས་ལས་ཆོས་ནི་ཡོད་མ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། གསང་བ་གསུམ་གྱི་དམ་ཚིག་གི་མཆོག་ཅེས་བྱ་བའི་ལེའུ་སྟེ་སུམ་ཅུ་རྩ་དྲུག་པའོ།། །། དེ་ནས་གཞན་ཡང་བཤད་བྱ་བ། །རྣལ་འབྱོར་མ་དྲུག་ཆོ་གའི་རིམ། །པདྨ་འདབ་ལྔ་བྲིས་ནས་ནི། །ལྟེ་བ་གེ་སར་ཁྱབ་པར་ནི། །དེ་ཡི་དབུས་སུ་ཕག་མོ་ནི། །དམར་ཞིང་སྣ་ཚོགས་འབར་བའི་འོད། །ཞལ་གསུམ་པ་ལ་ཕྱག་དྲུག་མཛེས། །སྤྱན་གསུམ་དབུ་སྐྲ་གྲོལ་བ་སྟེ། །ཐོད་པའི་ཕྲེང་པའི་དབུ་རྒྱན་ཅན། །ཕྱོགས་ཀྱི་གོས་ནི་འཛིན་པའི་མཆོག་།སྐྱིལ་ཀྲུང་བྱེད་པ་གར་དང་བཅས། །ཕྱག་རྒྱ་དྲུག་གིས་སྐུ་བརྒྱན་ཅིང ། །མགོ་བོའི་ཕྲེང་བ་འཛིན་པ་སྟེ། །གདུག་པའི་བདུད་ནི་ཐམས་ཅད་དང ། །དུས་མཚན་ 256b ཁས་སྤུབ་བྱས་པ་ལ། །ཞབས་ཀྱིས་ཀྱང་ནི་མནན་པར་བཞུགས། །དམར་དང་སྔོ་དང་ལྗང་བ་སྟེ། །སངས་རྒྱས་ལྔས་ནི་རྣམ་པར་བརྒྱན། །ཐོད་པ་དང་ནི་ཁ་ཊྲཱཾ་འཛིན། །ཞགས་པ་ལྕགས་ཀྱུ་ཕྱག་ན་བསྣམས། །མགོ་བོ་དང་ནི་གྲི་གུག་འཛིན། །དངོས་གྲུབ་ཐམས་ཅད་རབ་ཏུ་སྩོལ། །སྙིང་གར་ཡེ་ཤེས་དམ་ཚིག་ནི། །སྐུ་གསུང་ཐུགས་སུ་སྦྱོར་ལས་བྱུང་།། ཤར་ཕྱོགས་ལྷ་མོ་ཡ་མི་ནི། །གཡོན་དུ་བསྐོར་ནས་རྣམ་པར་དགོད། །རྨོངས་བྱེད་མ་དང་སྐྱོང་བྱེད་མ། །སྐྲག་བྱེད་མ་དང་ཙཎྜི་ཀ། །སྤྱན་གསུམ་དབུ་སྐྲ་གྲོལ་བ་སྟེ། །ཞལ་གཅིག་པ་ལ་ཕྱག་བཞི་པ། །སྔོ་དང་དཀར་དང་སེར་བ་དང ། །ལྗང་གུ་དུད་པའི་མདོག་ཅན་ཏེ། །ཐོད་པ་དང་ནི་ཁ་ཊཾ་འཛིན། །དྲིལ་བུ་ཅང་ཏེའུ་གྲི་གུག་དང ། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་ཀྱི་གོས་ཅན་གར་གྱི་མཆོག་།མགོ་བོའི་ཕྲེང་བས་རྣམ་པར་བརྒྱན། །མི་བསྐྱོད་པ་ཡི་ཅོད་ཕན་འཆང ། །ཐུགས་རྗེའི་ཉམས་ཀྱི་བདེ་བ་སྟེ། །གཉིས་མེད་སྦྱོར་པས་མཉམ་པར་ལྡན། །རྡོ་རྗེ་སེམས་སོགས་མཆོག་དེ་ཉིད། །ཕག་མོ་དང་ནི་རྡོ་རྗེ་སེམས། །ཡ་མི་ནི་དང་རྣམ་སྣང་མཛད། །རྨོངས་བྱེད་མ་དང་པདྨའི་གར། །སྐྱོང་བྱེད་མ་དང་ཁྲག་འཐུང་སྟེ། །སྐྲག་བྱེད་རྡོ་རྗེ་ཉི་མ་དང ། །ཙཎྜི་ཀ་དང་རྟ་མཆོག་སྟེ། །རྡོ་རྗེ་སེམས་སྐུ་དཀར་པོ་སྟེ། །རྣམ་པར་སྣང་མཛད་སེར་པོ་ཡིན། །པདྨ་ 257a ༄#། །བཀད་དབང་དམར་བ་སྟེ། །ཧེ་རུ་ཀ་དཔལ་སྔོན་པོ་ཡིན། །རྡོ་རྗེ་ཉིམ་དམར་པོ་སྟེ། །རྟ་མཆོག་དག་ནི་ལྗང་གུ་འོ། །ཡང་ན་སོ་སོར་བསྒོམ་པར་བྱ། །རྡོ་རྗེ་སེམས་དཔའ་ཞལ་གསུམ་པ། །ཕྱག་དྲུག་སྤྱན་ནི་གསུམ་པ་སྟེ། །ཕྱག་རྒྱ་དྲུག་གི་མཚན་གྱིས་བརྒྱན། །རྡོ་རྗེ་དྲིལ་བུ་ཐོད་ཁ་ཊྭཱཾ། །རལ་གྲི་ཅང་ཏིའུ་མགོ་བོ་འཆང ། །ན་རའི་པགས་མནབས་གར་དང་བཅས། །རྣམ་སྣང་ལ་སོགས་དཔའ་བོ་ཀུན། །ཞལ་གཅིག་པ་ལ་ཕྱག་བཞི་པ། །ཐོད་པ་དང་ནི་ཁ་ཊཾ་དང ། །ཅང་ཏེའུ་དྲིལ་བུས་མཚན་པའི་མཆོག་།ཡང་ན་ཐམས་ཅད་ཕྱག་བཅུ་གཉིས། །ཞལ་གདོང་དྲུག་པར་བསྒོམ་པར་བྱ། །དེ་དག་གསང་སྔགས་འདི་ཡིན་ཏེ། །ོཾ་ཤྲི་ཨོཾ་བཾ་བཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲི་ཧཱཾ་ཡོཾ་ཡཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཧཱི་མོཾ་མཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཧྲེཾ་ཧྲིཾ་སཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཧཱུཾ་ཧཱུཾ་སཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཤྲཱི་ཕཊ་ཕཊ་ཙམ་ཧཱུཾ་ཧཱུཾ་ཕཊ་སཝཱཧཱ། དེ་དག་ནི། རྣལ་འབྱོར་མ་དྲུག་གི་གསང་སྔགས་སོ། །ོཾ་ཧཿ བཾ་ཧཱུཾ་ཕཊ་སཝཱཧཱ། ཨོཾ་ན་མ་ཧི་བྷྲུཾ་ཧཱུཾ་ཕཊ་སཝཱཧཱ། ཨོཾ་སཝཱཧཱ་ཧུ་ཧྲི་ཧུཾ་ཧཱུཾ་ཕཊ་སཝཱཧཱ། ཨོཾ་བཽ་ལཊ་ཧེ་ཧིཾ་ཧཱུཾ་ཕཊ་སཝཱཧཱ། ཨོཾ་ཧཱུཾ་ཧཱུཾ་ཧོ་ཏྲཱཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཕཊ་ཧཾ་ཧཱིཾ་ཧུཾ་ཧཱུཾ་ཕཊ་སཝཱཧཱ། འདི་ནི་དཔའ་བོ་དྲུག་གི་སྔགས། །བཟླས་པ་དང་ནི་བསྒོམས་ཙམ་གྱིས། །འཁོར་ལོ་དྲུག་ནི་ 257b མཆོག་གྲུབ་ཅིང ། །འཁོར་ལོས་བསྒྱུར་བ་ཐོབ་པ་སྟེ། །འཁོར་ལོས་བསྒྱུར་དྲུག་རྒྱལ་པོར་འགྱུར། །མི་ཕམ་རྒྱལ་བ་ཡང་དག་རྫོགས། །སྟོབས་ཆེན་རྩལ་མཆོག་རྙེད་པ་ཡིན། །ཕྱག་མཚན་དྲུག་ལ་རྟག་མཆོད་ཅིང ། །ཆོ་ག་བཞིན་དུ་མངོན་བསྔགས་ནི། །དེ་ནི་མྱུར་དུ་གྲུབ་ནས་ནི། །རྣལ་འབྱོར་རྒྱལ་བོ་མཆོག་ཀྱང་ཐོབ། །མི་སྣང་ལ་སོགས་གྲུབ་ནས་ནི། །ཁམས་གསུམ་དག་ཏུ་རྣམ་པར་དཔྱོད། །འགྲོ་བ་དྲུག་གི་སེམས་ཅན་གྲོལ། །བསྒོམས་པས་རྡོ་རྗེ་འཛིན་དང་མཚུངས། །ཡང་ན་འཁོར་ལོ་ཟུར་དྲུག་ལ།། བདེ་བ་ཆེན་པོ་རྣམ་སྣང་མཛད། །འཇམ་པའི་རྡོ་རྗེ་འཆང་རྒྱལ་པོ། འཁོར་ལོས་བསྒྱུར་བ་བདག་པོ་ནི། །གུར་གུམ་གྱི་ནི་མདོག་ལྟ་བུ། །གཟི་མདངས་འབར་བའི་འོད་ཅན་ཏེ། །ཕྱག་རྒྱ་ཆེ་དང་ཡང་དག་ལྡན། །ཆོས་ཀྱི་དབྱིངས་ཀྱི་རང་ངོ་བོ། །རྡོ་རྗེ་དྲིལ་བུ་དང་ལྡན་པའི། །གཡས་དང་གཡོན་པའི་ཕྱག་གིས་འཁྱུད། །རལ་གྲི་པོ་ཏི་ཁ་ཊྭཱཾ་ག། ཐོད་པ་ལྕགས་ཀྱུ་ཞགས་པ་དང ། །ུཏྤ་ལ་དང་ཅང་ཏེའུ། །གུར་གུམ་མདོག་དང་སྔོ་པ་དང ། །དམར་དང་ལྗང་གུ་སྟེང་ཞལ་དཀར། །ཆོས་ཀྱི་དབྱིངས་ནི་དག་པ་ཆེ།། སེམས་ཅན་ཁམས་ནི་རབ་གྲོལ་བྱེད། །ཤར་སོགས་གཡོན་བསྐོར་དགོང་པ་ནི། །སྟ་མཆོག་རྩ་བའི་ཀ་དང་བཅས། །དེ་དག་ད་རུ་དགོང་བྱས་པས། །འཇམ་པའི་རྡོ་རྗེ་ 258a ༄#། །རང་ཉིད་གྲུབ། །དཀར་དང་དམར་དང་སེར་བ་དང ། །སྔོ་དང་དམར་དང་དཀར་སྔོ་ལྗང ། །ཡན་ལག་དྲུག་ཏུ་དཔའ་བོ་དག་།མཁའ་འགྲོ། མ་དང་ལྷན་ཅིག་བཅས། །རྡོ་རྗེ་སེམས་དང་ཕག་མོ་དང ། །རྣམ་སྣང་མཛད་དང་ཡ་མི་ནི། །པདྨ་གར་དབང་རྨོངས་བྱེད་བཅས། །ཁྲག་འཐུང་དང་ནི་སྐྱོང་བྱེད་མ། །རྡོ་རྗེ་ཉི་མ་སྐྲག་བྱེད་མ། །ལྗང་དང་དུད་པའི་མདོག་ཅན་ཏེ། །དེ་ལྟའི་སྐུ་མདོག་རྣམ་པར་བསྒོམ། །ཞལ་གཅིག་པ་ལ་ཕྱག་བཞི་པའོ། །ལྷ་མོ་རྣམས་ནི་ཕྱག་གཉིས་པའོ།། ཐོད་པ་དང་ནི་གྲི་གུག་འཛིན། །དཔའ་བོ་ཐོད་པ་ཁ་ཊྭཱཾ་ག་།རང་གི་ཕྱག་མཚན་གཉིས་མེད་སྦྱོར། །དྲིལ་བུ་ལྷན་ཅིག་ཡང་དག་ལྡན། །ཅང་ཏེའུ་ནི་འཛིན་པའི་མཆོག་།སྤྱན་གསུམ་པ་ལ་གཡས་བརྐྱང་བཞུགས། །སྟག་གི་པགས་པའི་ཤམ་ཐབས་ཅན། །ཐོད་པའི་ཕྲེང་བའི་དབུ་རྒྱན་ཅན། །མགོ་བོའི་དོ་ཤལ་འཛིན་པ་སྟེ། །ཐམས་ཅད་ཡི་དགས་སྟེང་དུ་བཞུགས། །དབུས་སུ་འཇིགས་བྱེད་དུས་མཚན་དག་།ལྷ་མོ་བྱིན་པ་གཉིས་ཀྱིས་འཁྲིལ། །སྐྲ་གྲོལ་བ་ལ་ཕྱོགས་གོས་ཅན།། སྙིང་གར་ཡེ་ཤེས་དམ་ཚིག་ནི། །སྐུ་གསུང་ཐུགས་དང་རྣམ་པར་སྦྱར། །ཆོ་ག་གཉིས་པ་ཡང་དག་སྦྱར། །གནས་ཀྱི་འཁོར་ལོ་བསྒོམས་ནས་ནི། །དཔའ་བོ་མཁའ་ 258b འགྲེ་མ་རྣམས་དགོད། །གསང་བ་གསུམ་ནི་སྙིང་གར་གནས། །ཁཝ་གདོང་ལ་སོགས་མཁའ་འགྲོ་མ། །ཕྱི་རོལ་སྒོ་རུ་རྣམ་པར་དགོད། །ཟུར་དུ་གཤིན་རྗེ་སྲེག་ལ་སོགས།། ཐམས་ཅད་གཅེར་བུ་རྣམ་པར་བསྒོམ། །སྔར་བཤད་མདོག་དང་ཕྱག་མཚན་ཏེ། །ཡི་དྭགས་གདན་ལ་ཡང་དག་བཞུགས། །གཡས་བརྐྱང་པ་ཡི་ཞབས་ཀྱིས་གནས།། དྲག་པོ་སྐྲ་ནི་གྲོལ་བ་སྟེ། །ཐམས་ཅད་ཐོད་པའི་ཕྲེང་བ་ཅན། །རང་གི་ཕྱི་དང་ནང་དུ་ཡང ། །ཕ་རོལ་ཕྱིན་དྲུག་རྣམ་པར་དག་།བསྒོམ་ཞིང་རབ་ཏུ་བསྒོམ་པར་བྱ། །སྤྲོ་ཞིང་བསྡུ་བའི་སྦྱོར་བ་ཡིས། །གསང་བའི་འཁོར་ལོ་བཟླས་པ་བྱ། །དཔའ་བོ་རྣལ་འབྱོར་མ་བཟླས་ན། །བསྒོམ་ཞིང་རབ་ཏུ་བསྒོམ་པར་བྱ། །སྤྲུལ་པའི་འཁོར་ལོའི་ཚོགས་སྤྲོས་ནས། །འགྲོ་བ་གསུམ་པོ་རྫོགས་པར་བྱས། །ནང་གི་བདག་ཉིད་བསྒོམས་པ་ཡིས། །འཁོར་ལོ་གསུམ་གསང་བསྒོམས་ནས་བཟླས། །དེ་ཉིད་གསུམ་དང་སྔགས་ལྷན་ཅིག་།དཔའ་བོ་དང་ནི་མཁའ་འགྲོ་མ། །ཧུ་ཧཱུཾ་ཕཊ་ནི་མཐའ་རུ་སྟེ། །འཁོར་ལོ་གསུམ་གྱི་བཟླས་པ་བྱ། །རྣལ་འབྱོར་ཆོ་ག་བཞིན་དུ་ནི། །དམ་ཚིག་ཅན་གྱིས་དེ་བཟླས་བྱ། །ོཾ་ཤྲཱི་མཉྫུ་བཛྲ་ཨཿ ཧཱུཾ་མཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཧ་བཛྲ་སཏྭ་ཧུཾ་ཧཱུཾ་ཕཊ་སཝཱཧཱ། ཨོཾ་བཾ་བཛྲ་བཱ་རཱ་ཧི་ཧུཾ་ཧཱུཾ་ཕཊ་སཝཱཧཱ། ཨོཾ་ན་མཿ ཧི་བཛྲ་བཻ་རོ་ཙ་ན་ཧུའཾ་ཧཱུཾ་ཕཊ་སཝཱཧཱ། ཨོཾ་ཧཾ་ཡོཾ་ཡ་ 259a ༄#། །མ་ནི་ཧུཾ་ཧཱུཾ་ཕཊ་སཝཱཧཱ། ཨོཾ་སཝཱཧཱ་ཧཱུཾ་པདྨ་ན་རྟེ་ཤཝ་ར་ཧུཾ་ཧཱུཾ་ཕཊ་སཝཱཧཱ། ཨོཾ་ཧྲཱིཾ་མོཾ་མོ་ཧ་ནི་ཧུཾ་ཧཱུཾ་ཕཊ་སཝཱཧཱ། ཨོཾ་བོ་ཥ་ཊྭ་ཧེ་ཧེ་རུ་ཀཾ་ཧུཾ་ཧཱུཾ་ཕཊ་སཝཱཧཱ། ཨོཾ་ཧྲཱེཾ་ཧྲིཾ་སཉྩ་ལ་ནི་ཧུཾ་ཧཱུཾ་ཕཊ་སཝཱཧཱ། ཨོཾ་ཧཱུཾ་ཧཱུཾ་ཧོ་བཛྲ་སུརྱ་ཧུཾ་ཧཱུཾ་ཕཊ་སཝཱཧཱ། ཨོཾ་ཧཱུཾ་ཧཱུཾ་སཾ་ཏྲཱ་ས་ནི་ཧུཾ་ཧཱུཾ་ཕཊ་སཝཱཧཱ། ཨོཾ་ཕཊ་ཧཾ་པ་ར་མཱ་ཤཝ་ཧུཾ་ཧཱུཾ་ཕཊ་སཝཱཧཱ། ཨོཾ་ཕཊ་ཕཊ་ཙཎྜི་ཀ་ཧུཾ་ཧཱུཾ་ཕཊ་སཝཱཧཱ། ཨོཾ་ཀཱ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤཝཱ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ། ཨོཾ་ཡ་མ་དཱ་ཌྷི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དུ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཾཥྚི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། གཡོན་དང་གཡས་ཀྱི་ལག་གཉིས་སུ། །གོ་ཆ་གཉིས་པོ་བཀོད་ནས་ནི། །གང་ཞིག་ཇི་ལྟར་འདོད་པ་རུ། །ལས་རྣམས་ཐམས་ཅད་བྱེད་པ་ཡིན། །ཐེ་ཚོམ་མེད་པར་ལས་བྱས་ན། །ངེས་པར་དངོས་གྲུབ་གཞན་དུ་མིན།། ཡང་ན་མགོན་པོས་བཅུའི་དབང ། །ཕ་རོལ་ཕྱིན་པ་བཅུ་ལ་གནས། །སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་དྲུག་པ་སྟེ། །ཐབས་དང་སྟོབས་དང་སྨོན་ལམ།། དང ། །ཡེ་ཤེས་སྒོ་སྐྱོང་རྣམ་དག་པའོ། །རབ་ཏུ་དགའ་དང་དྲི་མ་མེད། །འོད་བྱེད་པ་དང་འོད་འཕྲོ་ཅན། །སྦྱང་དཀའ་བ་དང་མངོན་དུ་གྱུར། །རིང་དུ་སོང་དང་མི་གཡོ་ 259b བ། །ལེགས་པའི་བློ་གྲོས་ཆོས་ཀྱི་སྤྲིན། །འདི་ཡིས་རྣམ་པར་དག་པ་བསྒོམ། །གཤིན་རྗེ་སྲེག་སོགས་བཞི་པོ་ནི། །འཕགས་པའི་བདེན་པར་རྣམ་པར་བསྒོམ། །སྡུག་བསྔལ་དང་ནི་ཀུན་འབྱུང་དང ། །འགོག་པ་དང་ནི་ལམ་རྣམས་ཏེ། །བཅོམ་ལྡན་འཇམ་པའི་རྡོ་རྗེ་དཔལ། །ཆོས་ཀྱི་དབྱིངས་ཀྱིས་རྣམ་དག་སྟེ། །ཡེ་ཤེས་རང་གི་ངོ་བོ་ཡིན། །འདི་ལྟར་རྣམ་པར་དག་པ་བསྒོམ། །གཉིས་སུ་མེད་པར་སྦྱོར་བའི་ལམ། །གསང་ཞིང་མཆོག་ཏུ་གསང་བ་སྟེ། །རྣལ་འབྱོར་སྟོབས་ཀྱིས་གསང་བ་མཆོག་།སྒྲུབ་པས་རྗེས་སུ་བསྟན་པ་དང ། །ཇི་བཞིན་བདག་པོའི་དབྱེ་བ་དང ། །བླ་མའི་རིམ་པ་ལེགས་པར་བསླངས། །འདི་ལྟར་ཆོ་ག་གཉིས་མེད་པ། །སྦྱོར་བའི་དམ་ཚིག་མཆོག་ཡིན་ཏེ། །དངོས་གྲུབ་ཀུན་གྱི་ཐབས་ཀྱི་རྒྱུ། །རྣལ་འབྱོར་མ་ཐུགས་གསང་བ་ཆེ། །ལས་རྣམས་ཀུན་གྱི་འབྲས་བུ་སྟེར། །མངོན་པར་བརྗོད་པའི་རྒྱུད་བླ་མའི་བླ་མ་ལས། གཉིས་སུ་མེད་པའི་གོ་ཆའི་སྦྱོར་བ་བསྐྱེད་པའི་སྒོམ་པའི་ལེའུ་སྟེ་སུམ་ཅུ་རྩ་བདུན་པའོ།། །།དེ་ནས་གཞན་ཡང་བཤད་བྱ་བ། །བརྡ་ནི་མཆོག་ཏུ་གསང་བ་སྟེ། །བརྡ་ནི་ཡོངས་སུ་མི་ཤེས་པར། །སྦྱོར་བའི་དངོས་གྲུབ་མི་འགྲུབ་སྟེ། །འདི་ནི་ངེས་པར་ཤེས་པ་ན། །དངོས་གྲུབ་འགྲུབ་པར་ཐེ་ཚོམ་མེད། །དྲ་ཞེས་བྱ་བ་སྐྱེས་བུར་བཤད། །དི་ཞེས་བྱ་བ་ 260a ༄#། །བུད་མེད་ཡིན། །བུ་ཞེས་བྱ་བ་གནོན་པ་ཡིན། །སུ་ཞེས་བྱ་བཟང་ཉིད། །མ་ཞེས་བྱ་བ་མ་རུ་བཤད། །ཡ་ཞེས་བྱ་བ་ཆུང་མ་ཉིད། །བྷ་ཞེས་བྱ་བ་སྲིང་མོ་ཅན། །བྷི་ཞེས་བྱ་བ་མཛའ་མོར་བཤད། །ལུ་ཞེས་བྱ་བ་བུ་མོ་ཡིན། །སྲི་ཞེས་བྱ་བ་ཁྲག་ཏུ་བཤད། །སོ་ནི་ཞི་བའི་བཏུང་བ་ཡིན།། པེ་ཞེས་བྱ་བ་ཐུག་པ་སྟེ། །དི་ཞེས་བྱ་བ་དེ་བཞིན་ཤ་།བ་ཞེས་བྱ་བ་ཟ་བ་ཡིན། །བྷུ་ཞེས་བྱ་བ་འདྲེས་པ་ཡིན། །པི་ཞེས་བྱ་བ་དུར་ཁྲོད་ཡིན། །དུ་ཞེས་བྱ་བ་རོ་ཡིན་ནོ།། ཊཱི་ཞེས་བྱ་བ་རྣལ་འབྱོར་མ། །གཱ་ཞེས་བྱ་བ་ལཱ་མ་ཡིན། །ཏྲི་ཞེས་བྱ་བ་གཟུགས་ཅན་མ། །ཀུ་ཞེས་བྱ་བ་མཁའ་འགྲོ་མ། །ཧ་ནི་ཁཎྜ་རོ་ཉིད་མ། །ཛ་ཞེས་བྱ་བ་བྱིན་པ་གཉིས། །བ་ཞེས་བྱ་བ་གསོང་བོར་སྨྲ། །སཝ་ཞེས་བྱ་བ་ལེགས་འོངས་ཡིན། །མི་ཞེས་བྱ་བ་ཉ་ཡིན་ལ། །བྱོ་ཞེས་བྱ་བ་བཟའ་བ་ཡིན། །ཕྱོ་ཞེས་བྱ་བ་བཏུང་བ་ཡིན། ། ག་ནི་བགྲོད་དང་བགྲོད་མིན་ཡིན། །ཀ་ཞེས་བྱ་བ་འདོད་པ་ཡིན། །ས་ཞེས་བྱ་བ་གཞན་མི་འགྲོ། །ར་ཞེས་བྱ་བ་ཁྱོ་མིད་མོ། །དུ་ཞེས་བྱ་བ་སྤྱོད་ངན་མོ། ། སུ་ཞེས་བྱ་བ་སྐལ་བཟང་མོ། །ན་ཞེས་བྱ་བ་སྐལ་ངན། །ས་ཞེས་བྱ་བ་དམ་ཚིག་ཅན། ། ཞེས་བྱ་བ་དམ་ཚིག་མེད། །ི་ཞེས་བྱ་བ་འོངས་པ་ཡིན། །ན་ཞེས་ 260b བྱ་བ་མ་འོངས་ཡིན། །སོ་ཞེས་བྱ་བ་ཆགས་པ་ཡིན། །འདི་དག་ཡི་གེའི་བརྡ་ཡིན་ཏེ། །དབང་བསྐུར་དུས་སུ་རྣལ་འབྱོར་པས། །བཟའ་དང་བཟའ་མེད་སྦྱིན་པར་བྱ། །དབང་བསྐུར་བ་ནི་མཆོག་ཡིན་ཏེ། །དམ་ཚིག་མཆོག་ནི་ཤེས་པ་དང ། །དམ་ཚིག་ཅན་གྱི་དམ་ཚིག་དུས། །དམ་ཚིག་འཁོར་ལོ་འདུས་པ་དང ། །དད་པ་རྣམས་ལ་སྦྱིན་པར་བྱ།། མ་དད་པ་ལ་སྦྱིན་མི་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས། བརྡའི་ལེའུ་སྟེ་སུམ་ཅུ་རྩ་བརྒྱད་པའོ།། །།དེ་ནས་གཞན་ཡང་བཤད་བྱ་བ།། རྣལ་འབྱོར་མ་ཡི་མཚན་ཉིད་ནི། །གང་གིས་ཤེས་པ་ཙམ་གྱིས་ནི། །སྒྲུབ་པ་པོ་ཡིས་དངོས་གྲུབ་ཐོབ། །བུད་མེད་པད་རྩ་ལྟར་དཀར་ཞིང ། །པདྨའི་འདབ་ལྟར་དཀྱུས་རིང་མིག་།རྟག་ཏུ་གོས་ནི་དཀར་ལ་དགའ། །ཙནྡན་གསར་པའི་དྲི་དང་ལྡན། །དེ་གཤེགས་འདུས་པ་ཉིད་ལ་དགའ། །དེ་རིགས་ལས་བྱུང་ཤེས་པར་བྱ། །བུད་གང་བཙོ་མའི་གསེར་འདྲ་ཞིང ། །དམར་དང་སེར་བའི་གོས་ལ་དགའ། །ཛཱ་ཏི་ཙམ་པའི་དྲི་དང་ལྡན། །དེ་ཡང་བཟང་པོའི་རྗེས་འགྲོར་འགྱུར། །ཐམས་ཅད་ཨུཏྤལ་ལྟར་སྡོ་བསངས།། དྲི་དང་གོས་ནི་སྡོ་ལ་དགའ། །ུཏྤལ་སྔོན་པོའི་དྲི་ཡོད་པ། །དེ་།ནི་དཔའ་བོ་བཟང་རྗེས་འགྲོ། །བུད་མེད་པད་དཀར་འདྲ་མདོག་གང ། །རྟག་ཏུ་པདྨའི་རྩ་བ་དྲི། །དེ་ཡང་དེ་ 261a ༄#། །བཞིན་དཔའ་མོའི་བློ། །དམར་ཞིང་སེར་སྐྱའི་བུད་མེད་གང ། །གཟུགས་བཟང་གོས་ནི་དམར་བ་དང ། །མ་ལ་ཀི་དང་ཨུཏྤལ་དྲི། །དེ་ནི་རྡོ་རྗེའི་རིགས་བྱུང་ཡིན། །སེར་ཞིང་ལྗང་བའི་བུད་མེད་གང ། །གོས་ནི་དཀར་ལ་དགའ་བ་དང ། །མགོ་ལ་མེ་ཏོག་དྲི་དང་ལྡན། །དེ་བཞིན་གཤེགས་རིགས་རྗེས་འགྲོ་ཡིན། །བུད་མེད་གང་ཞིག་ཁ་དོག་དམར། །དེའི་མདོག་ཅན་གྱི་གོས་འཆང་ཞིང ། །རྟག་ཏུ་ག་བུར་དྲི་དང་ལྡན། །རྣམ་སྣང་རིགས་ཀྱི་རྗེས་འགྲོ་ཞིང ། །རྣལ་འབྱོར་མ་ཡི་རིགས་རྣམས་ནི། །དེ་ལྟར་བདུན་པོ་ངས་བཤད་པ། །གཡོན་པའི་ཀུན་སྤྱོད་ལ་རྟག་དགའ། །རང་གི་མདོག་གིས་རིགས་དྲུག་ལྡན། །རིགས་ཀྱི་རིགས་པའི་ཡི་གེ་ཡང ། །ཁ་དོག་དྲུག་ཏུ་འགྱུར་བ་ཡིན། །རང་གི་ཕྱག་རྒྱ་འཆིང་བ་དང ། རང་རིགས་ལས་བྱུང་ཚིག་ཏུ་སྨྲ། །གཡོན་ལས་འགྲོ་བའི་བུད་མེད་གང ། །རྣལ་འབྱོར་པ་ལ་གཡོན་ལ་རྟག་།ལག་པ་གཡོན་གྱིས་མཚོན་པ་དང ། །གཡོན་ནས་ལྟ་བས་རྣམ་པར་བལྟ། །ལྷ་མོ་རྣམས་དང་གར་སྨྲ་བ། །དེ་ནི་དམ་ཚིག་ལྡན་པར་བཤད། །བུད་མེད་གང་བྱས་དེ་ཉན་ཅིང ། །རིགས་ཀྱིས་བོན་རབ་ཏུ་སྨྲ། །རིགས་ཀྱི་བྱ་བ་མི་སྤོང་སྟེ། །རང་གི་བསྟན་བཤད་མི་འདོར་ལ། །རང་གི་རིགས་ཀྱི་རིག་པ་ 261b ཟློས། །དེ་ནི་དམ་ཚིག་ལྡན་པར་བཤད། །ཕྱག་འཚལ་བ་ནི་གང་འཆིང་བ། །གཡོན་པའི་ལུས་ཀྱིས་རྟག་ཏུ་བདུད། །ལྷ་མོ་རྣམས་དང་ཀུན་སྨྲ་བ། །དེ་ནི་ངེས་པར་བདེ་བར་འགྲོ། །མཐེ་བོང་གཡོན་པས་ས་ལ་ནི། །རྐང་པས་རི་མོ་འབྲི་བྱེད་ཅིང ། །མགོ་ནི་འཕྲུག་པར་བྱེད་པ་དང ། །ཟུར་གྱིས་ལྟ་ཞིང་ལག་པ་སྟོན། །སྒྲུབ་པ་པོ་ལ་ཁྱད་པར་དུ། །དེ་ཡིས་རང་རིག་དྲན་པ་དང ། །འཁུར་པའམ་ཀོས་ཀོ་དག་དང་ནི། །སྣ་དག་ཏུ་ནི་ཐལ་མོ་སྟོན། །ཟུར་གྱིས་ལྟ་ཞིང་ལན་གཅིག་བསྔགས། །ཟློས་ཤིང་རིགས་ལ་རྣམ་པར་ལྟ། ། བདེན་པར་འགྲོ་བའི་རྣལ་འབྱོར་མ། །ངེས་པར་དམ་ཚིག་ཅན་ཡིན་ན། །དེ་ནས་རྙེད་དཀའ་རྣལ་འབྱོར་མ། །དེ་བཞིན་མཁའ་འགྲོ་མ་རྣམས་ཀྱི། །བདུད་རྩི་ལྔ་རྣམས་ཡང་དག་འབྱུང ། །ཡ་མི་ནི་དང་སྐྲག་བྱེད་མ། །འདོད་ལྡན་ཕག་མོ་འཇིགས་གཟུགས་མ། །ཀུན་ཏུ་སྤྱོད་པ་བསུ་ར། །རྣལ་འབྱོར་མ་ནི་རྣམ་པ་བདུན། །མདོར་བསྡུས་རང་མཚན་བཤད་པ་ཡིན། །གཟུགས་ཅན་མ་དང་ཙུ་\?\་ཀི། །ལཱ་མ་ཡོངས་གྱུར་བྱིས་བཅས་མོ། །མི་ལྡོག་ཨ་ཧི་ཀ་ལྷ་མོ། །མཁའ་འགྲོ་མ་ནི་བདུན་དུ་བཤད། །མངོན་པར་ཞེན་པས་ལྟ་བ་དང ། །སྨིན་མ་འདགས་པར་གར་བྱེད་ཅིང ། །སྔོན་བཞིན་གཟུགས་ནི་སྡུད་བྱེད་ལ། །ཕྱིས་ནི་འཇིགས་པར་བྱེད་པ་དག་།གཟུགས་ཅན་མ་ནི་ཡིན་ 262a ༄#། །པར་བཤད། །གཉིས་མེད་དཔའ་བོས་བསྙེན་པར་བྱ། །སྡུག་པའམ་ཡང་ན་མི་སྡུག་པ། །བྱིས་པ་འཁྱུད་ཅིང་ཙུམ་པ་ན། །དེ་ནི་ཙུམྤ་ཀིར་ཞེས་བྱ། །མཁའ་འགྲོ་མཆོག་ཀྱང་དེ་ཉིད་ཡིན། །ཟས་མི་ལྟ་བར་ཟུར་དུ་ལྟ། །ཁྲོ་གཉེར་དང་ནི་གདོང་དག་དང ། །སྨིན་མ་སྒྱུར་ཞིང་སྡིགས་མཛུབ་དང ། །འདི་ནི་གཞན་ཡང་དབུགས་མི་འབྱིན། །འཇིགས་པར་བྱེད་པ་གང་ཡིན་པ། །དེ་ནི་ལཱ་མ་ཡིན་པར་བསྟན། །ཕག་དང་དྲེད་དང་བྱིལ་དང ། །ལྕེ་སྤྱང་རིགས་དང་རྟ་དག་དང ། །ཐམས་ཅད་དར་ནི་འཇིགས་བྱེད་པ། །ཡོངས་སུ་གྱུར་པར་དེ་བཤད་དེ། །ཤིན་ཏུ་དགའ་བས་དགོད་པ་དང ། །སོང་ནས་སླར་ཡང་མི་ལྡོག་ལ། །རྗེས་སུ་ཆགས་པས་གསལ་བར་དགོད། །དུ་མ་སྐྱེས་མར་ནི་དེ་བཤད་དེ། །ཡིད་ནི་ཀུན་ཏུ་སྐྱེ་བ་དང ། །རྐང་པ་ལག་པས་བོང་བའམ། །གོས་མཐའ་མ་ཡང་ན་ཤིང་དག་གིས། ། དེས་རེག་པ་ནི་འཚོ་མི་འགྱུར། །མི་ལྡོག་པར་ནི་ཤེས་བྱ་སྟེ། །སྒྲུབ་མིན་པར་ནི་དེ་བཤད་དོ། །མཁའ་འགྲོ་མ་ཡི་རིགས་ཕྱག་རྒྱ། །དཔའ་བོས་བསྙེན་ཅིང་མཚན་མ་བལྟ། །ཐོད་པ་དགྲ་སྟ་མཆེབ་དང ། །རལ་གྲི་ཀུན་ཏུ་སྐྲག་བྱེད་ཡིན། །རྡོ་རྗེ་དང་ནི་དུང་ཉིད་དང ། །རིགས་ཀྱི་ཕྱག་རྒྱ་ཡིན་པར་བཤད། །མངོན་པར་བརྗོད་པའི་རྒྱུད་བླ་མའི་ 262b བླ་མ་ལས། རྣལ་འབྱོར་མའི་མཚན་མའི་ལེའུ་སྟེ་སུམ་ཅུ་རྩ་དགུ་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོ་རྣམས་ཀྱི་མཚན་ཉིད་ནི། ། གང་ཞིག་ཡང་དག་ཤེས་པ་ཡིས། །མཁའ་འགྲོའི་དམ་ཚིག་ལ་གནས་པའོ། །དམར་ཞིང་སེར་བའི་བུད་མེད་གང ། །པདྨའི་དྲི་ནི་རྣམ་པར་གཏོང ། །ལྟ་སྟངས་རང་བཞིན་ཞི་པ་དང ། །ཞེན་པས་ལྟ་བའི་རྗེས་འགྲོ་བ། །བུད་མེད་གང་གི་སེན་མོ་དམར། །མིག་ནི་ཀུན་ཏུ་ཞེན་པ་དང ། །ཁྱིམ་དུ་པདྨ་འབྲི་བ་ནི། །པདྨ་གར་དབང་རིགས་འབྱུང་ཡིན།། སྨིན་པའི་དབུས་ན་རྩེ་གསུམ་ཡོད། །ལུས་ནི་སྔོ་བསངས་སྐྱ་བ་དང ། །རྟག་ཏུ་རྡོ་རྗེ་རིགས་སྒོམ་པ། །གང་གི་ཁྱིམ་དུ་རྡོ་རྗེ་འབྲི། །རྟག་པར་མཆོད་པ་བྱེད་པ་ཡི། །མཁའ་འགྲོ་མ་སྟེ་དཔལ་ལྡན་ནི། །ཧེ་རུ་ཀ་ཡིས་རིགས་བྱུང་ཡིན། །གང་གི་དཔྲལ་བར་རྩེ་གསུམ་ནི། །མདུང་ཐུང་དག་ནི་སྣང་འགྱུར་ཞིང ། །མིག་དམར་མདོག་ནི་དམར་སེར་དང ། །དེ་བཞིན་རྐང་པ་ལག་པ་དམར། །ར་སྐྱེས་ཁྱིམ་བྱ་དག་ལ་ཡང ། །རྟག་ཏུ་ཡིད་ནི་དགར་འགྱུར་ཞིང ། །དེ་ཡི་ཁྱིམ་དུ་རྡོ་རྗེ་མཚན། །རྟག་ཏུ་གང་ཞིག་མཆོད་བྱེད་པ།། ཤྲཱི་ཧེ་རུ་ཀའི་རིགས་བྱུང་བ། །མཁའ་འགྲོ་ཡིན་པར་གདོན་མི་ཟ། །འཁོར་ལོ་གང་གི་དཔྲལ་བའམ། །ལག་པར་ཡང་ནི་སྣང་འགྱུར་བ། །སྤྲིན་སྔོན་དག་དང་འདྲ་བ་ནི། ། 263a ༄#། །རྟག་ཏུ་དཔྲལ་བར་འཆང་བྱེད་པ། །སྐལ་བ་ཆེན་པོ་ཀུན་ཚོགས་ཤིང ། །མཆོག་ཏུ་བདེན་པ་གང་ཡིན་དང ། །ཁྱིམ་དུ་འཁོར་ལོ་འབྲི་བྱེད་ཅིང ། །རྟག་ཏུ་དེ་ལ་མཆོད་བྱེད་པ། །རྡོ་རྗེ་ཕག་མོ་རིགས་བྱུང་བའི། །མཁའ་འགྲོ་མ་ནི་སྟོབས་ཀྱིས་དྲེགས། །གང་ཞིག་མིག་སྨན་ནག་འདྲ་ཞིང ། །སོ་ནི་དཀར་ཞིང་མཐོ་བ་དང ། །རྟག་ཏུ་གདུག་པར་གྱུར་པ་དང ། །སེམས་སྟོབས་ལྡན་པར་གྱུར་པ་དང ། །རྟག་ཏུ་ཁྲུས་ལ་དགའ་བ་དང ། །མང་དུ་སྨྲ་བར་མི་བྱེད་ཅིང་།། ཁྱིམ་དུ་རྡོ་རྗེ་འབྲི་བ་དང ། །རྟག་ཏུ་དགེ་བས་མཆོད་བྱེད་པ། །རྡོ་རྗེ་ཕག་མོའི་རིགས་བྱུང་བ། །སྟོང་ཕྲག་བཅུ་དང་ལྔ་པ་ཡིན། །སེར་ཞིང་གསེར་གྱི་མདོག་འདྲར་སྣང ། །མིག་མི་གཡོ་ཞིང་ཁ་སྤུ་སེར། །རྡོ་རྗེ་གང་གི་དཔྲལ་བའམ། །ལག་པར་ཡང་ནི་སྣང་འགྱུར་བ། །རྟག་ཏུ་རྒྱལ་སྲིད་དག་ལ་གནས། །སྙེམས་ཤིང་བདེན་པར་སྨྲ་བ་དང ། །མི་ལི་ཀ་ཡི་དྲི་འབྱུང་ཞིང ། །གང་གི་ཁྱིམ་དུ་རྡོ་རྗེ་ནི། །རྟག་ཏུ་འབྲི་ཞིང་ཆེར་མཆོད་པ། །དུམ་སྐྱེས་མ་ཡི་རིགས་ལས་བྱུར། །རྣལ་འབྱོར་མ་ཡི་དབང་ཕྱུག་མཆོག། །གང་ཞིག་རྟག་པར་ཤ་ལ་དགའ། །སྐེམ་ཞིང་མིག་སྨན་ནག་པའི་མདོག། །དཔྲལ་བ་མདུང་རྩེ་ལྟ་བུ་ཡོད། །གང་ཞིག་གདུག་པའི་ལས་ 263b ལ་དགའ། །རྟག་ཏུ་དུར་ཁྲོད་དག་ཏུ་འགྲོ། །འཇིགས་པ་མེད་ཅིང་རྩེ་མེད་དེ། །གང་གིས་དཔྲལ་བར་ཐིག་ལེ་དང ། །ཁྱིམ་དུ་ཐོང་པ་འབྲི་ཞིང་མཆོད། །དཔལ་ལྡན་ཧེ་རུ་ཀ་དེ་ཡི། །མཁའ་འགྲོའི་རིགས་ལས་བྱུང་བ་ཡིན། །སྤྲིན་གྱི་མདོག་འདྲའི་བུད་མེད་གང ། །སོ་ནི་མི་མཉམ་པར་གནས་ཤིང ། །རྟག་ཏུ་གདུག་པའི་ལས་ལ་དགའ།། གཡོན་གྱི་མཆེ་བ་གཙིགས་པ་དང ། །དེ་ཡི་ཁྱིམ་དུ་དགྲ་སྟ་ནི། །འབྲི་ཞིང་རྟག་ཏུ་མཆོད་བྱེད་པ། །རྣམ་པར་འདྲེན་པའི་རིགས་བྱུང་བའི། །མཁའ་འགྲོ་མར་ནི་ཐེ་ཚོམ་མེད།། མཁའ་འགྲོ་མ་ཡི་ཚོགས་འདི་དག་།ཤྲི་ཧེ་རུ་ཀའི་རིགས་ལས་བྱུང ། །སྒྲུབ་པ་པོ་ལ་ཕན་པའི་ཕྱིར། །མཚན་ཉིད་ཡང་དག་བཤད་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། མཁའ་འགྲོ་མའི་མཚན་ཉིད་ཀྱི་ལེའུ་སྟེ་བཞི་བཅུ་པའོ།། །།དེ་ནས་གཞན་ཡང་བཤད་བྱ་བ། །སྒྲུབ་པ་པོ་ཡིས་ལཱ་མ་ཡི། ། མཚན་ཉིད་ཀྱི་ནི་ཁྱད་པར་དང ། །ཡན་ལག་ཚོགས་ནི་ཤེས་པར་བྱའོ། །གང་གི་བཞིན་གྱི་དཀྱིལ་འཁོར་ནི། །ཀུན་ཏུ་ཟླུམ་པོར་སྣང་འགྱུར་ཞིང ། །ཁ་ཡི་སྨྲ་ར་རྟག་ཏུ་ཡོད། །སྤུ་དང་སྨིན་མ་རིང་བ་དང ། །གོས་བཟང་གཙང་ཞིང་ཞི་བ་དང ། །མི་འཁྲུག་བ་དེན་པར་སྨྲ་བ་དང ། །རྟག་ཏུ་དམ་པའི་ཆོས་ལ་དགའ། །དཔའ་བོའི་སྲིང་མོར་དེ་ 264a ༄#། །ཤེས་བྱ། །པདྨའི་ཕྱག་རྒྱར་སྦྱིན་བྱ་བ། །ཡང་ན་རུས་སྤལ་ཕྱག་རྒྱ་བྱ། །པགས་པ་བུམ་པ་སྤྱི་བླུགས་ཉིད། །ཕྱག་རྒྱའི་ལན་དུ་ཤེས་པར་བྱ། །དེ་ནི་ཚེས་བཅུའི་རེས་དག་ལ། །ཁྱིམ་དུ་པདྨ་འབྲི་བར་འགྱུར། །ལཱ་མ་ཡི་ནི་བུད་མེད་ཀྱི། །མཚན་ཉིད་གྱུར་པ་འདི་དག་ཡིན། །གསུས་པ་རློ་ཞིང་མིག་དཀྱུས་རིང ། །མིག་ནི་དམར་ཞིང་སེར་སྐྱར་གནས། །ཕྱུག་ཅིང་སྐལ་བཟང་དཔལ་ཡོན་ཏན། །སེར་ཞིང་ཙམ་པ་ལྟ་བུར་སྣང ། །ཤིན་ཏུ་རིང་མིན་ཐུང་བའམ་མིན། །སྣ་ཚོགས་པ་ཡི་གོས་ལ་དགའ། །དཔྲལ་བར་རི་མོ་གསུམ་ཡོད་ཅིང ། །མཚམས་ཀྱི་གྱེན་དུ་བལྟས་པ་ནས། །རྒོད་ཅིང་དགའ་པ་ཉིད་དག་དང ། །ལམ་ནི་རྣམ་པར་གནོན་ཅིང་གནས། །གཡུལ་དུ་འཆི་བ་རྣམས་ཀྱི་ནི། །གཏམ་དག་ལ་ནི་རྟག་ཏུ་དགའ། །དེ་ལྟའི་རབ་དྲེགས་མཐོང་ན་ནི། །མདུང་གི་ཕྱག་རྒྱ་བསྟན་པར་བྱ། །རྐང་པ་གཡོན་པ་བསྐུམ་པ་ཡི། །བདག་ཉིད་ཀྱང་ནི་བསྟན་པར་བྱ། །གཡོན་པ་དག་ནི་ཡོངས་ལྡོག་པ། །ཕྱག་རྒྱའི་ལན་ནི་ཡིན་པར་བཤད། །བཅུ་བཞི་དང་ནི་ཚེས་བརྒྱད་ནི། །དེ་ནི་དུས་ཚིགས་ཡིན་པར་བཤད། །ཁྱིམ་དུ་མདུང་རྩེ་གསུམ་པ་ཡང ། །བྲིས་ནས་དེ་ནི་རྟག་ཏུ་མཆོད། །འཇིག་རྟེན་དབང་ཕྱུག་ལཱ་མ་ཡི། ། 264b མཚན་ཉིད་གྱུར་པ་འདི་དག་ཡིན། །གང་གི་མཁུར་ཚོས་དག་ཏུ་ནི། །ཁུང་བུར་སྣང་བ་གནས་གྱུར་ཅིང ། །དེ་བཞིན་བཞིན་རྟག་ཏུ་དམར་ཞིང་སེར། །མིག་ནི་ལྗང་སེར་དག་ཏུ་སྣང ། ། སྐ་ནི་དེ་བཞིན་འཁྱིལ་བ་དང ། །མགོ་དང་དཔྲལ་བར་དར་བཅིངས་སྣང ། །རི་མོ་གཅིག་པར་རབ་ཏུ་གནས། །དེ་བཞིན་མགྲིན་པ་རིང་བ་དང ། །རྟག་ཏུ་གོས་དམར་ལ་དགའ་ཞིང ། །དགོད་ཅིང་ལུག་ནི་ལེན་པ་ཉིད། །ལན་འགའ་ཞིག་ནི་ཁྲོ་བ་དང ། །སེམས་ནི་རྣམ་པར་གཡོ་བ་དང ། །རྩོད་པ་ལ་ནི་དགའ་བ་སྟེ། །འདི་འདྲའི་རབ་དྲེགས་མཐོང་ན་ནི།། མདུང་གི་ཕྱག་རྒྱ་བསྟན་པར་བྱ། །གཉིས་པ་ཉིད་ནི་འབད་པ་ཡིས། །དྲིལ་བུའི་ཕྱག་རྒྱ་བསྟན་པར་བྱ། །གཡོན་གྱི་ཕྱོགས་སུ་ལྡོག་པ་ནི། །ཕྱག་རྒྱའི་ལན་ནི་ཡིན་པར་བཤད། །ཐུང་ཞིང་བྱིན་པ་སྦོམ་པ་དང ། །རྟག་ཏུ་གོས་སེར་ལ་དགའ་ཞིང ། །ཕྲག་པ་དག་ན་གོས་ཀྱང་འཕྱང ། །དེ་འདྲའི་བུད་མེད་མཐོང་ན་ནི། །རྡོ་རྗེའི་ཕྱག་རྒྱ་བསྟན་བྱ་ཞིང ། །འབད་པ་ཡིས་ནི་གཉིས་པ་ཡང ། །དུང་གི་ཕྱག་རྒྱ་བསྟན་པར་བྱ། །གཡོན་ནས་ཡོངས་སུ་ལྡོག་པ་ནི། །ཕྱག་རྒྱའི་ལན་ནི་ཡིན་པར་བཤད། །བཅུ་བཞི་དེ་ཡི་དུས་ཡིན་ཏེ། །དེ་ཡི་ཁྱིམ་དུ་རྡོ་རྗེ་འབྲི། །ཤྲཱི་ཧེ་རུ་ཀ་ལཱ་མ་ཡི། །མཚན་ཉིད་གྱུར་བ་དེ་དག་ཡིན། །ལུས་ཀུན་ལ་ནི་བ་སྤུ་ཡོད། །མིག་ནི་ནག་ཅིང་སེར་བ་དང ། །སྦོམ་ 265a ༄#། །ཞིང་རྣམ་སྒྱུར་མི་བཟོད་པ། །བཞིན་འཕེལ་ཆེ་ཞིང་ཁ་ཆེ་ལ། །མ་མཆུ་རློ་ཞིང་ཁ་དོག་ནག་།མིག་ཟླུམ་སྣ་ནི་ཉམས་པ་དང ། །རྟག་ཏུ་གླུ་ནི་མཁས་པ་དང ། །སྤྲིན་གྱི་མདོག་ཅན་ཡིད་འཕྲོག་པ། །འདི་འདྲའི་རབ་དྲེགས་མཐོང་ན་ནི། །གླུ་ཡི་ཕྱག་རྒྱ་བསྟན་པར་བྱ། །གཉིས་པ་ཡང་ནི་འབད་པ་ཡིས། །མདུད་གི་ཕྱག་རྒྱ་བསྟན་པར་བྱ། །གཡོན་ནས་ཡོངས་སུ་ལྡོག་པ་ནི། །ཕྱག་རྒྱའི་ལན་ནི་ཡིན་པར་བཤད། །ཆོས་གྲངས་བཅུ་གཅིག་དེ་ཡི་དུས། །ཁྱིམ་དུ་མཆེ་བ་འབྲི་བར་བྱེད། །རྡོ་རྗེ་ཕག་མོ་ལཱ་མ་ཡི། །མཚན་ཉིད་གྱུར་པ་འདི་དག་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། ལཱ་མའི་མཚན་ཉིད་ཀྱི་ལེའུ་སྟེ་བཞི་བཅུ་རྩ་གཅིག་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོ་རྣམས་ཀྱི་བརྡ་རྣམས་ཏེ། །གང་ཞིག་སྤུན་དང་སྲིང་མོ་རུ། །ཡང་དག་ཤེས་པར་འགྱུར་པའོ། །གང་ཞིག་ལག་གཡོན་སྟོན་པ་ནི། །གསོང་བོར་སྨྲ་བ་སྟོན་པ་ཡིན། །གང་ཞིག་སྲིན་ལག་སྟོན་པ་ནི། །གསོང་པོར་སྨྲ་བ་ལན་འགྱུར་ཡིན།། གང་ཞིག་ལྟོ་བ་རྡེབ་པ་ནི། །བདག་ནི་བཀྲེས་པར་སྟེན་པ་ཡིན། །གང་ཞིག་དཔྲལ་བ་སྟོན་པ་ནི། །ནམ་མཁའ་ལས་ནི་འོངས་ཞེས་པའོ། །གང་ཞིག་ཁར་ནི་སོར་མོ་འཛུད།། 265b ཟོས་ཟིན་ཞེས་ནི་སྨྲ་བ་ཡིན། །གང་ཞིག་ལྕེ་ནི་བསྐྱོད་པ་དག་།ཟ་འོ་ཞེས་ནི་སྨྲ་བ་ཡིན། །གང་ཞིག་པུས་མོ་ལ་རེག་པ། །ངལ་ལོ་ཞེས་ནི་སྟོན་པ་ཡིན། །གང་ཞིག་སོར་མོ་རྩེ་ལ་རེག་།ངལ་སོས་ཞེས་ནི་སྨྲ་བ་ཡིན། །གང་ཞིག་སོ་ནི་འཆའ་བྱེད་པ། །ཤ་ཟའོ་ཞས་ནི་སྨྲ་བ་ཡིན། །ལག་པ་གཡས་པ་སྟོན་པ་ནི། །འདི་ལྟར་གྱིས་ཞེས་སྟོན་པ་ཡིན། ། གང་ཞིག་ཁྲོ་གཉེར་སྟོན་པ་ནི། །བཅིངས་སོ་ཞེས་ནི་སྨྲ་བ་ཡིན། །གང་ཞིག་མཁའ་ལྡིང་སྟོན་པ་ནི། །གྲོལ་ལོ་ཞེས་ནི་སྟོན་པ་ཡིན། །གང་ཞིག་ཁུ་ཚུར་སྟོན་པ་ནི། །དེ་ལ་པ་ཏ་ཏི་བསྟན་བྱ། །གང་ཞིག་སྐྲ་ནི་སྟོན་པ་ལ། །རྣམ་པར་འགྱུར་བ་བལྟས་ནས་ནི། །ཁ་ཊྭཱཾ་ག་ནི་དེ་ལ་བསྟན། །གང་ཞིག་ཡན་ལག་བསྐྱོད་པ་དང ། །དེ་ལ་མཆེ་བ་བསྟན་པར་བྱ། །གང་ཞིག་ལག་པས་ལག་པ་སྟོན། །གཏོར་མ་ཟ་ཞེས་སྨྲ་བ་ཡིན། །གང་ཞིག་ལག་པ་གཡས་པ་སྟོན། །དེ་ལྟར་གྱིས་ཤིག་སྨྲ་བ་ཡིན། །གང་ཞིག་རྣ་བ་ལ་རེག་པ། །གནས་པར་བྱ་ཞེས་སྟོན་པ་ཡིན། །གང་ཞིག་སེན་མོས་སེན་མོ་རེག་།ཤེ་ཡི་ཁྱེར་ཅེས་བྱ་བ་ཡིན། །གང་ཞིག་ས་འབྲི་དཀྱིལ་འཁོར་དུ། །དེ་རིག་འཇུག་ཅེས་སྨྲ་བ་ཡིན། །གང་ཞིག་ནུམ་མ་ལ་རེག་པ། །བདག་གི་བུ་ནི་སྲུངས་ཞེས་བྱ། །གང་ཞིག་མཐེ་གཡོན་ས་ལ་འབྲི། །གཉེན་དག་སྲུངས་ཤིག་པ་རུ་བཤད། །གང་ཞིག་ 266a ༄#། །མིག་ནི་རྣམ་འཛུམ་པ། །དེ་ལྟར་བྱ་ཞེས་སྨྲ་བ་ཡིན། །གང་ཞིག་ཚིགས་ལ་རེག་བྱེད་པ། །བདེ་བར་ཉལ་ཞེས་སྨྲ་བ་ཡིན། །ཕོ་ཉ་མ། ནི་གང་ཡང་རུང ། །དེ་དག་ཀུན་གྱིས་ཡང་དག་སྤྱད། །མངོན་པར་བརྗོད་པའི་རྒྱུད་བླ་མའི་བླ་མ་ལས། བརྡའི་ལེའུ་སྟེ་བཞི་བཅུ་རྩ་གཉིས་པའོ།། །། དེ་ནས་ཡན་ལག་ཕྱག་རྒྱ་ཡི། །མཚན་ཉིད་དེ་ཡིས་བཤད་པར་བྱ། །བུད་གང་སྤྱི་གཙུག་རེག་བྱེད་པ། །མགོ་བོ་དེ་ལ་བསྟན་པར་བྱ། །གང་ཞིག་དཔྲལ་བ་སྟོན་པ་ནི། །དེ་ལ་མཁུར་ཚོས་བསྟན་པར་བྱ། །གང་ཞིག་སོ་ནི་སྟོན་པ་ལ། །དེ་ལ་ལྕེ་ནི་བསྟན་པར་བྱ། །གང་ཞིག་མཆུ་ནི་སྟོན་བྱེད་པ། །དེ་ལ་དཔུང་བ་བསྟན་པར་བྱ།། གང་ཞིག་རྐེད་རྒྱབ་སྟོན་བྱེད་པ། །དེ་ལས་ནི་བསྟན་པར་བྱ། །གང་ཞིག་ནུ་མ་སྟོན་བྱེད་པ། །དེ་ལ་ཀོས་ཀོ་བསྟན་པར་བྱ། །གང་ཞིག་ལྟོ་བ་སྟོན་བྱེད་པ། །དེ་ལ་ལྟེ་བ་བསྟན་པར་བྱ། །གང་ཞིག་གསང་བ་སྟོན་བྱེད་པ། །དེ་ལ་ལིངྒ་བསྟན་པར་བྱ། །གང་ཞིག་བརླ་ནི་སྟོན་བྱེད་པ། །དེ་ལ་འོག་ནི་བསྟན་པར་བྱ། །གང་ཞིག་པུས་མོ་སྟོན་བྱེད་པ། །དེ་ལ་བྱིན་པ་བསྟན་པར་བྱ། །གང་ཞིག་རྐེད་པ་སྟོན་བྱེད་པ། །དེ་ལ་ལིངྒ་བསྟན་པར་བྱ། །གང་ཞིག་སོར་ཚིགས་སྟོན་བྱེད་པ། །དེ་ལ་སེན་མོ་ 266b བསྟན་པར་བྱ། །གང་ཞིག་ས་ནི་སྟོན་བྱེད་པ། །དེ་ལ་ནམ་མཁའ་བསྟན་པར་བྱ། །གང་ཞིག་ནམ་མཁའ་སྟོན་བྱེད་པ། །དེ་ལ་ཉི་མ་བསྟན་པར་བྱ། །གང་ཞིག་ཆུ་བོ་སྟོན་བྱེད་པ། །དེ་ལ་རྒྱ་མཚོ་བསྟན་པར་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས། ཡན་ལག་གི་ཕྱག་རྒྱའི་མཚན་ཉིད་ཀྱི་ལེའུ་སྟེ་བཞི་བཅུ་རྩ་གསུམ་པའོ།། །། དེ་ནས་གཞན་ཡང་རབ་བཤད་པ། །ཡན་ལག་ཇི་བཞིན་ཕྱག་རྒྱའི་མཆོག་།གང་ཞིག་ཤེས་པས་སྤུན་ནམ་ནི། །སྲིང་མོར་ཐེ་ཚོམ་མེད་འགྱུར་རོ། །སོར་མོ་གཅིག་ནི་སྟོན་པ་ཡིས། །ལེགས་པར་འོངས་ཞེས་སྨྲ་བ་ཡིན། །སོར་མོ་གཉིས་ནི་བསྟན་པ་ཡིས། །ལེགས་འོངས་ལན་ནི་སྨྲ་བ་ཡིན། །འདི་ནི་རྣལ་འབྱོར་མ་ཀུན་གྱི། །ཡན་ལག་ཕྱག་རྒྱར་རབ་ཏུ་བཤད། །མཛུབ་མོ་གཉིས་བཀུག་མིག་གི་རྒྱུ། །སྔགས་པས་གང་ལ་དེ་བསྟན་ཏེ། །དེ་མོད་ཇི་སྲིད་འཚོ་བའི་བར། །དབང་དུ་འགྱུར་བར་ཐེ་ཚོམ་མེད། །གང་ཞིག་གུང་མོ་སྟོན་བྱེད་པ། །དེ་ལ་མཛུབ་མོ་བསྟན་པར་བྱ། །གང་ཞིག་སྲིན་ལག་སྟོན་བྱེད་པ། །དེ་ལ་ལྕེ་ནི་བསྟན་པར་བྱ། །གང་ཞིག་པ་ཏི་ས་སྟོན་པ། །དེ་ལ་མདུན་ནི་བསྟན་པར་བྱ། །གང་ཞིག་སྤྱི་བོ་སྟོན་བྱེད་པ། །དེ་ལ་མཚམས་ཀྱི་མཐའ་བསྟན་བྱ། །གང་ཞིག་ས་ནི་སྟོན་བྱེད་པ། །དེ་ལ་ཁ་ནི་བསྟན་ 267a ༄#། །བར་བྱ། །གང་ཞིག་ཁྲོ་གཉེར་སྟོན་བྱེད་པ། །དེ་ལ་མཚམས་ནི་བསྟན་པར་བྱ། །གང་ཞིག་སོ་ནི་སྟོན་བྱེད་པ། །དེ་ལ་མཆུ་ནི་བསྟན་པར་བྱ། །གང་ཞིག་མགྲིན་པ་སྟོན་བྱེད་པ། །དེ་ལ་ཁ་ནི་བསྟན་པར་བྱ། །གང་ཞིག་དཔྲལ་བ་སྟོན་བྱེད་པ། །དེ་ལ་ལྟེ་བ་བསྟན་པར་བྱ། །འདི་ནི་རྣལ་འབྱོར་མ་ཀུན་གྱི། །རིམ་བཞིན་ཡན་ལག་ཕྱག་རྒྱ་ཡིན། །འདི་དག་རྟག་བསྟེན་གསང་བ་པ། །ཡང་དག་ལྟ་བར་འགྲོ་བར་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས། མཁའ་འགྲོ་མའི་ཡན་ལག་གི་ཕྱག་རྒྱའི་ལའུ་སྟེ་བཞི་བཅུ་རྩ་བཞི་པའོ།། །།དེ་ནས་གཞན་ཡང་བཤད་བྱ་བ།། མཁའ་འགྲོ་མ་ཡི་མཚན་ཉིད་དོ། །གང་གིས་རིང་ནས་དཔའ་བོ་དང ། །དཔའ་མོ་སྲིང་མོར་ཤེས་འགྱུར་བའོ། །དམ་ཚིག་ཅན་གང་རྗེས་ཆགས་པ། །རྣལ་འབྱོར་ལོངས་སྤྱོད་ས་གཞི་ཡིན། །གཞིར་ནི་ས་གཞི་བྱས་ནས་སུ། །རྣལ་འབྱོར་པ་ཡི་སྡོམ་པ་མཆོད། །གོ་ལྡོག་པ་ཡིས་ལྟ་བ་ནི། །བཞིན་ནི་རྣམ་པར་འགྱུར་བ་དང ། ། རྟག་ཏུ་བཞིན་གྱི་སྨིན་མ་གཡོ། །སྣ་ཚོགས་མྱུར་དུ་ཤེས་བྱ་བ། །དེ་བཞིན་མཁའ་འགྲོ་ལས་བྱུང་བའོ། །རྣམ་བསྒྱུར་འཁྱིལ་པར་ཤེས་བྱ་སྟེ། །རི་མོ་གསུམ་པ་ཡོངས་ 267b སུ་ཟླུམ། །མཁའ་འགྲོ་མ་རྣམས་དེས་འགྲོ་བའི། །དེ་ཡི་མཚན་མ་ཤེས་པར་བྱ། །གལ་ཏེ་ལྡོག་པར་གྱུར་ན་ནི། །སྔར་བཤད་དོན་ནི་བཏང་བར་འགྱུར། །དེ་ཡི་དངོས་ནི་འཇིག་གྱུར་པ། །རྡོ་རྗེ་ལྟ་བུར་གསལ་བ་ཡིན། །སྒྲ་ནི་ཁུ་བྱུག་སྐད་ལྟ་པུར། །གསལ་བ་དེ་ནི་རྟག་ཏུ་གྱུར། །འདི་ནི་མཚན་མའི་ཁྱིམ་དུ་ནི། །རྡོ་རྗེ་ལྟ་བུ་མེ་ལོང་བཅས། །རལ་གྲི་འདྲ་བའི་མེ་ལོང་བཅས། །ཕྱག་མཚན་མདུང་འདྲར་རྟག་ཏུ་འབྱུང ། །དེ་གསལ་མེ་ལོང་ཡིན་ཞེས་བྱ། །མཚན་མར་བྱས་པའི་གཟུགས་དག་ནི། །མཚན་ཉིད་འདི་དག་དང་ལྡན་པ། །དེ་ནི་མཁའ་འགྲོ་མ་རྣམས་ཀྱི། །མཆོག་ཡིན་པར་ནི་ཤེས་པར་བྱ། །པོ་ཏཾ་གི་ཞེས་བྱ་བ་ནི། གསོང་བོར་སྨྲ་བའོ། །པྲ་ཏི་པོ་ཏཾ་གི་ཞེས་བྱ་བ་ནི། །གསོང་པོར་སྨྲ་བའི་ལན་ནོ། །ག་མུ་ཞེས་བྱ་བ་ནི། འགྲོའོ་ཞེས་བྱ་བ་ཡིན་ནོ། །ལུཾ་བཾ་ཞེས་བྱ་བ་ནི། །འོང་ངོ་ཞེས་བྱ་བ་ཡིན་ནོ། །དེ་ཧི་ཞེས་བྱ་བ་ནི། ཟས་ཞེས་བྱ་བ་ཡིན་ནོ། །གྲི་ཧ་ན་ཞེས་བྱ་བ་ནི། བྲམ་ཟེ་ཞེས་སྨྲ་བ་ཡིན་ནོ། །པི་ར་ཎཾ་ཞེས་བྱ་བ་ནི། །སྙིང་ཉིད་དོ། །མ་ར་ཎ་ཞེས་བྱ་བ་ནི། སྒྲ་དན་ནོ། །གྷནྡྷ་ཞེས་བྱ་བ་ནི། །ཀ་ར་ནི་ཀའོ། །ཤི་རོ་ནི། རྫུན་ནོ། །ཀ་ར་ནི། ལྟོ་བའོ། །བ་ར་ནི། སྒྲའོ། །ཤྲ་ར་མོ་ཎོ་ནྀ། རྣ་བའོ། ། མྲྀ་ཏ་སཝ་ནི། སྲུབ་པའོ། །ས་མ་ 268a ༄#། །ག་མ་ནི།་མིའོ། །ཏ་ལི་ཀ་ནི། མཁའ་འགྲོ་མའོ། །ན་ར་ཀ་ནི། དཀྱིལ་འཁོར་རོ། ། མོ་ཀ་ནི། དུར་ཁྲོད་དོ། །ཀ་ལི་ཀ་ནི། སྒོའོ། ། ཤཝ་ས་ནི།་བྲམ་ཟེའི་རིགས་སོ། །བ་རི་དྷི་ནི། རྒྱལ་རིགས་སོ། །བི་ར་ཏི་ནི། རྗེའི་རིགས་སོ། །ཀྲུ་ར་ནི། དམངས་སོ། །ནྟ་སྠ་ནི། སྨེ་ཤ་ཅན་ནོ། །བ་ཤུ་ལི་ཀ་ནི།་ཁྱིམ་མོ། །ཊ་ཀ་ནི། སྲིང་མོའོ། །མེ་ལ་བ་ཀ་ནི། ཆུའོ། །གྲི་ཧ་ར་ཎ་ནི། རྡོ་རྗེ་ཆུ་གཏོང་བའོ། །ལྕེ་སོ་ལ་རེག་པ་ནི། ལྟོགས་པར་སྟོན་པའོ། །ཧྲི་ཤམ་ནི།་དྲིས་བསྒོ་བའོཾ། །ཀུ་ཏ་ནི། གནས་ཆེ་གེ་མོ་ནས་འོངས་སོ་ཞེས་བྱ་བའོ། །ཀི་ར་ནི་ནི། མེ་ཏོག་གོ་།ཏུ་མུ་ལ་ནི། རྒོད་པའོ། །ཏནྟ་ནི། ཆར་དབབ་པ་ཟློག་པའོ།། ཏྲི་པྟ་ནི།་ཞུ་བའོ། །དྷུར་རྱོ་ནི། ཤེས་པའོ། །ནརི་ཧ་ནི། སྤྲིན་ནོ། །དྷུ་པ་ནི། བདུག་པའོ། །ས་ནུ་ནི། རི་བོའོ། །ས་རི་ཏ་ནི། ཆུ་བོའོ། ། གུ་ལི་ནི། ཡན་ལག་གོ་།བ་ད་ན་ནི། ག་དོང་ངོ ། །ཛ་ཏི་ཀ་ནི། ལྕེའོ། །ནྟ་ན་ནི། སོའོ། །པཀྵི་ནི། རྒྱལ་མཚན་ནོ། །ཚནྡོ་ནི། ཕྲེང་བའོ། །ཙ་ལ་ནི། རླུང་ངོ ། །པ་ཤུ་ནི།་རི་དྭགས་སོ། །ཡནྟི་ནི། དཀྱིལ་འཁོར་རོ། །ཤ་ན་མ་ནི། བཞི་མདོའོ། །ཕལ་ཀུ་ཤི་ནི། སྐྱེ་བའོ། །མ་ཧཱ་ཀྵ་ར་བ་ནི། ཕྱུགས་ཆེན་པོའོ། །ག་ནི། ར་སྐྱེས་ 268b སོ། །ན་ནི། མིའོ། །གོ་ནི། ཁྱུ་མཆོག་གོ་།མ་ནི། མ་ཧེའོ། །བྷ་ནི། བཟའ་བའོ། །ཧ་ནི། རྣམ་གྲངས་སོ། ། དྷྱ་ནི། རྒྱལ་པོའོ། །ཁ་ལ་རེག་པ་ནི། ཟོས་སོ་ཞེས་པའོ། །ལྕེ་ལ་རེག་པ་ནི། ངོམས་སོ་ཞེས་པའོ། །ན་སྟི་ནི། སྙིང་པོའོ། །ཧྲི་ནི། ངོ་ཚའོ། །མེ་ཐུན་གྱིས་ཤིག་པའོ། །བརླ་ལ་རེག་པ་ནི། སྟོང་པའོ། །སྟེང་དུ་གཅིག་གོ་།འོག་ཏུ་མེད་པའོ། །ཕྱག་རྒྱ་དང་ཕྱག་རྒྱའི་ལན་ནོ། །དཔའ་བོའི་གསུང་གི་གསང་བའི་བརྡའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས། མཁའ་འགྲོ་མའི་བརྡའི་ཆོ་གའི་ལེའུ་སྟེ་བཞི་བཅུ་རྩ་ལྔ་པའོ།། །།དེ་ནས་རྣལ་འབྱོར་རྒྱུད་དུ་ནི། །རྙེད་དཀའི་དམ་ཚིག་ང་ཡིས་བཤད། །སྐྱེས་པའམ་བུད་མེད་གཡོན་ནས་འགྲོ། །འདོད་པའི་དངོས་གྲུབ་\?\་སྟོན་བར་བྱེད། །ཁྱིམ་དང་ཞིང་དུ་རྣམ་གནས་པ། །ཤིན་ཏུ་རིང་ཡང་ཤེས་པར་འགྱུར། །ཧེ་རུ་ཀ་ལས་སྦྱོར་གཞན་མེད། །སློབ་དཔོན་རྣལ་འབྱོར་མ་ཉིད་ནི། །རྒྱུད་འདི་རུ་ནི་སྒྲུབ་པ་འོ། །ལེགས་པར་གྱུར་པ་ཉིད་ཡིན་ཏེ། །བརྙས་མི་བྱ་ཞིང་སྤང་མི་བྱ། །ནུས་པ་ཡིས་ནི་མཆོད་པར་བྱ། །ཕོ་ཉ་མོ་བརྒྱད་འདི་དག་ནི། །མོས་དང་དད་པ་འཕལ་བྱེད་པ། །རྟག་པར་དངོས་གྲུབ་རྣམས་ཀྱི་རྒྱུ། །དམ་ཚིག་རྣམས་ཀྱང་སྐྱོང་བ་འོ། །ལྷ་མོ་གཞན་དག་ 269a ༄#། །ཀུན་སྦྱོར་བའི། །འདོད་ལ་རྨོངས་པར་གྱུར་པ་དང ། །གཉིས་སུ་མེད་དང་ཐོགས་མེད་དང ། །དམ་ཚིག་སྤྱད་པར་སྤྱོད་པ་དང ། །བུད་མེད་དབང་ཕྱུག་ཤིན་ཏུ་སྦྱོར། །ཚངས་པར་སྤྱོད་པ་དེ་བཞིན་གཞི། །ཁྲོ་མེད་རྒྱུན་གྱི་ཀུན་ཏུ་སྤྱོད། །འདི་བརྒྱད་དམ་ཚིག་ཀུན་སྤྱོད་ཡིན། །སྒྲུབ་པ་ལ་ནི་གནས་པ་ཡི། །སྒྲུབ་པ་པོ་ཡིས་རྟག་ཤེས་བྱ། །རྒྱུད་ཀུན་གྱི་ནི་ཐུན་མོང་སྟེ། །རྒྱུ་མེད་པ་ནི་གཞོམ་མི་བྱ། །དད་པ་ཉིད་ཀྱིས་བླང་བྱ་ཡི། །མིག་དང་ལག་པས་མ་ཡིན་ནོ། །གསང་བ་འདི་ནི་མི་བསྟན་ཅིང ། །རབ་ཏུ་འབད་དེ་སྦ་བ་དང ། །བློ་ལྡན་མཐེ་ཆུང་བསྐྱེད་པར་ནི། །ཕོ་ཉ་མོ་རྣམས་ཡང་དག་གནས། །དག་དང་མ་དག་འདྲེས་པ་སྟེ། །སྒྲུབ་པ་པོ་ནི་གསུམ་དུ་གནས། །མཉེས་བྱེད་རྣམ་པར་དག་པ་དང ། །གསལ་བྱེད་ཡོན་ཏན་ལྡན་པའི་མིའོ། །ཡུལ་ཡུལ་དུ་ནི་དཀའ་ཐུབ་ཅན། །ཕོ་ཉའི་གཟུགས་ཀྱི་མཚན་མ་བརྟག་།ཕོ་ཉ་རལ་གྲི་སོ་འདྲ་ཞིང ། །དག་བྱེད་པ་བསོད་ནམས་འཕེལ་བྱེད་ཡིན། །དེ་བཞིན་ཕོ་ཉ་ལེགས་འདྲེས་པས། ། སྒྲུབ་པ་པོ་ཡིས་དངོས་གྲུབ་ཐོབ། །བཟླས་མཆོད་བསམ་གཏན་མེད་པར་ཡང ། །མྱུར་བ་ཉིད་དུ་འགྲུབ་པར་འགྱུར། །སྔགས་དང་ཕྱག་རྒྱ་སྒྲུབ་པ་པོས། །མཆོད་ 269b པ་ཉིད་ལ་རབ་ཏུ་འཇུག་།འདི་ལས་གཞན་པའི་མཆོད་མེད་དེ། །དེ་ལྟར་བསྟན་བཅོས་ངེས་པ་ཡིན། །ཕོ་ཉའི་ལམ་ལ་དགའ་བ་དང ། །སྒྲུབ་པ་པོ་ནི་དངོས་གྲུབ་བརྩོན། །རིག་སྔགས་ཕྱག་རྒྱར་ཡང་དག་ལྡན། །ཟས་ལ་རྟག་ཏུ་སྤྱད་པར་བྱ། །སྒྲུབ་པ་པོ་ནི་ལེགས་པ་རུ། །མཉམ་པར་བཞག་པའི་རིགས་རྣམས་ནི། །ཀུན་ལ་ཉེ་བར་སྤྱད་བྱ་ཞིང ། །བཟའ་མིན་པར་ནི་མི་བརྟག་གོ་།འདི་ཉིད་དུ་ནི་དེ་དབྱེར་མེད། །ཕོ་ཉ་མོ་ཡི་སྒྲུབ་པ་ཉིད། །དངོས་གྲུབ་ཆོ་ག་ལ་སྤྱོད་ཚེ། །ཕོ་ཉ་གཅིག་པུ་ཁོ་ན་ཡིན། །བྱང་ཆུབ་ཕྱོགས་ཀྱི་དངོས་གྲུབ་ནི། །སྒྲུབ་པ་དག་དང་ཉེ་བར་དང ། །བླ་མ་བརྒྱུད་རིམ་གྱིས་ཐོབ་པའི། །དབང་བསྐུར་བས་ནི་སྔགས་ལེགས་ལྡན། །ཕོ་ཉ་རྣམས་སུ་ཡང་དག་བཤད། །ཕྱག་རྒྱ་ལེགས་སྦྱོར་ངང་ཚུལ་དང ། །ཆགས་མེད་གཏོང་དང་ཚུལ་ཁྲིམས་དང ། །ཡེ་ཤེས་ཆུ་སྐྱེས་ཡང་དག་རྫོགས། །སེམས་ཀྱིས་བདག་ཉིད་ནང་པར་ལངས། །ལུས་ཀྱི་བྱ་བ་ཀུན་བྱས་ཏེ། །ལུས་ལ་ཤིན་ཏུ་མཚོན་ཆ་ནི། །ལུས་ལ་གནས་པར་ཀུན་ཏུ་སྤྱད། །དག་བྱེད་བྱས་པའི་ལུས་ཀྱིས་ནི། །རྟག་ཏུ་སྔགས་ནི་བརྗོད་པར་བྱ། །རྣལ་འབྱོར་གནས་རྣམས་ངེས་བསྟན་ཅིང ། །མཚོན་ཆ་རྣམས་ནི་འགོམ་མི་བྱ། །དམ་ཚིག་ཅན་ལ་ཁྲོ་མི་བྱ། །མངོན་པར་བརྩོན་ལས་འདའ་མི་བྱ། །དེ་དང་ལྟ་ 270a ༄#། །ལྷན་ཅིག་བདེ་བར་བྱ། །བདག་གི་དོན་དང་གཞན་དོན་དུ། །དམ་ཚིག་སྤྱོད་པ་ཉིད་དུ་བྱ། །འདི་ལ་ལྷན་ཅིག་ལོངས་སྤྱོད་བྱ། །མཚན་མོ་རྟག་པར་ནམ་མཁའི་གོ་།ནག་དང་དམར་བར་རྟག་འགྱུར་བྱ། །སྲོག་ཆགས་ཡན་ལག་ལས་བྱུང་གྱོན། །བདེ་བ་འདོད་པས་བདེ་ཐོབ་འགྱུར། །མཆོད་ཕྱིར་ཐོགས་ནི་ཡོངས་སྤངས་གཙིང ། །ཤྲའི་ཧེ་རུ་ཀས་བྱིན་བརླབས་པས། །ཕྱག་རྒྱ་ལྔ་དང་ཡང་དག་ལྡན། །དུས་ཀུན་ཏུ་ནི་ཡང་དག་གནས། །རིགས་དང་རིགས་མིན་དོར་མི་བལྟ། །སྤྱི་གཙུག་ལ་སོགས་བཅིང་པ་སྤང ། །ཕོ་ཉ་གཙང་སྦྲ་དང་པོ་ཡིན། །གཉིས་པ་སྦྱོར་བ་ཡིན་པར་འདོད། །ཟས་གཅིག་ཏུ་ནི་ཟ་བ་ཉིད། །གཙང་སྦྲ་གསུམ་པ་ཡིན་པར་བཤད། །གཙང་སྦྲ་འདི་དག་རབ་སྦྱངས་པས། །གཙང་མའི་དག་པའི་རིམ་ཐོབ་ན། །དངོས་གྲུབ་གང་ལ་འབྱུང་མི་འགྱུར། །དེ་ཉིད་བསྡུས་ལས་གང་གསུངས་དང ། །དེ་བཞིན་བདེ་མཆོག་ལས་གང་གསུངས། །གསང་བའི་རྒྱུད་ལས་ཡང་དག་བཤད། །དེ་བཞིན་དཔལ་མཆོག་དང་པོ་དང ། །རྡོ་རྗེ་འཇིགས་བྱེད་ཉིད་ལས་གསུངས། །བཟླས་དང་བརྟུལ་ཞུགས་སོགས་པ་འགྲུབ། །དེ་འདིར་བསམ་གཏན་ཙམ་གྱིས་ནི། །སྔགས་པས་སྐད་ཅིག་གིས་ 270b འགྲུབ་འགྱུར། །རྣལ་འབྱོར་ལམ་ལ་དགའ་བས་ཀྱང ། །གཙང་སྦྲ་འདི་ནི་ཡང་དག་སྤྱད། །བསོད་ནམས་གཙང་སྦྲ་ལས་བྱུང་གང ། །སྒྲུབ་པའི་ཡོན་ཏན་རྒྱ་ཆེན་པོ། །སྟོང་ཕྲག་གཅིག་པའི་ཞལ་མིན་པར། །ཁ་ཅིག་གིས་ནི་བརྗོད་མི་ནུས། །དཔལ་ལྡན་ཁྲག་འཐུང་ཡེ་ཤེས་ཆེ། །རྣམ་དག་མཚན་ཉིད་ཀུན་སྒྲུབ་པ། །བདེ་བའི་བསོད་ནམས་ཆུ་འཐུང་བ། །དག་བྱེད་སྡིག་པ་འཇིགས་བྱེད་ཡིན། །རེག་པ་དང་ནི་སྨྲས་པས་ཀྱང ། །སྡིག་པ་ཀུན་ལས་རྣམ་གྲོལ་ཞིང ། །ལུས་ངག་སྐྱོན་ནི་མེད་པ་ཡི། །གང་ཞིག་སྤྱོད་པ་བྱེད་པ་ཡི། །མི་མཆོག་སྡིག་པ་ཐམས་ཅད་ནི། །རྣམ་དག་བདག་ཉིད་བདེ་གཤེགས་ཀྱི། །ས་རྣམས་ཀྱང་ནི་ཐོབ་པར་འགྱུར། །སྐྱེ་ཞིང་སྐྱོ་བར་དེ་བཞིན་གཤེགས། །རིགས་འགྱུར་ཆོས་ལྡན་རྒྱལ་པོར་འགྱུར། །དེ་ལྟར་རྟག་ཏུ་མཆོད་བྱས་ནས། །དད་པ་ཡིས་ནི་གཏོར་མ་སྦྱིན། །དེ་ནས་མཆོད་པ་རྣམ་དག་པས། །མྱ་ངན་འདས་ལས་བྱུང་བ་འོ། །དེ་བཞིན་བདག་ཉིད་མཆོད་པ་དང ། །སངས་རྒྱས་ཀུན་ཚོགས་སྲས་བཅས་དང ། །དཔའ་བོ་ ་དང་རྣལ་འབྱོར་མ།། བརྟན་པ་དག་དང་གཡོ་བ་དང ། །སྤུན་གྱི་མཆོད་པའི་དུས་འཛིན་པ། །ཟླ་བའི་དུས་ལ་གནས་པ་ཡི། །སྤུན་དང་བུ་དང་ལྷན་ཅིག་ཏུ། །བདེ་དང་སྡུག་བསྔལ་ཀུན་ 271a ༄#། །འབྱུང་བ། །སྔགས་དང་དེ་བཞིན་ཕྱག་རྒྱ་དང ། །ཡེ་ཤེས་དེར་ནི་བསྟན་མི་བྱ། །དག་བྱེད་ཟས་ལ་སྤྱོད་པ་ནི། །རྟག་ཏུ་དམ་ཚིག་སྤྱོད་བྱས་འགྱུར། །གསང་སྔགས་སུ་ལའང་སྦྱིན་མི་བྱ། །མན་ངག་རྣམ་པར་ཉམས་མི་བྱ། །དམ་ཚིག་གནས་ལ་ཅི་རིགས་པར། །མན་ངག་རྣམས་ཀྱང་སྦྱིན་པར་བྱ། །ཕོ་ཉ་མ་གཏོགས་གཞན་དག་ལ། །འདོད་པ་རྨོངས་པར་འགྲོ་མི་བྱེད། །རྟག་ཏུ་ཕོ་ཉ་ཆགས་བྲལ་བ། །མི་འདའ་བ་ཡིས་ལོངས་སྤྱོད་བྱ། །སྐྱེ་གནས་དམན་ལ་མི་གནས་པ། །བསྙེན་བཀུར་ཉིད་ནི་བྱ་བ་མིན། །མ་དང་སྲིང་མོ་བུ་མོ་དང ། །ཆུང་མ་ཕོ་ཉ་མོ་ཉིད་གནས། །འཁོར་ལོའམ་དེ་བཞིན་གྲུབ་པ་ལ།། དཀའ་བ་ངེས་པར་ཟད་པར་འགྱུར། །མཆོག་དང་ཐ་མ་ལྡན་ཅིག་འགུགས། །དེ་ལྟར་རྫས་ནི་རྣམ་ངེས་ཡིན། །རྣལ་འབྱོར་པ་རྟག་གཡོན་ནས་སྤྱོད། །རྐང་པ་གཡོན་པ་སྔོན་དུ་འདོར། །ལག་པ་གཡོན་པ་ཡོངས་སུ་བསྒྱུར། །གཡོན་གྱི་ཕྱེད་ནི་རབ་མཆོད་བྱེད། །ལུས་ནི་གཡོན་ནི་རྣམ་པར་གནོན། །གཡོན་པ་ཡིས་ནི་ཚིམ་\?\་དང་ཟ། །བརྟུལ་བཞུགས་མ་ཉམས་བརྟུལ་ཞུགས་རྫོགས། །སྒྲུབ་པ་པོ་ནི་དམ་ཚིག་བརྩོན། །དམ་ཚིག་རིགས་ལ་སྤྱོད་པ་དང ། །ལྷན་ཅིག་ཟས་ 271b ལ་སྤྱོད་པར་བྱེད། །རིགས་ལྔ་ལ་ནི་ཀུན་སྤྱོད་པའི། །རིགས་ནི་རྣམ་པ་བཞི་རུ་བསྒྲགས། །རིགས་གཅིག་ལ་ནི་ཀུན་སྤྱོད་པའི། །རྣལ་འབྱོར་སྒྲུབ་ལ་རབ་ཏུ་མཆོད།། པ་ལང་ཤ་དང་རྟ་ཤ་དང ། །ཁྱི་ཤ་དག་དང་སྣ་ཚོགས་པས། །དཀྱིལ་འཁོར་གྲུ་གསུམ་བྱས་ན་ནི། །སངས་རྒྱས་དག་ཀྱང་ངེས་པར་འཇིག་།དེ་བཞིན་དཔའ་བོ་རྣམས། ཀྱི་ཟས། །སྔགས་པས་ཕྱག་རྒྱ་ཡང་དག་ལྡན། །ཤྲཱི་ཧེ་རུ་ཀའི་སྤྲུལ་པ་ཡི། །ཉེར་སྤྱོད་བསྟན་བཅོས་ཀུན་ལ་བརྟག་།རྟག་ཏུ་དེ་དག་གཟུང་ཞིང་བསྲུང ། །ལས་རྣམས་དག་ནི་ཐམས་ཅད་ལ། །བགེགས་མེད་ཇི་བཞིན་འགྲུབ་འགྱུར་བར། །འདིར་ནི་གཞན་དག་འགྱུར་མ་ཡིན། །འདི་ནི་ཕོ་ཉ་མཆོག་བཟང་པོ། །བརྩོན་ཞིང་ལྷན་ཅིག་ལྡན་པ་ཡིན། །མ་ཆགས་དགའ་བའི་ལོངས་སྤྱོད་རྫོགས། །རྣལ་འབྱོར་རྫས་ཀྱི་རྣམ་དབྱེ་ཉིད། །བླ་མའི་མན་ངག་ལ་དགའ་ཞིང ། །དེ་ཡི་དོན་ནི་མཆོག་མཚུངས་པའོ། །སྤུན་དང་ཡང་ན་ཕ་དང་ནི། །བདག་པོ་ཉིད་དུ་སྐད་ཅིག་མཐོང ། །ལྕེ་སྦོམ་མིག་ནི་དམར་སེར་ལ། །རྩུབ་ཅིང་སྤུ་ནི་དམར་སེར་ཡིན། །དངོས་གྲུབ་ཀུན་གྱི་ཐུན་མོང་དུ། །བཟླས་དང་བརྟུལ་ཞུགས་ལ་རྟག་དགའ། །དྲན་པ་དང་ནི་ཡང་དག་ལྡན། །ཕོ་ཉ་ལ་སོགས་གནས་དང་བཅས། །མཁའ་འགྲོ་མ་མཆོག་ཉི་ཤུ་ 272a ༄#། །བཞི། །སྤྱོད་དང་གྲོལ་བའི་འབྲས་རབ་སྟེར། །འདོད་པའི་དོན་ཀུན་སྒྲུབ་བྱེད་པའི། །རྩ་བའི་སྔགས་ནི་རྟག་ཏུ་ཟློས། །རྒྱུ་དང་མི་རྒྱུའི་འཇིག་རྟེན་གསུམ། །རྣལ་འབྱོར་འབྲས་བུ་རབ་སྟེར་བ། །གསང་སྔགས་འདི་ལས་བྱུང་བ་ཡིན། །སྔགས་དང་ཕྱག་རྒྱར་ཡང་དག་ལྡན། །ཕྱག་རྒྱ་དང་བྲལ་གསང་སྔགས་ནི། །ལུས་ཅན་རྣམས་ལ་བྱིན་མི་རློབ། །ཇི་སྲིད་འགྲོ་བའི་བྱ་བ་དང ། །ཤིན་ཏུ་སྦྱོར་བས་རྟོགས་པར་བྱ། །འདོད་པའི་དོན་ཀུན་སྒྲུབ་བྱེད་པ། །རྣལ་འབྱོར་པ་ལ་གང་ཞིག་སྡང ། །ཁྱི་ཡི་སྐྱེ་གནས་བརྒྱར་སྐྱེ་སྟེ། །སྨེ་ཤ་ཅན་དུ་སྐྱེ་བར་འགྱུར། །དཔེར་ན་ལ་ལ་མར་འདོད་པས། །འབད་པས་ཆུ་ནི་བསྲུབས་གྱུར་ཀྱང། །མར་གསར་འབྱུང་བར་མི་འགྱུར་གྱི། །ལུས་ཉོན་མོངས་པ་ཁོ་ནར་ཟད། །འཛིན་ཅིང་མཆོད་པར་བྱེད་པ་ནི། །འཚོ་བའི་ཐབས་ཀྱི་རྒྱུར་གྱུར་པའི། །རྣལ་འབྱོར་གཞན་ལ་བརྟན་པ་ནི། །གཞན་དུ་དེ་བཞིན་དོན་མེད་འགྱུར། །རྣལ་འབྱོར་ཆེ་མཆོག་དཔའ་བོ་ནི། །ཡུལ་ཕྱོགས་གང་ན་གནས་གྱུར་པ། །རིགས་ངན་ཀླ་ཀློ་ཡིན་ན་ཡང ། །ཡུལ་དེ་ཡོངས་སུ་བརྟགས་པ་ཡིན། །སེམས་ཅན་རྗེས་སུ་གཟུང་བའི་རྒྱུར། །ད་རུང་ད་ནི་རྟག་ཏུ་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས། 272b ཕོ་ཉའི་གྲངས་ཀྱི་ལེའུ་སྟེ་བཞི་བཅུ་རྩ་དྲུག་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོ་མ་ཡི་སྙིང་པོ་མཆོད། །དཔའ་བོ་རྣམས་ཀྱི་ཁྱད་པར་ནི། །གང་ཞིག་དྲན་པ་ཙམ་གྱིས་ནི། །འཇིག་རྟེན་གསུམ་པོ་གཡོ་བྱེད་ཅིང ། །རྗེས་སུ་དྲན་པ་ཙམ་གྱིས་ནི། །ཡང་དག་དངོས་གྲུབ་རིམ་གྱིས་སྟེར། །ོཾ་སརྦ་བུདྡྷ་ཊཱ་ཀི་ནཱི་ཡེ་བཛྲ་རཝརྞ་ནཱི་ཡེ་ཧུཾ་ཧཱུཾ་ཕཊ་སཝཱཧཱ། གསང་སྔགས་འདི་ནི་གསང་སྔགས་ཆེ། །ལས་རྣམས་ཐམས་ཅད་བྱེད་པའི་མཆོག་།སྔགས་ཆེན་བཀླགས་པས་གྲུབ་པ་སྟ། །འདོད་པ་ཐམས་ཅད་གྲུབ་པ་ཡིན། །མཁའ་འགྲོ་མ་དང་རྣལ་འབྱོར་མ། །དུམ་སྐྱེས་མ་དང་ལཱ་མའང་དེ། །ོཾ་ཧྲཱིཿ ་ཧ་ཧ་ཧུཾ་ཧཱུཾ་ཕཊ། གསང་སྔགས་འདི་ནི་གསང་སྔགས་ཆེ། །ལས་རྣམས་ཐམས་ཅད་བྱེད་པའི་མཆོག་།འདི་ནི་བཀླགས་པ་ཙམ་གྱིས་འགྲུབ། །གསང་སྔགས་ཀུན་གྱི་གསང་སྔགས་གཙོ། །ཐོད་པའི་དུམ་བུ་ལ་སོགས་པ། །དཔའ་བོ་ཀུན་གྱི་སྙིང་པོ་མཆོག་།གསང་སྔགས་དེ་དག་མཆོག་དམ་པ། །འདོད་པའི་དོན་ཀུན་འགྲུབ་བྱེད་ཡིན། །བླ་མ་ལས་ཀྱང་བླ་མ་སྟེ། །དཔའ་བོའི་སྡོམ་པ་མཆོག་ཡིན་ནོ། །འདི་ནི་ཀུན་གྱི་གསང་སྔགས་ཏེ། །འདི་ནི་སྔགས་སུ་གྲགས་པ་ཡིན། །གྲས་\?\་འོག་དང་ནི་མཐོ་རིས་དང ། །ཇི་ལྟར་མཚམས་ཀྱང་དེ་བཞིན་ཏེ།། 273a ༄#། །གང་ཡང་ཇི་བཞིན་ལས་རྣམས་ཀྱིས། །འཇིག་རྟེན་གསུམ་པོ་གྲུབ་པ་ཡིན། །དེ་ཡིས་ཐམས་ཅད་གྲུབ་ནས་ནི། །གསང་སྔགས་མཆོག་ནི་བླ་མེད་པས། །འཇིག་རྟེན་གསུམ་པོ་གྲུབ་པ་ཡིན། །གང་གིས་བླ་ན་མེད་པ་དག་།སྒྲུབ་པ་པོས་ནི་ཐམས་ཅད་འགྲུབ། །མཁའ་འགྲོ་མ་དང་དཔའ་བོ་ཀུན།། མདོར་བསྡུས་རྒྱས་པར་མ་ཡིན་ནོ། །རི་བོ་མཛེས་པར་བྲིས་ནས་ནི། །སྣ་ཚོགས་མེ་ཏོག་འབྲས་བུར་ལྡན། །དེ་ཡི་སྟེང་དུ་དཀྱིལ་འཁོར་བསྒོམ། །མཁའ་འགྲོ་མ་དང་ལཱ་མ་དང ། །རྣལ་འབྱོར་མ་དང་དུམ་སྐྱེས་མ། །དཔའ་བོ་དང་ནི་དཔའ་མོ་ཉིད། །ཧ་ཧ་ཧེ་ཧེ་ཞེས་བཤད་པ། །ཉི་ཤུ་རྩ་བཞི་དཔའ་བོའི་རིགས། །མཁའ་འགྲོ་མ་ཡི་དྲ་བའི་སྡོམ། །སྔར་བཤད་དཔའ་བོ་དཔའ་བའི་མཆོག་།དཔའ་བོའི་མཆོག་ནི་ཐམས་ཅད་ཉིད། །ཉི་ཤུ་རྩ་བཞི་དཔའ་བོ་རྣམས། །དེ་ཡི་འགྲོ་བ་གྲངས་མེད་ཁྱབ། །དཔའ་བོ་དང་ནི་མཁའ་འགྲོ་ཉིད། །རྣལ་འབྱོར་མ་དང་ལཱ་མ་དང ། །དུམ་སྐྱེས་མ་དང་དེ་བཞིན་ཏེ། །འཁོར་ལོའི་གནས་སུ་རྣམ་པར་བལྟ། །ལས་རྣམས་ཐམས་ཅད་འགྲུབ་བྱེད་ཅིང ། །འཁོར་ལོར་བཞུགས་ལ་རྟག་ཏུ་མཆོད། །ལེགས་པར་མཉམ་གཞག་འདོད་པ་འགྲུབ། །སྔར་བཤད་ཆོ་ག་བཞིན་བཟླས་ཤིང ། ། 273b མཁའ་འགྲོ་མ་ཡི་དྲ་བའི་སྡོམ། །བསམ་པས་འཁོར་ལོ་ཆེན་པོ་ཡི། །དངོས་གྲུབ་ཀྱང་ནི་ཐམས་ཅད་འགྲུབ། །སངས་རྒྱས་བྱེ་བས་གསུངས་པ་སྟེ། །མཁའ་འགྲོ་མ་ནི་རེ་རེ་ལ། །འཁོར་གྱི་གྲངས་ཀྱང་བྱ་བ་རྙེད། །རྣལ་འབྱོར་མ་དང་ལཱ་མ་དང ། །དུམ་སྐྱེས་མ་ནི་ཁྱད་པར་དུ། །དངོས་གྲུབ་ཐམས་ཅད་བྱེད་པ་དགེ་།མངོན་པར་བརྗོད་པའི་རྒྱུད་བླ་མའི་བླ་མ་ལས། མཁའ་འགྲོ་མ་དང་དཔའ་བོའི་ལས་ཀྱི་རིམ་པ་སྒྲུབ་པ་རྣལ་འབྱོར་མ་དང་དཔའ་བོ་གཉིས་སུ་མེད་པའི་སྙིང་པོའི་ལེའུ་སྟེ་བཞི་བཅུ་རྩ་བདུན་པའོ།། །།དེ་ནས་གཞན་ཡང་བཤད་བྱ་བ། །སྐུ་གཟུགས་རི་མོའི་མཚན་ཉིད་ནི། །དུང་ཆེན་དག་ནི་ཁོ་ན་ལས། །མཁས་པས་གཟུགས་ནི་བསྒྲུབ་བྱ་སྟེ། ། མཚན་ཉིད་ཐམས་ཅད་ཡོངས་སུ་རྫོགས། །ཡན་ལག་དང་ནི་ཉིད་ལག་མཆོག་།མོས་བའི་ཡིད་ནི་སྔོན་འགྲོ་བའི། །རྣལ་འབྱོར་པས་ནི་གཟུང་ཞིང་བསྒྲུབ། །དྲི་ཆེན་ཆུ་དང་རཀྟ་དང ། །ཤུ་ཀྲས་བཅས་པས་མཆོད་པར་བྱ། །ན་ར་དཔལ་ཆེན་བདུག་སྤོས་ནི། །དཔའ་བོའི་ལས་ཀྱི་སྒྲུབ་པ་སྟེ། །བླ་མ་ཡི་ནི་གོ་འཕང་འགྲུབ། །དེ་ནས་བདག་ཉིད་མཆོད་བྱས་ཏེ། །འདོད་པ་ཐམས་ཅད་ཐོབ་འགྱུར་ཞིང ། །རྒྱལ་པོའི་བུད་མེད་རྙེད་པར་འགྱུར། །ཇི་ལྟའི་ལས་ཀྱི་རྗེས་འབྲངས་ནས། །ལག་པའི་མཆོད་ 274a ༄#། །པ་རབ་ཏུ་བྱ། །པགས་ཆེན་རི་མོ་བྲིས་ནས་ནི། །སྒྲུབ་པ་པོ་ཡིས་མཉམ་བཞག་ན། །ཞག་བདུན་གྱིས་ནི་འགྲུབ་འགྱུར་ཏེ། །ཐེ་ཚོམ་མེད་པར་རྣམ་པར་སྤྱོད། །རྣལ་འབྱོར་མ་དང་བླ་མ་མཆོད། །མཁའ་འགྲོའི་གནས་སུ་དེ་བཞིན་སྐྱེ། །དེས་ནི་བདེ་བ་རྙེད་ནས་ཀྱང ། །ལས་ནི་རྟག་ཏུ་བྱེད་པར་འགྱུར། །རྟག་ཏུ་བླ་མ་མཆོད་ནས་ནི། །དེ་ཡི་དངོས་གྲུབ་མྱུར་དུ་འགྲུབ། །མཁའ་འགྲོ་མ་ནི་སྒྲུབ་པ་ཡིས། །གླང་པོའི་པགས་ལ་སྐུ་གཟུགས་བྲི། །རྣལ་འབྱོར་མ་ཡི་སྒྲུབ་པ་ཡིས། །བ་ལང་པགས་ལ་རི་མོ་བྲི། །མཁའ་སྤྱོད་དག་ནི་སྒྲུབ་པ་ཡིས། །རྟ་ཡི་པགས་ལ་རི་མོ་བྲི། །ས་ལ་སྤྱོད་པའི་སྒྲུབ་པ་ཡིས། །མ་ཧེའི་པགས་ལ་རི་མོ་བྲི། །ས་འོག་སྤྱོད་པའི་སྒྲུབ་པ་ཡིས། །ཕག་གི་པགས་ལ་རི་མོ་བྲི། །གནོད་སྦྱིན་མོ་ནི་སྒྲུབ་པ་ཡིས། །ཤིང་སྤང་ལེབ་ལ་སྐུ་གཟུགས་བྲི། །ལྷ་ཡི་བུ་མོ་སྒྲུབ་པ་ཡིས། །ཙམ་པའི་སྤང་ལེབ་སྐུ་གཟུགས་བྲི། །ཀླུ་མོ་སྒྲུབ་པ་དག་གིས་ནི། །ཀླུ་ཤིང་སྤང་ལེབ་རི་མོ་བྲི། །མི་ནི་སྒྲུབ་པར་འདོད་པ་ཡིས། །དུར་ཁྲོད་གོས་ལ་སྐུ་གཟུགས་བྲི། །ཕ་རོལ་ལྟ་བའི་སྒྲུབ་པ་དག་།བོང་བུའི་པགས་ལ་སྐུ་གཟུགས་བྲི། །ནོར་རྣམས་སྒྲུབ་པར་འདོད་པ་ཡིས། །བྱི་པའི་པགས་ལ་སྐུ་ 274b གཟུགས་བྲི། །ཆང་ནི་འགུགས་པར་འདོད་པ་ཡིས། །སྤྲེའུའི་པགས་ལ་སྐུ་གཟུགས་བྲི། །ཁྲག་ནི་འགུགས་པར་འདོད་པ་ཡིས། །ཐོད་པ་ལ་ནི་སྐུ་གཟུགས་བྲི། །ས་བོན་འགུགས་པར་འདོད་པ་ཡིས། །ཕུག་རོན་པགས་ལ་སྐུ་གཟུགས་བྲི། །ལྷ་ནི་འགུགས་པར་འདོད་པ་ཡིས། །ཐང་ཤིང་སྤང་ལེབ་སྐུ་གཟུགས་བྲི། །གྲོང་ཁྱེར་འགུགས་པར་འདོད་པ་ཡིས། །ཅེ་སྤྱང་པགས་ལ་སྐུ་གཟུགས་བྲི། །ཞི་བའི་ལས་ལ་བྲམ་ཟེ་མོ། །ཟླ་མཚན་བྱུང་དུས་གོས་ལ་བྲི། །དེས་ན་ཞི་བར་གྱུར་པ་ཡིན། ། རྒྱས་པ་རྒྱལ་རིགས་མོ་ཡི་ནི། །ཟླ་མཚན་བྱུང་དུས་གོས་ལ་བྲི། །དབང་ལ་རྗེའུ་རིགས་མོ་ཡི་ནི། །ཟླ་མཚན་བྱུང་དུས་གོས་ལ་བྲི། །མངོན་སྤྱོད་ལ་ནི་དམངས་རིགས་ཀྱི། །ཟླ་མཚན་བྱུང་དུས་གོས་ལ་བྲི། །བརྒྱལ་བར་བྱ་བ་དག་ལ་ནི། །རྒྱལ་མཚན་གོས་ལ་རི་མོ་བྲི། །རེངས་པར་བྱ་བ་རྡོ་ལེབ་སྟེ། །དགར་བ་ལ་ནི་རྔ་མོའི་པགས།། དགུགས་པ་ལ་ནི་སེངྒེའི་འོ། །ལས་ཀུན་ལ་ནི་བྱ་ཡི་པགས། །ཡང་ན་ལྕགས་ནི་ཁོ་ནའོ། །གཞན་དུ་སྣ་ཚོགས་ལས་རྣམས་ནི། །དྲན་པ་ཙམ་གྱིས་ངེས་པར་འགྲུབ།། བགེགས་རྣམས་མེད་པར་བྱ་བའི་ཕྱིར། །རི་བོང་པགས་པ་དག་ལ་བྲི། །བགེགས་ནི་ལྡང་བར་བྱེད་པ་ལ། །ཤི་བའི་པགས་པ་རྣམས་ལ་བྲི། །གསེར་དང་དངུལ་ལ་ 275a ༄#། །སོགས་པ་ལ། །ཟངས་དང་ཤེལ་དང་ཐང་ཤིང་དང ། །རྡོ་རྗེ་ལས་ནི་བྱ་བ་སྟེ། །དངོས་གྲུབ་མཆོག་ནི་ཁྱད་པར་ཡིན། །ཙནྡན་དང་ནི་ཐང་ཤིང་དང ། །ཙནྡན་དམར་པོ་ཙམ་པ་ཀ་། ཤོ་ཀ་ནི་གྲུབ་པ་འོ། །ཤྲཱི་བྲིཀྵ་ནོར་སྦྱིན་འགྱུར། ། ག་རུ་དང་སྟར་ཀ་ཤིང ། །འོ་མ་ཤིང་གི་བྱེ་བྲག་དང ། །སྟག་པའི་ཤིང་ལ་སོགས་པ་རྣམས། །གྲུབ་པ་ཡི་ནི་དངོས་གྲུབ་འགྱུར། །སྦལ་པའི་རུས་པ་ལས་བྱས་དང ། །ཀླུ་ཤིང་དག་གི་བྱེ་བྲག་དང ། །རུས་སྦལ་རུས་པ་གླང་པོའི་སོ།། ཁྱད་པར་དུ་ནི་ཆར་ཡང་འབེབས། །བྲམ་ཟེའི་རུས་པ་ཞི་བ་སྟེ། །གླང་པོའི་རུས་པ་རྒྱས་པ་ཡིན། །དབང་ལ་རྟ་ཡི་རུས་པ་སྟེ། །གསད་པ་ལ་ནི་མ་ཧེའི་རུས། །དགར་བ་ལ་ནི་རྔ་མོའི་རུས། །སྡང་ལ་རྟ་དང་མ་ཧེའི་འོ། །རེངས་པར་བྱ་ལ་ཁྱི་ཡི་རུས། །དགུག་པ་ལ་ནི་སེངྒེའི་རུས། །ས་ཡི་འོག་ཏུ་འགྲོ་བ་ལ། །ཕག་གི་རུས་པ་དག་ལ་བྱ། །ས་དཀར་དག་ལས་བྱས་པ་ནི། །རྟག་ཏུ་ཞི་བར་འགྱུར་བ་ཡིན། །རྒྱས་པ་ལ་ནི་སེར་བའི་ས། །དབང་ལ་དམར་པོའི་ས་ཡིན་ལ། །གསོད་པ་ལ་ནི་ས་ནག་སྟེ། །འདི་ནི་མདོར་བསྡུས་ཆོ་ག་འོ། །དྲི་ཆེན་ཆུ་དང་ཞག་དང་ཁྲག་།མིག་སྨན་ཆེན་པོ་དེ་བཞིན་ཏེ། །མི་ཡི་རུས་པ་བརྡར་བ་ཡི། །མདོག་ཏུ་ལྷན་ཅིག་སྦྱར་ནས་ 275b དང་\?\། །རང་བྱུང་མེ་ཏོག་ས་བོན་དང ། །རིགས་ངན་དང་ནི་བྲམ་ཟེ་དང ། །གདོལ་པ་མ་དང་གཡུང་མོ་དང ། །ཁྲུས་མཁན་མ་དང་གར་མཁན་མ། །མ་འམ་ཡང་ན་སྲིང་མོ་འམ། །བུ་མོ་ཡི་ནི་བྱེ་བྲག་གི་།འདི་དག་དྲུང་དུ་བླངས་ནས་སུ། །ཤུ་ཀྲ་རཀྟའི་ཁྱད་པར་དག་།སྣ་ཚོགས་འདི་དག་བསྲེས་ནས་ཀྱང ། །ཆོ་ག་བཞིན་དུ་སྐུ་གཟུགས་བྲི། །གྲོག་མཁར་གྱི་ནི་ས་དག་ལ། །ཤི་བའི་སྐྲ་དང་རུས་པ་ཡིས། །པིར་གྱིས་དམ་པ་བྲི་བར་བྱ། །ཐིག་སྐུད་ཤི་བའི་སྐུད་པ་ཡིས། །སྐུ་གཟུགས་ཐིག་སྐུད་མཆོག་ཡིན་ནོ། །ཡི་དྭགས་ཕྲེང་སོགས་བསྙེན་ནས་ནི། །བ་སས་ཀྱང་ནི་མར་མེ་བྱ། །དཔའ་བོ་ཆེན་པོའི་བདུག་སྤོས་དང ། །རྐང་གིས་ལྷ་བཤོས་བྱ་བ་སྟེ། དྲི་ཆེན་རྡོ་རྗེ་ཆུ་ཡི་དྲི། །ཐོད་པ་དག་གི་བུམ་པ་སྟེ། །རྒའི་སྣོད་ནི་ཐོད་པའོ། །རྒ་རུས་པའི་ཙཱུརྞ་སྟེ། །འབད་པས་སྐྱེས་བུ་དབུལ་འབྱིན་ནོ། །ཇི་ལྟར་ནུས་པ་དག་ཏུ་སྤྱད། །སྣ་ཚོགས་ཕྱག་རྒྱའི་སྦྱོར་བ་ཡིས། །ཐབས་དང་ཤེས་རབ་ལྡན་པར་ནི། །སྐུ་གཟུགས་ཡང་ནི་རི་མོ་འམ། །གཞན་ཡང་མཁས་པས་ཆོ་ག་བྱ། །ཇི་ལྟའི་ལས་ཀྱི་རྗེས་མཐུན་པར། །དེ་ལྟའི་གོས་ཀྱི་རྗེས་འཆང་ཞིང ། །གཅེར་བུ་སྐྲ་ནི་གྲོལ་བ་དང ། །གཟུགས་མདོག་དག་ནི་བསྒྱུར་ནས་ཀྱང ། །གཙོ་བོ་དང་ནི་རྣལ་ 276a ༄#། །འབྱོར་པ། །སློབ་དཔོན་ཡང་ནི་དེ་བཞིན་ཏེ། །ཕྱག་རྒྱའི་རིགས་པར་གནས་ནས་སུ། །དྲི་ཆེན་ཆུ་དང་དཔའ་བོ་བཟའ། །མཉམ་པར་བཞག་ནས་བཟླས་པ་བྱ། །རྣམ་པ་དུ་མ་བྱེ་བྲག་གི་།གླུ་དང་གར་ནི་རྣམ་པ་དང ། །བཟའ་བཏུང་མཆོག་ནི་སྤྱད་པར་བྱ། །དེ་དག་རྫོགས་ཀྱི་བར་བྱ་སྟེ། །དེ་འདི་ཆོ་གའི་རིམ་པ་འོ། །རབ་ཏུ་གནས་པའི་དུས་དག་ཏུ། །ཉིས་འགྱུར་ཚོགས་ཀྱིས་སྤེལ་བ་སྟེ། །གདུ་བུ་དང་ནི་ཀངྐ་དང ། །དཔུང་རྒྱན་གོས་ཀྱི་བྱེ་བྲག་དང ། །སོར་གདུབ་དང་ནི་མཆོད་ཕྱིར་ཐོགས། །རྐང་རྒྱན་དང་ནི་ཐོད་པ་དང ། །གདུགས་དང་རྔ་ཡབ་དེ་བཞིན་ཏེ། །སྣ་ཚོགས་སྐྱེས་བུ་སྦྱིན་ཞིང་དབུལ། །སྣ་ཚོགས་དཔའ་བོ་མཆོག་དམ་པ། །མྱོས་བྱེད་བཏུད་བའི་བྱེ་བྲག་རྣམས། །དམ་ཚིག་ཚོ་གའི་མཆོག་རྣམས་དང ། །སྣ་ཚོགས་རོ་དང་བཅུད་རྣམས་དང ། །སྣ་ཚོགས་མེ་ཏོག་མཆོག་རྣམས་དང་།། ལྷ་མོ་མཆོག་གི་ལུས་རྣམས་དང ། །རོལ་མོ་སྣ་ཚོགས་སྒྲ་རྣམས་དང ། །སློབ་དཔོན་ཕྱག་རྒྱར་སྦྱོར་བ་དང ། །སློབ་མའི་ཚོགས་ཀྱི་ཁྱད་པར་རྣམས། །བཟའ་བའི་མཆོད་པ་དག་གིས་མཆོད། །བདུག་པའི་དྲི་མཆོག་རྣམས་དང་ནི། །སྣ་ཚོགས་རྒྱལ་བའི་བདུག་པ་དང ། །ཁྱད་པར་དུ་ནི་མར་མེའི་ཕྲེང ། །གདུགས་དང་བླ་རེ་དེ་ 276b བཞིན་ཏེ། །མེ་ལོང་དང་ནི་རྔ་ཡབ་དང ། །དྲ་བ་དང་ནི་དྲ་ཕྱེད་དང ། །ཆུན་པོ་དག་གིས་རྣམ་པར་བརྒྱན། །བུམ་པར་རས་དང་ལྡན་པ་དག་།ཡེ་ཤེས་བདུད་རྩིས་ཡོངས་གང་བ། །རིན་ཆེན་ལྔ་དང་སྨན་དང་ནི། །དྲི་ཡི་བྱེ་བྲག་དག་གིས་ནི། །རྒའི་སྣོད་ནི་ཁྱད་པར་དུ། །ཙུ་ཏ་པ་ལ་བ་ལྔ་དང ། །ཾ་བུ་ཛཾ་བུ་ཀ་དམ་པ། །བིལ་བ་བཱི་ཛ་པུ་རས་དགང ། །བ་ལ་མོ་ཏ་ཀྲི་ཏན་ཛ། །ཀེ་དྲི་ཀ་རི་ཀར་ལྡན་པ། །ེ་ཀ་བཱི་ར་ས་ཧ་དེ། །སྨན་རྣམས་ཀུན་ཅེས་བྱ་བ་ལ། །ལྡ་པོ་དེ་དག་ཤེས་བྱ་སྟེ། །མཁས་པས་བུམ་པར་གཞུག་པར་བྱ། །གསེར་དང་ཛཱ་ཏི་ཕ་ལ་དང ། །གླ་གོར་ཞོ་ཤ་དེ་བཞིན་ནོ། །གསེར་གྱི་མཆོད་ཕྱིར་ཐོགས་དང་ནི། །ཕྱག་རྒྱ་དྲུག་གིས་རྣམ་པར་བརྒྱན། །སྒྲུབ་པ་པོ་ཀུན་གཅེར་བུ་ཡིས། །བཀྲ་ཤིས་གླུ་ཡིས་གླུ་ལེན་ཅིང ། །རྣམ་པར་དག་པའི་སེམས་ཀྱིས་ནི། །དད་པའི་བློ་ནི་སྡོན་འགྲོ་བས། །དུས་དང་གནས་སྐབས་ཐམས་ཅད་དུ། །སྣ་ཚོགས་རྒྱ་ཆེའི་མཆོད་པར་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས། རས་རིས་ལ་སོགས་པ་རབ་ཏུ་གནས་པའི་ཆོ་གའི་ལེའུ་སྟེ་བཞི་བཅུ་རྩ་བརྒྱད་པའོ།། །།དེ་ནས་གཞན་ཡང་བཤད་བྱ་བ། །དཀྱིལ་འཁོར་དཀྱིལ་འཁོར་དམ་པ་སྟེ། །མངོན་མཐོ་ཧེ་རུ་ཀ་ཞས་བྱ། །དཀྱིལ་འཁོར་སྙིང་པོ་བསྡུས་པ་ 277a ༄#། །ཡིན། །ཤིན་ཏུ་མཉམ་བཞག་སྒྲུབ་པ་པོས། །དམ་ཚིག་རྟག་ཏུ་བསྐྱང་བར་བྱ། །དམ་ཚིག་ཉམས་པས་དཀྱིལ་འཁོར་དུ། །དབང་བསྐུར་དངོས་གྲུབ་འཐོབ་མི་འགྱུར། །སྦྲང་རྩི་མཚལ་དང་ག་པུར་བཅས། །དམར་དང་ཙནྡན་སྦྱར་བ་ནི། །ཚོགས་ཀྱི་ནང་དུ་ཞུགས་པ་ནི། །ཐམས་ཅད་བཅུད་ཀྱིས་ལན་དུ་གནས། །ཐམས་ཅད་རྡོ་རྗེའི་མཚན་མ་འཛིན། །སྦོམ་པོ་མཐའ་ལྟག་རྩེ་སྦྱར་བས། །རྣལ་འབྱོར་རིམ་པས་རྟག་ཏུ་སྤྱད། །ཞི་བའི་བཏུང་བས་བཞིན་མྱངས་ན། །དངོས་གྲུབ་རྟག་ཏུ་ཐོབ་པར་འགྱུར། །འདི་ནི་མི་འཆི་བཅུ་ཕྱེད་འགྱུར། །དངོས་གྲུབ་ཐམས་ཅད་འཇུག་པ་ཡིན། །མཆོད་བཞི་དེ་བཞིན་དཔའ་བོ་ནི།། དབང་གཉིས་སྙོམས་པར་འཇུག་པ་ཡིས། །སྙོམས་པར་འཇུག་པའི་དེ་ཉིད་འཛིན། །མངོན་དུ་བསྙེན་པ་བྱ་བ་ནི། །ཆོ་ག་བཞིན་དུ་འབུམ་དུ་བཟླ། །འཁོར་ལོའི་གསང་སྔགས་འབུམ་བཟླས་ཤིང ། །རང་གི་ལྷའི་ཡང་འབུམ་དུ་བཟླ། །གཞན་ནི་ཁྲི་རུ་བཟླ་བར་བྱ། །བཀའ་བཞིན་འཁོར་ལོ་བྲི་བྱ་ཞིང ། །མདངས་ལྡན་མི་མཆོག་དག་གིས་ནི། །དཀྱིལ་འཁོར་བྲི་ཞིང་དགོད་པར་བྱ། །སྔར་བཤད་གནས་ནི་གང་ཡིན་པ། །དེར་ནི་དཀྱིལ་འཁོར་བྲི་པར་བྱ། །ས་ནི་ཡོངས་སུ་སྦྱར་ 277b བར་བྱ། །བརྡུང་ཞིང་ལེགས་པར་བརྡུངས་ནས་སུ། །མཉམ་ཞིང་ཟུག་རྡུ་རྣམ་པར་སྤང ། །ས་ལ་མ་ལྷུང་ལྕི་བ་ཡིས། །དཀྱིལ་འཁོར་ས་ནི་ཉེ་བར་བྱུག་།དུར་ཁྲོད་ཐལ་བར་ལྡན་པ་དང ། །མི་འཆི་བཅུ་ཕྱེད་བཅས་པ་ཡིས། །དཀྱིལ་འཁོར་ས་ནི་ཉེར་བྱུགས་ཏེ། །དེར་ནི་དཀྱིལ་འཁོར་ཡང་དག་བརྩམ། །དུར་ཁྲོད་དུ་ནི་ཀུན་སྤྱོད་ཅིང་།། རོ་བསྲེགས་སོལ་བའི་ཕྱེ་མ་དང ། །དུར་ཁྲོད་བརྒྱད་དང་ལྡན་པ་ཡིས། །སློབ་དཔོན་ལེགས་པར་མཉམ་བཞག་སྟེ། །དཀྱིལ་འཁོར་བཟང་པོ་བྲི་བར་བྱ། །སློབ་དཔོན་མཚན་ཉིད་ཐམས་ཅད་ལྡན། །མཚན་མ་ངན་པ་ཀུན་སྤངས་ཤིང ། །ཡང་དག་ཤེས་ཤིང་རྒྱུད་ཤེས་པ། །དཔལ་ལྡན་ཁྲག་འཐུང་གསང་སྔགས་ཤེས། །ཁྲོ་མེད་གཙང་ཞིང་མཁས་པ་དང ། །སྦྱོར་ཤེས་ཡེ་ཤེས་ཕ་རོལ་འགྲོ། །ཐོད་པས་སྤྱི་བོར་བརྒྱན་བྱས་ཤིང ། །ཡན་ལག་ཐལ་བས་བྱུགས་པ་དང ། །གུག་སྐྱེད་དག་གིས་ལུས་བརྒྱན་ཅིང ། །རུས་ཕྲེང་རུས་པར་ཡང་དག་གནས། །དུམ་གཅིག་སྤྱི་བོར་བརྒྱན་པ་དང ། །རུས་པའི་ཕྲེང་བས་རྣམ་པར་བརྒྱན། །ཁ་ཊྭཱཾ་ག་ནི་ལག་ན་གནས། ། བདག་ཉིད་ཤྲཱི་ཧེ་རུ་ཀར་ནི། །བྱས་ནས་དེ་ཡི་འོག་ཏུ་ནི། །དཔལ་ལྡན་ཧེ་རུ་ཀ་དྲན་བྱ། །འཁོར་ལོ་འདི་ཡི་སྙིང་གར་དགོད། །དེ་ལྟར་བདག་ཉིད་གོ་བགོས་ནས། །ར་ 278a ༄#། །བ་རྣམས་ནི་ཕྱོགས་སུ་དགོད། །འོག་ཏུའང་མཚོན་ཆ་དགོད་པར་བྱ། །འཁོར་ལོའི་བདག་ཉིད་བཀོད་ནས་ནི། །སྟེང་དུ་མདའ་ཡི་དྲ་བ་དང ། །བདག་ཉིད་མཚོན་ཆའི་དྲ་བ་བྱ། །དེ་ལྟར་གོ་བགོས་སུམ་ཅུ་ནི། །རྩ་གསུམ་པས་ཀྱང་གཞིག་མི་ནུས། །དེ་ལྟ་བདག་ཉིད་རབ་བསྲུངས་ཤིང ། །སྔགས་དང་ཕྱག་རྒྱས་རྣམ་བརྒྱན་ནས། །དངོས་གྲུབ་ཐམས་ཅད་རབ་སྟེར་བའི། །དཀྱིལ་འཁོར་འཇིགས་བ་བྲི་བར་བྱ། །དེ་ནས་སེམས་མེད་སྲད་བུ་ལ། །རུ་དྷི་ར་ནི་ཆེན་པོས་བརླན། །དཔལ་ལྡན་ཁྲག་འཐུང་གྲོང་མཆོག་གི་།དཀྱིལ་འཁོར་འཇིགས་པ་ཐིག་གདབ་བྱ། །ཁྲུ་བཞི་པ་ལ་ཁྲུ་བརྒྱད་པ། །སྒོ་བཞི་ཀུན་ནས་ཟུར་བཞི་པ། །སྔགས་པས་ཉིས་གྱུར་རྣམ་སྤྱོད་ཅིང ། །མཁའ་འགྲོ་དྲ་བ་བདེ་མཆོག་བཟླས། །དེ་ཡི་དབུས་སུ་གཞག་པ་ནི། །འདབ་ཆགས་ལྟེ་བ་འབར་དང་བཅས། །གེ་སར་ཡང་དག་ལྡན་པ་ཡི། །སྣ་ཚོགས་པདྨ་འདབ་བརྒྱད་པ། །ལྟེ་བར་བཀོད་བྱ་དཔའ་བོ་ནི། །འཇིགས་བྱེད་ཆེན་པོའི་གཟུགས་ཅན་ལ། །མདངས་དང་ལྡན་ཞིང་རབ་ཏུ་འབར། །ཧ་ཧ་ཞེས་བྱར་སྒྲ་ཆེར་བཞད། །ཐོད་པའི་ཕྲེང་བའི་རྒྱན་དང་ལྡན། །བཟང་པོ་སྤྱན་གསུམ་ཞལ་བཞི་མངའ། །གླང་པོའི་པགས་པ་རྣམ་པར་བགོས། །སྨིན་མ་ 278b བཟང་པོ་རྡོ་རྗེ་འབྱེས། །ཕྱག་ན་ཁ་ཊྭཱཾ་ག་བསྣམས་ཤིང ། །བརྒྱ་ཕྱེད་ཕྲེང་བས་རྣམ་པར་བརྒྱན། །དེ་མདུན་གནས་པའི་ལྷ་མོ་ནི། །རྡོ་རྗེ་ཕག་མོ་ཞེས་བྱ་བ། །རབ་འཇིགས་འཇིགས་བྱེད་ཆེ་ལ་ཕྱོགས། །སྤྱན་གསུམ་དྲག་པོའི་གཟུགས་ཅན་བྱ། །ཀ་པཱ་ལ་ནི་ཨནྟྲས་བཀང ། །ཁ་ནས་རུ་དྷི་ར་འཛག་ཅིང ། །ལྷ་དང་ལྷ་མིན་མིར་བཅས་དང ། །ཕྱོགས་ཀུན་ཏུ་ནི་བསྡིགས་མཛུབ་བྱེད། །མཁའ་འགྲོ་མ་ནི་ཉི་ཤུ་བཞི། །ཕག་མོ་ཡི་ནི་རིགས་ལས་བྱུང ། །ཕྱོགས་དང་ཕྱོགས་ཀྱི་མཚམས་རྣམས་ནི། །འཁོར་ལོའི་ལྟེ་བར་མཆོད་པར་བྱ། །དེ་བཞིན་འདིར་ནི་དཔའ་བོ་ཡང ། །འཁོར་ལོར་ཡང་དག་གནས་པ་མཆོད། །སྒྲུབ་པོ་གལ་ཏེ་དངོས་གྲུབ་འདོད། །གཉིས་མེད་དཔའ་བོ་མཆོད་པར་བྱ། །དེ་ནས་བུམ་པ་བྱ་བ་ནི། །རྩབ་ནག་པོ་ལ་སོགས་མེད། །མུ་ཏིག་གསེར་དང་རིན་ཆེན་དང ། །བྱི་རུ་དངུལ་དང་ཟངས་མ་སྟེ། །བཟའ་བ་ཀུན་གྱིས་ལེགས་བཀང་བའི། །སྣོད་ནི་སྟེང་དུ་གཞག་པར་བྱ། །མགྲིན་པ་སྲད་བུས་དཀྲིས་པ་དང ། །ཁ་ནི་འདབ་མས་བརྒྱན་པར་བྱ། །གོས་ཟུང་གིས་ནི་ལེགས་དཀྲིས་པ། །བརྒྱད་ནི་སྒོ་རུ་རྣམ་པར་དགོད། །གོས་ཟུང་གིས་ནི་དཀྲིས་པ་ཡི། །བུམ་པ་དགུ་པ་དབུས་སུ་གཞག་།གསེར་རམ་དངུལ་ལམ་རིན་ཆེན་ནམ། །མུ་ཏིག་རྣམས་ནི་མཛེས་པར་བྱ། །དཀྱིལ་འཁོར་ཀུན་ཏུ་རིན་ཆེན་དང ། །གསེར་རྣམས་ཀྱིས་ནི་མཛེས་པར་སྤྱད།། 279a ༄#། །གྲོང་མཆོག་ཡིད་འོང་མཆོད་ནས་ནི། །གྲུབ་པ་ཉིད་དུ་ཐེ་ཚོམ་མེད། །བདག་ཉིད་ཀྱི་ནི་གདོང་ལུས་ཀུན། །དྲི་ཡི་ཆུ་ཡིས་ལེགས་པར་བསང ། །གལ་ཏེ་དངོས་གྲུབ་མཆོག་འདོད་ན། །མར་མེ་བརྒྱ་ནི་དབུལ་བར་བྱ། །ནམ་མཁའི་མཁའ་འགྲོ་མ་རྣམས་ནི། །ཡིད་ཀྱི་ཐམས་ཅད་སྟེང་དུ་དགོད། །ས་སྟེང་མཁའ་འགྲོ་མ་གང་ཡིན། །དཀྱིལ་འཁོར་ཀུན་ཏུ་དགོད་པར་བྱ། །གང་ཡང་ས་འོག་རྣམས་སུ་དགོད། །མ་མོ་ཐམས་ཅད་ཕྱོགས་དང་ནི། །ཕྱོགས་མཚམས་རྣམས་སུ་དགོད་པར་བྱ། །གལ་ཏེ་དངོས་གྲུབ་མཆོག་འདོད་ན། །དྲི་དང་མེ་ཏོག་བདུག་སྤོས་དང ། །མར་མེ་བརྒྱ་ཡང་དབུལ་བྱ་ཞིང ། །དཔལ་ལྡན་ཁྲག་འཐུང་དཀྱིལ་འཁོར་གནས། །དཔའ་བོ་རྣལ་འབྱོར་མ་མཆོད་བྱ། །རྒྱལ་མཚན་དམར་དང་དེ་བཞིན་སེར། །དཀར་དང་ནག་དང་སེར་སྐྱ་དང ། །དེ་བཞིན་གོས་ནི་སྣ་ཚོགས་དང ། །མེ་ཏོག་ཕྲེང་བ་དུ་མ་དང ། །བླ་རེ་དག་དང་དང་བཅས་པའི། །མདའ་ནི་ཤིན་ཏུ་མཛེས་པ་དང ། །དེ་བཞིན་བཟའ་བཅའ་བཏུང་བ་ཡིས། །རབ་མཉམ་བཞག་སྟེ་མཆོད་པར་བྱ། །དེ་ནས་སྒྲུབ་བོས་དངོས་གྲུབ་གྱིས། །དང་པོར་སློབ་དཔོན་མཉེས་པར་བྱ། །གྲུབ་འདོད་ཤིན་ཏུ་མཉམ་བཞག་པས། །ཅི་ནུས་པར་ནི་བླ་མ་མཆོད། །དྲིལ་དབྱངས་མེ་ཏོག་སྤོས་ཀྱིས་བརྒྱན། །ཤིན་ཏུ་སྒྲ་སྙན་དྲིལ་བུ་དཀྲོལ། །སྒྲུབ་པ་པོ་ཡིས་རྔ་ 279b བརྡུངས་ཤིང ། །ཧ་ཧ་ཞེས་ནི་བརྗོད་པའང་བྱ། །དེ་ལྟར་ཆོ་ག་བཞིན་དཀྱིལ་འཁོར། །འདོད་པ་ཀུན་ལྡན་མཆོད་ནས་ནི། །དེ་ཡི་བུ་སྡུག་གདོང་ལ་ནི། །དར་གྱིས་ལེགས་པར་བཀའ་ནས་སུ། །མེ་ཏོག་གིས་བཀང་ཐལ་མོ་དག་།པདྨས་གཏོར་ནས་བསྐོར་བ་ནི། །གཡོན་ཕྱོགས་བསྐོར་ནས་ཕྱག་བྱས་ཏེ། །ཧཱུཾ་དང་ཕཊ་ཀྱི་སྒྲ་ཡང་བརྗོད། །གཡས་བརྐྱང་བ་ཡི་གནས་པ་ཡིས། །དངོས་གྲུབ་སྲས་པོ་གཞག་པར་བྱ། །ཐལ་མོ་མེ་ཏོག་གཏོར་ནས་ནི། །གང་དུ་བབས་པའི་བསམ་པ་ནི། །བསྐོར་བ་དག་ཀྱང་བྱས་ནས་སུ། །ཤིན་ཏུ་མཉམ་པར་བཞག་པ་ཡིས། །སྒྲུབ་པ་པོ་ཡིས་བྱས་ནས་གཞུག་།དེ་ནས་ཡོན་ཐོགས་གྲོང་ཁྱེར་དུ། །གཡས་པའི་ཕྱོགས་སུ་བརྟེན་ནས་ནི། །སྙིམ་པའི་མེ་ཏོག་དཀྱིལ་འཁོར་དོར། །དཀྱིལ་འཁོར་གང་དུ་མེ་ཏོག་བབས། །དེ་ཡི་རིགས་ནི་བསྟན་པར་བྱ། །དེ་ནས་སློབ་དཔོན་ལེགས་པར་ནི། །རབ་མཉམ་བཞག་སྟེ་ཕྱག་རྒྱ་མཆོད། །དེ་ནས་སློབ་མ་གཉིས་པ་ལ། །མཚལ་ཆེན་ལན་གསུམ་བཟླས་པ་ཡིས། །དེ་ལ་ཐིག་ལེ་བྱ་བ་ཡིན། །དེ་ནས་སློབ་མའི་གདོང་ཕྱེ་ལ། །དཀྱིལ་འཁོར་དག་ནི་བསྟན་པར་བྱ། །གང་གི་ལྷ་ཡི་གནས་གང་ཡིན། །དེར་དེ་ཡང་དག་བསྟན་པ་བྱ། །སློབ་དཔོན་དང་ནི་ལྷན་ཅིག་ཏུ། །རབ་ཏུ་བཏུད་པ་བྱས་ནས་ནི། །གཡོན་ནས་བརྩམས་པའི་རིམ་པ་ཡིས། །དེ་ནས་བསྐོར་བ་རབ་ཏུ་བྱ། །དཀྱིལ་འཁོར་དང་ནི་བླ་མ་ལ།། 280a ༄#། །ཇི་བཞིན་ཆོ་གས་ཕྱག་བྱ་འོ། །དེ་ནས་བླ་མ་དག་ལ་ཡོན། །དེ་བཞིན་གཤེགས་པས་གསུངས་པ་དབུལ། །གསེར་ནི་བརྒྱ་སྟོང་དབུལ་བ་དང ། །རིན་ཆེན་རྣམ་པ་སྣ་ཚོགས་དང ། །རས་ནི་ཟུང་གྱུར་བརྒྱ་ཉིད་དང ། །གླང་པོ་རྟ་འམ་ཡུལ་འཁོར་རམ། །རྣ་རྒྱན་དང་ནི་གདུ་བུ་དང ། །མགུལ་གདུབ་སོར་གདུབ་དམ་པ་དང ། །གསེར་ལས་བྱས་པའི་མཆོད་ཕྱིར་ཐོགས། །ཆུང་མ་བཟད་དང་བུ་མོ་ཉིད། །བྲན་ཕོ་བྲན་མོ་སྲིང་མོ་རྣམས། །ཕྱག་བྱས་ནས་ནི་དབུལ་བར་བྱ། །དེད་ནས་བརྩམས་ཏེ་བྲན་དུ་ནི། །ཁྱེད་ལ་བདག་ནི་དབུལ་ལགས་ཞེས། །བློ་ལྡན་ཀུན་ནས་དང་བ་ཡིས། །བདག་ཉིད་ཀྱང་ནི་དབུལ་བར་བྱ། །དེ་ལྟར་ངེས་པར་བྱ་བ་ནི། །སྒྲུབ་པ་པོ་ཡིས་རབ་ངེས་བྱས། །དེ་ནས་དེ་ལ་མཁའ་འགྲོ་མ།། རྣལ་འབྱོར་མ་རྣམས་མཉེས་པར་འགྱུར། །མཁའ་འགྲོ་མ་དང་ལཱ་མ་དང ། །དུམ་སྐྱེས་མ་དང་གཟུགས་ཅན་མ། །སྒྲུབ་པོ་མཁའ་འགྲོ་མ་ལྷན་ཅིག་།དེ་དང་རྣམ་སྤྱོད་འགྲོ་བ་ཀུན། །སྒྲུབ་པ་པོ་ནི་དེ་དག་གི་།ཅི་བགྱི་བྱེད་པར་ཐེ་ཚོམ་མེད། །རྣལ་འབྱོར་འདི་ནི་གྲུབ་གྱུར་ན། །འཇིག་རྟེན་གསུམ་དུ་མི་ལྡོག་ཅིང ། །མི་སྣང་ཕུག་དང་གནས་མཁའ་རྒྱུ། །རྐང་མགྱོགས་དེ་བཞིན་བཅུད་ཀྱིས་ལེན། །སྒྲུབ་པ་པོ་ནི་འདོད་ཙམ་གྱིས། །རྟག་པར་རྒྱུན་དུ་སྐྱེས་པར་འགྱུར། །གཟུགས་ནི་དུ་མ་བྱེད་པ་དང ། །ནམ་མཁའ་ལ་ནི་འགྲོ་ 280b བར་འགྱུར། །མཁའ་འགྲོ་རྣམས་ཀྱི་ཁྱད་པར་དུ། །ངེས་གནོན་འགྲོ་བ་ཐམས་ཅད་ཀྱང ། །ལན་ཅིག་བལྟས་པའི་སྦྱོར་བ་ཡིས། །སྐད་ཅིག་གིས་ནི་སྦྱོར་ཉིད་སྐྱེད། །སྔགས་པས་དཀྱིལ་འཁོར་མ་མཐོང་བར། །གང་ཞིག་རྣལ་འབྱོར་པ་ཉིད་འདོད། །མཁའ་ལ་ཁུ་ཚུར་གྱིས་རྡེག་དང ། །སྨིག་རྒྱུའི་ཆུ་ནི་འཐུངས་དང་མཚུངས། །རྣལ་འབྱོར་འདི་ནི་མཆོག་རབ་དང ། ། སྦྱོར་བ་ཀུན་གྱི་དམ་པའི་ཡིན། །གང་ཞིག་རྟག་ཏུ་འདོད་གྱུར་པ། །དེ་ནི་ལྷ་མི་ཟིལ་གནོན་འགྲོ། །དེ་ཉིད་བསྡུས་པར་གྱུར་པའམ། །གསང་བའམ་རྡོ་རྗེ་འཇིགས་བྱེད་ལས། །དཀྱིལ་འཁོར་རྣམས་ཀྱི་རྒྱལ་པོ་འདི། །མ་བྱུང་འབྱུང་བར་མི་འགྱུར་རོ། །བཤད་དང་མ་བཤད་གང་ཅིའང་རུང ། །དེ་ཀུན་དཔལ་ལྡན་ཁྲག་འཐུང་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས། དཀྱིལ་འཁོར་གྱི་ཆོ་གའི་ལེའུ་སྟེ་བཞི་བཅུ་རྩ་དགུ་པའོ།། །།དེ་ནས་གཞན་ཡང་བཤད་བྱ་བ། །སྦྱོར་བའི་མཚམས་དང་ཡང་དག་ལྡན། །ཆུ་མེད་པ་ནི་མཚམས་ཡིན་ཏེ། །གོས་པ་མེད་ཅིང་ཆགས་སྤངས་པ། །མཚམས་ནི་འབྱུང་པོ་ཐམས་ཅད་པ། །དེ་ནི་སེམས་ཅན་ཐམས་ཅད་དེ། །མཚམས་ནི་སྲིད་པ་དག་པ་སྟེ། །དབྱངས་སྐྱོང་ཧེ་རུ་ཀ་ཉིད་ཡིན། །རྣལ་འབྱོར་པ་ཡིས་བསྒོམ་ཤིང་བཟླ། །གཅིག་ཅར་འབྱུང་བར་སྣང་བ་སྟེ། །དུང་དང་ཀུན་དའི་མདོག་ཀྱང་འཛིན། །རྒྱན་རྣམས་ཐམས་ཅད་ཡོངས་སུ་རྫོགས། ། 281a ༄#། །མཚན་རྣམས་ཀུན་གྱིས་མཚན་པ་སྟེ། །ཞལ་གསུམ་པ་ལ་ཕྱག་དྲུག་པ། །སྤྱན་གསུམ་པ་ལ་ཐུགས་རྗེའི་ཉམས། །སྐྲ་གྲོལ་དཔྲལ་བར་ཐོད་པ་སྟེ། །སྤྱི་གཙུག་ཏུ་ནི་ཟླ་བ་འོ། །ཧེ་རུ་ཀ་དཔལ་ཡང་དག་ལྡན། །མཚམས་རྣམས་གྲུབ་པའི་མཆོག་དམ་པ། །ཐུན་བཞི་རུ་ནི་བྱ་བ་འོ། །དགའ་བ་བཞི་པོ་དགའ་བ་དང ། །ལྟེ་བའི་སྙིང་པད་ནུ་མའི་དབུས། །ལྕེ་ཡི་རྩ་དང་མགོ་སྟེང་དུ། །དགའ་བ་དང་ནི་མཆོག་དགའ་ཉིད། །དམ་པར་དགའ་དང་ལྷན་ཅིག་སྐྱེས། །དང་པོ་འདབ་མ་དྲུག་ཅུ་བཞི། །གཉིས་པ་བརྒྱད་པ་མཆོག་ཡིན་ཏེ། །གསུམ་པ་འདབ་མ་བཅུ་དྲུག་པ། །བཞི་པ་སུམ་ཅུ་རྩ་གཉིས་འདབ། །ཕག་མོའི་ལྟེ་བའི་རྩར་གནས་པ། །ལྷན་ཅིག་སྐྱེས་དགའ་ཁྲག་འཐུང་མཆོག་།སྦྱོར་བའི་དུས་ཀྱི་མཚམས་སུ་ནི། །འཕགས་པའི་བདེན་པ་བཞི་བསྒོམ་བྱ། །སྡུག་བསྔལ་སྤྲུལ་པའི་འཁོར་ལོ་སྟེ། །ཀུན་འབྱུང་ཆོས་ཀྱི་འཁོར་ལོ་ཡིན། །འགོག་པ་ལོངས་སྤྱོད་འཁོར་ལོ་སྟེ། །ལམ་ནི་བདེ་བ་ཆེན་པོ་ཡིན། །དེ་ལྟར་མཚམས་སུ་བྱིན་བརླབས་ནས། །རྣལ་འབྱོར་ངེས་པ་བྱས་པ་སྟེ། དཀར་དང་སྔོ་དང་ལྗང་བ་དང ། །སྤྱན་གསུམ་ཐུགས་རྗེ་སྟོང་པའི་ཉམས། །རྣམ་ཐར་གསུམ་དང་སྐུ་གསུམ་གྱིས། །ཡོངས་སུ་དག་པར་རིམ་པར་སྦྱོར། །རྡོ་རྗེ་དྲིལ་བུ་མཉམ་པར་ལྡན། །ཐོད་པ་དང་ནི་ཁ་ཊྭཱཾ་འཛིན། །མགོ་བོ་གྲི་གུག་ཕྱག་ན་བསྣམས། །སེམས་དཔའི་དཀྱིལ་ 281b མོ་ཀྲུང་\?\་དུ་བཞུགས། །ཟླ་བ་ཡི་དྭགས་པད་དབུས་སུ། །སྐྲ་གྲོལ་ཕྱོགས་ཀྱི་གོས་ཅན་ཡིན། །དགྱེས་པའི་ཉམས་ཀྱིས་མྱོས་པ་སྟེ། །དུས་རྟག་ཏུ་ནི་མཚམས་བསྒོམས་ན། །སྡོམ་པ་མཆོག་ནི་གྲུབ་པ་ཡིན། །དྲི་ཆེན་རྡོ་རྗེ་ཆུ་དང་ནི། །རིན་ཆེན་སྣང་བ་མཐའ་ཡས་དང ། །དོན་ཡོད་གྲུབ་པའང་དེ་བཞིན་ཏེ། །དེ་དག་རྟག་ཏུ་བསྲེས་ནས་སུ། །རྣལ་འབྱོར་རྟག་ཏུ་མཚམས་ལ་འདུད་གསང་སྔགས་འདི་དག་རྟག་ཏུ་ཡང ། །ཧེ་རུ་ཀ་ནི་དབྱངས་སྐྱོང་མཆོག་།ོཾ་ཤྲཱི་ཧེ་རུ་ཀཱ་ཡ་བི་མ་ཧེ་བིདྱཱ་རཱ་ཛ་ཡ་དྷཱིཿ མ་ཧེ་ཏཾ་ནོ་བཱི་ར་པྲ་ཛོ་ད་ཡ་ཨཱཿ ་ཧཱུཾ། རྟག་ཏུ་མཚམས་ནི་རྣམ་བསྒོམས་ན། །དབྱངས་སྐྱོང་མཆོག་གི་བཟླས་པ་བྱ། །དབྱངས་སྐྱོང་མིང་ནི་རིག་བྱེད་དེ། །ལས་རྣམས་ཐམས་ཅད་བྱེད་པ་དགེ། །དུས་མིན་འཆི་བར་མི་འགྱུར་ཞིང ། །ཞི་དང་རྒྱས་དང་དབང་ཡང་གྲུབ། །འདས་དང་མ་འོངས་ད་ལྟར་གྱི། །དོན་ནི་སྔགས་པ་རྟག་ཏུ་སྨྲ། །དངོས་གྲུབ་འདི་ནི་རབ་ཏུ་འགྲུབ། །དེ་མ་ཐག་ཏུ་གྲུབ་ཆེན་བཅས། །འཇིག་རྟེན་གསུམ་པོ་གྲུབ་པ་ཡིན། ། སྒྲུབ་པོའི་དབང་པོས་རྣམ་བསྒོམས་ཏེ། །ཁྲག་འཐུང་ཆོ་ག་བཞིན་ཤེས་ནས། །ཞག་གསུམ་བརྟུལ་ཞུགས་ལ་གནས་ན། །ལྷ་ཡི་གནས་སུ་འགྲོ་བ་ཡིན། །ལྷ་ཡི་ཡེ་ཤེས་ཐོབ་ནས་ནི། །ལྷ་ཡི་ལུས་ཀྱི་མཆོག་ཀྱང་འཛིན། །ངག་རྣམས་ཀུན་ལ་དབང་ཐོབ་ཅིང ། །ཐམས་ཅད་མཁྱེན་པར་གྱུར་ནས་སུ། །རྒ་དང་འཆི་བ་རྣམ་པར་སྤངས། 282a ༄#། །སངས་རྒྱས་ལྷ་ཡིས་བསྟེན་པ་སྟེ། །སྲིད་པར་སངས་རྒྱས་རོལ་པར་མཛད། །ཉིན་ཞག་གསུམ་གྱི་བར་དུ་ཡང ། །ཕྱག་རྒྱ་ལྷན་ཅིག་འབྱུང་པ་སྤྱད། །མཐོང་ནས་སྲིད་མོ་ཡང་དག་སྒྲུབ། །ཞག་གསུམ་བར་དུ་མཆོད་བྱས་ནས། །རྡོ་རྗེ་ཧེ་རུ་ཀ་དཔལ་ལྷ། །ཐམས་ཅད་ཀྱང་ནི་བྱོན་པར་འགྱུར། །པུས་མོ་ས་ལ་བཙུགས་ནས་ནི། །དེ་ཡིས་ཕྱག་ནི་བྱས་ནས་ཀྱང ། །སྒྲུབ་པོས་རྟག་ཏུ་མཆོད་པར་བྱ། །སྒྲུབ་པོ་འདོད་ལ་དགའ་བས་ནི། མོད་ལ་དཔའ་བོས་ཐམས་ཅད་མཁྱེན། །གཙོ་བོ་ཐམས་ཅད་འཛིན་པ་སྟེ། །ཁམས་གསུམ་ཀུན་ཏུ་རྣམ་སྤྱོད་ཅིང ། །སྒྲུབ་པ་པོ་ནི་མཆོག་ཏུ་འགྱུར། །འདི་ནི་དཔའ་ཆེན་དཔའ་བོ་སྟེ། །གཉིས་པ་ཐམས་ཅད་རྣམ་པར་སྤངས། །དེ་ནི་རྣམ་པར་ཤེས་ཙམ་གྱིས། །ས་གཞི་སྐ་རགས་ཀྱིས་བསྐོར་བ། །ལྷ་དང་ལྷ་མིན་མི་རྣམས་ཀྱང ། །སྒྲུབ་པ་པོ་ནི་དེ་ཉིད་ཀྱི། །མོད་ལ་དབང་དུ་གྱུར་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། །དབྱངས་སྐྱོང་གི་མཚམས་ཀྱི་ལེའུ་སྟེ་ལྔ་བཅུ་པའོ།། །།དེ་ནས་གཞན་ཡང་བཤད་བྱ་བ། །ཡི་གེ་བདུན་པ་སྒོམ་པ་སྟེ། །ཡི་གེ་ཧཱུཾ་ལས་ཡང་དག་འབྱུང ། །རྡོ་རྗེ་མཁའ་འགྲོ་བདེ་བ་ཆེ། །ཕྱག་དྲུག་ཞལ་གསུམ་སྤྱན་གསུམ་པ། །མཚན་རྣམས་ཐམས་ཅད་ཀྱིས་མཚན་ 282b ཅིང ། །དཔེ་བྱད་བཟང་པོ་བརྒྱད་ཅུར་ལྡན། །ཱ་ལི་ཀཱ་ལི་ལས་བྱུང་གཙོ། །ཕག་མོ་དང་ནི་མཉམ་པར་ལྡན། །སྟོང་ཞིང་ཐུགས་རྗེས་ཁྱབ་པ་སྟེ། །རྡོ་རྗེ་དྲིལ་བུས་མཉམ་པར་ལྡན། །ན་རའི་པགས་པ་གོས་སུ་མནབས། །ཐོད་པ་ཁ་ཊྭཱཾ་ག་འཛིན་ཅིང ། །གཡས་པའི་ཕྱག་ན་མདུད་རྩེ་གསུམ། །འདོད་པའི་འབྲས་བུ་ཐམས་ཅད་སྩོལ། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་རྡོ་རྗེ་རལ་པ་འཆང ། །ཟླ་བ་ཕྱེད་པའི་སྤྱི་གཙུག་གཙང ། །ཕྱག་རྒྱ་དྲུག་གིས་སྐུ་ལུས་བརྒྱན། །འཇིགས་བྱེད་ཆུང་མར་བཅས་པ་དག་།གཡས་བརྐྱང་བ་ཡི་ཞབས་ཀྱིས་མནན། །སྣ་ཚོགས་པདྨ་ཉིད་ལ་བཞུགས། །འཁོར་ལོ་དྲུག་གི་དབུས་སུ་བཞུགས། །རྣལ་འབྱོར་མ་དྲུག་མཉམ་པར་སྦྱར། །མྱུར་དུ་དངོས་གྲུབ་སྩོལ་བ་ཡིན། །དང་པོ་ཁྲག་འཐུང་ལྷ་མོ་སྟེ། །གཉིས་པ་རྡོ་རྗེ་འཇིགས་བྱེད་མ། །གསུམ་པ་དྲག་ག་ཏུམ་མ་ཡིན་ཏེ། །བཞི་པ་རྡོ་རྗེ་ཉི་མ་མོ། །ལྔ་པ་རྡོ་རྗེ་དྲག་མོ་སྟེ། །དྲུག་པ་རྡོ་རྗེ་མཁའ་འགྲོ་མ། །གཡོན་གྱི་ཕྱོགས་ནས་དགོད་པར་བྱ། །ལྷ་མོ་དེ་དག་ཆེར་གཏུམ་ཞིང ། །སྤྱན་གསུམ་དབུ་སྐྲ་གྲོལ་བ་སྟེ། །ཕྱོགས་ཀྱི་གོས་མཆོག་འཛིན་པ་ཡིན། །ཐམས་ཅད་ཡི་དྭགས་ཉི་སྟེང་བཞུགས། །སྔོ་ཞིང་སེར་ལ་ལྗང་བ་དང ། །དམར་དང་དུད་ཀ་དེ་བཞིན་དཀར། །ཅང་ཏེའུ་དང་ནི་དྲིལ་བུ་འཛིན། །ཐམས་ཅད་ན་རའི་པགས་པ་འཛིན། །ཐོད་པའི་ཕྲེང་བའི་ 283a ༄#། །བའི་དབུ་རྒྱན་ཅན། །གཡས་བརྐྱང་གཡོན་བརྐྱང་ཚུལ་གྱིས་བཞུགས། །ཡི་གེ་དྲུག་ལས་ཡང་དག་བྱུང ། །ལྷ་མོ་གཟིགས་པ་མཚན་མ་ཡིན། །ཇི་ལྟར་མགོན་པོ་མདོག་བཞིན་དུ། །ཕག་མོ་ཡང་ནི་དེ་བཞིན་ཏེ། །ཕྱག་རྒྱ་ཕྱག་མཚན་དེ་བཞིན་ནོ། །སྔོ་དང་སེར་དང་ལྗང་བ་དང ། །སྟག་གི་པགས་པ་གོས་སུ་མནབས། །ལྷ་མོའི་བྱིན་པར་མཉམ་པར་འཁྲིལ། །མཆོག་ཏུ་དགའ་བར་རྣམ་པར་མོས། །ོཾ་ཧྲཱིཿ ་ཧ་ཧ་ཧཱུཾ་ཧཱུཾ་ཕཊ། ཡི་གེ་དེ་ལས་མཁའ་འགྲོ་མ། །ཡན་ལག་དྲུག་པ་རྣམ་པར་བསྒོམ། །བདུན་པ་དབུས་སུ་དགོད་པ་ནི། །ཡི་གེ་ཧཱུཾ་ལས་ཧེ་རུ་ཀ་།དབུས་སུ་དྲན་པ་ཡང་དག་བྱང་ཆུབ་ཀྱི་ཡན་ལག་སྟེ། བཅོམ་ལྡན་འདས་དཔལ་ཧེ་རུ་ཀའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི། རྡོ་རྗེ་ཧེ་རུ་ཀ་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི། །རྡོ་རྗེ་འཇིགས་བྱེད་མའོ། །དགའ་བ་ཡང་དག་བྱང་ཆུབ་ཀྱི་ཡན་ལག་ནི། དྲག་གཏུམ་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི། །རྡོ་རྗེ་ཉི་མའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི། རྡོ་རྗེ་དྲག་མོའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི། རྡོ་རྗེ་མཁའ་འགྲོ་མ་སྟེ། བྱང་ཆུབ་ཡན་ལག་འདི་བདུན་བསྒོམ། །ཇི་ལྟའི་རིམ་པས་སྦྱོར་ཞིང་བསྒོམ། །གསང་སྔགས་གཞལ་མེད་པ་ 283b བཟླས་ཤིང ། །ཁྲོ་བོ་ཀུན་གྱི་གནས་མཆོག་སྟེ། །བསོད་ནམས་ཆུང་བའི་སྒྲུབ་པོས་ཀྱང ། །ཟླ་ཕྱེད་ནང་དུ་དངོས་གྲུབ་སྟེ། །རྟག་ཏུ་ཞག་རེ་བསྒོམས་པ་ནི། ཞག་བདུན་གྱིས་ནི་ཐེ་ཚོམ་མེད། །དཔྱིད་ཟླ་ཐ་ཆུང་ཉ་ལ་ནི། །མ་སྲིང་བུ་མོ་ཚ་མོ་དང ། །ཤེས་རབ་ཐབས་ཀྱི་ཆོ་ག་ཡིས། །ཉིན་མཚན་བཟླས་ཤིང་བསྒོམས་བྱས་བས། །ཐོ་རངས་དཔལ་ཁྲག་འཐུང་མཉམ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས། ཉེ་བའི་སྙིང་པོ་བསྒོམས་པས་བསྐྱེད་པའི་ལེའུ་སྟེ་ལྔ་བཅུ་རྩ་གཅིག་པའོ།། །།གཞན་ཡང་སྙིང་པོ་བཤད་བྱ་བ། །སེམས་ཅན་ཀུན་ལ་ཕན་འདོགས་པ། །ཧཱུཾ་གི་ཡི་གེ་ལས་བྱུང་བ། །བདེ་བ་ཆེན་པོ་བདེ་ལས་བྱུང ། །སྔོ་ཞིང་དཀར་ལ་དྲག་པོ་སྟེ། །ཞལ་བརྒྱད་པ་ལ་ཤིན་ཏུ་འཇིགས།། སྤྱན་གསུམ་པ་ལ་ཕྱག་བཅུ་དྲུག་།མགོ་ཡི་ཕྲེང་བས་རྣམ་པར་བརྒྱན། །ཐོད་པའི་ཕྲེང་པའི་དབུ་རྒྱན་ཅན། །ཟླ་བ་ཕྱེད་པའི་རལ་པ་འཆང ། །སྣ་ཚོགས་རྡོ་རྗེ་དབུ་ལ་མནན། །ཕྱག་རྒྱ་དྲུག་གིས་སྐུ་ལ་བརྒྱན། །འཇིགས་བྱེད་ཆེན་པོ་འཇིགས་པ་ནི། །གཡས་བརྐྱང་བ་ཡི་ཞབས་ཀྱིས་གནོན། །དུས་མཚན་ཤིན་ཏུ་འཇིགས་པ་ཡང ། །གཡོན་བསྐུམ་པ་ཡི་ཞབས་ཀྱིས་གནོན། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་ཀུ་ཚ་འཚིར། །ཚངས་ལྤགས་བཤུས་ནས་རྒྱན་དུ་འཛིན། །མདུང་རྩེ་གསུམ་དང་དགྲ་སྟ་དང ། །ཁ་ 284a ༄#། །ཊྭཱཾ་ཅང་ཏེའུ་གྲི་གུག་མཆོག་།བརྒྱད་པ་ལ་ནི་ལྕགས་ཀྱུ་ཐོགས། །གཡས་པའི་ཕྱག་རྣམས་དེ་བཞིན་ནོ། །ཐོད་པ་དང་ནི་ཁ་ཊྭཱཾ་ག་།མགོ་བོ་ཞགས་པ་འཛིན་པའི་མཆོག་།ཐོ་བ་བསྡིགས་མཛུབ་དམ་པ་སྟེ། །ཤྲཱིའི་ཡེ་ཤེས་ཡང་དག་རྫོགས། །པང་དུ་ཕག་མོའི་གཟུགས་ཡིན་ཏེ། །དྲག་ཅིང་དམར་ལ་དཀར་བ་ཡིན། །བྱིན་པ་གཉིས་ཀྱིས་ལེགས་པར་འཁྲིལ། །སྐྲ་གྲོལ་བ་ལ་སྤྱན་གསུམ་པ། །ཐོད་པའི་ཕྲེང་བས་རྣམ་པར་བརྒྱན། །དེ་ཡི་ཞལ་དང་ཕྱག་ཏུ་གནས། །དུམ་བུའི་རྒྱན་གྱི་སྐ་རགས་ཅན། །མཆེ་བ་རྣམ་པར་གཙིགས་པའི་ཞལ། །ཕྱོགས་ཀྱི་གོས་ཅན་ཆགས་པས་གཟིགས། །རྐེད་པའི་དཀྱིལ་འཁོར་རྒྱ་ཡང་ཆེ། །སྔོ་ཞིང་དཀར་ལ་དེ་བཞིན་དམར། །སེར་ཞིང་ལྗང་ལ་དུད་ཀ་སྟེ། །དུ་བ་ཐལ་བ་སྤྲིན་གྱི་མདོག་།འདི་འདྲའི་ཞལ་དང་གཟུགས་སུ་གནས། །ལྷ་མོ་མདའ་དང་གཞུ་འཛིན་ཅིང ། །ཚངས་པའི་པགས་པ་རྣམ་པར་སྤངས། །སྣ་ཚོགས་པདྨའི་སྟེང་དུ་ནི། །ཟླ་བ་ཉི་མའི་དབུས་སུ་བཞུགས། །འཁོར་ལོ་བརྒྱད་པའི་དབུས་བཞུགས་པར། །ཕྱི་ཡི་དཀྱིལ་འཁོར་རྣམ་པར་བསྒོམ། །པདྨའི་ལྟེ་བའི་དབུས་སུ་ནི། །བཅོམ་ལྡན་འདས་ནི་ངེས་པར་དགོད། །ོཾ་ནི་ཤར་གྱི་འདབ་མ་ལ། །གསལ་བྱེད་མཁའ་འགྲོ་མ་ཡང་དགོད། །བ་ནི་བྱང་གི་འདབ་ལ་སྟེ། །རྟ་གདོང་མཁའ་འགྲོ་མ་ཡང་དགོད། །ཛྲ་ནི་རྡོ་རྗེ་དྲག་མོ་སྟེ། །མཁའ་འགྲོ་ནུབ་ཏུ་དགོད་པར་ 284b བྱ། །ཧེ་རུ་ལྷོ་ཕྱོགས་འདབ་ལ་དགོད། །གསེར་གྱི་མདོག་ཅན་མཁའ་འགྲོ་མ། །སེར་དང་སྔོ་བསངས་དཀར་དང་དམར། །ཞལ་གསུམ་རྣམ་བསྒྱུར་དྲག་པོ་སྟེ། །ཕྱོགས་ཀྱི་གོས་ཅན་སྐྲ་གྲོལ་བ།། རོ་ཡི་སྟེང་དུ་བཞུགས་པ་སྟེ། །གཡས་བརྐྱང་བ་ཡིས་བདུད་བཞི་འཇོམས། །ཐོད་པའི་ཕྲེང་བ་དྲག་པོ་སྟེ། །པདྨ་སྤོམ་པོའི་འདབ་མ་ལ། །ཆགས་པ་ཅན་གྱིས་གཟིགས་ཤིང་བཞེད།། ཐུགས་རྗེའི་ཉམས་ཀྱིས་བདེ་བ་ཡིན། །མདའ་དང་གཞུ་ཡང་འཆང་བ་སྟེ། །ཞགས་པ་ལྕགས་ཀྱུ་འཛིན་པའི་མཆོག་།ཐོད་པ་དང་ནི་ཁ་ཊྭཱཾ་བསྣམས། །ཅང་ཏེའུ་ནི་སྒྲ་ཡང་སྒྲོག་།སེར་དང་ལྗང་གུ་སྔོ་བ་དང ། །སྔོ་བསངས་དམར་དང་དཀར་བ་དང ། །དཀར་དང་ལྗང་གུ་སྔོ་བ་དང ། །དམར་དང་སྔོ་དང་ལྗང་བ་སྟེ། །འདི་ལྟར་མདོག་ནི་ཁྱད་པར་གྱིས། །དམ་ཚིག་མཆོག་ནི་བསྒོམ་པར་བྱ། །མཚམས་བཞི་རུ་ནི་བུམ་པ་དག་།བྱང་ཆུབ་སེམས་ཀྱིས་གང་བར་གཞག་།ཤར་གྱི་ཕྱོགས་སུ་ཧེ་ཡིན་ཏེ། །མིང་ནི་ཧེ་ལ་ཀ་ཞེས་བྱ། །བྱང་གི་ཕྱོགས་སུ་རུ་ཡིན་ཏེ། །མཁའ་འགྲོ་མ་ནི་རུ་ཙ་ཀི་།ནུབ་ཀྱི་ཕྱོགས་སུ་རུ་ཡིན་ཏེ། །རུ་ཙ་ཀ་མ་ལི་ཞེས་བྱ། །ལྷོ་ཡི་ཕྱོགས་སུ་ཀཾ་ཡིན་ཏེ། །ཀེང་རུས་མ་ཞེས་གྲགས་པ་ཡིན། །མེ་ཡི་ཕྱོགས་སུ་ཧཱུཾ་མཛད་མ། །བདེན་བྲལ་ཕྱོགས་སུ་ཕཊ་མཛད་མ། །རླུང་གི་ཕྱོགས་སུ་ཌ་མ་རི། །དབང་ལྡན་ཀི་ལི་ཀི་ལ་སྟེ། །དེ་བརྒྱད་ལྷ་མོ་ཆེན་མོ་སྟེ། །དངོས་གྲུབ་ཐམས་ཅད་རབ་ཏུ་སྩོལ། །ཇི་ལྟར་ཞལ་དང་གཟུགས་བཞིན་དུ། ། 285a ༄#། །དེ་བཞིན་འདིར་ཡང་འགྱུར་བ་ཡིན། །ཐོད་པ་དང་ནི་ཁ་ཊྭཱཾ་འཛིན། །དྲིལ་བུ་ཅང་ཏེའུ་གྲི་གུག་དང ། །སྤྱན་གསུམ་པ་ལ་སྐྲ་གྲོལ་བ། །ཕྱོགས་ཀྱི་གོས་ཅན་གཡས་བརྐྱང་བཞུགས། །ཐོད་པའི་ཕྲེང་བའི་རྒྱན་ཅན་ཏེ། །ཕྱག་རྒྱ་ལྔ་ཡིས་རྣམ་པར་བརྒྱན། །རྒྱན་རྣམས་ཐམས་ཅད་ཡང་དག་ལྡན། །དྲག་ཅིང་གཏུམ་ལ་རབ་འཇིགས་པའི།། ཐམས་ཅད་རོ་ཡི་སྟེང་བཞུགས་བསྒོམ། །སྤྱན་གསུམ་པ་ལ་ཆགས་པས་མྱོས། །དབང་ལྡན་ཟུར་ལ་ཨུཏྤལ་སྔོན་པོ་ཞེས་བྱ་བ། །རླུང་གི་ཕྱོགས་ལ་དྲ་བའི་མཆོག་ཅེས་བྱ་བ་སྟེ། །བདེན་བྲལ་ཕྱོགས་ལ་གསུས་པ་འཕྱང་མ་ཞེས་བྱ་བ། །མེ་ཡི་ཕྱོགས་ལ་ཤ་བ་རི་ཞེས་བྱ་བ་སྟེ། །སེར་དང་སྔོ་བསངས་སྔོ་བ་དང ། །དམར་སེར་དང་ནི་བཞི་པ་སྟེ།། ཐོད་པ་དང་ནི་ཁ་ཊྭཱཾ་འཛིན། །གྲི་གུག་ཅང་ཏེའུ་མཆོག་ཡིན་ཏེ། །བཞི་པ་རྡོ་རྗེ་མདུང་ཡིན་ནོ། །ཕྱོགས་ཀྱི་གོས་ཅན་ཆགས་པས་རོལ། །བཟང་མོ་ལྟོ་བ་འཕྱང་མ་སྟེ། །སྐྱེ་གནས་རིང་ལ་རྒྱ་ཡང་ཆེ། །སྤྱན་གསུམ་རྣམ་པར་འགྱུར་ཞིང་དྲག་།སྐྲ་གྲོལ་བ་ལ་རབ་ཏུ་འཇིགས། །ཐོད་པའི་ཕྲེང་བའི་དབུ་རྒྱན་ཅན། །རྒྱན་རྣམས་ཐམས་ཅད་སྤུད་པའོ། ། ཤར་སྒོར་བཾ་ལས་གཏུམ་མོ་ཞེས་བྱ་བའི་མཁའ་འགྲོ་མ་དང ། ལྷོའི་སྒོར་རཾ་ལས་རོལ་གཏུམ་མོ་ཞེས་བྱ་བའི་མཁའ་འགྲོ་མ་དང ། ནུབ་ཀྱི་སྒོར་ས་ལས་འབར་བའི་མཆོག་ 285b ཅེས་བྱ་བའི་མཁའ་འགྲོ་མ་དགོད་དོ། །བྱང་གི་སྒོར་ཧ་ལས་ཕྲེང་བ་རྣམ་བར་རྒྱལ་བའི་མཆོག་ཅེས་བྱ་བའི་མཁའ་འགྲོ་མ་སྟེ། སྔོ་དང་དཀར་སེར་ཉིད་ཡིན་ཏེ། །ལྕགས་ཀྱུ་དང་ནི་ཅང་ཏེའུ་འཛིན། །ཐོད་པ་ཁ་ཊྭཱཾ་ག་བསྣམས་ཏེ། །གྲི་གུག་མགོ་བོ་སྡིགས་མཛུབ་དང ། །དཀར་དང་སྔོ་དང་ལྗང་བ་དང ། །ཞགས་པ་དང་ནི་ཅང་ཏེའུ་འཛིན། །ཐོད་པ་ཁ་ཊྭཱཾ་ག་འཛིན་ཅིང ། །སྡིགས་མཛུབ་གྲི་གུག་མགོ་བོ་འཛིན། །དམར་དང་སྔོ་དང་ལྗང་གུ་སྟེ། །ལྕགས་སྒྲོག་ཅང་ཏེའུ་གྲི་གུག་དང ། །ཐོད་པ་ཁ་ཊྭཱཾ་ག་འཛིན་ཅིང ། །མགོ་པོ་དང་ནི་སྡིགས་མཛུབ་མཆོག་།ལྗང་དང་དཀར་པོ་འདྲེས་པ་དང ། །སེར་དང་དམར་བའི་ཞལ་མཆོག་ཡིན། །དྲིལ་བུ་ཅང་ཏེའུ་གྲི་གུག་དང ། །ཁ་ཊྭཱཾ་ག་དང་ཐོད་པ་དང ། །མགོ་བོ་དང་ནི་སྡིགས་མཛུབ་ཕྱག་།སྐྲ་གྲོལ་བ་ལ་གདུག་པ་ཆེ། །སྤྱན་གསུམ་རྣམ་པར་འགྱུར་པའི་ཞལ། །ཞལ་གདངས་ལྗགས་ནི་བསྐྱོད་པ་སྟེ། །གཡས་བརྐྱང་གཡོན་བསྐུམ་ཚུལ་གྱིས་བཞུགས། །ཐོད་པའི་ཕྲེང་བའི་དབུ་རྒྱན་ཅན། །ཕྱོགས་ཀྱི་གོས་མཆོག་འཛིན་པ་སྟེ། །རོ་དང་པདྨའི་དབུས་བཞུགས། །མགོ་བོའི་ཕྲེང་བས་རྣམ་པར་བརྒྱན། །ཐམས་ཅད་ཕྱག་རྒྱ་ལྔ་འཆང་ཞིང ། །མགོ་བོའི་དོ་ཤལ་རྣམས་ཀྱིས་བརྒྱན། །མི་བསྐྱོད་པ་ཡི་ཅོད་པན་འཆིང ། །རྣམ་བསྒྱུར་སྤྱན་ནི་གཡོ་བ་སྟེ། །ཡི་གེ་ཉི་ཤུ་གཉིས་ལས་བྱུང ། །སྙིང་གར་མཆོག་ནི་བསྒོམ་པར་ 286a ༄#། །བྱ། །འདི་ནི་གསང་སྔགས་ཐམས་ཅད་ཀྱི། །ཡི་གེ་ཉི་ཤུ་རྩ་གཉིས་མཆོག་།ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཌཱ་ཀི་ནཱི་ཛཱ་ལ་ཤཾ་བ་རཾ་ཧཱུཾ་ཕཊ་སཝཱཧཱ། ཡི་གེ་རེ་རེ་དགོད་པ་སྟེ། །མཁའ་འགྲོ་མ་ཡི་སྙིང་དེ་བཞིན། །ཧཱུཾ་ཤྲཱི་ལྷ་དང་ལྷ་མོ་སྟེ། །སྐུ་གསུང་ཐུགས་ཀྱི་སྦྱོར་བའོ། །དབུས་སུ་རྣམ་དག་བཅོམ་ལྡན་འདས། །སྒོམ་ཞིང་རྣམ་པར་བསྒོམ་པར་བྱ།། རྣམ་པར་ཐར་བརྒྱད་སྒོ་སྣ་ཚོགས། །གཟུགས་སུ་ལྟ་བ་སྟོང་པ་སྟེ། །ནང་གཟུགས་མེད་པར་ཕྱི་རོལ་གཟུགས་སུ་ལྟ་བའང་སྟོང་པ་ཡིན། །སྡུག་དང་མི་སྡུག་མཐོང་བར་བྱེད་པ་ལྟ་བའང་སྟོང་པ་ཡིན། །ནམ་མཁའ་མཐའ་ཡས་སྐྱེ་མཆེད་དག་ཏུ་ལྟ་བའང་སྟོང་པ་སྟེ། །རྣམ་ཤེས་མཐའ་ཡས་སྐྱེ་མཆེད་དག་ཏུ་ལྟ་བའང་སྟོང་པ་ཡིན། །ཅི་ཡང་མེད་པའི་སྐྱེ་མཆེད་དག་ཏུ་ལྟ་བའང་སྟོང་པ་ཡིན། །འདུ་ཤེས་མེད་ཅིང་འདུ་ཤེས་མེད་མིན་སྐྱེ་མཆེད་རྣམས་ཀྱང་སྟོང་པའོ། །འདུ་ཤེས་དང་ནི་ཚོར་བའང་འགོག་པར་ལྟ་བ་སྟོང་པ་ཡིན།། ཕྱག་བཅུ་དྲུག་པའང་སྟོང་པ་སྟེ། །ནང་སྟོང་པ་ཉིད་དང ། །ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། །སྟོང་པ་ཉིད་སྟོང་པ་ཉིད་དང ། །ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་ 286b མེད་པ་སྟོང་པ་ཉིད་དང ། །རང་བཞིན་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དེ། ཇི་ལྟར་བཅོམ་ལྡན་འདས་བཞིན་དུ། །ཕག་མོ་ཡང་ནི་དེ་བཞིན་ཏེ། །གཉིས་མེད་གཟུགས་ཅན་བཅོམ་ལྡན་འདས། །ཧེ་རུ་ཀ་དཔའ་རྣམ་པར་ཤེས། །ཕག་མོ་ནམ་མཁའ་ལྟ་བུའོ། །ལྷ་མོ་བཞི་ཡིས་རྣམ་དག་པ། །གསལ་བྱེད་མཁའ་འགྲོ་མ་ཉིད་ནི། །དོན་རྣམས་སོ་སོར་ཡང་དག་རིག་།རྟ་གདོང་མ་གང་ཡིན་པ་འོ། །ཆོས་རྣམས་སོ་སོར་ཡང་དག་རིག་།རྡོ་རྗེ་དྲག་མོ་མཁའ་འགྲོ་མ། །ངེས་ཚིག་སོ་སོ་ཡང་དག་རིག་།གསེར་མདོག་ཅན་གྱི་མཁའ་འགྲོ་མ། །སྤོབས་པ་སོ་སོར་ཡང་དག་རིག་།ལྷ་མོ་དེ་དག་འདབ་མའི་དབུས། །རྟོན་པ་རྣམ་པ་བཞི་པོ་ནི། །ཧེ་ལི་ཀ་ནི་དོན་ལ་རྟོན་པ་སྟེ། །རུ་ཙ་ཀི་ནི་ཚིག་འབྲུར་རྟོན་པ་ཡིན། །རུ་ཙ་ཀ་མེ་ལ་ནི་ཡེ་ཤེས་རྟོན། །ཀེང་རུས་མ་ནི་རྣམ་ཤེས་རྟོན་པ་ཡིན། །ཤར་དང་བྱང་དང་ནུབ་དང་ནི། །ལྷོ་ཕྱོགས་ཀྱི་ནི་འཁོར་ལོ་ལ། །ཆོས་ཀྱི་མདོ་ནི་བཞི་པོ་དགོད། །ཧཱུཾ་ནི། འདུ་བྱེད་ཐམས་ཅད་མི་རྟག་པའོ། །ཕཊ་ནི། འདུ་བྱེད་ཐམས་ཅད་སྡུག་བསྔལ་བའོ། །ཌ་མ་རི་ནི། ཆོས་ཐམས་ཅད་བདག་མེད་པའོ། །ཀི་ལི་ཀི་ལ་ནི། ཆོས་ཐམས་ཅད་ཞི་བའོ། །མེ་དང་བདེན་བྲལ་རླུང་དང་ནི། །དབང་ལྡན་འཁོར་ 287a ༄#། །ལོ་དེ་དག་ཀུན། །ལྷ་མོ་ཡིས་ནི་རྣམ་པར་དག་།མི་འཇིགས་པ་བཞི་དངོས་པོའི་ཆོས་ཐམས་ཅད་རྟོགས་པ་ལ་འཇིགས་པ་མེད་པ་ནི། ཨུཏྤལ་སྔོན་པོ་མའོ། །ཆོས་ཐམས་ཅད་སྟོན་པ་ལ་འཇིགས་པ་མེད་པ་ནི། དྲན་པའི་མཆོག་གོ་།ངེས་པར་འབྱུང་བའི་ལམ་ལ་འཇུག་པ་ལ་འཇིགས་པ་མེད་པ་ནི། གསུས་པ་འཕྱད་མའོ། །ཟག་པ་ཟད་པ་ཤེས་པ་ལ་འཇིགས་པ་མེད་པ་ནི། ས་བ་རི་མའོ། །མཚམས་སུ་དཀྱིལ་འཁོར་ལྷ་མོ་ནི། །འདི་ཡིས་ཟུར་བཞི་རྣམ་པར་དག་།སྒོ་བཞི་དག་ཏུ་ལྷ་མོ་ནི། །གཏུམ་བྱེད་མ་སྟེ། དད་པའི་དབང་པོའོ། །རོལ་གཏུམ་མ་ནི། བརྩོན་འགྲུས་ཀྱི་དབང་པོའོ། །འབར་མཆོག་མ་ནི། དྲན་པའི་དབང་པོའོ། །རྣམ་པར་རྒྱལ་བའི་མཆོག་ནི།་ཏིང་ངེ་འཛིན་གྱི་དབང་པོའོ། །དཔེ་བྱད་བཟང་པོ་བརྒྱད་ཅུ་ནི། བཅོམ་ལྡན་འདས་དཔལ་ཁྲག་འཐུང་རྡོ་རྗེའོ། །སུམ་ཅུ་རྩ་གཉིས་མཚན་རྣམས་ནི། །འཕགས་པ་ཤེས་རབ་བཅོམ་ལྡན་མ། །རྡོ་རྗེ་ཕག་མོ་ཉིད་ཡིན་ནོ། །མངོན་པར་བརྗོད་པའི་རྒྱུད་བླ་མའི་བླ་མ་ལས། ཡི་གེ་ཉི་ཤུ་རྩ་གཉིས་ཀྱི་སྙིང་པོ་བསྒོམས་པས་བསྐྱེད་པའི་ལེའུ་སྟེ་ལྔ་བཅུ་གཉིས་པའོ།། །།དེ་ནས་གཞན་ཡང་བཤད་བྱ་བ། །དཀྱིལ་འཁོར་དག་ནི་རྣམ་དག་ནི། །འབྱུང་བ་ཀུན་གྱི་སྤྱན་ཡིན་ཏེ། །རྣམ་པར་སྣང་མཛད་ཐིག་ཏུ་གྲགས། །བྷ་ 287b གས་ཁྱབ་པའི་རིམ་པ་ནི། །མཁས་པས་དཀྱིལ་འཁོར་ཐིག་ཏུ་ཤེས། །དུས་ནི་སྣ་ཚོགས་རིགས་སུ་ཤེས། །མཆོད་པ་སྣ་ཚོགས་ཆོ་ག་བཞན། །པུ་ལི་རིམ་པདྨ་མའོ། །ཛཱ་ལནྡྷར་ཐུགས་འཁོར་ལོ། །ུ་ཌྱན་གསུང་གི་འཁོར་ལོ་སྟེ། །ར་བུ་ད་ནི་སྐུའི་འཁོར་ལོ། །གོ་ད་བ་རི་ཟུར་བཞིའོ། །རཱ་མེ་ཤཝ་ར་མེ་ཕྱོགས་སོ། །དེ་བཱི་ཀཽ་ཊ་བདེན་བྲལ་ཡིན། །མཱ་ལ་བ་ནི་རླུང་གི་ཟུར། ། དབང་ལྡན་ཀཱ་མ་རཱུ་པ་སྟེ། །གྲ་བཞི་རྣམ་པར་དག་པ་ནི། །འདི་ལ་ཐེ་ཚོམ་མེད་པ་ཡིན། །ོ་ཏྲེ་དག་ནི་ཤར་གྱི་སྒོའོ། །ཏྲི་ཤ་ཀུ་ནི་ལྷོ་ཕྱོགས་སྒོ། །ཀོ་ས་ལ་ནི་ནུབ་ཀྱི་སྒོའོ། །ཀ་ལིངྐ་ནི་བྱང་སྒོ་སྟེ། །ཤར་གྱི་རྟ་བབས་ལམྤཱ་ཀ་།ཀཱཾ་ཙི་ལྷོ་ཡི་རྟ་བབས་ཡིན། །ཧི་མ་ལ་ཡ་ནུབ་ཕྱོགས་སོ། །པྲེ་ཏ་པུ་རི་བྱང་ཡིན་ཏེ། །གྲྀ་ཧ་དེ་བུ་ལྷ་སྣམ་བུ། །སཽ་རཱཥྚ་ནི་རིན་ཆེན་ས། །སུ་བར་དྭཱི་པ་དྲ་བ་ཕྱེད། །ན་ག་ར་ནི་རྡ་ཡབ་དང ། །དྲིལ་བུ་རྒྱལ་མཚན་བ་དན་ནོ། །སིནྡྷུ་རྡོ་རྗེ་ཐིག་ཟླུམ་པོ། །མ་རུ་ཏི་ན་སྒོ་ཁྱུད་དོ། །ཀུ་ལུ་ཏཱ་ནི་རྡོ་རྗེ་དང ། །རིན་པོ་ཆེ་དང་དཀྱིལ་འཁོར་གྱི།། ཐིག་ནི་བླ་ན་མེད་པ་ཡིན། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཀྱིས་བརྒྱན་ཅིང ། །དར་དང་ཕྲེད་བས་རྣམ་པར་བརྒྱན། །ཟུར་གྱི་ཆ་ནི་ཐམས་ཅད་དང ། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་ཅིང ། །སྐུ་ཡི་འཁོར་ལོའི་སྐུ་ཉིད་ནི། །དོན་ཡོད་གྲུབ་པ་རྣམ་པར་སྤྱོད། །གསུང་གི་འཁོར་ལོ་འོད་ 288a ༄#། །དཔག་མེད། །ཐུགས་ཀྱི་འཁོར་ལོ་མི་བསྐྱོད་པ། །པདྨའི་དབུས་ནི་རིན་ཆེན་འཛིན། །ཕྱི་ཡི་དཀྱིལ་འཁོར་ཚུལ་ཅན་ནི། །རྣམ་པར་སྣང་མཛད་རྣམ་པར་བསྒོམ། །ཚོར་བ་སྐུ་ཡི་འཁོར་ལོ་སྟེ། །འདུ་ཤེས་གསུང་གི་འཁོར་ལོ་ཡིན། །ཐུགས་ཀྱི་འཁོར་ལོ་འདུ་བྱེད་དེ། །རྣམ་ཤེས་པདྨ་གདོན་མི་ཟ། །རི་མོ་ལྔ་པ་མཆོག་གྱུར་པ།། དེ་ཡིས་རྣམ་དག་རང་བཞིན་ཅན། །ས་དང་རི་མོ་ཐམས་ཅད་ཀུན། །དཔའ་བོས་ཡོངས་སུ་དག་པར་བསྒོམ། །རི་མོ་ཉི་ཤུ་རྩ་བཞི་པ། །དེ་དག་དཔའ་བོས་རྣམ་པར་དག་།འཁོར་ལོ་མཁའ་འགྲོ་མ་ཡིས་དག་།ལྟེ་བར་ཕག་མོའི་ས་བོན་ཀྵ། །ཧེ་རུ་ཀ་དཔལ་མཆོག་ཡིན་ནོ། །འདབ་མ་མཁའ་འགྲོ་མ་ཡིས་དག་།དཀྱིལ་འཁོར་དཀྱིལ་འཁོར་མཆོག་དག་ནི། །སུམ་ཅུ་རྩ་བདུན་རྣམ་པར་དག་།དཀྱིལ་འཁོར་སྙིང་པོ་མདོར་བསྡུས་ན། །དཀྱིལ་འཁོར་དང་པོ་ཡི་གེ་སྟེ། །དཀྱིལ་འཁོར་གཉིས་པ་ཕྱག་མཚན་ཡིན། །གསུམ་པ་ལག་པའི་ཕྱག་རྒྱར་བཤད། །བཞི་པ་གཟུགས་སུ་གྱུར་པ་སྟེ། །ལྔ་པ་མེ་ཏོག་མཆོད་པ་ཡིན། །དྲུག་པ་ཚོགས་ཀྱི་དཀྱིལ་འཁོར་ཉིད། །དབུས་ནི་རབ་ཏུ་དགའ་བའི་ས། །པདྨའི་ལྟེ་བ་དང་བཅས་པ། །ཐུགས་ཀྱི་འཁོར་ལོ་དྲི་མ་མེད། །གསུང་གི་འཁོར་ལོ་འོད་བྱེད་པ། །སྐུ་ཡི་འཁོར་ལོ་འོད་བྱེད་པ། །སྐུ་ཡི་འཁོར་ལོ་འོད་འཕྲོ་བ། །ཟུར་བཞི་པ་ནི་སྦྱང་དཀའ་བ། །རིང་དུ་སོང་བ་སྒོ་ 288b བཞི་ཡིན། །ཟུར་གྱི་ཆ་ནི་མི་གཡོ་བ། །ལེགས་པའི་བློ་གྲོས་རྡོ་རྗེའི་ཐེག་།ཆོས་ཀྱི་སྦྲིན་ནི་རྟ་བབས་ཡིན། །འདི་ལྟའི་དཀྱིལ་འཁོར་བྲིས་ནས་ནི། །རྟག་ཏུ་བསྒོམ་ཞིང་མཆོད་པར་བྱ། ། དངོས་གྲུབ་རྒྱ་ཆེན་ཐོབ་པར་འགྱུར། །སྡོམ་པའི་འཁོར་ལོ་སྡོམ་པ་ཡི། །དཀྱིལ་འཁོར་མཆོག་གི་དེ་ཉིད་ནི། །ཧེ་རུ་ཀ་དཔལ་ཡེ་ཤེས་མཆོག་།བྷ་གའི་པདྨའི་དཀྱིལ་འཁོར་ནི།། ཕག་མོའི་སྐུ་ལུས་མཆོག་གྱུར་པ། །དེ་ནི་དཀྱིལ་འཁོར་འདུས་པ་སྟེ། །དཀྱིལ་འཁོར་བདེ་ཆེན་མཆོག་ཡིན་ནོ། །དཀྱིལ་འཁོར་དཔའ་བོ་རྣལ་འབྱོར་མ། །གཉིས་མེད་ཁ་སྦྱོར་དཀྱིལ་འཁོར་ཡིན། །བདག་གི་དེ་ཉིད་ཏིང་འཛིན་ཡིན། །ལྷ་ཡི་དེ་ཉིད་དེ་བཞིན་ཏེ། །སྔགས་ཀྱི་དེ་ཉིད་ཕྱག་རྒྱ་ཡིན། །དེ་ལྟའི་དཀྱིལ་འཁོར་དམ་པའི་མཆོག་།ཡན་ལག་ཀུན་བསྒོམས་ལས་འདས་ཤིང ། །རྟོག་དང་རྣམ་རྟོག་རྣམ་པར་སྤངས། །ཕྱི་མོའི་ཐིག་ལེ་ལས་འདས་ཤིང ། །དེ་ནི་དཀྱིལ་འཁོར་མཆོག་ཡིན་ནོ། །ཆོས་རྣམས་ཐམས་ཅད་རྟག་ཏུ་མེད། །ཆོས་དང་ཆོས་མིན་རྣམ་པར་སྤྱོད། །དེ་ལྟའི་དཀྱིལ་འཁོར་བཤད་པ་ནི། །རྣམ་དག་ནམ་མཁའ་དང་མཚུངས་པ། །ཆགས་དང་ཆགས་མེད་ཆགས་པར་མཉམ། །པདྨ་རཱ་ག་ཆུ་མཉམ་བྱུང ། །རང་སེམས་ཆགས་པ་དམར་པོའི་མཆོག་།དེ་དག་དཀྱིལ་འཁོར་མཆོག་ཡིན་ཏེ། །ཡིད་ནི་ཁམས་རྣམས་ཐམས་ཅད་དེ། །གཟུགས་དང་གཟུགས་མེད་དྲི་མ་མེད། །བསྐུལ་ཞིང་སད་པ་ཡིད་ 289a ༄#། །ཡིན་ཏེ། །སེམས་ནི་ཐུགས་ཀྱི་དཀྱིལ་འཁོར་ཡིན། །དཀྱིལ་འཁོར་ལུས་སུ་བཤད་པ་སྟེ། །དཀྱིལ་འཁོར་བྷ་ག་ཡིན་པར་བཤད། །དཀྱིལ་འཁོར་བྱང་ཆུབ་སེམས་ཡིན་ཏེ། །རྒྱུ་བ་དང་ནི་མི་རྒྱུ་བ། །ས་འོག་ས་སྟེང་ས་བླར་ཁྱབ། །མངོན་པར་བརྗོད་པའི་རྒྱུད་བླ་མའི་བླ་མ་ལས། །དཀྱིལ་འཁོར་གྱི་སྒོམ་པ་བསྟན་པའི་ལེའུ་སྟེ་ལྔ་བཅུ་གསུམ་པའོ།། །།དེ་ནས་གསང་བ་བཤད་བྱ་བ། །སེམས་ཅན་ཀུན་ལ་ཕན་སྩོལ་བ། །ཱ་ལི་ཀཱ་ལི་ལས་བྱུང་བ། །ཆོས་ཀྱི་དབྱིངས་ཀྱི་གྲོང་ཁྱེར་མཆོག་།དྲ་བ་དྲ་ཕྱེད་ཀྱིས་བརྒྱན་པ།། དར་དང་ཕྲེང་བས་རྣམ་པར་བརྒྱན། །དེ་ཡི་དབུས་སུ་རྡོ་རྗེ་ཆེ། །ཞལ་བཞི་པ་ལ་རྣམ་པར་འགྱུར། །དེ་ལ་ལྟེ་བའི་དབུས་སུ་ནི། །སྣ་ཚོགས་འཁོར་ལོ་ལྟེ་བར་བཅས། །ཐུགས་ཀྱི་འཁོར་ལོ་བརྒྱད་པ་སྟེ། །ཉི་མའི་དཀྱིལ་འཁོར་དབུས་སུ་ནི། །འཁོར་ལོའི་ལྟེ་བའི་དབུས་དག་ཏུ། །སྣ་ཚོགས་པདྨ་འདབ་བརྒྱད་པ། །སྣ་ཚོགས་རྡོ་རྗེས་རྣམ་འདྲེས་པ། །ལྷ་ཡི་བཞུགས་གནས་ཉི་ཤུ་པ། །ལྟེ་བའི་དབུས་སུ་བསྟན་པ་སྟེ། །ཉི་མའི་དཀྱིལ་འཁོར་དབུས་སུ་ནི། །ཧཱུཾ་ལས་ཧེ་རུ་ཀར་བྱས་ཏེ། །ཞལ་བཞི་པ་ལ་ཕྱག་བརྒྱད་པ། །སྤྱན་གསུམ་སྐུ་ལུས་དཀར་པོ་སྟེ། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་ཀུ་ཚའང་འཚིར། །སྟག་གི་པགས་པ་གོས་སུ་མནབས། །ཕྱག་རྒྱ་དྲུག་གིས་སྐུ་ལ་བརྒྱན། །གདུག་པ་ཀུན་གྱི་ 289b ཀླད་པ་ལ། །གཡས་བརྐྱང་པ་ཡི་ཞབས་ཀྱིས་མནན། །འཇིགས་བྱེད་དང་ནི་དུས་མཚན་དག་།བརྒྱལ་ཞིང་རྣམ་པར་མྱོས་པ་ཡིས། །ཀླད་པ་ལ་ནི་ཞབས་ཀྱིས་མནན། །གཅེར་འོ་དོད་འབོད་པ་མནན། །རྒྱལ་བའི་པགས་པ་སྟེང་དུ་སྟེ། །ལྕགས་ཀྱུ་ཕྱག་གིས་འཛིན་པ་དང ། །གཞན་ཡང་ཅང་ཏེའུ་དེ་བཞིན་ཏེ། །ཐོད་པ་ཁ་ཊྭཱཾ་ག་ཡང་འཛིན། །གཞན་དུ་ཡང་ནི་མགོ་བོ་འཆང ། །སྣ་ཚོགས་རྡོ་རྗེས་དབུ་ལ་མནན། །ཟླ་བ་ཕྱེད་པ་དབུ་ལ་འཆང ། །ཐོད་པའི་ཕྲེང་བའི་དབུ་རྒྱན་ཅན། །མི་བསྐྱོད་པ་ཡིས་སྤྱི་གཙུག་འཆིང ། །ཚངས་པའི་དོ་ཤལ་འཛིན་པ་སྟེ། །བདག་གི་ཁྲོ་བོ་བདུན་སྤྲོས་ནས། །ཇི་ལྟར་བཅོམ་ལྡན་མདོག་བཞིན་དུ། །ཕག་མོ་མཆོག་དང་དེ་བཞིན་ཏེ། །སྐུ་ལུས་ནག་པོ་དམར་བའི་མདངས། །གཟི་བྱིན་མདངས་ཀྱིས་མཛེས་པ་སྟེ། །གྲི་གུག་ཐོད་པ་ཁ་ཊྭཱཾ་ག་།དྲིལ་བུ་ཅང་ཏེའུ་མདུང་དང་ནི། །ལྕགས་ཀྱུ་ཞགས་པ་དེ་བཞིན་ནོ། །ལྷ་མོ་ཕྱག་ནི་བརྒྱད་པ་སྟེ། །དཀར་ཞིང་སྔོ་ལ་ལྗང་བའོ། །སྟེང་གི་ཞལ་ནི་དམར་པོ་མཛེས། །གཡས་དང་གཡོན་གྱི་ཞལ་གདོང་ནི། །སེར་ཞིང་ལྗང་བའི་གཟུགས་ཅན་ཏེ། །གཞན་དུ་བདག་པོ་ཇི་བཞིན་དུ། །ཕག་མོ་ཡང་ནི་དེ་བཞིན་གྱུར། །གཅེར་བུ་སྐྲ་ནི་གྲོལ་བ་སྟེ། །མ་ཉམས་དུམ་བུའི་སྐ་རགས་ཅན། །པདྨ་བཞི་ལ་མཁའ་འགྲོ་མ། །ཟུར་ལ་བུམ་པ་ཐོད་པ་སྟེ། །ཐུགས་ཀྱི་འཁོར་ལོ་སྔར་བཤད་པའོ། །དཔའ་བོ་མཁའ་འགྲོ་མ་དེ་ 290a ༄#། །བཞིན། །གསུང་དང་སྐུ་ཡི་འཁོར་ལོ་གཉིས། །ཤར་དང་བྱང་ནུབ་ལྷོ་རུའོ། །སྒོ་རྣམས་སུ་ནི་སྒོ་སྲུང་སྟེ། །ཁཝ་གདོང་ལ་སོགས་ཐམས་ཅད་དོ།། ཟུར་ལ་གཤིན་རྗེ་སྲེག་ལ་སོགས། །ཇི་ལྟར་འདོད་པའི་ཁྱད་པར་ནི། །རྡོ་རྗེ་སྙིང་པོས་བཤད་པ་སྟེ། །ཁ་ཅིག་རྣལ་འབྱོར་མ་རུ་འདོད། །བླ་མའི་གནས་ཀྱི་རྗེས་རིམ་པ། །སྔར་བཤད་སྣ་ཚོགས་རིགས་རྣམས་ནི། །ཇི་ལྟར་འདོད་པས་བསྒོམ་པར་བྱ། །གཞན་ཡང་ཞལ་དང་མདོག་རྣམས་ནི། །མཁའ་འགྲོ་མ་ཡི་མདོག་བཞིན་དང ། །ཕྱག་མཚན་ཕྱག་རྒྱར་སྔར་བཤད་བཞིན། །གནས་སོགས་རིམ་པ་དེ་ལྟར་དགོད། །སྔར་བཤད་པ་ཡི་ཆོ་ག་བཞིན། །གསང་སྔགས་ཇི་བཞིན་རིམ་པར་དགོད། །སུམ་ཅུ་རྩ་བདུན་རྣམ་དག་དོན། །སྒོམ་པ་མཆོག་ནི་བསྒོམ་པར་བྱ། །ཱ་ལི་ཀཱ་ལིའི་ནང་བྱུང་བ། །སྒོམ་ཞིང་རྣམ་པར་བསྒོམ་པར་བྱ། །ཆོས་དབྱིངས་གྲོང་ཁྱེར་རྣམ་དག་པར། །སེམས་ཅན་ཁམས་ནི་རབ་ཏུ་འཇུག་།རྣལ་འབྱོར་འདི་ནི་གསང་བ་སྟེ། །སུ་ལ་ཡང་ནི་བསྟན་མི་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས། །ཆོས་ཀྱི་དབྱིངས་ཀྱི་གྲོང་ཁྱེར་སྒོམ་པའི་ལེའུ་སྟེ་ལྔ་བཅུ་རྩ་བཞི་པའོ།། །།དེ་ནས་གཞན་ཡང་བཤད་བྱ་བ། །བྷ་ག་པདྨ་སྒོམ་པ་ནི། །རྡོ་རྗེ་སྙིང་པོས་ཞུས་པ་ལས། །བཅོམ་ལྡན་ 290b འདས་ཀྱིས་བཀའ་སྩལ་པ། །ཡང་དག་གསང་བ་ངེས་གསང་བ། །ཱ་ལི་ཀཱ་ལི་ཟུར་གསུམ་གནས། །པདྨ་འདབ་གསུམ་རྣམ་པར་བསྒོམ། །རྡོ་རྗེ་ཕག་མོ་ཧེ་རུ་ཀ་།ལྟེ་བ་ལ་ནི་རྣམ་པར་བསྒོམ། །རྡོ་རྗེ་མཁའ་འགྲོ་ལཱ་མ་དང ། །གསུམ་པ་དུམ་སྐྱེས་མ་ཉིད་དོ། །བཅོམ་ལྡན་འདས་ནི་དམར་ལ་སྔོ། །ཕག་མོ་ཡང་ནི་དམར་སྔོ་སྟེ། །མཁའ་འགྲོ་སྔོ་ལ་སེར་བ་དང་།། ལཱ་མ་ལྗང་ལ་སེར་བ་སྟེ། །དུམ་སྐྱེས་མ་ནི་དམར་ལ་སེར། །ཞལ་གཅིག་པ་ལ་ཕྱག་བཞི་པ། །བཅོམ་ལྡན་མགོན་པོ་ཞལ་བཞི་པ། །ཞབས་བཞི་པ་ལ་ཕྱག་བཞི་པ། །ཐོད་པ་དང་ནི་ཁ་ཊྭཱཾ་འཛིན། །དྲིལ་བུ་རྡོ་རྗེས་ལེགས་པར་མཚོན། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་རྡོ་རྗེས་མཚན་པ་སྟེ། །ཞི་བ་ཟླ་བ་ཕྱེད་པ་འཆང ། །མི་འཁྲུགས་པ་ནི་སྤྱི་གཙུག་འཆིང ། །རྟག་པར་གསང་བའི་གོས་མནབས་ཤིང ། །ཐོད་པའི་ཕྲེང་བས་རྣམ་པར་བརྒྱན། །ཕག་མོའི་ཞལ་མཚན་དེ་ཡིན་ཏེ། བྱི་པ་གཉིས་ཀྱིས་ལེགས་འཁྱུད་ཅིང ། །གཅེར་བུ་དབུ་སྐྲ་གྲོལ་བ་ལ། །སྤྱན་གསུམ་པ་ལ་ལེགས་ཆགས་འཁྲིལ། །འཇིགས་བྱེད་དང་ནི་དུས་མཚན་ཉིད། །ཞབས་ཀྱིས་རྣམ་པར་གནོན་པ་སྟེ། །གཡས་བརྐྱང་བ་ཡི་གནས་པས་བཞུགས། །སྐུ་ལུས་ཕྱག་རྒྱ་དྲུག་འཇིན་ཅིང ། །མཆེ་བ་རྣམ་པར་གཙིགས་པ་དང ། །ཐུགས་རྗེའི་ཆགས་པས་རྣམ་པར་མྱོས། །གཡས་པ་དཀར་ཞིང་གཡོན་ 291a ༄#། །ལྗང་གུ། །སྟེང་ནི་སྔོ་སྐྱ་སྐུ་ལུས་དཀར། །གཟུགས་ཅན་མ་ནི་བྷ་གར་བརྟག་།ཱ་ལི་ཀཱ་ལི་བྷ་གའི་མཆོག་།གཞན་ཡང་ཟུར་གསུམ་དབུས་དག་\?\་ཏུ། །པདྨའི་འཁོར་ལོ་རྣམ་པར་བསྒོམ། །ཐུགས་ཀྱི་འཁོར་ལོའི་དབུས་སུ་ནི། །སྣ་ཚོགས་པདྨ་དག་ཏུ་བརྟག་།དབུས་སུ་ཧེ་རུ་ཀ་ཕག་མོ། །འདབ་མར་མཁའ་འགྲོ་མ་སོགས་དགོད། །ཟུར་དུ་ཐོད་པ་དཀར་པོ་དག་།ཐུགས་ཀྱི་འཁོར་ལོ་མཁའ་ལ་སྤྱོད། །ཤར་གྱི་ཟུར་ལ་སྐུ་འཁོར་ལོ། །རླུང་གི་ཟུར་གྱི་འཁོར་ལོ་ལ། །ཁཝ་གདོང་ལ་སོགས་རྣམ་བརྒྱད་དོ། །གསུང་གི་འཁོར་ལོ་བདེན་བྲལ་ཟུར། །འཁོར་ལོ་བཞི་པོ་ཟུར་གསུམ་ལ། །ཤར་ནི་སྐུ་ཡི་མཁའ་འགྲོ་སྟེ། །རླུང་ཕྱོགས་གཤིན་རྗེའི་མཁའ་འགྲོའོ། ། བདེན་བྲལ་གསུང་གི་མཁའ་འགྲོ་སྟེ། །དབུས་སུ་རྡོ་རྗེ་ཧེ་རུ་ཀ་།སྔོ་ཞིང་དཀར་པོ་དུད་ཀ་དང ། །སྔོ་ཞིང་དམར་བ་བཞི་པོ་ཡིན། །རང་གི་ཕྱག་མཚན་མཉམ་པར་ལྡན། ། གཞན་དུ་རང་བདག་མདོག་དེ་བཞིན། །ཐུགས་ཀྱི་འཁོར་ལོའི་མཁའ་འགྲོ་མ། །དམར་བའི་མདོག་ཅན་རྣམ་པར་བསམ། །དཔའ་བོའི་མདོག་ནི་ནག་པོ་ལ། །གཉིས་མེད་འཁྱུད་པའི་སྦྱོར་བའོ། །སྐུ་ཡི་འཁོར་ལོའི་དཔའ་བོ་དག་།སྐུ་ལུས་དཀར་པོ་རྣམ་པར་བསམ། །མཁའ་འགྲོ་མ་ནི་སེར་པོའི་མདོག་།དཔའ་བོ་གཉིས་ནི་རབ་ཏུ་སྦྱོར། །ཁཝ་ 291b གདོང་གཤིན་རྗེ་བརྟན་ལ་སོགས། །གཟུགས་གཉིས་ཕྱེད་ནི་བུད་མེད་ཉིད། །རང་གི་ཐབས་དང་ལྷན་ཅིག་ཏུ། །དགྱེས་ཤིང་ཆགས་པས་རྣམ་པར་མྱོས། །གསུང་གི་འཁོར་ལོའི་དཔའ་བོ་དམར། །མཁའ་འགྲོ་མ་ནི་ལྗང་གུའོ། །སྔར་བཤད་རིམ་པའི་མཚན་མ་རྣམས། །དེ་ཡང་རིགས་ཀྱི་དབྱེ་བས་སོ། །ཐམས་ཅད་ཡི་དྭགས་གདན་ལ་བཞུགས། །མགོ་བོའི་ཕྲེང་བས་རྣམ་པར་བརྒྱན། །ཐམས་ཅད་ཕྱག་རྒྱ་ལྔ་འཆང་ཞིང ། །ཕྱག་རྒྱ་དྲུག་གིས་བདག་པོ་དགོད། །ཐམས་ཅད་རང་རིགས་ཅོད་པན་ཅན། །ཇི་ལྟ་བ་ཡི་རིམ་པས་བསྒོམ། །མཁའ་འགྲོའི་དུས་ཀྱི་སྦྱོར་བ་ཡིས། །ཇི་ལྟའི་རྗེས་སུ་རྣམ་བསྒོམས་ནས། །གོ་ཆའི་གསང་སྔགས་དགོད་པར་བྱ། །སྐུ་གསུང་ཐུགས་ཀྱི་རིམ་པ་དག་།སྔར་བཤད་ཆོ་གའི་སྦྱོར་བ་ཡི། །དཔའ་བོའི་ཡན་ལག་རིམ་པ་བསྒོམ། ། གསང་ཞིང་སྦ་བའི་ཞི་གནས་ནི། །མཁའ་འགྲོ་མ་ཡི་བདེ་འཁོར་ལོ། །རྟག་ཏུ་མཉམ་པར་བཞག་ནས་སུ། །སྦྱོར་བའི་མཆོག་ནི་རྟག་ཏུ་བསྒོམ། །འདི་ནི་སུ་ལའང་མི་བསྟན་ཏེ། །དེ་ཉིད་སུ་ལའང་བརྗོད་མི་བྱ། །དབང་པོ་གཉིས་ཀྱི་སྦྱོར་བ་དག་།རྟག་ཏུ་བསྒོམས་ན་དངོས་གྲུབ་འགྱུར། །དམ་ཚིག་རྟག་ཏུ་བསྲུང་བྱ་ཞིང ། །བཟའ་དང་བཅའ་བའང་སྤྱད་པར་བྱ། །འགྲོ་ཞིང་འགྲོ་ཞིང་དུས་ཀུན་ཏུ། །འཆར་ནུབ་དག་ཏུ་རྣམ་པར་སྤྱད། །གང་ཞིག་ཡེ་ཤེས་འདི་ཉན་པ། །སྔགས་པས་མྱུར་དུ་འགྲུབ་པར་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས། གསང་ 292a ༄#། །བ་སྦྱོར་བའི་སྒོམ་པའི་ལེའུ་སྟེ་ལྔ་བཅུ་རྩ་ལྔ་པའོ།། །།དེ་ནས་གཞན་ཡང་བཤད་བྱ་བ། །གསང་བའི་ཡེ་ཤེས་མཆོག་གྱུར་པ། ། ་ལྔ་གསང་སྔགས་རྒྱ་ཆེ་བའི། །སྒོམ་པ་བདག་གིས་བཤད་པ་ཡིན། །ལོག་པའི་ཤེས་པའི་ཤེས་པ་ཅན། །གང་ལའང་ཁྱོད་ཀྱིས་བཤད་མི་བྱ། །བླ་མའི་རིམ་ལས་ཇི་ལྟར་བསྟན། ། གང་གིས་མྱུར་དུ་ཤེས་འགྱུར་བ། །སྐྱེ་བ་བྱེ་བ་སྟོང་ཕྲག་ཏུ། །སྒྱུ་འཕྲུལ་ཡེ་ཤེས་ཀྱིས་བསྐུལ་ཞིང ། །དད་པ་ཡང་དག་བསྐྱེད་པ་དང ། །རྣལ་འབྱོར་སྤྱོད་ཚུལ་གནས་པ་ཡིན། ། ལྐུག་ཅིང་གླེན་ལ་སྡིག་ངན་ཅན། །བྱིས་པའི་ཤེས་པའི་ཤེས་པ་ཅན། །སེམས་ཅན་ཡོངས་སུ་མ་སྨིན་དང ། །ཕྱི་རོལ་བསྟན་བཅོས་ཀྱིས་འཚལ་བ། །དེ་དག་ཀུན་གྱིས་མི་ཤེས་ཏེ། །མི་ཤེས་མུན་པས་ཁེབས་པ་དང ། །ཁེངས་པ་ལ་ནི་རྟག་པར་དགའ། །ང་རྒྱལ་ལ་སོགས་གདུག་སེམས་ལྡན། །དེ་ཀུན་གྱིས་ཀྱང་སངས་རྒྱས་ཀྱི། །སྤྱོད་ཡུལ་གསང་བ་མི་ཤེས་སོ། །ཧེ་རུ་ཀ་དཔལ་ཡང་དག་འཇུག་།སློབ་དཔོན་བདག་ཉིད་ཆེན་པོ་ཡིས། །མྱུར་དུ་དངོས་གྲུབ་སྐྱེད་བྱེད་དེ། །འཕྲལ་དུ་ཡིད་ཆེས་བྱེད་པ་ཡིན། །སྣ་ཚོགས་སྡོམ་པ་ཤེས་པ་ཡིས། །ཆོ་གའི་བྱ་བ་བསྟན་པར་བྱ། །སྲིད་པ་གསུམ་པོ་མ་ལུས་ནི། །དེ་ནི་ཀུན་མཁྱེན་བསྟན་པ་ཤེས། །མཐོང་བ་དང་ནི་རེག་པ་དང ། །ཐོས་པ་དང་ནི་དྲན་ 292b པ་ཡིས། །སྡིག་པ་ཀུན་ལས་གྲོལ་འགྱུར་པ། །དེ་ལྟར་དེ་ནི་ཐེ་ཚོམ་མེད། །ལྷ་རྣམས་ལྡོག་སྟེ་བཀོད་པ་དང ། །སྔགས་ཀྱི་དབྱེ་བ་བཟློག་པ་དང ། །དཀྱིལ་འཁོར་ཀུན་ཡང་བཟློག་པ་དང། །སོ་སོ་བསྒོམ་པའང་མི་བྱ་སྟེ། །བཟློག་པའི་ཡི་གེ་བཏུས་ནས་ནི། །སྒོམ་པ་གསང་བ་བཟློག་པ་དེ། །སྙིང་པོ་ཐམས་ཅད་སྒྲུབ་པ་ཡིན། །རྟོག་པ་ཐམས་ཅད་བསྡུས་པ་དང། །རྒྱུད་རྣམས་ཀུན་གྱི་སྤྱི་ཡི་ནི། །སེམས་ནི་ཡོངས་སུ་སྨིན་པ་དག་།འདིར་ནི་སྦྱོར་སོགས་སྔགས་རྣམས་ཀྱི། །དམ་ཚིག་དེ་ལྟར་བསྟན་པ་ཡིན། །བདེ་གཤེགས་དབུགས་འབྱིན་གསུངས་པ་ཡིན། །དག་པའི་ལུས་ནི་སྐྱོན་མེད་པ། །བསོད་ནམས་ཆུང་བའི་སྔགས་པས་ཀྱང ། །ང་དགའ་བས་ནི་རྙེད་པར་འགྱུར། །དེ་ན་བསྲུང་མེད་བཟའ་བ་མེད། །དཀྱིལ་འཁོར་དཀྱིལ་འཁོར་བདག་པོ་མེད། །བཟླས་དང་བརྟུལ་ཞུགས་སྦྱིན་སྲེག་མེད། །མདོར་ན་སེམས་བསྡུས་ཚུལ་ཅན་ཡིན། །གཟུང་བྱས་རྣམ་ཤེས་ཡེ་ཤེས་ནི། །བླ་མས་བསྟན་ལས་བརྩོན་ལས་ཏེ། །ཕྱི་རོལ་གྱི་ནི་བསྟན་བཅོས་ལ། །ལམ་དེ་ཤིན་ཏུ་རིང་བ་ཡིན། །རྣལ་འབྱོར་པ་རྣམས་ཐབས་ཀྱིས་ནི། །བླ་མའི་བསྙེན་བཀུར་ལ་བརྩོན་པ། །སྟོན་པའི་མཚན་ཉིད་བསྟན་པ་དང། །དཔའ་བའི་དེ་ཉིད་བསྟན་པ་ཡིན། །སྐད་ཅིག་རྣམ་པར་རྣལ་འབྱོར་བདག་།སྐད་ཅག་རྣམ་པར་ཕྱག་རྒྱར་ལྡན། །ཀུན་ནས་ཐམས་ཅད་སྐད་ཅིག་སྟེ། །སྐད་ཅིག་གིས་ནི་གསང་ 293a ༄#། །སྔགས་བརྗོད། །པུས་མོས་ལ་བཙུགས་ནས་སུ། །བདག་ཉིད་ཀྱིས་ནི་གསོལ་བ་གདབ། །བཅོམ་ལྡན་ལྷ་མོས་ཞུས་པ་ནི། །གོ་འཕང་རྒྱ་ཆེ་གཉིས་མེད་པ། །འདི་ནི་འབྱུང་པོ་ཀུན་ལ་གནས། །རྒྱུ་བ་དང་ནི་མི་རྒྱུ་རོལ། །རྡོ་རྗེ་སྙིང་པོས་གསུངས་པ་ནི། །ཅི་རིགས་བཤད་ཀྱི་ལེགས་པར་ཉོན། །བརྟགས་པའི་ཡིད་ཀྱིས་གཟུང་བར་གྱིས། །ཐམས་ཅད་བདག་ཉིད་རྟག་བཞུགས་པར། །གང་ཞིག་སྔར་ནི་བཤད་པ་ཉིད། །དཀྱིལ་འཁོར་ལུས་ནི་ཡིན་པར་བཤད། །དེ་ནི་སྒོ་དགུ་དག་ཏུ་འགྱུར། །དེ་ལ་ལྟེ་བའི་འཁོར་ལོ་ཆེ། །ཐམས་ཅད་མཁྱེན་པ་ཞེས་བྱར་བཤད། །རྡོ་རྗེ་ཅན་ནི་དེར་ཞུགས་པ། །ཆ་མེད་ཆ་ནི་རྣམ་སྤངས་པ། །ལུས་ཅན་རྣམས་ཀྱི་ནང་ན་རོལ། །ལུས་ལས་འདས་ཤིང་གོས་པ་མེད། །ལ་ལར་གཟུགས་ཅན་དག་ཏུ་བཞུགས། །ལ་ལར་སྣ་དང་དག་དག་དང ། །ལ་ལར་རྣ་བར་སྒྲ་དག་དང ། །ལ་ལར་དྲི་ཆེན་རྡོ་རྗེ་ཆུ། །ལ་ལར་ཚོར་བར་བཅས་པའི་སེམས། །ལ་ལར་སྒོམ་དང་ལ་ལར་བཀྲེས། །ལ་ལར་ཁྲོ་དང་ལ་ལར་ཞི། །ལ་ལར་བདེ་ལ་རྣམ་པར་གཟིགས། །ལ་ལར་བུད་མེད་འདོད་ཆགས་ཏེ། །ལ་ལར་གསོད་དང་འཇོམས་པ་སྟེ། །ལ་ལར་རོལ་མོ་རྡུང་བར་མཛད། །ལ་ལར་མེ་ཏོག་འབྲས་བུར་གནས། །ལ་ལར་རོལ་ཅིང་སྤྱོད་ 293b པར་འགྱུར། །ལ་ལར་སྲོག་ཏུ་རྣམ་པར་གནས། །ལ་ལར་ས་དང་ཆུ་དང་མེ། །ལ་ལར་འབྱུང་བ་ཆེན་པོ་ལྔ། །ལ་ལར་རིགས་ཀྱི་བྱེ་བྲག་གིས། །བྲམ་ཟེ་དང་ནི་གདོལ་པ་དང ། །ལ་ལར་མ་དང་སྲིང་མོ་རུ། །ལ་ལར་ཆུང་མ་བུ་མོ་རུ། །ལ་ལར་ཚངས་དང་དབང་ལྡན་དང ། །ཁྱབ་འཇུག་དང་ནི་ཉི་མ་ཉིད། །ལ་ལར་ཟླ་བ་སྐར་མར་བཅས། ། ལ་ལར་ཉིན་དང་མཚན་མོར་གྱུར། །ལ་ལར་ཁམས་གསུམ་པ་རྣམས་ཀུན། །བྱེད་པ་པོ་དང་མི་ཟད་རྒྱལ། །ལ་ལར་ཞི་བའི་དབང་གིས་ཞུམ། །མི་གསལ་སྟོང་པའི་རྡོ་རྗེ་ཅན། །ལ་ལར་བྱང་ཆུབ་ཆེན་པོར་གཤེགས། །ལ་ལར་ཕ་རོལ་བདུད་ལས་རྒྱལ། །ལ་ལར་བྱིས་པའི་རང་བཞིན་ཉིད། །ལ་ལར་རྒས་ཤིང་འཁོགས་པའོ། །ལ་ལར་ནད་ཆེན་གྱིས་ཟིན་པ། །ལ་ལར་རྒྱུ་དང་མི་རྒྱུ་བ། །ལ་ལར་སྔོ་དང་ལེ་བརྒན་དང ། །ལ་ལར་དཀར་དང་སེར་བའོ། །ལ་ལར་སངས་རྒྱས་རྣམ་སྣང་མཛད། །ལ་ལར་སྒྲོལ་མ་གོས་དཀར་མོ། །ལ་ལར་སྤྱན་དང་མཱ་མ་ཀཱི། །ལ་ལར་དཀའ་ཟློག་ཞི་བ་མོ། །ལ་ལར་འདབ་ཆགས་མཁའ་ལྡིང་དང ། །ནམ་མཁའ་དང་ནི་མཁའ་འགྲོ་ཉིད། །ལ་ལར་ཀླུ་དང་སྦྲུལ་ཆེན་པོ། །ལ་ལར་སྨད་འཚོང་སྤྲེའུ་དང་ནི། །ལ་ལར་རྨི་ལམ་མཐོང་བ་དང ། །ལ་ལར་གཉིད་ཀྱིས་ལོག་པ་ནས། །ལ་ལར་རླུང་དང་མཁྲིས་པ་དང ། །ལ་ལར་ 294a ༄#། །ཁྲག་དང་པགས་པར་འགྱུར། །ལ་ལར་མྱ་ངན་དུ་བ་དང ། །ལ་ལར་སྲེག་པའི་མེ་དག་ཡིན། །ལ་ལར་མཐོ་རིས་སྐྱེ་བ་སྟེ། །རྣམ་པར་འཕྲུལ་པ་འདི་ལྟ་བུ། །ཐམས་ཅད་བདག་ཉིད་བཞུགས་འདི་ལ། །ལྷ་གང་ཆ་ནི་རྣམ་སྤངས་པའི། །དེ་ཡི་སྒྱུ་མའི་སྣ་ཚོགས་འདིའོ། །རྟག་པ་མིན་པ་རྡོ་རྗེ་ཅན། ། གཟུགས་མེད་པར་ནི་བྷ་གའི་ནང ། །ལྟེ་བའི་ནང་ན་པདྨ་ཆེ། །བཅུ་དྲུག་ཐིག་གིས་ཐིག་གདབ་པར། །ཡི་གེ་དང་ཡང་མཉམ་སྦྱོར་བས། །ཁ་སྦྱོར་བྱ་བ་བྱས་པ་ཡིན། །དེ་དབུས་རྟག་ཏུ་གསང་པ་ཆེ། །འབྱིན་དང་སྡུད་པར་བྱེད་པའོ། །དེ་ཉིད་རང་ཉིད་རྡོ་རྗེ་ཅན། །གཅིག་པུ་རང་བྱུང་ཆེ་བའི་ལྷ། །དེ་ནི་སངས་རྒྱས་ཀུན་དངོས་ཞེས། ། མཚན་ནི་རབ་ཏུ་བཤད་པ་ཡིན། །གསང་བའི་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །ཐམས་ཅད་མཁྱེན་པས་འདི་བཤད་པའམ། །མི་འགྱུར་བ་ཡི་ལམ་བཤད་པ། །སྐྲ་ནི་ཉག་མ་བརྒྱ་ཡི་ཆ། །མཆོག་གི་གཟུགས་ཅན་བསམ་པ་སྟེ། །སྟོང་པ་མ་ཡིན་དམིགས་སུ་མེད། །ཡི་གེ་མེད་ཅིང་སྟོང་པའང་མེད། ། གོས་པ་མེད་ཅིང་ས་བོན་མེད། །གཟུགས་མེད་མཚན་མའང་མེད་པ་སྟེ། །རྣམ་ཤེས་རང་གི་དངོས་པོ་ནི། །རྣམ་ཤེས་ཡེ་ཤེས་དག་ཏུ་གཟུང ། །ཐམས་ཅད་གསལ་བྱེད་ 294b སྒྲོན་མ་ནི། །དང་པོའི་མཚན་མ་དག་ཏུ་བལྟ། །གསལ་བྱེད་གློག་གི་ཆ་ཙམ་སྟེ། །མཚན་མ་གཉིས་པ་དག་ཏུ་བརྟག་།དཀར་པོའི་འོད་ཀྱི་ཚུལ་ཅན་ནི། །ཕྱོགས་བཅུ་དག་ཏུ་བལྟ་བྱས་ཏེ། །ཉོན་མོངས་འབྱིན་པ་གསུངས་པ་ཡིན། །རྣལ་འབྱོར་པ་ཡིས་རྣམ་པར་བརྟག་།འདོད་པའི་ལྷ་ཡི་ལོངས་སྤྱོད་ནི། །བཞི་པ་རྣམ་ཤེས་དག་ཏུ་བསྟན། །གཟུགས་དང་རེག་སོགས་ལྷ་མོ་ནི། །ཕྱོགས་ཀྱི་ཡེ་ཤེས་ལྔ་པོ་ཡིན། །དྲུག་པ་གཟུགས་མེད་ཡེ་ཤེས་ཏེ། །བདུན་པ་དག་ནི་ཆོས་ཀྱི་དབྱིངས། །བརྒྱད་པར་རང་ཉིད་འདོད་བཞིན་དུ། །སངས་རྒྱས་འབྲས་བུ་དག་ཡིན་ནོ། །སྦས་པ་ལྟ་དང་ལག་པ་དང ། །འཁྱུད་དང་གཉིས་གཉིས་ལ་སོགས་པ། །དེ་བཞིན་གཤེགས་པས་དབུགས་འབྱིན་གསུངས། །དགུ་པ་བླ་མ་བླ་མ་སྟེ། །ཐམས་ཅད་འདིར་ནི་བསྟན་པ་ཡིན། །རྣམ་པ་གཞན་དག་རྩཝ་དང་འདྲ། །དེ་ཉིད་སྲོག་ཆགས་རྣམས་ཀྱི་སྲོག་།དེ་ཉིད་མི་འགྱུར་དམ་པ་ཡིན། །དེ་ཉིད་ཐམས་ཅད་ཁྱབ་བྱེད་དེ། །ལུས་ཀུན་ལ་ནི་རྣམ་པར་གནས། །དེ་ཉིད་སངས་རྒྱས་ཡེ་ཤེས་ཏེ། །ཧེ་རུ་ཀ་དཔལ་ཡིན་པར་བཤད། །སྐྱེས་པ་མ་ནི་ང་ལ་སོགས་ཉིད། །ཕྲ་བའི་སྙིང་པོའང་འཛིན་པ་ཡིན། །ཡེ་ཤེས་དག་ཏུ་འབྱུང་དེ་ལ། །གང་ཞིག་ས་ལ་གནས་རྣམས་དང ། །བསྟན་བཅོས་དག་ནི་མ་ལུས་དང ། །རིག་བྱེད་གྲུབ་མཐར་གནས་པ་ 295a ༄#། །རྣམས། །འཇིག་རྟེན་འདི་དང་གཞན་དག་ཏུ། །དེ་མེད་པར་ནི་འགྲུབ་མི་འགྱུར། །རིག་བྱེད་གྲུབ་པའི་མཐའ་རྣམས་ལ། །འདི་ནི་སྙིང་པོ་རབ་ཏུ་བཤད། ། འདུག་དང་ལྡང་བ་ཉིད་དང་ནི། །འཇུག་པ་རྫོགས་པ་ཉིད་དག་དང ། །བྱིན་གྱིས་བརླབས་དང་དབང་བསྐུར་དང ། །ཏིང་འཛིན་མཆོད་པ་བསྡུས་པ་ཡིན། །དེ་ནས་ཆོ་ག་མིང་གཞན་པ། །ཐབས་དང་ཤེས་རབ་གཉིས་མེད་པ། །དེ་ཉིད་དུ་ནི་ཀུན་སྐྱེས་པ། །འབྱིན་དང་སྡུད་པར་བྱེད་པ་ཡིན། ། ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ ། ཀ་ཁ་ག་གྷ་ང ། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿ ་ཨོཾ་ཧཱུཾ་ཧཱུཾ་ཕཊ། འདི་ནི་བཅོམ་ལྡན་ལྷ་དེ་ཡིན། །མཆོག་ཉིད་ལྷག་པར་གནས་པ་ཡིན། །ལྷ་ཀུན་གྱི་ནི་བསྐྱེད་པ་དང ། །སྒྲུབ་བྱས་དེ་བཞིན་ཤེས་བྱས་ནས། །དོན་དམ་མཆོག་ཀྱང་དེ་བཞིན་ཏེ། །བརྒྱད་ཅུ་རྩ་བཞི་ཐེག་པ་སྟེ། །སྔགས་ཀྱི་སྤྱོད་པ་ལ་གནས་ན། །དེས་ནི་འདི་ནི་ངེས་རྒྱལ་ཏེ། །ཐམས་ཅད་ཤེས་རབ་ཐབས་ཀྱིས་འགྲོ། །ཐོག་མར་གསང་སྔགས་བརྗོད་པར་བྱ། །དགེ་དང་མི་དགེ་གང་ཡིན་པ། །དེ་ནི་ལྷ་ཚོགས་རྒྱན་ཡིན་ཏེ། །སྐ་རགས་གནས་རྣམས་ཐམས་ཅད་ཡིན། །རྟག་ཏུ་འདི་ནི་འཛིན་བྱེད་པ། །ཆོས་རྣམས་ཐམས་ཅད་རྟོགས་པ་ཡིན། །ཱ་ལི་ཀཱ་ལི་མདུན་བསམས་ན། །རྣལ་ 295b འབྱོར་ཆེན་པོ་ངལ་བསོས་ཏེ། །བསམ་གྱིས་མི་ཁྱབ་སེམས་ཉིད་དེ། །སེམས་ཀྱང་བརྟག་པར་མི་བྱའོ། །སེམས་དེ་ཉིད་ཀྱང་མི་བསམ་སྟེ། །དེས་ན་འཛིན་པ་ཐོབ་པར་འགྱུར། །གང་གིས་རྒྱུད་ཀུན་ལས་གསང་བ། །ཁྱོད་ལ་ཡང་ནི་བཤད་པ་ཡིན། །འདི་ནི་འབད་པས་སྦ་བྱ་སྟེ། །གཉིས་མེད་གཉིས་སུ་མེད་པའི་སྡོམ། །རྣལ་འབྱོར་མ་སོགས་ཐམས་ཅད་དང ། །དཔའ་བོའི་ཡན་ལག་ཐམས་ཅད་ཀྱི། །རྣལ་འབྱོར་པ་ཡིས་འབྲས་བུ་ཐོབ། །སྲིད་པའི་ནང་ནས་འབྱུང་བ་ཡིན། །བླ་མའི་རྒྱུད་ཀྱི་ཐབས་ལ་ནི། །བསྙེན་བཀུར་མེད་པ་ལ་མི་བཤད། །གལ་ཏེ་བཤད་ན་སྡུག་བསྔལ་ཞིང ། །སྡུག་བསྔལ་གྱིས་ནི་སེམས་ཀྱང་འཁོར། །སེམས་ནི་རྣམ་འཁོར་རྣལ་འབྱོར་པ། །མྱ་ངན་འདས་པ་མི་མཐོང་ངོ ། །ཇི་ལྟར་བུད་མེད་བྱིས་གཏམ་རྗེས་ཡི་རང ། །ཀུན་སྨྲ་བསྟེན་པའི་གཏམ་ཡང་རྗོད་པར་བྱེད། །ལམ་ཡང་མ་བཤད་འཆིང་བར་འགྱུར་བ་ཡིན། །རྣལ་འབྱོར་ལམ་ངན་དེ་དང་འདྲ་བར་བཤད། །ཧེ་རུ་ཀ་དཔལ་སྐུའི་ཡན་ལག་།སྐུ་ཀུན་བརྟན་གཡོ་བདག་ཉིད་ཅན། །གནས་ནི་རབ་ཏུ་དགའ་བའི་ས། །དེ་བཞིན་ཉེ་གནས་དྲི་མ་མེད། །ཞིང་ནི་འོད་བྱེད་ཤེས་པར་བྱ། །ཉེ་བའི་ཞིང་ནི་འོད་འཕྲོ་བ། །འདུན་པ་མངོན་དུ་གྱུར་པ་ཉིད། ། ཉེ་བའི་འདུན་པ་སྦྱང་དཀའ་བ། །འདུས་པ་རིང་དུ་སོང་བ་ཡིན། །ཉེ་བར་འདུས་པ་མི་གཡོ་བ། །དུར་ཁྲོད་ལེགས་པའི་བློ་གྲོས་ཉིད། །ཉེ་བའི་དུར་ཁྲོད་ཆོས་ཀྱི་སྤྲིན། །ཤྲཱི་ཧེ་རུ་ཀའི་ 296a ༄#། །གཞུང་སྤྱོད་བ། །འདི་ནི་ནང་གི་བདག་ཉིད་ཅན། །ཕ་རོལ་ཕྱིན་བཅུ་ས་རྣམས་ནི། །རྣལ་འབྱོར་མ་ནི་བརྡ་ཡི་སྐད། །མཐོ་རིས་ས་སྟེང་ས་འོག་ཏུ། །དཔའ་བོའི་ཡན་ལག་བརྟན་གཡོའི་བདག་།ཐོགས་མེད་དུས་སུ་གང་བསྟན་པ། །ཕྱི་ནང་བདག་ཉིད་ཅན་དུ་གནས། །དཔལ་ལྡན་ཁྲག་འཐུང་རྒྱལ་པོ་ཆེ། །འདོད་པ་ཀུན་གྱི་དབང་ཕྱུག་གཙོ། །ཀུན་ཏུ་ཕྱག་དང་ཞབས་ལྡན་ཞིང ། །ཀུན་ཏུ་མིག་དང་མགོ་བོའི་ཞལ། །ཀུན་ཏུ་ཐོས་ལྡན་འཇིག་རྟེན་ན། །ཐམས་ཅད་གཡོགས་ཏེ་རྣམ་པར་བཞུགས། །དེ་ནས་དངོས་གྲུབ་བསྒྲུབ་བྱ་བ། །བསམ་གཏན་ལྡན་པའི་སེམས་ཀྱིས་ཏེ། །སྒྲུབ་པ་པོ་ལ་ཕན་པའི་ཕྱིར། །གསང་བའི་དེ་ཉིད་གསུངས་པ་ཡིན། །དེ་ནས་གཞན་ཡང་བཤད་བྱ་བ། །མན་ངག་ཤིན་ཏུ་རྙེད་དཀའ་སྟེ། །དཔའ་བོའི་བརྡ་ཡི་སྐད་དུ་ནི། །ང་ཡིས་རྒྱུད་དུ་སྦས་པ་ཡིན། །གོས་ནི་ཕྱག་རྒྱ་ལྔ་ལ་སོགས། །ཤེས་རབ་ཡན་ལག་ཕུར་བུ་དྲ། །ཱ་ལི་ཀཱ་ལི་ཞེས་བརྗོད་པ། རྒྱུ་ལ་སོགས་སྟོང་སྔོན་འགྲོ་ཡིན། །འཇུག་པ་སྒྲ་ལ་སོགས་པ་ནས། །ཇི་སྲིད་བསྡུས་པའི་སྦྱོར་ལྡན་ཉིད། །བདུད་རྩི་ཚིམ་བྱེད་མྱ་ངན་འདས། །ལག་པའི་མཆོད་པས་དབང་བསྐུར་བ། །གོ་ཆ་ཆེན་པོས་ཡང་དག་བསྲུང ། །སྔགས་རྣམས་ཀུན་གྱིས་མཆོད་པ་ཡིན། །དེ་ལྟར་དེ་ཉིད་བཅུ་བཞི་ནི། །མདོར་བསྡུས་ནས་ནི་བཤད་པ་ཡིན། །མི་ 296b མཆོག་གང་ཞིག་ཀུན་སྤྱེད་པ། །སྡིག་པ་ཐམས་ཅད་རྣམ་དག་བདག་།དེ་བཞིན་གཤེགས་པའི་ས་ཐོབ་ཅིང ། །སྐྱེ་དང་དགའ་བར་བདེ་གཤེགས་ཀྱི། །རིགས་སྐྱེས་རྒྱལ་པོ་ཆོས་ལྡན་འགྱུར། །དེ་ལྟར་ཆ་ག་ལྡན་རྒྱས་ན། །དངོས་གྲུབ་ཐམས་ཅད་རབ་ཏུ་སྩོལ། །ཟླ་བ་ཉ་ལ་ས་སྟེང་དུ། །འདི་ལྟར་རྣལ་འབྱོར་པས་བསྒོམས་ན། །དེ་ཡི་བསོད་ནམས་གྱུར་པ་ཡིན། །ལྷ་ཀླུ་མི་ལ་སོགས་པ་ཀུན། །དེ་ཡི་བསོད་ནམས་གང་གྱུར་དེས། །བདག་གཞན་ཡང་དག་ཡེ་ཤེས་ལྡན། །བསམ་གཏན་སེམས་པ་ཙམ་གྱིས་སམ། །ཀློག་ཅིང་འདོན་དང་བྲིས་པ་ཡིས། །མཐོ་རིས་ལོངས་སྤྱོད་ཐོབ་འགྱུར་བའམ། །ཡང་ན་འཁོར་ལོས་བསྒྱུར་བ་འཐོབ། །རྣལ་འབྱོར་མ་རྣམས་འཕོ་བའི་ཚེ། །དཔལ་ལྡན་ཁྲག་འཐུང་སོགས་མཁའ་འགྲོ། །ལག་ན་མེ་ཏོག་སྣ་ཚོགས་ཐོགས། །རྒྱལ་མཚན་བ་དན་སྣ་ཚོགས་དང ། །རོལ་མོའི་སྒྲ་ནི་སྣ་ཚོགས་དང ། །སྣ་ཚོགས་གླུ་ཡིས་མཆོད་པས་མཆོད། །འཆི་བ་ཞེས་བྱའི་རྣམ་རྟོག་འདི། །མཁའ་ལ་འགྲོ་བའི་གནས་སུ་འཁྱེར། །དེ་འདྲའི་དཔལ་ཆེན་རྣལ་འབྱོར་པ། །ས་སྟེང་དུ་ནི་རྙེད་པར་དཀའ། །མངོན་པར་བརྗོད་པའི་རྒྱུད་བླ་མའི་བླ་མ་ལས། གསང་བའི་ཡི་གེ་བསྐྱེད་ཅིང་སྒྲུབ་པའི་ལེའུ་སྟེ་ལྔ་བཅུ་རྩ་དྲུག་པའོ།། །།དེ་ནས་གཞན་ཡང་བཤད་བྱ་བ། །ཆོ་གའི་རིམ་བཞིན་སྔགས་བཏུ་བ། །གཅིག་ཏུ་དབེན་པའི་ས་ཕྱོགས་སུ། །མཁས་པས་ས་ནི་ 297a ༄#། །མཉམ་ནས་སུ། །བཤང་གཅི་ཡིས་ནི་ཕྱུག་པར་བྱ། །མཧཱ་རཀྟ་བྱུགས་ནས་ཀྱང ། །བདག་ཉིད་ཧེ་རུ་ཀར་བྱས་ནས། །རིགས་ཅན་ཤན་པ་མོ་བླངས་ནས། །མེ་ཏོག་ལ་སོགས་གདབ་པར་བྱ། །དཔའ་པོ་ཆེན་པོའི་བདུག་སྤོས་དབུལ། །ཞག་ལ་སོགས་པ་མར་མེ་སྦར། །ཅང་ཏེའུ་དྲིལ་བུ་བརྡུང་བར་བྱ། །གླུ་\?\་དང་གར་གྱིས་མཆོད་པར་བྱ། །ལྷ་ཡི་རོལ་མོའི་བྱེ་བྲག་དང ། །ཕྱོགས་ཀྱི་གོས་ཅན་སྐྲ་གྲོལ་བ། །ལུས་ནི་ཕྱག་རྒྱ་དྲུག་དང་ལྡན། །ཱ་ལི་ཀཱ་ལི་མཉམ་བྱས་ཏེ། །སྡེ་ཚན་ལ་ནི་ཐིམ་པར་བྱ། །བཞི་བཞི་རུ་ནི་ཤེས་བྱས་ལ། །ཐུབ་པའི་མཆོག་གིས་རྒྱས་པར་བྱ། །དེར་གནས་དཔའ་བོ་བཏུ་བར་བྱ། །དོན་འདོད་ཐམས་ཅད་གྲུབ་བྱེད་པ། །བཞི་པའི་ལྔ་པ་གང་ཡིན་དང ། །ལྔ་པ་ཡི་ཡང་ལྔ་བ་དང ། །ལྔ་པ་ཡི་ནི་བཞི་པ་དང ། །དང་པོའི་གསུམ་པ་གང་ཡིན་དང ། །དེ་བཞིན་ཉི་ཤུ་རྩ་དགུ་པ། །བཞི་པའི་དང་པོ་གང་ཡིན་དང ། །མཐར་གནས་པ་ཡི་བཞི་པ་དང ། །དེ་ཉིད་ཀྱི་ནི་གཉིས་པ་དང ། །སུམ་ཅུ་པ་ནི་ཡང་དག་བླང ། །ཉི་ཤུ་དྲུག་པ་ཉིད་དང་ནི། །དེ་བཞིན་བརྒྱ་ཡི་ཕྱེད་ཕྱེད་དང ། །དེ་ནས་སུམ་ཅུ་རྩ་གསུམ་དང་།། དང་པོའི་དང་པོ་ཉིད་དག་དང ། །མཐར་གནས་པ་ཡི་གསུམ་པ་དང ། །ལྔ་པ་ཡི་ནི་དང་པོ་དང ། །དང་པོ་ཡི་ནི་གསུམ་པ་ཉིད། །སུམ་ཅུ་རྩ་གཉིས་པ་ཉིད་ནི། །བཞི་ 297b པ་ཡི་ནི་ལྔ་པ་དང ། །ལྔ་པ་ཡི་ཡང་བཞི་པ་དང ། །མཐར་གནས་པ་ཡི་དང་པོ་དང ། །གཉིས་པ་ཡི་ནི་གསུམ་པ་དང ། །གསུམ་པའི་དང་པོ་གང་ཡིན་དང ། །ལྔ་པ་ཡི་ཡང་ལྔ་པ་དང ། དང་པོ་ཡི་ནི་དང་པོ་དང ། །དེ་བཞིན་བཅུ་གཅིག་པ་ཉིད་དང ། །དེ་བཞིན་མཁས་པས་བཅུ་དྲུག་པ། །གསུམ་པའི་དང་པོ་གང་ཡིན་དང ། །དེ་བཞིན་ཉི་ཤུ་རྩ་དྲུག་པ། །བཞི་བའི་གསུམ ་ ་པ་གང་ཡིན་དང ། །ུཥྨ་ཡི་ནི་གཉིས་པ་ཉིད། །དང་པོའི་དང་པོ་གང་ཡིན་དང ། །དེ་བཞིན་ཉི་ཤུ་རྩ་བདུན་པ། །ཉི་ཤུ་རྩ་བརྒྱད་པ་ཡང་ངོ ། །དང་པོ་ཡི་ནི་གསུམ་པ་དང ། །ལྔ་པ་ཡི་ཡང་བཞི་པ་དང ། །དེ་བཞིན་སུམ་ཅུ་རྩ་གཅིག་བླང ། །བཅོ་ལྔ་པ་ནི་ཉིད་དག་དང ། །དེ་བཞིན་ཉི་ཤུ་རྩ་ལྔ་པ། །དང་པོའི་གཉིས་པ་གང་ཡིན་དང ། །དེ་བཞིན་ཉི་ཤུ་རྩ་དྲུག་པ། ། ཡི་གེ་སུམ་ཅུ་རྩ་གཉིས་པ། །ུཥྨ་ཡི་ནི་ཐ་མ་ཉིད། །སུམ་ཅུ་རྩ་གཉིས་པ་ཉིད་དང ། །ལྔ་པ་ཡི་ནི་བཞི་པ་དང ། །གཉིས་པ་ཡི་ནི་བཞི་པ་དང ། །ལྔ་པ་ཡི་ནི་བཞི་པ་དང་།། ཨུཥྨ་ཡི་ནི་གསུམ་པ་དང ། །གཞན་ཡང་ཉི་ཤུ་རྩ་བདུན་པ། །ནྟསྠ་ཡི་དང་པོ་དང ། །དེ་བཞིན་ཉི་ཤུ་རྩ་གཅིག་པ། །ནྟ་སྠ་ཡི་གཉིས་པ་དང ། །དེ་བཞིན་ཡང་ནི་སུམ་ཅུ་པ། །ལྔ་པ་ཡི་ནི་དང་པོ་དང ། །ུཥྨ་ཡི་ནི་དང་པོ་ཉིད། །དེ་བཞིན་ཡི་གེ་བྱ་ཉིད་དང ། །བཞི་པའི་དང་པོ་གང་ཡིན་དང ། །ུ་ཥྨའི་དང་པོ་གང་ཡིན་དང ། །དེ་བཞིན་ཉི་ 298a ༄#། །ཤུ་རྩ་བརྒྱད་པ། །དང་པོའི་གཉིས་པ་གང་ཡིན་དང ། །གསུམ་པའི་དང་པོ་ཉིད་དག་དང ། །དང་པོའི་གསུམ་པ་གང་ཡིན་དང ། །བཞི་པའི་བཞི་པ་གང་ཡིན་དང ། །ནྟ་སྠ་ཡི་གཉིས་པ་དང ། །གསུམ་པའི་ཡང་ནི་ལྔ་པ་དང ། །ཡི་གེ་བྱ་ནི་དེ་ནས་བླང ། །དང་པོ་ཡི་ནི་བཞི་པ་དང ། །མཐར་གནས་པ་ཡི་གཉིས་པ་དག་།དེ་ནས་བརྒྱད་པ་ཉིད་དག་དང ། །བཞི་པའི་ལྔ་པ་གང་ཡིན་དང ། །ལྔ་པ་ཡི་ཡང་ལྔ་པ་དང ། །ཉི་ཤུ་རྩ་གསུམ་པ་ཡང་བླང ། །དེ་བཞིན་ཉི་ཤུ་རྩ་བདུན་དང ། །བཞི་པ་ཡི་ནི་བཞི་པ་དང ། ། སླར་ཡང་ཉི་ཤུ་རྩ་བདུན་པ། །དེ་བཞིན་ཉི་ཤུ་རྩ་དྲུག་པ། །ཉི་ཤུ་རྩ་ལྔ་ཡང་དག་བླང ། །སུམ་ཅུ་རྩ་གསུམ་ཉིད་དག་དང ། །བཞི་པ་ཡི་ནི་བཞི་པ་དང ། །ལྔ་པ་ཡི་ནི་ལྔ་པ་དང ། །མཐར་གནས་པ་ཡི་གཉིས་པ་བླང ། །བཞི་པ་ཡི་ནི་ལྔ་པ་དང ། །བཞི་པ་ཡི་ནི་བཞི་པ་དང ། །དང་པོའི་དང་པོ་ཉིད་དག་དང ། །དེ་བཞིན་ཉི་ཤུ་རྩ་བདུན་པ། །ནྟ་སྠ་ཡི་བཞི་པ་དང ། །དེ་བཞིན་ཉི་ཤུ་རྩ་གཅིག་པ། །ུཥྨ་ཡི་ནི་གཉིས་པ་ཉིད། །དེ་བཞིན་ཉི་ཤུ་རྩ་དྲུག་པ། །ཐོག་མ་ཡི་ནི་དང་པོ་དང ། །མཐར་གནས་པ་ཡི་གཉིས་པ་ཉིད། ། གཉིས་པ་ཡི་ནི་དང་པོ་དང ། །དྲུག་པ་ཡི་ནི་གཉིས་པ་ཉིད། །ཐོག་མ་ཡི་ནི་དང་པོ་དང ། །མཐར་གནས་པ་ཡི་གཉིས་པ་དང ། །གཉིས་པ་ཡི་ནི་དང་པོ་དང ། །བདུན་པ་ 298b ཡི་ནི་གཉིས་པ་དང ། །དྲུག་པ་ཡི་ནི་གསུམ་པ་དང ། །བཞི་པ་ཡི་ནི་ལྔ་པ་དང ། །བཞི་པ་ཡིས་ནི་སྤྱར་བར་བྱ། །མཐར་གནས་པ་ཡི་བཞི་པ་དང ། །ལྔ་པ་ཡི་ནི་ལྔ་པ་ལ། །བཞི་པ་ཡི་ནི་གནས་སུ་བྱ། །ལྔ་པ་ཡི་ནི་ཐོག་མ་ལ། །སྟེང་དུ་སྦྱར་ཞིང་མེ་དང་བཅས། །ུཥྨ་ཡི་ནི་གསུམ་པ་དང ། །མཐར་གནས་པ་ཡི་ཐོག་མ་དང ། །བཞི་པ་ཡི་ནི་ཐོག་མ་ལ། །གཟི་བརྗིད་ཅན་གྱིས་གདན་དུ་བྱས། །བདུན་པ་ཡི་ནི་གསུམ་པ་དང ། །དྲུག་པ་ཡི་ཡང་དང་པོ་སྟེ། །ཀ་དང་ཤ་ཡི་ཡི་གེ་ནི། །ཐོག་མ་དག་ནི་བླངས་ནས་སུ། །ལྔ་པ་ཡི་ནི་བཞི་པ་དང ། མཐར་གནས་པ་ཡི་དང་པོ་སྟེ། །དེ་བཞིན་ཡང་ནི་བསྡུས་ཏེ་བླང ། །དྲུག་པ་ཡི་ནི་བཞི་པ་དང ། །བདུན་པ་ཡི་ནི་དང་པོ་དང ། །ུཥྨ་ཡི་ནི་བཞི་པ་བླང ། །བདུན་པ་ཡི་ནི་བཞི་པ་དག་།རྡོ་རྗེ་སེམས་དཔས་ཕྱེ་བ་ཡིན། །ུཥྨ་ཎ་ཡི་བཞི་པ་ཉིད། །ཉི་མ་ཡང་ནི་གདན་དུ་བྱས། །བདུན་པ་ཡི་ནི་བཞི་པ་ལ། །མེ་ཡི་འོག་ཏུ་སྦྱར་བར་བྱ། །གཤེགས་སུ་གསོལ་དང་ཡང་དག་ལྡན། །ལྔ་པ་ཡི་ནི་གཉིས་པ་དང ། །དེ་བཞིན་ཉི་ཤུ་གཉིས་པ་ཉིད། །དྲུག་པ་ཡི་ནི་གཉིས་དེ་བཞིན། །བཅུ་གཅིག་པ་དང་ཉི་ཤུ་གཉིས། །གསུམ་པའི་དང་པོ་བླངས་ནས་ནི། །བཞི་པ་ཡི་ནི་གསུམ་པ་དང ། །ུཥྨ་ཎ་ཡི་བཞི་པ་ཉིད། །ལྔ་པ་ཡི་ནི་གསུམ་པ་དང ། །བདུན་པའི་བཞི་པ་བླང་བར་བྱ། །ཉི་ཤུ་རྩ་གཅིག་དེ་བླངས་ 299a ༄#། །ནས། །གཉིས་པ་ཡི་ནི་དང་པོ་དང ། །ལྔ་པ་ཡི་ཡང་ཐོག་མ་དང ། །གཉིས་པ་ཡི་ནི་ཡི་གེ་དྲུག། ལྔ་པ་ཡི་ནི་བཞི་པ་ལ། །ཀྵ་ཡི་ཡི་གེ་དེ་བཞིན་ནོ། །ཉི་ཤུ་རྩ་བཞི་དེ་བླངས་ནས། །སླར་ཡང་བསྡུ་བ་བཤད་པ་ཡིན། །ལྔ་པ་ཡི་ནི་གསུམ་པ་དང ། །ུཥྨ་ཎ་ནི་གསུམ་པ་དང ། །མཐར་གནས་པ་ཡི་གཉིས་པ་ཉིད། །ལྔ་པ་ཡི་ནི་བཞི་པ་དང ། །ཉི་མས་སླར་ཡང་གདབ་པར་བྱ། །ཡི་གེ་ཉི་ཤུ་བཏབ་ནས་ནི། །བཅུ་དྲུག་པ་ཡིས་སྟན་དུ་བྱས། །འོག་ཏུ་མེ་ཡི་གཟི་བརྗིད་ཅན། །ལྔ་པ་ཡི་ནི་ལྔ་པ་དང ། །མཐར་གནས་པ་ཡི་གསུམ་པ་དང ། །ལྔ་པ་ཡི་ནི་གསུམ་པ་དང ། །དྲུག་པ་ཡི་ནི་གསུམ་པ་དང ། །མཐར་གནས་པ་ཡི་བཞི་པ་དང ། །ཉི་ཤུ་རྩ་ལྔ་པ་ཡིས་དབྱེ། །བཞི་པ་ཡི་ནི་ལྔ་པ་དང ། །གཉིས་པ་ཡི་ཡང་གསུམ་པ་དང ། །ཉི་མའི་བུ་ཡིས་རྣམ་པར་དབྱེ། །ུཥྨ་ཎ་ཡི་བཞི་པོ་དང ། །དང་པོ་ཡི་ནི་གསུམ་པ་ལ། །གཟི་བརྗིད་ཀྱིས་ནི་གདན་དུ་བྱས། །བདུན ་ ་པ་ཡི་ནི་བཞི་པ་དང ། །བཅོ་ལྔ་པ་ཡིས་གདན་གཉིས་བྱ། །ུཥྨ་ཎ་ཡི་གསུམ་པ་ཉིད། །ལྔ་པ་ཡི་ནི་ཐོག་མ་ལ། །བཅུ་དྲུག་པ་ཡི་གདན་དུ་བྱས། །ཉི་ཤུ་རྩ་གཅིག་དེ་ཡིས་བླངས། །བཞི་པ་ཡི་ནི་ཐོག་མ་དང ། །མཐར་གནས་པ་ཡི་གསུམ་པ་ངང ། །གཉིས་པ་ཡི་ནི་གསུམ་པ་དང ། །བཞི་པ་ཡི་ནི་དང་པོ་དང ། །ལྔ་པ་ཡི་ནི་བཞི་པ་དང ། །གསུམ་ 299b པ་ཡི་ནི་གསུམ་པ་དང ། །དང་པོ་ཡི་ནི་གསུམ་པ་དང ། ། ཥྨ་ཎ་ཡི་གསུམ་པ་ཉིད། །ཉི་ཤུ་རྩ་གཅིག་དེ་བཞིན་ཏེ། །ཉི་མ་ཡིས་ནི་མཉམ་པར་མནན། །ལྔ་པ་ཡི་ནི་གསུམ་པ་དང། །བཞི་པ་ཡི་ནི་དང་པོ་དང ། །གསུམ་པ་ཡི་ནི་གསུམ་པ་ལ། །གཟི་བརྗིད་ཀྱིས་ནི་གསལ་བར་བྱ། །མཐར་གནས་པ་ཡི་ཐོག་མར་ཤེས། །དེར་ཡང་བཅུ་དྲུག་པ་ཡིས་གདབ། ། གཉིས་པ་ཡི་ནི་གསུམ་པ་དང ། །དེ་བཞིན་ཉི་ཤུ་རྩ་དྲུག་པ། །དང་པོ་ཡི་ནི་གཉིས་པ་དང ། །ཐོག་མ་ཡི་ཡང་དང་པོ་དང ། །བཞི་པ་ཡི་ཡང་གསུམ་པ་དང ། །ཐོག་མ་ཡི་ཡང་དང་པོ་དང ། །གཉིས་པ་ཡི་ཡང་དང་པོ་དང ། །དེ་བཞིན་དུ་ནི་བཅུ་བཞི་པའོ། །བཅུ་བཞི་ཨུཥྨ་བཞི་པ་དང ། །ཉི་ཤུ་རྩ་བདུན་གདན་དུ་བྱས། །ཡ་སོགས་བརྒྱད་པོའི་ས་བོན་དང། །ཉི་མ་ཡི་ནི་གཟི་བརྗིད་ཅན། །གསུམ་པ་ཡི་ཡང་གསུམ་པ་དང ། །བཅོ་ལྔ་པ་ཡིས་གདན་དུ་བྱས། །གཉིས་པ་ཡི་ཡང་གསུམ་པ་དང ། །གསུམ་པ་ཡི་ཡང་ལྔ་པ་དང ། ། ཀ་ཤའི་ཡི་གེ་ས་བོན་ཏེ། །ཉི་ཤུ་ལྔ་པ་གདན་དུ་བྱས། །སླར་ཡང་བསྡུ་བར་བྱ་བ་སྟེ། །སྐུ་ནི་ལེགས་པ་རབ་ཏུ་བ་སྟེ། །དབང་ཆེན་གྱིས་ནི་གདན་དུ་བྱས། །ུཥྨ་ཡི་ནི་བཞི་པ་དང ། །བདུན་པ་ཡི་ནི་བཞི་པ་དང ། །ཡ་ཚོགས་བརྒྱད་པའི་ས་བོན་དང ། །དེ་བཞིན་སུམ་ཅུ་གསུམ་པ་ཉིད། །སུམ་ཅུ་རྩ་གསུམ་དེ་བཞིན་ཏེ། །ལྔ་པའི་བདག་ཉིད་ཀུན་ 300a ༄#། །བསྡུ་བའོ། །དེ་ནས་ཀྱང་ནི་བཏུ་བྱ་བ། །གཉིས་པ་ཡང་ནི་དེ་བཞིན་ཏེ། །གཉིས་པ་ཡི་ནི་དང་པོ་དང ། །མཐར་གནས་པ་ཡི་གསུམ་པ་དང ། །ུཥྨ་ཎ་ཡི་གསུམ་པ་དང ། །དེ་བཞིན་ཉི་ཤུ་རྩ་བརྒྱད་པ། །བདུན་པ་ཡི་ནི་བཞི་པ་དང ། །དྲུག་པ་ཡི་ནི་གསུམ་པ་དང ། ལྔ་པ་ཡི་ཡང་བཞི་པ་དང ། །དྲུག་པ་ཡི་ཡང་གསུམ་པ་དང ། གཉིས་གཉིས་རྐང་པ་བཞི་པ་སྟེ། །ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏཱ་ས་ཡ་ཏཱ་ས་ཡ། ཀྵོ་བྷ་ཡ་ཀྵོ་བྷ་ཡ། ཧྲཽཾ་ཧྲཽཾ། ཧྲཿ ་ཧྲཿ ། ཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ། བ་ས་རུ་དྷི་རཱནྟྲ་མཱ་ལཱ་བ་ལཾ་ཝི་ནི། གྲིཧྣ་གྲཧྣ། སཔྟ་པཱ་ཏཱ་ལ་ག་ཏ། བྷུ་ཛཾ་ག་ས་རྦཾ་བཱ་ཏརྫ་ཡ་ཏརྫ་ཡ། ཨཱ་ཀ་ཌྜྷྱ་ཨཱ་ཀཌྜྷྱ། ཧྲཱིཾ་ཧྲཱིཾ། ཛྞཽཾ་ཛྞཽཾ། ཀྵྨཱཾ་ཀྵྨཱཾ། ཧཱཾ་ཧཱཾ། ཧཱིཾ་ཧཱིཾ། ཧཱུཾ་ཧཱུཾ། ཀི་ལི་ཀི་ལི། སི་ལི་སི་ལི། ཧི་ལི་ཧི་ལི། དྷི་ལི་དྷི་ལི། ཧུཾ་ཧཱུཾ་ཕཊ། རིག་པའི་རྒྱལ་པོ་གསང་སྔགས་ཏེ། །བྱ་བ་ཐམས་ཅད་སྒྲུབ་བྱེད་པའོ། །འདི་ལས་ཤིན་ཏུ་མཆོག་གྱུར་པ། ། འཇིག་རྟེན་གསུམ་ན་ཡོད་མིན་ཏེ། །དཔལ་ལྡན་ཁྲག་འཐུང་སྔགས་ཤེས་ན། །གཞན་དག་སྙིང་པོ་མེད་རྩར་མཚུངས། །རྩ་བའི་སྔགས་སུ་བཤད་པ་ཡིན། །མངོན་པར་བརྗོད་པའི་རྒྱུད་བླ་མ་ལས། རྩ་བའི་སྔགས་ཀྱི་ཡི་གེ་བཏུ་བའི་རྡོ་རྒྱུས་ཀྱི་ཆོ་གའི་ལེའུ་སྟེ་ལྔ་བཅུ་རྩ་བདུན་པའོ།། །།གཞན་ཡང་ཡི་གེ་ཉི་ 300b ཤུ་གཉིས། །སྙིང་པོའི་ཡིག་བདུན་ཉེ་སྙིང་པོ། །ཡ་ཚོགས་བརྒྱད་པའི་ས་བོན་དང ། །དེ་བཞིན་གུག་སྐྱེད་བཅུ་གཉིས་ཀྱིས། །ཡི་གེ་བར་མ་དོར་བྱས་པ། །ཡན་ལག་དྲུག་ནི་ཧེ་རུ་ཀ་དཔའ་བོ་དྲུག་དང་མཉམ་སྦྱོར་བ། །རེའུ་མིག་དྲུག་ཏུ་སྒོམ་པ་སྟེ། །ཧེ་རུ་ཀ་ཡི་བདག་པོར་འགྱུར། །ཡི་གེ་གཅིག་ཏུ་ཡང་དག་གནས། །ོཾ་ན་མ་སཝཱ་ཧཱ་བོ་ཥ་ཊེ། །ཧཱུཾ་ཧཱུཾ་ཕཊ་དང་ཡང་དག་ལྡན་\?\། །སྒྲུབ་པོས་སྙིང་པོར་ཤེས་པར་བྱ། །དང་པོ་སྙིང་ག་ཉིད་དུ་སྟེ། །གཉིས་པ་སྤྱི་བོར་ཤེས་པར་བྱ། །གསུམ་པ་སྤྱི་གཙུག་དག་ཏུ་སྦྱར། །བཞི་པ་གོ་ཆར་གྱུར་པ་ཡིན། །ལྔ་པ་མིག་ཏུ་གྱུར་པ་སྟེ། །དྲུག་པ་མཚོན་ཆ་ཞེས་བྱར་འདོད། །དེ་ནས་དབྱངས་ཡིག་བཅུ་གསུམ་ཉིད། །ཡི་གེ་གཉིས་པ་དག་དང་སྦྱར། །དབྱངས་ཡིག་བཅུ་གཅིག་ཡང་དག་སྦྱར། །ཡི་གེ་དྲུག་པ་བརྒྱན་པར་བྱ། །དབྱངས་ཀྱི་བཞི་པ་ཉིད་ཀྱང་ནི། །ཡི་གེ་བདུན་པ་ཉིད་ཀྱང་སྦྱར། །དབྱངས་ཡི་གེ་བཅུ་གཅིག་པ་ཉིད་ནི། །མཁས་པས་ཡི་གེ་བརྒྱད་པར་སྦྱར། །དབྱངས་ཡི་གེ་གཉིས་བ་དང་སྦྱར་བའི། །ཡི་གེ་དགུ་པས་བརྒྱན་པར་བྱ། །དབྱངས་ཀྱི་ཡི་གེ་གཉིས་པ་ཉིད། །ཡི་གེ་བཅུ་གཉིས་པ་དང་སྦྱར། །དབྱངས་ཡིག་གཉིས་པར་ལྡན་པ་ནི། །ཡི་གེ་ཉི་ཤུ་གཅིག་པ་གཟུང ། །མཁས་པས་ཡི་གེ་བཅུ་བཞི་པ། །ཡི་གེ་ཉི་ཤུ་པ་དང་སྦྱར། །དབྱངས་ཀྱི་གསུམ་པ་ཉིད་དག་ནི། །ཡི་གེ་བཅོ་ལྔ་པ་དང་སྦྱར། །དབྱངས་ཡིག་བཅོ་ 301a ༄#། །ལྔར་ཡང་དག་ལྡན། །ཡི་གེ་བཅུ་དྲུག་པ་མཛེས་བྱ། །དབྱངས་ཡིག་གསུམ་པ་དང་ལྡན་པའི། །ཡི་གེ་བཅུ་བདུན་པ་རུ་འདོད། །དབྱངས་ཀྱི་གཉིས་པ་ཉིད་དང་ནི།། ཡི་གེ་བཅོ་བརྒྱད་པ་རུ་སྦྱར། །དབྱངས་ཡིག་གི་ནི་གཉིས་པ་ཉིད། །ཡི་གེ་ཉི་ཤུ་གཅིག་པར་སྦྱར། །ཕྱི་མོའི་ལྔ་པ་དང་ཡང་སྦྱར། །ཡི་གེ་ཉི་ཤུ་གསུམ་པར་སྦྱར། །ཕྱི་མོའི་ལྔ་པ་དང་ཡང་སྦྱར། །ཡི་གེ་ཉི་ཤུ་བཞི་པར་སྦྱར། །དབྱངས་ཡིག་བཅུ་གསུམ་པ་ཉིད་ནི། །ཡི་གེ་ཉི་ཤུ་བཞི་པར་སྦྱར། །སྡེ་ཚན་དང་པོ་བླངས་ནས་ནི། །ཡི་གེ་ཉི་ཤུ་ལྔ་པར་སྦྱར། ། དབྱངས་ཡིག་གཉིས་པ་དང་ལྡན་པར། །ཡི་གེ་ཉི་ཤུ་རྩ་དྲུག་འགྱུར། །ཡི་གེ་ཉི་ཤུ་བརྒྱད་དག་ནི། །ཡི་གེ་བཅོ་ལྔ་པ་དང་སྦྱར། །གསུམ་པའི་དང་པོར་ཡང་དག་ལྡན། ། འོག་གི་ཆ་ནི་མེ་དང་བཅས། །དེ་བཞིན་དབྱངས་ཡིག་གཉིས་པར་སྦྱར། །ཡི་གེ་ཉི་ཤུ་རྩ་དགུ་པ། །ཡི་གེ་སུམ་ཅུ་རྩ་གཅིག་པར། །དབྱངས་ཡིག་གཉིས་པ་དག་དང་སྦྱར། །ཡི་གེ་སུམ་ཅུ་གཉིས་པ་ཡང ། །དབྱངས་ཡིག་གཉིས་པར་ལྡན་པར་བྱ། །ཡི་གེ་སུམ་ཅུ་རྩ་གསུམ་པ། །ཉི་མར་ཡང་དག་ལྡན་པར་བྱ། །ཕྱི་མོའི་བཞི་པ་ཉིད་དག་ནི། །ཡི་གེ་སུམ་ཅུ་བཞིར་ལྡན་པའི། །འདོད་པའི་དོན་ཀུན་གྲུབ་བྱེད་ཡིན། །ཕྱི་མོའི་ལྔ་པ་ཉིད་དག་ནི། །སུམ་ཅུ་བདུན་པར་ཡང་དག་ལྡན། །མཁའ་འགྲོ་མ་རྣམས་སྒྲུབ་ 301b བྱེད་ཡིན། །སུམ་ཅུ་བརྒྱད་པ་ཉིད་དག་ནི། །དབྱངས་ཡིག་གཉིས་པ་དང་སྦྱར་བ། །ལྷ་རྣམས་ཐམས་ཅད་སྒྲུབ་པ་ནི། །འདི་ཉིད་ཡིན་པར་ཐེ་ཚོམ་མེད། །བཞི་བཅུ་རྩ་གཉིས་པ་ཉིད་ནི། ། མེ་དང་འོག་ཏུ་བསྒྲུབ་པར་བྱ། །བཞི་བཅུ་གསུམ་པ་ཉིད་དག་ནི། །དབྱངས་ཡིག་ལྔ་པ་ཉིད་དང་སྦྱར། །ཡི་གེ་བཞི་བཅུ་ལྔ་པ་ནི། །དབྱངས་ཀྱི་ཡི་གེ་གཉིས་པར་སྦྱོར། །དབྱངས་ཡིག་ལྔ་པ་ཉིད་དག་ཀྱང ། །བཞི་བཅུ་རྩ་དྲུག་པར་ལྡན་པ། །དཔའ་བོ་ཐམས་ཅད་རབ་མཆོད་ཅིང ། །བཞི་བཅུ་རྩ་བདུན་པ་ཉིད་ནི། །དབྱངས་ཡིག་གཉིས་པ་དང་སྦྱར་བ། །རྡོ་རྗེ་སེམས་དཔའ་མཆོག་ཏུ་འདོད། །དེ་བཞིན་ལྔ་བཅུ་རྩ་གཅིག་པ། །དབྱངས་ཡིག་ལྔ་པ་ཉིད་དག་གིས། །མཛེས་པ་མཆོག་ནི་ཡིན་པར་འདོད། །ལྔ་བཅུ་རྩ་གཉིས་པ་ཉིད་ནི། །དབྱངས་ཡིག་གཉིས་དང་དང་སྦྱར་བ། །ལྷ་རྣམས་ཐམས་ཅད་འགྲུབ་བྱེད་པ། །འདི་ཉིད་ཡིན་པར་ཐེ་ཚོམ་མེད། །དེ་བཞིན་ལྔ་བཅུ་\?\་གསུམ་པའང ། །དབྱངས་ཡིག་བཅུ་གསུམ་པ་དང་སྦྱར། །ཡི་གེ་རྣམས་ལས་འདི་མཆོག་སྟེ། །དགྲ་རྣམས་ངེས་པར་གསོད་བྱེད་ཡིན། །སྡེ་ཚན་བཞི་ལས་དྱ་ཉིད་དོ། །ཡི་གེ་ལྔ་བཅུ་རྩ་དྲུག་པ། །དབྱངས་ཡིག་དྲུག་པ་དག་དང་སྦྱར། །ནྟསྠ་ཡི་བཞི་པ་དང ། ། དབྱངས་ཡིག་གཉིས་པར་སྦྱར་བར་བྱ། །དེ་བཞིན་བཅོ་ལྔ་པ་དང་སྦྱར། །དངོས་གྲུབ་ཐམས་ཅད་སྒྲུབ་པ་ཡིན། །ཡི་གེ་ལྔ་བཅུ་རྩ་དགུར་འགྱུར། །ཡི་གེ་དྲུག་ཅུ་རྩ་གཅིག་ཉིད། །དབྱངས་ 302a ༄#། །ཡིག་གཉིས་པ་དག་དང་སྦྱར། །འདི་ཉིད་མཆོག་ནི་ཡིན་པར་བཤད། །དེ་བཞིན་དྲུག་ཅུ་རྩ་གཉིས་པ། །དབྱངས་ཡིག་གཉིས་པར་སྦྱར་བ་ནི། །མཁའ་འགྲོ་མ་ཡི་མཆོག་ཏུ་འདོད། །ཡི་གེ་དྲུག་ཅུ་རྩ་གསུམ་ཉིད། །དབྱངས་ཡིག་བཅུ་གཅིག་དག་དང་ལྡན། །མཛེས་པའི་ཡི་གེ་ཀུན་མཆོག་ཡིན། །དྲུག་ཅུ་རྩ་བཞི་པ་ཉིད་ནི། །རྡོ་རྗེ་སེམས་དཔའ་ཕྱེ་བ་དག་།དབྱངས་ཡིག་གཉིས་པར་ཡང་དག་ལྔན། །གྲུབ་སྦྱིན་ཐར་པ་ཆེན་པོའོ། །ཡི་གེ་དྲུག་ཅུ་རྩ་ལྔ་པ། །མེ་ལ་གནས་པར་ཡང་དག་ལྡན། །དབྱངས་ཡིག་གསུམ་པ་དང་སྦྱར་བ། །དངོས་གྲུབ་ཀུན་སྦྱིན་བདེ་གཤེགས་གསུངས། །ཡི་གེ་དྲུག་ཅུ་རྩ་དྲུག་པ། །དབྱངས་ཡིག་གསུམ་པ་དང་སྦྱར་བ། །བྱ་བ་ཀུན་ལས་གྲུབ་སྦྱིན་པར། །དེ་ལྟར་དེ་བཞིན་གཤེགས་པས་གསུངས། །ཡི་གེ་དྲུག་ཅུ་རྩ་བདུན་པ། །ཡི་གེ་གཉིས་པ་ཡང་དག་ལྡན། །རྣལ་འབྱོར་མ་ཡི་དགོས་པ་ཀུན། །འདི་ཉིད་བྱེད་པར་ཐེ་ཚོམ་མེད། །དྲུག་ཅུ་བརྒྱད་པ་ཉིད་དག་ལས། །དེར་ནི་ཡི་གེ་བ་སྦྱར་བ། །འོག་གི་ཆར་ནི་བརྟག་པར་བྱ། །ཡི་གེ་བདུན་ཅུ་རྩ་གཅིག་པ། །ཡི་གེ་གཉིས་པར་ཡང་དག་སྦྱར། །ཡི་གེ་ཀུན་ལ་མཛེས་པ་ནི། ། འདི་ཉིད་ཡིན་པར་ཐེ་ཚོམ་མེད། །སུམ་ཅུ་རྩ་བཞི་པ་ཉིད་ནི། །དབྱངས་ཡིག་གཉིས་པར་སྦྱར་བ་དག། གདོད་ནས་གྲུབ་པ་ཡིན་པར་ནི། །དེ་བཞིན་གཤེགས་པའི་ 302b ཞལ་ནས་གསུངས། །ཡི་གེ་བདུན་བཅུ་ལྔ་པ་ཉིད། །མ་མོའི་དྲུག་པ་དང་ལྡན་པ། །འདི་ནི་རྣལ་འབྱོར་མཆོག་ཡིན་ཏེ། །དགེ་བ་ཀུན་ལས་དམ་པ་ཡིན། །བདུན་ཅུ་རྩ་དྲུག་པ་ཉིད་ན། །དབྱངས་ཡིག་གཉིས་པ་དང་ལྡན་ཞིང ། །འོག་ཏུ་མེ་དང་ལྡན་པ་ལས། །གཞན་དག་མཛེས་པ་ཡོད་མ་ཡིན། །ཡི་གེ་བདུན་ཅུ་རྩ་བདུན་པ། །དེར་ནི་ད་དང་སྦྱར་བར་བྱ། །མཁའ་འགྲོ་མ་ཡི་མཛེས་པར་འདོད། །བདུན་ཅུ་རྩ་བརྒྱད་པ་ཉིད་ནི། །དབྱངས་ཡིག་གཉིས་པ་དག་དང་སྦྱར། །རྒྱུ་ཡི་མཆོག་ནི་ཡིན་པར་འདོད། །ཡི་གེ་བརྒྱད་ཅུ་རྩ་གཅིག་པ། །བཞི་པའི་མཐའ་ཡིས་ཁྱད་པར་དབྱེ། །གདོད་ནས་གྲུབ་བྱེད་འདི་ཡིན་ཏེ། །དངོས་གྲུབ་ཀུན་ལ་འཇུག་བྱེད་པའོ། །ཡི་གེ་བརྒྱད་ཅུ་རྩ་གཉིས་པ། །དེ་བཞིན་དབྱངས་ཡིག་གཉིས་པར་སྦྱར། །ཕྱི་མོ་ཡི་ནི་ལྔ་པ་ལ། །དེ་བཞིན་ཡི་གེ་བརྒྱད་ཅུ་བརྒྱད། །མ་མོ་ཡི་ནི་ལྔ་པ་དང ། །བརྒྱད་ཅུ་དགུ་པ་དེ་བཞིན་ཏེ། །མ་མོ་ལྔ་པ་བླངས་བྱས་ཏེ། །དེ་བཞིན་ཡི་གེ་དགུ་བཅུ་པ། །མ་མོའི་ལྔ་པ་བླངས་བྱས་ཏེ། །ཡི་གེ་དགུ་བཅུ་གཅིག་པར་སྦྱོར། །མ་མོ་ཡི་ནི་གཉིས་པ་དང ། །ཡི་གེ་དགུ་བཅུ་རྩ་དྲུག་པ། །དབྱངས་ཡིག་གཉིས་པ་ལྡན་པ་ཡི། །ཡི་གེ་དགུ་བཅུ་རྩ་དགུ་པ། །གདུག་པ་ཐམས་ཅད་སྐྲག་བྱེད་པ། །མ་མོ་ཀུན་གྱི་བདེ་བའི་གནས། །དབྱངས་ཀྱི་ཡི་གེ་བཅུ་གསུམ་པ། །ཡི་གེ་གཉིས་པ་དག་དང་ལྡན། །མ་མོ་བཅུ་གསུམ་པ་ཉིད་ནི། །ཡི་གེ་ལྔ་པ་དག་དང་སྦྱར། །གདུག་ 303a ༄#། །པ་ཐམས་ཅད་འཁྲུག་བྱེད་དེ། །མཁའ་འགྲོ་མ་ཡི་བདེ་བའི་གནས། །དབྱངས་ཡིག་བཅུ་བཞི་པ་ཡིས་ནི། །ཡི་གེ་བརྒྱད་པ་དག་དང་སྦྱར། །བཅོ་ལྔ་པ་ཡིས་རབ་ཏུ་སྦྱར། །དབྱངས་ཡིག་བཅུ་བཞི་པ་ཉིད་ནི། །ཡི་གེ་དགུ་པ་དག་དང་སྦྱར། །སྟེང་དུ་ཐིག་ལེ་ཡང་དག་གནས། །ཡི་གེ་དག་ནི་སྒྲུབ་པ་སྟེ། །མཁའ་འགྲོ་མ་ཡི་ཁྱད་པར་ཡིན། །དབྱངས་ཡིག་བཅུ་གཅིག་པ་ཉིད་ནི། །ཡི་གེ་བཅུ་གཉིས་པ་དང་སྦྱར། །སྟེང་དུ་བི་ནྡུ་ས་རྣམ་པར་བརྒྱན། །དབྱངས་ཀྱི་ཡི་གེ་བཅུ་གཅིག་པ། །ཡི་གེ་བཅུ་གསུམ་པ་དང་སྦྱར། །ཐིག་ལེས་ཀྱང་ནི་རྣམ་པར་བརྒྱན། །འབྱུང་པོ་ཀུན་ནི་སྐྲག་བྱེད་ཅིང ། །སྒྲུབ་པ་པོས་ནི་དགའ་བ་ཡིན། །དབྱངས་ཀྱི་ཡི་གེ་ལྔ་པ་ལ། །ཡི་གེ་སུམ་ཅུ་རྩ་གཉིས་སྤྱར། །དབྱངས་ཀྱི་གསུམ་པ་ཉིད་དག་ནི། །ཡི་གེ་སུམ་ཅུ་གསུམ་དང་སྦྱར། །མ་མོ་གཉིས་པ་ཉིད་དག་དང ། །ཡི་གེ་སུམ་ཅུ་རྩ་བཞིར་སྦྱར། །དབྱངས་ཀྱི་གཉིས་པ་དག་དང་ནི། །ཡི་གེ་སུམ་ཅུ་དྲུག་དང་སྦྱར། །དང་པོ་ཡི་ནི་གཉིས་པ་དག། ཡི་གེ་སུམ་ཅུ་བདུན་དང་སྦྱར། །དབྱངས་ཀྱི་ཡི་གེ་གསུམ་པ་ནི། །ཡི་གེ་བཞི་བཅུ་དང་སྦྱར་བ། །མ་མོ་བཅུ་གཅིག་པ་ཉིད་ནི། །ཡི་གེ་བཞི་བཅུ་གཅིག་དང་སྦྱར། །དབྱངས་ཀྱི་ཡི་གེ་གཉིས་པ་ཡིན། །ཡི་གེ་བཞི་བཅུ་གཉིས་པར་སྦྱར། །དབྱངས་ཀྱི་གསུམ་པ་དག་དང་ 303b ནི། །ཡི་གེ་བཞི་བཅུ་བཞི་དང་སྦྱར། །མ་མོའི་གཉིས་པ་ཉིད་དང་ཡང ། །ཡི་གེ་བཞི་བཅུ་བརྒྱད་བར་སྦྱར། །དབྱངས་ཀྱི་ཡི་གེ་གཉིས་པ་དང ། །ཡི་གེ་བཞི་བཅུ་དགུ་དང་སྦྱར། །དབྱངས་ཀྱི་ཡི་གེ་གཉིས་པ་དག། ཡི་གེ་ལྔ་བཅུ་གཉིས་པར་སྦྱར། །ཕྱི་མོའི་ལྔ་པ་ཉིད་དང་ནི། །ཡི་གེ་ལྔ་བཅུ་ལྔ་དང་སྦྱར། །ཡི་གེ་ལྔ་བཅུ་རྩ་བཞི་པ། །ཐིག་ལེས་ཀྱང་ནི་རྣམ་པར་བརྒྱན། །ཡི་གེ་ལྔ་བཅུ་རྩ་ལྔ་པ། །ཐིག་ལེས་ཀྱང་ནི་རྣམ་པར་བརྒྱན། །དབྱངས་ཀྱི་ཡི་གེ་གཉིས་པར་སྦྱར། །ཡི་གེ་ལྔ་བཅུ་རྩ་བརྒྱད་པ། །ཐིག་ལེས་མགོ་ལ་མནན་པར་བྱ། །དབྱངས་ཀྱི་ཡི་གེ་གཉིས་པ་དག། ཡི་གེ་དྲུག་ཅུ་དྲུག་ཅུ་སྦྱར། །ཕྱི་མོ་གཉིས་པ་ཉིད་ཀྱང་ནི། །ཡི་གེ་དྲུག་ཅུ་བདུན་དང་སྦྱར། །གདུག་པའི་དངོས་གྲུབ་ཀུན་འགྲུབ་ཅིང ། །སྒྲུབ་པ་པོ་ལ་དཔལ་ཡང་སྩོལ། །དབྱངས་ཀྱི་ཡི་གེ་བཞི་པ་དང ། །ཡི་གེ་བདུན་ཅུ་པ་དང་སྦྱོར། །ཐིག་ལེས་ཀྱང་ནི་རྣམ་པར་བརྒྱན། །ཕྱི་མོ་ཡི་ནི་བཞི་པ་ཡིས། །ཡི་གེ་བདུན་ཅུ་གསུམ་དང་སྦྱར། །བཅོ་ལྔ་པ་ནི་རབ་བླངས་ཏེ། །དབྱངས་ཡིག་བཅུ་བཞི་པ་དང་ནི། །ཡི་གེ་བདུན་ཅུ་བཞི་པར་སྦྱར། །ཕྱི་མོ་བཅུ་བཞི་དག་པ་ནི། །ཡི་གེ་བདུན་ཅུ་གསུམ་དང་སྦྱར། །དེ་བཞིན་བཅོ་ལྔ་པ་དང་སྦྱར། །དབྱངས་ཀྱི་ཡི་གེ་གཉིས་པ་ནི། །ཡི་གེ་བདུན་ཅུ་བཞི་དང་སྦྱར། །ཕྱི་མོའི་ཡི་གེ་གཉིས་པ་ཡང ། །ཡི་གེ་བདུན་ཅུ་བདུན་དང་སྦྱར། །ཐིག་ལེས་ཀྱང་ནི་རྣམ་པར་བརྒྱན། །ཕྱི་མོ་ཡི་ནི་གཉིས་པ་ཡང ། །ཡི་གེ་བདུན་ 304a ༄#། །ཅུ་བརྒྱད་དང་སྦྱར། །ཐིག་ལེ་གཉིས་ཀྱིས་རྣམ་པར་བརྒྱན། །ཕྱི་མོ་ཡི་ནི་གཉིས་པ་ཡང ། །ཡི་གེ་བདུན་ཅུ་དགུ་དང་སྦྱར། །མ་མོའི་བཞི་པ་ཉིད་དང་ནི། །ཡི་གེ་བརྒྱད་ཅུ་པ་དང་སྦྱར། །ཐིག་ལེས་མགོ་ལ་མནན་པར་བྱ། །དབྱངས་ཡིག་བཞི་པ་དག་ཀྱང་ནི། །ཡི་གེ་བདུན་ཅུ་དགུ་དང་སྦྱར། །ཐིག་ལེ་སྒྲ་ཡིས་བསྐྱེད་པ་སྟེ། །ཐིག་ལེས་ཀྱང་ནི་རྣམ་པར་བརྒྱན། །དབྱངས་ཀྱི་ཡི་གེ་གསུམ་པ་དག། ཡི་གེ་བཅུ་དྲུག་པ་དང་སྦྱར། །འོག་དང་སྟེང་གི་ཡི་གེ་གྲངས། །དགུ་བཅུ་རྩ་བདུན་བཤད་པ་སྟེ། །འདི་ནི་རྩ་བའི་གསང་སྔགས་སུ། །མཁས་པ་རྣམས་ཀྱིས་ཤེས་པར་བྱ། །དངོས་གྲུབ་ཀྱི་ནི་གནས་ཡིན་ཞིང ། །མཁའ་འགྲོའི་སྙིང་ནི་འཇོམས་པ་ན། །དཔལ་ལྡན་ཁྲག་འཐུང་ལྷ་རིགས་རྒྱལ། །བཀླགས་པས་གྲུབ་པ་དོན་ཡོད་པ། །ོཾ་ནི་དང་པོར་སྦྱར་བར་བྱ། །ཧཱུཾ་ཧཱུཾ་ཕཊ་ནི་མཐར་སྦྱར་བ། །འདི་ནི་རྩ་བའི་གསང་སྔགས་ཏེ། ། གྲུབ་པ་ཐམས་ཅད་གྲུབ་བྱེད་ཡིན། །དེ་ནས་རང་གི་བདག་ཉིད་ཀྱི། །དཔའ་བོ་ཐམས་ཅད་མཉམ་སྦྱོར་བ། །མཁའ་འགྲོ་མ་ནི་དྲ་བ་ཡི། །འཁོར་ལོ་བདེ་མཆོག་ཡིན་པར་འདོད། །ོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་ཤཾ་བ་རཾ་སཝཱཧཱ། ཧཱ་སཝཱ་རཾ་བ་སཾ་ལ་ཛཱ་ནཱི་ཀི་ཌཱ་ཊ་ཕ་ཧཱུཾ་ཧཱུཾ་ཀཾ་རུ་རུ་ཧེ་ཧེ་ཛྲབ་ཤྲཱི་ཨོཾ། །རིག་པའི་རྒྱལ་པོའི་སྙིང་པོ་ནི། ། 304b མ་བྱུང་འབྱུང་བར་མི་འགྱུར་རོ། །ཊ་ཕ་ཧཱུཾ་ཧུཾ་ཧ་ཧ་ཧྲིཿ ་ཨོཾ། །ཡི་གེ་བཾ་དང་ཡོཾ་དང་ནི། །ཡི་གེ་མོཾ་དང་ཏྲི་ཉིད་དང ། །ཧཱུཾ་དང་ཕཊ་ཅེས་བཤད་པ་ཡིན། །ོཾ་བཾ་བཛྲ་བཱ་རཱ་ཧི། ཧཾ་ཡོཾ་ཡ་མི་ནཱི། ཧྲིཾ་མོཾ་མོ་ཧ་ནཱི། ཧྲེཾ་ཧྲཱིཾ་སཾ་ཙ་ལ་ནཱི། ཧཱུཾ་ཧཱུཾ་སཾ་ཏྲཱ་ས་ནི། ཕཊ་ཕཊ་ཙ་ཎྜི་ཀ་།རྣལ་འབྱོར་མ་ནི་དྲུག་ཏུ་བསྒྲགས། །རེའུ་མིག་དྲུག་ལ་རྣམ་པར་བསྒོམ། །མངོན་པར་བརྗོད་པའི་རྒྱུད་བླ་མའི་བླ་མ་ལས། གོ་ཆའི་སྙིང་པོ་སྒོམ་པའི་ལེའུ་སྟེ་ལྔ་བཅུ་རྩ་བརྒྱད་པའོ།། །།དེ་ནས་གཞན་ཡང་ལྷ་མོ་ཡི། །སྙིང་པོ་བླ་མེད་བཤད་པར་བྱ། །ོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སཝཱཧཱ། །ལྷ་མོའི་སྙིང་པོའི་སྦྱོར་བ་ནི། །བཅུ་གསུམ་པ་ནི་བདག་ཉིད་དགེ། པདྨོ་དབུས་སུ་ཕག་མོ་སྟེ། །འདབ་མ་ལ་ནི་ལྷ་མོ་དགོད། །སྒོ་བཞི་དག་གི་ཕྱོགས་སུ་ནི། །ལྷ་མོའི་སྙིང་པོ་རྣམ་པར་བསྒོམ། །ོཾ་ལས་བྱུང་བའི་རྟ་གདོང་དང ། །རྡོ་རྗེ་སྙིང་པོ་གདུག་པའི་སྒྲ། །དྲག་པོ་ཡང་ནི་གཡོ་མ་དང ། །མི་འཕྲོག་མ་དང་དྲི་མེད་མ། །ཧཱུཾ་མཛད་མ་དང་ལྡན་ལྷ་མོ། །བསྲེག་བླུགས་མ་དང་ཕཊ་བྱེད་མ། །རང་འབྱུང་མ་དང་བཅུ་གཉིས་ཏེ། །ཧ་མཛད་གཡས་པའི་གཙོ་བོ་ཡིན། །རྡོ་རྗེ་ཕག་མོ་ཞེས་བྱ་བ། །དངོས་གྲུབ་ཐམས་ཅད་སྩོལ་མཛད་པ། །སྔོ་དང་སེར་དང་དམར་བ་དང ། །ལྗང་གུ་སྟེང་ཞལ་དཀར་པོ་སྟེ། །སྤྱན་གསུམ་པ་ལ་བཞིན་རྣམ་སྒྱུར། །མ་ཆེ་བ་རྣམ་པར་གཙིགས་པ་སྟེ། །གཡས་བརྐྱང་བཞུགས་ཤིང་ཐོད་ཕྲེང་ཅན། །གསུས་པ་རློ་ཞིང་སྐྲ་གྲོལ་བ། །ཕྱོགས་ 305a ༄#། །ཀྱི་གོས་ཅན་འཇིན་པ་སྟེ། །རང་གི་ཐབས་དང་སྦྱོར་བས་གནས། །འཇིགས་བྱེད་ཙོ་མུཎྜེ་འཇིགས་མོས། །ཞབས་ཀྱི་འོག་ཏུ་གནོན་པས་བཞུགས། །ཐོད་པ་དང་ནི་ཁ་ཊྭཱཾ་ག་།མདུང་དང་གྲི་གུག་ཅང་ཏེའུ་དང ། །རྡོ་རྗེ་དྲིལ་བུ་ཞགས་པ་དང ། །ལྕགས་ཀྱུ་ཚངས་པའི་མགོ་བོ་དང ། །དགྲ་སྟ་དང་ནི་སྡིགས་མཛུབ་དང ། །ན་རའི་ལྤགས་པ་སྟེང་དུ་བརྐྱང ། །སྐུ་རགས་དང་ནི་དཔུང་རྒྱན་དང ། །ཕྱག་རྒྱ་ལྔ་ཡིས་རྣམ་པར་བརྒྱན། །སངས་རྒྱས་ལྔ་ཡི་ཅོད་པན་ཅན། །ཐུགས་རྗེ་ཁྲོ་གཉེར་འཇིགས་པ་སྟེ། །འདབ་ལ་ལྷ་མོ་ཐམས་ཅད་དགོད། །མ་མོ་དག་ནི་བརྒྱད་པ་སྟེ། །སེར་དང་དམར་དང་ལྗང་བ་དང ། །ལྷོ་ནི་སྔོ་བའི་མདོག་ཅན་ཏེ། །མེ་ཕྱོགས་དམར་ལ་དུད་ཀ་སྟེ། །སྔོ་བ་དང་ནི་དཀར་བ་དང ། །དབང་ལྡན་དུ་ནི་དགོད་པ་སྟེ། །སྤྱན་གསུམ་པ་ལ་སྐྲ་གྲོལ་བ། །ཕྱག་རྒྱ་ལྔ་དང་ཡང་དག་ལྡན། །སྐྱིལ་ཀྲུང་ཕྱེད་པས་ལེགས་པར་བཞུགས། །ཐོད་པ་ཡི་ནི་དབུ་རྒྱན་ཅན། །ཕྱོགས་ཀྱི་གོས་ཅན་བཞིན་རྣམས་སྒྱུར། །ཐམས་ཅད་ཡི་དྭགས་གདན་ལ་བཞུགས། །ཐུགས་རྗེའི་ཆགས་པས་རྣམ་པར་མྱོས། །རྡོ་རྗེའི་མཆོག་ནི་གར་མཛད་ཅིང ། །ཐོད་པ་རཀྟས་བཀང་བ་དང ། །དྲིལ་བུ་ཅང་ཏེའུ་སྒྲ་ཡང་སྒྲོག། །ལྷ་རྣམས་དགའ་བར་བྱེད་པ་ཡིན། །སྒོ་རྣམས་སུ་ནི་སྒོ་སྲུང་སྟེ། །དབང་པོའི་སྟེང་དུ་རྣམ་པར་བཞུགས། ། 305b གཡས་བརྐྱང་བ་ཡི་ཞབས་ཀྱིས་བཞུགས། །སྤྱན་གསུམ་པ་ལ་དབུ་སྐྲ་བརྫེས། །ཐོད་པའི་ཕྲེང་བའི་དབུ་རྒྱན་ཅན། །ཕྲེང་བའི་རྒྱན་གྱིས་སྤུད་པ་སྟེ། །ཐོད་པ་དང་ནི་ཁ་ཊྭཱཾ་ག། རྡོ་རྗེ་མགོ་བོ་ཕྱག་ན་བསྣམས། །ཐམས་ཅད་རྣམ་བསྒྱུར་གསུས་པ་འཕྱང ། །ཐམས་ཅད་མགོ་བོའི་ཕྲེང་བས་བརྒྱན། །སྔོ་དང་ལྗང་དང་དཀར་པོ་སྟེ། །སེར་ཞིང་ཕྱག་བཞི་མདོག་གཉིས་པ། །གཅེར་བུ་པདྨའི་རྒྱ་ཡང་ཆེ། །རང་གི་རིགས་ཀྱི་དབུ་རྒྱན་ཅན། །ཐམས་ཅད་རང་ཐབས་གཉིས་པ་སྟེ། །བཅུ་གསུམ་པ་ནི་རྣམ་པར་བསྒོམ། །སྙིང་པོ་མཆོག་ནི་སྒོམ་པ་ཡིན།། འདོད་པ་ཐམས་ཅད་རབ་ཏུ་སྩོལ། །མངོན་པར་བརྗོད་པའི་རྒྱུད་བླ་མའི་བླ་མ་ལས། གོ་ཆ་དང་ལྷ་མོའི་སྙིང་པོ་སྒོམ་པ་བསྟན་པའི་ལེའུ་སྟེ་ལྔ་བཅུ་རྩ་དགུ་པ་འོ།། །། དེ་ནས་གཞན་ཡང་བཤད་བྱ་བ། །ཤིན་ཏུ་རྙེད་དཀའི་དགོད་པ་སྟེ། །གང་ཞིག་ཤེས་པ་ཙམ་གྱིས་ནི། །མྱུར་དུ་དངོས་གྲུབ་འགྲུབ་པ་འོ། །ས་ཡི་ཆ་ནི་མཉམ་ཡིད་འོང ། །ཙནྡན་གྱིས་ནི་ཉེ་བར་བསྐུ། །དྲི་བཟང་དྲི་ལྡན་ས་ལ་ནི། །མེ་ཏོག་སིལ་མ་གཅལ་བཀྲམ་ཤིང ། །སྤོས་ཀྱི་དྲི་ཡིས་ཉམས་དགར་བྱ། །བདག་གི་བྱ་བ་ཀུན་བྱས་ཤིང ། །ཕྱོགས་བཅིང་བ་བཞིན་བྱས་ནས་སུ། །དེ་ནས་རྫ་རྔའི་བཅིང་བྱས་ཏེ། །རེ་མིག་བཞི་བཅུ་དགུ་ཟླུམ་ལ། །ཡི་གེའི་ཕྱི་མོ་དགོད་པར་བྱ། །དེར་གནས་པ་ལས་དཔའ་བོ་ནི། །འདོད་པའི་དོན་ཀུན་གྲུབ། 306a ༄#། །བྱེད་བཏུ། །རིམ་བཞིན་འབྱུང་དང་རིམ་མིན་ས། །དབྱངས་དང་ཡི་གེ་སྒྲུབ་པོས་སོ། །ཐུབ་པ་དེ་ལྟའི་གྲངས་འགྱུར་ལས། །རེའུ་མིག་སུམ་ཅུ་གཉིས་པ་བླང ། ། ལྔ་པ་ཡི་ནི་ཁྱད་པར་བྱ། །བརྒྱ་ཕྱེད་ཕྱེད་པ་ཡང་དག་བླང ། །ཉི་ཤུ་རྩ་བཞི་པ་ཡིས་ཕྱེ། །རེའུ་མིག་སུམ་ཅུ་དྲུག་པ་བླང ། །གསུམ་པ་ཡིས་ནི་ཁྱད་པར་དབྱེ། །དེ་ནས་སུམ་ཅུ་གཉིས་པ་བླང ། །ལྔ་པ་ཡིས་ནི་ཁྱད་པར་བྱ། །དེ་ནས་ཉི་ཤུ་ལྔ་པ་གཟུང ། །ཉི་ཤུ་བཞི་པ་དག་དང་སྦྱར། །སུམ་ཅུ་རྩ་གསུམ་ཡང་དག་བླང ། །རེའུ་མིག་བཅོ་ལྔ་ལ་ཡིར་ལྡན།། ལྔ་པ་དག་དང་ཡང་དག་བཅས། །དེ་ནས་ཉི་ཤུ་གཉིས་པ་གཟུང ། །བཅུ་གཅིག་པ་ཡང་དེ་བཞིན་ནོ། །མཛེས་པ་མཆོག་ནི་ཡིན་པར་འདོད། །རེའུ་མིག་གི་ནི་བཅུ་དགུ་པ།། མ་ཡི་བུ་དང་ཡང་དག་ལྡན། །རེའུ་མིག་གསུམ་པར་རྣམ་པར་དབྱེ། །ཡ་མཚན་བརྒྱད་པའི་ས་བོན་ལ། །རེའུ་མིག་སུམ་ཅུ་དྲུག་པ་དང ། །ཡང་དག་ལྡན་པའི་ཡི་གེར་འགྱུར། །སླར་ཡང་ཡི་གེ་དེ་དག་ཉིད། །འདོད་པའི་དོན་ཀུན་གྲུབ་བྱེད་ཡིན། །དེ་ནས་རང་ཕྱུང་བླངས་ནས་སུ། །རེའུ་མིག་ལ་ནི་ལྔ་པར་སྦྱར། །སྤྱི་བོར་ཐིག་ལེ་དག་དང་སྦྱར། །དེ་ནས་ཉི་ཤུ་གཉིས་པ་གཟུང ། །བཅུ་གཅིག་པ་ཡང་དེ་བཞིན་ནོ། །དོན་ཀུན་གྲུབ་བྱེད་ཅེས་བྱ་བའི། །ཚིག་ནི་གཉིས་པ་ཡིན་པར་བཤད། །རེའུ་མིག་བཅུ་དགུ་པ་ 306b ཉིད་ལ། །ཉི་ཤུ་རྩ་བདུན་པ་ཡིས་ཕྱེ། །གསུམ་པ་དག་དང་ཡང་དག་ལྡན། །སུམ་ཅུ་གསུམ་པ་ལེགས་བླངས་ཏེ། །རེའུ་མིག་ནི་གཉིས་པར་སྦྱར། །ཉི་ཤུ་པ་དང་ཡང་དག་ལྡན།། མཛེས་པའི་མཆོག་ནི་ཡིན་པར་འདོད། །དེ་བཞིན་ཉི་ཤུ་གཅིག་པ་ཉིད། །དེ་བཞིན་ཉི་ཤུ་དྲུག་པ་ཡིན། །ལན་གཉིས་བཟླས་པའི་ཚིག་ཏུ་ནི། །ཤིན་ཏུ་མཉམ་པར་བཞག་སྟེ་བཏུ། །དེ་ནས་གོ་རིམས་བཟློག་པས་གཟུང ། །རེའུ་མིག་ལས་ནི་དང་པོ་ཉིད། །བཞི་པའི་མཐའ་དང་ཡང་དག་ལྡན། །དེ་བཞིན་བཅོ་ལྔ་པ་དང་སྦྱར། །དེ་ནས་ཉི་ཤུ་གཉིས་པ་གཟུང ། །བཅུ་གཅིག་པ་ཡང་དེ་བཞིན་ནོ། །ཆོས་དོན་འདོད་དང་ཐར་པ་ཡི། །ཚིག་ནི་གསུམ་པ་ཡིན་པར་བཤད། །རེའུ་མིག་གཉིས་པའི་ས་བོན་དང ། །རེའུ་མིག་སུམ་ཅུ་དྲུག་པ་ཉིད། །དེ་བཞིན་ཉི་ཤུ་དྲུག་པ་དང ། །སུམ་ཅུ་གསུམ་པ་ཡང་དག་བླང ། །རེའུ་མིག་བཅུ་གསུམ་པ་ཡིར་ལྡན། །རེའུ་མིག་ལས་ནི་བཅུ་པ་ཉིད། །གོ་རིམ་ལྡོག་པ་སྒྲུབ་པས་བླང ། །རེའུ་མིག་ལས་ནི་བཅུ་དགུ་པ། །རེའུ་མིག་ཉི་ཤུ་གསུམ་པ་ལ། །གཉིས་པ་དག་ནི་ཡང་དག་ལྡན། །སྟེང་དུ་ཐིག་ལེས་བརྒྱན་པར་བྱ། །དེ་ནས་ཆུ་ཡི་ས་བོན་གཟུང ། །བརྒྱད་པ་ཡང་ནི་དེ་བཞིན་ཏེ། །མེ་ཡི་བུ་ཡིས་ཁྱད་པར་དབྱེ། །ཡི་གེ་ཧཱུཾ་ཕཊ་མཐའ་རུ་སྦྱར། །འདི་ནི་ཁམས་གསུམ་རྒྱལ་ཞེས་བྱ། །སྔགས་ཚིག་ 307a ༄#། །བཞི་ཡིས་རྣམ་བརྒྱན་པའོ། །ོཾ་ནི་སྐུ་ལ་གསལ་བྱེད་ཡིན། །ཧཱུཾ་དང་ཕཊ་ནི་མཐའ་རུ་སྦྱར། །རིག་རྒྱལ་འཁོར་ལོ་སྒྱུར་བའི་སྔགས། །འདི་ནི་མ་བྱུང་འབྱུང་མི་འགྱུར། །དེ་ཉིད་བསྡུས་དང་དཔལ་མཆོག་དང ། །བདེ་མཆོག་རྡོ་རྗེ་འཇིགས་བྱེད་དུ། །ཁྲོ་བོ་བཞི་དང་ཡང་དག་ལྡན། །སྐུ་བརྒྱད་དང་ནི་བཅས་པ་རུ། །དཀྱིལ་འཁོར་བསྲུང་བའི་དོན་དུ་ནི།། གདུག་པ་ཀུན་ལ་ཁྱད་པར་དུ། །འདི་ནི་རྙེད་པ་ཙམ་གྱིས་ཀྱང ། །བརྟག་མི་དགོས་པར་འཆི་བར་འགྱུར། །ཤ་ཆེན་དག་གིས་ཐམས་ཅད་ཀུན། །རྡོ་རྗེ་ཡང་ནི་མེད་པར་བཤད། །རྣལ་འབྱོར་ཐུན་མོང་བརྗོད་པ་ནི། །དངོས་གྲུབ་ཀུན་གྱི་འབྲས་བསྐྱེད་པའོ། །ོཾ་སུམྦྷ་ནི་སུམྦྷ་ཧུཾ་ཧཱུཾ་ཕཊ། ཨོཾ་གྲྀཧྣ་གྲྀཧྣ་ཧུཾ་ཧཱུཾ་ཕཊ། ཨོཾ་གྲྀཧྣ་པ་ཡ་གྲྀཧྣ་པ་ཡ་ཧུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཾ་བཛྲ་ཧུཾ་ཧཱུཾ་ཕཊ། འདི་ནི་གདུག་པ་ཐམས་ཅད་དུ། །འཇིགས་བྱེད་མི་བཟད་པར་བཤད་དོ། །ནམ་མཁའི་ཁམས་ཀྱི་ས་ཡི་མཆོག་།པདྨའི་ལྟེ་བའི་དབུས་སུ་ནི། །རྡོ་རྗེ་ཧཱུཾ་མཛད་རྣམ་པར་སྒོམ། །གདུག་པ་ཐམས་ཅད་ངེས་པར་གནོན། །ཕྱག་ནི་བཅུ་དྲུག་ཡང་དག་ལྡན། །ཞལ་བརྒྱད་པ་ལ་བཞིན་རྣམ་སྒྱུར། །ཞལ་གྱི་མཆེ་བ་རྣམ་པར་གཙིགས། །ཐོད་པའི་ཕྲེང་བས་རྣམ་པར་བརྒྱན། །སངས་རྒྱས་ལྔ་ཡི་ཅོད་པན་ཅན། །ཐམས་ཅད་ཀུན་གྱིས་རྣམ་པར་སྤུད། །རྡོ་རྗེས་མཚན་པའི་ཕྱག་རྒྱ་དྲུག་།སྐུ་ལུས་དྲུག་པ་ཐུགས་རྗེའི་ཉམས། །གཡས་བརྐྱང་ 307b བ་ཡི་གནས་པ་ཡིས། །དབང་ལྡན་གྱི་ནི་ཐོད་པ་གནོན། །ུ་མ་མཆོག་གི་ཀུ་ཙ་གནོན། །ཁྲོས་པའི་སྤྱན་གྱིས་རྣམ་པར་གཟིགས། །སྐུ་ལ་མགོ་ཡི་དོ་ཤལ་ཅན། །མགོ་པོའི་ཕྲེང་བ་དབུ་ལ་བཅིངས། རྡོ་རྗེ་དྲིལ་བུའི་ཕྱག་རྒྱ་ཅན། །འཇིག་རྟེན་གསུམ་རྒྱལ་དེ་བཞིན་ཏེ། །ལྕགས་ཀྱུ་སྡིགས་མཛུབ་འཆིང་བ་སྟེ། །དཔྲལ་བའི་སྟེང་དུ་ཡང་དག་གནས། །ཐུགས་ཀར་དཔྲལ་བ་ཕྱག་རྒྱ་སྟེ། ། བགེགས་ནི་རྣམ་པར་གནོན་པ་ཡིན། །ཐོད་པ་དང་ནི་ཁ་ཊྭཱཾ་འཛིན། །རལ་གྲི་ལྕགས་ཀྱུ་འཆང་བ་སྟེ། །མདུང་དང་མགོ་བོ་ཅང་ཏེའུ་དང ། །ན་རའི་པགས་པའི་སྟེང་དུ་སྟེ། །ཕྱག་ནི་བཅུ་དྲུག་དེ་བཞིན་ནོ། །སྟག་གི་པགས་པ་གོས་སུ་མན་བས། །རང་རིག་གཉིས་མེད་བདེ་བའི་སྐུ། །སྔོ་དང་དཀར་དང་སེར་བ་དང ། །དམར་པོ་དེ་བཞིན་གཡོན་པ་མཛེས། །དཀར་དང་སྔོ་དང་སེར་བ་དང ། །སྟེང་གི་ཞལ་ནི་དམར་པོ་སྟེ། །སྤྱན་གསུམ་པ་ལ་དམར་བའི་སྤྱན། །ཁྲོ་བོ་བཞི་དང་ཡང་དག་ལྡན། །ལས་རྣམས་ཐམས་ཅད་བྱེད་པ་དགེ་།འདོད་པའི་རྡོ་རྗེ་རྡོ་རྗེ་སྔོན། །བསྐྱེད་པའི་རྡོ་རྗེ་ཉིད་དང་ནི། །མི་གཡོ་བ་ཡི་རྡོ་རྗེ་སྟེ། །སྔོ་དང་ལྗང་དང་དམར་བ་དང ། །དུད་ཀ་ངུར་སྨྲིག་བསྲེས་པ་སྟེ། །མཆེ་བ་རྣམ་པར་གཙིགས་པའི་ཞལ། །ཐོད་པའི་ཕྲེང་བས་རྣམ་པར་བརྒྱན། །གཡས་བརྐྱང་པ་ཡི་ཞབས་ཀྱིས་ནི། །བདུད་བཞི་པོ་ནི་རྣམ་པར་གནོན། །ན་རའི་རུས་པས་སྐུ་བརྒྱན་ཅིང ། །སྣ་ཚོགས་ཁྲོ་ 308a ༄#། །བོའི་རིགས་ཀྱང་འཕྲོ། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་སྡིགས་མཛུབ་བརྐྱང་བ་སྟེ། །རང་གི་རིགས་དང་གཉིས་མེད་འཁྱུད། །ཁྲོ་བོའི་ལྟ་བས་གཟིགས་མཛད་ཅིང། །དྲིལ་བུ་ཕྱག་མཚན་ཡང་དག་ལྡན། །འཛིན་པའི་ཕྱག་རྒྱ་འཆིང་བ་སྟེ། །འཇིག་རྟེན་གསུམ་རྒྱལ་ཕྱག་རྒྱ་མིས། །ཁྲོ་བོ་ཐམས་ཅད་བཅིངས་པ་ཡིན། །སྟག་གི་པགས་པ་གོས་སུ་མནབས། །སྤྱན་གསུམ་མི་བཟད་འཇིགས་པ་སྟེ། །ཐོ་བ་དབྱུག་ཏོ་མདའ་དང་ནི། །རལ་གྲི་དྲིལ་བུ་དེ་བཞིན་ཏེ། །ཡང་ན་རྡོ་རྗེ་དྲིལ་བུ་དང ། །ཐམས་ཅད་ཁྲེ་བོའི་རིགས་རྗེས་འགྲོ། ། འཁྱུད་པའི་ཕྱག་ཀྱང་དེ་བཞིན་ཏེ། །ཞལ་གསུམ་པ་ལ་ཕྱག་དྲུག་པ། །ཐམས་ཅད་སྤྱན་གསུམ་དངོས་གྲུབ་མཆོག་།སྐུ་གསུང་ཐུགས་སུ་སྦྱོར་བ་ཡིས། །དཀྱིལ་འཁོར་དངོས་གྲུབ་མཆོག་དམ་པ། །སུམ་ཅུ་རྩ་བདུན་རྣམ་པར་དག་།ཡི་གེའི་དཀྱིལ་འཁོར་བསྒོམ་པར་བྱ། །ོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྣ་གྲྀཧྣ་ཧཱུཾ་ཧཱུཾ་ཕཊ། ཨོཾ་གྲྀཧྣ་པ་ཡ་གྲྀཧྣ་པ་ཡ་གྲྀཧྞ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཱཾ་བཛྲ་ཧཱུཾ་ཧཱུཾ་ཕཊ། །དཔའ་བོ་རྣལ་འབྱོར་མ་མཐོང་ནས། །ཐམས་ཅད་བསྐྱེད་པར་རྣམ་པར་བསྒོམ། །དཀྱིལ་འཁོར་ཆེན་པོའི་སྦྱོར་བ་ཏེ། །ཁ་སྦྱར་ལྔ་ཡིས་ངོ་བོ་ཉིད། །རྣལ་འབྱོར་པ་ཡི་དཀྱིལ་འཁོར་ཡིན། །སྙིང་པོ་མཆོག་གི་སྒོམ་པ་ཡིན། །དེ་བཞིན་ཁྱི་དང་ཕག་གི་ཤ་།ཟངས་ཀྱི་གཙུག་ཕུང་ཅན་དེ་ 308b བཞིན། །མངོན་སྤྱོད་ཀྱི་ནི་བྱ་བ་ལ། །བཟའ་དང་སྦྱིན་སྲེག་གཏོར་མ་བྱ། །མ་ལུས་ལུས་པ་མེད་གྲུབ་ཅིང ། །རྒྱལ་སྲིད་ཐམས་ཅད་རབ་གྲུབ་འགྱུར། །དུང་དང་ཉ་ཕྱིས་མུ་ཏིག་སྟེ། །གསུམ་ཆར་རྒྱུར་ལས་བྱུང་བ་ཡིན། །ཆོས་ཀྱི་ཡེ་ཤེས་ལུས་ཅན་གྱི། །ཐོད་པ་ལ་ནི་སུ་ཞིག་སྨོད། །དཔའ་བོ་ཐོད་པའི་ཕྲེང་བ་འཆང ། །ཟླ་བ་ཕྱེད་པས་རྒྱན་དུ་བྱས། །དཔའ་བོའི་དཔའ་དབང་ཡིན་པར་བཤད། །ཁྲག་འཐུང་རྡོ་རྗེ་ཅན་རྣམ་པ། །མངོན་པར་བརྗོད་པའི་རྒྱུད་བླ་མའི་བླ་མ་ལས། །སྲུང་བ་ཞལ་བཞི་པར་བྱིན་གྱིས་བརླབས་པ་ཁྲོ་བོ་བཞིའི་དཀྱིལ་འཁོར་རྡོ་རྒྱུས་ཀྱིས་བྲིས་པ་རྡོ་རྗེ་ཧཱུཾ་མཛད་བསྐྱེད་པའི་ལེའུ་སྟེ་དྲུག་ཅུ་པའོ།། །།དེ་ནས་གཞན་ཡང་བཤད་བྱ་བ། །སྡེ་ཚན་བརྒྱད་ནི་རྣམ་སྒོམ་པ། །མཁའ་དབྱིངས་པདྨའི་དབུས་གནས་པར། །ཁྲག་འཐུང་རྡོ་རྗེ་རྣམ་པར་བསྒོམ། །ཞལ་ལྔ་པ་ལ་ཕྱག་བཅུ་པ། །སྤྱན་གསུམ་ཤིན་ཏུ་དམར་བ་སྟེ། །གཡས་བརྐྱང་བ་ཡི་ཞབས་ཀྱིས་བཞུགས། །ཞལ་རྣམ་སྒྱུར་ཞིང་འཇིགས་པ་སྟེ། །མཆེ་བ་རྣམ་པར་གཙིགས་པའི་ཞལ། །ཐོད་པའི་ཕྲེང་བས་རྣམ་པར་བརྒྱན། །དྲག་པོ་ཟླ་བ་ཕྱེད་པ་འཛིན། །སྣ་ཚོགས་རྡོ་རྗེས་དབུ་ལ་མནན། །རལ་པའི་ཅོད་པན་འཆིང་བ་སྟེ། །ཕྱག་རྒྱ་དྲུག་གི་མཚན་གྱིས་རྒྱན། །སྟག་གི་པགས་པ་གོས་སུ་མནབས། །རིག་པ་གཉིས་མེད་བདེ་བའི་ཉམས། །སྐུ་ལ་ཐོད་རློན་དོ་ཤལ་ཅན། །ཐུགས་ 309a ༄#། །རྗེའི་ཉམས་ཀྱིས་ཁྱབ་པར་མྱོས། །དཀར་དང་སྔོ་དང་སྤྲིན་གྱི་གཟུགས། །སྐུ་ནི་སྒེག་ཅིང་ལྡེམ་བག་ཅན། །གཡས་དང་གཡོན་གྱི་ཞལ་དག་ནི། །སེར་དང་དམར་དང་ལྗང་བ་དང ། །དུད་པ་ཡི་ནི་མདོག་ཅན་ནོ། །རྡོ་རྗེ་དྲིལ་བུས་མཉམ་ལྡན་པས། །རང་གི་རིགས་དང་ཡང་དག་འཁྲིལ། །ཚངས་ལྤགས་བཤུས་ནས་མནབས་པར་མཛད། ། རྒྱབ་ཏུ་ངེས་པར་འཛིན་པ་ཡིན། །ཐོད་པ་ཁ་ཊྭཱཾ་ག་འཛིན་ཅིང ། །མདུང་དང་ཅང་ཏེའུ་གྲི་གུག་དང ། །ཐོད་པ་དག་ནི་འཛིན་པ་སྟེ། །བཅོམ་ལྡན་བཾ་ཧཱུཾ་ངེས་འབྱུང་བ། །འཇིགས་བྱེད་རང་གི་ཆུང་མར་བཅས། །ཞབས་ཀྱི་འོག་ཏུ་མནན་པར་སྦྱར། །ཤར་འདབ་ལྷ་མོར་དགོད་པ་སྟེ། །ཇི་སྲིད་ལྷོ་ཕྱོགས་དེ་བཞིན་ཏེ། །མེ་ལ་སོགས་པའང་དགོད་པར་བྱ། །དེ་སྲིད་དབང་ལྡན་སོགས་དེ་བཞིན། །ཱ་ཡི་མཁའ་འགྲོ་མ་དང་ནི། །ཀཱ་ཡི་མཁའ་འགྲོ་མ་དེ་བཞི། །ཙ་ཡི་མཁའ་འགྲོ་མ་དང་ནི། །ཊ་ཡི་མཁའ་འགྲོ་མ་དག་སྟེ། །དཀར་དང་དམར་དང་སེར་བ་དང ། །སྔོ་བའི་མདོག་ཅན་ལྷོ་ཕྱོགས་སོ། །དམར་དང་དུད་ཀ་ལྗང་གུ་དང ། །སེར་པོ་དབང་ལྡན་ཡང་དག་གནས། །ཏ་ཡི་མཁའ་འགྲོ་མ་དང་ནི། །པ་ཡི་མཁའ་འགྲོ་མ་དེ་བཞིན། །དེ་ནས་ཡ་ཡི་མཁའ་འགྲོ་མ། །ཤ་ཡི་མཁའ་འགྲོ་མ་བརྒྱད་པ། །དེ་དག་ཀུན་ནི་སྤྱན་གསུམ་སྟེ། །ཞལ་གཅིག་པ་ལ་ཕྱག་བཞི་པ། །འཇིག་རྟེན་སྐྱོང་བ་བརྒྱད་པོ་ཡི། །རྐང་པ་གཡས་བརྐྱང་ 309b ཞབས་ཀྱིས་གནོན། །རྣམ་གྱུར་མཆེ་བ་རྣམ་གཙིགས་ཞལ། །ཕྱོགས་ཀྱི་གོས་མཆོག་འཛིན་པ་སྟེ། །ཕྱག་རྒྱ་ལྔ་ཡིས་རྣམ་པར་བརྒྱན། །སྐྲ་གྲོལ་ཐུགས་རྗེ་ཁྲོ་བོ་བཞིན། །དྲག་པོ་ཡུལ་འཁྲུག་བྱེད་པ་སྟེ། །འདོད་པའི་དོན་ཀུན་གྲུབ་བྱེད་ཡིན། །འགྲོ་བ་ཐམས་ཅད་སྨོན་བྱེད་དེ། །ཐམས་ཅད་ཅི་འདོད་རྫོགས་པ་ཡིན། །ཐོད་པ་དང་ནི་ཁ་ཊྭཱཾ་འཛིན། །དྲིལ་བུ་ཅང་ཏེའུ་ཡིས་བརྒྱན་པ། །སྡེ་ཚན་མཁའ་འགྲོ་བདེ་བ་སྟེ། །འདི་དག་རྣལ་འབྱོར་མ་ཡིས་བསྒོམ། །ཡང་ན་ཕག་མོ་དགོད་བྱ་སྟེ། །བདག་མོ་ཡང་ནི་གཞག་པར་བྱ། །རྡོ་རྗེ་སེམས་དཔའི་བདག་པོ་སྟེ། །མཁས་པས་ཀྱང་ནི་བསྒོམ་པར་བྱ། །སྐུ་གསུང་ཐུགས་སུ་སྦྱོར་བ་དང ། །ས་འོག་ས་སྟེང་རབ་ཏུ་འཁྲུག་།ོཾ་ཨ་ཀ་ཙ་ཊ་ཏ་པ་ཡ་ཤ་ཧུཾ་ཧཱུཾ་ཕཊ་སཝཱཧཱ། བརྟན་པ་དང་ནི་གཡོ་བའི་བདག་།མ་ལུས་ཇི་སྲིད་འདི་ཡིས་འགྲུབ། །སྡེ་ཚན་མཁའ་འགྲོ་དམ་པ་མཆོག་།བྷ་གའི་དབུས་སུ་བསྒོམ་པར་བྱ། ། ཤ་།ཀཱ་ཀཾ་།ཙརྨ་ཙ། ཊཾ་ཏ་པ་ཀ་།ཏ་པ་ས་ཏ་ཐ། པ་བ་ན་ཛ་ཡཾ་མ་བྷ་ཧཾ་ཙ། ཤ་ར་བྷ་ཙ་ཏ་ཐ། སྦྲང་རྩི་མར་དང་བཅས་པ་ནི། །རྟག་ཏུ་དུས་སུ་འདི་བརྒྱད་བཟའ། །རྒས་དང་ནད་དང་འཆི་མེད་པར། །སྐྱེ་བ་འདི་ལ་དངོས་གྲུབ་འབྱུང ། །ཆང་གི་བཏུང་བ་དང་བཅས་པ། །ཟོས་པ་ཙམ་གྱིས་དབང་དུ་འགྱུར། །དེ་མ་རྙེད་ནའང་ས་ལུས་བྱ། །སྐྱེ་བ་བདུན་པའི་ནང་གནས་ཤིང ། །ཕྱུགས་ནི་ཟས་སུ་རྟ་སྤྱད་ 310a ༄#། །ན། །སྐད་ཅིག་གིས་ནི་མཁའ་སྤྱོད་འགྱུར། །འདི་ལ་ཡིད་གཉིས་དཔྱོད་པ་མེད། །མངོན་པར་བརྗོད་པའི་རྒྱུད་བླ་མའི་བླ་མ་ལས། སྡེ་ཚན་གྱི་སྦྱོར་བའི་ལེའུ་སྟེ་དྲུག་ཅུ་རྩ་གཅིག་པའོ།། །།དེ་ནས་གཞན་ཡང་བཤད་བྱ་བ། །རྣལ་འབྱོར་མཆོག་གིས་གར་ད་བ། །དཔའ་བོ་དང་ནི་རྣལ་འབྱོར་མ། །མ་མོའི་དཀྱིལ་འཁོར་སྔར་བཤད་དོ། །མཁའ་འགྲོ་མ་སོགས་མཁའ་འགྲོ་ནི། །གར་ད་པ་ཡི་གཟུགས་སུ་བྱ། །ཕག་མོའི་གཟུགས་ནི་དེ་ཉིད་ཀྱང ། །ཞལ་ནི་གར་ད་བ་རུ་བྱ། །སྔར་བཤད་གནས་དང་ཕྱག་མཚན་དང ། །ཞལ་ནི་གཞན་ཡང་རྟོགས་པར་བྱ། །སྔར་བཤད་མཚན་མའི་རིམ་པ་ཡིས། །མཁའ་འགྲོ་མ་ནི་ལག་མདུང་ཐོགས། །ཐུགས་ཀྱི་འཁོར་ལོ་ཐམས་ཅད་ཀུན། ། མཁའ་ལྡིང་གདོང་ནི་འཇིགས་པ་ཅན། །གསུང་གི་འཁོར་ལོ་རྨ་བྱའི་གདོང ། །སྐུ་ཡི་འཁོར་ལོ་སེངྒེའི་གདོང ། །ཁྱི་དང་ཕག་དང་འུག་པ་དང ། །ཁཝ་ཡི་ཞལ་གདོང་དེ་བཞིན་ཏེ། ། ཟུར་ལ་གཤིན་རྗེ་སྲེག་སོགས་ཀུན། །མ་ཧེ་རི་དྭགས་ཞལ་གདོང་ཡིན། །དཀྱིལ་འཁོར་མ་ལུས་ཅན་རྣམས་ཀྱང ། །སྤྱན་གསུམ་མིག་ནི་ཤིན་ཏུ་དམར། །འདི་ནི་རྣལ་འབྱོར་མཆོག་དམ་པ། །སྡུག་བསྔལ་ཐམས་ཅད་ཟད་པར་བྱེད། །རྣལ་འབྱོར་བློ་གྲོས་དངོས་གྲུབ་དག་།རྣལ་འབྱོར་མཆོག་ནི་སྟེར་བར་འགྱུར། །རྡོ་རྗེ་ཐེག་པའི་མན་ངག་ 310b དང ། །ངག་གི་དངོས་གྲུབ་རབ་ཏུ་སྟེར། །མ་ཐོས་པ་ཡི་ཆོས་བསྟན་པས། །སེམས་ཅན་རྣམས་ནི་སྲིད་ལས་གྲོལ། །བླ་ན་མེད་པ་ཉིད་བསྟན་པས། །མི་སྣང་ལ་སོགས་དངོས་གྲུབ་འགྱུར། །སུ་ཡང་རུང་བས་འཇིག་རྟེན་གསུམ། །དེ་ཀུན་དེ་མ་ཐག་ཏུ་མཐོང ། །སྔར་བཤད་དཔའ་བོ་རྣལ་འབྱོར་མའི། །གསང་སྔགས་རྣམས་ཀྱང་དེ་བཞིན་ཏེ། །མཁའ་འགྲོ་མ་མོ་དེ་བཞིན་ནོ། །སྔར་བཤད་སྔགས་ཀྱི་བདག་པོ་རྣམས། །བཟླས་ན་དངོས་གྲུབ་རབ་སྟེར་ཅིང ། །རྟག་ཏུ་བདེ་བ་ཐམས་ཅད་འཐོབ། །རྣལ་འབྱོར་ཉེ་སྙིང་བཟླས་ན་ནི། །གར་དའི་དངོས་གྲུབ་མཁའ་ལ་འགྲོ། །བརྟུལ་ཞུགས་མེད་པའང་བརྟུལ་ཞུགས་འཐོབ། །མི་གཙང་པའང་གཅང་བར་འགྱུར། །དབུལ་པོའང་ནོར་གྱི་བདག་པོར་འགྱུར། །ནད་ཡོད་པ་ཡང་མེད་པར་འགྱུར། །ལོང་བ་ཡིས་ཀྱང་མཐོང་བར་འགྱུར། །མངོན་པར་ཤེས་པ་ལྔ་ཐོབ་འགྱུར། །བོང་བུའི་ཤ་དང་རྟ་ཤ་དང ། །ཁྱི་དང་བ་ལང་གླང་པོ་མི། །རྔ་མོ་ལྕེ་སྤྱང་དེ་བཞིན་ཏེ། ། བརྒྱད་པོའང་མཉམ་པ་མཆོག་ཡིན་ནོ། །རྣལ་འབྱོར་བདག་གིས་དེ་བརྒྱད་བཟའ། །དྲི་ཆེན་ཆུ་དང་སྦྲང་རྩི་མར། །བསམ་གཏན་བསྒོམས་ཏེ་བཟའ་བྱས་ནས། །ཡང་བའི་དངོས་གྲུབ་ཐོབ་པར་འགྱུར། །གཟུགས་ཡོངས་བསྒྱུར་པའི་དངོས་གྲུབ་ཅིང ། །རང་གི་གཟུགས་སུའང་འགྱུར་བ་ཡིན། །རྣལ་འབྱོར་གང་དང་གར་གནས་པར། །བཟའ་བ་ཡང་ནི་བཟའ་བར་ 311a ༄#། །བཤད། །འགྲོ་དང་མི་འགྲོ་དེ་བཞིན་ཏེ། །བཏུང་ཞིང་བཏུང་ཞིང་དངོས་གྲུབ་འགྱུར། །མ་དང་བུ་མོ་སྲིང་མོ་དང ། །རང་གི་གཉེན་དང་ཚ་མོ་དང ། །བློ་ལྡན་ཇི་ལྟར་འདོད་པ་ཡིས། །ཕྱག་རྒྱ་ཕྱག་རྒྱ་ཆེན་པོ་འགྲུབ། །གར་དའི་མཁའ་འགྲོ་བསྒོམས་ན་ནི། །མྱུར་དུ་འགུགས་པའི་དངོས་གྲུབ་འགྱུར། །མཆོག་འདི་ཡང་ནི་གསང་བ་སྟེ། ། སུ་ལ་ཡང་ནི་བརྗོད་མི་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས། ཇི་ལྟར་འདོད་པའི་བོང་བུའི་མཛད་པ་དངོས་གྲུབ་ཀྱི་རྒྱུ་སྒྲུབ་པའི་ལེའུ་སྟེ་དྲུག་ཅུ་རྩ་གཉིས་པའོ།། །། ད་ནས་གཞན་ཡང་བཤད་བྱ་བ། །མཁའ་འགྲོ་ལྔ་ཡི་རྣམ་སྒོམ་པ། །རིགས་ལས་བརྒྱད་པའི་ཆོ་ག་ཡིན། །གདན་དང་ཕྱག་མཚན་ས་བོན་ཏེ། །འདི་ནི་ས་བོན་མཆོག་གྱུར་པའོ། །ང་ཉ་ཎ་ན་མ་ཞེས་པ། །འདི་ནི་ས་བོན་མཆོག་གྲུབ་པ། །ང་ནི་རྡོ་རྗེ་མཁའ་འགྲོ་སྟེ། །ཉ་ནི་སངས་རྒྱས་མཁའ་འགྲོ་ཡིན། །ཎ་ནི་རིན་ཆེན་མཁའ་འགྲོ་སྟེ། །ན་ནི་པདྨ་མཁའ་འགྲོ་ཡིན། །མ་ནི་སྣ་ཚོགས་མཁའ་འགྲོ་སྟེ། །མཁའ་འགྲོ་ལྔ་ནི་མཆོག་ཡིན་ཏེ། །ཞེ་སྡང་གཏི་མུག་ང་རྒྱལ་དང ། །ཆགས་དང་ཕྲག་དོག་དེ་བཞིན་ཏེ། །རིགས་ནི་ལྔ་པོ་འདི་དག་གིས། །འདོད་ལས་གྲོལ་བའི་འབྲས་བུ་སྩོལ། །རྡོ་རྗེ་འཁོར་ལོ་རིན་ཆེན་དང ། །པདྨ་རལ་གྲི་ལྔ་པ་ཡིན། །སྔོ་དང་དཀར་བ་ཉིད་དང་ནི། །སེར་དང་དམར་པོ་ལྗང་གུ་དང ། །རྡོ་རྗེའི་ཕྱག་རྒྱ་བྱང་ཆུབ་ 311b མཆོག་།རིན་ཆེན་ཕྱག་རྒྱའང་དེ་བཞིན་ཏེ། །པདྨའི་ཕྱག་རྒྱ་བཞི་པ་སྟེ། །རལ་གྲིའི་ཕྱག་རྒྱ་ལྔ་པ་ཡིན། །གླང་པོ་སེངྒེ་རྟ་དང་ནི། །རྨ་བྱ་མཁའ་ལྡིང་དེ་བཞིན་ཏེ། །ཁྱབ་འཇུག་ཚངས་པ་ཉི་མ་དང ། །དབང་ཕྱུག་ཆེ་དབང་པོ་ཡང་དེ། །རང་རིག་ཡན་ལག་དང་བཅས་པ། །གཉིས་མེད་བདེ་བས་ཡང་དག་གནས། །ཤར་དང་ལྷོ་དང་ནུབ་དང་ནི། །བྱང་དུ་ཡང་ནི་དེ་བཞིན་འདིར། །དཔའ་བོའི་འཁོར་དང་བཅས་པར་དགོད། །ལྔ་པོ་ཡང་དག་ལྔ་སངས་རྒྱས། །ལྔ་པོ་བདག་ཉིད་ལྔ་ཡིན་ནོ། །ཉི་མའི་དཀྱིལ་འཁོར་དབུས་སུ་སྟེ། །ཟླ་བའི་དཀྱིལ་འཁོར་ཤར་དུའོ། །ལྷོ་དང་ནུབ་དང་དེ་བཞིན་ཏེ། །བྱང་ན་ཉི་མའི་དཀྱིལ་འཁོར་ལོ། །ཡང་ན་དབུས་སུ་ཟླ་བ་སྟེ། །ཤར་དུ་ཡང་ནི་ཉི་མའི་གདན། །དེ་དག་དཔའ་བོར་གྱུར་པ་སྟེ། །འདི་ལྟ་སྟེ།་རྡོ་རྗེ་ཐོད་པ་དང ། རྡོ་རྗེ་མཁའ་མཉམ་དང ། རྡོ་རྗེ་སྙིང་པོ་དང ། རྡོ་རྗེ་སྲ་བ་དང་བཞི་པོ་དེ་དག་ནི། རྡོ་རྗེ་མཁའ་འགྲོའི་དཀྱིལ་འཁོར་ཏེ། གླང་པོ་ཆེའི་གདན་ཁྲི་བྱའོ། །རྡོ་རྗེ་ཟླ་བ་དང ། རྡོ་རྗེ་རྒྱལ་མཚན་དང ། རྡོ་རྗེ་རྒྱལ་པོ་དང ། རྡོ་རྗེ་སྒྲ་དང་དེ་དག་ནི། སངས་རྒྱས་མཁའ་འགྲོའི་དཀྱིལ་འཁོར་ཏེ། སེངྒེའི་གདན་ཁྲིའོ། །འདོད་པའི་རྡོ་རྗེ་དང ། རྡོ་རྗེ་སྤྲིན་དང ། རྡོ་རྗེ་ཊ་ཧར་དང ། རྡོ་རྗེ་བཞད་པ་དང་དེ་དག་ནི། རིན་ཆེན་མཁའ་འགྲོའི་དཀྱིལ་འཁོར་སྟེ། རྟའི་གདན་ཁྲིའོ། །རྡོ་རྗེ་མེས་དཔལ་དང ། རྡོ་རྗེ་འཇོམས་པ་དང ། རྡོ་རྗེ་སྲེག་བྱེད་དང ། 312a ༄#། །རྡོ་རྗེ་དྲི་བྲལ་དང ། དེ་དག་གི་པདྨའི་དཀྱིལ་འཁོར་ཏེ། རྨ་བྱའི་གདན་ཁྲིའོ། །རྡོ་རྗེ་བ་དན་དང ། རྡོ་རྗེ་གླུ་དང ། རྡོ་རྗེ་དཔའ་བ་དན་དང ། རྡོ་རྗེ་འཇིགས་བྱེད་དང་དེ་དག་ནི། ལས་ཀྱི་མཁའ་འགྲོའི་དཀྱིལ་འཁོར་ཏེ། །མཁའ་ལྡིང་གི་གདན་ཁྲིའོ། །དཔའ་བོ་དེ་དག་ཀྱང་རང་གི་རིགས་དང ། ཐོད་པའི་ཕྲེང་བ་ཅན། སྤྱན་གསུམ་པ། རང་གི་ཤེས་རབ་དང་འཁྱུད་པ། རྡོ་རྗེ་སྐྱིལ་མོ་ཀྲུང་གིས་ཡི་དྭགས་ཀྱི་གདན་ལ་བཞུགས་པའོ། །མཆེ་བ་རྣམ་བར་གཙིགས་ཤིང་རྣམ་པར་འགྱུར་བ། སྟག་གི་པགས་པ་གོས་སུ་མནབས་པ། ཞལ་གཅིག་པ། ཕྱག་བཞི་པ། ཐོད་པ་དང་ཁ་ཊྭཱཾ་འཛིན་པ། ཅང་ཏེའུའི་སྒྲ་ཧཱུཾ་དང་བཅས་པ། མགོ་བོའི་ཕྲེང་བའི་དོ་ཤལ་གྱིས་བརྒྱན་པ། ཕྱག་རྒྱ་ལྔ་འཆང་བ། རང་གི་རིགས་ཀྱི་དབུ་རྒྱན་ཅན། རལ་པ་དང་ཟླ་བ་འཛིན་པའོ། །རྡོ་རྗེ་མཁའ་འགྲོའི་ཤར་དཀར་པོ། བྱང་ལྗང་གུ་།ནུབ་དམར་པོ། ལྷོ་སེར་པོ། ལས་ཀྱི་མཁའ་འགྲོའི་ཤར་སེར་པོ།་བྱང་སྔོན་པོ། ནུབ་དཀར་པོ། ལྷོ་དམར་པོ། པདྨའི་མཁའ་འགྲོའི་ཤར་དཀར་བ། བྱང་ལྗང་གུ་།ནུབ་སྔོན་པོ། ལྷོ་སེར་པོ། རིན་ཆེན་མཁའ་འགྲོའི་ཤར་ལྗང་གུ ། བྱང་སེར་པོ། ནུབ་དཀར་པོ། ལྷོ་སྔོན་པོ། སངས་རྒྱས་མཁའ་འགྲོའི་ཤར་སྔོན་པོ། བྱང་ལྗང་གུ་།ནུབ་དམར་པོ། ལྷོ་སེར་པོ། འདི་དག་ཇི་ལྟའི་རིམ་པ་ཡིས། །རྡོ་རྗེ་ 312b འཁོར་ལོ་རལ་གྲི་དང ། །པདྨ་རིན་ཆེན་ཕྲེང་བ་ཡིན། །ཆས་ནི་ཡོངས་སུ་བསྐོར་བར་བྱ། །གྲཝཱ་བཞི་མ་མོ་བཞི་བསྒོམ་སྟེ། །མ་མོ་རྨོངས་བྱེད་མ་དང་ནི། །མ་མོ་ཞེ་སྡང་ཉིད་ཡིན་ཏེ། ། ཆགས་པ་ཡི་ནི་མ་མོ་དང ། །ཕྲག་དོག་མ་མོ་དེ་བཞིན་ཏེ། །མེ་ཡི་ཕྱོགས་ལ་སོགས་པར་དགོད། །དཀར་དང་སྔོ་དང་དམར་དང་ལྗང ། །སྐྲ་གྲོལ་མ་ལ་བཞིན་རྣམ་སྒྱུར། །སྤྱན་གསུམ་པ་ལ་གཅེར་བུ་སྟེ། །ཕྱག་རྒྱ་ལྔ་ནི་འཛིན་པ་ཡིན། །ཕྱག་བཞི་པ་ལ་ཞལ་གཅིག་པ། །ཡི་དྭགས་གདན་ལ་རྣམ་པར་བཞུགས། །དབང་ཆེན་མེ་དང་ཆུ་དང་ནི། །རླུང་གི་དཀྱིལ་འཁོར་དག་ཏུ་གནས། །རིགས་ཀྱི་གདན་ལ་བཞུགས་པ་ཡིན། །འཁོར་ལོ་རྡོ་རྗེ་པདྨ་དང ། །རལ་གྲི་ཐོད་པ་ཁ་ཊྭཱཾ་ག་།གྲི་གུག་ཡང་ནི་ཕྱག་ན་འཆང ། །མ་ནིང་ལས་བྱུང་ལྷ་མོ་བསྒོམ། །ཐོད་པ་ཡི་ནི་ཕྲེང་བ་ཅན། །སྐྱིལ་མོ་ཀྲུང་ནི་ཕྱེད་པའོ། །རྡོ་རྗེ་གནོད་སྦྱིན་དང ། རྡོ་རྗེ་སྲུང་བ་དང ། རྡོ་རྗེ་འགྱིང་བ་དང ། རྡོ་རྗེ་རྟ་གདོང་དང ། རྡོ་རྗེ་དྲེད་གདོང་དང ། རྡོ་རྗེ་བདེ་མཆོག་དང ། རྡོ་རྗེ་དམ་ཚིག་དང ། རྡོ་རྗེ་རྟ་མཆོག་སྟེ། ཁྲོ་བོའི་རྒྱལ་པོ་དེ་དག་ནི། །སྒོ་རྣམས་དང་ནི་མཚམས་སུ་སྟེ། །སྔོ་དང་ལྗང་དང་དམར་སེར་པོ། །དམར་དང་སྔོ་དང་དུད་ཀ་དཀར། ། ལྕགས་ཀྱུ་ཞགས་པ་ལྕགས་སྒྲོག་དང ། །དྲིལ་བུ་ཐོད་པ་ཁ་ཊྭཱཾ་ག་།ཅང་ཏེའུ་ཡང་ནི་དེ་བཞིན་ཏེ། །ཐོད་པ་དབྱིག་ཏོ་མདུང་དང་ནི། །དགྲ་སྟ་ཐོད་པ་ཁ་ཊྭཱཾ་ག་།མགོ་བོ་ཕྱག་ན་བསྣམས་ 313a ༄#། །པའོ། །ཞལ་གཅིག་པ་ལ་ཕྱག་བཞི་པ། །དབུ་སྐྲ་དམར་སེར་གྱེན་དུ་བརྫེས། །ཕྱག་རྒྱ་ལྔ་ནི་འཛིན་པ་སྟེ། །སྟག་གི་པགས་པ་གོས་སུ་མནབས། །ཐོད་པ་ཡི་ནི་ཕྲེང་བ་འཆང ། །མགོ་བོའི་དོར་ཤལ་རྣམ་པར་བརྒྱན། །ཉི་མ་པདྨའི་སྟེང་དུ་ནི། །གཡས་བརྐྱང་བ་ཡིས་ཞབས་ཀྱིས་བཞུགས། །ཕྱོགས་སྐྱོང་བརྒྱད་ཀྱི་ཁྲི་ལ་བཞུགས། ། མཆེ་བ་རྣམ་གཙིགས་རྣམ་གྱུར་ཞལ། །སྤྱན་གསུམ་རང་རིགས་ཅོད་པན་ཅན། །རང་གི་རིགས་དང་གཉིས་མེད་སྦྱོར། །སྙིང་རྗེ་ཡི་ནི་ཉམས་ཅན་ཏེ། །ཕྱི་རོལ་རྡོ་རྗེ་ཡི་དྭགས་ཀྱིས། །ཡོངས་སུ་བསྐོར་བར་བསྒོམ་པར་བྱ། །ཐོག་མར་གསལ་བྱེད་མིང་དང་ཧཱུཾ། །མཐའ་རུ་ཕཊ་དང་སྦྱར་བར་བྱ། །སྔར་བཤད་ཆོ་གའི་སྲུང་བ་བྱ། །ཕུང་པོ་ཁམས་དང་སྒྱེ་མཆེད་དང ། །ལུས་ངག་ཡིད་ལས་བསྒོམ་པར་བྱ། །མཁའ་འགྲོ་ཞལ་དྲུག་ཕྱག་བཅུ་གཉིས། །རང་གི་མཚན་མ་དྲིལ་བུ་ཡིས། །གཉིས་སུ་མེད་པར་མཉམ་པར་ལྡན།། མདུང་དང་ལྕགས་ཀྱུ་ཐོད་པ་དང ། །ཁ་ཊྭཱཾ་ག་དང་མགོ་བོ་དང ། །ཅང་ཏེའུ་དང་ནི་གྲི་གུག་དང ། །ན་རའི་པགས་པ་འཛིན་པ་ཡིན། །སྔོ་དང་སེར་དང་དམར་ལྗང་གུ། །དུད་ཀ་དང་ནི་དཀར་བ་དང ། །དཀར་དང་སྔོ་དང་སེར་དམར་དང ། །ལྗང་དང་ཐལ་བའི་མདོག་ལྟ་བུའོ། །སེར་དང་སྔོ་དང་དཀར་བ་དང ། །དམར་དང་ལྗང་གུ་པདྨའི་མདོག་།དམར་དང་དཀར་དང་སྔོན་པོ་དང་།། 313b སེར་དང་ལྗང་དང་ནམ་མཁའི་མདོག་།ལྗང་དང་དཀར་དང་དམར་བ་དང ། །སྔོ་དང་སེར་དང་དཀར་བའི་མདོག་།དེ་དག་མཁའ་འགྲོ་ལྔ་ཡི་ནི། །ཞལ་མདོག་གི་ནི་ཁྱད་པར་ཡིན། །ཡང་ན་ཞལ་གཅིག་ཕྱག་གཉིས་བསྒོམ། །ཕྲེང་བའི་གསང་སྔགས་མིང་དང་བཅས། །མཁས་པས་ཟུར་བཞི་མཚམས་ནས་སོ། །མཐར་ནི་ཧཱུཾ་ཧཱུཾ་ཕཊ་དང་སྦྱར། །ོཾ་མ་ཧཱ་སུ་ཁ་བཛྲ་ཌཱ་ཀ་ཧཱུཾ་ཌ་ཀི་ནཱི་ཛཱ་ལ་ཤཾ་བ་ར་ཨཱཿ ་ཧཱུཾ་ཕཊ་སཝཱཧཱ། །ོཾ་མ་ཧཱ་སུ་ཁ་བུདྡྷ་ཌཱ་ཀ་བྲུཾ་ཌཱ་ཀི་ནཱི་ཛཱ་ལ་ཤཾ་བ་ར་ཨཱཿ ་ཧཱུཾ་ཕཊ་སཝཱཧཱ། །ོཾ་མ་ཧཱ་སུ་ཁ་རཀྵ་ཌཱ་ཀ་ཏྲཾ་ཌཱ་ཀི་ནཱི་ཛཱ་ལ་ཤཾ་བ་ར་ཨཱཿ ་ཧཱུཾ་ཕཊ་སཝཱཧཱ། །ོཾ་མ་ཧཱ་སུ་ཁ་པདྨ་ཌཱ་ཀི་ཧྲཱིཿ ་ཌཱ་ཀི་ནཱི་ཛཱ་ལ་ཤཾ་བ་ར་ཨཱ་ཧཱུཾ་ཕཊ་སཝཱཧཱ། ཨོཾ་མ་ཧཱ་སུ་ཁ་བི་ཤཝ་ཌཱ་ཀ་ཁཾ་ཌཱ་ཀི་ནཱི་ཛཱ་ལ་ཤཾ་བ་ར་ཨཱཿ ་ཧཱུཾ་ཕཊ་སཝཱཧཱ། །དེ་དག་ནི། མཁའ་འགྲོ་ལྔའི་སྙིང་པོའི་གསང་སྔགས་ཏེ་འདི་ནི། ཡེ་ཤེས་ཀྱི་སྙིང་པོར་གྱུར་པ་ཡིན་ནོ། །ོཾ་བཛྲ་ཌཱ་ཀ་དཾ་ཧཱུཾ་ཕཊ་སཝཱཧཱ། ཨོཾ་བུདྡྷ་ཌཱ་ཀ་ཉཾ་ཧཱུཾ་ཕཊ། ཨོཾ་རཏྣ་ཌཱ་ཀ་ཎཾ་ཧཱུཾ་ཕཊ། ཨོཾ་པདྨ་ཌཱ་ཀ་ནཾ་ཧཱུཾ་ཕཊ། ཨོཾ་བི་ཤཝ་ཌཱ་ཀ་མཾ་ཧཱུཾ་ཕཊ།་ཡེ་ཤེས་དམ་ཚིག་རོ་གཅིག་པ། །མཁས་པས་བསྒོམས་པར་བྱས་ནས་སུ། །དམ་ཚིག་གིས་ནི་ལེགས་དབང་བསྐུར། །སྣ་ཚོགས་མཆོད་པ་རྣམ་པར་བསྒོམ། །དཀྱིལ་འཁོར་དག་ནི་ཐམས་ཅད་ཀྱང ། །གོ་འཕང་དྲན་ནས་དབང་ཡང་བསྐུར། །སྣ་ཚོགས་ཕུན་སུམ་ཚོགས་པའི་མཆོག་།དེ་བཞིན་འཁྱུད་དང་ཙུམ་པ་ན། །བྷ་གའི་ལིངྒའི་སྦྱོར་བ་དག་།ཡེ་ཤེས་ 314a ༄#། །རྣམ་སྨིན་དཔའ་བའི་མཆོག་།ཤེས་རབ་ཐབས་ཀྱི་ཕྱག་རྒྱ་དྲུག་།རྣམ་པར་ལྟ་ཞིང་ངེས་པར་བརྟག་།དགའ་པ་དང་པོ་ཡེ་ཤེས་ཏེ། །མཆོག་ཏུ་དགའ་བ་མཉམ་པར་སྦྱོར། །བདེ་བར་དགའ་བར་གྲུབ་པ་ཆེ། །ལྷན་ཅིག་སྐྱེས་དགའ་བླ་མེད་ཡིན། །སྦྱོར་བ་དང་ནི་ཤིན་ཏུ་སྦྱོར། །སྦྱོར་བ་ཆེ་དང་ཡེ་ཤེས་སྦྱོར། །དེ་དག་ཆོ་གའི་རིམ་པའོ། །ཐིག་ལེའི་གཞུང་གི་སྤྱོར་ཤེས་ན། །ཕྲ་བའི་སྦྱོར་བས་བལྟ་བར་བྱ། །ཐམས་ཅད་མཁྱེན་པའི་ཡེ་ཤེས་རྒྱུ། །ཆོས་ཀྱི་དབྱིངས་ཀྱི་གོ་འཕང་ཐོབ། །ཆོ་ག་ངེས་པར་བསྒྲུབས་ནས་ནི། །མྱུར་དུ་རྣལ་འབྱོར་པ་ཡིས་འགྲུབ། །འདི་ནི་ངེས་པ་ཁོ་ནའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས། གསང་བའི་ཡེ་ཤེས་ཀྱི་ལེའུ་སྟེ་དྲུག་ཅུ་རྩ་གསུམ་པའོ།། །། དེ་ནས་གཞན་ཡང་བཤད་བྱ་བ། །ཐུགས་ཀྱི་སྙིང་པོ་མཆོག་གྱུར་པ། །མཁའ་དབྱིངས་རྡོ་རྗེའི་དབུས་གནས་པར། །ཡེ་ཤེས་ཟླ་བ་རྣམ་པར་བསྒོམ། །ཱ་ཡི་ཡི་གེ་ལས་བྱུང་བ། །རྡོ་རྗེ་སེམས་དཔའ་བདེ་བ་ཆེ། །ཁ་བ་ཀུན་དའི་མདོག་ལྟ་བུ། །དག་པའི་ཤེལ་དང་མཚུངས་པའོ། །ཞལ་གསུམ་ཕྱག་དྲུག་ཞི་བ་སྟེ། །སྤྱན་གསུམ་པ་ལ་ཐུགས་རྗེའི་ཉམས། །སྣ་ཚོགས་པདྨ་ཟླ་དབུས་བཞུགས། །སྟོང་པའི་ཡེ་ཤེས་ལས་བྱུང་བ། །ཟླ་བ་ཕྱེད་པ་རལ་པ་འཆིང ། །ཐོད་པ་ཡི་ནི་དབུ་རྒྱན་ཅན། །རྒྱན་རྣམས་ཐམས་ཅད་ཡང་དག་རྫོགས། །རྡོ་རྗེ་སྐྱིལ་ 314b མོ་ཀྲུང་གིས་བཞུགས། །རང་གི་ལུས་དང་སྦྱོར་བར་གནས། །སྙིང་རྗེ་ཆགས་དང་མངོན་གྱུར་པ། །དཀར་ཞིང་སྔོ་ལ་དམར་བའི་ཞལ། །རྣམ་པ་གསུམ་གྱི་རང་བཞིན་ཅན། །རྡོ་རྗེ་དྲིལ་བུ་མཉམ་པར་ལྡན། །ལྷ་མོ་མཆུ་ནི་རྣམ་འཚིར་ཏེ། །རྡོ་རྗེ་མདུང་དང་ཐོད་པ་དང ། །ཁ་ཊྭཱཾ་ག་དང་ཐོད་པ་འཛིན། །ཡི་གེ་ཨཱ་དང་ཉི་དབུས་བཞུགས། །རྡོ་རྗེ་སེམས་དཔའ་རྣམ་པར་བསྒོམ།། ཨི་ལས་རྡོ་རྗེ་ཟླ་བ་སྟེ། །ཱི་ལས་རྡོ་རྗེ་སྒྱུ་འཕྲུལ་ལོ། །ེ་ལས་ཆོས་ཀྱི་རྡོ་རྗེ་སྟེ། །ཻ་ལས་སྣ་ཚོགས་སྒྱུ་འཕྲུལ་མ། །ལྷ་མོ་བཞི་པོ་དེ་དག་ནི། །དེ་ཡི་ཞལ་མདོག་འཛིན་པའོ། ། སྐྲ་གྲོལ་བ་ལ་མིག་པོ་ཆེ། །སྙིང་རྗེ་ཆགས་པས་རྣམ་པར་མྱོས། །རང་གི་ཐབས་དང་ལྷན་ཅིག་བཅས། །ཟླ་བའི་དཀྱིལ་འཁོར་དབུས་སུ་ནི། །སྣ་ཚོགས་ཡི་དྭགས་སྟེང་དུ་བསྒོམ། །གཙོ་བོ་ཤེས་རབ་སྐྱིལ་མོ་ཀྲུང ། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །རྡོ་རྗེ་དྲིལ་བུས་མཉམ་པར་ལྡན། །མདུང་དང་གྲི་གུག་ཕྱག་ན་བསྣམས། །ཐོད་པ་ཁ་ཊྭཱཾ་ག་འཛིན་ཅིང ། །དངོས་གྲུབ་ཐམས་ཅད་རབ་ཏུ་སྩོལ། །ཇི་ལྟར་དཔའ་བོའི་རྣལ་འབྱོར་བཞིན། །དེ་ཡི་མདོག་དང་ཕྱག་མཚན་འཛིན། །ལྷ་མོ་བཞི་ཡི་ཁ་སྦྱར་གསང ། །སྙིང་པོ་སྦྱོར་བ་མཆོག་ཡིན་ནོ། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །གསང་བ་ཀུན་གྱི་མཆོག་དེ་ཉིད། །མཁའ་འགྲོ་མ་ཡི་སྙིང་པོ་མཆོག་།གསང་བའི་ཡེ་ཤེས་དམ་ཚིག་སྟེ། ། 315a ༄#། །ཆོས་ཀྱི་དབྱིངས་ཀྱི་རང་བཞིན་ཡིན། །ུ་ནི་སྙིང་གར་སྒོམ་པ་སྟེ། །ཱུ་ནི་མགོ་བོར་དེ་བཞིན་ནོ། །ོཾ་ནི་སྤྱི་གཙུག་དག་ཏུ་སྟེ། །ོཾ་ནི་མིག་ཏུ་དགོད་པར་བྱ།། ཨཾ་ནི་གོ་ཆར་དགོད་པ་སྟེ། །ཿ ་ནི་མཚོན་དུ་རྣམ་པར་དགོད། །སྐུ་གསུང་ཐུགས་སུ་སྦྱོར་པ་ཡིས། །བདག་ཉིད་ཀྱང་ནི་སྒོམ་པར་གནས། །ཡེ་ཤེས་དམ་ཚིག་སྦྱོར་བ་ཡིས། །བླ་མེད་མཆོག་དང་དབང་ཡང་བསྐུར། །མཉམ་པའི་དམ་ཚིག་སྦྱོར་བ་ཡིས། །ཆོས་ཀྱང་དེ་བཞིན་མཉམ་པ་ཡིས། །དངོས་པོ་ཀུན་ནི་རོ་གཅིག་སྟེ། །གཉིས་སུ་མེད་པའི་མཆོག་གྲུབ་པ། །དམ་ཚིག་ཐུན་མཚམས་བཞིན་དུ་སྟེ། །དུས་བཞི་དག་ཏུ་རྣམ་པར་བསྒོམ། །ཁ་སྦྱོར་བཞི་ཡི་སྦྱོར་བ་ནི། །ཐུན་བཞི་ལ་ནི་རྣམ་པར་བསམ། །སྙིང་རྗེས་ཀུན་ལ་འགྲོ་བྱ་ཞིང ། ། ཆ་མེད་པར་ནི་རྣམ་པར་བསྒོམ། །ཐམས་ཅད་རྡོ་རྗེ་སེམས་དཔའ་སྟེ། །ཤེས་རབ་ཆ་མེད་རྗེས་སུ་འགྲོ། །རྡོ་རྗེ་རྣལ་འབྱོར་དབང་ཕྱུག་སྦྱོར། །བདག་ཉིད་རྡོ་རྗེ་བདག་པོ་ཡིན། །བགྲང་དུ་མེད་པའི་རུས་པ་ཡིན། །ཡེ་ཤེས་བཟླས་པ་ཡིན་པར་བཤད། །བཟླས་པ་ཡེ་ཤེས་སྒོམ་པ་སྟེ། །སྤྲུལ་པ་དྲུག་ནི་སྤྲོ་བའོ། །དེ་བས་དམ་ཚིག་བཟླས་པ་ཡིན། །ཆོ་ག་བཞིན་དུ་བཟླས་པ་བྱ། །ུ་ཨོ་ཨོ་ཨུཿ ། ཨཱཾ་ཨཿ ། ཨོཾ་ཨཱཿ ། ཨ་ཨཱཿ ། ཨི་ཨཱི། ཨུ་ཨཱུ། ཨེ་ཨཱཻ། ཨོ་ཨཽ། ཨཾ་ཨཱཿ ་ཧཱུཾ་སཝཱཧཱ། དུང་ཆེན་ཕྲེང་བ་བླངས་ནས་ནི། །རྟག་ཏུ་གསང་སྔགས་རྒྱལ་ 315b པོ་བཟླ། །དག་བྱེད་བསོད་ནམས་ཆེན་པོ་སྟེ། །དགེ་ཞིང་ཉེས་པ་འཇོམས་པ་ཡིན། །སྡུག་བསྔལ་ཐམས་ཅད་འཇོམས་བྱེད་ཅིང ། །དགེ་བ་ཀུན་གྱི་འབྲས་བུ་སྟེ། །གསང་སྔགས་ཀུན་གྱི་སྟོན་པ་སྟེ། །རྣམ་པར་དབེན་པའི་ས་ཕྱོགས་སུ། །མཁའ་འགྲོ་མ་ཡི་སྙིང་པོ་ཡི། །དགྱེས་པའི་བདེ་བ་ལས་བྱུང་བ། །ལྷ་མོ་བཞི་པོ་དགའ་བ་སྟེ། །རྣལ་འབྱོར་དབང་ཕྱུག་མཆོག་ཏུ་བདེ། །རིགས་ཀྱི་བདེ་བ་བཅོམ་ལྡན་འདས། །རང་བྱུང་རྡོ་རྗེ་སེམས་དཔའ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས། ལྷ་མོ་བཞིའི་གསང་བ་ཁ་སྦྱོར་གྱི་ལེའུ་རྙེ་དྲུག་ཅུ་རྩ་བཞི་པའོ།། །།དེ་ནས་སྦྱོར་བའི་མཆོག་བཤད་པ། །གདུག་པ་ཐམས་ཅད་ཟ་བྱེད་པ། །མ་རུངས་ཕྱི་དང་ནང་འཇོམས་པ། །ནམ་མཁའ་སྟོང་བ་ལྟ་བུ་ལས། །ཡི་གེ་ཀྵ་ལས་མངོན་བྱུང་ཞིང ། །མཁའ་འགྲོ་དྲ་བ་བདེ་མཆོག་ནི། །ཕྱག་གཉིས་པ་ལ་ཞལ་གཅིག་པ། །སྤྱན་གསུམ་པ་ལ་འཇིགས་པའི་ཞལ། །གཡས་བརྐྱང་བ་ཡིས་བཞུགས་པ་ལ། །མ་རུངས་བདུད་ཀྱི་དགྲ་གནོན་ཅིང ། །ཕྱག་རྒྱ་ཆེན་པོ་མཉམ་ལྡན་པས། །ཐོད་པ་དྲིལ་བུས་ཡང་དག་འཁྱུད། །ཐོད་པའི་དབུས་སུ་ཡིད་འོང་བའི། །རྡོ་རྗེ་མཆོག་གིས་རྣམ་པར་མཚན། །ཡེ་ཤེས་བདུད་རྩིས་ཡོངས་གང་བ། །ལག་པ་གཡས་པར་བཞག་ནས་ནི། །སྣ་ཚོགས་པ་ཡི་སྐུ་ལུས་ལ། །ཕྱག་རྒྱ་དྲུག་གིས་སྐུ་ཡང་བརྒྱན། །ཞལ་གདོང་མཆེ་བ་རྣམ་གཙིགས་ཤིང ། །སྤྱི་ 316a ༄#། །གཙུག་ཐོད་པས་རྒྱན་དུ་བྱས། །སྣ་ཚོགས་རྡོ་རྗེས་སྤྱི་བོར་མཚན། །ཟླ་བ་བྱེད་པར་ལ་པ་འཆང ། །རྡོ་རྗེ་སེམས་དཔའི་དབུ་རྒྱན་ཅན། །རྡོ་རྗེ་འཇིགས་བྱེད་སྒོམ་པ་ཡིན། །དོགས་པ་རྣམ་པར་སྤངས་ཤིང་ཡོངས་སུ་དག་པའི་བློས། །རྣམ་པར་རྟོག་པའི་དྲི་མའི་ཁྱད་པར་མེད་པར་བྱེད། །བྱམས་དང་སྙིང་རྗེའི་རྒྱན་གྱིས་ལུས་ལ་རྒྱན་དུ་བྱས། ། འཛེམ་མེད་བདེ་བའི་རྣལ་འབྱོར་ལེགས་པར་བསླབས་པའི་བདག་།ཤིན་ཏུ་འཇིགས་པའི་དུད་འགྲོའི་དུར་ཁྲོད་ཆེན་པོ་ན། །རོ་ལངས་སྲིན་པོ་སྣ་ཚོགས་སྒྲ་རྣམས་སྒྲོག་པར་བྱེད། །ཕེཾ་གྱི་སྒྲ་བྱེད་པ་ཡི་འཇིགས་པས་ཁྱད་པར་བྱེད། །གཞན་ཡང་སྒྲུབ་པོ་རྣལ་འབྱོར་མཐུན་པའི་ཡུལ་དུ་སྒྲུབ། །ཡང་ན་ཞལ་ནི་བཞི་པ་དང ། །འདི་ལ་ཕྱག་བརྒྱད་རྣམ་པར་བསྒོམ། །དཀར་དང་སྔོ་དང་དམར་སེར་པོ། །ཞལ་དག་སྒྱུར་ཞིང་འཇིགས་པར་མཛད། །མདུང་དང་རྡོ་རྗེ་ཁ་ཊྭཱཾ་ག་།ཅང་ཏེའུ་མགོ་བོ་གྲི་གུག་ཐོགས། །སྣ་ཚོགས་ཕྱག་ལ་བསྐྱོད་པའི་ལྗགས། །ཧཱ་ཧཱ་ཧཱི་ཧཱི་ཧཱུཾ་ཧཱུཾ་ཕཊ། །ཕཊ་ཅེས་བྱ་བའི་སྒྲ་སྒྲོག་ཅིང ། །དཔའ་བོའི་གཅིག་པུ་འཇིགས་མཛད་པ། །གདུལ་དཀའ་ཐམས་ཅད་འདུལ་མཛད་ཅིང། །སྐུ་གསུང་ཐུགས་ཀྱི་སྦྱོར་བ་ཡིས། །ཁྲོ་བོའི་སྤྲིན་ནི་མཁས་པས་སྤྲོ། །བསམ་གཏན་དགའ་བ་བསྒྲུབ་པའི་ཕྱིར། །ཁྲོ་བོ་ཡི་ནི་སྐུ་རུ་སྒྲུབ། །དམ་ཚིག་བཟའ་ཞིང་ 316b བཟླས་པ་བྱ། །དམ་ཚིག་ཁ་སྦྱར་བྱས་ནས་བཟླ། །མཉམ་པར་གནས་ཤིང་བཟླས་ནས་སུ། །ཆོས་རྣམས་མ་ལུས་བསྒོམ་པར་བྱ། །ོཾ་ཨཀྴ་ཧཱུཾ་ཕཊ། སྲིད་གསུམ་སྡིག་པ་ཟད་བྱེད་ཅིང ། །མཚམས་མེད་ལྔ་ཡང་ཟད་བྱེད་པར། །སྡུག་བསྔལ་ཐམས་ཅད་ཟད་བྱེད་ཅིང ། །སྲིད་པ་དག་ཀྱང་སྦྱོང་བར་བྱེད། །སྦྱོར་བ་ཡི་ནི་མཆོག་དམ་པ། །བཀླགས་ཙམ་གྱིས་ནི་ངེས་པར་འགྲུབ། །གདུག་གཅིག་གནོད་བྱེད་སེམས་ཅན་དང ། །མ་རུངས་ལས་ལ་ཆགས་པ་དང ། །ལོག་པར་ལྟ་དང་བཅས་པ་ལས། །འདི་དག་ངེས་པར་བཟའ་བར་བྱ། །སངས་རྒྱས་སྤྲུལ་པའི་རྒྱན་རྣམས་སྤྲོ། །ཁམས་གསུམ་དག་ནི་སྒྲོལ་བར་བྱེད། །སྔགས་པས་སྔགས་ཀྱི་མཆོག་དེ་ནི། །མིང་དང་བཅས་པས་ལྷན་ཅིག་བཟླ། །ོཾ་ཕཊ་ཆེ་གེ་མོ་བྷཀྵ་ཡ་ཕཊ། ཀྵ་ཧཱུཾ་ཕཊ། བདག་ཉིད་ཁྲོ་བོའི་སེམས་ཀྱིས་ནི། །མཱཾ་ས་བཟའ་ཞིང་གཅེར་བུ་དང ། །སྐྲ་གྲོལ་རོ་ལ་མནན་པ་དང ། །ཞགས་པ་ལྕགས་ཀྱུ་ཕྱག་གིས་འཛིན། །གསང་སྔགས་ཆོ་ག་བཞིན་དུ་ནི། །ཁྲི་ཕྲག་སྟོང་དུ་བཟླ་ཞིང་བསྒོམ། །རྣལ་འབྱོར་ཆོ་ག་བཞིན་དུ་ནི། །ཁམས་གསུམ་པོ་དག་གསོད་པར་འགྱུར། །མཁའ་འགྲོ་མ་ནི་འཁོར་བཅས་པས། །བཟའ་བར་ཡང་ནི་རྣམ་པར་བསམ། །བདག་ཉིད་རྡོ་རྗེ་ཁབ་ཐོགས་པའི། །ཁྲོ་བོ་སྙིང་དུ་གཞུག་པར་བྱ། །སྙིང་དང་སྒྱུ་མ་རྐང་དང་རུས། །ཤ་དང་ཁྲག་རྣམས་འདྲལ་བྱེད་ཅིང ། །མཚམས་ 317a ༄#། །མེད་ལྔ་རྣམས་བྱེད་པ་དང ། །གདུགས་པ་ཅན་རྣམས་བཟའ་བར་བྱ། །མཁའ་འགྲོ་ལྟེ་བར་བཞུགས་ནས་ནི། །མཁའ་འགྲོ་མ་དང་ལྷན་ཅིག་སྦྱོར།། རྡོ་རྗེ་བློ་ལྡན་རབ་སྦྱོར་བས། །ཞག་བདུན་གྱིས་ནི་ཕེབས་པར་འགྱུར། །བསམ་གཏན་བྱས་པ་ཙམ་གྱིས་ནི། །གདུག་པ་བདག་གིས་ཟོས་པར་འགྱུར། །ཉི་མ་ཕྱེད་དང་མཚན་ཕྱེད་དང ། །ལས་འདི་དག་ལ་འཇུག་པར་བྱ། །གཅེར་བུ་སྐྲ་གྲོལ་བྱས་པ་ཡིས། །གཤིན་རྗེའི་ཕྱོགས་སུ་ཁ་བལྟས་ཏེ། །ཁྱིམ་བྱའི་སྟན་གྱི་སྦྱོར་བ་ཡིས། །མེ་ཡི་གསང་སྔགས་བཟླ་བར་བྱ། །ཧཱུཾ་ཕཊ་རཾ་རཾ་རཾ། མཚམས་མེད་པ་འདིས་ཞེས་བྱ་བ། །རཾ་རཾ་རཾ་ཧཱུཾ་ཕཊ། ཇི་བཞིན་བཟླས་པ་བྱས་ཙམ་གྱིས། །ཉིན་ཞག་བཅུ་པ་དག་གིས་ནི། །རྡོ་རྗེ་འཛིན་པ་མངོན་སུམ་པའང ། །འཆི་བར་ཡང་ནི་ཐེ་ཚོམ་མེད། །གལ་ཏེ་སྡིག་ཅན་སླར་ལོག་ན། །འདི་ལ་ཞི་བའི་ལས་རྣམས་བྱ། །གསང་སྔགས་བཟླས་པ་ཆེས་བྱས་ནས། །འདིས་ཀྱང་ཞི་བར་འགྱུར་བ་ཡིན། །ོཾ་སཝཱཧཱ། ཨ་ཨཱ་བཾ་ཨ་མུ་ཀ་པཱ་པ་བའི་ར་ཧོ་བྷ་བི་ཥྱ་ཏི་ཏ་སཾ། སི་པ་ཤིནྟཾ་བྷ་བཾ་ཏུ། བཾ་ཨཾ་ཨ་ཨོཾ་སཝཱཧཱ། འོ་མ་བཏུང་ཞིང་གོས་དཀར་གྱོན། །ཞི་བའི་སེམས་ཀྱིས་སྟོང་ཉིད་གནས། །དཀར་པོའི་དྲི་ཡིས་ལུས་བྱུག་གོ་།བྱ་རོག་ཁྱི་དང་བྱི་ལ་དང ། །ན་ཀུ་ལ་ཡི་ཤ་རྣམས་བཟའ། །ཐམས་ཅད་རབ་ཏུ་གནས་གྱུར་ཏེ། ། 317b འདི་ལ་ཡིད་གཉིས་དཔྱོད་པ་མེད། །མངོན་པར་བརྗོད་པའི་རྒྱུད་བླ་མའི་བླ་མ་ལས། ཁྲོ་བོ་རྡོ་རྗེ་འཇིགས་བྱེད་ཆེན་པོའི་བདག་པོ་ཁ་སྦྱར་གནོན་པའི་ལེའུ་སྟེ་དྲུག་ཅུ་རྩ་ལྔ་པའོ།། །།དེ་ནས་གཞན་ཡང་བཤད་བྱ་བ། །སྲིད་པའི་ནང་ན་སྐྱེ་བ་བདུན། །སྣ་ཚོགས་པ་ཤུའི་དམ་ཚིག་ནི། །ལྷ་ཡི་གཟུགས་ཅན་ཡིད་འཕྲོག་པ། །ལྷ་ཡི་གཟུགས ་ ་ཅན་གཟི་བརྗིད་དཔལ། །བ་ཤུའི་ནང་ན་རྒྱལ་པོ་ཡིན། །སྐལ་བཟང་ཡིད་འོང་བདེ་བར་འགྲོ། །སྐྲ་ཡི་མྱུ་གུ་དེ་བཞིན་རིང ། །མིག་ནི་དཀྱུས་རིང་མིག་ཀྱང་དམར། །པདྨའི་འདབ་མ་འདྲ་བའི་གཟུགས། །དེ་ཡི་ལུས་ལ་རྡུལ་རབ་འབྱུང ། །ལུས་ལས་ལྷ་ཡི་དྲི་འབྱུང་ཞིང ། །ཁ་ཡི་དབུགས་ནི་ག་པུར་དྲི། །ལྡན་པས་སྦྲང་མ་རྟག་ཏུ་འཁོར། །གཅིན་དང་ཕྱི་ས་གླ་རྩི་པྲོ། །ཚིག་ནི་འཇམ་པར་འགྱུར་བ་དང ། །ལག་པ་དང་ནི་རྐང་པ་འཇམ། །ུཏྤལ་ལ་ཡི་དྲི་དང་ལྡན། །སྐྲ་དཀར་གཉེར་མ་ལས་རྣམ་གྲོལ། །ལུས་ཀྱང་སྣུམ་ཞིང་མཉེན་པ་དང ། །སྙིང་དང་ཐོད་པ་ལྟེ་བ་སྟེ། །དེས་ན་རོ་ཙ་ན་རུ་འགྱུར། །གྲིབ་བདུན་ངང་པའི་འགྲོས་སུ་འགྲོ། །སྙིང་རྗེའི་བསམ་པ་ཅན་ཡིན་ཏེ། །དཀོན་མཆོག་གསུམ་ལ་རྟག་ཏུ་དད། །སྦྱིན་དང་ཚུལ་ཁྲིམས་དག་དང་ལྡན། །འདི་འདྲ་རྣལ་འབྱོར་པས་རྟོགས་ན། །མི་གསོད་མེ་ཡིས་ཚིག་མི་འགྱུར། །སྲོག་ཆགས་སྣ་ཚོགས་གདུག་པ་དག་།གང་ཡང་རླུང་བས་ཟ་མི་ནུས། ། 318a ༄#། །དེ་ནི་མཚན་མོ་མི་མཐོང་སྟེ། །མི་སྣང་བ་ཡི་དབང་ཕྱུག་མཆོག་།འདི་འདྲ་སྔགས་པས་རྟོགས་ནས་ནི། །བདག་གིས་བླངས་ཏེ་སྦྱིན་པ་སྤྱད། ། དྲི་ཆེན་ཆུ་དང་བྱང་ཆུབ་སེམས། །མཁས་པས་བླངས་ཏེ་རིལ་བུ་བྱ། །ལྕགས་གསུམ་གྱིས་ནི་རྣམ་དཀྲིས་ཏེ། །བློ་དང་ལྡན་པས་བསྒྲུབ་པར་བྱ། །དབང་པོ་གཉིས་ནི་རབ་སྦྱར་ནས། །ཉེ་བའི་སྙིང་པོ་ལན་འབུམ་བཟླས། །དེ་འདི་ལག་ཏུ་བྱིན་ནས་ནི། །སྦྱིན་པ་འདི་ལས་བདག་ལ་བྱིན། །དེ་འདི་དེ་མ་ཐག་ཏུ་ཡང ། །མི་བསྐྱོད་པ་ཡི་བྱ་བ་རྙེད། །དེ་ནི་དབེན་པར་ཁྱེར་ནས་སུ། །མཉམ་པར་བཞག་སྟེ་བསྒྲུབ་པར་བྱ། །གཞན་ཡང་ལས་རྣམས་རབ་བཤད་བྱ། །དངོས་གྲུབ་སྒྲུབ་པའི་མཆོག་དམ་པ། །དེ་ཡི་སྤྱི་བོའི་སྐྲ་བཅད་ནས། །གཞན་ཡང་དུད་འགྲོའི་སྤུ་དང་ནི། །དེ་བསྒྲེས་ཐེ་གུར་བྱས་ནས་སུ། །གང་གི་མགུལ་དུ་བཅིངས་བྱས་པས། །དེ་འདྲ་བ་ཡི་གཟུགས་སུ་འགྱུར། །སྣ་ཚོགས་གཟུགས་ཀྱང་བྱེད་པ་ཡིན། །དེ་ཡི་པགས་པ་བླངས་ནས་ནི། །དེ་ལ་ཧེ་རུ་ཀ་དཔལ་བྲི། །མངོན་སུམ་ཁྲོ་བོའི་དངོས་གྲུབ་ནི། །ཧེ་རུ་ཀ་དཔལ་བྱེད་པ་ཡིན། །རྐང་ལག་པགས་པ་གླངས་ནས་ནི། །འབྱུང་བའི་སྐྲ་དང་བཅས་བསྲེས་ནས། །ཕྱི་མའི་རིལ་བུར་བྱས་ནས་སུ། །མངོན་པར་བསྔགས་ཏེ་ཆོ་ག་བྱ། །མཁས་པས་རྒྱལ་གྱི་ཉི་མ་ལ། །ལྕགས་ 318b གསུམ་གྱི་ནི་རྣམ་དཀྲིས་ནས། །ལག་པ་གཡོན་པས་དེ་བླངས་ཏེ། །མཐེ་བོང་སྦས་པའི་ཁུ་ཚུར་གྱིས། །ཁུ་ཚུར་དེ་ནི་མགོར་བཞག་ན། །དེ་མ་ཐག་ཏུ་རྐུན་མ་རེངས། །རང་གི་ལག་གིས་དཔུང་གཉིས་བླངས། །རང་སྐྲ་ཞགས་པ་བླངས་ནས་ཐོགས། །གཡས་པ་ལྕགས་ཀྱུ་ཐོགས་ནས་ནི། །ཐེ་གུ་ལྔ་ཡིས་རྣམ་བར་དཀྲི། །ཕྱོགས་གར་ནོར་གྱིས་གང་བ་ཡི། །དེ་ཡི་ཕྱོགས་མཐོང་བླང་བར་བྱ། །ཁྱིམ་དུ་བཀོད་ཅིང་སྟེང་འདུག་ནས། །སྔགས་བཟླས་ནས་ནི་མཁའ་ལ་སྤྱོད། །ོཾ་ཛྭཿ ་ཨ་བཱཾ་བ་ཧཱུཾ་བ་ཧཱུཾ་ཨ་བ་རཱ་ན་དུ་ཁེ་ཙ་རི་ཛ་རི་ཧྲཱིཿ ་སཝཱཧཱ།་ནོར་དང་འབྲུ་དང་དེ་བཞིན་གོས། །ཡིད་ལ་གང་འདོད་ཅི་ཡང་རུང ། །དེ་དག་ཐམས་ཅད་མྱུར་དུ་འགུགས། །ཁྱིམ་ནི་གང་བར་ཡོངས་སུ་མཐོང ། །མཾ་ས་དག་ནི་ཟོས་ནས་སུ། །ལྷ་ཡི་ལུས་སུ་གྱུར་པ་ཡིན། །རྣལ་འབྱོར་རྡོ་རྗེའི་ལུས་གྱུར་ཏེ། །དེས་ནི་ཤི་བ་དབང་དུ་འགྱུར། །ཆུ་བ་ཆོ་ག་བཞིན་བླངས་ནས། །སྐྲ་དང་བསྲེས་ནས་དེ་བསྒྲིལ་ཏེ། །ཐེ་གུ་ཆོ་ག་བཞིན་དུ་ནི། །བསྒྲིལ་ནས་ཞགས་པ་དག་ཏུ་བྱ། །གཡས་བརྐྱང་གནས་ཤིང་ཁྲོ་གནས་པར། །གང་གི་མིང་གི་བཟླས་བརྗོད་ཀྱིས། །ཞགས་པ་བཏབ་ན་དེ་མ་ཐག་།ལྷ་མོ་འགུགས་ཤིང་དེ་མདུན་གནས། །དེ་ཡི་རུས་པའི་ཕྱེ་མ་ཡིས། །མཁས་པས་དཀྱིལ་འཁོར་བྲིས་ནས་ནི། །འདི་ལ་དཀྱིལ་འཁོར་དངོས་གྲུབ་ནི། །ཅི་འདོད་པ་ནི་དེ་ལ་གནས། ། 319a ༄#། །གཞན་ཡང་རྒྱུན་དུ་བྱས་པ་དང ། །རྡོ་རྗེ་མཚན་གྱིས་མཛེས་པར་བྱ། །ཆུ་བ་དག་གིས་མཆོད་ཕྱིར་ཐོགས། །དེ་རུ་བདར་བའི་ཙནྡན་གྱིས། །བྱུག་པའི་བརྟུལ་ཞུགས་འཛིན་པ་ནི། །མཁའ་ལ་སྤྱོད་པར་འགྱུར་བ་ཡིན། །སྒྲུབ་པ་ཏིལ་མར་ཆེན་པོ་ཡི། །མིག་སྨན་ངེས་པར་བྱས་ནས་ནི། །གྲིབ་མ་ཡང་ནི་མཐོང་མི་འགྱུར། །རྣལ་འབྱོར་ཞག་གིས་བསྐུས་ན་ནི། །མཚན་མོའང་ཉིན་པར་ལྟ་བུར་འགྱུར། །རྣལ་འབྱོར་རྐང་དག་ཟོས་ནས་ནི། །ཚིམ་པར་འགྱུར་གྱི་གཞན་དུ་མིན། །ཇི་སྲིད་གནས་པར་མི་བཀྲེས་ཤིང ། །ཡིད་གཞུངས་དྲན་པ་འཕེལ་བར་འགྱུར། །རྣལ་འབྱོར་སྔོན་གྱི་སྐྱེ་བ་དྲན། །རྡོ་རྗེ་སེམས་དཔར་འགྱུར་བ་ཡིན། །སྒྱུ་མ་ཕྱེ་མར་བྱས་ནས་སུ། །མཁས་པས་གྲིབ་མ་ལ་ཡང་བསྐམ། །གང་གིས་མགོ་ལ་བཞག་པ་ན། །དེ་མ་ཐག་ཏུ་དབང་དུ་འགུགས། །སྔགས་པས་གློ་བ་ཟོས་ན་ནི། །དེ་མ་ཐག་ཏུ་ནད་མེད་འགྱུར། །རྐང་པ་བླངས་ནས་སར་བསྣུན་ན། །ཆར་གྱི་རྒྱུན་ནི་འབེབས་པར་བྱེད། །བློ་ལྡན་གསང་བ་བླངས་ནས་བསྐམ། །ཙནྡན་དམར་པོ་དང་བསྲེས་ནས། །དེ་ནི་ཕྱེ་མར་བྱས་ནས་སུ། །བུད་མེད་གང་ལ་བྱིན་ན་ནི། །འདོད་པས་གདུངས་པའི་བུ་མེད་གང ། །དབང་དུ་གྱུར་ཏེ་མང་ག་གཞུག་བྱེད། །པུས་མོའི་རུས་པ་ཀི་ལ་ཡ། །སོར་ནི་བཅུ་གཉིས་ཚད་ཙམ་ཞིག། 319b གང་གི་མིང་བཅས་སྦས་པ་ཡིས། །དེ་ཡི་རིགས་རྒྱུད་མེད་པར་འགྱུར། །རྣལ་འབྱོར་ཇི་ཧཝཱ་ཟོས་ན་ནི། །ངག་གི་དངོས་གྲུབ་དག་ཏུ་འགྱུར། །རྣལ་འབྱོར་ཧྲྀད་ཟོས་ན་ནི། །སེམས་ནི་ཐུབ་པ་ཉིད་དུ་འགྱུར། །སོ་ཡི་རྒྱལ་པོ་བཞི་པོ་དག་།སྟེང་འོག་དག་ནི་བླངས་ནས་ཀྱང ། །བུང་པ་ཡི་ནི་གཤོག་པ་དང ། །ཚུབ་མའི་འདབ་མ་རྡུལ་དང་ནི། །རྡུལ་འདིར་སྒྲུབ་པ་བྱས་ནས་ནི། །རྒྱུ་བ་དང་ནི་མི་རྒྱུ་རྨོངས། །རྩཝ་རྣམས་ཕྱེ་མར་བྱས་པ་ཡི། །བུད་མེད་ཐམས་ཅད་སྐམ་པར་འགྱུར། །རང་བྱུང་མེ་ཏོག་རོ་ཙ་ན། ། ལག་ཏ་དང་གུར་གུམ་གྱིས། །ཐིག་ལེ་སྔགས་པས་སྦྱར་ན་ནི། །འཁོར་ལོས་བསྒྱུར་པའང་དབང་དུ་འགྱུར། །རྣལ་འབྱོར་མིག་འབྲས་ཆེ་བ་ཡིས། །ཕ་རོལ་སྡེ་ནི་འབྱེད་པར་འགྱུར། །ནུ་མ་ཟོས་པ་ཙམ་གྱིས་ནི། །དེ་མ་ཐག་ཏུ་འོ་མ་འགུགས། །རྣལ་འབྱོར་མཚན་ནི་ཟོས་ཅམ་གྱིས། །བུད་མེད་ས་བོན་མོད་ལ་འགུགས། །རྣལ་འབྱོར་སོ་དེང་སེན་མོ་ཕྱེས། །གང་གིས་གང་གིས་མགོ་ལ་གཏོར། ། གྲུབ་པ་བརྒྱད་པོ་འགྲུབ་པ་ཡིན། །ཕ་དང་བུ་ནི་ཡིན་ན་ཡང ། །རྣམ་པར་སྡང་བར་བྱས་པར་འགྱུར། །མཆུ་ཕྱེར་བྱས་པའི་སྦྱོར་བ་ཡིས། །ཁ་ནི་གནོན་པར་འགྱུར་བ་ཡིན། ། སྣ་ཕྱེར་བྱས་པའི་སྦྱོར་བ་ཡིས། །དབུགས་ནི་གནོན་པར་འགྱུར་པ་ཡིན། །རྣ་བའི་སྦྱོར་བས་འོན་པར་འགྱུར། །མགོ་བོའི་པགས་པས་མངོན་བཏགས་ཏེ། །ཁ་ཡི་དྲུང་དུ་མངོན་ 320a ༄#། །བཟླས་ན། །ལྷ་རྣམས་ཀུན་གྱི་གཙོ་བོར་འགྱུར། །ཐོད་པ་ཡི་ནི་སྦྱོར་བ་ཡིས། །རཀྟ་འགུགས་པར་བྱེད་པ་ཡིན། །ཐོད་པ་ཁ་ནི་སྦུབ་པ་ཡིས། ། གནོད་པར་བྱས་པ་ཁོ་ན་ཡིན། །ིནྡྲ་བ་རུ་རོ་ཙ་ན། །དེ་གཉིས་གཅིག་ཏུ་བསྲེས་བྱས་ནས། །གང་ལ་ཐིག་ལེ་གཅིག་གྱུར་ན། །དབང་པོའི་གནས་ནི་མཐོང་བར་འགྱུར། ། རོ་ཙ་ན་དང་མྱང་སྤྲས་དག་།ལྷན་ཅིག་ཏུ་ནི་བྱུག་པ་ཡིས། །ཐུབ་པ་མེད་པའི་སྟོབས་འགྱུར་ཏེ། །ཕ་རོལ་དག་ནི་གནོན་པར་འགྱུར། །པུ་ཏྲན་ཛ་ལི་རོ་ཙ་ན། །ལྷན་ཅིག་ཏུ་ནི་ཕྱེར་བྱས་ནས། །བུད་མེད་གང་ལ་ཕྱེས་གཏོར་ན། །དེ་ནི་འདོད་པས་མྱོས་གྱུར་ནས། །ཇི་སྲིད་འཚོ་བའི་བར་དུ་གནས། །རོ་ཙ་ན་དང་པུ་ཏྲས་གཉིས། །ལྷན་ཅིག་ཏུ་ནི་བསྐུས་པ་ཡིས། །འབྱུང་པོ་ཀུན་དང་འབྱུང་མོ་རྣམས། །ཅི་བགྱི་ཞེས་ནི་སྨྲ་བཞིན་དུ། །དེ་ཡི་དྲུང་དུ་འཁོད་པར་འགྱུར། །ཅི་འདོད་པ་དག་སྟེར་བར་འགྱུར། །རོ་ཙ་ན་དང་ཛི་བནྟི། །ལྷན་ཅིག་ཏུ་ནི་ཕྱེར་བྱས་ཏེ། །ཤི་བའི་མིག་དང་མིག་སྨན་སྦྱར། །བསྐལ་པར་གནས་ཀྱི་བར་དུ་ནི། །འཚོ་བར་ཡང་ནི་འགྱུར་བ་ཡིན། །ཆུ་སྲིན་ལག་ནི་རོ་ཙ་ན། ། ལྷན་ཅིག་ཏུ་ནི་ཕྱེར་བྱས་ནས། །ནཱ་ག་མ་དོ་ལྷན་ཅིག་ཏུ། །རིལ་བུ་དག་ཏུ་བྱས་ནས་ཀྱང ། །རྡོ་རྗེ་གཟི་བརྗིད་དང་བསྲེས་ནས། །མིག་གི་སྨན་ནི་བྱས་གྱུར་ན། །ནོར་སྐྱོང་ 320b གི་ནི་གླང་པོ་ཡང ། །མངོན་སུམ་དུ་ནི་གནས་ནས་ཀྱང ། །དེ་ལ་བདག་གིས་ཞོན་ན་ནི། །གླང་ཆེན་འཁོར་ནི་མང་པོ་དང ། །གཞན་གྱིས་མི་ཐུབ་པར་འགྱུར་རོ། །ཕ་རོལ་སྡེ་ནི་འཇོམས་བྱེད་ཅིང ། །གཞན་གྱི་ཡུལ་ལ་དབང་བྱེད་པའི། །ཅི་འདོད་པ་ནི་སྟེར་བར་འགྱུར། །བྲཧམ་དཎྚི་རོ་ཙ་ནི། །ལྷན་ཅིག་ཏུ་ནི་སྦྱོར་བ་ཡིས། །རིག་བྱེད་རྒོད་པ་མེད་པར་འགྱུར། །རྨ་བྱའི་མཁྲིས་པའི་རོ་ཙ་ན། །རི་བོང་ཁྲག་དང་ལྷན་ཅིག་ཏུ། །རིལ་བུ་དག་ཏུ་བསྒྲུབས་བྱས་ནས། །རྨ་བྱའི་མཇུག་མས་བཅིངས་ན་ནི། །བུང་བ་བཞིན་དུ་འཕུར་འགྱུར་ཏེ། །ལྷ་རྣམས་འགུགས་པའི་དངོས་གྲུབ་ཅིང ། །རིག་པ་འཛིན་པ་འོངས་པར་འགྱུར། །དེ་ཡི་ལན་ནི་འགའ་ཙམ་གྱིས། །ཇི་ལྟར་འདོད་པ་སྟེར་བར་འགྱུར། །ལྷ་ཡི་གཞལ་མེད་ཁང་འཕྲོག་ཅིང ། །ལྷ་ཡི་བུ་མོའང་འགུགས་པར་འགྱུར། །འདོད་ན་དབང་དུ་སྡོད་བྱེད་ཅིང ། །མི་འདོད་སེམས་ཅན་དོན་ཡང་བྱེད། །མཇུག་མ་ཐུར་བལྟས་བྱས་ན་ནི། །གཏེར་རྣམས་ཀྱང་ནི་མཐོང་བར་འགྱུར། །བླངས་པས་སྦྱིན་པའི་ཕ་རོལ་ཕྱིན། །ཡོངས་སུ་རྫོགས་པར་འགྱུར་བ་ཡིན། །ས་འོག་གཏེར་གྱི་སྒོ་དག་ལ། །མཇུག་མ་བསྐོར་བ་བྱས་ན་ནི། །སྒོ་དབྱེ་བས་ནི་འཇུག་པར་བྱ། །ལྷ་མིན་བུ་མོ་ལྷན་ཅིག་རོལ། །ལྷ་ཡི་བཅུད་དང་བཅུད་ཀྱིས་ལེན། །འཕྲོག་ཅིང་དེས་ནི་ཟོས་གྱུར་ཏེ། །འདོད་པའི་ལྷ་ 321a ༄#། །ཡི་གཟུགས་སུ་འགྱུར། །གྲུབ་པའི་རྫས་ནི་བླངས་པ་ཡིས། །སེམས་ཅན་དོན་རྣམས་བྱེད་ཅིང་འགྲོ། །དེ་ནས་ཡན་ལག་ལྔ་པ་ཡི། །ཆོ་ག་དག་ཏུ་འགྱུར་བ་ནི། །སྤུ་དང་པགས་པ་ཤ་དང་ནི། །རུས་པ་རྐང་པ་བླངས་ནས་སུ། །དྲི་ཆེན་ཆུ་དང་ཤུ་ཀྲ་དང ། །མཆལ་རྣམས་དག་ནི་ལྷན་ཅིག་ཏུ། །རིལ་བུ་བྱས་རས་བསྒྲུབ་པར་བྱ། །ལྕགས་གསུམ་གྱིས་ནི་རྣམ་དཀྲིས་ནས། །ཁ་ཡི་ནང་དུ་སྦས་ན་ནི། །ནམ་མཁའ་ལ་ནི་འགྲོ་བར་འགྱུར། །རོ་ཙ་ན་དང་ལྷན་ཅིག་ཏུ། །ཁམས་གསུམ་དུ་ནི་རྒྱལ་ཆེར་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས། སྐྱེ་བ་བདུན་པའི་ཕྱུགས་ཆེན་སྒྲུབ་པའི་ལེའུ་སྟེ་དྲུག་ཅུ་རྩ་དྲུག་པའོ།། །།དེ་ནས་གཞན་ཡང་བཤད་བྱ་བ། །རང་གི་ཆོས་ཀྱི་ཡིག་སྒོམ་པ། །རང་གི་ཆོས་ཀྱི་ཡི་གེར་སྦྱོར། །བདག་མེད་ཆོས་ནི་ཡང་དག་བསྒོམ། །རང་ཆོས་ཡི་གེ་མཆོག་དགའ་བ། །ཆོས་ཀྱི་སྐུ་ལུས་རང་བྱུང་ཡིན། །ཡི་གེ་ཧེ་ལས་ངེས་འབྱུང་བ། །ཧེ་རུ་ཀ་ནི་རྣམ་པར་བསྒོམ། །ཡི་གེ་ཧི་ལས་ངེས་འབྱུང་བ། །རྡོ་རྗེ་མཁའ་འགྲོ་རྣམ་པར་བསྒོམ། །ཧཱུཾ་གི་ཡེ་ཤེས་ལས་བྱུང་བ། །རྡོ་རྗེ་ཧཱུཾ་མཛད་རྣམ་པར་བསྒོམ། །ཧཱུཾ་གི་ཡི་གེ་ལས་བྱུང་བ། །མི་བསྐྱོད་པ་ནི་རྣམ་པར་བསྒོམ། །བཾ་གྱི་ཡེ་ཤེས་ལས་བསྐྱེད་པ། །རྡོ་རྗེ་སེམས་དཔའ་རྣམ་པར་བསྒོམ། །ོཾ་བྷཱུཾ་ 321b ཾ་བྷཱུཾ་ལས་བྱུང་བ། །སངས་རྒྱས་མཁའ་འགྲོ་རྣམ་པར་བསྒོམ། །ཾ་ཏྲཱཾ་རཾ་སཝ་ལས་བྱུང་བ། །རིན་ཆེན་མཁའ་འགྲོ་རྣམ་པར་བསྒོམ། །ཧྲཱིཾ་ཧྲིའཾ་ཨ་ལས་ངེས་འབྱུང་བ། །པདྨའི་མཁའ་འགྲོ་རྣམ་པར་བསྒོམ། །ཁཾ་ཧོ་ཧོ་ཧཾ་ལས་བྱུང་བ། །སྣ་ཚོགས་མཁའ་འགྲོ་རྣམ་པར་བསྒོམ། །ཌཱ་ལས་མཁའ་འགྲོ་མ་ཉིད་དོ། །ཡཾ་ལས་རྣལ་འབྱོར་མ་དེ་བཞིན། །བྷཱུཾ་ལས་ལྷ་མོ་ས་ལ་སྤྱོད། །བཾ་ལས་མཁའ་ལ་སྤྱོད་པ་ཡིན། །མཾ་ལས་མ་མོ་ཉིད་ཡིན་ཏེ། །དཔའ་བའི་བཙུན་མོ་སྙན་གྲགས་མ། །ཧེ་ནི་ཐུགས་ཀྱི་གཙོ་བོ་སྟེ། །རུ་ལས་ངག་ན་བྱུང་བ་ཡིན། །ཀ་ནི་ལུས་ཀྱི་རྡོ་རྗེ་སྟེ། །ཡིག་གསུམ་ལས་བྱུང་ཧེ་རུ་ཀ་།མཾ་ལས་འཇམ་པའི་རྡོ་རྗེ་སྟེ། །སཾ་ལས་ཀུན་ཏུ་བཟང་པོ་ཡིན། །ལཾ་ལས་འཇིག་རྟེན་མགོན་པོ་སྟེ། །ཀྵིཾ་ལས་ས་ཡི་སྙིང་པོའོ། །བཾ་ལས་ཕྱག་ན་རྡོ་རྗེ་སྟེ། །མེཾ་ལས་བྱམས་པ་ཉིད་ཡིན་ཏེ། །ཁཾ་ལས་ནམ་མཁའི་སྙིང་པོར་གྲགས། །གཾ་ལས་ནམ་མཁའི་མཛོད་ཡིན་ནོ། །སཾ་ལས་སྒྲིབ་པ་ཀུན་སེལ་བ། །གཾ་ལས་སྤོས་ཀྱི་གླང་པོ་ཡིན། །ཛྙཱཾ་ལས་ཡེ་ཤེས་རྟོགས་ཀྱང་ཡིན། །ཾ་ལས་བློ་གྲོས་མི་བཟད་པ། །པྲཾ་ལས་སྤོབས་པ་བརྩེགས་པ་སྟེ། །སཾ་ལས་ངན་སོང་ཀུན་འདྲེན་པ། །སཾ་ལས་ངན་སོང་ཀུན་འཇོམས་པ། །ཛཾ་ལས་དྲ་བ་ཅན་གྱི་འོད། །ཙཾ་ལས་ཟླ་བའི་འོད་ཡིན་ཏེ། །རཾ་ལས་བྱུང་བའི་རིན་ཆེན་འོད། །སཱུཾ་ལས་ཉི་མའི་འོད་ཡིན་ནོ། ། 322a ༄#། །བཾ་ལས་རྡོ་རྗེ་འོད་ཀྱང་ཡིན། །མཾ་ལས་མཐུ་ཆེན་ཐོབ་པ་སྟེ། །སུཾ་ནི་སུ་དྷ་ན་ཡིན་ནོ། །བྷཾ་ལས་བཟང་སྐྱོང་ཉིད་ཡིན་ཏེ། །སཾ་ལས་བློ་གྲོས་རྒྱ་མཚོའོ། །ཀུན་ཏུ་བཟང་པོ་འཇམ་པའི་དབྱངས། །འཇིག་རྟེན་མགོན་པོས་སྙིང་པོ། །ཕྱག་ན་རྡོ་རྗེ་བྱམས་པ་དང ། །ནམ་མཁའི་སྙིང་པོ་ནམ་མཁའ་མཛོད། །སྒྲིབ་པ་རྣམ་པར་སེལ་བ་དང ། །སྤོས་ཀྱི་གླང་པོ་ཉིད་ཡིན་ཏེ། །མི་ཟད་པ་དང་ཡེ་ཤེས་ཏོག་།སྤོབས་པ་བརྩེགས་པ་མཆོག་ཡིན་ཏེ། །མྱ་ངན་ཀུན་འཇོམས་ཉིད་ཡིན་ནོ་ངན་སོང་ཀུན་འདྲེན་ཉིད་དང་ནི། །དྲ་བ་ཟླ་བ་རིན་ཆེན་དང ། །ཉི་མ་རྡོ་རྗེ་འོད་མཆོག་སྟེ། །སུ་དྷ་ན་དང་རིན་ཆེན་ཐོབ། །རྒྱ་མཚོ་དང་ནི་བཟང་སྐྱོང་ངོ ། །དེ་དག་སྔོན་ཉིད་གྲུབ་པ་སྟེ། །ཕྲེང་བའི་གསང་སྔགས་རྣམ་པར་སྦྱར། །དེ་དག་དམ་ཚིག་ཏུ་བཤད་དེ། །དངོས་གྲུབ་ཀྱི་ནི་གྲུབ་པ་སྩོལ། །རྡོ་རྗེ་ཕོ་ཉ་མ་ཉིད་དང ། །སྐུལ་བྱེད་དང་ནི་རིན་ཆེན་སྒྲོན། །རྡོ་རྗེ་ཉི་མ་དེ་བཞིན་ཏེ། །རོ་ལངས་རྡོ་རྗེ་གཞོན་དུ་མ། །ཀཾ་པོ་ཛི་དང་དེ་བཞིན་ཏེ། །སངས་རྒྱས་བྱང་ཆུབ་མ་དེ་བཞིན། །ཡེ་ཤེས་སྒྲོན་དང་རྡོར་འཇིགས་མ། །ཡེ་ཤེས་སྒྲོན་དང་རྒྱལ་བྱེད་མ། །སྒྲོལ་མ་ངང་ནི་གོས་དཀར་མོ། །སྤྱན་དང་མཱ་མ་ཀཱ་མ་ཆོག་དང ། །རྒྱལ་མཚན་སོ་སོར་འབྲང་མ་དང ། །རྨ་བྱ་དང་ནི་རི་ཁྲོད་ 322b མ། །ལུ་གུ་རྒྱུད་དང་ཕྱིར་ཟློག་མ། །ལྷ་མོ་གཙུག་ཏོར་རྡོར་འཇིགས་མ། །སྔོན་གྲུབ་པ་ཡི་ལྷ་མོ་སྟེ། །འདོད་པའི་འབྲས་བུ་ཐམས་ཅད་སྩོལ། །གསལ་བྱེད་མིང་དང་བཅས་པར་ནི། །མཐར་ནི་ཧཱུཾ་ཕཌ་སྦྱར་བར་བྱ། །ཐ་མར་སཝཱཧཱ་མཉམ་པར་སྦྱར། །སྔགས་ཀྱི་དངོས་གྲུབ་རབ་ཏུ་སྩོལ། །གཤིན་རྗེ་གཤེད་དང་རྟ་མཆོག་རྒྱལ། །བགེགས་ནི་གནོན་པར་མཛད་པ་ཡིན། །ཤེས་རབ་མཐར་བྱེད་བཞི་པོ་ནི། །འདོད་པའི་དོན་ཀུན་སྒྲུབ་བྱེད་ཡིན། །འདོད་རྒྱལ་དབྱུག་སྔོན་སྟོབས་པ་ཆེ། །བརྒྱད་པར་མི་གཡོ་གྲགས་པ་སྟེ། ། ཁྲོ་བོ་ཆེན་པོ་སྔོན་གྲུབ་པ། །གདུག་པ་ཐམས་ཅད་ངེས་པར་གནོན། །དཀར་མོ་སོགས་དམ་ཚིག་ལྷ་མོ། །ཁྲག་འཐུང་ལྷ་མོ་བརྒྱད་པ་ཡིན། །སྔར་བཤད་མཁའ་འགྲོ་མ་རྣམས་ཏེ། །ཁྲོ་བོ་བརྒྱད་དང་གཉིས་མེད་གནས། །རྩ་བའི་བརྒྱད་དང་ལྡན་པའི་སྔགས། །མིང་དང་ཡང་དག་སྦྱར་བར་བྱ། །གསལ་བྱེད་ཨོཾ་ནི་ཀུན་ཏུ་ཡང ། །མཐར་ནི་ཧཱུཾ་ཕཌ་སཝཱ་ཧཱར་སྦྱར། །གསལ་བྱེད་མིང་དང་ཧཱུཾ་དང་ནི། །མཐར་ནི་ཕཌ་དང་སཝཱ་ཧཱར་སྦྱར། །གཟུགས་དང་སྒྲ་ཡི་ལྷ་མོ་དང ། །དྲི་དང་རོ་ཡི་ལྷ་མོ་སྟེ། །འདབ་མ་བཞི་ལ་རྣམ་པར་སྦྱར། །ཕྱོགས་ཀྱི་གོས་ཅན་སྐྲ་གྲོལ་མ། །རེག་པས་རེག་པའི་རྡོ་རྗེར་གྲགས། །གཉིས་སུ་མེད་པར་ཡང་དག་གནས། །དབུས་སུ་ཁྲག་འཐུང་རྒྱལ་པོ་ནི། །ལྷ་མོའི་ 323a ༄#། །རེག་པས་བདེ་བར་བཞུགས། །སྙིང་པོ་ཆོས་ཀྱི་དབྱིངས་སུ་གྲགས། །ཤེས་རབ་ཕ་རོལ་ཕྱིན་ལས་བྱུང ། །ཡེ་ཤེས་སེམས་དཔའ་གཉིས་མེད་བཞུགས། །རྡོ་རྗེ་ཆོས་ཀྱི་དབྱིངས་མ་སྟེ། །གཉིས་མེད་མཉམ་པའི་ཡེ་ཤེས་ནི། །ཆོས་ཀྱི་དབྱིངས་དེ་མི་དམིགས་པའོ། །དེ་ནི་གསང་བ་དེ་ཉིད་མཆོག་།རྡོ་རྗེ་ཅན་ནི་ཡང་དག་སྩོལ། །ཆེ་བའི་མཆོག་ནི་འདུས་པ་སྟེ། །རྡོ་རྗེ་སེམས་དཔའ་བདེ་བའི་མཆོག་།སྦྱོར་བ་རྒྱུད་ཀྱི་རྗེས་འབྲངས་པ། །བགྲོད་དང་བགྲོད་མིན་རྣལ་འབྱོར་མ། །རིག་པའི་རྒྱ་མཚོ་མཆོག་ཡིན་ཏེ། །རྡོ་རྗེ་མཁའ་འགྲོ་ཉུང་ཟད་ཅིག་།སྒྱུ་འཕྲུལ་སྡོམ་པའི་རྒྱུད་ཡིན་ནོ། །རྣལ་འབྱོར་མ་ནི་འབྱུང་བའི་རྒྱུད། །གསང་བའི་རྒྱ་མཚོ་རྒྱུད་ཡིན་ཏེ། །ངེས་བརྗོད་རྒྱུད་ནི་བླ་མེད་པ། །འདུས་པ་མཆོག་ནི་བཤད་པ་ཡིན། །ཇི་ལྟར་བསམ་པའི་ཁྱད་པར་གྱིས། །སེམས་ཅན་རྗེས་སུ་གཟུང་པའི་རྒྱུར། །འདུས་པ་མཆོག་གི་དམ་པ་འདི། །སངས་རྒྱས་བྱང་ཆུབ་འབྲས་བུ་སྟེ། །རིགས་ནི་རྣམ་པ་ལྔ་བཤད་པ། །བྱང་ཆུབ་སེམས་དཔའ་དུ་མ་དག་།ཇི་ལྟར་འདོད་པ་དེ་ལྟར་ནི། །བདག་པོ་ཉིད་དུ་བྱ་བ་ཡིན། །ཇི་ལྟར་མིང་གི་རྗེས་མཐུན་པར། །ངེས་བརྗོད་རྒྱུད་ཀྱི་རིམ་པ་དག། །རྡོ་རྗེ་སྒྲུབ་པ་པོ་ཡིས་ནི། །ངེས་བརྗོད་རྒྱུད་ཀྱི་ལས་རྣམས་ 323b བྱ། །ཡིད་ཀྱིས་དོགས་པ་ཀུན་སྤངས་ཏེ། །གཉིས་སུ་མེད་པའི་སྒོམ་པ་ཉིད། །ཐེག་པ་ཆེན་པོའི་དམ་པ་མཆོག་།དངོས་གྲུབ་ཆེ་དང་ལྡན་པར་འགྲོ། །དེ་ནས་ཕྱག་མཚན་མཆེག་བཤད་བྱ། །གཟུགས་དང་མདོག་གི་ཆོ་གའི་རིམ། །ཡི་གེ་ཧེ་ལས་ངེས་འབྱུང་བ། །བདག་ཉིད་ཧེ་རུ་ཀ་ར་བསྒོམ་བྱ། །སྐུ་ལུས་དཀར་ལ་དྲག་ཤུལ་ཆེ། །མཆེ་བ་རྣམ་གཙིགས་འཇིགས་པ་སྟེ། །སྤྱན་གསུམ་པ་ལ་ཞལ་ལྔ་པ། །ཕྱག་དྲུག་ཞབས་ནི་བཞི་པ་སྟེ། །ཐོད་པའི་ཕྲེང་བའི་དབུ་རྒྱན་ཅན། །རལ་བ་ཟླ་ཕྱེད་དབུ་ལ་བཅིངས། །སྣ་ཚོགས་རྡོ་རྗེའི་དབུ་རྒྱན་ཅན། །ཕྱག་རྒྱ་དྲུག་གིས་སྐུ་ལུས་བརྒྱན། །སྟག་གི་པགས་པ་གོས་སུ་མནབས། །མགོ་བོའི་དོ་ཤལ་གྱིས་བརྒྱན་པ། །དཀར་དང་སེར་དང་དེ་བཞིན་དམར། ། ལྗང་གུ་སྟེང་ཞལ་སྔོ་བའོ། །བཞད་དང་དཔའ་དང་སྒེག་པ་དང ། །རྔམ་དང་ཞི་དང་དྲག་པོ་སྟེ། །རྡོ་རྗེ་དྲིལ་བུ་མཉམ་ལྡན་པས། །རྡོ་རྗེ་རེག་པས་གཉིས་མེད་གནས། །རྒྱལ་བའི་པགས་པ་མཆོག་ཀྱང་འཛིན། །བདེ་བ་ཀུན་གྱི་འབྲས་བུ་སྩོལ། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་མདུང་ནི་ཕྱག་མཆོག་སྟེ། །གཡས་བརྐྱང་བ་ཡི་གནས་པ་ཡིས། །བདུད་བཞི་པོ་ཡི་ཞབས་འོག་གནོན། །རིག་པའི་རྡོ་རྗེ་ལྗང་བ་དང ། །དཀར་བའི་མདངས་ཀྱིས་གཟུགས་ཅན་ལ། །ལྗང་དང་སེར་དང་དམར་བ་དང ། །དཀར་བའི་གཡོན་པའི་ 324a ༄#། །ཞལ་གདོང་སྟེ། །སྟེང་གི་ཞལ་གདོང་སྔོ་ལ་འཇིགས། །སྐྲ་གྲོལ་བ་ནི་རྣམ་པར་མྱོས། །སེངྒེའི་རྣམ་གྲོལ་ཕྱག་རྒྱ་ཅན། །བྱིན་པ་གཉིས་ནི་ལེགས་པར་འཁྲིལ། །ཐོད་པའི་ཕྲེང་བའི་དབུ་རྒྱན་ཅན། །སྤྱན་གསུམ་ཤིན་ཏུ་དམར་བ་སྟེ། །རྡོ་རྗེ་ཐོད་པར་མཉམ་པར་ལྡན། །དྲིལ་བུ་ཅང་ཏེའུ་ཡིས་བརྒྱན། །མདུང་དང་ཁ་ཊྭཱཾ་ཕྱག་ན་བསྣམས། །ཆགས་པ་ཆེན་པོ་མེ་ཡི་འོད། །ཕྱོགས་ཀྱི་གོས་ཅན་ཞི་བའི་ཉམས། །གདུལ་དཀའ་ཐམས་ཅད་འདུལ་མཛད་ཅིང ། །སྣ་ཚོགས་སེམས་ཅན་འདུལ་བར་མཛད། །ཐུགས་རྗེའི་ཉམས་ནི་ཡོངས་སུ་རྫོགས། །ཟླ་བ་ཉི་མའི་དབུས་སུ་ཡང ། །སྣ་ཚོགས་པདྨའི་དཀྱིལ་ན་བཞུགས། །འཇིགས་བྱེད་དང་ནི་དུས་མཚན་དག་།ཞབས་ཀྱིས་གནོན་པར་རྣམ་པར་བསྒོམ། །འཁོར་ཀུན་དག་ནི་ཞལ་གསུམ་པ། །ཐོད་པར་ཕྲེང་བའི་དབུ་རྒྱན་ཅན། །དྲག་ཅིང་ཞི་བ་ཉིད་ཡིན་ཏེ། ། རིགས་གསུམ་གྱིས་ནི་ཕྱེ་བའི་གཟུགས། །རིགས་གསུམ་གྱི་ནི་ཕྱག་མཚན་འཛིན། །ལྷ་མོས་ཕྱེ་བའི་གཟུགས་ཅན་ནི། །དམ་ཚིག་གཉིས་སུ་མེད་པར་སྦྱོར། ། ཐམས་ཅད་ཡི་དྭགས་གདན་ལ་བཞུགས། །གཡས་བརྐྱང་བ་ཡི་ཞབས་ཀྱིས་གནོན། །བྱིན་པ་གཉིས་ཀྱིས་ལེགས་པར་འཁྲིལ། །ཤེས་རབ་ཐབས་ནི་རྣམ་པར་ 324b བསྒོམ། །མཚམས་རྣམས་སུ་ནི་བུམ་པ་དག་།ཐོད་པ་ཟླ་བ་ཡོངས་སུ་གང ། །ཟུར་རྣམས་སུ་ནི་སྒོ་སྲུང་སྟེ། །ཇི་ལྟར་མདོག་གི་ཆ་རྣམས་སོ། །གཡས་བརྐྱང་བ་ཡི་ཞབས་ཀྱིས་བཞུགས། །འཇིག་རྟེན་སྐྱོང་བ་ཞབས་འོག་གནོན། །ཐོད་པའི་ཕྲེང་བའི་དབུ་རྒྱན་ཅན། །ཐུགས་རྗེ་ཁྲོ་བས་རྣམ་པར་མྱོས། །དཀར་པོ་ལ་སོགས་མདོག་སྦྱོར་བ། །ཇི་ལྟར་གཡས་པའི་ཞལ་རིམ་པ་ཞིན། །ཕྱག་རྒྱ་རིམ་པའང་དེ་བཞིན་ནོ། །ལུགས་འབྱུང་ལུགས་ལས་ལྡོག་པར་ནི། །འཁོར་སོགས་མཆོག་ཀྱང་དགོད་པར་བྱ། །རྡོ་རྗེ་པདྨའི་དབུས་སུ་ནི། །རིགས་ཀྱི་འཁོར་ལོ་གསུམ་དཀྱིལ་ན། །རང་གི་བྱིན་རླབས་འཆང་བའི་མཆོག་།སངས་རྒྱས་མུ་སྟེགས་ཅན་ལ་སྦ། །འདི་ནི་རབ་ཏུ་གསང་བ་སྟེ། །བླ་མའི་ངག་ལ་གནས་པ་ཡིན། །རྣལ་འབྱོར་མ་ཡི་དྲིན་ཡིན་ནོ། །གནས་ལ་སོགས་པའི་རིམ་སྦྱོར་བ། །སུམ་ཅུ་རྩ་བདུན་རྣམ་དག་དགོད། །ཤེས་རབ་ཐབས་བདག་འགྲོ་བ་ཡིན། ། ས་བཅུ་པ་ཡི་མཆོག་ཀྱང་འགུགས། །ཕ་རོལ་ཕྱིན་པ་བཅུ་ལ་གནས། །སྦྱོར་བ་གསུམ་གྱི་རྣམ་དག་དོན། །འདི་ནི་དྲི་མད་སྒོམ་པ་མཆོག་།མངོན་པར་བརྗོད་པའི་རྒྱུད་བླ་མའི་བླ་མ་ལས། བདག་ཉིད་ཆོས་ཀྱི་ཡི་གེ་ལས་བསྐྱེད་པའི་བྱིན་གྱིས་བརླབས་པའི་སྒོམ་པའི་ལེའུ་སྟེ་དྲུག་ཅུ་རྩ་བདུན་པའོ།། །།དེ་ནས་མཆོག་ཏུ་བཤད་བྱ་བ། ། 325a ༄#། །བདག་ཉིད་ཆོ་གའི་སྒོམ་པའི་རིམ། །མཱ་མ་ཀཱི་དང་སྤྱན་དང་ནི། །ལྷ་མོ་སྒྲོལ་མ་གོས་དཀར་མོ། །འོད་ཟེར་ཅན་དང་ཛཾ་བྷ་ལ། །ལྷ་མོ་སྐུལ་བྱེད་ས་འཛིན་མ། །རང་གི་ས་བོན་ལས་བྱུང་བ། །ཕྱག་བཅུ་གཉིས་ཀྱིས་རྣམ་པར་བརྒྱན། །སྤྱན་གསུམ་པ་ལ་གཡས་བརྐྱང་བཞུགས། །སེམས་དཔའི་སྐྱིལ་མོ་ཀྲུང་གིས་བཞུགས། །རྡོ་རྗེ་སྐྱིལ་མོ་ཀྲུང་གིས་གནས། །རིག་བྱེད་བཞི་ཡི་ཞལ་གདོང་སྟེ། །ཕྱོགས་ཀྱི་གོས་ཅན་རོ་ཡི་གདན། །སྐྲ་གྲོལ་བ་ལ་འཇིགས་པ་སྟེ། །ཐོད་པའི་ཕྲེང་བའི་དབུ་རྒྱན་ཅན། །ཁྲོ་བས་ལྟ་ཞིང་ཐུགས་རྗེའི་ཉམས། །ཤེས་རབ་ཕ་རོལ་ཕྱིན་ལྷ་མོ། །དེ་ཉིད་ཡེ་ཤེས་མཆོག་ལས་བྱུང ། །སོ་སོ་ཡང་དག་སྦྱོར་བའི་བདག། དེ་ཉིད་ཡེ་ཤེས་གདོན་མི་ཟ། །ཁྲོ་བོ་སྣ་ཚོགས་གཟུགས་ཅན་ནི། །དཔའ་བོ་རང་ཉིད་ལས་བྱུང་བ། །ཁྲོ་མཆོག་མཁའ་འགྲོ་འབྱུང་བ་ཡང ། །གོས་པ་མེད་པར་ཉམས་པ་ཡི། །བདག་པོ་ཉིད་དུ་སྦྱར་བར་བྱ། །བདག་ཉིད་སྒོམ་པ་ཉིད་ཡིན་ནོ། །མཉམ་པར་མ་བཞག་སྦྱོར་བ་ཡིས། །སྒོམ་ཞིང་རྣམ་པར་བསྒོམ་པར་བྱ། །ཕྲ་བའི་ཁྲོ་བོའི་རྡོ་རྗེ་ཅན། །སྙིང་གའི་པདྨའི་དབུས་སུ་ནི། །རྡོ་རྗེ་མཁའ་འགྲོ་ཐུགས་བརྩེ་ཅན། །འདི་ཉིད་དུ་ནི་གནས་མཛོད་ཅིང ། །རྫོགས་སངས་རྒྱས་ཀུན་བྱང་ཆུབ་སེམས། །འགྲོ་བ་གསུམ་པོ་འདི་ལག་གནས། །འདི་ཉིད་ཀྱིས་མཆོད་པ་ཉིད་ཀྱིས། །མཆོད་འོས་ 325b ཐམས་ཅད་མཆོད་པ་ཡིན། །གང་ཞིག་འདི་ལ་རྟག་ལྟ་བ། །དེ་ནི་རྒྱལ་བས་མཆོད་པར་བཞེད། །ནང་གི་སྦྱོར་བ་རྡོ་རྗེ་ཡིས། །རྣལ་འབྱོར་རྡོ་རྗེ་ཅན་དུ་འདོད། །དེ་བས་རྡོ་རྗེ་མཆོད་པ་ཡིས། །ཡིད་འདོད་རྣམས་ཀྱི་ལུས་ལ་འདོད། །མཆོག་པ་ལྔ་ཡི་སྦྱོར་བ་ཡིས། །མྱུར་དུ་སངས་རྒྱས་ཉིད་ཐོབ་པར། །གང་འདི་རྒྱུད་ལས་གསུངས་པ་དག་།དེ་ནི་ཕ་རོལ་གཞན་དུ་འདོད། །དངོས་མེད་བཞི་ལ་དགོད་པ་ཡིས། །ལྷ་ཡི་གཟུགས་སུ་སྒོམ་པ་ཡི། །མཉམ་ཉིད་མཆོད་པ་ཆེན་པོ་སྟེ། །སངས་རྒྱས་ཐམས་ཅད་རབ་སྒྲུབ་པའོ། །སྔགས་དང་དེ་ཉིད་བསྟན་པ་ཡི། །བསྟན་པ་ཙམ་དུ་ལེགས་འབྱུང་བའི། །རྒྱུད་ནི་དོན་དམ་མ་ཡིན་ཏེ། །དོན་དམ་ཡང་དག་སྐྱེས་པ་ན། །སྟོན་པ་མེད་ཅིང་བསྟན་པའང་མེད། །ཉི་ཤུ་རྩ་བཞིར་ཕྱེ་བ་ཡི། །གནས་སོགས་འདི་ཉིད་ལ་གནས་ཏེ། །དེ་བས་དེ་རུ་འཁོར་བ་ཉིད། །སྐྱོ་བྱ་དེ་ཉིད་ཅན་གྱིས་མིན། །གལ་ཏེ་དེ་ཉིད་མེད་གྱུར་ན། །དེ་ཡི་འཁྲུལ་པས་ཅི་ཞིག་བྱ། ། འོན་ཏེ་དེ་ཉིད་ལྡན་གྱུར་ན། །དེ་ལ་འཁྲུལ་པ་ཅི་ཞིག་ཡོད། །གནས་དང་ཉེ་བའི་གནས་མཆོག་རྣམས། །བསྟན་པས་དྲི་མ་མེད་པར་འགྱུར། །ཡང་ན་མི་ནུས་བག་མེད་པའི། །མི་ཡི་གནས་ནི་བསྒྲག་པར་བྱ། །ང་ཡིས་འདི་ལྟར་བཤད་པ་ནི། །སེམས་ཅན་བསམ་པའི་དབང་གིས་ཏེ། །བསམ་གཏན་ལས་གཞན་བདེ་མེད་ཕྱིར། །དེ་ 326a ༄#། །བས་བསམ་གཏན་མཆོག་གཞོལ་བྱ། །རྣལ་འབྱོར་པ་ནི་ཕྱི་རོལ་འཁོར། །དེ་ཡི་ཁམས་རྣམས་ཟད་པར་འགྱུར། །དེ་བས་ཕྱི་རོལ་སྤངས་ནས་ནི། །རྣལ་འབྱོར་རོལ་པས་གནས་པར་བྱ། །དཔལ་ལྡན་རྡོ་རྗེ་རྣལ་འབྱོར་ཅན། །རྣམ་དག་ཡེ་ཤེས་སྤྱན་གྱིས་ནི། །ཐུགས་རྗེ་ཐུགས་གདུངས་རིང་པོ་ནས། །རྡོ་རྗེ་རྣལ་འབྱོར་ཅན་དག་གཟིགས། །དེ་རྣམས་དགྱེས་པས་དངོས་གྲུབ་མཆོག་།ཅི་འདོད་པར་ནི་སྩོལ་བར་འགྱུར། །དེས་ནི་རྗེ་བཙུན་ཡེ་ཤེས་ཀྱང ། །རབ་ཏུ་འབད་དེ་བསྒྲུབ་པར་བྱ། །སྣ་ཚོགས་སྤྱོད་པ་ཡང་དག་ལྡན། །སྤྱོད་དང་བརྟུལ་ཞུགས་སྤྱད་པ་ཡི། །སྤྱོད་དང་བརྟུལ་ཞུགས་འདིར་སྤོངས་ལ། །དེ་ཉིད་བརྟུལ་ཞུགས་ལ་དགར་བྱ། ། གང་ཡང་རུང་བའི་ཟས་གནས་པ། །རྣམ་པ་དེས་བྱས་བརྟུལ་ཞུགས་ཅན། །བསམ་གཏན་ཟས་མཆོག་གཞོལ་འགྱུར་བས། །སྨྱོན་པའི་སྤྱོད་པས་གནས་པར་གྱིས། ། གཅེར་བུའམ་ཡང་ན་གཅེར་བུ་མིན། །གང་རུང་ཇི་ལྟ་དེ་ལྟར་འགྱུར། །རང་གི་ལྷག་པའི་ལྷ་དམིགས་ལ། །དེ་ཉིད་གཅིག་པུ་རྣམ་པར་བསམ། །སྐུགས་པའི་དངོས་པོར་གྱུར་པ་ཡིས། །ཟླ་དྲུག་ཙམ་གྱིས་ངེས་པར་ནི། །རྣལ་འབྱོར་ཅན་གྱིས་ཉེར་བསྟེན་ན། །རྣལ་འབྱོར་ཆེན་མོ་འདི་གསལ་འགྱུར། །ཡེ་ཤེས་སྒྲོན་མའི་མཆོག་ 326b མཐོང་ན། །རྣལ་འབྱོར་མ་རྣམས་ལེགས་འདུས་ཏེ། །པདྨའི་འབྱུང་གནས་ཉམས་དགའ་བར། །དང་པའི་ཚོགས་འདུས་ཇི་བཞིན་ནོ། །མིག་འཕྲུལ་མཁན་ལྟར་འཇིག་རྟེན་དུ། །འགྲོ་ཀུན་དོན་ནི་བྱེད་པ་འོ། །དཔལ་ལྡན་རྡོ་རྗེ་འཛིན་པར་ནི། །མངོན་འགྱུར་འདི་ལ་ཐེ་ཚོམ་མེད། །སྤྱོད་པ་འདི་ལ་ངེས་པར་ནི། །ཇི་སྐད་བཤད་པ་དེར་འགྱུར་བར། ། སེམས་ནི་དག་པར་གྱིས་ཤིག་ཅེས། །སེམས་ཅན་རྣམས་ལ་བདག་གསོལ་འདེབས། །གང་གིས་རྨད་བྱུང་སྙིང་རྗེར་ལྡན། །གང་གིས་གསུང་བ་དེ་ཉིད་འགྱུར། །རྡོ་རྗེ་དྲག་པོའི་སྦྱོར་བ་ཡིས། །མཁའ་འགྲོ་མ་ནི་སྙིང་གར་དགོད། །སྙིང་གར་རྡོ་རྗེ་ལྕེགས་ཀྱུར་སྦྱོར། །ཐུགས་ཀྱི་རྡོ་རྗེས་ནང་སྦྱར་ཏེ། །གཞན་ཡང་རྡོ་རྗེ་དགོད་བྱ་བ། ། ཆོས་ཀྱི་དབྱིངས་སུ་རྣམ་པར་བརྟག་།རང་གིས་ནམ་མཁར་སྦྱོར་ནས་སུ། །གཟི་བརྗིད་གཟུགས་ནི་འཛིན་པར་བསྒོམ་།རང་གི་ཆོས་ཀྱི་ཡིད་དགོད་པ། །རང་དྲོད་རང་བཞིན་དྲི་མ་མེད། །རང་གི་སྒོམ་པའི་སྦྱོར་བ་ཡིས། །རང་གི་ཆོས་ཀྱི་ཡི་གེ་བསྒོམ། །ཇི་ལྟ་ཇི་ལྟར་རྟོགས་པ་ཡི། །གཞན་ཉིད་གཟུགས་ཀྱི་སྒོམ་པ་ལ། །ཡིད་ཀྱི་གཏི་མུག་གྲུབ་པ་ཡི། །དབང་པོ་གཞན་ན་བསྒོམ་པར་བྱ། །ཇི་ལྟ་ཇི་ལྟར་མོས་པ་ཡིས། །གཞན་ཉིད་གཟུགས་ལ་བལྟ་བར་བྱ། །མངོན་པར་བརྗོད་པའི་རྒྱུད་བླ་མའི་ 327a ༄#། །བླ་མ་ལས། བདག་འདུལ་བའི་མཆོད་པའི་ལེའུ་སྟེ་དྲུག་ཅུ་རྩ་བརྒྱད་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསང་བའི་ཡེ་ཤེས་གསང་བ་འདི་གསུངས་སོ། །རང་བཞིན་བདག་མེད་ཆོས་རྣམས་ནི། །ནམ་མཁའ་ལྟ་བུར་དྲི་མ་མེད། །སྟོང་ཉིད་ཡེ་ཤེས་རྡོ་རྗེ་ཡིས། །སྟོང་ཉིད་རྟག་ཏུ་བསྒོམ་པར་བྱ། །ལེགས་སོ་བྱ་བ་རྣམས་བྱིན་ནས། །རྒྱུད་སྐྱེས་པ་ཡི་སྦྱོར་བ་ལས། །ལེགས་སོ་ལེགས་སོ་ཡེ་ཤེས་ཆེ། །ངེས་པར་བརྗོད་པ་མཆོག་གི་མཆོག་།ལེགས་སོ་རྡོ་རྗེ་ཚུལ་དྲག་པོ། །སངས་རྒྱས་བྱང་ཆུབ་བཀའ་དྲིན་རབ། །ལེགས་སོ་གཉིས་མེད་སྦྱོར་བ་ནི། །མཆོག་དང་མཆོག་ནི་གྲུབ་པ་ལ། །ལེགས་སོ་ཞེས་བྱ་ངེས་པར་སྦྱོར། །འདོད་པ་མེད་པའི་སྒོམ་པ་ནི། །ལེགས་སོ་ཐམས་ཅད་འགྲོ་བའི་མགོན། །ཐེག་པ་ཆེན་པོ་བསྟན་པ་འདི། ། གཉིས་མེད་ཡེ་ཤེས་མཆོག་དང་ནི། །མན་ངག་ཐོབ་པའི་དང་པོ་སྟེ། །ལེགས་སོ་རྡོ་རྗེ་བླ་མ་ཀུན། །དེ་ལ་བསྟན་པ་རྣལ་འབྱོར་མ། །ལེགས་སོ་འཁོར་གྱི་དཀྱིལ་འཁོར་ལ། །དངོས་གྲུབ་བླ་ན་མེད་པ་བྱིན། །རྫོགས་ཏེ་ཅང་མི་གསུང་བར་གྱུར། །བཅོམ་ལྡན་འདས་དེ་བཞིན་གཤེགས་པས་དེ་སྐད་ཅེས་བཀའ་ 327b སྩལ་ནས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་རྡོ་རྗེ་རྣམས་ངེས་པར་བརྗོད་པའི་རྒྱུད་བླ་ན་མེད་པའི་མཁའ་འགྲོ་མའི་དྲ་བའི་སྔེམ་པ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །མངོན་པར་བརྗོད་པའི་རྒྱུད་བླ་མའི་བླ་མ་ཞེས་བྱ་བ་གསང་བའི་ཡང་གསང་བ་བདེ་མཆོག་རྒྱུད་ཀྱི་རྒྱལ་པོ་ཆེན་པོ་ཐེ་ཚོམ་མེད་པར་དེ་ཁོ་ན་སྒོམ་པ་བསྟན་པའི་ལེའུ་སྟེ་དྲུག་ཅུ་རྩ་དགུ་པའོ།། །།མངོན་པར་བརྗོད་པའི་རྒྱུད་བླ་མའི་བླ་མ་ལས། གསང་བ་ལས་གསང་བའི་བདེ་མཆོག་གི་རྒྱུད་ཀྱི་རྒྱལ་པོ་ཆེན་པོ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་ཆེན་པོ་དཱ་\?\་པིཾ་ཀ་ར་ཤྲཱི་ཛྙཱ་ན་དང ། བོད་ཀྱི་ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོས་བསྒྱུར་ཞིང་ཞུས་ཏེ་གཏན་ལ་ཕབ་པ། ཕྱིས་པཎྜི་ཏ་ཆེན་པོ་ཛྙཱ་ན་ཤྲཱི་དང ། ལོ་ཙཱ་བ་ཁྱུང་པོ་ཆོས་ཀྱི་བརྩོན་འགྲུས་ཀྱིས་ཀྱང་ཞུས་པའོ། །ཕྱིས་པཎྜི་ཏ་ཨཱ་ནནད་དང ། ལོ་ཆུང་གིས་ཆད་ལྷག་རྣམས་བསབས་ནས་ཞུས་དག་བྱས་ནས་ལེགས་པར་བཅོས་ཏེ་གཏན་ལ་ཕབ་པ།། |