།།རྒྱ་གར་སྐད་དུ། ཏྲཻ་ལོ་ཀྱ་བི་ཛ་ཡ་མཧཱ་ཀ་ཝ་རཱ་ཛཱ། བོད་སྐད་དུ། འཇིག་རྟེན་གསུམ་ལས་རྣམ་པར་རྒྱལ་བ་རྟོག་པའི་རྒྱལ་པོ་ཆེན་པོ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་རབ་རིའི་རྩེ་མོ་ན་རྡོ་རྗེ་དང ། ནོར་བུ་རིན་པོ་ཆེའི་རྩེ་མོའི་ཁང་པ་བརྩེགས་པ་ན། བྱང་ཆུབ་སེམས་དཔའ་བྱེ་བ་ཕྲག་དུ་མ་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། མིའམ་ཅི་དང ། འབྱུང་པོ་དང ། ཤ་ཟ་དང ། བརྗེད་ 15a ༄#། །བྱེད་དང ། མ་མོ་རྣམས་དང ། བལྟར་རུང་བ་དང ། བལྟར་མི་རུང་བ་དུ་མ་སངས་རྒྱས་ཀྱི་བསྟན་པ་ལ་མངོན་པར་དད་པ་རྣམས་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོ་ནམ་མཁའི་དཀྱིལ་ནས་བབས་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བཙལ་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་འདི་སྐད་ཅེས་གསོལ་ཏོ། །ཡང་བཅོམ་ལྡན་འདས། བདག་གིས་ལྷ་ཆེན་པོ་ལ་སོགས་པ་སེམས་ཅན་མ་རུངས་པ་དེ་དག་ལ་དམ་ཚིག་འཛིན་དུ་སྩལ་བར་འཚལ་ན། བཅོམ་ལྡན་འདས། དེའི་སླད་དུ་བདག་ལ་བཀའ་སྩལ་དུ་གསོལ། དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོའི་ཚིག་།བཅོམ་ལྡན་འདས་ཆོས་ཀྱི་རྒྱལ་པོ་དེ་བཞིན་གཤེགས་པས་གསན་ནས་ཕྱག་ན་རྡོ་རྗེ་ལ་འདི་སྐད་ཅས་གསུངས་སོ། །གནོད་སྦྱིན་ཁྱོད། ཤིན་ཏུ་ཁེངས་པ། ཤིན་ཏུ་ཁྲོ་བ། ཤིན་ཏུ་འཐུར་བ་དེ། ཇི་ལྟར་ཁྱོད་ཀྱིས་སེམས་ཅན་རྣམས་ཀྱི་དོན་གྱི་ཕྱིར་འདི་ལྟ་བུའི་སྔགས་ཀྱི་ཚིག་སྨྲ། དེ་ནས་བཅོམ་ལྡན་འདས་ལ་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་སྐད་ཅེས་གསོལ་ཏོ། །དེའི་ཕྱིར་ན་བཅོམ་ལྡན་འདས། །བདག་སེམས་ཅན་མ་ལུས་པ་འདུལ་བར་བགྱིད་དོ། །གང་གི་ཕྱིར་ཞེ་ན། 15b བདག་གིས་འདོད་པའི་བདེ་བ་ཅན་རྣམས་དབང་དུ་བགྱི་བ་ལ་སོགས་པས་བཏུལ་ནས་བླ་ན་མེད་པའི་བདེ་བ་ལ་བགོད་པར་འཚལ་ལོ། །སེམས་ཅན་མ་རུངས་པ་རྣམས་བསད་པ་ལ་སོགས་པས་སྦྱངས་ཏེ། ཞི་བ་ལ་དགོད་པར་འཚལ་ལོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་བྱང་ཆུབ་སེམས་དཔའ་ལ་ལེགས་སོ་ཞེས་བྱ་བ་བྱིན་ཏེ། ཕྱག་ན་རྡོ་རྗེ། ལེགས་སོ། །ལེགས་སོ། །འཇིག་རྟེན་ཐམས་ཅད་ཀྱི་དོན་གྱི་ཕྱིར་དང ། ཕན་པའི་ཕྱིར་དང ། བདེ་བའི་ཕྱིར་སྙིང་པོ་འདི་སྨྲོས་ཤིག་།དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔས་ལྷ་ཐམས་ཅད་ནས། མི་རྣམས་ཐམས་ཅད་ཀྱི་བར་དུ་སངས་རྒྱས་ཀྱི་བསྟན་པ་ལ་མངོན་པར་དད་པ་དེ་རྣམས་ལ་བཀའ་སྩལ་བ། གྲོགས་པོ་དག་།སངས་རྒྱས་ལ་སྐྱབས་སུ་དོངས་ཤིག་།ངའི་བཀའ་ཡང་རྗེས་སུ་སྐྱོངས་ཤིག་།དེ་ནས་བཅོམ་ལྡན་འདས་ཀྱི་ཞབས་གཉིས་ལ་ཕྱག་ན་རྡོ་རྗེས་ཕྱག་བཙལ་ནས་འཇིག་རྟེན་གསུམ་ལས་རྣམ་པར་རྒྱལ་བའི་སྙིང་པོ་འདི་གསུངས་སོ། །ོཾ་སུཾ་བྷ་ནི་སུཾ་བྷ་ཧཱུཾ། གྲྀཧྞཱ་གྲྀཧྣཱ་ཧཱུཾ། གྲྀཧྣཱ་པ་ཡ་གྲྀ་ཧྣཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱ་ན་བཛྲ་ཧཱུཾ་ཕཊ། དེ་ནས་འདི་གསུངས་པ་ཙམ་གྱིས་འཇིག་རྟེན་གསུམ་ཐམས་ཅད་གཡོས། །རབ་ཏུ་གཡོས། ཀུན་ཏུ་རབ་ཏུ་གཡོས་སོ། །འགུལ། རབ་ཏུ་འགུལ། ཀུན་ཏུ་རབ་ཏུ་འགུལ་ཏོ། །འཕར། རབ་ཏུ་འཕར། ཀུན་ཏུ་རབ་ཏུ་འཕར་རོ། །དེ་ནས་ལྷ་ཐམས་ཅད་ལ་སོགས་པ་སེམས་ཅན་ཐམས་ 16a ༄#། །ཅད་འདར་ཡེད་ཡེད་ནས་བཅོམ་ལྡན་འདས་ག་ལ་བ་དེར་ལྷགས་ཏེ། ཁོར་ཁོར་ཡུག་དང ། ཁོར་ཁོར་ཡུག་ཆེན་པོའི་རི་ལ་སོགས་པ་ཚུན་ཆད་ཀྱི་གླིང་བཞི་པའི་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་ཀྱིས་གང་ངོ ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་གླིང་བཞི་པའི་འཇིག་རྟེན་གྱི་ཁམས་སུ་ཚོགས་པའི་དཀྱིལ་འཁོར་ཆེན་པོ་ལ་གཟིགས་ནས་འདི་སྐད་གསུངས་སོ། །གྲོགས་པོ་རྣམས། སངས་རྒྱས་ལ་སོགས་པ་ལ་སྐྱབས་སུ་འགྲོ་བར་ཁས་ལོང་ཞིག་།ངའི་བཀའ་ཡང་རྗེས་སུ་སྐྱོངས་ཤིག་།དེ་ནས་འདུས་པའི་འཁོར་ཆེན་པོ་ཐམས་ཅད་བཅོམ་ལྡན་འདས་ཕྱག་ན་རྡོ་རྗེས་སྐྲག་སྟེ། འདར་ཡེད་ཡེད་ནས་བཅོམ་ལྡན་འདས་དེ་བཞིན་གཤེགས་པ་ལ་སྐྱབས་སུ་དོང་ངོ ། །དེ་ནས་བཅོམ་ལྡན་འདས་ལ་ལྷ་ཆེན་པོའི་ལྷ་དང ། མཐུ་བོ་ཆེ་དང ། ཚངས་པ་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ལྟ་བུའི་སེམས་ཅན་འདི་ལྟར་རྫུ་འཕྲུལ་ཆེ་བ། འདི་ལྟར་བྱིན་ཆེ་ཞིང་བདག་ཅག་འཆོས་པ་འདི་སུ་ལགས། དེ་ནས་བཅོམ་ལྡན་འདས་ཀྱིས་དོན་འདི་བསྟན་པའི་ཕྱིར་ཚིགས་སུ་བཅད་པ་འདི་གླེངས་ཏེ་གསུངས་སོ། །སེམས་ཅན་ཀུན་ལ་ཕན་པའི་ཕྱིར། །སངས་རྒྱས་ཀུན་གྱིས་བྱིན་གྱིས་བརླབས། །ཀུན་ཏུ་བཟང་པོ་ཀུན་གྱི་བདག་།སངས་རྒྱས་ཐམས་ 16b ཅད་ཉིད་སྐྱེས་འདི། །ཕྱག་ན་རྡོ་རྗེ་གནོད་སྦྱིན་ཆེ། །མ་རུངས་འཆོས་ལ་དབང་བ་སྟེ། །གང་མིང་བརྗོད་པ་དེས་ཡིས་ནི། །སངས་རྒྱས་པ་ཡང་ཐོབ་པར་འགྱུར། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས་ཡང་གསུངས་པ། ཀྱེ་ཀྱེ་ལྷ་དག་།སངས་རྒྱས་ལ་སྐྱབས་སུ་དོང་ལ་ངའི་བཀའ་བཞིན་དུ་ཡང་གྱིས་ཤིག་།རྡོ་རྗེ་འབར་བ་གཅིག་ཏུ་འབར་བར་གྱུར་བ་འདིས་ཁྱེད་ཐམས་ཅད་གཏན་སྲེག་པར་གྱུར་ཏ་རེ། དེ་ནས་ལྷ་ཆེན་པོ་ལ་སོགས་པ་ཐམས་ཅད་ཀྱིས་འདི་སྐད་ཅེས་སྨྲས་སོ། །ཁྱོད་ནི་གནོད་སྦྱིན་ངེད་ནི་ལྷ་བས་ན་ངེད་ཀྱིས་གནོད་སྦྱིན་གྱི་བཀའ་རྗེས་སུ་སྐྱོང་བར་མི་ནུས་སོ། །དེ་ནས་ཕྱག་ན་རྡོ་རྗེས་དེ་ཐོས་ནས་ཁྲོས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་རྣམས་ཀྱིས་བདག་མ་རུངས་པ་ཐམས་ཅད་འདུལ་བར་དབང་བསྐུར་ཏེ་བསྐོས་སོ། །དེ་བས་ན་གལ་ཏེ་བཅོམ་ལྡན་འདས་ཀྱིས་བདག་ལ་བཀའ་སྩལ་ན་ལྷ་ཆེན་པོ་འདི་འདུལ་བར་འཚལ་ལོ། །དེ་ནས་བཅོམ་ལྡན་འདས་ཀྱིས་ལྷ་ཆེན་པོ་ལ་འདི་སྐད་ཅེས་གསུངས་སོ། །སེམས་ཅན་ཆེན་པོ། ཁས་ལོངས་ཤིག་།འདིས་ཁྱོད་གསང་ཏ་རེ། དེ་ནས་བཅོམ་ལྡན་འདས་ལ་ལྷ་ཆེན་པོ་ལ་སོགས་པ་འཇིག་རྟེན་གསུམ་ཐམས་ཅད་ཀྱི་དབང་པོ་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། གནོད་སྦྱིན་མ་རུངས་པ་འདིའི་ 17a ༄#། །བཀའ་བཞིན་དུ་བྱེད་པ་བདག་ཅག་མ་ལགས་སོ། །དེ་ནས་ལྷ་ཆེན་པོས་བཅོམ་ལྡན་འདས་ཀྱི་ཞབས་གཉིས་ལ་ཕྱག་བཙལ་ཏེ། བཅོམ་ལྡན་འདས་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཀྱེ་གནོད་སྦྱིན། ང་ནི་ཐམས་ཅད་ཀྱི་དབང་པོ་ཆེན་པོ། བྱེད་པ་པོ། འཇོམས་པ་པོ། སྐྱེ་དགུའི་བདག་པོ་ཚངས་པའོ། །གཏོགས་འདོད་དོ། །དབང་ཕྱུག་ཆེན་པོའོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོ་ཁྲོས་ནས་འདི་སྐད་གསུངས་སོ། །ཁྱོད་ནི་ལུས་སྲུལ་པོ་མི་ཤ་ཟ་བ། །མ་རུངས་པ། དྲག་ཤུལ་གྱི་ལས་བྱེད་པས་ན་གཏུམ་པོ་སྟེ། ཤ་ཟའི་ལུས་སྲེལ་བ་ན་ཇི་ལྟར་ཚངས་པ་དང ། གཏོགས་འདོད་དང ། དབང་ཕྱུག་ཆེན་པོ་ཡིན། ཚངས་པ་ཞེས་བྱ་བ་ནི་མི་འགྱུར་བའོ། །གཏོགས་འདོད་ཅེས་བྱ་བ་ནི་ཐར་པའོ། །དབང་ཕྱུག་ཆེན་པོ་ཞེས་བྱ་བ་ནི་འདོད་པའི་ཁམས་ཀྱི་དབང་པོ་སྟེ། སེམས་ཅན་ཐམས་ཅད་ཀྱི་དབང་པོ་དེ་ནི་ང་ཡིན་པས་འདུལ་ནུས་སོ། །དེ་ནས་དབང་ཕྱུག་ཆེན་པོ་ལྷ་ཆེན་པོ་ཁྲོས་ནས་བཅོམ་ལྡན་འདས་ཀྱི་ཞབས་གཉིས་ལ་ཕྱག་བཙལ་ཏེ། འཇིགས་སུ་རུང་བ་ཆེན་པོའི་གཟུགས་ཁྲོས་པ་ཆེན་པོའི་གད་མོས་བགད་ནས་འཇིགས་པ་ཆེན་པོར་བྱེད་པ། འབར་བ་ཆེན་པོ་གཏོང་བ། འཇིག་རྟེན་གྱི་ཁམས་ཐམས་ཅད་མཐའ་མེད་པར་གཟུགས་སྣ་ཚོགས་སུ་བྱས། 17b འབར་བ་ཆེན་པོའི་གྲུབ་པ། མི་མཚུངས་པ། རྡོ་རྗེ་དང ། མདུང་རྩེ་གསུམ་པ་དང ། འཁོར་ལོ་དང ། ཤྐ་ཏི་དང ། བེ་ཅོན་དང ། མི་མཚུངས་པའི་མཚོན་ཆ་འདེབས་ཤིང་གཏོང་བ་མ་མོ་རྣམས་ཀྱི་ཚོགས་དང ། འབྱུང་པོའི་ཚོགས་དང་བཅས་པར་ཀུན་བསྟན་ཏོ། །བདུད་དང ། བགེགས་བྱེད་པ་དང ། མཐའ་དང ། མུ་མེད་པའི་གཟུགས་སྣ་ཚོགས་སུ་སྤྲུལ། ཁྲོ་བོ་རབ་ཏུ་མི་བཟད་པ་མ་རུངས་པའི་ཚོགས་ཆེན་པོ་དང་ལྷན་ཅིག་ཏུ་རབ་ཏུ་འཐབ་ཅིང་ཤིན་ཏུ་འགྱེད་པ། གླིང་བཞི་པའི་འཇིག་རྟེན་གྱི་ཁམས་མཚན་མོའི་མུན་ནག་ཏུ་བྱས། འབར་བ་ཆེན་པོའི་ཕུང་པོས་ཀློངས་ཏེ་རབ་ཏུ་སྣང་བར་བྱས་སོ། །དེ་ནས་བཅོམ་ལྡན་འདས་རྡོ་རྗེ་འཆང་བ་ཆེན་པོ་ཅུང་ཟད་དུ་མཆེ་བའི་ཐོག་མ་གཙིགས་པ། སྨིན་མའི་མཚམས་ཀྱི་ཁྲོ་གཉེར་གྱི་རླབས་བསྐྱོད་པ། མིག་གཡོན་པ་ཆེར་བགྲད་དེ། རྡོ་རྗེའི་ལྟ་བ་ཁྲོ་བ་དང་བཅས་པས་ཟབ་མོའི་ཚིག་གིས་སྙིང་པོ་མཆོག་འཇིག་རྟེན་གསུམ་ལས་རྣམ་པར་རྒྱལ་བའི་དཔལ་ཞེས་བྱ་བ་འདི་གསུངས་སོ། །ཧཱུཾ། དེ་ནས་ཧཱུཾ་ཞེས་བྱ་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་སྒྲ་དེས་གང་ནས། གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །འཁྲོལ། རབ་ཏུ་འཁྲོལ། ཀུན་ཏུ་རབ་ཏུ་འཁྲོལ་ལོ། །དེ་ནས་དབང་ཕྱུག་ཆེན་པོ་ལ་སོགས་པ་ལྷའི་ཚོགས་ཐམས་ཅད་བཅོམ་ལྡན་འདས། བསྐྱབ་ཏུ་གསོལ། བདེ་ 18a ༄#། །བར་གཤེགས་པ། བསྐྱབ་ཏུ་གསོལ་ཞེས་ནས་བཅོམ་ལྡན་འདས་ལ་སྐྱབས་སུ་དོང་ངོ ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་གསུངས་སོ། །གང་འདི་ལྟ་བུའི་སྔགས་ཀྱི་ཚིག་སྨྲ་བ་ནི་ཁྱོད་རབ་ཏུ་མི་བགྲུངས་སོ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་ཕྱག་བཙལ་ནས། ཡང་འཇིག་རྟེན་གསུམ་ལས་རྣམ་པར་རྒྱལ་བ་འདི་གསུངས་སོ། །ོཾ་སུམྦྷ་ནི་སུ་མྦྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡེ་ཧཱུཾ། ཨཱ་ན་ཡ་ཧོ་བྷ་ག་བའྣ་བཛྲ་ཧཱུཾ་ཕཊ། དེ་ནས་འདི་གསུངས་པ་ཙམ་གྱིས་ལྷ་ཆེན་པོ་ལ་སོགས་པ་ལྷའི་བདག་པོ་ཐམས་ཅད་འཁོར་དང་བཅས་པར་བཅོམ་ལྡན་འདས་ཕྱག་ན་རྡོ་རྗེ་གང་ན་བ་དེར་མགོ་རྐང་བཟློས་སྟེ། རི་རབ་རིའི་རྩེ་མོའི་དཀྱིལ་འཁོར་ཆེན་པོར་བཙུད་ནས་བརླམས་པར་བྱས་ཏེ། བཅོམ་ལྡན་འདས་ཕྱག་ན་རྡོ་རྗེའི་ཞབས་གཡོན་པས་མནན་ཏོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ། ཕྱག་ན་རྡོ་རྗེ་ཁྱོད་ཀྱིས་འདི་འདྲ་བར་སེམས་ཅན་འདུལ་བར་བྱེད་པ་ལེགས་སོ་ལེགས་སོ། །དེ་བས་ན་ཐུལ་ལ་དབུགས་ཕྱུངས་ཤིག་།དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་དག་གི་དོན་གྱི་ཕྱིར་རྡོ་རྗེས་བཅིངས་པ་ 18b འདི་གསུངས་སོ། །ོཾ་བཛྲ་ཌྀ་ཌྷོ་མེ་བྷ་བ་རཀྵ་སརྦ་ནཱ་སཝཱཧཱ། དེ་ནས་ཕྱག་ན་རྡོ་རྗེས་འདི་གསུངས་པ་ཙམ་གྱིས་ལྷ་ཆེན་པོ་ལ་སོགས་པ་དེ་དག་དྲན་པ་རྙེད་དོ། །དེ་ནས་བཅོམ་ལྡན་འདས་ཀྱིས་དེ་དག་ལ་འདི་སྐད་གསུངས་སོ། །གྲོགས་པོ་དག་།སེམས་ཅན་ཆེན་པོ་འདིའི་བཀའ་བཞིན་དུ་བྱེད་པར་ཁས་ལོང་ཞིག་།དེ་ནས་བཅོམ་ལྡན་འདས་ལ་དེ་དག་ཐམས་ཅད་མགྲིན་གཅིག་ཏུ་བདག་ཅག་མཆིད་ཀྱིས་འཚལ་ལོ་ཞེས་གསོལ་ཏོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་རང་གི་སྙིང་པོ་འདི་གསུངས་སོ། །ཧཱུཾ་ཊཀྐི་ཧོ། ། དེ་ནས་འདི་བརྗོད་པ་ཙམ་གྱིས་ལྷ་ལ་སོགས་པ་ཐམས་ཅད་དབང་དུ་བྱས་ཏེ། བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་བྱས་ནས་མཆི་མ་བླགས་ཏེ་ངོ་རོ་བཏོན་ནས་སྐྱབས་སུ་དོང་སྟེ།་བཅོམ་ལྡན་འདས་བསྐྱབ་ཏུ་གསོལ། ང་བདག་ཅག་ཁྱོད་ཀྱི་བཀའ་ཉན་ན་ཅི་ལྟར་བགྱི་བ་བཀའ་སྩལ་དུ་གསོལ་ཞེས་སོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་རྣམས་ལ་གསུངས་པ། གྲོགས་པོ་དག་།བྱང་ཆུབ་ཀྱི་སེམས་དང ། སྡོམ་པ་གཟུང་བར་ཁས་ལོངས་ཤིག་།དེ་དག་གིས་གསོལ་བ། བཅོམ་ལྡན་འདས། བདག་ཅག་གིས་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བགྱིད་ཅིང་བྱང་ཆུབ་ཏུ་འང་སེམས་བསྐྱེད་པར་འཚལ་ལོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་ 19a ༄#། །དཔའ་ཆེན་པོས་ཡང་དེ་རྣམས་ཇི་ལྟ་བ་བཞིན་དུ་དཀྱིལ་འཁོར་དུ་བཙུད་ནས་སྡོམ་པ་འཛིན་དུ་བཅུག་སྟེ། བྱང་ཆུབ་སེམས་ནི་བརྟན་བྱས་པ། །སེམས་ཅན་ཐམས་ཅད་བདེ་བ་སྩལ། །ཕྱག་ན་རྡོ་རྗེ་བདག་ཆེན་དང ། །འདོད་པ་སྨད་པར་མི་བྱའོ། །འདི་ནི་གསང་བ་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེ་དག་སྡོམ་པ་འཛིན་དུ་བཅུག་ནས་དམ་ཚིག་བྱིན་པ་ནི། ཨོཾ་བཛྲ་ས་མ་ཡ་ཨ་བྷི་ཥིཉྩ་མཱ་བི་རཱ་ག་ཡེ་སརྦ་ཀཱ་མཱན་ཧཱུཾ་ཕཊ། དེ་ནས་དེ་དག་གིས་སྨྲས་པ། འདི་ནི་བདུད་ཀྱིས་སྨྲས་པས་ན་བདག་ཅག་མི་ཉན་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པས་དེ་དག་ལ་ཁྱེད་ཅག་གིས་འདི་ལ་མ་བརྙས་ཤིག་ཅེས་གསུངས་པ་དང ། དེ་དག་གིས་གསོལ་བ་ཇི་ལྟར་འདོད་ཆགས་དང་བྲལ་བ་ནི་སངས་རྒྱས་ཀྱི་བྱང་ཆུབ་བོ་ཞེས་བཅོམ་ལྡན་འདས་ཉིད་ཀྱིས་བཀའ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀྱེ་གྲོགས་པོ་དག་།ང་ནི་ཇི་ལྟར་འདུལ་བཞིན་དུ་བྱེད་པ་སྟེ། འདི་ཉིད་ཀྱིས་འཇིག་རྟེན་གྱི་ཁམས་འདི་སུན་འབྱིན་ཏེ། ཇི་ལྟར་བདེ་བ་ལ་མི་ཆགས་པ་དང ། སྡུག་བསྔལ་ལ་འདོད་ཆགས་པ་ཅན་ཇི་ལྟ་བུས་འཇིག་རྟེན་འདུལ་བར་འགྱུར་བའི་ཆོས་སངས་རྒྱས་བཅོམ་ལྡན་འདས་རྣམས་འཆད་པར་མཛད་དེ། དེ་དག་སྦྱང་བའི་ཕྱིར་འདི་ནི་དེ་བཞིན་ 19b གཤེགས་པ་ཐམས་ཅད་ཀུན་ཏུ་བཟང་པོ་བྱང་ཆུབ་སེམས་དཔས་ཅི་ནས་ཀྱང་འདོད་ཆགས་དང་བྲལ་བར་མ་བྱེད་ཅིག་ཅེས་བཀའ་སྩལ་ཏོ། །དེ་ནས་ཕྱག་ན་རྡོ་རྗེས་ཡང་གསུངས་པ། ཨོཾ་བདྲྯ་ས་མ་ཡ་ཨ་བྷི་ཥིཉྩ་མི་བི་རཱ་ག་ཡ་སརྦ་ཀཱ་མཱཾ་ཧཱུཾ་ཕཊ། དེ་ནས་དེ་དག་གིས་ཇི་ལྟར་བཅོམ་ལྡན་འདས་ཀྱིས་བཀའ་སྩལ་བ་བཞིན་ནོ་ཞེས་གསོལ་ཏོ། །དེ་ནས་ཡང་ཕྱག་ན་རྡོ་རྗེས་ལག་ཏུ་རྡོ་རྗེ་བྱིན་ཏེ། རྡོ་རྗེའི་དབང་བསྐུར་བ་འདི་བྱིན་ནོ། །ོཾ་བཛྲ་ཨ་བྷི་ཥིཉྩ་སརྦ་ཏ་ཐཱ་ག་ཏ་བཛྲ་དྷ་རོ་ཏྟྭེ་བཛྲ་པཱ་ཎི་ཧཱི། ཧ་ཧ་ཧ་ཧ། དེ་ནས་རྡོ་རྗེ་མིང་གིས་དབང་བསྐུར་བ་བྱིན་པ་ནི་འདི་ལྟ་སྟེ། དབང་ཕྱུག་ཆེན་པོ་ནི་རྡོ་རྗེ་རིག་སྔགས་མཆོག་གོ་།མཐུ་བོ་ཆེ་ནི་རྡོ་རྗེ་སྒྱུ་མའོ། །ཚངས་པ་ནི་རྡོ་རྗེ་མི་སྨྲ་བའོ། །སྒྲ་གཞོན་ནུ་ནི་རྡོ་རྗེ་དྲིལ་བུའོ། །དབང་པོ་ནི་རྡོ་རྗེ་འཐབ་ཆ་སྟེ། དེ་དག་ལ་སོགས་པ་འཇིག་རྟེན་གསུམ་གྱི་དབང་པོ་ཐམས་ཅད་རིག་པའི་བློན་པོ་ཆེན་པོར་དབང་བསྐུར་རོ། །དེ་ནས་བར་སྣང་ལ་རྒྱུ་བ་རྣམས་རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། བདུད་རྩི་འཁྱིལ་པ་ནི། རྡོ་རྗེ་འཁྱིལ་པའོ། །ཟླ་བ་ནི་རྡོ་རྗེ་འོད་དོ། །བེ་ཅོན་རྩེ་མོ་ནི་རྡོ་རྗེ་བེ་ཅོན་ནོ། །སྐྱ་སླེང་ནི་རྡོ་རྗེ་སྐྱ་སླེང་སྟེ། དེ་རྣམས་ནི་རྡོ་རྗེ་ཁྲོ་བོར་དབང་བསྐུར་རོ། ། དེ་ནས་ནམ་མཁའ་ལ་རྒྱུ་བའི་ལྷ་རྣམས་རྡོ་རྗེ་མིང་གིས་དབང་བསྐུར་བ་བྱིན་པ་ནི་འདི་ལྟ་སྟེ། ཆང་གིས་མྱོས་པ་ནི་རྡོ་རྗེས་ཟིན་པའོ། །ཆང་བྱེད་ནི་རྡོ་རྗེ་ཕྲེང་བའོ། །རྒྱལ་བ་ནི་རྡོ་རྗེ་ 20a ༄#། །དབང་ངོ ། །རྒྱལ་བ་སྐྱེས་པ་ནི་རྡོ་རྗེ་རྣམ་པར་རྒྱལ་བ་སྟེ། དེ་དག་ལ་སོགས་པ་ནི་ཚོགས་ཀྱི་བདག་པོར་དབང་བསྐུར་རོ། །དེ་ནས་ས་པ་རྣམས་རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། མཛོད་སྐྱོང་ནི་རྡོ་རྗེ་གྲུ་ཤིང་ངོ ། །རླུང་ནི་རྡོ་རྗེ་རླུང་ངོ ། །མེ་ནི་རྡོ་རྗེ་མེའོ། །ཀུ་བེ་ར་ནི་རྡོ་རྗེ་འཇིགས་པ་སྟེ། དེ་དག་ལ་སོགས་པ་ནི་རྡོ་རྗེ་ཕོ་ཉར་དབང་བསྐུར་རོ། །དེ་ནས་ས་འོག་ན་གནས་པའི་དབང་པོ་ཐམས་ཅད་རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། ཕག་ནི་རྡོ་རྗེ་ཀྱོ་བའོ། །གཤིན་རྗེ་ནི་རྡོ་རྗེ་ནག་པོའོ། །སའི་སྤྱི་བོ་ནི་རྡོ་རྗེ་རྣམ་འདྲེན་ནོ། །བཱ་རུ་ཎ་ནི་རྡོ་རྗེ་ཀླུ་སྟེ། དེ་དག་ལ་སོགས་པ་ནི་རྡོ་རྗེ་བྲན་དུ་དབང་བསྐུར་རོ། །དེ་ནས་འཇིག་རྟེན་གསུམ་གྱི་བདག་པོ་རྣམས་ཀྱིས་ལྷ་མོ་ཐམས་ཅད་ཀྱི་ལག་ཏུ་རྡོ་རྗེ་བྱིན་ཏེ། རྡོ་རྗེའི་དབང་བསྐུར་ནས། རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། ཉོན་མོངས་པ་ནི་རྡོ་རྗེ་ཁྲོ་བ་མའོ། །ནོར་ཅན་ནི་རྡོ་རྗེ་གསེར་མའོ། །ཚངས་མ་ནི་རྡོ་རྗེ་ཞི་མའོ། །དུག་མོ་ནི་རྡོ་རྗེ་གཞོན་ནུ་མའོ། །དབང་མོ་ནི་རྡོ་རྗེ་ཁུ་ཚུར་ཏེ། དེ་དག་ལ་སོགས་པ་ནི་རིགས་སྔགས་ཀྱི་བློན་མོ་ཆེན་མོར་དབང་བསྐུར་རོ། །དེ་ནས་བར་སྣང་ལ་རྒྱུ་བའི་མ་རྣམས་དབང་བསྐུར་བ་བྱིན་པ་ནི། འདི་ལྟ་སྟེ། བདུད་རྩི་མ་ནི་རྡོ་རྗེ་བདུད་རྩི་མའོ། །འཁྲུང་མ་ནི་རྡོ་རྗེ་སྡུག་གུ་མའོ། །བེ་ཅོན་འཆང་མ་ནི་རྡོ་རྗེ་བེ་ཅོན་རྩེ་མའོ། །སྐྱེ་ 20b འཕྲོག་མ་ནི་རྡོ་རྗེ་རྐེད་ཆིངས་མ་སྟེ། དེ་དག་ལ་སོགས་པ་ནི་རྡོ་རྗེ་ཁྲོ་མོར་དབང་བསྐུར་རོ། །དེ་ནས་ནམ་མཁའ་ལ་རྒྱུ་བའི་མ་རྣམས་དབང་བསྐུར་བ་བྱིན་པ་ནི། འདི་ལྟ་སྟེ། གསོད་མ་ནི་རྡོ་རྗེ་གསོད་མ་མའོ། །ཟ་བ་མོ་ནི་རྡོ་རྗེ་ཟབ་མོའོ། །གོས་ནི་རྡོ་རྗེ་བགོ་བ་མོའོ། །དགའ་མོ་ནི་རྡོ་རྗེ་དབང་མོ་སྟེ། དེ་དག་ལ་སོགས་པ་ནི་རྡོ་རྗེ་ཚོགས་མ་མོར་དབང་བསྐུར་རོ། །དེ་ནས་ས་ལ་རྒྱུ་བའི་མ་རྣམས་དབང་བསྐུར་བ་བྱིན་པ་ནི། འདི་ལྟ་སྟེ། ཞི་བ་མོ་ནི་རྡོ་རྗེ་ཕོ་ཉ་མོའོ། །རླུང་མ་ནི་རྡོ་རྗེ་མགྱོགས་མའོ། །མེ་ནི་རྡོ་རྗེ་འབར་མའོ། །ཀུ་བེ་ར་མ་ནི་རྡོ་རྗེ་ཐག་གུ་མ་སྟེ། དེ་དག་ལ་སོགས་པ་ནི་རྡོ་རྗེ་ཕོ་ཉ་མོར་དབང་བསྐུར་བ་བྱིན་པ་ནི། འདི་ལྟ་སྟེ། ཕག་མོ་ནི་རྡོ་རྗེ་གདོང་ངོ ། །མགོ་ལྤགས་མ་ནི་རྡོ་རྗེ་ནག་མོའོ། །སྣ་ཆད་མ་ནི་རྡོ་རྗེ་ཕྱགས་མའོ། །ཀླུ་མོ་ནི་རྡོ་རྗེ་ཆུ་སྲིན་མ་སྟེ། དེ་དག་ལ་སོགས་པ་ནི་རྡོ་རྗེ་བྲན་མོར་དབང་བསྐུར་རོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས་བཙུད་པ་དེ་དག་ཐམས་ཅད་ཀྱིས་སངས་རྒྱས་ཀྱི་ཡེ་ཤེས་བསྐྱེད་ནས་རྡོ་རྗེའི་དམ་ཚིག་བྱིན་པའོ། །ོཾ་པ་ལི་ཏོད་པ་ལི་ཏོད་བཛྲ་ཨཱ་ཀ་ཪྵ་ཡ་ཧཱུཾ་ཛ། ལྷ་རྣྨས་དགུག་པའོ། །ོཾ་བཛྲ་ཨ་གྲི་པི་ཊཱ་ཡ་ས་མ་ཡ་ཧཱུཾ། བར་སྣང་ལ་རྒྱུ་བ་རྣམས་ཀྱིའོ། །ོཾ་བཛྲ་མཱ་ལཱ་གྲ་ལཾ། ཕྲེང་བ་འཆང་བ་རྣམས་ཀྱིའོ། །ོཾ་བཛྲ་བནྡྷ་ཧཾ། ས་ལ་རྒྱུ་བ་རྣམས་ཀྱིའོ། །ོཾ་བཛྲ་པཱ་ཏཱ་ལ་བྷཉྫ་བྷཉྫ་ཧཱུཾ་ཕཊ། འོག་ན་གནས་པ་རྣམས་ཀྱིའོ། །ོཾ་ཧེ་རུ་ཀ་བཛྲ་ས་མ་ 21a ༄#། །ཡ་སརྦ་དུ་ཥྚཾ་ས་མ་ཡ་མུ་བྲ་བྷ་ནྡྷ་ཙཀྲ་ཧཱུཾ་ཕཊ། མ་མོ་རྣམས་ཐམས་ཅད་ཀྱིའོ། །དེ་ནས་བཅོམ་ལྡན་འདས་ཀྱི་ཞབས་གཉིས་ལ་ཕྱག་ན་རྡོ་རྗེས་ཕྱག་བཙལ་ནས་འདི་སྐད་གསོལ་ཏོ། །བཅོམ་ལྡན་འདས། བདག་ནི་སེམས་ཅན་ཐམས་ཅད་འདུལ་བ་ལགས་ན། བཅོམ་ལྡན་འདས། མ་རུངས་བའི་སེམས་ཅན་གྱིས་དཀྱིལ་འཁོར་དེ་དག་ལ་ཇི་ལྟར་བགྱི་པ་བཀའ་སྩོལ་ཅིག་།བཅོམ་ལྡན་འདས་ཀྱིས་གསུངས་པ། གང་གིས་སེམས་ཅན་དེ་རྣམས་སེམས་ཅན་ཐམས་ཅད་ལ་ཕན་པ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བའི་དམ་ཚིག་འདི་ཉིད་ལ་ཚུད་ཅིག་།དེ་ནས་ཡང་ཕྱག་ན་རྡོ་རྗེས་གསོལ་པ། བཅོམ་ལྡན་འདས། མཁའ་འགྲོ་མ་ལ་སོགས་པའི་གདོན་འདི་དག་ལ་ཇི་ལྟར་ནན་ཏན་བགྱི། རིམས་ལ་སོགས་པ་ཇི་ལྟར་བགྱི། དམྱལ་བ་ལ་སོགས་པ་ངན་སོང་གི་རྣམས་ཇི་ལྟར་བགྱི། བཅོམ་ལྡན་འདས་ཀྱིས་གསུངས་པ། དམ་ཚིག་དེ་ཉིད་ལ་ནན་ཏན་བྱེད་དུ་ཚུད་ཅིག་།དེ་ནས་ཕྱག་ན་རྡོ་རྗེས་ཡང་གསོལ་པ། བཅོམ་ལྡན་འདས། མི་འདི་རྣམས་ཇི་ལྟར་ནན་ཏན་བགྱི། བཅོམ་ལྡན་འདས་ཀྱིས་གསུངས་པ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོར་བཙུད་ནས་རྡོ་རྗེའི་དཀྱིལ་འཁོར་དུ་ཚུད་ཅིག་།རྡོ་རྗེའི་ 21b དཀྱིལ་འཁོར་དུ་བཙུད་ནས་དམ་ཚིག་གི་དཀྱིལ་འཁོར་དུ་ཚུད་ཅིག་།དམ་ཚིག་གི་དཀྱིལ་འཁོར་དུ་བཙུད་ནས་ལས་ཀྱི་དཀྱིལ་འཁོར་དུ་བཙུད་ཅིག་།དེ་ནས་ཕྱག་ན་རྡོ་རྗེ་བྱང་ཆུབ་སེམས་དྤའྖེན་པོ། །བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ། ཚིགས་སུ་བཅད་པ་འདི་སྨྲས་སོ། །སེམས་ཅན་ཀུན་ལ་ཕན་པའི་ཕྱིར། །སངས་རྒྱས་ཀུན་གྱིས་བྱིན་བརླབས་ཏེ། གྲུབ་པ་ཐམས་ཅད་བྱེད་པའི་མཆོག་།དཀྱིལ་འཁོར་ཆེན་པོར་བཤད་པར་བྱའོ། །དེ་ནས་ཡང་དག་རབ་བཤད་པ། །དཀྱིལ་འཁོར་ཆེན་པོ་དམ་པ་སྟེ། །ཆོས་ཀྱི་དཀྱིལ་འཁོར་ཚུལ་འདྲ་བར། །དཀྱིལ་འཁོར་ཐམས་ཅད་ཐིག་གདབ་པོ། །དེ་ལ་སྲད་བུ་བྲེ་བའི་ཆོ་ག་ནི། འདི་ལྟ་སྟེ། །གསར་ཞིང་ལེགས་པར་བྱས་པ་དང ། །ཚད་མ་བཟང་པོའི་སྲད་པུ་ཡིས། །ཤེས་རབ་ཅན་གྱིས་སྲད་བྲེ་བ། །འཇིག་རྟེན་གསུམ་རྒྱལ་དྲན་ཞིང་ངོ ། །དེ་ཡ་དབུས་སུ་གདབ་པ་ནི། །སེང་ལྡེང་ཕུར་པ་བརྟན་པར་རོ། །དེ་ལས་སྲད་བུ་བྲེ་གསུངས་པ། །སྲད་བུ་ཉིས་ལྔ་པ་ཀྱིས་བྱས་ཏེ། །བཅུ་དྲུག་ཆ་རུ་བགོ་བར་བྱ། །ཐམས་ཅད་དུ་ནི་རིམ་གསུམ་མཆོག་།ཁོར་ཁོར་ཡུག་རིགས་དག་ཀྱང ། །ཕུར་བུ་ཡིས་ནི་དེ་བཞིན་ནོ། །དེ་ཡི་ནང་དུ་བྱ་བ་ནི། །སྲད་བུ་རིམ་བདུན་ལྡན་པར་ཏེ། །ཚོན་སེར་དྲི་ཞིམ་ལྡན་པ་ཡིས། །ཐིག་རྣམས་ཀྱང་ནི་གདབ་པར་བྱ། །དེ་ཡི་དབུས་སུ་གཞག་པ་ནི། །ཤིན་ཏུ་བཀྲབས་པའི་ནས་ཕུལ་བཞིའོ། །དེ་ཡི་ 22a ༄#། །སྟེང་དུ་མགོན་པོ་སྟེ། །སངས་རྒྱས་གཟུགས་བརྙན་གཞག་པར་བྱ། །སངས་རྒྱས་ཐད་འཁོར་ཐམས་ཅད་དུ། །བྱང་ཆུབ་བརྒྱད་ནི་རིམ་བཞིན་པར། །བྲི་འམ་ཡང་ན་གཞག་པར་བྱ། །ཚོན་སྣ་ལྔ་མཆོག་རྣམས་ཀྱིས་སོ། །སངས་རྒྱས་སྤྱན་སྔ་དེ་རུ་ནི། །ཕྱག་ན་རྡོ་རྗེ་དེ་བཞིན་ནོ། །བྲིའམ་གཞག་པར་བྱ་བ་ནི། །རྡོ་རྗེ་ཧཱུཾ་ཞེས་པར་འདུས་སོ། །དེ་ཡི་ཞབས་ནི་གཡོན་པ་ཡིས། །དབང་ཕྱུག་ཆེན་པོ་མནན་པར་བྱའོ། །གཡས་པའི་ཞབས་ཀྱིས་བཙིར་བ་ནི། །ཉོན་མོངས་མ་ཡིན་ལྷ་མོ་འོ། །འདོད་གྲུབ་སྤྱོད་པའི་ལྷ་རྣམས་ཀྱང ། ། སྲད་བུ་རིམ་བདུན་པར་དག་ཏུ། །བྲི་འམ་ཡང་ན་གཞག་པར་བྱ། །རྡོ་རྗེ་ཤུགས་ཀྱིས་དགོངས་ནས་སུ། །ཕྱི་རོལ་བྱུང་ནས་དེ་རུ་ཡང ། །གླིང་རྣམས་བཞི་ཡང་བྲི་བར་བྱ། །དབྱིབས་དང་ཆོ་ག་ཇི་བཞིན་དུ། །གྲཝ་ཡི་རི་མོ་ལེགས་པར་དགོད། །གླིང་རྣམས་དབུས་ནི་ཐམས་ཅད་དུ། །འཇིག་རྟེན་ཇི་བཞིན་བསོགས་པར་བྱའོ། །ཚངས་པ་ལ་སོགས་བཞི་ཡི་རྣམས། ། དེ་རུ་འཇིག་རྟེན་དབང་པོ་བྲི། །ཁོར་ཁོར་ཡུག་རི་དང་ནི། །གླིང་རྣམས་ཀྱི་ཡང་བར་དག་ཏུ། །ཕྱི་ཡི་རྡོ་རྗེའི་རིགས་རྣམས་ཀྱི། །དཀྱིལ་འཁོར་ཡང་དག་བྲི་བར་བྱ། །སྒོ་སྲུང་བྲི་བར་བྱ་བ་ཡང ། །རྡོ་རྗེ་སྒོ་བཞི་དེ་དག་ཏུ། །རྡོ་རྗེ་ཀྱོ་བ་ཞགས་པ་དང ། །སྒྲོག་དང་དྲིལ་བུ་དེ་བཞིན་ནོ། །ཁོ་ར་ཁོར་ཡུག་རི་ཡི་ནི། །ཕྱི་རོལ་དམྱལ་བ་བརྒྱད་རྣམས་སོ། །གནམ་དལ་ 22b དང་ནི་ནད་དག་དང ། །མཁའ་འགྲོ་མ་དང་གདོན་དྲག་རྣམས། །བཞག་གམ་ཡང་ན་བྲི་བར་བྱ། །ཆོས་མིན་ཅན་ནི་གཞིག་ཕྱིར་རོ། །དེ་ཡི་ཕྱི་རོལ་དུ་དགོད་པ། །གཏོར་མ་སྣ་ཚོགས་མཆོག་རྣམས་སོ། །དེ་ནས་དཀྱིལ་འཁོར་ཆེན་པོའི་ཆོ་ག་འབྱུང་སྟེ། དེ་ལ་ཐོག་མ་ཉིད་དུ་སློབ་དཔོན་གྱིས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ཏེ་འཇུག་པ་ནི། གཙང་མས་གོས་གཙང་མ་བགོས་ལ། སེར་ལ་ཐག་གུ་དམར་པོ་ཐོགས་ནས་རྡོ་རྗེ་འཛིན་མའི་ཕྱག་རྒྱ་བཅིངས་ལ། དེའི་སྟེང་དུ་དྲི་ཞིམ་པོའི་མེ་ཏོག་བཞག་ནས་སྙིང་པོ་འདི་བརྗོད་ལ་ཞུགས་ཤིག་།ོཾ་བྫྲ་པྲ་ཏཱི་ཙ་མ་ཧ་ཧ་ཧ་ཧ་ཧི། དེ་ནས་པུས་མོ་གཡས་པའི་ལྷ་ང་ས་ལ་བཙུགས་ནས་དུ་རུ་ཀའི་བདུག་པའམ། ཅི་བདོག་པས་གསོལ་ཏོ། །རྡོ་རྗེ་འཛིན་མ་མཛུབ་མོ་གཉིས་ཀྱོ་བཏང་དུ་བྱས་ལ་སྙིང་པོ་འདི་བརྗོད་དོ། །ོཾ་ཨུ་རུ་གྲ་གྲ་བི་རི་ཎི་བི་རི་ཎི། བྫྲ་མ་ཡ་ཧི། བྷི་ད་ཡེ་སཝཧཱ། །ཉི་ཤུ་རྩ་གཅིག་བཟླས་ན་དེ་ལས་མཚན་མ་འབྱུང་བ་ནི་བ་སྤུ་གཡོ་བ་ལ་སོགས་པ་དང ། ས་གཡོ་བའམ། དྲི་ཞིམ་པོའམ། འོད་ཟེར་མཐོང་བའོ། །དེ་ནས་ཕྱག་ན་རྡོ་རྗེའི་སྤྱི་བོར་མེ་ཏོག་གཏོར་ཅིག་།དེ་ནས་སློབ་མ་གཞུག་སྟེ། དེ་ལ་ཐོག་མ་ཉིད་དུ་བཀྲུས་ནས་སློབ་མ་གོས་གཙང་མ་བསྐོན་ཏེ། གསུམ་ལ་སྐྱབས་སུ་བཏང་བ་དང ། བསླབ་པའི་སྡོམ་པ་འཛིན་པ་ལ་སོ་སོར་གནས་པར་བྱས་ནས་བྱང་ཆུབ་ཀྱི་སེམས་བསྐྱེད་ཅིག་།དེ་ 23a ༄#། །ནས་གདོང་རས་ཀྱིས་གཡོག་ནས་མགོ་གཙུག་ཏོར་དུ་བྱས་ཏེ། རྡོ་རྗེ་འཛིན་མའི་ཕྱག་རྒྱ་བཅིངས་ལ་ཆུག་ཅིག་།བཅུག་ནས་མེ་ཏོག་གཏོར་ཏེ། དེ་ནས་གང་ལ་འབབ་པ་དེ་ནི་དེའི་ལྷའོ། །དེ་ནས་གདོང་བཅིངས་པ་བཀྲོལ་ནས་རང་གི་རིག་པའི་ལྷ་སྟོན་ལ། དེ་ལ་མཆོད་ཅིང་སློབ་དཔོན་ལ་ཡང་ཅི་འདོད་པའི་ཡོན་ཕུལ་ནས་དེ་རང་གི་རིག་པ་འམ། སྔགས་བཟླས་ཏེ་ཕྱག་རྒྱ་ཡང་བཅིང་ངོ ། །འཇིག་རྟེན་གསུམ་ལས་རྣམ་པར་རྒྱལ་པ་རྟོག་པ་ཆེན་པོའི་རྒྱལ་པོ་ལས། འཇིག་རྟེན་གསུམ་གྱི་འཁོར་ལོ་ཞེས་བྱ་བའི་དཀྱིལ་འཁོར་ཆེན་པོའོ། །དེ་ནས་རྡོ་རྗེའི་དཀྱིལ་འཁོར་འབྱུང་སྟེ། །རྡོ་རྗེའི་ཕྲེང་བ་མཉམ་ལྡན་པས། །རྡོ་རྗེའི་དཀྱིལ་འཁོར་བརྟག་པར་བྱ། །འཇུག་པར་བྱ་བ་དེ་བཞིན་ཏེ། །ལས་ཀྱང་དེ་དང་འདྲ་བར་བྱའོ། །དཀྱིལ་འཁོར་དེ་རུ་ཞུགས་ནས་ནི། །དེ་བཞིན་རྡོ་རྗེ་གསོར་བར་བྱ། །འཇིག་རྟེན་གསུམ་རྒྱལ་རབ་བསླབས་ནས། །རྡོ་རྗེ་མཆོག་ནི་བསྒྲུབ་པར་བྱ། །དེ་ལ་རྡོ་རྗེ་སྒྲུབ་པའི་ཆོ་ག་ནི་ལག་པ་གཉིས་ཀྱི་རྡོ་རྗེའི་ཕྱག་རྒྱ་འཛིན་པས་རྡོ་རྗེ་བཟུང་ལ་ཇི་སྲིད་དུ་འགུལ་པ་དེ་སྲིད་བཟླས་སོ། །དེ་ཕྱིན་ཅད་རྡོ་རྗེ་དེས་ལས་ཐམས་ཅད་བྱེད་དོ། །རྡོ་རྗེའི་དཀྱིལ་འཁོར་རོ། །དེ་ནས་དམ་ཚིག་གི་དཀྱིལ་འཁོར་འབྱུང་སྟེ། །དཀྱིལ་འཁོར་ཆེན་པོ་ཀུན་བྲིས་ནས། །མཚན་མ་ཐམས་ཅད་བསྟན་པར་ 23b བྱ། །འཇུག་པ་རྡོ་རྗེ་དྲིལ་བུ་དང ། །རྡོ་རྗེ་འཛིན་མཆོག་ཕྱག་རྒྱས་སོ། །དེ་ལ་རྡོ་རྗེ་དྲིལ་བུའི་ཕྱག་རྒྱ་ནི་འདི་ཡིན་ནོ། །རྡོ་རྗེ་འཛིན་མ་ཀུན་བྱས་ནས། །རྡོ་རྗེ་ཀུན་ཏུ་བརྟག་བྱ་བ། །གཡས་པར་གཞག་ནས་གཡོན་པ་ཡིས། །དྲིལ་བུ་གསིལ་ནས་འཇུག་པར་བྱ། །བཙུད་ནས་སུ་ནི་དྲིལ་བུ་དེ། །མཉམ་པར་གཞག་པས་གསིལ་བར་བྱ། །སློབ་དཔོན་གྱུར་ཅིག་དམ་ཚིག་ཀྱང ། ། རྟག་ཏུ་བསྲུངས་ཞེས་བརྗོད་པར་བྱ། །ཇི་ལྟར་དྲིལ་བུའི་སྒྲ་འདི་ནི། །དེ་ཡི་མི་རྟག་པ་རུ་གསུངས། །དེ་ལྟར་ཁྱོད་ལ་བྱིན་པ་ནི། །རྡོ་རྗེ་ཆེན་པོ་ཞེས་བྱ་འདིས། །ངེས་པར་སྲེག་པར་འགྱུར་བ་ནི། །དེ་སྟེ་རྡོ་རྗེ་འཛིན་དད་དང ། །སྐྱབས་གསུམ་བརྟུལ་ཞུགས་དེ་བཞིན་ཏེ། །ཇི་ལྟར་བྱང་ཆུབ་སེམས་འདོད་རྣམས། །ཁྱོད་ཀྱིས་དེ་ཚེ་སྤངས་གྱུར་ནའོ། །དེ་ལ་འདི་ནི་དམ་ཚིག་གི་སྔགས་སོ། །ོཾ་ཧ་ན་ས་མ་ཡ་ཧཱུཾ་ཕཊ། དེ་ནས་དེ་བཞིན་དུ་འདུག་ལ་དེ་ནས་རྡོ་རྗེའི་ཆུ་འདི་བླུད་དོ། །དེ་ནས་གདོང་བཅིངས་པ་བཀྲོལ་ནས་ཆོ་ག་བཞིན་དུ་བྱའོ། །དམ་ཚིག་གི་དཀྱིལ་འཁོར་རོ། །དེ་ནས་ལས་ཀྱི་དཀྱིལ་འཁོར་འབྱུང་སྟེ། །དེ་བཞིན་དཀྱིལ་འཁོར་བྲིས་ནས་སུ། །ཆ་ལུགས་མང་པོ་གཞག་པར་བྱ། །བཙུད་ནས་ལས་རྣམས་ཐམས་ཅད་ཀྱང ། །སློབ་དཔོན་གྱིས་ནི་དེ་བཞིན་བསླབ། །དེ་ནས་ལས་ཀྱི་རབ་ཏུ་སྦྱོར་བ་འདིའོ། །བཅོམ་ལྡན་འདས་ཀྱི་སྤྱན་སྔར་ཐབ་ག་བཞིར་བྱས་ལ་མངར་པོའི་ཡམ་ཤིང་ལ་མེ་བུས་ལ་མངར་པོའི་ 24a ༄#། །མེ་ཏོག་དང ། འབྲས་བུ་རྣམས་སྦྲང་རྩི་དང་མར་ལས་སྦགས་ཏེ། བླ་གོས་གཡས་སུ་གཟར་ལ་ཀུ་ཤའི་བམ་པོ་ལ་འདུག་སྟེ། རྡོ་རྗེའི་ཚིག་ཏུ་བཟླས་ཤིང ། ཞི་བ་དང ། རྒྱས་པ་དང ། དབང་དུ་བྱ་བ་ལ་སོགས་པ་ཞི་བའི་ལས་རྣམས་ལ་ལག་པ་གཡོན་པས་བདག་གིས་ཕྱག་རྒྱ་བཅིངས་ཏེ། གཡས་པས་བསྲེགས་ན་དེ་དག་འགྲུབ་པར་འགྱུར་རོ། ། བཅོམ་ལྡན་འདས་ཀྱི་རྒྱབ་ཏུ་ཐབ་ཟུར་གསུམ་དུ་ཁ་བའི་ཚེར་མ་རྣོན་པོའི་ཡམ་ཤིང་དང ། འདབ་མ་དང ། མེ་ཏོག་དང ། ཡལ་གའི་རྩེ་མོ་དང ། སྡོང་བུ་དང ། འབྲས་བུའང་དེ་དང་འདྲ་བར་རང་གི་ཁྲག་གིས་བསྐུས་ནས་སྟན་མཁྲང་པོ་ལ་འདུག་སྟེ། བླ་གོས་གཡོན་དུ་གཟར་ལ། ཁྲོས་པའི་ཚིག་གིས་བཟླས་ཤིང་གཡོན་པས་བསྲེགས་ན་དགུག་པ་དང ། གཞུག་པ་དང ། བཅིང་བ་དང ། རྒྱས་གདབ་པ་དང ། གཞོམ་པ་དང ། བཙིར་བ་དང ། བསྙལ་བ་དང ། མྱོས་པར་བྱ་བ་དང ། སྟན་འཕོ་བ་ལ་སོགས་པ་ལས་དྲག་པོ་རྣམས་རབ་ཏུ་འགྲུབ་པར་འགྱུར་རོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དགུག་པ་དང ། དམ་ཚིག་གི་བཅིང་བ་དང ། དབང་དུ་བྱ་བ་ལ་སོགས་པ་གྲུབ་པ་ཐམས་ཅད་ཀྱི་ལས་ནི་བཅོམ་ལྡན་འདས་ཀྱི་གཡས་སུ་རྩཝ་འཇམ་པོ་བཏིང་བ་ལ་འདུག་ནས། སྟོད་གཡོགས་སྦྱར་མ་ལྟར་བགོས་ཏེ། ཏིང་ངེ་འཛིན་གྱིས་བཟླས་ཤིང་འཁོར་ལོ་ལྟ་བུའི་ 24b ཐབ་ཏུ་དུ་བ་མེད་པའི་མདག་མ་ལ་ཏིལ་དང་འབྲས་ལ་སོགས་པ་ནས་འབྲས་གཡས་གཡོན་གྱིས་སྲེག་གོ་།བཅོམ་ལྡན་འདས་ཀྱི་གཡོན་དུ་རྡོ་རྗེ་ལྟ་བུའི་ཐབ་བྱས་ལ་སྟོད་གཡོགས་ཀྱིས་ཡན་ལག་ཐམས་ཅད་བཅིངས་ཏེ་རློད་སྟན་འཇམ་པོ་ལ་འདུག་ནས། ཡམ་ཤིང་ཐམས་ཅད་འབར་བའི་ཕྲེང་བ་འཇིངས་\?\་པའི་མེ་ལ་ལག་པ་གཡས་པ་རྡོ་རྗེ་དང་བཅས་པ་རྡོ་རྗེ་ཁུ་ཚུར་གྱི་ཕྱག་རྒྱ་བཅིངས་ནས་ལག་པ་གཡོན་པ་རྡོ་རྗེ་ཁུ་ཚུར་འཛིན་པས་གཟར་བུ་གཟུང་ནས་འཛུམ་ཞིང་དགའ་བར་བྱས་ཏེ། རྡོ་རྗེ་ཚིག་གིས་ཟློས་ཤིང་རོ་ཐམས་ཅད་བསྲེགས་ན། རྡོ་རྗེ་འཛིན་པ་དགུག་པ་དང ། གཞུག་པ་དང ། བཅིང་བ་དང ། དབང་དུ་བྱས་པ་ལ་སོགས་པ་དམ་པ་འགྲུབ་པའི་སྦྱིན་སྲེག་གི་ཆོ་གའོ། །འཇིག་རྟེན་གསུམ་ལས་རྣམ་པར་རྒྱ་ལ་བ་རྟོག་པ་ཆེན་པོའི་རྒྱལ་པོ་ལས། དཀྱིལ་འཁོར་ཐམས་ཅད་ཀྱི་ཆོ་གའོ།། །།དེ་ནས་ཡོ་བྱད་བཤད་པར་བྱའོ་ཞེས་ནས་བཅོམ་ལྡན་འདས་རྡོ་རྗེ་འཛིན་གྱིས་གསུངས་པ། དཀྱིལ་འཁོར་གྱི་ཆོ་ག་ཐམས་ཅད་མཐོང་བར་འགྱུར་ནས་སྒྲུབ་བོ། །དེ་ཅིའི་ཕྱིར་ཞེ་ན། དཀྱིལ་འཁོར་དུ་ནི་མ་ཞུགས་སམ། །དམ་ཚིག་སྤངས་པར་གྱུར་པ་ནི། །ཕྱག་ན་རྡོ་རྗེ་མི་འགྲུབ་པ། །གསང་བ་ཡང་དག་མི་ཤེས་པས། །བཅོམ་ལྡན་སེམས་དཔའ་འདོད་པའོ། །ཆགས་དང་རྡོ་རྗེ་དེ་ཉིད་དེ། །དེ་ལ་ཆགས་པར་མ་གྱུར་ན། །ཕྱག་ན་རྡོ་རྗེ་མི་འགྲུབ་བོ། །དེ་བས་ཡང་དག་མ་ 25a ༄#། །མཐོང་བས། །དཀྱིལ་འཁོར་དུ་ནི་གྲུབ་མ་གསུངས། །ཡང་དག་མ་མཐོང་གྲུབ་པ་ནི། །ཐེ་ཚོམ་ཅན་གྱིས་མི་འགྲུབ་བོ། །རབ་ཏུ་འཇིགས་པ་རྙེད་ནས་སུ། ། ནད་ཀྱིས་ཀྱང་ནི་འཇིགས་པར་བྱེད། །གདོན་ཡང་དེ་ལ་བརྩོན་པར་འགྱུར། །ཤི་ནས་ངུ་འབོད་དུ་ལྟུང་ངོ ། །དེ་ལྟར་དཀྱིལ་འཁོར་ཐམས་ཅད་དུ་ཆུག་ལ་ནད་དང ། གདོན་ལ་སོགས་པ་སྟོན་ཅིག་།བཅོམ་ལྡན་འདས་དེ་བཞིན་གཤེགས་པ་གསེར་གྱི་ཁ་དོག་རས་ལ་བྲི་བར་བྱ་སྟེ། དེའི་ཐད་འཁོར་ཀུན་ཏུ་བྱང་ཆུབ་སེམས་དཔའ་བརྒྱད་བྲི་བ་ནི། འདི་ལྟ་སྟེ། གཡས་ཕྱོགས་སུ་ནི་འཕགས་པ་སྤྱན་རས་གཟིགས་དབང་པོ་དང ། འཇམ་དཔལ་དང ། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའོ། །གཡོན་ཕྱོགས་སུ་ནི་རྡོ་རྗེ་ཁུ་ཚུར་དང ། བྱམས་པ་དང ། ནམ་མཁའི་མཛོད་དོ། །སྟེང་དུ་ནམ་མཁའི་སྙིང་པོའོ། །བཅོམ་ལྡན་འདས་ཀྱི་འོག་ཏུ་ནི་ཕྱག་ན་རྡོ་རྗེ་སྟེ། རྡོ་རྗེ་ཧཱུཾ་ཞེས་བྱ་བའི་ཕྱག་ན་རྡོ་རྗེ་དང་བཅས་པ་ལག་པ་གཉིས་ཀྱིས་བཅིང་ངོ ། །ལག་པ་གཉིས་པོ་གཞན་ལ་གཡས་པ་ནི་རྡོ་རྗེ་གསོར། གཡོན་པས་ནི་མེ་ཏོག་གི་གཞུ་དང ། མདའ་ལྔ་བསྣམས་པ། །སྐུ་མདོག་ནི་ཨུཏྤལ་སྔོན་པོ་ལྟ་བུ། ཡིད་ཙམ་འཛུམ་ལ་མཆེ་བ་ཅུང་ཟད་གཙིགས་ལ། ཁྲོ་བ་དང་བཅས་པས་བཞད་པའི་ཞལ། ཕྱིར་བརྐྱང་བསྐུ་མ་དུ་གནས་པ། རྒྱན་ཐམས་ཅད་ཀྱིས་བརྒྱན་པ། ཞབས་གཡོན་ 25b བས་ལྷ་ཆེན་པོའི་འདན་པ་གཡོན་པར་མནན། ཞབས་གཡས་པ་བསྐུམ་པས་ཨུ་མའི་ནུ་མར་བཙིར་ཏེ། སྟོད་གཡོག་ཁྲ་བོས་ཡན་ལག་གཡོགས་པ། ཀོ་རློན་གྱི་སྨད་གཡོགས་ཅན། དེ་བཞིན་གཤེགས་པ་ཐམས་ཅད་དབུ་རྒྱན་དུ་ཐོགས་པའོ། །དེ་ནས་ཚེས་ཞག་གཅིག་ནས་མགོ་བརྩམས་ཏེ། ཚེས་བཅོ་ལྔའམ། ཟླ་བའམ། ལོའི་པར་དུ་ཉིན་རེ་ཞིང་བརྒྱ་སྟོང་བཟླས་ཏེ་གོས་དཀར་པོ་གཙང་མ་བགོས་ཏེ་བདག་གི་ཁྱིམ་དུ་གནས་ཤིང་ཟས་གཙང་མ་ཡིད་བཞིན་དུ་ཟོས་ཏེ་བཟླས་ན་དེ་ནས་ཟླ་བ་གཅིག་ལོན་པ་དང ། ཟླ་བ་དང་པོས་ནི་ཧཱུཾ་ཞེས་བྱ་བས་ཕྱི་རོལ་གྱི་ལས་རྣམས་འགྲུབ་པར་འགྱུར་རོ། །གཉིས་ཀྱིས་ནི་ལས་ཐམས་ཅད་འགྲུབ་པར་འགྱུར་རོ། །གསུམ་གྱིས་ནི་བཅོམ་ལྡན་འདས་རྨི་ལམ་དུ་སྟོན་ཅིང་འདས་པ་དང ། མ་འོངས་པ་ཐམས་ཅད་སྟོན་ཏོ། །བཞིས་ནི་སེམས་ཅན་ཐམས་ཅད་དགུག་པ་དང ། དབང་དུ་བྱ་པར་ནུས་སོ། །ཟླ་བ་ལྔས་ནི་ཡིད་བཞིན་སྣང་བ་དང ། མི་སྣང་བར་འགྱུར་རོ། །ཟླ་བ་དྲུག་གིས་ནི་ཅི་འདོད་པ་ཐམས་ཅད་ཀྱི་གཟུགས་སུ་འགྱུར་རོ། །ཟླ་བ་བདུན་གྱིས་ནི་བདག་གི་ལུས་སངས་རྒྱས་དང ། བྱང་ཆུབ་སེམས་དཔའ་དང ། ཕྱག་ན་རྡོ་རྗེར་སྟོན་ཅིང་ཆོ་འཕྲུལ་ཐམས་ཅད་ཀྱང་སྟོན་ཏོ། །ཟླ་བ་བརྒྱད་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལྷ་ལ་སོགས་པ་དགུག་པ་དང ། དགུག་པ་དང ། བཅིང་བ་དང ། དབང་དུ་ 26a ༄#། །བྱེད་ཅིང་ལས་སུ་བསྒོའོ། །ཟླ་བ་དགུས་ནི་བྱང་ཆུབ་སེམས་དཔའ་རྣམས་ཐམས་ཅད་དགུག་པ་དང ། གཞུག་པ་དང ། བཅིང་བ་དང ། དབང་དུ་བྱེད་དོ། །ཟླ་བ་བཅུས་ནི་ས་བཅུ་ཐོབ་པར་འགྱུར་རོ། །ཟླ་བ་བཅུ་གཅིག་གིས་ནི་བཅུ་གཅིག་པ་སངས་རྒྱས་ཀྱི་ས་ཐོབ་བོ། །ཟླ་བ་བཅུ་གཉིས་པས་ནི་རྡོ་རྗེ་འཛིན་པར་འགྱུར་རོ། །དེ་ནས་སྒྲུབ་པ་བསྟན་ཏེ། རས་ལ་རྡོ་རྗེ་ཧཱུཾ་ཞེས་པ་དེ་བཞིན་དུ་བྲིས་ལ། དེའི་ཐད་འཁོར་ཐམས་ཅད་དུ་མཐུ་ཆེན་པོ་ལ་སོགས་པ་ནས། ཀླུ་བཱ་རུ་ནའི་མཐའི་བར་དུ་བཅོམ་ལྡན་འདས་ལ་སྒོང་ཞིང་པུས་མོ་གཙུགས་པ་བྲིས་ལ། དེ་ནས་དེ་བཞིན་དུ་བཟླས་པ་ནི་རྡོ་རྗེ་ཧཱུཾ་ཞེས་བྱ་བའི་ཕྱག་རྒྱ་གྲངས་མེད་པར་བཟླས་ཏེ། ཟླ་བའི་མཐའི་བར་དུ། །ཚེས་ཉི་ཤུ་དགུའི་མཚན་ཐལ་བྱུང་བཟླས་ན། ནང་པར་ཐམས་ཅད་འོང་ངོ ། །འོངས་ནས་ཀྱང་དབང་དུ་འགྱུར་ཏེ་ཐམས་ཅད་བསྒོ་བ་བཞིན་དུ་བྱེད་དོ། །དེ་ནས་སྒྲུབ་པ་གཞན་འབྱུང་སྟེ། བཅོམ་ལྡན་འདས་དེ་བཞིན་དུ་བྲིས་ནས་གསེར་གྱི་མདངས་ཀྱི་ལྷ་མོ་ལ་སོགས་པ་ཐམས་ཅད་རང་རང་གི་ཕྱག་རྒྱ་བསྒྲེང་ནས་གར་བྱེད་ཅིང་མི་སྡུག་པ་འཇིགས་པའི་གཟུགས་སུ་བྲིའོ། །དེ་ནས་དེ་བཞིན་དུ་ཟླ་བ་གཅིག་གི་མཐའི་མཚན་ཐལ་བྱུང་དུ་ཟློས་ཤིག་།དེ་ནས་ནང་པར་ཀུན་ལྷགས་ཏེ། དེ་བཞིན་དུ་གར་དག་གིས་སྒྲུབ་པ་པོ་ལ་མཆོད་དོ།། 26b འདི་ལ་རྟོག་པ་འདིར་བྲིས་པ་དེ་བཞིན་ནོ་སྙམ་དུ་བསམས་ནས་དེས་མི་འཇིགས་པར་བྱའོ། །དེ་ནས་དབང་དུ་འགྱུར་སྟེ། རྟག་ཏུ་ལས་ཐམས་ཅད་བྱེད་པའི་གཡོག་མོར་འགྱུར་རོ། །དེ་ནས་ཆོ་ག་གཞན་ཏེ་རས་ལ་བཅོམ་ལྡན་འདས་དེ་བཞིན་དུ་བྲིས་ལ། དེ་ནས་དེ་བཞིན་དུ་བརྒྱད་སྟོང་དུ་བཟླས་ན་ནུབ་ཐ་མ་ལ་རྡོ་རྗེ་འཛིན་པ་འཐོབ་སྟེ། ཅི་འདོད་པ་གྲུབ་པའི་མཆོག་ཀྱང་འཐོབ་བོ། །གཞན་ཡང་སྒྲུབ་པ་ཕྱག་ན་རྡོ་རྗེའི་སྤྱན་སྔར་འབུམ་ཟློས་ཤིག་།དེ་ནས་དགོས་པ་ཀུན་བཅོམ་ལྡན་འདས་ཀྱིས་མཛད་དོ། །ཕྱག་ན་རྡོ་རྗེའི་སྤྱན་སྔར་ཅི་འདོད་པར་ཡམ་ཤིང་ཐམས་ཅད་ཀྱིས་སྦྱིན་སྲེག་གིས་ལོ་གཅིག་གི་བར་དུ་བསྲེགས་ན་ཐམས་ཅད་འགྲུབ་པར་འགྱུར་རོ། །དེ་ནས་རྡོ་རྗེ་ཧཱུཾ་ཞེས་པ་བྲིས་པ་དེའི་སྤྱན་སྔར་ལོ་གཅིག་གི་མཐའི་བར་དུ་གྲངས་མེད་པར་ཟློས་ཤིག་།དེ་ནས་ཐ་མར་བཅོམ་ལྡན་འདས་རང་གི་ཅི་འདོད་པའི་མཆོག་སྩོལ་བར་འགྱུར་རོ། །བཅོམ་ལྡན་འདས་དེ་བཞིན་གཤེགས་པའི་སྤྱན་སྔར་རྡོ་རྗེ་ཧཱུཾ་ཞེས་པའི་ཕྱག་རྒྱ་བཅིངས་ལ། དེ་བཞིན་གཤེགས་པ་འགུལ་གྱི་བར་དུ་ཟློས་ཤིག་།དེ་ནས་ཕྱག་རྒྱ་འགྲུབ་པར་འགྱུར་རོ། །གྲུབ་པ་དེས་ན་དགུག་པ་དང ། དབང་དུ་བྱ་བ་དང ། གཞུག་པ་དང ། དྲང་པ་དང ། ལྟུང་བ་དང ། དབབ་པ་དང ། སྟན་འཕོ་བ་ལ་སོགས་པ་ལས་ཕྲན་ཚེགས་ཀྱི་བཅིངས་པས་ཧཱུཾ་ཞེས་པས་མཛད་དོ། །དེ་ནས་ཆོ་ག་ 27a ༄#། །གཞན་ཏེ་རིག་པས་དབང་བསྐུར་བར་བྱ་བར་འདོད་ན། བྲིའམ། འཇིམ་པ་ལས་ཕྱག་ན་རྡོ་རྗེའི་ཆ་ལུགས་བྱས་ལ་ཕྱག་གཉིས་བརྐྱང་སྟེ་རྡོ་རྗེ་འཛིན་ཏོ། དེ་ཟླ་བ་ཡར་གྱི་ཚེས་གཅིག་ནས་བརྩམས་ཏེ། ཚེས་བཅོ་ལྔའི་བར་དུ་མར་བཞི་བྲེ་བརྒྱད་ཀྱིས་ཁྲུས་ཤིག་།དེ་ནས་ཐ་མར་མཚན་ཐལ་བྱུང་བཟླས་སོ། །དེ་ནས་ནད་པར་གཟུགས་དེ་བཞད་དེ། དེ་ནས་རིག་པ་ཐམས་ཅད་ཀྱི་བདག་པོར་འགྱུར་རོ། །དེ་ནས་སྒྲུབ་པ་གཞན་འབྱུང་སྟེ། སངས་རྒྱས་བཅོམ་ལྡན་འདས་ཀྱི་ཆ་ལུགས་བྲིའམ། འཇིག་པ་ལ་དེ་བཞིན་དུ་ཕྱག་བརྐྱང་བ་རྡོ་རྗེ་འཛིན་པར་བྱས་ལ་དེའི་ཞབས་ཀྱི་བར་དུ་སྤོས་ཆུས་བཀྲུས་ན་དེ་ཕྱིན་ཆད་ཡིད་བཞིན་དུ་མི་སྣང་བར་འགྱུར་རོ། །དེ་ནས་སྒྲུབ་པ་གཞན་འབྱུང་སྟེ་རས་ལ་བཅོམ་ལྡན་འདས་ཕྱག་ན་རྡོ་རྗེ་ཕྱག་བཞི་པར་བྱས་ལ། དེའི་ཕྱག་གཡས་པར་པདྨོ། གཡོན་པར་རྡོ་རྗེ། གཡས་པར་རྡོ་རྗེ་ཧཱུཾ་ཞེས་པ། གཡོན་པར་མདའ་དང ། གཞུའོ། དེ་ནས་དེའི་སྤྱན་སྔར་སྟོང་ཕྲག་བརྒྱ་བཟླས་པའི་མཇུག་ཏུ་ཞག་གསུམ་སྨྱུང་བ་བྱས་ཏེ། མཚན་ཐལ་བྱུང་བཟླས་ན། དེའི་ནང་བར་དེ་དང་འདྲ་བའི་གཟུགས་སུ་འགྱུར་ཏེ། བསྐལ་པར་གནས་ཤིང་མི་དགའ་བ་དང ། སེམས་ཅན་ཐམས་ཅད་དབང་དུ་བྱ་བ་དང ། ཐམས་ཅད་དུ་འགྲོ་བར་འགྱུར་རོ། །དེ་ནས་དཀྱིལ་འཁོར་སྒྲུབ་པ་འབྱུང་སྟེ། དཀྱིལ་འཁོར་ 27b མཐོང་བས་ལྕི་བ་གསུམ་གྱིས་ཁྲུས་བྱས། དུས་གསུམ་དུ་གོས་བརྗེས་ལ། རྡོ་རྗེ་འཛིན་མའི་ཕྱག་རྒྱ་བཅིངས་ནས་བརྒྱད་སྟོང་དུས་གསུམ་དུ་ཉིན་བདུན་བཟླས་ན། དེ་ནས་ཕྱག་ན་རྡོ་རྗེས་སློབ་དཔོན་གྱི་གཟུགས་སུ་བྱས་ནས་རྨི་ལམ་དུ་ཐམས་ཅད་སྨྲའོ། །དེ་ནས་དཀྱིལ་འཁོར་སྒྲུབ་པའི་ཆོ་ག་གཞན་འབྱུང་སྟེ། དཀྱིལ་འཁོར་ཆེན་པོ་མཐོང་བས་ཟླ་བ་གཅིག་གི་བར་དུ་དེ་བཞིན་དུ་དུས་གསུམ་དུ་ཁྲུས་བྱས་ནས་དུས་གསུམ་དུ་གོས་བརྗེས། དུས་གསུམ་དུ་བ་ལང་གི་ལྕི་བས་དཀྱིལ་འཁོར་བས་ཏེ། རྣོ་ལྕགས་ཀྱི་མཚོན་ཆས་དེར་རྡོ་རྗེ་བྲིས་ལ། དེ་ལ་ལྟ་ཞིང་རྡོ་རྗེ་འཛིན་མའི་ཕྱག་རྒྱ་བཅིངས་ཏེ། བརྒྱད་བརྒྱ་བཟླས་ན་ཟླ་བ་གཅིག་གི་མཐར་བཅོམ་ལྡན་འདས་མཐོང་ངོ ། །དེ་ནས་རྡོ་རྗེ་སྒྲུབ་པ་འབྱུང་སྟེ། རྡོ་རྗེ་རས་སམ། རྩིག་པའམ། ཤིང་ལེབ་ལ་བྲིས་ནས་དེ་ལ་མཆོད་པ་བྱས་ཏེ་རྡོ་རྗེ་ཁུ་ཚུར་གྱིས་བཟུང་ལ། ལོ་གཅིག་ཚུན་ཆད་རྡོ་རྗེ་ནམ་འབར་གྱི་བར་དུ་ཟློས་ཤིག་།འབར་བ་དེས་ན་ནམ་མཁའ་ལ་འགྲོ་བ་དང ། ལོ་བཅུ་དྲུག་ལོན་པའི་ལུས་ཕྱག་ན་རྡོ་རྗེ་དང་མཚུངས་པའི་གཟུགས་དང ། སྟོབས་དང ། མདོག་ཏུ་གྱུར་ཏེ། འདོད་པའི་ལོངས་སྤྱོད་ཐམས་ཅད་དང་ལྡན་པ། བདེ་བ་དང ། ཡིད་བ་དེ་བ་ཐམས་ཅད་ཐོབ་པར་འགྱུར་རོ། །ཚེ་ཡང་ལོ་སྟོང་ཕྲག་བརྒྱར་འགྱུར་རོ། །དེ་ནས་རལ་གྲི་སྒྲུབ་པ་འཕྱུང་སྟེ། རྡོ་རྗེ་ཁུ་ཚུར་གྱིས་རལ་གྲི་བཟུང་ལ་ལོ་གཅིག་གི་བར་དུ་བཟླས་ན་རིག་ 28a ༄#། །འཛིན་ཐམས་ཅད་ཀྱི་བདག་པོ་རིག་པ་འཛིན་པར་འགྱུར་རོ། །དེ་ནས་འཁོར་ལོ་སྒྲུབ་པ་འབྱུང་སྟེ། འཁོར་ལོའི་དཀྱིལ་འཁོར་བྲིས་ལ་ལྕགས་ཀྱི་འཁོར་ལོ་ཐོགས་ནས། ནམ་རྡོ་རྗེར་གྱུར་ཅིང་སླར་ཡང་འཁོར་ལོར་གྱུར་གྱི་བར་དུ་བཟླས་སོ། །དེ་ནས་དེ་ཐོགས་པས་ན་རིག་འཛིན་ཐམས་ཅད་ཀྱི་འཁོར་ལོ་བསྐོར་བར་འགྱུར་རོ། །དེ་ནས་ཀྱོ་བ་ཏང་བསྒྲུབ་པར་འདོད་པས་ཕྱག་ན་རྡོ་རྗེའི་སྤྱན་སྔར་གསེར་གྱི་ཀྱོ་བ་ཏང་བྱ་སྟེ། ལག་པ་གཡོན་པའི་རྡོ་རྗེ་ཁུ་ཚུར་གྱིས་བཟུང་ལ། གྲུབ་པ་རྣམ་གསུམ་དུ་གྱུར་གྱི་བར་དུ་བཟླས་ལ་དྲོས་པ་ཙམ་གྱིས་ཐམས་ཅད་ཀུན་དགུག་ནུས་པར་འགྱུར་རོ། །དུད་པ་བྱུང་བ་ཙམ་གྱིས་ཐམས་ཅད་དབང་དུ་བྱེད་ནུས་པར་འགྱུར་རོ། །འབར་བས་ནི་ཐམས་ཅད་དགུག་ནུས་པ་དང ། དབང་དུ་བྱ་ནུས་ཤིང་རིག་འཛིན་གྱི་རྒྱལ་པོར་འགྱུར་རོ། །དེ་ནས་ལྷ་ལ་སོགས་པ་ཐམས་ཅད་དགུ་པ་འབྱུང་སྟེ། ལྷ་ཆེན་པོ་ལ་སོགས་པ་ལྷ་རྣམས་གང་ཡང་རུང་བའི་ཆ་ལུགས་རྐང་པ་གཡོན་པས་མནན་ལ། རྡོ་རྗེ་ཧཱུཾ་ཞེས་བྱ་བའི་ཕྱག་རྒྱ་བཅིངས་ཏེ། བསྡིགས་ཤིང་ཟླ་བ་གཅིག་གི་མཐའི་བར་དུ་བཟླས་ན་ལྷ་ཐམས་ཅད་ལྷགས་ཏེ། ལས་ཐམས་ཅད་བྱེད་པའི་གཡོག་ཏུ་འགྱུར་རོ། །ཀླུ་དབང་དུ་བྱ་བར་འདོད་ན་ཀླུའི་མཚོར་ལྟེ་བ་མན་ཆད་ཆུའི་ནང་དུ་བཅུག་ལ་ལོ་གཅིག་ཚུན་ཆད་ཀླུ་ཐམས་ཅད་རང་གི་གཟུགས་སུ་སྟོན་ 28b ཅིང་ལས་ཐམས་ཅད་བྱེད་པའི་གཡོག་ཏུ་གྱུར་གྱི་བར་དུ་བཟླས་སོ། །གནོད་སྦྱིན་དབང་དུ་བྱ་བར་འདོད་པས་གནོད་སྦྱིན་གང་ལ་གནས་པའི་གནས་དེར་རྡོ་རྗེ་ཧཱུཾ་ཞེས་པའི་ཕྱག་རྒྱ་བཅིངས་ལ་གནོད་སྦྱིན་དེ་དག་ལྷགས་ཏེ་བཀའ་ཅི་སྩལ་ཞེས་སྨྲ་བའི་བར་དུ་བཟླས་སོ། །དེ་ཕྱིན་ཅད་བཀའ་ཐམས་ཅད་བྱེད་པའི་གཡོག་ཏུ་འགྱུར་རོ། །དེ་ནས་མ་རྣམས་ཐམས་ཅད་དབང་དུ་བྱ་བར་འདོད་པས་མའི་གནས་སུ་སོང་ནས། ཁྲོ་མོའི་སྙིང་གར་རྡོག་པས་མནན་ལ་ཟླ་བ་གཅིག་ལོན་གྱི་བར་དུ་བཟླས་ན་ཚེས་ཉི་ཤུ་དགུ་ལ་འཇིགས་སུ་རུང་བའི་སྒྲ་ཆེན་པོ་འབྱིན་པར་བྱེད་དེ། དེ་ནས་དབང་དུ་གྱུར་ནས་བཀའ་བཞིན་བྱེད་པའི་གཡོག་མོར་འགྱུར་ཏེ། ཕྲག་པ་ལ་ཁྱེར་ནས་མཐོ་རིས་སུ་ཁྲིད་དེ་སླར་ཡང་ཁྲིད་ཅིང་འོངས་ནས་ཚོགས་ཀྱི་བདག་པོར་བཅུ་གཅིང་དེ་དག་གིས་མཆོད་དེ། སྔོན་མ་བྱུང་བའི་དོན་ཐམས་ཅད་དང ། འདོད་པ་ཐམས་ཅད་དང ། ན་ཆུང་ཐམས་ཅད་འགུག་གོ། འདི་ལྟ་བུའི་རྣལ་འབྱོར་ཡང་སྟེར་ཏེ། རྣལ་འབྱོར་གང་གི་ཁྲོ་བོའི་འཇིག་རྟེན་དུ་ཡང་འགྲོ་ཞིང་ཕྱིར་ཡང་འོང་ངོ ། །དེ་ལ་སུས་ཀྱང་ཅུང་ཟད་ཀྱང་བྱེད་མི་ནུས་སོ། །དེ་ནས་དཔལ་ཆེན་མོ་བསྒྲུབ་པར་འདོད་པ་དེས་ཕྱག་ན་རྡོ་རྗེའི་སྤྱན་སྔར་བཟླས་པ་ནི་ཕྱག་ན་རྡོ་རྗེའི་སྐུ་ལས་ལྷ་མོའི་ལུས་མཐོང་གི་བར་དུ་སྟེ། དེ་ལས་མ་འགུལ་ཅིག་ཅེས་བསྒོའོ། །དེ་ཕྱིན་ཅད་དོན་ཐམས་ཅད་སྟེར་བར་འགྱུར་ཏེ། སངས་རྒྱས་པ་ཡང་སྟེར་བའི་བར་དུའོ། །དེ་ནས་ 29a ༄#། །མཚོ་དབྱངས་མ་དབང་དུ་བྱ་བར་འདོད་པ། \?\་དེས་ཕྱག་ན་རྡོ་རྗེའི་སྤྱན་སྔར་ཡི་གེའི་ཕྲེང་བར་བྱས་ལ་ཕྲེང་བའི་ཡི་གེ་བཀོད་ཅིང་མཐར་ཕྱིན་པའི་བར་དུ་བཀླགས་ཏེ། ཉིན་རེ་ཞིང་དུས་གསུམ་དུ་ལས་དེ་བྱས་ལ། དེ་ནས་བརྒྱད་སྟོང་བཟླས་ན་ཟླ་བ་གཅིག་ལོན་པ་དང་མཚོ་དབྱངས་མ་མཐོང་ངོ ། །དེ་ཕྱིན་ཆད་ཐོགས་པ་མེད་པའི་སྤོབས་པ་དང་ལྡན་པར་འགྱུར་རོ། །འཇིག་རྟེན་པ་དང ། འཇིག་རྟེན་ལས་འདས་པའི་གཙུག་ལག་ཐམས་ཅད་དང ། ཤེས་ཉེན་ཅན་དུ་བྱ་བ་ཐམས་ཅད་དང ། བཟོ་ཐམས་ཅད་ཀྱང་མ་བསླབས་པར་དེས་རབ་ཏུ་ཤེས་སོ། །དེ་ནས་ལིག་བུ་མིག་དང ། གུར་གུམ་དང ། ལྡོང་རོས་དང ། བ་བླ་རྣམས་ལ་བསྒྲུབ་པ་འབྱུང་སྟེ། ལིག་བུ་མིག་བླངས་ལ། འཇོམ་པའི་སྟེང་དུ་བཞག་ནས་ལག་པས་མནན་སྟེ་གྲུབ་པ་རྣམ་གསུམ་བྱུང་གི་བར་དུ་བཟླས་སོ། །གཅིག་གིས་ནི་མི་སྣང་བར་འགྱུར་རོ། །གཉིས་པས་ནི་གཟུགས་མང་པོར་འགྱུར་རོ། །གསུམ་པས་ནི་ནམ་གནས་གོང་མར་འཛེག་པ་ན་ནམ་མཁའ་ལ་འགྲོ་བར་འགྱུར་རོ། །གུར་གུམ་ལ་སོགས་པ་བཟུང་སྟེ། འཇོམ་པའི་བུ་གར་བཅུག་ལ་རྡོ་རྗེ་འཛིན་མའི་ཕྱག་རྒྱས་མནན་ནས་ནམ་འབར་གྱི་བར་དུ་བཟླས་སོ། །དེ་ནས་ཐིག་ལེ་བྱས་ནས་འདོད་པ་ཐམས་ཅད་ཀྱི་བདག་པོ་དང ། རིག་འཛིན་དང ། ཐམས་ཅད་དུ་འགྲོ་བ་དང ། ཚེ་ལོ་སྟོང་དུ་ཐུབ་པར་འགྱུར་རོ། །དེ་ནས་ 29b སཱ་ལ་བྷཉྩི་ཀ་སྒྲུབ་པ་འབྱུང་སྟེ། གནས་གང་ན་སཱ་ལ་བྷཉྩེ་ཀ་རི་མོ་བྲིས་པ་འམ། གཟུགས་སུ་བྱས་པ་དེའི་འཇོམ་པ་ལ་སོར་མོ་བཞག་སྟེ། ཟླ་བ་གཅིག་གི་བར་དུ་ཟློས་ཤིག་།དེ་ནས་ཟླ་བ་གཅིག་གི་མཐར་མཚན་ཐོག་ཐག་ཟློས་ཤིག་།དེ་ནས་ནང་བར་རང་གི་གཟུགས་སུ་བསྟན་ནས་འདོད་པ་ཐམས་ཅད་སྦྱིན་པའི་ཆུང་མར་འགྱུར་རོ། །གནོད་སྦྱིན་མོ་བསྒྲུབ་པར་འདོད་པས་གནོད་སྦྱིན་མོ་གང་ན་འདུག་པའི་གནས་དེར་འདུག་ལ་རང་གི་གཟུགས་སུ་འོངས་ཀྱི་བར་དུ་བཟླས་ན་དེ་ལ་འདོད་པ་ཐམས་ཅད་སྟེར་བའི་བྲན་མོར་འགྱུར་རོ། །དེ་ནས་ཤ་ཟ་མོ་བསྒྲུབ་པར་འདོད་པས་ཕྱག་དར་ཕུང་པོ་མེས་བཏང་སྟེ། ལག་པ་གཡོན་པས་རང་གི་མཚན་མ་དེ་བཟུང་ལ་གཡས་པས་ཟེགས་མ་བསྲེགས་པ་ནི་ཕྱག་དར་གྱི་ཕུང་པོ་དེ་ལས་ཅི་ཙམ་དུ་ཤ་ཟ་མོ་གདོང་མདངས་གཟུགས་མི་སྡུག་པ་འོངས་ཏེ་རང་གི་གཟུགས་སུ་གནས་སོ། །དེ་ཡང་དེ་བཞིན་དུ་བྲན་མོར་འགྱུར་རོ། །དེ་ནས་ཅི་བགྱི་བསྒྲུབ་པར་འདོད་པས་ཉིན་ཞག་གཅིག་སྨྱུང་བ་བྱས་ལ། ཚེས་ཉི་ཤུ་དགུ་ལ་བརྒྱད་སྟོང་བཟླས་ཏེ། དེ་ནས་ཟླ་བ་གཅིག་སློང་མོ་ལ་ཟ་ཞིང་གྲངས་མེད་པར་བཟླས་ཏེ། ཟླ་བ་གཅིག་ལོན་པ་དང་ནུབ་གསུམ་སྨྱུང་བ་བྱས་ནས་མཚན་ཐོག་ཐག་ཟླས་སོ། །དེ་ནས་ནང་པར་ཅི་བགྱི་འོངས་ན་དེས་མི་འཇིགས་པར་བྱ་སྟེ། དེ་ནས་དེ་རང་ནས་འགྲུབ་བོ། །དེ་ཕྱིན་ཅད་འདོད་པ་ཐམས་ཅད་འབུལ་བའི་གཡོག་ཏུ་འགྱུར་ཏེ། མཐོ་རིས་ཀྱི་ལྷ་མོའང་འགུགས་ཤིང་འབུལ་ལོ། །དེ་ཡང་ 30a ༄#། །སྐྱེལ་ཅིང་སླར་ཡང་འགུགས་སོ། །འདས་པ་དང ། མ་འོངས་པ་དང ། ད་ལྟར་གྱི་ཐམས་ཅད་ཀྱང་སྨྲའོ། །གཞན་གྱི་ནོར་ཐམས་ཅད་ཀྱང་ཕྲོག་ནས་འབུལ་ལོ། ། དེ་ནས་རིག་པའི་བརྟུལ་ཞུགས་བྱ་བར་འདོད་པ་དངོས་གྲུབ་མེད་པ་གང་ཡིན་པ་དེས་ཟླ་བ་དྲུག་གི་བར་དུ་ཉིན་ཞག་བཅུ་བཅུ་ཞིང་སྤྱད་པ་སྔ་མ་བརྗེས་ལ་སློང་མོའི་ཁ་ཟས་ལ་སོགས་པ་ནས་རླུང་བཟའ་བའི་བར་དུའོ། །དེ་ནས་མཇུག་ཏུ་མཚན་ཐལ་བྱུང་བཟླས་ན་ནང་པར་སངས་རྒྱས་པ་ཡང་སྦྱིན་པར་འགྱུར་རོ། །དེ་ནས་ཉིན་རེ་ཞིང་བཅོ་བརྒྱད་ཀྱི་བར་དུ་སྔོན་གྱི་སྤྱད་པ་རྣམས་བྱས་ལ་དེའི་མཇུག་ཏུ་མཚན་ཐལ་བྱུང་བཟླས་ན་ནང་པར་ལས་ཐམས་ཅད་འགྲུབ་པར་འགྱུར་བ་ནི་ཧཱུཾ་ཞེས་ཐང་ཅིག་བརྗོད་པས་ཀྱང་ངོ ། །དེ་ནས་རོལ་ལངས་བསྒྲུབ་པ་འབྱུང་སྟེ། མ་སྨྲས་མ་ཉམས་པའི་མི་རོ་བླངས་ལ་ལེགས་པར་བཀྲུས་ནས་བྱུག་པས་ལེགས་པར་བྱུགས་ཏེ། མེ་ཏོག་གི་ཕྲེང་བ་བཏགས་ནས་རྐང་པ་གཡོན་པས་མནན་ལ་དབུགས་བྱུང་གི་བར་དུ་བཟླས་ན་དེ་ལྡང་སྟེ་ལངས་པ་དང ། དེ་ཞོན་ན་ཐམས་ཅད་དུ་འགྲོ་ཞིང་ཚེ་ཡང་ལོ་སྟོང་ཕྲག་བརྒྱར་འགྱུར་རོ། །དེ་ནས་རོ་ལངས་ཀྱི་གྲུབ་པ་མཆོག་སྒྲུབ་པ་འབྱུང་སྟེ། མ་སྨས་མ་ཉམས་པའི་མི་རོ་བླངས་ནས་དེ་བཞིན་དུ་རབ་ཏུ་བརྒྱན་ལ་ཞོན་ཏེ་ལངས་ཤིང་ཡང་འགྱེལ་བའི་བར་དུ་བཟླས་ན་དེ་བཞིན་གཤེགས་པའི་སྐུར་འགྱུར་རོ། །དེ་ཕྲག་པ་ལ་ཁྱེར་ན་དེ་བཞིན་གཤེགས་ 30b པ་ཐམས་ཅད་སྲེལ་བའི་རིག་འཛིན་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་རྫུ་འཕྲུལ་གྱི་འགྲོ་བ་དང ། ཚེ་ཡང་བསྐལ་བར་འགྱུར་རོ་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ནས་མ་བསྒྲུབས་ཀྱང་དཀྱིལ་འཁོར་མཐོང་བ་ཉིད་ཀྱིས་ལས་སུ་འགྱུར་པ་ནི། འདི་ལྟ་སྟེ། ཐང་ཅིག་བརྗོད་པས་ནི་བདག་དང ། གཞན་དང ། གྲོང་དང ། གྲོང་ཁྱེར་དང ། རྒྱལ་པོ་ལ་སོགས་པ་བསྲུང་བར་འགྱུར་རོ། །མཚམས་བཅད་པ་ལ་སོགས་པ་ནི་བརྟན་པར་ལྟ་བས་མཚམས་བཅད་ན་དེ་བཞིན་གཤེགས་པ་ཐམས་ཅད་ཀྱང་མི་འདའ་ན་གཞན་ལྟ་ཅི་སྨོས། སའི་དཀྱིལ་འཁོར་དང ། ནམ་མཁའ་དང ། ཕྱོགས་བཅིང་བ་ཡང་ལྟ་བ་དེས་སོ། །དབབ་པ་ནི་རེག་པ་དང ། མ་རེག་པས་རལ་གྲི་དང ། མེ་ལོང་དང ། སྣོད་དང ། མཐེ་བོ་དང ། ཤིང་ལྗོན་པ་དང ། བྲིས་པ་དང ། ཆ་ལུགས་དང ། གཞུ་དང ། མདའ་དང ། རྡོ་རྗེ་ལ་སོགས་པ་རྡོ་རྗེ་དབབ་པའི་ཕྱག་རྒྱ་གོས་ཀྱིས་གཡོགས་ལ་བཅིངས་ཏེ། གུ་གུལ་གྱི་བདག་པས་དབབ་བོ། ། གདོན་ཞི་བར་བྱ་བ་ནི་ཧཱུཾ་ཞེས་པས་སོ། །རྡོ་རྗེ་ཧཱུཾ་ཞེས་པའི་ཕྱག་རྒྱས་ནི་སེམས་ཅན་ཐམས་ཅད་འཕུངས་པར་བྱེད་དོ། །རྡོ་རྗེ་ལྕགས་སྒྲོག་གི་ཕྱག་རྒྱས་ནི་བྱད་མའི་གདོན་ལས་ཐར་པར་བྱེད་དོ། །ཧེ་རུ་ཀ་རྡོ་རྗེའི་ཕྱག་རྒྱ་བསྟན་པས་ནི་བྱད་མས་བསད་པ་ལས་སླར་གསོ་བར་བྱའོ། །རྡོ་རྗེའི་ཕྱག་རྒྱ་གཟུང་བས་སྐྲ་ལས་བཟུང་སྟེ། བསླང་བས་ནི་དུག་གནོན་པ་དང ། དུག་བསླང་ 31a ༄#། །བ་དང ། དུག་ཞི་བར་བྱ་བ་དང ། དུག་སྤོ་བ་དང ། དུག་གཞིག་པར་བྱ་བ་དང ། དུག་གིས་ཤི་བ་ལས་གསོ་བར་བྱ་སྟེ། རྡོ་རྗེ་ཧཱུཾ་ཞེས་པ་གཅིག་གིས་སོ། །གཏེར་དབྱུང་བ་ནི་ཟངས་ཀྱི་རིལ་བ་ཆུས་བཀང་ལ། རྡོ་རྗེ་ཧཱུཾ་ཞེས་པའི་མཛུབ་མོ་དང ། གུ་གུལ་གྱིས་བདུག་པ་བྱས་ཏེ་བཟླས་ན་གལ་ཏེ་གཏེར་ཡོད་ན་ནི་ཆུ་དེ་ལུད་དོ། །དེ་སྟེ་མེད་ན་ནི་འཁྱིལ་ལོ། །དེ་ནས་འཇིག་རྟེན་གསུམ་ལས་རྣམ་པར་རྒྱལ་བའི་ཧཱུཾ་ཞེས་པ་བཟླས་ཏེ་བླང་ངོ ། །སྣང་བ་དགུག་པ་ནི་དོང་ཀའི་ལྗོན་པའི་ཡམ་ཤིང་གིས་མ་བུས་ཏེ། ཞོ་དང ། སྦྲང་རྩི་དང ། མར་གྱིས་རཱ་ཛ་ཀོ་ཤཱ་ཏ་ཀའི་མེ་ཏོག་ལ་བསྐུས་ནས་སྟོང་ཕྲག་བརྒྱད་བསྲེགས་ན་སྣང་བ་ཐོབ་བོ། །འོག་གི་གནས་སུ་ནི་རྡོ་རྗེ་འོག་གི་ཕྱག་རྒྱས་འཁྲུལ་འཁོར་ཐམས་ཅད་བཅོམ་ནས་རྡོ་རྗེ་ཧཱུཾ་ཞེས་པ་བཟླས་ཏེ་ཞུགས་ན་དེ་ལ་སུས་ཀྱང་གཙེ་བར་མི་འགྱུར་རོ། །གཏོགས་འདོད་ཀྱི་འཁོར་ལོས་ཀྱང་ཅི་ཡང་བྱེད་པར་མི་འགྱུར་རོ། །ཕྱག་ན་རྡོ་རྗེའི་སྤྱན་སྔར་རྡོ་རྗེ་འམ། །ནོར་བུ་མརྒ་ཏིའམ། པདྨ་རཱ་ག་འམ། མུ་ཏིག་གམ། གསེར་རམ། དབྱིག་གམ། གཞན་ཅི་ཡང་རུང་བའམ། སྐྱེས་པའམ། བུད་མེད་དམ། སངས་རྒྱས་ཀྱི་སྐུ་གཟུགས་ལ་ལོ་གཅིག་གི་བར་དུ་དུས་གསུམ་དུ་བརྒྱ་བརྒྱར་བཟླས་ནས། དེ་ནས་ལོ་གཅིག་ལོན་ན་བརྒྱ་འགྱུར་དུ་འགྱུར་རོ། །དེ་སྙེད་དུ་བརྒྱར་བཟླས་ན་དེ་སྙེད་ཀྱི་བརྒྱར་འགྱུར་རོ། །དེ་ནས་ 31b སྟོང་དུ་བཟླས་ན་ཡང་སྟོང་དུ་འགྱུར་རོ། །ལོངས་སྤྱོད་དགུག་པ་ནི་སྟོང་ཕྲག་བརྒྱར་བཟླས་སོ། །དགུག་པ་ནི་རྡོ་རྗེ་ཀྱོ་བཏང་གི་ཕྱག་རྒྱས་ཟླ་བ་བཞིས་ཁུགས་སོ། །དབང་དུ་བྱ་བ་ནི་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱས་སོ། །སེམས་ཅན་ཐམས་ཅད་གཏན་འཕོ་བ་ནི་རྡོ་རྗེ་ཧཱུཾ་ཞེས་པའི་ཕྱག་རྒྱ་བཅིངས་ཏེ་སྟོང་ཕྲག་བརྒྱར་བཟླས་ན། སེམས་ཅན་ཐམས་ཅད་ཡིད་ཀྱིས་དམིགས་པ་བཞིན་གཏན་འཕོའོ། །ཆུ་གནོན་པ་ནི་རྡོ་རྗེའི་ཕྱག་རྒྱ་བཅིངས་ལ་ཆུའི་སྟེང་དུ་འགྲོར་རུང་བའི་བར་དུ་བཟླས། །མེ་གནོན་པ་ནི་ཐང་ཅིག་བཟླས་པས་སོ། །ལོ་ཏོག་བསྲུང་བ་ནི་རྡོ་རྗེ་ལྟ་བས་ཏེ། དེ་ལ་སྲོག་ཆགས་རྣམས་གང་གིས་ཀྱང་གནོད་པར་མི་འགྱུར་ཞིང ། བྱི་བ་ལ་སོགས་པ་ཡང་འདའ་བར་མི་བྱེད་དོ། །རྡེག་པ་སྤོང་བ་ནི་ཁྲོ་བོའི་ལྟ་བས་ཏེ་གང་དུ་བལྟས་པ་དེར་འཕོའོ། །བཟའ་བ་དང ། བཏུང་བ་ཐམས་ཅད་སྤོ་བ་ནི་འབར་བའི་ལྟ་བས་ནི་རང་གི་སྣོད་དུ་འཕོའོ། །སྡིག་པ་དང ། སྦྲུལ་ཐམས་ཅད་མེད་པར་བྱ་བ་ནི་ཐང་ཅིག་བརྗོད་པས་སོ། །གཅན་སྲིན་ཐམས་ཅད་ལ་ཐང་ཅིག་བཟླས་པས་མེད་པར་འགྱུར་རོ། །རྐུན་པོ་ཐམས་ཅད་ཕམ་པ་ནི་རྡོ་རྗེ་ཁུ་ཚུར་བཅིངས་པས་སོ། །དམག་ལས་སྒྲོལ་བ་ནི་རྡོ་རྗེ་འཛིན་མའི་ཕྱག་རྒྱས་སོ། །གཞུ་དང ། མདའ་དང ། མདུང་དང ། རྒྱལ་མཚན་མནན་ནས་འགུལ་གྱི་བར་དུ་བཟླས་ཏེ། དེ་ཐོགས་ན་དམག་ཐམས་ཅད་ལས་རྒྱལ་བར་འགྱུར་རོ། །ཞལ་ཆེ་ལ་ནི་ཐང་གཅིག་བརྗོད་པས་རྩོད་པའི་ལན་ཐེབས་པར་ 32a ༄#། །འགྱུར་རོ། །ཞི་བ་ཐམས་ཅད་ནི་ཏིལ་གྱི་སྦྱིན་སྲེག་གིས་སོ། །རྒྱས་པ་ཐམས་ཅད་ནི་ཡུངས་ཀར་གྱི་སྦྱིན་སྲེག་གིས་སོ། །གཏན་འཕོ་བ་ཐམས་ཅད་ནི་ཚེར་མའི་སྦྱིན་སྲེག་གིས་སོ། །གསོ་བ་ཐམས་ཅད་ནི་ངའུར་\?\་བའི་ལོ་མའི་སྦྱིན་སྲེག་གིས་སོ། །འཚེ་བ་དང ། གནམ་དལ་དང ། རྨི་ལམ་ངན་པ་ཐམས་ཅད་གཞིལ་བ་ནི་ཏིལ་དང ། འབྲས་ཀྱི་སྦྱིན་སྲེག་གིས་སོ། །གཞོམ་པ་ཐམས་ཅད་ནི་ཧཱུཾ་ཞེས་པས་སོ། །དགོད་དུ་གཞུག་བ་དང ། མྱོས་པར་བྱ་བ་ཐམས་ཅད་ལ་ཕགས་ཅེས་བྱ་བས་སོ། །ཐམས་ཅད་གཉིད་ལོག་ཏུ་གཞུག་པ་ནི་བསྐུམས་ལ་མིག་བཙུམས་ཏེ། བརྒྱ་བཟླས་པས་ཐམས་ཅད་གཉིད་ལོག་པར་བྱས་པ་ཡིན་ནོ། །སེམས་ཅན་ཐམས་ཅད་རྒྱས་གདབ་པ་ནི་རྡོ་རྗེ་ཁྲོ་བོའི་ལྟ་བས་བལྟས་ན་རྒྱས་བཏབ་པར་འགྱུར་ཏེ། ཉིན་བདུན་ལས་ལྷག་པར་མི་གསོན་ནོ། །ངག་འཕྲོག་བ་ནི་རང་གི་ལྕེ་སོས་བཟུང་ནས་ཧཱུཾ་ཞེས་བྱ་བའི་བར་དུ་སྦྱོར་བ་བྱའོ། །སྙིང་དྲང་བ་ནི་རྡོ་རྗེ་སོར་མོའི་ཕྱག་རྒྱས་དཔུང་བ་བསྣོལ་ཏེ། རང་གི་མཆན་ཁུང་དུ་གློང་ཞིང་སྙིང་པོ་བཟླས་ན་ནུབ་བདུན་ཚུན་ཆད་འཕོ་བར་འགྱུར་རོ། །སྙིང་བཅད་པ་ནི་རྡོ་རྗེ་བླངས་ཏེ་གཅད་པར་བྱའོ། །སྙིང་དབྱེ་བ་ནི་རྡོ་རྗེ་ལྕགས་ཕུར་གྱིས་གདབ་སྟེ། མིང་ནས་སྨོས་ཤིང་གཟུགས་སོ། །སྙིང་སྤོ་བ་ནི་ལག་པ་གཉིས་ཀྱིས་རྡོ་རྗེ་བླངས་ཏེ་མཚན་བདུན་དུ་རབ་ཏུ་སྦྱོར་བ་བྱས་པས་འཕོ་བར་འགྱུར་ 32b རོ། །དེ་ནས་ཕྱག་རྒྱ་འདི་རྣམས་ལས་ཐར་བར་བྱ་བ་བཤད་དེ། །དེས་རྒྱས་འདེབས་པ་ལ་ནི་ཁུ་ཚུར་དམ་པོས་སོ། །ངག་འཕྲོག་པ་ལ་ནི་རྡོ་རྗེ་ངག་གིས་བཟླས་པས་སོ། །སྙིང་འདྲེན་པ་ལ་ནི་རྡོ་རྗེ་ཁུ་ཚུར་གྱི་ཕྱག་རྒྱ་སྙིང་གར་དགྲོལ་ལོ། །བཅད་པ་ལ་ནི་རྡོ་རྗེ་ཧཱུཾ་ཞེས་པ་བཟླས་ནས་འོ་མས་ཁྲུས་ཤིག་།ཕྱེ་བ་ལ་ནི་ཕུར་བུ་ཕྱུང་ནས་རྡོ་རྗེ་དྲིས་སྐུས་ཤིག་།སྙིང་སྤོ་བ་ལ་ནི་རྡོ་རྗེ་སྙིང་པོས་ཐར་བར་བྱའོ། །དེ་བཞིན་དུ་བྱད་མའི་ཕྱག་རྒྱ་ཡང་སྤོ་བར་བྱའོ། །སྙིང་བསྒྲུབ་པར་འདོད་ན་བུད་མེད་ཀྱི་སྙིང་གར་ལྟ་ཞིང་ལན་གཅིག་བཟླས་ན་དེའི་སྙིང་ག་ནས་སྒྲ་ཐོས་པར་འགྱུར་རོ། །སྐྱེས་པའི་སྙིང་གར་ཡང་དེ་བཞིན་དུ་བྱས་ཏེ། སྙིང་ག་ཐམས་ཅད་དུ་ཡང་དེ་ལྟར་རོ། །དེ་ནས་ཕ་རོལ་གྱི་སེམས་ཤེས་པ་བསྒྲུབ་པར་འདོད་པས་ནི་རྡོ་རྗེ་ཧཱུཾ་ཞེས་པ་བརྒྱར་བཟླས་ན་ཕ་རོལ་གྱི་སེམས་ཤེས་སོ། །སྔོན་གྱི་གནས་ཤེས་ཕར་བྱ་བ་ནི་རྡོ་རྗེ་ཧཱུཾ་ཞེས་པ་བཟླས་པས་སོ། །རྨི་ལམ་མཐོང་བར་འདོད་པས་ནི་རྡོ་རྗེ་ཧཱུཾ་ཞེས་པ་ལན་ཉི་ཤུ་རྩ་གཅིག་བཟླས་ཤིང་བདུག་པས་ཀ་པི་ཙས་བདུགས་ཏེ། གཉིད་ལོག་ན་དེ་ནས་བཅོམ་ལྡན་འདས་ཀྱིས་འདས་པ་དང ། མ་འོངས་པ་དང ། ད་ལྟར་གྱི་ཤེས་པ་སྟོན་ཏོ། །ཚིག་བསྒྲུབ་པར་འདོད་པས་རྡོ་རྗེ་ཚིག་གི་སྟོང་ཕྲག་བརྒྱ་བཟླས་ན་རྡོ་རྗེ་ཚིག་གིས་རང་གི་ལྕེས་སྨྲས་པ་ཐམས་ཅད་བདེན་པར་འགྱུར་ཏེ་ཅི་བསླངས་པ་དེ་སྩོལ་ཏོ། །ཆོ་འཕྲུལ་སྟོན་པ་ནི་བཟླས་པའི་རྡོ་རྗེའི་ཚིག་གིས་ 33a ༄#། །བརྒྱད་བརྒྱ་བཟླས་ན་རང་གི་ལུས་ལ་ཆོ་འཕྲུལ་དུ་འགྱུར་བ་ནི་སངས་རྒྱས་ཐམས་ཅད་དང ། བྱང་ཆུབ་སེམས་དཔའ་དང ། རྡོ་རྗེ་འཛིན་དང ། ལྷ་དང ། ཀླུ་དང ། གནོད་སྦྱིན་ལ་སོགས་པ་སེམས་ཅན་ཐམས་ཅད་ཀྱི་གཟུགས་བརྙན་གྱི་ཚུལ་དུ་སྟོན་ཏོ། །རང་གི་གཟུགས་ཅི་དགའ་བར་བསྒྱུར་བར་བྱེད་འདོད་པས་རྡོ་རྗེ་ཚིག་གིས་རྡོ་རྗེ་བཟླས་པ་སྟོང་ཕྲག་བརྒྱ་བཟླས་ན་གཟུགས་གང་དང ། གང་འདོད་པ་དེ་དང ། བདག་སངས་རྒྱས་ཀྱི་གཟུགས་སུའང་བྱེད་པར་འགྱུར་རོ། །མི་སྣང་བར་འདོད་པས་རྡོ་རྗེ་ཁུ་ཚུར་གྱིས་རྡོ་རྗེ་བཟུང་ལ་རྡོ་རྗེ་བཟུང་བས་མི་སྣང་བར་གྱུར་པ་དེ་སྲིད་ཀྱི་བར་དུ་བཟླས་སོ། །བཏང་བས་ནི་དགྲོལ་ལོ། །ཁྲིའུ་ལ་འདུག་ནས་རྡོ་རྗེ་ལག་ཏུ་བླངས་ཏེ། ནམ་འཕར་གྱི་བར་དུ་བཟླས་སོ། །གདོན་གྱིས་འཛིན་དུ་གཞུག་ན་རྡོ་རྗེ་ཧཱུཾ་ཞེས་པས་སོ། །གདོན་གར་བྱེད་དུ་འཇུག་པ་ནི་ཧི་ཞེས་པས་སོ། །གདོན་བསྐྱོད་པ་ནི་ཧག་ཅེས་པས་སོ། །གདོན་གཞོམ་པ་ནི་ཕགས་ཅེས་པས་སོ། ། གཅེར་བར་བྱ་བ་ནི་མིའི་སྐྲའི་སྐུད་པས་རང་གི་དཔུང་པ་བཅིངས་ན་གཅེར་བར་འགྱུར་ཏེ་གོས་བརྗེ་བར་འགྱུར་རོ། །སྡང་བར་བྱ་བ་ནི་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་དྲལ་བས་སོ། །བསྐྲད་པ་ནི་རྡོ་རྗེ་ཁུ་ཚུར་གྱིས་འཕང་ངོ ། །དགོས་པ་བསྐྱེད་པ་ནི་མཚན་ཐོག་ཐག་ཤ་ཆེན་པོ་རང་གི་ཁྲག་གིས་བསྐུས་ཏེ་སྲེག་གོ། གཞན་གྱི་བུད་མེད་དགུག་པ་ནི་ 33b རྡོ་རྗེ་བཟུང་ནས་སྙིང་པོ་བཟླས་ཤིང་དགུག་གམ། ཡང་ན་ཐམས་ཅད་དུ་ཁྱབ་པ་ཧཱུཾ་ཞེས་པས་ཐམས་ཅད་བྱའོ། །བུད་མེད་ཐམས་ཅད་དང་དགའ་བར་སྤྱོད་པ་ནི་རང་གི་རྟགས་རྡོ་རྗེ་བཅིངས་པས་བཟུང་ལ་ཉིན་བདུན་དུས་གསུམ་དུ་ལངས་ཀྱི་བར་དུ་བཟླས་སོ། །དེ་ནས་མཇུག་ཏུ་ནམ་ཕྱེད་ཀྱི་བར་དུ་བཟླས་ན་རྟག་ཏུ་ལྡང་ལ་མི་སྙོམས་ཤིང་བཅུད་མང་ལ་རྟགས་ཤུགས་དྲག་པོར་འགྱུར་རོ། །བུ་མོ་སྤྱད་པ་ནི་རྡོ་རྗེ་བཟུང་ནས་ཐམས་ཅད་དུ་ཁྱབ་པར་ཧཱུཾ་ཞེས་བྱ་བ་བྱས་ནས་སྤྱོད་དོ། །བུད་མེད་ཐམས་ཅད་དབང་དུ་བྱ་བ་ནི་རྡོ་རྗེ་ཧཱུཾ་ཞེས་པའི་ཕྱག་རྒྱ་བཅིངས་ལ་སྟོང་ཕྲག་བརྒྱ་བཟླས་ན་བུད་མེད་ཐམས་ཅད་མགུ་བར་འགྱུར་རོ། །ཕྱག་ན་རྡོ་རྗེའི་སྤྱན་སྔར་སྤྱན་རས་གཟིགས་དབང་པོའི་དམ་ཚིག་གི་ཕྱག་རྒྱ་བཅིངས་ལ་སྟོང་ཕྲག་བརྒྱ་བཟླས་ན་བུད་མེད་ཐམས་ཅད་མགུ་བར་འགྱུར་རོ། །སེམས་ཅན་ཐམས་ཅད་དབང་དུ་བྱ་བར་འདོད་ན་རྡོ་རྗེ་ཁུ་ཚུར་གྱི་བཅིངས་པས་རྡོ་རྗེ་བཟུང་ལ་ནམ་འགུལ་གྱི་བར་དུ་བཟླས་སོ། སྣང་བ་ལ་དབང་དུ་བྱ་བར་འདོད་ན་རྡོ་རྗེ་བླངས་ཏེ་རང་གི་སྤྱི་བོར་བཞག་ལ་སྤྱི་བོར་རྡོ་རྗེ་བརྟན་པར་གྱུར་གྱི་བར་དུ་བཟླས་སོ། །དེ་ནས་སྣང་བའི་མདུན་དུ་འདུག་ན་དེས་སྣང་བར་རང་གི་དབང་བསྐུར་བ་ཡང་སྩོལ་ཏོ། །ནོར་དགུག་པ་ནི་རིན་པོ་ཆེའི་གཙོ་བོའི་ཕྱེ་མས་སྦྱིན་སྲེག་བྱས་པས་སོ། །ཆར་དབབ་པ་ནི་རྡོ་རྗེ་ཧཱུཾ་ཞེས་པ་སྟོང་བཟླས་པས་སོ། །ཆར་གཅད་པ་ནི་རྡོ་རྗེ་ཧཱུཾ་ཞེས་པས་སོ། ། 34a ༄#། །སེར་བ་གཅད་པ་ནི་རྡོ་རྗེ་གསོར་བའི་ཕྱག་རྒྱས་སོ། །གདོན་དགག་པ་ཡང་ཕྱག་རྒྱ་དེ་ཉིད་ཀྱིས་སོ། །སྤྲིན་དགག་པ་ནི་རྡོ་རྗེ་ཧཱུཾ་ཞེས་པ་བརྒྱར་བཟླས་པས་སོ། ། བསལ་བལ་ནི་རྡོ་རྗེ་ཧཱུཾ་ཞེས་པ་ལན་བརྒྱར་བཟླས་སོ། །རྡོ་རྗེ་དཀྱིལ་འཁོར་གྱི་སྟེང་དུ་བཞག་ནས་མེ་ཏོག་དང ། བདུག་པས་མཆོད་དེ། རྡོ་རྗེ་འཛིན་མའི་ཕྱག་རྒྱས་མནན་ལ་རྡོ་རྗེ་ལངས་ཀྱི་བར་དུ་བཟླས་སོ། །དེ་ཐོགས་ནས་ས་བསྐོར་ན་ཅི་འདོད་པ་བཞིན་དུ་སྒྱུ་མའི་ལས་རྣམས་སྟོན་ཏེ། རྡོ་རྗེས་བསྐོར་བས་དུས་མ་ཡིན་པར་ཤིང་ལ་འབྲས་བུ་དང ། མེ་ཏོག་མཐོང་ངོ ། །ནམ་མཁའ་ལ་མེ་ཏོག་གི་ཕྲེང་བ་ཆགས་པར་བྱ་བ་ནི་དབུགས་བསྡམས་ལ་རྡོ་རྗེ་ཁུ་ཚུར་བཅིངས་ཏེ་གཏོར་ན་ཆགས་སོ། །ཆ་ལུགས་བཞད་པར་བྱ་བ་ནི་རྡོ་རྗེའི་ཕྱག་རྒྱས་སོ། །གར་བྱེད་པར་བྱ་བ་ནི་རྡོ་རྗེ་འཛིན་མས་སོ། །སྨྲ་བར་བྱ་བ་ན་ཧཱུཾ་ཞེས་པས་སོ། །རྒྱུག་པར་བྱ་ན་རྡོ་རྗེ་དགུག་པའི་ཕྱག་རྒྱས་སོ། །སྨིན་མ་འགུལ་བར་བྱ་ན་རྡོ་རྗེའི་ཕྱག་རྒྱ་འཛིན་པས་རྡོ་རྗེ་ཐོགས་ལ་རང་གི་སྨིན་མཚམས་སུ་བསྒུལ་བས་སོ། །ས་གཡོ་བར་བྱ་ན་རྐང་པ་གཡོན་པ་བརྡབས་པས་སོ། །ཁྱིམ་བསྐུལ་བ་ནི་རྡོ་རྗེ་དབབ་པའི་ཕྱག་རྒྱས་སོ། །ཁང་པ་དགུག་པ་ནི་རྡོ་རྗེ་ཁྲོས་པའི་ཀྱོ་བཏང་གི་ཕྱག་རྒྱ་བཅིངས་པས་སོ། །སྤྲིན་མེད་པར་ཆར་པ་དབབ་པ་ནི་རྡོ་རྗེ་ཧཱུཾ་ཞེས་བཟླས་པས་སོ། །སྐད་ཅིག་ཏུ་སྤྲིན་འདུ་ 34b ཞིང་སྟོན་པ་ནི་རྡོ་རྗེ་བསྐོར་བས་སོ། །ཟླ་བ་དང ། ཉི་མ་དབབ་ཅིང་བསྟན་པ་ནི་རྡོ་རྗེ་བརྡབས་པས་སོ། །ཉི་མ་དང ། ཟླ་བ་མང་པོར་བསྟན་ན། རྡོ་རྗེ་བཞི་ནམ་མཁའ་ལ་གཏོར་བས་སོ། །དམག་རྣམ་བཞི་བསྟན་ན་རྡོ་རྗེ་བསྐོར་བས་སོ། །མཚན་མོ་ཉིན་པར་དུ་བྱ་ན་རྡོ་རྗེ་འབར་བ་བསྐོར་བས་སོ། །ཉིན་པར་མཚན་མོར་བྱ་ན་མིག་བཙུམས་ལ་རྡོ་རྗེ་བསྐོར་བས་སོ། །ཐམས་ཅད་ནས་རྡོ་རྗེ་བསྟན་ན་བརྒྱ་བཟླས་ཏེ་རྡོ་རྗེ་བསྐོར་བས་སོ། །ཐམས་ཅད་ནས་བྱང་ཆུབ་སེམས་དཔའ་བསྟན་ན་སྟོང་བཟླས་ཏེ་རྡོ་རྗེས་བསྐོར་བས་སོ། །ཕྱག་ན་རྡོ་རྗེ་ཐམས་ཅད་བ་ལ་བསྟན་ན་སྟོང་ཕྲག་བརྒྱ་བཟླས་ཏེ་བསྐོར་བས་སོ། །ཐམས་ཅད་ནས་སངས་རྒྱས་བསྟན་ན་རྡོ་རྗེ་ལ་བྱེ་བ་བཟླས་པས་སོ། །འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་ལས། རྡོ་རྗེ་ཧཱུཾ་ཞེས་བྱ་བའི་རྟོག་པ་ཆེན་པོ་རྫོགས་སོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཕྱག་ན་རྡོ་རྗེ་ལ་འདི་སྐད་གསུངས་སོ། །ངས་ཀྱང་སེམས་ཅན་ཐམས་ཅད་ཀྱི་དོན་གྱི་ཕྱིར་གང་འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་འདིར་བརྩོན་པར་འགྱུར་བ་ལ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་སྦྱིན་ནོ། །དེ་ནས་ཕྱག་ན་རྡོ་རྗེས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་ཙོག་ཙོག་པོར་འདུག་ 35a ༄#། །སྟེ་མནོས་པ། ཧཱུཾ་བཛྲ་བིད་སཝཱཧཱ། དེ་ནས་འདི་གསུངས་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རབ་ཏུ་གཡོས་སོ། །སེམས་ཅན་ཐམས་ཅད་ཀྱང་རབ་ཏུ་གཡོས་ནས་ཕྱག་འཚལ་ཞིང་དབང་དུ་གྱུར་ཏོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རྡོ་རྗེ་རིག་པའི་དཀྱིལ་འཁོར་འདི་བཤད་དོ། །དཀྱིལ་འཁོར་ཆེན་པོའི་ཚུལ་དུ་དཀྱིལ་འཁོར་ཐམས་ཅད་བརྟགས་ཏེ། དེའི་དབུས་སུ་ནས་ཕུལ་བཞི་ལ་བཅོམ་ལྡན་འདས་བཞུགས་ཏེ། དེའི་སྤྱན་སྔར་ཕྱག་ན་རྡོ་རྗེ་ཡིད་ཀྱིས་ཀྱང་ཙོག་ཙོག་པོར་བཞག་གོ། དེ་ནས་དེ་བཞིན་དུ་གཞུག་གོ། ཞུགས་ནས་འདི་སྐད་དུ། ཁྱོད་དེང་ནས་དེ་བཞིན་གཤེགས་པ་ཉིད་དོ། །དེ་སྟེ་དད་ན་དེ་བཤད་དོ་ཞེས་བསྒོས་ཤིག་།དེས་སྨྲས་པ། གསུངས་ཤིག་ཅེས་པ་དང ། དེ་ནས་ཁྱོད་དེང་ཕན་ཅད་དེ་བཞིན་གཤེགས་པར་གྱུར་ཏོ་ཞེས་སྨྲོས་ཤིག་།དེས་སྨྲས་པ། ཅིའི་ཕྱིར། དཀྱིལ་འཁོར་མཐོང་བའི་ཕྱིར་རོ་ཞེས་དེས་སྨྲོས་ཤིག་།གང་དཀྱིལ་འཁོར་འདིར་ཞུགས་པ་དེ་དེ་བཞིན་གཤེགས་པ་ཉིད་དུ་བལྟ་སྟེ། དེས་སངས་རྒྱས་ཀྱི་བྱང་ཆུབ་ཀྱང་ཚེ་འདི་ཉིད་དམ། ཕ་རོལ་ལ་ཐོབ་པར་འགྱུར་རོ། །ཞེས་སྨྲས་ནས། ཕྱག་རྒྱ་སློངས་ཤིག་།དེ་བཞིན་གཤེགས་པའི་ 35b དཀྱིལ་འཁོར་རོ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་རྡོ་རྗེའི་དཀྱིལ་འཁོར་བཤད་དོ། །དཀྱིལ་འཁོར་དེ་བཞིན་དུ་བྲིས་ནས་བཅུག་ལ། རྡོ་རྗེའི་སྒྲུབ་པ་བསྒྲུབ་བོ། །ལག་པ་གཉིས་ཀྱི་རྡོ་རྗེ་བཟུང་ནས་རང་གི་ཕྱག་རྒྱ་བསྒོམ་སོ། །རྡོ་རྗེ་ཞེས་བྱ་བ་འདི་ཅི་ཡིན། སྙིང་བསྒོམ་པ་སྟེ། རྡོ་རྗེ་ཚིག་གིས་བཟླས་ན་དེས་དེ་བཞིན་གཤེགས་པ་ཡང་ཚེ་དིའམ་གཞན་ལ་ཐོབ་པར་འགྱུར་རོ། །རྡོ་རྗེའི་དཀྱིལ་འཁོར་རོ། །ཐམས་ཅད་དམ་ཚིག་ཆེན་པོའི་ཚུལ་དུ་བྱས་ལ་འདི་སྨྲོས་ཤིག་།དད་བརྟན་ཕྱག་ན་རྡོ་རྗེ་ལ། །དེ་བཞིན་གཤེགས་རིགས་དེ་བཞིན་ནོ། །སེམས་ཅན་ཐམས་ཅད་མགུ་བ་རུ། །ཁྱོད་ཀྱི་དེ་ལྟར་བརྟག་པར་བྱ། །དེང་ནས་ཁྱོད་ཀྱི་དེ་ལྟར་མ་བྱས་ན། །སེམས་ཅན་དམྱལ་བར་ལྟུང་བར་འགྱུར་རོ། །དམ་ཚིག་གི་དཀྱིལ་འཁོར་རོ། །ཡང་དཀྱིལ་འཁོར་དེ་བཞིན་དུ་བྲིས་ལ་སློབ་མ་བཅུག་ནས་ལས་རྣམ་བཞི་ཡང་བསླབ་བོ། །ལུས་ཐམས་ཅད་ཀྱིས་གཏུགས་ཏེ། དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །དེ་ནས་ལངས་ཏེ་ཡན་ལག་ལྔས་ཕྱག་བྱས་ཏེ་སྡིག་པ་ཐམས་ཅད་ནི་བཤགས་སོ། །དེ་ནས་ལངས་ནས་ཐལ་མོ་སྦྱར་ཏེ། པུས་མོ་གཉིས་ས་ལ་གཏུགས་ནས། བསོད་ནམས་ཐམས་ཅད་ཀྱི་རྗེས་སུ་ཡི་རང་ངོ ། །དེ་ནས་ལངས་ཏེ་པུས་མོ་གཡས་པའི་ལྷ་ང་ས་ལ་གཙུགས་ལ། རྡོ་རྗེ་འཛིན་མའི་ཕྱག་རྒྱ་བཅིངས་ 36a ༄#། །ནས་ཕྱག་འྩལ་ཏེ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཚིག་གི་བཛྲ་བིད་བརྗོད་ཅིག་།དེས་ནི་དེ་བཞིན་གཤེགས་པ་ཐམས་ཅད་དང ། ཕྱག་ན་རྡོ་རྗེ་ལ་ཕྱག་བྱ་བ་དང ། བཀུར་སྟི་དང ། མཆོད་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་ཡོངས་སུ་རྫོགས་པར་འགྱུར་རོ། །མཆོད་པའི་ཆོ་གའོ། །དེ་ནས་ཕྱག་ན་རྡོ་རྗེའི་རིག་པ་བསྒྲུབ་པ་འབྱུང་སྟེ། དཀྱིལ་འཁོར་མཐོང་བས་རས་ལ་བཅོམ་ལྡན་འདས་དེ་བཞིན་གཤེགས་པ་བྲིས་ལ་དེའི་གཡས་སུ་སྤྱན་རས་གཟིགས་ཀྱི་དབང་པོ། །གཡོན་དུ་རྡོ་རྗེ་ཁུ་ཚུར་རྒྱན་ཐམས་ཅད་ཀྱིས་བརྒྱན་པ་བྱའོ། །དེ་ནས་གསོ་སྦྱོང་ཅན་དུ་དུས་གསུམ་དུ་ཁྲུས་བྱེད་པ། དུས་གསུམ་དུ་བཀྲུས་པའི་གོས་གྱོན་ལ། སྟོང་ཕྲག་བརྒྱར་བཟླས་སོ། ། དེའི་མཇུག་ཏུ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་བཅིངས་ནས་མཚན་ཐལ་བྱུང་བཟླས་ན་ནང་བར་དུ་དེ་བཞིན་གཤེགས་པ་ཐམས་ཅད་གཤེགས་ཏེ་ཞལ་སྟོན་ཏོ། ། མཆོག་ཅི་འདོད་པ་སྩོལ་ཏེ། སངས་རྒྱས་པའི་བར་དུ་ཡང་སྩོལ་ཏོ། །དེ་ནས་ཡང་ཆོ་ག་བཞིན་ཏེ། རས་ལ་བཅོམ་ལྡན་འདས་དེ་བཞིན་གཤེགས་པ་པདྨའི་སྟེང་དུ་བཞུགས་པར་བྱས་ལ། །དེའི་སྤྱན་སྔར་ཕྱག་ན་རྡོ་རྗེ་ཐལ་མོ་སྦྱར་ཏེ། ཙོག་ཙོག་པོར་འདུག་ནས། བཅོམ་ལྡན་འདས་ལ་བལྟ་བར་བྱ། བཅོམ་ལྡན་འདས་ཀྱི་གཡས་ཕྱོགས་སུ་ཕྱག་ན་རྡོ་ 36b རྗེ་ཡ་གཅིག་གིས་རྡོ་རྗེ་གསོར་གཡོན་པ་ན་པདྨའོ། །བཅོམ་ལྡན་འདས་ཀྱི་གཡོན་ཕྱོགས་སུ་རྡོ་རྗེ་ཁུ་ཚུར་ཏེ། ཁུ་ཚུར་གཉིས་ཀྱིས་རྡོ་རྗེ་བསྣམས་པར་བྱས་ལ། དེ་ནས་ཚེས་གཅིག་ནས་བརྩམས་ཏེ་ཟླ་བ་གཅིག་དེ་བཞིན་དུ་བཟླས་ལ་ཟླ་བ་ཚང་ནས་མཚན་ཐལ་བྱུང་བཟླས་ན། དེ་ལྟར་དེ་བཞིན་གཤེགས་པ་བྱོན་ནས། མཆོག་ཅི་འདོད་པ་སྩོལ་ཏོ། །ཡང་ཆོ་ག་གཞན་ནི་རས་ལ་བཅོམ་ལྡན་འདས་དེ་བཞིན་གཤེགས་པ་བྲིས་ལ་དེའི་སྤྱན་སྔར་ཟླ་བ་དྲུག་དེ་བཞིན་དུ་བཟླས་པས་འཇུག་ལ་ཉིན་མཚན་གསུམ་དུ་སྨྱུང་བར་བྱ་སྟེ། ཕྱག་ན་རྡོ་རྗེ་བྱོན་ནས་ཕྱག་ན་རྡོ་རྗེ་འཛིན་པ་ཉིད་བྱིན་གྱི་བར་དུ་བཟླས་སོ། །དེ་བཞིན་གཤེགས་པའི་མཆོད་རྟེན་གྱི་དྲུང་དུ་སྟོང་ཕྲག་བརྒྱ་བཟླས་ན་མཇུག་ཏུ་དེ་བཞིན་གཤེགས་པ་མཐོང་ངོ ། །ནམ་མཁའ་ལ་བལྟས་ཏེ་སྟོང་ཕྲག་བརྒྱ་བཟླས་ནམ་མཁའ་ལ་དེ་བཞིན་གཤེགས་པ་ཐམས་ཅད་མཐོང་ངོ ། །དེས་དེ་ལ་ཕུན་སུམ་ཚོགས་པ་ཐམས་ཅད་ཉིན་གཅིག་བཞིན་སྩོལ་ཏོ། །སངས་རྒྱས་ཀྱི་སྤྱན་སྔར་སྟོང་ཕྲག་བརྒྱ་བཟླས་ན་མཆོག་འཐོབ་བོ། །ཕྱག་ན་རྡོ་རྗེའི་སྤྱན་སྔར་སྟོང་ཕྲག་བརྒྱ་བཟླས་ན་ཕྱག་ན་རྡོ་རྗེས་འདོད་པ་ཐམས་ཅད་སྩོལ་ཏོ། །འཕགས་པ་སྤྱན་རས་གཟིགས་ཀྱི་དབང་པོའི་སྤྱན་སྔར་སྟོང་ཕྲག་བརྒྱ་བཟླས་ན་སྤྱན་རས་གཟིགས་ཀྱི་དབང་པོས་ལག་ནས་བཟུང་སྟེ། བདེ་བ་ཅན་གྱི་འཇིག་རྟེན་གྱི་ཁམས་སུ་ཁྲིད་ཅིང་སླར་ཡང་ཁྲིད་དེ་འོང་ངོ ། །འཇིག ། 37a ༄#། །རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། དེ་བཞིན་གཤེགས་པའི་རྟོག་པ་རྫོགས་སོ།། །།དེ་ནས་བཅོམ་ལྡན་འདས་ལ་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་འདིར་སྙིང་པོ་གང་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་རྡོ་རྗེའི་རི་ལྟར་མི་གཡོ་བ་ཡང་བསྐྱོད་ཅིང་འདྲེན་ན་སེམས་ཅན་གཞན་ལྟ་ཅི་སྨོས། གང་དྲན་པ་ཙམ་གྱིས་ཀྱང་འཇིག་པ་ཐམས་ཅད་རྣམ་པར་གྲོལ་བར་འགྱུར་རོ། །གང་བརྗོད་པ་ཙམ་གྱིས་ཀྱང་མཚམས་མེད་པ་ཐམས་ཅད་ལྷག་མ་མ་ལུས་པར་འབྱང་བར་འགྱུར་པ་དང ། ཐམས་ཅད་ལ་སྲུང་པར་འགྱུར་པ་དང ། ཕྱག་ན་རྡོ་རྗེས་ཀྱང་འདོད་པ་ཐམས་ཅད་སྩོལ་བར་འགྱུར་པ་དང ། མཆོག་སྩོལ་པ་དང ། དོན་ཐམས་ཅད་སྒྲུབ་པ་དང ། དགོས་པ་ཐམས་ཅད་བྱེད་ཅིང་རྟག་པར་ཕྱི་བཞིན་འབྲང་བར་འགྱུར་པ་དང ། གང་བསླབས་པ་ཙམ་གྱིས་གྲུབ་པ་ཐམས་ཅད་མངོན་པར་འགྱུར་བར་སྩལ་བར་བགྱིའོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ། ཁྱོད་ 37b ཀྱིས་ལེགས་པར་སྨྲོས་ཤིག་།ངས་ཀྱང་བཟུང་ངོ ། །དེ་ནས་ཕྱག་ན་རྡོ་རྗེས་རྡོ་རྗེ་སྙེམས་པ་དང་བཅས་པས་རྡོ་རྗེ་གསོར་ཏེ། རང་གི་སྙིང་གར་བསྟོང་པའི་ཚུལ་གྱིས་བཟུང་ནས་རང་གི་སྙིང་པོ་འདི་གསུངས་སོ། །ཊིཀྐ་ཧཱུཾ་ཛ། དེ་ནས་འདི་གསུངས་པ་ཙམ་གྱིས་འཇིག་རྟེན་གྱི་ཁམས་ཐམས་ཅད་རབ་ཏུ་གཡོས་སོ། །དེ་བཞིན་གཤེགས་པ་ཐམས་ཅད་གཡོས། རབ་ཏུ་གཡོས་སོ། །འཕར་རབ་ཏུ་འཕར། བྱང་ཆུབ་སེམས་དཔའ་རྣམས་རབ་ཏུ་བསྐྱོད་པར་གྱུར་ཏོ། །ཉན་ཐོས་དང ། རང་སངས་རྒྱས་ཐམས་ཅད་ཀྱང་མ་རུང་པར་གྱུར་ཏོ། །བྱང་ཆུབ་སེམས་དཔའ་སའི་སྙིང་པོར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱིས་བརྟན་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔའི་གྲུབ་པ་ཡང་སྲ་བར་གྱུར་ཏོ། །བདུད་དང ། མི་བགྲུངས་པའི་ཕྱོགས་ཐམས་ཅད་ཀྱང་བརླག་པར་བྱས་སོ། །གདོན་ཐམས་ཅད་བཅོས་བསད་བཅོམ་སྟེ། འདར་བད་པད་ནས་བཅོམ་ལྡན་འདས་ལ་སྐྱབས་སུ་དོང་ནས། བཅོམ་ལྡན་འདས། བདག་ཅག་སྐྱོབས། བདེ་བར་གཤེགས་པ། བདག་ཅག་སྐྱོབས་ཤིག་པ་དང ། བཅོམ་ལྡན་འདས་ཀྱིས་དེ་དག་ལ་བཀའ་སྩལ་བ། ཕྱག་ན་རྡོ་རྗེ་འདི་ཉིད་ལ་སྐྱབས་སུ་དེངས་ཤིག་དང ། འདི་ཉིད་ཁྱེད་ལ་སྐྱོབ་པར་བྱེད་དོ། །ཕྱག་ན་རྡོ་རྗེའི་སྙིང་གནས་ཀུན་ཏུ་འབར་བས་བསྐོར་བས། དེ་བཞིན་གཤེགས་པ་ཐམས་ཅད་ཀྱི་ཕྲེང་བ་ 38a ༄#། །ལ་སོགས་པའི་རྒྱན་ཐམས་ཅད་ཀྱིས་བརྒྱན་པ་འཛུམ་ཞིང་ཁྲོ་བ། ཕྱག་གཉིས་ཀྱིས་མེ་ཏོག་གི་གཞུ་འགེངས་པ། ཕྱག་གཉིས་ཀྱིས་རྡོ་རྗེ་ཧཱུཾ་ཞེས་པ་བཅོམ་ལྡན་འདས་རྡོ་རྗེ་འདོད་པའི་ཁྲོ་བོ་ཕྱུང་ནས་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཀུན་འདོད་པའི་ཁྲོ་བོས་སྦྱངས་ན་ཕྱག་ན་རྡོ་རྗེའི་སྤྱན་སྔར་འདུག་སྟེ་བཀའ་ནོད་དོ། །བཅོམ་ལྡན་འདས་ཀྱིས་བཀའ་སྩལ་པ། ང་ཇི་ལྟ་བ་དེ་བཞིན་དུ་ཁྱོད་ཀྱིས་ཀྱང་སེམས་ཅན་ཐམས་ཅད་ཀྱི་དོན་གྱིས་ཤིག་ཅེས་སོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་གསུངས་སོ། །ལག་ན་རྡོ་རྗེ། དེ་བས་ན་ཁྱོད་སྙིང་པོ་གང་གིས་སེམས་ཅན་འདི་དག་ཐམས་ཅད་བརྒྱལ་བ་དང ། བཅོས་པ་དང ། བཅོམ་པ་ཀུན་འཚོ་བར་འགྱུར་པ་དང ། གཞན་དག་ཀྱང་རྡོ་རྗེའི་ལུས་ཐོབ་པར་འགྱུར་བ་དེ་སྨྲོས་ཤིག་།ོཾ་ཊུཾ་རྡོ་རྗེ་གོ་ཆའི་ཕྱག་རྒྱ་འདིས། བདག་ཉིད་གོ་བགོས་ན་རྡོ་རྗེའི་ལུས་དང ། རྡོ་རྗེའི་ཚེ་ཐོབ་ཅིང་སྲུང་བར་ཡང་འགྱུར་ཏེ། ནམ་འཚོའི་བར་དུ་ཐམས་ཅད་ཀྱིས་མི་ཚུགས་པར་འགྱུར་རོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔས་རྡོ་རྗེ་འཁོར་ལོའི་དཀྱིལ་འཁོར་ཆེན་པོ་འདི་གསུངས་སོ། །དེ་ནས་གཞན་ཡང་རབ་བཤད་པ། །རྡོ་རྗེ་འཁོར་ལོའི་དཀྱིལ་འཁོར་ཆེ། །གྲུ་བཞི་བ་དེ་སྒོ་བཞི་བའོ། །རྟ་བབས་བཞི་དང་ 38b བཅས་པ་སྟེ། །བཅུ་དྲུག་ཆ་དང་ལྡན་པར་རོ། །རྡོ་རྗེའི་ར་བས་མཛེས་པ་སྟེ། གྲཝ་དང་སྔོ་ཡི་ཟུར་དག་དང ། །དེ་བཞིན་རྟ་བབས་མཚམས་རྣམས་སུ། །རྡོ་རྗེ་རིན་ཆེན་ལྡན་པར་བྱ། །བ་དན་ཕྲེང་བ་དྲིལ་བུས་བརྒྱན། །དང་པོའི་ཕྱི་ཡི་དཀྱིལ་འཁོར་འདི། །སྙིང་པོ་བཟླས་ཤིང་བྲི་བར་བྱ། །དེ་ཡི་ནང་གི་འཁོར་ལོ་ཡང ། །རྡོ་རྗེ་སྲེད་བུ་མཉམ་ལྡན་པའོ། །རྡོ་རྗེའི་ཀ་བ་བརྒྱད་ལྡན་ཞིང ། །རྡོ་རྗེའི་ཀ་བ་མདུན་གནས་སུ། །དཀྱིལ་འཁོར་བརྒྱད་ཀྱི་ཚུལ་དུ་སྟེ། །འོད་ཀྱི་དཀྱིལ་འཁོར་བཞག་པའོ། །དེ་ཡི་དབུས་སུ་སེམས་དཔའ་ཆེ། །ཕྱག་ན་རྡོ་རྗེ་གཞུག་པར་བྱ། །སངས་རྒྱས་རིན་ཆེན་ཐམས་ཅད་དག་།དབུ་རྒྱན་དུ་ནི་བརྒྱན་ཐོགས་པ། །ཅུང་ཟད་ཙམ་དུ་བཞད་པའི་ཞལ། །རྡོ་རྗེ་སྙེམས་པར་མཛད་པ་སྟེ། །མེ་ཏོག་མདའ་གཞུ་འཆང་བ་པོ། །དེ་ལས་གཞན་པ་ཕྱག་བཞི་པ། །རྡོ་རྗེ་སེམས་དཔའི་ཐུགས་ཉིད་དེ། །ཁྲོ་གཉེར་བཞད་པའི་ཞལ་ངོ་ཅན། །གཉིས་ཀྱིས་མེ་ཏོག་གཞུ་འགེངས་ཤིང ། །གཉིས་ཀྱིས་རྡོ་རྗེ་ཧཱུཾ་མཛད་པའོ། །རྡོ་རྗེ་ཅན་གྱིས་གཡས་ཕྱོགས་སུ། །རྡོ་རྗེ་དགའ་བ་བྲི་བར་བྱ། །སྙིང་གར་རྡོ་རྗེ་བརྟན་འཛིན་ཅིང ། །འཁྱུད་པ་ལྟ་བུའི་སྦྱོར་བས་སོ། །ཕྱག་ན་རྡོ་རྗེའི་རྒྱབ་ཏུ་ནི། །ཆུ་སྲིན་རྒྱལ་མཚན་འཆང་བ་སྟེ། །སེམས་དཔའ་རྡོ་རྗེ་དཔལ་ཅན་ཏེ། །རིན་ཆེན་ཆར་བ་རབ་ཏུ་འབེབས། །རྡོ་རྗེ་ཅན་གྱི་གཡོན་བྲིས་པ། །རྡོ་རྗེ་སྙེམས་པ་དམར་པོ་སྟེ། 39a ༄#། །གཉིས་ཀྱིས་རྡོ་རྗེ་སྙེམས་པ་འཛིན། །སྒེག་པས་མཆོད་ཅིང་འདུད་པ་འོ། །དཀྱིལ་འཁོར་གྲཝ་ཡི་གནས་རྣམས་སུ། མཆོད་པའི་ལྷ་མོ་བྲི་བར་བྱ། །དཔྱིད་ཀྱི་རྡོ་རྗེ་རྡོ་རྗེའི་སྤྲིན། །སྟོན་ཀའི་རྡོ་རྗེ་ཁ་བ་མོ། །ཕྱི་ཡི་དཀྱིལ་འཁོར་གྲཝ་དག་ཏུ། །འདོད་པའི་གཟུགས་ལ་སོགས་པ་བྲི། །སྒོ་ཡི་དཔུང་རྣམས་ཐམས་ཅད་དུ། །རྡོ་རྗེ་འདོད་པའི་ཀྱོ་བ་སོགས། ། དེ་ནས་དཀྱིལ་འཁོར་ཆེན་པོ་དེར། །རྡོ་རྗེ་སློབ་དཔོན་ཉིད་རྡོ་རྗེ་སྙིང་པོའི་ཕྱག་རྒྱ་བཅིངས་ལ་ཞུགས་ལ་འདི་སྐད་དུ་སྨྲོས་ཤིག་།སེམས་ཅན་ཀུན་གྱི་ཡིད་ཁྱབ་ཅིང ། །སེམས་ཅན་ཀུན་ལ་བདེ་བ་སྩོལ། །སེམས་ཅན་ཀུན་གྱི་ཕར་གྱུར་པའི། །རྡོ་རྗེ་སེམས་དཔའ་བདག་དེང་འགྲུབ། །ཊ་ཀྐི་ཧཱུཾ་ཛཿ ། དེ་ནས་དེ་སྐད་སྨྲས་པ་དང་འབབ་པར་འགྱུར་ཏེ། དེ་ལྟར་བབས་པ་ཙམ་གྱིས་ཕྱག་ན་རྡོ་རྗེའི་གཟུགས་མཐོང་ངོ ། །བཅོམ་ལྡན་འདས་མཐོང་བར་བསྟན་པས་གྲུབ་པ་ཐམས་ཅད་ཀྱང་སྩོལ་ཏེ། ལ་ལ་ནི་རྡོ་རྗེ་འཛིན། ལ་ལ་ནི་འཚང་རྒྱ་བར་འགྱུར་རོ། །དེ་ནས་སློབ་མ་གཞུག་སྟེ། སྙིང་པོའི་ཕྱག་རྒྱ་བཅིངས་ལ། དེས་ཕྲེང་བ་བཟུང་ནས་གོས་དམར་པོས་ཡན་ལག་བཅིངས་ལ། །རས་དམར་པོས་མིག་གཉིས་བཀབ་སྟེ་བཅུག་ནས་འདི་སྐད་ཅེས་སྨྲོས་ཤིག་།ཁྱོད་ཀྱིས་དཀྱིལ་འཁོར་མ་མཐོང་བའི་མི་མཁས་པ་སུ་ལ་ཡང་གསང་བ་འདི་དག་མི་བསྙད་པར་བྱོས་ཤིག་།འབྱུང་པོའི་ 39b གདོན་དང ། ཕྲ་མན་མ་ལ་སོགས་པའི་གདོན་གྱིས་བསད་པར་གྱུར་ཏ་རེ། ཤི་ནས་ཀྱང་དམྱལ་བར་ལྟུང་བར་འགྱུར་རོ་ཞེས་བསྒོ་ནས་གདོང་ཁྲོལ་ཅིག་།དེ་ནས་འདི་སྐད་ཅེས་སྨྲོས་ཤིག་།གང་དབུས་ན་བ་འདི་ནི་བཅོམ་ལྡན་འདས་ཕྱག་ན་རྡོ་རྗེ་སྟེ། འདི་ནི་དང་པོའི་སེམས་དཔའ་འདོད་པའི་བདག་པོ་འདོད་པའི་དབང་པོ་ཀུན་ཏུ་བཟང་པོ་རྡོ་རྗེ་སེམས་དཔའོ། ། གང་མདུན་ན་བ་འདི་ནི་བཅོམ་ལྡན་འདས་འདིའི་ཐུགས་ཡིན་ཏེ་འདོད་པའི་ཁྲོ་བོའོ། །གང་གཡས་ན་བ་འདི་ནི་སེམས་ཅན་ཐམས་ཅད་ཀྱི་རེག་པའི་བདེ་བ་སྟེ། རྡོ་རྗེ་དགའ་བ་ཞེས་བྱ་བའི་བྱང་ཆུབ་སེམས་དཔའོ། །གང་རྒྱ་བ་ན་བ་འདི་ནི་བཅོམ་ལྡན་འདས་བདག་ཉིད་ཆེ་བའི་རྒྱལ་མཚན་ཏེ། སེམས་དཔའ་ཐམས་ཅད་ཀྱི་བྱམས་པ་སློང་བ་དང ། ནོར་སྦྱིན་པའོ། །གང་གཡོན་ཕྱོགས་ན་བ་འདི་ནི་བདག་ཉིད་ཆེ་བའི་བདུད་དེ། སེམས་ཅན་ཐམས་ཅད་ཆགས་པར་བྱེད་པའོ། །གང་གྲཝའི་བཞི་པོ་འདི་རྣམས་ནི་དུས་ཀྱི་མཆོད་པ། མེ་ཏོག་དང ། བདུག་པ་དང ། མར་མེ་དང ། དྲིའི་ལྷའོ། །གང་ཕྱིའི་གྲཝའི་གནས་ན་བ་དེ་དག་ནི་གཟུགས་ལ་སོགས་པ་འདོད་པའི་ཡོན་ཏན་ནོ། །གང་སྒོ་སྲུང་དེ་དག་ནི་མིག་དང ། འདོད་ཆགས་པ་དང ། མཛའ་བ་སྟེ། ཀྱོ་བཏང་དང ། ཞགས་པ་དང ། སྒྲོག་དང ། འབེབས་པ་དག་ནི་རྒོལ་བར་མི་འགྱུར་རོ། །ཁྱོད་ཀྱིས་ཀྱང་བཅོམ་ལྡན་ 40a ༄#། །འདས་འདོད་པ་ཐམས་ཅད་ཀྱི་བདག་པོ་ལ་སྨོད་པར་མ་བྱེད་ཅིག་།གང་སངས་རྒྱས་ཀྱི་བསྟན་པ་ལ་སེམས་ཅན་ཐམས་ཅད་རྣམ་པར་དག་པར་བྱ་བའི་ཕྱིར་འདོད་ཆགས་དང་བྲལ་བ་འཆད་དེ། དེ་ཅིའི་ཕྱིར་ཞེ་ན། མུ་སྟེགས་ཅན་གྱི་རྣམས་འདོད་ཆགས་བྲལ་བའི་ཆོས་དེས་ཐར་པའོ། །དེ་བཞིན་གཤེགས་པ་རྣམས་ཆགས་པ་རྣམས་ནི་སེམས་ཅན་ཐམས་ཅད་ལ་ཆགས་པས་ན་ཐར་པ་ནི། འདི་ལྟ་སྟེ། བྱང་ཆུབ་སེམས་དཔའ་རྣམས་བདག་གི་ཆུང་མས་ཀྱང་སེམས་ཅན་སྡུད་པར་བྱེད་དེ། འདོད་ཆགས་ནི་བྱང་ཆུབ་ཏུ་བསྟན་པའོ་ཞེས་སོ། །དེ་ནས་སྙིང་པོ་བྱིན་ཅིག་།ཊ་ཀྐི་ཧཱུཾ་ཛཿ ། འདི་བསྒྲུབས་ན་བཅོམ་ལྡན་འདས་སེམས་དཔའི་མཆོག་འགྲུབ་པར་འགྱུར་རོ། ། བཅོམ་ལྡན་འདས་གྲུབ་པས་ན་འདོད་པའི་ཁྲོ་བོ་གྲུབ་པར་འགྱུར་རོ། །དེ་ཅིའི་ཕྱིར་ཞེ་ན། སྙིང་པོ་འདི་བདག་ཉིད་ཆེ་བ་སྟེ། ཊ་ཀྐི་ཞེས་བྱ་བ་ནི་འདོད་པའོ། །ཧཱུཾ་ཞེས་པ་ནི་ཁྲོ་བོའོ། །དེ་ཉིད་དགུག་པའི་ཕྱིར་ཛཿ ་ཞེས་བྱ་བ་ནི། འདི་ཁྱོད་ཀྱིས་བསྒྲུབ་པར་བྱའོ། །དེ་ནས་ཕྱག་རྒྱ་ཆེན་པོ་ཤེས་པར་སློབས་ཤིག་།དེ་ནས་དམ་ཚིག་གི་ཕྱག་རྒྱ་བཅོམ་ལྡན་འདས་ཀྱི་རྡོ་རྗེའི་ཐུགས་བསླབས་ནས་ལག་པ་གཉིས་སུ་རྡོ་རྗེ་སྦྱིན་པའི་སྙིང་པོ་ནི་འདིའོ། །ོཾ་བྫྲ་དྷཱ་ར་བྫྲ་པྲ་ཏཾ་དྷཱ་ར་ཡ་སིད་དྷྱ་ཊཀྐི་ཧཱུཾ་ཛཿ ། དེ་ནས་ཕྲེང་བ་ཕྱག་ན་རྡོ་རྗེ་ 40b ལ་ཕུལ་བས་དེའི་མགོ་ལ་བསྐོན་ནོ། །དེ་ནས་རྡོ་རྗེ་མིང་གིས་དབང་སྦྱིན་པ་སྙིང་པོ་འདིས་སོ། །ོཾ་བྫྲ་ཨ་བྷི་ཥིཉྩ་སརྦ་ཀཱ་རྨེ་ཤཝ་རེད་ཏྭ་ཨི་དཾ་བྫྲ་ནཱ་ནཱ་མ་ཨ་དྷི་ཥྛི་ཏེ་དྲི་ཌྷོ་སྱ་བྷ་བ། ཨོཾ་ཊཀྐི་ཧཱུཾ་ཛཿ ། དེ་ནས་དེར་འདུག་སྟེ། ཕྱག་རྒྱ་ཆེན་པོ་བཅིངས་ནས་རྡོ་རྗེ་ཚིག་གིས་བརྒྱད་སྟོང་བ་ཟླས་ན་དེ་ནས་ས་གཡོ་སྟེ། གྲུབ་པ་ཐམས་ཅད་ལན་གཅིག་བཟླས་པས་འགྲུབ་བོ། །དེ་ནས་དམ་ཚིག་གི་ཕྱག་རྒྱ་བཅིངས་ལ་བརྒྱ་བཟླས་ན་དེའི་ཐུགས་དབང་དུ་འགྱུར་རོ། །དེ་ཕྱིན་ཆད་སེམས་ཅན་ཐམས་ཅད་ཀྱི་སྙིང་ཤེས་པ་དང ། སེམས་ཅན་ཐམས་ཅད་ཀྱི་སྙིང་ལ་དབང་བྱེད་དོ། །ཐམས་ཅད་ཀྱི་སྙིང་དུ་སྡུག་པར་འགྱུར་རོ། །ཐམས་ཅད་ཀྱི་བརྟན་པར་ཆགས་སོ། །སྙིང་ཐམས་ཅད་ལས་ཚིག་ཐོས་པར་འགྱུར་རོ། །གྱུར་བ་དང ། འགྱུར་བ་དང ། དེ་ལྟར་གྱི་ཚིག་བདེན་པར་འགྱུར་རོ། །བདག་གི་སྙིང་ལས་ཀྱང་ཆོ་འཕྲུལ་རྣམ་པ་བཞི་མཐོང་ཞིང་གཞན་ལ་ཡང་སྟོན་ཏོ། །དེའི་སྙིང་ལས་རྡོ་རྗེ་འབྱུང་བར་འགྱུར་རོ། །དེས་ན་སེམས་ཅན་ཐམས་ཅད་ཀྱིས་མི་སོད་པ་དང ། མི་ཚུགས་པ་དང ། མི་གཅོད་པ་དང ། མི་ཕྱེད་པའི་རྡོ་རྗེའི་ལུས་སུ་འགྱུར་རོ་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ནས་གསང་པའི་མཆོད་པ་བྱ་སྟེ། རྡོ་རྗེའི་ཐུགས་བསྟོད་པའི་གླུས་བསྟོད་དོ། །དེ་ཕྱིན་ཅན་གྲུབ་ཐམས་ཅད་རྫོགས་པར་འགྱུར་ཏེ། འདོད་པ་ཐམས་ཅད་དང ། གསང་པའི་མཆོད་པ་ཐམས་ 41a ༄#། །ཅད་མྱུར་དུ་འགྲུབ་པར་འགྱུར་རོ། །དེ་ནས་མཆོད་པ་ཐམས་ཅད་ཀྱིས་འདྲ་བར་མཆོད་ནས། ཇི་སྙེད་པའི་ཟས་དང ། རོ་དང ། སྤྱད་པ་ཐམས་ཅད་ཀྱིས་ཚིམ་པར་བྱས་ནས་འབྱུང་ངོ ། །རྡོ་རྗེ་འཁོར་ལོ་ཆེན་པོའི་ཆོ་ག་རྒྱས་པའོ།། །།དེ་ནས་རྡོ་རྗེའི་དཀྱིལ་འཁོར་དུ་རྡོ་རྗེ་འདོད་པ་ཁྲོ་བོ་ལ་སོགས་པའི་ཕྱག་རྒྱ་ཇི་ལྟ་བ་བཞིན་བྲིས་ཏེ་ཞུགས་ནས་མཆོད་པའི་ལྷ་རྣམས་ཀྱིས་གར་གྱི་མཆོད་པས་སྙིམ་པ་མ་སྟོངས་པར་བྱས་ཏེ། རྡོ་རྗེ་སེམས་དཔའི་ཕྱག་རྒྱ་ཆེན་པོ་བཅིངས་ལ། བཅོམ་ལྡན་འདས་ཀྱི་སྤྱན་སྔར་རྡོ་རྗེའི་གླུའི་རྡོ་རྗེའི་བཟླས་པས་འབུམ་བཟླས་སོ། །དེ་ནས་རྡོ་རྗེ་དེ་ལྕི་བར་འགྱུར་རོ། །དེ་ནས་སླར་ཡང་བར་འགྱུར་རོ། །དེ་ནས་དེ་ལྟར་མཆན་གཅིག་ཐལ་བྱུང་དུ་བཟླས་ན་ནང་བར་རྡོ་རྗེ་འཛིན་ཏམ། །རྡོ་རྗེ་ཁྲོ་བོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱི་བདག་པོ་ལྷའི་གཟུགས་དང ། མདོག་དང ། རྒྱན་དང ། སྤྱན་གསུམ་པ་ལ་ཕྱག་བཞི་བ་རྡོ་རྗེ་འདོད་པའི་མདངས་དང་འདྲ་བར་འགྱུར་ཏེ། རྡོ་རྗེ་འཛིན་གྱི་ཚེར་འགྱུར་རོ། །རྡོ་རྗེ་དཀྱིལ་འཁོར་གྱི་ཆོ་ག་རྒྱས་པའོ།། །།དེ་ནས་དམ་ཚིག་གི་དཀྱིལ་འཁོར་ཏེ། དཀྱིལ་འཁོར་ཆེན་པོའི་སྲད་པུས་ཐིག་བཏབ་ཏེ། དེ་ནས་ལྷ་མོ་རྣམས་བྲིས་ལ་དེའི་དབུས་སུ་བཅོམ་ལྡན་འདས་ཇི་ལྟ་བ་བཞིན་དུ་ 41b བཞག་ནས་འདི་སྐད་སྨྲོས་ཤིག་།ཧོ་བཛྲ་སཏྭ་སུ་ར་ཏ་སྟྭཾ། དེའི་སྤྱན་སྔར་རྡོ་རྗེ་གཞུ་འགེངས་པའི་གཞུ་བྲིས་ཏེ། དེའི་ཕྱག་རྒྱ་ནི་འདིའོ། །བཛྲ་ཨཤྟྲོ་ཧཱུཾ། གཡས་སུ་རྡོ་རྗེ་དགའ་མགུ་འཁྱུད་པར་བྱའོ། །དེའི་ཕྱག་རྒྱ་ནི་འདིའོ། །བཛྲ་ཀི་ལི་ཧཱུཾ། རྒྱབ་ཏུ་ཆུ་སྲིན་རྒྱལ་མཚན་འཆང་བ་བྱམས་མའི་རྡོ་རྗེ་བྲི། དེའི་ཕྱག་རྒྱ་ནི་འདིའོ། །བཛྲ་ཨ་གྲི་ཧོ། གཡོན་དུ་རྡོ་རྗེ་སྙེམས་མ་བྲིས་ཏེ། རྡོ་རྗེ་གཡོན་དུ་སྦྱོར་བར་བྱ། །དེའི་ཕྱག་རྒྱ་ནི་འདིའོ། །བཛྲ་གརྦྷེ་ཧ་ནི། དེ་ནས་གྲཝ་དང ། སྒོར་ཡང་རང་གི་ལྷ་མོ་བྲི། །དེ་ནས་རྡོ་རྗེ་སློབ་དཔོན་ཉིད་ཤིན་ཏུ་ཆས་ལ་རྡོ་རྗེ་ལག་ཏུ་ཐོགས་བུད་མེད་ཀྱང་བརྒྱན་ཏེ། ལག་པ་གཉིས་རྡོ་རྗེ་ཁུ་ཚུར་བཅངས་པ། དཔུང་པ་གཉིས་ཀྱིས་འཁྱུད་དེ་ཞུགས་ལ་འདི་སྐད་བརྗོད་དོ། །ས་མ་ཡ་སྟྭཾ་ཨ་ཧཾ། སུ་ར་ཏ་ཧོ་ཊཀྐི་ཧཱུཾ་ཛཿ ། དེ་ནས་བརྗོད་པ་ཙམ་གྱིས་བཅོམ་ལྡན་འདས་སྟོན་པར་མཛད་དེ། །ཕྱག་རྒྱ་ཐམས་ཅད་འགྲུབ་པ་དང ། དམ་ཚིག་ཐམས་ཅད་འགྲུབ་པ་ཡང་སྩོལ་ཏོ། །དེ་ནས་སློབ་མ་ཡང་དེ་བཞིན་དུ་སྙིང་པོའི་རྡོ་རྗེ་དེ་ཉིད་ཀྱིས་བཙུད་ནས་འདི་ཞེས་སྨྲོས་ཤིག་།ཁྱོད་ཀྱི་དམ་ཚིག་འདི་ལས་མ་འདའ་ཤིག་།མི་བདེ་བ་མ་སྤངས་པར་མྱུར་དུ་ཤི་ཞིང་དུ་འབོད་ཆེན་པོར་སྐྱེ་བར་འགྱུར་ཏ་ཏེ། དེ་ནས་དམ་ཚིག་བརྗོད་དེ། བདག་ཆེ་ཀུན་གྱི་ཕྱག་རྒྱ་ནི། །འདོད་པ་བསམ་ལས་ཡང་དག་འབྱུང ། །དེ་བས་ཁྱོད་ཀྱིས་སྡིག་མེད་པའི། །འདོད་དང་ 42a ༄#། །བསམ་པ་མ་བཏང་ཤིག། །འདི་ནི་དམ་ཚིག་བསྲུང་བའི་སྔགས་སོ། །ོཾ་ཊྐྐི་ཧཱུཾ་ཕཊ། འདིས་རྡོ་རྗེའི་ཆུ་བླུད་དོ། །གང་ངོས་པོ་གཞན་ཐམས་ཅད་ཀྱི་ཕྱིར་ཡང་མནས་བསྒག་སྟེ། དེ་དག་ལ་ཡང་རྡོ་རྗེའི་ཕྱག་རྒྱ་འཛིན་པས་བླུད་དོ། །གང་གིས་འདི་ལས་འདས་ན། ཟླ་བ་ཕྱེད་ཀྱིས་སྙིང་འགས་སོ་ཞེས་བཅོམ་ལྡན་འདས་ཕྱག་ན་རྡོ་རྗེ་དམ་ཚིག་ཆེན་པོས་གསུངས་སོ། །དེ་ནས་ཕྱག་རྒྱ་བཅིངས་པ་བསླབ་པོ། །དེ་ནས་དེ་བཞིན་དུ་འབྱུང་ངོ ། །ཤིན་ཏུ་དགའ་བའི་རྡོ་རྗེ་ཞེས་བྱ་བ་གསང་བའི་དཀྱིལ་འཁོར་རོ། ། དེ་ནས་ལས་ཀྱི་དཀྱིལ་འཁོར་དེ་བཞིན་དུ་བྲིས་ནས་ཉིད་ཀྱི་སྐུའམ། མཚན་མ་གཞག་གོ་།དེར་བཙུད་ནས་ལས་རྣམ་བཞི་བསླབ་པར་བྱའོ། །དེ་ལ་དང་པོ་ཉིད་དུ་འདོད་པ་ཐམས་ཅད་སྩོལ་བར་གྱུར་ཏེ། ཕྱག་ན་རྡོ་རྗེའི་ཕྱག་རྒྱ་ཆེན་པོ་བཅིངས་ནས་རྡོ་རྗེ་འཛིན་ཕྱག་བཞི་བ། དེ་བཞིན་གཤེགས་པ་ཐམས་ཅད་ཀྱི་ཕྲེང་བ་ལ་སོགས་པའི་རྒྱན་གྱིས་བརྒྱན་པའི་སྐུར་བདག་ཉིད་མཐོང་བ་དེ་སྲིད་ཀྱི་བར་དུ་བཟླས་སོ། །དེ་ཕྱིན་ཆད་འདོད་པ་ཐམས་ཅད་ནུས་པར་འགྱུར་རོ། །དེ་ནས་ཁྲོ་བོའི་ལས་བསླབ་སྟེ། རྡོ་རྗེ་ཧཱུཾ་ཞེས་བྱ་བའི་ཕྱག་རྒྱ་བཅིངས་ལ་བཟླས་ན་དེ་བཞིན་གཤེགས་པ་ཐམས་ཅད་ཐང་ཅིག་བཟླས་ཏེ། ཧཱུཾ་ཞེས་པས་བསྡིགས་ན་དེ་བཞིན་གཤེགས་པ་ཡང་འགྱེལ་བར་འགྱུར་རོ། །དེ་ 42b ཕྱིན་ཆད་འགྲོ་བ་གནས་པ་ཐམས་ཅད་ཀྱང་འགྱེལ་ནུས་པར་འགྱུར་རོ། །དེ་ནས་ཕྱག་ན་རྡོ་རྗེའི་ལས་འབྱུང་སྟེ། སེམས་ཅན་ཐམས་ཅད་འདོད་པ་དང ། ཁྲོ་བོ་གཉིས་ཀྱིས་འདུལ་བར་འདོད་ན་རྡོ་རྗེ་འཛིན་མའི་ཕྱག་རྒྱས་མེ་ཏོག་ལ་སོགས་པས་མཆོད་པ་བྱས་ཏེ། རྡོ་རྗེ་ཐུགས་ཀྱི་ཕྱག་རྒྱ་བདག་གི་སྙིང་གར་བཅིངས་ལ་ཕྱག་ན་རྡོ་རྗེའི་སྤྱན་སྔར་རྡོ་རྗེ་འཛིན་ཐོབ་པ་དེ་སྲིད་དུ་བཟླས་སོ། །དེ་བཞིན་གཤེགས་པ་ཐམས་ཅད་ཀྱི་ལས་བྱེད་པར་འདོད་པས་ཕྱག་ན་རྡོ་རྗེའི་སྤྱན་སྔར་བྱང་ཆུབ་ཏུ་སེམས་བསྐྱེད་ལ་སྦྱིན་པ་སྦྱིན། ཚུལ་ཁྲིམས་བསྲུང ། བཟོད་པ་བསྒོམ། བརྩོན་འགྲུས་བརྩམ། བསམ་གཏན་ལ་སྙོམས་པར་འཇུག་།ཤེས་རབ་ཡོངས་སུ་རྫོགས་པར་བྱ་སྟེ། ཅི་འདོད་ཅི་ནུས་ཀྱིས་བྱ་ཞིང་རྟག་ཏུ་བཟླས་པ་ནི་ཕྱག་ན་རྡོ་རྗེའི་སྐུའམ། དེ་བཞིན་གཤེགས་པའི་སྐུར་མཐོང་གི་བར་དུ་བྱའོ། །དེ་ནས་ས་བཅུ་པོ་འཐོབ་སྟེ་དེ་བཞིན་གཤེགས་པའི་ལས་བྱེད་པའི་བྱང་ཆུབ་སེམས་དཔར་འགྱུར་རོ། །ལས་ཀྱི་དཀྱིལ་འཁོར་གྱི་ཆོ་གའོ།། །།དེ་ནས་སྒྲུབ་པ་འབྱུང་སྟེ། །དཀྱིལ་འཁོར་དུ་ནི་མ་ཞུགས་པ། །དམ་ཚིག་ཤེས་པ་མ་ཡིན་དང ། །སློབ་མ་མ་ཡིན་གཞན་རྣམས་ལ། །མི་ཟད་སྙིང་པོ་འདི་མི་སྦྱིན། །དཀྱིལ་འཁོར་མཐོང་བས་སྒྲུབ་པ་ནི་ཕྱག་ན་རྡོ་རྗེའི་སྤྱན་སྔར་སྟོང་ཕྱག་བརྒྱ་བཟླས་ན་སྔར་བསྙེན་པ་བྱས་པར་འགྱུར་རོ། །དེ་ནས་རས་ལ་བྲིས་ཏེ། རས་ 43a ༄#། །ཀྱི་དབུས་སུ་ནི་བཅོམ་ལྡན་འདས་དེ་བཞིན་གཤེགས་པ་བྲི། དེའི་གཡས་སུ་ཕྱག་ན་རྡོ་རྗེ་ཕྱག་བཞི་བའི་ཐུགས་ཀ་ནས་ཐུགས་འབྱུང་བ་དེ་བཞིན་དུ་བྲི། གཡོན་དུ་སྤྱན་རས་གཟིགས་ཀྱི་དབང་པོ་ཕྱག་བཞི་བ་སྟེ། གཉིས་ན་ནི་པདྨོའི་ཏིང་ངེ་འཛིན་འཆང ། གཉིས་ཀྱིས་ནི་མེ་ཏོག་གི་གཞུ་འགེངས་པ། ཁ་དོག་དམར་པོ་བྲི། །སྤྱན་སྔར་དེ་བཞིན་དུ་རྡོ་རྗེ་འདོད་པའི་ཁྲོ་བོ་བྲིའོ། །སྟེང་དུ་ནམ་མཁའི་སྙིང་བོ་བྲི། གྲཝར་མཆོད་པའི་ལྷ་རང་གི་མཆོད་པས་འགྲམ་པ་དང་མགོ་བོར་རོ། །དེ་ནས་རས་ལ་བྲིས་པའི་སྤྱན་སྔར་ཟླ་བ་བཞིན་དུས་བཞིར་སྟོང་བཟླས་ཤིང་བསྒྲུབས་ན་དེ་ནས་ཟླ་བ་ཚང་བ་དང ། དེ་བཞིན་གཤེགས་པའང་སྩོལ་བར་འགྱུར་རོ། །རས་ལ་བཅོམ་ལྡན་འདས་དཀྱིལ་འཁོར་གྱི་ཚུལ་དུ་བྲིས་ལ། སེམས་དཔའ་ཆེན་པོ་དང ། ལྷ་མོ་ཡང་དེ་བཞིན་དུ་བྱའོ། །དེའི་སྤྱན་སྔར་ཟླ་བ་གཅིག་ཏུ་གྲངས་མེད་པར་བཟླས་ཤིང་འདོད་པ་ཐམས་ཅད་ཟོས་ལ་བསྒྲུབས་ཏེ། དེ་ནས་ཟླ་བ་གཅིག་ལོན་པ་དང ། ཕྱག་ན་རྡོ་རྗེའི་ཕྱག་རྒྱ་ཆེན་པོ་བཅིངས་པ། མཚན་ཐལ་བྱུང་བཟླས་ན་ནང་བར་རྡོ་རྗེ་འཛིན་འཐོབ་པོ། །རས་ལ་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་དུ་བྲིས་ལ། དེའི་སྤྱན་སྔར་ཟླ་བ་ཕྱེད་ཀྱི་བར་དུ་རྟག་པར་བཟླས་པ་ནི་མི་ཉལ་མི་མནལ་བར་བཟླས་ཏེ། དེ་ནས་ཟླ་བ་ཕྱེད་ལོན་པ་དང ། མཚན་མོ་ཡང་ཐལ་ 43b བྱུང་དུ་བཟླས་ན་ནང་བར་ཕྱག་ན་རྡོ་རྗེ་དང་མཚུངས་པ་དང ། འདོད་པའི་ལོངས་སྤྱོད་ཆེན་པོ་དང ། བདེ་བ་དང ། ཡིད་བདེ་བ་ཐམས་ཅད་ཀྱང་འཐོབ་ཅིང་ཐམས་ཅད་དུ་འགྲོ་བར་འགྱུར་རོ། ། རས་ལ་བཅོམ་ལྡན་འདས་ཁྲོ་བོ་དེ་བཞིན་དུ་བྲིས་ལ། དེའི་སྤྱན་སྔར་རྡོ་རྗེ་ཤུགས་ཀྱི་ཕྱག་རྒྱ་བཅིངས་ཏེ། སྟོང་ཕྲག་བརྒྱ་བཟླས་ན་དེས་འགྲུབ་པར་འགྱུར་ཏེ། བསྒོ་བ་བཞིན་དུ་ལས་ཐམས་ཅད་བྱེད་དོ། །སངས་རྒྱས་ཀྱི་ཞིང་ཐམས་ཅད་དུའང་ཁྱེད་ཞིང་སླར་ཡང་ཁྱེར་ཏེ་འོང་ངོ ། །སངས་རྒྱས་ཀྱི་ཞིང་ཐམས་ཅད་ཀྱི་འདོད་པའི་བདེ་བ་ཐམས་ཅད་ཁྱེར་ཏེ་འོངས་ནས་དེ་ལ་སྦྱིན་ནོ། །དེས་ཀྱང་ལོངས་སྤྱོད་པར་ནུས་ན་ལྷའི་བུ་མོ་ཐམས་ཅད་ལྟ་ཅི་སྨོས། བརྒྱ་བྱིན་ཡང་སྩོལ་ཏོ། །ཕྱག་ན་རྡོ་རྗེ་འཛིན་པ་ནས་སངས་རྒྱས་ཀྱི་བར་དུ་བསྒོ་བས་སྩོལ་བར་འགྱུར་རོ། །སངས་རྒྱས་ཀྱི་སྤྱན་སྔར་འབུམ་བཟླས་ན་དེ་བཞིན་གཤེགས་པ་ཐམས་ཅད་བཀུག་སྟེ་དབང་དུ་བྱེད་དོ། །ཕྱག་ན་རྡོ་རྗེའི་སྤྱན་སྔར་རྡོ་རྗེ་ཐུགས་ཀྱི་ཕྱག་རྒྱ་བཅིངས་ནས་སྟོང་ཕྲག་བརྒྱ་བཟླས་ན། དེ་ནས་ཕྱག་ན་རྡོ་རྗེ་ཉིད་ཀྱི་དཔལ་གྱི་ལྷ་མོ་ཁྲིད་དེ་བྱོན་ནས་སྒྲུབ་པ་པོའི་མདུན་དུ་འདོར་རོ། །དེ་ནས་སྒྲུབ་པ་པོས་བཅོམ་ལྡན་འདས་ཁྱོད་ཉིད་བདག་གིས་གྲུབ་པར་འཚལ་གྱི། འདི་ཅི་འཚལ་ཞེས་སྨྲོས་ཤིག་།དེ་ནས་བཅོམ་ལྡན་འདས་དགྱེས་ཏེ། ཅི་འདོད་པའི་མཆོག་སྩོལ་བར་འགྱུར་རོ། །གྲུབ་པ་ཐམས་ཅད་ཀྱང་འགྲུབ་པོ། ། 44a ༄#། །སྤྱན་རས་གཟིགས་དབང་པོའི་སྤྱན་སྔར་འབུམ་བཟླས་ན་སྤྱན་རས་གཟིགས་དབང་པོས་མཆོག་སྩོལ་བར་འགྱུར་རོ། །ནམ་མཁའི་སྙིང་བོའི་སྤྱན་སྔར་འབུམ་བཟླས་ན་དབང་སྩོལ་བར་འགྱུར་ཏེ། བསམ་པ་ཐམས་ཅད་ཡོངས་སུ་རྫོགས་པར་མཛད་དོ། །རྡོ་རྗེ་བཞག་སྟེ་དེའི་མདུན་དུ་འབུམ་བཟླས་ན་དེ་ནས་ལས་ཐམས་ཅད་ཡིད་བཞིན་དུ་གྲུབ་པར་བྱེད་དོ། །ཕྱག་རྒྱ་ཆེན་པོ་བཅིངས་ནས་འབུམ་བཟླས་ན་ཕྱག་ན་རྡོ་རྗེ་འཛིན་གྱིས་མཆོག་སྩོལ་ཏོ། །དམ་ཚིག་གི་ཕྱག་རྒྱ་བཅིངས་ནས་འབུམ་བཟླས་ན་རྡོ་རྗེ་འཛིན་མངོན་དུ་མཐོང་ཞིང་ཕྱག་རྒྱའི་ལས་ཀུན་གྲུབ་པ་ཡང་སྩོལ་བར་འགྱུར་རོ། །རྡོ་རྗེ་ལག་ཏུ་ཐོགས་ནས་འབུམ་བཟླས་ན་རྡོ་རྗེ་ཁུ་ཚུར་གྱིས་རྡོ་རྗེ་བཟུང་བཙམ་གྱིས་མི་སྣང་བར་འགྱུར་རོ། །འཁོར་ལོ་ཐོགས་ཏེ། འབུམ་བཟླས་ན་འཁོར་ལོའི་རིག་པ་འཛིན་པར་འགྱུར་རོ། །ཀྱོ་བཏང་ཐོགས་ཏེ་འབུམ་བཟླས་ན། ཀྱོ་བཏང་དེས་ཐམས་ཅད་འགུགས་ནུས་པར་འགྱུར་རོ། །ཞགས་པ་ཐོགས་ཏེ་འབུམ་བཟླས་ན་ཞགས་པ་དེས་ཐམས་ཅད་དྲང་ནུས་པར་འགྱུར་རོ། །ལག་པ་གཉིས་རྡོ་རྗེས་བཅིངས་པ་བསྡམས་ཏེ། འབུམ་བཟླས་ན་སེམས་ཅན་ཐམས་ཅད་བཅིང་ནུས་པར་འགྱུར། །རྡོ་རྗེ་དབང་པའི་ཕྱག་རྒྱ་བཅིངས་ནས་འབུམ་བཟླས་ན་གནས་པ་དང ། འགྲོ་བ་ཐམས་ཅད་དབང་ 44b ནུས་པར་འགྱུར་རོ། །རྡོ་རྗེ་ཧཱུཾ་ཞེས་བྱ་བའི་ཕྱག་རྒྱ་བཅིངས་ནས་འབུམ་བཟླས་ན་ཧཱུཾ་ཞེས་བྱ་བ་གཅིག་གི་གནས་པ་དང ། འགྲོ་བ་ཐམས་ཅད་སྐད་ཅིག་གིས་ལྟུང་བར་བྱེད་ནུས་པར་འགྱུར་རོ། །ལྷ་ཆེན་པོ་རྐང་པ་གཡོན་པས་མནན་ལ་འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་བཅིངས་ནས་འབུམ་བཟླས་ན། ཟླ་བ་གཅིག་ཚུན་ཆད་ཀྱིས་དེར་འོངས་ཏེ་དབང་དུ་འགྱུར་རོ། །མཐུ་བོ་ཆེ་རྐང་པ་གཡོན་པས་མནན་ཏེ་འབུམ་བཟླས་ན་འཁོར་ལོ་ཐོབ་སྟེ། འཁོར་ལོ་དེ་ཐོགས་ན་འགྲུབ་པར་འགྱུར་རོ། །ཚངས་པ་མནན་ཏེ་འབུམ་བཟླས་ན་ཚངས་པར་སྤྱོད་པར་འགྱུར་རོ། །བརྒྱ་བྱིན་རྐང་པ་གཡོན་པས་མནན་ཏེ་འབུམ་བཟླས་ན་རྡོ་རྗེ་སྦྱིན་པར་འགྱུར་ཏེ། རྡོ་རྗེ་བསྐོར་བས་ཚར་བཅད་པ་དང ། དབབ་པ་དང ། ཐང་ཅིག་གིས་ནི་གནམ་ལྕགས་དང ། སེར་བ་འབེབས་སོ། །ས་ནད་གཞོན་ནུ་མནན་ཏེ་འབུམ་བཟླས་ན། གཞོན་ནུ་མ་ཐམས་ཅད་ཀྱི་བདག་པོར་འགྱུར་རོ། །ལས་ཐམས་ཅད་ཀྱང་བྱེད་པར་འགྱུར་རོ། །ཉི་མ་ལ་བལྟས་ཏེ་འབུམ་བཟླས་ན་བདུད་རྩི་རྣ་ཆ་སྦྱིན་པར་འགྱུར་ཏེ། དེས་ན་ལྷའི་ལོ་སྟོང་འཚོ་བར་འགྱུར་རོ། །ཟླ་བ་ལ་འབར་བའི་ལྟ་བས་མགུ་བར་བལྟས་ཏེ་སྟོང་ཕྲག་བརྒྱ་བཟླས་ན་ཟླ་བ་གཉིས་སུ་མཐོང་སྟེ། དེ་ཕྱིན་ཆད་ཟླ་བ་དང་མཚུངས་པའི་འོད་དང་མདངས་སུ་འགྱུར་ཏེ། སེམས་ཅན་ཐམས་ཅད་ཀྱི་མིག་ཏུ་མཛེས་ཤིང་སེམས་ 45a ༄#། །ཅན་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །གཟའ་ཆེན་པོའི་གཟུགས་ལ་བལྟས་ཏེ་འབུམ་བཟླས་ན་དེ་ནས་བེ་ཅོན་ཐོབ་སྟེ། པེ་ཅོན་དེས་ནི་འཐབས་ན་དགྲ་ལས་རྒྱལ་ཏེ་ནོར་ཐམས་ཅད་འཐོབ་པོ། །སྐྱ་སླེང་གི་གནས་སུ་སོང་སྟེ། འབུམ་བཟླས་ན་སྐྱ་སླེང་ལས་ཀུན་བྱེད་དོ། །རྒྱུན་གྱིས་མྱོས་པ་མནན་ཏེ་འབུམ་བཟླས་ན་ཚེད་\?\་གི་སྣོད་ཐམས་ཅད་ནམ་འཚོའི་བར་དུ་མི་ཟད་པར་འགྱུར་རོ། །མ་དྷཱུ་ཀ་ར་ལ་བལྟས་ཏེ་སྟོང་ཕྲག་བརྒྱ་བཟླས་ན་དབང་བསྐུར་བ་ཐོབ་པར་འགྱུར་རོ། །རྒྱལ་བ་ལ་བལྟས་ཏེ་འབུམ་བཟླས་ན་འཐབ་མོ་དང ། རྩོད་པའི་གཡུལ་ཐམས་ཅད་ལས་རྒྱལ་བར་འགྱུར་རོ། །རྒྱལ་བ་ཐོབ་པ་མནན་ཏེ་འབུམ་བཟླས་ན་ཐམས་ཅད་ལས་རྒྱལ་བར་འགྱུར་རོ། ། མཛོད་སྐྱོང་རྐང་པ་གཡོན་པས་མནན་ཏེ་འབུམ་བཟླས་ན་བཟའ་བ་དང ། བཏུང་བ་མི་ཟད་པར་འགྱུར་རོ། །འགྲོ་བ་ཐམས་ཅད་ཀྱིས་ཀྱང་འདི་ལ་ཟད་པར་མི་ནུས་སོ། །རླུང་མངོན་དུ་བྱས་ཏེ་སྟོང་ཕྲག་བརྒྱ་བཟླས་ན་རླུང་གིས་དེ་དང་མཐུན་པར་འདོད་པ་ཐམས་ཅད་བྱེད་པར་འགྱུར་རོ། །མེ་ལ་བལྟས་ཏེ་འབུམ་བཟླས་ན་མེའི་དབུས་སུ་འདུག་བ་དང ། ཉལ་བ་དང ། འགྲོ་ན་ཡང་མི་འཚིག་སྟེ་མེའི་གཟིར་གྱུར་ཅིང་ཉིན་གཅིག་ཀྱང་གསེར་སྲང་རེ་རེ་སྦྱིན་ནོ། །ངལ་གསོས་པོ་མནན་ཏེ་འབུམ་བཟླས་ན་གནོད་སྦྱིན་ཐམས་ 45b ཅད་ཀྱི་བདག་པོར་གྱུར་ནས་ནོར་ཐམས་ཅད་ཀྱང་སྦྱིན་པར་འགྱུར་རོ། །ཕག་མོ་མངོན་དུ་བྱས་ཏེ་སྟོང་ཕྲག་བརྒྱ་བཟླས་ན་ས་ལ་འདུག་པའི་གཏེར་འབྱིན་ནོ། །གཤིན་རྗེ་མནན་ཏེ་འབུམ་བཟླས་ན་མི་འཆི་བར་འགྱུར་རོ། །གནམ་འདྲེན་པའི་ཆ་ལུགས་ལ་བལྟས་ཏེ་སྟོང་ཕྲག་བརྒྱ་བཟླས་ན་དེ་ལས་ཐམས་ཅད་པའི་གཡོག་ཏུ་འགྱུར་རོ། །ཀླུ་བ་རུ་ཎ་མནན་ཏེ་འབུམ་བཟླས་ན་ཀླུ་ཐམས་ཅད་ལས་ཀུན་བྱེད་པའི་གཡོག་ཏུ་འགྱུར་རོ། །མིའི་གནས་སུ་སོང་ནས་སྟོང་ཕྲག་བརྒྱ་བཟླས་ན་མི་ཐམས་ཅད་གཡོག་བྱེད་ཅིང་དོན་ཐམས་ཅད་བྱེད་པར་འགྱུར་རོ། །ས་ལ་འདུག་སྟེ་འབུམ་བཟླས་ན་སའི་དབང་པོར་འགྱུར་རོ། །ནམ་མཁའ་ལ་བལྟས་ཏེ་འབུམ་བཟླས་ན་ནམ་མཁའ་ལ་འགྲོ་བའི་སེམས་ཅན་ཐམས་ཅད་བསྒྱེལ་བ་དང ། དབང་བྱེད་པར་འགྱུར་ཞིང་ནམ་མཁའ་ལ་འགྲོ་བར་འགྱུར་རོ། །སའི་འོག་མངོན་དུ་བྱས་ཏེ་སྟོང་ཕྲག་བརྒྱ་བཟླས་ན་སའི་འོག་ན་འཁོད་པ་ཀུན་ལ་དབང་དུ་འགྱུར་རོ། །རིན་པོ་ཆེ་ཐོགས་ཏེ་འབུམ་བཟླས་ན་སྟོང་ཕྲག་བརྒྱར་འཕེལ་བར་འགྱུར་རོ། །གསེར་གྱི་དོང་ཙེ་ལ་སོགས་པ་ཡང་དེ་བཞིན་ནོ། །སྐྱེས་པ་བཟུང་སྟེ་འབུམ་བཟླས་ན་སྟོང་ཕྲག་བརྒྱར་འཕེལ་བར་འགྱུར་རོ། །བུད་མེད་བཟུང་སྟེ་སྟོང་ཕྲག་བརྒྱ་བཟླས་ན་སྟོང་ཕྲག་བརྒྱར་འཕེལ་བར་འགྱུར་རོ། །རྟ་ལ་ཞོན་ཏེ་འབུམ་བཟླས་ན་འབུམ་དུ་ 46a ༄#། །འཕེལ་བར་འགྱུར་རོ། །གླང་པོ་ཆེ་ལ་ཞོན་ཏེ་འབུམ་བཟླས་ན་འབུམ་དུ་འཕེལ་བར་འགྱུར་རོ། །བ་ལང་ལ་སོགས་པ་ཕྱུགས་ཀྱི་རཝ་གཉིས་བཟུང་ཏེ་འབུམ་བཟླས་ན་སྟོང་ཕྲག་བརྒྱར་འཕེལ་བར་འགྱུར་རོ། །གོས་དང ། རྒྱན་གྱི་ཆས་ལ་སྟོང་ཕྲག་བརྒྱར་བཟླས་ན་སྟོང་ཕྲག་བརྒྱར་འཕེལ་བར་འགྱུར་རོ། །དཔལ་མོ་ལ་བལྟས་ཏེ་འབུམ་བཟླས་ན་དབང་དུ་འགྱུར་རོ། །མཚོ་དབྱངས་མ་ལ་བལྟས་ཏེ་འབུམ་བཟླས་ན་ཚིག་རྣམ་པར་དག་པར་འགྱུར་རོ། །དེ་ནས་བསླངས་ན་ཅི་བསླངས་པ་དེ་ཀུན་སྟེར་བར་འགྱུར་རོ། །གཙུག་ལག་ཐམས་ཅད་དང ། རྣམ་པར་ཤེས་པ་ཐམས་ཅད་ཤེས་པར་འགྱུར་རོ། །གྲུབ་བྱེད་མ་བཟུང་ནས་འབུམ་བཟླས་ན་འདས་པ་དང ། ད་ལྟར་དང ། མ་འོངས་པ་ཀུན་ཀྱང་སྟོན་ཅིང་ཆེད་དུ་མ་བསླངས་བར་ནོར་སྦྱིན་པར་འགྱུར་རོ། །སཱ་ལ་བྷ་ཉྩ་ཙི་ཀ་མནན་ནས་འབུམ་བཟླས་ན་ཉིན་རེ་བཞིན་ཡང་གསེར་གྱི་དོང་ཙེ་བརྒྱད་བརྒྱད་སྟེར་བར་འགྱུར་རོ། ། གོས་གྱི་སྒྲོགས་ལ་མནན་ཏེ་འབུམ་བཟླས་ན་མི་ཟད་པར་འགྱུར་རོ། །གང་དང ། གང་གི་སྣོད་མནན་ཏེ་འབུམ་བཟླས་ན་དེ་དང ། དེ་མི་ཟད་པར་འགྱུར་རོ། །གནོད་སྦྱིན་གྱི་ཆ་ལུགས་མནན་ཏེ་འབུམ་བཟླས་ན་གནོད་སྦྱིན་གྱིས་ཅི་དང ། ཅི་འདོད་པ་ཀུན་སྦྱིན་པར་འགྱུར་རོ། །སྲིན་པོ་མནན་ཏེ་འབུམ་བཟླས་ན་དེ་དེའི་གཡོག་ཏུ་འགྱུར་རོ། ། 46b འབྱུང་པོ་མནན་ཏེ་འབུམ་བཟླས་ན་འབྱུང་པོ་ཐམས་ཅད་ཀྱི་བདག་པོར་འགྱུར་རོ། །ཤ་ཟའི་ཆ་ལུགས་བྲིས་པ་མནན་ཏེ་འབུམ་བཟླས་ན་དེ་དེའི་གཡོག་བྱེད་པར་འགྱུར་རོ། ། དེ་བཞིན་དུ་གནོད་སྦྱིན་མ་ལ་སོགས་པ་ཡང་བསྒྲུབ་བོ། །རི་ལ་འཇེགས་ཏེ་འབུམ་བཟླས་ན་རི་ཐམས་ཅད་དབང་དུ་འགྱུར་རོ། །ཕྱུགས་ཀྱི་ལྷས་སུ་འདུག་ཏེ་འབུམ་བཟླས་ན་ཕྱུགས་ཐམས་ཅད་ལ་དབང་དུ་འགྱུར་རོ། །ཤིང་ལྗོན་གྱི་དྲུང་དུ་འབུམ་བཟླས་ན་ཤིང་ལྗོན་པའི་ལྷ་རྣམས་མཆོག་སྦྱིན་པར་འགྱུར་རོ། །ཞིང་ལ་འདུག་ཏེ་འབུམ་བཟླས་ན་བཟའ་བ་འབུམ་དུ་འཕེལ་བར་འགྱུར་རོ། །ཚོང་པ་དང་བཅས་པའི་གྲོང་དུ་འབུམ་བཟླས་ན་ནོར་ཐམས་ཅད་མ་བསླངས་པར་ཐོབ་པར་འགྱུར་རོ། །ཞིང་ལ་འདུག་ཏེ་འབུམ་བཟླས་ན་ཐམས་ཅད་ལ་དབང་དུ་འགྱུར་རོ། །གྲོང་དུ་འབུམ་བཟླས་ན་ཟླ་བ་གཅིག་ཚུན་ཆད་ཀྱིས་གྲོང་དེ་ཐོབ་བོ། །གཙུག་ལག་ཁང་དུ་འབུམ་བཟླས་ན་གཙུག་ལག་ཁང་ན་གནས་པས་ནོར་ཐམས་ཅད་སྦྱིན་པར་འགྱུར་རོ། །ལྷའི་རྟེན་དུ་འབུམ་བཟླས་ན་ལྷས་ནོར་ཐམས་ཅད་སྦྱིན་པར་འགྱུར་རོ། །ཁང་པ་སྟོང་པར་འབུམ་བཟླས་ན་ཤ་ཟ་ཐམས་ཅད་དེའི་གཡོག་ཏུ་འགྱུར་ཏེ། དགོས་པ་ཐམས་ཅད་སྦྱོར་བར་འགྱུར་རོ། །སྣང་བའི་གནས་སུ་འབུམ་བཟླས་ན་སྣང་བ་དབང་དུ་འགྱུར་རོ། །སྐྱེད་མོས་ཚལ་དུ་འབུམ་བཟླས་ན་སྐྱེད་མོས་ཚལ་ 47a ༄#། །གྱི་མེ་ཏོག་དང ། འབྲས་བུ་ཐམས་ཅད་རྟག་ཏུ་འབྱུང་བར་འགྱུར་རོ། །མཚོར་འབུམ་བཟླས་ན་མཚོ་དེའི་ལྷ་ལ་དབང་བར་འགྱུར་རོ། །གཏེར་གྱི་གནས་སུ་འབུམ་བཟླས་ན་གཏེར་རང་འབྱུང་བར་འགྱུར་རོ། །དགོད་ཅིང་འབུམ་བཟླས་ན་རྟག་ཏུ་དགའ་བར་འགྱུར་ཏེ། བགད་བ་ཙམ་གྱིས་ལས་ཐམས་ཅད་བྱེད་པར་འགྱུར་རོ། །ཁྲོས་པས་འབུམ་བཟླས་ན་ཐམས་ཅད་གཏན་འཕོ་བར་ནུས་པར་འགྱུར་རོ། །ཅང་མི་ཟེར་བར་འབུམ་བཟླས་ན་སེམས་ཅན་ཐམས་ཅད་དབང་དུ་འགྱུར་རོ། །ལྐུགས་པའི་བརྟུལ་ཞུགས་ཀྱི་འབུམ་བཟླས་ན་ཚིག་ཐམས་ཅད་ཀྱི་དབང་དུ་འགྱུར་རོ། །བུད་མེད་ཀྱི་འཇོམ་པར་རྟགས་བཙུགས་ཏེ། འབུམ་བཟླས་ན་འདོད་པ་ཐམས་ཅད་ཀྱི་བདག་པོ་དང་ནམ་མཁའ་ལ་འགྲོ་བ་འགྲོ་བ་འགྲུབ་པར་འགྱུར་རོ། །འཇོམ་པ་ལ་མཛུབ་མོ་བཙུགས་ཏེ་འབུམ་བཟླས་ན་དེ་བྱས་པས་གནས་པ་དང ། འགྲོ་བ་ཐམས་ཅད་འདྲེན་ཅིང་འགུགས་པ་དང ། གཏོང་བ་དང ། འགྱེལ་བ་དང ། སློང་བར་འགྱུར་རོ། །འཇོམ་པ་ལྟ་ཞིང་འབུམ་བཟླས་ན་བུད་མེད་ཐམས་ཅད་དགའ་བར་འགྱུར་རོ། །འཇོམ་པར་ལིག་བུ་མིག་བཅུག་སྟེ་འབུམ་བཟླས་ན་མི་སྣང་བར་འགྱུར་རོ། །འཇོམ་པར་གུར་གུམ་བསྐུས་ཏེ་འབུམ་བཟླས་ན་དེས་བསྐུས་པས་འདོད་པའི་གཟུགས་སུ་འགྱུར་རོ། །འཇོམ་པར་བ་\?\བླ་བཅུག་སྟེ་འབུམ་ 47b བཟླས་ན་ནམ་མཁའ་ལ་འགྲོ་བར་འགྲུབ་པར་འགྱུར་རོ། །འཇོམ་པར་ལྡོང་རོས་བཅུག་སྟེ་འབུམ་བཟླས་ན་རིག་འཛིན་དུ་འགྱུར་རོ། །རལ་གྲི་ཐོགས་ཏེ་འབུམ་བཟླས་ན་རལ་གྲི་ཅན་གྱི་རིག་འཛིན་དུ་འགྱུར་རོ། །འཁོར་ལོ་ཐོགས་ཏེ་འབུམ་བཟླས་ན་འཁོར་ལོ་ཅན་གྱི་རིག་འཛིན་དུ་འགྱུར་རོ། །ཀྱོ་བཏང་ཐོགས་ཏེ་འབུམ་བཟླས་ན་ཀྱོ་བཏང་དེས་ཐམས་ཅད་འགུགས་ནུས་པར་འགྱུར་རོ། །རྡོ་རྗེ་གསོར་ནས་སྟོང་ཕྲག་བརྒྱ་བཟླས་ན་རྡོ་རྗེ་རིག་འཛིན་དུ་འགྱུར་རོ། །ཕྱག་ན་རྡོ་རྗེ་ལག་གི་བཟུང་ནས་འབུམ་བཟླས་ན་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་འཛིན་པའི་རིག་འཛིན་དུ་འགྱུར་རོ། །དེ་བཞིན་གཤེགས་པ་ལ་ལག་གིས་བཟུང་སྟེ་འབུམ་བཟླས་ན་དེ་བཞིན་གཤེགས་པ་ཐམས་ཅད་ལ་མཆོད་པ་བྱེད་པའི་དམ་པའི་ཆོས་ཀྱི་རིག་འཛིན་དུ་འགྱུར་རོ། །སངས་རྒྱས་རྗེས་སུ་དྲན་ཞིང་འབུམ་བཟླས་ན་སངས་རྒྱས་ཐམས་ཅད་མཐོང་བས་འགྲུབ་པར་འགྱུར་རོ། །ཕྱག་ན་རྡོ་རྗེ་ལ་ཕྱག་འཚལ་ཞིང་འབུམ་བཟླས་ན་ཕྱག་ན་རྡོ་རྗེས་ཀྱང་དེ་མཆོད་ན་གཞན་གྱི་ལྟ་ཅི་སྨོས། སྤྱན་རས་གཟིགས་དབང་ཕྱུག་གི་ཞབས་ལས་བཟུང་སྟེ་འབུམ་བཟླས་ན་ཏིང་ངེ་འཛིན་ཐོབ་བོ། །རྡོ་རྗེ་སྙིང་པོ་བཟུང་ནས་འབུམ་བཟླས་ན་ནོར་ཐམས་ཅད་སྦྱིན་པར་འགྱུར་རོ། །རྡོ་རྗེ་ཁུ་ཚུར་བཅངས་ལ་རྡོ་རྗེ་ཁུ་ཚུར་གྱི་སྤྱན་སྔར་འབུམ་བཟླས་ན་ཁུ་ཚུར་བསྡམས་པ་ཙམ་གྱིས་ལས་ཀུན་བྱེད་ནུས་པར་ 48a ༄#། །འགྱུར་རོ། །འཇམ་དཔལ་གཞོན་ནུ་ལ་ལྟ་ཞིང་འབུམ་བཟླས་ན་ནམ་མཁའ་ལ་ཡི་གེ་སྣང་སྟེ། ཐམས་ཅད་སྨྲ་བ་དང ། སྤོབས་པ་ཐོགས་པ་མེད་པར་ཐོབ་པར་འགྱུར་རོ། །སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་བྱང་ཆུབ་སེམས་དཔའ་ལ་བསྐོར་ཞིང་འབུམ་བཟླས་ན་དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། ། ནམ་མཁའི་མཛོད་ལ་བལྟས་ཏེ་འབུམ་བཟླས་ན་ནམ་མཁའ་ལ་རྒྱུ་བ་ཐམས་ཅད་དང ། དོན་ཐམས་ཅད་དང ། སངས་རྒྱས་དང ། བྱང་ཆུབ་སེམས་དཔའ་ལ་སོགས་པ་ཐམས་ཅད་ཀྱི་བར་དུ་སྟོན་ཏོ། །བྱམས་པའི་ཞབས་ལ་བཟུང་སྟེ་འབུམ་བཟླས་ན་མཐོ་རིས་ཀྱི་འདོད་པའི་བདེ་བ་ཐམས་ཅད་ཉམས་སུ་མྱོང་བར་འགྱུར་རོ། །དཀྱིལ་འཁོར་བྲིས་ནས་འབུམ་བཟླས་ན་དཀྱིལ་འཁོར་ཐམས་ཅད་ཀྱི་བདག་པོ་སློབ་དཔོན་དང ། ཡིད་ཀྱིས་ཐམས་ཅད་འགྲུབ་པར་འགྱུར་རོ། །དཀྱིལ་འཁོར་ཆེན་པོར་བརྟགས་ཏེ་ཞུགས་ནས་འབུམ་བཟླས་ན་དེ་བཞིན་གཤེགས་པ་ཐམས་ཅད་རྡོ་རྗེ་འཛིན་དང་བཅས་པར་འགྱུར་རོ། །ཕྱག་ན་རྡོ་རྗེའི་སྤྱན་སྔར་ཕྱག་རྒྱ་ཆེན་པོ་བཅིངས་ལ་དཀྱིལ་འཁོར་ཆེན་པོར་འདུག་སྟེ། རྡོ་རྗེའི་བཟླས་པས་སྟོང་ཕྲག་བརྒྱ་རྡོ་རྗེ་ཚིག་གིས་བཟླས་ན་དངོས་གྲུབ་ཐམས་ཅད་དང ། ཕུན་སུམ་ཚོགས་པ་ཐམས་ཅད་དང ། བཤེས་གཉེན་ཐམས་ཅད་ 48b དང ། ལས་ཐམས་ཅད་ཀྱང་ནུས་པར་འགྱུར་རོ། །འདོད་པའི་བདག་པོ་དང ། །དབང་ཕྱུག་དང ། བྱེད་པ་པོ་དང ། འབྱིན་པ་དང ། མི་ཟད་མི་ཉམས་པ་དང ། འདོད་པ་ཐམས་ཅད་ཉམས་སུ་མྱོང་ཞིང་བདེ་བ་དང ། ཡིད་བདེ་བ་ཐམས་ཅད་རྙེད་ཅིང་འཐོབ་སྟེ་སེམས་ཅན་ཐམས་ཅད་ལ་ཕན་པ་དང ། བདེ་བ་འགྲུབ་པའི་སྦྱིན་པར་འགྱུར་བ་དང ། དེ་རང་གི་གཉེན་དང ། བཤེས་གཉེན་དང ། གྲོགས་ཐམས་ཅད་ཀྱིས་ཀྱང་མཐོང་ངོ ། །དེ་དག་ལ་ཡང་འགྲུབ་པར་བྱེད་དོ། །བསམ་པ་ཙམ་གྱིས་སྒྱུ་མ་ཐམས་ཅད་སྟོན་ཏེ། དེ་བཞིན་གཤེགས་པ་ཐམས་ཅད་ཀྱི་གཟུགས་ཀྱང་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་ཆོས་འཕྲུལ་ཡང་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ཡང་སྟོན་ཏོ། ། སྐད་ཅིག་གིས་གཟུགས་སྣ་ཚོགས་སུ་སྟོན་པར་འགྱུར་ཏེ། རྡོ་རྗེ་འཛིན་གྱི་ཚེ་དང ། སྟོབས་དང ། གཟུགས་དང ། ན་ཚོད་དང ། ཤེས་པ་ཅི་ཙམ་པ་དང་མཚུངས་པར་འགྱུར་རོ་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དཀྱིལ་འཁོར་ཆེན་པོར་འདུག་སྟེ་དམ་ཚིག་གི་ཕྱག་རྒྱ་བཅིངས་ནས་ཁྲོ་བོའི་ཚིག་གིས་བཅོམ་ལྡན་འདས་ལ་ལྟ་ཞིང་དོན་གྱིས་འབུམ་བཟླས་ན་དེས་རྡོ་རྗེ་ཁྲོ་བོ་ལྟ་བུར་བདག་གི་ལུས་འགྱུར་རོ། །ཧཱུཾ་ཞེས་པས་ཀྱང་དེ་བཞིན་གཤེགས་པ་ཐམས་ཅད་ཀྱང་འཛིན་པ་དང ། ཁམས་གསུམ་གྱི་དབང་པོ་ 49a ༄#། །དང ། སྤྱན་གསུམ་པའི་ཁྲོ་བོ་ཆེན་པོར་གྱུར་ནས་མ་ལུས་པའི་དེ་བཞིན་གཤེགས་པ་ཐམས་ཅད་མཐོང་ཞིང་མཆོད་པ་དང ། སེམས་ཅན་ཐམས་ཅད་གྲུབ་པ་གསོལ་ཏེ། དེ་ལྟར་མི་ཟད་མི་ཉམས་པར་འགྱུར་རོ་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་ལས། ཕྱག་ན་རྡོ་རྗེའི་རྟོག་པའོ།། །།དེ་ནས་བཅོམ་ལྡན་འདས་ལ་འཕགས་པ་སྤྱན་རས་གཟིགས་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་འདི་སྩལ་ཏོ། །གང་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་མངོན་དུ་གྲུབ་པ་དང ། འཇིག་པ་དང ། གནམ་དལ་དང ། འཚེ་བ་དང ། ནད་ཐམས་ཅད་འཇིག་པར་འགྱུར་རོ། །དེ་ནས་བཅོམ་ལྡན་འདས་ཀྱིས་འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ། །ལེགས་སོ། །སྤྱན་རས་གཟིགས་ཀྱི་དབང་པོ་ཁྱོད་ཀྱིས་སྨྲོས་ཤིག་།དེ་ནས་འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་སེམས་ 49b དཔའ་ཆེན་པོས་རང་གི་སྙིང་པོ་འདི་གསུངས་སོ། །ཱ་རོ་ལིཀུ། དེ་ནས་འདི་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ལྷན་ཅིག་ཏུ་འདུས་ཏེ། རི་རབ་རིའི་རྩེ་མོར་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ག་ལ་བ་དེར་དོང་ནས་བཅོམ་ལྡན་འདས་འཕགས་པ་སྤྱན་རས་གཟིགས་ཀྱི་དབང་པོའི་དཀྱིལ་འཁོར་དུ་གྱུར་ཏེ་ཞུགས་སོ། །དེ་ནས་འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་རང་གི་སྙིང་པོའི་དཀྱིལ་འཁོར་འདི་གསུངས་སོ། །དེ་ནས་ཡང་དག་པར་བཤད་པ། །དཀྱིལ་འཁོར་ཆེན་པོ་དམ་པ་སྟེ། །འཇིག་རྟེན་གསུམ་རྒྱལ་ཚུལ་བཞིན་དུ། །ཕྱི་ཡི་དཀྱིལ་འཁོར་བྲི་བར་བྱ། །དེ་དབུས་སྲད་བུ་མཉམ་པ་རུ། །གྲཝ་བཞི་པར་ནི་གདབ་པ་རུ། །གཉིས་པའི་གྲཝ་ནི་སྒོང་བསྟན་ཏེ། །དཀྱིལ་འཁོར་མཆོག་ནི་བྲི་བར་བྱ། །དཀྱིལ་འཁོར་བརྒྱད་ཀྱི་ཚུལ་དུ་སྟེ། །དབུས་སུ་ཐིག་ནི་བཞི་ཡང་བྲི། །ཚོན་རྩི་དམར་པོ་དག་གིས་ནི། །པདྨ་འདབ་བརྒྱད་བྲི་བར་བྱ། །དེ་ཡི་སྙིང་པོ་དབུས་སུ་ནི། །འཇིག་རྟེན་མགོན་པོ་གཞུག་པར་བྱ། །འདབ་མ་ཀུན་གྱི་སྟེང་རྣམས་སུ། །སངས་རྒྱས་ཆ་ལུགས་བྲི་བར་བྱ། །པདྨ་ཆེ་མཆོག་ཕྱག་རྒྱ་ཡིས། །དེར་ནི་སློབ་དཔོན་ཞུགས་ནས་ཀྱང ། །དཀྱིལ་འཁོར་གནས་སུ་འཇུག་ནས་ནི། །རྣལ་འབྱོར་སྙོམས་པར་འཇུག་པར་བྱ། །ཇི་ལྟར་པདྨ་ཆུ་ 50a ༄#། །རྣམས་དང ། །ཉེས་པའི་བག་ཆགས་མང་པོ་ཡིས། །ཆགས་པར་མི་འགྱུར་དེ་བཞིན་འདིར། །འགྲོ་བ་ཆགས་པས་དག་པར་གྱུར་པ་ཡིན། །འདི་ལན་ཅིག་བརྗོད་ནས་བསྒོམ་སྟེ། དེ་ནས་མཛུབ་མོ་གཉིས་ཀྱི་ཀྱོ་བཏང་གིས་ཀུན་དྲངས་ལ་པདྨོ་ཆེན་པོ་དེ་སྤྱན་རས་གཟིགས་ཀྱི་དབང་པོའི་སྤྱན་སྔར་དགྲོལ་ལོ། །དེ་ལ་པདྨོ་ཆེན་པོའི་ཀྱོ་བཏང་ནི་འདིའོ། །ོཾ་མཧཱ་པདྨ་ཧཱུཾ་ཛ་ཧྲཱིཿ ། དེ་ནས་བཅོམ་ལྡན་འདས་འཕགས་པ་སྤྱན་རས་གཟིགས་དབང་པོ་ཉིད་བྱོན་ཏེ། སློབ་དཔོན་ལ་ཞལ་སྟོན་པར་མཛད་ནས་ཡང་ན་འོད་ཟེར་ཡང་འགྱེད་དོ། །དེ་ནས་ཕྱག་རྒྱ་དེ་ཉིད་ཀྱི་སློབ་མ་གཞུག་གོ། དཀར་པོས་གཡོགས་ལ་གོས་དཀར་པོ་བགོས་ལ། ཐོད་དཀར་པོས་མགོ་ལ་གཙུག་ཏོར་བྱས་ནས་བཅུག་སྟེ། ཚིགས་སུ་བཅད་པ་འདི་བརྗོད་ནས་དོན་ཀྱང་བསྟན་པར་བྱའོ། །དེ་ནས་ལག་པ་གཡོན་པར་པདྨོ་བྱིན། གཡས་པར་སྔགས་ཀྱི་ནོར་བུ་བསྐུར་ལ་འདི་སྐད་སྨྲོས་ཤིག། སངས་རྒྱས་ཐམས་ཅད་པདྨོ་ཆེ། །དཀྱིལ་འཁོར་ཆེན་པོ་དམ་པ་སྟེ། །རྟག་པར་རུ་ནི་བརྟག་པར་བྱ། །ཁྱོད་ནི་དེང་ནས་སྤྱན་རས་གཟིགས། ། དེ་ནས་ཕྱག་རྒྱ་ཆེན་པོ་བཅིང་པ་དང ། །ཏིང་ངེ་འཛིན་ལ་སོགས་པ་བསླབ་བོ། །དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོ་པདྨོ་ཞེས་བྱའོ། །དེ་ནས་ 50b པདྨོའི་དཀྱིལ་འཁོར་འབྱུང་སྟེ། པདྨོའི་དཀྱིལ་འཁོར་དེ་བཞིན་དུ་བྲིས་ལ། དབུས་ཀྱི་སྙིང་པོ་ལ་འདུག་ནས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་ལ་པདྨ་འདབ་མ་ཁ་འབྱེད་པའི་ཚུལ་གྱི་བལྟ་ཞིང་སྟོང་ཕྲག་བརྒྱ་བཟླས་ན་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོ་ཐོབ་བོ། །པདྨོའི་དཀྱིལ་འཁོར་རོ། །དེ་ནས་དམ་ཚིག་གི་དཀྱིལ་འཁོར་འབྱུང་སྟེ། དཀྱིལ་འཁོར་དེ་བཞིན་དུ་བྱས་ལ་དེའི་དབུས་སུ་པདྨོ་སྟོང་བཞག་སྟེ། དེ་ནས་པདྨོ་རེ་རེ་ཞིང་བཟང་པོ་ཐང་རེས་བཅོམ་ལྡན་འདས་ལ་པདྨོ་སྟོང་འབུལ་ལོ། །དེ་ནས་སློབ་མ་བཅུག་སྟེ་དམ་ཚིག་བརྗོད་དོ། །སློབ་མིན་བུ་མིན་མ་ཡིན་ཏེ། །དམ་ཚིག་ཅན་ལ་དམ་ཚིག་བསྟན། །འདོད་པའི་འདོད་ཆགས་ཐམས་ཅད་ནི། །དག་པ་ཉིད་དེ་པདྨ་བཞིན། །དམ་ཚིག་གི་དཀྱིལ་འཁོར་རོ། །དེ་ནས་ལས་ཀྱི་དཀྱིལ་འཁོར་དེ་བཞིན་བྲིས་ལ་མཆོད་པ་རྣམ་པ་བཞིས་མཆོད་དོ། །སངས་རྒྱས་ཐམས་ཅད་ཡིད་ཀྱིས་ཏེ། ། ཕྱག་ན་རྡོ་རྗེའི་ཚིག་གིས་སོ། །ལུས་ཀྱིས་འཇིག་རྟེན་མགོན་པོ་སྟེ། །ནམ་མཁའི་སྙིང་པོ་ལས་ཀྱིས་སོ། །ལས་ཀྱི་དཀྱིལ་འཁོར་རོ། །དེ་ནས་བཅོམ་ལྡན་འདས་སྤྱན་རས་གཟིགས་ཀྱི་དབང་པོས་སྒྲུབ་པའི་ཆོ་ག་འཇི་གསུངས་སོ། །རས་ལ་བཅོམ་ལྡན་འདས་སྤྱན་རས་གཟིགས་ཀྱི་དབང་པོ་རི་རབ་རིའི་རྩེ་མོ་ན། རང་གི་ཏིང་ངེ་འཛིན་དུ་བཞུགས་ཤིང་དེ་བཞིན་ 51a ༄#། །གཤེགས་པ་བརྒྱད་མཐའ་ཀུན་ཏུ་བཞུགས་པར་བྲི། དེ་ནས་ཟླ་བ་ཡར་གྱི་ཚེས་ཞག་གཅིག་ནས་བརྩམས་ནས་རྟག་ཏུ་ཐམས་ཅད་དག་པའི་ཏིང་ངེ་འཛིན་གྱི་རྒྱུན་ཏུ་བཟླས་ཏེ། ནམ་སྤྱན་རས་གཟིགས་ཀྱི་དབང་པོའི་ཞལ་ནས་དེ་བཞིན་གཤེགས་པའི་སྐུ་བྱུང་ནས་སྒྲུབ་པ་པོའི་པདྨོའི་དབུས་སུ་ཞུགས་ཏེ། ཡང་དེ་ལས་གཞན་པའི་སྐུ་བྱུང་ནས་སྒྲུབ་པ་པོའི་དབང་བསྐུར་བའི་གནས་སུ་བརྟན་པར་འགྱུར་གྱི་བར་དུ་བཟླས་སོ། །དེ་ནས་སྤྱན་རས་གཟིགས་ཀྱི་སྐུར་ཀུན་གྱུར་ཏེ། སྐད་ཅིག་གཅིག་གིས་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་ཞིང་ལྡོག་གོ། སེམས་ཅན་ཐམས་ཅད་ཀྱང་མཐོང་སྟེ། ཚེ་དཔག་ཏུ་མེད་པར་འགྱུར་རོ། །དེ་ནས་སྒྲུབ་པ་འབྱུང་སྟེ། འབུམ་བཟླས་ན་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །ཉིས་འབུམ་བཟླས་ན་མཚམས་མེད་པ་ལ་སོགས་པའི་སྡིག་པ་ཐམས་ཅད་མ་ལུས་པར་བྱང་བར་འགྱུར་རོ། །སུམ་འབུམ་བཟླས་ན་བསོད་ནམས་ཐམས་ཅད་མངོན་དུ་འགྱུར་རོ། །དེ་ནས་དངོས་གྲུབ་ཐམས་ཅད་དང ། དེ་བཞིན་གཤེགས་པ་ལ་སོགས་པ་དང ། ཕུན་སུམ་ཚོགས་པ་ཐམས་ཅད་དང ། བཤེས་གཉེན་ཐམས་ཅད་མངོན་དུ་འགྱུར་རོ། །དེ་ནས་ཕྱག་རྒྱ་ཆེན་པོ་བཅིངས་ཏེ་སྟོང་ཕྲག་བརྒྱ་བཟླས་པའི་མཇུག་ཏུ་མཚན་ཐལ་བྱུང་བཟླས་ན་དེའི་ནང་པར་དེ་ 51b བཞིན་གཤེགས་པ་ཐམས་ཅད་བྱོན་ནས་དེའི་སྙིང་གར་ཞུགས་ཏེ། དེ་ནས་དེ་བཞིན་གཤེགས་པ་འཐོབ་བོ། །ཡང་ན་ཁར་ཞུགས་ན་སྤྱན་རས་གཟིགས་དབང་པོ་འཐོབ་བོ། །དེ་ནས་མ་བསྒྲུབས་ཀྱང་ལས་སུ་འགྱུར་བ་ནི་དང་པོ་བརྗོད་པས་བདག་སྲུང་ངོ ། །གཉིས་བརྗོད་པས་ནི་གཞན་དང ། གྲོང་དང ། གྲོང་ཁྱེར་སྲུང་ངོ ། །གསུམ་པ་བརྗོད་པས་ནི་ལས་ཐམས་ཅད་བྱེད་དོ། །དབབ་པ་ནི་ཙནྡན་ན་གྱི་བདུག་པས་སོ། །གདོན་ཐམས་ཅད་ཞི་བར་བྱ་བ་ནི་ཧྲཱི་ཞེས་བྱ་བས་སོ། །སེམས་ཅན་ཐམས་ཅད་དབང་དུ་བྱ་བ་ནི་རྡོ་རྗེ་མེ་ཏོག་བཟླས་ཏེ་བྱིན་ནོ། །སེམས་ཅན་ཐམས་ཅད་གནོན་པས་ནི་ས་སེར་པོས་སོ། །བུད་མེད་དབང་དུ་བྱ་བ་ནི་སུ་མ་ནཱའི་མེ་ཏོག་ལ་བསྔགས་པས་སོ། །ཆོམ་རྐུན་གནོན་པ་ནི་ཡུངས་ཀར་གྱི་སྦྱིན་སྲེག་གིས་སོ། །རི་དྭགས་དང ། བྱ་གནོན་པ་ནི་ཡུངས་ཀར་གཏོར་བས་སོ། །སྒྱུ་མ་གནོན་པ་ནི་རྨ་བྱའི་ཆར་བུས་སོ། །རྨི་ལམ་མཐོང་བར་བྱ་བ་ནི་དུས་གསུམ་དུ་བཟླས་པས་སོ། །རྨི་ལམ་ངན་པ་གཞིལ་པ་ནི་ཏིལ་གྱི་སྦྱིན་སྲེག་གིས་སོ། །སེམས་ཅན་ཐམས་ཅད་དབང་དུ་བྱ་བ་ནི་ཁྱིམ་བྱའི་སྒྲོའི་སྦྱིན་སྲེག་གིས་སོ། །བུ་མོ་ཐོར་བུ་དབང་དུ་བྱ་བ་ནི་བུ་མོའི་སྐྲའི་སྦྱིན་སྲེག་གིས་སོ། །ཡུགས་ས་མོ་དབང་དུ་བྱ་བ་ནི་བུད་མེད་ཀྱི་མེ་ཏོག་གི་སྦྱིན་སྲེག་གིས་སོ། །བུད་མེད་ཐམས་ཅད་དབང་དུ་བྱ་བ་ནི་བུད་མེད་ཀྱི་དབང་པོའི་སྦྱིན་སྲེག་གིས་སོ། ། 52a ༄#། །འདོད་པ་ཐམས་ཅད་དབང་དུ་བྱ་བ་ནི་བཅོམ་ལྡན་འདས་སྤྱན་རས་གཟིགས་དབང་པོ་ལ་མཆོད་པ་བྱས་ནས། ནུབ་གསུམ་རངས་པར་བཟླས་ན་དེ་ནས་འདོད་པ་ཐམས་ཅད་རྟག་ཏུ་འཐོབ་པར་འགྱུར་རོ། །སྤྱན་རས་གཟིགས་དབང་པོའི་སྤྱན་སྔར་ཉིན་རེ་ཞིང་དུས་གསུམ་དུ་ལན་གསུམ་བཟླས་ན། དེ་ནས་བཅོམ་ལྡན་འདས་ཀྱིས་ཟླ་བ་གསུམ་གྱིས་རེ་བ་ཅི་འདོད་པའི་མཆོག་སྩོལ་བར་འགྱུར་རོ། །སངས་རྒྱས་ཀྱི་སྤྱན་སྔར་ཟླ་བ་གསུམ་གྱི་བར་དུ་ཉིན་མཚན་གསུམ་བཟླས་ན་དེ་བཞིན་གཤེགས་པས་མཆོག་སྩོལ་བར་འགྱུར་རོ། །འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་ལས། སྤྱན་རས་གཟིགས་ཀྱི་དབང་པོའི་རྟོག་པའོ།། །།དེ་ནས་བཅོམ་ལྡན་འདས་ལ་འཕགས་པ་ནམ་མཁའི་སྙིང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོར་རང་གི་སྙིང་པོ་འབུལ་གྱི། །བཅོམ་ལྡན་འདས་ཀྱིས་བཞེས་སུ་གསོལ། །འདིས་སེམས་ཅན་ཐམས་ཅད་དབང་བསྐུར་བ་ཐོབ་པ་ལ་སོགས་པ་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་བཅོམ་ལྡན་ 52b འདས་ཀྱིས་འཕགས་པ་ནམ་མཁའི་སྙིང་པོ་བྱང་ཆུབ་སེམས་དཔའ་ལ་སྐྱེས་བུ་ཆེན་པོ་སྨྲོས་ཤིག་ཅེས་བཀའ་སྩལ་ཏོ། །དེ་ནས་འཕགས་པ་ནམ་མཁའི་སྙིང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་རང་གི་སྙིང་པོ་འདི་གསུངས་སོ། །ཏྲཾ་པཱ་བཱ་ཊ་ཊ་ཧ་ཧ། དེ་ནས་འདི་བརྗོད་པས་ནམ་མཁའ་ལ་དབང་བསྐུར་བ་ཐམས་ཅད་ལ་སོགས་པ་རིན་པོ་ཆེའི་རྒྱན་ཐམས་ཅད་དང ། གོས་དང ། གསེར་དང ། ནོར་རིན་པོ་ཆེའི་དབྱིག་ལ་སོགས་པ་ཐམས་ཅད་ཀྱི་ཆར་བབ་བོ། །བཅོམ་ལྡན་འདས་ཀྱི་སྐུ་ཀུན་ཏུ་རྒྱན་ཐམས་ཅད་ཀྱིས་བརྒྱན་ཏེ་བཞུགས་སོ། །དེ་ནས་ནམ་མཁའི་སྙིང་པོ་བྱང་ཆུབ་སེམས་དཔས་དཀྱིལ་འཁོར་ཆེན་པོ་འདི་གསུངས་སོ། །རྡོ་རྗེའི་དཀྱིལ་འཁོར་ཚུལ་བཞིན་ཏེ། །རྡོ་རྗེ་རིན་ཆེན་མཉམ་ལྡན་ཞིང ། ། གྲཝ་བརྒྱད་ཤིན་ཏུ་མཉམ་པར་བྱ། །རིན་ཆེན་ཀུན་དང་ལྡན་པར་བྱ། །དེར་སློབ་དཔོན་ཞུགས་ཏེ་རྡོ་རྗེ་རིན་པོ་ཆེའི་ཕྱག་རྒྱ་དབང་བསྐུར་བའི་གནས་སུ་བཞག་ལ་ཞུགས་ནས་འདི་ཞེས་བརྗོད་དོ། །རེ་བ་ཐམས་ཅད་གྲུབ་པ་ཡི། །ནམ་མཁའ་གྲུབ་པ་མཆོག་ཡིན་ཏེ། །གྲུབ་ཅིག་གྲུབ་ཅིག་སེམས་ཆེན་པོ། །བཅོམ་ལྡན་ཐམས་ཅད་གྲུབ་པར་རོ། །དེ་ནས་བཅོམ་ལྡན་འདས་ནམ་མཁའི་སྙིང་པོ་བྱང་ཆུབ་སེམས་དཔའ་བྱིན་གྱིས་རློབ་པར་མཛད་དོ། །དེ་ནས་དཀྱིལ་འཁོར་གྱི་དབུས་སུ་ནམ་མཁའི་སྙིང་པོའི་ཆ་ལུགས་བཞག་ལ་ 53a ༄#། །དེའི་ཐད་འཁོར་ཀུན་ཏུ་ཕྱག་ན་རྡོ་རྗེ་ལ་སོགས་པ་སྐྱེས་བུ་དམ་པ་བརྒྱད་བཞག་པར་བྱའོ། །དེ་ནས་སློབ་མ་རྡོ་རྗེ་ཁུ་ཚུར་གྱིས་གཞུག་གོ། བཅུག་ནས་འདི་སྐད་ཅེས་བརྗོད་དོ། །སེམས་ཅན་ཀུན་ལ་ཕན་ཕྱིར་དང ། །བསམ་པ་ཐམས་ཅད་རྫོགས་བྱའི་ཕྱིར། །དོན་ཤེས་བསྟན་པ་གང་ཡིན་ཏེ། །བྱང་ཆུབ་སེམས་ནི་བརྟན་པ་ཡིན། ། དེ་ནས་སྦྱིན་པ་རྣམ་པ་བཞི་བསླབ་བོ། །དེ་ལ་དབང་བསྐུར་བ་སྦྱིན་པ་དང ། ནོར་སྦྱིན་པ་དང ། ཟས་སྦྱིན་པ་དང ། ཆོས་སྦྱིན་པའོ། །དེ་ལ་དབང་བསྐུར་བ་སྦྱིན་པ་ནི་དེ་བཞིན་གཤེགས་པ་རྣམས་ལའོ། །ནོར་སྦྱིན་\?\་པ་ནི་སེམས་ཅན་ཐམས་ཅད་ལའོ། །ཟས་སྦྱིན་པ་ནི་བྱོལ་སོང་ཐམས་ཅད་ལའོ། །ཆོས་སྦྱིན་པ་ནི་སེམས་ཅན་མི་སྣང་བ་ཐམས་ཅད་ལའོ། །དེ་ནས་སྙིང་པོ་བྱིན་ལ། རིན་པོ་ཆེ་ཐམས་ཅད་ཀྱིས་བྱིན་གྱིས་བརླབས་པའི་བུམ་པའི་ཆུས་དབང་བསྐུར་ཏེ་འདི་ཞེས་བརྗོད་དོ། །ོཾ་བཛྲ་རཏྣཱ་བྷི་ཥི་ཀཱ་བྷི་ཥིཉྩ་སརྦ་དྷི་པ་ཏི་ཧཱུཾ་བཱ་བཱ་ཊ་ཊ་ཧ་ཧ། ། དེ་ནས་རྡོ་རྗེ་ནོར་བུའི་ཁུ་ཚུར་གྱིས་ཕྱག་རྒྱ་བསླབ་སྟེ། སྔགས་ནི་འདིའོ། །ཧཱུཾ་བཱ་ཏ་ཧ། དེ་ནས་རྡོ་རྗེ་རིན་པོ་ཆེའི་ཕྱག་རྒྱ་བཅིངས་ཏེ་སྔགས་ནི་འདིའོ། །ོཾ་བཱ་བཱ་ཊ་མུ་བཾ། དེ་ནས་མཆོད་པ་རྣམ་བཞི་བྱ་སྟེ་འབྱུང་ངོ ། །དབང་ཐམས་ཅད་བསྐུར་བའི་དཀྱིལ་འཁོར་རོ། །དེ་ནས་རྡོ་རྗེ་རིན་པོ་ཆེའི་དཀྱིལ་འཁོར་འབྱུང་སྟེ། རྡོ་རྗེ་རིན་པོ་ཆེ་དབུས་སུ་བྲིས་ལ་ 53b ལག་ཏུ་ནོར་བུ་ཐོགས་ནས་རྡོ་རྗེ་རིན་པོ་ཆེ་ལངས་ཀྱི་བར་དུ་བཟླས་སོ། །དེ་ནས་དེ་བཞིན་གཤེགས་པ་བྱོན་ཏེ་དབང་བསྐུར་བར་མཛད་དོ། །དབང་བསྐུར་བ་དེས་ན་ཐམས་ཅད་ཀྱི་དབང་པོར་འགྱུར་རོ། །རིན་པོ་ཆེའི་དཀྱིལ་འཁོར་རོ། །དེ་ནས་དམ་ཚིག་གི་དཀྱིལ་འཁོར་ཏེ། ནམ་མཁའི་སྙིང་པོའི་ཆ་ལུགས་བྲིས་ལ། སྤྱན་སྔར་ནོར་དང ། གསེར་དང ། མུ་ཏིག་དང ། ནོར་བུ་རིན་པོ་ཆེ་ལ་སོགས་པ་གང་ཡང་རུང་བ་བཞག་ལ་དེ་ནས་དེ་བཙུད་དེ་ཐམས་ཅད་བསྟན་ནས། དམ་ཚིག་འདི་སྦྱིན་ནོ། །སངས་རྒྱས་ལ་སོགས་སེམས་དཔའ་དག་།གལ་ཏེ་ཉིན་རེ་མཆོད་སྟོངས་ན། །ཁྱོད་ཀྱིས་ནོར་དང་དོན་བསགས་པ། །ཚེ་རབས་ཀུན་ཏུ་འཇིག་པར་འགྱུར། །དེ་ལ་འདི་ནི་མནའི་སྙིང་པོའོ། །ོཾ་བཱ་བཱ་ཊ་ཊ་ཡ་སཝཱཧཱ། དེ་ནས་ཆུས་དབང་བསྐུར་རོ། །དམ་ཚིག་གི་དཀྱིལ་འཁོར་རོ། །ལས་ཀྱི་དཀྱིལ་འཁོར་བྲིས་ལ་དེ་བཞིན་གཤེགས་པ་རྒྱན་ཐམས་ཅད་ཀྱིས་བརྒྱན་པར་བྱ་སྟེ། དེའི་དབུས་སུ་བཞག་ནས་དེར་བཙུད་དེ། དེ་ནས་ལས་རྣམ་པ་ལྔ་བསླབ་པ་ནི། འདི་ལྟ་སྟེ། དབང་སྦྱིན་པས་དེ་བཞིན་གཤེགས་པ་ཐམས་ཅད་ལ་མཆོད་པར་བྱའོ། །དེ་ནས་ནོར་སྦྱིན་པ་ནི་དགེ་སྦྱོང་དང ། བྲམ་ཟེ་ལ་སོགས་པ་ལ་ཅི་ནུས་ཀྱིས་སྦྱིན་ནོ། །དེ་ནས་ཟས་སྦྱིན་པ་ནི་བྱོལ་སོང་རྣམས་ལ་སྦྱིན་ནོ། །དེ་ནས་མི་འཇིགས་པའི་སྦྱིན་པ་ནི་གྱོད་ཁྲིད་ཐམས་ཅད་ལ་སྦྱིན་ནོ། །དེ་ནས་ཆོས་སྦྱིན་པ་ནི་མི་སྣང་ 54a ༄#། །བའི་སེམས་ཅན་རྣམས་ལ་སྦྱིན་ནོ། །ལས་ཀྱི་དཀྱིལ་འཁོར་རོ། །དེ་ནས་བསྒྲུབ་པ་འབྱུང་སྟེ། རས་ལ་བཅོམ་ལྡན་འདས་དེ་བཞིན་གཤེགས་པ་རྒྱན་ཐམས་ཅད་ཀྱིས་བརྒྱན་པ། རྡོ་རྗེ་རིན་པོ་ཆེའི་དབང་བསྐུར་བས་དབང་སྐུར་བ་བྲིས་ཏེ། དེའི་གཡས་ཕྱོགས་སུ་འཕགས་པ་ནམ་མཁའི་སྙིང་པོ་བཅོམ་ལྡན་འདས་ལ་དབང་བསྐུར་བའི་ཕྲེང་བས་དབང་བསྐུར་བའོ། །གཡོན་ཕྱོགས་སུ་བཅོམ་ལྡན་འདས་ཕྱག་ན་རྡོ་རྗེ་རྒྱན་ཐམས་ཅད་ཀྱིས་བརྒྱན་པའོ། །དེ་ནས་རས་ལ་བྲིས་པ་དེའི་སྤྱན་སྔར་འབུམ་བཟླས་པའི་བྗུག་ཏུ་ཡི་མ་ཤར་བ་ནས་བརྩམས་ཏེ། ཕྱི་དེ་ཉིན་གྱི་ཉི་མ་ཤར་གྱི་བར་དུ་བཟླས་ན་དེ་ནས་བཅོམ་ལྡན་འདས་ནམ་མཁའི་སྔོ་རས་ལ་བྲིས་པ་དེ་ལས་བྱུག་ནས་སྒྲུབ་པ་པོ་དེ་ལ་རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་རོ། །དབང་བསྐུར་བ་དེ་ནས་དེ་བཞིན་གཤེགས་པར་འགྱུར་རོ། །དེ་ནས་མ་བསྒྲུབས་པར་ཡང་ལས་སུ་འགྱུར་བ་ནི་འབུམ་བཟླས་ན་དོན་ཐམས་ཅད་ཕུན་སུམ་ཚོགས་པར་འགྱུར་རོ། །ཕྱག་ན་རྡོ་རྗེའི་སྤྱན་སྔར་འབུམ་བཟླས་ན་གཏེར་ཆེན་པོ་རྙེད་དོ། །སྤྱན་རས་གཟིགས་དབང་ཕྱུག་གི་སྤྱན་སྔར་འབུམ་བཟླས་ན་སྤྱན་རས་གཟིགས་དབང་པོས་ཕུན་སུམ་ཚོགས་པ་ཐམས་ཅད་སྩོལ་བར་འགྱུར་རོ། །ནམ་མཁའི་སྙིང་པོའི་སྤྱན་སྔར་འབུམ་བཟླས་ན་རྒྱལ་ 54b སྲིད་འཐོབ་བོ། །རྡོ་རྗེ་ཁུ་ཚུར་གྱི་སྤྱན་སྔར་འབུམ་བཟླས་ན་ནམ་མཁའ་ལ་ཁུ་ཚུར་བཅིངས་པས་གསེར་གྱི་དོང་ཙེ་འབྱུང་ངོ ། །འཇམ་དཔལ་གཞོན་ནུ་ལ་བལྟས་ཏེ། འབུམ་བཟླས་ན་ཆོས་ཀྱི་ནོར་དང ། གཟུངས་ཐོབ་བོ། །དེས་ནོར་ཡང་སྐྱེ་བར་བྱེད་དོ། །རྡོ་རྗེ་འཁོར་ལོ་སྲིན་ལག་གི་སོར་མོས་མནན་ཏེ་འབུམ་བཟླས་ན་འཁོར་ལོ་བསྐོར་བར་འགྱུར་རོ། །ནམ་མཁའི་མཛོད་ཀུན་ནས་འཁྱུད་དེ་འབུམ་བཟླས་པས་ནམ་མཁའ་ལས་ནོར་ཐམས་ཅད་དང ། ཟས་ཐམས་ཅད་ཀྱི་ཡོ་བྱད་ཟད་མི་ཤེས་པར་འགྱུར་རོ། །བྱམས་པ་ལ་བལྟས་ཏེ་འབུམ་བཟླས་ན་བཅོམ་ལྡན་འདས་བྱམས་པ་བྱང་ཆུབ་སེམས་དཔའ་དགའ་ལྡན་གནམ་གྱི་དབང་མཆོག་བྱིན་ནས་སླར་ཡང་འོང་ངོ ། །དེ་ཕྱིན་ཆད་འདོད་པ་ཐམས་ཅད་ཀྱི་ནོར་གྱི་བདག་པོར་འགྱུར་རོ། །འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་ལས། ནམ་མཁའི་སྙིང་པོའི་རྟོག་པའོ།། །།དེ་ནས་རྡོ་རྗེ་ཁུ་ཚུར་གྱིས་བྱང་ཆུབ་སེམས་དཔའ་ཐམས་ཅད་འདུས་པའི་འཁོར་ཐམས་ཅད་བསྐྱོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་དབུལ་བར་བགྱི་སྟེ། བདག་གིས་བསྐལ་པ་སྟོང་ཕྲག་དགུ་བཅུ་རྩ་གཅིག་པ་ལ་རྡོ་རྗེའི་རི་རབ་དེ་བཞིན་གཤེགས་པ་ 55a ༄#། །ལས་བླངས་ཏེ། དེས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་རྙེད་ཀྱི་སེམས་ཅན་རྣམས་འགྲུབ་པ་ཐམས་ཅད་གྲུབ་པར་བྱས་ཏེ། དེའི་བསྐྱེད་པ་ནས་དེ་བཞིན་གཤེགས་པ་རྫོགས་ཀྱི་བར་དུའོ། །དེ་ནས་བཅོམ་ལྡན་འདས་ཀྱིས་རྡོ་རྗེ་ཁུ་ཚུར་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ། །ལེགས་སོ། །རྡོ་རྗེ་ཁུ་ཚུར་ཁྱོད་ཀྱིས་སྨྲོས་ཤིག་།དེ་ནས་རྡོ་རྗེ་ཁུ་ཚུར་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་རབ་ཏུ་གཡོས་པར་བྱས་ནས་རང་གི་སྙིང་པོ་འདི་གསུངས་སོ། །ོཾ་རུ་ཊུ་རུ་ཊུ་ཧཱུཾ་མ་ཊ། དེ་ནས་འདི་གསུངས་པ་ཙམ་གྱིས་དེ་བཞིན་གཤེགས་པ་ཐམས་ཅད་དང ། རྡོ་རྗེ་འཛིན་དང ། འཁོར་ཐམས་ཅད་དང་བཅས་ནས་རི་རབ་རིའི་རྩེ་མོར་བཅོམ་ལྡན་འདས་ག་ལ་བ་དེར་ལྷགས་ཏེ་ལག་པ་གཉིས་ཀྱིས་རང་གི་ཁུ་ཚུར་གྱི་ཕྱག་རྒྱ་བཅིངས་ནས། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ལ་དམིགས་ཤིང་བཅོམ་ལྡན་འདས་རྡོ་རྗེ་ཁུ་ཚུར་གྱི་དཀྱིལ་འཁོར་ཆེན་པོར་གྱུར་ནས་བཀོད་དོ། །དེ་ནས་རྡོ་རྗེ་ཁུ་ཚུར་གྱིས་དེ་བཞིན་གཤེགས་པ་ཐམས་ཅད་ཕྱག་རྒྱས་བཏབ་ནས་དཀྱིལ་འཁོར་ཆེན་པོ་འདི་གསུངས་སོ། །དེ་ནས་གཞན་ཡང་རབ་བཤད་པ། །དཀྱིལ་འཁོར་ཆེན་པོ་དམ་པ་སྟེ། །རྡོ་ 55b རྗེའི་དཀྱིལ་འཁོར་འདྲ་བ་ནི། །རྡོ་རྗེ་ཁུ་ཚུར་ཞེས་གསུངས་སོ། །དེ་ཡི་དབུས་སུ་སེམས་ཆེན་པོ། །རྡོ་རྗེའི་ཁུ་ཚུར་གཞག་པར་བྱ། །རྡོ་རྗེའི་ཁུ་ཚུར་རྡོ་རྗེར་བཅས། །ལག་པ་གཉིས་ནི་བཙིར་བར་བྱ། །དེ་ཡི་ངོས་ནི་ཐམས་ཅད་དུ། །སངས་རྒྱས་གཟུགས་རྣམས་གཞག་པར་བྱ། །དེ་དག་གི་ནི་གྲཝ་ཀུན་དུ། །བྱང་ཆུབ་སེམས་དཔའ་ཀུན་བྲིའོ། །དེ་ནས་རྡོ་རྗེ་ཁུ་ཚུར་གྱི་དཀྱིལ་འཁོར་འདིར་རྡོ་རྗེ་སློབ་དཔོན་གྱིས་རྡོ་རྗེ་དང་བཅས་པའི་ཁུ་ཚུར་གྱི་དམ་ཚིག་གི་ཕྱག་རྒྱ་བཅིངས་ཏེ། ཞུགས་ལ་འདི་བརྗོད་དོ། །ཧཱུཾ་དཀྵི་ཎི་སྨ་ར་ཎ་ཕགས། དེ་ནས་བཅོམ་ལྡན་འདས་རྡོ་རྗེ་ཁུ་ཚུར་སློབ་དཔོན་ལ་གྲུབ་པར་འགྱུར་ཏེ། །དེ་ལ་ཕྱག་རྒྱ་ཡང་བརྟན་པར་འགྱུར་ཞིང་སུས་ཀྱང་དབྱེ་བར་མི་ནུས་སོ། །དེ་ནས་སྙིང་པོ་འདིས་བདག་གི་སྙིང་གར་དགྲོལ་ལོ། ། ོཾ་བཛྲ་མུཥྚི་མུ། དེ་ནས་སློབ་མ་གཞུག་པ་སྟེ། རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་རྡོ་རྗེ་དང་བཅས་པ་ཕྲེང་བ་དང་བཅས་པར་བྱ་སྟེ། དེ་བཞིན་དུ་རས་དམར་པོས་མིག་གཉིས་བཀབ་སྟེ། དེ་ནས་འདི་ཞེས་བརྗོད་དོ། །དེང་ཁྱེད་དེ་བཞིན་གཤེགས་པ་ཐམས་ཅད་ཀྱིས་ཕྱག་རྒྱས་བཏབ་པ་ནི་ཆོས་ཀྱི་ཕྱག་རྒྱ་དང ། རྡོ་རྗེ་འཛིན་གྱི་རྡོ་རྗེའི་ཕྱག་རྒྱས་ཀྱང་བཏབ་བོ། །ཁྱོད་ཆོས་དང ། རྡོ་རྗེ་ལས་གང་འདོད། དེས་སྨྲས་པ། གཉིས་ཀའོ་ཞེ་ན། དེ་ནས་རྡོ་རྗེ་སློབ་དཔོན་གྱིས་རྡོ་རྗེ་དང ། དེ་བཞིན་གཤེགས་པའི་ཆ་ལུགས་བླངས་ནས་ཕྲེང་བ་དེའི་ 56a ༄#། །མགོ་ལ་བཞག་སྟེ། དགྲོལ་བའི་སྙིང་པོ་དེ་ཉིད་ཀྱིས་ཕྱག་རྒྱ་སྙིང་གར་དགྲོལ་ལོ། །དེ་ནས་ལག་ཏུ་སྦྱིན་པ་ནི་ལག་པ་གཡོན་པར་རྡོ་རྗེའོ། །གཡས་པར་དེ་བཞིན་གཤེགས་པའོ། །དེ་སྟེ་དེ་བཞིན་གཤེགས་པའོ། །ཞེས་ཟེར་ན་དེ་ནས་དེ་བཞིན་གཤེགས་པ་ཉིད་སྦྱིན་ནོ། །དེ་སྟེ་རྡོ་རྗེའོ་ཞེས་ཟེར་ན་དེའི་ལག་པ་གཡོན་པར་རྡོ་རྗེ་བྱིན་ལ་འདི་སྐད་བསྒོ་ཞིག་།འདི་གཉིས་ནི་ཁྱོད་ཀྱི་གྲུབ་པར་དམིགས་ལ་རྟག་ཏུ་མཆོད་པར་གྱིས་ཤིག་།དེ་ནས་གདོང་གཡོགས་པ་དཀྲོལ་ལ་དཀྱིལ་འཁོར་སྟོན་ལ་འདི་ཞེས་སྨྲོས་ཤིག་།དེ་བཞིན་གཤེགས་པ་ཐམས་ཅད་ཀྱི། །ལུས་དང་ངག་སེམས་རྡོ་རྗེ་རྣམས། །བསྡུས་པ་ཁུ་ཚུར་ཞེས་བྱ་སྟེ། །བཅིངས་ན་རྡོ་རྗེ་ཁུ་ཚུར་བཤད། །དེ་ནས་སྙིང་པོ་བྱིན་ལ་ཕྱག་རྒྱ་བཅིངས་པ་སློབས་ཤིག་།དམ་ཚིག་གི་ཁུ་ཚུར་ཞེས་བྱ་བའི་དཀྱིལ་འཁོར་རོ། །དེ་ནས་ཕྱག་རྒྱའི་དཀྱིལ་འཁོར་འབྱུང་སྟེ། །དཀྱིལ་འཁོར་ཆེན་པོའི་ཚུལ་བཞིན་དུ། །དཀྱིལ་འཁོར་ཐམས་ཅད་ཡང་དག་བྲི། །དེ་ཡི་དབུས་སུ་ཅི་རིགས་པར། །སངས་རྒྱས་སྐུ་ལུགས་གཞག་པར་བྱ། །ཐམས་ཅད་རྒྱན་གྱིས་བརྒྱན་པ་ཡི། །རྡོ་རྗེ་ཁུ་ཚུར་ཀུན་འཛིན་པའོ། །དེ་ཡི་ངོས་ནི་ཐམས་ཅད་དུ། །ཕྱག་རྒྱ་བཞིན་ནི་བྲི་བར་བྱ། །ཟླ་བའི་དཀྱིལ་འཁོར་དབུས་རྣམས་སུ། །རྡོ་རྗེ་རིན་ཆེན་ཡང་དེ་བཞིན། །དེ་བཞིན་རྡོ་རྗེ་པདྨོའི་ 56b དབུས། །རྡོ་རྗེ་རྒྱ་གྲམ་བྲི་བར་བྱ། །གྲཝ་ཡི་ཕྱོགས་རྣམས་ཐམས་ཅད་དུ། །མཆོད་པ་རྣམ་བཞི་བྲི་བར་བྱ། །དེ་ནས་བཙུད་ནས་ཕྱག་རྒྱ་ཀུན། །བཅིང་བ་ཡང་ནི་བསླབ་པར་བྱ། །སྒྲུབ་པ་གསང་བ་དག་དང་ནི། །བསྐུར་བ་གསང་བ་བསླབ་པར་བྱ། །འདི་རྣམས་ཐམས་ཅད་ཀུན་བྲིས་ནས། །སྒྲུབས་ཤིག་ཅེས་ནི་བརྗོད་པར་བྱ། །ཕྱག་རྒྱའི་དཀྱིལ་འཁོར་རོ། །དེ་ནས་དམ་ཚིག་གི་དཀྱིལ་འཁོར་འབྱུང་སྟེ། དེ་བཞིན་དུ་མཚན་མ་གཞག་ནས་འདི་ཞེས་བརྗོད་དོ། །ཅི་སྟེ་དཀྱིལ་འཁོར་མ་མཐོང་ན། །ཕྱག་རྒྱ་ཤེས་པར་བསྟན་ན་ནི། །རྡོ་རྗེ་རིན་ཆེན་རྒྱལ་བ་དང ། །སྣ་ཚོགས་པས་ཁྱོད་གསོད་པར་འགྱུར། །དམ་ཚིག་གི་དཀྱིལ་འཁོར་རོ། །དེ་ནས་ལས་ཀྱི་དཀྱིལ་འཁོར་འབྱུང་སྟེ། །དཀྱིལ་འཁོར་དེ་བཞིན་དུ་བྲིས་ལ་བཅོམ་ལྡན་འདས་རྡོ་རྗེ་ཁུ་ཚུར་གྱི་སྤྱན་སྔར་ཕྱག་རྒྱའི་ལས་བསླབ་བོ། །དེ་ལ་ཕྱག་རྒྱ་བཅིངས་པ་ནི་འདིའོ། །རྡོ་རྗེ་བཅིང་བ་ཀུན་བྱས་ལ། །སོར་མོ་ཐམས་ཅད་དགུག་བྱ་སྟེ། །རྡོ་རྗེ་འབེབས་པའི་ཕྱག་རྒྱ་དང ། །རྡོ་རྗེ་ཁུ་ཚུར་ཕྱག་རྒྱ་བཅིང ། །དེ་ནས་ལག་པའི་ཕྱག་རྒྱ་བཅིང་ངོ ། །དེ་ལྟ་བུར་མི་ལྡན་ན་འདོད་པ་ཐམས་ཅད་ཀྱི་མཆོག་བསྒྲུབ་པས་ནི་དམ་ཚིག་ཆེན་པོ་ཡང་དག་པའི་ཡེ་ཤེས་ཀྱི་སྙིང་པོ་ཐང་ཅིག་བཟླས་པས་ཕྱག་རྒྱ་ཐམས་ཅད་བཅིང་བར་བྱ་སྟེ། ཐམས་ཅད་ཀྱི་ནི་མ་ཡིན་ནོ། །ལས་ཀྱི་དཀྱིལ་འཁོར་རོ། །དེ་ནས་ 57a ༄#། །བཅོམ་ལྡན་འདས་རྡོ་རྗེ་ཁུ་ཚུར་གྱི་སྒྲུབ་པ་འབྱུང་སྟེ། འོ་མ་འཐུང་ཞིང་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་བཅིངས་ནས་འབུམ་བཟླས་ན་སྔར་བསྙེན་པ་བྱས་པར་འགྱུར་རོ། །དེ་ནས་རས་ལ་བྲི་བར་བྱ་སྟེ། རས་ལ་བཅོམ་ལྡན་འདས་འཕགས་པ་རྡོ་རྗེ་ཁུ་ཚུར་རྒྱན་ཐམས་ཅད་ཀྱིས་བརྒྱན་པ་བྲིས་ལ་ཕྱག་གཉིས་ཀྱིས་རྡོ་རྗེ་དང་བཅས་པའི་རྡོ་རྗེ་ཁུ་ཚུར་བཅིངས་པ་རྡོ་རྗེ་དབང་བསྐུར་བའི་དར་གྱིས་བཅིངས་ལ། དེའི་ཐད་འཁོར་ཐམས་ཅད་དུ། དེ་བཞིན་གཤེགས་པའི་འཁོར་གྱི་དཀྱིལ་འཁོར་རྣམས་བྱའོ། །དེ་བཞིན་གཤེགས་པ་དེ་དག་ཀྱང་ཕྱག་གཉིས་ཀ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁུ་ཚུར་དུ་བཅིང་པར་བྱའོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་ཏིང་ངེ་འཛིན་དུ་སྙོམས་པར་ཞུགས་པར་བྱའོ། །དེ་ནས་དེའི་སྤྱན་སྔར་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་བཅིངས་ལ་སྟོང་ཕྲག་བརྒྱ་བཟླས་པའི་མཇུག་ཏུ་ཞག་བདུན་སྨྱུངས་ནས་བདག་དེ་བཞིན་གཤེགས་པ་ཐམས་ཅད་ཀྱི་སྐུར་བསྒོམས་ལ། མཚན་ཐལ་བྱུང་དུ་བཟླས་སོ། །དེ་ནས་ནམ་ཕྱེད་ནས་བདུད་ཀྱི་ལས་སྣ་ཚོགས་སྣང་པར་འགྱུར་རོ། །དེ་ནས་འདི་བརྗོད་ཅིག་།ོཾ་བྫྲ་མུཥཊི་ཧ་ན་ཧ་ན་སརྦ་མཱ་ར་ཎ་ཕཊ། དེ་ནས་ནང་ཕར་གྱི་དུས་ན་བཅོམ་ལྡན་འདས་ཐམས་ཅད་བྱོན་ཏེ་ལུས་ 57b ཀུན་ཏུ་འཇུག་གོ་།དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ། །ཡང་རས་ཀྱི་ཆོ་ག་འབྱུང་སྟེ། རས་ལ་བཅོམ་ལྡན་འདས་དེ་བཞིན་གཤེགས་པ་རྒྱན་ཐམས་ཅད་ཀྱིས་བརྒྱན་པ་བྲིས་ཏེ། དེའི་གཡས་ཕྱོགས་སུ་བཅོམ་ལྡན་འདས་རྡོ་རྗེ་ཁུ་ཚུར་རྒྱན་ཐམས་ཅད་ཀྱིས་བརྒྱན་པ། སྐུ་མདོག་སྔོ་བསངས། ཨུཏྤལ་སྔོན་པོ་ལྟ་བུ། རྡོ་རྗེ་ཁུ་ཚུར་གྱིས་ཕྱག་རྒྱ་གཡོན་པའི་ཁུ་ཚུར་གྱིས་རྡོ་རྗེ་བསྣམས་པ། གཡས་པ་མཆོག་སྦྱིན་པ་སྟེ། དེའི་གཡས་སུ་བཅོམ་ལྡན་འདས་མ་རྡོ་རྗེའི་དམ་ཚིག་གི་ཁུ་ཚུར་ཅན་རྒྱན་ཐམས་ཅད་ཀྱིས་བརྒྱན་པ་གཞོན་ནུ་མ་དམ་ཚིག་གི་ཁུ་ཚུར་གྱིས་རྡོ་རྗེ་དམ་དུ་འཚིར་བ་མདོག་དམ་ཡོར་\?\་བྱའོ། །དེའི་ཐད་དུ་རྡོ་རྗེའི་གསལ་ཕུར་མ་རྒྱན་ཐམས་ཅད་ཀྱིས་བརྒྱན་པ། སྤྱན་གསུམ་པ། ལག་པ་གཉིས་ཀྱིས་རྡོ་རྗེ་གསལ་ཕུར་ཐོགས་པའོ། །བཅོམ་ལྡན་འདས་ཀྱི་གཡོན་ཕྱོགས་སུ་སྤྱན་རས་གཟིགས་ཀྱི་དབང་པོ་ཐོར་ཚུགས་ཀྱི་དབུ་རྒྱན་ཅན། །རྒྱན་ཐམས་ཅད་ཀྱིས་བརྒྱན་པ། པདྨ་དང ། མཆོག་སྦྱིན་གྱི་ཕྱག་ཏུ་བྱས་ལ། དེའི་གཡོན་དུ་པདྨོ་ཆེན་པོའི་རྡོ་རྗེ་བྱང་ཆུབ་སེམས་དཔའ་རྡོ་རྗེའི་སྡེ་ཞེས་བྱ་བའོ། །དེའི་གཡོན་དུ་རྡོ་རྗེའི་དཔལ་མོ་དང ། རྡོ་རྗེ་ཕོ་ཉ་མོའོ། །རྡོ་རྗེ་དཔལ་མོ་ནི་གསེར་གྱི་སྐུ་མདོག་གོ་།དཔལ་གྱི་གཟུགས་འཆང་བ་ཕྱག་ན་རྡོ་རྗེ་འཛིན་པའོ། །རྡོ་རྗེ་ཕོ་ཉ་མོ་ནི་མདོག་ 58a ༄#། །སྔོན་མོ་ལ་རྡོ་རྗེ་འབར་བ་འཆང་བའོ། །དེ་ནས་ཟླ་བ་ཡར་གྱི་ངོ་ཚེས་གཅིག་ནས་བརྩམས་ཏེ། རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་བཅིངས་ནས་སྟོང་ཕྲག་བརྒྱ་བཟླས་ན། གཟུགས་ཀྱི་རས་དེ་ལས་ཕཊ་ཅེས་བྱ་བ་ཐོས་ན། དེ་ནས་བཅོམ་ལྡན་འདས་ཕྱག་ན་རྡོ་རྗེ་འགྲུབ་པར་འགྱུར་ཏེ། དེ་ཕྱིན་ཆད་ནམ་མཁའི་དཀྱིལ་ན་སྤྱོད་ཅིང་འདོད་ན་མི་སྣང་བར་ཡང་འགྱུར། དཔག་ཚད་སྟོང་དུ་ཕར་ཡང་འགྲོ་བཞིང་གྱེན་དུ་ཡང་འགྲོའོ། །ཅི་འདོད་པའི་གཟུགས་སུ་འགྱུར་རོ། །ཀུན་ཏུ་འཁྱིལ་བས་འཁྱིལ་བའི་སྐྲ་ཅན་ལོ་བཅུ་དྲུག་ལོན་པའི་ལུས་སུ་གྱུར་ནས་འདོད་པའི་ལོངས་སྤྱོད་ཐམས་ཅད་ལ་ཅི་འདོད་པ་བཞིན་ལོངས་སྤྱོད་པར་འགྱུར་རོ། །རྡོ་རྗེ་ཁུ་ཚུར་བཅིངས་པས་སེམས་ཅན་ཐམས་ཅད་ལ་ཕན་གདགས་པ་དང ། ཆད་པས་བཅད་པ་ལ་སོགས་པ་ཐམས་ཅད་ནུས་པར་འགྱུར་རོ། །གཟུགས་བཟང་པོ་བསྐལ་པར་གནས་ཤིང་རྒ་བ་དང ། ཤི་བར་ཡང་མི་འགྱུར་རོ། །ཡང་ཆོ་ག་གཞན་ཏེ་རས་ལ་བཅོམ་ལྡན་འདས་དེ་བཞིན་གཤེགས་པ་བྲིས་ལ། དེའི་གཡས་ཕྱོགས་སུ་ཕྱག་ན་རྡོ་རྗེ་རྒྱན་ཐམས་ཅད་ཀྱིས་བརྒྱན་པ། སྐུ་མདོག་ཨུཏྤལ་སྔོན་པོའི་ཁ་དོག་།ཕྱག་ན་རྡོ་རྗེ་དང་བཅས་པས་རྡོ་རྗེ་ཁུ་ཚུར་བཅིངས་ཏེ་སྦྱང་ལ་བཅོམ་ལྡན་འདས་ལ་འདུད་པར་བྱ། དེའི་གཡོན་ཕྱོགས་སུ་བཅོམ་ལྡན་ 58b འདས་མ་དམ་ཚིག་གི་ཁུ་ཚུར་རྒྱན་ཐམས་ཅད་ཀྱིས་བརྒྱན་པ་ཡིད་ཙམ་དུད་པས་བཅོམ་ལྡན་འདས་ལ་ཕྱག་འཚལ་བ། ལག་པ་གཡས་པ་ན་ཨ་མྲའི་འབྲས་བུ་འབུལ་བ། གཡོན་པ་ན་རྡོ་རྗེ་ཁུ་ཚུར་གྱིས་རྡོ་རྗེ་འཛིན་ཏོ། །དེ་ནས་རས་ལ་བྲིས་པའི་སྤྱན་སྔར་ཞག་གསུམ་སྨྱུངས་ལ། གུ་གུལ་གྱི་རིལ་བུ་སྲན་མ་ཙམ་དུ་རུ་སྐའི་འབྲུ་མར་ལ་སྙུགས་པ་བརྒྱད་སྟོང་དུ་པ་མེད་པའི་འདག་མེ་ལ་བསྲེག་གོ། དེ་ནས་གཟུགས་དེ་འགུལ་ཏེ་བཅོམ་ལྡན་འདས་ཀྱི་ཞལ་ནས་འོད་ཟེར་འབྱུང་ངོ ། །དེ་ནས་བཅོམ་ལྡན་འདས་རྡོ་རྗེ་ཁུ་ཚུར་གྱིས་མཆོག་སྩོལ་བ་ནི་རྒྱལ་པོ་འམ། འཁོར་ལོ་བསྐོར་བ་འམ། ལྷ་མ་ཡིན་པ་དབང་བ་འམ། ས་བརྗོད་པ་འམ། སའི་འོག་བརྗོད་པ་འམ། ཁམས་བརྗོད་པ་འམ། འདོད་པའི་ཁམས་མི་སྣང་བ་འམ། ནམ་མཁའ་ལ་འགྲོ་བར་འགྱུར་རོ། །ཡང་བསྒྲུབ་པ་གཞན་གྱི་ཆོ་ག་སྟེ། རས་ལ་བཅོམ་ལྡན་འདས་རྡོ་རྗེ་ཁུ་ཚུར་རྒྱན་ཐམས་ཅད་ཀྱིས་བརྒྱན་པ་བྲིས་ལ། དེ་བཞིན་དུ་རྡོ་རྗེ་དང་བཅས་པའི་ཕྱག་གཉིས་ཀྱིས་རྡོ་རྗེ་ཁུ་ཚུར་བཅིངས་པ་ཨུཏྤལ་སྔོན་པོའི་མདོག་སྤྱན་སྔར་དམ་ཚིག་གི་རྡོ་རྗེ་ཁུ་ཚུར་བཅིངས་ཏེ། སྟོང་ཕྲག་བརྒྱ་བཟླས་པའི་མཇུག་ཉིན་མཚན་གསུམ་ཐལ་བྱུང་བཟླས་ན་ནམ་ཕྱེད་ནས་བཅོམ་ལྡན་འདས་ཉིད་བྱོན་ཏོ། མཆོག་སྩོལ་བར་འགྱུར་རོ། །རས་སམ། ཤིང་ལབ་བམ། 59a ༄#། །རྩིག་ངོས་ལ་བཅོམ་ལྡན་འདས་མ་རྡོ་རྗེ་ཁུ་ཚུར་དེ་བཞིན་དུ་རྡོ་རྗེ་དང་ཨ་མྲའི་འབྲས་བུ་ཐོགས་པར་བྱས་ཏེ། དེའི་སྤྱན་སྔར་སྟོང་ཕྲག་བརྒྱ་བཟླས་ན་ཕྱག་རྒྱ་ཐམས་ཅད་བཅིངས་པ་ཙམ་གྱིས་ལས་ཐམས་ཅད་གདོན་མི་ཟ་བར་བྱེད་པར་འགྱུར་རོ། །དེ་ནས་མ་བསྒྲུབས་པའི་ལས་རྣམས་འབྱུང་སྟེ། རྡོ་རྗེ་དམ་ཚིག་གི་ཁུ་ཚུར་བཅིངས་ནས་འབུམ་བཟླས་ན། ཁུ་ཚུར་བཅིངས་པས་ནམ་མཁའ་ལ་འགྲོ་བར་འགྱུར་རོ། །ལག་པ་གཡོན་པས་རྡོ་རྗེ་དང་བཅས་པའི་རྡོ་རྗེ་ཁུ་ཚུར་བཅིངས་ན་ཕྱག་ན་རྡོ་རྗེ་ལ་སོགས་པའི་གཟུགས་འབྱུང་བར་འགྱུར་བ་ནི་འབུམ་པ་ཟླས་པས་སོ། །ལག་པ་གཡོན་པས་རྡོ་རྗེ་ཁུ་ཚུར་བཅིང་ཏེ་སྟོང་ཕྲག་བརྒྱ་བཟླས་ན། ཁུ་ཚུར་བཅིངས་པ་དེས་མི་སྣང་བར་འགྱུར་ཏེ་ཕྲལ་ན་སྣང་བར་འགྱུར་རོ། །རྡོ་རྗེ་བཅིངས་པའི་ཁུ་ཚུར་བྱས་ལ་འབུམ་བཟླས་ན་ཁུ་ཚུར་བཅངས་པས་བཅིང་བ་དང ། རེངས་པར་བྱ་བ་དང ། གཉིད་ལོག་པར་བྱ་བ་ཐམས་ཅད་ནུས་པར་འགྱུར་རོ། །ནམ་མཁའ་ལ་རྡོ་རྗེ་ཁུ་ཚུར་བཅངས་ཏེ་འབུམ་བཟླས་ན་རྡོ་རྗེ་ཁུ་ཚུར་བྱབས་པ་ཙམ་གྱིས་ནམ་མཁའ་ལ་ནོར་དང ། གསེར་དང ། མུ་ཏིང་དང ། རྒྱན་དང ། རིན་པོ་ཆེ་དང ། གོས་དང ། བཟའ་བ་དང ། བཏུང་བ་དང ། མེ་དང ། ཆུ་དང ། མེ་ཏོག་དང ། འབྲས་བུ་དང ། མྱུ་གུ་དང ། ཡི་གེ་དང ། འཐབ་ 59b ཆ་དང ། སྟོན་སྐྱོབས་དང ། མཚོན་ཆ་དང ། གླེགས་བམ་དང ། རྟོག་པ་དང ། མདོ་སྡེ་དང ། སངས་རྒྱས་ཀྱི་སྐུ་ལ་སོགས་པ་དངོས་པོ་གནས་པ་དང ། འགྲོ་བ་ཅི་འདོད་པ་དགུག་པར་བྱེད་དོ། །གཡས་པ་རྡོ་རྗེ་ཁུ་ཚུར་བཅངས་ལ་འབུམ་བཟླས་ན་རྡོ་རྗེ་ཁུ་ཚུར་བསྟན་པས་གནས་པ་དང ། འགྲོ་བ་ཐམས་ཅད་དགུག་པ་དང ། འདྲེན་པ་དང ། འགྱེལ་བར་ནུས་པར་འགྱུར་རོ། །ཁུ་ཚུར་བསྒྱུར་བས་ཐམས་ཅད་གཏན་འཕོ་ནུས་པར་འགྱུར་རོ། །གཡས་པས་རྡོ་རྗེ་ཁུ་ཚུར་བཅིངས་ལ་སྟོང་ཕྲག་བརྒྱ་བཟླས་ན་རྡོ་རྗེ་ཁུ་ཚུར་བྱབས་པས་ཐམས་ཅད་ལས་ནོར་དང ། གསེར་དང ། རྒྱན་དང ། གོས་དང ། མཚོན་ཆ་དང ། མེ་ཏོག་དང ། འབྲས་བུ་ལ་སོགས་པ་དངོས་པོ་ཐམས་ཅད་དགུག་།གཟུགས་དང ། སྒྲ་དང ། དྲི་དང ། རོ་དང ། རེག་བྱ་ལས་དམ་པ་ཐམས་ཅད་ཀྱང་དགུག་གོ་།བུད་མེད་ཀྱི་ནུ་མ་དང ། མངལ་ཕྱོགས་དང ། མིག་དང ། སྣ་དང ། མཆུ་དང ། རྣ་བ་དང ། མགོ་དང ། བརླ་དང ། སྐ་རགས་དང ། གསང་སྤུ་ལ་སོགས་པ་དངོས་པོ་ཐམས་ཅད་ཀྱང་དགུག་གོ་།བཀྲོལ་ན་ཐར་བར་འགྱུར་རོ། །ཉིན་ཞག་གཅིག་སྨྱུངས་ལ་ལག་པ་གཉིས་རྡོ་རྗེ་ཁུ་ཚུར་བཅངས་ཏེ། སྟོང་ཕྲག་བརྒྱ་བཟླས་ན་དེ་ཕྱིན་ཆད་ཁུ་ཚུར་བཅངས་པས་ལས་ཐམས་ཅད་བྱེད་དོ། །དེ་ལ་ལས་རྣམས་ནི་དགུག་པ་དང ། གཞུག་པ་དང ། བཅིང་བ་དང ། 60a ༄#། །དབང་དུ་བྱ་བ་དང ། རེངས་པར་བྱ་བ་དང ། རྨུགས་པར་བྱ་བ་དང ། རྒྱས་གདབ་པ་དང ། གཉིད་ལོག་པ་དང ། བསླང་བ་དང ། དྲང་བ་དང ། བསྒྱེལ་པ་དང ། བརྡངས་པ་དང ། བསྐྲད་པ་དང ། དབྱེ་བ་དང ། གོ་བཟློག་པ་དང ། གཏན་འཕོ་བ་དང ། གསོ་བ་དང ། སྒྱུ་མ་ཐམས་ཅད་བསྟན་པ་དང ། དུས་ཚིགས་བསྒྱུར་བ་དང ། ས་ལ་སོགས་པ་གཡོ་བ་དང ། ཐམས་ཅད་ལ་དབབ་པ་དང ། དཀྱིལ་འཁོར་དུ་གཞུག་པ་དང ། གར་བྱེད་པ་དང ། གླུ་ལེན་པ་དང ། སྔོན་མ་བྱུང་བའི་སྦྱོར་བ་དང ། སོ་སོར་ལུང་སྟོན་པ་དང ། འཁྲུལ་འཁོར་ཐམས་ཅད་གཞོམ་པ་དང ། སྒོ་ཐམས་ཅད་དབྱེ་བ་དང ། གདོན་ཐམས་ཅད་འཇུག་པ་དང ། དུག་ཐམས་ཅད་བསླང་བ་དང ། མ་རུངས་པར་བྱ་བ་དང ། ཐམས་ཅད་སྤོ་བ་དང ། ཐམས་ཅད་ཀྱི་ཕྱག་རྒྱ་གཞོམ་པ་དང ། ཐམས་ཅད་འགགས་པ་དང ། གས་པ་སྦྱར་བ་དང ། སྦྲུལ་བསྐྲད་པ་དང ། གཟུང་བ་དང ། གཏང་བ་དང ། སེར་བ་དང ། ཆར་དབབ་པ་དང ། གློག་དབྱུང་བ་དང ། ཐམས་ཅད་སླར་བཅད་པ་དང ། སྔོན་ཆད་མེད་པའི་གོས་དང ། རྒྱན་དང ། རིན་པོ་ཆེ་དང ། མེ་ཏོག་དང ། འབྲས་བུ་དང ། སྐྱེས་པ་དང ། བུད་མེད་དང ། བྱ་དང ། རི་དྭགས་དགུག་པ་དང ། གཏོང་བ་དང ། གཟུགས་མང་པོ་སྟོན་པ་དང ། མི་སྣང་བ་དང ། ནམ་ 60b མཁའ་ལ་འགྲོ་བ་བསྟན་པ་ལ་སོགས་པ་འདོད་པ་བཞིན་ལས་ཐམས་ཅད་བྱེད་པར་འགྱུར་རོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། རྡོ་རྗེ་ཁུ་ཚུར་གྱི་རྟོག་པའོ།། །།དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པ་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་རང་གི་སྙིང་པོ་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་འདིར་སྩལ་བར་བགྱི་སྟེ། གང་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་མཛོད་བརྗོད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ། རིགས་ཀྱི་བུ། ཁྱོད་ཀྱིས་སྨྲོས་ཤིག་ཅེས་གསུངས་སོ། །དེ་ནས་འཇམ་དཔལ་གཞོན་ནུར་གྱུར་པས་སྨྲས་པ། ཨ་ར་པ་ཙ་ན། དེ་ནས་འདི་བརྗོད་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཆོས་ཐམས་ཅད་མཉམ་པ་ཉིད་ལས་ཡི་གེ་མཉམ་པ་ཉིད་སེམས་ཅན་ཐམས་ཅད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པའི་གྲུབ་པ་ཐོབ་པར་འགྱུར་བ་བཤད་དོ། །དེ་ནས་དཀྱིལ་འཁོར་འབྱུང་སྟེ། འཁོར་ལོའི་དཀྱིལ་འཁོར་ཡར་གྱི་ངོ་ཚེས་བཅུ་བཞིའམ། བཅོ་ལྔ་ལ་བྲིས་ཏེ། དེའི་དབུས་ཀྱི་ལྟེ་བར་འཇམ་དཔལ་བཞུགས་པར་བྱའོ། །རྡོ་རྗེ་རལ་གྲི་དང ། གླེགས་བམ་ཐོགས་པར་བྱས་ 61a ༄#། །ལ། དེའི་ཐད་འཁོར་ཐམས་ཅད་དུ་ཡི་གེ་ཨ་ར་པ་ཙ་ན་ལ་སོགས་པའི་ཕྲེང་བ་བྲི་བར་བྱའོ། །དེ་ནས་སློབ་དཔོན་གྱིས་རྡོ་རྗེ་རལ་གྲི་དམ་ཚིག་གི་ཕྱག་རྒྱ་བཅིངས་ལ་ཞུགས་ཏེ། ནི་ཥྛ་པཉྫ་ག་ཞེས་བྱ་བའི་ཡི་གེ་འདི་བརྗོད་དོ། །དེ་ནས་བཅོམ་ལྡན་འདས་ཀྱིས་སློབ་དཔོན་ལ་ཐོགས་པ་མེད་པའི་སྤོབས་པ་ཡང་སྩོལ་ཏེ། དེ་ཕྱིན་ཆད་བཅོམ་ལྡན་འདས་ཀྱིས་ནམ་མཁའ་ལ་ཡི་གེར་བྲིས་ཏེ་ཐམས་ཅད་གསུང་ངོ ། །དེ་བཞིན་དུ་སློབ་མ་བཅུག་སྟེ། འདི་ཞེས་སྨྲོས་ཤིག་།དེང་ཁྱོད་ཀྱིས་དེ་བཞིན་གཤེགས་པའི་ཆོས་ཐོབ་པར་འགྱུར་གྱི། སྙིང་པོ་འདི་ཁྱོད་ཀྱིས་སུ་ལ་ཡང་མ་སྨྲ་ཞིག་།དེ་ལ་གསང་བའི་ཡི་གེ་འདི་རྣམས་སོ། ། ར་པ་ཙ་ན་ཞེས་བྱ་བ་སྟེ། འདོད་པ་ཐམས་ཅད་ཐོབ་བོ། །དེ་ཅིའི་ཕྱིར་ཞེ་ན། ཨ་ཞེས་བྱ་བ་ནི་འདོད་པའོ། །ར་ཞེས་བྱ་བ་ནི་ཆགས་པའོ། །པ་ཞེས་བྱ་བ་ནི་དོན་དམ་པའོ། །ཙ་ཞེས་བྱ་བ་ནི་སྤྱོད་པའོ། །ན་ཞེས་བྱ་བ་ནི་རང་བཞིན་མེད་པའོ། །དེ་ལྟར་འདོད་པ་དང ། ཆགས་པ་དང ། དོན་དམ་པ་དང ། སྤྱོད་པ་དང ། རང་བཞིན་མེད་པ་ཉིད་ཀྱི་སྙིང་པོ་འདི་བསྒོམས་ཏེ་བསྒྲུབས་ན་འདོད་པ་ཐམས་ཅད་ཐོབ་པར་འགྱུར་རོ། །དེ་བཞིན་གཤེགས་པ་ནི་འདོད་པ་ཐམས་ཅད་ཀྱི་སྣོད་ཡིན་ཏེ། དེ་བས་ན་སྙིང་པོ་འདིས་དེ་བཞིན་གཤེགས་པ་དང ། རྡོ་རྗེ་འཛིན་ཀྱང་མྱུར་དུ་ཐོབ་ 61b པར་འགྱུར་རོ། །དེ་ནས་ཕྱག་རྒྱ་བཅིང་བ་བསླབ་པོ། །སྤྲོས་པ་མེད་པའི་མཆོག་ཅེས་བྱའོ། །དེ་ནས་རལ་གྲིའི་དཀྱིལ་འཁོར་འབྱུང་སྟེ། དེ་བཞིན་དུ་རྡོ་རྗེ་དཀྱིལ་འཁོར་བྲིས་ལ་དེའི་དབུས་སུ་རལ་གྲི་བཞག་སྟེ། མདུན་དུ་སྙིང་པོ་འདི་བསྒྲུབས་ན། དེས་འཇམ་དཔལ་གཞོན་ནུར་གྱུར་པ་བསྒྲུབས་པར་འགྱུར་རོ། །རྡོ་རྗེ་རལ་གྲིའི་དཀྱིལ་འཁོར་རོ། །དམ་ཚིག་གི་དཀྱིལ་འཁོར་ནི་དཀྱིལ་འཁོར་ཆེན་པོ་ཚུལ་བཞིན་དུ་བྲིས་ལ་ཞུགས་ནས་འདི་ཞེས་བརྗོད་དོ། ། ཀཱ་རོ་མུ་ཁཾ་སརྦ་དྷརྨ་ཎཱཾ། ཨཱ་དྱ་ནུ་ཏྤ་ནྣ་ཏྭ་ཏ། ཨ་ཞེས་བྱ་བ་ནི་ཆོས་ཐམས་ཅད་ཀྱི་སྒོ་སྟེ་ཐོག་མ་ནས་མ་སྐྱེས་པའི་ཕྱིར་རོ་ཞེས་ནང་པར་ལངས་ནས་ཉིན་རེ་ལན་རེ་བརྗོད་ན་མཚམས་མེད་པ་ཐམས་ཅད་ཀྱིས་མི་གོས་སོ། །དམ་ཚིག་གི་དཀྱིལ་འཁོར་རོ། །དེ་ནས་ལས་ཀྱི་དཀྱིལ་འཁོར་འབྱུང་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་དཀྱིལ་འཁོར་གྱི་དབུས་སུ་བཞག་ནས་མཆོད་པ་རྣམ་པ་བཞིས་མཆོད་པ་ནི་འདྲི་བ་དང ། ཀློག་པ་དང ། ཁ་ཏོན་བྱེད་པ་དང ། སྒོམ་པས་སོ། །ལས་ཀྱི་དཀྱིལ་འཁོར་རོ། །དེ་ནས་བསྒྲུབ་པར་འདོད་པས་དཀྱིལ་འཁོར་ཆེན་པོའི་ཚུལ་དུ་རས་ལ་བྲིས་ནས། ཡི་གེ་ཕྲེང་བ་ཐམས་ཅད་བརྗོད་དེ་འདི་སྐད་དུ་ཆོས་ཐམས་ཅད་ནི་རང་བཞིན་གྱི་བསྒྲུབ་པའོ་ཞེས་ཀྱང་བརྗོད་ནས་ཡི་གེ་འདི་འབུམ་བཟླས་ན་སྤོབས་པ་མི་ཟད་པར་འཇམ་དཔལ་དང་མཚུངས་པ་དང ། 62a ༄#། །ནམ་མཁའ་ལ་འགྲོ་བར་འགྱུར་རོ། །དེ་ནས་མ་བསྒྲུབས་ཀྱང་ལས་སུ་འགྱུར་བ་ནི་ལན་གཅིག་བཟླས་པས་སྡུག་བསྔལ་ཐམས་ཅད་ལས་གྲོལ་ལོ།། གཉིས་བཟླས་པས་མཚམས་མེད་པ་ཐམས་ཅད་ལྷག་མ་མ་ལུས་པར་ཟད་པར་འགྱུར་རོ། །གསུམ་བཟླས་པས་ཏིང་ངེ་འཛིན་མངོན་དུ་འགྱུར་རོ། །བཞི་བཟླས་པས་དྲན་པ་དང་ལྡན་པར་འགྱུར་རོ། །ལྔ་བཟླས་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །སྐུ་གདུང་དང་བཅས་པའི་མཆོད་རྟེན་ལ་ཡི་གེ་ཕྲེང་བ་གཡས་ཕྱོགས་ནས་ཨ་ཞེས་བྱ་བའི་དྲུང་དུ་ན་ཞེས་བྱ་བ་ཕྱིན་གྱི་བར་དུ་བྲིའོ། །དེ་ནས་བསྐོར་ཞིང་ཡི་གེ་འབུམ་བཟླས་ཏེ། ཡི་གེ་རེ་རེ་འབུམ་རྫོགས་ན་བཅོམ་ལྡན་འདས་དེ་བཞིན་གཤེགས་པ་དང ། འཇམ་དཔལ་དང ། ཕྱག་ན་རྡོ་རྗེ་ཅིག་ཆར་འགྲུབ་སྟེ། ཉིན་རེ་ཞིང་མཐོང་བར་བསྟན་ནས་ཆོས་བཤད་དེ་སླར་གཤེགས་སོ། ། ཚེ་འདི་ཉིད་ལས་སངས་རྒྱས་པ་མན་ཆད་ཀྱང་སྩོལ་ཏོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། འཇམ་དཔལ་གཞོན་ནུའི་རྟོག་པའོ།། །།དེ་ནས་བཅོམ་ལྡན་འདས་ལ་རྡོ་རྗེ་འཁོར་ལོ་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་ 62b འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་སྙིང་པོ་འདི་སྩལ་བར་བགྱི་སྟེ། གང་བརྗོད་པ་ཙམ་གྱིས་དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་རྡོ་རྗེ་འཁོར་ལོ་བྱང་ཆུབ་སེམས་དཔའ་ལ་བསྐུལ་ལོ། །དེ་ནས་རྡོ་རྗེ་འཁོར་ལོ་བྱང་ཆུབ་སེམས་དཔས་བཅོམ་ལྡན་འདས་ལ་རང་གི་སྙིང་པོ་ཕུལ་བ། ཨོཾ་བྫྲ་ཙཀྲ་ཧཱུཾ། དེ་ནས་འདི་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ལ་སོགས་པ་དང ། སེམས་ཅན་ཐམས་ཅད་ཀྱིས་དཀྱིལ་འཁོར་དེ་ཉིད་དུ་ཞུགས་སོ། །དེ་ནས་རྡོ་རྗེ་འཁོར་ལོ་བྱང་ཆུབ་སེམས་དཔས་དཀྱིལ་འཁོར་འདི་བཤད་དོ། །རྡོ་རྗེ་འཁོར་ལོ་བཞིན་བྲིས་ལ། །རྡོ་རྗེ་འཁོར་ལོ་བདག་ཆེ་བ། །རང་གི་ལག་ན་ཕྱག་རྒྱ་ཐོགས། །དེ་ཡི་དབུས་སུ་གཞག་པར་བྱ། །དེ་ཡི་ཐད་འཁོར་ཐམས་ཅད་དུ། །རིགས་ཀྱི་དཀྱིལ་འཁོར་ལོ་ཚོགས་རྣམས་བྲི། །དེ་ཡང་སེམས་ཅན་ཆེན་པོ་རྣམས། །དེ་དག་ཉིད་ནི་ལེགས་པར་བྲི། །དེ་ནས་བློ་ལྡན་ཐོག་མ་རུ། །རྡོ་རྗེ་འཁོར་ལོས་འཇུག་པར་བྱ། །ཞུགས་ནས་སྙིང་པོ་འདི་བཟླས་སོ། །ཛཿ ་ཧཱུཾ་བཾ་ཧོཿ ། ཞེས་བརྗོད་ན་དེས་བཅོམ་ལྡན་འདས་དགྱེས་ཏེ་གྲུབ་པ་ཐམས་ཅད་དུ་སྩོལ་ཏོ། །དེ་བཞིན་དུ་སློབ་མ་བཅུག་ནས་དེ་ཉིད་དུ་བསྒྲུབ་པར་བྱའོ། །རྡོ་རྗེའི་འཁོར་ལོའི་ཕྱག་རྒྱ་བཅིངས་ནས་འབུམ་བཟླས་ན། དེ་ 63a ༄#། །བཞིན་གཤེགས་པའམ། རྡོ་རྗེ་འཛིན་ཐོབ་པར་འགྱུར་རོ། །རྡོ་རྗེ་འཁོར་ལོ་ཞེས་བྱ་བའོ། །རྡོ་རྗེ་འཁོར་ལོའི་དབུས་སུ་རྡོ་རྗེ་བྲི་སྟེ། དེ་བཞིན་དུ་བཟླས་ན་རྡོ་རྗེ་འཛིན་དུ་འགྱུར་རོ། །རྡོ་རྗེ་དཀྱིལ་འཁོར་རོ། །དཀྱིལ་འཁོར་དེ་བཞིན་དུ་བྲིས་ནས་མཚན་མ་བཞག་སྟེ། འདི་ཞེས་བརྗོད་དོ། །རྡོ་རྗེ་འཁོར་ལོ་འཇུག་པ་ཡིས། །མཐོང་དང་དེ་བཞིན་བསྒྲུབས་ན་ནི། རྟོག་པ་ཐམས་ཅད་འགྲུབ་པར་འགྱུར། །དེ་བས་བརྟགས་ཏེ་བསྒྲུབ་པར་བྱ། །དམ་ཚིག་གི་དཀྱིལ་འཁོར་རོ། །དཀྱིལ་འཁོར་བྲིས་པ་དེ་ཉིད་དུ། ། ཕྱག་རྒྱ་ཤེས་པ་བསྒྲུབ་པའི་ཕྱིར། །བརྩོན་འགྲུས་བརྟན་པས་ཐམས་ཅད་ཀྱི། །བླ་མེད་པས་ནི་བསླབ་པར་བྱ། །ལས་ཀྱི་དཀྱིལ་འཁོར་རོ། །དཀྱིལ་འཁོར་དུ་ཞུགས་པ་ཙམ་གྱིས་མ་བསྒྲུབས་པར་ལས་ཐམས་ཅད་བྱེད་དེ། ཇི་ལྟར་དགའ་བའི་ཆོ་ག་འམ། རྟོག་པ་ལས་བཤད་པ་སྒྲུབས་ཤིག། འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། རྡོ་རྗེ་འཁོར་ལོའི་རྟོག་པའོ།། །།དེ་ནས་བཅོམ་ལྡན་འདས་ལ་ནམ་མཁའི་མཛོད་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་སྩལ་བར་བགྱི་སྟེ། སྙིང་ 63b པོ་གང་བརྗོད་པ་ཙམ་གྱིས་མཆོད་པ་ཐམས་ཅད་ཀྱི་གནས་སུ་འགྱུར་བའོ། །བཅོམ་ལྡན་འདས་ཀྱིས་སྨྲོས་ཤིག་ཅེས་གསུངས་སོ། །དེ་ནས་ནམ་མཁའ་མཛོད་ཀྱིས་གསུངས་པ། ཨོཾ་ག་གན་སཾ་བྷ་བ་བྫྲ་པཱ་ཙ་ཧོ། །དེ་ནས་དེའི་དུས་ན་བཅོམ་ལྡན་འདས་ཀྱི་དཀྱིལ་འཁོར་ཐམས་ཅད་ལ་ནམ་མཁའ་ལས་མཆོད་པ་ཀུན་འབྱུང་བར་བྱས་སོ། །དེ་ནས་དཀྱིལ་འཁོར་འབྱུང་སྟེ། །རྡོ་རྗེ་འཁོར་ལོ་བཞིན་དུ་བྲི། །དེ་ཡི་དབུས་སུ་ནོར་ཆེན་ཏེ། །ནམ་མཁའ་དང་པོར་བཞུགས་པར་བྱ། །རྒྱལ་བ་ཀུན་གྱིས་བསྐོར་བའོ། །དང་པོར་སློབ་དཔོན་འཇུག་པ་ནི། །མཆོད་པ་ཀུན་མཆོག་ཕྱག་རྒྱས་སོ། །དཀྱིལ་འཁོར་དེ་རུ་ཞུགས་ནས་ནི། །རྡོ་རྗེ་ཐམས་ཅད་བརྗོད་པར་བྱ། །དེ་ནས་བཅོམ་ལྡན་འདས་འགྲུབ་སྟེ། དེ་བཞིན་དུ་སློབ་མ་ཡང་བཅུག་ནས་རྡོ་རྗེ་ཐམས་ཅད་ཀྱི་དམ་ཚིག་གི་སྙིང་པོ་འདི་བརྗོད་ལ་ཕྱག་རྒྱ་ཡང་སློབས་ཤིག་།མཆོད་པ་ཐམས་ཅད་ཅེས་བྱ་བའི་དཀྱིལ་འཁོར་རོ། ། དེ་ནས་ནམ་མཁའི་དཀྱིལ་འཁོར་ཏེ། །ཡིད་ཀྱི་དཀྱིལ་འཁོར་བྲིས་ལ་དེར་ཞུགས་ཤིག་།ཞུགས་ནས་འདི་སྐད་བརྗོད་ཅིག་།འདི་དག་ཐམས་ཅད་ནི་ནམ་མཁའ་ཉིད་དེ་བདེན་པ་གང་གིས་ནམ་མཁའ་གཟུགས་མེད་པ་ལས་གཟུགས་འབྱུང་བ་དེས་ན་དེ་བཞིན་གཤེགས་པ་ཐམས་ཅད་ལ་མཆོད་པ་དང ། ཡིད་ལ་འདོད་པའི་གྲུབ་པ་ཐམས་ 64a ༄#། །ཅད་ནམ་མཁའ་ལས་འབྱུང་བར་གྱུར་ཅིག་ཅེས་བྱས་ནས་འདུག་སྟེ། རྡོ་རྗེ་ཀུན་གྱི་ཕྱག་རྒྱ་བཅིངས་ནས་འབུམ་བཟླས་ན་དེ་ནས་ནམ་མཁའ་ལས་མཆོད་པའི་རྣམ་པ་ཐམས་ཅད་དང ། དོན་ཐམས་ཅད་དང ། ཕུན་སུམ་ཚོགས་པ་ཐམས་ཅད་ཀྱང་འབྱུང་བར་འགྱུར་རོ། །རྡོ་རྗེའི་དཀྱིལ་འཁོར་རོ། །དཀྱིལ་འཁོར་བྲིས་ནས་བཙུད་དེ་འདི་ནི་ཁྱོད་ཀྱི་དམ་ཚིག་གོ་ཞེས་བརྗོད་ཅིག་།འབྱུང་བ་ཀུན་ལས་ནམ་མཁའ་ནི། །འབྱུང་བ་ཆེན་པོ་ལྔ་པའོ། །ནམ་མཁའ་ལ་ནི་འདོད་པ་འབྱུང ། །འདོད་པའི་མཆོད་པ་གྲུབ་གྱུར་ཅིག། ཅེས་སྨྲས་ནས། འདིས་ཁྱོད་ཀྱིས་དེ་བཞིན་གཤེགས་པ་ཐམས་ཅད་མཆོད་ཅིག་ཅེས་བསྒོ་ཞིག་།དམ་ཚིག་གི་དཀྱིལ་འཁོར་རོ། །སློབ་མ་ནམ་མཁའ་ལ་ཡིད་ཀྱིས་དཀྱིལ་འཁོར་འདྲིར་བཅུག་ལ། དེར་སློབ་མ་ཡིད་ཀྱིས་མཆོད་པ་ཡང་སློབས་ཤིག་།ཡིད་ཀྱིས་འདི་སྐད་བརྗོད་ཅིག་།ནམ་མཁའི་མཆོད་པས་དེ་བཞིན་གཤེགས་པ་ཐམས་ཅད་ལ་མཆོད་དོ་ཞེས་ཉིན་རེ་ཞིང་བྱས་ན་འགྲུབ་པོ། འཇིག་རྟེན་གསུམ་ལས་རྒྱལ་བའི་རྟོག་པ་ཆེན་པོའི་རྒྱལ་པོ་ལས། ནམ་མཁའ་མཛོད་ཀྱི་རྟོག་པའོ།། །།དེ་ནས་བཅོམ་ལྡན་འདས་ལ་འཕགས་པ་བྱམས་པ་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ 64b ཀྱང་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་སྩོལ་བར་བགྱི་སྟེ། གང་བརྗོད་པ་ཙམ་གྱིས་སེམས་ཅན་ཐམས་ཅད་བྱམས་པའི་སེམས་སྐྱེ་བར་འགྱུར་བའོ། །བཅོམ་ལྡན་འདས་ཀྱིས་རིགས་ཀྱི་བུ་སྨྲེས་ཤིག་ཅེས་གསུངས་སོ། །དེ་ནས་བཅོམ་ལྡན་འདས་བྱམས་པ་བྱང་ཆུབ་སེམས་དཔས་རང་གི་སྙིང་པོ་འདི་གསུངས་སོ། །ོཾ་མེ་ཏྲི་དྲྀ་ཌྷ་ཙི་ཏེ་ཏིཥྛ་ཧོ། །དེ་ནས་འདི་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་བྱམས་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བཞུགས་སོ།། དེ་ནས་དཀྱིལ་འཁོར་འབྱུང་སྟེ། འཁོར་ལོའི་དཀྱིལ་འཁོར་བྲིས་པ་དེར་བྱམས་པ་བཞག་སྟེ། དེ་བཞིན་གཤེགས་པ་བཞི་དང ། བྱང་ཆུབ་སེམས་དཔའ་བཞི་བྱ་སྟེ། ཆོ་ག་བརྟན་པའི་ཕྱག་རྒྱས་ཞུགས་ལ་འདི་ཞེས་བརྗོད་དོ། །བྫྲ་དྲྀ་ཌྷ་ཏིཥྛ། དེ་ནས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་ནས་སློབ་མ་དེ་བཞིན་དུ་དཀྱིལ་འཁོར་ཆེན་པོ་ཐམས་ཅད་དུ་འཇུག་པའི་ཚུལ་གྱིས་བཙུད་དོ། །བཙུད་ནས་བྱམས་པ་ཆེན་པོའི་ཕྱག་རྒྱ་བསླབ་སྟེ། དེ་ནས་གོ་ཆས་བསྐོན་ནོ། །བརྟན་པ་ཆེན་པོ་ཞེས་བྱ་བའི་དཀྱིལ་འཁོར་རོ། །དེ་ནས་བྱམས་པའི་དཀྱིལ་འཁོར་འབྱུང་སྟེ། བྱམས་པས་ཞུགས་ལ་བྱམས་པའི་ཏིང་ངེ་འཛིན་སྒྲུབས་ཤིག། བྱམས་པའི་དཀྱིལ་འཁོར་རོ། །དཀྱིལ་འཁོར་དུ་བཅུག་ལ་འདི་ 65a ༄#། །ཞེས་བརྗོད་དོ། །རངས་སམ་ཡང་ན་ཁྲོས་ཀྱང་རུང ། །མཛའ་དང་སྡང་བ་དེ་བཞིན་ཏེ། །འགྲོ་ལས་གལ་ཏེ་རྒྱལ་འདོད་ན། །བྱམས་པ་ཆེན་པོ་བསྒོམ་པར་གྱིས། །དམ་ཚིག་གི་དཀྱིལ་འཁོར་རོ། །དེ་ནས་དཀྱིལ་འཁོར་དུ་བཙུད་ལ་འདི་བསླབ་པོ། །སངས་རྒྱས་ཐམས་ཅད་ལ་ཕྱག་འཚལ་ལོ། །སེམས་ཅན་ཐམས་ཅད་དགེ་བར་གྱུར་ཅིག་།འབྱུང་པོ་ཐམས་ཅད་ལ་བྱམས་པ་དང ། བྱོལ་སོང་ཐམས་ཅད་ལ་མི་འཇིགས་པ་སྦྱིན་ནོ། །ལས་ཀྱི་དཀྱིལ་འཁོར་རོ། །བྱམས་པ་བསྒོམས་པས་གྲུབ་པ་ཐམས་ཅད་ཅི་འདོད་པའི་སྒྲུབ་པས་བསྒྲུབ་བོ། །ལས་རྣམས་ཀྱང་ཡིད་ཀྱི་ཅི་འདོད་པའི་ཆོ་ག་དང ། བྱམས་པས་སྒྲུབས་ཤིག་།འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། བྱམས་པའི་རྟོག་པའོ།། །།དེ་ནས་བཅོམ་ལྡན་འདས་ཀྱི་ཞབས་ལ་རྡོ་རྗེ་རིག་པའི་དམ་པ་ལ་སོགས་པས་མགོ་བོས་ཕྱག་བཙལ་ཏེ། འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་ཕུལ་བ། ཨོཾ་དྲི། ཨོཾ་བྷི་ནྡ་བྫྲ་ཤཱུ་ལ། ཨོཾ་ཙྪི་ན་དྷ་ཧཱུཾ་ཙཀྲ་ཕཊ། ཨོཾ་བྷུ་ར་བྷུ་བ་སཝཿ ་སཝཱཧཱ། ཨོཾ་ཧ་ན་བྷིནྡ་བྫྲ་ཧཱུཾ་ཕཊ། ཨོཾ་ལ་ལ་ལ་ལ་ཨ་བི་ཥ་གྷ་ཎྚ་ཊན། དེ་ནས་དེ་དག་གི་དཀྱིལ་འཁོར་འབྱུང་སྟེ། དཀྱིལ་འཁོར་ཟླུམ་པོའི་དཀྱིལ་འཁོར་ 65b གྱི་གྲཝའི་སྲད་བུའི་དབུས་སུ་དབང་ཕྱུག་ཆེན་པོ་བྲི། དེར་གཞན་དག་ཀྱང་རིམ་གྱིས་ཐམས་ཅད་བྲི་བའམ། བཞག་པའམ། མཐར་ནི་ཚོན་གྱི་ཐིག་ལེ་ཡང་གཞག་གོ། །དེ་ནས་ཐོག་མར་སློབ་དཔོན་གྱིས་གསལ་ཕུར་གསུམ་པའི་རྟགས་ཀྱི་ཕྱག་རྒྱ་བཅིངས་ལ་འདུག་གོ། །གཡོན་ལོགས་ནས་རྡོ་རྗེའི་སློབ་མ་ཡང་བཅུག་སྟེ། དེ་ནས་ཕྱག་རྒྱ་ཡང་བསླབ་བོ། །དེ་ཕྱིན་ཆད་ཐམས་ཅད་འགྲུབ་ཅིང་འཇིག་རྟེན་ཐམས་ཅད་ཀྱི་རིག་འཛིན་དུ་འགྱུར་རོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། རིག་པའི་བློན་པོ་ཆེན་པོའི་རྟོག་པའོ།། །།དེ་ནས་རྡོ་རྗེ་འཁྱིལ་པ་ལ་སོགས་པ་རྡོ་རྗེ་ཁྲོ་བོས་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་ཕུལ་བ།་ཨོཾ་ཨ་མྲྀ་ཏ་ཀུ་ཎྜ་ལི་ཁ་ཁ་ཁ་ཁ་ཀྲོདྷ་ཛྭ་ལཱ་མཱ་ལ་ཧཱུཾ་ཕཊ། ཨོཾ་མཧཱ་པྲཱ་བ་ཧྥོ་ཊ་ཡ་ཧཱུཾ་ཕཊ། ཨོཾ་ཀཱ་ལ་དཎྜ་ཧ་ན་ཧ་ན་ཧཱུཾ་ཕཊ། ཨོཾ་ཀཱ་ལ་པྲ་ཤཱ་གྲ་ཨཱ་ཀཌྜྷ་ཧཱུཾ་ཕཊ། དེ་ནས་དེ་དག་གི་དཀྱིལ་འཁོར་འབྱུང་སྟེ། དཀྱིལ་འཁོར་གྲུ་བཞི་པ་བྲིས་ལ་དེ་ཡི་དབུས་སུ་རྡོ་རྗེ་གཞག་གོ། །ཕྱོགས་བཞིར་ནི་ཁྲོ་བོ་རྣམས་དེ་བཞིན་དུ་བར་ཆད་དུ་བྱས་ལ་འགོད་དོ།། དེ་ནས་སློབ་དཔོན་བདུད་རྩི་འཁྱིལ་བའི་ཕྱག་རྒྱར་ཞུགས་ནས་ཕྱག་རྒྱ་བཅིང་བ་བསླབ་པོ། །དེ་ནས་ཐམས་ཅད་དགུག་པ་དང ། དབང་དུ་བྱ་བ་དང ། གཏན་འཕོ་བ་དང ། སྲུང་ 66a ༄#། །བ་འགྲུབ་བོ། །རྡོ་རྗེ་ཁྲོ་བོའི་རྟོག་པའོ།། །།དེ་ནས་རྡོ་རྗེ་སྲིན་པོ་ལ་སོགས་པ་ཚོགས་ཀྱི་གཙོ་བོས་སྙིང་པོ་འདི་རྣམས་ཕུལ་ལོ། །ོཾ་མཧཱ་བཱ་ལཱ་ཀ་མཧཱ་ག་ཎ་དེ་བི་བ་བི་པ་རུ་ཧྲཱིཿ ་རན་སརྦ་དུཥྚཱ་ན་ནཱ་ཕཊ། ཨོཾ་མཱ་ལཱ་དྷ་ར་ཙ་ལ་ཙ་ལ་ཡ་ཧཱུཾ། ཨོཾ་དྷ་ནུར་དྷ་ར་བ་ཤཱི་ཀུ་རུ་སརྦ་སད་ཏྭཱན་སཝཱཧཱ། ཨོཾ་ཛ་ཡ་བི་ཛ་ཡ་ཧཱུཾ་ཕཊ། དེ་ནས་དཀྱིལ་འཁོར་འབྱུང་སྟེ། གཞུ་ལྟ་བུར་དཀྱིལ་འཁོར་བྲིས་ལ་དེར་རྡོ་རྗེ་གཞག་གོ་།གཡས་སུ་འང་གཉིས་གཡོན་དུའང་གཉིས་སོ། །དེ་ནས་རྡོ་རྗེ་སྲིན་བུའི་ཕྱག་རྒྱས་བཙུད་དེ། དེ་ནས་ཕྱག་རྒྱ་བསླབས་ནས་ཆོ་ག་བསླབ་པ་ནི། །གང་དགེ་བ་དང་དྲིན་གཟོ་དང ། །ལྷ་ཡི་འཁོར་མཐོང་མ་གཏོགས་པར། །གཞན་རྣམས་དེ་དག་ཐམས་ཅད་ཀུན། །མི་དགེ་བ་རྣམས་གཏན་འཕོར་བྱ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། ཚོགས་ཀྱི་གཙོ་བོའི་རྟོག་པའོ།། །། དེ་ནས་རྡོ་རྗེ་གཏུན་ཤིང་ལ་སོགས་པའི་ཕོ་ཉས་རང་གི་སྙིང་པོ་སྨྲས་པ། ཨོཾ་ལཱང་ཀ་ལཱི་ཧཱུཾ། ཨོཾ་མཧཱ་པ་ཏ་ཧཱུཾ། ཨོཾ་བཛྲ་ཛྭཱ་ལཱ་ཡ་སཝཱཧཱ། ཨོཾ་བི་ཀ་ཊ་བྷཻ་ར་བ་དེ་ཧི་མེ་ས་ར་བནྡྷ་ཧཱུཾ་ཕཊ། དེ་ནས་དེ་དག་གི་དཀྱིལ་འཁོར་འབྱུང་བ་ནི་ཤིང་རྟ་དང་འདྲ་བའི་དཀྱིལ་འཁོར་བྲིས་ཏེ། དབུས་སུ་རྡོ་རྗེ་གཞག་ནས་རྡོ་རྗེ་གཏུན་ཤིང་གི་ཕྱག་རྒྱས་བཅུག་ 66b ལ་ལས་འདི་བསླབ་པོ། །མི་དགེ་བའི་སེམས་ཅན་ཐམས་ཅད་འཐུངས་ཤིག་།ཕྲོགས་ཤིག་།སྲེགས་ཤིག་།ཟོ་ཞིག་།དེ་ནས་ཕྱག་རྒྱ་བཅིང་བ་བསླབ་བོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། ཕོ་ཉའི་ཚོགས་ཀྱི་རྟོག་པའོ།། །།དེ་ནས་བཅོམ་ལྡན་འདས་ལ་རྡོ་རྗེ་ཀྱོ་བཏང་ལ་སོགས་པ་བྲན་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ཀྱང་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་འབུལ་ལོ། །ོཾ་བཱ་ར་ཧ་དཾཥྚ་ཏྐ་ཊ་བི་ག་ཏོ་དྷ་ར་སརྦ་ན་ཁ་ན་ཁ་ན་ཧཱུཾ་ཕཊ། ཨོཾ་སརྦ་མཱ་ར་ད་ཌ་ཧཱུཾ་ཕཊ། ཨོཾ་བི་ཀ་ཏེ་ཀ་དཾཥྚྲ་བྷིནྡྷ་ཧཱུཾ་ཕཊ། ཨོཾ་མཧཱ་མ་ཎི་ཧ་ར་ཧ་ར་ཧཱུཾ་ཕཊ། དེ་ནས་དེ་དག་གི་དཀྱིལ་འཁོར་འདིའོ། །གྲུ་གསུམ་པར་བྲིས་ལ་མངོན་སུམ་པའི་ཕྱག་རྒྱས་ཞུགས་ནས་གར་གྱི་ཕྱག་རྒྱ་བཅིང་བ་བསླབ་སྟེ། གར་གྱི་མཆོད་པས་ནི་དབུས་ཀྱི་རྡོ་རྗེ་ལ་མཆོད་དོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། བྲན་གྱི་རྟོག་པའོ།། །།དེ་ནས་མ་ཐམས་ཅད་ཀྱིས་ཀུ་ཅོའི་སྒྲ་བཏོན་ཏེ། གར་གྱི་མཆོད་པ་ཆེན་པོས་བཅོམ་ལྡན་འདས་ལ་མཆོད་ནས་རང་རང་གི་སྙིང་པོ་ཕུལ་ལོ། །དེ་ནས་རྡོ་རྗེའི་བློན་མོ་ཆེན་མོ་དག་གིས་སྨྲས་པ། ཨོཾ་བཛྲ་ཀྲོ་དྷ་ར་ལི་ཧཱུཾ་ཕཊ། ཨོཾ་བཛྲ་ཙ་ཀྲ་ཚིན་དྷ་ཧཱུཾ་ 67a ༄#། །ཕཊ། ཨོཾ་ཤཱནྟི་ཧཱུཾ། ཨོཾ་བཛྲ་མུཥྚི་ཧ་ན་ཤིན་དྷ་ཧ་ན་ཧཱུཾ་ཕཊ། ཨོཾ་ཀུ་མཱ་ར་ཧ་བི་ཥ་གྷ་ཎ་ཏི་ཀེ་ར་ཎ་ར་ཎ་ཅ་ལཱ་ཡ་སརྦ་དུ་ཥྚཱ་ན་ཧཱུཾ་ཕཊ། དེ་ནས་དེ་དག་གི་དཀྱིལ་འཁོར་གྲུ་བཞི་པ་དེའི་སྒོར་འཁོར་ལ་སོགས་པ་བྲིའོ། །དེའི་དབུས་སུ་རྡོ་རྗེ་ཁྲོ་མོའི་མེ་ལག་ནས་རྡོ་རྗེའི་གསལ་བུར་ཅན་བཞག་གོ་།དམ་ཚིག་གི་ཆོ་ག་ནི་དེ་བཞིན་ནོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། རིག་པའི་རྒྱལ་མོ་ཆེན་མོ་རྣམས་ཀྱི་རྟོག་པའོ།། །།དེ་ནས་རྡོ་རྗེ་ཁྲོ་མོ་རྣམས་ཀྱི་རང་གི་སྙིང་པོ་སྨྲས་པ། ཨོཾ་ཨ་མྲྀ་ཏེ་ཧཱུཾ་ཕཊ། ཨོཾ་སཽ་མྱ་ཀྲོ་དྷེ་ཧཱུཾ་ཕཊ། ཨོཾ་དཎྜ་ཊ་དྷ་རི་ཎ་ཧ་ན་ཧཱུཾ་ཕཊ། ཨོཾ་བིཾ་ག་ལི་ཧཱུཾ་ཕཊ། དཀྱིལ་འཁོར་ཟུར་བརྒྱད་པ་བྲིས་ཏེ། དེའི་དབུས་སུ་རྡོ་རྗེ་གཞག་གོ་།ཆ་བཞིར་བགོས་པ་རྣམས་ལ་བཞི་པོ་རིམ་གྱིས་བཞག་གོ་།འཇུག་པ་ལ་སོགས་པའི་ཆོ་ག་ནི་དེ་ཉིད་དོ། །འདི་ནི་ཁྲོ་མོའི་དཀྱིལ་འཁོར་རོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། རྡོ་རྗེ་ཁྲོ་མོ་རྣམས་ཀྱི་རྟོག་པའོ།། །།དེ་ནས་ཚོགས་མ་མོ་རྣམས་ཀྱིས་སྨྲས་པ། ཨོཾ་ཁརྒ་མ་རི་ཎི་ཧཱུཾ། ཨོཾ་ཨ་ཤ་སི་བ་དྷེ་ཧི་ར་མ་ཧོ། ཨོཾ་པཱ་ཤ་ས་མ་ཡེ་ཧཱུཾ། ཨོཾ་སརྦ་རཱ་མ་ཎི་ར་ཏི་བྲི་ཡེ་ཧོ། དེ་ནས་དེ་དག་གི་དཀྱིལ་འཁོར་ནི་ཟླུམ་པོ་ཏེ། སྒོ་བཞི་པ། དབུས་སུ་སེ་རལ་སྲད་བུ་བྱས་ 67b ཏེ། ཐིག་བཞི་བཏབ་ལ་རིམ་པ་བཞིར་བྲིའོ། །གཞན་ཡང་ཕྱིའི་དཀྱིལ་འཁོར་དེ་བཞིན་དུ་ཟླུམ་པོར་ཐིག་བཞི་རིམ་དུ་བཏབ་ལ། དེའི་དབུས་སུ་གནོད་སྦྱིན་གྱི་གདོང་བྲིའོ། །ངོས་བཞིར་ནི་རིམ་གྱིས་ཏེ། ཤར་ཕྱོགས་ནས་བྲི་བའམ། གཞག་པར་བྱའོ། །སྒོ་བཞིར་རྡོ་རྗེའི་མངག་གཞུག་མ་བྲིའམ། གཞག་པར་བྱའོ། །དེའི་སྙིང་པོ་ནི་འདིའོ། །བྷི་ཅི་རི་ཊི་བྷྱོ་བྷྱོ། ། དེ་ལྟར་རིག་པའི་བློན་མོ་ཆེན་མོ་ལ་སོགས་པ་ཐམས་ཅད་དུ་གྱིས་ཤིག་།འདི་ཐང་ཅིག་བཟླས་པས་ཐམས་ཅད་ཁུགས་སོ། །དེ་ནས་གདོང་གཡོགས་ནས་ལག་པ་གཉིས་ཀྱིས་རྐང་པའི་མཐེ་བོ་བཟུང་སྟེ། ཕྱག་བཙལ་ནས་སྐྱིལ་མོ་ཀྲུང་གིས་གར་བྱེད་ཅིང་ཞུགས་ལ་དབབ་བོ། །བཅངས་ནས་དམ་ཚིག་བྱིན་ཅིག་།སརྦ་མཱ་ར་ཁཱ་ད་པི་བ་དེ་ཧི་བ་ར་ས་མ་ཡ་ཧོ། །དེ་ནས་དེ་བཞིན་དུ་དམ་ཚིག་སྦྱིན་ནོ། །གླུ་གར་དང ། སིལ་སྙན་དང ། ཟས་དང ། སྐོམ་གྱིས་ཐམས་ཅད་ཚིམ་པར་བྱས་ལ་དྲིལ་བུས་ཕབ་པ་སྟེ། དེ་ནས་དངོས་གྲུབ་ཐམས་ཅད་དང ། བདེ་བ་ཐམས་ཅད་དང ། ཕུན་སུམ་ཚོགས་པ་ཐམས་ཅད་རྙེད་ནས། རྣལ་འབྱོར་དང ། ནམ་མཁའ་ལ་འགྲོ་བ་ལ་སོགས་པ་ཡང་ཐོབ་བོ་ཞེས་སྨྲོས་ཤིག་།འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་མོའི་རྒྱལ་པོ་ལས། རྡོ་རྗེའི་ཚོགས་མ་མོའི་རྟོག་པའོ།། །།དེ་ནས་རྡོ་རྗེ་ཕོ་ཉ་མོ་རྣམས་ཀྱིས་སྨྲས་པ། ཨོཾ་བྷྱོ་ཨོཾ་ཀ་ 68a ༄#། །ལི་མ་རཱ་ནི། བཛྲ་རཱཀྵ་སི་ཧ་ན་སརྦ་ན་ཊཱི་མ། ཨོཾ་བཱུ་ཐ་ཎི་ཐ། ཨོཾ་མཧཱ་ཀ་ར་བཱ་ཀ་ཏྲེ་ཧཱུཾ་ཕཊ། །དཀྱིལ་འཁོར་གྲཝ་ལྔ་པར་བྲིས་ཏེ། རྡོ་རྗེ་ནི་གྲཝའི་དབུས་སུ་གཞག་གོ་།བཞིར་ནི་རྡོ་རྗེ་ཕོ་ཉ་མོ་བཞག་སྟེ། དེ་ཆོ་ག་དེ་བཞིན་དུ་བྱའོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། རྡོ་རྗེ་པོ་ཉ་མོའི་རྟོག་པའོ།། །།དེ་ནས་རྡོ་རྗེ་བྲན་མོ་རྣམས་ཀྱིས་སྨྲས་པ། ཨོཾ་བཱ་རཱ་ཧི་བཛྲ་མུ་ཁྲི་དྲི་ཏོཾ་ཏ་རཱ་པ་ཏ་ལ་ས་མ་ཡ་མ་ནུ་སྨ་ར་ཨཱ་བི་ཤ་ཧཱུཾ་ཕཊ། ཨོཾ་ཀཱ་ལི་ཀཱ་པཱ་ལ་མཱ་ལ་དྷ་རི་ཎི་ཀ་ཊ་ཀ་ཊ་མ་ཊ་མ་ཊ་བྷི་མཱ་ར་ཡ་སརྦ་མཱ་ར་ཎི་ཧཱུཾ་ཕཊ། ཨོཾ་པུ་ཏ་ནི་ཨུ་ཙུ་སྨ་རུ་དྲཱ་ཁཱ་ད་སརྦ་ན་ཤོ་ཥ་ཡ་སཝཱཧཱ། །ོཾ་མ་ཀ་ར་མུ་ཁི་ཧ་ར་ཧ་ར་ཧཱུཾ། དཀྱིལ་འཁོར་གྲུ་བཞི་ལ་སྒོ་བཞིར་བྲིས་ནས། དེའི་དབུས་སུ་རྡོ་རྗེ་བྲིས་ཏེ། དེ་བཞིན་གར་གྱིས་མཆོད་དོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། བྲན་མོའི་རྟོག་པ་སྟེ་རྩ་བའི་རྒྱུད་རྫོགས་སོ།། །།དེ་ནས་བཅོམ་ལྡན་འདས་དེ་བཞིན་གཤེགས་པས་ཕྱག་ན་རྡོ་རྗེ་ལ་འདི་སྐད་ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་གསང་བ་འཛིན་པ་ཁྱོད་ཡིན་ནོ། །དེ་བས་ན་རྟོག་པའི་རྒྱལ་པོ་འདིར་དོན་ཡོད་ཅིང་མྱུར་དུ་གྲུབ་པར་བྱ་བའི་ཕྱིར་གང་གིས་སེམས་ཅན་ཐམས་ཅད་ 68b དངོས་གྲུབ་དམ་པ་བདེ་བླག་ཏུ་ཐོབ་པར་འགྱུར་བའི་ཕྱི་མའི་རྒྱུད་ཤོད་ཅིག་།དེ་ཅིའི་ཕྱིར་ཞེ་ན། སེམས་ཅན་འདི་རྣམས་ནི་བརྩོན་འགྲུས་ཀྱིས་འདུལ་ཏེ། དད་པ་དང་མི་ལྡན་པ། སྡིག་པ་བྱེད་པ། བརྫུན་སྨྲ་བ། ལེ་ལོ་ཅན། དཀའ་བ་སྤྱད་པ་མི་བཟོད་པ། འདོད་ཆགས་དང་བྲལ་བས་འདུལ་བ། རྟག་ཏུ་ཆགས་པ་དེ་དག་གི་དོན་གྱི་ཕྱིར་གང་གིས་སེམས་ཅན་དེ་དག་བྱ་བ་ཐམས་ཅད་ཕྱེད་བཞིན་པ་དང ། བརྩོན་འགྲུས་མེད་པ་དང ། དཀའ་བ་སྤྱད་པ་ཡང་མེད་པར་བདེ་བླག་ཏུ་ཚེ་འདི་ཉིད་ལ་མྱུར་དུ་འགྲུབ་པར་འགྱུར་བ་དེ་དེ་བཞིན་གཤེགས་པས་བྱིན་གྱིས་བརླབས་ཀྱིས་ཤོད་ཅིག་།འཛམ་བུའི་གླིང་གི་མི་འདི་དག་ནི་ཡུལ་ལ་མངོན་པར་དགའ་ཞིང་བདག་གི་གྲོགས་པོ་དང ། ཕ་དང ། མ་དང ། བུ་དང ། ཆུང་མ་རྣམས་མཐོང་འདོད་ཅིང་དེ་ཡང་སྲེད་པས་འཁོལ་བ་སྟེ། ཕྱོགས་ནས་ཕྱོགས་སུ་ཡང་འགྲོ་མི་ནུས་ན། སངས་རྒྱས་ཀྱི་ཞིང་དང ། རིག་འཛིན་གྱི་གནས་སུ་ལྟ་ཅི་སྨོས། དེ་ནས་བཅོམ་ལྡན་འདས་ཀྱི་ཞབས་གཉིས་ལ་ཕྱག་ན་རྡོ་རྗེས་ཕྱག་བཙལ་ཏེ། ཕྱི་མའི་རྒྱུད་བཤད་དོ། །དེ་ནས་བཅོམ་ལྡན་འདས། །དེ་བཞིན་གཤེགས་པ་ག་ལས་བྱུང ། །ཕྱག་ན་རྡོ་རྗེ་ག་ལས་སྐྱེས། །རྡོ་རྗེ་ཡང་ནི་ག་ལས་བྱུང ། །ཕྱག་རྒྱ་སྙིང་པོའི་རིག་པ་དང ། །སྔགས་རྣམས་ཁྱད་པར་ཇི་ཞིག་ཡོད། །གསང་བ་སྒྲུབ་པ་ཇི་ལྟ་བུ། །ཕྱག་རྒྱ་བཅིང་བ་ཇི་ལྟ་ 69a ༄#། །བུ། །དེ་རྣམས་ཀྱི་ནི་དེ་ཉིད་གང ། །བྱིན་གྱིས་བརླབས་སོགས་ཇི་ལྟ་བུ། །སྒྲུབ་པ་རྣམས་ཀྱང་ཇི་ལྟར་མཐོང ། །དངོས་གྲུབ་འདོད་པ་ཇི་ལྟ་བུ། །རས་ལ་རི་མོ་ཇི་ལྟར་བྲི། །སྐུ་གཟུགས་ཚད་ནི་ཇི་ཙམ་ཞིག་།ཇི་ལྟར་བཟླས་པ་བྱ་བ་གསུངས། །ཅི་འདྲ་བར་ནི་མཆོད་པར་བགྱི། །བསོད་ནམས་མེད་པས་ཇི་ལྟར་འགྲུབ། །ཇི་ལྟར་གྲུབ་པ་མྱུར་བར་འགྱུར། །སློབ་དཔོན་དུ་ཡང་ཇི་ལྟར་འགྱུར། །ལས་རྣམས་བསྒྲུབ་པ་ཇི་ལྟར་བྱ། །དེ་དག་གི་ནི་དེ་ཉིད་གང ། །ཐམས་ཅད་བདག་ལ་བཤད་པའི་རིགས། །དེ་ནས་དེ་བཞིན་གཤེགས་པ་འབྱུང་བ་བསྟན་ཏེ། སེམས་དཔའ་ཐོག་མ་ཐ་མ་མེད། །ནམ་མཁའ་སྐྱེ་བའི་མཚན་ཉིད་དོ། །ཀུན་ཏུ་བཟང་པོ་ཐམས་ཅད་བདག་།འདོད་པ་འགྲོ་བ་བདག་པོ་ཡིན། །སེམས་ཅན་ཀུན་སེམས་གང་ཡིན་པ། །བརྟན་པས་སེམས་དཔའ་ཞེས་བྱའོ། །མཉམ་པར་གཞག་པས་ཏིང་ངེ་འཛིན། །ངེས་པར་རྡོ་རྗེ་ཉིད་དུ་འགྱུར། །དེ་ལ་སྨྲས་པ། སེམས་གཟུགས་མེད་པ་ལ་ཇི་ལྟར་ན་སྲ་བའི་རྡོ་རྗེར་འགྱུར། སྨྲས་པ། ཇི་ལྟར་རྣམ་པར་ཤེས་པ་ལ་སེམས་ཅན་སྐྱེ་བ་ན་ཤ་དང ། རུས་པ་འབྱུང་བར་འགྱུར་བ་བཞིན་ཏེ། སྡུག་པ་དང ། ཆགས་པ་དང ། བདེ་བ་དང ། རྣམ་པར་ཤེས་པ་གཟུགས་མེད་པ་རྣམས་འདུས་པ་ལས་སེམས་ཅན་སྐྱེ་བ་དང ། ཇི་ལྟར་ཀླུ་རྣམས་ཁྲོས་པས་ 69b སེམས་ཀྱི་ཏིང་ངེ་འཛིན་ངེས་པས་ནམ་མཁའ་ལ་གནམ་ལྕགས་འབྱུང་བའམ། གློག་དང་བཅས་པ་འབྱུང་བ་དེ་བཞིན་དུ་ངེས་པ་ཆགས་པ་དག་ལས་རྡོ་རྗེ་ཉིད་དུ་འགྱུར་ཏེ། སེམས་དཔར་བྱིན་རླབས་སྦྱོར་བ་ཡིན། །རྡོ་རྗེ་སེམས་དཔར་ཡང་འགྱུར་རོ། །བཅོམ་ལྡན་རྡོ་རྗེ་དེ་ཉིད་ནི། །བསྒོམས་པས་སེམས་དཔའ་ཉིད་དུ་འགྱུར། །དེ་ལ་སེམས་པར་བྱིན་གྱིས་རློབ་པའི་སྦྱོར་བ་གང་ཞེ་ན། སེམས་དཔའ་ཀུན་གྱི་བདག་ཆེ་བ། །བདག་ཉིད་ལ་ཡང་གནས་སོ་ཞེས། །བྱིན་གྱིས་བརླབས་ནས་སེམས་དཔའ་བདག་།ཡིན་ཞེས་ང་རྒྱལ་བསྒོམ་པར་བྱ། །དེ་ཉིད་བཅོམ་ལྡན་སེམས་དཔའ་སྟེ། རྡོ་རྗེ་སེམས་དཔའམ་རྒྱལ་བ་ཡིན། །རང་སེམས་སོ་སོར་བརྟགས་པ་ནི། །སངས་རྒྱས་བྱང་ཆུབ་དེ་ཉིད་ཡིན། །དེ་ཉིད་ཕྱག་ན་རྡོ་རྗེ་སྟེ། །རྡོ་རྗེ་འཛིན་པའི་ཚུལ་གྱིས་སོ། །འཇིག་རྟེན་དབང་པོ་ནམ་མཁའི་སྙིང ། །དེ་ལྟར་གཞན་ཡང་དེ་ཉིད་དོ། །སངས་རྒྱས་རིགས་ཀྱང་དེ་ཉིད་དེ། །དེ་ནི་རྡོ་རྗེ་འཆང་བའི་རིགས། ། དེ་ཉིད་སྤྱན་རས་གཟིགས་ཀྱི་རིགས། །དེ་ཉིད་ནོར་བུའི་རིགས་ཡིན་ཏེ། །ཁམས་གསུམ་དེ་ཉིད་ཡིན་ཞེས་གསུངས། །འཇིག་རྟེན་གསུམ་པོའང་དེ་ཉིད་དོ། །དེ་ཉིད་བྱེད་དང་འབྱིན་པ་པོ། །སེམས་ཅན་ཀུན་གྱི་མེས་པོ་སྟེ། །དེ་ཉིད་སེམས་ཅན་གནས་ཡིན་ཏེ། །འབྱུང་བ་ཆེ་རྣམས་དེ་ཉིད་དོ། །དེ་ཉིད་འགྲོ་བའི་མགོན་པོ་སྟེ། །གནས་པ་དང་ནི་འགྲོ་ 70a ༄#། །བ་ཡིན། །ཞེས་བཅོམ་ལྡན་འདས་ཐོག་མ་དང ། ཐ་མ་མེད་པའི་སེམས་དཔའ་ཕྱག་ན་རྡོ་རྗེས་གསུངས་སོ། །ད་ཁོ་ན་ཆེན་པོ་ཞེས་བྱ་བའི་རབ་ཏུ་བྱེད་པ་དང་པོའོ།། །།དེ་ནས་སྙིང་པོ་དང ། ཕྱག་རྒྱ་དང ། སྔགས་དང ། རིག་པའི་ཁྱད་པར་གྱི་བར་དུ་བྱ་བ་སྟེ། སྙིང་པོའི་ཁྱད་པར་ནི་གསང་བ་དང ། ཏིང་ངེ་འཛིན་ཅེས་བྱའོ། །དེ་ལ་སེམས་ཅན་གྱི་དོན་གྱི་ཕྱིར་གསང་བ་བརྗོད་པ་དང ། སྨྲ་བ་ནི་སྙིང་པོ་བརྗོད་པ་སྟེ། སྙིང་པོ་བརྗོད་པས་ནི་སྙིང་གིས་བསམ་པའི་གྲུབ་པ་ཐོབ་ཅེས་བྱ་བ་ནི་སྙིང་པོའི་ཁྱད་པར་རོ། །དེ་ནས་ཕྱག་རྒྱའི་ཁྱད་པར་ནི། །རྡོ་རྗེའི་སྐུ་གསུང་ཐུགས་རྣམས་ཀྱི། །གཟུགས་བརྙན་སྦྱོར་བ་འདི་དག་ནི། །ཕྱག་རྒྱ་ཀུན་གྱི་ཁྱད་པར་ཏེ། །འབྱུང་བ་ཡང་ནི་དེ་ཡིས་བསྟན། །ཇི་ལྟར་ཇོ་བོའི་རྒྱ་མཐོང་ན། །བྲན་རྣམས་འགལ་བར་མི་བྱེད་པ། །དེ་བཞིན་རྒྱལ་བ་ཉིད་རྣམས་ཀྱང ། །ཕྱག་རྒྱ་འདའ་བར་ཡོང་མི་མཛད། །རྡོ་རྗེའི་སྐུ་དང་གསུང་དང་ཐུགས། །ཇི་ལྟར་གནས་དང་མཐུན་བྱས་ལ། །མཚན་མའི་ཕྱག་རྒྱར་ལྡན་པ་ཡི། །སེམས་དཔའ་ཆེན་པོར་བདག་ཉིད་བསྒྱུར། །དེ་ནི་ཕྱག་རྒྱ་ཆེན་པོའོ། ། ལུས་དང་ངག་སེམས་རྡོ་རྗེ་ཡི། །སོར་བསྣོལ་བརྟན་པ་དམ་ཚིག་སྟེ། །སེམས་ཀྱི་ཤེས་རབ་ལྡན་པ་ལས། །གཉིས་ཕྱེ་ལས་ཀྱི་ཕྱག་རྒྱ་ཡིན། །དེ་དག་དམ་ཚིག་རྩ་བ་སྟེ། ། 70b རྩ་བྱུང་བཅིང་བ་རྒྱུ་ཡི་མཆོག་།གང་གིས་ཐམས་ཅད་ལུས་བརྟན་འགྱུར། །དེ་ཕྱིར་ཕྱག་རྒྱ་བརྗོད་པ་ཡིན། །གང་གིས་ཐམས་ཅད་རྒྱས་བཏབ་པ། །ཆུད་མི་ཟ་ཞིང་རབ་སྦས་ཏེ། ། མངའ་བདག་གཟུགས་བརྙན་འཆང་བས་ན། །སྒྲུབ་པ་པོ་རྣམས་མྱུར་དུ་འགྲུབ། །གང་དག་མཐོང་ན་སངས་རྒྱས་དང ། །སེམས་དཔའ་ལ་སོགས་མཐོང་བར་འགྱུར། །དམ་ཚིག་ཉམས་པས་གཟིར་བས་ན། །འདའ་བར་མི་འགྱུར་འགྲུབ་པར་འགྱུར། །ཕྱག་རྒྱའི་ཁྱད་པར་དེ་ཡིན་ཏེ། །དོན་དམ་པའི་དེ་ཁོ་ན་ཉིད་ཀྱང་ཕྱག་རྒྱ་ཆེན་པོ་ཞེས་བྱའོ། །དེ་ལ་སྔགས་ཀྱི་ཁྱད་པར་ནི་འདི་ཡིན་ཏེ། ངག་ཙམ་སྤྲོས་པ་མེད་པ་སྟེ། །སངས་རྒྱས་བཀའ་ཡིས་གྲུབ་པ་ཉིད། །ཆོས་ཀྱི་ཚིག་གིས་བསྐུལ་བ་སྟེ། །དེ་དག་སྔགས་ཞེས་བྱ་བ་ཡིན། །དེ་ལ་རིག་པའི་ཁྱད་པར་ནི་འདི་ལྟ་སྟེ། །མ་རིག་པ་ནི་མེད་པར་བྱེད། །རིག་པ་དེ་བཞིན་ཆུད་པར་བྱེད། །དོན་རྣམས་རྟོགས་པར་གྱུར་པས་ན། །རིག་པ་ཞེས་ནི་དེ་ཕྱིར་བྱ། །སྙིང་པོ་དང ། ཕྱག་རྒྱ་དང ། སྔགས་དང ། རིག་པའི་རབ་ཏུ་བྱ་བ་གཉིས་པའོ།། །།དེ་ནས་ཕྱག་རྒྱ་བཅིངས་པའི་རབ་ཏུ་བྱ་བ་བཤད་དོ། ཞེས་བཅོམ་ལྡན་འདས་བླ་ན་མེད་པའི་ཕྱག་རྒྱ་ཐམས་ཅད་ཀྱི་ཡེ་ཤེས་རྡོ་རྗེ་འཛིན་པས་གསུངས་སོ། །དེ་ལ་ཕྱག་རྒྱ་ཆེན་པོ་ནི་དེ་ཉིད་བསྐུལ་བའི་སྙིང་པོས་བཅིང་ངོ ། །དམ་ཚིག་དང ། ལས་ཀྱི་ཕྱག་རྒྱ་ནི་རྡོ་རྗེ་བཅིང་བ་ 71a ༄#། །དང ། བརྡབ་པ་ལ་སོགས་པ་བྱས་ནས་བཅིང་ངོ ། །དམ་ཚིག་ཆེན་པོའི་དེ་ཁོ་ན་ཉིད་བསྐུལ་བའི་སྙིང་བོས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་ཐམས་ཅད་བཅིང་ངོ ། །དེ་ཡང་མ་ཆགས་པ་དང ། སློབ་མ་མ་ཡིན་པ་དང ། སྣོད་མ་ཡིན་པ་དང ། དང་པ་མེད་པ་ལ་མི་སྤྱིན་ནོ། །ཡུན་དུ་སྦྱངས་ན་དེ་དག་ཀྱང་འགྲུབ་པར་འགྱུར་རོ། །དེ་ལ་དེ་ཁོ་ན་ཉིད་བསྐུལ་བའི་སྙིང་པོ་འདིའོ། །ས་མ་ཡ་སྟྭཾ། དེ་ལ་དམ་ཚིག་ཆེན་པོའི་དེ་ཁོ་ན་ཉིད་བསྐུལ་བའི་སྙིང་པོ་ནི་འདི་ཡིན་ནོ། །ས་མ་ཡ་ཧོ་སུ་ར་ཏ་སྟྭཾ། རྡོ་རྗེ་ཁྲོ་བོས་ཕྱག་རྒྱ་ཐམས་ཅད་རང་གི་བཅིང་དམ། གཞན་བཅིང་དུ་གཞུག་ན་ནི་ཧཱུཾ་ཞེས་བྱ་བ་ཐང་ཅིག་ཙམ་གྱིས་སོ། །དེ་ནས་རྡོ་རྗེ་བཅིང་བ་ལ་སོགས་པ་བཅིང་བ་འབྱུང་སྟེ། བྫྲ་བན་དྷ་ཞེས་བརྗོད་ལ། རྡོ་རྗེ་བཅིང་བ་སྙིང་གར་ཆིངས་ཤིག་།དེ་ནས་སྙིང་པོ་འདིས་སོར་མོ་ཐམས་ཅད་བརྡབ་པར་བྱའོ། །ོཾ་བྫྲ་བན་དྷ་ཏྲཱཊ། འདིས་ནི་ཕྱག་རྒྱ་ཐམས་ཅད་དགུག་ཅིང་དབང་དུ་བྱེད་དོ། །དེ་ནས་རྡོ་རྗེ་ཡེ་ཤེས་དབབ་པའི་དམ་ཚིག་གི་ཕྱག་རྒྱ་བཅིང་ངོ ། །བྫྲ་ཨཱ་བེ་ཤ། ཞེས་བརྗོད་ལ་སྙིང་པོ་འདིས་རྡོ་རྗེ་དབབ་པ་བསྐྱེད་པར་བྱའོ། །ཿ ་ཐམས་ཅད་དབབ་པའི་སྙིང་པོ་འདི་ནི་གདོན་མི་ཟ་བའོ། །དེ་ནས་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་བཅིང་བ་ནི། བྫྲ་མུཥྚི་ཞེས་བརྗོད་ 71b ལ་བཅིང་ངོ ། །དེ་སྟེ་དེ་ལྟར་མ་བྱས་ན་ཡང་ས་མ་ཡ་སྟྭཾ། ཞེས་བརྗོད་ལ་ཕྱག་རྒྱ་ཆེན་པོ་ལ་སོགས་པ་རིགས་ཐམས་ཅད་ཀྱི་ཕྱག་རྒྱ་བཅིང་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་ལུས་དང ། ངག་དང ། སེམས་ཀྱི་ཕྱག་རྒྱ་ཐམས་ཅད་ཀྱི་སྙིང་པོ་དོན་ཡོད་པ་འདའ་བར་བྱ་བ་མ་ཡིན་པ་སྟེ། སྟོང་བཟླས་པས་ཕྱག་རྒྱ་བཅིང་བ་ཐམས་ཅད་འགྲུབ་པར་འགྱུར་རོ། །དམ་ཚིག་ཆེན་པོའི་ཕྱག་རྒྱ་ལན་ཅིག་བཟླས་ན་གྲུབ་པ་ཐམས་ཅད་ལ་གཅེས་པར་འགྱུར་རོ། །དེ་ནས་ཕྱག་རྒྱ་བཅིང་བ་འབྱུང་སྟེ། ཐལ་མོ་སྦྱར་ལ་སོར་མོ་ཕན་ཚུན་བསྣོལ་བ་ནི་རྡོ་རྗེའི་ཐལ་མོའོ། །དེ་ཉིད་སོར་མོའི་བར་རྣམས་སུ་ཤིན་ཏུ་བསྡམས་པ་ནི་རྡོ་རྗེ་བཅིང་བའོ། །དེ་ཉིད་ལས་མཐེ་བོ་གཉིས་ནང་དུ་བཅུག་སྟེ། མཐེའུ་ཆུང་དང ། སྲིན་ལག་གི་བར་དུ་རབ་ཏུ་བཅུག་ལ་བཙུམ་པ་འདི་ནི་རྡོ་རྗེ་དབབ་པའི་དམ་ཚིག་གི་ཕྱག་རྒྱའོ། །དེ་ཉིད་ལས་མཐེ་བོ་གཉིས་གཞིབས་ལ་ནང་དུ་བཅུག་ལ་དེ་བཞིན་དུ་མཐེའུ་ཆུང་དང ། སྲིན་ལག་གི་བར་དུ་བཙུགས་ཏེ། མཛུབ་མོ་ཤིན་ཏུ་བཀུག་པ་ནི་རྡོ་རྗེ་ཁུ་ཚུར་དམ་ཚིག་གི་ཕྱག་རྒྱའོ། །དེ་ཉིད་ལས་གཉིས་སུ་བྱས་པ་ནི་ལས་ཀྱི་ཕྱག་རྒྱ་གཞན་དུ་འགྱུར་ཏེ། དམ་ཚིག་ཆེན་པོ་དེ་ཁོ་ན་ཉིད་ལན་གཅིག་བརྗོད་ལ་སྙིང་ག་འམ། ནམ་མཁའ་ལ་སོ་སོར་བཅིང་ངོ ། །ངག་གི་ཕྱག་རྒྱ་ཡང་བྫྲ་ཛི་ཧཝ་ཞེས་བརྗོད་ལ་ཕྱག་རྒྱ་བཅིང་ངོ ། །ལྟ་བའི་ཕྱག་རྒྱ་ནི་སྙིང་ 72a ༄#། །པོའི་དོན་གྱིས་བཅིང་ངོ ། །སོའི་ཕྱག་རྒྱ་དང ། མཆུའི་ཕྱག་རྒྱ་དང ། མིག་བསྒུལ་བའི་ཕྱག་རྒྱ་དང ། སྙིང་དང ། ལུས་གཡོ་བའི་ཕྱག་རྒྱ་ནི་ས་མ་ཡ་སྟྭཾ་ཞེས་བརྗོད་ན་བཅིང་བ་གྲུབ་པར་འགྱུར་རོ། །དེ་ནས་རྡོ་རྗེ་ཧཱུཾ་ཞེས་པའི་ཕྱག་རྒྱ་བཅིང་བ་འབྱུང་སྟེ། རྡོ་རྗེ་ཁྲོ་བོའི་མཛུབ་མོ་ནི་རྡོ་རྗེ་ཁུ་ཚུར་དུ་བྱས་ལ་མཛུབ་མོ་བརྐྱང་ན་རྡོ་རྗེ་ཁྲོ་བོ་ཞེས་བྱ་བ་ཡིན་ནོ། །རྡོ་རྗེ་ཁྲོ་བོའི་མཛུབ་མོ་གཉིས། །ལག་དར་བསྣོལ་ཏེ་བཅིངས་ནས་ཀྱང ། །མཐེའུ་ཆུང་ལྕགས་ཀྱུ་སྦྲེལ་བྱས་ལ། །ཧཱུཾ་ཞེས་པས་ནི་བསྡིགས་པར་བྱ། །དེ་ཉིད་གཡས་པ་ཀྱོ་བཏང་དུ་བྱས་པ་ནི་རྡོ་རྗེ་ཁྲོ་བོའི་ཀྱོ་བཏང་ངོ ། །དེ་ལ་འདི་ནི་དམ་ཚིག་གི་ཕྱག་རྒྱའོ། །ལག་མཐིལ་དག་ཏུ་རྡོ་རྗེ་བཅིང ། །མཐེ་བོ་བཤིབས་པས་བཀབ་པ་ཡིས། །ཁུ་ཚུར་བྱས་པ་དམ་ཚིག་གི་།ཕྱག་རྒྱ་རྡོ་རྗེ་ཁྲོ་བོ་སྟེ། །ཏི་རིན་ཏི་རི་ཞེས་བྱའོ། །ཧཱུཾ་ནི་ངག་གི་ཕྱག་རྒྱའོ། །ཡེ་ཤེས་ཀྱི་ཕྱག་རྒྱ་ནི་ཐམས་ཅད་གསོད་པའི་ཁྲོ་བོའོ། །རྡོ་རྗེའི་ས་བཞི་བཅིང་བ་ནི་རྡོ་རྗེ་བཅིང་བ་ས་ལ་བརྐྱང་སྟེ་བཞག་པ་འདིས་རྡོ་རྗེའི་ས་གཞིར་འགྱུར་ཏེ། དེ་ལ་སུས་ཀྱང་གླགས་མི་རྙེད་དོ། །དེ་ལ་འདི་ནི་རྡོ་རྗེ་འདོད་པའི་ཁྲོ་བོའི་ཕྱག་རྒྱའོ། །རྡོ་རྗེ་བཅིང་བ་བཅིངས་ལ་མཛུབ་མོ་རྡོ་རྗེ་ལྟར་བྱས་པ་ནི་ཐམས་ཅད་ལ་དབང་བྱེད་པའི་ཕྱག་རྒྱའོ། །རྡོ་རྗེའི་དམ་ཚིག་རྡོ་རྗེ་བཅིངས་ལ་མཛུབ་ 72b མོ་གཉིས་མཉམ་པར་གཤིབས་པས་སྙིང་གར་གཏུགས་ཤིག་།གལ་ཏེ་དེ་ལས་འདའ་བར་བྱས་ན་སྙིང་གས་ཏེ་འཆིའོ། །རྡོ་རྗེ་ཕྱག་རྒྱ་གཉིས་བཅིངས་ལ། །མཛུབ་མོ་ཀྱོ་བ་ཏང་དུ་བཅིང ། །དཀྲི་ཞིང་ཕྱིར་དཀྲི་བྱས་པ་ནི། །ལྷ་རྣམས་དགུག་པའི་མཆོག་ཡིན་ནོ། །རྡོ་རྗེ་བཅིངས་པ་བརྟན་བྱས་ལ། །མཛུབ་མོ་བཀུག་པ་ཤིན་ཏུ་བཙིར། །མཐེ་བོ་གཉིས་ཀ་གཤིབས་པ་ཡིས། །དབུས་སུ་བཙིར་བ་བར་སྣང་གི་།རྡོ་རྗེ་ཁུ་ཚུར་གཉིས་བཅིངས་ལ། །མཐེའུ་ཆུང་གཉིས་ཀ་སྦྲེལ་ནས་སུ། །མཛུབ་མོ་ཡི་ནི་རྒྱབ་སྦྱར་ཏེ། །བཟློག་པ་ནམ་མཁར་རྒྱུ་རྣམས་ཀྱིའོ། །རྡོ་རྗེ་བཅིང་བ་བརྟན་བྱས་ནས། །ཁུ་ཚུར་གྱིས་ནི་ས་མནན་པ། །འདི་ནི་ས་པའི་དམ་ཚིག་ཏེ། །ཐམས་ཅད་བྱེད་པར་འདའ་བར་དཀའ། །རྡོ་རྗེ་ཁུ་ཚུར་གཉིས་བཅིངས་ཏེ། །གཡོན་པའི་མཛུབ་མོས་མཛུབ་མོ་བཙིར། །མཐེའུ་ཆུང་སོར་མོ་མཉམ་བརྡབ་པ། །འདི་ནི་འོག་མ་རྣམས་དགུག་པའོ། །མཛུབ་མོ་གཉིས་ཀ་བརྟན་པ་རུ། །རྡོ་རྗེ་བཅིང་བ་སྦྲེལ་བར་བྱ། །གུང་མོ་མཐེ་བོ་རྡོ་རྗེར་བྱ། །རྒྱན་རྣམས་ཐམས་ཅད་འཇོམས་པའོ། །རྡོ་རྗེ་དཀྲི་བ་དང ། རྡོ་རྗེ་བཙིར་བ་དང ། རྡོ་རྗེ་ཕྲེང་བ་དང ། རྡོ་རྗེ་ས་དང ། རྡོ་རྗེ་སའི་འོག་དང ། རྡོ་རྗེ་ཧེ་རུ་ཀའོ། །དེ་ལ་རྡོ་རྗེ་ཤུགས་ཀྱི་ཕྱག་རྒྱ་ནི་འདིའོ། །དཀྱིལ་འཁོར་དག་ནི་བྱེད་པ་ན། །སྲད་བུའམ་ཡང་ན་རི་མོ་ལ། །འཇུག་པ་དང་ནི་འབྱུང་བ་ནི། །བསྒྲུབ་ 73a ༄#། །པས་ཡིད་ཀྱིས་བཏེག་ནས་སོ། །དེ་ལ་ཡེ་ཤེས་ཀྱི་ཕྱག་རྒྱའི་སྙིང་པོ་ནི་འདིའོ། །ོཾ་བྫྲ་བེ་ག་ཧཱུཾ། འདིས་ནི་དམ་ཚིག་མ་ཉམས་པར་འགྱུར་རོ། །གཞན་དུ་དམ་ཚིག་ཉམས་པ་གྲུབ་པ་མེད་པར་འགྱུར་རོ། །དེ་ལ་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བའི་ཕྱག་རྒྱ་ནི་འདིའོ། །དཔུང་པ་གཉིས་རྡོ་རྗེ་བཅིངས་ཏེ། རྡོ་རྗེའི་ཁུ་ཚུར་གཉིས་སུ་བྱས་ལ་པུས་མོ་བཙུགས་ཏེ། མགོ་བོ་ས་ལ་བཙུགས་ཏེ་ཕྱག་བྱའོ། །ཕྱག་ན་རྡོ་རྗེ་ལ་ནི་དེ་ཉིད་ཀྱིས་དད་པའི་སྟོབས་ཀྱིས་གནས་པར་བྱས་ལ། འཛུམ་ཞིང་བསྐྱོད་པ་དང ། སྨིན་མ་འགྱེད་པ་དང་བཅས་པའི་མིག་གིས་ཕྱག་བཙལ་ལོ། །གཞན་རྣམས་ལ་ནི་པུས་མོ་བཙུགས་པའོ། །དེ་ལ་རྡོ་རྗེ་འཛིན་མའི་དམ་ཚིག་གི་ཕྱག་རྒྱ་བཅིང་བ་ནི་འདི་ཡིན་ཏེ། ལག་པ་གཉིས་ཀྱི་རྒྱ་བ་སྦྱར་ནས་མཐེ་བོང་མཐེའུ་ཆུང་སྦྲེལ་བར་བྱའོ། །རྡོ་རྗེ་འཛིན་མའི་ཕྱག་རྒྱ་འདི། །སངས་རྒྱས་ཐམས་ཅད་དབང་དུ་བྱེད། །པྲ་ཏཱི་ཙྪ་བྫྲ། སྙིང་པོ་འདིས་མེ་ཏོག་གཏོར་རོ། །རྡོ་རྗེ་ཀྱོ་བཏང་གི་ཕྱག་རྒྱ་ནི་རྡོ་རྗེ་འཛིན་མའི་མཛུབ་མོ་གཉིས་ཀྱོ་བཏང་གི་ཚུལ་དུ་བྱའོ། །དེ་བཞིན་གཤེགས་པ་ཐམས་ཅད་ལ་སོགས་པ་དང ། སེམས་ཅན་ཐམས་ཅད་དགུག་པའི་དམ་ཚིག་འདའ་བར་མི་བྱ་བ་སྟེ། དམ་ཚིག་ལྕགས་ཀྱུ་ཡིན་ནོ། །དེ་ནས་དེ་བཞིན་གཤེགས་པ་ཐམས་ 73b ཅད་ཀྱི་རྟོག་པའི་ཕྱག་རྒྱ་བཅིང་བ་འབྱུང་སྟེ། རྡོ་རྗེའི་ཁུ་ཚུར་གཉིས་བཅིངས་ནས། །གཡས་པས་བསྔམས་པར་བྱ་བ་ནི། །རྡོ་རྗེ་ཁྲོ་བོའི་མཛུབ་མོ་གཡོན། །སངས་རྒྱས་བྱང་ཆུབ་མཆོག་བསམ་པའོ། །དེ་ལ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ཕྱག་རྒྱ་ནི་འདིའོ། །མཐེ་བོང་གཉིས་ཀའི་སྐྱིལ་མོ་ཀྲུང ། །མཛུབ་མོ་གཉིས་ཀ་དགུག་པར་བྱ། །རྡོ་རྗེ་ཐལ་མོ་འོད་དཀྱིལ་འཁོར། །གུང་མོ་གཉིས་ཀ་ཁ་འབྱེད་པ། །འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུའི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་དགུག་པ་དང ། གཞུག་པ་དང ། དབང་དུ་བྱ་བ་ལས་འདའ་བར་མི་འགྱུར་ཞིང ། འདི་མཐོང་བས་དེ་བཞིན་གཤེགས་པ་ཐམས་ཅད་ཀྱི་སྐུ་མཐོང་བར་འགྱུར་རོ། །དེ་ནས་བྫྲ་བིད་ཀྱི་ཡེ་ཤེས་ཀྱི་ཕྱག་རྒྱ་སྟེ། སེམས་ནི་རྣམ་དག་ཤེས་བྱ་བ། །བརྟན་པས་སེམས་དཔའ་ཞེས་བྱའོ། །མཉམ་པར་གཞག་པས་ཏིང་ངེ་འཛིན། །ངེས་པས་རྡོ་རྗེ་ཉིད་དུ་འགྱུར། །སངས་རྒྱས་ངོ་བོའི་བདག་ཉིད་དེ། །སེམས་ཉིད་སངས་རྒྱས་ཉིད་ཡིན་ནོ། །སངས་རྒྱས་ཀུན་གྱིས་བྱིན་བརླབས་པ། །ངེས་པར་སངས་རྒྱས་ཉིད་དུ་འགྱུར། །ཕྱག་རྒྱ་ཆེན་པོ་བཅིངས་ནས་དེ་བསྒོམ་མོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རང་གི་སེམས་སོ་སོར་བརྟགས་པ་ལ་སོགས་པས་སངས་རྒྱས་སུ་སྦྱོར་བ་བྱས་ནས་ཇི་ལྟར་ཚེ་འདི་ཉིད་ལ་སངས་རྒྱས་ཐོབ་པར་འབྱུང་ཏེ། དེ་ལྟར་བྱིན་གྱིས་རློབ་པར་མཛད་ 74a ༄#། །དོ། །དེ་བཞིན་གཤེགས་པ་ཐམས་ཅད་ཀྱིས་ཁུ་ཚུར་ནི་ལས་ཀྱི་ཕྱག་རྒྱའོ། །དེ་ནས་ཕྱག་ན་རྡོ་རྗེའི་ཕྱག་རྒྱ་ཆེན་པོ་ནི་འདི་ཡིན་ནོ། །ལུས་དང་ངག་སེམས་རྡོ་རྗེ་ཡིས། །ཕྱག་ན་རྡོ་རྗེར་བདག་ཉིད་འགྱུར། །རྡོ་རྗེ་འགྱིང་པ་རབ་བྱེད་ཅིང ། །འགྱིང་དང་བཅས་པས་རྡོ་རྗེ་གསོར། །འདི་ཡིས་ཀུན་འགྲོ་སྐད་ཅིག་གིས། །འོད་དང་གྱེན་དུ་འགྲོ་བར་འགྱུར། །འདོད་པ་ཀུན་དབང་ཐམས་ཅད་པ། །ཕྱག་ན་རྡོ་རྗེ་འདྲ་བར་འགྱུར། །དེ་ནས་དམ་ཚིག་གི་ཕྱག་རྒྱའོ། །རྡོ་རྗེ་བཅིང་བ་བཅིངས་ནས་ཀྱང ། །གུང་མོ་ནང་བཅུག་སྙིང་གར་བཞག། །མཐེའོ་མཐེའུ་ཆུང་ཁ་ཕྱེ་མཉམ། །རྡོ་རྗེ་ཆེན་པོ་དེ་ལྟར་བཅིང ། །སེམས་དཔའ་ཀུན་གྱི་ཏིང་འཛིན་གྱིས། །འདི་ནི་སྙིང་གར་བཅིངས་པ་ཡིས། །ཕྱག་རྒྱ་ཀུན་གྱི་དངོས་གྲུབ་པ། །དམ་པ་དག་ཀྱང་ཐོབ་པར་འགྱུར། །དེ་ལ་ཡེ་ཤེས་ཀྱི་ཕྱག་རྒྱ་ནི་འདིའོ། །ཟླ་བའི་དཀྱིལ་འཁོར་དབུས་སུ་ནི། །ལུས་དང་ངག་སེམས་རྡོ་རྗེ་ཡིས། །ཕྱག་ན་རྡོ་རྗེ་བདག་གི་ལུས། །བསྒོམས་ན་མྱུར་དུ་འགྲུབ་པར་འགྱུར། །རྡོ་རྗེ་ཁུ་ཚུར་གཉིས་བྱས་ལ། །འགྱིང་བཅས་རྡོ་རྗེ་གསོར་བྱས་ན། །འགྱིང་ཞིང་གྱེན་དུ་སྟོན་ཚུལ་གྱིས། །སྙིང་གར་བཟུང་ན་འགྲུབ་པར་འགྱུར། །དེ་ལ་བཅོམ་ལྡན་འདས་ཀྱི་སྐུའི་ཕྱག་རྒྱ་བཅིང་བ་ནི། འདི་ཡིན་ནོ། །རྡོ་རྗེ་ཁུ་ཚུར་གཉིས་བཅིངས་ལ། །གཡས་པ་གཞུ་འདྲེན་སྦྱོར་བ་དང ། ། 74b མདའ་འཕེན་པ་ཡི་ཚུལ་གྱིས་སུ། །ཀུན་ལ་བསྣུན་ན་ཆགས་པར་བྱ། །ད་ནས་བཅོམ་ལྡན་འདས་དབང་བསྐུར་བའི་ཕྲེང་བའི་ཕྱག་རྒྱ་བཅིང་བ་ནི་དེ་བཞིན་གཤེགས་པའི་སྐུའི་ཕྱག་རྒྱ་གཙུག་ཏོར་དུ་གཞག་གོ་།དེ་ནས་ཕབ་སྟེ་གུང་མོ་རྡོ་རྗེར་བྱས་ཏེ། དེ་ལས་བསྐོར་ཏེ་གུང་མོ་ནོར་བུར་བྱས་ལ། གཡས་ཕྱོགས་སུ་གཞག་གོ་།ལྟག་པར་གུང་མོའི་རྡོ་རྗེའི་པདྨོ་བཞག་གོ་།དེ་ལས་བསྐོར་ཏེ། གུང་མོ་དང ། མཐེའུ་ཆུང་གྱེས་པར་བྱས་ལ་གཡོན་དུ་གཞག་གོ་།དེ་ནས་མཛུབ་མོ་གཉིས་མདུད་པ་བྱས་ཏེ། ཕྲེང་བ་བཅིང་པའི་ཚུལ་དུ་ལྟག་པར་མདུད་པ་བྱས་ལ། སོར་མོ་ཐམས་ཅད་མཐེའུ་ཆུང་ནས་མཐར་གྱིས་འཇིག་པའི་ཚུལ་གྱིས་དགྲོལ་བ་ནི་ཅོད་པན་གྱི་ཚུལ་བཞིན་དགྲོལ་ལོ། །ཕྱག་ན་རྡོ་རྗེའི་ཕྱག་རྒྱའོ། །དེ་ནས་བཅོམ་ལྡན་འདས་ཐོག་མ་དང ། ཐ་མ་མེད་པའི་སེམས་དཔའ་བསྒྲུབ་པར་འདོད་པས་ལྷ་མོའི་དཀྱིལ་འཁོར་བྱས་ཏེ། དེ་ནས་ཉིན་གཅིག་ཅིང་བདག་ཉིད་བྱིན་གྱིས་བརླབས་ནས། ཇི་ལྟ་བུའི་དུས་སུ་ཅི་ནུས་པས་ཅི་འདོད་པ་བདེ་བར་བྱས་ལ། ཕྱག་རྒྱ་ཆེན་པོའི་ཚུལ་གྱི་གླུ་དབྱངས་ཀྱིས་རྡོ་རྗེའི་ཚིག་ཏུ་རྡོ་རྗེ་སེམས་དཔའ་བཟླས་ཏེ། སྙིང་པོ་འདི་ཅི་འདོད་པས་བཟླས་སོ། །ོཾ་མཧཱ་སུ་ཁ་བྫྲ་སཏྭ་ཛཿ ་ཧཱུཾ་བཾ་ཧོཿ ་སུ་ར་ཏ་སྟྭཾ། དེ་ལྟར་ཟླ་བ་གཅིག་བཟླས་ཏེ་བསྒྲུབ་བོ། །ཟླ་བ་གཅིག་ལོན་པའི་མཇུག་ཏུ་ཚེས་ 75a ༄#། །བཅོ་ལྔ་ལ་ངལ་ན་ཕྱག་རྒྱ་བཀྲོལ་ལ། རྡོ་རྗེའི་ཐལ་མོ་བརྐྱང་ནས་ལུས་ཐམས་ཅད་ཀྱིས་ཕྱག་བྱའོ། །ཅུང་ཟད་གནས་ནས་ཇི་ལྟར་ངལ་བར་མི་འགྱུར་བར་བྱས་ཏེ། དེ་ལྟར་མཚན་རངས་པར་བཟླས་ན་དེའི་ནང་བར་བཅོམ་ལྡན་འདས་ཟླ་བའི་ཁ་དོག་ཟླ་བའི་དཀྱིལ་འཁོར་དང་མཚུངས་པའི་འོད་ཅན་བྱོན་ཏེ། སྒྲུབ་པ་པོ་ལ་འཁྱུད་ནས་དེའི་ལུས་ཀུན་ཏུ་ཞུགས་སོ། །དེ་ནས་སྒྲུབ་པ་པོ་ཡང་ཟླ་བའི་དཀྱིལ་འཁོར་འདྲ་བའི་འོད་ཅན་དང ། །ཟླ་བའི་འོད་ཅན་དེ་བཞིན་གཤེགས་པ་ཐམས་ཅད་ཀྱི་ཕྲེང་བ་ལ་སོགས་པ་དང ། ལྷའི་རྒྱན་ཐམས་ཅད་ཀྱིས་བརྒྱན་པ། རྡོ་རྗེ་འཛིན་གྱི་ལུས་དང ། ངག་དང ། སེམས་རྡོ་རྗེ་ཐམས་ཅད་དང་འདྲ་བར་འགྱུར་རོ། །བདག་གི་རིགས་དང ། གཉེན་དང ། གྲོགས་པོ་དང ། གཉེན་བཤེས་ལ་སོགས་པ་དང ། སེམས་ཅན་ཐམས་ཅད་ཀྱིས་གཟུགས་བཟང་པོ་མཐོང་ན་ཡང་འཆི་བར་མི་འགྱུར་རོ། །ལྟ་བར་བྱེད་དོ། །མཆོད་པར་བྱེད་དོ། །སྟེན་པར་བྱེད་དོ། །དོན་ཐམས་ཅད་བྱེད་དོ། །དེ་ཡང་རང་གི་ཁྱིམ་དེ་ཉིད་ན་གནས་བཞིན་དུ་ལྷའི་ཆོ་འཕྲུལ་བྱེད་དོ། །དེ་བཞིན་གཤེགས་པར་ཡང་གྱུར་ནས་རྫུ་འཕྲུལ་དང ། ཆོ་འཕྲུལ་ཐམས་ཅད་བྱེད་དོ། །རྡོ་རྗེ་ཧཱུཾ་ཞེས་བྱ་བ་ལ་སོགས་པའི་གཟུགས་ཀྱིས་ཀྱང་འདུལ་བར་བྱེད་དོ། །སེམས་ 75b ཅན་དེ་དག་གིས་ཀྱང་མཐོང་ངོ ། །མ་བཏུལ་བ་རྣམས་ཀྱང་འདུལ་ལོ། །ཇི་ལྟར་འདོད་པའི་གཟུགས་སུ་འགྱུར་བ་དང ། ཐམས་ཅད་དུ་འགྲོ་བ་དང ། ཕྱིར་འོང་བ་དང ། གྱེན་དུ་འགྲོ་བར་འགྱུར་བ་དང ། འཇིག་རྟེན་གྱེ་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ལ་མཆོད་པ་བྱས་ནས་ཕྱིར་འོང་བའི་བར་དུའོ། །དོན་ཐམས་ཅད་ལ་ལོངས་སྤྱོད་པ་དང ། འདོད་པ་ཐམས་ཅད་ལ་དབང་བ་དང ། འདོད་པ་ཐམས་ཅད་སྤྱོད་པའི་ཚེ་ནམ་མཁའ་དང་མཚུངས་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ནས་རྡོ་རྗེ་འདོད་པ་ཁྲོ་བོའི་ཕྱག་རྒྱ་བཅིངས་པ་ནི་རྡོ་རྗེའི་ཁུ་ཚུར་གཉིས་བཅངས་པ་ལས། མདའ་འཕེན་པའི་ཚུལ་གྱིས་མེ་ཏོག་གི་གཞུ་འདྲེན་པ་ནི་ཐམས་ཅད་དགའ་བར་བྱེད་པ་ཡིན་ནོ། །རྡོ་རྗེའི་ཁུ་ཚུར་གཉིས་ཀྱིས་སྙིང་གར་རྡོ་རྗེ་ཧཱུཾ་ཞེས་པ་སྟེ། གཡས་པའི་རྡོ་རྗེ་ཁུ་ཚུར་གྱིས་འཕེན་པས་རྡོ་རྗེ་འཕངས་པས་ནི་ཐམས་ཅད་གཏན་འཕོའོ། །དེ་ནས་འདི་ནི་དམ་ཚིག་གི་ཕྱག་རྒྱའོ། །རྡོ་རྗེ་ཁུ་ཚུར་གཉིས་བཅངས་ཏེ། །དེ་ལྟར་ཀྱོ་བ་མཐེའུ་ཆུང་མཛུབ། །མདུད་ནས་མཐེ་བོང་གཤིབས་པ་ཡིས། །བསྡམས་ཏེ་སྙིང་གར་གཞག་པར་བྱ། །འདི་ནི་དེ་བཞིན་གཤེགས་པ་ཐམས་ཅད་ལ་སོགས་པ་ངེས་པར་དགུག་པ་དང ། གཞུག་པ་དང ། བཅིང་པ་དང ། དབང་དུ་བྱ་བ་དང ། འདྲེན་པར་ 76a ༄#། །བྱེད་པའོ། རྡོ་རྗེ་ཁུ་ཚུར་གྱིས་འཁྱུད་པ་ནི་རྡོ་རྗེ་དགའ་བའི་ཕྱག་རྒྱའོ། དམ་ཚིག་གི་ཕྱག་རྒྱ་འབྱུང་སྟེ། རྡོ་རྗེ་བཅིང་བ་བསྡམས་བྱས་ནས། །གཡོན་པའི་མཛུབ་མཐེབ་མོ་མཚན་དུ། །མཐེ་བོའི་རྟགས་ནི་བཙུད་ནས་སུ། །དེ་བསྐྱོད་བར་དུ་བསྡམ་པར་བྱ། །འདིས་ནི་བུད་མེད་ཐམས་ཅད་དགའ་བར་བྱེད་དོ། རྡོ་རྗེའི་ཁུ་ཚུར་གཉིས་ཀྱིས་རྒྱལ་མཚན་འཛིན་པའི་ཚུལ་དུ་བྱའོ། །རྡོ་རྗེ་རྒྱལ་མཚན་ནོ། དམ་ཚིག་གི་ཕྱག་རྒྱ་འབྱུང་སྟེ། རྡོ་རྗེ་བཅིངས་པ་བསྡམས་བྱས་ནས། མཛུབ་མོ་གཉིས་ནི་དགུག་པར་བྱ། །སྲིན་ལག་གཤིབས་ལ་མཐེའུ་ཆུང་བཀྱེད། །དེ་ལྟར་མཐེ་བོའི་གཉིས་ཀྱང་བཀྱེད། །འདི་བསྟན་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱང་བྱམས་པ་བསྟན་པར་མཛད་ན་གཞན་ལྟ་ཅི་སྨོས། རྡོ་རྗེ་ཁུ་ཚུར་གཉིས་ཀྱིས་སྙེམས་པར་བྱེད་པ་ནི་རྡོ་རྗེ་སྙེམས་པའོ། །དམ་ཚིག་གི་ཕྱག་རྒྱ་འབྱུང་སྟེ། རྡོ་རྗེ་སེམས་དཔའ་མཆོག་བཅས་ཀུན་བྱས་ནས། རྩིབ་ལོགས་གཉིས་སུ་བསྐུར་ནས་སུ། འཛིན་པས་བསྐྱོད་པས་འདུད་པ་སྟེ། ཁྲོ་བོ་ཐམས་ཅད་མགུ་བར་བྱེད། རྡོ་རྗེ་སེམས་དཔའ་ཆེན་མཆོག་ཅས་དང ། །རྡོ་རྗེ་གར་གྱི་རབ་སྦྱོར་བས། མདོར་ན་མེ་ཏོག་ལ་སོགས་པའི། གསང་བའི་མཆོད་པ་མྱུར་དུ་འགྲུབ། །རྟོག་པ་གཞན་གྱི་གསང་བའི་མཆོད་པ་དང་ཡང་སྦྱར་ 76b རོ། །དེ་ནས་རྡོ་རྗེ་གར་འབྱུང་སྟེ། །རྡོ་རྗེ་ཁུ་ཚུར་གཉིས་བཅིངས་ནས། །འཛུམ་པས་མཐའ་ནས་བརྩམས་ཏེ་དགྲོལ། །གློག་བཞིན་བསྒྱུར་ཏེ་བསྐོར་ཞིང་དགྲོལ། །འགྲམ་པ་དང་ནི་གཙུག་ཏོར་བཞག། རྡོ་རྗེ་གར་ཞེས་བྱ་བ་སྟེ། །བདག་ཆེའི་མཆོད་པ་ཐམས་ཅད་དོ། །མཆོད་པའི་འདི་ནི་གསོལ་བས་ན། དངོས་མེད་ཉིད་ཀྱང་མྱུར་དུ་འགྲུབ། དེ་ནས་རྡོ་རྗེ་གཟུགས་ལ་སོགས་པའི་ཕྱག་རྒྱ་བཅིང་པ་ནི། རྡོ་རྗེ་བཅིང་བ་བརྐྱང་ལ་མཐིལ་དུ་བལྟའོ། །རྡོ་རྗེ་བཅིངས་པས་གཡོན་པའི་མཛུབ་མོ་ནི་པི་ཝང་གི་ཤིང་ངོ ། །གཡས་པ་བཀུག་པས་ནི་ལན་ཏེ། བརྐྱང་པའི་ལག་མཐིལ་གྱིས་རང་གི་སྙིང་གར་བྱུག་གོ། མེ་ཏོག་གི་ཐལ་མོའི་ཚུལ་གྱི་རྡོ་རྗེ་རོ་བཏུང་བར་བྱའོ། །རྡོ་རྗེའི་ཁུ་ཚུར་གཉིས་བཅངས་ཏེ། གཡོན་པའི་མཐེའུ་ཆུང་ནི་གཡས་པའི་ཀྱོ་བཏང་གིས་བཟུང་ངོ ། །ཀྱོ་བཏང་དེ་གཡས་པས་སེམས་དཔའི་དམ་ཚིག་ཐམས་ཅད་དང ། སེམས་ཅན་ཐམས་ཅད་ཀྱང་དགུག་གོ་།རྡོ་རྗེ་བཅིངས་ལ་མཐེ་བོ་མདུད་པ་ནི་ཞགས་པའི་ཕྱག་རྒྱའོ། །རྡོ་རྗེ་ཁུ་ཚུར་གཉིས་ཀྱི་མཛུབ་མོ་སྦྲེལ་བ་ནི་ཐམས་ཅད་བཅིང་ངོ ། །རྡོ་རྗེ་འབེབས་པའི་ཕྱག་རྒྱས་ནི་ཐམས་ཅད་འབེབས་པར་བྱེད་དོ། །དེ་ནས་གོ་ཆའི་ཕྱག་རྒྱ་འབྱུང་སྟེ། ཁུ་ཚུར་བཅིངས་པ་གཉིས་ཀྱིས་སྙིང་གར་མདུད་པའི་ཚུལ་དུ་བྱའོ། །སྤོས་ནས་ཡང་ལྟག་པར་ཡང་དེ་བཞིན་ 77a ༄#། །ནོ། །སྤོས་ནས་སྙིང་གར་ཡང་དེ་བཞིན་ནོ། །ཡང་བར་དུ་ཡང་མདུད་དོ། །ཡང་སྤོས་ནས་སྙིང་ག་དང ། ལྟག་པར་ཡང་དེ་བཞིན་ནོ། །མགོ་ལ་ཡང་དེ་བཞིན་དུ་དབང་བསྐུར་བའི་གནས་སུའོ། །ཕྲེང་བ་བཅིང་པའི་མདུད་པའི་ཚུལ་གྱིས་མཐེའུ་ཆུང་ལ་སོགས་པའི་སོར་མོ་ཐམས་ཅད་དགྲོལ་བའི་ཅོད་པན་གྱི་ཚུལ་དུ་བྱའོ། །དེ་ནས་འཕགས་པ་སྤྱན་རས་གཟིགས་ཀྱི་དབང་པོའི་ཕྱག་རྒྱ་བཅིང་བ་ནི། པདྨའི་ཟུམ་པའི་ཐལ་མོ་སྦྱར། པདྨོའི་ཆེན་པོར་གྲགས་པ་སྟེ། མཐེའུ་ཆུང་མཐེ་བོང་གཉིས་འགྱེད་པ། སྡིག་པ་རྣམས་ནི་སེལ་བའོ། ། དེ་ཉིད་མཛུབ་མོ་ཀྱོ་བཏང་དུ་བྱས་པ་ནི་ཐམས་ཅད་དགུག་པའོ། །དེ་ནས་པདྨོའི་འབྱུང་སྟེ། རྡོ་རྗེ་བཅིངས་པའི་མཛུབ་མོ་གཉིས་བཀུག་ལ་མཐེ་བོང་མཉམ་པའི་སྟེང་དུ་གུང་མོ་གཉིས་བཞག་གོ། དེ་གཉིས་སུ་བྱས་ནས་གཡོན་པ་ལ་གཡས་པས་པདྨོ་འབྱེད་པར་བྱའོ། །དེ་ནས་པདྨོའི་དག་གི་ཕྱག་རྒྱ་ནི་ཧྲཱིཿ ། ཡེ་ཤེས་ཀྱི་ཕྱག་རྒྱ་ནི་པདྨོའི་འབྱེད་པས་འདོད་ཆགས་ལ་སོགས་པའི་དྲི་མ་སྦྱོང་བར་གསུངས་པ་ཉིད་དོ། །དེ་ནས་ནམ་མཁའི་སྙིང་པོའི་ཕྱག་རྒྱ་བཅིང་པ་ནི་ནོར་བུའི་ཁུ་ཚུར་གཉིས་ཀས་དབང་བསྐུར་བའི་ཕྲེང་བ་བཅིང་ངོ ། །དེ་ནས་རྡོ་རྗེ་རིན་པོ་ཆེའི་ཕྱག་རྒྱ་ནི། །རྡོ་རྗེ་བཅིང་པ་ཀུན་བྱས་ནས། །མཛུབ་མོ་མཉམ་ནས་མཐེབ་དང་སྦྱར། །དེ་དག་ངོས་སུ་སྤྲད་པ་སྟེ། དབང་བསྐུར་གནས་སུ་དབང་སྦྱིན་ནོ། །དེ་ཉིད་ཁ་ཡར་བསྟན་ལ་ 77b སྙིང་གར་བཞག་པ་ནི་ནོར་བུའི་ཁུ་ཚུར་ཞེས་བཤད་དེ། །དོན་ཐམས་ཅད་འཕྲོག་པའོ། །དེ་ཉིད་ལས་མཐེ་བོའི་རྡོ་རྗེས་མཛུབ་མོ་མཉམ་པ་མནན་ཏེ། རྒྱབ་བསྐུམ་པ་ནི་རྡོ་རྗེའི་ནོར་བུའོ། །ཏྲཱཾ། ཆོས་ཀྱི་ཕྱག་རྒྱའོ། །ཡེ་ཤེས་ཀྱི་ཕྱག་རྒྱ་ཐམས་ཅད་ནམ་མཁར་བསྒོམ་པའོ། །དེ་ནས་རྡོ་རྗེ་ཁུ་ཚུར་གྱི་ཕྱག་རྒྱ་བཅིང་བ་ནི། །དེ་ལྟར་སྔར་བཤད་པ་ཉིད་དོ། །བཱཾ། ངག་གི་ཕྱག་རྒྱའོ། །བྱམས་པའི་བཅིང་བ་ནི་བཅིང་བའི་ནང་ན་མཆོག་སྟེ། ཡེ་ཤེས་ཀྱི་ཕྱག་རྒྱའོ། །མདུན་དུ་ནི་རྡོ་རྗེ་ཆེན་པོའི་ཕྱག་རྒྱའོ། །གཡས་སུ་ནི་རྡོ་རྗེ་རིན་པོ་ཆེའི་ཕྱག་རྒྱ་བསྟན་པ་ཉིད་དོ། །རྒྱབ་ཏུ་ནི་རྡོ་རྗེ་བཅིང་བ་སྙིང་གར་བཀན་ནས་མཐེ་བོ་སྦྱར་ཏེ། མཛུབ་མོ་གཉིས་དགུག་པར་བྱའོ། །རྡོ་རྗེ་པདྨ་མཆོག་གི་ཕྱག་རྒྱའོ། །རྡོ་རྗེ་བཅིང་པའི་མཐེ་བོ་དང ། མཐེའུ་ཆུང་གཉིས་སྙིང་གར་བརྐྱང་བ་ནི་རྡོ་རྗེ་སྟེ། རྡོ་རྗེ་ཐམས་ཅད་ཀྱིའོ། །རིགས་ཐམས་ཅད་ཀྱི་དམ་ཚིག་གི་ཕྱག་རྒྱ་སྟེ། གྲུབ་པ་ཐམས་ཅད་སྩོལ་བ་ཕྱག་རྒྱའི་དཀྱིལ་འཁོར་དུ་བྲིའོ། །དེ་ནས་འཇམ་དཔལ་གྱི་ཕྱག་རྒྱ་བཅིང་བ་ནི་རྡོ་རྗེ་ཁུ་ཚུར་མཛུབ་མིའི་རྩེ་མོའི་རྩེ་མོ་དཀུག་པ་འདི་ནི་རལ་གྲིའོ། །སྙིང་པོ་ནི་གླེགས་བམ་མོ། །དམ་ཚིག་གི་ཕྱག་རྒྱའོ། །གཡོན་པའི་གླེགས་བམ་བཅངས་པའི་མཐེའུ་ཆུང་ནི་གཡས་པའི་རལ་གྲི་འཛིན་པས་གཟུང་ངོ ། །ཱ་ཆོས་ཀྱི་ཕྱག་རྒྱའོ། །ཆོས་ཐམས་ཅད་ལ་ཡི་གེ་མེད་ཅེས་བྱ་བ་ནི་ཡེ་ཤེས་ཀྱི་ཕྱག་རྒྱའོ། །དེ་ནས་རྡོ་རྗེ་འཁོར་ལོའི་ཕྱག་རྒྱ་བཅིང་བ་ནི་རྡོ་རྗེའི་ཁུ་ཚུར་གཉིས་བཅངས་ཏེ། མཐེའུ་ཆུང་མཛུབ་མོའི་རྡོ་རྗེས་བཅིང་།། 78a ༄#། །རྡོ་རྗེ་འཁོར་ལོ་ཞེས་བཤད་དེ། དཀྱིལ་འཁོར་ཐམས་ཅད་སྒྲུབ་པའོ། །འདི་མཐོང་བས་དཀྱིལ་འཁོར་ཐམས་ཅད་མཐོང་བར་འགྱུར་རོ། །དེ་བཞིན་དུ་དབུས་སུ་ཁ་བཞག་སྟེ་བཟླས་ན་དཀྱིལ་འཁོར་ཐམས་ཅད་དུ་ཞུགས་པར་འགྱུར་ཞིང་དེ་བཞིན་དུ་སྒྲུབ་པར་འགྱུར་རོ། །ཧཱུཾ། ཆོས་ཀྱི་ཕྱག་རྒྱའོ། །དེ་ནས་ནམ་མཁའ་མཛོད་ཀྱི་ཕྱག་རྒྱ་བཅིང་བ་ནི་རྡོ་རྗེ་ནོར་བུའི་ཕྱག་རྒྱ་ལས་མཐེའུ་ཆུང་དང་སྲིན་ལག་མཉམ་པའི་རྒྱལ་མཚན་བསྒྲེང་བའི་ཚུལ་དུ་བྱའོ། །ཆོས་ཀྱི་ཕྱག་རྒྱ་ནི། ཏྲཱཾ། འཕགས་པ་བྱམས་པ་བྱང་ཆུབ་སེམས་དཔའ་ཆེན་པོའི་ཕྱག་རྒྱ་བཅིང་པ་ནི་རྡོ་རྗེ་གོ་ཆའི་ཕྱག་རྒྱའོ། །ངག་གི་ཕྱག་རྒྱ་ནི། ཨོཾ། དེ་ནས་རྟོག་པ་ཐམས་ཅད་སྤྱིའི་ཕྱག་རྒྱ་ཤེས་པ་འབྱུང་སྟེ། དེ་ལ་ལུས་ཀྱི་ཕྱག་རྒྱར་འགྱུར་བ་ནི། འདི་ལྟ་སྟེ། འགྲེང་ཡང་རུང ། འདུག་ཀྱང་རུང ། རྐང་པ་བསྙམས་སྟེ། བརྐྱང་པ་དང ། ལག་པ་བསྒྲེང་བ་ནི་རྡོ་རྗེའི་ཕྱག་རྒྱའོ། །མཆོག་བསྒྲུབ་པ་ལ་རྡོ་རྗེ་དང་མཚུངས་པར་འགྱུར་རོ། །ལངས་ནས་གཡོན་པས་རྡོ་རྗེ་ཁུ་ཚུར་བཅངས་ནས་གཡས་པ་བཀུག་པས་དྲངས་པ་ནི་རྡོ་རྗེ་ལྕགས་ཀྱུའི་ཕྱག་རྒྱ་སྟེ། ཐམས་ཅད་འདྲེན་པའི་ཕྱག་རྒྱ་ཡིན་ནོ། །ལངས་ལ་པུས་མི་བཀྱེད་དེ་བཀུག་ནས་ལག་པ་གཉིས་བསྡམས་ཏེ་གྱེན་དུ་བརྐྱང་བ་ནི་ཐམས་ཅད་གཏན་འཕོ་བའི་རལ་གྲིའོ། །དཔུང་པ་གཉིས་ཀྱི་རང་གི་སྙིང་གར་འཁྱུད་པ་ནི་གོ་ཆ་སྟེ་མི་ཕྱེད་པའོ། །དེ་ནས་རང་གི་ཕྱག་རྒྱ་བཅིང་བ་ནི། ། ཧོ་ཧཾ་ཧཱུཾ། དབབ་པ་དང་དབང་དུ་བྱ་ 78b བ་དང་བསྲུང་བ་དང ། གཏན་འཕོ་བའི་ཕྱག་རྒྱའོ། །དེ་ནས་ལྟ་བའི་ཕྱག་རྒྱ་འབྱུང་བ་ནི། །མྱུར་འགྱུར་རྡོ་རྗེའི་ལྟ་བ་སྟེ། བགྲད་དེ་བཙུམས་པ་འདྲེན་པ་ཡིན། །ཁྲོ་བོའི་ལྟ་བ། ཁྲོ་གཉེར་ཏོ། །བརྟན་པར་ལྟ་བ་མི་གཡོ་བའོ། །དེ་ནས་འདི་དག་གི་ལས་འབྱུང་པ་ནི་རྡོ་རྗེའི་ལྟ་བས་སྐྱེ་འགྲོ་ཐམས་ཅད་མགུ་བར་བྱའོ། །བགྲད་པའི་ལྟ་བས་ནི་ཐམས་ཅད་དགུག་པ་དང ། རིམས་དང ། གདོན་དང ། དུག་དང ། བྱད་མ་ལ་སོགས་པ་དང ། ནད་ཐམས་ཅད་སེལ་ཏོ། །ཁྲོ་བོའི་ལྟ་བས་ནི་ཐམས་ཅད་གཏན་འཕོའོ། །བརྟན་པར་ལྟ་བས་ནི་ཐམས་ཅད་བསྲུང་ངོ ། །དེ་ལ་སྙིང་པོ་ནི་འདི་རྣམས་ཡིན་ནོ། །བཛ་དྲྀཥྚི་མ་ཊ། དཱིཔཏ་དྲྀཥྚི་ཨམ་ཀུ་ཤ་ཛ། ཨོམ་ཀྲོ་དྷདྲྀཥྚི་ཕགས། དྲྀ་ཌྷདྲྀཥྚི་ཧཾ། སོའི་ཕྱག་རྒྱ་འབྱུང་སྟེ། སོ་བཅའ་བས་ནི་གཏན་འཕོའོ། མུར་པས་ནི་དབང་དུ་བྱེད་དོ། །སྙིང་པོ་བཟླས་ཤིང་ཁྲོ་བོའི་ཏིང་ངེ་འཛིན་བཟླས་ཏེ་ཕྱག་རྒྱའི་ལས་བྱེད་དོ། །གཡས་ནས་གཅུ་པ་ནི་འགུག་པའོ། །གཡོན་ནས་གཅུ་པ་ནི་དབང་དུ་བྱེད་པའོ། །མ་མཆུ་སོས་མནན་པས་ནི་གཏན་འཕོའོ། །མཆུ་གཉིས་ཀ་བསྡམས་པས་ནི་བསྲུང་ངོ ། །སངས་རྒྱས་རྗེས་སུ་དྲན་པ་དང ། རྡོ་རྗེ་འཛིན་པ་རྗེས་སུ་དྲན་པ་དང ། རྡོ་རྗེ་ཁྲོ་བོ་རྗེས་སུ་དྲན་པ་དང ། རྡོ་རྗེ་རྗེས་སུ་དྲན་པ་ནི་ཐམས་ཅད་སྒྲུབ་པ་སྟེ། མཆུའི་ཕྱག་རྒྱའོ། མཆུ་གཉིས་ཀ་བསྡམས་པས་ནི་བསྲུང་ངོ ། །སངས་རྒྱས་རྗེས་སུ་དྲན་པ་དང ། རྡོ་རྗེ་འཛིན་པ་རྗེས་སུ་དྲན་སོ། །གཉིས་ཀ་བཙུམས་པས་ནི་གཏན་འཕོའོ། །གཉིས་ཀ་བགྲད་པས་ནི་སྲུང་ངོ ། །ཐམས་ཅད་ཀྱི་སྙིང་པོ་བཟླས་ཏེ་གྱེན་དུ་བལྟས་ན་ནམ་མཁའ་ལ་འགྲོ་བར་འགྱུར་རོ། །ཐུར་དུ་བལྟས་ན་སའི་དབང་ 79a ༄#། །པོར་འགྱུར་རོ། །གཡས་ནས་བསྐོར་བ་ནི་དེ་བཞིན་གཤེགས་པ་ཐམས་ཅད་ལ་མཆོད་དོ། །གཡོན་ནས་བསྐོར་བས་ནི་ཕྱག་ན་རྡོ་རྗེ་ལ་མཆོད་དེ། ཐམས་ཅད་ཀྱི་སྙིང་པོ་སྟོང་བཟླས་ནས་བསྒྲུབ་བོ། །དེ་ནས་ཕྱི་རོལ་གྱི་རྡོ་རྗེ་རིགས་ཀྱི་ཕྱག་རྒྱ་བཅིང་བ་འབྱུང་སྟེ། དེ་ལ་འཇིག་རྟེན་པའི་ཕྱག་རྒྱ་རྣམས་ནི་འཇིག་རྟེན་པའི་ཁུ་ཚུར་ལས་འབྱུང་སྟེ། རྡོ་རྗེ་ཁུ་ཚུར་ནི་རྡོ་རྗེ་བཅིང་བ་ལས་གཡོན་པའི་མཐེ་བོ་ནང་དུ་བཅུག་ནས་མཐེའུ་ཆུང་དང ། སྲིན་ལག་གི་བར་དུ་བཙིར་ལ་བསྡམ་པར་བྱ་སྟེ། དེ་ཉིད་ལ་ཕྱག་རྒྱའི་སྙིང་པོ་འདི་འབུམ་བཟླས་ཏེ་བསྒྲུབ་བོ། །ོཾ་བཛ་མུདྲ་ཧུཾ། རྡོ་རྗེའི་ཁུ་ཚུར་གཉིས་སུ་བྱས་ཏེ། གཡས་པས་མཚན་མ་ཇི་ལྟར་བྱས་པ་བཞིན་དུ་གཟུང་ངོ ། །མ་རྣམས་ཐམས་ཅད་ཀྱི་ཕྱག་རྒྱ་བཅིང་བ་ནི་འདི་བཞིན་དུ་རྡོ་རྗེའི་ཁུ་ཚུར་ལས་གཡོན་པ་རྡོ་རྗེའི་ཁྲོ་བོའི་མཛུབ་མོ་བསྒྲེང་བ་སྟེ། དུར་ཁྲོད་དམ། ཚོགས་ཀྱི་གནས་སུ་རྡོ་རྗེ་ཁྲོ་བོའི་མཛུབ་མོས་མི་ཁྲག་ཐིགས་པ་གསུམ་ཁར་བླངས་ཏེ་མྱངས་ནས་མི་རོ་མ་སྨས་ཤིང་མ་ཉམས་པ་རྐང་པ་གཡོན་པས་མནན་ཏེ་བརྒྱ་བཟླས་ན་ནམ་མཁའ་ལ་འགྲོ་བ་དང ། མི་སྣང་བར་འགྱུར་བ་དང ། བྱད་མ་ཐམས་ཅད་དབང་དུ་འགྱུར་རོ། ཚོགས་དེ་དག་ཐམས་ཅད་ཀྱི་དབང་པོར་འགྱུར་རོ། །ཐག་འཇུག་པ་དང ། ཕན་འདོགས་ནུས་པར་འགྱུར་རོ། །མཁའ་འགྲོ་མའི་བདེ་བའི་མཆོག་ཐམས་ཅད་དང ། རྟོག་པ་ཐམས་ཅད་དང ། ལས་ཐམས་ཅད་དང ། ཕྱག་རྒྱ་ཐམས་ཅད་འགྲུབ་པར་འགྱུར་རོ། །དེ་ནས་ཁྲོ་བོའི་ཁུ་ཚུར་སྒྲུབ་པའི་སྙིང་པོ་ནི་ 79b འདི་ཡིན་ནོ། །ོཾ་བཛར་ཨཱ་ར་ལི། ཕྱག་རྒྱ་བཅིང་བའི་བར་དུའོ། དེ་ནས་དེའི་རྗེས་ལ་ཕྱག་རྒྱ་ཐམས་ཅད་ཀྱི་གསང་བའི་སྒྲུབ་པའི་སྐབས་བཤད་པར་བྱ་སྟེ། དེ་ནས་དེ་བཞིན་གཤེགས་པའི་ཕྱག་རྒྱ་གསང་བ་སྒྲུབ་པ་ནི་དཀྱིལ་འཁོར་བྲི་སྟེ། དེར་འདི་སྐད་བརྗོད་དོ། །བཅོམ་ལྡན་ཕྱག་རྒྱ་བཙུན་མོ་འདི། །རྟག་ཏུ་བདག་ལ་སྩལ་བར་སྩོལ། །སེམས་ཅན་ཀུན་གྱི་དོན་སྒྲུབ་ཕྱིར། གྲུབ་པའི་མཆོག་ནི་བསྒྲུབ་པར་བགྱི། ཕྱག་ན་རྡོ་རྗེ་དཀྱིལ་འཁོར་ནས་འདི་ཞེས་བརྗོད་དོ། །སུ་ར་ཏེ་ས་མ་ཡ་སྟྭཾ་ཧོ། །བཛར་སཏྭ་ཨཱ་དྱ་སི་དྡྷ་ནན། །དེ་ནས་བྱང་ཆུབ་སེམས་དཔའ་གཞན་རྣམས་ཀྱི་གསང་བའི་ཕྱག་རྒྱ་སྒྲུབ་པ་ནི། བྱང་ཆུབ་སེམས་དཔའ་བདག་ཉིད་ཆེ། །རྟག་ཏུ་བདག་ལ་གྲུབ་པ་སྩོལ། །དེ་ནས་ཕྱི་རོལ་གྱི་རྡོ་རྗེ་རིགས་ཀྱི་གསང་བ་སྒྲུབ་པ་ནི་ཕྱག་ན་རྡོ་རྗེ་ཁྲོ་བོ་ནི་ཐམས་ཅད་བྱེད་པ་ཡིན་ནོ་ཞེས་དེ་སྐད་བརྗོད་ལ་བསྒྲུབ་པར་བྱའོ། །མ་རྣམས་ཀྱི་གསང་བའི་ཕྱག་རྒྱ་སྒྲུབ་པ་ནི་དཀྱིལ་འཁོར་དུ་ཞུགས་ནས་བྷྱོ་བྷྱོ་ཞེས་བརྗོད་ཅིག་གསང་བ་བསྒྲུབ་པའི་རབ་ཏུ་བྱ་བའོ། །དེ་ནས་ཕྱག་རྒྱའི་དེ་ཁོ་ན་འབྱུང་སྟེ། དེ་བཞིན་གཤེགས་པའི་ཕྱག་རྒྱའི་དེ་ཁོ་ན་ནི་སེམས་ལས་སང་རྒྱས་ཀྱི་ཆོས་འབྱུང་ངོ ། །ཡང་དག་པར་ན་འདི་དག་སྟེ། དེ་བཞིན་གཤེགས་པའི་བཙུན་མོའི་ཐུགས་ལ་གནས་པ་ཡིན་ནོ། །བདག་ཀྱང་དེ་བཞིན་གཤེགས་པ་ཡིན་པས་བདག་གི་ཆུང་མ་ཡིན་པས། བདག་ 80a ༄#། །གི་ཆུང་མ་ཡིན་ནོ་ཞེས་སྔར་བསྒོམས་ལ་ཕྱག་རྒྱ་བསྒྲུབ་བོ། །ཕྱག་ན་རྡོ་རྗེའི་ཕྱག་རྒྱའི་དེ་ཁོ་ན་ནི། །རབ་དགའ་བཅིང་བ་ཀུན་གྱི་མཆོག། །དེ་ལས་ཕྱག་རྒྱ་རྣམས་སུ་བྱས། འདོད་པ་རྡོ་རྗེ་སེམས་དཔའ་ཡིས། །གྲུབ་བརྟན་མྱུར་དུ་སྩོལ་བར་མཛད། །དེ་ནས་གཞན་དག་ནི། བཅོམ་ལྡན་རྟག་པ་འདོད་པ་སྟེ། །དེ་དག་དེ་བཞིན་གཤེགས་པ་འོ། །དེ་ལས་ཐམས་ཅད་བདག་ཉིད་གཟུགས། །བདག་ཀྱང་ཕྱག་རྒྱ་གྲུབ་པར་ཤོག། །དེ་ནས་ཕྱི་རོལ་གྱི་རྡོ་རྗེའི་རིགས་ཀྱི་ཕྱག་རྒྱའི་དེ་ཁོ་ན་ནི་ཕྱག་ན་རྡོ་རྗེ་ལྷ་ཐམས་ཅད་དབང་དུ་བྱས་ནས་རྡོ་རྗེར་བྱས་ཏེ། དེ་དག་གི་ཕྱག་རྒྱ་ཡང་རྡོ་རྗེའི་ཕྱག་རྒྱ་ཉིད་དོ། །དེ་ནས་མ་རྣམས་ཀྱི་ཕྱག་རྒྱའི་དེ་ཁོ་ན་ཉིད་ནི། མ་རུང་ཐམས་ཅད་ཟ་བའི་ཕྱིར། ལྷ་རྣམས་ཀུན་གྱིས་བྱས་པ་སྟེ། ཕྱག་རྒྱ་འབེབས་པས་དེ་ཡི་ཕྱིར། བསྒོམས་ནས་ཀྱང་ནི་བསྒྲུབ་པར་བྱ། དེ་བཞིན་གཤེགས་པའི་དེ་ཁོ་ན་རབ་ཏུ་སྦྱོར་བས་ཐོག་མར་བསྒོམས་ནས་བསྒྲུབ་བོ། །ཕྱག་རྒྱའི་དེ་ཁོ་ནའི་རབ་ཏུ་བྱ་བའོ། །དེ་ནས་རྟོག་པ་ཐམས་ཅད་ཀྱི་བྱིན་གྱིས་བརླབ་པ་ལ་སོགས་པའི་ལས་བཤད་དོ་ཞེས་ནས་བཅོམ་ལྡན་འདས་ཕྱག་ན་རྡོ་རྗེས་གསུངས་པ། ཉིན་རེ་དང་པོ་དུས་བཞིན་དུ། །རྡོ་རྗེ་ཆེན་མཆོག་ཕྱག་རྒྱ་ཡིས། སྙིང་ཁ་སྨིན་མཚམས་ལྐོག་མ་གཙུག། བདག་ཉིད་བྱིན་གྱིས་བརླབ་པར་བྱ། དེ་ལ་བྱིན་ 80b གྱིས་བརླབ་པའི་སྙིང་པོ་ནི་འདི་ཡིན་ནོ། །བཛར་ཏྭ། བཛར་རཏན། བཛརྡྷྲྨ། བཛྲྐརྨ། དེ་ལ་འདི་ནི་རྡོ་རྗེ་རིན་པོ་ཆེའི་དབང་བསྐུར་བའི་སྙིང་པོ་ཡིན་ནོ། །ོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་སྙིང་པོ་འདིས་རྡོ་རྗེ་རིན་པོ་ཆེའི་ཕྱག་རྒྱ་སྨིན་མཚམས་སུ་བཞག་སྟེ། མཛུབ་མོ་གཉིས་ཀྱིས་ཕྲེང་བའི་ཚུལ་དུ་བཅིངས་ལ། ལྟག་པར་མདུད་པའི་ཚུལ་དུ་བྱས་ཏེ་བསྐོར་ཏེ། མཐེའུ་ཆུང་ནས་བརྩམས་ཏེ་དཀྲོལ་བས་སོར་མོ་ཐམས་ཅད་བཀྲོལ་ཏེ་དར་དབྱངས་པ་ལྟར་བྱའོ། །དེ་ནས་ཏིང་ངེ་འཛིན་གྱི་ཡེ་ཤེས་བསྐྱོད་པ་ནི་རྡོ་རྗེ་བཅིང་པ་བཀན་ཏེ་པང་པར་བཞག་ནས་བསྒོམ་པའི་སྙིང་པོ་འདིས་རང་གི་སྙིང་གར་རྡོ་རྗེ་བསམ་མོ། ཨོཾ་བཛར་ཨཱ་ཏམ་ཀཿ ། །རྡོ་རྗེའི་བཟླས་པས་ཅི་འདོད་པ་བཟླས་སོ། །དེ་ནས་རྡོ་རྗེའི་མཆོད་པའི་རབ་ཏུ་བྱ་བ་ནི། །རྡོ་རྗེའི་ཁུ་ཚུར་གཉིས་བཅངས་ནས། །རྡོ་རྗེ་འགྱིང་བ་ལེགས་པར་བྱ། རྡོ་རྗེ་ཕྲེང་བ་དེ་བཞིན་གླུ། །རྡོ་རྗེ་གར་ཀྱང་སྤྱི་བོ་ནས། །དེར་བསྟོད་པའི་རྡོ་རྗེའི་གླུ་བླང་ཞིང་མཆོད་པར་བྱའོ། ། རྡོ་རྗེ་སེམས་དཔའ་བསྡུས་པའོ། །རྡོ་རྗེ་རིན་ཆེན་བླ་མེད་དེ། རྡོ་རྗེ་ཆོས་ནི་གླུར་བླངས་པས། རྡོ་རྗེ་ལས་ནི་མཛད་པར་གསོལ། དགའ་བ་དང ། དབང་བསྐུར་བ་དང ། གླུ་དང་མཆོད་པ་འདིས་དེ་བཞིན་གཤེགས་པ་ཉིད་ཀྱང་རྙེད་པར་མི་དཀའ་ན་གྲུབ་པ་གཞན་ལྟ་ཅི་སྨོས། དེ་ཅིའི་ཕྱིར་ཞེ་ན། དེ་ལྟར་སེམས་དཔའི་བདེ་བ་འདི་དང་མཚུངས་པ་མེད་དོ། ། 81a ༄#། །དེ་ནས་ཕྱག་ན་རྡོ་རྗེ་སའི་བྱིན་གྱིས་བརླབ་པ་ལ་སོགས་པ་འབྱུང་སྟེ། ཉིན་རེ་དང་པོར་དུས་བཞིན་དུ། །རྡོ་རྗེའི་བྱིན་གྱིས་བརླབ་ཚུལ་གྱིས། །བདག་གིས་བདག་ཉིད་བྱིན་བརླབས་ནས། །སེམས་དཔར་བྱིན་རླབས་རྣལ་འབྱོར་ལྡན། །རྡོ་རྗེ་དང་བཅས་རྡོ་རྗེ་བཅིང ། །རྡོ་རྗེ་འབེབས་ལ་སོགས་ཚུལ་གྱིས། །རྡོ་རྗེ་ཁུ་ཚུར་རྡོ་རྗེ་བཅས། །གཉིས་བྱས་ཕྱག་རྒྱའི་མཆོག་གིས་སུ། །བདག་ཉིད་བྱིན་གྱིས་བརླབ་པར་བྱ། །འདོད་པ་བདག་ཉིད་ཅེས་ཀྱང་བསྒོམ། །དེ་ནས་རྡོ་རྗེ་སེམས་དཔའི་གསང་བའི་སྙིང་པོ་བཟླས་པར་བྱའོ། །དེ་ལ་གསང་བའི་སྙིང་པོ་འདི་རྡོ་རྗེའི་གླུས་ཅི་འདོད་པ་བཟླས་སོ། །ཊཀྐི་ཛཿ ་ཧོ། །དེ་ནས་བསྒྲུབ་པ་གཞན་ཡང་རྡོ་རྗེ་བཅིང་བས་རྟགས་བཟུང་སྟེ་འབུམ་བཟླས་ན་འདོད་པ་ཐམས་ཅད་ཀྱི་དབང་ཕྱུག་དང ། འདོད་པའི་གཟུགས་དང ། འདོད་པའི་ཚེ་དང ། འདོད་པའི་བདག་པོ་དང ། ཀུན་དུ་འགྲོ་བ་ཐམས་ཅད་གྲུབ་པར་འགྱུར་རོ། །དེ་ནས་ཕྱག་ན་རྡོ་རྗེའི་དབང་བསྐུར་བའི་རབ་ཏུ་བྱ་བ་འབྱུང་བ་ནི་དེ་བཞིན་གཤེགས་པ་ཐམས་ཅད་ཀྱི་ཕྲེང་བའི་དབང་བསྐུར་བ་ཇི་ལྟ་བ་བཞིན་དུ་སྙིང་པོ་འདིས་སྦྱིན་ནོ། །ོཾ་སརྦ་ཏ་ཐཱ་ག་ཏ་རཏྣ་ཨ་བྷི་ཥེ་ཀ་ཨ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བསྐྱེད་པའི་ཏིང་ངེ་འཛིན་ལ་དམིགས་པ་ནི་ཇི་ལྟར་བཅོམ་ 81b ལྡན་འདས་སེམས་ཅན་ཐམས་ཅད་ཉིད་ཡིན་པ་དེ་བཞིན་དུ་བདག་ཀྱང་ཐམས་ཅད་ཉིད་དོ་ཞེས་ནས་སྙིང་པོ་འདིས་ཐམས་ཅད་དགུག་པ་དང ། གཞུག་པ་དང ། བཅིང་བ་དང ། དབང་དུ་བྱས་ཏེ་བསྒོམ་མོ། །དེ་ལ་སྙིང་པོ་ནི་འདིའོ། །ོཾ་སཏྭཛཿ ་ཧཱུཾ་བཾ་ཧེཿ ། དེ་ནས་བཅོམ་ལྡན་འདས་ཀྱི་སྤྱན་སྔར་གསང་བའི་མཆོད་པ་བྱ་བ་ནི་བྱིན་གྱིས་བརླབ་པ་ལ་སོགས་པ་ཐམས་ཅད་བྱེད་དེ། རྡོ་རྗེ་ཁུ་ཚུར་གཉིས་བཅངས་ལ། །རྡོ་རྗེ་གར་དང་སྦྱར་ནས་སུ། །མེ་ཏོག་ལ་སོགས་པ་དབུལ་བ་ནི། །གསང་བའི་མཆོད་པ་ཕྱག་རྒྱས་དབུལ། །གཞུ་འདྲེན་པ་ཡི་ཚུལ་གྱིས་སུ། །རྡོ་རྗེ་མདའ་ནི་འཕེན་པར་བྱ། །ཀུན་ནས་འཁྱུད་དང་རྒྱལ་མཚན་བསྒྲེང ། །གཉིས་སྙེམས་འཛིན་པས་མདུད་པའོ། །རྡོ་རྗེའི་བསྟོད་པ་འདིས་རྡོ་རྗེའི་གླུ་གླང་ཞིང་མཆོད་དོ། ། གཟུགས་ལ་སོགས་པ་འདོད་པ་དག་གི་བདེ་བ་དང ། །ཤིན་ཏུ་ཡིད་བདེ་བཅོམ་ལྡན་རབ་དགའ་ཁྱོད་ལ་འདུད། །ཁྱོད་ཀྱིས་བདག་ལ་དེང་དུ་དགའ་བདེ་ཀུན་མཆོད་ལ། ། མཆོག་གི་བདག་ཉིད་གྲུབ་པའང་མྱུར་དུ་ཚུལ་བཞིན་སྩོལ། །བསྟོད་པའི་སྙིང་པོ་འདིས་ཐམས་ཅད་གྲུབ་པར་འགྱུར་རོ། །བཅོམ་ལྡན་འདས་ཕྱག་ན་རྡོ་རྗེ་ལ་ཉིན་རེར་ལན་རེ་བསྟོད་ན་བཅོམ་ལྡན་འདས་ལས་ཐམས་ཅད་ཐོབ་པར་འགྱུར་རོ། །སློབ་དཔོན་དེ་རང་གི་ལྕེ་ལས་ཀྱང་འདས་པ་དང ། མ་འོངས་པ་དང ། ད་ལྟར་གྱི་ཐམས་ཅད་དང ། 82a ༄#། །བཅོམ་ལྡན་འདས་ཀྱི་བཀའ་དང ། རྟོག་པ་ཐམས་ཅད་དང ། ཚིག་གི་རྒྱུད་ཐམས་ཅད་ཀྱང་སྨྲ་བར་འགྱུར་རོ། །ལྷའི་གླུ་སྔོན་མ་བྱུང་བ་ཡང་ལེན་ཏོ། །རྡོ་རྗེའི་གླུས་འབུམ་བཟླས་ན་རྡོ་རྗེ་འཛིན་པར་འགྱུར་རོ། །དེ་ལྟར་ལན་གཅིག་བྱིན་གྱིས་བརླབས་ལ་དེ་ནས་ཕྱིས་སྒྲུབས་ཤིག་།དེ་ནས་ཉིན་གཅིག་བཞིན་བྱིན་གྱིས་བརླབ་པ་ལ་སོགས་པ་ཉིན་རེར་ལན་རེ་བྱས་ན་གྲུབ་པ་ཐམས་ཅད་དང ། ཕུན་སུམ་ཚོགས་པ་ཐམས་ཅད་དང ། དབང་བསྐུར་བ་ལ་སོགས་པ་དང ། ཤེས་པ་ཐམས་ཅད་དང ། ལས་ཐམས་ཅད་འགྲུབ་བོ། །དེ་བཞིན་གཤེགས་པ་ཐམས་ཅད་ལ་སོགས་པ་དང ། སེམས་དཔའ་རྣམས་དེར་ལྷགས་ནས་ཕྲ་མོ་ལ་སོགས་པ་སྟོན་ཏེ་ཚིག་སྨྲའོ། །བྱམས་པར་བྱེད་དོ། །མཆོད་དོ། །དེ་ཡང་དེ་བཞིན་གཤེགས་པ་ཐམས་ཅད་ལ་མཆོད་པ་དང ། རིམ་གྲོ་ཐམས་ཅད་ཀྱིས་མཆོད་དོ། །སེམས་ཅན་ཐམས་ཅད་ལ་ཚར་གཅད་པ་དང ། ཕན་འདོགས་ནུས་པར་འགྱུར་རོ། །འཇིག་པ་མེད་པ་དང ། ཟད་པ་མེད་པ་དང ། འགོད་པ་མེད་པ་དང ། འཇིགས་པ་མེད་པར་འགྱུར་རོ། །སེམས་ཅན་ཐམས་ཅད་ཀྱི་འཇིགས་པ་ཐམས་ཅད་དང ། ནད་ཐམས་ཅད་དང ། སྡུག་བསྔལ་ཐམས་ཅད་ཀྱང་སེལ་ཏོ། །ཆོ་འཕྲུལ་ཐམས་ཅད་སྟོན་ཏོ། །བདག་ཉིད་ཀྱིས་དེ་བཞིན་ 82b གཤེགས་པ་ཐམས་ཅད་ལ་སོགས་པ་སེམས་དཔའི་གཟུགས་མན་ཆད་དང ། བདག་གི་ལུས་ཐམས་ཅད་དང ། ནམ་མཁའ་དང ། ས་དང ། ཤིང་དང ། རི་དང ། ཆུ་རྣམས་ལས་ཀྱང་དེ་བཞིན་གཤེགས་པ་ཐམས་ཅད་ལ་སོགས་པའི་གཟུགས་ཐམས་ཅད་སྟོན་པར་བྱེད་དོ། །འོད་ཟེར་སྟོན་པ་ལ་སོགས་པའི་ཆོ་འཕྲུལ་ཐམས་ཅད་སྟོན་ཏོ། །རང་ཡང་སངས་རྒྱས་ཀྱི་གཟུགས་ལ་སོགས་པ་དང ། ཐམས་ཅད་ཀྱི་གཟུགས་སུ་འགྱུར་རོ། །མིག་གིས་འདས་པ་དང ། མ་འོངས་པ་དང ། ད་ལྟར་གྱི་ཤེས་པ་ཐམས་ཅད་ཡི་གེ་རྣམས་ལས་མཐོང་ངོ ། །ཐམས་ཅད་ལས་ཐོས་ཤིང་རང་གི་ལྕེས་སྨྲའོ། །སྔོན་མ་བྱུང་བའི་རྟོག་པ་དང ། མདོ་སྡེ་ཐམས་ཅད་འཆད་དོ། །སྟོན་སྐྱོ་བ་ཐམས་ཅད་དང ། སིལ་སྙན་དང ། འཕོང་དང ། མཚོན་འདེབས་པ་དང ། བཤེས་གཉེན་དང ། བཟོ་དང ། སྒྱུ་རྩལ་ཐམས་ཅད་ལྷུན་གྱིས་གྲུབ་པར་ཤེས་པར་འགྱུར་རོ། །ཉིན་གཅིག་བཞིན་དུ་གཟུགས་ཆེན་པོ་དང ། མདོག་དང ། སྟོབས་དང ། དཔའ་བ་དང ། ཚེ་དང ། ནད་མེད་པ་དང ། དངོས་གྲུབ་ཐམས་ཅད་དང་ལྡན་པར་འགྱུར་རོ། །སེམས་ཅན་ཐམས་ཅད་ཀྱི་སེམས་དང ། སྤྱོད་པ་དང ། སྒྲ་སྐད་དང ། ཚིག་ཤེས་ཤིང་མཐོང་ངོ ། །ཉིན་གཅིག་བཞིན་ཐམས་ཅད་མངོན་པར་ཤེས་པར་འགྱུར་རོ། །མདོར་ན་དེ་བཞིན་གཤེགས་པ་ཉིད་དང ། རྡོ་རྗེ་འཛིན་པ་ལ་ 83a ༄#། །སོགས་པ་དངོས་གྲུབ་ཐམས་ཅད་མ་བསྒྲུབས་པར་ཚེ་འདི་ཉིད་ལ་ཐོབ་པར་འགྱུར་རོ། །བྱིན་གྱིས་བརླབས་ལ་སོགས་པའི་རབ་ཏུ་བྱ་བའོ། །དེ་ལ་སྒྲུབ་པའི་རབ་ཏུ་བྱ་བ་འབྱུང་སྟེ། དེ་བཞིན་གཤེགས་པ་སྒྲུབ་པ་ནི་མདུན་དུ་བདག་ཉིད་སངས་རྒྱས་ཀྱི་སྐུ་རྗེས་སུ་དྲན་པ་བསྒོམ་ཞིང་སྙིང་པོ་དང ། ཕྱག་རྒྱ་དང ། སྔགས་དང ། རིག་པ་རྣམས་སྒྲུབ་བོ། ཕྱག་ན་རྡོ་རྗེ་སྒྲུབ་པ་ནི་སེམས་དཔར་བྱིན་གྱིས་བརླབས་པའི་རྣལ་འབྱོར་རམ། འདོད་པར་བསྒོམ་པའམ། རྡོ་རྗེ་སེམས་དཔའ་རྗེས་སུ་དྲན་པའམ། བདག་གི་སྙིང་གར་རྡོ་རྗེ་བསྒོམ་པའམ། བདག་གི་མདུན་དུ་སངས་རྒྱས་རྗེས་སུ་དྲན་པར་བྱེད་བཞིན་དུ་སྙིང་པོ་དང ། ཕྱག་རྒྱ་དང ། སྔགས་དང ། རིག་པ་རྣམས་སྒྲུབ་བོ། །སེམས་དཔའ་ཆེན་པོ་ཐམས་ཅད་ནི་བདག་ཉིད་ཀྱིས་རང་གི་སེམས་དཔའ་རྗེས་སུ་དྲན་པའམ། སྙིང་གར་རྡོ་རྗེ་ཆེན་པོ་བསྒོམ་ཞིང་སྙིང་པོ་དང ། ཕྱག་རྒྱ་དང ། སྔགས་དང ། རིག་པ་རྣམས་བསྒྲུབ་པར་བྱའོ། །ཕྱིའི་རྡོ་རྗེ་རིགས་སྒྲུབ་པ་ནི་ཁྲོ་བོའི་ཚུལ་གྱི་སྙིང་པོ་དང ། ཕྱག་རྒྱ་དང ། སྔགས་དང ། རིག་པ་རྣམས་བསྒྲུབ་བོ། །རྡོ་རྗེ་མ་རྣམས་སྒྲུབ་པ་ནི་སེམས་ཅན་ཐམས་ཅད་ཟ་བའི་རྗེས་སུ་དྲན་པའམ། བདག་ཉིད་རྡོ་རྗེ་སྲིན་པོར་གྱུར་ཏེ། དེའི་ཕྱིར་བདག་ཉིད་ཀྱང་ 83b སེམས་ཅན་ཐམས་ཅད་བཟའོ་ཞེས་ཁྲོས་ཏེ་སྙིང་པོ་དང ། ཕྱག་རྒྱ་དང ། སྔགས་དང ། རིག་པ་རྣམས་བསྒྲུབ་པར་བྱའོ། །སྒྲུབ་པའི་རབ་ཏུ་བྱ་བའོ། །དེ་ནས་སྒྲུབ་པའི་ཐབས་ཀྱི་རབ་ཏུ་བྱ་བ་འབྱུང་སྟེ། །ཇི་ལྟར་འཇིག་རྟེན་འདུལ་འགྱུར་བ། །དེ་ལྟར་སྒྲུབ་པར་གསུངས་པ་སྟེ། །གྲུབ་པ་ཐམས་ཅད་བྱེད་པའི་མཆོག་།སྒྲུབ་པའི་ཐབས་ཀྱི་རབ་ཏུ་བྱ་བའོ། ། དེ་ནས་རས་ཀྱི་རབ་ཏུ་བྱ་བ་འབྱུང་སྟེ། དེ་ལ་དེ་བཞིན་གཤེགས་པའི་རས་ནི་སྐྲ་མེད་པར་བྱས་ལ་དཀྱིལ་འཁོར་ཟླུམ་པོར་ཐིག་གདབ་བོ། །ཕྱག་ན་རྡོ་རྗེའི་རས་ནི་ངོས་ཐམས་ཅད་པར་གྲུ་བཞི་པོ་དར་རམ་རས་ལ་བྲིའོ། །སེམས་དཔའ་ཆེན་པོ་རྣམས་ཀྱི་ནི་ཇི་ལྟ་བུར་འདུས་པའི་འཁོར་བཞིན་དུའོ། །ཕྱིའི་རྡོ་རྗེའི་རིགས་རྣམས་ཀྱིས་མ་བསྡུས་པ་ལ་འདུས་པའི་འཁོར་ཇི་ལྟ་བ་བཞིན་དུ་དགོད་དོ། །རྡོ་རྗེ་མ་རྣམས་ཀྱི་མ་ཉམས་པ་ལ་ཁ་ཚར་མ་བཅད་པ་སྟེ། རི་མོ་མཁན་གསོ་སྦྱོང་ཅན་གྱིས་སྦྱིན་མེད་པའི་ཚོན་རྩི་སྣོད་གསར་པར་བཞག་པས་བྲི། རས་ཀྱི་རབ་ཏུ་བྱ་བའོ། །དེ་ལ་ཆ་ལུགས་ཀྱི་ཚད་རབ་ཏུ་བྱ་བ་ནི་དེ་བཞིན་གཤེགས་པའི་ནི་དེ་བཞིན་གཤེགས་པའི་མཐོ་གང་ཙམ་དུ་བྱ་བའོ། །ཕྱག་ན་རྡོ་རྗེའི་ནི་མཐའ་མེད་པའི་ཕྱིར་ཇི་ལྟར་འདོད་པའི་ཚད་དུ་བྱ་བའོ། །དེ་ལ་རྡོ་རྗེའི་ཚད་ནི་ཇི་ཙམ་དུ་འགྱུར་ཞེ་ན། རང་གི་མཐེ་བོའི་ཚིགས་ཀྱི་སོར་ 84a ༄#། །མོ་བཅུ་དྲུག་ཏུ་བྱའོ། །དེ་ལ་རྡོ་རྗེའི་དབྱིབས་ཅི་འདྲ་བར་བྱ་ཞེ་ན། ཟུར་བཞི་ལ་རྩེ་ལྔ་པ་འོད་ཟེར་གྱི་ཕྲེང་བ་ཅན་སུམ་ཆར་བྱའོ། །སེམས་དཔའ་ཆེན་པོ་ཐམས་ཅད་ནི་མཐེ་བོའི་ཚིགས་ཀྱི་སོར་བཅུ་དྲུག་གི་ཚད་དུ་བྱ་སྟེ། ཐམས་ཅད་ཀྱང་པད་མོ་ལ་བཞུགས་པར་བྱའོ། །དེ་བཞིན་དུ་སྐུ་གཟུགས་ཀྱི་ཚད་ལས་དཀྱིལ་འཁོར་གྱི་ཚད་ཀྱང་དེ་དང་འདྲ་བར་བྱའོ། །དེ་ལ་འདི་ནི་བཟླས་པའི་རབ་ཏུ་བྱ་བ་སྟེ། དེ་ལ་དེ་བཞིན་གཤེགས་པ་རྣམས་ཀྱི་ནི་དགོངས་པའི་གསུང་ཏིང་ངེ་འཛིན་གྱི་ཚིག་སྟེ། རྡོ་རྗེ་རྣམས་ཀྱིའང་དེ་བཞིན་ནོ། །དེ་ལ་རྟོག་པ་ཐམས་ཅད་ཀྱི་སྤྱིར་ནི་རྡོ་རྗེའི་ཚིག་གི་བཟླས་ཏེ་སྒྲུབ་བོ། །ཕྱག་ན་རྡོ་རྗེའི་ནི་རྡོ་རྗེ་ཚིག་གི་གླུ་དང་སྦྱར་ཏེ་བཟླས་སོ། །རྡོ་རྗེ་ཧཱུཾ་ཞེས་པ་ལ་སོགས་པ་རྡོ་རྗེའི་ཁྲོ་བོ་རྣམས་ནི་རྡོ་རྗེའི་ཁྲོ་བོའི་ཚིག་གི་བཟླས་སོ། །ཕྱིའི་རྡོ་རྗེའི་རིགས་རྣམས་ནི་ཆོས་ཀྱི་ཚིག་གི་ཁྲོ་བོའི་སྒྲ་ཆེན་པོ་གསལ་བར་བྱས་ཏེ་ཁྲོ་བ་དང་བཅས་པས་བཟླས་སོ། །རྡོ་རྗེ་མ་རྣམས་ནི་རྡོ་རྗེའི་ཚིག་ཕྲ་མོས་བཟླས་སོ། །དེ་ལ་ཏིང་ངེ་འཛིན་གྱི་ངག་ནི་ཡིད་ཀྱིས་བཟླས་སོ། །དེ་ལ་རྡོ་རྗེའི་ངག་ནི། ལྕེ་ཐོག་རབ་ཏུ་མི་གཡོ་བར། །སོ་མཆུ་གཉིས་ཀ་སྦྱར་བ་སྟེ། །རྟོག་པ་ཀུན་ལ་རིག་པ་ནི། །རྡོ་རྗེ་དག་ནི་སྒྲ་སྤངས་པའོ། །དེ་ལ་རྡོ་རྗེའི་གླུ་ཚིག་ནི། །ཤ་ཊ་པ་ལ་སོགས་ 84b པའི་གླུ། །གྲོང་དགའ་བ་རྣམས་བླངས་པ་ཡི། །རྡོ་རྗེའི་ཚིག་བཟླས་རྟོག་པ་རུ། །རྡོ་རྗེའི་གླུ་ཞེས་གྲགས་པའོ། །དེ་ལ་རྡོ་རྗེའི་ཁྲོ་བོའི་ཚིག་ནི་འདིའོ། །ཧཱུཾ་ཞེས་པ་ཡི་འབྲུག་སྒྲ་འདྲ། ། དེ་བཞིན་ཕྲ་ཞིང་སྒྲ་དང་ལྡན། །ཁྲོ་བོ་གསལ་བ་རྡོ་རྗེ་ཆེའོ། །ཁྲོ་བོའི་ཚིག་ཆེས་གྲགས་པའོ། །ཚིག་གི་རབ་ཏུ་བྱ་བའོ། །དེ་ལ་འདི་ནི་བཟླས་པའི་ཆོ་ག་རབ་ཏུ་བྱ་བ་ཡིན་ཏེ། རྟོག་པ་དག་ནི་ཀུན་ལ་ཡང ། །སེམས་དཔའ་གང་དང་གང་དག་གི་།སྙིང་པོ་ཕྱག་རྒྱ་སྔགས་བསྒྲུབ་པས། །དེ་ཡི་བདག་ཉིད་སྤྱན་དྲང་བསྒྲུབ། །གནས་དང་སྲོག་ཆགས་ཐམས་ཅད་སྤྱན་དྲང་བསྒྲུབ། །གནས་དང་སྲོག་ཆགས་ཐམས་ཅད་ནི། །རང་བཟླས་པ་ནི་རྟོག་པ་ཐམས་ཅད་བསྒྲུབ་པའོ། །རྡོ་རྗེ་སེམས་དཔའི་གསང་བའི་བཟླས་པ་འབྱུང་སྟེ། ཕྱག་ན་རྡོ་རྗེའི་སྙིང་པོ་དང ། །ཕྱག་རྒྱ་སྔགས་རིག་དེ་བཞིན་ཏེ། །བཟླས་པའི་དོན་གྱིས་མགོན་པོ་བཟླས། །རྟོག་པ་ཀུན་ལའང་བསྒྲུབ་པར་བྱ། །ཕྱི་ཡི་རྡོ་རྗེ་རིགས་རྣམས་ཀྱི། །ཁྲོ་བོའི་མཉམ་པར་འཇོག་པའོ། །རྡོ་རྗེ་མ་རྣམས་ཐམས་ཅད་ཀྱི། །ཡིད་ཀྱིས་སུ་ནི་སྙིང་ཡང་གཟུང ། །བཟླས་པའི་དོན་ཞེས་བྱ་བ་ལ། །ཕྱག་ན་རྡོ་རྗེའི་འདོད་པ་བསྒོམ་ཞིང་བཟླས་པ་སྟེ། འདི་ལྟར་ཨོཾ་ཞེས་བྱ་བ་ནི་འདོད་པ་སྟེ་བདེ་བ་ཆེན་པོའོ། །འདོད་པ་ནི་རྡོ་རྗེ་སེམས་དཔའ་ཞེས་བྱའོ། །འདོད་པ་ནི་ཐམས་ཅད་དགུག་པ་དང ། གཞུག་པ་དང ། བཅིང་བ་དང ། 85a ༄#། །དབང་དུ་བྱེད་པའི་ཕྱིར་རོ། །ཛཿ ་ཧཱུཾ་བཾ་ཧོཿ ། འདོད་པ་ནི་ཤིན་ཏུ་དགའ་བའོ། །འདོད་པ་ནི་བཟླས་པའི་དོན་ཏོ། །གསང་བའི་བཟླས་པ་འདི་བཟླས་ན་བསོད་ནམས་ཆུང་ངུས་ཀྱང་འགྲུབ་པར་འགྱུར་ཏེ། དེ་བཞིན་གཤེགས་པ་ཐམས་ཅད་ཀྱིས་ཀྱང་བསླུ་བར་མི་ནུས་སོ། །ཐལ་མོ་ཁོང་སྟོང་དུ་སྦྱར་ལ་མཆོད་པ་བྱ་སྟེ། དེ་ལ་མེ་ཏོག་གི་མཆོད་པ་ནི་མེ་ཏོག་གི་ཐལ་མོ་གྱེན་དུ་ཕྱེ་བས་སོ། །བདུག་པའི་མཆོད་པ་ནི་ཐུར་དུ་བརྐྱང་བས་སོ། །མར་མེའི་མཆོད་པ་ནི་མཐེ་བོང་མཉམས་པས་གཡོགས་པའོ། །དྲིའི་མཆོད་པ་ནི་རབ་ཏུ་བརྐྱང་སྟེ་སྟོང་པའམ། གང་བས་སོ། །ཕྱག་རྒྱ་འདི་རྣམས་ཀྱི་ཡང་དག་པ་ཉིད་དུ་མཆོད་པར་འགྱུར་བ་ནི་སངས་རྒྱས་ཀྱི་ཞིང་ཐམས་ཅད་དང ། དཀྱིལ་འཁོར་ཐམས་ཅད་དང ། དམ་ཚིག་སེམས་དཔའ་ཐམས་ཅད་དང ། སྙིང་པོ་དང ། ཕྱག་རྒྱ་དང ། སྔགས་དང ། རིག་པ་དང ། ལྷ་རྣམས་ཐམས་ཅད་ལ་ཡང་ངོ ། །མཆོད་པའི་རབ་ཏུ་བྱ་བའོ། །དེ་ལ་བསོད་ནམས་མེད་པའི་སེམས་ཅན་གྱི་སྒྲུབ་པའི་རབ་ཏུ་བྱ་བ་འབྱུང་སྟེ། དཀྱིལ་འཁོར་གང་ཡང་རུང་བ་ཅིག་ཉིན་རེ་ཞིང་ཇི་ཙམ་འདོད་པའི་ཚད་དུ་ཉི་མ་བཞིར་བྲིས་ནས་ཇི་ལྟ་བ་བཞིན་དུ་དེར་ཞུགས་ལ་ཕྱག་རྒྱ་ཆེན་པོ་བཅིངས་ནས་རང་གི་ལྷག་པའི་ལྷ་ 85b ལན་བརྒྱ་བཟླས་སོ། །བསོད་ནམས་མེད་པའི་སེམས་ཅན་གྱི་སྒྲུབ་པའི་རབ་ཏུ་བྱ་བའོ། །དེ་ལ་མྱུར་དུ་འགྲུབ་པར་འགྱུར་བའི་རབ་ཏུ་བྱ་བ་སྟེ། དེ་ལ་དེ་བཞིན་གཤེགས་པའི་མྱུར་དུ་འགྲུབ་པར་འགྱུར་བ་ནི། ཏིང་འཛིན་ཆོས་སྦྱིན་ལ་སོགས་དང ། །རྒྱ་ཆེན་ཚུལ་རྣམས་ཀློག་པ་དང ། །དད་ལ་གནས་ཏེ་དེ་བཞིན་མཆོད། །དངོས་གྲུབ་མྱུར་སྦྱིན་ཆེན་པོ་ཡིན། །དེ་ལ་ཕྱག་ན་རྡོ་རྗེའི་མྱུར་དུ་འགྲུབ་པར་འགྱུར་བ་ནི། འདོད་ལ་ཆགས་དང་བྲལ་མིན་དང ། འདོད་ལ་ཆགས་པའི་དམ་པས་མཆོད། །འདོད་ལ་ཅི་ནུས་ཆགས་བྱ་བ། ། མྱུར་དུ་དངོས་གྲུབ་སྦྱིན་པ་ཡིན། །དེ་ལ་འདི་ནི་སེམས་དཔའ་ཆེན་པོ་རྣམས་ཀྱི་མྱུར་དུ་འགྲུབ་པ་ནི། སྦྱིན་དང་ཚུལ་ཁྲིམས་དེ་བཞིན་བཟོད། །བརྩོན་འགྲུས་བསམ་གཏན་དེ་བཞིན་བློ། །ཅི་ནུས་ཀྱིས་ཀྱང་བྱ་བ་ནི། །ཉིན་གཅིག་བཞིན་དུ་ཅི་འདོད་པར། །ཕྱིའི་རྡོ་རྗེའི་རིགས་ཀྱི་གྲུབ་པ་མྱུར་བ་ནི། །སངས་རྒྱས་མཆོད་ཅིང་དེ་བཞིན་དང ། །ཕྱག་ན་རྡོ་རྗེ་བརྟུལ་ཞུགས་བརྟན། །རྡོ་རྗེ་རྟག་ཏུ་ལག་ན་བཟུང ། །མི་བགྲུངས་ཐམས་ཅད་ཚར་གཅོད་མཆོག་།དེ་ནས་རྡོ་རྗེ་མ་རྣམས་ཀྱི་གྲུབ་པ་མྱུར་དུ་སྒྲུབ་པའི་རབ་ཏུ་བྱ་བ་སྟེ། སེམས་ཅན་དགེ་ལ་དང་བ་དང ། །མཆོད་ཅིང་དམ་ཚིག་སྲུང་བ་སྟེ། །ཕྱག་རྒྱའི་གར་གྱི་མཆོད་པ་དང ། །སེམས་ཅན་མ་རུང་དྲག་ཤུལ་བྱ། །གྲུབ་པ་མྱུར་བའི་རབ་ཏུ་བྱ་བ་ཡི་\?\་དེ་ལ་ 86a ༄#། །སློབ་དཔོན་གྱི་རབ་ཏུ་བྱ་བ་འབྱུང་སྟེ། །དེ་ལ་འདི་ནི་དེ་བཞིན་གཤེགས་པའི་དཀྱིལ་འཁོར་གྱི་སློབ་དཔོན་དུ་སྒྲུབ་པ་སྟེ། དཀྱིལ་འཁོར་དུ་དེ་བཞིན་རྒྴེགྶ་པའི་སྤྱན་སྔར་བྫྲ་བིད་ཅེས་བྱ་བའི་སྙིང་པོ་སྟོང་རྩ་བརྒྱད་བཟླས་ནས་སློབ་དཔོན་རང་གིས་དམ་ཚིག་གི་ཕྱག་རྒྱ་སྟོང་བཟླས་ཏེ། སློབ་མ་དབང་བསྐུར་བའི་སྙིང་པོ་ནི་འདིའོ། །བྫྲ་སཏྭ། བཛྲ་རཏན། བཛྲ་དྷརྨ། བཛྲ་ཀརྨ། ཨོཾ་ཨ་མུ་ཁ་མ་དྷི་ཏིཥཐ་སརྦ་ཏ་ཐཱ་ག་ཏ་ཨཱརྱ་དཏྟེ་སཝཱཧཱ། འདི་བརྒྱ་བཟླས་པ་ནི་སྙིང་ག་ལ་སོགས་པ་ཕྱག་རྒྱ་བཞག་ནས་སྤྱི་བོར་ཐམས་ཅད་བཟླས་སོ། །དེ་ནས་དེ་བཞིན་གཤེགས་པའི་རིགས་ཀྱི་སློབ་དཔོན་སྦྱིན་ནོ། །ཕྱག་ན་རྡོ་རྗེའི་ཆ་ལུགས་སྤྱི་པོར་བཟུང་ནས་སྙིང་པོ་འདི་བརྒྱའམ། བརྒྱ་རྩ་བརྒྱད་དུ་ཟློས་ཤིག་བརྒྱ་བཟླས་པས་ནི་དེ་བཞིན་གཤེགས་པའི་རྡོ་རྗེའི་སློབ་དཔོན་དུ་འགྱུར་རོ། །བརྒྱ་རྩ་བཟླས་པས་ནི་ཏིང་ངེ་འཛིན་གྱི་རྡོ་རྗེ་སློབ་དཔོན་དུ་འགྱུར་རོ། །དེ་ལ་སྙིང་པོ་ནི་འདིའོ། །ོཾ་མཧཱ་སུ་ཁ་བཛྲ་སཏྭ་ཛཿ ་ཧཱུཾ་བཾ་ཧོཿ ་སུ་ར་ཏ་སྟྭཾ། དེ་ནས་དེའི་ལག་ཏུ་རྡོ་རྗེ་སྦྱིན་ནོ། །དེ་ནས་རྡོ་རྗེ་རིགས་ཀྱི་སྟེ། ལག་པ་གཉིས་སུ་རྡོ་རྗེ་བྱིན་ནས་རྡོ་རྗེ་རིགས་ཀྱི་རྡོ་རྗེའི་དྲི་ཆུས་བསྲེས་པའི་བུམ་པས་དབང་བསྐུར་རོ། །སྙིང་པོ་འདིའོ། །ོཾ་བཛྲ་ཨ་དྷི་པ་དྷི་ཏྭཾ་ཨ་བྷི་ཥི་ཉྩཱ་མི་དྲི་ཌྷོ་བྷ་བ་ཛཿ ་ཧཱུཾ་བཾ་ཧོཿ ་ 86b ཧཱུཾ་ཕཊ། དེ་ནས་པདྨོ་རིགས་ཀྱི་སློབ་དཔོན་དུ་སྒྲུབ་པ་ནི་པདྨ་ལག་ཏུ་བྱིན་ནས་སྟོང་རྩ་བརྒྱད་བཟླས་ཏེ་པདྨའི་ཕྲེང་བས་མགོ་བཅིང་ངོ ། །སྙིང་པོ་འདི་བརྗོད་དོ། །ོཾ་པད་མ་མཱ་ལ་ཨ་བྷི་ཥིཉྩ་ལོ་ཀེ་ཤཝ་ར་ར་ཏྭེ་སཝཱ་ཧཱ་ཧྲཱིཿ ་རྡོ་རྗེ་རིན་པོ་ཆེའི་སློབ་དཔོན་དུ་བསྒྲུབ་པ་ནི་རྡོ་རྗེ་རིན་པོ་ཆེའི་ཕྱག་རྒྱ་སློབ་མ་དབང་བསྐུར་བའི་གནས་སུ་བཞག་ནས་སྙིང་པོ་འདི་སྟོང་བཟླས་སོ། །ོཾ་བྫྲ་རཏན་ཨ་བྷི་ཥིཉྩ་རཏན་དྷི་པ་ཏི་ཏྭེ་བྷ་བ་ཊ་ཊ། སློབ་དཔོན་གྱིས་དཀྱིལ་འཁོར་ཐམས་ཅད་དུ་བཙུད་དེ་དབང་བསྐུར་རོ། །ཕྱག་ན་རྡོ་རྗེ་སློབ་དཔོན་དུ་བྱ་སྟེ། ཡང་བདག་ཉིད་ཀྱིས་དཀྱིལ་འཁོར་བྲིས་ལ་བདག་ཉིད་ལ་བདག་གིས་སློབ་དཔོན་དུ་དབང་བསྐུར་རོ། །དེ་ལ་སློབ་དཔོན་གྱི་བརྟུལ་ཞུགས་ནི། འདི་ལྟ་སྟེ། དེ་བཞིན་གཤེགས་པའི་སློབ་དཔོན་ནི་ཟླ་བ་གཅིག་གི་བར་དུ་རབ་ཏུ་བྱུང་ལ་བསླབ་པ་ཐམས་ཅད་བཟུང་སྟེ། རང་གི་ལྷག་པའི་ལྷ་དུས་གསུམ་དུ་བསྒྲུབ་བོ། །དེ་བཞིན་གཤེགས་པའི་རིགས་ཀྱི་སློབ་དཔོན་གྱི་བརྟུལ་ཞུགས་ནི་ཟླ་བ་ཕྱེད་ཀྱི་བར་དུ་ཉིན་རེ་ཞིང་བཅོམ་ལྡན་འདས་ཀྱི་སྤྱན་སྔར་བྱིན་གྱིས་བརླབ་པ་ལ་སོགས་པ་བྱས་ནས་ཕྱག་ན་རྡོ་རྗེའི་སྐུའམ། རང་གི་ལྷ་ཉིད་ལ་མཆོད་ནས་ཀྱོ་བཏང་གིས་བཀུག་སྟེ། མི་སྐྱོ་བར་བཟླས་ཏེ། ལམ་དང ། ལམ་མ་ཡིན་པའི་སྐབས་མི་དབྱེའོ། །དེ་ནས་ཕྱག་ན་རྡོ་རྗེའི་བརྟུལ་ཞུགས་ 87a ༄#། །འབྱུང་སྟེ། ཉིན་རེ་ཞིང་ནང་པར་ལངས་ནས་བདག་ཉིད་བྱིན་གྱིས་པ་རླབ་པ་ལ་སོགས་པ་བྱས་ཏེ། བཀྲུས་ལ་དྲི་ཞིམ་པོ་དང ། གོས་འཚེར་བ་དང ། རྒྱན་གྱིས་ཆས་ཏེ། གླུ་དང ། སིལ་སྙན་དང ། བཀོད་པ་དང ། སྒེག་པ་རྣམས་དང་ལྡན་པས་བཅོམ་ལྡན་འདས་ལ་མེ་ཏོག་ལ་སོགས་པ་གསང་བའི་མཆོད་པ་རྣམས་ཀྱིས་ཡང་དག་པར་མཆོད་ནས་བཅོམ་ལྡན་འདས་དང ། བདག་ཉིད་ལ་འདོད་པའི་དངོས་པོས་མཆོད་པ་བྱ་སྟེ། དམ་ཚིག་ཆེན་པོའི་དེ་ཁོ་ན་ཉིད་ཅི་འདོད་པ་བཟླས་ཏེ། ཕྱེད་ཡོལ་གྱི་བར་དུ་འདོད་པའི་ཡོན་ཏན་ལྔ་སྤྱད་ནས་དེ་བཞིན་དུ་མཆོད་པ་བྱས་ཏེ། ཅི་འདོད་པར་བཟླས་སོ། །དེ་ནས་ཡང་མཚན་རངས་པར་འདོད་པ་ལྔ་རྣམས་ལ་བརྟེན་ཅིང་བཟླས་པར་བྱ་སྟེ། དེ་ལྟར་ཞག་བཞིའི་བར་དུ་བྱའོ། །དེ་ནས་རྡོ་རྗེ་རིགས་ཀྱི་བརྟུལ་ཞུགས་ནི་ཟླ་བ་ཕྱེད་ཀྱི་བར་དུ་སྨྱོན་པར་བསྒྱུར་ནས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ཞིང་ཕྱག་ན་རྡོ་རྗེ་མཆོད་དེ། མགོ་ས་ལ་གཏུགས་ནས་སྒྲེན་མོར་ཕྱུང་ངམ། གོས་གྱོན་ཡང་རུང་སྟེ། མགོ་བོ་རྡོབ་ཅིང་མིའོ་ཅོག་ལ་གཤེ་ཞིང་རྒྱུ་ལ་ཕྱག་རྒྱ་རྣམས་ཀྱི་གར་བྱས་ཏེ། ཡིད་ཀྱི་དེ་བཞིན་གཤེགས་པ་བསམས་ནས་མཚམས་བཅིང་བ་ལ་སོགས་པ་བྱས་ 87b ནས་བཅོམ་ལྡན་འདས་ལ་ཇི་ལྟར་བ་བཞིན་དུ་མཆོད་པ་བྱས་ཏེ་བརྒྱ་རྩ་བརྒྱད་བཟླས་སོ། །དེ་ནས་པདྨོའི་རིགས་ཀྱི་བརྟུལ་ཞུགས་ནི་བཅོམ་ལྡན་འདས་ལ་མཆོད་པ་བྱས་ཏེ། བའི་གཅིན་ཧུབ་གང་འཐུངས་ལ་བའི་ལྕི་བ་ཅུང་ཟད་ཟོས་ན་དག་པའི་བརྟུལ་ཞུགས་ཐམས་ཅད་འགྲུབ་བོ། །དེ་ནས་ཞག་བདུན་དུ་ཏིང་ངེ་འཛིན་ལ་མཉམ་པར་བཞག་ནས་སྟོང་རྩ་བརྒྱད་བཟླས་སོ། །དེ་ནས་ནོར་བུའི་རིགས་ཀྱི་བརྟུལ་ཞུགས་ནི་ཉིན་རེ་ཞིང་རང་ལ་དབང་བསྐུར་ནས་དེ་བཞིན་གཤེགས་པ་དང ། སེམས་དཔའ་ཆེན་པོ་རྣམས་མཆོད་དེ་རྒྱལ་པོ་ལྟ་བུར་སྒོམ་ཞིང་རྒྱལ་པོའི་ཕོ་བྲང་དུ་སོང་ནས་རྒྱལ་པོའི་མདུན་དུ་བརྒྱ་བརྒྱ་ཞག་བརྒྱད་ཀྱི་བར་དུ་བཟླས་སོ། །དེ་ལྟར་ན་སློབ་དཔོན་གྱིས་གྲུབ་པ་ཐམས་ཅད་དང ། ཕུན་སུམ་ཚོགས་པ་ཐམས་ཅད་དང ། ཤེས་པ་ཐམས་ཅད་དང ། ཀུན་གྱིས་མཆོད་པ་ལ་སོགས་པ་དང ། ལས་ཐམས་ཅད་ཐོབ་པར་འགྱུར་རོ།། སློབ་དཔོན་གྱི་རབ་ཏུ་བྱ་བའོ། །དེ་ནས་ལས་གྲུབ་པ་ནི་སྙིང་པོ་བརྒྱ་རྩ་བརྒྱད་བཟླས་ཏེ་ལས་ཐམས་ཅད་བྱས་ན་ཐམས་ཅད་འགྲུབ་པར་འགྱུར་རོ། །རྡོ་རྗེའི་ཕྱག་རྒྱ་ཆེན་པོ་བཅིངས་ནས་རྡོ་རྗེའི་བཟླས་པ་བརྒྱད་སྟོང་བཟླས་ན་འཇིག་རྟེན་པ་དང ། འཇིག་རྟེན་ལས་འདས་པའི་ལས་ཐམས་ཅད་ལ་ཕྱག་རྒྱ་ཐམས་ཅད་བཅིངས་བ་ཙམ་ 88a ༄#། །གྱིས་བདག་དང ། ཕ་རོལ་གཉིས་ཀ་འགྲུབ་པར་འགྱུར་རོ། །སྔགས་ནི་རྡོ་རྗེ་ཚིག་གིས་སྟོང་ཕྲག་བརྒྱར་བཟླས་ན་སྔགས་ཐམས་ཅད་ཐང་ཅིག་བཟླས་པས་ལས་ཀུན་བྱེད་དོ། །རིག་པ་སྟོང་ཕྲག་བརྒྱར་བཟླས་ན་དེ་ནས་རིག་པ་ཐམས་ཅད་ཐང་ཅིག་བཟླས་པས་ལས་ཐམས་ཅད་བྱེད་དོ། །དེ་ནས་སྙིང་པོ་དང ། ཕྱག་རྒྱ་དང ། སྔགས་དང ། རིག་པ་རྣམས་འབྱུང་སྟེ། བྫྲ་སཏྭ་ནི་སྙིང་པོའོ། །སཏྭ་བཛྲ་ནི་ཕྱག་རྒྱའོ། །ོཾ་ནི་སྔགས་སོ། །ཁྲི་ཏི་ནི་རིག་པའོ། །དེ་ནས་སྙིང་པོ་དང ། ཕྱག་རྒྱ་དང ། སྔགས་དང ། རིག་པ་ཐམས་ཅད་སྒྲུབ་པའི་སྙིང་པོ་འབྱུང་སྟེ། ཨོཾ་མཧཱ་སུ་ཁ་བཛྲ་སཏྭ་ཛཿ ་ཧཱུཾ་བཾ་ཧོཿ ་སུ་ར་ཏ་སྟྭཾ། འདི་བཅོམ་ལྡན་འདས་ཀྱི་སྤྱན་སྔར་རྡོ་རྗེ་སེམས་དཔས་བཟླས་པས་གླུ་དང ། རྡོ་རྗེའི་ཚིག་གིས་སྟོང་རྩ་བརྒྱད་བཟླས་ན་སྙིང་པོ་དང ། ཕྱག་རྒྱ་དང ། སྔགས་དང ། རིག་པའི་དངོས་གྲུབ་ཐམས་ཅད་འགྲུབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། ཕྱི་མའི་རྒྱུད་བཤད་པའོ།། །།དེ་ནས་བཅོམ་ལྡན་འདས་ལ་ཕྱག་ན་རྡོ་རྗེ་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་འཇིག་ 88b རྟེན་གསུམ་ལས་རྣམ་པར་རྒྱལ་བའི་ཆོས་ཀྱི་རྣམ་གྲངས་འདི་བཤད་ལགས་ན། དེ་བས་ན་བཅོམ་ལྡན་འདས་ཇི་ལྟར་དེ་བཞིན་གཤེགས་པ་རྣམས་གྲུབ་པ་དེ་སེམས་ཅན་འདུལ་བའི་སླད་དུ་ཡུལ་གཞན་དུ་མཆི་བའམ། དབུལ་པོར་འགྱུར་པའམ། འཁྲུག་པའམ། ཕྲག་དོག་གམ། སྨ་དབབ་པའམ། སྡུག་བསྔལ་བའམ། འདོད་པ་ཆུང་བའམ། འདོད་པ་ལ་ཆགས་པའམ། རབ་ཏུ་འབྱུང་བར་སེམས་པའམ། གནོད་པ་མང་བའམ། ཉེས་པ་མང་བའམ། མྱ་ངན་ནམ། ནད་དམ། འཇིགས་པ་མང་པོ་ལ་སོགས་པ་གཞན་ཡང་དད་པ་མེད་པར་འགྱུར་བ་དེ་ལྟ་བུར་མི་འགྱུར་བར་ལྷག་པའི་བསམ་པའི་ཆོས་སྐྱེ་བ་དང ། སྒྲིབ་པ་ཡོངས་སུ་བྱང་བར་འགྱུར་བ་དེ་ལྟར་བྱིན་གྱིས་བརླབ་པར་གསོལ། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་གསུངས་སོ། །དམ་ཚིག་ཆེན་པོ་དེ་ཁོ་ན་ཉིད་སྐུ་དང ། གསུང་དང ། ཐུགས་རྡོ་རྗེ་ཐམས་ཅད་པ། མ་ཐུལ་བ་འདུལ་བ་འདི་ཁྱོད་ཀྱིས་དེ་བཞིན་དུ་བཤད་པ་དེ་དག་གི་ཕྱིར་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་སོ། །དེ་ནས་སྒྲུབ་པ་པོ་དེ་དག་གིས་དང་པོར་རེ་ཞིག་དེ་བརྒྱད་སྟོང་ཇི་ལྟ་བར་བཟླས་ནས་དེ་ཉིད་དམ་གཞན་དག་གི་ཡང་རུང་བ་བསྒྲུབ་པར་བྱའོ། །གང་དག་འདོད་ཆགས་དང་བྲལ་བའི་ཆོས་ཀྱི་འདུལ་བ་དེ་ལྟ་བུ་དག་ཀྱང་འབྱུང་བར་ 89a ༄#། །འགྱུར་ཏེ། དེ་དག་ལ་ཡང་སྙིང་པོ་འདི་སྦྱིན་ནོ། །ོཾ་བྷཱུ་སརྦ་ཏ་ཐཱ་ག་ཏ་བཛྲ་སཏྭ་ཧོཿ ། ས་མ་ཡ་སྟྭཾ། འདི་ཡང་བརྒྱ་སྟོང་དུ་བཟླས་ནས་དེ་ཉིད་དམ། གཞན་ཡང་བསྒྲུབ་པར་བྱའོ། །དེ་ནས་བཅོམ་ལྡན་འདས་ཀྱི་ཞབས་ལ་ཕྱག་ན་རྡོ་རྗེས་ཕྱག་བཙལ་ཏེ། ཚིགས་སུ་བཅད་པ་འདི་གསུངས་སོ། །སེམས་ཅན་ཀུན་ལ་ཕན་པའི་ཕྱིར། །རྟོག་པའི་དམ་པ་རབ་བཤད་པ། །འཇིག་རྟེན་གསུམ་རྒྱལ་ཞེས་བྱ་བ། །གྲུབ་པ་ཐམས་ཅད་རབ་སྩོལ་མཆོག་།གང་གིས་བརྗོད་པ་ཙམ་གྱི་ནི། །སྡིག་པ་ཀུན་ལས་རྣམ་པར་གྲོལ། །འཇིག་རྟེན་ཀུན་ན་མཆོད་པ་སྟེ། །གྲུབ་པ་ཐམས་ཅད་ཐོབ་པར་འགྱུར། །གང་དག་འདྲི་ཞིང་ཀློག་པ་དང ། །འཛིན་ཅིང་དད་པ་དེ་བཞིན་ཏེ། །དེ་ཡང་ཚེ་འདི་ཉིད་ལ་ནི། །གྲུབ་པ་ཐམས་ཅད་ཐོབ་འགྱུར་ན། །དད་པ་བརྟུལ་ཞུགས་བརྟན་པ་ཡིས། །གྲུབ་པར་བྱེད་པ་ཅི་སྨོས་ཏེ། །སངས་རྒྱས་ཕྱག་ན་རྡོ་རྗེ་ཉིད། །ཚེ་འདི་ཉིད་ལ་དེ་ཡིས་ཐོབ། །རྟོག་པ་ཀུན་ཀྱང་སྦྱར་ཡང་རུང ། །རང་གིས་བྱས་པའང་དེ་བཞིན་ཏེ། །རྟོག་པའི་རྒྱལ་པོ་ཉིད་བསྒྲུབས་ན། །དད་པ་མེད་ཀྱང་མྱུར་དུ་འགྲུབ། །བདག་གི་ཁྱིམ་དུ་གནས་པ་གང ། །དེ་ལ་བདག་ཀྱང་ཀུན་འགྲུབ་ཕྱིར། །དེ་ལ་བདག་ནི་བསྲུང་བར་གནས། །དངོས་གྲུབ་དང་ནི་འདོད་\?\་ཀུན་དང ། །འཕེལ་བ་དང་ནི་འཚེ་ 89b མེད་དང ། །ཤེས་པ་རྣམས་དང་ཚེ་དང་སྟོབས། །གཟུགས་མཆོག་ངེས་པར་སྩོལ་བར་བགྱི། །དེ་ནས་བཅོམ་ལྡན་འདས་གདན་ལས་བཞེངས་ཏེ། ཁམས་གསུམ་མཐའ་དག་ལུས་དང ། ངག་དང ། སེམས་རྡོ་རྗེའི་རྡུལ་ཕྲ་མོ་རྣམས་ཀྱིས་ཁྱབ་ནས་དེ་བཞིན་གཤེགས་པ་ཐམས་ཅད་དང་ལེགས་སོ་ཞེས་བྱ་བ་བྱིན་ཏེ། ལེགས་སོ། ལེགས་སོ། སེམས་དཔའ་ཆེན་པོ་ཞེས་བྱས་ནས་བཅོམ་ལྡན་འདས་ཕྱག་ན་རྡོ་རྗེས་གསུངས་པ་ལ་མངོན་པར་དགྱེས་པར་གྱུར་ཏོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ཀུན་རྫོགས་སོ།། །།འདིའི་འགྱུར་ལ་ལོ་ཆེན་རིན་ཆེན་བཟང་པོས་བསྒྱུར་ཡང་ཟེར། རྣལ་འབྱོར་རྒྱུད་ལ་མཁས་པ་ཞ་ལུ་བ་རྒྱ་མཚོས་ཚིག་དོན་ལ་ལེགས་པར་དཔྱད་ནས་ཞུས་དག་ཡང་འགའ་ཞིག་རྨ་དགེ་བློས་བསྒྱུར་རོ་ཞེས་ཀྱང་འདོད་པ་ཡོད།། |