།།རྒྱ་གར་སྐད་དུ། 369b ེ་ཀ་བཱི་རཱ་ཁྱ་ཤྲི་ཙཎྜ་མཧཱ་རོ་ཥ་ཎ་ཏནྟྲ་རཱ་ཛཱ་ནཱ་མ། བོད་སྐད་དུ། དཔལ་གཏུམ་པོ་ཁྲོ་བོ་ཆེན་པོའི་རྒྱུད་ཀྱི་རྒྱལ་པོ་དཔའ་བོ་གཅིག་པ་ཞེས་བྱ་བ། བཅོམ་ལྡན་འདས་དཔལ་གཏུམ་པོ་ཁྲོ་བོ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་སེམས་དཔའ། དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་ཀྱི་སྙིང་པོ་རྡོ་རྗེ་དབྱིངས་ཀྱི་དབང་ཕྱུག་མའི་བྷ་ག་རྣམས་ལ་བཞུགས་སོ། །དཔག་ཏུ་མེད་པའི་རྡོ་རྗེ་རྣལ་འབྱོར་པ་དང ། རྣལ་འབྱོར་མའི་ཚོགས་རྣམས་ཀྱང་ངོ ། །འདི་ལྟ་སྟེ། མི་གཡོ་བ་དཀར་པོའི་རྡོ་རྗེ་རྣལ་འབྱོར་པ་དང ། མིག་གཡོ་བ་སེར་པོའི་རྡོ་རྗེ་རྣལ་འབྱོར་པ་དང ། མི་གཡོ་པ་དམར་པོའི་རྡོ་རྗེ་རྣལ་འབྱོར་པ་དང ། མི་གཡོ་བ་ལྗང་གུའི་རྡོ་རྗེ་རྣལ་འབྱོར་པ་དང ། གཏི་མུག་རྡོ་རྗེ་མའི་རྡོ་རྗེ་རྣལ་འབྱོར་མ་དང ། ཕྲ་མ་རྡོ་རྗེ་མའི་རྡོ་རྗེ་རྣལ་འབྱོར་མ་དང ། འདོད་ཆགས་རྡོ་རྗེ་མའི་རྡོ་རྗེ་རྣལ་འབྱོར་མ་དང ། ཕྲག་དོག་རྡོ་རྗེ་མའི་རྡོ་རྗེ་རྣལ་འབྱོར་མ་དང ། དེ་ལྟ་བུ་ལ་སོགས་པའི་རྣལ་འབྱོར་པ་དང ། རྣལ་འབྱོར་མ་བྱེ་བ་ཁྲི་བརྒྱ་སྟོང་\?\་ནས་སོ། །དེ་ནས་བཅོམ་ལྡན་འདས་རྡོ་རྗེ་སེམས་དཔའ་མི་གཡོ་བ་ནག་པོའི་ཏིང་ངེ་འཛིན་ལ་སྙོམས་པར་ཞུགས་ནས་འདི་ཉེ་བར་གསུངས་སོ། །དངོས་དང་དངོས་ 370a ༄#། །མེད་རྣམ་གྲོལ་བའི། །གཅིག་པུ་དེ་ནི་དགའ་བཞིའི་མཆོག་།རྣམ་པར་རྟོག་པ་ཀུན་སྤངས་པའི། །སྤྲོས་པ་མེད་པའི་རང་བཞིན་ང ། །རྨོངས་པ་གང་གིས་ང་མི་ཤེས། །ལུས་དང་ངག་རྣམས་ཀུན་ལ་གནས། །ང་ནི་དེ་རྣམས་ཕན་དོན་ཕྱིར། །རྣམ་པ་ལྔ་ཡིས་ཡང་དག་གནས། །དེ་ནས་བཅོམ་ལྡན་འདས་མ་རྡོ་རྗེ་དབྱིངས་ཀྱི་དབང་ཕྱུག་མ་ཞེ་སྡང་རྡོ་རྗེ་མའི་ཏིང་ངེ་འཛིན་ལ་སྙོམས་པར་ཞུགས་ནས་འདི་ཉེ་བར་གསུངས་སོ། །སྟོང་དང་སྙིང་རྗེ་དབྱེར་མེད་པར། །ལྷ་ཡི་འདོད་པས་བདེ་བར་གནས། །བདག་ནི་ཀུན་རྟོག་རྣམ་པར་བྲལ། །སྤྲོས་པ་མེད་ཅིང་གཡོ་བ་མེད། །བུད་མེད་གང་གིས་ང་མི་ཤེས། །བུད་མེད་ཀུན་གྱི་ལུས་ལ་གནས། །བདག་ནི་དེ་རྣམས་ཕན་དོན་ཕྱིར། །རྣམ་པ་ལྔ་ཡིས་ཡང་དག་གནས། །དེ་ནས་བཅོམ་ལྡན་འདས་མི་གཡོ་བ་ནག་པོ་ལ། བཅོམ་ལྡན་འདས་མ་ཞེ་སྡང་རྡོ་རྗེ་མས་དམ་དུ་འཁྱུད་ནས་ཙུམ་པར་མཛད་དེ། གསོལ་བ་བཏབ་པ་དང ། ལྷ་མོ་ལྷ་མོ་དགའ་ཆེན་མོ། །གསང་བ་ཤིན་ཏུའང་རྙེད་དཀའ་བ། །སྙིང་པོ་ལས་སྙིང་མཆོག་གི་གཙོ། །སངས་རྒྱས་ཀུན་གྱིས་ལེགས་གསུངས་པ། ། རྒྱུད་ཀྱི་རྒྱལ་པོ་དབང་ཕྱུག་མཆོག་།དགའ་མ་རྒྱུད་ཆེན་མཉན་པར་གྱིས། །དཔའ་བོ་གཅིག་པུ་ཞེས་བྱ་བས། །སེམས་ཅན་དངོས་གྲུབ་མྱུར་དུ་འགྲུབ། །དཀྱིལ་འཁོར་ 370b མ་མཐོང་བ་རྣམས་ལ། །རྒྱུད་འདི་རབ་ཏུ་བསྟན་མི་བྱ། །དཀྱིལ་འཁོར་གཞན་དུ་ཞུགས་པ་ལའང ། །རྒྱུད་ནི་བསྟན་པར་མི་བྱའོ། །གང་ཞིག་གཏུམ་པོ་ཁྲོ་བོ་ཡི། །དཀྱིལ་འཁོར་རབ་ཞུགས་མཉམ་གཞག་ཅིང ། །དད་དང་བརྩོན་འགྲུས་མཆོག་ལྡན་ལ། །གཏུམ་པོའི་རྒྱུད་འདི་བསྟན་པར་བྱ། །བླ་མ་ལ་གུས་སྙིང་རྗེ་ཅན། །སྔགས་ཀྱི་ཐེག་པར་མཆོག་ཏུ་གཞོལ། །གཏུམ་པོའི་དབང་ཕྱུག་ལ་རྟག་གུས། །དེ་ལ་རྒྱུད་འདི་བསྟན་པར་བྱ། །རྣལ་འབྱོར་པ་གང་ལ་ལ་ཞིག་།འདོད་བརྐམ་སངས་རྒྱས་སླུ་བྱེད་པས། ། གཏུམ་པོའི་དཀྱིལ་འཁོར་སྟོན་བྱེད་ཅིང ། །བླ་མེད་རྒྱུད་ནི་སྟོན་བྱེད་ན། །དེ་ནི་ནད་ཆེན་གྱིས་གཟིར་ནས། །བཤང་གཅིའི་དྲི་མས་གོས་པར་བྱེད། །ཟླ་བ་དྲུག་གི་ནང་དུ་ནི། །དེ་ནི་འཆི་བའི་སྡུག་བསྔལ་འགྱུར། །དེ་ཕྱིར་གཤིན་རྗེའི་ཕོ་ཉས་བཟུང ། །དུས་ཀྱི་ཞགས་པའི་དབང་དུ་འགྱུར། །གང་ཚེ་སྡིག་ཅན་དམྱལ་བར་འཁྲིད། །སངས་རྒྱས་ཀྱིས་ཀྱང་སྲུང་མི་ནུས། །ལོ་ནི་འབུམ་དུ་དེ་སྡུག་བསྔལ། །གལ་ཏེ་མྱོང་གྱུར་ལས་ཟད་ཀྱང ། །གལ་ཏེ་མི་རུ་སྐྱེས་ན་ཡང ། །རྡོ་རྗེའི་གནམ་ལྕགས་ཀྱིས་དེ་འཇིག། སྔགས་རིགས་བརྟུལ་ཞུགས་ཅན་གྱིས་ནི། །དེ་ཕྱིར་དཀྱིལ་འཁོར་ལེགས་བྲིས་ནས། །དེ་ཉིད་སྔོན་དུ་ཡོངས་བརྟགས་པའི། །སློབ་མ་བཟང་པོ་རབ་གཞུག་བྱ། །འཇིག་ 371a ༄#། །རྟེན་གསུམ་དུ་རྙེད་དཀའ་བའི། །རྒྱུད་ནི་དེ་ཕྱིར་བསྟན་པར་བྱ། །གང་ཡང་མ་ཐོས་རྒྱུད་འཆད་པ། །དེ་ཡང་འོག་ཏུ་འགྲོ་འགྱུར་ཞིང ། །གལ་ཏེ་སངས་རྒྱས་དང་མཚུངས་ཀྱང ། །དེ་ཡི་གདོང་དུ་རྣམ་སྨིན་འགྱུར། །སློབ་མ་དད་པ་དམན་པ་དང ། །ཐེ་ཚོམ་ཟ་བས་ཉན་བྱད། །མགོ་བོར་རྡོ་རྗེའི་ཐོག་ལྟུང་བ། ། ཆར་འབབ་དུས་སུ་ཐེ་ཚོམ་མེད། །མཆོག་གི་ཞལ་མངའ་ལྷ་མོ་ལ། །བདག་གིས་འདི་ནི་བདེན་པར་བཤད། །དཔའ་བོ་གཅིག་ཉིད་རྒྱུད་འདི་ནི། །གཏུམ་བོ་ཁྲོ་བོ་ཤིན་ཏུ་གསང ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། རྒྱུད་ལ་འཇུག་པའི་རིམ་པར་ཕྱེ་བ་ཞེས་བྱ་བ་སྟེ་དང་པོའོ།། །།དེ་ནས་བཅོམ་ལྡན་འདས་མ་ཞེ་སྡང་རྡོ་རྗེ་མས། གཏུམ་པོ་ཆེན་པོ་ཁྲོ་བོ་ལ་དམ་དུ་འཁྱུད་ནས་གསོལ་པ། དཀྱིལ་འཁོར་གྱི་ནི་བྱ་བ་ལ། ། གང་གི་ཚད་ཀྱིས་བྲི་བར་བྱ། །དེ་བཞིན་དེ་དབུས་བྲི་བྱ་བ། །གང་ཡིན་གཙོ་བོས་བདག་ལ་གསུངས། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དཀྱིལ་འཁོར་ཚད་དུ་གང་གྱུར་པ། །ཁྲུ་གང་དང་ནི་ཁྲུ་དོ་དང ། །ཁྲུ་གསུམ་དང་ནི་ཁྲུ་བཞི་པ། །ཁྲུ་ལྔའི་ཚད་ལས་ལྷག་མི་བྱ། །གང་དུ་དེ་ཡི་རྡུལ་མཚོན་ཉིད། །ཁ་དོག་སྣ་ཚོགས་ 371b ཀྱིས་བྱས་པ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །སྒོ་ནི་བརྒྱད་ཆ་ཉིད་དུ་ནི། །དེ་ཡི་ཚད་དུ་རབ་ཏུ་བརྟག་།སྒོ་ཡི་ཚད་ཀྱི་སྒོ་ཁྱུད་དང ། །དེ་ཡི་ཕྱེད་ཀྱིས་འགྲམ་དང་ནི། །ལོགས་དང་དེ་བཞིན་སྟེགས་བུ་དང ། །དྲ་བ་དྲ་ཕྱེད་སྣམ་བུ་རྣམས། །རྩ་བའི་ཐིག་གི་ཕྱི་རོལ་དུ། །དེ་ཡི་ཕྱེད་ཀྱིས་རྡུལ་ཚོན་ས། །རྡོ་རྗེའི་ཕྲེང་བ་ཉིད་དང་ནི། །ཀ་བ་བརྒྱད་ལྡན་བརྟག་པར་བྱ། །སྒོ་ཡི་སུམ་འགྱུར་ཉིད་ཀྱིས་ནི། །སྒོ་ཡི་རྟ་བབས་མཆོག་ཏུ་བྱ། །མཆོག་ཏུ་སྣ་ཚོགས་རྡོ་རྗེ་བྲི། །རྡོ་རྗེའི་རབ་ཁོར་ཡུག་ལྡན། །དཔག་བསམ་ཤིང་སོགས་དང་ལྡན་པ། །ཁྲོ་བོ་གཏུམ་པོའི་དཀྱིལ་འཁོར་ལ། །དཀྱིལ་འཁོར་འཁོར་ལོའི་རྣམ་པ་ལ། །འཕར་མ་གཅིག་པ་ཉིད་དུ་བྱ། །དེ་ཡི་ཤར་སོགས་ཕྱོགས་བརྒྱད་ལ། །སྣ་ཚོགས་པདྨ་ཡང་དག་བྲི། །དབུས་མ་དང་དགུ་དེ་དབུས་སུ། །རལ་གྲི་སྔོན་པོ་རྡོ་རྗེས་མཚན། །རྡོ་རྗེ་གྲི་གུག་ཐོད་བཅས་འོག་།ཤར་དུ་འཁོར་ལོས་མཚན་པ་ཡི། །རལ་གྲི་ཁ་དོག་དཀར་པོ་བྲི། །ལྷོ་རུ་ཁ་དོག་སེར་པོ་ཡི། །རིན་ཆེན་དང་བཅས་ཡང་དག་བྲི། །ནུབ་ཏུ་ཁ་དོག་དམར་པོ་ཡི། །པདྨ་དམར་པོས་མཚན་པ་དང། །བྱང་དུ་རལ་གྲི་རྐྱང་བ་ཡི། །ཁ་དོག་ལྗང་གུ་ཡང་དག་བྲི། །འཁོར་ལོ་དཀར་པོས་མཚན་པ་ཡིས། །གྲི་གུག་མེ་ཡི་མཚམས་སུ་བྲི། །རིན་ཆེན་སེར་པོས་རབ་མཚན་པ། ། 372a ༄#། །བདེན་བྲལ་དུ་ནི་བྲི་བར་བྱ། །པདྨ་དམར་པོས་རབ་མཚན་པ། །རླུང་དུ་དེ་བཞིན་བྲི་བར་བྱ། །དབང་ལྡན་ཁ་དོག་ལྗང་གུ་ཡི། །ུཏྤལ་སྔོན་པོས་མཚན་པ་བྲི། །ཟླ་བ་ཉི་མའི་སྟེང་གནས་པའི། །མཚན་མ་ཐམས་ཅད་རབ་ཏུ་བརྟག་།རྡུལ་ཚོན་དཀྱིལ་འཁོར་སྒྲུབ་ཐབས་འདི། །བདག་གིས་འཇིག་རྟེན་དོན་ཕྱིར་བཤད། །ཡང་ན་དཀྱིལ་འཁོར་བྲི་བྱ་བ། །རས་རིས་ཚུལ་དུ་བྲི་བར་བྱ། །སྔོན་བཞིན་དཀྱིལ་འཁོར་བྲིས་བྱས་ནས། །དབུས་སུ་མི་གཡོ་མཐིང་ནག་བྲི། །ཞེ་སྡང་རྡོ་རྗེ་མས་འཁྱུད་པ། །ཤར་དུ་མི་གཡོ་དཀར་པོ་བྲི། །མི་གཡོ་སེར་པོ་དེ་བཞིན་ལྷོར། །ནུབ་ཏུ་མི་གཡོ་དམར་པོ་བྲི། །བྱང་དུ་མི་གཡོ་ལྗང་གུ་བྲི། །མེ་མཚམས་གཏི་མུག་རྡོ་རྗེ་དཀར། །བདེན་བྲལ་ཕྲ་མ་རྡོ་རྗེ་སེར། །རླུང་དུ་འདོད་ཆགས་རྡོ་རྗེ་མ། །ལྷ་མོ་དམར་མོ་ཡང་དག་བྲི། །དབང་ལྡན་ཕྲག་དོག་རྡོ་རྗེ་མ། །ལྗང་བྲི་རས་བྲིས་དཀྱིལ་འཁོར་ལ། །དེ་ནས་དཀྱིལ་ལ་སྔགས་ཀྱིས་ལྷག་པར་གནས་པར་བྱ་བ་ནི། །ོཾ་ཤྲཱི་ཙན་མཧཱ་རོ་ཥ་ན་ས་པ་རི་ཝཱ་ར་ས་ཧི་ཏེ། ཨཱ་གཙྪ་ཨཱ་གཙྪ། ཛཿ ཧཱུཾ་ཕཾ་ཧོཿ ་ཨ་ཊ་མཎྜ་ལེ། ཨ་དྷིཋཱ་ནཾ་ཀུ་རུ་ཧཱུཾ་ཕཊ་སཝཱཧཱ། འདིས་ཀུན་ནས་དགུག་པ་དང ། །རབ་ཏུ་གཞུག་པ་དང ། བཅིང་བ་དང ། དབང་དུ་བྱས་ཏེ། མཆོད་པར་བྱའོ། །དེ་ནས་སྔགས་ཀྱི་མཆོད་པར་གྱུར་པ་ནི། 372b ོཾ་ཀྲྀཥྞཱ་ཙ་ལ་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་ཤཝེ་ཏཱ་ཙ་ལ་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་པཱི་ཏཱ་ཙ་ལ་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་རཀྟཱ་ཙ་ལ་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་ཤྱཱ་མཱ་ཙ་ལ་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་དྭེ་ཥ་བཛྲི་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་མོ་ཧ་བཛྲི་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་བི་ཤུ་ན་བཛྲི་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་རཱ་ག་བཛྲཱི་པུཥྤཾ་པྲ་ཏཱིཙྪ་ཧཱུཾ་ཕཊ། ཨོཾ་ཨཱིར་ཥྱ་བཛྲཱི་པུཥྤཾ་པྲ་ཏཱིཙྪ་ཧཱུཾ་ཕཊ། དེ་བཞིན་དུ། དཱི་པཾ་དང ། དྷཱུ་པཾ། གནྡྷཱཾ། ནི་བི་དྱཾ། དེ་ལྟ་བུའི་ཉེ་བར་སྤྱད་པ་ལྔས་དཀྱིལ་འཁོར་ལ་མཆོད་པར་བྱའོ། །གང་ཚེ་དབུས་སུ་མི་གཡོ་དཀར། །གཏི་མུག་རྡོ་རྗེ་མ་དང་བཅས། །དེ་ཡི་དཀྱིལ་འཁོར་ཉིད་དུ་ཤེས། །དེ་བཞིན་མི་གཡོ་སེར་ལ་སོགས། །རྣལ་འབྱོར་ལྔ་ཡི་རབ་དབྱེ་བས། །དཀྱིལ་འཁོར་ལྔ་རུ་བརྟག་པར་བྱ། །སེམས་ཉིད་རྩེ་གཅིག་གྱུར་པ་ཡིས། །སྔོན་དུ་བསྙེན་པ་བརྩམ་པར་བྱ། །དཀྱིལ་འཁོར་རབ་ཞུགས་རྣལ་འབྱོར་མ། །རྣལ་འབྱོར་དང་ནི་ཡང་དག་ལྡན། །ཕན་ཚུན་དུ་ནི་ཕྱག་བྱས་ནས། ། བཟའ་བ་ཤ་དང་ཆང་ཡང་བྱ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། །དཀྱིལ་འཁོར་གྱི་རིམ་པར་ཕྱེ་བ་སྟེ་གཉིས་པའོ།། །།དེ་ནས་བཅོམ་ལྡན་འདས་མས་གསོལ་པ། སློབ་མ་ཇི་ལྟ་བུ་ཉིད་ལ། །རྒྱུད་འདི་རབ་ཏུ་སྦྱིན་པར་བྱ། །ཐེ་ཚོམ་མེད་པར་བྱ་བ་ཉིད། །ཁྱབ་བདག་ཆེན་ 373a ༄#། །པོ་བསྟན་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་བ། དང་པོར་སྐྱབས་སུ་འགྲོ་བ་གསུམ་སྦྱིན་པར་བྱའོ། །བསླབ་པ་ལྔ་དང ། གསོ་སྤྱོད་དག་ཀྱང་ངོ ། །དེ་ནས་དབང་ལྔ་དང ། གསང་བ་དང ། ཤེས་རབ་ཡེ་ཤེས་ཀྱི་དབང་ངོ ། །དེ་ནས་སྐལ་ལྡན་སློབ་མ་ལ། །རྒྱུད་ཀྱི་དེ་ཉིད་བསྟན་པར་བྱ། །གཞན་དག་རིང་དུ་སྤང་བར་བྱ། །གཞན་དུ་གུས་བཅས་གྱུར་ཀྱང་སྤང ། །དེ་ལ་སྐྱབས་སུ་འགྲོ་བའི་ཚིགས་སུ་བཅད་པ་འདིའོ། །ཇི་སྲིད་སྙིང་པོ་བྱང་ཆུབ་བར། །སངས་རྒྱས་ལ་ནི་བདག་སྐྱབས་མཆི། །དམ་པའི་ཆོས་ལ་བདག་སྐྱབས་མཆི། །དགེ་འདུན་ལ་ཡང་མི་ཕྱེད་དང ། །དེ་ལ་བསླབ་པ་ལྔའི་ཚིགས་སུ་བཅད་པ་ནི། སྲོག་གཅོད་མ་བྱིན་ལེན་པ་དང ། །གཞན་གྱི་བུད་མེད་རྫུན་སྨྲ་རྣམས། །སྤང་བྱ་ཀུན་ལ་འཕགས་བཞིན་བྱ། །ལྔ་པ་ཆང་གི་བཏུང་བ་ཉིད། །དེ་ལ་འདིར་གསོ་སྦྱོང་གི་ཚིགས་སུ་བཅད་པ་ནི། །བདག་གིས་སེམས་ཅན་བསད་མི་བྱ། །ཕ་རོལ་ནོར་ནི་ཕྲོག་མི་བྱ། །བདག་ནི་ཚངས་པར་སྤྱོད་པ་སྤྱད། །རྫུན་གྱི་ཚིག་ཀྱང་སྤང་བར་བགྱི། །མྱོས་བྱེད་ཆང་གི་བཏུང་བ་ནི། བདག་གིས་གང་དུའང་བཏུང་མི་བྱ། །གར་དང་གླུ་དང་རྒྱན་རྣམས་དང ། །རྒོད་བག་རྣམས་ནི་སྤང་བར་བྱ། །ཁྲི་སྟན་མཐོ་དང་ཁྲི་སྟན་ཆེ། །དུས་མིན་ཁ་ཟས་སྤང་བར་བྱ། ། 373b དེ་ལྟར་གསོ་སྦྱོང་ཡན་ལག་བརྒྱད། །དགྲ་བཅོམ་རྗེས་སུ་བདག་གིས་བསླབ། །ཇི་ལྟར་སངས་རྒྱས་ཀྱིས་གསུངས་ལྟར། །རྣམ་དག་བདག་གིས་གཟུང་བར་བགྱི། །དེ་ཡིས་གཡོན་ཅན་བདུད་ལས་རྒྱལ། །བླ་མེད་སངས་རྒྱས་མཆོག་ཐོབ་བྱ། །འདིར་ནི་སྲིད་པ་ཞི་གྱུར་ནས། །ལུས་ཅན་ཀུན་གྱི་སྐྱབས་གྱུར་ཏེ། །འཁོར་བ་ཇི་སྲིད་དེ་སྲིད་པར། །སྐྱེས་བུ་བདེ་བར་གཤེགས་པར་སྐྱེ། །སྐྱེ་བོ་བཟང་པོ་དང་འགྲོགས་འདིར། །བློ་ལྡན་འཇིག་རྟེན་ལ་ཕན་དགའ། །དེ་ལ་འདིར་ཆུའི་དབང་ནི། །སློབ་མ་དྲི་མ་དང་བྲལ་ཞིང ། །ཤེལ་དག་པ་བཞིན་དུ་བསམས་ནས། རྣམ་པར་རྒྱལ་བའི་བུམ་པ་ནས་ཆུ་བླངས་ཏེ། ལོ་མ་དང་བཅས་པའི་ལག་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། ཞེས་པ་འདིས་དབང་བསྐུར་བར་བྱའོ། །དེ་ལ་འདིར་དབུ་རྒྱན་གྱི་དབང་བསྐུར་བ་ནི། གོས་ལ་སོགས་པ་ལ་བྱས་པའི་དབུ་རྒྱན་རིན་པོ་ཆེ་ཀུན་ལས་གྲུབ་པར་བསམས་ནས། སློབ་མའང་འཁོར་ལོས་བསྒྱུར་བ་ལྟར་བསམས་ནས། མགོ་བོར་དབུ་རྒྱན་སྦྱིན་པར་བྱའོ། །སྔོན་བཞིན་དུ་དབང་བསྐུར་བར་བྱ་སྟེ། །ོཾ་ཙཎྜ་མཧཱ་རོ་ཥ་ན་ཨཱ་བི་ཤ་ཨཱབི་ཤ་ཨ་སྱ་ཧྲི་ད་ཡཾ་ཧཱུཾ་ཕཊ། དེ་ལ་རལ་གྲིའི་དབང་བསྐུར་བ་ནི། ལྕགས་ལ་སོགས་པའི་རང་བཞིན་ལས། རལ་གྲི་དེ་ཡི་ལག་པ་གཡས་སུ་བྱིན་ནས། སྔོན་བཞིན་དུ་དབང་བསྐུར་བར་བྱ་ 374a ༄#། །སྟེ།་ཨོཾ་ཧ་ན་ཧ་ན། མཱ་ར་ཡ་མཱ་ར་ཡ། སརྦ་ཤ་ཏྲཱུཾ་ཛྙཱ་ན་ཁཊྒ་ཧཱུཾ་ཕཊ། དེ་ལ་འདིར་ཞགས་པའི་དབང་བསྐུར་བ་ནི། ཟངས་མ་ལ་སོགས་པ་ལས་བྱས་པའི་ཞགས་པ་དེའི་སྡིགས་མཛུབ་དང་བཅས་པའི་ལག་པ་གཡོན་པར་བྱིན་ནས། སྔོན་བཞིན་དུ་དབང་བསྐུར་བར་བྱ་སྟེ། ཨོཾ་གྲྀཧྣ་གྲྀཧྣ། ཀ་ཧ་ཀ་ཧ། ཀཌྜྷྱཿ ཀཌྜྷྱཿ ། སརྦྦ་དུཥྚཾ་པཱ་ན་ཤེ་བཾ་དྷ་བཾ་དྷ། མཧཱ་ས་ཏྱ་ཏེ་དྷརྨྨ་ཏེ་སཝཱཧཱ། དེ་ལ་འདིར་མིང་གི་དབང་ནི། སློབ་མ་ཁྲོ་བོ་གཏུམ་པོ་ཆེན་པོའི་ཕྱག་རྒྱ་རུ་ཉེ་བར་བཀོད་ནས། དེའི་རྣམ་པར་སེམས་ཀྱིས་དམིགས་ཏེ། ཨོཾ་ཧེ་ཤྲཱི་བྷ་ག་ཝཱ་ན་ཀྲྀཥྞཱ་ཙ་ལ་སིདྡྷི་སྟྭཾ་ཧཱུཾ་ཕཊ། དེ་ནས་སྔོན་བཞིན་དུ་དབང་བསྐུར་བར་བྱའོ། །དེ་བཞིན་སྒྲུབ་པ་པོས་ནག་པོ་ལ་སོགས་པའི་དབྱེ་བས།་མི་གཡོ་བ་རྣམ་པ་ལྔའི་མིང་གིས་དབང་བསྐུར་བ་སྦྱིན་པར་བྱའོ། །ཞེས་པ་ནི་དབང་ལྔའོ། །བུད་མེད་རྣམས་ཀྱི་དབུ་རྒྱན་གྱིས་དབང་བསྐུར་བ་བཞག་ནས། སིནྡྷུ་རའི་དབང་བསྐུར་བ་སྦྱིན་པར་བྱའོ། །རྒྱལ་སྲིད་ཀྱི་ལྷ་མོ་ཆེན་མོའི་ཚུལ་དུ་སློབ་མ་དམིགས་ཏེ། ཨོཾ་བྷ་ག་ཝ་ཏཱི་ཨཱ་བི་ཤ་ཨཱ་བི་ཤ་ཨསྱ་ཧྲྀ་ད་ཡཾ་ཧཱུཾ་ཕཊ། ལྕགས་ལ་སོགས་པའི་གྲི་གུག་དེའི་ལག་པ་གཡས་སུ་སྦྱིན་པར་བྱའོ། །ོཾ་ཀརྟི་ཀེ་སརྦྦ་མཱ་ར་ཎཱཾ་མཱཾ་སཾ་ཀཱརྟ་ཡ་ཀཱརྟ་ཡ་ཧཱུཾ་ཕཊ། ལག་པ་གཡོན་པ་མིའི་ཐོད་པའམ། རྫ་ལས་ 374b བྱས་པ་སྦྱིན་པར་བྱའོ། །ོཾ་བཛྲ་ཀ་པཱ་ལ་སརྦ་ཤ་ཏྲཱུ་ཎཱཾ་རཀྟཾ་དྷ་ར་ཡ་དྷ་ར་ཡ་ཧཱུཾ་ཕཊ། དེ་ནས་བཅོམ་ལྡན་འདས་མའི་ཕྱག་རྒྱ་རུ་རྣམ་པར་བཀོད་ནས། དེའི་རྣམ་པར་དམིགས་ཏེ། ཨོཾ་ཧེ་ཤྲཱི་དྭེ་ཥ་བཛྲི་སིདྡྷི་སྟྭཾ་ཧཱུཾ་ཕཊ། དེ་བཞིན་དུ་བུད་མེད་ནི་ནག་མོ་ལ་སོགས་པའི་ཁ་དོག་གི་དབྱེ་བས་རྣལ་འབྱོར་མ་ལྔ་པོ་རྣམས་ཀྱི་མིང་གིས་དབང་བསྐུར་བར་བྱའོ། །འདིར་ཤེས་རབ་ཀྱི་དབང་བསྐུར་བའི་གནས་སུ་ཐབས་ཀྱི་དབང་བསྐུར་བ་སྦྱིན་པར་བྱའོ་ཞེས་སོ། །དེ་ནས་གསང་བའི་དབང་བསྐུར་བར་གྱུར་པ་ནི་བླ་མ་ལ་སློབ་མས་གོས་ལ་སོགས་པས་ཡང་དག་པར་མཆོད་ནས། དེ་ལ་རང་ཡིད་དུ་འོང་བའི་གཟུགས་དང ། ལང་ཚོས་བརྒྱན་པའི་ཤེས་རབ་མ་དབུལ་བར་བྱའོ། །ཁྱོད་ལ་འདི་ནི་འབུལ་ལགས་ཀྱི། །འདོད་ཀུན་བདེ་བར་རབ་ཏུ་སྩོལ། །བདག་ནི་འདོད་པའི་བདེ་དོན་ཕྱིར། །མགོན་པོ་ཁྱོད་ཀྱིས་བརྩེབས་ཟུང ། །དེ་ནས་བླ་མ་ལ་ཕྱག་འཚལ་ནས་སློབ་མ་ཕྱིར་བྱུང་སྟེ། ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། ཞེས་པའི་སྔགས་བཟླས་ཤིང་གནས་པར་བྱའོ། །ཡང་བླ་མས་ཆང་དང ། ཤ་ལ་སོགས་པ་རྣམས་ཀྱིས་བདག་ཉིད་མཆོད་ནས། ཤེས་རབ་ཀྱང་ཚིམ་པར་བྱས་ཏེ། །ཡང་དག་པར་སྦྱོར་བ་ལས་ཉེ་བར་བྱུང་བའི་དཀར་དམར་ལོ་མའི་སྐྱོང་བུ་ལ་སོགས་པར་བཞག་ནས། སློབ་མ་བོས་ཏེ། དེའི་ལྕེ་ལ་མཐེ་བོང་དང ། མིང་མེད་ཀྱིས་རྫས་ 375a ༄#། །བཟུང་ནས། ཧཱུཾ་ཕཊ་ཀྱི་ཡི་གེ་བྲི་བར་བྱའོ། །དེ་ནས། ཨ་ཧོ་སུ་ཁཾ་ཞེས་བརྗོད་པར་བྱའོ། །དེ་ནས་འདི་བརྗོད་པར་བྱ་སྟེ། དེ་རིང་བདག་གིས་སངས་རྒྱས་ཀྱི་ཡེ་ཤེས་བསྐྱེད་པར་བྱ་ཡི། གང་གིས་འདས་པ་དང ། མ་འོངས་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་རབ་ཏུ་མི་གནས་པའི་མྱ་ངན་ལས་འདས་པ་ཐོབ་པར་འགྱུར་གྱི། འོན་ཀྱང་ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་འདི་སྨྲ་བར་མི་བྱའོ། །དེ་ནས་སློབ་མའི་སྙིང་གར་རལ་གྲི་བཞག་ནས་འདི་སྐད་བརྗོད་པར་བྱ་སྟེ། གལ་ཏེ་སྨྲས་ན་དེའི་ཚེ། ཤིན་ཏུ་རྣོ་བའི་རལ་གྲི་འདི། །ཁྲོ་བོ་གཏུམ་པོའི་ཕྱག་ན་གནས། །གང་གིས་དམ་ཚིག་འཇིག་བྱེད་པ། །དེ་ལ་འདི་ཡིས་མཆོག་ཏུ་གཅོད། །སྐྱེ་བ་བྱེ་བ་སྟོང་རྣམས་སུ། །མི་རྣམས་རལ་གྲི་ལག་འཕྱར་བས། །ཡན་ལག་ཀུན་གཅོད་མགོ་བོ་ནི། །འདི་ཡིས་མཆོག་ཏུ་གཅོད་པར་བྱེད། ། གལ་ཏེ་དམ་ཚིག་འདི་ཉིད་ཀྱིས། །ཁྱོད་ཀྱིས་འཇིགས་པར་འཐོབ་པར་འགྱུར། །དེ་ནས་སློབ་མས་བརྗོད་པར་བྱ་སྟེ། དེ་ལྟར་ངེས་ཞེས་སོ། །དེ་ནས་གདོང་གཡོགས་བཅིངས་ནས། དཀྱིལ་འཁོར་དུ་མེ་ཏོག་དབུལ་བར་བྱའོ། །དེ་ནས་གདོད་གཡོགས་བསལ་ནས། དཀྱིལ་འཁོར་རབ་ཏུ་བསྟན་པར་བྱའོ། །གང་དང ། གང་གིས་ 375b མཚན་མ་དེ་ནས་བསྟན་པར་བྱའོ། །དེ་ནས་སློབ་མ་ལ་ཤེས་རབ་མ་དེ་སྦྱིན་པར་བྱའོ། །གཟུངས་མ་ཡིད་འོང་འདི་ཁྱོད་ཀྱིས། །བསྟེན་བྱར་སངས་རྒྱས་རྣམས་ཀྱིས་གསུངས།། རྨོངས་པ་གང་ཞིག་འདའ་བྱེད་པ། །དེ་ལ་མཆོག་གི་དངོས་གྲུབ་མེད། །ད་ནས་དགའ་བ་བཞིའི་རྣམ་པར་དབྱེ་བ་བླ་མས་རྣ་བར་སྨྲ་བར་བྱའོ། །དེ་ན་བླ་མ་ཕྱི་རོལ་དུ་བྱུང་ནས།། ཤེས་རབ་གཅེར་བུ་ཙོག་བུས་གསང་གནས་མཛུབ་མོས་བསྟན་ནས། ཅི་སྟེ་བུ་ཁྱོད་འདི་སྤྲོ་འམ། །ང་ལས་མི་གཙང་བ་དང་ནི། །བཤང་གཅི་རཀྟ་ཟ་བ་དང ། །བྷ་གའི་གནས་ལ་འོ་བྱེད་དམ། །སྒྲུབ་པ་པོས་སྨྲ་བར་བྱ་སྟེ། ཁྱོད་ལས་མི་གཙང་བཟའ་བ་ནི། །ཅི་ཡི་ཕྱིར་ནི་བདག་མི་སྤྲོ། །ཇི་སྲིད་བྱང་ཆུབ་སྙིང་པོའི་བར། །བདག་གིས་མི་མོ་ཀུན་གུས་བྱ། །དེས་ཀྱང ། ་ཧོ་བདག་གི་པདྨ་འདི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་གས་སྟེན་བྱེད་ན། །བདག་ནི་དངོས་གྲུབ་སྩོལ་མཛད་མ། །བློ་ལྡན་བརྟན་པར་རབ་སྦྱོར་བས། །པདྨ་བྱ་བ་ཇི་བཞིན་གྱིས། །རང་ཉིད་ཁོར་བོ་གཏུམ་པོ་ཆེན་པོར་གནས་པས་བདེ་བ་ཆེན་པོ་སྟེ། དེ་ནས་སྒྲུབ་པ་པོ་བདག་ཉིད་ཁྲོ་བོ་གཏུམ་པོ་ཆེན་པོའི་རྣམ་པར་བསམས་ལ། ཤེས་རབ་ཀྱང་ཞེ་སྡང་རྡོ་རྗེ་མའི་ཚུལ་གྱིས་ཡང་དག་པར་སྦྱོར་བས་དགའ་བ་བཞི་མཚོན་པར་བྱའོ། །དེ་ནས་ཡོངས་སུ་རྫོགས་པ་དང ། ། 376a ༄#། །བླ་མ་ལ་སོགས་པ་ལ་ཆང་དང ། ཤ་ལ་སོགས་ཀྱི་འཁོར་ལོའི་མཆོད་པ་དབུལ་བར་བྱའོ་ཞེས་པ་ནི་ཤེས་རབ་ཀྱི་དབང་ངོ ། །ཞེས་པ་ནི། དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། དབང་བསྐུར་བའི་རིམ་པར་ཕྱེ་བ་སྟེ་གསུམ་པའོ།། །།དེ་ནས་བཅོམ་ལྡན་འདས་མས་གསོལ་པ། ཇི་ལྟར་སྒོམ་པ་པོ་ཡི་ཕྱིར། །ཁྲོ་ཆེན་གཏུམ་པོ་བསྒོམ་པར་བྱ། །སྔགས་ཀྱི་བཟླས་པ་ཇི་ལྟར་བྱ། །དབང་ཕྱུག་དམ་པ་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཡིད་དང་མཐུན་པའི་ས་ཕྱོགས་ནི། །བར་དུ་གཅོད་བ་ཀུན་བྲལ་བར། །ཇི་ལྟར་རྙེད་པའི་སྟན་ཉིད་ལ། །དེ་ལ་མཉམ་གཞག་བརྟག་པར་བྱ། །དང་པོ་བྱམས་པ་བསྒོམ་པར་བྱ། །གཉིས་པར་སྙིང་རྗེ་བསྒོམ་པར་བྱ། །གསུམ་པ་ལ་ནི་དགའ་བ་བསྒོམ། །ཀུན་གྱི་མཐའ་ལ་བཏང་སྙོམས་སོ། །དེ་ནས་རང་གི་ཐུགས་ཀའི་ས་བོན་ལས་པདྨ་དང ། ཟླ་བ་དང ། ཉི་མ་ལ་གནས་པའི་འོད་ཟེར་རྣམས་ཀྱིས་མདུན་དུ་བསམ་གཏན་གྱི་ཁྲོ་བོ་གཏུམ་པོ་བསམས་ནས། ཡིད་ཀྱིས་མཆོད་པ་བྱ་སྟེ།་མཁས་པས་མེ་ཏོག་ལ་སོགས་པས། །ཡིད་ཀྱིས་དེ་རྣམས་མཆོད་པར་བྱ། །དེ་མདུན་སྡིག་པ་བཤགས་པར་བགྱི། །བསོད་ནམས་ལ་ཡང་རྗེས་ཡི་རང ། །གསུམ་ 376b ལ་སྐྱབས་སུ་འགྲོ་བར་བྱ། །བསྐུལ་ཞིང་གསོལ་བ་རབ་ཏུ་འདེབས། །བདག་ཉིད་ཡོངས་སུ་འབུལ་བ་དང ། །བསོད་ནམས་ཡོངས་སུ་བསྔོ་བར་བྱ། །དེ་ནས་སྨོན་ལམ་བཏབ་ནས་ནི། ། བྱང་ཆུབ་སེམས་ནི་བསྐྱེད་པར་བགྱི། །དེ་ནས་ཕྱག་ནི་བཙལ་བྱས་ལ། །འོད་ཟེར་རྣམས་ཀྱིས་སླར་ཡང་བསྡུ། །མཁས་པས་སྟོང་པར་བསམས་པ་ནི། །སྔགས་འདི་ཉིད་ནི་བརྗོད་པར་བྱ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སཝ་བྷཱ་བ་ཨཱཏྨ་ཀོཉཧཾ། རབ་ཏུ་འབད་པའི་ཧཱུཾ་ཡིག་ནི། །འོད་ཟེར་དེ་ཡིས་བསྲེགས་པར་བསམ། །ག་བུར་བསྲེགས་པ་ཇི་བཞིན་བསམ།། འོད་ཟེར་ལ་ཡང་རྣམ་མི་རྟོག་།ཐམས་ཅད་ནམ་མཁའ་ཇི་བཞིན་དུ། །སྐད་ཅིག་གིས་ནི་རྣམ་པར་བསྒོམ། །དྲི་མེད་དག་པའི་ཤེལ་བཞིན་དུ། །རང་ལུས་རྣམ་པར་བསྒོམ་པར་བྱ། །སྔོན་དུ་བསྒོམ་བྱ་ཕྱི་ནས་ནི། །ཡཾ་རཾ་བཾ་ལཾ་བཞི་རྣམས་ལས། །ཡོངས་གྱུར་བསྒོམ་བྱ་རླུང་དང་ནི། །མེ་དང་ཆུ་དང་ས་རྣམས་སོ། །བྷྲུཾ་ཡིག་དེ་ལས་བསྒོམ་བྱ་བ། །གཞལ་ཡས་ཁང་དུ་རབ་ཏུ་སྒོམ། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་ཀྱིས་ཉེ་བར་མཛེས། །དེ་ཡི་དབུས་སུ་བསམ་བྱ་བ། །སྣ་ཚོགས་པདྨ་འདབ་བརྒྱད་ལྡན། །པཾ་ཡིག་ས་བོན་ལས་བྱུང་བ། །དེ་ལ་ཨཾ་ཡིག་ལས་བྱུང་ཟླ། །རཾ་ཡིག་ལས་བྱུང་ཉི་མ་སྟེ། །དེ་སྟེང་ཧཱུཾ་ཡིག་ལས་ཀྱང་སླར། །དེས་བསྐྱེད་མི་བསྐྱོད་པ་རུ་བསམ། །མཱ་མ་ཀཱི་བཅས་ཡང་དག་སྦྱོར།། 377a ༄#། །དེ་ལ་རིམ་བཞིན་རྣལ་འབྱོར་དབང ། །དེ་ཡི་སྤྱི་བོ་ལ་ཐིམ་ནས། །སྐར་མདའ་ཇི་བཞིན་སྦྱོར་བ་ཡིས། །མཱ་མ་ཀཱི་ཡི་བྷ་གར་བསམ། །དེ་ལས་ཁུ་བ་རོ་མཉམ་གྱུར། །ལྷུང་གྱུར་དེ་ཡི་བྷ་གའི་ནང ། །གཏུམ་པོའི་གཟུགས་སུ་གྱུར་ནས་ནི། །བྷ་གའི་མཐའ་ལས་ངེས་བྱུང་ནས། །མི་བསྐྱོད་པ་ལ་རལ་གྲི་ཡིས། །བསྣུན་ནས་ཕྱི་ནས་རབ་ཏུ་བཟའ། །མཱ་མ་ཀཱིས་ཀྱང་དེ་ལས་དེའི། །ཤ་ཟ་བར་ནི་རབ་ཏུ་བསམ། །དེ་ཕྱིར་མཱ་མ་ཀཱིས་བཟུང་ནས། །མ་དང་ཡང་དག་རབ་འདོད་བྱ། །དེས་ཀྱང་འཁྱུད་པར་བསམ་བྱ་བ། །ཞེ་སྡང་རྡོ་རྗེ་མ་ཡི་གཟུགས། །ཕྱག་གཡས་ན་ནི་རལ་གྲི་འཕྱར། །གཡོན་པ་ཞགས་པ་དང་བཅས་པའི། །སྡིགས་མཛུབ་ཀྱིས་ནི་སྡིགས་པར་བྱེད། །སོ་ཡི་མ་མཆུ་ཡང་དག་བསྡམས། །རྐང་གཡས་བརྡེགས་པའི་སྟབས་ཀྱིས་ནི། །བདུད་བཞི་རྣམ་པར་ཉེད་པར་མཛད། །པུས་མོ་གཡོན་པ་ས་ལ་བཙུགས། །འཇིགས་བྱེད་འཁྱོག་པོར་གཟིགས་པ་ཅན། །ནོར་འཛིན་ལ་ནི་སྡིགས་མཛུབ་བསྟན། །པུས་མོ་གཡོན་པའི་རྩེ་མོས་གནས། །མི་བསྐྱོད་སྔོན་པོས་དབུ་རྒྱན་མཛད། །རིན་པོ་ཆེ་ཡི་ཅོད་པན་ཅན། །རྒྱན་རྣམས་ཀུན་གྱིས་བརྒྱན་གྱུར་པའི། །གཞོན་ནུ་ཟུར་ཕུད་ལྔ་དང་ལྡན། །བརྒྱད་གཉིས་ལོ་ཡི་རྣམ་པ་ཅན། །སྤྱན་གཉིས་དམར་པོ་གཙོ་བོ་ཡི། །སེམས་ཉིད་བརྟན་པས་བསྒོམ་པར་བྱ། ། 377b བདག་ཉིད་ཁྲོ་བོ་གཏུམ་གྲུབ་ནས། །དེ་ནས་བསྲུབ་པའི་སྦྱོར་བ་ཡིས། །ཤར་དུ་མི་གཡོ་དཀར་པོ་སྤྲོ། །མེ་མཚམས་གཏི་མུག་རྡོ་རྗེ་མ། །སྟོན་ཀའི་ཟཱ་འོད་དང་མཚུངས་སྤྲོ། །ལྷོ་རུ་མི་གཡོ་སེར་པོ་སྤྲོ། །ཕྲ་མ་རྡོ་རྗེ་བདེན་བྲལ་སེར། །མི་གཡོ་དམར་པོ་ནུབ་ཏུ་སྤྲོ། །རླུང་དུ་འདོད་ཆགས་རྡོ་རྗེ་མ། །མི་གཡོ་ལྗང་གུ་བྱང་ཕྱོགས་སུ། །དབང་ལྡན་ཕྲག་དོག་རྡོ་རྗེ་མ། ། ཕྱི་ནས་ཤེས་རབ་དང་བཅས་དེས། །རང་གི་མགྲིན་པ་ལས་བྱུང་བའི། །ལྷ་མོ་རྣམས་ཀྱིས་གླུ་ཡི་བསྐུལ། །བ་ཧུ་མཻ་ཏྲི་ཏུ་བི་བརྫྫ་ཨ་ཧོ་ཧི་མཱ་ཤུནྣ་ས་ཧཱ་བ་ཏོ། །ཛྫུ་བི་ཡོ་ཨེ་ཕི་ཊཱ་མི་ས་པྤ་ཛ། ག་ཧི་བ་བྷ་བ། གཏི་མུག་རྡོ་རྗེ་མས་སོ། །མཱ་ཀ་རུ་ཎ་ཙི་ཨ་ཕིཊྚ་ཧི་བ་ཧུ་མཱ་ཧོ་ཧི་ཏུ་ཤུནྣ་མཱ་མོ་ཛུ་དེ་ཧ། སུ་དུཀྑི་ཨ་ཧུ་ཨི་ཛིབ་བི་ཧུནྣཿ ། ཕྲ་མ་རྡོ་རྗེ་མ་ཡིས་སོ། །ཀཱི་ས་ཏུ་ཧ་རི་ས། བི་ཧོ་ཧི་ཨ་ཤུནྣ་ཧི་ཀ་ར་སི་པ་བེ་ཤ་།ཏོ་ཛྫུ་ནི་མནྣ་ན་ཀ་རི། ཨ་མཎྞི་ཨཙྪ་ཨི་ལོ་ཨཱ་ཤི་ཥ། འདོད་ཆགས་རྡོ་རྗེ་མའིའོ། །ཛོབ་ན་མཙྪི་ཨུ་པ་ཁེ་ཨ་ནཥྥ་ལ་ཤུནྣཿ ་ཨེ་བིཊྚེ། ཤུནྣ་ས་ཧཱ་བ་བི་གོ་ཨི་ཨ་ཀ་ར་ཧི་ཏུ་མོ་ཨེ་སཾ་མ་གྷིཊྚི། ཕྲག་དོག་རྡོ་རྗེ་མ་འིའོ། །ཁྱབ་བདག་བྱམས་པ་རྣམ་སྤངས་ནས། །སྟོང་པའི་རང་བཞིན་དུ་མ་མཛད། །ཁྱོད་དང་རྣམ་བྲལ་བདག་འགུམ་པས། །འགྲོ་ཀུན་སྟོང་པར་མ་མཛད་ཅིག་།གཏི་མུག་རྡོ་རྗེ་མས་སོ། །སྙིང་རྗེའི་སེམས་བྲལ་བདག་འགུམ་པས། །ཁྱབ་བདག་སྟོང་པར་མ་མཛད་ཅིག་ 378a ༄#། །བདག་གིས་ལུས་ནི་སྡུག་བསྔལ་བས། །འཚོ་བ་དང་བྲལ་མ་མཛད་ཅིག་།ཕྲ་མ་རྡོ་རྗེ་མས་སོ། །ཅི་སྟེ་མཁས་བ་ཁྱོད་ཉིད་ནི། །དགའ་བ་སྤངས་ནས་སྟོང་པར་འཇུག་།འཇིག་རྟེན་མ་ལུས་པ་རྣམས་དང ། །བདག་གི་ཡིད་ནི་ཁྱོད་ལ་སྡོད། །འདོད་ཆགས་རྡོ་རྗེ་མ་ཡིས་སོ། །ལང་ཚོ་དང་ལྡན་བཏང་སྙོམས་པའི། །མིག་ནི་སྟོང་པ་འབྲས་མེད་ཅན། །སྟོང་པའི་རང་བཞིན་ཉིད་སྤོངས་ལ། །བདག་ལ་མཉམ་ཉིད་སྦྱོར་བར་མཛད། །ཕྲག་དོག་རྡོ་རྗེ་མས་སོ། །འདི་ནི་རྨི་ལམ་ལྟར་ཐོས་ནས། །ཁུ་བ་ལས་འཁྲུངས་སྐད་ཅིག་གིས། །སྔོན་མའི་གཟུགས་བཞིན་བསམ་པར་བྱ། །བདག་ཉིད་ཡང་དག་སྦྱོར་དེ་ལས། །མི་གཡོ་དཀར་པོ་ལ་བསྣུན་ནས། །གཏི་མུག་རྡོ་རྗེར་རབ་འདོད་བྱ། །མི་གཡོ་དཀར་པོའི་གཟུགས་སུ་བྱ། །མི་གཡོ་སེར་པོ་སླར་བསད་ནས། །འདོད་བྱ་བྲ་མ་རྡོ་རྗེ་མར། །བདག་ཉིད་མི་གཡོ་སེར་པོར་བྱ། །དེ་བཞིན་མི་གཡོ་དམར་པོ་བསད། །འདོད་ཆགས་རྡོ་རྗེ་མར་འདོད་བྱ། །མི་གཡོ་དམར་པོས་བདག་ཉིད་བྱ། །མི་གཡོ་ལྗང་གུས་བསད་ནས་ཀྱང ། །ཕྲག་དོག་རྡོ་རྗེ་མར་འདོད་བྱ། །མི་གཡོ་ལྗང་གུར་བདག་ཉིད་བྱ། །ལྷ་མོ་བཞི་ལ་ལྔས་\?\་ཆགས་པས། །དཀྱིལ་འཁོར་ཐམས་ཅད་ཡང་དག་བསྡུ། །བདག་ཉིད་གཅིག་ཏུ་ཡང་དག་སྦྱོར། །འབད་པ་ཡིས་ནི་བསྒོམ་པར་ 378b བྱ། །དེ་ལས་ང་རྒྱལ་བྱས་པ་ཡིས། །བདག་ལ་དངོས་གྲུབ་ཐེ་ཚོམ་མེད། །ཁ་དོག་ནག་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་ནག་།ཁ་དོག་དཀར་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་དཀར། །ཁ་དོག་སེར་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་སེར། །ཁ་དོག་དམར་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་དམར། །ཁ་དོག་ལྗང་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་ལྗང ། །ཁ་དོག་ནག་མོའི་བུད་མེད་དེས། །ཞེ་སྡང་རྡོ་རྗེ་མ་བསྒོམ་བྱ། །ཁ་དོག་དཀར་མོའི་བུད་མེད་དེས། །གཏི་མུག་རྡོ་རྗེ་མ་བསྒོ་བྱ། །ཁ་དོག་སེར་མོའི་བུད་མེད་དེས། །ཕྲ་མ་རྡོ་རྗེ་མ་བསྒོམ་བྱ། །ཁ་དོག་དམར་མོའི་བུད་མེད་དེས། །འདོད་ཆགས་རྡོ་རྗེ་མ་བསྒོམ་བྱ། །ཁ་དོག་ལྗང་གུའི་བུད་མེད་དེས། །ཕྲག་དོག་རྡོ་རྗེ་མ་བསྒོམ་བྱ། །སྐྱེས་ཀུན་རྡོ་རྗེའི་རྣལ་འབྱོར་པ། །བུད་མེད་རྡོ་རྗེའི་རྣལ་འབྱོར་མ། །ནག་སོགས་ཁ་དོག་དབྱེ་བ་ཡིས། །འདི་རྣམས་ཀུན་ལ་རབ་ཏུ་བརྟགས། །ཡང་ན་ལས་ཀྱི་དབྱེ་བ་ཡིས། །དཔྱེ་བ་ལྔ་རུ་རབ་ཏུ་བརྟག་།གནག་ཕྱིར་བསད་དང་ཞེ་སྡང་ལ། །ཞི་ལ་དཀར་པོ་དག་ཏུ་འདོད། །རེངས་དང་རྒྱས་ལ་སེར་པོ་སྟེ། །དབང་དང་དགུག་\?\་ལ་དམར་པོའོ། །སྐྲོད་བ་ལས་ནི་ལྗང་གུར་བཤད། །ཡང་ན་རིགས་ཀྱི་རབ་དབྱེ་བས། །བྲམ་ཟེ་དཀར་པོ་དམངས་རིགས་ནག་།གཏུམ་པོ་སེར་པོ་དག་ལ་འདོད། །དམར་པོ་ 379a ༄#། །གར་མ་དག་ལ་འདོད། །ལྗང་གུ་ཚོས་མ་ཞེས་བྱའོ། །བུ་མོ་སྔོ་སངས་མིག་ཡངས་མ། །ནག་མོ་སྒོམ་པ་པོས་འདོད་བྱ། །བུ་མོ་དཀར་པོ་དཀར་མོ་ཡིས། །བུ་མོ་སེར་པོ་སེར་མོ་ཡིས། །བུ་མོ་དམར་པོ་དམར་མོ་ཡིས། །བུ་མོ་ལྗང་གུ་ལྗང་གུ་ཡིས། །ཡང་ན་གང་གིས་དེ་འཛིན་པ། །དེ་དང་དེ་ཡི་སྒོམ་པ་མཆོག་།ཇི་ལྟ་བ་ཡང་མི་ཤེས་པས། །སེམས་ཉིད་བརྟན་པས་འདོད་པ་བྱ། །ཕྱོགས་ཙམ་རབ་ཏུ་སྦྱོར་བ་ལས། །བུ་མོ་དེ་ཡིས་དངོས་གྲུབ་སྟེ། །རྡོ་རྗེའི་ཤུ་ཀྲར་གྱུར་པ་ལ། །ལྕེ་ཡིས་ཀུན་ནས་འཇིབ་པར་བྱ། །ཇི་སྲིད་འདོད་པའི་བཤང་གཅི་ཡང ། །དེ་ཡི་ཁ་དང་བྷ་གར་སྦྱིན། །གུ་ད་པདྨ་རབ་འཇིབ་པས། །བོཥྛཾ་ཙི་འདོད་རབ་བཟའ་བྱ། །ངོ་ཚ་སྐྱུག་བྲོ་བྱེད་གྱུར་ན། །རྣམ་པ་ཀུན་ཏུ་དངོས་གྲུབ་ཉམས། །འདིར་ནི་རང་གི་བཟའ་བ་མཆོག་།སངས་རྒྱས་ཀུན་གྱིས་རབ་ཏུ་བཟས། །ཞེས་པ་ནི་དཔའ་བོ་གཅིག་པུར་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། ལྷ་ཉིད་ཀྱི་རིམ་པར་ཕྱེ་བ་སྟེ་བཞི་པའོ།། །།དེ་ནས་སྔགས་རྣམས་ཀུན་ལས་བཏུས། །བདག་གིས་རབ་ཏུ་བཤད་པར་བགྱི། །དེ་ནས་བཅོམ་ལྡན་འདས་བདུད་ཐམས་ཅད་ཀྱིས་མི་ཐུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྔགས་ཀུན་ལས་བཏུས་ 379b པ་འདི་གསུངས་སོ། །ོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། རྩ་བའི་སྔགས་སོ། །ོཾ་ཨ་ཙ་ལ་ཧཱུཾ་ཧྲཱིཾ། རྩ་བའི་སྔགས་གཉིས་པའོ། །ོཾ་ཧཱུཾ་ཕཊ། རྩ་བའི་སྔགས་གསུམ་པའོ། །ཧཱུཾ་སྙིང་པོའི་སྔགས་སོ། །ཧཱུཾ་སྙིང་པོའི་སྔགས་གཉིས་པའོ། །ཧཾ་སྙིང་པོའི་སྔགས་གསུམ་པའོ། །ོཾ་ཧྲཱིཾ་ཧྲཱིཾ་ཧྲཾ་ཙཎྜ་རཱུ་པེ་ཙ་ཊ་ཙ་ཊ། པྲ་ཙ་ཊ་པྲ་ཙ་ཊ། ཀ་ཧ་ཀ་ཧ། པྲ་ཕུ་ར་པྲ་ཕུ་ར། པྲ་སྥཱ་ར་ཡ་པྲ་སྥཱ་ར་ཡ། ཧ་ན་ཧ་ན། གྲ་ས་གྲ་ས། བནྡྷ་བནྡྷ། ཛམྦྷ་ཡ་ཛམྦྷ་ཡ། སྟམྦྷ་ཡ་སྟམྦྷ་ཡ། མོ་ཧ་ཡ་མོ་ཧ་ཡ། སརྦྦ་ཤ་ཏྲཱུ་ཎཱཾ། མུ་ཁཾ་བནྡྷ་ནཱི། ཀུ་རུ་ཀུ་རུ། སརྦྦ་ཌཱ་ཀི་ནཱི་ནཱཾ་གྲ་ཧ་གྲ་ཧ། བྷཱུཾ་ཏ་པི་ཤཱ་ཙ་བྱཱ་དྷི་ཡཀྵཱ་ཎཱཾ། ཏྲཱ་ས་ཡ་ཏྲཱ་ས་ཡ། མཱ་ར་མཱ་ར། མཱ་ར་ཡ་མཱ་ར་ཡ། རུ་རུ་ཙཎྜ་རུ་ཀ་རཀྵ་རཀྵ་མཾ། ལྷས་སྦྱིན་ལ་ཙཎྜ་མཧཱ་སེ་ནཿ ། སརྦྦ་མཱ་ཛྙཱ་པ་ཡ་ཏི། ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། ཕྲེང་བའི་སྔགས་སོ། །ན་མཿ སརྦྦ་ཤཱཾ་པ་རི་པཱུ་ར་ཀེ་བྷྱཿ སརྦྦ་ཏ་ཐཱ་ག་ཏེ་བྷྱཿ སརྦྦ་ཐ་ཨ་ཙ་ལ་ཀཱ་ཎ་ནཊྚ་ནཊྚ། མོཊྚ་མོཊྚ། སོཊྚ་སཊྚ། ཏུཊྚ་ཏུཊྚ། ཏིཥྛ་ཏིཥྛ། ཨཱ་བི་ཤ་ཨཱ་བི་ཤ། ཨཱ་མཧཱ་མཏྟ་བ་ལ་ཀ་དྷུ་ན་དྷུ་ན། ཏི་ཎ་ཏི་ཎ། ཁཱ་ད་ཁཱ་ད། བིགྷྣ་མཱ་ར་ཡ་མཱ་ར་ཡ། དུཥྚཾ་བྷཀྵ་བྷཀྵ། སརྦྦ་ཀུ་རུ་ཀུ་རུ། ཀི་རི་ཀི་རི། མཧཱ་བི་ཥ་བཛྲ་ཕཊ། ཧཱུཾ་ཧཱུཾ་ཧཱུཾ་ཏྲི་བ་ལི་ཏ་རཾ་གཱ་བརྟ་ཀ་ཧཾ་ཧཾ་ཧཾ་ཨ་ཙ་ལེ་ཙེ་ཊ་ཕཊ། སྥཱོཊ་ཡ་ཧཱུཾ་ཧཱུཾ། ས་མནྟི་ཀ་ཊཱ་ཊ་མཧཱ་བ་ལ་སཱཏ་ཡེ། ས་མཱ་ནཱ་ཡ། ཏྲཱཾ་མཾ་ཧཱཾ། ཤུ་དྷྱཾ་ཏུ་ལོ་ཀཿ ཏུ་ཥྱ་ཏུ་བཛྲཱི་ན་མོ་སྟྭ་ཨ་པྲ་ཏི་ཧ་ཏ་པ་ 380a ༄#། །ལེ་བྷྱཿ ཛྭཱ་ལ་ཡ་ཏྲཱ་ཊ་ཧཱ་ས་ན་མཿ སཝཱཧཱ། ཕྲེང་བའི་སྔགས་གཉིས་པའོ། །ན་མཿ སརྦྦཱ་ཤཱ་པ་རི་ཕཱུ་ར་ཀེ་བྷྱཿ སརྦྦ་ཏ་ཐཱ་ག་ཏེ་བྷྱཿ སརྦྦདྲཱཊྚ། ཨ་མོ་གྷ་ཙཎྜ་མཧཱ་རོ་ཥ་ཎ། སྥོ་ཊ་ཡ་སྥོ་ཊ་ཡ་ཧཱུཾ། བྷྲ་མ་ཡ་བྷྲ་མ་ཡ་ཧཱུཾ། ཏྲཱ་ཊ་མོ་ཧཱ། ཕྲེང་བའི་སྔགས་གསུམ་པའོ་ཞེས་པ་ནི་མི་གཡོ་བ་ལྔ་པོ་རྣམས་ཀྱི་སྤྱིའི་སྔགས་སོ། །བྱེ་བྲག་\?\་པའི་སྔགས་ནི། ཨོཾ་ཀྲིཥྞཱ་ཙ་ལ་ཧཱུཾ་ཕཊ། ཨོཾ་ཤཝེ་ཏཱ་ཙ་ལ་ཧཱུཾ་ཕཊ། ཨོཾ་པཱི་ཏཱ་ཙ་ལ་ཧཱུཾ་ཕཊ། ཨོཾ་རཀྟཱ་ཙ་ལ་ཧཱུཾ་ཕཊ། ཨོཾ་ཤྱཱ་མཱ་ཙ་ལ་ཧཱུཾ་ཕཊ། ལྷ་མོ་རྣམས་ཀྱི་ཐུན་མོང་པའི་སྔགས་ནི། ཨོཾ་བཛྲ་ཡོ་གི་ནཱི་ཧཱུཾ་ཕཊ། རྩ་བའི་སྔགས་སོ། །ོཾ་པྲ་ཛྙཱ་པ་ར་མི་ཏེ་ཧཱུཾ་ཕཊ། རྩ་བའི་སྔགས་གཉིས་པའོ། །ོཾ་བཽ་ཧ་རི་ཧཱུཾ་ཕཊ། རྩ་བའི་སྔགས་གསུམ་པའོ། །ོཾ་བི་ཙུ་པི་ཙུ་པྲཛྙཱ་བརྡྷ་ནི།་ཛྭཱ་ལ་ཛྭཱ་ལ་མེ་དྷ་བརྡྷ་ནི། དྷི་རི་དྷི་རི། བུད་དྷཱི་བརྡྷ་ནི་སཝཱཧཱ། ཕྲེང་བའི་སྔགས་སོ། །བྱེ་བྲག་པའི་སྔགས་ནི། ཨོཾ་དེ་ཥ་བཛྲི་ཧཱུཾ་ཕཊ། ཨོཾ་མོ་ཧ་བཛྲཱི་ཧཱུཾ་ཕཊ། ཨོཾ་པེ་ཤུ་བཛྲཱི་ཧཱུཾ་ཕཊ། ཨོཾ་རཱ་གེ་བཛྲཱི་ཧཱུཾ་ཕཊ། ཨོཾ་ཨཱི་ར་ཥྱ་བཛྲི་ཧཱུཾ་ཕཊ། གཏོར་མའི་སྤྱི་སྔགས་ནི། ཨོཾ་ན་མོ་བྷ་ག་བ་ཏེ་ཤྲཱི་ཙཎྜ་མཧཱ་རོ་ཥ་ཎཱ་ཡ་དེ་བཱ་སུ་ར། མ་ནུ་ཥྱ་ཏྲཱ་ས་ཡ་ནཱ་ཡ། ས་མ་སྟ་མཱ་ར་པ་\?\་ལ་\?\། བི་ནཱ་\?\་ཤ་ན་ཡ། རཏྣ་མུ་ཀུ་ཊ་ཀྲྀ་ཏ་ཤི་ར་སེ་ཨི་མཾ། བ་ལིཾ་གྲྀ་ཧྣ་གྲྀ་ཧྣ་མ་མ་སརྦྦ་བི་གྷྞཱཾ། ཧ་ར་ཧ་ར། ཙ་ཏུརྨཱ་རཱཾ་ནི་བཱ་ར་ཡ་ནི། པཱ་ར་ཡ། ཏྲཱ་ས་ཏྲཱ་ས། བྷྲ་མ་བྷྲ་ 380b མ།་ཙྪིནྡ་ཙྪིནྡ། བྷིནྡ་བྷིནྡ། ནཱ་ཤ་ནཱ་ཤ་།ཏཱ་པ་ཏཱ་པ། ཤོ་ཥ་ཤོ་ཥ། ཙྪེ་ད་ཙྪེ་ད། བྷེ་ད་བྷེ་ད། དུཥྚ་སཏྭན། མ་མ་བི་རུདྡྷ་ཙི་ཏ་ཏ་ཀཾ། བྷ་སྨཱིཾ་ཀུ་རུ་ཀུ་རུ། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་ཕཊ་སཝཱཧཱ། ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། སྔགས་ཀྱི་རིམ་པར་ཕྱེ་བ་སྟེ་ལྔ་པའོ།། །།དེ་ནས་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་བཅོམ་ལྡན་འདས་ཀྱིས་དམ་དུ་འཁྱུད་ནས། པདྨ་དང་རྡོ་རྗེ་རབ་ཏུ་སྦྱོར་བས་གསུངས་པ། རྫོགས་པའི་རིམ་པའི་སྦྱོར་བ་ཡི། །བསྒོམ་པར་བྱ་བ་ཅི་འདྲ་ཞིག་།རྣལ་འབྱོར་རྣམས་ལ་ངེས་ཕན་ཕྱིར། །དྲི་བ་མཐའ་དག་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྫོགས་པའི་རིམ་བའི་སྦྱོར་གནས་པའི། །གཅིག་སྦྱོར་དེ་མཆོག་རྣལ་འབྱོར་པ། །ཉིན་མཚན་བདག་གི་ཚུལ་གྱིས་ནི། །སེམས་རྩེ་གཅིག་པས་བསྒོམ་པར་བྱ། །རེ་ཞིག་རང་གི་བུད་མེད་ཀྱང། །ཁྱོད་ཀྱི་གཟུགས་སུ་ངེས་པར་བརྟག་།དེ་ཉིད་ཤིན་ཏུ་སྔོན་སྦྱོར་བས། །ཇི་ལྟ་བ་བཞིན་གསལ་པོར་བགྲོད། །མ་དང་བུ་མོ་དེ་ནས་ནི། །སྲིང་མོ་དང་ནི་ཚ་མོ་དང ། ། གཞན་ཡང་ཉེ་དུ་ཀུན་དང་ནི། །དེ་བཞིན་ཌོམྦི་བྲམ་ཟེ་མོ། །གཏུམ་མོ་དང་ནི་གར་མ་དང ། །ཚོས་མ་དང་ནི་གཟུགས་ཀྱིས་འཚོ། །བརྟུལ་ཞུགས་ཅན་མ་རྣལ་འབྱོར་མ། ། 381a ༄#། །དེ་བཞིན་ཐོད་པ་ཅན་མ་ཡང ། །གཞན་ཡང་ཇི་ལྟར་རྙེད་པ་ཡི། །བུད་མེད་གཟུགས་ཀྱིས་ཡང་དག་གནས། །ཆོ་ག་མཁས་པས་བསྟེན་པར་བྱ། །ཇི་ལྟར་འཇིག་པར་མི་འགྱུར་བས། །ཞིག་ན་ཁྲོ་བོ་གཏུམ་པོ་ནི། །ཁྲོས་པས་སྒྲུབ་པ་པོ་འཇོམས་བྱེད། །རལ་གྲི་ཞགས་པས་འཇིགས་བྱེད་ཅན། །མནར་མེད་པར་ཡང་ལྟུང་བར་བྱེད། །འཇིག་རྟེན་འདིར་ཡང་དངོས་གྲུབ་མེད། །འཇིག་རྟེན་ཕ་རོལ་ཀྱང་དེ་བཞིན། །དེ་ཕྱིར་ཤིན་ཏུ་གསང་བ་ཡིན། །གཉིས་ཀྱི་སྤྱོད་ཡུལ་མིན་པར་བྱ། །ཁྲོ་བོ་གཏུམ་པོའི་སྒྲུབ་ཐབས་ནི། །མཁའ་འགྲོ་མ་ཡི་སྔགས་བཞིན་སྔ། །ཤིན་ཏུ་འདོད་ལྡན་དོན་གྱི་ཕྱིར། །སངས་རྒྱས་བདག་ཉིད་ཀྱིས་གསུངས་པ། །བར་དུ་གཅོད་པ་ཀུན་སྤངས་པའི། །ཡིད་དང་མཐུན་པའི་ས་ཕྱོགས་སུ། །རང་སེམས་འདོད་ལྡན་མ་དགའ་མ། །རབ་ཏུ་སྦས་པས་བརྩམ་པར་བྱ། །ཤེས་རབ་ཕ་རོལ་ཕྱིན་དགའ་མས། །བདག་ནི་སངས་རྒྱས་མི་གཡོར་འགྲུབ། །རང་གཟུགས་ཤིན་ཏུ་འབད་པ་ཡིས། །མཁས་པས་སེམས་ཀྱིས་བསྒོམ་པར་བྱ། །སྐྱེ་བོས་དབེན་བྱས་གནས་སུ་ནི། །ཇི་ལྟར་རྙེད་པའི་གོས་ཀྱིས་ནི། །གཉིས་གཉིས་ཕན་ཚུན་སྦྱོར་བ་ཡིས། །རབ་ཏུ་འབད་དེ་བསྒོམ་པར་བྱ། །མི་མོ་མངོན་སུམ་བྱས་ནས་ནི། །མངོན་དུ་ 381b ཕྱོགས་པས་ཉེར་འདུག་སྟེ། །ཕན་ཚུན་གཉིས་པོ་ཆགས་པ་ཡིས། །རབ་དགའ་ཕན་ཚུན་བལྟ་བར་བྱ། །དེ་ལས་མཐོང་བའི་བསམ་གཏན་ནི། །ཡིད་ནི་རྩེ་གཅིག་གནས་པར་བྱ། །དེ་ཡིས་དེ་ལ་དེ་ཉིད་བརྗོད། །བདེ་བའི་གཟི་མདངས་བྱེད་པ་སྨྲ། །དེ་ལ་བུ་ཁྱོད་བདག་གི་བདག་།ཁྱོད་ནི་མིང་པོ་མེས་པོ་དང ། །བདག་ནི་ཁྱོད་ཀྱི་ཆུང་མ་མ། །སྲིང་མོ་དང་ནི་ཚ་མོ་ཡིན། །སྐྱེ་བོ་བདུན་རྒྱུད་ཞབས་འབྲིང་བ། །ཁྱོད་ནི་བདག་གི་གཡོག་ཡིན་ཏེ། །བདག་ནི་ཁྱོད་ཀྱིས་རིན་གྱིས་ཉོས། །བདག་གི་ཁྱོད་ཀྱི་རྗེ་དཔོན་མ། །རྐང་པ་དག་གི་དྲུང་བཏུད་ནས། །ཤིན་ཏུ་ཐལ་མོ་རབ་སྦྱར་ནས། །དེ་ལ་འདི་བཞིན་བརྗོད་པར་བྱ། །བདེ་བའི་གཟི་མདངས་མཆོག་བྱེད་བརྗོད། །ཁྱོད་ནི་བདག་གི་ཕ་དང་མ། །བདག་གི་ཆུང་མ་ཚ་མོ་ཡིན། །སྲིང་མོའི་བུ་ཡི་ཆུང་མ་དང ། །ཁྱོད་ནི་བདག་གི་རྗེ་བོ་ཡིན། །ཁྱོད་ཀྱི་བདག་ནི་རྣམ་ཀུན་ཏུ། །ཤིན་ཏུ་གུས་པའི་དཔུང་གཉེན་གཡོག་།བདག་ལ་ཡུམ་གྱིས་བརྩེ་བས་གཟིགས། །ཡིད་འོང་ལྟ་བས་ངེས་བལྟས་ནས། །དེ་ནས་ཡང་དང་ཡང་དུ་ནི། །སྐྱེས་བུ་ཡིས་ནི་ཙུམྦ་བྱ། །ཡི་གེ་གསུམ་ནི་གྷོ་སོགས་སྦྱིན། །ཁ་ལས་ཁ་ཡི་བདུད་རྩི་དང ། །ལངས་ནས་པད་མ་བསྟན་པར་བྱ། །མིག་འཕྲུལ་ཁ་ཡིས་འཇིབ་བྱས་ནས། །ཀུ་ཙ་སྙིང་གར་བཙིར་བར་བྱ། །མངོན་ཕྱོགས་དེ་ཡི་གདོང་བལྟས་ནས། །ཙུ་ཏིའི་ 382a ༄#། །གནས་ལ་སྨྲས་པར་བྱ། །དེ་ལ་བལྟ་བའི་ཚིག་ལ་ནི། །བདག་གི་རྣམ་པར་སྣང་མཛད་བཟའ། །ཁྱོད་ནི་མི་བསྐྱོད་ཆུ་འཐུང་ནས། །བུ་དང་ཕ་དང་བྲན་པོའོ། །ཁྱོད་ཀྱི་རྗེ་དཔོན་མ་ཉིད་ང ། །རྒྱལ་རིགས་མ་ཡི་ཡུམ་ཉིད་ཀྱང ། །བུ་ཁྱོད་རབ་ཏུ་འབད་པ་ཡིས། །བདག་གིས་ཞབས་ལ་སྐྱབས་སུ་སོང ། །གང་ཕྱིར་བདག་ནི་འཕེལ་བྱེད་མ། །ཁྱོད་ལ་རིན་ཆེན་ཉེ་བར་འོངས། །བུ་ཁྱོད་བྱས་གཟོར་གྱིས་ཤིག་ཀྱེ། །རྡོ་རྗེས་བདེ་སྐྱེད་བདག་ལ་བྱིན། །དབུས་སུ་ཟེ་འབྲུས་བརྒྱན་པ་ཡི། །ཆུ་སྐྱེས་འདབ་མ་གསུམ་པར་གཟིགས། ། ཧོ་བདེ་བ་ཅན་གྱི་ཞིང ། །སངས་རྒྱས་སྐུ་མདོག་དམར་པོས་མཛེས། །ཆགས་ཅན་ཞི་བདེ་སྟེར་མཛད་མ། །རྟོག་པ་ཐམས་ཅད་རྣམ་པར་སྤངས། །བདག་ནི་གན་རྒྱལ་ཡང་དག་སྦྱར། །ཆགས་པས་ཡིད་ནི་རྣམ་པར་མོས། །ཕྲག་པར་རྐང་པ་ཟུང་བྱིན་ནས། །བདག་གི་སྟེང་དང་འོག་ཏུ་ལྟོས། ། དེ་ནས་རྡོ་རྗེ་རབ་བསད་པས། །པད་དབུས་རན་དྷར་རབ་ཏུ་གཞུག་།བརྒྱ་སྟོང་འབུམ་དང་བྱེ་བ་ཕྲག་།དེ་ནས་བསྐྱོད་པ་ཉིད་དུ་གྱིས། །བདག་པད་འདབ་མ་གསུམ་ལྡན་དང ། ཤ་ཡིས་རབ་ཏུ་གང་ལྡན་ལ། །རང་གི་རྡོ་རྗེར་དེ་གཞུག་པས། །སེམས་ཉིད་བདེ་བས་རབ་ཏུ་མཆོད། །རླུང་དང་རླུང་གིས་བདག་པད་ལ། །སྙིང་པོ་ལས་ 382b ནི་སྙིང་པོ་མཆོག་།རྡོ་རྗེའི་རྩེ་མོར་རབ་ཏུ་རིག་།བནྡྷུ་དམར་པོ་དང་མཚུངས་པ། །འཛག་པའི་བསམ་གཏན་དེ་ལ་ནི། །སླར་ཡང་སེམས་ཉིད་ཚིམ་པར་བྱ། །ཤིན་ཏུ་མི་གཡོའི་སེམས་ཉིད་ཀྱིས། །བདེ་བ་དེ་སྐྱེས་བསྒོམ་པར་བྱ། །དེ་ལ་ལན་ནི་རབ་ཏུ་སྦྱིན། །དགའ་མ་ཁྱོད་ནི་སྐད་ཅིག་སྡོད། །ཇི་སྲིད་མ་ལུས་བྷ་གའི་གཟུགས། །སྐད་ཅིག་ཙམ་ཞིག་བསམ་པར་བྱ། །དེ་ལ་ཡུམ་གྱུར་ཅིག་ཉིད་ངེས་པར་འགྲོ་བ་གསུམ་རྣམས་ཞིང་དང་བདེ་བའི་མ་མ་དེ། །སྡིག་པའི་ལས་ལ་གནས་ཉིད་མུ་ཅོར་སྨྲ་བ་ཞེ་སྡང་བ་ལས་འདི་ནི་སྨོད་པར་བྱེད། །དེ་དང་དེ་རྣམས་གཏིང་མཐའ་མེད་པའི་དམྱལ་བར་དེ་ཉིད་མི་བཟད་རྟག་ཏུ་སྡུག་བསྔལ་ཉིད། །ལུས་ནི་ལན་མང་མེ་ཡིས་སྲེག་ཅིང་དུ་འབོད་དུ་ནི་བསྐལ་པ་གསུམ་དུ་གནས་པར་བྱེད། །མི་མོའི་ཡོན་ཏན་གང་བརྗོད་ན། །སེམས་ཅན་ཐམས་ཅད་ཡོངས་སུ་འཛིན། །ཇི་སྙེད་བརྩེ་དང་སྲུང་བ་དང ། །མི་མོའི་སེམས་ཉིད་ལ་རབ་གནས། །རང་གཞན་སྐྱེ་བ་དེ་སྙེད་ཀྱང ། །ཀུན་ཀྱང་དེ་ལ་ཡང་ཡང་རྒྱས། །དཔལ་གྱི་རྡོ་རྗེ་རྣལ་འབྱོར་མ། །གལ་ཏེ་དེ་གཟུགས་ལས་གཞན་མིན། །དེ་ཡི་ལྟ་དང་རེག་པ་དང ། ། ཉེད་པ་ཀུན་ལས་རིང་ཞོག་གི་།གང་ཞིག་དྲན་པ་ཙམ་གྱིས་ཀྱང ། །སྐད་ཅིག་དེ་ལ་བདེ་བ་ཐོབ། །ཡུལ་ལྔ་རྣམས་ལ་མི་མོ་ཡི། །གཟུགས་འདི་ཉིད་ནི་མཆོག་ཏུ་གནས། །དེ་ལ་ 383a ༄#། །བདེ་བ་འབབ་མཛད་པ། །སྐྱེས་བུ་རྣམས་ཀྱིས་རོལ་པར་གྱིས། །དེ་ཕྱིར་ཉེས་ལས་ངེས་གྲོལ་བ། །ཡོན་ཏན་དམ་པ་ཀུན་གྱིས་བརྒྱན། །བསོད་ནམས་བསོད་ནམས་བསོད་ནམས་ཆེ། །ཡུམ་གྱིས་བདག་ལ་བཀའ་དྲིན་མཛོད། །དེ་ནས་དེ་ལ་ཤིན་ཏུ་བལྟས། །མཆུ་ནི་སོ་ཡིས་བསྡམ་པར་བྱ། །ནུ་མ་འགྲམ་དང་སིཏ་ཡོག་དང། །དེ་ཡི་གོས་བྲལ་རྣལ་འབྱོར་པས། །བྱེད་བཅིང་གིས་ནི་བདེ་འབྱུང་བྱ། །དོ་ལི་ལ་ཞོན་བཅིང་བ་དང ། །པུས་མོ་བཟུང་ལ་དེ་ཉིད་བཅིང ། །བཅིང་བ་བརླ་ཉིད་པ་ཡང་ཡིན། །རྐང་པས་གཅོད་བྱེད་བཅིང་བ་ཡང ། །བཅིང་བས་ལ་མནན་པར་བྱ། །མཁས་པས་མཉམ་བཅིང་དེ་ཉིད་ནི། །བཅིང་བ་རི་མོ་ཅན་ཞེས་བྱ། །དཔུང་པའི་དྲ་བ་བཅིང་བ་དང ། །འཁྲུལ་འཁོར་དེར་ཞོན་རྐང་པ་ཅན། །དེ་བཞིན་ཉིད་དུ་རུས་སྦལ་བཅིང ། །ཀུན་ནས་བཟང་པོ་དེ་བཞིན་ཉིད། །དེ་ལ་སྐྱིལ་ཀྲུང་དབུས་སུ་ནི། །མི་མོ་ཙོག་པུ་སྟན་ལ་འདུག་།དཔུང་པ་ཟུང་གིས་ཕྲག་པ་ལ། །དེ་ལ་དམ་དུ་སྦྱར་བར་བྱ། །རང་གི་ལག་པ་ཟུང་དག་དེའི། །རྐེད་པའི་དབུས་སུ་ཉེར་སོན་ཏོ། །པདྨར་རྡོ་རྗེ་རབ་བཅུག་ནས། །བདེ་བ་འབྱུང་བའི་བཅིང་བར་གྲག་།གཉིས་ཀའི་ལག་ཟུང་རབ་བཅུག་ནས། །ཕན་ཚུན་སྦྱོར་བས་བཅིང་བར་བྱ། །གཉིས་ཀས་ཅུང་ཟད་བསྐྱོད་པར་ 383b བྱ། །དོ་ལིའི་བསྐྱོད་པ་ཞེས་གྲགས་སོ། །དེ་ཡི་བུས་གཉིས་རང་གི་ནི། །སྙིང་ག་ཉིད་དུ་ཡང་དག་སྦྱར། །དོ་ལི་བསྐྱོད་པའི་བྱེད་པ་དགོད། །འདི་ནི་པུས་མོ་བཟུང་ནས་བཅིང ། ། དེ་ཡི་རྐང་མཐིལ་རང་ཉིད་ཀྱི། །བརླ་ཡི་ཁར་ཡང་སྦྱར་བར་བྱ། །བདེ་བ་འབྱུང་བྱེད་བཀོད་པ་ཡིས། །འདི་ནི་བརླ་ཉེད་བཅིང་བ་འོ། །དེ་ཡི་ནུ་མ་རྐང་པ་དང ། །ལྟེ་བ་སྙིང་ག་ལོགས་གཉིས་བཀབ། །དོ་ལི་གཡོ་བའི་བྱེད་པ་དགོད། །བཅིང་བ་འདི་ནི་རྐང་པས་སྤྱོད། །དེ་ཡི་འཕོངས་གཉིས་ས་ལ་གཞག་།ཕ་རོལ་ལ་ནི་འཁྱུད་པ་པོས། །བདེ་བ་འབྱུང་བྱེད་བཀོད་ནས་ནི། །བཅིང་བ་འདི་ནི་ས་ལ་མནན། །ཙོག་པུས་ཡང་དག་གནས་དེ་ལ། །རྐང་པ་གཉིས་པོ་རབ་བརྐྱང་བྱ། །བཅིང་བ་མཉམ་དུ་ཤེས་བྱས་ལ། །རེ་རེ་ཞིང་ཡང་བརྐྱང་བར་བྱ། །དེ་ཡི་རྐང་ཟུང་འཁོར་ལོར་བྱས། །གཡོན་པར་རབ་ཏུ་སྦྱར་བར་བྱ། །ཀུན་ནས་མངོན་པར་ཕྱོགས་པས་ཀྱང ། །རྒྱབ་ནས་ཕོངས་ལ་རེག་པར་བྱ། །ལག་པས་དང་པོར་མཉེ་བར་བྱ། །བཅིང་འདི་ཙི་ཏྲ་ཅན་ཞེས་བྱ། །སླར་ཡང་བདེ་བ་འབྱུང་བྱས་ནས། །དེ་ལ་གན་རྒྱལ་བསྒྱེལ་བར་བྱ། །ལག་པ་གཡས་པས་དེ་ཉིད་དུ། །པདྨར་རྡོ་རྗེ་ངེས་གཞུག་བྱ། །དེ་ཡི་པུས་མོའི་འོག་བཟུང་ནས། །ཀླུ་ཁུགས་སྟེང་དུ་སྦྱར་བར་བྱ། །ཕན་ཚུན་ལག་པ་གཉིས་ཀྱིས་ནི། །བུང་བའི་དྲ་བ་ཞེས་སུ་ 384a ༄#། །ཤེས། །དེ་ཡི་རྐང་པ་ཟུང་དག་ནི། །ཕྲག་པའི་སྟེང་དུ་ངེས་པར་བྱིན། །བཅིང་བ་འདི་ནི་འཁྲུལ་འཁོར་ཞོན། །འབེབས་ཤིང་འབེབས་པས་རབ་ཏུ་སྦྱོར། །དེ་ཡི་རྐང་གཡོན་ཕྲག་པ་ལ། །གཡས་གཡོན་བརླ་ཡི་རྩ་བ་ལས། །དེ་ཡི་རྐང་གཡས་གཡོན་པ་ལས། །གཡས་པ་ཡི་ནི་རྩ་བ་རུ། །འདིར་ནི་རྐང་པ་སྟེང་བཅིང་བས། །ཡང་དག་བདེ་བས་སྡུག་བསྔལ་འཇོམས། །དེ་ཡི་རྐང་པའི་མཐིལ་ལ་ནི། །བྲང་གི་དབུས་སུ་མཉམ་དུ་སྦྱར། །ལག་པ་གཉིས་ཀྱིས་བཙིར་བར་བྱ། ། པུས་མོ་རུས་སྦལ་བཅིང་བར་གསུངས། །དེ་ཡི་རྐང་པའི་མཐིལ་ལ་ནི། །མིག་དང་རྣ་བ་མགོ་བོ་སྦྱར། །བཅིང་བ་འདི་ནི་ཀུན་ཏུ་བཟང ། །འདོད་ཀུན་བདེ་བ་རབ་ཏུ་སྟེར། ། ཙི་ཏྲ་ཇི་སྲིད་སྐྱིལ་ཀྲུང་བྱས། །ཀུན་ནས་སྣ་ཚོགས་པ་ཡི་ནི། །ཁྲོ་བོ་གཏུམ་པོ་སྦྱོར་བ་ཡིས། །ཀུན་ནས་རྣམ་པ་སྣ་ཚོགས་པ། །ཇི་སྲིད་འདོད་པས་ཡང་ནས་ཡང ། །དེ་ཡི་ཁ་ལ་འོ་བྱ་འོ། །མིག་ནི་ཟིམ་བུས་གདོང་དུ་བལྟ། །ཇི་ལྟར་འདོད་ཚིག་སྨྲ་བ་ཡི། །གདོང་ལ་ལྕེ་ཡིས་འཇིབ་པར་བྱ། །དེ་ཡི་ཁ་ནས་བྱུང་བའང་བཏུང ། །སོ་ཡི་དྲི་མའང་ཟ་ཞིང་འཇིབ། །བདེ་བར་རྣམ་པར་བསྒོམ་པར་བྱ། །ཆོ་ག་ཤེས་པས་ཅུང་ཟད་དུ། །སོ་ཡིས་ལྕེ་དང་མཆུ་ནི་བསྔམ། །ལྕེ་ཡིས་སྣ་ཡི་བུ་ག་དང ། །མིག་གི་ཟུར་ 384b ཀྱང་སྦྱར་བར་བྱ། །སོ་དང་མཆན་ཁུང་ལས་བྱུང་པའི། །དྲི་མ་ཀུན་ཀྱང་བཟའ་བར་བྱ། །མགོ་དང་མིག་དང་མགྲིན་པ་རྣ། །ལོགས་དག་རྐེད་པ་ནུ་མ་ལག་།འོས་འཇིབ་སེན་མོ་སྦྱིན་པར་བྱ། །མིག་གཉིས་སྤངས་ལ་བུད་མེད་ལ། །ལག་པས་ནུ་མ་མཉེ་བྱ་ཞིང ། །སོ་ཡང་གདབ་བཅིང་འཇིབ་པར་བྱ། །རང་གིས་གན་རྒྐྱལ་བྱས་ནས་འཇིབ། །ལྟོ་བ་མཛེས་ལ་འཇིབ་བར་བྱ། །བདག་གིས་མངོན་ནས་འདི་ཉིད་ནི། །ཡང་དང་ཡང་ནི་དྲན་པར་བྱ། །པདྨར་ལག་པས་རེག་པར་བྱ། །རླུང་གིས་མཛེས་པ་ཞེས་སྨྲ་བ། །དེ་ལ་འོ་དང་སེན་མོ་སྦྱིན། །བལྟ་ཞིང་ལག་པས་གསལ་བར་བྱ། །མི་མོའི་དྲི་མ་མནམ་བྱ་ཞིང ། །བུ་གའང་རོ་འཛིན་གྱིས་སྦྱང་བྱ། །ཇི་ལྟ་བར་ནི་བདག་ཞུགས་ནས། །འདི་ཡིས་ཀྱང་ནི་དཔག་མེད་བསྐྱེད། །དེ་ལ་བལྟ་ཞིང་ཚིག་འདི་བརྗོད། །ལམ་འདི་ཉིད་ནི་དྲང་པོ་སྟེ། །དེ་ཉིད་མི་ཤེས་སྦྱོར་བ་ཡི། །ལམ་འདིས་འགྲོ་བ་དྲུག་ཏུ་འཇུག་།སྦྱོར་བ་རབ་ཏུ་ཤེས་པ་ཡིས། །ཁྲོ་བོ་གཏུམ་པོའི་དངོས་གྲུབ་འགྱུར། །དེ་ཕྱིར་པད་བྱུང་དཀར་དམར་ནི། །ཁ་ཡིས་དགུག་པར་བྱས་ནས་ཀྱང ། །ཡང་དང་ཡང་ནི་བལྟ་བྱས་ནས། །དེ་ནི་ཁ་ཡིས་བཟའ་བར་བྱ། །སེན་མོ་ལེགས་བྱས་བརླ་དང་ནི། །བྲན་བཞིན་རྐང་པ་མཉེ་བར་བྱ། །མགོ་བོར་ཡི་གེ་གསུམ་སྦྱིན་བྱ། །སྙིང་དབུས་ཁུ་ཚུར་ཆུང་དུས་ 385a ༄#། །སྦྱིན། །རྣལ་འབྱོར་པ་ནི་མཉམ་བཞག་པས། །དེ་ཕྱིར་དོན་ལྡན་པར་བྱ། །ཡིད་ནི་རྩེ་གཅིག་བདེ་བ་ཡིས། །འདོད་པའི་བྱ་བ་དེ་ལ་སྦྱིན། ། ཇི་ལྟར་འདོད་པ་རབ་འཛག་པས། །འཕོ་མེད་ཡི་ནི་རྩེ་གཅིག་བདེ། །འཕོས་གྱུར་པདྨ་ལས་འཇིབ་སྟེ། །པུས་གཙུགས་རབ་ཏུ་སྦྱོར་བ་ཡིས། །པདྨར་ཁུ་བ་རྡུལ་གྱུར་པ། །ལྕེ་ཡིས་བླངས་ནས་བཟའ་བར་བྱ། །སྣ་ཡིས་ན་ལི་རབ་སྦྱོར་བས། །སྟོབས་ནི་འཕེལ་ཕྱིར་བཏུང་བར་བྱ། །ཁ་ལ་འོ་ནི་བྱས་ནས་ཀྱང ། །ཤེས་རབ་པདྨ་ལྕེ་ཡིས་མྱངས། །འཁྱུད་བྱས་དེ་ཡི་ཕྱི་ནས་ནི། །ཤ་དང་ཉ་ནི་བཟའ་བྱ་ཞིང ། །འོ་མ་ཆང་ནི་ཡང་ཡང་བཏུང ། །འདོད་པས་རབ་ཏུ་འཕེལ་འགྱུར་ཕྱིར། །དལ་དང་རྙིངས་གྱུར་དེ་ལས་ནི། །ཕྱི་ནས་འདོད་འགྱུར་བདེ་སོགས་ཀྱིས། །སླར་ཡང་སྔོན་མའི་རིམ་པ་ཡིས། །གཉིས་གཉིས་ཕན་ཚུན་རབ་དུ་བརྩམ། །གོམས་པའི་སྦྱོར་བ་འདི་ཡིས་ནི། ། བདེ་བ་ཆེན་པོ་བསྒྲུབ་པར་བྱ། །སྐྱེ་བར་འདི་ཉིད་སྦྱོར་རིག་ན། །ཁྲོ་བོ་གཏུམ་པོའི་གོ་འཕང་འཛིན། །ཆགས་ཅན་དངོས་གྲུབ་དོན་གྱི་ཕྱིར། །བདག་གིས་སྦྱོར་བ་རབ་བཤད་བྱ། །གཡོན་པའི་བྱིན་བ་སྟོང་བཞག་ནས། །གཡས་པའི་བྱིན་པ་རོལ་བར་བྱ། །འདི་ནི་སེམས་དཔའི་སྐྱིལ་ཀྲུང་གྲགས། །འདོད་ཀུན་བདེ་བ་རབ་ཏུ་སྟེར། །བྱིན་ 385b པ་གཡས་པ་སྟེང་བཞག་ནས། །བྱིན་པ་གཡོན་པ་རོལ་བར་བྱ། །འདི་ནི་པདྨའི་སྐྱིལ་ཀྲུང་གྲགས། །འདོད་ཀུན་བདེ་བ་རབ་ཏུ་སྟེར། །པདྨའི་སྐྱིལ་ཀྲུང་བཅིངས་ནས་ནི། །བྱིན་པ་གཡོན་པ་སྟེང་དུ་དགོད། །བྱིན་པ་གཡས་པ་རོལ་པ་སྟེ། །རྡོ་རྗེའི་སྐྱིལ་ཀྲུང་ཞེས་བྱར་ཤེས། །རྐང་པ་ས་ལ་བཞག་ནས་ནི། །མཚུངས་པར་རིང་དུ་གདོང་ཕྱོགས་པ། །འདོད་ཀུན་རབ་ཏུ་སྦྱིན་ཤེས་བྱ། །འདིར་ནི་ཙོག་པུའི་གདན་ལ་ནི། །རྐང་པ་ས་ལ་དགོད་བྱས་ལ། །སྐྱེག་པོར་འཕྲེད་ལ་རིང་དུ་བྱ། །ཟླ་བ་ཕྱེད་པར་ཤེས་པར་བྱ། །འདིས་ནི་བདེ་བ་རབ་ཏུ་སྟེར། །པུས་ཟུང་འཕྲད་ལ་ས་ལ་བཞག་།ལོང་བུའི་དབུས་སུ་འཕོངས་ཚོས་བཞག་།འདིར་ནི་གཞུ་ཡི་གདན་བྱས་པས། །འདོད་པ་མཆོག་གི་དགའ་བ་སྟེར། །སེམས་དཔའི་སྐྱིལ་ཀྲུང་དེ་བཞིན་དུ། །རྡོ་རྗེའི་སྐྱིལ་ཀྲུང་ཞེས་བྱར་བརྟག་།ཙོག་པུ་ཟླ་བ་ཕྱེད་པ་དང ། །གཞུ་ཡི་གདན་ཡང་འདིར་འདོད་དོ། །ཟླ་བ་ཕྱེད་པའི་གདན་གནས་ལ། །རྟག་ཏུ་མི་མོ་བྱས་ནས་ནི། །ལྷུང་ན་པདྨར་ལྕེ་ཡིས་བླང ། །གསང་གནས་ཡི་གེ་གསུམ་མཚོན་བྱ། །སླར་ཡང་གཞུ་ཡི་གདན་བྱས་ནས། །རང་གི་མེ་ཡི་བཤད་ནང་དུ། །ཁྲོ་བོ་གཏུམ་པོ་སྦྱོར་བ་ཡིས། །དེས་བསྐྱེད་བདེ་བ་བསྒོམ་པར་བྱ། །རྣམ་པར་རྟོག་པ་ཀུན་སྤངས་ནས། །དེ་ཡི་རྣལ་འབྱོར་ལྡན་པར་བྱ། །ཆགས་བྲལ་སེམས་ནི་སྤང་བྱས་ལ། །མ་ལ་རབ་ཏུ་ 386a ༄#། །འདོད་པར་བྱ། །རྗེས་སུ་ཆགས་ལ་བསོད་ནམས་འཐོབ། །ཆགས་བྲལ་ལས་ནི་སྡིག་པ་འཐོབ། །ཆགས་བྲལ་ལས་ནི་སྡིག་གཞན་མེད། །བདེ་ལས་བསོད་ནམས་གཞན་ནི་མེད། །དེ་ཕྱིར་སེམས་ཉིད་མཉམ་བཞག་ནས། །འདོད་པའི་བདེ་བ་བསྐྱེད་པར་བྱ། །དེ་ནས་བཅོམ་ལྡན་འདས་མ་ཐུགས་རབ་ཏུ་དགྱེས་ནས་མངོན་པར་དགའ་བས་བཅོམ་ལྡན་འདས་ལ་ཕྱག་བཙལ་ཏེ། འདི་སྐད་དུ་ཡང་གསོལ་པ། ཀྱེ།་བཅོམ་ལྡན་འདས། ཅི་སྟེ་འདིར་འདི་ཉིད་མི་རྣམས་འབའ་ཞིག་སྒྲུབ་པའི་ཐབས་ཡིན་ནམ། གཞན་རྣམས་ཀྱི་ཡང་ཡིན། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་ཀུན་ཏུ་རྣམ་པར་གནས་པས་འདི་ལ་རྗེས་སུ་ཆགས་པར་བྱ་སྟེ། ལྷ་དང ། ལྷ་མ་ཡིན་དང ། མི་དང ། ཀླུ་དང ། དེ་རྣམས་ཀྱིས་ཀྱང་བསྒྲུབས་པས་འགྲུབ་བོ། །དེ་ཉིད་ཐོས་ནས་དབང་ཕྱུག་ཆེན་པོ་ལ་སོགས་པའི་ལྷ་རྣམས། གཽ་རཱི་དང ། དཔལ་མོ་དང ། དབང་མོ་དང ། དགའ་མ་ལ་སོགས་པའི་ལྷ་མོ་རྣམས་བླངས་ནས་སྒོམ་པར་རྩོམ་མོ། །དེ་ནས་དེའི་སྐད་ཅིག་ལ་དེ་ཐམས་ཅད་དེའི་སྐད་ཅིག་ཐང་ཅིག་དེ་ཉིད་ལ་ཁྲོ་བོ་གཏུམ་པོའི་གོ་འཕང་ཐོབ་ནས། སའི་སྟེང་དུ་སྤྱོད་པར་གྱུར་ཏོ། །དེ་ལ་དབང་ཕྱུག་ཆེན་པོ་རྡོ་རྗེ་བདེ་བྱེད་ཉིད་དུ་གྲུབ་བོ། །ནོར་ལྷ་རྡོ་རྗེ་སྲེད་མེད་ཀྱི་བུ་ 386b ཉིད་དོ། །ལྷའི་དབང་པོ་ཕྱག་ན་རྡོ་རྗེ་ཉིད་དོ། །འདོད་པའི་ལྷ་ཡན་ལག་མེད་པའི་རྡོ་རྗེ་ཉིད་དོ། །དེ་ལྟ་བུ་ལ་སོགས་པའི་གངྒཱའི་ཀླུང་གི་བྱེ་མ་དང་མཉམ་པའི་ལྷའ་བུ་རྣམས་ཀྱིས་གྲུབ་བོ། །སེམས་ཅན་དོན་ཀུན་སྒྲུབ་པ་པོས། །འདོད་པའི་ཡོན་ཏན་ལྔ་ལྡན་ཉིད། །འབྱུང་པོ་སྣ་ཚོགས་གཟུགས་འཛིན་པ། །སྒྱུ་མ་ཀུན་ལས་རྣམ་པར་རྒྱལ། །ཇི་ལྟར་འདམ་ལས་བྱུང་བ་ཡི། །པདྨ་འདམ་གྱིས་གོས་པ་མེད། །དེ་ལྟར་འདོད་ཆགས་ལས་བྱུང་བའི། །ཉེས་པ་རྣམས་ཀྱིས་གོས་པ་མེད། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོའི་རྒྱུད་ལས། རྫོགས་པའི་རིམ་པའི་རྣལ་འབྱོར་རིམ་པར་ཕྱེ་བ་སྟེ་དྲུག་པའོ།། །།དེ་ནས་བཅོམ་ལྡན་འདས་མས་གསོལ་པ།་སྐྱེ་བོ་ཀུན་གྱི་འཁྲིག་སྤྱོད་པས། །ཡོངས་སུ་ངལ་བ་ཆེན་པོར་གྱུར། །དེ་ཡི་དལ་གསོའི་གནས་ཉིད་ནི། །མགོན་པོ་ཁྱོད་ཀྱིས་གསུང་བར་རིགས། །བཅོམ་ལྡན་འདས་ཀྱིས་བཀའ་སྩལ་པ། །བུད་མེད་བདེ་བ་ལ་དམིགས་ནས། །རང་གིས་མངོན་སུམ་དགག་པར་བྱ། ཤ་དང་ཉ་ནི་བཟའ་བར་བྱ། །ཆང་ནི་བཏུང་བྱ་མཉམ་གཞག་པས། །གཞན་ཡང་ཇི་ལྟར་རྙེད་པ་བཟའ། །འོ་ཆུ་རཀྟ་ལ་སོགས་བཟའ། །ཐོག་མར་བུད་མེད་ལ་བྱིན་ནས། །དེ་ཡི་ལྷག་མ་བཟའ་བར་བྱ། །དེ་ཡི་ལྷག་མའི་སྣོད་ལ་ནི། །ལོངས་ནི་རྟག་ཏུ་སྤྱད་པར་ 387a ༄#། །བྱ། །དེ་ཡི་ཁ་བཤལ་ཆུ་དང་ནི། །པདྨ་བཀྲུས་པའང་བཏུང་བར་བྱ། །བཤང་སྒོ་པདྨ་བཀྲུས་བཟུང་ནས། །བརྟུལ་ཞུགས་ཅན་གྱིས་ཁ་སོགས་བཀྲུ། །དེ་ཡི་སྐྱུགས་པ་བཟའ་བྱ་ཞིང ། །དེ་ཡི་བཞི་མཉམ་བཟའ་བར་བྱ། །སྐྱེ་གནས་ལས་བྱུང་བཏུང་བར་བྱ། །ཁ་ཆུ་ཡང་ནི་བཟའ་བར་བྱ། །ཇི་ལྟར་ཤིང་ལ་ལུད་སོགས་ཀྱིས། །འབྲས་བུ་ལྷག་པར་འགྱུར་བ་ལྟར། །དེ་བཞིན་མི་གཙང་སོགས་སྤྱོད་པས། །བདེ་བ་དམ་པ་སྐྱེས་བུ་ལ། །ན་དང་རྒས་པ་ཉིད་དང་ནི། །དེ་ཡི་ལུས་ལ་འཆི་བ་མེད། །གང་དེའི་མི་གཙང་སྟེན་བྱེད་པའི། །རྣལ་འབྱོར་པ་ཡིས་དེ་འགྲུབ་བྱེད། །གང་དུ་བཟའ་དང་བཟའ་མིན་དང ། །འདིར་ནི་རྣམ་རྟོག་མི་བྱའོ། །སྦྱོར་རིག་བྱ་དང་བྱ་མིན་དང ། །བགྲོད་མིན་བགྲོད་པའང་དེ་བཞིན་ནོ། །བསོད་ནམས་མེད་ཅིང་སྡིག་པའང་མེད། །མཐོ་རིས་ཐར་པར་བརྟག་མི་བྱ། །ལྷན་ཅིག་སྐྱེས་པ་གཅིག་པུའི་གཟུགས། ། རྣལ་འབྱོར་པ་ཡིས་མཉམ་གཞག་བྱ། །དེ་ཉིད་སྦྱོར་ལྡན་རྣལ་འབྱོར་པ། །གང་ཚེ་སྒོམ་པ་མཆོག་གྱུར་པ། །ཁྲོ་བོ་གཏུམ་པོ་གཅིག་སྦྱོར་བས། །དེ་ཡི་ང་རྒྱལ་འཛིན་པ་པོ། ། གལ་ཏེ་བྲམ་ཟེ་བརྒྱ་བསང་ཀྱང ། །སྡིག་པ་རྣམས་ཀྱིས་གོས་མི་འགྱུར། །དེ་ཕྱིར་མགོན་པོ་ཆོ་ག་ཡིས། །ཁྲོ་བོ་གཏུམ་པོ་དེ་ཉིད་བསྒོམ། །སྐྱེ་བོ་གང་ཞིག་དྲག་པོ་ཡི། །ལས། 387b ཀྱིས་དམྱལ་བར་འགྲོ་བྱེད་ཀྱང ། །དེ་ལ་སྡིག་པས་མི་གོས་ཤིང ། །མཐོ་རིས་འགྲོ་བར་ཐེ་ཚོམ་མེད། །ཡིད་ནི་སྔོན་དུ་འགྲོ་བ་འདི། །དགེ་དང་སྡིག་པ་ཀུན་ལ་འདོད། ། ཡིད་དང་རྣམ་རྟོག་རྣམ་པ་ལས། །གནས་ལ་སོགས་པའི་དབྱེ་བར་བསྟན། །ཇི་ལྟར་སྔགས་དང་བྲལ་བ་ཡི། །དུག་ཟོས་པས་ནི་ཚེ་ཟད་འགྱུར། །སྔགས་དང་དེ་ཉིད་ཤེས་པ་ཡིས། །བདེ་བ་དང་ནི་ཚེ་འཕེལ་བྱེད། །དེ་ནས་སྐད་ཅིག་དེ་ལ་ལྷ་མོ་མཆོག་གི་ཤེས་རབ་ཀྱི་ཕ་རོལ་ཏུ་ཕྱིན་མས་གྲི་གུག་དང ། ཐོད་པའི་ཕྱག་གིས་ཁྲོ་བོ་གཏུམ་པོའི་ཕྱག་རྒྱས། །རྡོ་རྗེ་གཏུམ་མོ་ཁྲོ་ཆེན་མས། །དེ་ཉིད་མཆོག་ལ་གཟིགས་ནས་གསུངས། །བདག་གི་གཟུགས་ནི་བསྒོམ་བྱས་ནས། །ང་རྒྱལ་མཆོག་འདི་བྱས་གྱུར་ན། །གལ་ཏེ་ཚངས་འཇོམས་དེ་ཡང་ནི། །སྡིག་པ་ཡིས་ནི་གོས་མི་འགྱུར། །ཁྲོ་ཆེན་སེམས་ཉིད་གཅིག་པུ་ཡི། །བདག་གི་གཟུགས་ནི་སྒོམ་བྱེད་ན། །ཉ་དང་བྱ་ནི་བསད་བྱས་ཀྱང་།། རྩེ་མེད་གཡོ་དང་ཁྲོ་བ་དང ། །གསོད་པའི་དོན་ཕྱིར་སེམས་དཔའ་ཅན། །རྣལ་འབྱོར་སྡིག་པས་གོས་མི་འགྱུར། །དེ་རྣམས་ཀུན་ལ་ཕལ་ཆེར་ནི། །མཐུ་ཆེ་བར་ནི་རབ་ཏུ་བསྟན། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་ཁྲོ་བོ་གཏུམ་པོ་ཆེན་པོའི་རྒྱུད་ལས། ལུས་ཀྱིས་བདེ་བའི་རིམ་པར་ཕྱེ་བ་སྟེ་བདུན་པའོ།། །།དེ་ནས་ 388a ༄#། །བཅོམ་ལྡན་འདས་ཀྱིས་བཀའ་སྩལ་པ། བཅོམ་ལྡན་འདས་མ་ལ། དཀྱིལ་འཁོར་ལྔ་ཡིས་ཕྱག་བཙལ་ནས་གསོལ་པ། དགའ་བ་ཁྱོད་གཟུགས་རྣལ་འབྱོར་པས། །ཇི་ལྟ་བུར་ནི་ཤེས་པར་བྱ། །བཅོམ་ལྡན་འདས་མར་གུས་བྱ་བ། །རྣལ་འབྱོར་པ་ཡིས་གང་ལ་བྱ། །དེ་ནས་བཅོམ་ལྡན་འདས་མས་བཀའ་སྩལ་པ། ང་ནི་འཇིག་རྟེན་གསུམ་པོ་ན། །མཐོ་དང་དམའ་བའི་གཟུགས་གྱུར་པ། །བུད་མེད་གཟུགས་དེ་ལ་ནི་འདོད། །ཇི་སྲིད་འཇིག་རྟེན་གྱིས་མི་མཐོང ། །ལྷ་མོ་ལྷ་མིན་མོ་དང་ནི། །དེ་བཞིན་གནོད་སྦྱིན་སྲིན་མོ་དང ། །ཀླུ་མོ་འབྱུང་མོ་མི་ཅི་མོ། །དེ་བཞིན་མི་ཡི་བུ་མོ་དང ། །དྲི་ཟ་མོ་དང་དམྱལ་བ་མོ། །དུད་འགྲོའི་བུ་མོ་ཡི་དྭགས་མོ། །ཚངས་མ་རྒྱལ་རིགས་རྗེ་རིགས་མོ། །དམངས་རིགས་མོ་སྟེ་ཤིན་ཏུ་མང ། །ཡིག་མཁན་མ་དང་རྒྱལ་མོ་དང ། །གཙོ་མོ་ཀ་ལ་ཨུཏྟི་ནི། །ཚོད་མོ་སྐྱེད་མོས་ཚལ་མོ་དང ། །སྨད་འཚོང་མ་དང་ཚོས་མཁན་མ། །ཀོ་ལྤགས་སྣོད་མཁན་ཤ་བ་རི། །ཧཱ་ཌི་ཌོམྦི་ཙཎྜ་ལི། །ཁྲུས་མཆང་མ་ལ་དུ་མཁན། །ལྕགས་མགར་འདྲེག་མཁན་གར་མ་དང ། །འཁར་བ་མོ་དང་གསེར་མགར་མ། །ཉ་པ་མོ་དང་བཤན་པ་མོ། །སྲུབ་མ་མཁན་དང་མེ་ཏོག་མ། །ཐོད་པ་ཅན་མ་དུང་མཁན་མ། །གདུག་མཁན་མ་དང་ཁ་མཁན་མ། །བ་ 388b ལང་སྐྱོང་དང་མདའ་མཁན་མ། །ཕྲུ་ཀློག་རྡོ་མཁན་མ་དང་ནི། །ཤིང་མཁན་རྒྱན་ཆ་མཁན་མོ་དང ། །རིགས་རྣམས་ཀུན་ལ་རབ་ཏུ་འཇུག་།མ་དང་སྲིང་མོ་ཆུང་མ་དང ། ། ནི་དང་ནི་ཚ་མོ་དང ། །ཁིཊྚི་ཀ་དང་སྒྱུག་མོ་དང ། །གཞན་ཡང་གཉེན་འདབ་མ་ཀུན་དང ། །བརྟུལ་ཞུགས་ཅན་དང་རྣལ་འབྱོར་མ། །ཡུགས་ས་མོ་དང་དཀའ་ཐུབ་མ། །ཞེས་སོགས་མང་པོ་ཀུན་ལ་ནི། །ང་ནི་བུད་མེད་གཟུགས་གྱུར་ནས། །སེམས་ཅན་ཀུན་གྱི་དོན་ཕྱིར་གནས། །རང་རང་ཚུལ་དུ་ངེས་པ་ཡིས། །དེ་རྣམས་ཇི་ལྟར་རྙེད་པ་ཉིད། །འོ་དང་འཁྱུད་པ་ལ་སོགས་ཀྱིས། །རྡོ་རྗེ་པདྨ་མཉམ་སྦྱོར་བ། །རྣལ་འབྱོར་རྣམས་ཀྱིས་བསྟན་པར་བྱ། །སེམས་ཅན་ཀུན་ལ་ཕན་འདོད་པས། །མི་མོ་བསྟེན་པས་དངོས་གྲུབ་བོ། །སྐད་ཅིག་ཙམ་གྱིས་སྟེར་བྱེད་པ། །དེ་ཕྱིར་བུད་མེད་བསྟེན་པར་བྱ། །བུད་མེད་མཐོ་རིས་བུད་མེད་ཆོས། །བུད་མེད་དེ་ཉིད་དཀའ་ཐུབ་མཆོག་།སངས་རྒྱས་བུད་མེད་དགེ་འདུན་ཉིད། །བུད་མེད་ཤེས་རབ་ཕར་ཕྱིན་ཉིད། །ཁ་དོག་རྣམ་ལྔའི་རབ་དབྱེ་ལས། །སོ་སོར་བརྟག་པར་འདོད་པ་ཡིན། །བུད་མེད་གང་ཞིག་ཁ་དོག་སྔོ། །ཞེ་སྡང་རྡོ་རྗེ་མ་རུ་གྲགས། ། བུད་མེད་གང་ཞིག་ཁ་དོག་དཀར། །གཏི་མུག་རྡོ་རྗེ་མར་འདོད་དོ། །བུད་མེད་གང་ཞིག་ཁ་དོག་སེར། །ལྷ་མོ་ཕྲ་མ་རྡོ་རྗེ་མ། །བུད་མེད་གང་ཞིག་ཁ་དོག་དམར། །འདོད་ 389a ༄#། །ཆགས་རྡོ་རྗེ་མ་རུ་གྲགས། །བུད་མེད་གང་ཞིག་ཁ་དོག་ལྗང ། །ཕྲག་དོག་རྡོ་རྗེ་མ་ཞེས་གྲགས། །བཅོམ་ལྡན་ཤེས་རབ་ཕར་ཕྱིན་མ། ། གཅིག་ཉིད་ལྔ་ཡི་ཚུལ་གྱིས་གནས། །ཆང་དང་བཟའ་བ་མེ་ཏོག་སོགས། །རྣམས་མཆོད་ལུས་ལ་གོས་ཀྱིས་མཛེས། །ཡང་དག་སྨྲ་བས་འདུད་བྱས་ནས། །ཐལ་མོ་ཡང་དག་སྦྱར་བྱས་ཏེ། །བལྟ་དང་རེག་པ་ཉིད་དང་ནི། །དྲན་པ་ཡིས་ནི་སྨྲས་པར་བྱ། །རྟག་ཏུ་འོ་དང་ལག་པས་འཁྱུད། །རྡོ་རྗེ་རྣལ་འབྱོར་མ་མཆོད་བྱ། །ལུས་ཀྱིས་ནུས་པ་རྣམས་བྱས་ནས། །མི་ནུས་པ་རྣམས་ངག་ཡིད་ཀྱིས། །མཆོད་པས་བརྙེས་དེས་བདག་ལ་ནི། །དངོས་གྲུབ་ཐམས་ཅད་རྩོལ་བར་བྱེད། །བུད་མེད་ཀུན་གྱི་ལུས་སྤངས་ནས། །བདག་ནི་གཞན་དུ་གྱུར་པ་མེད། །སྣ་ཚོགས་སྤངས་ནས་བུད་མེད་མཆོད། །འདི་ནི་བདག་ལ་རབ་མཆོད་འགྱུར། །འདི་ཡིས་བདག་ལ་བསྙེན་བཀུར་ནས། །སྒྲུབ་པ་པོ་མཉེས་དངོས་གྲུབ་མཆོག་།དེ་ཡིས་མཐོང་བའི་ལམ་ཞུགས་ནས། །རྣམ་ཀུན་རྟག་ཏུ་ཀུན་ནས་སྟེར། །མ་ལུས་གཟུགས་ཀྱིས་བདག་བསྒོམས་ནས། །རང་གི་བུད་མེད་འདོད་བསྟེན་བྱ། །རྡོ་རྗེ་པདྨོ་མཉམ་སྦྱོར་བས། །བདག་ལ་བྱང་ཆུབ་སྟེར་བ་མོ། །དེ་ཕྱིར་རྣམ་པ་ཀུན་གྱིས་ནི། །བདག་ལ་གུས་པས་མཆོག་ 389b ཏུ་དེ། །འདི་ཡིས་དེ་ཉིད་རབ་སྦྱོར་བས། །བརྟུལ་ཞུགས་ཅན་གྱིས་རབ་གུས་བྱ། །དམྱལ་བ་ལ་སོགས་ངན་འགྲོ་ཡི། །སྡིག་པ་ཡིས་ཀྱང་འཇིགས་མི་བྱ། །འཇིག་རྟེན་སྡིག་པས་འཇིགས་འགྱུར་ན། །ཇི་སྲིད་ནུས་པ་ཐོབ་མི་འགྱུར། །སྡིག་པ་ཅུང་ཟད་ཡོད་མིན་ཞིང ། །བསོད་ནམས་ཅུང་ཟད་ཡོད་མིན་ཕྱིར། །སེམས་ཉིད་མི་སྲུང་འཇིག་རྟེན་གང་།། སྡིག་དང་བསོད་ནམས་རྣམ་པར་གནས། །གང་དུ་སེམས་ཉིད་ཙམ་གྱིས་ནི། །ཐམས་ཅད་སྐད་ཅིག་ཙམ་དེ་གནས། །དམྱལ་བར་འགྲོ་བ་འདིར་གང་གིས། །གང་གི་འདིར་ནི་མཐོ་རིས་འགྲོ་།གང་གིས་དུག་བརྟགས་མཐུ་ཡིས་འཆི། །ཇི་ལྟ་བ་ལ་དེ་ཉིད་མེད། །དུག་གི་མཐུ་ཡིས་ཡང་དག་བརྒྱལ། །དེ་བཞིན་མཐོ་རིས་ངན་འགྲོར་འགྲོ་།དེ་ཉིད་ཡོངས་སུ་ཤེས་གྱུར་པའི། །མཁས་པས་མྱ་ངན་འདས་པ་ཐོབ། །མྱང་འདས་སྟོང་པའི་ཚུལ་ཉིད་དུ། །མར་མེ་རླུང་གིས་ཇི་བཞིན་དུ། །ཉེར་ཆད་ལྟུང་བ་དེ་ཡང་ནི། །བྱང་ཆུབ་གོ་འཕང་མ་ཡིན་ནོ། །དེ་ཕྱིར་ཐམས་ཅད་ཡོངས་སྤངས་ནས། །བདག་ཉིད་གུས་བྱ་བརྟུལ་ཞུགས་ཅན། །སྐད་ཅིག་ཙམ་གྱིས་གཏུམ་པོ་ཡི། །དངོས་གྲུབ་སྟེར་བར་ཐེ་ཚོམ་མེད། །དེ་ནས་བཅོམ་ལྡན་འདས་ཀྱིས་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་གསོལ་པ། ཇི་ལྟ་བུ་ཡི་རྣམ་པ་ཡིས། །གཏུམ་པོའི་དངོས་གྲུབ་ཅི་འདྲ་ 390a ༄#། །ཞིག་།དེ་ནས་བཅོམ་ལྡན་འདས་མས་བཀའ་སྩལ་པ། ཁ་དོག་ལྔ་ཡི་རབ་དབྱེ་བས། །རྣལ་འབྱོར་མ་རུ་རབ་གྲགས་གང ། །དེ་ཡང་རང་རང་བདག་པོ་ཡི། །ཁ་དོག་ལྔ་ཡིར་བ་དབྱེ་ཡི། །གཏུམ་པོ་ཀུན་གྱི་དེ་ཉིད་འདིས། །བདག་ནི་རྣལ་འབྱོར་མ་རུ་ཤར། །ཁ་དོག་སྔོན་པོ་གང་དེ་ཡང ། །བདག་པོ་མི་གཡོ་སྔོན་པོར་ཤེས། །ཁ་དོག་དཀར་པོའི་བདག་པོ་གང ། །མི་གཡོ་དཀར་པོ་ཞེས་བྱའོ། །ཁ་དོག་སེར་པོའི་བདག་པོ་གང ། །མི་གཡོ་སེར་པོ་ཡང་དག་གྲགས། །ཁ་དོག་དམར་པོའི་བདག་པོ་གང ། །མི་གཡོ་དམར་པོ་ཞེས་གྲགས་སོ། །ཁ་དོག་ལྗང་གུའི་བདག་པོ་གང ། །མི་གཡོ་ལྗང་གུ་ཞེས་བྱའོ། །གཏུམ་པོ་དེ་ཉིད་གཅིག་པུ་ཉིད། །རྣམ་པ་ལྔ་ཡི་ཚུལ་གྱིས་གནས། །འདི་ཡི་དངོས་གྲུབ་བརྟན་པ་ཉིད། །དེ་ནི་གཏུམ་པོར་ཡང་དག་བཤད། །ནམ་མཁའི་མཐར་ཐུག་ཇི་སྙེད་པ། །ལྷ་མོའི་གཟུགས་ཀྱིས་ཡང་དག་གནས། །གཏུམ་པོའི་དངོས་གྲུབ་ཇི་བཞིན་གསུངས། །དེ་བཞིན་དུ་ནི་གཏུམ་མོ་འགྲུབ། །ཅེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོའི་རྒྱུད་ལས། ངོ་བོ་ཉིད་རིམ་ཀྱི་རིམ་པར་ཕྱེ་བ་སྟེ་བརྒྱད་པའོ།། །།དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས། ཐབས་དང ། ཤེས་རབ་དག་ 390b གི་ང་རྒྱལ་ཇི་ལྟར་བསྒོམ་པར་བྱ། །བཅོམ་ལྡན་འདས་ཀྱིས་བཀའ་སྩལ་པ། མི་མོ་སྔོན་བྱས་རྣལ་འབྱོར་པས། །ཕན་ཚུན་དེ་ཡིས་ལྟ་བ་མཆོག་།ལུས་ནི་དྲང་པོར་མཉམ་གནས་ནས། །རྩེ་གཅིག་ཡིད་ཀྱིས་བསམ་གཏན་བྱ། །སྐུ་བཞི་ཡི་ནི་རང་བཞིན་ཕྱིར། །ཐ་དད་མད་པའི་ཡིད་ཀྱིས་སོ། །སླར་ཡང་བྱང་ཆུབ་དབྱེར་མེད་པས། །ཐབས་དང་ཤེས་རབ་ཉིད་དུ་འདོད། །འཆི་བ་ཉིད་ནི་ཆོས་སུ་བརྗོད། །ལོངས་སྤྱོད་རྫོགས་པ་བར་སྲིད་དང ། །འགྲོ་བ་དྲུག་གཟུགས་སྤྲུལ་པ་དང ། །འདོད་པའི་ལོངས་སྤྱོད་བདེ་ཆེན་པོ།། སྐུ་བཞི་ཡི་ནི་རང་བཞིན་འདི། །སྐྱེས་བུ་ལ་ནི་ཁམས་གསུམ་པ། །སྐུ་བཞི་ཡི་ནི་རང་བཞིན་ཕྱིར། །བུད་མེད་གཟུགས་ལ་ཁམས་གསུམ་མོ། །སྐུ་བཞི་ཡི་ནི་རང་བཞིན་ལས། །སྐྱེས་བུ་འདིར་ནི་སངས་རྒྱས་ཡིན། །བུད་མེད་ཤེས་རབ་ཕར་ཕྱིན་མར། །ཕྱོགས་རྣམས་ཀུན་ཏུ་རྣམ་པར་གནས། །དེ་ཉིད་ང་རྒྱལ་བྱས་པ་ཡིས། །སླར་ཡང་བདག་ལ་དངོས་གྲུབ་བོ། །ཁྲོ་བོ་གཏུམ་པོའི་ཚུལ་ཉིད་དུ། །རང་ཉིད་གཟུགས་ཀྱིས་ཡང་དག་གནས། །འདོད་ཆགས་གཏུམ་པོའི་གཟུགས་བསྒོམས་ན། །བདག་ལ་དངོས་གྲུབ་རྣམ་ཀུན་ཏུ། །དེ་ཉིད་གསུམ་རིག་དུས་རིང་དུ། །འདི་ནི་གུས་པ་དང་བཅས་བསྒོམ། །ལས་ཀུན་ཡོངས་སུ་སྤང་བྱས་ནས། །བླ་མ་བསྟེན་པ་དེ་ཉིད་མཆོག་ 391a ༄#། །ཇི་སྲིད་དངོས་གྲུབ་མ་ཐོབ་བར། །བདེ་བའི་སེམས་ཉིད་གཅིག་པུས་གནས། །གང་ཚེ་རྣལ་འབྱོར་དངོས་གྲུབ་ཐོབ། །སྡིག་པ་དང་བྲལ་དྲི་མེད་འགྱུར། །རླུང་དང་སེམས་ཀྱི་འཛུམ་མདངས་ནི། །འཇིག་རྟེན་པ་ཡིས་མཐོང་བ་མེད། །ཀུན་མཁྱེན་ཀུན་ལ་ཁྱབ་པ་པོ། །ཉོན་མོངས་ཀུན་ལས་རྣམ་པར་འདས།། དེ་ལ་ནད་དང་རྒས་པ་མེད། །དེ་ལ་འཆི་བ་ཡོད་མིན་ཏེ། །དེ་ལ་དུག་གིས་འདའ་བ་མེད། །ཆུས་མིན་མེས་ཀྱང་འཚིག་པ་མེད། །མཚོན་གྱིས་མ་ཡིན་དགྲ་ཡི་ནི། །དབང་དུ་ནམ་ཡང་འགྲོ་བ་མིན། །ཡིད་ཀྱིས་བསམས་པ་ཙམ་གྱིས་ནི། །དགོས་འདོད་མ་ལུས་འབྱུང་བར་འགྱུར། །སྐད་ཅིག་དེ་ལ་འབད་མེད་པར། །ཡིད་བཞིན་ནོར་བུ་དང་མཚུངས་འགྱུར། །མ་ལུས་འཇིག་རྟེན་ཁམས་རྣམས་སུ། །གང་དང་གང་དུ་དེ་བཞིན་གཤེགས། །དེ་ནི་གཞལ་ཡས་མཁའ་འགྲོ་སྟེ། །དེར་ནི་འདོད་ཀུན་དེ་རྣམས་ཀྱིས། །གཟུགས་དང་ལང་ཚོས་རབ་བརྒྱན་པའི། །ལྷ་ཡི་བུ་མོ་དགའ་མས་དེར། །ཇི་སྙེད་མཐོ་རིས་སྐར་མ་རྣམས། །ཐེ་ཚོམ་མེད་པ་ཉིད་དུ་འགྱུར། ། ཚངས་དང་ཁྱབ་འཇུག་དབང་ཕྱུག་གང ། །བརྒྱ་བྱིན་ཡན་ལག་མེད་སོགས་གང ། །མངལ་འཇུག་འགྱུར་ཞིང་འགྲོ་དྲུག་ཏུ། །གནས་པའི་སྲོག་ཆགས་ཀུན་ཀྱང་ 391b ངོ། །རྣལ་འབྱོར་དངོས་གྲུབ་ཇི་ལྟ་བཞིན། །དེ་བཞིན་རྣལ་འབྱོར་མས་ཀྱང་ངོ ། །སྐྱེས་བུ་རྡོ་རྗེ་འཛིན་པ་ལྟར། །བུད་མེད་རྡོ་རྗེ་བཙུན་མོའོ། །དེ་ནས་བཅོམ་ལྡན་འདས་མས་གསོལ་པ།་བཅོམ་ལྡན་འདས། ལུས་འདི་ལ་ཐབས་དང ། ཤེས་རབ་ཀྱི་སྦྱོར་བ་ལས་བདེ་བ་ཆེན་པོ་ཇི་ལྟར་སྐྱེ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། བརྐྱང་མ་ཤེས་རབ་རང་བཞིན་ཏེ། །གཡོན་པའི་རྩ་རུ་རབ་ཏུ་གྲགས། །རོ་མ་ཐབས་ཀྱི་རང་བཞིན་གྱིས། །གཡས་པ་ལ་ནི་ཡང་དག་གནས། །བརྐྱང་མ་རོ་མའི་དབུས་དག་ལ། །ཀུན་འདར་མར་ནི་རབ་ཏུ་གསུངས། །གང་ཚེ་ཨ་བ་དྷཱུ་ཏཱིར་རླུང ། །ཁུ་བ་དང་ནི་རོ་གཅིག་གྱུར། །རྡོ་རྗེས་མགོ་བོའི་མཚམས་སུ་འགྲོ། །བུད་མེད་བྷ་གའི་རནྟྲ་ལ། །ཐབས་དང་ཤེས་རབ་མཉམ་སྦྱོར་བས། །ལྟེ་བར་གནས་པའི་ཙཎྜ་ལི། །མར་མེ་ལྟར་འབར་དེ་ཡིས་ནི། །ཞུ་བའི་ཁུ་བ་མཆོག་ལ་ནི། །དེ་ལས་སྐྱེས་པའི་བདེ་བ་ལ། །ཅུང་ཟད་ཅུང་ཟད་རབ་སྦྱོར་ལས། །དེ་ཡང་ཆེན་པོ་ཆེར་སྦྱོར་ལས། །དེ་ཡང་དངོས་པོའི་རང་བཞིན་ལས། །གང་གིས་དེ་ཡི་བདེ་བ་འཕེལ། །རྟག་ཏུ་གོམས་པའི་སྦྱོར་བ་ལས། །དེ་ནི་སྐྱེ་བ་འདི་ཉིད་ལ། །དཔལ་ལྡན་གཏུམ་པོ་ཉིད་དུ་འགྱུར། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོའི་རྒྱུད་ལས། བསམ་གཏན་གྱི་རིམ་པར་ཕྱེ་བ་ 392a ༄#། །སྟེ་དགུ་པའོ།། །།དེ་ནས་བཅོམ་ལྡན་འདས་མས་གསོལ་པ། ཅི་སྟེ་བཅོམ་ལྡན་སྒྲུབ་པ་པོས། །ཁྲོ་ཆེན་གཏུམ་པོའི་གོ་འཕང་ནི། །བུད་མེད་དང་བྲལ་སྒྲུབ་ནུས་སམ། །འོན་ཏེ་སྒྲུབ་པར་ནུས་མ་ཡིན། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་སྒྲུབ་པར་ནུས་པ་མ་ཡིན་ནོ། །བཅོམ་ལྡན་འདས་མས་གསོལ་པ། བཅོམ་ལྡན་འདས། ཅིའི་ཕྱིར་ན་བདེ་བ་སྟེར་བ་མེད་པར་མི་ནུས། །བཅོམ་ལྡན་འདས་ཀྱིས་བཀའ་སྩལ་པ། ཨེ་མ་བདེ་བ་སྐྱེས་ཙམ་གྱིས། །བྱང་ཆུབ་མཆོག་ནི་ཐོབ་བྱེད་པའི། །བདེ་བ་ཁྱད་འཕགས་འབྱུང་བ་ལས། །དེ་ཉིད་འཐོབ་ཀྱི་དེ་བཞིན་མིན། །དེ་མེད་དེ་ཡི་བྱ་བ་ཡང ། །དེ་ཉིད་མེད་པར་སྐྱེ་མ་ཡིན། །བྱེད་པོ་བུད་མེད་དང་སྦྱོར་ལས། །གཞན་དུ་ནམ་ཡང་མ་ཡིན་ནོ། །སྒྱུ་མའི་དེ་ཉིད་ཐམས་ཅད་ལ། །བུད་མེད་སྒྱུ་མའི་དེ་ཉིད་བསྔགས། །དེ་ཡི་དེ་ཉིད་ལས་འདས་གང ། །དེ་ལས་དངོས་གྲུབ་ལྷག་འབྱུང་མེད། །དེ་ཕྱིར་བུད་མེད་དང་བྲལ་འདི། །ནམ་ཡང་བྱ་བ་མ་ཡིན་ནོ། །དེ་ཉིད་གལ་ཏེ་སྡུག་བསྔལ་གྱུར། །འཆི་དང་འཆིང་བའི་འཇིགས་པ་ཡང ། །དེ་རྣམས་ཐམས་ཅད་བཟོད་བྱ་ཡིས། །འདིར་ནི་བུད་མེད་སྤང་མི་བྱ། །གང་ཕྱིར་བུད་མེད་བདེ་དེ་ཉིད། །ཀུན་ནས་སངས་རྒྱས་སྟེར་བ་པོ། །གཡོ་དང་སྦོབས་ 392b ཅན་འཚེར་ངོ་བྲལ། །རྟག་ཏུ་འདོད་པའི་དཔུང་གཉེན་ནོ། །དངོས་གྲུབ་སྟེར་བ་འདི་ཉིད་ནི། །དངོས་པོ་ཀུན་གྱིས་བསྟེན་པར་བྱ། །བུད་མེད་ཚུལ་ནི་གཅིག་བརྗོད་པ། །དགའ་བའི་ཕྱིར་ནི་འཆི་བའང་མེད། །བདག་པོ་དང་ནི་བྲལ་གྱུར་ན། །འདོད་པ་མཆོག་ནི་ཅི་ཞིག་སྨྲ། །དེ་ཕྱིར་ཀུན་གྱི་བུད་མེད་ལྷར། །རྣམ་པ་ཀུན་ཏུ་རབ་ཏུ་བརྟག་།ཤིང་དང་རྡོ་ལ་སོགས། རྣམས་ཀྱང ། །ཡིད་ཀྱིས་ཡོངས་སུ་བརྟག་པའང་བྱ། །སྐྱེས་པ་བུད་མེད་ལྷ་མོ་དང ། །བུད་མེད་ཀྱི་ནི་སྐྱེས་པ་ལྷ། །རྡོ་རྗེ་པདྨ་རབ་སྦྱོར་བས། །ཕན་ཚུན་དུ་ནི་མཆོད་པར་བྱ། །མཆོད་པར་བྱ་བ་གཞན་དུ་མིན། །རང་ཉིད་བྱིན་གྱིས་བརླབ་པའང་དེ། །དེ་ཕྱིར་རྣལ་འབྱོར་བརྩེ་ལྡན་པས། །དཀྱིལ་འཁོར་མདུན་དུ་བྱས་ནས་ནི། །དེ་ལ་ཉེར་ཞུགས་བུད་མེད་ནི། ། ཤེས་རབ་ཕར་ཕྱིན་རྣམ་པ་ལ། །རྟག་ཏུ་མེ་ཏོག་གིས་མཆོད་ཅིང ། །དེ་བཞིན་སྤོས་དང་མར་མེ་སོགས། །དཀྱིལ་འཁོར་ལྔ་ནི་རབ་སྦྱོར་བས། །ཕྱི་ནས་ཕྱག་ནི་བཙལ་བར་བྱ། །དེ་ནས་གཡས་སུ་བསྐོར་བ་བྱ། །གཏུམ་པོ་ལ་ནི་མཆོད་པར་བྱ། །གུས་པ་དང་བཅས་སེམས་ཀྱིས་ནི། །དེ་བཞིན་སྐྱེས་བུ་བུད་མེད་མཆོད། །དེ་ཉིད་མཆོད་པའི་ཆོ་པ་ནི། །རྒྱལ་བས་ཕན་ཚུན་བྱ་བར་གསུངས། །བུད་མེད་སྨད་པར་ཡོངས་མི་བྱ། །དེ་ཉིད་འདོད་པའང་སྤང་མི་བྱ། །སྙན་པའི་ཚིག་གིས་སྨྲ་བྱ་ཞིང ། །རྗེས་སུ་མཐུན་པར་སྦྱིན། 393a ༄#། །པར་བྱ། །དངོས་པོ་ཀུན་གྱིས་ཕྱག་བྱས་ཏེ། །ཇི་བཞིན་གདུག་ཅན་ཤེས་མི་བྱ། །གང་དུའང་བུད་མེད་མི་སྤོང་བ། །འདི་ནི་སངས་རྒྱས་གསུང་དུ་ཐོས། །གང་དུ་ཁྱོད་ཀྱིས་གཞན་བྱས་ན། །དེ་ཡི་སྡིག་པས་དམྱལ་བར་འགྱུར། །བུད་མེད་དང་བྲལ་ཅི་བྱས་ཀྱང ། །གཞན་དུ་འཆི་འགྱུར་དངོས་གྲུབ་མིན། །ཁྲོ་བོ་གཏུམ་པོའི་སྒྲུབ་ཐབས་ནི། །དཀའ་ཐུབ་ཀྱིས་ནི་འགྲུབ་མི་འགྱུར། །ཡིད་ནི་དྲི་མེད་མ་བྱས་པར། །འབྲས་མེད་གཏི་མུག་དྲ་བས་བཅིངས། །འདོད་ལྡན་འདོད་པ་སྤོང་བྱེད་པ། །རྫུན་གྱིས་འཚོ་བ་སྐྱེ་འགྱུར་ཏེ། །རྫུན་གྱིས་གང་འཚོ་སྡིག་པ་སྟེ། །སྡིག་པས་དམྱལ་བར་འགྲོ་བར་འགྱུར། །འཆི་བའི་བུས་ནི་ཐོབ་པ་ན། །རྫུན་གྱིས་འཚོ་བར་ཐེ་ཚོམ་མེད། །དེ་ཕྱིར་བསྒྲུབ་བྱ་བསྒྲུབ་པར་བྱ། །རྒྱལ་བའི་བདག་ཉིད་འདོད་པས་སོ། །འདོད་ཡོན་ལྔ་པོ་དེ་སྤངས་ནས། །བདག་ཉིད་དཀའ་ཐུབ་གདུང་མི་བྱ། །གཟུགས་རྙེད་པ་ནི་བལྟ་བྱ་ཞིང ། །སྒྲ་ཡང་དེ་བཞིན་མཉན་པར་བྱ། །དྲི་ནི་བསྣམ་པར་བྱ་བ་སྟེ། །རོ་ཡི་མཆོག་ནི་བཟའ་བར་བྱ། །རེག་བྱ་རེག་པར་བྱ་བ་སྟེ། །འདོད་པ་ལྔ་པོ་བསྟེན་པར་བྱ། །ཁྲོ་བོ་གཏུམ་པོ་དེ་མཆོག་ནི། །མྱུར་དུ་སངས་རྒྱས་མཆོག་འགྱུར་རོ། །གཞན་ལ་སླུ་བ་མེད་གྱུར་ཅིང ། །གཏི་མུག་མཆོག་ཏུ་མེད་པར་བྱ། །མི་ཡི་ལང་འཚོ་ཐོབ་པ་ལ། །མི་ 393b མོའི་བདེ་བ་མི་སྤྱོད་ན། །ཆེན་པོ་མཆོག་ཏུ་ཟད་བྱས་ནས། །ལྟ་བའང་འབྲས་བུ་མེད་པར་བྱས། །འདོད་ཅན་མ་རྟོག་བསྟེན་བྱས་ན། །འདོད་པ་ཙམ་གྱི་དཔུང་གཉེན་གྱིས། །བཙུན་མོའི་སྐྱེ་གནས་ཡང་དག་བསྟེན། །ཁྲོ་བོ་གཏུམ་པོའི་གོ་འཕང་མཐོང ། །གཉིད་ནི་ཇི་ལྟར་སྤང་བར་བྱ། །བཟའ་བ་དང་ནི་དགོད་པ་ཉིད། །འཇིག་རྟེན་མ་དད་སྤང་བའི་ཕྱིར། །ལྷ་མོ་སྒྱུ་འཕྲུལ་མ་སྲས་མཁས། །ཕོ་བྲང་འཁོར་གྱི་བཙུན་མོ་ནི། །སྟོང་ཕྲག་བརྒྱད་ཁྲི་སྤངས་ནས་སླར། །ནཻ་རཉྫ་ནའི་འགྲམ་གཤེགས་ནས། །སངས་རྒྱས་དངོས་གྲུབ་རབ་གསུངས་དང། །གང་དུ་བདུད་ནི་འདུལ་མཛད་པ། །དེ་ཉིད་གཞན་དོན་ཁོ་ན་ཡིན། །གང་ཕྱིར་བཙུན་མོའི་ནང་སངས་རྒྱས། །གོ་པཱ་དང་བཅས་བདེ་ལྡན་གྲུབ། །རྡོ་རྗེ་པདྨ་མཉམ་སྦྱོར་པས། །གང་ཕྱིར་བདེ་བ་ལས་ཐོབ་བོ། །བདེ་བ་ལས་ཐོབ་སངས་རྒྱས་ནི། །བདེ་བ་བུད་མེད་དང་བྲལ་མིན། །གང་དུ་སྦྱོར་བྲལ་བྱ་བ་ནི། །འཇིག་རྟེན་ཉམས་པ་སྤང་བའི་ཕྱིར། ། འཇིག་རྟེན་གང་གིས་འདུལ་བ་ན། །དེ་དང་དེ་ཡི་སངས་རྒྱས་འགྱུར། །རྒྱལ་བའི་སྒྱུ་མའི་གར་ཉིད་ཀྱིས། །དེ་དང་དེ་ཉིད་ཚུལ་གྱིས་སོ། །མདོ་སྡེ་ཆོས་མངོན་ཐམས་ཅད་ནས། །བུད་མེད་རྣམས་ནི་སྨོད་མཛད་པ། །སྣ་ཚོགས་སློབ་མའི་སྣོད་ཕྱིར་བཤད། །དེ་ཁོ་ན་ཉིད་སྦས་ནས་གསུངས། །ཕུང་པོ་ལྔ་དང་རྣམ་བྲལ་བའི། །མྱ་ངན་འདས་པ་ 394a ༄#། །བལྟ་བར་བྱ། །དེ་ནས་བཅོམ་ལྡན་འདས་མ་ཤེས་རབ་ཀྱིས་ཕ་རོལ་ཏུ་ཕྱིན་མས་གསོལ་པ། བཅོམ་ལྡན་འདས། །ལྷ་མོ་སྒྱུ་འཕྲུལ་གྱི་སྲས་གང་ལགས། གོ་པཱ་ཡང་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་སྒྱུ་འཕྲུལ་སྲས་ཉིད་ཀྱང ། །ཁྲོ་བོ་གཏུམ་པོ་བདག་ཉིད་ཡིན། །ས་འཚོ་ཁྱོད་གཉིས་བཅོམ་ལྡན་འདས། །ཤེས་རབ་ཕར་ཕྱིན་བདག་ཉིད་མ། །ཇི་སྙེད་པ་ཡི་བུད་མེད་ཀུན། །ཁྱོད་ཀྱིས་ཚུལ་ཉིད་འདིར་འདོད་དོ། །སྐྱེས་བུ་བདག་གི་གཟུགས་དེ་ཉིད། །དེ་བཞིན་ཀུན་ཏུ་ཡོངས་སུ་གྲགས། །འདིར་ན་རང་བཞིན་གཉིས་ཡིན་ཏེ། །འགྲོ་བ་ཐབས་ཤེས་བདག་ཉིད་དོ། །དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས། ཅིའི་ཕྱིར་ཉན་ཐོས་ལ་སོགས་པ་རྣམས་བུད་མེད་སུན་འབྱིན་པར་བྱེད། །བཅོམ་ལྡན་འདས་ཀྱིས་བཀའ་སྩལ་པ། གང་ཞིག་འདོད་པའི་ཁམས་གནས་པའི། །ཉན་ཐོས་ལ་སོགས་གྲགས་ཀུན་གྱིས། །བུད་མེད་ལ་ལྟོས་ཀུན་སྟེར་བའི། །ཐར་པའི་ལམ་ནི་མི་ཤེས་སོ། །གང་ན་ཉེ་བར་གནས་གྱུར་པའི། །གུར་གུམ་ལ་སོགས་རྙེད་སླ་ན།། དེ་ལ་རིན་ནི་ཐོ་བ་མི་འགྱུར། །གང་དུ་\?\་རིང་ནས་རིན་ཆེན་ཉིད། །ཐོགས་མེད་མི་ཤེས་སྦྱོར་བ་ཡིས། །དད་པ་སྨན་པའི་སྐྱེ་བོ་འདི། །དེ་ཉིད་ལ་ནི་སེམས་མི་འཇུག་།བདག་གིའང་ 394b འདི་ནི་རབ་ཏུ་སྦས། །རྩོད་པའི་དུས་ལ་དེ་ཉིད་འདི། །སེམས་ཅན་རེ་རེར་བགྲངས་པ་ཡི། །བྱེ་བའི་ནང་ན་འགའ་ཞིག་ཀྱང ། །དད་དང་བརྩན་པའི་དཔུང་གཉེན་ཅན། །ཀུན་ནས་དེ་ཕྱིར་གསུངས་པ་ནི། །བྱང་ཆུབ་མྱུར་དུ་རབ་སྒྲུབ་ཕྱིར། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། མི་མོ་རབ་ཏུ་བསྔགས་པའི་རིམ་པར་ཕྱེ་བ་སྟེ་བཅུ་པའོ།། །།དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས། ཁྱོད་ཅི་སྟེ་ཆགས་པ་དང་བཅས་པའམ། ཆགས་པ་དང་བྲལ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། བདག་ནི་ཀུན་ཏེ་ཀུན་ལའང་ཁྱབ། །ཀུན་བྱེད་ཀུན་གྱི་འཇིག་པའོ། །ཀུན་གྱི་གཟུགས་འཛིན་སངས་རྒྱས་ཏེ། །བྱེད་པོ་འཇོམས་པོ་ཁྱབ་བདག་བདེ། །གང་དང་གང་གིས་གཟུགས་ཀྱིས་ནི། །སེམས་ཅན་གདུལ་བྱར་འདི་ཉིད་འཇུག་།དེ་དང་དེ་ཉིད་ཚུལ་གྱིས་ནི། །འཇིག་རྟེན་དོན་རྒྱུར་བདག་གནས་སོ། །འགའ་ཞིག་སངས་རྒྱས་གྲུབ་ཐོབ་འགའ། །ལ་ལར་ཆོས་དང་དགེ་འདུན་ནོ། །ལ་ལར་ཡི་དྭགས་ལ་ལར་ཕྱུགས། །ལ་ལར་དམྱལ་བའི་གཟུགས་ཅན་ནོ། ། ལ་ལར་ལྷ་དང་ལྷ་མ་ཡིན། །ལ་ལར་མི་ཡི་གཟུགས་ཅན་ནོ། །ལ་ལར་བརྟན་པའི་གཟུགས་ཅན་དང ། །སྣ་ཚོགས་གཟུགས་ཅན་ཐེ་ཚོམ་མེད། །བདག་ནི་སྐྱེས་པ་བུད་མེད་དང་།། 395a ༄#། །མ་ནིང་གཟུགས་སུའང་ལ་ལར་རོ། །ལ་ལར་ཆགས་ཅན་ལ་ལར་སྡང ། །ལ་ལར་རྨོངས་ཤིང་ལ་ལར་གཙང ། །ལ་ལར་མི་གཙང་གཟུགས་སུ་ང ། །སེམས་ཀྱི་གཟུགས་ཀྱི་བདག་གནས་སོ། །བདག་ནི་སེམས་སུ་བལྟ་བར་བྱ། །གཞན་དུ་ཅུང་ཟད་ཡོད་མིན་ཏེ། །དངོས་པོ་དངོས་མེད་རབ་དབྱེ་བ། །ང་ནི་བསྐྱེད་བྱ་སྐྱེ་བྱེད་ང ། །བདག་ནི་བགེགས་དང་གྲུབ་པ་ང ། །ཀུན་གྱི་གཟུགས་ཀྱིས་ཡང་དག་གནས། །ང་ནི་སྐྱེ་དང་འཆི་བའང་ང ། །ང་ནི་ནད་དང་རྒས་པའང་ང ། །ང་ནི་བསོད་ནམས་སྡིག་པའང་ང ། །དེ་ཡི་ལས་ཀྱི་འབྲས་ཉིད་ང ། །འགྲོ་ཀུན་རང་བཞིན་སངས་རྒྱས་ཉིད། །ཀུན་ཏུ་བདག་གི་གཟུགས་ཉིད་འདི། །རྣལ་འབྱོར་དེ་ཉིད་སེམས་དཔའ་བོས། །རོ་མཉམ་རྣམ་པར་ཤེས་པར་བྱ། །དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས། ཅི་སྟེ་ཁྱོད་ཀྱི་གཟུགས་ཉིད་འདི་ལྟ་བུ་ཡིན་ནམ། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་ཁྱོད་ཀྱིས་གཟུགས་ཉིད་ཀྱང ། །རྣམ་པ་དེ་ལྟར་ཀུན་ནས་གསུངས། །བརྟན་དང་གཡོ་བའི་འགྲོ་ཀུན་ལ། །འདིར་ནི་ཁྱོད་ཀྱིས་ཁྱབ་པ་པོ། །ཞེས་པ་འདི་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། སྣ་ཚོགས་པའི་རིམ་པར་ཕྱེ་བ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་མས་གསོལ་ 395b པ།་སྔགས་རྣམས་ཀྱི་ནི་སྒྲུབ་པའི་ཐབས། །ཞི་དང་རྒྱས་པ་དེ་ཉིད་གསུངས། །དབང་དང་དགུག་པའི་རབ་སྦྱོར་དང ། །གསད་དང་བསྐྲད་པ་ལ་སོགས་དང ། །དུག་སེལ་བ་དང་ནད་ཞི་དང ། །མེ་དང་རལ་གྲི་སོགས་རེངས་དང ། །གཡུལ་དུ་རྣམ་པར་རྒྱལ་བ་དང ། །མཁས་པ་ཡི་ནི་མཆོ་གཉིས་དང ། །གནོད་སྦྱིན་མོ་སྒྲུབ་བྲན་དང་ནི། །ཕོ་ཉ་འབྱུང་སོགས་སྒྲུབ་ཐབས་དང ། །དཔག་མེད་རྣམ་ཤེས་ནུས་པ་རྣམས། །བདག་ལ་ངེས་པར་གཙོ་བོས་གསུངས། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཀྱེ།ཁྱོད་ལ་མཆོག་ཅི་ཞིག་སྦྱིན་པར་བྱ། ཞེས་པ་དང ། སྒྲུབ་པོས་སྨྲ་བར་བྱ་སྟེ། སངས་རྒྱས་ཉིད་སྩོལ་ཅིག་།ཅེས་སོ། །དེ་ནས་བཅོམ་ལྡན་འདས་དེའི་ལུས་ལ་རབ་ཏུ་ཞུགས་སོ། །རབ་ཏུ་ཞུགས་པ་ཙམ་གྱིས། ལོ་བརྒྱད་གཉིས་ཀྱི་རྣམ་པ་ཅན། མངོན་པར་ཤེས་པ་དྲུག་པ། ས་བཅུ་གསུམ་གྱི་དབང་ཕྱུག་ལྷའི་གཞལ་ཡས་ཁང་ན་སྤྱོད་པ་ཅན་གྱི་ལྷའི་བུ་མོའི་ཚོགས་བརྒྱ་སྟོང་གིས་བརྒྱན་པ། འདོད་པའི་གཟུགས་ཅན་ཐམས་ཅད་མཁྱེན་པ། བཅོམ་ལྡན་འདས་ཇི་ལྟ་བ་བཞིན་དུ་གྱུར་ཏོ། །ཡང་ན་རལ་གྲི་དང ། མིག་སྨན་དང ། རིལ་བུ་དང ། རྐང་མ་གྱོགྶ་དང ། རྐང་པའི་བྱུག་པ་དང ། རྒྱལ་སྲིད་དང ། འདོད་པ་ལ་ལོངས་སྤྱོད་པའི་དབང་ཕྱུག་དང ། རིག་པ་དང ། ནོར་ཅན་དང ། རིག་པ་ལ་མཁས་པ་དང ། གནོད་སྦྱིན་ 396a ༄#། །དང།་གནོད་སྦྱིན་མོ་དང ། བཅུད་ལེན་དང ། རེག་རྡོ་དང ། ཁམས་སྨྲ་བ་ཇི་ལྟར་མངོན་པར་འདོད་པ་བཞིན་ཞུ་བར་བྱ་སྟེ། དེ་ཐམས་ཅད་བཅོམ་ལྡན་འདས་ཀྱིས་སྟེར་བར་བྱེད་དོ། །ཡང་ན་དཔའ་བོ་གཅིག་པའི་རས་རིས་བྲིས་ལ། སྔོན་མ་བཞིན་དུ་བསྒྲུབ་པར་བྱའོ། །དེ་ལ་དཔའ་བོ་གཅིག་པའི་རི་མེ་ནི་མི་གཡོ་བ་ནག་པོ་ལ་ཞེ་སྡང་རྡོ་རྗེ་མས་འཁྱུད་པའོ། །མི་གཡོ་བ་དཀར་པོ་ལ་གཏི་མུག་རྡོ་རྗེ་མས་སོ། །མི་གཡོ་བ་སེར་པོ་ལ་ཕྲ་མ་རྡོ་རྗེ་མས་སོ། །མི་གཡོ་བ་དམར་པོ་ལ་འདོད་ཆགས་རྡོ་རྗེ་མས་སོ། །མི་གཡོ་བ་ལྗང་གུ་ལ་ཕྲག་དོག་རྡོ་རྗེ་མས་འཁྱུད་པ་བྲི་བར་བྱའོ། །ཡང་ན་ཤེས་རབ་དང་བྲལ་བའི་བཅོམ་ལྡན་འདས་གཅིག་པུ་བྲི་བར་བྱའོ། །ཡང་ན་རི་མོ་ལ་བཅོམ་ལྡན་འདས་མ་ལྔ་པོ་རྣམས་ཀྱི་དབུས་ན་གཅིག་ཏུ་བྱས་ལ། དེར་བདག་ཉིད་དེའི་བདག་པོའི་གཟུགས་སུ་བསམས་ནས་སྔོན་བཞིན་དུ་བསྒྲུབ་པར་བྱའོ། །ཡང་ན་རང་གི་བུད་མེད་ལྷ་མོའི་གཟུགས་སུ་བསམས་ནས་བསྒྲུབ་པར་བྱའོ། །གྲུབ་པར་གྱུར་ན་སངས་རྒྱས་ཉིད་ཀྱང་སྟེར་བར་བྱེད་ན། དངོས་གྲུབ་གཞན་སྨོས་ཅི་དགོས། །ཡང་ན་ཞབས་གཡོན་བརྐྱང་བ་\?\་རལ་གྲི་དང ། ཞགས་པ་བསྣམས་པས་\?\་སྒྲུབ་\?\་པར་བྱའོ། །ཡང་ན་སེམས་དཔའི་སྐྱིལ་ཀྲུང་ཅན། རལ་གྲི་དང ། ཞགས་པ་ཕྱག་ན་བསྣམས་པ། རང་འོད་ཀྱི་ཤེས་རབ་ 396b མ་ལ་རོལ་པས་བསྒྲུབ་པར་བྱ་སྟེ། ལྷན་ཅིག་པའི་ཁྲོ་བོ་གཏུམ་པོ་ཆེན་པོས་སྔོན་བཞིན་དུ་འགྲུབ་བོ། །འདི་ཉིད་བཅོམ་ལྡན་འདས་ཀྱི་རི་མོའི་དངོས་གྲུབ་བོ། །ཡང་ན་སྐུ་གཟུགས་ཀྱི་སྒྲུབ་ཐབས་ཀྱིས་ཀྱང་འདི་ཉིད་བསྒྲུབ་པར་བྱའོ། །དེ་ནས་རལ་གྲིའི་སྒྲུབ་ཐབས་ནི་ཡིད་ཀྱིས་དེའི་ཚེ་མེ་ཏོག་ཛ་ཏི་དང ། ལྕགས་ཀྱི་རང་བཞིན་དང ། ཤིང་གི་སྙིང་པོའི་རང་བཞིན་ལས་སམ། ཇི་ལྟར་མངོན་པར་འདོད་པ་བྱས་ནས། བའི་རྣམ་པ་ལྔས་རབ་ཏུ་བཀྲུས་ཏེ། དྲི་ཐམས་ཅད་ཀྱིས་བྱུགས་ནས་ཡང་དག་པར་བརྩམས་ཏེ། སྔོན་བཞིན་དུ་ལག་པ་གཉིས་ཀྱིས་ཡོངས་སུ་བཟུང་ནས། ཐུན་མཚམས་གསུམ་དང ། ཟླ་བ་གཅིག་ཏུ་བཟླས་པར་བྱའོ། །ཟླ་བའི་མཐར་མཆོད་པ་ཆེན་པོ་བྱས་ནས་མཚན་མོའི་རིལ་པོ་བཟླས་པ་བྱའོ། །ཐོ་རངས་རལ་གྲི་འབར་བ་འགྱུར་ཏེ། རལ་གྲིའི་རིག་པ་འཛིན་པར་འགྱུར་ཏེ། ལོ་བརྒྱད་གཉིས་ཀྱི་རྣམ་པ་ཅན་སྐྲ་འཁྱིལ་བ་འདི་ནི་སྙིང་པོ་འདོད་ཡོན་ལྔས་རྣམ་པར་རོལ་པར་བྱེད་དོ། །དེ་བཞིན་དུ་འཁོར་ལོ་དང ། རྩེ་གསུམ་ལ་སོགས་པ་རྣམས་བསྒྲུབ་པར་བྱའོ། །དེ་བཞིན་དུ་ཟངས་ལ་སོགས་པའི་རང་བཞིན་གྱི་ཞགས་པ་བསྒྲུབ་པར་བྱའོ། །དེ་བཞིན་དུ་བུམ་པ་དང ། མཆིལ་ལྷམ་དང ། མཆོད་ཕྱིར་ཐོགས་དང ། གོས་དང ། གདུགས་དང ། ཤེས་རབ་ཀྱི་ཕ་རོལ་ཏུ་ཕྱིན་མའི་ 397a ༄#། །པོ་ཏི་དང ། རྒྱུད་ཀྱི་པོ་ཏི་ལ་སོགས་པ་བསྒྲུབ་པར་བྱའོ། །དེ་བཞིན་དུ་རྔ་པ་ཊ་ཧ་དང ། རྔ་བོ་ཆེ་དང ། པི་ཝང་ལ་སོགས་པ་བསྒྲུབ་པར་བྱའོ། །དེ་བཞིན་དུ་གསེར་གྱི་རང་བཞིན་ལས། གནོད་སྦྱིན་ཛམ་བྷ་ལ་དང ། ནོར་བུ་བཟང་པོ་དང ། གང་བ་བཟང་པོ་དང ། པི་རྩི་ཀུཎྜ་ལི་ལ་སོགས་པ་བསྒྲུབ་པར་བྱའོ། །ཐམས་ཅད་མཁྱེན་པས་སྒྲུབ་པར་བྱེད་དོ། ། དེ་བཞིན་དུ་སྨྱུག་མའི་རང་བཞིན་ལས་དྲི་བཟང་བསྒྲུབ་པར་བྱའོ། །གྲོག་མཁར་གྱི་སའི་རང་བཞིན་ལས་ནམ་མཁའ་ལྡིང་ངོ ། །ཐང་ཤིང་གི་རང་བཞིན་ལས་ལྷ་རྣམས་ཏེ།་ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། དབང་པོ་དང ། འདོད་ལྷ་ལ་སོགས་པ་རྣམས་སོ། །དུར་ཁྲོད་ཀྱི་སོལ་བས་སྲིན་པོ་བྲི་བར་བྱའོ། །ག་ཌའི་ཉ་ཚིག་པས་ཡི་དྭགས་བྲི་བར་བྱའོ། །སྤྲ་ཚིལ་གྱིས་མིའོ། །གླང་པོ་ཆེའི་རང་བཞིན་ལས་ཚོགས་བདག་གོ། ཤཱ་ཁོ་ཊའི་ཤིང་གི་རང་བཞིན་ལས་པཱི་ལུ་པ་ལ་སོགས་པའི་ཤ་ཟའོ། །བྲ་བཱ་ལའི་ཉ་ལས་གཽ་རིཥ་ཙཽ་ལཱ་ལ་སོགས་པ་བྲི་བར་བྱའོ། །མིའི་རུས་པའི་རང་བཞིན་ལས་རཱ་མ་དེ་བ་དང ། འདོད་པའི་ལྷ་ལ་སོགས་པའི་རོ་ལངས་སོ། །ནཱ་ག་གེ་སར་གྱི་ཤིང་གི་རང་བཞིན་ལས་ནོར་རྒྱས་ལ་སོགས་པའི་ཀླུ་དང ། ཀླུ་མོ་རྣམས་སོ། །མྱ་ངན་མེད་པའི་ཤིང་གི་རང་བཞིན་ལས་འཕྲོག་མ་དང ། ལྷ་མོ་སུན་དྷ་རི་ 397b དང།་གར་མ་དང ། དགའ་མ་དང ། ཡིད་འོང་མ་དང ། ཤྱ་མ་ནུ་ཌི་དང ། པདྨ་ཅན་དང ། རྗེས་སུ་ཆགས་མ་དང ། ཟླ་འོད་མ་དང ། ཚངས་པའི་བུ་མོ་དང ། འདོད་པའི་དབང་ཕྱུག་མ་དང ། མིའི་བུ་མོ་དང ། རེ་བ་ཏཱི་དང ། ལྟ་བྱེད་མ་དང ། ན་ར་དྷི་ར་ལ་སོགས་པའི་གནོད་སྦྱིན་མོ་རྣམས་བསྒྲུབ་པར་བྱའོ། །ནྱ་གྲོ་དྷའི་ཤིང་གི་རང་བཞིན་ལས་དཔལ་ལྷ་མོ་དང ། རྒྱལ་པོའོ། །ཐང་ཤིང་གི་རང་བཞིན་ལས་ཏིལ་མཆོག་མ་དང ། ཟླ་བའི་ལྷ་མོ་དང ། དབང་ཕྲེང་མ་དང ། ཀུཎྜ་ལ་ཧ་རི་ཎཱི་དང ། རིན་ཆེན་ཕྲེང་བ་མ་དང ། རམ་བྷཱ་དང ། ུརྦཱ་ཤཱི་དང།་དཔལ་གྱིས་བརྒྱན་མ་དང ། དགའ་མ་དང ། དབང་མོ་ལ་སོགས་པ་སྟེ། ལྷའི་བུ་མོའི་ཚོགས་བསྒྲུབ་པར་བྱའོ། །དེ་བཞིན་དུ་ཉི་མ་དང ། ཟླ་བ་དང ། བཀྲ་ཤིས་དང ། ལྷག་པ་དང ། ལྷའི་བླ་མ་དང ། པ་བ་སངས་དང ། སྤེན་པ་དང ། སྒྲ་གཅན་དང ། དུ་བ་དང ། གཟའ་དགུའོ། །དེ་བཞིན་དུ་འཇིག་རྟེན་དབང་ཕྱུག་དང ། ཕྱག་ན་རྡོ་རྗེ་དང་འཇམ་དཔལ་ལ་སོགས་པ་བྱང་ཆུབ་སེམས་དཔའ་རྣམས་སོ། །དེ་བཞིན་དུ་རྣམ་པར་གཟིགས་དང ། གཙུག་ཏོར་ཅན་ཏེ། སངས་རྒྱས་རྣམས་བསྒྲུབ་པར་བྱའོ། །དེ་བཞིན་དུ་གཞན་གྱིས་མི་ཐུབ་པ་ལ་སོགས་པའི་འབྱུང་པོ་རྣམས་སོ། །དེ་བཞིན་དུ་གཤིན་རྗེ་ལ་སོགས་པ་འཕགས་པའི་ཕོ་ཉ་རྣམས་སོ། །དེ་བཞིན་དུ་ཀཾ་ཀ་ལ་སོགས་པའི་བྲན་ 398a ༄#། །རྣམས་སོ། །དེ་བཞིན་དུ་སེམས་ཅན་ཐམས་ཅད་ཀྱི་ཕོ་མོ་རྣམས་བསྒྲུབ་པར་བྱའོ། །ཐམས་ཅད་བཀའ་སྒྲུབ་པ་བྱེད་པ་པོར་འགྱུར་རོ། །གལ་ཏེ་ལན་གཅིག་གིས་གྲུབ་པར་མ་གྱུར་ན། དེ་ལ་ལན་གཉིས་པ་ཡང་བྱའོ། །དེའི་ཚེ་ཡང་མ་གྲུབ་ན་ལན་གསུམ་པའང་བརྩམ་པར་བྱའོ། །དེ་ལྟ་ན་འང་མི་དགེ་བ་ཆེན་པོའི་དབང་གིས་གལ་ཏེ་མ་གྲུབ་ན། དེའི་ཚེ་སྔོན་བཞིན་དུ་པུས་མོ་གཡོན་པའི་ཁར་རྐང་པ་གཡས་པས་ཀྱང་མནན་ནས། ཇི་སྲིད་མ་གྲུབ་པ་དེ་སྲིད་བཟླས་པ་བྱའོ། ། དེ་ནས་ཚངས་པ་འཇོམས་པ་པོས་ཀྱང་འགྲུབ་བོ། །དེ་ལ་འདིར་ཁྲོ་བོ་གཏུམ་པོ་ཆེན་པོའི་སྒྲུབ་ཐབས་ཀྱི་སྔགས་ཀྱི་ནང་དུ་བྱས་ནས། ཨོཾ་ཙཎྜ་མྷཱ་རོ་ཥ་ཎ་ཨཱུ་གྩྪ་ཨཱ་གྩྪ་ཧཱུཾ་ཕཊ། རལ་གྲི་ལ་སོགས་པ་སྒྲུབ་ན་ཆེ་གེ་མོ་སྒྲུབས་ཤིག་ཅེས་སྦྱར་བར་བྱའོ། །གང་གི་ཚེ་མནན་ནས། ཆེ་གེ་མོ་ལ་ཧ་ན་ཧ་ན་ཞེས་སྦྱར་བར་བྱའོ། །དེ་ལྟར་ལན་གཅིག་བརྗོད་པས་མཚམས་མེད་པ་ལྔ་པོ་བྱེད་པས་ཀྱང་ཐམས་ཅད་སྲེག་པར་བྱེད་དོ། །སརྦ་པཱ་པི་མེ་ནཱ་ཤ་ཡ་ཏི་ཞེས་སྦྱར་བར་བྱའོ། །དེ་བཞིན་དུ་འཇིགས་པ་ཐམས་ཅད་ལ་བརྗོད་པ་ཙམ་གྱིས་སྲུང་བར་བྱེད་དོ། །རཀྵ་རཀྵ་ཏི་ཞེས་བརྗོད་པར་བྱའོ། །དེ་ལྟ་བུས་ཐམས་ཅད་སྲིན་པོ་རྣམས་སྲེག་པར་བྱེད་དོ། །དེ་ནས་རག་ཏུ་འབར་བཞིན་ 398b པའི་ལྕགས་སུ་བསམས་ནས། ཡུངས་ཀར་དང ། སྲན་མ་མུད་ག་དང ། མ་ཥ་ལ་བརྒྱ་རྩ་བརྒྱད་རང་གི་སྔགས་ཀྱིས་མངོན་པར་བསྔགས་ནས་མཁའ་འགྲོ་མ་ལ་སོགས་པ་རྣམས་ལ་བྲབ་པར་བྱའོ། །ཐམས་ཅད་འབྲོས་པར་བྱེད་དོ། །འབྲབ་པའི་དུས་སུ་ཌཱ་ཀི་ནྱཱ་དི་ཀཾ་པ་ས་ཡ་ཞེས་སྦྱར་བར་བྱའོ། །ཡང་ན་ཐོད་ལེ་ཀོར་གྱིས་ཁམ་པོར་སོ་མ་བཏང་བ་གཉིས་ལ་པདྨ་འདབ་མ་བརྒྱད་པའི་ནང་དུ་སྔགས་བྲིས་ནས་ཁ་སྦྱར་ཏེ། ཉ་རྒྱས་དཀྲིས་ནས་སྒོ་ལ་བཅང་བར་བྱའོ། །བྱིས་པ་རྣམས་ཀྱི་སྲུང་བར་བྱེད་དོ། །རཀྵ་རཀྵ་བཱ་ལ་ཀཾ་ཞེས་སྦྱར་བར་བྱའོ། །སྤྲ་ཚིལ་ལས་བསྒྲུབ་བྱའི་གཟུགས་བརྙན་སོར་བཞི་པ་བྱས་ཏེ། གྲོ་ག་ལ་སྔགས་མངོན་པར་བྲིས་ནས། དེའི་སྙིང་གར་སྐེ་ཚེ་ལ་སོགས་པ་རབ་ཏུ་གཞུག་པར་བྱའོ། །དེ་ནས་ཚེར་མས་ཁ་ལ་ཕུར་བུས་གདབ་པར་བྱའོ། །ཕྱིར་རྒོལ་བའི་ཁ་ལ་ཕུར་བུས་བཏབ་པར་འགྱུར་རོ། །ལྷ་སྦྱིན་གྱི་མུ་ཁཾ་ཀཱི་ལ་ཡ་ཞེས་སྦྱར་བར་བྱའོ། །ལམ་གྱི་བཞི་མདོར་བརྐོས་ནས་དེ་བཞིན་དུ་རྐང་པ་ལ་ཕུར་བུས་གདབ་པར་བྱའོ། །འགྲོ་བ་དང ། འོང་བ་རེངས་པར་བྱེད་དོ། །ལྷ་སྦྱིན་གྱི་རྐང་པ་ལ་ཀཱི་ལ་ཡ་ཞེས་སྦྱར་བར་བྱའོ། །སྙིང་ལ་ཕུར་བུས་བཏབ་ན་ཁྲོས་པ་རེངས་པར་འགྱུར་རོ། །ལྷ་སྦྱིན་གྱི་ཧྲྀ་ད་ཡཾ་ཀཱི་ལ་ཡ་ཞེས་སྦྱར་བར་བྱའོ། །མིའི་རུས་པའི་ཕུར་བུའམ། ལྕགས་ཀྱི་ 399a ༄#། །ཕུར་བུའམ། མཚོན་སྦལ་གྱི་ཚེར་མས་འགའ་ཞིག་གི་ཡན་ལག་ལ་ཕུར་བུས་བཏབ་ན། དེ་དང ། དེའི་ཕུར་བུས་བཏབ་པ་དེ་ཟུག་རྔུ་ཆེན་པོར་འགྱུར་རོ། །ལྷ་བྱིན་གྱི་ཡན་ལག་ཆེ་གེ་མོ་ལ་ཀཱི་ལ་ཡ་ཞེས་སྦྱར་བར་བྱའོ། །གང་གི་ཁང་པའི་སྒོ་རུ་བརྐོས་ནས་སྦས་ན་དེ་སྐྲོང་པར་བྱེད་དོ། །ལྷ་སྦྱིན་བསྐྲད་པར་གྱིས་ཤིག་ཅེས་སྦྱར་བར་བྱའོ། །དུར་ཁྲོད་ཀྱི་ཐལ་བ་ལ་མངོན་པར་བསྔགས་ནས་སྒོ་གླེགས་ལ་གཏོར་ན་སྐྲོད་པར་བྱེད་དོ། །ལྷ་སྦྱིན་ཨུཙྪ་ཊ་ཡ་ཞེས་སྦྱར་བར་བྱའོ། །གཟུགས་བརྙན་ལ་ཚེར་མས་བཏབ་ནས་བཟླས་པར་བྱའོ། །ལྷ་སྦྱིན་མཱ་ར་ཡ་ཞེས་སྦྱར་ན་འཆི་བར་བྱེད་དོ། །རལ་གྲི་ལ་སོགས་པ་ལ་རང་གི་སྔགས་ཀྱིས་བརྒྱ་རྩ་བརྒྱད་མངོན་པར་སྔགས་ནས་གཡུལ་དུ་འཇུག་པར་བྱས་ན་རྒྱལ་བར་འགྱུར་རོ། །གང་བྱ་བའི་ཕྱོགས་སུ་གཏོར་མ་བྱིན་པས་དེ་འགྲུབ་བོ། །སྡིག་པའི་ནད་ལ་སོགས་པ་ལ། རྨ་བྱའི་སྒྲོ་ལ་རང་གི་སྔགས་ཀྱིས་བརྒྱ་རྩ་བརྒྱད་མངོན་པར་བསྔགས་ནས་བྱ་བ་པར་བྱའོ། །ཆེ་གེ་མོའི་ཆེ་གེ་རོ་ག་ནཱ་ཤ་ཡ་ཞེས་སྦྱར་བར་བྱའོ། །ནད་ཐམས་ཅད་ཞི་པར་འགྱུར་རོ། །དེ་བཞིན་དུ་མཆེ་བའི་དུག་ལ་སྦྱར་བར་བྱ་སྟེ། ལག་པའི་མཐིལ་གཉིས་སུའོ། །ལྷ་སྦྱིན་གྱི་བི་ཥ་ནཱ་ཤ་ཡ་ཞེས་སྦྱར་བར་བྱའོ། །དུག་མེད་པར་འགྱུར་རོ། །དེ་བཞིན་དུ་གང་གི་དབང་དུ་བྱ་ 399b བ་ལ་ནི་རང་གི་གནས་ནས་འོངས་ཏེ་གཅེར་བུ་སྐྲ་གྲོལ་བ་མདུན་དུ་བསམས་ཏེ་འགྱེལ་བར་བལྟས་ནས་བཟླས་པས་དབང་དུ་འགྱུར་རོ། །ཆེ་གེ་མོ་བདག་གི་བ་ཤ་མཱ་ནཱ་ཡ་ཞེས་སྦྱར་བར་བྱའོ། །དེ་བཞིན་དུ་སྔོན་མ་བཞིན་དུ་དགུག་པར་བསམས་ནས་བཟླས་པས་འགུགས་པར་བྱེད་དོ། །ཆེ་གེ་མོ་ཨཱ་ཀཪྵ་ཡ་ཞེས་སྦྱར་བར་བྱའོ། །བདག་ཉིད་ཀྱི་ནོར་དང།་འབྲུ་དང ། གཏེར་ལ་སོགས་པ་ཡོངས་སུ་གང་བར་བསམས་ནས་བཟླས་པར་བྱའོ། །བདག་ལ་པུཥྚིཾ་ཀུ་རུ་ཞེས་སྦྱར་བ་བྱའོ། །རྒྱས་པར་འགྱུར་རོ། །སྔགས་འདིས་གྲུ་གསུམ་གཉིས་ཁ་སྦྱར་ཏེ། དབུས་སུ་གོ་ལའི་འདབ་མ་ལ་ཆེར་མར་བྲིས་ཏེ་ཕོ་བ་རིས་ལྔ་དང་བཅས་པའི་གོ་ལ་ཟོས་ན་རིམས་ཐམས་ཅད་འཇོམས་པར་བྱེད་དོ། །སརྦ་ཛྭ་རཾ་ནཱ་ཤ་ཡ་ཞེས་སྦྱར་བར་བྱའོ། །ཟླ་བ་གཟས་བཟུང་བའམ། ཉི་མ་གཟས་བཟུང་བ་ལ་འོ་མའི་ཟན་ནམ། ཞོའི་ཟན་གྱིས་ལྷུང་བཟེད་བཀང་ནས། ཀ་ར་དང་མར་དང་བཅས་པ། ཨ་ཤཝད་ཐའི་ལོ་མ་བདུན་གྱིས་སྟེང་དུ་བཞག་ནས། ལོ་མ་བདུན་གྱིས་སྟེང་ནས་གཡོགས་ཏེ། ལག་པ་གཉིས་ཀྱིས་བསྟེན་ནས། ཇི་སྲིད་མ་གྲོལ་གྱི་བར་དེ་སྲིད་བཟླས་པར་བྱའོ།། དེ་ཟོས་པས་ལོ་ལྔ་བརྒྱ་ཐུབ་པོ། །རིམ་པ་འདི་ཉིད་ཀྱིས་བ་བླའམ། གི་ཝང་ངམ། ལྡོང་རོས་སམ། སླང་དྲེག་ལ་བསྒྲུབ་པར་བྱའོ། །འབར་བར་གྱུར་ན་ཐིག་ལེའམ། མིག་ 400a ༄#། །སྨན་གྱི་རིག་པ་འཛིན་པར་འགྱུར་རོ། །དུ་བ་བྱུང་ན་མི་སྣང་བར་འགྱུར་རོ། །དུ་བ་བྱུང་ན་མི་སྣང་བར་འགྱུར་རོ། །དྲོ་བར་གྱུར་ན་དབང་དུ་བྱེད་དོ། །ཡང་ན་ནཱ་ག་གེ་སར་གྱི་ཤིང་གི་རང་བཞིན་ལ་ཀླུའི་རྒྱལ་པོ་མཐའ་ཡས་བྱའོ། །དེ་ཆུའི་ནང་དུ་ཁ་ཐུར་དུ་བལྟས་ནས། །གདོང་ནམ་མཁར་བལྟས་ནས་བཟླས་པ་བྱའོ། །ཧ་ན་ཧ་ན་ཨ་ནན་ཏཾ་ཤཱི་གྷྲཾ་བྐྵིལ་ཡ་ཞེས་སྦྱར་བར་བྱའོ། །ལྷ་ཡིས་ཆར་འབེབས་སོ། །དེ་ནས་མཐའ་ཡས་ཆུ་ནས་གཏོན་ཏེ། འོ་མ་ཡིས་ཁྲུས་བྱས་ནས་གཤེགས་སུ་གསོལ་བར་བྱའོ། །དེ་ནས་སྤྲིན་ལ་རྣམ་པར་བལྟས་ནས་བཟླས་པར་བྱའོ། །ཆར་རེངས་པར་འགྱུར་རོ། །སརྦ་བཱ་ཏ་བྲྀཥྚི་སྟ་མྦྷ་ཡ་ཞེས་སྦྱར་བར་བྱའོ། །ཞེས་པ་ནི་ཕྱེ་དང་བཅས་པའི་ཡི་གེ་བཅུའི་སྔགས་སོ། །དེ་བཞིན་དུ་གཉིས་པ་དང ། གསུམ་པའི་རྩ་བའི་སྔགས་དག་གི་ཆོ་ག་དང ། སྙིང་པོའི་སྔགས་ཀྱི་འང་ཆོ་ག་འདི་ཉིད་དོ། །དང་པོར་ཕྲེང་བའི་སྔགས་ཀེ་ཏ་ཀའི་ལོ་མ་ལ་ཚེར་མས་བྲིས་ནས། གོས་སྔོན་པོ་དང ། སྐུད་པ་དག་གིས་དཀྲིས་ནས་མགོ་བོའམ། དཔུང་པའམ། མགུལ་བའི་རྒྱབ་བམ། གཡོན་པར་བཅིང་བར་བྱའོ། །ཀྲོ་དྷ་ཙྪེ་དཾ་སཱཾ་ཆེ་གེ་མོ་ཛྭ་རཾ་ནཱ་ཤ་ཡ། ཞེས་པ་འདི་བྱས་པས་རིམས་ཐམས་ཅད་འཇོམས་པར་བྱེད་དོ། །འཆིང་བའི་དུས་སུ་ནད་པ་གདོང་ཤར་དུ་ཕྱོགས་པར་ 400b བྱས་ནས། ཉ་བསྲེགས་པ་དང ། ཟན་དང ། ཆང་ལ་སོགས་པས་གང་བའི་ཁམ་ཕོར་གྱིས་སྦྱངས་ནས། འདི་ཟོ་ལ་རིམས་ལ་སོགས་པ་ཐམས་ཅད་མྱུར་དུ་ཕྱིར་དེངས་ཤིག་།བཅོམ་ལྡན་འདས་ཁྲོ་བོ་གཏུམ་པོ་ཆེན་པོའི་བཀའ་འདི་ཉིད་ཀྱིས་སོང་ཞིག་།གལ་ཏེ་ན་ཡང་གཞན་དུ་མི་འགྲོ་ན། དེའི་ཚེ་བཅོམ་ལྡན་འདས་གཏུམ་པོ་ཁྲོས་པའི་རལ་གྲིས་ཏིལ་གྱི་ཚད་ཙམ་དུ་གཏུབ་པར་བྱའོ་ཞེས་བརྗོད་ནས། བདེན་བྲལ་གྱི་མཚམས་སུ་གཏང་བར་བྱའོ། །དེ་ནས་བདེ་བར་འགྱུར་རོ། །དེ་བཞིན་དུ་ནད་དང ། མཁའ་འགྲོ་མ་དང ། བར་དུ་གཅོད་པ་ཐམས་ཅད་ལ་གཏོར་མ་སྦྱིན་པར་བྱའོ། །འཇིགས་པ་ཐམས་ཅད་ལ་བཀླགས་པ་ཙམ་གྱི་སྲུང་བར་བྱེད་དོ། །གཞན་ཡང་རྩ་བའི་སྔགས་བརྗོད་པས་ཐམས་ཅད་བྱེད་དོ། །ཕྲེང་བའི་སྔགས་གཉིས་པ་ལའང་ཆོ་ག་འདི་ཉིད་དོ། །ཕྲེང་བའི་སྔགས་གསུམ་པས་ལྷག་མའི་ཆང་བུ་ལ་མངོན་པར་སྔགས་ནས་སྤྱིན་བར་བྱའོ། །མཆོག་སྟེར་བར་འགྱུར་རོ། །ཟན་གྱི་ཕུང་པོ་ལ་མངོན་པར་སྔགས་ནས། ཕྱི་དྲོའི་དུས་སུ་དབེན་པའི་ཕྱོགས་སུ་སྦྱིན་པར་ལྦྱའོ། །བྱ་བ་གང་གི་ཕྱོགས་ལ་དེས་ཐམས་ཅད་འགྲུབ་པ། །ཆོ་ག་ལྷག་མ་ནི་སྔོན་མ་བཞིན་ནོ། །ཆོ་ག་གྶྔོན་མ་བཞིན་དུ་དཀར་པོའི་ཚེས་གཅིག་ནས་བརྩམས་ཏེ་ཇི་སྲིད་ཉ་གང་བའི་བར་སྔོན་བཞིན་དུ་བྱའོ། ། 401a ༄#། །ཕྲེང་བའི་སྔགས་རྣམས་ཀྱི་སྟོང་ཕྲག་བཅུས་སྔོན་དུ་བསྙེན་པར་བྱའོ། །ལྷ་རྣམས་ཀྱི་བྱེ་བྲག་གི་སྔགས་རྣམས་རྩ་བའི་སྔགས་ཀྱི་ཆོ་ག་བཞིན་དུའོ།། བཅོམ་ལྡན་འདས་ཀྱིས་སྔགས་ཀྱི་ཆོ་ག་ཇི་ལྟ་བ་བཞིན་ནོ། །དེ་བཞིན་དུ་ལྷ་མོ་རྣམས་ཀྱིའོ། །ཁྱད་པར་དུ་ཕྲེང་བའི་སྔགས་བཟླས་པས། སྙན་དངགས་མཁན་དང ། པཎྜི་ཏ་ཉིད་དུ་མྱུར་དུ་འགྱུར་རོ། །རྩ་བའི་སྔགས་གསུམ་པའི་ཆོ་གའོ། །མལ་གྱི་སྟེང་དུ་ལག་པ་གཡོན་པས་ལིངྒ་བཟུང་ནས་བརྒྱ་རྩ་བརྒྱད་བཟླས་པར་བྱའོ། །གང་གི་མིང་གང་ཡིན་པ་དེ་འོང་བར་བྱེད་དེ། འདོད་པར་བྱའོ། །སྔགས་ནི། ཨོཾ་བཽ་ཧ་རི་ཆེ་གེ་མོ་མེ་ཨཱ་ཡཱ་ཏུ་ཧཱུཾ་ཧཱུཾ་ཕཊ། བཙག་གིས་བྷ་ག་ལ་ཀུན་ནས་བྱུགས་ནས། ས་ལ་ལག་པ་གཡོན་པས་བརྟེན་ནས་བརྒྱ་རྩ་བརྒྱད་བཟླས་པར་བྱའོ། །གང་གི་མིང་ཡིན་པ་དེ་འོང་བར་འགྱུར་རོ། །ཉུངས་ཀར་ལ་ལན་བདུན་དུ་མངོན་པར་སྔགས་ནས་སྐྱེས་བུ་ལ་བསྣུན་པར་བྱའོ། །ནད་དང་བྲལ་བར་འགྱུར་རོ། །ཡིད་ཀྱིས་བརྟག་པར་བྱའོ། །ཆུ་ལ་ཡོངས་སུ་བཟླས་ནས་བསྣུན་ན་ཁྲག་འཛག་པར་འགྱུར་རོ། །གོས་ལ་ཡོངས་སུ་བཟླས་ནས་བསྣུན་ན་སྐྱེ་བོ་ཐམས་ཅད་དགའ་བར་འགྱུར་རོ། །ལན་ཚཝ་ལ་ཡོངས་སུ་བཟླས་ནས་གང་གི་རྐང་པའི་སེན་མོ་ལ་བྱིན་ན་དེ་དབང་དུ་བྱེད་དོ། །བ་ལང་གི་ 401b སྤུའི་ཐག་པ་སྔགས་ཀྱིས་མངོན་པར་བསྔགས་ནས་གང་གི་མགུལ་དུ་བཅིངས་པ་དེ་བ་ལང་དུ་འགྱུར་རོ། །ཉི་མ་ལ་མངོན་པར་ཕྱོགས་ནས་གང་གི་མིང་ནས་མངོན་པར་བཟླས་པ་དེ་འོང་བར་འགྱུར་རོ། །ཞུམ་བུའི་སྤུའི་ཐག་པ་གང་གི་མགུལ་བར་བཅིངས་པ་དེ་ཞུམ་བུར་འགྱུར་རོ། །བྱ་རོག་གི་རྒྱུས་པའི་སྲད་བུས་བྱ་རོག་ཏུ་འགྱུར་རོ། །སྐྱེས་བུའི་སྐྲའི་སྲད་བུས་སྐྱེས་པར་འགྱུར་རོ། །བུད་མེད་ཀྱི་སྐྲའི་སྲད་བུས་བུད་མེད་དུ་འགྱུར་རོ། །དེ་བཞིན་དུ་གང་དང ། གང་གི་སྤུ་ལ་སོགས་པའི་སྲད་བུས་བྱས་པས་དེ་དང ། དེའི་གཟུགས་ཉིད་དུ་འགྱུར་རོ། །གང་གིས་མིང་གི་བཟླས་ན་དེའི་ཁྲག་འགུགས་སོ། །མིག་མི་འཛུམ་པར་བལྟ་ཞིང་འདི་བཟླས་པས་དེ་དབང་དུ་འགྱུར་རོ། །ཞེས་པ་ནི་ལྷ་མིའི་སྔགས་ཀྱི་ཆོ་གའོ།། གཏོར་མའི་སྔགས་ཀྱིས་གཏོར་མ་དབུལ་བར་བྱའོ། །ནད་དང ། བགེགས་ལ་སོགས་པའི་བར་དུ་གཅོད་པ་ཐམས་ཅད་ཞི་བར་འགྱུར་རོ། །གཏོར་མ་ཕུལ་ནས་བྱ་བ་གང་ལ་ཞུགས་ན་དེ་འགྲུབ་པར་འགྱུར་རོ། །མེ་ཏོག་དཀར་པོའི་ཁམ་ཕོར་དང ། འོ་མའི་ཁམ་ཕོར་དང ། དྲི་བཟང་གི་ཆུའི་ཁམ་ཕོར་དང ། ཞོ་ཟན་གྱི་ཁམ་ཕོར་ཏེ། ཁམ་ཕོར་བཞི་ཕོ་འདི་རྣམས་ཤིང་ཐོག་དང ། ཉེ་བའི་ཤིང་ཐོག་གིས་རབ་ཏུ་ཞི་བའི་མཚན་མོ་ཨོཾ་ཙཎྜ་མཧཱ་རོ་ཥ་ན་ཨི་མཾ་བ་ལིཾ་གྲྀཧྞ་གྲྀཧྞ་བདག་གི་བྱ་བ་ཆེ་གེ་མོ་སྒྲུབས་ཤིག་ཧཱུཾ་ཕཊ། ཅེས་པ་བརྒྱ་རྩ་ 402a ༄#། །བརྒྱད་སྔགས་ནས་དབེན་པའི་ཕྱོགས་སུ་བསྒྲུབས་པས་དེའི་མངོན་པར་འདོད་པ་འགྲུབ་བོ། །དེ་ནས་བཅོམ་ལྡན་འདས་ཀྱི་རྩ་བའི་སྔགས་བརྒྱ་རྩ་བརྒྱད་བཟླས་ནས། ཚ་བའི་མར་ནག་གི་སྦྲུམ་མའི་བྷ་གའི་ནང་དུ་མཉེ་བར་བྱའོ། །འཐུངས་ན་འང་རབ་ཏུ་བདེ་བ་སྐྱེ་བར་འགྱུར་རོ། །དེ་བཞིན་དུ་འདིས་རྨ་ལ་བྱུགས་ནའང་བདེ་བར་འགྱུར་རོ། །ཐོས་པས་ཀྱང་ཐམས་ཅད་དུའོ། །དང་པོར་ཕྲེང་བའི་སྔགས་ཀྱིས་གྲོ་ག་ལ་ཆུ་སྐྱེས་འདབ་མ་བཅུ་དྲུག་པའི་དབུས་སུ་བྲི་བར་བྱའོ། །སྲད་བུ་སྔོན་པོས་དཀྲིས་ནས་ལུས་ལ་བཅངས་ན་ཐམས་ཅད་དུ་སྲུང་བར་འགྱུར་རོ། །གི་ཝང་ངམ། རྒྱ་སྐྱེགས་ཀྱིས་བྲི་བར་བྱའོ། །འདི་ནི་གཉིས་པའོ། །དེ་བཞིན་དུ་རྒྱུད་གཞན་དུ་གསུངས་པའི་ཆོ་གའང་འདི་ཉིད་ཀྱི་སྦྱོར་བས་སྦྱར་བར་བྱའོ། །རྣལ་འབྱོར་པའི་བསྒོམས་པའི་མཐུ་ཡིས་དེ་བཞིན་དུ་ཐམས་ཅད་འགྲུབ་པར་འགྱུར་རོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། སྔགས་ཀྱི་ཆོ་ག་རིམ་པར་ཕྱེ་བ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་མས་གསོལ་པ། རྣལ་འབྱོར་སྡོམ་པས་གང་གིས་བཞག་།སྤྱོད་པའི་ཚུལ་ཡང་ཅི་འདྲ་ཞིག་།གང་གིས་དངོས་གྲུབ་ལེགས་པར་འཐོབ། །བྱ་བ་ 402b ཁྱབ་བདག་གསུང་བར་མཛོད། །བཅོམ་ལྡན་འདས་ཀྱིས་བཀའ་སྩལ་པ། སངས་རྒྱས་བསྟན་པ་སུན་འབྱིན་པའི། །ངེས་པར་གདུག་ཅན་གསད་པར་བྱ། །དེ་རྣམས་ཉིད་ཀྱི་ནོར་བླངས་ནས། །སེམས་ཅན་རྣམས་ལ་ཕན་ཕྱིར་སྤྱད། །ཡུགས་ས་མོ་ཀུན་ངེས་པར་བསྟེན། །གཞན་ཡང་མ་དང་བུ་མོ་དང ། །ཤ་དང་ཉ་ཤ་བཟའ་བར་བྱ། །མཉམ་གཞག་ནས་ནི་ཆང་ནི་བཏུང ། །རང་གཞན་དག་གི་རྫུན་དང་ནི། །ཉེས་པ་དེ་བཅབ་བསམ་གཏན་མཆོག་།བདག་ཉིད་རྣམ་པར་མི་རྟོག་བསླབ། །སྦས་པ་རབ་སྦྱོར་ཉིད་ལས་འགྲུབ། ། གང་གང་སྡིག་པ་དེ་ཉིད་ཀྱིས། །སེམས་ཅན་རྣམས་ནི་འོག་ཏུ་འགྲོ། །དེ་དང་དེ་ཡི་ཐབས་ཀྱིས་ནི། །རྣལ་འབྱོར་མྱུར་དུ་དངོས་གྲུབ་མཆོག་།དེ་ནས་བཅོམ་ལྡན་འདས་མ་ཞེ་སྡང་རྡོ་རྗེ་མས་བཅོམ་ལྡན་འདས་ལ་འདི་ཉིད་གསོལ་ཏོ། །བཅོམ་ལྡན་འདས། ཁྱོད་ཀྱིས་ཇི་ལྟར་སྡོམ་པ་ཕྱིན་ཅི་ལོག་ཏུ་གསུངས། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། མེས་ཚིག་པ་ལ་མེ་ཡིས་བདུག་།འདོད་ཆགས་ཀྱིས་བསྣུན་འདོད་ཆགས་ཀྱིས། །དུག་གིས་བསྣུན་ལ་དུག་ཉིད་ཀྱིས། །ཐབས་ནི་རབ་ཏུ་སྦྱོར་ལས་སོ། །འགྲོ་བ་རང་བཞིན་མེད་བསྒོམས་ནས། །བདག་གི་དངོས་གྲུབ་ཅེས་བསྒོམ་པ། །ཤིན་ཏུ་སྦས་པ་ཀུན་ནས་སྤྱད། །སུས་ཀྱང་ཇི་ལྟར་མི་ཤེས་བྱ། །སྡིག་པ་ཐམས་ཅད་ཟད་བྱས་ནས། །ཕྱིན་ཅི་ 403a ༄#། །ལོག་གིས་འདི་ཉིད་འགྲུབ། །རྣལ་འབྱོར་དེ་ཉིད་གཅིག་སྦྱོར་མཆོག་།གང་ཞིག་སྦེད་པར་མི་བྱེད་ན། །སྡོམ་པ་ཕྱིན་གྱི་ལོག་འདི་ཡི། །དེ་ཡི་དངོས་གྲུབ་ཡོད་མ་ཡིན། །སྡིག་པ་མེད་ཅིང་བསོད་ནམས་མེད། །རང་བཞིན་མེད་པའི་རང་བཞིན་ལས། །འཇིག་རྟེན་འཕྱ་བ་བསལ་བའི་ཕྱིར། །བདག་གིས་གསལ་པོར་མ་བྱས་སོ། །ད་ནི་བདེན་པར་གསུང་མཛད་པ། །གཏུམ་པོའི་ཚུལ་གྱིས་དགའ་མ་ཀྱེ། །རྣལ་འབྱོར་འཇིག་རྟེན་གཞུག་པའི་ཕྱིར། །སེམས་ཅན་ཀུན་གྱི་དོན་རྒྱུད་རྣམས། །རབ་གསལ་སྡོམ་པ་བཤད་པ་ཡིས། །ད་ནི་དགའ་མ་ཁྱོད་ཉོན་ཅིག་།སྲོག་ཆགས་གསང་བར་མི་བྱ་ཞིང ། །ཕ་རོལ་ནོར་ནི་ཕྲོག་མི་བྱ། །རྫུན་གྱི་ཚིག་ཀྱང་སྨྲ་མི་བྱ། །བློ་ལྡན་ཆང་ནི་བཏུང་མི་བྱ། །འཇིག་རྟེན་སྨོད་པ་སྤང་བར་བྱ། །རབ་གསལ་བསླབ་པའི་གནས་འདི་ནི། །གུས་པ་དང་བཅས་སྤྱད་པར་བྱ། །ད་ནི་སྡོམ་པའི་ཚུལ་གསུངས་པ། །འདི་ཡི་སྤྱོད་པ་བཤད་པར་བྱ། །མགོ་བོ་ལ་ནི་དབུ་རྒྱན་བྱ། །རྣ་བ་དག་ལ་རྣ་རྒྱན་ནོ། །དེ་བཞིན་རང་ལུས་ཉིད་ལ་ནི། །སྣ་ཚོགས་རྒྱན་གྱིས་བརྒྱན་པར་བྱ། །རྐང་པ་དག་ལ་རྐང་གདུབ་བོ། །དེ་བཞིན་རྐེད་པ་རྐེད་རྒྱན་ནོ། །དེ་བཞིན་ལག་གཡས་རལ་གྲི་དང ། །གཡོན་དུ་ཞགས་པ་གཟུང་བར་བྱ། །སངས་རྒྱས་ 403b ལྔ་ནི་རབ་སྦྱོར་བས། །མགོ་བོ་དབུ་རྒྱན་ཕྱག་རྒྱ་བྱ། །ཟུར་ཕུད་ལྔ་ཡིས་བརྒྱན་བྱས་ནས། །སྐྲ་དང་ཁ་སྤུ་བྲེག་པར་བྱ། །ལོ་ནི་བཅུ་གཉིས་གསང་སྤྱོད་བྱ། །ཚེ་ཕྱེད་ཀུན་ནས་ཡང་དག་སྤྱད། །སྔོན་གསུང་རིགས་ཀྱི་དབྱེ་བ་ཡིས། །གཞོན་ནུ་མ་རྣམས་རབ་ཏུ་བརྟག་།བུ་མོ་ལ་འོས་རྒྱན་གྱིས་ནི། །རྟག་ཏུ་ཡང་ནི་བརྒྱན་པར་བྱ། །གཡས་པར་གྲི་གུག་སྦྱིན་བྱ་ཞིང ། །གཡོན་པ་རུ་ཡང་ཀ་པཱ་ལ། །རིགས་ཀྱི་དབྱེ་བས་ངེས་པར་བྱ། །ཁ་དོག་དབྱེ་བས་ལུས་ལའོ། །རང་རིགས་ཤེས་རབ་བཟུང་བྱས་ནས། །ཡང་ན་གཞན་རིགས་མཉམ་གཞག་ནས། །རང་འདོད་ཡང་དག་བཟུང་ནས་ནི། །སྤྱོད་པ་འདི་ནི་ཡང་དག་བརྩམ། །རིན་ཆེན་ལ་སོགས་མེད་གྱུར་ན། །རྫས་ལ་སོགས་པ་སྤྲུལ་པས་སོ། །གལ་ཏེ་རབ་འཇུག་མ་རྙེད་ན། །ཡང་ན་སེམས་ཀྱིས་བསྒྲུབ་པར་བྱ། །རིགས་ལྔའི་རབ་ཏུ་དབྱེ་བ་ལས། །དམ་ཚིག་ལྔ་ལ་སྤྱད་\?\་པར་བྱ། །དེ་ནི་སྔོན་གསུངས་སྦྱོར་བ་ཡིས། །ཕན་ཚུན་གཉིས་གཉིས་བརྩམ་པར་བྱ། །འདིར་ནི་བྱ་བ་གཞན་མི་བརྩམ། །རྣམ་ཀུན་རྣལ་འབྱོར་དངོས་གྲུབ་ཐོབ།། ཐབས་དང་ཤེས་རབ་མཉམ་སྦྱོར་བས། །ཡིག་གསུམ་སེན་མོ་སྦྱིན་པར་བྱ། །འོ་དང་འཁྱུད་པ་ཉིད་དང་ནི། །ཀུན་གྱི་ནོར་ནི་ཁུ་བ་ཉིད། །སྦྱིན་པའི་ཕ་རོལ་ཕྱིན་རྫོགས་པར། །དེ་ཉིད་ཐེ་ཚོམ་མེད་པར་འགྱུར། །ལུས་ངག་ཡིད་ནི་དེ་མཆོག་ཏུ། །བདེ་བས་ཡང་དག་སྡོམ་པ་ནི། །ཚུལ་ཁྲིམས་ཕ་རོལ་ཕྱིན་ཞེས་བྱ། །སེན་མོ་གདབ་པ་བཟོད་པ་ཡིས། །ཡི་གེ་གསུམ་གྱིས་བཙིར་བ་ 404a ༄#། །ཉིད། །འདི་ནི་བཟོད་པའི་ཕ་རོལ་ཕྱིན། །གུས་པ་དང་བཅས་དུས་རིང་དུ། །ཤིན་ཏུ་བདེ་བས་མཉམ་གནས་བྱ། །བརྩོན་འགྲུས་ཕ་རོལ་ཕྱིན་ཞེས་བྱ། །སེམས་ཉིད་བདེ་བ་དེ་སྦྱོར་ལས། །དངོས་པོ་ཀུན་གྱི་གཟུགས་ཀྱིས་ནི། །བསམ་གཏན་ཕ་རོལ་ཕྱིན་པར་འདོད། །བུད་མེད་ཚུལ་གྱིས་བསྒོམ་པ་ཉིད། །ཤེས་རབ་ཕ་རོལ་ཕྱིན་མར་གྲགས། །ཤིན་ཏུ་དགའ་གཅིག་སྦྱོར་ཙམ་གྱིས། །ཕ་རོལ་ཕྱིན་པ་དྲུག་རྫོགས་འགྱུར། །ཕ་རོལ་ཕྱིན་ལྔ་བསོད་ནམས་དང ། །ཤེས་རབ་ཡེ་ཤེས་ཞེས་བྱར་གསུངས། །ཤིན་ཏུ་དགའ་སྦྱོར་མཚུངས་ལྡན་པ། །རྣལ་འབྱོར་པ་ཡི་ཚོགས་གསུམ་འགྱུར། །བསོད་ནམས་ཡེ་ཤེས་དང་ལྡན་ན། །སྐད་ཅིག་ཙམ་གྱིས་འགྲུབ་པར་འགྱུར། །དཔེར་ན་འཁྲི་ཤིང་ལས་བྱུང་བའི། །མེ་ཏོག་འབྲས་བུ་དང་ལྡན་ལྟར། །སྐད་ཅིག་གཅིག་གིས་རྫོགས་བྱང་ཆུབ། །ཚོགས་གཉིས་ལས་ནི་ཡང་དག་བྱུང ། །ས་ནི་བཅུ་གསུམ་དབང་ཕྱུག་ཏུ། །དེ་ནི་ཐེ་ཚོམ་མེད་པར་འགྱུར། །ས་ནི་རབ་དགའ་ཞེས་བྱ་དང ། །དྲི་མེད་དེ་བཞིན་འོད་བྱེད་དང ། །འོད་འཕྲོ་བ་དང་སྦྱང་དཀའ་དང ། །མངོན་གྱུར་རིང་གྱུར་མི་གཡོ་བ། །ལེགས་པའི་བློ་གྲོས་ཆོས་ཀྱི་སྤྲིན། །ཀུན་ཏུ་འོད་དང་དེ་བཞིན་དུ། །དཔེ་མེད་པ་དང་ཡེ་ཤེས་སྤྱན། །བཅུ་གསུམ་ཞེས་བྱ་འདི་རྣམས་སོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་ཁྲོ་བོ་གཏུམ་པོ་ཆེན་པོའི་ 404b རྒྱུད་ལས། སྤྱོད་པའི་རིམ་པར་ཕྱེ་བ་སྟེ་བཅུ་གསུམ་པའོ།། །།དེ་ནས་འཁོར་དེར་བྱང་ཆུབ་སེམས་དཔའ་ཀུན་ཏུ་བཟང་པོ་ཞེས་བྱ་བའི་རྡོ་རྗེ་རྣལ་འབྱོར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅི་ཕྱིར་མི་གཡོ་བ་ཞེས་བྱ། །དཔའ་བོ་གཅིག་ཉིད་ཅེས་བྱ་དང ། །ཁྲོ་ཆེན་གཏུམ་པོ་ཞེས་པ་ཡང ། །མགོན་པོ་ལ་ནི་བདག་ཞུའོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཐབས་དང་ཤེས་རབ་མཉམ་སྦྱོར་བས། །བདེ་བ་མི་གཡོའི་གཟུགས་ཉིད་ནི། །ཐབས་དང་ཤེས་རབ་བདག་ཉིད་ཅན། །དེ་ཡང་ཆགས་བྲལ་གྱིས་མི་གཡོ། །དེ་ཉིད་ཕྱིར་ན་མི་གཡོར་གྲགས། །རྡོ་རྗེ་སེམས་དཔའི་རང་བཞིན་ཅན། །ཞལ་གཅིག་ཕྱག་གཉིས་ཞི་བ་སྟེ། །སྡིག་པ་དང་བྲལ་དྲི་མེད་ཡིད། །རལ་གྲི་ཞགས་པའི་ཕྱག་དག་ནི། །ཤེས་རབ་མར་འཁྱུད་དེ་མཆོག་གོ། སེམས་དཔའི་སྐྱིལ་ཀྲུང་གིས་བཞུགས་པ། །པདྨ་ཟླ་བ་ཉི་གནས་ལ། །ཀུན་ནས་འཁོར་བར་གནས་པ་ཡིན། །ལྷ་ཡི་བདེ་བས་ཤིན་ཏུ་གནས། །དེ་ཕྱིར་འདི་ནི་མི་གཡོར་གསུངས། །སངས་རྒྱས་ཀུན་གྱིས་བསྟེན་པ་སྟེ། །མི་གཡོ་བ་ཡི་མཐུ་ཉིད་ཀྱིས། །དུས་གསུམ་རྒྱལ་བ་ཀུན་གྱིས་ནི། །སེམས་ཅན་དོན་ནི་མཛད་པའི་ཕྱིར། །སྒྲུབ་བྱེད་ཉེ་བར་མཚོན་པའོ། །དེ་ནས་ཀུན་ཏུ་བཟང་པོས་གསོལ་པ།་ཨ་ཡིག་གིས་ནི་ཅི་ཞིག་བསྟན། །ཙ་ཡིག་གིས་ནི་ཅི་ཞིག་བརྗོད། །ལ་ཡིག་ཀྱང་ནི་སི་ལ་བརྗོད། །ཇི་ལྟར་མིང་ནི་ཡང་དག་བསྡུས། །བཅོམ་ལྡན་འདས་ཀྱིས་བཀའ་སྩལ་པ། ། ཡིག་ 405a ༄#། །ལྷན་ཅིག་སྐྱེས་པའི་ཚུལ། །དངོས་མེད་ངོ་བོ་ཉིད་དུ་གསུངས། །ཙ་ཡིག་དགའ་དང་མཆོག་དགའ་དང ། །ཁྱད་པར་དགའ་བ་ཉིད་དང་ནི། །ལྷན་ཅིག་སྐྱེས་དགའ་ཞེས་བྱ་བའི། །དགའ་བ་བཞི་ཡི་རང་བཞིན་གསུངས། །ལ་ཡིག་ལ་ལ་ན་རུ་རོལ། །ཤིན་ཏུ་བདེ་བར་གསུངས་པའོ། ། ཡིག་གིས་ནི་ཤེས་རབ་བརྗོད། །ཙ་ཡིག་གིས་ནི་ཐབས་སུ་བཤད། །ཐབས་དང་ཤེས་རབ་གཅིག་སྦྱོར་བས། །ལ་ཡིག་བདེ་བའི་ལཀྵ་ཎཾ། །དེ་ཉིད་དཔའ་བོ་གཅིག་པ་ཉིད། །གཅིག་ཕྱིར་གཅིག་པ་ཉིད་དུ་གསུངས། །ཆགས་བྲལ་འཇོམས་ཕྱིར་དཔའ་བོ་སྟེ། །དཔའ་བོ་གཅིག་པ་ཞེས་གསུངས་སོ། །གཏུམ་པོ་འདི་ནི་ཤིན་ཏུ་རྣོ། །དེ་ནི་ཁྲོ་བོ་ཆེན་པོར་གསུངས། །ཁྲོ་བོར་ཤེས་བྱ་རོ་ཥ་ཎ། །བདུད་ཀུན་རྣམ་པར་འཇོམས་པར་བྱེད། །ཆགས་བྲལ་ཙཎྜ་ཞེས་བྱའོ། །ཤིན་ཏུ་ཆགས་ཆེན་བདུད་སོགས་ལས། །དེ་ལ་ཁྲོ་བོ་རོ་ཥ་ཎས། །གདུལ་དཀའ་ཆགས་བྲལ་དགྲ་བོ་ལ། །གཡོན་པའི་ལོང་བུས་མནན་པར་བྱ།། ཚངས་པའི་ཚིག་ལ་མཉམ་གནས་ནས། །ཁྲོ་བོའི་\?\་བས་མཆུ་བསྡམ་བྱ། །ཕྱག་རྒྱ་འདི་ཡིས་རྣལ་འབྱོར་བས། །འབད་པས་ཤེས་རབ་ལ་འཁྱུད་བྱ། །ཆགས་བྲལ་ཀུན་ནས་གཞོམ་བྱས་ན། །དངོས་གྲུབ་སངས་རྒྱས་ཐོབ་པར་འགྱུར། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། ཨ་ཙ་ལའི་དོན་གྱི་རིམ་ 405b པར་ཕྱེ་བ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་མ་ཞེ་སྡང་རྡོ་རྗེ་མས་གསོལ་བ། དཔའ་བོ་གཅིག་པ་ཇི་ལྟར་འགྲུབ། །དབང་ཕྱུག་མཆོག་གིས་བཤད་དུ་གསོལ། །བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། ། ཡིག་ལས་སྦྱོར་སྐད་ཅིག་གིས། །མི་གཡོ་ནག་པོར་བསྒོམ་པར་བྱ། །དེ་ཉིད་བསྟན་པའི་སྟོབས་ཉིད་ལས། །རྣལ་འབྱོར་སངས་རྒྱས་ཐེ་ཚོམ་མེད། །མི་གཡོ་དཀར་པོ་བསྒོམ་པ་དང ། །ཡང་ན་སེར་པོའམ་དམར་པོའམ། །ཡང་ན་ལྗང་གུ་བསྒོམ་བྱས་ནས། །ཞེ་སྡང་རྡོ་རྗེ་མ་སོགས་ལྡན། །དབུས་སུ་མི་གཡོ་ལྔ་རྣམས་ཀྱིས། །གཟུང་ནས་གཅིག་ཏུ་རྣམ་པར་བསྒོམ། །ཤེས་རབ་དེ་ཡིས་རིགས་ཅན་མ། །ཡང་ན་གཞན་ཡང་བསྒོམ་པར་བྱ། །དེ་ཡིས་སྦྱོར་བས་རྣལ་འབྱོར་པས། །མྱུར་དུ་དངོས་གྲུབ་ཐེ་ཚོམ་མེད། །ཡང་ན་ཤེས་རབ་དང་བྲལ་བའི། །ཤིན་ཏུ་མཉམ་གཞག་བསྒོམ་པར་བྱ། །མི་གཡོ་བསྒོམ་པ་ཡོངས་རྫོགས་ན། །བྱང་ཆུབ་རྒྱལ་སྲིད་ཡང་དག་ཐོབ། །དེ་ནས་བཅོམ་ལྡན་འདས་མས་གསོལ་པ། ལྷ་ཡི་རྣམ་པར་དག་པ་གང ། །འདྲེན་པ་བདག་ནི་ཉན་པར་འཚལ། །སྔོན་དུ་གསུངས་ཉིད་དཀྱིལ་འཁོར་རྣམས། །གཙོ་བོ་བདག་ལ་རྣམ་དག་གསུངས། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ནས་ཀུན་གྱི་སྦྱོང་བྱེད་པའི། །རྣམ་དག་བདག་གིས་རབ་བཤད་བྱ། །དེ་ལ་གྲུ་བཞི་པ་ནི་ཚད་མེད་པའི་གནས་བཞིའོ། །སྒོ་བཞི་ནི་བདེན་པ་བཞིའོ། །རྟ་བབས་བཞི་ནི་བསམ་ 406a ༄#། །གཏན་བཞིའོ། །ཀ་བ་བརྒྱད་ནི་འཕགས་པའི་ལམ་ཡན་ལག་བརྒྱད་དོ། །འཕར་མ་གཅིག་པ་ནི་སེམས་རྩེ་གཅིག་པ་ཉིད་དོ། །པདྨ་ནི་སྐྱེ་གནས་སོ། །ཁ་དོག་སྣ་ཚོགས་པ་ནི་སྤྲུལ་པ་སྣ་ཚོགས་པའོ། །ལྷ་དགུ་ནི་གསུང་རབ་ཡན་ལག་དགུའོ། །ཕྱོགས་དམར་པོ་ནི་འདོད་ཆགས་ཆེན་པོའོ། །མཚམས་སུ་དཀར་པོ་དང ། སེར་པོ་དང ། ལྗང་གུ་དང ། ནག་པོ་རྣམས་ནི་བྲམ་ཟེ་དང ། རྗེ་རིགས་དང ། རྒྱལ་རིགས་དང ། དམངས་རིགས་རྣམས་ཉིད་དོ། །ཟླ་བ་དང ། ཉི་མ་ནི། ཁུ་བ་དང ། རྡུལ་ལོ། །དབུས་ཀྱི་རལ་གྲི་ནི་མི་གཡོ་བ་ནག་པོའི་མཚན་མའོ། །གྲི་གུག་ནི་ཞེ་སྡང་རྡོ་རྗེ་མའོ། །ཤར་ལ་སོགས་པའི་ཕྱོགས་རྣམས་ནི་མི་གཡོ་བ་དཀར་པོ་ལ་སོགས་པ་རྣམས་སོ། །མེ་ལ་སོགས་པའི་མཚམས་རྣམས་སུ་གཏི་མུག་རྡོ་རྗེ་མ་ལ་སོགས་པ་རྣམས་ཀྱིའོ་ཞེས་པ་ནི་དཀྱིལ་འཁོར་གྱི་རྣམ་པར་དག་པའོ། །བསྒོམ་པའི་རྣམ་པར་དག་པ་བརྗོད་པར་བྱ་སྟེ། དང་པོ་མཆོད་པ་ནི། བསོད་ནམས་ཀྱི་ཚོགས་ཁྱད་པར་འཕགས་པའི་ལས་སོ། །སྟོང་པ་ཉིད་ནི་ཡེ་ཤེས་ཀྱི་ཚོགས་འཆི་བ་ཁྱད་པར་འཕགས་པ་དྲི་མ་མེད་པའི་ལུས་ཏེ། དྲི་ཟའི་ལུས་སོ། །གཞལ་ཡས་ཁང་གི་མཐར་ཐུག་པ་སངས་རྒྱས་ཀྱིས་སྐུའོ། །པདྨ་\?\་ནི་སྐྱེ་གནས་སོ། །ཟླ་བ་ཉི་མ་ནི་དཀར་དམར་རོ། །ཧཱུཾ་ཡིག་ནི་མ་དང ། ཕའི་དབུས་སུ་དྲི་ཟའི་སེམས་སོ། །མི་བསྐྱོད་པ་ན་ཕིའོ། །མཱ་མ་ཀི་ནི་མའོ། །ཕན་ཚུན་དུ་རྗེས་སུ་ཆགས་ 406b པ་མཐོང་ནས་ཕ་ལ་རྣམ་པར་ཞེ་སྡང་ཞིང ། མ་ལ་རྗེས་སུ་ཆགས་ནས་གཏི་མུག་པས་སེམས་ཅན་བཞིན་དུ་འཇུག་གོ་།པདྨར་ཞུགས་པའི་བུ་ཡིས་ཕ་བསད་ནས་དེའི་གོ་འཕང་འཐོབ་བོ། །མ་བཟུང་ནས་སྐྱེ་བ་མཐའ་མེད་པའི་བག་ཆགས་ཀྱི་བདེ་བ་ཁྱད་པར་འཕགས་པས་དེ་ཡང་བུར་སྐྱེ་བར་བྱེད་དོ། །བུ་མོ་ནི་ཡང་མི་གཡོ་བ་དཀར་པོ་ལ་སོགས་པ་རྣམས་དང ། གཏི་མུག་རྡོ་རྗེ་མ་ལ་སོགས་པ་ཡང་ངོ ། །བུ་རྣམས་ཀྱང་ཕ་བསད་ནས་གཞན་ལ་བགྲོད་པར་བྱེད་དེ། འདི་ཉིད་དགྲ་བོ་ཞེས་དེ་གསོད་པར་བྱེད་དོ། །བུ་མོ་རྣམས་ཀྱང་སྐྱེ་བ་མཐའ་མེད་པའི་བག་ཆགས་ཀྱི་བདེ་བ་ཁྱད་པར་འཕགས་པས་འདོད་པར་བྱེད་དོ། །རལ་གྲི་ཤེས་རབ་ལ་ཞགས་པ་ནི་ཐབས་སོ། །ཡང་ན་ཞགས་པ་ཤེས་རབ་ལ་རལ་གྲི་ཐབས་སོ། །གཉིས་ཀ་རོ་གཅིག་ཏུ་གྱུར་པ་ནི་སྡིགས་མཛུབ་བོ། །གཡོན་པ་འོག་ཏུ་བལྟས་པ་ནི་ས་འོག་བདུན་སྐྱོང་བར་བྱེད་པའོ། །གཡས་པ་སྟེང་དུ་བལྟས་པ་ནི་ཚངས་པའི་སྒོ་ང་བདུན་སྐྱོང་བར་བྱེད་པའོ། །པུས་མོ་གཡོན་པ་ས་ལ་གཙུགས་པ་ནི་ས་སྐྱོང་བར་བྱེད་པའོ། །གཡས་པ་རྐང་པས་ཡང་དག་པར་བསྣུན་པ་ནི་བདུད་ཐམས་ཅད་སྐྲག་པར་མཛད་པའོ། །ཕུང་པོའི་བདུད་ཚངས་པ། ཉོན་མོངས་པའི་བདུད་དབང་ཕྱུག་།འཆི་བདག་གི་བདུད་ཁྱབ་འཇུག་།ལྷའི་བུའི་བདུད་ལྷའི་དབང་པོའོ། ། ས་ནི། ས་སྟེང་མཐའ་དག་གི་གཞོན་ནུ་མ་ལ་ལོངས་སྤྱོད་པའོ། །གཞོན་ནུ་མ་ལ་ཡུན་རིང་དུ་གནས་པའི་ཕྱིར་པདྨའི་གདན་ནོ། །སྐྱེ་གནས་ལ་སྐྱེས་པ་ནི་ཟླ་བ་དང ། ཉི་མའི་གདན་ནོ། །ཁུ་བ་དང ། 407a ༄#། །རྡུལ་ལས་སྐྱེས་པའི་སྐྱེས་བུ་ནི་དངོས་པོའོ། །བུད་མེད་ནི་དངོས་པོ་མེད་པའོ། །ནག་པོ་ནི་རྣམ་པར་ཤེས་པའོ། །དཀར་པོ་ནི་གཟུགས་སོ། །སེར་པོ་ནི་ཚོར་བའོ། །དམར་པོ་ནི་འདུ་ཤེས་སོ། །ལྗང་ཀུ་ནི་དོན་ཡོད་གྲུབ་པའོ། །ཡང་ན་མཐོན་ཁ་ནི་ནམ་མཁའོ། །དཀར་པོ་ནི་ཆུའོ། །སེར་པོ་ནི་སའོ། །དམར་པོ་ནི་མེའོ། །ལྗང་ཀུ་ནི་རླུང་ངོ། །བཅོམ་ལྡན་འདས་ཇི་ལྟ་བ་དེ་བཞིན་དུ་བཅོམ་ལྡན་འདས་མའོ། །ཡང་ན་མཐིང་ཁ་ནི་ཆོས་དབྱིངས་རྣམ་པར་དག་པའི་ཡེ་ཤེས་སོ། །དཀར་པོ་ནི་མེ་ལོང་ལྟ་བུའི་ཡེ་ཤེས་སོ། །སེར་པོ་ནི་མཉམ་པ་ཉིད་ཀྱི་ཡེ་ཤེས་སོ། །དམར་པོ་ནི་སོ་སོར་རྟོག་པའི་ཡེ་ཤེས་སོ། །ལྗང་ཀུ་ནི་བྱ་བ་སྒྲུབ་པའི་ཡེ་ཤེས་སོ། །སྟོན་པ་རྒྱལ་བ་གཅིག་པུ་ཉིད། །ལྔ་ཡི་ཚུལ་གྱིས་ཡང་དག་གནས། ། ཤེས་རབ་ཕ་རོལ་ཕྱིན་ཉིད་ཀྱང ། །རྣམ་ལྔའི་ཚུལ་གྱིས་ཡང་དག་གནས། །ཞེས་བྱ་བ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། རྣམ་པར་དག་པའི་རིམ་པར་ཕྱེ་བ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་མས་གསོལ་པ། འཇིག་རྟེན་ཇི་ལྟར་སྐྱེ་བ་དང ། །སླར་ཡང་སྐྱེ་བ་ཇི་ལྟར་མཛད། ། དངོས་གྲུབ་ཇི་ལྟར་འགྱུར་བ་ཡང ། །དབང་ཕྱུག་མཆོག་གིས་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། མ་རིག་པའི་རྐྱེན་གྱིས་འདུ་བྱེད་དོ། །འདུ་བྱེད་ཀྱི་ 407b རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང ། གཟུགས། མིང་དང ། གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་སོ། །དེ་ལྟ་བུ་ཉིད་ལས་འདིར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་ཀུན་ནས་འབྱུང་བར་འགྱུར་རོ། ། དེ་བཞིན་དུ་མ་རིག་པ་འགགས་པས་འདུ་བྱེད་འགག་གོ་།འདུ་བྱེད་འགགས་པས་རྣམ་པར་ཤེས་པ་འགག་གོ་།རྣམ་པར་ཤེས་པ་འགགས་པས་མིང་དང ། གཟུགས་འགག་གོ་།མིང་དང ། གཟུགས་འགགས་པས་སྐྱེ་མཆེད་དྲུག་འགག་གོ་།སྐྱེ་མཆེད་དྲུག་འགགས་པས་རེག་པ་འགག་གོ་།རེག་པ་འགགས་པས་ཚོར་བ་འགག་གོ་།ཚོར་བ་འགགས་པས་སྲེད་པ་འགག་གོ་།སྲེད་པ་འགགས་པས་ལེན་པ་འགག་གོ་།ལེན་པ་འགགས་པས་སྲིད་པ་འགག་གོ་།སྲིད་པ་འགགས་པས་སྐྱེ་བ་འགག་གོ་།སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་པར་འགྱུར་རོ། །དེ་བཞིན་དུ་འདིར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་འགག་ 408a ༄#། །པར་འགྱུར་རོ། །རྟེན་ཅིང་འབྲེལ་པར་འབྱུང་བས་འཇིག་རྟེན་སྐྱེའོ། །དེ་བཞིན་དུ་རྟེན་ཅིང་འབྲེལ་པར་འབྱུང་བས་འགག་གོ་།ཚུལ་གཉིས་པོ་འདི་རྟོགས་ཤིང་ཡང་གཉིས་སུ་མེད་པ་བསྒོམས་པས་འགྲུབ་བོ། །དེ་ནས་བཅོམ་ལྡན་འདས་མས་གསོལ་པ། མ་རིག་པ་ལ་སོགས་པའི་རྣམ་པར་དབྱེ་བ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། འདས་པ་ལ་སོགས་རབ་དབྱེ་བས། །འདི་ནི་གསུམ་གྱི་འཁོར་མོར་འཇུག་།འདིར་ནི་རྒྱལ་བས་ཆོས་རྣམས་ཀུན། །རྣམ་པ་བཅུ་གཉིས་ཚུལ་གྱིས་གསུངས། །དེ་ལ་མ་རིག་པ་མ་སྤངས་པས་ལེན་པ་དང ། འཆི་བའི་ནང་དུ་གཟུགས་ནུབ་པའི་སེམས་ཀྱི་ལུས་ཅན་ཞེས་པའི་དོན་ནོ། །དེ་ལས་འདུ་བྱེད་དུ་འགྱུར་རོ། །དེ་ཡང་རྣམ་པ་གསུམ་སྟེ། དེ་ལ་ལུས་ཀྱི་འདུ་བྱེད་དབུགས་འབྱུང་བ་དང ། རྡུབ་པ་དག་དང ། ངག་གི་འདུ་བྱེད་དག་དང ། རྟོག་པ་དང ། དཔྱོད་པ་དག་གོ་།ཡིད་ཀྱི་འདུ་བྱེད་འདོད་ཆགས་ཞེ་སྡང་གཏི་མུག་རྣམས་སོ། །དེ་རྣམས་དང་ལྡན་པ་ནི་མ་རིག་པ་སྟེ། དབུགས་འབྱུང་བ་དང ། དབུགས་རྡུབ་པ་སྟེ། རྣམ་པར་རྟོག་པ་ནི་རགས་པར་འཛིན་པར་བྱེད་དོ། །རྣམ་པར་དཔྱོད་པ་ནི་ཕྲ་མོར་འཛིན་པར་བྱེད་དོ། །རྗེས་སུ་ཆགས་པ་དང ། ཞེ་སྡང་བ་འང་ཡིན་ནོ། །དེ་ལས་རྣམ་པར་ཤེས་པར་གྱུར་པ་རྣམ་པ་དྲུག་སྟེ། མིག་གི་རྣམ་པར་ཤེས་པ་དང ། རྣ་ 408b བའི་རྣམ་པར་ཤེས་པ་དང ། སྣའི་རྣམ་པར་ཤེས་པ་དང ། ལྕེའི་རྣམ་པར་ཤེས་པ་དང ། ལུས་ཀྱི་རྣམ་པར་ཤེས་པ་དང ། ཡིད་ཀྱི་རྣམ་པར་ཤེས་པ་སྟེ། དེ་རྣམས་དང་ལྡན་པ་ནི་མ་རིག་པས་ལྟ་བར་བྱེད་དོ། །ཉན་པར་བྱེད་དོ། །སྣོམ་པར་བྱེད། ཟ་བར་བྱེད། རེག་པར་བྱེད། རྣམ་པར་རྟོག་པར་བྱེད་དོ། །དེ་ལས་མིང་དང ། གཟུགས་ཏེ། ཚོར་བ་མིང་བཞི་ལ་སོགས་པ་རྣམས་སོ། །གཟུགས་ལ་གཟུགས་ཀྱི་དེ་བཞིན་ཉིད་ཅེས་གཉིས་སུ་མངོན་པར་བསྡུས་ཤིང་བསྡོམས་ནས་མིང་དང ། གཟུགས་ཞེས་གསུངས་སོ། །ཉེ་བར་ལེན་པའི་ཕུང་པོ་ལྔའི་གཟུགས་ཀྱིས་མ་རིག་པ་ཡོངས་སུ་གྱུར་པ་ཞེས་པའི་དོན་ནོ། །དེ་ལ་ཚོར་བ་རྣམ་པ་གསུམ་ནི་བདེ་བ་དང ། སྡུག་བསྔལ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་ཞེས་བྱའོ། །འདུ་ཤེས་ནི་དངོས་པོ་རྣམས་ཀྱི་རང་བཞིན་གཟུང་བའི་མཐར་མངོན་པར་བརྗོད་པ་སྟེ། འདུ་བྱེད་ནི་སྤྱིའི་ཁྱད་པར་གྱི་གནས་སྐབས་ལ་འཛིན་པ་ཅན་གྱི་སེམས་དང ། སེམས་ལས་འབྱུང་བ་རྣམས་སོ། །རྣམ་པར་ཤེས་པ་ནི་སྔོན་དུ་གསུངས་པ་བཞིན་ནོ། །འབྱུང་བ་ཆེན་པོ་བཞིའི་བདག་ཉིད་ཀྱི་གཟུགས་ནི། ས་ནི་ལྕི་བ་ཉིད་དང ། ཆུ་ནི་གཤེར་བ་ཉིད་དང ། མངོན་པར་བཙུག་པ་ཉིད་དོ། །མེ་ནི་དྲོ་བ་ཉིད་དོ། །རླུང་ནི་བསྐུམ་བརྐྱང་བ་དང ། ཡང་བ་དང ། གཡོ་བ་ཉིད་དོ། །དེ་ལས་སྐྱེ་མཆེད་དྲུག་པོ་རྣམས་ནི་མིག་དང ། རྣ་བ་དང ། སྣ་དང ། ལྕེ་དང ། ལུས་ 409a ༄#། །དང།་ཡིད་དོ། །དེ་རྣམས་དང་ལྡན་པ་ནི། སྔོན་བཞིན་དུ་ལྟ་བར་བྱེད་པ་ལ་སོགས་པའོ། །དེ་ལས་རེག་པའོ། །གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་ཀྱི་ཁམས་ཡང་དག་པར་ཐོབ་པའོ། །དེ་ལས་སྲེད་པས་བདེ་བ་མངོན་པར་འདོད་པའོ། །དེ་ལས་ལེན་པའོ། །དེ་ལས་ཐོབ་པའི་ལས་སོ། །དེ་ལས་སྲིད་པ་མངལ་དུ་འཇུག་པའོ། །དེ་ལས་སྐྱེ་བ་རབ་ཏུ་གསལ་བར་བྱེད་པ་མངོན་པར་རྒྱུ་མཐུན་པར་བྱེད་པའོ། །ཉེ་བར་ལེན་པའི་ཕུང་པོ་ལྔ་འཐོབ་བོ། །དེ་ནས་མངལ་ནས་སྐྱེ་བར་འགྱུར་རོ། །འཆི་བའི་སེམས་དང ། སེམས་ལས་བྱུང་བ་འགོག་པས། དེ་ནས་རྒ་ཤིའི་སེམས་མྱ་ངན་དང ། འཁྲུག་པ་མེད་པར་འགྱུར་རོ། །གྲོལ་ན་བདག་གིས་སྨྲེ་སྔགས་འདོན་པ་ཚོལ་བར་མི་འགྱུར་རོ་ཞེས་སོ། །ནད་ལ་སོགས་པའི་བར་དུ་གཅོད་པས་ཀྱང་སྡུག་བསྔལ་བ་ཅན་དུ་འགྱུར་རོ། །དེ་ཉིད་ལ་ཡང་དང ། ཡང་དུ་ཡིད་སྦྱོར་བས་ཡིད་མི་བདེ་བ་ཅན་ཡིན་ནོ། ། ཡིད་མི་བདེ་བ་ཅན་གྱིས་ཀྱང་བར་དུ་གཅོད་པས་འཁྲུག་པ་ཅན་ཡིན་ནོ། །འདིའི་དོན་ནི་མ་རིག་པ་ལ་སོགས་པ་སྐྱེ་མཆེད་དྲུག་གི་མཐར་ཐུག་པས་བར་དོའི་སེམས་ཅན་གཅིག་ཉིད་དུ་གནས་པས། འཇིག་རྟེན་གསུམ་པོ་ལྟ་ཞིང་ལྟ་བར་བྱེད་དོ། །ཕོ་མོ་རྗེས་སུ་ཆགས་པ་ལ་དེ་ལས་འདས་པའི་སྐྱེ་བའི་ལས་གང་གིས་འཕངས་ནས་གང་ཞིག་ཏུ་སྐྱེ་བ་ 409b ལེན་པར་འགྱུར་རོ། །དེའི་སྐྱེ་བ་ནི་ཕོ་མོ་དག་གི་དགའ་བ་དག་ལ་ལྟ་བར་བྱེད་པས། དེའི་ཤིན་ཏུ་བདག་གི་རེག་པ་སྐྱེའོ། །དེ་ལ་གལ་ཏེ་སྐྱེས་བུར་འགྱུར་བ་དེའི་ཚེ་བདག་ཉིད་སྐྱེས་བུའི་རྣམ་པར་ལྟ་བར་བྱེད་དོ། །སེམས་མ་ལ་མཆོག་ཏུ་ཆགས་པར་འགྱུར་རོ། །ཡང་ཕ་ལ་སེམས་ཞེ་སྡང་ཆེན་པོར་འགྱུར། འདོད་ཆགས་དང ། ཞེ་སྡང་དག་གིས་བདེ་བ་དང ། སྡུག་བསྔལ་གྱི་ཚོར་བ་ལ། དེ་ལས་འདི་ཡིས་ལྷན་ཅིག་བྱེད་པ་གང་གིས་དགའ་བར་བྱེད་དོ། །ཞེས་སེམས་པར་བྱེད་པས། སྡུག་བསྔལ་ཡང་མ་ཡིན་བདེ་བ་འང་མ་ཡིན་པའི་ཚོར་བའོ། །དེ་ཡིས་གདོང་ཕྱིར་ལྡོག་པའོ། །དེ་ནས་སྔོན་གྱི་ལས་ཀྱི་རླུང་གིས་འཕངས་པའི་སྲེད་པ་ཆེན་པོས་དེ་ལ་བདག་ཉིད་དགའ་བར་བྱའོ་ཞེས་ཞེན་པའི་ཆ་ཡིས་སོ། །གང་ཞིག་སྐྱེས་བུ་ཡིན་ན་རང་གི་མ་ལ་འདོད་པར་བྱའོ་སྙམ་ནས། སེམས་སྐར་མདའ་བཞིན་དུ་ཕའི་མགོ་བོའི་ལམ་ནས་རབ་ཏུ་ཞུགས་ནས། དེའི་ཁུ་བ་ལ་གནས་ནས་སེམས་གནས་པའི་ཕྱིར་རྣམ་པར་ཤེས་པ་བདེ་བ་ལ་ཆགས་པས་བདག་ཉིད་ལྟ་བར་བྱེད་དོ། །བདེ་བའི་རྒྱུས་ཉེ་བར་ལེན་པར་བྱེད་དོ། །དེ་ནས་ཁུ་བ་དང་རོ་གཅིག་ཏུ་གྱུར་པས་ཆགས་པ་ཆེན་པོས་རྗེས་སུ་ཆགས་པས་ཨ་བ་དྷཱུ་ཏཱིའི་རྩ་ཕའི་རྡོ་རྗེའི་ལམ་ནས་མའི་པདྨའི་བུ་གའི་གནས་རྡོ་རྗེ་དབྱིངས་ཀྱི་དབང་ཕྱུག་མའི་རྩ་མངལ་གྱི་སྐྱེ་བའི་རྩ་ལ་གནས་ནས་འཛག་པའི་སེམས་ 410a ༄#། །བཞིན་དུ་དེ་ལས་སྐྱེ་བ་ཡིན་ནོ། །དེ་ཡང་རིམ་པ་བཞིན་མེར་མེར་པོ་དང ། ཀླེང་ཀླེང་པོ་དང ། ཏར་ཏར་པོ་དང ། འཕྲང་འགྱུར་དང ། ཡན་ལག་དང ། ཉིད་ལག་\?\་ཏུ་གྱུར་པའི་བུ་ནི་ཟླ་བ་དགུ་འམ། བཅུ་ནས་ལམ་གང་ཉིད་ནས་རབ་ཏུ་ཞུགས་པ་དེ་ཉིད་ཀྱི་ལམ་ནས་སྐྱེ་བར་འགྱུར་རོ། །གལ་ཏེ་འང་བུད་མེད་དུ་འགྱུར་ན། དེའི་ཚེ་སེམས་ཕ་ལ་རྗེས་སུ་ཆགས་པར་འགྱུར་རོ། །མ་ལ་སེམས་ཞེ་སྡང་བར་འགྱུར་རོ། །དེ་ནས་བདག་ཉིད་མའི་གཟུགས་ལ་ལྟ་བར་བྱེད་དོ། །རྣམ་པར་ཤེས་པ་མའི་མགོ་བོའི་ལམ་ནས་པདྨར་རབ་ཏུ་ཞུགས་ནས་ཕའི་ཁུ་བ་དང་འདྲེས་པར་གྱུར་ནས་དེའི་སྐྱེ་བའི་རྩལ་གནས་ནས། དེ་ནས་སྔོན་བཞིན་དུ་འབྱུང་ཞིང་སྐྱེའོ། །དེ་བཞིན་ཉིད་དུ་མ་རིག་པ་ལ་སོགས་པ་དང་བཅས་པ་རྣམས་ཀྱི་འཇིག་རྟེན་དུ་སྐྱེ་སྟེ། འཇིག་རྟེན་རྣམས་ཀྱང་ཕུང་པོ་ལྔ་པོ་རྣམས་དེ་བཞིན་དུ་དེ་རྣམས་ཀྱང ། སྡུག་བསྔལ་ལ་འཁོར་ཞིང་འཇུག་པའི་ཕུང་པོ་ལྔ་པོ་རྣམས་སོ། །ཐར་པ་དོན་དུ་གཉེར་བ་རྣམས་ལ། མ་རིག་པ་ལ་སོགས་པ་ཕུང་པོའི་རང་བཞིན་འགོག་པའི་ཕྱིར། སྡུག་བསྔལ་གྱི་བྱ་བར་གྱུར་པ་ཡང་མེད་དོ། །སྟོང་པ་ཉིད་དང ། སྙིང་པོ་མེད་པ་ཉིད་ཀྱིས་སྡུག་བསྔལ་གྱི་བྱ་བ་ཡང་མེད་ཅིང་ཐར་པའི་དོན་དང་ལྡན་པའོ། །དེ་ཕྱིར་ཐར་པའི་བསམ་པ་མེད་ཅིང ། མེད་པའི་བསམ་པ་འང་མེད་པའོ། །དེའི་ཕྱིར་དངོས་ 410b པོ་མེད་པ་དང་བྲལ་བའི་ཐབས་དང ། ཤེས་རབ་ཡང་དག་པར་སྦྱོར་བའི་བདེ་བ་ཆེན་པོའི་གཟུགས་ཅན་ནི། དཔལ་ལྡན་མགོན་པོ་མི་གཡོ་བའི་བདག་ཉིད་ཅན། དགའ་བ་བཞིའི་སྐུ་ཅན། སྲིད་པ་དང ། མྱ་ངན་ལས་འདས་པ་ལ་རབ་ཏུ་མི་གནས་པའི་ཐུགས་ཅན་ནོ། །ཐར་པ་ནི་འདོད་ཆགས་ལས་སྐྱེས་པ་སྟེ། འཇིག་རྟེན་པའི་འདོད་ཆགས་ཀྱི་འདོད་ཆགས་ཟད་པ་དང ། ཟད་པ་མ་ཡིན་པར་གྱུར་པ། མི་གཡོ་བའི་དོན་ཡོངས་སུ་ཤེས་པ་སངས་རྒྱས་ཀྱི་དངོས་གྲུབ་ཡང་དག་པར་གྲུབ་པར་བྱེད་དོ། །གཡོ་བར་བྱེད་པ་ནི། ཤེས་རབ་དང ། ཡང་དག་པར་སྦྱོར་བའི་བདེ་བའི་རོས་དགའ་བའི་སེམས་གང་ཡིན་པའོ། །ཟླ་བའི་ཁྱད་པར་གྱི་དགའ་བ་མཆོག་གི་སྙིང་པོ་དེ་མི་གཡོ་བ་ཞེས་གསུངས་སོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། རྟེན་ཅིང་འབྲེལ་པར་འབྱུང་བ་རིམ་པར་ཕྱེ་བ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་མས་གསོལ་པ། མགོན་པོ་འདིར་ནི་ཁུ་ཁྲག་སྦྱོར། །ལིང་ག་བྷ་ག་ནུ་མ་རྣམས། །རབ་ཏུ་འཕེལ་བར་བྱེད་ནུས་དང ། །ནང་དང་རྒས་པ་འཇོམས་པ་དང ། །བུད་མེད་ཡིད་ནི་དབང་གྱུར་དང ། །མོ་གཤམ་ཉིད་དུ་བྱ་བ་དང ། །ཁུ་བ་བཅིང་དང་ཁྲག་འབབ་པའི། །སྦྱོར་བ་ཡང་ནི་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་བ། ལྷ་མོ་ལེགས་སོ་ལེགས་པར་བྱས། །ཁྱོད་ཀྱིས་ང་ལ་གསོལ་བཏབ་གང ། །རྣམ་པ་སྣ་ཚོགས་ 411a ༄#། །དེ་བཤད་བྱ། །འཇིག་རྟེན་དངོས་གྲུབ་དོན་ཕྱིར་ཉོན། །དང་པོར་ལུས་ནི་བྱས་ནས་ནི། །ཕྱི་ནས་ལས་ནི་ཡང་དག་བརྩམ། །དཔེར་ན་གོས་ནི་དཀར་བྱས་ལ། ཚོན་གྱིས་ཁ་དོག་མཆོག་འབར་ལྟར། །འབྲས་བུ་གསུམ་གྱི་ཐང་བཟུང་ནས། །ཡ་བཀྵ་ར་པ་ལཱ་སཀྵཾ་།བཟའ་བྱ་བུ་རམ་དང་བཅས་བཏུང ། །སྲིན་བུ་མ་ཞུ་རབ་སྦྱངས་ནས། །ཀ་ཏ་ཀྱ་ཁུ་མར་ཁུ་དང ། །ཧི་ལ་མོ་ཙི་སེན་དྷ་བ། །བཏུང་བྱ་བྱུགས་ནས་ཉི་མས་བདུག། ཤིག་དང་སྲིན་བྲལ་ལུས་སུ་འགྱུར། །ཀེ་ཏ་ཀྱ་ཁུ་ཏིལ་མར་དང ། །ལན་ཚཝ་དང་བྱས་བཏུང་བྱས་ནས། །ཉི་མ་ལ་འཆག་སྦྱོར་བ་ཡིས། །ལན་ཚཝ་རྣམས་ནི་ཉམས་པར་འགྱུར། །ཧི་ལ་མི་ཙི་ཁུ་ཅུང་ཟད། །སེན་དྷ་བ་དང་ཡང་དག་ལྡན། །གྲིབ་མ་ལ་ནི་གནས་བྱས་ན། །མཁྲིས་པ་རྣམས་ནི་སེལ་བར་བྱེད། །ཀེ་ཏ་ཀྱ་ཁུ་ཏེ་ལ་དང ། །ཀུ་ཙ་མཱ་ལ་བའི་ལོ་མ། །བཏུང་བའི་སྦྱོར་བ་འདི་ཉིད་ནི། །ཚིལ་ནི་སྦྱོང་བར་ཐེ་ཚོམ་མེད། །ཕ་ཐ་སེ་མྱུག་ཁུ་བ་དང ། །ལན་ཚཝར་བཅས་པ་བཏུང་བྱས་ན། །སྲིན་བུ་ཕྲ་མོ་འཇོམས་པར་བྱེད། །འུ་སུས་བད་ཀན་སྦྲང་སྣས་འཐུང ། །རེ་རེའང་ཉི་མ་གཉིས་སུ་བྱ། །ཉེས་པ་སྦྱངས་ནས་ཕྱི་ནས་བརྩམ། །དེ་ཡིས་དེ་ཉིད་འབྲས་བུ་སྟེར། །དགའ་མ་གཞན་དུ་དེ་འབྲས་མེད། །མོན་ཙ་ར་ཤུན་ཕྱེ་མ་ཡི། །ཐུག་པ་ཚ་མོ་བཏུང་བར་བྱ། །ལན་བདུན་དུ་ནི་སྔགས་བྱས་ནས། །སྔ་མོ་འམ་ནི་ཟས་ 411b དུས་སུ། །ཉིན་རེ་ཇི་བཞིན་ཇི་སྲིད་འཚོར། །ཤུ་ཀྲ་ཤོ་ཎི་འཕེལ་བར་འགྱུར། །ོཾ་ཙཎྜ་མཧཱ་རོ་ཥི་ཎ་ཨི་དཾ་དི་བྷྱ་མྲྀ་ཏཾ་མེ་ཀུ་རུ་ཧཱུཾ་ཕཊ། ན་རི་ཀེ་ལེའི་ནང་རུལ་དང ། །མ་ཧེ་ཡེ་ནི་མར་གསར་དང། །འབྲས་བུ་ཞག་ལོན་དང་ལྡན་པ། །ཕག་ལས་བྱུང་བའི་ཚིལ་གྱིས་ནི། །ལིང་ག་རྣ་བ་ནུ་མ་དང ། །བྷ་ག་རྣམས་ཀྱང་རྣམ་པར་མཉེ། །ལུས་ཀུན་ཀྱང་ནི་རྣམ་མཉེས་ན། །རྣམ་པར་འཕེལ་བར་ཐེ་ཚོམ་མེད། །སེན་མོ་དང་ནི་བྲལ་བྱས་ནས། །མཛུབ་མོ་ཡིས་ནི་ཉེད་པར་བྱ། །ཡོ་ནའི་དབུས་སུ་རབ་ཏུ་ཉེད། །བྱུགས་ན་རན་དྷྲ་འཕེལ་བར་འགྱུར། །སེ་འབྲུའི་ཤུན་པ་ཕྱེ་མ་ནི། །ཡུངས་ཀར་ཏིལ་མར་ལ་བཙོས་ནས། །ནུ་མ་མཉེས་ན་འཕེལ་བར་འགྱུར། །མུཎྜི་རཱི་ཐད་སྣ་ཡིས་བཏུང ། །ཡུངས་ཀར་དཀར་པོ་ཤུ་ཐག་དང ། །རྟ་དྲི་དང་ནི་བྲི་ཧ་ཏི། །ཕྱེ་མ་ཡིས་ནི་ཉེད་པར་བྱེད། །ལིང་ག་ནུ་མ་རྣ་བ་འཕེལ། །གླང་ཆེན་པི་པི་ལིང་དང་ནི། ། པ་ར་ཛི་དཀར་པོ་ཡིས། །དེ་བཞིན་མ་ཧེའི་མར་གསར་གྱིས། །ལིང་ག་མཉེས་ན་འཕེལ་བར་བྱེད།། སེ་བ་ལ་དང་ཀ་ཊུ་དང ། རོ་ཧི་ནཱི་དང་མ་ཧེ་ཡི། །མར་གསར་བྱུགས་པས་ལིང་ག་འཕེལ། །དྷུ་ཏུ་ར་ཁུ་རྟ་དྲིའི་ཙ། །གནུར་ནས་མ་ཧེའི་མར་དང་བསྲེས། །དྷུ་ཏུ་ར་ཡི་འབྲས་ནང་དུ། །ཉིན་མཚན་དུ་ནི་གཞག་པར་བྱ། །དེ་ནས་ལིང་ག་མ་ཧེ་ཡི། །མར་གྱིས་ལན་གཅིག་བརྟན་པར་ཉེད། །སྔོན་བཞིན་དུ་ནི་ཞག་གསུམ་དུ། །བྱུགས་ཤིང་མཉེས་པས་འཕེལ་བར་བྱེད།། 412a ༄#། །ིནྡྲ་གོ་པའི་ཕྱེ་མ་དང ། །མ་ཧེའི་མར་གྱིས་བསྒྲུབ་པར་བྱ། །ཡོ་ནིའི་ནང་དུ་བྱུགས་གྱུར་ན། །ཡོ་ནིའི་ལྷོད་པ་དམ་པར་འགྱུར། །པདྨའི་ཟེ་འབྲུ་ཨུཏྤལ་འབྲུ། ། པད་རྩ་ཨུ་ཤི་ར་དང་ནི། །མོན་ལུག་ཏིལ་མར་ནང་དུ་བཙོ། །དེ་ཡིས་བྷ་ག་ལིང་ག་དག་།དྲི་ངན་དང་ནི་ལྷོད་པ་དང ། །ནད་ལ་སོགས་པ་འཇོམས་པར་བྱེད། །ནིམ་པའི་ཤུན་པའི་ཐང་གིས་ནི། །བྷ་ག་ལ་ནི་ཁྲུས་བྱས་བྱའོ། །ནིམ་པའི་ཤུན་པས་བདུག་བྱས་ན། །འདི་ནི་གཞོན་དང་དྲི་བཟང་དང ། །སྐལ་བཟང་ཡོན་ཏན་དང་ལྡན་འགྱུར། །བ་བླ་ཡི་ནི་ཆ་ལྔ་དང ། ཀཾ་ཤུ་ཀ་ཀྵཱ་ར་ཆ་གཅིག་།ཡ་བཀྵ་ར་ཆ་གཅིག་དང ། །ཆུ་ཤིང་ཀྵ་ར་ཆ་གཅིག་དང ། །ཆུ་ནང་མཉེས་ནས་བྱུགས་ཙམ་གྱིས། །བྷ་ག་མཆན་དང་སྐྱེས་གནས་ཀྱི། །སྤུ་ནི་ལྟུང་བར་བྱེད་པ་ཡིན། །དེ་ནས་ཧ་ལ་ཧ་ལའི་སྦྲུལ། །མཇུག་མའི་ཕྱེ་མ་དང་བསྲེས་ནས། །ཚ་བའི་ཏིལ་མར་ཞག་བདུན་བཞག་།དེ་ཡིས་ལིང་ག་ལ་སོགས་མཉེ། །སླར་ཡང་སྤུ་ནི་འབྱུང་མི་འགྱུར།། མ་ཧེ་ཕག་དང་གླང་ཆེན་དང ། །ཀརྐ་ཊ་ཡི་ཞག་དང་ཚིལ། །ནུ་མ་ལ་སོགས་ཉེད་བྱས་འཕེལ། །སྣ་མའི་མེ་ཏོག་ཏིལ་དང་བཏགས། །བྷ་ག་ལ་ནི་གྲུལ་བྱས་ན། །སྟེང་དུ་མཐོ་བར་བྱེད་པ་ཡིན། །མ་ཧེ་ཡི་ནི་མར་གསར་དང ། །ཤུ་དག་རུ་རྟ་བ་ལཱ་དང ། །ནཱ་ག་བ་ལས་ཉེད་བྱས་ན། །ནུ་མ་འཕེལ་བར་བྱེད་པ་ཡིན། །ཆུ་དྲོན་གྱིས་ནི་ཁྲུས་བྱས་ལ། །ལིང་ག་སྔོན་བཞིན་ 412b འཕེལ་བ་ཉམས། །དཎྜ་ཨུཏྤལ་རྩ་བ་དང ། །བ་ཡི་མར་དང་བཏུང་བྱས་ན། །དུས་ལྡན་དུས་ལ་སྦྲུམ་པར་འགྱུར། །རྟ་དྲིའི་རྩ་བ་མར་འཐུངས་ནས། །སྦྲུཾ་མ་ཉིད་དུ་འགྱུར་བ་ཡིན། །བ་ལ་ཨ་ཏི་བ་ལ་དང ། ཀ་ར་དང ། ཏིལ་དང ། མ་ཀྵི་ཀའི་སྦྲང་དང་བཅས་པ་འཐུངས་ན་སྦྲུམ་པར་འགྱུར་རོ། །བ་བླའི་རྩ་བ་ཆུ་དང་བཏགས་ནས་འཐུངས་ན། ཁྲག་འཛག་པ་ཆད་པར་འགྱུར་རོ། །ནས་ཀྱི་ཕྱེ་དང ། བའི་ཆུ་དང ། སྤོས་དཀར་དང ། ཤིང་མངར་དང ། མར་རང་གིས་ལུས་ལ་དྲིལ་ཕྱིས་བྱས་ན་བཟང་པོར་འགྱུར་རོ། །བ་རཱ་ཧ་ཀྲན་ཏཱའི་རྩ་བ་དུས་ལྡན་མའི་རྣ་བ་ལ་བཏགས་ན་སྦྲུམ་པར་འགྱུར་རོ། །ཀ་ལཾ་བིའི་ལོ་མ་ཟོས་ན་ཁམས་འཕེལ་ལོ། །སྦྲང་དང ། ཞོ་ཟོས་ན་ཁམས་འཕེལ་ལོ། །དཀར་མར་ཟོས་ན་ཁམས་འཕེལ་ལོ། །བུད་མེད་ཀྱི་དྲི་ཆེན་དང་དྲི་ཆུ་མཉེས་ནས་འཐུངས་ན་ཁུ་བ་འཕེལ་ལོ། །སྐྱུ་རུ་རའི་ཕྱེ་མ་ཆུའམ། མར་དང ། སྦྲང་དང་སྦྱར་ཏེ་ཕྱི་དྲོ་ཟོས་ན། མིག་གཞོན་ནུ་དང ། ཤེས་རབ་ཀྱང་སྐྱེ་བར་བྱེད་དོ། །སྐྱུ་རུ་རའི་ཕྱེ་མ་ཏིལ་ཕྱེ་མ་དང་མཉམ་པོ་མར་དང་སྦྲང་བཟའ་བར་བྱས་ནའང་འབྲས་བུ་དེ་ཇི་ལྟ་བ་བཞིན་ནོ། །ག་ར་ཁ་ཏན་ཊུ་ལའི་རྩ་བ་དང ། ཏ་དྲི་དང ། ཏིལ་དང ། ནས་དང ། བུ་རམ་རོ་མཉམ་པོར་བྱས་ནས་བཟའ་བ་ཟོས་ན། གཞོན་ནུར་འགྱུར་རོ། ། རྫུ་ནའི་ཤུན་པའི་ཕྱེ་མ་འོ་མ་དང་སྦྱར་ཉིན་རེ་ཞིང་བཟའ་བར་བྱས་ན་ལོ་གཅིག་གི་སྦྱོར་བས་ཚེ་ལོ་སུམ་བརྒྱའོ། །སྐྱུ་རུ་རའི་ཁུ་ 413a ༄#། །བ་སྲང་གཅིག་དང ། བ་ཀུ་སོ་མ་ར་ཛའི་ཕྱེ་མ་ཞོ་གཉིས་ཐོ་རངས་འཐུངས་ནས། ཞུ་བ་དང་འོ་མའི་བཟའ་བ་ཟོས་ན། ཟླ་བ་གཅིག་བྱས་ན་ཚེ་ལོ་ལྔ་བརྒྱ་འཚོའོ། བཱ་གུ་ཙི་ཞོ་གཉིས་དང ། དར་བ་དང ། ཆུ་དང ། ཙ་བ་མོ་འོ་མ་དང ། གང་དང་ཡང་རུང་བ་དང་སྦྱར་འཐུངས་ན་ཟླ་བ་དྲུག་གི་སྦྱོར་བས་གཞོན་ནུར་འགྱུར་རོ། །མུཎ་ཌ་རིའི་ཕྱེ་མ་མར་དང་ཟོས་ན། ཞག་བདུན་ཕྲག་གསུམ་གྱིས་ལོ་བརྒྱད་གཉིས་ལོན་པའི་རྣམ་པར་འགྱུར་རོ། །ས་ན་བི་ཛཱའི་ཕྱེ་མ་སྲང་གཅིག་དང ། རཀྟ་ཤཱ་ལ་སྲང་གཅིག་དང ། བ་ཁ་དོག་གཅིག་པའི་འོ་མ་ཁམ་ཕོར་དོ་བཙོ་བར་བྱའོ། །དང་པོར་འོ་མ་ཁམ་ཕོར་གང་ཟད་པ་དང་བླངས་ནས། ས་ན་ལ་སོགས་པ་དེ་ལ་བྱིན་ནས་བཙོ་བོར་བྱའོ། །དེ་ནས་བཟའ་བར་བྱའོ། །སྨན་ཞུ་ནས་འོ་མ་དང་བཟའ་བར་བྱའོ། །རླུང་དང་ཉི་མ་སྤངས་ཏེ་ཞག་བདུན་ཕྲག་གསུམ་དུ་ཇི་སྲིད་ཇི་ལྟ་བ་དེ་བཞིན་དུ་ཕྱིན་ནས་བྱའོ། །དེ་ནས་སྐྲ་ལ་སོགས་པ་ལྟུང་བར་འགྱུར་རོ། །སླར་ཡང་སྐྱེ་བར་འགྱུར་རོ། །དེ་ནས་སྐྲ་དཀར་དང ། གཉེར་མ་བྲལ་ནས་ལོ་བརྒྱ་འཚོ་བར་འགྱུར་རོ། །རཀྟ་ཨུཙྪ་ཊའི་རྩ་བ་དང ། མར་དང ། སྦྲང་རྣམས་ཞུམ་བུའི་ལག་པ་ཙམ་བཟའ་བར་བྱའོ། །འདིའི་འབྲས་བུ་དེ་བཞིན་ཉིད་དོ། །སྐྱུ་རུ་ར་དང ། ་རུ་ར་དང ། བྷྲིང་གི་རཱ་ཛ་དང ། པི་པི་ལིང་དང ། ཕོ་བ་རིས་དང ། ལྕགས་ཀྱི་ 413b ཕྱེ་མ་རྣམས་སྦྲང་དང ། ལར་\?\་ར་དག་དང ། ུ་དུམ་ཝ་རའི་འབྲས་བུའི་ཚད་ཙམ་རིལ་བུ་བྱས་ནས། དེ་ནས་རིལ་བུ་རེ་རེ་ཉིན་རེ་ཞིང་བཟའ་བར་བྱའོ། །ཟླ་བ་གཅིག་གིས་ལོ་སུམ་བརྒྱ་འཚོའོ། །གཞོན་ནུ་མ་སྲང་གཅིག་དང ། མར་དང་བཅས་པ་བཟའ་བར་བྱའོ། །ཞག་བདུན་གྱི་ཚེ་ལོ་བརྒྱའོ། །ནས་དང ། ཏིལ་དང ། རྟ་དྲི་དང ། ནཱ་ག་པི་ལ་དང ། པ་ཥཱ་དང ། བུ་རམ་དང་བཟའ་བར་བྱའོ། །སྟོབས་ཆེན་པོར་འགྱུར་རོ། །བྷ་དྲ་ལའི་ཕྱེ་མ་སུམ་འགྱུར་དང ། ་རུ་ར་དང ། དེ་བཞིན་དུ་ཆུ་ལ་སོགས་པ་དང་བཟའ་བར་བྱའོ། །སྟོབས་ཆེན་པོར་འགྱུར་རོ། །རྣམ་པ་ཐམས་ཅད་དུ་བདག་ཉིད་ལྷའི་རྣམ་པར་བསྒོམས་ནས་གཏུམ་པོའི་སྔགས་ཀྱིས་སྨན་ཡང་དག་པར་བྱིན་གྱིས་བརླབ་པར་བྱའོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཆེན་པོའི་རྒྱུད་ལས། ཁམས་ལ་སོགས་པ་འཕེལ་བའི་རིམ་པར་ཕྱེ་བ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨེ་རཎྜའི་རྩ་བ་རང་སྐྱུར་ལ་བཏགས་ནས་སྤྱི་བོ་མཉེས་ནས། མགོ་བོའི་ཟུག་རྡུ་ཞི་བར་འགྱུར་རོ། །ར་དང ། བ་དང ། མིའི་ཆུ་བསྲེས་ནས་རྒྱམ་ཚ་དང་བཅས་པས་རྣ་བ་བཀང་ན་རྣ་བའི་ནད་ཞི་བར་འགྱུར་རོ། །སྡོམ་སྐམ་པོ་ཏིལ་མར་དུ་བཅུག་ནས། ཀ་ཊ་ཀཾ་དང ། པི་པི་ལིང་དང ། སྐྱུ་རུ་ར་དང ། ཡུང་བ་དང ། ཟིལ་པའི་ཆུ་ལ་རིལ་བུ་བྱས་ 414a ༄#། །ནས་དེ་ཡིས་མིག་སྨན་བྱས་ན། མིག་གི་ནད་ཐམས་ཅད་སེལ་བར་བྱེད་དོ། །སྦྲང་དང ། པི་པི་ལིང་གི་མིག་སྨན་གྱིས་ཀྱང་ངོ ། །རྣ་ལྤགས་དང ། སྦྲང་གིས་མིག་སྨན་བྱས་ན་སྲོད་ལོང་སེལ་བར་བྱེད་དོ། །གྷོ་ཥ་ཕ་ལཾ་གི་དྲི་མ་སྣོམ་ཞིང ། ཀཾ་ཀཱ་ལཾ་ཀོའི་རྩ་བ་དང ། སྦྲང་གི་ཆུ་དང ། སྣ་ཡིས་བཏུང་བར་བྱས་ན་མཁྲིས་ནད་མིག་སེར་སེལ་བར་བྱེད་དོ། །ལེ་བརྒན་རྩིའི་ཁུ་བ་དང ། དཱུར་བའི་ཁུ་བ་དང ། སེ་འབྲུའི་མེ་ཏོག་གི་ཁུ་བ་དང་གཅིག་ཏུ་བྱས་ནས་སྣར་བླུགས་ན་སྣ་ཁྲག་འཛག་པ་འཆད་དོ། །ཀཱཥྛ་ཨུ་དུམ་བཱ་རིའི་རྩ་བ་དང།་འབྲས་ཀྱི་ཆུས་ཁ་ནས་ཁྲག་འཛག་པ་འཆད་པར་བྱེད་དོ། །སེ་པ་ལི་ཀཱའི་རྩ་བ་ལྡད་ན་མགུལ་འགགས་སེལ་བར་བྱེད་དོ། །ར་ཏིའི་རྩ་བས་སོ་འཆའ་བ་སེལ་བར་བྱེད་དོ།། བའི་མར་དང ། བའི་འོ་མ་དང ། སྡིག་པའི་རྐང་པ་བཙོས་ནས་རྐང་མཐིལ་ལ་མཉེ་བར་བྱས་ན། སོ་འཆའ་བ་རྣམ་པར་སེལ་བར་བྱེད་དོ། །ལ་ཕུག་གི་ས་བོན་དང ། པྲི་ཡང་ཀུ་དང།་ཙནྡན་དམར་པོ་དང ། རུ་རྟ་དང་བཏགས་ནས་དྲིལ་ཕྱིས་བྱས་ན། ཁྱི་རྡོ་ལ་སོགས་པ་འཇོམས་པར་བྱེད་དོ། །ཧ་རི་ཎའི་ཤ་སྐམ་པོ་སྲང་གཅིག་དང ། རའི་འོ་མ་བཏུང་བར་བྱས་ན། ཟད་བྱེད་ཀྱི་ནད་སེལ་བར་བྱེད་དོ། །མ་ཧེའི་ཞོ་དང ། འབྲས་ཟན་གྱི་བཟའ་བས་བཙན་ཐབས་སུ་འཁྲུ་བ་སེལ་བར་བྱེད་དོ། །འབྲས་ཟན་ཆུ་དང་བཅས་ 414b པ་གྲང་མོས་ཀྱང་དེ་བཞིན་དུ་སེལ་བར་བྱེད་དོ། །རུ་རྟའི་ཤུན་པ་ཆ་གཉིས་དང ། ཕོ་བ་རིས་དང ། བུ་རམ་དང ། སྒོག་སྐྱ་རྣམས་ཆ་རེ་བའི་དར་བ་དང་འཐུངས་ན་ལྟོ་འགྱིངས་པ་སེལ་ལོ། ། སྐྱུ་རུ་ར་དང ། པི་པི་ལིང་དང ། ཙི་ཏྲ་ཀ་དང ། སྒེ་གཤེར་དང ། བུ་རམ་རྙིང་པ་དང ། མར་དང ། སྦྲང་དང ། ཆ་མཉམ་དུ་དགོངས་ཀ་ཟོས་ན་བློ་དང་དབུགས་མི་བདེ་བསེལ་ལོ། ། རུ་རའི་ཕྱེ་མ་དང ། སྦྲང་གིས་ཀྱང་དེ་བཞིན་ནོ། །སེང་ལྡེང་གི་ལོ་མ་དང ། ནས་དང ། ནས་ཀྱི་མྱུ་གུ་བཅའ་བར་བྱས་ན་ལྟོ་བའི་ནད་སེལ་བར་བྱེད་དོ། །སྒེ་གཤེར་དང ། ཟི་ར་དང ། ཞོའི་ཐུག་པ་ལན་ཚཝ་དང་བཅས་འཐུངས་པས་རབ་ཏུ་ཚ་བའི་ཆུ་ནད་རྣམ་པར་སེལ་ལོ། །ཀ་ར་དང ། ཡ་བཀྵ་ར་དང་ཆ་མཉམ་དུ་བཟའ་ཞིང ། ཤོ་བྷ་ཛ་ནའི་རྩ་བའི་ཆང་འཐུངས་ན་ཆུ་སོའི་རྡེའུ་འབྱིན་པར་བྱེད་དོ། ། རུ་ར་དང ། ཙི་ཏྲ་ཀ་དང ། སྒེ་གཤེར་དང ། དར་བ་འཐུངས་ན་མཆེར་པ་སྐྲངས་པའི་ནད་སེལ་ལོ། །ཟིར་དང ། བུ་རམ་བཟའ་བར་བྱས་ན་ཚ་བ་སེལ་བར་བྱེད་དོ། །ཡ་བཀྵ་ར་དང ། ཞོ་འཐུངས་པར་བྱས་ན་པེ་སྣབས་འཁྲུ་བའི་ནད་སེལ་བར་བྱེད་དོ། །ཚ་བ་གསུམ་དང ། བྱི་ཏང་ཀ་དང ། རྒྱམ་ཚཝ་དང་བཅས་པའི་ཐུག་པ་དྲོན་མོ་འཐུངས་ན་མེ་འབབ་བ་དང ། སྲིན་བུའི་ནད་སེལ་བར་བྱེད་དོ། ། རུ་ར་དང ། བུ་རམ་གྱི་བཟའ་བས་འབྲུམ་ནག་གི་ནད་སེལ་བར་བྱེད་དོ། ། རུ་ར་དང ། སྒ་སྐྱའི་བཟའ་བས་བེ་སྣབས་འཁྲུ་ 415a ༄#། །བའི་ནད་སེལ་ལོ། །དཱུར་བ་དང ། ཡུང་བ་བཏགས་ནས་བྱུགས་ན་རྔུ་ཤུ་སེལ་བར་བྱེད་དོ། །འདི་ཡིས་དེ་བཞིན་དུ་མེ་དབལ་དང ། ཕོལ་མིག་དང ། ཁྱི་རྨ་ལ་སོགས་པའང་སེལ་བར་བྱེད་དོ། །ཀཱ་ཤ་མར་དྷའི་རྩ་བ་རང་སྐྱུར་ལ་བཏགས་ནས་ཀྱང་དེ་བཞིན་ནོ། །བུ་རམ་དང་ཙ་བའི་མར་ཁུ་འཐུངས་ན་གློ་དང ། དབུགས་གདུག་པ་སེལ་བར་བྱེད་དོ། ། རྫུ་ནའི་ཤུན་པ་དང ། མར་ལ་སོགས་པ་ཟོས་ནི་སྙིང་གི་ཟུག་རྡུ་སེལ་བར་བྱེད་དོ། །ཀ་པེད་བསྲེགས་ལ་བུ་རམ་དང་བཟའ་བར་བྱས་ན་ཁྲག་ཏུ་འཁྲུ་བ་སེལ་བར་བྱེད་དོ། །མ་ཏུ་ལུང་ཀའི་ཁུ་བ་བུ་རམ་དང་བཏུང་བར་བྱས་ན་ཟུག་རྡུ་སེལ་བར་བྱེད་དོ། །བུ་རམ་དང་བཅའ་སྒ་སྣར་བླུགས་ན་ཆམ་པའི་ནད་ཐམས་ཅད་སེལ་བར་བྱེད་དོ། །ཀ་ཏ་ཀཾ་དང ། སྦྲང་གིས་མིག་སྨན་བྱས་ན་མིག་ནད་ཐམས་ཅད་སེལ་བར་བྱེད་དོ། །རང་སྐྱུར་དང ། འབྲུ་མར་དང ། རྒྱམ་ཚཝ་དང ། དཱུར་བའི་རྩ་བ་འཁར་བའི་ནང་དུ་མཉེས་ནས་མིག་སྨན་བྱས་ན་ཟུག་རྡུ་སེལ་བར་བྱེད་དོ། །བུ་རམ་དང ། མར་ཟ་བར་བྱེད་ན། རླུང་དང ། མཁྲིས་པ་དང ། བད་ཀན་དང ། མཛེ་ལ་སོགས་པ་རྣམ་པར་སེལ་བར་བྱེད་དོ། །འབྲས་བུ་གསུམ་གྱི་ཕྱེ་མ་མར་དང ། སྦྲང་དང་བཟའ་བར་བྱས་ན་ནད་ཐམས་ཅད་སེལ་བར་བྱེད་དོ། ། རུ་རའི་ཕྱེ་མ་དང ། མར་དང ། སྦྲང་དང ། ཕྱི་དྲོའི་དུས་སུ་ལྡགས་ན། རླུང་དང་ 415b བད་ཀན་སེལ་བར་བྱེད་དོ། །བ་ཤ་ཀའི་ཡན་ལག་ལྔ་དང ། ཆུ་ཐག་དང ། ཚངས་མ་དང ། པི་པི་ལིང་རྣམས་བསྐམས་ནས་ཕྱེ་མར་བྱས་ཏེ། རྒྱམ་ཚཝ་དང ། སྦྲང་དང ། རིལ་བུ་བྱས་ཏེ། དེ་ནས་དགོངས་མོ་ཟོས་ན་བད་ཀན་རྣམས་སེལ་ཞིང་ཤིན་ཏུ་དབྱངས་སྙན་པར་བྱེད་དོ། །ཚངས་མ་དང ། ཆུ་ཐག་དང ། བཅའ་ལྒ་དང ། པི་པི་ལིང་དང ། ་རུ་ར་དང ། བ་ཤ་ཀ་དང ། སེང་ལྡེང་རྣམས་སྦྲང་ལ་རིལ་བུ་བྱས་ནས་བཟའ་བར་བྱས་ན་དེ་ལྟ་བུའི་འབྲས་བུ་ཉིད་དོ། །ལ་ཕུག་དང ། བཅའ་སྒ་དང ། ་རུ་ར་དང ། རྒྱམ་ཚཝ་དང་ཆ་མཉམ་པོར་བཟའ་བར་བྱས་ན་མ་ཞུ་བ་ཐམས་ཅད་སེལ་བར་བྱེད་དོ། །སླེ་ཏྲེས་ཀྱི་ཁུ་བ་དང ། སྦྲང་འཐུངས་པར་བྱས་ན་ཆུ་ནད་ཐམས་ཅད་སེལ་བར་བྱེད་དོ། །འོ་མ་དང ། པི་པི་ལིང་གི་ཕྱེ་མ་མར་དང ། སྦྲང་དང་འཐུངས་པར་བྱས་ན་ཚ་བ་དང ། སྙིང་ནད་དང ། གློ་ལ་སོགས་པ་སེལ་བར་བྱེད་དོ། །ལ་ཛྫ་ལུ་དང ། ཤ་ར་པུང་ཀའི་རྩ་བ་འབྲས་ཁུ་གྲང་མོས་བཏགས་ནས་བྱུགས་པར་བྱའོ། །སླེ་ཏྲེས་ཀྱི་རྩ་བ་བཟའ་བར་བྱས་ན་རྩ་ནང་གི་རྨ་འཚོ་བར་བྱེད་དོ། །བཅའ་ལྒ་དང ། ཡ་བཀྵ་ར་བཟའ་བར་བྱས་ན་ལྟོགས་པ་སེལ་བར་བྱེད་དོ། །ཛ་ཡན་ཏ་ཡི་ས་ཁོན་དང ། ཕོ་བ་རིས་ཉི་མ་གསུམ་འཐུངས་པར་བྱས་ན་སྡིག་པའི་ནད་འབྲུམ་ནག་སེལ་བར་བྱེད་དོ། །འབྲས་བུ་གསུམ་དང ། རམས་དང ། ས་ནག་པོ་དང ། བྷྲིང་གི་རཱ་ཛའི་ཁུ་བ་ 416a ༄#། །དང།་ཨ་མྲའི་ས་བོན་དང ། ལྕགས་ཀྱི་ཕྱེ་མ་རང་སྐྱུར་དང་བསྙལ་ནས་བསིང་བར་བྱའོ། །དེ་ནས་གུ་གུལ་གྱིས་སྐྲ་ལ་བདུགས་ནས་དེ་ཡིས་མཉེ་བར་བྱའོ། ། དེ་ནས་ཞག་བདུན་བཅིངས་ནས་གཞག་པར་བྱའོ། །སྐྲ་ཁ་བསྒྱུར་བའོ། །རྨ་བྱའི་མཁྲིས་པ་དང ། བྷྲིང་གི་རཱ་ཛའི་ཁུ་བ་དག་པའི་མར་ལ་བཙོས་ནས་སྣར་བླུགས་ན་ཞག་བདུན་གྱིས་སྐྲའི་མདོག་ནག་པོར་འགྱུར་རོ། །པུ་ནར་པ་དང ། རཎྜ་དག་གི་ཐང་བཅུ་དྲུག་འགྱུར་གྱི་བར་དུ་ཆ་གཅིག་ལུས་ཀྱི་བར་དུ་བསྐོལ་བར་བྱའོ། །དེ་ནས་གྷུཉྫ་དཀར་པོའི་ཕྱེ་མ་བླུགས་ནས་དཀྲུག་པར་བྱའོ། །དེ་ནས་འབྲུ་མར་ཁམ་ཕོར་གང་དང་བཙོ་བར་བྱའོ། །འདིས་སྐྲ་དང་མཉེས་པས་སྐྲ་ཁ་དོག་ནག་པོར་འགྱུར་རོ། །བྷུ་མི་བི་དཱ་རི་དང ། ཚ་བ་གསུམ་དང ། མུ་ཟི་དང་མཉམ་པོ་ཕྱེ་མར་བྱས་ནས་སྡོང་བུའི་ནང་དུ་བཅུག་ནས། སྡོང་བུའི་ཁ་ཐུར་དུ་བསྟན་ནས། མེ་སྦར་ནས་རིམ་པར་ཚ་བའི་འབྲུ་མར་བླངས་ནས། རྟག་ཏུ་ཐིགས་པ་གཉིས་སྣ་ཡིས་འཐུངས་ན། སྐྲ་དཀར་དང ། གཉེར་མ་དང་བྲལ་བར་འགྱུར་རོ། །དེའི་ཁུ་བས་མཛེ་ལ་བྱུགས་ཤིང་མཉེས་ན་མཛེ་ནད་སེལ་བར་བྱེད་དོ། །མར་གསར་པ་ཡིས་མཉེས་ནས། ལྡོང་རོས་དྲུག་ནམ་གཅིག་དང་བཅས་ཏེ་དངུལ་ཆུ་སྲང་གཅིག་དང ། ཤ་ལིང་ཙ་དང ། ལོ་ཎི་ཨཱི་གོང་བུ་དང ། ལུགས་ཀོང་གི་ཁ་བཀབ་ནས། བུམ་པའི་འཁྲུལ་འཁོར་གྱི་ 416b ནང་དུ་བྱེ་མ་དང་བཅས་པ་མེ་ལ་བསྲེག་པར་བྱའོ། །དངུལ་ཆུ་བཅིང་བ་བཟའ་བར་བྱས་ན་ཟད་བྱེད་ལ་སོགས་པའི་ནད་སེལ་བར་བྱེད་དོ། །བའི་བེའུ་སྐྱེས་པའི་དང་པོའི་ལྕི་བ་བླངས་ནས་རིལ་བུ་བྱས་ཏེ་པུཎྜ་ཏ་ག་རའི་རྩ་བ་དང་མཉེས་ནས་བཅིངས་པར་བྱའོ། །སོར་གཅིག་ཟོས་ནས་དུག་ཟོས་ནའང་གནོད་པར་མི་འགྱུར་རོ། །འཛམ་བུའི་ས་བོན་དང ། བཱི་ཛ་པཱུ་ར་ཀའི་ས་བོན་དང།་ཤ་རི་ཥའི་ས་བོན་དང་བཏགས་ནས་རའི་འོ་མ་ལ་བཙོ་བར་བྱས་ནས་མར་དང་བཟའ་བར་བྱས་ན་ཟླ་བ་ཕྱེད་དུ་ལྟོགས་པར་མི་འགྱུར་རོ། །སྐྱུ་རུ་ར་དང ། རུ་རྟ་དང ། ུཏྤ་ལ་དང་སྤང་སྤོས་དང ། བཱ་ལ་དང ། དེ་རྣམས་ཀྱིས་བྱུགས་ན་སྐྲ་སྲབ་མོ་ཡང་ཚན་མཐུག་པོར་འགྱུར་རོ། །ཁྱིའི་མཆེ་བ་དུ་བའི་ནང་དུ་བསྲེགས་ནས་འོ་མ་དང་མར་དང་བཅས་པས་མཉེ་བར་བྱས་ན་སྐྲ་མ་སྐྱེས་པའང་སྐྱེ་བར་འགྱུར་རོ། །ན་རི་ཀེ་ལའི་ཆུ་ལ་སྐྱེས་བུའི་དབང་པོ་ཅུང་ཟད་བར་དུ་གཞག་ནས་སུ་ར་སུ་ན་ཕྱེ་མ་བྱིན་ན་སྐྱེས་བུའི་དབང་པོ་ཤུ་བའི་ནད་སེལ་བར་བྱེད་དོ། །རྒྱལ་གྱི་ཟླ་བ་ལ་བྷརྀང་ག་རཱ་ཛའི་རྩ་བ་རང་གི་ཁུ་བ་དང་སྦྱར་ནས་བྱུགས་ན་དེ་བཞིན་ནོ། །ཀ་ར་བཱི་ར་དཀར་པོའི་འཁྲི་ཤིང་དང ། རྩངས་པའི་ཁྲག་གིས་མཉེ་བར་བྱས་ན། ཤྨ་\?\་ཐི་དང ། བྷརྀང་ག་རཱ་ཛ་མཉེས་ནས་རབ་ཏུ་བྱུགས་ན་འང་དེ་བཞིན་དུ་འགྱུར་རོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། ནད་ 417a ༄#། །ཐམས་ཅད་འཕེལ་བ་གཞོམ་པའི་རིམ་པར་ཕྱེ་བ་སྟེ་བཅོ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨ་པ་ར་ཛི་ཀ་དཀར་པོའི་རྩ་བ་དང ། ཁུ་བ་རིལ་བུ་བྱས་ནས་ཐིག་ལེ་བྱས་ན་བུད་མེད་དབང་དུ་འགྱུར་རོ། །བྲཧྨ་དཎྜི་དང ། ཤུ་དག་དང ། རུ་རྟ་དང ། སྦྲང་ལིངྒ་ལ་བྱུགས་ནས་མཉེས་ནས་བུད་མེད་ལ་འདོད་པ་བྱས་ན་དབང་དུ་འགྱུར་རོ། །བོང་བུའི་ཁུ་བ་དང ། ཆུ་སྐྱེས་ཀྱི་གེ་སར་བཏགས་ནས་རྒྱལ་མཚན་ལ་བྱུགས་ཏེ་དཎྜ་ཨུཏྤ་ལ་དང ། རུ་རྟ་དང ། གོ་ལ་བྱིན་ནའང་དེ་བཞིན་དུ་འགྱུར་རོ། །བྲཧྨ་དཎྜི་དང ། བྱི་ཏཾ་ཀ་དང ། རུ་རྟ་དང ། ནཱ་ག་གེ་སར་དང ། གོ་ལ་བྱིན་ན་དབང་དུ་འགྱུར་རོ། །བྱུགས་ནས་འདོད་པ་བྱས་ན་དབང་དུ་འགྱུར་རོ། །བུ་ཆུང་སོ་མ་སྐྱེས་པའི་ལྕེ་བླངས་ཏེ། གི་བཾ་དང ། བྷྲིང་ག་རཱ་ཛ་དང ། སྐར་མ་རྒྱལ་ལ་རིལ་བུ་བྱས་ནས་ཐིག་ལེ་བྱས་ན་དབང་དུ་འགྱུར་རོ། །གི་ཝཾ་གི་རང་བྱུང་གི་མེ་ཏོག་ལ་སྦངས་ནས་ཐིག་ལེ་བྱས་ན་དབང་དུ་འགྱུར་རོ། །དུར་ཁྲོད་ཀྱི་དུ་བས་བདུགས་ནས་བུད་མེད་ལ་བསྣུན་ན་དབང་དུ་འགྱུར་རོ། །མ་ཡཱུ་ར་ཤི་ཁ་དང ། བྱ་རོག་གི་ལྕེ་དང ། རོའི་མེ་ཏོག་སྙིང་པ་སྐམ་པོའི་ཕྱེ་མ་གང་གི་སྤྱི་བོར་བྱིན་པ་དེ་དབང་དུ་འགྱུར་རོ། །བ་བླ་དང ། བྱ་རོག་གི་བྲུན་བཏགས་ནས་བཟའ་བ་དང ། བཏུང་བར་བྱིན་ན་དབང་དུ་འགྱུར་རོ། །བིཥྞུ་ཀྲཱན་ཏའི་རྩ་བ་ལིངྒ་ལ་བྱུགས་ 417b ནས་དགའ་བར་བྱས་ན་དེ་བཞིན་ནོ། །རྒྱུ་སྐར་རྒྱལ་ལ་དྷུ་ཏུ་རའི་རྩ་བ་དང་འབྲས་བུ་བླངས་ནས། རྒྱུ་སྐར་སྐག་ལ་ཤུན་པ་བླངས། ཧསྟ་ལ་ལོ་མ་བླངས། ནག་པ་ལ་མེ་ཏོག་བླངས། མཱུ་ལ་ལ་རྩ་བ་བླངས་ལ། ཆ་མཉམ་པོར་ཕྱེ་མར་བྱས་ནས། སྦྲང་དང་རིལ་བུ་བྱས་ནས་རས་སྤངས་ཏེ་བསྐམ་པོར་བྱའོ། །གོ་ལ་བྱིན་ནས་ཕྱེ་མ་ཡིས་དབང་དུ་བྱེད་དོ། །ཁྱི་སྨྱོན་པའི་རྐང་པ་གཡས་པའི་སོར་མོ་སོལ་བའི་མེ་ལ་བསྲེགས་ནས་གང་གི་མིང་བྲིས་ཏེ་ཆེ་གེ་མོ་ཁུག་ཅིག་།ཅེས་པས་དེ་འོང་བར་བྱེད་དོ། །དུ་བ་མེད་པའི་མེ་ལ་བསྲོ་བར་བྱའོ། །མ་ཡཱུ་ར་ཤི་ཁ་དྲི་མ་ལྔའི་བཟའ་བ་ལ་སོགས་པ་བྱིན་ན་དབང་དུ་འགྱུར་རོ། ། པ་ར་ཛི་ཏའི་རྩ་བ་སྐར་མ་རྒྱལ་ལ་བཏོན་ནས། རས་ལ་ཡང་དག་པར་བསྒོས་པའི་སྡོང་བུས་མིའི་ཐོད་པ་ལ་མིག་སྨན་དུ་བྱའོ། །དེའི་མིག་སྨན་གྱིས་སྐྱེས་པ་དང ། བུད་མེད་དབང་དུ་འགྱུར་རོ། །དཎྜ་ཨུཏྤ་ལའི་རྩ་བ་དང ། དྲི་མ་ལྔ་དང་བྱིན་ན་དབང་དུ་བྱེད་པར་འགྱུར་རོ། །བི་ཌཾ་ག་དང ། ཏ་ག་ར་དང།་རུ་རྟ་ཆང་དང་བྱིན་ན་མི་འདོད་པ་ཉམས་པར་བྱེད་དོ། །ལྡོང་རོས་དང ། ནཱ་ག་གེ་སར་ཕྱེ་མ་དང ། པྲི་ཡང་ཀུ་དང ། གི་ཝཾ་རྣམས་ཀྱིས་མིག་སྨན་བྱས་ན་དབང་དུ་བྱེད་དོ། །གླ་བ་དང།་ལ་ཛྫ་ལུ་དང ། དྷུ་ཏུ་ར་དང ། ས་ཧ་དེ་བ་དང་རྣམས་ཀྱིས་ཐིག་ལེ་བྱས་ན། འཇིག་རྟེན་གསུམ་པོ་དབང་དུ་བྱེད་དོ་ཞེས་ཏེ། ཨོཾ་ཙ་ལ་ཙིཏྟེ། ཙི་ལི་ཙི་ལི། ཙུ་ལུ་ཙུ་ལུ། ཙེ་ཏོ་མུཉྩ་ 418a ༄#། །མུཉྩ་སཝཱཧཱ། །རང་གི་ལིངྒའི་སྟེང་དུ་ཀ་ར་བཱི་ར་དམར་པོའི་མེ་ཏོག་བཞག་ནས་སྟོང་ཕྲག་གཅིག་བཟླས་པར་བྱའོ། །མིང་གི་མཐའ་རྟེན་ནས་སོ། །གང་གི་མདུན་དུ་སྔགས་བཟླས་ནས་ཟངས་མའི་ཁབ་ཀྱིས་ཕུག་ནས་བསྐོར་བས་དེ་དབང་དུ་འགྱུར་རོ། །སྔོན་བསྙེན་པ་སྟོང་ཕྲག་བཅུ་མིང་དང་བྲལ་བར་བྱས་ནས། ན་མཿ ཙཎྜ་ལི་ཆེ་གེ་མོ་བ་ཤཱི་ཀུ་རུ་སཝཱཧཱ། བསྙེན་པ་དང་བཅས་པས་དུར་ཁྲོད་ཀྱི་ཐལ་བ་ནག་པོའི་བཅུ་བཞི་ལ་བརྒྱ་རྩ་བརྒྱད་མངོན་པར་སྔགས་ནས་བུད་མེད་ཀྱི་སྤྱི་བོར་བྱིན་ན་དབང་དུ་འགྱུར་རོ། །རའི་ལིངྒ་བླངས་ནས་རྐེད་པ་ལ་དུར་ཁྲོད་ཀྱི་སྲད་བུས་བཅིང་བར་བྱའོ། །ཡང་ན་རྩངས་པའི་མཇུག་མ་བཅིངས་ན་ཁམས་འཛིན་པར་འགྱུར་རོ། །མཆོག་ཏུ་བདེ་བའི་ཡིད་གཅིག་པུས་མཻ་ཐུ་ན་བྱ་སྟེ་བརྟན་པའི་སྦྱོར་བས་སོ། །རྟག་ཏུ་སེམས་མེད་པ་བཞིན་དུ་གྱུར་ནས་ཁམས་མཆོག་ཏུ་འཆིང་བར་བྱེད་དོ། །མཱུ་ལཾ་སི་ཏ་ཀོ་ཀི་ལ་ཀྵྱ་ས། ཡང་ན་དྷུ་ཏུ་ར་གོས་དང་བྲལ་ཞིང་འདོམས་དཀྲིས་དང་བྲལ། སྐྲ་གྲོལ་བས་བཏོན་ནས་བཅིངས་ན་ཁམས་འཆིང་བར་བྱེད་དོ། །བྱི་ལ་ནག་པོའི་རྐང་བའི་རུས་པ་བཅིངས་ན་ཁམས་འཆིང་བར་བྱེད་དོ། །ཤ་ར་པུང་ཥཱ་དཀར་པོའི་རྩ་བས་བཅིངས་ནའང་ཁམས་འཆིང་བར་བྱེད་དོ། །ས་ཎ་མཱུ་ལ་དང ། གོལ་ལ་གལ་ཏེ་ན་སུ་ར་སུན་ན་ཀ་ཟོས་ནས་མེ་ཐུ་ན་སྔོན་བཞིན་བྱས་ན་ཁམས་འཆིང་བའི་མཆོག་ 418b གོ་།འཇམ་འབྲས་ཀྱི་ནང་བྲུས་ནས་དངུལ་ཆུས་བཀང་ནས་རྐེད་པ་ལ་བཅིངས་ན་ཁམས་འཛིན་པར་འགྱུར་རོ། །དེ་བཞིན་དུ་ཕག་གི་ཚིལ་གྱིས་ཨར་ཀའི་བལ་དཀར་པོ་ལ་སྡོང་བུ་བྱས་ནས་མིག་སྨན་བྱས་ན་ཁམས་འཆིང་ངོ ། །སའི་འཁྲི་ཤིང་གི་ཕྱེ་མས་སྡོང་བུ་ལ་ཏིལ་གྱི་འབྲུ་མར་བསྲེག་པར་བྱའོ། །ཁམས་འཆིང་བར་བྱེད་དོ། །སའི་འཁྲི་ཤིང་ཕྱེ་མར་བྱས་ནས་ཏིལ་གྱི་འབྲུ་མར་གུར་གུམ་གྱི་མར་ཁུ་དང་བཙོས་ནས། དེ་ཡིས་རྐང་པ་ལ་མཉེས་ན་ཁམས་འཆིང་ངོ ། །སྦལ་པའི་ཞག་དང ། སྡིག་པ་དག་རའི་འོ་མ་དང་སྦྱར་ནས་དེས་རྐང་པ་ལ་བྱུགས་ན་ཁམས་འཆིང་ངོ ། །ཀཱ་ཀ་ཛི་གྷ་དཀར་པོའི་རྩ་བ་དང ། པདྨ་དཀར་པོ་ཀེ་ཤར་སྦྲང་དང་ལྟེ་བར་བྱུགས་ན་ཁམས་འཛིན་ནོ། །གླང་གི་རཝ་གྱེན་དུ་སྐྱེས་པ་བླངས་ནས་བརྡར་ཏེ། ལིངྒ་ལ་བྱུགས་ན་ལིངྒ་གྱེན་དུ་བྱེད་དོ། །ཀ་པི་ཀཙྪ་རྩ་བདར་ནས་རའི་ཆུ་དང་བཏགས་ནས་ལིངྒ་ལ་བྱུགས་ནས་མཉེས་ན་འཕྲང་པོར་བྱེད་དོ། །ལན་གཉིས་སམ། གསུམ་དུའོ། །ཆུ་དྲོན་མོས་བཀྲུས་ན་ཞི་བར་འགྱུར་རོ། །འགྲོན་བུའི་ནང་དུ་དངུལ་ཆུས་བཀང་ནས་ཁར་བཅུག་ན་ཁམས་འཆིང་ངོ ། །རའི་ཆུ་དང ། ིཎྜ་བཱ་རུ་ཎཱི་ཉི་མ་བདུན་དུ་སྤང་བར་བྱའོ། །དེས་མཉེས་ན་ལིངྒ་གྱེན་དུ་བྱེད་དོ། །ཌོ་ཥ་ཎིའི་རྩ་བ་དང ། ཀ་མ་ཙིའི་རྩ་བ་དང ། དྷུ་ཏུ་རའི་ས་བོན་དང ། ཀ་སྟུར་དང་མཉེས་ནས་ལིངྒ་ལ་བྱུགས་ནས་བུད་མེད་ལ་འཁྲིག་པ་བྱའོ། །རྒྱམ་ཚཝ་དང་ 419a ༄#། །ལ་དང ། ཀ་སྟུ་ར་དང ། གྷོ་ཥའི་ཕྱེ་མ་སྦྲང་དང་བྱུགས་ན་འང་དེ་བཞིན་ནོ། །ཕུག་རོན་གྱི་བྲུན་དང ། སྦྲང་ལིངྒ་ལ་བྱུགས་ནས་འདོད་པ་བྱས་ན་བུད་མེད་འཛག་པར་བྱེད་དོ། །ཀ་མ་རྩིའི་རྩ་བ་དང ། གོ་ལ་བུད་མེད་དང་དགའ་བའི་དུས་སུ་ཟོས་ན་དེ་འཛག་པར་བྱེད་དོ། །བསེ་ཡབ་སྨིན་པ་དང ། ལ་སི་ཀཾ་དང ། རྒྱམ་ཚ་དང་བསྲེས་ནས་རང་གི་མཛུབ་མོ་ལ་བྱུགས་ནས། དེའི་བྷ་གའི་རྡོ་རྗེ་དབྱིངས་ཀྱི་དབང་ཕྱུག་མའི་རྩལ་ཇི་སྲིད་བསྐྱོད་པས་དེ་འཛག་པར་བྱེད་དོ། །ག་བུར་དང ། ཚ་ལ་དང ། དངུལ་ཆུ་དང།་ཧ་སྟི་བི་པི་ལིང་དང ། སྦྲང་གིས་བྱུགས་པས་བུད་མེད་འཛག་པར་བྱེད་དོ། །རཱ་མ་དུ་ཏིའི་རྩ་བ་དང ། འོ་མ་དང་བཅས་པ་ལིངྒ་མཉེས་ནས་མཻ་ཐུ་ན་བྱས་པས་བུད་མེད་འཛག་པར་བྱེད་དོ། །ཛ་ཡནྟིའི་རྩ་བ་དང་བཏགས་ནས་འབྲས་ཀྱི་ཆུ་དང་བསྲེས་ནས་རྡུལ་དང་ལྡན་པའི་སྐྱེ་གནས་ལ་བྱུགས་ན་མོ་གཤམ་དུ་ཐེ་ཚོམ་མི་ཟའོ། །པ་ལ་ཤའི་ས་བོན་མཉེས་ནས་བྱུགས་ནས། སྦྲང་དང ། མར་གསར་བའི་བཏུང་བ་དང ། ཙི་ཏྲ་དམར་པོས་མོ་གཤམ་དུ་ཐེ་ཚོམ་མེད་དོ། །ཆག་བ་དང ། ཕྱེ་མ་ལེབ་ཀྱི་ཕྱེ་མས་སྐྱེས་གནས་ལྷོད་པ་ལ་བྱིན་ན་མཁྲང་པོར་འགྱུར་རོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། ཁམས་བཅིང་ 419b བ་ལ་སོགས་པའི་རིམ་པར་ཕྱེ་བ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྔགས་དང་འཁྲུལ་འཁོར་སོགས་མཁས་པའི། །སྣ་ཚོགས་དབྱེ་བ་གསུངས་པ་དང ། །ཁྱབ་བདག་དེ་བཞིན་ངོ་མཚར་དང ། །རླུང་གི་སྦྱོར་བ་མ་ལུས་དང ། །དེ་བཞིན་དུས་ཀྱི་མཚན་ཉིད་དང ། །གཞན་ཡང་བདག་ནི་མཉན་པར་འཚལ། །རང་གཟུགས་ལུས་ཀྱི་འཁྲུལ་འཁོར་གྱིས། །ད་ལྟ་བཀའ་དྲིན་མཛད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་མཛད་ནས། །གང་འདིར་ཁྱོད་ཀྱིས་གསོལ་བཏབ་པ། །ཀུན་གྱི་རྣམ་པར་ཤེས་བསྡུས་པ། །དེ་ནས་བདག་གིས་རབ་བཤད་བྱ། །ོཾ་ཛཱ་ལ་ཀ་རཱ་ལ་བ་ད་ནེ། ཧ་ས་ཧ་ས། ཧ་ལ་ཧ་ལ་བཛྲེ། སུ་བཛྲེ། སྥ་ར་སྥ་ར། སྥཱ་ར་ཡ། སྥཱ་ར་ཡ། སརྦ་མེ་གྷ་བ་ཏེ། བིཥྚི་སྟམྦྷ་ཡ་སྟམྦྷ་ཡ། སྥོ་ཊ་ཡ་སྥོ་ཊ་ཡ། ཡ་མ་སརྦྦ་པཱ་ཎི། ཡཾ་ཤོ་ཥ་ཡ་ཤོ་ཥ་ཡ་ཧཱུཾ་ཕཊ། སྔགས་འདི་བཟླས་ནས་ནམ་མཁའ་ལ་ཁྲོ་བོའི་ལྟ་བས་བལྟ་བར་བྱའོ། །རླུང་དང་སྤྲིན་ལ་སོགས་པ་འཇིགས་པར་བྱེད་དོ། །ོཾ་ཕེ་ཊ་ཀ་ར་ཕེཾ་ཕེཾ་ཧ་ཧ་ཧཱ་ཧཱ་ཕཊ། དུར་ཁྲོད་དུ་རོལ་པའི་སྔགས་སོ་ཨོཾ་སརྦྦ་བི་དྱཱ་\?\་དྷི་པ་ཏ་ཡེ། པ་ར་ཡནྟ་མནྟྲ། ནཱ་ཤ་ཡ་སརྦྦ་ཌཱ་ཀི་ནཱི་ནཱཾ། ཏཱ་ས་ཡ་ཏཱ་ས་ཡ། བན་དྷ་ཡ་བན་དྷ་ཡ། མུ་ཁཾ་ཀཱི་ལ་ཡ་ཀཱི་ལ་ཡ། ཧཱུཾ་ཧཱུཾ་ཕཊ། ཅེས་པ་ནི་གྲོང་ཁྱེར་དུ་འཇུག་ 420a ༄#། །པའི་སྔགས་སོ། །ོཾ་ཧི་ལི་ཧི་ལི་ཧ་ཕུཿ ཕུཿ ཞེས་པ་འདིས་ས་ལ་མངོན་པར་བསྔགས་ནས་རྡུལ་གྱིས་གཏོར་ན་སྦྲུལ་འབྲོས་པར་འགྱུར་རོ། །མརྨྨཱ་མརྨྨཱ། ཞེས་བརྗོད་ན་སྟག་འབྲོས་པར་འགྱུར་རོ། །བཻཌུ་ཨཱ་བཻ་ཌུ་ཨཱ། ཞེས་པ་འདིས་གླང་པོ་ཆེ་འབྲོས་པར་འགྱུར་རོ། །ཏེ་ལ་ལི་ཨཱ་ཧེ་ལ་ལི་ཨཱ། ཞེས་པ་འདིས་བསེ་འབྲོས་པར་འགྱུར་རོ། །ོཾ་ཧྲཱིཾ་བ་ཊུ་ཀ་ནཱ་ཐཱ་ཙཎྜ་མཧཱ་རོ་ཥ་ཎ་ཧཱུཾ་ཕཊ། ཞེས་པས་ལག་པ་གཡོན་པའི་སྡིགས་མཛུབ་ཀྱིས་བརྡུངས་པས་ཁྱི་འབྲོས་པར་འགྱུར་རོ། །ོཾ་ཡ་མཱནྟ་ཀ་ཧྲཱིཿ ཧཱུཾ་ཧཱུཾ་ཕཊ་ཕཊ། ཏྲཱ་ས་ཡ་ཏྲཱ་ས་ཡ།་ཙཎྜ་པྲ་ཙཎྜ་ཧཱུཾ་ཕཊ། ཞེས་པ་འདིས་མ་ཧེ་འབྲོས་པར་འགྱུར་རོ། །ོཾ་ཡ་མ་མྲྡ་ནེ་མརད་ཡ་མརད་ཡ། ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། ཅེས་པ་འདིས་སྡིག་པའི་ནད་འབྲོས་པར་འགྱུར་རོ། །ོཾ་ཀྲོ་དྷ་ནེ་སཾ་ཀྲོ་དྷ་ཎི་བེ་དྷ་ནཱ་ཡ་ཧཱུཾ་ཕཊ། ཆུ་ལ་མངོན་པར་སྔགས་ནས་བྱིན་ན་ཟུག་རྡུ་འབྱིན་པར་འགྱུར་རོ། །ོཾ་སཾ་ཏྲཱ་ས་ནེ་མོ་ཧཱ་ནཱ་ཡ་ཧཱུཾ་ཕཊ། ཅེས་པ་འདིས་སྤྱི་བོར་བཅིངས་ན་སྲུང་བར་འགྱུར་རོ། །ོཾ་ཨ་ཙ་ལེ་སཾ་ཙ་ལེ་ཆེ་གེ་མོ་ཀཱི་ལ་ཡ་ཧཱུཾ་ཕཊ། སྤྲ་ཚིལ་ལས་གཟུགས་བརྙན་སོར་བཞི་པ་བྱས་ནས། གྲོ་ག་ལ་བ་བླས་བྲིས་ནས་དེའི་ཁར་བཅུག་ན་ཕུར་བུས་འདེབས་པར་འགྱུར་རོ། །ལམ་གྱི་བཞི་མདོར་བརྐོས་ནས་སྦས་ན་ཕྱིར་རྒོལ་གྱི་ཁ་ཕུར་བུས་བཏབ་པར་འགྱུར་རོ། །ོཾ་སརྦྦ་མཱ་ར་བྷཉྫ་ནེ་ཆེ་གེ་མོ་རྐང་པ་ལ་ཀཱི་ལ་ 420b ཡ་ཧཱུཾ་ཕཊ། སྔོན་མ་བཞིན་དུ་སྙིང་གར་བཅུག་ན་རྐང་པ་དག་ཕུར་བུས་བཏབ་ནས་འགྲོ་བ་དང ། འོང་བ་རེངས་པར་འགྱུར་རོ། །ོཾ་བི་ཀྲྀ་ཏྣ་ན་པྲ་བྷཱ་ལ་བྷཉྫ་ནེ། བྷཉྫ་ཡ་བྷཉྫ་ཡ། སྟམ་བྷ་ཡ་སྟམ་བྷ་ཡ། བཛྲ་པཱ་ཤེ་ན། ཆེ་གེ་མོའི་དམག་གི་སྡེ་བན་དྷ་བན་དྷ། སྟམ་བྷ་ཡ་སྟམ་བྷ་ཡ་ཧཱུཾ་ཕཊ། ཁཿ ་གཿ ཧཱ་ཧཱ། ཧཱི་ཧཱི། ཕེཾ་ཕེཾ། ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། སྔོན་མ་བཞིན་དུ་རབ་ཏུ་བཅུག་ན་དམག་དཔོན་གྱི་ཡན་ལག་བརྒྱད་ལ་ཕུར་བུས་བཏབ་པར་འགྱུར་རོ། །མེ་ཐབ་ཀྱི་འོག་ཏུ་བརྐོས་ནས་མགོ་ཐུར་དུ་བསྟན་ནས་སྦས་ན་ཕ་རོལ་གྱི་དམག་ཚོགས་འོངས་པ་རེངས་པར་འགྱུར་རོ། །ོཾ་ད་ཧ་ད་ཧ། པ་ཙ་པ་ཙ། མ་ཐ་མ་ཐ། ཛྭ་ར་ཛྭ་ར། ཛྭཱ་ལ་ཡ་ཛྭཱ་ལ་ཡ། ཤོ་ཥ་ཡ་ཤོ་ཥ་ཡ། གྲྀཧྞ་གྲྀཧྞ། ཛྭ་ལ་ཛྭ་ལ། ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ་སཝཱཧཱ། དུར་ཁྲོད་ཀྱི་གོས་ལ་དུག་དང ། སྐེ་ཚེས་གཟུགས་བརྙན་སོར་བརྒྱད་པའི་ཚད་ཀྱི་ལྷ་སྦྱིན་བྲིས་ལ། ཕྲེང་བའི་སྔགས་ཀྱིས་བསྐོར་ནས། སྤྲ་ཚིལ་གྱི་གཟུགས་བརྙན་གྱི་སྙིང་གར་བཅུག་ནས། ཤི་རི་ཁཎྜའི་ཤིང་གི་རང་བཞིན་གྱི་ནང་དུ་གཞུག་པར་བྱའོ། །དེ་ནས་ཨོཾ་ཙཎྜ་མཧཱ་རོ་ཥ་ཎ་ཆེ་གེ་མོ་ཛྭཱ་རེ་ཎ་གྲྀཧྞ་པ་ཡ་ཧཱུཾ་ཕཊ། ཅེས་བཟླས་ནས་དུར་ཁྲོད་ཀྱི་མེ་ལ་བདུག་པར་བྱའོ། །ཡང་ན་སེང་ལྡེང་དང ། རག་ཆུང་གི་མེ་ལའོ། །དགྲ་བོ་རིམས་ཀྱིས་ཟིན་པར་འགྱུར་རོ། །ོཾ་ཛ་ཡ་ཛ་ཡ་པ་རཱ་ཛ་ཡ་ནི་ར་ཛི་ཏེ་ཡ་ན་ཏྲེ་ཧཱི་ཧཱི། ཧཱ་ཧཱ། སྥོ་ཊ་ཡ་སྥོ་ཊ་ཡ། ཨུཙྪཱ་ཊ་ཡ་ཨུཙྪཱ་ཊ་ཡ་ཤཱ་གྷྲཾ་ཀརྨ་ཀུ་རུ་ཀུ་རུ། རཀྵ་ 421a ༄#། །རཀྵ། ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། དུར་ཁྲོད་ཀྱི་གོ་ས་ལ་བྲིས་ནས་སྐུད་པ་སྔོན་པོས་ལན་བརྒྱད་དཀྲིས་ནས་དཔུང་པའམ། མགུལ་པའམ། མགོའམ། རྐེད་པ་ལ་བཏགས་ན་ཕ་རོལ་གྱི་འཁྲུལ་འཁོར་གྱི་མཐུ་མེད་པར་འགྱུར་རོ། །ོཾ་ཙཎྜ་མཧཱ་སེ་ནཱ་གྲ་ས་གྲ་ས། ཁ་ཁ། ཁཱ་ཧི་ཁཱ་ཧི། ཤོ་ཥ་ཡ། ཤོ་ཥ་ཡ། མ་ར་མ་ར། མཱ་ར་ཡ་མཱ་ར་ཡ།་ཆེ་གེ་མོ་ཧཱུཾ་ཕཊ། དུར་ཁྲོད་ཀྱི་རས་ལ་སྔོན་བཞིན་དུ་བྲིས་ནས་གཟུགས་བརྙན་གྱི་ནང་དུ་བཅུག་ནས། མིའི་རུས་པའི་ཕུར་བུ་སོར་གཅིག་པའི་ཚད་དམ། ཡང་ན་ལྕགས་ཀྱི་ཕུར་བུས་བཏབ་ནས། དུར་ཁྲོད་དུ་ས་བརྐོས་ནས་མགོ་ཐུར་དུ་བསྟན་ནས་སྦས་ན་ཞག་བདུན་གྱིས་འཆི་བར་འགྱུར་རོ། །ོཾ་ཙཎྜ་མ་ཧཱ་རོ་ཥ་ཎ་ཆེ་གེ་མོ་ཨུཙྪཱ་ཊ་ཡ་ཧཱུཾ་ཕཊ། ནི་མ་བ་དང ། བྱ་རོག་གི་ཚིལ་བུ་བླངས་ནས། དུར་ཁྲོད་ཀྱི་མེ་ལ་བསྲེགས་ནས། ཐལ་བ་ལ་མངོན་པར་སྔགས་ནས་སྒོ་ལ་གཏོར་ནས་རྔ་མོའི་སྟེང་དུ་བསྐྱོན་ནས་མགུལ་པ་ཞགས་པས་བཅིངས་ནས་ལྷོ་ཕྱོགས་སུ་ཁྱེར་བར་བསམ་པར་བྱའོ། །སྐྲོད་པར་བྱེད་དོ། །ོཾ་དྭེ་ཥ་ཎེ་དྭེ་ཥ་བཛྲེ། ཆེ་གེ་མོ་དང ། ཆེ་གེ་མོ་རྣམ་པར་ཞེ་སྡང་བར་གྱིས་ཤིག་།ོཾ་ཙཎྜ་མཧཱ་རོ་ཥཎ་ཧཱུཾ་ཕཊ། ཁྱི་གཉིས་འཐབ་པའི་རྡུལ་བླངས་ནས་ལག་པ་གཡས་པས་གཟུགས་བརྙན་གཉིས་ལ་བསྣུན་ན་ཕན་ཚུན་དུ་ཞེ་སྡང་བར་བྱེད་དོ། །ོཾ་ཙཎྜ་མཧཱ་རོ་ཥ་ཎ་ཧྲཱཾ་ཧྲཱཾ་ཧྲཱཾ་ 421b གྷོ་ར་རཱུ་བེ། ཙ་ཊ་ཙ་ཊ། པྲ་ཙ་ཊ་པྲ་ཙ་ཊ། ཧ་ན་ཧ་ན། གྷཱ་ཏ་ཡ་གྷཱ་ཏ་ཡ། ཀ་ཧ་ཀ་ཧ། པྲ་སྥུ་ར་པྲ་སྥུ་ར། པྲ་སྥཱ་ར་ཡ་པྲ་སྥཱ་ར་ཡ། ཀཱི་ལ་ཡ་ཀཱི་ལ་ཡ། ཛམྦྷ་ཡ་ཛམྦྷ་ཡ། སྟམྦྷ་ཡ་སྟམྦྷ། ཆེ་གེ་མོ་ཧཱུཾ་ཕཊ། གྲོག་ལ་རུས་སྦལ་ལེབ་རྒན་རྩིས་ཡང་དག་པར་བྲིས་ནས། སོར་དྲུག་པའི་རྐང་པ་བཞི་པོ་རྣམས་ལ་ཧྲི་ཡིག་དང ། ཁའི་ནང་དུ་བླིཾ་གི་ཡི་གེ་དང ། ལྟེ་བར་ཧྲི་གཉིས་བྲིས་ནས་རྒྱབ་ཏུ་དབང་དུ་བྱ་བའོ། །ཕྱི་ནས་ཕྲེང་བའི་སྔགས་ཀྱིས་ཡང་དག་པར་བསྐོར་ནས་མཆོད་པ་དང ། བསྟོད་པ་ཡང་དག་པར་བརྩམ་པར་བྱའོ། །སོ་ཕག་གི་སྟེང་དུ་བཞག་ནས་རུས་སྦལ་གྱི་ཁོག་པས་དགག་པར་བྱའོ། །སྲད་བུ་དམར་པོས་དཀྲི་བར་བྱའོ། །རྐང་པ་དག་ཕྱིས་པའི་གོས་གཞུག་པར་བྱའོ། །རྐང་པ་གཡོན་པ་བསྣུན་ཞིང ། ཆེ་གེ་མོ་བདུག་གི་དབང་དུ་གྱིས་\?\་ཤིག་\?\་།ལན་བདུན་གྱིས་དགྲ་བོ་ཁ་བཅིངས་པར་འགྱུར་རོ། །ོཾ་ཙི་ལི་མི་ལི་ལ་ལི་ཏེ་ཧཱུཾ་ཕཊ། མིག་ཟིམ་བུར་ལྟ་བར་བྱེད་དོ། །ོཾ་ཙྪཾ་ཙྪཾ་ཙྪཾ། ཤོ་ཥ་ཡ་ཤོ་ཥ་ཡ། དྷ་ར་བནྡྷ་བནྡྷ། ཨོཾ་མཧཱ་རོ་ཥ་ཎ་ཧཱུཾ་ཕཊ། བའི་རུས་པའི་ཕུར་བུ་སོར་བདུན་གྱི་ཚད་ལ་ལན་བརྒྱ་རྩ་བརྒྱད་མངོན་པར་སྔགས་ནས་བ་ལང་ལྷས་སུ་བརྐོས་ནས་སྦས་ན་འོ་མ་མེད་པར་འགྱུར་ཨོཾ་བཛྲི་ཎི་བཛྲཾ་པ་ཏ་ཡ་སུ་ར་པི་ཏ་རཱ་ཛྙཱ་པ་ཡ་ཏི། ཛྭཱ་ལ་ཡ་ཛྭཱ་ལ་ཡ། ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། གྲོག་མཁར་གྱི་སའི་རང་བཞིན་གྱི་རྡོ་རྗེ་ལ་བརྒྱ་རྩ་བརྒྱད་མངོན་པར་སྔགས་ 422a ༄#། །ནས་ཚོང་འདུས་སུ་སྦས་ན་པ་ཎཾ་ཉམས་པར་འགྱུར་རོ། །ོཾ་ཧྲཱིཾ་ཀླཱིཾ་ཏྲཾ་མུཾ་ཡ་མ་མ་ཐ་ན་ཨཱ་ཀ་ཌ་ཌྷྱ་ཨཱ་ཀ་ཌ་ཌྷྱ། ཀྵོ་བྷ་ཡ་ཀྵོ་བྷ་ཡ། སརྦ་ཀརྨཱ་པྲ་སཱ་དྷ་ནེ་ཧཱུཾ་ཧཱུཾ་ཕཊ་ཕཊ་སཝཱཧཱ། གྲེ་ག་ལ་ལྷ་ཞལ་གཅིག་ཕྱག་གཉིས་པ་གུར་གུམ་གྱི་མདོག་ལྟ་བུ། ཞགས་པ་དང ། ལྕགས་ཀྱུ་ཕྱག་ན་བསྣམས་པ། འདོད་པའི་མདངས་ཅན་འཇིགས་པའི་ཡན་ལག་ལ། ཚེལ་དང ། ཆང་དང ། ལེ་བརྒན་རྩི་དང ། ཁྲག་དང ། བུད་མེད་ཀྱི་རྡུལ་དང་རྣམས་ཀྱིས་བསྟེན་པའི་སྔགས་ཀྱི་ཡི་གེ་རྣམས་ཏེ། ཨོཾ་ཤི་ར་སི་ཧྲཱི་ཧྲི་དི་ཀླཱིཾ་ནཱ་བཽ་ཏྲཾ་མེ་ཌྷེ། དེ་ནས་ཕྲེང་བའི་སྔགས་ཀྱིས་བསྐོར་ནས། སྲད་བུ་དམར་པོས་ཡང་དག་པར་དཀྲིས་ནས། བུད་མེད་དང ། སྐྱེས་པའི་ཐོད་པ་ཁ་སྦྱར་གྱི་ནང་དུ་བཅུག་ནས། མར་དང་སྦྲང་གིས་བཀང་ནས་སྤྲ་ཚིལ་གྱིས་དྲིལ་ནས་སྲད་བུ་དམར་པོས་དཀྲིས་ནས་ས་ལ་སྦས་ཏེ། མགོ་བོའི་གནས་ལ་རྐང་པ་གཡོན་པས་མནན་ནས་བཟླས་པ་བྱའོ། །སྟོང་ཕྲག་ཉི་ཤུ་རྩ་ལྔས་གྲོང་ཁྱེར་བསྐྱོད་པར་འགྱུར་རོ། །ོཾ་ཨཱ་ཀཌ་ཌྡྱ་ཨཱ་ཀཌ་ཌྷྱ། མོ་ཧ་ཡ་མོ་ཧ་ཡ། ཆེ་གེ་མོ་ཤཾ་ཀུ་རུ་སཝཱཧཱ། ལྟོ་བའི་སྲིན་བུ་ཞིབ་མོ་ཕྱེ་མར་བྱས་ནས། ཤུ་ཀྲ་དང ། མིང་མེད་ཀྱི་ཁྲག་དང ། རིལ་བུ་བྱས་ནས་མངོན་པར་སྔགས་ནས་བཟའ་བ་དང ། བཏུང་བར་བྱིན་པ་དབང་དུ་བྱེད་པར་འགྱུར་རོ། །འཕུར་བཞིན་པའི་སྦྲང་མའི་གཤོག་པ་དང ། སོའི་ 422b རྒྱལ་པོ་གཉིས་དང ། རོའི་མེ་ཏོག་སྙིང་པོའི་ཕྱེ་མའི་ཕྱེ་མས་ཡན་ལག་དང ། རྐང་པ་ལ་བྱུགས་ན་འགྲོ་འཕྲོ་ལ་བརྒྱལ་བར་འགྱུར་རོ། །ོཾ་ཤཝེ་ཏ་གྲྀ་དྷྲཱི་ནི་ཁཱ་ཧི་བི་ཥཾ་ཙ་རུ་ཥཾ་ཙ་རུ་ཥི་ཎི་ཁཿ ཁཿ ཁཿ ཧཿ ཧཿ ཧཿ སཿ སཿ སཿ ། ཨོཾ་ཙཎྜ་མཧཱ་སེ་ནཱ་ཛྙཱ་པ་ཡ་ཏི་སཝཱཧཱ། ཡང་ན་ཨོཾ་སཾ་ཀ་རི་ཎི་དྷྭཾ་ཧཾ་ཧཱུཾ་ཧཿ ། དུག་ཐམས་ཅད་སེལ་བར་བྱེད་དོ། །ོཾ་ནཱ་གཱ་རི་པཱ་མ་ནེ་ཧརཿ ་ཕཊ། མངོན་པར་སྔགས་ནས་ཁང་པའི་སྒོ་གོང་དུ་གོས་ཀྱི་རས་མ་བཅིངས་ན་སྤྲུལ་ཁང་པར་འཇུག་པར་མི་འགྱུར་རོ། ཨོཾ་ཨཱ་ནེ་ཀ་ནེ་ཆེ་གེ་མོ་བ་ཤཱི་ཀུ་རུ་སཝཱཧཱ། མེ་ཏོག་དཀར་པོའི་དྲི་ཞིམ་པོ་བྱིན་ན་དབང་དུ་བྱེད་དོ། །ན་མོ་པཱི་ཏ་རཱ་གཱ་ཡ། མཻ་ཏྲེ་ཡ་སི་ཧ་ལོ་ཙ་ནེ་སཝཱཧཱ། ཆུ་ལ་མངོན་པར་བསྔགས་ནས་མིག་བཀྲུས་ན་རབ་རིབ་སེལ་ལོ། །ོཾ་སཾ་ཕ་ར་ཁ་ཙཱུརྞ། ཁ་ད་ནཱ་ན་པྲ་བྷ་བ་ཏི། ཨཱ་ཏཱི་ཏྱ་ར་ཐ་བེ་ཁེ་ཎ་བ་སུ་དེ་བ་བ་ལེ་ན་ཙག་རུ་ཌ་པཀྵི་པཱ་ཏེ་ནཱ་བྷཱ་མྱཾ་གཙྪ་ཏུ་བི་ཥཾ་སཝཱཧཱ། སྤྲུལ་དང ། བྲི་ཤཝཾ་ཀ་ཏ་དང ། སྡིག་པ་ལ་སོགས་པའི་དུག་ཐམས་ཅད་སེལ་བར་བྱེད་དོ། །ོཾ་ཙ་མུཎྜི་ཨ་ཛི་ཏེ། ཨ་པ་རཱ་ཛི་ཏཱེ་ཀླིཾ་ཀླིཾ་རཀྵ་རཀྵ་སཝཱཧཱ། ལན་བདུན་དུ་ས་གོང་ལ་མངོན་པར་སྔགས་ནས་ཕྱོགས་བཞིར་འཕང་ཞིང་རང་གི་གནས་སུ་གཅིག་བཞག་པར་བྱའོ། །ོཾ་ཛམྦྷ་ནཱི་སྟམྦྷ་ནཱི་མོ་ཧ་ནཱི། སརྦྦ་དུ་ཥྚ་པྲ་ཤ་མ་ནི་སཝཱཧཱ། ཙཽ་ར་མི་འབྱུང་ངོ ། །ོཾ་ཙཎྜེ་མཧཱ་ཀྲོ་དྷཱ་ཡ་ཧུ་ལུ་ཧུ་ལུ། ཙུ་ལུ་ཙུ་ལུ། ཏིཥྛ་ཏིཥྛ། བནྡྷ་བནྡྷ། མོ་ཧ་མོ་ཧ། ཧ་ན་ཧ་ན། ཨ་མྲྀ་ཏེ་ཧཱུཾ་ཕཊ། མེ་ 423a ༄#། །ཏོག་ལ་སོགས་པ་ལ་ཡོངས་སུ་བཟླས་ནས་བྱིན་ན་དབང་དུ་འགྱུར་རོ། །ན་མོ་རཏྣ་ཏྲ་ཡཱ་ཡ། ཨོཾ་ཏྲཿ སུ་བི་སྨ་རེ་སཝཱཧཱ། ཀེ་ཏ་ཀཱི་འདབ་མ་བཤགས་པ་ལ་བྲིས་ནས་བཅངས་ན་ཚ་བ་ཐམས་ཅད་སེལ་བར་བྱེད་དོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། འཁྲུལ་འཁོར་དང ། སྣ་ཚོགས་པའི་རབ་ཏུ་དབྱེ་བ་གསུངས་པའི་རིམ་པར་ཕྱེ་བ་སྟེ་ཉི་ཤུ་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཙཎྜ་མཧཱ་རོ་ཥ་ཎ་སརྦྦ་མཱ་ཡཱ་དཪྴ་ཀ ། སརྦྦ་མ་ཡ་དཪྴ་ཡ་ནི་བི་ག་ནེ་ན་ཧཱུཾ་ཕཊ། ཅེས་པ་འདིས་གཏུམ་པོ་ཁྲོ་བོ་ཆེན་པོར་བསམས་ནས་ཐམས་ཅད་བྱའོ། །ུ་དུམ་བ་རའི་འོ་མ་རས་ལ་བྱུགས་ནས་བུག་པ་མེད་པར་བྱས་ཏེ།་འབྲུ་མར་དང་བཅས་པའི་སྤོས་དཀར་བཏགས་ནས། དེར་བཅུག་ལ་སྡོང་བུ་བྱས་ལ། ཆུའི་ནང་དུ་མར་མེ་འོད་དང་བཅས་པ་འབར་ཞིང་གནས་སོ། །མཚན་མོ་རྡོ་དཀར་པོའི་དུམ་བུ་གཉིས་བཟུང་ནས་ནི། ནིཥྚ་ཥྱ་ཧཱུཾ་ཀ་རེ་ཎ་གློག་གི་འོད་འཕྲོ་བ་སྣང་བར་བྱེད་དོ། །ཛ་ལུ་ཀ་ཤི་བའི་ཕྱེ་མ་དང་བཅས་བརྒྱ་སྐྱེགས་ཀྱིས་ཁ་བསྒྱུར་ནས། སྡོང་བུས་མེ་སྦར་ན་སྟི་ཡང་དེ་གཅེར་བུར་མཐོང་བར་བྱེད་དོ། །མར་གྱིས་རྣ་བ་དང ། མིག་ལ་བསྒོས་ནས་བདག་ཉིད་སྲུང་བ་བྱས་ནས། ཧ་ལ་ཧ་ལའི་མཇུག་མ་གཅད་པར་བྱའོ། །གཅེར་བུར་སྐྲ་གྲོལ་བས་ཇི་སྲིད་ 423b འབར་བ་དེ་སྲིད་གར་བྱེད་པར་འགྱུར་རོ། །དེའི་ཕྱེ་མ་དྲུག་ནམ་བཞི་དང ། དྷ་ཏུ་རའི་ཡན་ལག་ལྔ་སོ་སོར་དྲུག་ནམ་རེ་རེ་དང་བཅས་པ་རྒྱ་སྐྱེགས་ཀྱི་ཁ་བསྒྱུར་བའི་གོས་ཀྱི་སྡོང་བུ་བྱས་ན་ཐམས་ཅད་གར་བྱེད་པར་མཐོང་ངོ ། །སྔོན་བཞིན་བདག་ཉིད་ལ་བསྲུང་བར་བྱའོ། །ཤ་ཁོ་ཊའི་རྩ་བ་དང ། བ་རུ་རའི་རྩ་བ་གཅིག་ཏུ་བྱས་ནས་ཁྱིམ་དུ་བཞག་ན་འཐབ་མོར་འགྱུར་རོ། ། དྷ་ཏུ་རའི་མེ་ཏོག་གི་ནང་གི་ཕྱེ་མ་དང ། སུ་གྷན་དྷིའི་མེ་ཏོག་ནང་གི་ཕྱེ་མ་དང ། སུ་གྷན་དྷིའི་ནང་དུ་བཅུག་ནས་མནམས་པ་ཙམ་གྱིས་མགོ་བོ་ཟུག་རྡུར་འགྱུར་རོ། །སྐྱུར་པོ་སྣར་བླུགས་ན་གྲོལ་བར་འགྱུར་རོ། །ཁྱི་གུ་སྐྱེས་པའི་མལ་སྟན་གྱི་དུད་པས་བདུགས་ནས། རྨ་བྱའི་སྒྲོས་གཡས་སུ་བསྐོར་ན་རྩིག་པའི་རི་མོ་མི་སྣང་བར་བྱེད་དོ། །གཡོན་དུ་བསྐོར་བས་སླར་ཡང་སྣང་བར་བྱེད་དོ། །བྱ་རོག་གི་སྙིང་གི་ཁྲག་གིས་ཨ་མྲའི་ལོ་མ་ལ་དེའི་གཤོག་པའི་སྨྱུག་གུས་སྔགས་བྲིས་ནས། གང་གི་ཟག་པའི་ནང་དུ་བཅུག་ན་དེ་བྱ་རོག་གིས་ཟ་བར་བྱེད་དོ། །ོཾ་ཀཱ་ཀ་ཀུ་ཧ་ནི་བྷནྡྷ་ནཱི་དེ་བ་དཏྟ་ཀཱ་ཀེ་ནཱ་བཀྵ་ཡ་སཝཱཧཱ། བྷ་གའི་རྣམ་པའི་དོང་བྱས་ནས། བུད་མེད་ཀྱི་བཤད་པ་ལ་ཟའི་ལོ་མ་ཁྲི་ཕྲག་གཅིག་བཅུག་ནས་སྦ་བར་བྱའོ། །དེའི་ལམ་ཟུག་རྡུ་རུ་འགྱུར་རོ། །ཤི་རི་ཁཎྜའི་འོ་མ་ལ་སྤངས་པའི་ཏིལ་གྱི་འབྲུ་མར་སྐྲ་ལ་མཉེས་ན་སྐྲ་དཀར་པོར་འགྱུར་རོ། །སྐྲ་བཞར་ནས་སངས་པར་འགྱུར་རོ། །ཞུམ་བུའི་ཕྲུ་གུ་བཙས་པའི་མལ་ 424a ༄#། །སྟན་དང ། བུད་མེད་ཀྱི་བུ་ཚ་བཙས་པའི་མལ་སྟན་གྱི་དུད་པས་བདུགས་ན་རྩི་ག་ངོས་ཀྱི་རི་མོ་མི་སྣང་བར་འགྱུར་རོ། །མཀྵི་ཀས་འདུགས་ན་གྲོལ་བར་འགྱུར་རོ། །རྔ་མོའི་འགྲམ་པའི་རྡུལ་དང ། དྲི་ཆུ་བ་བླ་དང་ལན་མང་དུ་སྦངས་ནས། ལག་པ་ལ་མཉེས་ནས་རེག་པ་ནི་རི་མོ་མི་སྣང་བར་འགྱུར་རོ། །ལག་པ་བཀྲུས་ན་གྲོལ་བར་འགྱུར་རོ། །ཏྲི་གརྦྦའི་མལ་སྟན་གྱིས་བདུགས་ན། རི་མོད་ཏི། གུ་གུལ་གྱིས་བདུགས་ན་གྲོལ་བར་འགྱུར་རོ། །བྷ་གའི་ཚིལ་གྱིས་མིག་སྨན་བྱས་ན་ཁང་བའི་ཕྱམ་རྣམས་སར་པར་འགྱུར་རོ། །མར་མེ་བསྙལ་ནས་གྷནྡྷ་ཀའི་ཕྱེ་མ་བླུགས་ན་སླར་ཡང་འབར་བར་བྱེད་དོ། །མུཎྜ་རཱི་དང ། སེ་བཱ་ལ་དང ། ཛ་ལོ་ཀ་དང ། སྦལ་པའི་ཚིལ་གྱིས་རྐང་པ་དག་མཉེས་ནས་ཆུ་ཤིང་གི་ལོ་མ་དཀྲིས་ནས་མེ་མདག་འབར་བའི་སྟེང་དུ་ཕྱིན་ན་ཚིག་པར་མི་འགྱུར་རོ། །ཤི་རི་ཁཎྜ་དང ། བུ་རམ་ཟོས་ན་གཉིད་དུ་འགྱུར་རོ། །ཀ་མ་ཙིའི་རྩ་བ་སྤྱི་བོར་བླངས་ན་གཉིད་དུ་འགྱུར་རོ། །ནཱ་ག་ད་མ་ན་གའི་རྩ་བ་དང ། གྲོ་ན་པུཥྚའི་བལ་དང ། ཡུང་བ་དང ། འབྲས་དང་བཏགས་ནས་དྲིལ་ཕྱིས་བྱས་ན། ཆུའི་བཏག་པ་ལས་རྒྱལ་ལོ། །ཤལ་མ་རིའི་རྩ་བར་བྲུས་ནས་ཤིང་ཀུན་བཅུག་ན་མེ་ཏོག་རྣམས་ལྟུང་བར་འགྱུར་རོ། །ས་སྐྱུར་མོ་དང ། ཆང་བྱིན་ནས་གོ་ལ་བྱིན་ན་འཁྲུ་བར་བྱེད་དོ། །ཤི་རི་ཁཎྜའི་འོ་མ་དང ། རྒའི་ 424b ས་བོན་དང ། སྲིན་བུས་ཟོས་པའི་ཤིང་ཕྱེ་དང ། བུ་རམ་ཟོས་ན་ཁྲག་འཛག་པར་འགྱུར་རོ། །སྤང་བྱེའི་ཕྱེ་མས་རྟའི་སྣ་ལ་མཉེས་ན་རྩཝ་ཟ་བར་མི་འགྱུར་རོ། །ཙནྡན་གྱིས་བཀྲུས་ན་དག་པར་འགྱུར་རོ། །ཀ་ཏའི་ཀའི་རྩ་བ་སྤྱི་བོར་བཅིང་བར་བྱའོ། །ཁ་རྫུ་རའི་རྩ་བ་དང ། ཧ་ཏེ་ཏ་ལའི་རྩ་བ་མུ་ཁ་རྒྱལ་གྱི་ཟླ་བ་ལ་བྱང་ཕྱོགས་སུ་གནས་པས་གཅེར་བུ་སྐྲ་གྲོལ་བར་བྱས་ནས་བཏོན་ནས་གསུམ་པོ་དང་ཅུང་ཟད་མཉེས་ནས་འཐུངས་ན་མཚོན་གྱིས་ཕེད་པར་མི་འགྱུར་རོ། །ཤོ་ན་ཀའི་ས་བོན་གྱིས་མཆིལ་ལྷམ་གཉིས་རི་དྭགས་ཀྱི་ལྤགས་པ་ལ་བྱས་ནས་ནང་བཀང་ནས་ཆུ་ལ་ཕྱིན་ན་འབྱིན་པར་མི་འགྱུར་རོ། །ོཾ་ཥ་ཎི་ཟོས་ནས་ལྕེ་འོག་ཏུ་གཞག་པར་བྱའོ། །ཐོང་ལྕགས་བསྲེགས་ནས་ལྡགས་ན་ཚིག་པར་མི་འགྱུར་རོ། །དངུལ་ཆུ་དང ། ཀྵ་ར་དང་ལྡན་པའི་ཧ་སྟི་ཤུཎྚི་འཐུངས་ནས་མངལ་ལྟུང་བར་བྱེད་དོ། །ཤ་ར་པུང་ག་དཀར་པོའི་རྩ་བ་རྒྱུ་སྐར་རྒྱལ་ལ་སྟོན་ནས་བའི་མར་ལ་སྤངས་ནས། མགོ་བོའམ། དཔུང་པར་གདགས་པར་བྱའོ། །མདའ་དང ། ཆོམ་པའི་འཇིགས་པ་ལས་སྐྱོབ་པར་བྱེད་དོ། །བྱ་རྒོད་ཀྱི་ཞག་དང ། འུག་པའི་ཞག་མཆིལ་ལྷམ་ལ་བྱུགས་ནས་སྟེང་དུ་གནས་ནས་ཤིན་ཏུ་རིང་པོར་འགྲོ་འོང་ནུས་སོ། །ཡུངས་ཀར་གྱི་འབྲས་བུ་མཚོན་གྱིས་བཅད་པར་བྱ་སྟེ། ཉི་མ་བཟང་པོའི་དགོངས་མོའི་ཐུན་མཚམས་སུ་ལྷག་པར་གནས་པ་བྱས་ནས་གཅེར་བུ་སྐྲ་གྲོལ་བར་བྱས་ 425a ༄#། །ནས་ལག་པ་གཡོན་པས་བཟུང་ནས་ས་ལ་མ་ལྷུང་བར། བཅོམ་ལྡན་འདས་ཀྱི་སྔགས་ཀྱིས་བསྲུངས་ནས། ཕྲེང་བའི་སྔགས་ཀྱིས་གང་དང ། གང་གི་ཁྲག་གིས་སྤངས་ནས་མཚོན་ཆ་མང་པོའི་ཁྲག་གིས་གཏོར་ནས། ཁ་བཀྲུས་པའི་ཆུ་དང ། དེའི་རུས་པའི་ལུད་དང ། ཞག་དང ། དེའི་ཐལ་བ་བསྐྱེད་ནས། དེའི་ཐོད་པའི་ནང་དུ་ཞག་དང ། རཝ་ལ་སོགས་པའི་ཁྲག་ལ་སོགས་པ་བསགས་ནས། བདུག་པ་དང ། བྱུག་པ་ལ་སོགས་པ་འབད་པས་བྱས་ནས། ཡང་དང ། ཡང་དུ་བསྲུང་བ་དང ། གཏོར་མ་བྱ། ཡོངས་སུ་གྱུར་པའི་འབྲས་བུ་ཁར་བཅུག་ན་བདག་ཉིད་དེ་འདྲ་བར་འགྱུར་རོ། །ལྕགས་གསུམ་གྱིས་དཀྲིས་ན་མི་སྣང་བར་འགྱུར་རོ། །དེ་ལ་འདིར་ལྕགས་གསུམ་ནི་ཕྱེད་དང་བཅས་པའི་དྲུག་ནམ་བདུན་དང ། ཕྱེད་དང་བཅས་པའི་གཉིས་དང ། བཞི་དང ། དྲུག་ནམ་ལྔ་རྣམས་ཏེ། ཉི་མ་དང ། ཟླ་བ་དང ། མེ་རྣམས་མིའི་ཐོད་པ་གི་ཝང་དང ། ལེ་བརྒན་དག་གིས་བསྒྲུབ་བྱའི་མིང་སྔགས་ཀྱིས་བསྟེན་ནས་བྲིས་ནས་དྲིའི་ཆུས་བྱུགས་ཏེ། ཐོད་པ་གཉིས་པ་ཡང་དག་པར་སྦྱར་བར་བྱས་ནས། རོའི་སྲད་པུས་དཀྲིས་ནས་པྲ་ཚིལ་གྱིས་དྲིལ་བར་བྱའོ། །དུར་ཁྲོད་ཀྱི་མེ་ལ་བདུག་པས་ཇི་སྲིད་མཚན་མོ་སྤྲ་ཚིལ་མ་ཞུའི་བར་དུའོ། །ལྷའི་བུ་མོ་འགུགས་པར་བྱེད་དོ། །ོཾ་ཨཱ་ཀཌ་ཌྷྱ་ཨཱ་ཀཌ་ཌྷྱ། མོ་ཧ་ཡ་མོ་ཧ་ཡ། ཆེ་གེ་མོ་ 425b ཱ་ཀཪྵ་ཡ་ཛཿ ་སཝཱཧཱ། ཀ་པི་ཏ་ཐའི་འབྲས་བུ་ཕྱེ་མར་བྱས་ནས་མ་ཧེའི་ཞོ་ལ་སྦངས་པར་བྱའོ། །ལན་གསུམ་དུའོ། །རྫ་གསར་པ་ན་གནས་ནས་དར་བཅུང་ཟད་བླུགས་པར་བྱའོ། །སྐད་ཅིག་ཙམ་གྱིས་ཞོ་རུ་འགྱུར་རོ། །ཀ་པི་ཏ་ཐའི་འབྲས་བུ་བཏགས་ནས་རྫ་གསར་པ་ལ་བྱུགས་པར་བྱའོ། །དེ་ལ་འོམ་བསྐོལ་ནས་སྲུབ་པ་དང་བྲལ་ན་ཞོ་རུ་འགྱུར་རོ། །རྫ་སོ་མ་བཏང་བའི་བུམ་པར་འོ་མས་བསྒོས་ནས་བཙོ་བར་བྱའོ། །བུམ་པར་བླུགས་ནས་བསྟན་པ་དང ། བུམ་པ་བཅག་པས་ཞོའི་བུམ་པར་འགྱུར་རོ། །རྒའི་འོ་མ་བུམ་པ་གསར་པར་ལན་མང་དུ་བསྒོས་ནས། དེར་ཆུ་བླུགས་ན་དར་བ་བཞིན་དུ་འགྱུར་རོ། །བུད་མེད་བུ་ཚ་སྐྱེས་ནས་ཞག་བཅུ་ལོན་པའི་མེས་བདུག་པའི་ཐལ་བ་བླངས་ནས། ཁུ་ཚུར་གཉིས་སྟེང་འོག་ཏུ་རྣམ་པར་བཀོད་ནས་ཆུས་བཀང་ནས། དེ་ལ་ཐལ་བའི་རི་མོའི་སྟེང་དུ་ཁྲིད་ན་བུམ་པའི་ཆུ་བསྐམས་པར་འགྱུར་རོ། །འོག་ཏུ་ཐལ་བས་རི་མོ་བྱས་ན་གང་བར་འགྱུར་རོ། །གཟའ་ཉི་མའི་ཉིན་མོ་ཤ་ལིཉྩའི་རྩ་བ་དང ། ་པ་མརྒའི་རྩ་བ་བཏོན་ནས་སོ་སོར་དབྱུག་པའི་རྩེ་མོ་ལ་བྱུགས་ནས་རྐེད་པར་བཟུང་ན་དེ་དག་འཐབ་པར་བྱེད་དོ། །བ་ཧཱུ་ཨ་རའི་ས་བོན་གྱི་ཁུ་བས་རས་བཟང་པོ་མཉེས་ནས་ཆུ་བླུགས་ནས་སྟུང་བར་མི་འགྱུར་རོ། །མྲ་ཀྵི་ཀའི་བུམ་པ་ལ་དེ་ཡིས་དེ་བཞིན་དུ་བྱུགས་ནས་ཞོན་ན་ཆུ་ལ་འབྱིང་བར་མི་འགྱུར་རོ། །བྷུ་ལ་ཏ་དང ། སྲིན་བུ་མེ་ཁྱེར་གྱི་ཕྱེ་མ་ 426a ༄#། །རྩིག་པ་ལ་བྱུགས་ན་མཚན་མོ་འབར་བར་མཐོང་ངོ ། །ཟངས་ཀྱི་སྣོད་ལ་ཆང་དང ། སྐྱུ་རུ་རས་མཉེས་ནས་ལྕགས་ཀྱི་སྣོད་ལ་བྱུགས་ན་ཟངས་མ་བཞིན་དུ་མཐོང་ངོ ། །བ་ལང་གི་རུས་པ་བསྲེགས་ནས་མུ་ཟིའི་ཕྱེ་མ་བྱིན་ན་མེ་ལྕེ་འབར་བར་འགྱུར་རོ། །དྷེཎྜུ་ཀའི་ས་བོན་གྱི་སྟེང་དུ་མེ་ཏོག་བཞག་ནས་ཆུ་བྱིན་ནས་མེ་ཏོག་ཡར་ནས་འགྲོའོ། །ཀུན་ཐིར་ལས་བྱས་པའི་བྱིའུའི་ནང་དུ་བུང་བ་བཅུག་ན་ནམ་མཁའ་ལ་འགྲོ་བར་བྱེད་དོ། །ཤ་སྐམ་པོ་ལ་བྷལླ་ཏ་ཀའི་མར་ཁུས་སྤངས་ནས་ཆུའི་སྟེང་དུ་བཞག་ནས་འགྲོ་བར་བྱེད་དོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། ངོ་མཚར་སྒྱུ་མའི་རིམ་པར་ཕྱེ་བ་སྟེ་ཉི་ཤུ་གཅིག་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། སྙིང་གར་སྲོག་རླུང་ཐུར་སེལ་བཤད། །མཉམ་གནས་ལྟེ་བའི་ཕྱོགས་ན་གནས། །གྱེན་རྒྱུ་མགྲིན་པའི་ཕྱོགས་སུ་གནས། །ལུས་ཀུན་ལ་ནི་ཁྱབ་བྱེད་གནས། །དེ་རྣམས་ནང་ནས་གཙོ་བོ་ཡི། །སྲོག་གི་རླུང་ནི་སྙིང་གར་གནས། །འབྱུང་འཇུག་དབུགས་ཀྱི་དབྱེ་བ་ཡིས།། སྐྱེ་བོ་ཀུན་གྱི་སྲོག་ཏུ་གནས། །འཕོ་བ་བཅུ་དྲུག་སྦྱོར་བ་ཡིས། །སོ་སོར་དབྱུག་གུ་རེ་རེའོ། །དཀྱིལ་འཁོར་བཞི་ནི་འབབ་པ་ཡིས། །ཉི་ཁྲི་ཆིག་སྟོང་དྲུག་བརྒྱ་ལ། །གཡས་ལ་རེག་ 426b ནས་འབབ་པ་ནི། །མེ་ཡི་དཀྱིལ་འཁོར་ཞེས་བརྗོད་དོ། །གཡོན་ནས་རེག་ནས་འབབ་པ་ནི། །རླུང་གི་དཀྱིལ་འཁོར་ཞེས་བརྗོད་དོ། །གཡས་གཡོན་མཚུངས་པར་རེག་པ་ནི། །ས་ཡི་དཀྱིལ་འཁོར་ཞེས་བྱའོ། །དེ་ཉིད་འདིར་ནི་དལ་འབབ་པ། །ཆུ་ཡི་དཀྱིལ་འཁོར་ཞེས་བྱའོ། །ལ་ལ་ན་ནི་གཡོན་གྱི་དལ། །ར་ས་ནཱ་གཡས་རྣམ་པར་གནས། ། བ་དྷཱུ་ཏཱི་དབུས་ཕྱོགས་ནས། །ལྷན་ཅིག་སྐྱེས་དགའ་སྐད་ཅིག་འབབ། །འབྱུང་དང་འཇུག་པ་གཉིས་གྱུར་པ། །མི་གཡོའི་ཚུལ་གྱིས་རྣམ་པར་གནས། །ཇི་སྲིད་སྲོག་ནི་རབ་འཇུག་པའི། །རླུང་གི་འགྲོ་འོང་ཉམས་པས་སོ། །འཇུག་པ་ཀུམ་བྷ་ཀར་ཤེས་བྱ། །པཱུ་ར་ཀ་ནི་གཟུང་བར་བྱ། །རེ་ཙ་ཀ་ནི་དབྱུང་བར་ཤེས། །མི་གཡོ་བ་ནི་རེངས་པར་འདོད། །གཏུམ་པོ་ཁྲོ་བོའི་ཏིང་འཛིན་གྱིས། ། ཤེས་རབ་དང་བཅས་བརྩམ་པར་བྱ། །རླུང་གི་འཇུག་པ་བགྲང་བྱ་སྟེ། །བརྒྱ་སྟོང་ལ་སོགས་གྲངས་རྣམས་ཀྱིས། །སྐད་ཅིག་ཉིད་ལ་འགྲུབ་འགྱུར་ཏེ། །མགོན་པོ་སངས་རྒྱས་གསུང་ཇི་བཞིན། །འབད་པས་ཤེས་རབ་ལ་འཁྱུད་ནས། །རླུང་གཅིག་པུ་ནི་བགྲང་བར་བྱ། །གཏུམ་པོ་ཁྲོ་བོའི་གཟུགས་ཀྱིས་ནི། །ཟླ་བ་ཕྱེད་ཙམ་གྱིས་འགྲུབ་བྱེད། །ལྷ་ཡི་ཡེ་ཤེས་ཡང་དག་ལྡན། །མངོན་པར་ཤེས་པ་སྐྱེ་བར་འགྱུར། །གཏུམ་པོ་ཁྲོ་བོའི་ཏིང་འཛིན་གྱིས། །རང་གི་བུད་མེད་ངེས་འཁྱུད་ནས། །སྙིང་ག་དང་ནི་སྙིང་ག་དང ། །གསང་བ་དང་ནི་གསང་ 427a ༄#། །བ་དང ། །ཞལ་དང་ཞལ་ནི་ཡང་དག་སྦྱར། །སེམས་མེད་བདེ་བའི་མཆོག་དེ་ཉིད། །ཟླ་བ་སྙིང་གི་ནང་དུ་སོང ། །དེ་ནི་ཉི་མའི་མཐུ་ཡིས་སོ། །དེ་ཉིད་བརྟན་པའི་སྟོབས་དེ་ལས། །མི་ཡི་ཀུན་མཁྱེན་ཐོབ་པར་འགྱུར། །བསམ་པ་ཙམ་གྱུར་ཉིད་ཀྱིས་ནི། །འདས་དང་མ་འོངས་ད་ལྟར་ཡང ། །ཕ་རོལ་སེམས་ནི་ཤེས་འགྱུར་ཏེ། །བདག་གིས་འདི་ནི་བདེན་པར་སྨྲས། །དེ་བཞིན་དེ་ཉིད་སྦྱོར་བ་ཡིས། །རྣ་བའི་ནང་དུ་བསྒོམ་བྱས་ན། །ཕྱོགས་རྣམས་ཀུན་ན་གནས་པའི་སྒྲ། །དྲུང་ན་མོ་ནི་ཇི་བཞིན་ཐོས། །དེ་བཞིན་མིག་གི་མཐུ་ཡིས་ནི། །འཇིག་རྟེན་གསུམ་པོ་མཐོང་བར་བྱེད། །དེ་བཞིན་སྣ་ཡིས་མནམས་པས་ཀྱང ། །དྲི་རྣམས་ཐམས་ཅད་ཤེས་པར་འགྱུར། །དེ་བཞིན་ལྕེ་ཡིས་མྱངས་པས་ཀྱང ། །རིང་གནས་རོ་ཡང་རབ་ཏུ་སྐྱེ། །དེ་བཞིན་རང་རྟགས་རྩེར་བསམས་པས། །རེག་བྱ་མ་ལུས་ཤེས་པར་འགྱུར། །དེ་བཞིན་མགོ་ཡི་དབུས་བསམས་པས། །ཀུན་གྱི་ནུས་མཐུ་འཕེལ་བར་འགྱུར། །གང་དུ་སེམས་ནི་གནས་དེ་ལ། །རླུང་གི་རོ་ནི་ཡང་དག་མཉམ། །དེ་དང་དེ་ལ་དེ་འགོག་པས། །དེ་ཉིད་འདི་ནི་གཟུགས་བརྙན་འགྱུར། །ཞི་དང་རྒྱས་དང་དབང་དང་ནི། །དགུག་དང་དེ་བཞིན་གསད་པ་དང ། བསྐྲད་དང་ཐམས་ཅད་ཤིན་ཏུ་བསྒོམ། །དེ་ཉིད་གང་བསྒོམ་རབ་ཏུ་འགྲུབ། །ཀུམ་བྷ་ཀ་སོགས་རབ་སྦྱོར་བས། །ལྟ་སྟངས་བཞི་པོ་ 427b དང་སྦྱོར་བྱ། །གཡོན་དུ་ལྟ་བའི་ལྟ་སྟངས་ཀྱིས། །བུམ་པ་ཅན་གྱིས་དབང་དུ་བྱེད། །པཱུ་ར་ཀ་ནི་ངེས་སྦྱོར་བས། །གཡས་ཀྱིས་དགུག་པར་ཤེས་པར་བྱ། །གང་ཞིག་དཔྲལ་ནས་ལྟ་སྟངས་ཀྱིས། །དེ་ནི་རེ་ཙ་ཀ་ཡིས་བསད། །སྣ་རྩེར་གནས་ཉིད་ལྟ་སྟངས་ཀྱིས། །རེངས་པ་ཉིད་ཀྱིས་རེངས་པ་ཅན། །ནས་ཀྱི་མེ་ཏོག་ཀུམ་བྷ་ཀ་།སྣ་ཧཱི་པྲྀ་ཀྵ་པཱུ་ར་ཀ་།རླན་བཅས་ཤིང་ནི་རེ་ཙ་ཀ ། མིག་དེ་ཡང་ནི་སྟམྦྷ་ཀ་།ཀུན་གྱི་ལྟ་སྟངས་ངེས་སྦྱོར་ལས། །ཟླ་བ་དྲུག་ཏུ་བསམ་པར་བྱ། །ཀུན་གྱི་ནུས་པ་དང་ལྡན་པར། །སེམས་ནི་འགོག་པས་འགྲུབ་པར་འགྱུར། །སེམས་ནི་འགགས་པས་རླུང་འགག་གོ་།རླུང་འགགས་པས་ཀྱང་སེམས་ཀྱང་འགག་།ཕན་ཚུན་འགག་པར་འགྱུར་བ་ཡི། །གནས་ལ་སེམས་ནི་གནས་པའོ། །རྡོ་རྗེ་པདྨ་མཉམ་སྦྱོར་བས། །ཐབས་དང་ཤེས་རབ་གཅིག་ཏུ་སྦྱོར། །འགོག་པའི་བདེ་ལ་ལོངས་སྤྱོད་པས། །ཁྱབ་བདག་མི་གཡོ་དེ་འགྲུབ་བོ། །རྡོ་རྗེ་སེམས་སོགས་སངས་རྒྱས་རྣམས། །སྔགས་པ་དེ་ཡི་ལྷན་ཅིག་ན། ། བདེ་བྱེད་ལ་སོགས་གྲགས་པ་ཡི། །འཇིག་རྟེན་ལྷ་རྣམས་སྨོས་ཅི་དགོས། །རྒྱུད་རྣམས་ཀུན་ཏུ་རབ་སྦས་པ། །བདག་གིས་དེ་ཉིད་མི་གཡོ་གཙོ། །གང་ཞིག་དེ་ཉིད་བརྟེན་བྱས་པས། ། ནམ་མཁའ་ལྟ་བུའི་སངས་རྒྱས་གྱུར། །གངྒཱའི་བྱེ་མ་དང་མཚུངས་པའི། །ཆེན་པོ་རྣམས་ནི་འབྱུང་བར་འགྱུར། །ད་ལྟར་གྱི་ཡང་རྣམས་སངས་རྒྱས། །སངས་རྒྱས་ཡེ་ཤེས་དང་ལྡན་ཉིད། །དེ་ 428a ༄#། །ཕྱིར་རྟག་ཏུ་རྣལ་འབྱོར་པས། །ཁྱབ་བདག་མ་གཡོ་བསམ་པར་བྱ། །གང་ཞིག་མི་གཡོ་མི་ཤེས་པར། །དེ་ཡི་སྐྱེ་བ་འབྲས་མེད་ཡིན། །དེ་ཉིད་མེད་ལ་དངོས་གྲུབ་ནི། །ཕྲ་མོ་ཙམ་ཡང་ཐོབ་པར་མེད། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། རླུང་གི་རྣལ་འབྱོར་གྱི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྐང་མཐིལ་ལྟེ་བར་འབུགས་བྱེད་ན། །ཞག་གསུམ་ནས་ནི་འཆི་བར་འགྱུར། ། རྐང་པའི་མཐིལ་དུ་འབུགས་པ་དང ། མིག་ཏུ་ཟུག་རྔུས་ཟླ་གསུམ་ན། །རྐང་པའི་མཐིལ་དུ་འབུགས་པ་དང ། །སྣ་ཡི་ཟུག་རྔུས་ཟླ་གསུམ་ན། །བཤང་བ་འཛག་པའི་དུས་སུ་ནི། ། སྦྲིད་པ་མཉམ་བྱུང་ཟླ་བ་ན། །ལྟེ་བ་དང་ལྟོ་བའི་ཟུག་རྔུ་ཡིས་ལོ་ལྔ་ནའོ། །མཛོད་སྤུའི་ཟུག་རྔུ་ཡིས་ཉི་མ་གཅིག་ནའོ། །ལྕའི་རྩེ་མ་མཐོང་ན་ཟླ་བ་ཕྱེད་ནའོ། །སྣའི་རྩེ་མོའི་ཟུག་རྔུ་ཡིས་ཟླ་བ་བཞི་ནའོ། །འཁྲིག་པའི་དུས་ཀྱི་སྤྲིད་པ་ཡིས་ཟླ་བ་ནའོ། །མཐེའུ་ཆུང་ཐམས་ཅད་མཉམ་དུ་ཟུག་རྔུར་གྱུར་ན་ཟླ་བ་ནའོ། །མཉམ་དུ་སྙིང་ག་དང ། མགྲིན་པར་ཟུག་རྔུར་གྱུར་ན་ཟླ་བ་ཕྱེད་པ་གསུམ་ནའོ། །མཉམ་དུ་ཏཱ་ལུ་ཀ་གསུམ་ཟུག་རྔུར་གྱུར་ན་ཉི་མ་གསུམ་ནའོ། །སུ་ར་བྷེའི་རྣ་བའི་དྲིལ་བུའི་སྒྲ་ཡིས་བླ་བ་གསུམ་ནའོ། །རྣ་བའི་རྩ་བ་དང ། སྨིན་མའི་ 428b དབུས་དང ། མགོའི་དང་པོ་རྣམས་སུ་ཟུག་རྔུར་གྱུར་ན་ཉི་མ་གཅིག་ནའོ། །རྐང་པའི་མཐིལ་ནས་བརྩམས་ནས་ལྟེ་བའི་མཐར་ཐུག་པའི་ཟུག་རྔུས་ཟླ་བ་དྲུག་ནའོ། །སྣ་རྩེའི་ཤ་ཞུམ་ན་ཞག་བདུན་ནའོ། །འགྲམ་པའི་ཤའི་མཚམས་བྱེད་ན་ཟླ་བ་ལྔ་ནའོ། །མིག་འཇིག་པ་མ་མཐོང་ན་ཟླ་བ་ལྔ་ནའོ། །སྣའི་འཁོར་ལོ་ལས་ཞག་བདུན་ནའོ། །སྙིང་གཞོམ་ན་ཟླ་བ་ཕྱེད་ནའོ། ། ལྕེའི་དཀྱིལ་དུ་རེ་མོ་ནག་པོ་བྱུང་ན་ཞག་གཉིས་ནའོ། །སེན་མོ་ལ་ཁྲག་མ་མཐོང་ན་ཟླ་བ་དྲུག་ནའོ། །སོ་སྐམས་ན་ཟླ་བ་དྲུག་ནའོ། ། རུ་ཎ་མ་མཐོང་ན་ཟླ་བ་དྲུག་ནའོ། །གྲང་མོ་ལ་སོགས་པའི་དུས་ཕྱིན་ཅི་ལོག་པ་ལས་ཐམས་ཅད་དུ་བུག་པར་མཐོང་ན་ཟླ་བ་ཕྱེད་ནའོ། །ཧ་ཡིག་བརྗོད་པས་གྲང་བ་དང ། ཕུཿ ་ཡིག་བརྗོད་པས་དྲོ་བར་གྱུར་ན་ཉི་མ་བཅུ་ནའོ། །མིང་མེད་ཀྱི་རྩ་བར་རི་མོ་ནག་པོ་མཐོང་ན་ཉི་མ་བཅོ་བརྒྱད་ནའོ། །ལུས་མཉེས་པས་སྒྲ་ཐོས་པ་དང ། ལུས་ཐམས་ཅད་ལས་ཀླུ་ཉིད་ཀྱང་ཉི་མ་བཅུ་ཐམ་པ་ནའོ། །ཁྲུས་བྱས་པ་ཙམ་གྱིས་སྙིང་ག་དང་རྐང་པ་སྐམ་ན། རྟ་དྷི་མ་ནི་ལུས་ལ་དྲི་ངན་པ་བྱུང་ན་ཞག་གསུམ་ནའོ། །ལུས་སྟཿ ་ཉི་མ་གཅིག་ནའོ། །དྲི་ཆུ་གཡོན་དུ་འཁོར་ན་ཟླ་བ་དྲུག་ནའོ། །ལྟེ་བ་ཕྱིན་ཅི་ལོག་ན་ཉི་མ་ལྔ་ནའོ། ། སྣའི་རྩེ་མོ་མ་མཐོང་ན་དེ་ཟླ་བ་ལྔ་ནའོ། །མིག་སོར་མོས་མནན་པས་འོད་མ་མཐོང་ན་ཉི་མ་བརྒྱད་ནའོ། །རྣ་བའི་དྷ་ནྱི་ཐོས་ན་ལོ་གཅིག་ནའོ། །ཕ་རོལ་གྱི་མིག་ལ་གཟུགས་བརྙན་ 429a ༄#། །མ་མཐོང་ན་ཟླ་བ་ཕྱེད་ནའོ། །དེ་ཉིད་ཤེས་ཕྱིར་འཆི་བླུ་དང ། །འཇིག་རྟེན་ཕ་རོལ་བསམས་པར་བྱ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། འཆི་ལྟས་ཀྱི་མཚན་ཉིད་རིམ་པར་ཕྱེ་བ་སྟེ་ཉི་ཤུ་རྩ་གསུམ་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཕ་དང་མ་ཡི་མཉམ་སྦྱོར་ལས། །འབྱུང་ལྔའི་བདག་ཅན་ཟླ་བ་དང ། །འབྱུང་བ་ལྔ་ཡི་བདག་ཉིད་ཅན། །ཉི་མའི་སྦྱོར་བ་འཛོམ་པ་ལས། །དེ་ལ་སེམས་ཅན་སྐྱེ་བར་འགྱུར། །ཐབས་དང་ཤེས་རབ་བདག་ཉིད་ཅན། །སླར་ཡང་རུས་ཚིགས་ཟླ་བ་ལས། །ཉི་མས་ཤ་ལ་སོགས་པར་འགྱུར། །བདག་ཉིད་སྟོང་པའི་ལུས་གྱུར་ལ། །སེམས་ཅན་རྣམས་ནི་ལས་ཀྱིས་སྦྲུལ། །སྒྱུ་མ་ལྟ་བུའི་རང་བཞིན་འདི། །དྲི་ཟའི་གྲོང་ཁྱེར་ལྟ་བུ་དང ། །དབང་པོའི་གཞུ་དང་མཚུངས་པ་འདི། །ཆུ་ནང་ཟླ་བལྟ་བུར་འདོད། །ཅེས་པ་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། ལུས་ཀྱི་རང་བཞིན་གྱི་རིམ་པར་ཕྱེ་བ་སྟེ་ཉི་ཤུ་རྩ་བཞི་པའོ།། །།དེ་ནས་བཅོམ་ལྡན་འདས་མས་གསོལ་པ། ཤེས་རབ་ཕ་རོལ་ཕྱིན་འབྱུང་བ། །གཞན་ཡང་བདག་གིས་ཉན་པར་འཚལ། །ཤིན་ཏུ་རྒྱས་མིན་མདོར་བསྡུས་པ། །མགོན་པོ་བདག་ལ་བཀའ་དྲིན་མཛད། །དེ་ནས་ 429b བཅོམ་ལྡན་འདས་ཀྱིས་བཀའ་སྩལ་པ། ཤེས་རབ་ཕ་རོལ་ཕྱིན་འབྱུང་བ། །དེ་ནས་ཡང་དག་རབ་བཤད་བྱ། །བཅུ་དྲུག་ལོ་ཡི་གཟུགས་ངན་མ། །ལྷ་མོ་སེམས་དཔའི་སྐྱིལ་ཀྲུང་མཛད། །སྐུ་མདོག་སྔོན་མོ་སྐལ་ཆེན་མ། །མི་བསྐྱོད་པ་ཡིས་དབུ་ལ་བརྒྱན། །ཕྱག་གཡས་པདྨ་དམར་པོ་བསྣམས། །གཡོན་པའི་ཕྱག་ནི་རོལ་པའི་སྟབས། །འདོད་པའི་བསྟན་བཅོས་ཀྱིས་གནས་པ། །པདྨ་ཟླ་བའི་སྟེང་དུ་བཞུགས། །ནུ་མ་རྒྱས་ཤིང་ལྟ་བས་ཚིམ། །སྤྱན་ཡངས་དགའ་མ་ཁྱོད་ལ་སྨྲས། །ལྷན་སྐྱེས་མི་གཡོའི་ཏིང་འཛིན་གནས། །ལྷ་མོ་འདི་ནི་སྒོམ་པར་གྱིས། །ཧཱུཾ་ཡིག་ཡེ་ཤེས་ལས་བྱུང་བའི། །སྣ་ཚོགས་རྡོ་རྗེའི་རྣལ་འབྱོར་མ། །རྣལ་འབྱོར་འཁྱུད་པས་བསྒོམ་བྱས་ན། །དངོས་གྲུབ་ངེས་པར་ཐོབ་པར་འགྱུར། །ཡང་ན་དྷཱིཿ ་ཡིག་ལས་བྱུང་བའི། །ཁ་དོག་དཀར་པོ་བསྒོམ་པར་བྱ། །རྟག་པ་ཡི་ནི་དབུ་རྒྱན་ཅིང ། །རྡོ་རྗེ་དབྱིངས་ཀྱི་དབང་ཕྱུག་མ། །སོར་མོ་རིན་དབང་དབུ་རྒྱན་དང ། །དམར་པོ་ཀུ་རུ་ཀུ་ལླེའི་ཀཱེ་།ལྷ་མོ་དབུ་རྒྱན་འོད་དཔག་མེད། །ཧྲཱི་ཡིག་ཡེ་ཤེས་ལས་བྱུང་མ། །ཏཾ་ཡིག་ཡེ་ཤེས་ལས་བྱུང་བའི། །སྒྲོལ་མ་སྐུ་མདོག་ལྗང་གུ་ནི། །དོན་ཡོད་གྲུབ་པའི་དབུ་རྒྱན་མ། །སྔོན་མོའི་གཟུགས་ཀྱིས་སྐྱེས་བུ་རྣམས། །སེམས་དཔའི་སྐྱིལ་ཀྲུང་གིས་གནས་ནས། །ཞི་བའི་གཟུགས་ཀྱིས་ཡང་དག་ཞུགས། །དཔལ་ལྡན་རལ་གྲི་ཞགས་པ་བསྣམས། །མངོན་པར་འཁྱུད་ 430a ༄#། །པའི་ཚུལ་མཛད་མ། །རང་རིགས་ཡང་ན་གཞན་རིགས་ཀྱི། །བུ་མོ་བཟུང་ནས་བསྒོམ་པར་བྱ། །ཕྱག་རྒྱ་འདི་ཡིས་རྣལ་འབྱོར་པས། །ཐེ་ཚོམ་མེད་པར་དངོས་གྲུབ་འགྱུར། །ཡང་ན་ས་སོགས་ལས་བགྱིས་པའི། །གཟུགས་བརྙན་བྱས་ནས་བསྒྲུབ་པར་བྱ། །ལྷན་སྐྱེས་གཏུམ་པོའི་ཏིང་འཛིན་གནས། །རྩེ་གཅིག་ཡིད་ཀྱིས་བཟླས་པར་བྱ། །དེ་ལ་བཟླས་པའི་སྔགས་ནི་འདི། །ོཾ་བི་ཤཝ་བཛྲི་ཨཱ་གཙྪ་ཨཱ་གཙྪ་ཧཱུཾ་སཝཱཧཱ། ཨོཾ་བཛྲ་ས་ར་སཝ་ཏི་ཨཱ་གཙྪ་ཨཱ་གཙྪ་དྷཱིཿ སཝཱཧཱ། ཨོཾ་བཛྲ་དྷཱི་ཏྭ་ཤཝ་རི་ཨཱ་གཙྪ་ཨཱ་གཙྪ་བཾ་སཝཱཧཱ། ཨོཾ་ཀུ་རུ་ཀུ་ལླེ་ཨཱ་གཙྪ་ཨཱ་གཙྪ་ཧྲཱིཿ སཝཱཧཱ། ཨོཾ་ཏཱ་རེ་ཨཱ་གཙྪ་ཨཱ་གཙྪ་ཏཱཾ་སཝཱཧཱ། དེ་ནས་ཡང་དག་བཤད་བྱ་བ། །དཔའ་བོ་གཅིག་པའི་དཀྱིལ་འཁོར་ལ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་བརྒྱན་པ་ལ། །ཁ་དོག་སེར་པོར་བྱས་པ་ལ། །དབུས་སུ་པདྨ་འདབ་བཞི་ལ། །དེ་ཡང་མེ་ཡི་འདབ་མ་དཀར། །བདེན་བྲལ་དུ་ནི་དམར་པོར་མཚུངས། །རླུང་དུ་ཁ་དོག་སེར་པོ་སྟེ། །དབང་ལྡན་མཚམས་སུ་ལྗང་གུའོ། །དབུས་སུ་ཁ་དོག་ནག་པོ་སྟེ། །དེ་ལ་མི་གཡོ་རྟག་པར་བྱ། །ཡང་ན་ཉི་མའི་སྟེང་གནས་པའི། །དཀར་པོ་སེར་པོ་དམར་པོའམ། །ལྗང་གུ་སངས་རྒྱས་ལྔ་རྣམས་ཀྱི། །སྐུ་རུ་རྣམ་པར་བསམ་པར་བྱ། །མེ་ཡི་མཚམས་སུ་སྦྱན་མ་སྟེ། །སྟོན་ཀའི་ཟླ་བའི་འོད་དང་མཚུངས། །གཡོན་དང་གཡས་པའི་ཕྱག་དག་གིས། 430b ཟླ་བ་མྱ་ངན་མེད་ཤིང་བསྣམས། །བདེན་བྲལ་ལྷ་མོ་གོས་དཀར་མོ། །གཞུ་དང་མདའ་ནི་ཕྱག་བསྣམས་སེར། །རླུང་གི་མཚམས་སུ་མཱ་མ་ཀཱི་།སྐུ་མདོག་དམར་མོར་གྱུར་པ་ནི། །བུམ་པ་འབྲས་ཀྱི་སྙེ་མ་ཕྱག་།དབང་ལྡན་མཚམས་སུ་སྒྲོལ་མ་སྟེ། །ལྗང་གུ་གཡས་པ་མཆོག་སྦྱིན་དང ། །གཡོན་པ་ཨུཏྤལ་སྔོན་པོ་བསྣམས། །དེ་རྣམས་ཟླ་བའི་གདན་ལ་ནི། །ཐམས་ཅད་སྐྱིལ་ཀྲུང་ཕྱེད་པས་བཞུགས། །ཤར་སྒོ་བརྒྱ་བྱིན་གདན་ལ་ནི། །འདོད་ཆགས་རྡོ་རྗེ་དགོད་པར་བྱ། །རལ་གྲི་ཐོད་བསྣམས་སྐུ་མདོག་དམར། །ལྷོ་རུ་གཤིན་རྗེའི་གདན་ལ་ནི། ། ཞེ་སྡང་རྡོ་རྗེ་སྐུ་མདོག་ནག་།གྲི་གུག་དང་ནི་སྡིག་མཛུབ་ཕྱག་།ནུབ་ཏུ་རྨ་བྱའི་གོས་ཅན་གྱི། །ཆུ་བདག་སྟེང་ནས་ལྗང་གུ་ཡིས། །ང་རྒྱལ་རྡོ་རྗེ་ཞེས་བྱ་བ། །རྡོ་རྗེ་རྒྱས་པ་ཕྱག་ན་བསྣམས། །བྱང་དུ་གཏི་མུག་རྡོ་རྗེ་ནི། །སྡིག་མཛུབ་ཨ་ཤོ་ཀ་བསྣམས་པ། །ལུས་ངན་སེར་པོ་ལ་གནས་པའི། །ཉི་མའི་གདན་ལ་དགོད་པར་བྱ། །ཐམས་ཅད་གཡོན་བརྐྱང་རྐང་སྟབས་ཅན། །ཁྲོ་ཞིང་སྐྲ་ནི་གྱེན་དུ་བརྫེས། །ཁ་དོག་སེར་པོར་མཚུངས་པ་ཡི། །མཚམས་བཞི་ལ་ནི་བུམ་པ་དགོད། །རྣལ་འབྱོར་མ་བརྒྱད་དང་ལྡན་པ། །འདི་ནི་བསྒོམས་པ་ཙམ་གྱིས་ནི། །འཇིག་རྟེན་གསུམ་གནས་བུད་མེད་ཀྱི། །བདག་པོ་དབང་ཕྱུག་དམ་པར་བཅས། །དེ་ནས་གཞན་ཡང་རབ་བཤད་བྱ། །གཏུམ་པོ་ཁྲོ་བོ་བསྒོམ་པ་ནི། །སྣ་ཚོགས་ 431a ༄#། །པདྨའི་སྟེང་དུ་ལྷ། །གཏུམ་པོ་ཁྲོ་བོ་བརྟག་པར་བྱ། །རཱ་མ་དེ་བ་འདོག་དམར། །མེ་སྟེ་བདེན་བྲལ་མཚམས་སུ་ནི། །འདོད་པའི་ལྷ་སྟེ་ཁ་དོག་སེར། །མཧའི་ཎཾ་ཞེས་ཁ་དོག་ལྗང ། །རླུང་སྟེ་ལྷ་མིན་ཀོ་ཀི་ལ། །ཞེས་པ་གྲི་གུག་ཐོད་པའི་ལག་།ནག་པོ་དབང་ལྡན་མཚམས་སུ་གནས། །ཐམས་ཅད་གཡས་བརྐྱང་སྟབས་ཀྱིས་སོ། ། ལྷ་མོ་པརྞ་ཤ་བ་རི། །བཅོམ་ལྡན་འདས་ཀྱི་ནུབ་ཕྱོགས་གནས། །འདི་ཉིད་བསམ་གཏན་སྦྱོར་བ་ཡིས། །ཉ་སོགས་བསྲེགས་པས་མཆོད་པར་བྱ། །ལྷ་རྣམས་ཀུན་ཀྱང་འཆི་བྱེད་ན། ། མི་རྣམས་གཞན་པ་སྨོས་ཅི་དགོས། །དེ་ལ་འདིའི་སྔགས་ནི། །ོཾ་ཙཎྜ་མཧཱ་རོ་ཥ་ཎ་བྷནྡྷ་བྷནྡྷ་ཆེ་གེ་མོ་ཧཱུཾ་ཕཊ། ཤེས་རབ་དང་ལྡན་བསྒོམ་པར་བྱ། །གཡོན་པའི་ཕྱག་ན་པདྨ་དཀར། །གཏུམ་པོ་ཁྲོ་བོ་སྔོན་པོའམ། །དམར་པོ་ཡང་ན་ནག་པོས་ཀྱང ། །རྣལ་འབྱོར་བསྒོམ་པ་ཡོངས་བརྟན་པས། །སྐད་ཅིག་གིས་ནི་འགྲུབ་པར་འགྱུར། །དེ་ལྟར་མི་གཡོ་དཀར་པོ་སོགས། །འབད་པ་དྲག་པོས་སྒོམ་བྱེད་ན། །སེམས་ནི་རྩེ་གཅིག་མཉམ་གཞག་པས། །ས་བོན་དང་བྲལ་ཉིད་ཀྱང་བསྒོམ། །ཟ་དང་འཐུང་དང་ཉལ་བ་དང ། །འདུག་དང་འགྲོ་དང་འཆག་པར་ཡང ། །གནས་སྐབས་ཀུན་ཏུ་\?\་རྣལ་འབྱོར་པས། །ལྷ་ཡི་རྣམ་པར་བསྒོམ་པར་བྱ། །ཡང་ན་བདེ་བ་འབའ་ཞིག་ནི། །ཕན་ཚུན་བདེ་བའི་རྣལ་འབྱོར་མ། །ཇི་ 431b སྲིད་རབ་ཏུ་གསལ་གྱུར་པ། །དེ་སྲིད་བར་དུ་འབད་པས་བསྒོམ། །རབ་གསལ་གྱུར་ན་རྣལ་འབྱོར་བའི། །ཕྱག་རྒྱ་ཆེན་པོའི་དངོས་གྲུབ་བོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། ལྷ་མོ་རྣམས་ཀྱི་སྒྲུབ་ཐབས་ཀྱི་རིམ་པར་ཕྱེ་བ་སྟེ་ཉི་ཤུ་རྩ་ལྔ་པའོ།། །།བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་ཅེས་བཀའ་སྩལ་པ་དང ། རྣལ་འབྱོར་དང ། རྣལ་འབྱོར་མའི་ཚོགས་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའོ། །དཔལ་གཏུམ་པོ་ཁྲོ་བོ་ཆེན་པོའི་རྒྱུད་ཀྱི་རྒྱལ་པོ་རྫོགས་སོ།། །།ཐེག་པ་ཆེན་པོ་ཡང་དག་པའི་དགེ་བའི་བཤེས་གཉེན་མཁྱེན་པ་དང ། བརྩེ་བ་དང ། འཕྲིན་ལས་དཔག་ཏུ་མེད་པ་མངའ་བ་བླ་མ་ཆེན་པོ་རིན་ཆེན་རྒྱལ་མཚན་གྱི་སྐུ་དྲིན་ལ་བརྟེན་ནས། བླ་མ་དུས་འཁོར་བ་ཆེན་པོ་ཤེས་རབ་སེངྒེས་བསྐུལ་ཞིང་སྦྱིན་བདག་མཛད་པ་ལ་བརྟེན་ནས་དཔལ་ལྡན་ས་སྐྱའི་གཙུག་ལག་ཁང་ཆེན་པོར་པཎྜི་ཏ་རཏྣ་ཤྲཱི་ཞལ་སྔ་ནས། ལོཙྪ་བ་གྲགས་པ་རྒྱལ་མཚན་གྱིས་སྦྲུལ་གྱི་སྨིན་དྲུག་གི་ཟླ་བའི་དཀར་པོའི་ཚེས་བཅུ་ལ་རྫོགས་པར་བསྒྱུར་རོ།། །། |