།།རྒྱ་གར་སྐད་དུ། རི་གི་ཨཱ་ར་ལི་ཏནྟྲ་རཱ་ཛ་ནཱ་མ། བོད་སྐད་དུ། རི་གི་ཨཱ་ར་ལིའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་གི་རྣམ་པའི་ཨེ་ཝཾ་སྡོམ་པ་ལ་བཞུགས་སོ། །གཉིས་མེད་གཉིས་ཀྱི་རྣལ་འབྱོར་གྱི། །ཱ་ར་ལི་དང་རི་གིར་བརྟགས། །རི་གི་རྣལ་འབྱོར་དབང་ཕྱུག་གཙོ། །དེ་ལ་ཨཱ་ལིས་ཞུས་པ། །གནས་ཀྱི་རྣམ་པ་དུ་ཞིག་ལགས། །ཉེ་གནས་རྣམ་པ་དུ་རུ་འགྱུར། །དེ་ལ་ཞིང་གི་རྣམ་པ་དུ། །ཉེ་ཞིང་རྣམ་པ་དུ་རུ་གསུངས། །ཚན་དོ་རྣམ་པ་དུ་རུ་བརྗོད། ། 57a ༄#། །ཉེ་བའི་ཚན་དོ་རྣམ་པ་རུ། །དེ་ལ་འདུ་བ་གང་ཞིག་ལགས། །དེ་བཞིན་ཉེ་བའི་འདུ་བ་ཅི། །དེ་ལ་དུར་ཁྲོད་རྣམ་པ་དུ། །ཉེ་བའི་དུར་ཁྲོད་ཇི་ལྟར་ལགས། །དེ་ལ་ལྷ་མོ་རི་གི་ཆེ། །རྣལ་འབྱོར་རྣལ་འབྱོར་ཆེར་གནས་པས། །ཱ་ར་ལི་དང་བདེར་གོ་བར། །ས་བཅུ་རྣམས་ནི་རབ་ཏུ་ཆེ། །གནས་ནི་ཤར་གྱི་ལུས་འཕགས་སོ། །དེ་བཞིན་དུ་ནི་བ་ལང་སྤྱོད། །གནས་ནི་བྱང་གི་སྒྲ་མི་སྙན། །གནས་ནི་དེ་བཞིན་འཛམ་བུ་གླིང ། །གླིང་བཞིར་ལྷ་མོ་བཞི་དང་ནི། །རི་རབ་སྤྱི་བོར་རི་གི་བཞུགས། །ཱ་ར་ལི་དང་མཉམ་སྦྱར་བས། །གཉིས་ཀྱིས་མཉམ་སྦྱོར་གཉིས་མེད་ལས། །སི་སའི་འདོད་པའི་ལྕུག་མ་དང ། །བདེ་ཆེན་དེ་བཞིན་སྡོམ་པ་མ། །ལྗང་གུ་སེར་མོ་བཙོད་མདོག་དང ། །དམར་མོ་རུ་ནི་ཡོངས་སུ་གྲགས། །ཞལ་གཅིག་མ་ནི་ཕྱག་གཉིས་དང ། །གཡས་ན་ཆུ་གྲི་འཛིན་མ་སྟེ། །གཡོན་ན་རྣལ་འབྱོར་ལྷུང་བཟེད་ཉིད། །གཅེར་བུ་མགོ་སྐྱེས་གྲོལ་བའོ།། ཨཱ་ར་ལི་ཡི་སྐུ་མདོག་གནག་།སྤྱན་གསུམ་ཕྱག་དྲུག་ཨཱ་ར་ལི། །རི་གི་སྔོན་མོ་སྤྱན་གསུམ་མ། །ཕྱག་གཉིས་ཞགས་པ་ལྕགས་ཀྱུ་འཕྱར། །རྡོ་རྗེ་ར་ལིའི་ཕྱག་གཉིས་ཀྱིས།། རི་གི་དགེ་བའི་བཤེས་གཉིས་འཁྱུད། །གཡས་ཀྱི་ཕྱག་གཉིས་དག་ཏུ་ནི། །རྡོ་རྗེ་དང་ནི་ཅང་ཏེའུ་བརྟགས། །གཞན་དག་ཏུ་ནི་དགྲ་སྟ་དང ། །ཐོད་པར་མགོ་བོ་འཛིན་པ་ 57b ཉིད། །གནས་སུ་སེམས་དང་ཉེ་བའི་གནས། །ས་དང་ཆུ་དང་མེ་དང་རླུང ། །འདིར་ཡང་ལྷ་མོ་རྣམ་པ་བཞི། །ཁ་དོག་དབྱེ་བ་གོང་མ་བཞིན། །མི་བཟད་རྣོན་པོ་སྒྱུ་མ་ཆེ། །མཐོན་པོ་གསུང་གི་འཁོར་ལོ་ལའོ། །ཤར་སྒོ་དེ་བཞིན་དུ་ནི་ཞིང ། །ཉེ་བའི་ཞིང་ནི་ལྷོ་རུ་འགྱུར། །ཚན་དོ་ཧ་ནི་ནུབ་ཀྱི་སྒོ། །ཉེ་བའི་ཚན་དོ་ཧ་ནི་བྱང ། །ཝ་དང་མ་ཧེ་ཉིད་དང་ནི། །རྟ་མགྲིན་གླང་པོའི་རྒྱལ་མཚན་ཉིད། །འདི་རྣམས་སྒོ་དང་སྒོ་རུ་ནི། །ཁ་དོག་དབྱེ་བ་གོང་མ་བཞིན། །གསུང་གི་འཁོར་ལོའི་མཚམས་རྣམས་ན། །འདུ་བ་ཉེ་བའི་འདུ་བ་ཉིད། །སྐུ་ཡི་འཁོར་ལོའི་མཚམས་སུ་ནི། །དུར་ཁྲོད་ཉེ་བའི་དུར་ཁྲོད་ཉིད། །སྐུ་གསུམ་འཁོར་ལོའི་མཚམས་སུ་ནི། །དམྱལ་བ་དག་ནི་རྟག་ཏུ་བྲི། །སྐུ་ལ་གྲང་བའི་དངོས་པོ་བཞི། །གསུང་ལ་དེ་བཞིན་ཚ་བ་བཞི། །རི་གི་ཨཱ་ར་ལིའི་སྦྱོར་བ་སྟེ་ལེའུ་དང་པོའོ།། །།ལྷ་མོ་རི་གི་སྙིང་རྗེ་ཆེ། །ཱ་ར་ལི་ནི་ཉིད་ཀྱིས་ཞུས། །ཇི་ལྟར་འཁོར་ལོའི་མཚམས་བརྒྱད་དུ། །དམྱལ་བ་བརྒྱད་ནི་རྣམ་པར་སྒོམ། །རི་གིས་བཀའ་སྩལ་པ། ཇི་སྙེད་པའི་སེམས་ཅན་གྱི་བསྡུ་བས་བསྡུས་པ་སྒོ་ང་ལས་སྐྱེས་པ་དང ། མངལ་ནས་སྐྱེས་པ་དང ། དྲོད་གཤེར་ལས་སྐྱེས་པ་དང ། བརྫུས་ཏེ་སྐྱེས་པ་དང ། གཟུགས་ཅན་དང ། གཟུགས་མེད་པ་ཅན་ནམ། འདུ་ཤེས་ཅན་དང ། འདུ་ཤེས་མེད་པ་ཅན་དེ་དག་ཐམས་ཅད་ཨཱ་ར་ 58a ༄#། །ལི་དམྱལ་བར་འཚེད་པར་འགྱུར་རོ། །དེ་རྣམས་གདོན་པའི་བློས་ཨེ་བཾ་རྣམ་པར་གཞུག་པར་བྱའོ། །སྟོང་པ་ཉིད་ནི་བསྒོམས་ནས་ནི། །ཧཱུཾ་ནི་སྙིང་གར་བསྒོམ་པར་བྱ། །ཧཱུཾ་ལས་སྣ་ཚོགས་རིགས་བདག་ཡིན། །རྡོ་རྗེ་ལས་ནི་ཨཱ་ར་ལི། །འབྱུང་བ་ཉིད་དུ་འགྱུར་བ་ཉིད། །མང་དུ་བརྗོད་པས་ཅི་ཞིག་བྱ། །ོཾ་བཾ་རྣམ་པ་ཆེས་གསང་བར། །སངས་རྒྱས་རིན་ཆེན་གབ་ཙེར་ནི། །རྫོགས་པའི་དཀྱིལ་འཁོར་དུ་ནི་འགྱུར། །ོཾ་ཨཱ་ར་ལི་རི་གི་ཕེཾ་ཕེཾ་ཕེཾ་བྷྱོ་སཝཱཧཱ། ཆར་དབབ་པའི་ཆོ་ག་བཤད་པར་བྱའོ། །ས་ཡི་བདག་པོ་བླངས་ནས་ནི། །ནོར་རྒྱས་བུ་ནི་མཁས་པས་བྱ། །ཐོད་པ་སྦྱར་མར་བཞག་ནས་ནི། །བ་ཡི་འོ་མས་དགང་བར་བྱ། །དེ་ཡི་སྦྱོར་བས་བཀང་ནས་ནི། །ངེས་པར་སྲད་བུ་ནག་པོས་དཀྲི་།ཆུ་ཡི་འགྲམ་དུ་རང་སོང་སྟེ། །རི་གི་ཨཱ་ར་ལི་སྦྱོར་བས། །སྔགས་པས་སྔགས་ནི་ཁྲི་བཟླས་ན། །ཀླུ་ནི་འཁྲུགས་པར་ཆར་བ་འབེབས། ། རྨི་ལམ་གྱི་ལས་བཤད་པར་བྱ་སྟེ། རྣལ་འབྱོར་བདག་གི་མལ་འོག་ཏུ། །ད་དུ་ར་ཡི་ཁུ་བ་དང ། །དུར་ཁྲོད་སོལ་བ་བསྲེས་པ་དང ། །འུག་པའི་སྒྲོ་རྩའི་སྨྱུ་གུ་ཡིས། ། རོ་དཀྲིས་དམར་པོའི་གོས་ལ་ནི། །བསྒྲུབ་བྱའི་མིང་ནི་རང་གིས་བྲི། །དེ་ལ་རྣལ་འབྱོར་མ་འདུག་ནས། །ཱ་ར་ལི་ནི་ཁྲི་རུ་བཟླས། །ོཾ་ཨཱ་ར་ལི་རི་གི་ཕེཾ། ཨ་མུ་ 58b ཀང་ཀེ། མ་མེ་ཏཾ་སཝ་པྣཾ་དཪྴ་ཡ་བྷྱོ་སཝཱཧཱ། ཁྲ་དགུག་པ་བཤད་པར་བྱ་སྟེ། རྣ་ཚོལ་བརྟག་པར་བྱས་ནས་ནི། །གོང་བུ་མདུན་དུ་དགོད་པར་བྱ། །རི་གི་ཨཱ་རི་ལིའི་སྦྱོར་བས། །དབུགས་ཀྱི་གོང་བུ་དགུག་པར་བྱ། །ཁབ་ཀྱི་ཕྱག་རྒྱ་མཆུ་བྱས་ནས། །དང་པོ་ལྕེ་ཡི་བྱེད་པ་པོས། །ཇི་ལྟར་ཆེ་བའི་གོང་བུ་བཞིན། །ཤེས་རབ་ཅན་གྱིས་སྦྲང་ཆེན་དགུག་།བབ་ཀྱི་ཕྱག་རྒྱ་གཉིས་པ་ནི། །མགྲིན་སྐྲས་དལ་གྱིས་ཡོངས་སུ་གཟིར། །འཇུག་པའི་ལས་ཡང་དག་པར་རབ་ཏུ་བཤད་པར་བྱ་སྟེ། ཇི་ལྟར་སྤྱོད་པའི་གཟུགས་བལྟས་ནས། །བདག་ཉིད་རི་གི་ཡི་གཟུགས་སུ། །རི་གི་ཨཱ་ར་ལིའི་སྦྱོར་བས། །མགོ་ནི་འོག་ཏུ་རྣམ་པར་བསྒོམ། །ོཾ་བཛྲ་ཨཱ་ར་ལི་ཕཊ་ཡ་ཏོ་ཏ་ཡ་ཕེཾ་ཕེཾ་སཝཱཧཱ། རེངས་པར་བྱེད་པ་བཤད་པར་བྱ་སྟེ། དགྲ་བོ་ཉིད་ཀྱི་ལྕེ་ལ་ནི། །བུ་རམ་གོང་བུ་བསྒོམ་པར་བྱ། །ོཾ་རི་གི་གྷུ་ཊྚ་གྷུ་ཊྚ་ཤ་ཧཱུཾ་ཕཌ། འཁྲུ་བ་རབ་ཏུ་བཤད་པར་བྱ་སྟེ། དགྲ་པོའི་དྲི་མས་གཟུགས་བརྙན་བྱ། །དེ་ཡི་སྐྲ་ཡིས་དཀྲི་བར་བྱ། །ཚ་བ་གསུམ་གྱིས་ཁ་བཀང་ནས། །གཟུགས་བརྙན་ཁ་རུ་བཞག་པར་བྱ། །ོཾ་ཨཱ་ར་ལི་མ་མེ་ཨ་མུ་ཀཾ་ཀཾ་ཀཾ་སོར་ཡེ་ཕཌ་ཕཌ་ཕཌ་སཝཱཧཱ། དབང་དུ་བྱ་བ་ལ།་བདག་གི་གཡོན་པའི་མིག་ཏུ་ནི། །ེ་བཾ་རྣམ་པར་བསྒོམ་པར་བྱ། །དེ་ཡི་གཡས་པའི་མིག་ཏུ་ནི། །རྡོ་རྗེ་འཕྲོ་བའི་རྣམ་པ་བསྒོམ། །དེ་དག་འདུས་པའི་སྦྱོར་བ་ནི། །རི་ 59a ༄#། །གི་ཨཱ་རི་ལས་སྦྱོར་བས། །མཛེས་མ་དབང་དུ་བྱེད་པར་འགྱུར། །བདག་ཉིད་བསྲུང་བར་བྱ་བ་དང ། །གནས་ནི་སྦྱང་བ་ཉིད་དང་ཡང ། །ཡེ་ཤེས་འཁོར་ལོ་གཞུག་པ་དང ། ཐུགས་སོགས་བྱིན་གྱིས་བརླབ་པ་དང ། །ཡན་ལག་དགོད་པར་བྱ་བ་དང ། །དེ་བཞིན་ལྷ་ཡི་དབང་བསྐུར་དང ། །ལྷ་མོ་རྣམས་ཀྱི་སྔགས་འབྱུང་བ། །ཱ་ར་ལིས་ནི་རྟག་ཏུ་བྱ། །ོཾ་དང་ཨཱཿ ཧཱུཾ་བྱིན་གྱིས་བརླབ། །དེ་ཉིད་གསུམ་ནི་རིགས་གསུམ་འབྱུང ། །བྱིན་རླབས་ལས་ནི་འགྲུབ་པར་འགྱུར། །ལས་རྣམས་ཐམས་ཅད་རབ་སྦྱིན་དགེ་།སྙིང་དབུས་རང་གི་ས་བོན་གྱི། །ལྕགས་ཀྱུས་ཨཱ་ར་ལི་ཕྱུང་ནས། །ཡེ་ཤེས་འཁོར་ལོ་དགུག་པར་བྱ། །བཀུག་ནས་དམ་པོར་བཅིང་བར་བྱ། །དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མྨེ་པྲ་ཡཙྪ་ཨེ་ཧྱེ་ཧི་བྷ་ག་བཾ་ཏི་རི་སཝཱཧཱ། སྤྱི་བོ་སྙིང་དང་དེ་བཞིན་མགྲིན། །ལྟེ་བ་གསང་བའི་གནས་སུ་ནི། །ཞགས་པའི་ཕྱག་རྒྱའི་སྦྱོར་བ་ཡིས། །དམ་པོ་ལ་སོགས་བཅིང་བར་བྱ། །ཧ་ཧ་ཧི་ཧི་དེ་བཞིན་དུ། །ཧུ་ཧུ་ཧོ་ཧོ་དེ་བཞིན་ཏེ། །ལུས་ཀྱི་གནས་ནི་བརྒྱད་རྣམས་སུ། །ཡན་ལག་དགོད་པར་བྱ་བ་ཉིད། །སྤྱི་བོ་མཆན་ཁུང་ལྟེ་བ་དང ། །ཁ་དང་དེ་བཞིན་མིག་གཉིས་དང ། །རྐང་མཐིལ་གསང་བ་ཉིད་དུ་ནི། །ཡན་ལག་དགོད་པར་རབ་ཏུ་གྲགས། །སྔགས་ནི་རིམ་པ་ 59b ཡིས་ནི་མཚོན། །ལག་པ་བ་སྤུའི་ཁུང་ཀུན་ནས། །རི་གིའི་འོད་ཟེར་སྤྲོ་བར་བྱ། །ལྕགས་ཀྱུའི་ཕྱག་རྒྱར་རབ་སྦྱོར་བའི། །ཡང་ནི་ཕྱིས་ནི་བསྡུ་བར་བྱ། །རེ་གི་ཧཱུཾ་སཾ་ཀཾ་མཾ་སཾ་ཉིད། །ཐུགས་ཀྱི་འཁོར་ལོར་རབ་ཏུ་གྲགས། །གཾ་ཏཱཾ་མཾ་ཡུཾ་ཞེས་བྱ་བ། །གསུང་གི་འཁོར་ལོར་གྲགས་པའོ། །ཛཾ་མཾ་ཧཱཾ་ཀཾ་ཨཾ་ཉིད་ནི། །སྐུ་ཡི་འཁོར་ལོར་རབ་ཏུ་གྲགས། །རི་གི་སྔགས་ཀྱི་གདོན་པ་ནི། །རིམ་པ་ཡིས་ནི་མཚོན་པར་བྱ། །རང་གི་སྙིང་ལས་འོད་ཟེར་བྱུང ། །ལྕགས་ཀྱུའི་ཕྱག་རྒྱར་རབ་སྦྱོར་བས། །ཕྱོགས་བཅུར་རྣམ་པར་བཞུགས་པ་ཡི། །རྫོགས་པའི་སངས་རྒྱས་དེས་བཀུག་ནས། །ཆོ་གས་འདོད་པས་མཆོད་ནས་ནི། །དབང་ནི་བློ་དང་ལྡན་པས་བླང ། །ོཾ་སརྦ་ཏ་ཐཱ་ག་ཏཱ་ཌཱ་ཀི་ནྱ་ནུ་ག་ཏ་མ་ཧཱ་བྷི་ཥེ་ཀཱ་ནུད་ནུ་ཞེས། བདུད་རྩི་ལྔས་གང་བུམ་པ་ནི། །སངས་རྒྱས་ལྔ་ཡི་རང་བཞིན་གྱི། །དེས་ནི་ལྷ་རྣམས་དབང་བསྐུར་བྱ། །ལྷ་ཡི་དབང་ལས་བདེ་བ་ཉིད། །ོཾ་སརྦ་ཏ་ཐཱ་ག་ཏ་ཌཱ་ཀི་ནྱཱ་བྷི་ཥེ་ཀཱ་བཛྲ་སཝ་བྷཱ་བ་ཨཱཏྨ་ཀོཉ་ཧཾ། གྲུ་གསུམ་མེའི་ས་བོན་གྱིས། །སྣང་བྱེད་རྣམ་པར་བསྒོམ་པར་བྱ། །སྙིང་གར་ཧཱུཾ་ལས་རིགས་བདག་ཉིད། །དེ་ཉིད་ཀྱི་ནི་དེ་རུ་འགྱུར། ། །།་\?\་ས་རྡོ་རྗེ་ལས་བྱུང་ཀུན། །རྡོ་རྗེ་གུར་དང་ར་བ་ཉིད། །རི་གི་ཨཱ་ར་ལི་གནས་སུ། །བདག་ཉིད་རྟག་ཏུ་བསྲུང་བར་བྱ། །དམྱལ་བ་བརྒྱད་ནི་ཐོད་པ་ཡི། །དཀྱིལ་འཁོར་ 60a ༄#། །འཕར་མ་གསུམ་གནས་པའི། །མཁའ་འགྲོ་མ་ཡི་དྲ་བ་སྡོམ། །འཁོར་ལོ་གཡས་སུ་བསྐོར་བ་ཡིན། །ཞབས་གཡོན་བརྐྱང་བའི་ཨཱ་ར་ལི། །སེམས་ཀྱིས་འཇིགས་བྱེད་མནན་ནས་ནི། །རི་གི་ཤིང་ལ་མངོན་ཞོན་པ། །ཞབས་ལ་ཞབས་ཀྱིས་བསྐོར་བར་བྱ། །རྣལ་འབྱོར་མ་ཀུན་ཐོད་པར་གནས། །གར་གྱི་རྐང་པས་ཕྱོགས་སུ་གནས། །ཚ་དང་གྲང་བའི་རབ་དབྱེ་བས། །མཚམས་སུ་ཐོད་པ་བརྒྱད་པོ་ཡིན། །ལས་ཐམས་ཅད་རབ་ཏུ་བསྡུས་པ་ཞེས་བྱ་བའི་གླེང་གཞིའི་ལེའུ་སྟེ་གཉིས་པའོ།། །། རི་གི་ཨཱ་ར་ལིས་ཞུས་པ། །བརྡ་ཡི་རྣམ་པ་དུ་ཞིག་ལགས། །དེ་ལ་ལྷ་མོ་རི་གི་ཆེས། །བརྡ་ནི་ཡང་དག་རབ་ཏུ་ཕྱེ། །བརྡ་ནི་ཆེན་པོ་ཙྪོ་མ་བཅུ། །བདག་ཉིད་སྔོན་དུ་བྱེད་པ་ཉིད། ། གང་གིས་རྣམ་པར་ཤེས་ཙམ་གྱིས། །སྒྲུབ་པོ་དངོས་གྲུབ་ཐོབ་འདོད་ན། །གནས་ནི་དཔྲལ་བའི་རྒྱབ་ཏུ་འདོད། །ངོས་ནི་ཉེ་བའི་གནས་ཉིད་དེ། །པུས་མོ་ཚན་དོར་འགྲོ་བར་འགྱུར། །དཔྲལ་བར་ཉེ་བའི་ཚན་དོ་ཉིད། །ལག་པ་གཡས་པ་འདུ་བ་ཉིད། །གཡོན་པ་ཉེ་བའི་འདུ་བ་ཉིད། །རྣ་བ་གཡས་པ་དུར་ཁྲོད་གནས། །གཡོན་པ་ཉེ་བའི་དུར་ཁྲོད་དོ། །སྙིང་ནི་ཞིང་དུ་ཡང་དག་འགྱུར། །ལྷག་མ་ཉེ་བའི་ཞིང་ཉིད་དང ། །ཚོང་རྡལ་ཉམས་དགའ་ཚོང་འདུས་དང ། །མ་མོའི་ཁྱིམ་དུ་རྟག་ཏུ་ལྟ། །བརྡ་ཡི་རྣམ་པར་ཤེས་པར་ 60b བྱ། །རང་གི་མཚན་མ་རང་གིས་སྟོན། །རིལ་བུ་མིག་སྨན་ལ་སོགས་པ། །མཆོག་ནི་རབ་ཏུ་སྨིན་པར་འགྱུར། །ཱ་ར་ལི་ཡིས་ལྷ་མོ་ཞུས། །ཡེ་ཤེས་དམ་པ་ཇི་ལྟར་ལགས། ། གང་གིས་རྣམ་པར་ཤེས་ཙམ་གྱིས། །སྒྲུབ་པོ་དངོས་གྲུབ་ཐོབ་འགྱུར་བ། །འབྲས་ཕྱིར་བྱང་ཆུབ་ཐོབ་འགྱུར་བའི། །ཏིང་འཛིན་ལྷ་མོ་རི་གི་སྟེ། །མཆོག་ཏུ་བདེ་བ་ཆེན་པོ་ཉིད། ། བསྲུབ་དང་སྲུབ་བྱེད་ལས་བྱུང་བ། །ཀུན་མཁྱེན་ཡེ་ཤེས་ཡང་དག་འབྱུང ། །སེམས་བ་ཐམས་ཅད་ཡོངས་སུ་སྤངས། །དབང་པོ་ཐམས་ཅད་བཟློག་པར་བྱ། །དགོན་པ་དབེན་པའི་གནས་སུ་ནི། །གཉིས་གཉིས་ཐམས་ཅད་རྣམ་པར་སྤངས། །མིག་དག་སྟེང་དུ་བཟློག་ནས་ནི། །སྨིན་མའི་དབུས་སུ་སེམས་བྱས་ན། །མི་བཟད་མུན་པའི་གཟུགས་སུ་ནི། ། སྒྲུབ་པོས་དང་པོ་མཐོང་བར་འགྱུར། །ཕྱིས་ནི་རྣ་བ་གཡོན་པར་ལྕུག་།དལ་གྱིས་དལ་གྱིས་འགུལ་བར་འགྱུར། །ཡན་ལག་ཅན་གྱི་བདེ་བ་གང ། །དེ་བཞིན་ཕྱག་རྒྱ་ཆེན་པོ། བདེ། །ཕྱི་ཡི་ཕྱག་རྒྱ་ངང་གིས་འཇིགས། །དེ་ཡིས་ཡེ་ཤེས་ཀྱང་ནི་འཇིག་།བདེ་བ་ཆེན་པོར་རྟོགས་པའི་ཕྱིར། །དེ་ཡི་ཡེ་ཤེས་ཕྱག་རྒྱ་པ། །འདི་ཉིད་ཡེ་ཤེས་ཆེན་པོ་ཉིད། ། རང་གིས་རིག་པའི་རང་བཞིན་ཅན། །གཞོན་ནུའི་དགའ་བ་ཇི་ལྟ་བུར། །གཞན་དུ་བརྗོད་པར་མི་ནུས་སོ། །ལྷན་ཅིག་སྐྱེས་པའི་རྣལ་འབྱོར་འདི། །སེམས་ཅན་གསོལ་འདེབས་ 61a ༄#། །སེམས་ཀྱིས་ནི། །སེམས་ཅན་ཀུན་ལ་སྙིང་རྗེ་ཡིས། །འདི་ནི་རྣལ་འབྱོར་གཙོ་བོ་ཉིད། །འདི་ལ་གོམས་པའི་རྣལ་འབྱོར་གྱིས། །ནམ་མཁའ་མཉམ་པའི་སེམས་ཀྱིས་ནི། །སྙིང་རྗེ་མཐུ་ཆེན་རྣལ་འབྱོར་པས། །འགྲུབ་འགྱུར་འདི་ལ་ཐེ་ཚོམ་མེད། །དང་པོར་མུན་པ་མཐོང་བར་འགྱུར། །གཉིས་པ་དཀར་དང་དུ་བ་འཐུལ། ། གསུམ་པ་མེ་ཁྱེར་རྣམ་པ་ལྟར། །བཞི་པ་ཡ་བའི་མེ་ཏོག་བཞིན། །ལྔ་པ་སྤྲིན་མེད་ཡེ་ཤེས་ནི། །རང་བཞིན་ཡང་དག་རིག་པ་སྤངས། །སྤྲིན་མེད་ནམ་མཁའ་ལྟ་བུ་ནི། ། དེ་ཡོད་ཐམས་ཅད་མཁྱེན་པའི་རྒྱུ། །རྟག་ཏུ་གོམས་པའི་རྣལ་འབྱོར་གྱིས། །རྩེ་གཅིག་སེམས་ཀྱིས་རི་གིར་འགྱུར། །ཡེ་ཤེས་བདུད་རྩི་རྟག་འཐུངས་པས། །བཀྲེས་པས་ཟིལ་གྱིས་མི་ནོན་ཅིང ། །སྐོམ་པ་ཡིས་ཀྱང་ཟིལ་མི་ནོན། །རྒ་དང་ན་བས་གཟིར་མི་འགྱུར། །འདི་ཡིས་ཐབས་ཀྱི་རྣལ་འབྱོར་གྱིས། །རི་གི་ཐམས་ཅད་རིག་པར་འགྱུར། །དེ་ནས་རྣལ་འབྱོར་པ་ཆེན་པོ། །ཱ་ར་ལི་ནི་ཉིད་ཀྱིས་ནི། །དམ་དུ་འཁྱུད་པར་འོ་མཛད་པས། །རི་གི་ལ་ནི་གུས་པར་ཞུས། །ེ་བཾ་མ་ཡཱ་ཅི་ཞིག་བཤད། །ེ་ཡི་རྣམ་པས་ས་རུ་བཤད། །བཾ་གི་རྣམ་པ་དེ་བཞིན་ཆུ། །མ་ནི་མེ་ཞེས་བྱ་བར་བརྗོད། །ཡཱ་ཡི་རྣམ་བ་རླུང་དུ་གསུངས། །རི་གི་སྡོམ་པ་ཅི་ཞིག་བཤད། །རི་གིས་བཀའ་ 61b སྩལ་པ། རི་གི་མཁའ་འགྲོ་མར་ནི་གསུང ། །སྡོམ་པ་དམ་པར་གྱུར་པ་འདི། །རི་གི་ཨེ་བཾ་སྡོམ་པ་ནི། །ེ་བཾ་རྣམ་པ་རྣ་བར་གནས། །རི་གི་སྣ་ཡི་རྩེ་མོར་ནི། །རྟག་ཏུ་རི་གི་བཞུགས་པ་ཡི། །ཡེ་ཤེས་དམ་པ་འདི་ཉིད་ནི། །ཀུན་མཁྱེན་ཡེ་ཤེས་དེ་ཡི་བདག་།འབྱུང་བ་ཆེན་པོ་བཞི་གཏན་ལ་དབབ་པ་དང ། བརྡའི་ལེའུ་སྟེ་གསུམ་པའོ།། །།རི་གིས་བཀའ་སྩལ་པ། དེ་ནས་རྣལ་འབྱོར་ཆེན་པོ་ཡི། ། ར་ལི་ནི་ཉིད་ཀྱིས་ནི། །རང་བཞིན་མཛེས་པ་ཉིད་ལ་ཞུས། །དཀོན་མཆོག་གསུམ་ལ་གནོད་བྱེད་པའི། །ཁྲག་ནི་ཇི་ལྟར་དགུག་པར་བགྱི། །ནུས་ལ་སོགས་པས་མདུན་དུ་ནི། །ཡ་བའི་མེ་ཏོག་བཞག་ནས་ནི། །རང་གི་ཁྲག་ནི་དགུག་པར་བྱ། །རི་གི་ཉོན་ཅིག་གོམས་པ་ཡི། །ནས་ནི་ཉི་ཤུ་ཁ་སྨད་འབྱུང ། །ཕྱི་ནས་ཁྲག་ནི་དགུག་པར་བྱེད། །ལྷ་ནི་དྲལ་བ་བཤད་པར་བྱ། །སྤྱི་བོར་འབར་བ་བསམ་པར་བྱ། །འབར་བའི་ཕྲེང་བས་ཁྱབ་ནས་ནི། །དེར་ནི་སྔགས་ནི་བཟླས་པ་བྱ། ། ོཾ་ཧེ་རུ་ཀ་པ་ཏཾ་ཕི་བ་ཏཱ་ཡ། རི་གི་ཨཱ་ར་ལིའི་སྦྱོར་བས། །ལྷ་ལ་ཕྱག་བྱས་འགས་པར་འགྱུར། །ཱ་ལི་ཀཱ་ལི་ཡན་ལག་མཉམ། །འདི་དག་གཉིས་དབུས་རང་ས་བོན། །རང་གི་ས་བོན་ཉིད་ཀྱིས་ནི། །རང་གི་ཕྱག་རྒྱ་རྣམས་ཡིན་ཏེ། །ཕྱག་རྒྱ་ལས་ནི་ལྷ་རྣམས་འབྱུང ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སཝ་བྷཱ་བ་ཨཏྨ་ཀོཉཧཾ། ལྕགས་ཀྱུ་ཕྱག་རྒྱ་ལག་གཉིས་ 62a ༄#། །ཀྱིས། །མཐེ་ཆུང་ཕན་ཚུན་ལྕགས་ཀྱུའི་ཚུལ། །དབུ་མ་ཡི་ནི་སོར་མོ་གཉིས། །མཐེ་བོང་རྒན་པོས་གཟིར་བར་བྱ། །སྡིག་མཛུབ་གཉིས་ཀྱི་ཞགས་པ་ཉིད། །རྡོ་རྗེ་རལ་གྲི་ཞགས་ཆེན་པོ། །ཆོས་ཀྱི་ཡེ་ཤེས་གང་ཞིག་གཞན། །རི་གི་ཉིད་དུ་རབ་ཏུ་གྲགས། །འཕགས་པའི་བདེན་པ་བཞི་ཡིས་ནི། །སི་སི་ལ་སོགས་རབ་ཏུ་གྲགས། མི་འཇིགས་པ་ནི་བཞི་ཡིན་ཏེ། །མི་བཟད་ལ་སོགས་རབ་ཏུ་གྲགས། །བསྡུ་བའི་དངོས་པོ་བཞི་ཡིས་ནི། །ཝ་ལ་སོགས་པ་རབ་ཏུ་གྲགས། །ཕྱག་དྲུག་འགྲོ་བ་དྲུག་ཏུ་གསུངས། ། སྤྱན་གསུམ་སྲིད་པ་གསུམ་དུ་བརྗོད། །འཇིགས་བྱེད་བདག་གི་སེམས་ཉིད་དེ། །ཞབས་ཀྱི་རྩ་བར་བསྒྱེལ་བ་ཉིད། །དགའ་བ་ལ་སོགས་ས་བཅུ་ནི། །གནས་སོགས་ཡང་དག་རབ་ཏུ་གྲགས། །ཕ་རོལ་ཕྱིན་དྲུག་ཕྱག་རྒྱ་དྲུག་།ཐོད་པ་ནམ་མཁའི་དཀྱིལ་འཁོར་ཉིད། །ེ་བཾ་མ་ཡཱའི་དབུས་གནས་པའོ། །བདག་ཉིད་ཀྱིས་ནི་དེ་ལྟར་བསམ། །འཆོལ་བ་ཀུན་གྱི་མཚན་ཉིད་ཀྱིས། །ཐམས་ཅད་རྒྱུད་དུ་ཡང་དག་གནས། །གྲི་གུག་མ་རིག་གཅོད་པ་ཉིད། །ཐོད་པ་དག་ནི་སྙིང་རྗེ་ཆེ། །རི་གི་ཨཱ་ར་ལི་ཡི་སྒྲ། །ཅད་ཏའུ་ཧཱུཾ་དེའི་སྔགས་བཟླས་པས། །དགྲ་སྟ་ཆོས་ཀྱི་འབྱུང་གནས་བརྗོད། །རྡོ་རྗེ་རྡོ་རྗེར་རབ་ཏུ་གྲགས། །མགོ་བོ་ཉོན་མོངས་པ་ཡི་བདུད། །ཐོད་པ་ནམ་མཁའ་དག་པ་འདི། །ལྕགས་ཀྱུ་ 62b རི་གི་ཟེ་འབྲུ་སྟེ། །དེ་བཞིན་ཞགས་པ་དག་པ་ཉིད། །ངང་གི་དག་པ་བསྡུས་ནས་ནི། །ལུས་ནི་མཆོད་རྟེན་དག་པ་སྟེ། །སྐྱིལ་ཀྲུང་གདན་དུ་ཤེས་པར་བྱ། །འཛམ་བུའི་གླིང་གི་སྙིང་པོར་གསུངས། །གཉེར་མ་གསུམ་རྟག་ལྟ་བ་ཉིད། །ལྟོ་བ་ཡང་ནི་གཟུགས་སུ་འགྱུར། །མགྲིན་པ་ཡང་ནི་མགྲིན་པར་བརྗོད། །ཁ་ཁྱེར་མགོ་བོར་ཤེས་པར་བྱ། །སྤྱི་བོ་གདུགས་ཀྱི་ཕྲེང་བར་བརྗོད། །མིག་གཉིས་ཟླ་བ་ཉི་མ་ཉིད། །འཕན་ནི་མགོ་ལས་སྐྱེས་པ་ཡིན། །རུས་པ་བདེ་བར་གཤེགས་པའི་གདུང ། །དེ་ཕྱིར་རང་བྱིན་རློབ་པར་འགྱུར།། དེ་ཕྱིར་སངས་རྒྱས་གཟུགས་བརྙན་ལུས། །རྣལ་འབྱོར་མ་ཡིས་རྟག་ཏུ་མཆོད། །རང་གི་ངོ་བོ་སངས་རྒྱས་སུ་བཤད་པའི་ལེའུ་སྟེ་བཞི་པའོ།། །།རྒྱལ་པོ་ཆེན་པོ་ཟས་གཙང་འདི། །ཱ་ར་ལིས་ནི་ཡང་དག་ཕྱེ། །དེ་ལ་རི་གི་སྒྱུ་མ་ཆེ། །འགྲོ་བ་ཐམས་ཅད་ཤེས་རབ་དག་།དོན་གྲུབ་རྡོ་རྗེ་སེམས་དཔའ་སྟེ། །ལྷ་མོ་ས་འཚོ་ཕྱག་རྒྱའོ། །སྒྲ་གཅན་བཟང་པོ་བདེ་བ་ཆེ། །སྒྱུ་མའི་གཟུགས་ཀྱི་སྤྲོས་པ་ལས། །སྒྱུ་མ་ཆེན་པོས་འཚོ་ཉིད། །རྡོ་རྗེ་སྒྱུ་མའི་རྣམ་འཕྲུལ་བས། །དོན་གྲུབ་ལྷན་ཅིག་སྐྱེས་དགའ་ཉིད། །སྲས་ནི་བཅོམ་ལྡན་རྡོ་རྗེ་ཅན། །ཡབ་ནི་རྡོ་རྗེ་འཆང་བར་གྲགས། །ཡུམ་ནི་སྒྱུ་མ་ཆེན་མོ་ཡིན། །དེ་ཉིད་ཕྱག་རྒྱར་རབ་ཏུ་གྲགས། །མཐེ་བོང་རྒན་པོ་རྡོ་རྗེ་ཡིན། །ལྟེ་བ་ཆོས་ཀྱི་ 63a ༄#། །འབྱུང་གནས་གསུངས། །སྒྱུ་མ་ཆེན་པོའི་རྣམ་འཕྲུལ་བས། །དོན་གྲུབ་ཉིད་ནི་གཟི་བརྗིད་ཅན། །ངོ་བོས་འགྲོ་བ་སངས་རྒྱས་ཉིད། །ལྷ་མོ་རི་གི་ང་ཚིག་ཉོན། །ལས་ལ་སྤྱོད་པ་རབ་བརྟགས་པས། །ལུས་ཅན་རྣམས་ནི་རྟག་ཏུ་གདུངས། །དགའ་བ་ཡང་ནི་ཤི་ཤིར་གསུངས། །མཆོག་ཏུ་དགའ་བ་འདོད་པ་མ། །དགའ་བྲལ་དགའ་བ་བདེ་ཆེན་མ། །ལྷན་ཅིག་སྐྱེས་དགའ་སྡོམ་པ་མ། །མི་ཟད་མ་ནི་འོ་རུ་གསུངས། །རྣོན་མོ་ཡང་ནི་འཁྱུད་མོ་ཉིད། །སྒྱུ་མ་སྐྱེད་ལ་སྒྱུ་མ་ཆེ། །མཐེ་བོང་མཆུ་ནི་འཇིབ་པ་ཉིད། །དགའ་བའི་རྩོད་པ་ཝ་ཉིད་དེ། །སྦྲང་རྩི་བཏུང་བས་མ་ཧེ་ཉིད། །རྟོག་པ་ཡིས་ནི་རྟ་མགྲིན་ཏེ། །འོ་བྱེད་གླང་པོའི་རྒྱལ་མཚན་ནོ། །རྡོ་རྗེ་ར་ལི་འདོད་ཆེན་ཅན། །འདོད་པ་མ་ནི་རི་གིར་བརྗོད། །ཐབས་དང་ཤེས་རབ་རང་བཞིན་གྱིས། །འགྲོ་བ་ཐམས་ཅད་རྣམ་པར་ཁྱབ། །སི་སི་རྣམ་པས་དམྱལ་བ་བཞི། །དེ་བཞིན་ཧ་ཡི་རྣམ་པ་བཞི། །འཁོར་བར་ཇི་ལྟར་སྤྱད་པ་ནི། །མྱ་ངན་འདས་པ་མི་འགལ་ལོ། །རྡོ་རྗེ་ཨཱ་ར་ལི་ཉིད་ནི། །ཁུ་བར་ཡང་ནི་འགྱུར་བ་ཡིན། །རི་གི་བདེ་བ་ཆེན་པོར་གསུངས། །རི་གི་ཨཱ་ར་ལི་སྦྱོར་བས། །རྡོ་རྗེ་སྒྱུ་མ་ཞེས་བྱར་བརྗོད། །བུད་མེད་སྒྱུ་མའི་སྤྲོས་པ་ཡིས། །འགྲོ་བ་ཐམས་ཅད་རྣམ་པར་རྨོངས། །བུད་མེད་སྒྱུ་མ་སངས་ 63b རྒྱས་ཉིད། །སྒྱུ་མ་ཐམས་ཅད་སྤེལ་བར་བྱེད། །སྙིང་པོའི་སྔགས་ནི། ཨོཾ་ཨཱ་ར་ལཱི་བྷྱོ་བྷྱོ་ཧ་ཧ་ཧ་ཧ། སི་སི་སི་སི་མི་གསལ་བར་བཟླས་སོ། །གཉིས་ཀྱི་ཉེ་བའི་སྙིང་པོ་ནི། །ཧ་ཧ་ཧ་ལས་རྒྱས་པ་ལ་སྔགས་གང་ནི། དེ་ཡི་སྔགས་སུ་རབ་ཏུ་བསྔགས། །སྙིང་པོ་ཡི་ནི་སྔགས་ཡིན་ནོ། །ཉེ་བའི་སྔགས་ཀྱིས་བསྐུལ་བ་ཡིན། །སྒོམ་པ་བདེ་ཆེན་མྱང་བ་སྟེ། །དེ་བཞིན་དམ་ཚིག་མཆོད་པ་ཉིད། །ཐམས་ཅད་ཀྱི་ནི་དམ་ཚིག་ལ། །མི་ལས་སྐྱེས་པ་རབ་ཏུ་བསྔགས། །ཀླུ་གཟིར་གཉིས་འཐུང་དམ་ཚིག་སྟེ། །རྨི་ལམ་རྟ་ནི་རབ་ཏུ་བསྔགས། །བསད་ལ་མ་ཧེ་དམ་ཚིག་གོ་།དབང་ལ་ཁྱི་ནི་རབ་ཏུ་བསྔགས། །ཁྲག་དགུག་པ་ལ་དམ་ཚིག་སྟེ། །འཇུག་པ་དེ་བཞིན་རྔ་མོ་ཉིད། །རེངས་པ་ལ་ནི་ནེའུའི་ཤ་།ཁ་ན་མ་ཐོ་མེད་རྙེད་པ། །གལ་ཏེ་བསད་པར་བྱས་ན་ནི། །དེ་ཚེ་རྣལ་འབྱོར་མས་མི་འགྲུབ། །སེམས་ཅན་བསྐྱབ་སེམས་རྣལ་འབྱོར་པ། །འགྲུབ་འགྱུར་འདི་ལ་ཐེ་ཚོམ་མེད། །དཀྱིལ་འཁོར་ཁྲུ་ནི་བཞི་པར་བྱ། །སྒོ་ཁྱུད་སོར་ནི་གཉིས་སུ་གསུངས། །ལོགས་ལ་ཡང་ནི་སོར་གཉིས་ཡང ། །སྒོ་ཁྱུད་ཀྱི་ནི་ཁ་ཁྱེར་ལ། །སོར་ནི་བཅུ་གཉིས་དག་ཏུ་གསུངས། །ལྷ་ཡི་སྣམ་བུ་སོར་གཉིས་ཏེ། །རྟ་བབས་སོར་ནི་བཅུ་དྲུག་ཉིད། །སྒོ་ལས་སོར་མོ་གཉིས་ཀྱིས་ནི། །རྡོ་རྗེ་ཕྲེང་བ་དེ་བཞིན་བྱ། །དཀྱིལ་འཁོར་སྙིང་པོ་ཟླུམ་པོ་སྟེ། །ཕྱོགས་བཞི་ཁ་དོག་ 64a ༄#། །བཞི་དང་ལྡན། །ཁ་དོག་ལྔ་ཡི་རྡུལ་ཚོན་ཉིད། །སྲད་བུ་ལྔ་ཞེས་བྱ་བར་བརྗོད། །གསེར་དང་ཡང་ན་དངུལ་ཉིད་དང ། །མུ་ཏིག་དང་ནི་བྱུ་རུ་དང ། ། མུ་མེན་ཡང་དག་བསྲེས་ནས་ནི། །རིན་ཆེན་ལྔ་ནི་ཤིན་ཏུ་གཞུག་།ལྷ་ཡི་གྲངས་ཀྱི་བུམ་པ་ཉིད། །རྣམ་རྒྱལ་བུམ་པ་ཆེས་ཆེ་བ། །བུམ་པ་དཀྲི་བ་ཉིད་དུ་ནི། །སྒྲུབ་པ་པོ་ནི་དམ་པས་བྱ། །དང་པོར་ས་ནི་ཡོངས་དག་བྱ། །གཉིས་པར་ཐིག་སོགས་གདབ་པ་དང ། །ལྔ་པའི་དཀྱིལ་འཁོར་བྲི་བ་དང ། །དེ་བཞིན་སྔ་བར་སྦྱིན་སྲེག་ཉིད། །འཇིག་རྟེན་སྐྱོང་བ་དབང་པོ་དང ། །ལྷ་མོ་ཁྱོད་ནི་དབང་དུ་གྱུར། །དཀྱིལ་འཁོར་འདི་ནི་བཞེངས་པར་བགྱི། །འོད་སྲུང་མ་ཡིས་བགེགས་མེད་མཛོད། །ཇི་ལྟར་བདག་ཉིད་ནགས་དེ་བཞིན། །རྟག་པ་ཉིད་དུ་གཏོར་མ་སྦྱིན། །མཚན་མོ་ཐུན་གཅིག་གནས་པ་ནི། །མཁས་པས་དཀྱིལ་འཁོར་མཉེས་པར་བྱ། །གཏོར་མའི་སྔགས་ནི། ཨོཾ་ཤརྒ་ཏི་ཀ་ས་ནེ་ནཱ་ཀ་རོ་མུ་ཁཾ་སརྦ་དྷརྨཱ་ཎཱ་ཨཱ་དྱ་ནུཏྤནྣ་ཏྭཏྲ། ས་ནི་ཡོངས་སུ་བཟུང་དུས་སུ། །བགེགས་ནི་སྐྲོད་པར་བྱེད་པའི་སྔགས། །ོཾ་ཨ་ན་ས་ཏ་ན་ན་ཊ་སྟཥྚི་ཡ་མ་བ་རུ་ཎ་ཀུ་བེ་ར་ཀ་སཝཱ་ཙ་སྠ་ཎེ་ཁུ་ཏིཥྚ་དྷཾ་རཀྵཾ་ཀུ་རུ་ཏ་མེ་བི་ར་ཏྲཾ། ཆོ་གའི་མཚན་ཉིད་དང ། ངེས་པའི་ལེའུ་སྟེ་ལྔ་པའོ།། །།རི་གི་ཨཱ་ར་ལིའི་རྒྱུད་ཀྱི་རྒྱལ་པོ་ 64b རྫོགས་སོ།། །།རྒྱ་གར་གྱི་མཁན་པོ་ཀ་ཡསྠ་བ་ག་ཡ་དྷ་རའི་ཞལ་སྔ་ནས་དང ། བོད་ཀྱི་ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། |