།།རྒྱ་གར་སྐད་དུ། ཨཱ་ཁྱཱ་ཏ་ཏནྟྲོཏྟ་ར་བཛྲ་བཱ་ཧྱ་བྷི་དྷ་ནཱ་ད་བཱ་རཱ་ཧྱ་བྷི་བོ་དྷ་ནཾ་ནཱ་མ། བོད་སྐད་དུ། ཕག་མོ་མངོན་པར་བརྗོད་པ་བཤད་པའི་རྒྱུད་ཕྱི་མ་ལས། ཕག་མོ་མངོན་པར་བྱང་ཆུབ་པ་ཞེས་བྱ་བ། སངས་རྒྱས་ལ་ཕྱག་འཚལ་ལོ། །དེ་ནས་རྣལ་འབྱོར་བཤད་བྱ་བ། །འདོད་པའི་དོན་ཀུན་སྒྲུབ་བྱེད་པའོ། །ཕྱི་མ་ལས་ཀྱང་ཕྱི་མ་སྟེ། །མཁའ་འགྲོ་མ་ཡི་དྲ་བ་སྡོམ། །ཕག་མོ་ཡི་ནི་གཙོ་མོ་ཡང ། །རྣལ་འབྱོར་རྣམས་ཀྱི་གྲུབ་སྟེར་མའོ། །རྣལ་འབྱོར་མ་ལུས་རྣམས་ཀྱི་ཡང ། །སྙིང་པོ་རྣལ་འབྱོར་བཏུས་པ་འོ། །སྒྲུབ་པ་པ་ལ་ཕན་དོན་ཕྱིར། །བླ་མའི་བརྒྱུད་པ་གསལ་བའོ། །ཕྱི་རོལ་རྣམ་རྟོག་མེད་པ་དང ། ། ཀུན་ཏུ་དམ་ཚིག་ཆོས་ཉིད་དང ། །སྤྱོད་དང་དོགས་པ་མེད་པ་དང ། །ཀུན་ཏུ་སེར་སྣ་རྣམ་སྤངས་ཏེ། །ཚེས་གྲངས་དང་ནི་རྒྱུ་སྐར་མེད། །བསྙེན་གནས་ཆོ་ག་གཙོར་མེད་དེ། ། དག་དང་མ་དག་གཙང་ཡང་མེད། །ཆུ་ཡི་གཙང་སྦྲ་བྱ་བ་མེད། །དུས་དང་ཆོས་ལས་རྣམ་པར་གྲོལ། །གཙང་སྦྲའི་སྤྱོད་པ་རྣམ་པར་སྤངས། །རང་རྒྱུད་སྔགས་དང་རྣལ་འབྱོར་ཤེས། །སེམས་ཅན་ཀུན་གྱི་དོན་བརྩོན་བས། །རི་སུལ་ཚང་ཚིང་ཕུག་རྣམས་དང ། །ཆུ་བོའི་འགྲམ་དང་འདུས་པ་དང ། །རྒྱ་མཚོ་ཆེན་པོའི་འགྲམ་དག་དང ། །ཤིང་གཅིག་ 314b ས་དང་ཁང་སྟོང་དང ། །མ་མོའི་ཁྱིམ་དང་དུར་ཁྲོད་དང ། །སྐྱེད་མོས་ཚལ་མཆོག་སྣ་ཚོགས་དང ། །ལྷ་ཁང་དང་ནི་མཆོད་རྟེན་གནས། །ཁྱིམ་མམ་ཡང་ནི་བཞི་མདོ་རུ། །འདོད་པ་ཐམས་ཅད་རབ་སྟེར་བའི། །སྒྲུབ་པ་པོ་ཡིས་བསྒྲུབ་པར་བྱ། །གནས་ནི་བསྟན་པར་བྱས་པའམ། །གང་དུ་ཡིད་ནི་དགའ་བ་རུ། །སྡོམ་པ་སྣ་ཚོགས་སྲུང་འདོད་པའི། །དེར་ནི་དངོས་གྲུབ་ཡང་དག་འགྲུབ། །གདུལ་བྱའི་བསམ་པའི་སྦྱོར་བ་ཡིས། །སྒོམ་པའི་དབྱེ་བ་མང་པོའོ། །ཡེ་ཤེས་ལྔ་ཡི་བདུད་རྩི་ཡིས། །ས་གཞི་བྱུག་པ་བྱ་བ་དང ། །བཟོད་པའི་ཕ་རོལ་ཕྱིན་ནན་ཏན། །མེ་ཏོག་གཅལ་དུ་དགྲམ་པར་བྱ། །སྣ་ཚོགས་ཕྱག་རྒྱའི་གདན་དག་ལ། །གཏོང་བར་ཤིན་ཏུ་མཉམ་པར་བཞག་།བསམ་གཏན་ཕ་རོལ་ཕྱིན་དམིགས་ཏེ། །སེམས་ནི་རྩེ་གཅིག་པ་ཡིས་སུ། །ཚངས་པའི་གནས་ནི་བཞི་པོ་དང ། །བསྡུ་བའི་དངོས་པོ་བཞི་དག་དང ། །སེམས་ཅན་ཀུན་ལ་བདེ་འབྱུང་བའི། །དགེ་བ་བཅུ་ནི་དམིགས་པར་བྱའོ། །ཆོས་རྣམས་སྟོང་པ་ཉིད་དུ་ནི། །ཕྱི་ནང་བདག་ཉིད་མཐོང་བྱ་སྟེ། །དེ་ནས་སེམས་ཙམ་དུ་གནས་ཏེ། །བྱང་ཆུབ་ཀྱི་ནི་ཚོགས་མཆོག་གོ་།སྙིང་གི་མཁའ་དབྱིངས་བད་དབུས་གནས། །ཉི་མའི་དཀྱིལ་འཁོར་བསྒོམ་པར་བྱ། །ཡེ་ཤེས་ལྔ་ཡི་རང་བཞིན་ནི། །མཆོག་གི་དེ་ཉིད་དེར་མཐོང་སྟེ། །འོད་ཟེར་སྣ་ཚོགས་རང་བཞིན་བཟང ། །ཀུན་ཏུ་རྣམ་པར་སྤྲོས་པ་ལས། ། 315a ༄#། །སྔར་གྲུབ་རྣམས་ནི་ཡང་དག་བསྐུལ། །ནམ་མཁའི་ཁམས་ནི་ཉམས་དགའ་བར། །དཀྱིལ་འཁོར་དམ་པ་མཐོང་བ་སྟེ། །བྱིན་གྱིས་བརླང་པ་དག་ཀྱང་ངོ ། །ཏིལ་གྱི་གང་བུ་བཞིན་མཐོང་སྟེ། །ཁྲོ་བོ་ལྷ་མོ་ཐམས་ཅད་དང ། །སངས་རྒྱས་བྱང་ཆུབ་སེམས་དཔའ་དང ། །བླ་མ་བྱང་ཆུབ་སེམས་དཔའ་དག་།མཆོད་དང་མཆོད་པ་བྱེད་པའི་བདག་།ལྷ་མོ་རྣམ་པ་དགུ་མཐོང་སྟེ། །སངས་རྒྱས་ཚོགས་ཀྱི་སྤྲུལ་པ་སྤྲོ། །ཁྲོ་བོ་རྒྱལ་པོ་རྣལ་འབྱོར་མ། །འགྲོ་བ་རིགས་དྲུག་སེམས་ཅན་ཡང ། །དེ་ནི་སངས་རྒྱས་ཉིད་དུ་བཞག་།ནམ་མཁའི་ཁམས་ཞེས་བྱ་བའི་དབུས། །དེ་ཉིད་དུ་ནི་ཞུགས་མཐོང་སྟེ། །ཇི་སྲིད་བྱང་ཆུབ་སྙིང་པོའི་བར། །ཐམས་ཅད་དུ་ནི་སྐྱབས་སུ་མཆི། །སེམས་ཅན་མ་ལུས་གྱུར་པ་རྣམས། །སངས་རྒྱས་གོ་འཕང་ལ་བཞག་བྱ། །སྒྲུབ་པོས་དེ་ལ་གསོལ་བ་གདབ། །རྟག་ཏུ་སྐྱབས་སུ་གསོལ་བར་བྱ། །ཕུང་པོ་ལྔ་ལ་ང་རྒྱལ་ནི། །སེམས་བཟང་པོ་ནི་བསྐྱེད་པར་བྱ། །གཟུགས་དང་ཚོར་དང་འདུ་ཤེས་དང ། །འདུ་བྱེད་རྣམ་པར་ཤེས་ཉིད་ཀྱང ། །བྲུཾ་ཨཾ་ཧྲཱིཿ ་ཧོཿ ་ཧཱུཾ་ཞེས་པ། །རྣམ་སྣང་རྡོ་རྗེ་ཉི་མ་དང ། །དེ་བཞིན་པདྨ་གར་གྱི་དབང ། །རྡོ་རྗེ་རྒྱལ་པོ་ཞེས་གྲགས་དང ། །དེ་བཞིན་རྡོ་རྗེ་སེམས་དཔའ་མཆོག་།དེ་བཞིན་གཤེགས་པ་ཐམས་ཅད་ཉིད། ། 315b དཔལ་ལྡན་རྡོ་རྗེ་ཧེ་རུ་ཀ་།མིག་དང་རྣ་བ་སྣ་དག་དང ། །ལུས་དང་ངག་དང་དེ་བཞིན་ཉིད། །ོཾ་ཧཱུཾ་ཏྲཱཾ་ཨཱཿ ་ཁཾ་ཧཱུཾ། །གཏི་མུག་ཞེ་སྡང་ཕྲག་དོག་དང ། །འདོད་ཆགས་སེར་སྣ་ཉིད་ཀྱང་ངོ། །སྐྱེ་མཆེད་ཀུན་ལ་རྡོ་རྗེ་དབང ། །ས་དང་ཆུ་དང་མེ་དང་ནི། །རླུང་དང་ནམ་མཁའ་ཉིད་དང་ནི། །ལཱཾ་བཱཾ་པཱཾ་ཏཱཾ་ཁཱཾ་ཞེས་པས། །ལྟུང་བར་བྱེད་དང་གསོད་པ་དང ། །འགུགས་པར་བྱེད་དང་གར་བྱེད་ཉིད། །པདྨའི་དྲ་བ་ལྷ་མོ་ནི། །ནམ་མཁའ་དང་མཉམ་ལྟ་བུའོ། །དེ་ལྟར་ཕུང་པོ་ཁམས་དང་སྐྱེ་མཆེད་རྣམས་ལ་རྣལ་འབྱོར་པ་ཐ་མལ་པའི་རང་བཞིན་གྱིས་རང་བཞིན་ཡོངས་སུ་དག་པའི་ཆོས་ཐམས་ཅད་རང་གིས་ཡོངས་སུ་དག་པའོ་ཞེས་རྣམ་པར་དག་པའི་ང་རྒྱལ་བྱའོ། །དེའི་འོག་ཏུ་གསུམ་ལ་སྐྱབས་སུ་གསོལ་ཏེ། སྔགས་ཀྱི་ལུས་སུ་འགྱུར་བར་བྱའོ། །བདག་ཉིད་ཧེ་རུ་ཀར་བསྒོམས་ཏེ། །སེམས་ཅན་ཀུན་གྱི་དོན་ཀྱང་བྱེད། །ཧེ་རུ་ཀ་ཡི་གནས་ཐོབ་པར། །བླ་ན་མེད་པའི་གོ་འཕང་ལ། །སེམས་ཅན་ཐམས་ཅད་གཞག་པར་བྱ། །ོཾ་སཝ་བྷཱ་པ་ཤུདྡྷཿ ་སརྦ་དྷརྨཱ་སཝ་བྷཱ་བ་ཤུདྡྷོཉ་ཧཾ། ཞེས་ལན་གསུམ་བརྗོད་དོ། །ཉི་མའི་འོད་ཟེར་ཕྲེང་ལྟ་བུའོ། །དངོས་པོ་ཀུན་བརྩེ་ཕྱོགས་བཅུ་རུ། ། འོད་ཟེར་དེ་ལས་ར་བ་དང ། །དེ་བཞིན་དུ་ནི་དྲ་བར་བལྟ། །རྡོ་རྗེ་ས་གཞི་བྱིན་གྱིས་བརླབས། །བླ་རེ་མདའ་ཡི་ར་བ་དང ། །རྡོ་རྗེ་མེ་འབར་དྲ་བ་ནི། །དེ་ཡི་ཕྱི་རོལ་རིང་དུ་བསམ། ། 316a ༄#། །ོཾ་མེ་དེ་ནཱི་བཛྲི་བྷ་པ་བཛྲ་བནྡྷ་ཧཱུཾ། ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྫ་ར་ཧཱུཾ་བཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་ཤ་ར་ཛྭ་ལ་ཏྲཾ་སཾ་ཏྲཾ། །ོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཧཱུཾ་ཧཱུཾ། །མཛུབ་མོ་མཐེ་བོང་དག་སྦྱར་ཏེ། །སེ་གོལ་གཏོགས་ཏེ་ཕྱོགས་བཅུར་ཡང ། །ོཾ་སུམ་བྷ་ནི་སུམ་བྷ་ཧཱུཾ་ཧཱུཾ་ཕཊ་ཤར་དུའོ། །ོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ་བྱང་དུའོ། ། ོཾ་གྲྀཧྞ་པ་ཡ་གྲྀཧྞ་པ་ཡ་ཧཱུཾ་ཧཱུཾ་ཕཊ་ནུབ་ཏུའོ། །ོཾ་ཨཱ་ན་ཡ་ཧོ་བྷ་ག་བཱན་བཛྲ་ཧཱུཾ་ཧཱུཾ་ཕཊ་ལྷོ་རུའོ། །སྔགས་ཀྱི་རྒྱལ་པོ་འདིས་བགེགས་ཐམས་ཅད་ཀྱི་མགོ་ལ་ཕུར་བུ་བཏབ་སྟེ་གཡས་སྐོར་དང ། གཡོན་པ་བསྐོར་བ་མ་ཡིན་པའོ། །ོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱ་ན་བིགྷྞཾ་ཧཱུཾ་ཕཊ། ཀཱི་ལི་ཀཱི་ལི་ཡ། སརྦ་པཱ་པཾ་ཧཱུཾ་ཧཱུཾ་ཧཱུཾ། བཛྲ་ཀཱི་ལ་ཡ་བཛྲ་དྷ་ར་ཨཱ་ཛྙཱ་པ་ཡ་ཏི། སརྦ་དུཥྚཱ་ཎ་བི་གྷྞཱཾ་ཀཱ་ཡ་པཱ་ཀྩིཏྟ་བཛྲ་ཀཱི་ལ་ཡ་ཧཱུཾ་ཕཊ། བརྡུང་བར་བྱ་སྟེ། རྡོ་རྗེ་ཕུར་པ་ལ་ཁྲོ་བོའི་ལྟ་བས་བལྟས་ནས། གོ་རིམ་དང ། གོ་རིམ་མ་ཡིན་པས་རྡོ་རྗེ་སྒྲུབ་པ་པོས་བརྡུངས་ཏེ། ཨོཾ་བཛྲ་མུད་ག་ར་བཛྲ་ཀཱི་ལ་ཡ་ཨཱ་ཀོ་ཊ་ཡ་ཧཱུཾ་ཕཊ། བདུད་མེད་བདུད་ཀྱི་ལས་ཀྱང་མེད། །རང་གི་སེམས་ཀྱིས་བཅིངས་པ་བཞིན། །རང་གིས་རང་གི་སེམས་འདུལ་ན། །གང་ལས་བདུད་ནི་གནས་པར་འགྱུར། །སྟོང་ཉིད་ཡེ་ཤེས་རྡོ་རྗེ་ཡང ། །མཉམ་བཞག་དང་བས་དྲན་པར་བྱ། །ོཾ་མཧཱ་ཤཱུ་ནྱ་ཏཱཛྙཱ་ན་བཛྲ་སཝ་བྷཱ་བ་ཨཱཏྨ་ཀོ་ཉཧཾ། ཨོཾ་ 316b ་ནི་མི་དྷ་ཛྙཱ་ན་བཛྲ་སཝ་བྷཱ་བ་ཨཱཏྨ་ཀོ་ཉ་ཧཾ། ཨོཾ་ཨ་པྲ་ཎི་ཧི་ཏ་ཛྙཱ་ན་བཛྲ་སཝ་བྷཱ་བ་ཨཱཏྨ་ཀོ་ཉཧཾ། མིག་ཡོར་ཙམ་གྱི་ཡེ་ཤེས་ནི། །སེམས་ཙམ་རྣམ་པར་བརྟག་པར་བྱ། །ནམ་མཁའ་ལྟ་བུའི་ཆོས་འདི་དག་།ཆོས་ཅན་མེད་ཅིང་ཆོས་ཉིད་མེད། །ནམ་མཁའ་ལྟ་བུར་གོས་པ་མེད། །དངོས་པོ་མེད་ཅིང་རྟོག་པ་མེད། །སྙིང་རྗེའི་བདག་ཉིད་ཕན་བྱའི་ཕྱིར། །སྨོན་ལམ་དབང་གིས་དམིགས་བྱ་སྟེ། །ཇི་སྲིད་ས་ཡི་འོག་དམིགས་པ། །རླུང་གི་དཀྱིལ་འཁོར་བསམ་པར་བྱ། །ཡཾ་གི་ཡི་གེ་ལས་འབྱུང་བ། །གཞུ་འདྲ་ཁ་དོག་སྔོ་དང་ལྡན། །རྒྱལ་མཚན་གྱིས་མཚན་བསམ་བྱ་སྟེ། །དུ་བའི་ཕྲེང་བ་འཁྲིགས་པའོ། །དེ་ཡི་སྟེང་དུ་རཾ་ལས་ནི། །མེ་ཡི་དཀྱིལ་འཁོར་མཆོག་ཡིན་ཏེ། །ཟུར་གསུམ་པོ་ལ་ཁ་དོག་དམར། །འབར་བའི་ཕྲེང་བ་འཁྲུག་ཅིང་དམར། །ཉི་མ་བྱེ་བ་ལྟ་བུར་གནས། །རྡོ་རྗེས་མཚན་པ་བསམ་པར་བྱ། །དེ་ཡི་སྟེང་དུ་ཆུ་ཉིད་ཀྱང ། །པཾ་ལས་བུམ་པ་མཆོག་ཏུ་གྱུར། །ཟླུམ་ཞིང་འོད་ཟེར་ཕྲེང་བར་ལྡན། །ཁ་བ་ལྟ་བུ་ཉིད་ཀྱང་ངོ ། །དེ་ཡི་སྟེང་དུ་བསམ་བྱ་བ། །ལཾ་ལས་བྱུང་བ་སེར་པོར་ལྡན། །གྲུ་བཞི་པ་ལ་རྡོ་རྗེས་མཚན། །འོད་ཟེར་སེར་པོའི་ཚོགས་འཁྲུག་པའོ། །དེ་སྟེང་རྣལ་འབྱོར་པ་བསྒོམས་པས། །རི་ཡི་རྒྱལ་པོ་རི་རབ་མཆོག་།ཟུར་བཞི་རིན་ཆེན་བཞི་རང་བཞིན། །རྩེ་མོ་བརྒྱད་ཀྱིས་ཉེ་བར་མཛེས། །སུཾ་ལས་བྱུང་བ་བཟང་ 317a ༄#། །པོའོ། །འོད་ཟེར་བཟང་པོ་མཆོག་གི་མཆོག་།དེ་ཡི་སྟེང་དུ་བསྒོམ་བྱ་བ། །བྲུ་ལས་བྱུང་བ་བརྟག་པ་སྟེ། །དེ་ཡོངས་གྱུར་ལས་འཁོར་ལོ་མཆོག ། གཞལ་ཡས་ཁང་པ་རྣམ་པར་བསམ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །དྲ་བ་དྲ་བ་ཕྱེད་པས་སྤྲས། །དར་དང་མེ་ཏོག་ཆུན་བུས་བརྒྱན། ། གྲཝ་ཡི་ཆ་ནི་ཐམས་ཅད་དང ། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་པོ་ཆེ་ཡིས་སྤྲས། །ཕྱི་ཡི་དཀྱིལ་འཁོར་ཐིག་གདབ་བྱ། །པད་མ་འདབ་མ་བརྒྱད་པ་བྲི། །སྣ་ཚོགས་ཁ་དོག་མཆོག་གི་མཆོག་།ལྟེ་བ་དང་ནི་གེ་སར་བཅས། །ཐམས་ཅད་དག་པ་ཉིད་ཀྱི་གདན། །དེ་ཡི་དབུས་སུ་ཟླ་བའི་ཆ། །གསལ་བའི་རང་བཞིན་དྲི་མ་མེད། །དེ་སྟེང་ཨཱ་ལི་ཀཱ་ལི་ནི། །དབུས་སུ་བཾ་གྱིས་བརྒྱན་པའོ། །དེ་ཡི་དབུས་བཞེངས་གཙོ་མོ་ནི། །ཕག་མོ་རྡོ་རྗེ་རྣལ་འབྱོར་མ། །ཞལ་བཞི་ཕྱག་ནི་བཅུ་གཉིས་ཏེ། །སྤྱན་གསུམ་ཤིན་ཏུ་ཆགས་པའོ། །གདན་ལ་ཕྱེད་དཀྱིལ་གྱིས་བཞུགས་ཏེ། །ཤིན་ཏུ་མཛེས་པས་གར་བྱེད་པའོ། །ཕྱོགས་ཀྱི་གོས་ཅན་སྐྲ་གྲོལ་བ། །ཕྱེད་ནི་དབུས་མ་དབང་ཕྱུག་ཞལ། །དཀར་དང་དམར་དང་འདི་འདྲའི་གཟུགས། །ཐོད་པ་ཡི་ནི་དབུ་རྒྱན་མཛེས། །རྡོ་རྗེ་དྲིལ་བུ་ཕྱག་རྒྱ་བསམས། །པད་མ་བསྐོར་ཅིང་འཁོར་བར་ལྡན། །དཔྲལ་བར་ཕྱག་རྒྱ་འབར་བ་དང ། །མི་ 317b ཡི་ལྤགས་པའི་བླ་གོས་དང ། །ཐོད་པ་ཁ་ཊྭཱཾ་ག་འཛིན་ཅིང ། །ཞགས་པ་ལྕགས་ཀྱུ་འཛིན་པ་བཞག་།ཅང་ཏེའུ་གྲི་གུག་མགོ་བོ་ཡང ། །ཞལ་བཞི་པ་ནི་ཚངས་པ་ཡི། །སྡོ་དང་སེར་དང་ལྗང་གུ་ཡི། །བཟང་པོའི་ཞལ་གྱིས་ཉེ་བར་མཛེས། །ཞལ་ནས་མཆེ་བ་གཙིགས་པ་སྟེ། །ཟླ་བ་ཕྱེད་པས་སྟེང་དུ་བརྒྱན། །སྣ་ཚོགས་རྡོ་རྗེས་དབུ་རྒྱན་མཚན། །དངོས་གྲུབ་ཐམས་ཅད་རབ་སྦྱིན་བྱེད། །ལྷ་མོ་ཕྱག་རྒྱ་དྲུག་གིས་བརྒྱན། །དུམ་བུ་བརྒྱད་པས་སྐ་རགས་ནི། །སྐ་རགས་སིལ་སིལ་སྒྲ་སྒྲོགས་པ། །རྐང་པའི་གདུབ་ཀྱིས་ཉེ་བར་མཛེས། །དཔུང་རྒྱན་མཛེས་པར་བྱེད་པ་དང ། །དཔྲལ་བར་རྡོ་རྗེ་ཕྲེང་བ་དང ། །ཕྱག་རྒྱ་རྡོ་རྗེས་མཚན་པས་སོ། །ཤིན་ཏུ་གཟུགས་བཟང་ཡིད་དུ་འོང ། །ཤར་གྱི་འདབ་མར་མཁའ་འགྲོ་མ། །སེང་གདོང་མ་སྟེ་འཇིགས་པར་བྱེད། །བྱང་གི་ཕྱོགས་སུ་ཕག་གདོང་མ། །ལྷ་མོ་ལཱ་མ་འཇིགས་བྱེད་མ། །ནུབ་ཏུ་ལྷ་མོ་གླང་པོའི་གདོང ། །དུམ་སྐྱེས་མ་སྟེ་དྲག་མ་འོ། །ལྷོ་རུ་ལྷ་མོ་གཟུགས་ཅན་མ། །རྟ་ཡི་གདོང་པ་ལྷག་པའི་གཟུགས། །སྤྱན་གསུམ་སྣ་ཚོགས་གཟུགས་ཅན་མའོ། །ཐོད་པ་ཁ་ཊྭཱཾ་ག་འཛིན་ཅིང ། །མགོ་བོ་གྲི་གུག་འཛིན་པ་ཅན། །གཅེར་བུ་སྐྲ་ནི་གྲོལ་བ་སྟེ། །གར་བྱེད་པ་ཡིས་ཤིན་ཏུ་མཛེས། །ཡི་དྭགས་གདན་ལ་ཕྱེད་དཀྱིལ་གྱིས། །དྲག་ཅིང་གཏུམ་པ་འཇིགས་པ་འོ། །འཇིགས་བྱེད་དང་ནི་དུས་མཚན་མ། །ལྷ་མོའི་ཞབས་ཀྱི་འོག་ཏུ་མནན། ། 318a ༄#། །མེ་ལ་སོགས་པ་མཚམས་བཞི་རུ། །བྱང་ཆུབ་སེམས་ལ་སོགས་པའི་སྣོད། །བུམ་པའི་སྟེང་དུ་རྣམ་པར་དགོད། །དུང་དང་ཀུན་ད་ཟླ་འདྲ་བའི། །བྱང་ཤར་ལ་སོགས་ཕྱོགས་བཞི་རུ། །རྩིབས་དྲུག་པ་ཡི་འཁོར་ལོ་བྲི། །འཁོར་ལོའི་དབུས་སུ་བྲི་བྱ་བ། །རིགས་ཀྱི་ལྷ་མོ་བཞི་པོ་ནི། །ལྷ་མོ་ཡཱ་མ་ཀཱི་དང་སྤྱན། །སྒྲོལ་མ་གོས་དཀར་མོ་དག་སྟེ། །སྔོ་དང་དཀར་དང་དམར་བ་སྟེ། །ལྷ་མོ་རྡོ་རྗེ་རིགས་དབང་ཕྱུག་།དཀར་དང་སྔོ་དང་དམར་བ་ཡི། །ལྷ་མོ་རྟག་པའི་རིགས་ཡིན་ནོ། །ལྗང་གུ་དཀར་དང་དམར་བ་ཡི། །ལྷ་མོ་ལས་ཀྱི་རིགས་ཡིན་ནོ། །དམར་དང་སེར་དང་ལྗང་གུ་ཡི། །ལྷ་མོ་པད་མའི་རིགས་ལས་བྱུང ། །སྤྱན་གསུམ་སྐྲ་ནི་གྲོལ་བ་ཡིན། །ཕྱོགས་ཀྱི་གོས་ནི་འཛིན་པ་ཡིན། །རྒྱན་རྣམས་ཐམས་ཅད་ཡང་དག་རྫོགས། །ཕྱག་རྒྱ་དྲུག་གིས་རྣམ་པར་བརྒྱན། །ཐོད་པ་ཁ་ཊྭཱཾ་ག་འཛིན་ཅིང ། །རང་གི་མཚན་མ་རྣམ་པ་བཞི། །རྡོ་རྗེ་འཁོར་ལོ་རྒྱ་གྲམ་དང ། །པད་མ་དམར་པོ་མཆོག་གི་མཆོག་།དེ་བཞིན་ཐམས་ཅད་དྲིལ་བུ་འཛིན། །པདྨ་སྐོར་བ་བྱེད་པ་འོ། །བདུད་བཞི་པོ་ནི་ཞབས་ཀྱིས་མནན། །གར་དང་བཅས་ཤིང་བཞད་པའི་ཞལ། །སྣ་ཚོགས་པད་མ་ཟླ་དབུས་བཞུགས། །རིགས་ཀྱི་དངོས་གྲུབ་རང་བཞིན་བྱེད། །མགོ་དང་ཅང་ཏེའུ་ཕྱག་ན་བསྣམས། ། 318b རྡོ་རྗེ་གྲི་གུག་གིས་ཀྱང་མཛེས། །ཐོད་པའི་ཕྲེང་བའི་དབུ་རྒྱན་ཅན། །མགོ་བོས་ཕྲེང་བས་བརྒྱན་པའོ། །མཚམས་ཀྱི་ཆ་ནི་ཐམས་ཅད་དུ། །གནས་ལ་སོགས་པའི་རིམ་པ་དགོད། ། ཤར་གྱི་འཁོར་ལོ་རྩིབས་དྲུག་ལ། །ལྷ་མོ་ཇི་ལྟར་རྗེས་མཐུན་དགོད། །འཁོར་ལོའི་རྩིབས་དྲུག་དང་པོ་ལ། །པཱུལླིར་མ་ཡར་རབ་གཏུམ་མའོ། །རྩིབས་གཉིས་པ་ལ་ཛཱ་ལན་དྷ་ར་ར་གཏུམ་པའི་མིག་ཅན་ནོ། །གསུམ་པ་ཨུདྱན་དུ་འོད་ལྡན་མའོ། །བཞི་པ་ཨར་བུ་དར་སྣ་ཆེན་མོའོ། །ལྔ་པ་གོ་ད་བ་རིར་བརྟན་པའི་བློ་ཅན་མའོ། །དྲུག་པ་རཱ་མེ་ཤཝ་རར་མིའུ་ཐུང་མའོ། །གཉིས་པ་བྱང་གི་འཁོར་ལོ་རྩིབས་དྲུག་པ་ལ། །དང་པོ་དེ་བི་ཀོ་ཊིར་ལཾ་ཀའི་དབང་ཕྱུག་མའོ། །གཉིས་པ་མཱ་ལ་ཡར་ཤིང་གྲིབ་མའོ། །གསུམ་པ་ཀཱ་མ་རུ་པར་ས་སྲུང་མའོ། །བཞི་པ་ཨོ་ཊེར་འཇིགས་བྱེད་ཆེན་མོའོ། །ལྔ་པ་ཏྲི་ཤ་ཀུ་ནི་ར་རླུང་གི་ཤུགས་ཅན་མའོ། །དྲུག་པ་ཀོ་ས་ལར་ཆད་འཐུང་མའོ། །གསུམ་པ་ནུབ་ཀྱི་འཁོར་ལོ་རྩིབས་དྲུག་གི་ཤར་གྱི་འཁོར་ལོའི་རྩིབས་དང་པོ་ལ་ཀ་ལིཾ་ཀར་ལྗང་ལྷ་མོའོ། །གཉིས་པ་ལཾ་པ་ཀར་ཤིན་ཏུ་བཟང་མོའོ། །གསུམ་པ་ཀཉྩི་ཀཱར་རྟ་རྣ་མའོ། །བཞི་པ་ཁ་བ་ཅན་དུ་བྱ་གདོང་མའོ། །ལྔ་པ་པྲེ་ཏ་པུ་རི་ར་འཁོར་ལོའི་ཤུགས་ཅན་མའོ། །དྲུག་པ་གྲྀ་ཧ་དེ་བ་ཏཱ་ར་དུམ་སྐྱེས་མའོ། །བཞི་པ་ལྷོའི་འཁོར་ལོའི་རྩིབས་ཀྱི་ཤར་དུ་སཽ་རཥྚ་ཆད་འཚོང་མའོ། །གཉིས་པ་གསེར་ 319a ༄#། །གླིང་དུ་འཁོར་ལོའི་གོ་ཆ་མའོ། །གསུམ་པ་ནཱ་ག་རར་ཤིན་ཏུ་དཔའ་མོའོ། །བཞི་པ་སིནྡྷུར་སྟོབས་ཆེན་མའོ། །ལྔ་པ་མ་རུར་འཁོར་ལོས་བསྒྱུར་མའོ། ། དྲུག་པ་ཀུན་ལུ་ཏཱར་བརྩོན་འགྲུས་ཆེན་མོའོ། །དང་པོ་དཀར་ལྗང་ཐོད་པ་དང ། །ཁ་ཊྭཱཾ་ག་དང་འཁོར་ལོ་དང ། །ཅང་ཏེའུ་དང་གྲི་གུག་གོ་།གཉིས་པ་བྱང་དུ་ལྗང་སེར། རྡོ་རྗེ་དང།་ཐོད་པ་དང ། ཁ་ཊྭཱཾ་ག་དང ། ཅང་ཏེའུ་དང ། གྲི་གུག་གོ་།གསུམ་པ་ནུབ་ཏུ་དམར་སེར་ཐོད་པ་དང ། ཁ་ཊྭཱཾ་ག་དང ། པད་མ་དང ། ཅང་ཏེའུ་དང ། གྲི་གུག་གོ་།བཞི་པ་ལྷོའི་ལྷ་མོ་སེར་དམར་སྣ་ཚོགས་རྡོ་རྗེ་དང ། ཅང་ཏེའུ་དང ། གྲི་གུག་དང ། ཐོད་པ་དང ། ཁ་ཊྭཱཾ་ག་འཛིན་པའོ། །ལྷ་མོ་ཐམས་ཅད་བུད་མེད་ཕྱེད་དབང་ཕྱུག་སྤྱན་གསུམ་པ། ཕྱག་བཞི་བ། གཅེར་བུ། སྐྲ་གྲོལ་བ། ཕྱེད་དཀྱིལ་གྱི་གར་གྱི་ཞབས་ཀྱིས་བཞུགས་པ། ཡི་དྭགས་ཀྱི་གདན་གྱི་སྟེང་ན་ཐོད་པའི་ཕྲེང་བའི་དབུ་རྒྱན་ཅན། ཕྱག་རྒྱ་ལྔས་བརྒྱན་པ། རྐང་གདུབ་དང ། སྐ་རགས་དང ། དབུ་རྒྱན་རྣམས་རྡོ་རྗེས་མཚན་པའོ། །དེ་ནས་འཁོར་ལོ་ཕྱི་བསྐོར་ཏེ། རྡོ་རྗེའི་ཕྲེང་བ་ཤར་དུ་འོ། །འཁོར་ལོའི་ཕྲེང་བ་བྱང་དུ་འོ། །སྣ་ཚོགས་རྡོ་རྗེའི་ཕྲེང་བ་ནུབ་ཏུའོ། །པདྨའི་ཕྲེང་བ་ལྷོ་རུའོ། །དབུས་སུ་རྡོ་རྗེ་ར་བས་མཛེས། །མཚམས་ཀྱི་ཆ་རྣམས་ཐམས་ཅད་དུ། །སྣ་ཚོགས་རྡོ་རྗེ་ཡང་དག་ 319b བྲི། །བློ་ལྡན་དེ་ཡི་ཕྱི་རོལ་བསྐོར། །ཡི་དྭགས་ཕྲེང་བ་སྣ་ཚོགས་ལྡན། །ཕྱི་རོལ་དཀྱིལ་འཁོར་སྒོ་རྣམས་དང ། །མཚམས་ཀྱི་ཆ་ནི་བཞི་རྣམས་སུ། །མཁའ་འགྲོ་དྲག་པོའི་གཟུགས་ཅན་ནོ། །དེ་ལ་མཉམ་པར་གཞག་པས་དགོད། །ཁཝ་གདོང་མ་ནི་ཤར་དུ་དགོད། །ཁ་དོག་སྔོན་པོ་ཡིད་འཕྲོག་མའོ། །འུག་གདོང་མ་ནི་བྱང་གི་སྒོར། །དམར་ཞིང་ལྗང་ལ་མཛེས་པའོ། །ཁྱི་གདོང་མ་ནི་ནུབ་ཀྱི་སྒོར། །དྲག་ཅིང་སེར་མོ་དུ་བ་འདྲ། །ལྷོ་ཡི་ངོས་སུ་ཕག་གདོང་མ། །ལྗང་ཞིང་སྔོ་བའི་གཟུགས་ཅན་མའོ། །སྤྱན་གསུམ་དྲག་པོ་འཇིགས་པའོ། །ཕྱོགས་ཀྱི་གོས་ནི་འཛིན་པའི་མཆོག་།འབྲུ་ཚུགས་བལྟ་ཞིང་བོང་ཐུང་མ། །གཡས་བརྐྱང་བ་ཡི་ཞབས་ཀྱིས་བཞུགས། །སྣ་ཚོགས་པདྨ་ཉིད་བུས་གནས། །ཕྱག་རྒྱ་ལྔས་ནི་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །དབུ་སྐྲ་གྲོལ་ཞིང་རྣམ་པར་བརྟགས། །གཤིན་རྗེ་བརྟན་མ་མ་ཧེ་གདོང ། །མེ་ཡི་ཕྱོགས་སུ་བཞུགས་པའོ། །གཤིན་རྗེ་ཕོ་ཉ་བོང་བུའི་གདོང ། །བདེན་བྲལ་གྱི་ནི་ཕྱོགས་སུ་བཞུགས། །གཤིན་རྗེའི་མཆེ་བ་རྔ་མོའི་གདོང ། །རླུང་དུ་རྟེན་ཅིང་དྲག་པོར་ལྡན། །གཤིན་རྗེ་འཇོམས་མ་རྟ་ཡི་གདོང ། ། དབང་ལྡན་རྟེན་ཅིང་རྣམ་པར་འཁོར། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་གཟུགས་ཅན་ཡིད་འཕྲོག་མ། །གཅེར་བུ་སྐྲ་ནི་གྲོལ་བ་དང ། །ཕྱེད་དཀྱིལ་གྱི་ནི་གར་དང་ 320a ༄#། །ལྡན། །མཆེ་བ་རྣམ་པར་གཙིགས་པའི་ཞལ། །སྤྱན་གསུམ་ཞལ་ནི་གཡོ་བ་སྟེ། །སྣ་ཚོགས་པདྨ་ཉི་དབུས་གནས། །འདོད་པ་དྲག་པོས་བརྟག་པའོ། །འཁོར་གྱི་ལྷ་མོ་དཀྱིལ་འཁོར་རྣམས། །ཐམས་ཅད་ཡི་དྭགས་སྟེང་དུ་བཞུགས། །ཐོད་པ་ཁ་ཊྭཱཾ་ག་འཛིན་ཅིང ། །གྲི་གུག་མགོ་བོ་འཛིན་པར་བྱེད། །ལག་པ་གཡོན་ན་རྔ་ཆུང་ནི། །རྡུང་བར་བྱེད་ཅིང་ཤིན་ཏུ་འཇིགས། །ཕྱི་རོལ་བསྐོར་བའི་རྣམ་པ་ནི། །གཞན་ཡང་རྣམ་པ་མང་པོར་འགྱུར། །གླུ་དང་གར་གྱི་ཡོ་བྱད་དང ། །སྣ་ཚོགས་དམ་ཚིག་མཆོག་རྣམས་དང ། །སྤོས་དང་མེ་ཏོག་མར་མེ་སོགས། །དྲི་དང་ཕྲེང་བ་བྱུག་པ་དང ། །ལྷ་ཡི་ན་བཟའ་གཞལ་ཡས་ཁང ། །ལྷ་ཡི་རོལ་མོ་མཆོག་གི་རྣམས། ། ཀུན་ནས་ཡོངས་སུ་བསྐོར་བ་ཡིས། །ཕྱི་ཡི་རྣལ་འབྱོར་མས་མཆོད་བྱེད། །དེ་ལ་སོགས་པ་མཐའ་ཡས་མཆོག་།ནམ་མཁའི་ཁམས་ནི་ཡོངས་གང་ལས། །རྣལ་འབྱོར་མ་ཡི་སྦྱོར་པ་མཆོག་།ཕག་མོ་མངོན་པར་འབྱུང་བའི་མཆོག་།གསང་བ་ཆེན་པོའི་མཆོག་འདི་ནི། །ཅུང་ཟད་སྨྲ་བར་མི་བྱ་སྟེ། །ཕྱི་རོལ་ཡི་དྭགས་ཕྲེང་བ་དང ། །དཀྱིལ་འཁོར་དམ་པ་བསྒོམ་པར་བྱ། །འདི་ལྟར་དགོད་པར་བྱ་བ་ནི། །ཇི་ལྟར་འཁོར་ལོ་དེ་རྣམས་དགོད། །སེན་མོ་དང ། སོ་དག་ལ་ནི་རབ་ཏུ་གཏུམ་མའོ། །སྐྲ་དང ། བ་སྤུ་དག་ལ་གཏུམ་ 320b པའི་མིག་ཅན་མའོ། །པགས་པ་དང ། དྲི་མ་དག་ལ་འོད་ལྡན་མའོ། །ཤ་ལ་སྣ་ཆེན་མའོ། །རྩ་རྒྱུས་ལ་བརྟན་པའི་བློ་ཅན་མའོ། །རུས་པ་ལ་མིའུ་ཐུང་མའོ། །མཁལ་མ་ལ་ལང་ཀའི་དབང་ཕྱུག་མའོ། །སྙིང་ལ་ནི་ཤིང་གྲིབ་མའོ། །མིག་ལ་སྲུང་མའོ། །མཁྲིས་པ་ལ་འཇིགས་བྱེད་ཆེན་མོའོ། །གློ་བ་ལ་རླུང་གི་ཤུགས་ཅན་མའོ། །རྒྱུ་མ་ལ་ཆང་འཐུང་མའོ། །གཉེ་མ་ལ་ལྗང་ལྷ་མོའོ། །ལྟེ་བ་ལ་ཤིན་ཏུ་བཟང་མོའོ། །རྐང་པ་ལ་རྟ་རྣ་མའོ། །འདོམས་སུ་བྱ་གདོང་མའོ། །བད་ཀན་ལ་འཁོར་ལོའི་ཤུགས་ཅན་མའོ། །རྣག་ལ་དུམ་སྐྱེས་མའོ། །ཁྲག་ལ་ཆང་འཚོང་མའོ། །རྡུལ་ལ་འཁོར་ལོའི་གོ་ཆ་མའོ། །ཚིལ་ལ་ཤིན་ཏུ་དཔའ་མོའོ། །མཆིན་པ་ལ་ཤིན་ཏུ་སྟོབས་ཅན་མའོ། །མཆིལ་མ་ལ་འཁོར་ལོས་བསྒྱུར་མའོ། །སྣབས་ལ་བརྩོན་འགྲུས་ཆེན་མོའོ། །པཱུ་ལླི་ར་མ་ལ་ཡ་སྟེ་མགོ་ལ་རབ་ཏུ་གཏུམ་མའོ། །ཛཱ་ལན་དྷ་ར་སྟེ་སྤྱི་གཙུག་ལ་གཏུམ་པའི་མིག་ཅན་མའོ། །ུཌྱྱན་ཏེ་རྣ་བ་གཡས་པ་ལ་འོད་ལྡན་མའོ། །ར་བུ་ཏ་སྟེ་ལྷག་པར་སྣ་ཆེན་མའོ། །གོ་ད་མ་རི་སྟེ་རྣ་བ་གཡོན་པ་ལ་བརྟན་པའི་བློ་ཅན་མའོ། །རཱ་མེ་ཤཝ་ར་སྟེ་སྨིན་མའི་དབུས་སུ་མིའུ་ཐུང་མའོ། །དེ་བི་ཀོ་ཊ་སྟེ་མིག་གཉིས་སུ་ལང་ཀའི་དབང་ཕྱུག་མའོ། །མཱུ་ལ་ཝཱ་སྟེ་ཕྲག་པ་གཉིས་ལ་ཤིང་གྲིབ་མའོ། །ཀཱ་མ་རུ་པ་སྟེ་མཆན་ཁུང་གཉིས་སུ་ས་སྲུང་མའོ། །ོ་ 321a ༄#། །ཌི་སྟེ་ནུ་མ་གཉིས་སུ་འཇིགས་བྱེད་ཆེན་མོའོ། །ཏྲི་ཤ་ཀུ་ནི་སྟེ་ལྟེ་བ་ལ་རླུང་གི་ཤུགས་ཅན་མའོ། །ཀོ་ས་ལ་སྟེ་སྣ་རྩེར་ཆང་འཐུང་མའོ། །ཀ་ལིཾ་ཀ་སྟེ་ཁ་ལ་ལྗང་ལྷ་མོའོ། །ལཾ་བ་ཀ་སྟེ་མགྲིན་པར་ཤིན་ཏུ་བཟང་མོའོ། །ཀཉྩི་སྟེ་སྙིང་གར་རྟ་རྣ་མའོ། །ཧི་མ་ལ་ཡ་སྟེ་འདོམས་སུ་བྱ་གདོང་མའོ། །པྲེ་ཏ་པུ་རི་སྟེ་གསང་བར་འཁོར་ལོའི་ཤུགས་ཅན་མའོ། །གྲྀ་ཧ་དེ་བ་ཏཱ་སྟེ་བཤང་ལམ་དུ་དུམ་སྐྱེས་མའོ། །སཽ་རཱཥྚ་སྟེ་བརླ་གཉིས་ལ་ཆང་འཚོང་མའོ། །སུ་བརྣ་དྭི་པ་སྟེ་རྗེ་ངར་གཉིས་ལ་འཁོར་ལོའི་གོ་ཆ་མའོ། །ནཱ་ག་ར་སྟེ་སོར་མོ་རྣམས་ལ་ཤིན་ཏུ་དཔའ་མོའོ། །སིནྡྷུ་སྟེ་རྐང་པའི་བོལ་ལ་སྟོབས་ཆེན་མའོ། །མ་རུ་སྟེ་མཐེ་བོང་གཉིས་ལ་འཁོར་ལོས་བསྒྱུར་མའོ། །ཀུ་ལུ་ཏཱ་སྟེ་པུས་མོ་གཉིས་ལ་བརྩོན་འགྲུས་ཆེན་མོའོ། །སའི་ཁམས་ནི་ལྟུང་བར་བྱེད་མའོ། །ཆུའི་ཁམས་ནི་གསོད་པར་བྱེད་མའོ། །མེའི་ཁམས་ནི་འགུགས་པར་བྱེད་མའོ། །རླུང་གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ནི་པད་མའི་དྲ་བ་ཅན་ནོ། །གཟུགས་ཀྱི་ཕུང་པོ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ནི་རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་ལ་པདྨ་གར་གྱི་དབང་ཕྱུག་གོ་།འདུ་བྱེད་ཀྱི་ཕུང་པོ་ལ་རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་ལ་རྡོ་རྗེ་སེམས་དཔའོ། །དེ་བཞིན་གཤེགས་པ་ 321b ཐམས་ཅད་ཉིད་ལ་དཔལ་ཧེ་རུ་ཀའོ། །མིག་གཉིས་ལ་གཏི་མུག་རྡོ་རྗེའོ། །རྣ་བ་གཉིས་ལ་ཞེ་སྡང་རྡོ་རྗེའོ། །སྣ་གཉིས་ལ་ཕྲག་དོག་རྡོ་རྗེའོ། །ཁ་ལ་འདོད་ཆགས་རྡོ་རྗེའོ། །རེག་ལ་སེར་སྣ་རྡོ་རྗེའོ། །སྐྱེ་མཆེད་ཐམས་ཅད་ལ་དབང་ཕྱུག་རྡོ་རྗེའོ། །ཐུགས་ལ་རྡོ་རྗེ་མི་བསྐྱོད་པ། །ཁ་ལ་རྡོ་རྗེ་འོད་དཔག་མེད། །སྐུ་ལ་རྡོ་རྗེ་རྣམ་སྣང་མཛད། །ོཾ་བཾ་ལྟེ་བ་ལ་རྡོ་རྗེ་ཕག་མོའོ། །ཧཱུཾ་ཡོཾ་སྙིང་གར་ཡ་མི་ནཱའོ། །ཧྲཱིཾ་མོཾ་ཁ་ལ་རྨོངས་བྱེད་མའོ། །ཧྲིཾ་ཧྲིཾ་མགོ་བོ་ལ་སྐྱོད་བྱེད་མའོ། །ཧཱུཾ་ཧཱུཾ་སྤྱི་གཙུག་ལ་སྐྲག་བྱེད་མའོ། །ཕཊ་ཕཊ་ཡན་ལག་ཐམས་ཅད་ལ་མཚོན་ཆ་མ་སྟེ་གཏུམ་བྱེད་མའོ། །དེ་ལྟར་རབ་ཏུ་དགོད་བྱས་ཏེ། །ཡེ་ཤེས་འཁོར་ལོ་དེ་མཐོང་ནས། །དེ་ཡི་རྣལ་འབྱོར་བརྩམ་པར་བྱ། །དངོས་པོ་ཀུན་གྱི་ངོ་བོ་འདིས། །མཛུབ་མོ་མདུད་བྱ་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་སྦྱར་ཏེ། །དེ་ནི་དཔྲལ་བའི་དབྱིངས་སུ་རབ་སྦྱར་ནས། །བསྐོར་ཞིང་བསྐོར་ཞིང་ཀུན་ཏུ་བསྐོར་བར་བྱ། །རྐང་པ་མནན་ཅིང་གྱེན་དུ་བལྟ། །གྱེན་དུ་ཕཻཾ་གྱི་སྒྲ་སྒྲོགས་པས། །ཕྱོགས་བཅུ་འཇིག་རྟེན་ཁམས་གནས་པའི། །དཔའ་བོ་རྣལ་འབྱོར་མ་རྣམས་འགུགས། །ཛཿ ཧཱུཾ་བཾ་ཧོཿ རྡོ་རྗེ་ལྕགས་ཀྱུ་ལ་སོགས་པའི་སྦྱོར་བས་དགུག་པ་དང།་གཞུག་པ་དང ། བཅིང་བ་དང ། དབང་དུ་བྱའོ། །དཔའ་བོ་དང ། རྣལ་འབྱོར་མ་རྣམས་ཀྱིས་ནམ་མཁའི་དཀྱིལ་ཡོངས་སུ་གང་བར་བལྟས་ཏེ། བདུད་རྩི་ལྔས་ཡོངས་སུ་ 322a ༄#། །གང་བའི་བུམ་པས་མངོན་པར་དབང་བསྐུར་པའི་ཚུལ་གྱིས་དེ་དག་ལ་དབང་བསྐུར་བ་སྦྱིན་པར་བྱའོ། །ཇི་ལྟར་བལྟམས་པ་ཙམ་གྱིས་ཀྱང ། །དེ་བཞིན་གཤེགས་ཀུན་ཁྲུས་གསོལ་པའི། །ལྷ་ཡི་ཆུ་འདི་དག་པ་ཡིས། །དེ་བཞིན་བདག་གིས་ཁྲུས་བྱའོ། །ོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཧཱུཾ་ཨཱཿ ཧཱུཾ། རླུང་དང་མེའི་དཀྱིལ་འཁོར་གྱི་སྟེང་དུ་ཨ་ལས་བྱུང་བའི་ཐོད་པར་ཡེ་ཤེས་ལྔའི་བདུད་རྩི་གང་བ་ཆ་བཅུ་དྲུག་དང ། ཧཱུཾ་བཾ་དང ། ོཾ་གྱིས་བྱིན་གྱིས་བརླབས་ཏེ། ཡི་གེ་གསུམ་དུ་གྱུར་པར་བསམས་ལ་འཁོར་ལོ་གསུམ་བསྒོམ་པར་བྱའོ། །ོཾ་ས་མ་ཡ་ཤུདྡྷཿ སརྦ་དྷརྨ་ས་མ་ཡ་ཤུདྡྷོ་ཉ་ཧཾ། ཆོས་ཐམས་ཅད་ཀུན་ཏུ་རོ་གཅིག་པས་གནས་པར་སེམས་ཀྱིས་བྱའོ། །ཡེ་ཤེས་བདུད་རྩི་སྤྱིན་པ་ཡིས། །ཡེ་ཤེས་བདུད་རྩིའི་ཆུ་བཏུང་ངོ ། །ོཾ་ཨ་མྲྀ་ཏ་ཨུ་ད་ཀ་ཧཱུཾ་ཧཱུཾ་ཋ་ཋ་ལེ་ཧཱུཾ། ཨ་ཁཾ་ཧཱུཾ་ཕཊ་སཝཱཧཱ། ཡེ་ཤེས་བཟླས་པའི་སྦྱོར་བ་ཡིས། །འཁོར་ལོའི་ཚོགས་མཆོག་སྤྲོ་བར་བྱ། །རུས་པ་ཆེན་པོའི་ཕྲེང་བ་ཡིས། །ཕྱིས་ནི་བཟླས་པ་དེ་གནས་བྱ། །སྲོག་དང་རྩོལ་བ་རབ་བསྡམས་ཏེ། །བསམ་ན་སྐད་ཅིག་གིས་འཆར་རོ། ། དབང་བསྐུར་མཆོད་དང་དམ་ཚིག་ནི། །རོ་གཅིག་བྱས་ཏེ་བསྒོམས་པ་ཡིས། །དེ་སྙིང་ཡེ་ཤེས་སེམས་དཔའ་དང ། །མཆོད་པ་ཡེ་ཤེས་བདུད་རྩི་ཡིས། །ལུས་དང་ངག་ཡིད་ 322b དམ་ཚིག་ནི། །སེམས་ནི་བསམ་མེད་ཤིན་ཏུ་བརྟག་།བཟླས་དང་སྒོམ་པ་ཡང་དག་ལྡན། །རྟོག་པ་ཐམས་ཅད་རྣམ་སྤངས་ཏེ། །དམ་ཚིག་མཆོག་གི་བཟླས་པ་འདིས། །གསང་སྔགས་རྒྱལ་པོའི་མཆོག་བཟླས་སོ། །ོཾ་བཻ་རོ་ཙཱ་ནཱི་ཡེ་ཧཱུཾ་ཧཱུཾ་ཕཊ་སཝཱཧཱ། །ོཾ་སརྦ་བུདྡྷ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ་སཝཱཧཱ། ཨོཾ་དང་མིང་ནི་ཡང་དག་ལྡན། །ཧཱུཾ་ཧཱུཾ་ཕཊ་དང་ཡང་དག་ལྡན། །རབ་ཏུ་གཏུམ་སོགས་དེ་སྔགས་སོགས། །བཟླས་པའི་མཆོག་ལ་སྦྱར་བར་བྱ། །ོཾ་བཛྲ་བཱ་ར་ཧི་པྲོ་ཏཾ་ག་པྲོ་ཏཾ་གེ། །ཧ་ན་ཧ་ན་པྲཱ་ཎཱཾ། ཀིཾ་ཀི་ཎི་ཁིཾ་ཁི་ཎི། དྷུ་ན་དྷུ་ན། བཛྲ་ཧ་སྟེ་ཤོ་ཥ་ཡ། ཤོ་ཥ་ཡ། བཛྲ་ཁ་ཊྭཱཾ་ག་ཀ་པཱ་ལ་དྷ་རི་ཎི། མཧཱ་པི་ཤི་ཏ་མཱཾ་སཱ་ཤ་ནི། མ་ནུ་ཥཱནྟྲ་པྲཱ་བྲྀཏྟེ་སཱན་ནི་དྷྱཾ་ནར་ཤི་རོ་མཱ་ལཱ་གྲཱཾ་ཐི་ཏ་དྷཱ་རི་ཎི། སུཾ་བྷ་ནི་སུཾ་བྷ། ཧ་ན་ཧ་ན། པྲཱ་ཎཱཾ་སརྦ་པཱ་པཾ་སཏྭཱ་ནཱཾ་སརྦ་པ་ཤཱུ་ནཱཾ་མཧཱ་སཙྪེ་ད་ནི། ཀྲོ་དྷ་མཱུརྟ་དཾཥྚ་ཀ་རཱ་ལི་ནི། མཧཱ་མུ་དྲི་ཤྲཱིཿ ཧེ་རུ་ཀ་དེ་བ་སྱ་གྲ་མ་ཧི་ཥི་ས་ཧ་སྲི་རེ་ས་ཧ་སྲ་བཱེ་ཧ་བེ་ཤ་ཏ་ས་ཧ་སྲ་ཨཱ་ན་ནེ་ཛྭ་ལི་ཏ་ཏེ་ཛ་སེ་ཛྭ་ལ་མུ་ཁེ་པ་ག་ལ། ལོ་ཙ་ནི་བཛྲ་ཤ་རཱི་རེ། བཛྲ་ཨཱ་ས་ནི་མི་ལི་མི་ལི། ཏི་མི་ལི་ཏི་མི་ལི། ཧེ་ཧེ། ཧ་ཧ། ཧཱུཾ་ཧཱུཾ། ཁ་ཁ། དྷུ་དྷུ། རུ་རུ། དྷུ་རུ་དྷུ་རུ། མུ་རུ་མུ་རུ། ཨ་དྲཻ་ཏེ་མཧཱ་ཡོ་གི་ནཱི་པ་ཋ་ཏི་སིདྡྷ་དྲཻཾ་དྷི་ ་དྷཾ་གྲཾ་གྲཾ་ཧེ་ཧེ་ཧ་ཧ། བྷཱི་མེ་ཧ་ས་ཧ་ས་བཱི་རེ་ཧཱ་ཧཱ། ཧོཿ ་ཧོཿ ་ཧཱུཾ་ཧཱུཾ། ཏྲཻ་ལོ་ཀྱ་བི་ནཱ་ཤཱ་ནི་ཤ་ཏ་ས་ཧ་སྲ་ཀོ་ཊི་ཏ་ཐཱ་ག་ཏ་པ་རི་ཝཱ་རི་ཏེ་ཧཱུཾ་ཧཱུཾ་ཕཌ། སིཾ་ཧ་རུ་པེ་ཁ། ག་ཛ་རུ་པེ་གཿ ཏྲཻ་ལོ་ཀྱ་ 323a ༄#། །ུ་ད་ར་མ་ཧཱ་ས་མུ་དྲ་མེ་ཁ་ལེ་གྲ་ས་གྲ་ས་ཧཱུཾ་ཧཱུཾ་ཕཊ། བཱི་རཱི་དེ་ཏེ། ཧཱུཾ་ཧཱུཾ་ཧ་ཧཿ ་མ་ཧཱ་པ་ཤུ་མོ་ཧ་ནི་མཧཱ་ཡོ་གཱི་ཤཝ་རེ་ཏྭཾ། ཌཱ་ཀི་ནཱི་སརྦ་ལོ་ཀཱཾ་ནཾ་བནྡྷ་ནི་སདྱ། པྲ་ཏྱ་ཡ་ཀཱ་རི་ཎི་ཧཱུཾ་ཧཱུཾ་ཕཊ། བྷཱུཾ་ཏ་ཏྲཱ་ས་ནི་མཧཱ་བཱི་རེ་པ་ར་མ་སིདྡྷེ་ཡོ་གཱི་ཤཝ་རི་ཕཊ། ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཕཊ་སཝཱཧཱ། དེ་ལྟར་རྡོ་རྗེ་ཕག་མོའི་མཆོག་ཏུ་གྲུབ་པའི་སྙིང་པོ་དམ་པའོ། །ོཾ་ན་མོ་བྷ་ག་བ་ཏི་བཛྲ་བཱ་ར་ཧི་བཾ་ཧཱུཾ་ཧཱུཾ་ཕཊ། ཨོཾ་ནཱ་མ་ཨཱརྱ་པ་རཱ་ཛི་ཏེ་ཏྲཻ་ལོ་ཀྱ་མཱ་ཏེ་མཧཱ་བི་དྱེ་ཤཝ་རི་ཧཱུཾ་ཧཱུཾ་ཕཌ། ཨོཾ་ན་མ་སརྦ་བྷཱུ་ཏ་བྷ་ཡཱ་བ་ཏེ་མཧཱ་བཛྲེ་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་ས་ནི་ཨ་ཛི་ཏེ་ཨ་པ་རཱ་ཛི་ཏེ་བར་ཤྱཾ་ཀ་རི་ནེ་ཏྲ་བྷ་མ་ཎི་ཧཱུཾ་ཧཱུཾ་ཕཊ། ཨོཾ་ན་མོ་ཤོ་ཥ་ཎི་རོ་ཥ་ཎི་ཀྲོ་དྷ་ན་ཀ་རཱ་ལེ་ཧཱུཾ་ཧཱུཾ་ཕཊ། ཨོཾ་ན་མ་ནརཱ་ས་རི་མཱ་ར་ཎི་སུ་པྲ་བྷེ་ད་ནི་པ་རཱ་ཛ་ཡེ་ཧཱུཾ་ཧཱུཾ་ཕཌ། ཨོཾ་ན་མོ་ཛ་ཡེ་བི་ཛ་ཡེ་ཛམྦྷ་ནི་སྟམྦྷ་ནི་མོ་ཧ་ནེ་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་བཱ་རཱ་ཧི་མ་ཧཱ་ཡོ་གི་ནཱི་ཀཱ་མེ་ཤཝ་རི་ཁ་གེ་ཧཱུཾ་ཧཱུཾ་ཕཊ། སྔགས་འདི་ཐམས་ཅད་དུ་བྱས་ཏེ། ཨཱ་ལི་ཀཱ་ལི་རྡོ་རྗེ་ཕག་མོའི་བདག་ཉིད་ཀྱི་དངོས་པོར་བྱ་སྟེ། རྐང་པ་བརྒྱད་པ་ཆོ་གའི་བདག་ཉིད་ཀྱིས་མཆོད་པར་བྱའོ། །བཟླས་པ་ཡོངས་སུ་རྫོགས་ནས་ནི། །ཞི་བའི་བཏུང་བ་བཏུང་བའི་མཆོག ། ཆོས་རྣམས་མཉམ་ཞིང་དམ་ཚིག་མཆོག་།སུམ་ཅུ་རྩ་བདུན་གནས་ཀྱི་མཆོག་།དེ་འོག་རྣམ་པར་དག་པ་སྒོམ། །ལུས་རྗེས་སུ་དྲན་པ་མཁའ་འགྲོ་མའོ། །ཚོར་བ་རྗེས་སུ་དྲན་ 323b བ་ལཱ་མའོ། །ཆོས་རྗེས་སུ་དྲན་པ་ཁཎྜ་རོ་ཧིའོ། །སེམས་རྗེས་སུ་དྲན་པ་རཱུ་པི་ནཱིའོ། །འདུན་པའི་རྫུ་འཕྲུལ་བསྐྱེད་པ་ནི་རབ་ཏུ་གཏུམ་མའོ། །བརྩོན་འགྲུས་རྫུ་འཕྲུལ་བསྐྱེད་པ་ནི་གཏུམ་པའི་མིག་ཅན་མའོ། །སྤྱོད་པའི་རྫུ་འཕྲུལ་བསྐྱེད་པ་ནི་འོད་ལྡན་མའོ། །སེམས་ཀྱི་རྫུ་འཕྲུལ་བསྐྱེད་པ་ནི་སྣ་ཆེན་མའོ། །དད་པའི་དབང་པོ་ནི་བརྟན་པའི་བློ་ཅན་མའོ། །བརྩོན་འགྲུས་ཀྱི་དབང་པོ་ནི་མིའུ་ཐུང་མའོ། །དྲན་པའི་དབང་པོ་ནི་ལང་ཀའི་དབང་ཕྱུག་མའོ། །ཏིང་ངེ་འཛིན་གྱི་དབང་པོ་ནི་ཤིང་གྲིབ་མའོ། །ཤེས་རབ་ཀྱི་དབང་པོ་ནི་ས་སྲུང་མའོ། །དད་པའི་སྟོབས་ནི་འཇིགས་བྱེད་ཆེན་མོའོ། །བརྩོན་འགྲུས་ཀྱི་སྟོབས་ནི་རླུང་གི་ཤུགས་ཅན་མའོ། །དྲན་པའི་སྟོབས་ནི་ཆང་འཐུང་མའོ། །ཏིང་ངེ་འཛིན་གྱི་སྟོབས་ནི་ལྗང་ལྷ་མོའོ། །ཤེས་རབ་ཀྱི་སྟོབས་ནི་ཤིན་ཏུ་བཟང་མོའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་རྟ་རྣ་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་བྱ་གདོང་མའོ། །དགའ་བ་ཡང་དག་བྱང་ཆུབ་ཀྱི་ཡན་ལག་ནི་འཁོར་ལོའི་ཤུགས་ཅན་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་དུ་མ་སྐྱེས་མའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་ཆང་འཚོང་མའོ། །དྲན་པ་ཡང་དག་བྱང་ཆུབ་ཀྱི་ཡན་ལག་ནི་འཁོར་ལོའི་གོ་ཆ་མའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི་ཤིན་ཏུ་དཔའ་མོའོ། ། 324a ༄#། །ཡང་དག་པའི་ལྟ་བ་ནི་སྟོབས་ཆེན་མའོ། །ཡང་དག་པའི་རྟོག་པ་ནི་འཁོར་ལོས་བསྒྱུར་མའོ། །ཡང་དག་པའི་ངག་ནི་བརྩོན་འགྲུས་ཆེན་མོའོ། །ཡང་དག་པའི་ལས་ཀྱི་མཐའ་ནི་ཁཝ་གདོང་མའོ། །ཡང་དག་པའི་འཚོ་བ་ནི་འུག་གདོང་མའོ། །ཡང་དག་པའི་རྩོལ་བ་ནི་ཁྱི་གདོང་མའོ། །ཡང་དག་པའི་དྲན་པ་ནི་ཕག་གདོང་མ་སྟེ།་རྣམ་པར་ཐར་པའི་སྒོ་བཞིའོ། །ཡང་དག་པའི་ཏིང་ངེ་འཛིན་ནི་བཅོམ་ལྡན་འདས་རྡོ་རྗེ་ཕག་མོའོ། །དགེ་བའི་ཆོས་མ་སྐྱེས་པ་རྣམས་བསྐྱེད་པར་བྱེད་པ་ནི་གཤིན་རྗེ་བརྟན་མའོ། །དགེ་བའི་ཆོས་སྐྱེས་པ་རྣམས་རྗེས་སུ་གནས་པ་དང ། སྲུང་བར་བྱེད་པ་ནི་གཤིན་རྗེའི་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་སྤོང་བར་བྱེད་པ་ནི་གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་སྐྱེ་བར་བྱེད་པ་ནི་གཤིན་རྗེ་འཇོམས་མའོ། །ཆོས་བདག་མེད་པའི་ལམ་གནས་སུ། །དཀྱིལ་འཁོར་དམ་པར་བཞུགས་པ་ནི། །ཤེས་རབ་ཕ་རོལ་ཕྱིན་སྦྱོར་བ། །དེ་བཞིན་རྣལ་འབྱོར་པ་གནས་བྱ། །སྣང་བ་མེད་པའི་གནས་ལ་གནས། །སྣང་བ་མེད་ལ་ཡང་དག་བརྟེན། །སྤྱོད་པ་མེད་པའི་ཆོས་རྣམས་ལ། །ཆོས་ཅན་མེད་ཅིང་ཆོས་ཉིད་མེད། །རྟེན་འབྲེལ་མཁའ་དང་མཉམ་པའི་ཆོས། །དངོས་མེད་མཚན་མ་མེད་པའོ། །འདི་ནི་དེ་ཉིད་གོ་འཕང་གནས། །ཡེ་ཤེས་དག་ 324b གི་མིག་གིས་མཐོང ། །ཕྲ་རབ་རྡུལ་བྲལ་དང་མཉམ་པ། །འཁོར་ལོའི་གནས་མཐོང་ཤིན་ཏུ་ངེས། །སྐྲ་རྩེ་སྟོང་ཕྲག་བརྒྱ་ཡིས་ནི། །ཆ་དང་ཆ་རུ་ཡོངས་སུ་བརྟག་།ཧེ་རུ་ཀ་དང་རྣལ་འབྱོར་མ། །ལྷན་ཅིག་བྷ་གའི་གནས་མཐོང་བ། །འཁོར་ལོས་བསྒྱུར་བ་རབ་བརྩོན་པས། །ཁཝ་གདོང་མ་ནི་ཕྱི་རོལ་དགོད། །ཧེ་རུ་ཀ་སོགས་བདག་པོ་ཁྱོད། །མཁའ་འགྲོ་བཞི་ཡིས་ཡོངས་སུ་བསྐོར། །ཕན་ཚུན་དུ་ནི་བདག་པོ་བྱེད། །རྡོ་རྗེ་སེམས་སོགས་སྦྱོར་བར་ལྡན། །ཕྱི་རོལ་དུར་ཁྲོད་དྲག་པོ་དང ། །ཁ་དོག་སྣ་ཚོགས་མཆོག་གི་མཆོག་།ཤིང་མཆོག་སྣ་ཚོགས་མཛེས་པ་དང ། །ཁྱི་དང་ཅེ་སྤྱང་འཇིགས་པ་དང ། །ཁཝ་དང་འུག་པ་བྱ་གར་རྒོད། །ཅེ་སྤྱང་དེ་བཞིན་རོ་བསྲེགས་པ། །ཀེང་རུས་གསལ་ཤིང་གིས་ཕུག་དང ། །འགེགས་ནས་འཕྱང་དང་ཕྱེད་བསྲེགས་དང ། །ཐོད་པ་སྐམ་པོ་པུས་མོ་དང ། །མགོ་མེད་ལག་ན་ཐོད་པ་དཀར། །རྣམ་པ་སྣ་ཚོགས་སྦྲུལ་གྱིས་མཛེས། །དྲག་པོའི་སྦྲུལ་དང་དེ་བཞིན་རྔ། །སེང་གེ་ཕག་དང་སྟག་དང་ནི། །དེ་བཞིན་ར་དང་ལུག་དག་དང ། །གླང་པོ་རྟ་དང་བོང་བུ་དང ། །རྔ་མོ་སྣ་ཚོགས་དམ་ཚིག་མཆོག་།རྣམ་པ་སྣ་ཚོགས་ཆང་དང་ནི། །འབྲུ་ཆང་བཏུང་བའི་མཆོག་རྣམས་ཀྱིས། །དབང་པོ་བཟང་པོ་འདུས་པ་དང ། །སྣ་ཚོགས་རྣལ་འབྱོར་མ་ཚོགས་དང ། །ཐོད་པ་ཁ་ཊྭཱཾ་ག་དག་དང ། །གྲི་གུག་ཅང་ཏེའུ་མཆོག་རྣམས་འཛིན། །སྣ་ཚོགས་ 325a ༄#། །རོལ་མོ་བཟང་པོ་དང ། །བཟའ་བའི་རོ་མཆོག་ལོངས་སྤྱོད་དང ། །སྣ་ཚོགས་འོ་དང་འཁྱུད་པ་དང ། །བཅའ་དང་བལྡག་པའི་མཆོག་རྣམས་ཀྱིས།། རྣམ་པ་དེ་ལྟར་དུར་ཁྲོད་ནི། །གནོད་སྦྱིན་རོ་ལངས་སྲིན་པོ་རྣམས། །ཧེ་རུ་ཀ་ཡི་ང་རྒྱལ་གྱིས། །དེ་ལ་གཏོར་མ་སྦྱིན་པར་བྱ། །ཅང་ཏེའུ་རྡོ་རྗེ་དྲིལ་བུ་དང ། །གར་དང་རོལ་མོ་བྱེད་པ་དང། །ཕྱོགས་ཀྱི་གོས་ཅན་ཕྱག་རྒྱར་ལྡན། །ཧཱུཾ་ཧཱུཾ་ཕཊ་ཀི་ལི་ཀི་ལ་བྱ། །གཡས་བརྐྱང་པ་ཡི་སྦྱོར་བ་ཡིས། །འབར་བའི་ཕྱག་རྒྱ་བཅིང་བར་བྱ། །དམ་ཚིག་ཁ་རུ་བཅུག་ནས་ནི། ། སྔགས་འདི་རྗེས་སུ་དྲན་པར་བྱ། །ོཾ་ཨཱ་ར་ལི་ཧོ། །བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། །དེ་སྐད་གསུམ་དང་བཞི་དང་ལྔ་བརྗོད་པར་བྱའོ། །གཡས་སྐོར་དང་གཡོན་སྐོར་གྱིས་ཀྱང་ཐོད་པའི་ནང་གི་སྦྱིན་པར་བྱ་བ་རྣམས། །རྡོ་རྗེ་ཐལ་མོ་ཁ་གྱེན་དུ་ཕྱེ་ལ་སྔགས་འདི་བརྗོད་དོ། །ོཾ་ཁ་ཁ་ཁཱ་ཧི་ཀཱ་ཧི། སརྦ་ཡཀྵ་རཀྵ་ས་སརྦ་བྷཱུ་ཏ་པྲེ་ཏེ་པི་ཤཱ་ཙ་ཨུ་ན་མཱ་ད་ཨ་པ་སྨཱ་ར་ཌཱ་ཀ་ཌཱ་ཀི་ནྱ་ད་ཡ་ཨི་མཾ་བ་ལིཾ་གྲྀ་ཧྞཾ་ཏུ། ས་མ་ཡ་རཀྵ་ནྟུ་མ་མ་སརྦྦ་སིད་དྷིམྨེ་པྲ་ཡཙྪན་དུ། ཡ་ཐཻ་བཾ་ཡ་ཐེཥྚཾ་མཱུཉྫ་ཐཱ། པི་བ་ཐོ་ཛ་བྷྲ་ཐ་མཱ་ཏི་ཀྲ་མ་ཐཱ། མ་མ་སརྦྦ་ཀརྟྟཱ་ཡ་ས་ཚུ་ཁཾ། བི་ཤུད་དྷཱ་ཡ་ས་ཧཱ་ཡི་ཀ་བྷ་བནྟུ་ཧཱུཾ་ཧཱུཾ་ཕཊ་ཕཊ་སཝཱཧཱ། དེ་ལྟར་ཆོ་ག་དང་ཆོགས་ཐུན་མཚམས་བཞིར་སྦྱིན་པར་བྱའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཡེ་ 325b ཤེས་གསང་བའི་གསང་ཆེན་འདིག་གསུངས་པ། དངོས་པོ་མེད་པའི་བདག་ཉིད་ཆོས། །ནམ་མཁའ་ལྟ་བུ་དྲི་མ་མེད། །སྟོང་ཉིད་ཡེ་ཤེས་རྡོ་རྗེ་ཡིས། །སྟོང་པ་ཤིན་ཏུ་རྣམ་པར་བསྒོམ། །ལེགས་སོ་ཞེས་ནི་བྱ་བ་བྱིན། །རྒྱུད་རྫོགས་པ་ཡི་སྦྱོར་པ་ལས། །ལེགས་སོ་ལེགས་སོ་ཡེ་ཤེས་ཆེ། །བཤད་པའི་རྒྱུད་ཕྱི་མ་ལས། ཕག་མོ་མངོན་པར་བྱང་ཆུབ་པ་ཞེས་བྱ་བ་རྫོགས་སོ།། །། རྒྱ་གར་གྱི་མཁན་པོ་ཛྙཱ་ནཱ་ཀ་རའི་ཞལ་སྔ་ནས་དང ། ཞུ་ཆེན་གྱི་ལོཙྪ་བ་ཁུ་སྟོན་དངོས་གྲུབ་ཀྱིས་བསྒྱུར་ཏེ་གཏན་ལ་ཕབ་པ།། |