H6

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H6</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif3.php?id=H6&coll=lhasa">see text in transliteration</a></table>Tha1b<br><font size=+2>


༄##། །རྒྱ་གར་སྐད་དུ། བི་ན་ཡ་ཀྵུ་དྲ་ཀ་བསྟུ། བོད་སྐད་དུ། འདུལ་བ་ཕྲན་ཚེགས་ཀྱི་གཞི།་བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། །ཕྲན་ཚེགས་ཀྱི་གཞིའི་སྡོམ་ནི། སོ་ཕག་ཆན་པ་ཆོས་གོས་དང ། །ཤིང་ཚད་དང་ནི་གནས་བརྟན་ལུས། །རྒྱུས་པ་འགྱོད་པ་འབྱུང་བ་ཉིད།། ཕྲན་ཚེགས་གཞིར་ནི་ཡང་དག་བཤད། །བསྡུས་པའི་སྡོམ་ནི། སོ་ཕག་སེན་མོ་བཅོས་པ་དང ། །ལྷུང་</font><hr>Tha2a<br><font size=+2>


༄##། །བཟེད་ཡན་ལག་མེ་ལོང་སྐྱེས། །ལམ་ཕྲན་ཆུ་ཚགས་མོན་སྲན་སྡེའུ། །རྐང་པ་བཀྲུ་དང་གོས་མདུད་དོ། ། སྡོམ་ནི། སོ་ཕག་དང་ནི་ས་དཀར་དང ། །ཉ་ཕྱིས་དྲི་ཡི་ལག་རིས་དང ། །ཀ་བ་དང་ནི་སྐུད་པ་གཉིས། །ལག་རྒྱན་དང་ནི་སོར་གདུབ་རྒྱ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ། ཁང་པ་བརྩེགས་པའི་གནས་ན་བཞུགས་སོ། །དྲུག་སྡེ་ཉིད་རྣམས་སྔ་དྲོ་ཤམ་ཐབས་དང ། ཆོས་གོས་བགོས། ལྷུང་བཟེད་ཐོགས་ཏེ་ཡངས་པ་ཅན་དུ་བསོད་སྙོམས་ཀྱི་ཕྱིར་ཞུགས་པ་དང ། ཡངས་པ་ཅན་གྱི་བར་དང ། ཁང་པ་བརྩེགས་པའི་བར་གྱི་བར་སྐབས་དེ་ན། ཡངས་པ་ཅན་གྱི་ལི་ཙ་བྱི་རྣམས་ཀྱི་སྐྱེད་</font><hr>Tha2b<br><font size=+2>


མོས་ཚལ་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ། བྱ་སྣ་ཚོགས་སྐད་འབྱིན་པ་དགའ་བའི་ཚལ་དང་འདྲ་བ་དེ་དག་ན་དེ་དག་གི་རྩལ་བ་དང ། གར་དང ། གླུ་དང ། རོལ་མོའི་སྒྲའི་ཆ་བྱད་སྣ་ཚོགས་དག་དང ། ཁྲུས་ཀྱི་ཡོ་བྱད་སྣ་ཚོགས་དག་ཀྱང་བཞག་པ་དང ། དྲུག་སྡེ་རྣམས་ཀྱིས་སྨྲས་པ།་དགའ་བོ་ཉེ་དགའ་བོ། ཡངས་པ་ཅན་གྱི་ལི་ཙ་བྱི་འདི་དག་དང ། སྐྱེད་མོས་ཚལ་གྱི་དགའ་བ་ནི། བཅོམ་ལྡན་འདས་ཀྱིས་སུམ་ཅུ་རྩ་གསུམ་པའི་ལྷ་རྣམས་དཔེར་མཛད་ན། རེ་ཞིག་དེ་དག་གི་སྐྱེད་མོས་ཚལ་ཅི་འདྲ་བ་བལྟའོ། །ཞེས་དེ་རྣམས་གློད་ནས་དེ་དག་གི་སྐྱེད་མོས་ཚལ་དུ་ཞུགས་སོ། །དེ་དག་གིས་དེ་ན་རྩལ་བའི་ཡོ་བྱད་མདའ་བོ་ཆེ་དང ། དྲང་བ་དང ། འཕང་རྡོ་སྣ་ཚོགས་དང ། གར་དང ། གླུ་དང ། རོལ་མོའི་སྒྲའི་ཆ་བྱད་སྣ་ཚོགས་དང ། པི་ཝང་དང་གླིང་བུ་དང ། རྫ་རྔ་དང ། འཁར་རྔ་དང ། སྐད་སྙན་ལ་སོགས་པ་སྣ་ཚོགས་དང ། ཁྲུས་ཀྱི་ཡོ་བྱད་སོ་ཕག་དང ། བཀྲུ་བའི་ཕྱེ་མ་དང ། མགོ་བཀྲུ་བ་སྐྱུ་རུ་</font><hr>Tha3a<br><font size=+2>


༄##། །ར་སྣ་ཚོགས་མཐོང་བ་དང ། དེ་རྣམས་ཀྱིས་ཕན་ཚུན་སྨྲས་པ། དགའ་བོ་ཉེ་དགའ་བོ། ཡོ་བྱད་ཕུན་སུམ་ཚོགས་པ་རྣམ་པ་དུ་མ་འདི་དག་ཡོད་ན། ཅི། རེ་ཞིག་བརྩལ་བར་བྱའམ། འོན་ཏེ་གར་བྱའམ། གླུ་བླང་ངམ། རོལ་མོའི་སྒྲ་བྱའམ། ཁྲུས་བྱ། ཁ་ཅིག་གིས་སྨྲས་པ། བདག་ཅག་བཀྲུས་ནས་རིང་ཞིག་ལོན་གྱི། ཇེ་ཁྲུས་བྱའོ། །ཞེས་དེ་དག་གློད་ནས་སོ་ཕག་དག་གིས་དྲུད་ཅིང་དྲུང་ནས་ཁྲུས་བྱ་བར་བརྩམས་པ་དང ། བཟོའི་གནས་དང ། ལས་ཀྱི་གནས་དེ་དག་ལ་མཁས་པས། ཁྲུས་ལ་ཞུགས་པ་དེ་རྣམས་ཀྱི་སྒྲ་ཡིད་དུ་འོང་བ་འདི་ལྟ་སྟེ། སིལ་སྙན་ཡན་ལག་ལྔ་པ་སྐྱེས་བུ་མཁས་པས་ལེགས་པར་དཀྲོལ་བའི་སྒྲ་ལྟ་བུ་བྱུང་ངོ ། །སྐྱེ་བོའི་ཚོགས་ཕལ་པོ་ཆེ་ལམ་དེ་ནས་འགྲོ་བས། སྒྲ་དེ་ཐོས་པ་དང ། དེ་རྣམས་རྣ་བ་བྱོ་སྟེ་ཡུད་ཙམ་བསྡད་ནས་སྨྲས་པ། ཤེས་ལྡན་དག་།ཡངས་པ་ཅན་གྱི་ལི་ཙ་བྱི་རྣམས་ཀྱི་སྐྱེད་མོས་ཚལ་ན། གར་མཁན་རྣམས་གར་བྱེད་པ་བལྟར་འདོང་ངམ། དེ་ལྟར་བྱའོ། །ཞེས་ལྟད་མོ་ལ་ཡིད་འདུན་པ་དེ་དག་མྱུར་བར་</font><hr>Tha3b<br><font size=+2>


ཆས་ཏེ་སྐྱེད་མོས་ཚལ་དུ་དོང་ནས་དེ་དག་ནང་དུ་ཞུགས་པ་དང ། དྲུག་སྡེ་རྣམས་ཀྱང་ཕྱིར་བྱུང་ངོ ། །དེ་དག་གིས་དེ་རྣམས་ལ་སྨྲས་པ། འཕགས་པ་དག་།ཕྱོགས་གང་ན་གར་མཁན་རྣམས་གར་བགྱིད། དེ་རྣམས་ཀྱིས་སྨྲས་པ། བཀྲེན་པ་ཁྱོད་ཀྱིས་བྱེ་བྲག་མི་ཕྱེད་དེ། གར་མཁན་གར་བྱེད་པ་ལ་སྒྲ་འདི་ལྟ་བུ་འབྱུང་ངམ། འཕགས་པ་དག་།འོ་ན་འདི་སུའི་སྒྲ་ལགས། ཤེས་ལྡན་དག་།ཁོ་བོ་ཅག་ལུས་དྲུད་ནས་ཁྲུས་བྱས་པ་ཡིན་ནོ། །འཕགས་པ་དག་།ཅི། དགེ་སྦྱོང་ཁྱེད་འདོད་པའི་ཡོན་ཏན་གྱིས་གཟིར་ཏམ། བཀྲེན་པ། ཁྱེད་ཀྱི་མགྲིན་པ་རྡོག་པས་མནན་ལ་དགེ་སྦྱོང་ཁོ་བོ་ཅག་འདོད་པའི་ཡོན་ཏན་གྱིས་གཟིར་ཏོ། ། ཁྱེད་ཁོ་བོ་ཅག་གི་རྗེས་སུ་སྟོན་པ་ཡིན་ནམ་ཅི། མ་སྨྲ་བར་དེངས། ཁྱེད་ལ་གནོད་པ་བྱས་ས་རེ་ཞེས་དེ་རྣམས་ཀྱིས་དེ་དག་བསྡིགས་པ་དང ། སྤ་གོང་ནས་དོང་སྟེ་ཡངས་པ་ཅན་དུ་ཞུགས་ནས་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་དག་ཏུ་འཕྱ་བར་བརྩམས་སོ། །དགེ་སློང་རྣམས་ཀྱིས་སྐབས་དེ་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་སོ་ཕག་དག་གིས་ལུས་དྲུད་དེ་ཁྲུས་བྱེད་པ་ལས་གྱུར་གྱི། དེ་ལྟ་བས་ན། དགེ་སློང་གིས་སོ་ཕག་གིས་ལུས་དྲུད་དེ་ཁྲུས་མི་བྱའོ། །འདྲུད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སོ་ཕག་གིས་ལུས་དེ་ཁྲུས་མི་བྱའོ། །ཞེས་བཀའ་སྩལ་པ་དང ། དགེ་སློང་དག་རྐང་པ་སེར་ག་བྱུང་ཞིང་དྲི་མ་དང་བཅས་བཞིན་བསོད་སྙོམས་ལ་འཇུག་པ་དེ་དག་བྲམ་</font><hr>Tha4a<br><font size=+2>


༄#། །ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ་དག་།ཁྱེད་ཞབས་སེར་ག་བྱུང་ཞིང་དྲི་མ་དང་བཅས་ན། ཅི་སྟེ་དྲི་མ་སྦྱང་བར་མི་བགྱི། དེ་རྣམས་ཀྱིས་སྨྲས་པ། བཞིན་བཟང་དག་།བཅོམ་ལྡན་འདས་ཀྱིས་མ་གནང་ངོ ། །ཅི་འཕགས་པ། ཁྱེད་དྲི་མའི་འདམ་བཅངས་པས་དག་པར་འགྱུར་རམ། དེ་རྣམས་ཅང་མི་སྨྲ་བར་འདུག་སྟེ་བསོད་སྙོམས་ལ་རྒྱུས་ནས་གཙུག་ལག་ཁང་དུ་དོང་བ་དང ། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟར་ན། སྔ་མ་ནི། བཅས་པའོ། །འདི་ནི། གནང་བ་ཡིན་ཏེ། དེ་ལྟ་བས་ན། དགེ་སློང་གིས་རྐང་པ་སོ་ཕག་གིས་དྲུད་པར་གནང་ངོ ། །ལུས་གཞན་ནི། མ་ཡིན་ཏེ། འདྲུད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པ་ན་བཞུགས་སོ། །དགེ་སློང་རྣམས་སྔ་དྲོ་ཤམ་ཐབས་དང ། ཆོས་གོས་བགོ་ས། ལྷུང་བཟེད་ཐོགས་ཏེ་ཡངས་པ་ཅན་དུ་བསོད་སྙོམས་ཀྱི་ཕྱིར་ཞུགས་པ་དང ། དེ་རྣམས་ཀྱིས་བྲམ་ཟེ་ཞིག་ས་དཀར་གྱིས་སོ་རིས་གསུམ་བྱུགས་ནས་སློང་མོ་ལ་རྒྱུ་ཞིང་དེའི་བསླངས་པ་ཡང་མང་དུ་རྙེད་པར་མཐོང་ངོ ། །དྲུག་སྡེ་རྣམས་ཀྱིས་སྨྲས་པ། དགའ་བོ་ཉེ་དགའ་བོ། ཐབས་འདི་ནི། བཟང་པོ་ཞིག་སྟེ། བདག་ཅག་ཀྱང་དེ་ལྟར་བྱའོ། །ཞེས་དེ་རྣམས་ཕྱི་དེ་ཉིན་ས་དཀར་གྱིས་སོ་རིས་གསུམ་བྱུགས་ནས་བསོད་སྙོམས་ལ་ཞུགས་པ་མ་དད་པ་</font><hr>Tha4b<br><font size=+2>


རྣམས་ཀྱིས་མཐོང་ནས་འཕྱ་ཞིང ། གུས་པར་སྨྲའོ། །གུས་པར་སྨྲའོ། །ཞེས་སྨྲས་པ་དང ། དྲུག་སྡེ་རྣམས་ཀྱིས་སྨྲས་པ། བཀྲེན་པ། ཁྱེད་ཀྱིས་གུས་པར་སྨྲ་བར་བྱ་བ་གང་དག་ཡིན་པ་དང ། ཕྱག་བྱ་བ་གང་དག་ཡིན་པ་འདི་ཡང་མི་ཤེས་སམ། དེ་དག་གིས་སྨྲས་པ། འདི་ལ་ཅི་ཞིག་འཚལ་བར་བགྱི། བྲམ་ཟེ་རྒན་པ་རྒན་པ་རྣམས་ནི། གུས་པར་སྨྲ་བར་བྱ་བ་ཡིན་ལ། དགེ་སློང་རྣམས་ནི། ཕྱག་བྱ་བ་ཡིན་ན། དེ་ཅིའི་ཕྱིར་ཁྱེད་དགེ་སློང་རྣམས་ལ་གུས་པར་སྨྲ་བ་བྱེད་ཀྱི། ཕྱག་མ་ཡིན། འཕགས་པ། བདག་ཅག་གིས་ཁྱེད་བྲམ་ཟེ་ལགས་པར་འཚལ་གྱི། དགེ་སློང་དུ་ནི། མ་ལགས་སོ། །དེ་ལྟ་ལགས་པས་བདག་ཅག་གིས་མ་འཚལ་གྱི། བཟོད་པར་གསོལ་ལོ། །ཞེས་བྱས་པ་དང ། དེ་དག་ཅང་མི་སྨྲ་བར་འདུག་གོ་།སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱི་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་རྣམས་སོ་རིས་གསུམ་འདྲི་བ་ལས་གྱུར་གྱི། དེ་ལྟ་བས་ན། དགེ་སློང་གིས་སོ་རིས་གསུམ་འདྲི་བར་མི་བྱའོ། །དགེ་སློང་སོ་རིས་གསུམ་འདྲི་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སོ་རིས་གསུམ་མི་བྱུག་གོ་།ཞེས་བཀའ་སྩལ་པ་དང ། དགེ་སློང་དག་སྨན་པས་བསྒོ་ཡང་ལུས་སས་མི་སྐུད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟར་ན། སྔ་མ་ནི། བཅས་པའོ། །འདི་ནི། གནང་བ་ཡིན་ཏེ། </font><hr>Tha5a<br><font size=+2>


༄#། །དེ་ལྟ་བས་ན། སྨན་པས་བསྒོ་བ་ནི། མ་གཏོགས་སོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་ན། དེ་རྣམས་ཀྱིས་བྲམ་ཟེ་གྷི་ཝང་གི་ཐིག་ལེ་བྱས་པ་ཞིག་སྐྱེ་བོ་ཕལ་པོ་ཆེའི་ཚོགས་ཀྱིས་བསྐོར་ཅིང་སྟོན་མོའི་བསྔགས་པ་བརྗོད་པ་མཐོང་བ་དང ། དེ་རྣམས་ཀྱིས་སྨྲས་པ། དགའ་བོ་ཉེ་དགའ་བོ། ཐབས་འདི་ནི། བཟང་པོ་ཞིག་སྟེ། བདག་ཅག་ཀྱང་འདི་ལྟར་བྱའོ། །ལེགས་ཀྱི། དེ་ལྟར་བྱའོ། །ཞེས་དེ་རྣམས་ཕྱི་དེ་ཉིན་གྷི་ཝང་གི་ཐིག་ལེ་དག་གིས་བདག་ཉིད་བརྒྱན་པ་དག་བྱས་ནས་བསོད་སྙོམས་ལ་ཞུགས་པ་དང ། བྲམ་ཟེ་དང ། ཁྱིམ་བདག་དག་གི་མཐོང་ནས་འཕྱ་ཞིང་གུས་པར་སྨྲའོ། །གུས་པར་སྨྲའོ། །ཞེས་སྨྲས་པ་དང ། དྲུག་སྡེ་རྣམས་ཀྱིས་སྨྲས་པ། བཀྲེན་པ་ཁྱེད་ཀྱིས་གུས་པར་སྨྲ་བར་བྱ་བ་གང་དག་ཡིན་པ་དང ། ཕྱག་བྱ་བ་གང་དག་ཡིན་པ་འདི་ཡང་མི་ཤེས་སམ། དེ་དག་གིས་སྨྲས་པ། འདི་ལ་ཅི་ཞིག་འཚལ་བར་བགྱི། བྲམ་ཟེ་རྒན་པ་རྒན་པ་རྣམས་ནི། གུས་པར་སྨྲ་བར་བྱ་བ་ཡིན་ལ། དགེ་སློང་རྣམས་ནི། ཕྱག་བྱ་བ་ཡིན་ན། དེ་ཅིའི་ཕྱིར་ཁྱེད་དགེ་སློང་རྣམས་ལ་གུས་པར་སྨྲ་བ་བྱེད་ཀྱི། ཕྱག་མ་ཡིན། འཕགས་པ་དག་།བདག་ཅག་གིས་ཁྱེད་བྲམ་ཟེ་ལགས་པར་འཚལ་གྱི། དགེ་སློང་དུ་ནི་མ་ལགས་སོ། །དེའི་</font><hr>Tha5b<br><font size=+2>


སླད་དུ་བདག་ཅག་མི་འཚལ་གྱི། བཟོད་པར་གསོལ་ལོ། །ཞེས་བྱས་པ་དང ། དེ་དག་ཅང་མི་སྨྲ་བར་འདུག་གོ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་དག་གྷི་ཝང་གི་ཐིག་ལེ་དག་གིས་བདག་ཉིད་བརྒྱན་པ་ལས་གྱུར་གྱི། དེ་ལྟ་བས་ན། དགེ་སློང་གིས་གྷི་ཝང་གི་ཐིག་ལེ་དག་གིས་བརྒྱན་པར་མི་བྱའོ། །བརྒྱན་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས། དགེ་སློང་གིས་གྷི་ཝང་གི་ཐིག་ལེ་དག་གིས་བདག་ཉིད་བརྒྱན་པར་མི་བྱའོ། །ཞེས་བཀའ་སྩལ་པ་དང ། དགེ་སློང་ཞིག་འཕྲལ་བར་རྨ་བྱུང་བ་དེ་སྨན་པའི་དྲུང་དུ་སོང་ནས་བཞིན་བཟང ། བདག་ལ་སྨན་སྟོན་ཅིག་།འཕགས་པ། རྨའི་ཐན་ཀོར་གྷི་ཝང་གིས་བསྐུས་ཤིག་དང ། ཁྱོད་འཚོ་བར་འགྱུར་རོ། །དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་།སྨན་པས་བསྒོ་བ་ནི། མ་གཏོགས་སོ། །བཅོམ་ལྡན་འདས་ཀྱིས་དགེ་སློང་གིས་སོ་ཕག་གིས་ལུས་དྲུད་པར་མི་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཉ་ཕྱིས་ཀྱིས་འདྲུད་པར་བྱེད་དོ། །བཅོམ་ལྡན་འདས་ཀྱིས་བཀའ་སྩལ་པ། ཉ་ཕྱིས་ཀྱིས་དྲུད་བར་མི་བྱའོ། །འདྲུད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་</font><hr>Tha6a<br><font size=+2>


༄#། །ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་དྲིས་བྱུགས་ཏེ་གཞོན་ནུ་རྣམས་ཀྱི་ནང་དུ་དོང་ནས་སྨྲས་པ། གཞོན་ནུ་དག་།ངེད་ཀྱི་དྲི་ཇི་ལྟ་སྣོམས་ཤིག་།དེ་དག་གིས་སྨྲས་པ། གནས་བརྟན། ཅི། ཁྱེད་དྲིས་བྱུགས་སམ། བྱུགས་སོ། །གནས་བརྟན། ཁྱེད་དྲིས་བྱུག་ཏུ་རུང་ངམ། རུང་ཡང་རུང ། མི་རུང་ཡང་རུང་སྟེ། ངེད་ཀྱིས་ནི། བྱུགས་སོ། །དེ་དག་འཕྱ་སྨོད་ཁ་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དྲིས་ཉུག་པ་ལས་གྱུར་གྱི། དེ་ལྟ་བས་ན། དགེ་སློང་རྣམས་ཀྱིས་དྲིས་བྱུག་པར་མི་བྱའོ། །ཉུག་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་དྲི་བྱུག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་ནད་པ་ཞིག་སྨན་པའི་དྲུང་དུ་སོང་སྟེ་བཞིན་བཟང ། བདག་ལ་སྨན་སྟོན་ཅིག་།དེས་སྨྲས་པ། འཕགས་པ། དྲིས་བྱུགས་ན། ཁྱོད་འཚོ་བར་འགྱུར་རོ། །བཞིན་བཟང ། ཅི། ཁོ་བོ་འདོད་པ་སྤྱོད་དམ། འཕགས་པ། ཁྱོད་ཀྱི་སྨན་ནི། འདི་ཡིན་ཏེ། གཞན་གྱིས་འཚོ་བར་མི་ནུས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།སྨན་པའི་ལུང་གིས་དྲི་བཅང་བར་བྱའོ། །དགེ་སློང་དག་།དྲིས་བྱུགས་ནས་དགེ་འདུན་གྱི་ནང་ན་འདུག་ཅིང ། བྲམ་</font><hr>Tha6b<br><font size=+2>


ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་སྟོན་པར་བྱེད། བྲམ་ཟེ་དང ། ཁྱིམ་བདག་གི་ཁྱིམ་རྣམས་སུ་ཡང་འགྲོ་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ངས་དགེ་སློང་དྲི་འཆང་བའི་ཀུན་ཏུ་སྤྱད་པའི་ཆོས་བཅའ་བར་བྱ་སྟེ། དགེ་སློང་དྲི་འཆང་བས་དྲིས་བྱུགས་ནས་དགེ་འདུན་གྱི་ནང་དུ་འདུག་པར་མི་བྱ། བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་བསྟན་པར་མི་བྱ། བྲམ་ཟེ་དང ། ཁྱིམ་བདག་གི་ཁྱིམ་རྣམས་སུ་འགྲོ་བར་མི་བྱའི། ནམ་སོས་པར་གྱུར་པ་དེའི་ཚེ་ཁྲུས་བྱས་ནས་དྲི་མ་མེད་པར་གྱུར་བ་དང་དགེ་འདུན་གྱི་ནང་དུ་འདུག་པར་བྱ། བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་བསྟན་པར་བྱ། བྲམ་ཟེ་དང ། ཁྱིམ་བདག་གི་ཁྱིམ་རྣམས་སུ་འགྲོ་བར་བྱའོ། །དགེ་སློང་དྲི་འཆང་བས་ཀུན་ཏུ་སྤྱད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་མི་འདུག་ན། འགལ་ཚབས་ཅན་དུ་འགྱུར་རོ། །བྲམ་ཟེ་དང ། ཁྱིམ་བདག་དད་པ་ཅན་དག་དགེ་སློང་རྣམས་ལ་དྲི་འབུལ་བ་ན། དགེ་སློང་རྣམས་འགྱོད་ནས་མི་ལེན་པ་དང ། དེ་དག་གིས་སྨྲས་པ། འཕགས་པ་དག་།གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བར་མ་གྱུར་པ་དེའི་ཚེ་ན། མུ་སྟེགས་ཅན་རྣམས་ཡོན་གནས་ལགས། ད་ནི། བཅོམ་ལྡན་འདས་འཇིག་རྟེན་དུ་བྱུང་བས། ད་ལྟར་ཁྱེད་ཡོན་གནས་ལགས་ན། གལ་ཏེ་ཁྱོད་ཀྱིས་མ་བཞེས་ན། ཅི། བདག་ཅག་འཇིག་རྟེན་འདི་ནས་འཇིག་རྟེན་ཕ་རོལ་ཏུ་དགེ་</font><hr>Tha7a<br><font size=+2>


༄#། །བའི་ལམ་རྒྱགས་མ་མཆིས་པར་མཆིའམ། བདག་ཅག་ལ་ཐུགས་བརྩེ་བའི་སླད་དུ་བཞེས་ཤིག་།དེ་དག་གིས་སྨྲས་པ། བཅོམ་ལྡན་འདས་ལ་ཞུའོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱའོ། །དགེ་སློང་རྣམས་ཀྱིས་བླངས་ནས་དེ་དག་ཉིད་ཀྱི་མདུན་དུ་བོར་བ་དང ། དེ་དག་གིས་སྨྲས་པ། འཕགས་པ་དག་།བདག་ཅག་གིས་རིན་ཐང་བཞིན་དུ་ཉོ་ཉོ་ན། ཁྱེད་ཀྱིས་བླངས་ཏེ་དོར་རམ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བླངས་ནས་དོར་བར་མི་བྱའི། འོན་ཀྱང་དེ་བཞིན་གཤེགས་པའི་མཆོད་རྟེན་ལ་དྲིའི་ལག་རིས་བྱུག་པར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཀྱིས་བླངས་ནས་དབུ་སྐྲ་དང ། སེན་མོའི་མཆོད་རྟེན་དག་ལ་དྲིའི་ལག་རིས་ཉུག་གོ་།དེ་དག་གིས་སྨྲས་པ། འཕགས་པ་དག་།ཅི། བདག་ཅག་གིས་མཆོད་རྟེན་མ་མཐོང་ངམ། བདག་ཅག་གིས་ནི། ཁྱེད་ཁོ་ན་ལ་ཕུལ་ཏེ། དབུ་སྐྲ་དང ། སེན་མོའི་མཆོད་རྟེན་དག་ལ་ནི། སྔར་ཕུལ་ལགས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བླངས་ནས་གནས་ཁང་ལ་བྱུག་པར་བྱའོ། །དེ་རྣམས་ཀྱིས་གནས་ཁང་གི་སྒོ་ལ་བྱུགས་པ་དང ། དེ་དག་དྲི་གཙང་ཁང་ཡིན་ནོ། །སྙམ་ནས་ཕྱག་འཚལ་བར་བྱེད་པའི་སྐབས་དེ། དགེ་སློང་རྣམས་ཀྱིས་</font><hr>Tha7b<br><font size=+2>


བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ནང་དུ་བྱུག་པར་བྱའོ། །དགེ་སློང་རྣམས་ཀྱིས་དྲང་ཐད་དུ་བྱུགས་པ་དང ། ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྔས་དང་ཉེ་བའམ། རྐང་པ་དང་ཉེ་བར་བྱུག་པར་བྱ་ཞིང ། དྲི་ཞིམ་པོ་ཐམས་ཅད་མིག་ལ་ཕན་པས་དུས་དུས་སུ་བསྣམ་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རི་ལ་འཇིགས་འཇིགས་ལྟའི་ཚལ་རི་དྭགས་ཀྱི་ནགས་ན་བཞུགས་སོ། །ཇི་ཙམ་ན་རྒྱལ་བུ་གཞོན་ནུ་རྟོགས་བྱེད་ཀྱིས་ཁང་བཟང་པདྨ་རིས་བྱེད་དུ་བཅུག་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གདུགས་ཚོད་ལ་སྤྱན་དྲངས་ཏེ་བཅོམ་ལྡན་འདས་ཁང་བཟང་པདྨའི་རིས་སུ་དགེ་སློང་གི་དགེ་འདུན་གྱི་གུང་ལ་གདན་བཤམ་པ་ལ་བཞུགས་སོ། །ཉེ་དགའ་བོ་ཟན་ཟ་བའི་ཚེ་ལག་པས་ཀ་བ་ལ་བསྣུན་པ་དང ། ཁང་བཟང་པདྨ་རིས་གཡོས་པར་གྱུར་ཏོ། །འབྲིམ་མཁན་རྣམས་ཀྱིས་སྨྲས་པ། འཕགས་པ། རྒྱལ་བུ་རྟོགས་བྱེད་ཀྱིས་ཁང་བཟང་པདྨ་རིས་ཚོན་བརྒྱ་རྩ་གཅིག་གིས་བཀྲ་བར་བྱས་པ། ཁྱེད་ཀྱིས་གཞིག་གམ་ཅི། ཉེ་དགའ་བོས་སྨྲས་པ། བཀྲེན་པ། རྟོགས་བྱེད་འདི་ལ་ལྷག་པར་ཆགས་པས་དུས་བྱས་ནས་གར་སྐྱེ་གཏོལ་མེད་དོ། །ཁྱེད་ཀྱང་འདི་ལ་ལྷག་པར་ཆགས་པས་དུས་བྱས་ནས་ཡི་དྭགས་ཝ་བ་ཅན་རྣམས་ཀྱི་ནང་དུ་སྐྱེ་བར་འགྱུར་རོ། །དེ་དག་ཁ་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱི་</font><hr>Tha8a<br><font size=+2>


༄#། །དགོངས་པ་ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་ཀ་བ་ལ་ལག་པས་བསྣུན་པ་ལས་གྱུར་གྱི། དེ་ལྟ་བས་ན། དགེ་སློང་གིས་ལག་པས་ཀ་བ་ལ་བསྣུན་པར་མི་བྱའོ། །བསྣུན་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཀ་བ་ལ་ལག་པས་བསྣུན་པར་མི་བྱ་ཞེས་བཀའ་སྩལ་པ་དང ། དྲུག་སྡེ་རྣམས་ཁུ་ཚུར་དང ། གྲུ་མོ་དང ། ཕྲག་པ་དང ། མགོ་དང ། རྩིབ་ལོགས་དང ། རྒྱབ་དང ། རྐེད་པ་དང ། བརླ་དང ། པུས་མོ་དང ། བྱིན་པ་དང ། རྐང་པ་དང ། དབྱུག་པ་དང ། བོང་བ་དང ། གཞན་གྱིས་བསྣུན་པར་བྱེད་པ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གང་གིས་ཀྱང་བསྣུན་པར་མི་བྱའོ། །དྲུག་སྡེ་རྣམས་རྩིག་པ་དང ། ས་དང ། གཞན་ལ་སྣུན་པར་བྱེད་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞན་ལ་ཡང་གང་དག་གིས་བསྣུན་པར་མི་བྱའོ། །སྣུན་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་སྔ་དྲོ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་དང ། དེ་རྣམས་ཀྱིས་བྲམ་ཟེ་ཞིག་ཚངས་པའི་སྐུད་པ་ཐོགས་ཏེ་སློང་མོ་ལ་རྒྱུ་ཞིང ། དེས་བཟའ་བ་དང ། བཅའ་བ་ཡང་མང་དུ་རྙེད་པ་མཐོང་ནས་དྲུག་སྡེ་རྣམས་ཀྱིས་སྨྲས་པ། དགའ་བོ་ཉེ་དགའ་བོ། ཐབས་འདི་ནི། བཟང་པོ་ཞིག་སྟེ། བདག་ཅག་ཀྱང་དེ་ལྟ་བུ་བྱའོ། །ཞེས་དེ་དག་ཕྱི་དེ་ཉིན་ཚངས་པའི་</font><hr>Tha8b<br><font size=+2>


སྐུད་པ་ཐོགས་ཏེ་བསོད་སྙོམས་ལ་ཞུགས་པ་མ་དད་པ་རྣམས་ཀྱིས་མཐོང་ནས། འཕྱ་ཞིང་གུས་པར་སྨྲའོ། །གུས་པར་སྨྲའོ། །ཞེས་སྨྲས་པ་དང ། དྲུག་སྡེ་རྣམས་ཀྱིས་སྨྲས་པ། བཀྲེན་པ། ཁྱེད་ཀྱིས་གུས་པར་སྨྲ་བར་བྱ་བ་གང་དག་ཡིན་པ་དང ། ཕྱག་བྱ་བ་གང་དག་ཡིན་པ་འདི་ཡང་མི་ཤེས་སམ། དེ་དག་གིས་སྨྲས་པ། འདི་ལ་ཅི་ཞིག་འཚལ་བར་བགྱི། བྲམ་ཟེ་རྒན་པ་རྒན་པ་རྣམས་ནི། གུས་པར་སྨྲ་བར་བྱ་བ་ཡིན་ལ། དགེ་སློང་རྣམས་ནི། ཕྱག་བྱ་བ་ཡིན་ན། དེ་ཅིའི་ཕྱིར་ཁྱེད་དགེ་སློང་རྣམས་ལ་གུས་པར་སྨྲ་བར་བྱེད་ཀྱི། ཕྱག་མ་ཡིན། འཕགས་པ་དག་།བདག་ཅག་གིས་ཁྱེད་བྲམ་ཟེ་ལགས་པར་འཚལ་གྱི། དགེ་སློང་དུ་ནི་མ་ལགས་སོ། །དེ་ལྟ་ལགས་པས་བདག་ཅག་གིས་མ་འཚལ་གྱི། བཟོད་པར་གསོལ་ལོ། །ཞེས་བྱས་པ་དང ། དེ་དག་ཅང་མི་སྨྲ་བར་འདུག་གོ་།སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་རྣམས་ཚངས་པའི་སྐུད་པ་ཐོགས་པ་ལས་གྱུར་གྱི། དེ་ལྟ་བས་ན། དགེ་སློང་གིས་ཚངས་པའི་སྐུད་པ་གདགས་པར་མི་བྱའོ། །འདོགས་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་ན། དེ་དག་གིས་བྲམ་ཟེ་དྲི་དང ། མེ་ཏོག་</font><hr>Tha9a<br><font size=+2>


༄#། །གིས་བརྒྱན་པ་ཚོན་སྣ་ལྔ་པའི་སྐུད་པས་ལག་པ་བཅིངས་པ་ཞིག་དུས་སྟོན་ཟོས་ནས་དབང་པོ་ཚིམ་སྟེ་ཁྱིམ་ནས་བྱུང་བ་མཐོང་བ་དང ། དེ་དག་གིས་སྨྲས་པ། དགའ་བོ་ཉེ་དགའ་བོ། ཐབས་འདི་ནི། བཟང་པོ་ཞིག་སྟེ། བདག་ཅག་ཀྱང་འདི་བཞིན་བྱའོ། །ཞེས་དེ་དག་ཕྱི་དེ་ཉིན་ཚོན་སྣ་ལྔ་པའི་སྐུད་པས་ལག་པ་བཅིངས་ནས་བསོད་སྙོམས་ལ་ཞུགས་པ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་འཕྱ་ཞིང ། གུས་པར་སྨྲའོ། །གུས་པར་སྨྲའོ། །ཞེས་སྨྲས་པ་དང ། དྲུག་སྡེ་རྣམས་ཀྱི་སྨྲས་པ། བཀྲེན་པ། ཁྱེད་ཀྱིས་གུས་པར་སྨྲ་བར་བྱ་བ་གང་དག་ཡིན་པ་དང ། ཕྱག་བྱ་བ་གང་དག་ཡིན་པ་འདི་ཡང་མི་ཤེས་སམ། དེ་དག་གིས་སྨྲས་པ། འདི་ལ་ཅི་ཞིག་འཚལ་བར་བགྱི། བྲམ་ཟེ་རྒན་པ་རྒན་པ་རྣམས་ནི། གུས་པར་སྨྲ་བར་བྱ་བ་ཡིན་ལ། དགེ་སློང་རྣམས་ནི། ཕྱག་བྱ་བ་ཡིན་ན། དེ་ཅིའི་ཕྱིར་ཁྱེད་དགེ་སློང་རྣམས་ལ་གུས་པར་སྨྲ་བ་བྱེད་ཀྱི། ཕྱག་མ་ཡིན། འཕགས་པ་དག་།བདག་ཅག་གིས་ཁྱེད་བྲམ་ཟེ་ལགས་པར་འཚལ་གྱི། དགེ་སློང་དུ་ནི་མ་ལགས་སོ། །དེ་ལྟ་ལགས་པས་བདག་ཅག་གིས་མ་འཚལ་གྱི། བཟོད་པར་གསོལ་ལོ། །ཞེས་བྱས་པ་དང ། དེ་དག་ཅང་མི་སྨྲ་བར་འདུག་གོ་།སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་རྣམས་ཚོན་སྣ་ལྔ་པའི་སྐུད་པས་ལག་པ་འཆིང་བ་ལས་གྱུར་གྱི། དེ་ལྟ་བས་ན། དགེ་སློང་གིས་ཚོན་སྣ་ལྔ་པའི་</font><hr>Tha9b<br><font size=+2>


སྐུད་པས་ལག་པ་བཅིང་བར་མི་བྱའོ། །འཆིང་ན། འགལ་ཆབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་ཚོན་སྣ་ལྔ་པའི་སྐུད་པས་ལག་པ་བཅིང་བར་མི་བྱའོ། །ཞེས་བཀའ་སྩལ་པ་དང ། དགེ་སློང་ནད་པ་གཞན་ཞིག་སྨན་པའི་དྲུང་དུ་སོང་སྟེ་བཞིན་བཟང ། ཁོ་བོ་ལ་ནད་འདི་ལྟ་བུ་བྱུང་ན། སྨན་སྟོན་ཅིག་ཅེས་བྱས་པ་དང ། དེས་སྨྲས་པ། འཕགས་པ། སྐུད་པ་ལ་གསང་སྔགས་དག་གིས་བཟླས་བརྗོད་བྱས་ཏེ་ལག་པ་ལ་བཅིངས་ན། ཁྱོད་འཚོ་བར་འགྱུར་རོ། །དེས་སྨྲས་པ། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས། གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། སྨན་པའི་ལུང་གིས་སྐུད་པ་བཅིང་བར་བྱའོ། ། བཅོམ་ལྡན་འདས་ཀྱིས་སྨན་པའི་ལུང་གིས་སྐུད་པ་བཅིང་བར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ལག་པ་གཡས་པའི་རྩེ་མོ་ལ་འཆིང་སྟེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལག་པ་གཡས་པའི་རྩེ་མོ་ལ་བཅིང་བར་མི་བྱའོ། །དེ་རྣམས་ལག་པ་གཡས་པའི་དཔུང་པ་ལ་འཆིང་སྟེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལག་པ་གཡས་པའི་དཔུང་པ་ལ་བཅིང་བར་མི་བྱའོ། །དེ་རྣམས་ལག་པ་གཡོན་པའི་རྩེ་མོ་ལ་འཆིང་སྟེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལག་པ་</font><hr>Tha10a<br><font size=+2>


༄#། །གཡོན་པའི་རྩེ་མོ་ལ་བཅིང་བར་མི་བྱའི། འོན་ཀྱང་ལག་པ་གཡོན་པའི་དཔུང་པ་ལ་བཅིང་བར་བྱའོ། །དགེ་སློང་རྣམས་ནད་སོས་པར་གྱུར་ནས་སྐུད་པ་བབ་བབ་ཏུ་འདོར་བ་མི་མ་ཡིན་པ་རྣམས་འཕྱ་སྟེ། འཕགས་པ་དག་།ངེད་ཀྱིས་སོས་པར་བྱས་ན། ད་མ་གུས་པར་བྱེད་པ་ལྟ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བབ་བབ་ཏུ་དོར་བར་མི་བྱ་སྟེ། གལ་ཏེ་ནད་མ་བྱང་ན། ཆོས་གོས་ཀྱི་མཐའམ། རྒྱ་ཅང་ལ་བཅིང་བར་བྱའོ། །འོན་ཏེ་ཐམས་ཅད་ཀྱི་ཐམས་ཅད་དུ་སོས་པར་གྱུར་ན། ཀ་བའི་སེར་གའམ། རྩིག་པའི་གསེབ་ཏུ་གཞུག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་ན་བྲམ་ཟེ་དང ། ཁྱིམ་བདག་རྣམས་ཀྱི་རྒྱན་སློ་མའི་ནང་དུ་བཞག་པ་དྲུག་སྡེ་རྣམས་ཀྱིས་རྐང་རྒྱན་དང ། ལག་རྒྱན་དག་ཐོགས་ནས་སྨྲས་པ། དགའ་བོ་ཉེ་དགའ་བོ། ཇི་ལྟར་མཛེས་སམ། བྲམ་ཟེ་དང ། ཁྱིམ་བདག་གིས་སྨྲས་པ། འཕགས་པ། ཁྱེད་མགོ་ནི། བྱི། མཆན་ཁུང་ནི། སྤུན་ན། འདི་ལ་ལུས་མཛེས་པ་ཅི་ཞིག་ཡོད། གདོན་མི་ཟ་བར་དགེ་སྦྱོང་ཁྱོད་འདོད་པའི་ཡོན་ཏན་དག་གིས་གཟིར་བར་གྱུར་ཏོ། །ཞེས་བྱས་པ་དང ། དེ་རྣམས་ཅང་མི་སྨྲ་བར་འདུག་གོ་།སྐབས་དེ། </font><hr>Tha10b<br><font size=+2>


དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་རྣམས་ལག་རྒྱན་དང ། རྐང་རྒྱན་དག་གིས་བདག་ཉིད་བརྒྱན་པ་ལས་གྱུར་གྱི། དེ་ལྟ་བས་ན། དགེ་སློང་གིས་ལག་རྒྱན་དང ། རྐང་རྒྱན་གྱིས་བདག་ཉིད་བརྒྱན་པར་མི་བྱའོ། །བརྒྱན་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གཙུག་ལག་ཁང་དུ་མ་བྱིན་པར་ལེན་པ་རྣམས་ཀྱིས། དགེ་འདུན་གྱི་མཛོད་དང ། གང་ཟག་གི་གནས་ཁང་དག་ནས་བརྐུས་སོ། །དགེ་སློང་གཞན་དག་ཅིག་གི་ཡང་སྟོར་ན། བདག་ཅག་གི་སྟོར་ནས་ཇི་ཙམ་ལོན་པ་མ་ཚོར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།རྒྱ་བཅང་བར་བྱའོ། །བཅོམ་ལྡན་འདས་ཀྱིས་རྒྱ་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པ་དང ། སོར་གདུབ་རྒྱ་རྒྱན་སྣ་ཚོགས་ཀྱིས་བརྒྱན་པ་དག་བཅངས་སོ། །དེ་ནས་བྲམ་ཟེ་དང ། ཁྱིམ་བདག་དག་གིས་མཐོང་ནས་ལག་པ་བརྐྱང་སྟེ་སྨྲས་པ། བཞིན་བཟང ། ནད་མེད་ཅིག་།ནད་མེད་ཅིག་།དེ་དག་གིས་སྨྲས་པ། འཕགས་པ། འདི་ཅི་ལགས། བཞིན་བཟང ། བཅོམ་ལྡན་འདས་ཀྱིས་རྒྱ་གནང་ངོ ། །དེ་དག་འཕྱ་སྨོད་ཁ་ཟེར་ཞིང ། དགེ་སྦྱོང་</font><hr>Tha11a<br><font size=+2>


༄#། །ཤཱཀྱའི་བུ་རྣམས་ཀྱི་དགེ་སྦྱོང་གི་ཚུལ་ཉམས་ཤིང་ཚངས་པའི་ཚུལ་ཉམས་ཏེ། འདི་ནི། དེ་ལྟར་རྒྱ་ལ་ཐ་སྙད་འདོགས་ཤིང ། རྒྱན་རྣམས་ཀྱིས་བདག་ཉིད་བརྒྱན་པར་བྱེད་དོ། །སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པའི་རྒྱ་བཅང་བར་མི་བྱ། སོར་གདུབ་རྒྱ་ཡང་བཅང་བར་མི་བྱའི། འོན་ཀྱང་རྒྱ་ལྔ་པོ་ར་གན་དང ། ཟངས་ལས་བྱས་པ་དང ། འཁར་བ་ལས་བྱས་པ་དང ། བ་སོ་ལས་བྱས་པ་དང ། རཝ་ལས་བྱས་པ་བཅང་བར་བྱའོ། །དྲུག་སྡེ་རྣམས་ཀྱིས་རྒྱ་ལ་སྐྱེས་པ་དང ། བུད་མེད་ཉལ་པོ་བྱེད་པ་བྲིས་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་སྨྲས་པ། འཕགས་པ། ཅི་དགེ་སྦྱོང་ཁྱེད་འདོད་པའི་ཡོན་ཏན་དག་གིས་གཟིར་ཏམ། གནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྒྱ་ནི། གཉིས་ཏེ། དགེ་འདུན་གྱི་དང ། གང་ཟག་གིའོ། །དེ་ལ་དགེ་འདུན་གྱི་ནི། དབུས་སུ་འཁོར་ལོ་བྲིས་ལ། གློ་གཉིས་སུ་རི་དྭགས། འོག་ཏུ་གཙུག་ལག་ཁང་གི་བདག་པོའི་མིང་བྲི་བར་བྱའོ། །གང་ཟག་གི་ནི། རུས་པའི་ཀེང་རུས་སམ། མགོའི་ཐོད་པ་བྲི་བར་བྱའོ། །སྡོམ་ནི། སེན་མོ་འབྲེག་དང་བྱི་དོར་དང ། ། མྲ་དང་ནི་སྐྱུ་རུ་ར། །ལྷུང་བཟེད་བརྒྱད་པོ་བཀག་པ་དང ། །རྗེས་སུ་གནང་བ་གཉིས་ཡིན་ནོ། ། </font><hr>Tha11b<br><font size=+2>


སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱི་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྒྱལ་བུ་རྒྱལ་བྱེད་ཀྱི་ཚལ་ཕུལ་བ་དེའི་ཚེ་དེས་འབྲེག་མཁན་གྱི་མི་ལ་སྨྲས་པ། ཀྱེ་སྐྱེས་བུ་རྒྱལ་བུ་རྒྱལ་བྱེད་ཀྱི་ཚལ་དུ་སོང་ལ། འཕགས་པ་རྣམས་ཀྱི་སྐྲ་དང་ཁ་སྤུ་བྲེགས་ཤིག་།དེ་རྒྱལ་བུ་རྒྱལ་བྱེད་ཀྱི་ཚལ་དུ་སོང་བ་དང ། དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དྲུག་སྡེ་གང་ཡང་རུང་བ་ཞིག་གིས་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་ཡིན་ཏེ། ཚེ་དང་ལྡན་པ་ཉེ་དགའ་བོ། རྒྱལ་བུ་རྒྱལ་བྱེད་ཀྱི་ཚལ་ན་འཆག་ཅིང་འདུག་པ་དེས་དེ་རྒྱང་རིང་པོ་ནས་མཐོང་ནས་སྨྲས་པ། བཞིན་བཟང ། འོངས་པ་ལེགས་སོ། །འོངས་པ་ལེགས་སོ། །ཁྱོད་ཟླ་བ་ལྟ་བུར་གནས་ན། རིང་མོ་ཞིག་ལོན་ཏེ་གང་ནས་འོངས། དེས་སྨྲས་པ། འཕགས་པ། ཁྱིམ་བདག་གིས་འཕགས་པ་རྣམས་ཀྱི་སྐྲ་དང་ཁ་སྤུ་བྲེགས་པའི་སླད་དུ་འདིར་བཏང་ངོ ། །དེས་སྨྲས་པ། སེན་མོ་ལེགས་པར་འབྲེག་ཤེས་སམ། འཕགས་པ། འདི་ཉིད་བདག་གི་བཟོ་ལགས་སོ། །བལྟའི་ཚུར། དེ་ཉིད་ཉེ་བར་འོངས་པ་དང་ཉེ་དགའ་བོས་ལག་པ་བརྐྱང་ངོ ། །འབྲེག་མཁན་གྱིས་སྨྲས་པ། འཕགས་པ། ཅི་འདྲ་བར་བྲེག ། བཞིན་བཟང ། འབྲུའི་རྩེ་མོ་ལྟར་བྲེགས་ཤིག་།དེས་འབྲུའི་རྩེ་མོ་ལྟར་བྲེགས་པ་དང ། དེས་སྨྲས་པ། ད་ནི། ར་བའི་ལྕོག་ལྟ་བུ་དང ། སྤུ་གྲིའི་སོ་དང ། སྟེའུ་ཀ་དང ། ཟླ་བ་ཆེས་པ་ལྟར་གྱིས་ཤིག་།དེས་</font><hr>Tha12a<br><font size=+2>


༄#། །དེ་ཇི་ལྟ་ཇི་ལྟར་བསྒོ་བ་དེ་ལྟ་དེ་ལྟ་བུར་བྱས་པ་དང་མཇུག་ཏུ་སྨྲས་པ། བཀྲེན་པ། ཁྱོད་ཀོ་ཅུང་ཟད་ཀྱང་མི་ཤེས་པ་ཞིག་།འདི་ཁོ་ན་ལྟར་མཉན་པར་གྱིས་ལ་སོང་ཞིག་།ཅེས་དེས་དེ་ཉི་མ་ནུབ་ཀྱི་བར་དུ་མ་བཏང་ངོ ། །དེ་ཉིད་མ་ནུབ་ནས་ཁྱིམ་བདག་མགོན་མེད་ཟས་སྦྱིན་གྱི་དྲུང་དུ་སོང་བ་དང ། མགོན་མེད་ཟས་སྦྱིན་གྱིས་སྨྲས་པ། ཀྱེ་སྐྱེས་བུ། ཁྱོད་ཀྱིས་འཕགས་པ་མང་པོ་ཇི་སྙེད་ཅིག་གི་མགོ་དང་ཁ་སྤུ་བྲེགས། བདག་གིས་འཕགས་པ་རྣམས་ཀྱི་སྐྲ་དང་ཁ་སྤུ་ག་ལ་བྲེགས། དགེ་སློང་གཟུ་ལུམས་ཅན་ཉེ་དགའ་བོས་བདག་བསྒོར་ནས་སེན་མོ་འབྲུའི་རྩེ་མོ་དང ། ར་བའི་ལྕོག་དང ། སྤུ་གྲིའི་སོ་དང ། སྟེའུ་ཀ་དང ། ཟླ་བ་ཚེས་པ་ལྟ་བུར་གྱིས་ཤིག་ཅེས་པའི་རྣམ་པ་ཐམས་ཅད་བདག་གིས་བགྱིས་པ་དང ། དེ་ནས་འདི་སྐད་ཅེས། བཀྲེན་པ། ཁྱོད་ཀོ་ཅུང་ཟད་ཀྱང་མི་ཤེས་པ་ཞིག། འདི་ཁོ་ན་ལྟར་མཉམ་པར་གྱིས་ལ་སོང་ཞིག་ཅེས་མཆི་ནས་ད་གཟོད་ཁོ་ན་ཤོར་ན། ཅི་ཞིག་བགྱི། ཁྱིམ་བདག་མགོན་མེད་ཟས་སྦྱིན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་རྣམས་ལ་ཉེ་བར་ཞི་བ་མེད་པ་ལྟ་ཞེས་འཕྱ་བ་ལ་ཞུགས་སོ། །སྐབས་དེ། དགེ་སློང་རྣམས་ཀྱིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་རྣམས་སེན་མོ་འབྲེག་པ་ལས་གྱུར་གྱི། དེ་ལྟ་བས་ན། དགེ་སློང་གིས་སེན་མོ་བྲེག་པར་མི་བྱའོ། །འབྲེག་ན། འགལ་ཚབས་</font><hr>Tha12b<br><font size=+2>


ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སེན་མོ་བྲེག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་རྣམས་སེན་མོ་རིང་པོ་རིང་པོར་འདུག་པ་བྲམ་ཟེ་དང ། ཁྱིམ་བདག་དག་གིས་མཐོང་ནས་སྨྲས་པ། འཕགས་པ་དག། ཅི་སྟེ་སེན་མོ་རིང་པོ་རིང་པོར་འཇོག་།བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཅི། ཁྱེད་སེན་མོ་བཅངས་པས་དག་པར་འགྱུར་རམ། སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྔ་མ་ནི། བཅས་པའོ། །འདི་ནི། གནང་བ་ཡིན་ཏེ། དེ་ལྟ་བས་ན། གནང་གི། སེན་མོ་རྣམ་པ་གཉིས་པོ་སྤུ་གྲིའི་སོ་དང ། སྟེའུ་ཀ་ལྟ་བུར་བྲེག་པར་བྱའོ། །བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཞེས་བྱ་བ་ཐམས་ཅད་དེ་ཁོ་ན་བཞིན་ནོ། །ཁྱོད་སེན་མོ་འཆོས་ཤེས་སམ། འཕགས་པ། ཇི་ལྟ་བུར་བགྱི། སེར་པོ་དང ། དམར་པོ་དང ། དཀར་པོ་དང ། གསེར་གྱི་ཁ་དོག་ལྟ་བུར་གྱིས་ཤིག་ཅེས་པའི་རྣམ་པ་ཐམས་ཅད་བདག་གིས་བགྱིས་པ་དང ། དེ་ནས་འདི་སྐད་ཅེས། བཀྲེན་པ། ཁྱོད་ཀོ་ཅུང་ཟད་ཀྱང་མི་ཤེས་པ་ཞིག་།འདི་ཁོ་ན་ལྟར་མཉམ་པར་གྱིས་ལ་སོང་ཞིག་།ཅེས་མཆི་ནས་ད་གཟོད་ཁོ་ན་ཤོར་ན། ཅི་ཞིག་བགྱི། ཁྱིམ་བདག་མགོན་མེད་ཟས་སྦྱིན་ལེགས་པར་གསུངས་པའི་ཆོས་འདུལ་</font><hr>Tha13a<br><font size=+2>


༄#། །བ་ལ་རབ་ཏུ་བྱུང་བ་རྣམས་ལ་ཉེ་བར་ཞི་བ་མེད་པ་ལྟ་ཞེས་འཕྱ་བ་ལ་ཞུགས་སོ། །སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་རྣམས་སེན་མོ་དག་བྱི་དོར་བྱེད་པ་ལས་གྱུར་གྱི། དེ་ལྟ་བས་ན། དགེ་སློང་གིས་སེན་མོ་དག་བྱི་དོར་མི་བྱའོ།། བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས། དགེ་སློང་གིས་སེན་མོ་དག་བྱི་དོར་མི་བྱའོ། །ཞེས་བཀའ་སྩལ་པ་དང ། དགེ་སློང་ཚོན་རྩིའི་ལས་དང ། ལྷུང་བཟེད་ཀྱི་ལས་བྱེད་པ་རྣམས་ཀྱི་སེན་མོ་དྲི་མ་ཆགས་ལ་མདོག་མི་སྡུག་པར་གྱུར་ཅིང ། དེ་རྣམས་སེན་མོ་དེ་འདྲ་བ་ཁོ་ནར་བསོད་སྙོམས་ལ་འཇུག་གོ་།བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ་དག་།ཁྱེད་ཅིའི་ཕྱིར་སེན་མོ་འདི་ལྟ་བུ་དྲི་མ་ཆགས་ཤིང་མདོག་མི་སྡུག་།དེ་དག་གིས་བསྙད་པ་དང ། དེ་རྣམས་ཀྱིས་སྨྲས་པ། འཕགས་པ། ཅིའི་ཕྱིར་དྲི་མ་མི་དབྱི། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱེད་ཅི་དྲི་མའི་འདམ་བཅངས་པས་འདག་པར་འགྱུར་རམ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དྲི་མ་དབྱི་བའི་ཕྱིར་སེན་མོ་བཞར་བར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །རྒྱལ་པོ་གཟུགས་ཅན་</font><hr>Tha13b<br><font size=+2>


སྙིང་པོའི་ཀུན་ཏུ་སྤྱོད་པ་ནི། དུས་ཀྱིས་གསར་ཐོག་འབྲུ་གསར་པའམ། །འབྲས་བུ་གསར་པ་གང་ཅི་ཡང་རུང ། དེ་དག་དང་པོར་དགེ་འདུན་ལ་འབུལ་ལོ། །དེའི་འོག་ཏུ་བདག་ཉིད་ཟའོ། །དེའི་བློན་པོ་རྣམས་ཀྱིས་ཨ་མྲའི་ཤིང་ཐོག་དག་ཕུལ་བ་དང ། དེས་སྨྲས་པ། སོང་ལ་འཕགས་པ་རྣམས་ལ་ཕུལ་ཅིག་།དེ་དག་གིས་བགད་པ་དང ། དེས་སྨྲས་པ། ཤེས་ལྡན་དག་།ཅི་ལ་དགོད། དེ་དག་གིས་སྨྲས་པ། ལྷ། ཅི་ཁྱེད་ད་ནི། འཕགས་པ་རྣམས་ལ་དང་པོར་འབུལ་སྙམ་དགོངས་ཀྱི། བདག་ཅག་གིས་ཆེས་སྔར་འཕགས་པ་རྣམས་ལ་ཕུལ་བར་ནི། མ་ལགས་སམ། དེས་སྨྲས་པ། གལ་ཏེ་དེ་ལྟ་ན། ངས་འཕགས་པ་རྣམས་ལ་སྟོང་གི་ཀུན་དགའ་ར་བ་ཉིད་ཕུལ་ལོ། །ལྷ། ལེགས་ཏེ་རྗེས་སུ་ཡི་རང་ངོ ། །དེས་ཕྱོགས་བཞིའི་དགེ་སློང་གི་དགེ་འདུན་གྱི་ཕྱིར་སྟོང་གི་ཀུན་དགའ་ར་བ་ཕུལ་ནས་དེར་དུས་སྟོན་ཀྱང་བཙུགས་སོ།། དེ་ཇི་ལྟར་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་དུས་སྟོན་ལ་ལྟ་བར་འོངས་པ་ཨ་མྲའི་ཤིང་ཐོག་སྨིན་པ་རྣམས་ཀྱིས་ཚིམ་པར་གྱུར་པ་དེ་ལྟར་ཤིང་ཐོག་རྒྱས་པར་གྱུར་ཏོ། །དེ་དགེ་འདུན་ལ་ཕུལ་ལོ། །ཞེས་དགེ་སློང་རྣམས་ཀྱིས་ཨ་མྲའི་འབྲས་བུ་དག་མ་སྨིན་པ་ཉིད་དུ་ཟོས་སོ། །ཇི་ཙམ་ན་མཚམས་ཀྱི་རྒྱལ་པོ་ཞིག་ལ་ཨ་མྲ་དག་དགོས་པར་གྱུར་ནས་དེས་རྒྱལ་པོ་གཟུགས་ཅན་སྙིང་པོ་ལ་ཕོ་ཉ་བཏང་སྟེ། གྲོགས་པོ། བདག་ལ་ཨ་མྲ་དག་དགོས་ཀྱི། བསྐུར་བའི་རིགས་སོ། །ཞེས་བྱས་པ་དང ། དེས་ཕོ་ཉ་དེ་ལ་སྨྲས་པ་དང ། ཀྱེ་སྐྱེས་བུ། ངས་སྟོང་གི་ཀུན་དགའ་ར་བ་དེ། འཕགས་པའི་དགེ་</font><hr>Tha14a<br><font size=+2>


༄#། །འདུན་ལ་ཕུལ་གྱི། སོང་ལ་འཕགས་པའི་དགེ་འདུན་རྣམས་ལ་སློང་ཤིག་།དེ་འོད་མའི་ཚལ་དུ་སོང་བ་དང ། དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། རྟག་ཏུ་ཀུན་དགའ་ར་བའི་སྒོ་མི་སྟོང་པར་བྱེད་པ་ཡིན་ཏེ། ཚེ་དང་ལྡན་པ་ཉེ་དགའ་བོ་འོད་མའི་ཚལ་གྱི་སྒོ་ན་འཆག་ཅིང་འདུག་གོ་།དེ་དེའི་དྲུང་དུ་སོང་ནས་ཕྱག་འཚལ་ཏེ་དེས་སྨྲས་པ། རྒྱལ་པོ་ཆེ་གེ་མོ་ཞིག་གིས་ཨ་མྲའི་ཆེད་དུ་ཁྱེད་ཀྱི་ཐད་དུ་བཏང་ན་དེའི་སླད་དུ་ཨ་མྲ་དག་སྩལ་བའི་རིགས་སོ། །དེས་སྨྲས་པ། ཀྱེ་སྐྱེས་བུ། སོང་ལ་ཨ་མྲ་ཇི་ཙམ་དགོས་པ་དེ་ཙམ་ལོངས་ཤིག་།དེ་སོང་ནས་ཨ་མྲའི་ཤིང་རྣམས་ཀྱི་དྲུང་དུ་བལྟས་ན་མི་སྣང་སྟེ། དེ་སླར་ལོག་ནས་སྨྲས་པ། འཕགས་པ། མ་མཆིས་སོ། །ཉེ་དགའ་བོས་དེ་ཁྲིད་ནས་ཀུན་དགའ་ར་བར་ཞུགས་ཏེ་ཀུན་དགའ་ར་བ་ཐམས་ཅད་བསྐོར་ནས་སྨྲས་པ། ཀྱེ་སྐྱེས་བུ། ཤིང་འདི་ལ་འཛེགས་ཤིག་།དེས་འཛེགས་ནས་མ་མཐོང་བ་དང ། ཉེ་དགའ་བོས་སྨྲས་པ། ཀྱེ་སྐྱེས་བུ། ཤར་གྱི་ཡལ་གར་སོང ། ལྷོ་དང ། ནུབ་ཀྱི་ཡལ་གར་སོང ། དེ་ཐམས་ཅད་དུ་སོང་ནས་སྐྱོ་བར་གྱུར་ཏེ་བབས་ནས་སྨྲས་པ། འཕགས་པ། ཅི་ཀུན་དགའ་ར་བ་འདི་ལོ་འདི་ལ་འབྲས་བུ་མ་ཆགས་སམ། བཞིན་བཟང ། ཇི་ལྟར་ལོ་རེ་ལོ་རེ་ཞིང་ཤིང་ཐོག་ཡོད་པ་དེ་ལྟར་འདི་འབྲས་བུ་ཆགས་སོ། །འཕགས་པ། ཅི་རླུང་དང་ཆར་པས་བླགས་སམ། བཞིན་བཟང ། རླུང་དང་ཆར་པས་མ་བླགས་ཀྱི། འོན་ཀྱང་ཁོ་བོ་ཅག་གིས་ཨ་མྲའི་འབྲས་བུ་དག་མ་སྨིན་པ་ཉིད་དུ་འཆོས་སོ། ། </font><hr>Tha14b<br><font size=+2>


དེ་སླར་ལོག་ནས་རྒྱལ་པོ་གཟུགས་ཅན་སྙིང་པོ་ལ་གསོལ་པ། ལྷ། འཕགས་པ་རྣམས་ཀྱི་ཞལ་ནས། ཁོ་བོ་ཅག་གིས་ཨ་མྲའི་འབྲས་བུ་དག་མ་སྨིན་པ་ཉིད་དུ་འཆོས་སོ། །ཞེས་གསུང་ངོ ། །དེས་སྨྲས་པ། ལེགས་ཏེ། ང་ལ་ལོངས་སྤྱད་པ་ཉིད་དགོས་སོ། །ཞེས་བྱས་པ་དང ། མི་དེ་སླར་སོང་ངོ ། །ཇི་ཙམ་ན་དུས་སྟོན་ལ་བབ་པའི་ཚེ་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་འདུས་ནས་དེ་དག་གིས་སྨྲས་པ། འཕགས་པ་དག་།ཅི། སྟོང་གི་ཀུན་དགའ་ར་བ་འདི་ལོ་འདི་ལ་འབྲས་བུ་མ་ཆགས་སམ། བཞིན་བཟང་དག་།ཇི་ལྟར་ལོ་རེ་ལོ་རེ་ཞིང་ཤིང་ཐོག་ཡོད་པ་དེ་ལྟར་འདི་འབྲས་བུ་ཆགས་མོད་ཀྱི། འོན་ཀྱང་ཁོ་བོ་ཅག་གིས་ཨ་མྲའི་འབྲས་བུ་དག་མ་སྨིན་པ་ཉིད་དུ་འཆོས་སོ། །འཕགས་པ་དག་།གང་ན་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ཐམས་ཅད་ཨ་མྲ་སྨིན་པ་དག་གིས་ཚིམ་པར་འགྱུར་བ་དེ་ཁྱོད་ཀྱིས་འབྲས་བུ་མ་སྨིན་པ་ཁོ་ནར་འཆོས་ཏེ། གང་ཁོ་བོ་ཅག་ལ་གནོད་པ་བྱས་པ་ནི། མ་ལེགས་པ་ཞིག་བྱས་སོ། །དེས་སྨྲས་པ། འདི་རྒྱལ་པོས་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ལ་བྱིན་པ་མ་ཡིན་གྱི། འོན་ཀྱང་དགེ་སློང་གི་དགེ་འདུན་ལ་ཕུལ་ཏེ། དེ་ལྟ་བས་ན། ཁོ་བོ་ཅག་གིས་ཇི་ལྟར་འདོད་པ་བཞིན་ཟོས་སོ། །ཁྱེད་ཅི་གཏོགས་ཞེས་བྱས་པ་དང ། དེ་དག་འཕྱ། སྨོད། ཁ་ཟེར་པར་བྱེད་དོ། །སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི། དགེ་སློང་རྣམས་ཨ་མྲ་དག་</font><hr>Tha15a<br><font size=+2>


༄#། །ཟ་བ་ལས་གྱུར་གྱི། དེ་ལྟ་བས་ན། དགེ་སློང་གིས་ཨ་མྲ་དག་བཟའ་བར་མི་བྱའོ། །དགེ་སློང་ཨ་མྲ་དག་ཟ་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཨ་མྲ་དག་བཟའ་བར་མི་བྱའོ། །ཞེས་གསུངས་པ་དང ། བྲམ་ཟེ་དང ། ཁྱིམ་བདག་དད་པ་ཅན་དག་།དགེ་སློང་རྣམས་ལ། ཤིང་ས་ཧ་ཀ་རའི་ཤིང་ཏོག་དག་འབུལ་བ་ན། དགེ་སློང་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་མ་གནང་ངོ ། །དེ་དག་གིས་སྨྲས་པ། འཕགས་པ་དག་།གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བར་མ་གྱུར་པ་ཞེས་བྱ་བ་ནས་འཇིག་རྟེན་འདི་ནས་འཇིག་རྟེན་ཕ་རོལ་ཏུ་འགྲོའམ། བཞེས་ཤིག་ཅེས་བྱ་བའི་བར་སྔར་བཞིན་ནོ། །སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།མཚན་ཉིད་གྲུབ་པ་ཡིན་ནོ། །ཞེས་བྱས་ནས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །དེ་ལ་མཚན་ཉིད་གྲུབ་པ་ནི། འདི་དག་ཡིན་ཏེ། ཚིག་གུ་ཆགས་པ་རྣམས་སོ། །བྲམ་ཟེ་དང ། ཁྱིམ་བདག་དད་པ་ཅན་གཞན་དག་ཅིག་།དགེ་སློང་རྣམས་ཨ་མྲའི་ཤིང་ཏོག་སྨིན་པ་དག་འབུལ་བ་ན་ཞེས་བྱ་བ་ནས་དེ་བཞིན་དུ་འཇིག་རྟེན་འདི་ནས་འཇིག་རྟེན་ཕ་རོལ་ཏུ་མཆིའམ། བཞེས་ཤིག་ཅེས་བྱ་བའི་བར་ཐམས་ཅད་སྔ་མ་བཞིན་ནོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་</font><hr>Tha15b<br><font size=+2>


ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། མཚན་ཉིད་བྱེ་བྲག་ཕྱེད་དོ། །ཞེས་བྱས་ཏེ་བཟའ་བར་བྱའོ། །དེ་ལ་མཚན་ཉིད་བྱེ་བྲག་ཕྱེད་པ་ནི། འདི་དག་ཡིན་ཏེ། ཤ་ཞུགས་པ་རྣམས་སོ། ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་ནད་པ་ཞིག་།སྨན་པའི་དྲུང་དུ་སོང་སྟེ། བཞིན་བཟང ། བདག་འདི་འདྲ་བའི་ནད་ཀྱིས་ཐེབས་ན། སྨན་སྟོན་ཅིག་།དེས་སྨྲས་པ། འཕགས་པ། ཇེ་མར་འཐུང་ལ་སྣུམ་པར་གྱིས་ཤིག་དང ། བཀྲུ་སྨན་སྦྱིན་ནོ། །དེས་མར་འཐུངས་པ་དང ། སྐོམ་པས་གནོད་པར་གྱུར་ཏོ། །སྨན་པ་འོངས་ཏེ་དྲིས་པ། འཕགས་པ། བདེ་བར་འདུག་གམ། དེས་སྨྲས་པ། བཞིན་བཟང ། བདག་སྐོམ་པས་གནོད་དོ། །སྐྱུ་རུ་ར་ཆོངས་ཤིག་།ཅེས་བྱས་པ་དང ། དེས་ལག་ཏུ་བླངས་ཏེ་འདུག་གོ ། ཡང་སྨན་པས་དྲིས་པ། འཕགས་པ། སྐོམ་པ་དང་བྲལ་ལམ། དེས་སྨྲས་པ། བཞིན་བཟང་མ་བྲལ་ལོ། །སྨན་པས་སྨྲས་པ། དེའི་ཚེ་སྐྱུ་རུ་ར་མ་བཅངས་སམ། བཞིན་བཟང ། ཡོད་དེ། འདི་ཡིན་ནོ། །འཕགས་པ། ཁར་ཆོངས་ཤིག་།བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ་ཞེས་བྱ་བ་ནས་བཅོམ་ལྡན་འདས་ཀྱིས་བཀའ་སྩལ་པ། ཁར་བཅང་བའི་བར་དུ་ཞེས་བྱ་བའི་བར་དུའོ། །དེས་ཁར་བཅུག་ནས་འདུག་གོ་།ཡང་སྨན་པ་དེ་འོངས་ནས་དྲིས་པ། འཕགས་པ། སྐོམ་པ་དང་བྲལ་ལམ། དེས་སྨྲས་པ། བཞིན་བཟང ། ད་</font><hr>Tha16a<br><font size=+2>


༄#། །དུང་མ་བྲལ་ལོ། །སྨན་པས་སྨྲས་པ། འཕགས་པ། དེའི་ཚེ་སྐྱུ་རུ་ར་ཁར་མ་བཅངས་སམ། བཞིན་བཟང ། བཅངས་ཏེ་འདུག་པ་འདི་ཡིན་ནོ། །དེས་སྨྲས་པ། འཕགས་པ།་མུར་ཅིག་།གཞན་དུ་ན་སྐོམ་པ་དང་བྲལ་བར་མི་འགྱུར་རོ། །དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། ། སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མུར་བར་བྱའོ། །མུར་མུར་ནས་བོར་གྱི། མ་མིད་པ་དང ། སྐོམ་པས་ཇེ་གནོད་པར་གྱུར་ཏོ། །ཡང་སྨན་པ་འོངས་ནས་དྲིས་པ། འཕགས་པ། སྐོམ་པ་དང་བྲལ་ལམ། དེས་སྨྲས་པ། བཞིན་བཟང ། ཤིན་ཏུ་གནོད་དོ། །འཕགས་པ། དེའི་ཚེ་སྐྱུ་རུ་ར་མ་མུར་རམ། བཞིན་བཟང ། མུར་ནས་བོར་རོ། །འཕགས་པ། ཅིའི་ཕྱིར་མ་མིད། བཞིན་བཟང ། བཅོམ་ལྡན་འདས་ཀྱིས་དུས་མ་ཡིན་པའི་ཟས་བཀག་གོ་།འཕགས་པ་ཁྱོད་ནི། ནད་པ་ཡིན་ལ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་གནང་གི་།འབྲས་བུ་ལྔ་དུས་སུ་ཡང་རུང ། དུས་མ་ཡིན་པར་ཡང་རུང ། ནད་པ་ཡང་རུང ། མི་ན་བས་ཀྱང་རུང ། བཟའ་བར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་འབྲས་</font><hr>Tha16b<br><font size=+2>


བུ་ལྔ་དུས་སུ་ཡང་རུང ། དུས་མ་ཡིན་པར་ཡང་རུང ། ནད་པ་ཡང་རུང ། མི་ན་བས་ཀྱང་རུང་སྟེ། བཟའ་བར་བྱའོ། །ཞེས་གསུངས་པ་དང ། དགེ་སློང་རྣམས་ཀྱིས་འབྲས་བུ་ལྔ་གང་དག་ཡིན་པ་མི་ཤེས་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྐྱུ་རུ་ར་དང ། ་རུ་ར་དང ། བ་རུ་ར་དང ། པི་པི་ལིང་དང ། ན་ལེ་ཤམ་མོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །རྒྱལ་པོའི་ཁབ་ཀྱི་གྲོང་ཁྱེར་ན་ཁྱིམ་བདག་ཤིན་ཏུ་བཟང་པོ་ཞེས་བྱ་བ་ཕྱུག་ཅིང་ནོར་མང་བ། ལོངས་སྤྱོད་ཆེན་པོ་ཞིག་གནས་པ་དེ། གཅེར་བུ་རྣམས་ལ་རབ་ཏུ་དད་དོ། ། དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །བཅོམ་ལྡན་འདས་ཀྱང་སྔ་དྲོ་ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ཏེ་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་ཞུགས་ནས་རྒྱལ་པོའི་ཁབ་ན་བསོད་སྙོམས་ལ་རྒྱུ་ཞིང ། ཁྱིམ་བདག་ཤིན་ཏུ་བཟང་པོའི་ཁྱིམ་ག་ལ་བ་དེ་ལོགས་སུ་གཤེགས་པ་དང ། ཁྱིམ་བདག་ཤིན་ཏུ་བཟང་པོས་བཅོམ་ལྡན་འདས་རྒྱང་མ་ནས་མཐོང་ངོ ། །མཐོང་ནས་ཀྱང་ཆུང་མ་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་མཆིས་བྲང་འདི་སེམས་</font><hr>Tha17a<br><font size=+2>


༄#། །ཅན་ཞུགས་པར་གྱུར་ན། ཅི་ཞིག་ཏུ་བཙའ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། བུ་ཕོར་བཙའ་བར་འགྱུར་ཞིང ། རིགས་གསལ་བར་བྱེད་པར་འགྱུར།་ལྷ་དང་མིའི་དཔལ་ཉམས་སུ་མྱོང་བར་འགྱུར། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །དེས་བཅོམ་ལྡན་འདས་ལ་བཟའ་བ་དང ། བཅའ་བ་གཙང་ཞིང་བསོད་པས་ལྷུང་བཟེད་བཀང་སྟེ་ཕུལ་བ་དང ། བཅོམ་ལྡན་འདས་ཀྱིས་ནད་མེད་ཅིག་ཅེས་གསུངས་ནས་བསོད་སྙོམས་བཞེས་ཏེ་གཤེགས་སོ། །དེ་དང་ཧ་ཅང་མི་རིང་བ་ཞིག་ན་གཅེར་བུ་པ་ཞིག་འདུག་པ་དེས་བསམ་པ། གང་བདག་ཅག་ལ་བསླང་བའི་ཁྱིམ་གཅིག་པུ་ཞིག་ཡོད་པ་དེ་ཡང་དགེ་སྦྱོང་གོའུ་ཏ་མས་ཁ་དྲངས་ཀྱི། སོང་ལ་དགེ་སྦྱོང་གོའུ་ཏ་མས་ཅི་ལུང་བསྟན་པ་བལྟའོ། །སྙམ་མོ། །དེ་དེར་སོང་སྟེ་སྨྲས་པ། ཁྱིམ་བདག་།དགེ་སྦྱོང་གོའུ་ཏ་མ་འོངས་པར་གྱུར་ཏམ། བྱོན་ཏོ། །དེས་ཅི་ཞིག་ལུང་བསྟན། འཕགས་པ། བདག་གིས་དེ་ལ་ཆུང་མ་བསྟན་ཏེ། ཅི་ཞིག་བཙའ་བར་འགྱུར་ཞེས་བགྱིས་པ་དང ། དེ་བུ་ཕོར་བཙའ་བར་འགྱུར་ཞིང ། རིགས་གསལ་བར་བྱེད་པར་འགྱུར། ལྷ་དང་མིའི་དཔལ་ཉམས་སུ་མྱོང་བར་འགྱུར། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་གསུང་ངོ ། །གཅེར་བུ་པ་དེ་རྩིས་མཁས་པ་ཞིག་སྟེ། རྡོ་</font><hr>Tha17b<br><font size=+2>


རྒྱུས་ཁ་དོག་དཀར་པོ་བླངས་ནས་བརྩིས་པ་དང ། བཅོམ་ལྡན་འདས་ཀྱིས་ཇི་སྐད་དུ་ལུང་བསྟན་པ་དེ་ཐམས་ཅད་དེ་ཁོ་ན་བཞིན་དུ་མཐོང་ནས་དེས་བསམ་པ། གལ་ཏེ་རྗེས་སུ་བསྔགས་ན་ནི། ཁྱིམ་བདག་འདི་དགེ་སྦྱོང་གོའུ་ཏ་མ་ལ་དད་པར་འོང་བས། དེ་བས་ན། འདིར་ཅུང་ཟད་ཅིག་ནི། བསྔགས་པར་བྱ། ཅུང་ཟད་ཅིག་ནི། སྨད་པར་བྱའོ། །སྙམ་དུ་བསམ་ནས། ལག་པ་དཀྱོགས། བཞིན་བསྒྱུར་བ་དང ། ཁྱིམ་བདག་ཤིན་ཏུ་བཟང་པོས་སྨྲས་པ། འཕགས་པ། ཅི་སྟེ་ལག་པ་དཀྱོགས། བཞིན་བསྒྱུར། དེས་སྨྲས་པ། ཁྱིམ་བདག་།འདི་ལ་ཅུང་ཟད་ཅིག་ནི། བདེན། ཅུང་ཟད་ཅིག་ནི། རྫུན་ནོ། ། འཕགས་པ། གང་ནི། བདེན། གང་ནི། རྫུན། ཁྱིམ་བདག་།བུ་ཕོར་བཙའ་བར་འགྱུར་རོ། །ཞེས་ཟེར་བ་གང་ཡིན་པ་དེ་ནི། བདེན་ནོ། །རིགས་གསལ་བར་བྱེད་པར་འགྱུར་རོ། །ཞེས་བྱ་བ་གང་ཡིན་པ་དེ་ནི། བདེན་ནོ། །གསལ་བ་ནི། མེའི་མིང་ཡིན་པས། སེམས་ཅན་སྐལ་བ་ཆུང་ངུ་དེ་བཙས་མ་ཐག་ཁོ་ནར་ཁྱིམ་མེས་ཚིག་པར་འགྱུར་རོ། །ལྷ་དང་མིའི་དཔལ་ཉམས་སུ་མྱོང་བར་འགྱུར་རོ། །ཞེས་ཟེར་བ་གང་ཡིན་པ་དེ་ནི། རྫུན་ཏེ། ཁྱིམ་བདག་།ཁྱོད་ཀྱིས་མིར་གྱུར་པ་ལ་ལྷ་དང་མིའི་དཔལ་ཉམས་སུ་མྱོང་བར་གྱུར་པ་འགའ་ཡོད་པ་ལྟ་མཐོང་ངམ། ངའི་བསྟན་པ་ལ་རབ་ཏུ་འབྱུང་ངོ། །ཞེས་ཟེར་བ་དེ་བདེན་ཏེ། གང་གི་ཚེ་འདི་བཟའ་བ་ཡང་མེད། བགོ་བ་ཡང་མེད་པ་དེའི་ཚེ་གདོན་མི་ཟ་བར་དགེ་སྦྱོང་གོའུ་ཏ་མའི་ཐད་དུ་རབ་ཏུ་འབྱུང་བར་འགྱུར་རོ། །ཉོན་མོངས་པ་ཐམས་ཅད་</font><hr>Tha18a<br><font size=+2>


༄#། །སྤངས་ནས་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ཟེར་བ་དེ་ནི། རྫུན་ཏེ། རེ་ཞིག་དགེ་སྦྱོང་གོའུ་ཏ་མ་ལ་ཡང་ཉོན་མོངས་པ་ཐམས་ཅད་སྤངས་པའི་དགྲ་བཅོམ་པ་ཉིད་མེད་ན། དེའི་ཉན་ཐོས་ལ་ལྟ་སྨོས་ཀྱང་ཅི་དགོས། ཁྱིམ་བདག་ཤིན་ཏུ་བཟང་པོ་མི་དགའ་བར་གྱུར་ནས་སྨྲས་པ། འཕགས་པ། འདི་ལ་བདག་གིས་ཇི་ལྟར་བསྒྲུབ་པར་བགྱི། གཅེར་བུ་པས་སྨྲས་པ། ཁྱིམ་བདག་།བདག་ཅག་ནི། རབ་ཏུ་བྱུང་བ་སྟེ། བསླབ་པ་བླངས་པ་ཡིན་པས། ཁྱོད་ཉིད་ཤེས་སོ། །ཞེས་སྨྲས་ནས་སོང་ངོ ། །ཤིན་ཏུ་བཟང་པོས་བསམ་པ། འདི་ཡང་དོར་རོ། ། སྙམ་ནས་སྨན་མ་ཡིན་པ་སྦྱིན་པར་བརྩམས་པ་དང ། སེམས་ཅན་དེ་སྲིད་པ་ཐ་མ་པ་ཞིག་པས་སྨན་མ་ཡིན་པ་དེ་ཡང་དེ་ལ་སྨན་དུ་གྱུར་ཏོ། །དེས་དེའི་དཀུ་གཡོན་པ་མཉེ་བར་བརྩམས་པ་དང ། མངལ་ན་འདུག་པ་དེ་དཀུ་གཡས་པར་སོང་ངོ ། །ཤིན་ཏུ་བཟང་པོས་དཀུ་གཡས་པ་མཉེ་བར་བརྩམས་པ་དང ། དེ་དཀུ་གཡོན་པར་སོང་སྟེ་སྲིད་པ་ཐ་མ་པའི་སེམས་ཅན་ཟག་པ་ཟད་པ་མ་ཐོབ་ཀྱི་བར་དུ་བར་མ་དོར་རྒྱུན་ཆད་ཅིང་དུས་བྱེད་པར་འགྱུར་པ་གང་ཡིན་པ་དེ་ནི། གནས་མ་ཡིན་ཞིང་གོ་སྐབས་མེད་དོ། །ཁྱིམ་བདག་ཤིན་ཏུ་བཟང་པོའི་ཆུང་མ་དེ་དཀུ་མཉེས་པས་ངུ་བར་བརྩམས་པ་དང ། ཁྱིམ་ཚེས་དག་གིས་ཐོས་ནས་རིངས་པ་རིངས་པར་སོང་སྟེ་དྲིས་པ། ཤེས་ལྡན། ཁྱིམ་བདག་གི་ཆུང་མ་འདི་ཅི་སྟེ་ངུ ། ཤིན་ཏུ་བཟང་པོས་སྨྲས་པ། གདོན་མི་ཟ་བར་འདི་བུ་བཙའ་བའི་དུས་ལ་བབ་བོ། ། </font><hr>Tha18b<br><font size=+2>


ཞེས་བྱས་པ་དང ། དེ་དག་དོང་ངོ ། །ཤིན་ཏུ་བཟང་པོས་བསམ་པ། བདག་གིས་འདི་འདིར་གསད་མི་ནུས་ཀྱི། དགོན་པར་བཀྲིའོ། །སྙམ་ནས་དེས་དེ་དགོན་པར་ཁྲིད་ནས་ཅི་ནས་འཆི་བར་འགྱུར་བ་དེ་ལྟ་དེ་ལྟར་བརྩལ་ནས་དེས་དེ་སྦས་ཏེ་ཁྱིམ་དུ་ཁྱེར་ནས་མཛའ་བོ་དང ། ཉེ་དུ་དང ། ཕུ་ནུ་དང ། ཁྱིམ་ཚེས་རྣམས་ལ་སྨྲས་པ། ཤེས་ལྡན་དག་།ཁོ་བོའི་ཆུང་མ་ཤིའོ། །དེ་དག་གིས་ངུ་བར་བརྩམས་ནས་དེ་དག་ངུ་ཞིང་དེ་གོས་སྔོན་པོ་དང ། སེར་པོ་དང ། དམར་པོ་དང ། དཀར་པོ་རྣམས་ཀྱིས་ཁྱོགས་བརྒྱན་ནས་བསིལ་བ་ཚལ་གྱི་དུར་ཁྲོད་དུ་ཁྱེར་རོ། །གཅེར་བུ་པ་དག་གིས་ཐོས་ནས་དེ་དག་དགའ་མགུ་རངས་ནས་གདུགས་དང ། རྒྱལ་མཚན་དང ། བ་དན་དག་བསྒྲེང་སྟེ་རྒྱལ་པོའི་ཁབ་ཀྱི་གྲོང་ཁྱེར་གྱི་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་དག་ཏུ་རྒྱུ་ཞིང་སྨྲས་པ། ཤེས་ལྡན་དག་ཉོན་ཅིག་།དགེ་སྦྱོང་གོའུ་ཏ་མས་ཁྱིམ་བདག་ཤིན་ཏུ་བཟང་པོའི་ཆུང་མ་བུ་ཕོར་བཙའ་བར་འགྱུར་ཞིང ། རིགས་གསལ་བར་བྱེད་པར་འགྱུར། ལྷ་དང་མིའི་དཔལ་ཉམས་སུ་མྱོང་བར་འགྱུར། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ལུང་བསྟན་པ་དེ་ནི། ཤི་ནས་བསིལ་བའི་ཚལ་གྱི་དུར་ཁྲོད་དུ་ཁྱེར་རོ། །རེ་ཞིག་ཤིང་གང་ལ་རྩ་བ་ཉིད་ཀྱང་མེད་པ་དེ་ལ་ཡལ་ག་དང ། འདབ་མ་དང ། ལོ་མ་འབྱུང་བར་ལྟ་ག་ལ་འགྱུར། སྐབས་འདི་ལྟ་བུ་ལ་སངས་རྒྱས་བཅོམ་ལྡན་འདས་རྣམས་མི་མཁྱེན་པའམ། མི་གཟིགས་པའམ། མི་རིག་པའམ། རྣམ་</font><hr>Tha19a<br><font size=+2>


༄#། །པར་མི་མཁྱེན་པ་ཅུང་ཟད་ཀྱང་མི་མངའ་སྟེ། སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ། གཅིག་ཏུ་དཔའ་བ། ཟླ་མེད་པ། གཉིས་མི་གསུང་བ། ཞི་གནས་དང་ལྷག་མཐོང་གིས་གནས་པ། བསླབ་པ་གསུམ་ལ་ལེགས་པར་བསླབ་པ། འདུལ་བའི་གཞི་གསུམ་ལ་མཁས་པ། ཆུ་བོ་བཞི་ལས་བརྒལ་བ། རྫུ་འཕྲུལ་གྱི་རྐང་པ་བཞིའི་ཞབས་ཀྱི་མཐིལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་གོམས་པར་མཛད་པ། མི་འཇིགས་པ་བཞིས་མི་བསྙེངས་པ། ཡན་ལག་ལྔ་རྣམ་པར་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། དྲུག་ལ་རྟག་ཏུ་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་ཡན་ལག་བརྒྱད་པ་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་མངའ་བ། གྲགས་པས་ཕྱོགས་བཅུར་ཁྱབ་པ། སྟོང་ལ་དབང་བསྒྱུར་བས་ཁྱད་པར་དུ་འཕགས་པ་རྣམས་ནི། ཆོས་ཉིད་ཀྱིས་ཉིན་ལན་གསུམ། མཚན་ལན་གསུམ་དུ་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་ཤིང ། སུ་ནི། ཉམས། སུ་ནི། དར། སུ་ནི། ཉམ་ང་བར་གྱུར། སུ་ནི། སྐོབས་སུ་ཆུད་པར་གྱུར། སུ་ནི། གནོད་པར་གྱུར། སུ་ནི། ཉམ་ང་བ་དང ། སྐོབས་སུ་ཆུད་པ་དང ། གནོད་པར་གྱུར། སུ་ནི། ངན་སོང་ལ་གཞོལ། སུ་ནི། ངན་སོང་</font><hr>Tha19b<br><font size=+2>


ལ་འབབ། སུ་ནི། ངན་སོང་ལ་བབ། གང་ནི། ངན་སོང་ལས་དྲངས་ནས་མཐོ་རིས་དང ། ཐར་པ་དང ། འབྲས་བུ་ལ་དགོད། གང་ཞིག་གི་དགེ་བའི་རྩ་བ་བསྐྱེད་པར་བྱ། གང་ཞིག་གིས་བསྐྱེད་པ་ནི། ཡོངས་སུ་སྨིན་པར་བྱ། གང་ཞིག་སྨིན་པ་ནི། གྲོལ་བར་བྱ་ཞེས་ཡེ་ཤེས་གཟིགས་པ་འཇུག་གོ་།ཡང་སྨྲས་པ། ཆུ་སྲིན་གནས་ཀྱི་རྒྱ་མཚོ་ནི། །དུས་རླབས་འདའ་བར་འགྱུར་སྲིད་ཀྱི། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་མི་འདའོ། །ཇི་ལྟར་མ་ནི་སྡུག་པའི་བུ་གཅིག་ལ། །ལྟ་ཞིང་དེ་ཡི་སྲོག་ཀྱང་སྲུང་བ་ལྟར། །དེ་བཞིན་གཤེགས་པ་གདུལ་བའི་སྐྱེ་བོ་ལ། །དེ་བཞིན་གཟིགས་ཤིང་དེ་ཡི་རྒྱུད་ཀྱང་སྲུང ། །ཐམས་ཅད་མཁྱེན་པའི་རྒྱུད་ལ་གནས་པ་ཡི། །ཐུགས་རྗེའི་བ་དྲུས་པ་གཤིན་བེའུ་སྟོར་བཞིན། །སྲིད་པ་བགྲོད་དཀའ་འཁྱམས་པར་གྱུར་པ་ཡི། །གདུལ་བའི་སྲས་རྣམས་སྐྱོ་མི་མཁྱེན་པར་ཚོལ།། །།འདུལ་བ་ཕྲན་ཚེགས་ཀྱི་གཞི། བམ་པོ་གཉིས་པ། དེ་ནས་བཅོམ་ལྡན་འདས་ཀྱིས་ཕྱོགས་ཤིག་ཏུ་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་བྱུང་ནས་ཁ་ཅིག་ནི། འོག་ཏུ་འགྲོ། ཁ་ཅིག་ནི། སྟེང་དུ་འགྲོ་སྟེ། གང་དག་འོག་ཏུ་འགྲོ་བ་དེ་དག་ནི། དམྱལ་བ་ཡང་སོས་དང ། ཐིག་ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་</font><hr>Tha20a<br><font size=+2>


༄#། །བུར་ཅན་དང ། ཆུ་བུར་རྡོལ་བ་དང ། སོ་ཐམས་ཐམས་དང ། ཀྱི་ཧུད་ཟེར་བ་དང ། ་ཆུ་ཟེར་བ་དང ། ུཏྤལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོར་སོང་སྟེ། ཚ་བའི་དམྱལ་བ་གང་དག་ཡིན་པ་དེ་དག་ཏུ་ནི། བསིལ་བར་གྱུར་ནས་འབབ། གྲང་བའི་དམྱལ་བ་གང་དག་ཡིན་པ་དེ་དག་ཏུ་ནི། དྲོ་བར་གྱུར་ནས་འབབ་བོ། །དེས་སེམས་ཅན་དེ་རྣམས་ཀྱི་སྡུག་བསྔལ་གྱི་ཁྱད་པར་རྒྱུན་བཅད་པ་དང ། དེ་དག་འདི་སྙམ་དུ་སེམས་ཏེ། ཤེས་ལྡན་དག་ཅི། བདག་ཅག་འདི་ནས་ཤི་འཕོས་སམ། འོན་ཏེ་གཞན་དུ་སྐྱེས་ཞེས་ཟེར་རོ། །དེ་དག་དད་པ་བསྐྱེད་པའི་ཕྱིར་བཅོམ་ལྡན་འདས་སྤྲུལ་པ་གཏོང་སྟེ། དེ་དག་གིས་སྤྲུལ་པ་དེ་མཐོང་ནས་འདི་སྙམ་དུ་སེམས་ཤིང་ཤེས་ལྡན་དག་།བདག་ཅག་འདི་ནས་ཤི་འཕོས་པ་ཡང་མ་ཡིན། གཞན་དུ་སྐྱེས་པ་ཡང་མ་ཡིན་གྱི། འོན་ཀྱང་སེམས་ཅན་འདི་སྔོན་མ་མཐོང་བ་ཞིག་སྟེ། འདིའི་མཐུས་བདག་ཅག་སྡུག་བསྔལ་གྱི་ཁྱད་པར་རྒྱུན་ཆད་དོ། །ཞེས་ཟེར་རོ། །དེ་དག་སྤྲུལ་པ་དེ་ལ་སེམས་མངོན་པར་དང་བས་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས་གང་དུ་སེམས་ཅན་རྣམས་སྣོད་དུ་གྱུར་པ་ལྷ་དང་མི་རྣམས་ཀྱི་ནང་དུ་ཉིང་མཚམས་སྦྱོར་བ་འཛིན་ཏོ། ། གང་དག་སྟེང་དུ་འགྲོ་བ་དེ་དག་ནི། རྒྱལ་ཆེན་བཞིའི་ལྷ་དང ། སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་</font><hr>Tha20b<br><font size=+2>


རིས་དང ། ཚངས་པའི་མདུན་ན་འདོན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་འཕེལ་དང ། འབྲས་བུ་ཆེ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་ལྷ་རྣམས་ཀྱི་ནང་དུ་སོང་ནས་མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཞེས་བྱ་བ་ཡང་སྒྲོག་གོ་།ཚིགས་བཅད་གཉིས་ཀྱང་སྒྲོག་སྟེ། བརྩམ་པར་བྱ་ཞིང་དབྱུང་བར་བྱ། །སངས་རྒྱས་བསྟན་ལ་འབད་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །ཆོས་འདུལ་འདི་ལ་གང་ཞིག་ནི། །བག་དང་བཅས་པར་སྤྱོད་བྱེད་པ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་གྱི་ནི་མཐར་བྱེད་འགྱུར།། དེ་ནས་འོད་ཟེར་དེ་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བསྐོར་ནས་བཅོམ་ལྡན་འདས་ཉིད་ཀྱི་ཕྱི་བཞིན་ཕྱི་བཞིན་འབྲང་ཞིང་འགྲོ་སྟེ། དེ་གལ་ཏེ་བཅོམ་ལྡན་འདས་ལས་འདས་པ་ལུང་སྟོན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པ་ལུང་སྟོན་པར་བཞེད་ན་ནི། མདུན་དུ་ནུབ་པར་འགྱུར་རོ། །དམྱལ་བར་སྐྱེ་བ་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར་རོ། །དུད་འགྲོར་སྐྱེ་བ་ལུང་སྟོན་པར་བཞེད་ན་ནི། ལོང་བུར་ནུབ་པར་འགྱུར་རོ། །ཡི་དྭགས་སུ་སྐྱེ་བ་ལུང་སྟོན་པར་བཞེད་ན་ནི། ཞབས་ཀྱི་མཐེ་བོར་</font><hr>Tha21a<br><font size=+2>


༄#། །ནུབ་པར་འགྱུར་རོ། །མིར་སྐྱེ་བ་ལུང་སྟོན་པར་བཞེད་ན་ནི། པུས་མོར་ནུབ་པར་འགྱུར་རོ། །སྟོབས་ཀྱི་འཁོར་ལོས་བསྒྱུར་བའི་རྒྱལ་སྲིད་དུ་ལུང་སྟོན་པར་བཞེད་ན་ནི། ཕྱག་གཡོན་གྱི་མཐིལ་དུ་ནུབ་པར་འགྱུར་རོ། །འཁོར་ལོས་བསྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་གཡས་ཀྱི་མཐིལ་དུ་ནུབ་པར་འགྱུར་རོ། །ལྷར་སྐྱེ་བ་ལུང་སྟོན་པར་བཞེད་ན་ནི། ལྟེ་བར་ནུབ་པར་འགྱུར་རོ། །ཉན་ཐོས་ཀྱི་བྱང་ཆུབ་ལུང་སྟོན་པར་བཞེད་ན་ནི། །ཞལ་དུ་ནུབ་པར་འགྱུར་རོ། །རང་སངས་རྒྱས་ཀྱི་བྱང་ཆུབ་ལུང་སྟོན་པར་བཞེད་ན་ནི། མཛོད་སྤུར་ནུབ་པར་འགྱུར་རོ། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལུང་སྟོན་པར་བཞེད་ན་ནི། གཙུག་ཏོར་དུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བསྐོར་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་ཞལ་དུ་ནུབ་བོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ་བཅོམ་ལྡན་འདས་ལ་ཞུས་པ། རྣམ་པ་སྣ་ཚོགས་ཚོན་ནི་སྟོང་དག་གིས། །བཀྲ་བའི་ཚོགས་དག་ཞལ་གྱི་ནང་ནས་བྱུང ། །ཉི་མ་ཤར་བར་གྱུར་པ་ཇི་ལྟ་བར། །དེ་ཡིས་ཕྱོགས་རྣམས་ཀུན་ཏུ་སྣང་བར་བགྱིས། །ཚིགས་སུ་བཅད་དེ་ཡང་གསོལ་པ། སངས་རྒྱས་རྒོལ་བྲལ་ཞུམ་དང་རྒྱགས་པ་སྤངས། །རྒྱལ་བ་དགྲ་ཐུལ་འགྲོ་མཆོག་རྒྱུར་གྱུར་པ། །རྒྱུ་མ་མཆིས་པར་པདྨའི་རྩ་ལག་དང ། །དུང་ལྟར་དཀར་བའི་འཛུམ་བ་སྟོན་མི་མཛད།། </font><hr>Tha21b<br><font size=+2>


ད་ལྟས་ཉིད་ཀྱི་བསྟན་བློས་དུས་མཁྱེན་ནས། །རྒྱལ་དབང་ཉན་པོ་ཉན་པར་འཚལ་རྣམས་ཀྱི། །ཐེ་ཚོམ་སྐྱེས་པ་ཐུབ་པ་སྐྱེས་མཆོག་གི་།གསུང་མཆོག་བཟང་ཞིང་བསྟན་པས་བསལ་དུ་གསོལ། །རྫོགས་པའི་སངས་རྒྱས་རི་རབ་ལྟར་བརྟན་པ། །ཟུང་ཐུབ་རྣམས་ནི་གློ་བུར་འཛུམ་མི་སྟོན། །མགོན་པོ་ཅི་སླད་འཛུམ་པ་མཛད་པ་དེ། །སྐྱེ་བོའི་ཚོགས་འདི་ཉན་པར་ཡང་དག་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། །དེ་དེ་བཞིན་ནོ། །དེ་དེ་བཞིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་དོ། །ཀུན་དགའ་པོ།་སོང་ལ་དགེ་སློང་རྣམས་ལ། དགེ་སློང་དག་།དེ་བཞིན་གཤེགས་པ་དུར་ཁྲོད་དུ་རྒྱུ་ཞིང་གཤེགས་པར་བཞེད་ཀྱི། ཁྱེད་ལས་གང་ཞིག་དེ་བཞིན་གཤེགས་པ་དང་ལྷན་ཅིག་དུར་ཁྲོད་དུ་རྒྱུ་ཞིང་འགྲོ་བར་སྤྲོ་བ་དེ། ཆོས་གོས་དག་སོ་སོ་ནས་ལོངས་ཤིག་ཅེས་སྒོས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། དེ་ལྟར་འཚལ་ཞེས་བཅོམ་ལྡན་འདས་ཀྱི་ལྟར་མཉན་ནས་དགེ་སློང་དག་གང་ན་བ་དེར་སོང་སྟེ་ཕྱིན་ནས་དགེ་སློང་རྣམས་ལ། དགེ་སློང་དག་།དེ་བཞིན་གཤེགས་པ་དུར་ཁྲོད་དུ་རྒྱུ་ཞིང་གཤེགས་པར་བཞེད་ཀྱི། ཁྱེད་ལས་གང་ཞིག་དེ་བཞིན་གཤེགས་པ་དང་ལྷན་ཅིག་དུར་ཁྲོད་དུ་རྒྱུ་ཞིང་འགྲོ་བར་སྤྲོ་བ་དེ། ཆོས་གོས་དག་སོ་སོ་ནས་ལོངས་ཤིག་ཅེས་བསྒོས་པ་དང ། དགེ་སློང་ཐམས་ཅད་འདུས་ནས་བཅོམ་ལྡན་འདས་ཀྱི་སྤྱན་སྔར་ལྷགས་སོ། །དེ་ནས་བཅོམ་ལྡན་འདས་དུལ་བ་འཁོར་</font><hr>Tha22a<br><font size=+2>


༄#། །དུལ་བ། ཞི་བ་འཁོར་ཞི་བ། གྲོལ་བ་འཁོར་གྲོལ་བ། དབུགས་ཕྱིན་པ་འཁོར་དབུགས་ཕྱིན་པ། རྣམ་པར་དུལ་བ་འཁོར་རྣམ་པར་དུལ་བ། དགྲ་བཅོམ་པ་འཁོར་དགྲ་བཅོམ་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ། མཛེས་པ་འཁོར་མཛེས་པ། ཁྱུ་མཆོག་པ་གླང་གི་ཚོགས་ཀྱིས་བསྐོར་བ་ལྟ་བུ་དང ། གླང་པོ་ཆེ་གླང་པོ་ཆེའི་ཕྲུ་གུའི་ཚོགས་ཀྱིས་བསྐོར་བ་ལྟ་བུ། སེང་གེ་མཆེ་བ་ཅན་གྱི་ཚོགས་ཀྱིས་བསྐོར་བ་ལྟ་བུ། ངང་པའི་རྒྱལ་པོ་ངང་པའི་ཚོགས་ཀྱིས་བསྐོར་བ་ལྟ་བུ། ནམ་མཁའ་ལྡིང་བྱའི་ཚོགས་ཀྱིས་བསྐོར་བ་ལྟ་བུ། བྲམ་ཟེ་བྲམ་ཟེའི་ཁྱེའུའི་ཚོགས་ཀྱིས་བསྐོར་བ་ལྟ་བུ། སྨན་པ་ནད་པའི་ཚོགས་ཀྱིས་བསྐོར་བ་ལྟ་བུ། དཔའ་བོ་དམག་མིའི་ཚོགས་ཀྱིས་བསྐོར་བ་ལྟ་བུ། ས་མཁན་འགྲོན་པོའི་ཚོགས་ཀྱིས་བསྐོར་བ་ལྟ་བུ། དེད་དཔོན་ཚོང་པའི་ཚོགས་ཀྱིས་བསྐོར་བ་ལྟ་བུ། ཚོང་དཔོན་ཚོང་པའི་ཚོགས་ཀྱིས་བསྐོར་བ་ལྟ་བུ། ཁམས་ཀྱི་རྒྱལ་པོ་བློན་པོའི་ཚོགས་ཀྱིས་བསྐོར་བ་ལྟ་བུ། འཁོར་ལོས་བསྒྱུར་བ་བུ་སྟོང་གིས་བསྐོར་བ་ལྟ་བུ། ཟླ་བ་སྐར་མའི་ཚོགས་ཀྱིས་བསྐོར་བ་ལྟ་བུ། ཉི་མ་འོད་ཟེར་སྟོང་གིས་བསྐོར་བ་ལྟ་བུ། ཡུམ་འཁོར་སྲུང་དྲི་ཟའི་ཚོགས་ཀྱིས་བསྐོར་བ་ལྟ་བུ། འཕགས་སྐྱེས་པོ་གྲུལ་བུམ་གྱི་ཚོགས་ཀྱིས་བསྐོར་བ་ལྟ་བུ། མིག་མི་བཟང་ཀླུའི་ཚོགས་ཀྱིས་བསྐོར་བ་ལྟ་བུ། ནོར་སྦྱིན་གནོད་སྦྱིན་གྱི་ཚོགས་ཀྱིས་བསྐོར་བ་ལྟ་བུ། ཐག་བཟང་རིས་ལྷ་མ་ཡིན་གྱི་ཚོགས་ཀྱིས་བསྐོར་བ་ལྟ་བུ། བརྒྱ་བྱིན་</font><hr>Tha22b<br><font size=+2>


སུམ་ཅུ་རྩ་གསུམ་པའི་ཚོགས་ཀྱིས་བསྐོར་བ་ལྟ་བུ། ཚངས་པ་ཚངས་རིས་པའི་ཚོགས་ཀྱིས་བསྐོར་བ་ལྟ་བུ། རྒྱ་མཚོ་མི་གཡོ་བ་ལྟ་བུ། སྤྲིན་ཆུ་དང་བཅས་པ་ལྟ་བུ། གླང་པོ་ཆེའི་རྒྱལ་པོ་དྲགས་པ་མེད་པ་ལྟ་བུ།་དབང་པོ་ཤིན་ཏུ་དུལ་བས་སྤྱོད་ལམ་མི་ཉམས་པར་གཤེགས་པ། སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། སྐུ་འོད་འདོམ་གང་གིས་བརྒྱན་པ། འོད་ཉི་མ་སྟོང་བས་ལྷག་པ། རིན་པོ་ཆེའི་རི་འགྲོ་བ་ལྟ་བུར་ཀུན་ནས་བཟང་བ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པ་གསུམ་དང ། དྲན་པ་ཉེ་བར་གཞག་པ་བཞི་དང ། ཐུགས་རྗེ་ཆེན་པོ་དང་ལྡན་པ། ཉན་ཐོས་ཆེན་པོ་ཀུན་ཤེས་ཀོའུ་དི་ནྱ་དང ། རྟ་ཐུལ་དང ། རླངས་པ་དང ། མིང་ཆེན་དང ། བཟང་པོ་དང ། ཤཱ་རིའི་བུ་དང ། མོའུ་དགལ་གྱི་བུ་དང ། འོད་སྲུང་དང ། གྲགས་པ་དང ། གང་པོ་ལ་སོགས་པ་དང ། དགེ་སློང་གི་དགེ་འདུན་མང་པོ་གཞན་དང ། སྲོག་ཆགས་བརྒྱ་སྟོང་ཕལ་མོ་ཆེས་བསྐོར་ནས་བསིལ་ཚལ་གྱི་དུར་ཁྲོད་དུ་གཤེགས་སོ། །སངས་རྒྱས་གཤེགས་པ་ལ་ཕན་ཡོན་བཅོ་བརྒྱད་ཡོད་དེ། བཅོ་བརྒྱད་གང་ཞེ་ན། མེའི་འཇིགས་པ་མེད། ཆུའི་འཇིགས་པ་མེད། སེང་གེའི་འཇིགས་པ་མེད། སྟག་གི་འཇིགས་པ་མེད། གཟིག་གི་འཇིགས་པ་མེད། ཕ་རོལ་གྱི་དམག་ཚོགས་ཀྱི་འཇིགས་པ་མེད། རྐུན་པོའི་འཇིགས་པ་མེད། ལ་གཅན་པའི་འཇིགས་པ་མེད། གྲུ་བཙས་ཀྱི་འཇིགས་པ་མེད། ཤོ་གམ་གྱི་འཇིགས་པ་མེད། བསེལ་རྔན་གྱི་</font><hr>Tha23a<br><font size=+2>


༄#། །འཇིགས་པ་མེད། མིའི་འཇིགས་པ་མེད། མི་མ་ཡིན་པའི་འཇིགས་པ་མེད། དུས་དུས་སུ་གཟུགས་བཟང་པོ་དག་མཐོང་བར་འགྱུར། སྒྲ་སྙན་པ་དག་ཐོས་པར་འགྱུར། འོད་ཆེན་པོ་དག་མཐོང་བར་འགྱུར། ཀུན་ཤེས་པ་ལུང་སྟོན་པ་དག་ཐོས་པར་འགྱུར། ཆོས་ཀྱི་ལོངས་སྤྱོད་དང ། ཟང་ཟིང་གི་ལོངས་སྤྱོད་དང་ལྡན་པར་འགྱུར་རོ། །སངས་རྒྱས་གཤེགས་པ་ནི། གནོད་པ་ཆུང་བ་ཡིན་པས། ལྷ་དང་མི་བརྒྱ་སྟོང་དུ་མ་བཅོམ་ལྡན་འདས་ཀྱི་ཞམ་འབྲིང་དུ་ཕྱི་བཞིན་འབྲང་ངོ ། །བསིལ་ཚལ་ལོགས་ནས་རླུང་དག་ཀྱང་ལངས་སོ། །རྒྱལ་རིགས་ཀྱི་ཁྱེའུ་ཞིག་དང ། བྲམ་ཟེའི་ཁྱེའུ་བྱིས་པ་གཉིས་ཤིག་རྒྱལ་པོའི་ཁབ་ནས་ཕྱི་རོལ་ཏུ་བྱུང་སྟེ་རྩེ་ཞིང་འཁོད་དོ། །དེ་གཉིས་ལས་རྒྱལ་རིགས་ཀྱི་ཁྱེའུ་ནི། དད་པ་དང་ལྡན་པ་ཡིན། བྲམ་ཟེའི་ཁྱེའུ་ནི། དེ་ལྟ་མ་ཡིན་ནོ། །བྲམ་ཟེའི་ཁྱེའུ་དེས་རྒྱལ་རིགས་ཀྱི་ཁྱེའུ་ལ་སྨྲས་པ། གྲོགས་པོ། བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོའི་ཆུང་མའི་བུ་ཁྱེའུར་སྐྱེ་བར་འགྱུར་ཏེ། རིགས་འབར་བར་འགྱུར་ཞིང ། ལྷ་དང་མིའི་དཔལ་ཡང་མྱོང་བར་གྱུར་ནས་ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ལུང་བསྟན་ན། དེ་ནི། འཆི་བའི་དུས་བྱས་ནས་བསིལ་ཚལ་གྱི་དུར་ཁྲོད་དུ་ཁྱེར་ན། བཅོམ་ལྡན་འདས་ཀྱིས་བཀའ་སྩལ་པ་རྫུན་དུ་མ་གྱུར་གྲང ། རྒྱལ་རིགས་ཀྱི་ཁྱེའུ་དེས་ཚིགས་སུ་བཅད་པ་སྨྲས་པ། ཟླ་བ་སྐར་མའི་ཚོགས་བཅས་ས་ལ་</font><hr>Tha23b<br><font size=+2>


ལྟུང་ཡང་སྲིད། །ས་འདི་རི་དང་ནགས་བཅས་མཁའ་ལ་འགྲོ་ཡང་སྲིད། །རྒྱ་མཚོ་ཆེན་པོའི་ཆུ་ནི་སྐམ་པར་འགྱུར་སྲིད་ཀྱི། །དྲང་སྲོང་ཆེན་པོ་རྫུན་གསུང་འགྱུར་བ་སྲིད་པ་མིན། །བྲམ་ཟེའི་ཁྱེའུ་དེས། གྲོགས་པོ།་དེ་ལྟ་ན་བསིལ་ཚལ་གྱི་དུར་ཁྲོད་བལྟ་ཞིང་འདོང་ངོ ། །ཞེས་སྨྲས་ནས་དེ་གཉིས་དོང་བ་དང ། བཅོམ་ལྡན་འདས་རྒྱལ་པོའི་ཁབ་ནས་གཤེགས་པ་མཐོང་ངོ ། །རྒྱལ་རིགས་ཀྱི་ཁྱེའུས་བཅོམ་ལྡན་འདས་ཐག་རིང་པོ་ཁོ་ནས་མཐོང་ནས་ཡང་ཚིགས་སུ་བཅད་པ་སྨྲས་པ། ཐུབ་པ་ཐེ་ཚོམ་བྲམ་ཞིང་རྒོད་པ་མི་མངའ་བ། །རི་དྭགས་རྒྱལ་པོ་ལྟ་བུའི་སྒྲ་སྐད་མཆོག་སྒྲོག་ཅིང ། །ཐེ་ཚོམ་མེད་པར་ཕ་རོལ་སྨྲ་བས་མི་བརྫི་བ། །འདི་ལྟར་སྐྱེ་བོའི་ཚོགས་ཀྱིས་ཡོངས་སུ་བསྐོར་ཅིང་གཤེགས། །བསིལ་ཚལ་ཕྱོགས་སུ་ཁ་བའི་ཚོགས་ལྟ་བུའི། །བསིལ་བའི་ངད་ཅན་རླུང་ནི་ལངས་པར་གྱུར་པ་ན། །ཤཱཀྱ་ཐུབ་པའི་རྫུ་འཕྲུལ་བརྟག་པའི་དོན་གྱི་ཕྱིར། །ལྷ་ཚོགས་མང་པོ་གནས་ནས་འོངས་པ་ཉིད་དུ་ངེས། །རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོའི་ཆུང་མའི་བུ་ཁྱེའུ་སྐྱེ་བར་འགྱུར་ཏེ། རིགས་འབར་བར་འགྱུར་ཞིང ། ལྷ་དང་མིའི་དཔལ་ཡང་མྱོང་བར་གྱུར་ནས་ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ལུང་བསྟན་ན། དེ་ནི། འཆི་བའི་དུས་ལ་བབ་ནས་བསིལ་ཚལ་གྱི་དུར་ཁྲོད་དུ་ཕྱུང་ཞིང ། བཅོམ་ལྡན་འདས་ཀྱང་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་བསིལ་ཚལ་གྱི་དུར་ཁྲོད་</font><hr>Tha24a<br><font size=+2>


༄#། །དུ་གཤེགས་སོ། །ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། བཅོམ་ལྡན་འདས་ནི། དོན་མེད་པར་བསིལ་ཚལ་གྱི་དུར་ཁྲོད་དུ་མི་གཤེགས་པས། བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོའི་ཆུང་མ་ལ་བརྟེན་ཏེ། གདུལ་བའི་དོན་ཆེན་པོ་ཞིག་མཛད་པར་འགྱུར་གོར་མ་ཆག་གི། བལྟར་འགྲོའོ། །སྙམ་ནས་དེ་བཙུན་མོ་དང ། གཞོན་ནུ་དང ། བློན་པོ་དང ། ཕོ་བྲང་འཁོར་དང ། ལྗོངས་ཀྱི་མིས་ཡོངས་སུ་བསྐོར་ནས་རྒྱལ་པོའི་ཁབ་ཏུ་སོང་བ་དང ། རྒྱལ་རིགས་ཀྱི་ཁྱེའུ་དེས། རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཐག་རིང་པོ་ཁོ་ནས་མཐོང་ནས་ཡང་ཚིགས་སུ་བཅད་པ་སྨྲས་པ། མ་ག་དྷ་ཡི་མངའ་བདག་རྒྱལ་པོའི་གཙོ་བོ་འདི། །འདི་ལྟར་འཁོར་བཅས་རྒྱལ་པོའི་ཁབ་ནས་བྱུང་བ་ལས། སྐྱེ་བོའི་ཚོགས་ཀྱིས་འབྱོར་བ་ཕུན་སུམ་ཚོགས་པར་ནི། ། བདག་གི་སྙིང་ལ་ངེས་པའི་བློ་དག་སྐྱེས་པར་གྱུར། །སྐྱེ་བོའི་ཚོགས་རྣམས་ཀྱིས་བཅོམ་ལྡན་འདས་མཐོང་ནས་གཤེགས་ཤུལ་ཕྱེ་བ་དང ། བཅོམ་ལྡན་འདས་ཞལ་འཛུམ་པ་མཛད་ཅིང་སྐྱེ་བོ་རྣམས་ཀྱི་གུང་ལ་བཞུགས་སོ། །བཅོམ་ལྡན་འདས་ཞལ་འཛུམ་པ་མཛད་པ་གཅེར་བུ་བདག་གིས་མཐོང་ནས་བསམ་པ། འདི་ལྟར། དགེ་སྦྱོང་གོའུ་ཏ་མ་བཞིན་འཛུམ་པ་བྱེད་ཅིང ། སྐྱེ་བོ་མང་པོའི་གུང་ལ་འདུག་པ་ལས་ན། སེམས་ཅན་འདི་མ་ཤི་བར་ངེས་སོ་སྙམ་ནས་དེས་ཁྱིམ་བདག་ཤིན་ཏུ་བཟང་པོ་ལ་སྨྲས། ཁྱིམ་བདག། སེམས་ཅན་སྐལ་བ་ཆུང་ངུ་འདི་ནི། མ་ཤིའོ། །དེས་སྨྲས་པ། འཕགས་</font><hr>Tha24b<br><font size=+2>


པ། དེ་ལྟར་གྱུར་ན། སྐབས་འདི་ལ་ད་ཇི་ལྟར་བསྒྲུབ་པར་བྱ། དེས་སྨྲས་པ། ཁྱིམ་བདག། ཁོ་བོ་ནི། བསླབ་པའི་གཞི་ཡང་དག་པར་བླངས་པ་ཡིན་གྱི། ཁྱོད་ཉིད་ཤེས་པར་གྱིས་ཤིག་།དེས་བུད་ཤིང་གཅེར་ཏེ་ཆུང་མའི་རོ་དེ་མེའི་ཕུང་པོའི་ནང་དུ་བཅུག་སྟེ་བསྲེགས་པ་དང ། དེའི་ལུས་ཐམས་ཅད་ཚིག་ན། ལྟོའི་ཉེ་འཁོར་དེ་བཞིན་དུ་འདུག་གོ་།དེ་ནས་ལྟོའི་ཉེ་འཁོར་དེ་རྡོལ་ནས་པདྨ་བྱུང་སྟེ། པདྨ་དེའི་སྙིང་པོ་ལས་གཞོན་ནུ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བྱུང་ངོ ། །དེ་སྲོག་ཆགས་བརྒྱ་སྟོང་དག་གིས་མཐོང་ནས་མཆོག་ཏུ་ངོ་མཚར་ཆེན་པོ་སྐྱེས་པར་གྱུར་པ་དང ། གཅེར་བུ་པ་དག་གིས་རྒྱགས་པ་དང།་ང་རྒྱལ་དང ། ཁེངས་པ་དག་ཉམས་སོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོ་ལ་བཀའ་སྩལ་པ། ཁྱིམ་བདག་།གཞོན་ནུ་ལོངས་ཤིག་།དེས་གཅེར་བུ་པའི་གདོན་དུ་བལྟས་པ་དང།་དེས་སྨྲས་པ། ཁྱིམ་བདག། མེ་ཕུང་རབ་ཏུ་འབར་བའི་ནང་དུ་ཞུགས་ན། ཐམས་ཅད་ཀྱི་ཐམས་ཅད་དུ་ཚིག་པར་མི་འགྱུར་རམ། དེ་སྐད་ཅེས་སྨྲས་པ་དང ། དེས་མ་བླངས་སོ། །དེ་ནས་བཅོམ་ལྡན་འདས་ཀྱིས་འཚོ་བྱེད་གཞོན་ནུས་གསོས་ལ་བཀའ་སྩལ་པ། འཚོ་བྱེད། གཞོན་ནུ་ལོངས་ཤིག་།དེས་བསམ་པ། བཅོམ་ལྡན་འདས་ཀྱིས་གནས་མ་ཡིན་སྐབས་མ་ཡིན་པར་བདག་མི་བསྐོ་ཡི། བླང་ངོ ། །སྙམ་ནས་དེས་ཐེ་ཚོམ་མེད་པར་མེ་ཕུང་གི་ནང་དུ་ཞུགས་ཏེ་བླངས་སོ། །རྒྱལ་བའི་བཀའ་ཡིས་མེ་ཡི་ཕུང་པོར་ཞུགས་གྱུར་ཏེ། །དེ་ཡིས་གཞོན་ནུ་མེ་ཡི་ནང་ནས་བླངས་པ། །རྒྱལ་བའི་མཐུ་ཡིས་</font><hr>Tha25a<br><font size=+2>


༄#། །མེ་ནི་ཞི་བ་ཉིད་གྱུར་ཅིང ། །ཁ་བའི་ཚོགས་ལྟར་བསིལ་བའང་སྐད་ཅིག་དེ་ལ་བྱུང ། །དེ་ནས་བཅོམ་ལྡན་འདས་ཀྱིས་འཚོ་བྱེད་གཞོན་ནུས་གསོས་ལ་བཀའ་སྩལ་པ། འཚོ་བྱེད། ཁྱོད་ཉམས་པའི་གནོད་པ་དག་ཏུ་མ་གྱུར་ཏམ། དེས་གསོལ་པ། བཙུན་པ། བདག་རྒྱལ་པོའི་ཕོ་བྲང་དུ་བཙས་ཤིང་རྒྱལ་པོའི་ཕོ་བྲང་དུ་སྐྱེས་པར་གྱུར་ཀྱང་འདི་ལྟར་བཅོམ་ལྡན་འདས་ཀྱི་བྱིན་གྱི་རླབས་ཀྱིས་ཞུགས་ཀྱི་ཕུང་པོ་ཙནྡན་ས་མཆོག་ལྟ་བུར་བསིལ་བར་གྱུར་པ་འདི་ལྟ་བུ་ནི། སྔོན་ཆད་མ་མྱོང་ལགས་སོ། །དེའི་ཚེ་བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོ་ལ་བཀའ་སྩལ་པ།་ཁྱིམ་བདག། གཞོན་ནུ་འདི་ལོངས་ཤིག་།དེ་ལོག་པར་ལྟ་བ་ལ་ཕྱོགས་པས་རེ་ཞིག་ལེན་པར་མི་བྱེད་ཅིང ། གཅེར་བུ་པ་དེ་ཉིད་ཀྱི་གདོང་དུ་ལྟ་བར་བྱེད་དོ། །དེས་སྨྲས་པ། ཁྱིམ་བདག། མང་དུ་སྨྲ་ཅི་དགོས།་མེས་ནི། ཐམས་ཅད་འཚིག་པ་ཡིན་ན། གཞོན་ནུ་ཤིན་ཏུ་སྐལ་བ་ཆུང་བ་འདི་མ་ཚིག་པ་ལས་ན། འདི་ཁྱོད་ཀྱིས་ཁྱིམ་དུ་ཁྱེར་ན། ཁྱོད་ཀྱི་ཁྱིམ་ཡང་ཚིག་ཅིང་ཁྱོད་ཀྱི་སྲོག་གི་བར་ཆད་དུ་ཡང་འགྱུར་བར་ངེས་སོ། །དེས་བདག་ལས་གཅེས་པ་མེད་དོ། །སྙམ་ནས་དེ་མ་བླངས་པ་དང ། དེའི་ཚེ་བཅོམ་ལྡན་འདས་ཀྱིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་བཀའ་སྩལ་པ་རྒྱལ་པོ་ཆེན་པོ། གཞོན་ནུ་ལོངས་ཤིག་།དེས་གུས་པར་སྒྲིམ་པ་དང་བཅས་པས་ལག་པ་བརྐྱང་སྟེ་དེ་བླངས་ནས་ཀུན་ཏུ་བརྟགས་ཏེ་གསོལ་པ། བཅོམ་ལྡན་འདས། ཁྱེའུ་འདིའི་མིང་ཅིར་གདགས། </font><hr>Tha25b<br><font size=+2>


བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཁྱེའུ་འདི། འདི་ལྟར་མེའི་ནང་ནས་སྐྱེས་པས། དེའི་ཕྱིར་ཁྱེའུ་འདིའི་མིང་མེ་སྐྱེས་ཞེས་བྱ་བར་གདགས་སོ། །དེ་ནས་བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེ་དག་གི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་ཅི་ནས་ཀྱང་སེམས་ཅན་བརྒྱ་ཕྲག་མང་པོ་དེ་དག་གིས་ཐོས་ནས་ཁྱད་པར་རྙེད་པར་འགྱུར་བ་དེ་ལྟ་བུར་ཆོས་བསྟན་པ་མཛད་པས། ཁ་ཅིག་གིས་ནི། རྒྱུན་ཏུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་ཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་བུ། ཁ་ཅིག་གིས་ནི། རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་པར་གྱུར་ཏོ། །ཁ་ཅིག་གིས་ནི། དྲོ་བར་གྱུར་པའི་དགེ་བའི་རྩ་བ་དང ། ཁ་ཅིག་གིས་ནི། རྩེ་མོ་དང ། ཁ་ཅིག་ནི། བཟོད་པ་ཆུང་ངུ་དང ། འབྲིང་བསྐྱེད་པར་གྱུར་ཏོ། །ཁ་ཅིག་གིས་ནི། ཉན་ཐོས་ཀྱི་བྱང་ཆུབ་དང ། ཁ་ཅིག་གིས་ནི། རང་སངས་རྒྱས་ཀྱི་བྱང་ཆུབ་དང ། ཁ་ཅིག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་བསྐྱེད་པར་གྱུར་ཏོ། །ཁ་ཅིག་གིས་ནི། སྐྱབས་སུ་འགྲོ་བ་དང ། བསླབ་པའི་གཞི་དག་ཡང་དག་པར་བླངས་ཏེ་འཁོར་དེ་དག་ལས་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་གྱུར་ཏོ། །དེ་རྒྱལ་པོ་གཟུགས་ཅན་སྙིང་པོས་ཁྱེའུ་མེ་སྐྱེས་མ་མ་བརྒྱད་པོ། པང་ན་འཚོ་བའི་མ་མ་གཉིས་དང ། </font><hr>Tha26a<br><font size=+2>


༄#། །ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེན་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེའི་ཞང་པོ་ཟོང་ཐོགས་ཏེ་ཡུལ་གཞན་དུ་སོང་བ་དེས། ཇི་ལྟར་བདག་གི་སྲིང་མོ་ལ་སེམས་ཅན་ཞུགས་པར་གྱུར་པ་དེ། བཅོམ་ལྡན་འདས་ཀྱིས་ཁྱེའུར་སྐྱེ་བར་འགྱུར་ཏེ། རིགས་འབར་བར་འགྱུར་ཞིང ། ལྷ་དང་མིའི་དཔལ་ཡང་མྱོང་བར་གྱུར་ནས་ངའི་བསྟན་པ་ལ་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ལུང་བསྟན་པ་ཐོས་ནས་དེས་ཟོང་བསྒྱུར་ཏེ་རིན་བླངས་ནས་རྒྱལ་པོའི་ཁབ་ཏུ་སོང་བ་དང ། དེས་འདི་ལྟར་བདག་གི་སྲིང་མོ་དེ་འཆི་བའི་དུས་ལ་བབ་བོ། །ཞེས་ཐོས་སོ། །ཐོས་ནས་ཀྱང་བསམ་པ། བཅོམ་ལྡན་འདས་ཀྱིས་དེའི་བུ་ཁྱེའུར་སྐྱེ་བར་འགྱུར་ཏེ། རིགས་འབར་བར་འགྱུར་ཞིང ། ལྷ་དང་མིའི་དཔལ་ཡང་མྱོང་བར་གྱུར་ནས་ངའི་བསྟན་པ་ལ་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ལུང་བསྟན་ན། བཅོམ་ལྡན་འདས་ཀྱིས་བཀའ་སྩལ་པ་དེ། རྫུན་དུ་མ་གྱུར་ཏམ་སྙམ་ནས་དེས་ཁྱིམ་ཚེས་དག་ལ་དྲིས་པ། བདག་གི་</font><hr>Tha26b<br><font size=+2>


སྲིང་མོ་ལ་སེམས་ཅན་ཞུགས་པར་གྱུར་པ་དེ། བཅོམ་ལྡན་འདས་ཀྱིས་ཁྱེའུར་འགྱུར་ཏེ། རིགས་འབར་བར་འགྱུར་ཞིང ། ལྷ་དང་མིའི་དཔལ་ཡང་མྱོང་བར་གྱུར་ནས་ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ལུང་བསྟན་པར་ཐོས་སོ། །ཐོས་ནས་བདག་ཀུན་ཏུ་དགའ་བ་ལས། དེ་ཡང་འཆི་བའི་དུས་ལ་བབ་པོ། །ཞེས་ཐོས་ན། བཅོམ་ལྡན་འདས་ཀྱིས་བཀའ་སྩལ་པ་དེ། རྫུན་དུ་མ་གྱུར་ཏམ། དེ་དག་གིས་ཚིགས་སུ་བཅད་པ་སྨྲས་པ། ཟླ་བ་སྐར་མའི་ཚོགས་བཅས་ས་ལ་ལྟུང་ཡང་སྲིད། །ས་འདི་རི་དང་ནགས་བཅས་མཁའ་ལ་འགྲོ་ཡང་སྲིད། །རྒྱ་མཚོ་ཆེན་པོའི་ཆུ་ནི་སྐམ་པར་འགྱུར་སྲིད་ཀྱི། །དྲང་སྲོང་ཆེན་པོ་རྫུན་གསུང་འགྱུར་བ་སྲིད་པ་མིན། །བཅོམ་ལྡན་འདས་ཀྱིས་བཀའ་སྩལ་པ་རྫུན་དུ་མི་འགྱུར་ཏེ། འདི་ལྟར་ཁྱིམ་ཐབ་དེས་དེ་ཇི་ལྟ་ཇི་ལྟར་འཆི་བར་འགྱུར་བ་དེ་ལྟ་དེ་ལྟར་བྱས་པས་འཆི་བའི་དུས་ལ་བབ་ནས་དེའི་ཁྱེའུ་དབང་ཐང་ཆེན་པོ་ཅན་མེར་བསྲེགས་ཀྱང་མ་ཚིག་པ་མཐུ་བོ་ཆེ་ཞིག་།ད་ལྟར་རྒྱལ་པོའི་ཕོ་བྲང་ན་གསོ་ཞིང་འདུག་གོ་།ཞེས་སྨྲས་པ་དང ། དེ་ཁྱིམ་བདག་ཤིན་ཏུ་བཟང་པོའི་གན་དུ་སོང་སྟེ་སྨྲས་པ། ཁྱིམ་བདག་།ཁྱོད་ཀྱིས་མི་རིགས་པ་ཞིག་བྱས་སོ། །ཅི་ཞིག་བྱས། གཅེར་བུ་པས་བསླུས་ནས་ཁྱོད་ཀྱིས་ངའི་སྲིང་མོ་ལ་སེམས་ཅན་ཞུགས་པ། ཇི་ལྟ་ཇི་ལྟར་འཆི་བར་འགྱུར་བ་དེ་ལྟ་དེ་ལྟར་བྱས་པས། འཆི་བའི་དུས་ལ་བབ་པར་བྱས་སོ། །དེའི་ཁྱེའུ་དབང་ཐང་ཅན་མེར་བསྲེགས་ཀྱང་མ་</font><hr>Tha27a<br><font size=+2>


༄#། །ཚིག་པ་མཐུ་བོ་ཆེ་ཞིག་།ད་ལྟར་རྒྱལ་པོའི་ཕོ་བྲང་ན་གསོ་ཞིང་འདུག་པ་དེས་ནི་རེ་ཞིག་ཅི་བྱར་ཡང་མེད་དེ། འདི་ལྟར། ཡང་གལ་ཏེ་གཞོན་ནུ་དེ་བླངས་ན། དེ་ལྟ་ན་ལེགས་འོན་ཏེ་མི་ལེན་ན། ངས་ཁྱོད་གཉེན་དུ་ཡང་མི་བརྩི། རབས་ཡིག་ཀྱང་འདོར་ཞིང ། ལམ་པོ་ཆེ་དང ། སྲང་དང ། ལམ་གྱི་སུམ་མདོ་དང ། བཞི་མདོ་དག་ཏུ་ཡང་ཁྱིམ་བདག་ཤིན་ཏུ་བཟང་པོས་བདག་གི་སྲིང་མོ་བསད་དོ། །ཆུང་མ་གསོད་པ་འདི་ལ་སུས་ཀྱང་གཏམ་འདྲེ་བར་མི་བྱའོ། །ཞེས་མི་སྙན་པ་བསྒྲག་ཅིང ། རྒྱལ་པོའི་གནོད་པ་ཡང་བྱེད་དུ་གཞུག་གོ། ཞེས་སྨྲས་པ་དང ། དེས་དེ་ཐོས་ནས་སྐྲག་སྟེ། དེ་སྐད་སྨྲ་བ་དང་སྦྱར་ན། བདག་ལ་དེ་ལྟར་བྱེད་པར་ངེས་སོ། །སྙམ་ནས་དེ་རྒྱལ་པོའི་གན་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྨྲས་པ། ལྷ། བདག་གི་ཉེ་དུ་པོའི་མཆིད་ནས། ད་ཡང་གལ་ཏེ་གཞོན་ནུ་དེ་བླངས་ན། དེ་ལྟ་ན་ལེགས། འོན་ཏེ་མི་ལེན་ན། ངས་ཁྱོད་གཉེན་དུ་ཡང་མི་བརྩི། རབས་ཡིག་ཀྱང་འདོར་ཞིང ། ལམ་པོ་ཆེ་དང ། སྲང་དང ། ལམ་གྱི་སུམ་མདོ་དང ། བཞི་མདོ་དག་ཏུ་ཡང་ཁྱིམ་བདག་ཤིན་ཏུ་བཟང་པོས་བདག་གི་སྲིང་མོ་བསད་དོ། །ཆུང་མ་གསོད་པ་འདི་ལ་སུས་ཀྱང་གཏམ་འདྲེ་བར་མི་བྱའོ། །ཞེས་མི་སྙན་པ་བསྒྲག་ཅིང ། རྒྱལ་པོའི་གནོད་པ་ཡང་བྱེད་དུ་གཞུག་གོ་།ཞེས་མཆི་བས། དེའི་སླད་དུ་ལྷས་གཞོན་ནུ་མེ་སྐྱེས་བདག་ལ་སྩལ་བའི་རིགས་སོ། །རྒྱལ་པོས་སྨྲས་པ། ཁྱིམ་བདག་།གཞོན་ནུ་མེ་སྐྱེས་ངས་ཁྱོད་ལས་བླངས་པ་མ་ཡིན་</font><hr>Tha27b<br><font size=+2>


གྱི། བཅོམ་ལྡན་འདས་ཀྱིས་ང་ལ་གཏད་པ་ཡིན་པས། ཁྱོད་ལ་གལ་ཏེ་གཞོན་ནུ་དགོས་ན། གཞོན་ནུའི་ཆེད་དུ་བཅོམ་ལྡན་འདས་ལ་སྔར་ཞུས་ཤིག་།དེ་བཅོམ་ལྡན་འདས་ཀྱི་སྤྱན་སྔར་སོང་ནས་ཞབས་གཉིས་ལ་ཕྱག་འཚལ་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གི་ཉེ་དུ་པོའི་མཆིད་ནས། ད་ཡང་གལ་ཏེ་གཞོན་ནུ་དེ་བླངས་ན། དེ་ལྟ་ན་ལེགས། འོན་ཏེ་མི་ལེན་ན། ངས་ཁྱོད་གཉེན་དུ་ཡང་མི་བརྩི། རབས་ཡིག་ཀྱང་འདོར་ཞིང ། ལམ་པོ་ཆེ་དང ། སྲང་དང ། ལམ་གྱི་སུམ་མདོ་དང ། བཞི་མདོ་དག་ཏུ་ཡང་ཁྱིམ་བདག་ཤིན་ཏུ་བཟང་པོས་བདག་གི་སྲིང་མོ་བསད་དོ། །ཆུང་མ་གསོད་པ་འདི་ལ་སུས་ཀྱང་གཏམ་འདྲེ་བར་མི་བྱའོ། །ཞེས་མི་སྙན་པ་བསྒྲག་ཅིང ། རྒྱལ་པོའི་གནོད་པ་ཡང་བྱེད་དུ་གཞུག་གོ། ཞེས་མཆི་བས། དེའི་སླད་དུ་གཞོན་ནུ་མེ་སྐྱེས་བདག་ལ་སྩལ་བའི་རིགས་སོ། །བཅོམ་ལྡན་འདས་ཀྱིས། གལ་ཏེ་ཁྱིམ་བདག་ཤིན་ཏུ་བཟང་པོ་གཞོན་ནུ་མེ་སྐྱེས་མ་ཐོབ་ན། ཁྲག་ཚ་བ་སྐྱུགས་ནས་འཆི་བའི་དུས་བྱེད་པར་འགྱུར་བའི་གནས་སྐབས་དེ་ལྟ་བུ་ཡོད་པར་གཟིགས་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་རྒྱལ་པོ་གཟུགས་ཅན་སྙིང་པོ་ལ། ངའི་བཀས་ཨ་རོག་གྱ་ཞེས་བྱོས་ལ་འདི་སྐད་ཅེས། རྒྱལ་པོ་ཆེན་པོ། ཁྱིམ་བདག་ཤིན་ཏུ་བཟང་པོ་ལ་གཞོན་ནུ་མེ་སྐྱེས་བྱིན་ཅིག་།གལ་ཏེ་ཁྱིམ་བདག་ཤིན་ཏུ་བཟང་པོ་གཞོན་ནུ་མེ་སྐྱེས་མ་ཐོབ་ན། ཁྲག་ཚ་བ་སྐྱུགས་ནས་འཆི་བའི་དུས་བྱེད་པར་འགྱུར་བའི་གནས་སྐབས་དེ་ལྟ་བུ་ཡོད་པར་འགྱུར་རོ། །ཞེས་ཀྱང་སྒོས་ཤིག་།ཚེ་དང་ལྡན་པ་</font><hr>Tha28a<br><font size=+2>


༄#། །ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ཀྱི་བཀའ་མཉན་ནས་རྒྱལ་པོ་གཟུགས་ཅན་སྙིང་པོ་ག་ལ་བ་དེར་སོང་སྟེ་ཕྱིན་ནས་རྒྱལ་པོ་གཟུགས་ཅན་སྙིང་པོ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཀྱིས་ཁྱོད་ལ་རྒྱལ་པོ་ཆེན་པོ་ཨ་རོག་གྱ་ཞེས་བཀའ་སྩལ་ཏེ། རྒྱལ་པོ་ཆེན་པོ། ཁྱིམ་བདག་ཤིན་ཏུ་བཟང་པོ་ལ་གཞོན་ནུ་མེ་སྐྱེས་བྱིན་ཅིག། གལ་ཏེ་ཁྱིམ་བདག་ཤིན་ཏུ་བཟང་པོ་གཞོན་ནུ་མེ་སྐྱེས་མ་ཐོབ་ན། ཁྲག་ཚ་བ་སྐྱུགས་ནས་འཆི་བའི་དུས་བྱེད་པར་འགྱུར་བའི་གནས་སྐབས་དེ་ལྟ་བུ་ཡོད་པར་འགྱུར་རོ། །ཞེས་ཀྱང་བཀའ་སྩལ་ཏོ། །རྒྱལ་པོས་སྨྲས་པ། བཙུན་པ་ཀུན་དགའ་བོ། བཅོམ་ལྡན་འདས་ལ་ཕྱག་འཚལ་ལོ། །བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཚེ་དང་ལྡན་པ་ཀུན་དགའ་བོས་རྒྱལ་པོ་ཆེན་པོ་ཨ་རོག་གྱ་ཞེས་སྨྲས་ཏེ་སོང་ངོ ། །རྒྱལ་པོས་སྨྲས་པ། ཁྱིམ་བདག་གཞོན་ནུ་འདི་ངས་བསྐྱེད་དེ་ཡིད་དུ་འོང་ཞིང་སྡུག་པ་ཡིན་པས། དམ་ཚིག་བཅས་ལ་སྦྱིན་པར་བྱ་སྟེ། ཉི་མ་རེ་རེ་ལ་ཡང་དུས་གསུམ་གསུམ་དུ་ང་བལྟ་བའི་ཕྱིར་གཏོང་ན། སྦྱིན་པར་བྱའོ། །དེས་སྨྲས་པ། ལྷ། ཁྱོད་ཀྱི་སྤྱན་སྔར་མི་གཏང་ན། གཞན་སུའི་ཐད་དུ་གཏང་བར་བགྱི། གཏང་བར་འཚལ་ལོ། །རྒྱལ་པོས་དེ་རྒྱན་ཐམས་ཅད་ཀྱིས་བརྒྱན་ཏེ་གླང་པོ་ཆེ་ལ་བསྐྱོན་ནས་བཏང་ངོ ། །འདི་ལྟར་འཇིག་རྟེན་པ་རྣམས་ཀྱི་ཀུན་ཏུ་སྤྱོད་པ་ནི། ཇི་སྲིད་དུ་ཕ་གསོན་པ་དེ་སྲིད་དུ་བུའི་མིང་མི་སྒྲོག་གོ་།ཇི་ཙམ་དུས་གཞན་ཞིག་ན་ཁྱིམ་བདག་ཤིན་ཏུ་</font><hr>Tha28b<br><font size=+2>


བཟང་པོ་འཆི་བའི་དུས་བྱས་ནས་གཞོན་ནུ་མེ་སྐྱེས་ཕའི་ཁྱིམ་ན་གནས་པར་གྱུར་ཏེ། དེ་སངས་རྒྱས་ལ་མངོན་པར་དད། ཆོས་དང ། དགེ་འདུན་ལ་མངོན་པར་དད། སངས་རྒྱས་ལ་སྐྱབས་སུ་སོང ། ཆོས་དང ། དགེ་འདུན་ལ་སྐྱབས་སུ་སོང་ངོ ། །དེས་ཁྱིམ་བདག་ཤིན་ཏུ་བཟང་པོས་ཕྱོགས་གང་དུ་བདག་གི་མ་བསད་པའི་ཕྱོགས་དེར་གཙུག་ལག་ཁང་རྩིག་ཏུ་བཅུག་ནས་ཡོ་བྱད་ཐམས་ཅད་ཕུན་སུམ་ཚོགས་པར་སྦྱར་ཏེ་ཕྱོགས་བཞིའི་དགེ་འདུན་ལ་ཕུལ་ནས་འདི་ལྟར། གནས་བརྟན་དག་གིས་ཀྱང་མདོ་སྡེ་དག་ལ། བཅོམ་ལྡན་འདས་རྒྱལ་པོའི་ཁབ་ན་དཀུ་མཉེད་པའི་ཚལ་ན་བཞུགས་སོ། །ཞེས་ཉེ་བར་སྦྱར་ཏོ། །ཁྱིམ་བདག་ཤིན་ཏུ་བཟང་པོའི་མི་ཞོ་ཤས་འཚོ་བ་ཡུལ་གཞན་དུ་དོང་བ་དག་གིས། ཁྱིམ་བདག་ཤིན་ཏུ་བཟང་པོ་ནི། འཆི་བའི་དུས་ལ་བབ་བོ། །གཞོན་ནུ་མེ་སྐྱེས་ནི། རང་གི་ཁྱིམ་ན་གནས་ཏེ། དེ་སངས་རྒྱས་ལ་མངོན་པར་དད། ཆོས་དང ། དགེ་འདུན་ལ་མངོན་པར་དད། སངས་རྒྱས་ལ་སྐྱབས་སུ་སོང ། ཆོས་དང ། དགེ་འདུན་ལ་སྐྱབས་སུ་སོང་ངོ ། །ཞེས་ཐོས་སོ། །ཐོས་ནས་ཀྱང་དེ་དག་གིས་ཙན་ར་ནས་མཆོག་པའི་ལྷུང་བཟེད་གཅིག་།རིན་པོ་ཆེ་དག་གིས་བཀང་སྟེ་ཁྱིམ་བདག་མེ་སྐྱེས་ལ་སྐྱེས་སུ་བསྐུར་རོ། །དེས་ཀྱང་དེ་ཤིང་རིང་པོའི་རྩེ་མོ་ལ་བཏགས་ཏེ་བཞག་ནས་འདི་སྐད་ཅེས། འདི་སུས་ཀྱང་སྐས་དང ། ཡ་གད་དང ། ཀྱོ་བཏང་དག་གིས་བླང་བར་མི་བྱའི། འདི་ལྟར། དགེ་སྦྱོང་ངམ། བྲམ་ཟེ་གང་དག་རྫུ་འཕྲུལ་ཆེ་བའམ། མཐུ་ཆེ་བ་དེ་དག་ལས་འགའ་ཞིག་གིས་ལེན་ན། དེས་ནི། འདི་ཅི་བདེར་</font><hr>Tha29a<br><font size=+2>


༄#། །ཁྱེར་ལ་རག་གོ་།ཞེས་དྲིལ་བསྒྲགས་པ་ཡང་བྱས་སོ། །གཞན་མུ་སྟེགས་ཅན་རྣམས་ནང་པར་སྔར་ལངས་ནས་ཆུ་ངོགས་དག་ཏུ་ཉེ་རེག་བྱེད་དུ་འདོང་བ་དེ་དག་གིས་དེ་མཐོང་ངོ ། ། མཐོང་ནས་ཀྱང་ཁྱིམ་བདག་མེ་སྐྱེས་ལ་སྨྲས་པ། ཁྱིམ་བདག་འདི་ཅི་ཡིན། དེས་དེ་དག་ལ་རྒྱས་པར་བསྙད་པ་དང ། དེ་དག་གིས་སྨྲས་པ། ཁྱིམ་བདག། ཁྱོད་ཤཱཀྱའི་བུའི་དགེ་སྦྱོང་རྣམས་ལ་མངོན་པར་དད་པས། དེ་དག་ཉིད་ལེན་པར་འགྱུར་རོ། །ཞེས་སྨྲས་ནས་དོང་ངོ ། །ཇི་ཙམ་ན་དགེ་སློང་གནས་བརྟན་གནས་བརྟན་དག་རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་དེ་དག་གིས་དེ་མཐོང་ནས། དེ་དག་གིས་ཀྱང་ཁྱིམ་བདག་མེ་སྐྱེས་ལ་སྨྲས་པ། ཁྱིམ་བདག། འདི་ཅི་ཡིན། དེས་དེ་དག་ལ་དེ་ཁོ་ན་བཞིན་དུ་རྒྱས་པར་བསྙད་པ་དང ། དེ་དག་གིས་སྨྲས་པ། ཁྱིམ་བདག་།བཅོམ་ལྡན་འདས་ཀྱིས་དགེ་སློང་དག་གི་ཡོན་ཏན་ནི། བཅབ་པར་བྱ། སྐྱོན་ནི། བསྒྲག་པར་བྱའོ། །ཞེས་བཀའ་སྩལ་ན། ཅི། ལྷུང་བཟེད་ཙམ་གྱི་ཆེད་དུ་བདག་ཉིད་བསྟན་པར་བྱའམ་ཞེས་སྨྲས་ནས་དོང་ངོ ། །ཇི་ཙམ་ན་ཚེ་དང་ལྡན་པ་འོད་སྲུང་སྟོབས་བཅུ་པ་དེ་ཕྱོགས་དེར་འོངས་ཏེ་ཁྱིམ་བདག་ལ་སྨྲས་པ། ཁྱིམ་བདག། འདི་ཅི་ཡིན། དེས་ཇི་ལྟ་བུ་ཡིན་པ་སྨྲས་པ་དང ། ཚེ་དང་ལྡན་པ་འོད་སྲུང་སྟོབས་བཅུ་པས་བསམ་པ།་བདག་གིས་ཐོག་མ་མེད་པའི་དུས་ནས་བསགས་པའི་ཉོན་མོངས་པའི་ཚོགས་རྣམས་སྤངས་ཤིང་བོར་ལ། བསལ་ཅིང་སྦྱངས་པ་བྱས་ན། ཁྱིམ་བདག་གིས་བདག་མུ་སྟེགས་ཅན་དང ། རྫུ་</font><hr>Tha29b<br><font size=+2>


འཕྲུལ་འགྲན་པར་ཆད་ཀྱི། དེའི་ཕྱིར་འདིའི་ཡིད་མགུ་བར་བྱའོ། །སྙམ་ནས་དེས་ལག་པ་གླང་པོ་ཆེའི་སྣ་ལྟ་བུ་བརྐྱང་སྟེ་ལྷུང་བཟེད་དེ་བླངས་ནས་དེས་དེ་ཁྱེར་ཏེ་གཙུག་ལག་ཁང་དུ་སོང་ངོ ། །དེ་ལ་དགེ་སློང་གིས་སྨྲས་པ། གནས་བརྟན། ཁྱོད་ཀྱིས་ཙནྡན་ས་མཆོག་པའི་ལྷུང་བཟེད་འདི་ག་ལས་མཆིས། དེས་ཇི་ལྟར་གྱུར་པ་དེ་བརྗོད་པ་དང ། དགེ་སློང་དག་གིས་སྨྲས་པ། གནས་བརྟན། ཁྱོད་ལྷུང་བཟེད་ཙམ་གྱི་ཆེད་དུ་ཁྱིམ་པའི་མདུན་དུ་རྫུ་འཕྲུལ་རྣམ་པར་བསྟན་དུ་རུང་ངམ། དེ་ཚེ་དང་ལྡན་པ་དག་རུང་ཡང་བླ། མི་རུང་ཡང་བླ་སྟེ། བྱས་ཟིན་པས་ད་ཅི་བྱར་ཡང་མེད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཁྱིམ་པའི་མདུན་དུ་རྫུ་འཕྲུལ་རྣམ་པར་བསྟན་པར་མི་བྱའོ། །རྣམ་པར་སྟོན་ན། འགལ་ཚབས་ཅན་དུ་འགྱུར་རོ། །གཞན་ཡང་ལྷུང་བཟེད་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པ་དང ། གཞན་ཡང་ལྷུང་བཟེད་རྣམ་པ་བཞི་པོ། ར་གན་དང།་ཟངས་དང ། འཁར་བ་དང ། ཤིང་ལས་བྱས་པ་དག་ལས། འདི་ལྟར་ལྷུང་བཟེད་སྔ་མ་བཞི་པོ་གང་དག་ཡིན་པ་དེ་དག་ནི། མ་བླངས་པ་ཡང་བླང་བར་མི་བྱ་ལ། བླངས་པ་ཡང་གཏང་བར་བྱའོ། །ལྷུང་བཟེད་ཕྱི་མ་བཞི་པོ་གང་དག་ཡིན་པ་དེ་དག་ནི། མ་བླངས་པ་ནི། བླང་བར་མི་བྱ་ཞིང ། བླངས་པ་ན། སྨན་ཕོར་དུ་ལོངས་སྤྱད་པས་སྤྱད་པར་བྱ་བ་ཡིན་ནོ། །འདི་ལྟར་ལྕགས་དང ། སའི་ལྷུང་བཟེད་གཉིས་</font><hr>Tha30a<br><font size=+2>


༄#། །ནི། བྱིན་གྱིས་བརླབ་ཏུ་རུང་བ་དག་ཡིན་ནོ། །དེ་ནས་དུས་གཞན་ཞིག་ན་ཁྱིམ་བདག་མེ་སྐྱེས་ལྷ་དང་མིའི་དཔལ་ཡང་མྱོང་བར་གྱུར་ནས་རྒྱལ་པོའི་ཁབ་དང ། ཙམ་པ་དག་གི་བར་ན་ཤོ་གམ་གྱི་གནས་ཤིག་ཡོད་པ་དེའི་ཤོ་གམ་པ་འཆི་བའི་དུས་ལ་བབ་ནས་དེ་གནོད་སྦྱིན་གདུག་པ་ཞིག་ཏུ་སྐྱེས་པ་དང ། དེས་བུའི་རྨི་ལམ་དུ་འདི་སྐད་ཅེས། བུ། ཁྱོད་ཀྱིས་གནས་འདིར་གནོད་སྦྱིན་གྱི་རྟེན་འཛུགས་སུ་ཆུག་ལ། དེར་དྲིལ་ཡང་གྱིས་ལ་ཐོགས་ཤིག་དང ། གང་གི་ཚེ་དེར་སུ་དག་ཟོང་ལས་ཤོ་གམ་མི་འཇལ་བར་འགྲོ་བར་བྱེད་པ་དེའི་ཚེ་དྲིལ་དེ་སྒྲ་འབྱིན་པར་བྱེད་ཅིང ། དེ་དག་ཕྱིར་ལྡོག་པ་ལས་ཤོ་གམ་ཆོད་པར་འགྱུར་རོ། །ཞེས་བསྟན་ཏོ། །དེས་གཉེན་བཤེས་དང ། ཉེ་དུ་དང ། རྩ་ལག་དག་ལ་རྨི་ལམ་དེ་བཟླས་ནས་ཉི་མ་དང ། ཚེས་གྲངས་དང ། ཡུད་ཙམ་དང ། གཟའ་དང ། རྒྱུ་སྐར་དང ། དུས་ཤིས་པ་ལ་བབ་པའི་ཚེ་གནས་དེར་གནོད་སྦྱིན་གྱི་རྟེན་འཛུགས་སུ་བཅུག་ནས་དེར་དྲིལ་ཡང་བྱས་ཏེ་བཏགས་སོ། །གྲོང་ཁྱེར་ཙམ་པ་ན་བྲམ་ཟེ་ཞིག་གིས། རིགས་མཉམ་པ་ལས་ཆུང་མ་བླངས་བ་དང ། བྲམ་ཟེ་མོ་དེ་བསམ་པ། བདག་བྲམ་ཟེས་ཐབས་དེ་དང་དེ་དག་གིས་བསྒྲུབ་པའི་ནོར་དག་སྤྱོད་ཅིང ། ལས་ཅི་ཡང་མི་བྱེད་པར་འདུག་པ་ནི། བདག་གི་ཚུལ་དང་མཐུན་པ་མ་ཡིན་ནོ། །སྙམ་ནས་དེ་ཚོང་འདུས་སུ་སོང་སྟེ་རས་བལ་ཉོས་ནས་སེལ་གྱིས་ཞག་པར་བྱས་ཤིང་བཀལ་ཏེ་ཐ་ག་པ་མཁས་པ་ལ་ཀཪྴ་པ་ཎ་སྟོང་རི་བའི་རས་ཟུང་ཅིག་འཐག་ཏུ་བཅུག་</font><hr>Tha30b<br><font size=+2>


གོ་།དེ་ནས་དེས་བྲམ་ཟེ་ལ་སྨྲས་པ། རས་ཟུང་འདི་ཀཪྴ་པ་ཎ་སྟོང་རི་བ་ལགས་ཀྱི། ཚོང་འདུས་སུ་བཞུད་ལ་གང་དག་ཀཪྴ་པ་ཎ་སྟོང་གིས་འཇལ་བ་ལ་ནི། སྩོལ་ཅིག་།གལ་ཏེ་དེས་མི་འཇལ་ན། ཚོང་འདུས་མ་ཡིན་ནོ། །ཞེས་བསྒྲགས་ནས་གཞན་དུ་བཞུད་པར་མཛོད་ཅིག་།དེས་དེ་ཁྱེར་ཏེ་ཚོང་འདུས་སུ་སོང་བ་ན་ཀཪྴ་པ་ཎ་སྟོང་གིས་ཉོ་བ་སུ་ཡང་མེད་ནས་དེས་ཚོང་འདུས་མ་ཡིན་ནོ། །ཞེས་བསྒྲགས་ཏེ་རས་ཟུང་དེ་གདུགས་ཀྱི་རྩ་བའི་ནང་དུ་བཅུག་སྟེ་འགྲོན་པོ་དག་དང་ལྷན་ཅིག་རྒྱལ་པོའི་ཁབ་ཏུ་སོང་ངོ ། །ཇི་ཙམ་ན་ཙམ་པའི་བར་གྱི་ཤོ་གམ་གྱི་གནས་སུ་ཕྱིན་པ་དང ། ཤོ་གམ་པས་འགྲོན་པོ་དེ་དག་ལ་ཤོ་གམ་བཅད་པ་ན། དེ་དག་གིས་ཤོ་གམ་ཕུལ་ནས་དོང ། དེ་ནས་དྲིལ་སྒྲ་འབྱིན་པར་བྱེད་ནས་ཤོ་གམ་པ་དག་གིས་སྨྲས་པ། ཤེས་ལྡན་དག་།དྲིལ་འདི་ལྟར་སྒྲ་འབྱིན་པ་ལས་ན། འགྲོན་པོ་དག་གིས་ཤོ་གམ་ལེགས་པར་མ་ཕུལ་གོར་མ་ཆག་གི་།ཡང་ཤོ་གམ་གཅད་དོ། །ཞེས་དེ་དག་གིས་འགྲོན་པོ་དག་ཡང་ཕྱིར་བཀུག་སྟེ་བཙལ་ན། ཤོ་གམ་མ་ཕུལ་བ་འགའ་ཡང་མེད་དོ། །དེ་དག་དང་པ་དང ། ཡང་དྲིལ་སྒྲ་འབྱིན་པ་ཉིད་དུ་བྱེད་ནས་དེ་དག་གིས་འགྲོན་པོ་དག་ཡང་ཕྱིར་བཀུག་སྟེ་བཙལ་ན། ཤོ་གམ་མ་ཕུལ་བ་འགའ་ཡང་མེད་པར་གྱུར་ནས་འགྲོན་པོ་དག་ངེད་ལ་ཁྱེད་ཅག་ཆོམ་པོ་བྱེད་པར་སེམས་སམ་ཅི་ན། ཡང་དང་ཡང་དུ་ཕྱིར་འགུགས་པར་བྱེད་ཅེས་སྨོད་པར་བྱེད་དོ། །དེ་དག་གིས་འགྲོན་པོ་དེ་དག་ཚོམས་གཉིས་སུ་བྱས་ཏེ་བཀྱེ་བ་དང ། ཚོམས་གང་གི་ནང་ན་བྲམ་ཟེ་དེ་མེད་པ་དག་ནི། དེ་བཞིན་དོང་ངོ ། </font><hr>Tha31a<br><font size=+2>


༄#། །ཚོམས་གཅིག་ཤོས་འདོང་བ་ན། དྲིལ་དེ་དེ་བཞིན་དུ་སྒྲ་འབྱིན་པར་བྱེད་ནས་དེ་དག་གིས་དེ་དག་ཀྱང་དེ་བཞིན་དུ་ཚོམས་གཉིས་སུ་བྱས་ཤིང་བྱས་ཤིང་བཀྱེ་བ་དང ། ཐ་མར་བྲམ་ཟེ་དེ་གཅིག་པུ་ཉི་ཚེ་ལུས་པར་གྱུར་ནས། དེ་དེ་དག་གིས་བཟུང་ངོ ། །དེས་བདག་ལ་ཅུང་ཟད་ཀྱང་མེད་ཀྱི། ཚོལ་ཅིག་ཅེས་སྨྲས་པ་དང ། དེ་དག་གིས་བཙལ་ནས་ཅི་ཡང་མེད་ནས་བཏང་བ་ན། ཡང་དྲིལ་དེ་སྒྲ་འབྱིན་པ་ཉིད་དུ་བྱེད་དོ། །དེ་དག་གིས་བྲམ་ཟེ་དེ་ཡང་ཕྱིར་བཀུག་ནས་སྨྲས་པ། ཀྱེ་བྲམ་ཟེ། ལྷའི་བྱིན་གྱི་རླབས་ནི། དེ་ལྟར་གྱུར་ན། ཁྱོད་བདེན་པར་སྨྲོས་ཤིག་དང ། ཁོ་བོ་ཅག་ཁྱོད་ལ་ཤོ་གམ་མི་ལེན་ཏོ། །དེས་སྨྲས་པ། བདེན་པར་མི་ལེན་ཏམ། དེ་དག་གིས་སྨྲས་པ། མི་ལེན་ཏོ། དེས་གདུགས་ཀྱི་རྩ་བའི་ནང་ནས་རས་ཟུང་དེ་ཕྱུང་སྟེ་བསྟན་ཏོ། །དེ་དག་ཀྱེ་མ། ལྷའི་བྱིན་གྱི་རླབས་ནི། འདི་འདྲའོ། །ཞེས་ངོ་མཚར་ཆེན་པོ་སྐྱེས་བར་གྱུར་ནས་དེ་དག་གིས་དེའི་རས་ཡ་གཅིག་ཕྱེ་སྟེ་ལྷ་ལ་བསྟན་ཏོ། །བྲམ་ཟེས་སྨྲས་པ། ཀྱེ་ཁྱེད་ཅག་ན་རེ། ཤོ་གམ་མི་ལེན་ཏོ་ཞེས་ཟེར་ན།་ཐམས་ཅད་འཕྲོག་གམ། དེ་དག་གིས་སྨྲས་པ། བྲམ་ཟེ། ངེད་ཅག་ལེན་པར་མི་བྱེད་དེ། ལྷའི་བྱིན་གྱིས་རླབས་དེ་ལྟ་ཕུ་མཛད་པས། ངེད་ཀྱིས་ལྷ་ལ་བསྟན་པར་ཟད་ཀྱི། ལོངས་ལ་སོང་ཞིག ། དེས་དེ་བླངས་ནས་ཡང་གདུགས་ཀྱི་རྩ་བའི་ནང་དུ་བཅུག་སྟེ་སོང་ནས་ཁད་ཀྱིས་རྒྱལ་པོའི་ཁབ་ཏུ་ཕྱིན་ཏོ། །དེས་ཚོང་འདུས་སུ་རས་ཟུང་དེ་བཀྲམ་པ་ན་དེར་ཡང་ཀཪྴ་པ་ཎ་སྟོང་གིས་ཉོ་བ་སུ་ཡང་མེད་</font><hr>Tha31b<br><font size=+2>


ནས་དེས་རྒྱལ་པོའི་ཁབ་ཀྱི་ཚོང་འདུས་ཀྱང་ཚོང་འདུས་མ་ཡིན་ནོ། །ཞེས་བསྒྲགས་སོ། །དེ་ན་གཞོན་ནུ་མེ་སྐྱེས་གླང་པོ་ཆེ་ལ་ཞོན་ཏེ་རྒྱལ་པོའི་ཕོ་བྲང་ནས་ཕྱིར་བྱུང་སྟེ་ཚོང་འདུས་ཀྱི་ནང་ནས་རང་གི་ཁྱིམ་དུ་འགྲོ་བས་དེ་ཐོས་པ་དང ། དེས་ཤེས་ལྡན་དག་།བྲམ་ཟེ་དེ་ཅིའི་ཕྱིར་ཚོང་འདུས་མ་ཡིན་ནོ། །ཞེས་སྒྲོག་པར་བྱེད་པ་དྲི་བར་བྱའི། བོས་ཤིག་།དེ་དག་གིས་དེ་བོས་ནས་མེ་སྐྱེས་ཀྱིས་སྨྲས་པ། བྲམ་ཟེ། ཁྱོད་ཅིའི་ཕྱིར་ཚོང་འདུས་འདི་ཚོང་འདུས་མ་ཡིན་ནོ། །ཞེས་སྒྲོག་པར་བྱེད། དེས་སྨྲས་པ། ཁྱིམ་བདག་རས་ཟུང་འདི་ལྟ་བུ་ཀཪྴ་པ་ཎ་སྟོང་གིས་ཉོ་བ་སུ་ཡང་མེད་པའི་ཕྱིར་རོ། །དེས་སྨྲས་པ། བལྟའི། ཁྱེར་ཏེ་ཤོག་།དེས་དེ་ཉེ་བར་བསྟན་ཏོ། །མེ་སྐྱེས་ཀྱིས་སྨྲས་པ། བྲམ་ཟེ། དེ་ཙམ་ནི། རི་མོད་ཀྱི། འོན་ཀྱང་རས་གཅིག་ནི། སྤྱད་ཟིན་པ་ཞིག་།གཅིག་ནི། མ་སྤྱད་པ་ཞིག་པས། མ་སྤྱད་པ་གང་ཡིན་པ་འདི་ནི། ཀཪྴ་པ་ཎ་ལྔ་བརྒྱ་རི། གང་སྤྱད་པ་འདི་ནི། ཉིས་བརྒྱ་ལྔ་བཅུ་རིའོ། །བྲམ་ཟེས་སྨྲས་པ། ཅི། འདི་དེ་ལྟ་བུར་འགྱུར་རམ། མེ་སྐྱེས་ཀྱིས་སྨྲས་པ། བྲམ་ཟེ། ཁྱོད་ཀྱིས་མངོན་སུམ་དུ་བསྟན་གྱི། ལྟོས་ཤིག། ཅེས་དེས་མ་སྤྱད་པ་དེ་སྟེང་གི་ནམ་མཁའ་ལ་བོར་བ་དང ། དེ་སྐྱེངས་ཤིང་འདུག་གོ་།སྤྱད་པ་བོར་བ་ན། དེ་མ་ཐག་ཏུ་ཕྱིར་ལྷུང་ངོ ། །བྲམ་ཟེ་ངོ་མཚར་སྐྱེས་ཏེ་སྨྲས་པ། ཁྱིམ་བདག། ཁྱོད་ནི། རྫུ་འཕྲུལ་ཆེ་བ། མཐུ་ཆེ་བ་ཞིག་གོ་།མེ་སྐྱེས་ཀྱིས་ཡང་ལྟོས་ཤིག་།ཅེས་སྨྲས་ནས། དེས་མ་སྤྱད་པ་གང་ཡིན་པ་དེ། ཚེར་མའི་སྟེང་དུ་བོར་ན། མ་ཐོགས་པར་སོང་ངོ ། །གཅིག་ཤོས་དེ་བོར་ན། ཚེར་མ་ལ་ཐོགས་</font><hr>Tha32a<br><font size=+2>


༄#། །ནས་བྲམ་ཟེ་དེ། ངོ་མཚར་ཆེན་པོ་དེས་མངོན་པར་དད་པར་གྱུར་ནས་སྨྲས་པ། ཁྱིམ་བདག་།ཁྱོད་ནི། རྫུ་འཕྲུལ་ཆེ་བ། མཐུ་ཆེ་བ་ཞིག་པས། ཁྱོད་རིན་ཇི་ཙམ་གྱིས་བཞེད་པ་དེ་ཙམ་གྱིས་སྣོམས་ཤིག་།དེས་སྨྲས་པ། བྲམ་ཟེ། ཁྱོད་མགྲོན་ཡིན་གྱི། ཁྱོད་ཉིད་ལ་མཆོད་པ་བྱ་བའི་ཕྱིར་ཀཪྴ་པ་ཎ་སྟོང་ཉིད་སྦྱིན་པར་བྱའོ། །ཞེས་དེས་དེ་ལ་ཀཪྴ་པ་ཎ་སྟོང་བྱིན་པ་དང ། བྲམ་ཟེས་དེ་བླངས་ནས་སོང་ངོ ། །མེ་སྐྱེས་ཀྱིས་དེ་དག་ལས་གང་སྤྱད་པ་དེ་ནི། ཁྱེའུ་ཞིག་ལ་བྱིན། མ་སྤྱད་པ་ནི། ཁྲུས་རས་སུ་བྱས་སོ། །དེ་ནས་དུས་གཞན་ཞིག་ན། རྒྱལ་པོ་གཟུགས་ཅན་སྙིང་པོ་སྟེང་གི་ཁང་བཟང་གི་ཐོག་ན་བློན་པོའི་ཚོགས་ཀྱིས་ཡོངས་སུ་བསྐོར་ཅིང་འདུག་པའི་ཚེ། མེ་སྐྱེས་ཀྱིས་ཁྲུས་རས་ཁང་པའི་སྟེང་དུ་སྐམ་དུ་བཅུག་པ་རླུང་གིས་ནམ་མཁའ་ལ་ཁྱེར་ནས་རྒྱལ་པོ་གཟུགས་ཅན་སྙིང་པོའི་སྟེང་དུ་ལྷུང་བ་དང ། རྒྱལ་པོས་སྨྲས་པ། ཤེས་ལྡན་དག་།རྒྱལ་པོ་ལ་འོས་པའི་གོས་འདི་ལྟ་བུ་ག་ལས་འོངས། དེ་དག་གིས་སྨྲས་པ། ལྷ། རྒྱལ་པོ་ང་ལས་ནུ་བྱུང་བའི་ཚེ་ནི། དགུང་བདུན་དུ་རིང་པོ་ཆེའི་ཆར་བབ་བོ། །ཞེས་ཐོས་ནས། ལྷ་ལ་ཡང་ན་བཟའི་ཆར་བབ་པ་ལས་ན། རིང་པོ་མི་ཐོགས་པར་རིན་པོ་ཆེའི་ཆར་འབབ་པར་འགྱུར་རོ། །རྒྱལ་པོས་སྨྲས་པ། བཅོམ་ལྡན་འདས་ཀྱིས་ཁྱིམ་བདག་མེ་སྐྱེས་ལྷ་དང་མིའི་དཔལ་ཡང་མྱོང་བར་འགྱུར་རོ། །ཞེས་ལུང་བསྟན་ལ། འདི་ཡང་ལྷའི་གོས་ནམ་མཁའ་ལས་འོངས་པ་ཞིག་ན། དེ་འོངས་དང་སྦྱིན་པར་བྱའི། ཞོག་ཅིག་ཅེས་བསྒོའོ། །དེ་དག་དེ་</font><hr>Tha32b<br><font size=+2>


སྐད་སྨྲ་བའི་ཚེ་ཉིད་ན་མེ་སྐྱེས་འོངས་པ་དང ། རྒྱལ་པོས་སྨྲས་པ། གཞོན་ནུ། ཁྱོད་བཅོམ་ལྡན་འདས་ཀྱིས་ལྷ་དང་མིའི་དཔལ་ཡང་མྱོང་བར་འགྱུར་རོ། །ཞེས་ལུང་བསྟན་ལ། ང་ལ་ཡང་ལྷའི་གོས་ནམ་མཁའ་ལས་ལྷུང་བ་འདི་ལྟ་བུ་ཡོད་ཀྱི། དེ་ཁྱོད་ཁྱེར་ཅིག་།དེས་ལག་པ་བརྐྱང་སྟེ་སྨྲས་པ། ལྷ། གཡར་སྔ་བྲིམ་གྱི། ཚུར་སྩལ་ཞེས་བརྟགས་ན། ཇི་ཙམ་ན་བདག་གིས་ཁྲུས་རས་ཡིན་པར་མཐོང་ནས་ཅུང་ཟད་བགད་དེ་སྨྲས་པ། ལྷ། འདི་བདག་གི་ཁྲུས་རས་བསེར་མས་འཚལ་ནས་འདིར་མཆིས་པ་ལགས་སོ། །རྒྱལ་པོས་སྨྲས་པ། གཞོན་ནུ། ད་ཁྱོད་ཀྱིས་ལྷ་དང་མིའི་དཔལ་ཡང་མྱོང་བར་གྱུར་ཏམ། ལྷ། མྱོང་བར་གྱུར་ཏོ། །གཞོན་ནུ། གལ་ཏེ་དེ་ལྟ་ན། ཅིའི་ཕྱིར་ང་སྤྱན་འདྲེན་པར་མི་བྱེད། ལྷ། སྤྱན་འདྲེན་ཏོ། །སོང་ལ་ཡོ་ལང་གི་ཞལ་ཏ་དག་ཤོམས་ཤིག་།ལྷ། གང་གིས་ལྷ་དང་མིའི་དཔལ་ཡང་མྱོང་བར་གྱུར་པ་ལ་ཞལ་ཏ་བགྱིད་ཅི་འཚལ་མོད་ཀྱི། འོན་ཀྱང་བདག་ཞལ་ཏ་བགྱིད་དུ་མཆིའོ། །རྒྱལ་པོ་མེ་སྐྱེས་ཀྱི་ཁྱིམ་དུ་སོང་ནས་བུད་མེད་ཀྱི་འཁོར་ཕྱི་པ་དག་མཐོང་བ་དང ། དབང་པོ་དག་ཕྱིར་གློན་པར་བྱེད་དོ། །མེ་སྐྱེས་ཀྱིས་སྨྲས་པ། ལྷ། ཅིའི་སླད་དུ་དབང་པོ་དག་སླར་གློན་པར་མཛད། དེས་སྨྲས་པ། གཞོན་ནུ། མནའ་མ་ཡིན་པས་དེ་ལྟར་བྱས་སོ། །ལྷ། སྣམ་ཟུངས་མ་ལགས་ཏེ། འདི་ལྟར། བུད་མེད་ཀྱི་འཁོར་ཕྱི་པ་དག་ལགས་སོ། །དེ་ངོ་མཚར་ཆེན་པོ་སྐྱེས་ནས། ཡང་བུད་མེད་ཀྱི་འཁོར་བར་མ་དག་མཐོང་བ་དང ། དབང་པོ་དག་ཕྱིར་ལྡོན་པར་བྱེད་དོ། །མེ་སྐྱེས་ཀྱིས་དེ་བཞིན་དུ་དྲིས་པ་དང ། རྒྱལ་</font><hr>Tha33a<br><font size=+2>


༄#། །པོས་ཀྱང་དེ་བཞིན་སྨྲས་སོ། །མེ་སྐྱེས་ཀྱིས་སྨྲས་པ། ལྷ། འདི་དག་ཀྱང་སྣམ་ཟུངས་ནི། མ་ལགས་ཏེ། འདི་ལྟར་བུད་མེད་ཀྱི་འཁོར་པར་མ་དག་ལགས་སོ། །དེ་ངོ་མཚར་ཆེན་པོ་ལྷག་པར་སྐྱེས་སོ། །རྒྱལ་པོས་དེའི་བར་སྒོའི་ཕྱོགས་རིན་པོ་ཆེའི་རང་བཞིན་ལས་གྱུར་པ། རྫིང་ཆུས་གང་བ་ལྟ་བུ་དེ་ན་ཉ་དག་རྒྱུ་བ་འདྲ་བའི་འཁྲུལ་འཁོར་གྱི་སྦྱོར་བ་བྱས་པ་དག་མཐོང་སྟེ་ནང་དུ་འགྲོ་བར་འདོད་ནས་ལྷ་མ་དག་འབུད་པར་བརྩམས་པ་དང ། མེ་སྐྱེས་ཀྱིས་སྨྲས་པ། ལྷ། ཅིའི་སླད་དུ་ཆགས་དག་གསལ་བར་མཛད། དེས་སྨྲས་པ། གཞོན་ནུ། ཆུ་ལ་འབོག་པར་བྱ་བའི་ཕྱིར་རོ། །མེ་སྐྱེས་ཀྱིས་སྨྲས་པ། ལྷ། འདི་ཆབ་མ་ལགས་ཏེ། ཆབ་ལྟ་བུར་གདའ་བ་ནི། རིན་པོ་ཆེའི་ས་གཞི་ལགས་སོ། །དེས་སྨྲས་པ། གཞོན་ནུ། ཉ་རྒྱུ་བ་དག་འདི་ལྟར་སྣང་ངོ ། །ལྷ། འཁྲུལ་འཁོར་གྱི་སྦྱོར་བ་ལས་དེ་དག་རྒྱུ་བར་གདའོ། །རྒྱལ་པོ་ཡིད་མ་ཆེས་པ་དང ། དེས་སོར་གདུབ་རྒྱ་འཕངས་པ་ན། སྒྲ་ཀྲ་ལ་ལ་ཟེར་ཏེ་རིན་པོ་ཆེའི་ས་གཞིའི་སྟེང་དུ་འཇོལ་བར་གྱུར་ནས་དེ་ངོ་མཚར་སྐྱེས་ཏེ། ནང་དུ་སོང་ནས་སེང་གེའི་ཁྲི་ལ་འདུག་གོ། མནའ་མ་དག་རྐང་པ་ལ་ཕྱག་འཚལ་དུ་ལྷགས་པ་དེ་དག་མཆི་མ་བྱུང་ནས་རྒྱལ་པོས་སྨྲས་པ། གཞོན་ནུ། ཅིའི་ཕྱིར་མནའ་མ་འདི་དག་དུ། དེས་སྨྲས་པ། ལྷ། འདི་དག་དུ་བ་མ་ལགས་ཏེ། འདི་ལྟར། ལྷའི་ན་བཟའ་ལ་ཤིང་གི་དུད་པའི་དྲི་གདའ་བས། དེས་འདི་དག་མཆི་མ་བྱུང་བར་གྱུར་ཏོ། །རྒྱལ་པོ་ལྷ་དང་མིའི་</font><hr>Tha33b<br><font size=+2>


དཔལ་དེ་དག་ལ་ཉེ་བར་སྤྱོད་ཅིང་ཕྱིར་མི་ལྡོག་པ་ན། རྒྱལ་པོའི་བྱ་བ་དང ། རྒྱལ་པོའི་བྱེད་པ་དག་ཡོངས་སུ་ཉམས་པར་གྱུར་ནས་གཞོན་ནུ་མ་སྐྱེས་དགྲ་ལ་བློན་པོ་རྣམས་ཀྱིས་སྨྲས་པ། གཞོན་ནུ། ལྷ་ནི། མེ་སྐྱེས་ཀྱི་ཁྱིམ་དུ་གཤེགས་ནས་བག་མ་མཆིས་པར་གྱུར་གྱི། བཞུད་ལ་སྦྲོན་ཅིག་།དེ་སོང་ནས་སྨྲས་པ། ལྷ། ཁྱོད་འདིར་གཤེགས་ཏེ་བཞུགས་པར་མཛད་དམ་ཅི། བློན་པོ་རྣམས་ཀྱི་མཆིད་ནས་རྒྱལ་པོའི་བྱ་བ་དང ། བྱེད་པ་དག་ཡོངས་སུ་ཉམས་པར་གྱུར་ཏོ། །ཞེས་མཆིའོ། །དེས་སྨྲས་པ། གཞོན་ནུ། ཅི། ཁྱོད་ཀྱིས་ཞག་གཅིག་ཙམ་རྒྱལ་སྲིད་བྱེད་དུ་འཇུག་ཀྱང་མི་ནུས་སམ། དེས་སྨྲས་པ། ལྷ། བདག་གིས་ནི། ལྷས་དགུང་བདུན་ལགས་པར་འཚལ་ན། ལྷས་ནི། དགུང་གཅིག་ལགས་པར་མཁྱེན་པ་ལྟ། རྒྱལ་པོས་མེ་སྐྱེས་ཀྱི་གདོང་དུ་བརྟགས་ཏེ་སྨྲས་པ། གཞོན་ནུ། བདེན་ནམ། ལྷ། མད་དོ། །དགུང་བདུན་ཁོ་ན་ལགས་སོ། །འོ་ན། ཉིན་མཚན་ཇི་ལྟར་ཤེས། ལྷ། མེ་ཏོག་དག་ཁ་འབྱེ་ཞིང་འཛུམ་པ་དང ། ནོར་བུ་དག་གི་འོད་འབར་རམ་མི་འབར་བ་དང ། བྱ་དག་སྐད་འབྱིན་ཏམ་མི་འབྱིན་པའི་ཚུལ་ལས་གདའོ། །མེ་ཏོག་གང་དག་དགུང་ལ་ཁ་འབྱེ་ཞིང་གདུགས་ལ་ཟུམ་པར་འགྱུར་བ་ཡང་མཆིས། གང་དག་གདུགས་ལ་ཁ་འབྱེ་ཞིང་དགུང་ལ་ཟུམ་པར་འགྱུར་བ་ཡང་མཆིས། ནོར་བུ་གང་དག་དགུང་ལ་འབར་ཞིང་གདུགས་ལ་མི་འབར་བ་ཡང་མཆིས། གང་དག་གདུགས་ལ་འབར་ཞིང་དགུང་ལ་མི་འབར་བ་ཡང་མཆིས། བྱ་གང་དག་དགུང་ལ་སྐད་འབྱིན་ཅིང་གདུགས་ལ་མི་འབྱིན་</font><hr>Tha34a<br><font size=+2>


༄#། །པ་ཡང་མཆིས། གང་དག་གདུགས་ལ་སྐད་འབྱིན་ཅིང་དགུང་ལ་སྐད་མི་འབྱིན་པ་ཡང་མཆིས་སོ། །རྒྱལ་པོ་ངོ་མཚར་སྐྱེས་ནས་སྨྲས་པ། གཞོན་ནུ། བཅོམ་ལྡན་འདས་ནི།་ཕྱིན་ཅི་མ་ལོག་པར་གསུང་བ་སྟེ། བཅོམ་ལྡན་འདས་ཀྱིས་ཁྱོད་ཇི་ལྟར་ལུང་བསྟན་པ་ཁོ་ན་ལས་གཞན་དུ་མ་གྱུར་ཏོ། །དེ་སྐད་སྨྲས་ནས། རྒྱལ་པོ་དེ་མེ་སྐྱེས་ཀྱི་ཁྱིམ་ནས་ཕྱིར་བྱུང་སྟེ་སོང་ངོ ། ། གཞོན་ནུ་མ་སྐྱེས་དགྲས་མེ་སྐྱེས་ཀྱི་ནོར་བུ་གཅིག་བརྐུས་ཏེ་ཁྱེའུ་ཞིག་གི་ལག་ཏུ་གཏད་པ་དང ། དེས་གང་ནས་བླངས་པ་དེ་ཉིད་དུ་ཕྱིར་སོང་སྟེ་འདུག་གོ། མ་སྐྱེས་དགྲས་སྨྲས་པ། ཁྱེའུ། ནོར་བུ་དེ་བལྟའི། ཁྱེར་ཤོག་།དེས་ཆང་བ་ཕྱེ་སྟེ་སྨྲས་པ། གཞོན་ནུ། གར་མཆིས། མ་འཚལ་ཏོ། །དེས་དེ་རྡེག་པར་བརྩམས་པ་དང ། མེ་སྐྱེས་ཀྱིས་སྨྲས་པ། གཞོན་ནུ། འདི་ལ་ཅིའི་ཕྱིར་རྡེག་པར་བྱེད།་ཁྱིམ་བདག་།ཁོ་བོ་ཡང་རྐུན་མ་ཡིན་ན། འདི་ནི། རྐུན་ཆེན་ཞིག་སྟེ། བདག་གིས་ཁྱོད་ཀྱི་ནོར་བུ་བརྐུས་པ་དེ་ཡང་འདིས་བརྐུས་སོ། །དེས་སྨྲས་པ། གཞོན་ནུ་ཁྱོད་ཀྱིས་ཀྱང་མ་བརྐུས། འདིས་ཀྱང་མ་བརྐུས་ཏེ། འདི་ལྟར་ཁྱོད་ཀྱིས་གང་ནས་བླངས་པ་དེ་ཉིད་དུ་ཕྱིར་སོང་སྟེ་འདུག་གོ་།དེ་ལྟ་མོད་ཀྱི། གཞོན་ནུ་ཁྱོད་ཀྱི་ཁྱིམ་ཡིན་གྱི། ནོར་བུ་ཇེ་སྙེད་དགོས་པ་དང ། གཞན་ཡང་ནོར་རྫས་ཅི་དགོས་པ་དེ་དག་ཅི་བདེར་ལོངས་ཤིག་།དེ་སྐྱེངས་ནས་བསམ་པ། ནམ་ཞིག་ན་བདག་གི་ཕ་འཆི་བའི་དུས་ལ་བབ་ནས་བདག་རྒྱལ་པོ་བྱེད་པ་དེའི་ཚེ་བླང་ངོ ། །སྙམ་མོ། །ཇི་ཙམ་ན་མ་སྐྱེས་དགྲ་ལྷ་སྦྱིན་</font><hr>Tha34b<br><font size=+2>


གྱིས་བསླུས་ནས་ཕ་ཆོས་ཀྱི་རྒྱལ་པོ། ཆོས་དང་ལྡན་པ་སྲོག་དང་ཕྲལ་ནས་རང་གིས་ཅོད་བ་ན་བཅིངས་ཏེ་རྒྱལ་པོར་ཞུགས་ནས་དེའི་ཚེ་དེས་མེ་སྐྱེས་བོས་ཏེ། ཁྱིམ་བདག། ཁྱོད་དང་ང་སྤུན་ཡིན་པས་ཁྱིམ་དག་བགོ་བར་བྱའོ། །དེས་བསམ་པ། འདི་ནི། ཕ་ཆོས་ཀྱི་རྒྱལ་པོ་ཆོས་དང་ལྡན་པ་དེ་ལྟ་བུ་བསད་དེ་བདག་ཉིད་ཀྱི་ཅོད་པ་ན་བཅིངས་ནས་རྒྱལ་པོར་ཞུགས་པ་ཡིན་པས། འདིས་གལ་ཏེ་ན་བདག་ཀྱང་གསོད་པར་འགྱུར་རོ། །འདི་བདག་གི་ཁྱིམ་དབྲོག་པར་སེམས་ཡང་ཐག་གི། སྦྱིན་པར་བྱའོ། །སྙམ་དུ་བསམ་ནས་སྨྲས་པ། ལྷ། འདི་ཁྱོད་མངའ་ན། བགོ་ཅི་འཚལ། ཁྱོད་ཀྱི་ཁབ་ཏུ་ནི། བདག་མཆིའོ། །བདག་གི་སྡུམ་པར་ནི། ཁྱོད་གཤེགས་སུ་གསོལ། མ་སྐྱེས་དགྲས་སྨྲས་པ། ལེགས་ཀྱི། དེ་བཞིན་བྱའོ། །ཞེས་དེ་དེའི་ཁྱིམ་དུ་འཕོས་ཤིང ། མེ་སྐྱེས་ནི། མ་སྐྱེས་དགྲའི་ཁྱིམ་དུ་འཕོས་པ་དང ། དཔལ་དང་ལྡན་པའི་ཁྱིམ་དེ་མི་སྣང་བར་གྱུར་ཅིང་མེ་སྐྱེས་ག་ལ་བ་དེ་ཉིད་དུ་བྱུང་ངོ ། །དེ་ལྟར་ལན་བདུན་གྱི་བར་དུ་མི་སྣང་བར་གྱུར་ཅིང་བྱུང་བ་དང ། མ་སྐྱེས་དགྲས་བསམ་པ། འདི་ལྟར་མེ་སྐྱེས་ཀྱིས་ནོར་བུ་དག་བདག་གིས་འཕྲོག་པར་མ་ནུས་ཀྱི། ཐབས་གཞན་ཞིག་བྱའོ། །སྙམ་ནས་ངེས་ཆོམ་རྐུན་མ་དག་བསྐོས་ཏེ། དེངས་ལ་མེ་སྐྱེས་ཀྱི་ཁྱིམ་ནས་ནོར་བུ་དག་རྐུས་ཤིག་།ཅེས་བསྒོས་ནས། དེ་དག་གིས་སྐས་དང ། ཡ་གད་དང ། ཀྱོ་བཏང་དག་གིས་འཛེག་པར་བརྩམས་པ་དང ། སྟེང་གི་ཁང་བཟང་གི་གཞིར་གཏོགས་པ་ན་ཆུང་མའི་འཁོར་འཁོད་པས་དེ་དག་མཐོང་ནས་དེ་དག་གིས་རྐུན་པོ་བྱུང་ངོ ། །རྐུན་པོ་བྱུང་ངོ ། ། </font><hr>Tha35a<br><font size=+2>


༄#། །ཞེས་བྱ་བའི་སྒྲ་ཕྱུང་ངོ ། །མེ་སྐྱེས་ཀྱིས་དེ་ཐོས་ནས། ཆོམ་རྐུན་པ་དག་འདུག་པར་གྱུར་ཅིག་ཅེས་ཡིད་ལ་ཡང་བསམ། ཚིག་ཏུ་ཡང་བརྗོད་པ་དང ། དེ་དག་གང་ནས་ཇི་ལྟར་འཛེག་པ་དེ་ཉིད་ན་དེ་བཞིན་འཁོད་པར་གྱུར་ཏོ། །ཇི་ཙམ་ན་མཚན་མོ་འདས་ཏེ་ནམ་ནངས་པ་དང ། སྐྱེ་བོ་ཕལ་པོ་ཆེའི་ཚོགས་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག ། རྒྱལ་པོ་སྡིག་ཅན་འདིས། ཕ་ཆོས་ཀྱི་རྒྱལ་པོ། ཆོས་དང་ལྡན་པ་སྲོག་དང་ཕྲལ་ནས་དེ་ཡང་ཁྱིམ་འཇོམས་པར་བྱེད་པ་དེ། ཅིའི་ཕྱིར་བདག་ཅག་གིས་དང་དུ་བླང་བར་བྱ། མ་སྐྱེས་དགྲས་མེ་སྐྱེས་ཀྱི་གན་དུ་ཕོ་ཉ་བཏང་སྟེ། ང་ལ་སྐྱོན་དུ་འགྱུར་བས་དེ་དག་ཐོང་ཞིག་ཅེས་བྱས་པ་དང ། མེ་སྐྱེས་ཀྱིས་ཆོམ་རྐུན་པ་འདི་དག་འདོང་བར་གྱུར་ཅིག་ཅེས་ཡིད་ལ་ཡང་བསམ། ཚིག་ཏུ་ཡང་བརྗོད་ནས་དེ་དག་དོང་ངོ ། །མེ་སྐྱེས་ཀྱིས་བསམ་པ། གང་གིས་འདི་ལྟར་ཕ་ཆོས་ཀྱི་རྒྱལ་པོ། ཆོས་དང་ལྡན་པ་སྲོག་དང་ཕྲལ་བ་དེས། བདག་གསོད་པར་འགྱུར་གོར་མ་ཆག་གི། །བདག་ནི། བཅོམ་ལྡན་འདས་ཀྱིས་ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །ཞེས་ལུང་བསྟན་པ་ཡིན་པས། རྣམ་པ་ཐམས་ཅད་དུ་དེར་སོང་ལ་རབ་ཏུ་འབྱུང་ངོ ། །སྙམ་ནས་དེར་ནོར་གྱི་རྣམ་པ་ཐམས་ཅད་ཕོངས་པ་དག་དང ། མགོན་མེད་པ་དག་དང ། དབུལ་པོ་དག་དང ། ནད་པ་དག་ལ་བྱིན་ཏེ། ནོར་མེད་པ་རྣམས་ནོར་དང་ལྡན་པར་</font><hr>Tha35b<br><font size=+2>


བྱས་ཏེ་བཞག་གོ་།དེ་ནས་ཁྱིམ་བདག་མེ་སྐྱེས་མཛའ་བཤེས་དང ། རྩ་ལག་དང ། ཉེ་དུ་དང ། ཕུ་ནུ་དག་གི་ངོ་བལྟས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཁྱིམ་བདག་མེ་སྐྱེས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བཅོམ་ལྡན་འདས་ཀྱི་སྤྱན་སྔར་བདག་ཚངས་པར་སྤྱད་པ་སྤྱོད་པར་འཚལ་ལོ། །དེ་ལ་བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱ་བས་དགེ་སློང་ཚུར་ཤོག་།ཚངས་པར་སྤྱད་པ་སྤྱོད་ཅིག་ཅེས་བཀའ་སྩལ་མ་ཐག་ཁོ་ནར་སྐྲ་བྱི་ཞིང་སྣམ་སྦྱར་བགོས་ནས་ལག་པ་ལྷུང་བཟེད་དང ། བྱ་མ་བུམ་དང་ལྡན་པ་དང ། སྐྲ་དང་ཁ་སྤུ་བྲེགས་ནས་ཞག་བདུན་ལོན་པ་ཙམ་དུ་གྱུར་ཅིང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། སངས་རྒྱས་དགོངས་པས་ལུས་གཟུགས་བཀའ་པར་གྱུར། །བཅོམ་ལྡན་འདས་ཀྱིས་དེ་ལ་ལུང་ཕོག་ནས་དེས་རྩོལ་བ་དང ། འབད་པ་དང ། སྒྲིམ་པ་བྱས་པས་འཁོར་བའི་འཁོར་ལོ་ཆ་ལྔ་པ། གཡོ་བ་དང ། མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། </font><hr>Tha36a<br><font size=+2>


༄#། །རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱིས་བཅོམ་ནས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་ལྟར་སེམས་མཉམ་པ། སྟེའུ་དང་ཙནྡན་དུ་མཉམ་པ། རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙད་\་RཎYཱེཌ?\་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། གུས་པར་སྨྲ་བར་བྱ་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་མེ་སྐྱེས་འདིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་མ་དང་ལྷན་ཅིག་ཞུགས་ཀྱི་ཕུང་པོར་བསྲེགས་ཤིང་ལྷ་དང་མིའི་དཔལ་ཡང་མྱོང་ནས་བཅོམ་ལྡན་འདས་ཀྱི་བསྟན་པ་ལ་ཡང་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བགྱིས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རིགས་ཀྱི་བུ་མེ་སྐྱེས་ཉིད་ཀྱིས། ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་</font><hr>Tha36b<br><font size=+2>


དག་བྱས་ཤིང་བསགས་པས། མེ་སྐྱེས་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་པ་ཉིད། །དགེ་སློང་དག་།སྔོན་བྱུང་བ་བསྐལ་པ་དགུ་བཅུ་རྩ་གཅིག་འདས་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་འཇིག་རྟེན་དུ་བྱུང་སྟེ། དགེ་སློང་དྲུག་ཁྲི་ཉིས་སྟོང་གི་འཁོར་དང་ཐབས་ཅིག་ཏུ་ལྗོངས་རྒྱུར་གཤེགས་པ་ན། རྒྱལ་པོའི་ཕོ་བྲང་རྩ་ལག་ཅན་དུ་བྱོན་ནས་རྩ་ལག་ཅན་གྱི་ཚལ་ན་བཞུགས་སོ། །དེའི་ཚེ་རྒྱལ་པོའི་ཕོ་བྲང་རྩ་ལག་ཅན་ན། རྒྱལ་པོ་གཉེན་ལྡན་ཞེས་བྱ་བ་ཆོས་ཀྱི་རྒྱལ་པོ། ཆོས་དང་ལྡན་པས་རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང་</font><hr>Tha37a<br><font size=+2>


༄#། །མི་མང་པོས་གང་བ། འཐབ་མོ་དང ། འཐབ་པ་དང ། རྩོད་པ་དང ། འགྱེད་པ་དང ། ཕྱི་དགྲ་དང ། ནང་འཁྲུག་དང ། ཆོམ་རྐུན་དང ། མུ་གེ་དང ། ནད་རབ་ཏུ་ཞི་བ། འབྲུ་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་གོ་།དེ་ན་ཁྱིམ་བདག་ཉེས་མེད་ཅེས་བྱ་བ། ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེས་བསམ་པ། བདག་གིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལན་དུ་མ་ཞིག་ཁྱིམ་དུ་སྤྱན་དྲངས་ཏེ། གདུགས་ཚོད་གསོལ་མོད་ཀྱི། ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབས་པ་ནི། ནམ་ཡང་མ་བྱས་པས། ད་བདག་གིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབ་བོ། །སྙམ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེར་སོང་སྟེ་ཕྱིན་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཁྱིམ་བདག་ཉེས་མེད་ལ་ཆོས་དང་ལྡན་པའི་གཏམ་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་</font><hr>Tha37b<br><font size=+2>


མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་བར་བཞུགས་སོ། །དེ་ནས་ཁྱིམ་བདག་ཉེས་མེད་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལ་བདག་དགུང་ཟླ་གསུམ་དུ་ན་བཟའ་དང ། ཞལ་ཟས་དང ། གནས་མལ་དང ། སྙུན་གྱི་རྐྱེན་དང ། སྨན་གྱི་ཡོ་བྱད་རྣམས་འབུལ་བར་ཅི་གནང ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས། ཁྱིམ་བདག་ཉེས་མེད་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་ཉེས་མེད་ཀྱིས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ཅང་མི་གསུང་བས་གནང་བར་རིག་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་ངོ ། །རྒྱལ་པོ་གཉེན་ལྡན་གྱིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དགེ་སློང་དྲུག་ཁྲི་ཉིས་སྟོང་གི་འཁོར་དང་ཐབས་ཅིག་ཏུ་ལྗོངས་རྒྱུར་གཤེགས་པ་ན། རྒྱལ་པོའི་ཕོ་བྲང་རྩ་ལག་ཅན་དུ་བྱོན་ནས་རྩ་ལག་ཅན་གྱི་ཚལ་</font><hr>Tha38a<br><font size=+2>


༄#། །ན་བཞུགས་སོ། །ཞེས་ཐོས་སོ། །ཐོས་ནས་ཀྱང་དེས་བསམ་པ། བདག་གིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལན་དུ་མ་ཞིག་ཕོ་བྲང་དུ་སྤྱན་དྲངས་ཏེ་གདུགས་ཚོད་གསོལ་མོད་ཀྱི། ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབས་པ་ནི། ནམ་ཡང་མ་བྱས་པས་བདག་གིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབ་བོ། །སྙམ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེར་སོང་སྟེ་ཕྱིན་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་རྒྱལ་པོ་གཉེན་ལྡན་ལ་ཆོས་དང་ལྡན་པའི་གཏམ་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་བར་བཞུགས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་གསུམ་པ། དེ་ནས་རྒྱལ་པོ་གཉེན་ལྡན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་ཡང་དག་པར་རྫོགས་པའི་</font><hr>Tha38b<br><font size=+2>


སངས་རྒྱས་རྣམ་པར་གཟིགས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལ་བདག་དགུང་ཟླ་གསུམ་དུ་ན་བཟའ་དང ། ཞལ་ཟས་དང ། གནས་མལ་དང ། སྙུན་གྱི་རྐྱེན་དང ། སྨན་གྱི་ཡོ་བྱད་རྣམས་འབུལ་བར་ཅི་གནང ། རྒྱལ་པོ་ཆེན་པོ། ཁྱིམ་བདག་ཉེས་མེད་ཀྱིས་དང་པོ་ཁོ་ནར་སྤྱན་དྲངས་ཟིན་ཏོ། །བཅོམ་ལྡན་འདས་ཀྱིས་བདག་ལ་གནང་ན། ཇི་ལྟར་གནང་བ་དེ་ལྟར་བདག་གི་ཁྱིམ་བདག་ཉེས་མེད་འདྲང་བར་བགྱིའོ། །བཀའ་སྩལ་པ། རྒྱལ་པོ་ཆེན་པོ། གལ་ཏེ་ཁྱིམ་བདག་ཉེས་མེད་འདྲངས་ན། ངས་དེ་བཞིན་གནང་བར་བྱའོ། །རྒྱལ་པོ་གཉེན་ལྡན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་རང་གི་གནས་ག་ལ་བ་དེར་སོང་སྟེ་ཕྱིན་ནས་རྒྱལ་པོ་གཉེན་ལྡན་གྱིས་ཁྱིམ་བདག་ཉེས་མེད་ཕོ་ཉས་བཀུག་ནས་སྨྲས་པ། ཁྱིམ་བདག་ཤེས་པར་བྱོས་ཤིག་།ཡང་དག་བར་རྫོགས་པའི་སངས་རྒྱས་རྣམ་པར་གཟིགས་དང་པོ་ནས་ངས་གདུགས་ཚོད་གསོལ་ལ། དེའི་འོག་ཏུ་ཁྱོད་ཀྱིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་གདུགས་ཚོད་གསོལ་ན་ཁྱོད་ལ་གནོད་པ་མེད་དམ། དེས་སྨྲས་པ། ལྷ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དང་པོ་ཁོ་ནར་བདག་གིས་སྤྱན་དྲངས་ལགས་པས་བདག་གིས་གདུགས་ཚོད་གསོལ་བར་</font><hr>Tha39a<br><font size=+2>


༄#། །འཚལ་ལོ། །རྒྱལ་པོས་སྨྲས་པ། ཁྱིམ་བདག་།གལ་ཏེ་དེ་ལྟ་མོད་ཀྱི། འོན་ཀྱང་ཁྱོད་ངའི་ཡུལ་ན་གནས་པས་དང་པོ་ཁོ་ནར་ངས་གདུགས་ཚོད་གསོལ་བར་འོས་སོ། །ལྷ། འདི་ལྟར་བདག་ཁྱོད་ཀྱི་ཡུལ་ན་མཆིས་མོད་ཀྱི། འོན་ཀྱང་གང་གིས་སྔར་སྤྱན་དྲངས་པ་དེ་ཉིད་ཀྱིས་གདུགས་ཚོད་གསོལ་བ་འདི་ལ་ལྷས་གནོད་པར་བགྱི་བར་མི་རིགས་སོ། །ཁྱིམ་བདག་།ཁྱོད་འདོད་རྒྱལ་དུ་མི་གཏང་གི་།གདུགས་ཚོད་གང་བཟང་བས་སྤྱན་དྲང་བར་བྱ་སྟེ། གང་གི་གདུགས་ཚོད་བཟང་བས་སྔར་གསོལ་བར་བྱ་ཞིང ། གང་གིས་མ་ཐུབ་པ་དེས་ཕྱིས་གདུགས་ཚོད་གསོལ་བར་བྱའོ། །ཁྱིམ་བདག་ཉེས་མེད་ཀྱིས་དེ་བཞིན་བགྱིའོ། །ཞེས་མཉན་ནས་དེ་ཉིད་ཀྱི་ནུབ་མོ་ཁྱིམ་བདག་ཉེས་མེད་ཀྱིས། བཟའ་བ་དང ། བཅའ་བ་གཙང་ཞིང་བསོད་པ་དག་སྦྱར་ཏོ། །ནང་པར་སྔར་ལངས་ནས་གདན་ཐབས་མང་པོ་བཤམས་ཤིང ། ཆུ་ར་དག་ཉེ་བར་བཞག་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་གདུགས་ཚོད་ཀྱི་དུས་སུ་སྤྱན་འདྲེན་གྱིས། བཅོམ་ལྡན་འདས། གདུགས་ཚོད་གཡར་དགོངས་འཚལ་ལགས་ཏེ། བཙུན་པས་ད་དེའི་དུས་ལ་བབ་པར་དགོངས་སུ་གསོལ་ཞེས་གསོལ་པ་དང ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས། སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་དགེ་འདུན་གྱི་ཚོགས་ཀྱིས་ཡོངས་སུ་བསྐོར་ཅིང་མདུན་དུ་བདར་ཏེ་ཁྱིམ་བདག་ཉེས་མེད་ཀྱི་བཀད་ས་ག་ལ་བ་དེར་གཤེགས་ཏེ་བྱོན་ནས་</font><hr>Tha39b<br><font size=+2>


དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་ཉེས་མེད་ཀྱིས། སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཟའ་བ་དང ། བཅའ་བ་གཙང་ཞིང་བསོད་པ་དག་རང་གི་ལག་ནས་བསྟབས་ཤིང་ཚིམ་པར་བྱས་ཏེ་ལན་གྲངས་དུ་མར་བཟའ་བ་དང ། བཅའ་བ་གཙང་ཞིང་བསོད་པ་དག་རང་གི་ལག་ནས་བསྟབས་ཤིང་ཚིམ་པར་བྱས་པ་དང ། བཅོམ་ལྡན་འདས་ཀྱིས་གསོལ་ནས་ཕྱག་བཅབས་ཏེ་ལྷུང་བཟེད་བཞག་པར་རིག་ནས། སྟན་ཆེས་དམའ་པ་ཞིག་བླངས་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཁྱིམ་བདག་ཉེས་མེད་ལ་ཆོས་དང་ལྡན་པའི་གཏམ་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་ཡང་དག་པར་བསྟན། ཡང་དག་པར་འཛིན་ཏུ་འཇུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་སླར་གཤེགས་སོ། །རྒྱལ་པོ་གཉེན་ལྡན་གྱིས་ཀྱང་གཞུང་གོང་མ་ཇི་ལྟ་བ་དེ་བཞིན་དུ་གདུགས་ཚོད་གསོལ་བ་རྒྱ་ཆེར་རིག་པར་བྱའོ། །རྒྱལ་པོ་དང་ཁྱིམ་བདག་གི་གདུགས་ཚོད་བཟང་བར་འདྲ་སྟེ། གང་ཡང་ཕམ་རྒྱལ་མེད་ནས་རྒྱལ་པོ་གཉེན་ལྡན་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་</font><hr>Tha40a<br><font size=+2>


༄#། །འདུག་པ་དང ། བློན་པོ་དག་གིས་སྨྲས་པ། ལྷ། ཁྱོད་ཅིའི་སླད་དུ་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་བཞུགས། དེས་སྨྲས་པ། ཤེས་ལྡན་དག་།ངས་ངའི་ཡུལ་ན་གནས་པའི་གྲོང་མི་གང་ཡིན་པ་དེ་ཡང་གདུགས་ཚོད་ལྷག་པར་བཟང་པོས་ཕམ་པར་མ་ནུས་ན། ད་ཇི་ལྟར་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་མི་འདུག་ཏུ་རུང ། དེ་དག་གིས་སྨྲས་པ། ལྷ། ཞུགས་ཤིང་ཚོང་པ་རྣམས་དགག་དང ། ཁྱིམ་བདག་དེའི་ཞུགས་ཤིང་མ་མཆིས་པར་འགྱུར་རོ། །རྒྱལ་པོས་སྨྲས་པ། ཤེས་ལྡན་དག་།གང་དག་ངའི་ཡུལ་ན་གནས་པ་དེ་དག་གིས་ཤིང་བཙོང་བར་མི་བྱའོ། །གང་དག་ཤིང་ཚོང་བ་དེ་དག་ནི། ངའི་ཡུལ་ན་མ་འདུག་ཅིག་ཅེས་དྲིལ་སྒྲོགས་ཤིག་།དེ་ལྟར་བྱས་པ་དང ། ཁྱིམ་བདག་ཉེས་མེད་ཀྱིས་སྤོས་ཀྱི་ཤིང་དག་གིས་གདུགས་ཚོད་གཡོས་ཤིང ། འབྲུ་མར་དྲི་ཞིམ་པོས་བརླན་པའི་རས་ཀྱིས་བག་ཚོས་དག་བཙོ་བར་བརྩམས་པ་དང ། གཉེན་ལྡན་གྱི་གྲོང་ཁྱེར་ཐམས་ཅད་དྲི་ཞིམ་པོ་དག་གིས་ཁྱབ་པར་གྱུར་ཏོ། །རྒྱལ་པོ་གཉེན་ལྡན་གྱིས་སྨྲས་པ། ཤེས་ལྡན་དག་།འདི་ལྟ་བུའི་དྲི་ཞིམ་པོ་གང་ནས་བྱུང ། དེ་དག་གིས་རྒྱ་ཆེར་བརྗོད་པ་དང ། དེས་སྨྲས་པ། ཅི། ང་ལ་ཡོ་བྱད་དག་མེད་དམ། ངས་ཀྱང་དེ་ལྟ་བུ་བྱའོ། །བློན་པོ་དག་གིས་སྨྲས་པ། ལྷ། དེ་ལྟར་མཛད་དུ་མི་རུང་སྟེ། ཁྱིམ་བདག་འདི་ནི། བུ་མ་མཆིས་པས། རིང་པོ་མི་ཐོགས་པར་འགུམ་པའི་དུས་ལ་བབ་ནས་ནོར་ཐམས་ཅད་ཁྱོད་ཉིད་</font><hr>Tha40b<br><font size=+2>


མངའ་བར་འགྱུར་གྱི། ལྷ། ཞུགས་ཤིང་ཚོང་དུ་གནང་བར་མཛོད་ཅིག་།དེ་ནས་དེས་ཤིང་དག་ཚོང་དུ་གནང་ངོ ། །ཁྱིམ་བདག་ཉེས་མེད་ཀྱིས་རྒྱལ་པོས་ཤིང་དག་ཚོང་དུ་གནང་ངོ ། །ཞེས་ཐོས་ནས་སེམས་འཁྲུགས་ཏེ། ཁོ་བོ་ལ་ཤིང་དག་གིས་རྒྱལ་པོ་གཉེན་ལྡན་དེ་མ་དང་ལྷན་ཅིག་མེའི་ཕུང་པོར་བསྲེགས་ཀྱང་ཆོག་བ་ཙམ་ཡོད་དོ། །ཞེས་ཚིག་བརླང་པོ་དག་བརྗོད་དོ། །རྒྱལ་པོ་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་འདུག་ནས་བློན་པོ་དག་གིས་སྨྲས་པ། ལྷ། ཅིའི་སླད་དུ་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་བཞུགས། དེས་རྒྱས་པར་བརྗོད་པ་དང ། དེ་དག་གིས་སྨྲས་པ། ལྷ། མི་དགྱེས་པར་མ་མཛད་ཅིག་དང ། བདག་ཅག་གིས་ཇི་ལྟར་ལྷས་ཁྱིམ་བདག་ཉེས་མེད་ཐུབ་པར་འགྱུར་བ་དེ་ལྟར་བགྱིའོ། །ཞེས་བྱས་ནས་དེ་དག་གིས་ཕྱི་དེ་ཉིན་པར་རྒྱལ་པོ་གཉེན་ལྡན་གྱི་གྲོང་ཁྱེར་གྱི་རྡོ་བ་དང ། གསེག་མ་དང ། གྱོ་མོ་དག་བསལ་བ་བྱས་ནས་ཙནྡན་གྱི་ཆུས་ཆག་ཆག་བཏབ་སྟེ་དྲི་རབ་ཏུ་ཞིམ་པོས་གང་བའི་པོག་སྣོད་དག་བཞག་ཅིང ། དར་གྱི་ཆུན་པོ་དག་དཔྱངས། རྒྱལ་མཚན་དང ། བ་དན་དག་ཀྱང་བསྒྲེང ། མེ་ཏོག་སྣ་ཚོགས་དག་ཀྱང་བཀྲམ་སྟེ་དགའ་བའི་ཚལ་དང་འདྲ་བར་འཁོར་གྱི་ཁྱམས་ལེགས་པར་བརྒྱན་པ་དེ་དང་བསྒྲིན་དུ་རུང་བ་བྱས་ནས་དེ་རིན་པོ་ཆེ་སྣ་ཚོགས་ཀྱིས་བརྒྱན་པའི་གདན་ཐབས་རིན་པོ་ཆེ་དང ། གདིང་བ་དང ། གོས་ཕུན་སུམ་ཚོགས་པས་མཛེས་པར་བྱས་པ་བཤམས་ནས་བཟའ་བ་དང ། བཅའ་བ་བསོད་པ་མང་པོ་རྒྱ་ཆེ་ལ་དྲི་རབ་ཏུ་ཞིམ་པ། ཕུན་སུམ་ཚོགས་</font><hr>Tha41a<br><font size=+2>


༄#། །པ་རྣམ་པ་སྣ་ཚོགས་སྐྱུ་རུམས་དང་བཅས་པ་ལྷའི་ཞལ་ཟས་དང་འདྲ་བར་ཡིད་དུ་འོང་བ། འཇིག་རྟེན་གསུམ་གྱི་བླ་མ་དང་རྗེས་སུ་མཐུན་པའི་ཞལ་ཟས་དག་བཤམས་ནས་རྒྱལ་པོ་གཉེན་ལྡན་ལ་སྨྲས་པ། ལྷ་གྲོང་ཁྱེར་འདི་འདྲ་བ་དང ། ཞལ་ཟས་དང ། ཡོ་ལང་འདི་འདྲ་བ་དག་བཤམས་ཀྱི། དགྱེས་པ་བསྐྱེད་དུ་གསོལ། རྒྱལ་པོ་གཉེན་ལྡན་གྱིས་བལྟས་ནས་ངོ་མཚར་ཆེན་པོ་སྐྱེས་ཏེ་ངོ་མཚར་དང་ལྡན་པའི་སེམས་ཀྱི་རྒྱུད་ཀྱིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་གདུགས་ཚོད་ཀྱི་དུས་སུ་སྤྱན་འདྲེན་གྱིས། བཅོམ་ལྡན་འདས་གདུགས་ཚོད་ཀྱི་གཡར་དགོངས་འཚལ་ལགས་ཏེ། བཙུན་པས་ད་དེའི་དུས་ལ་བབ་པར་དགོངས་སུ་གསོལ་ཞེས་གསོལ་བ་དང ། དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་དགེ་འདུན་གྱི་ཚོགས་ཀྱིས་ཡོངས་སུ་བསྐོར་ཅིང་མདུན་དུ་བདར་ཏེ་རྒྱལ་པོ་གཉེན་ལྡན་གྱི་གདན་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དབུའི་སྟེང་དུ་རྒྱལ་པོ་གཉེན་ལྡན་ཉིད་དབང་བསྐུར་བའི་བཀྲ་ཤིས་ལ་གཏོགས་པའི་གླང་པོ་ཆེའི་གཙོ་བོ་རྩིབས་བརྒྱ་དང་ལྡན་པའི་གདུགས་འཛིན་ཏུ་བཅུག་གོ་།དགེ་སློང་རྣམས་ཀྱི་སྟེང་དུ་ཡང་གླང་པོ་</font><hr>Tha41b<br><font size=+2>


ཆེ་གཞན་དག་གདུགས་གཞན་དག་འཛིན་དུ་བཅུག་གོ་།ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་རྒྱལ་པོ་གཉེན་ལྡན་གྱི་བཙུན་མོ་དམ་པ། བསིལ་ཡབ་གསེར་དང་ནོར་བུ་ལས་བྱས་པའི་ཡུ་བ་ཅན་གྱིས་གཡོབ་ཏུ་བཅུག་གོ་།དགེ་སློང་རྣམས་ལ་ཡང་བཙུན་མོའི་ཚོགས་གཞན་དག་བསིལ་ཡབ་དག་གིས་གཡོབ་ཏུ་བཅུག་གོ་།ཁྱིམ་བདག་ཉེས་མེད་ཀྱིས་རྟོག་ཆེན་གྱི་མི་ཞིག་བསྐོས་ཏེ་ཀཝའི་ནང་རྗེ། སོང་ལ་བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་ལ་རྒྱལ་པོ་གཉེན་ལྡན་གྱིས་གདུགས་ཚོད་ཇི་ལྟ་བུ་ཞིག་གསོལ་བ་རྟོགས་ཤིག་ཅེས་བསྒོའོ། །དེ་སོང་སྟེ་བརྟགས་ན་འབྱོར་པ་དེ་ལྟ་བུ་དག་མཐོང་ནས་ངོ་མཚར་ཆེན་པོ་སྐྱེས་ཏེ་ངོ་མཚར་དང་ལྡན་པའི་ཡིད་ཀྱིས་དེ་ཉིད་དུ་འདུག་གོ་།དེ་བཞིན་དུ་གཉིས་པ་དང་གསུམ་པ་དག་བཏང་ན། དེ་དག་ཀྱང་སོང་ཞིང་དེ་ཉིད་དུ་འདུག་གོ་།དེ་ནས་ཁྱིམ་བདག་ཉེས་མེད་རང་ཉིད་དེར་སོང་སྟེ་བརྟགས་ན། འབྱོར་པ་དེ་དག་མཐོང་ནས་ངོ་མཚར་ཆེན་པོ་སྐྱེས་ཏེ། དེས་བསམ་པ། གཞན་ནི། བདག་གིས་ཀྱང་འབྱོར་བར་ནུས་ན། གླང་པོ་ཆེ་དང་བཙུན་མོའི་ཚོགས་བདག་གིས་ག་ལ་འབྱོར་སྙམ་དུ་རིག་ནས་ཁྱིམ་དུ་སོང་སྟེ་མི་སྒོ་བ་བོས་ནས་སྨྲས་པ། ཀཝའི་སྒོ་བ། མི་སློང་མོ་པ་གང་དག་ལྷགས་ན། དེ་དག་ཅི་འདོད་པ་དག་བྱིན་ལ། ནང་དུ་མ་གཏང་ཞིག་ཅེས་བསྒོ་ནས། དེ་མྱ་ངན་གྱི་ཁང་པར་ཞུགས་ཏེ་རྐོམ་ཚུགས་བཅས་ནས་སེམས་ཁོང་དུ་ཆུད་ཅིང་འདུག་གོ་།དེ་ནས་ལྷའི་དབང་པོ་བརྒྱ་བྱིན་གྱི་ཤེས་པ་དང ། མཐོང་བ་ནི། འོག་གི་ཕྱོགས་སུ་འཇུག་པ་</font><hr>Tha42a<br><font size=+2>


༄#། །ཡིན་པས། དེས་བསམ་པ། འཇིག་རྟེན་ན་མཆོད་གནས་གང་དག་ཡིན་པ་དེ་དག་གི་ནང་ན་ནི། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་མཆོག་ཡིན་ལ།་སྦྱིན་བདག་གང་དག་ཡིན་པ་དེ་དག་གི་ནང་ན་ནི། ཁྱིམ་བདག་ཉེས་མེད་མཆོག་ཡིན་པས། དེའི་གྲོགས་བྱའོ། །སྙམ་ནས་བདག་ཉིད་ཀོའུ་ཤི་ཀའི་རིགས་ཀྱི་བྲམ་ཟེ་ཞིག་ཏུ་སྤྲུལ་ནས་ཁྱིམ་བདག་ཉེས་མེད་ཀྱི་ཁྱིམ་ག་ལ་བ་དེར་སོང་སྟེ་ཕྱིན་ནས་མི་སྒོ་བ་བོས་ཏེ་སྨྲས་པ། ཀྱེ་སྒོ་བ། སོང་ལ་ཁྱིམ་བདག་ཉེས་མེད་ལ། ཀོའུ་ཤི་ཀའི་རིགས་ཀྱི་བྲམ་ཟེ་ཞིག་སྒོར་འོངས་ཏེ་ཁྱོད་མཐོང་བར་འདོད་དོ། །ཞེས་གྱིས་ཤིག་།དེས་སྨྲས་པ། བྲམ་ཟེ། ཁྱིམ་བདག་གིས་བདག་ལ་མི་སློང་མོ་བ་གང་དག་ལྷགས་ན། དེ་དག་ཅི་འདོད་པ་དག་བྱིན་ལ་ནང་དུ་མ་གཏང་ཞིག་ཅེས་བསྒོའི། ཁྱིམ་བདག་གིས་ཁྱོད་ལ་ཅི་བྱ། ཁྱོད་ཅི་དགོས་པ་དེ་དག་ཁྱེར་ལ་སོང་ཞིག་།དེས་སྨྲས་པ། ཀྱེ་སྒོ་བ། ཁོ་བོ་ལ་དགོས་པ་གཞན་ཅི་ཡང་མེད་དེ། ཁོ་བོ་ནི། ཁྱིམ་བདག་ཉིད་མཐོང་བར་འདོད་ཀྱི།་སོང་ཞིག་།དེ་ཁྱིམ་བདག་ཉེས་མེད་ཀྱི་གན་དུ་སོང་སྟེ་སྨྲས་པ། ཇོ་བོ། ཀོའུ་ཤི་ཀའི་རིགས་ཀྱི་བྲམ་ཟེ་ཞིག་ཆབ་སྒོར་མཆིས་ཏེ་ཇོ་བོ་མཐོང་བར་འཚལ་ཞེས་མཆིའོ། །དེས་སྨྲས་པ། ཀཝའི་སྒོ་བ། ངས་ཁྱོད་ལ་སྔར་མི་སློང་མོ་པ་གང་དག་ལྷགས་ན། དེ་དག་ཅི་འདོད་པ་བྱིན་ལ། ནང་དུ་མ་གཏང་ཞིག་ཅེས་མ་བསྒོས་སམ། དེ་ནང་དུ་འོངས་པས་ཅི་ཞིག་བྱ། ཅི་འདོད་པ་དག་བྱིན་ལ་ཐོང་</font><hr>Tha42b<br><font size=+2>


ཞིག་།ཇོ་བོ། བདག་གིས་དེ་སྐད་བགྱིས་ན། དེའི་མཆིད་ནས་ཁོ་བོ་ལ་དགོས་པ་གཞན་ཅི་ཡང་མེད་དེ། ཁོ་བོ་ནི། ཁྱིམ་བདག་ཉིད་མཐོང་བར་འདོད་དོ། །ཞེས་མཆིའོ། །དེས་སྨྲས་པ། ཀཝའི་སྒོ་བ། སོང་ལ་དེ་ནང་དུ་ཐོང་ཞིག་།དེས་དེ་བཏང་བ་དང ། དེས་སྨྲས་པ། ཁྱིམ་བདག་།ཁྱོད་ཅིའི་ཕྱིར་མྱ་ངན་གྱི་ཁང་བུར་ཞུགས་ཏེ་རྐོམ་ཚུགས་བཅས་ནས་སེམས་ཁོང་དུ་ཆུད་ཅིང་འདུག་།ཁྱིམ་བདག་གིས་ཚིགས་སུ་བཅད་པ་སྨྲས་པ། གང་གིས་མྱ་ངན་སེལ་བར་མི་ནུས་པ། དེ་ལ་མྱ་ངན་བརྗོད་པར་མི་བྱ་སྟེ། གང་གིས་མྱ་ངན་སེལ་བར་བྱེད་ནུས་པ། དེ་ལ་མྱ་ངན་བརྗོད་པར་བྱ་བ་ཡིན། བརྒྱ་བྱིན་གྱིས་སྨྲས་པ། ཁྱིམ་བདག་།ཁྱོད་ཀྱི་མྱ་ངན་གང་ཡིན་པ་སྨྲོས་དང ། ཁོ་བོས་ཁྱོད་ཀྱི་མྱ་ངན་བསལ་བར་བྱའོ། །དེས་རྒྱ་ཆེར་བརྗོད་པ་དང ། དེ་ནས་ལྷའི་དབང་པོ་བརྒྱ་བྱིན་གྱིས། ཀོའུ་ཤི་ཀའི་རིགས་ཀྱི་བྲམ་ཟེའི་གཟུགས་མི་སྣང་བར་བྱས་ཏེ་རང་བཞིན་དུ་འདུག་ནས་སྨྲས་པ། ཁྱིམ་བདག་།ཁོ་བོས་ལྷའི་བུ་ལས་ཐམས་ཅད་པ་ཁྱོད་ཀྱི་གྲོགས་བྱེད་དུ་གཞུག་གོ་།ཞེས་བྱས་ནས་སོང་ངོ ། །དེ་ནས་ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་སྟེ་ལྷའི་བུ་ལས་ཐམས་ཅད་པ་བོས་ནས་སྨྲས་པ། ལྷའི་བུ་ལས་ཐམས་ཅད་པ། སོང་ལ་ཁྱིམ་བདག་ཉེས་མེད་ཀྱི་གྲོགས་གྱིས་ཤིག་།དེས་སྨྲས་པ། ཀོའུ་ཤི་ཀ། རབ་ཏུ་ལེགས་སོ། །ཞེས་ལྷའི་བུ་ལས་ཐམས་ཅད་བས། ལྷའི་དབང་པོ་བརྒྱ་བྱིན་གྱི་ཚིག་མཉན་ནས། དེས་དེ་བས་ཆེས་མཛེས་ཤིང་ཁྱད་པར་དུ་འཕགས་པའི་གྲོང་</font><hr>Tha43a<br><font size=+2>


༄#། །ཁྱེར་དག་མངོན་པར་སྤྲུལ་ཅིང ། ལྷའི་འཁོར་གྱི་ཁྱམས་དང ། ལྷའི་གདན་དག་ཀྱང་བཤམས། ལྷའི་ཞལ་ཟས་དག་ཀྱང་གཡོས་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དབུའི་སྟེང་དུ་ནི། ལྷའི་དབང་པོ་བརྒྱ་བྱིན་གྱི་གཡུལ་ངོར་སྤྱད་པའི་གླང་པོ་ཆེའི་རྒྱལ་པོ་ས་སྲུང་གི་བུ་རྩིབས་བརྒྱ་དང་ལྡན་པའི་གདུགས་འཛིན་ཏུ་བཅུག་གོ ། དགེ་སློང་རྣམས་ཀྱི་སྟེང་དུ་ཡང་ལྷའི་གླང་པོ་ཆེ་གཞན་དག་གདུགས་གཞན་དག་འཛིན་ཏུ་བཅུག་གོ་།ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ལྷའི་དབང་པོ་བརྒྱ་བྱིན་གྱི་བཙུན་མོ་དམ་པ། ལྷ་མོ་བདེ་སོགས་ལྷའི་བསིལ་ཡབ། གསེར་དང་ནོར་བུ་ལས་བྱས་པའི་ཡུ་བ་ཅན་གྱིས་གཡོབ་ཏུ་བཅུག་གོ་།དགེ་སློང་རྣམས་ལ་ཡང་ལྷའི་བཙུན་མོའི་ཚོགས་གཞན་དག་པ་སིལ་ཡབ་གཞན་དག་གིས་གཡོབ་ཏུ་བཅུག་གོ་།རྒྱལ་པོ་གཉེན་ལྡན་གྱིས་རྟོག་ཆེན་གྱི་མི་ཞིག་བསྐོས་ཏེ། ཀཝའི་ནང་རྗེ། སོང་ལ་བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་ལ་ཁྱིམ་བདག་ཉེས་མེད་ཀྱིས་གདུགས་ཚོད་ཇི་ལྟ་བུ་ཞིག་གསོལ་བ་རྟོགས་ཤིག་ཅེས་བསྒོའོ། །དེས་བརྟགས་ན། འབྱོར་པ་དེ་ལྟ་བུ་དག་མཐོང་ནས་ངོ་མཚར་ཆེན་པོ་སྐྱེས་ཏེ། ངོ་མཚར་དང་ལྡན་པའི་ཡིད་ཀྱིས་དེ་ཉིད་དུ་འདུག་གོ་།དེས་བློན་པོ་དག་བཏང་བ་དང ། དེ་དག་ཀྱང་སོང་ཞིང་དེ་ཉིད་དུ་འདུག་གོ་།གཞོན་ནུ་བཏང་ན། དེ་ཡང་སོང་ཤིང་དེ་ཉིད་དུ་འདུག་གོ་།དེ་ནས་རྒྱལ་པོ་གཉེན་ལྡན་རང་ཉིད་དེར་སོང་སྟེ་</font><hr>Tha43b<br><font size=+2>


སྒོར་བསྡད་པ་དང ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་བཀའ་སྩལ་པ། ཁྱིམ་བདག་།ཁྱོད་ཀྱིས་རྒྱལ་པོ་གཉེན་ལྡན་བདེན་པ་མཐོང་བར་གྱུར་པ་ལ་ཚིག་བརླང་པོ་སྨྲས་པ་དེ།་སྒོ་འདི་ན་འདུག་གི་།སོང་ལ་བཟོད་པ་གསོལ་ཅིག་།དེས་དེའི་གན་དུ་སོང་སྟེ་བཟོད་པ་གསོལ་ནས་སྨྲས་པ། རྒྱལ་པོ་ཆེན་པོ། ནང་དུ་གཤེགས་ལ་ཉིད་ཀྱི་ཕྱག་ནས་བྲིམ་པ་དག་མཛད་དུ་གསོལ། དེ་ནང་དུ་སོང་སྟེ་བལྟས་ན། ལྷའི་འབྱོར་བ་དག་མཐོང་བ་དང་ངོ་མཚར་ཆེན་པོ་སྐྱེས་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་ནི། ཁྱིམ་བདག་ཁྱོད་གཅིག་པུས་གདུགས་ཚོད་གསོལ་བའི་རིགས་ཀྱི། ཁོ་བོས་ནི་མ་ཡིན་ནོ། །ཞེས་སྨྲས་སོ། །ཁྱིམ་བདག་ཉེས་མེད་ཀྱིས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ། དེ་ལྟ་བུའི་འབྱོར་པས་ཞལ་ཟས་དག་གིས་ཚིམ་པར་བྱས་ནས་ཞབས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། ཇི་ལྟར་བདག་གིས་ཡོན་གནས་འདི་ལྟ་བུ་ལ་བསྙེན་བཀུར་བྱས་པའི་དགེ་བའི་རྩ་བ་འདིས་བདག་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེ་ཞིང ། ལྷ་དང་མིའི་དཔལ་ཡང་མྱོང་བར་འགྱུར་བ་དང ། ཆོས་ཀྱི་ཚུལ་འདི་ལྟ་བུ་ཐོབ་པ་དང ། འདི་ལྟ་བུའི་སྟོན་པ་མཉེས་པར་བྱེད་ཅིང་མི་མཉེས་པར་བྱེད་པར་མ་གྱུར་ཅིག་ཅེས་བཏབ་བོ། དགེ་སློང་དག་།དེའི་ཚེ་དེའི་དུས་ན་ཁྱིམ་བདག་ཉེས་མེད་གང་ཡིན་པ་དེ་ནི། ཁྱིམ་བདག་མེ་སྐྱེས་འདི་ཡིན་ཏེ། རིགས་ཀྱི་བུ་དེས་རྒྱལ་པོ་གཉེན་ལྡན་བདེན་པ་མཐོང་བ་ལ་ཚིག་བརླང་པོ་སྨྲས་པ་དེའི་ལས་ཀྱི་རྣམ་པར་སྨིན་པས་ནི། ཚེ་</font><hr>Tha44a<br><font size=+2>


༄#། །རབས་ལྔ་བརྒྱར་མ་དང་ལྷན་ཅིག་མེའི་ཕུང་པོར་བསྲེགས་ཤིང ། ད་ལྟ་འདིར་ཡང་མེའི་ཕུང་པོར་བསྲེགས་པར་གྱུར་ཏོ། །དེ་བཞིན་གཤེགས་པ་རྣམ་པར་གཟིགས་གང་ཡིན་པ་ལ་བསྙེན་བཀུར་བྱས་ཤིང་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་ནི། ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེས་ཏེ། ལྷ་དང་མིའི་དཔལ་ཡང་མྱོང་བར་གྱུར་ཅིང ། ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱས་ཤིང ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དང་ཤུགས་མཉམ་པ་དང ། སྟོབས་མཉམ་པ་དང ། བརྩོན་འགྲུས་མཉམ་པས་ཀུན་ཏུ་མཉམ་པར་གྱུར་པའི་སྟོན་པ་ང་མཉེས་པར་བྱས་ཤིང ། མི་མཉེས་པར་མ་བྱས་སོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པར་རྣམས་ཀྱི་རྣམ་པར་སྨིན་པ་ནི། གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་དཀར་བ་ཡིན། །ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་དང ། འདྲེན་མ་རྣམས་སྤངས་ཏེ་ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །དེ་སྐད་ཅེས་བཀའ་སྩལ་ནས་དགེ་སློང་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །སྡོམ་ལ། ལྷུང་བཟེད་གླན་དང་སྤྱད་རྣམས་དང ། ། </font><hr>Tha44b<br><font size=+2>


གྲིའུ་དང་ཁབ་དང་ཁབ་རལ་དང ། །གཏན་པ་དང་ནི་མང་པོ་དག་།དྲང་སྲོང་ཆེན་པོས་རྗེས་སུ་གནང ། །གླེང་གཞི་ནི། མཉན་ཡོད་ནའོ། །མཉན་ཡོད་ན་དགེ་སློང་ཞིག་གི་ལྷུང་བཟེད་རྡོལ་ནས་དེས་མགར་བའི་གན་དུ་ཁྱེར་ཏེ་སོང་ནས་སྨྲས་པ། བཞིན་བཟང ། ཁོ་བོའི་ལྷུང་བཟེད་རྡོལ་བ་འདི་གློན་ལ་བྱིན་ཅིག་།དེས་བསམ་པ། འདི་དག་ནི། ཁས་ལས་བྱེད་དུ་འཇུག་པ་ཡིན་གྱི། གླ་རྔན་ནི། མི་སྟེར་པས། ཅི་ནས་ཀྱང་ཡུན་རིང་དུ་བསྒྱངས་ཏེ་བཞག་ན། འདི་རང་གི་བློས་ཕྱིར་ལེན་པར་འགྱུར་སྙམ་ནས་སྨྲས་པ། འཕགས་པ། བཞུད་ལ་སང་ངམ། གནངས་སྤྱོན་ཅིག་།སྔ་དྲོའམ། གུང་ཚིགས་སམ། ཕྱི་དྲོ་སྤྱོན་ཅིག་ཅེས་བསྒྱངས་པར་བརྩམས་སོ། །དགེ་སློང་དེ་ཉིན་གཅིག་བཞིན་དེར་འགྲོ་བ་ན་སྐྱོ་བ་སྐྱེས་པ་དང ། དེའི་མཛའ་བོ་ཞིག་གིས་མཐོང་ནས། ཚེ་དང་ལྡན་པ། ཁྱོད་ཉིན་གཅིག་བཞིན་དེར་འགྲོ་ན། ཅི།་དེ་ཁྱོད་ཀྱི་ཉེ་དུའི་ཁྱིམ་མམ། སྦྱིན་བདག་གི་ཁྱིམ་ཡིན། དེས་སྨྲས་པ། ཚེ་དང་ལྡན་པ། འདི་ཁོ་བོའི་ཉེ་དུའི་ཁྱིམ་ཡང་མ་ཡིན། །སྦྱིན་བདག་གི་ཁྱིམ་ཡང་མ་ཡིན་ཏེ། འདི་ལྟར་ཁོ་བོའི་ལྷུང་བཟེད་རྡོལ་ནས་དེ་གློན་དུ་བཅུག་པ་ན། འདི་སྒྱོང་བར་བྱེད་པས། དེའི་ཕྱིར་འགྲོའོ། །དེས་སྨྲས་པ། ཚེ་དང་ལྡན་པ། ཁྱོད་ཀྱིས་ལག་བཟོ་བདེན་པར་སྨྲ་བ་དཀོན་ནོ། །ཞེས་བྱ་བ་མ་ཐོས་སམ། ཁོ་བོ་ཡང་བཟོ་ཤེས་མོད་ཀྱི། བཅོམ་ལྡན་འདས་ཀྱིས་མ་གནང་ངོ ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ་</font><hr>Tha45a<br><font size=+2>


༄#། །དེ་ལྟ་བས་ན། དགེ་སློང་བཟོ་བོ་དག་ཡོད་ན། དེས་དབེན་པའི་ཕྱོགས་སུ་ལྷུང་བཟེད་གླན་པར་རྗེས་སུ་གནང་ངོ ། །དེ་དགེ་སློང་དེའི་གན་དུ་སོང་སྟེ་སྨྲས་པ། ཚེ་དང་ལྡན་པ་བཅོམ་ལྡན་འདས་ཀྱིས་གནང་གི། ལྷུང་བཟེད་འདི་གློན་ཅིག་།དེས་སྨྲས་པ། ཚེ་དང་ལྡན་པ་འདི་ལག་པ་འབའ་ཞིག་གིས་གླན་དུ་མི་རུང་གི། མགར་སྤྱད་དག་ཀྱང་དགོས་སོ། །ཞེས་ཟེར་བའི་སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཆེད་དུ་མགར་སྤྱད་ཉེ་བར་གཞག་པར་རྗེས་སུ་གནང་ངོ ། །གླེང་གཞི་ནི།་མཉེན་ཡོད་ནའོ། །དགེ་སློང་དག་གིས་ཆོས་གོས་དྲ་དགོས་པར་གྱུར་པ་ན། དེ་དག་ལག་པ་དག་གིས་འདྲལ་ནས་མ་ལེགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལག་པས་དྲལ་བར་མི་བྱ་བར་གྲིའུས་དྲ་བར་བྱའོ། །བཅོམ་ལྡན་འདས་ཀྱིས་གྲིའུས་དྲ་བར་བྱའོ། །ཞེས་བཀའ་སྩལ་པ་དང ། དགེ་སློང་ཞིག་གིས་ཆོས་གོས་དྲ་དགོས་ནས་དེས་ཁྱིམ་བདག་ལས་གྲི་བརྙས་ཏེ་དྲས་ནས་དེས་དེ་ཁྱིམ་བདག་དེ་ལ་སླར་བྱིན་པ་དང ། དེས་སྨྲས་པ། འཕགས་པ། ཁྱོད་ཉིད་ཀྱི་ལགས་སོ། །བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་གྲིའུ་བཅང་བར་རྗེས་སུ་གནང་ངོ ། །བཅོམ་ལྡན་</font><hr>Tha45b<br><font size=+2>


འདས་ཀྱིས་གྲིའུ་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་དག་།གསེར་དང ། དངུལ་དང ། བཻཌཱུརྱ་དང ། ཤེལ་ལས་བྱས་པའི་གྲི་ཡུ་བ་བསྲུབ་པས་སྦྱངས་པ་དག་འཆང་ནས་བྲམ་ཟེ་དང ། ཁྱིམ་བདག་གིས་སྨྲས་པ། འཕགས་པ་དག་།འདི་ཅི་ལགས། དེ་དག་གིས་སྨྲས་པ། བཅོམ་ལྡན་འདས་ཀྱིས་གྲི་རྗེས་སུ་གནང་བའོ། །འཕགས་པ་དག་།དགེ་སྦྱོང་ཁྱེད་ཅག་ནི། འདོད་པའི་ཡོན་ཏན་དག་གིས་གཟིར་ཏོ་ཞེས་བྱས་བ་དང ། དེ་དག་སྤོབས་པ་མེད་པར་གྱུར་ནས་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། །དགེ་སློང་གིས་གསེར་དང ། དངུལ་དང ། བཻཌཱུརྱ་དང ། ཤེལ་ལས་བྱས་པའི་གྲི་ཡུ་བ་ཁྲ་བོ་དང ། བཀྲ་བ་བཅང་བར་མི་བྱ་བར་ལྕགས་ཀྱི་གྲིའུ་བཅང་བར་བྱའོ། །བཅོམ་ལྡན་འདས་ཀྱིས་ལྕགས་ཀྱི་གྲིའུ་བཅང་བར་བྱའོ། །ཞེས་བཀའ་སྩལ་པ་དང ། དེ་དག་གྲི་ཧ་ཅང་ཆེན་པོ་དག་འཆང་ནས་བྲམ་ཟེ་དང ། ཁྱིམ་བདག་དག་གིས་སྨྲས་པ། འཕགས་པ་དག་།འདི་ཅི་ལགས། བཞིན་བཟང་དག་།གྲེའུ་ཡིན་ནོ། །འཕགས་པ་དག་།གྲི་ལགས་ཀྱི། གྲིའུ་ནི། མ་ལགས་སོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། གྲི་ཧ་ཅང་ཆེན་པོ་དག་བཅང་བར་མི་བྱའོ། །དགེ་སློང་དག་གྲི་ཧ་ཅང་ཆུང་ངུ་འཆང་བར་བྱེད་པ་ན། དེས་བྱ་བ་ཅི་ཡང་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། གྲིའུ་ཆེན་པོ་དང ། འབྲིང་དང ། </font><hr>Tha46a<br><font size=+2>


༄#། །ཆུང་ངུ་རྣམ་པ་གསུམ་བཅང་བར་བྱ་སྟེ། དེ་ལ་ཆེན་པོ་ནི། སོར་དྲུག་གོ་།ཆུང་ངུ་ནི། སོར་བཞིའོ། །དེ་དག་གི་པར་མ་ནི། འབྲིང་ངོ ། །གླེང་གཞི་ནི། མཉན་ཡོད་ནའོ། །དགེ་སློང་རྣམས་ཀྱི་ཆོས་གོས་དག་དྲུབ་དགོས་པར་གྱུར་པ་ན། དགེ་སློང་དག་གིས་སྨྱུག་མའི་ཚལ་བ་དང ། ཕྱག་ག་གི་གཤོག་ཤིང་གིས་འདྲུབ་པ་ན། དེ་དག་རལ་ནས་བཅོམ་ལྡན་འདས་ཀྱིས་བཀའ་སྩལ་པ། ཁབ་བཅང་བར་བྱའོ། །དགེ་སློང་ཞིག་གིས་ཆོས་གོས་དྲུབ་དགོས་ནས་དེས་ཁྱིམ་བདག་ལས་ཁབ་བརྙས་ཏེ་དྲུབས་ནས་དེས་དེ་ཁྱིམ་བདག་དེ་ལ་ཕྱིར་བྱིན་པ་དང ། དེས་སྨྲས་པ། འཕགས་པ། ཁྱོད་ཉིད་ཀྱི་ལགས་སོ། །བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་ཁབ་བཅང་བར་རྗེས་སུ་གནང་ངོ ། །བཅོམ་ལྡན་འདས་ཀྱིས་དགེ་སློང་གིས་ཁབ་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་དག་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པའི་ཁབ་དག་འཆང་ནས་བྲམ་ཟེ་དང ། ཁྱིམ་བདག་དག་གིས་སྨྲས་པ། འཕགས་པ་དག་།འདི་ཅི་ལགས། དེ་དག་གིས་སྨྲས་པ། བཅོམ་ལྡན་འདས་ཀྱིས་ཁབ་རྗེས་སུ་གནང་བའོ། །འཕགས་པ་དག་།དགེ་སྦྱོང་ཁྱེད་ཅག་ནི། འདོད་པའི་ཡོན་ཏན་གྱིས་གཟིར་བའོ། །ཞེས་བྱས་པ་དང ། དེ་དག་སྤོབས་པ་</font><hr>Tha46b<br><font size=+2>


མེད་པར་གྱུར་ནས་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པའི་ཁབ་བཅང་བར་མི་བྱ་བར་ཁབ་རྣམ་པ་བཞི་པོ་འདི་ལྟ་སྟེ། ར་གན་དང ། ཟངས་དང ། འཁར་བ་དང ། ལྕ་གས་ལས་བྱས་པ་དག་བཅང་བར་བྱའོ། །བཅོམ་ལྡན་འདས། ཀྱིས་དགེ་སློང་གིས་རྣམ་པ་བཞི་པོ་དག་བཅང་བར་བྱའོ། །ཞེས་བཀའ་སྩལ་པ་དང ། དགེ་སློང་གིས་བབ་བབ་ཏུ་བཞག་སྟེ་དེ་དག་བཙའ་ཞུགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཁབ་རལ་བཅང་བར་བྱའོ། །དགེ་སློང་དག་གིས་ཁབ་རལ་ཅི་འདྲ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཁབ་རལ་ནི། རྣམ་པ་གཉིས་ཏེ། སྦུ་གུ་ཅན་དང ། ཆང་བ་ལྟ་བུའོ། དགེ་སློང་དག་གིས་ཆང་བ་ལྟ་བུའི་ཁབ་རལ་དུ་གྲིའུ་བཅུག་ནས་དེ་རལ་པར་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། གྲིའུ་ནི། རྣམ་པ་གཉིས་སུ་བྱ་སྟེ། བྱ་རོག་གི་མཆུ་ལྟ་བུ་དང ། བྱ་གག་གི་གཤོག་པ་ལྟ་བུར་བྱའོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཆོས་གོས་སྣམ་སྦྱར་དག་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ས་ལ་བརྐྱང་སྟེ་འདྲ་བར་བྱེད་པ་ན། རྡུལ་དག་གིས་དྲི་མ་ཅན་དུ་གྱུར་ཅིང ། སྲིལ་དག་གིས་ཀྱང་མ་རུང་བར་བྱས་ནས་བཅོམ་ལྡན་འདས་ཀྱིས་བཀའ་སྩལ་པ། ས་ལ་བཏིང་སྟེ་དྲ་བར་མི་</font><hr>Tha47a<br><font size=+2>


༄#། །བྱ་བར་གཏན་པ་དག་བྱའོ། །དགེ་སློང་དག་གིས་གཏན་པ་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གཏན་པ་ནི། གཉིས་ཏེ། ཤིང་དང ། སྨྱུག་མ་ལས་གྲུ་བཞིར་བྱས་པ་དག་གོ་།དག་སློང་དག་གིས་ཕུར་བུས་བརྒྱངས་པ་དང་རལ་ནས་བཅོམ་ལྡན་འདས་ཀྱིས་བཀའ་སྩལ་པ། བུ་གུ་བྱས་ལ་སྒྲོག་ཟུངས་ཀྱིས་བརྒྱང་བར་བྱའོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་ཆོས་གོས་རྣམ་པ་གསུམ་པོ་ཆེན་པོ་དང ། འབྲིང་དང ། ཆུང་ངུའོ། །ཞེས་བཀའ་སྩལ་པ། ཆོས་གོས་ཆེན་པོ་བརྒྱང་བའི་གཏན་པ་གང་ཡིན་པ་དེ་ལ། འབྲིང་པོ་དང ། ཆུང་ངུ་བརྒྱང་དུ་མི་རུང་ནས་བཅོམ་ལྡན་འདས་ཀྱིས་བཀའ་སྩལ་པ། གཏན་པ་མང་པོ་དག་བྱའོ། །སྡོམ་ལ། མེ་ལོང་དང་ནི་ཆུ་དག་དང ། །དེ་བཞིན་སོ་མང་སྨྱུག་ཤད་གཉིས། །གཙུག་ཕུད་དང་ནི་སྐྲ་རིང་དང ། །བསྲོ་ཁང་ལི་ཙ་ཆེན་པོ་འོ། །གླེང་གཞི་ནི། །མཉན་ཡོད་ནའོ། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང ། དེ་དག་གིས་བྲམ་ཟེ་དང ། ཁྱིམ་བདག་དག་གི་བྱི་དོར་གྱི་ཡོ་བྱད་གོས་ཀྱི་སྤྲོག་མའི་སྟེང་དུ་བཞག་པ་མཐོང་ནས་དྲུག་སྡེ་དག་གིས་དེ་དག་གི་མེ་ལོང་བླངས་ཏེ་བཞིན་བལྟས་ནས་སྨྲས་པ། དགའ་བོ་ཉེ་དགའ་བོ། ཇི་ལྟ་བདག་ཅག་བཟང་ངམ། བྲམ་ཟེ་དང ། ཁྱིམ་བདག་དག་གིས་སྨྲས་པ། འཕགས་པ་དག་།ཁྱེད་མགོ་ནི། བྲེགས་ལ། མཆན་ཁུང་ནི། རལ་བུ་ཅན་དུ་འདུག་ན། ཁྱེད་ཀྱི་</font><hr>Tha47b<br><font size=+2>


གདོང་མཛེས་པར་ག་ལ་འགྱུར། དགེ་སྦྱོང་འདི་དག་ནི། འདོད་པའི་ཡོན་ཏན་དག་གིས་གཟིར་བར་ངེས་སོ། །ཞེས་བྱས་པ་དང ། དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་མེ་ལོང་ལ་བཞིན་བརྟག་པར་མི་བྱའོ། །རྟོག་པར་བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་མེ་ལོང་ལ་བཞིན་བརྟག་པར་མི་བྱའོ། །ཞེས་བཀའ་སྩལ་པ་དང ། དེ་དག་གི་ཆུ་དག་ལ་བཞིན་བརྟག་པར་བརྩམས་ནས་བཅོམ་ལྡན་འདས་ཀྱིས་བཀའ་སྩལ་པ། ཆུ་ལ་ཡང་བཞིན་བརྟག་པར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་ཆུ་ལ་ཡང་བཞིན་བརྟག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་ཆུ་རྟོག་པར་བྱེད་པ་ན་བཞིན་མཐོང་ནས་དེ་དག་འགྱོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཆུ་བརྟག་པ་དང ། རྨ་དང ། གཉེར་མ་དང ། རྒས་པ་དང ། ལུས་ཀྱི་གནས་སྐབས་སྔ་ཕྱི་བརྟག་པའི་ཕྱིར་བལྟས་པ་ལ་ལྟུང་བ་མེད་དོ། །གླེང་གཞི་ནི། མཉན་ཡོད་ནའོ། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང ། དེ་དག་གིས་བྲམ་ཟེ་དང ། ཁྱིམ་བདག་གི་བྱི་དོར་གྱི་ཡོ་བྱད་གོས་ཀྱི་སྤྲོག་མའི་སྟེང་དུ་བཞག་པ་མཐོང་ནས་དྲུག་སྡེ་དག་གིས་དེ་དག་གི་སོ་མང་བླངས་ཏེ་སྐྲ་བཤད་ནས་སྨྲས་པ། དགའ་བོ་ཉེ་དགའ་བོ། ཇི་ལྟར་</font><hr>Tha48a<br><font size=+2>


༄#། །བདག་ཅག་བཟང་ངམ། བྲམ་ཟེ་དང ། ཁྱིམ་བདག་དག་གིས་སྨྲས་པ། འཕགས་པ་དག་།ཁྱེད་མགོ་ནི། བྲེགས་ལ། མཆན་ཁུང་ནི། རལ་བུ་ཅན་དུ་འདུག་ན། ཁྱེད་ཀྱི་སྐྲ་མཛེས་པར་ག་ལ་འགྱུར། དགེ་སྦྱོང་འདི་དག་ནི། འདོད་པའི་ཡོན་ཏན་དག་གིས་གཟིར་བར་ངེས་སོ། །ཞེས་བྱ་བ་དང ། དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་སོ་མང་གིས་སྐྲ་བཤད་པར་མི་བྱའོ། །བཤད་པར་བྱེད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་དགེ་སློང་གིས་སོ་མང་གིས་སྐྲ་བཤད་པར་མི་བྱའོ། །ཞེས་བཀའ་སྩལ་པ་དང ། དྲུག་སྡེ་དག་གིས་སྨྱུག་ཤད་ཀྱིས་བཤད་པར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྨྱུག་ཤད་ཀྱིས་ཀྱང་བཤད་པར་མི་བྱའོ། །བཤད་པར་བྱེད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་དགེ་སློང་གིས་སྨྱུག་ཤད་ཀྱིས་སྐྲ་བཤད་པར་མི་བྱའོ། །ཞེས་བཀའ་སྩལ་པ་དང ། དེ་དག་གིས་ཕྱོགས་གཅིག་ནི། སོ་མང་དུ་བྱས་ལ། ཕྱོགས་གཅིག་ནི། སྨྱུག་ཤད་དུ་བྱས་པས་སྐྲ་བཤད་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། སོ་མང་དང ། སྨྱུག་ཤད་གཉི་གས་ཀྱང་སྐྲ་བཤད་པར་མི་བྱའོ། །གླེང་གཞི་ནི། </font><hr>Tha48b<br><font size=+2>


མཉན་ཡོད་ནའོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྒྱལ་བྱེད་ཀྱི་ཚལ་ཕུལ་བ་དེའི་ཚེ། དེས་འབྲེག་མཁན་ཞེས་བྱ་བ་ལ་སོགས་པ་སྔ་མ་ཇི་ལྟ་བ་བཞིན་ནོ། །ཉེ་དགས་སྨྲས་པ། བཞིན་བཟང ། གཙུག་ཕུད་འཇོག་ཤེས་སམ། འཕགས་པ། དེ་ནི། བདག་གི་སུག་ལས་ལགས་སོ། །བལྟའི། ཞོག་ཅིག་།འཕགས་པ། ཇི་ལྟར་གཞག་པར་བགྱི། ཆེན་པོར་རོ། །དེས་གཙུག་ཕུད་ཆེན་པོར་བཞག་པ་དང ། ཉེ་དགས་སྨྲས་པ། ཕྱོགས་གཅིག་བྲེགས་ཤིག་།དེས་ཕྱོགས་གཅིག་བྲེགས་པ་དང ། དེས་སྨྲས་པ། གཉིས་པ་དང ། གསུམ་པ་ཞེས་བྱ་བ་ནས་ཕྱོགས་བདུན་པའི་བར་བྲེགས་ཤིག་ཅེས་ཟེར་ནས་དེས་ཕྱོགས་བདུན་པའི་བར་དུ་བྲེགས་པ་དང ། ཉེ་དགས་སྨྲས་པ། བཀྲེན་པ། ཁྱོད་ཀོ་ཅི་ཡང་མི་ཤེས་པ་ཞིག་གི། སྔ་མཁོ་བཞིན་དུ་བྱོས་ཏེ་སོང་ཞིག་ཅེས་བྱ་བ་ལ་སོགས་པ་སྔ་མ་ཇི་ལྟ་བ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་གཙུག་ཕུད་གཞག་པར་མི་བྱའོ། །འཇོག་པར་བྱེད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །ཚེ་དང་ལྡན་པ་བ་ལང་གནས་ཀོའུ་ཤམྦྷི་ན་རི་ཆུས་བསྐོར་ལ་བད་སའི་རྒྱལ་པོ་འཆར་བྱེད་ཀྱི་སྐྱེད་མོས་ཚལ་གྱི་ཕག་མོའི་ཕུག་ན་འདུག་གོ། དེ་ནས་དུས་གཞན་ཞིག་ན། གང་གི་ཚེ་དཔྱིད་ཀྱི་དུས་ལ་བབ་པ་དེའི་ཚེ་ཤིང་ལྗོན་པ་དག་མེ་ཏོག་རྒྱས་ཤིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་</font><hr>Tha49a<br><font size=+2>


༄#། །ཏེའུ་དག་ཚལ་གྱི་ནང་ན་སྒྲ་འབྱིན་པར་བྱེད་པ་ན། བད་སའི་རྒྱལ་པོ་འཆར་བྱེད་ཀྱིས་སྐྱེད་མོས་ཚལ་སྲུང་བའི་མི་བོས་ཏེ་སྨྲས་པ། ཀཝའི་མི་ཁྱོད་ཚུར་ཤོག་།ང་སྐྱེད་མོས་ཚལ་དུ་འགྲོའི། རི་ཆུས་བསྐོར་གྱི་ཉེན་ཀོར་གྱི་རྡོ་བ་དང ། གསེག་མ་དང ། གྱོ་མོ་ཐམས་ཅད་སོལ་ལ། ཆུ་ར་དག་ཀྱང་བཞག་སྟེ་ཚལ་རྟོགས་ལ་ལ་གཅན་པ་དག་ཀྱང་སྐོས་ཤིག་།སྐྱེད་མོས་ཚལ་སྲུང་བའི་མིས་ལྷ། བཀའ་བཞིན་འཚལ་ཞེས་བད་སའི་རྒྱལ་པོ་འཆར་བྱེད་ཀྱི་ཚིག་མཉན་ནས་རི་ཆུས་བསྐོར་གྱི་ཉེན་ཀོར་གྱི་རྡོ་བ་དང ། གསེག་མ་དང ། གྱོ་མོ་ཐམས་ཅད་བསལ་ནས་ཆུ་ར་དག་ཀྱང་བཞག་སྟེ་ཚལ་བརྟགས་ཤིང་ལ་གཅན་པ་དག་ཀྱང་བསྐོས་ནས་བད་སའི་རྒྱལ་པོ་འཆར་བྱེད་ག་ལ་བ་དེར་སོང་སྟེ་ཕྱིན་ནས་བད་སའི་རྒྱལ་པོ་འཆར་བྱེད་ལ་འདི་སྐད་ཅེས་སྨྲས་སོ། །ལྷ། འདི་ལྟར་མཁྱེན་པར་མཛད་དུ་གསོལ། རི་ཆུས་བསྐོར་གྱི་ཉེན་ཀོར་གྱི་གོར་མ་དང ། གསེག་མ་དང ། གྱོ་མོ་ཐམས་ཅད་བསལ་ཅིང ། ཆུ་ར་དག་ཀྱང་བཞག་སྟེ་ཚལ་ཀྱང་བརྟགས། ལ་གཅན་པ་དག་ཀྱང་བསྐོས་ལགས་ན། ལྷ། ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་བད་སའི་རྒྱལ་པོ་འཆར་བྱེད་བཙུན་མོའི་ཚོགས་ཀྱིས་ཡོངས་སུ་བསྐོར་ནས་སྐྱེད་མོས་ཚལ་དུ་སོང་སྟེ། དེས་དེར་དགའ་བ་དང ། རྩེ་བ་དང ། དགའ་མགུར་སྤྱད་པ་ཉམས་སུ་མྱོང་བར་བྱས་ནས་དེ་གཉིད་ལོག་པར་གྱུར་ཏོ། །བུད་མེད་རྣམས་ཀྱི་རང་བཞིན་ནོ། །མེ་ཏོག་དང ། འབྲས་བུ་ལ་དགའ་བ་ཡིན་པས། </font><hr>Tha49b<br><font size=+2>


དེའི་བཙུན་མོའི་འཁོར་རྣམས་སྐྱེད་མོས་ཚལ་དེར་ཅི་དགར་རྒྱུ་ཞིང་འཁྱམ་དུ་དོང་བ་དང ། དེའི་ཚེ་ཚེ་དང་ལྡན་པ་བ་ལང་གནས་སྐྲ་དང ། ཁ་སྤུ་རིང་ཞིང་ཆོས་གོས་རྙིང་པ་དང ། ཤམ་ཐབས་ཧྲུལ་པོ་བགོས་ནས་ཤིང་ལྗོན་པ་ཞིག་གི་དྲུང་ན་བརྟེན་ཅིང་འདུག་གོ་།ཚེ་དང་ལྡན་པ་བ་ལང་གནས་སྐྲ་དང ། ཁ་སྤུ་རིང་ཞིང་ཆོས་གོས་རྙིང་པ་དང ། ཤམ་ཐབས་ཧྲུལ་པོ་བགོས་ནས་འདུག་པ། བཙུན་མོའི་འཁོར་དེ་དག་གིས་མཐོང་ངོ ། །མཐོང་ནས་ཀྱང་དངངས་ཏེ་ཨ་ཙི་ལྷ་གཅིག་།འདི་ན་འདྲེ་ཞིག་གདའོ། ། ཙི་ལྷ་གཅིག་།འདི་ན་འདྲེ་ཞིག་གདའོ། །ཞེས་བྲེད་སྐད་ཕྱུང་བ་དང ། ཚེ་དང་ལྡན་པ་བ་ལང་གནས་དེ་ནས་ལངས་ཏེ་རིངས་པ་རིངས་པར་ཕག་མོའི་ཕུག་ཏུ་སོང་ངོ ། །སྒྲ་དེས་རྒྱལ་པོ་སད་ནས་རལ་གྲི་ཤུབས་ནས་ཕྱུང་སྟེ་བརྒྱུགས་ནས་བུད་མེད་དག་འདྲེ་ག་ལ་འདུག་ཅེས་སྨྲས་པ་དང ། དེ་དག་གིས་སྨྲས་པ། ལྷ་གཅིག་།ཕག་མོའི་ཕུག་ཏུ་མཆིས་སོ། །དེ་ནས་བད་སའི་རྒྱལ་པོ་འཆར་བྱེད་མཚོན་ཐོགས་ཏེ། ཕག་མོའི་ཕུག་སྒོར་བསྡད་ནས་སྨྲས་པ། ཀཝའི་འབྱུང་པོ། ཁྱོད་སུ་ཞིག་།དེས་སྨྲས་པ། ལྷ། དགེ་སྦྱོང་ལགས་སོ། །ཁྱོད་གང་གི་དགེ་སྦྱོང་ཡིན། ཤཱཀྱའི་སྲས་ཀྱི་དགེ་སྦྱོང་ལགས་སོ། །ཅི་ཁྱོད་དགྲ་བཅོམ་པའམ། ལྷ། མ་ལགས་སོ། །འོ་ན་ཁྱོད་ཕྱིར་མི་འོང་བའམ། ལན་གཅིག་ཕྱིར་འོང་བའམ། རྒྱུན་ཏུ་ཞུགས་པ་ཞིག་ཡིན་ནམ། ལྷ། མ་ལགས་སོ། །འོ་ན། ཅི་ཁྱོད་བསམ་གཏན་བཞི་པ་ཐོབ་པ་ཡིན་ནམ། མ་ལགས་སོ། །འོ་ན་ཁྱོད་བསམ་གཏན་གསུམ་པའམ། གཉིས་</font><hr>Tha50a<br><font size=+2>


༄#། །པའམ། དང་པོ་ཐོབ་པ་ཞིག་ཡིན་ནམ། ལྷ། མ་ལགས་སོ། །ཞེས་བྱས་པ་དང ། རྒྱལ་པོ་བཙུན་མོའི་འཁོར་ལ་ཕྲག་དོག་ཟ་བས། ཕྱིར་ལྷགས་པར་ཁྲོས་ཏེ་བློན་པོ་རྣམས་ལ་སྨྲས་པ། ཀཝའི་ཤེས་ལྡན་དག་།དགེ་སྦྱོང་སོ་སོའི་སྐྱེ་བོ་འདིས། ངའི་བཙུན་མོའི་འཁོར་རྣམས་མ་རུངས་པར་བྱས་ཀྱི། རྔ་མོའི་གྲོག་མ་ཆེན་པོ་དག་འདིར་མྱུར་དུ་ལྷོགས་ཤིག་དང ། དེ་དག་གིས་ཕུག་འདི་ཁྱབ་པར་བཀང་སྟེ། དགེ་སློང་འདི་གསད་པར་བྱའོ། །དེ་ནས་ཕག་མོའི་ཕུག་ན་གཉུག་མར་གནས་པའི་ལྷ་ཞིག་འདུག་པ་དེས་བསམ་པ། རྒྱལ་པོ་གཏུམ་པོ་འདིས་བདག་ལ་སྐྱབས་སུ་འོངས་པའི་དགེ་སྦྱོང་ཉེས་པ་མེད་པ། སྐྱོན་མེད་པ་བསད་པར་གྱུར་ན་མི་རུང་གི་།བདག་གིས་འདི་ཐར་བར་བྱ་བའི་ཐབས་ཤིག་ལ་བརྩོན་པར་བྱའོ། །སྙམ་ནས་དེ་བདག་ཉིད་ཕག་མོའི་གཟུགས་སུ་མངོན་པར་སྤྲུལ་ཏེ་ཕུག་ནས་སྒོར་བྱུང་ངོ ། །རྒྱལ་པོ་དེ་ལིངས་ལ་དགའ་བས་མི་ཞིག་ལ་སྨྲས་པ། ཀཝའི་མི་འདི་སོང་ལ་ངའི་རྟ་དང ། མདའ་གཞུ་དག་ཁྱེར་ཏེ་ཤོག་ཅིག་།དེས་རྒྱལ་པོའི་རྟ་དང ། མདའ་གཞུ་དག་ཕུལ་ལོ། །དེ་ནས་ཕག་མོ་དེ་སྐྱེད་མོས་ཚལ་གྱི་ནང་ནས་ཕྱིར་བྱུང་སྟེ་འབྲོས་པར་བརྩམས་པ་དང ། རྒྱལ་པོ་དེ་དེའི་ཕྱི་བཞིན་སྙེགས་སུ་འགྲོ་བ་ན། དེས་ཐག་རིང་དུ་ཁྲིད་དེ་སོང་ངོ ། །དེ་ནས་བཙུན་མོའི་འཁོར་གྱི་ཚོགས་ཀྱིས་ཚེ་དང་ལྡན་པ་བ་ལང་གནས་ལ་སྨྲས་པ། འཕགས་པ། རྒྱལ་པོ་འདི་ནི། གཏུམ་པ་ལགས་པས། ཁྱོད་བཀྲོངས་པར་གྱུར་ན། </font><hr>Tha50b<br><font size=+2>


མ་ལེགས་ཀྱི། ཁྱོད་ད་མྱུར་དུ་བཞུད་ཅིག་།ཚེ་དང་ལྡན་པ་བ་ལང་གནས་ཀྱིས་མྱུར་བ་མྱུར་བར་ལྷུང་བཟེད་དང ། ཆོས་གོས་བླངས་ཏེ་སྐྱེད་མོས་ཚལ་དེ་ནས་ཕྱིར་བྱུང་ནས་མཉན་ཡོད་དུ་སོང་ངོ ། དེ་ཁང་ཀྱིས་མཉན་ཡོད་དུ་ཕྱིན་པ་དང ། དགེ་སློང་དག་གིས་མཐོང་ནས་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཁྱོད་ཡུན་རིང་པོ་རིང་པོ་ནས་ཟླ་བ་བཞིན་དུ་རྒྱུ་ཞིང་ག་ལས་འོངས། ཀོའུ་ཤམྦྷི་ནས་སོ། །ཇི་ལྟར་ཚེ་དང་ལྡན་པས་བདེ་བར་རྒྱུས་སམ། ཚེ་དང་ལྡན་པ་དག་ཇི་ལྟར་བདེ་བར་རྒྱུས། བདག་བད་སའི་རྒྱལ་པོ་འཆར་བྱེད་ཀྱིས་ཧད་པོར་དེའུ་བསད་དོ། །ཅིའི་ཕྱིར། དེས་རྒྱས་པར་སྨྲས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་ཞིག་ལ་བཀའ་སྩལ་པ། དགེ་སློང་ཚུར་ཤོག་།ཁྱོད་དགེ་སློང་བ་ལང་གནས་ག་ལ་བ་དེར་སོང་ལ། བ་ལང་གནས་ལ་འདི་སྐད་ཅེས་སྟོན་པས་བཀའ་སྩལ་པ། ཁྱོད་སྤྱན་སྔར་མཆི་ཞིག་ཅེས་བྱུང་ངོ ། །ཞེས་སྒོས་ཤིག་།དགེ་སློང་དེས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ཀྱི་བཀའ་མཉན་ནས་ཚེ་དང་ལྡན་པ་བ་ལང་གནས་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་བ་ལང་གནས་ལ་འདི་སྐད་ཅེས་སྨྲས་སོ། །སྟོན་པས་བཀའ་སྩལ་པ། ཁྱོད་སྤྱན་སྔར་མཆི་ཞིག་ཅེས་བྱུང་ངོ ། །ཚེ་དང་ལྡན་པ་བ་ལང་གནས་ཀྱིས། ཚེ་དང་ལྡན་པ། བཀའ་བཞིན་འཚལ་ཞེས་དགེ་སློང་དེའི་ཚིག་མཉན་ནས་བཅོམ་ལྡན་འདས་ག་ལ་</font><hr>Tha51a<br><font size=+2>


༄#། །བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ཚེ་དང་ལྡན་པ་བ་ལང་གནས་ལ་འདི་སྐད་ཅེས་བཀའ་སྩལ་ཏོ། །དགེ་སློང ། ཁྱོད་བད་སའི་རྒྱལ་པོ་འཆར་བྱེད་ཀྱིས་ཅིའི་ཕྱིར་དེའུ་བསད། དེས་བཅོམ་ལྡན་འདས་ལ་སྐབས་དེ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། འདི་ལྟར་མི་གཏི་མུག་ཅན་ཁྱོད་ཕུག་དེ་ལ་ལྷག་པར་ཆགས་པས། དེས་ན་ཁྱོད་ཤིན་ཏུ་སྡུག་བསྔལ་བར་གནས་པར་གྱུར་ཏོ། །དེ་ཅང་མི་སྨྲ་བར་འདུག་ནས་བཅོམ་ལྡན་འདས་ཀྱིས་དགེ་སློང་དག་ལ་ཉེས་དམིགས་ཅུང་ཟད་གང་ཅི་བྱུང་བ་དེ་ནི། སྐྲ་རིང་པོ་འཇོག་པ་ལས་གྱུར་པར་མཁྱེན་ནས་བཀའ་སྩལ་པ། དེ་ལྟ་བས་ན། དགེ་སློང་གིས་སྐྲ་རིང་པོར་གཞག་པར་མི་བྱའོ། །འཇོག་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སྐྲ་རིང་པོར་གཞག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་དགོན་པ་པ་དག་གིས་འབྲེག་མཁན་མ་རྙེད་ནས་དེ་དག་གིས་དགོན་པའི་གནས་མལ་སྤངས་ནས་གོང་མཐའི་གནས་མལ་དག་ཏུ་འཁོད་དོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཅིའི་ཕྱིར་དགེ་སློང་དགོན་པ་པ་དག་གིས་དགོན་པའི་གནས་མལ་སྤངས་</font><hr>Tha51b<br><font size=+2>


ནས་གྲོང་མཐའི་གནས་མལ་དག་ཏུ་འཁོད་པར་གྱུར། དེས་བཅོམ་ལྡན་འདས་ལ་སྐབས་དེ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དགོན་པ་པས་ནི། སྐྲ་སོར་གཉིས་ཀྱི་ཚད་དུ་གཞག་པར་རྗེས་སུ་གནང་ངོ ། །གྲོང་མཐའ་པས་ནི། དེ་བས་ཐུང་ངུར་བྱའོ། །གླེང་གཞི་ནི། མཉན་ཡོད་ནའོ། །མཉན་ཡོད་ན། དགེ་སློང་ནད་པ་ཞིག་འདུག་པ་དེ། སྨན་པའི་གན་དུ་སོང་ནས་སྨྲས་པ། བཞིན་བཟང ། བདག་ལ་སྨན་སྟོན་ཅིག་།དེས་སྨྲས་པ། འཕགས་པ། བསྲོ་ཁང་སྟེན་ཅིག་དང་ཁྱོད་སོས་པར་འགྱུར་རོ། །དེས་སྨྲས་པ། བཞིན་བཟང ། ཅི། ཁོ་བོས་འདོད་པ་དག་སྤྱད་པར་བྱའམ། འཕགས་པ། ཁྱོད་ཀྱི་སྨན་ནི། འདི་ལགས་ཀྱི། གཞན་གྱིས་འཚོ་བར་མི་འགྱུར་རོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པས་དགེ་སློང་ཁྱོད་ཀྱི་སྨན་འདི་ཡིན་གྱི། གཞན་གྱིས་འཚོ་བར་མི་འགྱུར་རོ། །ཞེས་བསྒོ་ན། དགེ་སློང་གིས་བསྲོ་ཁང་བསྟེན་པར་བྱའོ། ། བཅོམ་ལྡན་འདས་ཀྱིས་དགེ་སློང་གིས་བསྲོ་ཁང་བསྟེན་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་སྨན་པ་དེ་ལ་དྲིས་པ། བཞིན་བཟང ། བཅོམ་ལྡན་འདས་ཀྱིས་གནང་ན། བསྲོ་ཁང་ཇི་ལྟ་བུ་ཡིན་པ་སྨྲོས་ཤིག་།དེས་སྨྲས་པ། འཕགས་པ། བདག་གིས་འཁོར་ལོས་བསྒྱུར་བའི་གསོ་བཀླགས་པ་ལས་བསྲོ་ཁང་ཞེས་འབྱུང་བར་བས་ཀྱི། བསྲོ་ཁང་ཇི་ལྟ་བུ་ལགས་པ་ད་དུང་མ་</font><hr>Tha52a<br><font size=+2>


༄#། །འཚལ་ཏེ། འདི་ལྟར་ཁྱེད་ཉིད་ཀྱི་སྟོན་པ་ཐམས་ཅད་མཁྱེན་པ་ལགས་པས། དེ་ཉིད་མཁྱེན་ཏོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བསྲོ་ཁང་གི་ཁང་པ་ཟླུམ་པོ་བྱའོ། །དེ་དག་སྐར་ཁུང་མི་གདོད་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་གདོད་པར་བྱའོ། །དེ་དག་སྐར་ཁུང་ཕྱི་ཡངས་ལ། ནང་དོག་པ་བྱེད་དུ་བཅུག་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱི་རུབ་ལ་ནང་ཡངས་པ་རྒྱ་མཚོའི་རྣམ་པ་ལྟ་བུར་བྱའོ། །དེ་དག་གིས་མཐོན་པོར་བཏོད་པ་ན། མུན་གནག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་མཐོན་པོར་གདོད་པར་མི་བྱའོ། །དེ་དག་གིས་དམའ་བར་བཏོད་པ་ན། དུ་བ་འཆང་དུ་མི་བཏུབ་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་དམའ་བར་གདོད་པར་མི་བྱའོ། །དེ་དག་གིས་གར་གདོད་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དཀྱིལ་དུ་གདོད་པར་བྱའོ། ། བྱེའུ་དང ། ཕུག་རོན་དག་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་དྲ་བ་ཅན་དུ་བྱའོ། །རླུང་དང་ཆར་ཆུའི་ཟེར་མ་དག་ནང་དུ་འོངས་ནས་བཅོམ་ལྡན་འདས་ཀྱིས་བཀའ་པ།་སྐར་ཁུང་ལ་སྒོ་གླེགས་གཞུག་པར་བྱའོ། །རླུང་གིས་བསྐྱོད་དེ་འདུག་ཏུ་མི་བཏུབ་ནས་བཅོམ་ལྡན་འདས་ཀྱིས་བཀའ་སྩལ་པ། འཁོར་གཏན་དང ། གནམ་ཟེར་དང ། ཕྲེད་གཏན་དག་</font><hr>Tha52b<br><font size=+2>


གཞུག་པར་བྱའོ། །དབྱེ་བ་དང ། བཅད་པས་དགེ་སློང་དག་ཉོན་མོངས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དབྱུག་གུ་སྐམ་ཁ་ཉེ་བར་གཞག་པར་བྱའོ། །སྒོ་ལ་སྒོ་གླེགས་མི་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། སྒོ་གླེགས་གཞུག་པར་བྱ་ཞིང ། སྒོ་གཏན་ཡང་གཞུག་པར་བྱ་སྟེ། དེ་ལ་ཡང་མིག་དང ། ལག་གཟུངས་ཀྱང་གཞུག་པར་བྱའོ། །ཆུ་དག་དམའ་བའི་ཕྱོགས་སུ་བཞག་པ་དེ་གྲང་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ནང་གི་ཕྱོགས་སུ་བཞག་སྟེགས་བྱ་ཞིང་དེར་བུམ་པ་དག་གཞག་པར་བྱའོ། །ས་གཞིར་མེ་བུས་པས་དེས་ཞལ་ཞལ་མ་རུང་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་གཅལ་དགྲམ་པར་བྱའོ། །དེ་དག་གི་མེ་བདལ་བ་དང ། དེ་ཤི་ནས་བཅོམ་ལྡན་འདས་ཀྱིས་བཀའ་སྩལ་པ། གདལ་ནས་དེ་བཞིན་མི་དོར་བར་བཅེར་ཏེ་གཞག་པར་བྱའོ། །དེ་དག་གིས་ཅིས་བཅེར་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ལྕགས་ཀྱིས་ཐལ་ཕྱགས་བྱས་ལ་དེས་བཅེར་བར་བྱའོ། །དེ་དག་མེ་འབར་བ་ན་བསྲོ་ཁང་གི་ནང་དུ་འཇུག་ཅིང་རྨྱ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། མེ་འབར་བ་ན། འཇུག་པར་མི་བྱའོ། །དགེ་སློང་དག་དེར་ཞུགས་པ་ན། མེའི་དུགས་ཀྱིས་བོག་པར་གྱུར་ནས་དེ་དག་མྱོས་ཏེ་ས་ལ་བསྒྱེལ་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱེ་དང་ཡུངས་མར་དུ་བསྲེས་པ་དག་མེར་བླུགས་པར་བྱའོ། །དྲི་མི་ཞིམ་པར་གྱུར་ནས་</font><hr>Tha53a<br><font size=+2>


༄#། །བཅོམ་ལྡན་འདས་ཀྱིས་བཀའ་སྩལ་པ། བདུག་སྤོས་བླུགས་པར་བྱའོ། །དུད་པས་དགེ་སློང་དག་མཆི་མ་འཛག་ནས་བཅོམ་ལྡན་འདས་ཀྱིས་བཀའ་སྩལ་པ། ནས་ཀྱི་བག་ཟན་གྱི་ཆང་བུས་གླན་པར་བྱའོ། །འོན་ཀྱང་འཛག་ནས་བཅོམ་ལྡན་འདས་ཀྱིས་བཀའ་སྩལ་པ། སྐྱུ་རུ་རའི་ཆང་བུས་གླན་པར་བྱའོ། །སྟན་མེད་ནས་དགེ་སློང་དག་གིས་སྟན་ཁྱེར་ཏེ་སོང་བ་དང ། དེ་དག་འབྲུ་མར་གྱིས་སྣུམ་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རྩཝ་བམ་དག་གཞག་པར་བྱའོ། །རྐང་པ་དག་ས་ལ་བཞག་པས་རྡུལ་གྱིས་གོས་ནས་བཅོམ་ལྡན་འདས་ཀྱིས་བཀའ་སྩལ་པ། ས་གཞི་རྩཝ་དག་དགྲམ་པར་བྱའོ། །སྐམ་པོ་དག་བཏིང་བ་ན། མེ་སྟག་གིས་ཚིག་ནས་བཅོམ་ལྡན་འདས་ཀྱིས་བཀའ་སྩལ་པ། སྔོན་པོ་དག་དགྲམ་པར་བྱའོ། །སྔོན་པོ་དག་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། ཆུས་སྤངས་ལ་དགྲམ་པར་བྱའོ། །དགེ་སློང་དག་འབྲུ་མར་གྱིས་སྣུམ་པ་ན། འཇག་མ་དང་གསེག་མ་དག་གི་ལུས་ལ་ཕྲུགས་པས་རྨ་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། ལྕགས་ཀྱི་ཕྲུག་སྤྱད་བྱའོ། །དེ་བབ་བབ་ཏུ་བཞག་པས་དེ་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལུང་མིག་བྱས་ལ་ཐག་གུས་བཏགས་ཏེ་རྫས་ཀྱི་བླས་དབེན་པར་གཞག་པར་བྱའོ། །དེ་སྣུམ་པར་གྱུར་ནས་དགེ་སློང་དག་དེ་ཡང་དང་ཡང་དུ་སྦྱོང་བར་བྱེད་ནས་བཅོམ་ལྡན་</font><hr>Tha53b<br><font size=+2>


འདས་ཀྱིས་བཀའ་སྩལ་པ། མེས་རུང་བར་བྱའོ། །དགེ་སློང་དག་གིས་དེར་ཁྲུས་བྱས་པས། འདམ་རྫབ་ཏུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེར་ཁྲུས་མི་བྱ་བར་ཁྲུས་ཁང་བྱས་ལ་དེར་ཁྲུས་བྱའོ། །གང་དག་ཁྲུས་བྱེད་པ་དེ་དག་ལ་ཆུས་གནོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཁྲུས་དོང་བརྐོས་ལ་སོ་ཕག་གིས་སྒྲོན་ཏེ་གང་ཁྲུས་བྱེད་པ་དེ་ཁྲུས་དོང་དུ་ཞུགས་ལ། གང་ཁྲུས་ཆུ་ལྡུགས་པ་དེ་ནི། ཁར་འདུག་སྟེ། ཁྲུས་ཆུ་བླུགས་པར་བྱའོ། །དེ་ཆུས་གང་ནས་བཅོམ་ལྡན་འདས་ཀྱིས་བཀའ་སྩལ་པ། སྟོར་ཁུང་གདོད་པར་བྱའོ། །དགེ་སློང་དག་ཁྲུས་བྱས་ནས་འདག་རྫས་དང ། བ་ལང་གི་ལྕི་བ་དང ། སོ་ཤིང་ལེན་དུ་གཙུག་ལག་ཁང་དུ་འདོང་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་དུ་འདག་རྫས་དང ། བ་ལང་གི་ལྕི་བ་དང ། སོ་ཤིང་གིས་བཀང་བའི་གྱོ་མོ་དག་གཞག་པར་བྱའོ། །དགེ་སློང་དག་མེའི་དུགས་ཀྱིས་ཉམས་དམས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱེའུ་སུས་བཟའ་བར་བྱའོ། །དེ་དག་ལག་པ་བསྙལ་པས་ཐོགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཁ་གཟར་བཅང་བར་བྱའོ། །དགེ་སློང་ཞིག་གིས་ཁྱེའུ་སུས་ཐུག་པ་ཧ་ཅང་ཚ་བ་ཞིག་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། ཁ་གཟར་གྱིས་བཏུང་བར་བྱའོ། །དེ་ལ་ལན་ཚཝ་དགོས་པ་དང ། ལོ་མ་དག་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། ཚ་ཁུག་བཅང་བར་བྱའོ། །བཅོམ་ལྡན་འདས་ཀྱིས་བསྲོ་</font><hr>Tha54a<br><font size=+2>


༄#། །ཁང་དུ་བྱི་དོར་གྱི་ལས་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་བྱི་དོར་གྱི་ལས་སུས་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ།་ལྷན་ཅིག་གནས་པ་དང ། ཉེ་གནས་དག་གིས་བྱའོ། །དེ་དག་གི་ནི། གཅིག་གིས་གཅིག་ལ་བྱའོ། །དེ་ལྟར་བསྲོ་གང་ཡོ་བྱད་དང་བཅས་པ་རྗེས་སུ་གནང་ངོ ། །གླེང་གཞི་ནི། མཉན་ཡོད་ནའོ། །དེའི་ཚེ་ཡངས་པ་ཅན་ན་ལི་ཙ་བྱི་ཆེན་པོ་ཞེས་བྱ་བ། གཡོ་སྒྱུ་མེད་པ། དྲང་པོ། དྲང་པོའི་རང་བཞིན་ཅན་ཞིག་འདུག་པ་དེ། ཉིན་གཅིག་བཞིན་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འགྲོ་བ་ཡིན་པས། དེ་བཅོམ་ལྡན་འདས་ཀྱི་སྤྱན་སྔར་འགྲོ་བའི་ཚེ་དགེ་སློང་མཛའ་བོ་དང ། ས་ལས་སྐྱེས་ཀྱང་ལྗོངས་རྒྱུ་ཞིང་འགྲོ་བ་ན། ཡངས་པ་ཅན་དུ་ཕྱིན་ནས་དེ་གཉིས་ཀྱིས་དེ་ལམ་ཀར་མཐོང་ནས་དེ་གཉིས་ཀྱིས་སྨྲས་པ། ཆེན་པོ། གར་འགྲོ། དེས་སྨྲས་པ། འཕགས་པ་གཉིས། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཆིའོ། །དེ་གཉིས་ཚེ་དང་ལྡན་པ་གྱད་བུ་ནོར་དང་ཚེ་རབས་ཚེ་རབས་སུ་འཁོན་ཡོད་པས། དེ་གཉིས་ཀྱིས་སྨྲས་པ། ཆེན་པོ། སངས་རྒྱས་བཅོམ་ལྡན་འདས་ལ་ནི། གཏམ་གྱི་སྐྱེས་དབུལ་བར་བྱ་བ་ཡིན་ན། ཁྱོད་ལ་གཏམ་གྱི་སྐྱེས་ཅུང་ཟད་ཡོད་དམ། འཕགས་པ་གཉིས། མ་མཆིས་སོ། །ཆེན་པོ་ཚུར་ཤོག་།ཁྱོད་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས། བཙུན་པ། </font><hr>Tha54b<br><font size=+2>


འདི་ལྟར་འཕགས་པ་གྱད་བུ་ནོར་གྱིས་བདག་གི་མཆིས་བྲང་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་མི་མཛེས་ཤིང་ཚུལ་དང་མཐུན་པ་མ་ལགས་སོ། །ཞེས་གསོལ་ཅིག་དང ། བཅོམ་ལྡན་འདས་ཁྱོད་ལ་དགྱེས་པར་འགྱུར་རོ། །དེས་འཕགས་པ་གཉིས། དེ་བཞིན་འཚལ་ལོ། །ཞེས་སྨྲས་ཏེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས། བཙུན་པ། འདི་ལྟར་འཕགས་པ་གྱད་བུ་ནོར་གྱིས་བདག་གི་མཆིས་བྲང་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི། མི་མཛེས་ཤིང ། ཚུལ་དང་མཐུན་པ་མ་ལགས་སོ། །ཞེས་གསོལ་ནས་སོང་ངོ ། །དེ་ནས་བཅོམ་ལྡན་འདས་ཀྱིས། དགེ་སློང་རྣམས་ལ་བཀའ་སྩལ་པ། དགེ་སློང་དག། ལི་ཙ་བྱི་ཆེན་པོ་དང ། གཞན་ཡང་དེ་ལྟ་བུ་གང་ཡིན་པ་ལ་ལྷུང་བཟེད་ཁས་དབུབ་པར་བྱའོ། །ཁས་དབུབ་པ་ནི། འདི་ལྟར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་འབའ་ཞིག་གི་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ལི་ཙ་བྱི་ཆེན་པོས་ཚེ་དང་ལྡན་པ་གྱད་བུ་ནོར་ལ་ཡང་དག་པ་མ་ལགས་པས་བསྐུར་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་</font><hr>Tha55a<br><font size=+2>


༄#། །འདུན་གྱིས་ལི་ཙ་བྱི་ཆེན་པོ་ལ་ལྷུང་བཟེད་ཁས་དབུབ་པར་བགྱིའོ། །འདི་ནི། གསོལ་བའོ། །དགེ་འདུན་གྱིས་གང་ལ་ལྷུང་བཟེད་ཁས་ཕུབ་པ་དེའི་ཁྱིམ་དུ་དགེ་སློང་དག་གིས་འགྲོ་བར་མི་བྱ། སྟན་ལ་ལོངས་སྤྱད་པར་མི་བྱ། བསོད་སྙོམས་བླང་བར་མི་བྱ། ཆོས་བསུན་པར་མི་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།་ཀུན་དགའ་བོ། སོང་ལ་ལི་ཙ་བྱི་ཆེན་པོ་ལ་འདི་སྐད་ཅེས། ཁྱོད་ལ་དགེ་འདུན་གྱིས་ལྷུང་བཟེད་ཁས་དབུབ་པ་མཛད་དོ། །ཞེས་སྒོས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ཀྱི་བཀའ་མཉན་ནས་ལི་ཙ་བྱི་ཆེན་པོའི་ཁྱིམ་ག་ལ་བ་དེར་སོང་ངོ ། །དེའི་ཚེ་ལི་ཙ་བྱི་ཆེན་པོ་བྱ་བ་ཞིག་གི་ཆེད་དུ་ཕྱི་རོལ་ཏུ་སོང་ངོ ། །དེས་དེའི་ཆུང་མ་ལ་སྨྲས་པ། སྲིང་མོ། ལི་ཙ་བྱི་ཆེན་པོ་གར་སོང ། དེས་སྨྲས་པ། འཕགས་པ། སླད་རོལ་ཏུ་མཆིས་སོ། །སྲིང་མོ། འདི་ལྟ་སྟེ། ཁྱེད་ལ་དགེ་འདུན་གྱིས་ལྷུང་བཟེད་ཁས་དབུབ་པ་མཛད་པ་ཤེས་པར་བྱོས་ཤིག་།དེས་སྨྲས་པ། བཙུན་པ་ཀུན་དགའ་བོ། ལྷུང་བཟེད་ཁས་དབུབ་པ་ཞེས་བགྱི་བ་ཅི་ལགས། སྲིང་མོ། གང་ལ་ལྷུང་བཟེད་ཁས་ཕུབ་པ་དེའི་ཁྱིམ་དུ་དགེ་སློང་དག་འདོང་བར་མི་བྱེད་སྟན་ལ་ལོངས་སྤྱོད་པར་མི་བྱེད། བསོད་སྙོམས་ལེན་པར་མི་བྱེད། ཆོས་སྟོན་པར་མི་བྱེད་དོ། །འཕགས་པ་ཀུན་དགའ་བོ། དགེ་འདུན་གྱིས་ཐབས་ཀྱིས་བདག་ཅག་གི་ཚུལ་ཤིང་བོར་ཏེ། དགེ་</font><hr>Tha55b<br><font size=+2>


འདུན་ལ་བདག་ཅག་གིས་ནོངས་པ་དེ་ལྟ་བུ་ཅི་ཞིག་བགྱིས་ན། དེའི་སླད་དུ་ལྷུང་བཟེད་ཁས་དབུབ་པ་མཛད། སྲིང་མོ། འདི་ལྟར་ཁྱོད་ཀྱི་ཁྱིམ་ཐབ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས། བཙུན་པ། འདི་ལྟར་འཕགས་པ་གྱད་བུ་ནོར་གྱིས་བདག་གི་མཆིས་བྲང་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི། མི་མཛེས་ཤིང ། ཚུལ་དང་མཐུན་པ་མ་ལགས་སོ། །ཞེས་གསོལ་ཏོ། །དེ་ངོ་ཚ་བར་གྱུར་ནས་ཁྱིམ་དུ་ཞུགས་པ་དང ། ཚེ་དང་ལྡན་པ་ཀུན་དགའ་བོ་ཕྱིར་སོང་ངོ ། །ཇི་ཙམ་ན་ལི་ཙ་བྱི་ཆེན་པོ་ཁྱིམ་དུ་འོངས་ནས་ཆུང་མས་སྨྲས་པ། རྗེའི་སྲས། འོ་སྐོལ་ལ་དགེ་འདུན་གྱིས་ལྷུང་བཟེད་ཁས་དབུབ་པ་མཛད་དོ། །བཟང་མོ། ལེགས་པར་ལྷུང་བཟེད་ཁས་ཕུབ་བོ། །ཤིན་ཏུ་ལྷུང་བཟེད་ཁས་ཕུབ་བོ། །རྗེའི་སྲས། ལེགས་པར་ལྷུང་བཟེད་ཁས་ཕུབ་བོ། །ཤིན་ཏུ་ལྷུང་བཟེད་ཁས་ཕུབ་བོ། །ཞེས་གསུང་ངམ། ཁས་ཕུབ་པ་ཞེས་བགྱི་བ་ཅི་མཁྱེན་ཏམ། མི་ཤེས་སོ། །རྗེའི་སྲས། གང་ལ་ལྷུང་བཟེད་ཁས་ཕུབ་པ་དེའི་ཁྱིམ་དུ་དགེ་སློང་དག་འོང་བར་མི་བགྱིད། སྟན་ལ་ལོངས་སྤྱོད་པར་མི་བགྱིད། བསོད་སྙོམས་ལེན་པར་མི་བགྱིད། ཆོས་སྟོན་པར་མི་བགྱིད་དོ། །རྗེའི་སྲས། ཅི། ཁྱོད་ཀྱིས་འཕགས་པ་གྱད་བུ་ནོར་དང་བདག་ལྷན་ཅིག་མཆིས་པ་གཟིགས་སམ། བཟང་མོ། མ་མཐོང ། འོ་ན། ཅི་སྟེ་འཕགས་པ་ལ་ཡང་དག་པ་མ་ལགས་པས་བསྐུར། གལ་ཏེ་ད་ཡང་འདི་ལྟར་བཅོམ་ལྡན་འདས་དང ། དགེ་སློང་གི་དགེ་འདུན་ལ་བཟོད་པ་</font><hr>Tha56a<br><font size=+2>


༄#། །གསོལ་ན། དེ་ལྟ་ན་ལེགས། མི་གསོལ་ན། ཁྱོད་ཁོ་མོའི་ཁྱིམ་དུ་མི་གཞུག་གོ་།ཞེས་བྱས་པ་དང ། དེ་སེམས་ཁོང་དུ་ཆུད་ཅིང་འདུག་སྟེ་བསམ་པ། འདིས་ཇི་སྐད་སྨྲས་པ་དེ་བཞིན་འགྱུར་བས། བཟོད་པ་གསོལ་དུ་འགྲོའོ་སྙམ་ནས་དེ་བཅོམ་ལྡན་འདས་ཀྱི་སྤྱན་སྔར་སོང་སྟེ་ཕྱིན་ནས་ཞབས་གཉིས་ལ་མགོ་བོས་ཕྱག་འཚལ་ཏེ་འདི་སྐད་ཅེས་གསོལ་ཏོ། ། བཅོམ་ལྡན་འདས། བདག་གི་ཀུན་ཏུ་སྤྱོད་པ་ནི། གདུགས་གཅིག་བཞིན་ནང་པར་སྔར་ལངས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཆིས་པ་ལགས་པས། བདག་ལ་དགེ་སློང་མཛའ་བོ་དང ། ས་ལ་སྐྱེས་གཉིས་ཀྱིས་མཆིད་ནས་ཆེན་པོ་ཚུར་ཤོག་།ཁྱོད་བཅོམ་ལྡན་འདས་ག་ལ་བ་དེར་སོང་སྟེ་ཞེས་བྱ་བ་ནས་བདག་གི་མཆིས་བྲང་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་ཏོ། །ཞེས་བྱ་བའི་བར་ཐམས་ཅད་སྔ་མ་བཞིན་དུ་སྦྱར་རོ། །དེས་བཙུན་པ་བདག་གིས་ཅི་ནོངས་པ་བཟོད་པར་གསོལ་ཞེས་གསོལ་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ལི་ཙ་བྱི་ཆེན་པོ་དང ། གཞན་ཡང་དེ་ལྟ་བུ་གང་ཡིན་པ་ལ་ལྷུང་བཟེད་ཕྱིར་ལྡོག་པར་བྱའོ། །ཕྱིར་ལྡོག་པ་ནི། འདི་ལྟར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། ལི་ཙ་བྱི་ཆེན་པོས་ཕྱག་འཚལ་ནས་རྒན་པའི་</font><hr>Tha56b<br><font size=+2>


མཐའ་ལོགས་སུ་ཙོག་པུར་འདུག་སྟེ་ཐལ་མོ་སྦྱར་ནས་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་ལི་ཙ་བྱི་ཆེན་པོ་མི་དགེ་བའི་གྲོགས་པོས་བསླུས་པས།་འཕགས་པ་གྱད་བུ་ནོར་ལ་ཡང་དག་པ་མ་ལགས་པས་བསྐུར་པས། དགེ་འདུན་གྱིས་བདག་ལ་ལྷུང་བཟེད་ཁས་དབུབ་པ་མཛད་དེ། བདག་ལྷུང་བཟེད་ཁས་ཕུབ་པ། དགེ་འདུན་ལས་ལྷུང་བཟེད་སླར་ལྡོག་པར་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས། ལི་ཙ་བྱི་ཆེན་པོ་བདག་ལ་ཐུགས་བརྩེ་བའི་སླད་དུ་ལྷུང་བཟེད་སླར་ལྡོག་ཏུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེ་ནས་ལི་ཙ་བྱི་ཆེན་པོ་ཐོས་པའི་ཉེན་ཀོར་ནས་བཀར་ཏེ་མཐོང་བའི་ཉེན་ཀོར་དུ་བཞག་ལ། དགེ་སློང་གཅིག་གིས་གསོལ་བ་འབའ་ཞིག་གི་ལས་བྱའོ། ། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ལི་ཙ་བྱི་ཆེན་པོ་མི་དགེ་བའི་གྲོགས་པོས་བསླུས་པ་འདིས་ཚེ་དང་ལྡན་པ་གྱད་བུ་ནོར་ལ་ཡང་དག་པ་མ་ལགས་པས་བསྐུར་ཏེ།་དགེ་འདུན་གྱིས་དེ་ལ་ལྷུང་བཟེད་ཁས་དབུབ་པར་མཛད་པ་ལས། ལི་ཙ་བྱི་ཆེན་པོ་ལྷུང་བཟེད་ཁས་ཕུབ་པ་དེ། དགེ་འདུན་ལས་ལྷུང་བཟེད་སླར་ལོག་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ལི་ཙ་བྱི་ཆེན་པོ་ལ་ལྷུང་བཟེད་སླར་ལྡོག་པ་མཛད་དོ། །འདི་ནི། གསོལ་བའོ། །དགེ་</font><hr>Tha57a<br><font size=+2>


༄#། །འདུན་གྱིས་གང་ལ་ལྷུང་བཟེད་ཕྱིར་ལྡོག་པ་དེའི་ཁྱིམ་དུ་དགེ་སློང་དག་གིས་འགྲོ་བར་བྱ། སྟན་ལ་ལོངས་སྤྱད་པར་བྱ། བསོད་སྙོམས་བླང་བར་བྱ། ཆོས་བསྟན་པར་བྱའོ། །སྡོམ་ལ། ཡན་ལག་རྣམ་པ་མེ་ལོང་དང ། །གར་དང་གླུ་དང་རོལ་མོའི་སྒྲ། །སྐད་ཀྱི་གཏང་རག་གནང་བ་དང ། །ལྷུང་བཟེད་བཞི་དང་ལྷན་ཅིག་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན། དགེ་སློང་སྤོང་བ་ཞིག་གནས་པ་དེ་གང་གི་ཚེ་སྐྱིལ་མོ་ཀྲུང་བཅས་ཏེ་འདུག་གོ་ཅོག་ན་དེའི་ཚེ་དེའི་ཡན་ལག་གི་རྣམ་པ་ལས་སུ་རུང་བར་གྱུར་ཏོ། །དེ་དུས་གཞན་ཞིག་ན་བསོད་སྙོམས་རྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ལྷུང་བཟེད་དང ། ཆོས་གོས་མཁོས་སུ་ཕ་བ་སྟེ་རྐང་པ་གཉིས་བཀྲུས་ནས་ཤིང་ལྗོན་པ་ཞིག་གི་དྲུང་དུ་སྐྱིལ་མོ་ཀྲུང་བཅས་ཏེ་ཡིད་ལ་བྱེད་པ་ལ་ཞུགས་ཤིང་འདུག་པ་ན། ཡང་དེའི་ཡན་ལག་གི་རྣམ་པ་ལས་སུ་རུང་བར་གྱུར་ནས། དེས་དེ་ཇི་ལྟར་ཞི་བར་འགྱུར་བ་དེ་ལྟར་བྱས་སོ། །སེམས་ནི་མྱུར་དུ་འགྱུར་བ་ཡིན་པས། དེ་སེམས་ཡེངས་པ་ན། ཡང་དང་ཡང་དུ་ལས་སུ་རུང་བར་གྱུར་ནས་དེ་འདོད་ཆགས་ཀྱིས་ཀུན་ནས་དཀྲིས་པ་ན་ཞེ་སྡང་ཆེན་པོ་ཡང་སྐྱེས་ནས་དེས་དེ་རྡོ་བའི་སྟེང་དུ་བཞག་ནས་རྡོ་བ་གཞན་གྱིས་བརྡུངས་སོ། །དེ་སྡུག་བསྔལ་གྱི་ཚོར་བས་གདུངས་ནས་བསམ་པ། བདག་</font><hr>Tha57b<br><font size=+2>


སྡུག་བསྔལ་གྱི་ཚོར་བས་གདུངས་ན། བཅོམ་ལྡན་འདས་ཀྱིས་མི་དགོངས་པ་ལྟ་ཞིག་སྙམ་པ་དང ། དེ་ནས་བཅོམ་ལྡན་འདས་ཐུགས་རྗེ་ཆེན་པོའི་དབང་གིས་དེར་གཤེགས་ནས་བཀའ་སྩལ་པ། དགེ་སློང ། འདི་ཅིས་ཉེས། དེས་ཇི་ལྟར་གྱུར་པ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང ། ངས་འདོད་ཆགས་ཀྱི་གཉེན་པོ་ནི། མི་སྡུག་པ་བསྒོམ་པའོ། །ཞེས་མ་གསུངས་སམ། མི་གཏི་མུག་ཅན་བརྡུང་བར་བྱ་བ་ནི། གཞན་ཡིན་ན། ཁྱོད་ཀྱིས་ནི། གཞན་བརྡུངས་སོ། །དེ་ཅང་མི་སྨྲ་བར་འདུག་པ་དང ། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ཀྱི་ཆོས་གཅིག་བསྒོམས་ན། ཕྱིར་མི་འོང་བར་འགྱུར་བ་ང་ཁས་འཆེ་སྟེ། དེ་ནི། འདི་ལྟ་སྟེ། ལུས་ལ་དམིགས་པའི་དྲན་པའོ། །དགེ་སློང་དག་།ཁྱེད་ཀྱིས་ལུས་ལ་དམིགས་པའི་དྲན་པ་སྒོམས་ཤིག་དང ། ཕྱིར་མི་འོང་བར་འགྱུར་བ་ང་ཁས་འཆེའོ། །དེ་ལྟ་བས་ན། དགེ་སློང་གིས་བརྡུང་བར་བྱ་བ་གཞན་ཡིན་ལ། གཞན་བརྡུང་བར་མི་བྱའོ། །བརྡུངས་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བ་དང ། དགའ་བ་དང ། དགའ་མགུར་སྤྱད་པས། དེའི་ཆུང་མ་ལ་སེམས་ཅན་ཞུགས་</font><hr>Tha58a<br><font size=+2>


༄#། །པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས། ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བྱུང་ངོ ། །དེ་དུས་གཞན་ཞིག་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་དེ་དུས་ཅུང་ཞིག་ལྗོངས་སུ་འདུག་ནས་ལྷུང་བཟེད་དང་ཆོས་གོས་ཐོགས་ཏེ་ལྗོངས་རྒྱུ་ཞིང་སོང་ངོ ། །དེ་ལྗོངས་རྒྱུ་ཞིང་འགྲོ་བ་ན་གདོང་ལ་ཕོལ་མིག་བྱུང་ནས་དེས་སྨན་པ་གཏར་ཀ་བྱེད་དུ་བཅུག་པ་དང ། གདོང་མི་སྡུག་པར་གྱུར་ནས་དེ་དུས་གཞན་ཞིག་ན་མཉན་ཡོད་དུ་སོང་བ་དང ། དགེ་སློང་ཞིག་གིས་མཇུག་ཏུ་མ་སྟེར་ཏོ། །དགེ་སློང་གཞན་ཞིག་གི་གན་དུ་སོང་ནས་སྨྲས་པ། བཙུན་པས་བདག་མི་མཁྱེན་ཏམ། དེས་སྨྲས་པ། བཞིན་བཟང ། མི་ཤེས་ན། ཁྱོད་གང་ཞིག་ཡིན། དེས་སྨྲས་པ། བདག་གི་མིང་ནི། འདི་ཞེས་བྱ། ཁྱིམ་བདག་ཆེ་གེ་མོ་ཞིག་གི་ནི། བུའོ། །རབ་ཏུ་ནི། དེར་བྱུང་ངོ ། །ཡུལ་དེ་ནས་ནི། འདིར་འོངས་སོ། །དེས་སྨྲས་པ། ཚེ་དང་ལྡན་པ་ཁྱོད། བཞིན་བཟང་ཞིང་མདོག་སྡུག་པ་ཡིན་ན། ཅིའི་ཕྱིར་ཁྱོད་ཀྱི་བཞིན་མི་སྡུག་པར་གྱུར། དེས་ཇི་ལྟར་གྱུར་པ་ཀུན་སྨྲས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གི་གདོང་ནི། མེ་ལོང་དང་འདྲ་བ་ཡིན་པས། དེ་ལྟ་བས་ན། དགེ་སློང་གིས་གདོང་ལ་སྨན་པ་གཏར་ཀ་བྱེད་དུ་གཞུག་པར་མི་བྱའོ། །བྱེད་དུ་བཅུག་ན། འགལ་ཚབས་ཅན་དུ་འགྱུར་རོ། ། </font><hr>Tha58b<br><font size=+2>


བཅོམ་ལྡན་འདས་ཀྱིས་དགེ་སློང་གི་གདོང་ལ་སྨན་པ་གཏར་ཀ་བྱེད་དུ་གཞུག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་ཁྲག་རྒྱས་ནས་གཏར་ཀ་གདབ་དགོས་པར་གྱུར་པ་ན། དགེ་སློང་དག་མི་འདེབས་ནས་བཅོམ་ལྡན་འདས་ཀྱིས་བཀའ་སྩལ་པ། གཏར་ཀ་གདབ་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་དགའ་འདུན་གཉིས་ཤིག་ཡོད་དེ། ཚོང་པའི་དགའ་འདུན་དང ། རུ་བའི་དགའ་འདུན་ནོ། །དེ་གཉིས་ལས། ཚོང་པའི་དགའ་འདུན་གྱིས་ནི། རུ་བའི་དགའ་འདུན་གར་དང ། གླུ་དང ། རོལ་མོའི་སྒྲ་དག་གིས་ཕམ་པར་བྱེད་དོ། །རུ་བའི་དགའ་འདུན་གྱིས་ནི། ཚོང་པའི་དགའ་འདུན་དགྲ་ཐབས་ཀྱིས་ཕམ་པར་བྱེད་དོ། །དེ་ནས་དུས་གཞན་ཞིག་ན་རུ་བའི་དགའ་འདུན་དག་གིས་སྨྲས་པ། ཤེས་ལྡན་དག་།འདི་དག་གིས་བདག་ཅག་གར་དང ། གླུ་དང ། རོལ་མོའི་སྒྲ་དག་གིས་ཕམ་པར་བྱས་ཤིང ། བདག་ཅག་གིས་ཀྱང་དེ་དག་དགྲ་ཐབས་ཀྱིས་ཕམ་པར་བྱས་ན། བདག་ཅག་གིས་ཀྱང་ཐབས་ཇི་ལྟ་བུ་ཞིག་གིས་དེ་དག་གར་དང ། གླུ་དང ། རོལ་མོའི་སྒྲ་དག་གིས་ཕམ་པར་བྱ། དེ་དག་ལས་ཁ་ཅིག་གིས་སྨྲས་པ། དེ་བཞིན་ཏེ། བདག་ཅག་གིས་ཀྱང་གར་དང ། གླུ་དང ། རོལ་མོའི་སྒྲ་དག་བསླབ་པར་བྱའོ། །ཁ་ཅིག་གིས་སྨྲས་པ། ལེགས་སོ། །སུ་ལས་བསླབ་པར་བྱ། དེ་རྣམས་ཀྱིས་སྨྲས་པ། འཕགས་</font><hr>Tha59a<br><font size=+2>


༄#། །པ་དྲུག་སྡེ་དག་གར་དང ། གླུ་དང ། རོལ་མོའི་སྒྲ་དག་ལ་མཁས་པས། དེ་དག་ལས་བསླབ་པར་བྱ་ན། དེ་དག་ནི་འདོད་པའི་བདག་ཉིད་ཅན་ཡིན་པས། གལ་ཏེ་ཅུང་ཟད་ཅིག་སློང་ན་ཡང་སྦྱིན་པར་བྱའོ། །དེ་རྣམས་ཀྱིས་སྨྲས་པ། ལེགས་སོ། །དེ་བཞིན་དུ་སྦྱིན་པར་བྱའོ། །དེ་རྣམས་དྲུག་སྡེ་དག་ག་ལ་བ་དེར་སོང་སྟེ་ཕྱིན་ནས་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་དག་།བདག་ཅག་ལ་གར་དང ། གླུ་དང ། རོལ་མོའི་སྒྲ་དག་བསླབ་ཏུ་གསོལ། དེ་དག་གིས་སྨྲས་པ། ཤེས་ལྡན་དག་།གལ་ཏེ་བཅའ་བའི་རིན་དག་ངེད་ལ་སྦྱིན་ན། བསླབ་པར་བྱའོ། །འཕགས་པ་དག་།བདག་ཅག་ལ་སྨན་ཡོན་བཏགས་ཀྱི། དབུལ་ལོ། །དེ་དག་གིས་དེ་རྣམས་གར་དང ། གླུ་དང ། རོལ་མོའི་སྒྲ་དག་བསླབ་བོ། །གང་གི་ཚེ་བྱང་བར་གྱུར་པའི་ཚེ་དེ་རྣམས་ཀྱིས་ཚོང་པའི་དགའ་འདུན་དག་དགྲ་ཐབས་ཀྱིས་ཀྱང་ཕམ་པར་བྱས་ཤིང་གར་དང ། གླུ་དང ། རོལ་མོའི་སྒྲ་དག་གིས་ཀྱང་ཕམ་པར་བྱས་པ་དང ། དེ་དག་གིས་སྨྲས་པ། བཞིན་བཟང་དག་།སྔོན་ནི། ཁྱེད་ཅག་གིས་ངེད་དགྲ་ཐབས་ཀྱིས་ཕམ་པར་བྱས་ཤིང ། ངེད་ཀྱིས་ཀྱང་གར་དང ། གླུ་དང ། རོལ་མོའི་སྒྲ་དག་གིས་ཁྱེད་ཕམ་པར་བྱས་ན། ད་ནི། ཁྱེད་ཀྱིས་ཁོ་བོ་ཅག་གཉི་གས་ཕམ་པར་བྱས་པའི་སྦྱོར་བ་གང་ཡིན། དེ་རྣམས་ཀྱིས་སྨྲས་པ། དེ་ཁོ་བོ་ཅག་གིས་བསླབ་པོ། །སུ་ལས་བསླབ། འཕགས་པ་དྲུག་སྡེ་དག་ལས་སོ། ། </font><hr>Tha59b<br><font size=+2>


དེ་རྣམས་ཤཱཀྱའི་སྲས་ཀྱི་དགེ་སྦྱོང་དག་གི་དགེ་སྦྱོང་གི་ཚུལ་ནི། ཚིག་གོ་།བྲམ་ཟེའི་ཚུལ་ནི་ཚིག་སྟེ། འདི་ལྟར་གར་དང ། གླུ་དང ། རོལ་མོའི་སྒྲ་དག་ཀྱང་སློབ་པར་བྱེད་དོ། །ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགེ་སློང་དག་ལ་ཉེས་དམིགས་ཅུང་ཟད་གང་བྱུང་བ་ནི། གར་དང ། གླུ་དང ། རོལ་མོའི་སྒྲ་དག་སློབ་པ་ལས་གྱུར་པར་མཁྱེན་ནས་བཀའ་སྩལ་པ། དེ་ལྟ་བས་ན། དགེ་སློང་གིས་གར་དང ། གླུ་དང ། རོལ་མོའི་སྒྲ་དག་བསླབ་པར་མི་བྱའོ། །སློབ་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གར་དང ། གླུ་དང ། རོལ་མོའི་སྒྲ་དག་བསླབ་པར་མི་བྱའོ། །ཞེས་བཀའ་སྩལ་པ་དང ། དགའ་འདུན་དེ་རྣམས་ཀྱིས་བརྗེད་ནས་དེ་རྣམས་ཡང་དྲུག་སྡེ་དག་གི་གན་དུ་དོང་སྟེ་སྨྲས་པ། འཕགས་པ་དག་།བདག་ཅག་གིས་དེ་བསྐྱུད་པར་གྱུར་ན། ཡང་བསླབ་ཏུ་གསོལ། དེ་དག་གིས་སྨྲས་པ། བཞིན་བཟང་དག་།བཅོམ་ལྡན་འདས་ཀྱིས་དགེ་སློང་གིས་གར་དང ། གླུ་དང ། རོལ་མོའི་སྒྲ་དག་བསླབ་པར་མི་བྱའོ། །ཞེས་བསླབ་པའི་གཞི་བཅའ་བ་མཛད་པས་མི་བསླབ་བོ། །འཕགས་པ་དག་།གལ་ཏེ་མི་བསླབ་ན། སྦྱང་བ་ཙམ་མཛད་ཅིང་གཤེགས་སུ་གསོལ། དེ་དག་གིས་སྨྲས་པ། བཞིན་བཟང་དག། འདོང་ངོ ། །དེ་དག་དེར་དོང་ནས་དེ་རྣམས་སྦྱངས་ཏེ་དེ་རྣམས་ཀྱིས་དེ་དག་ཕམ་པར་བྱས་པ་དང ། ཡང་དགེ་སྦྱོང་གི་ཚུལ་</font><hr>Tha60a<br><font size=+2>


༄#། །ནི། ཚིག་གོ་།བྲམ་ཟེའི་ཚུལ་ནི། ཚིག་གོ་།ཞེས་བྱ་བ་ནས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་ཅེས་བྱ་བའི་བར་དུ་སྔ་མ་བཞིན་ནོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགེ་སློང་དག་ལ་ཉེས་དམིགས་ཅུང་ཟད་གང་བྱུང་བ་ནི། གར་དང ། གླུ་དང ། རོལ་མོའི་སྒྲ་དག་སྦྱོང་བར་བྱེད་པ་ལས་གྱུར་པར་མཁྱེན་ནས་བཀའ་སྩལ་པ། དེ་ལྟ་བས་ན། དགེ་སློང་གིས་གར་དང ། གླུ་དང ། རོལ་མོའི་སྒྲ་དག་སྦྱང་བར་མི་བྱའོ། །སྦྱོང་བར་བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གར་དང ། གླུ་དང ། རོལ་མོའི་སྒྲ་དག་སྦྱང་བར་མི་བྱའོ། །ཞེས་བཀའ་སྩལ་པ་དང ། དགའ་འདུན་རྣམས་ཀྱིས་ཡང་བརྗེད་ནས་དེ་རྣམས་ཡང་དྲུག་སྡེ་དག་གི་གན་དུ་དོང་སྟེ་དེ་བཞིན་དུ་སྨྲས་པ་དང ། དེ་དག་གིས་སྨྲས་པ། བཞིན་བཟང ། བཅོམ་ལྡན་འདས་ཀྱིས་བཀག་པས་མི་སྦྱང་ངོ ། །དེ་རྣམས་ཀྱིས་སྨྲས་པ། འཕགས་པ་དག་།ཁྱེད་གཤེགས་ཏེ་གཟིགས་པ་ཙམ་ཁོ་ནས་ཀྱང་བདག་ཅག་གིས་དེ་དག་ལ་ཕན་པར་འགྱུར་རོ། །གལ་ཏེ་དེ་ལྟ་ན། འདོང་ངོ ། །ཞེས་དེ་དག་དེར་དོང་བ་དང ། དགའ་འདུན་དེ་རྣམས་མཐོང་བ་ཙམ་ཉིད་ཀྱིས་བག་འཁུམས་པར་གྱུར་ནས་དེ་རྣམས་ཤཱཀྱའི་སྲས་ཀྱི་དགེ་སྦྱོང་དག་གི་དགེ་སྦྱོང་གི་ཚུལ་ནི། ཚིག་གོ་།བྲམ་ཟེའི་ཚུལ་ནི། ཚིག་སྟེ། འདི་ལྟར་གར་དང ། གླུ་དང ། </font><hr>Tha60b<br><font size=+2>


རོལ་མོའི་སྒྲ་དག་བལྟ་བའི་ཕྱིར་ཡང་འགྲོའོ། །ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགེ་སློང་དག་ལ་ཉེས་དམིགས་ཅུང་ཟད་གང་བྱུང་བ་དེ་ནི། གར་དང ། གླུ་དང ། རོལ་མོའི་སྒྲ་དག་བལྟར་འགྲོ་བ་ལས་གྱུར་པར་མཁྱེན་ནས་བཀའ་སྩལ་པ། དེ་ལྟ་བས་ན། དགེ་སློང་གིས་གར་མི་བྱ། གླུ་བླང་བར་མི་བྱ། རོལ་མོའི་སྒྲ་མི་བྱའོ། །གར་དང ། གླུ་དང ། རོལ་མོའི་སྒྲ་དག་སྦྱང་བར་མི་བྱའོ། །དེ་དག་ལ་བལྟར་ཡང་འགྲོ་བར་མི་བྱའོ། །དེ་དགེ་སྦྱོང་གར་སློབ་བམ། གླུ་སློབ་བམ། རོལ་མོའི་སྒྲ་སློབ་བམ། གར་དང ། གླུ་དང ། རོལ་མོའི་སྒྲ་སྦྱོང་ངམ། དེ་དག་ལ་བལྟར་འགྲོ་ན། འགལ་ཚབས་ཅན་དུ་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཞི་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཀོའུ་ཤམྦྷི་ན་ཁྱིམ་བདག་བཟང་ལྡན་ཞེས་བྱ་བ། དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཞིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བ་དང ། དགའ་བ་དང ། དགའ་མགུར་སྤྱོད་པས། དུས་གཞན་ཞིག་ན་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །ཚེ་དང་ལྡན་པ་ཤཱ་རིའི་བུ་</font><hr>Tha61a<br><font size=+2>


༄#། །སེམས་ཅན་དེ་གདུལ་བ་ལ་ལྟོས་པས་དེའི་ཁྱིམ་དུ་སོང་སྟེ་ཁྱིམ་བདག་རང་བཞིན་བཟང་པོ་དེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་ནས་དུས་དུས་སུ་དེའི་གན་དུ་འགྲོའོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་ཤཱ་རིའི་བུ་ཕྱི་བཞིན་འབྲང་བའི་དགེ་སྦྱོང་མེད་པར་གཅིག་པུ་སོང་བ་དང ། ཁྱིམ་བདག་གིས་སྨྲས་པ། འཕགས་པ། ཅི།་ཁྱོད་ཕྱི་བཞིན་འབྲང་བའི་དགེ་སྦྱོང་མ་མཆིས་སམ། དེས་སྨྲས་པ། བཞིན་བཟང ། ཅི། ཁོ་བོའི་ཕྱི་བཞིན་འབྲང་བའི་དགེ་སྦྱོང་རྩཝ་ཀ་ཤའི་ཁྲོད་དང ། ཀུ་ཤའི་ཁྲོད་ནས་འོང་ངམ། ཁྱོད་ལྟ་བུ་ལས་འཐོབ་པར་འགྱུར་བ་གང་དག་ཡིན་པ་དེ་དག་ཁོ་བོའི་ཕྱི་བཞིན་འབྲང་བའི་དགེ་སྦྱོང་ཁོ་ནར་འགྱུར་རོ། །དེས་སྨྲས་པ། འཕགས་པ། གལ་ཏེ་དེ་ལྟ་ན། བདག་གི་མཆིས་བྲང་ལ་སེམས་ཅན་ཞུགས་པར་གྱུར་པ་དེ། གལ་ཏེ་ཁྱེའུར་བཙས་ན། དེ་འཕགས་པའི་ཕྱི་བཞིན་འབྲང་བའི་དགེ་སྦྱོང་དུ་དབུལ་ལོ། །བཞིན་བཟང ། ཁྱོད་ནད་མེད་པར་གྱུར་ཅིག་།ཁོ་བོས་དཀྲིའོ། ། ཞེས་སྨྲས་ནས་སོང་ངོ ། །ཇི་ཙམ་ན་ཁྱིམ་བདག་གི་ཆུང་མ་དེ་ཟླ་བ་དགུ་ཚང་སྟེ་བཙས་པ་ལས། ཁྱེའུ་མདོག་ངན་ཞིང་ལུས་ཆུང་ལ་སྐད་སྙན་པ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་པ་ན། ཉེ་དུ་དག་གིས་སྨྲས་པ། གང་གི་ཕྱིར་ཁྱེའུ་</font><hr>Tha61b<br><font size=+2>


འདི་མདོག་ངན་ཞིང་ལུས་ཆུང་ཡང ། ཁྱིམ་བདག་བཟང་ལྡན་གྱི་བུ་ཡིན་ཞིང་སྐད་སྙན་པ་དེའི་ཕྱིར་ཁྱེའུ་འདིའི་མིང་སྙན་པ་བཟང་ལྡན་ཞེས་བྱའོ། །ཞེས་དེའི་མིང་སྙན་པ་བཟང་ལྡན་ཞེས་བྱ་བར་བཏགས་སོ། །དེ་བསྲིངས་ཤིང་བསྐྱེད་ནས་ཆེན་པོར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་སྔ་དྲོ་ཤམ་ཐབས་བགོས། ལྷུང་བཟེད་དང ། ཆོས་གོས་ཐོགས་ཏེ་ཀོའུ་ཤམྦྷིར་བསོད་སྙོམས་ལ་ཞུགས་སོ། །ཀོའུ་ཤམྦྷི་ན་བསོད་སྙོམས་ལ་རྒྱུ་བའི་ཚེ་ཁྱིམ་བདག་བཟང་ལྡན་གྱི་ཁྱིམ་དུ་སོང་བ་དང ། ཁྱིམ་བདག་བཟང་ལྡན་གྱིས། འཕགས་པ་བྱོན་པ་ལེགས་སོ། །ཞེས་བྱ་བའི་ཚིག་ཀུན་ཏུ་སྤྱོད་པས་ཀུན་ཏུ་སྤྱད་ནས་རྐང་པ་གཉིས་ལ་ཕྱག་བྱས་སོ། །དེའི་ཆུང་མས་ཀྱང་བཅའ་བ་དང ། བཟའ་བ་གཙང་ཞིང་བསོད་པས་ལྷུང་བཟེད་བཀང་སྟེ་ཕུལ་ལོ། །ཁྱེའུ་དེ་ཚེ་དང་ལྡན་པ་ཤཱ་རིའི་བུའི་གདོང་དུ་རྟོགས་ནས་ཚེ་དང་ལྡན་པ་ཤཱ་རིའི་བུས་ཁྱིམ་བདག་བཟང་ལྡན་ལ་བརྡ་བྱས་པ་དང ། དེས་ཁྱེའུ་དེ་ལ་སྨྲས་པ། བུ། ཁྱོད་མ་བཙས་པ་ཉིད་ནས་ངས་འཕགས་པ་ཤཱ་རིའི་བུའི་ཞམ་འབྲིང་དུ་ཕུལ་གྱི། ཁྱོད་འཕགས་པ་དང་ལྷན་ཅིག་སོང་ཞིག་།སྲིད་པ་ཐ་མ་པའི་སེམས་ཅན་དེ། དེའི་ཕྱི་ན་འདུག་པའི་ཚེ་དེས་དེ་རབ་ཏུ་ཕྱུང་བསྙེན་པར་རྫོགས་པར་བྱས་ཏེ་དེ་ལ་ལུང་ཕོག་ནས་དེས་བརྩལ་བ་དང ། འབད་པ་དང ། སྒྲིམ་པར་བྱས་པས། འཁོར་བའི་འཁོར་ལོ་ཆ་ལྔ་པ་གཡོ་བ་དང ། མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་</font><hr>Tha62a<br><font size=+2>


༄#། །བ་དང ། རྣམ་པར་འཇིག་པའི་ཆོས་ཉིད་ཀྱི་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱས་ཏེ་དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་ཞག་ལོན་པར་བཞག་པ་ལྟ་བུ།་རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པར་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། གུས་པར་སྨྲ་བར་བྱ་བར་གྱུར་ཏེ། གང་གི་ཚེ་དེས་སྐད་ཀྱི་གཏང་རག་གིས་ཆོས་སྨྲས་པ་དེའི་ཚེ་ན། ཚངས་པའི་འཇིག་རྟེན་མན་ཆད་ཁྱབ་པར་གྱུར་ཅིང ། སེམས་ཅན་མང་པོ་དག་གི་རྒྱུད་ལ་ཡང་ཐར་པའི་ཆ་དང་མཐུན་པའི་དགེ་བའི་རྩ་བ་དག་སྐྱེད་པར་བྱེད་དེ། མདོར་ན་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་དག་ཀྱང་སྒྲ་སྙན་པ་དེ་ལ་རྣ་བླགས་ཏེ་ཉན་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་ཉན་ཐོས་ཀྱི་དགེ་སློང་སྐད་ཀྱི་གཏང་རག་སྙན་པ་རྣམས་ཀྱི་ནང་ན། འདི་ལྟ་སྟེ། དགེ་སློང་སྙན་པ་བཟང་ལྡན་འདི་མཆོག་ཡིན་ནོ། །དེའི་སྐད་ཀྱི་གཏང་རག་སྙན་པ་ཡིད་དུ་འོང་བའི་</font><hr>Tha62b<br><font size=+2>


སྦྱོར་བས་དགེ་སློང་འདོད་ཆགས་དང་མ་བྲལ་བ་རྣམས། རང་གི་བྱ་བ་བཏང་ནས་ཉིན་གཅིག་བཞིན་དེའི་གན་དུ་འགྲོ་བར་བྱེད་དོ། །ཇི་ཙམ་དུས་གཞན་ཞིག་ན། ཀོ་ས་ལའི་རྒྱལ་པོ་གསལ་རྒྱལ།་གླང་པོ་ཆེའི་གཙོ་བོ་པདྨ་དཀར་པོ་གཅིག་པ་ལ་ཞོན་ནས་ཁ་ལོ་བསྒྱུར་བ་དཔལ་འཕེལ་དང་ནམ་གྱི་ཐོ་རངས་རི་བྲག་ཅིག་ཏུ་སོང་བའི་ཚེ་ཚེ་དང་ལྡན་པ་སྙན་པ་བཟང་ལྡན་གྱིས་ནང་པར་སྐད་ཀྱི་གཏང་རག་གིས་ཆོས་སྨྲ་བར་བརྩམས་པ། གླང་པོ་ཆེའི་གཙོ་བོ་པདྨ་དཀར་པོ་གཅིག་པས་ཐོས་སོ། །དེས་ཚེ་དང་ལྡན་པ་སྙན་པ་བཟང་ལྡན་གྱི་སྐད་ཀྱི་གཏང་རག་ཐོས་ནས་ཀྱང་ཡང་རྣ་བ་བླགས་ཏེ་མི་གཡོ་བར་སྡོད་དོ། །ཁ་ལོ་བསྒྱུར་བ་དཔལ་འཕེལ་གྱིས། ཕན་ཚུན་ནས་ལག་པ་དང ། རྐང་པ་དག་གཡབས་ཏེ་བསྐྱོད་པར་བརྩམས་ཀྱང་དེ་བཞིན་མི་གཡོ་བ་དང ། རྒྱལ་པོས་སྨྲས་པ། དཔལ་འཕེལ།་གླང་པོ་ཆེ་ཐོབ་ཅིག་།ལྷ། བཏབ་ཀྱང་མི་མཆི་ན། འདི་རྒྱུ་གང་ལགས་མ་འཚལ་ཏོ། །རྒྱལ་པོས་སྨྲས་པ། ཞོག་ཅིག་དང་ལམ་གང་དུ་འགྲོ་བ་བལྟའོ། །དེས་ཅི་བདེར་བཞག་པ་དང ། དེ་རྒྱལ་བྱེད་ཀྱི་ཚལ་ལོགས་སུ་སོང་ནས་ཁད་ཀྱིས་རྒྱལ་བྱེད་ཀྱི་ཚལ་དུ་ཕྱིན་པ་དང་རྒྱལ་བྱེད་ཀྱི་ཚལ་གྱི་སྒོ་ན་རྣ་བླགས་ཏེ་སྡོད་དོ། །ཚེ་དང་ལྡན་པ་སྙན་པ་བཟང་ལྡན་གྱིས་སྐད་ཀྱི་གཏང་རག་གིས་ཆོས་དག་སྨྲས་པའི་མཇུག་ཏུ། འབྱུང་པོ་གང་དག་འདིར་ནི་ལྷགས་གྱུར་ཏེ། །ས་འམ་འོན་ཏེ་བར་སྣང་གནས་པ་དག་།སེམས་ཅན་རྣམས་ལ་རྟག་ཏུ་བྱམས་བྱེད་ཅིང ། །ཉིན་དང་མཚན་དུ་ཆོས་ཀྱང་</font><hr>Tha63a<br><font size=+2>


༄#། །སྤྱོད་པར་ཤོག་།ཅེས་ཡོངས་སུ་བསྔོ་བ་བྱས་པ་དང ། དེ་ནས་གླང་པོ་ཆེའི་གཙོ་བོ་པདྨ་དཀར་པོ་གཅིག་པས། ཚེ་དང་ལྡན་པ་སྙན་པ་བཟང་ལྡན་གྱིས་སྐད་ཀྱི་གཏང་རག་གིས་ཆོས་དག་སྨྲས་པའི་མཐར་ཕྱིན་པར་ཤེས་ནས་ཡིད་དང་མཐུན་པར་གང་དང་གང་དུ་བསྐྱོད་པ་དེ་དང་དེར་སོང་ངོ ། །རྒྱལ་པོས་སྨྲས་པ། དཔལ་འཕེལ། རྒྱུ་གང་གིས་འདི་གང་དང་གང་དུ་བསྐྱོད་པ་དེ་དང་དེར་འགྲོ་།དེས་སྨྲས་པ། ལྷ། མ་འཚལ་ཏེ། འཕགས་པ་ཞིག་གིས། སྐད་ཀྱི་གཏང་རག་གིས་ཆོས་སྨྲས་པའི་སྒྲ་གང་ལགས་པ་དེ་དག་ཐོས་ནས་གླང་པོ་ཆེ་འདིའི་ཡིད་འཕྲོག་སྟེ་དབང་མ་མཆིས་པར་གྱུར་ཏོ། །རྒྱལ་པོས་སྨྲས་པ། དཔལ་འཕེལ། གླང་པོ་ཆེ་ཕྱིར་ལྡོག་ཅིག་དང ། འཕགས་པ་དེ་བཙལ་ལ་ན་བཟའ་ཞིག་དབུལ་ཞིང ། སང་ནང་པར་རི་བྲག་ཏུ་འདོང་ངོ ། །ལྷ། དེ་བཞིན་འཚལ་ལོ། །དེ་ཕྱིར་ལོག་སྟེ་ཁྱིམ་དུ་སོང་བ་དང ། བཙུན་མོ་ཕྲེང་ལྡན་མས་དྲིས་པ། ལྷ། ཅིའི་སླད་དུ་སླར་གཤེགས། དེས་ཇི་ལྟར་གྱུར་པ་བརྗོད་ནས་འདི་སྐད་ཅེས་སྨྲས་སོ། །ཕྲེང་ལྡན་མ། ང་ལ་གོས་བྱིན་ཅིག་དང ། སོང་ལ་འཕགས་པ་དེ་ལ་དབུལ་ལོ། །དེས་བསམ་པ། འཕགས་པ་སྙན་པ་བཟང་ལྡན་གྱིས་སྐད་ཀྱིས་གཏང་རག་གིས་ཆོས་སྨྲས་པར་གྱུར་པ་ལྟ་ཞིག་ན། དེ་ནི། མདོག་ངན་ཞིང་ལུས་ཆུང་ལ། རྒྱལ་པོ་འདི་ནི། རྒྱ་ཆེན་པོ་ལ་མོས་པ་ཡིན་པས། འདིས་དེ་མཐོང་ན། གལ་ཏེ་མ་དད་པར་འགྱུར་བའི་གནས་ཡོད་པར་འགྱུར་སྲིད་</font><hr>Tha63b<br><font size=+2>


ཀྱི།་ཐབས་ཀྱི་རྣམ་པ་ཞིག་བྱའོ། །སྙམ་ནས་སྨྲས་པ། ལྷ་ནི། རི་བྲག་ཏུ་གཤེགས་ཤིག་།བདག་གིས་ནི། འཕགས་པ་དེ་ལ་ན་བཟའ་དབུལ་ལོ། །དེས་སྨྲས་པ། ཕྲེང་ལྡན་མ། ཁྱོད་ཀྱིས་ཀྱང་གོས་གཞན་ཕུལ་ཅིག་།ཅི། གོས་གཉིས་ཀྱིས་ཀོ་ས་ལའི་ཕོ་བྲང་དབུལ་པོར་འགྱུར་རམ། དེ་ཅང་མི་སྨྲ་བར་འདུག་པ་དང ། རྒྱལ་པོས་ཆེན་པོ་ལ་འོས་པའི་གོས་ཁྱེར་ནས་རྒྱལ་བྱེད་ཀྱི་ཚལ་དུ་སོང་ངོ། །དེའི་ཚེ་ན་ཚེ་དང་ལྡན་པ་ཀུན་དགའ་བོ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་ནས་རྒྱལ་པོ་གླང་པོ་ཆེ་ལས་བབས་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ། ད་ནང་སྐད་ཀྱི་གཏང་རག་གིས་ཆོས་སྨྲ་བའི་འཕགས་པ་དེ་གང་ལགས། དེས་སྨྲས་པ། རྒྱལ་པོ་ཆེན་པོ། དེ་ཅིར་འཚལ། འཕགས་པ་དེ་ལ་ན་བཟའ་དབུལ་ལོ། །དེས་བསམ་པ། ཚེ་དང་ལྡན་པ་སྙན་པ་བཟང་ལྡན་གྱིས་སྐད་ཀྱི་གཏང་རག་གིས་ཆོས་དག་ནི། སྨྲས་ན། དེ་ནི། མདོག་ངན་ཞིང་ལུས་ཆུང་ལ། རྒྱལ་པོ་འདི་ནི། རྒྱ་ཆེན་པོ་ལ་མོས་པ་ཡིན་པས། འདིས་དེ་མཐོང་ན། གལ་ཏེ་མ་དད་པར་འགྱུར་བའི་གནས་ཡོད་པར་འགྱུར་སྲིད་ཀྱི། ཐབས་ཀྱི་རྣམ་པ་ཞིག་བྱའོ། །སྙམ་ནས་སྨྲས་པ། རྒྱལ་པོ་ཆེན་པོ། བདག་ལ་སྩོལ་ཅིག་དང ། བདག་གིས་དེ་ལ་དབུལ་བར་བགྱིའོ། །རྒྱལ་པོས་སྨྲས་པ། བཅོམ་ལྡན་འདས་ཀྱིས་རང་གི་ལག་ནས་དབུལ་བ་བསྔགས་པས། རང་གི་ལག་ཉིད་ནས་དབུལ་གྱི། དེ་སྟོན་ཅིག་།དེའི་ཚེ། ཚེ་དང་ལྡན་པ་སྙན་པ་བཟང་ལྡན་ཉིན་མོ་སྤྱོད་པའི་ཕྱིར་ཤིང་</font><hr>Tha64a<br><font size=+2>


༄#། །ལྗོན་པ་ཞིག་གི་དྲུང་ན་ཉེ་བར་བརྟེན་ཅིང་འདུག་གོ་།དེ་ནས་ཚེ་དང་ལྡན་པ་ཀུན་དགའ་བོས་སྨྲས་པ། རྒྱལ་པོ་ཆེན་པོ། དེ་ནི། ཤིང་ལྗོན་པ་ཞིག་གི་དྲུང་ན་ཉེ་བར་བརྟེན་ཅིང་མཆིས་ཀྱི། བཞུད་ཅིག་།དེ་དེའི་གན་དུ་སོང་སྟེ་བལྟས་པ་དང ། རེ་ཞིག་ན། དེ་ཤིན་ཏུ་མི་སྡུག་པ་མཐོང་བ་དང ། དེ་མ་དད་པ་སྐྱེས་ནས་མི་དགའ་སྟེ། བཞིན་ཕྱིར་ཕྱོགས་ནས་གོས་འཕངས་ཏེ་ཕྱིར་སོང་ངོ ། །ཚེ་དང་ལྡན་པ་སྙན་པ་བཟང་ལྡན་གྱིས་དེའི་ཚེ་ཚིགས་སུ་བཅད་པ་དག་སྨྲས་པ། གང་དག་ང་ཡི་གཟུགས་ལ་རྟོག་།སྒྲ་ལའང་རྗེས་སུ་འབྲང་བྱེད་པ། །འདོད་པའི་དབང་དུ་གྱུར་པ་ཡིན། །སྐྱེ་བོ་དེ་དག་ང་མི་མཐོང ། །གལ་ཏེ་ནང་ནི་ཤེས་གྱུར་ཅིང ། །ཕྱི་རོལ་དག་ལ་མི་ལྟ་བ། །ནང་གི་འབྲས་བུ་མཐོང་བ་གང ། །དེ་གཉིས་སྒྲ་ཡིས་ཁྲིད་པར་འགྱུར། །གལ་ཏེ་ནང་ནི་མི་ཤེས་ཤིང ། །ཕྱི་རོལ་རྣམ་པར་མཐོང་གྱུར་པ། །ཕྱི་རོལ་འབྲས་བུ་མཐོང་བ་གང ། །དེ་ཡང་སྒྲ་ཡིས་ཁྲིད་པར་འགྱུར། །གལ་ཏེ་ནང་ཡང་མི་ཤེས་ཤིང ། །ཕྱི་རོལ་དག་ཀྱང་མ་མཐོང་བ། །ཀུན་ཏུ་རྨོངས་པའི་བྱིས་པ་དག་།དེ་ཡང་སྒྲ་ཡིས་ཁྲིད་པར་འགྱུར། །གལ་ཏེ་ནང་ཡང་རབ་ཤེས་ཤིང ། །ཕྱི་རོལ་དག་ཀྱང་མཐོང་བ་ཡི། །བརྟན་པོ་ཤེས་རབ་ཕྱོགས་པ་དེ། །སྒྲ་ཡིས་ཁྲིད་པར་མི་འགྱུར་རོ། །དེའི་ཚེ་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་སྙན་པ་བཟང་ལྡན་གྱིས་</font><hr>Tha64b<br><font size=+2>


ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། མདོག་ངན་ཞིང་ལུས་ཆུང་ལ་སྐད་སྙན་པར་གྱུར། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རིགས་ཀྱི་བུ་སྙན་པ་བཟང་ལྡན་ཉིད་ཀྱི། ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པ། སྙན་པ་བཟང་ལྡན་ཉིད་ཀྱིས་ལས་བྱས་ཤིང་བསགས་པ་དག་།གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་བཞི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་བསྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཁོར་བ་</font><hr>Tha65a<br><font size=+2>


༄#། །འཇིག་།འཇིག་རྟེན་དུ་བྱུང་སྟེ། དེས་སངས་རྒྱས་ཀྱི་མཛད་པ་མཐའ་དག་མཛད་ནས་བུད་ཤིང་ཟད་པའི་མེ་བཞིན་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །རྒྱལ་པོ་མཛེས་ལྡན་གྱིས་དེའི་སྐུ་ལ་མཆོད་པ་དག་བྱས་ནས་མཆོད་རྟེན་འཁོར་ཡུག་ཏུ་དཔག་ཚད་རེ་རེ་ཡོད་པ། གནམ་འཕང་དུ་དཔག་ཚད་ཕྱེད་དང་གཉིས་པ་ཞིག་བྱེད་དུ་གཞུག་པར་བརྩམས་ནས་དེའི་ལག་གི་གླ་མི་དད་པ་དང་ལྡན་ཞིང་བཟང་ལ། དགེ་བའི་བསམ་པ་ཅན། ལས་བྱེད་པ་ལ་བརྩོན་པ་ཞིག་བསྐོས་སོ། །དེ་ན་ཡང་གླ་མི་གཞན་ཞིག་ཡོད་པ་དེས་མཆོད་རྟེན་ཧ་ཅང་ཆེན་པོ་རྩོམ་པ་དེ་མཐོང་ནས་ལྟ་ཞིང་ཤེས་ལྡན་དག་།རྒྱལ་པོ་འདིས་འདི་ལྟ་བུའི་མཆོད་རྟེན་ཆེན་པོ་བྱེད་དུ་གཞུག་པར་བརྩམས་པ།་ནམ་ཙམ་ཟིན་པར་འགྱུར་མ་ཤེས་སོ། །ཞེས་འཕྱ་བར་བརྩམས་པ་དང ། དེ་ལ་ལག་གི་གླས་སྨྲས་པ། ཀཝའི་ནང་རྗེ། ཅིའི་ཕྱིར་འཕྱ་བར་བྱེད། གལ་ཏེ་མི་ནུས་ན། ལས་བྱ་བ་ཐོང་ཞིག་།དེ་ཅང་མི་སྨྲ་བར་འདུག་པ་དང ། ལག་གི་གླ་དེས་དེ་ཕྱིར་དབྱུང་བར་བརྩམས་སོ། །དེས་དེ་ལ་བཟོད་པ་གསོལ་ནས་ཡང་ལས་བྱ་བར་བརྩམས་པ་ན། མཆོད་རྟེན་དེ་མ་ཟིན་ནས་དེས་ཡང་འཕྱ་བར་བརྩམས་པ་དང ། ལག་གི་གླ་དེས་དེ་ཕྱིར་ཕྱུང་ངོ ། །ཡང་ཤིན་ཏུ་འབད་དེ་བཟོད་པ་གསོལ་ནས་ལས་བྱ་བར་བརྩམས་པ་དང ། ཇི་ཙམ་ན་མཆོད་རྟེན་བལྟ་བས་མི་ངོམས་</font><hr>Tha65b<br><font size=+2>


པ།་སྲོག་ཆགས་འབུམ་ཕྲག་མང་པོ་དག་གི་མིག་དང ། ཡིད་འཕྲོག་པར་བྱེད་པ་ཞིག་ཟིན་པར་གྱུར་ཏོ། །དེ་ནས་གླ་མི་དེས་དེ་མཐོང་ནས་འདི་ལྟར་ལས་བྱེད་པ་ན། བདག་གི་འདི་ལ་དཔྱས་པ་ནི། མ་ལེགས་པ་ཞིག་བྱས་སོ་།ཞེས་འགྱོད་པ་སྐྱེས་ནས་འདི་ལ་རྣམ་པ་ཐམས་ཅད་དུ་མཆོད་པ་བྱའོ། །ཞེས་དེས་དེའི་གླ་རྔན་ཅི་ཐོབ་པ་དེ་ལས་གསེར་གྱི་དྲིལ་བུ་བྱེད་དུ་བཅུག་ནས་སེམས་མངོན་པར་དད་པས་མཆོད་རྟེན་དེ་ལ་བཏགས་སོ། །དགེ་སློང་དག་།དེའི་ཚེ་དེའི་དུས་ན་གླ་མི་གང་ཡིན་པ་དེ་ནི། དགེ་སློང་སྙན་པ་བཟང་ལྡན་འདི་ཉིད་ཡིན་ཏེ། དེས་ཡང་དག་པར་རྫོགས་པའི་སངས་རྒྱས་འཁོར་བ་འཇིག་གི་མཆོད་རྟེན་གྱི་ལས་བྱེད་པ་ན། དཔྱས་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ནི། མདོག་ངན་ཞིང་ལུས་ཆུང་བར་སྐྱེས་སོ། །ཡང་དད་པ་སྐྱེས་ནས་གསེར་གྱི་དྲིལ་བུ་བྱེད་དུ་བཅུག་ནས་མཆོད་རྟེན་ལ་བཏགས་པའི་ལས་ཀྱི་རྣམ་པར་སྨིན་པ་གང་ཡིན་པ་དེས་ནི། སྐད་སྙན་པར་གྱུར་ཏོ། །དེ་ནས་ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་སྙན་པ་བཟང་ལྡན་གྱིས་ལས་ཅི་ཞིག་བགྱིས་ན། དེས་ཚངས་པའི་འཇིག་རྟེན་མན་ཆད་སྒྲས་ཁྱབ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རིགས་ཀྱི་བུ་སྙན་པ་བཟང་ལྡན་ཉིད་ཀྱིས་ལས་ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་</font><hr>Tha66a<br><font size=+2>


༄#། །བར་དུ་སྔ་མ་བཞིན་ནོ། །དགེ་སློང་དག་།སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟེན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །ཝཱ་ར་ཎཱ་སི་དང ། དྲང་སྲོང་སྨྲ་བའི་བར་ན་ཨ་མྲའི་ཤིང་ལྗོན་པ་ཞིག་ཡོད་པ་དེ་ལ། བྱ་ཀོ་ཀི་ལ་ཕོ་ཞིག་གནས་པ་དེས་གང་གི་ཚེ་སངས་རྒྱས་བཅོམ་ལྡན་འདས་འོད་སྲུང་ཝཱ་ར་ཎཱ་སིར་བསོད་སྙོམས་ལ་གཤེགས་པ་དེའི་ཚེ། དེ་ལ་ཤིན་ཏུ་རྟོག་ཅིང་སྒྲ་སྙན་པ་ཁྱད་པར་ཅན་ཕྱུང་ནས་དེ་བཞིན་ཡང་དང་ཡང་དུ་བལྟས་པས་སེམས་ཚིམ་པར་གྱུར་ནས་དད་པ་སྐྱེས་སོ། །དེས་དུས་གཞན་ཞིག་ན་སྐད་འབྱིན་ཅིང་ཡང་དག་པར་རྫོགས་པའི་སངས་རྒྱས་འོད་སྲུང་ལ་ལན་གསུམ་བསྐོར་བ་བྱས་ནས་དགའ་བ་དང ། བདེ་བ་སྐྱེས་ཏེ། ཨ་མྲའི་ཤིང་ལྗོན་པ་དེ་ཉིད་ལ་འདུག་གོ་།འདུག་མ་ཐག་ཏུ་བྱ་ཁྲ་ཞིག་གིས་སྲོག་དང་ཕྲལ་ཏེ་འཆི་བའི་དུས་བྱས་ནས་ལས་དྲུག་ལ་མཁས་པའི་བྲམ་ཟེ་ཞིག་ཏུ་སྐྱེས་སོ། །དགེ་སློང་དག་།དེའི་ཚེ་དེའི་དུས་ན། བྱ་ཀོ་ཀི་ལ་གང་ཡིན་པ་དེ་ནི། དགེ་སློང་སྙན་པ་བཟང་ལྡན་འདི་ཉིད་ཡིན་ཏེ། དེས་ཡང་</font><hr>Tha66b<br><font size=+2>


དག་པར་རྫོགས་པའི་སངས་རྒྱས་འོད་སྲུང་ལ་སྒྲ་སྙན་པ་ཕྱུང་སྟེ་བསྐོར་བ་བྱས་པ་དེའི་ལས་ཀྱི་རྣམ་པར་སྨིན་པས། ཚངས་པའི་འཇིག་རྟེན་མན་ཆད་སྒྲས་ཁྱབ་པར་གྱུར་ཏོ། །དེ་ནས་ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་སྙན་པ་བཟང་ལྡན་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས།་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བགྱིས་ཏེ་བཅོམ་ལྡན་འདས་ཀྱིས་སྐད་ཀྱི་གཏང་རག་སྙན་པོ་རྣམས་ཀྱི་མཆོག་ཏུ་བསྟན། བཅོམ་ལྡན་འདས་ཀྱིས་བཀའ་སྩལ་པ། དེ་ནི། སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅན། ཡང་དག་པར་རྫོགས་པའི་སངས་རྒྱས་འོད་སྲུང་དེ་ཉིད་ཀྱི་གསུང་རབ་ལ་དགེ་སློང་ཞིག་རབ་ཏུ་བྱུང་བར་གྱུར་པ་དེ། བཅོམ་ལྡན་འདས་འོད་སྲུང་གིས་སྐད་ཀྱི་གཏང་རག་སྙན་པ་རྣམས་ཀྱི་མཆོག་ཏུ་བསྟན་ཏོ། །དེ་ན་འདིས་ཀྱང་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་ནས་དེའི་འོག་འཆི་བའི་ཚེ་འདི་སྐད་ཅེས། བདག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གི་དགེ་བའི་རྩ་བ་འདིས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་</font><hr>Tha67a<br><font size=+2>


༄#། །བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་རྒུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་ཅིང ། ཇི་ལྟར་མཁན་པོ་འདི་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་སྐད་ཀྱི་གཏང་རག་སྙན་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་དེས་སྐད་ཀྱི་གཏང་རག་སྙན་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་བཏབ་པས་སྨོན་ལམ་དེའི་དབང་གིས། ད་ལྟར་ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱས་ཏེ། ངས་དགེ་སློང་སྐད་ཀྱི་གཏང་རག་སྙན་པ་རྣམས་ཀྱི་མཆོག་ཏུ་བསྟན་ཏེ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། ནག་པ་ཞེས་བྱ་བ་ནས་དགེ་སློང་དག་ཁྱེད་ཀྱིས་ད་ལྟར་བསླབ་པར་བྱའོ། །ཞེས་བྱ་བའི་བར་དུ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཇི་ཙམ་ན་དགེ་སློང་དག་ཆོས་འདོན་པ་ཉིད་ན་རྒྱ་ཤུག་གི་འབྲས་བུའི་ཚོགས་གཏོར་བ་བཞིན་འདོན་ལ། མུ་སྟེགས་</font><hr>Tha67b<br><font size=+2>


ཅན་རྣམས་ནི། སྐད་ཀྱི་གཏང་རག་གིས་གཞུང་འདོན་ཏོ། །ཁྱིམ་བདག་མགོན་མེད་ཟས་སྦྱིན་གྱི་ཀུན་ཏུ་སྤྱོད་པ་ནི། ནང་པར་སྔར་ལངས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འགྲོའོ་དེས་མུ་སྟེགས་ཅན་རྣམས་སྐད་ཀྱི་གཏང་རག་གིས་གཞུང་འདོན་པ་ཐོས་ནས། དེས་བསམ་པ། མུ་སྟེགས་ཅན་རྣམས་ཀྱིས་ཆོས་འདུལ་བ་ནི། ཉེས་པར་སྨྲས་པ་ཡིན་ཡང ། འདི་སྐད་ཀྱི་གཏང་རག་གིས་གཞུང་འདོན་ལ། བདག་གི་འཕགས་པ་རྣམས་ནི། གཞུང་འདོན་པ་ཉིད་ན་རྒྱ་ཤུག་གི་འབྲས་བུའི་ཚོགས་གཏོར་བ་བཞིན་འདོན་པས། འདི་ཉིད་བདག་གི་བྱ་བ་ཡིན་ནོ། །སྙམ་ནས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། འདི་ལྟར་རེ་ཞིག་མུ་སྟེགས་ཅན་རྣམས་ཀྱི་ཆོས་འདུལ་བ་ནི། ཉེས་པར་སྨྲས་པ་ལགས་ཀྱང ། དེ་དག་སྐད་ཀྱི་གཏང་རག་གིས་གཞུང་འདོན་པར་བགྱིད་ལ། འཕགས་པ་རྣམས་ནི། གཞུང་འདོན་པ་ཉིད་ན་རྒྱ་ཤུག་གི་འབྲས་བུའི་ཚོགས་གཏོར་བ་བཞིན་འདོན་པས། དེ་ལ་གལ་ཏེ་བཅོམ་ལྡན་འདས་ཀྱིས་འཕགས་པ་རྣམས་ཀྱང་སྐད་ཀྱི་གཏང་རག་གིས་གཞུང་འདོན་པར་གནང་ན་ལེགས་སོ། །བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་བས་གནང་ངོ ། ། </font><hr>Tha68a<br><font size=+2>


༄#། །ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཁྱེད་ཀྱིས་སྐད་ཀྱི་གཏང་རག་གིས་ཆོས་འདོན་པར་གནང་ངོ ། །བཅོམ་ལྡན་འདས་ཀྱིས་སྐད་ཀྱི་གཏང་རག་གིས་ཆོས་འདོན་པར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་སྐད་ཀྱི་གཏང་རག་གིས་ལུང་འབོག་པར་བྱེད། འདོན་པར་བྱེད། ཁ་ཏོན་བྱེད། ཡོངས་སུ་འདྲི་བར་བྱེད་དོ། །ཇི་ཙམ་ན་ཁྱིམ་བདག་མགོན་མེད་ཟས་སྦྱིན་རྒྱལ་བྱེད་ཀྱི་ཚལ་དུ་སོང་བ་ན་དས་ཐོས་ནས་སྨྲས་པ། འཕགས་པ་དག། ཅི།་ཁྱེད་ཀྱི་གཙུག་ལག་ཁང་འདིར་རོལ་མོ་མཁན་གྱི་བྲང་བཏབ་བམ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་གིས་སྐད་ཀྱི་གཏང་རག་གིས་ལུང་འབོག་པར་མི་བྱ། གདོན་པར་མི་བྱ། ཁ་ཏོན་མི་བྱ། ཡོངས་སུ་དྲི་བར་མི་བྱའོ། །འདི་ལྟར། སྟོན་པའི་ཡོན་ཏན་ཡང་དག་པར་བསྒྲག་པ་དང ། རྒྱུད་ཆགས་གསུམ་པ་གདོན་པ་དག་ནི། སྐད་ཀྱི་གཏང་རག་གིས་གདོན་པར་བྱའོ། །བཅོམ་ལྡན་འདས་ཀྱིས་སྐད་ཀྱི་གཏང་རག་གིས་དེ་དག་གདོན་པར་བྱའོ། །ཞེས་བཀའ་</font><hr>Tha68b<br><font size=+2>


སྩལ་པ་དང ། གཞོན་ནུ་ཞིག་སྐད་ཀྱི་གཏང་རག་མི་ཤེས་ནས་དེས་གཞུང་དག་བཏོན་པ་ཉིད་ན། རྒྱ་ཤུག་གི་འབྲས་བུའི་ཚོགས་གཏོར་བ་བཞིན་བཏོན་པར་གྱུར་ནས་དགེ་སློང་དག་གིས་སྨྲས་པ། ཚེ་དང་ལྡན་པ། བཅོམ་ལྡན་འདས་ཀྱི་སྐད་ཀྱིས་གཏང་རག་གནང་གི། སྐད་ཀྱི་གཏང་རག་གིས་ཐོན་ཅིག་།དེས་སྨྲས་པ། ཚེ་དང་ལྡན་པ་དག་།བདག་གིས་སྐད་ཀྱི་གཏང་རག་མི་ཤེས་སོ། ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྐད་ཀྱི་གཏང་རག་བསླབ་པར་བྱའོ། །བཅོམ་ལྡན་འདས་ཀྱིས་སྐད་ཀྱི་གཏང་རག་བསླབ་པར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཁྱམས་དང ། གནས་ཁང་དང ། སྒོ་ཁང་དག་ན་སྐད་ཀྱི་གཏང་རག་སློབ་པར་བྱེད་པ་ན། ཁྱིམ་བདག་མགོན་མེད་ཟས་སྦྱིན་གཙུག་ལག་ཁང་དུ་འོངས་པ་དང ། དེས་ཐོས་ནས་སྨྲས་པ། འཕགས་པ་དག་།གཙུག་ལག་ཁང་འདི་རོལ་མོ་མཁན་གྱི་བྲང་མ་ལགས་ན། ཁྱེད་ཀྱི་ད་དུང་ཡང་རོལ་མོ་མཁན་དག་མ་གཏང་ངམ། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དབེན་པའི་ཕྱོགས་སུ་སྐད་ཀྱི་གཏང་རག་དག་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་འགྲེང་སྟེ་ལྷུང་བཟེད་ཀྱི་སྣོད་ནས་ལྷུང་བཟེད་འབྱིན་པ་དང ། དགེ་སློང་དག་གིས་དེ་</font><hr>Tha69a<br><font size=+2>


༄#། །ལ་སྨྲས་པ། ཚེ་དང་ལྡན་པ། འགྲེང་སྟེ་ལྷུང་བཟེད་མ་འབྱིན་ཅིག་།དེས་སྨྲས་པ། ཅི་ཉེས། དེ་དག་གིས་སྨྲས་པ། ལྷུང་སྟེ་ཆག་པར་འགྱུར་མོད། གཞན་ཅི་ཉེས་པར་འགྱུར། དེ་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་འགྲེང་སྟེ་ལྷུང་བཟེད་དབྱུང་བར་མི་བྱའོ། །དེ་བཞིན་དུ་གཞུག་པ་དང ། བཀྲུ་བ་དང ། བསྐམ་པ་དག་ལ་ཡང་རྒྱ་ཆེར་སྦྱར་བར་བྱའོ། །སྡོམ་ལ། ལམ་ཕྲན་དང་ནི་སྣོད་གསུམ་དང ། །ཕྱིང་བ་དྲ་བར་མི་བྱ་དང ། ། གདིང་བ་དང་ནི་མི་འབྲལ་བ། །དྲང་སྲོང་ཆེན་པོས་རྗེས་སུ་གནང ། །སངས་རྒྱས་བཅོམ་ལྡན་འདས་ངན་སྤོང་གི་ཕུ་དག་ན་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ནགས་རི་དྭགས་ཀྱི་གནས་ན་བཞུགས་སོ། །གང་གི་ཚེ་རྒྱལ་བུ་གཞོན་ནུ་རྟོགས་ལྡན་གྱི་ཁང་བཟང་པདྨ་ཅན་ཚོན་བརྒྱ་རྩ་གཅིག་གིས་བྲིས་པ་བྱེད་དུ་བཅུག་ཅིང་རས་གསར་པ་ཁ་ཚར་རིང་པོ་ཅན་དག་གིས་འཆལ་བར་བཏིང་སྟེ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གདུགས་ཚོད་ལ་སྤྱན་དྲངས་པའི་ཚེ་བཅོམ་ལྡན་འདས་ཁང་བཟང་པདྨ་ཅན་དུ་གཤེགས་བཞེད་པ་ན། མ་གཤེགས་པ་དང ། རྒྱལ་བུ་གཞོན་ནུ་རྟོགས་ལྡན་གྱིས་སྨྲས་པ། བཅོམ་ལྡན་འདས། གཤེགས་སུ་གསོལ། འོན་ཀྱང་བཅོམ་ལྡན་འདས་མ་གཤེགས་པ་དང ། རྒྱལ་བུ་གཞོན་ནུ་རྟོགས་ལྡན་གྱིས་རས་</font><hr>Tha69b<br><font size=+2>


རྣམས་བསྡུས་པ། མུ་སྟེགས་ཅན་རྣམས་ཀྱིས་ཐོས་ནས་དེ་རྣམས་ཀྱིས་སྨྲས་པ། ཤེས་ལྡན་དག་།དགེ་སྦྱོང་གོའུ་ཏ་མ་ནི། བཀུར་སྟི་དེ་ལྟ་བཱི་གནས་མ་ཡིན་ནོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།གལ་ཏེ་བྲམ་ཟེ་དང ། ཁྱིམ་བདག་དད་པ་ཅན་དག་གིས་ལམ་ཕྲན་དག་ཏུ་ཡང་རས་གསར་པ། ཁ་ཚར་རིང་པོ་ཅན་དག་བཏིང་ཞིང ། འཕགས་པ་དག་།བདག་ཅག་ལ་ཐུགས་བརྩེ་བའི་སླད་དུ་གཤེགས་སུ་གསོལ་ཞེས་ཟེར་ན། མུ་སྟེགས་ཅན་རྣམས་ཟིལ་གྱིས་མནན་པའི་ཕྱིར་མི་རྟག་པ་ཡིད་ལ་བྱ་བས་ཟིལ་གྱིས་མནན་ཅིང་འདོང་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་ངན་སྤོང་གི་ཕུ་དག་ན་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ནགས་རི་དྭགས་ཀྱི་གནས་ན་བཞུགས་སོ། །དགེ་སློང་ཞིག་ལྷུང་བཟེད་ལག་ན་ཐོགས་ཏེ་སོང་བ་དང ། དེ་ཕྱོགས་གཞན་ཞིག་ཏུ་བསྒྱེལ་ནས་ལྷུང་བཟེད་དེ་ས་ལ་ལྷུང་སྟེ་ཆག་ནས་དེའི་བར་ཆད་དུ་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་ལྷུང་བཟེད་ལག་ན་བཀུར་བར་མི་བྱ་བར་ལྷུང་བཟེད་ཀྱི་སྣོད་དུ་བཅུག་སྟེ་བཀུར་བར་བྱའོ། །བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ལག་ན་བཀུར་བར་མི་བྱ་བར་ལྷུང་བཟེད་ཀྱི་སྣོད་དུ་བཅུག་སྟེ་བཀུར་བར་</font><hr>Tha70a<br><font size=+2>


༄#། །བྱའོ། །ཞེས་བཀའ་སྩལ་པ་དང ། དགེ་སློང་རྣམས་ལྷུང་བཟེད་ཀྱི་སྣོད་དུ་བཅུག་སྟེ་ལག་པ་ཉིད་ན་ཁྱེར་ཏེ་འདོང་བ་ན་ཉེས་དམིགས་དེ་ཉིད་དུ་གྱུར་པའི་སྐབས་དེ། དགེ་སློང་རྣམས་ཀྱི་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་ཀྱི་སྣོད་ལག་ན་བཀུར་བར་མི་བྱ་བར་ལུང་ཐག་བཏགས་ཏེ་མཆན་ཁུང་གིས་བཀུར་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་དོན་མཐུན་དག་དང་ལྷན་ཅིག་ལྗོངས་རྒྱུ་ཞིང་འདོང་ངོ ། །ཇི་ཙམ་ན་བྲམ་ཟེ་ཞིག་ན་ནས་དེ་སྨན་པའི་གན་དུ་སོང་སྟེ་སྨྲས་པ། ཀྱེ་བདག་ཉིད་ཆེན་པོ། ཁོ་བོའི་ནད་ཀྱི་རྣམ་པ་འདི་ལྟ་བུའི་སྨན་སྟོན་ཅིག་།དེས་སྨྲས་པ། ཇོ་བོ། ཨ་རུ་ར་གསོལ་དང་སྙུན་གདངས་པར་འགྱུར་རོ། །དེས་སྨྲས་པ། ལམ་ག་འདི་ན་ཨ་རུ་ར་ག་ལ་ཡོད། དེས་སྨྲས་པ། བྲམ་ཟེ། ཤཱཀྱའི་སྲས་ཀྱི་དགེ་སྦྱོང་འདི་དག་ནི།་མཁས་པ་ལགས་པས། འདི་དག་ལ་ཁྱོད་ཀྱིས་བསླངས་ན། འདི་དག་ལ་མཆིས་པར་འགྱུར་གདའོ། །དེ་དགེ་སློང་རྣམས་ཀྱི་དྲུང་དུ་སོང་སྟེ་དྲིས་པ། འཕགས་པ་དག་ལ་ཨ་རུ་ར་ལྟ་མཆིས་སམ། དེ་དག་གིས་སྨྲས་པ། བྲམ་ཟེ་ཡོད་ན། དེ་ཅིར་དགོས། བདག་ལ་སྨན་པའི་མཆིས་ནས། ཨ་རུ་ར་ཚོལ་ཅིག་ཅེས་མཆིས་ན། གལ་ཏེ་མངའ་ན། བདག་ལ་སྩལ་དུ་</font><hr>Tha70b<br><font size=+2>


གསོལ། དགེ་སློང་དེས་དེའི་མདུན་དུ་ལྷུང་བཟེད་ཀྱི་སྣོད་ཕྱེ་བ་དང ། དེ་ཉིད་ན་སྙུང་བུ་ཡང་འདུག་ཅིང་དེ་ཉིད་ན་གྲིའུ་དང ། དེ་ཉིད་ན་འབྲང་བུ་དང ། དེ་ཉིད་ན་སྨན་དག་འདུག་པ་བྲམ་ཟེས་མཐོང་ནས་སྨྲས་པ། འཕགས་པ་དག་།ཁྱེད་ནི། ཀུན་ཏུ་སྤྱོད་པ་མི་གཙང་བ་ཡིན་ཏེ། འདི་འདྲ་བ་ཟ་བ་བས་ནི། བདག་ཤི་ཡང་ཆེས་བླའི། མི་ཙང་བ་ཟ་བ་ནི། དེ་ལྟ་མ་ཡིན་ནོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྣོད་གསུམ་བཅང་བར་བྱ་སྟེ། ལྷུང་བཟེད་ཀྱི་སྣོད་དང ། སྨན་སྣོད་དང ། བར་བུར་སྣོད་རྣམས་སོ། །དགེ་སློང་དག་གིས་དེ་དག་གིས་ལུང་ཐག་མཉམ་པར་བཏགས་པས། དེ་དག་གིས་མཆན་ཁུང་རློ་བར་གྱུར་པ་དང ། མ་དང་ཕ་དག་འཕགས་པ་དག་།ཅི། ཁྱེད་རྫ་རྔ་ཐོགས་ཏེ་འགྲོའམ་ཞེས་ཅོ་འདྲི་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། མཉམ་པར་གདགས་པར་མི་བྱ་བར་ཅི་རིགས་པར་གདགས་པར་བྱའོ། །དགེ་སློང་དག་གིས་རས་མ་ཕྲ་མོ་དག་བཏགས་པས་དེ་དག་ལན་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རས་མ་ཞེང་ཆེན་པོ་དག་གདགས་པར་བྱའོ། །དེ་དག་གིས་ཞེང་ཆེན་པོ་བཏགས་པ་དང ། དེ་དག་ཉིད་ཞུམ་ནས་བཅོམ་ལྡན་འདས་ཀྱིས་བཀའ་སྩལ་པ། དཀྱིལ་ཕྱིང་བུ་དང་སྦྱར་ཏེ་སྐབས་སྐབས་སུ་སྲུབས་བྱ་རོག་རྐང་དག་དྲུབ་པར་བྱའོ། །སངས་རྒྱས་བཅོམ་ལྡན་</font><hr>Tha71a<br><font size=+2>


༄#། །འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གིས་ཕྱིང་པ་ཞིག་རྙེད་ནས་དེས་བསམ་པ། བཅོམ་ལྡན་འདས་ཀྱིས་ཆོས་གོས་གསུམ་དྲས་ཏེ་བཙང་བར་བྱའོ། །ཞེས་བཀའ་སྩལ་གྱི། དྲའོ། །སྙམ་ནས་དེས་གྲིའུ་དང ། ཁབ་དག་ཁྱེར་ནས་ཤིང་ལྗོན་པ་ཞིག་གི་དྲུང་དུ་སོང་བ་དང ། བཅོམ་ལྡན་འདས་ཀྱང་ཕྱོགས་དེར་གཤེགས་ཏེ་གཟིགས་ནས་བཀའ་སྩལ་པ། དགེ་སློང ། འདི་ཅི་ཡིན། དེས་གསོལ་བ། བཙུན་པ། བཅོམ་ལྡན་འདས་ཀྱིས་དགེ་སློང་གིས་ཆོས་གོས་གསུམ་དྲས་ཏེ་བཅང་བར་བྱའོ། །ཞེས་བཀའ་སྩལ་པས། བདག་གིས་ཕྱིང་བ་འདི་རྙེད་ནས་ཆོས་གོས་སུ་འདྲ་བ་ལགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་ལ་གུས་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ལྔ་པོ་འདི་དག་ནི། དྲ་བར་མི་བྱ་སྟེ། བེའུ་རས་ཐམས་ཅད་དང ། ལ་བ་ཐམས་ཅད་དང ། ཕྱིང་བ་ཐམས་ཅད་དང ། ཀླམ་ཐམས་ཅད་དང ། སེང་བ་ཐམས་ཅད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་བྱ་བ་ཞིག་གི་ཆེད་དུ་གཙུག་ལག་ཁང་གཞན་དུ་སོང་བ་དང ། དེ་དེར་ནམ་སྲོས་པར་གྱུར་ནས་གནས་མལ་གྱི་ཞལ་ཏ་བྱེད་པས་སྨྲས་པ། ཚེ་དང་ལྡན་པ། གནས་མལ་དག་ནོས་ཤིག་།དེས་སྨྲས་པ། བདག་གིས་གདིང་</font><hr>Tha71b<br><font size=+2>


བ་ཁྱེར་ཏེ་མ་འོངས་སོ། །གནས་མལ་གྱི་ཞལ་ཏ་བྱེད་པས་སྨྲས་པ། གལ་ཏེ་དེ་ལྟ་ན། ཁྲི་བརླིང་བ་ནོས་ཤིག་།དེས་ཁྲི་བརླིང་བ་མནོས་ནས་ཉལ་བ་དང ། དེ་གྲང་བའི་སྡུག་བསྔལ་གྱིས་ཉེན་བཞིན་དུ་མཚན་མོ་འདས་ནས་ན་བར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་གདིང་བ་མེད་པར་འགྲོ་བར་མི་བྱའོ། །འགྲོ་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གདིང་བ་མེད་པར་འགྲོ་བར་མི་བྱའོ། །ཞེས་བཀའ་སྩལ་པ་དང ། དགེ་སློང་རྣམས་དེང་ཉིད་ཕྱིར་ལྡོག་པའི་བསམ་པས། དེའི་ཉེན་ཀོར་གྱི་གཙུག་ལག་ཁང་གཞན་དུ་འགྲོ་བ་དང ། འཆག་ཏུ་འགྲོ་བ་དང ། གྲོང་གཞན་ཏུ་འགྲོ་བ་དེ་དག་ཏུ་ཡང་གདིང་བ་ཁྱེར་བ་ན། གནས་བརྟན་རྒན་པོ་རྒས་པ་ཉམ་ཆུང་བ་རྣམས་དང ། ནད་པ་སྦྱོར་མི་བཟོད་པ་རྣམས་ཉམ་ཐག་པར་གྱུར་ནས་བཅོམ་ལྡན་འདས་ཀྱིས་དེང་ཉིད་ཕྱིར་ལྡོག་པའི་བསམ་པས་འགྲོ་བ་དེར་ཡང་གདིང་བ་མེད་པར་འགྲོར་མ་གནང་ངོ ། །ཞེས་མ་གནང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་ཉེན་ཀོར་དང ། ཉིན་མོ་སྤྱོད་དུ་འགྲོ་བ་ལ་གདིང་བ་བཀུར་བར་མི་བྱའོ། །གྲོང་གཞན་དུ་འགྲོ་བ་ན། དེང་ཉིད་ཕྱིར་ལྡོག་པའི་བསམ་པས་འགྲོ་ན། དེར་ཡང་བཀུར་བར་མི་བྱའོ། །དགེ་སློང་གཞན་དག་གདིང་བ་མེད་པར་གྲོང་</font><hr>Tha72a<br><font size=+2>


༄#། །གཞན་དུ་དེང་ཉིད་ཕྱིར་ལྡོག་པའི་བསམ་པས་འགྲོ་བ་ན། དེ་རྣམས་ལ་བྱ་བའི་རྣམ་པ་དེ་ལྟ་བུ་དག་བྱུང་ནས་དེ་ནམ་སྲོས་པར་གྱུར་པ་དང ། དེ་དག་བསླབ་པ་ལ་གུས་པས་ནུབ་མོ་ཕྱིར་དོང་བ་ན། སེང་གེ་དང ། སྟག་དང ། ཆོམ་རྐུན་པ་དང ། གཡོན་ཅན་དག་གིས་བགྲོད་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེ་ལྟར་བསམ་སྟེ་དོང་བ་དག་དེར་ནམ་སྲོས་པར་གྱུར་ནས་དེ་ཉིད་དུ་གནས་པར་བྱ་སྟེ། འདི་ལྟར་ཚངས་པར་མཚུངས་པར་སྤྱོད་པ་དག་ལས་གདིང་བ་བརྙས་ཏེ་ཉལ་བར་བྱའོ། །གལ་ཏེ་རྙེད་ན། དེ་ལྟ་ན་ལེགས། གལ་ཏེ་མ་རྙེད་ན། བླ་གོས་བཞི་ལྟབ་ཏུ་བྱས་ཏེ་བཏིང་ལ་ཡུན་ཐུང་དུ་ནི། ཉལ། ཡུན་རིང་དུ་ནི། མི་ཉལ་བར་མཚན་མོ་འདའ་བར་བྱའོ། །དགེ་སློང་གཞན་ཞིག་གིས་དགེ་སློང་ཞིག་ལས་གདིང་བ་བརྙས་པ་དང ། དེ་ལ་རྨི་ལམ་གྱི་གནོད་པ་བྱུང་ནས་དེས་མི་གཙང་བས་མ་རུང་བར་གྱུར་པ་དེ་བཞིན་དུ་དགེ་སློང་དེ་ལ་ཕྱིར་དབུལ་བར་བརྩམས་པ་དང ། དེས་མ་འདོད་པའི་སྐབས་དེ་ཞེས་བྱ་བ་ལ་སོགས་པ་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། བཀྲུས་ཏེ་སྦྱིན་པར་བྱའོ། །དགེ་སློང་དེས་བཀྲུས་ཏེ་བྱིན་ན། འོན་ཀྱང་དེ་ལེན་པར་མི་བྱེད་པའི་སྐབས་དེ་ཞེས་བྱ་བའི་བར་དུ་ཡང་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། རི་བའི་རིན་སྦྱིན་</font><hr>Tha72b<br><font size=+2>


པར་བྱ་བའམ། དེའི་སེམས་མགུ་བར་བྱའོ། །དགེ་སློང་དག་གཙུག་ལག་ཁང་གཞན་དང ། གྲོང་གཞན་དག་ཏུ་དེང་ཉིད་ཕྱིར་ལྡོག་པའི་བསམ་པས་ཆོས་གོས་གསུམ་པོ་དག་མེད་པར་དོང་བ་དང ། དེ་རྣམས་དེར་དོང་བ་དག་ལ་ཇི་ཙམ་ན་བྱ་བའི་རྣམ་པ་དེ་ལྟ་བུ་དག་བྱུང་སྟེ། དེར་ནམ་སྲོས་པར་གྱུར་ཏོ། །དེ་དག་བསླབ་པ་ལ་གུས་པས་མཚན་མོ་ཕྱིར་དོང་བ་ན། སེང་གེ་དང ། སྟག་དང ། ཆོམ་རྐུན་པ་དང ། གཡོན་ཅན་དག་གིས་བགྲོད་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེ་ལྟ་བུའི་བསམ་པས་དོང་པ་རྣམས་དེར་ནམ་སྲོས་པར་གྱུར་ན། དེ་ཉིད་དུ་འདུག་པར་བྱ་ཞིང ། ཚངས་པ་མཚུངས་པར་སྤྱོད་པ་དག་ལས་ཆོས་གོས་དག་བརྙས་ཏེ་བྱིན་གྱིས་བརླབ་པར་བྱའོ། །དེ་རྣམས་ཆོས་གོས་དག་བརྙས་ནས་ཇི་ལྟར་བྱིན་གྱིས་བརླབ་པར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སྔ་མ་རང་གི་སེམས་ཀྱིས་ཕྱུང་ལ་བྱིན་གྱིས་བརླབ་པར་བྱའོ། །ལྔ་པོ་འདི་དག་ནི། སེམས་བསྐྱེད་པས་འགྲུབ་སྟེ། གསོ་སྦྱོང་དང ། དགག་དབྱེ་དང ། ཆོས་གོས་བྱིན་གྱིས་བརླབ་པ་དང ། ཆོས་གོས་དབྱུང་བ་དང ། གང་ཟག་མགྲོན་དུ་བོས་པའོ། །དགེ་སློང་དེ་དག་གིས་ཆོས་གོས་དྲས་ཤིང་ཁ་དོག་མ་བསྒྱུར་བ་དག་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དྲས་ཤིང་ཁ་དོག་མ་བསྒྱུར་བ་དག་རྙེད་ན། དྲས་ཤིང་ཁ་དོག་མ་བསྒྱུར་བ་དག་བྱིན་གྱིས་བརླབ་པར་</font><hr>Tha73a<br><font size=+2>


༄#། །བྱའོ། །ཅི་སྟེ་ཁ་དོག་མ་བསྒྱུར་ཅིང་མ་དྲས་པ་དག་རྙེད་ན། ལྷན་ཐབས་ཀྱིས་གླན་ལ་བྱིན་གྱིས་བརླབ་པར་བྱའོ། །གལ་ཏེ་རྙེད་ན། དེ་ལྟ་ན་ལེགས། གལ་ཏེ་མ་རྙེད་ན།་དེ་བཞིན་བྱིན་གྱིས་བརླབ་པར་བྱའོ། །ཐ་ན་ཁྱིམ་པའི་གོས་ལ་ཡང་བྱིན་གྱིས་བརླབ་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ཅིག་གདིང་བ་མེད་པར་ཡུལ་གཞན་དུ་དོང་བ་དང ། དེར་དོང་བ་དེ་རྣམས་འགྱོད་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ངས་ཆོས་གོས་གསུམ་དང་འབྲལ་བར་ནི། གསུངས་ཀྱི། གདིང་བ་དང་ནི་མ་ཡིན་ཏེ། དེ་ལྟ་བས་ན། བསམ་བཞིན་དུ་བཞག་སྟེ་འགྲོ་བར་མི་བྱའོ། །བརྗེད་པ་ལ་ནི། ལྟུང་བ་མེད་དོ། །སྡོམ་ལ། ཆུ་ཚགས་ལ་ནི་རྣམ་བཞི་དང ། །སྣོད་རྣམས་དང་ནི་གཅིག་ཏུ་ཟ། །གོས་གཅིག་གིས་ནི་ཟ་བ་དང ། །སྒྲེན་མོར་ཁྲུས་ནི་བྱེད་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ལྷོ་ལམ་ནས་དགེ་སློང་བཅོམ་ལྡན་འདས་ཀྱི་ཞབས་ལ་ཕྱག་འཚལ་བ་གཉིས་ཤིག་མཉན་ཡོད་དུ་དོང་ངོ ། །དེ་གཉིས་ལམ་དུ་ཆུ་ཟད་ནས་སྐོམ་པའི་སྡུག་བསྔལ་གྱིས་གདུངས་པ་ན། རྫིང་བུ་ཞིག་གི་དྲུང་དུ་ཕྱིན་ནས་དེ་</font><hr>Tha73b<br><font size=+2>


གཉིས་ལས་གཅིག་གིས་སྨྲས་པ། ཚེ་དང་ལྡན་པ་ཁྱོད་ཀྱིས་མྱུར་དུ་ཆུ་རྟོགས་ཤིག་དང་བཏུང་ངོ ། །དེས་བརྟག་པར་བརྩམས་པ་དང ། ཇི་ཙམ་ན་ཆུ་མ་དག་པར་གྱུར་ནས་དེས་ཚིགས་སུ་བཅད་པ་སྨྲས་པ། བསྐལ་པ་འབུམ་ཕྲག་སྟོང་དག་ཏུ། །གང་ཞིག་མཐོང་བར་རབ་དཀའ་བས། །བདག་གིས་ཆུ་དག་འཐུངས་ནས་ནི། །དེ་ནས་འདྲེན་པ་བལྟ་བར་བྱ། །གཅིག་ཤོས་ཀྱིས་ཚིགས་སུ་བཅད་པ་སྨྲས་པ། གང་ཞིག་སེམས་ཅན་རྣམས་ལ་རིང་ནས་ཐུགས་རྗེ་ཞིང ། །སྲིད་པ་ཀུན་ལ་ཆགས་པ་གཏན་ནས་སྤངས་གྱུར་པ། །དེ་ཡི་བསྟན་མཆོག་འདི་ལ་བསླབ་པ་ཡིས། །སྲོག་ཉིད་སྤང་གི་སྲོག་ཆགས་གསད་པར་བྱ་བ་མིན། །དེ་ནས་གང་གིས་ཆུ་འཐུངས་པ་དེ་ནི། སོང་ངོ ། །གང་གིས་ཆུ་མ་འཐུངས་པ་དེས་ནི། བརྩོན་འགྲུས་བརྩམས་ཏེ་ཤིང་ལྗོན་པ་ཞིག་གིས་དྲུང་དུ་འདུག་ནས་དེས་ཇི་སྲིད་དུ་ལུས་ཀྱི་མཐུ་ཡོད་པ་དེ་སྲིད་དགེ་བའི་ཕྱོགས་དག་བྱས་ཤིང་གང་གི་ཚེ་ལུས་ཀྱི་མཐུ་དང་བྲལ་བ་དེའི་ཚེ་འཆི་བའི་དུས་ལ་བབ་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །ལྷའི་བུའམ། ལྷའི་བུ་མོའི་ཆོས་ཉིད་ནི།་སྐྱེས་ནས་རིང་པོ་མ་ལོན་པ་ལ་སེམས་གསུམ་སྐྱེ་སྟེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་སྐྱེས་པའོ། །དེས་མི་རྣམས་ཀྱི་ནང་ནས་ཤི་འཕོས་པ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་པ་དང ། བཅོམ་ལྡན་འདས་ལ་སེམས་མངོན་པར་དད་པར་བྱས་པས་སྐྱེས་པར་མཐོང་ངོ ། །དེ་ནས་སྔོན་དགེ་སློང་ལྷའི་བུ་དེ་འདི་སྙམ་དུ་སེམས་ཏེ། གང་གི་ཕྱིར་བདག་</font><hr>Tha74a<br><font size=+2>


༄#། །ཡོངས་སུ་གནས་པ་བསྟེན་ཏེ་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི། བདག་ཚུལ་དང་མཐུན་པ་མ་ཡིན་གྱི། བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོའོ། །སྙམ་མོ། །དེ་ནས་སྔོན་དགེ་སློང་ལྷའི་བུ་རྣ་ཆ་གདུབ་ཀོར་གཡོ་ཞིང་དྲི་མ་མེད་པ་ཐོགས་ཏེ་དོ་ཤལ་དང ། སེ་མོ་དོས་བརྒྱན་པའི་ལུས་ཀྱིས་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་དང ། པདྨ་དཀར་པོ་དང ། མན་དཱ་ར་བ་དག་གིས་ཐུ་བ་བཀང་སྟེ་ཁ་དོག་ཤིན་ཏུ་འདས་པས།་མཚན་མོ་ལ་བབ་པ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་མེ་ཏོག་དག་གིས་མངོན་པར་གཏོར་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་པ་དང ། འདི་ལྟར་སྔོན་དགེ་སློང་ལྷའི་བུའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྔོན་དགེ་སློང་ལྷའི་བུའི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་ཐུགས་སུ་ཆུད་ནས་གང་ཐོས་ནས་སྔོན་དགེ་སློང་ལྷའི་བུས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་</font><hr>Tha74b<br><font size=+2>


བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས་བཙུན་པ། བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་གོ། ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། སྡུག་བསྔལ་རྒྱ་མཚོའི་ཕ་རོལ་བརྒལ་བར་གྱུར། །འགྲོ་བ་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བ་རབ་དཀོན་པ། །ཐུབ་པ་ད་རིང་ཁྱོད་མཐོང་འབྲས་བུ་མཆིས། །དེ་ནས་འདུད་</font><hr>Tha75a<br><font size=+2>


༄#། །བྱས་དོ་ཤལ་རབ་འཕྱང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ན་སྔོན་དགེ་སློང་ལྷའི་བུ་ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཏོག་འབྱོར་པ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་པ་ལྟ་བུར་གྱུར་ཏེ། ཆ་ལུགས་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ ། །དགེ་སློང་གཅིག་ཤོས་དེ་ཡང་ཁད་ཀྱིས་མཉན་ཡོད་དུ་ཕྱིན་ཏོ། །དེ་ནས་ལྷུང་བཟེད་དང་ཆོས་གོས་མཁོས་སུ་ཕབ་སྟེ་རྐང་པ་དག་བཀྲུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།སངས་རྒྱས་བཅོམ་ལྡན་འདས་རྣམས་ནི། ཆོས་ཉིད་ཀྱིས་དགེ་སློང་གློ་བུར་དུ་འོངས་པ་ལ། དགེ་སློང ། ཁྱོད་ད་གཟོད་གང་ནས་འདིར་འོངས། དབྱར་གང་དུ་གནས་ཞེས་ཡང་དག་པར་དགའ་བས་ཡང་དག་པར་དགའ་བར་མཛད་པ་ཡིན་ཏེ། བཅོམ་ལྡན་འདས་ཀྱིས་དགེ་སློང་དེ་ལ་ཁྱོད་ག་ལས་འདིར་འོངས། དབྱར་གང་དུ་གནས་ཞེས་ཡང་དག་པར་དགའ་བ་མཛད་པ་དང ། དེས་གསོལ་པ། བཙུན་པ། བདག་ལྷོ་ཕྱོགས་ནས་ད་གཟོད་འདིར་མཆིས་ཏེ། ལྷོ་ཕྱོགས་སུ་དབྱར་གནས་ལགས་སོ། །བཅོམ་ལྡན་འདས་ཀྱིས་བཀའ་སྩལ་</font><hr>Tha75b<br><font size=+2>


པ།་དགེ་སློང་ཁྱོད་ལ་གྲོགས་དགེ་སློང་ལྟ་ཡོད་དམ། བཅོམ་ལྡན་འདས། མཆིས་སོ། །དེ་གར་སོང ། །དེས་ཇི་ལྟར་གྱུར་པ་གསོལ་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ང་ཡི་བསྟན་ལམ་གུས་གང ། །དེས་ནི་ང་མཐོང་ཅི་ཞིག་ཕན། །དེས་ནི་ང་ལ་བལྟས་ན་ཡང ། །མཐོང་བ་མ་ཡིན་མཆོད་པ་མིན། །ང་ཡི་བསླབ་ལ་གང་སློབ་པའི། །དགེ་སློང་དེས་ནི་ང་མཐོང་སྟེ། །ཤེས་རབ་དམན་པ་ཁྱོད་ཀྱིས་ཀྱང ། །སངས་རྒྱས་མངོན་སུམ་མ་མཐོང་ངོ ། །དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་ལས་བླ་གོས་ཕྱེ་ནས་ཡང་ཚིགས་སུ་བཅད་དེ་བཀའ་སྩལ་པ། ལྟོས་ཤིག་དགེ་སློང་ལུས་འདི་ལ། །གཙང་ཞིང་གསེར་གྱི་མདོག་འདྲ་བ། །སྔོན་གྱི་ལས་ཀྱི་རྣམ་སྨིན་དང ། །ཕ་དང་མ་ལས་བྱུང་བའོ། །གང་གིས་ཆོས་ཉིད་མ་མཐོང་བ། །རྫོགས་པའི་སངས་རྒྱས་དེས་མི་མཐོང ། གང་གིས་ཆོས་ཉིད་མཐོང་གྱུར་པ། །དེ་ཡིས་ཐུབ་པ་ཆེན་པོ་མཐོང ། །གཞན་ཡང ། བརྟན་ཞིང་དགེ་བའི་བློ་གྲོས་ཅན། །བསླབ་པ་རྗེས་སུ་སྲུང་བྱེད་པ། །དེ་ཡི་དང་པོར་ང་ལ་ནི། །གཟུགས་ཀྱི་སྐུ་དང་ཆོས་སྐུར་མཐོང ། །བདག་ཉིད་ཆེན་པོ་འོད་སྲུང་གི་།བསླབ་མཚམས་འདས་པས་ད་དུང་དུ། །ེ་ལའི་འདབ་དེ་ཀླུ་ཡི་ནི། །སྐྱེ་གནས་དག་ལས་མ་ཐར་ཏོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་ཆུ་ཚགས་མི་འཆང་བ་ལས་གྱུར་གྱི། དེ་ལྟ་བས་ན། དགེ་སློང་གིས་ཆུ་ཚགས་ཉེ་བར་གཞག་པར་བྱའོ། །བཅོམ་ལྡན་འདས་ཀྱིས་ཆུ་ཚགས་</font><hr>Tha76a<br><font size=+2>


༄#། །ཉེ་བར་བཞག་པར་བྱའོ། །ཞེས་བཀའ་སྩལ་པ་དང ། དགེ་སློང་དག་ཆུ་ཚགས་དུ་ཡོད་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཆུ་ཚགས་ནི། ལྔ་སྟེ། ཆུ་ཚགས་གྲུ་གསུམ་དང ། བུམ་ཚགས་ལྕེའུ་ཅན་དང ། རིལ་བ་ཞབས་ཚགས་ཅན་དང ། དབྱངས་ཚགས་དང ། བསལ་ཚགས་རྣམས་སོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་ཕན་ཚུན་ཞེ་འགྲས་པ་གཉིས་ཤིག་ལྗོངས་རྒྱུ་ཞིང་དོང་ངོ ། །དེ་དག་ལས་གཅིག་ལ་ནི། ཆུ་ཚགས་ཡོད། གཅིག་ཤོས་ལ་ནི། མེད་དོ། །གང་ལ་ཡོད་པ་དེས་ཆུ་བཙགས་ཏེ་འཐུངས་པ་དང ། གང་ལ་མེད་པ་དེས་སྨྲས་པ། ཚེ་དང་ལྡན་པ། ཆུ་ཚགས་གཡོར་ཅིག་།དེས་མ་སྟེར་ནས་དེ་ཕོངས་པར་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་ན། དགེ་སློང་གིས་ཞེ་འགྲས་པ་དང་ལྷན་ཅིག་ལྗོངས་རྒྱུ་ཞིང་འགྲོ་བར་མི་བྱའོ། །གལ་ཏེ་དེ་ལྟ་བུའི་རྐྱེན་ཅིག་བྱུང་ན། གཅིག་ལ་གཅིག་བཟོད་པ་གསོལ་ཏེ་དོང་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ལྔ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་</font><hr>Tha76b<br><font size=+2>


གཉིས་ཤིག་ལྗོངས་རྒྱུ་ཞིང་དོང་བ་དང ། དེ་དག་ལས་གཅིག་ལ་ནི། ཆུ་ཚགས་ཡོད། གཅིག་ཤོས་ལ་ནི། མེད་ནས་དེ་ལ་དེས་དྲིས་པ། ཁྱོད་ལ་ཆུ་ཚགས་ཡོད་དམ། དེས་སྨྲས་པ་ཡོད་དོ། །སྦྱིན་ནམ་མི་སྦྱིན་ཞེས་ནི། མ་སྨྲས་སོ། །དེ་དག་ལས་གང་ལ་ཆུ་ཚགས་ཡོད་པ་དེས་ནི། ཆུ་འཐུངས་པ་དང ། གང་ལ་མེད་པ་དེས་སྨྲས་པ། ཚེ་དང་ལྡན་པ། ཆུ་ཚགས་གཡོར་ཅིག་།དེས་སྨྲས་པ། ཚེ་དང་ལྡན་པ་ཁྱོད་ཀྱིས་བདག་ལ་ཆུ་ཚགས་ནི། །དྲིས་ཀྱི། སྦྱིན་ནམ་མི་སྦྱིན་མ་དྲིས་པས། དེ་བྱས་པ་ཁྱོད་ལ་ཁོ་བོས་ཆུ་ཚགས་ཅིའི་ཕྱིར་སྦྱིན། མི་སྦྱིན་གྱི། སོང་ཞིག་།དེས་དེ་ལ་མ་བྱིན་པར་དེ་ཕོངས་པར་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། འགྲོ་བར་འདོད་པའི་དགེ་སློང་གིས་གལ་ཏེ་ཆུ་ཚགས་མེད་ན། དགེ་སློང་གྲོགས་པོ་ལ་ཁྱེད་ལ་ཆུ་ཚགས་ཡོད་དམ་མེད་དྲི་བར་བྱའོ། །གལ་ཏེ་ཡོད་དོ། །ཞེས་ཟེར་ན། བདག་ལ་སྦྱིན་ནམ་མི་སྦྱིན་ཞེས་བརྗོད་པར་བྱ་ཞིང ། གལ་ཏེ་སྦྱིན་ནོ། །ཞེས་ཟེར་ན། འགྲོ་བར་བྱའི། །གཞན་དུ་ན་འགྲོ་བར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་གཉིས་ཤིག་ལྗོངས་རྒྱུ་ཞིང་དོང་ངོ ། །དེ་དག་ལས་གཅིག་ལ་ནི། ཆུ་ཚགས་ཡོད། གཅིག་ཤོས་ལ་ནི། མེད་པ་དང ། གང་ལ་མེད་པ་དེས་དེ་ལ་དྲིས་པ། ཁྱོད་ལ་ཆུ་ཚགས་ཡོད་དམ་མེད་</font><hr>Tha77a<br><font size=+2>


༄#། །དེས་སྨྲས་པ། ཡོད་དོ། །བདག་ལ་གཡར་རམ་མི་གཡར། གཡར་རོ། །དེ་དག་དོང་བ་དང ། ཇི་ཙམ་ན་ལམ་ཀར་འགྲོན་པོ་དག་ཅིག་འོངས་ནས་གང་ལ་ཆུ་ཚགས་ཡོད་བ་དེའི་བྱ་བ་གང་ཡིན་པ་དེ་འགྲོན་པོ་དེ་ཉིད་ལས་གྲུབ་སྟེ། དེ་ཕྱིར་ལྡོག་པར་བརྩམས་པ་དང ། གཅིག་ཤོས་དེས་སྨྲས་པ། ཚེ་དང་ལྡན་པ་ཁྱོད་ཀྱིས་བདག་ལ་ཆུ་ཚགས་ཁས་བླངས་པ་གཡོར་ཅིག་།དེས་སྨྲས་པ། དེ་ལྟ་བས་ན། དེ་ནི། བདེན་ན། དེས་ན་བདག་གིས་ཆུ་ཚགས་པའི་སླད་དུ་བྱིན་གྱི། ཐམས་ཅད་ཀྱི་ཐམས་ཅད་དུ་བྱིན་པ་ནི། མ་ཡིན་ནོ། །ཞེས་མ་བྱིན་པས་དེ་ཕོངས་པར་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གང་ལ་ཆུ་ཚགས་མེད་པ་དེས། དགེ་སློང་གྲོགས་པོ་ལ་ཁྱོད་ལ་ཆུ་ཚགས་ཡོད་དམ་མེད་ཅེས་དྲི་བར་བྱའོ། །གལ་ཏེ་ཡོད་དོ། །ཞེས་ཟེར་ན། དེས་ཇི་བདག་ལ་སྦྱིན་ནམ་མི་སྦྱིན་ཞེས་བརྗོད་པར་བྱའོ། །གལ་ཏེ་སྦྱིན་ནོ། །ཞེས་ཟེར་ན། གལ་ཏེ་ཁྱོད་སླར་ལྡོག་པར་གྱུར་ཏམ། གཞན་དུ་འགྲོ་བར་གྱུར་ན། སྦྱིན་ནམ་མི་སྦྱིན་ཞེས་བརྗོད་པར་བྱའོ། །གལ་ཏེ་སྦྱིན་ནོ་ཞེས་ཟེར་ན། འགྲོ་བར་བྱའི། གཞན་དུ་ན་འགྲོ་བར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་ཉེ་བར་འཁོར་གྱིས་སངས་རྒྱས་བཅོམ་ལྡན་</font><hr>Tha77b<br><font size=+2>


འདས་ལ་ཞུས་པ། བཙུན་པ། ཆུ་ཚགས་མ་མཆིས་པར་གཙུག་ལག་ཁང་གཞན་ནམ། གྲོང་གཞན་དུ་མཆིར་གནང་ངམ། ཉེ་བར་འཁོར་མི་གནང་ངོ ། །གལ་ཏེ་དེར་སོང་ནས་ཕོངས་པར་མི་འགྱུར་ན། གནང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་ཉེ་བར་འཁོར་གྱིས་བཅོམ་ལྡན་འདས་ལ་ཞུས་པ། བཙུན་པ། ཆུ་ཚགས་གཅིག་གིས་གཉིས་ལྗོངས་རྒྱུ་ཞིང་མཆིར་གནང་ངམ། ཉེ་བར་འཁོར། གལ་ཏེ་དེར་སོང་ནས་ཕོངས་པར་མི་འགྱུར་ན། གནང་ངོ ། །བཙུན་པ། ཆུ་ཚགས་གཅིག་གིས་མང་པོ་རྣམས་སམ། དགེ་འདུན་དག་ལྗོངས་རྒྱུ་མཆིར་གནང་ངམ། ཉེ་བར་འཁོར། གལ་ཏེ་དེར་སོང་ནས་ཕོངས་པར་མི་འགྱུར་ན། གནང་ངོ ། །བཙུན་པ། ཆུ་ཚགས་མ་མཆིས་པར་ཆུ་ཀླུང་གི་འགྲམ་ནས་མཆིར་གནང་ངམ། ཉེ་བར་འཁོར། གནང་སྟེ། མགྱོགས་པ་ལ་གལ་ཏེ་ཆུ་གཞན་དང་འདྲེས་པར་མ་གྱུར་ན། རྒྱང་གྲགས་རེ་རེ་ཞིང་བརྟག་པར་བྱའོ། །ཆུ་གཞན་དང་འདྲེས་པར་གྱུར་ན། གང་དང་གང་དུ་ལེན་པ་དེ་དང་དེར་བརྟག་པར་བྱའོ། །མི་མགྱོགས་པ་ལ་ནི། འགྲམ་དང་འགྲམ་དུ་བརྟག་པར་བྱའོ། །དེ་ལ་མགྱོགས་པ་ནི། །རྒྱུན་མྱུར་བའོ། །མི་མགྱོགས་པ་ནི། རྒྱུན་བུལ་བའོ། །བཙུན་པ། འགྲམ་གྱི་ཉེན་ཀོར་གང་ལགས། ཉེ་བར་འཁོར། འདོམ་གང་ཁོ་ར་ཁོར་ཡུག་གོ་།བཙུན་པ། ཆབ་མ་བཙགས་ཤིང་མ་བརྟགས་པ་འཚལ་དུ་</font><hr>Tha78a<br><font size=+2>


༄#། །གནང་ངམ། ཉེ་བར་འཁོར། མི་གནང་ངོ ། །བཙུན་པ། ཆབ་མ་བཙགས་ཤིང་བརྟགས་པ་འཚལ་དུ་གནང་ངམ། ཉེ་བར་འཁོར། མིག་གིས་དག་གོ་།ཞེས་བྱ་སྟེ་གནང་ངོ ། །བཙུན་པ། ཆབ་བཙགས་ཤིང་བརྟགས་པ་འཚལ་དུ་གནང་ངམ། ཉེ་བར་འཁོར། གནང་ངོ ། །འོན་ཀྱང་ཆུ་རུང་བ་ནི། ལྔ་སྟེ། དགེ་འདུན་གྱིས་རུང་བ་དང ། གང་ཟག་གིས་རུང་བ་དང ། ཆུ་ཚགས་ཀྱིས་རུང་བ་དང ། ཆུ་མིག་གིས་རུང་བ་དང ། ཁྲོན་པས་རུང་བའོ། །དེ་ལ་དགེ་འདུན་གྱིས་རུང་བ་ནི། གང་དགེ་འདུན་མཐུན་པས་བསྐོས་པའི་དགེ་སློང་གིས་ཆུ་བཙགས་པར་གྱུར་པ་སྟེ། དགེ་འདུན་གྱིས་རུང་བ་དེ་ལ་དགེ་སློང་གིས་ལོངས་སྤྱད་པར་བྱའོ། །གང་ཟག་གིས་རུང་བ་ནི། དགེ་སློང་གང་ཚུལ་ཁྲིམས་མ་ཉམས་པ་དང ། ལྟ་བ་མ་ཉམས་པ་དང ། སྤྱོད་པ་མ་ཉམས་པ་དང ། འཚོ་བ་མ་ཉམས་པས་ཡོངས་སུ་དག་པར་གྱུར་པ་སྟེ། གང་ཟག་གིས་རུང་བ་དེ་ལ་དགེ་སློང་གིས་ལོངས་སྤྱད་པར་བྱའོ། །ཆུ་ཚགས་ཀྱིས་རུང་བ་ནི། ཆུ་ཚགས་གང་ནམ་ཡང་མ་བརྟགས་པ་མ་ཡིན་པ་དེས་བཙགས་པ་སྟེ། བཏུང་བར་བྱའོ། །ཆུ་མིག་གིས་རུང་བ་ནི། འབབ་པའོ། །ཁྲོན་པས་རུང་བ་ནི། ཁྲོན་པ་གང་གི་ཆུ་དག་པ་དེ་ལས་ཉི་མ་ནུབ་ཀར་བླངས་ནས་ཇི་སྲིད་ཉི་མ་ཤར་གྱི་བར་དུ་སྟེ། ཁྲོན་པས་རུང་བའི་ཆུ་བཏུང་བར་བྱའོ། །དགེ་སློང་རྣམས་ཧ་ཅང་ཡུན་རིང་དུ་ཆུ་རྙོག་པས་འཁྲུག་པ་མཐོང་བར་གྱུར་ནས་བཅོམ་ལྡན་འདས་ཀྱིས་</font><hr>Tha78b<br><font size=+2>


བཀའ་སྩལ་པ། གླང་དྲུག་གི་ཤིང་རྟ་སྨྱིག་མས་བཀང་བ་འཁོར་བ་ཙམ་མམ། ཇི་ཙམ་གྱིས་ཡིད་ཆེས་པ་དེ་ཙམ་དུ་བརྟག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང ། ཁྱིམ་བདག་དད་པ་ཅན་རྣམས་དགེ་སློང་རྣམས་ལ་སྡེར་སྤྱད་དག་འབུལ་བར་བྱེད་པ་ན། དགེ་སློང་རྣམས་མི་ལེན་ཏོ། །དེ་དག་གིས་སྨྲས་པ། འཕགས་པ་དག་།གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བར་མ་གྱུར་པ་དེའི་ཚེ་ནི། མུ་སྟེགས་ཅན་དག་ཡོན་གནས་ལགས། ད་ནི། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བས་ཁྱེད་ཡོན་གནས་ལགས་ཏེ། གལ་ཏེ་ཁྱེད་ཀྱིས་མ་བཞེས་ན། ཅི། བདག་ཅག་འཇིག་རྟེན་འདི་ནས་འཇིག་རྟེན་ཕ་རོལ་ཏུ་དགེ་བའི་ལམ་རྒྱགས་མ་མཆིས་པར་མཆིའམ། བཞེས་ཤིག་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་སྡེར་སྤྱད་དག་བླང་བར་བྱའོ། །བཅོམ་ལྡན་འདས་ཀྱིས་དགེ་འདུན་གྱི་ཕྱིར་སྡེར་སྤྱད་དག་བླང་བར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཀྱིས་དེ་དག་བླངས་ནས་མཛོད་དུ་བཅུག་སྟེ་བཞག་ནས་དེ་བཞིན་དུ་ལྷུང་བཟེད་དག་ཏུ་ཟ་བ་དང ། བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས་མཐོང་སྟེ་སྨྲས་པ། འཕགས་པ་དག་།བདག་ཅག་གིས་སྡེར་སྤྱད་ཕུལ་བ་དེ་དག་མི་གདའ་ན། དགེ་སློང་རྣམས་</font><hr>Tha79a<br><font size=+2>


༄#། །ཀྱིས་སྨྲས་པ། བཞིན་བཟང་དག་།མཛོད་ན་འདུག་གོ་།དེ་དག་གིས་སྨྲས་པ། འཕགས་པ་དག་།ཅི། བདག་ཅག་གི་ཁྱིམ་ན་གནས་མ་མཆིས་ཏེ། བདག་ཅག་གིས་ཁྱེད་ལ་ཕུལ་ལམ། ཡོངས་སུ་ལོངས་སྤྱོད་ན། བདག་ཅག་ལ་ཡོངས་སུ་ལོངས་སྤྱད་པའི་རྒྱུ་ལས་བྱུང་བའི་བསོད་ནམས་སུ་འགྱུར་བ་ཞིག་ན། ཁྱེད་ཀྱིས་ཀྱང་མཛོད་དུ་བཅུག་པ་ལྟ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྦྱིན་བདག་གིས་བྱིན་པའི་སྡེར་སྤྱད་དག་ཡོངས་སུ་ལོངས་སྤྱད་པར་བྱའོ། །བཅོམ་ལྡན་འདས་ཀྱིས་སྦྱིན་བདག་གིས་བྱིན་པའི་སྡེར་སྤྱད་ཡོངས་སུ་ལོངས་སྤྱད་པར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཀྱིས་ཡོངས་སུ་ལོངས་སྤྱད་པར་བརྩམས་སོ། །བྲམ་ཟེ་དང ། ཁྱིམ་བདག་གཞན་རྒྱ་ཆེན་པོ་ལ་མོས་པ་དེ་དག་གིས། སྡེར་སྤྱད་ཚད་ཆེན་པོ་དག་ཕུལ་བ་དང ། དགེ་སློང་གནས་བརྟན་རྣམས་དེ་དག་འཁྲུ་བས་ངལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྡེར་སྤྱད་ཀྱི་ཞལ་ཏ་པ་བསྐོ་བར་བྱའོ། །བཅོམ་ལྡན་འདས་ཀྱིས་སྡེར་སྤྱད་ཀྱི་ཞལ་ཏ་བ་བསྐོ་བར་བྱའོ། །ཞེས་བཀའ་སྩལ་པ་དང ། བྱེ་བྲག་མེད་པར་བསྐོ་ནས་བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་མི་ལྡན་པའི་སྡེར་སྤྱད་ཀྱི་ཞལ་ཏ་པ་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། </font><hr>Tha79b<br><font size=+2>


ཞེ་སྡང་དང ། གཏི་མུག་དང ། འཇིགས་པས་འགྲོ་བ་དང ། སྡེར་སྤྱད་བྲིམས་པ་དང་མ་བྲིམས་པ་དག་མི་ཤེས་པའོ། །ཆོས་ལྔ་དང་ལྡན་པའི་སྡེར་སྤྱད་ཀྱི་ཞལ་ཏ་པ་མ་བསྐོས་པ་ནི། བསྐོ་བར་བྱ། བསྐོས་པ་ནི། དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མ་ཡིན་པ་དང ། གཏི་མུག་གིས་མ་ཡིན་པ་དང ། འཇིགས་པས་མི་འགྲོ་བ་དང ། སྡེར་སྤྱད་བྲིམས་པ་དང་མ་བྲིམས་པ་དག་ཤེས་པའོ། །བསྐོ་བ་ནི། འདི་ལྟར་བྱ་སྟེ། གནས་མལ་བཤམས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་འདུན་རྣམས་ལ་བསྒོ་ནས་དགེ་འདུན་ཐམས་ཅད་འདུས་ཏེ་འདུག་པ་དང ། རེ་ཞིག་དང་པོར་སྤྲོ་བར་བྱས་ཏེ་མིང་འདི་ཞེས་བྱ་བ་ཁྱོད། དགེ་འདུན་གྱི་སྡེར་སྤྱད་འབྲིམ་པར་བསྐོ་བར་སྤྲོའམ། གལ་ཏེ་སྤྲོ་ན། དེས་སྤྲོའོ། །ཞེས་སྨྲ་བར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྡེར་སྤྱད་འབྲིམ་པར་སྤྲོ་སྟེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མིང་འདི་ཞེས་བགྱི་བ་འདི། སྡེར་སྤྱད་ཀྱི་ཞལ་ཏ་པ་མིང་འདི་ཞེས་བགྱི་བ་དགེ་འདུན་གྱི་སྡེར་སྤྱད་འབྲིམ་པར་འགྱུར་རོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། །དགེ་སློང་མིང་འདི་ཞེས་བགྱི་བ་འདི། དགེ་འདུན་ལ་སྡེར་སྤྱད་</font><hr>Tha80a<br><font size=+2>


༄#། །འབྲིམ་པར་སྤྲོ་སྟེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་སྡེར་སྤྱད་ཀྱི་ཞལ་ཏ་པར་བསྐོ་ཞིང ། སྡེར་སྤྱད་ཀྱི་ཞལ་ཏ་པ་མིང་འདི་ཞེས་བགྱི་བ་དགེ་འདུན་ལ་སྡེར་སྤྱད་འབྲིམ་པར་འགྱུར་ན། ཚེ་དང་ལྡན་པ་གང་ངག་མིང་འདི་ཞེས་བགྱི་བ་སྡེར་སྤྱད་ཀྱི་ཞལ་ཏ་པར་བསྐོ་བར་བཟོད་པ་གང་ཡང་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས་སྡེར་སྤྱད་ཀྱི་ཞལ་ཏ་པ་མིང་འདི་ཞེས་བགྱི་བ་དགེ་འདུན་ལ་སྡེར་སྤྱད་དག་འབྲེལ་བར་འགྱུར་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་ཟས་ཟོས་ནས་ལྷག་མ་འབགས་བཞིན་དུ་དེ་ཉིད་ལ་བྱིན་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལྷག་མས་འབགས་པ་དག་ལྷན་ཅིག་གནས་པ་དང ། ཉེ་གནས་རྣམས་ཀྱིས་བཀྲུ་བར་བྱའོ། །བཅོམ་ལྡན་འདས་ཀྱིས་ལྷག་མས་འབགས་པ་དག་ལྷན་ཅིག་གནས་པ་དང ། ཉེ་གནས་རྣམས་ཀྱིས་བཀྲུ་བར་བྱའོ། །ཞེས་བཀའ་སྩལ་པ་དང ། དགེ་སློང་གཞན་དག་ཅིག་ལ་འཁོར་མེད་ནས། དེ་དག་བདག་ཉིད་འཁྲུ་བར་བྱེད་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་འདི་སྡེར་སྤྱད་ཀྱི་ཞལ་ཏ་བ་དག་ཁོ་ནས་བཀྲུ་བར་བྱ་ཞིང ། དེ་དག་གིས་ཀྱང་དེ་དག་ལ་སྦྱིན་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱིས་ཀུན་དགའ་ར་བ་ན་བཞུགས་སོ། </font><hr>Tha80b<br><font size=+2>


དྲུག་སྡེ་རྣམས་ལྷུང་བཟེད་ནག་པོ་གཅིག་ཏུ་གཅིག་ཅར་བཟའ་བར་བརྩམས་ནས་དེ་དྲུག་ཅར་གྱིས་མཉམ་དུ་ལག་པ་བཅུག་པ་དང ། ལྷུང་བཟེད་ལག་པ་ལ་ཐོགས་ཏེ། དེ་འཕྱང་བར་གྱུར་པ་དང ། དེ་དག་གིས་ཚེ་དང་ལྡན་པ་དག་ལྷུང་བཟེད་ནག་པོ་ཆོ་འཕྲུལ་བྱེད་པ་ལ་ལྟོས། དེ་དག་གིས་ལག་པ་དྲངས་ཏེ་ལྷུང་ནས་ཆག་པ་དང ། དེ་དག་གིས་རྟ་གད་ཀྱིས་བཏབ་པ་དགེ་སློང་རྣམས་ཀྱིས་མཐོང་སྟེ་དེ་དག་གིས་སྨྲས་པ། ཚེ་དང་ལྡན་པ་དག་།འདི་ལྟ་བུ་མི་མཛེས་པ་བྱས་ནས་གནོང་སྟེ་འདུག་པར་བྱ་བ་ཡིན་ན། ཁྱེད་དགོད་པ་ལྟ་དེ་དག་གིས་སྨྲས་པ། ཅི་བྱས། ཆང་འཐུངས་སམ། ཀུན་དོང་ཟོས། དགེ་སློང་རྣམས་ཀྱིས་སྨྲས་པ། ཅི་དེ་ཡང་བྱེད་དམ། གཞན་ཅི་བྱས། ལྷུང་བཟེད་ནག་པོ་མ་བཅག་གམ། འདི་ལ་འགལ་བ་ཅི་ཞིག་ཡོད། ཅི་རྫ་མཁན་ཤིའམ། འཇིམ་པ་མེད་དམ། གཞན་བྱར་ཟད་མོད། དེ་དག་ཅང་མི་སྨྲ་བར་འདུག་པ་དང ། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་གཅིག་ཏུ་ཟ་བ་ལས་གྱུར་གྱི། དེ་ལྟ་བས་ན། དགེ་སློང་གིས་གཅིག་ཏུ་བཟའ་བར་མི་བྱའོ། །ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་གཅིག་ཏུ་བཟའ་བར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་ཅིག་འགྲོན་པོ་དང་ཐབས་ཅིག་ཆས་པ། འགྲོན་པོ་ཕྱོགས་གཅིག་ཏུ་ཟན་བཟའ་བར་བརྩམས་པ་ན། དགེ་སློང་དེ་དག་ཐམས་ཅད་</font><hr>Tha81a<br><font size=+2>


༄#། །ལ་སྡེར་སྤྱད་དག་མི་བདོག་སྟེ། དེ་དག་རེ་རེ་ནས་ཟན་ཟ་བ་ལ་རིང་ཞིག་ཐོགས་ནས་འགྲོན་པོ་ཐལ་བ་དང ། ཆོམ་པོ་དག་གིས་བཅོམ་མོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལམ་དུ་ཞུགས་པ་ན་གལ་ཏེ་སྡེར་སྤྱད་དག་མ་རྙེད་ན། གཅིག་ཏུ་བཟའ་བར་བྱ་སྟེ། ལག་པ་ནི། རེ་རེ་ནས་གཞུག་པར་བྱ་ཞིང་དབྱུང་བར་བྱའི། གཅིག་ཅར་དུ་མ་ཡིན་ནོ། །བཅོམ་ལྡན་འདས་ཀྱིས་ལམ་དུ་ཞུགས་པ་ན། གལ་ཏེ་སྡེར་སྤྱད་དག་མ་རྙེད་ན། གཅིག་ཏུ་བཟའ་བར་བྱའོ། །ཞེས་བཀའ་སྩལ་པ་དང ། དེ་ན་དགེ་ཚུལ་གང་དག་འཁོད་པ་དེ་དག་དང་ལྷན་ཅིག་གཅིག་ཏུ་ཟ་བར་བྱེད་པས་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་བཟུང་ལ་དེ་དག་དང་ཡང་ལྷན་ཅིག་བཟའ་བར་བྱའོ། །རུང་བ་བྱེད་པ་གཞན་དག་ཅིག་ཡོད་པ་དེ་དག་ཟན་ཟ་བ་ན་འགྲོན་པོ་རྣམས་དང་བྲལ་ནས་ཉེས་དམིགས་དེ་ཉིད་དུ་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ་དང ། གོང་བུར་བསྒོངས་ལ་བྱིན་ཅིག་།དགེ་སློང་གཞན་དག་ཅིག་གཉེན་གྱི་ཁྱིམ་དུ་སོང་བ་དང ། གཉེན་དག་གིས་སྨྲས་པ། བདག་ཅག་ལྷན་ཅིག་ཟོས་ནས་རིང་ཞིག་ལོན་པས། ཟན་ལྷན་ཅིག་བཟའི། ཚུར། དེ་དག་གིས་སྨྲས་པ། ཁྱེད་ནི། ཁྱིམ་པ། བདག་ཅག་ནི། རབ་ཏུ་བྱུང་བ་ཡིན་པས་བཟར་མི་རུང་ངོ ། །དེ་དག་མི་དགའ་ནས་མཆི་མས་བརྣངས་</font><hr>Tha81b<br><font size=+2>


ཤིང་འདུག་གོ་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཡང་དང་ཡང་དུ་དོན་དུ་གཉེར་ན། གདོན་མི་ཟ་བར་དུས་ཀྱིས་འཆུ་བར་ཤེས་ནས་གང་དུ་གཞན་དག་གིས་མཐོང་ནས་མི་མཛེས་པར་མི་འགྱུར་བ་དེར་སྡེར་སྤྱད་བཟུང་ལ་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་གོས་གཅིག་པུ་དང་བསོད་སྙོམས་ཟ་བ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་དྲིས་པ། ཤེས་ལྡན་དག་།ཟན་ཟ་བ་འདི་དག་སུ་ཞིག་།གཞན་དག་གིས་སྨྲས་པ། དགེ་སློང་ཤཱཀྱའི་བུ་ཡིན་ནོ། །དེ་དག་འཕྱ་ཞིང་ཤེས་ལྡན་དག་།སྟོན་པ་ངོ་ཚ་ཤེས་པ་དང་ལྡན་པ་དེ་ལྟ་བུ་ལ་ངོ་ཚ་ཤེས་པ་དང ། ཁྲེལ་ཡོད་པ་དང་བྲལ་བ་འདི་ལྟ་བུ་ག་ལ་ཡོད་ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་གོས་གཅིག་གྱོན་པ་ལས་གྱུར་གྱི། དེ་པས་ན། དགེ་སློང་གིས་གོས་གཅིག་པ་དང་ཟན་བཟའ་བར་མི་བྱའོ། །ཟ་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གོས་གཅིག་པ་དང་ཟན་བཟའ་བར་མི་བྱའོ། །ཞེས་བཀའ་སྩལ་པ་དང ། རྒན་པོ་རྒས་ཏེ་ཉམ་ཆུང་བ་དང ། ནད་པ་སྤྱོར་མི་བཟོད་</font><hr>Tha82a<br><font size=+2>


༄#། །པ་དག་ཆོས་གོས་རྣམས་གྱོན་ཏེ་ཟན་བཟའ་བར་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་རྡུལ་ཟན་འཇམ་པོ་དང་ཟན་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །འོན་ཀྱང་གཞན་དག་ཅིག་གིས་མ་ནུས་པ་དང་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཕྱོགས་དབེན་པར་བཟའ་བར་བྱ་སྟེ། འདི་ལ་འགྱོད་པར་མི་བྱའོ། ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ཆུ་བོ་དྲེགས་ལྡན་ལ་གཅེར་བུར་ཁྲུས་བྱེད་པ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་དྲིས་པ། ཤེས་ལྡན་དག་།གཅེར་བུ་པ་ཁྲུས་བྱེད་པ་འདི་དག་སུ་ཞིག་།གཞན་དག་གིས་སྨྲས་པ། དགེ་སྦྱོང་ཤཱཀྱའི་བུ་ཡིན་ནོ། །དེ་དག་འཕྱ་ཞིང་ཤེས་ལྡན་དག་།སྟོན་པ་ངོ་ཚ་ཤེས་པ་དང་ལྡན་པ་དེ་ལྟ་བུ་ལ་ངོ་ཚ་ཤེས་པ་དང ། ཁྲེལ་ཡོད་པ་དང་བྲལ་བ་འདི་ལྟ་བུ་དག་ག་ལ་ཡོད་ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་སྒྲེན་མོར་ཁྲུས་བྱེད་པ་ལས་གྱུར་གྱི། དེ་ལྟ་བས་ན། དགེ་སློང་གིས་སྒྲེན་མོར་ཁྲུས་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། །འོན་ཀྱང་ཁྲུས་རས་བཅང་བར་བྱའོ། །བཅོམ་ལྡན་འདས་ཀྱིས་ཁྲུས་རས་བཅང་བར་བྱའོ། །ཞེས་བཀའ་</font><hr>Tha82b<br><font size=+2>


སྩལ་པ་དང ། དགེ་སློང་རྣམས་ཉིས་སྦྱར་འཆང་ནས་བཅོམ་ལྡན་འདས་ཀྱིས་བཀའ་སྩལ་པ། ཆིག་རྐྱང་བཅང་བར་བྱ་སྟེ། གང་ལ་ཉིས་སྦྱར་ཡོད་པ་དེས་ནི། ཆུ་བརྟགས་ལ་བཀྲུ་བར་བྱའོ། ། ཆོས་གོས་གསུམ་པ་རྣམས་མི་རུང་ངོ ། །སྙམ་ནས་མི་འཆང་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ཀྱིས་ཀྱང་བྱིན་གྱིས་བརླབས་ཏེ་བཅང་བར་བྱའོ། །གཞན་དག་ཅིག་གིས་ཁྲུས་རས་མ་རྙེད་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་དག་གིས་ཁྲུས་རས་མ་རྙེད་ནས་ལོ་མ་དག་གིས་མདུན་དང་རྒྱབ་ནས་གཡོགས་ཏེ་ཕྱོགས་དབེན་པ་གང་ན་གཞན་དག་གིས་མཐོང་ནས་མ་དད་པར་མི་འགྱུར་བར་ཁྲུས་བྱའོ། །དགེ་སློང་རྣམས་ཁྲུས་རས་གཅུས་ཏེ་དེ་དག་འགྱོད་པར་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། རས་ཆིག་རྐྱང་ལ་ནི། སྲོག་ཆགས་དག་མེད་མོད་ཀྱི། འོན་ཀྱང་རས་བཤལ་ནས་བཅུ་བར་བྱ་སྟེ། འདི་ལ་འགྱོད་པར་མི་བྱའོ། །སྡོམ་ནི། མོན་སྲན་གྲེའུ་དང་མི་རུང་བའི། །ས་དང་སྐྱུག་ཅིང་ཟ་བ་དང ། །བདམས་ཤིང་ཟས་ནི་ཟ་བ་དང ། །འགྱོད་དང་འཁར་བའི་ལྷུང་བཟེད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ནམ་གྲུ་གང་ཅི་ལ་ཡང་ཁུམ་འཕྲིག་ཟ་བ་ཞིག་པས། དེའི་མིང་ནམ་གྲུ་ཁུམ་འཁྲིག་ཅན། ནམ་གྲུ་ཁུམ་འཕྲིག་ཅན་ཞེས་བྱ་བར་ཆགས་སོ། །དེ་དུས་གཞན་ཞིག་ན་ཆབ་ཁུང་སར་ཞུགས་</font><hr>Tha83a<br><font size=+2>


༄#། །པ་དང ། དེས་དེ་ན་མོན་སྲན་གྲེའུའི་ཞ་ལུ་ཞིག་མཐོང་ནས་དེ་ལ་ཡང་དག་པ་མ་ཡིན་པའི་རྟོག་པ་སྐྱེས་པ། བདག་གིས་ས་བོན་གྱི་ཆོས་མ་རུང་བར་བྱས་སོ། །སྙམ་མོ། ། ཇི་ཙམ་དུས་གཞན་ཞིག་ན་དག་འདུན་ལ་མོན་སྲན་གྲེའུའི་བཟའ་བ་དག་ཅིག་གྲུབ་པ་དེ་མི་ཟ་བར་ལྷུང་བཟེད་བཀབ་སྟེ་འདུག་པ་དང ། ལྷན་ཅིག་གནས་པ་དང་ཉེ་གནས་དག་གིས་སྨྲས་པ། མཁན་པོ། དགེ་འདུན་ལ་མོན་སྲན་གྲེའུའི་བཟའ་བ་དག་བྱུང་བ་ཅིའི་སླད་དུ་མི་གསོལ། དེས་སྨྲས་པ། བུ་དག་།ཁོ་བོས་ས་བོན་གྱི་ཆོས་མ་རུང་བར་བྱས་སོ། །དེ་དག་གིས་སྨྲས་པ། མཁན་པོ། ཇི་ལྟ་བུ་ཞིག་བགྱིས། དེས་ཇི་ལྟར་གྱུར་པ་བསྙད་པ་དང ། དེ་དག་གིས་ཀྱང་མི་ཟ་བར་བརྩམས་སོ། །དེ་དག་ལ་འགྲོགས་བཤེས་རྣམས་ཀྱིས་དྲིས་པ། ཅིའི་ཕྱིར་མི་ཟ། དེ་དག་གིས་ཇི་ལྟར་གྱུར་པ་བསྙད་པ་དང ། དེ་འཁོར་མང་པོ་ཅན་ཞིག་པས། དེ་ལ་བརྟེན་ནས་དགེ་འདུན་ཐམས་ཅད་ཀྱིས་མ་ཟོས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ས་བོན་གྱི་རིགས་ཚོས་དཀའ་བ་ཞེས་བྱ་བ་ཡོད་དེ། དེ་ཡང་རླངས་པ་བྱུང་ན་ཆོས་སོ། །ཞེས་བྱས་ནས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་</font><hr>Tha83b<br><font size=+2>


བར་འཁོར་གྱིས། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། མི་རུང་བའི་ས་ནས་ཤིང་འཁྲུངས་ལ། རུང་བའི་སར་འབྲས་བུ་དག་ལྷགས་ན། ཡོངས་སུ་ལོངས་སྤྱོད་པར་བགྱིའམ། ཡོངས་སུ་ལོངས་སྤྱོད་པར་མི་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར། ཡོངས་སུ་ལོངས་སྤྱོད་པར་མི་བྱའོ། །བཙུན་པ། རེ་ཞིག་རུང་བའི་ས་ནས་ཤིང་འཁྲུངས་ལ། མི་རུང་བའི་སར་འབྲས་བུ་དག་ལྷགས་ན། ཡོངས་སུ་ལོངས་སྤྱད་པར་བགྱིའམ། ཡོངས་སུ་ལོངས་སྤྱད་པར་མི་བགྱི། ཉེ་བར་འཁོར། གལ་ཏེ་ཞག་ཏུ་མ་ལོན་ན། ཡོངས་སུ་ལོངས་སྤྱད་པར་བྱའོ། །བཙུན་པ། རེ་ཞིག་རུང་བའི་ས་ནས་ཤིང་འཁྲུངས་ལ། མི་རུང་བའི་སར་འབྲས་བུ་དག་ལྷགས་ན། ཡོངས་སུ་ལོངས་སྤྱོད་པར་བགྱིའམ། ཡོངས་སུ་ལོངས་སྤྱད་པར་མི་བགྱི། ཉེ་བར་འཁོར། ཡོངས་སུ་ལོངས་སྤྱད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་གནས་པ་དེས་སློང་མོ་བཏབ་པས་གླང་ཞིག་རྙེད་དོ། །དེའི་འོག་ཏུ་བ་ཞིག་རྙེད་དོ། །དེའི་འོག་ཏུ་ཡང་གླང་ཞིག་རྙེད་དོ། །དེའི་འོག་ཏུ་ཡང་བ་ཞིག་རྙེད་དེ། དེའི་བ་ལང་ཁྱུ་ལོངས་པར་གྱུར་ཏོ། །བྲམ་ཟེ་དེས་ཐོག་མར་རྙེད་པའི་གླང་ལ་བཀྲ་ཤིས་ཀྱི་བློ་བྱུང་ནས་གླང་དེ་ཡང་ཡན་དུ་བཏང་ངོ ། །དུས་གཞན་ཞིག་ན་དེ་རྒས་འཁོགས་ཉམ་ཆུང་བར་གྱུར་ཏེ། དེ་ཆུ་འདོད་ནས་ཆུ་བོ་དྲེགས་ལྡན་གྱི་འགྲམ་དུ་</font><hr>Tha84a<br><font size=+2>


༄#། །སོང་བ་ལས་འདམ་དུ་སོང་ངོ ། །ཚེ་དང་ལྡན་པ་ཤཱ་རིའི་བུ་ཡང་ལམ་དེར་སོང་བ་ལས་དེས་དེ་མཐོང་ནས་བསམ་པ། གླང་འདི་ལ་དགེ་བའི་རྩ་བ་ལྟ་ཅུང་ཟད་ཡོད་དམ་སྙམ་པ་དང ། ཡོད་པར་མཐོང་ངོ ། །སུ་ལ་རག་ལས་སྙམ་པ་དང ། བདག་ཁོ་ན་ལ་སྟེ། དེས་འདམ་ནས་ཕྱུང་ནས་ལག་པས་ཕྱིས་སོ། །དེ་ནས་བཞིན་བཟང ། འདི་ལྟར་འདུ་བྱེད་ཐམས་ཅད་ནི།་མི་རྟག་པའོ། །ཆོས་ཐམས་ཅད་ནི། བདག་མེད་པའོ། །མྱ་ངན་ལས་འདས་པ་ནི། ཞི་བའོ། །ཞེས་ཆོས་ཚིག་གསུམ་བཤད་དེ། ང་ལ་དང་བར་ཡང་གྱིས་ཤིག་དང ། དེ་ལྟ་ན་བྱོལ་སོང་གི་སྐྱེ་གནས་ལས་འདོད་ཆགས་དང་བྲལ་བར་འགྱུར་རོ། །ཞེས་སྨྲས་ནས་སོང་ངོ ། །དེ་ཡང་ཝ་དག་གིས་ཟོས་པ་དང ། དེ་ཝ་དག་གིས་ཟ་བའི་ཚེ་བསམ་པ། གལ་ཏེ་འཕགས་པ་འདིར་མ་ཕྱིན་ན། བདག་འདི་འདྲ་བའི་གནས་སྐབས་སུ་མི་འགྱུར་རོ། །སྙམ་ནས་དེ་ཚེ་དང་ལྡན་པ་ཤཱ་རིའི་བུ་ལ་སེམས་མངོན་པར་དང་བར་བྱས་ནས་དུས་ལས་འདས་ཏེ། མཉན་ཡོད་ཉིད་ན་བྲམ་ཟེ་ལས་དྲུག་ལ་བརྩོན་པའི་རིགས་ཤིག་ཏུ་སྐྱེས་སོ། །ཚེ་དང་ལྡན་པ་ཤཱ་རིའི་བུས་གླང་དེའི་གནས་སྐབས་དེ་ཇི་ལྟ་བུ་ཞིག་ཡིན་པ་བསམ་པ་དང ། ཇི་ཙམ་ན་དུས་ལས་འདས་པར་མཐོང་ངོ ། ། ཡང་གར་སྐྱེས་བསམ་པ་དང ། མཉན་ཡོད་ཉིད་དུ་བྲམ་ཟེ་ལས་དྲུག་ལ་བརྩོན་པའི་རིགས་སུ་སྐྱེས་པར་མཐོང་ནས་དེ་ཁྱིམ་དེར་ཡང་དང་ཡང་དུ་སོང་ཞིང ། དེས་བྲམ་ཟེ་དེ་ཆུང་མ་དང་བཅས་ཏེ་</font><hr>Tha84b<br><font size=+2>


སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཀོད་དོ། །དེ་དུས་གཞན་ཞིག་ན། ཕྱི་བཞིན་འབྲང་བའི་དགེ་ཚུལ་མེད་པར་སོང་བ་དང ། བྲམ་ཟེ་དེས་སྨྲས་པ། འཕགས་པ། ཅི། ཕྱི་བཞིན་འབྲང་བའི་དགེ་ཚུལ་མི་མངའ་འམ། དེས་སྨྲས་པ། བཞིན་བཟང ། ཅི། ཁོ་བོའི་ཕྱི་བཞིན་འབྲང་བའི་དགེ་ཚུལ་དག་རྩཝ་ཀ་ཤ་ལ་བཟུང་བའམ། རྩཝ་ཀུ་ཤ་ལ་བཟུང་བས་འབྱུང་ངམ། ཁྱོད་ལྟ་བུ་ལས་རྙེད་པ་གང་ཡིན་པ་དེ། ཁོ་བོའི་ཕྱི་བཞིན་འབྲང་བའི་དགེ་ཚུལ་དུ་འགྱུར་མོད། འཕགས་པ། བདག་གི་མཆིས་བྲང་འདི་ལ་སེམས་ཅན་ཞུགས་ཏེ། གལ་ཏེ་ཁྱེའུར་བཙས་ན། དེ་ཁྱོད་ཀྱི་ཕྱི་བཞིན་འབྲང་བའི་དགེ་ཚུལ་བགྱིའོ། །བཞིན་བཟང ། ནད་མེད་ཅིག་།བླང་ངོ ། །ཞེས་སྨྲས་ནས་སོང་ངོ ། །དེ་ཟླ་བ་བརྒྱད་དམ་དགུ་འདས་ནས་བུ་བ་ལང་གི་ཤ་ཚུགས་ལྟ་བུ་ཞིག་བཙས་པ་དང་དེའི་ཉེ་དུ་རྣམས་ལྷགས་ཏེ་འདུས་ནས་ཞག་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་མིང་འདོགས་པར་བྱེད་དེ། ཁྱེའུའི་མིང་ཅིར་གདགས། ཉེ་དུ་རྣམས་ཀྱིས་སྨྲས་པ། གང་གི་ཕྱིར་ཁྱེའུ་འདི་ཤ་ཚུགས་བ་ལང་དང་འདྲ་བ་དེའི་ཕྱིར་ཁྱེའུའི་མིང་བ་ལང་བདག་ཏུ་གདགས་སོ། །ཞེས་མིང་བ་ལང་བདག་ཅེས་བྱ་བར་བརྟགས་སོ། །དེ་བསྐྱེད་བསྲིངས་ནས་ཆེན་པོར་གྱུར་པ་དང ། དེ་ནས་ཚེ་དང་ལྡན་པ་ཤཱ་རིའི་བུ་སྔ་དྲོ་ཤམ་ཐབས་དང ། ཆོས་གོས་དང་ལྷུང་བཟེད་ཐོགས་ཏེ། མཉན་ཡོད་དུ་བསོད་སྙོམས་ཀྱི་ཕྱིར་ཞུགས་སོ། །མཉན་ཡོད་དུ་བསོད་སྙོམས་</font><hr>Tha85a<br><font size=+2>


༄#། །ལ་རྒྱུ་བ་ན། དེས་བྲམ་ཟེ་དེའི་ཁྱིམ་དུ་ཕྱིན་པ་དང ། བྲམ་ཟེ་དེས་བྱོན་པ་ལེགས་སོ། །ཞེས་བྱ་བའི་སྨྲ་བ་ཀུན་ཏུ་སྤྱད་ནས་རྐང་པ་ལ་ཕྱག་བྱས་སོ། །ཆུང་མས་ཀྱང་དེ་ལ་བཟའ་བ་དང ། བཅའ་བ་གཙང་ཞིང་བསོད་པས་ལྷུང་བཟེད་བཀང་སྟེ་ཕུལ་ལོ། །ཁྱེའུ་དེ་ཚེ་དང་ལྡན་པ་ཤཱ་རིའི་བུའི་གདོང་དུ་ལྟ་ནས་དེས་བྲམ་ཟེ་ལ་བརྡ་བྱས་པ་དང ། དེས་ཁྱེའུ་དེ་ལ་སྨྲས་པ། བུ། ཁྱོད་ངས་མ་བཙས་པ་ནས་འཕགས་པ་ཤཱ་རིའི་བུའི་ཕྱི་བཞིན་འབྲང་བའི་དགེ་ཚུལ་དུ་ཕུལ་གྱི། འཕགས་པ་དང་ལྷན་ཅིག་སོང་ཞིག་།སེམས་ཅན་དེ་སྲིད་པ་ཐ་མ་པ་ཞིག་སྟེ།་དེའི་ཕྱི་བཞིན་སོང་བ་དང་དེས་དེ་རབ་ཏུ་ཕྱུང ། བསྙེན་པར་རྫོགས་པར་བྱས་ཏེ་གདམས་ངག་བྱིན་ནོ། །དེས་འབད། བརྩལ། བསྒྲིམས་པས། འཁོར་བའི་འཁོར་ལོ་གཡོ་བ་དང ། མི་གཡོ་བ་ཆ་ལྔ་པ་འདི་ཉིད་རྟོགས་ནས་འདུ་བྱེད་ཀྱི་རྣམ་པ་ཐམས་ཅད་ཆོས་ཉིད་ཀྱིས་འཇིག་པ་ལྟུང་བ། འགྱེས་པ། རྣམ་པར་འཇིག་པའི་ཆོས་ཅན་དུ་བསྒོམས་ཏེ་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ་ཁམས་གསུམ་གྱི་འདོད་ཆགས་དང་བྲལ་བ། སེམས་གསེར་དང་བོང་བར་མཚུངས་པ། ཙནྡན་དང་སྟེའུར་འདྲ་བ། ནམ་མཁའ་དང་ལག་མཐིལ་དུ་མཉམ་པ། མ་རིག་པའི་སྒོ་ངའི་སྦུབས་བཅོམ་པ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། རྙེད་པ་ལ་ཆགས་པ་དང ། </font><hr>Tha85b<br><font size=+2>


བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དུ་བཅས་པའི་ལྷ་རྣམས་ཀྱིས་མཆོད་པ་དང ། ཕྱག་བྱ་བ་དང ། གུས་པར་སྨྲ་བར་བྱ་བའི་དགྲ་བཅོམ་པར་གྱུར་ཏོ། །དེ་ལ་ལས་ལས་སྐྱེས་པའི་མིད་པ་གཉིས་ཡོད་དེ། གཅིག་ནས་ནི། སྐྱུགས་པ་འབྱིན་ཏོ། །གཅིག་ཤོས་ནས་ནི། མིད་དོ། །གང་གི་ཚེ་བཅོམ་ལྡན་འདས་ཀྱིས་དུས་མ་ཡིན་པའི་ཟས་ཀྱི་བསླབ་པ་མ་བཅས་པ་དེའི་ཚེ་ནི་སྐྱུག་ཅིང་མིད་དོ། །གང་གི་ཚེ་བཅས་པ་དེའི་ཚེ་ནི། སྐྱུག་ཅིང་འདོར་བས་དེ་ལུས་རྐེ། ཉམ་ཆུང ། ཤིག་ཤིག་པོ། རོད་ཉམས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་སྨྲས་པ། ཀུན་དགའ་བོ། བ་ལང་བདག་ཅིའི་ཕྱིར་ལུས་རྐེ། ཉམ་ཆུང ། ཤིག་ཤིག་པོ། རོད་ཉམས་པར་གྱུར། དེས་ཇི་ལྟར་གྱུར་པ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། གང་ལ་ལས་ཀྱི་རྣམ་པར་སྨིན་པ་ལས་སྐྱེས་པའི་མིད་པ་གཉིས་གྲུབ་པ་དེས་སྐྱུག་པ་ལན་གཉིས་སམ། གསུམ་དོར་ཏེ། ཁ་བཀྲུས་ནས་ལྷག་མ་མིད་པར་བྱ་སྟེ། འདི་ལ་འགྱོད་པར་མི་བྱའོ། །དགེ་སློང་རྣམས་ཟས་ཟོས་ནས་སྐྱུགས་ཏེ་དེ་དག་འགྱོད་པར་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དགེ་སློང་གཞན་ཞིག་ཟན་ཟོས་ཏེ་སྐྱུགས་ན་དེས་ཁ་བཀྲུ་བར་བྱ་སྟེ། འདི་ལ་འགྱོད་པར་མི་བྱའོ། །གང་གི་ཚེ་ཚེ་དང་ལྡན་པ་བ་ལང་བདག་</font><hr>Tha86a<br><font size=+2>


༄#། །རབ་ཏུ་ཕྱུང་བ་དེའི་ཚེ་བྲམ་ཟེ་དང ། ཁྱིམ་བདག་རྣམས་འཕྱ་སྨོད་ཁ་ཟེར་ཞིང ། དགེ་སྦྱོང་ཤཱཀྱའི་བུ་རྣམས་ཀྱི་དགེ་སྦྱོང་གི་ཚུལ་ཉམས་ཤིང ། ཚངས་པའི་ཚུལ་ཉམས་ཏེ། ད་ནི། བ་ལང་བདག་ལ་སོགས་པ་འཇིགས་འཇིགས་ལྟ་རྣམས་ཀྱང་རབ་ཏུ་འབྱིན་ཏོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཉན་ཐོས་ཆེན་པོ་རི་རབ་དང་འདྲ་བ་ལ་སྐྱེ་བོའི་ཚོགས་ཕལ་པོ་ཆེ་མ་དད་པར་བྱེད་ཀྱི། དེ་ལྟ་བས་ན། བ་ལང་བདག་ཡུལ་དབུས་སུ་གནས་སུ་མི་གཞུག་གོ་།སྙམ་ནས་ཚེ་དང་ལྡན་པ་བ་ལང་བདག་ལ་བཀའ་སྩལ་པ། བ་ལང་བདག་།ཁྱོད་དེང་ཕྱིན་ཆད་ཡུལ་དབུས་ན་མ་གནས་པར་མཐའ་འཁོབ་ཀྱི་གནས་མལ་དག་སྟེན་ཅིག་།བཙུན་པ། དེ་ལྟར་འཚལ་ལོ། །ཞེས་ཚེ་དང་ལྡན་པ་བ་ལང་བདག་གིས་བཅོམ་ལྡན་འདས་ཀྱི་ལྟར་མཉན་ནས་མཉན་ཡོད་ནས་མི་སྣང་བར་གྱུར་ཏེ། ཤིང་ཤིར་ཤ་ཀའི་གཞལ་མེད་ཁང་སྟོང་པར་འདུག་གོ་།དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ངའི་ཉན་ཐོས་ཀྱི་དགེ་སློང་བས་མཐའི་གནས་མལ་ལ་དད་པ་རྣམས་ཀྱི་ནང་ན་མཆོག་ནི། འདི་ལྟ་སྟེ། དགེ་སློང་བ་ལང་བདག་འདི་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་</font><hr>Tha86b<br><font size=+2>


པ་བ་ལང་བདག་གིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཤ་ཚུགས་པ་ལང་ལྟ་བུར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བ་ལང་བདག་ཉིད་ཀྱིས་ལས་རྣམས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། ཆུ་བོ་བཞིན་ཉེ་བར་གནས་པ། ངེས་པར་མྱོང་བར་འགྱུར་བ་ཡིན་ཏེ། བ་ལང་བདག་ཉིད་ཀྱིས་བྱས་པའི་ལས་རྣམས་གཞན་སུ་ཞིག་གིས་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་རྣམས་ནི། ཕྱི་རོལ་གྱི་སའི་ཁམས་ལ་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་ལས་དགེ་བ་དང ། མི་དགེ་བ་བྱས་ཤིང་བསགས་པ་རྣམས་ནི། ཟིན་པའི་ཕུང་པོ་དང ། སྐྱེ་མཆེད་དང ། ཁམས་དག་ཁོ་ན་ལ་རྣམ་པར་སྨིན་པར་འགྱུར་རོ། །བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག། སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན་ཡང་དག་པར་རྫོགས་པའི་སངས་རྒྱས་འོད་སྲུང་ཞེས་བྱ་བ། རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བ་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། དེའི་བསྟན་པ་ལ་འདི་རབ་ཏུ་བྱུང་བར་གྱུར་ཏོ། །དགེ་སློང་གང་</font><hr>Tha87a<br><font size=+2>


༄#། །གིས་རབ་ཏུ་ཕྱུང་བ་ནི། རྒས་འཁོགས་ཉམ་ཆུང་བ་ཞིག་སྟེ། དེ་དེའི་ལྷུང་བཟེད་འཁྲུ་བ་ན། དགེ་སློང་གཞན་ཞིག་དང་ལྷན་ཅིག་ཁ་ཏོན་ཟེར་བ་ལས། རིང་ཞིག་ཐོགས་ནས་དེའི་མཁན་པོ་དེས་རང་དགར་ཟན་ཟོས་པ་དང ། དེ་ཁ་ཏོན་ལ་ཆགས་པས་མཁན་པོ་དེ་ལ་འཕྱས་སོ། །ཇི་ཙམ་དུས་གཞན་ཞིག་ན་ཟན་ཟོས་ནས་བདག་ཉིད་ཀྱིས་ལྷུང་བཟེད་བཀྲུས་ཏེ་མཁན་པོའི་དྲུང་དུ་སོང་བ་དང ། ད་དུང་ཟན་ཟ་བ་མཐོང་ནས་དེ་ཀུན་ནས་དཀྲིས་པས་སྨྲས་པ། མཁན་པོ། ཅི་ཁྱོད་གླང་རྒན་བཞིན་དུ་ལྡད་ཅིང་བཞུགས་སམ། དེས་བསམ་པ། འདི་ཀུན་ནས་དཀྲིས་པས་གལ་ཏེ་ཅུང་ཟད་ཅིག་སྨྲས་ན། ཇེ་ཐུ་བར་འཁྲུག་པ་བསྐྱེད་པར་འགྱུར་གྱི། གང་གི་ཚེ་ཀུན་ནས་དཀྲིས་པ་དང་བྲལ་བ་དེའི་ཚེ་དྲི་བར་བྱའོ། །སྙམ་ནས་དེས་དེ་ཀུན་ནས་དཀྲིས་པ་དང་བྲལ་བ་དང་སྨྲས་པ། ཚེ་དང་ལྡན་པ། ཅི་ཟེར། དེས་སྨྲས་པ། ཁྱོད་གླང་རྒན་བཞིན་ལྡང་ངམ་ཞེས་དེ་སྐད་མཆི་མོད། དེས་སྨྲས་པ། ཚེ་དང་ལྡན་པ། ཁྱོད་ཀྱིས་ང་སུ་ཡིན་ཤེས་སམ། འཚལ་ཏེ།་ཁྱོད་ཀྱང་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་རབ་ཏུ་བྱུང་བ་ལགས་ལ། བདག་ཀྱང་དེ་ཁོ་ནའི་གསུང་རབ་ལ་རབ་ཏུ་བྱུང་བ་ལགས་སོ། །དེས་སྨྲས་པ། དེ་ནི།་དེ་ལྟ་ཡིན་ཏེ་བདེན་ན། འོན་ཀྱང་རབ་ཏུ་བྱུང་བས་བྱ་བའམ། བྱེད་པ་གང་ཡིན་པ་དེ་ངས་བྱས་ཏེ། དེ་ལྟ་བས་ན། ང་ནི། འཆིང་བ་ཐམས་ཅད་ལས་གྲོལ་བ་ཡིན། ཁྱོད་ནི། འཆིང་</font><hr>Tha87b<br><font size=+2>


བ་མཐའ་དག་གིས་བཅིངས་པ་ཡིན་ན། ཁྱོད་ཀྱིས་ངག་གི་ལས་རྩུབ་མོ་སྨྲས་ཀྱི། ཁྱོད་ཀྱིས་ལས་དེ་ཅི་ནས་ཀྱང་བསྲབས་པ་ཉིད་དང ། ཡོངས་སུ་ཟད་པ་ཉིད་དང ། ཡོངས་སུ་གཏུགས་པར་འགྱུར་བར་ཉེས་པ་ལ་ཉེས་པར་ཤོག་ཅིག་།དེས་ཉེས་པ་ལ་ཉེས་པར་བཤགས་སོ། །གང་འདིས་དགེ་སློང་དགྲ་བཅོམ་པ་ལ་གླང་རྒན་ཞེས་བྱ་བའི་སྨྲ་བ་ཀུན་ཏུ་སྤྱོད་པ་ཀུན་ཏུ་སྤྱད་པའི་ལས་དེའི་རྣམ་པར་སྨིན་པས་ཚེ་རབས་ལྔ་བརྒྱར་བ་ལང་གི་སྐྱེ་གནས་སུ་སྐྱེས་སོ། །ལས་ཀྱི་ལྷག་མ་དེ་ཉིད་ཀྱིས་ད་ལྟར་ཤ་ཚུགས་བ་བ་ལང་ལྟ་བུར་སྐྱེས་སོ། །ཡང་དགེ་སློང་རྣམས་ཀྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་བ་ལང་བདག་གིས་ལས་ཅི་ཞིག་བགྱིས་ན། དེའི་རྣམ་པར་སྨིན་པས། བཅོམ་ལྡན་འདས་ཀྱིས་བས་མཐའི་གནས་མལ་ལ་དད་པ་རྣམས་ཀྱི་ནང་ན་མཆོག་ཏུ་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། སྨོན་ལམ་གྱི་དབང་གིས་སོ། །གང་དུ་སྨོན་ལམ་བཏབ་ལགས། འདི་ཡང་དག་པར་རྫོགས་པའི་སངས་རྒྱས་འོད་སྲུང་དེ་ཁོ་ནའི་གསུང་རབ་ལ་རབ་ཏུ་བྱུང་བར་གྱུར་ཏེ། དེར་འདིས་ཚེ་གཅིག་ཏུ་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་ཐོབ་པར་མ་གྱུར་ཏོ། །གང་གི་ཐད་དུ་རབ་ཏུ་བྱུང་བ་དེ་ནི། བཅོམ་ལྡན་འདས་འོད་སྲུང་གིས་བས་མཐའི་གནས་མལ་ལ་དད་པ་རྣམས་ཀྱི་ནང་ན་མཆོག་ཏུ་ལུང་བསྟན་ཏོ། །དེ་ན་འདིས་སྨོན་ལམ་བཏབ་པ། འདི་ལྟར་བདག་གིས་བཅོམ་</font><hr>Tha88a<br><font size=+2>


༄#། །ལྡན་འདས་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་གི་ཐད་དུ་ཚེ་གཅིག་ཏུ་ཚངས་པར་སྤྱོད་པ་སྤྱད་ཀྱང་ཡོན་ཏན་གྱི་ཚོགས་འགའ་ཡང་ཐོབ་པར་མ་གྱུར་གྱི། དགེ་བའི་རྩ་བ་འདིས། བདག་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས། བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་སྐྱེ་རྒུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་གང་ཡིན་པ་དེའི་གསུང་རབ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་ཞིང ། ཇི་ལྟར་བདག་གི་མཁན་པོ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་བས་མཐའི་གནས་མལ་ལ་དད་པ་རྣམས་ཀྱི་ནང་ན་མཆོག་ཏུ་བསྟན་པ་དེ་བཞིན་དུ་བདག་ཀྱང་ཤཱཀྱའི་རྒྱལ་པོ་ཆེན་པོ་ཤཱཀྱ་ཐུབ་པ་དེས། བས་མཐའི་གནས་མལ་ལ་དད་པ་རྣམས་ཀྱི་ནང་ན་མཆོག་ཏུ་སྟོན་པར་གྱུར་ཅིག་།ཅེས་བཏབ་པའི་སྨོན་ལམ་གྱི་དབང་གིས་ད་ལྟར་དེ་བཞིན་གཤེགས་པས། བས་མཐའི་གནས་མལ་ལ་དད་པ་རྣམས་ཀྱི་ནང་ན་མཆོག་ཏུ་བསྟན་ཏོ། །དགེ་སློང་དག་།དེ་ལྟར་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་ལ། གཅིག་ཏུ་དཀར་བ་རྣམས་ཀྱི་ནི། གཅིག་ཏུ་དཀར། འདྲེན་མ་རྣམས་</font><hr>Tha88b<br><font size=+2>


ཀྱི་ནི། འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་དང ། འདྲེན་མ་རྣམས་སྤངས་ནས། ལས་གཅིག་ཏུ་དཀར་བ་དག་ལ་བརྩལ་བར་བྱ་སྟེ། དགེ་སློང་དག་གིས་དེ་ལྟ་བུ་ལ་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་འདི་བྱིན་ཅིག། འདི་ལས་བྱིན་ཅིག་ཅེས་འདམ་ཞིང་འདམ་ཞིང་ཟས་ཟ་བ་དང་འབྲིམ་པ་འཁྲུག་པར་གྱུར་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་བདམས་ཤིང་ཟས་བཟའ་བར་མི་བྱ་སྟེ། ཟ་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་ཟས་ཟ་བ་ན་ལྷུང་བཟེད་བཟེད་པ་ལས། དེ་ལྷུང་བཟེད་ཀྱི་གཞིའི་སྟེང་དུ་ལྷུང་བཟེད་ཀྱི་གཞི་བཟེད་པ་ལས་ལྷུང་བཟེད་དུ་ལྷུང་ནས་དེ་རྣམས་འགྱོད་དེ་མི་ཟ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ལྷུང་བཟེད་བཟེད་པ་ལས་ལྷུང་བཟེད་ཀྱི་གཞིའི་སྟེང་དུ་ལྷུང་ན། བྱིན་ལེན་བྱས་པ་ཞེས་བྱ། ལྷུང་བཟེད་ཀྱི་གཞི་བཟེད་པ་ལས་ལྷུང་བཟེད་ཀྱི་ནང་དུ་ལྷུང་ན། བྱིན་ལེན་བྱས་པ་ཞེས་བྱ། ལྷུང་བཟེད་</font><hr>Tha89a<br><font size=+2>


༄#། །བཟེད་པ་ལས་ལྷུང་བཟེད་ཀྱི་ནང་དུ་ལྷུང་ན་བྱིན་ལེན་བྱས་པ་ཞེས་བྱ། ལྷུང་བཟེད་ཀྱི་གཞི་བཟེད་པ་ལས་ལྷུང་བཟེད་ཀྱི་གཞིའི་ནང་དུ་ལྷུང་ན། བྱིན་ལེན་བྱས་པ་ཞེས་བྱ་སྟེ། འོན་ཀྱང་བྱིན་ལེན་གྱི་སེམས་ནི། ཉེ་བར་གཞག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། ཚེ་དང་ལྡན་པ་ཉེ་དགའ་བོ་འཁར་བའི་མགར་པའི་དྲུང་དུ་སོང་ནས་དེས་སྨྲས་པ། བཞིན་བཟང ། འཁར་བའི་ལྷུང་བཟེད་ཅིག་བྱ་ན། ནུས་སམ། དེས་སྨྲས་པ། འཕགས་པ། འདི་ཉིད་བདག་གི་བཟོ་ལགས་ཀྱི། ཚད་ཇི་ཙམ་ཞིག་བགྱི། ཆེན་པོར་བྱའོ། །འཕགས་པ། ཁྱོད་ལ་འཁར་བའི་ལྷུང་བཟེད་ཆེན་པོ་ཅི་འཚལ། བཀྲེན་པ། ཁྱོད་ཅི་རིན་མེད་པར་བྱེད་དུ་འཇུག་སྙམ་མམ།་རིན་ཐང་བཞིན་སྦྱིན་གྱི། བྱོས་ཤིག་།དེས་བསམ་པ། འདི་ལ་བདག་གི་འཁར་བ་ཅི་ཞིག་འགོད། བྱའོ། །སྙམ་ནས་དེས་དེའི་འཁར་བའི་ལྷུང་བཟེད་ཆེན་པོ་ཞིག་བྱས་སོ། །དེས་སྨྲས་པ། གང་འདིའི་ནང་དུ་ཆུད་པ་གཞན་ཞིག་ཀྱང་གྱིས་ཤིག་།དེས་གཞན་ཡང་བྱས་སོ། །དེ་བཞིན་དུ་གཞན་གང་ཡིན་པ་བདུན་པའི་བར་དུ་བྱས་ནས་དེ་རྣམས་ཚེ་དང་ལྡན་པ་ཉེ་དགའ་བོས།་དགེ་ཚུལ་འཁྲུར་བཅུག་སྟེ་ཚོན་སྣ་ལྔ་པའི་སྐུད་པ་ལས་དྲ་བ་བྱེད་དུ་བཅུག་ནས་དེ་རྣམས་དེར་བཅུག་སྟེ་གོ་རིམ་བཤམས་ནས་དགེ་ཚུལ་གྱི་མགོ་ལ་བཀུར་ཏེ་གང་དུ་མགྲོན་དུ་བོས་</font><hr>Tha89b<br><font size=+2>


པ་དེར་འགྲོའོ། །སོན་ནས་དེ་དག་བཀྲམ་སྟེ་འདུག་པ་དང ། ཁྱིམ་བདག་དང ། བྲམ་ཟེ་རྣམས་ཀྱིས་སྨྲས་པ། འཕགས་པ། ཅི་ཁྱོད་ཀྱིས་འཁར་བའི་མགར་བའི་ཟོང་བཀྲམ་མམ། དེས་སྨྲས་པ། བཀྲེན་པ། ཁྱེད་ཅི་ཤེས། འདིར་ནི། རེ་ཞིག་ཕྱེ་དག་བླང་ངོ ། །འདིར་ནི། སྣུམ་ཁུར་དག་གོ། འདིར་ནི། འབྲས་ཅན་དག་གོ་།གཞན་རྣམས་སུ་ནི། ཚོད་མ་དག་བླང་ངོ ། །དེ་རྣམས་ཀྱིས་སྨྲས་པ། འཕགས་པ། གལ་ཏེ་དེ་ལྟར་ན། ཀོ། རེས་འགའ་ཚོད་མ་མང་པོ་དག་འབྱུང་བས། གཞན་དང་གཞན་དག་ཀྱང་ཉེ་བར་གཞག་དགོས་སོ། །ཞེས་བྱས་པ་དང ། དེ་ཅང་མི་སྨྲ་བར་འདུག་གོ་།སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་འཁར་བའི་ལྷུང་བཟེད་འཆང་བ་ལས་གྱུར་གྱི། དེ་ལྟ་བས་ན། དགེ་སློང་གིས་འཁར་བའི་ལྷུང་བཟེད་བཅང་བར་མི་བྱའོ། །འཆང་ན། འགལ་ཚབས་ཅན་དུ་འགྱུར་རོ། །ཁ་གཟར་དང ། ཚ་ཁུག་དང ། ཕུལ་བའི་བཏུང་ཕོར་ནི། མ་གཏོགས་སོ། །སྡོམ་ནི། རྐང་པ་བཀྲུ་བ་བཀབ་པ་དང ། །ཆོལ་ཟངས་དག་ནི་གནང་བ་དང ། །དེ་བཞིན་བསིལ་ཡབ་ཉིད་དང་ནི། སྦྲང་མ་རྣམས་ལ་གཡབ་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་བབ་བབ་ཏུ་རྐང་པ་འཁྲུ་བ་དེར་སྦྲང་བུ་དག་གིས་གང་བར་</font><hr>Tha90a<br><font size=+2>


༄#། །འདུག་གོ་།ཇི་ཙམ་ན་བྲམ་ཟེ་དང ། ཁྱིམ་བདག་གཙུག་ལག་ཁང་བལྟར་འོངས་པ་དེ་དག་གིས་མཐོང་ནས་སྨྲས་པ། འཕགས་པ། སྦྲང་བུ་ཟི་ཟི་མཆི་བས་གང་དང་ཕྱོགས་འདི་ཅི་ཞིག། དགེ་སློང་རྣམས་ཀྱིས་སྨྲས་པ། བདག་ཅག་གིས་འདིར་རྐང་པ་བཀྲུས་སོ། །དེ་དག་འཕྱ་སྟེ་ཤཱཀྱའི་བུའི་དགེ་སྦྱོང་རྣམས་ནི། གཙང་སྦྲ་མེད་དེ། བབ་བབ་ཏུ་རྐང་པ་འཁྲུའོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྐང་པ་བབ་བབ་ཏུ་བཀྲུ་བར་མི་བྱའི། འོན་ཀྱང་གནས་ཁང་གི་སྟེང་ཤར་ལྷོའི་མཚམས་སུ་རྐང་པ་བཀྲུ་བའི་གནས་བྱའོ། །བཅོམ་ལྡན་འདས་ཀྱིས་རྐང་པ་བཀྲུ་བའི་གནས་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཀྱིས་ཇི་ལྟ་བུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རུས་སྦལ་ལྟ་བུར་བྱའོ། །རབ་ཏུ་འཇམ་པར་བྱེད་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྩུབ་པོར་བྱའོ། །དགེ་སློང་རྒས་པ། འཁོགས་པ། ཉམ་ཆུང་བ་དེ་དག་ཕྱོགས་དེར་འགྲོ་མི་ནུས་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་གྱོ་མོ་ཉེ་བར་གཞག་པར་བྱའོ། །དགེ་སློང་རྣམས་གྱོ་མོར་འཁྲུ་བ་ན། དེ་ཆག་ནས་ཇེ་མ་རུང་བར་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཆོལ་ཟངས་ཉེ་བར་གཞག་པར་བྱའོ། །བཅོམ་ལྡན་</font><hr>Tha90b<br><font size=+2>


འདས་ཀྱིས་ཆོལ་ཟངས་ཉེ་བར་གཞག་པར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པའི་ཆོལ་ཟངས་དག་ཉེ་བར་གཞག་གོ།་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ། འདི་ཅི་ཞིག་།དེ་རྣམས་ཀྱིས་སྨྲས་པ། བཞིན་བཟང་དག་།བཅོམ་ལྡན་འདས་ཀྱིས་ཆོལ་ཟངས་གནང་ངོ ། ། འཕགས་པ། ཅི། དགེ་སྦྱོང་ཁྱོད་འདོད་པའི་ཡོན་ཏན་དག་གིས་གནོད་དམ། དེ་དག་གིས་སྨྲས་པ། ཁྱེད་ཀྱི་མགྲིན་པར་རྡོག་པས་མནན་ཏེ་གནོད་དོ། །དེ་དག་འཕྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གསེར་དང ། དངུལ་དང ། ཤེལ་དང ། བཻ་ཌཱུརྱ་ལས་བྱས་པའི་ཆོལ་ཟངས་དག་ཉེ་བར་གཞག་པར་མི་བྱ་སྟེ། འོན་ཀྱང་འཇིམ་ལས་བྱས་པའི་ཆོལ་ཟངས་ཉེ་བར་གཞག་པར་བྱའོ། །རྔ་མོ་ལྟ་བུ་ཉེ་བར་བཞག་པ་དང ། དེ་ལྡེག་ནས་བཅོམ་ལྡན་འདས་ཀྱིས་བཀའ་སྩལ་པ། གླང་པོ་ཆེའི་རྐང་པ་ལྟ་བུར་བྱ་ཞིང ། དེའི་དབུས་སུ་འབུར་ཀ་དམ་པའི་མེ་ཏོག་ལྟ་བུར་བྱའོ། །ཤིན་ཏུ་འཇམ་པོར་བྱས་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྩུབ་པོར་བྱའོ། །དགེ་སློང་རྣམས་ཆོལ་ཟངས་བབ་བབ་ཏུ་འཇོག་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཁང་ཐོག་ཏུ་ཁས་ཕུལ་ལ་ཞོག་ཅིག་།གང་ཟག་གི་ནི། གནས་ཁང་གི་སྒོ་ལྐོག་ཏུ་ཞོག་</font><hr>Tha91a<br><font size=+2>


༄#། །ཅིག་།སངས་རྒྱས་བཅོམ་ལྡན་འདས་ཡུལ་ཀོའུ་ཤམྦྷི་ན་སྒྲ་ལེན་གྱི་ཀུན་དགའ་ར་བ་ན་བཞུགས་སོ། །དཔྱིད་ཀྱི་ཡུལ་ལ་བབ་ནས་དགེ་སློང་རྣམས་ཚ་བས་རྨྱ་སྟེ་དེ་དག་ལུས་སྐྱ་བོ་སེང་སེང་པོར་གྱུར་ཅིང ། རྐེ། ཉམ་ཆུང ། ཤིག་ཤིག་པོ། རོད་ཉམས་པར་གྱུར་པ་ཁྱིམ་བདག་དང ། བྲམ་ཟེ་རྣམས་ཀྱིས་མཐོང་ནས་སྨྲས་པ། འཕགས་པ། ཁྱེད་ཅིའི་སླད་དུ་ལུས་སྐྱ་བོ་སེང་སེང་པོར་གྱུར་ཅིང ། རྐེ། ཉམ་ཆུང ། ཤིག་ཤིག་པོ། རོད་ཉམས་པར་གྱུར། དེ་དག་གིས་ཇི་ལྟར་གྱུར་པ་བསྙད་པ་དང ། དེ་རྣམས་ཀྱིས་སྨྲས་པ། འཕགས་པ་དག། ཁྱེད་བསིལ་ཡབ་མི་འཆང་ངམ། བཞིན་བཟང་དག་བཅོམ་ལྡན་འདས་ཀྱིས་མ་གནང་ངོ ། །འཕགས་པ་དག་།ཁྱེད་ཀྱི་སྟོན་པ་ནི། ཐུགས་རྗེ་ཅན་ཡིན་པས། གནང་བར་འགྱུར་རོ། ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། བསིལ་ཡབ་བཅང་བར་བྱའོ། །བཅོམ་ལྡན་འདས་ཀྱིས་བསིལ་ཡབ་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་ཡུ་བ་གསེར་དང ། དངུལ་དང ། ཤེལ་དང ། བཻཌཱུརྱ་ལས་བྱས་པ། བསྲུབས་པ། བཀྲ་བ་དང ། ཉེ་བར་བཀྲ་བའི་ཡུ་བ་ཅན་གྱི་བསིལ་ཡབ་དག་བཅངས་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་ཞེས་བྱ་བ་ནས་ཁྱེད་ཀྱི་མགྲིན་པ་རྡོག་པས་མནན་ཏེ་གནོད་དོ། །ཞེས་བྱ་བའི་</font><hr>Tha91b<br><font size=+2>


བར་སྔ་མ་བཞིན་ནོ། །དེ་དག་འཕྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཡུ་བ་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པ། བསྲུབས་པ། བཀྲ་བ་དང ། ཉེ་བར་བཀྲ་བའི་ཡུ་བ་ཅན་གྱི་བསིལ་ཡབ་དག་ཉེ་བར་གཞག་པར་མི་བྱའི། འོན་ཀྱང་བསིལ་ཡབ་གཉིས་པོ་རྩཝ་བལ་བ་ཛ་ལས་བྱས་པ་དང ། ཤིང་ཏ་ལའི་འདབ་མ་བཅང་བར་བྱའོ། །བྲམ་ཟེ་དང ། ཁྱིམ་བདག་དད་པ་ཅན་དག་དགེ་སློང་རྣམས་ལ་བསིལ་ཡབ་རྣམ་པ་སྣ་ཚོགས་འབུལ་བ་ན་ཞེས་བྱ་བའི་བར་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་འདུན་གྱི་ཕྱིར་བཅང་བར་བྱའོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པ་ན་བཞུགས་སོ། །དགེ་སློང་རྣམས་ལ་སྦྲང་མ་དག་ཟ་སྟེ། དེ་དག་གི་ལུས་སྦྲང་མས་ཟོས་པས། འབྲུམ་བུས་གང་སྟེ། དེ་དག་གིས་ཡང་དང་ཡང་དུ་ཕྲུགས་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་སྨྲས་པ། འཕགས་པ་དག། ཁྱེད་ཅིའི་ཕྱིར་ལུས་འདི་ལྟར་འབྲུམ་བུས་གང ། དེ་དག་གིས་ཇི་ལྟར་གྱུར་བ་བསྙད་པ་དང ། དེ་རྣམས་ཀྱིས་སྨྲས་པ། འཕགས་པ་དག། ཁྱེད་སྦྲང་ཡབ་མི་འཆང་ངམ། བཞིན་བཟང་དག་།བཅོམ་ལྡན་འདས་ཀྱིས་མ་གནང་ངོ ། །འཕགས་པ་དག་།ཁྱེད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་</font><hr>Tha92a<br><font size=+2>


༄#། །སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། སྦྲང་ཡབ་བཅང་བར་བྱའོ། །བཅོམ་ལྡན་འདས་ཀྱིས་སྦྲང་ཡབ་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་ཡུ་བ་གསེར་དང ། དངུལ་དང ། བཻཌཱུརྱ་དང ། ཤེལ་ལས་བྱས་པ་དང ། རྔ་མ་ལས་བྱས་པའི་བསིལ་ཡབ་དག་ཉེ་བར་བཞག་པ་དང ། བྲམ་ཟེ་དང ། ཁྱིམ་བདག་རྣམས་ཞེས་བྱ་བའི་བར་སྔ་མ་བཞིན་ནོ། །སྦྲང་ཡབ་ནི། ལྔ་སྟེ། བལ་ལས་བྱས་པ་དང ། ཤ་ན་ལས་བྱས་པ་དང ། རས་བལ་ལས་བྱས་པ་དང ། རས་མ་དང ། ལོ་མ་སྦམས་པའོ། །སྡོམ་ནི། གོས་མདུད་པ་དང་ལུས་དང་ནི། །འཁར་བ་དྲ་བ་འཆང་བ་དང ། །སྒོག་སྐྱ་དག་ནི་བཀག་པ་དང ། །ནད་པ་ལ་ནི་གནང་བའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་སྟོངས་མོ་བྱའོ།། ཞེས་བཀའ་སྩལ་པ་དང ། དེ་ན་དགེ་སློང་ཅིག་སྐས་ལ་འཇོག་པ་ན། འོག་ན་ཤིང་མཁན་ཞིག་འདུག་པ་དེས། དེ་མདོམས་ཐང་བ་མཐོང་ནས་སྨྲས་པ། འཕགས་པ། ཁྱོད་སྐྱེས་པའི་དབང་པོ་དང་ལྡན་པས་བདག་གིས་ཕོ་ལགས་པར་གདོད་འཚལ་ལོ། །དེ་གནོང་ནས་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་</font><hr>Tha92b<br><font size=+2>


འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་གོས་མདུད་པ་མ་བོར་བ་ཉིད་དུ་སྐས་ལ་འཛེག་པ་ལས་གྱུར་གྱི། དེའི་ཕྱིར་དགེ་སློང་མཁར་ལེན་བྱེད་པ་གོས་མདུད་པ་བོར་ནས་མཁར་ལན་བྱེད་དུ་གཞུག་གོ་།སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། དགེ་སློང་སྟོངས་མོ་བྱེད་པས་གོས་མདུད་པ་བོར་ནས་མཁར་ལན་བྱའོ། །བཅོམ་ལྡན་འདས་ཀྱིས་དགེ་སློང་གིས་གོས་མདུད་པ་བོར་ནས་མཁར་ལན་བྱའོ། །ཞེས་བཀའ་སྩལ་པ་དང ། དགེ་སློང་རྣམས་གོས་མདུད་པ་བོར་ནས་མཁར་ལེན་བྱེད་པ་ན། མ་དད་པ་རྣམས་འཕྱ་སྟེ། འཕགས་པ། ཅི་སྟོབས་འགྱེད་དམ། དེ་དག་གིས་སྨྲས་པ། བཞིན་བཟང་དག་།མཁར་ལེན་བྱེད་དོ། །དེ་དག་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་དག་སྐབས་ལ་འཛེག་པ་དེ་དག་གིས་མདུད་པ་པོར་བར་བྱའི། གཞན་དག་གིས་ནི། མ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ལུས་ཀྱིས་ཁུར་ཁྱེར་བ་དང ། བྲམ་ཟེ་དང ། ཁྱིམ་བདག་རྣམས་འཕྱ་སྟེ། འཕགས་པ། བདག་ཅག་ནི། རེ་ཞིག་ཕ་མ་དང ། བུ་དང ། ཆུང་མའི་སླད་དུ་ཁུར་ཐོགས་ན། ཁྱེད་སུའི་སླད་དུ་ལུས་ཀྱིས་ཁུར་བསྣམས། དེ་</font><hr>Tha93a<br><font size=+2>


༄#། །དག་གིས་སྨྲས་པ། བཞིན་བཟང་དག་།བདག་ཅག་ལ་ཡང་སྟོན་པ་མཆོད་པ་དང ། དགེ་འདུན་བཤོས་གསོལ་བ་དང ། ནད་པ་རྣམས་ཀྱི་རིམ་གྲོ་དང་བྱ་བ་མང་པོ་ཡོད་དོ། །དེ་དག་ཅང་མི་སྨྲ་བར་འདུག་གོ་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་ལུས་ཀྱིས་ཁུར་བཀུར་བར་མི་བྱའོ། །ཁྱེར་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་བཞུགས་སོ། །དགེ་སློང་རྣམས་བྱ་རྒོད་ཀྱི་ཕུང་པོའི་རི་ལ་འཛེག་ཅིང་འབབ་པ་ན། དེ་དག་འབྲེད་ཅིང་རྡེག་འཆོས་ཏེ་སྣད་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་རྣམས་ཀྱིས་འཁར་བ་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་འཁར་བ་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པའི་འཁར་བ། བསྲུབས་པ། བཀྲ་བ། ཉེ་བར་བཀྲ་བ་དག་བཅངས་པ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་འཕྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་</font><hr>Tha93b<br><font size=+2>


ན།་གཉིས་ཀྱིས་འཁར་བ་བཅང་བར་བྱ་སྟེ། རྒན་པོ་རྒས་ཏེ་ཉམ་ཆུང་བ་དང ། ནད་པ་སྦྱོར་མི་ནུས་པས་སོ། །བཅོམ་ལྡན་འདས་ཀྱིས་གཉིས་ཀྱིས་འཁར་བ་བཅང་བར་བྱ་སྟེ། རྒན་པོ་རྒས་ཏེ་ཉམ་ཆུང་བ་དང ། ནད་པ་སྦྱོར་མི་བཟོད་པས་སོ། །ཞེས་བཀའ་སྩལ་པ། རྒན་པོར་གཏོགས་པ་དང ། ནད་པར་གཏོགས་པ་རྣམས་ཀྱང་འཁར་བ་འཆང་བ་ཞུགས་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྒན་པོ་དང ། ནད་པས་དགེ་འདུན་ལ་འཁར་བའི་སྡོམ་པ་གསོལ་བར་བྱ་ཞིང ། གང་ལ་དགེ་འདུན་གྱིས་འཁར་བའི་སྡོམ་པ་བྱིན་པ་དེས་འཁར་བ་བཅང་བར་བྱའོ། གསོལ་བ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་བསྒོ་ནས་དགེ་འདུན་ཐམས་ཅད་འདུས་ཤིང་འཁོད་པ་དང ། དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པས་རྒན་པའི་མཐར་ཙོག་ཙོག་པོར་འདུག་ལ་ཐལ་མོ་སྦྱར་ཏེ་འདི་སྐད་ཅེས་སྨྲ་བར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་འདི་ཞེས་བགྱི་བ། དགེ་འདུན་ལས་འཁར་བའི་སྡོམ་པ་གསོལ་ན། དགེ་འདུན་ཐུགས་བརྩེ་བ་ཅན་བཙུན་པ་རྣམས་ཀྱིས་ཐུགས་བརྩེ་བས་ཉེ་བར་བཟུང་སྟེ། བདག་དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་འདི་ཞེས་བགྱི་བ་ལ་འཁར་བའི་སྡོམ་པ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་</font><hr>Tha94a<br><font size=+2>


༄#། །གྱི་བར་དུའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་འདི་ཞེས་བགྱི་བ་འདི། དགེ་འདུན་ལས་འཁར་བའི་སྡོམ་པ་གསོལ་ཏེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་འདི་ཞེས་བགྱི་བ་ལ་འཁར་བའི་སྡོམ་པ་སྩལ་ཏོ། །འདི་ནི། གསོལ་བའོ།། ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་འདི་ཞེས་བགྱི་བ། དགེ་འདུན་ལས་འཁར་བའི་སྡོམ་པ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་འདི་ཞེས་བགྱི་བ་ལ་འཁར་བའི་སྡོམ་པ་སྩོལ་ན། ཚེ་དང་ལྡན་པ་གང་དག་།དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་འདི་ཞེས་བགྱི་བ་ལ་འཁར་བའི་སྡོམ་པ་སྩལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་རྒན་པོ་རྒས་ཏེ་ཉམ་ཆུང་བའམ། ནད་པ་སྦྱོར་མི་བཟོད་པ་མིང་</font><hr>Tha94b<br><font size=+2>


འདི་ཞེས་བགྱི་བ་ལ་འཁར་བའི་སྡོམ་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །གང་ལ་དགེ་འདུན་གྱིས་འཁར་བའི་སྡོམ་པ་བྱིན་པ་དེས་འཁར་བ་བཅང་པར་བྱ་སྟེ། འདི་ལ་འགྱོད་པར་མི་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་དྲུག་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་བཞུགས་སོ། །དགེ་སློང་གནས་བརྟན་གནས་བརྟན་རྣམས་དང ། རླུང་ནད་ཅན་རྣམས་བྱ་རྒོད་ཕུང་པོའི་རི་ལ་འཛེག་པ་དང་འབབ་པ་ན་འདྲེད་ཅིང་རྡེག་འཆོས་ནས་སྣད་པར་ཡང་གྱུར། བྱ་མ་བུམ་དང ། རིལ་བ་སྤྱི་བླུགས་དག་ཀྱང་ཆག་གོ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་རྣམས་ཀྱིས་དྲ་བ་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་དྲ་བ་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་ཚོན་སྣ་ལྔ་པའི་སྐུད་པ་ལས་བྱས་པའི་དྲ་བ་བཅངས་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་འཕྱ་བར་བྱེད་དོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཚོན་སྣ་ལྔ་པའི་སྐུད་པ་ལས་བྱས་པའི་དྲ་བ་ཅང་བར་མི་བྱའི། །འོན་ཀྱང་ཚོན་སྣ་གཅིག་པ་ལས་བྱའོ། །བཅོམ་ལྡན་འདས་ཀྱིས་ཚོན་སྣ་གཅིག་ལས་བྱས་པའི་དྲ་བ་བཅང་བར་བྱའོ། །ཞེས་བཀའ་</font><hr>Tha95a<br><font size=+2>


༄#། །སྩལ་པ་དང ། རྒས་པས་ཉམ་ཆུང་བར་གཏོགས་པ་རྣམས་དང ། རླུང་ནད་ཅན་དུ་གཏོགས་པ་རྣམས་ཀྱང་དྲ་བ་འཆང་བ་ལ་ཞུགས་ནས་བཅོམ་ལྡན་འདས་ཀྱིས་བཀའ་སྩལ་པ། རྒན་པོ་དང ། རླུང་ནད་ཅན་གྱིས་ཀྱང་དགེ་འདུན་ལ་དྲ་བའི་སྡོམ་པ་གསོལ་བར་བྱ་ཞིང ། གང་ལ་དགེ་འདུན་གྱིས་དྲ་བའི་སྡོམ་པ་བྱིན་པ་དེས་དྲ་བ་བཅང་བར་བྱའོ། ། གསོལ་པ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་བསྒོ་ནས་དགེ་འདུན་ཐམས་ཅད་འདུས་ཏེ་འདུག་པ་དང ། དགེ་སློང་རྒན་པོ་རྒས་ཏེ་ཉམ་ཆུང་བའམ། རླུང་ནད་ཅན་གྱིས་རྒན་པའི་མཐར་ཙོག་ཙོག་པོར་འདུག་སྟེ་ཐལ་མོ་སྦྱར་ནས་ཚིག་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་རྒན་པོ་རྒས་ཏེ་ཉམ་ཆུང་བའམ། རླུང་ནད་ཅན་མིང་འདི་ཞེས་བགྱི་བ་དགེ་འདུན་ལས་དྲ་བའི་སྡོམ་པ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་རྣམས་ཀྱིས་ཐུགས་བརྩེ་བ་ཉེ་བར་བཟུང་སྟེ་བདག་དགེ་སློང་རྒན་པོ་རྒས་ཏེ་ཉམ་ཆུང་པའམ། རླུང་ནད་ཅན་མིང་འདི་ཞེས་བགྱི་བ་ལ་དྲ་བའི་སྡོམ་པ་སྩལ་དུ་གསོལ། དེ་བཞིན་དུ་ལན་གཉིས། ལན་གསུམ་གྱི་བར་དུའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་རྒན་པོ་རྒས་ཏེ་ཉམ་</font><hr>Tha95b<br><font size=+2>


ཆུང་བའམ། རླུང་ནད་ཅན་མིང་འདི་ཞེས་བགྱི་བ་འདི། དགེ་འདུན་ལས་དྲ་བའི་སྡོམ་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་རྒན་པོ་རྒས་ཏེ་ཉམ་ཆུང་བའམ། རླུང་ནད་ཅན་མིང་འདི་ཞེས་བགྱི་བ་ལ་དྲ་བའི་སྡོམ་པ་སྩོལ་ཏོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་རྒན་པོ་རྒས་ཏེ་ཉམ་ཆུང་བའམ་རླུང་ནད་ཅན་མིང་འདི་ཞེས་བགྱི་བ། དགེ་འདུན་ལས་དྲ་བའི་སྡོམ་པ་གསོལ་ཏེ་དེའི་སླད་དུ་དགེ་འདུན་གྱིས་དགེ་སློང་རྒན་པོ་རྒས་ཏེ་ཉམ་ཆུང་བའམ། རླུང་ནད་ཅན་མིང་འདི་ཞེས་བགྱི་བ་ལ་དྲ་བའི་སྡོམ་པ་སྩོལ་ན། ཚེ་དང་ལྡན་པ་གང་དག་དགེ་སློང་རྒན་པོ་རྒས་ཏེ་ཉམ་ཆུང་བའམ། རླུང་ནད་ཅན་མིང་འདི་ཞེས་བགྱི་བ་ལ་དྲ་བའི་སྡོམ་པ་སྩལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་རྒན་པོ་རྒས་ཏེ་ཉམ་ཆུང་བའམ། རླུང་ནད་ཅན་མིང་འདི་ཞེས་བགྱི་བ་ལ་དྲ་བའི་སྡོམ་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །གང་ལ་དགེ་འདུན་གྱིས་དྲ་བའི་སྡོམ་པ་བྱིན་པར་གྱུར་བ་དེས་དྲ་བ་བཅང་བར་བྱ་སྟེ། འདི་ལ་འགྱོད་པར་མི་བྱའོ། །དགེ་སློང་གཞན་དག་ཅིག་ལ་འཁར་བ་ཡང་དགོས། དྲ་བ་ཡང་དགོས་ནས་དེ་དག་ལ་དགེ་སློང་རྣམས་</font><hr>Tha96a<br><font size=+2>


༄#། །ཀྱིས་འཁར་བ་དང ། དྲ་བའི་སྡོམ་པ་སོ་སོར་བྱིན་པ་དང ། བཅོམ་ལྡན་འདས་ཀྱིས་དཀའ་སྩལ་པ། འཁར་བ་དང ། དྲ་བའི་སྡོམ་པ་གཅིག་ཅར་དུ་སྔ་མ་བཞིན་སྦྱིན་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་པ་ན་བཞུགས་སོ། །མཉན་ཡོད་ན་དགེ་སློང་ཞིག་འདུག་པ་དེས་སྒོག་སྐྱ་ཟོས་ནས་དེས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ་།བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། དགེ་སློང ། དགེ་སློང ། ཁྱོད་ལ་ཆོས་བསྟན་གྱི། རྣ་བ་གཏོད་ལ་འདུག་ཅིག་།དེས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ་།བཅོམ་ལྡན་འདས་ཀྱིས་དེ་ལ་ཆོས་བསྟན་པར་བརྩམས་ཏེ་ཇི་ལྟ་ཇི་ལྟར་བཅོམ་ལྡན་འདས་ཀྱིས་དེ་ལ་ཆོས་བསྟན་པ་དེ་ལྟ་དེ་ལྟར་དགེ་སློང་དེ་བཅོམ་ལྡན་འདས་ལ་དྲིས་གནོད་པར་གྱུར་ན་མི་རུང་ངོ ། །སྙམ་ནས་ཁ་ལོགས་ཤིག་ཏུ་ལྟའོ། །ལན་གཉིས། ལན་གསུམ་དུ་བཅོམ་ལྡན་འདས་ཀྱིས་དགེ་སློང་དེ་ལ་འདི་སྐད་ཅེས། དགེ་སློང ། ཁྱོད་ལ་ཆོས་བསྟན་གྱི། རྣ་གཏོད་ཅིག་།ཅེས་བཀའ་སྩལ་ན། དགེ་སློང་དེ་ལན་གཉིས། ལན་གསུམ་དུ་ཡང་ཁ་གཞན་དུ་བལྟས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་</font><hr>Tha96b<br><font size=+2>


སྤྱན་སྔ་ནས་སོང་ངོ ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨོད་པར་མཛད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཅིའི་ཕྱིར་ངས་ཇི་ལྟ་ཇི་ལྟར་ཆོས་བསྟན་པ་དེ་ལྟ་དེ་ལྟར་དགེ་སློང་དེ་ཁ་གཞན་དུ་ལྟ། དེས་གསོལ་པ། བཙུན་པ། དགེ་སློང་དེས་སྒོག་སྐྱ་འཚལ་ཏོ། །ཀུན་དགའ་བོ། དགེ་སློང་དག་གང་གིས་ན།་བདེན་པ་རྣམས་ཀྱི་བར་ཆད་དུ་འགྱུར་བ་སྒོག་སྐྱ་ཟ་བ་ལྟ། བཅོམ་ལྡན་འདས། འཚལ་ལགས་སོ། །ཀུན་དགའ་བོ། གལ་ཏེ་དགེ་སློང་འདིས་དེ་རིང་སྒོག་སྐྱ་ཟོས་བར་མ་གྱུར་ན། དེང་ཉིད་དུ་འདིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ལྡན་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པར་འགྱུར་རོ། །ཀུན་དགའ་བོ། དེ་ལྟ་བས་ན། དགེ་སློང་གིས་ད་ཕྱིན་ཆད་སྒོག་སྐྱ་དང ། ཀུན་དོང་དང ། ཀེའུ་ཡོངས་སུ་ལོངས་སྤྱད་པར་མི་བྱ་སྟེ། ཡོངས་སུ་ལོངས་སྤྱད་ན། འགལ་ཚབས་ཅན་དུ་འགྱུར་རོ། །ཡང་དེའི་ཚེ། ཚེ་དང་ལྡན་པ་ཤཱ་རིའི་བུ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་བསམ་པ། དགེ་སློང་འདིས་དེ་རིང་བདེན་པ་དག་མ་མཐོང་ན། རེ་ཞིག་སང་མཐོང་བར་འགྱུར་རམ་བལྟའོ། །སྙམ་ནས་སེམས་པ་ལ་ཞུགས་པ་དང ། མ་མཐོང་ངོ ། །དེས་རབ་ཀྱི་མཐའ་བའི་བསམ་གཏན་བཞི་བ་ལ་རྣམ་པར་བལྟས་ནས་དུས་ཇི་ཙམ་ན་མཐོང་བར་འགྱུར་བ་སེམས་པ་ལ་ཞུགས་ན། འོན་ཀྱང་མ་མཐོང་སྟེ། ཚེ་དང་ལྡན་པ་ཤཱ་རིའི་བུ་</font><hr>Tha97a<br><font size=+2>


༄#། །ཏིང་ངེ་འཛིན་དེ་ལས་ལངས་ནས་ཚིགས་སུ་བཅད་དེ་སྨྲས་པ། དལ་བའི་མཆོག་འདི་འདིས་བོར་ནས། །འདི་ཡིས་འདི་ན་བདེན་པ་དག་།ནམ་ཡང་ཤིན་ཏུ་མཐོང་བར་ནི། །མི་འགྱུར་བ་ཡི་གནས་དེ་ཡོད། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ཚེ་དང་ལྡན་པ་ཤཱ་རིའི་བུའི་སེམས་མཁྱེན་ནས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ།་ཁྱོད་སངས་རྒྱས་ཀྱི་ཡུལ་ལ་ལག་འཇུག་པར་མ་བྱེད་ཅིག་།འདི་ནི། འདི་ནས་ཉན་ཐོས་དང ། རང་སངས་རྒྱས་ཀྱི་ཡེ་ཤེས་ཀྱི་ཡུལ་ལས་འདས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་བ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཐམས་ཅད་ཟིལ་གྱིས་གནོན་པ་ཞེས་བྱ་བའི་སྟོན་པ་འབྱུང་བར་འགྱུར་ཏེ། དེའི་བསྟན་པ་ལ་འདི་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །དེ་སྐད་ཅེས་གསུངས་ནས་བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་སྒོག་སྐྱ་ཟ་བ་ལས་གྱུར་གྱི། དེ་ལྟ་བས་ན། དགེ་སློང་གིས་སྒོག་སྐྱ་བཟའ་བར་མི་བྱའོ། །ཟ་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སྒོག་སྐྱ་བཟའ་བར་</font><hr>Tha97b<br><font size=+2>


མི་བྱའོ། །ཞེས་བཀའ་སྩལ་པ་དང ། དགེ་སློང་ཞིག་ན་བ་དེ། སྨན་པའི་དྲུང་དུ་སོང་སྟེ་ནད་མེད་ཅིག་ཅེས་བྱས་ནས་སྨྲས་པ། བཞིན་བཟང ། ཁོ་བོ་ལ་ནད་འདི་ལྟ་བུ་ཞིག་བྱུང་ན། སྨན་སྟོན་ཅིག་།སྨན་པས་སྨྲས་པ། འཕགས་པ། སྒོག་སྐྱ་གསོལ་ཅིག་དང་ཁྱོད་སོས་པར་འགྱུར་རོ། །དེས་སྨྲས་པ། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱོད་ཀྱི་སྨན་འདི་ཡིན་ཏེ། གཞན་གྱིས་ནི། སོས་པར་མི་ནུས་སོ། །སྐབས་དེ། དགེ་སློང་རྣམས་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པས་དགེ་སློང་ཁྱོད་ཀྱི་སྨན་འདི་ཡིན་ཏེ། གཞན་གྱིས་ནི། སོས་པར་མི་ནུས་སོ། །ཞེས་ཟེར་ན། བཟའ་བར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་དགེ་སློང་ནད་པས་སྨན་པའི་ལུང་གིས་སྒོག་སྐྱ་བཟའོ། །ཞེས་བཀའ་སྩལ་པ་དང ། དགེ་སློང་ནད་པས་སྒོག་སྐྱ་ཟོས་ནས་གཙུག་ལག་ཁང་ལ་ཡང་ལོངས་སྤྱད་པར་བྱེད། གནས་མལ་དང ། སྣམ་ཕྱིས་དང ། ཆབ་ཁུང་དུ་ཡང་འཇུག་།དགེ་འདུན་གྱི་ནང་དུ་ཡང་འགྲོ། བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་སྟོན། མཆོད་རྟེན་ལ་ཡང་ཕྱག་བྱེད། བྲམ་ཟེ་དང ། ཁྱིམ་བདག་གི་ཁྱིམ་དག་ཏུ་ཡང་ཉེ་བར་འགྲོ། སྐྱེད་མོས་ཚལ་དང ། འདུན་ས་དང ། ལྷ་ཁང་དང ། སྐྱེ་བོས་གང་བའི་ཕྱོགས་གཞན་དག་ཏུ་ཡང་འདུག་པ་དང ། བྲམ་</font><hr>Tha98a<br><font size=+2>


༄#། །ཟེ་དང ། ཁྱིམ་བདག་རྣམས་ཀྱིས་དྲི་ཚོར་ནས་འཕྱ་སྨོད་ཁ་ཟེར་ཞིང ། དགེ་སྦྱོང་ཤཱཀྱའི་བུ་རྣམས་ཀྱི་དགེ་སྦྱོང་གི་ཚུལ་ཉམས། ཚངས་པའི་ཚུལ་ཉམས་ཏེ། ད་ནི།་རབ་ཏུ་བྱུང་བ་རྣམས་སྒོག་སྐྱ་ཟའོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ངས་དགེ་སློང་སྒོག་སྐྱ་ཟ་བའི་ཀུན་ཏུ་སྤྱད་པའི་ཆོས་བཅའ་བར་བྱ་སྟེ། དགེ་སློང་སྒོག་སྐྱ་ཟ་བས་སྒོག་སྐྱ་ཟ་བཞིན་དུ་གཙུག་ལག་ཁང་ལ་ཡོངས་སུ་ལོངས་སྤྱད་པར་མི་བྱ། གནས་མལ་ལ་མ་ཡིན། སྣམ་ཕྱི་སར་འཇུག་པར་མི་བྱ། ཆབ་ཁུང་སར་མ་ཡིན། དགེ་འདུན་གྱི་ནང་དུ་འགྲོ་བར་མི་བྱ། བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་བསྟན་པར་མི་བྱ། མཆོད་རྟེན་ལ་ཕྱག་མི་བྱ། བྲམ་ཟེ་དང་ཁྱིམ་བདག་རྣམས་ཀྱི་ཁྱིམ་དུ་ཉེ་བར་འགྲོ་བར་མི་བྱ། སྐྱེད་མོས་ཚལ་དང ། འདུན་ས་དང ། ལྷ་ཁང་དང ། སྐྱེ་བོས་གང་བ་གཞན་དག་ཏུ་གནས་པར་མི་བྱའི། ཕྱོགས་དབེན་པ་གང་དུ་གཞན་དག་གིས་མཐོང་ན། མ་དད་པ་སྐྱེ་བར་མི་འགྱུར་བར་བཟའ་བར་བྱའོ། །གང་གི་ཚེ་བྱ་བ་ཟིན་པར་གྱུར་པ་དེའི་ཚེ་ཕྱོགས་དེ་ཉིད་དུ་ཞག་བདུན་འདུག་པར་བྱའོ། །ཀུན་དོང་ན་ནི། ཞག་གསུམ། ཀེའུ་ན་ནི། ཞག་གཅིག་གོ་།དེ་ནས་ཁྲུས་བྱས་ལ་ཆོས་གོས་དག་ཀྱང་བཀྲུ་བར་བྱ་ཞིང ། བདུག་པ་དག་གིས་བདུག་པར་</font><hr>Tha98b<br><font size=+2>


བྱའོ། །དེ་ནས་དྲི་ང་བ་མེད་པ་དང ། གཙུག་ལག་ཁང་དུ་འཇུག་པར་བྱ་ཞིང ། ཇི་ལྟར་བཀག་པ་ཡང་བྱའོ། །སྒོག་སྐྱ་ཟ་བའི་དགེ་སློང་གིས་ཀུན་ཏུ་སྤྱད་པའི་ཆོས་ཇི་ལྟར་བཅས་པ་རྣམས་ཡང་དག་པར་བླངས་ཏེ་མི་གནས་ན། འགལ་ཚབས་ཅན་དུ་འགྱུར་རོ། །ཕྲན་ཚེགས་ལས་སྒོ་དང་པོ་རྫོགས་སོ།། །།བསྡུས་པའི་སྡོམ་ནི། ཆན་པས་འབྲེག་དང་གདུགས་དང་ནི། །བེའུ་རས་དང་ནི་རྒྱན་སྤེལ་མ། །ལེན་དང་ཚོགས་དང་ཁྲུས་དང་ནི། །གཅིན་དང་སྒོ་འཕར་སྤོ་བའོ། །སྡོམ་ནི། ཆན་པས་འབྲེག་དང་མདོམས་དང་ནི། །དེ་བཞིན་བྱིན་པ་ཉིད་དང་ནི། ། ཁྲི་དང་རྩ་སྟན་གཅིག་དང་ནི། །ཁྱིམ་ན་གནས་དང་བགོ་བ་མིན། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་ཕྱོགས་བཞིའི་དགེ་འདུན་ལ་རྒྱལ་བུ་རྒྱལ་བྱེད་ཀྱི་ཚལ་ཕུལ་བ་དེའི་ཚེ་དེས་འཕགས་པ་རྣམས་ཀྱི་སྐྲ་དང ། ཁ་སྤུ་བྲེགས་ཤིག་ཅེས་འབྲེག་མཁན་གྱི་མི་བཏང་བ་དང་ཞེས་བྱ་བའི་བར་སྔ་མ་བཞིན་ནོ། །ཉེ་དགའ་བོས་སྨྲས་པ། བཞིན་བཟང ། ཁྱོད་སྐྲ་ཆན་པས་འབྲེག་ཤེས་སམ། དེས་སྨྲས་པ། འཕགས་པ། དེ་ཉིད་བདག་གི་བཟོ་ལགས་སོ། །བཞིན་བཟང ། གལ་ཏེ་དེ་ལྟ་ན། ཚུར་ཤོག་།བྲེགས་ཤིག་།དེས་སྐྲ་ཆན་པས་བྲེགས་པ་དང ། ཉེ་དགའ་བོས་སྨྲས་པ། ད་དུང་བྲེགས་ཤིག་།དེས་ཡང་བྲེགས་པ་དང ། </font><hr>Tha99a<br><font size=+2>


༄#། །དེས་སྨྲས་པ། ད་དུང་ཡང་བྲེགས་ཤིག་།དེས་ཡང་བྲེགས་སོ། །དེ་བཞིན་དུ་ཇི་ཙམ་ཉི་མ་ནུབ་ཀྱི་བར་དུ་མ་བཏང་ནས་དེའི་འོག་ཏུ་འདི་སྐད་ཅེས་སྨྲས་ཏེ། བཀྲེན་པ། ཁྱོད་ཅི་ཡང་མི་ཤེས་པ་ཞིག་།འདི་ཁོ་ན་བཞིན་མཉམ་པར་བྱོས་ཏེ་སོང་ཞིག་ཅེས་བྱ་བའི་བར་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་སྐྲ་ཆན་པས་བྲེག་པར་མི་བྱའོ། །དགེ་སློང་སྐྲ་ཆན་པས་འབྲེག་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སྐྲ་ཆན་པས་བྲེག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་གི་མགོ་ལ་རྨ་བྱུང་ནས་སྤུ་གྲིས་རེག་པ་ན་དེ་དག་སྣང་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྨའི་ཐན་ཀོར་གྱི་སྐྲ་ཆན་པས་བྲེག་པར་བྱ་ཞིང ། ལྷག་མ་རྣམས་སྤུ་གྲིས་བྲེག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཡང་ཁྱིམ་བདག་མགོན་མེད་ཟས་སྦྱིན་གྱིས་འབྲེག་མཁན་གྱི་མི་བཏང་སྟེ་ཞེས་བྱ་བའི་བར་སྔ་མ་བཞིན་ནོ། །བཞིན་བཟང ། མདོམས་ཀྱི་ཕྱོགས་ཀྱི་སྤུ་འབྲེག་ཤེས་སམ། དེས་སྨྲས་པ། འཕགས་པ། དེ་ཉིད་བདག་གི་བཟོ་ལགས་སོ། །བཞིན་བཟང ། གལ་ཏེ་ན་དེ་ལྟ་ན། ཚུར་ཤོག་།བྲེགས་ཤིག་།འཕགས་པ། ཇི་</font><hr>Tha99b<br><font size=+2>


འདྲ་བར་བྲེག་།བཞིན་བཟང ། མཛེས་པར་བྲེགས་ཤིག་།དེས་བྲེག་པར་བརྩམས་པ་དང ། ཉེ་དགས་སྨྲས་པ། བཞིན་བཟང ། འདི་ལྟར་བྱོས་ཤིག་།དེས་དེ་བཞིན་བྱས་པ་དང ། ཡང་སྨྲས་པ། གཞན་འདི་ལྟ་བུར་ཡང་བྱོས་ཤིག་།ཅེས་དེས་དེ་ཇི་ཙམ་ཉི་མ་ནུབ་ཀྱི་བར་དུ་མ་བཏང་ནས་དགེ་སྦྱོང་ཤཱཀྱའི་སྲས་རྣམས་ཀྱི་དགེ་སྦྱོང་གི་ཚུལ་ནི། ཉམས། ཚངས་པའི་ཚུལ་ནི། ཉམས་ཏེ། ད་ནི། གསང་བའི་ཕྱོགས་ཀྱི་སྤུ་ཡང་འབྲེག་པར་བྱེད་དོ། །ཞེས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་མདོམས་ཀྱི་ཕྱོགས་ཀྱི་སྤུ་བྲེག་པར་མི་བྱའོ། །དགེ་སློང་མདོམས་ཀྱི་ཕྱོགས་ཀྱི་སྤུ་འབྲེག་པར་བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་མདོམས་ཀྱི་ཕྱོགས་ཀྱི་སྤུ་བྲེག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་གི་མདོམས་ཀྱི་ཕྱོགས་སུ་རྨ་བྱུང་བ་དང ། དགེ་སློང་དག་འགྱོད་ནས་སྤུ་འབྲེག་པར་མི་བྱེད་དོ། །དགེ་སློང་གཞན་དག་ལ་ཡང་སྲིན་བུ་བྱུང་སྟེ། དེ་དག་དེའི་གནོད་པས་དགེ་བའི་ཕྱོགས་ཀྱི་བྱ་བ་མི་ནུས་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གནས་བརྟན་གནས་བརྟན་དག་ལ་བསྟན་ནས་རྨའམ། སྲིན་བུའི་ཕྱིར་ནི། མདོམས་</font><hr>Tha100a<br><font size=+2>


༄#། །ཀྱི་ཕྱོགས་ཀྱི་སྤུ་བྲེག་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཡང་ཁྱིམ་བདག་མགོན་མེད་ཟས་སྦྱིན་གྱིས་འབྲེག་མཁན་གྱི་མི་བཏང་བ་དང་ཞེས་བྱ་བའི་བར་སྔ་མ་བཞིན་ནོ། །བཞིན་བཟང ། ཁྱོད་བྱིན་སྤུ་འབྲེག་ཤེས་སམ། འཕགས་པ། དེ་ཉིད་བདག་གི་བཟོ་ལགས་སོ། །བཞིན་བཟང ། གལ་ཏེ་དེ་ལྟ་ན། ཚུར་ཤོག། བྲེགས་ཤིག་།འཕགས་པ། ཅི་འདྲ་བར་བྲེག་པར་བགྱི། བཞིན་བཟང ། མཛེས་པར་བྲེགས་ཤིག་།དེས་བྲེག་པར་བརྩམས་པ་དང ། ཉེ་དགའ་བོས་སྨྲས་པ། བཞིན་བཟང ། འདི་ལྟར་བྱོས་ཤིག་།དེས་དེ་བཞིན་བྱས་པ་དང ། ཡང་སྨྲས་པ།་གཞན་འདི་ལྟར་ཡང་བྱོས་ཤིག་།དེས་དེ་ཇི་ཙམ་ནམ་སྲོས་ཀྱི་བར་དུ་མ་བཏང་བས་ཁྱིམ་བདག་མགོན་མེད་ཟས་སྦྱིན་གྱིས་དེ་ལ་ཞེས་བྱ་བ་ནས་དྲིས་པ། ཞེས་བྱ་བའི་བར་སྔ་མ་བཞིན་ནོ། །དེས་ཇི་ལྟར་གྱུར་པ་སྨྲས་པ་དང ། དེ་སྨོད་པར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་བྱིན་སྤུ་བྲེག་པར་མི་བྱའོ། །དགེ་སློང་བྱིན་སྤུ་འབྲེག་པར་བྱེད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་</font><hr>Tha100b<br><font size=+2>


རྫིང་གི་འགྲམ་ཁང་པ་བརྩེགས་པ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་བྱིན་སྤུ་བྲེག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཀྱི་བརླ་ལ་རྨ་བྱུང་ཞིང ། དགེ་སློང་གཞན་དག་ལ་སྲིན་བུ་བྱུང་ནས་དེ་དག་དེའི་གནོད་པས་དགེ་བའི་ཕྱོགས་བྱ་བར་མི་ནུས་པར་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྨ་བྱུང་བའི་ཕྱིར་རམ། སྲིན་བུའི་ཕྱིར་ནི། བྱིན་སྤུ་བྲེག་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ཁྲི་གཅིག་ལ་ཉལ་བར་བྱེད་ཅིང ། དེ་དག་དེར་ཉལ་ནས་ཀུ་རེ་བྱེད། རྩེ་བར་བྱེད། ཅ་ཅོ་སྨྲ་བར་བྱེད། རྒོད་པ་དང ། འཕྱར་གཡེང་དང ། ལུས་ལ་རྡེག་པར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་ཁྲི་གཅིག་ལ་ཉལ་བར་བྱེད་པ་ལས་གྱུར་པས། དེའི་ཕྱིར་དགེ་སློང་གཞན་དང་ལྷན་ཅིག་ཁྲི་གཅིག་ལ་ཉན་དུ་མི་གཞུག་གོ་།སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ཀྱིས་དེང་ཕྱིན་ཆད་དགེ་སློང་གིས་ཁྲི་གཅིག་ལ་ཉལ་བར་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། ། </font><hr>Tha101a<br><font size=+2>


༄#། །བཅོམ་ལྡན་འདས་ཀྱིས་དགེ་སློང་གིས་ཁྲི་གཅིག་ལ་ཉལ་བར་མི་བྱའོ། །ཞེས་བཀའ་སྩལ་པ་དང ། ཇི་ཙམ་ན་དགེ་སློང་མང་པོ་རྣམས་ལྗོངས་རྒྱུ་ཞིང་དོང་སྟེ། ལྗོངས་རྒྱུ་བ་ན་རི་བྲག་གཅིག་ཏུ་ཕྱིན་ནས་དེ་དག་གིས་དེར་ཁྲི་བརྙས་པ་དང་དེ་དག་གིས་ཁྲི་དག་བྱིན་ནོ། །དེ་རྣམས་ཀྱིས་སྨྲས་པ། འདི་དག་ཉུང་གི། གཞན་ཡང་བསྣམས་ཏེ་སྤྱོན་ཅིག་།དེ་དག་གིས་སྨྲས་པ། འཕགས་པ་དག། བདག་ཅག་ནི། ཁྲི་རེ་རེ་ལ་སྐྱེ་བོ་མང་པོ་དག་ཉལ་བར་བགྱིད་ན། ཁྱེད་གཞན་ཡང་གཡོར་རམ། རེ་རེ་ལ་གཉིས་སམ། གསུམ་གཟིམས་པར་མཛོད་ཅིག་།དེ་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་ཁྲི་གཅིག་ལ་གཉིས་སམ། གསུམ་ཉལ་དུ་མ་གནང་ན། ཇི་ལྟར་ཉལ་བར་བྱ། དེ་དག་གིས་སྨྲས་པ། འཕགས་པ་དག་།ཁྲི་གཞན་ནི། མ་མཆིས། དེ་སྐད་སྨྲས་པས་ཅང་མི་སྨྲ་བར་འཁོད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གང་དག་ངོ་ཚ་ཤེས་ཤིང་འགྱོད་པ་དང་ལྡན་ལ། བསླབ་པ་འདོད་པ་དེ་དག་གིས་དྲན་པ་ཉེ་བར་བཞག་སྟེ་གདིང་བ་བཏིང་ལ་བར་དུ་ཆོས་གོས་ཀྱི་གཏུར་བུའམ། ལྷུང་བཟེད་ཀྱི་སྣོད་དག་བཅུག་ལ་ཉལ་བར་བྱ་སྟེ། འདི་ལ་འགྱོད་པར་མི་བྱའོ། །ཁྲི་ལ་ཇི་ལྟ་བར་རྩཝ་སྟན་དང ། གཞན་དག་ལ་ཡང་དེ་དང་འདྲའོ། །སངས་རྒྱས་བཅོམ་ལྡན་</font><hr>Tha101b<br><font size=+2>


འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་མང་པོ་རྣམས་ལྗོངས་རྒྱུ་ཞིང་དོང་བ་དང ། རི་བྲག་ཅིག་ཏུ་ཕྱིན་ནས་དེ་རྣམས་ཀྱིས་ཁྱིམ་བདག་ཅིག་ལས་བསྟི་གནས་བརྙས་སོ། །གྲང་བའི་དུས་ལ་བབ་པས་དེ་རྣམས་ཀྱིས་གོས་བརྙས་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་འདི་དག་ནི། རབ་ཏུ་བྱུང་བ་ཡིན་ནོ། །སྙམ་སྟེ། སྙིང་རྗེ་ཉེ་བར་བཞག་སྟེ་གོས་དག་བྱིན་པ་དང ། གང་གིས་གང་ཐོབ་པ་དས་དེ་གྱོན་ཏེ་ཉལ་ནས་དགེ་སློང་གཞན་དག་གྲང་བས་སྦྲེབས་པར་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་གིས་གང་ཐོབ་པ་དེ་དག་ཉིད་ཀྱིས་བགོ་བར་མི་བྱའི། ཐམས་ཅད་ཀྱིས་བགོ་བར་བྱ་སྟེ། གཅིག་རྙེད་པར་གྱུར་པ་གང་ཡིན་པ་དེས་ཐམས་ཅད་ཀྱི་སྟེང་དུ་རྒན་རིམ་བཞིན་ཇི་ཙམ་ཡོག་པ་དག་བ་པར་བྱའོ། །ཇི་ཙམ་ན་རི་བྲག་གཞན་ཞིག་ཏུ་སོང་བ་དང་གོས་གཅིག་ཅིག་རྙེད་ནས་ད་དག་གིས་སྟེང་དུ་གཡོགས་པ་ན། ཉེ་དགས་དེ་གྱོན་ཏེ་འཆག་ཏུ་སོང་བ་དང ། དགེ་སློང་རྣམས་གྲང་བས་སྡུག་བསྔལ་བར་གྱུར་ནས་སྨྲས་པ། བཙུན་པ་ཉེ་དགའ་བོ། བདག་ཅག་ནི། གྲང་བས་སྡུག་བསྔལ་ན། ཁྱོད་འབའ་ཞིག་གྱོན་ནས་འཆག་གམ། དེས་སྨྲས་པ། ཁོ་བོས་བཀག་གམ་ཅི། ཁྱེད་ཀྱང་ཅི་ཕྱིར་མི་འཆག་།དེ་རྣམས་གྲང་བའི་སྡུག་བསྔལ་གྱིས་མཚན་འདས་པར་གྱུར་</font><hr>Tha102a<br><font size=+2>


༄#། །པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། འཆག་པ་གང་ཡིན་པ་དེས་གང་ཟག་གི་གོས་བགོས་ཏེ་བཅག་པར་མི་བྱའོ། །གཞན་གྱིས་འཆག་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གྲང་བའི་དུས་ལ་བབ་པས་དགེ་སློང་རྣམས་གྲང་བའི་གནོད་པས་གློས་ཕབ་སྟེ་འདུག་གོ། ཇི་ཙམ་ན་ཁྱིམ་བདག་མགོན་མེད་ཟས་སྦྱིན་གཙུག་ལག་ཁང་དུ་འོངས་བ་དང ། དེས་དེ་དག་མཐོང་ནས་སྨྲས་པ། འཕགས་པ་དག་།ཅིའི་སླད་དུ་གཅིག་ཏུ་བརྩོན་པའི་གསུང་རབ་ལ་གློས་ཕབ་སྟེ་བཞུགས་ཤིང ། དགེ་བའི་ཕྱོགས་དག་མི་མཛད། དེ་དག་གིས་སྨྲས་པ། ཁྱིམ་བདག། བདེ་བ་དང་ལྡན་པ་དག་ནི། ཆོས་དྲན་པར་འགྱུར་གྱི། ཁོ་བོ་ཅག་ཤིན་ཏུ་གྲང་བས་སྡུག་བསྔལ་བར་གྱུར་ཏོ། །དེས་ཁྱིམ་དུ་སོང་ནས་བེའུ་རས་ལྔ་བརྒྱ་བཀུར་བ་དང ། དགེ་སློང་རྣམས་ཀྱིས་ཁྱིམ་པའི་གོས་དེ་དག་བགོས་ཏེ་ཕྱི་རོལ་ཏུ་དོང་བ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་ཅོ་འདྲི་ཞིང་སྨྲས་པ། འཕགས་པ་དག་།ཅི། ཁྱེད་བབས་སམ། དེ་དག་གིས་སྨྲས་པ། ཁོ་བོ་ཅག་གྲང་བར་གྱུར་ནས་བགྱིས་ཀྱི། ཚེ་དང་ལྡན་པ་དག་དེ་སྐད་མ་ཟེར་ཅིག། དེ་རྣམས་སྨོད་པར་བྱེད་པའི་སྐབས་དེ། དགེ་སློང་དག་གིས་</font><hr>Tha102b<br><font size=+2>


བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཁྱིམ་པའི་གོས་བགོ་བར་མི་བྱའོ། །དེ་ལྟ་བུའི་རྐྱེན་ཞིག་བྱུང་ན། སྟེང་དུ་གོས་ངུར་སྨྲིག་གིས་གཡོགས་ནས་བགོ་བར་བྱའོ། །དགེ་འདུན་གྱི་ཡང་དེ་བཞིན་དུ་གྱོན་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ནི། འོག་ཏུ་གོས་བཅུག་ནས་སྟེང་ནས་གཡོགས་ཏེ་བགོ་བར་བྱའི། གཞན་དུ་ན། འགལ་ཚབས་ཅན་དུ་འགྱུར་རོ། །སྡོམ་ནི། གདུགས་དང་འཇིག་རྟེན་རྒྱང་པན་དང ། །བསྡེབས་སྦྱར་དེ་བཞིན་ནགས་མེ་དང ། །གནས་མེད་པར་ནི་ལམ་དག་དང ། །ལ་བ་བགོས་པས་མི་བཅག་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་གོས་སྤྱོད་པ་ཞིག་འདུག་པ་དེས་གོས་བྱས་ཤིང་བྱས་ཤིང་འཚོང་བར་བྱེད་དོ། །དུས་གཞན་ཞིག་ན་དེས་གོས་མང་པོ་རྙེད་པར་གྱུར་ནས་དེས་བསམ་པ། ཐབས་ཇི་ལྟ་བུ་ཞིག་བྱས་ན། དེས་བསོད་ནམས་ཀྱང་འཐོབ་ཅིང ། རྙེད་པ་ཡང་འགྲུབ་པར་འགྱུར་སྙམ་པ་དང ། དེ་དད་པ་ཅན་ཞིག་པས་དེའི་བློ་སྐྱེས་ཏེ། སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ལ་གོས་ཀྱི་གདན་བཤམས་ཏེ་གདུགས་ཚོད་གསོལ་ལོ། །དེ་ལྟར་བྱས་ན། གོས་ཀྱང་ཡོངས་སུ་ལོངས་སྤྱད་པར་འགྱུར་ལ། གོས་ཡོངས་སུ་ལོངས་སྤྱད་པ་དང ། ཞལ་ཟས་ཡོངས་སུ་ལོངས་སྤྱད་པས་བསོད་ནམས་ཆེན་པོ་ཡང་</font><hr>Tha103a<br><font size=+2>


༄#། །འཐོབ་པར་འགྱུར་རོ། །སྙམ་དུ་རིག་ནས་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་རང་གི་ཁྱིམ་དུ་གདུགས་ཚོད་ལ་སྤྱན་དྲངས་ནས་ཞལ་ཟས་གཙང་ཞིང་བསོད་པ་བཤམས་ཏེ་གདན་དག་གི་སྟེང་དུ་གོས་བཏིང་ངོ ། །དེ་ནས་གདན་བཤམས་ཟིན་པ་དང་བཅོམ་ལྡན་འདས་སྤྱན་འདྲེན་གྱིས་སྤྱན་དྲངས་ན། དགེ་སློང་གི་དགེ་འདུན་ནི། གཤེགས། བཅོམ་ལྡན་འདས་ནི། གཙུག་ལག་ཁང་ན་བཞུགས་ཤིང་བསོད་སྙོམས་དྲངས་སོ། །སངས་རྒྱས་བཅོམ་ལྡན་འདས་རྣམས་ནི། རྒྱུ་རྣམ་པ་ལྔས་གཙུག་ལག་ཁང་ན་བཞུགས་ཤིང་བསོད་སྙོམས་འདྲེན་ཏེ། ལྔ་གང་ཞེ་ན། ནང་དུ་ཡང་དག་འཇོག་བཞེད་པར་གྱུར་པ་དང ། ལྷ་རྣམས་ལ་ཆོས་སྟོན་བཞེད་པར་གྱུར་པ་དང ། ནད་པ་གཟིགས་བཞེད་པར་གྱུར་པ་དང ། གནས་མལ་གཟིགས་བཞེད་པར་གྱུར་པ་དང ། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པའོ། །དོན་འདི་ལ་ནི། སངས་རྒྱས་བཅོམ་ལྡན་འདས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་ནས་གཙུག་ལག་ཁང་ན་བཞུགས་ཤིང་བསོད་སྙོམས་དྲངས་སོ། །དགེ་སློང་རྣམས་ལམ་གར་ཆར་པ་བབ་ནས་དེ་དག་གི་གོས་ཆར་པས་གཤེར་བཞིན་དུ་འཁོད་པས། གང་གི་གོས་ཅི་འདྲ་བས་འཁོད་པ་དེའི་དེ་ཁོ་ན་ལྟ་བུའི་སྦྲ་སྦྲེ་བྱུང་བར་གྱུར་པ་བྲམ་ཟེ་དེས་མཐོང་བ་དང ། འཁྲུགས་ནས་སྨྲས་པ། བདག་</font><hr>Tha103b<br><font size=+2>


གི་ཟང་འདི་ལྟ་བུ་དག་ཟོང་དུ་མི་རུང་བར་བགྱིས་ཀྱི། གོས་འདི་དག་ཁྱེད་ཐལ་བྱུང་སྣོམས་ཤིག་།ཅེས་ཟེར་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲམ་ཟེ་དེས་མ་དད་བ་སྐྱེས་ནས་བྱིན་པས་བླང་བར་མི་བྱའོ། །དེ་འཁྲུགས་པ་དེ་དང་བྲལ་ནས་ཡང་དེས་དད་པའི་སེམས་ཀྱིས་ཕུལ་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ནི། བྲམ་ཟེ་དེས་དད་པའི་སེམས་ཀྱིས་ཕུལ་བས་བླང་བར་བྱ་སྟེ། བླངས་ནས་ཀྱང་རུང་བ་བྱས་ལ་བགོ་བར་བྱའོ། །དགེ་སློང་དག་གིས་བླངས་པ་དང ། བྲམ་ཟེ་དེས་སྨྲས་པ། ཨེ་མའོ་འཕགས་པ་དག་།གདུགས་བཅང་པའི་རིགས་སོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེ་ལྟ་ན། རྗེས་སུ་གནང་སྟེ། དགེ་སློང་དག་གིས་གདུགས་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་དག་གིས་གདུགས་བཅང་པར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་གདུགས་ཀྱི་རྩ་བ་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་ཤིང ། གཞན་ཡང་བཀྲ་ཞིང་ཉེ་བར་བཀྲ་བ་དང ། བསྲུབས་ལས་བྱས་ལ། གདུགས་ནི། དཀར་པོ་དང ། རྨ་བྱའི་མདོངས་དག་ལས་བྱས་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་</font><hr>Tha104a<br><font size=+2>


༄#། །དེ་དག་གིས་སྨྲས་པ། འཕགས་པ་དག། འདི་ཅི་ལགས། བཅོམ་ལྡན་འདས་ཀྱིས་གདུགས་གནང་ངོ ། །འཕགས་པ་དག། དགེ་སྦྱོང་ཁྱེད་ཅི་འདོང་པའི་ཡོན་ཏན་གྱིས་གཟིར་ཏམ། གང་གི་ཕྱིར་འདི་འདྲ་བའི་གདུགས་དག་འཆང ། དེ་དག་གིས་སྨྲས་པ། དགྲ་བོ་རྣམས་ཀྱི་མགྲིན་པ་རྡོག་བས་མནན་ནས་འདོད་པའི་ཡོན་ཏན་གྱིས་གཟིར་ཏོ། །དེ་དག་སྨོད་པར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུའི་གདུགས་དག་བཅང་བར་མི་བྱའི། འོན་ཀྱང་རྩ་བ་རུ་ཏ་དང ། ལོ་མ་ལས་བྱས་པའི་གདུགས་རྣམ་གཉིས་བཅང་བར་བྱའོ། །བཅོམ་ལྡན་འདས་ཀྱིས་གདུགས་རྣམ་གཉིས་བཅང་བར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་གདུགས་ཀྱི་རྩ་བ་རིང་པོ་རིང་པོར་བྱས་ནས། གདུགས་ཀྱི་རྩ་བ་བསྒྲེང་སྟེ་གྲོང་ཁྱེར་གྱི་ནང་དུ་སོང་བ་དང ། བྲམ་ཟེ་དང ། ཁྱིམ་བདག་དག་གིས་མཐོང་ནས་འདི་ལྟ་བུ་ནོར་ཅན་ནམ། ཚོང་དཔོན་ནམ། དེད་དཔོན་ནམ། སུ་ཞིག་འོང་ཞེས་ལངས་ནས་རྟོག་པར་བྱེད་དོ། །ཁ་ཅིག་བསུར་དོང་བ་དང ། གང་གི་ཚེ་མཐོང་བར་གྱུར་པ་དེའི་ཚེ་མ་དད་པར་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གདུགས་ཀྱི་རྩ་བ་རིང་པོ་རིང་པོར་མི་བྱའི། འོན་ཀྱང་ལུས་ཀྱི་ཚད་ཙམ་</font><hr>Tha104b<br><font size=+2>


གྱི་རྩ་བ་གདགས་པར་བྱ་ཞིང ། གྲོང་གི་ནང་དུ་གདུགས་ཐོགས་ཏེ་འགྲོ་བར་མི་བྱའོ། །བཅོམ་ལྡན་འདས་ཀྱིས་གྲོང་གི་ནང་དུ་གདུགས་ཐོགས་ཏེ་འགྲོ་བར་མི་བྱའོ། །ཞེས་བཀའ་སྩལ་པ་དང ། ཇི་ཙམ་ན་དགེ་སློང་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུ་ཞིང་དོང་བ་དང ། རེ་ཞིག་ན་གྲོང་དུ་ལམ་བྱུང་བར་གྱུར་ནས་དེ་དག་གིས་བསམ་པ། བཅོམ་ལྡན་འདས་ཀྱིས་གྲོང་གི་ནང་དུ་གདུགས་ཐོགས་ཏེ་འགྲོ་བར་མི་བྱའོ། །ཞེས་བཀའ་སྩལ་པས། གྲོང་དོར་བར་བྱའོ། །སྙམ་ནས་དེ་དག་གིས་གྲོང་སྤངས་པ་དང ། དོན་མཐུན་རྣམས་དང་བྲལ་བས་ཆོམ་བོས་བཅོམ་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་གྲོང་གི་དབུས་སུ་ལམ་བྱུང་བར་གྱུར་ན། གདུགས་གློར་བསྙལ་ནས་འདོང་བར་བྱ་སྟེ། འདི་ལ་འགྱོད་པར་མི་བྱའོ། །བསོད་སྙོམས་པ་རྣམས་བསོད་སྙོམས་ལ་ཞུགས་པ་དང ། ཆར་པ་བབ་ནས་ཆར་ཆུས་གོས་གཤེར་བར་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བསོད་སྙོམས་པས་གདུགས་ཀྱི་རྩ་བ་རུང་བར་བྱས་ནས་འཇུག་པར་བྱ་སྟེ་ཞུགས་ནས་གལ་ཏེ་ཆར་པ་ཆད་ན། གདུགས་ཁྱིམ་དང་པོར་བཞག་ལ་འཇུག་པར་བྱ་ཞིང ། དེ་ནས་ཕྱིར་བླངས་ཏེ་འགྲོ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་</font><hr>Tha105a<br><font size=+2>


༄#། །མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ལྷོ་ཕྱོགས་ཀྱི་ཡུལ་ནས་ཀུན་ཏུ་རྒྱུ་འཇིག་རྟེན་རྒྱང་ཕན་པ་འཆར་པ་ཞེས་བྱ་བ་ཞིག་ལྗོངས་རྒྱུ་ཞིང་མཉན་ཡོད་དུ་འོངས་སོ། །དེ་ངལ་བསོས་ནས་ཚེ་དང་ལྡན་པ་ཀུན་ཤེས་ཀོའུ་དི་ནྱ་ག་ལ་པ་དེར་སོང་སྟེ་ཕྱིན་ནས་སྨྲས་པ། ཀྱེ་དགེ་སློང ། ཁོ་བོས་བླ་མ་དག་ལས་བླངས་པའི་ཡི་གེ་ཅུང་ཟད་ཡོད་དེ། དེའི་ཕྱིར་ཁྱོད་དང་ལྷན་ཅིག་གཏམ་བྱ་བར་འདོད་དོ། །དེས་དེ་ལ་སྨྲས་པ། བྲམ་ཟེ། ཁོ་བོ་སྨྲ་བ་མ་ཡིན་གྱི། སོང་ཞིག། དེ་ཚེ་དང་ལྡན་པ་རྟ་ཐུལ་དང ། བཟང་པོ་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་ག་ལ་བ་དེར་སོང་བ་དང ། དེ་རྣམས་ཀྱིས་ཀྱང་དེ་ཁོ་ན་སྐད་སྨྲས་སོ། །དེ་ནས་ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས་སྨྲས་པ། ཀྱེ་དགེ་སློང ། ཁོ་བོས་བླ་མ་ལས་ཡི་གེ་ཅུང་ཟད་བླངས་པ་དག་ཡོད་དེ། དེའི་ཕྱིར་ཁྱོད་དང་ལྷན་ཅིག་གཏམ་བྱ་བར་འདོད་དོ། །ཚེ་དང་ལྡན་པ་ཤཱ་རིའི་བུས་བསམ་པ། ཅི། ཀུན་ཏུ་རྒྱུ་འདི་ལ་དགེ་བའི་རྩ་བ་ཅུང་ཟད་ཡོད་དམ། འོན་ཏེ་མེད་སྙམ་ན། ཡོད་པར་མཐོང་ངོ ། །སུ་ལ་རག་ལས་བརྟགས་ན། བདག་ཉིད་ལའོ། །ཅི། སྨྲ་བས་འདུལ་བ་གཞན་ཅུང་ཟད་ཡོད་དམ་སྙམ་ན། ཡོད་པར་མཐོང་ངོ ། །ཇི་ཙམ་ན་ཚོགས་པ་བརྟགས་ན། ཞག་བདུན་ཚུན་ཆད་ཀྱིས་ཚོགས་པར་ཤེས་ནས་སྨྲས་པ། ལེགས་ཏེ། དེ་བཞིན་བྱ་</font><hr>Tha105b<br><font size=+2>


ན། རིག་པའི་གནས་གང་དུ་བྱ། ཆེ་གེ་མོ་ཞིག་ཏུའོ། །སྨྲ་བའི་ཞལ་ཆེ་བ་བཞག་སྟེ་ཕྱོགས་སྔ་མ་དང ། ཕྱི་མ་རྣམ་པར་བཞག་ནས་ཕྱོགས་སྔ་མ་སུས་གཟུགས་ཞེས་གླེང་པ་དང ། ཚེ་དང་ལྡན་པ་ཤཱ་རིའི་བུས་སྨྲས་པ། ཀུན་ཏུ་རྒྱུ་གློ་བུར་དུ་འོངས་པ་ཡིན་པས་འདི་ཉིད་ཀྱིས་ཕྱོགས་སྔ་མ་ཚུགས་ཤིག་།ཀུན་ཏུ་རྒྱུས་ཕྱོགས་སྔ་མ་སྨྲས་པ་དང ། ཚེ་དང་ལྡན་པ་ཤཱ་རིའི་བུས་བཟླས་ནས་ཁྱོད་ཀྱི་འདི་ནི། མི་རིགས་སོ། །འདི་ནི། མི་འདྲའོ། །འདི་ནི། མི་འཐད་དོ། །ཞེས་སྐྱོན་བརྟགས་སོ། །དེས་ཡང་སྨྲས་པ་དང ། ཚེ་དང་ལྡན་པ་ཤཱ་རིའི་བུས་མཇུག་ཏུ་མ་ཕྱིན་བར་བཞག་གོ། ལྷོ་ཕྱོགས་ཀྱི་ཡུལ་ནས་ཀུན་ཏུ་རྒྱུ་འཇིག་རྟེན་རྒྱང་པན་པ་འཆར་པ་ཞེས་བྱ་བ་ཞིག་མཉན་ཡོད་དུ་འོངས་ཏེ་དེ་ཚེ་དང་ལྡན་པ་ཤཱ་རིའི་བུ་དང་ལྷན་ཅིག་བརྩད་ནས་དེང་དུ་ཞག་བདུན་ལོན་ནོ། །ཞེས་ཀུན་ཏུ་སྒྲ་གྲགས་པ་དང ། སྲོག་ཆགས་བརྒྱ་ཕྲག་མང་པོ་དག་ཁ་ཅིག་ནི། ཡ་མཚན་སྐྱེས། ཁ་ཅིག་ནི། སྔོན་གྱི་དགེ་བའི་རྩ་བ་དག་གིས་བསྐུལ་ནས་འདུས་པ་དང ། ཚེ་དང་ལྡན་པ་ཤཱ་རིའི་བུས་བསམ་པ། བདག་གི་སྨྲ་བས་འདུལ་བ་འདུས་སམ་སྙམ་ན། འདུས་པར་མཐོང་ངོ ། །དེ་ནས་ཚེ་དང་ལྡན་པ་ཤཱ་རིའི་བུས་མ་ལུས་པར་སྨྲས་པ་དང ། ཀུན་ཏུ་རྒྱུ་དེ་ཚར་བཅད་དོ། །དེ་ནས་མངོན་པར་དད་བར་གྱུར་ཏེ་སྨྲས་པ། བཙུན་པ་ཤཱ་རིའི་བུ། བདག་གིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པར་དགེ་སློང་གི་དངོས་པོ་འཐོབ་ན། བདག་བཅོམ་</font><hr>Tha106a<br><font size=+2>


༄#། །ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་དོ། །དེ་ཚེ་དང་ལྡན་པ་ཤཱ་རིའི་བུས་རབ་ཏུ་ཕྱུང ། བསྙེན་པར་རྫོགས་པར་བྱས་ཏེ་གདམས་ངག་བྱིན་ནོ། །དེས་བརྩལ་བ་དང ། འབད་པ་དང ། བསྒྲིམ་པ་བྱས་པས་འཁོར་བའི་འཁོར་ལོ་ཆ་ལྔ་པ་གཡོ་བ་དང ། མི་གཡོ་བ་འདི་ཉིད་རིག་སྟེ་ཞེས་བྱ་བ་ནས་གུས་པར་སྨྲ་བར་བྱ་བར་གྱུར་ཏོ། །ཞེས་བྱ་བའི་བར་སྔ་མ་བཞིན་ནོ། །དེ་ནས་འཁོད་དེ་དག་འཕགས་པ་ཤཱ་རིའི་བུས་འདི་ལྟ་བུའི་སྨྲ་བ་ཆེན་པོ་ཕམ་པར་བྱས་སོ། །ཞེས་ཤིན་ཏུ་ཡ་མཚན་སྐྱེས་སོ། །དེ་ནས་ཚེ་དང་ལྡན་པ་ཤཱ་རིའི་བུས་འཁོར་དེ་དག་གི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་རྟོགས་ནས་དེ་དག་དང་མཐུན་པར་ཆོས་བསྟན་ཏེ་སྲོག་ཆགས་འབུམ་ཕྲག་མང་པོ་དག་གི་དེ་ཐོས་ནས་ལྷག་པའི་ཁྱད་པར་ཆེན་པོ་ཐོབ་པ་འདི་ལྟ་སྟེ། ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་བུ་ཞེས་བྱ་བ་ནས་དགེ་འདུན་ལ་གཞོལ་ཞེས་བྱ་བའི་བར་སྔ་མ་བཞིན་ནོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག་།ཐམས་ཅད་དུ་དགེ་སློང་ཤཱ་རིའི་བུའམ། ཤཱ་རིའི་བུ་དང་འདྲ་བར་མི་འགྱུར་བས། དེ་ལྟ་བས་ན། གནང་གི་།དགེ་སློང་དག་གིས་འཇིག་རྟེན་རྒྱང་ཕན་པ་ལ་སོགས་པ་ཕྱི་</font><hr>Tha106b<br><font size=+2>


རོལ་པའི་བསྟན་བཅོས་བསླབ་པར་བྱའོ། །བཅོམ་ལྡན་འདས་ཀྱིས་དགེ་སློང་དག་གིས་འཇིག་རྟེན་རྒྱང་ཕན་པ་ལ་སོགས་པ་ཕྱི་རོལ་པའི་བསྟན་བཅོས་བསླབ་པར་བྱའོ། །ཞེས་བཀའ་སྩལ་པ་དང ། དགེ་སློང་བྱིས་པའམ། རྨོངས་པའམ། མི་གསལ་བ་དང ། མི་མཁས་པ་དག་གིས་ཀྱང་ཐམས་ཅད་ཀྱིས་ཁྱད་པར་མེད་པར་བསླབ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཕས་ཀྱི་རྒོལ་བ་ཚར་གཅོད་ནུས་པ་གང་ཡིན་པ་དེ་དག་གིས་འཇིག་རྟེན་རྒྱང་ཕན་པ་ལ་སོགས་པ་ཕྱི་རོལ་པའི་བསྟན་བཅོས་བསླབ་པར་བྱའོ། །བྱིས་པ་དང ། རྨོངས་པ་དང ། མི་གསལ་བ་དང ། མི་མཁས་པ་དག་གིས་ནི། མ་ཡིན་ནོ། །དེ་རྣམས་དེ་ལ་བརྩོན་པ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དུས་གསུམ་དུ་བྱས་ལ། དུས་གཉིས་ནི། སངས་རྒྱས་ཀྱི་གསུང་རབ་བཀླག་པར་བྱ་ཞིང་གསུམ་པ་ལ་ནི། ཕྱི་རོལ་པའི་བསྟན་བཅོས་དག་གོ་།བཅོམ་ལྡན་འདས་ཀྱིས་དུས་གསུམ་དུ་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ལོ་དང ། ཟླ་བའི་དུས་དག་ཏུ་སློབ་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཚེ་ནི། སྐད་ཅིག་མ་ཡིན་པས། ངས་ལོ་དང་ཟླ་བའི་དུས་ལས་དགོངས་ཏེ་མ་གསུངས་ཀྱི། འོན་ཀྱང་ཉིན་གཅིག་ལ་ཆ་གསུམ་དུ་བྱའོ། །དགེ་སློང་རྣམས་གསལ་བའི་དུས་སུ་ནི། ཕྱི་རོལ་པའི་བསྟན་བཅོས་འདོན་ལ། གཞན་དག་ཏུ་ནི། སངས་རྒྱས་ཀྱི་གསུང་རབ་འདོན་ནས་བཅོམ་ལྡན་འདས་ཀྱིས་བཀའ་སྩལ་པ། གསལ་བའི་དུས་སུ་</font><hr>Tha107a<br><font size=+2>


༄#། །སངས་རྒྱས་ཀྱི་གསུང་རབ་གདོན་པར་བྱ་སྟེ། ཕྱི་རོལ་པའི་བསྟན་བཅོས་ནི། མ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཤཱ་རིའི་བུས་བྲམ་ཟེའི་ཁྱེའུ་ལྷ་སྦྱིན་དང ། བ་ལང་འབྱོར་གཉིས་རབ་ཏུ་ཕྱུང་ནས་དེ་དག་ཚེ་དང་ལྡན་པ་ཤཱ་རིའི་བུས་མདོ་སྡེ་འདོན་དུ་བཅུག་གོ་།ཇི་ཙམ་དུས་གཞན་ཞིག་ན་ལྗོངས་རྒྱུ་ཞིང་དོང་ནས་རི་བྲག་ཅིག་ཏུ་ཕྱིན་པ་དང ། དེར་དེ་དག་ལ་རྙེད་པ་དང ། བཀུར་སྟི་ཆེན་པོ་བྱུང་ནས་དེ་གཉིས་དེར་འཁོད་དོ། །དེ་གཉིས་སྔོན་གོམས་པའི་ཤུགས་ཀྱིས་སངས་རྒྱས་ཀྱི་གསུང་རབ་སྡེབ་སྦྱོར་དང ། ཚིག་དང་རིམ་པར་སྦྱར་ནས་ཁ་ཏོན་དུ་འདོན་ནོ། །དེ་དག་ལས་གཅིག་ནི། ཤིའོ། །གཅིག་ཤོས་ཀྱིས་གཞུང་བརྗེད་པར་གྱུར་ནས་དེ་ལ་ཁ་ཏོན་ལས་བྱུང་བའི་རྙེད་པ་མེད་ནས་དེ་དང ། དེ་དག་ཏུ་འཁྱམས་འཁྱམས་ནས་ཕྱིར་མཉན་ཡོད་དུ་འོངས་སོ། །དེ་ནས་ངལ་བསོས་ཏེ་ཚེ་དང་ལྡན་པ་ཀུན་ཤེས་ཀོའུ་དི་ནྱ་ག་ལ་བ་དེར་སོང་སྟེ་ཕྱག་བྱས་ནས་སྨྲས་པ། གནས་བརྟན། གཡར་ཏོན་དཔོག་ཏུ་གསོལ། དེས་སྨྲས་པ། བུ། ལེགས་སོ། །དེ་བཞིན་ཁ་ཏོན་བསླབ་བོ། །ཞེས་དེས་དེ་དང་ལྷན་ཅིག་ཁ་ཏོན་བྱ་བར་བརྩམས་པ་དང ། ཁ་ཏོན་ཐུང་ངུར་འདོན་ནས་སྨྲས་པ། གནས་བརྟན། ཁྱོད་ཀྱིས་རིང་པོར་མ་བཏོན་པས་གདོན་ནོངས་སོ། །དེས་སྨྲས་པ། བུ། ཁོ་བོས་དེ་ལྟར་</font><hr>Tha107b<br><font size=+2>


བསླབ་བོ། །དེས་དེའི་རྐང་པ་ལ་མགོ་བོས་ཕྱག་འཚལ་ནས་ཚེ་དང་ལྡན་པ་རྟ་ཐུལ་དང ། བཟང་པོ་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང།་ལག་བཟང་ག་ལ་བ་དེར་སོང་སྟེ་ཕྱིན་ནས་རྐང་པ་ལ་ཕྱག་འཚལ་ཏེ་སྨྲས་པ། གནས་བརྟན། གཡར་ཏོན་དབོག་ཏུ་གསོལ། དེས་སྨྲས་པ། བུ། ལེགས་སོ། །དེ་བཞིན་ཁ་ཏོན་བསླབ་པར་བྱའོ། །ཞེས་དེས་དེ་དང་ལྷན་ཅིག་ཁ་ཏོན་འདོན་པར་བརྩམས་པ་དང ། དེ་ནས་ཁ་ཏོན་ཐུང་ངུར་བཏོན་ནས་སྨྲས་པ། གནས་བརྟན། ཁྱོད་ཀྱིས་གདོན་ནོངས་སོ། །དེས་སྨྲས་པ། བུ། ཁོ་བོས་དེ་ལྟར་བསླབ་བོ། །དེས་དེའི་རྐང་པ་ལ་ཕྱག་བྱས་ནས་ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཤཱ་རིའི་བུའི་རྐང་པ་ལ་ཕྱག་བྱས་ནས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །མཁན་པོ། གཡར་ཏོན་དབོག་ཏུ་གསོལ། དེས་སྨྲས་པ། བུ། ལེགས་སོ། །དེ་བཞིན་དུ་ཁ་ཏོན་བསླབ་བོ། །དེས་དེ་དང་ལྷན་ཅིག་ཁ་ཏོན་བྱ་བར་བརྩམས་པ་དང ། ཇི་ཙམ་ན། ཁ་ཏོན་རིང་པོར་བཏོན་ནས་ཚེ་དང་ལྡན་པ་ཤཱ་རིའི་བུས་ཀྱང་རིང་པོར་བཏོན་པ་དང ། དེས་སྨྲས་པ། མཁན་པོ། དགེ་སློང་དེ་དག་ཀུན་གྱིས་ནི། གདོན་ནོངས་ཀྱི། ཁྱོད་ཉག་གཅིག་གིས་མ་ཉམས་པར་བཏོན་ཏོ། །དེས་སྨྲས་པ། མི་བླུན་པོ། ཁྱོད་ཉིད་ཀྱིས་གདོན་ཉེས་ཀྱི། དགེ་སློང་དག་གིས་ནི། མ་ཉམས་པར་བཏོན་ཏོ། །ཞེས་དེས་སྤྱོས་ནས་ཅང་མི་སྨྲ་བར་འདུག་པའི་སྐབས་དེ། དགེ་</font><hr>Tha108a<br><font size=+2>


༄#། །སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་ཅུང་ཟད་གང་བྱུང་བ་ནི། དགེ་སློང་རྣམས་སངས་རྒྱས་ཀྱི་གསུང་སྡེབ་སྦྱོར་དང ། ཚིག་དང ། རིམ་པ་སྦྱར་ནས་འདོན་པ་ལས་གྱུར་གྱི། དེ་ལྟ་བས་ན། དགེ་སློང་གིས་སངས་རྒྱས་ཀྱི་གསུང་རབ་སྡེབ་སྦྱོར་དང ། ཚིག་དང ། རིམ་པ་སྦྱར་ནས་གདོན་བར་མི་བྱའོ། །དགེ་སློང་གིས་སངས་རྒྱས་ཀྱི་གསུང་རབ་སྡེབ་སྦྱོར་དང ། ཚིག་དང ། རིམ་པ་སྦྱར་ནས་འདོན་ན། འགལ་ཚབས་ཅན་དུ་འགྱུར་རོ། །ཡུལ་གྱི་ངེས་པའི་ཚིག་དང ། སྐད་ཀྱི་ངེས་པའི་ཚིག་དང ། ལྗོངས་ཀྱི་ངེས་པའི་ཚིག་ཡིན་ན། ལྟུང་བ་མེད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་རྒས་པའི་གནས་སྐབས་ན་ཡང་རྒོད་བག་བྱེད་པ་དང ། དགེ་སློང་དེ་དག་གིས་སྨྲས་པ། ཚེ་དང་ལྡན་པ་དག་།ཁྱེད་མགོ་སྐྱེས་ཀྱང་དཀར་པོར་གྱུར་ན། ད་དུང་རྒོད་བག་མི་གཏོང་ངམ། དེ་དག་ཅང་མི་སྨྲ་བར་འཁོད་ནས་མཐའ་གཅིག་ཏུ་དོང་སྟེ་སྨྲས་པ། དགའ་བོ་ཉེ་དགའ། ལྷུང་བཟེད་ནག་པོ་ཅན། ཀོས་ཐག་པ་འདི་དག་ལ་མི་དགའ་བ་ཞིག་བྱའོ། །ཞེས་དེ་དག་དེ་ལྟར་གླགས་ཚོལ་བ་ལ་བརྩོན་པར་འཁོད་པ་ན། དགེ་སློང་གནས་བརྟན་གནས་བརྟན་དག་དགོན་པའི་གནས་སུ་དོང་སྟེ་བསམ་གཏན་དང ། བཀླག་པར་བྱ་བ་</font><hr>Tha108b<br><font size=+2>


དག་བརྩམས་སོ། །དེ་ནས་དྲུག་སྡེ་རྣམས་ཀྱིས་གནས་གསུམ་ནས་ནགས་མེས་བཏང་སྟེ་ངོས་གཅིག་ཏུ་འདུས་ནས་བསྡད་པ་དང ། དགེ་སློང་རྣམས་ནགས་མེས་ཚིག་པའི་གནོད་པ་བྱུང་བས་རིངས་པ་རིངས་པར་འབྲོས་པར་བརྩམས་སོ། །དྲུག་སྡེ་རྣམས་ཀྱིས་སྨྲས་པ། གནས་བརྟན་དག་།ཅིའི་སླད་དུ་རིངས་རིངས་ལྟར་བཞུད། ཚེ་དང་ལྡན་པ་དག་།ནགས་ཀྱི་མེ་མ་མཐོང་ངམ། གནས་བརྟན་དག་།བཅོམ་ལྡན་འདས་ཀྱིས་བདེ་བའི་གནས་སྐབས་སུ་ཚུལ་ཁྲིམས་གསུངས་སམ་ཅི་ལགས། ཞེས་ཅུང་ཟད་བགད་པ་དང ། དེ་དག་གིས་སྨྲས་པ། ཚེ་དང་ལྡན་པ་དག་།ཁྱེད་ཀྱིས་ཁོ་བོ་ཅག་ལ་བསམ་བཞིན་དུ་མ་གཙེས་གྲང ། བཀྲེན་པ་དག་།ཁྱེད་དེ་ལྟར་མི་དགའ་བར་བྱའོ། །ཞེས་ཟེར་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ནགས་མེས་གཏང་བར་མི་བྱའོ། །གཏོང་ན། ཉེས་པ་སྦོམ་པོར་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་རྒན་པོ་ཞིག་དང་གསར་བུ་ཞིག་ལྗོངས་རྒྱུ་ཞིང་དོང་བ་དང་རྒན་པོ་ལ་ནི། སྣོད་མང་ཞིང་ཡོ་བྱད་མང་ལ། གསར་བུ་ནི། མ་གྲགས་ཤིང་ཆོས་གོས་གསུམ་ལས་ལྷག་པ་མེད་པ་ཞིག་པས། རྒན་པོས་སྨྲས་པ། ཚེ་དང་ལྡན་པ། ཁོ་བོ་ངལ་གྱི། རེ་ཞིག་ཆོས་གོས་ཀྱི་གཏུར་བུ་ཁྱེར་ཏེ་ཤོག་ཅིག་</font><hr>Tha109a<br><font size=+2>


༄#། །གསར་བུ་དེས་སྨྲས་པ། གནས་བརྟན། བཀའ་འབབ་པར་མི་འགྱུར་ན། རེ་ཞིག་ཅུང་ཟད་ཅིག་གསོལ་བ་མཆིས་སོ། །ཚེ་དང་ལྡན་པ། འདི་ལ་སུ་ཞིག་གཤེ་།སྨྲོས་ཤིག་།གནས་བརྟན། སངས་རྒྱས་དང ། ཆོས་དང ། དགེ་འདུན་མ་གཟིགས་སམ། ཅི། རྨོངས་པའི་ཡོ་བྱད་འདིས་ཅི་ཞིག་བགྱི། བཞིན་བཟང ། གལ་ཏེ་མི་བཀུར་བ་ནི། རེ་ཞིག་རུང་ན། འདི་འདྲི་བར་བྱ་སྟེ། ཁྱོད་ཁོ་བོའི་མཁན་པོའམ། སློབ་དཔོན་ཡིན་ནམ། ཅི། གང་གི་ཕྱིར་རྗེས་སུ་སྟོན་པར་བྱེད། དེ་ཅང་མི་སྨྲ་བར་འདུག་པ་དང ། རྒན་པོས་བསམ་པ། བཀྲེན་པ་འདི། མི་དགའ་བར་བྱའོ། །སྙམ་མོ། །ཇི་ཙམ་ན། དེ་གཉིས་གཙུག་ལག་ཁང་དུ་དོང་བ་དང ། དེ་ན་ནུབ་གཅིག་ཀྱང་མི་གནས་པར་འདུག་པར་མི་བྱ་བའི་ཁྲིམས་སུ་བྱ་བ་ཡོད་དེ། དེ་གཉིས་ལ་གནས་མལ་གྱི་ཞལ་ཏ་བྱེད་པས། གནས་མལ་དག་སྣོམས་ཤིག་ཅེས་སྨྲས་པ་དང ། རྒན་པོས་ནི། བླངས་སོ། །གསར་བུ་དེས་སྨྲས་པ། ཚེ་དང་ལྡན་པ། ཁོ་བོས་གནས་མ་བཅས་ཀྱི། ཇེ་གནས་གསོལ་ལོ། །ཞེས་དེ་དགེ་འདུན་གྱི་གནས་བརྟན་གྱི་གན་དུ་སོང་སྟེ་རྐང་པ་ལ་ཕྱག་འཚལ་ནས་སྨྲས་པ། གནས་བརྟན། བདག་གི་གནས་མཛད་དུ་གསོལ། དེས་སྨྲས་པ། བཞིན་བཟང ། ཁྱོད་སུ་དང་ལྷན་ཅིག་འོངས། གནས་བརྟན་དགེ་སློང་ཆེ་གེ་མོ་ཞིག་དང་ངོ ། །བཞིན་བཟང ། དེ་དགེ་འདུན་གྱི་གནས་བརྟན་གྱིས་བདག་འཁོར་དང་ཕྱེའོ། །ཞེས་ཟེར་དུ་འོང་</font><hr>Tha109b<br><font size=+2>


གི།་སོང་ལ་དེ་ཉིད་ལ་གནས་གསོལ་ཅིག་།དེ་གཞན་དག་གི་གན་དུ་སོང་བ་དང ། ཐམས་ཅད་ཀྱིས་དེ་བཞིན་སྤངས་ནས་ནམ་སྲོས་ཏེ་རྒན་པོ་དེ་ཉིད་ཀྱི་གན་དུ་སོང་ནས་སྒོ་ལ་བརྡབས་ཏེ་སྨྲས་པ། གནས་བརྟན་ཕྱག་འཚལ་ལོ། །ཁྱོད་སུ་ཞིག། བདག་མིང་འདི་ཞེས་བགྱི་བ་དེ་ལགས་སོ། །ཁྱོད་ནད་མེད་པར་གྱུར་ཅིག་།གནས་བརྟན། གཙུག་ལག་ཁང་འདི་ན་ནུབ་གཅིག་ཀྱང་མི་གནས་པར་མཆིས་པར་མི་བགྱི་བའི་ཁྲིམས་སུ་མཛད་པ་མཆིས་ན། བདག་གི་གནས་མཛད་དུ་གསོལ། བཞིན་བཟང ། དགེ་འདུན་གྱིས་དེ་ལྟ་བུའི་ཁྲིམས་སུ་བཅའ་བ་མཛད་པ་ལེགས་ཏེ། གལ་ཏེ་མ་མཛད་ན། ཁོ་བོས་འཆར་གཞུག་པ་ཞིག་།དེའི་ཚེ་ནི། ཁོ་བོ་སྣོད་མང་ཞིང་ཡོ་བྱད་མང་བ་ཡིན་ལ། ད་ནི། གནས་བརྟན་ཡིན་ནམ། ཁྱོད་མ་གུས་པ་བྱས་ཀྱང་གནས་སྟེར་བ་གང་ཡིན་པ་དེ་ལ་གནས་ཆོས་ཤིག་།དེ་སྤོབས་པ་མེད་པར་གྱུར་ནས་ཅང་མི་སྨྲ་བར་འདུག་སྟེ། དེའི་གནས་བར་ཆད་དུ་གྱུར་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་བཀའ་སྩལ་པ། གནས་མེད་པར་ལྗོངས་རྒྱུ་ཞིང་འགྲོ་བར་མི་བྱ། དགེ་སློང་གིས་སེང་གེ་བཞིན་གཏུམ་པོར་མི་བྱ། དགེ་འདུན་གྱིས་ཀྱང་དགེ་སློང་རྣམས་ལ་གནོད་པར་འགྱུར་བའི་ཁྲིམས་བཅའ་བར་མི་བྱ་སྟེ། དགེ་སློང་གནས་མ་བཅས་པར་ལྗོངས་རྒྱུ་ཞིང་འགྲོའམ། སེང་གེ་བཞིན་གཏུམ་པོར་བྱེད་དམ། དགེ་འདུན་གྱི་ཁྲིམས་སུ་བྱ་བ་དེ་ལྟ་བུ་བཅས་ན། ཐམས་ཅད་འགལ་</font><hr>Tha110a<br><font size=+2>


༄#། །ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ཞམ་འབྲིང་བ་ཚེ་དང་ལྡན་པ་ཀླུ་སྐྱོང་དང་ཡུལ་མ་ག་དྷར་ལྗོངས་རྒྱུ་ཞིང་གཤེགས་ཏེ་གྲོང་ཁྱེར་ས་དཀར་ཅན་དུ་གཤེགས་ནས་དཀར་ཅན་ན་གནོད་སྦྱིན་བ་ཀུ་ལའི་གནས་ན་བཞུགས་སོ། །དེ་ནས་བཅོམ་ལྡན་འདས་མཚན་མོ་ནམ་སྲོས་ཏེ་མུན་གནག་ཅིང་ཁད་ཀྱིས་ཅུང་ཟད་ཆར་འབབ་ཅིང་གློག་འབྱུང་བ་ན།་བླ་གབ་མེད་པའི་འཆག་ས་ན་འཆག་པ་མཛད་དོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ཀྱི་ཞམ་འབྲིང་བ་དགེ་སློང་རྣམས་ནི། ཇི་སྲིད་སངས་རྒྱས་བཅོམ་ལྡན་འདས་རྣམས་ནང་དུ་ཡང་དག་འཇོག་ལ་མི་བཞུགས་པ་དེ་སྲིད་དུ་ནང་དུ་ཡང་དག་འཇོག་ལ་མི་འཇུག་གོ། བརྒྱ་བྱིན་ལྷའི་དབང་པོའི་ཤེས་པ་དང ། མཐོང་བ་ནི། འོག་ཏུ་འཇུག་པ་ཡིན་པས་དེས་བསམ་པ། སངས་རྒྱས་བཅོམ་ལྡན་འདས་དེ་གྲོང་ཁྱེར་ས་དཀར་ཅན་ན་ས་དཀར་ཅན་གྱི་རི་ལ་གནོད་སྦྱིན་བ་ཀུ་ལའི་གནས་ན་བཞུགས་ཤིང ། དེ་མཚན་མོ་ནམ་སྲོས་ཏེ་མུན་གནག་ཅིང་ཁད་ཀྱིས་ཅུང་ཟད་ཅུང་ཟད་ཆར་འབབ་ཅིང་གློག་འབྱུང་ན། བླ་གབ་མེད་པའི་འཆག་ས་ན་འཆག་སྟེ། མ་ལ་བདག་དེར་ཉེ་བར་འགྲོའོ། །སྙམ་དུ་རིག་ནས་བཻ་ཌཱུརྱ་ལས་བྱས་པའི་དྲི་གཙང་ཁང་མངོན་པར་སྤྲུལ་ཏེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་འཆག་པ་མཛད་པའི་ཞམ་འབྲིང་ན་འཆག་ཅིང་འདུག་གོ་།དེའི་ཚེ་ཡུལ་མ་ག་དྷ་པའི་མི་རྣམས་ཁྱེའུ་དང ། བུ་མོ་ངུ་བ་</font><hr>Tha110b<br><font size=+2>


གང་ཡིན་པ་དེ་དག་ལ་དེ་རྣམས་གནོད་སྦྱིན་བ་ཀུ་ལའི་མིང་གིས་བསྡིགས་པར་བྱེད་དོ། །དེ་ནས་ཚེ་དང་ལྡན་པ་ཀླུ་སྐྱོང་གིས་འདི་སྙམ་དུ་བསམ་སྟེ། ཀྱེ་མ་བཅོམ་ལྡན་འདས་ཧ་ཅང་ཡུན་རིང་དུ་བླ་གབ་མེད་པའི་འཆག་ས་ན་འཆག་པ་མཛད་པས། མ་ལ་བདག་གིས་དེ་ལ་གནོད་སྦྱིན་བ་ཀུ་ལས་བསྡིགས་སོ། །སྙམ་དུ་རིག་ནས་ལ་བ་ལྡོག་སྟེ་བགོས་ནས་འཆག་པའི་སླད་དུ་འདུག་སྟེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བ་ཀུ་ལ། བ་ཀུ་ལ། དགེ་སྦྱོང ། ང་ནི། གནོད་སྦྱིན་བ་ཀུ་ལ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀླུ་སྐྱོང་ལ་འདི་སྐད་ཅེས་བཀའ་སྩལ་ཏོ། །མི་བླུན་པོ། ཁྱོད་ཀྱང་དེ་བཞིན་གཤེགས་པ་ལ་གནོད་སྦྱིན་བ་ཀུ་ལས་བསྡིགས་པར་སེམས་སམ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། བསྙེངས་པ་དང ། བག་ཚ་བ་དང་བྲལ་བ་སྟེ། དེ་བཞིན་གཤེགས་པ་ལ་བསྙེངས་པའམ། ཞུམ་པའམ། སྤུ་ཟིང་ཞེས་བྱེད་པ་མི་མངའོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་མ་དད་པར་གྱུར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ཆོས་འདུལ་བ་འདི་ལ་འདི་འདྲ་བའི་གང་ཟག་ཀྱང་མཆིས་སམ། ཀོའུ་ཤི་ཀ། ཁྱོད་སྡོད་ཅིག་།གོའུ་ཏ་མའི་རིགས་ནི། རྒྱ་ཆེ་བ་ཡིན་པས། འདི་ཡང་ཕྱིས་རྣམ་པར་དག་པའི་ཆོས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་ལ་བ་ལྡོག་སྟེ་གྱོན་པ་ལས་གྱུར་པར་</font><hr>Tha111a<br><font size=+2>


༄#། །མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། མི་བླུན་པོ་ཀླུ་སྐྱོང་གིས་ལ་བ་ལྡོག་སྟེ་བགོས་ནས་དེ་བཞིན་གཤེགས་པ་ལ། བ་ཀུ་ལ། བ་ཀུ་ལ། དགེ་སྦྱོང ། ང་ནི། གནོད་སྦྱིན་བ་ཀུ་ལ་ཡིན་ནོ། །ཞེས་ཟེར་ཏེ། དེ་ལྟ་བས་ན། དགེ་སློང་གིས་ལ་བ་ལྡོག་སྟེ་བགོ་བར་མི་བྱའོ། །གྱོན་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ལ་བ་ལྡོག་སྟེ་བགོ་བར་མི་བྱའོ། །གྱོན་ན། འགལ་ཚབས་ཅན་དུ་འགྱུར་རོ། །ཞེས་བཀའ་སྩལ་པ། དགེ་སློང་བ་ལང་གི་གནས་ན་འཁོད་པ་དེ་དག་གིས་དེར་ལ་བའི་བགོ་བ་དག་རྙེད་པ་དང ། དེ་དག་ལ་ཤིག་ཞུགས་ཏེ་དགེ་སློང་རྣམས་ཤིག་གིས་ཟོས་པས། བདེ་བ་མི་ཐོབ་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལ་བ་ལྡོག་སྟེ་གྱོན་པས་འདུག་པར་བྱའོ། །ཉལ་བར་བྱའི། བཅག་པར་ནི། མི་བྱའོ། །སྡོམ་ནི། བེའུ་རས་དང་ནི་ལ་བ་དང ། དེ་བཞིན་ལ་བའི་མཆོག་དང་ནི། །སྒྲོག་མིག་སྒྲོག་རྟེན་མདུད་པ་དང ། །སྐ་རགས་དག་ནི་གསུམ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། གལ་ཏེ་དགེ་འདུན་ལ་བེའུ་རས་གྲུབ་ན་ཡང་གནང་</font><hr>Tha111b<br><font size=+2>


ལ། གང་ཟག་ལ་ཡང་གནང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཤིང་སྔ་མ་བཞིན་ཏེ། དགེ་འདུན་ལ་ལ་བ་གྲུབ་ན་ཡང་གནང་ལ། གང་ཟག་ལ་ཡང་གནང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཤིང་སྔ་མ་བཞིན་ཏེ། དགེ་འདུན་ལ་ལ་བ་མཆོག་གྲུབ་ན་ཡང་གནང་ལ། གང་ཟག་ལ་ཡང་གནང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་བསོད་སྙོམས་པ་ཞིག་འདུག་པ་དེ། སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་སོ། །དེ་བསོད་སྙོམས་ཀྱི་ཕྱིར་རྒྱུ་བ་ན་ཆོས་གོས་ནར་ནས་དེས་མྱུར་བ་མྱུར་བར་ལྷུང་བཟེད་ས་ལ་བཞག་ནས་དེ་ཚགས་བྱས་པ་དང ། དེ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་འཕྱ་ཞིང་དགེ་སྦྱོང་ཤཱཀྱའི་བུ་རྣམས་ནི། གཙང་སྦྲ་མེད་དེ། ལྷུང་བཟེད་བབ་བབ་ཏུ་འཇོག་གོ་།ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ལྷུང་བཟེད་བབ་བབ་ཏུ་བཞག་པར་མི་བྱའོ། །དགེ་སློང་ལྷུང་བཟེད་བབ་བབ་ཏུ་འཇོག་ན། འགལ་ཚབས་ཅན་དུ་འགྱུར་རོ། །འོན་ཀྱང་ཆོས་</font><hr>Tha112a<br><font size=+2>


༄#། །གོས་བསྲུང་བའི་ཕྱིར་ཆོས་གོས་ཀྱི་སྒྲོག་མིག་གདགས་པར་བྱའོ། །དགེ་སློང་རྣམས་ཀྱིས་བཏགས་པ་དང ། དེས་ཆོས་གོས་རལ་ནས་བཅོམ་ལྡན་འདས་ཀྱིས་བཀའ་སྩལ་པ། སྒྲོག་ཟུངས་ཀྱིས་གློན་ལ་ཐོགས་ཤིག་།དགེ་སློང་རྣམས་ཀྱིས་སྒྲོག་ཟུངས་ཀྱིས་གླན་ནས་བཏགས་པ་དང ། དེ་སྒྲོག་མདུད་མེད་པས། མ་ཆགས་ཏེ། ཉེས་དམིགས་དེ་ཉིད་དུ་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། མདུད་པ་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་བསོད་སྙོམས་པ་ཞིག་འདུག་པ་དེ། སྔ་དྲོ་ཤམ་ཐབས་དང ། ཆོས་གོས་བགོས་ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་སོ། །དེ་བསོད་སྙོམས་ཀྱི་ཕྱིར་རྒྱུ་བ་དང ། སྨད་གཡོགས་བསྙིལ་བ་དང ། དེས་མྱུར་བ་མྱུར་བར་ལྷུང་བཟེད་ས་ལ་བཞག་སྟེ་དེ་ཚགས་བཅོས་སོ། །བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་ཞེས་བྱ་བ་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་བསྲུང་བའི་ཕྱིར་སྐ་རགས་རྣམ་པ་གསུམ་པོ། ཤུར་བུ་དང ། ཤུར་བུ་ཕྲེའུ་དང ། ལྕག་ཕོད་བཅང་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བདུན་པ། སྡོམ་ནི། སྟོན་པ་སེར་སྐྱའི་གནས་བཞུགས་པས། རྒྱན་སྤེལ་མ་དང་འཕྱང་འཕྲུལ་</font><hr>Tha112b<br><font size=+2>


ཅན། །ཟླ་གམ་དང་ནི་གསེར་སྐུད་ཅན། །ཁྲ་བོ་ཐམས་ཅད་བཀག་པ་ཡིན། །སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དེའི་ཚེ་ཤཱཀྱ་མིང་ཆེན་གྱི་ཁྱིམ་གྱི་ཞལ་ཏ་པ་དུས་ལས་འདས་པ་དང ། རི་བྲག་ན་གནས་པའི་སྐྱེ་བོའི་ཚོགས། ཤཱཀྱ་མིང་ཆེན་ག་ལ་བ་དེར་སོང་སྟེ་སྨྲས་པ། རྗེ། ཁྱོད་ཀྱི་ཁབ་ཀྱི་ཞལ་ཏ་པ་གུམ་ན། ཞལ་ཏ་པ་གཞན་ཞིག་བསྐོ་བར་གསོལ། དེས་དེའི་དྲུང་ན་བྲམ་ཟེའི་ཁྱེའུ་ཞིག་འདུག་པ་དེ་ལ་སྨྲས་པ། བྲམ་ཟེའི་ཁྱེའུ། རེ་ཞིག་ཁྱོད་སོང་ཞིག་།ཇི་ཙམ་ན་ཞལ་ཏ་པ་གཞན་ཞིག་བཏང་ངོ ། །དེ་སོང་ནས་དེས་ཆོས་བཞིན་དུ་རིགས་པར་སྤྱད་པས། དཔྱ་ནར་མ་དང ། བླ་སྐྱེས་རབ་ཏུ་མང་པོར་ཕུལ་བ་དང ། ཤཱཀྱ་མིང་ཆེན་གྱིས་སྨྲས་པ། བྲམ་ཟེའི་ཁྱེའུ། དཔྱ་ནར་མ་དང ། བླ་སྐྱེས་འདི་ལྟར་མང་བ། ཁྱོད་ཀྱིས་སྐྱེ་བོའི་ཚོགས་ལ་གནོད་པར་མ་བྱས་གྲང ། དེས་སྨྲས་པ། རྗེ་དཔྱ་ནར་མ་དང ། བླ་སྐྱེས་འདི་རིགས་པས་མཆིས་པ་ལགས་ཏེ། བདག་གིས་སྐྱེ་བོའི་ཚོགས་ལ་གནོད་པ་བགྱིས་པ་མ་ལགས་སོ། །དེས་རི་བྲག་ན་གནས་པའི་སྐྱེ་བོའི་ཚོགས་དེ་ལ་སྨྲས་པ། ཤེས་ལྡན་དག་།བྲམ་ཟེའི་ཁྱེའུ་འདིས། ཁྱེད་འགའ་ལ་གནོད་པ་མ་བྱས་གྲང ། རྗེ། དཔྱ་ནར་མ་དང ། བླ་སྐྱེས་འདི་རིགས་པས་མཆིས་པ་ལགས་སོ། །འདིས་འགའ་ལ་ཡང་གནོད་པ་མ་བགྱིས་སོ། །ཞེས་སྨྲས་པ་དང ། དེས་དེ་རི་བྲག་གི་ཞལ་ཏ་པར་བཅུག་གོ། །འཇིག་རྟེན་ནི། འབྱོར་པ་འདོད་ཅིང ། རྒུད་པ་དང་མི་མཐུན་པ་ཡིན་པས། དེ་ལ་བྲམ་</font><hr>Tha113a<br><font size=+2>


༄#། །ཟེ་གཞན་ཞིག་གིས་བུ་མོ་བྱིན་པ་དང ། དེས་དེ་ཉི་མ་དང ། ཚེས་གྲངས་དང ། ཡུད་ཙམ་དང་སྦྱར་ནས་བག་མར་བླངས་སོ། །དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་ཁྱེའུ་ཞིག་བཙས་ཏེ། དེ་བཙས་པའི་བཙས་སྟོན་རྒྱ་ཆེར་བྱས་ནས་རིགས་དང་མཐུན་པའི་མིང་བཏགས་སོ། །ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་མོ་ཞིག་བཙས་ཏེ། དེའི་བཙས་སྟོན་ཡང་རྒྱ་ཆེར་བྱས་ནས་མིང་ཟླ་བ་ཞེས་བྱ་བར་བཏགས་སོ། །དེ་བསྐྱེད་བསྲིངས་ཏེ་ཆེན་མོར་གྱུར་པ་དང ། དེ་མཁས་ཤིང་སྤྱོད་ལམ་དང ། འགྲོ་འདུག་འོ་བཟེ་བས། རི་བྲག་ན་གནས་པའི་སྐྱེ་བོའི་ཚོགས་ཐམས་ཅད་ཀྱི་ཡིད་དུ་འོང་བར་གྱུར་ཏོ། །ཇི་ཙམ་དུས་གཞན་ཞིག་ན་བྲམ་ཟེའི་ཁྱེའུ་དེ་ན་བར་གྱུར་ནས། རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་གྱིས་རིམ་གྲོ་བྱས་ཀྱང ། ནད་དེ་ཞི་བར་མ་གྱུར་ནས་རི་བྲག་པ་དེས་དཔྱ་ནར་མ་དང ། བླ་སྐྱེས་ཕུལ་བ་གང་ཡིན་པ་དེ་དག་ཐམས་ཅད་སྤྱད་ཅིང ། སྐྱིན་པོ་གཞན་དག་བླངས་ནས་འོན་ཀྱང་སོས་པར་མ་གྱུར་ནས་དེ་དེ་ཉིད་དུ་དུས་ལས་འདས་སོ། །རི་བྲག་ན་གནས་པའི་སྐྱེ་བོའི་ཚོགས་དག་ཤཱཀྱ་མིང་ཆེན་ག་ལ་བ་དེར་འོངས་ཏེ་སྨྲས་པ། རྗེ། ཞལ་ཏ་པ་དེ་ནི། གུམ་ལགས་སོ། །དེས་སྨྲས་པ། ཤེས་ལྡན་དག་།དེ་ན་དཔྱ་ནར་མ་དང ། བླ་སྐྱེས་སུ་ཕུལ་བ་ཡོད་</font><hr>Tha113b<br><font size=+2>


དམ། རྗེ། ཏེ་པོར་མང་དུ་ཕུལ་མོད་ཀྱི། དེས་བྲོ་འཚལ་བའི་ཡོ་བྱད་དུ་སྤྱད་ན། འོན་ཀྱང་སོས་པར་མ་གྱུར་ནས་སྐྱིན་པོ་གཞན་དག་ཀྱང་བགྱིས་སོ། །དེངས་ལ་དེ་ན་ལྷག་མ་ཅུང་ཟད་ཅི་ཡོད་པ་དེས་བུ་ལོན་སོབས་ཤིག་།རྗེ། དེ་ན་ཅུང་ཟད་ཀྱང་མ་མཆིས་ཏེ། ལུས་པར་བཏབ་ན། དེའི་མཆིས་བྲང་དང ། བུ་ཕོ་དང ། བུ་མོ་མཆིས་ཏེ། དེའི་བུ་མོ་དེ་མཁས་ཤིང་སྤྱོད་ལམ་དང ། འགྲོ་འདུག་འོ་བཟེ་བ་ལགས་པས། རི་བྲག་ན་གནས་པའི་སྐྱེ་བོའི་ཚོགས་ཐམས་ཅད་ཀྱི་ཡིད་དུ་མཆི་བར་གྱུར་ཏོ། །མིང་ཆེན་གྱི་སྨྲས་པ། ཤེས་ལྡན་དག་།དེའི་ཆུང་མ་དང ། བུ་ཕོ་དག་ཅི་དགར་ཐོང་ལ། བུ་མོ་དེ་འདིར་ཁུག་ཅིག་།དེ་རྣམས་ཀྱིས་དེའི་ཆུང་མ་དང ། བུ་ཕོ་དེ་དག་ཅི་དགར་བཏང་ནས་བུ་མོ་དེ་མིང་ཆེན་གྱི་གན་དུ་ཁྲིད་དོ། །ཤཱཀྱ་མིང་ཆེན་གྱི་ཆུང་མ་རྒན་མོ་ཞིག་ཁ་ཟས་གཡོ་བ་དང ། མེ་ཏོག་འཐུ་བའི་ལས་རྣམ་གཉིས་བྱེད་པ་དེས་སྨྲས་པ། ཇོ་བོ། དེ་ནི། བདག་ཤིན་ཏུ་རྒས་པས་སུག་ལས་རྣམ་གཉིས་བགྱིད་རྔོ་མི་ཐོགས་ན། ཟླ་བ་འདི་བདག་གི་ངན་གྲོགས་སུ་བསྐོར་གསོལ། དེས་དེ་ངན་གྲོགས་སུ་བསྐོས་སོ། །དེས་དེ་ལ་སྨྲས་པ། ཟླ་བ། ཁྱོད་ནི། ཀུན་དགའ་ར་བར་སོང་ལ་མེ་ཏོག་ཐུས་ཤིག་།ངས་ནི། ཁ་ཟས་གཡོའོ། །དེ་ཀུན་དགའ་ར་བར་སོང་ནས་མེ་ཏོག་བཏུས་ཏེ། དེ་ནས་ཕྲེང་བ་ལེགས་པར་བརྒྱུས་ནས་མིང་ཆེན་གྱི་གན་དུ་སོང་བ་དང ། དེས་མཐོང་ནས་ཡོངས་སུ་དགའ་སྟེ་སྨྲས་པ། ལེགས་སོ། །ཞོག་ཅིག་ཅེས་སྨྲས་ནས་ཆུང་མ་རྒན་མོ་དེ་ལ་འདི་སྐད་ཅེས་སྨྲས་སོ། །ཅིའི་ཕྱིར་སྔོན་ནི། </font><hr>Tha114a<br><font size=+2>


༄#། །མེ་ཏོག་ཉུང་ལ། དེ་རིང་མང་བར་གྱུར། དེས་སྨྲས་པ། སྔོན་ནི། ཁྱོད་ཀྱི་གཉེན་དག་མཆིས་ནས་བདག་ལ་སློང་བ་ན། བདག་གིས་དེ་དག་ལ་སྩལ་ལ། འདིས་ནི། སུ་ལ་ཡང་མ་སྩལ་པ་དང ། བདག་ནི། རྒས་པས་མིག་རྟུལ་ལ། འདི་ནི། མིག་རྣོ་བས་འཐུ་མཁས་པ་ལས་གྱུར་ཏོ། །དེས་སྨྲས་པ། གལ་ཏེ་དེ་ལྟ་ན། དེ་ཀུན་དགའ་ར་བར་ཐོང་ལ་དེར་ཞོག་ཅིག་།དེས་དེ་ཀུན་དགའ་ར་བ་དེ་ཉིད་དུ་བཞག་པ་དང ། དེ་མེ་ཏོག་གི་ཕྲེང་བ་བཟང་པོ་རྒྱུད་པར་བྱེད་པས། དེའི་མིང་ཕྲེང་ལྡན་མ་ཞེས་བྱ་བར་གྲགས་སོ། །དུས་གཞན་དེ་ཁྱིམ་ནས་རང་གི་ཟན་བླངས་ཏེ་ཀུན་དགའ་ར་བར་སོང་བ་དང ། བཅོམ་ལྡན་འདས་ཀྱང་བསོད་སྙོམས་ལ་གཤེགས་སོ། །དེས་བཅོམ་ལྡན་འདས་སྐུ་བལྟ་བས་ཆོག་མི་ཤེས་པ་མཐོང་ནས་ཤིན་ཏུ་བདེ་ཞིང་རབ་ཏུ་དགའ་བས་རྟོག་པར་བྱེད་ཅིང་བསམ་པ། འདི་ལྟ་བུའི་ཡོན་གནས་ཡང་དག་པ་ལ་བདག་གིས་བྱ་བ་མ་བྱས་པས། དེས་ན་བདག་འདི་ལྟ་བུའི་གནས་སྐབས་སུ་གྱུར་པར་གདོན་མི་ཟའོ། །དེའི་ཕྱིར་གལ་ཏེ་བཅོམ་ལྡན་འདས་ཀྱིས་བདག་ལས་བསོད་སྙོམས་བཞེས་ན། བདག་གིས་བཅོམ་ལྡན་འདས་ལ་དབུལ་ལོ། །སྙམ་པ་དང ། སྐབས་དེ་ལྟ་བུ་ལ། སངས་རྒྱས་བཅོམ་ལྡན་འདས་རྣམས་ལ་མི་མཁྱེན་པ་དང ། མི་གཟིགས་པ་དང ། མི་རིག་པ་དང ། རྣམ་པར་མི་མཁྱེན་པ་ཅི་ཡང་མི་མངའ་བས། སངས་རྒྱས་བཅོམ་ལྡན་འདས་རྣམས་ལ་</font><hr>Tha114b<br><font size=+2>


ནི།་ཆོས་ཉིད་ཀྱིས་ཞེས་བྱ་བ་ནས། ལུས་ཅན་རྣམས་ལ་འབྲས་བུར་སྨིན། །ཞེས་བྱ་བའི་བར་སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་དེ་རྗེས་སུ་གཟུང་བའི་ཕྱིར་ལྷུང་བཟེད་བཟེད་དེ།་སྲིང་མོ། ཁྱོད་ཀྱི་གལ་ཏེ་ཡོངས་སུ་བཏང་ན། ལྷུང་བཟེད་འདིར་བྱིན་ཅིག་།ཅེས་བཀའ་སྩལ་པ་དང ། དེས་ཤིན་ཏུ་དད་པས་བཅོམ་ལྡན་འདས་ལ་བསོད་སྙོམས་དེ་ཕུལ་ནས་ཞབས་གཉིས་ལ་ཕྱག་འཚལ་ཏེ་སྨོན་ལམ་བཏབ་པ། བདག་གི་དགེ་བའི་རྩ་བ་འདིས། བྲན་མོ་དང ། དབུལ་པོར་མི་འགྱུར་བ་ཤོག་ཅིག་།ཇི་ཙམ་ན། དེའི་ཕའི་གྲོགས་པོ་བྲམ་ཟེ་མཚན་མཁན་ཞིག་ཡོད་པ་དེས་དེ་མཐོང་ནས་སྨྲས་པ། བུ་མོ། ཁྱོད་ག་ལས་འོངས། རི་བྲག་དེ་ཁོ་ན་ནས་སོ། །སུ་ལ་གནས་ཤིང་འདུག་།དེས་སྨྲས་པ། གང་ན་སྐལ་པ་ཆུང་ངུ་གནས་པ་ན་སྟེ། བདག་མིང་ཆེན་གྱི་བྲན་མོར་བགྱིས་སོ། །ཁྱོད་ཀྱི་ཕ་དེ་གར་སོང ། གུམ་མོ། །མ་དང ། མིང་ཕོ་དེ་དག་གར་དོང ། གར་མཆིས་མ་འཚལ་ཏོ། །ཟླ་བ། ཁྱོད་བྲན་མོའི་འོས་མ་ཡིན་ན། ལག་པ་རྐྱོངས་ཤིག་དང་བལྟའོ། །དེས་ལག་པ་བརྐྱང་པ་དང ། དེས་བལྟས་ནས་ཚིགས་སུ་བཅད་དེ་སྨྲས་པ། གང་གི་ལག་པའི་མཐིལ་དག་ལ། །ལྕགས་ཀྱི་འཁོར་ལོའི་མཚན་ཡོད་པ། །བྲན་གྱི་རིགས་སུ་སྐྱེས་གྱུར་ཀྱང ། །རྒྱལ་པོའི་བཙུན་མོར་བཞེས་པར་འགྱུར། །གང་གི་བཞིན་ནི་རྒྱས་པ་དང ། །ངང་པའི་རྒྱལ་པོའི་གདངས་འདྲ་བ། །བྲན་གྱི་རིགས་སུ་སྐྱེས་གྱུར་ཀྱང ། །རྒྱལ་པོའི་བཙུན་མོར་བཞེས་པར་འགྱུར། ། </font><hr>Tha115a<br><font size=+2>


༄#། །གང་གི་རྐང་པའི་མཐིལ་དགལ། །གྲོང་ཁྱེར་ལྕོག་དང་རྟ་བབས་བཅས། །བྲན་གྱི་རིགས་སུ་སྐྱེས་གྱུར་ཀྱང ། །རྒྱལ་པོའི་བཙུན་མོར་བཞེས་པར་འགྱུར། །ཁྱོད་མི་དགའ་བ་མ་བྱེད་པར་སོང་ཞིག་དང ། ཁྱོད་བྲན་མོར་མི་འགྱུར་གྱི། ཁྱོད་རྒྱལ་པོའི་བཙུན་མོར་འགྱུར་རོ། །དེ་གནས་དེ་ནས་སྐྱེད་མོས་ཚལ་དུ་སོང་བ་དང ། ཡུལ་ཀོ་ས་ལའི་རྒྱལ་པོ་གསལ་རྒྱལ་རི་དྲགས་ཤོར་དུ་སོང་བ། རྟས་ཁ་ཁྱེར་ཏེ་གཅིག་པུ་སེར་སྐྱའི་གནས་སུ་ཕྱིན་ཏོ། །དེ་ཕན་ཚུན་འཁྱམས་པ་ལས། མིང་ཆེན་གྱི་ཀུན་དགའ་ར་བར་སོང་ནས་དེས་བུ་མོ་དེ་ལ་དྲིས་པ། བུ་མོ། འདི་སུའི་ཀུན་དགའ་ར་བ་ཡིན། དེས་སྨྲས་པ། ལྷ། ཤཱཀྱ་མིང་ཆེན་གྱི་ལགས་སོ། །དེས་རྟ་ལས་བབས་ཏེ། སྨྲས་པ། བུ་མོ། རྐང་པ་བཀྲུའི། ཆུ་ལོངས་ཤིག་།དེས་ཤིན་ཏུ་མྱུར་བར་རྫིང་བུར་སོང་སྟེ་ཉི་མའི་འོད་ཟེར་གྱིས་བསྲོས་པའི་ཆུ་བླངས་པ་དང ། དེས་རྐང་པ་བཀྲུས་ནས་ཡུད་ཙམ་ཞིག་བསྡད་ཏེ་སྨྲས་པ། བུ་མོ། གདོང་བཀྲུའི་ཆུ་ལོངས་ཤིག་།དེས་ཆུའི་སྟེང་རིམ་ལག་པས་བསལ་ཏེ། ཆུ་ཧ་ཅང་དྲོ་བ་ཡང་མ་ཡིན། ཧ་ཅང་གྲང་བ་ཡང་མ་ཡིན་པ་བླངས་ནས་དེས་གདོང་བཀྲུས་སོ། །དེས་ཡང་སྨྲས་པ། བུ་མོ། བཏུང་དགོས་ཀྱི། ཆུ་ལོངས་ཤིག་དེས་ཆུ་རྣམ་པར་གློངས་ཏེ་ཆུ་བསིལ་པ་ལོ་མའི་སྣོད་དུ་བླངས་པ། རྒྱལ་པོས་འཐུངས་ནས་སྨྲས་པ། བུ་མོ། །ཀུན་དགའ་ར་བ་འདི་ན་རྫིང་བུ་གསུམ་ཡོད་དམ། ཅི་ན་ཁྱོད་ཀྱིས་ཆུ་རྣམ་པ་གསུམ་</font><hr>Tha115b<br><font size=+2>


ཁྱེར་ཏེ་འོངས། དེས་སྨྲས་པ། ལྷ། འདི་ན་རྫིང་བུ་གཅིག་ཁོ་ན་མཆིས་ཀྱི། གསུམ་ནི། མ་མཆིས་སོ། །དེས་སྨྲས་པ། འོ་ན་ཁྱོད་ཀྱིས་ཆུ་རྣམ་པ་གསུམ་ག་ལས་ཁྱེར་ཏེ་འོངས། དེས་ཇི་ལྟར་གྱུར་པ་བརྗོད་པ་དང ། རྒྱལ་པོས་སྨྲས་པ། དེ་ནི། གོའོ། །འདི་འདྲི་བར་བྱ་སྟེ། ཅིའི་ཕྱིར་ཁྱོད་ཀྱིས་ཆུ་རྣམ་པ་གསུམ་ཁྱེར་ཏེ་འོངས། དེས་སྨྲས་པ། ལྷ། བདག་གིས་དང་པོར་ཆབ་དྲོན་པོ་འཚལ་ཏེ་མཆིས་པ་ནི། ལྷ། མཉེལ་སོས་པར་བགྱི་བའི་སླད་དུའོ། །སླད་ཀྱི་ཧ་ཅང་དྲོ་བ་ཡང་མ་ལགས། ཧ་ཅང་གྲང་བ་ཡང་མ་ལགས་པ་འཚལ་ཏེ་མཆིས་པ་ནི། དྲོ་བ་དང ། གྲང་བ་གང་ལགས་པ་དག་སྤྱན་ལ་གནོད་པ་སྤང་བའི་སླད་དུའོ། །རྣམ་པར་གློངས་ནས་ཤིན་ཏུ་བསིལ་བ་འཚལ་ཏེ་མཆིས་པ་ནི། ལྷ་སྐྱེམས་པ་དང་བྲལ་བར་བགྱི་བའི་སླད་དུའོ། །དེས་བསམ་པ། བུ་མོ་འདི་ནི། མཁས་པ་ཡིན་ནོ། །སྙམ་དུ་རིག་ནས་སྨྲས་པ། བུ་མོ་མཛངས་ཤིང་མཁས་པ་ཁྱོད། རྐང་པ་མཉེ་དགོས་ཀྱི། རེ་ཞིག་མལ་ཆོས་ཤིག་།དེས་དེའི་རྐང་པ་མཉེས་པ་དང ། དེ་རེག་བྱ་དང་ལྡན་པ་ཡིན་པས། མཉེས་མ་ཐག་ཉིད་དུ་དེ་གཉིད་ལོག་།དེ་གཉིད་ལོག་པ་དང ། དེས་བསམ་པ། རྒྱལ་པོ་འདི་དག་ལ་ནི། དགྲ་མང་བས། གལ་ཏེ་འདི་གཉིད་ལོག་པ་ལ། འགའ་ཞིག་གིས་གནོད་པ་བྱས་ན། ངེས་པར་བདག་གི་རྗེ་བོ་ལ་གྲགས་པ་མ་ཡིན་པར་འགྱུར་བས། སྒོ་གཅད་པར་བྱའོ། །སྙམ་ནས་དེས་སྒོ་བཅད་དེ་འདུག་པ་དང ། ཇི་ཙམ་ན་གཅིག་ནས་གཅིག་ཏུ་ཐོས་ཏེ་</font><hr>Tha116a<br><font size=+2>


༄#། །དཔུང་གི་ཚོགས་ཡན་ལག་བཞི་པ་དག་སྐྱེད་མོས་ཚལ་དེར་ལྷགས་ནས་དེ་རྣམས་སྒོ་ཕྱེ་ཞེས་ཟེར་རོ། །དེས་སྒོ་མ་ཕྱེ་བ་དང ། རྒྱལ་པོ་ཀུ་ཅོའི་སྒྲས་སད་ནས་སྨྲས་པ། བུ་མོ། དེ་ཅི་ཞིག་།དེས་སྨྲས་པ། ལྷ། མི་དག་ཅིག་ཆབ་སྒོ་ཕྱེ་ཞེས་མཆི་ཞིང ། ལྷའི་མཚན་ཀྱང་སྨོས་སོ། །དེས་སྨྲས་པ། བུ་མོ། སྒོ་འདི་སུས་བཅད། ལྷ། བདག་གིས་བཀུམ་མོ། །ཅིའི་ཕྱིར་བཅད། ལྷ། བདག་གི་གློ་བ་ལ་རྒྱལ་པོ་འདི་དག་ལ་ནི། དགྲ་མང་བས། གལ་ཏེ་འདི་མནལ་ལོག་པ་ལ་འགའ་ཞིག་གིས་གནོད་པ་བགྱིས་ན། ངེས་པར་བདག་གི་རྗེ་བོ་ལ་གྲགས་པ་མ་ལགས་པར་འགྱུར་རོ། །སྙམ་ནས་དེའི་སླད་དུ་བདག་གིས་ཆབ་སྒོ་བཀུམ་མོ། །དེས་སྨྲས་པ། བུ་མོ་མཛངས་མ་མོ་ཁྱོད་ལ་ངའི་ཐེ་ཚོམ་འདི་འདྲི་བར་བྱ་སྟེ། རེ་ཞིག་ཁྱོད་མིང་ཆེན་གྱི་ཅིར་འོང་སྨྲོས་ཤིག་།དེས་སྨྲས་པ། བདག་དེའི་མངག་གཞུག་བགྱིད་པའི་བྲན་མོ་ལགས་སོ། །ཁྱོད་དེའི་མངག་གཞུག་བྱེད་པའི་བྲན་མོ་མ་ཡིན་གྱི། ཁྱོད་ངེས་པར་དེའི་བུ་མོ་ཡིན་གྱི། ཁྱོད་ཀྱིས་དྲང་པོར་སྨྲོས་ཤིག་།དེ་ཅང་མི་སྨྲ་བར་འདུག་པ་དང ། རྒྱལ་པོས་སྨྲས་པ། བུ་མོ། ཁྱོད་མིང་ཆེན་གྱི་གན་དུ་སོང་ལ་རྒྱལ་པོ་གསལ་རྒྱལ་ཁྱོད་ཀྱི་ཀུན་དགའ་ར་བ་ན་བཞུགས་སོ། །ཞེས་བྱོས་ཤིག་།དེ་མྱུར་བ་མྱུར་བར་སོང་སྟེ། ཇོ་བོ། ཀོ་ས་ལའི་རྒྱལ་པོ་གསལ་རྒྱལ་ཁྱོད་ཀྱི་ཀུན་དགའ་ར་བ་ན་བཞུགས་སོ། །ཞེས་སྨྲས་སོ། །ཤཱཀྱ་མིང་ཆེན་གྱིས་ཐོས་ནས་བཟའ་བ་དང ། </font><hr>Tha116b<br><font size=+2>


བཏུང་བ་དང ། དྲི་དང ། ཕྲེང་བ་དག་བཤམས་ནས་སྐྱེ་བོ་ཕལ་པོ་ཆེས་བསྐོར་ཏེ་ཀུན་དགའ་ར་བར་སོང་ངོ ། །དེ་ནས་གཅིག་ལ་གཅིག་བྱོན་པ་ལེགས་སོ། །ཞེས་བྱ་བའི་ཚིག་གིས་ཀུན་ཏུ་སྤྱད་པས་སོ་སོ་ཡང་དག་པར་དགའ་བར་བྱས་ནས་རྒྱལ་པོ་ཁྲུས་བྱས་ཤིང་ཟན་ཟོས་ནས་གཏམ་དག་བྱས་ཏེ་ཡུད་ཙམ་ཞིག་བསྡད་ནས་སྨྲས་པ། མིང་ཆེན། བུ་མོ་འདི་ཁྱོད་ཀྱི་ཅིར་འོང ། ལྷ། མངག་གཞུག་བགྱིད་པའི་བྲན་མོ་ལགས་སོ། །འདི་ཁྱོད་ཀྱི་མངག་གཞུག་བྱེད་པའི་བྲན་མོ་མ་ཡིན་གྱི། འདི་ཁྱོད་ཀྱི་བུ་མོ་ཡིན་གྱི། ང་ལ་བྱིན་ཅིག་།དེས་སྨྲས་པ། ལྷ། ཤཱཀྱའི་བུ་མོ་གཞན་འདི་བས་ཆེས་ཁྱད་པར་དུ་འཕགས་པ་དག་མཆིས་ན། དེ་དག་བཞེས་སུ་གསོལ། འདི་ཅིར་འཚལ་རྒྱལ་པོས་སྨྲས་པ། འདི་ཉིད་ང་ལ་དགོས་ཀྱི། འདི་ང་ལ་བྱིན་ཅིག་།དེས་སྨྲས་པ། ལྷ། གལ་ཏེ་དེ་ལྟ་ན་ཚུལ་བཞིན་བགྱིས་ཏེ་དབུལ་ལོ། །དེ་བཞིན་བྱོས་ཤིག་།དེ་ནས་ཤཱཀྱ་མིང་ཆེན་གྱིས་གྲོང་ཁྱེར་མཛེས་པར་བྱེད་དུ་བཅུག་སྟེ། བུ་མོ་དེ་རྒྱན་ཐམས་ཅད་ཀྱིས་ཀླུབས་ནས་གླང་པོ་ཆེ་ལ་བསྐྱོན་ཏེ་ལམ་པོ་ཆེ་དང ། སྲང་དང ། ལམ་གྱི་སུམ་མདོ་དང ། བཞི་མདོ་དག་ཏུ་གྲོང་ཁྱེར་སེར་སྐྱའི་གནས་ན་འཁོད་པ་དང ། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ལ། ཤེས་ལྡན་དག་ཉོན་ཅིག་།ཤཱཀྱ་མིང་ཆེན་གྱི་བུ་མོ་ཕྲེང་ལྡན་མ། ཀོ་ས་ལའི་རྒྱལ་པོ་གསལ་རྒྱལ་གྱི་བཙུན་མོར་ཕུལ་ལོ། །ཞེས་དྲིལ་བསྒྲགས་པ་བྱས་སོ། །དེ་ནས་དེ་ཀོ་ས་ལའི་རྒྱལ་པོ་གསལ་རྒྱལ་གྱི་བཙུན་མོར་ཕུལ་བར་</font><hr>Tha117a<br><font size=+2>


༄#། །སྐྱེ་བོ་ཕལ་པོ་ཆེ་རྣམས་ཀྱིས་ཀྱང་ཤེས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་དཔལ་གྱི་འབྱོར་བ་ཆེན་པོས་བླངས་ནས་མཉན་ཡོད་དུ་ཁྲིད་པ་དང ། དེའི་མས་བདག་གི་བུས་བྲན་མོ་ཆུང་མར་བླངས་སོ། །ཞེས་ཐོས་ཏེ། དེ་ཀུན་ནས་དཀྲིས་པ་སྐྱེས་ནས་བསམ་པ། འདི་ནི། ངེས་པར་ཕ་དེའི་བུ་མ་ཡིན་པའམ། བདག་གི་ཁོང་དུ་དོན་མེད་པ་ཞིག་བསྲེལ་ཏེ། འདི་ལྟར་བྲན་མོའི་ཁྱོར་སྐྱེས་པར་གྱུར་ཏོ། །སྙམ་ནས་དེ་ཡང་སེམས་ཁོང་དུ་ཆུད་ཅིང་འདུག་པ་དང ། རྒྱལ་པོས་ཀྱང་ཕྲེང་ལྡན་མ་ལ་སྨྲས་པ། ཕྲེང་ལྡན་མ། སོང་ལ་སྒྱུག་མོའི་ཞབས་ལ་ཕྱག་བྱོས་ཤིག་།དེ་སོང་སྟེ་དེའི་རྐང་པ་གཉིས་ལ་བཟུང་བ་དང ། དེ་རེག་བྱ་དང་ལྡན་པ་ཡིན་པས། དེས་རེག་པ་ཙམ་གྱིས་དེ་གཉིད་ལོག་སྟེ། སད་ནས་བསམ་པ། བུ་ཟན་མའི་བུ་མོ་འདིའི་རེག་པ་འདི་འདྲ་བས། ཀོ་ས་ལའི་རིགས་འདི་རྒྱས་པར་འགྱུར་རོ། །སྙམ་མོ། །དེའི་ཚེ་ཀོ་ས་ལའི་རྒྱལ་པོ་གསལ་རྒྱལ་ལ། བཙུན་མོ་དམ་པ། རྒྱལ་རིགས་དབྱར་ཚུལ་མ་དང ། ཕྲེང་ལྡན་མ་གཉིས་ཡོད་དེ། གང་གི་ཚེ་རྒྱལ་པོ་ཕྲེང་ལྡན་མ་དང་ཐབས་ཅིག་བཞུགས་པ་དེའི་ཚེ། ཕྲེང་ལྡན་མ། རྒྱལ་རིགས་དབྱར་ཚུལ་མ་ནི། འདི་ལྟ་བུར་ཡང་གཟུགས་བཟང་ངོ ། །ཞེས་དབྱར་ཚུལ་མའི་བསྔགས་པ་བརྗོད་པ་དང ། དེས་སྨྲས་པ། ལྷ། དེ་བདག་གིས་ནམ་ཞིག་ན་མཐོང་བར་འགྱུར་ལགས། རྒྱལ་པོས་སྨྲས་པ། མ་རིངས་ཤིག་དང ། རིང་པོ་མི་ཐོགས་པར་མཐོང་</font><hr>Tha117b<br><font size=+2>


བར་འགྱུར་རོ། །དེ་རེ་བ་དང་བཅས་པས་འདུག་གོ་།གང་གི་ཚེ་རྒྱལ་རིགས་དབྱར་ཚུལ་མ་དང་ཐབས་ཅིག་འདུག་པ་དེའི་ཚེ་ཡང ། དབྱར་ཚུལ་མ། ཕྲེང་ལྡན་མ་ནི། དེ་ལྟ་བུའི་རེག་བྱ་དང་ཡང་ལྡན་པ་ཡིན་ནོ། །ཞེས་ཕྲེང་ལྡན་མའི་བསྔགས་པ་བརྗོད་པ་དང ། དེས་སྨྲས་པ། ལྷ། དེ་བདག་གིས་ནམ་ཞིག་ན་མཐོང་བར་འགྱུར་ལགས། རྒྱལ་པོས་སྨྲས་པ། མ་རིངས་ཤིག་དང ། རིང་པོ་མི་ཐོགས་པར་མཐོང་བར་འགྱུར་རོ། །དེ་དག་རྒྱལ་པོས་ཇི་ལྟ་ཇི་ལྟར་ཡ་མཚན་བསྐྱེད་པ་དེ་ལྟར་ཕན་ཚུན་མཐོང་བར་སྤྲོ་བར་གྱུར་ཏོ། །ཇི་ཙམ་དུས་གཞན་ཞིག་ན་སོ་གའི་དུས་ལ་བབ་སྟེ། ནགས་ཚལ་ན་ཤིང་རྣམས་མེ་ཏོག་རྒྱས་པར་གྱུར་ཅིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་སྒྲ་འབྱིན་པའི་སྐྱེད་མོས་ཚལ་གྱི་གནས་སུ་རྒྱལ་པོ་བཙུན་མོའི་ཚོགས་ཀྱིས་ཡོངས་སུ་བསྐོར་ཅིང་གཤེགས་སོ། །བུད་མེད་ནི། མེ་ཏོག་དང ། འབྲས་བུ་ལ་དགའ་བ་ཡིན་པས། སྐྱེད་མོས་ཚལ་དེ་དང་དེ་དག་ཏུ་འཁྱམས་པར་བརྩམས་པ་དང ། རྒྱལ་རིགས་དབྱར་ཚུལ་མ་ངལ་བས་སྐྱོ་ཞིང་སྙོམ་པར་གྱུར་ནས་ཤིང་མྱ་ངན་འཚང་ལ་བསྙེས་ཏེ་འདུག་པ་དང ། ཇི་ཙམ་ན་ཕྲེང་ལྡན་མས་མཐོང་ངོ ། །དེ་དེའི་གཟུགས་བཟང་བ་མཐོང་བས། ཤིང་གི་ལྷ་མོ་ཡིན་ནོ། །སྙམ་དུ་རིག་ནས་མོད་ལ་རྐང་པ་ལ་ཕྱག་བྱས་པ་དང ། ཕྲེང་ལྡན་མའི་ལག་པས་རེག་མ་ཐག་པ་ཉིད་དུ་གཉིད་ལོག་པར་གྱུར་ཏོ། །ཇི་ཙམ་ན་རྒྱལ་པོས་དབྱར་ཚུལ་མ་ལ་</font><hr>Tha118a<br><font size=+2>


༄#། །ཕྲེང་ལྡན་མའི་བསྔགས་པ་བརྗོད་པར་བརྩམས་པ་དང ། དེས་སྨྲས་པ། ལྷ། དེ་བདག་གིས་ནམ་ཞིག་ན་མཐོང་བར་འགྱུར་ལགས། རྒྱལ་པོས་སྨྲས་པ། དེ་ཁྱོད་ཀྱིས་མཐོང་ངོ ། །ལྷ། བདག་མ་དྲན་ནོ། །ངས་ཁྱོད་དྲན་པར་བྱའོ། །ལེགས་སོ། །གང་གི་ལག་པ་གཉིས་ཀྱིས་ཁྱོད་ཀྱི་རྐང་པ་ལ་བཟུང་བ་དེ་དྲན་ནམ། ལྷ། དེ་ལྷ་མོ་ཕྲེང་ལྡན་མ་ལགས་སམ། དེ་ཡིན་ནོ། །ལྷ། གང་ཁྱོད་རེག་བྱ་དང་ལྡན་པའི་བཙུན་མོ་དེ་ལྟ་བུ་སྤངས་ཏེ་བདག་གི་དྲུང་དུ་གཤེགས་པ་དེ་ནི། ཁྱོད་བདག་ལ་ངེས་པར་བྱམས་ཤིང་ཐུགས་གཅུགས་པ་ལགས་སོ། །དེ་བཞིན་དུ་ཕྲེང་ལྡན་མ་ལ། དབྱར་ཚུལ་མ་ནི། འདི་ལྟ་བུ་ཡིན་ནོ། །ཞེས་བསྔགས་པ་བརྗོད་པར་བརྩམས་པ་དང ། དེས་སྨྲས་པ། ལྷ། བདག་གིས་ནམ་ཞིག་ན་མཐོང་བར་འགྱུར་ལགས། རྒྱལ་པོས་སྨྲས་པ། དེ་ཁྱོད་ཀྱིས་མཐོང་ངོ ། །ལྷ། བདག་མི་དྲན་ནོ། །ངས་ཁྱོད་དྲན་པར་བྱའོ། །ལེགས་སོ། །ཁྱོད་ཀྱིས་ཤིང་མྱ་ངན་འཚང་ལ་བསྙེས་ཏེ་འདུག་པ་གང་ལ་ཕྱག་བྱས་པ་དེ་དྲན་ནམ། ལྷ། ཅི་དེ་དབྱར་ཚུལ་མ་ལགས་སམ། དེ་ཡིན་ནོ། །ལྷ། གང་ཁྱོད་ཀྱིས་བཙུན་མོ་གཟུགས་བཟང་བ་དེ་ལྟ་བུ་སྤངས་ཏེ་བདག་གི་དྲུང་དུ་གཤེགས་པ་དེ་ནི། ཁྱོད་ངེས་པར་བདག་ལ་བྱམས་ཤིང་ཐུགས་གཅུགས་པ་ལགས་སོ། །སྐབས་དེར་ཀོ་ས་ལའི་རྒྱལ་པོ་གསལ་རྒྱལ་ལ་བཙུན་མོ་དམ་པ་རྒྱལ་རིགས་དབྱར་ཚུལ་མ་དང ། ཕྲེང་</font><hr>Tha118b<br><font size=+2>


ལྡན་མ་གཉིས་ཡོད་དེ། དེ་དག་ལས་གཅིག་ནི། གཟུགས་བཟང་བ་རྣམས་ཀྱི་མཆོག་ཡིན་ལ། གཅིག་ཤོས་ནི། རེག་བྱ་དང་ལྡན་པ་རྣམས་ཀྱི་མཆོག་ཡིན་ནོ། །ཞེས་ཕྱོགས་སུ་སྒྲ་གྲགས་པ་དང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་མོ་ཕྲེང་ལྡན་མ་དང ། དབྱར་ཚུལ་མས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། གཅིག་ནི། རེག་བྱ་དང་ལྡན་པ་རྣམས་ཀྱི་མཆོག་ཏུ་གྱུར་ལ། གཅིག་ཤོས་ནི། གཟུགས་བཟང་བ་རྣམས་ཀྱི་མཆོག་ཏུ་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་དག་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་</font><hr>Tha119a<br><font size=+2>


༄#། །ཅན་རྣམས་ལ་འབྲས་བུར་སྨིན། །དགེ་སློང་དག་།སྔོན་བྱུང་བ་འདས་པའི་དུས་ན་རི་བྲག་ཅིག་ན་བྲམ་ཟེ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པས་བུ་ཁྱེའུ་ཞིག་བཙས་སོ། །ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་མོ་ཞིག་བཙས་ཏེ། དེ་དག་བསྲིངས་ཤིང་བསྐྱེད་ནས་ཆེན་པོར་གྱུར་ཏོ། །ཇི་ཙམ་དུས་གཞན་ཞིག་ན། བྲམ་ཟེ་དེ་ཆུང་མ་དང་བཅས་ཏེ་ཤི་ནས་བྲམ་ཟེའི་ཁྱེའུ་དེ་ཕ་མ་དང་བྲལ་བས་དབེན་པ་ལ་དགའ་བར་གྱུར་ཏེ། དེས་སྲིང་མོ་དེ་ཁྲིད་དེ། དགོན་པའི་གནས་སུ་སོང་ནས་འཁོད་དེ། དེར་དེ་དག་རྩ་བ་དང ། སྡོང་བུ་དང ། མེ་ཏོག་དང ། འབྲས་བུ་དག་གིས་འཚོ་བར་བརྩམས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སྦྲུལ་ནག་པོ་ལ་ནི། ཉེས་དམིགས་རྣམ་པ་ལྔ་ཡོད་དེ། ལྔ་གང་ཞེ་ན། ཁྲོ་བ་དང ། འཁོན་དུ་འཛིན་པ་དང ། འཁུ་བ་དང ། བྱས་པ་མི་གཟོ་བ་དང ། དུག་རྣོ་བའོ། །དེ་བཞིན་དུ་བུད་མེད་ཁ་ཅིག་ལ་ཡང་ཉེས་དམིགས་རྣམ་པ་ལྔ་ཡོད་དེ། ལྔ་གང་ཞེ་ན། ཁྲོ་བ་དང ། འཁོན་དུ་འཛིན་པ་དང ། འཁུ་བ་དང ། བྱས་པ་མི་གཟོ་བ་དང ། དུག་རྣོ་བའོ། །དགེ་སློང་དག་།དེ་ལ་བུད་མེད་ཀྱི་དུག་རྣོ་བ་ནི། འདི་ཡིན་ཏེ། </font><hr>Tha119b<br><font size=+2>


འདི་ལྟར་བུད་མེད་ནི། ཕལ་ཆེར་འདོད་ཆགས་ལྷག་པར་ཆེ་བའོ། །དེའི་སྲིང་མོ་དེ་ཉོན་མོངས་པ་དག་གིས་གདུངས་ནས། དེས་སྨྲས་པ་མིང་པོ། བདག་དགོན་པའི་རྩ་བ་དང ། སྡོང་བུ་དང ། མེ་ཏོག་དང ། འབྲས་བུས་འཚོ་བའི་རྔོ་མི་ཐོགས་ཀྱི། གྲོང་མཐར་བཞུད་དོ། །དེས་དེ་ཁྲིད་དེ་གྲོང་མཐར་སོང་སྟེ། དེ་བྲམ་ཟེ་ཞིག་གི་དེར་སློང་མོ་ལ་ཞུགས་སོ། །དེས་སྲིང་མོ་དང་ལྷན་ཅིག་སློང་མོའི་ཕྱིར་གཅིག་ཅར་སྒྲ་ཕྱུང་བ། བྲམ་ཟེ་དེས་ཐོས་ཏེ་ཕྱིར་བྱུང་ནས་སྨྲས་པ། དྲང་སྲོང་དག་ཀྱང་ཆུང་མ་དང་བཅས་ཏེ་རྒྱུའམ། དེས་སྨྲས་པ། འདི་བདག་གི་ཆུང་མ་མ་ཡིན་གྱི། སྲིང་མོའོ། །འདི་སུ་ལ་བྱིན། སུ་ལ་ཡང་མ་བྱིན་ནོ། །གལ་ཏེ་དེ་ལྟ་ན། ཁོ་བོ་ལ་ཅིའི་ཕྱིར་མི་སྦྱིན། འདི་ནི། དམ་པ་མ་ཡིན་པ་སྡིག་པའི་ཆོས་དེ་སྤངས་པ་ཡིན་ནོ། །དེ་འདོད་པའི་འདོད་ཆགས་ཀྱིས་གདུངས་པས་སྨྲས་པ། མིང་པོ། ཅི། བདག་དགོན་པའི་རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུས་འཚོ་བར་རྔོ་མི་ཐོགས་པ་མེད་སྙམ་མམ། བདག་གིས་ནི། ཉོན་མོངས་པ་སྤང་རྔོ་མ་ཐོགས་པའི་སླད་དུ་ཁྱོད་ལ་དེ་སྐད་བགྱིས་ཀྱི། བདག་བྲམ་ཟེ་འདི་ལ་སྩོལ་ཅིག་།དེས་སྨྲས་པ། དེ་ནི། ཆོས་དང་འགལ་བས་ངས་ཁྱོད་སྦྱིན་པར་མི་བྱའི། ཁྱོད་ཉིད་ཤེས་པར་ཟད་དོ། །བྲམ་ཟེ་དེས་དེ་དང་དེའི་བསམ་པ་ཤེས་ནས་འབྱོར་བའི་དཔལ་ཆེན་པོས་དེ་བག་མར་བླངས་ཏེ་རང་གི་ཁྱིམ་དུ་བཅུག་གོ་།དེ་ནས་དེས་མིང་པོ་དེ་ལ་སྨྲས་པ། མིང་པོ་ཚུར་སྤྱོན། ཁྱོད་ཀྱིས་ཁ་བ་དབུབ་པར་མཛོད་ཅིག་དང་</font><hr>Tha120a<br><font size=+2>


༄#། །ཐབས་ཅིག་བཞུགས་སོ། །དེས་སྨྲས་པ། སྲིང་མོ། ཁོ་བོ་ནི། འདོད་པ་དོན་དུ་མི་གཉེར་ཏེ། ཁྱོད་ཀྱིས་གནང་ན། རབ་ཏུ་འབྱུང་ངོ ། །དེས་སྨྲས་པ། དམ་ཞིག་བཅའ་སྟེ། གལ་ཏེ་ཁྱོད་སྐབས་སྐབས་སུ་བདག་གཟིགས་ཤིང་བྱོན་ན། གནང་བར་བགྱིའོ། །དེས་སྨྲས་པ། ལེགས་ཏེ། དེ་བཞིན་བྱའོ། །དེ་དེས་གནང་ནས་དྲང་སྲོང་རྣམས་ཀྱི་ནང་དུ་རབ་ཏུ་བྱུང་ངོ ། ། དེ་དགེ་བའི་རྩ་བ་བསྐྱེད་པ་ཡིན་པས་དེས་སློབ་དཔོན་མེད་པར་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་མངོན་དུ་བྱས་ཏེ། རང་བྱང་ཆུབ་མངོན་སུམ་དུ་བྱས་ནས་དེས་བསམ་པ། བདག་གིས་སྲིང་མོ་དེ་ལ་འོང་ངོ ། །ཞེས་དམ་བཅས་པས། དེའི་ཕྱིར་དེའི་གན་དུ་འགྲོ་བར་བྱའོ། །སྙམ་ནས་དེ་དེའི་གན་དུ་སོང་ངོ ། །སོང་ནས་འབར་བ་དང ། གསལ་བ་དང ། ཆར་འབབ་པ་དང ། གློག་འབྱུང་བའི་ཆོ་འཕྲུལ་དག་བྱ་བར་བརྩམས་པ་དང ། སོ་སོའི་སྐྱེ་བོ་དག་ནི། རྫུ་འཕྲུལ་ལ་མྱུར་དུ་དད་པ་ཡིན་པས། དེ་ཤིང་དྲུངས་ནས་བཅད་པ་བཞིན་དུ་རྐང་པ་ལ་ཕྱག་འཚལ་ཏེ་སྨྲས་པ། མིང་པོ། ཁྱོད་ཀྱིས་ཡོན་ཏན་གྱི་ཁྱད་པར་འདི་ལྟ་བུ་ཐོབ་བམ། ཐོབ་བོ། གལ་ཏེ་དེ་ལྟ་ན། ཁྱོད་ནི། བསོད་སྙོམས་དོན་དུ་གཉེར་བ་ལགས། བདག་ཀྱང་བསོད་ནམས་དོན་དུ་གཉེར་བ་ལགས་པས། དེའི་སླད་དུ་འདི་ཉིད་དུ་བཞུགས་ཤིག་དང ། ཁྱོད་ལ་བདག་གིས་བསོད་སྙོམས་དབུལ་བར་བགྱིའོ། །དེས་སྨྲས་པ། སྲིང་མོ། ཁྱོད་ནི་གཞན་ལ་རག་ལས་པ་ཡིན་</font><hr>Tha120b<br><font size=+2>


གྱི། ཁྱིམ་ཐབ་ལ་ཇེ་དྲིས་ཤིག་།ལེགས་ཏེ། དེ་བཞིན་བགྱིའོ། །དེས་ཁྱིམ་ཐབ་ལ་སྨྲས་པ། རྗེའི་སྲས། བདག་གི་མིང་པོ་རབ་ཏུ་བྱུང་བ། བརྟུལ་ཞུགས་གྲུབ་པ། བདག་ཉིད་ཆེན་པོར་གྱུར་ཏེ། གལ་ཏེ་ཁྱོད་ཀྱིས་གནང་ན། བདག་གིས་ཟླ་བ་གསུམ་དུ་བསོད་སྙོམས་ལ་སྤྱན་དྲང་ངོ ། །དེས་སྨྲས་པ། བཟང་མོ། གལ་ཏེ་འདི་རབ་ཏུ་བྱུང་བར་མ་གྱུར་ན། བདག་ཅག་གིས་མི་འདོད་བཞིན་གསོ་དགོས་པར་འགྱུར་ན། དེ་རབ་ཏུ་བྱུང་སྟེ་བརྟུལ་ཞུགས་གྲུབ་པ། བདག་ཉིད་ཆེན་པོར་གྱུར་ན་ལྟ་སྨོས་ཀྱང་ཅི་དགོས། སོང་ལ་སྤྱན་དྲོངས་ཤིག་།དེས་དེ་ཟླ་བ་གསུམ་དུ་བསོད་སྙོམས་ལ་སྤྱན་དྲངས་སོ། །བྲམ་ཟེ་དེའི་ཆུང་མ་གཉིས་པ་གཞན་ཞིག་ཡོད་པ་དེས་བསམ་པ། བདག་ཅག་ལོངས་སྤྱོད་ཐུན་མོང་ལས། འདི་ནི། བསོད་ནམས་འདི་ལྟ་བུ་བྱེད་ན། བདག་གིས་ཅིའི་ཕྱིར་མི་བྱ་སྙམ་དུ་རིག་ནས་དེ་ལ་སྨྲས་པ། ཕུ་ནུ་མོ། ཁྱོད་ཀྱི་དྲལ་གང་ལགས་པ་དེ་བདག་གི་མིང་པོ་ཡང་དེ་ཁོ་ན་ལགས་པས། ཁྱོད་ཀྱིས་གདུགས་གཅིག་བཤོས་གསོལ་ལ། བདག་གིས་ཀྱང་གདུགས་གཅིག་བཤོས་གསོལ་བར་བགྱིའོ། །དེས་སྨྲས་པ། ལེགས་ཏེ། དེ་བཞིན་བགྱིའོ། །རང་སངས་རྒྱས་ཀྱི་སྲིང་མོ་དེ། དེའི་སེམས་བསྲུང་བའི་ཕྱིར་ཟས་བསོད་པ། རེག་བྱ་ཕུན་སུམ་ཚོགས་པ། ཟས་དམན་པས་གཡོགས་ཏེ་དེ་ལ་བསྟན་ནས་ཕུ་ནུ་མོ། ཁྱོད་རྗེས་སུ་ཡི་རང་བྱོས་ཤིག་།བདག་གི་མིང་པོ་ལ་ཞལ་ཟས་འདི་ལྟ་བུ་གསོལ་ལོ། །དེས་སྨྲས་པ། ལེགས་སོ། །རྗེས་སུ་ཡི་</font><hr>Tha121a<br><font size=+2>


༄#། །རང་ངོ ། །དེ་ཡང་དེའི་སེམས་བསྲུང་བའི་ཕྱིར་ཟས་དམན་པ། བསོད་པ་དག་གིས་གཡོགས་ཏེ་དེ་ལ་བསྟན་ནས་ཕུ་ནུ་མོ། ཁྱོད་ཀྱང་རྗེས་སུ་ཡི་རང་བ་གྱིས་ཤིག་།བདག་ཀྱང་དྲལ་ལ་ཞལ་ཟས་བསོད་པ། ཁ་དོག་ཕུན་སུམ་ཚོགས་པ་འདི་ལྟ་བུ་གསོལ་ལོ། །དགེ་སློང་དག་ཇི་སྙམ་དུ་སེམས། རང་སངས་རྒྱས་ཀྱི་སྲིང་མོ་གང་ཡིན་པ་དེས་རང་སངས་རྒྱས་ལ་རེག་བྱ་ཕུན་སུམ་ཚོགས་པ། ཟས་དམན་པས་བཀབ་སྟེ་འབུལ་བ་གང་ཡིན་པ་དེ་ནི་ལྷ་མོ་ཕྲེང་ལྡན་མ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས། གང་རང་སངས་རྒྱས་ལ་རེག་བྱ་ཕུན་སུམ་ཚོགས་པ། ཟས་དམན་པས་བཀབ་སྟེ་ཕུལ་བའི་ལས་དེའི་རྣམ་པར་སྨིན་པས། ཚེ་རབས་ལྔ་བརྒྱ་ར་རེག་བྱ་དང་ལྡན་པར་གྱུར་ཏེ། དེའི་བར་དུ་ཡང་རེག་བྱ་དང་ལྡན་པ་རྣམས་ཀྱི་མཆོག་ཏུ་གྱུར་ཏོ། །གཅིག་ཤོས་གང་ཡིན་པ་དེས། རང་སངས་རྒྱས་ལ་ཟས་དམན་པ། ཁ་དོག་ཕུན་སུམ་ཚོགས་པས་བཀབ་སྟེ་ཕུལ་བ་གང་ཡིན་པ་དེ་ནི་རྒྱལ་རིགས་དབྱར་ཚུལ་མ་འདི་ཉིད་ཡིན་ཏེ། དེའི་ཚེ་དེའི་དུས་ན་གང་འདིས། རང་སངས་རྒྱས་ལ་ཟས་དམན་པ། ཁ་དོག་ཕུན་སུམ་ཚོགས་པས་བཀབ་སྟེ་ཕུལ་བའི་ལས་དེའི་རྣམ་པར་སྨིན་པས། ཚེ་རབས་ལྔ་བརྒྱར་གཟུགས་བཟང་བར་གྱུར་ཏེ། ད་ལྟའི་བར་དུ་ཡང་གཟུགས་བཟང་བ་རྣམས་ཀྱི་མཆོག་ཏུ་གྱུར་ཏོ། །དགེ་སློང་དག། དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་</font><hr>Tha121b<br><font size=+2>


སྨིན་པ་སྟེ་གཅིག་ཏུ་ནག་པ་ཡིན་ལ་ཞེས་བྱ་བ་ནས་དགེ་སློང་དག་།འདི་ལྟར་བསླབ་པར་བྱའོ། །ཞེས་བྱ་བའི་བར་སྔ་མ་བཞིན་ནོ། །དུས་གཞན་ཞིག་ན་ལྷ་མོ་ཕྲེང་ལྡན་མ་སེམས་ཅན་ཞུགས་བར་གྱུར་ཏོ། །ཉི་མ་གང་ལ་སེམས་ཅན་ཞུགས་པར་གྱུར་པ་དེ་ཉིད་ཀྱི་ཉི་མ་ལ་བྲམ་ཟེ་མདུན་ན་འདོན་གྱི་ཆུང་མ་ལ་ཡང་སེམས་ཅན་ཞུགས་པར་གྱུར་ཏེ། ཉི་མ་གང་ལ་སེམས་ཅན་ཞུགས་པར་གྱུར་པ་དེ་ཉིད་ཀྱི་ཉི་མ་ནས་སྡུག་བསྔལ་གྱི་ཉེན་ཏོ། །ཇི་ཙམ་ན་ལྷ་མོ་ཕྲེང་ལྡན་མ་ཟླ་བ་དགུ་ལོན་ནས་ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བཙས་སོ། །དེའི་བཙས་བའི་བཙས་སྟོན་རྒྱ་ཆེར་བྱས་ནས་ཁྱེའུ་འདིའི་མིང་ཅིར་གདགས་ཞེས་མིང་འདོགས་པར་བྱེད་པ་ན། རྒྱལ་པོས་སྨྲས་པ། སོང་ལ་འདི་ཕྱི་མོ་ལ་ཕུལ་ཅིག་དང ། དེ་ཉིད་མིང་འདོགས་པར་འགྱུར་རོ། ། བློན་པོ་རྣམས་ཀྱིས་དེ་ཁྱེར་ཏེ་དེའི་གན་དུ་དོང་ནས་སྨྲས་པ། ལྷ་མོ། ལྷའི་ཞལ་ནས་གཞོན་ནུའི་མིང་གདགས་སུ་གསོལ་ཞེས་བྱུང་ངོ ། །དེས་སྨྲས་པ། ཤེས་ལྡན་དག་།ངས་དང་པོ་ཉིད་ནས་བུ་ཟན་མའི་བུ་མོ་འདིས་ཀོ་ས་ལའི་རིགས་འདི་རྒྱས་པར་འགྱུར་རོ། །ཞེས་མ་སྨྲས་སམ། བློན་པོ་དག་གིས་སྨྲས་པ། དེའི་དོན་འཚལ་ཏེ། ལྷ་མོས་འདི་མ་བལྟམས་པ་ཉིད་ནས་འཕགས་སྐྱེས་པོ་ཞེས་ཀུན་ཏུ་སྤྱད་པས། དེའི་སླད་དུ་གཞོན་ནུའི་མཚན་འཕགས་སྐྱེས་པོ་ཞེས་གདགས་སོ། །ཞེས་དེའི་མིང་འཕགས་སྐྱེས་པོ་ཞེས་བྱ་བར་བཏགས་སོ། །གང་གི་ཉིན་པར་གཞོན་ནུ་འཕགས་</font><hr>Tha122a<br><font size=+2>


༄#། །སྐྱེས་པོ་བཙས་པ་དེ་ཉིད་ཀྱི་ཉི་མ་ལ་མདུན་ན་འདོན་གྱི་བུ་བཙས་ནས་དེའི་ཉེ་དུ་དག་ཀྱང་འོངས་ཤིང་འདུས་ནས་ཞག་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུ་འདིའི་མིང་ཅིར་གདགས་ཞེས་མིང་འདོགས་པར་བྱེད་པ་ན། དེ་ན་ཁ་ཅིག་གིས་སྨྲས་པ། འདི་གང་གི་ཉི་མ་ལ་མའི་མངལ་དུ་ཞུགས་པ་དེའི་ཉིན་མོ་ཉིད་ནས་མ་སྡུག་བསྔལ་གྱིས་ཉེན་ཅིང ། སྐྱེས་ནས་ཀྱང་སྡུག་བསྔལ་བ་ཁོ་ན་ཡིན་པས། དེའི་ཕྱིར་ཁྱེའུའི་མིང་མ་ལ་གནོད་ཅེས་གདགས་སོ། །ཞེས་དེའི་མིང་མ་ལ་གནོད་ཅེས་བྱ་བར་བཏགས་སོ། །གཞོན་ནུ་འཕགས་སྐྱེས་པོ་མ་མ་བརྒྱད་པོ། ནུ་མ་བསྣུན་པའི་མ་མ་གཉིས་དང ། པང་ན་འཚོ་བའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེ་གྲོགས་ཀྱི་མ་མ་གཉིས་ལ་གཏད་དེ། མ་མ་བརྒྱད་པོ་དེ་དག་གིས། འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་ཁྱད་པར་གཙོ་བོ་གཙོ་བོ་དག་གིས་རྫིང་ན་གནས་པའི་པདྨ་བཞིན་དུ་བསྲིངས་ཤིང་བསྐྱེད་དོ། །གང་གི་ཚེ་དེ་ཆེན་པོར་གྱུར་པ་དེའི་ཚེ་ཡི་གེ་བསླབ་སྟེ་ཡི་གེ་མཐར་ཕྱིན་ནས་བརྟག་པ་བརྒྱད་པོ། འདི་ལྟ་སྟེ། རིན་པོ་ཆེ་བརྟག་པ་དང ། ཤིང་བརྟག་པ་དང ། གཞི་བརྟག་པ་དང ། གོས་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་</font><hr>Tha122b<br><font size=+2>


ལ་མཁས་བར་གྱུར་ཅིང ། དབྱེ་བ་དང ། བཀླག་པ་ལ་མཁས་ཤིང ། སྤྱོད་པ་གསལ་བ། རྣམ་པ་ཐམས་ཅད་ཀྱི་ཚུལ་ལ་མཁས་ཏེ། དེ་རྒྱལ་བུ་རྒྱལ་རིགས་སྤྱི་བོ་ནས་དབང་བསྐུར་བ། ཡུལ་གྱི་དབང་ཕྱུག་མཐུ་དང་བརྩོན་འགྲུས་ཐོབ་པ། སའི་དཀྱིལ་འཁོར་ཆེན་པོ་ཚན་དུ་ཕབ་སྟེ་གནས་པ་རྣམས་ཀྱི་བཟོའི་གནས་དང ། ལས་ཀྱི་གནས་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། གཞུ་བཟུང་བ་དང ། མདུན་དུ་བསྣུར་བ་དང ། ཕྱིར་བསྣུར་བ་དང ། ལྕགས་ཀྱུས་བསྒྱུར་ཐབས་དང ། ཞགས་པ་གདབ་པ་དང ། མདའ་བོ་ཆེའི་འཕེན་ཐབས་དང ། འཛིན་སྟངས་དང ། གོམ་སྟབས་དང ། ཐོར་ཚུགས་དང ། རྒྱང་ནས་ཕོག་པ་དང ། སྒྲ་གྲགས་པར་ཕོག་པ་དང ། གནད་དུ་ཕོག་པ་དང ། མི་འཚོར་བར་ཕོག་པ་དང ། ཚབས་ཆེ་བ་དང ། དྲལ་བ་དང ། དབུག་པ་དང ། གཅད་པའི་གནས་ལྔ་པོ་དག་ལ་མཁས་པར་གྱུར་ཏོ། །ཁྱེའུ་མ་ལ་གནོད་ཀྱང་མ་མ་བརྒྱད་པོ་དག་ལ་གཏད་དེ་ཞེས་བྱ་བ་ནས་རྫིང་ན་གནས་པའི་པདྨ་བཞིན་དུ་ཞེས་བྱ་བའི་བར་སྔ་མ་བཞིན་ནོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་བསླབ་སྟེ། བྲམ་ཟེའི་ལྟ་བ་དང ། སྤྱོད་ལམ་དང ། ཚུལ་དང ། གཙང་སྦྲ་དང ། སྤྱོད་ཚུལ་དང ། རིལ་བ་བཟུང་བ་དང ། ས་བླང་བ་དང ། ཐལ་བ་བླང་བ་དང ། ོཾ་ཞེས་བྱ་བ་དང ། བྷོ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་</font><hr>Tha123a<br><font size=+2>


༄#། །དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། དྲང་སྲོང་གརྒས་བྱས་པ་དང ། མ་ཋ་རས་བྱས་པ་དང ། ས་གཡོ་བའི་དཔྱད་དང ། བར་སྣང་གི་དཔྱད་དང ། བྲམ་ཟེའི་ལས་ཀྱི་མཐའ་དྲུག་པོ། མཆོད་སྦྱིན་བྱེད་པ་དང ། མཆོད་སྦྱིན་བྱེད་དུ་འཇུག་པ་དང ། ཀློག་པ་དང ། ཀློག་ཏུ་འཇུག་པ་དང ། སྦྱིན་པ་དང ། ལེན་པ་དག་ལ་མཁས་པར་གྱུར་ཏོ། །ཇི་ཙམ་དུས་གཞན་ཞིག་ན་འཕགས་སྐྱེས་པོ་དང ། མ་ལ་གནོད་ལྷན་ཅིག་རི་དྭགས་བཤོར་བའི་ཕྱིར་དོང་བ་དང ། དེ་རྟས་ཁ་ཁྱེར་ཏེ་སེར་སྐྱའི་གནས་སུ་ཕྱིན་ནས་དེ་དང་དེ་དག་ན་འཁྱམས་ཞིང ། སེར་སྐྱ་ན་གནས་པའི་ཤཱཀྱ་རྣམས་ཀྱི་སྐྱེད་མོས་ཚལ་དུ་སོང་ངོ ། །སྐྱེད་མོས་ཚལ་སྲུང་བའི་མིས་སེར་སྐྱ་ན་གནས་པའི་ཤཱཀྱ་རྣམས་ལ་སྨྲས་པ། ཤེས་ལྡན་དག་།འཕགས་སྐྱེས་པོ་རྟས་ཁ་ཁྱེར་ཏེ་ཁྱོད་ཀྱི་སྐྱེད་མོས་ཚལ་དུ་འོངས་སོ། །དེ་རྣམས་མི་བཟོད་པ་སྐྱེས་ནས་སྨྲས་པ། ཤེས་ལྡན་དག་།གལ་ཏེ་དེ་ལྟ་ན། དུས་ལ་བབ་པ་འདི་ཡིན་གྱི། འདོང ། དེ་གསད་དོ། །དེ་བཞིན་བྱའོ། །ཞེས་དེ་རྣམས་གོ་བགོས་ཏེ་དོང་བ་དང ། ཤཱཀྱ་རྒན་རབས་རྣམས་ཀྱིས་མཐོང་ནས་དེ་དག་གིས་སྨྲས་པ། གཞོན་ནུ་དག་གར་དོང ། དེ་རྣམས་ཀྱིས་སྨྲས་པ། འཕགས་སྐྱེས་པོ་བདག་ཅག་གི་སྐྱེད་མོས་ཚལ་དུ་མཆིས་ཏེ། དེ་འགུམ་དུ་མཆིའོ། །ཤཱཀྱ་རྒན་རབས་རྣམས་ཀྱིས་སྨྲས་པ། གཞོན་ནུ་དག་།དེ་གློ་བུར་བ་ཡིན་པས། དེའི་ཉེས་</font><hr>Tha123b<br><font size=+2>


པ་འགའ་བཟོད་པ་གྱིས་ལ་ཕྱིར་ལོག་ཅིག་།དེ་རྣམས་ཕྱིར་ལོག་པ་དང ། ཇི་ཙམ་ན་འཕགས་སྐྱེས་པོའི་དཔུང་གི་ཚོགས་ཡན་ལག་བཞི་པས་གཅིག་ནས་གཅིག་ཏུ་ཐོས་ནས་ཚོལ་ཞིང་སྐྱེད་མོས་ཚལ་དུ་འོངས་ནས་དཔུང་གི་ཚོགས་ཡན་ལག་བཞི་པས། སྐྱེད་མོས་ཚལ་ཀུན་ནས་ཁྱབ་པར་གྱུར་པ་དང ། སྐྱེད་མོས་ཚལ་སྲུང་བའི་མིས་སེར་སྐྱ་ན་གནས་པའི་ཤཱཀྱ་རྣམས་ལ་སྨྲས་པ། ཤེས་ལྡན་དག ། འཕགས་སྐྱེས་པོའི་དཔུང་གི་ཚོགས་ཡན་ལག་བཞི་པ་རྣམས་སྐྱེད་མོས་ཚལ་དུ་ལྷགས་ཏེ། གླང་པོ་ཆེ་དང ། རྟའི་མི་གཙང་བ་དག་གིས་སྐྱེད་མོས་ཚལ་ཐམས་ཅད་མ་རུང་བར་བྱས་སོ། །དེ་རྣམས་ཤིན་ཏུ་མི་བཟོད་པ་སྐྱེས་ནས་ཤཱཀྱ་རྒན་པོའི་ཚིག་བཅག་སྟེ་འཕགས་སྐྱེས་པོ་གསད་པའི་ཕྱིར་དོང་བ་དང ། འཕགས་སྐྱེས་པོས་འདི་ལྟར་སེར་སྐྱ་ན་གནས་པའི་ཤཱཀྱ་རྣམས་བདག་གསོད་དུ་འོང་ངོ ། །ཞེས་ཐོས་ནས་དེས་མི་ཞིག་བཞག་སྟེ་སྨྲས་པ། ཀྱེ་སྐྱེས་བུ། གུད་དུ་འགྲོའི། ཁྱོད་ཀྱིས་སེར་སྐྱ་ན་གནས་པའི་ཤཱཀྱ་རྣམས་ཅི་ཟེར་བ་དེ། ང་ལ་ཟློས་ཤིག་།སེར་སྐྱ་ན་གནས་པའི་ཤཱཀྱ་རྣམས་སྐྱེད་མོས་ཚལ་དུ་འོངས་པ་ན། འཕགས་སྐྱེས་པོ་མི་སྣང་ནས་དེ་རྣམས་ཀྱིས་མི་དེ་ལ་བྲན་མོའི་བུ་དེ། གར་སོང་ཞེས་དྲིས་པ་དང ། དེས་སྨྲས་པ། བྲོས་ཏེ་མཆིས་སོ། །དེ་དག་ལས་ཁ་ཅིག་གིས་སྨྲས་པ། དེ་གལ་ཏེ་བདག་ཅག་གིས་མཐོང་བར་གྱུར་ན། བདག་ཅག་གིས་དེའི་ལག་པ་གཅད་པར་འགྱུར་རོ། །གཞན་དག་གིས་སྨྲས་པ། གལ་ཏེ་བྲོས་པར་མ་གྱུར་ན། དེ་ཁོ་བོ་ཅག་གིས་</font><hr>Tha124a<br><font size=+2>


༄#། །རྐང་པ་གཅད་པར་འགྱུར་རོ། །ཁ་ཅིག་གིས་སྨྲས་པ། ཁོ་བོ་ཅག་གིས་ནི། ཐམས་ཅད་ཀྱི་ཐམས་ཅད་དུ་སྲོག་དང་ཕྲལ་བར་འགྱུར་བ་ཞིག་ན། གལ་ཏེ་བྲོས་ན། དེ་ཇི་ལྟར་བྱ། དེ་དག་གིས་གླ་མི་རྣམས་ལ་བསྒོ་བ། སྐྱེད་མོས་ཚལ་ཕྱག་དར་བྱོས་ལ་བྲན་མོའི་བུས་ཕྱོགས་གང་དུ་བཅགས་པའི་ཕྱོགས་དེའི་ས་དག་འོ་ར་ལ། ས་གཞན་གྱིས་ཁོངས་ཤིག་།རྩིག་པའི་ཕྱོགས་གང་ལ་བརྟེན་པ་དེ་དག་ཀྱང་ཞལ་ཞལ་ཁོགས་ལ། གཞན་གྱིས་ཡུགས་ཤིག་།འོ་མའི་ཆུས་ཆག་ཆག་ཐོབ་ལ། སྤོས་ཆུས་བཏབ་སྟེ། དྲི་དང་མེ་ཏོག་ལ་སོགས་པས་ཀྱང་ཤིན་ཏུ་ཕུན་སུམ་ཚོགས་པར་བྱོས་ཤིག་།དེས་དེ་བཞིན་དུ་བྱས་སོ། །དེ་ནས་མི་དེས་ཇི་ལྟར་གྱུར་པ་དག་མཐོང་ནས་འཕགས་སྐྱེས་པོའི་གན་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་མཐའ་གཅིག་ཏུ་འདུག་གོ་།འཕགས་སྐྱེས་པོས་སྨྲས་པ། ཀཝའི་སྐྱེས་བུ། སེར་སྐྱ་ན་གནས་པའི་ཤཱཀྱ་རྣམས་ཅི་ཟེར། ལྷ། ཇི་སྐད་མཆི་བ་ལྷ་ལ་གསོལ་བའི་རྔོ་མི་ཐོགས་ཏེ། དེ་ནི། དེ་དག་ཉིད་ལ་གྱུར་ཅིག་།ཀཝའི་སྐྱེས་བུ། དེ་ཡང་ཤེས་པ་ཙམ་དུ་བྱའི། སྨྲོས་ཤིག་།དེས་དེ་དུས་ཀྱིས་འཆུ་བར་རྟོགས་ནས་རྒྱས་པར་བསྙད་པ་དང ། དེས་ནང་མི་རྣམས་ལ་སྨྲས་པ། ཤེས་ལྡན་དག་།གང་གི་ཚེ་ང་ཡབ་འདས་ཏེ་རྒྱལ་པོར་གྱུར་པ་དེའི་ཚེ། ངས་དེ་དག་སྲོག་དང་བྲལ་བ་གང་ཡིན་པ་དེ་ཁོ་ན་ཐོག་མར་བྱ་དགོས་ཀྱི། ཁྱོད་ཀྱིས་ཇི་ལྟར་གྱུར་པ་འདི་ཐམས་ཅད་</font><hr>Tha124b<br><font size=+2>


སྐུལ་ཅིག་དང ། ངས་སེར་སྐྱ་ན་གནས་པའི་ཤཱཀྱ་རྣམས་ཁ་གདག་གོ་།དེ་རྣམས་ཀྱིས་ཀྱང་ཁས་བླངས་སོ། །མ་ལ་གནོད་ཀྱིས་སྨྲས་པ། ལེགས་སོ། །ལེགས་སོ། །ལྷ། ཁྱོད་ཀྱིས་ཀྱང་དེ་ནི། གདོན་མི་འཚལ་བར་བགྱིད་འཚལ་ཏེ། དགེ་བ་རྣམས་ནི། དམ་བཅས་པ་ལ་བརྟན་པ་ལགས་སོ། །དེས་སྨྲས་པ། ང་དུས་ཇི་ཙམ་ཞིག་ན་རྒྱལ་པོར་འགྱུར་བ་དེ་མི་ཤེས་སོ། །མ་ལ་གནོད་ཀྱིས་སྨྲས་པ། དེ་ལྟར་མ་དགོངས་ཤིག་།རྒྱལ་པོ་བགྲེས་པོ་ནི། རིང་པོ་མི་ཐོགས་པར་ལྷ་ཉིད་དུ་གཤེགས་པས། ཁྱོད་ཉིད་རྒྱལ་པོར་འགྱུར་རོ། །འདོད་པ་བསྟེན་པས་ནི། སྡིག་པའི་ལས་མི་བྱ་བ་ཅི་ཡང་མེད་བས། ཀོ་ས་ལའི་རྒྱལ་པོ་གསལ་རྒྱལ་ལ་བློན་པོ་ལྔ་བརྒྱ་ཡོད་པ་ལས་འཕགས་སྐྱེས་པོས་བློན་པོ་རྣམས་དང་དབྱེ་བར་བརྩམས་པ་དང ། སྤྱོད་པའི་བུ་རིང་པོ་མ་གཏོགས་པ་ཐམས་ཅད་ཁ་ཕྱིན་ཏོ། །བློན་པོའི་མཆོག་དེ་ནི། རྗེ་བོ་ལ་སྙིང་ཉེ་བ་ཡིན་པས་ཁ་མ་ཕྱིན་ཏོ། །ཇི་ཙམ་དུས་གཞན་ཞིག་ན་སྤྱོད་པའི་བུ་རིང་པོ་བྱ་བ་ཞིག་གི་ཕྱིར་འཕགས་སྐྱེས་པོའི་གན་དུ་སོང་བ་དང ། འཕགས་སྐྱེས་པོས། རྒྱལ་པོ་གསལ་རྒྱལ་གསོད་པའི་སྦྱོར་བས། སྤྱོད་པའི་བུ་རིང་པོ་ལ་སེར་སྐྱ་ན་གནས་པའི་ཤཱཀྱ་རྣམས་ལ་ངས་ཤ་གླན་པར་བྱ་ན། ང་ནམ་རྒྱལ་པོར་འགྱུར་བ་སྨྲོས་ཤིག་།དེས་སྨྲས་པ། ལྷ། ཅིའི་སླད་དུ་བསོད་ནམས་མ་ལགས་པ་སྐྱེད་པར་མཛད། རྒྱལ་པོ་བགྲེས་པོ་ནི། རིང་པོ་མི་ཐོགས་པར་ལྷ་ཉིད་དུ་གཤེགས་ཏེ། རྒྱལ་པོར་གཞན་མི་འགྱུར་གྱི། ཁྱོད་ཉིད་འགྱུར་རོ། ། </font><hr>Tha125a<br><font size=+2>


༄#། །སྤྱོད་པའི་བུ་རིང་པོ། དེ་ནི། ངས་བགམ་པར་ཁྱོད་ཁོ་ན་ལ་སྨྲས་ཀྱི། ཁྱོད་ཀྱིས་སུ་ལ་ཡང་སྨྲ་བར་མི་བྱའོ། །ལྷ། བདག་གིས་མ་འཚལ་ཏམ་ཅི། སུ་ལ་ཡང་ཇི་ལྟར་བརྗོད་པར་བགྱི་ཞེས་སྨྲས་ཏེ་སོང་ངོ ། །དེའི་ཚེ་བཅོམ་ལྡན་འདས་ཤཱཀྱ་རྣམས་ཀྱི་ནང་ན། ཤཱཀྱ་རྣམས་ཀྱི་གྲོང་རྡལ་མེ་ཙུ་རུ་དི་ཞེས་བྱ་བ་ན་བཞུགས་ཏེ། དེ་ནས་ཀོ་ས་ལའི་རྒྱལ་པོ་གསལ་རྒྱལ་བཞོན་པ་བཟང་པོ་ལ་ཞོན་ཏེ་ཁ་ལོ་སྒྱུར་བ་སྤྱོད་པའི་བུ་རིང་པོ་དང་ལྗོངས་རྒྱུ་ཞིང་འགྲོ་བ་ན། གྲོང་ཁྱེར་ཞིག་ཏུ་ཕྱིན་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་དགོན་པའི་ནགས་འདབ་བས་མཐའི་གནས་མལ། དབེན་པ། སྐྱེ་བོ་སྡིག་ཅན་དང་བྲལ་བ། མི་ཆིག་རྐྱ་ཐུབ་པས་སོ་སོར་བསྟེན་པ། ནང་དུ་ཡང་དག་འཇོག་དང་མཐུན་པ་མཐོང་ངོ ། །མཐོང་ནས། ཡང་སྤྱོད་པའི་བུ་རིང་པོ་ལ་སྨྲས་པ། སྤྱོད་པའི་བུ་རིང་པོ། བཅོམ་ལྡན་འདས་དེ། དགོན་པ། ནགས་འདབ། བས་མཐའི་གནས་མལ། དབེན་པ། སྐྱེ་བོ་སྡིག་པ་ཅན་རྣམས་དང་བྲལ་བ། མི་ཆིག་རྐྱ་ཐུབ་པས་སོ་སོར་བསྟེན་པ། ནང་དུ་ཡང་དག་འཇོག་དང་མཐུན་པ་འདི་ལྟ་བུ་ན་བཞུགས་ཏེ། དེར་ངས་བཅོམ་ལྡན་འདས་དེ་ལ་རེས་འགའ་བསྙེན་བཀུར་བྱས་ན། རིང་པོ། བཅོམ་ལྡན་འདས་དེ་ལྟར་གང་ན་བཞུགས། ཇི་ག་ཁྱོད་ཀྱི་ཐོས་སམ། ལྷ། བདག་གིས་ཐོས་ཏེ། བཅོམ་ལྡན་འདས་ནི། ཤཱཀྱ་རྣམས་ཀྱི་ནང་ན་ཤཱཀྱ་རྣམས་ཀྱི་གྲོང་རྡལ་མེ་ཙུ་རུ་དི་ཞེས་བགྱི་བ་ན་བཞུགས་སོ། །རིང་</font><hr>Tha125b<br><font size=+2>


པོ། ཤཱཀྱ་རྣམས་ཀྱི་གྲོང་རྡལ་མེ་ཙུ་རུ་དི་ཞེས་བྱ་བར་ཐག་ཇི་སྲིད་ཡོད། ལྷ། རྒྱང་གྲགས་གསུམ་ལྷག་ཙམ་མཆིས་སོ། །དེས་རིང་པོ། ཤཱཀྱ་རྣམས་ཀྱི་གྲོང་རྡལ་མེ་ཙུ་རུ་དི་ག་ལ་བ་དེར་ཤིང་རྟ་དྲོངས་ཤིག་།ལྷ། དེ་བཞིན་འཚལ་ལོ། །ཞེས་སྤྱོད་པའི་བུ་རིང་པོས་ཀོ་ས་ལའི་རྒྱལ་པོ་གསལ་རྒྱལ་གྱི་ལྟར་མཉན་ནས་ཤཱཀྱ་རྣམས་ཀྱི་གྲོལ་རྡལ་མེ་ཙུ་རུ་དི་ག་ལ་བ་དེར་ཤིང་རྟ་ཁྲིད་དེ་བཞོན་པས་འགྲོ་བའི་ས་ཇི་སྲིད་པ་དེ་སྲིད་དུ་ཞོན་ཏེ་སོང་ནས་བཞོན་པ་ལས་བབས་ཏེ་རྐང་པས་ཀུན་དགའ་ར་བར་ཞུགས་སོ། །དེའི་ཚེ་བཅོམ་ལྡན་འདས་གཙུག་ལག་ཁང་ཆེན་པོ་སྒོ་བཅད་པ་ཞིག་ན་ཉིན་མོ་གནས་པས་བཞུགས་སོ། །དགེ་སློང་མང་པོ་རྣམས་ནི། གཙུག་ལག་ཁང་གི་ཕྱི་རོལ་བླ་གབ་མེད་པའི་འཆག་ས་ན་འཆག་པར་བྱེད་པ། ཀོ་ས་ལའི་རྒྱལ་པོ་གསལ་རྒྱལ་གྱིས་མཐོང་ངོ ། །དགེ་སློང་མང་པོ་དག་ཐག་རིང་པོ་ཉིད་ནས་མཐོང་ནས་ཀྱང་དགེ་སློང་མང་པོ་དག་ག་ལ་བ་དེར་སོང་སྟེ་ཕྱིན་ནས་དགེ་སློང་མང་པོ་དག་ལ་འདི་སྐད་ཅེས་སྨྲས་སོ། །བཙུན་པ་དག་།བཅོམ་ལྡན་འདས་ག་ལ་བཞུགས་རྒྱལ་པོ་ཆེན་པོ། བཅོམ་ལྡན་འདས་ནི། གཙུག་ལག་ཁང་ཆེན་པོ་ཆབ་སྒོ་བཀུམ་པ་འདི་ན་ཉིན་མོ་གནས་པས་བཞུགས་ཏེ། རྒྱལ་པོ་ཆེན་པོ། ཁྱེད་བཞེད་ན། གཙུག་ལག་ཁང་ཆེན་པོ་སྒོ་བཀུམ་པ་ག་ལ་བར་བཞུད་དེ། དེར་བྱོན་པ་དང ། ཁད་ཀྱིས་དལ་བུས་སྒོ་གླེགས་ལ་རྡུངས་ཤིག་དང ། བཅོམ་ལྡན་འདས་ཆབ་སྒོ་འབྱེད་པར་འགྱུར་རོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་</font><hr>Tha126a<br><font size=+2>


༄#། །གྱིས་རྒྱལ་པོའི་རྟགས་ལྔ་པོ། གཙུག་ཏོར་དང ། གདུགས་དང ། རལ་གྲི་དང ། རྔ་ཡབ་ནོར་བུའི་ཡུ་བ་ཅན་དང ། ལྷམ་ཁྲ་བོ་དག་ཕུད་དེ་སྤྱོད་པའི་བུ་རིང་པོ་ལ་བྱིན་ནས་ཁ་ཕྱིར་ལྟའོ། །དེ་ནས་སྤྱོད་པའི་བུ་རིང་པོ་འདི་སྙམ་དུ་སེམས་ཏེ། ལྷས་རྒྱལ་པོའི་རྟགས་ལྔ་པོ། གཙུག་ཏོར་དང ། གདུགས་དང ། རལ་གྲི་དང ། རྔ་ཡབ་ནོར་བུའི་ཡུ་བ་ཅན་དང ། ལྷམ་ཁྲ་བོ་དག་བདག་ལ་བཞག་སྟེ་ཞལ་ཕྱིར་གཟིགས་པ་ལས་ན། ལྷ་ནི། འཕྲིན་ལས་གསང་བ་ཞིག་མཛད་པར་བཞེད་པས། བདག་འདི་ཉིད་དུ་འདུག་པར་བྱའོ། །སྙམ་མོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གཙུག་ལག་ཁང་ཆེན་པོ་སྒོ་གཅད་པ་ག་ལ་བ་དེར་སོང་སྟེ་ཕྱིན་ནས་ཁད་ཀྱིས་དལ་བུ་དལ་བུས་སྒོ་གླེགས་ལ་བརྡབས་པ་དང ། དེ་ལ་བཅོམ་ལྡན་འདས་ཀྱིས་སྒོ་ཕྱེའོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་གདོང་དང ། ཁ་ཕྱིས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རིང་མོ་ཞིག་ལགས་ནས་མཐོང་ངོ ། །བདེ་བར་གཤེགས་པ་བདག་གིས་རིང་མོ་ཞིག་ལགས་ནས་མཐོང་ངོ ། །དེ་ནས་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། ཁྱོད་ཅིའི་ཕྱིར་དེ་བཞིན་གཤེགས་པ་ལ་ཤིན་ཏུ་དམན་པ་བས་ཀྱང་ཆེས་དམན་</font><hr>Tha126b<br><font size=+2>


པ་བྱེད། བཙུན་པ། བཅོམ་ལྡན་འདས། བདག་ལ་ཆོས་ལས་བྱུང་བའི་དད་པ་མཆིས་ཏེ། དེས་ན། བདག་འདི་སྙམ་དུ། བཅོམ་ལྡན་འདས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ། །ཁྱོད་ཀྱི་ཆོས་འདུལ་བ་ནི། ལེགས་པར་གསུངས་པའོ། །ཉན་ཐོས་ཀྱི་དགེ་འདུན་ནི། ལེགས་པར་ཞུགས་པའོ། །སྙམ་མོ། །རྒྱལ་པོ་ཆེན་པོ། ཁྱོད་ང་ལ་ཆོས་ལས་བྱུང་བའི་དད་པ་ཇི་ལྟ་བུ་ཞིག་ཡོད། བཙུན་པ། བདག་གིས་འདི་ན་དགེ་སྦྱོང་དང ། བྲམ་ཟེ་མཁས་པ། མཁས་པའི་ང་རྒྱལ་ཅན་སྨྲ་བ་དང ། ཕས་ཀྱི་རྒོལ་བ་ལ་གོམས་པར་བགྱིས་པ། སྐྱེ་བོ་ཕལ་པོ་ཆེ་ལ་བྱིས་པའི་དང་བས་འབིགས་པའི་ངོ་བོར་བཀུར་བ་ཁ་ཅིག་མཐོང་སྟེ། དེ་དག་རང་གི་ཤེས་རབ་དང་སྤོབས་པས། གཞན་གྱི་ལྟ་བའི་རྣམ་པ། འདྲེན་མའི་ངོ་བོ་དག་འཇིག་ཅིང ། དེ་དག་ཞུ་བ་རྩོམ་པར་བགྱིད་དེ། བདག་ཅག་ཤེས་ལྡན་གོའུ་ཏ་མ་དེའི་དྲུང་དུ་དོང་ལ། དྲི་བ་འདི་དང་འདི་ལྟ་བུ་དག་དྲི་སྟེ། གལ་ཏེ་ལུང་སྟོན་པར་མི་བྱེད་ན་ནི། བརྩད་པར་བྱའོ། །གལ་ཏེ་འདི་ལྟ་བུ་དང་འདི་ལྟ་བུ་ཡིན་ནོ། །ཞེས་ལུང་སྟོན་པར་བྱེད་ན། དེ་ལྟ་བུ་དེ་ལ་འདི་སྐད་ཅེས་བརྗོད་པར་བྱ་སྟེ། ཀྱེ་གོའུ་ཏ་མ། ཁྱོད་ཀྱི་འདི་ནི། མི་རིགས་སོ། །འདི་ནི། མི་འདྲའོ། །འདི་ནི། མི་འཐད་དོ། །ཞེས་བརྗོད་པར་བྱའོ། །ཞེས་དེ་རྣམས་ཀྱིས་ཞུ་བ་དེ་དག་བསྡོགས་ནས། བཅོམ་ལྡན་འདས་ཀྱི་སྤྱན་སྔར་བབ་པར་མཆིས་པའི་རྔོ་ཡང་མ་ཐོགས་ན། སྨྲ་བར་ལྟ་ག་ལ་རྔོ་ཐོགས་ཏེ། བཙུན་པ། བདག་བཅོམ་ལྡན་</font><hr>Tha127a<br><font size=+2>


༄#། །འདས་ལ་ཆོས་ལས་བྱུང་བའི་དད་པ་དེ་ལྟ་བུ་མཆིས་ཏེ། དེས་ན། བདག་འདི་སྙམ་དུ། བཅོམ་ལྡན་འདས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལགས། ཁྱོད་ཀྱི་ཆོས་འདུལ་བ་ནི། ལེགས་པར་གསུངས་པ་ལགས། ཉན་ཐོས་ཀྱི་དགེ་འདུན་ནི། ལེགས་པར་ཞུགས་པ་ལགས་སོ། །སྙམ་བགྱིད་དོ། ། བཙུན་པ། བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ། འདི་ན་བདག་གིས་དགེ་སྦྱོང་དང ། བྲམ་ཟེ་མཁས་པ་མཁས་པའི་ང་རྒྱལ་ཅན་ཞེས་བྱ་བ་ནས་ཁ་ཅིག་མཐོང་སྟེ་ཞེས་བྱ་བའི་བར་སྔ་མ་བཞིན་ནོ། །དེ་རྣམས་ཀྱིས་ཞུ་བ་དེ་དག་བསྡོགས་ནས་བཅོམ་ལྡན་འདས་ག་ལ་བ་དེར་མཆིས་ཏེ་ཕྱིན་ནས་བཅོམ་ལྡན་འདས་ལ་ཞུ་བ་ཞུ་བའི་རྔོ་མི་ཐོགས་ཀྱི། གཞན་དུ་ན། བཅོམ་ལྡན་འདས་ཁོ་ནའི་ཞལ་དུ་ལྟ་པ་དང ། ཞལ་དུ་རྟོག་པར་བགྱིད་ཅིང ། བཅོམ་ལྡན་འདས་གོའུ་ཏ་མ་འདི་ཁོ་ནས་ཤེས་པར་བྱ་བ་མཁྱེན་ཏོ། ། གཟིགས་པར་བྱ་བ་གཟིགས་སོ། །སྙམ་སྟེ། བཙུན་པ། འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་ཏེ་ཞེས་བྱ་བ་སྔ་མ་བཞིན་ནོ། །བཙུན་པ། བདག་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ། འདི་ན་བདག་གིས་དགེ་སྦྱོང་དང ། བྲམ་ཟེ་མཁས་པ། མཁས་པའི་ང་རྒྱལ་ཅན་ཞེས་བྱ་བ་ནས་ཁ་ཅིག་མཐོང་སྟེ་ཞེས་བྱ་བའི་བར་</font><hr>Tha127b<br><font size=+2>


སྔ་མ་བཞིན་ནོ། །དེས་ཞུ་བ་དེ་དག་བསྡོགས་ནས་བཅོམ་ལྡན་འདས་ག་ལ་བ་དེར་མཆིས་ཏེ་ཕྱིན་ནས་བཅོམ་ལྡན་འདས་ལ་ཞུ་བ་ཡོངས་སུ་མ་རྫོགས་པར་ཞུས་པ་དང ། བཅོམ་ལྡན་འདས་ཀྱིས་དེ་དག་ལ་ཞུ་བ་ཡོངས་སུ་མ་རྫོགས་པར་ཞུས་བཞིན་ཡོངས་སུ་རྫོགས་པར་ལུང་བསྟན་པ་དང ། དེ་དག་ཞུ་བ་ལུང་བསྟན་པ་དེས། ཡིད་རངས་ཤིང་མགུ་ནས་སངས་རྒྱས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཞིང ། བསླབ་པའི་གནས་དག་ཀྱང་ལེན་པར་བགྱིད་དེ། བཙུན་པ། འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་སོ། །ཞེས་པའི་བར་སྔ་མ་བཞིན་ནོ། །བཙུན་པ། བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། འདི་ན་བདག་གིས་བྲམ་ཟེ་དང ། ཁྱིམ་བདག་མཁས་པ། མཁས་པའི་ང་རྒྱལ་ཅན་ཞེས་བྱ་བ་ནས་ཁ་ཅིག་མཐོང་ཞེས་བྱ་བའི་བར་སྔ་མ་བཞིན་ནོ། །དེ་དག་གིས་ཞུ་བ་དེ་དག་བསྡོགས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་ཞུ་བ་རྫོགས་པར་ཞུས་པ་དང ། བཅོམ་ལྡན་འདས་ཀྱིས་དེ་དག་ལ་ཆོས་ཡོངས་སུ་རྫོགས་པར་ལུང་བསྟན་ནས་དེ་དག་ལུང་བསྟན་པ་དེས་ཡིད་རངས་ཤིང་མགུ་ནས་བཅོམ་ལྡན་འདས་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གསོལ་ཞིང ། བཅོམ་ལྡན་འདས་ཀྱིས་རབ་ཏུ་བྱུང་བར་མཛད། བསྙེན་པར་རྫོགས་པར་མཛད་དེ། རབ་ཏུ་བྱུང་ཞིང་བསྙེན་པར་རྫོགས་པ། དགྲ་བཅོམ་པ་ཉིད་</font><hr>Tha128a<br><font size=+2>


༄#། །ཐོབ་པ། རྣམ་པར་གྲོལ་བའི་དགའ་བ་དང ། བདེ་བ་ཉམས་སུ་མྱོང་པ་དེ་དག་འདི་སྙམ་དུ་སེམས་ཏེ། བདག་ཅག་དེའུ་མ་རུང་ངོ ། །བདག་ཅག་རབ་ཏུ་དེའུ་མ་རུང་ངོ ། ། བདག་ཅག་སྔོན་དགེ་སྦྱོང་མ་ཡིན་བཞིན་དུ་བདག་ཅག་དགེ་སྦྱོང་ངོ ། །སྙམ་དུ་ཁས་འཆེས། བདག་ཅག་བྲམ་ཟེ་དང ། དགྲ་བཅོམ་པ་མ་ཡིན་བཞིན་དུ་བདག་ཅག་དགྲ་བཅོམ་པའོ། །སྙམ་དུ་ཁས་འཆེའི། ད་ནི། བདག་ཅག་དགེ་སྦྱོང་དང ། བྲམ་ཟེ་དང ། དགྲ་བཅོམ་པ་ཡིན་ནོ། །སྙམ་སྟེ། བཙུན་པ། འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་ཏེ་ཞེས་བྱ་བ་སྔ་མ་བཞིན་ནོ། །བཙུན་པ། བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ། འདི་ན་བདག་གིས་དགེ་སྦྱོང་དང ། བྲམ་ཟེ་སྐྱ་བོ། སེང་སེང་བོ། ཤ་བྲི་སྲབ་པ། ཉམ་ཆུང་བ། མདོག་ངན་པ། དབང་པོ་ཉམས་པ། སྐྱེ་བོ་མང་པོའི་མིག་གིས་བལྟར་མི་ཆགས་པ་དག་ཅིག་མཐོང་ངོ ། །མཐོང་ནས་ཀྱང་བདག་འདི་སྙམ་དུ་སེམས་ཏེ།་ཤེས་ལྡན་འདི་དག་མི་འདོད་བཞིན་དུ་ཚངས་པར་སྤྱོད་པའམ། ནད་ཡུན་རིང་པོ་འགའ་ཞིག་གིས་ཐེབས་སམ། སྡིག་པ་མི་དགེ་བའི་ལས་འགའ་ཞིག་ལྐོག་ཏུ་བྱས་ནས་བཅབས་པར་མ་གྱུར་གྲང ། འདི་ལྟར་ཤེས་ལྡན་འདི་དག་སྐྱ་བོ། སེང་སེང་པོ། ཤ་བྲི་ངན་པ། ཉམ་ཆུང་བ། དབང་པོ་ཉམས་པ། སྐྱེ་བོ་མང་པོའི་མིག་གིས་བལྟར་མི་ཆགས་སོ། །སྙམ་མོ། །དེ་དག་གི་</font><hr>Tha128b<br><font size=+2>


དྲུང་དུ་མཆིས་ཤིང་མཆིས་ནས་འདི་སྐད་ཅེས་བགྱིས་ཏེ། ཤེས་ལྡན་དག་།ཅིའི་ཕྱིར་སྐྱ་བོ་སེང་སེང་པོ། ཤ་བྲི་ངན་པ། ཉམ་ཆུང་བ། དབང་པོ་ཉམས་པ། སྐྱེ་བོ་མང་པོའི་མིག་གིས་བལྟར་མི་ཆགས་པར་གྱུར། དེ་དག་གི་མཆིད་ནས་རྒྱལ་པོ་ཆེན་པོ། འདོད་ཆགས་ཀྱིས་གནོད་དོ། །བཙུན་པ། དེ་ལ་བདག་འདི་སྙམ་དུ་སེམས་ཏེ། གལ་ཏེ་འདོད་པ་རྣམས་རྙེད་པ་དང ། བསྟེན་པ་དང ། བསགས་པས། གཟུགས་བཟང་བའམ། བལྟ་ན་སྡུག་པའམ། མཛེས་པ་ཞིག་ཏུ་འགྱུར་ན་ནི། ད་ལྟ་ཀོ་ས་ལའི་རྒྱལ་པོ་གསལ་རྒྱལ་བདག། གཟུགས་ཆེས་བཟང་བ་དང ། ཆེས་བལྟ་ན་སྡུག་པ། ཆེས་མཛེས་པར་འགྱུར་རོ། །དེ་ཅིའི་ཕྱིར་ཞེ་ན། ཀོ་ས་ལའི་རྒྱལ་པོ་གསལ་རྒྱལ་བདག་ནི། འདོད་པའི་ཡོན་ཏན་ལྔ་པོ་རྣམས་འདོད་རྒུར་རྙེད་པ་དང ། ཚེགས་མེད་པར་རྙེད་པ་ལགས་སོ། །གང་གི་ཕྱིར་འདོད་པ་རྣམས་རྙེད་པ་དང ། བསྟེན་པ་དང ། བསགས་པས་གཟུགས་ཆེས་བཟང་བ་དང ། ཆེས་བལྟ་ན་སྡུག་པ་དང ། ཆེས་མཛེས་པར་མི་འགྱུར་བ་དེའི་ཕྱིར་བདག་གིས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་གཟུགས་ཤིན་ཏུ་བཟང་བ། དབང་པོ་རྒྱས་པ། བཞིན་གྱི་མདངས་གསལ་བ། པགས་པའི་མདོག་ཡོངས་སུ་དག་པ། སེམས་ཁྲལ་ཆུང་བ། འཚོ་བ་གཞན་ལ་རག་མ་ལུས་པ་མཐོང་སྟེ། དེས་ན་ཇི་སྲིད་འཚོའི་བར་དུ་ཚངས་པར་སྤྱོད་པ། མ་འདྲེས་པ་ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་སྤྱོད་པར་ནུས་སོ། །སྙམ་སྟེ། བཙུན་པ། འདི་ཡང་བདག་</font><hr>Tha129a<br><font size=+2>


༄#། །བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་ཏེ། ཞེས་བྱ་བ་སྔ་མ་བཞིན་ནོ། །བཙུན་པ། བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ། འདི་ན་བདག་གིས་ནོར་གྱི་སླད་དུ་མཆིས་པ་རྣམས་འདོད་པའི་རྒྱུ་དང ། འདོད་པའི་གཞི་དང ། འདོད་པའི་ཆེད་ཀྱི་སླད་དུ་མ་ནི། བུ་དང་ལྷན་ཅིག་རྩོད། བུ་ནི། ཕ་དང ། ཕ་ནི། བུ་དང ། བུ་ནི། མ་དང ། མིང་པོ་ནི། སྲིང་མོ་དང ། སྲིང་མོ་ནི། མིང་པོ་དང ། གྲོགས་ནི། གྲོགས་དང་རྩོད་པ་དག་མཐོང་ན། སྐྱེ་བོ་དང་སྐྱེ་བོར་ལྟ་སྨོས་ཀྱང་ཅི་འཚལ། དེ་དག་རྩོད་ཅིང་འགྱེད་པར་གྱུར་པ་ན། མ་ནི། བུའི་མི་སྙན་པ་སྨྲ། བུ་ནི། མའི། ཕ་ནི། བུའི། བུ་ནི། ཕའི། མིང་པོ་ནི། སྲིང་མོའི། སྲིང་མོ་ནི། མིང་པོའི། གྲོགས་ནི། གྲོགས་ཀྱི་མི་སྙན་པ་སྨྲ་ན། སྐྱེ་བོ་སྐྱེ་བོའི་ལྟ་སྨོས་ཀྱང་ཅི་འཚལ། ཡང་འདི་ན་བདག་གིས་མཐོང་བ། དགེ་སློང་གཉིས་ཤིག་དགེ་སློང་དག་དང་ལྷན་ཅིག་གཞི་འགའ་ཞིག་གི་སླད་དུ་རྩོད་ནས་བསླབ་པ་ཕུལ་ཏེ་བབས་བར་གྱུར་ན། དེ་དག་རྣམ་གྲངས་གང་གིས་ཀྱང་སངས་རྒྱས་ལ་མི་སྙན་པ་བརྗོད་པའམ། ཆོས་དང ། དགེ་འདུན་ལ་མི་སྙན་པ་བརྗོད་པར་མི་བགྱིད་ཀྱི། གཞན་དུ་ན་བདག་ཉིད་ཁོ་ན་ལ་ཡོངས་སུ་སྨོད་པར་བགྱིད། བདག་ཅག་གཉིས་ནི། འདི་ན་དམན་པ་དང ། མ་རབས་དང ། དཔལ་མེད་པ་སྟེ། བདག་ཅག་གིས་བཅོམ་ལྡན་འདས་ཀྱི་སྤྱན་སྔར་ཇི་སྲིད་འཚོ་བའི་བར་དུ་ཚངས་པར་</font><hr>Tha129b<br><font size=+2>


སྤྱོད་པ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་སྤྱད་པར་མ་ནུས་སོ། །ཞེས་མཆི་སྟེ། བཙུན་པ། འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་སོ། །ཞེས་བྱ་བ་སྔ་མ་བཞིན་ནོ། །བཙུན་པ། བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ། འདི་ན་ཀོ་ས་ལའི་རྒྱལ་པོ་གསལ་རྒྱལ་བདག་དགུ་མ་པར་བགྱི་བ་མ་ལགས་པ་རྣམས་ཀྱང་འགུམས། དགུམ་པར་བགྱི་བ་རྣམས་ནི། གཏོང་བར་དབང་ན། བདག་དོན་གྱི་ཆེད་དུ་མཆིས་པ་ལས། རྒྱལ་རིགས་རྒྱ་ཆེན་པོ་ཤིང་སཱ་ལ་ཆེན་པོ་ལྟ་བུ་དག་དང།་བྲམ་ཟེ་རྒྱ་ཆེན་པོ་ཤིང་སཱ་ལ་ཆེན་པོ་ལྟ་བུ་དག་དང ། ཁྱིམ་བདག་རྒྱ་ཆེན་པོ་ཤིང་སཱ་ལ་ཆེན་པོ་ལྟ་བུ་དག་གཏམ་མཇུག་ཏུ་ཕྱིན་པ་ལ་མི་སྡོད་པར་བར་སྐབས་བར་སྐབས་སུ་བཀའ་མཆིད་མཆི་ཞིང་མ་གུས་པ་དང ། ཞེ་ས་མ་མཆིས་པར་སྨྲ་བར་བགྱི་བར་སེམས་ལགས་སོ། །བཙུན་པ། དུས་གཅིག་ཅིག་ན་བཅོམ་ལྡན་འདས་འཁོར་བརྒྱ་ཕྲག་དུ་མའི་གུང་ལ་བཞུགས་ཤིང་ཆོས་སྟོན་པར་མཛད་པ་དེ་ན་ལུད་པའི་སྒྲ་ཡང་མི་གདའ། སྦྲིད་པའི་སྒྲ་ཡང་མི་གདའོ། །དེ་ནས་མི་ཞིག་གིས་ལུད་པའི་སྒྲ་ཕྱུང་བ་དང ། ཡང་མི་ཞིག་གིས། མི་དེ་ལ་འདི་སྐད་ཅེས། ཀྱེ་སྐྱེས་བུ། ཁྱོད་ཁ་རོག་པར་འདུག་།བཅོམ་ལྡན་འདས་སྦྲང་མའི་རྩིས་ཚིམ་པར་མཛད་པ་ལྟ་བུའི་ཆོས་སྙན་པ་སྟོན་པར་མཛད་པ་མ་མཐོང་ངམ་ཞེས་སྨྲས་ལགས་སོ། །དེ་སྐད་ཅེས་བགྱིས་པ་དང ། མི་དེ་ཅང་མི་མཆི་བར་</font><hr>Tha130a<br><font size=+2>


༄#། །མཆིས་སོ། །དེ་ལ་བདག་འདི་སྙམ་བགྱིད་དེ། བཅོམ་ལྡན་འདས་ནི། དེ་ཙམ་དུ་མཐུ་ཆེ་ཞིང་རྫུ་འཕྲུལ་ཆེ་བ་ལགས་ན། འདི་ན་ད་ལྟར་ཆད་པ་མེད་པ་དང ། མཚོན་ཆ་མེད་པའི་ཆོས་མཉན་པས། འཁོར་བཏུལ་བ་ངོ་མཚར་ཏོ། །སྙམ་སྟེ། བཙུན་པ། འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་ཏེ་ཞེས་བྱ་བའི་བར་སྔ་མ་བཞིན་ནོ། །བཙུན་པ། བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་འདི་ཡང་མཆིས་ཏེ། བཙུན་པ། འདི་ན་བདག་གིས་དགེ་སྦྱོང་དང ། བྲམ་ཟེ་ཁ་ཅིག་མཐོང་ན། ནོར་མེད་པར་བགྱིས་ཏེ་ཚངས་པར་སྤྱད་པ་སྤྱོད་པ་ལས། དེས་ཟླ་བ་དགུའམ་ཟླ་བ་བརྒྱད་འདས་པ་དང ། རྣམ་པ་དེ་དག་དང ། རྟགས་དེ་དག་དང ། མཚན་མ་དེ་དག་བོར་ཏེ་ཕྱིར་འདོད་པའི་ཡོན་ཏན་ལྔ་པོ་དག་འབྱོར་ཅིང་ལྡན་པར་གྱུར་ཅིང ། རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་དོ། །བཙུན་པ། འདི་ན་བདག་གིས་མཐོང་བ། བཅོམ་ལྡན་འདས་ཀྱི་ཉན་ཐོས་དག་།ཇི་སྲིད་འཚོའི་བར་དུ་ཚངས་པར་སྤྱོད་པ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་སྤྱོད་ཅིང་ཞེས་བྱ་བ་ནས་སྲོག་གི་མཐའི་བར་ཞེས་བྱ་བ་དང ། བཙུན་པ། འདི་ཡང་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་སོ། །ཞེས་བྱ་བའི་བར་སྔ་མ་བཞིན་ནོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བརྒྱད་པ། བཙུན་པ། </font><hr>Tha130b<br><font size=+2>


བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་འདི་ཡང་མཆིས་ཏེ། བཙུན་པ། འདི་ན་བདག་དྲང་སྲོང་སྦྱིན་པ་དང ། རྙིང་པ་དེ་དག་ལ་ཡིད་རྟོན་ཅིང་དེ་དག་ལ་ལོངས་སྤྱོད་རྣམས་ཀྱང་སྩོལ། གྲགས་པ་ཡང་སྩོལ་བ་ནས་དེ་དག་གི་སྲོག་གི་བར་ཡང་སྩོལ་ན། དེ་དག་བཅོམ་ལྡན་འདས་ལ་ཇི་ལྟ་བ་དེ་ལྟར་བགྱི་བ་བགྱིད་པར་མི་སེམས་ཏེ། བཙུན་པ། དུས་གཅིག་ཅིག་ན་བདག་དྲང་སྲོང་ཡིད་བརྟན་པ་སྦྱིན་པ་དང ། རྙིང་པ་དག་བརྟག་པར་འཚལ་ནས་འཁོར་གྱི་ནང་ནས་བྱུང་སྟེ་ཕྱོགས་དོག་པ་ཞིག་ཏུ་མཆིས་ནས་འདི་ལྟར་འདི་དག་བཅོམ་ལྡན་འདས་དང ། བདག་གང་ལོགས་སུ་རྐང་པ་སྟོན་བལྟའོ། །སྙམ་ན། དེ་དག་གིས་རྣམ་གྲངས་དུ་མར་སངས་རྒྱས་ཀྱི་བསྔགས་པ་བརྗོད། ཆོས་དང ། དགེ་འདུན་གྱི་བསྔགས་པ་བརྗོད་ནས་བཅོམ་ལྡན་འདས་གང་ན་བ་དེ་ལོགས་སུ་ནི། མགོ་བསྟན། བདག་ག་ལ་བ་དེ་ལོགས་སུ་ནི། རྐང་པ་བསྟན་ཏོ། །དེ་ལ་བདག་འདི་སྙམ་བགྱིད་དོ། །བཅོམ་ལྡན་འདས་ནི། དེ་ཙམ་དུ་རྫུ་འཕྲུལ་ཆེ་ཞིང་མཐུ་ཆེ་སྟེ། འདི་ན་ད་ལྟར་བདག་འདི་དག་ལ་ལོངས་སྤྱོད་རྣམས་ཀྱང་སྦྱིན། གྲགས་པ་ཡང་སྦྱིན་པ་ནས་སྲོག་གི་བར་ཡང་སྩོལ་ན། འདི་དག་བཅོམ་ལྡན་འདས་ཇི་ལྟ་བ་དེ་ལྟར་བདག་ལ་བྱ་བ་བྱེད་པར་མི་སེམས་པ་ནི། ངོ་མཚར་ཏོ། །སྙམ་སྟེ་ཞེས་བྱ་བ་ནས་བཙུན་པ། འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་སོ། །ཞེས་བྱ་བའི་བར་སྔ་མ་བཞིན་ནོ། །བཙུན་པ། བདག་ལ་ཆོས་ལས་བྱུང་བའི་དད་</font><hr>Tha131a<br><font size=+2>


༄#། །པ་གཞན་ཡང་མཆིས་ཏེ། བཙུན་པ། བདག་ཀྱང་ཡུལ་ཀོ་ས་ལ་པ་ལགས། བཅོམ་ལྡན་འདས་ཀྱང་ཀོ་ས་ལ་པ་ལགས། བདག་གི་རིགས་ཀྱང་རྒྱལ་རིགས་ལགས་བཅོམ་ལྡན་འདས་ཀྱི་རིགས་ཀྱང་རྒྱལ་རིགས་ལགས། བདག་ཀྱང་རྒས་པ། འཁོགས་པ། གཏུགས་པ། ན་ཚོད་ལོ་བརྒྱད་ཅུ་ལོན་པ་ལགས། བཅོམ་ལྡན་འདས་ཀྱང་བགྲེས་པ། འཁོགས་པ།་གཏུགས་པ། སྐུ་ན་ཚོད་ལོ་བརྒྱད་ཅུ་ལོན་པ་ལགས། བཙུན་པ། བདག་ཀྱང་རྒྱལ་པོ་རྒྱལ་རིགས་སྤྱི་བོ་ནས་དབང་སྐུར་བ་ལགས། བཅོམ་ལྡན་འདས་ཀྱང་བླ་ན་མེད་པའི་ཆོས་ཀྱི་རྒྱལ་པོ་ལགས་པས། བཙུན་པ། འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་ཏེ། དེས་ན་བདག་འདི་སྙམ་དུ། བཅོམ་ལྡན་འདས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ། །ཁྱོད་ཀྱི་ཆོས་འདུལ་བ་ནི། ལེགས་པར་གསུངས་པའོ། །ཉན་ཐོས་ཀྱི་དགེ་འདུན་ནི། ལེགས་པར་ཞུགས་པའོ། །སྙམ་དུ་སེམས་ལགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཀྱི་སྤྱན་སྔར་ཆོས་སྣ་ཚོགས་རྒྱ་ཆེར་བཤད་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་སོང་ངོ ། །ད་ནས་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་སོང་ནས་རིང་པོ་མ་ལོན་པར་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱོད་ཀྱིས་ཆོས་སྣ་ཚོགས་པའི་ཆོས་ཀྱི་རྣམ་</font><hr>Tha131b<br><font size=+2>


གྲངས་ཟུངས་ཤིག་།ཆོངས་ཤིག་།ལྷོགས་ཤིག་།དེ་ཅིའི་ཕྱིར་ཞེ་ན། དགེ་སློང་དག་།ཆོས་སྣ་ཚོགས་པའི་ཆོས་ཀྱི་རྣམ་གྲངས་ནི། དོན་དང་ལྡན་པ། ཆོས་དང་ལྡན་པ། ཚངས་པར་སྤྱོད་པ་དང་ལྡན་པ་སྟེ།་མངོན་པར་ཤེས་པར་བྱེད་པ་དང ། རྫོགས་པར་བྱང་ཆུབ་པར་བྱེད་པ་དང ། མྱ་ངན་ལས་འདས་པར་བྱེད་པ་ཡིན་ནོ། །དེ་ལྟ་བས་ན། རིགས་ཀྱི་བུ་དད་པས་རབ་ཏུ་བྱུང་བས། ཆོས་སྣ་ཚོགས་པའི་ཆོས་ཀྱི་རྣམ་གྲངས་བླངས་ཏེ་ཀུན་ཆུབ་པར་བྱས་ནས་དེ་ལྟ་དེ་ལྟར་གཟུང་བར་བྱ། བཅང་བར་བྱ། བཀླག་པར་བྱའོ། །ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་སྤྱན་སྔར་ཆོས་ཉན་པ་ལ་རིང་ཞིག་ཐོགས་པ་དང ། སྤྱོད་པའི་བུ་རིང་པོ་ཡང་ཅུང་ཞིག་བསྡད་ནས་ཤིང་རྟར་ཞུགས་ཏེ་མཉན་ཡོད་དུ་སོང་ནས་དེས་འཕགས་སྐྱེས་པོ་རྒྱལ་སྲིད་ལ་བཞག་གོ་།ཕྲེང་ལྡན་མ་དང ། དབྱར་ཚུལ་མས་སྤྱོད་པའི་བུ་ལ་དྲིས་པ། སྤྱོད་པའི་བུ། ལྷ་ག་ལ་བཞུགས། གྲོང་རྡལ་མེ་ཙུ་རུ་དི་ན་བཞུགས་སོ། །དེ་དག་རྐང་གིས་གྲོང་རྡལ་མེ་ཙུ་རུ་དིར་ཆས་སོ། །ཀོ་ས་ལའི་རྒྱལ་པོ་གསལ་རྒྱལ་ཡང་བཅོམ་ལྡན་འདས་ལས་ཆོས་མཉན་ནས་གཙུག་ལག་ཁང་ནས་བྱུང་ན། སྤྱོད་པའི་བུ་རིང་པོ་མི་སྣང་ནས་དེས་དགེ་སློང་རྣམས་ལ་དྲིས་པ། འཕགས་པ་དག་།སྤྱོད་བྱེད་ཀྱི་བུ་རིང་པོ་གར་མཆིས། དེ་དག་གིས་སྨྲས་པ། དེ་ལྷ་ནང་དུ་གཤེགས་མ་ཐག་ཏུ་ཤིང་རྟར་ཞུགས་ནས་མཆིས་སོ། །ཞེས་བྱས་པ་དང ། རྒྱལ་པོ་རྐང་གིས་སོང་ངོ ། །བཅོམ་ལྡན་འདས་ཀྱང་ཆེས་སྔ་བ་ཞིག་ཏུ་</font><hr>Tha132a<br><font size=+2>


༄#། །རྒྱལ་པོའི་ཁབ་ཏུ་གཤེགས་སོ། །ཇི་ཙམ་ན་རྒྱལ་པོས་ལམ་གར་ཕྲེང་ལྡན་མ་དང ། དབྱར་ཚུལ་མ་མཐོང་ནས་དེས་དེ་དག་ལ་དྲིས་པ། ཁྱེད་ཅི་ཕྱིར་རྐང་གིས་འདིར་འོངས། དེ་དག་གིས་སྨྲས་པ། ལྷ། སྤྱོད་པའི་བུ་རིང་པོས་འཕགས་སྐྱེས་པོ་རྒྱལ་སྲིད་ལ་བཞག་སྟེ། དེ་ནས་བདག་ཅག་ལྷའི་གན་དུ་མཆིས་མོད། བདག་ཅག་གཞན་གར་མཆི། རྒྱལ་པོས་སྨྲས་པ། ཕྲེང་ལྡན་མ། ཁྱོད་ཀྱིས་ཁྱོའི་རྒྱལ་སྲིད་ཉམས་སུ་མྱོང་ཟིན་གྱི། སོང་ལ་ད་བུའི་རྒྱལ་སྲིད་ཉམས་སུ་མྱོང་བར་གྱིས་ཤིག་།ང་ཡང་དབྱར་ཚུལ་མ་དང་ལྷན་ཅིག་རྒྱལ་པོའི་ཁབ་ཏུ་འགྲོ་འོ། །ཞེས་བྱས་པ་དང ། དེར་ཕྲེང་ལྡན་མ་སྙིང་རྗེ་རྗེ་སྐད་དུ་སྨྲེ་སྔགས་འདོན་ཅིང་ངུ་བཞིན་ཕྱིར་ལོག་གོ་།ཀོ་ས་ལའི་རྒྱལ་པོ་གསལ་རྒྱལ་ཡང་དབྱར་ཚུལ་མ་དང་ལྷན་ཅིག་རྒྱལ་པོའི་ཁབ་ཏུ་ཆས་ཏེ་རིམ་གྱིས་རྒྱལ་པོའི་ཁབ་ཏུ་ཕྱིན་ནས་ཕན་ཚུན་འཁྱམས་འཁྱམས་པ་ལས་མ་སྐྱེས་དགྲའི་སྐྱེད་མོས་ཚལ་དུ་འདུག་སྟེ། དེས་དབྱར་ཚུལ་མ་ལ་སྨྲས་པ། དབྱར་ཚུལ་མ། སོང་ལ་རྒྱལ་པོ་མ་སྐྱེས་དགྲ་ལ་ཀོ་ས་ལའི་རྒྱལ་པོ་གསལ་རྒྱལ་སྐྱེད་མོས་ཚལ་ན་འདུག་གོ་།ཞེས་གྱིས་ཤིག་།དེས་རྒྱལ་པོ་མ་སྐྱེས་དགྲ་ལ་སྨྲས་པ། ལྷ། ཀོ་ས་ལའི་རྒྱལ་པོ་གསལ་རྒྱལ་ཁྱོད་ཀྱི་སྐྱེད་མོས་ཚལ་ན་བཞུགས་ཏེ་ལྷ་གཟིགས་པར་བཞེད་དོ། །དེས་ཐོས་ནས་སྡངས་ཏེ་སྨྲས་པ། ཤེས་ལྡན་དག་།རྒྱལ་པོ་དེ་དམག་མང་པོ་ཅན་ཡིན་ནོ། །གློ་བུར་ཁོ་ནར་འོངས་ན། ཁྱེད་སུས་ཀྱང་མ་</font><hr>Tha132b<br><font size=+2>


ཚོར་རམ། དབྱར་བྱེད་མས་སྨྲས་པ། ལྷ། དེ་ལ་དམག་ག་ལ་མཆིས། བུས་རྒྱལ་སྲིད་ལས་ཕྱུང་ནས་དེ་གཡོག་དང་གཉིས་སུ་འདིར་མཆིས་སོ། །དེས་སྨྲས་པ། དེ་རྒྱལ་པོ་བྱེད་པ་ལེགས་ཏེ། བདག་ནི། གཞོན་ནུའི་གནས་ན་གནས་སོ། །ཞེས་སྨྲས་ནས་བློན་པོ་རྣམས་ལ་སྨྲས་པ། ཤེས་ལྡན་དག་།གང་ངས་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། བཀུར་སྟི་མེད་པར་སྤྱན་དྲང་བ་ནི།་ང་ལ་རིགས་པ་མ་ཡིན་པར་འགྱུར་བས། དེངས་ལ་གྲོང་ཁྱེར་མཛེས་པ་དང ། ལམ་མཛེས་པར་གྱིས་ཤིག་།དེ་དག་གིས་གྲོང་ཁྱེར་དེ་རྡོ་དང ། གསེག་མ་དང ། གྱོ་མོ་མེད་པར་བྱས་ཞེས་བྱ་བ་ནས་ལྷ་རྣམས་ཀྱི་སྐྱེད་མོས་ཚལ། དགའ་བའི་ཚལ་བཞིན་དུ་ཞེས་བྱ་བའི་བར་སྔ་མ་བཞིན་ནོ། །དེ་ནས་ལམ་མཛེས་པ་དང ། གྲོང་ཁྱེར་མཛེས་པ་སོ་སོར་ཁྱད་པར་དུ་འཕགས་པར་བྱས་ནས་དྲིལ་བསྒྲགས་པ། ཤེས་ལྡན་རྒྱལ་པོའི་ཁབ་ན་གནས་པ་དང ། ཕོ་བྲང་འཁོར་བ་དང ། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་དག་ཉོན་ཅིག་།ཀོ་ས་ལའི་རྒྱལ་པོ་གསལ་རྒྱལ་སྐྱེད་མོས་ཚལ་ན་འདུག་གི་།དེ་ཁྱེད་ལྷ་དང་ལྷན་ཅིག་ཏུ་གདུགས་དང ། རྒྱལ་མཚན་དང ། བ་དན་དག་གིས་བསུ་བར་བྱའོ། །དེ་ནས་རྒྱལ་པོ་མ་སྐྱེས་དགྲ་ཤིང་རྟ་སྟོང་ཕྲག་དུ་མ་ཕྱི་བཞིན་དུ་ཁྲིད་དེ་དཔུང་གི་ཚོགས་ཡན་ལག་བཞི་པ་དང ། ཀོ་ས་ལའི་རྒྱལ་པོ་གསལ་རྒྱལ་བསུར་དོང་ངོ ། །དེ་ཡང་མ་སྐྱེས་དགྲ་རིང་དུ་ཐོགས་པས། བྲུ་བས་བསྐྱེད་པའི་སྡུག་བསྔལ་བར་གྱུར་ཏོ། །སྐྱེད་མོས་ཚལ་དང་ཧ་ཅང་ཡང་མི་རིང་བ་ཞིག་</font><hr>Tha133a<br><font size=+2>


༄#། །ན།་ལ་ཕུག་གི་ར་བ་ཞིག་ཡོད་པ་དེར་སོང་བ་དང ། དེ་ལ་ལྡུམ་པས། ལ་ཕུག་སྦར་གང་བྱིན་ནོ། །དེ་ནས་དེས་ལ་ཕུག་གི་རྡོག་མ་དང ། ལོ་མ་དག་ཟོས་པ་དང ། སྐོམ་རབ་ཏུ་གྱུར་ནས་རྫིང་དྲུང་དུ་སོང་སྟེ་ཆུ་ངོམས་པར་འཐུངས་ནས་ལངས་པ་དང ། ལག་པ་རེངས་ཤིང་མ་ཞུ་བས་ཐེབས་ནས་ཤིང་རྟའི་ལམ་དུ་འགྱེལ་བ་དང ། དེ་འཁོར་ལོ་དྲིལ་བའི་རྡུལ་གྱིས་ཁ་གང་ནས་དུས་ལས་འདས་སོ། །རྒྱལ་པོ་མ་སྐྱེས་དགྲ་སྐྱེད་མོས་ཚལ་དུ་སོང་སྟེ་ཕན་ཚུན་བཙལ་བར་བསམ་ན། མ་རྙེད་དོ། །དེས་ཕྱོགས་བཞིར་ཕོ་ཉ་རྟ་པ་བཀྱེ་སྟེ་ཚོལ་ཅིག་ཅེས་བྱས་པ་དང ། དེ་ན་ཕོ་ཉ་གཅིག་ལ་ཕུག་གི་ར་བར་ཕྱིན་ནས་དེས་ལྡུམ་པ་དེ་ལ་དྲིས་པ། ཀྱེ་སྐྱེས་བུ། སྐྱེད་མོས་ཚལ་འདིར་འོངས་པ་འགའ་ལྟ་ཡོད་དམ། འོངས་སོ། །དེ་གར་སོང ། ལ་ཕུག་སྦར་གང་ཁྱེར་ནས་ལམ་འདི་ནས་རྫིང་བུར་སོང་ངོ ། །དེ་དེའི་རྗེས་བཞིན་དུ་སོང་ན། ཤིང་རྟའི་ལམ་ན་དུས་ལས་འདས་པར་མཐོང་ངོ ། །དེས་རྒྱལ་པོ་མ་སྐྱེས་དགྲ་ལ་སྨྲས་པ། ལྷ། ཤིང་རྟའི་ལམ་ག་གེ་མོ་ཞིག་གི་ཕྱོགས་སུ་དུས་ལས་འདས་སོ། །རྒྱལ་པོས་ཀྱེ་མ་ཀྱེ་ཧུད་ཅེས་སྨྲས་ནས་སྐྱེ་བོ་བརྒྱ་སྟོང་དུ་མས་བསྐོར་ཏེ་ཕྱོགས་དེར་སོང་བ་དང ། ཇི་ཙམ་ན་ཤི་བའི་རོ་ཤིན་ཏུ་མི་སྡུག་པ་མཐོང་ནས་ཡང་བློན་པོ་རྣམས་ལ་སྨྲས་པ། ཤེས་ལྡན་དག་།རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་འདི། ངའི་ཡུལ་དུ་དུས་ལ་འདས་པ། ང་ལ་སྙན་པ་མ་ཡིན་པར་འགྱུར་གྱི། ཁྱེད་ཀྱིས་འདི་བཀུར་</font><hr>Tha133b<br><font size=+2>


སྟི་ཆེན་པོས་བསིལ་བའི་ཚལ་གྱི་དུར་ཁྲོད་དུ་སྐྱོལ་ཅིག་།ང་ཡང་འདིའི་ཁོག་པ་ལ་མཆོད་པ་ལྷག་པར་བྱ་བའི་ཕྱིར་བཅོམ་ལྡན་འདས་ལ་ཞུའོ། །དེ་དག་གིས་ཀྱང་དེ་བཀུར་སྟི་ཆེན་པོས་བསིལ་ཚལ་གྱི་དུར་ཁྲོད་ཆེན་པོར་བསྐྱལ་ཏོ། །རྒྱལ་པོ་མ་སྐྱེས་དགྲ་ཡང་བཅོམ་ལྡན་འདས་ག་ལ་བདེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་འདི་སྐད་ཅེས་གསོལ་ཏོ། ། བཙུན་པ། ཀོ་ས་ལའི་རྒྱལ་པོ་གསལ་རྒྱལ་བདག་གི་ཡུལ་དུ་དུས་ལས་འདས་ན། དེའི་ཁོག་པ་ལ་བདག་གིས་མཆོད་པ་ཇི་ལྟ་བུ་ཞིག་བགྱི། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཅི་ནུས་ཅི་ཕོད་ཀྱིས་ལུས་ལ་མཆོད་པ་རྒྱ་ཆེར་གྱིས་ཤིག་།དེ་ནས་རྒྱལ་པོས་དེའི་ཁོག་པ་ལ་མཆོད་པ་ཆེན་པོ་བྱས་ནས་ཡང་བཅོམ་ལྡན་འདས་ཀྱི་སྤྱན་སྔར་སོང་སྟེ་བཅོམ་ལྡན་འདས་ལ་ཞུས་པ། བཙུན་པ། ཀོ་ས་ལའི་རྒྱལ་པོ་གསལ་རྒྱལ་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། ལ་ཕུག་གི་རྡོག་མ་དང་ལོ་མ་དག་འཚལ་ནས་སུག་པ་རེངས་ཤིང་མ་ཞུ་བས་ཐེབས་ཏེ་དུས་ལས་འདས་ལགས། བཅོམ་ལྡན་འདས་ཀྱིས་བཀའ་སྩལ་པ། ཀོ་ས་ལའི་རྒྱལ་པོ་གསལ་རྒྱལ་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། དཔའ་རྒལ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བ་དག་།གཞན་སུ་ཞིག་གིས་མྱོང་བར་འགྱུར་ཏེ། རྒྱལ་པོ་ཆེན་པོ། ལས་བྱས་ཤིང་བསགས་པ་རྣམས་ནི། ཕྱི་རོལ་གྱི་སའི་ཁམས་ལ་སྨིན་པར་མི་</font><hr>Tha134a<br><font size=+2>


༄#། །འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་ལས་དགེ་བ་དང ། མི་དགེ་བ་བྱས་ཤིང་བསགས་པ་རྣམས་ནི།་ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་རོ། །བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་དང་ལྡན་པ་ན། ལུས་ཅན་རྣམས་ལ་འབྲས་བུར་སྨིན། །རྒྱལ་པོ་ཆེན་པོ། སྔོན་བྱུང་བ་རི་བྲག་ཅིག་ན་བྲམ་ཟེ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ནས་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་ཕོ་ཞིག་བཙས་ཏེ། ཇི་ཙམ་ན་བསྐྱེད་བསྲིངས་ནས་ཆེན་པོར་གྱུར་ཏོ། །དེས་དུས་གཞན་ཞིག་ན་སློང་མོ་ལ་སོང་བ་དང ། ལ་ཕུག་སྦར་གང་ཞིག་རྙེད་དོ། །དེས་མ་ལ་འདི་རེ་ཞིག་ཁྲུས་བྱས་ཏེ་འོང་ངོ ། །ཞེས་གཏམས་སོ། །དེས་དེ་དེ་ལ་གཏམས་ནས་ཁྲུས་བྱེད་དུ་སོང་ངོ ། །སངས་རྒྱས་རྣམས་མ་བྱུང་བའི་ཚེ་འཇིག་རྟེན་དུ་རང་སངས་རྒྱས་ངན་པ་དང་དམན་པ་ལ་ཐུགས་བརྩེ་བ་ཅན། བས་མཐའི་གནས་མལ་ལ་དད་པ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་རོ། །ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་ཞིང་འགྲོ་བ་ན། རི་བྲག་དེར་ཕྱིན་ཏེ། དེ་ཕྱོགས་ཤིག་ཏུ་ཞག་ལོན་ནས་སྔ་དྲོ་</font><hr>Tha134b<br><font size=+2>


ཤམ་ཐབས་དང ། ཆོས་གོས་བགོས། ལྷུང་བཟེད་བླངས་ཏེ་རི་བྲག་ཏུ་བསོད་སྙོམས་ལ་ཞུགས་པ་དང ། རིམ་གྱིས་ཁྱིམ་དེར་ཕྱིན་ཏོ། །བྲམ་ཟེ་མོ་དེས་དེ་ལུས་མཛེས་པ་དང ། སེམས་མཛེས་པ་ལ་སོགས་པ་མཐོང་སྟེ། དེ་སེམས་དང་བ་སྐྱེས་པ་དེས་ལ་ཕུག་སྦར་གང་རང་སངས་རྒྱས་དེ་ལ་ཕུལ་ལོ། །བདག་ཉིད་ཆེན་པོ་དེ་དག་ནི། ལུས་ཀྱི་ཆོས་སྟོན་གྱི། ཚིག་གིས་མ་ཡིན་པས། དེས་དང་པའི་རྒྱལ་པོ་འདབ་མ་བརྐྱང་བ་བཞིན་དུ་ནམ་མཁའི་དབྱིངས་ལ་འཕགས་ཏེ། ཆོ་འཕྲུལ་སྣ་ཚོགས་དག་བསྟན་པར་བརྩམས་སོ། །སོ་སོའི་སྐྱེ་བོ་ནི། རྫུ་འཕྲུལ་ལ་མྱུར་དུ་དད་པར་བྱེད་པ་ཡིན་པས། དེས་ཤིང་རྩ་བ་ནས་བཅད་པ་བཞིན་དུ་རྐང་པ་ལ་གཏུགས་པ་དང ། དེས་དེ་ལ་སྙིང་བརྩེ་བར་བྱས་ནས་སོང་ངོ ། །ཇི་ཙམ་ན་བྲམ་ཟེའི་ཁྱེའུ་དེ་འོངས་ནས་སྨྲས་པ། ཡུམ། ལ་ཕུག་སྦར་གང་པོ་དེ་སྩོལ་ཅིག་།དེས་སྨྲས་པ། བུ། རྗེས་སུ་ཡི་རང་བ་གྱིས་ཤིག་།ངས་དེ་རབ་ཏུ་བྱུང་བ་ཞི་བའི་བདག་ཉིད་ཅན། བསོད་སྙོམས་དོན་དུ་གཉེར་བ་བྱོན་ནས་དེ་ལ་ཕུལ་ལོ། །ཞེས་བྱས་པ་དང ། དེ་བཀྲེས་པས་སྡུག་བསྔལ་དང ། ཡིད་མི་བདེ་བ་སྐྱེས་ཏེ་སྨྲས་པ། རབ་ཏུ་བྱུང་བ་དེས་དེ་ཟོས་ནས་ཅི་སྟེ་ལག་པ་རེངས་ཤིང་གསུད་དེ་དུས་བྱས་པར་མ་གྱུར། རྒྱལ་པོ་ཆེན་པོ། ཇི་སྙམ་དུ་སེམས། བྲམ་ཟེའི་བུ་གང་ཡིན་པ་དེ་ནི། ཀོ་ས་ལའི་རྒྱལ་པོ་གསལ་རྒྱལ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས། རང་སངས་རྒྱས་ལ་ཚིག་རྩུབ་མོ་སྨྲས་པའི་ལས་དེའི་རྣམ་པར་སྨིན་པས། ལོ་མང་པོ་ལོ་བརྒྱ་ཕྲག་</font><hr>Tha135a<br><font size=+2>


༄#། །མང་པོ། ལོ་སྟོང་ཕྲག་མང་པོ། ལོ་བརྒྱ་སྟོང་ཕྲག་མང་པོར་དམྱལ་བ་རྣམས་སུ་སྐྱེས་སོ། །ལས་ཀྱི་ལྷག་མ་དེ་ཉིད་ཀྱིས་ལན་དྲུག་ཏུ་ལག་པ་རེངས་ཤིང་གསུང་པས་དུས་ལས་འདས་ཏེ། ད་ལྟའི་དུས་ཀྱི་བར་འདི་དང་ལན་བདུན་དུ་ལག་པ་རེངས་ཤིང་གསུད་པ་ཁོ་ནས་དུས་ལས་འདས་སོ། །དེ་ལྟ་བས་ན། རྒྱལ་པོ་ཆེན་པོ། ལས་གཅིག་ཏུ་ནག་པ་རྣམས་ཀྱི་ཞེས་བྱ་བ་ནས་ལས་གཅིག་ཏུ་དཀར་བ་རྣམས་ཁོ་ན་ལ་འབད་པར་བྱ་སྟེ། རྒྱལ་པོ་ཆེན་པོ། ཁྱོད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་བྱ་བའི་བར་སྔ་མ་བཞིན་ནོ། །དེ་ནས་རྒྱལ་པོ་མ་སྐྱེས་དགྲ། བཅོམ་ལྡན་འདས་ཀྱིས་གསུངས་པ་ལ་མངོན་པར་དད་ནས་རྗེས་སུ་ཡི་རང་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔར་ནས་སོང་ངོ ། །ཇི་ཙམ་ན་མ་ལ་གནོད་ཀྱིས་འཕགས་སྐྱེས་པོ་ལ་འདི་སྐད་ཅེས་སྨྲས་སོ། །ལྷ། ཡབ་རྒྱལ་པོ་མཛད་ཅིང ། ལྷ་དབང་མ་བསྐུར་པ་ན། གང་གི་ཚེ་ང་རྒྱལ་པོར་གྱུར་པ་དེའི་ཚེ་ངས་ཤཱཀྱ་རྣམས་ཁ་བདག་སྟེ། དེ་ནི། ངས་དང་པོར་བྱ་བ་ཡིན་ནོ། །ཞེས་དེ་ལྟ་བུའི་ཁྱུ་མཆོག་གི་ཚིག་རླབས་པོ་ཆེ་གསུངས་ནས་གཅིག་ཏུ་ཆད་པར་མཛད་དེ། འཁོར་གྱི་ནང་དུ་སེངྒེའི་སྒྲ་ཡང་དག་པར་བསྒྲགས་པ་གང་ལགས་པ་དེ་དགོངས་སམ། ད་ནི། དེའི་དུས་ལ་བབ་ལགས་སོ། །དེས་སྨྲས་པ། མ་ལ་གནོད། ཅི། ཇི་སྙེད་སྨྲས་པ་དེ་ཐམས་ཅད་བྱའམ། དོན་དེ་འདས་པ་ཡིན་པས་</font><hr>Tha135b<br><font size=+2>


ཐོང ། རྒྱལ་པོའི་བྱ་བ་དག་དང ། རྒྱལ་པོའི་བྱེད་པ་དག་ཡོངས་སུ་ཉམས་པར་འགྱུར་རོ། །དེས་སྨྲས་པ། ལྷ། དགེ་བ་རྣམས་ནི། དམ་བཅས་པ་ལ་བརྟན་པ་ལགས་པས་ཇི་ལྟར་དམ་བཅས་པ་བཞིན་སྒྲུབ་ཏུ་གསོལ། མ་ལ་གནོད། རེ་ཞིག་ཞོག་ཅིག་དང ། དེ་ཡང་མི་དགའ་བར་འགྱུར་རོ། །དེས་སྨྲས་པ། ལྷ། འདི་ནི། ཐོག་མར་དམ་བཅས་པ་ལགས་པས། གདོན་མི་འཚལ་བར་བགྱི་འཚལ་ཏེ། དེང་ཁོ་ན་གདུགས་ཀྱང་བཟང ། ཡུད་ཙམ་ཡང་བཟང ། སྐར་མ་ཡང་བཟང ། བསོད་ནམས་ཀྱི་གདུགས་ཀྱང་བཟང་བས། ལྷ། དེ་དག་གིས་ངོ་ལོན་མ་བཤམས་པར་དེང་ཉིད་གཤེགས་པའི་རིགས་སོ། །དེ་ནས་འཕགས་སྐྱེས་པོ་མ་ལ་གནོད་ཀྱིས་བསླུས་པས། དཔུང་གི་ཚོགས་ཡན་ལག་བཞི་པ། གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དབུང་བུ་ཆུང་གི་ཚོགས་གོ་བསྐོན་ནས་སེར་སྐྱའི་གཞི་ན་གནས་པའི་ཤཱཀྱ་རྣམས་གསད་པའི་ཕྱིར་མཉན་ཡོད་ནས་སེར་སྐྱའི་གཞིར་ཆས་སོ། །སྐབས་དེ་ལྟ་བུ་ལ། སངས་རྒྱས་བཅོམ་ལྡན་འདས་རྣམས་ལ་མི་མཁྱེན་པའམ། མི་གཟིགས་པའམ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་སྟེ། དེ་སེར་སྐྱ་ན་གནས་པའི་ཤཱཀྱ་རྣམས་ཀྱི་ལས་ཆུད་མི་ཟ་བར་མཁྱེན་ནས་ཆེས་སྔར་མཉན་ཡོད་ནས་སེར་སྐྱའི་གཞིར་གཤེགས་སོ། །དེ་ནས་བཅོམ་ལྡན་འདས་ལམ་ཀར་ཤིང་ཤ་ཀོ་ཊ་ཀ་ཤུན་པར་རི་འཆུས་ཤིང ། མི་སྡུག་པ། ལོ་མ་སྲབ་པ། གྲིབ་མ་ཆུང་ངུ་ཞིག་གི་དྲུང་</font><hr>Tha136a<br><font size=+2>


༄#། །དུ་སྐྱིལ་མོ་ཀྲུང་བཅས་ཏེ་ཉིན་མོའི་གནས་པས་བཞུགས་སོ། །རྒྱལ་པོ་འཕགས་སྐྱེས་པོས། བཅོམ་ལྡན་འདས་ཐག་རིང་པོ་ནས་མཐོང་ངོ ། །མཐོང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ཤིང་ལོ་མ་མི་སྡུག་ཅིང ། གྲིབ་མ་ཆུང་ངུ་མ་ལགས་པ་གཞན་དག་མཆིས་ན། ཅིའི་སླད་དུ་བཅོམ་ལྡན་འདས་དེ་དག་སྤངས་ཏེ་ཤིང་ཤ་ཀོ་ཊ་ཀ་ཤུན་པ་འཆུས་ཤིང ། མི་སྡུག་པ། ལོ་མ་སྲབ་པ། གྲིབ་མ་ཆུང་ངུ་འདིའི་དྲུང་ན་བཞུགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། གཉེན་བཤེས་རྣམས་ལ་ནི། གཉེན་བཤེས་ཀྱི་གྲིབ་མ་བསིལ་ལོ། །འཕགས་སྐྱེས་པོས་བསམ་པ། བཅོམ་ལྡན་འདས་ལ་གཉེན་རྣམས་ལ་གཟིགས་ཤིང་ཐུགས་བརྩེ་བ་མངའ་སྟེ། ཀྱེ་མ། བཅོམ་ལྡན་འདས་ནི་གཉེན་རྣམས་ལ་ཐུགས་བརྩེ་བ་མཛད་དོ། །སྙམ་དུ་རིག་ནས་དེ་ཉིད་ནས་སླར་ལོག་གོ་།བཅོམ་ལྡན་འདས་ཀྱིས་དགོངས་པ། གལ་ཏེ་སེར་སྐྱ་ན་གནས་པའི་ཤཱཀྱ་རྣམས་ཀྱིས་བདེན་པ་མ་མཐོང་བར་འཕགས་སྐྱེས་པོའི་དམག་གིས་ཐེབས་ན། བདེན་པ་དག་མཐོང་བའི་སྣོད་དུ་མི་འགྱུར་རོ། །སྙམ་དུ་མཁྱེན་ནས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ལས། སེར་སྐྱའི་གཞིར་བྱོན་ཏེ་སེར་སྐྱའི་གཞིའི་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །སེར་སྐྱ་ན་གནས་པའི་ཤཱཀྱ་རྣམས་བཅོམ་</font><hr>Tha136b<br><font size=+2>


ལྡན་འདས། ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ལས་འདིར་བྱོན་ཏེ། ནྱ་གྲོ་དྷའི་ཀུན་དགའ་ར་བ་འདི་ཁོ་ན་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས་འཕགས་པའི་བདེན་པ་བཞི་རྟོགས་པར་འགྱུར་བའི་ཆོས་དེ་ལྟ་བུ་སྟོན་པར་མཛད་པ་དང ། དེ་ཐོས་ནས་སྲོག་ཆགས་བརྒྱ་སྟོང་ཕྲག་དུ་མས་ཁྱད་པར་ཆེན་པོ་ཐོབ་སྟེ། ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་འབྲས་བུ་ཞེས་བྱ་བ་ནས་དགེ་འདུན་ལ་འབབ་པ་ལ་བཀོད་དོ། །ཞེས་བྱ་བའི་བར་སྔ་མ་བཞིན་ནོ། །མ་ལ་གནོད་ཀྱིས་འཕགས་སྐྱེས་པོ་མཐོང་ནས་དེས་སྨྲས་པ། ལྷ། ཅི་སྟེ་སླར་ལོག་།དེས་སྨྲས་པ། མ་ལ་གནོད། བཅོམ་ལྡན་འདས་ཉེ་དུ་རྣམས་ལ་གཟིགས་ཤིང་ཐུགས་བརྩེ་བ་མངའ་སྟེ། ཀྱེ་མ། བཅོམ་ལྡན་འདས་ཉེ་དུ་རྣམས་ལ་ཐུགས་བརྩེ་བ་མངའ་བས། རྒྱལ་པོ་ཆེན་པོ། ཉེ་དུ་རྣམས་ལ་ནི། ཉེ་དུའི་གྲིབ་མ་བསིལ་ལོ། །ཞེས་དེ་ལྟ་བུའི་གསུང་འདི་བཀའ་སྩལ་ཏོ། །དེ་ནི། ངའི་སྙིང་ལ་ལྷང་ཞེས་བྱེད་ཀྱི། སེར་སྐྱ་ན་གནས་པའི་ཤཱཀྱ་རྣམས་གསད་པ་ཐོང་ཞིག་།དེས་སྨྲས་པ། ལྷ། དགེ་སྦྱོང་གོའུ་ཏ་མ་ནི། འདོད་ཆགས་དང་</font><hr>Tha137a<br><font size=+2>


༄#། །བྲལ་བ་ལགས་ཏེ། འདོད་ཆགས་དང་བྲལ་བ་རྣམས་ནི། ཉེ་དུ་ལ་མི་ལྟ་བས། དེང་ཁོ་ན་ལྷའི་ཉི་མ་ཡང་བཟང ། ཡུད་ཙམ་ཡང་བཟང ། སྐར་མ་ཡང་བཟང ། བསོད་ནམས་ཀྱི་གདུགས་ཀྱང་བཟང་བས། ལྷ། དེང་ཉིད་སེར་སྐྱའི་གཞིར་གཤེགས་ཤིག་།དེ་མི་དགེ་བའི་གྲོགས་པོས་ལོག་པར་བཟུང་བས། དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་སེར་སྐྱའི་གཞིར་སོང་སྟེ་ཧ་ཅང་མི་རིང་བ་ཞིག་ཏུ་ཕྲུ་མ་བཏབ་ནས་འདུག་གོ་།དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ། བདག་གིས་སྐྱེས་བུ་གཏི་མུག་ཅན་འཕགས་སྐྱེས་པོ་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་སེར་སྐྱ་ན་གནས་པའི་ཤཱཀྱ་རྣམས་དགུམ་པའི་སླད་དུ་སེར་སྐྱའི་གཞིར་མཆིས་ཞེས་ཐོས་ཏེ། དེའི་སླད་དུ་བདག་དེ་དཔུང་དང་བཞོན་པ་དང་བཅས་ཏེ་འཇིག་རྟེན་གྱི་ཁམས་གཞན་དུ་བཀུར་བའམ། ཁོར་ཡུག་གི་སླད་རོལ་</font><hr>Tha137b<br><font size=+2>


ཏུ་འཕངས་པའམ། སེར་སྐྱའི་གཞིའི་གྲོང་ཁྱེར་ལྕགས་ཀྱི་ར་བས་བསྐོར་བའམ། ལྕགས་ཀྱི་དྲ་བས་བསྐོར་བ་སྤྲོ་ལགས་སོ། །མོའུ་འགལ་གྱི་བུ། དེ་དེ་བཞིན་ནོ། །དེ་དེ་བཞིན་ཏེ། ཁྱོད་ཀྱིས་སྔ་མ་བཞིན་དུ་བསྐོར་བ་ཞེས་བྱ་བའི་བར་ནུས་མོད་ཀྱི། འོན་ཀྱང་སེར་སྐྱའི་གཞི་ན་གནས་པའི་ཤཱཀྱ་རྣམས་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། དཔའ་རྒལ་བཞིན་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་།བྱས་ཤིང་བསགས་པ་རྣམས་གཞན་སུ་ཞིག་གིས་མྱོང་བར་འགྱུར་ཏེ། དགེ་སློང་དག་།ལས་བྱས་ཤིང་བསགས་པ་རྣམས་ནི། ཕྱིའི་སའི་ཁམས་ལ་རྣམ་པར་སྨིན་པར་མི་འགྱུར། མེའི་ཁམས་ལ་མ་ཡིན། ཆུའི་ཁམས་ལ་མ་ཡིན། རླུང་གི་ཁམས་ལ་མ་ཡིན། འོན་ཀྱང་ལས་དགེ་བ་དང ། མི་དགེ་བ་བྱས་ཤིང་བསགས་པ་རྣམས་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་དང་ལྡན་པ་ན། །ལུས་ཅན་རྣམས་ལ་འབྲས་བུར་སྨིན། །མོའུ་འགལ་གྱི་བུ། འཇིག་རྟེན་ནི། ལས་བདག་གིར་བྱ་བ། ལས་ཀྱི་སྐྱེ་གནས་པ། ལས་ཀྱི་བསྒོ་སྐལ་ལ་སྤྱོད་པ། ལས་ལ་རྟོན་པ་ཡིན་པས། གང་གིས་ལས་དགེ་བའམ་སྡིག་པ་བྱས་པ་དེ་ནི། ལས་དེའི་སྐལ་པ་ཅན་དུ་འགྱུར་རོ། །མོའུ་འགལ་གྱི་བུ། དེ་ལྟ་བས་ན། ལས་ལ་གཞོལ་བར་བྱའོ། །དེ་ནས་ཚེ་དང་ལྡན་པ་</font><hr>Tha138a<br><font size=+2>


༄#། །མོའུ་འགལ་གྱི་བུ་ནི། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་སོང་ངོ ། །སེར་སྐྱའི་གཞི་ན་གནས་པའི་ཤཱཀྱ་རྣམས་ཀྱིས། སྐྱེས་བུ་གཏི་མུག་ཅན་འཕགས་སྐྱེས་པོ་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས། བདག་ཅག་གསོད་དུ་འོངས་སོ། །ཞེས་ཐོས་སོ། །ཐོས་ནས་དེ་དག་གིས་ཀྱང་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་བའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་གཡུལ་སྤྲད་པའི་ཕྱིར་འཕགས་སྐྱེས་པོ་ལོགས་སུ་སྤགས་སོ། །དེ་དག་བདེན་པ་མཐོང་བ་ཡིན་པས། གསོད་པར་ནི། ཅུང་ཟད་ཀྱང་མི་བྱེད་ཀྱི། གཞན་དུ་ན་དེའི་ཚེ་དབྱུག་པ་དང ། ལྕག་དག་གིས་སྣུན་ཅིང་གཞུ་རྒྱུད་དང ། རྒྱུན་དང ། འབྲེང་བ་རྣམས་གཅོད་པ་དང ། རྣ་རྒྱན་དག་ལ་མདའ་འཕེན་པར་བྱེད་དོ། །འཕགས་སྐྱེས་པོའི་དཔུང་གོ་ཆ་ཞིག་པར་བྱས་ནས་སེར་སྐྱའི་གནས་སུ་ཞུགས་ཏེ་སྒོ་དག་བཅད་ནས་ར་བ་ལ་སྦྲེངས་ཏེ་འཁོད་དོ། །དེ་དག་གིས་ཕ་རོལ་གནོན་པའི་མཐུ་ཉེ་བར་བཅོམ་པ་དང ། མ་ལ་གནོད་ལ་སྨྲས་པ། མ་ལ་གནོད། མཐོང་ངམ། ཤཱཀྱ་རྣམས་ཀྱིས་བདག་ཅག་བརླག་པར་བྱས་སུ་འོང་གི་།ཐོང་ལ་འདོང ། དེས་སྨྲས་པ། ལྷ། ཐུགས་མ་ཆད་</font><hr>Tha138b<br><font size=+2>


ཅིག་།སེར་སྐྱ་ན་གནས་པའི་ཤཱཀྱ་རྣམས་ནི། བདེན་པ་མཐོང་བ་ལགས་པས། འདི་རྣམས་སྲོག་ཆགས་གྲོག་སྦུར་ཡང་སྲོག་དང་འབྲལ་བའི་ཐུགས་མི་ཐུབ་སྟེ། དེ་ནི། འདི་དག་གིས་བདག་ཅག་གི་སེམས་ཅན་གཅིག་ཀྱང་མ་བསད་པ་ལས་མངོན་ནོ། །དེ་དེས་བསླུས་ནས་ཅང་མི་སྨྲ་བར་འདུག་གོ། ཤཱཀྱ་རྣམས་ཀྱིས་ཀྱང་ཁྲིམས་སུ་བཅས་པ། ཤེས་ལྡན་དག་།བདག་ཅག་ལས་སུས་ཀྱང་འཕགས་སྐྱེས་པོའམ། འཕགས་སྐྱེས་པོའི་དཔུང་ལ་བསྣུན་པར་མི་བྱ་སྟེ། གང་ཞིག་སྣུན་པ་དེ་ནི། བདག་གི་ཉེ་དུ་ཡང་མ་ཡིན། ཤཱཀྱ་ཡང་མ་ཡིན་ནོ། །དེའི་ཚེ་དེའི་དུས་ན་ཤཱཀྱ་ཤམྦྷ་ཀ་ཞེས་བྱ་བ་ཞིག་རི་བྲག་ཅིག་ན་རང་ཞལ་ཏ་བྱེད་ཅིང་ལས་ཀྱི་མཐའ་བྱེད་པ་དེས། ཤཱཀྱ་རྣམས་ཀྱིས་ཁྲིམས་སུ་བཅས་པ་མ་ཐོས་སོ། །དེ་ཡང་སོ་སོའི་སྐྱེ་བོ་ཞིག་ཡིན་ཏེ། དེས་འཕགས་སྐྱེས་པོ་བདག་ཅག་གསད་པའི་ཕྱིར་སེར་སྐྱའི་གནས་སུ་འོངས་ནས་ཕྱོགས་ཆེ་གེ་མོ་ཞིག་ན་འདུག་གོ་།ཞེས་ཇི་ལྟ་བུ་ཡིན་པ་ཐོས་སོ། །ཐོས་ནས་ཀྱང་ཁྲོ་བས་ཀུན་ནས་དཀྲིས་པས་བསྐྱེད་པའི་ཡིད་མི་བདེ་བས། མོད་ལ་འཕགས་སྐྱེས་པོའི་དཔུང་གི་ཐོག་ཏུ་དྲངས་ནས་དེས་དེར་སྐྱེ་བོའི་ཚོགས་མང་པོ་ཞིག་ནི། ཁ་བཏག་།ཁ་ཅིག་ནི། ཐ་མ་མ་ཤི་ཙམ་དུ་བྱས་སོ། །དེ་ནས་འཕགས་སྐྱེས་པོ་ཡིད་མི་བདེ་ནས་སྨྲས་པ། མ་ལ་གནོད། ཁྱོད་ཀྱིས་མཐོང་ངམ། ཁྱོད་ཅིག་ན་རེ། འདི་དག་བདེན་པ་མཐོང་བ་ཡིན་པས་སྲོག་ཆགས་གྲོག་སྦུར་ཡང་སྲོག་དང་འབྲལ་བར་མི་བྱེད་དོ། །ཞེ་ན། </font><hr>Tha139a<br><font size=+2>


༄#། །རེ་ཞིག་འདི་དག་གཅིག་གིས་ཀྱང་བདག་ཅག་གི་སྐྱེ་བོ་མང་པོ་འདི་ལྟ་བུ་བསད་ན། གལ་ཏེ་ཐམས་ཅད་ལྷགས་པར་གྱུར་ན། བདག་ཅག་གི་སེམས་ཅན་འགའ་ཡང་མི་འཚོ་བར་འགྱུར་བ་ལྟ་སྨོས་ཀྱང་ཅི་དགོས། དུས་ཀྱིས་བཅུས་པས་ཆོག་གི་།སླར་འདོང ། དེས་སྨྲས་པ། ལྷ། ཤཱཀྱ་རྣམས་ཀྱིས་འདི་ལྟ་བུའི་ཁྲིམས་སུ་བཅའ་བ་བགྱིས་ཏེ། བདག་ཅག་ལས་གང་གིས་ཀྱང་འཕགས་སྐྱེས་པོའམ། འཕགས་སྐྱེས་པོའི་དཔུང་ལ་བསྣུན་པར་མི་བྱ་སྟེ། གང་ཞིག་སྣུན་པ་དེ་ནི། བདག་ཅག་གི་ཉེ་དུ་ཡང་མ་ཡིན། ཤཱཀྱ་ཡང་མ་ཡིན་ནོ། །ཞེས་དམ་བཅས་ན། དེ་འདིས་མ་ཐོས་པས། ད་ནི། འདི་ནང་དུ་ཡང་མི་ཆུད་པའི་གནས་གང་ལགས་པ་དེ་མཆིས་སོ། །དེ་སེར་སྐྱའི་གནས་ཀྱི་སྒོར་སོང་སྟེ་འདུག་ནས་སྨྲས་པ། ཤེས་ལྡན་དག་།ནང་དུ་འོང་གི་།སྒོ་ཕྱེ་ཞིག་།དེ་དག་གིས་སྨྲས་པ། ཁྱོད་ཀྱིས་ཁོ་བོ་ཅག་གི་ཁྲིམས་སུ་བཅའ་བ་དྲལ་བས་ད་ཕྱིན་ཆད་ཁྱོད་ཁོ་བོ་ཅག་གི་གཉེན་ཡང་མ་ཡིན། ཤཱཀྱ་ཡང་མ་ཡིན་ནོ། །ཁྱོད་ནང་དུ་ལྟ་ག་ལ་གཏང ། སོང་ཞིག་།དེས་སྨྲས་པ། བདག་གིས་ཁྱོད་ཀྱི་ཁྲིམས་སུ་བཅའ་བ་མ་ཐོས་ཏེ། འོན་ཀྱང་མང་དུ་སྨྲ་ཅི་དགོས། གལ་ཏེ་བདག་གིས་ཁྱེད་ཀྱི་ཁྲིམས་སུ་བཅའ་བ་དྲལ་ན། བདག་གི་འཁོར་ཕྱིར་ཕྱུང་ཞིག་དང ། གཞན་དུ་འགྲོའོ། །དེ་དག་གིས་དེའི་འཁོར་ཕྱིར་ཕྱུང་བ་དང ། དེས་དེ་དག་ཁྲིད་ནས་བཅོམ་</font><hr>Tha139b<br><font size=+2>


ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཤཱཀྱ་ཤམྦྷ་ཀས་འདི་སྐད་ཅེས་གསོལ་ཏོ། །བཙུན་པ། བདག་གིས་བཅོམ་ལྡན་འདས་ལ་གང་ལ་བགྱི་བ་བགྱི་བའི་མཚན་མ་ཅུང་ཟད་ཅིག་བདག་ལ་སྩལ་དུ་གསོལ། བཅོམ་ལྡན་འདས་ཀྱིས་དེ་ལ་རྫུ་འཕྲུལ་གྱིས་དབུ་སྐྲ་དང ། སེན་མོ་དང ། ཚེམས་དག་ཅིག་གནང་བ་དང ། དེས་དེ་དག་ཁྱེར་ནས་ཡུལ་བ་ཀུ་དར་ཆས་སོ། །དེ་རྣམས་ཀྱིས་ཤཱཀྱ་ཤམྦྷ་ཀ་ཞེས་བྱ་བ་བརྩོན་པ་དང ། སྟོབས་དང ། ཕ་རོལ་གནོན་པ་ཆེན་པོ་ཕུན་སུམ་ཚོགས་པ་ཞིག་བདག་ཅག་གི་ཡུལ་དུ་རྒྱལ་སྲིད་འདོད་དུ་འོང་ངོ ། །ཞེས་ཐོས་སོ། །ཐོས་ནས་ཀྱང་གྲོགས་བྱ་བར་བརྩམས་པ། ཤེས་ལྡན་དག་།ཤཱཀྱ་ཤམྦྷ་ཀ་ཞེས་བྱ་བ་བརྩོན་པ་དང ། སྟོབས་དང ། ཕ་རོལ་གནོན་པ་ཆེན་པོ་ཕུན་སུམ་ཚོགས་པ་ཞིག་།བདག་ཅག་གི་ཡུལ་དུ་འོང་ངོ ། །ཞེས་གྲག་གི་།དེའི་ཕྱིར་རེ་ཞིག་ཚུར་ཤོག་།འདུས་ཤིག་།ཅི། དེ་དང་ཕྲད་ཅིང་འདོང་ངམ་མི་འདོང ། དེ་དག་ཐམས་ཅད་རེ་ཞིག་གི་དྲུང་དུ་འདུས་ཏེ་རེ་ཞིག་འདུག་པ་དེའི་བར་དུ་ཤམྦྷ་ཀས་འཁོར་རྣམས་ཕྱོགས་གཅིག་ཏུ་བཞག་ནས་བང་ཆེན་གྱི་ཆ་ལུགས་སུ་བྱས་ཏེ། དེ་དག་གི་དྲུང་དུ་སོང་བ་དང ། དེ་དག་གིས་འོངས་པ་ལེགས་སོ། །ཞེས་བྱ་བའི་སྨྲ་བ་ཀུན་ཏུ་སྤྱད་ནས་དྲིས་པ། ཁྱོད་ག་ལས་འོང ། དེས་སྨྲས་པ། </font><hr>Tha140a<br><font size=+2>


༄#། །ཤཱཀྱ་ཤམྦྷ་ཀ་ཞེས་བྱ་བ་བརྩོན་པ་དང ། སྟོབས་དང ། ཕ་རོལ་གནོན་པ་ཆེན་པོ་ཕུན་སུམ་ཚོགས་པ་དེ། རྒྱལ་སྲིད་འདོད་ཅིང་འདིར་འོང་བར་འདོད་དེ། དེས་སྤྲིང་ཡིག་འདི་བསྐུར་གྱི། འཁོད་ལ་ལྷོགས་ཤིག་།དེ་དག་གིས་སྨྲས་པ། སྟན་ཡང་མེད་ན་གང་དུ་འཁོད། དེས་རལ་གྲི་ཤུབས་ནས་ཕྱུང་ནས་ཕ་བོང་དུམ་བུ་དུམ་བུར་གཤེགས་ཏེ་འདི་ལ་འཁོད་ཅིག་ཅེས་བྱས་པ་དང ། དེ་དག་གིས་མཐོང་ནས་ངོ་མཚར་གྱི་མིག་གདངས་ཏེ་སྨྲས་པ། ཀྱེ་སྐྱེས་བུ། དེ་ལ་ཁྱོད་འདྲ་བ་དེ་ལྟ་བུའི་མི་ཇི་ཙམ་ཡོད། དེས་སྨྲས་པ། ཤེས་ལྡན་དག་།ཁོ་བོ་ནི། དེའི་བང་ཆེན་ཏེ། ཁོ་བོས་ལྟ་ཅི་ཞིག་ནུས། དེ་ལ་སྐྱེས་བུ་དཔའ་བོ་གཞན་མང་དུ་ཡོད་དོ། །དེ་དག་གིས་ཐོས་ནས་སྡངས་ཏེ་ཕན་ཚུན་སྨྲས་པ། ཤེས་ལྡན་དག ། གང་གིས་བང་ཆེན་འདི་འདྲ་བ་དེའི་མི་གཞན་ཅི་འདྲ་བ་ཞིག་ཡོད། ཚུར། དེ་ཡོང་བདག་ཅག་གི་རྒྱལ་པོར་གཞུག་གོ། ཞེས་དེ་དག་གིས་སྤྲིང་ཡིག་བཀླགས་ནས་དེ་ལ་སྤྲིང་ཡིག་གི་ལན་བྱིན་པ། བྱོན་པ་ལེགས་སོ། །སྨན་བཏགས་ཏེ། བདག་ཅག་བཀའ་བཞིན་བགྱིད་པ་ལགས་སོ། །དེས་སྤྲིང་ཡིག་གི་ལན་ཁྱེར་ནས་འཁོར་དང་བཅས་ཏེ་འབྱོར་པ་མཆོག་དང ། ཡུལ་བ་ཀུ་དར་འོངས་པ་དང ། དེ་དག་གིས་དེ་བཀུར་སྟི་ཆེན་པོས་བསུས་ནས་རྒྱལ་སྲིད་ལ་བཞག་གོ་།ཡུལ་བ་ཀུ་ད་པ་རྣམས་ཀྱིས་ཤཱཀྱ་ཤམྦྷ་ཀ་ཞེས་བྱ་བ་རྒྱལ་སྲིད་ལ་དབང་བསྐུར་རོ། །ཞེས་</font><hr>Tha140b<br><font size=+2>


ཀུན་ཏུ་སྒྲ་གྲགས་ཏེ། རྒྱལ་པོ་ཤམྦྷ་ཀ། རྒྱལ་པོ་ཤམྦྷ་ཀ་ཞེས་བྱ་བར་མིང་ཆགས་སོ། །དེས་དེར་བཅོམ་ལྡན་འདས་ཀྱི་དབུ་སྐྲ་དང ། སེན་མོའི་མཆོད་རྟེན་བྱེད་དུ་བཅུག་སྟེ་ཤམྦྷ་ཀའི་མཆོད་རྟེན། ཤམྦྷ་ཀའི་མཆོད་རྟེན་ཞེས་བྱ་བར་མིང་ཆགས་སོ། །དེའི་ཆུང་མ་དད་པ་མེད་པ་ཞིག་ནི། དེ་ཡང་དེའི་བཙུན་མོ་དམ་པ་ཡིན་པས། དེས་དེའི་ངོ་ཅུང་ཟད་ཀྱང་མི་ཆོད་པས། དེས་བློན་པོ་རྣམས་ལ་བསྒོ་བ། དགོན་པ་སྲུང་བ་གྱིས་ཤིག་།དེ་དག་གིས་དགོན་པ་སྲུང་བ་བྱས་པས། ད་དུང་ཡང་དེ་ན་རི་དྭགས་དག་མི་གསོད་དོ། །འཕགས་སྐྱེས་པོས་མ་ལ་གནོད་ལ་སྨྲས་པ། མལ་གནོད་ད་ནི། ཤཱཀྱ་རྣམས་ཀྱིས་སྒོ་རྣམས་བཅད་དེ་ར་བ་རྣམས་སུ་སྦྲེངས་ནས་བག་བརྐྱང་སྟེ་འཁོད་ན། ངེས་པའི་དུས་ཀྱིས་འཆུ་བས་ཅི་ཞིག་བྱ། འདོང ། དེས་སྨྲས་པ། ལྷ། ཅི། གྲོང་ཁྱེར་ཐམས་ཅད་ཕ་རོལ་གནོན་པ་གཅིག་བུས་ཆོམས་སམ། བདག་རྒྱལ་པོའི་ཕོ་བྲང་ན་སྤྱོད་པས་ཐོས་པ་ནི། མཁས་པ་རྣམས་ནི་བཞམས་པ་དང ། །རབ་ཏུ་སྦྱིན་དང་བསླུ་བ་དང ། ཀུན་ཏུ་སྤྱད་པ་ལྔ་པ་ནི། ། དཔུང་གིས་དོན་རྣམས་སྒྲུབ་པར་བྱེད། །ཅེས་བགྱི་སྟེ། དེ་ལྟ་བས་ན། དེ་དག་ལ་དབྱེན་བགྱི་བ་དགོངས་ཤིག་།འཕགས་སྐྱེས་པོས་དེ་དག་ལ་སྤྲིང་པ། ཤེས་ལྡན་དག་།ང་ནི། ཁྱེད་ལ་རྗེས་སུ་ཆགས་པ་ཡང་མེད། ཁོང་ཁྲོ་བ་ཡང་མེད་ཀྱི། འོན་ཀྱང ། ངའོ་ནིར་བྱ་བ་ཅུང་ཞིག་ཡོད་དེ། དེངས་བྱས་ཤིང་ཐོབ་ནས་མྱུར་བ་མྱུར་བར་འགྲོའི། །སྒོ་ཕྱེ་ཞིག་།ཤཱཀྱ་རྣམས་ཀྱིས་སྨྲས་པ། </font><hr>Tha141a<br><font size=+2>


༄#། །ཤེས་ལྡན་དག། འདུས་ལ་ཅི་སྒོ་དབྱེའམ། འོན་ཏེ་མི་དབྱེ་བ་དཔྱད་པར་བྱའོ། །ཞེས་དེ་དག་ཐམས་ཅད་འདུས་པ་དང ། དེ་ན་ཁ་ཅིག་གིས་སྨྲས་པ། དབྱེ་བར་བྱའོ། །གཞན་དག་གིས་སྨྲས་པ། གལ་ཏེ་ཕྱེ་ན། མ་ལེགས་སོ། །ཁ་ཅིག་གིས་སྨྲས་པ། ཤེས་ལྡན་དག་།ཁ་ཅིག་ནི། དབྱེའོ། །ཞེས་ཟེར། གཞན་དག་ནི། ཕྱེ་ན་མ་ལེགས་སོ། ། ཞེས་ཟེར་བས། དེའི་ཕྱིར་གལ་ཏེ་ཁྱོད་འདོད་ན། ཚུལ་ཤིང་བྲིམས་ཤིག་དང ། སྐྱེ་བོ་མང་པོའི་འདོད་པ་གང་ཡིན་པ་དེ་བྱའོ། །ཞེས་དེ་རྣམས་ཀྱི་ཚུལ་ཤིང་བྲིམ་པར་བརྩམས་སོ། ། སྐབས་དེར་བདུད་སྡིག་ཅན་འདི་སྙམ་དུ་སེམས་ཏེ། བདག་གིས་ལན་དུ་མ་ཞིག་དགེ་སྦྱོང་གོའུ་ཏ་མ་ལ་གླགས་བཙལ་ཞིང་གླན་ཀ་བཙལ་ཏེ་ཕྱི་བཞིན་ཕྱི་བཞིན་དུ་འབྲངས་ཀྱང་གླགས་མ་རྙེད་ཀྱི། མ་ལ་ད་བདག་གིས་འདིའི་ཉེ་དུ་རྣམས་ཁ་བཏག་གོ་།སྙམ་དུ་རིག་ནས་བདག་ཉིད་ཤཱཀྱ་རྒན་པོ་ཞིག་ཏུ་མངོན་པར་སྤྲུལ་ཏེ་རྒན་པའི་མཐར་འདུག་ནས་དེས་ཐོག་མར་ཚུལ་ཤིང་བླངས་པ་དང ། ཤཱཀྱ་རྒན་པོས་ཚུལ་ཤིང་བླངས་སོ། །ཞེས་ཐམས་ཅད་ཀྱིས་བླངས་སོ། །དེ་ནས་བློ་གཅིག་པས་འཕགས་སྐྱེས་པོ་ལ་སྤྲིངས་པ་།ནང་དུ་ཞུགས་ཤིག་།དེ་དཔུང་གི་ཚོགས་ཡན་ལག་བཞི་པ་དང་ནང་དུ་ཞུགས་ཏེ་ཞུགས་ནས་སྨྲས་པ། ངས་ཤཱཀྱ་རྣམས་ཁ་གདག་གོ་།ངས་ཤཱཀྱ་རྣམས་ཡོངས་སུ་སྤངས་སོ། །ཞེས་སྨྲས་པའི་ཚིག་རྗེས་ཆད་མ་ཐག་ཏུ། སྐྱེས་བུ་</font><hr>Tha141b<br><font size=+2>


མཚོན་གཟས་པ་རྣམས་ཀྱིས་ཤཱཀྱ་རྣམས་ཀུན་ནས་གསད་པར་བརྩམས་པ་དང ། ཀུ་ཅོ་ཆེན་པོ་འདོན་ཏོ། །ཤཱཀྱ་མིང་ཆེན་གྱིས་སྒྲ་དེ་ཐོས་ནས་ཉེ་དུ་ལ་བྱམས་པས་བསྐྱེད་པའི་ཡིད་མི་བདེ་བས། རིངས་པ་རིངས་པར་འཕགས་སྐྱེས་པོའི་དུང་དུ་སོང་སྟེ་དེས་སྨྲས་པ། ལྷ། དམ་པ་འོས་པ་བདག་ལ་དམ་པ་སྩོལ་ཅིག་།དེས་སྨྲས་པ། ཁྱོད་དམ་པ་ཅི་སློང་སྨྲོས་ཤིག་།དེས་སྨྲས་པ། ལྷ། བདག་གི་ཉེ་དུ་རྣམས་ལ་མི་འཇིགས་པ་སྩོལ་ཅིག་།འཕགས་སྐྱེས་པོས་སྨྲས་པ། ངས་ཁྱོད་ཀྱི་ཉེ་དུ་རྣམས་ལ་ནི། མི་འཇིགས་པ་མི་སྦྱིན་ནོ། །འོན་ཀྱང་ཁྱོད་འཁོར་དང་བཅས་ཏེ་ཕྱིར་ཕྱུང་ཞིག་།དེས་སྨྲས་པ། ལྷ། ཇི་སྲིད་བདག་ཆུའི་ནང་དུ་ནུབ་སྟེ་འདུག་པ་དེ་སྲིད་དུ་གང་དག་ཕྱིར་འབྱུང་བ་དེ་དག་ལ་མི་འཇིགས་པ་སྩོལ་ཅིག་།དེས་བློན་པོ་རྣམས་ཀྱི་གདོང་དུ་བལྟ་བར་བརྩམས་པ་དང ། དེ་དག་གིས་སྨྲས་པ། ལྷ། མིང་ཆེན་འདི་ནི། ཁྱོད་ཀྱི་ཡུམ་མེས་ཀྱང་ལགས། ཡབ་ཀྱི་གྲོགས་པོ་ཡང་ལགས་པས། འདི་ལ་ནི། དམ་པ་དེ་སྩལ་བའི་རིགས་སོ། །དེས་སྨྲས་པ། གལ་ཏེ་དེ་ལྟ་ན། དེ་སྐད་ཅིག་བྱིན་ཏོ། །ཤཱཀྱ་མིང་ཆེན་ཉེ་དུ་ལ་ཆགས་པས་བསྐྱེད་པའི་ཡིད་མི་བདེ་བ། སྙིང་རྗེས་བརླན་པའི་སེམས་ཀྱིས་ཆུའི་རྫིང་དུ་སོང་སྟེ་དེའི་འགྲམ་ན་ཤིང་སཱ་ལ་ཞིག་ཡོད་པ་དེའི་ཡལ་ག་རྫིང་གི་ཆུའི་ནང་དུ་ནུབ་པ་དེ་ལ། དེས་གཙུག་ཕུད་བཏགས་ནས་ནམ་སྲོག་དང་བྲལ་བ་དེའི་བར་དུ་ནུབ་སྟེ་འདུག་གོ་།དེ་ན་སེར་སྐྱའི་གནས་ན་གནས་པའི་ཤཱཀྱ་གང་དག་གིས་ཚོགས་པ་</font><hr>Tha142a<br><font size=+2>


༄#། །ཅན་གྱི་ལས་མ་བྱས་པ་དེ་དག་ལས་ཁ་ཅིག་ནི། སེར་སྐྱའི་གནས་ནས་བྱུང་སྟེ་གྱད་རྒྱུ་བར་སོང་ངོ ། །ཁ་ཅིག་ནི། བལ་ཡུལ་དུ་དོང་ངོ ། །ཁ་ཅིག་ནི། གྲོང་དང ། གྲོང་རྡལ་དང ། རྒྱལ་པོའི་ཡུལ་འཁོར་དང ། ཕོ་བྲང་དེ་དང་དེ་དག་ཏུ་སོང་ངོ ། །གང་དག་གིས་ཚོགས་པ་ཅན་གྱི་ལས་བྱས་པ་དེ་དག་ནི། སེར་སྐྱའི་གཞིའི་ཤར་སྒོར་བྱུང་ནས་ལྷོ་ནས་འཇུག་།ལྷོ་ནས་བྱུང་ནས་ནུབ་ནས་འཇུག་།ནུབ་ནས་བྱུང་ནས་བྱང་ནས་འཇུག་།བྱང་ནས་བྱུང་ནས་ཤར་ནས་འཇུག་པ་དང ། བློན་པོ་རྣམས་ཀྱིས་སྨྲས་པ། ལྷ། ཀྱེ་མ་ཤཱཀྱ་རྣམས་ནི། ཚིག་གོ་།ཀྱེ་མ་ཤཱཀྱ་རྣམས་ནི། ཚིག་སྟེ། འདི་ན་ད་ལྟར་ཤར་སྒོ་ནས་ནང་དུ་ཞུགས་ནས་ལྷོར་འབྱུང ། ལྷོ་ནས་ཞུགས་ནས་ནུབ་ཏུ་འབྱུང ། ནུབ་ནས་ཞུགས་ནས་བྱང་དུ་འབྱུང ། བྱང་ནས་ཞུགས་ནས་ལྷོར་འབྱུང་ངོ ། །འཕགས་སྐྱེས་པོས་སྨྲས་པ། ཤེས་ལྡན་དག་།མེས་པོ་དེ་ཆུར་ནུབ་ནས་རིང་ཞིག་ལོན་གྱི། ལྟོས་ཤིག་།བློན་པོ་རྣམས་ཀྱིས་རིངས་པར་ཆུའི་རྫིང་དུ་སོང་ནས་བརྟག་པར་བརྩམས་པ་ལས། དེ་ཙམ་ན་དུས་ལས་འདས་སོ། །དེ་དག་འོངས་ཏེ། ལྷ། དུས་ལས་འདས་སོ། །ཞེས་བྱས་པ་དང ། དེ་ཆེ་ཐང་དུ་ཀུན་ནས་དཀྲིས་པས་སྨྲས་པ། ཤེས་ལྡན་དག་།སྟན་ཤོམས་ཤིག་།ཇི་སྲིད་དུ་ལམ་པོ་ཆེར་ཁྲག་གི་འོད་པ་བབ་པར་མ་བྱུར་པ་དེ་སྲིད་དུ་ཕྱོགས་འདི་ནས་མི་འགྲོའོ། །སྐྱེས་བུ་དཔའ་བོ་རྣམས་བསད་ན། ཁྲག་ཉུང་ངུ་འབྱུང་བ་</font><hr>Tha142b<br><font size=+2>


འདི་ནི། ཆོས་ཉིད་ཡིན་པས་བློན་པོ་རྣམས་ཕན་ཚུན་བགྲོ་བར་བརྩམས་པ། ཤེས་ལྡན་དག་།སེམས་ཅན་འདི་ནི། སྡིག་པའི་ལས་བྱེད་པ་དང ། དམ་བཅས་པ་ལ་བརྟན་པ་ཡིན་ན། འདིར་འདི་སྙེད་ཀྱི་ཁྲག་ཅིག་ག་ལས་འབྱུང ། རྒྱ་སྐྱེགས་དག་ཅིག་ལེན་དུ་གཞུག་གོ། ཞེས་དེ་རྣམས་ཀྱིས་རྒྱ་སྐྱེགས་བླངས་ནས་རྒྱ་སྐྱེགས་ཀྱི་ཆུ་བུམ་པ་བརྒྱ་སྟོང་དུ་མ་ལམ་པོ་ཆེར་ཕབ་པ་དང ། འཕགས་སྐྱེས་པོས་བསམ་པ། བདག་གི་དམ་བཅས་པ་རྫོགས་པས་འགྲོའོ། །སྙམ་མོ། །དེ་ནས་སྐྱེས་བུ་གཏི་མུག་འཕགས་སྐྱེས་པོས་ཤཱཀྱ་བདུན་ཁྲི་བདུན་སྟོང་བསད་དེ། ཕལ་ཆེར་ནི། བདེན་པ་མཐོང་བ་ཤ་སྟག་གོ་།དེས་སེམས་ཅན་དེ་སྙེད་བསད་ནས་གཞོན་ནུ་ལྔ་བརྒྱ་དང ། བུ་མོ་ལྔ་བརྒྱ་ཁྲིད་དེ། གཞན་མུ་སྟེགས་ཅན་ཀུན་ཏུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་ཞེས་བྱ་བ་ག་ལ་བ་དེར་སོང་བ་དང ། མ་ལ་གནོད་ཀྱིས་སྨྲས་པ། ལྷ། ཁྱོད་ཀྱིས་དགྲ་ཡོངས་སུ་བསྐྱངས་སོ། །དགྲ་འདི་དག་ཅི་སྟེ་ཡལ་བར་གཞག་།སོད་ཅིག་།འཕགས་སྐྱེས་པོས་གཤེད་མའི་མི་རྣམས་ལ་གཏད་དེ། འདི་རྣམས་གླང་པོ་ཆེ་དག་གིས་རྫིར་ཆུག་ཅིག་།ཅེས་བསྒོའོ། །དེ་རྣམས་ཀྱིས་གླང་པོ་དག་གིས་རྫིར་གཞུག་པར་བརྩམས་པ་དང ། དེ་དག་གིས་གླང་པོ་ཆེ་དེ་དག་གན་རྐྱལ་དུ་མནན་ཏེ་ལག་པ་ནས་ལག་པར་སྦེད་པར་བརྩམས་སོ། །མ་ལ་གནོད་ཀྱིས་སྨྲས་པ། ལྷ། ཁྱོད་ཀྱིས་འདི་དག་གི་ཕ་རོལ་གནོན་པ་གཟིགས་སམ། མཐོང་ངོ ། །ལྷ། འདི་</font><hr>Tha143a<br><font size=+2>


༄#། །དག་ཡལ་བར་བཞག་ན། ལྷ་ལ་གནོད་པ་བགྱིད་པར་མི་འགྱུར་རམ། མ་ལ་གནོད། དེ་དེ་བཞིན་ཏེ། འདི་དག་ཇི་ལྟར་གསད་པར་བྱ་བ་དྲིའི། སྨྲོས་ཤིག་།དེས་སྨྲས་པ། ལྷ། དོང་དུ་སྩོལ་ལ་སྟེང་ནས་ལྕགས་ཀྱི་ཤལ་བས་བཤལ་དུ་སྩོལ་ཅིག་།དེ་བཞིན་བྱེད་དུ་ཆུག་ཅིག་།དེས་དེ་དག་དོང་དུ་བཅུག་ནས་སྟེང་ནས་ལྕགས་ཀྱི་ཤལ་བས་མནན་ཏོ། ། དེ་ནས་གཉིས་ཤིག་བྲོས་ཏེ་བཅོམ་ལྡན་འདས་ཀྱི་སྤྱན་སྔར་སོང་ངོ ། །སོང་ནས་དེ་གཉིས་བཅོམ་ལྡན་འདས་ཀྱིས་ལྷུང་བཟེད་ཀྱིས་བཀབ་པ་དང་དེ་ཉིད་དུ་ཤིའོ། །ཤཱཀྱ་རྣམས་བསད་པ་ན། བཅོམ་ལྡན་འདས་ཀྱི་དབུ་ཤིན་ཏུ་བསྙུང་པར་གྱུར་ཏོ། །དེ་ནས་སྐྱེས་བུ་གཏི་མུག་འཕགས་སྐྱེས་པོས་མི་ཞིག་ལ་སྨྲས་པ། ཀྱེ་སྐྱེས་བུ། ཁྱོད་ཚུར། དེ་བཞིན་གཤེགས་པའི་སྤྱན་སྔར་སོང་སྟེ་འདུག་ལ་བཅོམ་ལྡན་འདས་ཅི་གསུང་བ་དེ་ཁྱོད་ཀྱིས་ཉོན་ལ། ང་ལ་ཟློས་ཤིག་།ཅེས་སྨྲས་ནས་སོང་ངོ་།མི་དེ་བཅོམ་ལྡན་འདས་ཀྱི་སྤྱན་སྔར་སོང་སྟེ་འདུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ང་ལ་ཆུ་ལྷུང་བཟེད་གང་བྱིན་ཅིག་།དེས་བཅོམ་ལྡན་འདས་ལ་ཆུ་ལྷུང་བཟེད་གང་ཕུལ་ལོ། །བཅོམ་ལྡན་འདས་ཀྱིས་དེར་ཆུའི་ཐིགས་པ་གཉིས་གསུམ་ཙམ་བླུགས་པ་དང ། དེ་དག་ཆུའི་ནང་དེ་ནས་དུ་བར་ཐུལ་ཞིང་ཙི་རི་རི་ཟེར་ལ་སྒྲ་ཡང་འབྱིན་ཏོ། །དགེ་སློང་རྣམས་ཆོ་འཕྲུལ་དེ་མཐོང་ནས་ཡིད་དད་ཅིང ། </font><hr>Tha143b<br><font size=+2>


སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས། བཅོམ་ལྡན་འདས་དབུ་བསྙུང་བར་གྱུར། སེར་སྐྱ་ན་གནས་པའི་ཤཱཀྱ་རྣམས་ཀྱིས་སུག་ལས་ཅི་ཞིག་བགྱིས་ན། དེས་ནོངས་པ་ཡང་མ་མཆིས། གནོད་པ་བགྱིས་པ་ཡང་མ་མཆིས་པར་སྐྱེས་བུ་གཏི་མུག་འཕགས་སྐྱེས་པོས་བཀུམ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཚུར། གཞན་མུ་སྟེགས་ཅན་ཀུན་ཏུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་གང་དུ་སྐྱེས་བུ་གཏི་མུག་འཕགས་སྐྱེས་པོས་ཤཱཀྱ་རྣམས་བསད་པ་ག་ལ་བ་དེ་ཁོ་ནར་དེ་རྣམས་དང ། བདག་ཉིད་ཀྱི་ལས་ཀྱི་རྒྱུ་བ་ལུང་བསྟན་པར་བྱའོ། །བཙུན་པ། དེ་ལྟར་འཚལ་ལོ། །ཞེས་དགེ་སློང་དེ་རྣམས་བཅོམ་ལྡན་འདས་ཀྱི་ལྟར་ཉན་ཏོ། །དེ་ནས་བཅོམ་ལྡན་འདས་དགེ་སློང་རབ་ཏུ་མང་པོ་དང་ཐབས་ཅིག་གཞན་མུ་སྟེགས་ཅན་ཀུན་ཏུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་གལ་བ་དེར་གཤེགས་སོ། །བྲེ་བོ་དང་རུས་མཐུན་པའི་བྲམ་ཟེ་ཞིག་གིས་བཅོམ་ལྡན་འདས་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། གང་གི་སླད་དུ་སྐྱེས་བུ་གཏི་མུག་འཕགས་སྐྱེས་པོས། སེར་སྐྱ་ན་གནས་པའི་ཤཱཀྱ་ནོངས་པ་ཡང་མ་མཆིས། གནོད་པ་བགྱིས་པ་ཡང་མ་མཆིས་པ་རྣམས་སྲོག་དང་ཕྲལ་བ་ནི། བསོད་ནམས་མ་ལགས་པ་མང་པོ་</font><hr>Tha144a<br><font size=+2>


༄#། །ཞིག་བསྐྱེད་དོ། །བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ། དེ་དེ་བཞིན་ནོ། །དེ་དེ་བཞིན་ཏེ། གང་གི་ཕྱིར་སྐྱེས་བུ་གཏི་མུག་འཕགས་སྐྱེས་པོས། སེར་སྐྱ་ན་གནས་པའི་ཤཱཀྱ་ཉེས་པ་ཡང་མེད། གནོད་པ་བྱས་པ་ཡང་མེད་པ་རྣམས་སྲོག་དང་བྲལ་བ་ནི། བསོད་ནམས་མ་ཡིན་པ་མང་པོ་ཞིག་བསྐྱེད་དོ། །དེ་ནས་བཅོམ་ལྡན་འདས་གཞན་མུ་སྟེགས་ཅན་ཀུན་ཏུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་ག་ལ་བ་དེར་གཤེགས་པ་དང ། དེ་ན་སེར་སྐྱ་ན་གནས་པའི་ཤཱཀྱ་ལྕགས་ཀྱི་ཤལ་བས་བཤལ་བ་ལས་སྲོག་གི་ལྷག་མ་ཅུང་ཟད་ལུས་པ་གང་དག་ཡིན་པ་དེ་དག་གིས་བཅོམ་ལྡན་འདས་མཐོང་ནས་སྐད་ངན་བཏོན་ཏོ། །དེ་ནས་བཅོམ་ལྡན་འདས་ཕྱོགས་གཅིག་ཏུ་གཤེགས་ནས་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། སེར་སྐྱ་ན་གནས་པའི་ཤཱཀྱ་འདི་རྣམས་ཀྱིས་འདི་དང་ལན་གསུམ་གྱི་བར་དུ་སྒྲ་ཆེན་པོ་ཕྱུང་སྟེ། སྔོན་ཉ་པ་བྱེད་པའི་ཚེ། ཉ་འདོད་པའི་ཕྱིར་གང་ཡིན་པ་དང ། ཆོམ་རྐུན་པ་བྱེད་པའི་ཚེ་གྲོང་འཇོམས་པའི་ཕྱིར་གང་ཡིན་པ་དང ། ད་ལྟ་སེར་སྐྱ་ན་གནས་པའི་ཤཱཀྱ་བྱེད་པའི་ཚེ་སྐྱེས་བུ་གཏི་མུག་འཕགས་སྐྱེས་པོས་སྲོག་གི་ལྷག་མ་ཅུང་ཟད་ཙམ་ལུས་པར་བྱས་ཏེ་འཆི་བ་ལ་མངོན་དུ་ཕྱོགས་པའི་ཚེ་གང་ཡིན་པའོ། །འདི་དག་</font><hr>Tha144b<br><font size=+2>


ཐམས་ཅད་ཀྱི་བརྡོལ་བ་ལ་ནི་ཁྱད་པར་རམ། བསམ་པའམ། ཐ་དད་དུ་བྱ་བ་ཅུང་ཟད་ཀྱང་མེད་དེ། མཚུངས་སོ། །དགེ་སློང་དག་།ཇི་སྙམ་དུ་སེམས། ཤན་པ་འདི། ལས་དེ་དང ། བཟོ་དེ་དང ། འཚོ་བ་དེས་གླང་པོ་ཆེ་ལ་ཞོན་ཏེ་འགྲོ་བའམ། རྟ་ལ་ཞོན་ཏེ་འགྲོ་བའམ། ཤིང་རྟར་ཞུགས་ཏེ་འགྲོ་བའམ། དཔུང་བུ་ཆུང་དང་ཆས་ཏེ་འགྲོ་བའམ། ནོར་གྱི་ཕུང་པོ་རྒྱ་ཆེན་པོ་མང་པོ་གྲུབ་ནས་གནས་པ་ལྟ་ཅི་ག་ལ་མཐོང་ངམ། ཐོས་སམ། བཙུན་པ། མ་ལགས་སོ། །དགེ་སློང་དག། ལེགས་སོ། །ལེགས་སོ། །ངས་ཀྱང་ཤན་པ་འདི། ལས་དེ་དང་ཞེས་བྱ་བ་ནས་ནོར་གྱི་ཕུང་པོ་རྒྱ་ཆེན་པོ་མང་པོ་བསྒྲུབས་ནས་གནས་པ་ཞེས་བྱ་བའི་བར་སྔ་མ་བཞིན་ཏེ། མ་མཐོང ། མ་ཐོས་སོ། །དེ་ཅིའི་ཕྱིར་ཞེ་ན། འདི་ལྟར་ཤན་པ་རྣམས་ནི། སྡིག་པའི་བསམ་པས་རྟོག་པར་བྱེད་དེ། དེས་ན་འདི་གླང་པོ་ཆེ་ལ་ཞོན་ཏེ་འགྲོ་བའམ། རྟ་ལ་ཞོན་ཏེ་འགྲོ་བའམ། ཤིང་རྟར་ཞུགས་ཏེ་འགྲོ་བའམ། དཔུང་བུ་ཆུང་དང་ཆས་ཏེ་འགྲོ་བར་ཡང་མི་འགྱུར་ལ། ནོར་གྱི་ཕུང་པོ་རྒྱ་ཆེན་པོ་མང་པོ་བསྒྲུབས་ཏེ་གནས་པར་ཡང་མི་འགྱུར་རོ། །གཞན་ཡང་དགེ་སློང་དག་།ཇི་སྙམ་དུ་སེམས། ཁྱོད་ཀྱིས་བྱ་གག་གསོད་པའམ། ཕག་གསོད་པའམ། ཉ་པའམ། རི་དྭགས་བཤོར་བའམ། བྱ་བའམ། བོང་བུ་རྒྱས་འཚོར་བའམ། བ་ལང་གསོད་པ་དག་ལས་དེ་དང་ཞེས་བྱ་བ་ནས་ནོར་གྱི་ཕུང་པོ་རྒྱ་ཆེན་པོ་མང་པོ་བསྒྲུབས་ཏེ་གནས་པ་དེ་མཐོང་ངམ། ཐོས་སམ་ཞེས་བྱ་</font><hr>Tha145a<br><font size=+2>


༄#། །བའི་བར་སྔ་མ་བཞིན་ནོ། །དེ་ཅིའི་ཕྱིར་ཞེ་ན། འདི་ལྟར་བ་ལང་གསོད་པ་དེ། སྡིག་པའི་བསམ་པས་རྟོག་པར་བྱེད་དེ། དེས་ན་དེ་གླང་པོ་ཆེ་ལ་ཞོན་ཏེ་འགྲོ་བར་མི་འགྱུར་ཞེས་བྱ་བ་ནས་ནོར་གྱི་ཕུང་པོ་རྒྱ་ཆེན་པོ་མང་པོ་བསྒྲུབས་ཏེ་གནས་པར་མི་འགྱུར་ཞེས་བྱ་བའི་བར་སྔ་མ་བཞིན་ནོ། །དགེ་སློང་དག་།རེ་ཞིག་བྱོལ་སོང་གི་སྐྱེ་གནས་སུ་སོང་བའི་སྲོག་ཆགས་རྣམས་ཀྱིས་ཀྱང་སྡིག་པའི་བསམ་པས་བརྟགས་ན། གླང་པོ་ཆེ་ལ་ཞོན་ཏེ་འགྲོ་བའམ། རྟ་ལ་ཞོན་ཏེ་འགྲོ་བའམ། ཤིང་རྟར་ཞུགས་ཏེ་འགྲོ་བའམ། དཔུང་བུ་ཆུང་དང་ཆས་ཏེ་འགྲོ་བར་ཡང་མི་འགྱུར་ལ། ནོར་གྱི་ཕུང་པོ་རྒྱ་ཆེན་པོ་མང་པོ་བསྒྲུབས་ཏེ་གནས་པར་ཡང་མི་འགྱུར་ན། སྐྱེས་བུ་གཏི་མུག་འཕགས་སྐྱེས་སོ། སློབ་པས་ལོངས་ཞེས་སྨྲས་པ། ཚུལ་ཁྲིམས་ཀྱི་གཟི་བརྗིད་ཀྱི་ཉེ་བར་བཅོམ་པ་ལྟ་ཞིག་གླང་པོ་ཆེ་ལ་ཞོན་ཏེ་འགྲོ་བའམ། རྟ་ལ་ཞོན་ཏེ་འགྲོ་བའམ། ཤིང་རྟར་ཞུགས་ཏེ་འགྲོ་བའམ། དཔུང་བུ་ཆུང་དང་ཆས་ཏེ་འགྲོ་བའམ། ནོར་གྱི་ཕུང་པོ་རྒྱ་ཆེན་པོ་མང་པོ་བསྒྲུབས་ཏེ་གནས་པ་ལྟ་ཞིག་སྨོས་ཀྱང་ཅི་དགོས་ཏེ། དེ་ནི། གནས་མེད་དོ། །དགེ་སློང་དག་།ཀོ་ས་ལའི་རིགས་འདི་ནས་ཞག་བདུན་ན་སྦྲུལ་གྱིས་བལྟས་པ་བཞིན་དུ་རབས་ཆད་པར་འགྱུར་རོ། །སྐྱེས་བུ་གཏི་མུག་འཕགས་སྐྱེས་པོ་ཡང་མ་ལ་གནོད་དང་བཅས་ཏེ་ཞག་བདུན་ན་མེས་ཚིག་ནས་ཆོ་ངེས་འདོན་བཞིན་དམྱལ་བ་</font><hr>Tha145b<br><font size=+2>


ཆེན་པོ་མནར་མེད་པར་སྐྱེ་བར་འགྱུར་རོ། །དགེ་སློང་དག་།དེ་ལྟ་བས་ན། འདི་ལྟར་བསླབ་པར་བྱ་སྟེ། གང་མགལ་དུམ་ལ་ཡང་ངན་སེམས་མི་བྱ་ན། རྣམ་པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས། དགེ་སློང་དག་།ཁྱེད་ཀྱིས་དེ་ལྟ་བུར་བསླབ་པར་བྱའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཤཱཀྱ་ལྔ་བརྒྱ་པོ་འདི་རྣམས་ཀྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ནོངས་པ་ཡང་མ་མཆིས། གནོད་པ་བགྱིས་པ་ཡང་མ་མཆིས་པར་སྐྱེས་བུ་གཏི་མུག་འཕགས་སྐྱེས་པོས་སྲོག་དང་ཕྲལ། བཅོམ་ལྡན་འདས་ཀྱང་ཤཱཀྱ་རྣམས་བཀུམ་པའི་ཚེ་དབུ་སྙུན་ཚབས་ཆེན་པོས་ཐེབས་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག། འདི་དག་ཉིད་དང ། ངས་ལས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། དཔའ་རྒལ་བཞིན་ཉེ་བར་གནས་པ། གདོན་མི་ཟ་བར་འབྱུང་བ་དག་ཡིན་ཏེ། འདི་དག་དང ། ངས་ལས་བྱས་ཤིང་བསགས་པ་གཞན་སུ་ཞིག་གིས་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་རྣམས་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་ལས་དགེ་བ་དང ། མི་དགེ་བ་བྱས་ཤིང་བསགས་པ་རྣམས་ནི། ཟིན་པའི་</font><hr>Tha146a<br><font size=+2>


༄#། །ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་།སྔོན་བྱུང་བ། ཆུ་བོ་ཞིག་གི་འགྲམ་ན་ཉ་པ་ལྔ་བརྒྱ་གནས་སོ། །དེ་རྣམས་ཀྱིས་ཉ་གཉིས་ཤིག་རྒྱ་མཚོ་ཆེན་པོ་ན་ཕན་ཚུན་རྒྱུ་རྒྱུ་བ་ལས་ཆུ་བོ་དེར་ཞུགས་པ་མཐོང་བ་དང ། དེ་རྣམས་རབ་ཏུ་དགའ་བ་སྐྱེས་ནས་དེ་དག་ཉ་རྒྱ་ཆེན་པོས་བཅུས་སོ། །དེ་རྣམས་ཀྱིས་དེ་གཉིས་ཀྱི་ལུས་མཐོང་ནས་གྲོས་བྱ་བར་བརྩམས་པ། ཤེས་ལྡན་དག་།འདི་ལྟ་ཇི་ལྟར་བསྒྲུབ་པར་བྱ། འདི་དག་ལུས་ཆེ་ཆེས་པས། གལ་ཏེ་བསད་ན། ཤ་ལྡོམ་པར་མི་འགྱུར་ཏེ། དེ་འདྲུལ་བར་འགྱུར་རོ། །དེ་ནས་ཁ་ཅིག་གིས་སྨྲས་པ། འདི་ལ་ཅི་ཞིག་སྒྲུབ་ཏུ་ཡོད། གཅིག་ནི། བསད་ལ། གཅིག་ནི། བཏགས་ཏེ་གཞག་མོད། གཞན་དག་གིས་སྨྲས་པ། འདི་ཡང་ཆེ་སྟེ། འདི་ཡང་ལྡོམ་པར་མི་འགྱུར་པས། སྡོང་པོ་ལ་བཏགས་ལ་གསོན་པོར་ཤ་བཅད་ཅིང་བཅད་ཅིང་བཙོང་ངོ ། །དེ་རྣམས་ཀྱིས་སྨྲས་པ། ལེགས་ཏེ། དེ་ལྟར་བྱའོ། །དེ་དག་གིས་དེ་ལྟར་བྱ་བར་བརྩམས་པ་དང ། དེ་དག་དེ་ལྟར་གཅོད་པ་ན་རང་གི་སྐད་དུ་འོ་དོད་འབོད་པར་བརྩམས་སོ། །དེ་དག་མི་བདེ་བ་དེ་ཉ་པའི་ཁྱེའུ་ཞིག་གིས་ཐོས་ནས་རབ་ཏུ་དགའ་བ་སྐྱེད་པར་བྱེད་དོ། །དེ་</font><hr>Tha146b<br><font size=+2>


ནས་ཉ་དེ་གཉིས་དེ་ལྟར་བཅད་པའི་ཚེ་དེ་རྣམས་ལ་འདི་ལྟ་བུའི་སེམས་བསྐྱེད་དེ། གང་བདག་ཅག་གིས་ཉེས་པ་ཡང་མེད། གནོད་པ་བྱས་པ་ཡང་མེད་པར་འདི་དག་གིས་འདི་ལྟར་བསད། དེའི་ཕྱིར་བདག་ཅག་ཀྱང་གང་དུ་འདི་དག་ཉེས་པ་ཡང་མེད། གནོད་པ་བྱས་པ་ཡང་མེད་པར་གསོད་པར་འགྱུར་བ་དེར་སྐྱེ་བར་གྱུར་ཅིག་།དགེ་སློང་དག་།ཇི་སྙམ་དུ་སེམས། ཉ་གཉིས་པོ་གང་དག་ཡིན་པ་དེ་དག་ནི། འཕགས་སྐྱེས་པོ་དང ། མ་ལ་གནོད་འདི་དག་ཁོ་ན་ཡིན་ནོ། །ཉ་པ་ལྔ་བརྒྱ་གང་དག་ཡིན་པ་དེ་དག་ནི། ཤཱཀྱ་ལྔ་བརྒྱ་པོ་འདི་དག་ཁོ་ན་ཡིན་ཏེ། གང་འདི་གཉིས་ཀྱིས་ཉ་དེ་དག་དེ་ལྟར་བསད་པའི་ལས་དེའི་རྣམ་པར་སྨིན་པས། ད་ལྟར་འཕགས་སྐྱེས་པོ་དང ། མ་ལ་གནོད་དག་གིས་ཤཱཀྱར་གྱུར་པ་ཉེས་པ་ཡང་མེད། གནོད་པ་བྱས་པ་ཡང་མེད་པ་རྣམས་ལྕགས་ཀྱིས་ཤལ་བས་མནན་ཅིང ། འོ་དོད་འབོད་བཞིན་བསད་དོ། །ཉ་པའི་ཁྱེའུ་གང་ཡིན་པ་དེ་ནི། ང་ཉིད་དེའི་ཚེ་དེའི་དུས་ན་དེ་ཡིན་ཏེ། གང་ངས་ཉ་བསད་པ་ན། རབ་ཏུ་དགའ་བ་བསྐྱེད་པའི་ལས་དེའི་རྣམ་པར་སྨིན་པས། ད་ལྟར་ང་མངོན་པར་རྫོགས་པར་སངས་རྒྱས་ཀྱང་དབུ་སྙུན་ཚབས་ཆེན་པོས་ཐེབས་པར་གྱུར་ཏོ། །གལ་ཏེ་ངས་ཡོན་ཏན་གྱི་ཚོགས་འདི་ལྟ་བུ་ཐོབ་པར་མ་གྱུར་ན།་ང་ཡང་ལས་འདི་ལྟ་བུ་དག་ཐོབ་པར་འགྱུར་རོ། །དགེ་སློང་དག་།གཞན་ཡང་སེར་སྐྱ་ན་གནས་པའི་ཤཱཀྱ་རྣམས་ཀྱིས་ལས་གང་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ་ཆོམ་</font><hr>Tha147a<br><font size=+2>


༄#། །རྐུན་ལྔ་བརྒྱ་ཞིག་གིས་ལམ་དུ་འགྲོ་བ་དག་བཅོམ་ནས། འཕྲོག་པའི་རྫས་དག་ཁྱེར་ཏེ། རི་བྲག་ཅིག་ཏུ་འཇོམས་སུ་སོང་ངོ ། །དེ་དག་གིས་རི་བྲག་ན་གནས་པའི་སྐྱེ་བོའི་ཚོགས་དེ་ཐམས་ཅད་བཅོམ་ནས་འཕྲོག་གོ་།ཁྱིམ་བདག་གཉིས་ཤིག་།ཡང་ཐོག་ཏུ་འཛེག་སྟེ་འདུག་པ་དང ། རྐུན་པོ་རྣམས་ཀྱིས་སྨྲས་པ། ཤེས་ལྡན་དག་།གང་དག་འདིར་འཛེག་པ་དེ་དག་བོབས་ཤིག་།ཐམས་ཅད་ཀྱི་ཐམས་ཅད་དུ་མེད་པར་གྱུར་ཏ་རེ། དེ་གཉིས་ཀྱིས་སྨྲས་པ། ཇི་སྲིད་འཚོ་བ་དེ་སྲིད་དུ་མི་འབབ་བོ། །དེ་རྣམས་ཀྱིས་རྩཝ་དང ། ཤིང་ཕལ་མོ་ཆེ་བཅེར་ནས་ཡང་ཏོག་དེ་མེ་བཏང་བ་དང ། དེ་གཉིས་ཚ་བས་སྡུག་བསྔལ་བསྐྱེད་པས་གདུངས་ཏེ་འདི་ལྟ་བུའི་སེམས་བསྐྱེད་དོ། །བདག་ཅག་ཉེས་པ་ཡང་མེད། གནོད་པ་བྱས་པ་ཡང་མེད་པར་འདི་རྣམས་ཀྱིས་བསད་པས། བདག་ཅག་ཀྱང་འདི་རྣམས་ཉེས་པ་ཡང་མེད། གནོད་པ་བྱས་པ་ཡང་མེད་པར་གསོད་པར་གྱུར་ཅིག་།དགེ་སློང་དག་།ཇི་སྙམ་དུ་སེམས། ཁྱིམ་བདག་གཉིས་པོ་གང་དག་ཡིན་པ་དེ་དག་ནི། འཕགས་སྐྱེས་པོ་དང ། མ་ལ་གནོད་འདི་དག་ཁོ་ན་ཡིན་ནོ། །གཡོན་ཅན་ལྔ་བརྒྱ་པོ་གང་དག་ཡིན་པ་དེ་དག་ནི། ཤཱཀྱ་ལྔ་བརྒྱ་པོ་འདི་དག་ཁོ་ན་ཡིན་ཏེ། གང་འདི་རྣམས་ཆོམ་རྐུན་པར་གྱུར་པས་དེ་དག་ཉེས་པ་ཡང་མེད། གནོད་པ་བྱས་པ་ཡང་མེད་པར་སྲོག་དང་ཕྲལ་བའི་ལས་དེའི་རྣམ་པར་སྨིན་པས། ད་ལྟར་འཕགས་སྐྱེས་པོས་མ་ལ་</font><hr>Tha147b<br><font size=+2>


གནོད་དང་བསྡོངས་ནས་ཤཱཀྱ་ལྔ་བརྒྱ་པོ་དག་ཉེས་པ་ཡང་མེད། གནོད་པ་བྱས་པ་ཡང་མེད་པར་སྲོག་དང་ཕྲལ་ལོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་ནག་ལ། གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར། འདྲེན་མ་རྣམས་ཀྱི་ཡང་འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་དང ། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་དག་ལ་བརྩལ་བར་བྱ་སྟེ། དགེ་སློང་རྣམས་ཀྱིས་དེ་ལྟ་བུར་བསླབ་པར་བྱའོ། །འཕགས་སྐྱེས་བོས་ཤཱཀྱ་རྣམས་དེ་ལྟར་བསད་ནས་མཉན་ཡོད་དུ་སོང་ངོ ། །དེ་ནང་དུ་ཞུགས་པ་དང ། རྒྱལ་པོའི་གཞོན་ནུ་རྒྱལ་བུ་རྒྱལ་བྱེད་སྟེང་གི་ཁང་བཟང་དུ་སོང་ནས་སྐྱེས་པ་མེད་པར་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ། འཕགས་སྐྱེས་པོས་ཐོས་ནས། དེས་སྨྲས་པ། ཤེས་ལྡན་དག་།རྩེ་བའོ་ནི་སུ་ཞིག་།བློན་པོ་རྣམས་ཀྱིས་སྨྲས་པ། གཞོན་ནུ་རྒྱལ་བུ་རྒྱལ་བྱེད་ལགས་སོ། །དེས་སྨྲས་པ། ཤེས་ལྡན་དག་།དེ་བོས་ཤིག་།དེ་རྣམས་ཀྱིས་དེ་བོས་པ་དང ། འཕགས་སྐྱེས་པོས་སྨྲས་པ། རྒྱལ་བུ་རྒྱལ་བྱེད། ང་ནི། དག་བསད་ནས་འོངས་ན། ཁྱོད་རྩེ་ཞིང་འདུག་གམ། དེས་སྨྲས་པ། ལྷའི་དགྲ་སུ་དག་ཅིག་ལགས། ཤཱཀྱ་རྣམས་སོ། །གལ་ཏེ་ཤཱཀྱ་རྣམས་ཁྱོད་ཀྱི་དགྲ་ལགས་ན། མཛའ་བོ་ཇི་ལྟ་བུ་དག་ཅི་ལགས། དེས་སྨྲས་པ། ཤེས་ལྡན་དག་།འདི་ཡང་དེ་དག་གི་</font><hr>Tha148a<br><font size=+2>


༄#། །ཕྱོགས་ཁོ་ན་ཡིན་པས། འདི་གསད་པར་བྱའོ། །ཞེས་དེ་དག་གིས་དེ་བསད་དེ་དུས་ལས་འདས་ནས་ལྷ་གྱ་ནོམ་པ་སུམ་ཅུ་རྩ་གསུམ་པ་རྣམས་ཀྱི་ནང་དུ་སྐྱེས་ནས་དེའི་མིའི་རོལ་མོའི་སྒྲ་མ་ཞི་བར་ལྷའི་སྒྲ་བྱུང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་དེ་ལ་ཚིགས་སུ་བཅད་པ་དག་བཀའ་སྩལ་པ། བསོད་ནམས་བྱས་པ་འདིར་དགའ་ཕྱི་མར་དགའ། །གཉི་གར་དགའ་སྟེ་དེ་ནི་བདག་ཉིད་ཀྱི། །ལས་རྣམས་སྨིན་མཐོང་དེ་དགའ་རབ་ཏུ་དགའ། །འགྲོ་བ་བཟང་པོར་སོང་བ་ཕྱིར་ཞིང་དགའ། །བསོད་ནམས་བྱས་པ་འདིར་མགུ་ཕྱི་མར་མགུ་།གཉི་གར་མགུ་སྟེ་དེ་ནི་བདག་ཉིད་ཀྱི། །ལས་རྣམས་སྨིན་མཐོང་དེ་མགུ་རབ་ཏུ་མགུ་།འགྲོ་བ་བཟང་པོར་སོང་བ་ཕྱིར་ཞིང་མགུ་།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ། ཚིགས་སུ་བཅད་པ་འདིའི་དོན་མ་འཇལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། གཞོན་ནུ་རྒྱལ་བུ་རྒྱལ་བྱེད་དེ། ཉེས་པ་མེད་ཅིང་གནོད་པ་མེད་པར་སྐྱེས་བུ་གཏི་མུག་འཕགས་སྐྱེས་པོས་སྲོག་དང་བྲལ་ཏེ། དེའི་མིའི་རོལ་མོའི་སྒྲ་མ་ཞི་བར་ལྷའི་སྒྲ་བྱུང་ངོ ། །ངས་དེ་ལས་དགོངས་ནས་འདི་སྐད་དུ། བསོད་ནམས་བྱས་པ་འདིར་དགའ་ཕྱི་མར་དགའ། །ཞེས་བྱ་བ་ནས། འགྲོ་བ་བཟང་པོར་སོང་བ་ཕྱིར་ཞིང་མགུ་།ཞེས་བྱ་བའི་བར་དུ་གསུངས་སོ། །ཞེས་གསུངས་</font><hr>Tha148b<br><font size=+2>


པ་དང ། དེ་ཅང་མི་སྨྲ་བར་འདུག་གོ་།ཇི་ཙམ་དུས་གཞན་ཞིག་ན་འཕགས་སྐྱེས་པོ་བཙུན་མོའི་འཁོར་གྱི་ནང་དུ་ངོམ་ཞིང་རྣམ་པར་ངོམ་སྟེ། ང་རྒྱལ་ཅན། མཐུ་དང་ལྡན་པ། དཔའ་བོ། བརྩོན་འགྲུས་དང ། ཕ་རོལ་གནོན་པ་ཅན་གང་དག་ཡིན་པ་དེ་དག་ངས་རྨེག་མེད་པར་བྱས་ཏེ། ང་དང་འདྲ་བ་སུ་ཞིག་ཡོད་ཅེས་ཟེར་རོ། །དེ་ནས་འཕགས་སྐྱེས་པོས་ཤཱཀྱའི་བུ་མོ་ལྔ་བརྒྱ་ཁྲིད་པ་དེ་དག་གིས་ཀྱང་ཚིགས་སུ་བཅད་དེ་སྨྲས་སོ། །ཁྱོད་ཀྱིས་གང་དག་རྨེད་མེད་བྱས། །དེ་དག་རྒྱལ་སྲས་ཤཱཀྱའི་སྲས། །བསླབ་པའི་སྡོམ་པས་བསྡམས་པ་ཡིན། །ཁྱོད་ཀྱིས་འདིར་སྨྲས་ཅི་ཞིག་རུང ། །དེ་སྐད་ཅེས་སྨྲས་པ་དང ། ཁྲོས་ནས་བློན་པོ་རྣམས་ལ་ཚིགས་སུ་བཅད་པས་བསྒོ་བ། ཀླུ་རྣམས་བསད་ན་ཀླུ་ཡི་བུ་མོ་དག་།དུག་གིས་གང་བ་སྤྲིན་གྱིས་ཁེབས་པ་ལྟར། །འདི་དག་ལ་གོར་རྐང་ལག་རྣམས་ཆོད་ལ། །ཉེ་དུ་དེ་དག་ཉིད་རྗེས་མྱུར་དུ་ཐོང ། །བློན་པོ་རྣམས་ཀྱིས་ཤཱཀྱའི་བུ་མོ་ལྔ་བརྒྱ་པོ་དེ་དག་དམར་བུ་ཅན་གྱི་རྫིང་འགྲམ་དུ་ལག་པ་དང ། རྐང་པ་དག་བཅད་དེ། དེ་ལག་པའི་དོང ། ལག་པའི་དོང་ཞེས་བྱ་བར་མིང་ཆགས་ནས་གནས་བརྟན་རྣམས་ཀྱིས་ཀྱང་དེ་བཞིན་དུ་མདོ་སྡེའི་མགོ་ལ་བཅོམ་ལྡན་འདས་མཉན་ཡོད་ན། ལག་པའི་དོང་གི་རྫིང་འགྲམ་ན་བཞུགས་སོ། །ཞེས་བྲིས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་དགུ་པ། དེ་རྣམས་སྡུག་བསྔལ་མི་བཟད་པ། རྩུབ། ཚ་བ། ཡིད་དུ་མི་འོང་བའི་ཚོར་</font><hr>Tha149a<br><font size=+2>


༄#། །བ་ཉམས་སུ་མྱོང་བ་ན་བསམ་པ། བདག་ཅག་མི་བཟད་པ། དོག་པ། ཉམ་ང་བར་གྱུར་ན། བཅོམ་ལྡན་འདས་ཀྱིས་མ་དགོངས་པ་ལྟ་སྙམ་མོ། །སྐབས་དེ་ལྟ་བུ་ལ། སངས་རྒྱས་བཅོམ་ལྡན་འདས་རྣམས་ལ་མི་མཁྱེན་པའམ། མི་གཟིགས་པའམ། ཐུགས་སུ་མ་ཆུད་པའམ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་སྟེ། དེ་ནས་བཅོམ་ལྡན་འདས་ཐུགས་རྗེ་ཆེན་པོས་བསྐུལ་ནས་ཕྱོགས་དེར་གཤེགས་པ་དང ། ཇི་ཙམ་ན་བུད་མེད་དེ་དག་ཐམས་ཅད་སྒྲེན་མོར་འདུག་པ་གཟིགས་སོ། །གཟིགས་ནས་ཀྱང་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་དེའི་ཚེ་སྲོག་ཆགས་གྲོག་སྦུར་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་སོ། །གང་གི་ཚེ་འཇིག་རྟེན་ལས་འདས་པའི་ཐུགས་བསྐྱེད་པ་དེའི་ཚེ་ནི། ཉན་ཐོས་དང ། རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་མི་ཤེས་ན། དུད་འགྲོའི་སྐྱེ་གནས་སུ་སོང་བའི་སྲོག་ཆགས་རྣམས་ཀྱིས་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱིས་དགོངས་པ། ཀྱེ་མ། ལྷའི་བུ་མོ་བདེ་སོགས་ཀྱིས་གོས་དག་དང ། ཆུ་ཁྱེར་ཏེ་འོངས་ཀྱང་བླ་ན་སྙམ་དུ་བཅོམ་ལྡན་འདས་ཀྱིས་ཐུགས་བསྐྱེད་མ་ཐག་ཏུ་ལྷའི་བུ་མོ་བདེ་སོགས་ཀྱིས་རས་ཟུང་ལྔ་བརྒྱ་དང ། མཚོ་ཆེན་</font><hr>Tha149b<br><font size=+2>


པོ་མ་དྲོས་པ་ནས་ཆུ་བླངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་འདི་སྐད་ཅེས་གསོལ་ཏོ། །བཙུན་པ། རས་ཡུག་ལྔ་བརྒྱ་འདི་དག་དང ། ཆབ་འཚལ་ཏེ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། སོང་ལ་ཤཱཀྱའི་བུ་མོ་འོ་ནི་རྣམས་དབུགས་ཕྱུང་སྟེ། དབུགས་ཕྱུང་ནས་རྐང་པ་དང ། ལག་པ་དག་ཁྲུས་ལ་གོས་རྣམས་སྐོན་ཅིག་།བཙུན་པ། དེ་ལྟར་འཚལ་ལོ། །ཞེས་སྨྲས་ནས་དེས་དེ་རྣམས་ཀྱི་རྐང་པ་དང ། ལག་པ་དག་བཀྲུས་ནས་གོས་རྣམས་བསྐོན་ནོ། །དེ་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔར་འཁོད་དོ། །དེ་ནས་བཅོམ་ལྡན་འདས་ཀྱི་རྫུ་འཕྲུལ་གྱིས་ཤཱཀྱའི་བུ་མོ་ལྔ་བརྒྱ་པོ་དེ་རྣམས་ཀྱི་སྡུག་བསྔལ་རྒྱུན་བཅད་དོ། །རྒྱུན་བཅད་ནས་བཀའ་སྩལ་པ། སྲིང་མོ་དག་།ཁྱེད་ཉིད་ཀྱིས་ལས་འདི་དག་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། དཔའ་རྒལ་བཞིན་ཉེ་བར་གནས་པ། གདོན་མི་ཟ་བར་འབྱུང་བ་ཡིན་ཏེ། ཁྱེད་ཀྱིས་ལས་བྱས་ཤིང་བསགས་པ་རྣམས་གཞན་སུ་ཞིག་གིས་མྱོང་བར་འགྱུར། སྲིང་མོ་དག་།ལས་ལ་གཞོལ་བར་གྱིས་ཤིག་།ཅེས་གསུངས་ནས་བཅོམ་ལྡན་འདས་གཤེགས་སོ། །དེ་དག་ཀྱང་བཅོམ་ལྡན་འདས་ལ་སེམས་རབ་ཏུ་དང་བར་བྱས་ནས་དུས་ལས་འདས་ཏེ་རྒྱལ་ཆེན་བཞིའི་ལྷ་རྣམས་ཀྱི་ནང་དུ་སྐྱེས་སོ། །ཆོས་ཉིད་ཀྱིས་ལྷའི་</font><hr>Tha150a<br><font size=+2>


༄#། །བུའམ། ལྷའི་བུ་མོ་སྐྱེས་ནས་རིང་པོ་མ་ལོན་པ་ལ་སེམས་གསུམ་སྐྱེ་སྟེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་ཡིན་པའོ། །དེ་རྣམས་ཀྱིས་མི་རྣམས་ཀྱི་ནང་ནས་ཤི་འཕོས་པ་དང ། རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་པ་དང ། ལས་གང་གིས་ཤེ་ན། བཅོམ་ལྡན་འདས་ལ་སེམས་རབ་ཏུ་དང་བར་བྱས་པས་ཡིན་པར་མཐོང་ངོ ། །དེ་ནས་སྔོན་ཤཱཀྱའི་བུ་མོ་བྱེད་བྱེད་པའི་ལྷ་ལྔ་བརྒྱ་པོ་དེ་རྣམས་འདི་སྙམ་དུ་སེམས་ཏེ། བདག་ཅག་ཞག་ཏུ་འདུག་ནས་བཅོམ་ལྡན་འདས་བལྟ་བའི་ཕྱིར་འདོང་བ་ནི། ཆ་མ་ཡིན་གྱི། མ་ལ་བདག་ཅག་ཞག་མ་ལོན་པ་ཉིད་དུ་བཅོམ་ལྡན་འདས་བལྟ་བའི་ཕྱིར་འདོང་ངོ ། །སྙམ་མོ། །དེ་ནས་སྔོན་ཤཱཀྱའི་བུ་མོ་བྱེད་བྱེད་པའི་ལྷ་རྣམས་རྣ་ཆ་གདུབ་ཀོར་དྲི་མ་མེད་པ།་གཡོ་བ་ཐོགས་ཤིང ། ལུས་དོ་ཤལ་དང་སེ་མོ་དོས་བརྒྱན་ནས་དེ་ཉིད་ཀྱི་མཚན་མོ་ལྷ་རྫས་ཀྱི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མན་དཱ་ར་བ་རྣམས་ཀྱིས་ཐུ་བ་བཀང་ནས་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་སྣང་བར་བྱས་ཏེ་བཅོམ་ལྡན་འདས་ལ་མེ་ཏོག་རྣམས་ཀྱིས་གཏོར་ནས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས་འཕགས་པའི་བདེན་པ་བཞི་རྟོགས་</font><hr>Tha150b<br><font size=+2>


པར་འགྱུར་བ་དེ་ལྟ་བུའི་ཆོས་བསྟན་པ་མཛད་པ་དང ། དེ་རྣམས་ཀྱིས་དེ་ཐོས་ནས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱིས་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་རྣམས་ཀྱིས་བདེན་པ་མཐོང་ནས་ཆེད་དུ་བརྗོད་པ་ལན་གསུམ་བརྗོད་པ། བཅོམ་ལྡན་འདས་ཀྱིས་གང་བདག་ཅག་ལ་སྨན་བཏགས་པ་འདི་ལྟ་བུ་ནི། བདག་ཅག་ལ་མས་མ་བགྱིས་།ཕས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། རང་གི་སྐྱེ་བོ་དང་གཉེན་སྡུག་པའི་ཚོགས་ཀྱིས་མ་ལགས། སྔོན་གྱི་མེས་པོ་རྣམས་ཀྱིས་མ་ལགས། དགེ་སྦྱོང་དང ། བྲམ་ཟེ་རྣམས་ཀྱིས་མ་ལགས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་ལས་ནི། བསྒྲལ། ངན་སོང་གི་སྒོ་རྣམས་ནི། བཅད། མཐོ་རིས་དང ། ཐར་པའི་སྒོ་རྣམས་ནི།་ཕྱེ། ལྷ་དང ། མི་རྣམས་ལ་ནི། བཀོད་དོ། །ཡང་སྨྲས་པ། ཁྱོད་ཀྱི་མཐུ་ཡིས་ངན་སོང་ལམ་དག་ནི། །ཤིན་ཏུ་མི་བཟད་ཉེས་མང་ལྡན་པ་བཅད། །མཐོ་རིས་སྒོ་ཕྱེ་བདག་གི་བསོད་ནམས་ནི། ཤིན་ཏུ་བཟང་དང་མྱ་ངན་འདས་ལམ་ཐོབ། །ཁྱོད་བརྟེན་དེ་རིང་བདག་གི་སྐྱོན་བྲལ་ཞིང ། །ཤིན་ཏུ་རྣམ་པར་དག་མིག་དག་པ་ཐོབ། །འཕགས་པ་དགྱེས་པའི་གོ་འཕང་ཞི་བའང་ཐོབ། །སྡུག་བསྔལ་རྒྱ་མཚོའི་ཕ་རོལ་མཆོག་ཏུ་བརྒལ། །འགྲོ་བ་ལྷ་མིན་ལྷ་དང་མིས་མཆོད་ཅིང ། །སྐྱེ་རྒ་འཆི་བའི་སྐྱོན་དང་བྲལ་བ་པོ། །སྲིད་པ་སྟོང་དུ་མཐོང་རབ་རྙེད་དཀའ་བ། །ཐུབ་པ་ཁྱོད་དེང་མཐོང་བ་འབྲས་བུ་</font><hr>Tha151a<br><font size=+2>


༄#། །མཆིས། །དེ་ནས་སེ་མོ་དོ་འཕྱང་དགའ་སྐྱེས་རྣམས། །ཞབས་གཉིས་ལ་ནི་འདུད་པ་བྱས་ནས་ཀྱང ། །དགྲ་ཐུལ་པ་ལ་ཡོངས་སུ་བསྐོར་བྱས་ནས། །སླར་ཡང་ལྷ་ཡི་འཇིག་རྟེན་མངོན་ཕྱོགས་དོང ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཤཱཀྱའི་བུ་མོ་ལྔ་བརྒྱ་པོ་དག་གིས་ལས་ཅི་ཞིག་བགྱིས་ན། དེས་ལག་པ་དང ། རྐང་པ་དག་བཀུམ། ལས་ཅི་ཞིག་བགྱིས་ན། དེས་ལྷ་རྣམས་ཀྱི་ནང་དུ་སྐྱེས། ལས་ཅི་ཞིག་བགྱིས་ན། དེས་བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་དག་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། ལུས་ཅན་རྣམས་ལ་འབྲས་བུར་སྨིན། །ཅེས་བྱ་བའི་བར་སྔ་མ་བཞིན་ནོ། །དགེ་སློང་དག། སྔོན་བྱུང་བ་བསྐལ་པ་བཟང་པོ་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེའི་གསུང་རབ་ལ་འདི་རྣམས་རབ་ཏུ་བྱུང་</font><hr>Tha151b<br><font size=+2>


བར་གྱུར་ཏོ། །དེ་ན་འདི་རྣམས་ཀྱིས་སློབ་པ་དང ། མི་སློབ་པའི་དགེ་སློང་རྣམས་ལ་ལག་རྡུམ། རྐང་རྡུམ་ཞེས་བྱ་བའི་ཚིག་ཀུན་ཏུ་སྤྱོད་པ་ཀུན་ཏུ་སྤྱད་དེ། ལས་དེའི་རྣམ་པར་སྨིན་པས། ལོ་མང་པོར་དམྱལ་བ་རྣམས་ཀྱི་ནང་དུ་སྐྱེས་སོ། །ལས་དེ་ཉིད་ཀྱི་ལྷག་མས་འདི་རྣམས་ཚེ་རབས་ལྔ་བརྒྱར་ལག་པ་དང ། རྐང་པ་དག་བཅད་དེ། ད་ལྟའི་བར་དུ་ཡང་ལག་པ་དང ། རྐང་པ་དག་བཅད་པ་ཡིན་ནོ། །གང་ང་ལ་སེམས་རབ་ཏུ་དང་བར་བྱས་པའི་ལས་དེའི་རྣམ་པར་སྨིན་པས་ནི། ལྷ་རྣམས་ཀྱི་ནང་དུ་སྐྱེས་སོ། །གང་འདི་རྣམས་ཀྱིས་དེ་ན་ལུང་མ་ནོས་པ་དང ། བཀླགས་པ་དང ། ཁ་ཏོན་བྱས་པ་དེས་ངའི་སྤྱན་སྔར་བདེན་པ་མཐོང་བར་བྱས་པ་ཡིན་ནོ། །དགེ་སློང་དག་།དེ་ལྟར་ན། ལས་གཅིག་ཏུ་ནག་པ་རྣམས་ཀྱི་ཞེས་བྱ་བ་ནས་བརྩལ་བར་བྱ་སྟེ་དགེ་སློང་དག་།ཁྱེད་ཀྱིས་དེ་ལྟ་བུ་བསླབ་པར་བྱའོ། །ཞེས་བྱ་བའི་བར་སྔ་མ་བཞིན་ནོ། །དེ་ནས་མི་དེ་འཕགས་སྐྱེས་པོའི་དྲུང་དུ་འོངས་པ་དང ། འཕགས་སྐྱེས་པོས་སྨྲས་པ། ཀྱེ་སྐྱེས་བུ། བཅོམ་ལྡན་འདས་ཅི་གསུང ། དེས་སྨྲས་པ། ལྷ། བཅོམ་ལྡན་འདས་ཀྱི་ཞལ་ནས། འདི་ནས་ཞག་བདུན་ན། ཀོ་ས་ལའི་རིགས་སྦྲུལ་གྱིས་བལྟས་པ་བཞིན་དུ་རབས་ཆད་པར་འགྱུར་རོ། །འཕགས་སྐྱེས་པོ་ཡང་མ་ལ་གནོད་དང་བཅས་ཏེ་མེས་ཚིག་བཞིན་སེམས་ཅན་དམྱལ་བ་ཆེན་པོ་མནར་མེད་པར་ལྟུང་བར་འགྱུར་རོ། །ཞེས་གསུང་ངོ ། །འཕགས་སྐྱེས་པོས་ཐོས་ནས་ལག་པ་འགྲམ་པ་ལ་གཏད་ནས་སེམས་</font><hr>Tha152a<br><font size=+2>


༄#། །ཁོང་དུ་ཆུད་དེ་འདུག་གོ་།མ་ལ་གནོད་ཀྱིས་སྨྲས་པ། ལྷ། ཁྱོད་ཅིའི་ཕྱིར་ཕྱག་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་བཞུགས། དེས་སྨྲས་པ། མ་ལ་གནོད། འདི་ལྟར་བཅོམ་ལྡན་འདས་འདི་སྐད་ཅེས། ཞག་བདུན་ན། འཕགས་སྐྱེས་པོ་མ་ལ་གནོད་དང་བཅས་ཏེ་མེས་ཚིག་བཞིན་སེམས་ཅན་དམྱལ་བ་ཆེན་པོ་མནར་མེད་པར་ལྟུང་བར་འགྱུར་རོ། །ཞེས་གསུངས་ན། ང་ཇི་ལྟར་སེམས་ཁོང་དུ་ཆུད་ཅིང་མི་འདུག་།དེས་སྨྲས་པ། ལྷ། གང་ཞིག་བྲམ་ཟེ་འོངས་པ་ལ་འཚལ་མ་མི་སྩོལ་པ་དེ་ཡང་ཕུང་པོ་བརྒྱ་སྟོང་དུ་སེམས་ན།་ལྷས་དགེ་སྦྱོང་གོའུ་ཏ་མའི་གཉེན་བཤེས་དེ་སྙེད་ཅིག་བཀུམ་པ་ལྟ་སྨོས་ཀྱང་ཅི་འཚལ། དེ་དེ་སྐད་གསུངས་ཀྱང་རུང ། གཞན་གསུངས་ཀྱང་རུང་སྟེ། འོན་ཀྱང་ལྷ་སྐྱེད་མོས་ཚལ་དུ་ཆབ་ཀྱི་ནང་དུ་ཁང་བཟང་ཀ་བ་གཅིག་པ་ཞིག་བགྱིད་དུ་སྩལ་ཏེ། ལྷ་དེར་གཤེགས་ནས་དགུང་བདུན་དུ་བཞུགས་ལ་དགུང་བདུན་འདས་པ་དང ། སླར་མཉན་ཡོད་དུ་གཤེགས་པར་མཛད་ཅིག་།དེས་སྨྲས་པ། དེ་ལྟར་བྱས་འགྲོའོ། །ཞེས་དེ་བཙུན་མོའི་འཁོར་དང་བཅས་ཏེ་དེར་སོང་ནས་འདུག་གོ་།ཉིན་ཞག་གཅིག་ཐལ་པ་དང ། མ་ལ་གནོད་ཀྱིས་སྨྲས་པ། ལྷ། དགུང་ཞག་བདུན་ལས་གཅིག་ནི། ཐལ་ལགས། ལྷག་མ་དགུང་ཞག་དྲུག་མཆིས་ཏེ། དགུང་ཞག་དྲུག་འདས་ནས་མཉན་ཡོད་དུ་གཤེགས་པར་མཛད་དོ། །ཞེས་བྱ་བ་ནས་ཉིན་ཞག་</font><hr>Tha152b<br><font size=+2>


གཉིས་དང ། གསུམ་ནས་བདུན་པ་ལ། ལྷ། དེང་ཁོ་ན་ལ་མཉན་ཡོད་དུ་གཤེགས་པར་མཛད་དོ། །ཞེས་བྱ་བའི་བར་དེ་བཞིན་དུ་བྱས་སོ། །དེ་ན་ཡུལ་ངན་ཞིག་ཀྱང་བྱུང་བར་གྱུར་ཏོ། །བུད་མེད་ནི། རྒྱན་ལ་དགའ་བ་ཡིན་པས། བཙུན་མོའི་འཁོར་རྣམས་ཀྱིས་སྨྲས་པ། ཕུ་ནུ་མོ་ཕྱག་།བདག་ཅག་དེང་མཉན་ཡོད་དུ་འདོང་དགོས་པས། རྒྱན་ཐོགས་པར་བྱའོ། །ཞེས་དེ་རྣམས་ཀྱིས་རྒྱན་ཐོགས་པར་བརྩམས་སོ། །དེ་ན་བཙུན་མོའི་འཁོར་ཞིག་གིས་སྔས་ནང་ཚངས་ཅན་གྱི་སྟེང་དུ་ནོར་བུ་མེ་ཤེལ་བཞག་ནས་རྒྱན་ཐོགས་པར་བརྩམས་སོ། །ཇི་ཙམ་ན་ཡུལ་ངན་སངས་པ་དང ། ཉི་མའི་འོད་ཟེར་གྱིས་མེ་ཤེལ་གྱི་ཐོག་ཏུ་བབ་ནས་མེ་བྱུང་བ་དེ། སྔས་ནང་ཚངས་ཅན་ལ་མཆེད་དོ། །དེ་ལས་ཀྱང་ཁང་བཟང་ལ་མཆེད་ནས། བཙུན་མོའི་འཁོར་རྣམས་ནི། བྲོས་སོ། །འཕགས་སྐྱེས་པོ་དང ། མ་ལ་གནོད་ཚིག་བཞིན་འབྲོས་པར་བརྩམས་པ་དང ། ཇི་ཙམ་ན་མི་མ་ཡིན་པ་དག་གིས་སྒོ་རྣམས་བཅད་ནས་འཕགས་སྐྱེས་པོས་ཚིག་བཞིན་དུ་སྨྲས་པ། མ་ལ་གནོད་ཚིག་གོ་།དེས་སྨྲས་པ། ལྷ། ཚོས་སོ། །ཞེས་དེ་དག་དེ་སྐད་དུ་འོ་དོད་འབོད་ཅིང་དམྱལ་བ་ཆེན་པོ་མནར་མེད་པར་སྐྱེས་སོ། །དེ་ནས་བཅོམ་ལྡན་འདས་ཀྱིས་བྱུང་བ་དེ་ལ་ཚིགས་སུ་བཅད་པ་དག་བཀའ་སྩལ་པ། སྡིག་པ་བྱས་པས་འདིར་ཚིག་ཕྱི་མར་ཚིག་།གཉིས་ཀར་ཚིག་སྟེ་དེ་ནི་བདག་ཉིད་ཀྱི། ལས་རྣམས་སྨིན་མཐོང་དེ་ཚིག་རབ་ཏུ་ཚིག་།འགྲོ་བ་ངན་པར་སོང་བ་ཕྱིར་ཞིང་</font><hr>Tha153a<br><font size=+2>


༄#། །ཚིག་།སྡིག་པ་བྱས་པ་འདིར་སྨྲེ་ཕྱི་མར་སྨྲེ། །གཉིས་ཀར་སྨྲེ་སྟེ་དེ་ནི་བདག་ཉིད་ཀྱི། །ལས་རྣམས་སྨིན་མཐོང་དེ་སྨྲེ་རབ་ཏུ་སྨྲེ། །འགྲོ་བ་ངན་པར་སོང་བ་ཕྱིར་ཞིང་སྨྲེ། །ཞེས་གསུངས་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་གསོལ་ཏོ། །བཙུན་པ། ཚིགས་སུ་བཅད་པ་འདི་བདག་གིས་མ་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། སྐྱེས་བུ་གཏི་མུག་འཕགས་སྐྱེས་པོ་དེ་མ་ལ་གནོད་དང་བཅས་ཏེ་མེས་ཚིག་བཞིན་དམྱལ་བ་མནར་མེད་པར་སོང་སྟེ། ངས་དེ་ལས་དགོངས་ནས།་སྡིག་པ་བྱས་པ་འདིར་ཚིག་ཕྱི་མར་ཚིག་།ཅེས་བྱ་བ་ནས། འགྲོ་བ་ངན་པར་སོང་བ་ཕྱིར་ཞིང་སྨྲེ། །ཞེས་བྱ་བའི་བར་གསུངས་པ་ཡིན་ནོ། །གང་གི་ཚེ་འཕགས་སྐྱེས་པོས་ཤཱཀྱ་རྣམས་བསད་པ་དེའི་ཚེ་ཤཱཀྱའི་བུ་མོ་རྣམས་ཀྱིས་དེ་རྣམས་ཀྱི་རྒྱན་དག་མཐོང་ནས་ངུ་བར་བརྩམས་ཏེ་དེ་རྣམས་ཀྱིས་བསམ་པ། ཤཱཀྱ་རྣམས་ནི། འཕགས་པ་རྣམས་ལ་མངོན་པར་དད་པ་ཡིན་པས། རྒྱན་འདི་དག། འཕགས་པ་རྣམས་ལ་དབུལ་ལོ། །ཞེས་དེ་རྣམས་ཀྱིས་རྒྱན་དེ་དག་དགེ་སློང་རྣམས་ལ་ཕུལ་ལོ། །དྲུག་སྡེ་རྣམས་ཀྱིས་རྒྱན་དེ་དག་ཐོགས་ནས་སེར་སྐྱའི་གནས་སུ་ཞུགས་པ་དང ། ཤཱཀྱའི་བུ་མོ་རྣམས་ཀྱིས་དེ་དག་མཐོང་ནས། དེ་བཞིན་དུ་ངུ་བར་གྱུར་ཅིང་སྨྲས་པ། འཕགས་པ་དག་།བདག་ཅག་གིས་དེའི་སླད་དུ་འདི་དག་ཕུལ་ན། ཉེས་</font><hr>Tha153b<br><font size=+2>


དམིགས་དེ་ཉིད་བྱུང་བར་གྱུར་ཏོ། །ཞེས་བྱས་པ་དང ། དེ་དག་ཅང་མི་སྨྲ་བར་འདུག་གོ་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ།་ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་རྒྱན་ཐོགས་པ་ལས་གྱུར་གྱི། དེ་ལྟ་བས་ན། དགེ་སློང་གིས་རྒྱན་སྤེལ་མ་དང ། འཕྱང་འཕྲུལ་ཅན་དང ། ཟླ་གམ་ཅན་དང ། གསེར་སྐུད་དང ། རྒྱན་སྣ་ཚོགས་གཞན་ཅི་ཡང་རུང་བ་ཡང་ཐོགས་པར་མི་བྱ་སྟེ། ཐོགས་ན། འགལ་ཚབས་ཅན་དུ་འགྱུར་རོ། །སྡོམ་ནི། བླངས་པ་དང་ནི་བསླབ་པ་དང ། །དུ་བའི་རི་ལུ་སྨན་གཅེའུ་བཅས། །ལྷུང་བཟེད་སྣོད་དང་ཟུངས་དང་ནི། །མར་དཀར་འབྲུ་མར་བྱུག་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲག་ཅིག་ཏུ་ཁྱིམ་བདག་ཅིག་གནས་པ་དེས། རིགས་མཉམ་པ་ལས་ཆུང་མ་བླངས་ནས་དེ་དེ་དང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དུས་གཞན་ཞིག་ན་དེ་ཉེ་དུ་རྣམས་ཀྱང་ཟད་པར་གྱུར། ནོར་ཡང་ཟད། ལོངས་སྤྱོད་དག་ཀྱང་ཟད་ནས་དེས་བསམ་པ། ད་ནི། བདག་རྒས་པས་ནོར་བསྒྲུབ་པར་བྱ་ཡང་མི་ནུས། བདག་ལ་ལོངས་སྤྱོད་ཀྱང་མེད། བདག་གི་ཉེ་དུ་རྣམས་ཀྱང་དུས་ལས་འདས་པས། སོང་ལ་རབ་ཏུ་འབྱུང་ངོ ། །སྙམ་དུ་རིག་ནས་དེས་ཆུང་མ་ལ་སྨྲས་པ། བཟང་མོ། ད་ནི། ང་རྒས་པས། ནོར་བསྒྲུབ་པར་བྱ་ཡང་</font><hr>Tha154a<br><font size=+2>


༄#། །མི་ནུས། ང་ལ་ལོངས་སྤྱོད་དག་ཀྱང་མེད། ངའི་ཉེ་དུ་རྣམས་ཀྱང་དུས་ལས་འདས་པས། ཁྱོད་ལ་དྲིས་ཏེ་སོང་ལ་རབ་ཏུ་འབྱུང་ངོ ། །ཁྱིམ་བདག་དེ་དྲང་པོ་ཞིག་ན། དེ་ནི། གཡོ་ཀུན་ཏུ་སྤྱོད་ཅིང་རྟག་ཏུ་སྐྱེས་པ་གཞན་ལ་ལྟ་བ་ཞིག་པས། དེས་སྨྲས་པ། རྗེའི་སྲས། དེ་བཞིན་དུ་མཛོད་ཅིག་།འོན་ཀྱང་དུས་དུས་སུ་བལྟར་སྤྱོན་ཅིག་།དེས་དེ་བཞིན་བྱའོ། །ཞེས་དམ་བཅས་ནས་རྒྱལ་བུ་རྒྱལ་བྱེད་ཀྱི་ཚལ་དུ་སོང་སྟེ་དགེ་སློང་ཞིག་གི་དྲུང་དུ་ཕྱིན་ནས་སྨྲས་པ། འཕགས་པ། རབ་ཏུ་འབྱུང་བར་འཚལ་ལོ། །དེས་སྨྲས་པ། བཞིན་བཟང ། ཁྱོད་འཇིགས་པ་མེད་པ། སྤོབས་པ་དགེ་སྟེ། ལེགས་སོ། །བཅོམ་ལྡན་འདས་ཀྱིས་ཀྱང་ཕན་ཡོན་ལྔ་ཡང་དག་པར་མཐོང་བའི་མཁས་པས་ནི། རབ་ཏུ་འབྱུང་བར་མོས་པར་བྱ་བ་ཉིད་དུ་འོས་ཏེ། ལྔ་གང་ཞེ་ན། བདག་གིས་རང་གི་དོན་མ་འདྲེས་པ་ཐོབ་པར་འགྱུར་བར་ཡང་དག་པར་མཐོང་བའི་མཁས་པས་རབ་ཏུ་འབྱུང་བར་མོས་པར་བྱ་བར་འོས་པ་ཉིད་དང ། བདག་གང་དག་གི་བྲན་དང ། མངག་གཞུག་པ་དང ། བཀོལ་བ་དང ། རང་དབང་མེད་པ་དང ། དགའ་མགུར་འགྲོར་མེད་པ་ཡིན་པ་དེ་དག་གིས་མཆོད་པར་བྱ་བར་འགྱུར་བ་དང ། བསྟོད་པར་བྱ་བར་འགྱུར་བར་ཡང་དག་པར་མཐོང་བའི་མཁས་པས་རབ་ཏུ་འབྱུང་བར་མོས་པར་བྱ་བར་འོས་པ་ཉིད་དང ། མྱ་ངན་ལས་འདས་པ་གྲུབ་པ་དང ། བདེ་བ་བླ་ན་མེད་པ་</font><hr>Tha154b<br><font size=+2>


ཐོབ་པར་ཡང་དག་པར་མཐོང་བའི་མཁས་པས་རབ་ཏུ་འབྱུང་བར་མོས་པར་བྱ་བར་འོས་པ་ཉིད་དང ། བདག་མྱ་ངན་ལས་ཅངས་པ་གྲུབ་པ་དང ། བདེ་བ་བླ་ན་མེད་པ་མ་ཐོབ་པ་ལས་ཡོངས་སུ་ཉམས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར་བར་ཡང་དག་པར་མཐོང་བའི་མཁས་པས་རབ་ཏུ་འབྱུང་བར་མོས་པར་བྱ་བར་འོས་པ་ཉིད་དང ། སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་སྐྱེས་བུ་དམ་པ་ཡང་དག་པར་སོང་བ་མཆོག་རྣམས་ཀྱིས་རྣམ་གྲངས་དུ་མར་རབ་ཏུ་འབྱུང་བ་བསྔགས་པར་ཡང་དག་པར་མཐོང་བའི་མཁས་པས་རབ་ཏུ་འབྱུང་བར་མོས་པར་བྱ་བར་འོས་པ་ཉིད་དོ། །ཞེས་བཀའ་སྩལ་ཏེ། ཁྱོད་ཀྱིས་སེམས་བསྐྱེད་པ་དགེའི། ལེགས་པར་གསུངས་པའི་ཆོས་འདུལ་བ་འདི་ལ་རབ་ཏུ་བྱུང་ཞིག་།ཅེས་དེས་དེ་རབ་ཏུ་ཕྱུང ། བསྙེན་པར་རྫོགས་པར་བྱས་སོ། ། དེ་ནས་ཞག་གཉིས་གསུམ་ཞིག་ཀུན་སྤྱད་པའི་ཆོས་བསླབ་ནས་སྨྲས་པ། བཞིན་བཟང ། རི་དྭགས་ཀྱིས་རི་དྭགས་མི་སོས་ཀྱི། མཉན་ཡོད་རྒྱ་ཆེན་པོར་རང་གི་སྤྱོད་ཡུལ་དུ་ཕའི་ཡུལ་དུ་བསོད་སྙོམས་ལ་རྒྱུ་ཞིང་འཚོ་བར་གྱིས་ཤིག་།དེ་ཕྱི་དེ་ཉིན་སྔ་དྲོ་ཤམ་ཐབས་དང ། ཆོས་གོས་བགོས། ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་སོ། །དེ་བསོད་སྙོམས་ལ་རྒྱུ་བ་ན་རང་གི་ཆུང་མ་འདྲ་བའི་བུད་མེད་ཅིག་མཐོང་ནས་དེས་བསམ་པ། བདག་གི་སྔོན་གྱི་ཆུང་མ་དེ་ལ་རབ་ཏུ་བྱུང་ནས་བལྟར་འོང་ངོ ། །ཞེས་དམ་བཅས་ཀྱི། དེའི་ཕྱིར་བདག་ད་གཟོད་རབ་</font><hr>Tha155a<br><font size=+2>


༄#། །ཏུ་བྱུང་བ་ཡིན་པས་དུས་ཅུང་ཟད་ཅིག་བསྡད་ལ། དེ་མི་དགའ་བར་མི་འགྱུར་བར་དེ་བལྟར་འགྲོའོ། །སྙམ་ནས་བསོད་སྙོམས་ལ་རྒྱུས་ཏེ་རྒྱལ་བུ་རྒྱལ་བྱེད་ཀྱི་ཚལ་དུ་སོང་ངོ ། །དེས་དུས་ཅུང་ཞིག་བསྡད་ནས་མཁན་པོ་ལ་སྨྲས་པ། མཁན་པོ། བདག་ལ་སྔོན་གྱི་མཆིས་བྲང་ཞིག་མཆིས་ཏེ། དེ་ལ་བདག་གིས་རབ་ཏུ་བྱུང་ནས་བལྟར་མཆིའོ། ། ཞེས་དམ་བཅས་པས། དེའི་སླད་དུ་གནང་བར་མཛོད་ཅིག་དང ། མཆིའོ། །དེས་སྨྲས་པ། བུ། སོང་ལ་ཁྱོད་ཀྱིས་སེམས་སྲུངས་ཤིག་།དེས་སྨྲས་པ། བསྲུང་བར་བགྱིའོ། །ཞེས་སྨྲས་ནས་ཆས་པ་དང ། རིམ་གྱིས་རི་བྲག་དེར་ཕྱིན་ནོ། །དེས་དེ་རྒྱང་རིང་པོ་ཁོ་ན་ནས་མཐོང་བ་དང ། དེ་དགའ་བ་དང་བཅས་ཤིང་མྱུར་བ་མྱུར་བས་བསུ་ནས་སྨྲས་པ། རྗེའི་སྲས། བྱོན་པ་དེ་ལེགས་སོ།། བྱོན་པ་ལགས་ཏེ། རིང་མོ་ཞིག་ལོན་ནས་མཐོང་ངོ ། །ཞེས་སྨྲས་ནས་རེག་པར་བརྩམས་པ་དང ། དེས་སྨྲས་པ། ཅི་བྱེད། ཆོས་གོས་དག་བླངས་ནས་མཉེལ་བསོར་གཞུག་མོད། དེས་སྨྲས་པ། མ་རེག་ཅིག་།ཅིའི་སླད་དུ། མཁན་པོས་ང་ལ་ཁྱོད་ཀྱིས་སེམས་སྲུངས་ཤིག་།ཅེས་བསྒོའོ། །དེས་སྨྲས་པ། རྗེའི་སྲས། ཁྱོད་སེམས་སྲུང་ལ་རག་མོད། བདག་གིས་བཀག་གམ་ཅི་ཞེས་དེས་དེའི་ཆོས་གོས་དག་བླངས་ནས་སྟན་བཏིང་སྟེ་རྐང་པ་བཀྲུས་ནས་བསྐུས་སོ། །དེ་ནས་ཁྲུས་བྱས་ནས་ཟན་བྱིན་ཏེ། དེ་ཡང་དེ་ཉིད་དུ་ཟན་བཟའ་བར་འདུག་པ་དང ། དེས་སྨྲས་པ། </font><hr>Tha155b<br><font size=+2>


ཅི་བྱེད། དེས་སྨྲས་པ། རྗེའི་སྲས། ཁྱོད་དང་ལྷན་ཅིག་ཟན་ཟོས་ནས་རིང་མོ་ཞིག་ལོན་ནོ། །དེས་སྨྲས་པ། མཁན་པོས་ང་ལ་ཁྱོད་ཀྱིས་སེམས་སྲུངས་ཤིག་།ཅེས་བསྒོའོ། །དེས་སྨྲས་པ། རྗེའི་སྲས། ཁྱོད་སེམས་སྲུང་ལ་རག་མོད། བདག་གིས་བཀག་གམ་ཅི། བདག་ཁྱོད་དང་ལྷན་ཅིག་ཟན་ཟོས་ནས་རིང་མོ་ཞིག་ལོན་པས། གདོན་མི་ཟ་བར་བཟའོ། །ཞེས་དེས་དེ་དང་ལྷན་ཅིག་ཟན་ཟོས་སོ། །དེ་ནས་མལ་བཤམས་ནས་སྨྲས་པ། རྗེའི་སྲས། གཟིམས་མལ་འདིར་ཤུལ་གྱིས་མཉེལ་བའི་མཉེལ་སོས་ཤིག་།དེས་རྐང་པ་བཀྲུས་ནས་ཉལ་བ་དང ། དེ་ཡང་དེ་ཉིད་དུ་ཉལ་བར་བརྩམས་སོ། །དེས་སྨྲས་པ། ཅི་བྱེད། དེས་སྨྲས་པ། རྗེའི་སྲས། ཁྱོད་དང་ལྷན་ཅིག་ཉལ་ནས་རིང་མོ་ཞིག་ལགས་པས། མ་བཀྱོན་ཅིག་།དེས་སྨྲས་པ། མཁན་པོས་ང་ལ་ཁྱོད་ཀྱིས་སེམས་སྲུངས་ཤིག་ཅེས་བསྒོའོ། །དེས་སྨྲས་པ། རྗེའི་སྲས། ཁྱོད་སེམས་སྲུང་ལ་རག་མོད། བདག་གིས་བཀག་གམ་ཅི། ཁྱོད་དང་བདག་ལྷན་ཅིག་ཉལ་ནས་རིང་མོ་ཞིག་ལགས་པས། གདོན་མི་ཟ་བར་ཉལ་བར་བགྱིའོ། །དེ་མ་བཏུབ་པ་དང ། དེས་བསམ་པ། མགུལ་ནས་འཇུས་ན། བདག་གི་དབང་དུ་འགྱུར་རོ། །སྙམ་ནས་དེས་དེའི་མགུལ་ནས་འཇུས་པ་དང ། བུད་མེད་ནི། རེག་པའི་དུག་ཅན་ཡིན་པས་རེག་པ་ཙམ་གྱིས་ལོག་པར་སྤྱད་དོ། །དུས་རིང་ཞིག་འདུག་ནས་སྨྲས་པ། བཟང་མོ། འགྲོའོ། །དེས་བསམ་པ། འདི་དང་བདག་ལྷན་ཅིག་གསང་བ་བྱས་པ་གང་ཡིན་པ་དེ་</font><hr>Tha156a<br><font size=+2>


༄#། །དགེ་སློང་རྣམས་ཀྱིས་མི་ཤེས་པས། སྐྱེ་བོ་མང་པོས་ཤེས་པར་བྱའོ། །དེས་ན་དེ་དག་གིས་བསྐྲད་པས་སླར་འོང་བར་འགྱུར་རོ། །སྙམ་དུ་བསམ་ནས་དེས་སྨྲས་པ། རྗེའི་སྲས། དེ་བཞིན་དུ་ཇི་ལྟར་བཞུད། ལམ་རྒྱགས་ཀྱི་ཟོང་ཀཪྴ་པ་ཎ་དག་སྣོམས་ཤིག་།དེས་སྨྲས་པ། བཟང་མོ། དགེ་སློང་རྣམས་དབྱིག་ལ་མི་རེག་ན། ཇི་ལྟར་བླང ། དེས་སྨྲས་པ། རྗེའི་སྲས། བདག་གིས་ཅི་ནས་ཀྱང་མི་རེག་པ་དེ་ལྟར་བགྱིའི། སྣོམས་ཤིག་།ཅེས་དེས་དབྱིག་ཐུམ་པོར་བཅུག་ནས་བཅིངས་ཏེ་འཁར་གསིལ་གྱི་རྩ་བ་ལ་བཏགས་སོ། །དྲེགས་པས་ལྡོངས་པ་དང ། སྲེད་པས་ལྡོངས་པ་རྣམས་ནི། མི་བྱེད་པ་ཅུང་ཟད་ཀྱང་མེད་པས། དེས་དེ་ཁྱེར་ཏེ་སོང་བ་དང ། རིམ་གྱིས་མཉན་ཡོད་དུ་ཕྱིན་ནོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དྲུག་སྡེ་གང་ཡང་རུང་བ་ཞིག་གིས་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་ཡིན་པས། ཚེ་དང་ལྡན་པ་ཉེ་དགའ་བོ་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས། དེ་ཐག་རིང་པོ་ནས་མཐོང་ནས་སྐྲ་སྤྲ་བའི་མེ་ཏོག་ལྟ་བུ། སྨིན་མ་རབ་ཏུ་འཕྱང་བ་ཞིག་ནས་དེས་བསམ་པ། འདི་དགེ་སློང་གནས་བརྟན་ཞིག་འོང་གི། །བསུར་འགྲོའོ། །ཞེས་དེ་བསུར་སོང་སྟེ། གནས་བརྟན་།བྱོན་པ་ལེགས་སོ། །བྱོན་པ་ལེགས་སོ། །ཞེས་བྱས་པ་དང ། དེ་སློབ་དཔོན་ཕྱག་འཚལ་ལོ། །ཕྱག་འཚལ་ལོ། །ཞེས་ཟེར་ནས། ཚེ་དང་ལྡན་པ་ཉེ་དགས་</font><hr>Tha156b<br><font size=+2>


བསམ་པ། ཀྱེ་མ་འདི་ནི། རྒན་ཞུགས་ཤིག་སྟེ། སློབ་དཔོན་ཡང་མི་ཤེས། མཁན་པོ་ཡང་མི་ཤེས་སོ། །རེ་ཞིག་འདི་ག་ལས་འོངས་པ་འདྲིའོ། །སྙམ་དུ་བསམ་ནས་སྨྲས་པ། རྒན་ཞུགས། ཁྱོད་ག་ལས་འོངས། དེས་སྨྲས་པ། སློབ་དཔོན། བདག་སྔོན་གྱི་མཆིས་བྲང་ཞིག་མཆིས་པ་བལྟར་མཆིས་ཏེ། བདག་དེ་ནས་མཆིས་སོ། །རྒན་ཞུགས། ལེགས་ཏེ། ཁྱོད་ནི། བྱས་པ་གཟོ་བ་ཞིག་གོ།་བྱས་པ་གཟོ་བ་ནི། མཁས་པ་རྣམས་ཀྱིས་བསྔགས་ཏེ། བཅོམ་ལྡན་འདས་ཀྱིས་ཀྱང་དགེ་སློང་དག་།དེ་ལྟ་བས་ན། འདི་ལྟར་བསླབ་པར་བྱ་སྟེ། འདི་ལྟར་བྱས་པ་གཟོ་བ་དང ། བྱས་པ་ཚོར་བར་བྱ་ཞིང ། བྱས་པ་ཆུང་ངུ་ཡང་ཆུད་གཟན་པར་མི་བྱ་ན། ཆེན་པོ་ལྟ་སྨོས་ཀྱང་ཅི་དགོས་ཞེས་བཀའ་སྩལ་ཏོ། །སྔོན་གྱི་ཆུང་མ་མཐོང་ངམ། མཐོང་ལགས་སོ། །དེ་ཁམས་བདེའམ། ཁམས་བདེ་ལགས་སོ། །རྒན་ཞུགས། དེ་ནི། གོ་ན། འཁར་གསིལ་གྱི་རྩ་བ་ལ་འཕྱང་བའོ་ནི་ཅི་ཡིན། སློབ་དཔོན། དེས་ཤུལ་རྒྱགས་ཀྱི་ཟོང་དུ་ཀཪྴ་པ་ཎ་དག་ཅིག་སྩལ་བ་ལགས་སོ།། རྒན་ཞུགས། ཁྱོད་ལྟ་བསོད་ནམས་བྱས་པ་ཞིག་སྟེ། སྔོན་གྱི་ཆུང་མ་ཡང་མཐོང་ལ། རྙེད་པ་ཡང་གྲུབ་བོ། །སློབ་དཔོན། ཁྱོད་ཀྱི་བཀའ་དྲིན་ལགས་སོ། །དེས་བསམ་པ། འདི་ལས་གཞན་ཡང་འབྱུང་གི། རེ་ཞིག་འདི་ལ་དྲི་བར་བྱའོ། །སྙམ་ནས་དེས་དེ་ལ་ཚིག་འཇམ་པོ་བརྗོད་པའི་ཚུལ་གྱིས་ཐམས་ཅད་དྲིས་པ་དང ། རྒན་ཞུགས་དེ་དྲང་པོའི་རང་བཞིན་ཅན་ཞིག་པས། དེས་ཇི་ལྟར་</font><hr>Tha157a<br><font size=+2>


༄#། །གྱུར་པ་བསྙད་དོ། །དེས་སྨྲས་པ། རྒན་ཞུགས། དེ་ཐམས་ཅད་མཁན་པོ་ལ་སྨྲོས་ཤིག་དང ། ཁྱོད་ཀྱི་མཁན་པོ་ཡིད་དགའ་བར་འགྱུར་རོ། །དེ་དེ་ལྟར་བསླུས་པས་ཇི་ལྟར་གྱུར་པ་མཁན་པོ་ལ་བསྙད་པ་དང ། དེས་ཀྱང་དགེ་སློང་རྣམས་ལ་བསྙད། དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག་།སྐྱེས་བུ་གཏི་མུག་འདི་སྦྱོར་བ་ཉམས་ཀྱི། བསམ་པ་ནི། མ་ཉམས་སོ། །འདི་ཕས་ཕམ་པ་བྱུང་སྟེ། དེ་ལྟ་བས་ན། གནང་གི། རབ་ཏུ་བྱུང་མ་ཐག་ཏུ་ཕས་ཕམ་པར་འགྱུར་བའི་ཆོས་བཞི་རྒྱས་པར་ཤོད་ཅིག་དང ། ཉེས་པ་འདིར་མི་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་དགའ་བ་ཅན་ཞེས་བྱ་བ་ཞིག་གནས་པ་དེ། རྟག་ཏུ་དགོན་པ་ནགས་མཐའི་གནས་མལ་དག་ན་བསམ་གཏན་བྱེད་པ་ཞིག་པས། དེའི་མིང་བསམ་གཏན་པ་དགའ་བ་ཅན་ཞེས་བྱ་བར་ཆགས་སོ། །དེ་གང་གི་ཚེ་སྐྱིལ་མོ་ཀྲུང་བཅས་ནས་བསམ་གཏན་བྱེད་པའི་ཚེ་བདུད་ཀྱི་རིས་ཀྱི་ལྷ་དག་གིས་གཙེས་སོ། །དེ་དུས་གཞན་ཞིག་ན་སྐྱིལ་མོ་ཀྲུང་བཅས་ཏེ་འདུག་པ་དང་བདུད་ཀྱི་རིས་ཀྱི་ལྷ་མོ་ཞིག་གིས། དེའི་སྐྱིལ་མོ་ཀྲུང་གི་སྟེང་དུ་འདུག་པ་དང ། བུད་མེད་ནི། རེག་པའི་དུག་ཅན་ཡིན་པས། དེས་དེ་དང་ལྷན་ཅིག་ལོག་</font><hr>Tha157b<br><font size=+2>


པར་སྤྱད་དོ། །ལོག་པར་སྤྱད་མ་ཐག་ཏུ་ཟུག་རྔུས་ཟུག་པ་བཞིན་དུ་གནོད་ནས། སེམས་བསྐྱེད་པ། བདག་གི་མི་ཚངས་པར་སྤྱོད་པ་འཁྲིག་པའི་ཆོས་བསྟེན་པས། བདག་སོང་ལ་འབབ་བོ། ། སྙམ་མོ། །ཡང་བསམ་པ། བདག་གིས་བཅབ་པའི་སེམས་གཅིག་གིས་ཀྱང་མ་བཅབས་པས། རེ་ཞིག་བཅོམ་ལྡན་འདས་ཀྱི་སྤྱན་སྔར་སོང་སྟེ། གལ་ཏེ་སྐལ་པ་ཡོད་པ་ཞིག་ཏུ་གྱུར་ན། གནས་སོ། །འོན་ཏེ་མེད་ན་ནི། དགའ་མགུར་སྤྱད་པར་བྱའོ། །སྙམ་དུ་བསམ་ནས། ལག་པ་གཡས་པས་ནི། ཆོས་གོས་རྣམས་ཁྱེར། ལག་པ་གཡོན་པས་ནི། ཡན་ལག་སྐྱེས་བཀབ་ནས། ངོམ་ཟུང་གནག་ཅིང་མཆི་མ་དང་བཅས་བཞིན་བཅོམ་ལྡན་འདས་ག་ལ་བ་དེར་སོང་ངོ ། །དེའི་ཚེ་བཅོམ་ལྡན་འདས་འཁོར་དགེ་སློང་བརྒྱ་སྟོང་དུ་མའི་གུང་ལ་གདན་བཤམས་པ་ལ་བཞུགས་ཏེ་ཆོས་སྟོན་ཏོ། །བཅོམ་ལྡན་འདས་ཀྱིས་ཚེ་དང་ལྡན་པ་དགའ་བ་ཅན་རྒྱང་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགོངས་པ། གལ་ཏེ་དགའ་བ་ཅན་ལ་མ་སྨྲས་ན། གང་ན་ཁྲག་དྲོན་པོར་སྐྱུགས་ནས་དུས་བྱེད་པར་འགྱུར་བའི་གནས་དེ་ཡོད་དོ། །སྙམ་དུ་དགོངས་ནས། ཚེ་དང་ལྡན་པ་དགའ་བ་ཅན་ལ་འདི་སྐད་ཅེས་བཀའ་སྩལ་ཏོ། །དགའ་བ་ཅན་འོངས་པ་ལེགས་སོ། ། ཁྱོད་ཅི་སྟེ་ངོམ་ཟུང་གནག་།དེས་གསོལ་པ། བཙུན་པ། བདག་སྔོན་ནི། དགའ་བ་ཅན་ལགས་ཀྱི། ད་ནི། མི་དགའ་བ་ཅན་ལགས་སོ། །དགའ་བ་ཅན། ཅི་སྟེ་དེ་སྐད་ཅེས། ཁྱོད་ཀྱིས་</font><hr>Tha158a<br><font size=+2>


༄#། །ཅི་ཞིག་བྱས། བཙུན་པ། བདག་གིས་བསླབ་པ་མ་ཕུལ་བར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ཏེ། དེ་ནི། བཅབ་པའི་སེམས་གཅིག་གིས་ཀྱང་མ་བཅབ་ལགས་སོ། །དགའ་བ་ཅན། ཁྱོད་ཇི་སྲིད་འཚོའི་བར་དུ་བསླབ་པ་ལ་སློབ་པར་སྤྲོའམ། བཅོམ་ལྡན་འདས། སྤྲོ་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དགེ་སློང་དགའ་བ་ཅན་གྱིས་སྤྱད་པར་བྱ་བ་མ་ཡིན་པ་སྤྱད་ཀྱང་སེམས་གཅིག་གིས་ཀྱང་མ་བཅབས་པས། འདི་ཕས་ཕམ་པར་མ་གྱུར་གྱི། དགེ་སློང་དགའ་བཅན་དང ། གཞན་ཡང་རུང ། འདི་ལྟ་བུ་གང་ཡིན་པ་ལ་ཇི་སྲིད་འཚོའི་བར་དུ་བསླབ་པའི་སྡོམ་པ་བྱིན་ཅིག་།སྦྱིན་པ་ཡང་འདི་ལྟར་བྱ་སྟེ། གནས་མལ་བཤམས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་བསྒོ་ནས་དགེ་འདུན་ཐམས་ཅད་འདུས་ཏེ་འདུག་པ་དང ། དགེ་སློང་དགའ་བ་ཅན་གྱིས་རྒན་རིམ་ཇི་ལྟ་བ་བཞིན་དུ་འདུད་པ་བྱས་ལ།་རྒན་པའི་མཐར་ཙོག་ཙོག་པོར་འདུག་སྟེ། ཐལ་མོ་སྦྱར་ནས་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་དགའ་བ་ཅན་ཞེས་བགྱི་བས། བསླབ་པ་མ་ཕུལ་བར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ཏེ། དེ་ནི། བཅབ་པའི་སེམས་གཅིག་གིས་ཀྱང་མ་བཅབས་ནས། བདག་དགེ་སློང་དགའ་བ་ཅན་དགེ་</font><hr>Tha158b<br><font size=+2>


འདུན་ལས་ཇི་སྲིད་འཚོའི་བར་དུ་བསླབ་པ་གསོལ་ན། དགེ་འདུན་ཐུགས་བརྩེ་བ་ཅན་བཙུན་པ་རྣམས་ཀྱིས་ཐུགས་བརྩེ་བས་ཉེ་བར་བཟུང་སྟེ། བདག་དགེ་སློང་དགའ་བ་ཅན་ལ་ཇི་སྲིད་འཚོའི་བར་དུ་བསླབ་པ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་གྱི་བར་དུའོ། །དེའི་འོག་ཏུ་དགེ་སློང་དགའ་བ་ཅན་ཐོས་པའི་ཉེན་ཀོར་ནས་བཀར་ཏེ་མཐོང་བའི་ཉེན་ཀོར་དུ་བཞག་ལ། དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་དགའ་བ་ཅན་འདིས་བསླབ་པ་མ་ཕུལ་བར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ཏེ། དེ་ནི། འདིས་བཅབ་པའི་སེམས་གཅིག་གིས་ཀྱང་མ་བཅབས་ནས། དགེ་སློང་དགའ་བ་ཅན་འདི་དགེ་འདུན་ལས་ཇི་སྲིད་འཚོའི་བར་དུ་བསླབ་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར་དགེ་འདུན་གྱིས་དགེ་སློང་དགའ་བ་ཅན་ལ་ཇི་སྲིད་འཚོའི་བར་དུ་བསླབ་པ་སྩོལ་ཏོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་དགའ་བ་ཅན་འདིས་བསླབ་པ་མ་ཕུལ་བར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ཏེ།་དེ་ནི། འདིས་བཅབ་པའི་སེམས་གཅིག་གིས་ཀྱང་མ་བཅབས་ནས། དགེ་སློང་དགའ་བ་ཅན་འདི་དགེ་འདུན་ལས་ཇི་སྲིད་འཚོའི་བར་དུ་བསླབ་པ་གསོལ་ཏེ། དེའི་སླད་དུ་དགེ་འདུན་གྱིས་</font><hr>Tha159a<br><font size=+2>


༄#། །དགེ་སློང་དགའ་བ་ཅན་ལ་ཇི་སྲིད་འཚོའི་བར་དུ་བསླབ་པ་སྩོལ་ན། དགེ་སློང་དགའ་བ་ཅན་ལ་ཇི་སྲིད་འཚོའི་བར་དུ་བསླབ་པ་སྩལ་པར་ཚེ་དང་ལྡན་པ་གང་དག་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་སྟེ། ལས་བརྗོད་པ་གཉིས་པ་དང ། གསུམ་པ་ཡང་དེ་བཞིན་དུ་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་དགའ་བ་ཅན་ལ་ཇི་སྲིད་འཚོའི་བར་དུ་བསླབ་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་བསླབ་པ་བྱིན་པའི་དགེ་སློང་གི་ཀུན་ཏུ་སྤྱད་པའི་ཆོས་བཅའ་བར་བྱ་སྟེ། བསླབ་པ་བྱིན་པའི་དགེ་སློང་གིས་རང་བཞིན་དུ་གནས་པའི་དགེ་སློང་གི་གུས་པར་སྨྲ་བ་དང ། ཕྱག་འཚལ་བ་དང ། མངོན་དུ་ལྡང་བ་དང ། ཐལ་མོ་སྦྱོར་བ་དང ། འདུད་པའི་ལས་བདག་གིར་མི་བྱ། སྟན་གཅིག་ལ་འདུག་པར་མི་བྱ། གལ་ཏེ་འདུག་ན་ཡང་སྟན་ཆེས་དམའ་བ་ལོངས་ཤིག་།འཆག་ས་གཅིག་ཏུ་བཅག་པར་མི་བྱ། གལ་ཏེ་འཆག་ན་ཡང་གོམ་པ་བསྲིའོ། །ཕྱི་བཞིན་འབྲང་བའི་དགེ་སྦྱོང་རང་བཞིན་དུ་གནས་པའི་དགེ་སློང་དང ། བྲམ་ཟེ་དང་ཁྱིམ་བདག་གི་ཁྱིམ་དག་ཏུ་འགྲོ་བར་མི་བྱ། གལ་ཏེ་འགྲོ་ན། དགེ་སྦྱོང་མདུན་དུ་གཏང་བར་བྱ། སྟེང་གཡོགས་གཅིག་པར་ཉལ་བར་མི་བྱ། རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་</font><hr>Tha159b<br><font size=+2>


བྱ།་གནས་སྦྱིན་པར་མི་བྱ། དགེ་སློང་གི་ཆེད་དུ་གཞག་པར་མི་བྱ། གསོལ་བའི་ལས་མི་བྱ། གསོལ་བ་དང་གཉིས་མ་ཡིན། གསོལ་བ་དང་བཞི་མི་བྱའོ། །ལས་བྱེད་པར་བསྐོ་བར་མི་བྱ། དགེ་སློང་མའི་སྟོན་པ་མི་བྱ། སྔོན་བསྐོས་པ་ཞིག་ན་ཡང་དེས་དགེ་སློང་མ་ལ་གདམས་པར་མི་བྱ། དགེ་སློང་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པས་གླེང་བར་མི་བྱ། དེས་གདམས་ངག་དགག་པར་མི་བྱ། གསོ་སྦྱོང་མ་ཡིན། དགག་དབྱེ་མ་ཡིན། གསོལ་བའི་ལས་མ་ཡིན། གསོལ་བ་དང་གཉིས་མ་ཡིན། གསོལ་བ་དང་བཞི་མ་ཡིན། ནང་པར་སྔར་ལངས་ཏེ་སྒོ་དབྱེ་བར་བྱ། མར་མེའི་སྣོད་བསལ་བར་བྱ། གཙུག་ལག་ཁང་ཆག་ཆག་གདབ་པར་བྱ། ཕྱག་དར་བྱ། བ་ལང་གི་ལྕི་བ་གསར་པ་བཟང་པོས་བྱུག་པར་བྱ། བཤང་གཅི་ཁང་ཕྱག་དར་བྱ། ས་དང ། ལོ་མ་དག་དང ། ཆུ་གྲང་མོའམ། དྲོན་མོ་དུས་དང་མཐུན་པར་གཞག་པར་བྱ། དེ་ནས་ཝའི་ཁ་ཕྱག་པར་བྱ། དུས་ཤེས་པར་བྱ་སྟེ།་སྟན་བཤམ་པར་བྱ། བདུག་པའི་སྣོད་དང ། བདུག་པ་ཉེ་བར་གཞག་པར་བྱ། གལ་ཏེ་སྟོན་པའི་ཡོན་ཏན་སྒྲོག་པར་ནུས་ན། བདག་ཉིད་ཀྱིས་བྱ། ཅི་སྟེ་མི་ནུས་ན། སྨྲ་བ་པོ་ལ་གསོལ་བར་བྱའོ། །ཟས་ཀྱི་བསྐོས་ལ་བརྟག་པར་བྱ་ཞིང ། ཟས་བསྐོས་ཟིན་ནས་ཁང་སྟེང་དུ་སོང་སྟེ་གཎྜཱི་བརྡུང་བར་བྱ། ཚ་བའི་དུས་སུ་དགེ་སློང་རྣམས་ལ་བསིལ་ཡབ་ཀྱིས་གཡབ་པར་བྱ། དེ་</font><hr>Tha160a<br><font size=+2>


༄#། །ནས་བསྙེན་པར་རྫོགས་པ་ཐམས་ཅད་ཀྱི་ནི། འོག། བསྙེན་པར་མ་རྫོགས་པ་རྣམས་ཀྱི་ནི། གོང་དུ་སྤྱོད་ལམ་ཞི་བས་དགེ་སློང་གི་འདུ་ཤེས་ཉེ་བར་བཞག་སྟེ་ཟས་བཟའ་བར་བྱ། ཟས་ཀྱི་བྱ་བ་བྱས་ནས་གནས་མལ་ཕུག་ཏུ་བརྟུལ་བར་བྱ། ལྷུང་བཟེད་ཀྱི་གཞི་དོར་བར་བྱ། དུས་ཤེས་པར་བྱས་ནས་དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་དག་ཕྱག་དར་བྱ་ཞིང ། བ་ལང་གི་ལྕི་བ་གསར་པ་བཟང་པོས་བྱུག་པར་བྱ། འདུ་བའི་དུས་སུ་གནས་མལ་བཤམ་པར་བྱ་ཞིང ། བདུག་པ་དང ། བདུག་པའི་སྣོད་གཞག་པར་བྱ། སྟོན་པའི་ཡོན་ཏན་བསྒྲག་པར་བྱ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱིས་ཚེས་གཅིག་ལགས་ཏེ། གཙུག་ལག་ཁང་གི་བདག་པོ་དང ། གཙུག་ལག་ཁང་གི་ལྷ་རྣམས་ཀྱི་དོན་དུ་ཚིགས་སུ་བཅད་པ་གསུངས་ཤིག་།ཅེས་ཉི་མ་བརྗོད་པར་བྱ། ཅི་སྟེ་མི་ནུས་ན། དགེ་སློང་ལ་བཅོལ་བར་བྱའོ། །དགེ་སློང་རྣམས་དེའི་གནས་ཁང་སྐོ་བར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གནས་ཁང་བསྐོ་བར་བྱའོ། །རྙེད་པ་ཡང་མི་སྟེར་ནས་བཅོམ་ལྡན་འདས་ཀྱིས་བཀའ་སྩལ་པ། རྙེད་པ་སྦྱིན་པར་བྱའོ། །དེ་དགེ་བའི་ཕྱོགས་ལ་བརྩོན་པར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་བའི་ཕྱོགས་ལ་བརྩོན་པར་བྱའོ། །དེའི་སྤྱད་པ་ནི། འདི་ཡིན་ཏེ། ཇི་སྲིད་ལམ་དུ་མ་ཞུགས་ཀྱི་བར་</font><hr>Tha160b<br><font size=+2>


དུའོ། །དེ་ལ་ལམ་དུ་ཞུགས་པ་ནི། འདི་ཡིན་ཏེ། ཟག་པ་ཟད་པའོ། །དེས་འབད། བརྩལ། བསྒྲིམས་པས་འཁོར་བའི་འཁོར་ལོ་གཡོ་བ་དང ། མི་གཡོ་བ་ཆ་ལྔ་པ་འདི་ཉིད་རྟོགས་ནས་འདུས་བྱས་ཀྱི་རྣམ་པ་ཐམས་ཅད་ཆོས་ཉིད་ཀྱིས་འཇིག་པ། ལྟུང་བ། འགྱེས་པ། རྣམ་པར་འཇིག་པར་བསྒོམས་ཏེ་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། ཁམས་གསུམ་གྱི་འདོད་ཆགས་དང་བྲལ་བ། གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་མཚུངས་པ། ཙནྡན་དང་སྟེའུར་འདྲ་བ། མ་རིག་པའི་སྒོ་ངའི་སྦུབས་བཅོམ་པ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པའི་རྙེད་པ་ལ་ཆགས་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དུ་བཅས་པའི་ལྷ་རྣམས་ཀྱིས་མཆོད་པ་དང ། རྗེད་པ་དང ། གུས་པར་སྨྲ་བར་བྱ་བའི་དགྲ་བཅོམ་པར་གྱུར་ཏོ། །དགྲ་བཅོམ་པ་ཉིད་ཐོབ་ཀྱང་དེ་བཞིན་དུ་འདུག་ཅིང་ལས་ཀྱང་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་རྒན་རིམ་བཞིན་འདུག་པར་བྱ་ཞིང་ཇི་ལྟར་བཀག་པ་ཡང་རང་བཞིན་དུ་གནས་པའི་དགེ་སློང་རྣམས་ཀྱིས་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིནདའི་བུ་རབ་ཏུ་བྱུང་ཚུན་ཆད་དེ་རྟག་ཏུ་ན་ནས་ཚངས་པ་མཚུངས་པར་སྤྱད་པ་རྣམས་ཀྱིས་དེའི་དྲུང་དུ་སོང་སྟེ་དྲིས་པ། གནས་བརྟན། བདེའམ། </font><hr>Tha161a<br><font size=+2>


༄#། །དེས་སྨྲས་པ། ཚེ་དང་ལྡན་པ་དག་།བདག་ན་སྟེ། མི་བདེའོ། །གནས་བརྟན། ཁྱོད་ཅི་ན། ཚེ་དང་ལྡན་པ་དག་།བདག་གློ་ལུ་ཞིང་ནའོ། །གནས་བརྟན། སྨན་ཅུང་ཟད་མཛོད་ཅིག་།ཚེ་དང་ལྡན་པ་དག་།བདག་གིས་སྔོན་རེང་བུའི་དུ་བ་བསྟེན་ཏོ། །གནས་བརྟན། ད་ཅི་སྟེ་མི་སྟེན། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།དགེ་སློང་ནད་པས་རེང་བུའི་དུ་བ་བརྔུབ་པར་བྱའོ། །བཅོམ་ལྡན་འདས་ཀྱིས་དགེ་སློང་ནད་པས་རེང་བུའི་དུ་བ་བརྔུབ་པར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་དེ་བཞིན་དུ་བརྔུབས་པ་དང་མ་ལེགས་ནས་བཅོམ་ལྡན་འདས་ཀྱིས་བཀའ་སྩལ་པ། ཁམ་ཕོར་བུ་ཁ་ཕུག་ལ་ཁམ་ཕོར་ཁ་སྦྱར་ནས་རྔུབས་ཤིག་།འོན་ཀྱང་མ་ལེགས་ནས་བཅོམ་ལྡན་འདས་ཀྱིས་བཀའ་སྩལ་པ། སྦུ་གུ་ཅན་གྱིས་རྔུབས་ཤིག་།དེ་རྣམས་ཀྱིས་སྨྱུག་མའི་སྦུ་གུས་བརྔུབས་པ་དང ། ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྨྱུག་མའི་སྦུ་གུས་བརྔུབ་པར་མི་བྱའི། འོན་ཀྱང་ལྕགས་ཀྱི་སྨན་གཅེའུ་བྱའོ། །ཧ་ཅང་ཐུང་བ་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་ཐུང་ངུར་མི་བྱའོ། །ཧ་ཅང་རིང་པོར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་རིང་པོར་མི་བྱའོ། །འོན་</font><hr>Tha161b<br><font size=+2>


ཀྱང་སོར་བཅུ་གཉིས་ཀྱི་ཚད་དུ་བྱའོ། །དེ་དག་རྣོན་པོར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། རྣོན་པོར་མི་བྱའོ། །རྩུབ་པོར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། རྩུབ་པོར་མི་བྱའོ། །དེ་བབ་བབ་ཏུ་འཇོག་ནས་བཅོམ་ལྡན་འདས་ཀྱིས་བཀའ་སྩལ་པ། བབ་བབ་ཏུ་གཞག་པར་མི་བྱའོ། །འོན་ཀྱང་སྣོད་དུ་བཅུག་སྟེ་གཞག་པར་བྱའོ། །དེ་རྣམས་ཀྱི་སྣོད་དུ་བཅུག་སྟེ་ས་ལ་འཇོག་པ་དང་བཅོམ་ལྡན་འདས་ཀྱིས་བཀའ་སྩལ་པ། སྣོད་ས་ལ་གཞག་པར་མི་བྱའོ། །འོན་ཀྱང་ཟུང་ངའམ། གོས་ཀྱི་གདང་ལ་གདགས་པར་བྱའོ། །དེ་བཙས་ཁྱེར་ནས་བཅོམ་ལྡན་འདས་ཀྱིས་བཀའ་སྩལ་པ། མར་དཀར་རམ། འབྲུ་མར་གྱིས་བཀྲུས་ཏེ་གཞག་པར་བྱའོ། །དགོས་པ་བྱུང་བའི་ཚེ་དེས་བཀྲུས་པ་དང་བཅོམ་ལྡན་འདས་ཀྱིས་བཀའ་སྩལ་པ། བཀྲུ་བར་མི་བྱའི། འོན་ཀྱང་མེར་གཞུག་པར་བྱ་སྟེ། དེ་ཉིད་དེའི་བཀྲུ་བ་ཡིན་ནོ། །སྡོམ་ནི། བསགས་པ་དང་ནི་ཁྲུས་རྩི་དང ། །སྣར་བླུགས་སྤྱད་དང་བཏུང་ཕོར་དང ། །ཁྱོགས་དང་ཆབ་ཁུང་ས་དག་དང ། ། ཆུ་དང་བཀྲུ་བའི་ས་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ནད་པ་ཞིག་སྨན་པའི་དྲུང་དུ་སོང་ནས་བཞིན་བཟང ། སྨན་སྟོན་ཅིག་།ཅེས་བྱས་པ་དང ། དེས་སྨྲས་པ། འཕགས་པ། བསགས་པའི་ཁྲུས་ཀྱིས་ཁྲུས་མཛོད་ཅིག་དང་སོས་པར་འགྱུར་རོ། །དེས་སྨྲས་པ། བཞིན་</font><hr>Tha162a<br><font size=+2>


༄#། །བཟང ། བཅོམ་ལྡན་འདས་ཀྱིས་མ་གནང་ངོ ། །ཁྱེད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པས་བསྟན་ན། བསགས་པའི་ཁྲུས་ཀྱིས་ཁྲུས་བྱ་སྟེ། ཁྲུས་བྱ་བ་འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་བསགས་པའི་ཁྲུས་ཀྱིས་ཁྲུས་བྱ་ཞེས་བཀའ་སྩལ་པ་དང ། དགེ་སློང་རྣམས་ཀྱིས་བསགས་པའི་ཁྲུས་ཇི་ལྟ་བུ་ཡིན་པ་མ་ཤེས་ནས། དེ་རྣམས་ཡང་སྨན་པའི་དྲུང་དུ་སོང་སྟེ་དེ་རྣམས་ཀྱིས་སྨྲས་པ། བཞིན་བཟང ། བཅོམ་ལྡན་འདས་ཀྱིས་གནང་ན། བསགས་པའི་ཁྲུས་ཇི་ལྟ་བུ་ཡིན་པ་སྟོན་ཅིག་།དེས་སྨྲས་པ། འཕགས་པ། བདག་གིས་ཀྱང་མི་ཤེས་སྟེ།་བདག་གིས་འཁོར་ལོས་བསྒྱུར་བའི་གསོ་བའི་དཔྱད་ལས། བསགས་པའི་ཁྲུས་ཞེས་བྱ་བ་བཏོན་ན། དེ་ལྟ་བུ་ཡིན་པ་ནི། མི་ཤེས་སོ། །འོན་ཀྱང་ཁྱོད་ཀྱི་སྟོན་པ་ཐམས་ཅད་མཁྱེན་པ་ཡིན་པས། དེ་ཉིད་ཀྱིས་མཁྱེན་གྱི། སོང་ལ་དེ་ཉིད་ལ་ཞུས་ཤིག་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རླུང་འབྱིན་པའི་རྩ་བ་དང ། སྡོང་བུ་དང ། མེ་ཏོག་དང ། འབྲས་བུ་གང་དག་ཡིན་པ་དེ་དག་བསྐོལ་ནས་ཁྲུས་བྱའོ། །དགེ་སློང་རྣམས་ཀྱིས་དེ་དག་བསྐོལ་ཏེ་ཁྲུས་བྱས་པ་དང་</font><hr>Tha162b<br><font size=+2>


དེ་རྣམས་རྩུབ་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྣུམ་བསྐུ་བར་བྱའོ། །དེ་རྣམས་ཀྱིས་བསྐུས་པ་དང ། ཧ་ཅང་སྣུམ་ཆེས་པས་གནས་མལ་དག་མ་རུང་བར་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྲུས་རྩིས་བཀྲུ་བར་བྱའོ། །དེ་རྣམས་དེ་བཞིན་དུ་རྩུབ་བོར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཆུའི་བུམ་པ་ཐ་མའི་ནང་དུ་འབྲུ་མར་ཐིགས་པ་གསུམ་མམ་གཉིས་བླུག་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ག་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིན་དའི་བུ་གང་ནས་རབ་ཏུ་བྱུང་བ་དེ་ཚུན་ཆད་རྟག་ཏུ་ན་ནས་ཚངས་པ་མཚུངས་པར་སྤྱོད་པ་རྣམས་དེའི་དྲུང་དུ་སོང་སྟེ། གནས་བརྟན། བདེའམ་ཞེས་དྲིས་པ་དང ། ཚེ་དང་ལྡན་པ་དག་།བདག་ན་སྟེ། མི་བདེའོ། །གནས་བརྟན། ཁྱོད་ཅི་ན། ཚེ་དང་ལྡན་པ་དག་།བདག་ཆམ་པ་བདའོ། །གནས་བརྟན། སྨན་ཅུང་ཟད་མཛོད་ཅིག་།ཚེ་དང་ལྡན་པ་དག་།སྔོན་བདག་གིས་སྣར་བླུགས་པའི་ལས་བྱས་སོ། །གནས་བརྟན། ད་ཅི་སྟེ་མི་བྱེད། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།སྣར་བླུགས་པའི་ལས་བྱའོ། །བཅོམ་ལྡན་འདས་ཀྱིས་སྣར་བླུགས་པའི་ལས་བྱའོ། །ཞེས་བཀའ་</font><hr>Tha163a<br><font size=+2>


༄#། །སྩལ་བ་དང ། དགེ་སློང་རྣམས་དེ་བཞིན་དུ་སྣར་བླུགས་པ་དང་བོ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་སྣར་བླུག་པར་མི་བྱའོ། ། དགེ་སློང་རྣམས་ཀྱིས་ལོ་མའི་ཕུར་མས་བླུགས་པ་དང་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལོ་མའི་ཕུར་མས་བླུག་པར་མི་བྱའོ། །དགེ་སློང་རྣམས་ཀྱིས་ཆོས་གོས་ཀྱི་གྲས་བླུགས་པ་དང ། ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་ཀྱི་གྲཝས་བླུག་པར་མི་བྱའོ། འོན་ཀྱང་སྣར་བླུག་པའི་སྤྱད་ཀྱིས་བླུག་པར་བྱའོ། །དགེ་སློང་རྣམས་སྣར་བླུག་པའི་སྤྱད་མཆུ་གཅིག་པ་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། སྣར་བླུག་པའི་སྤྱད་མཆུ་གཉིས་པ་བྱའོ། །དགེ་སློང་རྣམས་མཆུ་རྣོན་པོར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། མཆུ་རྣོན་པོར་མི་བྱའོ། །དགེ་སློང་རྣམས་ལག་པ་མ་བཀྲུས་པར་ལྡུགས་ནས་བཅོམ་ལྡན་འདས་ཀྱིས་བཀའ་སྩལ་པ། ལག་པ་དག་བཀྲུས་ཏེ་བྱིན་ལེན་བྱས་ནས་བླུག་པར་བྱའོ། །སངས་རྒྱས་བཅོམ་ལྡན་འདས་རྒྱལ་ཕོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིན་དའི་བུ་གང་ནས་རབ་ཏུ་བྱུང་བ་དེ་ཚུན་ཆད་རྟག་ཏུ་ན་ནས་ཚངས་པ་མཚུངས་པར་སྤྱོད་པ་རྣམས་དེའི་དྲུང་དུ་སོང་སྟེ་གནས་བརྟན། བདེའམ་ཞེས་དྲིས་པ་དང ། དེས་སྨྲས་པ། བདག་ན་སྟེ། མི་བདེའོ། ། </font><hr>Tha163b<br><font size=+2>


གནས་བརྟན། ཁྱོད་ཅི་ན། ཚེ་དང་ལྡན་པ་དག་།གནང་ངོ ། །གནས་བརྟན། སྨན་ཅུང་ཟད་མཛོད་ཅིག་།ཚེ་དང་ལྡན་པ་དག། བདག་གིས་སྔོན་ཕུལ་བའི་བཏུང་ཕོར་བཅངས་སོ། །གནས་བརྟན། ད་ཅི་སྟེ་མི་བཅང ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།ཕུལ་པའི་བཏུང་ཕོར་བཅང་བར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཆེ་དང་ལྡན་པ་པི་ལིན་དའི་བུའི་གཉེན་དག་འོང་བ་དང ། དེས་འོངས་པ་དེ་དག་ལ་ཆོས་བསྟན་ནས་དེ་རྣམས་ཁྱིམ་དུ་སོང་སྟེ་ཆུང་མ་དག་ལ་སྨྲས་པ། འཕགས་པ་པི་ལན་དའི་བུས་ཆོས་སྙན་ཅིང་སྙན་པ་དག་བཤད་དེ། བདག་ཅག་གིས་དེ་མཉན་ནས་འོངས་སོ། །དེ་དག་གིས་སྨྲས་སོ། །ཁྱོད་ནི། སངས་རྒྱས་བྱུང་བ་འབྲས་བུ་དང་བཅས་པ་ཡིན་ནོ། །ཅིའི་ཕྱིར། དེ་དག་གིས་སྨྲས་པ། ཁྱེད་ཀྱིས་འཕགས་པ་པི་ལིན་དའི་བུ་ལ་ཆོས་སྙན་ཅིང་སྙན་པ་དག་མཉན་པས་སོ། །ཁྱོད་ཀྱང་ཅིའི་ཕྱིར་མི་ཉན། བདག་ཅག་ནི། ངོ་དམན་པ་སྟེ། ངོ་ཚའོ། །འོན་ཀྱང་གལ་ཏེ་འཕགས་པ་འདིར་གཤེགས་ཏེ་བཤད་ན། བདག་ཅག་གིས་ཀྱང་མཉན་ཏོ། །གལ་ཏེ་དེ་ལྟ་ན། འཕགས་པ་ལ་བྱའོ། །དེ་དག་གིས་སྨྲས་པ། ལེགས་སོ། །དེ་རྣམས་ཀྱིས་དེའི་དྲུང་དུ་སོང་ནས་འཕགས་པ། བུད་མེད་དག་ཆོས་ཉན་པར་འཚལ་</font><hr>Tha164a<br><font size=+2>


༄#། །ལོ། །ཞེས་བྱས་པ་དང ། དེས་སྨྲས་པ། ཤེས་ལྡན་དག་།ཉན་ལ་རག་མོད། ཅི་ཁོ་བོས་བཀག་གམ། དེ་རྣམས་ཀྱིས་སྨྲས་པ། འཕགས་པ། བུད་མེད་ཀྱི་མཆིད་ནས་བདག་ཅག་ངོ་ཚ་སྟེ། གལ་ཏེ་འཕགས་པ་འདིར་གཤེགས་ནས་བཤད་ན། བདག་ཅག་ཀྱང་ཉན་ཏོ། །ཞེས་མཆིའོ། །དེ་སྨྲས་པ། ཞེས་ལྡན་དག་།བདག་ན་བས་སོང་སྟེ་བཤད་མི་ནུས་སོ། །འཕགས་པ། ཁྱོགས་འཚལ་ཏེ་མཆིའི། དེས་གཤེགས་ཤིག་།བཞིན་བཟང ། བཅོམ་ལྡན་འདས་ཀྱིས་མ་གནང་ན། ཇི་ལྟར་འགྲོ། སྐབས་དེ། དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། བཞོན་པས་འགྲོ་བར་བྱའོ། །བཅོམ་ལྡན་འདས་ཀྱིས་བཞོན་པས་འགྲོ་བར་བྱའོ། །ཞེས་བཀའ་སྩལ་པ་དང ། ཚེ་དང་ལྡན་པ་པི་ལིན་དའི་བུ་ལྷན་ཅིག་གནས་པ་དང ། ཉེ་གནས་དག་གིས་བསྐོར་ཏེ་ཁྱོགས་སུ་ཞུགས་ནས་ཆོས་སྟོན་ཏུ་ཆས་པ་དྲུག་སྡེ་རྣམས་ཀྱིས་མཐོང་ནས་དེ་རྣམས་ཀྱིས་དེའི་ལྷན་ཅིག་གནས་པ་དང ། ཉེ་གནས་དག་ལ་དྲིས་པ། ཤེས་ལྡན་དག་།འགྲོ་བ་འདི་སུ་ཞིག་།དེ་རྣམས་ཀྱིས་སྨྲས་པ། མཁན་པོའོ། །ཅི། བཅོམ་ལྡན་འདས་ཀྱིས་ཁྱོགས་གནང་ངམ། གནང་ངོ ། །བཅོམ་ལྡན་འདས་ཀྱིས་དགོངས་པ་ནི། བཟང་སྟེ། ཤཱཀྱ་སྐྱིད་དེ་བ་འདི་རྣམས་རྐང་གིས་འགྲོ་བར་མི་ནུས་</font><hr>Tha164b<br><font size=+2>


པས།་རྣམ་པ་ཐམས་ཅད་དུ་བདག་ཅག་ལ་བརྩེ་བར་མཛད་དོ། །དེ་དག་སོང་བ་དང ། དྲུག་སྡེ་རྣམས་ཀྱིས་སྨྲས་པ། དགའ་བོ་ཉེ་དགའ་བོ། བདག་ཅག་ཅི་སྟེ་འཁོད། ཁྱོགས་བྱའོ། །ལེགས་ཏེ།་དེ་བཞིན་བྱའོ། །ཞེས་དེ་རྣམས་ཀྱིས་རྔ་མ་དང ། དྲིལ་བུ་ལ་སོགས་པས་མཛེས་པར་བྱས་པའི་ཁྱོགས་བྱས་སོ། །དེ་ནས་དེ་རྣམས་ཞུགས་ནས་སྲང་གི་ནང་དུ་འཇུག་རྟེན་ལ་བུ་བཞིན་དུ་རློམ་ཞིང་ཆས་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་སྨྲས་པ། ཤེས་ལྡན་དག་།འདི་ཅི་ཞིག་།བཅོམ་ལྡན་འདས་ཀྱིས་བཞོན་པ་གནང་ངོ ། །འཕགས་པ། ཅི། དགེ་སྦྱོང་ཁྱེད་ཀྱང་འདོད་པའི་ཡོན་ཏན་དག་གིས་གནོད་དམ། དེ་དག་ཅང་མི་སྨྲ་བར་འདུག་གོ་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མིན་པ་བཞོན་པས་འགྲོ་བར་མི་བྱའོ། །དགེ་སློང་མི་ན་བ་བཞོན་པས་འགྲོ་ན། འགལ་ཚབས་ཅན་དུ་འགྱུར་རོ། །འོན་ཀྱང་བཞོན་པས་འགྲོ་བ་ནི། གཉིས་ཏེ། རྒས་འཁོགས་པ་ཉམ་ཆུང་བ་དང ། ནད་པ་སྦྱོར་མི་བཟོད་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་དད་པ་ཅན་ཞིག་འདུག་པ་དེ། བྲམ་ཟེ་མ་དད་པ་ཞིག་དང་ལྷན་ཅིག་རྒྱལ་བུ་རྒྱལ་བྱེད་ཀྱི་ཚལ་དུ་སོང་སྟེ་དད་པ་ཅན་གྱིས་དེ་ལ་ཉེ་བའི་ཚལ་བསྟན་པར་བརྩམས་སོ། །དེ་</font><hr>Tha165a<br><font size=+2>


༄#། །ཕན་ཚུན་འཁྱམས་འཁྱམས་ཤིང་དྲུང་ན་ངན་སྐྱུགས་ཤིག་མཐོང་ནས་དེས་སྨྲས་པ། གྲོགས་པོ། དགེ་སྦྱོང་ཤཱཀྱའི་བུ་རྣམས་ནི། གཙང་སྤྲ་མེད་པ་སྟེ། མེ་ཏོག་དང ། འབྲས་བུའི་ཤིང་གི་དྲུང་དུ་བཤང་བ་དང ། གཅི་བ་བྱེད་དོ། །དེས་སྨྲས་པ། གྲོགས་པོ། བདག་ཉིད་ཆེན་པོ་དེ་དག་ནི། དེ་ལྟར་མི་བྱེད་ཀྱི། གདོན་མི་ཟ་བར་ཁྱིམ་པ་དགའ་ཞིག་གིས་བྱས་སོ། །དེ་དག་དེ་སྐད་དུ་སྨྲས་པ་ན། རྒན་ཞུགས་ཤིང་མགོ་གོས་ཀྱི་དཀྲིས་ནས་ཤིང་དྲུང་དུ་བཤང་བ་བྱ་བར་བརྩམས་པ་དང ། དེ་བྲམ་ཟེ་མ་དད་པ་དེས་མཐོང་ནས་སྨྲས་པ། གྲོགས་པོ། ཁྱོད་ན་རེ། ཁྱིམ་པས་བྱས་སོ། །ཞེས་མི་ཟེར་རམ། དགེ་སྦྱོང་མགོ་གོས་ཀྱིས་དཀྲིས་ཏེ་ཤིང་དྲུང་ན་བཤང་བ་བྱེད་པ་འོ་ནི་ལ་ལྟོས་ཞེས་བྱས་པ་དང ། དེ་སྐྱེངས་ནས་ཅང་མི་སྨྲ་བར་འདུག་གོ་།དེས་སྐབས་དེ། དགེ་སློང་རྣམས་ལ་བསྙད་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་ཤིང་དྲུང་དུ་བཤང་བ་བྱེད་པ་ལས་གྱུར་གྱི། དེ་ལྟ་བས་ན། དགེ་སློང་གིས་ཤིང་དྲུང་དུ་བཤང་བ་དང ། གཅི་བ་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་ཤིང་དྲུང་དུ་བཤང་བ་དང ། གཅི་བ་མི་བྱའོ། །ཞེས་བཀའ་སྩལ་པ་དང ། དགེ་སློང་དག་ལམ་དུ་ཞུགས་ཏེ་དོང་བ་དང ། ཇི་ཙམ་ན་འབྲོག་ཅིག་</font><hr>Tha165b<br><font size=+2>


ཏུ་ཕྱིན་ཏོ། །དེ་ན་དགེ་སློང་ཁ་ཅིག་ནི། བཤང་པ་བྲོའོ། །ཁ་ཅིག་ནི། གཅི་བ་བྲོ་ན། དེ་རྣམས་ཤིང་འདི་དག་འདབ་ཆགས་པའོ། །སྙམ་ནས་བཤང་བ་ཡང་མ་བྱས། གཅི་བ་ཡང་མ་བྱས་བས་དེ་རྣམས་ན་བར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགོན་པའི་ཤིང་འདབ་ཆགས་པ་གང་ཡིན་པ་དེར་ནི། བཤང་བ་དང ། གཅི་བ་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་དགོན་པར་བཤང་བ་དང ། གཅི་བ་དག་བྱའོ། །ཞེས་བཀའ་སྩལ་པ་དང ། གྲོང་མཐའ་པའི་དགེ་སློང་རྣམས་མི་བྱེད་དེ། ཇི་ཙམ་ན་དཔྱིད་ཀྱི་དུས་ལ་བབ་པ་དང་བཤང་བ་དང ། གཅི་བ་བྱེད་ཅིང ། ཉི་མ་ལ་བཤང་བ་དང ། གཅི་བ་བྱེད་པས་རྨྱ་བར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་ཤིང་ཚེར་མ་ཅན་གང་དག་ཡིན་པ་དེ་དག་གི་དྲུང་དུ་བཤང་བ་དང ། གཅི་བ་བྱ་སྟེ།་འདི་ལ་འགྱོད་པར་མི་བྱའོ། །གང་གི་ཚེ་ཉེ་དགས་ལ་ཕུག་གི་ར་བ་བཤང་པས་མ་རུང་བར་བྱས་པ་དེའི་ཚེ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་རྩཝ་སྔོན་པོ་ཡོད་པར་བཤང་པ་དང ། གཅི་བ་མི་བྱའོ། །དགེ་སློང་རྣམས་རྩཝ་སྔོན་པོ་མེད་པའི་ཕྱོགས་སུ་བཤང་བ་དང ། གཅི་བ་བྱས་པས། དེ་མི་གཙང་བས་གང་བར་གྱུར་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་</font><hr>Tha166a<br><font size=+2>


༄#། །མཐོང་ནས་འཕྱ་བར་བྱེད། སྨོད་པར་བྱེད་དེ། དགེ་སྦྱོང་ཤཱཀྱའི་བུ་འདི་རྣམས་ཀྱི་ཆོས་རེ་བཟང ། ཇི་ལྟར་གཅིག་ཏུ་འདུས་ནས་ཟ་བ་དེ་ཁོ་ན་བཞིན་དུ་བཤང་བ་དང ། གཅི་བ་བྱེད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།བཤད་བའི་ས་བྱའོ། །དགེ་སློང་རྣམས་ཀྱིས་བྱད་དང་ནུབ་ཀྱི་ངོས་སུ་བཤད་བའི་ཁང་པ་བྱ་བར་བརྩམས་པ་དང ། དེ་དག་གིས་ཇི་ལྟ་བུ་བྱ་བ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཆབ་ཁུངས་ནི། རྣམ་པ་གཉིས་སུ་བྱ་སྟེ། ཁང་བུ་ལྟ་བུ་དང ། བ་གམ་ལྟ་བུའོ། །དེ་ལ་ཁང་བུ་ལྟ་བུ་ནི། གྲུ་བཞིར་བྱས་ལ་དབུས་སུ་གདུང་བྲེས་ནས་ཁུང་བུ་གདོད་ཅིང་ཝ་གཞུག་པར་བྱའོ། །བ་གམ་ལྟ་བུ་ཡང་གདུང་ཕྱིར་ཕྱུང་ལ་བྱ་སྟེ། དེའི་འོག་ཏུ་ཚེར་མ་ཅན་བསྐྱེད་དོ། །ཆབ་ཁུང་སར་ཆབ་ཁུང་སའི་ཁུང་བུའི་སྟེང་དུ་ཆབ་ཁུང་སའི་རྐང་རྟེན་གཞག་པར་བྱ། རིལ་པ་སྤྱི་བླུགས་གཞག་པའི་གནས་བྱ་ཞིང ། སྒོ་སྣོལ་མར་གཏོད་ལ་སྒོ་འཕར་དང་སྒོ་གཏན་དག་ཀྱང་གཞུག་པར་བྱའོ། །གལ་ཏེ་གཅིག་ནང་དུ་ཞུགས་པར་གྱུར་ན། གཅིག་ཤོས་ཀྱིས་སྒྲ་དབྱུང་བར་བྱ་ཞིང ། གལ་ཏེ་སྡོད་ན། ནང་དུ་འཇུག་པར་བྱའོ། །ནང་ན་གནས་པས་ཀྱང་སྒྲ་དབྱུང་བར་བྱའོ། །དྲི་མི་ཞིམ་པར་གྱུར་ན། ཁང་སྐྱོང་གིས་</font><hr>Tha166b<br><font size=+2>


ཉིན་གཅིག་བཞིན་སྦྱང་བར་བྱ་ཞིང ། ས་དང ། ལོ་མ་དག་ཀྱང་གཞག་པར་བྱ་སྟེ། དེ་ལྟ་བས་ན། ཆབ་ཁུང་འཁོར་དང་བཅས་པ་རྗེས་སུ་གནང་ངོ་།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་པ། སྡོམ་ནི། གཅི་བའི་ས་དང་སྣོད་སྤྱད་དང ། །སྟོན་པ་ལ་ནི་དགའ་ཉིད་དང ། །བཟའ་བ་ལྔ་དང་འོ་མ་དང ། །ཞོ་དང་ཟས་དང་གནང་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆབ་ཁུང་འཁོར་དང་བཅས་པ་བྱའོ། །ཞེས་བཀའ་སྩལ་པ་དང ། དགེ་སློང་དག་དེ་ཉིད་དུ་གཅི་བར་བྱེད་པ་ན། དགེ་སློང་གཞན་དག་བཤད་བ་བྲོ་བས་མི་བདེ་ཞིང་དེ་དག་བགགས་བས་ན་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཅི་བའི་གནས་ལོགས་ཤིག་ཏུ་བྱའོ། །དགེ་སློང་དག་ཕྱོགས་གང་དུ་ཇི་ལྟ་བུར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་དང་ཉེ་བར་བ་གམ་ལྟ་བུ་བྱ་སྟེ། ཝ་བཅུག་ལ་སྒོ་གདོད་ཅིང་སྒོ་འཕར་དང་སྒོ་གཏན་གཞུག་པར་བྱ་སྟེ། ཆབ་ཁུང་ས་ཇི་ལྟ་བར་ཐམས་ཅད་སྔ་མ་བཞིན་དུ་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སོ་གའི་དུས་ཀྱི་ཚེ་བྲམ་ཟེ་ཞིག་སྐོམ་པས་ཉམ་ཐག་སྟེ་ཆུ་འདོད་ནས་གཙུག་ལག་ཁང་དུ་ཞུགས་ཏེ་དགེ་སློང་ཞིག་གི་གན་དུ་སོང་ནས་དེས་སྨྲས་</font><hr>Tha167a<br><font size=+2>


༄#། །པ། དགེ་སློང ། བདག་སྐོམ་ན། ཆབ་སྩལ་དུ་གསོལ། དེས་རིལ་བ་བླངས་ནས་སོང་སྟེ་དེས་སྨྲས་པ། བྲམ་ཟེ། འཐུངས་ཤིག་།དེས་སྨྲས་པ། འཕགས་པ། གཙང་སྦྲ་ནི། ཐ་དད་པ་ལགས་ན། ཀྱེ་མའོ། །ཁྱོད་ཀྱི་ཆབ་སྣོད་བཞག་ལ། དེ་ནས་དགེ་སྦྱོང་ངམ། བྲམ་ཟེ་དག་བླུད་ན། ཅི་ནོངས། ཁྱོད་བསོད་ནམས་ལ་མི་སྦྱོར་རམ། སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཆུ་སྣོད་གཞག་པར་བྱའོ། །བཅོམ་ལྡན་འདས་ཀྱིས་དགེ་འདུན་གྱི་ཆུ་སྣོད་གཞག་པར་བྱའོ། །ཞེས་བཀའ་སྩལ་པ་དང ། ཁྱིམ་བདག་ཅིག་གིས་བཅོམ་ལྡན་འདས་ཀྱིས་དགེ་འདུན་གྱི་ཆུ་སྣོད་གཞག་པར་གནང་ངོ ། །ཞེས་ཐོས་ནས་དེས་རྫ་མཁན་གྱིས་བྱས་པའི་སྣོད་སྤྱད་གཙུག་ལག་ཁང་གི་ནང་དུ་སྤུངས་ཏེ་དེ་ལས་ཀུན་དགའ་ར་བ་པ་དང ། ཁྱིམ་པ་གཞན་དག་གིས་ཀྱང་གང་དང་གང་འདོད་པ་ཁྱེར་ནས་དོང་སྟེ་དགེ་སློང་རྣམས་ཀྱིས་མ་བཀག་པས་སྣོད་སྤྱད་དེ་དག་ཟད་ནས་དགེ་སློང་དག་གིས་ཁྱིམ་བདག་དེ་ལ་སྨྲས་པ། བཞིན་བཟང ། སྣོད་སྤྱད་དེ་དག་ཟད་ཀྱི། གཞན་དག་བྱིན་ཅིག་།དེས་སྨྲས་པ། འཕགས་པ་དག་།བདག་གིས་མང་པོ་རབ་ཏུ་ཕུལ་ན། ཅིའི་སླད་དུ་རིང་པོར་མ་ཐོགས་པ་ཁོ་ནར་བས་པར་གྱུར། དེ་དག་གིས་ཇི་ལྟར་གྱུར་པ་བརྗོད་པ་དང ། དེས་སྨྲས་པ། འཕགས་པ་དག ། </font><hr>Tha167b<br><font size=+2>


ཡལ་བར་བོར་བ་གང་ལགས་པ་དེ་ནི། མ་ལེགས་པ་ཞིག་བགྱིས་ཏེ། དེ་དག་བདག་གིས་ཁྱིམ་པ་རྣམས་ལ་ནི། མ་སྩལ་ཏོ། །ཞེས་ཟེར་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་ཡལ་བར་དོར་བར་མི་བྱའི། འོན་ཀྱང་གནོད་སྤྱད་འབྲུབ་པ་བསྐོ་བར་བྱའོ། །དགེ་སློང་རྣམས་ཀྱིས་བྱེ་བྲག་མེད་པར་བསྐོས་ནས་བཅོམ་ལྡན་འདས་ཀྱིས་བཀའ་སྩལ་པ། སྣོད་སྤྱད་འབྲུབ་པ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། གནོད་སྤྱད་བྲུབས་པ་དང་མ་བྲུབས་པ་མི་ཤེས་པའོ། །སྣོད་སྤྱད་འབྲུབ་པ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་བས་མི་འགྲོ་བ་དང ། སྣོད་སྤྱད་བྲུབས་པ་དང་མ་བྲུབས་པ་ཤེས་པའོ། །བསྐོ་བ་ཡང་འདི་ལྟར་བྱ་སྟེ། གནས་མལ་བཤམས་པ་བྱས་ལ་གཎྜཱི་བརྡུངས་ནས་ཞེས་བྱ་བ་ནས་སྤྲོ་བར་བྱ་སྟེ་ཞེས་བྱ་བའི་བར་སྔ་མ་བཞིན་ནོ། །མིང་འདི་ཞེས་བྱ་བ་ཁྱོད་དགེ་འདུན་གྱི་སྣོད་སྤྱད་འབྲུབ་པར་སྤྲོའམ། གལ་ཏེ་སྤྲོ་ན། དེས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་</font><hr>Tha168a<br><font size=+2>


༄#། །བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་དགེ་འདུན་གྱི་སྣོད་སྤྱད་འབྲུབ་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྣོད་སྤྱད་འབྲུབ་པར་བསྐོ་བར་བགྱི་སྟེ། དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྣོད་སྤྱད་འབྲུབ་བོ། །འདི་ནི། གསོལ་བའོ། །ལས་ཀྱང་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྣོད་སྤྱད་འབྲུབ་པར་སྤྲོ་སྟེ། དེའི་སླད་དུ་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྣོད་སྤྱད་འབྲུབ་པར་བསྐོ་ན། ཚེ་དང་ལྡན་པ་གང་དག་།དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྣོད་སྤྱད་འབྲུབ་པར་བསྐོ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྣོད་སྤྱད་འབྲུབ་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེས་དགེ་སློང་རྣམས་ལ་ནི། སྣོད་སྤྱད་རྙིང་བ་དག་སྦྱིན་ཞིང ། ཁྱིམ་པ་རྣམས་ལ་ནི། གསར་པ་དག་སྦྱིན་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་</font><hr>Tha168b<br><font size=+2>


བ། དགེ་སློང་རྣམས་ལ་གསར་པ་དག་སྦྱིན་པར་བྱ་ཞིང ། ཁྱིམ་པ་རྣམས་ལ་ནི། རྙིང་པ་དག་སྦྱིན་པར་བྱའོ། །དེ་ཁྱིམ་པ་རྣམས་ལ་བྱིན་པ་ནི། ཕྱིར་ལེན་པར་མི་བྱེད་ཅིང ། དགེ་སློང་རྣམས་ལ་ནི། ཕྱིར་ལེན་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པ་རྣམས་ལ་བྱིན་པ་ནི། བླང་བར་བྱའི། དགེ་སློང་རྣམས་ལ་ནི། མ་ཡིན་ནོ། །ཕྱི་རོལ་ཏུ་བཞག་པས་དེ་དག་འཁྱམས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྣོད་སྤྱད་ཀྱི་མཛོད་ཅིག་བྱས་ལ་དེར་རྫ་མཁན་གྱིས་བྱས་པའི་སྣོད་སྤྱད་རྣམས་གཞག་པར་བྱའོ། །བཅོམ་ལྡན་འདས་ཀྱིས་སྣོད་སྤྱད་ཀྱི་མཛོད་ཅིག་བྱས་ལ་དེར་རྫ་མཁན་གྱིས་བྱས་པའི་སྣོད་སྤྱད་རྣམས་གཞག་པར་བྱའོ། །ཞེས་བཀའ་སྩལ་པ་དང ། ཇི་ཙམ་ན་བྱང་ཕྱོགས་ནས་འགྲོན་པོ་ཞིག་འོངས་ནས་དེས་དགེ་འདུན་ལ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབས་ཏེ་དེས་བསམ་པ། བདག་གིས་དགེ་འདུན་ལ་ཡོ་བྱད་བརྙན་པོས་ཅིའི་ཕྱིར་བསྙེན་བཀུར་བྱ། མ་ལ་བདག་ཉིད་ཀྱི་སྣོད་སྤྱད་ཀྱིས་བསྙེན་བཀུར་བྱའོ། །སྙམ་ནས་དེས་ཟངས་ཀྱི་སྣོད་སྤྱད་མང་པོ་ཉེ་བར་བཞག་གོ་།དེ་ནས་ཡོ་བྱད་མང་པོས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཟླ་བ་གསུམ་དུ་སྟོན་མོ་གསོལ་ནས་མཇུག་གཅོད་ཀྱི་སྟོན་མོ་བྱས་ནས་ཆས་སོ། །དེ་འགྲོ་བའི་ཚེ་ཟངས་ཀྱི་སྣོད་སྤྱད་དེ་དག་ཐམས་ཅད་དགེ་འདུན་ལ་ཕུལ་ནས་དགེ་སློང་དག་གིས་མཛོད་དེ་ཉིད་དུ་རྫ་མཁན་གྱིས་བྱས་པའི་སྣོད་སྤྱད་དང་ལྷན་</font><hr>Tha169a<br><font size=+2>


༄#། །ཅིག་བཞག་པ་དང ། ཟངས་ཀྱི་སྣོད་སྤྱད་ཀྱིས་བསྡོས་ཏེ་རྫ་མཁན་གྱིས་བྱས་པའི་སྣོད་སྤྱད་རྣམས་ཆག་ནས་བཅོམ་ལྡན་འདས་ཀྱིས་བཀའ་སྩལ་པ། ཟངས་ཀྱི་སྣོད་སྤྱད་རྣམས་གུད་དུ་བཞག་ཅིང ། རྫ་མཁན་གྱིས་བྱས་པའི་སྣོད་སྤྱད་རྣམས་གུད་དུ་གཞག་པར་བྱའོ། །ཇི་ཙམ་ན་བྲམ་ཟེ་ཞིག་སྐོམ་པས་ཉེན་ནས་ཛེ་ཏའི་ཚལ་དུ་སོང་སྟེ། དེ་དགེ་སློང་ཞིག་གི་གན་དུ་ཕྱིན་ནས་སྨྲས་པ། ཀྱེ་དགེ་སློང ། བདག་སྐོམ་ན། བདག་ལ་ཆབ་སྩལ་དུ་གསོལ། དེས་དེ་ལ་བུམ་པ་དང ། སྲད་བུ་དག་བྱིན་པ་དང ། དེས་སྨྲས་པ། འཕགས་པ། འདིས་ཅི་བགྱི། ཆབ་སྩལ་དུ་གསོལ། དེས་སྨྲས་པ། བྲམ་ཟེ། ཆུ་བཅུས་ཟིན་པ་མེད་དོ། །འཕགས་པ། ཁྱེད་ནི། སེམས་ཅན་ཐམས་ཅད་ལ་ཕན་པར་ཞུགས་པ་ལགས་པས། ཀྱེ་མའོ། །ཁྱེད་ཀྱིས་ཆབ་ཉེ་བར་བཞག་ཀྱང་ཅི་མ་རུང ། དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱིས་ཆུ་ཉེ་བར་གཞག་པར་བྱའོ། །དགེ་སློང་དག་གིས་ཁྱམས་དང ། གནས་ཁང་དང ། གཙུག་ལག་ཁང་གི་ནང་དང ། སྒོ་ཁང་དང ། བང་རིམ་དག་ཏུ་བབ་བབ་ཏུ་བཞག་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱམས་དང ། གནས་ཁང་དང ། གཙུག་ལག་ཁང་གི་ནང་དང ། སྒོ་ཁང་</font><hr>Tha169b<br><font size=+2>


དང ། བང་རིམ་དག་ཏུ་བབ་བབ་ཏུ་གཞག་པར་མི་བྱའི། འོན་ཀྱང་ཆུའི་ཁང་པ་བྱའོ། །བཅོམ་ལྡན་འདས་ཀྱིས་ཆུའི་ཁང་པ་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཕྱོགས་གང་དུ་ཇི་ལྟ་བུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་གི་ནང་གི་ལྷོ་དང ། ནུབ་ཀྱི་ངོས་སུ་ཆུའི་ཁང་པ་བྱའོ། །མུན་གནག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་གདོད་པར་བྱའོ། །རྫབ་ཆགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་གཅལ་དགྲམ་པར་བྱ་ཞིང་སྟོར་ཁུང་གདོད་བར་བྱའོ། །སྒོ་གདོད་པར་བྱ་ཞིང་སྒོ་གླེགས་དང ། ཡང་མིག་ཀྱང་གཞུག་པར་བྱའོ། །ཆུ་ས་ལ་འཇོག་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཤིང་ཁྲི་ལ་གཞག་པར་བྱའོ། ། ཤིང་དག་མེད་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་སྟེགས་བུ་བྱས་ལ་དེའི་སྟེང་དུ་རྟེན་མ་བྱ་ཞིང་བུམ་པ་གཞག་པར་བྱའོ། །བུམ་པའི་ནང་གི་ཆུ་རུལ་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་བུམ་པ་བཀྲུ་བར་བྱའོ། །བཅོམ་ལྡན་འདས་ཀྱིས་དུས་དུས་སུ་བུམ་པ་བཀྲུ་བར་བྱའོ། །ཞེས་བཀའ་སྩལ་པ་དང ། དགེ་སློང་དག་ཅིས་བཀྲུ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཤིང་ལ་བུ་ཤེལ་ཙིའི་ཁྲུས་ཤིང་ངམ། ལོ་མ་སྦམ་པའམ། རས་མའི་ཐུམ་བུ་བཅིང་ནས་རུང་བར་བྱས་ཏེ་བཀྲུ་བར་བྱའོ། །འོན་ཀྱང་ཆུ་རུལ་བ་</font><hr>Tha170a<br><font size=+2>


༄#། །ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བུམ་པ་དག་ལ་ཕྱེད་ནི། བཀྲུ་བར་བྱ་ཞིང ། ཕྱེད་དུ་ཆུ་བླུག་པར་བྱའོ། །བཅོམ་ལྡན་འདས་ཀྱིས་ཆུ་བླུག་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་སུས་ཆུ་བླུག་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གནས་པ་དག་གིས་ཆུ་བླུག་པར་བྱ་སྟེ། དེ་ལྟ་བས་ན། ཆུའི་ཁང་པ་འཁོར་དང་བཅས་པ་གནང་ངོ ། །སངས་རྒྱས་བཅོམ་ལྡན་འདས་སེར་སྐྱའི་གནས་ན་ཤིང་ནྱ་གོ་དྷའི་ཀུན་དགའ་ར་བ་ན་བཞུགས་སོ། །དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་འཁོར་ལྔ་བརྒྱ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་པོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།སྐྱེ་རྒུའི་བདག་མོ་ཆེན་མོ་གོའུ་ཏ་མི་འདུག་པ་དང ། བཅོམ་ལྡན་འདས་ཀྱིས་ཆོས་དང་མཐུན་པའི་གཏམ་གྱིས་ཞེས་བྱ་བ་ནས་བཅོམ་ལྡན་འདས་སྦྲིད་པ་བྱུང་ཞེས་བྱ་བའི་བར་སྔ་མ་བཞིན་ནོ། །དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གི་བཅོམ་ལྡན་འདས་ཡུན་རིང་དུ་འཚོ་ཞིང ། ཐུབ་པ་ཆེན་པོ་བསྐལ་པར་བཞུགས་པར་གྱུར་ཅིག་།སྐྱེ་རྒུའི་བདག་མོ་ཆེན་པོ་གོའུ་ཏ་མིའི་སྒྲ་ཐོས་ནས་དགེ་སློང་མ་ལྔ་བརྒྱ་པོ་དག་གིས་ཀྱང་དེ་ཁོ་ན་སྐད་དུ་བཅོམ་ལྡན་འདས་ཡུན་རིང་དུ་འཚོ་ཞིང ། ཐུབ་པ་</font><hr>Tha170b<br><font size=+2>


ཆེན་པོ་བསྐལ་པར་བཞུགས་པར་གྱུར་ཅིག་།ཅེས་སྨྲས་སོ། །དགེ་སློང་མ་ལྔ་བརྒྱ་པོ་དག་གི་སྒྲ་ས་བླ་བའི་གནོད་སྦྱིན་དག་གིས་ཐོས་ནས་བཅོམ་ལྡན་འདས་ཡུན་རིང་དུ་འཚོ་ཞིང ། ཐུབ་པ་ཆེན་པོ་བསྐལ་པར་བཞུགས་པར་གྱུར་ཅིག་།ཅེས་སྒྲ་འབྱིན་ཅིང ། དབྱངས་སྒྲོག་པར་བྱེད་དོ། །ས་བླ་བའི་གནོད་སྦྱིན་གྱི་སྒྲ་ནམ་མཁའ་ལ་གནས་པའི་གནོད་སྦྱིན་དང ། རྒྱལ་ཆེན་བཞིའི་རིས་ཀྱི་ལྷ་རྣམས་དང ། སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་ཐོས་ནས་སྐད་ཅིག་དེ་དང ། ཐང་གཅིག་དེ་དང ། ཡུད་ཙམ་དེ་དང ། སྐད་ཅིག་དང ། ཐང་གཅིག་དང ། ཡུད་ཙམ་དེ་ལ་ཚངས་པའི་འཇིག་རྟེན་གྱི་བར་སྒྲ་གྲགས་པར་གྱུར་ནས་ཚངས་རིས་ཀྱི་ལྷ་རྣམས་ཀྱིས་བཅོམ་ལྡན་འདས་ཡུན་རིང་དུ་འཚོ་ཞིང ། ཐུབ་པ་ཆེན་པོ་བསྐལ་པར་བཞུགས་པར་གྱུར་ཅིག་།ཅེས་སྒྲ་འབྱིན་ཅིང་དབྱངས་སྒྲོག་པར་བྱེད་དོ། །དེ་ནས་བཅོམ་ལྡན་འདས་ཀྱིས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་འདི་སྐད་ཅེས་བཀའ་སྩལ་ཏོ། །གོའུ་ཏ་མི། ཁྱོད་ཀྱིས་སེམས་ཅན་མང་པོའི་བར་ཆད་བྱས་ཏེ། གོའུ་ཏ་མི། ཁྱོད་ཀྱི་སྒྲ་དགེ་སློང་མ་ལྔ་བརྒྱ་པོ་དག་གིས་ཐོས་ནས་དེ་ཁོ་ན་བཞིན་སྒྲ་སྒྲོག་པར་བྱེད་ཅིང ། དགེ་སློང་མ་ལྔ་བརྒྱ་པོ་དག་གི་སྒྲ། ས་བླ་བའི་གནོད་སྦྱིན་དང ། ནམ་མཁའ་གནས་པའི་གནོད་སྦྱིན་དང ། རྒྱལ་ཆེན་བཞིའི་རིས་ཀྱི་ལྷ་རྣམས་དང ། སུམ་ཅུ་རྩ་གསུམ་པ་དང ། </font><hr>Tha171a<br><font size=+2>


༄#། །འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་ཐོས་ནས་སྐད་ཅིག་དེ་དང ། ཐང་གཅིག་དེ་དང ། ཡུད་ཙམ་དེ་དང ། སྐད་ཅིག་དང ། ཐང་གཅིག་དང ། ཡུད་ཙམ་དེ་ལ་ཚངས་པའི་འཇིག་རྟེན་གྱི་བར་སྒྲས་ཁྱབ་པར་གྱུར་ཅིང ། ཚངས་རིས་ཀྱི་ལྷ་རྣམས་ཀྱིས་ཀྱང་དེ་ཁོ་ན་བཞིན་སྒྲ་ཕྱུང་མོད་ཀྱི། གོའུ་ཏ་མི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ནི། དེ་ལྟར་ཕྱག་མི་བྱ་སྟེ། དེ་ལྟར་ཕྱག་བྱས་པ་ནི། ལེགས་པར་ཕྱག་བྱས་པ་མ་ཡིན་ནོ། །བཙུན་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་ཇི་ལྟར་བགྱི། ཕྱག་ཇི་ལྟར་བགྱིས་ན། ལེགས་པར་ཕྱག་བགྱིས་པར་འགྱུར། གོའུ་ཏ་མི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ནི། འདི་ལྟར་ཕྱག་བྱ་སྟེ། བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་ཏེ་མཐུན། ཀུན་ཏུ་དགའ། མི་རྩོད། རྩེ་གཅིག་འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བ་མཐོང་བར་གྱུར་ཅིག་།ཅེས། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་བྱ་སྟེ། དེ་ལྟར་ཕྱག་བྱས་ན། ལེགས་པར་ཕྱག་བྱས་པར་ཡང་འགྱུར་རོ། །དེའི་ཚེ་དགེ་སློང་ཞིག་གིས་</font><hr>Tha171b<br><font size=+2>


ཚིགས་སུ་བཅད་དེ་སྨྲས་པ། སྐྱེ་རྒུའི་བདག་ཆེན་གོའུ་ཏ་མིས། །སྟོན་པའི་ཞབས་ལ་ཕྱག་འཚལ་ཏེ། །བདག་གི་བཅོམ་ལྡན་འདས་རིང་དུ་བཞུགས། །ཐུབ་ཆེན་བསྐལ་བར་བཞུགས་གྱུར་ཅིག་།དེ་ཡིས་སྟོན་ལ་དེ་སྐད་གསོལ། །སྲུ་ལ་འདི་སྐད་བཀའ་སྩལ་ཏེ། །གོའུ་ཏམ་ཇི་ལྟར་ཕྱག་བྱས་པ། །དེ་བཞིན་གཤེགས་པ་ཕྱག་བྱས་མིན། །ཤེས་རབ་ལྡན་པ་ཇི་ལྟར་དེ། །དེ་བཞིན་གཤེགས་ལ་ཕྱག་བགྱིས་ནས། །ཇི་ལྟར་ལེགས་པར་ཕྱག་བགྱིས་འགྱུར། །ཞུས་པ་བདག་ལ་བསྟན་ཏུ་གསོལ། །བརྩོན་འགྲུས་བརྩམས་པ་བདག་ཉིད་བརྩོན། །རྟག་ཏུ་ཕ་རོལ་གནོན་བརྟན་པའི། །ཉན་ཐོས་མཐུན་པ་ལྟ་བྱེད་པ། །དེ་ནི་སངས་རྒྱས་ཕྱག་འཚལ་ཡིན། །སྐྱེ་རྒུའི་བདག་མོ་ཆེན་མོ་གོའུ་ཏ་མིས་བསམ་པ། བཅོམ་ལྡན་འདས་ནི། དགེ་འདུན་མཐུན་པའི་བསྔགས་པ་རྗོད་པར་མཛད་དེ། དེའི་ཕྱིར་ཇི་སྲིད་བཅོམ་ལྡན་འདས་བཞུགས་ཤིང་དགེ་སློང་གི་དགེ་འདུན་མཐུན་པ་དེའི་ཚེ་བདག་ཡོངས་སུ་མྱ་ངན་ལས་འདའ་བར་བྱའོ། །སྙམ་དུ་རིག་ནས་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་བསམ་བཞིན་དུ་ཡོངས་སུ་མྱ་ངན་ལས་འདའ་བར་འཚལ་ལོ། ། དེ་སྐད་ཅེས་གསོལ་བ་དང ། བཅོམ་ལྡན་འདས་ཅང་མི་གསུང་བར་བཞུགས་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིས། བཅོམ་ལྡན་འདས་ལ་ལན་གཉིས་ལན་གསུམ་དུ་འདི་སྐད་ཅེས་</font><hr>Tha172a<br><font size=+2>


༄#། །གསོལ་ཏོ། །བཙུན་པ། བདག་བསམ་བཞིན་དུ་ཡོངས་སུ་མྱ་ངན་ལས་འདའ་བར་འཚལ་ལོ། །བཅོམ་ལྡན་འདས་ལན་གཉིས་ལན་གསུམ་དུ་ཅང་མི་གསུང་བར་བཞུགས་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཡང་བཙུན་པ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་བསམ་བཞིན་དུ་ཡོངས་སུ་མྱ་ངན་འདའ་བར་འཚལ་ལོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་འདི་སྐད་ཅེས་བཀའ་སྩལ་ཏོ། །གོའུ་ཏ་མི། མྱ་ངན་ལས་འདའ་བའི་ཕྱིར་སྨྲའམ། བཅོམ་ལྡན་འདས། མྱ་ངན་ལས་འདའ་བའི་སླད་དུའོ། །གོའུ་ཏ་མི། མྱ་ངན་ལས་འདའ་བའི་ཕྱིར་སྨྲའམ། བདེ་བར་གཤེགས་པ། མྱ་ངན་ལས་འདའ་བའི་སླད་དུའོ། །གོའུ་ཏ་མི། ཁྱོད་མྱ་ངན་ལས་འདའ་བའི་ཕྱིར་སྨྲ་ན། གོའུ་ཏ་མི། འདུས་བྱས་ཐམས་ཅད་ནི། དེ་ལྟ་བུའི་ཆོས་ཅན་ཡིན་ན། ངས་སྨྲ་ཅི་དགོས། དགེ་སློང་མ་ལྔ་བརྒྱ་པོ་དེ་དག་གིས་ཀྱང་བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ནས་འདི་སྐད་ཅེས་གསོལ་ཏེ། །བཙུན་པ། བདག་ཅག་ཀྱང་བསམ་བཞིན་དུ་ཡོངས་སུ་མྱ་ངན་ལས་འདའ་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏ་མི་དག་།མྱ་ངན་ལས་འདའ་བའི་ཕྱིར་སྨྲའམ། བཅོམ་ལྡན་འདས། མྱ་ངན་ལས་འདའ་བའི་སླད་དུའོ། །གོའུ་ཏ་མི། མྱ་ངན་ལས་འདའ་བའི་ཕྱིར་</font><hr>Tha172b<br><font size=+2>


སྨྲའམ། བདེ་བར་གཤེགས་པ། མྱ་ངན་ལས་འདའ་བའི་སླད་དུའོ། །གོའུ་ཏ་མི། མྱ་ངན་ལས་འདའ་བའི་ཕྱིར་སྨྲ་ན། འདུས་བྱས་ཐམས་ཅད་ནི། དེ་ལྟ་བུའི་ཆོས་ཅན་ཡིན་པས་ངས་སྨྲ་ཅི་དགོས། དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ཞིང་རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སོང་ངོ་ཚེ་དང་ལྡན་པ་དགའ་བོ་དང ། མ་འགག་པ་དང ། སྒྲ་གཅན་ཟིན་དང ། ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་ཕྱག་འཚལ་ཏེ་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ། བདག་ཅག་བསམ་བཞིན་དུ་ཡོངས་སུ་མྱ་ངན་ལས་འདའ་བར་འཚལ་ལོ། །གོའུ་ཏ་མི་དག་།མྱ་ངན་ལས་འདའ་བའི་ཕྱིར་སྨྲའམ། བཙུན་པ་ཀུན་དགའ་བོ། མྱ་ངན་ལས་འདའ་བའི་སླད་དུའོ། །གོའུ་ཏ་མི་དག་།མྱ་ངན་ལས་འདའ་བའི་ཕྱིར་སྨྲའམ། བཙུན་པ་ཀུན་དགའ་བོ། མྱ་ངན་ལས་འདའ་བའི་སླད་དུའོ། ། གོའུ་ཏ་མི་དག་།ཁྱོད་མྱ་ངན་ལས་འདའ་བའི་ཕྱིར་སྨྲ་ན། སྲིང་མོ་དག་།འདུས་བྱས་རྣམས་ནི། དེ་ལྟ་བུའི་ཆོས་ཅན་ཡིན་པས། ངེད་ཀྱིས་སྨྲ་ཅི་དགོས། དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་དང་འཁོར་དགེ་སློང་མ་ལྔ་བརྒྱ་དགེ་སློང་གནས་བརྟན་གནས་བརྟན་དག་གི་རྐང་པ་གཉིས་ལ་མགོ་བོས་ཕྱག་འཚལ་ཏེ་དབྱར་ཁང་དུ་སོང་ངོ ། །དེ་འཁོར་གསུམ་པོ་དག་གི་རྣམ་པ་ལ་བརྟགས་</font><hr>Tha173a<br><font size=+2>


༄#། །ནས་ཉིན་ཞག་བདུན་དུ་གང་ཐོས་ནས་སེམས་ཅན་མང་པོས་ཁྱད་པར་ཆེན་པོ་ཐོབ་པར་ལྟ་བུའི་ཆོས་བསྟན་ཏོ། །དེ་ནས་ས་ཕྱོགས་བར་སྐབས་ཡངས་པ་ཞིག་ཏུ་དགེ་སློང་མའི་དགེ་འདུན་གྱི་གུང་ལ་སྐྱིལ་མོ་ཀྲུང་ཕྱེད་བཅས་ནས་འདུག་གོ་།དགེ་སློང་མ་དེ་དག་ཀྱང་དེ་བཞིན་དུ་འདུག་གོ་།དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ཏིང་ངེ་འཛིན་འདི་ལྟ་བུ་ལ་སྙོམས་པར་ཞུགས་ཏེ་གང་ལ་སེམས་མཉམ་པར་བཞག་ན། རང་གི་སྟན་ལས་མི་སྣང་བར་གྱུར་ཅིང ། ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ནས་སྤྱོད་ལམ་རྣམ་པ་བཞི་པོ་འཆག་པ་དང ། འགྲེང་བ་དང ། འདུག་པ་དང ། ཉལ་བ་དག་སྟོན་པར་བྱེད་ཅིང ། མེའི་ཁམས་ལ་ཡང་སྙོམས་པར་ཞུགས་སོ། །མེའི་ཁམས་ལ་སྙོམས་པར་ཞུགས་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་ལུས་ལས་འོད་ཟེར་རྣམ་པ་སྣ་ཚོགས་འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཀ་དང ། ཤེལ་གྱི་མདོག་ལྟ་བུ་དག་སྟན་པར་བྱེད་ཅིང ། ཆོ་འཕྲུལ་ཟུང་དག་ཀྱང་སྟོན་པར་བྱེད་དེ། ལུས་ཀྱི་སྨད་ནས་མེ་འབར་ལ་ལུས་ཀྱི་སྟོད་ནས་ཆུ་གྲང་མོའི་རྒྱུན་འབྱུང་བ་དང ། ལུས་ཀྱི་སྟོད་ནས་མེ་འབར་ལ། ལུས་ཀྱི་སྨད་ནས་ཆུ་གྲང་མོའི་རྒྱུན་འབྱུང་བར་བྱེད་དོ། །ཤར་ཕྱོགས་སུ་ཇི་ལྟ་བ་དེ་བཞིན་དུ། ལྷོ་དང ། ནུབ་དང ། བྱང་གི་ཕྱོགས་སུ་ཡང་དེ་བཞིན་བྱེད་དེ། འདི་ལྟར་</font><hr>Tha173b<br><font size=+2>


ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་པོ་དག་སྟོན་པར་བྱེད་ཅིང ། བསམ་གཏན་དང་པོ་ལ་སྙོམས་པར་ཞུགས་སོ། །དགེ་སློང་མ་ལྔ་བརྒྱ་པོ་དེ་དག་ཀྱང་བསམ་གཏན་དང་པོ་ལ་སྙོམས་པར་ཞུགས་སོ། །བསམ་གཏན་དང་པོ་ལས་ལངས་ནས་བསམ་གཏན་གཉིས་པ་ལ། གཉིས་པ་ལས་གསུམ་པ་ལ། གསུམ་པ་ལས་བསམ་གཏན་བཞི་པ་ལ། བཞི་པ་ལས་ནམ་མཁའ་མཐའ་ཡས་སྐྱེ་མཆེད་ལ། ནམ་མཁའ་མཐའ་ཡས་སྐྱེ་མཆེད་ལས་རྣམ་ཤེས་མཐའ་ཡས་སྐྱེ་མཆེད་ལ། རྣམ་ཤེས་མཐའ་ཡས་སྐྱེ་མཆེད་ལས་ཅི་ཡང་མེད་པའི་སྐྱེ་མཆེད་ལ། ཅི་ཡང་མེད་པའི་སྐྱེ་མཆེད་ལས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་འཇུག་ཅིང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཡང་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་སོ། །ཅི་ཡང་མེད་པའི་སྐྱེ་མཆེད་ལས་རྣམ་ཤེས་མཐའ་ཡས་སྐྱེ་མཆེད་ལ། རྣམ་ཤེས་མཐའ་ཡས་སྐྱེ་མཆེད་ལས་ནམ་མཁའ་མཐའ་ཡས་སྐྱེ་མཆེད་ལ། ནམ་མཁའ་མཐའ་ཡས་སྐྱེ་མཆེད་ལས་བསམ་གཏན་བཞི་པ་ལ། བཞི་པ་ལས་གསུམ་པ་ལ། གསུམ་པ་ལས་གཉིས་པ་ལ། གཉིས་པ་ལས་བསམ་གཏན་དང་པོ་ལ་སྙོམས་པར་ཞུགས་སོ། ། དེ་ནས་བསམ་གཏན་དང་པོ་དེ་ཉིད་ལ་བརྟེན་ནས་ཡོངས་སུ་མྱ་ངན་ལས་འདས་སོ། །དགེ་སློང་མ་ལྔ་བརྒྱ་པོ་དེ་དག་ཀྱང་དེ་བཞིན་དུ་ལུགས་དང་མཐུན་པ་དང ། ལུགས་ལས་ལྡོག་པར་སྙོམས་</font><hr>Tha174a<br><font size=+2>


༄#། །པར་ཞུགས་ནས་བསམ་གཏན་དང་པོ་ཉིད་ལ་བརྟེན་ཏེ་ཡོངས་སུ་མྱ་ངན་ལས་འདས་སོ། །སྐྱེ་རྒུའི་བདག་མོ་ཆེན་མོ་གོའུ་ཏ་མི་མྱ་ངན་ལས་འདས་མ་ཐག་ཏུ་ས་ཆེན་པོ་གཡོས་པར་གྱུར་ཅིང ། སྐར་མདའ་ལྟུང་བ་དང ། ཕྱོགས་དམར་པོ་དང ། བར་སྣང་ལ་ལྷའི་རོལ་མོའི་སྒྲ་དག་བྱུང་ངོ ། །དེ་ནས་དགེ་སློང་གང་རི་རབ་ཀྱི་བང་རིམ་དང ། གཞན་ཡང་གྲོང་ཁྱེར་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་དང ། དབེན་པའི་གནས་མལ་དག་ན་བསམ་གཏན་བྱེད་པ་དེ་དག་གིས་ས་ཆེན་པོ་གཡོས་པར་རིག་ནས་ས་ཆེན་པོ་འདི་ཅིའི་ཕྱིར་གཡོས་ཞེས་བསམ་པ་ལ་ཞུགས་ན། ཇི་ཙམ་ན་སྐྱེ་རྒུའི་བདག་མོ་ཆེན་མོ་གོའུ་ཏ་མི་འཁོར་ལྔ་བརྒྱ་དང་བཅས་པ་ཡོངས་སུ་མྱ་ངན་ལས་འདས་པར་མཐོང་ནས་དེ་དག་འདི་སྙམ་དུ་སེམས་ཏེ། སངས་རྒྱས་ཀྱི་སྲུ་ཡོངས་སུ་མྱ་ངན་ལས་འདས་ན། དེའི་ལུས་ལ་མཆོད་པ་ལྷག་པར་བྱ་བ་ལ་བརྩོན་པར་བྱའི། འདོང་ངོ ། །སྙམ་ནས་དེ་དག་ཤིང་དྲི་ཞིམ་པོ་དག་ཁྱེར་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་དབྱར་ཁང་དུ་དོང་ངོ ། །བཅོམ་ལྡན་འདས་ཀྱང་ཉན་ཐོས་ཆེན་པོ་ཀུན་ཤེས་ཀཽཎྜིནྱ་དང ། འོད་སྲུང་ཆེན་པོ་དང ། རླངས་པ་དང ། མིང་ཆེན་དང ། མ་འགག་པ་དང ། ཤཱ་རིའི་བུ་དང ། མོའུ་འགལ་གྱི་བུ་ལ་སོགས་པ་དང ། གཞན་ཡང་དགེ་སློང་གི་དགེ་འདུན་ཆེན་པོ་དག་དང་ཐབས་ཅིག་ཏུ་སྐྱེ་རྒུའི་བདག་མོ་ཆེན་</font><hr>Tha174b<br><font size=+2>


མོ་གཽའུ་ཏ་མིའི་དབྱར་ཁང་དུ་གཤེགས་སོ། །དེ་བཞིན་དུ་ཡུལ་ཀོ་ས་ལའི་རྒྱལ་པོ་གསལ་རྒྱལ་བཙུན་མོའི་འཁོར་དང ། གཞན་ནུ་དང ། བློན་པོ་དང ། གྲོང་མི་དང ། ཡུལ་གྱི་མི་རྣམས་ཀྱི་འཁོར་གྱིས་ཡོངས་སུ་བསྐོར་བ་དང ། ཁྱིམ་བདག་མགོན་མེད་ཟས་སྦྱིན་འཁོར་གྱིས་ཡོངས་སུ་བསྐོར་བ་དང ། རི་དྭགས་འཛིན་གྱི་མ་ས་ག་དང ། བླ་མཁྱེན་དྲང་སྲོང་བྱིན་དང ། རྙིང་བ་དང ། གཞན་ཡང་ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་དག་ཀྱང་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་དབྱར་ཁང་དུ་སོང་ངོ ། །དེ་ནས་རྒྱལ་པོ་གསལ་རྒྱལ་གྱིས་རིན་པོ་ཆེ་དང ། གོས་སྣ་ཚོགས་ཀྱིས་བརྒྱན་པའི་ཁྱོགས་ལྔ་བརྒྱ་དང ། དྲི་དང ། བདུག་སྤོས་དང ། མེ་ཏོག་དང ། ཕྲེང་བ་དང ། གདུགས་དང ། རྒྱལ་མཚན་དང ། བ་དན་དང ། རོལ་མོའི་སྒྲ་རྣམ་པ་སྣ་ཚོགས་དག་ཕུལ་ལོ། །དེ་ནས་ཚེ་དང་ལྡན་པ་དགའ་བོ་དང ། མ་འགག་པ་དང ། ཀུན་དགའ་བོ་དང ། སྒྲ་གཅན་ཟིན་གྱིས་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་ཁྱོགས་བཏེག་གོ་།བཅོམ་ལྡན་འདས་ཀྱིས་ཀྱང་ཕྱག་གཡས་པས་བཟུང་ངོ ། །དགེ་སློང་ལྷག་མ་རྣམས་ཀྱིས་ཀྱང་དགེ་སློང་མ་ལྷག་མ་རྣམས་ཀྱི་ཁྱོགས་བཏེག་གོ་།དེ་ནས་མཆོད་པ་ཆེན་པོ་བྱས་ཏེ་ཁྱེར་ནས་ས་ཕྱོགས་བར་སྐབས་དབེན་སར་ཁྱོགས་རྣམས་བཞག་གོ་།དེ་ནས་བཅོམ་ལྡན་འདས་ཀྱིས་སྐྱེ་རྒུའི་བདག་མོ་ཆེན་མོ་གོའུ་ཏ་མི་དང ། དགེ་སློང་མ་ལྔ་བརྒྱ་པོ་དག་གི་ལུས་ལས་བླ་གོས་ཕུད་ནས་དགེ་སློང་རྣམས་</font><hr>Tha175a<br><font size=+2>


༄#། །ལ་བཀའ་སྩལ་པ། དགེ་སློང་དག། སྐྱེ་རྒུའི་བདག་མོ་ཆེན་མོ་གོའུ་ཏ་མི་དང ། དགེ་སློང་མ་ལྔ་བརྒྱ་པོ་འདི་དག་ལོ་བརྒྱ་ཉི་ཤུ་ལོན་ཡང་ལུས་ལ་གཉེར་མ་དང ། སྐྲ་དཀར་མེད་ཅིང་བུ་མོ་ལོ་བཅུ་དྲུག་ལོན་པ་ལྟ་བུ་ལ་ལྟོས། དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་བཙུན་མོའི་ཚོགས་དང ། གཞོན་ནུ་དང ། བློན་པོ་དང ། གྲོང་མི་དང ། ཡུལ་མི་དང་བཅས་པས་དྲི་སྣ་ཚོགས་ཀྱི་ཤིང་གི་ཕུང་པོ་སྤུངས་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་སོགས་པ་དགེ་སློང་མ་ལྔ་བརྒྱ་པོའི་སྐུ་གདུང་དག་བསྲེགས་སོ། །བཅོམ་ལྡན་འདས་ཀྱིས་ཀྱང་མི་རྟག་པ་དང་ལྡན་པའི་ཆོས་དག་བཤད་ནས་གཙུག་ལག་ཁང་དུ་གཤེགས་སོ། །གཤེགས་ནས་ཀྱང་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། འདི་ལྟར་སྦྲིད་པ་བྱུང་བ་ལ་སོས་ཞེས་ཟེར་བ་ལ་ཉེས་དམིགས་འདི་ལྟ་བུ་དང ། གཞན་དག་ཀྱང་ཡོད་པས་དེ་ལྟ་བས་ན། དགེ་སློང་གིས་སྦྲིད་པ་བྱུང་བ་ལ་སོས་ཞེས་བརྗོད་པར་མི་བྱའོ། །བརྗོད་ན། འགལ་ཚབས་ཅན་དུ་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། སྐྱེ་རྒུའི་བདག་མོ་ཆེན་མོ་ལ་སོགས་པ་དགེ་སློང་མ་ལྔ་བརྒྱ་པོ་དག་གིས་ལས་ཅི་ཞིག་བགྱིས་ན། དེས་འདི་དག་སྐྱེས་ནས་</font><hr>Tha175b<br><font size=+2>


དགུང་ལོ་བརྒྱ་ཉི་ཤུ་ལགས་ཀྱང་ལུས་ལ་གཉེར་མ་དང ། སྐྲ་དཀར་མ་མཆིས་ཤིང ། བུ་མོ་དགུང་ལོ་བཅུ་དྲུག་ལོན་པ་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་སོགས་པ་དགེ་སློང་མ་ལྔ་བརྒྱ་པོ་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་མྱོང་བར་འགྱུར་བ་དག་བྱས་ཤིང་བསགས་ཏེ། སྐྱེ་རྒུའི་བདག་མོ་ཆེན་མོ་ལ་སོགས་པ་དགེ་སློང་མ་ལྔ་བརྒྱ་པོ་དག་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་བ་ན། །ལས་ཅན་རྣམས་ལ་འབྲས་བུར་སྨིན། །དགེ་སློང་དག། །སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་རྒུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ་ཞེས་བྱ་བ་ནས་དེ་གྲོང་ཁྱེར་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་གནས་ན་བརྟེན་ཅིང་</font><hr>Tha176a<br><font size=+2>


༄#། །བཞུགས་སོ། །ཞེས་བྱ་བའི་བར་སྔ་མ་བཞིན་ནོ། །གང་གི་ཚེ་ཡང་དག་པར་རྫོགས་པའི་སངས་རྒྱས་འོད་སྲུང་གིས། སངས་རྒྱས་ཀྱི་མཛད་པ་མཐའ་དག་མཛད་ནས་བུད་ཤིང་ཟད་པའི་མེ་བཞིན་དུ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དེའི་ཚེ་རྒྱལ་པོ་ཀྲི་ཀྲི་ཞེས་བྱ་བས། དེའི་སྐུ་ལ་སྐུའི་མཆོད་པ་བྱས་ནས་ལམ་པོ་ཆེའི་བཞི་མདོར་རིན་པོ་ཆེ་སྣ་བཞི་ལས་བྱས་པའི་མཆོད་རྟེན་ཁོར་ཡུག་ཏུ་དཔག་ཚད་གཅིག་ཡོད་ལ། གནམ་འཕང་དུ་དཔག་ཚད་ཕྱེད་ཡོད་པ་བྱས་སོ། །རྒྱལ་པོ་ཀྲི་ཀྲིའི་བཙུན་མོ་དམ་པ་ལ་སོགས་པ་བུད་མེད་ལྔ་བརྒྱ་པོ་དེ་དག་རྒས་པའི་གནས་སྐབས་ན་ལུས་ལ་གཉེར་མ་དང ། སྐྲ་དཀར་བྱུང་ནས་རྒྱལ་པོས་སྤངས་པ་དང ། དེ་དག་ཕན་ཚུན་སྨྲ་བར་བརྩམས་པ། གྲོགས་མོ་དག་།ལྷས་ད་བདག་ཅག་ཅིའི་ཕྱིར་སྤངས། དེ་དག་ལས་ཁ་ཅིག་གིས་སྨྲས་པ། འདི་ལ་དཔྱད་དུ་ཅི་ཡོད། བདག་ཅག་ད་ལུས་གཉེར་མ་དང ། སྐྲ་དཀར་ཅན་དུ་གྱུར་པས། དེའི་ཕྱིར་བདག་ཅག་སྤངས་མོད། གཞན་དག་གིས་སྨྲས་པ། དེ་ནི། དེ་ལྟ་ཡིན་ཏེ། ད་བདག་ཅག་ལྷ་ལ་ཇི་ཞིག་བྱ། བུད་མེད་གཟུགས་དང ། ན་ཚོད་དང་ལྡན་པ་གཞན་དག་ཡོད་པ་དེ་དག་དང་ལྷན་ཅིག་དགའ་མགུར་སྤྱོད་གྲང ། དེའི་ཕྱིར་བཅོམ་ལྡན་འདས་འོད་སྲུང་གི་མཆོད་རྟེན་གྱི་དྲུང་དུ་དོང་ནས་མཆོད་པ་བྱས་ལ། དེ་ནས་བདག་</font><hr>Tha176b<br><font size=+2>


ཅག་ཕྱིན་ཆད་འཁོར་བར་ལུས་ལ་གཉེར་མ་དང ། སྐྲ་དཀར་ཅན་དུ་མ་གྱུར་ཅིག་།ཅེས་སྨོན་ལམ་གདབ་པར་བྱའོ། །དེ་དག་གིས་སྨྲས་པ། ལེགས་ཀྱི། དེ་བཞིན་བྱའོ། །ཞེས་དེ་དག་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་དྲི་དང ། ཕྲེང་བ་དང ། བྱུག་པ་དང ། གདུགས་དང ། རྒྱལ་མཚན་དང ། བ་དན་དག་གིས་མཆོད་པ་བྱས་ནས་མེ་ཏོག་རྣམ་པ་སྣ་ཚོགས་དྲི་ཞིམ་ཞིང་མ་རྙིང་པའི་ཆུན་པོ་དང ། ཕྲེང་བ་ཡིད་དུ་འོང་བ་དག་བཏགས་ནས་བདག་ཅག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ། འོད་སྲུང་ལ་མཆོད་པ་དགྱིས་པའི་དགེ་བའི་རྩ་བ་གང་ལགས་པ་འདིས་བདག་ཅག་སྐྱེས་ནས་ལོ་བརྒྱ་ཉི་ཤུ་ལོན་ཡང ། ལུས་ལ་གཉེར་མ་དང ། སྐྲ་དཀར་མཆིས་པར་མ་གྱུར་ཅིག་།ཅེས་སྨོན་ལམ་བཏབ་བོ། །དགེ་སློང་དག་།ཇི་སྙམ་དུ་སེམས། རྒྱལ་པོ་ཀྲི་ཀྲིའི་བཙུན་མོ་དམ་པ་ལ་སོགས་པ་བུད་མེད་ལྔ་བརྒྱ་པོ་གང་དག་ཡིན་པ་དེ་དག་ནི། སྐྱེ་རྒུའི་བདག་མོ་ཆེན་མོ་ལ་སོགས་པ་དགེ་སློང་མ་ལྔ་བརྒྱ་པོ་འདི་དག་ཉིད་ཡིན་ཏེ། འདི་དག་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་མཆོད་པ་བྱས་ཤིང ། སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་བས་ད་ལྟར་སྐྱེས་ནས་ལོ་བརྒྱ་ཉི་ཤུ་ལོན་ཡང་ལུས་ལ་གཉེར་མ་དང ། སྐྲ་དཀར་མེད་ཅིང ། བུ་མོ་ལོ་བཅུ་དྲུག་ལོན་པའི་གཟུགས་ལྟ་བུར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་</font><hr>Tha177a<br><font size=+2>


༄#། །ཏུ་ནག་པ་རྣམས་ཀྱི་ཞེས་བྱ་བ་ནས་དེ་ལྟར་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །ཞེས་བྱ་བའི་བར་སྔ་མ་བཞིན་ནོ། །བཅོམ་ལྡན་འདས་ཀྱིས་དེ་སྐད་བཀའ་སྩལ་པ་དང ། དགེ་སློང་རྣམས་བཅོམ་ལྡན་འདས་ཀྱིས་གསུངས་པ་ལ་ཡི་རང་སྟེ་མངོན་པར་བསྟོད་དོ། །བཅོམ་ལྡན་འདས་ཀྱིས་དགེ་སློང་གི་སྦྲིད་པ་བྱུང་བ་ལ་སོས་ཞེས་བརྗོད་པར་མི་བྱའོ། །ཞེས་བཀའ་སྩལ་པ་དང ། མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱང་བུ་ཕོ་ཡང་མེད། བུ་མོ་ཡང་མེད་ལ། རྒས་པའི་གནས་སྐབས་སུ་ནོར་ཟད་ཅིང་ལོངས་སྤྱོད་ཟད་པར་གྱུར་ནས་དེས་ཆུང་མ་ལ་སྨྲས་པ། བཟང་མོ། ཁོ་བོ་ནི། རྒས་ཤིང་བཀྲེན་ལ་བུ་ཕོ་ཡང་མེད། བུ་མོ་ཡང་མེད་པས་རྒྱལ་བྱེད་ཀྱི་ཚལ་དུ་རབ་ཏུ་འབྱུང་དུ་འགྲོའོ། །དེས་སྨྲས་པ། རྗེའི་སྲས། དེ་བཞིན་རབ་ཏུ་འབྱུང་བར་མཛོད་ཅིག་།དེ་རྒྱལ་བྱེད་ཀྱི་ཚལ་དུ་སོང་སྟེ་རབ་ཏུ་བྱུང་ངོ ། །ཇི་ཙམ་དུས་གཞན་ཞིག་ན་དེའི་ཆུང་མ་བལྟ་བའི་ཕྱིར་འོངས་པ་དང ། དེ་སྦྲིད་པ་བྱུང་ན། དགེ་སློང་གང་གིས་ཀྱང་སོས་ཞེས་མ་བྱས་སོ། །དེ་ནས་དེའི་སྔོན་གྱི་ཆུང་མས་ལག་པ་གཡོན་པས་ས་བླངས་ཏེ། སས་</font><hr>Tha177b<br><font size=+2>


མཚམས་གཅད་པ་བྱས་ནས་ཡུན་རིང་དུ་འཚོ་བར་གྱུར་ཅིག་།ཅེས་སྨྲས་སོ། །དགེ་སློང་དག་གིས་དེ་ལ་བརྟགས་པར་བརྩམས་པ་དང ། དེས་དེའི་ལག་ནས་བཟུང་སྟེ་དྲངས་ནས་སྨྲས་པ། རྗེའི་སྲས། ཁྱོད་དགྲ་བོ་རྣམས་ཀྱི་ནང་དུ་རབ་ཏུ་བྱུང་སྟེ། རྒྱལ་བྱེད་ཀྱི་ཚལ་འདི་གནོད་སྦྱིན་གོས་སྔོན་པོ་གྱོན་པ་ལྔ་བརྒྱས་མི་སྟོང་སྟེ། བདག་འབའ་ཞིག་གིས་ཁྱོད་ལ་སོས་ཞེས་བགྱིས་པ་དེས་ན། དེ་རྣམས་ཀྱིས་ཁྱོད་ཀྱི་མདངས་མ་ཁྱེར་ཏེ། འདིར་བཞུགས་པར་འཚལ་གྱི། ཁྱིམ་ཉིད་དུ་བཞུད་ཀྱི། གཤེགས་ཞེས་དེས་དེའི་ལག་པ་ནས་བཟུང་སྟེ་སོང་བ་དང ། དེ་ལ་དགེ་སློང་རྣམས་ཀྱིས་སྨྲས་པ། རྒན་ཞུགས། མ་འགྲོ་བར་འདུག་ཅིག་།དེ་འགྲོ་བ་ཉིད་དུ་བྱེད་ཅིང་མི་འདུག་ནས་དགེ་སློང་དག་གིས་དེའི་ལག་པ་ཡ་གཅིག་བཟུང་སྟེ་དྲངས་པ་དང ། དེས་སྨྲས་པ། ནའོ། ། ནའོ། །ཞེས་ཟེར་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱི་ལག་པ་གང་ན་ཞེས་དྲི་བར་བྱ་སྟེ། གལ་ཏེ་ཁྱོད་ཀྱིས་བཟུང་བ་གང་ཡིན་པའོ། །ཞེས་ཟེར་ན། རྒན་ཞུགས་འགྲོ་འདོད་པར་ངེས་ཀྱི། ཐམས་ཅད་ཀྱི་ཐམས་ཅད་དུ་གཏང་བར་བྱའོ། །གལ་ཏེ་སྔོན་གྱི་ཆུང་མས་བཟུང་བ་གང་ཡིན་པའོ། །ཞེས་ཟེར་ན། འགྲོ་བར་མི་འདོད་པས་དེ་གཏང་བར་མི་བྱའོ། །འོན་ཀྱང་དགེ་སློང་རྒན་ཞུགས་ནི། འཚོ་བར་འདོད་པའི་བསམ་པ་ཅན་ཡིན་པས། དེ་ལྟ་བས་ན། རྒན་ཞུགས་སྦྲིད་</font><hr>Tha178a<br><font size=+2>


༄#། །བ་བྱུང་བ་ལ་སོས་ཞེས་བརྗོད་པར་བྱའོ། །དགེ་སློང་དག་གིས་དེ་ལ་སྨྲས་པ། རྒན་ཞུགས། ཁྱོད་ཀྱི་ལག་པ་གང་ན། དེས་སྨྲས་པ། ཚེ་དང་ལྡན་པ་དག་ཁྱེད་ཀྱིས་བཟུང་བ་གང་ཡིན་པའོ། །དེ་དག་གིས་དེ་བཏང་ནས་རང་གི་ཁྱིམ་དུ་སོང་སྟེ། དེ་ཉིད་དེའི་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་ཏོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་དད་པ་ཅན་ཞིག་འདུག་པ་དེ། བྲམ་ཟེ་མ་དད་པ་ཞིག་དང་ལྷན་ཅིག་རྒྱལ་བྱེད་ཀྱི་ཚལ་དུ་སོང་བ་དང ། ཁྱིམ་བདག་དེ་སྦྲིད་པ་བྱུང་ན། དགེ་སློང་གང་གིས་ཀྱང་སོས་ཞེས་མ་བྱས་ཀྱི། བྲམ་ཟེ་དེ་ཉིད་ཀྱིས་སོས་ཞེས་བྱས་ནས་དེས་སྨྲས་པ། གྲོགས་པོ། ཁྱོད་ནི། དགྲ་བོ་རྣམས་ལ་དད་དེ། རྒྱལ་བྱེད་ཀྱི་ཚལ་འདི་ནི། གནོད་སྦྱིན་གོས་སྔོན་པོ་གྱོན་པ་ལྔ་བརྒྱས་མི་སྟོང་སྟེ། ཁྱོད་ལ་ཁོ་བོ་འབའ་ཞིག་གིས་སོས་ཞེས་བྱས་པ་དེས་ན། དེ་དག་གིས་ཁྱོད་ཀྱི་མདངས་མ་འཕྲོག་གི་།ཚུར་ཤོག་།འདོང་ཞེས་ཟེར་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱིམ་པ་རྣམས་ནི། འཚོ་བའི་བསམ་པ་ཅན་ཡིན་པས། དེ་ལྟ་བས་ན། ཁྱིམ་པ་སྦྲིད་པ་བྱུང་བ་</font><hr>Tha178b<br><font size=+2>


ལ་སོས་ཞེས་བརྗོད་པར་བྱའོ། །གཞན་ཡང་དགེ་སློང་དག་རྒན་པ་སྦྲིད་པ་བྱུང་བ་ལ་ནི། ལངས་ནས་ཕྱག་བྱ་ཞིང ། གཞོན་པ་སྦྲད་\་ཥPRཱཌ?\་པ་བྱུང་བ་ལ་ནི། རྒན་པས་ནད་མེད་ཅིག་།ཅེས་བརྗོད་པར་བྱའོ། །སངས་རྒྱས་བཅོམ་ལྡན་འདས་གྲོང་ཁྱེར་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་ལྔ་ཚན་པ་རྣམས་ངེས་པ་ལ་ཞུགས་པ་དང་ལྡན་པས་ལེགས་པར་གསུངས་པའི་ཆོས་འདུལ་བ་ལ་བཙུན་པ་དེའི་ཚེ་དེ་དག་གིས་བཅའ་བར་བྱ་བ་གང་ཡིན་པ་དང ། བཟའ་བར་བྱ་བ་གང་ཡིན་པ་མི་ཤེས་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བཅའ་བ་ནི། ལྔ་སྟེ། རྩ་བའི་བཅའ་བ་དང ། སྡོང་བུའི་བཅའ་བ་དང ། ལོ་མའི་བཅའ་བ་དང ། མེ་ཏོག་གི་བཅའ་བ་དང ། འབྲས་བུའི་བཅའ་བའོ། །བཟའ་བ་ནི། ལྔ་སྟེ། ཕྱེ་མ་དང ། འབྲས་ཅན་དང ། ཟན་དྲོན་དང ། ཤ་དང ། སྣུམ་ཁུར་རོ། །དེ་དག་གིས་ཚོད་མ་གང་དག་དང་བཟའ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། འོ་མ་དང ། ཞོ་དང ། མར་གསར་དང ། མར་དང ། ཉ་དང ། ཤ་དང ། ཤ་སྐམ་དང ། གཞན་ཡང་རུང་བ་གང་ཡིན་པ་སྟེ། ཐ་ན་ཆུས་ཀྱང་བརླན་པར་བྱས་ཏེ་བཟའ་བར་བྱའོ། །དགེ་སློང་དག་།བརླན་པ་ཐམས་ཅད་ནི། ཉམས་སྐྱེད་པར་བྱེད་པ་ཡིན་ནོ། །སྡོམ་ལ། </font><hr>Tha179a<br><font size=+2>


༄#། །སྒོ་འཕར་གྱི་ནི་ལག་ཟུངས་དང ། །སྐར་ཁུང་དག་གི་དྲ་བ་དང ། །མ་དཔྱིས་དང་ནི་ཡ་དཔྱིས་དང ། །རྐེད་གཏན་དབྱི་གུ་སྐམ་ཁའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་གནས་ཁང་དག་རྩིག་ཅིང་སྒོ་གདོད་པར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། སྒོ་གདོད་པར་བྱའོ། །དགེ་སློང་རྣམས་ཀྱིས་སྒོ་བཏོད་ཅིང་སྒོ་འཕར་འཇུག་པར་མི་བྱེད་པས་བསམ་གཏན་དང ། འདོན་པ་ལ་ཞུགས་པ་དག་སྣང་སྟེ། དེ་དག་བྲམ་ཟེ་དང ། ཁྱིམ་བདག་གིས་མཐོང་ནས་ཉེ་བར་འོངས་ཏེ། དེ་དག་གཏམ་བརྗོད་པས་སེམས་རྩེ་གཅིག་པ་ཉིད་དུ་མ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སྒོ་འཕར་གཞུག་པར་བྱའོ། །དགེ་སློང་དག་གིས་སྒོ་འཕར་བཅུག་ཅིང་ལག་ཟུངས་ཡང་མིག་མ་བཏགས་པས་དབྱེ་དཀའ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལག་ཟུངས་ཡང་མིག་གདགས་པར་བྱའོ། །དེ་ཕྱེ་བ་ན་སྒྲ་འབྱུང་ནས་བཅོམ་ལྡན་འདས་ཀྱིས་བཀའ་སྩལ་པ། ཀོ་བའི་དུམ་བུ་གཞུག་པར་བྱའོ། །སྐར་ཁུང་མ་བཏོད་པས་མུན་གནག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་གདོད་པར་བྱའོ། །ཧ་ཅང་ཡང་དམའ་བར་བཏོད་ནས་ཆོམ་རྐུན་པ་དང་གཡོན་ཅན་དག་</font><hr>Tha179b<br><font size=+2>


གིས་བགྲོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དམའ་བར་གདོད་པར་མི་བྱའོ། །ཧ་ཅང་མཐོ་བར་བཏོད་པ་དང ། ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དཀྱིལ་དུ་གདོད་པར་བྱའོ། །དགེ་སློང་དག་གི་ནང་རུབ་ལ་ཕྱི་ཡངས་པར་བྱས་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱི་རུབ་ལ་ནང་ཡངས་པ་རྒྱ་མཚོའི་རྣམ་པ་ལྟ་བུར་གདོད་པར་བྱའོ། །བྱིའུ་དང་ཕུག་རོན་དག་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། དྲ་བ་བྱའོ། །དགེ་སློང་དག་གིས་དྲ་བ་བྱས་ཤིང་སྒོ་གླེགས་མ་བཅུག་པས། སྦྲུལ་དང ། སྡིག་པ་དང ། སྲིན་བུ་ཏྲེ་མ་བུ་ཀ་དང ། ཏྲེ་ལ་ཏ་དག་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། སྒོ་གླེགས་གཞུག་པར་བྱའོ། །དགེ་སློང་དག་གིས་སྒོ་གླགས་བཅུག་པ་དང ། འོག་མི་ཆགས་ནས་བཅོམ་ལྡན་འདས་ཀྱིས་བཀའ་སྩལ་པ། མ་དཔྱིས་གཞུག་པར་བྱའོ། །དགེ་སློང་དག་གིས་མ་དཔྱིས་བཅུག་ན་སྟེང་འདུག་ཏུ་མི་རུང་ནས་བཅོམ་ལྡན་འདས་ཀྱིས་བཀའ་སྩལ་པ། ཡ་དཔྱིས་གཞུག་པར་བྱའོ། །དགེ་སློང་དག་གིས་ཡ་དཔྱིས་བཅུག་ན། རླུང་གིས་ཕྱེ་ནས་བཅོམ་ལྡན་འདས་ཀྱིས་བཀའ་སྩལ་པ། འཕྲེད་གཏན་གཞུག་པར་བྱའོ། །དགེ་སློང་དག་གིས་འཕྲེད་གཏན་བཅུག་པ་དང ། གཅད་དཀའ་བ་དང ། དབྱེ་དཀའ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དབྱི་གུ་</font><hr>Tha180a<br><font size=+2>


༄#། །སྐམ་ཁ་བཅང་བར་བྱ་སྟེ། དེས་གཅད་པ་དང་དབྱེ་བར་བྱའོ། །སྡོམ་ལ། གསོར་དང་ལྕགས་ཀྱི་ཐུ་ལུམ་དང ། །ཕོར་པ་ཤིང་གི་ཐལ་ཕྱགས་དང ། །རྟོ་གུ་ཁྲི་དང་རྒྱབ་རྟེན་དང ། །རྟ་རེ་དང་ནི་གཟོང་བུ་འོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། བཅོམ་ལྡན་འདས་ཀྱིས་སྒོ་འཕར་ལ་ལག་ཟུངས་ཀྱི་ཡང་མིག་གདགས་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་སྒོ་འཕར་ལ་ཡང་མིག་གིས་བརྐོས་ཏེ་སྒོ་འཕར་གས་ནས་བཅོམ་ལྡན་འདས་ཀྱིས་བཀའ་སྩལ་པ། སྒོ་འཕར་ལ་བརྐོ་བར་མི་བྱའོ། །བཅོམ་ལྡན་འདས་ཀྱིས་སྒོ་འཕར་ལ་བརྐོ་བར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཡང་མིག་བཏགས་ཏེ་དྲངས་ན། མི་བརྟན་ཞིང་ཕྱིར་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། གསོར་བ་བཅང་བར་བྱ་ཞིང ། དེས་ཕུག་ལ་ཡང་མིག་གདགས་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་པི་ལིན་ངའི་བུ་གང་གི་ཚེ་རབ་ཏུ་བྱུང་ནས་ཞེས་བྱ་བ་ནས་ཚེ་དང་ལྡན་པ་དག་།བདག་ན་སྟེ། མི་བདེའོ། །ཞེས་བྱ་བའི་བར་སྔ་མ་བཞིན་ནོ། །གནས་བརྟན། </font><hr>Tha180b<br><font size=+2>


ཁྱོད་ཅི་ན། ཚེ་དང་ལྡན་པ་དག་།བདག་རླུང་ནད་ནའོ། །གནས་བརྟན། སྨན་ཅུང་ཟད་མཛོད་ཅིག་།ཚེ་དང་ལྡན་པ་དག་།སྔོན་ནི། བདག་གིས་ལྕགས་ཀྱི་ཐུ་ལུམ་བསྲེགས་ཏེ་དེས་ཆབ་བསྲོས་ནས་ལུས་རྔུལ་བར་བགྱིས་སོ། །གནས་བརྟན། ད་ཅིའི་སླད་དུ་མི་སྲེལ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། རླུང་ནད་ཅན་གྱིས་ལྕགས་ཀྱི་ཐུ་ལུམ་བཅང་བར་བྱ་སྟེ། དེས་ཆུ་བསྲོས་ལ་ལུས་རྡུལ་བར་བྱའོ། །བཅོམ་ལྡན་འདས་ཀྱིས་ལྕགས་ཀྱི་ཐུ་ལུམ་བཅང་བར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་དེ་བསྲེགས་པ་དབྱུང་མ་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། ལྕགས་ཐག་གིས་གདགས་པར་བྱའོ། །དགེ་སློང་དག་གིས་ལྕགས་ཐག་ཀྱང་མེར་བཅུག་པས་དེ་ཡང་ཚ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དེར་གཞུག་པར་མི་བྱའི། དེ་གཤེར་བའི་ནང་དུ་བཅུག་ལ་ལྕགས་ཀྱི་ཐུ་ལུམ་བསྲེག་པར་བྱའོ། །དེ་དག་ལྕགས་ཀྱི་ཐུ་ལུམ་རྩཝ་ཨུ་ཥ་ཏུ་གས་རུང་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་རུང་བར་མི་བྱའི། །བསྲེགས་པ་ཉིད་དེའི་རུང་བ་ཡིན་ནོ། །དགེ་སློང་དག་དང་པོར་ཡོངས་སུ་སྤྱད་པའི་ཆུ་སྲོ་བར་བྱེད་ཅིང ། ཕྱིས་རུང་བའི་ཆུ་སྲོ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། སྔར་རུང་བའི་ཆུ་བསྲོ་</font><hr>Tha181a<br><font size=+2>


༄#། །བར་བྱ་ཞིང ། ཕྱིས་ཡོངས་སུ་སྤྱད་པའི་ཆུ་བསྲོ་བར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀའི་གནས་ན་བཞུགས་སོ། །ཚེ་དང་ལྡན་པ་པི་ལིན་དའི་བུ་གང་གི་ཚེ་རབ་ཏུ་བྱུང་བ་ནས་ཞེས་བྱ་བ་ནས་ཚེ་དང་ལྡན་པ་དག་།བདག་ན་སྟེ། མི་བདེའོ། །ཞེས་བྱ་བའི་བར་སྔ་མ་བཞིན་ནོ། །གནས་བརྟན། ཁྱོད་ཅི་ན། ཚེ་དང་ལྡན་པ་དག་།འདི་དང ། འདི་ནའོ། །གནས་བརྟན། སྨན་ཅུང་ཟད་མཛོད་ཅིག་།ཚེ་དང་ལྡན་པ་དག་།སྔོན་ནི། བདག་གིས་སྨན་ཕོར་བཅངས་སོ། །གནས་བརྟན། ད་ཅི་སྟེ་མི་བཅང ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། སྨན་ཕོར་བཅང་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། ཁྱིམ་བདག་ཅིག་གིས་དགེ་འདུན་གྱི་བསྲོ་ཁང་བྱས་ན། དེར་སོལ་བ་དག་བདལ་ཏེ་འཇོག་ནས་བཅོམ་ལྡན་འདས་ཀྱིས་བཀའ་སྩལ་པ། བསྡུ་བར་བྱའོ། །བཅོམ་ལྡན་འདས་ཀྱིས་སོལ་བ་དག་བསྡུ་བར་བྱའོ། །ཞེས་བཀའ་སྩལ་པ་དང ། དགེ་སློང་དག་ཅིས་བསྡུ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ལྕགས་ཀྱི་ཐལ་ཕྱགས་བྱས་ལ་དེས་བསྡུ་བར་</font><hr>Tha181b<br><font size=+2>


བྱའོ། །བཅོམ་ལྡན་འདས་ཀྱིས་ཐལ་ཕྱགས་བྱའོ། །ཞེས་བཀའ་སྩལ་ན། དགེ་སློང་དགོན་པ་བདག་ལ་དེའི་འབྱོར་པ་མེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཤིང་གི་ཐལ་ཕྱགས་བྱེད་དུ་གཞུག་གོ་།བཅོམ་ལྡན་འདས་ཀྱིས་ཤིང་གི་ཐལ་ཕྱགས་བྱེད་དུ་གཞུག་གོ་།ཞེས་བཀའ་སྩལ་པ་དང་དགེ་སློང་དག་གིས་ཐལ་ཕྱགས་ཇི་ལྟ་བུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། མགོ་སྦོམ་པོར་བྱས་ལ་དེ་ནས་ལྕི་བ་དང་འཇིམ་པས་བསྐུས་ཏེ་དེས་སོལ་བ་བསྡུ་བར་བྱའོ། ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ན་ནས་སྨན་པའི་གན་དུ་སོང་སྟེ་སྨྲས་པ། བཞིན་བཟང ། ཁོ་བོ་ལ་ནད་འདི་ལྟ་བུ་བྱུང་ན། སྨན་སྟོན་ཅིག་།དེས་སྨྲས་པ། འཕགས་པ་འདི་དང་འདི་མཛོད་ཅིག་དང ། ཁྱོད་སོས་པར་འགྱུར་རོ། །དེ་ལ་སྨན་སྦྱར་བའི་རྟོ་གུ་དགོས་ནས་དེ་ཁྱིམ་བདག་ཅིག་གི་གན་དུ་སོང་སྟེ་རྟོ་གུ་བརྙས་པ་དང ། དེས་དེ་ལ་རྟོ་གུ་བྱིན་ནོ། །དེས་སྨན་སྦྱར་ཏེ་སླར་ཁྱིམ་བདག་དེ་ཉིད་ལ་བྱིན་པ་དང ། དེས་སྨྲས་པ། འཕགས་པ། ཁྱོད་ཀྱི་ལགས་ཀྱི། བཞུད་ཅིག་།དེས་སྨྲས་པ། ཁྱིམ་བདག་།བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། གལ་ཏེ་དེ་ལྟ་ན་ཞོག་ལ་གཞུག་གོ་།སྐབས་དེ། དགེ་སློང་དག་གིས་བཅོམ་ལྡན་འདས་</font><hr>Tha182a<br><font size=+2>


༄#། །ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། རྟོ་གུ་བཅང་བར་བྱའོ། །རི་དྭགས་འཛིན་གྱི་མ་ས་གས་བཅོམ་ལྡན་འདས་ཀྱིས་དགེ་སློང་རྣམས་ལ་རྟོ་གུ་ཇི་ལྟར་འཆང་དུ་གནང་བ་ཐོས་ནས་དེས་ལྕགས་ཀྱི་རྟོ་གུ་ལྔ་བརྒྱ་ཕུལ་ན། དགེ་སློང་དག་གིས་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རྒན་རིམ་ཇི་ལྟ་བ་བཞིན་བྲིམ་པར་བྱའོ། །བཅོམ་ལྡན་འདས་ཀྱིས་རྒན་རིམ་ཇི་ལྟ་བ་བཞིན་བྲིམ་པར་བྱའོ། །ཞེས་བཀའ་སྩལ་པ་དང ། གཞོན་པའི་མཐར་མ་ཁྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མ་ཐོབ་པ་གང་ཡིན་པ་དེ་དག་ལ་ཁམ་པའི་རྟོ་གུ་སྦྱིན་པར་བྱའོ། ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ས་ལ་ཉལ་བས་དེའི་ཁ་ཟས་མ་ཞུ་བར་གྱུར་ནས། དེས་ཁྱིམ་བདག་ཅིག་གིས་གན་དུ་སོང་སྟེ་ཁྲི་བརྙས་ནས་དེའི་སྟེང་དུ་ཉལ་བས་སོས་ཏེ་སླར་དེ་ལ་བྱིན་པ་དང ། དེས་སྨྲས་པ། འཕགས་པ། ཁྱོད་ཉིད་ཀྱི་ལགས་ཀྱི། བཞུད་ཅིག། ཁྱིམ་བདག་།བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། གལ་ཏེ་དེ་ལྟ་ན། ཞོག་ལ་བཞུད་ཅིག་།སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་</font><hr>Tha182b<br><font size=+2>


པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་གིས་ཁྲི་བཅང་བར་བྱའོ། །རི་དྭགས་འཛིན་གྱི་མ་ས་གས་བཅོམ་ལྡན་འདས་ཀྱིས་དགེ་སློང་རྣམས་ལ་ཁྲི་བོག་རི་ཅན་ཇི་ལྟར་གནང་བ་ཐོས་ནས་དེས་ཁྲི་བོག་རི་ཅན་ལྔ་བརྒྱ་ཕུལ་ན། དགེ་སློང་རྣམས་ཀྱིས་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རྒན་རིམ་ཇི་ལྟ་བ་བཞིན་བྲིམ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ལ་རྒྱབ་རྟེན་དགོས་པར་གྱུར་ནས་དེས་ཁྱིམ་བདག་ཅིག་ལ་བརྙས་ཏེ་དེས་དགོས་པ་བྱས་ནས་སླར་བྱིན་པ་དང ། དེས་སྨྲས་པ། འཕགས་པ། ཁྱོད་ཉིད་ཀྱི་ལགས་ཀྱི། བཞུད་ཅིག་།ཁྱིམ་བདག། བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། གལ་ཏེ་དེ་ལྟ་ན། ཞོག་ལ་བཞུད་ཅིག་།སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་གིས་རྒྱབ་རྟེན་བཅང་བར་བྱའོ། །རི་དྭགས་འཛིན་གྱི་མ་ས་གས་བཅོམ་ལྡན་འདས་ཀྱིས་དགེ་སློང་རྣམས་ལ་རྒྱབ་རྟེན་ཇི་ལྟར་གནང་བ་ཐོས་ནས་དེས་རྒྱབ་རྟེན་ལྔ་བརྒྱ་ཕུལ་ན། དགེ་སློང་རྣམས་ཀྱིས་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རྒན་རིམ་བཞིན་</font><hr>Tha183a<br><font size=+2>


༄#། །བྲིམ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་བཙོ་བླག་གི་ལས་བྱེད་པ་དེ་ལ་སྟ་རེ་དགོས་པར་གྱུར་ནས་དེས་ཁྱིམ་བདག་ཅིག་ལ་བརྙས་ཏེ། དེས་དགོས་པ་བྱས་ནས་སླར་བྱིན་པ་དང ། དེས་སྨྲས་པ། འཕགས་པ། ཁྱོད་ཉིད་ཀྱི་ལགས་ཀྱི། བཞུད་ཅིག་།ཁྱིམ་བདག་།བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། གལ་ཏེ་དེ་ལྟ་ན། ཞོག་ལ་བཞུད་ཅིག་།སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་གིས་སྟ་རེ་བཅང་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གི་ཁྲིའི་ཡ་ཐོག་ཆག་ནས་དེས་ཁྱིམ་བདག་ཅིག་ལས་གཟོང་བུ་བརྙས་ཏེ། དེས་དགོས་པ་བྱས་ནས་སླར་བྱིན་པ་དང ། དེས་སྨྲས་པ། འཕགས་པ། ཁྱོད་ཉིད་ཀྱི་ལགས་ཀྱི། བཞུད་ཅིག་།ཁྱིམ་བདག་།བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། གལ་ཏེ་དེ་ལྟ་ན། ཞོག་ལ་བཞུད་ཅིག་།སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་</font><hr>Tha183b<br><font size=+2>


ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་དག་གིས་གཟོང་བུ་བཅང་བར་བྱའོ། །སྡོམ་ལ། སྟེའུ་དང་སྐས་ནི་གསུམ་དག་དང ། །སྒྲེའུ་དང་ནད་པ་ཕན་གདགས་དང ། །ཤིང་དང་རྡོ་དང་ས་དག་གི་།ཐང་མ་སྐས་གསུམ་གནང་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གི་ཁྲིའི་རྐང་པ་ཆག་སྟེ། དེ་ལ་སྟེའུ་དགོས་ནས་དེས་ཁྱིམ་བདག་ཅིག་ལ་སྟེའུ་བརྙས་ནས། དེས་དགོས་པ་བྱས་ནས་སླར་བྱིན་པ་དང ། དེས་སྨྲས་པ། འཕགས་པ། ཁྱོད་ཉིད་ཀྱི་ལགས་ཀྱི། བཞུད་ཅིག་།དེས་སྨྲས་པ། ཁྱིམ་བདག་།བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། གལ་ཏེ་དེ་ལྟ་ན། ཞོག་ལ་བཞུད་ཅིག་།སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་གིས་སྟེའུ་བཅང་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་ཤར་གྱི་ཀུན་དགའ་ར་བ་ན་རི་དྭགས་འཛིན་གྱི་མའི་ཁང་བཟང་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་དག་གིས་རྩིག་པའི་གྲོགས་བྱའོ། །ཞེས་བཀའ་སྩལ་པས། དགེ་སློང་དག་མཆོད་རྟེན་དང ། གཙུག་ལག་ཁང་རྩིག་པའི་གྲོགས་བྱེད་དོ། །ཇི་ཙམ་ན་རི་དྭགས་འཛིན་གྱི་མའི་ཁང་བཟང་མཐོན་</font><hr>Tha184a<br><font size=+2>


༄#། །པོར་བརྩིགས་པས། དེ་ལ་འཛེག་དགོས་པར་གྱུར་ན། དགེ་སློང་དག་གིས་ཅི་ལས་འཛེག་པར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སྐས་ལས་འཛེག་པར་བྱའོ། །བཅོམ་ལྡན་འདས་ཀྱིས་སྐས་ལས་འཛེག་པར་བྱའོ། ཞེས་བཀའ་སྩལ་པ་དང ། དགེ་སློང་དག་སྐས་དུ་ཡོད་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྐས་ནི། རྣམ་པ་གསུམ་སྟེ། ཤིང་གི་དང ། ཐག་པའི་དང ། སྨྱུག་མའི་འོ། །སངས་རྒྱས་བཅོམ་ལྡན་འདས་སེར་སྐྱའི་གནས་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་གཅུང་པོ་དགེ་སློང་དགའ་བོ་ཞེས་བྱ་བ་དེའི་ལུས་གསེར་གྱི་མདོག་འདྲ་ཞིང ། སྐྱེས་བུ་ཆེན་པོ་མཚན་སུམ་ཅུ་ཅན་སྲིད་ཀྱང་བཅོམ་ལྡན་འདས་ལས་སོར་བཞིས་ཐུང་བ་ཞིག་ཡོད་པ་དེའི་ཆུང་མ་མཛེས་མ་ཞེས་བྱ་བ། གཟུགས་བཟང་བ། མཛེས་པ། བལྟ་ན་སྡུག་པ། སྐྱེས་པའི་ཡིད་དུ་འོང་བ་ཞིག་ཡོད་པ་དེ་ལ་དེ་ལྷག་པར་ཆགས་པ་དང ། ཞེན་པ་དང ། འཆུམས་པ་དང ། མདུད་པ་བོར་བ་དང ། བརྒྱལ་བ་དང ། ལྷག་པར་ཞེན་པ་དང ། ལྷག་པར་ཆགས་པར་གྱུར་ཏོ། །བཅོམ་ལྡན་འདས་ཀྱིས་དེ་གདུལ་བའི་དུས་ལ་བབ་པར་མཁྱེན་ནས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་ཕྱི་བཞིན་འབྲང་བའི་དགེ་སྦྱོང་ཀུན་དགའ་བོ་དང་སེར་སྐྱའི་གནས་སུ་བསོད་སྙོམས་ལ་གཤེགས་སོ། །སེར་སྐྱའི་གནས་</font><hr>Tha184b<br><font size=+2>


ན་བསོད་སྙོམས་མཛད་པ་དང ། དགའ་བོའི་ཁྱིམ་ག་ལ་བ་དེར་གཤེགས་ཏེ་བྱོན་ནས་བཅོམ་ལྡན་འདས་དེའི་སྒོར་བཞུགས་ཏེ་འོད་ཟེར་གསེར་གྱི་ཁ་དོག་ལྟ་བུ་བཏང་ནས་དེ་དག་གིས་ཁྱིམ་དེ་གསེར་ཞུན་མ་ལྟ་བུར་སྣང་བར་གྱུར་ཏོ། །དེས་བསམ་པ། ངེས་པར་བཅོམ་ལྡན་འདས་གཤེགས་ཏེ། དེས་ན་བདག་གི་ཁྱིམ་གསེར་ཞུན་མ་ལྟ་བུར་སྣང་བར་གྱུར་ཏོ། །སྙམ་ནས། དེས་མི་ཞིག་བཏང་སྟེ། ཀྱེ་མི་ཁྱོད་སོང་ལ། སྒོ་ན་མི་སུ་ཡོད་ལྟོས་ཤིག་།དེ་ཕྱིར་བྱུང་བ་ན། ཇི་ཙམ་ན་བཅོམ་ལྡན་འདས་མཐོང་ནས་དེ་རིངས་པ་རིངས་པར་ནང་དུ་སོང་སྟེ་དེས་སྨྲས་པ། ཇོ་བོ། བཅོམ་ལྡན་འདས་གཤེགས་ཏེ་ཆབ་སྒོ་ན་བཞུགས་སོ། །དེ་གུས་པ་དང་བཅས་པས་འགྲོ་བར་བརྩམས་པ་དང ། མཛེས་མས་བསམ་པ། གལ་ཏེ་འདི་བཅོམ་ལྡན་འདས་ཀྱི་སྤྱན་སྔར་སོང་ན། འདི་ངེས་པར་བཅོམ་ལྡན་འདས་ཀྱིས་རབ་ཏུ་ཕྱུང་ངོ ། །སྙམ་ནས་དེས་གོས་ཀྱི་མཐའ་མ་ནས་བཟུང་སྟེ་རྗེའི་སྲས། མ་གཤེགས་པར་བཞུགས་ཤིག་།དེས་སྨྲས་པ། ཐོང་ཞིག་།བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་སླར་འོང་ངོ ། །དེས་དེ་ལ་མཚན་མ་བཏབ་ནས་སྨྲས་པ། རྗེའི་སྲས། གལ་ཏེ་ཁྱོད་འདི་བསྐམས་ཏེ་གཤེགས་ན། བདག་ཀཪྴ་པ་ཎ་ལྔ་བརྒྱ་དབང་ངོ ། །དེས་སྨྲས་པ། ལེགས་ཏེ། དེ་བཞིན་བྱའི། ཐོང་ཞིག་།དེས་དེ་དམ་བཅས་ནས་བཏང་སྟེ་སོང་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་བཅོམ་ལྡན་འདས་ལས་ལྷུང་བཟེད་བླངས་ནས་སླར་སོང་ངོ ། །དེ་ནས་བཟའ་བ་དང ། བཅའ་བ་</font><hr>Tha185a<br><font size=+2>


༄#། །གཙང་ཞིང་བསོད་པས་ལྷུང་བཟེད་བཀང་སྟེ་བྱུང་བ་དང ། བཅོམ་ལྡན་འདས་བཞེས་པ་ཉིད་དུ་མི་མཛད་པར་གཤེགས་ཤིང ། ཚེ་དང་ལྡན་པ་ཀུན་དགའ་བོ་ལ་ཡང་མ་ལེན་ཅིག་པའི་བརྡ་མཛད་དོ། །སངས་རྒྱས་བཅོམ་ལྡན་འདས་རྣམས་ནི། བསྙེན་པར་དཀའ་ཞིང་བཟོད་པར་དཀའ་བ་ཡིན་པས། སངས་རྒྱས་བཅོམ་ལྡན་འདས་ལ་བཞེས་ཞེས་སྨྲ་མ་ནུས་སོ། །དེ་ནས་ཚེ་དང་ལྡན་པ་ཀུན་དགའ་བོ་ལ་དབུལ་བར་བརྩམས་པ་དང ། དེས་སྨྲས་པ། དགའ་བོ། གང་ཁོ་ན་ལས་བླངས་པ་དེ་ཉིད་ལ་ཕུལ་ཅིག་།དེ་སྤོབས་པ་མེད་པར་གྱུར་ནས་བཅོམ་ལྡན་འདས་ཀྱི་ལྷུང་བཟེད་ཁྱེར་ནས་ཆས་ཏེ་བཅོམ་ལྡན་འདས་གཙུག་ལག་ཁང་དུ་གཤེགས་ཏེ་བཞུགས་པ་དང ། དགའ་བོས་ལྷུང་བཟེད་ཕུལ་ལོ། །དེ་ནས་བཅོམ་ལྡན་འདས་ཀྱིས་ཞལ་ཟས་ཀྱི་མཛད་པ་མཛད་ནས་དགའ་བོ་ལ་བཀའ་སྩལ་པ། དགའ་བོ། ལྷུང་བཟེད་ཀྱི་ལྷག་མ་ཟོ་ཞིག་།བཅོམ་ལྡན་འདས། འཚལ་ལོ། །བཅོམ་ལྡན་འདས་ཀྱིས་དེ་ལ་ལྷུང་བཟེད་ཀྱི་ལྷག་མ་སྩལ་ནས་དེས་ཟོས་སོ། །ཟོས་ནས་བཅོམ་ལྡན་འདས་ཀྱིས་བཀའ་སྩལ་པ། དགའ་བོ། ཁྱོད་ཅི་སྟེ་རབ་ཏུ་མི་འབྱུང་ངམ། འདི་ལྟར་བཅོམ་ལྡན་འདས་ཀྱིས་གདུང་རབས་དེ་དང་དེ་དག་ཏུ་ཡབ་ཡུམ་དང ། མཁན་པོ་དང ། སློབ་དཔོན་དང ། གཞན་ཡང་བླ་མའི་གནས་ལྟ་བུ་དག་གིས་ཆོས་དང་ལྡན་པའི་ཚིག་འགའ་</font><hr>Tha185b<br><font size=+2>


ཡང་མ་བཅག་པས། དེས་སྨྲས་པ། བཅོམ་ལྡན་འདས། བདག་རབ་ཏུ་འབྱུང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགའ་བོའི་སྐྲ་དང་ཁ་སྤུ་བྲེགས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ནས་འབྲེག་མཁན་གཉེར་ཏེ་བྲེགས་པར་བརྩམས་པ་དང ། དགའ་བོས་འབྲེག་མཁན་ལ། ཀཝའི་འབྲེག་མཁན། ང་ནི། རིང་པོ་མི་ཐོགས་པར་སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར་ཏེ། གལ་ཏེ་ཁྱོད་ཀྱིས་ངའི་སྐྲ་དང་ཁ་སྤུ་བྲེགས་ན། ངས་ཁྱོད་ཀྱི་ལག་པ་མཁྲིག་མ་མན་ཆད་གཅད་དོ། །ཞེས་བསྡིགས་པས། དེ་སྐྲག་སྟེ། འབྲེག་སྤྱད་བརྟུལ་ཏེ་འདུག་པ་དང ། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཚེ་དང་ལྡན་པ་དགའ་བོ་ག་ལ་བ་དེར་གཤེགས་ཏེ་བྱོན་ནས་བཀའ་སྩལ་པ། དགའ་བོ། ཁྱོད་རབ་ཏུ་མི་འབྱུང་ངམ། དེས་གསོལ་པ། བཅོམ་ལྡན་འདས། རབ་ཏུ་འབྱུང་ངོ ། །དེ་ནས་བཅོམ་ལྡན་འདས་ཉིད་ཁོ་ནས་ཆུ་སྣོད་ནས་མགོར་ཆུ་བླུགས་ཤིང ། འབྲེག་མཁན་གྱིས་སྐྲ་དང ། ཁ་སྤུ་བྲེགས་པ་དང ། དེས་བསམ་པ། རེ་ཞིག་བཅོམ་ལྡན་འདས་ལ་གུས་པར་བྱ་བའི་ཕྱིར་རབ་ཏུ་བྱུང་ལ། ནམ་སྲོས་ནས་འགྲོའོ། །སྙམ་ནས་དེ་ནམ་སྲོས་ནས་སོང་བ་དང ། བཅོམ་ལྡན་འདས་ཀྱིས་གཡང་ས་ཞིག་སྤྲུལ་ཏོ། །དགའ་</font><hr>Tha186a<br><font size=+2>


༄#། །བོས་བསམ་པ། མཛེས་མ་དང་ཐག་རིང་བ་ཉིད་དུ་གྱུར་ཅིང ། བདག་གཞན་ཁོ་ནར་མཆི་བར་འགྱུར་གྱི། ནམ་ནངས་ཏེ་འགྲོའོ། །སྙམ་ནས་དེ་ཤིན་ཏུ་བཟང་མོ་ལ་རྣམ་པར་རྟོག་ཅིང་སྡུག་བསྔལ་བས་མཚན་མོ་འདས་སོ། །བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་སོང་ལ་དགའ་བོ་ལ་ཁྱོད་ཁང་སྐྱོང་བྱོས་ཤིག་།ཅེས་སྒོས་ཤིག་།དེས་སོང་ནས་ཚེ་དང་ལྡན་པ་དགའ་བོ། བཅོམ་ལྡན་འདས་ཀྱིས་ཁྱོད་ཁང་སྐྱོང་བྱོས་ཤིག་།ཅེས་བཀའ་སྩལ་ཏོ། །ཞེས་དེ་ལ་བསྒོའོ། །དེས་སྨྲས་པ། བཙུན་པ། ཀུན་དགའ་བོ། ཁང་སྐྱོང་ཞེས་བྱ་བ་དེ་ཅི་ལགས། དེ་ཇི་ལྟ་བུ་དག་བགྱི། དེས་སྨྲས་པ། ཚེ་དང་ལྡན་པ་དགའ་བོ། གཙུག་ལག་ཁང་གི་ལས་བྱ་སྟེ། དགེ་སློང་རྣམས་བསོད་སྙོམས་ལ་དོང་ནས་དང་པོར་ཇེ་གཙུག་ལག་ཁང་ཕྱག་དར་བྱ་ཞིང ། དེ་ནས་བ་ལང་གི་ལྕི་བ་གསར་པས་སྐྱང་ནུལ་བྱ། གཙུག་ལག་ཁང་བསྲུང་བར་བྱ། དགེ་སློང་རྣམས་ཀྱིས་སྨྲས་པ་གང་ཡིན་པ་དེ་བརྗོད་པར་བྱ། དྲི་དང ། མེ་ཏོག་དང ། བདུག་སྤོས་ལ་སོགས་པ་ཇི་ཡོད་པ་དེ་དག་ཀྱང་དགེ་འདུན་ལ་བྲིམ་པར་བྱ། ནུབ་མོ་སྒོ་གཅད་པར་བྱ་ཞིང ། ནང་པར་དབྱེ་བར་བྱ། བཤང་བའི་གནས་དང ། གཅི་བའི་གནས་དག་ཀྱང་སྦྱང་བར་བྱ་ཞིང ། གཞན་ཡང་གཙུག་ལག་ཁང་དང་འབྲེལ་བའི་བྱ་བ་གང་</font><hr>Tha186b<br><font size=+2>


ཡིན་པ་དེ་དག་བྱའོ། །དེས་སྨྲས་པ། བཙུན་པ་ཀུན་དགའ་བོ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཇི་ཙམ་ན་དགེ་སློང་རྣམས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་སེར་སྐྱའི་གནས་སུ་བསོད་སྙོམས་ལ་ཞུགས་པ་དང ། དགའ་བོས་བསམ་པ། གཙུག་ལག་ཁང་ཕྱགས་ལ་འགྲོའོ། །སྙམ་ནས་དེས་ཕྱག་དར་བྱས་པ་དང ། བཅོམ་ལྡན་འདས་ཀྱིས་གང་གི་ཚེ་ཁྱམས་གཅིག་ཕྱག་པ་དེའི་ཚེ་གཉིས་པ་ཕྱག་དར་གྱིས་གང་བར་གྱུར་པ་དེ་ལྟར་བྱིན་གྱིས་བརླབས་སོ། །དེས་བསམ་པ། ཕྱག་དར་བོར་ལ་འགྲོའོ། །སྙམ་ན། དེས་ཕྱགས་མ་བཞག་སྟེ་ཕྱག་དར་དབོ་བར་བརྩམས་པ་དང་ཟད་པར་མ་གྱུར་ནས་དེས་བསམ་པ། གནས་ཁང་རྣམས་ཀྱི་སྒོ་བཅད་ལ་འགྲོའོ། །སྙམ་ནས་དེས་གནས་ཁང་རྣམས་ཀྱི་སྒོ་བཅད་པར་བརྩམས་པ་དང ། བཅོམ་ལྡན་འདས་ཀྱིས་དེས་གང་གི་ཚེ་གནས་ཁང་གཅིག་གི་སྒོ་བཅད་པ་དེའི་ཚེ་གཞན་བྱེ་བར་གྱུར་པ་དེ་ལྟ་བུར་བྱིན་གྱིས་བརླབས་པས་དེ་སྐྱོ་ནས་སྨྲས་པ། བདག་རྒྱལ་པོར་གྱུར་ནས་འདི་བས་ཆེས་ལྷག་པའི་གཙུག་ལག་ཁང་བྱའི་འགྲོའོ། །ཡང་བསམ་པ། གསེབ་ལམ་དུ་འགྲོའོ། །སྙམ་ནས་དེས་གསེབ་ལམ་དུ་སོང་ནས་བཅོམ་ལྡན་འདས་ཀྱིས་དེའི་སེམས་ཀྱི་རྟོག་པ་ཐུགས་ཀྱིས་མཁྱེན་ནས་ལམ་དེ་ཉིད་དུ་གཤེགས་སོ། །དེས་བཅོམ་ལྡན་འདས་ཐག་རིང་པོ་ཁོ་ན་ནས་མཐོང་ནས་དེ་དང་ཧ་ཅང་མི་རིང་བ་ན། ཤིང་</font><hr>Tha187a<br><font size=+2>


༄#། །ཡལ་ག་སྟུག་པོ་ཐུར་དུ་འཕྱང་བ་ཞིག་ཡོད་པ་དེར་མྱུར་བ་མྱུར་བ་ཉིད་དུ་སོང་སྟེ་དེའི་འོག་ཏུ་གབ་ནས་འདུག་པ་དང ། བཅོམ་ལྡན་འདས་ཀྱིས་ཤིང་དེའི་ཡལ་ག་རྣམས་ཇི་ལྟར་གྱེན་དུ་འཕགས་པར་གྱུར་པ་དེ་ལྟར་བྱིན་གྱིས་བརླབས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དགའ་བོ། ཁྱོད་གར་འགྲོ། ཚུར་ཤོག་།འདོད་དེ་སྤོབས་པ་མེད་པར་གྱུར་ཅིང་ངོ་ཚ་བའི་ཡིད་ཀྱིས་བཅོམ་ལྡན་འདས་ཀྱི་ཕྱི་བཞིན་སོང་ངོ ། །བཅོམ་ལྡན་འདས་ཀྱིས་དགོངས་པ། འདི་ཤིན་ཏུ་བཟང་མོ་ལ་ལྷག་པར་ཆགས་པས་འདི་དེ་དང་འབྲལ་བར་བྱའོ། །སྙམ་དུ་མཁྱེན་ནས་དེ་དེ་དང་དབྲལ་བར་བྱ་བའི་ཕྱིར་སེར་སྐྱའི་གནས་སུ་ཇི་ཙམ་བཞེད་པ་བཞུགས་ནས་མཉན་ཡོད་ག་ལ་བ་དེར་རྒྱུ་ཞིང་གཤེགས་ཏེ་ཁད་ཀྱིས་མཉན་ཡོད་དུ་གཤེགས་པ་དང ། རི་དྭགས་འཛིན་གྱི་མ་ས་གས། བཅོམ་ལྡན་འདས་ཀྱི་གཅུང་དགའ་བོ་ཞེས་བྱ་བ་དེའི་ལུས་གསེར་གྱི་མདོག་འདྲ་ཞིང་སྐྱེས་བུ་ཆེན་པོའི་མཚན་སུམ་ཅུ་ཅན། བཅོམ་ལྡན་འདས་པས་སོར་བཞིས་ཐུང་བ་དེ། བཅོམ་ལྡན་འདས་དང་ཐབས་ཅིག་འདིར་འོངས་སོ། །ཞེས་ཐོས་ནས་དེ་དག་གིས་ནམ་མཐོང་སྙམ་མོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་གཅིག་པ། དེ་ནས་ཚེ་དང་ལྡན་པ་དགའ་བོ་དུས་གཞན་ཞིག་ན་སྔ་དྲོ་ཤམ་ཐབས་བགོས། ལྷུང་</font><hr>Tha187b<br><font size=+2>


བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེ་ཁད་ཀྱིས་རི་དྭགས་འཛིན་གྱི་མ་ས་གའི་ཁྱིམ་དུ་སོང་ངོ ། །དེས་དེའི་གཟུགས་བཟང་ཞིང་ཁ་དོག་ཤིན་ཏུ་རྒྱས་པ་མཐོང་ནས་བསམ་པ། འདི་ནི། ངེས་པར་བཅོམ་ལྡན་འདས་ཀྱི་མཆེད་དགའ་བོ་ཡིན་ནོ། །སྙམ་ནས་དེ་དད་པ་སྐྱེས་ཏེ་དེའི་རྐང་པ་ལ་གཏུགས་ནས་ཕྱག་བྱས་སོ། །དེས་དེའི་རྐང་པ་ལ་རེག་པ་དང ། བུད་མེད་ཀྱི་རེག་པ་ནི། དུག་ཡིན་པས། དེ་འདོད་ཆགས་བདོ་བས་དེའི་ཁུ་བ་གཏོར་ནས་ས་གའི་མགོར་ལྷུང་བ་དང ། སངས་རྒྱས་བཅོམ་ལྡན་འདས་རྣམས་ནི། བསྙེལ་བ་མི་མངའ་བའི་ཆོས་ཅན་ཡིན་པས། བཅོམ་ལྡན་འདས་ཀྱིས་དེ་ཏུ་རུ་ཀའི་འབྲུ་མར་དུ་བྱིན་གྱིས་བརླབས་སོ། །དེས་བསམ་པ། འདི་ན་ཏུ་རུ་ཀའི་འབྲུ་མར་ག་ལས་འབྱུང ། ངེས་པར་འཕགས་པ་དགའ་བོས་མི་གཙང་བ་ཤོར་ལ། བཅོམ་ལྡན་འདས་བསྙེལ་བ་མི་མངའ་བའི་ཆོས་ཅན་དེས། འདི་ཏུ་རུ་ཀའི་འབྲུ་མར་དུ་བྱིན་གྱིས་བརླབས་སོ། །སྙམ་དུ་རིག་ནས་ཡིད་རངས་པས་ཡི་རང་ཞིང ། ཀྱེ་མའོ་སངས་རྒྱས། ཀྱེ་མའོ་ཆོས། ཀྱེ་མའོ་དགེ་འདུན། ཀྱེ་མའོ་ཆོས་ལེགས་པར་གསུངས་པ་ཉིད། འདི་ལྟར་ད་ནི། འཕགས་པ་དགའ་བོ་ལ་སོགས་པ་འདོད་ཆགས་ཤས་ཆེ་བ་དག་ཀྱང་ཚངས་པར་སྤྱད་པ་སྤྱོད་དོ། །ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་ཚེ་དང་ལྡན་པ་དགའ་བོ་བདག་ལ་དགེ་འདུན་ལྷག་མའི་ལྟུང་བ་བྱུང་བར་མ་གྱུར་</font><hr>Tha188a<br><font size=+2>


༄#། །ཏམ་སྙམ་ནས་འགྱོད་པ་སྐྱེས་ཏེ། དེས་སྐབས་དེ། དགེ་སློང་རྣམས་ལ་བརྗོད་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་དགའ་བོ་འདོད་ཆགས་ལྷག་པར་ཆེ་བ་འདི་ལ་ལྟུང་བ་མེད་དོ། །དེ་ལྟ་བས་ན། རྗེས་སུ་གནང་སྟེ། འདོད་ཆགས་ལྷག་པར་ཆེ་བར་གྱུར་པ་དེ་ལྟ་བུ་གང་དག་ཡིན་པ་དེ་དག་གིས་འཛག་སྣོད་བཅང་བར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་འདོད་ཆགས་ལྷག་པར་ཆེ་བས་སྒེའུ་བཅང་བར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཅིའི་པགས་པའི་སྒེའུ་བཅང་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ར་དང ། རི་དྭགས་དང ། བྱི་བ་དང་གསུམ་གྱི་པགས་པའི་སྒེའུ་བཅང་བར་བྱའོ། །དེ་དག་གིས་དེ་བཞིན་བཞག་པས་དྲི་མི་ཞིམ་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བཀྲུ་བར་བྱ། མཉེ་བར་བྱ། བསྐམ་པར་བྱའོ། །དེ་དག་གིས་ཇི་སྲིད་བཀྲུས་ནས་སྐེམ་པར་བྱེད་པ་དེའི་བར་དུ་དེ་དག་བུད་མེད་མཐོང་ནས་ཁུ་བ་གཏོར་བས་ཤམ་ཐབས་དབྲ་དབྲེར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གཉིས་བྱས་ལ་གཅིག་བསྐམ་པར་བྱ་ཞིང ། གཅིག་གདགས་པར་བྱའོ། །ཁ་ཅིག་ཁུ་བ་ལྷག་པར་མང་དུ་བྱུང་བས་དེ་གཤེར་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེར་ཕྲུ་བླུག་པར་བྱའོ། །དགེ་</font><hr>Tha188b<br><font size=+2>


སློང་དག་གིས་སོ་ཕག་གི་བུར་མ་དག་བླུགས་པས་སྡུག་བསྔལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བྱེ་མའམ་སའི་ཕྲུ་བླུག་པར་བྱའོ། །དགེ་སློང་དག་དེ་བཏགས་བཞིན་དུ་ཟས་ཟ་བར་བྱེད་ཅིང་མཆོད་རྟེན་ལ་ཕྱག་འཚལ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ཕྱོགས་དབེན་པ་ཞིག་ཏུ་བཞག་ལ་ཁྲུས་བྱས་ནས་ཟས་བཟའ་བ་དང ། མཆོད་རྟེན་ལ་ཕྱག་དག་བྱའོ། །དེ་ནས་དུས་གཞན་ཞིག་ན་ཚེ་དང་ལྡན་པ་དགའ་བོ་ཕྱོགས་གཞན་ཞིག་ན་རྡོ་ལེབ་ལ་འདུག་པ་དང ། དེས་ཤིན་ཏུ་བཟང་མོ་དྲན་ནས་དེས་དེ་རྡོ་ལེབ་དེ་ལ་རི་ལུས་བྲི་བར་བརྩམས་པ་དང ། ཚེ་དང་ལྡན་པ་འོད་སྲུང་ཆེན་པོ་ཡང་དེར་འོངས་ཏེ། དེས་དེ་མཐོང་ནས་སྨྲས་པ། ཚེ་དང་ལྡན་པ་དགའ་བོ། ཁྱོད་ཅི་བྱེད། དེས་སྨྲས་པ། བཙུན་པ་འོད་སྲུང་ཆེན་པོ། བདག་ཤིན་ཏུ་བཟང་མོ་འབྲིའོ། །དེས་སྨྲས་པ། ཚེ་དང་ལྡན་པ། བཅོམ་ལྡན་འདས་ཀྱིས་དགེ་སློང་གི་བྱ་བ་ནི། གཉིས་ཏེ། བསམ་གཏན་དང ། གདོན་པའོ། །ཞེས་གསུངས་ན། ཁྱོད་རང་གི་ཆུང་མ་འབྲི་ཞིང་འདུག་གམ། དེ་ཅང་མི་སྨྲ་བར་འདུག་གོ་།སྐབས་དེ། ཚེ་དང་ལྡན་པ་འོད་སྲུང་ཆེན་པོས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་རི་མོ་འབྲི་བ་ལས་གྱུར་པར་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་སྐྱེས་བུ་གཏི་མུག་དགའ་བོས་ཤིན་ཏུ་བཟང་མོ་ལ་ཆགས་</font><hr>Tha189a<br><font size=+2>


༄#། །པའི་སེམས་ཀྱིས་རི་མོ་བྲིས་སོ། །དེ་ལྟ་བས་ན། དགེ་སློང་གིས་རི་མོ་བྲི་བར་མི་བྱའོ། །དགེ་སློང་རི་མོ་འབྲི་བར་བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་རི་མོ་བྲི་བར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་ལ་ཡང་དྲིས་བྱུག་པ་དང ། དྲིས་གཏོར་བར་མི་བྱེད་དོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་འདྲི་བར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་དྲིས་པ། ཀུན་དགའ་བོ། ཅིའི་ཕྱིར་དགེ་སློང་དག་དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་ལ་དྲིས་བྱུག་པ་དང ། དྲིས་གཏོར་བར་མི་བྱེད། དེས་སྐབས་དེ། བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དྲིས་བྱུག་པ་དང ། དྲིས་གཏོར་བ་དག་བྱའི། སེམས་ཅན་གྱི་གཟུགས་ནི། བྲི་བར་མི་བྱའོ། །བཅོམ་ལྡན་འདས་ཀྱིས་དགོངས་པ། སྐྱེས་བུ་བླུན་པོ་དགའ་བོ་འདི་ནི། ད་དུང་ཡང་ཤིན་ཏུ་བཟང་མོ་ལ་ཆགས་པ་དང་ལྡན་ཞིང་སེམས་འབྲེལ་གྱི། འདི་ལ་ཐབས་བཤམ་པ་ཞིག་བྱའོ། ། སྙམ་དུ་མཁྱེན་ནས་ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ། ཁྱོད་ཀྱིས་རི་སྤོས་ཀྱི་ངད་ལྡང་མཐོང་ངམ། བཙུན་པ། མ་མཐོང་ལགས་སོ། །གལ་ཏེ་དེ་ལྟ་ན། དེ་བཞིན་གཤེགས་</font><hr>Tha189b<br><font size=+2>


པའི་ཆོས་གོས་ཀྱི་མཐའ་མ་ནས་ཟུངས་ཤིག་།དེས་བཅོམ་ལྡན་འདས་ཀྱི་ཆོས་གོས་ཀྱི་མཐའ་ནས་བཟུང་ངོ ། །དེ་ནས་བཅོམ་ལྡན་འདས་ངང་པའི་རྒྱལ་པོ་འདབ་མ་བརྐྱང་བལྟར་ནམ་མཁའི་དཀྱིལ་དུ་འཕགས་ཏེ། སྟེང་གི་ནམ་མཁའ་ལས་རི་སྤོས་ཀྱི་ངད་ལྡན་ལ་གཤེགས་ནས་དེ་དེར་ཚེ་དང་ལྡན་པ་དགའ་བོ་དང་ཐབས་ཅིག་དེ་དང་དེ་དག་ཏུ་གཤེགས་པ་ན། ཤིང་ས་ཧ་ཀ་ར་ཞིག་གི་དྲུང་དུ་བྱོན་པ་དང ། དེ་ན་སྤྲེའུ་ཞར་མ་ཞིག་ཅི་དགར་རྒྱུ་ཞིང་འདུག་པ་དེས། བཅོམ་ལྡན་འདས་མཐོང་ནས་མི་གཡེང་པར་རྟོག་པར་བྱེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ། ཁྱོད་ཀྱིས་སྤྲེའུ་ཞར་མ་འདི་མཐོང་ངམ། བཅོམ་ལྡན་འདས། མཐོང་ལགས་སོ། །དགའ་བོ། ཁྱོད་ཇི་སྙམ་དུ་སེམས། སྤྲེ་མོ་འདི་དང ། ཤིན་ཏུ་བཟང་མོ་གཉིས་གང་གཟུགས་བཟང ། གང་མཛེས་པ་དང ། བལྟ་ན་སྡུག་པ་ཡིན། དེས་གསོལ་པ། བཙུན་པ། སྤྲེ་མོ་འདིས་ཤཱཀྱའི་བུ་མོ་ཤིན་ཏུ་བཟང་མོའི་བརྒྱའི་ཆར་ཡང་ཉེ་བར་མི་མཆི། སྟོང་གི་ཆར་ཡང ། བརྒྱ་སྟོང་གི་ཆར་ཡང ། གྲངས་དང ། བགྲང་བ་དང ། ཆ་དང ། རྩིས་དང ། དཔེ་དང ། རྒྱུར་ཡང་ཉེ་བར་མི་མཆི་སྟེ། བཙུན་པ། ཤཱཀྱའི་བུ་མོ་ཤིན་ཏུ་བཟང་མོ་ནི། ལྷའི་བུ་མོ་དག་དང་འགྲན་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགའ་བོ། གལ་ཏེ་དེ་ལྟ་ན། དེ་བཞིན་གཤེགས་པའི་ཆོས་གོས་ཀྱི་མཐའ་མ་ནས་ཟུངས་ཤིག་།དེས་བཅོམ་ལྡན་འདས་ཀྱི་ཆོས་གོས་ཀྱི་མཐའ་མ་ནས་བཟུང་ངོ ། །དེ་ནས་བཅོམ་ལྡན་འདས་ངང་པའི་རྒྱལ་པོ་འདབ་</font><hr>Tha190a<br><font size=+2>


༄#། །མ་བརྐྱང་བ་བཞིན་ནམ་མཁའི་དཀྱིལ་དུ་འཕགས་ཏེ། སྟེང་གི་ནམ་མཁའ་ལས་གཤེགས་ནས་ཁད་ཀྱིས་སུམ་ཅུ་རྩ་གསུམ་པའི་ལྷའི་ནང་དུ་བྱོན་ཏོ། །དེ་ནས་བཅོམ་ལྡན་འདས་དགའ་བའི་ཚལ་གྱི་སྐྱེད་མོས་ཚལ་དུ་བཞུགས་ནས་ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ་ཁྱོད་སོང་ལ་སུམ་ཅུ་རྩ་གསུམ་པའི་ལྷ་རྣམས་ལ་ལྟོས་ཤིག་།དེ་ནས་ལྷ་རྣམས་ཀྱི་རྩེ་བ་དང ། དགའ་བ་དང ། སྐྱིད་པ་དང ། བསམ་པའི་གནས་སྐྱེད་མོས་ཚལ་དང ། དགའ་བའི་ཚལ་དང ། ཤིང་རྟ་སྣ་ཚོགས་དང ། རྩུབ་འགྱུར་དང ། འདྲེས་པ་དང ། ཡོངས་འདུ་དང ། ཆོས་བཟང་ལ་སོགས་པ་བལྟས་ན། དེ་དག་གཅིག་པས་གཅིག་བཟང་ཞིང་སྤ་བ། མཆོག་ཏུ་གྱུར་པ་མཐོང་ནས་གྲོང་ཁྱེར་བལྟ་ན་སྡུག་ཏུ་ཕྱིན་ཏོ། །དེ་དེར་སོང་སྟེ་བལྟས་ནས་པི་ཝང་དང ། གླིང་བུ་དང ། པི་ཝང་རྒྱུད་གསུམ་པ་དང ། ཅང་དང ། སྒྲ་སྙན་ལ་སོགས་པ་རྣམ་པ་སྣ་སོགས་བཞག་ཅིང ། གནས་དང་གནས་དག་ན་ལྷའི་བུ་རྣམས་ལྷའི་བུ་མོ་དག་དང་ལྷན་ཅིག་རྩེ་ཞིང་འཁོད་པ་མཐོང་ངོ ། །དེ་འབྱོར་པ་དེ་དག་ལ་ལྟ་ཞིང་ཐོག་ཐག་ཏུ་འགྲོ་བར་བརྩམས་པ་དང ། ཇི་ཙམ་ན་ཕྱོགས་གཞན་ཞིག་ན་ལྷའི་བུ་མེད་ཅིང ། ལྷའི་བུ་མོས་གང་བའི་གཞལ་མེད་ཁང་ཞིག་མཐོང་ནས་དེས་ལྷའི་བུ་མོ་རྣམས་ལ་དྲིས་པ། གང་གིས་ན། གཞལ་མེད་ཁང་གཞན་དག་ན་ནི། ལྷའི་བུ་དང ། ལྷའི་བུ་མོ་དག་གིས་གང་ཞིང་རྩེ་བ་དང་དགའ་བ་ཉམས་</font><hr>Tha190b<br><font size=+2>


སུ་མྱོང་ལ། ཁྱེད་ལ་ནི། ལྷའི་བུ་དག་མེད་པ་འདི་ལ་རྒྱུ་ཅི་ཞིག་ཡོད། དེ་དག་གིས་སྨྲས་པ། བཅོམ་ལྡན་འདས་ཀྱི་གཅུང་དགའ་བོ་ཞེས་བྱ་བ། བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པ་དེ། དུས་བྱས་ནས་འདིར་འོང་བར་འགྱུར་ཏེ། དེའི་ཕྱིར་གཞལ་མེད་ཁང་འདི་འཛིན་ཅིང་བདག་ཅག་ཀྱང་དེ་ལ་སྡོད་ཅིང་འཁོད་དོ། །དེས་ཐོས་ནས་དགའ་ཞིང་མགུ་ལ་རབ་ཏུ་དགའ་ནས་རིངས་པ་རིངས་པར་བཅོམ་ལྡན་འདས་ཀྱི་སྤྱན་སྔར་སོང་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་སུམ་ཅུ་རྩ་གསུམ་པའི་ལྷའི་རྣམས་མཐོང་ངམ། དེས་གསོལ་པ། བཅོམ་ལྡན་འདས། མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་དེར་ཅི་དག་མཐོང་སྨྲོས་ཤིག་།དེས་ཅི་དག་མཐོང་བ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགའ་བོ། ཁྱོད་ཀྱིས་ལྷའི་བུ་མོ་དག་མཐོང་ངམ། བཅོམ་ལྡན་འདས། མཐོང་ལགས་སོ། །དགའ་བོ། ཇི་སྙམ་དུ་སེམས། ཤིན་ཏུ་བཟང་མོ་དང ། ལྷའི་བུ་མོ་དེ་དག་གང་གཟུགས་བཟང་ཞིང་མཛེས་པ་དང ། བལྟ་ན་སྡུག་པ་ཡིན། དེས་གསོལ་པ། བཙུན་པ། ལྷའི་བུ་མོ་དག་ལ་ཤཱཀྱའི་བུ་མོ་ཤིན་ཏུ་བཟང་མོས་བཅུའི་ཆར་ཡང་ཉེ་བར་མི་མཆི། སྟོང་གི་ཆར་ཡང ། བརྒྱ་སྟོང་གི་ཆར་ཡང ། གྲངས་དང ། བགྲང་བ་དང ། ཆ་དང ། རྩིས་དང ། དཔེ་དང ། རྒྱུར་ཡང་ཉེ་བར་མི་མཆིའོ། །དགའ་བོ། དེ་ལྟ་བས་ན། ཚངས་པར་སྤྱོད་པ་ལ་</font><hr>Tha191a<br><font size=+2>


༄#། །གནས་ན། ཕན་ཡོན་འདི་ལྟ་བུ་དང ། གཞན་དག་ཀྱང་ཡོད་དེ། ཁྱོད་ཀྱིས་དེ་ལ་མངོན་པར་དགའ་བས་ཚངས་པར་སྤྱད་པ་སྤྱོད་ཅིག་དང ། ལྷའི་དཔལ་ཉམས་སུ་མྱོང་བར་འགྱུར་རོ། །བཅོམ་ལྡན་འདས་ཀྱི་བཀའ་ལ་སེམས་ཀྱིས་རྗེས་སུ་ཡི་རང་ནས་ཅང་མི་སྨྲ་བར་འདུག་གོ་།དེ་ནས་བཅོམ་ལྡན་འདས་སུམ་ཅུ་རྩ་གསུམ་པའི་ལྷའི་གནས་ནས་མི་སྣང་བར་གྱུར་ནས་མཉན་ཡོད་དུ་གཤེགས་སོ། །དེ་ནས་ཚེ་དང་ལྡན་པ་དགའ་བོ་ལྷའི་འཇིག་རྟེན་ལ་མངོན་པར་དགའ་བས་ཚངས་པར་སྤྱད་པ་སྤྱོད་དོ། །དེ་ནས་བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ་འདི་སྐད་ཅེས། དགེ་སློང་དག་།ཁྱེད་ཅག་གང་གིས་ཀྱང་དགའ་བོ་དང་ལྷན་ཅིག་སྟན་གཅིག་ལ་འདུག་པར་མི་བྱ། འཆག་ས་གཅིག་ཏུ་བཅག་པར་མི་བྱ། ཆོས་གོས་ཀྱི་གདང་བུ་གཅིག་ལ་ཆོས་གོས་གཞག་པར་མི་བྱ། ལྷུང་བཟེད་ཀྱི་གཞི་གཅིག་ཏུ་ལྷུང་བཟེད་གཞག་པར་མི་བྱ། ཆུ་གཞག་པའི་ཁྲི་གཅིག་ལ་ཆུ་གཞག་པར་མི་བྱ། བཀག་པར་མི་བྱ། གདོན་པར་མི་བྱའོ། །ཞེས་སྒྲོས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་དགེ་སློང་རྣམས་ལ། ཚེ་དང་ལྡན་པ་དག་།བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏེ། ཚེ་དང་ལྡན་པ་དག། </font><hr>Tha191b<br><font size=+2>


ཁྱེད་ཀྱིས་དགའ་བོ་དང་ལྷན་ཅིག་སྟན་གཅིག་ལ་འདུག་པར་མི་བྱ་ཞེས་བྱ་བ་ནས་གདོན་པར་མི་བྱ་ཞེས་བྱ་བའི་བར་སྔ་མ་བཞིན་ནོ། །བཙུན་པ་ཀུན་དགའ་བོ། དེ་བཞིན་ཏེ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཞེས་དེ་དག་དེ་དང་ལྷན་ཅིག་སྟན་གཅིག་ལ་འདུག་པར་མི་བྱེད། འཆགས་གཅིག་ཏུ་འཆག་པར་མི་བྱེད། ཆོས་གོས་ཀྱི་གདང་གཅིག་ལ་ཆོས་གོས་འཇོག་པར་མི་བྱེད། ལྷུང་བཟེད་ཀྱི་གཞི་གཅིག་ལ་ལྷུང་བཟེད་འཇོག་པར་མི་བྱེད། ཆུ་གཞག་པའི་ཁྲི་གཅིག་ལ་ཆུ་འཇོག་པར་མི་བྱེད། དེ་དང་ལྷན་ཅིག་ཀློག་པ་དང ། འདོན་པར་མི་བྱེད་དེ། །དེ་དགེ་སློང་རྣམས་ཀྱིས་དེ་ལྟར་སྤངས་པ་ན། ཤིན་ཏུ་གནོང་བར་བྱེད། ངོ་ཚ་བར་བྱེད། ཁྲེལ་བར་བྱེད། སྨོད་པར་བྱེད་དོ། །ཇི་ཙམ་དུས་གཞན་ཞིག་ན། ཚེ་དང་ལྡན་པ་ཀུན་དགའ་བོ་དགེ་སློང་མང་པོ་རྣམས་དང་ལྷན་ཅིག་རིམ་གྲོའི་གནས་སུ་ཆོས་གོས་ཀྱི་ལས་བྱེད་པ་ན། ཚེ་དང་ལྡན་པ་དགའ་བོས་བསམ་པ། དགེ་སློང་འདི་དག་ནི། བདག་སྤངས་གྲང་ན། ཚེ་དང་ལྡན་པ་ཀུན་དགའ་བོ་འདི་ནི། བདག་གི་ཕུ་ནུ་བོ་ཡིན་ན། ཅི། འདིས་ཀྱང་བདག་སྤང་ངམ་སྙམ་དུ་རིག་ནས་དེས་ལྷན་ཅིག་འདུག་པ་དང ། ཚེ་དང་ལྡན་པ་ཀུན་དགའ་བོ་མྱུར་བ་མྱུར་བ་ཁོ་ནར་ལངས་སོ། །དེས་སྨྲས་པ། ཚེ་དང་ལྡན་པ་ཀུན་དགའ་བོ། ཚངས་པ་མཚུངས་པར་སྤྱོད་པ་འདི་དག་གིས་རེ་ཞིག་བདག་སྤང་བ་རིག་ན། ཁྱོད་བདག་གི་ཕུ་ནུ་བོ་ལགས་ན། བདག་ཅིའི་</font><hr>Tha192a<br><font size=+2>


༄#། །སླད་དུ་སྤང ། དེས་སྨྲས་པ། ཚེ་དང་ལྡན་པ་དགའ་བོ། དེ་ནི། བདེན་ན། འོན་ཀྱང་ཁྱོད་ནི། ལམ་གཞན་དུ་ཞུགས་པ་ཡིན་ལ། ཁོ་བོ་ཅག་ཀྱང་ལམ་གཞན་དུ་ཞུགས་པ་ཡིན་པས། སྤང་དགོས་ཆེས་མོད། དེས་སྨྲས་པ། ཚེ་དང་ལྡན་པ་ཀུན་དགའ་བོ། ཁྱེད་ཤུལ་གང་དུ་ཞུགས་པ་དང ། བདག་གང་དུ་ཞུགས་པ་གསུངས་ཤིག་།དེས་སྨྲས་པ། ཁྱོད་ནི། ལྷའི་འཇིག་རྟེན་ལ་མངོན་པར་དགའ་བས་ཚངས་པར་སྤྱད་པ་སྤྱོད་ལ། ཁོ་བོ་ཅག་ནི། མྱ་ངན་ལས་འདས་པའི་བསམ་པས་ཚངས་པར་སྤྱད་པ་སྤྱོད་དོ། །དེ་སྐད་ཅེས་སྨྲས་པ་དང ། དེ་ཤིན་ཏུ་སྐྱོ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས་ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ། ཁྱོད་ཀྱིས་དམྱལ་བ་རྣམས་མཐོང་ངམ། བཅོམ་ལྡན་འདས། །མ་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ངའི་ཆོས་གོས་ཀྱི་མཐའ་མ་ནས་ཟུངས་ཤིག་།དེས་བཅོམ་ལྡན་འདས་ཀྱི་ཆོས་གོས་ཀྱི་ཐ་མ་ནས་བཟུང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་ཁྲིད་དེ་དམྱལ་བའི་གནས་སུ་གཤེགས་སོ། །དེ་ནས་བཅོམ་ལྡན་འདས་ལྷག་པའི་ཕྱོགས་ཤིག་ཏུ་བཞུགས་ནས་ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ། སོང་ལ་དམྱལ་བ་རྣམས་ལྟོས་ཤིག་།དེས་བལྟས་ན། ཆུ་བོ་རབ་མེད་དང ། ལོ་མ་རལ་གྲི་ལྟ་བུའི་ནགས་</font><hr>Tha192b<br><font size=+2>


དང ། རོ་མྱགས་དང ། མེ་མ་མུར་དང ། ལྷག་པའི་གནས་དེ་དག་གཅིག་པས་ཀྱང་གཅིག་སྡུག་བསྔལ་གྱི་ཁྱད་པར་ཤིན་ཏུ་མི་བཟད་པ་མཐོང་ནས་དམྱལ་བའི་གནས་སུ་སོང་ན། དེས་དེ་ན་དབྱུང་བ་དང ། གཅད་པ་དང ། གཞོམ་པ་ལ་སོགས་པའི་སྡུག་བསྔལ་གྱི་ཁྱད་པར་གྱིས་སེམས་ཅན་རྣམས་སྡུག་བསྔལ་ཞིང ། ཁ་ཅིག་ནི། སྐམ་པས་མིག་དང ། སོ་དག་ཕྱུང ། ཁ་ཅིག་ནི། སོག་ལེས་གཤག་།ཁ་ཅིག་ནི། སྟ་རེས་རྐང་པ་དག་བཅད། ཁ་ཅིག་ནི། མདུང་ཐུང་དང ། མདའ་བོ་ཆེ་དང ། མཚོན་རྩེ་གཅིག་པ་དག་གིས་ཕུག་།ཁ་ཅིག་ནི། ལྕགས་ཀྱི་ཐོ་བས་བརྡུངས། ཁ་ཅིག་ནི། ལྕགས་ཀྱི་ཟངས་པོ་ཆེ་འབར། རབ་ཏུ་འབར། ཀུན་ཏུ་རབ་ཏུ་འབར་ལ་མེ་ལྕེ་གཅིག་ཏུ་གྱུར་ཅིང་བསྐོལ་བའི་ནང་དུ་བཅུག་པ་མཐོང་ངོ ། །དེས་སྡུག་བསྔལ་གྱི་ཁྱད་པར་རྣམ་པ་སྣ་ཚོགས་དེ་དག་མཐོང་ནས་ཕྱོགས་གཞན་ཞིག་ཏུ་སོང་བ་དང ། ཇི་ཙམ་ན་དེ་ན་ལྕགས་ཀྱི་ཟངས་པོ་ཆེ་ཁོལ་བ་ཞིག་མཐོང་ངོ ། མཐོང་ནས་ཀྱང་མི་དགའ་ནས་དམྱལ་བའི་སྲུང་མ་རྣམས་ལ་དྲིས་པ། ཤེས་ལྡན་དག་།གང་གིས་ན། ལྕགས་ཀྱི་ཟངས་པོ་ཆེ་གཞན་དག་ཏུ་ནི། སེམས་ཅན་དག་བཅུག་ལ། འདི་གཅིག་པོ་ཁོལ་ཞིང་འདུག་པ་འདི་ལ་རྒྱུ་ཅི་ཡོད། དེ་དག་གིས་སྨྲས་པ། བཅོམ་ལྡན་འདས་ཀྱི་གཅུང་དགའ་བོ་ཞེས་བྱ་བ་ནི། ལྷའི་འཇིག་རྟེན་ལ་མངོན་པར་དགའ་བས། བཅོམ་ལྡན་འདས་ཀྱི་སྤྱན་སྔ་ན་ཚངས་པར་སྤྱད་པ་སྤྱོད་པ་དེ་ཤི་ནས་འདིར་འོད་སྟེ། དེའི་ཕྱིར་འདི་</font><hr>Tha193a<br><font size=+2>


༄#། །བསྡོགས་ཤིང་ཁོ་བོ་ཅག་ཀྱང་དེ་ལ་སྡོད་ཅིང་འཁོད་དོ། །དེས་ཐོས་ནས་འཇིགས་སྐྲག་མི་དགའ་ཞིང་སྤུ་ཟིང་ཞེས་བྱེད་ནས་བསམ་པ། ད་ལྟ་ཉིད་དུ་བཅུག་པར་འགྱུར་དུ་འོང་གི་།མྱུར་དུ་འབྲོས་སོ། །སྙམ་དུ་རིག་ནས་རིངས་པ་རིངས་པར་བྲོས་ནས་རོད་ཉམས་ཤིང་དོམ་ཟུམ་ནག་པོར་བཅོམ་ལྡན་འདས་ཀྱི་སྤྱན་སྔར་སོང་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགའ་བོ། ཁྱོད་ཀྱིས་དམྱལ་བ་རྣམས་མཐོང་ངམ། དེ་སྲོ་ཤི་ཞིང་ལྕེ་ལྡིབ་བཞིན་ཚིག་སྙིང་རྗེ་རྗེ་སྐད་དུ་དལ་བུ་བགས་ཀྱིས་གཅོམ་ཆུང་ངུར་གསོལ་པ། བཅོམ་ལྡན་འདས། མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་དེར་ཇི་ལྟ་བུ་དག་མཐོང་བ་སྨྲོས་ཤིག་།དེས་ཇི་ལྟ་བུ་དག་མཐོང་བ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགའ་བོ། ལྷའི་འཇིག་རྟེན་ལ་སྨོན་པས་ཚངས་པར་སྤྱོད་པ་ལ་ནི། ཉེས་དམིགས་འདི་ལྟ་བུ་དང ། གཞན་དག་ཀྱང་ཡོད་དེ། དེ་ལྟ་བས་ན། ཁྱོད་ཀྱིས་མྱ་ངན་ལས་འདས་པ་ལ་མངོན་པར་དགའ་བར་བྱའི། ལྷའི་འཇིག་རྟེན་ལ་མངོན་པར་དགའ་བར་མི་བྱའོ། །དེ་ངོ་ཚ་བར་གྱུར་པའི་སེམས་ཀྱིས་ཅང་མི་སྨྲ་བར་འདུག་གོ་།དེ་ནས་བཅོམ་ལྡན་འདས་དམྱལ་བའི་གནས་ནས་མི་གནང་བར་གྱུར་ཅིང་གྲོང་ཁྱེར་ཙམ་པར་དྲང་སྲོང་ག་རྒའི་རྫིང་དྲུང་དུ་གཤེགས་སོ། །དེ་ནས་དུས་གཞན་ཞིག་ན་ཚེ་དང་ལྡན་པ་དགའ་བོ་འཁོར་དགེ་སློང་ལྔ་</font><hr>Tha193b<br><font size=+2>


བརྒྱ་དང་ཕྱི་དྲོ་ནང་དུ་ཡང་དག་འཇོག་ལས་ལངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།དགེ་སློང་ལྔ་བརྒྱ་པོ་དེ་དག་ཀྱང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་ཕྱོགས་གཅིག་ཏུ་འདུག་པར་མཁྱེན་ནས་ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ། ཁྱོད་ལ་ཆོས་བསྟན་པར་བྱ་སྟེ། འདི་ལྟ་སྟེ། མངལ་དུ་འཇུག་པ་ཞེས་བྱ་བའི་ཆོས་ཀྱི་རྣམ་གྲངས། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ་རབ་ཏུ་བསྟན་གྱི། དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་དགའ་བོས་བཅོམ་ལྡན་འདས་ཀྱིས་ལྟར་མཉན་པ་དང ། དེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དགའ་བོ། མའི་མངལ་དུ་འཇུག་པ་དང ། མི་འཇུག་པར་འགྱུར་བ་ཇི་ལྟ་བུ་ཞེ་ན། དགའ་བོ། འདི་ལྟ་སྟེ། ཕ་མ་ཆགས་པར་གྱུར་ཅིང་འཕྲད་པ་དང ། མ་ཡང་རུང་བར་གྱུར་ཅིང་ཟླ་མཚན་དང་ལྡན་པ་དང ། དྲི་ཟ་ཡང་ཉེ་བར་གནས་པར་གྱུར་ཅིང་འཇུག་པར་</font><hr>Tha194a<br><font size=+2>


༄#། །འདོད་ན་སྟེ། དགའ་བོ། དྲི་ཟ་ཞེས་བྱ་བ་དེ་ནི། སྲིད་པ་བར་མ་པའི་སེམས་ཅན་གྱི་ཚིག་བླ་དྭགས་ཡིན་ནོ། །དེ་ཡང་ཁ་དོག་བཟང་པོ་དང ། ཁ་དོག་ངན་པ་དང་རྣམ་པ་གཉིས་ཏེ། སེམས་ཅན་དམྱལ་བ་རྣམས་ཀྱི་སྲིད་པ་བར་མ་ནི། ཁ་དོག་ངན་པ་དཔེར་ན། སྡོང་པོ་ཚིག་པ་ལྟ་བུའོ། །དུད་འགྲོའི་སྐྱེ་གནས་སུ་སོང་བ་རྣམས་ཀྱི་སྲིད་པ་བར་མ་ནི། ཁ་དོག་དུ་བ་ལྟ་བུའོ། །ཡི་དྭགས་རྣམས་ཀྱི་ནི། ཁ་དོག་ཆུ་ལྟ་བུའོ། །མི་རྣམས་དང ། ལྷ་རྣམས་ཀྱི་སྲིད་པ་བར་མ་ནི། ཁ་དོག་གསེར་ལྟ་བུའོ། །གཟུགས་ན་སྤྱོད་པའི་ལྷ་རྣམས་ཀྱི་ནི། དཀར་པོའོ། །གཟུགས་མེད་པ་ན་སྤྱོད་པའི་ལྷ་རྣམས་ནི། གཟུགས་མེད་པའི་ཕྱིར་སྲིད་པ་བར་མ་མེད་དོ། །སྲིད་པ་བར་མའི་སེམས་ཅན་ཁ་ཅིག་ནི། ལག་པ་གཉིས་དང་རྐང་པ་གཉིས་པ་ཡིན། ཁ་ཅིག་ནི། རྐང་བཞི་པ། ཁ་ཅིག་ནི། རྐང་མང ། ཁ་ཅིག་ནི། རྐང་མེད་ཡིན་ནོ། །སྲིད་པ་བར་མ་པའི་སེམས་ཅན་ནི། སྔོན་གྱི་ལས་ལས་སྐྱེས་པའི་འགྲོ་བ་ཅི་འདྲ་བ་དེ་འདྲ་བར་འགྱུར་ཏེ། སྲིད་པ་བར་མ་པའི་སེམས་ཅན་ཐམས་ཅད་ཀྱང་ནམ་མཁའ་ལ་འགྲོ་བ། རྫུ་འཕྲུལ་དང་ལྡན་པ་ལྟ་བུ་དང ། ལྷའི་མིག་ཅན་ལྟ་བུར་འགྱུར་རོ། །མ་ཟླ་མཚན་དང་ལྡན་པར་གྱུར་པ་ཞེས་བྱ་བ་ལ། དགའ་བོ། ཟླ་མཚན་ཞེས་བྱ་བ་ནི། དུས་དང་ཚེ་སྟེ། དགའ་བོ། དེ་ལ་བུད་མེད་ཁ་ཅིག་ནི། ཞག་</font><hr>Tha194b<br><font size=+2>


གསུམ་མམ། ཞག་ལྔའམ། ཞག་བདུན་དུ་ཟླ་མཚན་ཅན་དུ་འགྱུར་རོ། །ཁ་ཅིག་ནི། རྒྱུ་དང་རྐྱེན་གྱི་དབང་གིས་ཡུན་རིང་དུ་ཟླ་མཚན་ཅན་དུ་འགྱུར་ཏེ། ཟླ་མཚན་དང་ཟླ་མཚན་དུ་མཚམས་སྦྱོར་བར་ཡང་འགྱུར་རོ། །དེ་ལ་བུད་མེད་སྡུག་བསྔལ་བ། བྱུར་ངན་པ། ཉེ་བར་གདུངས་པ། བཟའ་བ་དང ། བཏུང་བ་མི་བསོད་པ་ཟོས་པ་གང་དག་ཡིན་པ་དེ་དག་ནི། ཟླ་མཚན་རིན་པོ་མི་ཐོགས་ཤིང ། མྱུར་དུ་ཡོངས་སུ་ཟད་པ་དང ། གཏུགས་པར་འགྱུར་ཏེ། དགའ་བོ། དཔེར་ན། ས་ཕྱོགས་རྩུབ་པོར་ཆུས་བཏབ་ན། མྱུར་དུ་ཡོངས་སུ་ཟད་པ་དང ། གཏུགས་པར་འགྱུར་བ་དེ་བཞིན་དུ་ཆུད་མེད་སྡུག་བསྔལ་བ། བྱུར་ངན་པ། ཉེ་བར་གདུངས་པ། བཟའ་བ་དང ། བཏུང་བ་མི་བསོད་པ་ཟོས་པ་གང་དག་ཡིན་པ་དེ་དག་གི་ཟླ་མཚན་ཡང་རིང་པོ་མི་ཐོགས་ཤིང་མྱུར་དུ་ཡོངས་སུ་ཟད་པ་དང ། གཏུགས་པར་འགྱུར་རོ། །དེ་ལ་བུད་མེད་བདེ་བ་དང་ལྡན་པ། བདེ་བ་མང་བ། ཉེ་བར་མ་གདུངས་པ། བཟའ་བ་དང ། བཏུང་བ་བསོད་པ་ཟོས་པ་གང་དག་ཡིན་པ་དེ་དག་གི་ཟླ་མཚན་ནི། རིང་དུ་ཐོགས་ཤིང་མྱུར་དུ་ཡོངས་སུ་ཟད་པ་དང ། གཏུགས་པར་མི་འགྱུར་ཏེ། དེ་དག་གི་ཟླ་མཚན་དང ། ཟླ་མཚན་དུ་མཚམས་འབྱོར་པར་ཡང་འགྱུར་རོ། །དགའ་བོ། དཔེར་ན། ས་ཕྱོགས་འཇམ་པོར་ཆུས་གཏོར་ན། མྱུར་དུ་ཡོངས་སུ་ཟད་པ་དང ། གཏུགས་པར་མི་འགྱུར་བ་དེ་བཞིན་དུ་བུད་མེད་བདེ་བ་དང་ལྡན་པ། བདེ་བ་མང་</font><hr>Tha195a<br><font size=+2>


༄#། །བ།་ཉེ་བར་མ་གདུངས་པ། བཟའ་བ་དང ། བཏུང་བ་བསོད་པ་ཟོས་པ་གང་དག་ཡིན་པ་དེ་དག་གི་ཟླ་མཚན་ཡང་རིང་དུ་ཐོགས་ཤིང ། ཡོངས་སུ་ཟད་པ་དང ། གཏུགས་པར་མི་འགྱུར་ཏེ། དེ་དག་གི་ཟླ་མཚན་དང་ཟླ་མཚན་དུ་མཚམས་འབྱོར་བར་ཡང་འགྱུར་རོ། །དགའ་བོ། གལ་ཏེ་ཕ་ལས་ཁུ་བ་བྱུང་ལ། མ་ལས་མ་བྱུང་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། །གལ་ཏེ་མ་ལས་བྱུང་ལ། ཕ་ལས་མ་བྱུང་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། །གལ་ཏེ་མ་ལས་མ་བྱུང་ཕ་ལས་ཀྱང་མ་བྱུང་ནང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། །མ་དག་པར་གྱུར་ལ་ཕ་མ་དག་པར་གྱུར་པ་དང ། ཕ་དག་པར་གྱུར་ལམ་མ་དག་པར་གྱུར་པ་དང ། དེའི་ཚེ་མའི་མངལ་རླུང་གིས་བགགས་པར་གྱུར་པའམ། མཁྲིས་པས་བགགས་པའམ། བད་ཁན་གྱིས་བགགས་པའམ། ཁྲག་གིས་བགས་པའམ། ཚིལ་གྱི་བགས་པའམ། མཚམས་ཤས་གང་བའམ། སྨན་གྱིས་བསྒྱུར་བའམ། དབུས་ནས་འདྲ་བའམ། གྲོག་མོའི་རྐེད་པ་འདྲ་བའམ། རྔ་མོའི་ཁ་ལྟ་བུའམ། སྒོ་ཤིང་འབའ་ཏ་ཁ་འབུས་པ་ལྟ་བུའམ། སྒོ་གཤོལ་མདའ་ལྟ་བུའམ། སྒོ་ཤིང་རྟ་ལྟ་བུའམ། སྦ་ལྟ་བུའམ། ལོ་མ་ལྟ་བུའམ། ནང་དུ་གྲ་མ་ལྟ་བུ་སྐྱེས་པའམ། འོག་ཟབ་པའམ། སྟེང་ཟབ་པའམ། མངལ་སྣོད་དུ་མི་རུང་བའམ། ཁྲག་ཟག་པའམ། ཐུང་བའམ། བྱ་རོག་གི་མཆུ་ལྟ་བུ་དང ། གཡོན་</font><hr>Tha195b<br><font size=+2>


ཡངས་པའམ། གཡས་ཡངས་པའམ། སྟེང་ཡངས་པའམ། འོག་ཡངས་པའམ། མཐོ་བའམ། དམའ་བའམ། ཁས་བུབ་པའམ། མཚན་མ་ཙམ་ཡོད་པའམ། ཡོ་བའམ། སྐྱོན་དང་བཅས་པའམ། བསྐ་བས་བསྒྱུར་བའམ། སྲོག་ཆགས་བེ་ས་ར་ཀས་ཟོས་པར་གྱུར་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། །ཕ་དང་མ་དག་དབང་ཆེ་བར་གྲགས་ལ། དྲི་ཟ་དབང་ཆུང་པར་གྲགས་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། །དྲི་ཟ་དབང་ཆེ་བར་གྲགས་ལ་ཕ་དང་མ་དག་དབང་ཆུང་བར་གྲགས་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ།། གལ་ཏེ་ཐམས་ཅད་དབང་ཆུང་བར་གྲགས་ལ། ཕ་མ་དག་གིས་ཀྱང་བུ་རྙེད་པར་འགྱུར་བའི་ལས་མ་བྱས་ཤིང་མ་བསགས་པར་གྱུར། དྲི་ཟས་ཀྱང་ཕ་མར་འགྱུར་བའི་ལས་མ་བྱས་ཤིང་མ་བསགས་པར་གྱུར། དྲི་ཟས་སེམས་གཉིས་པོ། ཕོའི་སེམས་སམ། མེའི་སེམས་ལས་སེམས་གང་ཡང་རུང་བ་ཞིག་ཉེ་བར་བཞག་པར་མ་གྱུར་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། །གལ་ཏེ་ཐམས་ཅད་དབང་ཆེ་བར་གྲགས་ལ། ཕ་མ་དག་གིས་བུ་རྙེད་པར་འགྱུར་བའི་ལས་བྱས་ཤིང་བསགས་པར་མ་གྱུར། དྲི་ཟས་ཀྱང་ཕ་མར་འགྱུར་བའི་ལས་བྱས་ཤིང་བསགས་པར་མ་གྱུར། དྲི་ཟས་སེམས་གཉིས་པོ་ཕོའི་སེམས་སམ། མོའི་སེམས་ལས་སེམས་གང་ཡང་རུང་བ་ཞིག་ཉེ་བར་མ་བཞག་ན་ཡང་དེའི་ཚེ་རེ་ཞིག་</font><hr>Tha196a<br><font size=+2>


༄#། །མངལ་དུ་འཇུག་པར་མི་འགྱུར་རོ། །དགའ་བོ། ཇི་ལྟར་ན་མའི་མངལ་དུ་འཇུག་པར་འགྱུར་ཞེ་ན། དགའ་བོ། འདི་ན་ཕ་དང་མ་ཆགས་པར་གྱུར་ཅིང་འདུས་པ་དང ། མ་ཡང་རུང་ཞིང་ཟླ་མཚན་དང་ལྡན་པར་གྱུར། དྲི་ཟ་ཡང་ཉེ་བར་གནས་ཤིང་འཇུག་པར་འདོད་པར་གྱུར། ཕ་དང་མ་ལས་ཀྱང་ཁུ་བ་བྱུང ། ཕ་དང་མ་དག་པར་ཡང་གྱུར། དེའི་ཚེ་མའི་མངལ་རླུང་གིས་བགགས་པར་མ་གྱུར། མཁྲིས་པས་མ་བགགས། བད་ཀན་གྱིས་མ་བགགས། ཁྲག་གིས་མ་བགགས། ཚིལ་གྱིས་མ་བགགས། མཚམས་ཤས་གང་བ་མ་ཡིན། སྨན་གྱིས་མ་བསྒྱུར། དབུས་ནས་འདྲ་བ་མ་ཡིན། གྲོག་མོའི་རྐེད་པ་འདྲ་བ་མ་ཡིན། རྔ་མོའི་ཁ་ལྟ་བུ་མ་ཡིན། སྒོ་ཤིང་འབའ་ཏ་ཁ་འབུས་པ་ལྟ་བུ་མ་ཡིན། སྒོ་གཤོལ་མདའ་ལྟ་བུ་མ་ཡིན། སྒོ་ཤིང་མདའ་ལྟ་བུ་མ་ཡིན། སྦ་ལྟ་བུ་མ་ཡིན། ལོ་མ་ལྟ་བུ་མ་ཡིན། ནང་དུ་གྲ་མ་ལྟ་བུ་སྐྱེས་པ་མ་ཡིན། འོག་ཟབ་པ་མ་ཡིན། སྟེང་ཟབ་པ་མ་ཡིན། མངལ་སྣོད་དུ་མི་རུང་བ་མ་ཡིན། ཁྲག་ཟག་པ་མ་ཡིན། ཐུང་བ་མ་ཡིན། བྱ་རོག་གི་མཆུ་ལྟ་བུ་མ་ཡིན། གཡོན་ཡངས་པ་མ་ཡིན། གཡས་ཡངས་པ་མ་ཡིན། སྟེང་ཡངས་པ་མ་ཡིན། འོག་ཡངས་པ་མ་ཡིན། མཐོ་བ་མ་ཡིན། དམའ་བ་མ་ཡིན། ཁས་བུབ་པ་མ་ཡིན། མཚན་མ་ཙམ་ཡོད་པ་མ་ཡིན། ཡོ་</font><hr>Tha196b<br><font size=+2>


བ་མ་ཡིན། སྐྱོན་དང་བཅས་པ་མ་ཡིན། བསྐ་བས་མ་བསྒྱུར། སྲོག་ཆགས་བེ་ར་ས་ཀས་ཟོས་པར་མ་གྱུར། ཕ་དང་མ་དག་དབང་ཆེ་བར་གྲགས་ན། དྲི་ཟ་ཡང་དབང་ཆེ་བར་གྲགས། ཕ་དང་མ་དག་དབང་ཆུང་བར་གྲགས་ན། དྲི་ཟ་ཡང་དབང་ཆུང་བར་གྲགས། ཐམས་ཅད་དབང་ཆེ་བར་གྲགས་པར་གྱུར་ལ། ཕ་དང་མ་དག་གིས་ཀྱང་བུ་རྙེད་པར་འགྱུར་བའི་ལས་བྱས་ཤིང་བསགས་པར་གྱུར། དྲི་ཟས་ཀྱང་ཕ་མར་གྱུར་པའི་ལས་བྱས་ཤིང་བསགས་པར་གྱུར། དྲི་ཟས་སེམས་གཉིས་པོ། ཕོའི་སེམས་སམ། མོའི་སེམས་ལས་སེམས་གང་ཡང་རུང་བ་ཞིག་ཉེ་བར་བཞག་ན། མའི་མངལ་དུ་འཇུག་པར་འགྱུར་རོ། །དགའ་བོ། དེ་ལ་དྲི་ཟ་མའི་མངལ་དུ་འཇུག་པར་འདོད་པ་ན། སེམས་ཕྱིན་ཅི་ལོག་དང་ལྡན་པ།་ལོག་པའི་ང་རྒྱལ་ཅན་ཀྱི་སྐྱེ་བ་སོ་སོ་ཐ་དད་པར་སྔོན་གྱི་ལས་ཀྱི་རྒྱུ་དང་རྐྱེན་གྱི་སྟོབས་ཀྱིས་ཡང་དག་པ་མ་ཡིན་པའི་འདུ་ཤེས་བཅུ་པོ། འདི་ལྟ་སྟེ། དྲོ་བའི་འདུ་ཤེས་དང ། ཉི་མའི་འདུ་ཤེས་དང ། རླུང་གི་འདུ་ཤེས་དང ། ཆར་གྱི་འདུ་ཤེས་དང ། རྫི་ཆར་གྱི་འདུ་ཤེས་དང ། གྲང་བའི་འདུ་ཤེས་དང ། ཡུལ་ངན་གྱི་འདུ་ཤེས་དང ། རླུང་དམར་གྱི་འདུ་ཤེས་དང ། ཆར་དྲག་གི་འདུ་ཤེས་དང ། སྐྱེ་བོ་ཕལ་པོ་ཆེ་ཀུ་ཅོ་འདོན་པའི་འདུ་ཤེས་དེ་དང་དེ་དག་ཐོབ་པར་འགྱུར་རོ། །དགའ་བོ། དེའི་འདུ་ཤེས་དེ་དག་སྐྱེ་བ་ཐོབ་ཅིང་ལྡན་ནས་ཡང་</font><hr>Tha197a<br><font size=+2>


༄#། །དག་པ་མ་ཡིན་པའི་འདུ་ཤེས་གཞན་བཅུ་ནང་དུ་སྐྱེ་བ་ན་སྐྱེ་བར་འགྱུར་ཏེ། འོ་ན་བདག་ཁྱིམ་དུ་འཇུག་གོ་།སྙམ་པ་དང ། ཁང་བཟང་ལ་འཛེག་གོ ། སྙམ་པ་དང ། ཁང་པ་བརྩེགས་མར་འཇུག་གོ་།སྙམ་པ་དང ། ཁྲི་ལ་འཛེག་གོ་།སྙམ་པ་དང ། རྩཝ་སྤྱིལ་དུ་འཇུག་གོ་།སྙམ་པ་དང ། ལོ་མའི་སྤྱིལ་པོར་འཇུག་གོ་།སྙམ་པ་དང ། རྩ་སྟུག་པོའམ། ནགས་ཐིབས་པོའམ། རྩིག་པའི་གསེབ་བམ། རྩིག་པའི་དྲུང་དུ་འགྲོའོ། །སྙམ་པ་སྟེ། དགའ་བོ། འདུ་ཤེས་འདི་རྣམས་ལས་འདུ་ཤེས་གང་ཡང་རུང་བ་ཞིག་ལ་བརྟེན་ནས་མའི་མངལ་དུ་འཇུག་པར་འགྱུར་རོ། །དེ་དེར་སྐྱེས་ནས་ལུས་ནུར་ནུར་པོར་མངོན་པར་གྲུབ་པར་འགྱུར་རོ། །དགའ་བོ། དེ་ལ་ནུར་ནུར་པོའི་ལུས་ཕ་མའི་མི་གཙང་བ་ཡིན་པར་ཡང་མི་ལྟ་ལ། ནུར་ནུར་པོའི་ལུས་ཕ་མའི་མི་གཙང་བ་ལས་གཞན་པ་ཡང་མ་ཡིན་ཏེ། དགའ་བོ། འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་ནས་རྒྱུ་དང་རྐྱེན་ཚོགས་པའི་དབང་གིས་ནུར་ནུར་པོའི་ལུས་འབྱུང་བར་འགྱུར་ཏེ། འདི་ལྟར་ཁུ་བ་དང ། ཁྲག་ནི། དམིགས་པ་ཙམ་དང ། རྟེན་ཙམ་དུ་འགྱུར་བར་ཟད་དོ། །དགའ་བོ། དཔེར་ན། ཞོལ་ཡང་བརྟེན། རྫ་མ་ལ་ཡང་བརྟེན། སྲུབ་མ་ལ་ཡང་བརྟེན། སྐྱེས་བུ་དེ་ལས་བྱུང་བའི་རྩོལ་བ་ལ་ཡང་བརྟེན་ནས་ཞོ་ལས་མར་གསར་འབྱུང་ངོ ། །དགའ་བོ། དེ་ལ་སོ་སོ་ལ་མར་གསར་མི་</font><hr>Tha197b<br><font size=+2>


དམིགས་མོད་ཀྱི། དགའ་བོ། འོན་ཀྱང་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་མར་གསར་འབྱུང་སྟེ། འདི་ལྟར། ཞོ་ནི། མར་གསར་གྱི་དམིགས་པ་ཙམ་དང ། རྟེན་ཙམ་དུ་འགྱུར་བར་ཟད་དོ། །དེ་བཞིན་དུ་ཕ་མའི་མི་གཙང་བ་ལས་ནུར་ནུར་པོའི་ལུས་བལྟ་བར་བྱ་སྟེ། ནུར་ནུར་པོའི་ལུས་ཕ་མའི་མི་གཙང་བ་ལས་གཞན་པ་ཡང་མ་ཡིན་ནོ། །དགའ་བོ། འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་ནུར་ནུར་པོའི་ལུས་མངོན་པར་འགྲུབ་སྟེ། འདི་ལྟར་ཁུ་བ་དང ། ཁྲག་ནི། དམིགས་པ་ཙམ་དང ། རྟེན་ཙམ་དུ་འགྱུར་བར་ཟད་དོ། །དགའ་བོ། དཔེར་ན། རྩཝ་སྔོན་པོ་ལ་བརྟེན་ནས་སྲིན་བུ་སྐྱེའོ། །དགའ་བོ། དེ་ལ་སྲིན་བུ་ནི། རྩཝ་སྔོན་པོ་ཡིན་པར་མི་བལྟ་ལ། སྲིན་བུ་རྩཝ་སྔོན་པོ་ལས་གཞན་པར་ཡང་མི་བལྟའི། འོན་ཀྱང་རྩཝ་སྔོན་པོ་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་སྲིན་བུ་ཁ་དོག་མཐུན་པའི་མཐུ་ཅན་སྐྱེ་ཞིང ། ཁ་དོག་གི་མཐུ་དེས་ན། སྲིན་བུ་དེ་དེའི་ངོ་བོ་ཉིད་དེ། ལོ་མ་སྔོན་པོ་ལྟ་བུར་འགྱུར་རོ། །དགའ་བོ། དེ་བཞིན་དུ་ནུར་ནུར་པོའི་ལུས་ཕ་མའི་མི་གཙང་བ་ཡིན་པར་ཡང་མི་བལྟ། ནུར་ནུར་པོའི་ལུས་ཕ་མའི་མི་གཙང་བ་ལས་གཞན་པ་ཡང་མ་ཡིན་གྱི། དགའ་བོ། འོན་ཀྱང་ཕ་མའི་མི་གཙང་བ་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་དབང་པོའི་འབྱུང་བ་ཆེན་པོ་དག་མངོན་པར་འགྲུབ་པར་འགྱུར་རོ། །དགའ་བོ། དཔེར་ན། བ་ལང་གི་ལྕི་བ་ལ་</font><hr>Tha198a<br><font size=+2>


༄#། །བརྟེན་ནས་སྲིན་བུ་སྐྱེའོ། །དགའ་བོ། དེ་ལ་སྲིན་བུ་ནི། བ་ལང་གི་ལྕི་བ་ཡིན་པར་མི་བལྟ། སྲིན་བུ་བ་ལང་གི་ལྕི་བ་ལས་གཞན་པར་ཡང་མི་བལྟའི། དགའ་བོ།་འོན་ཀྱང་བ་ལང་གི་ལྕི་བ་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གི་སྲིན་བུ་ཁ་དོག་མཐུན་པའི་མཐུ་ཅན་སྐྱེ་ཞིང ། ཁ་དོག་གི་མཐུ་དེས་ན། སྲིན་བུ་དེ་དེའི་ངོ་བོ་ཉིད་དེ། སེར་པོར་འགྱུར་རོ། །དགའ་བོ། དེ་བཞིན་དུ་ནུར་ནུར་པོའི་ལུས་ཀྱང་ཕ་མའི་མི་གཙང་བ་ཡིན་པར་མི་བལྟ། ནུར་ནུར་པོའི་ལུས་ཕ་མའི་མི་གཙང་བ་ལས་གཞན་པ་ཡང་མ་ཡིན་གྱི། དགའ་བོ། འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་ཕ་མ་དང་འདྲ་བའི་དབང་པོའི་འབྱུང་བ་ཆེན་པོ་དག་མངོན་པར་འགྲུབ་བོ། དགའ་བོ། དཔེར་ན། རྒྱ་ཤུག་ལ་བརྟེན་ནས་སྲིན་བུ་སྐྱེའོ། །དགའ་བོ། དེ་ལ་སྲིན་བུ་ནི། རྒྱ་ཤུག་ཡིན་པར་བལྟ་བར་མི་བྱ། སྲིན་བུ་རྒྱ་ཤུག་ལས་གཞན་དུ་ཡང་བལྟ་བར་མི་བྱའོ། །དགའ་བོ། འོན་ཀྱང་རྒྱ་ཤུག་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་སྲིན་བུ་ཁ་དོག་མཐུན་པའི་མཐུ་ཅན་སྐྱེ་ཞིང ། ཁ་དོག་གི་མཐུ་དེས་ན། སྲིན་བུ་དེ་དེའི་ངོ་བོ་ཉིད་དེ། དམར་པོར་འགྱུར་རོ། །དགའ་བོ། དེ་བཞིན་དུ་ནུར་ནུར་པོའི་ལུས་ཀྱང་ཕ་མའི་མི་གཙང་བ་ཡིན་པར་མི་བལྟ། ནུར་ནུར་པོའི་ལུས་ཕ་མའི་མི་གཙང་བ་ལས་</font><hr>Tha198b<br><font size=+2>


གཞན་པ་ཡང་མ་ཡིན་གྱི། དགའ་པོ། འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་ཕ་མ་དང་འདྲ་བའི་དབང་པོའི་འབྱུང་བ་ཆེན་པོ་དག་མངོན་པར་འགྲུབ་པར་འགྱུར་རོ། །དགའ་བོ། དཔེར་ན། ཞོ་ལ་བརྟེན་ནས་སྲིན་བུ་སྐྱེའོ། །དགའ་བོ། དེ་ལ་སྲིན་བུ་ནི། ཞོ་ཡིན་པར་མི་བལྟ། སྲིན་བུ་ཞོ་ལས་གཞན་པར་ཡང་བལྟ་བར་མི་བྱའི། དགའ་བོ། འོན་ཀྱང་ཞོ་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་སྲིན་བུ་ཁ་དོག་མཐུན་པའི་མཐུ་ཅན་སྐྱེ་ཞིང ། ཁ་དོག་གི་མཐུ་དེས་ན། སྲིན་བུ་དེ་དེའི་ངོ་བོ་ཉིད་དེ། དཀར་པོར་འགྱུར་རོ། །དགའ་བོ། དེ་བཞིན་དུ་ནུར་ནུར་པོའི་ལུས་ཀྱང་ཕ་མའི་མི་གཙང་བ་ཡིན་པར་མི་བལྟ། ནུར་ནུར་པོའི་ལུས་ཕ་མའི་མི་གཙང་པ་ལས་གཞན་པ་ཡང་མ་ཡིན་གྱི། དགའ་བོ།་འོན་ཀྱང་ཕ་མའི་མི་གཙང་པ་དེ་ཉིད་ལ་བརྟེན་ནས་རྒྱུ་དང ། རྐྱེན་ཚོགས་པའི་དབང་གིས་ཕ་མ་དང་འདྲ་བའི་དབང་པོའི་འབྱུང་བ་ཆེན་པོ་དག་མངོན་པར་འགྲུབ་བོ། །དགའ་བོ། དེ་ལ་ཕ་མའི་རྒྱུ་ལས་བྱུང་བ་མི་གཙང་བ་ནུར་ནུར་པོའི་ལུས་ལ་སའི་ཁམས་ནི། སྲ་བ་ཉིད་དུ། ཆུའི་ཁམས་ནི། གཤེར་བ་ཉིད་དུ། མེའི་ཁམས་ནི། དྲོ་བ་ཉིད་དུ། རླུང་གི་ཁམས་ནི། ཡང་ཞིང་གཡོ་བ་ཉིད་དུ་ཉེ་བར་གནས་པ་ཡིན་ནོ། །དགའ་བོ། གལ་ཏེ་ཕ་མ་ལས་བྱུང་བ་མི་གཙང་བ་ནུར་ནུར་པོའི་ལུས་དེ་ལ་སའི་ཁམས་ཡོད་ཀྱི། ཆུའི་ཁམས་མེད་ན། སྐམ་པ་དང་</font><hr>Tha199a<br><font size=+2>


༄#། །འགྱེས་པར་འགྱུར་ཏེ། དཔེར་ན། ཕྱེ་སྤར་གང་ངམ། ཐལ་བ་སྤར་གང་ལྟ་བུའོ། །དགའ་བོ། གལ་ཏེ་ཕ་མའི་རྒྱུ་ལས་བྱུང་བ་མི་གཙང་བ་ནུར་ནུར་པོའི་ལུས་དེ་ལ་ཆུའི་ཁམས་ཡོད་ཀྱི། སའི་ཁམས་མེད་ན། གཤེར་བས་འབོ་བར་འགྱུར་ཏེ། དཔེར་ན། འབྲ་མར་རམ། ཆུ་ལྟ་བུའི། །དགའ་བོ། འོན་ཀྱང་ཆུའི་ཁམས་ཀྱིས་སའི་ཁམས་བསྡུས་པས་མི་འགྱེས་ལ། སའི་ཁམས་ཀྱིས་ཆུའི་ཁམས་བཟུང་བས་མི་འབོའོ། །དགའ་བོ། གལ་ཏེ་ཕ་མའི་རྒྱུ་ལས་བྱུང་བ་མི་གཙང་བ་ནུར་ནུར་པོའི་ལུས་དེ་ལ་སའི་ཁམས་དང་ཆུའི་ཁམས་ཡོད་ཀྱི། མེའི་ཁམས་མེད་ན། གཤེར་བ་དང ། འཇིག་པ་དང ། འདྲུལ་བར་འགྱུར་ཏེ། དགའ་བོ། དཔེར་ན། སོ་ག་རྣམས་ཀྱི་ཟླ་བ་ཕྱི་མ་ལ་ཤའི་དུམ་བུ་མེའི་ཁམས་མེད་པས། གཤེར་བ་དང ། འཇིག་པ་དང ། འདྲུལ་བར་འགྱུར་བ་དེ་བཞིན་དུ། དགའ་བོ། གལ་ཏེ་ཕ་མའི་རྒྱུ་ལས་བྱུང་བ་མི་གཙང་བ་ནུར་ནུར་པོའི་ལུས་དེ་ལ་སའི་ཁམས་དང་ཆུའི་ཁམས་ཡོད་ཀྱི། མེའི་ཁམས་མེད་ན། གཤེར་བ་དང ། འཇིག་པ་དང ། འདྲུལ་བར་འགྱུར་རོ། །དགའ་བོ། གལ་ཏེ་ཕ་མའི་རྒྱུ་ལས་བྱུང་བ་མི་གཙང་བ་ནུར་ནུར་པོའི་ལུས་དེ་ལ་སའི་ཁམས་དང་ཆུའི་ཁམས་དང ། མེའི་ཁམས་ཡོད་ཀྱི། རླུང་གི་ཁམས་མེད་ན། གཡོ་བར་ཡང་མི་འགྱུར། འཕེལ་ཞིང་རྒྱས་པ་དང ། ཡངས་པར་ཡང་འགྱུར་དུ་མི་བཏུབ་པ་ཞིག་ན། དགའ་བོ། འོན་ཀྱང་འབྱུང་བ་ཆེན་</font><hr>Tha199b<br><font size=+2>


པོ་ནང་གིས་ཀུན་ནས་བསླངས་པ། སྔོན་གྱི་ལས་ཀྱི་རྣམ་པར་སྨིན་པ་ལས་བྱུང་བ། ཉེ་བར་གྱུར་པ། ཟིན་པ། ཕན་ཚུན་གྱི་རྒྱུ་ཅན་འདི་དག་ཉིད་སའི་ཁམས་ཀྱིས་བརྟེན། ཆུའི་ཁམས་ཀྱིས་བསྡུས། མེའི་ཁམས་ཀྱིས་ཡོངས་སུ་སྨིན་པར་བྱས། རླུང་གི་ཁམས་ཀྱིས་གཡོ་བར་བྱས་པས། འཕེལ་ཞིང་ཡངས་པ་དང ། རྒྱས་པར་འགྱུར་རོ། །དགའ་བོ། དཔེར་ན། སྣུམ་འཁུར་མཁན་ནམ། སྣུམ་འཁུར་མཁན་གྱི་སློབ་མས་བུ་རམ་བྱི་དོར་བྱས་པ་མེར་བསྐོལ་བ་དང ། དབུགས་ཀྱིས་པདྨའི་རྩ་བའི་སྦུབས་སུ་བསྒྲུབས་ན། དེ་དག་ཉིད་འཕེལ་ཞིང་རྒྱས་པ་དང ། ཡང་པར་འགྱུར་རོ། །དགའ་བོ།་དེ་བཞིན་དུ་འབྱུང་བ་ཆེན་པོ་ནང་གིས་ཀུན་ནས་བསླངས་པ། སྔོན་གྱི་ལས་ཀྱི་རྣམ་པར་སྨིན་པ་ལས་བྱུང་བ། ཉེ་བར་འགྱུར་པ། ཟིན་པ། ཕན་ཚུན་གྱི་རྒྱུ་ཅན་འདི་དག་ཉིད་སའི་ཁམས་ཀྱིས་བརྟེན། ཆུའི་ཁམས་ཀྱིས་བསྡུས། མེའི་ཁམས་ཀྱིས་ཡོངས་སུ་སྨིན་པར་བྱས། རླུང་གི་ཁམས་ཀྱིས་གཡོ་བར་བྱས་ན། འཕེལ་ཞིང་ཡངས་པ་དང ། རྒྱས་པར་འགྱུར་རོ། །དགའ་བོ། དེ་ལ་ནུར་ནུར་པོའི་ལུས་དེ་ནི། ཕ་མའི་མི་གཙང་བ་ཡིན་པར་བལྟ་བར་མི་བྱ་སྟེ། ཕའི་རྐྱེན་ལས་མ་ཡིན། མའི་མངལ་ནས་མ་ཡིན། ལས་དེ་ལས་མ་ཡིན། རྒྱུ་དེ་ལས་མ་ཡིན། རྐྱེན་དེ་ལས་མ་ཡིན་མོད་ཀྱི། དགའ་བོ་འོན་ཀྱང་ཕ་མའི་མི་གཙང་བ་དེ་དག་ཉིད་ལ་བརྟེན་ཅིང ། རྒྱུ་རྣམས་ཚོགས་པ་དང ། འདུས་པ་དང ། འབྱོར་པ་དང ། མངོན་དུ་གྱུར་པ་ལས་</font><hr>Tha200a<br><font size=+2>


༄#། །མངལ་ན་གནས་པ་འགྲུབ་པར་འགྱུར་རོ། །དགའ་བོ། དཔེར་ན། ས་བོན་གསར་པ། གྲུང་པོ། །མ་གྲུགས་པ། མ་ཕུག་པ། མ་གས་པ། མ་རུལ་པ།་རླུང་དང ། ཉི་མ་ས་མ་ཉམས་པ་དག་།རླན་དང་བཅས་པའི་ས་ཕྱོགས་སྙི་བའམ། ཞིང་བཟང་པོ་གཤིན་པ་ཞིག་ལ་བཏབ་པར་གྱུར་ཅིང ། ལེགས་པར་ཚས་བྱ་བ་ནི།་ས་བོན་དེ་དག་ལས་རྒྱུ་དང་རྐྱེན་གྱི་དབང་གིས་མྱུ་གུ་དང ། འདབ་མ་དང ། སྡོང་པོ་དང ། སྙིང་པོ་དང ། མེ་ཏོག་དང ། འབྲས་བུ་དག་རིམ་གྱིས་མངོན་པར་འགྲུབ་བོ། །དགའ་བོ།་དེ་ལ་མྱུ་གུ་ལ་སོགས་པ་དག་ནི། ས་བོན་དེ་དག་ཉིད་མ་ཡིན་ཞིང ། དེ་དག་མ་གཏེགས་\་GཊཱོGཥ\་པར་རྒྱུ་མེད་པ་དང ། རྐྱེན་མེད་པ་ལས་མྱུ་གུ་ལ་སོགས་པར་འགྱུར་བ་ཡང་མ་ཡིན་ནོ། །འོན་ཀྱང་རྒྱུ་ཚོགས་པ་ལས་མྱུ་གུ་ལ་སོགས་པར་འགྱུར་བ་དེ་བཞིན་དུ། དགའ་བོ། ནུར་ནུར་པོའི་ལུས་ཀྱང་ཕ་མའི་མི་གཙང་བ་ཡིན་པར་མི་བལྟ་སྟེ། པའི་རྐྱེན་ལས་མ་ཡིན། མའི་མངལ་ནས་མ་ཡིན། ལས་དེ་ལས་མ་ཡིན། རྒྱུ་དེ་ལས་མ་ཡིན། རྐྱེན་དེ་ལས་མ་ཡིན་མོད་ཀྱི། དགའ་བོ། འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་ཅིང་རྒྱུ་རྣམས་ཚོགས་པ་དང ། འདུས་པ་དང ། འབྱོར་པ་དང ། མངོན་དུ་གྱུར་པ་ལས་མངལ་ན་གནས་པ་འགྲུབ་པར་འགྱུར་རོ། །དགའ་བོ། དཔེར་ན། སྐྱེས་བུ་མིག་དང་</font><hr>Tha200b<br><font size=+2>


ལྡན་པ། མེ་ཡང་དག་པ་ཁོ་ནར་དབྱུང་བར་འདོད་པ། ནོར་བུ་མེ་ཤེལ་བླངས་ཏེ་ཉི་མ་ལ་བསྟན་ཏེ་བཞག་ནས་བ་ལང་གི་ལྕི་བ་སྐམ་པོའི་ཕྱེ་མ་ལེགས་པར་བཞག་པ་ལས་མེ་འབྱིན་པར་བྱེད་ན། དགའ་བོ། རྒྱུ་དེ་དག་ལ་མེ་ཡོད་པ་ཡིན། རྒྱུ་དེ་དག་སྤངས་ཏེ་རྒྱུ་མེད་པ་དང ། རྐྱེན་མེད་པ་ལས་མེ་འབྱུང་བར་འགྱུར་བ་མ་ཡིན་མོད་ཀྱི། འོན་ཀྱང་རྒྱུ་རྐྱེན་སྣ་ཚོགས་པ་ལས་མེ་འབྱུང་བར་འགྱུར་པ་དེ་བཞིན་དུ། དགའ་བོ། ཕ་མའི་མི་གཙང་བ་དེ་དག་ཉིད་ལ་བརྟེན་ཅིང་རྒྱུ་རྣམས་ཚོགས་པ་དང ། འདུས་པ་དང ། འབྱོར་པ་དང ། མངོན་དུ་གྱུར་པ་ལས་མངལ་ན་གནས་པ་འགྲུབ་པར་འགྱུར་རོ། །དགའ་བོ། དེ་ལ་ཕ་མའི་རྒྱུ་ལས་བྱུང་བ་མི་གཙང་བ་ནུར་ནུར་པོའི་ལུས་གང་ཡིན་པ་འདི་ནི། གཟུགས་སོ། །དེ་དང་ལྷན་ཅིག་འབྱུང་བ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་འདི་དག་ནི། མིང་ངོ ། །མིང་འདི་དང ། གོང་མའི་གཟུགས་དེ་དག་གཅིག་ཏུ་བསྡུས་ནས་མིང་དང་གཟུགས་ཞེས་བྱ་བའི་གྲངས་སུ་འགྲོ་སྟེ། དགའ་བོ། འདི་ལྟ་སྟེ། མིང་དང ། གཟུགས་དེ་ནི། དེ་དག་ཁོ་ན་ཙམ་དུ་ཟད་དོ། །དགའ་བོ། ང་ནི། སྲིད་པ་མངོན་པར་གྲུབ་པ་ཆུང་དུ་ལ་ཡང་བསྔགས་པར་མི་བྱེད། སྲིད་པ་མངོན་པར་གྲུབ་པ་སྐད་ཅིག་ལ་ཡང་བསྔགས་པར་མི་བྱེད་དོ། །དེ་ཅིའི་ཕྱིར་ཞེ་ན། སྲིད་པ་མངོན་པར་གྲུབ་པ་</font><hr>Tha201a<br><font size=+2>


༄#། །ནི། སྡུག་བསྔལ་བའོ། །དཔེར་ན། ངན་སྐྱུགས་ནི། ཆུང་ངུ་ཡང་དྲི་མནམ་མོ། །དགའ་བོ། དེ་བཞིན་དུ་སྲིད་པ་མངོན་པར་གྲུབ་པ་ཡང་ཆུང་ངུ་ཡང་སྐད་ཅིག་ཀྱང་སྡུག་བསྔལ་བའོ། །དགའ་བོ། དེ་ལ་གཟུགས་ཀྱི་སྐྱེ་བ་དང ། གནས་པ་དང ། མངོན་པར་འགྲུབ་པ་དང ། འབྱུང་བ་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྐྱེ་བ་དང ། གནས་པ་དང ། མངོན་པར་འགྲུབ་པ་དང ། འབྱུང་བ་གང་ཡིན་པ་སྐྱེ་བ་དེ་ནི། སྡུག་བསྔལ་བའོ། །གནས་པ་དེ་ནི། ནད་དོ། །འབྱུང་བ་དེ་ནི། རྒ་བ་དང ། འཆི་བའོ། །དགའ་བོ། དེ་ལ་སྲིད་པ་མངོན་པར་འདོད་པ་མའི་ལྟོར་མངལ་ན་གནས་པ་ལ་གནོག་ཅི་ཞིག་ཡོད། དགའ་བོ། དེ་ལ་ཞག་བདུན་པ་དང་པོ་ལ་ནི། མངལ་གྱི་ཟུག་རྔུ་མི་གཙང་བ། རུལ་པ། རབ་ཏུ་འབར་བའི་འདམ་གྱི་ནང་ན་འདུག་པ། ལུས་ཀྱི་དབང་པོ་ཐམས་ཅད་སྡུག་བསྔལ་བ། ཤིན་ཏུ་དཀའ་བ། དོག་པ་དང ། ཉམ་ང་བར་གྱུར་པ། སྡུག་བསྔལ་བར་རོ་གཅིག་པའི་རྣམ་པར་ཤེས་པ་ཅན་དེ། མའི་ལྟོར་ནུར་ནུར་པོར་འགྱུར་རོ། །དགའ་བོ། དེ་ལ་ནུར་ནུར་པོའི་རང་བཞིན་ཇི་ལྟ་བུ་ཞེ་ན། དགའ་བོ། ནུར་ནུར་པོའི་རང་བཞིན་ནི། དཔེར་ན། འབྲས་བུའམ། ཞོའི་ཞོ་ག་ཆུ་ལྟ་བུ་སྟེ། ནུར་ནུར་པོ་ནི། དེ་ལྟ་བུའི་རང་བཞིན་</font><hr>Tha201b<br><font size=+2>


ནོ། །དེ་དེར་ཞག་བདུན་དུ་གནས་ཤིང ། དེ་ཞག་བདུན་པོ་དེར་གདུང་བ་དང ། ཀུན་ཏུ་གདུང་བ་དང ། ཚ་བ་དང ། ཀུན་ཏུ་ཚ་བ་དང ། ཡོངས་སུ་ཚ་བར་འགྱུར་ཏེ། དེ་ལ་སའི་ཁམས་ནི་སྲ་བ་ཉིད་དུ། ཆུའི་ཁམས་ནི། གཤེར་བ་ཉིད་དུ། མེའི་ཁམས་ནི། ཚ་བ་ཉིད་དུ། རླུང་གི་ཁམས་ནི། ཡང་ཞིང་གཡོ་བ་ཉིད་དུ་ཉེ་བར་གནས་སོ། །དགའ་བོ། ཞག་བདུན་པ་གཉིས་པ་ལ་ནི། མངལ་གྱི་ཟུག་རྔུ་མི་གཙང་བ། རུལ་པ། རབ་ཏུ་འབར་བའི་འདམ་གྱི་ནང་དུ་འདུག་པ། ལུས་ཀྱི་དབང་པོ་ཐམས་ཅད་རབ་ཏུ་ཚ་བ། ཤིན་ཏུ་མི་བཟད་པ་དང ། དོག་པ་དང ། ཉམ་ང་བར་གྱུར་པ། སྡུག་བསྔལ་བར་རོ་གཅིག་པའི་རྣམ་པར་ཤེས་པ་ཅན་དེ་ལ། མའི་ལྟོར་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ་ཀུན་སྡུད་ཅེས་བྱ་བ་དག་ལྡང་སྟེ། དེའི་རེག་པས་མངལ་གྱི་ཟུག་རྔུ་དེ་མེར་མེར་པོར་འགྱུར་རོ། །དགའ་བོ། དེ་ལ་མེར་མེར་པོའི་རང་བཞིན་ཇི་ལྟ་བུ་ཞེ་ན། དགའ་བོ། དཔེར་ན། ཞོའམ་མར་མཁྲང་པོ་ལྟ་བུ་སྟེ། མེར་མེར་པོ་ནི། དེ་ལྟ་བུའི་རང་བཞིན་ཡིན་ནོ། །དེ་དེར་ཞག་བདུན་དུ་གནས་ཤིང ། དེ་ཞག་བདུན་པོ་དེར་གདུང་བ་དང ། ཀུན་ཏུ་གདུང་བ་དང ། ཚ་བ་དང ། ཀུན་ཏུ་ཚ་བ་དང ། ཡོངས་སུ་ཚ་བར་འགྱུར་ཏེ། དེ་ལ་སའི་ཁམས་ནི། སྲ་བ་ཉིད་དུ། ཆུའི་ཁམས་ནི། གཤེར་བ་ཉིད་དུ། མེའི་ཁམས་ནི། དྲོ་བ་ཉིད་དུ། རླུང་གི་ཁམས་ནི། ཡང་ཞིང་གཡོ་བ་ཉིད་དུ་ཉེ་</font><hr>Tha202a<br><font size=+2>


༄#། །བར་གནས་སོ། །དགའ་བོ། ཞག་བདུན་པ་གསུམ་པ་ལ་ནི། མངལ་གྱི་ཟུག་རྡུ་མི་གཙང་བ། རུལ་པ། རབ་ཏུ་ཚ་བ། འདམ་རྫབ་ཀྱི་ནང་ན་འདུག་པ། ལུས་ཀྱི་དབང་པོ་ཐམས་ཅད་རབ་ཏུ་ཚ་བ། ཤིན་ཏུ་མི་བཟད་པ་དང ། དོག་པ་དང ། ཉམ་ང་བར་གྱུར་པ། སྡུག་བསྔལ་བར་རོ་གཅིག་པའི་རྣམ་པར་ཤེས་པ་ཅན་དེ་ལ། མའི་ལྟོར་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ། མཛོད་སྒོ་ཞེས་བྱ་བ་དག་ལྡང་སྟེ། དེའི་རེག་པས་མངལ་གྱི་ཟུག་རྡུ་དེ་ནར་ནར་པོར་འགྱུར་རོ། །དགའ་བོ། དེ་ལ་ནར་ནར་པོའི་རང་བཞིན་ཇི་ལྟ་བུ་ཞེ་ན། དགའ་བོ། དཔེར་ན། ཟབས་ཀྱི་ཐུར་མ་ཕྲ་མོའམ། སྲིན་གྲོལ་མ་ལྟ་བུ་སྟེ། ནར་ནར་པོ་ནི། དེ་ལྟ་བུའི་རང་བཞིན་དུ་འགྱུར་རོ། ། མངལ་གྱི་ཟུག་རྡུ་དེ་དེར་ཞག་བདུན་དུ་གནས་ཤིང ། དེ་ཞག་བདུན་པོ་དེར་གདུང་བ་དང ། ཀུན་ཏུ་གདུང་བ་དང ། ཚ་བ་དང ། ཀུན་ཏུ་ཚ་བ་དང ། ཡོངས་སུ་ཚ་བར་འགྱུར་ཏེ། དེ་ལ་སའི་ཁམས་ནི། སྲ་བ་ཉིད་དུ། ཆུའི་ཁམས་ནི། གཤེར་བ་ཉིད་དུ། མེའི་ཁམས་ནི། དྲོ་བ་ཉིད་དུ། རླུང་གི་ཁམས་ནི། ཡང་ཞིང་གཡོ་བ་ཉིད་དུ་ཉེ་བར་གནས་སོ། །དགའ་བོ། ཞག་བདུན་པ་བཞི་པ་ནི། མངལ་གྱི་ཟུག་རྡུ་མི་གཙང་བ། རུལ་པ། རབ་ཏུ་འབར་བའི་འདམ་གྱི་ནང་དུ་འཇུག་པ། ལུས་ཀྱི་དབང་པོ་ཐམས་ཅད་རབ་ཏུ་ཚ་བ། ཤིན་ཏུ་མི་བཟད་</font><hr>Tha202b<br><font size=+2>


པ་དང ། ཉམ་ང་བ་དང ། དོག་པར་གྱུར་པ། སྡུག་བསྔལ་བར་རོ་གཅིག་པའི་རྣམ་པར་ཤེས་པ་ཅན་དེ་ལ། མའི་ལྟོར་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ། ནང་འདྲེན་པ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེ་གོར་གོར་པོར་འགྱུར་རོ། །དགའ་བོ། དེ་ལ་གོར་གོར་པོའི་རང་བཞིན་ཇི་ལྟ་བུ་ཞེ་ན། དགའ་བོ། དཔེར་ན། རྡར་རམ་མཆི་གུ་ལྟ་བུ་སྟེ། གོར་གོར་པོ་ནི། དེ་ལྟ་བུའི་རང་བཞིན་ནོ། །དེ་དེར་ཞག་བདུན་དུ་གནས་ཤིང ། དེ་ཞག་བདུན་པོ་དེར་གདུང་བ་དང ། ཀུན་ཏུ་གདུང་བ་དང ། ཚ་བ་དང ། ཀུན་ཏུ་ཚ་བ་དང ། ཡོངས་སུ་ཚ་བར་འགྱུར་ཏེ། དེ་ལ་སའི་ཁམས་ནི། སྲ་བ་ཉིད་དུ། ཆུའི་ཁམས་ནི། གཤེར་བ་ཉིད་དུ། མེའི་ཁམས་ནི། དྲོ་བ་ཉིད་དུ། རླུང་གི་ཁམས་ནི། ཡང་ཞིང་གཡོ་བ་ཉིད་དུ་ཉེ་བར་གནས་སོ། །དགའ་བོ། ཞག་བདུན་པ་ལྔ་པ་ལ་ནི། མངལ་ན་གནས་པ་དེ་ལ། མའི་ལྟོའི་ནང་དུ་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ། ཀུན་ཏུ་སྡུད་པ་ཞེས་བྱ་བ་དག་ལྡང་སྟེ། དེས་ན་མངལ་གྱི་ཟུག་རྔུ་དེའི་ལུས་ལ་མཚན་མ་ལྔ་པོ། དཔུང་པ་གཉིས་ཀྱི་དཔུང་པའི་མཚན་མ་དག་དང ། བརླ་གཉིས་ཀྱི་བརླའི་མཚན་མ་དག་དང ། ལྔ་པ་མགོའི་མགོའི་མཚན་མ་འབྱུང་བར་འགྱུར་རོ། །དགའ་བོ། དཔེར་ན། དུས་ཚིགས་ཀྱི་དུས་ཀྱི་ཚེ་དབྱར་གྱི་ཚར་བབ་ན་དང་པོར་ཤིང་གི་ཕུང་བོ་དག་ལ་མྱུ་གུ་འབྱུང་བར་འགྱུར་རོ། །དགའ་བོ། དེ་བཞིན་དུ་མངལ་ན་གནས་པ་དེ་ལ། མའི་ལྟོའི་ནང་དུ་</font><hr>Tha203a<br><font size=+2>


༄#། །ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ། ཀུན་ཏུ་སྤུང་པ་ཞེས་བྱ་བ་དག་ལྡང་སྟེ། དེས་ན་མངལ་ན་གནས་པ་དེའི་ལུས་ལ་མཚན་མ་ལྔ་པོ། །དཔུང་པ་གཉིས་ཀྱི་དཔུང་པའི་མཚན་མ་དག་དང ། བརླ་གཉིས་ཀྱི་བརླའི་མཚན་མ་དག་དང ། ལྔ་པ་མགོའི་མགོའི་མཚན་མ་འབྱུང་བར་འགྱུར་རོ། །དགའ་བོ། ཞག་བདུན་པ་དྲུག་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ། རྒྱ་ཆེན་པོ་ཞེས་བྱ་བ་དག་ལྡང་སྟེ། དེས་ན་མངལ་གྱི་ཟུག་རྔུ་དེའི་ལུས་ལ་མཚན་མ་བཞི་པོ་ལག་ངར་གཉིས་ཀྱི་ལག་ངར་གྱི་མཚན་མ་དག་དང ། རྗེ་ངར་གཉིས་ཀྱི་རྗེ་ངར་གྱི་མཚན་མ་དག་འབྱུང་བར་འགྱུར་རོ། །དགའ་བོ། དཔེར་ན། དབྱར་གྱི་ཆར་བབ་ན་དང་པོར་རྩཝ་དུར་བའི་མྱུ་གུ་སྐྱེ་བར་འགྱུར་རོ། །དགའ་བོ། དེ་བཞིན་དུ་མངལ་ན་གནས་པ་དེ་ལ། མའི་ལྟོར་ནང་ནས་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ། རྒྱ་ཆེན་པོ་ཞེས་བྱ་བ་དག་ལྡང་སྟེ། དེས་ན་མངལ་གྱི་ཟུག་རྔུ་དེའི་ལུས་ལ་མཚན་མ་བཞི་པོ་ལག་ངར་གཉིས་ཀྱི་ལག་ངར་གྱི་མཚན་མ་དག་དང ། རྗེ་ངར་གཉིས་ཀྱི་རྗེ་ངར་གྱི་མཚན་མ་དག་འབྱུང་བར་འགྱུར་རོ། ། དགའ་བོ། ཞག་བདུན་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་ནང་གི་རླུང་ཀུན་ཏུ་སྒྱུར་བ་ཞེས་བྱ་བ་དག་ལྡང་སྟེ། དེས་ན་མངལ་ན་གནས་པ་དེའི་ལུས་ལ་</font><hr>Tha203b<br><font size=+2>


མཚན་མ་གཞན་བཞི་པོ་ལག་པའི་བོལ་གཉིས་ཀྱི་ལག་པའི་བོལ་གྱི་མཚན་མ་དག་དང ། རྐང་པའི་བོལ་གཉིས་ཀྱི་རྐང་པའི་བོལ་གྱི་མཚན་མ་རྒྱ་ཆེན་པོ་དག་འབྱུང་བར་འགྱུར་ཏེ། དགའ་བོ། དཔེར་ན། སྦུ་བའི་ཕུང་པོའམ། ཉ་ལྕིབས་ཀྱི་ཕུང་པོ་ལྟ་བུའོ། །དགའ་བོ། དེ་བཞིན་དུ་མའི་ལྟོའི་ནང་དུ་མངལ་ན་གནས་པ་ཟུག་རྔུ་དེའི་ལུས་ལ་མཚན་མ་བཞི་པོ། ལག་པའི་བོལ་གཉིས་ཀྱི་ལག་པའི་བོལ་གྱི་མཚན་མ་དག་དང ། རྐང་པའི་བོལ་གཉིས་ཀྱི་རྐང་པའི་བོལ་གྱི་མཚན་མ་དག་འབྱུང་བར་འགྱུར་རོ། །དགའ་བོ། ཞག་བདུན་པ་བརྒྱད་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་ནང་གི་རླུང་ཡོངས་སུ་སྒྱུར་བ་ཞེས་བྱ་བ་དག་ལྡང་སྟེ། དེས་ན་མངལ་གྱི་ཟུག་རྔུ་དེའི་ལུས་ལ་མཚན་མ་ཉི་ཤུ་པོ། ལག་པའི་སོར་མོ་བཅུའི་ལག་པའི་སོར་མོའི་མཚན་མ་རྣམས་དང ། རྐང་པའི་སོར་མོ་བཅུའི་རྐང་པའི་སོར་མོའི་མཚན་མ་རྣམས་སྐྱེ་བར་འགྱུར་རོ། །དགའ་བོ། དཔེར་ན། དབྱར་ཆར་བབ་ན་དང་པོར་ཤིང་གི་ཕུང་པོའི་དྲུང་གི་རྩ་བ་དག་སྐྱེ་བར་འགྱུར་རོ། །དགའ་བོ། དེ་བཞིན་དུ་མའི་ལྟོའི་ནང་དུ་མངལ་གྱི་ཟུག་རྔུ་དེའི་ལུས་ལ་མཚན་མ་ཉི་ཤུ་པོ། །ལག་པའི་སོར་མོ་བཅུའི་ལག་པའི་སོར་མོའི་མཚན་མ་རྣམས་དང ། རྐང་པའི་སོར་མོ་བཅུའི་རྐང་པའི་སོར་མོ་བཅུའི་མཚན་མ་རྣམས་འབྱུང་བར་འགྱུར་རོ། །དགའ་བོ། ཞག་བདུན་པ་དགུ་པ་ལ་ནི། མའི་</font><hr>Tha204a<br><font size=+2>


༄#། །ལྟོའི་ནང་དུ་མངལ་ན་གནས་པ་ཟུག་རྡུ་དེའི་ལུས་ལ་མཚན་མ་དགུ་པོ། མིག་གི་མཚན་མ་གཉིས་དང ། རྣ་བའི་མཚན་མ་གཉིས་དང ། སྣའི་མཚན་མ་གཉིས་དང ། སྨད་ཀྱི་མཚན་མ་གཉིས་དང ། ཁའི་མཚན་མ་འབྱུང་བར་འགྱུར་རོ། །དགའ་བོ། ཞག་བདུན་པ་བཅུ་པ་ལ་ནི། མངལ་ན་གནས་པ་དེ་ལ་མའི་ལྟོའི་ནང་ནས་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ། བརྟན་པ་ཞེས་བྱ་བ་དག་ལྡང་སྟེ། དེས་ན་མངལ་ན་གནས་པ་དེའི་ལུས་ལ་སྲ་བ་ཉིད་དང ། ལྕི་བ་ཉིད་ཀུན་ཏུ་གནས་པར་འགྱུར་རོ། །ཞག་བདུན་པ་དེ་ཉིད་ལ་མངལ་ན་གནས་པ་དེ་ལ་མའི་ལྟོར་ནང་ནས་རླུང་ཀུན་ནས་སྒོ་ཞེས་བྱ་བ་དག་ལྡང་ཞིང ། དེ་དག་གིས་མངལ་ན་གནས་པ་དེ་གང་བར་བྱེད། ཀུན་ཏུ་གང་བར་བྱེད། ཀུན་ཏུ་ཡོངས་སུ་གང་བར་བྱེད། དགའ་བོ། དཔེར་ན། རྐྱལ་པའམ། སྦུད་པ་གང་བ་བཞིན་ནོ། །དགའ་བོ། ཞག་བདུན་པ་བཅུ་གཅིག་པ་ལ་ནི། མངལ་ན་གནས་པ་དེ་ལ་མའི་ལྟོར་ནང་ནས་རྟ་བྱེད་ཅེས་པའི་རླུང་དག་ལྡང་སྟེ། དེས་ན་མངལ་ན་གནས་པ་དེ་ཁོང་སྟོང་དུ་འགྱུར་ཞིང་དེའི་ལུས་ལ་བུ་གུ་དགུ་ཡང་དོད་པར་འགྱུར་ཏེ། ཇི་ལྟ་ཇི་ལྟར་དེའི་མས་བསྐྱོད་པ་དང ། ཀུན་ཏུ་བསྐྱོད་པ་དང ། ཡོངས་སུ་བསྐྱོད་པའམ། དྲག་ཏུ་བརྩལ་བའམ། ལུས་དག་རྣམ་པར་གཡེངས་པ་</font><hr>Tha204b<br><font size=+2>


དེ་ལྟ་དེ་ལྟར་མངལ་ན་གནས་པ་དེ་ཁོང་སྟོང་དུ་འགྱུར་ཞིང ། དེའི་བུ་ག་དེ་དག་ཀྱང་མངོན་པར་འགྲུབ་པར་འགྱུར་རོ། །དགའ་བོ། རྟ་བྱེད་ཅེས་བྱ་བའི་རླུང་དེ་དག་ནི། གྱེན་དུ་བལྟས་ཏེ་འགྲོ་བ་ན། སྟོད་ཀྱི་བུ་ག་འབྱུང་བར་བྱེད། ཐུར་དུ་བལྟས་ཏེ་འགྲོ་བ་ན། སྨད་ཀྱི་བུ་ག་འབྱུང་བར་བྱེད་དོ། །དགའ་བོ། དཔེར་ན། མགར་བའི་སྦུད་པ་མགར་བ་མཁས་པའམ། མགར་བའི་སློབ་མས་བླངས་པ་ཇི་ལྟ་ཇི་ལྟར་ལག་པ་གཉིས་ཀྱིས་བུས་པ་དེ་ལྟ་དེ་ལྟར་རླུང་གཡོ་བར་འགྱུར་རོ། །དགའ་བོ། དེ་བཞིན་དུ་རླུང་རྟ་བྱེད་ཅེས་བྱ་བ་དེ་དག་ཀྱང་གྱེན་དུ་བལྟས་ཏེ་འགྲོ་བ་ན། སྟོད་ཀྱི་བུ་ག་འབྱུང་བར་བྱེད། ཐུར་དུ་བལྟས་ཏེ་འགྲོ་བ་ན། སྨད་ཀྱི་བུ་ག་འབྱུང་བར་བྱེད་དོ། །དགའ་བོ། རླུང་རྟ་བྱེད་དེ་དག་ནི། སྐྱེ་མཆེད་དེ་རྣམས་བཏོད་ནས་དེ་ཉིད་དུ་མེད་པར་འགྱུར་རོ། །དགའ་བོ། ཞག་བདུན་པ་བཅུ་གཉིས་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་རླུང་ཡོན་པོའི་སྒོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལྟོ་གཡས་གཡོན་དུ་རྒྱུ་མ་དང ། གཉེ་མ་དག་མངོན་པར་འགྲུབ་པར་བྱེད་དེ། དགའ་བོ། དཔེར་ན། པདྨའི་རྩ་བའི་སྦུ་བུའི་རྩ་ལག་དག་བྲེང་ཆགས་པ་བཞིན་དུ་དེའི་ནང་ཁྲོལ་འབྲེལ་པ། དོག་པ། འཛིངས་པ་ལྟ་བུ་དེ་འདྲ་བ་ལུས་ལ་བརྟེན་པར་འགྱུར་རོ། །དེ་ནས་ཞག་བདུན་པ་དེ་ཉིད་ལ་རླུང་སྦུ་བྱེད་ཅེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་ཚིགས་སུམ་བརྒྱ་སུམ་ཅུ་ལས། མི་མང་མི་ཉུང་བ་སྐྱེད་ཅིང ། རླུང་གི་དབང་གིས་</font><hr>Tha205a<br><font size=+2>


༄#། །ལུས་ལ་ནད་བརྒྱ་རྩ་གཅིག་ཀྱང་བརྟེན་པར་འགྱུར་རོ། །དགའ་བོ། ཞག་བདུན་པ་བཅུ་གསུམ་པ་ལ་ནི། མངལ་ན་གནས་པ་དེ་ལ། མའི་ལྟོའི་ནང་དུ་བཀྲེས་པ་དང ། སྐེམ་པ་དག་འབྱུང་སྟེ། དེའི་མས་ཟོས་ཤིང་འཐུངས་བ་གང་ཡིན་པ་དེ་ལས་བཅུད་དེའི་ལྟེ་བ་ནས་འཇུག་ཅིང ། དེ་དེ་ན་དེས་འཚོ་བར་བྱེད་དོ། །དེ་ཡི་མ་ཡིས་ཟས་དང་སྐོམ། །གཉིས་པོ་སྤྱད་པ་གང་ཡིན་དེས། །མ་ཡི་ལྟོ་ན་འདུག་པ་ཡི། །མི་དེ་དེ་ན་སྐྱེད་པར་བྱེད། །དགའ་བོ། ཞག་བདུན་པ་བཅུ་བཞི་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་རླུང་སྐུད་པའི་སྒོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་ཆུ་རྒྱུས་དགུ་བརྒྱ་པོ་ལུས་ཀྱི་མདུན་དུ་ཉིས་བརྒྱ་ཉི་ཤུ་རྩ་ལྔ་དང ། ལུས་ཀྱི་རྒྱབ་ཏུ་ཉིས་བརྒྱ་ཉི་ཤུ་རྩ་ལྔ་དང ། ལུས་ཀྱི་གཡས་སུ་ཉིས་བརྒྱ་ཉི་ཤུ་རྩ་ལྔ་དང ། ལུས་ཀྱི་གཡོན་དུ་ཉིས་བརྒྱ་ཉི་ཤུ་རྩ་ལྔ་སྐྱེད་པར་བྱེད་དོ། །དགའ་བོ། ཞག་བདུན་པ་བཅོ་ལྔ་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་རླུང་པདྨ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་རྩ་ཉི་ཤུ་བསྐྱེད་པར་འགྱུར་ཏེ། དགའ་བོ། དེ་ལ་ལུས་ཀྱི་མདུན་དུ་རྩ་ལྔའོ། །ལུས་ཀྱི་རྒྱབ་ཏུ་རྩ་ལྔའོ། །ལུས་ཀྱི་གཡས་སུ་རྩ་ལྔའོ། །ལུས་ཀྱི་གཡོན་ཏུ་རྩ་ལྔའོ། །རྩ་དེ་དག་ལ་ཡང་མིང་དུ་མ་དང ། མིང་སྣ་ཚོགས་དང ། ཁ་དོག་དུ་མ་དང ། ཁ་དོག་སྣ་ཚོགས་ཏེ། གྲོགས་</font><hr>Tha205b<br><font size=+2>


ཞེས་བྱ་བ་ཡོད། སྟོབས་ཞེས་བྱ་བ་ཡོད། བརྟན་པ་ཞེས་བྱ་བ་ཡོད། མཐུ་ཅན་ཞེས་བྱ་བ་ཡོད་དོ། །ཁ་དོག་སྔོན་པོ་དང ། ཁ་དོག་སེར་པོ་དང ། ཁ་དོག་དམར་པོ་དང ། ཁ་དོག་དཀར་པོ་དང ། བབ་ལ་ལྟ་བུའི་སེར་སྐྱ་དང ། ཁྲ་བོ་དང ། མར་གྱི་ཁ་དོག་དང ། ཞོའི་ཁ་དོག་དང ། འབྲུ་མར་གྱི་ཁ་དོག་དང ། མཁྲིས་པ་མ་སྨིན་པས་ཁྱབ་པ་དང ། མཁྲིས་པ་སྨིན་པས་ཁྱབ་པ་དག་ཡོད་དོ། །དགའ་བོ། ཡང་རྩ་ཉི་ཤུ་པོ་དེ་དག་རེ་རེ་ལ་ཡང་འཁོར་རྩ་བཞི་བཅུ་བཞི་བཅུ་ཡོད་པས། རྩ་དེ་དག་བརྒྱད་བརྒྱར་འགྱུར་རོ། །དགའ་བོ། དེ་ལ་ཉིས་བརྒྱ་ནི། ལུས་ཀྱི་མདུན་དུ། ཉིས་བརྒྱ་ནི། ལུས་ཀྱི་རྒྱབ་ཏུ། ཉིས་བརྒྱ་ནི། ལུས་ཀྱི་གཡས་སུ། ཉིས་བརྒྱ་ནི། ལུས་ཀྱི་གཡོན་དུ་འབྱུང་བར་འགྱུར་ཏེ། ཉིས་བརྒྱ་ནི། གྲོགས་ཀྱི་ཡིན། ཉིས་བརྒྱ་ནི། སྟོབས་རྣམས་ཀྱི་ཡིན། ཉིས་བརྒྱ་ནི། བརྟན་པ་རྣམས་ཀྱི་ཡིན། ཉིས་བརྒྱ་ནི། མཐུ་ཅན་རྣམས་ཀྱི་ཡིན་ནོ། །དགའ་བོ། །ཡང་རྩ་བརྒྱད་བརྒྱ་པོ་དེ་དག་རེ་རེ་ལ་ཡང་འཁོར་རྩ་བརྒྱ་བརྒྱ་ཡོད་དེ། དེ་ལྟར་ན། རྩ་དེ་དག་བརྒྱད་ཁྲིར་འགྱུར་རོ། །དགའ་བོ། དེ་ལ་ཉི་ཁྲི་ནི། ལུས་ཀྱི་མདུན་དུ། ཉི་ཁྲི་ནི། ལུས་ཀྱི་རྒྱབ་ཏུ། ཉི་ཁྲི་ནི། ལུས་ཀྱི་གཡས་སུ། ཉི་ཁྲི་ནི། ལུས་ཀྱི་གཡོན་དུ་འབྱུང་བར་འགྱུར་རོ། །དགའ་བོ། ཡང་རྩ་བརྒྱད་ཁྲི་པོ་དེ་དག་གི་གཞི་ལ་བུ་གུ་དུ་མ་དང ། བུ་གུ་སྣ་ཚོགས་ཏེ། བུ་གུ་གཅིག་པ་ཡང་ཡོད། བུ་གུ་གཉིས་པ་དང ། </font><hr>Tha206a<br><font size=+2>


༄#། །བུ་གུ་གསུམ་པ་དང ། བཞི་པ་དང ། ལྔ་པ་དང ། དྲུག་པ་དང ། བུ་གུ་བདུན་པ་དག་ཀྱང་ཡོད་དེ། དགའ་བོ། འདི་ལྟ་སྟེ། དཔེར་ན། པདྨའི་རྩ་བ་དང ། སྡོང་བུ་ལ་བུ་གུ་དུ་མ་དང ། བུ་གུ་སྣ་ཚོགས་ཏེ། བུ་གུ་གཅིག་པ་ཡང་ཡོད། བུ་གུ་གཉིས་པ་དང ། བུ་གུ་གསུམ་པ་དང ། བཞི་པ་དང ། ལྔ་པ་དང ། དྲུག་པ་དང ། བུ་གུ་བདུན་པ་དག་ཡོད་པ་དེ་བཞིན་དུ། དགའ་བོ། རྩ་བརྒྱད་ཁྲི་པོ་དེ་དག་གི་གཞི་ལ་ཡང་བུ་གུ་དུ་མ་དང ། བུ་གུ་སྣ་ཚོགས་ཏེ། བུ་གུ་གཅིག་པ་ཡང་ཡོད། བུ་གུ་གཉིས་པ་དང ། བུ་གུ་གསུམ་པ་དང ། བཞི་པ་དང ། ལྔ་པ་དང ། དྲུག་པ་དང ། བུ་གུ་བདུན་པ་དག་ཡོད་དོ། །དགའ་བོ། དེ་ལ་རྩ་དེ་དག་ནི། བ་སྤུའི་ཁུང་བུ་སོ་སོ་སོ་སོ་དང་འབྲེལ་བར་འཇུག་གོ་།དགའ་བོ། ཞག་བདུན་པ་བཅུ་དྲུག་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་རླུང་མི་འཆི་བ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་མིག་གི་སྐྱེ་མཆེད་གཉིས་ཀུན་ཏུ་འགོད་པར་བྱེད།་ངེས་པར་འགོད་པར་བྱེད། འཇོག་པར་བྱེད། ཡང་དག་པར་འཇོག་པར་བྱེད། སོ་སོར་འཇོག་པར་བྱེད་ཅིང ། དེའི་རྣ་བའི་སྐྱེ་མཆེད་གཉིས་དང ། སྣའི་སྐྱེ་མཆེད་གཉིས་དང ། ཁའི་སྒོ་དང ། མིད་པ་དང ། སྙིང་གི་ཐན་ཀོར་དང ། གང་གིས་ཟོས་པ་དང ། འཐུངས་པ་དང ། འཆོས་པ་དང ། མྱངས་པ་འཇུ་བར་བྱེད་པ་དང ། གང་དུ་གནས་</font><hr>Tha206b<br><font size=+2>


པ་དང ། གང་གིས་ཐུར་དུ་འབྱུང་བར་བྱེད་པ་དེ་ཡང་དེ་ལ་ཀུན་ཏུ་འགོད་པར་བྱེད། ངེས་པར་འགོད་པར་བྱེད། འཇོག་པར་བྱེད། ཡང་དག་པར་འཇོག་པར་བྱེད། སོ་སོར་འཇོག་པར་བྱེད་དོ། །དགའ་བོ། དཔེར་ན། རྫ་མཁན་ནམ། རྫ་མཁན་གྱི་སློབ་མ་མཁས་པ་འཇིམ་གོང་དུ་ལེགས་པར་བསྟར་པ་བླངས་ནས་འཁོར་ལོའི་སྟེང་དུ་བཞག་སྟེ། སྣོད་ཀྱི་རྣམ་པ་ཀུན་ཏུ་འགོད་པར་བྱེད། ངེས་པར་འགོད་པར་བྱེད། འཇོག་པར་བྱེད། ཡང་དག་པར་འཇོག་པར་བྱེད། སོ་སོར་འཇོག་པར་བྱེད་དེ། དགའ་བོ། དེ་བཞིན་དུ་རྣམ་པར་སྨིན་པ་ལས་སྐྱེས་པའི་རླུང་དེ་དག་ཀྱང་དེའི་མིག་གི་སྐྱེ་མཆེད་གཉིས་དང ། རྣ་བའི་སྐྱེ་མཆེད་དག་དང ། སྣའི་སྐྱེ་མཆེད་དང ། ཁའི་སྒོ་དང ། མིད་པ་དང ། སྙིང་གི་ཐན་ཀོར་དང།་གང་གིས་ཟོས་པ་དང ། འཐུངས་བ་དང ། འཆོས་པ་དང ། མྱངས་པ་འཇུ་བར་བྱེད་པ་དང ། གང་དུ་གནས་པ་དང ། གང་གིས་ཐུར་དུ་འབྱུང་བར་བྱེད་པ་དེ་ཡང་ཀུན་ཏུ་འགོད་པར་བྱེད། ངེས་པར་འགྱེད་པར་བྱེད། འཇོག་པར་བྱེད། ཡང་དག་པར་འཇོག་པར་བྱེད། སོ་སོར་འཇོག་པར་བྱེད་དོ། །དགའ་བོ། ཞག་བདུན་པ་བཅུ་བདུན་པ་ལ་ནི། མངལ་ན་གནས་པ་དེ་ལ། མའི་ལྟོར་ནང་ནས་རླུང་འབྲིའི་གདོང་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་མིག་གི་སྐྱེ་མཆེད་གཉིས་ཡོངས་སུ་བྱང་བར་བྱེད། སོ་སོར་འཇོག་</font><hr>Tha207a<br><font size=+2>


༄#། །པར་བྱེད། ངེས་པར་འགོད་པར་བྱེད། རྣམ་པར་འགོད་པར་བྱེད། ཀུན་ནས་འཇོག་པར་བྱེད་ཅིང ། དེའི་རྣ་བའི་སྐྱེ་མཆེད་གཉིས་དང ། སྣའི་སྐྱེ་མཆེད་དག་དང ། ཁའི་སྒོ་དང ། མིད་པ་དང ། སྙིང་གི་ཐན་ཀོར་དང ། གང་གིས་ཟོས་པ་དང ། འཐུངས་པ་དང ། འཆོས་པ་དང ། མྱངས་པ་འཇུ་བར་བྱེད་པ་དང ། གང་དུ་གནས་པ་དང ། གང་གིས་ཐུར་དུ་འབྱུང་བར་བྱེད་པ་དེ་ཡོངས་སུ་བྱང་བར་བྱེད། ངེས་པར་འགོད་པར་བྱེད། རྣམ་པར་འགོད་པར་བྱེད། ཀུན་ནས་འཇོག་པར་བྱེད་དོ། །དགའ་བོ། དཔེར་ན། ཁྱེའུ་འམ། བུ་མོ་མཁས་པ་མེ་ལོང་གི་དཀྱིལ་འཁོར་ཡོངས་སུ་མ་དག་པ་བླངས་ནས་ཐལ་བ་ཐོགས་པའམ། སའི་ཕྱེ་མ་ཐོགས་པའམ། འབྲུ་མར་ཐོགས་པའི་ལག་པའམ། རས་མའི་ཆང་བུས་ཕྱི་བ་དང ། ཀུན་ཏུ་ཕྱི་བ་དང ། ཡོངས་སུ་སྦྱང་བ་བྱེད་ཅིང་རབ་ཏུ་གསལ་བར་བྱེད་དོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་གཉིས་པ། དགའ་བོ། དེ་བཞིན་དུ། ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་དེ་དག་ཀྱང ། དེའི་མིག་གི་སྐྱེ་མཆེད་གཉིས་དང ། རྣ་བའི་སྐྱེ་མཆེད་དག་དང ། སྣའི་སྐྱེ་མཆེད་དག་དང ། ཁའི་སྒོ་དང ། མིད་པ་དང ། སྙིང་གི་ཐན་ཀོར་དང ། གང་གིས་ཟོས་པ་དང ། འཐུངས་པ་དང ། འཆོས་པ་དང ། མྱངས་པ་འཇུ་བར་བྱེད་པ་དང ། གང་དུ་གནས་པ་དང ། གང་གིས་ཐུར་དུ་འབྱུང་བར་བྱེད་པ་དེ་ཡང ། ཡོངས་སུ་བྱང་བར་བྱེད་པ། ཀུན་ཏུ་</font><hr>Tha207b<br><font size=+2>


འཇོག་པར་བྱེད། སོ་སོར་འཇོག་པར་བྱེད། ངེས་པར་འགོད་པར་བྱེད། རྣམ་པར་འགོད་པར་བྱེད། ཡང་དག་པར་འགོད་པར་བྱེད་དོ། །དགའ་བོ། གཞག་བདུན་པ་བཅོ་བརྒྱད་པ་ལ་ནི། མངལ་ནས་གནས་པ་དེ་ལ་མའི་ལྟོ་ནང་ནས་རླུང་དྲི་མ་མེད་པ་ཞེས་བྱ་བ་དག་ལྡང་སྟེ། དེ་དག་གིས་དེའི་སྐྱེ་མཆེད་དེ་རྣམས་ཡོངས་སུ་དག་པ་དང ། ཡོངས་སུ་བྱང་བར་འགྱུར་རོ། །དགའ་བོ། དཔེར་ན། ཉི་མའི་དཀྱིལ་འཁོར་རམ། ཟླ་བའི་དཀྱིལ་འཁོར་སྤྲིན་ཆེན་པོས་ཁེབས་པར་གྱུར་པ། རླུང་ཆེན་པོས་གཏོར་ན། ཡོངས་སུ་དག་པ་དང ། ཡོངས་སུ་བྱང་བར་འགྱུར་རོ། །དགའ་བོ། དེ་བཞིན་དུ་ཞག་བདུན་པ་བཅོ་བརྒྱད་པ་ལ་ཡང ། མངལ་ན་གནས་པ་དེ་ལ། མའི་ལྟོའི་ནང་ན་རླུང་དྲི་མ་མེད་པ་ཞེས་བྱ་བ་དག་ལངས་ན། དེ་དག་གིས་དེའི་སྐྱེ་མཆེད་རྣམས་ཡོངས་སུ་དག་པ་དང ། ཡོངས་སུ་བྱང་བར་འགྱུར་རོ། །དགའ་བོ། །ཞག་བདུན་པ་བཅུ་དགུ་པ་ལ་ནི། མངལ་ན་གནས་པ་དེའི་མའི་ལྟོའི་ནང་དུ་དབང་པོ་བཞི་པོ་མིག་གི་དབང་པོ་དང ། རྣ་བའི་དབང་པོ་དང ། སྣའི་དབང་པོ་དང ། ལྕེའི་དབང་པོ་ཐོབ་པར་འགྱུར། དབང་པོ་གསུམ་པོ་ལུས་ཀྱི་དབང་པོ་དང ། ཡིད་ཀྱི་དབང་པོ་དང ། སྲོག་གི་དབང་པོ་དག་ནི། དེས་སྔོན་མའི་མངལ་དུ་ཞུགས་པ་ན་ཐོབ་པར་འགྱུར་རོ། །དགའ་བོ། ཞག་བདུན་པ་ཉི་ཤུ་པ་ལ་ནི། མངལ་ན་གནས་པ་དེ་ལ་རླུང་སྲ་བ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་རྐང་པ་གཡོན་པ་ལ་བརྟེན་ནས་རུས་པ་ཉི་ཤུ་སྐྱེད་པར་བྱེད། རྐང་པ་གཡས་པ་ལ་བརྟེན་ནས་རུས་པ་ཉི་ཤུ་</font><hr>Tha208a<br><font size=+2>


༄#། །སྐྱེད་པར་བྱེད། ལོང་བུའི་རུས་པ་བཞི་དང ། རྗེ་ངར་གྱི་རུས་པ་གཉིས་དང ། པུས་མོའི་རུས་པ་གཉིས་དང ། བརླའི་རུས་པ་གཉིས་དང ། མཇུག་དོའི་རུས་པ་གསུམ་དང ། སྒལ་ཚིགས་ཀྱི་རུས་པ་བཅོ་བརྒྱད་དང ། རྩིབ་མའི་རུས་པ་ཉི་ཤུ་རྩ་བཞི་དང ། རྐེད་པའི་རུས་པ་གསུམ་སྐྱེད་པར་བྱེད་དོ། །ལག་པ་གཡོན་པ་ལ་བརྟེན་ནས་རུས་པ་ཉི་ཤུ་སྐྱེད་པར་བྱེད། ལག་པ་གཡས་པ་ལ་བརྟེན་ནས་རུས་པ་ཉི་ཤུ་སྐྱེད་པར་བྱེད། དཔུང་པའི་རུས་པ་གཉིས་དང ། ལག་ངར་གྱི་རུས་པ་བཞི་དང ། བྲང་གི་རུས་པ་བདུན་དང ། སོག་ཕྲག་གི་རུས་པ་བདུན་དང ། སྒྲོག་རུས་དང ། འགྲམ་གླང་གི་རུས་པ་གཉིས་དང ། སོའི་རྩ་བའི་རུས་པ་སུམ་ཅུ་རྩ་གཉིས་དང ། མགོའི་ཐོད་པའི་རུས་པ་བཞི་སྐྱེད་པར་བྱེད་དོ། །དགའ་བོ། དཔེར་ན། གཟུགས་མཁན་ནམ། གཟུགས་མཁན་གྱི་སློབ་མ་མཁས་པ། དང་པོ་ཤིང་གི་དུམ་བུ་སྲ་བ་དག་སྲད་བུས་བཅིངས་ནས་དེ་དང་དེའི་ཁ་དོག་དང ། དབྱིབས་ཀྱི་གཟུགས་མངོན་པར་གྲུབ་པར་བྱེད་དོ། དགའ་བོ། དེ་བཞིན་དུ་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་དེ་དག་ཀྱང་རུས་པའི་ལུས་དེ་ལྟ་བུ་མངོན་པར་སྒྲུབ་པར་བྱེད་དོ། །དགའ་བོ། དེ་ལྟར་ན། ཞག་བདུན་པ་ཉི་ཤུ་པ་ལ་ནི། རུས་པ་ལྷན་ཅིག་འབྱུང་བ་ཆུ་ངུ་དང་ཕྲ་མོ་མ་གཏོགས་པ་རུས་པ་ཆེན་པོ་ཉིས་བརྒྱ་འབྱུང་བར་འགྱུར་རོ། །དགའ་བོ། །ཞག་བདུན་པ་ཉི་ཤུ་རྩ་གཅིག་པ་ལ་ནི། མངལ་ན་གནས་པ་དེ་ལ་མའི་ལྟོའི་ནང་ནས་རླུང་</font><hr>Tha208b<br><font size=+2>


ཀུན་ཏུ་འབྱུང་བ་ཞེས་བྱ་བ་དག་ལྡང་སྟེ། དེ་དག་གིས་དེའི་ཤ་སྐྱེད་པར་བྱེད་དོ། །དགའ་བོ། དཔེར་ན། ཞལ་ཞལ་མཁན་ནམ། ཞལ་ཞལ་མཁན་གྱི་སློབ་མ་མཁས་པས་འཇིམ་པ་ལེགས་པར་བྱས་པས་རྩིག་བའི་ཞི་ལ་ཞལ་ཞལ་བྱེད་དོ། །དགའ་བོ། དེ་བཞིན་དུ་ཀུན་ཏུ་འབྱུང་བ་རླུང་དེ་དག་ཀྱང ། མངལ་ན་གནས་པ་དེ་ལ་ཤ་སྐྱེས་པར་བྱེད་དོ། །དགའ་བོ། ཞག་བདུན་པ་ཉི་ཤུ་རྩ་གཉིས་པ་ལ་ནི། མངལ་ན་གནས་པ་དེ་ལ། མའི་ལྟོ་ནང་ནས་རླུང་ཡོངས་སུ་རྒྱལ་པ་ཞེས་བྱ་བ་བདག་ལྡང་སྟེ། དེ་དག་གིས་མངལ་ན་གནས་པ་དེའི་ཁྲག་སྐྱེད་པར་བྱེད་དོ། །དགའ་བོ། ཞག་བདུན་པ་ཉི་ཤུ་རྩ་གསུམ་པ་ལ་ནི། མངལ་ན་གནས་པ་དེ་ལ་མའི་ལྟོར་ནང་ནས་རླུང་གཙང་འཛིན་ཅེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་པགས་པ་སྐྱེད་པར་བྱེད་དོ། ། དགའ་བོ། ཞག་བདུན་པ་ཉི་ཤུ་རྩ་བཞི་པ་ལ་ནི། མངལ་ན་གནས་པ་དེ་ལ་མའི་ལྟོར་ནང་ནས་རླུང་ཡོངས་སུ་འཕྱོ་བ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་པགས་པ་རབ་ཏུ་དང་བར་བྱེད་དོ། །དགའ་བོ། ཞག་བདུན་པ་ཉི་ཤུ་རྩ་ལྔ་པ་ལ་ནི། མངལ་ན་གནས་པ་དེ་ལ་མའི་ལྟོར་ནང་ནས་རླུང་ཁྱེར་འཇིག་ཅེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་ཤ་དང་ཁྲག་རབ་ཏུ་དང་བར་བྱེད་དོ། དགའ་བོ། ཞག་བདུན་པ་ཉི་ཤུ་རྩ་དྲུག་པ་ལ་ནི། མངལ་ན་གནས་པ་དེ་ལ་མའི་ལྟོའི་ནང་དུ་སྐྲ་དང ། སྤུ་དང ། སེན་མོ་དག་སྐྱེ་བར་འགྱུར་རོ། ། </font><hr>Tha209a<br><font size=+2>


༄#། །སྐྲ་དང་སྤུ་དང་སེན་མོ་དེ་དག་ཀྱང་སོ་སོ་སོ་སོར་རྩ་རྣམས་དང་འབྲེལ་ཏོ། །དགའ་བོ། །ཞག་བདུན་པ་ཉི་ཤུ་རྩ་བདུན་པ་ལ་ནི། མངལ་ན་གནས་པ་དེ་ལ་མའི་ལྟོ་ནས་རླུང་སྨན་ཡོན་པོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་སྐྲ་དང ། སྤུ་དང ། སེན་མོ་རྣམས་རབ་ཏུ་དང་བར་བྱེད་དོ། །དགའ་བོ། གལ་ཏེ་དེས་སྔོན་སེར་སྣའི་དྲི་མས་ཀུན་ནས་དཀྲིས་ཤིང་འཇུངས་པར་གྱུར་པ་དང ། ཡོ་བྱད་ཀུན་ཏུ་འཛིན་པ་དང ། བླ་མ་རྣམས་ལ་གུས་པར་མི་ཉན་པས་ལུས་དང ། ངག་དང ། ཡིད་ཀྱི་སྡིག་བ་མི་དགེ་བའི་ལས་བྱས་ཤིང་བསགས་ལ།་དེ་ཡང་གལ་ཏེ་རྣམ་པར་སྨིན་པའི་ཕྱིར་མངོན་དུ་གྱུར་ན། དེ་བརྒྱ་ལ་མི་རྣམས་དང་སྐལ་བ་མཉམ་པ་འདི་ལྟ་བུར་འོང་ན་ཡང ། དབྱིབས་ཀྱི་སྡོམ་གྱི་ཚིགས་སུ་བཅད་པ། རིང་དང་ཐུང་དང་འབྲེལ་པ་དང ། །དེ་བཞིན་དུ་ནི་མང་བ་ཉིད། །མཉམ་དང་ཡང་དང་མཁྲེགས་པ་དང ། །མཐོ་དང་ནག་པོ་མཛེས་པའོ། །དེ་ཡན་ལག་རིང་ན་མཛེས་པ་གང་དག་ཡིན་པ་དེ་དག་ནི། དེའི་ཐུང་ངུར་གྱུར་ལ། ཐུང་ན་མཛེས་པ་གང་དག་ཡིན་པ་དེ་དག་ནི། དེ་ལ་རིང་པོར་འགྱུར། སྦོམ་ན་མཛེས་པ་གང་དག་ཡིན་པ་དེ་དག་ནི། དེ་ལ་ཕྲ་མོར་འགྱུར། ཕྲ་ན་མཛེས་པ་གང་དག་ཡིན་པ་དེ་དག་ནི། དེ་ལ་སྦོམ་པར་འགྱུར། འབྲེལ་ན་མཛེས་པ་གང་དག་ཡིན་པ་དེ་དག་ནི། དེ་ལ་མ་འབྲེལ་པར་འགྱུར། མ་འབྲེལ་ན་མཛེས་པ་གང་དག་ཡིན་པ་དེ་དག་ནི། དེ་ལ་འབྲེལ་པར་འགྱུར། མང་ན་</font><hr>Tha209b<br><font size=+2>


མཛེས་པ་གང་དག་ཡིན་པ་དེ་དག་ནི། དེ་ལ་མི་མང་བར་འགྱུར། མི་མང་ན་མཛེས་པ་གང་དག་ཡིན་པ་དེ་དག་ནི། དེ་ལ་མང་བར་འགྱུར། མཉན་ན་མཛེས་པ་གང་དག་ཡིན་པ་དེ་དག་ནི། དེ་ལ་མི་མཉམ་པར་འགྱུར། མི་མཉམ་ན་མཛེས་པ་གང་དག་ཡིན་པ་དེ་དག་ནི། དེ་ལ་མཉམ་པར་འགྱུར། ཡངས་ན་མཛེས་པ་གང་དག་ཡིན་པ་དེ་དག་ནི། དེ་ལ་མི་ཡངས་པར་འགྱུར། མི་ཡངས་ན་མཛེས་པ་གང་དག་ཡིན་པ་དེ་དག་ནི། དེ་ལ་ཡངས་པར་འགྱུར། མཁྲེགས་ན་མཛེས་པ་གང་དག་ཡིན་པ་དེ་དག་ནི། དེ་ལ་མ་མཁྲེགས་པར་འགྱུར། མ་མཁྲེགས་ན་མཛེས་པ་གང་དག་ཡིན་པ་དེ་དག་ནི། དེ་ལ་མཁྲེགས་པར་འགྱུར། དམའ་ན་མཛེས་པ་གང་དག་ཡིན་པ་དེ་དག་ནི། དེ་ལ་མཐོ་བར་འགྱུར། མཐོ་ན་མཛེས་པ་གང་དག་ཡིན་པ་དེ་དག་ནི། དེ་ལ་དམའ་བར་འགྱུར། ནག་ན་མཛེས་པ་གང་དག་ཡིན་པ་དེ་དག་ནི། དེ་ལ་དཀར་པོར་འགྱུར། དཀར་ན་མཛེས་པ་གང་དག་ཡིན་པ་དེ་དག་ནི། དེ་ལ་ནག་པོར་འགྱུར་རོ། །ཡང་དགའ་བོ། དེས་ཇི་ལྟ་ཇི་ལྟར་སྡིག་པ་མི་དགེ་བའི་ལས་བྱས་ཤིང་བསགས་པ་དེ་ལྟ་དེ་ལྟར་གླེན་པ་དང ། ལྐུགས་པ་དང ། མཐོང་ན་ཡིད་དུ་མི་འོང་བ་དང ། རྟེན་འཕྱེ་དང ། རྣ་བ་ཉམས་པ་དང ། ལྕེ་ཉམས་པ་དང ། ཁའི་སྒོ་ཟུམ་པ་དང ། ལག་པ་ཞ་བར་འགྱུར་ཞིང ། ཡི་དྭགས་རྣམས་དང་འདྲ་བར་འགྱུར་གྱི། མི་རྣམས་དང་འདྲ་བར་ནི་མ་ཡིན་ནོ། །དེ་རང་གི་ཉེ་དུ་དང ། སྣག་གི་གཉེན་མཚམས་རྣམས་ཀྱིས་ཀྱང་མི་འདོད་པ་དང ། མཐོང་ན་ཡིད་དུ་མི་འོང་བ་དང ། སྤང་བའི་ཆོས་ཅན་དུ་འགྱུར་ན། </font><hr>Tha210a<br><font size=+2>


༄#། །སྐྱེ་བོ་གཞན་གྱིས་ལ་སྨོས་ཀྱང་ཅི་དགོས་ཏེ། དེས་འཇིག་རྟེན་ལ་ལུས་དང ། ངག་དང ། ཡིད་གྱིས་གང་ཅུང་ཟད་བསྒྲུབས་པ་དེ་ཐམས་ཅད་ཀྱང ། འཇིག་རྟེན་ལ་གཟུང་བར་འོས་པ་དང ། མངོན་པར་དགའ་བར་མི་འགྱུར་རོ། །དགའ་བོ། དེ་ཅིའི་ཕྱིར་ཞེ་ན། འདི་ལྟར། དེ་ནི། སྡིག་པ་མི་དགེ་བའི་ལས་བྱས་པ་དང ། བསགས་པའི་ཕྱིར་དེ་ལྟ་བུར་འགྱུར་རོ། །དགའ་བོ། གལ་ཏེ་དེས་སེར་སྣའི་དྲི་མ་སྤངས་ཤིང་གཏོང་བ་དང་ལྡན་པ་དང ། བླ་མ་ལ་གུས་པར་ཉན་པས་ལུས་དང ། ངག་དང ། ཡིད་ཀྱི་ལས་དགེ་བ་བྱས་ཤིང་བསགས་ལ། དེ་ཡང་གལ་ཏེ་རྣམ་པར་སྨིན་པའི་ཕྱིར་མངོན་དུ་གྱུར་ན། དེ་བརྒྱ་ལ་མི་རྣམས་དང་སྐལ་པ་མཉམ་པ་འདི་ལྟ་བུར་འོང་ན་ཡང ། དེ་ཡན་ལག་རིང་ན་མཛེས་པ་གང་དག་ཡིན་པ་དེ་དག་ནི། དེ་ལ་རིང་པོར་འགྱུར་ལ། ཐུང་ན་མཛེས་པ་གང་དག་ཡིན་པ་དེ་དག་ནི། དེ་ལ་ཐུང་བར་འགྱུར། ཡན་ལག་སྦོམ་ན་མཛེས་པ་གང་དག་ཡིན་པ་དེ་དག་ནི། དེ་ལ་སྦོམ་པོར་འགྱུར། ཡན་ལག་ཕྲ་ན་མཛེས་པ་གང་དག་ཡིན་པ་དེ་དག་ནི། དེ་ལ་ཕྲ་མོར་འགྱུར། འབྲེལ་ན་མཛེས་པ་གང་ཡིན་པ་དེ་དག་ནི། དེ་ལ་འབྲེལ་བར་འགྱུར། མ་འབྲེལ་ན་མཛེས་པ་གང་ཡིན་པ་དེ་དག་ནི། དེ་ལ་མ་འབྲེལ་བར་འགྱུར། མང་ན་མཛེས་པ་གང་ཡིན་པ་དེ་དག་ནི། དེ་ལ་མང་པོར་འགྱུར། མི་མང་ན་མཛེས་པ་གང་ཡིན་པ་དེ་དག་ནི། དེ་ལ་མི་མང་བར་འགྱུར། མཉམ་ན་མཛེས་པ་གང་ཡིན་པ་དེ་དག་ནི། དེ་ལ་མཉམ་པར་འགྱུར། མི་མཉམ་ན་མཛེས་པ་གང་ཡིན་</font><hr>Tha210b<br><font size=+2>


པ་དེ་དག་ནི། དེ་ལ་མི་མཉམ་པར་འགྱུར། ཡངས་ན་མཛེས་པ་གང་ཡིན་པ་དེ་དག་ནི། དེ་ལ་ཡངས་པར་འགྱུར། མི་ཡངས་ན་མཛེས་པ་གང་ཡིན་པ་དེ་དག་ནི། དེ་ལ་མི་ཡངས་པར་འགྱུར། མཁྲེགས་ན་མཛེས་པ་གང་ཡིན་པ་དེ་དག་ནི། དེ་ལ་མཁྲེགས་པར་འགྱུར། མ་མཁྲེགས་ན་མཛེས་པ་གང་ཡིན་པ་དེ་དག་ནི། དེ་ལ་མ་མཁྲེགས་པར་འགྱུར། དམའ་ན་མཛེས་པ་གང་ཡིན་པ་དེ་དག་ནི། དེ་ལ་དམའ་བར་འགྱུར། མཐོ་ན་མཛེས་པ་གང་དག་ཡིན་པ་དེ་དག་ནི། དེ་ལ་མཐོ་བར་འགྱུར། ནག་ན་མཛེས་པ་གང་དག་ཡིན་པ་དེ་དག་ནི། དེ་ལ་ནག་བོར་འགྱུར། དཀར་ན་མཛེས་པ་གང་ཡིན་པ་དེ་དག་ནི། དེ་ལ་དཀར་པོར་འགྱུར་རོ། །ཡང་དགའ་བོ། དེས་ཇི་ལྟ་ཇི་ལྟར་དགེ་བའི་ལས་བྱས་ཤིང་བསགས་པ་དེ་ལྟ་དེ་ལྟར་གཟུགས་བཟང་བ་དང ། མཛེས་པ་དང ། བལྟ་ན་སྡུག་པ་དང ། ཁ་དོག་རྒྱས་པ་མཆོག་དང་ལྡན་པར་འགྱུར་ཞིང་དེ་སྐྱེ་བོ་གཞན་གྱིས་ཀྱང་འདོད་པ་དང ། ཡིད་དུ་འོང་བར་འགྱུར་ན། ཉེ་དུ་དང་སྣག་གི་གཉེན་མཚམས་རྣམས་ཀྱིས་ལྟ་སྨོས་ཀྱང་ཅི་དགོས། དེས་ལུས་དང ། ངག་དང ། ཡིད་ཀྱིས་འཇིག་རྟེན་ལ་གང་ཟུང་ཟད་བསྒྲུབས་པ་ཐམས་ཅད་ཀྱང་འཇིག་རྟེན་ལ་གཟུང་བར་འོས་པ་དང ། མངོན་པར་དགའ་བར་འགྱུར་རོ། །དགའ་བོ། དེ་ཅིའི་ཕྱིར་ཞེ་ན། འདི་ལྟར། དེ་ནི། ལས་དགེ་པ་དག་བྱས་པ་དང ། བསགས་པའི་ཕྱིར་དེ་ལྟར་འགྱུར་བའི་ཕྱིར་རོ། །དགའ་བོ། གལ་ཏེ་ཁྱེའུར་འགྱུར་ན་ནི། དེ་མའི་དཀུ་གཡས་པར་ཙོག་ཙོག་པོར་འདུག་སྟེ། ལག་པ་གཉིས་</font><hr>Tha211a<br><font size=+2>


༄#། །ཀྱིས་གདོང་བཀབ་ནས་མའི་སྒལ་ཚིགས་ལ་ཁ་བལྟས་ཏེ་ཕོ་བའི་འོག་།ལོང་གའི་སྟེང་ན་ཕོ་བས་བཀབ། ལོང་གས་བརྟེན་ནས་བཅིང་བ་ལྔས་བཅིངས་པའམ། གསལ་ཤིང་གིས་བཙུགས་པ་བཞིན་གནས་པའོ། །དགའ་བོ། གལ་ཏེ་བུ་མོར་འགྱུར་ན་ནི། མའི་དཀུ་གཡོན་པར་ཙོག་ཙོག་པོར་འདུག་སྟེ་ལག་པ་གཉིས་ཀྱིས་གདོང་བཀབ་ནས་མའི་ལྟོ་བ་ལ་ཁ་བལྟས་ཏེ།་ཕོ་བའི་འོག་།ལོང་གའི་སྟེང་ན་ཕོ་བས་བཀབ། ལོང་གས་བརྟེན་ནས་བཅིང་བ་ལྔས་བཅིངས་པའམ། གསལ་ཤིང་གིས་བཙུགས་པ་བཞིན་གནས་སོ། །དགའ་བོ། མ་ཧ་ཅང་ཟས་མང་དུ་ཟོས་ན།་མངལ་ན་གནས་པ་ལ་གནོད་ཅིང ། ཧ་ཅང་ཟས་ཉུང་ངུ་ཟོས་ན་ཡང་མངལ་ན་གནས་པ་ལ་གནོད་པར་འགྱུར་ལ། དེ་བཞིན་དུ་མ་ཧ་ཅང་སྣུམ་པ་དང ། ཧ་ཅང་རྩུབ་པ་དང ། ཧ་ཅང་གྲང་བ་དང ། ཧ་ཅང་ཚ་བ་དང ། ཧ་ཅང་ལན་ཚ་ཆེ་བ་དང ། ཧ་ཅང་སྐྱུར་བ་དང ། ཧ་ཅང་མངར་བ་དང ། ཧ་ཅང་ཁ་བ་དང ། ཧ་ཅང་ཚ་བ་དང ། ཧ་ཅང་བསྐ་བའི་ཟས་དག་ཟོས་ན་ཡང་མངལ་ན་གནས་པ་ལ་གནོད་པར་འགྱུར་རོ། །འདོད་པ་དག་ལ་སྤྱོད་པར་བྱེད་པ་དང ། ཧ་ཅང་རྒྱུག་པ་དང ། མགྱོགས་པ་དང ། མཆོང་བ་དང ། རྐྱལ་བ་དག་ལ་སྤྱོད་པར་བྱེད་ན། འགྲོ་བ་ལ་ཞུགས་པ་མངལ་ན་གནས་པ་ལ་གནོད་པ་དང ། མེའི་དྲུང་དུ་འདུག་གམ། ཙོག་ཙོག་པོར་འདུག་ན། མངལ་ན་གནས་པ་ལ་གནོད་པར་འགྱུར་ཏེ། དགའ་བོ། མའི་མངལ་ན་གནས་པ་ནི། དེ་ལྟར་སྡུག་བསྔལ་དྲག་པོ། རྩུབ་པ། </font><hr>Tha211b<br><font size=+2>


ཚ་བ་ཡིད་དུ་མི་འོང་བ་ཡིན་ནོ། །དགའ་བོ། བདེ་འགྲོའི་འགྲོ་བར་མིང་ཐོགས་པ། མི་གང་དག་ཡིན་པ་དེ་ལ་ཡང་དེ་ལྟ་བུའི་སྡུག་བསྔལ་མྱོང་བར་འགྱུར་ན། ངན་སོང་ངན་འགྲོ་ལོག་པར་ལྟུང་བ། སེམས་ཅན་དམྱལ་བ་དག་ལ་ལྟ་སྨོས་ཀྱང་ཅི་དགོས་ཏེ། དེའི་སྡུག་བསྔལ་ནི། དཔེ་བྱ་བར་ཡང་མི་ནུས་སོ། །དགའ་བོ། དེ་ལ་སྲིད་པ་ཚོལ་བ་མའི་མངལ་ན་གནས་པ་ལ་མནོག་ཅི་ཞིག་ཡོད། དགའ་བོ། ཞག་བདུན་པ་ཉི་ཤུ་རྩ་བརྒྱད་པ་ལ་ནི། མངལ་ན་གནས་པ་དེས་མའི་མངལ་གྱི་ནང་དུ་ཕྱིན་ཅི་ལོག་གི་འདུ་ཤེས་བརྒྱད་པོ། ཁྱིམ་གྱི་འདུ་ཤེས་དང ། བཞོན་པའི་འདུ་ཤེས་དང ། སྐྱེད་མོས་ཚལ་གྱི་འདུ་ཤེས་དང ། ཁང་པ་བརྩེགས་པའི་འདུ་ཤེས་དང ། ཀུན་དགའ་ར་བའི་འདུ་ཤེས་དང ། ཁྲིའི་འདུ་ཤེས་དང ། ཆུ་བོའི་འདུ་ཤེས་དང ། རྫིང་བུའི་འདུ་ཤེས་ཐོབ་པར་འགྱུར་རོ། །ཞག་བདུན་པ་ཉི་ཤུ་རྩ་དགུ་པ་ལ་ནི། མངལ་ན་གནས་པ་དེ་ལ་མའི་ལྟོར་ནང་ནས་རླུང་ཡང་དག་སྐྱེད་པ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ཀྱི་པགས་པའི་མདོག་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ། དེ་ལ་ཁ་ཅིག་གི་པགས་པའི་མདོག་ནི། ལས་ཀྱི་རྣམ་པར་སྨིན་པས། ནག་པ། ཁ་དོག་ནག་པོ། ནག་པོ་ལྟ་བུར་སྟོན་པ། འོད་ནག་པོ་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །ཁ་ཅིག་གི་པགས་པའི་མདོག་ནི། སྔོ་བསངས། ཁ་དོག་སྔོ་བསངས། སྔོ་བསངས་ལྟ་བུར་སྟོན་པ། འོད་སྔོ་བསངས་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་བྱེད་</font><hr>Tha212a<br><font size=+2>


༄#། །དོ། །ཁ་ཅིག་གི་པགས་པའི་མདོག་ནི། རྩུབ་པ། ཁ་དོག་རྩུབ་པ། རྩུབ་པ་ལྟ་བུར་སྟོན་པ། འོད་རྩུབ་པོ་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དེ་བཞིན་དུ་ཁ་ཅིག་གི་མདོག་ནི། སྣུམ་པ་དང ། དཀར་པོ། ཁ་དོག་དཀར་པོ་ཞེས་བྱ་བ་ལ་སོགས་པ་སྔ་མ་བཞིན་ནོ། །ཁ་ཅིག་གི་པགས་པའི་མདོག་ནི། རྩཝ་དུར་བའི་ཤུན་པའི་མདོག་ལྟ་བུ། ཁ་དོག་རྩ་དུར་བའི་ཤུན་པའི་མདོག་ལྟ་བུ། རྩཝ་དུར་བའི་ཤུན་པའི་མདོག་ལྟ་བུར་སྟོན་པ། རྩ་དུར་པའི་ཤུན་པའི་མདོག་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ། ཞག་བདུན་པ་སུམ་ཅུ་པ་ལ་ནི། མངལ་ན་གནས་པ་དེ་ལ་མའི་ལྟོར་ནང་ནས་རླུང་ལྕགས་ཀྱི་སྒོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་སྐྲ་དང ། སྤུ་དང ། སེན་མོའི་བར་ཡོངས་སུ་འབྱེད་པར་བྱེད། རབ་ཏུ་དང་བར་བྱེད་ཅིང ། ཁ་ཅིག་གི་ནི། སྐྲ་དང ། སྤུ་དང ། སེན་མོའི་བར་ནག་པ། ཁ་དོག་ནག་པ། ཁ་ཅིག་ནི། སེར་སྐྱ། ཁ་དོག་སེར་སྐྱ། རྩུབ་པ། ཁ་དོག་རྩུབ་པ། སྣུམ་པ། ཁ་དོག་སྣུམ་པ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ། ཞག་བདུན་པ་སུམ་ཅུ་རྩ་གཅིག་པ་ལ་ནི། མངལ་ན་གནས་པ་དེ་མའི་ལྟོའི་ནང་དུ་འཕེལ་ཞིང་རྒྱས་པར་འགྱུར་རོ། །དགའ་བོ། དེ་བཞིན་དུ་ཞག་བདུན་པ་སུམ་ཅུ་རྩ་གཉིས་པ་དང ། སུམ་ཅུ་རྩ་གསུམ་དང ། སུམ་ཅུ་རྩ་བཞི་པ་ལ་ཡང་མངལ་ན་གནས་པ་དེ། མའི་ལྟོ་ནང་དུ་</font><hr>Tha212b<br><font size=+2>


འཕེལ་ཞིང་རྒྱས་པར་འགྱུར་རོ། །དགའ་བོ། ཞག་བདུན་པ་སུམ་ཅུ་རྩ་ལྔ་པ་ལ་ནི། མངལ་ན་གནས་པ་དེ་མའི་ལྟོའི་ནང་ནས་ཡན་ལག་དང ། ཉིང་ལག་ཐམས་ཅད་དང་ལྡན་པར་འགྱུར་རོ། །དགའ་བོ། ཞག་བདུན་པ་སུམ་ཅུ་རྩ་དྲུག་པ་ལ་ནི། མངལ་ན་གནས་པ་དེ་འབྱུང་འདོད་ཅིང་མངོན་པར་མི་དགའོ། །དགའ་བོ། ཞག་བདུན་པ་སུམ་ཅུ་རྩ་བདུན་པ་ལ་ནི། མངལ་ན་གནས་པ་དེས་མའི་ལྟོའི་ནང་དུ་ཕྱིན་ཅི་མ་ལོག་པའི་འདུ་ཤེས་གསུམ་པོ། མི་གཙང་བའི་འདུ་ཤེས་དང ། དྲི་ང་བའི་འདུ་ཤེས་དང ། འབྱུང་བའི་འདུ་ཤེས་དག་ཐོབ་པར་འགྱུར་རོ། །དགའ་བོ། ཞག་བདུན་པ་སུམ་ཅུ་རྩ་བརྒྱད་པ་ལ་ནི། མངལ་ན་གནས་པ་དེ་ལ་མའི་ལྟོར་ནང་ནས་རླུང་ཡན་ལག་ཅེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེ་བསྒྱུར་ནས་ལག་པ་གཉིས་བཅུམ་སྟེ་མའི་མངལ་གྱི་སྒོར་འཇོག་པར་བྱེད་དོ། །དེའི་ལས་དང ། འབྲས་བུས་རླུང་ཁ་ཐུར་དུ་ལྟ་བ་ཞེས་བྱ་བ་དག་ལྡང་སྟེ། དེ་དག་གིས་དེའི་རྐང་པ་གྱེན་དུ་བསྟན་ཅིང ། མགོ་ཐུར་དུ་བསྟན་ནས་མའི་གཅི་བའི་ལམ་དུ་ཕྱོགས་པར་འཕུལ་ལོ།། དགའ་བོ། གལ་ཏེ་དེས་མངལ་གྱི་ནང་དུ་འཆི་བར་འགྱུར་བ་སྡིག་པ་མི་དགེ་བའི་ལས་བྱས་ཤིང་བསགས་ན། དེ་རྐང་པ་ལོག་པའམ། ལག་པ་གཡོག་པར་འགྱུར་རོ། །དེ་ལོག་ཅིང་འབྱུང་མ་བཏུབ་ན། དེའི་སྲོག་གི་དབང་པོ་འགག་པར་འགྱུར་རོ། །དེ་ནས་དེ་ལ་མཁས་པའི་བུད་མེད་དམ། གཞོན་ནུ་གསོ་བ་ལ་མཁས་པ་དག་གིས་མར་རམ། འབྲུ་མར་འཇམ་ཙམ་དང ། ཤིང་ཤལ་མ་ལི་ལེགས་</font><hr>Tha213a<br><font size=+2>


༄#། །པར་བཏགས་པའི་ལྡེ་གུའམ། གཞན་དག་གིས་ལག་པ་བསྐུས་ནས། ལག་པ་དེ་ཉིད་ལ་མཚོན་སྲབ་མོ་སོ་ལེགས་པར་བརྡར་བ། ཤིན་ཏུ་རྣོན་པོ་སྤུ་གྲི་ལྟ་བུ་བཏགས་ནས་ཆབ་ཁུངས་བཞིན་དུ་ཤིན་ཏུ་སྐྱུག་བྲོ་བ། དྲི་ང་བ། མུན་ཁུང་ཉལ་ཉིལ་གྱིས་བཅེར་བ། སྲིན་བུའི་རིགས་སྟོང་ཕྲག་ཤིན་ཏུ་མང་པོའི་གནས། རྟག་ཏུ་འཛག་པ་ཅན། རྒྱུན་དུ་བྱི་དོར་བྱ་དགོས་པ། བཙོག་པ། ཁུ་ཆུ་དང ། ཁྲག་དང ། དྲི་མ་དང ། ཆུ་སེར་གྱིས་ཀུན་ཏུ་རུལ། རྣམ་པར་རུལ་ཅིང་མྱགས་པ། འགྲེང་བ་མཐོང་ན་འཇིགས་སུ་རུང་བའི་བུ་གའི་པགས་པས་གཡོགས་པ། སྔོན་གྱི་ལས་ཀྱི་རྣམ་པར་སྨིན་པ་ལས་བྱུང་བའི་ལུས་ཀྱི་རྨའི་སྦུབས་དེར་ལག་པ་མར་རམ། འབྲུ་མར་དང ། ཤིང་ཤལ་མ་ལིའི་ལྡེ་གུས་འཇམ་པོར་བྱས་པ་བཅུག་ནས་མངལ་ན་གནས་པ་དེ། ཀུན་ཏུ་མནམས་ཏེ་དུམ་བུར་བཅད་ནས་འབྱིན་པར་བྱེད་དོ། །གཞི་དེ་ལས་དེའི་མ་བུ་མངོན་པར་འདོད་པ་ཡང་སྡུག་བསྔལ་གྱི་ཚོར་བ་དྲག་པོ། རྩུབ་པ། མི་བཟད་པ། ཡིད་དུ་མི་འོང་བར་མྱོང་བར་འགྱུར་ཞིང ། ཚོར་བས་ཉེན་པ་འཆི་བར་འགྱུར་བའམ། ཤི་ལ་ཐུག་པའི་སྡུག་བསྔལ་མྱོང་བར་འགྱུར་རོ། དགའ་བོ། གལ་ཏེ་དེས་སྔོན་ཚེ་རིང་བར་འགྱུར་བའི་ལས་དགེ་བ་བྱས་ཤིང་བསགས་ན། དེ་ལོག་ཅིང་འབྱུང་དུ་མི་བཏུབ་པར་ཡང་མི་འགྱུར། དེའི་སྲོག་གི་དབང་པོ་ཡང་འགག་པར་མི་འགྱུར། གཞི་དེ་ལས་དེའི་མ་སྡུག་བསྔལ་གྱི་ཚོར་བ་དྲག་པོ། རྩུབ་པ། མི་བཟད་</font><hr>Tha213b<br><font size=+2>


པ། ཡིད་དུ་མི་འོང་བ་ཚར་གཅིག་ཉམས་སུ་མྱོང་བར་མི་འགྱུར་རོ། །དེ་ཞག་བདུན་པ་སུམ་ཅུ་རྩ་བརྒྱད་པ་འདས་ནས་སྡུག་བསྔལ་གྱི་ཚོར་བ་ཆེན་པོ། དྲག་པ་ཆེན་པོ་དང ། རྩུབ་པ་ཆེན་པོ་དང ། མི་བཟད་པ་ཆེན་པོས་མའི་ལྟོ་ནས་འབྱུང་སྟེ། དགའ་བོ། སྐྱེ་བ་ནི། སྡུག་བསྔལ་བའོ། །དགའ་བོ། །བྱུང་མ་ཐག་པ་དེ་ལ་འདུ་ཤེས་གཉིས་འབྱུང་བར་འགྱུར་ཏེ། ཁྱེའུའམ། བུ་མོ་སྐྱེས་སོ། །སྙམ་མོ། །དགའ་བོ། ཁྱེའུའམ། བུ་མོ་བཙས་མ་ཐག་ཏུ་གལ་ཏེ་ལག་པས་བླངས་ན། དེ་གཞི་དེ་ལས་སྡུག་བསྔལ་གྱི་ཚོར་བ་དྲག་པོ། རྩུབ་པ། མི་བཟད་པ། ཡིད་དུ་མི་འོང་བ་སོ་སོར་མྱོང་བར་འགྱུར་རོ། །གལ་ཏེ་གོས་ཀྱིས་བླངས་ན། དེ་གཞི་དེ་ལས་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་སོ་སོར་མྱོང་བར་འགྱུར་རོ། །གལ་ཏེ་པང་དུ་བླངས་སམ། གལ་ཏེ་ཁྲི་ལ་བཞག་གམ། གལ་ཏེ་ཁྲིའུའམ། གལ་ཏེ་སའམ། གལ་ཏེ་ཤིང་ལེབ་ལའམ། གལ་ཏེ་བླ་གབ་ཅན་ནམ། གལ་ཏེ་བླ་གབ་མེད་པའམ། གལ་ཏེ་གྲིབ་མ་ལ་བཞག་གམ། གལ་ཏེ་ཉི་མས་རེག་གམ། གལ་ཏེ་ལྷགས་པས་རེག་ན། གཞི་དེ་ལས་སྡུག་བསྔལ་ཁོ་ནའི་ཚོར་བ་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་དུ་མི་འོང་བ་ཉིད་དག་སོ་སོར་མྱོང་བར་འགྱུར་རོ། །དགའ་བོ། དཔེར་ན། བ་ལང་པགས་པ་བཤུས་པ་ནི། གལ་ཏེ་རྩིག་པ་ལ་བརྟེན་ཅིང་འདུག་ན། དེ་ན་དེ་ལ་རྩིག་པ་ལ་བརྟེན་པའི་སྲོག་ཆགས་གང་དག་ཡིན་པ་དེ་དག་ཟ་ལ། གལ་ཏེ་ཤིང་</font><hr>Tha214a<br><font size=+2>


༄#། །ངམ། གལ་ཏེ་རྩཝའི་ཕུང་པོའམ། གལ་ཏེ་ནམ་མཁའ་ལ་བརྟེན་ཅིང་འདུག་ན། དེ་ན་དེ་ལ་ནམ་མཁའ་ལ་བརྟེན་པའི་སྲོག་ཆགས་གང་དག་ཡིན་པ་དེ་དག་ཟ་སྟེ། དགའ་བོ། བ་ལང་པགས་པ་བཤུས་པ་དེ་གང་ལ་བརྟེན་ཅིང་འདུག་ཀྱང་དེ་ལ་བརྟེན་པའི་སྲོག་ཆགས་རྣམས་ཟ་བར་བྱེད་ཅིང ། གཞི་དེ་ལས་སྡུག་བསྔལ་གྱི་ཚོར་བ་དྲག་པོ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དགའ་བོ། དེ་བཞིན་དུ་ཁྱེའུའམ། བུ་མོ་བཙས་མ་ཐག་པ་ཡང་གལ་ཏེ་ལག་པས་བླངས་ན། དེ་གཞི་དེ་ལས་སྡུག་བསྔལ་གྱི་ཚོར་བ་ཞེས་བྱ་བ་ནས་ཡིད་དུ་མི་འོང་བ་སོ་སོར་མྱོང་བར་འགྱུར་རོ། །ཞེས་བྱ་བའི་བར་སྔ་མ་བཞིན་ནོ། །གལ་ཏེ་གོས་ཀྱིས་བླངས་སམ། གལ་ཏེ་པང་དུ་བླངས་སམ། གལ་ཏེ་ཁྲི་ལ་བཞག་གམ། གལ་ཏེ་ཁྲིའུའམ། གལ་ཏེ་སའམ། གལ་ཏེ་ཤིང་ལེབ་བམ། གལ་ཏེ་བླ་གབ་ཅན་ནམ། གལ་ཏེ་བླ་གབ་མེད་པའམ། གལ་ཏེ་གྲིབ་མ་ལ་བཞག་གམ། གལ་ཏེ་ཚ་བའམ། གལ་ཏེ་གྲང་བས་རེག་ན། དེ་གཞི་དེ་ལས་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་དུ་མི་འོང་བ་ཉིད་སོ་སོར་མྱོང་བར་འགྱུར་རོ། ། དགའ་བོ། བྱིས་པ་བཙས་མ་ཐག་པ་ནི། ཆུ་འཇམ་ཙམ་གྱིས་བཏབ་ན་ཡང ། དེ་གཞི་དེ་ལས་སྡུག་བསྔལ་ཁོ་ན་ཞེས་བྱ་བ་ནས་ཡིད་དུ་མི་འོང་བ་ཁོ་ནའི་བར་སོ་སོར་མྱོང་བར་འགྱུར་རོ། །དགའ་</font><hr>Tha214b<br><font size=+2>


བོ། དཔེར་ན། སྐྱེས་བུ་ལུས་མཛེ་ཅན། འཛག་པ། ལུས་ཚོས་པ། ལུས་ཞིག་པ། སྡུག་བསྔལ་བ། དབང་པོ་ཉམས་པ་ལ་ལྕག་གིས་གཞུས་ན། སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་དུ་མི་འོང་བ་ཉིད་སོ་སོར་མྱོང་བར་འགྱུར་རོ། །དགའ་བོ། དེ་བཞིན་དུ་བྱིས་པ་བཙས་མ་ཐག་པ་གལ་ཏེ་ཆུ་འཇམ་ཙམ་གྱིས་བཏབ་ན་ཡང་དེ་གཞི་དེ་ལས་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་དུ་མི་འོང་བ་ཉིད་སོ་སོར་མྱོང་བར་འགྱུར་རོ། །དགའ་བོ། དེ་ལྟར་སྐྱེས་ཤིང་དེ་ལྟར་བྱུང ། དེ་ལྟར་མངོན་པར་གྲུབ་པ་དང ། དེ་ནས་དེ་མ་རང་གི་ཁྲག་གི་དྲི་མས་སྐྱེད་པར་བྱེད། གསོ་བར་བྱེད། སྲིང་བར་བྱེད། དགའ་བོ། ཁྲག་གི་དྲི་མ་དེ་ནི། འཕགས་པའི་ཆོས་འདུལ་བ་འདི་ལ། འདི་ལྟ་སྟེ། མའི་ནུ་ཞོ་ལ་བྱའོ། །དགའ་བོ། དེ་ལ་འཁོར་བ་ན་ཡང་སྲིད་པ་མངོན་པར་འདོད་པ་དེ་ལྟར་སྡུག་བསྔལ་དུ་མས་ཉེན་པ་ལ་མནོག་ཅི་ཞིག་ཡོད། དེ་ལྟར་སྐྱེས་ཤིང་དེ་ལྟར་བྱུང་བའི་ལུས་ལ་ཞག་བདུན་པ་འདས་ནས་སྲིན་བུའི་རིགས་བརྒྱད་ཁྲི་འབྱུང་བར་འགྱུར་ཞིང ། དེ་དག་གིས་སེམས་ཅན་དེའི་ལུས་ཐམས་ཅད་ལ་ཟ་བར་བྱེད་དེ། དགའ་བོ། དེ་ལ་སྲིན་བུའི་རིགས་སྐྲ་ཟ་བ་ཞེས་བྱ་བ་ནི། སྐྲའི་དྲུང་ན་བརྟེན་ཅིང་སྐྲ་དག་ཟ་བར་བྱེད། སྲིན་བུའི་རིགས་གཉིས་པོ་དབྱུག་གུ་ཅན་དང ། མགོ་བོ་ཆ་དག་ནི། མགོ་ལ་བརྟེན་ཅིང་མགོ་ཟ་བར་བྱེད། སྲིན་བུའི་རིགས་མིག་ཟན་ཅེས་བྱ་བ་ནི། མིག་ལ་བརྟེན་ཅིང་མིག་དག་ཟ་</font><hr>Tha215a<br><font size=+2>


༄#། །བར་བྱེད། སྲིན་བུའི་རིགས་བཞི་པོ་རྒྱུག་པ་དང ། སྦྱིན་བྱེད་དང ། རིགས་ལྡན་དང ། གང་པོ་རྣམས་ནི། ཀླད་པ་ལ་བརྟེན་ཅིང་ཀླད་པ་ཟ་བར་བྱེད། སྲིན་བུའི་རིགས་བསམ་ལོ་ཞེས་བྱ་བ་ནི། མིག་ལ་བརྟེན་ཅིང་མིག་དག་ཟ་བར་བྱེད། སྲིན་བུའི་རིགས་མཛོད་སྒོ་ཞེས་བྱ་བ་ནི། སྣ་ལ་བརྟེན་ཅིང་སྣ་དག་ཟ་བར་བྱེད། སྲིན་བུའི་རིགས་གཉིས་པོ་འཕེན་བྱེད་དང ། འཇོག་བྱེད་ནི། མཆུ་ལ་བརྟེན་ཅིང་མཆུ་དག་ཟ་བར་བྱེད། སྲིན་བུའི་རིགས་སྦྲང་རྩི་འདབ་མ་ཞེས་བྱ་བ་ནི། སོལ་བརྟེན་ཅིང་སོ་དག་ཟ་བར་བྱེད། སྲིན་བུའི་རིགས་ཤིང་སྒོ་ཞེས་བྱ་བ་ནི། སོའི་རྩ་བ་ལ་བརྟེན་ཅིང་སོའི་རྩ་བ་དག་ཟ་བར་བྱེད། སྲིན་བུའི་རིགས་ཁ་མཆུ་ཞེས་བྱ་བ་ནི། ལྕེ་ལ་བརྟེན་ཅིང་ལྕེ་ཟ་བར་བྱེད། སྲིན་བུའི་རིགས་མཆུ་རྣོན་ཞེས་བྱ་བ་ནི། ལྕེའི་དྲུང་ལ་བརྟེན་ཅིང་ལྕེའི་དྲུང་ཟ་བར་བྱེད། སྲིན་བུའི་རིགས་ལག་ཅན་ཞེས་བྱ་བ་ནི། རྐན་ལ་བརྟེན་ཅིང་རྐན་ཟ་བར་བྱེད། སྲིན་བུའི་རིགས་གཉིས་པོ་ཆུའི་དྲ་བ་དང ། བྱེད་སྒུར་ནི། ལག་སོར་ལ་གནས་ཤིང་ལག་སོར་དག་ཟ་བར་བྱེད། སྲིན་བུའི་རིགས་གཉིས་པོ་འཕྱང་བ་དང ། རབ་ཏུ་འཕྱང་བ་ནི། ལག་པའི་བོལ་བ་བརྟེན་ཅིང་ལག་པའི་བོལ་ཟ་བར་བྱེད། སྲིན་བུའི་རིགས་གཉིས་པོ། དཔུང་པ་དང ། ཉེ་དཔུང་ནི། དཔུང་པ་ལ་བརྟེན་ཅིང་དཔུང་པ་དག་ཟ་བར་བྱེད། སྲིན་བུའི་རིགས་གཉིས་པོ་རྐོ་བ་དང ། ཉེ་རྐོ་ནི། ལྐོག་མ་ལ་བརྟེན་ཅིང་ལྐོག་མ་ལ་ཟ་བར་བྱེད། སྲིན་བུའི་རིགས་གཉིས་པོ་ཁོ་ན་ཅན་དང ། ཁོ་ན་ཅན་ཆེན་པོ་ནི། </font><hr>Tha215b<br><font size=+2>


སྙིང་ལ་བརྟེན་ཅིང་སྙིང་ལ་ཟ་བར་བྱེད། སྲིན་བུའི་རིགས་གཉིས་པོ་དུང་དང ། དུང་ཆུ་ནི། ཤ་ལ་བརྟེན་ཅིང་ཤ་ལ་ཟ་བར་བྱེད། སྲིན་བུའི་རིགས་གཉིས་པོ་མདོག་ཅན་དང ། སྟོབས་ཅན་ནི། ཁྲག་ལ་བརྟེན་ཅིང་ཁྲག་འཐུང་བར་བྱེད། སྲིན་བུའི་རིགས་གཉིས་པོ་དཔའ་བོ་དང ། དྲི་སྒོ་ནི། ཆུ་རྒྱུས་ལ་བརྟེན་ཅིང་ཆུ་རྒྱུས་ཟ་བར་བྱེད། སྲིན་བུའི་རིགས་གཉིས་པོ་དམའ་བ་དང ། ཁ་སྦུབ་ཅན་ནི། སྒལ་ཚིགས་ལ་བརྟེན་ཅིང་སྒལ་ཚིགས་ཟ་བར་བྱེད། སྲིན་བུའི་རིགས་ཚིལ་མ་དག་ཅེས་བྱ་བ་ནི། ཚིལ་ལ་བརྟེན་ཅིང་ཚིལ་ཟ་བར་བྱེད། སྲིན་བུའི་རིགས་མཁྲིས་མདོག་ཅེས་བྱ་བ་ནི། མཁྲིས་པ་ལ་བརྟེན་ཅིང་མཁྲིས་པ་ཟ་བར་བྱེད། སྲིན་བུའི་རིགས་མུ་ཏིག་ཅེས་བྱ་བ་ནི། མཚེར་པ་ལ་བརྟེན་ཅིང་མཚེར་པ་ཟ་བར་བྱེད། སྲིན་བུའི་རིགས་མུ་ཏིག་ཆེན་པོ་ཞེས་བྱ་བ་ནི། མཁལ་མ་ལ་བརྟེན་ཅིང་མཁལ་མ་ཟ་བར་བྱེད། སྲིན་བུའི་རིགས་འོངས་མིན་ཞེས་བྱ་བ་ནི། མཆིན་པ་ལ་བརྟེན་ཅིང་མཆིན་པ་ཟ་བར་བྱེད། སྲིན་བུའི་རིགས་བཞི་པོ་ཆུ་འདྲེས་པ་དང ། ཆུ་འདྲེས་པ་ཆེན་པོ་དང ། ཁབ་མཆུ་དང ། ཁབ་མཆུ་ཆེན་པོ་ནི། རྒྱུ་མ་ལ་བརྟེན་ཅིང་རྒྱུ་མ་དག་ཟ་བར་བྱེད། སྲིན་བུའི་རིགས་ལྔ་པོ་ཟླ་དང ། ཟླ་གདོང་དང ། ཟླ་འོད་དང ། ཟླ་འོད་གདོང་དང ། རྒྱ་ཆེ་ནི། གློ་གཡས་པ་ལ་བརྟེན་ཅིང་གློ་གཡས་པ་ཟ་བར་བྱེད། སྲིན་བུའི་རིགས་དེ་སྐད་ཅེས་བྱ་བ་གཞན་དག་ནི། གློ་གཡོན་པ་ལ་བརྟེན་ཅིང་གློ་གཡོན་པ་ཟ་བར་བྱེད། སྲིན་བུའི་རིགས་བཞི་པོ་རིམ་འབིགས་དང ། སྔར་འབིགས་དང ། སྲ་འབིགས་དང ། </font><hr>Tha216a<br><font size=+2>


༄#། །བརྟན་འབིགས་ནི། རུས་པ་ལ་བརྟེན་ཅིང་རུས་པ་ཟ་བར་བྱེད། སྲིན་བུའི་རིགས་བཞི་པོ་དཀར་པོ་དང ། ཉེ་དཀར་དང ། སྟོབས་འཕྲོག་དང ། སྣོམ་པ་ནི། རྩ་ལ་བརྟེན་ཅིང་རྩ་ཟ་བར་བྱེད། སྲིན་བུའི་རིགས་བཞི་པོ་སེང་དང ། སྟོབས་ཅན་དང ། འདབ་བུ་དང ། མེ་ཏོག་ལེ་ནི། ཕོ་བ་ལ་བརྟེན་ཅིང་ཕོ་བ་ཟ་བར་བྱེད། སྲིན་བུའི་རིགས་གཉིས་པོ་བརྟན་པ་དང ། ཉེ་བརྟན་ནི།་ལོང་ག་ལ་རྟེན་ཅིང་ལོང་ཀ་ཟ་བར་བྱེད། སྲིན་བུའི་རིགས་བཞི་པོ་སིནྡྷུའི་མཆུ་དང ། ཕུང་པོའི་གདོང་དང ། དྲ་བའི་ཁ་དང ། འདྲལ་བྱེད་ནི། གཅི་བའི་ལམ་ལ་གནས་ཤིང་གཅི་བའི་ལམ་ཟ་བར་བྱེད། སྲིན་བུའི་རིགས་གཞི་པོ་སྒྲ་ངན་དང ། སྒྲ་ངན་ཆེན་པོ་དང ། འདྲེན་བྱེད་དང ། འདུལ་ལྡན་ནི། བཤང་བའི་ལམ་ལ་བརྟེན་ཅིང་བཤང་བའི་ལམ་ཟ་བར་བྱེད། སྲིན་བུའི་རིགས་གཉིས་པོ་ཁ་ནད་དང ། འཇིག་བྱེད་ནི། བརླ་ལ་བརྟེན་ཅིང་བརླ་ཟ་བར་བྱེད། སྲིན་བུའི་རིགས་གཉིས་པོ་མཛེས་དང ། ཉེ་མཛེས་ནི། པུས་མོ་ལ་བརྟེན་ཅིང་པུས་མོ་དག་ཟ་བར་བྱེད། སྲིན་བུའི་རིགས་གླེན་གཞི་ཞེས་བྱ་བ་ནི། རྗེ་ངར་ལ་བརྟེན་ཅིང་རྗེ་ངར་ཟ་བར་བྱེད། སྲིན་བུའི་རིགས་མགོ་ནག་ཅེས་བྱ་བ་ནི། རྐང་སོར་ལ་བརྟེན་ཅིང་རྐང་སོར་དག་ལ་ཟ་བར་བྱེད་དོ། །དགའ་བོ། ལུས་འདི་ནི། དེ་ལྟར་སྲིན་བུའི་རིགས་བརྒྱད་ཁྲིས་ཉིན་མཚན་དུ་ཟ་བར་གཙེས་ཏེ། དེས་ན། གདུང་བ་དང ། ཀུན་ཏུ་གདུང་བ་དང ། ཉམ་ཆུང་བ་དང ། རྨྱ་བར་འགྱུར་ཞིང ། དགའ་བོ། གཞི་དེ་ལས་གདུང་བ་དང ། ཀུན་ཏུ་</font><hr>Tha216b<br><font size=+2>


གདུང་བ་དང ། ཡོངས་སུ་གདུང་བ་དག་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། ཡང་དག་པར་ཚོར་བར་འགྱུར་ལ། སེམས་ཀྱི་གདུང་བ་དང ། ཀུན་ཏུ་གདུང་བ་དང ། ཡོངས་སུ་གདུང་བ་དག་ཀྱང་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། ཡང་དག་པར་ཚོར་བར་འགྱུར་རོ། །ལུས་ཀྱི་རིམས་དང ། ངལ་བ་དང ། ཡོངས་སུ་གདུང་བ་དག་ཀྱང་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། ཡང་དག་པར་ཚོར་བར་འགྱུར་ཞིང ། སེམས་ཀྱི་རིམས་དང ། ངལ་བ་དང ། ཡོངས་སུ་གདུང་བ་དག་ཀྱང་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། ཡང་དག་པར་ཚོར་བར་འགྱུར་ཏེ། དེ་ལ་ནི། སྨན་པ་རྣམས་ཀྱང་རྨོངས་ཤིང་སྨན་གྱི་སྦྱོར་བ་མི་ཤེས་ན། དགའ་བོ། དེ་ལ་འཁོར་བ་ན་ཡང་སྲིད་པ་ལ་མངོན་པར་དགའ་བ་དེ་ལྟར་སྡུག་བསྔལ་དུ་མས་ཉེན་པ་ལ་གནོག་ཅི་ཞིག་ཡོད། དགའ་བོ། དེ་ལྟར་བྱུང་ཞིང་དེ་ལྟར་མངོན་པར་གྲུབ་པ་དེའི་ལུས་ལ་གདོན་འདི་ལྟ་བུ་དག་འབྱུང་སྟེ། འདི་ལྟ་སྟེ། ལྷའི་གདོན་དང ། ཀླུའི་གདོན་དང ། ལྷ་མ་ཡིན་གྱི་གདོན་དང ། རླུང་ལྷའི་གདོན་དང ། ནམ་མཁའ་ལྡིང་གི་གདོན་དང ། དྲི་ཟའི་གདོན་དང ། མིའམ་ཅིའི་གདོན་དང ། ལྟོ་འཕྱེ་ཆེན་པོའི་གདོན་དང ། གནོད་སྦྱིན་གྱི་གདོན་དང ། སྲིན་བུའི་གདོན་དང ། ཡི་དྭགས་ཀྱི་གདོན་དང ། ཤ་ཟའི་གདོན་དང ། འབྱུང་པོའི་གདོན་དང ། གྲུལ་བུམ་གྱི་གདོན་དང ། སྲུལ་པོའི་གདོན་དང ། ལུས་སྲུལ་པོའི་གདོན་དང ། སྲུལ་པོ་ལོང་བའི་གདོན་དང ། སྐེམ་བྱེད་ཀྱི་གདོན་དང ། </font><hr>Tha217a<br><font size=+2>


༄#། །སྨྱོ་བྱེད་ཀྱི་གདོན་དང ། གྲིབ་གནོན་གྱི་གདོན་དང ། རྡུལ་བྱེད་ཀྱི་གདོན་དང ། བྱའི་གདོན་དང ། རི་དྭགས་ཀྱི་གདོན་དང ། ནམ་གྲུའི་གདོན་དང ། ཕྱུགས་བདག་གི་གདོན་དང་མ་མོའི་གདོན་དང ། འཛུམ་བྱེད་ཀྱི་གདོན་དང ། རྐང་བམ་གྱི་གདོན་དང ། ཉམས་བྱེད་ཀྱི་གདོན་དང ། ཟླ་བའི་གདོན་དང ། ཉི་མའི་གདོན་དང ། རྒྱུ་སྐར་གྱི་གདོན་ཏེ། གདོན་དེ་ལྟ་བུ་དག་ལུས་ལ་འབྱུང་ན། དགའ་བོ། དེ་ལ་སྲིད་པ་ཚོལ་བ་མའི་མངལ་ན་གནས་པ་ལ་མནོག་ཅི་ཞིག་ཡོད། དགའ་བོ། དེ་ལྟར་སྐྱེས་ཤིང་དེ་ལྟར་མངོན་པར་གྲུབ་པ་དེ། མས་རང་གི་ཁྲག་གི་དྲི་མས་སྐྱེད་པར་བྱེད། གསོ་བར་བྱེད། སྲིང་བར་བྱེད་དེ། དགའ་བོ། མའི་ནུ་ཞོ་ནི། འཕགས་པའི་ཆོས་འདུལ་བ་ལ། འདི་ལྟ་སྟེ། ཁྲག་གི་དྲི་མ་ཞེས་བྱའོ། །དགའ་བོ། དེ་ལ་སྲིད་པ་ཚོལ་བ་མའི་མངལ་གྱི་གནས་ན་གནས་པ་དེ་ལྟར་སྐྱེས་ཤིང ། དེ་ལྟར་བྱུང ། དེ་ལྟར་མངོན་པར་གྲུབ། དེ་ལྟར་ཟས་རགས་པ་ཟ་བ་ལ་མནོག་ཅི་ཞིག་ཡོད་དེ། དེ་ལྟར་ལེགས་པར་བདེ་བར་ཡོངས་སུ་བསྲུངས་ན། དེ་ཚེ་རིང་ན་ལོ་བརྒྱའམ། ཅུང་ཟད་ཅིག་ལྷག་པར་འཚོའོ། །དེ་ལས་ཀྱང་ཕྱེད་ནི། གཉིད་ཀྱིས་ཁེབས་སོ། །ལོ་བཅུ་ནི། བྱིས་པའོ། །ལོ་ཉི་ཤུ་རྒས་པ་སྟེ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་ཀྱིས་ཀྱང་གཅད། ལུས་ལས་བྱུང་བའི་ནད་རྣམ་པ་དུ་མ་བརྒྱ་ཕྲག་དུ་མས་ཀྱང་གཅད་དོ། །དགའ་བོ། ལུས་ཀྱི་ནད་ཤིན་ཏུ་བཟོད་</font><hr>Tha217b<br><font size=+2>


པར་དཀའ་བ་དག་འབྱུང་བར་འགྱུར་ཏེ། དེ་དག་གིས་གཟིར་ན་སྲོག་ཆགས་རྣམས་འཆི་བ་ཡང་འདོད་དོ། །དགའ་བོ། དེ་ལྟར་ལུས་ཅན་རྣམས་ཀྱི་འཚོ་བ་ནི། ཤིན་ཏུ་མི་བཟད་པ། ཐུང་བ། ངན་པ་སྟེ། དེ་ཡང་སྡུག་བསྔལ་དང་ལྡན་ཞིང་ཚེ་ཕྱི་མར་འགྲོ་བ་ཡིན་པས། དགེ་བ་བྱ་ཞིང་ཚངས་པར་སྤྱོད་པ་སྤྱད་པར་བྱ་སྟེ། སྐྱེས་པ་ལ་མི་འཆི་བ་མེད་དོ། །འོན་ཀྱང་ད་ལྟར་མི་རྣམས་ནི། འདི་ལྟ་སྟེ། དོན་སྤྱད་པ་དང ། ཆོས་སྤྱད་པ་དང ། བསོད་ནམས་སྤྱད་པ་དང ། དགེ་བ་སྤྱད་པ་དང ། དགེ་ལེགས་སྤྱད་པ་ལ་བག་བོར་ནས་གནས་ཏེ། ལས་ཀྱིས་ནི། འདི་ལས་དགེ་བ་དང ། མི་དགེ་བ་དག་བྱེད་པ་ཡིན་ནོ། །དགའ་བོ། དྲན་པ་དང་ལྡན་པ་དང ། བག་ཡོད་པར་མནོས་ཤིག་།ཁྱོད་མཇུག་ཏུ་འགྱོད་ད་རེ། འདོད་པ་དང ། སྡུག་པ་དང ། དགའ་བ་དང ། ཡིད་དུ་འོང་བ་ཐམས་ཅད་དང་འབྲལ་བར་འགྱུར་ཏེ། འབྲལ་བ་དང ། འགྱེས་པ་ནི། གདོན་མི་ཟ་བར་འབྱུང་ངོ ། །དགའ་བོ། ལུས་ཅན་རྣམས་ནི། ལས་བདག་གིར་བྱ་བ་དང ། ལས་ཀྱི་བགོ་སྐལ་ལ་སྤྱོད་པ་དང ། ལས་ལ་བརྟེན་པ་ཅན་ཡིན་ཏེ། ལས་དགེ་བའམ། སྡིག་པ་ཡང་རུང ། གང་དང་གང་ཁོ་ན་བྱེད་པའི་ལས་དེ་དང་དེའི་སྐལ་བ་ཅན་དུ་འགྱུར་རོ། །དགའ་བོ། ལོ་བརྒྱར་འཚོ་བ་ལ་གནས་སྐབས་བཅུ་སོ་སོར་མྱོང་བར་འགྱུར་ཏེ། གནས་སྐབས་དང་པོ་ལ་ནི། བྱིས་པ། དམན་པ། གན་རྐྱལ་དུ་ཉལ་བར་འགྱུར་རོ། །གནས་སྐབས་གཉིས་པ་ལ་ནི། གཞོན་ནུ་རྩེ་བའི་རང་བཞིན་ཅན་དུ་འགྱུར་རོ། །གནས་སྐབས་གསུམ་པ་ལ་ནི། ཐོར་བུ་འདོད་པ་སྤྱོད་པར་འགྱུར་རོ། ། </font><hr>Tha218a<br><font size=+2>


༄#། །གནས་སྐབས་བཞི་པ་ལ་ནི། སྟོབས་དང་ལྡན་ཞིང་སྤྲོ་བ་ཅན་དུ་འགྱུར་རོ། །གནས་སྐབས་ལྔ་པ་ལ་ནི། ཤེས་རབ་དང་ལྡན་ཞིང་སྤོབས་པ་དང་ལྡན་པར་འགྱུར་རོ། ། གནས་སྐབས་དྲུག་པ་ལ་ནི། དྲན་པ་དང་ལྡན་ཞིང་དཔྱོད་པའི་རང་བཞིན་ཅན་དུ་འགྱུར་རོ། །གནས་སྐབས་བདུན་པ་ལ་ནི། བརྟན་པ་ཚད་ལ་བབ་པར་འགྱུར་རོ། །གནས་སྐབས་བརྒྱད་པ་ལ་ནི། བརྟན་པ་རྒྱལ་པོ་ལྟ་བུར་འགྱུར་རོ། །གནས་སྐབས་དགུ་པ་ལ་ནི། རྒན་པོ་རྒ་བས་འཁོགས་པར་འགྱུར་རོ། །གནས་སྐབས་བཅུ་པ་ལ་ནི། ཚེ་ཟད་ཅིང་འཆི་བའི་ཆོས་ཅན་དུ་འགྱུར་ཏེ། དགའ་བོ། དེ་ལྟར་ན། ལོ་བརྒྱར་འཚོ་བ་ལ་གནས་སྐབས་བཅུ་པོ་དེ་དག་སོ་སོར་མྱོང་བར་འགྱུར་རོ། །ལོ་བརྒྱར་འཚོ་བ་ནི། དུས་ཚིགས་སུམ་བརྒྱར་འཚོ་བར་འགྱུར་ཏེ། དགུན་རྣམས་ཀྱི་དུས་ཚིགས་བརྒྱ་དང ། སོ་ག་རྣམས་ཀྱི་དུས་ཚིགས་བརྒྱ་དང ། དབྱར་རྣམས་ཀྱི་དུས་ཚིགས་བརྒྱའོ། །དུས་ཚིག་སུམ་བརྒྱར་འཚོ་བ་ནི། ཟླ་བ་སྟོང་ཉིས་བརྒྱར་འཚོ་སྟེ། དགུན་རྣམས་ཀྱི་བཞི་དང ། སོ་ག་རྣམས་ཀྱི་བཞི་དང ། དབྱར་རྣམས་ཀྱི་བཞིའོ། །ཟླ་བ་སྟོང་དང་ཉིས་བརྒྱར་འཚོ་བ་ནི། ཟླ་བ་ཕྱེད་པོ་ཉིས་སྟོང་བཞི་བརྒྱར་འཚོ་བར་འགྱུར་ཏེ། དགུན་རྣམས་ཀྱི་བརྒྱད་དང ། སོ་ག་རྣམས་ཀྱི་བརྒྱད་དང ། དབྱར་རྣམས་ཀྱི་བརྒྱད་དོ། །ཟླ་བ་ཕྱེད་པོ་ཉིས་སྟོང་བཞི་བརྒྱར་འཚོ་བ་ནི། ཉིན་ཞག་སུམ་ཁྲི་དྲུག་སྟོང་དུ་འཚོ་བར་འགྱུར་ཏེ། ཉིན་ཞག་སུམ་ཁྲི་དྲུག་སྟོང་དུ་འཚོ་བ་ནི། ཟན་གྱི་བར་ཆད་ཀྱི་ཟན་མ་གཏོགས་པར་ཟན་བདུན་ཁྲི་ཉིས་སྟོང་ཟ་</font><hr>Tha218b<br><font size=+2>


བར་འགྱུར་རོ། །དེ་ལ་ཟན་གྱི་བར་ཆད་ནི། འདི་དག་ཡིན་ཏེ། གང་ཁྲོས་པས་མི་ཟ་བ་དང ། བདེ་བས་མི་ཟ་བ་དང ། སྡུག་བསྔལ་བས་མི་ཟ་བ་དང ། རྙེད་ཀྱང་མི་ཟ་བ་དང ། མ་རྙེད་དེ་མི་ཟ་བ་དང ། ཉལ་ཏེ་མི་ཟ་བ་དང ། སྨྱུང་བར་གནས་ཏེ་མི་ཟ་བ་དང ། རྩེ་བས་མྱོས་ཏེ་མེ་ཟ་བ་དང ། བྱ་བས་གཡེངས་ཏེ་མི་ཟ་བའོ། །ཟ་བ་གང་ཡིན་པ་དང ། མི་ཟ་བ་གང་ཡིན་པ་དེ་དག་གཅིག་ཏུ་བསྡུས་ནས་མའི་ནུ་ཞོ་དང་བཅས་ཏེ་ཟན་བདུན་ཁྲི་ཉིས་སྟོང་དུ་འགྱུར་རོ། །དགའ་བོ། དེ་ལྟ་བས་ན། མི་ཚེ་ལོ་བརྒྱ་ཐུབ་པ་རྣམས་ཀྱི་ཚེ་དང ། དུས་ཚིགས་དང ། ཟླ་བ་དང ། ཟླ་བ་ཕྱེད་དང ། ཉིན་ཞག་དང ། ཟན་དང ། ཟན་གྱི་བར་ཆད་དག་ཀྱང་བརྗོད་པ་ཡིན་ནོ། །དགའ་བོ། དེ་ལྟར་སྐྱེས་ཤིང་དེ་ལྟར་བྱུང ། དེ་ལྟར་མངོན་པར་གྲུབ་པའི་ལུས་ལ་ལུས་ཀྱི་ནད་འདི་ལྟ་བུ་དག་འབྱུང་བར་འགྱུར་ཏེ། འདི་ལྟ་སྟེ། མགོ་ནད་དང ། མིག་ནད་དང ། རྣ་བའི་ནད་དང ། སྣ་ནད་དང ། སོ་ནད་དང ། མགུལ་ནད་དང ། སྙིང་ནད་དང ། ཆམ་པ་དང ། ཤུ་བ་དང ། གཡན་པ་དང ། རྐང་ཤུ་དང ། མཛེ་དང ། འབྲས་དང ། འབྲུམ་བུ་ཕྲ་མོ་དང ། ཤ་བཀྲ་དང ། རྗེད་བྱེད་དང ། ལྷོག་པ་དང ། རྐང་བམ་དང ། མཚན་བར་རྡོལ་དང ། དམུ་རྫིང་དང ། སྐྱིགས་བུ་དང ། སྐྱུག་བྲོ་བ་དང ། སེར་ག་དང ། འཁྲུ་བ་དང ། རིམས་དང ། རིམས་དྲག་པོ་དང ། ལུད་པ་དང ། དབུགས་མི་བདེ་བ་དང ། སྐེམ་པ་དང ། བཀྲེས་ངབ་དང ། སྐྱ་རྦབ་དང ། སྐྲང་བ་དང ། ཚིལ་ནད་དང ། མཁྲིས་ནད་དང ། མེ་དབལ་དང ། རིམས་ཉིན་གཅིག་པ་དང ། ཉིན་གཉིས་པ་དང ། </font><hr>Tha219a<br><font size=+2>


༄#། །ཉིན་གསུམ་པ་དང ། ཉིན་བཞི་པ་དང ། རྟག་པའི་རིམས་དང ། ཡན་ལག་ཚ་བ་དང ། རྩིབ་ལོགས་ཚ་བ་དང ། སྙིང་ཚ་བ་དང ། ཡན་ལག་ན་བ་དང ། རྩིབ་ལོགས་ན་བ་དང ། སྙིང་ན་བ་དང ། ནང་ཚོམ་ན་བ་སྟེ། དགའ་བོ། དེ་ལྟ་བུ་དང་ཆ་མཐུན་པའི་ནད་རླུང་ལས་གྱུར་པའི་ནད་བརྒྱ་རྩ་གཅིག་དང ། མཁྲིས་པ་ལས་གྱུར་པའི་ནད་བརྒྱ་རྩ་གཅིག་དང ། བད་ཀན་ལས་གྱུར་པའི་ནད་བརྒྱ་རྩ་གཅིག་དང ། འདུས་པ་ལས་གྱུར་པའི་ནད་བརྒྱ་རྩ་གཅིག་སྟེ། དེ་དག་བསྡོམས་ན། ནད་བཞི་བརྒྱ་རྩ་བཞི་ནང་དུ་འབྱུང་བར་འགྱུར་ཏེ། དགའ་བོ། ལུས་འདི་ནི། ནད་དུ་གྱུར་པ།་འབྲས་སུ་གྱུར་པ། ཟུག་རྔུར་གྱུར་པ། རིང་པོ་མི་ཐོགས་པ་དང ། འཇིག་པ་དང ། མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་དང ། འགྲན་ཟླ་དང་བཅས་པ་དང ། དབུགས་མི་ཕྱིན་པ་དང ། རྣམ་པར་འགྱུར་བའི་ཆོས་ཅན་ནོ། །དགའ་བོ། སྲོག་ཆགས་རྣམས་ནི། སྐྱེས་ན། ལག་པ་བཅད་པའི་སྡུག་བསྔལ་མྱོང་བར་འགྱུར་རོ། །སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་བར་འགྱུར། རྐང་པ་བཅད་པའི་སྡུག་བསྔལ་མྱོང་བར་འགྱུར། རྣ་བ་བཅད་པའི་སྡུག་བསྔལ་དང ། མཆུ་བཅད་པའི་སྡུག་བསྔལ་དང ། ལྕེ་བཅད་པའི་སྡུག་བསྔལ་དང ། མགོ་བཅད་པའི་སྡུག་བསྔལ་དང ། སུ་མི་འདོད་དང ། ལྕགས་དང ། མདོར་ཐོད་དང ། ཕྱིན་ཀ་ལོག་ཏུ་བཅིངས་པ་དང ། བཅིང་བ་ལྔས་བཅིངས་པ་</font><hr>Tha219b<br><font size=+2>


ལ་སོགས་པའི་སྡུག་བསྔལ་རྣམ་པ་སྣ་ཚོགས་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་བར་འགྱུར། རེ་ལྡེར་དྲིལ་བ་དང ། གསལ་ཤིང་གིས་གཟུགས་བ་དང ། གག་ཤིང་དུ་གཞུག་པ་དང ། ཟངས་སུ་བཙོ་བ་ལ་སོགས་པའི་སྡུག་བསྔལ་རྣམ་པ་སྣ་ཚོགས་དྲག་པ་རྩུབ་པ། མི་བཟད་པ། འཆི་བ་ལ་ཐུག་པའི་སྡུག་བསྔལ་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་བར་འགྱུར་རོ། །བསད་པ་དང ། བཅིངས་བ་དང ། བརྡེག་པ་དང ། བསྡིགས་པ་དང ། བཀྲེས་པ་དང ། སྐོམ་པའི་སྡུག་བསྔལ་དང ། ལྷགས་པ་དང ། ཆར་པ་དང ། ཤ་སྦྲང་དང ། སྦྲང་བུ་མཆུ་རིང་དང ། རླུང་དང ། ཉི་མ་དང ། སྡིག་སྦྲུལ་གྱི་རེག་པ་ལས་བྱུང་བའི་སྡུག་བསྔལ་རྣམ་པ་སྣ་ཚོགས་དག་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་བར་འགྱུར་རོ། །དགའ་བོ། དེ་ལྟར་སྡུག་བསྔལ་དེ་ལྟ་བུ་དག་གིས་གཡོན་སྤྱོ་ཞིང་ཤིན་ཏུ་ཉམ་ང་བར་གྱུར་པའི་སྲོག་ཆགས་ཀུན་ཏུ་ཚོལ་བའི་རྩ་བ་ཅན་གྱི་སྡུག་བསྔལ་དོན་དུ་གཉེར་བ་ཡོངས་སུ་ཚོལ་པ་རྣམས་ལ་ཡང་དང་ཡང་དུ་དོན་དུ་གཉེར་བ་ལ་ཞོན་པ་ལས་འབྱུང ། ལུས་དང ། སེམས་ཀྱི་སྡུག་བསྔལ་དྲག་པ། རྩུབ་པ། མི་བཟད་པ་དང ། ཡིད་དུ་མི་འོང་བ་ནང་གདུང་བར་བྱེད་པ་དག་སྐྱེ་བར་འགྱུར་ཏེ། དགའ་བོ། དེ་ལྟ་བས་ན། སྐྱེ་བ་ནི། སྡུག་བསྔལ་བའོ། །རྒ་བ་ནི། སྡུག་བསྔལ་བའོ། །ན་བ་ནི། སྡུག་བསྔལ་བའོ། །འཆི་བ་ནི། སྡུག་བསྔལ་</font><hr>Tha220a<br><font size=+2>


༄#། །བའོ། །སྡུག་པ་དང་བྲལ་བ་ནི། སྡུག་བསྔལ་བའོ། །མི་སྡུག་པ་དང་ཕྲད་པ་ནི། སྡུག་བསྔལ་བའོ། །གང་འདོད་པ་བཙལ་ཏེ་མི་རྙེད་པ་དེ་ཡང་སྡུག་བསྔལ་བའོ། ། མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བའོ། །དགའ་བོ། འཆག་པ་དང ། འདུག་པ་དང ། འགྲེང་བ་དང ། ཉལ་བའི་སྤྱོད་ལམ་དག་ཀྱང་སོ་སོ་སོར་སྡུག་བསྔལ་བར་རིག་བར་བྱ་སྟེ། བསམ་གཏན་པས་སྤྱོད་ལམ་དེ་དང ། དེ་དག་གི་རང་བཞིན་བརྟགས་ན། གལ་ཏེ་འཆག་པས་ཉི་མ་འདའ་བར་བྱེད་ཅིང ། འགྲེང་བར་མི་བྱེད། འདུག་པར་མི་བྱེད། ཉལ་བར་མི་བྱེད་ན། དེས་འཆག་པ་དེ་ལ་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་མི་འོང་བ་ཉིད་སོ་སོར་མྱོང་བར་འགྱུར་གྱི། འཆག་པ་དེ་ལ་བདེ་བའི་འདུ་ཤེས་འབྱུང་བར་ནི། མི་འགྱུར་རོ། །གལ་ཏེ་འདུག་པས་ཉི་མ་འདའ་བར་བྱེད་ཅིང ། འཆག་པར་མི་བྱེད། འགྲེང་བར་མི་བྱེད། ཉལ་བར་མི་བྱེད་ན། དེ་འདུག་པ་དེ་ལ་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་དུ་མི་འོང་བ་ཉིད་སོ་སོར་མྱོང་བར་འགྱུར་གྱི། འདུག་པ་དེ་ལ་བདེ་བའི་འདུ་ཤེས་འབྱུང་བར་ནི། མི་འགྱུར་རོ། །གལ་ཏེ་འགྲེང་བས་ཉི་མའི་འདའ་བར་བྱེད་ཅིང ། འདུག་པར་མི་བྱེད། འཆག་པར་མི་བྱེད། ཉལ་བར་མི་བྱེད་ན། དེས་</font><hr>Tha220b<br><font size=+2>


འགྲེང་པ་དེ་ལ་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་དུ་མི་འོང་བ་ཉིད་དག་སོ་སོར་མྱོང་བར་འགྱུར་གྱི། འགྲེང་བ་དེ་ལ་བདེ་བའི་འདུ་ཤེས་འབྱུང་བར་ནི། མི་འགྱུར་རོ། །གལ་ཏེ་ཉལ་བས་ཉི་མ་འདའ་བར་བྱེད་ཅིང ། འཆག་པར་མི་བྱེད། འགྲེང་བར་མི་བྱེད། འདུག་པར་མི་བྱེད་ན། དེས་ཉལ་བ་དེ་ལ་སྡུག་བསྔལ་ཁོ་ན་སོ་སོར་མྱོང་བར་འགྱུར་ཞིང ། དྲག་པ་ཉིད་དང ། རྩུབ་པ་ཉིད་དང ། མི་བཟད་པ་ཉིད་དང ། ཡིད་དུ་མི་འོང་བ་ཉིད་སོ་སོར་མྱོང་བར་འགྱུར་གྱི། ཉལ་བ་དེ་ལ་བདེ་བའི་འདུ་ཤེས་འབྱུང་བར་ནི། མི་འགྱུར་རོ། དགའ་བོ། འོན་ཀྱང་སྤྱོད་ལམ་གྱི་སྡུག་བསྔལ་དེ་དང་དེ་རྒྱུན་བཅད་པའི་ཕྱིར་སྡུག་བསྔལ་གསར་བ་གཞན་དང་གཞན་ཡང་འབྱུང་བ་ལ་བདེ་བའི་འདུ་ཤེས་འབྱུང་སྟེ། དགའ་བོ། །འབྱུང་བ་ན་ཡང་སྡུག་བསྔལ་འདི་ཁོ་ན་འབྱུང་ལ། འགག་པ་ན་ཡང་སྡུག་བསྔལ་ཁོ་ན་འགག་།འབྱུང་བ་ན་ཡང་འདུ་བྱེད་དག་ཉིད་འབྱུང་ལ། འགག་པ་ན་ཡང་འདུ་བྱེད་དག་ཉིད་འགག་གོ་།དེ་བཞིན་གཤེགས་པས་ནི། འདུ་བྱེད་རྣམས་ཀྱི་རྒྱུད་ཉིང་མཚམས་སྦྱོར་བ་ཐུགས་སུ་ཆུད་ནས་སེམས་ཅན་རྣམས་ཀྱི་འཆི་འཕོ་དང ། སྐྱེ་བ་བཀའ་སྩལ་ཏོ། ། དགའ་བོ། འདུ་བྱེད་ཐམས་ཅད་ནི། མི་རྟག་པ། མི་བརྟན་པ། འདུ་བྱེད་ཐམས་ཅད་ནི། དབུགས་མི་ཕྱིན་པ། རྣམ་པར་འགྱུར་བའི་ཆོས་ཅན་ནོ། །དགའ་བོ། དེ་ལྟ་བས་ན། འདུ་བྱེད་</font><hr>Tha221a<br><font size=+2>


༄#། །ཐམས་ཅད་ལ་ཡིད་བྱུང་བར་བྱ་བའི་རིགས། སྤང་པ་དང ། རྣམ་པར་གྲོལ་བར་བྱ་བའི་རིགས་སོ། །དགའ་བོ། བདེ་འགྲོའི་འགྲོ་བའོ། །སྙམ་པའི་འདུ་ཤེས་ཅན་གང་ཡིན་པ་དེ་དག་ན་ཡང་ཤིན་ཏུ་མི་བཟད་པ། འཇིགས་སུ་རུང་བ། སྨད་པ། བརྗོད་དཀའ་བ་དེ་ལྟ་བུ་དང ། སླུ་བ་དེ་ལྟ་བུ་དང ། སྡུག་བསྔལ་གྱི་རྣམ་པ་དེ་ལྟ་བུ་འབྱུང་ན། དམྱལ་བ་དང ། དུད་འགྲོ་དང ། ཡི་དྭགས་ཀྱི་ཡུལ་དུ་སྐྱེས་པ་རྣམས་ལ་ལྟ་སྨོས་ཀྱང་ཅི་དགོས་ཏེ། དེ་དག་གི་སྡུག་བསྔལ་གྱི་རྣམ་པ་ནི། འདི་འདྲའོ། །ཞེས་དཔེ་བསྟན་པར་ཡང་ཤིན་ཏུ་དཀའོ། །དགའ་བོ། །མངལ་དུ་འཇུག་པ་ནི། བཞི་སྟེ། བཞི་གང་ཞེ་ན། འདི་ན་ལ་ལ་ཤེས་བཞིན་དུ་མའི་མངལ་དུ་འཇུག། ཤེས་བཞིན་དུ་མའི་མངལ་ན་གནས། ཤེས་བཞིན་དུ་མའི་མངལ་ནས་འབྱུང་སྟེ། འདི་ནི། མངལ་དུ་འཇུག་པ་དང་པོའོ། །དགའ་བོ། གཞན་ཡང ། འདི་ན་ལ་ལ་ཤེས་བཞིན་དུ་མའི་མངལ་དུ་འཇུག། ཤེས་བཞིན་དུ་མའི་མངལ་ན་གནས་ཤིང ། ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི། མངལ་དུ་འཇུག་པ་གཉིས་པའོ། །དགའ་བོ། གཞན་ཡང ། འདི་ན་ལ་ལ་ཤེས་བཞིན་དུ་མའི་མངལ་དུ་འཇུག་ཅིང ། ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི། མངལ་དུ་འཇུག་པ་གསུམ་པའོ། །དགའ་བོ། གཞན་ཡང ། འདི་ན་ལ་ལ་ཤེས་བཞིན་མ་ཡིན་</font><hr>Tha221b<br><font size=+2>


པར་མའི་མངལ་དུ་འཇུག་།ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི། མངལ་དུ་འཇུག་པ་བཞི་བའོ། །ཇི་ལྟར་ན། འདི་ཤེས་བཞིན་དུ་མའི་མངལ་དུ་འཇུག་།ཤེས་བཞིན་དུ་མའི་མངལ་ན་གནས། ཤེས་བཞིན་དུ་མའི་མངལ་ནས་འབྱུང་ཞེ་ན། འདི་ནི། ལ་ལ་སོ་སོའི་སྐྱེ་བོ་ཉིད་ཡིན་པ། རང་བཞིན་གྱིས་ཚུལ་ཁྲིམས་དང་ལྡན་པར་གྱུར་ཅིང ། དགེ་བའི་ཆོས་ཅན། དགེ་བ་ལ་འདུན་པ། དགེ་བ་ཀུན་ཏུ་སྤྱོད་པ། སྔོམ་\་ཥཌཱོཾ?\་པ་མང་བ། སོ་སོར་རྟོག་པ་མང་བ། བག་ཡོད་པར་གནས་པ། ཤེས་རབ་ཆེན་པོ་ཅན་ཡིན་ཞིང ། དེ་འགྱོད་པ་མེད་པའམ། རྒྱུན་ཏུ་ཞུགས་པ་རེ་ལྟར་ཐོགས་ན་སྲིད་པ་ལན་བདུན་པའམ། རིགས་ནས་རིགས་སུ་སྐྱེ་བའམ། ལན་གཅིག་ཕྱིར་འོང་བའམ། བར་ཆད་གཅིག་པ་ཞིག་འཆི་བའི་དུས་བྱེད་ན། དགེ་བའི་ཆོས་དེ་དག་གིས་ཉེ་བར་བརྟན་པ་དེ། འཆི་ཁའི་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། སྲོག་འཕྲོག་པར་བྱེད་པ་དེ་དག་གིས་ཀུན་ཏུ་རེག་ཀྱང་དྲན་པ་ཉམས་པར་མི་འགྱུར་ཞིང ། དེ་དྲན་པ་མ་ཉམས་པར་འཆི་བའི་དུས་བྱེད་དོ། །དེ་ནས་དེ་དྲན་པ་མ་ཉམས་པར་ཤེས་བཞིན་དུ་མའི་མངལ་དུ་འཇུག་པར་འགྱུར་རོ། །དེ་དེར་ཞུགས་ནས་ལས་བདག་གིར་བྱ་བ། ལས་ཀྱི་སྐྱེ་གནས་པ། ལས་ཀྱི་བགོ་སྐལ་ལ་སྤྱོད་པ། ལས་ལ་རྟོན་པ། སེམས་པས་བྱས་པ། རྟེན་ཅིང་འབྲེལ་བར་འབྱུང་བ་དེ། ཕུག་རབ་ཏུ་ཚ་བ། ལས་བདག་གིར་བྱ་བ། ལས་ཀྱི་</font><hr>Tha222a<br><font size=+2>


༄#། །བགོ་སྐལ་ལ་སྤྱོད་པ། ལས་ལ་རྟོན་པ། སེམས་པས་བྱས་པ། རྟེན་ཅིང་འབྲེལ་བར་འབྱུང་བ། བདུད་ལ་རག་ལས་པ། བདུད་ཀྱི་སྣོད། བདུད་ཀྱི་ཁྱིམ། མི་གཙང་བ་ཐམས་ཅད་ཀྱི་གཏེར། མི་བརྟན་པ། སླུ་བའི་ཆོས་ཅན། བྱིས་པ་འདྲིད་པ། རུས་པའི་འཁྲུལ་འཁོར། རྩའི་བྲེང་ཆགས་པ་ཅན། ཆུ་རྒྱུས་ཀྱི་དྲ་བས་མེ་ལོང་སྦྲེལ་བ། ཤ་དང ། ཁྲག་དང ། ཚིལ་གྱིས་དཀྲིས་པ། པགས་པ་ཙམ་གྱིས་གཡོགས་པ། སླ་ཚའི་ཚོགས་གཅེར་བ། སྐྲ་དང ། སེན་མོ་དང ། སོ་དང ། སྤུ་སྐྱེ་བས་འགྱུར་བར་མངོན་པ་ཅན། ངའོ་སྙམ་པའི་ང་རྒྱལ་ངར་འཛིན་པ་དང ། ང་ཡིར་འཛིན་པ་གསལ་བས་མངོན་པར་ཞེན་པ། རང་དབང་མེད་པ། སྣབས་རུལ་པའི་རླན་སུངས་ཤིང་མྱགས་པ། ཚིལ་དང ། ཆུ་སེར་དང ། རྡུལ་གྱི་དྲི་མ་དང ། ཁ་ཆུ་དང ། མཁྲིས་པ་དང ། བད་ཀན་དང ། གློ་བ་དང ། རྒྱུ་མ་དང ། གཉེ་མ་དང ། མཚེར་པ་དང ། ལྒང་པ་དང ། མི་གཙང་བ་རྣམ་པ་མང་པོས་ཡོངས་སུ་གང་བ། སྲིན་བུའི་རིགས་སྟོང་ཕྲག་མང་པོའི་གནས། ཤིན་ཏུ་དྲི་ང་བའི་སྒོ་གཉིས་དང་ལྡན་པ། རུས་པའི་བུ་ག་དང ། ཁུང་བུ་ཕུག་དུ་མ་དང་ལྡན་པ། གཅིན་དང ། ཀླད་པ་དང ། ཀླད་རྒྱས་དང ། རྐང་གི་ཚོགས་ཀྱིས་ལྗན་ལྗིན་ཅན་དུ་ཕོ་བའི་འོག་།ལོང་གའི་སྟེང་ན་ཁ་ནི་སྒལ་ཚིགས་ལ་བལྟས། རྒྱབ་ནི། ལྟོ་བའི་པགས་པ་ལ་བསྟན་ཏེ་ཟླ་བ་རེ་རེ་ཞིང་ཟླ་མཚན་འབྱུང་བས་ནི། བརྟ། མའི་ཟས་ཀྱི་རྣམ་པ་སོའི་ཕྲེང་བ་གཉིས་ཀྱིས་</font><hr>Tha222b<br><font size=+2>


ཞིབ་མོར་བྱས་ཤིང ། མིད་པར་མིད་པ། འོག་ནས་ཁའི་རྨའི་དྲི་མ་དང ། ཁ་ཆུས་བརླན་པ། སྟེང་ནས་ཀླད་རྒྱས་ཀྱིས་སྤགས་པ། སྐྱུག་པ་དང་འདྲ་བའི་ཟས་ཀྱི་རོ་ཁོང་ན་ལྟེ་བའི་བུ་ག་ནས་འཇུག་པས་ནི། སྐྱེད་ཅིང ། ནུར་ནུར་པོ་དང ། མེར་མེར་པོ་དང ། ནར་ནར་པོ་དང ། གོར་གོར་པོ་དང ། རྐང་ལག་འགྱུས་པའི་ངོ་བོར་ཡོངས་སུ་འགྱུར་བར་འགྱུར་ཞིང ། ལག་པ་དང ། རྐང་པ་དང ། འགྲམ་པ་ནི། ཤ་མའི་སྣོད་ཀྱིས་དཀྲིས། སྣམ་ཕྱིས་བཞིན་དུ་དྲི་ང་བ་མནན་པ། མི་བཟད་པ། མུན་གནག་།འགྲེང་པ་ནི། ཡན་མན་རྒྱུ། ཟས་ཀྱི་རོ་ཁ་བ་དང ། སྐྱུར་བ་དང ། རྩུབ་པ་དང ། ལན་ཚཝ་དང ། ཚ་བ་དང ། བསྐ་བ་མེ་སྟག་ལྟ་བུ་དག་གིས་ནི། རེག་།སྲིན་གྲོལ་མ་བཞིན་མི་གཙང་བའི་ཁུ་བས་ནི། གསོ། །མི་གཙང་པ། མྱགས་པ་རབ་ཏུ་འབར་བའི་འདམ་གྱི་ནང་དུ་ནི། སོང ། སྲོག་གི་དབང་པོ་ནི། མི་བརྟན། མའི་ལུས་ཀྱི་ནང་གི་མེས་ནི། གདུང ། ཀུན་ཏུ་གདུང ། ཡོངས་སུ་གདུང ། ཚ། ཀུན་ཏུ་ཚ། ཡོངས་སུ་ཚ། སྲེག་།ཀུན་ཏུ་སྲེག་།ཡོངས་སུ་སྲེག་ཅིང ། སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །ཇི་ལྟ་ཇི་ལྟར་དེའི་མ་གཡོ་བ་དང ། ཀུན་ཏུ་གཡོ་བ་དང ། ཡོངས་སུ་གཡོ་བ་དེ་ལྟ་དེ་ལྟར་ཡང་དེ་བཅིང་པ་ལྔས་བཅིང་པ་དང ། མེ་མ་མུར་གྱི་དོང་དུ་བཅུག་པ་ལྟ་བུར། སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དཔེ་བྱ་བར་དཀའ་བ་མྱོང་བར་འགྱུར་རོ། །དེ་དེ་ལྟར་མའི་མངལ་གྱི་</font><hr>Tha223a<br><font size=+2>


༄#། །གནས་ན་གནས་ཤིང་སྡུག་བསྔལ་གྱིས་ཉེན་ཀྱང་དབང་པོ་རྣོ་བའི་ཕྱིར་དྲན་པ་ཉམས་པར་མི་འགྱུར་རོ། །དེ་ལྟར་མའི་མངལ་ན་གནས་པ་རྣམས་ལ་ཡང་ཁ་ཅིག་ལ་སྔོན་གྱི་ལས་ཀྱི་རྒྱུ་དང ། རྐྱེན་གྱི་དབང་གིས་མངལ་ལོག་པར་འགྱུར་ཞིང ། མངལ་ན་གནས་པ་མི་བདེ་བར་འགྱུར་རོ། །མས་བཟའ་བ་དང ། བཏུང་བ་མི་མཐུན་པ། ཧ་ཅང་གྲང་བའམ། ཧ་ཅང་དྲོ་བའམ། ཧ་ཅང་སྐྱུར་བའམ། ཧ་ཅང་མངར་བའམ། ཧ་ཅང་ཁ་བའམ། ཧ་ཅང་ཚ་བའམ། ཧ་ཅང་བསྐ་བའམ། ཧ་ཅང་རྩུབ་པའམ། ཧ་ཅང་ལན་ཚཝ་ཆེ་བ་སྟེ། ན་བའམ་བཏུང་བས་རྨུས་བྱུང་བར་གྱུར་པའམ། སྐྱེས་པས་རྨུས་བྱུང་བར་གྱུར་པའམ། ནད་མང་བའམ། སྨྲ་བ་མང་བའམ། མྱ་ངན་མང་བའམ། ཆགས་ཆེས་པའམ། སྒྱེལ་བའམ། བརྒྱབ་པར་གྱུར་ན། རྒྱུ་དེ་དག་གིས་དེའི་ལུས་ལ་གནོད་པར་འགྱུར་རོ། །ལུས་ལ་གནོད་ན། དེ་ལ་བརྟེན་པ་མངལ་ན་གནས་པ་ལ་ཡང་གནོད་པར་འགྱུར་རོ། །དེ་དེ་ན་གནོད་ཅིང་ཤིན་ཏུ་སྡུག་བསྔལ་བས་ཉེན་པ་ན། འགུལ་ཏེ་འགུལ་བས་ལོག་པར་འགྱུར་རོ། །དེ་ན་དེ་ཤེས་པའི་བུད་མེད་དམ། གཞོན་ནུ་གསོ་བ་ལ་མཁས་པས་ཆུ་འཇམ་ཙམ་དང ། མར་དཀར་དང ། འབྲུ་མར་གྱིས་ལག་པ་བྱུགས་ནས་ཆབ་ཁུངས་ལྟ་བུར་དྲི་ང་བ། མནམ་པ། མི་བཟད་པ། མུན་ནག་ལྔ་ལྗིན་གྱི་འདམ་ཅན། སྲིན་བུའི་རིགས་སྟོང་ཕྲག་ཤིན་ཏུ་མང་པོའི་གནས། རྟག་ཏུ་འཛག་པ། རྒྱུན་ཏུ་བྱི་</font><hr>Tha223b<br><font size=+2>


དོར་བྱ་དགོས་པ། བཙོག་པ། ཁྲག་གི་དྲི་མ་དང ། ཆུ་སེར་ཀུན་ཏུ་རུལ། རྣམ་པར་རུལ་ཅིང་མྱགས་པ་ཅན། འགྲེང་པ། མཐོང་ན་ཤིན་ཏུ་འཇིགས་སུ་རུང་བ། བུ་གའི་པགས་པས་གཡོགས་པ། རུས་པའི་འཁྲུལ་འཁོར་ཆེན་པོའི་བུ་ག་དེར་ལག་པ་བཅུག་སྟེ་དལ་བུ་དལ་བུས་མནམས་ཤིང་གནས་ཇི་ལྟ་བ་བཞིན་དུ་འཇོག་པར་བྱེད་དོ། །དེ་དེར་ཆུ་འཇམ་ཙམ་དང ། མར་དཀར་དང ། འབྲུ་མར་གྱིས་བྱུགས་པའི་ལག་པས་མནམས་ཤིང་ཆམ་དུ་འབེབས་པ་ན། སྡུག་བསྔལ་གྱི་ཚོར་བ་ཆེན་པོ། །དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དགའ་བོ། དཔེར་ན། རིགས་ཀྱི་བུ་ཤིན་ཏུ་གཞོན་ནུའི་རང་བཞིན་ཅན་གྱི་ལུས་ལ་སྤུ་གྲི་རྣོན་པོ། སྤུ་བྲེག་ཏུ་རུང་བས་ཡན་ལག་དང ། ཉིང་ལག་ཐམས་ཅད་བཅད་ཅིང ། ལུས་རྩི་དྲག་པོས་ཀུན་ནས་བསྐུས་ན། ལུས་ལ་སྡུག་བསྔལ་གྱི་ཚོར་བ་ཆེན་པོ་ཤིན་ཏུ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་འབྱུང་བར་འགྱུར་རོ། །དགའ་བོ། དེ་བཞིན་དུ་དེ་ལ་ཆུ་འཇམ་ཙམ་དང ། མར་དཀར་དང ། ཏིལ་མར་གྱིས་བྱུགས་པའི་ལག་པས་མནམས་པ་ན། ལུས་ལ་སྡུག་བསྔལ་གྱི་ཚོར་བ་ཆེན་པོ། དྲག་པ། རྩུབ་པ། མི་བཟད་པ་ཡིད་དུ་མི་འོང་བ་འབྱུང་བར་འགྱུར་རོ། །མངལ་གྱི་གནས་ན་གནས་པ་དེའི་ལུས་ལ་སྡུག་བསྔལ་གྱི་རེག་པ་ལས་བྱུང་བའི་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དེ་དག་བྱུང་ཡང་དབང་པོ་རྣོ་བའི་ཕྱིར་དྲག་</font><hr>Tha224a<br><font size=+2>


༄#། །པ་ཉམས་པར་མི་འགྱུར་ཏེ། དེ་ལྟར་ན། དེ་ཤེས་བཞིན་དུ་མའི་མངལ་ན་གནས་པ་ཡིན་ནོ། །དེ་ནས་དེ་ཡན་ལག་དང ། ཉིང་ལག་ཐམས་ཅད་སྐྱེས་ནས་གཅིན་གྱི་གནས་རུལ་བ། ལྟུང་བ། འགྲེང་པ། མི་བཟད་པ། དྲི་ང་བ་མནམ་པ། མུན་ནག་མཐོང་ན་ཤིན་ཏུ་འཇིགས་སུ་རུང་བ། ཕྱི་ས་དང་གཅིན་གྱིས་བསྒོས་པ། དྲི་མི་ཞིམ་པའི་དྲི་མ་དང ། ཁྲག་དང ། ཆུ་སེར་ཅན་རྟག་ཏུ་འཛག་པའི་རྨའི་སྒོར་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་གིས་རྐང་པ་ནི། གྱེན་དུ་བསྟན། མགོ་ནི། ཐུར་དུ་བསྟན། ལག་པ་གཉིས་ནི། བསྐུམས་པ་ན། རུས་པའི་འཁྲུལ་འཁོར་གཉིས་ཀྱིས་གཟིར། ཀུན་ཏུ་གཟིར། ཡོངས་སུ་གཟིར་ཅིང ། སྡུག་བསྔལ་གྱི་ཚོར་བ་ཆེན་པོ། དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དག་གིས་ལུས་ཀྱི་ཡན་ལག་རྨ་གསར་པ་ལྟ་བུ་གཟེ་རེ་ཅན་ཐམས་ཅད་སྔོན་པོར་འགྱུར་ལ། ལུས་ཀྱི་དབང་པོ་ཐམས་ཅད་ནི། ཚ། མངལ་གྱི་དྲི་མ་ཤིན་ཏུ་བཙོག་པས་ནི། ལུས་གཡོགས། སྐོམ་པས་མཆུ་དང ། མགྲིན་པ་དང ། སྙིང་ནི། བསྐམས་ཏེ། དོག་པ་དང ། ཉམ་ང་བས་མི་བཟད་པར་གནས་པ་དེ། རྒྱུ་དང ། རྐྱེན་གྱི་དབང་གིས་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་གིས་ཕུལ་བ་ན། དཀའ་དཀའ་ལྟར་ཇི་ཞིག་ལྟ་སྟེ་འབྱུང་ངོ ། །དེ་བྱུང་མ་ཐག་ཏུ་ཕྱི་རོལ་གྱི་རླུང ། རྨ་ལ་རྩི་དྲག་པོའི་རེག་པ་ཅན་ལྟ་བུའམ། ལག་པའམ། གོས་ཀྱིས་རེག་ན་རལ་གྲིས་བཅད་པ་བཞིན་དུ་</font><hr>Tha224b<br><font size=+2>


སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དེ་སྡུག་བསྔལ་དེ་ལྟ་བུས་ཉེན་ཀྱང་དབང་པོ་རྣོ་བའི་ཕྱིར་དྲན་པ་ཉམས་པར་མི་འགྱུར་ཏེ། དེ་ལྟར་ན། དེ་ཤེས་བཞིན་དུ་མའི་མངལ་ནས་འབྱུང་བ་ཡིན་ནོ། །དགའ་བོ། དེ་ལྟར་ན། མའི་མངལ་དུ་འཇུག་པ་ཡང་སྡུག་བསྔལ་བ། མའི་མངལ་ན་གནས་པ་ཡང་སྡུག་བསྔལ་བ། མའི་མངལ་ནས་འབྱུང་བ་ཡང་སྡུག་བསྔལ་བ་ཡིན་ན། དགའ་བོ། དེ་ལ་སྲིད་པ་མངོན་པར་འདོད་པ་མའི་མངལ་གྱི་གནས་ན་གནས་པ་ལ་གནོག་ཅི་ཞིག་ཡོད། ཇི་ལྟར་ན། འདི་ཤེས་བཞིན་དུ་མའི་མངལ་དུ་འཇུག་།ཤེས་བཞིན་དུ་མའི་མངལ་དུ་གནས་ཤིང ། ཤེས་བཞིན་མ་ཡིན་པར་མའི་མངལ་ནས་འབྱུང་ཞེ་ན། འདི་ན་ལ་ལ་སོ་སོའི་སྐྱེ་བོ་ཉིད་ཡིན་ལ། རང་བཞིན་གྱིས་ཚུལ་ཁྲིམས་དང་ལྡན་པར་གྱུར་ཅིང ། དགེ་བའི་ཆོས་ཅན། དགེ་བ་ལ་འདུན་པ། དགེ་བ་ཀུན་ཏུ་སྤྱོད་པ། སྡོམ་པ་མང་བ། སོ་སོར་རྟོག་པ་མང་བ། བག་ཡོད་པར་གནས་པ་ཡིན་ཞིང ། འགྱོད་པ་མེད་པའམ། རྒྱུན་དུ་ཞུགས་པ་རེ་ལྟར་ཐོགས་ན་སྲིད་པ་ལན་བདུན་པའམ། རིགས་ནས་རིགས་སུ་སྐྱེ་བའམ། ལན་གཅིག་ཕྱིར་འོང་བའམ། བར་ཆད་གཅིག་པ་ཞིག་འཆི་བའི་དུས་བྱེད་ན། དགེ་བའི་ཆོས་དེ་དག་གིས་ཉེ་བར་བརྟན་པ་དེ། འཆི་ཁའི་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། སྲོག་འཕྲོག་པར་བྱེད་པ་དག་གིས་རེག་ཀྱང་དྲན་པ་ཉམས་པར་མི་འགྱུར་ཞིང ། དེ་དྲན་པ་མ་</font><hr>Tha225a<br><font size=+2>


༄#། །ཉམས་པར་འཆི་བའི་དུས་བྱེད་དེ། དེ་ནས་དེ་དྲན་པ་མ་ཉམས་པར་ཤེས་བཞིན་དུ་མའི་མངལ་དུ་འཇུག་གོ། དེ་དེར་ཞུགས་ནས་ལས་བདག་གིར་བྱ་བ་ཞེས་བྱ་བ་ནས་སྲིན་གྲོལ་མ་བཞིན་དུ་ཁུ་བས་ནི། གསོ། །མི་གཙང་བ། མྱགས་པ་རབ་ཏུ་འབར་བའི་འདམ་གྱི་ནང་དུ་ནི། སོང ། སྲོག་གི་དབང་པོ་ནི། མི་བརྟན། མའི་ལུས་ཀྱི་ནང་གི་མེས་ནི། ཀུན་ནས་གདུང་ཞེས་བྱ་བའི་བར་སྔ་མ་བཞིན་ནོ། །སྲེག། ཀུན་ཏུ་སྲེག། ཡོངས་སུ་སྲེག་ཅིང ། སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བར་འགྱུར་རོ། །ཞེས་བྱ་བ་ནས་ཇི་ལྟ་ཇི་ལྟར་དེའི་མ་གཡོ་བ་དང ། ཀུན་ཏུ་གཡོ་བ་དང ། ཡོངས་སུ་གཡོ་བ་དེ་ལྟ་དེ་ལྟར་ཡང་དེ་བཅིང་བ་ལྔས་བཅིངས་པ་དང ། མེ་མ་མུར་གྱི་དོང་དུ་བཅུག་པ་ལྟ་བུར་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། དཔེ་བྱ་བར་དཀའ་བ་མྱོང་བར་འགྱུར་རོ། །དེ་དེ་ལྟར་མའི་མངལ་གྱི་གནས་ན་གནས་ཤིང ། སྡུག་བསྔལ་གྱིས་ཉེན་ཀྱང་དྲན་པ་ཉམས་པར་མི་འགྱུར་རོ། །དེ་ལྟར་མའི་མངལ་ན་གནས་པ་རྣམས་ལ་ཡང་ཁ་ཅིག་ལ་སྔོན་གྱི་ལས་ཀྱི་རྒྱུ་དང ། རྐྱེན་གྱི་དབང་གིས་མངལ་ལོག་པར་འགྱུར་ཞིང ། མངལ་ན་གནས་པ་མི་བདེ་བར་འགྱུར་རོ། །མས་བཟའ་བ་དང ། བཏུང་བ་མི་མཐུན་པ་ཧ་ཅང་གྲང་བའམ། ཧ་ཅང་དྲོ་བའམ་ཞེས་བྱ་བའི་བར་སྔ་མ་བཞིན་ནོ། །ཆགས་ཆེས་པའམ། སྒྱེལ་བའམ། བརྒྱབ་</font><hr>Tha225b<br><font size=+2>


པར་གྱུར་ན། རྒྱུ་དེ་དག་གིས་དེའི་ལུས་ལ་གནོད་པར་འགྱུར་རོ། །ལུས་ལ་གནོད་ན། དེ་ལ་བརྟེན་པ་མངལ་ན་གནས་པ་ལ་ཡང་གནོད་པར་འགྱུར། །དེ་དེ་ན་གནོད་ཅིང་ཤིན་ཏུ་སྡུག་བསྔལ་བས་ཉེན་པ་ན་འགུལ་ཏེ། འགུལ་བས་ལོག་པར་འགྱུར་རོ། །དེ་ནས་དེ་ཤེས་པའི་བུད་མེད་དམ། གཞོན་ནུ་གསོ་བ་ལ་མཁས་པས། ཆུ་འཇམ་ཙམ་དང ། མར་དཀར་དང ། འབྲུ་མར་གྱིས་ལག་པ་བྱུགས་ནས་ཞེས་བྱ་བ་ནས་མནམས་ཤིང་གནས་ཇི་ལྟ་བ་བཞིན་དུ་འཇོག་པར་བྱེད་དོ། །ཞེས་བྱ་བའི་བར་སྔ་མ་བཞིན་ནོ། །དེ་དེར་ཆུ་འཇམ་ཙམ་དང ། མར་དཀར་དང ། འབྲུ་མར་གྱིས་བྱུགས་པའི་ལག་པས་མནམས་པ་ན། སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དགའ་བོ། །དཔེར་ན། རིགས་ཀྱི་བུ་ཤིན་ཏུ་གཞོན་ནུའི་རང་བཞིན་ཅན་གྱི་ལུས་ལ་སྤུ་གྲི་རྣོན་པོ་སྤུ་བྲེག་ཏུ་རུང་བས་ཡན་ལག་དང ། ཉིང་ལག་ཐམས་ཅད་བཅད་ཅིང་ལུས་ལ་རྩི་དྲག་པོས་ཀུན་ནས་བསྐུས་ན། ལུས་ལ་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་གསུམ་པ། དགའ་བོ། དེ་བཞིན་དུ་དེ་ལ་ཆུ་འཇམ་ཙམ་དང ། མར་དཀར་དང ། འབྲུ་མར་གྱིས་བསྐུས་པའི་ལག་པས་མ་ནམས་པ་ན། ལུས་ལ་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་འབྱུང་བར་འགྱུར་རོ། ། </font><hr>Tha226a<br><font size=+2>


༄#། །མངལ་གྱི་གནས་ན་གནས་པ་དེའི་ལུས་ལ་སྡུག་བསྔལ་གྱི་རེག་པ་ལས་བྱུང་བའི་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དེ་དག་བྱུང་ཡང་དྲན་པ་ཉམས་པར་ནི། མི་འགྱུར་ཏེ། དེ་ལྟར་ན། འདི་ཤེས་བཞིན་དུ་མའི་མངལ་ན་གནས་པ་ཡིན། དེ་ནས་དེ་ཡན་ལག་དང ། ཉིང་ལག་ཐམས་ཅད་སྐྱེས་ནས་གཅིན་གྱི་གནས་རུལ་པ། ལྟུང་བ། འགྲེང་པ། མི་བཟད་པ། དྲི་ང་བ་མནམ་པ། མུན་ནག་མཐོང་ན་འཇིགས་སུ་རུང་བ། ཕྱི་ས་དང་གཅིན་གྱིས་བསྒོས་པ། དྲི་མི་ཞིམ་པའི་དྲི་མ་དང ། ཁྲག་དང ། ཆུ་སེར་ཅན་དང ། རྟག་ཏུ་འཛག་པའི་རྨའི་སྒོར་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་གིས་རྐང་པ་ནི། གྱེན་དུ་བསྟན། མགོ་ནི། ཐུར་དུ་བསྟན། ལག་པ་གཉིས་ནི། བསྐུམས་པ་ན། རུས་པའི་འཁྲུལ་འཁོར་གཉིས་ཀྱིས་གཟིར། ཀུན་ཏུ་གཟིར། ཡོངས་སུ་གཟིར་ཅིང་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དག་གིས། ལུས་ཀྱི་ཡན་ལག་རྨ་གསར་པ་ལྟ་བུ་གཟེ་རེ་ཅན། ཐམས་ཅན་སྔོན་པོར་འགྱུར་ལ། ལུས་ཀྱི་དབང་པོ་ཐམས་ཅད་ནི། ཚ། མངལ་གྱི་དྲི་མ་ཤིན་ཏུ་བརྩོག་པས་ནི། ལུས་གཡོགས། སྐོམ་པས་མཆུ་དང ། མགྲིན་པ་དང ། སྙིང་ནི། བསྐམས་ཏེ་དོག་པ་ཉམ་ང་བས་མི་བཟད་པར་གནས་པ། དེའི་རྒྱུ་དང ། རྐྱེན་གྱི་དབང་གིས། སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་</font><hr>Tha226b<br><font size=+2>


རླུང་གིས་ཕུལ་བ་ན། དཀའ་དཀའ་ལྟར་ཇི་ཞིག་ལྟ་སྟེ་འབྱུང་ངོ ། །དེ་བྱུང་མ་ཐག་ཏུ་ཕྱི་རོལ་གྱི་རླུང་རྨ་ལ་རྩི་དྲག་པོའི་རེག་པ་ཅན་ལྟ་བུའམ། ལག་པའམ། གོས་ཀྱིས་རེག་ན། རལ་གྲིས་བཅད་པ་བཞིན་དུ་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དེ་སྡུག་བསྔལ་དེ་ལྟ་བུས་ཉེན་ན། དབང་པོ་འབྲིང་པོ་ཡིན་པའི་ཕྱིར་དྲན་པ་ཉམས་པ་དང ། སེམས་ཉེ་བར་ཉམས་པར་འགྱུར་ཏེ། དེ་ལྟར་ན། དེ་ཤེས་བཞིན་མ་ཡིན་པར་མའི་མངལ་ནས་འབྱུང་བ་ཡིན་ནོ། །དགའ་བོ། དེ་ལྟར་ན། མའི་མངལ་དུ་འཇུག་པ་ཡང་སྡུག་བསྔལ་བ། མའི་མངལ་ན་གནས་པ་ཡང་སྡུག་བསྔལ་པ། མའི་མངལ་ནས་འབྱུང་བ་ཡང་སྡུག་བསྔལ་བ་ཡིན་ན། དགའ་བོ། དེ་ལ་སྲིད་པ་འདོད་པ་མའི་མངལ་གྱི་གནས་ན་གནས་པ་ལ་མནོག་ཅི་ཞིག་ཡོད། ཇི་ལྟར་འདི་ཤེས་བཞིན་དུ་མའི་མངལ་དུ་འཇུག་ཅིང ། ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་ཞེ་ན། འདི་ན་ལ་ལ་སོ་སོའི་སྐྱེ་བོ་ཁོ་ན་རང་བཞིན་གྱིས་ཚུལ་ཁྲིམས་དང་ལྡན་པར་གྱུར་ཅིང ། དགེ་བའི་ཆོས་ཅན། དགེ་བ་ལ་འདུན་པ། དགེ་བ་ཀུན་ཏུ་སྤྱོད་པ། སྡོམ་པ་མང་བ། སོ་སོར་རྟོག་པ་མང་བ། བག་ཡོད་པར་གནས་པ། འགྱོད་པ་མེད་པའམ། རྒྱུན་ཏུ་ཞུགས་པ་རེ་ལྟར་ཐོགས་ན་སྲིད་པ་ལན་བདུན་པའམ། རིགས་ནས་རིགས་སུ་སྐྱེ་བའམ། ལན་གཅིག་ཕྱིར་འོང་བའམ། བར་ཆད་གཅིག་པ་ཞིག་འཆི་བའི་དུས་བྱེད་ན། </font><hr>Tha227a<br><font size=+2>


༄#། །དགེ་བའི་ཆོས་དེ་དག་གིས་ཉེ་བར་བརྟན་པ་དེ། འཆི་ཁའི་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། སྲོག་འཕྲོག་པར་བྱེད་པ་དག་གིས་རེག་ཀྱང་དྲན་པ་ཉམས་པར་མི་འགྱུར་ཞིང ། དེ་དྲན་པ་མ་ཉམས་པར་འཆི་བའི་དུས་བྱེད་དེ། དེ་ནས་དེ་དྲན་པ་མ་ཉམས་པ་ཤེས་བཞིན་དུ་མའི་མངལ་དུ་འཇུག་གོ་།དེ་དེར་ཞུགས་ནས་ལས་བདག་གིར་བྱ་བ། ལས་ཀྱི་སྐྱེ་གནས་པ། ལས་ཀྱི་བགོ་སྐལ་ལ་སྤྱོད་པ། ལས་ལ་རྟོན་པ། སེམས་པས་བྱས་པ། རྟེན་ཅིང་འབྲེལ་པར་འབྱུང་བ་དེ། ཕུག་རབ་ཏུ་ཚ་བ། ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ལ་རྟོན་པ། སེམས་པས་བྱས་པ། རྟེན་ཅིང་འབྲེལ་པར་འབྱུང་བ། བདུད་ལ་རག་ལས་པ། བདུད་ཀྱི་སྣོད། བདུད་ཀྱི་ཁྱིམ། མི་གཙང་བ་ཐམས་ཅད་ཀྱི་གཏེར། མི་བརྟན་པ་སླུ་བའི་ཆོས་ཅན། བྱིས་པ་འདྲིད་པ། རུས་པའི་འཁྲུལ་འཁོར་རྩའི་བྲེང་ཆགས་པ་ཅན། ཆུ་རྒྱུས་ཀྱི་དྲ་བས་ཆེ་ལོང་སྦྲེལ་བ། ཤ་དང ། ཁྲག་དང ། ཚིལ་གྱིས་དཀྲིས་པ། པགས་པ་ཙམ་གྱིས་གཡོགས་པ། སླ་ཚའི་ཚོགས་བཅེར་བ། སྐྲ་དང ། སེན་མོ་དང ། སོ་དང ། སྤུ་སྐྱེ་བས་འགྱུར་བར་མངོན་པ། ངའོ་སྙམ་པའི་ང་རྒྱལ་ངར་འཛིན་པ་དང ། ང་ཡིར་འཛིན་པ་གསལ་པས་མངོན་པར་ཞེན་པ། རང་དབང་མེད་པ། སྣབས་རུལ་པའི་རླན་སུངས་ཤིང་མྱགས་པ་དང ། ཚིལ་དང ། ཆུ་སེར་དང ། རྡུལ་གྱི་དྲི་མ་དང ། ཁ་ཆུ་དང ། མཁྲིས་པ་དང ། བད་ཀན་དང ། </font><hr>Tha227b<br><font size=+2>


གློ་བ་དང ། རྒྱུ་མ་དང ། གཉེ་མ་དང ། མཚེར་པ་དང ། ལྒང་པ་དང ། མི་གཙང་བ་རྣམ་པ་མང་པོས་ཡོངས་སུ་གང་བ། སྲིན་བུའི་རིགས་སྟོང་ཕྲག་མང་པོའི་གནས། ཤིན་ཏུ་དྲི་ང་བའི་སྒོ་གཉིས་དང་ལྡན་པ། རུས་པའི་བུ་ག་དང ། ཁུང་བུའི་ཕུག་དུ་མ་དང་ལྡན་པ། གཅིན་དང ། ཀླད་པ་དང ། ཀླད་རྒྱས་དང ། རྐང་གི་ཚོགས་ཀྱི་ལྗན་ལྗིན་ཅན་དུ་ཕོ་བའི་འོག་།ལོང་ཀའི་སྟེང་ན། ཁ་ནི། སྒལ་ཚིགས་ལ་བལྟས། རྒྱབ་ནི། ལྟོའི་པགས་པ་ལ་བསྟན་ཏེ་ཟླ་བ་རེ་རེ་ཞིང་ཟླ་མཚན་འབྱུང་བས་ནི། བརྟ། མའི་ཟས་ཀྱི་རྣམ་པ་སོའི་ཕྲེང་བ་གཉིས་ཀྱིས་ཞིབ་མོར་བྱས་ཤིང་མིད་པར་མིད་པ།་འོག་ནས་ཁའི་རྨའི་དྲི་མ་དང ། ཁ་ཆུས་བརླན་པ། སྟེང་ནས་ཀླད་རྒྱས་ཀྱིས་སྤགས་པ། སྐྱུག་པ་དང་འདྲ་བའི་ཟས་ཀྱི་རོས་ཁོང་ན་ལྟེ་བའི་བུ་ག་ནས་འཇུག་པས་ནི། བསྐྱེད་ཅིང ། ནུར་ནུར་པོ་དང ། མེར་མེར་པོ་དང ། ནར་ནར་པོ་དང ། གོར་གོར་པོ་དང ། རྐང་ལག་འགྱུས་པའི་ངོ་བོར་ཡོངས་སུ་འགྱུར་བར་འགྱུར་ཞིང ། ལག་པ་དང ། རྐང་པ་དང ། འགྲམ་པ་ནི། ཤ་མའི་སྣོད་ཀྱིས་དཀྲིས། སྣམ་ཕྱི་ས་བཞིན་དུ་དྲི་ང་བ་མནམ་པ། མི་བཟད་པ། མུན་ནག་འགྲེང་བར་ནི། ཡན་མན་རྒྱུ། ཟས་ཀྱི་རོ་ཁ་བ་དང ། སྐྱུར་བ་དང ། རྩུབ་པ་དང ། ལན་ཚཝ་དང ། ཚ་བ་དང ། བསྐ་བ་མེ་སྟག་ལྟ་བུས་ནི། རེག་།སྲིན་གྲོལ་མ་བཞིན་མི་གཙང་བའི་ཁུ་བས་ནི། གསོ། མི་གཙང་བ། མྱགས་པ་རབ་ཏུ་འབར་བའི་འདམ་གྱི་ནང་དུ་ནི། སོང ། སྲོག་གི་དབང་པོ་ནི། མི་བརྟན། མའི་</font><hr>Tha228a<br><font size=+2>


༄#། །ལུས་ཀྱི་ནང་གི་མེས་ནི། གདུང ། ཀུན་ཏུ་གདུང ། ཡོངས་སུ་གདུང ། ཚ། ཀུན་ཏུ་ཚ། ཡོངས་སུ་ཚ། སྲེག། ཀུན་ཏུ་སྲེག། ཡོངས་སུ་སྲེག་ཅིང ། སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །ཇི་ལྟ་ཇི་ལྟར་དེའི་མ་གཡོ་བ་དང ། ཀུན་ཏུ་གཡོ་བ་དང ། ཡོངས་སུ་གཡོ་བ་དང ། ཁུར་ལྕི་བ་ཁྱེར་རམ། ལུས་འཕྱར་བ་དེ་ལྟ་དེ་ལྟར་ཡང་དེ་བཅིང་པ་ལྔས་བཅིངས་པ་དང ། མེ་མ་མུར་གྱི་དོང་དུ་བཅུག་པ་ལྟ་བུར་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དཔེ་བྱ་བར་དཀའ་བ་མྱོང་བར་འགྱུར་རོ། །དེ་དེ་ལྟར་མའི་མངལ་གྱི་གནས་ན་གནས་ཤིང ། སྡུག་བསྔལ་གྱིས་ཉེན་པ་ན། དྲན་པ་ཉམས་པར་འགྱུར་རོ། །དེ་ལྟར་མའི་མངལ་ན་གནས་པ་རྣམས་ལ་ཡང་ཁ་ཅིག་ལ་སྔོན་གྱི་ལས་ཀྱི་རྒྱུ་དང་རྐྱེན་གྱི་དབང་གིས། མངལ་ལོག་པར་འགྱུར་ཞིང ། མངལ་ན་གནས་པ་ལ་མི་བདེ་བར་འགྱུར་རོ། །མས་བཟའ་བ་དང ། བཏུང་བ་མི་མཐུན་པ་ཧ་ཅང་གྲང་བའམ། ཧ་ཅང་དྲོ་བའམ་ཞེས་བྱ་བ་ནས་ཆགས་ཆེས་པའམ། སྒྱེལ་བའམ། བརྒྱབ་པར་གྱུར་ན། རྒྱུ་དེ་དག་གིས་དེའི་ལུས་ལ་གནོད་པར་འགྱུར་རོ། །ལུས་ལ་གནོད་ན། དེ་ལ་བརྟེན་པ་མངལ་ན་གནས་པ་ལ་ཡང་གནོད་པར་འགྱུར་རོ། །ཞེས་བྱ་བའི་བར་སྔ་མ་བཞིན་ནོ། །དེ་དེ་ནས་ལོག་པར་འགྱུར་ཏེ། དེ་ནས་དེ་ཤེས་པའི་བུད་མེད་དམ། གཞོན་ནུ་གསོ་བ་ལ་མཁས་པས། ཆུ་འཇམ་ཙམ་དང ། </font><hr>Tha228b<br><font size=+2>


མར་དཀར་དང ། འབྲུ་མར་གྱིས་ལག་པ་བྱུགས་པས་མནམས་ཤིང་ཆམ་དུ་འབེབས་པར་བྱེད་དོ། །དེ་དེར་ཆུ་འཇམ་ཙམ་དང ། མར་དཀར་དང ། འབྲུ་མར་གྱིས་བྱུགས་པའི་ལག་པས་ཆམ་དུ་འབེབས་པ་ན།་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དགའ་བོ། དཔེར་ན། རིགས་ཀྱི་བུ་ཤིན་ཏུ་གཞོན་ནུའི་རང་བཞིན་ཅན་གྱི་ལུས་ལ་སྤུ་གྲི་རྣོན་པོ་སྤུ་བྲེག་ཏུ་རུང་བས་ཡན་ལག་དང ། ཉིང་ལག་ཐམས་ཅད་བཅད་ཅིང་ལུས་རྩི་དྲག་པོས་ཀུན་ནས་བསྐུས་ན། ལུས་ལ་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་འབྱུང་བར་འགྱུར་རོ། །དགའ་བོ། དེ་བཞིན་དུ་མངལ་ན་གནས་པ་དེ་ལ་ཆུ་འཇམ་ཙམ་དང ། མར་དཀར་དང ། འབྲུ་མར་གྱིས་བསྐུས་པའི་ལག་པས་མནམས་ན། ལུས་ལ་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་འབྱུང་བར་འགྱུར་རོ། །མངལ་གྱི་གནས་ན་གནས་པ་དེའི་ལུས་སྡུག་བསྔལ་གྱི་རེག་པ་ལས་བྱུང་བའི་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དེ་དག་བྱུང་ན། དབང་པོ་རྟུལ་བའི་ཕྱིར་དྲན་པ་ཉམས་པར་འགྱུར་ཞིང ། སེམས་ཉེ་བར་ཉམས་པར་འགྱུར་ཏེ། དེ་ལྟར་ན། ཤེས་བཞིན་དུ་མའི་མངལ་དུ་འཇུག་ཅིང ། ཤེས་བཞིན་མ་ཡིན་པར་མའི་མངལ་ན་གནས་པ་ཡིན། ཤེས་བཞིན་མ་ཡིན་པར་མའི་མངལ་ནས་འབྱུང་བ་ཡིན་ནོ། །དགའ་བོ། དེ་ལྟར་ན་མའི་མངལ་དུ་འཇུག་པ་ཡང་སྡུག་བསྔལ་བ། མའི་</font><hr>Tha229a<br><font size=+2>


༄#། །མངལ་ན་གནས་པ་ཡང་སྡུག་བསྔལ་བ། མའི་མངལ་ནས་འབྱུང་བ་ཡང་སྡུག་བསྔལ་བ་ཡིན་ན། དགའ་བོ། དེ་ལ་འཁོར་བ་ན་སྲིད་པ་མངོན་པར་འདོད་པ་མའི་མངལ་གྱི་གནས་ན་གནས་པ་ལ་མནོག་ཅི་ཞིག་ཡོད། ཇི་ལྟར་ན་འདི་ཤེས་བཞིན་མ་ཡིན་པར་མའི་མངལ་དུ་འཇུག་།ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་ཞེ་ན། འདི་ན་ལ་ལ་རང་བཞིན་ཁོ་ནས་ཚུལ་ཁྲིམས་འཆལ་བ་ཡིན་ཞིང ། མི་དགེ་བའི་ཆོས་ཅན། མི་དགེ་བ་ལ་འདུན་པ། མི་དགེ་བ་ཀུན་ཏུ་སྤྱོད་པ། སྡོམ་པ་མ་ཡིན་པ་མང་བ།་སོ་སོར་རྟོག་པ་མེད་པ་མང་བ། བག་མེད་པར་གནས་པ། ཡོ་བྱད་ཀུན་ཏུ་འཛིན་པ། སེར་སྣ་ཅན་འཇུངས་པ། བརྣབ་སེམས་ཅན། གནོད་སེམས་ཅན། ལོག་པར་ལྟ་བ། འགྱོད་པ་ཅན་ཡིན་ལ། འཆི་བའི་དུས་བྱེད་ན། མི་དགེ་བའི་ཆོས་དེ་དག་གིས་ཉེ་བར་བརྟན་པ་དེ། འཆི་ཁའི་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། སྲོག་འཕྲོག་པར་བྱེད་པ་དག་གིས་རེག་ན། དྲན་པ་ཉམས་པར་འགྱུར་ཞིང ། སེམས་ཉེ་བར་ཉམས་པར་འགྱུར་ཏེ། དེས་ན་སྡུག་བསྔལ་དུ་རོ་གཅིག་པའི་རྣམ་པར་ཤེས་པ་ཅན་འདི་གང་ཡིན། འདི་ཇི་ལྟ་བུ་ཡིན། བདག་གང་ཡིན། གང་ནས་ཤི་འཕོས་གང་ནས་འོངས། གང་དུ་སྐྱེ་ཞེས་བྱ་བ་མི་ཤེས་ཏེ། དེ་ལྟར་ན་འདི་ཤེས་བཞིན་མིན་པར་མའི་མངལ་དུ་འཇུག་།ཤེས་བཞིན་མ་</font><hr>Tha229b<br><font size=+2>


ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་བ་ཡིན་ནོ། །དགའ་བོ། དེ་ལྟར་ན། མའི་མངལ་དུ་འཇུག་པ་ཡང་སྡུག་བསྔལ་བ། མའི་མངལ་ན་གནས་པ་ཡང་སྡུག་བསྔལ་བ། མའི་མངལ་ནས་འབྱུང་བ་ཡང་སྡུག་བསྔལ་བ་ཡིན་ནོ། །དགའ་བོ། དེ་ལ་འཁོར་བ་ན་ཡང་སྲིད་པ་ལ་མངོན་པར་དགའ་བ་དེ་ལྟར་སྡུག་བསྔལ་དུ་མས་ཉེན་པ་ལ་མནོག་ཅི་ཞིག་ཡོད། དགའ་བོ། སྐྱེ་བ་དེ་ནི། དེ་ལྟར་སྡུག་བསྔལ་དུ་མས་གཙེས་པར་གྱུར་པ་ཡིན་ཡང ། མི་ཉིད་ནི། བསྐལ་པ་བྱེ་བ་བརྒྱ་སྟོང་དུ་ཡང་རྙེད་པར་དཀའོ། །དགའ་བོ། ལྷ་དག་འཆི་འཕོ་བ་ན། ལྷ་གཞན་དག་ཀྱེ་བདེ་འགྲོའི་འཇིག་རྟེན་དུ་སོང་ལ་རབ་ཏུ་བརྟན་པར་སོ་སོར་གནོས་ཤིག་ཅེས་སྐུལ་བར་བྱེད་དོ། །དགའ་བོ། ལྷ་རྣམས་ཀྱི་བདེ་འགྲོའི་འཇིག་རྟེན་གང་ཞེ་ན། མིར་སྐྱེ་བ་ཡིན་ཏེ། དེ་ལྟར་ཤིན་ཏུ་རྙེད་པར་དཀའོ། །དེ་བས་ཀྱང་དལ་བ་ཕུན་སུམ་ཚོགས་པ་ཤིན་ཏུ་རྙེད་པར་དཀའོ། །སེམས་ཅན་དམྱལ་བ་རྣམས་ནི། གཅིག་ཏུ་སྡུག་བསྔལ་བ་དང ། གཅིག་ཏུ་དྲག་པ་དང ། གཅིག་ཏུ་རྩུབ་པ་དང ། གཅིག་ཏུ་མི་བཟད་པ་དང ། གཅིག་ཏུ་ཡིད་དུ་མི་འོང་བ་སྟེ། དགའ་བོ། དེ་ན་སྡུག་བསྔལ་གྱི་དཔེ་ཡང་བྱ་བར་མི་ནུས་སོ། །ཡི་དྭགས་རྣམས་ནི། གནོད་སེམས་ཅན། སེམས་ཉོན་མོངས་པ་ཅན། སེམས་འཇམ་པ་མ་ཡིན་པ། གཡོ་དང་སྒྱུ་ཡོད་པ། རྩུབ་པ། འཚེ་བ། ལག་པ་ཁྲག་གིས་གཤེར་བ། ཡིད་དུ་མི་འོང་བ། སྒྲིབ་པ་ཅན། གཅེར་བུ། གཟུགས་མི་སྡུག་པ། འཇིགས་སུ་རུང་བ། བཀྲེས་</font><hr>Tha230a<br><font size=+2>


༄#། །པ། སྐོམ་པའི་སྡུག་བསྔལ་གྱིས་ཉེན་པ་ཡིན་ནོ། །ལྷ་རྣམས་ནི། འཆི་འཕོ་བ་དང ། ལྟུང་བ་དང ། རྣམ་པར་འགྱུར་བ་དང ། སྡུག་པ་དང་འབྲལ་བའི་སྡུག་བསྔལ་དང ། མྱ་ངན་གྱི་ཆོས་ཅན། རྟག་ཏུ་འཇིགས་པ་ཡིན་ནོ། །དུད་འགྲོའི་སྐྱེ་གནས་པའི་སེམས་ཅན་ནི། མཐའ་མེད་ན། དགའ་བོ། དེ་ན་དོན་སྤྱོད་པ་མ་ཡིན། བསོད་ནམས་སྤྱོད་པ་མ་ཡིན། ཆོས་སྤྱོད་པ་མ་ཡིན། དགེ་བ་སྤྱོད་པ་མ་ཡིན། དགེ་ལེགས་སྤྱོད་པ་མ་ཡིན། གཅིག་ལ་གཅིག་ཟ་བར་བྱེད་པ་སྟེ། སེམས་ཅན་དེ་དག་ནི། ཇི་ལྟར་མཐུ་ཆུང་བ་ཟད་པར་བྱེད་པའོ། །དགའ་བོ། དུད་འགྲོ་རྣམས་ཀྱི་ནང་དུ་སྐྱེས་པའི་སེམས་ཅན་དག་ལ་གང་དག་མུན་པར་སྤྱོད་ཅིང་མུན་པར་རྒས། མུན་པར་འཆི་བའི་དུས་བྱེད་པ་དག་ཀྱང་ཡོད་དོ། །དེ་དག་ཀྱང་གང་ཞེ་ན། འདི་ལྟ་སྟེ། སྦུར་བ་དང ། ཕྱེ་མ་ལེབ་དང ། སྦྲང་བུ་མཆུ་རིང་དང ། ཟས་སུ་ཏིལ་གྱི་ཕུབ་མ་ཟ་བ་དང ། སྲིན་བུ་ཏྲེ་མ་བུ་ག་དང ། སྲིན་བུ་ཏྲེ་ལ་ཏ་དང ། གཞན་ཡང་སེམས་ཅན་མུན་པར་སྐྱེས་ཤིང་མུན་པར་རྒལ། མུན་པར་འཆི་བའི་དུས་བྱེད་པ་གང་དག་ཡིན་པའོ། །དེ་ལ་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ། སྔོན་རོལ་ལྷག་པར་ཆགས་པ། ལུས་ཀྱིས་ཉེས་པར་སྤྱོད་པ་སྤྱད་ཅིང ། ངག་དང ། ཡིད་ཀྱིས་ཉེས་པར་སྤྱོད་པ་སྤྱད་ནས་སེམས་ཅན་དེ་ལྟ་བུ་རྣམས་དང་སྐལ་པ་མཉམ་པར་སྐྱེ་བར་འགྱུར་ཏེ། སེམས་ཅན་དེ་དག་ནི། མུན་པར་སྐྱེ་ཞིང་མུན་པར་རྒས། མུན་པར་འཆི་བའི་དུས་བྱེད་པར་འགྱུར་</font><hr>Tha230b<br><font size=+2>


རོ། །དགའ་བོ། དུད་འགྲོ་རྣམས་ཀྱི་ནང་དུ་སྐྱེས་པའི་སེམས་ཅན་དག་ལ་གང་དག་ལུས་ལས་སྐྱེ་ཞིང་ལུས་ལས་རྒས། ལུས་ལས་འཆི་བའི་དུས་བྱེད་པ་དག་ཀྱང་ཡོད་དོ། །དེ་དག་གང་ཞེ་ན་།འདི་ལྟ་སྟེ། སྲོ་མ་དང ། ཤིག་དང ། སྲིན་བུ་གཡོན་ཅན་དང ། འབུ་དང ། གཞན་ཡང་སེམས་ཅན་ལུས་ལས་སྐྱེས་ཤིང་ལུས་ལས་རྒས། ལུས་ལས་འཆི་བའི་དུས་བྱེད་པ་གང་དག་ཡིན་པ་པའོ། །དེ་ལ་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ། སྔོན་རོའི་རྗེས་སུ་ཆགས་པ། ལུས་ཀྱིས་ཉེས་པར་སྤྱོད་པ་སྤྱད་ཅིང ། ངག་དང ། ཡིད་ཀྱིས་ཉེས་པར་སྤྱོད་པ་སྤྱད་ནས་སེམས་ཅན་དེ་ལྟ་བུ་དག་དང་སྐལ་པ་མཉམ་པར་སྐྱེ་བར་འགྱུར་ཏེ། སེམས་ཅན་དེ་དག་ནི། ལུས་ལས་སྐྱེ་ཞིང་ལུས་ལས་རྒས། ལུས་ལས་འཆི་བའི་དུས་བྱེད་པར་འགྱུར་རོ། །དགའ་བོ། དུད་འགྲོ་རྣམས་ཀྱི་ནང་དུ་སྐྱེས་པའི་སེམས་ཅན་དག་ལ་གང་དག་ཆུར་སྐྱེས་ཤིང ། ཆུར་རྒས། ཆུར་འཆི་བའི་དུས་བྱེད་པ་དག་ཀྱང་ཡོད་དོ། །དེ་དག་ཀྱང་གང་ཞེ་ན། འདི་ལྟ་སྟེ། ཉ་དང ། རུས་སྦལ་དང ། སྦལ་པ་དང ། ཆུ་སྲིན་བྱིས་པ་གསོད་དང ། སྲོག་ཆགས་བ་ལུ་ཀ་དང ། གཞན་ཡང་སེམས་ཅན་ཆུར་སྐྱེས་ཤིང ། ཆུར་རྒས། ཆུར་འཆི་བའི་དུས་བྱེད་པ་གང་དག་ཡིན་པའོ། །དེ་ལ་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ། སྔོན་རོའི་རྗེས་སུ་ཆགས་པ། ལུས་ཀྱིས་ཉེས་པར་སྤྱོད་པ་སྤྱད་ཅིང ། ངག་དང ། ཡིད་ཀྱིས་ཉེས་པར་སྤྱོད་པ་སྤྱད་ནས་སེམས་ཅན་དེ་ལྟ་བུ་རྣམས་དང་སྐལ་པ་མཉམ་པར་སྐྱེ་བར་འགྱུར་ཏེ། སེམས་ཅན་དེ་དག་ནི། ཆུར་སྐྱེས་ཤིང་</font><hr>Tha231a<br><font size=+2>


༄#། །ཆུར་རྒས། ཆུར་འཆི་བའི་དུས་བྱེད་དོ། །དགའ་བོ། དུད་འགྲོ་རྣམས་ཀྱི་ནང་དུ་སྐྱེས་པའི་སེམས་ཅན་དག་ལ་གང་དག་བཤང་བ་དང ། གཅི་བའི་དྲི་ཚོར་ནས་འདི་བཟའོ། ། འདི་བཏུང་ངོ ། །སྙམ་ཞིང ། དེར་རྒྱུག། ཀུན་ཏུ་རྒྱུག་པ་དག་ཀྱང་ཡོད་དོ། །དེ་དག་ཀྱང་གང་ཞེ་ན། འདི་ལྟ་སྟེ། ར་དང ། ལུག་དང ། བྱ་གག་དང ། ཕག་དང ། ཁྱི་དང ། ཝ་དང ། བྱ་རོག་དང ། ཆུན་ལག་དང ། སྦྲང་བུ་དང ། གཞན་ཡང་སེམས་ཅན་བཤང་བ་དང ། གཅི་བའི་དྲི་ཚོར་ནས་འདི་བཟའོ། །འདི་བཏུང་ངོ ། །སྙམ་ཞིང་དེར་རྒྱུག་།ཀུན་ཏུ་རྒྱུག་པ་གང་དག་ཡིན་པའོ། ། དེ་ལ་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ། སྔོན་དྲིའི་རྗེས་སུ་ཆགས་པ། ལུས་ཀྱིས་ཉེས་པར་སྤྱོད་པ་སྤྱད་ཅིང ། ངག་དང ། ཡིད་ཀྱིས་ཉེས་པར་སྤྱོད་པ་སྤྱད་ནས་སེམས་ཅན་དེ་ལྟ་བུ་རྣམས་དང་སྐལ་བ་མཉམ་པར་སྐྱེ་བར་འགྱུར་ཏེ། སེམས་ཅན་དེ་དག་ནི། བཤང་བ་དང ། གཅི་བའི་དྲི་ཚོར་ནས་འདི་བཟའོ། །འདི་བཏུང་ངོ ། །སྙམ་ཞིང་རྒྱུག་།ཀུན་ཏུ་རྒྱུག་པར་འགྱུར་རོ། ། དགའ་བོ། དུད་འགྲོ་རྣམས་ཀྱི་ནང་དུ་སྐྱེས་པའི་སེམས་ཅན་དག་ལ་གང་དག་རྩཝ་སྐམ་པོ་དང ། གཤེར་བ་ལྕེའི་རྩེ་མོས་བསྡུས་ནས་སོའི་སྐམ་པས་བཅད་དེ་ཟ་བ་དག་ཀྱང་ཡོད་དོ། །དེ་དག་ཀྱང་གང་ཞེ་ན། འདི་ལྟ་སྟེ། གླང་པོ་ཆེ་དང ། རྟ་དང ། རྔ་མོ་དང ། བ་ལང་དང ། བོང་བུ་དང ། རི་དྭགས་དང ། མ་ཧེ་དང ། ཕག་རྒོད་དང ། གཞན་ཡང ། སེམས་ཅན་རྩ་སྐམ་པོ་དང ། གཤེར་བ་ལྕེའི་རྩེ་</font><hr>Tha231b<br><font size=+2>


མོས་བསྡུས་ནས་སོའི་སྐམ་པས་བཅད་དེ་ཟ་བ་གང་དག་ཡིན་པའོ། །དགའ་བོ། འཁོར་བ་ནི། བཟང་རླག་པ། ཤིན་ཏུ་བཟང་རླག་པ་སྟེ། འདི་ཐམས་ཅད་ནི། འབར། ཀུན་ཏུ་འབར། ཀུན་ཏུ་རབ་ཏུ་འབར་ཞིང ། མེ་ལྕེ་གཅིག་ཏུ་གྱུར་པ་ཡིན་ནོ། །དགའ་བོ། གཞན་ཡང་ཐམས་ཅད་ནི། མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། གཟུགས་རྣམས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་སོ། །དགའ་བོ། དེ་ཐམས་ཅད་གང་གིས་ཀུན་ཏུ་འབར། རབ་ཏུ་འབར། ཀུན་ཏུ་རབ་ཏུ་འབར་ཞིང ། མེ་ལྕེ་གཅིག་ཏུ་གྱུར་པ་ཡིན་ཞེ་ན། འདོད་ཆགས་ཀྱི་མེ་དང ། ཞེ་སྡང་གི་མེ་དང ། གཏི་མུག་གི་མེས་ཀྱང་ཀུན་ཏུ་འབར། ཀུན་ཏུ་རབ་ཏུ་འབར་ཞིང ། མེ་ལྕེ་གཅིག་ཏུ་གྱུར་པ་ཡིན་ནོ། །སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་ཀྱིས་ཀྱང་ཀུན་ཏུ་འབར། སྡུག་བསྔལ་གྱིས་ཀྱང་ཀུན་ཏུ་འབར་རོ། །ཞེས་བཤད་དོ། །དགའ་བོ། ལེ་ལོ་ཅན་སྡིག་པ་མི་དགེ་བའི་ཆོས། ཀུན་ནས་ཉོན་མོངས་པར་བྱེད་པ་ཡང་སྲིད་པ་པ། རྣམ་པར་སྨིན་པ་སྡུག་བསྔལ་བ་ཅན། ཚེ་ཕྱི་མ་ལ་སྐྱེ་བ་དང ། རྒ་བ་དང ། འཆི་བར་འགྱུར་བ་དག་དང་འདྲེས་པ་ཅན་ནི། སྡུག་བསྔལ་བར་གནས་སོ། །དགའ་བོ། བརྩོན་འགྲུས་བརྩམས་པ། མཐུ་དང་ལྡན་པ། བརྩོན་འགྲུས་དང་ལྡན་པ། སྤྲོ་བ་ཅན། ཕ་རོལ་གནོན་པ། བརྟན་པ། ནེམ་ནུར་མེད་པ། དགེ་བའི་</font><hr>Tha232a<br><font size=+2>


༄#། །ཆོས་རྣམས་ལ་བརྩོན་པ་མ་བཏང་བ་ནི། བདེ་བར་གནས་སོ། །དགའ་བོ། དེ་ལྟ་བས་ན། འདི་ལྟར་བསླབ་པར་བྱ་སྟེ། པགས་པ་དང ། ཆུ་རྒྱུས་དང ། རུས་པ་ཙམ་ལུས་ཀྱང་རུང ། ལུས་ལས་ཤ་དང ། ཁྲག་དག་བསྐམས་ཀྱང་བླ། འོན་ཀྱང་ཀྱེ་མ་བརྩོན་འགྲུས་བརྩམས་པ། མཐུ་དང་ལྡན་པ། བརྩོན་འགྲུས་དང་ལྡན་པ། སྤྲོ་བ་ཅན། ཕ་རོལ་གནོན་པ། བརྟན་པ། ནེམ་ནུར་མེད་པ། དགེ་བའི་ཆོས་རྣམས་ལ་བརྩོན་པ་མ་བཏང་བས། ཐོབ་པར་བྱ་བ་གང་ཡིན་པ་དེ་མ་ཐོབ་པར་བར་སྐབས་སུ་བརྩོན་འགྲུས་དོར་བར་མི་བྱའོ། །ཞེས་དགའ་བོ། ཁྱོད་ཀྱིས་དེ་ལྟར་བསླབ་པར་བྱའོ། །དགའ་བོ། ང་ནི། འཇིག་རྟེན་དང་ལྷན་ཅིག་རྩོད་པར་མི་བྱེད་དེ། འཇིག་རྟེན་ཉིད་ང་དང་ལྷན་ཅིག་རྩོད་པར་བྱེད་དོ། །དེ་ཅིའི་ཕྱིར་ཞེ་ན། ཆོས་སྨྲ་བ་ནི། སུ་ཡང་འགའ་དང་ཡང་ལྷན་ཅིག་རྩོད་པར་མི་བྱེད་དོ། །ངའོ་ཞེས་རྩོད་པར་མི་བྱེད། ལྟ་བ་རྟེག་\་RཊཱོG?\་པའི་བཟོད་པས་མ་ཡིན། སྐལ་པ་ཡོད་པའི་གཟུགས་ཀྱིས་མ་ཡིན་གྱི། ང་ནི། བདག་གིས་ཇི་ཙམ་མཐོང་བ་དང ། རིག་པ་དང ། མངོན་པར་རྫོགས་པར་སངས་རྒྱས་པ་དང ། མངོན་སུམ་དུ་བྱས་པ་དེ་ཁོ་ན་སྨྲའོ། །དགའ་བོ། དེ་ཇི་སྙམ་དུ་སེམས། དེ་བཞིན་གཤེགས་པ་གཞན་དུ་འགྱུར་བའི་ཚིག་གང་ཡིན་པ་དེ་གསུང་ངམ། བཙུན་པ། མ་ལགས་སོ། །དགའ་བོ། ལེགས་སོ། །ལེགས་སོ། །དེ་བཞིན་གཤེགས་པ་གཞན་དུ་འགྱུར་བའི་ཚིག་གང་ཡིན་པ་དེ། གསུང་བ་ནི། གནས་མ་ཡིན་ཞིང་གོ་སྐབས་མེད་</font><hr>Tha232b<br><font size=+2>


དེ། དགའ་བོ། དེ་བཞིན་གཤེགས་པ་ནི། ཡང་དག་པར་གསུང་པ། བདེན་པ་གསུང་བ། ཆོས་གསུང་བ། དེ་ཁོ་ན་ཉིད་གསུང་བ། ཕྱིན་ཅི་མ་ལོག་པར་གསུང་བའོ། །དེ་བཞིན་གཤེགས་པ་ནི། ཡུན་རིང་པོ་ནས་འཇིག་རྟེན་ལ་ཕན་པ་བཞེད་པ། བདེ་བ་བཞེད་པ། གྲུབ་པ་དང་བདེ་བ་བཞེད་པ། ལམ་མཁྱེན་པ། ལམ་གྲུབ་པ། ལམ་སྟོན་པ། ལམ་རྗོད་པ། ལམ་ཡོངས་སུ་འདྲེན་པའོ། །དེ་བཞིན་གཤེགས་པ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སོ། །དགའ་བོ། འཇིག་རྟེན་ནི། དད་པ་མེད་པ། དབང་པོས་འཁོལ་བ། འཕྲལ་གང་དུ་ལྟ་བ། ལག་ཏུ་འོངས་པ་མཐོང་བ། འགོད་པ་ཆེ་བ། བསགས་པ་ཉུང་བ་སྟེ། སླ་བ་མི་བྱེད་ཀྱི། དཀའ་བས་བདག་ཉིད་ཀུན་ཏུ་རྩོལ་བར་བྱེད་དོ། །དགའ་བོ། །ལུང་ཡང་མི་དགོས། ཤེས་རབ་ཀྱང་མི་དགོས། ཁྱོད་ཀྱིས་ཤའི་མིག་གིས་ཇི་ཙམ་མཐོང་བ་དེ་ཁོ་ན་ལ་ཡང་དག་པར་རྟོགས་ཤིག་དང ། ཇི་ལྟར་མཐང་བ་ལ་ཡང་དག་པར་བརྟགས་པ་ཉིད་ཀྱིས་ཐར་བར་འགྱུར་རོ། །དགའ་བོ། ཁྱོད་ང་ལ་དད་པས་མ་འགྲོ་དགའ་བོས་མ་འགྲོ། རྗེས་སུ་ཐོས་པས་མ་འགྲོ། རྣམ་པ་ལ་རྟོག་པས་མ་འགྲོ། དགེ་སྦྱོང་དུ་ལྟ་བས་མ་འགྲོ། དགེ་སྦྱོང་གི་ལྟ་བ་ལ་རྟོག་པ་བཟོད་པས་མ་འགྲོ། དགེ་སྦྱོང་ལ་གུས་པས་མ་འགྲོ། </font><hr>Tha233a<br><font size=+2>


༄#། །བདག་གི་བླ་མ་དགེ་སྦྱོང་གོའུ་ཏ་མའོ། །ཞེས་མ་འགྲོ་ཞིག། དགའ་བོ། འོན་ཀྱང་གཅིག་པུ་ལྐོག་ཏུ་སོང་ལ། ངས་ཆོས་གང་དག་ཉིད་ཀྱིས་མངོན་པར་མཁྱེན་པས། མངོན་པར་རྫོགས་པར་སངས་རྒྱས་པ་དེ་དག་སོམས་ཤིག་།གཞོལ་ཅིག་།ཉེ་བར་རྟོགས་ཤིག། ལན་མང་དུ་གྱིས་ཤིག་དང ། ཆོས་གང་དང་གང་མངོན་སུམ་དུ་བྱས་པའི་ཆོས་དེ་དང་དེ་རྫོགས་པར་བྱས་ན། བདག་ཉིད་གླིང་དང ། བདག་ཉིད་སྐྱབས་ཅན་དང ། ཆོས་གླིང་དང ། ཆོས་སྐྱབས་ཅན་དང ། གཞན་མ་ཡིན་པ་གླིང་དང ། གཞན་མ་ཡིན་པ་སྐྱབས་ཅན་དུ་གནས་སོ། ། དགའ་བོ། ཇི་ལྟར་ན། དགེ་སྦྱོང་བདག་ཉིད་གླིང་དང ། བདག་ཉིད་སྐྱབས་ཅན་དང ། ཆོས་གླིང་དང ། ཆོས་སྐྱབས་ཅན་དང ། གཞན་མ་ཡིན་པ་གླིང་དང ། གཞན་མ་ཡིན་པ་སྐྱབས་ཅན་དུ་གནས་ཤེ་ན། དགའ་བོ། འདི་ན་དགེ་སློང་རྟུན་པ་དང་ལྡན་པ། དྲན་པ་དང་ཤེས་བཞིན་ཅན། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་སྤངས་ནས་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས། ཕྱིའི་ལུས་ལ་ལུས་ཀྱི་རྗེས་སུ་ལྟ་ཞིང་གནས། ཕྱི་དང་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས། ལུས་ལ་ཀུན་འབྱུང་བའི་ཆོས་སུ་རྗེས་སུ་ལྟ་ཞིང་གནས། ལུས་ལ་ཀུན་འབྱུང་བ་ལ་ཟད་པའི་ཆོས་སུ་ལྟ་ཞིང་གནས། ལུས་ཡོད་དོ། །ཞེས་དེའི་དྲན་པ་འདི་ལྟ་སྟེ། ཤེས་པ་ཙམ་དང ། མཐོང་བ་ཙམ་དང ། སོ་སོར་དྲན་པ་ཙམ་ལེགས་པར་གནས་ཤིང ། མི་</font><hr>Tha233b<br><font size=+2>


བརྟེན་པར་གནས་ལ་འཇིག་རྟེན་ན་ཅུང་ཟད་ཀྱང་ལེན་པར་མི་བྱེད་དོ། །དགའ་བོ། དེ་བཞིན་དུ་དགེ་སློང་རྟུན་པ་དང་ལྡན་པ། དྲན་པ་དང་ཤེས་བཞིན་ཅན། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་སྤངས་ནས་ནང་གི་ལུས་ལ་ཡང་ལུས་ཀྱི་རྗེས་སུ་ལྟ་ཞིང་གནས། ཕྱི་དང་ནང་གི་ལུས་ལ་ཡང་ལུས་ཀྱི་རྗེས་སུ་ལྟ་ཞིང་གནས་པ། ནང་གི་ཚོར་བ་དག་དང ། ཕྱིའི་ཚོར་བ་དག་དང ། ཕྱི་དང་ནང་གི་ཚོར་བ་དག་ལ་རྗེས་སུ་ལྟ་ཞིང་གནས། ནང་གི་སེམས་དང ། ཕྱིའི་སེམས་དང ། ཕྱི་ནང་གི་སེམས་ལ་སེམས་ཀྱི་རྗེས་སུ་ལྟ་ཞིང་གནས། ནང་གི་ཆོས་རྣམས་དང ། ཕྱིའི་ཆོས་རྣམས་དང ། ཕྱི་དང་ནང་གི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས། ཆོས་རྣམས་ལ་ཀུན་འབྱུང་བའི་ཆོས་ཀྱི་རྗེས་སུ་ལྟ་ཞིང་གནས། ཆོས་རྣམས་ལ་ཀུན་འབྱུང་བ་ལ་ཟད་པར་རྗེས་སུ་ལྟ་ཞིང་གནས། ཆོས་རྣམས་ཡོད་དོ། །ཞེས་དེའི་དྲན་པ་འདི་ལྟ་སྟེ། ཤེས་པ་ཙམ་དང ། མཐོང་བ་ཙམ་དང ། སོ་སོར་དྲན་པ་ཙམ་དུ་ལེགས་པར་གནས་ཤིང་མི་རྟོན་པར་གནས་ལ། འཇིག་རྟེན་ན་ཅུང་ཟད་ཀྱང་ཉེ་བར་ལེན་པར་མི་བྱེད་དེ། དགའ་བོ། དེ་ལྟར་ན། དགེ་སློང་བདག་ཉིད་གླིང་དང ། བདག་ཉིད་སྐྱབས་ཅན་དང ། ཆོས་གླིང་དང ། ཆོས་སྐྱབས་ཅན་དང ། གཞན་མ་ཡིན་པ་གླིང་དང ། གཞན་མ་ཡིན་པ་སྐྱབས་ཅན་དུ་གནས་པ་ཡིན་ནོ། །དགའ་བོ། ཚུར། སྐྱེས་བུ་གཡོ་མེད་པ། སྒྱུ་མེད་པ། དྲང་པོ་བརྟན་པའི་རང་བཞིན་ཅན་དེ་ནི། ངས་ནང་གདམས་ན། ནུབ་ཀུན་ཤེས་པ་ལུང་སྟོན་པར་འགྱུར། ནུབ་</font><hr>Tha234a<br><font size=+2>


༄#། །གདམས་ན། ནང་ཀུན་ཤེས་པ་ལུང་སྟོན་པར་འགྱུར་རོ། །དགའ་བོ། ངའི་ཆོས་ནི། ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་གཏོད་པ། འདི་མཐོང་བ་ལ་དོན་ཡོད་ལ། མཁས་པ་རྣམས་ཀྱིས་རང་གིས་རིག་པར་བྱ་བ་ཡིན་ནོ། །གསུང་རབ་འདི་ནི། འདི་ལྟ་སྟེ། སྟོན་པ་ཡང་མངོན་སུམ་དུ་གྱུར། དམ་པའི་ཆོས་ཉེ་བར་གཏོད་པ། ཡོངས་སུ་མྱ་ངན་ལས་འདའ་བར་འགྱུར་བ། རྫོགས་པའི་བྱང་ཆུབ་ཏུ་འགྲོ་བ། བདེ་བར་གཤེགས་པས་ཐུགས་སུ་ཆུད་པ་ཡང་སྟོན་པས། སྙིང་པོ་བཏུང་བར་བྱ་བ་ཡིན་ནོ། །དགའ་བོ། དེ་ལྟ་བས་ན། ཁྱོད་ཀྱིས་རང་གི་དོན་དང ། གཞན་གྱི་དོན་དང ། གཉི་གའི་དོན་ལ་ལྟ་ཞིང ། སོ་སོ་ཡང་དག་པར་བསླབ་པར་བྱ་སྟེ། ཅི་ནས་ཀྱང་བདག་རབ་ཏུ་བྱུང་ནས་དོན་ཡོད་པ་དང ། འབྲས་བུ་དང་བཅས་པ་དང ། བདེ་བར་འབྱུང་བ་དང ། རྣམ་པར་སྨིན་པ་བདེ་བར་འགྱུར་བ་དང ། གང་དག་གི་ཆོས་གོས་དང ། བསོད་སྙོམས་དང ། གནས་མལ་དང ། ན་བའི་རྐྱེན་གྱིས་ཡོ་བྱད་སྨན་དག་ཡོངས་སུ་སྤྱད་པ། དེ་དག་གི་བྱ་བ་བྱས་པ་དེ་དག་ཀྱང་ཅི་ནས་ཀྱང་ཤིན་ཏུ་འབྲས་བུ་ཆེ་བ་དང ། ཤིན་ཏུ་ཕན་ཡོན་ཆེ་བ་དང ། ཤིན་ཏུ་གཟི་བརྗིད་ཆེ་བ་དང ། རྒྱ་ཆེན་པོར་འགྱུར་བ་དེ་ལྟར་དགའ་བོ་ཁྱོད་ཀྱིས་བསླབ་པར་བྱའོ། །གང་ལ་དགའ་བ་དང ། གང་ན་མངོན་པར་དགའ་བའི་གཟུགས་དེ་ལ་རྣམ་པར་འགྱུར་བ་དང ། གཞན་དུ་འགྱུར་བ་དང ། མྱ་ངན་དང ། སྨྲེ་</font><hr>Tha234b<br><font size=+2>


སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་བར་མི་འགྱུར་བའི་གཟུགས་ནི། ངས་གཅིག་ཀྱང་ཡང་དག་པར་རྗེས་སུ་མི་མཐོང་ངོ ། །དགའ་བོ། དེ་ཇི་སྙམ་དུ་སེམས། གཟུགས་རྟག་གམ། མི་རྟག། བཙུན་པ། མི་རྟག་ལགས་སོ། །མི་རྟག་པ་གང་ཡིན་པ་དེ། སྡུག་བསྔལ་བ་ཡིན་ནམ། སྡུག་བསྔལ་བ་མ་ཡིན། བཙུན་པ། དེ་ནི། སྡུག་བསྔལ་བ་ལགས་ཏེ། གང་མི་རྟག་པ་ནི། སྡུག་བསྔལ་བ། འགྱུར་བའི་ཆོས་ཅན་ལགས་སོ། །དེ་ཇི་ག། འཕགས་པ་ཉན་ཐོས་ཐོས་པ་དང་ལྡན་པ་འདི་ནི། བདག་གིའོ། །འདི་ནི། བདག་གོ་།དེ་ནི། བདག་གི་བདག་གོ་།ཞེས་བདག་གིར་ཁས་ལེན་ཏམ། བཙུན་པ། མ་ལགས་སོ། །དགའ་བོ། དེ་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྟག་གམ་མི་རྟག་།བཙུན་པ། མི་རྟག་ལགས་སོ། །མི་རྟག་པ་གང་ཡིན་པ་དེ། སྡུག་བསྔལ་བ་ཡིན་ནམ། སྡུག་བསྔལ་བ་མ་ཡིན། བཙུན་པ། སྡུག་བསྔལ་བ་ལགས་ཏེ། གང་མི་རྟག་པ་ནི། སྡུག་བསྔལ་བ། འགྱུར་བའི་ཆོས་ཅན་ལགས་སོ། །དེ་ཇི་ག། འཕགས་པ་ཉན་ཐོས་ཐོས་པ་དང་ལྡན་པ། འདི་ནི། བདག་གིའོ། །འདི་ནི། བདག་གོ་།འདི་ནི། བདག་གི་བདག་གོ་།ཞེས་བདག་ཏུ་ཁས་ལེན་ཏམ། བཙུན་པ། མ་ལགས་སོ། །དགའ་བོ། དེ་ལྟ་བས་ན། ཁྱོད་ཀྱིས་གཟུགས་གང་ཡིན་པ་ཅི་ཡང་རུང ། འདས་པའམ། མ་འོངས་པའམ། ད་ལྟར་བྱུང་བའམ། ནང་གིའམ། ཕྱིའིའམ། རགས་</font><hr>Tha235a<br><font size=+2>


༄#། །པའམ། ཕྲ་བའམ། ངན་པའམ། གྱ་ནོམ་པའམ། ཐག་རིང་བ་གང་ཡིན་པའམ། ཉེ་བ་གང་ཡིན་པ་དེ་དག་ཐམས་ཅད་ལ། འདི་ནི། བདག་གི་མ་ཡིན། འདི་ནི། བདག་མ་ཡིན། འདི་ནི། བདག་གི་བདག་མ་ཡིན་ནོ། །ཞེས་དེ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་བལྟ་བར་བྱ་ཞིང ། ཚོར་བ་གང་ཡིན་པ་ཅི་ཡང་རུང་བ་དང ། འདུ་ཤེས་གང་ཡིན་པ་ཅི་ཡང་རུང་བ་དང ། འདུ་བྱེད་གང་ཡིན་པ་ཅི་ཡང་རུང་བ་དང ། རྣམ་པར་ཤེས་པ་གང་ཡིན་པ་ཅི་ཡང་རུང་བ་དང ། འདས་པའམ། མ་འོངས་པའམ། ད་ལྟར་བྱུང་བའམ། ནང་གིའམ། ཕྱིའི་འམ། རགས་པའམ། ཕྲ་བའམ། ངན་པའམ། གྱ་ནོམ་པའམ། ཐག་རིང་བ་གང་ཡིན་པའམ། ཉེ་བ་གང་ཡིན་པ་དེ་ཐམས་ཅད་ལ། འདི་ནི། བདག་གི་མ་ཡིན། འདི་ནི། བདག་མ་ཡིན། དེ་ནི། བདག་གི་བདག་མ་ཡིན་ནོ། །ཞེས་དེ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་བལྟ་བར་བྱའོ། །འཕགས་པ་ཉན་ཐོས་ཐོས་པ་དང་ལྡན་པ་དེ་ལྟར་ལྟ་བ་ན། གཟུགས་ལས་ཀྱང་ཡིད་འབྱུང་བར་འགྱུར་ཞིང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལས་ཀྱང་ཡིད་འབྱུང་བར་འགྱུར་རོ། །ཡིད་བྱུང་ན། འདོད་ཆགས་དང་བྲལ་ལོ། །འདོད་ཆགས་དང་བྲལ་ན་རྣམ་པར་གྲོལ་ལོ། །རྣམ་པར་གྲོལ་ན། བདག་གི་ཟག་པ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་རྣམ་པར་གྲོལ་བའོ། །སྙམ་པའི་ཡེ་ཤེས་</font><hr>Tha235b<br><font size=+2>


མཐོང་བར་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན། ཚེ་དང་ལྡན་པ་དགའ་བོ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་བྲལ་བ་སྐྱེས་སོ། །དགེ་སློང་ལྔ་བརྒྱ་ནི། ལེན་པ་མེད་པར་ཟག་པ་དག་ལས་སེམས་རྣམ་པར་གྲོལ་ལོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་བཀའ་སྩལ་ཏོ། །དགའ་བོ། མཉམ་གཞག་མིན་སེམས་ལ། །ཕུང་པོ་ཐམས་ཅད་ཟད་པ་དང ། ཡེ་ཤེས་དག་པ་སྐྱེ་མི་འགྱུར། །དེ་ལྟར་བརྩོན་པ་ལྷུར་བླང་བྱ། །ཕུང་པོ་སྐྱེ་ཞིང་འཇིག་པ་དག་།ཡང་དང་ཡང་དུ་སོ་སོར་བརྟག་།དག་པ་ཡང་དག་སྐྱེས་པ་ལ། །ལྷ་རྣམས་ཐམས་ཅད་དགའ་བར་འགྱུར། །སྡུག་དང་གྲོགས་དང་འགྲོགས་པ་དང ། །ལྡན་ཞིང་རིམ་གྲོ་བྱེད་པ་དང ། །རྙེད་དང་བཀུར་སྟི་ཚིགས་སུ་བཅད། །གང་དེ་དགའ་བ་ཡོངས་སྤང་གྱིས། ། ཁྱིམ་གནས་དེ་བཞིན་ཁྱིམ་པ་མིན། །གཉིས་ཀ་དང་ནི་མི་འདྲེན། །སྡུག་བསྔལ་གྱི་ནི་མཐར་བྱེད་ཁྱོད། །དེ་ལྟ་ན་ནི་མཐར་ཕྱིན་འགྱུར། །དང་པོ་ནུར་ནུར་པོར་འགྱུར་ཏེ། །དེ་ནས་མེར་མེར་པོར་འགྱུར་རོ། །མེར་མེར་པོ་ལས་ནར་ནར་འགྱུར། །ནར་ནར་པོ་ལས་གོར་གོར་འགྱུར། །གོར་གོར་པོ་ལས་ཡན་ལག་ནི། །བཞི་དང་མགོ་ཡང་སྐྱེ་འགྱུར་ཉིད། །ལས་ཀྱི་རྒྱུ་ལས་བྱུང་བ་ཡི། །རུས་ཚོགས་སྣ་ཚོགས་སྐྱེ་བར་འགྱུར་མགོ་ཡི་ཐོད་པ་དགུ་དང་ནི། །འགྲམ་པ་ཡི་ནི་རུས་པ་གཉིས། །སོ་ནི་སུམ་ཅུ་རྩ་གཉིས་དང ། །སོ་ཡི་རྩ་བ་སུམ་ཅུ་གཉིས། །མགྲིན་པ་དང་ནི་སྣ་བའི་དྲུང ། །སྣ་དང་སྐན་ནི་གོང་མ་དང ། །སྙིང་ག་ལྐོག་མ་མིད། </font><hr>Tha236a<br><font size=+2>


༄#། །པ་ཡི། །རུས་པ་དག་ནི་ཉི་ཤུར་འགྱུར། །མིག་གི་རུས་པ་བཞི་དང་ནི། །ཐལ་གོང་གི་ཡང་རུས་པ་བཞི། །དཔུང་པ་གཡས་དང་གཡོན་དག་གི་།རུས་པ་དག་ནི་ལྔ་བཅུ་ཡོད། །བྲང་གི་རུས་པ་བརྒྱད་ཡིན་ཏེ། །དེ་ལ་སྒལ་ཚིགས་སུམ་ཅུ་གཉིས། །རྒྱབ་ཀྱི་རྩིབ་མའི་རུས་པ་ནི། །རུས་པ་དག་ནི་སུམ་ཅུའོ། །ངོས་གཉིས་རྩིབ་ལོགས་གཡས་པ་ན། །རྩིབ་རུས་བཅུ་གསུམ་ལྡན་པ་སྟེ། །དེ་བཞིན་རྩིབ་ལོགས་གཡོན་པ་ན། །གཞན་ཡང་བཅུ་དང་གསུམ་ཡོད་དེ། །དེ་དག་ཉི་ཤུ་རྩ་དྲུག་སྟེ། །ཚིགས་གསུམ་པ་ནི་གསུམ་གསུམ་དང ། །ཚིགས་གཉིས་པ་ནི་གཉིས་དང་ལྡན། །ལྷག་མ་རྣམས་ནི་ཚིགས་མེད་དེ། ། བརླ་ནི་གཡས་དང་གཡོན་དག་ལ། །རུས་པ་དག་ནི་བཅོ་ལྔ་ཡོད། །རུས་འདི་དག་ལ་རུས་པ་ནི། །བརྒྱ་དང་ལྔ་དང་གསུམ་ཡོད་པར། །རྫོགས་པའི་སངས་རྒྱས་རབ་མཁྱེན་པ། །བདེན་པའི་མཚན་གྱིས་བཀའ་སྩལ་ཏོ། །འོག་ཏུ་རྐང་པའི་མཐིལ་ནས་ནི། །གོང་དུ་ཀླད་པའི་བར་གྱི་ལུས། །གང་དག་གིས་ནི་ཉེར་བརྟེན་པ། །འདམ་བུའི་ཁྱིམ་བཞིན་ཉམ་ཆུང་ངོ ། །གཟེར་གྱི་གཟུངས་ཀྱིས་མ་ཟིན་པ། །ཤ་དང་ཁྲག་གིས་གཡོགས་པ་སྟེ། །རྒྱུ་མ་མཁན་གྱི་སྲད་བུ་ཡིས། །ཤིང་གི་འཁྲུལ་འཁོར་སྦྲེལ་བ་ལྟར། །དེ་བཞིན་དུ་ནི་ལུས་འདི་ཡང ། །ཆུ་རྒྱུས་དག་གི་བྲེང་གིས་སྦྲེལ། །པགས་པ་རློན་པས་སོ་སོར་གཡོགས་སྒོ་དགུའི་རྨ་ནི་ཆེན་པོར་ལྡན། །མི་གཙང་རུལ་བའི་དྲི་མནམ་པ། །ཀུན་ནས་རབ་ཏུ་འཛག་པར་འགྱུར། །ཇི་ལྟར་འབྲུ་ནི་སྣ་ཚོགས་ཀྱིས། །སྦྱང་ནི་བཀང་བར་གྱུར་པ་ལྟར། །དེ་བཞིན་དུ་ནི་ལུས་འདི་</font><hr>Tha236b<br><font size=+2>


ཡང ། །སྣ་ཚོགས་རུལ་པའི་འབྱུང་གནས་ཡིན། །རུས་པའི་འཁྲུལ་འཁོར་འདི་འདྲ་བའི། །ལུས་ནི་རུལ་པ་སྙིང་པོ་མེད། །འདི་ལ་བྱིས་པ་བག་མེད་དོ། །ཆགས་སུ་མེད་པར་ཤེས་པར་གྱིས། །རྡུལ་དང་མཆིལ་མ་སྣབས་དག་དང ། བད་ཀན་རྣག་དང་ཁྲག་རྣམས་དང ། །མཆིན་པ་མཁྲིས་པ་ཞག་དང་ནི། །ཟག་པ་ཀླད་པ་ཀླད་རྒྱས་དང ། །སྙིང་དང་སུལ་མང་མཁལ་མདང ། །མི་གཙང་གློ་བ་ལྡང་བ་དང ། །ཚིལ་དང་སྤུ་དང་མཚེར་པ་དང ། །རྒྱུ་མ་དང་ནི་གཉེ་མ་སྟེ། །འདི་ནི་རུལ་བ་སྣ་ཚོགས་པ། །འདི་འདྲ་བ་ཡི་འབྱུང་ཁུངས་ཡིན། །སྡིག་ལུས་འཇིགས་པ་ཆེན་པོ་སྟེ། །དགྲ་དང་འདྲ་བར་ཤེས་པར་བྱ། །གྲོང་ཁྱེར་རྙིང་པ་ཇི་བཞིན་དུ། །རུས་པའི་ལུས་ནི་ཉམ་ཆུང་ངོ ། །འདུས་བྱས་ཉིན་དང་མཚན་དུ་ཡང ། །རྣམ་པར་འཇིག་ཤིང་རབ་ཏུ་འཇིག་།གྲོང་ཁྱེར་རུས་པའི་རྩིག་པ་ཅན། །ཤ་དང་ཁྲག་གིས་ཞལ་ཞལ་བྱུགས། །དེ་ལ་འདོད་ཆགས་ཞེ་སྡང་དང ། གཏི་མུག་དང་ནི་འཆབ་པ་སྐྱེ། །གྲོང་ཁྱེར་རྩིག་པའི་རུས་པ་ཅན། །ཤ་དང་ཁྲག་གིས་བྱུགས་པ་དག་།ཕྱི་དང་ནང་བཅས་རྟག་ཏུ་ཡང ། །མི་མཛའ་བ་ཡིས་མངོན་པར་གཙེས། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། ཚེ་དང་ལྡན་པ་དགའ་བོ་དང ། དགེ་སློང་ལྔ་བརྒྱ་པོ་དེ་དག་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་མངལ་དུ་འཇུག་པའི་མདོས་གདམས་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་བཞག་གོ་</font><hr>Tha237a<br><font size=+2>


༄#། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་དགེ་སློང་དབང་པོའི་སྒོ་བསྡམས་པ་རྣམས་ཀྱི་མཆོག་ནི། འདི་ལྟ་སྟེ། དགེ་སློང་དགའ་བོ། འདི་ཡིན་ནོ། །དེ་ནས་ཚེ་དང་ལྡན་པ་དགའ་བོ་དགྲ་བཅོམ་པ་ཉིད་ཐོབ་སྟེ། རྣམ་པར་གྲོལ་བའི་དགའ་བ་དང ། བདེ་བ་མྱོང་བས་དེའི་ཚེ་ཚིགས་སུ་བཅད་དེ་སྨྲས་པ། བསྲོ་གང་གི་ནི་ཁྲུས་དག་དང ། །ཟས་དང་སྣུམ་བསྐུ་བྱུག་པ་དང ། །གདུགས་ཀྱིས་དགའ་བ་བྱས་པ་ཡི། །བདེ་བ་མང་པོ་ཉམས་སུ་མྱོང ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་དགའ་བོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། འདིའི་ལུས་ཀྱི་མདོག་གསེར་གྱི་ཁ་དོག་ལྟ་བུར་གྲུབ་ཅིང ། སྐྱེས་བུ་ཆེན་པོའི་མཚན་སུམ་ཅུས་ནི། བརྒྱན། བཅོམ་ལྡན་འདས་པས་ནི། སོར་བཞིས་ཐུང་ལ། འདོད་པ་དག་ལ་ལྷག་པར་ཆགས་པ་ལས། བཅོམ་ལྡན་འདས་ཀྱིས་ནན་གྱིས་ཕྲལ་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་བཞག་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དགེ་།དགའ་བོ་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་པ། དཔའ་རྒལ་བཞིན་དུ་ཉེ་བར་གནས་པ། ངེས་པར་གྱུར་པ་ཡིན་ཏེ། དགའ་བོ་ཉིད་ཀྱིས་</font><hr>Tha237b<br><font size=+2>


ལས་བྱས་ཤིང་བསགས་པ། གཞན་སུ་ཞིག་གིས་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་ལས་དགེ་བ་དང ། མི་དགེ་བ་བྱས་ཤིང་བསགས་པ་རྣམས་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་བ་བརྒྱ་ཕྲག་རྣམས་སུ་ཡང ། ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག། སྔོན་བྱུང་བ་སྐྱེ་རྒུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། སྟོན་པ་སངས་རྒྱས་བཅོམ་ལྡན་འདས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་རྣམ་པར་གཟིགས་ཞེས་བྱ་བ་མིའི་འཇིག་རྟེན་དུ་བྱུང་སྟེ། དེ་འཁོར་དགེ་སློང་འབུམ་ཕྲག་དྲུག་ཅུ་རྩ་གཉིས་དང་ལྗོངས་རྒྱུ་ཞིང་གཤེགས་པ་ན། རྒྱལ་པོའི་ཕོ་བྲང་གཉེན་ལྡན་དུ་བྱོན་ནས་གཉེན་ལྡན་ན་གཉེན་ལྡན་གྱི་ཚལ་ན་བཞུགས་སོ། །དེའི་གཡས་ཁྱིམ་གྱི་གཅུང་འདོད་པ་དག་ལ་ཤིན་ཏུ་ཆགས་པར་གྱུར་པ་ལས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ནན་གྱིས་ཕྲལ་ནས་འཁོར་བའི་བཙོན་ར་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་བཞག་གོ་།དེའི་ཚེ་རྒྱལ་</font><hr>Tha238a<br><font size=+2>


༄#། །པོའི་ཕོ་བྲང་གཉེན་ལྡན་ན། རྒྱལ་པོ་གཉེན་ལྡན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། རྒྱལ་སྲིད་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་པ་དང ། རྩོད་པ་དང ། འཁྲུག་པ་དང ། འཁྲུག་ལོང་ཞི་བ། ཆོམ་རྐུན་དང ། ནད་དང་བྲལ་བ། སཱ་ལུ་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ། ཆོས་ཀྱི་རྒྱལ་པོ། ཆོས་དང་མཐུན་པས་ཆོས་བཞིན་དུ་བྱེད་དུ་འཇུག་གོ་།དེའི་གཡས་ཁྱིམ་གྱི་ནུ་བོ་ནི། འདོད་པ་རྣམས་ལ་ཤིན་ཏུ་ཆགས་པར་གྱུར་ཏོ། །རྒྱལ་པོ་གཉེན་ལྡན་གྱིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་འཁོར་དགེ་སློང་འབུམ་ཕྲག་དྲུག་ཅུ་རྩ་གཉིས་དང་འདིར་བྱོན་ནས་འདི་ཉིད་ན་གཉེན་ལྡན་གྱི་ཚལ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་བཙུན་མོའི་འཁོར་དང ། གཞོན་ནུ་དང ། བློན་པོ་དང ། གྲོང་ཁྱེར་གྱི་མི་དང་བཅས་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེར་སོང་ངོ ། །དེ་ལ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་གང་ཞིག་ཐོས་ནས་རྒྱལ་པོ་གཉེན་ལྡན་བཙུན་པོའི་འཁོར་དང ། གཞོན་ནུ་དང ། བློན་པོ་དང ། གྲོང་ཁྱེར་གྱི་མི་དང་བཅས་ཏེ་ཁྱད་པར་ཆེན་པོ་ཐོབ་པ་དེ་ལྟ་བུའི་ཆོས་བསྟན་ཏོ། །དེའི་གཡས་ཁྱིམ་གྱི་ནུ་བོ་ནི། འདོད་པ་ལ་ལྷག་པར་ཆགས་པ་དང་ལྡན་པས་ཁྱིམ་ནས་མ་བྱུང་བ་དང ། དེ་ལ་བློན་པོའི་བུ་དང ། མདུན་ན་འདོན་གྱི་བུ་དང ། གཞན་</font><hr>Tha238b<br><font size=+2>


ཡང་ཆུང་པོ་གྲོགས་རྣམས་ཀྱིས་དོང་སྟེ་སྨྲས་པ། གྲོགས་པོ། རྒྱལ་པོ་ནི། བཙུན་མོའི་འཁོར་དང ། གཞོན་ནུ་དང ། བློན་པོ་དང ། གྲོང་མི་དང་བཅས་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་བལྟ་བའི་ཕྱིར་གཤེགས་ན། ཁྱོད་ལྟ་བུ་མི་རྙེད་རྙེད་དཀའ་ཞིང་ཤིན་ཏུ་རྙེད་དཀའ་བ་ཐོབ་ནས། འདོད་པ་རྣམས་ལ་ཤིན་ཏུ་ཆགས་ནས་ཁྱིམ་ནས་མ་བྱུང་ངོ ། །དེ་དེ་དག་གིས་གདམས་པ་དང ། སྙིང་ལ་ངོ་ཚ་བར་གྱུར་ནས་དེ་དག་དང་འགྲོགས་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེར་སོང་ངོ ། །ཇི་ཙམ་ན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་གཅུང་གིས། དེ་རྣམས་ཀྱི་གཞེན་བཏབ་ནས་ཁྲིད་པ་མཐོང་སྟེ་དེས་དྲིས་པ། ཅིའི་ཕྱིར་འདི་དེ་ལྟར་གཞེན་བཏབ་ནས་ཁྲིད། དེ་དག་གིས་ཇི་ལྟར་གྱུར་པ་དེ་ལ་རྒྱས་པར་བསྙད་པ་དང ། དེས་སྨྲས་པ། ཤེས་ལྡན་དག་།ང་ཡང་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་གཅུང་ཡིན་ཏེ། དེ་ཁོ་ན་བཞིན་དུ་འདོད་པ་རྣམས་ལ་ལྷག་པར་ཆགས་པར་གྱུར་པ་ལས། ང་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ནན་གྱིས་ཕྲལ་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཕྱིན་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་བཞག་གོ་།དེ་ལྟ་བས་ན། སྐྱེས་བུ་གཏི་མུག་ཅན་ཁ་ཅིག་ནི། དེ་ལྟར་བྱ་དགོས་པས་ཁྱེད་ཀྱིས་འདི་ཁྲིད་དེ་འོངས་པ་གང་ཡིན་པ་དེ་ནི། ལེགས་པ་བྱས་ཀྱི། དེངས་ལ་བཅོམ་ལྡན་འདས་</font><hr>Tha239a<br><font size=+2>


༄#། །ཀྱི་སྤྱན་སྔར་ཁྲིད་ཅིག་དང ། འདི་གདོན་མི་ཟ་བར་བཅོམ་ལྡན་འདས་ལ་དད་པ་རྙེད་པར་འགྱུར་རོ། །ཇི་ཙམ་ན། དེ་དག་གིས་དེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་སྤྱན་སྔར་ཁྲིད་པ་དང ། དེ་ལ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་དེ་ལྟ་བུའི་ཆོས་བཤད་དོ། །དེས་དེ་ཐོས་ནས་དེ་བཞིན་གཤེགས་པ་རྣམ་པར་གཟིགས་ལ་དད་པ་རྙེད་པ་དང་ལྡན་ཏེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་ཏེ་བདག་གི་སྡུམ་པར་ཁྲུས་གང་གི་ཁྲུས་མཛད་པར་ཅི་གནང ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ཅང་མི་གསུང་བས་གནང་ངོ ། །དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཅང་མི་གསུང་བས་གནང་བར་རིག་ནས་བཤད་པ་ལ་མངོན་པར་དགའ་སྟེ་རྗེས་སུ་ཡི་རང་ནས་ཞབས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་སྟེ་རྒྱལ་པོ་གཉེན་ལྡན་ག་ལ་བ་དེར་སོང་ངོ ། །སེང་ནས་རྒྱལ་པོ་གཉེན་ལྡན་གྱི་རྐང་པ་ལ་མགོ་བོས་ཕྱག་འཚལ་ཏེ་རྒྱལ་པོ་གཉེན་ལྡན་ལ་འདི་སྐད་ཅེས་སྨྲས་སོ། །ལྷ། བདག་གིས་ཡང་དག་པར་རྫོགས་པའི་སངས་</font><hr>Tha239b<br><font size=+2>


རྒྱས་རྣམ་པར་གཟིགས་ཉན་ཐོས་ཀྱི་དགེ་འདུན་དང་བཅས་ཏེ་སྡུམ་པར་ཁྲུས་གང་གི་ཁྲུས་མཛད་པར་སྤྱན་དྲངས་པ་ལས། དེས་ཅང་མི་གསུང་བས་གནང་སྟེ། དེ་ནི། བཀུར་སྟི་བགྱི་བར་འོས་པ་ལགས་པས། ལྷ། དེའི་སླད་དུ་གྲོང་ཁྱེར་དུ་གཤེགས་པའི་གྲོང་ཁྱེར་མཛེས་པར་བགྱི་བ་དང ། ཤུལ་མཛེས་པར་བགྱི་བའི་རིགས་སོ། །རྒྱལ་པོ་གཉེན་ལྡན་གྱིས་བསམ་པ། གལ་ཏེ་དེ་ལྟར་ཡང་བདག་གིས་བཅོམ་ལྡན་འདས་གྲོང་ཁྱེར་དུ་གཤེགས་པའི་གྲོང་ཁྱེར་མཛེས་པ་དང ། ལམ་མཛེས་པར་བྱ་ན། ཅི། བཅོམ་ལྡན་འདས་ཀྱིས་གདུལ་དཀའ་བ་གང་ཡིན་པ་འདི་ཡང་བཏུལ་བལྟ་སྙམ་དུ་རིག་ནས་སྨྲས་པ། ནུ་བོ། ལེགས་པ་བྱས་ཀྱི་ཁྱོད་སོང་ལ་རྫས་དག་སྟ་གོན་གྱིས་ཤིག་།ངས་ནི། གྲོང་ཁྱེར་མཛེས་པ་དང ། ལམ་མཛེས་པར་བྱའོ། །དེ་དགའ་བ་དང ། རབ་ཏུ་དགའ་བ་སྐྱེས་ནས། རྒྱལ་པོ་གཉེན་ལྡན་གྱི་རྐང་པ་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་སོང་ངོ ། །རྒྱལ་པོ་གཉེན་ལྡན་གྱིས་བློན་པོ་རྣམས་ལ་བསྒོ་བ། ཤེས་ལྡན་དག་།དེངས་ལ་གྲོང་ཁྱེར་དུ་དྲིལ་བསྒྲགས་ཏེ། སང་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་གྲོང་དུ་གཤེགས་ཀྱི། དེའི་ཕྱིར་ཁྱེད་གྲོང་ཁྱེར་ན་གནས་པ་དང ། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཀྱིས་གྲོང་ཁྱེར་མཛེས་པ་དང ། ལམ་མཛེས་པར་གྱིས་ལ་རང་གིས་འབྱོར་པ་དང་མཐུན་པའི་མཛེས་པས་བསུ་ཞིག་།དེ་ལྟར་འཚལ་ལོ། །ཞེས་བློན་པོ་རྣམས་ཀྱིས་རྒྱལ་པོ་གཉེན་ལྡན་གྱི་ལྟར་མཉན་ནས་དྲིལ་</font><hr>Tha240a<br><font size=+2>


༄#། །བསྒྲགས་ཏེ་འདི་སྐད་དུ། ཤེས་ལྡན་གྲོང་ཁྱེར་ན་གནས་པ་དག་དང ། གྲོང་མི་དང ། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་དག་ཉོན་ཅིག་།ལྷའི་ཞལ་ནས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་གྲོང་ཁྱེར་དུ་གཤེགས་ཀྱི། དེའི་ཕྱིར་ཁྱེད་གྲོང་ཁྱེར་ན་གནས་པ་དང ། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཐམས་ཅད་ཀྱིས། གྲོང་ཁྱེར་མཛེས་པ་དང ། ལམ་མཛེས་པར་གྱིས་ལ། ཐམས་ཅད་ཀྱིས་རང་གི་འབྱོར་བ་དང་མཐུན་པའི་མཛེས་པས་བསུ་ཞིག་ཅེས་དེ་སྐད་བཀའ་སྩལ་ཏོ། །དེ་དག་གིས་གྲོང་ཁྱེར་དེ་ཡང་རྡོ་བ་དང ། གསེག་མ་དང ། གྱོ་མོ་ནི། མེད་པར་བྱས། ཙནྡན་གྱི་ཆུས་ནི། ཆག་ཆག་བཏབ། བདུག་པ་དྲི་ཞིམ་པོ་ཅན་གྱི་ཕོག་ཕོར་ནི། བཞག་།དར་གྱི་ལྡ་ལྡི་མང་པོས་ནི། བྲེས། རྒྱལ་མཚན་དང་བ་དན་ནི། བསྒྲེང ། མེ་ཏོག་སྣ་ཚོགས་ནི། བཀྲམ་སྟེ། ལྷ་རྣམས་ཀྱིས་སྐྱེད་མོས་ཚལ་དགའ་བའི་ཚལ་བཞིན་དུ་དགའ་དགའ་ལྟར་བྱས། ལམ་ཡང་དེ་བས་ཀྱང་ལྷག་པར་མཛེས་པར་བྱས་ཏེ། དེར་ཡང་དྲི་སྣ་ཚོགས་ཀྱིས་བསྒོས་པའི་ཆུ་དྲོན་དང་འབྲུ་མར་ཡང་སྟ་གོན་བྱས། ཁྲུས་ཁང་ཡང་བྱི་དོར་བས། གདན་ཡང་བཤམས་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་གྲོང་ཁྱེར་དུ་གཤེགས་པ་བསུའོ། །དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་རྒྱལ་པོ་གཉེན་ལྡན་བཙུན་མོའི་འཁོར་བ་དང ། གཞོན་</font><hr>Tha240b<br><font size=+2>


ནུ་དང ། བློན་པོ་དང ། གྲོང་མི་དང ། གཞན་ཡང་སྐྱེ་བོའི་ཚོགས་ཕལ་པོ་ཆེ་དང་བཅས་པས་ཞམ་རིང་བྱས་ཏེ་འབྱོར་པ་མཆོག་གི་རྒྱལ་པོའི་ཕོ་བྲང་གཉེན་ལྡན་དང་གཤེགས་སོ། །དེ་ནས་རྒྱལ་པོའི་ནུ་བོ་དེ་དད་པ་སྐྱེས་ནས་ཁྲུས་ཁང་གི་ནང་དུ་གཤེགས་སུ་གསོལ་ཏོ། །ནང་དུ་གཤེགས་ནས་ཁྲུས་མཛད་པར་བརྩམས་པ་དང ། ཇི་ཙམ་ན་རྣམ་པར་གཟིགས་ཀྱི་སྐུ་གསེར་གྱི་མདོག་ལྟ་བུ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ་མཐོང་ངོ ། །མཐོང་ནས་ཀྱང་ཡང་དད་པ་སྐྱེས་ཏེ་ཁྲུས་བྱས་ནས་ནས་ཞབས་ལ་གཏུགས་ཏེ་སྨོན་ལམ་བཏབ་པ། གང་བདག་གིས་ཡོན་གནས་ཡང་དག་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་འདིས། བདག་ཀྱང་བདག་ཉིད་ཆེན་པོ་འདིའི་ཇི་ལྟ་བར་ལུས་གསེར་གྱི་མདོག་ལྟ་བུ་དང ། འདིས་གཅུང་པོ་འདོད་པ་རྣམས་ལ་ཤིན་ཏུ་ཆགས་པ་ལས་ནན་གྱིས་ཕྲལ་ནས་རབ་ཏུ་ཕྱུང་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་བཞག་པ་ཇི་ལྟར་བར་བདག་ཀྱང་སྟོན་པ་འདི་ལྟ་བུའི་གཅུང་དུ་གྱུར་ཅིང ། གལ་ཏེ་བདག་དེ་བཞིན་དུ་འདོད་པ་རྣམས་ལ་ལྷག་པར་ཆགས་པར་གྱུར་ན་ཡང ། བདག་བཅོམ་ལྡན་འདས་དེས་ནན་གྱིས་ཕྲལ་ཏེ་རབ་ཏུ་ཕྱུང་ནས་འཁོར་བའི་དགོན་པ་ལས། བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་འཇོག་པར་གྱུར་ཅིག་།ཅེས་བྱས་སོ། །དགེ་སློང་དག་།ཇི་སྙམ་དུ་སེམས། རྒྱལ་པོ་གཉེན་ལྡན་གྱི་ནུ་བོ་གང་ཡིན་པ་</font><hr>Tha241a<br><font size=+2>


༄#། །དེ་ནི། རིགས་ཀྱི་བུ་དགའ་བོ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཁྲུས་ཁང་གི་ཁྲུས་ཀྱིས་ཁྲུས་བྱས་ནས། སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས། དེ་བཞིན་གཤེགས་པའི་གཅུང་དུ་གྱུར་ཅིང ། འདིའི་ལུས་ཀྱང་གསེར་གྱི་ཁ་དོག་ལྟ་བུར་གྱུར་ལ། ངས་ཀྱང་ན་ན་གྱིས་ཕྲལ་ཏེ་རབ་ཏུ་ཕྱུང་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་འདས་པ་ལ་བཞག་པ་ཡིན་ནོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་དགའ་བོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། འདི་ལ་སྐྱེས་བུ་ཆེན་པོའི་མཚན་སུམ་ཅུ་མངོན་པར་གྲུབ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདི་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། དཔའ་རྒལ་བཞིན་ཉེ་བར་གནས་པ། ངེས་པར་གྱུར་པ་ཡིན་ཏེ། འདི་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་དགེ་བ་དང ། མི་དགེ་བའི་</font><hr>Tha241b<br><font size=+2>


ལས་བྱས་ཤིང་བསགས་པ་རྣམས་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག། སྔོན་བྱུང་བ་རི་བྲག་ཅིག་ན། ཁྱིམ་བདག་ཕྱུག་པོ་ནོར་མང་བ། ལོངས་སྤྱོད་ཆེ་བ་ཞིག་གནས་ཏེ། དེ་ལ་སྐྱེད་མོས་ཚལ་མེ་ཏོག་དང ། འབྲས་བུ་དང ། རྩ་བ་སྣ་ཚོགས་དང ། ཆུ་ཕུན་སུམ་ཚོགས་པ། ཤིང་རྣམ་པ་སྣ་ཚོགས་ཀྱིས་བརྒྱན་པ། རབ་ཏུ་བྱུང་བ་སྐྱེ་བོ་དང་མཐུན་པ་ཞིག་ཡོད་དོ། །སངས་རྒྱས་དག་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང ། ཕོངས་པ་ལ་སྙིང་བརྩེ་བ་ཅན། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་བུ་དག་འབྱུང་བར་འགྱུར་རོ། །དེ་ནས་རང་སངས་རྒྱས་ཤིག་ལྗོངས་རྒྱུ་ཞིང་རི་བྲག་དེར་ཕྱིན་ཏེ། དེ་གནས་ཚོལ་ཞིང་ཕན་ཚུན་རྒྱུ་བ་ན། སྐྱེད་མོས་ཚལ་དེར་ཕྱིན་པ་དང ། སྐྱེད་མོས་ཚལ་སྲུང་བའི་མིས་བྱོན་པ་ལེགས་སོ། །ཞེས་བྱ་བའི་ཀུན་ཏུ་སྤྱོད་པས་ཀུན་ཏུ་སྤྱད་ནས་བསྟིར་བཅུག་གོ། དེ་ནུབ་མོ་མེའ་\?\་ཁམས་ལ་སྙོམས་པར་ཞུགས་པ་དང ། སྐྱེད་མོས་ཚལ་སྲུང་བའི་ཚལ་མཐོང་ནས་རབ་ཏུ་བྱུང་བ་འདི་ནི། འདི་ལྟ་བུར་བདག་ཉིད་ཆེན་པོ་བརྟུལ་ཞུགས་གྲུབ་པའོ། །ཞེས་ཤིན་ཏུ་ངོ་མཚར་སྐྱེས་པར་གྱུར་ནས་དེ་ཉིད་ཀྱི་མཚན་མོ་ལངས་ཏེ་ཁྱིམ་བདག་ལ་སྨྲས་པ། རྗེ་རབ་ཏུ་དགྱེས་པ་བསྐྱེད་དུ་གསོལ། ཁྱོད་</font><hr>Tha242a<br><font size=+2>


༄#། །ཀྱི་སྐྱེད་མོས་ཚལ་དུ་རབ་ཏུ་བྱུང་བ་བདག་ཉིད་ཆེན་པོ་བརྟུལ་ཞུགས་གྲུབ་པ་ཞིག་དགོངས་བཏབ་སྟེ། དེས་སྐྱེད་མོས་ཚལ་དེ་ཐམས་ཅད་མཚན་མོ་སྣང་བར་བགྱིས་སོ། །དེས་ཐོས་ནས་རབ་ཏུ་དགའ་བ་སྐྱེས་ཏེ་རིངས་པ་རིངས་པར་སོང་སྟེ་རྐང་པ་ལ་གཏུགས་ནས་སྨྲས་པ། འཕགས་པ། ཁྱོད་ནི། བསོད་སྙོམས་དོན་དུ་གཉེར་བ། བདག་ནི། བསོད་ནམས་དོན་དུ་གཉེར་བ་ལགས་ན། སྐྱེད་མོས་ཚལ་འདི་ཉིད་དུ་བཞུགས་སུ་གསོལ། བདག་གིས་ཁྱོད་ཀྱི་བསོད་སྙོམས་སྦྱར་བར་བགྱིའོ། །དེས་ཁས་བླངས་ནས་དེ་དེར་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་བདེ་བ་ཉམས་སུ་མྱོང་བར་བྱེད་ཅིང ། དུས་ཅུང་ཟད་ཅིག་འདུག་ནས་དེས་བསམ་པ། བདག་གི་ལུས་རུལ་པ་འདིས་ཐོབ་པར་བྱ་བ་གང་ཡིན་པ་དེ་ནི། ཐོབ་ཟིན་གྱི་མ་ལ་བདག་ཞི་བ་མྱ་ངན་ལས་འདས་པའི་དབྱིངས་སུ་འཇུག་གོ། སྙམ་དུ་རིག་ནས་འབར་བ་དང ། གསལ་བ་དང ། ཆར་འབབ་པ་དང ། གློག་འགྱུར་བའི་ཆོ་འཕྲུལ་དག་བྱས་ཏེ། ཕུང་པོའི་ལྷག་མ་མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་བཞི་པ། དེ་ནས་ཁྱིམ་བདག་དེས་དྲི་ཐམས་ཅད་ཀྱི་སྲེག་ཤིང་དག་བཅེར་ནས་བསྲེགས་ཏེ། སྲེག་ཤིང་དེ་དག་འོ་མས་བསད་དོ། །རུས་པ་དེ་རྣམས་བུམ་པ་གསར་པར་བཅུག་སྟེ་རུས་པའི་མཆོད་རྟེན་བྱས་</font><hr>Tha242b<br><font size=+2>


ནས་གདུགས་དང ། རྒྱལ་མཚན་དང ། བ་དན་དག་བཙུགས་སོ། །བཙུགས་ནས་དད་པ་སྐྱེས་ཏེ། དེ་ནས་གུར་གུམ་གྱིས་བསྐུས་ནས་དྲིའི་ལག་རིས་སུམ་ཅུ་བྱས་སོ། །དགེ་སློང་དག། ཇི་སྙམ་དུ་སེམས་ཁྱིམ་བདག་གང་ཡིན་པ་དེ་ནི། རིགས་ཀྱི་བུ་དགའ་བོ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས་རང་སངས་རྒྱས་ཀྱི་མཆོད་རྟེན་བྱས་ནས་གདུགས་དང ། རྒྱལ་མཚན་དང ། བ་དན་བཙུགས་ཏེ་དད་པ་སྐྱེས་ནས་གུར་གུམ་གྱི་བྱུགས་ཤིང ། དྲིའི་ལག་རིས་སུམ་ཅུ་བྱས་པ་གང་ཡིན་པའི་ལས་དེའི་རྣམ་པར་སྨིན་པས། འདི་ལ་སྐྱེས་བུ་ཆེན་པོའི་མཚན་སུམ་ཅུ་གྲུབ་པ་ཡིན་ནོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་དགའ་བོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་གལ་ཏེ་རབ་ཏུ་བྱུང་བར་མ་གྱུར་ན། འདིས་སྟོབས་ཀྱིས་འཁོར་ལོས་བསྒྱུར་བའི་རྒྱལ་སྲིད་བགྱིས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རིགས་ཀྱི་བུ་དགའ་བོ་འདི་ཉིད་ཀྱིས་ལས་བྱས་ཤིང་བསགས་པ། ཚོགས་པ་རྙེད་པ། རྐྱེན་ཡོངས་སུ་བསྒྱུར་བ། དཔའ་རྒལ་བཞིན་ཉེ་བར་གནས་པ། ངེས་པར་གྱུར་པ་ཡིན་ཏེ། ལས་བྱས་ཤིང་བསགས་པ་རྣམས་གཞན་སུ་ཞིག་གིས་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་རྣམས་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། </font><hr>Tha243a<br><font size=+2>


༄#། །མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་དགེ་བ་དང ། མི་དགེ་བའི་ལས་བྱས་པ་རྣམས་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། དགེ་སློང་དག། སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང ། མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་ཝཱ་ར་ཎཱ་སི་ལ་བརྟེན་ཅིང་དྲང་སྲོང་སྨྲ་བ་རི་དྭགས་ཀྱི་ནགས་ན་བཞུགས་སོ། །དེའི་ཚེ་དེའི་དུས་ན་ཝཱ་ར་ཎཱ་སི་ན། རྒྱལ་པོ་ཀྲི་ཀྲི་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། རྒྱལ་སྲིད་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང ། མི་མང་པོས་གང་བ་ཞེས་བྱ་བ་ནས་ཆོས་བཞིན་བྱེད་དུ་འཇུག་གོ། ཞེས་བྱ་བའི་བར་སྔ་མ་བཞིན་ནོ། །རྒྱལ་པོ་དེ་ལ་བུ་གསུམ་སྟེ། རབ་དང་འབྲིང་པོ་དང ། ཐ་ཆུང་ངོ ། །གང་གི་ཚེ་ཡང་དག་པར་རྫོགས་པའི་སངས་རྒྱས་འོད་སྲུང་སངས་རྒྱས་ཀྱི་མཛད་པ་མཐའ་དག་མཛད་ནས་</font><hr>Tha243b<br><font size=+2>


བུད་ཤིང་ཟད་པའི་མེ་བཞིན་དུ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདས་པ་དེའི་ཚེ་རྒྱལ་པོ་ཀྲི་ཀྲིས་དེའི་སྐུ་ལ་མཆོད་པ་བྱས་ནས་རིན་པོ་ཆེ་བཞི་ལས་བྱས་པའི་མཆོད་རྟེན་ཁོར་ཡུག་ཏུ་དཔག་ཚད་གཅིག་པ། འཕང་དུ་དཔག་ཚད་ཕྱེད་པ་ཞིག་བརྩིགས་སོ། །དེ་ལ་གདུགས་འདོགས་པར་བྱེད་པ་ན། རྒྱལ་པོ་ཀྲི་ཀྲིའི་བུ་འབྲིང་པོ་དད་པ་སྐྱེས་ནས་གདུགས་འབྲིང་ཞིག་བཏགས་སོ། །དགེ་སློང་དག། ཇི་སྙམ་དུ་སེམས། རྒྱལ་པོ་ཀྲི་ཀྲིའི་བུ་འབྲིང་པོ་གང་ཡིན་པ་དེ་ནི། རིགས་ཀྱི་བུ་དགའ་བོ་འདི་ཉིད་ཡིན་ཏེ། འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་དད་པ་སྐྱེས་ནས་གདུགས་འབྲིང་བཏགས་པ་གང་ཡིན་པའི་ལས་དེའི་རྣམ་པར་སྨིན་པས། སྟོབས་ཀྱི་འཁོར་ལོས་བསྒྱུར་བའི་རྒྱལ་སྲིད་ཉིས་སྟོང་ལྔ་བརྒྱ་བྱས་ཏེ། གལ་ཏེ་ད་ལྟར་རབ་ཏུ་བྱུང་བར་མ་གྱུར་ན། ད་ལྟར་ཡང་འདིས་སྟོབས་ཀྱི་འཁོར་ལོས་བསྒྱུར་བའི་རྒྱལ་སྲིད་བྱས་པར་འགྱུར་རོ། །ཡང་དགེ་སློང་རྣམས་ཀྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་དགའ་བོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། བཅོམ་ལྡན་འདས་ཀྱིས་དབང་པོའི་སྒོ་བསྡམས་པ་རྣམས་ཀྱི་མཆོག་ཏུ་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། སྨོན་ལམ་གྱི་དབང་གིས་སོ། །གང་དུ་སྨོན་ལམ་བཏབ་ལགས། དགེ་སློང་དག། འདི་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བར་གྱུར་ཏེ། </font><hr>Tha244a<br><font size=+2>


༄#། །གང་ལས་འདི་རབ་ཏུ་བྱུང་བ་དེ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་དབང་པོའི་སྒོ་བསྡམས་པ་རྣམས་ཀྱི་མཆོག་ཏུ་བསྟན་ཏོ། །དེ་ན་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ཀྱང་ཡོན་ཏན་གྱི་ཚོགས་འགའ་ཡང་མ་ཐོབ་བོ། །དེ་ན་འདིས་འཆི་བའི་དུས་ཀྱི་ཆེ་སྨོན་ལམ་བཏབ་པ། འདི་ལྟར་བདག་གིས་ཡོན་གནས་བླ་ན་མེད་པ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་ཚེ་ཇི་སྲིད་པར་ཆངས་པར་སྤྱོད་པ་སྤྱད་ཀྱང ། ཡོན་ཏན་གྱི་ཚོགས་འགའ་ཡང་ཐོབ་པར་མ་གྱུར་གྱི། བདག་དགེ་བའི་རྩ་བ་འདིས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་སྐྱེ་རྒུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པར་འགྱུར་རོ། །ཞེས་ལུང་བསྟན་པ་གང་ཡིན་པ་དེའི་གསུང་རབ་ལ་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་དུ་བྱེད་པར་འགྱུར་བ་དང ། ཇི་ལྟར་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་བདག་གི་མཁན་པོ་དབང་པོའི་སྒོ་བསྡམས་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱ་ཐུབ་པ། ཤཱཀྱའི་རྒྱལ་པོ་གཙོ་བོ་དེས་དབང་པོའི་སྒོ་བསྡམས་པ་རྣམས་ཀྱི་མཆོག་ཏུ་ལུང་སྟོན་པར་གྱུར་ཅིག། ཅེས་བྱས་ཏེ། སྨོན་ལམ་དེའི་དབང་གིས་དེ་ལྟར་དེ་བཞིན་གཤེགས་པས་དབང་པོའི་སྒོ་བསྡམས་པ་</font><hr>Tha244b<br><font size=+2>


རྣམས་ཀྱི་མཆོག་ཏུ་བསྟན་ཏོ། །དགེ་སློང་དག། དེ་ལྟ་བས་ན། ལས་གཅིག་ཏུ་ནག་པ་རྣམས་ཞེས་བྱ་བ་ནས་བརྩལ་བར་བྱ་སྟེ། དགེ་སློང་རྣམས་ཀྱིས་དེ་ལྟར་བསླབ་པར་བྱའོ། །ཞེས་པའི་བར་སྔ་མ་བཞིན་ནོ། །གླེང་གཞི་ནི། མཉན་ཡོད་ནའོ། །དགེ་སློང་ཞིག་ན་སྟེ་དེ་སྨན་པའི་དྲུང་དུ་སོང་ནས་སྨྲས་པ། བཞིན་བཟང ། བདག་ལ་ནད་འདི་ལྟ་བུ་བྱུང་ན། སྨན་སྟོན་ཅིག། དེས་སྨྲས་པ། འཕགས་པ་སྨན་མར་བཏང་བ་མཛོད་ཅིག་དང ། ཁྱོད་སོས་པར་འགྱུར་རོ། །དེས་སྨྲས་པ། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །སྨན་པས་སྨྲས་པ། འཕགས་པ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །དེས་སྐབས་དེ། དགེ་སློང་རྣམས་ལ་བསྙད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་སློང་ནད་པས་སྨན་པའི་ལུང་གིས་སྨན་མར་བཏང་བ་བྱའོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་གཙུག་ལག་ཁང་ལྔ་བརྩེགས་སུ་བྱེད་ན། དྲི་གཙང་ཁང་ནི། བདུན་བརྩེགས་སྒོ་ཁང་སྟེང་གི་བསིལ་ཁང་ཡང་བདུན་བརྩེགས་བྱའོ། །དགེ་སློང་མ་རྣམས་ཀྱི་གཙུག་ལག་ཁང་སུམ་བརྩེགས་སུ་བྱེད་ན། དྲི་གཙང་ཁང་ནི། ལྔ་བརྩེགས། སྒོ་ཁང་སྟེང་གི་བསིལ་ཁང་ཡང་ལྔ་བརྩེགས་སུ་བྱའོ།། ཞེས་བཀའ་སྩལ་པ་དང ། དགེ་སློང་དག་གིས་ཕྱོགས་གང་ནས་འཛེག་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཐེམ་སྐས་རྣམ་པ་གསུམ་པོ། །ཤིང་གི་ཐེམ་སྐས་དང ། སའི་ཐེམ་སྐས་</font><hr>Tha245a<br><font size=+2>


༄#། །དང ། རྡོའི་ཐེམ་སྐས་དག་བྱའོ། །དགེ་སློང་དག་།སྟེང་དུ་ནི། རྡོའི། བར་དུ་ནི། སའི། ཐ་མར་ནི། ཤིང་གི་བཙུགས་ནས་འཛེག་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཐ་མར་ནི། རྡོའི། བར་དུ་ནི། སའི། སྟེང་དུ་ནི། ཤིང་གི་གཟུགས་པར་བྱའོ། །ཕྲན་ཚོགས་ཀྱི་གཞི་ལས་སྒོ་གཉིས་པའོ། །བསྡུས་པའི་སྡོམ་ནི། ཆོས་གོས་གདང་དང་ནང་དང་བསྐྲད། །ཁང་བཟང་ལན་ཚཝ་སྦུ་བུ་དང ། །གདོང་ཕྱིས་དང་ནི་ཕྱི་བ་དང ། །མཁར་ལན་སྟན་དང་སྤུ་གྲིའོ། །སྡོམ་ནི། ཆོས་གོས་ཚད་ཀྱི་ཤིང་དང་ནི། །གླེགས་བུ་དག་དང་རྡུལ་ཕྱགས་དང ། །ས་དྲུད་པ་ནི་ཉིད་དག་དང ། མཆིག་ནི་མཆི་གུར་བཅས་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དྲས་པའི་ཆོས་གོས་གསུམ་དགེ་སློང་དག་གིས་བཅང་བར་བྱའོ། །ཞེས་གསུངས་པ་དང ། དགེ་སློང་དག་གིས་ཆོས་གོས་དྲ་བར་བརྩམས་ཏེ། དེ་དག་གི་གླེགས་བུ་དང ། གླེགས་བུ་ཕྱེད་དག་མི་མཉམ་པར་བྱས་སོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་གླེགས་བུ་དང ། གླེགས་བུ་ཕྱེད་དག་མི་མཉམ་པར་དྲ་བར་མི་བྱའོ། འོན་ཀྱང་མཉམ་པར་དྲའོ། །ཞེས་བཀའ་སྩལ་པ་དང ། དེ་དག་གིས་ཇི་ལྟར་མཉམ་པར་འགྱུར་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གླེགས་བུ་དང ། གླེགས་བུ་ཕྱེད་དག་གི་ཚད་</font><hr>Tha245b<br><font size=+2>


ཀྱི་ཤིང་བཅང་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་གིས་ཆོས་གོས་ཀྱི་ཚལ་བུ་དག་མི་མཉམ་པར་དྲུབས་པ་དང ། དེ་དག་མི་མཛེས་ནས་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཚལ་བུ་དག་མཉམ་པར་དྲུབ་པར་བྱའོ། ། བཅོམ་ལྡན་འདས་ཀྱིས་ཚལ་བུ་དག་མཉམ་པར་དྲུབ་པར་བྱའོ། །ཞེས་གསུངས་པ་དང ། དགེ་སློང་དག། ཇི་ལྟར་མཉམ་པར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཚལ་བུའི་ཚད་ཀྱི་ཤིང་བཅང་ཞིང་དེས་གཞལ་ནས་དྲུབ་པར་བྱའོ། །བཅོམ་ལྡན་འདས་ཀྱིས་ཚལ་བུའི་ཤིང་གིས་གཞོལ་ལ་དྲུབས་ཤིག། ཅེས་གསུངས་པ་དང ། དགེ་སློང་དག་གིས་ཚལ་བུ་ཚད་ལས་འདས་པར་བྱས་ནས་བཅོམ་ལྡན་འདས་ཀྱིས་བཀའ་སྩལ་པ། ཚལ་བུ་ཚད་ལས་འདས་པར་མི་བྱའོ། །འོན་ཀྱང་ཚལ་བུ་ནི། གསུམ་སྟེ། ཆེན་པོ་དང ། འབྲིང་དང ། ཆུང་ངུའོ། །དེ་ལ་ཆེན་པོ་ནི། སོར་བཞིའམ། བྱ་རོག་གི་མཐོ་གང་ངོ ། །ཆུང་ངུ་ནི། སེར་གཉིས་སམ། མཐེ་བོའི་ལྟོ་གང་ངོ ། །འབྲིང་ནི། དེ་དག་གི་བར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ས་རྡུལ་ཅན་ལ་ཆོས་གོས་འདྲུབ་པ་དང ། དེ་དྲི་མ་ཅན་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལྕི་བའི་བྱུག་པས་བསྐུས་ལ་ཆོས་གོས་དྲུབ་པར་བྱའོ།། </font><hr>Tha246a<br><font size=+2>


༄#། །བཅོམ་ལྡན་འདས་ཀྱིས་ལྕི་བའི་བྱུག་པ་བསྐུས་ལ། ཆོས་གོས་དྲུབས་ཤིག་ཅེས་གསུངས་པ་དང ། ལྕི་བ་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེར་ཆག་ཆག་བཏབ་ཅིང་ཕྱགས་ཏེ་དྲུབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་གིས་ཁྲིའི་རྐང་པ་རྣོན་པོར་བྱས་པ་དང ། དེ་དག་གིས་ས་བསྟར་བ་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཁྲིའི་རྐང་པ་རྣོན་པོར་མི་བྱའི། འོན་ཀྱང་ཟླུམ་པོར་གཅད་པར་བྱའོ། །འོན་ཀྱང་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཕུབ་མའི་ཐུམ་པོ་ལ་གཞག་གམ། རས་མས་དཀྲི་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་འདུག་པ་དེ། དགོས་པ་ཞིག་གི་ཕྱིར་ཕྱི་རོལ་དུ་བྱུང་ནས་དེ་དང་དེ་དག་ཏུ་འཁྱམས་པ་ལས་ཉི་མ་ཕྱེད་པའི་དུས་ཀྱི་ཚེ་ཡོངས་སུ་ངལ་ནས་རྒྱལ་བྱེད་ཀྱི་ཚལ་དུ་ཞུགས་པ་དང ། དེས་དེ་ན་སྟན་བཟང་པོ་བཤམས་པ་དང ། ཁ་ཟས་བསོད་པ་སྦྱར་བར་མཐོང་ངོ ། །དེས་མཐོང་ནས་མངོན་པར་དད་དེ། དེས་ཆེན་པོ་ལ་འོས་པའི་གོས་གྱོན་པ་དེ། དེས་གདིང་བའི་ཕྱིར་རྒན་པའི་མཐའ་ལོགས་སུ་གོས་དེ་ཕུལ་ལོ། །དེ་དུས་གཞན་ཞིག་ན་དྲི་མ་ཅན་དུ་གྱུར་ནས་དགེ་བསྐོས་ཀྱིས་གཞོན་པའི་མཐའ་ལོགས་སུ་བཏིང་</font><hr>Tha246b<br><font size=+2>


ངོ། །རེ་ཞིག་ཅིག་ན་བྲམ་ཟེ་དེ་གཙུག་ལག་ཁང་དུ་ཞུགས་པ་དང ། དེས་གོས་དེ་རྒན་པའི་མཐའ་ལོགས་ན་མི་སྣང་ནས་དེ་རིམ་གྱིས་ལྟ་ཞིང་གཞོན་པའི་མཐའ་ལོགས་སུ་སོང་བ་དང ། ཇི་ཙམ་ན་དྲི་མ་ཅན་དུ་གྱུར་ནས་གཞོན་པའི་མཐར་བཏིང་བ་མཐོང་སྟེ་དེས་བསམ་པ། གོས་འདི་གསར་པ་ཆེན་པོ་ལ་འོས་པ་ཡིན་ན། གང་གིས་འདི་ལྟ་བུའི་གནས་སྐབས་སུ་གྱུར་པ་འདི་ལ་རྒྱུ་གང་ཡིན་རེ་ཞིག་བལྟའོ། །སྙམ་ནས་ཅུང་ཞིག་བསྡད་པ་དང ། ཇི་ཙམ་ན་དགེ་བསྐོས་ཀྱིས་གདན་རིམ་བཞིན་བཤམས་ནས་ཕྱག་དར་བྱ་བར་བརྩམས་པ་དང་དེས་བསམ་པ། གང་གིས་གོས་འདི་དྲི་མ་ཅན་དུ་གྱུར་པ་འདི་ལ་རྒྱུ་ནི། འདི་ཡིན་ནོ། །སྙམ་དུ་རིག་ནས་དགེ་བསྐོས་ལ་སྨྲས་པ། འཕགས་པ། ཁྱོད་ཀྱིས་ཇི་ལྟར་ས་ལ་ཆག་ཆག་བཏབ་སྟེ་ཕྱགས་ནས་རིམ་བཞིན་གདིང་བར་བྱ་བ་འདི་ཙམ་ཡང་མི་མཁྱེན་ཏམ། དེ་བས་ཀྱང་ཁྱོད་ཀྱིས་བདག་གི་གོས་དྲི་མ་ཅན་དུ་བྱས་སོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ས་ལ་ཆག་ཆག་བཏབ་སྟེ་ཕྱགས་ནས་རིམ་བཞིན་གདིང་བར་བྱའོ། །དགེ་བསྒོས་ཀྱིས་རྡུལ་གྱིས་གང་བའི་སྟན་ལ་མལ་སྟན་དག་བཏིང་བ་དང ། ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྟན་རྣམས་སྤྲུགས་ལ་མལ་སྟན་དག་གདིང་བར་བྱའོ། །ཅི་ཡིས་སྤྲུག་པ་དགེ་བསྐོས་ཀྱིས་མི་ཤེས་ནས་བཅོམ་ལྡན་འདས་ཀྱིས་དེ་ལས་གོས་གཅིག་གིས་སྤྲུག་པར་བྱའོ། །ཞེས་གསུངས་པ་དང ། དེས་བཟང་པོས་</font><hr>Tha247a<br><font size=+2>


༄#། །སྤྲུགས་ནས་བཅོམ་ལྡན་འདས་ཀྱིས་བཀའ་སྩལ་པ། ངན་པས་སྤྲུག་པར་བྱའོ། །དགེ་བསྐོས་ཀྱིས་ངན་པས་སྤྲུགས་པ་དང ། གང་གི་དེ་རྙིང་ཞིང་ཞིག་ནས་བཅོས་སུ་མི་རུང་བ་དེའི་ཚེ་བོར་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་ཚལ་བུ་དང ། ཤར་བུ་དག་ཏུ་གྱིས་ལ་བཅིངས་ཏེ་སྤྲུག་པར་བྱའོ། །དེ་ཤིན་ཏུ་སྤྱད་པར་མི་རུང་སྟེ་བོར་ནས་བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་སྤྱད་པར་མི་རུང་ཡང་མ་དོར་བར་ལྕི་བའམ། འཇིམ་པ་དང་བསྲེས་ལ་ཀ་པའི་སེར་གའམ། རྩིག་པའི་བུ་ག་དག་ཏུ་སྐུས་ཤིག་དང ། སྦྱིན་བདག་གི་བསོད་ནམས་ཡུན་རིང་དུ་འཕེལ་བར་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་དུས་དེའི་ཚེ་དགེ་སློང་གཞོན་ནུ་ཞིག་ཕྱོགས་ཤིག་ན་འཆག་པ་དང ། དེ་འཆག་པའི་ས་ཕྱོགས་དེ་རྐང་པས་དྲུད་པས་ཟད་དོ། །ཇི་ཙམ་ན་ཁྱིམ་བདག་ཅིག་གི་དེ་དང་དེ་དག་ཏུ་འཁྱམས་ཤིང་ཕྱོགས་དེར་འོངས་པ་དང་དེས་བསམ་པ། རེ་ཞིག་ས་ཡང་གནས་སྐབས་འདི་ལྟ་བུར་གྱུར་ན། འཕགས་པ་འདིའི་རྐང་པ་ཅི་འདྲ་བ་ཞིག་ཏུ་གྱུར་སྙམ་ནས་སྨྲས་པ། འཕགས་པ། ས་འདི་ཅི་ཞིག་གིས་འདི་ལྟར་ཡོངས་སུ་ཟད། དེས་སྨྲས་པ། ཁྱིམ་བདག་བདག་འཆག་འཆག་པས་སོ། །ཁྱིམ་བདག་གིས་སྨྲས་པ། འཕགས་པ། རེ་ཞིག་ས་ཡང་གནས་སྐབས་འདི་ལྟ་བུར་གྱུར་ན། ཁྱོད་ཀྱི་ཞབས་ཅི་འདྲ་བར་འགྱུར། རེ་ཞིག་ཁྱོད་ཀྱི་ཞབས་བལྟའོ། ། </font><hr>Tha247b<br><font size=+2>


དེས་དེ་ལ་རྐང་བ་བསྟན་པ་དང ། དེས་མཐོང་སྟེ། སྙིང་རྗེ་སྐྱེས་ནས་དེས་སྨྲས་པ། འཕགས་པ། བདག་གིས་ས་འདི་ལ་བར་ཏང་དག་གདིང་བར་བགྱིའི། བདེ་བར་ཆོགས་ཤིག་ཅེས་སྨྲས་པ་དང ། དེས་སྨྲས་པ། ཁྱིམ་བདག་།བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དེས་དགེ་སློང་དག་ལ་བསྙད་དོ། །དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་དགེ་སློང་དག་བརྩོན་འགྲུས་བརྩམས་པའི་འཆགས་པར་ཏང་གདིང་བར་བྱའོ། །ཁྱིམ་བདག་དེས་བཏིང་བ་དང ། དགེ་སློང་དེས་དེ་ལ་ཕྱོགས་གཅིག་ཏུ་འཆག་པར་བརྩམས་པས་ཇི་ཙམ་ན་དེ་དུམ་བུ་གཉིས་སུ་གྱུར་ཏེ། དེ་དུམ་བུ་གཅིག་ནི། ཕྱོགས་གཅིག་ན་འདུག་།གཉིས་པ་ཡང་གཞན་ན་འདུག་གོ། ཇི་ཙམ་ན། ཁྱིམ་བདག་དེ་འོངས་ནས་པར་ཏང་དེའི་དུམ་བུ་གཅིག་ནི། ཕྱོགས་གཅིག་ན་འདུག་གོ། གཉིས་པ་ཡང་གཞན་ན་འདུག་པ་མཐོང་ནས་དེས་སྨྲས་པ། འཕགས་པ། པར་ཏང་དེ་གནས་སྐབས་འདི་ལྟ་བུར་གྱུར་ན། ཨེ་མ་ཁྱོད་ཀྱི་རལ་པ་བཙེམ་ན། ཅི་ནོངས། སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ཟེར་བ་བདེན་ཏེ། དེ་ལྟ་བས་ན། རལ་པ་དང ། རལ་པ་དག་དྲུབ་ཅིང་ཟུངས་དང ། ལྷན་པ་དག་གདབ་པར་བྱའོ། །གང་གི་ཚེ་ཤིན་ཏུ་རྙིང་ཞིང་དེངས་ཏེ། བཅོས་དཀའ་བ་དེའི་ཚེ་དེ་ལྕི་བའམ་འཇིམ་པར་བསྲེས་ལ་དེ་ཉིད་དུ་བྱུགས་ཤིག་</font><hr>Tha248a<br><font size=+2>


༄#། །དང།་སྦྱིན་བདག་གི་བསོད་ནམས་ཡུན་རིང་དུ་འཕེལ་བར་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ན་ནས་དེ་སྨན་པའི་དྲུང་དུ་སོང་སྟེ་སྨྲས་པ། བཞིན་བཟང་བདག་ལ་ནད་འདི་ལྟ་བུ་བྱུང་ན། སྨན་སྟོན་ཅིག་།ཅེས་སྨྲས་པ་དང ། དེས་སྨྲས་པ། འཕགས་པ་འདི་ལྟ་བུ་དང ། འདི་ལྟ་བུ་མཛོད་དང་ཁྱོད་སོས་པར་འགྱུར་རོ། །དེས་སྨན་འཐག་པའི་མཆིག་དགོས་ནས། དེ་ཁྱིམ་བདག་ཅིག་གི་དྲུང་དུ་སོང་སྟེ་མཆིག་བརྙས་པ་དང ། དེས་དེ་ལ་མཆིག་མཆི་གུ་དང་བཅས་ཏེ་བྱིན་ནོ། །དེས་སྨན་བཏགས་ནས་ཡང་ཁྱིམ་བདག་དེ་ཉིད་ལ་སླར་བྱིན་པ་དང ། དེས་འཕགས་པ་ཁྱོད་ཉིད་བཞེས་ལ་བཞུད་ཅིག་།དེས་སྨྲས་པ། ཁྱིམ་བདག། བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། གལ་ཏེ་དེ་ལྟ་ན་ཞོག་ལ་བཞུད་ཅིག་།སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་སློང་གིས་མཆིག་མཆི་གུ་དང་བཅས་ཏེ་བཅང་བར་བྱའོ། །སྡོམ་ནི། ནང་དང་ཕྱི་རོལ་ཆོས་གོས་གདང ། དེ་བཞིན་ལྕུག་མ་ཐག་གུ་དང ། མར་མེ་དང་ནི་འཁོར་གྱི་ཁྱམས། །ཆོས་གོས་མཚན་མས་གདབ་པའོ། །བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་།ཆོས་གོས་</font><hr>Tha248b<br><font size=+2>


བབ་བབ་ཏུ་འཇོག་སྟེ་དེ་རྡུལ་གྱིས་དྲི་མ་ཅན་དུ་གྱུར་ཅིང་སྲིན་གྱིས་ཟོས་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་དག་བབ་བབ་ཏུ་གཞག་པར་མི་བྱའི། འོན་ཀྱང་ཆོས་གོས་གདང་ལ་གཞག་པར་བྱའོ། །དགེ་སློང་དག་གིས་རྩིག་པ་ལ་ཁུང་བསྐོས་ནས་ཆོས་གོས་ཀྱིས་གདང་བཙུག་པ་དང་རྩིག་པ་སྙི་བར་གྱུར་ཏེ་བཅོམ་ལྡན་འདས་ཀྱིས་བཀའ་སྩལ་པ། རྩིག་པ་ལ་ཁུང་བསྐོ་བར་མི་བྱའི། འོན་ཀྱང་གང་གིས་ཚེ་གཙུག་ལག་ཁང་རྩིག་པ་དེ་ཉིད་ཀྱི་ཚེ་བུ་ག་གདོད་པར་བྱ་ཞིང ། དེར་ཆོས་གོས་ཀྱི་གདང་གཞུག་པར་བྱའོ། ། བཅོམ་ལྡན་འདས་ཀྱིས་གཙུག་ལག་ཁང་དུ་ཆོས་གོས་ཀྱི་གདང་གི་བུ་ག་ཐོད་ཅིག་ཅེས་གསུངས་པ་དང ། ཉེ་འཁོར་དུ་མ་བྱས་ནས་བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་དུ་ཇི་ལྟ་བ་དེ་བཞིན་དུ་ཉེ་འཁོར་དག་ཏུ་ཡང་བྱའོ། །བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆོས་གོས་ཀྱི་གདང་ལ་ཆོས་གོས་དག་གཞག་པར་བྱའོ། །ཞེས་གསུངས་པ་དང ། དགེ་སློང་དགོན་པ་བ་དག་གིས་ཆོས་གོས་ཀྱི་གདང་མ་རྙེད་ནས་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ལྕུག་མ་བཏགས་ནས་གཞག་པར་བྱའོ། །གཞན་དག་ལ་ལྕུག་མ་ཡང་མེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཐི་གུ་བཏགས་ཏེ་གཞག་པར་</font><hr>Tha249a<br><font size=+2>


༄#། །བྱའོ། །བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་དག་མཚན་མོ་ཞིང་ཆོས་མཉན་པ་སྦྱིན་པར་བྱའོ། །ཞེས་གསུངས་ཏེ། དགེ་སློང་དག་མཚན་མོ་ཆོས་མཉན་པ་སྦྱིན་པར་བརྩམས་སོ། །ཇི་ཙམ་ན་ཆོས་ཉན་པའི་དུས་སུ་སྦྲུལ་ཞིག་འོངས་པ་དེ། དགེ་སློང་གཞོན་ནུ་ཞིག་གིས་དེ་མཐོང་ནས་དེ་སྡངས་ཏེ་ཤེས་ལྡན་དག་།རྒྱབ་རིང་རྒྱབ་རིང་ཞེས་སྨྲས་སོ། །དགེ་སློང་དག་ཀྱང་སོ་སོའི་སྐྱེ་བོ་ཡིན་པས་སྡངས་ཏེ་དེ་དག་གིས་ཆོས་མཉན་པ་བར་ཆད་དོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཆོས་མཉན་པ་གཅད་པར་མི་བྱའི། །འོན་ཀྱང་མར་མེ་བུས་ཏེ་ཆོས་བསྟན་པར་བྱའོ། །བཅོམ་ལྡན་འདས་ཀྱིས་མར་མེ་བུས་ཏེ་ཆོས་བསྟན་པར་བྱའོ། །ཞེས་གསུངས་པ་དང ། དགེ་སློང་དག་གིས་དབྱར་གྱི་མཚན་མོ་མར་མེ་བུས་ཏེ་ཆོས་བཤད་པ་དང ། སྲོག་ཆགས་དག་མར་མེར་སོང་ནས་བཅོམ་ལྡན་འདས་ཀྱིས་བཀའ་སྩལ་པ། མར་མེའི་ཁང་བུ་བྱའོ། །དགེ་སློང་དག་གིས་མར་མེའི་ཁང་བུ་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སྨྱིག་མའི་ཚལ་པ་གཟེར་ཕུར་གྱིས་ལ་རས་དཀར་པོས་གཡོག་པར་བྱའོ། །རས་དཀར་པོ་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། ལྷང་ཚེར་གྱིས་གཡོག་པར་བྱའོ། །དེ་ཡང་མ་རྙེད་ནས་བཅོམ་ལྡན་</font><hr>Tha249b<br><font size=+2>


འདས་ཀྱིས་བཀའ་སྩལ་པ། དགེ་སློང་དག་།བུ་ག་བརྒྱ་པ་བྱའོ། །དགེ་སློང་དག་གིས་བུ་ག་བརྒྱ་པ་ཅི་འདྲ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རྫ་མཁན་གྱིས་འཇིམ་པ་གཤེར་བ་ལས་གྱོ་མོར་བྱས་ལ་བུ་ག་བརྒྱ་པ་བྱའོ། །རྫ་མཁན་མེད་ན། བུམ་པའི་གྱོ་མོའམ། གཞན་ཡང་རུང ། བཅག་ནས་བུ་ག་བརྒྱ་པ་བྱ་སྟེ། དེ་ནས་མར་མེ་སྦར་ལ་དེས་གཡོག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སོ་གའི་དུས་ལ་བབ་པ་དང ། དགེ་སློང་དག་ཚ་བས་གདུང་སྟེ་ལུས་རྨྱ་ཞིང་ཤ་བྲི་ངན་པ་དང ། མདོག་ངན་པ་དང ། སྐྱ་བོ་སེང་སེང་པོར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་འདྲི་བར་མཛད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཅིའི་ཕྱིར་ད་ལྟར་དགེ་སློང་དག་ལུས་རྨྱ་ཞིང ། ཤ་བྲི་ངན་པ་དང ། མདོག་ངན་པ། སྐྱ་བོ་སེང་སེང་པོར་གྱུར། སྐབས་དེ། བཅོམ་ལྡན་འདས་ལ་རྒྱས་པར་གསོལ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་བས་ན། གནང་གི། འཁོར་གྱི་ཁྱམས་བྱའོ། །དགེ་སློང་དག་གིས་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ངོས་གསུམ་པར་བྱའོ། །དེ་དག་གིས་ནང་དུ་ནི། རྩིག་པ་བརྩིགས། ཕྱིར་ནི། ཀ་བའི་ཕྲེང་བ་བྱས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ནང་དུ་ནི། ཀ་བའི་ཕྲེང་བ་བྱའོ། །ཕྱི་རོལ་དུ་ནི། རྩིག་པ་</font><hr>Tha250a<br><font size=+2>


༄#། །བརྩིག་གོ་།སྐར་ཁུང་མ་གཏོད་པས་ཕྱིར་ཚ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་དག་གདོད་པར་བྱའོ། །དེ་དག་དམའ་བར་བཏོད་པས་ཉེ་དམིགས་དེ་ཉིད་དུ་གྱུར་ཏེ་བཅོམ་ལྡན་འདས་ཀྱིས་བཀའ་སྩལ་པ། བསྟོད་དེ་གདོད་པར་བྱའོ། །ཧ་ཅང་མཐོན་པོར་བཏོད་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་མཐོན་པོར་མི་གདོད་ཀྱི། འོན་ཀྱང་སྟན་དང་ཐད་ཀར་གདོད་པར་བྱའོ། །བྱེའུ་དང ། ཕུག་རོན་དག་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་དྲ་བ་ཅན་དུ་བྱའོ། །རླུང་དང་ཆར་པ་དག་གིས་གནོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྒོ་འཕར་གཞུག་པར་བྱའོ། །དགེ་སློང་དག་གིས་ཟན་ཟ་བ་ན་སྒོ་གཅད་པས་མུན་པ་གནག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཟན་ཟ་བའི་དུས་ཀྱི་ཚེ་དབྱེ་བར་བྱའོ། །དགེ་སློང་དག་ཚ་བའི་དུས་ན་ཀློག་པ་དང ། ཁ་ཏོན་བྱེད་པ་དང ། རྣམ་པར་ངེས་པའི་གཏམ་ལ་འཁོད་པའམ། ཆོས་གོས་ཀྱི་ལས་བྱེད་པའམ། ལས་ཀྱི་ཤིན་ཏུ་དུབ་པ་ན། དེར་རྡུལ་གཟན་དང ། ཤམ་ཐབས་གཉིས་གྱོན་ལ་འདུག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཆལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགའ་བོ་རབ་ཏུ་ཕྱུང ། བསྙེན་པར་རྫོགས་པ་མཛད་ནས་རི་བོ་སྤོས་ཀྱི་ངད་ལྡང་དང ། སུམ་ཅུ་རྩ་གསུམ་པའི་ལྷ་དང ། </font><hr>Tha250b<br><font size=+2>


སེམས་ཅན་དམྱལ་བ་དག་ཏུ་ཁྲིད་དེ་སླར་མཉན་ཡོད་དུ་ཁྲིད་པ་དང་དེ་གློ་བུར་བ་ཡིན་པས། དགེ་སློང་ཐམས་ཅད་ཀྱི་ངོ་མ་ཤེས་ཏེ། དེའི་ལུས་གསེར་གྱི་ཁ་དོག་ལྟ་བུ་མཚན་གྱིས་མངོན་པར་གསལ་བའི་ལུས་དེ་མཐོང་ནས་བཅོམ་ལྡན་འདས་གཤེགས་སོ། །སྙམ་ནས་དགེ་སློང་གནས་བརྟན་གནས་བརྟན་དག་ཀྱང་ལྡང་བར་བྱེད་དོ། །གང་གི་ཚེ་ཀུན་ཤེས་པར་གྱུར་པ་དེའི་ཚེ་འགྱོད་པ་སྐྱེས་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་ནི། སྟོན་པའོ། །འདི་ནི། གཞན་ནོ། །ཞེས་བདེ་བླག་ཏུ་ཤེས་པར་བྱ་བའི་ཕྱིར་དགའ་བོ་དང ། གཞན་ཡང་རུང ། གང་དེ་ལྟ་བུའི་ཆོས་གོས་ལ་མཚན་མས་གདབ་པར་བྱའོ། །སྡོམ་ནི། དགེ་སློང་རྣམས་ནི་བསྐྲད་པ་དང ། སོ་ཤིང་རྣམ་པ་གསུམ་དག་དང ། གཞོན་ནུ་བསྐྲད་པར་བྱ་བ་དང ། ཀུན་ཏུ་བསྐྲད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གིས་དང་པོ་བུམ་པ་དང ། ཕོ་ལོང་གི་སྦྱོར་བས་འབད་པ་དང ། སྒྲིམ་པ་དང ། བརྩལ་བས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་པ་དེའི་ཚེ། དེ་དག་གི་སྤྱོད་ལམ་དང ། སྤྱོད་པ་དག་ལ་སྒྲུབ་པ་དེས་སྐྱེ་བོ་མང་པོ་རྣམས་མངོན་པར་དད་དོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།གང་དག་གི་གྲོང་གི་</font><hr>Tha251a<br><font size=+2>


༄#། །ཞིང་ན་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་གནས་པའི་མི་དེ་དག་གི་རྙེད་པ་ནི། རྙེད་པ་ལེགས་པ་རྙེད་དོ། །བཅོམ་ལྡན་འདས་ཀྱི་བསྙེན་བཀུར་བ། ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱི་དྲུང་ན་སྤྱོད་ཅིང་གནས་པ་དེས། བཅོམ་ལྡན་འདས་ཀྱི་དགོངས་པ་རྟགས་སམ་གསུང་བ་ལས་ཤེས་ནས་དེས་དེ་དག་ལ། ཚེ་དང་ལྡན་པ་དག་།བཅོམ་ལྡན་འདས་ནི། ཁྱེད་ཀྱི་བསྔགས་པ་བརྗོད་ཅིང་གཟིགས་པར་ཡང་བཞེད་ཀྱི། ཁྱེད་འོང་བའི་རིགས་སོ། །ཞེས་སྤྲིང་ངོ ། །དེ་དག་གིས་ཐོས་ནས་ཕན་ཚུན་གླེང་བ། ཚེ་དང་ལྡན་པ་དག། བཅོམ་ལྡན་འདས་ནི། བདག་ཅག་གི་བསྔགས་པ་བརྗོད་ཅིང་གཟིགས་པར་ཡང་བཞེད་ཅེས་ཟེར་ན། དེ་ལ་ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། འདི་ལ་ཅི་ཞིག་སྒྲུབ་ཏུ་ཡོད། འདོང་མོད། དགྲ་བཅོམ་པ་རྣམས་ནི། མ་བསམ་པར་ཡེ་ཤེས་མཐོང་བ་མི་འཇུག་པས། གཞན་དག་ཅིག་གིས་སྨྲས་པ། ལེགས་ཏེ། འོན་ཀྱང་སྐྱེ་བོའི་ཚོགས་མང་པོ་དག་ལ་སྦྲན་ནས་འདོང་ངོ ། །དེ་ནས་དེ་དག་གིས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།ཤེས་པར་གྱིས་ཤིག་།བཅོམ་ལྡན་འདས་བདག་ཅག་གི་ཡོན་ཏན་བརྗོད་ཅིང་གཟིགས་པར་བཞེད་དེ། ཁྱེད་ལ་བལྟས་ནས་འདོང་བ་ཡིན་ནོ། །དེ་དག་གིས་སྨྲས་པ། ཚེ་དང་ལྡན་པ་དག། དེ་ལྟ་ན། བདག་ཅག་ཀྱང་འགྲོའོ། །དེ་ལྟར་གྱིས་ཤིག་།དེ་རྣམས་དེ་དག་དང་ལྷན་ཅིག་ཆས་ཏེ་རིམ་གྱིས་མཉན་ཡོད་དུ་ཕྱིན་པ་དང ། </font><hr>Tha251b<br><font size=+2>


དེ་ན་ཀུན་དགའ་ར་བར་དགེ་སློང་གློ་བུར་བ་དག་དང ། གཞི་པ་རྣམས་ཕན་ཚུན་ཡང་དག་པར་དགའ་བར་བྱེད་པའི་སྒྲ་མཐོན་པོ་སྒྲ་ཆེན་པོ་དང ། སྐྱེ་བོའི་ཚོགས་ཕལ་པོ་ཆེའི་སྒྲ་སྐད་བྱུང་བར་གྱུར་ཏོ། །བཅོམ་ལྡན་འདས་ཀྱིས་ཀུན་དགའ་ར་བར་སྒྲ་མཐོན་པོ་སྒྲ་ཆེན་པོ་དང ། སྐྱེ་བོའི་ཚོགས་ཕལ་པོ་ཆེའི་སྒྲ་སྐད་གསན་ཏེ། སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་འདྲི་བར་མཛད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཀུན་དགའ་ར་བར་སྒྲ་མཐོན་པོ་སྒྲ་ཆེན་པོ་དང ། སྐྱེ་བོའི་ཚོགས་ཕལ་པོ་ཆེའི་སྒྲ་སྐད་གྲག་པ་འོ་ནི་ཅི་ཞིག་།དེས་གསོལ་པ། བཙུན་པ། དེ་ནི། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱིས་སྐྱེ་བོ་མང་པོ་ལ་སྦྲན་ནས་དགེ་སློང་རབ་ཏུ་མང་པོ་དང་ལྷན་ཅིག་འདིར་མཆིས་ཏེ། དགེ་སློང་གཞི་པ་དང ། གློ་བུར་བ་རྣམས་ཕན་ཚུན་ཡང་དག་པར་དགའ་བར་བགྱིད་པའི་སྒྲ་མཐོན་པོ་སྒྲ་ཆེན་པོ་དང ། སྐྱེ་བོའི་ཚོགས་ཕལ་པོ་ཆེའི་སྒྲ་སྐད་ལགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ལ། དགེ་སློང་དག་།ཁྱེད་འདི་ན་མ་གནས་པར་དེངས་ཤིག་ཅེས་སྐྲོད་ཅིག་།བཙུན་པ། དེ་ལྟར་འཚལ་ལོ། །ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ནས་སྙན་ལྡན་གྱི་འགྲམ་གྱི་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་ཤེས་པར་</font><hr>Tha252a<br><font size=+2>


༄#། །གྱིས་ཤིག་།བཅོམ་ལྡན་འདས་ཀྱིས་ཁྱེད་འདི་ན་མ་གནས་པར་དེངས་ཤིག་ཅེས་བསྐྲད་དོ། །དེ་དག་བདག་ཅག་ནི། བཅོམ་ལྡན་འདས་ཀྱིས་བསྐྲད་དོ། །སྙམ་དུ་རིག་ནས་ལྷུང་བཟེད་དང་ཆོས་གོས་བླངས་ཏེ་ལྗོངས་རྒྱུ་ཞིང་དོང་ངོ ། ལན་གཉིས། ལན་གསུམ་དུ་ཡང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།གང་དག་གི་གྲོང་གི་ཞིང་ན་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་གནས་པའི་མི་དེ་དག་གི་རྙེད་པ་ནི། རྙེད་པ་ལེགས་པར་རྙེད་དོ། །ཞེས་བྱ་བ་ནས་དེ་དག་བདག་ཅག་ནི། བཅོམ་ལྡན་འདས་ཀྱིས་བསྐྲད་དོ། །སྙམ་ནས་ལྷུང་བཟེད་དང་ཆོས་གོས་བླངས་ཏེ་ལྗོངས་རྒྱུ་ཞིང་དོང་ངོ ། །ཞེས་བྱ་བའི་བར་སྔ་མ་བཞིན་ནོ། །ཡང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།གང་དག་གི་གྲོང་གི་ཞིང་ན་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་གནས་པའི་མི་དེ་དག་རྙེད་པ་ནི། རྙེད་པ་ལེགས་པར་རྙེད་དོ། །ཞེས་བྱ་བ་ནས་འོང་བའི་རིགས་སོ། །ཞེས་བྱ་བའི་བར་སྔ་མ་བཞིན་ནོ། །དེ་དག་ཕན་ཚུན་གླེང་པ། ཚེ་དང་ལྡན་པ་དག་།ཅིའི་ཕྱིར་བཅོམ་ལྡན་འདས་བདག་ཅག་གི་བསྔགས་པ་བརྗོད་ཅིང་གཟིགས་པར་ཡང་བཞེད་ལ། འོན་ཀྱང་སོང་རྒུན་བཅོམ་ལྡན་འདས་ཀྱི་བསྐྲད། གདོན་མི་ཟ་བར་བདག་ཅག་གིས་སྐྱེ་བོ་མང་པོ་ལ་སྦྲན་པས་བསྐྲད་ཀྱི། མ་ལ་ད་ནི། བདག་ཅག་གིས་མི་སྦྲན་པ་ཁོ་ནར་འདོང་ངོ ། །ཞེས་དེ་དག་གིས་མ་སྦྲན་པ་ཁོ་ནར་ཉི་ཚེ་བཅོམ་</font><hr>Tha252b<br><font size=+2>


ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་གཙུག་ལག་ཁང་ཞིག་ཏུ་དེ་བཞིན་གཤེགས་པ་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གི་ཁྲི་ཤོམས་ཤིག་།བཙུན་པ། དེ་ལྟར་འཚལ་ལོ།། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། གཙུག་ལག་ཁང་ཞིག་ཏུ་དེ་བཞིན་གཤེགས་པ་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གི་ཁྲི་བཤམས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱི་ཁྲི་གཙུག་ལག་ཁང་ཞིག་ཏུ་བཤམས་ལགས་ན། བཅོམ་ལྡན་འདས། ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱི་གཙུག་ལག་ཁང་གང་ན་བ་དེར་གཤེགས་སོ། །གཤེགས་ནས་གཙུག་ལག་ཁང་གི་ཕྱི་རོལ་ཏུ་ཞབས་བཀྲུས་ཏེ་གཙུག་ལག་ཁང་དུ་གཤེགས་ནས་ཁྲི་བཤམས་པ་ཉིད་ལ་སྐྱིལ་མོ་ཀྲུང་བཅས་ནས་སྐུ་དྲང་པོར་བསྲང་སྟེ་དགོངས་པ་མངོན་དུ་བཞག་ནས་</font><hr>Tha253a<br><font size=+2>


༄#། །བཞུགས་སོ། །ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་རང་གི་གཙུག་ལག་ཁང་གང་ན་བ་དེར་དོང་སྟེ་ཕྱིན་པ་དང ། གཙུག་ལག་ཁང་གི་ཕྱི་རོལ་ཏུ་རྐང་པ་བཀྲུས་ནས་གཙུག་ལག་ཁང་དུ་དོང་སྟེ། ཇི་ལྟར་བཏིང་པ་ལ་འཁོད་དོ། །དེ་ནས་བཅོམ་ལྡན་འདས་བསམ་གཏན་དང་པོ་ལ་སྙོམས་པར་ཞུགས་པ་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལ་སྙོམས་པར་ཞུགས་སོ། །བཅོམ་ལྡན་འདས་བསམ་གཏན་དང་པོ་ལས་བཞེངས་ནས་གཉིས་པ་དང ། གསུམ་པ་དང ། བཞི་པ་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་ཞུགས་པ་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལས་ལངས་ནས་གཉིས་པ་དང ། གསུམ་པ་དང ། བཞི་པ་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་བཞེངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་པ་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་</font><hr>Tha253b<br><font size=+2>


པའི་སྐྱེ་མཆེད་ལ་སྙོམས་པར་ཞུགས་སོ། །བཅོམ་ལྡན་འདས་ཅི་ཡང་མེད་པའི་སྐྱེ་མཆེད་ལས་བཞེངས་ནས་རྣམ་ཤེས་མཐའ་ཡས་སྐྱེ་མཆེད་དང ། ནམ་མཁའ་མཐའ་ཡས་སྐྱེ་མཆེད་དང ། བསམ་གཏན་བཞི་པ་དང ། གསུམ་པ་དང ། གཉིས་པ་དང ། དང་པོ་ལ་སྙོམས་པར་ཞུགས་པ་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་ཅི་ཡང་མེད་པའི་སྐྱེ་མཆེད་ལས་ལངས་ནས་རྣམ་ཤེས་མཐའ་ཡས་སྐྱེ་མཆེད་དང ། ནམ་མཁའ་མཐའ་ཡས་སྐྱེད་མཆེད་ལ་སྙོམས་པར་ཞུགས་ནས་བསམ་གཏན་བཞི་པ་དང ། གསུམ་པ་དང ། གཉིས་པ་དང ། བསམ་གཏན་དང་པོ་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་སོ། །ང་བསམ་གཏན་དང་པོ་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་ཀྱང་བསམ་གཏན་དང་པོ་ལ་སྙོམས་པར་ཞུགས་སོ། །ང་བསམ་གཏན་དང་པོ་ལས་ལངས་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལས་ལངས་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་སོ། །ང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས། </font><hr>Tha254a<br><font size=+2>


༄#། །ང་ཅི་ཡང་མེད་པའི་སྐྱེ་མཆེད་ལས་ལངས་ནས་བསམ་གཏན་དང་པོའི་བར་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་ཅི་ཡང་མེད་པའི་སྐྱེ་མཆེད་ལས་ལངས་ཏེ་བསམ་གཏན་དང་པོའི་བར་ལ་སྙོམས་པར་ཞུགས་ཀྱི། མ་ལ་ད་ནི། ང་རྣམ་པ་དེ་དག་དང ། རྟགས་དེ་དག་དང ། རྒྱུ་མཚན་དེ་དག་གིས་གང་ལ་ཉན་ཐོས་དང ། རང་སངས་རྒྱས་ཐམས་ཅད་རྡུགས་པའི་བསམ་གཏན་དང་པོ་རྫོགས་པར་བྱས་ཏེ་གནས་པར་བྱའོ། །སྙམ་དུ་དགོངས་སོ། །དེ་ནས་བཅོམ་ལྡན་འདས་རྣམ་པ་དེ་དག་དང ། རྟགས་དེ་དག་དང ། རྒྱུ་མཚན་དེ་དག་གིས་གང་ལ་ཉན་ཐོས་དང ། རང་སངས་རྒྱས་ཐམས་ཅད་རྡུགས་པའི་བསམ་གཏན་དང་པོ་རྫོགས་པར་བྱས་ཏེ་བཞུགས་སོ། །དེ་ནས་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་འདི་སྙམ་དུ་སེམས་ཏེ། ཚེ་དང་ལྡན་པ་དག། ཤེས་པར་གྱིས་ཤིག། ད་ལྟར་བཅོམ་ལྡན་འདས་ནི། ཉིད་ཀྱི་གནས་པས་གནས་ཀྱི། མ་ལ་བདག་ཅག་ཀྱང་རང་གི་གནས་པས་གནས་པར་བྱའོ། །ཞེས་དེ་དག་ཀྱང་རང་གི་གནས་པས་གནས་པར་བརྩམས་སོ། །དེ་ནས་བཅོམ་ལྡན་འདས་ནང་པར་སྔར་ཏིང་ངེ་འཛིན་དེ་ལས་བཞེངས་ཏེ་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། </font><hr>Tha254b<br><font size=+2>


བཙུན་པ། བཅོམ་ལྡན་འདས་ཡང་དང་ཡང་དུ་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གི་བསྔགས་པ་བརྗོད་ཅིང་གཟིགས་པར་ཡང་བཞེད་ལ། འོན་ཀྱང་དེ་དག་ལ་བཅོམ་ལྡན་འདས་ཀྱིས་ཡང་དག་པར་དགའ་བར་ནི། མ་མཛད་དོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་བཞིན་གཤེགས་པས། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ལ་ཡང ། འཕགས་པའི་ཡང་དག་པར་དགའ་བས་ཡང་དག་པར་དགའ་བར་བྱས་སོ། །བཙུན་པ། ཇི་ཙམ་གྱིས་ན། འཕགས་པའི་ཆོས་འདུལ་བ་ལ་འཕགས་པའི་སོ་སོ་ཡང་དག་པར་དགའ་བ་ལགས། ཇི་ལྟར་ན། བཅོམ་ལྡན་འདས་ཀྱིས་འཕགས་པའི་ཡང་དག་པར་དགའ་བས་ཡང་དག་པར་དགའ་བར་མཛད་ལགས། ཀུན་དགའ་བོ། འདི་ན་ང་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གི་གཙུག་ལག་ཁང་གང་ན་བ་དེར་སོང་སྟེ་ཕྱིན་པ་དང ། གཙུག་ལག་ཁང་གི་ཕྱི་རོལ་ཏུ་ཞབས་བཀྲུས་ཏེ་གཙུག་ལག་ཁང་དུ་གཤེགས་ནས་སྟན་བཤམས་པ་ཉིད་ལ་སྐྱིལ་མོ་ཀྲུང་བཅས་ནས་ལུས་དྲང་པོར་བསྲང་སྟེ་དྲན་པ་མངོན་དུ་བཞག་ནས་འདུག་གོ། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་གཙུག་ལག་ཁང་གི་ཕྱི་རོལ་དུ་རྐང་པ་བཀྲུས་ནས་གཙུག་ལག་ཁང་དུ་དོང་སྟེ་རང་གི་སྟན་བཤམས་པ་ལ་སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲང་ནས་དྲན་པ་མངོན་དུ་བཞག་སྟེ་འཁོད་དོ། །ང་བསམ་གཏན་དང་པོ་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལ་སྙོམས་པར་ཞུགས་སོ། །ང་བསམ་གཏན་དང་པོ་ལས་</font><hr>Tha255a<br><font size=+2>


༄#། །ལངས་ཏེ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལས་ལངས་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་སོ། །ང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་སོ། །ང་ཅི་ཡང་མེད་པའི་སྐྱེ་མཆེད་ལས་ལངས་ནས་སྔ་མ་བཞིན་དུ་བསམ་གཏན་དང་པོའི་བར་ལ་སྙོམས་པར་ཞུགས་པ་དང ། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་ཅི་ཡང་མེད་པའི་སྐྱེ་མཆེད་ལས་ལངས་ནས་སྔ་མ་བཞིན་དུ་བསམ་གཏན་དང་པོའི་བར་ལ་སྙོམས་པར་ཞུགས་སོ། །དེ་ལ་ང་འདི་སྙམ་དུ་སེམས་ཏེ། ང་བསམ་གཏན་དང་པོ་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལ་སྙོམས་པར་ཞུགས། ང་བསམ་གཏན་དང་པོ་ལས་ལངས་ཏེ་སྔ་མ་བཞིན་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལས་ལངས་ནས་སྔ་མ་བཞིན་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་</font><hr>Tha255b<br><font size=+2>


བར་ལ་སྙོམས་པར་ཞུགས། ང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས། ང་ཅི་ཡང་མེད་པའི་སྐྱེ་མཆེད་ལས་ལངས་ནས་སྔ་མ་བཞིན་དུ་བསམ་གཏན་དང་པོའི་བར་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་ཀྱང ། ཅི་ཡང་མེད་པའི་སྐྱེ་མཆེད་ལས་ལངས་ནས་སྔ་མ་བཞིན་དུ་བསམ་གཏན་དང་པོའི་བར་ལ་སྙོམས་པར་ཞུགས་ཀྱི། མ་ལ་ད་ནི། ང་རྣམ་པ་དེ་དག་དང ། རྟགས་དེ་དག་དང ། རྒྱུ་མཚན་དེ་དག་གིས་གང་ལ་ཉན་ཐོས་དང ། རང་སངས་རྒྱས་ཐམས་ཅད་རྡུགས་པ་བསམ་གཏན་དང་པོ་རྫོགས་པར་བྱས་ཏེ་གནས་པར་བྱའོ།། སྙམ་ནས་ང་རྣམ་པ་དེ་དག་དང ། རྟགས་དེ་དག་དང ། རྒྱུ་མཚན་དེ་དག་གིས་གང་ལ་ཉན་ཐོས་དང ། རང་སངས་རྒྱས་ཐམས་ཅད་རྡུགས་པ་བསམ་གཏན་དང་པོ་རྫོགས་པར་བྱས་ཏེ་གནས་སོ། ། དེ་ནས་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་འདི་སྙམ་དུ་སེམས་ཏེ། ཚེ་དང་ལྡན་པ་དག། བཅོམ་ལྡན་འདས་ནི། ད་ལྟར་ཉིད་ཀྱི་གནས་པས་གནས་ཀྱི། མ་ལ་བདག་ཅག་ཀྱང་རང་གི་གནས་པས་གནས་པར་བྱའོ། །སྙམ་ནས་དེ་དག་ཀྱང་རང་གི་གནས་པས་བརྩམས་ཏེ། ཀུན་དགའ་བོ། དེ་ཙམ་གྱིས་ནི། འཕགས་པའི་ཆོས་འདུལ་བ་ལ་འཕགས་པའི་ཡང་དག་པར་དགའ་བ་ཡིན་</font><hr>Tha256a<br><font size=+2>


༄#། །ཞིང ། དེ་ལྟར་ན། འཕགས་པའི་ཡང་དག་པར་དགའ་བས། ཡང་དག་པར་དགའ་བར་བྱས་པ་ཡིན་ནོ། །བཙུན་པ། འཕགས་པའི་ཆོས་འདུལ་བ་ལ་འཕགས་པའི་ཡང་དག་པར་དགའ་བ་ནི། བཟང་ངོ ། །བཙུན་པ། འཕགས་པའི་ཆོས་འདུལ་བ་ལ་འཕགས་པའི་ཡང་དག་པར་དགའ་བ་ནི། ཤིན་ཏུ་བཟང་སྟེ། བཅོམ་ལྡན་འདས་ཀྱི་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་ཀྱང་འཕགས་པའི་ཡང་དག་པར་དགའ་བས་ཡང་དག་པར་དགའ་བར་མཛད་དོ། །བཅོམ་ལྡན་འདས་ཀྱིས་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་འཕགས་པའི་ཡང་དག་པར་དགའ་བས་ཡང་དག་པར་དགའ་བར་མཛད་དོ། །ཞེས་ཀུན་ཏུ་གྲགས་པ་ཉེ་འཁོར་ན་འཁོད་པའི་བྲམ་ཟེ་དང ། ཁྱིམ་བདག་རྣམས་ཀྱིས་ཐོས་ནས་དེ་རྣམས་བལྟ་བའི་ཕྱིར་འོངས་པ་དང ། དེ་དག་ཉེ་བར་འོངས་པ་དེ་རྣམས་ལ་ཆོས་སྟོན་པར་བྱེད་དོ། །དེ་དག་ལ་ཆོས་སྟོན་པ་ན་ཁ་ནས་དྲི་མི་ཞིམ་པ་བྱུང་ནས་དེ་དག་ཕན་ཚུན་དུ་བལྟས་ནས་དྲིས་པ། འཕགས་པ། དྲི་མི་ཞིམ་པ་འདི་སུ་ལས་བྱུང ། དེ་དག་གིས་སྨྲས་པ། ཚེ་དང་ལྡན་པ་དག། ཁོ་བོ་ཅག་གི་ཁ་ནས་བྱུང་ངོ ། །དེ་དག་གིས་སྨྲས་པ། འཕགས་པ་དག་།ཅི། ཁྱེད་སོ་ཤིང་མི་འདོར་རམ། ཚེ་དང་ལྡན་པ་དག་།མི་འདོར་རོ། །འཕགས་པ། ཅིའི་སླད་དུ། ཚེ་དང་ལྡན་པ་དག། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཅི། ཁྱེད་སོ་ཤིང་མ་ཟོས་པས་ཡོངས་སུ་དག་པར་འགྱུར་རམ། དེ་དག་ཅང་མི་ཟེར་བར་འཁོད་དོ། །སྐབས་</font><hr>Tha256b<br><font size=+2>


དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། བྲམ་ཟེ་དང ། ཁྱིམ་བདག་དག་གིས་ལེགས་པར་སྨྲས་སོ། །དེ་བས་ན། གནང་གི། དགེ་སློང་དག་གིས་སོ་ཤིང་དོར་བར་བྱའོ། །དེ་ཅིའི་ཕྱིར་ཞེ་ན། དགེ་སློང་དག། སོ་ཤིང་ལ་ཡོན་ཏན་ལྔ་སྟེ། ལྔ་གང་ཞེ་ན། མཁྲིས་པ་འདྲེན་པར་བྱེད། བད་ཀན་འདྲེན་པར་བྱེད། ཁའི་དྲི་མི་ཞིམ་པ་སེལ་བར་བྱེད། ཡི་ག་འབྱེད་པར་བྱེད་ཅིང ། དགེ་སློང་དག། སོ་ཤིང་ནི། མིག་ལ་ཕན་པ་ཡིན་ནོ། །བཅོམ་ལྡན་འདས་ཀྱིས་སོ་ཤིང་དོར་བར་བྱའོ། །ཞེས་གསུངས་པ་དང ། ཇི་ཙམ་ན་དགེ་སློང་གཞོན་ནུ་ཞིག་གིས་མི་དབེན་པར་འདུག་སྟེ་སོ་ཤིང་ཐུང་ངུ་ཞིག་དོར་བར་བརྩམས་པ་ན། བཅོམ་ལྡན་འདས་ཀྱང་ཕྱོགས་དེར་གཤེགས་སོ། །དེ་ནས་དགེ་སློང་དེས་བཅོམ་ལྡན་འདས་མཐོང་བ་དང་སྤ་གོང་བར་གྱུར་ནས་དེ་འདི་སྙམ་དུ་སེམས་ཏེ། བདག་གིས་བཅོམ་ལྡན་འདས་ཀྱི་སྤྱན་སྔར་ཁ་གདང་སྟེ་སོ་ཤིང་བཟའ་བ་གང་ཡིན་པ་ནི། བདག་གི་ཆ་མ་ཡིན་ནོ། །སྙམ་ནས། དེས་མིད་པ་དང་མགྲིན་པར་ཐོགས་སོ། །སངས་རྒྱས་བཅོམ་ལྡན་འདས་རྣམས་ནི། བསྙེལ་བ་མི་མངའ་བའི་ཆོས་ཅན་ཡིན་ཏེ། དེ་ནས་བཅོམ་ལྡན་འདས་ཀྱིས་ཕྱག་གཡོན་པ་འཁོར་ལོ་དང ། བཀྲ་ཤིས་དང ། གཡུང་དྲུང་ཅན་བསོད་ནམས་བརྒྱ་ཕྲག་དུ་མ་དུ་མ་ལས་སྐྱེས་པ། འཇིགས་པ་རྣམས་ལ་དབུགས་འབྱིན་པར་མཛད་པས་མགོ་ནས་མནན་ཏེ་ཕྱག་གཡས་པའི་མཛུབ་མོ་བཀུག་པས། ཁྲག་དང་བཅས་</font><hr>Tha257a<br><font size=+2>


༄#། །ཏེ་ཁ་ནས་ཕྱུང་སྟེ་དགེ་སློང་དེ་ལ་བཀའ་སྩལ་པ། དགེ་སློང ། འདི་ཅི་ཡིན། དེས་སྐབས་དེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་མི་དབེན་པར་སོ་ཤིང་ཟ་བ་ལས་གྱུར་ཏོ། །སྙམ་དུ་མཁྱེན་ནས། དགེ་སློང་དག་ལ་བཀའ་སྩལ་པ། དགེ་སློང་དག། དགེ་སློང་གཞོན་ནུ་ཆེ་གེ་མོ་ཞིག་གིས་མི་དབེན་པར་འདུག་སྟེ་སོ་ཤིང་ཐུང་ངུ་ཞིག་ཟོས་པ་དང ། དེ་ལ་ཉེས་དམིགས་འདི་ལྟ་བུ་བྱུང་ངོ ། །དེ་ལྟ་བས་ན། དགེ་སློང་གིས་མི་དབེན་པར་འདུག་སྟེ་སོ་ཤིང་བཟའ་བར་མི་བྱ། ཐུང་ངུ་ཡང་མི་བྱའོ། །དགེ་སློང་མི་དབེན་པར་འདུག་སྟེ་སོ་ཤིང་ཟའམ། ཐུང་ངུར་བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་མི་དབེན་པར་འདུག་སྟེ་སོ་ཤིང་བཟའ་བར་མི་བྱའོ། །ཞེས་གསུངས་པ་དང ། དགེ་སློང་གསར་བུ་རྣམས་གནས་བརྟན་དག་གི་ནང་དུ་འདུག་ནས་སོ་ཤིང་ཟ་བར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གསར་བུ་དག་གནས་བརྟན་རྣམས་ཀྱི་ནང་ན་འདུག་ཅིང་སོ་ཤིང་བཟའ་བར་མི་བྱ། མི་དབེན་པར་ཡང་མི་བྱའི། འོན་ཀྱང་གསུམ་ནི། དབེན་པར་བྱ་སྟེ། བཤང་བ་དང ། གཅི་བ་དང ། སོ་ཤིང་བཟའ་བའོ། །བཅོམ་ལྡན་འདས་ཀྱིས་སོ་ཤིང་ཐུང་ངུ་བཟའ་བར་མི་བྱའོ། །ཞེས་གསུངས་པ་དང ། དྲུག་སྡེ་རྣམས་ལྕུག་མ་རིང་པོ་རིང་པོ་དག་ཟ་བར་རྩོམ་པ། དགེ་</font><hr>Tha257b<br><font size=+2>


སློང་དག་གིས་མཐོང་ནས་སྨོད་དེ། ཚེ་དང་ལྡན་པ་དག་།ཅི། ལྷག་ཆད་དུ་ཕྱེད་དམ། འདི་ལ་ལྷག་ཆད་ཅི་ཞིག་ཡོད། ཁྱེད་ཀྱིས་དགེ་སློང་སོ་ཤིང་ཐུང་ངུ་ཟོས་ཏེ་དེའུ་ཤི་བ་ལས། བཅོམ་ལྡན་འདས་ཀྱིས་བསྐྱབས་པ་མ་མཐོང་ངམ། ཅི། ཁྱེད་ཅག་ངེད་ཀྱི་ལྷུང་བཟེད་དང ། ཆོས་གོས་འདོད་དམ། འདི་ལ་ཕན་ཡོན་གཞན་དག་ཀྱང་ཡོད་དེ། རྫ་མའི་འོག་ཏུ་འབུད་པ་དང ། དགེ་སྦྱོང་བརྡབ་པའོ། །དེ་དག་ཅང་མི་ཟེར་བར་འཁོད་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་སོ་ཤིང་ཧ་ཅང་རིང་པོ་བཟའ་བར་མི་བྱ་སྟེ། དགེ་སློང་སོ་ཤིང་ཧ་ཅང་རིང་པོ་ཟ་བར་བྱེད་ན། འགལ་ཚབས་ཅན་དུ་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅོ་ལྔ་པ། བཅོམ་ལྡན་འདས་ཀྱིས་དགེ་སློང་གི་སོ་ཤིང་རིང་པོ་བཟའ་བར་མི་བྱའོ། །ཞེས་གསུངས་པ་དང ། དགེ་སློང་དག་གིས་ཚད་ཇི་ཙམ་བཟའ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཤིང་རྣམ་པ་གསུམ་སྟེ། རིང་པོ་དང ། འབྲིང་དང ། ཐུང་ངུའོ། །རིང་པོ་ནི། སོར་བཅུ་གཉིས་སོ། །ཐུང་ངུ་ནི། སོར་བརྒྱད་དོ། །དེའི་བར་ནི། འབྲིང་པོའོ། །བཅོམ་ལྡན་འདས་ཀྱིས་ཕྱོགས་དབེན་པ་དག་ཏུ་སོ་ཤིང་བཟའ་བར་བྱའོ། །ཞེས་གསུངས་པ་དང ། ནད་པ་དང ། རྒན་པོ་འཁོགས་པ་དག་གིས་གནས་དབེན་པར་འགྲོ་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཆོལ་ཟངས་</font><hr>Tha258a<br><font size=+2>


༄#། །གཞག་པར་བྱའོ། །དགེ་སློང་དག་གིས་ཁང་བཟང་དུ་དེ་བཞིན་གྱོ་མོ་དག་ཉེ་བར་བཞག་པ་དང ། དེ་ལ་རྐང་པས་རེག་པས་འགྱེལ་ཏེ་ས་གཞི་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གླང་པོ་ཆེའི་རྐང་པ་ལྟ་བུ་དག་ཉེ་བར་གཞག་པར་བྱའོ། །གཞན་དག་གིས་ཆོལ་ཟངས་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཆུ་ཁུང་གི་སྒོར་བཟའ་བར་བྱའོ། །དགེ་སློང་དག་།ཆུ་ཁུང་གི་སྒོ་ནས་ཧ་ཅང་ཐག་རིང་བ་ནས་ཟ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཆུ་ཁུང་གི་སྒོ་ནས་ཁྲུ་གང་ཉེ་འཁོར་དུ་འདུག་སྟེ་བཟའ་བར་བྱའོ། །བཅོམ་ལྡན་འདས་ཀྱི་སོ་ཤིང་བཟའ་བར་བྱའོ། །ཞེས་གསུངས་པ་དང ། དགེ་སློང་དག་གིས་སོ་ཤིང་ཟ་ཞིང་ལྕེ་མ་བཞར་བས་ཉེས་དམིགས་དེ་ཉིད་དུ་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། སོ་ཤིང་ཟོས་ནས་ལྕེ་བཞར་བར་བྱའོ། །བཅོམ་ལྡན་འདས་ཀྱིས་སོ་ཤིང་ཟོས་ནས་ལྕེ་བཞར་བར་བྱའོ། །ཞེས་གསུངས་པ་དང ། དགེ་སློང་རྣམས་ཅི་ཞིག་གིས་ལྕེ་བཞར་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། ལྕེ་བཞར་བཅང་བར་བྱའོ། །བཅོམ་ལྡན་འདས་ཀྱིས་ལྕེ་བཞར་བཅང་བར་བྱའོ། །ཞེས་གསུངས་པ་དང ། དྲུག་སྡེ་རྣམས་ཀྱིས་གསེར་དང ། དངུལ་དང ། བཻཌཱུརྱ་དང ། ཤེལ་ལས་བྱས་པའི་ལྕེ་བཞར་བཅངས་པ་བྲམ་ཟེ་དང ། ཁྱིམ་བདག་གིས་མཐོང་ནས་སྨྲས་པ། འཕགས་པ། འདི་ཅི་ཞིག། </font><hr>Tha258b<br><font size=+2>


བཞིན་བཟང་བཅོམ་ལྡན་འདས་ཀྱིས་ལྕེ་བཞར་གནང་ངོ ། །འཕགས་པ། ཅི། དགེ་སྦྱོང་ཁྱེད་འདོད་པའི་ཡོན་ཏན་གྱིས་གཟིར་ཏམ། དེ་དག་ཅང་མི་ཟེར་བར་འཁོད་དོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལྕེ་བཞར་བཞི་བཅང་བར་བྱ་སྟེ། ར་གན་དང ། ཟངས་དང ། ལྕགས་དང ། འཁར་བའོ། །དགེ་སློང་དག་གིས་རྣོན་པོར་བྱས་ནས་བཅོམ་ལྡན་འདས་ཀྱིས་བཀའ་སྩལ་པ། རྣོན་པོར་མི་བྱའོ། །བཅོམ་ལྡན་འདས་ཀྱིས་ལྕེ་བཞར་བཞི་བཅང་བར་བྱའོ། །ཞེས་གསུངས་པ་དང ། དགེ་སློང་ཁ་ཅིག་གིས་མ་འབྱོར་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་གིས་མ་འབྱོར་པ་དེ་དག་གིས་སོ་ཤིང་དེ་ཉིད་བཀས་ཏེ་ལྕེ་བཞར་བར་བྱའོ། །དགེ་སློང་དག་གིས་སོ་ཤིང་བཀས་ནས་མ་སྦྱངས་པ་ལྕེ་བཞར་བ་དང་སྣད་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཤིང་བཀས་ཏེ་ཕན་ཚུན་དྲུད་ནས་ལྕེ་བཞར་བར་བྱའོ། །དགེ་སློང་དག་གིས་སོ་ཤིང་ཟོས་ནས་སྒྲ་མ་བྱུང་བར་དེ་བཞིན་བོར་བ་དང ། གཙུག་ལག་ཁང་དེ་ན་གནས་པ་དག་གི་མགོར་ཕོག་སྟེ་དེ་དག་འཕྱ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་མི་འདོར་གྱི། འོན་ཀྱང་སྒྲ་དབྱུང་བར་བྱའོ། །དགེ་སློང་དག། སོ་ཤིང་དོར་བ་ན་སྒྲ་འབྱིན་གྱི། གཞན་ཡང་གང་ཅུང་ཟད་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུག་པ་དང ། འཁྲུ་བ་དག་དེ་བཞིན་བོར་བ་དང ། ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་</font><hr>Tha259a<br><font size=+2>


༄#། །བཀའ་སྩལ་པ། གང་ཅུང་ཟད་བཤང་པ་དང ། གཅི་བ་ལ་སོགས་པ་ཐམས་ཅད་ལ་སྒྲ་དབྱུང་ཞིང་དོར་བར་བྱའོ། །བཅོམ་ལྡན་འདས་ཀྱིས་སོ་ཤིང་བཟའ་བར་བྱའོ། །ཞེས་གསུངས་པ་དང ། དགེ་སློང་དག་ལམ་དུ་ཞུགས་པ་ན། ལམ་དུ་ཞུགས་པ་དེ་རྣམས་ལ་ཕྱོགས་ཁ་ཅིག་ན་ཤིང་དང ། ལོ་མ་དང ། ཡལ་ག་མེད་དེ། སོ་ཤིང་མ་རྙེད་ནས་དེ་དག་ཟན་གཅོད་པར་བྱེད་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཟན་གཅད་པར་མི་བྱའི། འོན་ཀྱང་ལྕི་བའི་ཕྱེ་མའམ། ལྕིབས་ཁ་རུང་བར་བྱས་ལ་ལན་གསུམ་བཤལ་ནས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཤཱ་རིའི་བུ་ལ་དགེ་ཚུལ་ཙུནད་དང ། སྒྲ་གཅན་ཟིན་དང་གཉིས་ཡོད་དོ། །དེ་ནས་དུས་གཞན་ཞིག་ན་ཚེ་དང་ལྡན་པ་ཤཱ་རིའི་བུ་ལྗོངས་རྒྱུར་ཆས་པ་ན། དགེ་སྦྱོང་གི་ཆེད་དུ་ཙུནྡན་དང ། སྒྲ་གཅན་ཟིན་ལ་སྨྲས་པ། དགེ་ཚུལ་དག་།ང་ནི། ལྗོངས་རྒྱུ་ཞིང་འགྲོ་ན། ཁྱེད་འདུག་གམ། འོན་ཏེ་འགྲོ། ཚེ་དང་ལྡན་པ་ཙུནྡས་སྨྲས་པ། མཁན་པོ། བདག་ནི། ཁྱོད་ཁོ་ན་དང་ལྷན་ཅིག་མཆིའོ། །སྒྲ་གཅན་ཟིན་གྱིས་སྨྲས་པ། མཁན་པོ། བདག་ནི། འདི་ཉིད་ན་མཆིས་སོ། །ཚེ་དང་ལྡན་པ་ཤཱ་རིའི་བུས་སྨྲས་པ། སྒྲ་གཅན་ཟིན། གལ་ཏེ་དེ་ལྟ་ན། སུ་ལ་གཏད། དེས་སྨྲས་པ། མཁན་པོ། བཙུན་པ་འཆར་ཀ་ལ་གཏད་</font><hr>Tha259b<br><font size=+2>


དུ་གསོལ། དེའི་དྲུང་ན་མཆིས་སོ། །དེས་སྨྲས་པ། སྒྲ་གཅན་ཡིན། དེ་ནི། གནས་ངན་ལེན་ཀུན་ཏུ་སྤྱོད་པ་ཡིན་པས། ཁྱོད་ལ་གནོད་པ་བྱེད་པར་མི་འགྱུར་གྲང ། མཁན་པོ། དེ་ནི། བདག་གི་ཕ་མ་དང ། འདྲ་བར་གནས་པ་ལགས་པས། དེས་གནོད་པ་ཅི་ཞིག་བགྱིད་པར་འགྱུར། དེས་དེ་ལ་གཏད་ནས་ལྗོངས་རྒྱུར་ཆས་པ་དང ། དེ་དང་སྒྲ་གཅན་ཟིན་ཡང་གཙུག་ལག་ཁང་ནས་བྱུང་ངོ ། །དེས་སྨྲས་པ། སྒྲ་གཅན་ཟིན། འདི་དང ། འདི་གྱིས་ཤིག་།དེས་སྨྲས་པ། མི་བྱེད་དོ། །འཆར་ཀ་ཁྲོས་ཏེ་སྨྲས་པ། བླུན་པོ། འདི་ཙམ་ཡང་མི་བྱ་ན། གཞན་ཅི་ཞིག་བྱ། དེས་སྨྲས་པ། ཅི། ཁྱོད་ངའི་སློབ་དཔོན་ཡིན་ནམ། མཁན་པོ་ཡིན་ནམ། མི་བྱེད་དོ། །འཆར་ཀ་ཇེ་ཁྲོས་ནས་དེས་དེའི་མགུལ་ནས་བཟུང་སྟེ་གཙུག་ལག་ཁང་ནས་བསྐྲད་པ་དང ། དེ་རྒྱལ་བྱེད་ཀྱི་ཚལ་གྱི་སྒོ་ན་ངུ་ཞིང་འདུག་གོ། །སྐྱེ་རྒུའི་བདག་མོ་ཆེན་མོ་གོའུ་ཏ་མི་འཁོར་ལྔ་བརྒྱ་དང་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་རྒྱལ་བྱེད་ཀྱི་ཚལ་དུ་འོངས་པ་དང ། དེས་དེ་དུ་བ་མཐོང་ནས་སྨྲས་པ། འཕགས་པ་སྒྲ་གཅན་ཟིན། ཅི་སྟེ་བཤུམས། གོའུ་ཏ་མི། བདག་བསྐྲད་དོ། །སུ་ཞིག་གིས། ཚེ་དང་ལྡན་པ་འཆར་ཀས་སོ། །དེས་བསམ་པ། བདག་གིས་སངས་རྒྱས་ཀྱི་སྲས་ལ་རྒྱབ་བསྟན་ཏེ་འགྲོ་བ་གང་ཡིན་པ་ནི། བདག་གི་ཆ་མ་ཡིན་ནོ། ། སྙམ་ནས་དེ་དག་གིས་དེ་བསྐོར་ཏེ་འཁོད་དོ། །ཇི་ཙམ་ན་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འོངས་པ་དང ། དེས་ཀྱང་དེ་ལ་དྲི་བར་བརྩམས་པ། འཕགས་</font><hr>Tha260a<br><font size=+2>


༄#། །པ་སྒྲ་གཅན་ཟིན། ཅི་སྟེ་བཤུམས། དེས་ཇི་ལྟར་གྱུར་པ་བསྙད་པ་དང ། དེས་ཀྱང་བསམ་པ། བདག་གིས་སངས་རྒྱས་ཀྱི་སྲས་དང ། སངས་རྒྱས་ཀྱི་སྲུ་ལ་རྒྱབ་བསྟན་ཏེ་འགྲོ་བ་གང་ཡིན་པ་ནི། བདག་གི་ཆ་མ་ཡིན་ནོ། །སྙམ་ནས་དེས་ཀྱང་དེ་བསྐོར་ཏེ་འདུག་གོ་།ཐེག་གི་ཙམ་ན་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འོངས་ཏེ། དེས་ཀྱང་དེ་ལ་དྲི་བར་བརྩམས་པ། ཚེ་དང་ལྡན་པ་སྒྲ་གཅན་ཟིན། ཅི་སྟེ་བཤུམས། དེས་ཇི་ལྟར་གྱུར་པ་བསྙད་པ་དང ། དེས་བསམ་པ། བདག་གིས་སངས་རྒྱས་ཀྱི་སྲས་དང ། སངས་རྒྱས་ཀྱི་སྲུ་དང ། རྒྱལ་པོ་ལ་རྒྱབ་བསྟན་ཏེ་འགྲོ་བ་གང་ཡིན་པ་ནི། བདག་གི་ཆ་མ་ཡིན་ནོ། །སྙམ་ནས་དེས་ཀྱང་དེ་བསྐོར་ཏེ་འདུག་གོ། བར་སྐབས་དེར་ཀུན་དགའ་ར་བའི་ནང་དུ་སྒྲ་མཐོན་པོ་སྒྲ་ཆེན་པོ་དང་སྐྱེ་བོའི་ཚོགས་ཕལ་པོ་ཆེའི་སྒྲ་སྐད་བྱུང་བར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཀུན་དགའ་ར་བ་ན་སྒྲ་མཐོན་པོ་སྒྲ་ཆེན་པོ་དང ། སྐྱེ་བོའི་ཚོགས་ཕལ་པོ་ཆེའི་སྒྲ་སྐད་དྲག་པའོ་ནི་ཅི་ཞིག་།དེས་གནས་སྐབས་དེ། བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དགེ་སློང་དག་དགེ་སློང་དགེ་འདུན་གྱིས་གཙུག་ལག་ཁང་ནས་སྐྲོད་པར་བྱེད་དམ། བཅོམ་ལྡན་འདས། སྐྲོད་པར་བགྱིད་དོ། </font><hr>Tha260b<br><font size=+2>


བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དགེ་སློང་ནི། རང་གི་གནས་ཁང་ལ་དབང་གི་།དགེ་འདུན་གྱི་གཙུག་ལག་ཁང་ལ་ནི། མ་ཡིན་ནོ། །དེ་ལྟ་བས་ན། དགེ་སློང་གིས་དགེ་སློང་དགེ་འདུན་གྱི་གཙུག་ལག་ཁང་ནས་བསྐྲད་པར་མི་བྱའོ། །སྐྲོད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་དགེ་སློང་དགེ་འདུན་གྱི་གཙུག་ལག་ཁང་ནས་བསྐྲད་པར་མི་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ལྷན་ཅིག་གནས་པ་དང ། ཉེ་གནས་དག་ལ་ཅུང་ཟད་ཀྱང་མ་སྨྲས་པས། དེ་དག་དབང་དུ་མ་གྱུར་ཅིང་མ་དུལ་ནས་བཅོམ་ལྡན་འདས་ཀྱིས་བཀའ་སྩལ་པ། ཐུལ་གཞུག་པར་བྱའོ། །བཅོམ་ལྡན་འདས་ཀྱིས་ཐུལ་གཞུག་པར་བྱའོ། །ཞེས་བཀའ་སྩལ་ནས། དེ་དག་གིས་ཇི་ལྟར་ཐུལ་གཞུག་པར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཐུལ་གཞུག་པ་ནི། ལྔ་སྟེ། མི་སྨྲ་བ་དང ། མི་གདམས་པ་དང ། ལོངས་མི་སྤྱད་པ་དང ། དགེ་བའི་ཕྱོགས་རྒྱུན་གཅད་པ་དང ། གནས་དགག་པའོ། །དེ་ལ་མི་སྨྲ་བ་ནི། སྨྲ་པར་མི་བྱ་བ་དང ། ཀུན་ཏུ་སྨྲ་བར་མི་བྱའོ། །མི་གདམས་པ་ནི། གདམས་པར་མི་བྱ་བ་དང ། རྗེས་སུ་བསྟན་པར་མི་བྱའོ། །ལོངས་མི་སྤྱད་པ་ནི། དེ་དག་ལས་རིམ་གྲོ་བདག་གིར་མི་བྱ་བ་དང ། ཟང་ཟིང་གི་ལོངས་སྤྱོད་མི་བྱ་བ་དང ། ཆོས་ཀྱི་ལོངས་སྤྱོད་ཀྱང་མི་བྱ་བའོ། །དགེ་བའི་ཕྱོགས་རྒྱུན་གཅད་པ་ནི། དེ་དག་གི་དགེ་བའི་ཕྱོགས་གང་བརྩམས་པ་དེ་རྒྱུན་གཅད་པར་བྱ་བའོ། །གནས་དགག་པ་ནི། དེ་དག་གནས་འཆར་མི་གཞུག་པའོ། །བཅོམ་ལྡན་འདས་</font><hr>Tha261a<br><font size=+2>


༄#། །ཀྱིས་ཐུལ་གཞུག་པར་བྱའོ། །ཞེས་བཀའ་སྩལ་པ་དང ། དགེ་སློང་དག་ཁྱད་པར་མེད་པར་ཐུལ་གཞུག་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པའི་ལྷན་ཅིག་གནས་པའམ། ཉེ་གནས་ལ་ཐུལ་གཞུག་པར་བྱ་སྟེ། ལྔ་གང་ཞེ་ན། མ་དད་པ་དང ། ལེ་ལོ་ཅན་དང ། བཀའ་བློ་མི་བདེ་བ་དང ། མ་གུས་པ་དང ། སྡིག་པའི་གྲོགས་པོ་ཅན་ནོ། །དགེ་སློང་དག་།གང་ཞིག་ཆོས་ལྔ་ཆར་དང་ལྡན་པ་ད་ཁོ་ན་ཐུལ་འཇུག་པར་བྱེད་ཀྱི། གང་ཞིག་དེ་དག་ལས་གང་ཡང་རུང་བ་ཞིག་དང་ལྡན་པ་དེ་ནི། ཐུལ་འཇུག་པར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་པོ་འདི་དག་ལས་གང་ཡང་རུང་བ་ཞིག་དང་ལྡན་ན། དེ་ཡང་ཐུལ་གཞུག་པར་བྱའོ། །དེ་ཐུལ་བཅུག་པ་དང ། གཞན་སྡུད་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། མཁན་པོ་དང ། སློབ་དཔོན་དག་གིས་ཐུལ་བཅུག་པ་བསྡུ་བར་མི་བྱ་སྟེ། བྱེད་ན། དབྱེན་དང་ཉེ་བའི་ཉེས་པ་སྦོམ་པོར་འགྱུར་རོ། །བཅོམ་ལྡན་འདས་ཀྱིས་ལྷན་ཅིག་གནས་པའམ། ཉེ་གནས་ཐུལ་བཅུག་པ་སུས་ཀྱང་བསྡུ་བར་མི་བྱ་སྟེ། བྱེད་ན། དབྱེན་དང་ཉེ་བའི་ཉེས་པ་སྦོམ་པོར་འགྱུར་ཞེས་བཀའ་སྩལ་པ་དང ། སུས་ཀྱང་མ་བསྡུས་པས་དེ་དག་ཤིན་ཏུ་མ་གུས་པར་གྱུར་ཏེ། ཁ་ཅིག་ནི། ཡུལ་གཞན་དུ་འགྲོ། ཁ་ཅིག་ནི། བསྟན་པ་ལས་འདའ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གང་ཞིག་དེ་སྡུམ་བྱེད་པའི་དགེ་སློང་བསྐོ་</font><hr>Tha261b<br><font size=+2>


བར་བྱའོ། །དེ་དག་གིས་མི་མཁས་པ་བསྐོས་ཏེ། དེ་སོང་ནས་ཚེ་དང་ལྡན་པ། ཁྱོད་ཀྱི་མཁན་པོ་ན་རེ། ཚུར་སྤྱོན། བཟོད་པ་མཛོད་ཅིག་ཅེས་ཟེར་རོ། །ཞེས་བྱས་པ་དང ། དེ་ཇེ་ཁེངས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གང་ཞིག་རང་གི་བློ་གྲོས་ཀྱིས་སྡུམ་བྱེད་པའི་མཁས་པ་བསྐོ་བར་བྱའོ། །ཐམས་ཅད་ལ་ཁྱད་པར་མེད་པར་བཟོད་པ་གསོལ་བས། དེ་དག་དགེ་བའི་ཆོས་མི་འཕེལ་ཞིང་གསར་བུ་གཞན་དག་ཀྱང་བསྟན་པ་ལས་གྱེད་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པ་ལ་བཟོད་པ་གསོལ་བར་བྱ་སྟེ། དད་པ་ཅན་དང ། བརྩོན་འགྲུས་བརྩམས་པ་དང ། གུས་པ་དང ། བཀའ་བློ་བདེ་བ་དང ། དགེ་བའི་བཤེས་གཉེན་ཅན་ནོ། །དགེ་སློང་དག་།གང་ཞིག་ཆོས་ལྔ་ཆར་དང་ལྡན་པ་དེ་ལ་བཟོད་པ་གསོལ་ནས་བཅོམ་ལྡན་འདས་ཀྱིས་བཀའ་སྩལ་པ། གང་ཞིག་དེ་དག་ལས་གང་ཡང་རུང་བ་ཞིག་དང་ལྡན་པ་དེ་ལ་བཟོད་པ་གསོལ་བར་བྱའོ། །དགེ་སློང་ཐུལ་གཞུག་པར་མི་འོས་པ་ཐུལ་འཇུག་ན། འགལ་ཚབས་ཅན་དུ་འགྱུར་རོ། །ཐུལ་གཞུག་པར་འོས་པ་ཐུལ་མི་འཇུག་ན། འགལ་ཚབས་ཅན་དུ་འགྱུར་རོ། །བཟོད་པ་གསོལ་བར་འོས་པ་ལ་བཟོད་པ་མི་གསོལ་ན། འགལ་ཚབས་ཅན་དུ་འགྱུར་རོ། །བཟོད་པ་གསོལ་བར་མི་འོས་པ་ལ་བཟོད་པ་གསོལ་ན། འགལ་ཚབས་ཅན་དུ་འགྱུར་རོ། །དེ་ལ་ཆེས་གོང་མ་ལྔ་ལས་གང་ཡང་རུང་བ་ཞིག་དང་ལྡན་པ་ལ་བཟོད་པ་གསོལ་ཏེ། གལ་ཏེ་སེམས་ངད་ལྡང་བར་འགྱུར་པ་ལྟ་ན། </font><hr>Tha262a<br><font size=+2>


༄#། །བཟོད་པ་གསོལ་བར་བྱའོ། །སེམས་ངད་མི་ལྡང་བ་ལྟ་ན། བཟོད་པ་གསོལ་བར་མི་བྱའོ། །གང་ཞིག་ཆོས་ལྔ་ཆར་དང་ལྡན་པ་དེ་ལ་ནི། བཟོད་པ་གསོལ་བར་མི་བྱ་བ་ཉིད་དེ། བཟོད་པ་གསོལ་བར་བྱེད་ན། འགལ་ཚབས་ཅན་དུ་འགྱུར་རོ། །གང་ཞིག་བཟོད་པ་མི་བྱེད་པ་དེ་གལ་ཏེ་དགེ་ཚུལ་ཡིན་ན། ཆུ་ཚགས་དང ། རིལ་བ་དང ། སྟོད་གཡོགས་དང ། སྨད་གཡོགས་བཅས་པ་བྱིན་ཏེ་བསྐྲད་པར་བྱའོ། །འོན་ཏེ་བསྙེན་པར་རྫོགས་པའམ། བསྙེན་པར་རྫོགས་པར་འདོད་པ་ཞིག་ཡིན་ན། ཡོ་བྱད་ལྔ་བྱིན་ཏེ་བསྐྲད་པར་བྱའི། སྒྲེན་མོར་ནི་མི་བྱའོ། །སྡོམ་ནི། ཁང་བཟང་སྟེགས་བུ་དེ་བཞིན་དུ། །ལན་ཀན་དྲ་བ་ཟུངས་དང་ནི། །ཕྱགས་མ་དང་ནི་ཡང་ཐོག་དང ། །ཡང་ཐོག་ལན་ཀན་གདགས་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་གནས་མལ་རྣམས་ཀྱི་ནང་དུ་ཤིང་དྲུང་ནི། རུང་བ། རྙེད་ཀྱང་སླ་བ་སྟེ། དེ་ལ་གནས་ན། དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་པ། དགེ་སློང་གི་དངོས་པོར་འགྱུར་རོ། །ལྷག་པར་རྙེད་ན། གནས་ཁང་ངམ། སྔ་གང་ངམ། ཁང་པ་བརྩེགས་མའམ། ཞེས་བཀའ་སྩལ་པ་དང ། དགེ་སློང་རྣམས་གནས་ཁང་དག་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཁང་བཟང་བྱའོ། །བཅོམ་ལྡན་འདས་ཀྱིས་ཁང་བཟང་བྱའོ། །ཞེས་བཀའ་</font><hr>Tha262b<br><font size=+2>


སྩལ་ན། དགེ་སློང་དག་གིས་ཇི་ལྟ་བུར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གཞི་སོ་ཕག་རིམ་པ་བདུན་ནམ་བརྒྱད་བརྩིགས་སྟེགས་བུ་པུས་མོ་ཙམ་དུ་ཕྱིན་པ་དང ། ཀ་རྟེན་གཞག་གེ། དེའི་སྟེང་དུ་ཀ་བའི་ཕྲེང་བ་གཟུགས་སོ། །ཀ་བ་རྣམས་ཀྱི་སྟེང་དུ་ཀ་གཞུའོ། །ཀ་གཞུའི་སྟེང་དུ་གདུང་ངོ ། །གདུང་གི་སྟེང་དུ་སྤང་ལེབ་བོ། །དེ་རྣམས་ཀྱི་སྟེང་དུ་སོ་ཕག་གིས་གཡོག་གི། དེ་ནས་སོ་ཕག་གི་ཕྱེ་མས་གཡོགས་ཏེ། ཁང་བཟང་ནི། དེ་ལྟར་བྱའོ། །བཅོམ་ལྡན་འདས་ཀྱིས་ཁང་བཟང་དེ་ལྟར་བྱའོ། །ཞེས་བཀའ་སྩལ་ནས་དགེ་སློང་རྣམས་ཀྱིས་ཁང་བཟང་བྱས་ཏེ་ལན་ཀན་མ་བྱས་ནས་བཅོམ་ལྡན་འདས་ཀྱིས་བཀའ་སྩལ་པ། ལན་ཀན་བྱའོ། །ལན་ཀན་བྱས་པ་དང ། དེ་ལྷུང་ནས་བཅོམ་ལྡན་འདས་ཀྱིས་བཀའ་སྩལ་པ། འབྱོར་པར་བྱ་ཞིང ། དེ་ལྕགས་ཀྱི་གཟེར་བུ་དག་གིས་གདབ་པར་བྱའོ། །དགེ་སློང་རྣམས་ཁང་བཟང་དུ་ཟན་ཟ་བ་ན་བྱེའུ་དང ། ཕུག་རོན་དག་གིས་གཙེས་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱས་གཅད་པར་བྱའོ། །བཅོམ་ལྡན་འདས་ཀྱིས་རྒྱས་གཅད་པར་བྱའོ། །ཞེས་བཀའ་སྩལ་ན། དགེ་སློང་དག་གིས་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱ་ནི། ལྔ་སྟེ། ཤན་ལས་བྱས་པ་དང ། རྩཝ་མུན་ཛ་ལས་བྱས་པ་དང ། རྩ་བལ་བ་ཛ་ལས་བྱས་པ་དང ། རྩཝ་ཀུ་ཤ་ལས་བྱས་པ་དང ། སྲད་བུ་ལས་བྱས་པའོ། །དགེ་སློང་དག་གིས་ཕྱོགས་གང་དུ་བྲེ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། </font><hr>Tha263a<br><font size=+2>


༄#། །གྲཝ་བཞི་ནས་ཟུངས་ཐོགས་པ་དེ་དག་ལ་ལེགས་པར་གདགས་པར་བྱའོ། །དེ་རྣམས་ཀྱིས་ཤིང་གི་ཟུངས་བཏགས་པ་དང ། ཉི་མས་གས་ཤིང་ཆར་གྱི་ཆུས་ཀྱང་རུལ་ནས་བཅོམ་ལྡན་འདས་ཀྱིས་བཀའ་སྩལ་པ། ལྕགས་ལས་བྱས་པ་གདགས་པར་བྱའོ། །བྱ་རོག་དང ། བྱེའུ་དང ། ཕུག་རོན་དག་ཕྱིན་ཆད་མི་འོང་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱོགས་གཅིག་ཏུ་བྱ་རོག་གི་ཁུང་གདོད་པར་བྱ་ཞིང ། དེ་ཡང་ཟ་ན་ཟ་བའི་དུས་སུ་ཆོད་ལ་དགེ་སློང་དག་ཟན་ཟོས་ཟིན་ནས་ཡང་དབྱེ་བར་བྱའོ། །དགེ་སློང་ཞིག་ཟན་ཟ་བ་ན་དེའི་མདུན་ན་ཁྱི་ཞིག་བདག་ལ་གདོན་མི་ཟ་བར་སྦྱིན་པར་འགྱུར་རོ། །སྙམ་ནས་རེ་བཞིན་སྡོད་པ་ལས། དགེ་སློང་དེས་དེ་ལ་མ་བྱིན་པ་དང ། དེ་ཡིད་ཆད་དེ་དུས་ལས་འདས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དུད་འགྲོའི་ཕྱིར་ཟས་ཀྱི་ཆང་བུ་གཞག་པར་བྱའོ། །བཅོམ་ལྡན་འདས་ཀྱིས་དུད་འགྲོའི་ཕྱིར་ཟས་ཀྱི་ཆང་བུ་གཞག་པར་བྱའོ། །ཞེས་བཀའ་སྩལ་པ་དང ། དགེ་སློང་དགོན་པ་བ་ཞིག་འདུག་པ་དེས་ཝ་རྣམས་ལ་ཟས་ཀྱི་ཆང་བུ་བྱིན་ཏེ་བྱ་རོག་དག་བསྐྲད་པ་དང ། དེ་དག་ཁྲོས་ནས། བྱ་རོག་གི་སྐད་དུ་རྐུན་པོའི་སྡེ་དཔོན་ལ་དགེ་སློང་འདི་ལ་གསེར་མང་དུ་ཡོད་དོ། །ཞེས་སྨྲས་སོ། །རྐུན་པོའི་སྡེ་དཔོན་བྱ་རོག་གི་སྐད་ལ་མཁས་པ་ཞིག་པས། དེས་དགེ་སློང་དེ་བརྡེག་བར་བརྩམས་པ་དང ། དེས་སྨྲས་པ། ཀྱེ་སྐྱེས་བུ། ང་ཅི་སྟེ་རྡེག་།དེས་སྨྲས་པ། </font><hr>Tha263b<br><font size=+2>


འཕགས་པ། ཁྱོད་ལ་གསེར་ཡོད་པ་བྱིན་ཅིག་།དེས་སྨྲས་པ། ཀྱེ་སྐྱེས་བུ། ང་ལ་གསེར་གྱི་འབྱོར་པ་ག་ལ་ཡོད། དམིགས་མེད་པར་མ་རྡེག་ཅིག་།དེས་སྨྲས་པ། ཁྱོད་ལ་གསེར་ཡོད་ཀྱི་བྱིན་ཅིག་།གལ་ཏེ་མི་སྟེར་ན། ཁྱོད་ངས་གསད་དོ། །དེས་སྨྲས་པ། ཀྱེ་སྐྱེས་བུ། ཁྱོད་ནི། གཅིག་གིས་བསླུས་པ་ཁྱོད་ལ་སུ་ཟེར་བ་སྨྲོས་ཤིག་།རྐུན་པོའི་དེད་དཔོན་གྱིས་སྨྲས་པ། བྱ་རོག་དག་ཟེར་རོ། །དེས་སྨྲས་པ། ཀྱེ་སྐྱེས་བུ། དེ་དག་ནི། ང་ལ་ཁྲོས་པ་ཡིན་ནོ། །ཅིའི་ཕྱིར། དེས་ཇི་ལྟར་གྱུར་པ་བསྙད་པ་དང ། རྐུན་པོའི་སྡེ་དཔོན་གྱིས་སྨྲས་པ། འཕགས་པ། གལ་ཏེ་ཁྱོད་ཀྱིས་བདག་ལ་དེ་སྐད་དུ་དྲང་པོར་མ་སྨྲས་པར་གྱུར་ན། བདག་གིས་ཁྱོད་བསད་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཉེས་དམིགས་འདི་དག་བསྔོས་ཏེ་བཞག་པ་ལས་གྱུར་གྱི། དེ་ལྟ་བས་ན། སེམས་ཅན་ཐམས་ཅད་ཀྱི་ཕྱིར་ཅི་ལ་ཅི་བདེ་བའི་ཟས་ཀྱི་ཆང་བུ་གཞག་པར་བྱའོ། །དབྱར་ཁང་བཟང་ཆུས་གང་ནས་བཅོམ་ལྡན་འདས་ཀྱིས་བཀའ་སྩལ་པ། སྐྱབས་བྱའོ། །བཅོམ་ལྡན་འདས་ཀྱིས་སྐྱབས་བྱའོ། །ཞེས་བཀའ་སྩལ་ན། དགེ་སློང་དག་སྐྱབས་ཇི་ལྟར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཀ་བའི་བར་རྣམས་སུ་སྤང་ལེབ་ཀྱིས་གཅད་པར་བྱའོ། །ཐམས་ཅད་དུ་བཅད་པས་མུན་གནག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་དུ་གཅད་པར་མི་བྱའི། འོན་ཀྱང་སྣང་བའི་ས་གཞག་</font><hr>Tha264a<br><font size=+2>


༄#། །པར་བྱའོ། །ཤིང་དག་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། རེ་ལྡེའམ། སེག་གིས་གཅོད་པར་བྱའོ། །དེ་དག་གིས་བཅད་པ་དང ། ཆུས་རུལ་ཅིང་སྲིལ་དག་ཀྱང་ཞུགས་ནས་བཅོམ་ལྡན་འདས་ཀྱིས་བཀའ་སྩལ་པ། ཟླ་བ་བཞི་བཞག་ནས་ཕྱིས་དབྱུང་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱི་ཀུན་ཏུ་སྤྱོད་པ་ནི། ནང་བར་སྔར་ལངས་ནས་བཅོམ་ལྡན་འདས་ལ་བལྟ་བའི་ཕྱིར་ཉེ་བར་སོང་ནས་རྒྱལ་བྱེད་ཚལ་རང་གིས་འཕྱག་གོ་།དེ་ནས་དུས་གཞན་ཞིག་ན་ཁྱིམ་བདག་མགོན་མེད་ཟས་སྦྱིན་བྲེལ་བ་འགའ་ཞིག་བྱུང་ནས་དེ་མ་འོངས་པ་དང ། རྒྱལ་བྱེད་ཀྱི་ཚལ་མ་ཕྱགས་པར་ལུས་ཏེ་ཕྱག་དར་གྱིས་གང་བ་དེ། བཅོམ་ལྡན་འདས་འཆགས་པས་གཟིགས་སོ། །གཟིགས་ནས་ཀྱང་ཀྱེ་མ་ལྷའི་དབང་པོ་བརྒྱ་བྱིན་གྱིས་རི་སྤོས་ཀྱི་ངད་ལྡང་ལས་ཕྱགས་མ་ཁྱེར་ཏེ་འོངས་ཀྱང་བླ་ན་སྙམ་དུ་འཇིག་རྟེན་པའི་ཐུགས་བསྐྱེད་དེ། ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཇིག་རྟེན་པའི་ཐུགས་བསྐྱེད་པར་མཛད་པ་དེའི་ཚེ་སྲོག་ཆགས་གྲོག་སྦུར་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་སོ། །གང་གི་ཚེ་འཇིག་རྟེན་ལས་འདས་པའི་སེམས་བསྐྱེད་པར་མཛད་པ་དེའི་ཚེ་ན་ཉན་ཐོས་དང ། རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་</font><hr>Tha264b<br><font size=+2>


ཀྱིས་མི་ཤེས་ན། དུད་འགྲོའི་སྐྱེ་གནས་སུ་སོང་བའི་སྲོག་ཆགས་རྣམས་ཀྱིས་ལྟ་སྨོས་ཀྱང་ཅི་དགོས། ལྷའི་དབང་པོ་བརྒྱ་བྱིན་གྱིས། ཅིའི་ཕྱིར་བཅོམ་ལྡན་འདས་ཀྱི་འཇིག་རྟེན་པའི་ཐུགས་བསྐྱེད་སྙམ་དུ་བསམ་ན། རྒྱལ་བྱེད་ཀྱི་ཚལ་ཕྱགས་བཞེད་པར་མཐོང་ངོ ། །དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ནས་ཤིང་བལ་ལྟར་རེག་ན་འཇམ་པའི་ཕྱགས་མ་ལྔ་བརྒྱ་བླངས་ཏེ་བཅོམ་ལྡན་འདས་ཀྱི་སྤྱན་སྔར་འདུག་གོ། དེ་ནས་བཅོམ་ལྡན་འདས་ཀྱིས་བསོད་ནམས་འདོད་པའི་སེམས་ཅན་རྣམས་ལ་བསོད་ནམས་ཀྱི་སྟེགས་ཉེ་བར་བསྟན་པའི་ཕྱིར་ཉིད་ཀྱིས་ཕྱགས་མ་བསྣམས་ཏེ། རྒྱལ་བྱེད་ཀྱི་ཚལ་འཕྱག་པར་ཞུགས་སོ། །བཅོམ་ལྡན་འདས་མཐོང་ནས་ཉན་ཐོས་ཆེན་པོ་ཤཱ་རིའི་བུ་དང ། མོའུ་དགལ་གྱི་བུ་དང ། འོད་སྲུང་དང ། ཀུན་དགའ་བོ་དང ། ནམ་གྲུ་ལ་སོགས་པ་ཡང་འཕྱག་པ་ལ་ཞུགས་སོ། །དེ་ནས་ཉན་ཐོས་ཆེན་པོ་དག་དང་ཐབས་ཅིག་རྒྱལ་བྱེད་ཀྱི་ཚལ་ཕྱགས་ནས་རིམ་གྲོའི་ཁང་པར་གཤེགས་ཏེ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཕྱག་དར་འཕྱག་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན།་བདག་ཉིད་ཀྱི་སེམས་དང་བར་འགྱུར། གཞན་གྱི་སེམས་རབ་ཏུ་དང་བར་འགྱུར། ལྷ་རྣམས་ཡིད་དགའ་བར་འགྱུར། མཛེས་པར་འགྱུར་བའི་དགེ་བའི་རྩ་བ་གསོག་པར་འགྱུར། ལུས་</font><hr>Tha265a<br><font size=+2>


༄#། །ཞིག་ནས་བདེ་འགྲོ་མཐོ་རིས་ལྷ་རྣམས་ཀྱི་ནང་དུ་སྐྱ་བར་འགྱུར་རོ། །དེ་ནས་ཁྱིམ་བདག་མགོན་མེད་ཟས་སྦྱིན་ཡང་ཕྱོགས་དེར་ཕྱིན་པ་དང ། དེས་བཅོམ་ལྡན་འདས་ཉན་ཐོས་ཆེན་པོ་དང་ཐབས་ཅིག་ཉིད་ཀྱིས་རྒྱལ་བྱེད་ཀྱི་ཚལ་ཇི་ལྟར་ཕྱགས་པ་ཐོས་ནས་དེ་འདི་སྙམ་དུ་སེམས་ཏེ། གང་དུ་བཅོམ་ལྡན་འདས་ཉན་ཐོས་ཆེན་པོ་དང་ཐབས་ཅིག་ཉིད་ཀྱིས་ཕྱག་དར་མཛད་པ་དེའི་སྟེང་དུ་བདག་ཇི་ལྟར་འགྲོ་སྙམ་མོ། །དེ་ནས་ཁྱིམ་བདག་མགོན་མེད་ཟས་སྦྱིན་ངོ་ཚ་ཤེས་པ། སྙིང་ལ་ངོ་ཚ་ནས་དེ་ཉིད་དུ་འདུག་།སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་ཡིན་པས། བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་།འོ་ནི་སུ་ཞིག་།དགེ་སློང་རྣམས་ཀྱིས་གསོལ་པ། མགོན་མེད་ཟས་སྦྱིན་ལགས་ཏེ། གང་དུ་བཅོམ་ལྡན་འདས་ཉན་ཐོས་ཆེན་པོ་དང་ཐབས་ཅིག་ཉིད་ཀྱིས་ཕྱག་དར་མཛད་པ་དེའི་སྟེང་དུ་སུག་པ་འདོར་དུ་བཅོམ་ལྡན་འདས་ལ་གཡར་ཚ་ནས་བཅོམ་ལྡན་འདས་ཀྱི་སྤྱན་སྔར་མཆི་བར་མི་འཚལ་ལོ། །དེ་ནས་བཅོམ་ལྡན་འདས་ཀྱིས་དེ་ལ་བཀའ་སྩལ་པ། ཁྱིམ་བདག་།སངས་རྒྱས་ཀྱི་ཁ་ཏོན་བྱ་ཞིང་འཇུག་པར་བྱ་སྟེ། འདི་ལྟར་སངས་རྒྱས་བཅོམ་ལྡན་འདས་རྣམས་ནི། ཆོས་ལ་གུས་པ་ཡིན་ལ། ཆོས་ནི། དགྲ་བཅོམ་པ་རྣམས་ཀྱི་ཡང་བླ་མ་ཡིན་ནོ། །དེ་ནས་མགོན་མེད་ཟས་སྦྱིན་ཚིགས་སུ་བཅད་པའི་དབྱངས་འདོན་ཅིང ། བཅོམ་ལྡན་འདས་ཀྱི་སྤྱན་སྔར་ཉེ་བར་སོང་ངོ ། །དེ་ནས་བཅོམ་ལྡན་འདས་ཀྱིས་</font><hr>Tha265b<br><font size=+2>


དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་ལེན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་དགའ་བར་མཛད་དེ། བཅོམ་ལྡན་འདས་ཀྱིས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག་།ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ནས་སོང་ངོ ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཆོས་ལ་གུས་པ་སྐྱེས་ཤིང་ཞེས་དང་བཅས་པར་གྱུར་པས། དེ་ལྟར་ཆོས་ཀྱི་བསྔགས་པ་བརྗོད་པ་གང་ལགས་པ་ནི། ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ད་ལྟར་འདོད་ཆགས་དང་བྲལ་བ། ཞེ་སྡང་དང་བྲལ་བ། གཏི་མུག་དང་བྲལ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་ལས་ཡོངས་སུ་གྲོལ་ཞིང་ཐམས་ཅད་མཁྱེན་པ། རྣམ་པ་ཐམས་ཅད་མཁྱེན་པ། ཡེ་ཤེས་ཀྱིས་ཤེས་བྱ་བ་ཐམས་ཅད་ལ་དབང་བརྙེས་ནས་ཆོས་ལ་གུས་པ་སྐྱེས་ཤིང་ཞེ་ས་དང་བཅས་པར་གྱུར་པས། དེ་ལྟར་ཆོས་ཀྱི་བསྔགས་པ་བརྗོད་པར་མཛད་པ་གང་ཡིན་པ་འདི་ལ་ངོ་མཚར་ཅི་ཞིག་ཆེ། འདས་པའི་དུས་ན་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྐྱེ་བ་དང ། རྒ་བ་དང ། ན་བ་དང་</font><hr>Tha266a<br><font size=+2>


༄#། །འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་དག་ལས་ཡོངས་སུ་མ་གྲོལ་བས། ཆོས་ཀྱི་ཕྱིར་རང་གི་སྲོག་ཡོངས་སུ་བཏང་བ་གང་ཡིན་པ་དེ། ལེགས་པར་རབ་ཏུ་ཉོན་ལ་ཟུངས་ཤིག་དང་བཤད་དོ། །དགེ་སློང་དག་།སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཚངས་བྱིན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ།་རྒྱལ་སྲིད་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ། འཐབ་པ་དང ། རྩོད་པ་དང ། འཁྲུག་པ་དང ། འཁྲུག་ལོང་རབ་ཏུ་ཞི་བ། ཆོམ་རྐུན་མེད་པ། སཱ་ལུ་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ། ཆོས་ཀྱི་རྒྱལ་པོ། ཆོས་དང་མཐུན་པས་ཆོས་བཞིན་བྱེད་དུ་འཇུག་གོ་།རྒྱལ་པོ་དེ་ཡང་དད་པ་ཅན། དགེ་བའི་བསམ་པ་བཟང་བ། བདག་དང་གཞན་ལ་ཕན་པར་ཞུགས་པ། སྙིང་རྗེ་ཅན། བདག་ཉིད་ཆེན་པོ། ཆོས་འདོད་པ། སྐྱེ་རྒུ་ལ་བྱམས་པ། ཐམས་ཅད་རབ་ཏུ་སྦྱིན་པ། ཐམས་ཅད་ཡོངས་སུ་གཏོང་བ་ཞིག་སྟེ། གཏོང་བ་ཆེན་པོ་ལ་འཇུག་གོ་།དེ་དུས་གཞན་ཞིག་ན་བཙུན་མོ་དམ་པ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བཙུན་མོ་ལ་སེམས་ཅན་ཞུགས་པར་གྱུར་ཏེ། དེ་ལ་ལེགས་པར་གསུངས་པ་ཉན་འདོད་པ་སྐྱེས་སོ། །དེས་རྒྱལ་པོ་ལ་སྨྲས་ནས། རྒྱལ་</font><hr>Tha266b<br><font size=+2>


པོས་མཚན་མཁན་རྣམས་བོས་ཏེ་དྲིས་པ་དང ། དེ་དག་གིས་སྨྲས་པ། ལྷ། སེམས་ཅན་འདིའི་མཐུ་ལགས་སོ། །དེ་ནས་རྒྱལ་པོས་ལེགས་པར་གསུངས་པའི་དོན་དུ་གསེར་སྲང་འབུམ་བསྐུར་ཏེ་གྲོང་དང་གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དུ་བསྐོར་ཀྱང་ལེགས་པར་གསུངས་པ་མ་རྙེད་དོ། །ཇི་ཙམ་ན་ཟླ་བ་དགུ་ཚང་ནས་བཙུན་མོ་དེ་ལ་ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། མདོག་གསེར་གྱི་ཁ་དོག་ཅན། མགོ་གདུགས་ལྟ་བུ། དཔུང་པ་རིང་བ། དཔྲལ་བའི་དབྱེས་ཆེ་བ། སྨིན་མ་འདབ་ཆགས་པ། སྣ་མཐོ་བ། ཡན་ལག་དང ། ཉིང་ལག་ཐམས་ཅད་དང་ལྡན་པ་ཞིག་བཙས་པ་དང ། ཞག་བདུན་གསུམ་ཉི་ཤུ་རྩ་གཅིག་ཏུ་དེ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ།་ལྷ། གང་གི་སླད་དུ་ཁྱེའུ་འདི་མ་བཙས་པ་ཉིད་ནས་ལེགས་པར་གསུངས་པ་ཚོལ་བ་དེའི་སླད་དུ་ཁྱེའུའི་མིང་ལེགས་གསུངས་ཚོལ་ཞེས་གདགས་སོ། །ཞེས་དེའི་མིང་ལེགས་གསུངས་ཚོལ་ཞེས་བྱ་བར་བཏགས་སོ། །ཁྱེའུ་ལེགས་གསུངས། མ་མ་བརྒྱད་པོ། པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེ་གྲོགས་ཀྱི་མ་མ་གཉིས་ལ་གཏད་ནས་དེ་མ་མ་བརྒྱད་ཀྱི་འོ་མ་དང ། ཞོ་དང ། མར་གསར་དང ། ཞུན་མར་དང ། མར་གྱི་ཉིང་ཁུ་དང ། ཡོ་བྱད་ཀྱི་ཁྱད་པར་གཙོ་བོ་གཞན་དང ། གཞན་དག་གིས་བསྐྱེད་བསྲིངས་ནས་རྫིང་གི་</font><hr>Tha267a<br><font size=+2>


༄#། །པདྨ་བཞིན་དུ་སྐྱེ་དྲག་པར་གྱུར་ཏོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡང་ལེགས་པར་གསུངས་པ་བཙལ་ན་མ་རྙེད་དོ། །དེ་ཕ་འདས་ནས་རྒྱལ་སྲིད་ལ་བཞག་པ་དང ། བློན་པོ་རྣམས་ལ་སྨྲས་པ། གཙོ་བོ་དག་།ང་ལ་ལེགས་པར་གསུངས་པ་དགོས་ཀྱི། ལེགས་པར་གསུངས་པ་ཚོལ་ཅིག་།དེ་ནས་བློན་པོ་དེ་རྣམས་ཀྱིས་གསེར་སྲང་འབུམ་བསྐུར་ཏེ་འཛམ་བུའི་གླིང་མཐའ་དག་གི་གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དག་ཏུ་བསྐོར་ཀྱང་ལེགས་པར་གསུངས་པ་མ་རྙེད་དོ། །དེ་ནས་དེ་རྣམས་ཀྱིས་རྒྱལ་པོ་ལ་བྱས་པ་དང ། དེ་ནས་རྒྱལ་པོ་ལེགས་པར་གསུངས་པ་མཉན་པའི་ཕྱིར་རེ་བས་ཡོངས་སུ་གདུངས་པར་གྱུར་ཏོ། །ལྷའི་དབང་པོ་བརྒྱ་བྱིན་གྱིས་ཤེས་པ་མཐོང་བ་ནི། འོག་ཏུ་འཇུག་པ་ཡིན་པས། དེས་རྒྱལ་པོ་ལེགས་པར་གསུངས་པའི་ཕྱིར་སྡུག་བསྔལ་བར་མཐོང་ནས་འདི་སྙམ་དུ་སེམས་ཏེ། མ་ལ་བདག་གིས་རྒྱལ་པོ་བགམ་པར་བྱའོ། །སྙམ་མོ། །དེ་ནས་ལྷའི་དབང་པོ་བརྒྱ་བྱིན་གནོད་སྦྱིན་གྱི་གཟུགས་སུ་ལག་པ་དང ། རྐང་པ་དང ། མིག་མི་སྡུག་པར་བསྒྱུར་ནས་རྒྱལ་པོའི་མདུན་དུ་འདུག་ནས་དེའི་ཚེ་ཚིགས་སུ་བཅད་དེ་སྨྲས་པ། ལེགས་པར་སྤྱད་པའི་ཆོས་སྤྱད་བྱ། །ཉེས་སྤྱད་དེ་ནི་སྤྱད་མི་བྱ། ། ཆོས་སྤྱོད་འཇིག་རྟེན་འདི་དང་ནི། །ཕ་རོལ་ཏུ་ཡང་བདེ་བར་གནས། །དེ་ནས་རྒྱལ་པོས་ཚིགས་སུ་བཅད་པ་དེ་ཐོས་མ་ཐག་ཏུ་དགའ་བ་དང ། རབ་ཏུ་དགའ་བ་སྐྱེས་ནས་གནོད་</font><hr>Tha267b<br><font size=+2>


སྦྱིན་ལ་སྨྲས་པ། གསང་བ་པོ། །ཚིགས་སུ་བཅད་པ་དེ་ཡང་སྨྲོས་ཤིག་།སྨྲོས་ཤིག་།མཉན་པར་བྱའོ། །དེ་ནས་གནོད་སྦྱིན་དེས་རྒྱལ་པོ་ལ་སྨྲས་པ། ལྷ། བདག་གིས་སྨྲས་པ་གང་ཡིན་པ་དེ་མཛད་ན། གདོད་བདག་ཀྱང་བཀའ་སྩལ་པ་གང་ལགས་པ་དེ་བགྱིད་དོ། །རྒྱལ་པོས་སྨྲས་པ། ཅི་སྨྲ། གནོད་སྦྱིན་གྱིས་སྨྲས་པ། ཉིན་ཞག་བདུན་དུ་སེང་ལྡེང་གི་ཤིང་དག་མེ་དོང་དུ་བུས་ནས། གལ་ཏེ་དེར་བདག་ཉིད་འདོར་ན། དེའི་འོག་ཏུ་བདག་གིས་ཚིགས་སུ་བཅད་པ་སྨྲའོ། །དེ་ཐོས་མ་ཐག་ཏུ་རྒྱལ་པོ་ཡིད་དགའ་ནས་གནོད་སྦྱིན་དེ་ལ་སྨྲས་པ། དེ་བཞིན་བྱའོ། །དེ་ནས་རྒྱལ་པོ་དེས་ཡུལ་ཐམས་ཅད་དུ་དྲིལ་བསྒྲགས་ཏེ་ཞག་བདུན་ན་རྒྱལ་པོ་ལེགས་པར་གསུངས་པ་མཉན་པའི་ཕྱིར་མེ་དོང་དུ་བདག་ཉིད་འདོར་ན། གང་དག་ཡ་མཚན་ལྟ་བར་འདོད་པ་དེ་དག་ཀྱང་ཤོག་ཅིག་།ཅེས་བྱས་སོ། །དེ་ནས་སྲོག་ཆགས་བརྒྱ་སྟོང་ཕྲག་དུ་མ་ཡང་འདུས། ནམ་མཁའི་ངོས་ལ་ཡང་ལྷ་བརྒྱ་སྟོང་ཕྲག་དུ་མ་ཡང་འདུས་ཏེ། བྱང་ཆུབ་སེམས་དཔའི་ལྷག་པའི་བསམ་པ་དག་པ་ཉིད་ཤེས་ནས་ཡ་མཚན་གྱི་ངོ་བོ་བལྟ་བའི་ཕྱིར་དེར་འཁོད་དོ། །དེ་ནས་གནོད་སྦྱིན་དེ་ནམ་མཁའ་ལ་འཕགས་ནས་བྱང་ཆུབ་སེམས་དཔའ་ལ་སྨྲས་པ། རྒྱལ་པོ་ཆེན་པོ། ཇི་ལྟར་དམ་བཅས་པ་བཞིན་མཛོད་ཅིག་དེ་ནས་རྒྱལ་པོ་དེས་གཞོན་ནུ་ཐུ་བོ་རྒྱལ་སྲིད་ལ་བཞག་སྟེ། བློན་པོ་དང ། གྲོང་རྡལ་བ་དང ། ཡུལ་མི་རྣམས་ལ་ཡང་བཟོད་པར་གསོལ། སྐྱེ་བོའི་ཚོགས་ཀྱང་དབུགས་ཕྱུང་ནས་མེ་དོང་གི་དྲུང་དུ་ཉེ་</font><hr>Tha268a<br><font size=+2>


༄#། །བར་སོང་སྟེ་ཚིགས་སུ་བཅད་པ་སྨྲས་པ། མེ་དོང་འཇིགས་པ་ཆེ་བྱེད་ཉི་མ་འཆར་ཀའི་འོད་དང་འདྲ་བ་འདིར། །ཆོས་ཕྱིར་སྲོག་ལ་འཛེམ་མེད་ངེས་པའི་ཡིད་ཀྱིས་རབ་ཏུ་མཆོང་པར་བྱ། །བདག་གི་བསོད་ནམས་མཐུ་ཡིས་མེ་དོང་འདི་ཡང་པདྨ་འཁྲིགས་པ་ཡི། །མཚོ་ཆུ་ཙནྡན་ལྡེ་ཁུས་བཅིན་པ་ལྟ་བུར་བསིལ་བ་བཟང་གྱུར་ཅིག་།དེ་སྐད་ཅེས་སྨྲས་ནས་བྱང་ཆུབ་སེམས་དཔའ་མེའི་དོང་དེར་མཆོངས་པ་དང ། དེ་མཆོངས་མ་ཐག་ཏུ་མེའི་དོང་དེ་མཚོར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་རྒྱལ་པོའི་ཡ་མཚན་ལྷ་དང་མི་དད་པར་བྱེད་པ་པའི་ཆོ་འཕྲུལ་དེ་མཐོང་ནས་གནོད་སྦྱིན་གྱི་གཟུགས་མི་སྣང་བར་བྱས་ནས་རང་གི་གཟུགས་ཀྱིས་འདུག་སྟེ་དེའི་ཚེ་ཚིགས་སུ་བཅད་པ་སྨྲས་པ། ལེགས་པར་སྤྱད་པའི་ཆོས་སྤྱད་བྱ། །ཉེས་སྤྱད་དེ་ནི་སྤྱད་མི་བྱ། །ཆོས་སྤྱོད་འཇིག་རྟེན་འདི་དང་ནི། །ཕ་རོལ་ཏུ་ཡང་བདེ་བར་གནས། །དེ་ནས་བྱང་ཆུབ་སེམས་དཔས་ཚིགས་སུ་བཅད་པ་དེ་བཟུང་ནས་གསེར་གྱི་གླེགས་བམ་དག་ལ་བྲིས་ཏེ་འཛམ་བུའི་གླིང་མཐའ་དག་གི་གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དག་ཏུ་བསྐུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོར་གྱུར་པ་གང་ཡིན་པ་དེ་ནི། ང་ཡིན་ཏེ། དེའི་ཚེ་ཡང་ངས་ཆོས་ཀྱི་ཕྱིར་སྲོག་ཡོངས་སུ་བཏང་ན། ད་ལྟ་སྨོས་ཀྱང་ཅི་དགོས། དགེ་སློང་དག་།དེ་ལྟ་བས་ན། འདི་ལྟར་བསླབ་པར་བྱ་</font><hr>Tha268b<br><font size=+2>


སྟེ།་ཆོས་ལ་གུས་པར་བྱ། བླ་མར་བྱ། མཉེས་པར་བྱ། མཆོད་པར་བྱ་སྟེ། ཆོས་ལ་གུས་པར་བྱས། བླ་མར་བྱས། མཉེས་པར་བྱས། མཆོད་པར་བྱས་ཤིང་ཉེ་བར་བརྟེན་ཏེ་གནས་པར་བྱའོ། ། ཞེས་དགེ་སློང་དག་ཁྱོད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། དགེ་སློང་དེ་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཕྱག་དར་ཕྱགས་པ་ལ་ཕན་ཡོན་ལྔ་ཡོད་དོ། །ཞེས་བཀའ་སྩལ་པ་དང ། དགེ་སློང་གནས་བརྟན་གནས་བརྟན་དག་བསམ་གཏན་དང་འདོན་པ་བོར་ཏེ་རྒྱལ་བྱེད་ཀྱི་ཚལ་འཕྱག་པ་ལ་ཞུགས་ནས་བཅོམ་ལྡན་འདས་ཀྱིས་བཀའ་སྩལ་པ། ངས་དགེ་བསྐོས་ལ་དགོངས་ཏེ་གསུངས་ཀྱི། དགེ་སློང་གནས་བརྟན་གནས་བརྟན་དག་ནི། མ་ཡིན་ནོ། །འོན་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བའི་དགེ་སློང་གི་ལས་ནི། གཉིས་ཏེ། འདི་ལྟ་སྟེ། བསམ་གཏན་དང ། འདོན་པའོ། །བཅོམ་ལྡན་འདས་ཀྱིས་ངས་དགེ་བསྐོས་ལ་དགོངས་ཏེ་གསུངས་ཞེས་བཀའ་སྩལ་པ་དང ། དེས་རྒྱལ་བྱེད་ཀྱི་ཚལ་རིལ་འཕྱག་པར་མ་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། ཇི་ཙམ་སྤྱད་དགོས་པ་དེ་དག་དགེ་བསྐོས་ཀྱིས་ཕྱག་པར་བྱ་ཞིང ། གཞན་ཚེས་བརྒྱད་དང ། བཅུ་བཞི་ལ་གཎྜཱི་བརྡུངས་ཏེ་དགེ་འདུན་ཐམས་ཅད་ཀྱིས་འཕྱག་པར་བྱའོ། །བཅོམ་ལྡན་</font><hr>Tha269a<br><font size=+2>


༄#། །འདས་ཀྱིས་ཚེས་བརྒྱད་དང ། བཅུ་བཞི་ལ་གཎྜཱི་བརྡུངས་ཏེ་དགེ་འདུན་ཐམས་ཅད་ཀྱིས་ཕྱག་པར་བྱའོ། །ཞེས་བཀའ་སྩལ་པ་དང ། དགེ་སློང་ཁ་ཅིག་ལག་ན་ཕྱགས་མ་ཐོགས་ཏེ་གཏམ་བཟང་པོ་མ་ཡིན་པ་ཟེར་ཞིང་ལས་བྱེད་པ་དང ། རྒྱལ་བྱེད་ཀྱི་ཚལ་ན་གནས་པའི་མི་མ་ཡིན་པ་དང ། དགེ་སློང་གཞན་དག་ཀྱང་འཕྱ་ནས་བཅོམ་ལྡན་འདས་ཀྱིས་བཀའ་སྩལ་པ། རྣམ་པར་ངེས་པའི་གཏམ་ཆོས་དང་མཐུན་པར་བྱ་བའམ། འཕགས་པའི་མི་སྨྲ་བས་ཕྱག་དར་བྱའོ། །དགེ་སློང་དག་རྒྱལ་བྱེད་ཀྱི་ཚལ་ཕྱགས་ནས་ལུས་ལ་རྡུལ་གྱིས་གོས་བཞིན་འདུག་པ་དང ། མ་དང་ཕ་དག་གིས་མཐོང་སྟེ་འཕྱ་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱགས་ཏེ་ཕྱག་དར་བོར་ནས་གང་དག་ཁྲུས་བྱེད་པར་འདོད་པ་དེ་དག་གིས་ནི། ཁྲུས་བྱའོ། །གང་དག་ཁྲུས་བྱེད་པར་མི་འདོད་པ་དེ་དག་གིས་ནི། ལུས་ཆུས་ཕྱིས་ནས་ལག་པ་དང ། རྐང་པ་བཀྲུས་ཏེ་འཇུག་པར་བྱའོ། །དེ་ཉིད་ཀྱི་ཉིན་པར་གནས་མལ་ལ་བལྟ་བར་བྱའོ། །ཞེས་བཀའ་སྩལ་པ་དང ། དགེ་འདུན་ཐམས་ཅད་དེ་བཞིན་ལྟ་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་ཐམས་ཅད་ཀྱིས་བལྟ་བར་མི་བྱའི། འོན་ཀྱང་གནས་འཆའ་བ་རྣམས་ཀྱིས་བལྟ་བར་བྱའོ། །བཅོམ་ལྡན་འདས་ཀྱིས་ཕྱག་དར་བྱས་པའི་སྟེང་དུ་སངས་རྒྱས་ཀྱི་བཀའ་ཁ་ཏོན་བྱ་ཞིང་འགྲོ་བར་བྱའོ། །ཞེས་བཀའ་སྩལ་པ་དང ། དགེ་སློང་དག་ཆག་ཆག་བཏབ་ནས་ཕྱག་དར་བྱེད་ཅིང་དཀྱིལ་འཁོར་བྱེད་དེ། དེས་ན་ཕྱོགས་དེར་འགྲོར་མི་རུང་ངོ ། །སྙམ་</font><hr>Tha269b<br><font size=+2>


ནས་དགེ་སློང་དག་མི་འགྲོ་བ་དང ། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་གི་ཚིགས་སུ་བཅད་པ་གདོན་ཞིང་འགྲོ་བར་བྱ་སྟེ། དེ་ལ་འགྱོད་པར་མི་བྱའོ། །དྲི་གཙང་ཁང་གི་གྲིབ་མ་དང ། སྐུ་གཟུགས་དང ། མཆོད་རྟེན་གྱི་སྲོག་ཤིང་གི་གྲིབ་མ་དག་འབྱུང་བ་དང ། དེ་དག་ལ་ཡང་དགེ་སློང་རྣམས་འགྱོད་ཅིང་མ་འགོམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།གྲིབ་མ་ནི། མི་བརྟེན་པ་ཡིན་པས། དེ་ལ་ཡང་གཙུག་ལག་ཁང་གི་ཚིགས་སུ་བཅད་པ་གདོན་ཅིང་འགོམ་པར་བྱ་སྟེ། འདི་ལ་འགྱོད་པར་མི་བྱའོ། །གེ་རའི་རྒྱལ་པོས། ཀོ་ས་ལའི་རྒྱལ་པོ་གསལ་རྒྱལ་ལ་གེ་རའི་ཁྱེའུ་བྲན་བུ་ཞེས་བྱ་བ་དང ། སྐྱོང་བ་ཞེས་བྱ་བ་གཉིས་སྐྱེས་སུ་བསྐུར་ཏེ། དེ་གཉིས་ལས། བྲན་བུ་ནི། བཟའ་བ་དང ། བཏུང་བའི་ཆོ་ག་ལ་མཁས། སྐྱོང་བ་ནི། གནས་མལ་གྱི་ཆོ་ག་ལ་མཁས་སོ། །མཐའ་འཁོབ་ན་གནས་པ་རྣམས་ནི། ཕལ་ཆེར་བརྐམ་ཆགས་ཅན་གྱི་རང་བཞིན་ཅན་ཡིན་པས། གང་གི་ཚེ་སྲང་དུ་འགྲོ་བ་དེའི་ཚེ་ཡུལ་མི་ལས། ཉ་དང ། ཤ་དང ། སྣུམ་འཁུར་དག་འཕྲོག་ཅིང་ཟ་ནས་དེ་རྣམས་ཀྱིས་དེ་དག་བརྒྱབ་པ་དང ། དེ་གཉིས་ཀྱིས་རྒྱལ་པོ་ལ་སྨྲས་པ། ལྷ། དེང་བདག་ཅག་སྲང་དུ་མཆིས་ནས་དེར་བདག་ཅག་གིས་ཉ་ལས་ཅུང་ཟད་ཅིག་སུག་ཉ་བགྱིས་ན། དེ་རྣམས་ཀྱིས་བདག་ཅག་བཙོགས་ཏེ་ཐ་མ་ཡང་མ་གུམ་ཙམ་དུ་བགྱིས་སོ། །རྒྱལ་པོ་གསལ་རྒྱལ་གྱིས་དྲིལ་བསྒྲགས་ནས་སུས་ཀྱང་བྲན་བུ་དང ། སྐྱོང་བ་དག་བརྡེག་པར་མི་བྱའི། འོན་ཀྱང་བདག་ཉིད་ཀྱིས་རྫས་བསྲུང་བར་བྱའོ། །ཞེས་བསྒོས་ནས་གང་གི་ཚེ་དེ་</font><hr>Tha270a<br><font size=+2>


༄#། །གཉིས་སྲང་དུ་འགྲོ་བ་དེའི་ཚེ་སྐྱེ་བོའི་ཚོགས་ཀྱིས་དེ་གཉིས་མཐོང་ནས་བདག་ཉིད་ཀྱིས་རྫས་སྦེད་པར་བྱེད་དོ། །ཇི་ཙམ་དུས་གཞན་ཞིག་ན། རྒྱལ་པོ་ལས་བྱེད་པ་ལས་ལངས་ཏེ་མལ་དུ་འཕྲེས་པ་དང ། བྲན་བུ་དང ། སྐྱོང་བ་དག་དེའི་རྐང་པ་མཉེད་ཅིང་དྲུང་ན་འཁོད་པས། རྒྱལ་པོ་བསྒུལ་ནས་བྲན་བུས་སྐྱོང་བ་ལ་སྨྲས་པ། སྐྱོང་བ། ལྷ་མནལ་ལོག་གམ། དེས་སྨྲས་པ། མནལ་ལོག་གོ་།རྒྱལ་པོས་ཐོས་ནས་བསམ་པ། གདོན་མི་ཟ་བར་འདི་གཉིས་གསང་གཏམ་ཅུང་ཟད་ཅིག་བྱེད་འདོད་པར་གྱུར་ཏོ། །སྙམ་ནས་དེས་གཉིད་ལོག་པ་ལྟར་བརྫུས་ཏེ་འདུག་པ་དང ། བྲན་བུས་སྐྱོང་བ་ལ་སྨྲས་པ། སྐྱོང་བ། འཇིག་རྟེན་ཕ་རོལ་ཡོད་དམ། མེད་ཅིག་གུ་།དེས་སྨྲས་པ། བྲན་བུ། འཇིག་རྟེན་ཕ་རོལ་ཡོད་རེ་སྐན། སྐྱོང་བས་སྨྲས་པ། བྲན་བུ། འཇིག་རྟེན་ན་དགྲ་བཅོམ་པ་ཡོད་དམ། དེས་སྨྲས་པ། འཇིག་རྟེན་ན་དགྲ་བཅོམ་པ་ཡོད་རེ་སྐན། རྒྱལ་པོ་དེས་ཐམས་ཅད་ཐོས་ནས་དེས་བསམ་པ། འདི་གཉིས་ཀྱང་འདི་ལྟ་བུའི་སྡིག་པའི་ལྟ་བ་ཀུན་ཏུ་སྤྱོད་དེ། འདི་ལ་གཅིག་ནི། རྟག་པར་ལྟ། གཅིག་ནི། ཆད་པར་ལྟའོ། །སྙམ་མོ། །ཀུན་ཏུ་ཡང་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་གེ་རའི་ཁྱེའུ་གཉིས་ལས། གཅིག་ནི། རྟག་པར་ལྟ། གཅིག་ཤོས་ནི། ཆད་པར་བལྟའོ། །ཞེས་སྒྲ་གྲགས་པར་གྱུར་ཏོ། །དེའི་ཚེ་ཁྱིམ་བདག་མགོན་མེད་ཟས་སྦྱིན་གྱིས་ཁྱུ་མཆོག་གི་ཚིག་རླབས་པོ་ཆེ་འདི་ལྟ་བུ་མགོ་གཅིག་བཟུང་ནས་སྨྲས་པ། སུ་གང་ཞིག་ངའི་ཁྱིམ་དུ་</font><hr>Tha270b<br><font size=+2>


མིར་གྱུར་ནས་དུས་བྱེད་པ་དེ་ཐམས་ཅད་ལུས་ཞིག་ནས་བདེ་འགྲོ་མཐོ་རིས་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཞེས་འཁོར་གྱི་ནང་དུ་སེངྒའི་སྒྲ་ཡང་དག་པར་བསྒྲགས་སོ། །རྒྱལ་པོ་གསལ་རྒྱལ་གྱིས་བསམ་པ།་གང་གི་ཚེ་ཁྱིམ་བདག་མགོན་མེད་ཟས་སྦྱིན་འདིར་འོངས་པ་དེའི་ཚེ། དེ་ལ་ཁྱེའུ་འདི་གཉིས་ཐབས་ཤིག་བཤམས་ཏེ་སྦྱིན་ནོ། །སྙམ་མོ། །ཇི་ཙམ་དུས་གཞན་ཞིག་ན་ཁྱིམ་བདག་མགོན་མེད་ཟས་སྦྱིན་རྒྱལ་པོའི་དྲུང་དུ་སོང་བ་དང ། ཁྱེའུ་ཞིག་གིས་དེའི་སྟན་བཏིང་སྟེ་དུས་རན་པ་དང་འོང་ངོ་སྙམ་ནས་ཕྱིར་བྱུང་སྟེ་བྱིས་པ་རྣམས་དང་ལྷན་ཅིག་རྩེ་བར་བསམ་མོ། །རྒྱལ་པོས་དེ་སོང་བར་ཤེས་ནས་བསམ་པ།་འདི་གཉིས་ཐབས་བཤམས་ནས་སྦྱིན་པའི་དུས་དེ་ནི། འདི་ཡིན་ནོ། །སྙམ་དུ་རིག་ནས། དེས་སྒོ་བ་ལ་གསང་སྟེ་ཁྱིམ་བདག་མགོན་མེད་ཟས་སྦྱིན་གྱི་ཁྱེའུ་ཕྱིར་བྱུང་བ་གང་ཡིན་པ་དེ། ནང་དུ་མ་གཏང་ཞིག་ཅེས་བསྒོ་བ་དང ། སྒོ་བས་དེ་ནང་དུ་མ་གཏང་ངོ ། །ཁྱིམ་བདག་མགོན་མེད་ཟས་སྦྱིན་འགྲོ་བར་བརྩམས་ནས་སྟན་ལས་ལངས་ཏེ་ཕན་ཚུན་ཁྱེའུ་བལྟས་པ་དང ། རྒྱལ་པོས་སྨྲས་པ། ཁྱིམ་བདག་།ཅི་ལྟ། ལྷ། སྟན་འཚལ་བའི་ཁྱེའུའོ། །དེས་སྨྲས་པ། ཁྱིམ་བདག། ངས་བྲན་བུ་དང ། སྐྱོང་བ་གཉིས་སྦྱིན་གྱི། ཁྱེར་ལ་སོང་ཞིག། དེས་རྒྱལ་པོའི་ངོར་ཁས་བླངས་ནས་དེས་བསམ་པ། ཅིའི་ཕྱིར་ལྷའི་བྲན་བུ་དང ། སྐྱོང་བ་གཉིས་བདག་ལ་སྦྱིན་སྙམ་མོ། །ཡང་བསམ་པ། འདི་གཉིས་སྡིག་པའི་ལྟ་བ་ཅན་ཡིན་པས། ལྷས་བདག་བརྟག་པར་བཞེད་དོ། །སྙམ་ནས། དེས་དེ་གཉིས་ཁྱིམ་དུ་</font><hr>Tha271a<br><font size=+2>


༄#། །ཁྲིད་དེ། མཛོད་པ་བོས་ཏེ་སྨྲས་པ། ཀྱེ་སྐྱེས་བུ། འདི་དག་ཅི་འདོད་པ་དེ་ཐམས་ཅད་ཁྱེད་ཀྱིས་བྱིན་ཅིག་།སྲང་དུ་སོང་སྟེ་སྐྱེ་བོའི་ཚོགས་ལ་སྨྲས་པ། བྲན་བུ་དང ། སྐྱོང་བ་ཅི་ལེན་པ་དེ་ཁྱེད་ཀྱིས་བྱིན་ལ་རིན་ཡང་བརྩིས་ཏེ་ཞོག་ཅིག་དང ། ངས་ཉིས་འགྱུར་དུ་སྦྱིན་ནོ། །དེ་དག་གིས་མཛོད་པའི་ལག་ནས་གང་དུ་ཅུང་ཟད་ཅི་བསླངས་པ་དེ་ཐམས་ཅད་ཐོབ་པ་དང ། དེ་དག་མགུ་ནས་སྨྲས་པ། ཀྱེ་སྐྱེས་བུ། ཁོ་བོ་ཅག་གིས་གང་བསླངས་པ་དེ་ཐམས་ཅད་ཁྱོད་ཀྱིས་ཁོ་བོ་ཅག་ལ་བྱིན་ན། ཁྱོད་ལ་སུ་ཞིག་གིས་བསྒོ། དེས་སྨྲས་པ། བདག་ལ་ཁྱིམ་བདག་གིས་དེ་སྐད་དུ་བསྒོའོ། །དེ་དག་གིས་བསམ་པ། ཁྱིམ་བདག་ནི། བདག་གི་ཕ་མ་དང་འདྲ་བར་གནས་ཏེ། གང་བསླངས་པ་དེ་ཐོབ་བོ། །སྙམ་མོ། །དུས་གཞན་ཞིག་ན་དེ་དག་སྲང་དུ་སོང་བ་དང ། དེ་དག་ལ་སྐྱེ་བོའི་ཚོགས་ཀྱིས་སྒྲ་ཕྱུང་ནས་སྦྱིན་ཏེ། ཁ་ཅིག་ནི། བྲན་བུ་ངེད་ལས་ཁྱེར་ཅིག་ཅེས་ཟེར། གཞན་དག་ཀྱང་ངེད་ལས་ཁྱེར་ཅིག་ཅེས་ཟེར་བ་དང ། དེ་དག་གིས་སྨྲས་པ། ཤེས་ལྡན་དག་།ཁྱེད་སྔོན་ངེད་མཐོང་ན། སྣོད་དུ་སྦེད་ན། ད་སྒྲ་ཕྱུང་ནས་སྟེར་བ་འདི་ལ་རྒྱུ་གང་ཞིག་ཡིན། དེ་དག་གིས་སྨྲས་པ། སྔོན་ནི། ཁྱེད་འཕྲོག་ཅིང་ཟ། ད་ནི། ཁྱིམ་བདག་གིས་རིན་ཉིས་འགྱུར་དུ་སྦྱིན་ནོ། །དེ་དག་གིས་བསམ་པ། ཁྱིམ་བདག་ནི། བདག་ཅག་ལ་ཤིན་ཏུ་ཕན་པ་གྲུབ་པ་ལྷུར་ལེན་ཏོ། །སྙམ་ནས་དེ་དག་ཁྱིམ་བདག་གི་དྲུང་དུ་སོང་སྟེ་སྨྲས་པ། ཁྱིམ་བདག། བདག་ཅག་ལ་ལས་དཔོག་ཏུ་གསོལ། ཤེས་ལྡན་དག། </font><hr>Tha271b<br><font size=+2>


སྡོད་ཅིག་དང་ལས་ཀྱང་ཡོད་དོ། །ཇི་ཙམ་ན་དུས་གཞན་ཞིག་ན། ཁྱིམ་བདག་མགོན་མེད་ཟས་སྦྱིན་བྲན་བུ་དང ། སྐྱོང་བ་དག་ཁྲིད་ནས་རྒྱལ་བྱེད་ཀྱི་ཚལ་འཕྱག་ཏུ་སོང་ངོ ། །དེ་དེར་སོན་པ་དང ། བྱ་བ་ཅུང་ཟད་ཅིག་བྱུང་ནས་དེས་སྨྲས་པ། བྲན་བུ་དང ། སྐྱོང་བ་ང་ལ་བྱ་བ་ཞིག་བྱུང་གི། ཁྱེད་ཀྱིས་རྒྱལ་བྱེད་ཀྱི་ཚལ་ཕྱོགས་ལ་ཤོག་ཅིག་།དེ་དག་གིས་འཕྱག་པར་བརྩམས་པ་དང ། བཅོམ་ལྡན་འདས་ཀྱིས་ཇི་ལྟར་ཕྱག་དར་མི་ཟད་པ་དེ་ལྟར་བྱིན་གྱིས་བརླབས་སོ། །དེ་དག་ཇོ་བོ་ལ་སྙིང་ཉེ་བས་སྐྱོ་བཞིན་མ་བཏང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། བྲན་བུ་དང ། སྐྱོང་བ་དག་ལ་ལྷུང་བཟེད་ཀྱི་ལྷག་མ་ཞོག་ཅིག་།དེས་དེ་དག་ལ་ལྷུང་བཟེད་ཀྱི་ལྷག་མ་བཞག་གོ་།ཕྱག་དར་བོར་བ་དང ། དེ་ཁོ་ན་བཞིན་དུ་ཟད་མ་ཤེས་ནས་དེ་དག་ཇི་སྲིད་ནམ་སྲོས་པར་གྱུར་པ་དེ་སྲིད་དུ་ལས་བྱེད་ཅིང་འཁོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་བྲན་བུ་དང ། སྐྱོང་བ་དག་དྲུང་དུ་སྙོལ་ཞིག་།དགེ་སློང་རྣམས་ལ་ཡང་ངས་དགེ་སློང་དག། ཁྱེད་ཀྱིས་དགེ་བ་མི་སྤྱོམས་པ་དང ། སྡིག་པ་བཤགས་ཏེ་གནས་པར་བྱའོ། །ཞེས་གསུངས་མོད་ཀྱི། འོན་ཀྱང་བྲན་བུ་དང ། སྐྱོང་བ་དག་ལྟ་བ་དང་དབྲལ་བར་བྱ་དགོས་པས། ཁྱེད་ལས་གང་གིས་གནས་པའི་སྙོམས་པར་འཇུག་པ་གང་ཐོབ་པ་དེས། གནས་པའི་སྙོམས་པར་འཇུག་པ་དེས་མནོས་ཤིག་ཅེས་བྱོས་ཤིག་།བཙུན་པ། དེ་ལྟར་འཚལ་ལོ། །ཞེས་ཚེ་དང་ལྡན་པ་ཀུན་</font><hr>Tha272a<br><font size=+2>


༄#། །དགའ་བོས། བཅོམ་ལྡན་འདས་ཀྱི་ལྟར་མཉན་ནས་བྲན་བུ་དང ། སྐྱོང་བ་ལ་སྨྲས་པ། ཁྱེད་ཁོ་བོ་ཁོ་ནའི་དྲུང་དུ་ཉོལ་ཞིག། དགེ་སློང་རྣམས་ལ་ཡང་སྨྲས་པ། ཚེ་དང་ལྡན་པ་དག། བཅོམ་ལྡན་འདས་ཀྱིས་ཞལ་ནས། ངས་དགེ་སློང་དག་ཁྱེད་ཀྱིས་དགེ་བ་མི་སྤྱོམས་པ་དང ། སྡིག་པ་བཤགས་ཏེ་གནས་པར་བྱའོ། །ཞེས་གསུངས་མོད་ཀྱི། འོན་ཀྱང་བྲན་བུ་དང ། སྐྱོང་བ་དག་ལྟ་བ་དབྲལ་བར་བྱ་དགོས་པས། ཁྱེད་ལས་གང་གིས་གནས་པའི་སྙོམས་པར་འཇུག་པ་གང་ཐོབ་དེས། གནས་པའི་སྙོམས་པར་འཇུག་པ་དེས་མནོས་ཤིག་ཅེས་དེ་སྐད་བཀའ་སྩལ་ཏོ། ། བཙུན་པ་ཀུན་དགའ་བོ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཞེས་སྨྲས་ནས་མཚན་མོ་ཐུན་དང་པོ་ལ་རྫུ་འཕྲུལ་བསྟན་པར་བརྩམས་ཏེ་ཁ་ཅིག་ནི། འབར་བར་བྱེད། ཁ་ཅིག་ནི། གློག་འགྱུ་བར་བྱེད་པ་དང ། བྲན་བུ་དང ། སྐྱོང་བས་སྨྲས་པ། འཕགས་པ་ཀུན་དགའ་བོ། འདི་ཅི་ཞིག་ལགས། དེས་སྨྲས་པ། འདི་དག་ནི། དགྲ་བཅོམ་པ་རྫུ་འཕྲུལ་གྱིས་རྣམ་པར་རྩེ་བ་ཡིན་ནོ། །དེ་དག་གིས་སྨྲས་པ། ཀུན་དགའ་བོ། འཇིག་རྟེན་ན་དགྲ་བཅོམ་པ་མཆིས་པ་ལྟ་ཞིག་།འདི་དག་མངོན་སུམ་ཁོ་ནར་མི་སྣང་ངམ། འདི་ལ་ཐེ་ཚོམ་ཟར་ཅི་ཞིག་ཡོད་ཅེས་བྱས་པ་དང ། དེ་དག་ལས་གང་གི་ལྟ་བ་འཇིག་རྟེན་ན་དགྲ་བཅོམ་པ་མེད་དོ། །སྙམ་པ་དེ་དང་བྲལ་ཞིང ། འཇིག་རྟེན་ན་དགྲ་བཅོམ་པ་ཡོད་དོ། །སྙམ་པ་ཡང་དག་པའི་ལྟ་བ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་</font><hr>Tha272b<br><font size=+2>


ཀྱིས་གུང་ཐུན་ལ་ཀྱེ་མ་བརྒྱ་བྱིན་དང ། ཚངས་པ་ལ་སོགས་པའི་ལྷ་དག་འོངས་ཀྱང་བླ་ན་སྙམ་དུ་འཇིག་རྟེན་པའི་ཐུགས་བསྐྱེད་པར་མཛད་དོ། །གང་གི་ཚེ་སངས་རྒྱས་བཅོམ་ལྡན་འདས་རྣམས་འཇིག་རྟེན་པའི་ཐུགས་བསྐྱེད་པར་མཛད་པ་ཞེས་བྱ་བ་ནས་བརྒྱ་བྱིན་དང ། ཚངས་པ་ལ་སོགས་པ་ལྷ་རྣམས་ཀྱིས་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ནས་བཅོམ་ལྡན་འདས་ཀྱི་སྤྱན་སྔར་སོང་ངོ ། །ཞེས་བྱ་བའི་བར་སྔ་མ་བཞིན་ནོ། །དེ་རྣམས་ཀྱི་མཐུས་སྣང་བ་རྒྱ་ཆེན་པོ་བྱུང་བ་དང ། བྲན་བུ་དང ། སྐྱོང་བ་དག་གིས་སྨྲས་པ། འཕགས་པ་ཀུན་དགའ་བོ། འདི་ཅི་ཞིག་ལགས། དེས་སྨྲས་པ། འདི་དག་ནི། བརྒྱ་བྱིན་དང ། ཚངས་པ་ལ་སོགས་པའི་ལྷ་རྣམས་བཅོམ་ལྡན་འདས་ཀྱི་སྤྱན་སྔར་ལྷགས་པ་ཡིན་ནོ། །འཇིག་རྟེན་ཕ་རོལ་མཆིས་པ་ལྟ་ཞིག་།འདི་དག་མངོན་སུམ་ཁོ་ནར་མི་སྣང་ངམ། འདི་ལ་ཐེ་ཚོམ་ཟར་ཅི་ཡོད་ཅེས་བྱས་པ་དང ། དེ་དག་ལས་གང་གི་ལྟ་བ་འཇིག་རྟེན་ཕ་རོལ་མེད་དོ། །སྙམ་པ་དང་བྲལ་ཞིང ། འཇིག་རྟེན་ཕ་རོལ་ཡོད་དོ། །སྙམ་པ་ཡང་དག་པའི་ལྟ་བ་སྐྱེས་སོ། །དེ་དག་དད་པ་སྐྱེས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།བཅོམ་ལྡན་འདས་ཀྱིས་དེ་དག་གི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་པ་མཛད་དོ། །དེ་ཐོས་ནས་བྲན་བུ་དང ། སྐྱོང་བ་དག་གིས་འཇིག་</font><hr>Tha273a<br><font size=+2>


༄#། །ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་དག་བདེན་པ་མཐོང་ནས་བཅོམ་ལྡན་འདས་ཀྱི་ཞབས་ལ་གཏུགས་ཏེ་གསོལ་པ། བཙུན་པ། བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན། བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་འཚལ་ལོ། །བཅོམ་ལྡན་འདས་ཀྱིས་དེ་གཉིས་ལ་བྲན་བུ་དང ། སྐྱོང་བ། ཁྱེད་ཚུར་ཚངས་པར་སྤྱད་པ་སྤྱོད་ཅིག་ཅེས་དགེ་སློང་ཚུར་ཤོག་ཅེས་བྱ་བས་ཀུན་ཏུ་བཀའ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་མ་ཐག་ཏུ་དེ་དག་སྐྲ་བྲེགས་པ་དང ། སྣམ་སྦྱར་གྱོན་པ་དང ། ལག་ན་ལྷུང་བཟེད་དང ། བྱ་མ་བུམ་ཐོགས་པ་དང ། སྐྲ་དང་ཁ་སྤུ་བྲེགས་ནས་ཞག་བདུན་ལོན་པ་ལྟ་བུ་དང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །དེ་བཞིན་གཤེགས་པས་ཚུར་ཤོག་བཀའ་སྩལ་པས། །མགོ་བྲེགས་ལུས་ལ་སྣམ་སྦྱར་བགོས་གྱུར་ཅིང ། མོད་ལ་དབང་པོ་རབ་ཏུ་ཞིར་གནས་ཏེ། །སངས་རྒྱས་དགོངས་པས་ལུས་ཀྱི་ཆ་ལུགས་བསྒྱུར།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་དྲུག་པ། བཅོམ་ལྡན་འདས་ཀྱིས་དེ་གཉིས་ལ་གདམས་ངག་གནང་བ་དང ། དེ་གཉིས་ཀྱིས་འབད། བརྩལ། བསྒྲིམས་པས། ཉོན་མོངས་པ་ཐམས་ཅད་སྤངས་</font><hr>Tha273b<br><font size=+2>


ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་ལས་འདོད་ཆགས་དང་བྲལ་བ། སེམས་བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཉམ་པ། སྟེའུ་དང་ཙནྡན་དུ་མཚུངས་པ། མ་རིག་པའི་སྒོ་ངའི་སྦུབས་དྲལ་བ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་ལ་ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པ་དང ། རྗེད་པ་དང ། གུས་པར་སྨྲ་བར་བྱ་བར་གྱུར་ཏོ། །གང་གི་ཚེ་བཅོམ་ལྡན་འདས་ཀྱིས་བྲན་བུ་དང ། སྐྱོང་བ་དག་རབ་ཏུ་ཕྱུང་བ་དེའི་ཚེ་རྒྱལ་པོ་གསལ་རྒྱལ། བཅོམ་ལྡན་འདས་ཀྱིས་བྲན་བུ་དང ། སྐྱོང་བ་དག་རབ་ཏུ་བྱུང་བ་གང་ཡིན་པ་དེ་ནི། མ་ལེགས་པ་ཞིག་མཛད་དོ། །དེ་དག་ནི། སྡིག་པའི་ལྟ་བ་ཀུན་ཏུ་སྤྱོད་པའོ། །ཞེས་མ་དད་པར་གྱུར་ཏོ། །བཅོམ་ལྡན་འདས་ཀྱིས་དགོངས་པ། ཉན་ཐོས་ཆེན་པོ་རི་རབ་དང་འདྲ་བ་དག་ལ་རྒྱལ་པོ་གསལ་རྒྱལ་མ་དད་པར་གྱུར་གྱི། དེའི་ཕྱིར་དེ་དག་གི་ཡོན་ཏན་བརྗོད་པར་བྱའོ། །སྙམ་དུ་དགོངས་སོ། །བཅོམ་ལྡན་འདས་དེ་འདི་སྙམ་དུ་དགོངས་པ་དང ། དེ་ནས་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། </font><hr>Tha274a<br><font size=+2>


༄#། །ཡང་དག་པར་ལེན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་བར་བཞུགས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱིས་བཤད་པ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། བྲན་བུ་དང ། སྐྱོང་བདག་གི་དྲུང་དུ་སོང་ལ་སོང་ནས་འདི་སྐད་ཅེས། སང་ཁྱིམ་བདག་མགོན་མེད་ཟས་སྦྱིན་གྱིས་གདུགས་ཚོད་སྦྱར་བའི་ཚེ་ཁྱེད་གཉིས་ཀྱིས་ཆུ་རིམས་ཤིག་ཅེས་གྱིས་ཞིག། བཙུན་པ། དེ་ལྟར་</font><hr>Tha274b<br><font size=+2>


འཚལ་ལོ། །ཞེས་ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱི་ལྟར་མཉན་ནས་ཚེ་དང་ལྡན་པ་བྲན་བུ་དང ། སྐྱོང་བ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་བྲན་བུ་དང ། སྐྱོང་བ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག། བཅོམ་ལྡན་འདས་ཀྱི་ཞལ་ནས། སང་ཁྱིམ་བདག་མགོན་མེད་ཟས་སྦྱིན་གྱིས་གདུགས་ཚོད་སྦྱར་བའི་ཚེ་ཁྱེད་གཉིས་ཀྱིས་ཆུ་རིམས་ཤིག་ཅེས་དེ་སྐད་ཅེས་བཀའ་སྩལ་ཏོ། །དེ་དག་གིས་སྨྲས་པ། བཙུན་པ། ཀུན་དགའ་བོ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཞེས་སྨྲས་ནས་བསམ་པ། ཅིའི་ཕྱིར་བཅོམ་ལྡན་འདས་ཀྱིས་དགེ་སློང་གནས་བརྟན་གནས་བརྟན་དག་བཞག་སྟེ་བདག་ཅག་ལ་སང་ཁྱེད་གཉིས་ཀྱིས་ཆུ་རིམས་ཤིག་ཅེས་བཀའ་སྩལ། གདོན་མི་ཟ་བར་བདག་ཅག་ཁོ་ནའི་ཡོན་ཏན་བརྗོད་པ་མཛད་པར་བཞེད་དེ། ལེགས་ཀྱི། སྟོན་པའི་དགོངས་པ་རྫོགས་པར་བྱའོ། །སྙམ་མོ། །དེ་ནས་ཁྱིམ་བདག་མགོན་མེད་ཟས་སྦྱིན། དེ་ཉིད་ཀྱི་མཚན་མོ་བཟའ་བ་དང ། བཅའ་བ་གཙང་ཞིང་བསོད་པ་ཡང་དག་པར་བསྒྲུབས་ནས་ནང་བར་སྔར་ལངས་ཏེ་གདན་བཤམས། ཆུ་ར་བཞག་ནས། བཅོམ་ལྡན་འདས་ལ་ཕོ་ཉ་བས། བཙུན་པ། གདུགས་ཚོད་དུ་ས་སུ་བཤམས་ལགས་ཏེ། བཅོམ་ལྡན་འདས། ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་དུས་བདས་པར་གསོལ་ཏོ། །དེ་ནས་བཅོམ་ལྡན་འདས་སྔ་དྲོ་ཆོས་གོས་མནམས། ལྷུང་བཟེད་བསྣམས་ཏེ་དགེ་སློང་གི་ཚོགས་ཀྱིས་བསྐོར་ནས་དགེ་སློང་གི་</font><hr>Tha275a<br><font size=+2>


༄#། །དགེ་འདུན་གྱིས་མདུན་དུ་བདར་ཏེ་ཁྱིམ་བདག་མགོན་མེད་ཟས་སྦྱིན་གྱི་བཀད་ས་ག་ལ་བ་དེར་གཤེགས་སོ། །གཤེགས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་པོ་གསལ་རྒྱལ་གྱི་ཐོག་ཏུ་ཕོ་ཉ་བཏང་སྟེ། ལྷ། བདག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་སྡུམ་པར་གདུགས་ཚོད་ལ་སྤྱན་དྲངས་ན། དེའི་སླད་དུ་གཤེགས་ཤིང་རྗེས་སུ་ཡི་རང་བ་མཛད་པའི་རིགས་སོ། །ཞེས་བྱས་པ་དང ། དེ་བཙུན་མོའི་འཁོར་དང ། གཞོན་ནུ་དང ། བློན་པོས་བསྐོར་ནས་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་གདུགས་ཚོད་སྦྱར་བ་ལ་རྗེས་སུ་ཡི་རང་བར་བྱ་བའི་ཕྱིར་འོངས་ཏེ་རྒན་རིམ་བཞིན་ཕྱག་བྱས་ནས་འདུག་གོ། །དེ་ནས་ཚེ་དང་ལྡན་པ་བྲན་བུས་རྒན་པའི་མཐའ་ལོགས་སུ་འདུག་ནས་ཇི་ལྟར་གཞོན་པའི་མཐར་ཕྱིན་ནས་འབོ་བ་དེ་ལྟར་ཆུའི་རྒྱུན་བྱིན་གྱིས་བརླབས་སོ། །ཚེ་དང་ལྡན་པ་སྐྱོང་བས་ཀྱང་ཇི་ལྟར་རྒན་པའི་མཐར་ཕྱིན་ནས་འབོ་བ་དེ་ལྟར་ཆུའི་རྒྱུན་བྱིན་གྱིས་བརླབས་པ་དང ། རྒྱལ་པོ་གསལ་རྒྱལ་གྱིས་བསམ་པ། སྟོན་པའི་སྤྱན་སྔར་རྫུ་འཕྲུལ་རྣམ་པར་འཕྲུལ་པ་བྱེད་པའི་དགེ་སློང་གང་ཞིག་ཡིན་སྙམ་ནས་ཆུའི་རྒྱུན་གྱི་རྗེས་བཞིན་གཞོན་པའི་མཐར་སོང་བ་དང ། ཇི་ཙམ་ན་ཚེ་དང་ལྡན་པ་སྐྱོང་བ་མཐོང་ངོ ། །དེ་ནས་ཡང་ཕྱིར་ཆུའི་རྒྱུན་གྱི་རྗེས་བཞིན་རྒན་པའི་མཐར་སོང་བ་དང ། ཇི་ཙམ་ན་ཚེ་དང་ལྡན་པ་བྲན་</font><hr>Tha275b<br><font size=+2>


བུ་མཐོང་ནས་དེ་བཞིན་དུ་ཡ་མཚན་སྐྱེས་ནས་རོ་སྟོད་བསྟོད། ལག་པ་གཡས་པ་བརྐྱང་སྟེ། ཀྱེ་མའོ་སངས་རྒྱས། ཀྱེ་མའོ་ཆོས། ཀྱེ་མའོ་དགེ་འདུན། ཀྱེ་མའོ་ཆོས་ལེགས་པར་གསུངས་པ་ཉིད། ད་ལྟར་འདི་ན་བྲན་བུ་དང ། སྐྱོང་བ་ལ་སོགས་པ་སྡིག་པའི་ལྟ་བ་ཅན་དག་ཀྱང་ཡོན་ཏན་འདི་ལྟ་བུ་དག་ཐོབ་པར་གྱུར་ཏོ། །ཞེས་ཆེད་དུ་རྗོད་པར་བྱེད་དོ། །དེ་ནས་ཁྱིམ་བདག་མགོན་མེད་ཟས་སྦྱིན་སངས་རྒྱས་ལ་སོགས་པའི་དགེ་སློང་གི་དགེ་འདུན་བདེ་བར་བཞུགས་པར་རིག་ནས་རང་གི་ལག་བསྟར་ཏེ་བཟའ་བ་དང ། བཅའ་བ་གཙང་ཞིང་བསོད་པས་ཀུན་ཏུ་ཚིམ་པར་བྱེད། ཀུན་ཏུ་སྟོབ་པར་བྱེད་དོ། །རྣམ་གྲངས་དུ་མར་རང་གི་ལག་བསྟར་ཏེ་བཟའ་བ་དང ། བཅའ་བ་གཙང་ཞིང་བསོད་པས་ཀུན་ཏུ་ཚིམ་པར་བྱས། ཀུན་ཏུ་བསྟབས་ནས་བཅོམ་ལྡན་འདས་གདུགས་ཚོད་གསོལ་ཏེ་ཕྱག་བཅབས། ལྷུང་བཟེད་གྱུ་བར་རིག་ནས་སྟན་ཆེས་དམའ་བཞིག་\་Bཱ་Zཿ ཱིG\་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།དེ་ནས་བཅོམ་ལྡན་འདས་ཀྱིས་རྒྱལ་པོ་གསལ་རྒྱལ་དང ། ཁྱིམ་བདག་མགོན་མེད་ཟས་སྦྱིན་ལ་ཆོས་དང་མཐུན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག། ཡང་དག་པར་གཟེངས་བསྟོད། ཡང་དག་པར་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བྲན་བུ་དང ། སྐྱོང་བ་དག་གིས་ལས་ཅི་ཞིག་བགྱིས་ན། དེས་ན་ཡུལ་མཐའ་འཁོབ་ཏུ་སྐྱེས་ཤིང་</font><hr>Tha276a<br><font size=+2>


༄#། །གཅིག་ནི། རྟག་པར་ལྟ་བ། གཅིག་ནི། ཆད་པར་ལྟ་བར་གྱུར། ལས་ཅི་ཞིག་བགྱིས་ན། དེས་ན། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲན་བུ་དང ། སྐྱོང་བ་དག་གིས་སྔོན་གྱི་ཚེ་རབས་གཞན་དག་ཏུ་ལས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། ལུས་ཅན་རྣམས་ལ་འབྲས་བུར་སྨིན། ཞེས་བྱ་བའི་བར་སྔ་མ་བཞིན་ནོ། །དགེ་སློང་དག། སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན་སྟོན་པ་འོད་སྲུང་ཞེས་བྱ་བ་ནས་དྲང་སྲོང་སྨྲ་བ་རི་དྭགས་ཀྱི་ནགས་ན་ཞེས་བྱ་བའི་བར་སྔ་མ་བཞིན་ནོ། །དེའི་བསྟན་པ་ལ་འདི་གཉིས་རབ་ཏུ་བྱུང་བར་གྱུར་ཏེ། དེ་ན་འདི་གཉིས་མཐའ་འཁོབ་ཏུ་དོང་ནས་གདམས་ངག་མེད་པར་ཡིད་ལ་བྱ་བ་བསྐྱེད་དོ། །དེ་ན་འདི་གཉིས་ཀྱིས་མ་རྟོགས་པར་རྟོགས་སོ། །སྙམ་པའི་འདུ་ཤེས་ཐོབ་བོ། །དེ་ནས་འདི་གཉིས་འཆི་བའི་དུས་ཀྱི་ཚེ་འཇིག་རྟེན་ལས་འདས་པ་ལ་ལོག་པར་ལྟ་བ་ཐོབ་བོ། །དེ་གཉིས་ལོག་པར་ལྟ་བས་ཉམས་དེས་སྨྲས་པ། ཡང་དག་པར་རྫོགས་པའི་སངས་རྒྱས་འོད་སྲུང་གིས་བསླུས་ཏེ། རེ་ཞིག་བདག་ཅག་ལ་ཡང་ཉོན་མོངས་པ་སྤངས་པའི་དགྲ་བཅོམ་པ་ཉིད་མེད་ན། གཞན་ལ་ལྟ་ཡོད་པར་འགྱུར་རེ་སྐན་ཞེས་སྨྲས་སོ། །དགེ་སློང་དག་།ཇི་སྙམ་དུ་སེམས། ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་རབ་ཏུ་བྱུང་ནས་མཐའ་འཁོབ་</font><hr>Tha276b<br><font size=+2>


ཏུ་གདམས་ངག་མེད་པར་ཡིད་ལ་བྱེད་པ་བསྐྱེད་པ་གང་ཡིན་པ་དེ་དག་ནི། བྲན་བུ་དང ། སྐྱོང་བ་འདི་དག་ཉིད་ཡིན་ནོ། །དེ་ན་འདི་དག་གིས་མཐའ་འཁོབ་ཏུ་སོང་སྟེ་གདམས་ངག་མེད་པར་ཡིད་ལ་བྱེད་པ་བསྐྱེད་ནས་ལྟ་བ་ལོག་པ་ཐོབ་པ་གང་ཡིན་པའི་ལས་དེའི་རྣམ་པར་སྨིན་པས། ངན་སོང་རྣམས་ཀྱི་ནད་དུ་སྐྱེས་ནས་ལོ་མང་པོར་མཐའ་འཁོབ་རྣམས་སུ་སྐྱེས་ཤིང ། ལོག་པར་ལྟ་བ་ཅན་དུ་གྱུར་ཏེ་ད་ལྟའི་བར་དུ་ཡང་མཐའ་འཁོབ་ཏུ་སྐྱེས་ནས་ལོག་པར་ལྟ་བ་ཅན་དུ་གྱུར་པ་ཡིན་ནོ། །གང་དག་འདི་དག་གིས་དེ་ན་བཀླགས་པ་དང ། ཁ་ཏོན་བྱས་པ་དང ། ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་པར་འབྱུང་བ་ལ་མཁས་པ་དང ། གནས་དང་གནས་མ་ཡིན་པ་ལ་མཁས་པར་བྱས་པ་དེས་ན། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག། གདམས་ངག་མེད་པར་བསམ་གཏན་བྱེད་པ་ལ་ཉེས་དམིགས་འདི་དག་དང ། གཞན་ཡང་ཡོད་དེ། དེ་ལྟ་བས་ན། དགེ་སློང་གིས་གདམས་ངག་མེད་པར་བསམ་གཏན་མི་བྱའོ། །དགེ་སློང་དག། གདམས་ངག་མེད་པར་བསམ་གཏན་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་དག། དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་ནག་།ལས་གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར། འདྲེན་མ་རྣམས་ཀྱི་ཡང་འདྲེན་མ་ཡིན་ནོ། །དགེ་སློང་དག། དེ་ལྟ་བས་ན། ལས་གཅིག་</font><hr>Tha277a<br><font size=+2>


༄#། །ཏུ་ནག་པ་དང ། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་དག་ལ་བརྩལ་བར་བྱ་སྟེ། དགེ་སློང་དག་གིས་དེ་ལྟར་བསླབ་པར་བྱའོ། །གླེང་གཞི་ནི། མཉན་ཡོད་ནའོ། ། མཉན་ཡོད་ན་ཁྱིམ་བདག་ཅིག་འདུག་པ་དེས་དགོན་པར་སྤྱིལ་པོ་བྱེད་དུ་བཅུག་སྟེ། དེ་ན་དགེ་སློང་གཅིག་འདུག་པ་དེ་སོ་ག་ཚ་བས་རྨྱ་ནས་སྐྱ་བོ་སེང་སེང་པོར་གྱུར་ཅིང་ལུས་ཤ་བྲི་ངན་པ། ཉམ་ཆུང་བ་ཤིག་ཤིག་པོར་གྱུར་ནས་དེ་ཁྱིམ་བདག་གི་དྲུང་དུ་སོང་སྟེ། ཁྱིམ་བདག། ཤེས་པར་གྱིས་ཤིག་།གཞན་ཞིག་ཏུ་འགྲོའོ། །ཞེས་བྱས་པ་དང ། དེས་སྨྲས་པ། འཕགས་པ། ཅུང་ཟད་ཅིག་བྲེལ་བར་མ་གྱུར་གྲང ། དེས་སྨྲས་པ། ཁྱིམ་བདག། བྲེལ་པ་ནི། ཅུང་ཟད་ཀྱང་མེད་མོད་ཀྱི། འོན་ཀྱང་སོ་གའི་དུས་ལ་བབ་པས། སྤྱིལ་བུ་དེ་ན་ཚ་སྟེ་སྐྱོའོ། །དེས་སྨྲས་པ། འཕགས་པ། བཞུགས་ཤིག་དང ། སའི་ཁང་པ་བགྱིད་དུ་སྩལ་ལོ། །ཁྱིམ་བདག། བཅོམ་ལྡན་འདས་ཀྱིས་མ་གནང་ངོ ། །འཕགས་པ། བཅོམ་ལྡན་འདས་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། སའི་ཁང་པ་བྱེད་དུ་གཞུག་གོ། །བཅོམ་ལྡན་འདས་ཀྱིས་སའི་ཁང་པ་བྱེད་དུ་གཞུག་གོ་།ཞེས་བཀའ་སྩལ་པ་དང ། ཁྱིམ་བདག་དེས་སའི་ཁང་པ་བྱས་སོ། །དེ་དབྱར་གྱི་དུས་སུ་རླན་པར་གྱུར་པ་དང ། དགེ་སློང་དེ། ཁྱིམ་བདག་གི་དྲུང་དུ་སོང་ནས་</font><hr>Tha277b<br><font size=+2>


སྨྲས་པ། ཁྱིམ་བདག། ཤེས་པར་གྱིས་ཤིག། གཞན་ཞིག་ཏུ་འགྲོའོ། །དེས་སྨྲས་པ། འཕགས་པ་ཅུང་ཟད་བྲེལ་བར་མ་གྱུར་གྲང ། དེས་སྨྲས་པ། ཁྱིམ་བདག་བྲེལ་བ་ཅུང་ཟད་ཀྱང་མེད་མོད་ཀྱི། འོན་ཀྱང་སའི་ཁང་པ་ཚན་ཅན་འདིར་འདུག་མི་ཕོད་དོ། །དེས་སྨྲས་པ། འཕགས་པ། གལ་ཏེ་དེ་ལྟ་ན། ཡང་ཐོག་བགྱིད་དུ་སྩལ་གྱི། བཞུགས་ཤིག་།དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ ། །བཅོམ་ལྡན་འདས་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། ཡང་ཐོག་བྱེད་དུ་གཞུག་གོ། བཅོམ་ལྡན་འདས་ཀྱིས་ཡང་ཐོག་བྱེད་དུ་གཞུག་གོ་།ཞེས་བཀའ་སྩལ་པ་དང ། ཁྱིམ་བདག་དེས་ཡང་ཐོག་བྱས་སོ། །དེ་རྡིབ་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལན་ཀན་གདགས་པར་བྱའོ། །དེ་འགུལ་ནས་བཅོམ་ལྡན་འདས་ཀྱིས་བཀའ་སྩལ་པ། རྟེན་མ་གཞུག་ཅིག། ལྕགས་གཟེར་དག་གིས་གདབ་པར་བྱའོ། ། སྡོམ་ནི། ལན་ཚཝ་དང་ནི་སྦུ་བུ་རཝ། །ཁ་སྦྱར་སྨན་གྱི་ཕོར་བུ་དང ། །པར་ཏང་དེར་ནི་གདིང་བ་དང ། །རྐང་པའི་རྟེན་དང་རྡོ་བའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིནད་བད་སའི་བུ་གང་ནས་བཟུང་སྟེ་རབ་ཏུ་བྱུང་བ་ཚུན་ཆད་དེ་རྟག་ཏུ་ནའོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་སྟེ་དྲིས་པ། གནས་བརྟན་</font><hr>Tha278a<br><font size=+2>


༄#། །བ་དེའམ། དེས་སྨྲས་པ། ཚེ་དང་ལྡན་པ་དག། བདག་ན་སྟེ། མི་བདེའོ། །གནས་བརྟན། ཁྱོད་ཀྱིས་སྔོན་ཅི་དག་བསྲེལ། བཞིན་བཟང་ལན་ཚཝའོ། །གནས་བརྟན། གལ་ཏེ་དེ་ལྟ་ན། ད་ཅི་སྟེ་མི་བསྲེལ། བཞིན་བཟང་བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། ལན་ཚཝ་བསྲེལ་བར་བྱའོ། །བཅོམ་ལྡན་འདས་ཀྱིས་ལན་ཚཝ་བསྲེལ་བར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་བབ་བབ་ཏུ་བཞག་སྟེ་ཆུད་ཟོས་པ་དང ། བཅོམ་ལྡན་འདས་ཀྱིས་བཀའ་སྩལ་པ། བབ་བབ་ཏུ་གཞག་པར་མི་བྱའི། །འོན་ཀྱང་སྦུ་བུར་གཞག་པར་བྱའོ། །དེ་དག་གིས་སྨྱུག་མའི་སྦུ་བུར་བཞག་པ་དང ། དེ་ཞུ་ནས་བཅོམ་ལྡན་འདས་ཀྱིས་བཀའ་སྩལ་པ། རཝའི་སྦུ་བུར་གཞག་པར་བྱའོ། །དེ་དག་གིས་རཝ་རྩམ་པའི་ནང་དུ་བཅུག་སྟེ་དེ་དྲི་མི་ཞིམ་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རཝ་རྩམ་པའི་ནང་དུ་གཞུག་པར་མི་བྱའི། འོན་ཀྱང་བ་ལང་གི་གཅི་བ་དང ། ཚོས་ལ་བཀྲུས་ཏེ་གཞུག་པར་བྱའོ། །གླེང་གཞི་ནི། རྒྱལ་པོའི་ཁབ་ནའོ། །བཅོམ་ལྡན་འདས་ཀྱིས་ལན་ཚཝ་རཝའི་ནང་དུ་གཞག་པར་བྱའོ། །ཞེས་བཀའ་སྩལ་པ་དང ། ཚེ་དང་ལྡན་པ་པི་ལིནདའི་བུས་ལན་ཚཝ་རའི་ནང་དུ་བཅུག་ནས་བཞག་སྟེ་ཁ་གབ་མ་བཀབ་པས་རྡུལ་ཞུགས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་</font><hr>Tha278b<br><font size=+2>


དང།་བཅོམ་ལྡན་འདས་ཀྱིས་བཀའ་སྩལ་པ། ཁ་གབ་དགབ་པར་བྱའོ། །བཅོམ་ལྡན་འདས་ཀྱིས་ཁ་གབ་དགབ་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཇི་ལྟ་བུས་དགབ་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རཝ་དེ་ཁོ་ན་ལྟ་བུ་གཉིས་པ་ཞིག་བྱས་ལ་རཝ་ཁ་སྦྱར་དུ་གཞག་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལནདའི་བུ་གང་ནས་བཟུང་སྟེ་རབ་ཏུ་བྱུང་བ་ཚུན་ཆད་དེ་རྟག་ཏུ་ནའོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་སྟེ་དྲིས་པ། གནས་བརྟན། བདེ་འམ། དེས་སྨྲས་པ། ཚེ་དང་ལྡན་པ་དག། བདག་ན་སྟེ། མི་བདེའོ། །དེ་དག་གིས་སྨྲས་པ། གནས་བརྟན། ཁྱོད་ཀྱིས་སྔོན་ཅི་ཞིག་བཅངས། བཞིན་བཟང ། སྨན་གྱི་ཕོར་བུའོ། །གནས་བརྟན། གལ་ཏེ་དེ་ལྟ་ན། ད་ཅི་སྟེ་མི་བཅངས། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་སྨན་ཕོར་བཅང་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་ཁྱིམ་བདག་ཅིག་ཡོད་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་</font><hr>Tha279a<br><font size=+2>


༄#། །སྤྱོད་པར་བྱེད་པ་ལས། བུ་ཞིག་བཙས་ཏེ། དེ་བསྐྱེད་བསྲིངས་ནས་ཆེན་པོར་གྱུར་ཏོ། །དེ་དུས་གཞན་ཞིག་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། དེས་ཁྲི་འབའ་ཞིག་ཐོབ་ཀྱི། མལ་སྟན་ནི། མེད་དོ། །ཇི་ཙམ་དུས་གཞན་ན། ཁྱིམ་བདག་དེ་རྒྱལ་བྱེད་ཀྱི་ཚལ་དུ་སོང་བ་དང ། བུ་དེ་ཁྲི་སྟོང་པ་ལ་ཉལ་ཏེ་མལ་སྟན་མེད་པར་མཐོང་ནས་དེས་སྨྲས་པ། བུ་དགེ་སློང་འདི་རྣམས་མལ་སྟན་ཡོད་ན། ཁྱོད་ལ་ཅི་སྟེ་མེད། དེས་སྨྲས་པ། ཕ། དགེ་སློང་འདི་དག་ནི། རབ་ཏུ་བྱུང་ནས་ཡུན་རིང་དུ་ལོན་པས་འདི་དག་གིས་མལ་སྟན་ཐོབ་ཀྱི། བདག་ནི། ད་གཟོད་རབ་ཏུ་བྱུང་བས་ན། བདག་གིས་མ་ཐོབ་བོ། །དེས་སྨྲས་པ། བུ། གལ་ཏེ་དེ་ལྟ་ན། ངས་ཁྱོད་ལ་པར་ཏང་ཞིག་བསྐུར་གྱི། དེ་འདིར་ཐིངས་ཤིག་།དེས་སྨྲས་པ། ཕ། བཅོམ་ལྡན་འདས་ཀྱིས་མ་གནང་ངོ ། །བུ། བཅོམ་ལྡན་འདས་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་སློང་གིས་པར་ཏང་གདིང་བར་བྱའོ། །བཅོམ་ལྡན་འདས་ཀྱིས་དགེ་སློང་གིས་པར་ཏང་གདིང་བར་བྱའོ། །ཞེས་བཀའ་སྩལ་པ་དང ། དེས་པར་ཏང་དེ་གདིང་བ་མེད་པར་སྤྱད་པས་དྲི་མ་ཅན་དུ་གྱུར་ཏོ། །རེ་ཞིག་ཅིག་ན་ཁྱིམ་བདག་དེ། ཡང་གཙུག་ལག་ཁང་དུ་འོངས་པ་དང ། པར་ཏང་དྲི་མ་ཅན་དེ་མཐོང་ནས། དེས་དེ་ངོ་མ་ཤེས་ཏེ་སྨྲས་པ། བུ། ཁྱོད་ཤེས་</font><hr>Tha279b<br><font size=+2>


ཉེན་ཅན་བསོད་ནམས་ཆེན་པོར་གྱུར་ཏམ། ཕ། ཅི་མངོན། པར་ཏང་གཞན་འདི་རྙེད་མོད། ཕ། གཞན་རྙེད་རེ་སྐན། བུ། ཅིའི་ཕྱིར་འདི་འདི་ལྟར་དྲི་མ་ཅན་དུ་གྱུར། ཕ། བདག་གིས་གདིང་བ་མེད་པར་སྤྱད་པས་སོ། །བུ། ཁྱོད་ཀྱིས་ཆེན་པོ་ལ་འོས་པའི་གོས་འདི་ལྟ་བུ་ཡང་མ་རུང་བར་བྱས་སམ། ཀྱེ་མ་ཁྱོད་ཀྱིས་གདིང་བ་བཏིང་ནས་སྤྱད་ཀྱང་བླ་ན། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ཟག་གི་ཁྲ་བོ་ལ་ཡང་གདིང་བ་མེད་པར་སྤྱད་པར་མི་བྱ་སྟེ། སྤྱོད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆོས་མཉན་པ་སྦྱིན་པར་བྱའོ། །ཞེས་བཀའ་སྩལ་པ་དང ། ཆོས་སྨྲ་བ་སེངྒེའི་ཁྲི་ལ་འདུག་པའི་རྐང་པ་འཕྱང་ནས་བཅོམ་ལྡན་འདས་ཀྱིས་བཀའ་སྩལ་པ། རྐང་རྟེན་བཅའ་བར་བྱའོ། །བཅོམ་ལྡན་འདས་ཀྱིས་རྐང་རྟེན་བཅའ་བར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཇི་ལྟ་བུ་བཅའ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སེང་གེའི་ཁྲི་བརྟན་པོ་གང་ཡིན་པ་ལ་ནི། སོ་ཕག་གི་ཐེམ་སྐས་བྱའོ། །འོན་ཏེ་ཡང་དང་ཡང་དུ་སྐྱོང་ན་ནི། ཤིང་གི་ཁྲིའུ་གཟུགས་སོ། །བསྐྱོད་དཀའ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རྩ་བ་བཞི་ལ་ལྕགས་ཀྱི་ཡང་མིག་གདགས་པར་བྱ་ཞིང ། དེ་དག་ནས་བཟུང་སྟེ་ཅི་དགར་བསྐྱོད་པར་བྱའོ། །བསོད་ནམས་འདོད་པའི་དགེ་</font><hr>Tha280a<br><font size=+2>


༄#། །སློང་དག་དང ། བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས་རྐང་རྟེན་ལ་དྲིའི་ལག་རིས་དང ། དྲི་དག་གིས་བྱུགས་པ་དང་ཆོས་སྨྲ་བ་འགྱོད་དེ། དེ་ལ་རྐང་པ་འཇོག་པར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེའི་སྟེང་དུ་ལོ་མའི་ཁྲེས་སམ། རྩཝ་བམ་གཞག་པར་བྱ་ཞིང ། བཞག་ནས་རྐང་པ་གཞག་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་སེང་གེའི་ཁྲི་ལ་རྐང་རྟེན་གཟུགས་པར་བྱའོ། །ཞེས་བཀའ་སྩལ་པ་དང ། དགེ་སློང་དགོན་པ་པ་རྣམས་ལ་རྐང་རྟེན་མི་བདོག་ནས་དེ་དག་རྐང་པ་འཕྱང་ཞིང་ཆོས་སྟོན་པར་བྱེད་པས་ངལ་བར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་རྡོ་གཞག་པར་བྱའོ། །སྡོམ་ནི། ཕྱི་བ་སེང་རས་མཆིལ་མའི་སྣོད། །ལུས་ཕྱི་བ་དང་གཞོང་རིང་དང ། །གཅལ་དང་མེ་ཤེལ་དག་དང་ནི། །བཙོ་བླག་མཁན་དང་ཤིང་ལེབ་བོ། །བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིནདའི་བུ་གང་ནས་བཟུང་སྟེ་རབ་ཏུ་བྱུང་བ་ཚུན་ཆད་དེ་རྟག་ཏུ་ནའོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་སྟེ་དྲིས་པ། གནས་བརྟན། བདེའམ། དེས་སྨྲས་པ། ཚེ་དང་ལྡན་པ་དག། བདག་ན་སྟེ། མི་བདེའོ། །གནས་བརྟན། ཁྱོད་ཀྱིས་སྔོན་ཅི་ཞིག་བཅངས། བཞིན་</font><hr>Tha280b<br><font size=+2>


བཟང་གདོང་ཕྱི་པའོ། །གནས་བརྟན། གལ་ཏེ་དེ་ལྟ་ན། ད་ཅི་སྟེ་མི་བཅང ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་གདོང་ཕྱིས་བཅང་བར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་གཞུགས་སོ། །སོ་གའི་དུས་ལ་བབ་པ་དང ། ཚེ་དང་ལྡན་པ་པི་ལིནདའི་བུ་ཚ་བས་རྨྱ་སྟེ་སྐྱ་བོ་སེང་སེང་པོར་གྱུར་ཅིང་ལུས་ཤ་བྲི་ངན་པ། ཉམ་ཆུང་བ། ཤིག་ཤིག་པོར་གྱུར་ཏོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་བ་དང ། དེ་དག་གིས་དེའི་ལུས་ཀྱི་གནས་སྐབས་མཐོང་ནས་སྨྲས་པ། གནས་བརྟན། ཅི་སྟེ་སྐྱ་བོ་སེང་སེང་པོ། ལུས་ཤ་བྲི་ངན་པ། ཉམ་ཆུང་བ། ཤིག་ཤིག་པོར་གྱུར། དེས་སྨྲས་པ། བཞིན་བཟང་ཚ་བས་བདག་གི་ལུས་ཀྱི་གནས་སྐབས་འདི་ལྟ་བུར་གྱུར་ཏོ། །གནས་བརྟན། ཁྱོད་ཀྱིས་སྔོན་སོ་གའི་དུས་སུ་ཅི་ཞིག་བཅངས། བཞིན་བཟང་སེང་རས་སོ། །གནས་བརྟན། གལ་ཏེ་དེ་ལྟ་ན། ད་ཅི་སྟེ་མི་བཅངས། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་དགེ་སློང་གིས་སེང་རས་བཅང་བར་བྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ཆམ་ལུང་བདོ་སྟེ་ན་བ་</font><hr>Tha281a<br><font size=+2>


༄#། །དེས། ས་ལ་མཆིལ་མ་བོར་བས་མལ་གྱི་གཡས་གཡོན་གཉིས་མི་མཛེས་པར་བྱས་སོ། །ཇི་ཙམ་ན་དེའི་ལྷན་ཅིག་གནས་པ་ནང་པར་སྔར་ལངས་ཏེ་གནས་ཁང་དུ་ཞུགས་ནས་ཕྱག་བྱས་ཏེ་ནད་དྲིས་ནས་བྱུང་ངོ ། །དེ་ཕྱག་འཚལ་བ་ན་འཕྲལ་བ་ལ་མཆིལ་མའི་ཐག་པ་རེག་པ་དེ། དགེ་སློང་རྣམས་ཀྱིས་མཐོང་ནས་དེ་དག་གིས་སྨྲས་པ། ཚེ་དང་ལྡན་པ། གང་དུ་ཁྱོད་ཀྱི་འཕྲལ་བ་ལ་མཆིལ་མ་འདི་རེག། དེས་སྨྲས་པ། མཁན་པོ་ཆམ་ལུད་ན་བ་དེས། ས་ལ་མཆིལ་མ་བོར་བར་མ་གྱུར་གྲང ། རེ་ཞིག་བལྟའོ། །ཞེས་དེ་གནས་ཁང་དུ་ཞུགས་པ་དང ། ཇི་ཙམ་ན་མལ་གྱི་གློ་གཡས་གཡོན་དུ་མཆིལ་མ་བོར་བ་མཐོང་ངོ ། །དེས་དགེ་སློང་དེ་དག་ལ་བསྙད་པ་དང ། དེ་དག་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དེ། ད་ཇི་ལྟ་བུ་ཞིག་ཏུ་གྱུར། དགེ་སློང་དག་མཆིལ་མས་དགེ་འདུན་གྱི་གནས་ཁང་མ་རུང་བར་བྱེད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གནས་མ་བཅས་པར་མཆིལ་མ་དོར་བར་ཡང་མི་བྱ། མུན་པར་ཕྱག་བྱེད་པས་མགོས་གཏུགས་པར་ཡང་མི་བྱའི། ཚིག་ཙམ་གྱིས་ཕྱག་བྱ་ཞིང་གང་ཅུང་ཟད་བྱ་བ་ཡོད་ན་ཡང་དེར་ཚིག་ཙམ་གྱིས་དྲི་བར་བྱའོ། ། གཞན་ཡང་གང་ལ་ཆམ་པ་དང ། ཁ་ཆུ་བ་དོ་བ་དེས། མཆིལ་མའི་སྣོད་ཉེ་བར་གཞག་པར་བྱའོ། །དགེ་སློང་དག་གིས་ཁམ་ཕོར་དུ་མཆིལ་མ་བོར་བ་དང ། དེ་འདྲིལ་ཏེ་ཆེས་མང་དུ་མ་རུང་བར་གྱུར་</font><hr>Tha281b<br><font size=+2>


ནས་བཅོམ་ལྡན་འདས་ཀྱིས་བཀའ་སྩལ་པ། མཆིལ་མ་སྣོད་རྟེན་མ་དང་བཅས་པའམ། ཡང་ན་ཟངས་པོ་ཆེ་གཞག་པར་བྱའོ། །དགེ་སློང་དག་།ཟངས་པོ་ཆེ་ཅི་འདྲ་བ་ཡང་རུང་ཉེ་བར་འཇོག་པར་བྱེད་པས། དེ་ཡང་འདྲིལ་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གླང་པོ་ཆེའི་རྐང་པ་ལྟ་བུ་ཉེ་བར་གཞག་པར་བྱའོ། །གཞན་དག་ཅིག་མཆིལ་མ་འདོར་བ་ན་ཟེར་མ་ཡར་ནས་བཅོམ་ལྡན་འདས་ཀྱིས་བཀའ་སྩལ་པ། གཅལ་འགྲམ་པར་བྱའོ། །དགེ་སློང་རྣམས་ཀྱིས་གཅལ་ཅི་ཞིག་གིས་འགྲམ་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་བུར་མའམ། བྱེ་མའོ། ། དེར་སྦྲང་མ་དག་འདུ་ནས་བཅོམ་ལྡན་འདས་ཀྱིས་བཀའ་སྩལ་པ། བསྐྲད་པར་བྱའོ། །དྲི་མི་ཞིམ་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་བཤལ་བར་བྱའོ། །དགེ་སློང་དག་གིས་བཤལ་ནས་མ་བསྐམས་པ་དང ། སྲོག་ཆགས་དག་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། བཤལ་ནས་བསྐམ་པར་བྱའོ། །དགེ་སློང་གཞན་དག་ཅིག་ལུད་པ་བདོ་ནས་དེ་དག་ཇི་སྲིད་དུ་བསྐམས་པ་དེའི་བར་དུ་ཉམ་ང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ནད་པ་ཚབས་པོ་ཆེ་གང་དག་ཡིན་པ་དེ་དག་གིས་ནི། མཆིལ་མའི་སྣོད་གཉིས་ཉེ་བར་གཞག་པར་བྱའོ། །དགེ་སློང་ཁང་བཟང་དག་ཏུ་ཀློག་པ་དང ། ཁ་ཏོན་བྱེད་པ་དང ། འཆག་པ་དེ་དག་མཆིལ་མ་བྲོ་བ་དང ། དེ་དག་སེམས་ཡེངས་ཤིང་བབ་བབ་ཏུ་མཆིལ་མ་འདོར་བར་བྱེད་ནས་བཅོམ་ལྡན་འདས་ཀྱིས་བཀའ་</font><hr>Tha282a<br><font size=+2>


༄#། །སྩལ་པ། བརྗེད་ཕྱལ་བར་གནས་བཅས་པར་མཆིལ་མ་དོར་བར་མི་བྱའི། འོན་ཀྱང་གཙུག་ལག་ཁང་གི་གྲཝ་བཞིར་ཀ་བའི་དྲུང་དུ་དགེ་འདུན་གྱི་མཆིལ་མའི་སྣོད་བཞི་གཞག་པར་བྱ་ཞིང ། དེ་དག་ཏུ་ཀློག་པ་དང ། ཁ་ཏོན་བྱེད་པའམ། འཆག་པས་དྲན་པ་ཉེ་བར་གཞག་སྟེ་མཆིལ་མ་དོར་བར་བྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་གང་གི་ཀ་སྤུན་པོ་ཚེ་རབས་ལྔ་བརྒྱར་སེམས་ཅན་དམྱལ་བ་དག་གི་ནང་ནས་ཤི་འཕོས་ནས་སེམས་ཅན་དམྱལ་བ་དག་གི་ནང་དུ་སྐྱེས་ཤིང ། དེ་ནས་ཕྱིས་འདིར་སྐྱེས་པ་དེ། དེ་བྱིས་པའི་གནས་སྐབས་ནས་ཁྱིམ་པ་ཁྱིམ་ལ་ལྷག་པར་ཆགས་པ། རྩེ་བའི་དགའ་བས་དགའ་བ་དང ། ཆ་བ་ལ་བརྩོན་པས་དམྱལ་བ་ལ་དམིགས་པའི་དྲན་པ་མ་སྐྱེས་སོ། །དེ་དུས་གཞན་ཞིག་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་བཅོམ་ལྡན་འདས་ཀྱིས་མདོ་སྡེ་དང ། འདུལ་བ་དང ། ཆོས་མངོན་པའི་ཕྱོགས་དེ་དང་དེ་དག་ཏུ་དམྱལ་བ་དང ། ཡི་དྭགས་དང ། དུད་འགྲོ་དང ། ལྷ་དང ། མི་དག་བཤད་པ་དང ། དེས་དམྱལ་བའི་གཏམ་ཐོས་ནས་སེམས་ཅན་དམྱལ་བའི་ཚོར་བ་མངོན་སུམ་དུ་གྱུར་ཏེ། བ་སྤུའི་ཁུང་བ་ཐམས་ཅད་ནས་ཁྲག་བྱུང་སྟེ་ཆོས་གོས་དག་ཀྱང་ཁྲ་བོར་གྱུར། དྲི་ཡང་མི་ཞིམ་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།དགེ་སློང་རྣམས་ཀྱིས་ལུས་ཕྱི་བ་བཅང་བར་བྱའོ། ། </font><hr>Tha282b<br><font size=+2>


བཅོམ་ལྡན་འདས་ཀྱིས་ལུས་ཕྱི་བ་བཅང་བར་བྱའོ། །ཞེས་བཀའ་སྩལ་པ་དང ། དེ་དག་གིས་ཆོས་གོས་ཀྱི་ཕྱི་རོལ་ཏུ་བགོས་པས་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ནང་དུ་བགོ་བར་བྱའོ། །དེ་དག་གིས་དེ་ཁོ་ནས་ལུས་དྲུད་པས་རིལ་རྨ་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ཁོ་ནས་དྲུད་པར་མི་བྱའི། འོན་ཀྱང་བཀྲུ་བའི་ཆུས་སྤངས་ནས་དལ་བུས་བགས་ཀྱིས་བཀྲུ་བར་བྱའོ། །ལུས་ཕྱི་བའི་གོས་ཀྱིས་རྣག་དང ། ཁྲག་ཀྱང་དུས་དུས་སུ་བཀྲུ་བར་བྱ་ཞིང ། དེ་ཡང་ཚོན་གྱིས་ཁ་བསྒྱུར་བར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིནདའི་བུ་གང་ནས་བཟུང་སྟེ་རབ་ཏུ་བྱུང་ཚུན་ཆད་དེ་རྟག་ཏུ་ནའོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་སྟེ་དྲིས་པ། གནས་བརྟན། བདེའམ། བཞིན་བཟང ། བདག་ན་སྟེ། མི་བདེའོ། །དེ་དག་གིས་སྨྲས་པ། གནས་བརྟན། ཁྱོད་ཀྱིས་ཅི་ཞིག་བཅངས། བཞིན་བཟང ། ལྕགས་ཀྱི་གཞོང་རིང་ངོ ། །གནས་བརྟན། གལ་ཏེ་དེ་ལྟ་ན། ད་ཅི་སྟེ་མི་བཅང ། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་དགེ་སློང་གིས་ལྕགས་ཀྱི་གཞོང་རིང་བཅང་བར་བྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་</font><hr>Tha283a<br><font size=+2>


༄#། །མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་མཆོད་རྟེན་ལ་ཕྱག་འཚལ་བ་ན། དེ་དག་གི་རྐང་པ་ལ་འདམ་རྫབ་གོས་ནས་བཅོམ་ལྡན་འདས་ཀྱིས་བཀའ་སྩལ་པ། གཅལ་དགྲམ་པར་བྱའོ། །དེ་དག་གཅལ་ཅི་ལས་དགྲམ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་གཅལ་དགྲམ་པར་བྱ་ཞིང ། དེ་ནས་སོ་ཕག་གི་ཕྱེ་མས་བཏབ་སྟེ་རྡོ་ཐལ་གྱིས་བྱུག་པར་བྱའོ། །མཆོད་རྟེན་གྱི་འཁོར་ས་ཆེན་པོར་གྱུར་ཏེ་མ་འབྱོར་ནས་བཅོམ་ལྡན་འདས་ཀྱིས་བཀའ་སྩལ་པ། ཉེ་འཁོར་འདོམ་གང་དགྲམ་པར་བྱའོ། ། འོན་ཀྱང་མ་འབྱོར་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་མ་འབྱོར་ན། སྤང་ལེབ་དགྲམ་པར་བྱའོ། །དེ་ཡང་མ་འབྱོར་ནས་བཅོམ་ལྡན་འདས་ཀྱིས་བཀའ་སྩལ་པ། བར་བར་དུ་སོ་ཕག་གཞག་པར་བྱའོ། །དགེ་སློང་སྒོ་ཁང་ལ་བརྟེན་པ་རྣམས་ཀྱི་ཁྱམས་སུ་འདམ་རྫབ་ཆགས་ནས་བཅོམ་ལྡན་འདས་ཀྱིས་བཀའ་སྩལ་པ། དེར་ཡང་རིམ་པ་དེ་བཞིན་དུ་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་དགོན་པར་སྤྱིལ་པོ་བྱེད་དུ་བཅུག་སྟེ་དེ་ན་དགེ་སློང་གཅིག་གནས་སོ། །དགུན་སྟོད་ཀྱི་དུས་ལ་བབ་པ་དང ། དེ་ལྷགས་པས་ཉེན་ནས་སྐྱ་བོ་སེང་སེང་པོར་གྱུར་ཅིང ། ལུས་ཤ་བྲི་ངན་པ། རིད་པ། རྨྱ་བར་གྱུར་</font><hr>Tha283b<br><font size=+2>


ནས་དེ་ཁྱིམ་བདག་དེའི་དྲུང་དུ་སོང་སྟེ། ཁྱིམ་བདག། ཤེས་པར་གྱིས་ཤིག་།གཞན་ཞིག་ཏུ་འགྲོའོ། །ཞེས་བྱས་པ་དང ། དེས་སྨྲས་པ། འཕགས་པ། ཅུང་ཟད་བྲེལ་བར་མ་གྱུར་གྲང ། དེས་སྨྲས་པ། བྲེལ་བ་ནི། ཅུང་ཟད་ཀྱང་མེད་མོད་ཀྱི། འོན་ཀྱང་ལྷགས་པས་སྐྱེའོ། །དེས་སྨྲས་པ། འཕགས་པ། བཞུགས་ཤིག་དང ། ཁྱོད་ལ་ནོར་བུ་མེ་ཤེལ་སྦྱིན་ནོ། །དེས་སྨྲས་པ། ཁྱིམ་བདག་།བཅོམ་ལྡན་འདས་ཀྱིས་མ་གནང་ངོ ། །འཕགས་པ། བཅོམ་ལྡན་འདས་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།དགེ་སློང་གིས་ནོར་བུ་མེ་ཤེལ་ཉེ་བར་གཞག་པར་བྱ་ཞིང ། དེས་མེ་ཕྱུང་ལ་མེའི་བྱ་བ་བྱའོ། །ཁྱིམ་བདག་དེས་དགེ་སློང་དེ་ལ་ནོར་བུ་མེ་ཤེལ་བྱིན་ནས་དེ་དེས་མེ་འབྱིན་ཅིང་མེའི་བྱ་བ་བྱེད་དོ། །ཇི་ཙམ་ན་རྐུན་པོ་ལྔ་བརྒྱ་རི་བྲག་ཅིག་ཏུ་ལས་བྱེད་པར་འདོད་པ་ཕྱོགས་དེར་ཕྱིན་པ་དང ། དེ་དག་གིས་དགེ་སློང་དེ་ལ་སྨྲས་པ། འཕགས་པ། ལྷགས་པས་སྦྲེབས་ན། འདི་ན་མེ་ཡོད་དམ། དེས་སྨྲས་པ། བཞིན་བཟང ། མེད་དོ། །འཕགས་པ། ཁྱོད་མེའི་བྱ་བ་ཇི་ལྟར་བྱེད། བཞིན་བཟང ། བདག་ནི། ནོར་བུ་མེ་ཤེལ་གྱིས་མེ་ཕྱུང་ནས་མེའི་བྱ་བ་བྱེད་དོ། །འཕགས་པ། ནོར་བུ་དེ་ག་རེ། བཞིན་བཟང ། ཕྱོགས་འདི་ནའོ། །དེ་དག་གིས་དེ་མཐོང་ནས་</font><hr>Tha284a<br><font size=+2>


༄#། །རི་བྲག་ཏུ་སོང་སྟེ། དེར་ལས་བྱས་ནས་བྱུང་སྟེ་སྨྲས་པ། ཤེས་ལྡན་དག་།ཚུར་འཕགས་པ་དེའི་ནོར་བུ་དབྲོག་གི་།འདོང་ངོ ། །དེ་དག་དེའི་དྲུང་དུ་དོང་ནས་སྨྲས་པ། ནོར་བུ་མེ་ཤེལ་དེ་ག་རེ། བཞིན་བཟང ། ཕྱོགས་འདི་ཉིད་ན་འདུག་གོ་།དེ་དག་གིས་དེ་ཁྱེར་ཏེ་སོང་ངོ ། །ཡང་དགེ་སློང་དེ་ལྷགས་པས་ཉེན་ནས་ཁྱིམ་བདག་དེའི་དྲུང་དུ་སོང་སྟེ་སྨྲས་པ། ཁྱིམ་བདག་།ཤེས་པར་གྱིས་ཤིག་།གཞན་ཞིག་ཏུ་འགྲོའོ། །དེས་སྨྲས་པ། འཕགས་པ། ཅུང་ཟད་བྲེལ་བར་མ་གྱུར་གྲང ། དེས་སྨྲས་པ། ཁྱིམ་བདག། བྲེལ་བ་ནི། ཅུང་ཟད་ཀྱང་མེད་མོད་ཀྱི། འོན་ཀྱང་ལྷགས་པས་སྐྱོའོ། །དེས་སྨྲས་པ། འཕགས་པ། བདག་གིས་ཁྱོད་ལ་ནོར་བུ་མེ་ཤེལ་མ་བྱིན་ཏམ། ཁྱིམ་བདག་།བྱིན་ནོ། །དེ་ག་རེ། རྐུན་པོ་དག་གིས་འཕྲོག་གོ་།ཆེན་པོ་ལ་འོས་པའི་ནོར་བུ་དེ་ལྟ་བུ་ཡང་ཁྱོད་ཀྱིས་རྐུན་པོ་ལ་བསྐུར་བ་ལྟ། ཀྱེ་མ་ཁྱོད་ཀྱིས་ཕྱོགས་དབེན་པ་ཞིག་ཏུ་གཞག་མོད། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེ་དེ་ལྟ་བུ་དག་མ་བྱིན་པར་ལེན་པ་རྣམས་ལ་བསྟན་པར་མི་བྱའོ། །འོན་ཀྱང་མེ་ཕྱུང་ལ་གཏད་པར་བྱའོ། ། མེ་ཤེལ་ཇི་ལྟ་བར་ཆུ་ཤེལ་ཡང་དེ་དང་འདྲའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་</font><hr>Tha284b<br><font size=+2>


སྡེ་རྣམས་བཙོ་བླག་མཁན་ལ་ཆོས་གོས་དག་འཁྲུར་འཇུག་གོ་།ཇི་ཙམ་དུས་གཞན་ཞིག་ན་མཉན་ཡོད་དུ་དུས་སྟོན་བྱུང་སྟེ་མཉན་ཡོད་ཀྱི་བྲམ་ཟེ་དང ། ཁྱིམ་བདག་རྣམས་ཀྱིས་གོས་ཚོན་སྣ་ཚོགས་ཅན་དག་བཙོ་བླག་མཁན་ལ་འཁྲུར་བཅུག་གོ་།ཉེ་དགའ་ཡང་ཉི་མ་ནུབ་ཀར་ཆོས་གོས་དུར་སྨྲིག་ཅིག་ཁྱེར་ཏེ་བཙོ་བླག་མཁན་གྱི་དྲུང་དུ་སོང་ནས་བཞིན་བཟང་ཆོས་གོས་འདི་ཁྲུས་ཤིག། ཅེས་བྱས་སོ། །དེས་སྨྲས་པ། འཕགས་པ། དེང་འཇིག་རྟེན་པའི་གོས་མང་ཞིག་འཚལ་ཏེ་མཆིས་ཀྱི་བཞུད་ཅིག་།སང་བཀྲུ་བར་བགྱིའོ། །དེ་ཁྲོས་ནས་བསྡིགས་པར་བརྩམས་པ་དང ། དེས་སྨྲས་པ། འཕགས་པ། བསྡིགས་སུ་ཅི་མཆིས། གལ་ཏེ་མི་བཟོད་ན། ཞོག་ལ་བཞུད་ཅིག་དང་བཀྲུ་མོད། དེས་བཞག་སྟེ་སོང་བ་དང ། དེའི་ཏུག་རིད་ཀྱིས་བཙོ་བླག་མཁན་སེམས་གཡེང་བར་གྱུར་ནས་དེས་ཆོས་གོས་དེ་བུལ་ཏོག་གི་ནང་དུ་སྤངས་ནས་གོས་ཚོན་སྣ་ཚོགས་ཅན་རྣམས་ཀྱི་ནང་དུ་བཞག་པ་དང ། དེར་ཞག་ལོན་ནས་གོས་ཚོན་སྣ་ཚོགས་ཅན་རྣམས་ཀྱིས་ཐམས་ཅད་ཁྲ་བོར་བྱས་སོ། །བཙོ་བླག་མཁན་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་པ་དང ། སྐྱེ་བོའི་ཚོགས་མ་དད་པར་གྱུར་ཏོ། ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། བྲམ་ཟེ་དང ། ཁྱིམ་བདག་དག་མ་དད་པར་གྱུར་པ་ཐོག་ཏུ་བབ་པར་</font><hr>Tha285a<br><font size=+2>


༄#། །མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་ཉེ་དགས་ཆོས་གོས་ངུར་སྨྲིག་བཙོ་བླག་མཁན་ལ་འཁྲུར་བཅུག་པ་འཇིག་རྟེན་པའི་གོས་ཚོན་སྣ་ཚོགས་ཅན་རྣམས་ཀྱིས་ཁྲ་བོར་བྱས་སོ། །དེ་ལྟ་བས་ན། དགེ་སློང་གིས་གོས་ངུར་སྨྲིག་དག་བཙོ་བླག་མཁན་ལ་འཁྲུར་མི་གཞུག་གོ་།དགེ་སློང་གོས་ངུར་སྨྲིག་དག་བཙོ་བླག་མཁན་ལ་འཁྲུར་འཇུག་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གོས་ངུར་སྨྲིག་དག་བཙོ་བླག་མཁན་ལ་འཁྲུར་མི་གཞུག་གོ་།ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་གོས་དཀར་པོ་དག་འཁྲུར་གཞུག་པར་བརྩམས་སོ། །བཙོ་བླག་མཁན་གྱིས་དེ་དག་བག་མེད་པར་ཤིང་ལེབ་ལ་བརྡབས་ཤིང་བརྡབས་ནས་བཀྲུམ་པ་དང ། དེ་ན་གོས་ཁ་ཅིག་ནི། རལ། ཁ་ཅིག་ནི། མཐའ་ཟེགས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་ན། དགེ་སློང་གིས་ཐམས་ཅད་ཀྱི་ཐམས་ཅད་དུ་བཙོ་བླག་མཁན་ལ་གོས་འཁྲུར་མི་གཞུག་གོ་།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་ཐམས་ཅད་ཀྱི་ཐམས་ཅད་དུ། བཙོ་བླག་མཁན་ལ་གོས་འཁྲུར་མི་གཞུག་</font><hr>Tha285b<br><font size=+2>


གོ་།ཞེས་བཀའ་སྩལ་པ་དང ། དྲུག་སྡེ་རྣམས་བཙོ་བླག་མཁན་གྱི་འཁྲུ་སར་དོང་ནས་མགོ་ཆོས་གོས་ཀྱིས་དཀྲིས་ཏེ་བཙོ་བླག་མཁན་བཞིན་དུ་སྔམ་\་ཥྞGཱ་ཾཱ?\་པ་སུ་སུ་ཞིང་བདག་ཉིད་གོས་དག་འཁྲུ་བར་བྱེད་པ། བྲམ་ཟེ་དང ། ཁྱིམ་བདག་དག་གིས་མཐོང་ནས་མ་དད་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་བཙོ་བླག་མཁན་གྱི་འཁྲུ་སར་སོང་སྟེ་བཙོ་བླག་མཁན་བཞིན་དུ་སྔམ་\་ཥྞGཱ་ཾཱ?\་པ་སུ་སུ་ཞིང་བདག་ཉིད་ཀྱིས་གོས་དག་བཀྲུ་བར་མི་བྱའོ། །དགེ་སློང་བཙོ་བླག་མཁན་གྱི་འཁྲུ་སར་སོང་སྟེ་བཙོ་བླག་མཁན་བཞིན་དུ་སྔམ་\་ཥྞGཱ་ཾཱ?\་པ་སུ་ཞིང་བདག་ཉིད་ཀྱི་གོས་དག་འཁྲུ་བར་བྱེད་ན། འགལ་ཚབས་ཅན་དུ་འགྱུར་རོ། ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་བཙོ་བླག་མཁན་གྱི་འཁྲུ་སར་སོང་སྟེ་བཙོ་བླག་མཁན་བཞིན་དུ་སྔམ་\་ཥྞGཱ་ཾཱ?\་པ་སུ་སུ་ཞིང་བདག་ཉིད་ཀྱིས་གོས་དག་བཀྲུ་བར་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཤིང་ལེབ་ལ་འཁྲུ་བར་བྱེད་དོ། །ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཤིང་ལེབ་ལ་གོས་དག་བཀྲུ་བར་མི་བྱའོ། །འོན་ཀྱང་གཞོང་ཁུང་དུ་ཆུ་འཇམ་ཙམ་གྱི་ནང་དུ་དལ་</font><hr>Tha286a<br><font size=+2>


༄#། །བུས་བཟློག་ཅིང་བཟློག་ཅིང་བདག་ཉིད་ཀྱིས་བཀྲུ་བར་བྱའོ། །བཅོམ་ལྡན་འདས་ཀྱིས་གཞོང་ཁུང་དུ་དལ་བུས་བཟློག་ཅིང་བཟློག་ཅིང་བཀྲུ་བར་བྱའོ། །ཞེས་བཀའ་སྩལ་པ་དང ། དགེ་སློང་གཞན་དག་ཅིག་གིས་ལག་པ་གཉིས་ཀྱིས་བཀྲུ་བར་མ་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་ལག་པ་གཉིས་ཀྱིས་བཀྲུ་བར་མི་ནུས་པ་དེ་དག་གིས་རྐང་པ་གཉིས་ཀྱིས་བཀྲུ་བར་བྱའོ། །གཞན་དག་ཅིག་གིས་ལག་པ་གཉིས་ཀྱིས་ཀྱང་མ་ནུས། རྐང་པ་གཉིས་ཀྱིས་ཀྱང་མ་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཞལ་ཏ་གྱིས་ལ་གཞན་འཁྲུར་ཆུག་ཅིག་།སྡོམ་ནི། ཕྱི་བ་དང་ནི་སྦྲུལ་གྱིས་རྙི། །རྡོ་ཕྲུ་འགྱོད་པ་ཉིད་དང་ནི། །ཚོན་གྱི་གཞོང་ཁུང་རྩིག་པ་དང ། །ཚོན་རྩི་རྣམ་པ་བཞི་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དགེ་སློང་རྣམས་ཁྲུས་བྱས་ནས་ལུས་གཤེར་བཞིན་དུ་ཆོས་གོས་གྱོན་པ་དང ། དེ་དག་ཁྲ་བོ་དང ། དྲི་མི་ཞིམ་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། ལུས་ཕྱི་བ་བཅང་བར་བྱའོ། །བཅོམ་ལྡན་འདས་ཀྱིས་ལུས་ཕྱི་བ་བཅང་བར་བྱའོ། །ཞེས་</font><hr>Tha286b<br><font size=+2>


བཀའ་སྩལ་པ་དང ། དགེ་སློང་གཞན་དག་ཅིག་ལ་མི་བདོག་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་ལ་མི་བདོག་པ་དེ་དག་གིས་རེ་ཞིག་ཙོག་ཙོག་པོར་འདུག་ལ་ཁྲུས་རས་ཀྱིས་ལུས་ཕྱིས་ཏེ་ཆོས་གོས་དག་བགོ་བར་བྱའོ། །དགེ་སློང་རྣམས་ཀྱིས་ལྷམ་ལ་རྡུལ་ཆགས་པར་གྱུར་ནས་དགེ་སློང་དག་གིས་དེ་དག་བརྡབས་སོ། །དེ་དག་བརྡབས་པ་དང ། རལ་ཅིང་གཟུངས་ཀྱི་སྲད་བུ་དག་ཀྱང་ཆད་ནས་བཅོམ་ལྡན་འདས་ཀྱིས་བཀའ་སྩལ་པ། ལྷམ་བརྡབ་པར་མི་བྱའོ། །དགེ་སློང་དག་གིས་ཆུས་བཀྲུས་པ་དང ། དེ་དག་མ་རུང་ནས་བཅོམ་ལྡན་འདས་ཀྱིས་བཀའ་སྩལ་པ། ཆུས་བཀྲུ་བར་མི་བྱའི། འོན་ཀྱང་རས་མ་ཆུས་སྦངས་ལ་ཕྱི་བར་བྱ་སྟེ། དེ་ལྟ་བས་ན། གནང་གི་།ལྷམ་ཕྱི་བ་བཅང་བར་བྱའོ། །སངས་རྒྱས་བཅོམ་ལྡན་འདས་ཡུལ་ཙམ་པ་ན། དྲང་སྲོང་གར་གའི་རྫིང་བུའི་འགྲམ་ན་བཞུགས་སོ། །ཡུལ་ཙམ་པ་ན་ཙམ་པའི་ཀླུའི་བུ་མོ་དད་པ་ཅན། དགེ་བའི་བསམ་པ་བཟང་བ་ཞིག་ཡོད་པ་དེའི་བུ་མ་དད་པ། མ་དུལ་བ་བྱེད་པ་ཞིག་གོ་།དེས་དེ་ཆོས་མཉན་པ་ཡང་དག་པར་ལེན་དུ་བཅུག་སྟེ། བུ་སོང་ལ་འཕགས་པ་རྣམས་ཀྱི་དྲུང་དུ་ཕྱིན་ནས་ཆོས་ཉོན་ཅིག་དང ། ཁྱོད་ལ་བསོད་ནམས་སུ་འགྱུར་རོ། །ཞེས་བྱས་པ་དང ། དེ་དེས་ཡང་དག་པར་ལེན་དུ་བཅུག་པས། རང་བཞིན་གྱི་ཆ་ལུགས་ཀྱིས་ཆོས་ཉན་པར་ཞུགས་པ་རྣམས་ཀྱི་ནང་དུ་སོང་ངོ ། །དེ་གཞོན་ནུ་ཞིག་གིས་མཐོང་ནས་དེ་སྡངས་ཏེ་ཚེ་དང་</font><hr>Tha287a<br><font size=+2>


༄#། །ལྡན་པ་དག་།རྒྱབ་རིང་པོ། །རྒྱབ་རིང་པོ། །ཞེས་སྨྲས་པ་དང ། ཐོས་ནས་དགེ་སློང་གང་དག་འདོད་ཆགས་དང་མ་བྲལ་བ་དེ་དག་སྔར་ལངས་ནས་དེ་དག་གིས་དེ་སྐེ་ནས་རྔ་མའི་སྲད་བུས་བཏགས་ཏེ་གཙུག་ལག་ཁང་གི་སྟེང་ནས་འཕངས་སོ། །དེ་ནས་མས་མཐོང་སྟེ་སྨྲས་པ། བུ། ཁྱོད་ཀྱིས་འཕགས་པ་རྣམས་ལས་ཆོས་ཐོས་སམ། དེས་སྨྲས་པ།་མ་དེ་འདྲ་བའི་འཕགས་པར་ནི། སུ་ཡང་མ་གྱུར་ཅིག་།བུ། དེ་དག་གིས་ཁྱོད་ལ་ཅི་ཞིག་བྱས། དེས་ཇི་ལྟར་གྱུར་པ་བསྙད་པ་དང ། དེས་སྨྲས་པ། བུ། དེ་བས་དང་དེ་དག་འཕགས་པ་ཡིན་ནོ། །གཞན་དག་ཅིག་གིས་ཁྱོད་མཐོང་དུ་ཟིན་ན། བསད་པར་གྱུར་ཏོ། །ཞེས་བྱས་པ་དང ། དེ་ཅང་མི་ཟེར་བར་འདུག་གོ། དེ་ལ་ནེའུ་ལྡང་རྣམས་ཀྱིས་བཞད་གད་དུ་མགྲིན་སྣད། མགྲིན་སྣད་ཅེས་སྨྲས་པ་དང ། དེ་དེ་དག་གིས་ཀུ་རེ་སྨྲས་པས། ལུས་སྐྱ་བོ་སེང་སེང་པོར་གྱུར་ཅིང ། ཤ་བྲི་ངན་པ། རྐེ་བ། སྐེམ་པོར་རིད་པར་གྱུར་ཏོ། །དེ་ལ་མས་སྨྲས་པ། བུ། ཁྱོད་ཅི་སྟེ་ལུས་སྐྱ་བོ། །སེང་སེང་པོ། ཤ་བྲི་ངན་པ། རྐེ་བ་སྐེམ་པོ་གྱུར། དེས་སྨྲས་པ། མ། བདག་ལ་ཀླུ་གཞོན་ནུ་འདི་དག་མགྲིན་སྣད། མགྲིན་སྣད་ཅེས་ཅོ་འདྲི་བར་བྱེད་དེ། ཅི་བྱའི་གཏོལ་མེད་དོ། །བུ། ཁྱོད་རང་གི་ཆ་ལུགས་ཀྱིས་སོང་བས་དེས་གནས་སྐབས་འདི་ལྟ་བུར་གྱུར་གྱི། གལ་ཏེ་ཁྱོད་སྤྲུལ་པའི་གཟུགས་ཀྱིས་སོང་</font><hr>Tha287b<br><font size=+2>


བར་གྱུར་ན། རྔ་མའི་རྙིས་བཏགས་པར་ཡང་མི་འགྱུར་རོ། །ད་སྤྲུལ་པའི་གཟུགས་ཀྱིས་སོང་ལ་ཆོས་ཉོན་ཅིག་དང ། ཁྱོད་ལ་ཐམས་ཅད་ལེགས་པར་འགྱུར་རོ། །འོན་ཏེ་རང་གི་གཟུགས་ཀྱིས་ཉན་ན། ཁྱོད་གནས་ན་འདུག་སྟེ་ཉོན་ཅིག་ཅེས་བྱས་པ་དང ། དེ་མ་དད་པའི་ཕྱིར་ཁས་མ་བླངས་ཏེ། མའི་ངོར་ཅང་མི་ཟེར་བར་འདུག་གོ་།དེས་བསམ་པ། འཕགས་པ་དག་ཀླུ་གཞོན་ནུ་རྔ་མའི་རྙིས་འདོགས་པ་ནི། གང་སུ་ཡང་རུང ། ཆོས་མཉན་པར་འདོད་པ་དེ་དག་གི་ཡང་བར་ཆད་དུ་འགྱུར་བས། འདི་ཁོ་ན་བདག་གི་བྱ་བ་ཡིན་ནོ། །སྙམ་སྟེ། དེ་ཁ་དོག་འཕགས་པས་ནམ་སྲོས་པ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་པ་དང ། དེའི་ཚེ་ཙམ་པའི་ཀླུའི་བུ་མོའི་ཁ་དོག་གི་མཐུས་དྲང་སྲོང་གར་གའི་རྫིང་འགྲམ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །ཕྱོགས་གཅིག་ཏུ་འདུག་ནས་ཙམ་པའི་ཀླུའི་བུ་མོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཙུན་པ། བདག་གི་བུ་མ་དད་པ་ཞིག་མཆིས་པ་དེ་བདག་གི་ཆོས་ཉན་པ་ཡང་དག་པར་ལེན་དུ་སྩལ་ནས་དེ་ཆོས་ཉན་དུ་མཆིས་པ་དང ། འཕགས་པ་རྣམས་ཀྱི་རྔ་མའི་རྙིས་སྐེ་ནས་བཏགས་ཏེ་བོར་བས་དེའི་མགྲིན་པ་སྣད་དེ། དེ་ལ་ནེའུ་ལྡང་རྣམས་ཀྱིས་མགྲིན་སྣད། མགྲིན་སྣད་ཅེས་གཙེས་ལགས་སོ། །དེ་དེ་ལྟར་གཙེས་པ་ན། ལུས་སྐྱ་བོ། སེང་སེང་པོར་གྱུར་ཅིང ། ཤ་བྲི་ངན་</font><hr>Tha288a<br><font size=+2>


༄#། །པ། རྐེ་བ་སྐེམ་པོར་གྱུར་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བར་དགོངས་ཏེ། གང་གིས་ན་འཕགས་པ་རྣམས་ཀླུ་གཞོན་ནུ་རྔ་མའི་རྙིས་འདོགས་པར་མི་འགྱུར་བར་འཕགས་པ་རྣམས་དྲན་པར་བགྱིད་པ་ཅུང་ཟད་ཅིག་བཅར་གསོལ། བཅོམ་ལྡན་འདས་ཀྱིས་ཙམ་པའི་ཀླུའི་བུ་མོ་ལ་ཅང་མི་གསུང་བས་གནང་བ་དང ། དེ་ནས་ཙམ་པའི་ཀླུའི་བུ་མོ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་ཉིད་ཀྱི་མཚན་མོ་འདས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།མ་དད་ཙམ་པའི་ཀླུའི་བུ་མོ་ང་ག་ལ་བ་དེར་འོངས་ཏེ་ཕྱིན་ནས་ངའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་པ་དང ། དེའི་ཚེ་ཙམ་པའི་ཀླུའི་བུ་མོའི་ཁ་དོག་གི་མཐུས། དྲང་སྲོང་གར་གའི་རྫིང་འགྲམ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །ཕྱོགས་གཅིག་ཏུ་འདུག་ནས་ཙམ་པའི་ཀླུའི་བུ་མོས་ང་ལ་འདི་སྐད་ཅེས་གསོལ་ཏོ། །བཙུན་པ། བདག་གི་བུ་མ་དད་པ་ཞིག་མཆིས་པ་དེ། བདག་གིས་ཆོས་ཉན་པ་ཡང་དག་པར་ལེན་དུ་སྩལ་ནས་དེ་འཕགས་པ་རྣམས་ཀྱི་དྲུང་དུ་ཆོས་ཉན་དུ་མཆིས་པ་དང ། དེ་དག་གིས་དེ་རྔ་མའི་རྙིས་བཏགས་ཏེ་བོར་བས་དེའི་</font><hr>Tha288b<br><font size=+2>


མགྲིན་པ་སྣད་ནས་དེའི་ནེའུ་ལྡང་རྣམས་ཀྱིས་མགྲིན་སྣད། མགྲིན་སྣད་ཅེས་ཅོ་འདྲི་བ་སྨྲས་ལགས་སོ། །དེ་ལ་དེ་སྐད་བགྱིས་པ་ན། ལུས་སྐྱ་བོ། སེང་སེང་པོར་གྱུར་ཅིང ། ལུས་ཤ་བྲི་ངན་པ།་རྐེ་བ་སྐེམ་པོར་གྱུར་ན། ཀྱེ་མ་བཅོམ་ལྡན་འདས་ཀྱིས་གང་གིས་ན། འཕགས་པ་རྣམས་ཀླུ་གཞོན་ནུ་རྔ་མའི་རྙིས་འདོགས་པར་མི་འགྱུར་པ། འཕགས་པ་རྣམས་དྲན་པར་བགྱིད་པ་ཅུང་ཟད་ཅིག་བཅར་གསོལ་ཞེས་ཟེར་རོ། །དགེ་སློང་དག་།དེ་ལྟ་བས་ན། གང་ལ་ད་ལྟར་ལྷ་རྣམས་ཀྱང་ཀྱེ་མ་ཤཱཀྱའི་བུའི་དགེ་སྦྱོང་རྣམས་ནི། དགེ་བའི་ཆོས་རྣམས་ལས་ཡོངས་སུ་ཉམས་པར་གྱུར་ཏོ། །ཞེས་འཕྱ་བར་གྱུར་པ་འདི་ནི། མཛེས་པ་མ་ཡིན། རུང་བ་མ་ཡིན་གྱི། དེ་ལྟ་བས་ན། དགེ་སློང་གིས་ཀླུ་གཞོན་ནུ་རྔ་མའི་རྙིས་གདགས་པར་མི་བྱའོ། །འོན་ཀྱང་ཀླུ་གཞོན་ནུ་མཐོང་ན། སེ་གོལ་གྱི་སྒྲ་ཕྱུང་སྟེ། བཞིན་བཟང ། མཐོང་བའི་ལམ་ན་མ་འདུག་ཅིག་།ཅེས་བརྗོད་པར་བྱའོ། །གལ་ཏེ་མཐོང་བའི་ལམ་ན་མི་འདུག་ན། དེ་ལྟ་ན་ལེགས། ཅི་སྟེ་འདུག་ན། དབྱུག་གུ་སྐམ་ཁས་དལ་གྱིས་བླངས་ཏེ་བུམ་པའམ། རྫ་མར་བཅུག་ལ་དེ་ལ་བུ་ག་གཏོད་དེ་ཁ་བཅད་ནས་དབྱུང་བར་བྱའོ། །གལ་ཏེ་དབྱུག་གུ་སྐམ་ཁ་མེད་ན། ཤུར་བུའམ། ལྕགས་ཕོད་དམ། རྒྱ་ཅང་གི་སྐེ་ནས་བཏགས་ཏེ་དབྱུང་བར་བྱའོ། །ཅི་སྟེ་ཤུར་བུའམ། ལྕགས་ཕོད་དམ། རྒྱ་ཅང་མེད་ན། གདང་ཐག་གི་རྙིའམ། གྲེས་ཐག་གི་རྙི་ལ་རས་མས་དཀྲིས་ནས་དེས་གདགས་</font><hr>Tha289a<br><font size=+2>


༄#། །པར་བྱ་ཞིང ། དེ་ནས་བུམ་པར་བཅུག་སྟེ་དབྱུང་བར་བྱའོ། །དགེ་སློང་དག་གིས་དེ་དེ་བཞིན་དུ་ཕྱུང་ནས་ནགས་ཀྱི་ནང་དུ་བོར་བ་དང ། དེ་ཁྲོས་པའི་མེས་ནགས་བསྲེགས་ཏེ་དེ་ཡང་དེ་ཉིད་དུ་ཚིག་པ་དང ། བཅོམ་ལྡན་འདས་ཀྱིས་བཀའ་སྩལ་པ། ནགས་ཀྱི་ནང་དུ་དོར་བར་མི་བྱའོ། །དགེ་སློང་དག་གིས་སྣང་བའི་གནས་སུ་བོར་བ་དང ། སྐད་ཅིག་ཀྱང་མ་ཐོགས་པར་སྲོག་ཆགས་འོལ་པས་ཁྱེར་ནས་བཅོམ་ལྡན་འདས་ཀྱིས་བཀའ་སྩལ་པ། དེའི་མོད་ཁོ་ན་ལ་ལྡོག་པར་མི་བྱའི། འོན་ཀྱང་སྣང་བའི་གནས་སུ་བཞག་ནས་ཇི་སྲིད་གནས་སུམ་ཞུགས་པ་དེ་སྲིད་དུ་བསྡད་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །རྒྱལ་པོའི་ཁབ་ན་ཁྱིམ་བདག་ཅིག་འདུག་པ་རྡོའི་ལས་ལ་མཁས་པ་ཞིག་སྟེ། རྡོ་ཕྲུ་དག་བྱས་ཤིང་བྱས་ཤིང་འཚོང་ངོ ། །དུས་གཞན་ཞིག་ན་དེ་ལ་རྙེད་པ་མང་དུ་གྲུབ་ནས་དེས་བསམ་པ། གང་གིས་ན། བསོད་ནམས་སུ་ཡང་འགྱུར་ལ། རྙེད་པ་ཡང་མང་དུ་འགྲུབ་པར་འགྱུར་བའི་ཐབས་དེ་གང་ཞིག་ཡིན་སྙམ་པ་དང ། དེ་དད་པ་ཅན་ཞིག་པས། དེ་འདི་སྙམ་དུ། སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་སྤྱན་དྲངས་ལ་རྡོ་ཕྲུ་དག་ནས་བཤོས་གསོལ་ན། བདག་གི་བསོད་ནམས་སུ་ཡང་འགྱུར་ལ། རྙེད་པ་ཡང་མང་དུ་འགྱུར་རོ། །སྙམ་དུ་བསམ་མོ། །དེ་བཅོམ་ལྡན་འདས་ག་ལ་བ་དེར་སོང་སྟེ་ཞེས་བྱ་བ་ནས་དགེ་</font><hr>Tha289b<br><font size=+2>


སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཞེས་བྱ་བའི་བར་སྔ་མ་བཞིན་ནོ། །དེ་ནས་ཁྱིམ་བདག་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་རང་གི་ལག་བསྟར་ཏེ་བཟའ་བ་དང ། བཅའ་བ་གཙང་ཞིང་བསོད་པས་ཀུན་ཏུ་ཚིམ་པར་བྱེད། ཀུན་ཏུ་སྟོབ་པར་བྱེད་དོ། །རྣམ་གྲངས་དུ་མར་རང་གི་ལག་བསྟར་ཏེ་བཟའ་བ་དང ། བཅའ་བ་གཙང་ཞིང་བསོད་པས་ཀུན་ཏུ་ཚིམ་པར་བྱས། ཀུན་ཏུ་བསྟབས་ནས་བཅོམ་ལྡན་འདས་གདུགས་ཚོད་གསོལ་ཏེ་ཕྱག་བཅབས། ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། དེ་ནས་བཅོམ་ལྡན་འདས་ཀྱིས་སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་སུ་ཡི་རང་བ་མཛད་དོ། །མཆོད་སྦྱིན་ནང་ན་སྦྱིན་སྲེག་མཆོག། སྡེབ་སྦྱོར་ནང་ན་སྐྱོང་བྱེད་མཆོག། མི་ཡི་ནང་ན་རྒྱལ་པོ་མཆོག་།ཆུ་བོའི་ནང་ན་རྒྱ་མཚོ་མཆོག། སྐར་མའི་ནང་ན་ཟླ་བ་མཆོག། གསལ་བའི་ནང་ན་ཉི་མ་མཆོག། སྟེང་དང་འོག་དང་ཐད་ཀར་ཡང ། །སྐྱེ་བོའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །མཆོད་བྱ་དམ་པ་རྫོགས་སངས་རྒྱས། །ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་བཞུད་དོ། །ཞེས་བྱ་བའི་བར་སྔ་མ་བཞིན་ནོ། །དེས་ཡང་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་བཤོས་ལ་སྤྱན་དྲངས་ནས་དེས་རྒན་རབས་བཞིན་རྡོ་ཕྲུ་གསར་པ་བྲིམས་ནས་སྤྱད་སྤྱད་པ་དེ་དག་</font><hr>Tha290a<br><font size=+2>


༄#། །ཉིད་ཀྱང་བྲིམ་པར་བརྩམས་པ་དང ། དགེ་སློང་རྣམས་འགྱོད་དེ་ལན་པར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པས་ཡོངས་སུ་དག་གོ། ཞེས་བྱས་ནས་བླང་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། བཅོམ་ལྡན་འདས་ཀྱིས་ཚོན་གྱི་ལས་བྱའོ། །ཞེས་བཀའ་སྩལ་པ། དགེ་སློང་དག་གིས་ཚོན་གཤེར་བ་བསྐོལ་བ་དང ། དེ་ཞོ་ཅན་ཡིན་པའི་ཕྱིར་བཙོས་པ་དང་མི་སྡུག་པར་གྱུར་ཅིང ། དེ་དག་ཀྱང་མ་རུང་ནས་བཅོམ་ལྡན་འདས་ཀྱིས་བཀའ་སྩལ་པ། བསྐམས་ནས་བསྐོལ་བར་བྱའོ། །དགེ་སློང་དག་གིས་ཉི་མ་ལ་བསྐམས་ཏེ། དེ་ནོན་ཆུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཉི་མ་ལ་བསྐམ་པར་མི་བྱའོ། །དགེ་སློང་དག་གྲིབ་མ་ལ་སྐེམ་སྟེ་རླམས་ཁྱེར་ནས་བཅོམ་ལྡན་འདས་ཀྱིས་བཀའ་སྩལ་པ། གྲིབ་མ་ལ་བསྐམ་པར་མི་བྱའི། འོན་ཀྱང་ཉི་མ་ཕྱེད་ཡོད་པ་ལ་བསྐམ་པར་བྱའོ། །དགེ་སློང་དག་གིས་ཚོན་དང ། ཆོས་གོས་དག་ལྷན་ཅིག་ཆུར་བཅུག་སྟེ་བཙོས་པ་དང ། དེ་དག་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཚོན་ལོགས་ཤིག་ཏུ་བསྐོལ་བར་བྱའོ། །དགེ་སློང་དག་ལན་གཅིག་ཁོ་ན་བསྐོལ་ཏེ་འདོར་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ལན་གསུམ་གྱི་བར་དུ་བསྐོལ་ནས་</font><hr>Tha290b<br><font size=+2>


དོར་བར་བྱའོ། །དགེ་སློང་དག་གིས་ལན་གསུམ་གྱི་བར་དུ་བསྐོལ་ནས་གཅིག་ཁོ་ནར་བཞག་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྣོད་སོ་སོར་གཞག་པར་བྱའོ། །དགེ་སློང་དག་གིས་དང་པོ་ནི། གང་ཡིན། གཉིས་པ་ནི། གང་ཡིན། གསུམ་པ་ནི། གང་ཡིན་པ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། འདི་ནི། དང་པོའོ། འདི་ནི། གཉིས་པའོ། །འདི་ནི། གསུམ་པའོ། །ཞེས་ཡི་གེ་བྲི་བར་བྱའོ། །དགེ་སློང་དག་གིས་ཚོན་ཉིད་དུ་ཆོས་གོས་དག་བཅུག་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཚོན་ཉིད་དུ་ཆོས་གོས་དག་གཞུག་པར་མི་བྱའི། འོན་ཀྱང་གཞོང་ཁུང་དུ་ཚོན་བླུགས་ལ་བསུག་པར་བྱའོ། །དགེ་སློང་དག་གིས་ཧ་ཅང་གཤེར་བ་ལ་བསུགས་པས་དེ་འཁྲུས་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་གཤེར་བ་ལ་བསུག་པར་མི་བྱའོ། །དགེ་སློང་དག་གིས་ཧ་ཅང་སྐམ་པོ་ལ་བསུགས་པས་ཆོས་གོས་དག་ཁྲ་བོར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་སྐམ་པོ་ལ་བསུག་པར་མི་བྱའི། འོན་ཀྱང་རན་ཙམ་ལ་བསུག་པར་བྱའོ། །དགེ་སློང་རྣམས་ཆོས་གོས་དག་ས་ལ་སྐེམ་པར་བྱེད་དེ། །དེ་དག་རྡུལ་གྱིས་དྲི་མ་ཅན་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ས་ལ་སྐམ་པར་མི་བྱའོ། །དགེ་སློང་དག་གིས་རྩཝ་བཏིང་ནས་སྐམ་སྟེ། ཚོན་ཕྱོགས་གཅིག་ཏུ་སོང་ནས་བཅོམ་ལྡན་འདས་ཀྱིས་བཀའ་སྩལ་པ། གཟར་ཐག་ལ་བཏགས་ལ་དེར་བསྐམ་པར་བྱའོ། ། </font><hr>Tha291a<br><font size=+2>


༄#། །དགེ་སློང་དག་གིས་དེ་བཞིན་དུ་གཟར་ཐག་ལ་བཀལ་བས་བར་དུ་ཚོན་མ་ཆགས་ནས་བཅོམ་ལྡན་འདས་ཀྱིས་བཀའ་སྩལ་པ། གྲས་ནས་ཐ་གུས་བཏགས་ལ་རྒྱང་ཞིང་བྲེས་ནས་གཟུངས་བཏབ་སྟེ་བསྐམ་པར་བྱའོ། །དགེ་སློང་དག་གིས་བསུགས་ནས་མ་བཟློག་སྟེ་ཚོན་ཕྱོགས་གཅིག་ཏུ་འདྲིལ་ནས་བཅོམ་ལྡན་འདས་ཀྱིས་བཀའ་སྩལ་པ། ཡང་དང་ཡང་དུ་བཟློག་པར་བྱའོ། །སྣམ་སྦྱར་གཞན་དག་ཅིག་ཚད་ཆེ་སྟེ། གཟར་ཐག་ལ་མ་ཤོང་ནས་བཅོམ་ལྡན་འདས་ཀྱིས་བཀའ་སྩལ་པ། རྩཝ་བཏིང་ནས་བསྐམ་པར་བྱ་ཞིང་ཡང་དང་ཡང་དུ་བཟློག་པར་བྱའོ། །དགེ་སློང་དག་ཆོས་གོས་རྙིང་པ་དག་ལ་ནི། ཚོན་གསར་པ་ལྡུགས། ཆོས་གོས་གསར་པ་དག་ལ་ནི། ཚོན་རྙིང་པ་ལྡུགས་ནས་བཅོམ་ལྡན་འདས་ཀྱིས་བཀའ་སྩལ་པ། ཚོན་གསར་པ་ཡང་གསར་པ་ཁོ་ན་དག་ལ་བླུག་པར་བྱ་ཞིང ། རྙིང་པ་ཡང་རྙིང་པ་དག་ལ་བླུག་པར་བྱའོ། །དགེ་སློང་རྣམས་ཆོས་གོས་གསར་པ་དག་ནི། གྲིབ་མ་ལ་སྐེམ། རྙིང་པ་དག་ནི། ཉི་མ་ལ་སྐེམ་ནས་བཅོམ་ལྡན་འདས་ཀྱིས་བཀའ་སྩལ་པ། གསར་པ་དག་ནི། ཉི་མ་ལ་བསྐམ་པར་བྱ་ཞིང ། རྙིང་པ་དག་ནི། གྲིབ་མ་ལ་བསྐམ་པར་བྱའོ། །དགེ་སློང་དག་དང་པོར་ནི། ཚོན་གསུམ་པ། དེའི་འོག་ཏུ་ནི། གཉིས་པ། དེའི་འོག་ཏུ་ནི། དང་པོ་ལྡུགས་པས་དང་པོ་ལྷགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དང་པོར་དང་པོ་དང་གཉིས་པ་བླུག་</font><hr>Tha291b<br><font size=+2>


པར་བྱ་ཞིང ། ཕྱིས་གསུམ་པ་བླུག་པར་བྱའོ། །དགེ་སློང་དག་གིས་ཆུའི་ནང་དུ་མ་བསུགས་པས་ཆོས་གོས་དག་ཁྲ་བོར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཆུའི་ནང་དུ་བསུག་པར་བྱའོ། དགེ་སློང་དག་གིས་དེ་ཉིད་ཀྱི་ཉིན་པར་ཆུའི་ནང་དུ་བསུགས་པ་དང་བཅོམ་ལྡན་འདས་ཀྱིས་བཀའ་སྩལ་པ། ཕྱི་དེ་ཉིན་བསུག་པར་བྱའོ། །དགེ་སློང་གཞན་དག་ཅིག་ཚོན་གྱི་ལས་བྱེད་པ་ན། རླུང་དང་ཆར་པ་བྱུང་ནས་དགེ་སློང་རྣམས་ཕྱོགས་གང་དུ་བསྐམ་ཞེས་ཆོས་གོས་དག་ཕན་ཚུན་སྦེད་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། རླུང་དང་ཆར་པ་བྱུང་ན། ཁང་བཟང་དུ་ཚོན་གྱི་ལས་བྱའོ། །བཅོམ་ལྡན་འདས་ཀྱིས་རླུང་དང་ཆར་པ་བྱུང་ན། ཁང་བཟང་དུ་ཚོན་གྱི་ལས་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཁང་བཟང་དུ་ཚོན་གྱི་ལས་བྱས་ནས། ཁང་བཟང་ཚོན་གྱིས་སྦགས། ཉེ་བར་སྦགས་ཤིང་འདུག་པ། བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ། ཁྲག་འདི་ག་ལས་སོ། །དགེ་སློང་དག་གིས་སྨྲས་པ། འདི་ཁྲག་མ་ཡིན་གྱི། ཁོ་བོ་ཅག་གིས་ཕྱོགས་འདིར་ཚོན་གྱི་ལས་བྱས་སོ། །དེ་དག་གིས་སྨྲས་པ། བདག་ཅག་གིས་ཁྲག་ཡིན་ནོ། །སྙམ་དུ་བསམ་མོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེར་བ་ལང་གི་ལྕི་བའམ། འཇིམ་པས་བྱུག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་</font><hr>Tha292a<br><font size=+2>


༄#། །རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས། སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྒྱལ་བྱེད་ཀྱི་ཚལ་ཕུལ་བ་ན། དེའི་བློ་སྐྱེས་པ། བདག་གིས་རྒྱལ་བྱེད་ཀྱི་ཚལ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཕུལ་ན། དེར་རྩིག་པ་དག་རི་མོ་མ་བྲིས་པས། སོང་ལ་བཅོམ་ལྡན་འདས་ལ་བདས་པར་གསོལ་ཏེ་བྲིའོ། །སྙམ་ནས། དེ་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་འདིར་རྩིག་པ་དག་རི་མོ་མ་བྲིས་ཏེ། དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན། ད་རྩིག་པ་རི་མོ་བྲི་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་།གནང་གི། བྲིས་ཤིག་།བཅོམ་ལྡན་འདས་ཀྱིས་རྩིག་པའི་རི་མོ་བྲི་བར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཚོན་སྣ་དུས་རི་མོར་བྲི་མ་ཤེས་ནས། དེ་དག་གིས་བཅོམ་ལྡན་འདས་ལ་ཞུས་པ། བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་གནང་སྟེ་རྩིག་པ་རི་མོ་བྲི་བར་བྱའོ། །ཞེས་བཀའ་སྩལ་པ་དེ། ཚོན་སྣ་དུ་ཞིག་གིས་བྲི་བར་བགྱི་ལགས། བཅོམ་</font><hr>Tha292b<br><font size=+2>


ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱིམ་བདག་མགོན་མེད་ཟས་སྦྱིན་གྱིས་མ་ཤེས་པ་དེ། ཁྱེད་ཀྱིས་དྲིས་པ་ལེགས་སོ་ལེགས་སོ། །ཚོན་སྣ་བཞི་པོ་སྔོན་པོ་ཐམས་ཅད་དང ། སེར་པོ་ཐམས་ཅད་དང ། དམར་པོ་ཐམས་ཅད་དང ། དཀར་པོ་ཐམས་ཅད་ཀྱིས་བྲི་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་བདུན་པ། སྡོམ་ནི། མཁར་ལན་པ་ཡི་སྤྱད་དག་དང ། བུ་གཅན་གྱི་ཁྲིའུ་དང་ནི། །ཕྱག་དང་སྐྲ་རྣམས་བཟེད་པ་དང ། །ཕྲེང་བ་ཁབ་དང་ཚེར་མའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གནས་པ་དེའི་ཁྱིམ་དུ་བསོད་སྙོམས་པ་ཞིག་དུས་དུས་སུ་འོང་ཞིང ། དེས་དེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་གོ་།དུས་གཞན་ཞིག་ན། དེ་ལ་རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་གྱི་བསྔགས་པ་བརྗོད་པ་དང ། དེས་སྨྲས་པ། འཕགས་པ། བདག་གིས་རྫས་ལས་བྱུང་བའི་བསོད་ནམས་བྱ་བའི་དངོས་པོ་གང་ཡང་རུང་བ་ཞིག་བགྱིའོ། །བསོད་སྙོམས་པས་སྨྲས་པ། ཁྱིམ་བདག། ལེགས་ཀྱི། དེ་བཞིན་གྱིས་ཤིག་།འཕགས་པ། ཅི་ཞིག་བགྱི། ཁྱིམ་བདག། དགེ་འདུན་གྱི་གཙུག་ལག་ཁང་གྱིས་ཤིག་།འཕགས་པ། བདག་ལ་ཀཪྴ་པ་ཎ་དག་ནི། མཆིས་ན། འོན་ཀྱང་ཆོས་ཀྱི་གྲོགས་བགྱིད་པ་མ་མཆིས་སོ། །ཁྱིམ་བདག། ཀཪྴ་པ་ཎ་དག་བྱིན་ཅིག་དང ། ཁྱོད་ཀྱི་ཆོས་ཀྱི་གྲོགས་ང་ཡིན་ནོ། ། </font><hr>Tha293a<br><font size=+2>


༄#། །འཕགས་པ། ལེགས་ཀྱི། ཀཪྴ་པ་ཎ་འདི་རེ་ཞེས་དེས་དེ་ལ་ཀཪྴ་པ་ཎ་དག་བྱིན་ནོ། །བསོད་སྙོམས་པ་དེས་བསམ་པ། འདི་ཕྱོགས་བཞིའི་ཚངས་པ་མཚུངས་པར་སྤྱོད་པ་རྣམས་ཀྱི་ནོར་ཡིན་པས། འདི་ལས་ཇི་ལྟར་སྤྱད་པར་བྱ། བཞག་ལ་རེ་ཞིག་གཞན་བསླང་བར་བྱའོ། །སྙམ་ནས་དེར་ཀཪྴ་པ་ཎ་མཛོད་དུ་བཅུག་སྟེ་བཞག་གོ་།ཇི་ཙམ་དུས་གཞན་ཞིག་ན་ཁྱིམ་བདག་དེས་བསམ་པ། འཕགས་པ་བདག་གི་གཙུག་ལག་ཁང་བྱེད་ཀྱི། རེ་ཞིག་སོང་ལ་དེ་ན་ཅི་དག་བྱེད་བལྟའོ། །སྙམ་མོ། །དེ་སོང་བ་དང ། ཇི་ཙམ་ན་ཅི་ཡང་མི་སྣང་ནས་དེས་སྨྲས་པ། འཕགས་པ།་བདག་གི་གཙུག་ལག་ཁང་ཅུང་ཟད་ཀྱང་མ་བགྱིས་སམ། བསོད་སྙོམས་པས་སྨྲས་པ། རེ་ཞིག་གཙུག་ལག་ཁང་གི་མཁར་ལན་པའི་ལག་སྤྱད་ཀྱང་མེད་ན། ཅིས་བྱ། འཕགས་པ། ཀྱེ་མ་ཀཪྴ་པ་ཎ་དག་གར་མཆིས། ཁྱིམ་བདག། མཛོད་ན་འདུག་གོ་།འཕགས་པ། དེ་ཉིད་ལས་མཁར་ལན་པའི་ལག་ཆ་བགྱིད་དུ་སྩོལ་ཅག་།ཁྱིམ་བདག་།ངས་ཇི་ལྟར་ཕྱོགས་བཞི་པའི་ནོར་གྱིས་མཁར་ལན་པའི་ལག་ཆ་བྱེད་དུ་གཞུག་།འཕགས་པ། གཙུག་ལག་ཁང་འདི་ཡང་ཕྱོགས་བཞིའི་དགེ་སློང་དག་ཁོ་ནའི་སླད་དུ་བགྱིད་ན། འདི་ལ་ཅི་ཞིག་འགལ། ཁྱིམ་བདག་བཅོམ་ལྡན་འདས་ལ་ཞུའོ། །འཕགས་པ། དེ་བཞིན་མཛོད་ཅིག་།དེས་གནས་སྐབས་དེ། དགེ་སློང་རྣམས་ལ་བསྙད་པ་དང ། དགེ་སློང་རྣམས་ཀྱིས་བཅོམ་ལྡན་འདས་གསོལ་</font><hr>Tha293b<br><font size=+2>


ཏོ། །བཅོམ་ལྡན་འདས་ཀྱིས་བཀའ་སྩལ་པ། ནོར་དེ་ཉིད་ལས་མཁར་ལན་པའི་ལག་སྤྱད་བྱ་སྟེ། འདི་ལ་འགྱོད་པར་མི་བྱའོ། །བསོད་སྙོམས་པ་དེ། གཙུག་ལག་ཁང་བྱེད་ཅིང་བསོད་སྙོམས་ལ་ཡང་རྒྱུ་བ་དང ། ཁྱིམ་བདག་དེས་སྨྲས་པ། འཕགས་པ། བདག་གི་གཙུག་ལག་ཁང་མཛད་ཅིང་བསོད་སྙོམས་ལ་ཡང་རྒྱུའམ། འདི་ཉིད་ལས་མཁར་ལན་པའི་བསོད་སྙོམས་སུ་མཛོད་ཅིག་དང ། བདག་གིས་ཀཪྴ་པ་ཎ་གཞན་དག་ཀྱང་དབུལ་ལོ། །ཁྱིམ་བདག། མཁར་ལན་པའི་ནོར་ལས་ཇི་ལྟར་བསོད་སྙོམས་སུ་བྱ། འཕགས་པ། འདི་བདག་ཉིད་ཀྱི་སེམས་ཀྱིས་བག་ཡངས་སུ་བགྱིས་པས་མཛོད་ཅིག་།འདི་ལ་འགལ་བ་ཅི་ཞིག་མཆིས། དེས་སྨྲས་པ། བཅོམ་ལྡན་འདས་ལ་ཞུའོ། །འཕགས་པ། དེ་བཞིན་མཛོད་ཅིག་།དེས་གནས་སྐབས་དེ། དགེ་སློང་རྣམས་ལ་བསྙད་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། མཁར་ལན་བྱེད་པས་མཁར་ལན་གྱི་ནོར་ཁོ་ན་ལས་བསོད་སྙོམས་ཡོངས་སུ་སྤྱད་པར་བྱའོ། །བཅོམ་ལྡན་འདས་ཀྱིས་མཁར་ལན་པའི་ནོར་ཁོ་ན་ལས་བསོད་སྙོམས་ཡོངས་སུ་སྤྱད་པར་བྱའོ། །ཞེས་བཀའ་སྩལ་པ་དང ། དེ་ཧ་ཅང་ངན་པ་ཟ་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་ངན་པ་བཟའ་བར་མི་བྱའོ། །དེ་ཧ་ཅང་བསོད་པ་བཟའ་བར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་བསོད་པར་བཟའ་བར་མི་བྱའོ། འོན་ཀྱང་གཙུག་ལག་ཁང་གཞན་གྱི་</font><hr>Tha294a<br><font size=+2>


༄#། །ཐད་ཙམ་དུ་ཡོངས་སུ་སྤྱད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཆལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་འཁྲུ་བས་ན་བ་དེ་ཡང་དང་ཡང་དུ་ཆབ་ཀུང་སར་འགྲོ་བས་རྨྱའོ། །སྐབས་དེ། དགེ་སློང་རྣམས་ཀྱི་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྲིའུ་བུ་ག་ཅན་བྱའོ། །བཅོམ་ལྡན་འདས་ཀྱིས་ཁྲིའུ་བུ་ག་ཅན་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཁྱད་པར་མེད་པ་ཁྲིའུ་དག་ལ་མཚོན་གྱིས་ཕུག་སྟེ་བུ་ག་བཏོད་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྦས་པ་བཏགས་པ་དང ། འབྲེང་བུས་བཏགས་པ་གང་ཡིན་པ་དེ་ལ་ནི། ཕུག་ནས་བུག་གདོད་པར་བྱའོ། །ཐ་གུས་བཏགས་པ་གང་ཡིན་པ་དེ་ལ་ནི། བུ་ག་བཏོད་ལ་བཅིང་བར་བྱའོ། །དེ་བཤང་བ་བྱེད་པ་ན། རྐུབ་རུས་ན་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེར་ལོ་མའི་ཁྲེས་གཞག་པར་བྱའོ། །བཤང་བ་ས་ལ་ལྷུང་ནས་བཅོམ་ལྡན་འདས་ཀྱིས་བཀའ་སྩལ་པ། འོག་ཏུ་གྱོ་མོ་གཞག་པར་བྱའོ། །ཧ་ཅང་མཐོན་པོར་འཇོག་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་མཐོན་པོར་གཞག་པར་མི་བྱའོ། །དེ་དྲི་མི་ཞིམ་པར་གྱུར་ཏེ། དགེ་སློང་དག་གིས་དེ་ཕྱུང་ནས་བོར་ཏེ་གཞན་བཞག་པ་དང ། དེ་ཡང་དྲི་མི་ཞིམ་པར་གྱུར་ཏེ་དེ་ཡང་བོར་བ་དང ། གཞན་མ་རྙེད་ནས་</font><hr>Tha294b<br><font size=+2>


བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་དོར་བར་མི་བྱའི། གཉིས་བཅངས་ལ། གཅིག་བཀྲུས་ཏེ་བསྐམ་པར་བྱ་ཞིང ། གཅིག་ཤོས་ཀྱང་དེ་བཞིན་དུ་བྱའོ། །འོན་ཏེ་གཉིས་སུ་མ་རྙེད་པར་གྱུར་ན། དེའི་སྟེང་དུ་ལོ་མ་སྦྲེལ་བ་བཞག་ཅིང་དེར་བཤང་བ་བྱ་སྟེ། དེ་ལྟ་བུ་གཞན་ཡང་གཞག་པར་བྱའོ། །བཅོམ་ལྡན་འདས་ཀྱིས་གྱོ་མོ་དེ་བཀྲུ་བར་བྱའོ། །ཞེས་བཀའ་སྩལ་པ་དང ། དེ་བཀྲུས་ཀྱང་དྲི་མི་ཞིམ་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཏིལ་མར་གྱིས་བསྐུ་བར་བྱའོ། །འོན་ཀྱང་དྲི་མི་ཞིམ་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཡུངས་མར་གྱིས་བསྐུ་བར་བྱའོ། །བཅོམ་ལྡན་འདས་ཀྱིས་ནད་པ་ལ་བལྟ་བར་བྱའོ། །ཞེས་བཀའ་སྩལ་ནས། དེའི་དྲུང་དུ་ནད་པ་ལ་ལྟ་བའི་དགེ་སློང་རྒན་པ་ཡང་འོང ། གཞོན་ནུ་དག་ཀྱང་འོང་ངོ ། །དེ་ན་གཞོན་ནུ་གང་དག་ཡིན་པ་དེ་དག་ནི། དེ་ལ་ཕྱག་འཚལ་བར་བྱེད། རྒན་པོ་གང་དག་ཡིན་པ་དེ་དག་ལ་ནི། ནད་པ་དེ་ཕྱག་འཚལ་བར་བྱེད་པས། དེ་སྐྱོ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། འབགས་པ་ལ་ཕྱག་མི་བྱ། འབགས་པས་ཕྱག་མི་བྱ། འབགས་པས་ཕྱག་བདག་གིར་མི་བྱ། འབགས་པ་ལས་ཕྱག་བདག་གིར་མི་བྱའོ། །འབགས་པ་ལ་ཕྱག་བྱེད་དམ། འབགས་པས་ཕྱག་བྱེད་དམ། འབགས་པས་ཕྱག་བདག་གིར་བྱེད་དམ། འབགས་པ་ལས་ཕྱག་བདག་གིར་བྱེད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཅོམ་</font><hr>Tha295a<br><font size=+2>


༄#། །ལྡན་འདས་ཀྱིས་འབགས་པ་ལ་ཕྱག་མི་བྱ། འབགས་པས་ཕྱག་མི་བྱ། འབགས་པས་ཕྱག་བདག་གིར་མི་བྱ། འབགས་པ་ལས་ཕྱག་བདག་གིར་མི་བྱའོ། །ཞེས་གང་གསུངས་པ། བཙུན་པ། འབགས་པ་དུ་ཞིག་མཆིས་ལགས། ཉེ་བར་འཁོར། འབགས་པ་ནི། གཉིས་ཏེ། ཟས་ཀྱིས་འབགས་པ་དང ། མི་གཙང་བས་འཕགས་པའོ། །དེ་ལ་ཟས་ཀྱིས་འབགས་པ་ནི། སོ་ཤིང་དང ། བཟའ་བ་དང ། བཏུང་བ་དང ། འབྲས་བུ་དང ། རྩབ་ལ་སོགས་པ་བཟའ་བས་བྲེལ་བའོ། །མི་གཙང་བས་འབགས་པ་ནི། བཤང་བ་དང ། གཅི་བ་དང ། དེ་དག་བཀྲུ་བ་མི་གཙང་བའི་གནས་ཀྱི་བྱི་དོར་བྱ་བ་བྱེད་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བཅོམ་ལྡན་འདས་ལ་བྲམ་ཟེ་པདྨའི་སྙིང་པོས། བཅོམ་ལྡན་འདས་ཀྱིས་ནམ་བདག་ཤིང་རྟ་ལ་འཚལ་བའམ། ཁ་ལོ་སྒྱུར་བའམ། ལྕག་བསྒྲེང་བའམ། སྐད་ཆེར་སྨྲ་བ་གཟིགས་པ་དེའི་ཚེ་བདག་ཕྱག་འཚལ་བར་གོའུ་ཏ་མ་ཁྱོད་ཀྱིས་གཟུང་དུ་གསོལ། ནམ་སྲང་ན་མཆིས་སམ། ལྷམ་འབུད་དམ། ཤུལ་ལས་བྱོལ་ལམ། སུག་པ་བརྐྱང་བ་གཟིགས་པ་དེའི་ཚེ་བདག་ཕྱག་འཚལ་བར་གོའུ་ཏ་མ་ཁྱོད་ཀྱིས་གཟུང་དུ་གསོལ། ནམ་འཁོར་གྱི་ནང་ན་མཆིས་སམ། སྟན་ལས་འཕགས་སམ། </font><hr>Tha295b<br><font size=+2>


གཙུག་ཏོར་དང ། གདུགས་ཕོག་པ་དེའི་ཆེ་བདག་ཕྱག་འཚལ་བར་གོའུ་ཏ་མ་ཁྱོད་ཀྱིས་གཟུང་དུ་གསོལ་ཞེས་གསོལ་བ་གང་ལགས་པ། བཙུན་པ། ཅི་ལགས། འཕགས་པའི་ཆོས་འདུལ་བ་ལ་དེ་ལྟ་བུ་དག་ཕྱག་འཚལ་བར་ཆུད་དམ། ཉེ་བར་འཁོར། ཕྱག་བྱས་པ་མ་ཡིན་གྱི། ཉེ་བར་འཁོར། དེ་ནི། གུས་པར་སྨྲ་བའི་ཚིག་ཙམ་དུ་ཟད་ཀྱི། ལུས་འདུད་པ་དང ། ཚིག་ཏུ་འབྱིན་པ་གང་ཡིན་པ་དེ་ནི། མཆོད་པ་ཡིན་ནོ། །ཉེ་བར་འཁོར། འོན་ཀྱང་འཕགས་པའི་ཆོས་འདུལ་བ་ལ་ནི། ཕྱག་གཉིས་ཏེ། ཡན་ལག་ལྔ་དང ། བྱིན་པ་ལ་འཁྱུད་པའོ། །གླེང་གཞི་ནི། མཉན་ཡོད་ནའོ། །དགེ་སློང་དག་།ཆོས་གོས་གང་དག་གྱོན་ནས་སྐྲ་དང ། ཁ་སྤུ་དག་འབྲེག་པར་བྱེད་པ་དེ་དག་ཉིད་གྱོན་ནས་ཟན་ཟ་བར་བྱེད། དེ་དག་ཉིད་དང ། སྟོན་པ་ལ་ཕྱག་འཚལ་བར་བྱེད་པ་དང ། མ་དད་པ་རྣམས་འཕྱ་བར་བྱེད་ཅིང ། ཤཱཀྱའི་བུའི་དགེ་སྦྱོང་རྣམས་ནི། གཙང་སྦྲ་མེད་པ་སྟེ། ཆོས་གོས་གང་དག་གྱོན་ནས་སྐྲ་དང ། ཁ་སྤུ་འབྲེག་པ། དེ་དག་ཉིད་གྱོན་ནས་ཟན་ཟ་བར་བྱེད་ཅིང ། དེ་དག་ཉིད་དང་སྟོན་པ་ལ་ཕྱག་འཚལ་བར་བྱེད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་དག་གྱོན་ནས་སྐྲ་དང ། ཁ་སྤུ་བྲེག་པར་མི་བྱའི། འོན་ཀྱང་སྐྲ་བཟེད་ཀྱི་གོས་བཅང་བར་བྱ་ཞིང ། དེ་བགོས་ནས་སྐྲ་བྲེག་པར་བྱའོ། །བཅོམ་ལྡན་འདས་ཀྱིས་སྐྲ་བཟེད་ཀྱི་གོས་བཅང་བར་བྱའོ། །ཞེས་གསུངས་པ་དང ། གཞན་</font><hr>Tha296a<br><font size=+2>


༄#། །དག་ཅིག་ལ་འབྱོར་པ་མེད་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་ལ་འབྱོར་པ་མེད་པ་དེ་དག་གིས་རྡུལ་གཟན་གྱིས་ལུས་དཀྲིས་ལ་སྐྲ་བྲེག་པར་བྱེད། དགེ་སློང་དག་གིས་སྐྲ་དང ། ཁ་སྤུ་བྲེགས་ནས་དེ་བཞིན་དུ་སོང་བ་དང ། བྲམ་ཟེ་དེ་དང་ཁྱིམ་བདག་དེ་དག་ཤཱཀྱའི་བུའི་དགེ་སྦྱོང་རྣམས་ནི། སྤུ་གྲིའི་ལས་བྱས་ནས་ཁྲུས་མི་བྱེད་པས། གཙང་སྦྲ་མེད་པའོ། །ཞེས་འཕྱ་བར་བྱེད་དོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྤུ་གྲིའི་ལས་བྱས་ནས་ཁྲུས་བྱའོ། །དགེ་སློང་གཞན་དག་ཅིག་ནི། རྒས་འཁོགས་ཤིང་ཉམ་ཆུང་བར་གྱུར། གཞན་དག་ཅིག་ནི། ན་ནས་ཁྲུས་ཀྱི་སྦྱོར་བ་མི་བཟོད་པར་གྱུར། གཞན་དག་ཅིག་ལ་ནི། ཆུའི་རྙེད་པ་མེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཡན་ལག་ལྔ་ཙམ་བཀྲུ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང ། ཁྱིམ་བདག་དད་པ་ཅན་དག་དགེ་སློང་ལ་མེ་ཏོག་གི་ཕྲེང་བ་འབུལ་བ་དང ། དེ་དག་གིས་མ་བླངས་ནས་བྲམ་ཟེ་དང ། ཁྱིམ་བདག་གིས་སྨྲས་པ། འཕགས་པ། གང་གི་ཚེ་སངས་རྒྱས་བཅོམ་ལྡན་འདས་ཞེས་བྱ་བ་ནས་ཅི། བདག་ཅག་འཇིག་རྟེན་འདི་ནས་འཇིག་རྟེན་ཕ་རོལ་ཏུ་དགེ་བའི་</font><hr>Tha296b<br><font size=+2>


ལམ་རྒྱགས་དང་བྲལ་ཏེ་མཆིའམ། བཞེས་ཤིག་།ཅེས་བྱ་བའི་བར་སྔ་མ་བཞིན་ནོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། མེ་ཏོག་གི་ཕྲེང་བ་ལེན་པར་རྗེས་སུ་གནང་ངོ ། །དེ་དག་གིས་བླངས་ཏེ་དེ་དག་ཉིད་ཀྱི་མདུན་དུ་བོར་བ་དང ། དེ་དག་འཕྱ་ཞིང ། འཕགས་པ། བདག་ཅག་གིས་རི་བའི་རིན་གྱིས་ཉོས་པ་ཡིན་ན། ཅི། ཁྱེད་ཀྱིས་བླངས་ཏེ་དོར་རམ་ཞེས་ཟེར་ནས་བཅོམ་ལྡན་འདས་ཀྱིས་བཀའ་སྩལ་པ། དོར་བར་མི་བྱའོ། །དགེ་སློང་དག་གིས་དབུ་སྐྲ་དང ། སེ་མོའི་མཆོད་རྟེན་དག་ལ་བཏགས་པ་དང ། དེ་དག་གིས་སྨྲས་པ། ཅི། འཕགས་པ། བདག་ཅག་གིས་དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་མ་མཐོང་སྙམ་མམ། བདག་ཅག་གིས་ཁྱེད་ལ་བྱིན་པ་ལགས་ཀྱི། བདག་ཅག་གིས་དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་དག་ལ་ནི། དང་པོ་ཉིད་དུ་ཕུལ་ལོ། །དགེ་སློང་རྣམས་ཀྱིས་བླངས་ནས་གནས་ཁང་གི་སྒོར་བཞག་པ་དང ། བྲམ་ཟེ་དང ། ཁྱིམ་བདག་དད་པ་ཅན་གྱིས་མཐོང་ནས་དྲི་གཙང་ཁང་ཡན་ནོ། །སྙམ་སྟེ་ཕྱག་འཚལ་ནས་བཅོམ་ལྡན་འདས་ཀྱིས་བཀའ་སྩལ་པ། གནས་ཁང་གི་སྒོར་གཞག་པར་མི་བྱའི། ནང་དུ་གཞག་པར་བྱའོ། །དགེ་སློང་དག་གིས་སྒོའི་དྲང་ཐད་དུ་བཞག་པས་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དྲི་ཞིམ་པོ་ཐམས་ཅད་མིག་ལ་ཕན་པས། ཕྱོགས་དབེན་པར་བཞག་ཅིང་བསྣམ་</font><hr>Tha297a<br><font size=+2>


༄#། །པར་བྱའོ། །བཅོམ་ལྡན་འདས་ཀྱིས་དབེན་པར་བཞག་ཅིང་བསྣམ་པར་བྱའོ། །ཞེས་གསུངས་པ་དང ། དགེ་སློང་དག་གིས་ཇི་ལྟར་གཞག་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སྔས་ལོགས་སུ་ཁབ་བམ། ཚེར་མ་བཏབ་ལ་འཕྱང་དུ་གཞུག་པར་བྱའོ། །སྡོམ་ནི། སྟན་བཟང་དང་ནི་རྒྱབ་རྟེན་དང ། །འབྲུ་མར་སྣོད་ནི་གསུམ་དག་དང ། ། གཏུར་ཐག་དང་ནི་ཁྲོན་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་དག་།དགེ་འདུན་ལ་ནི། འབྱོར་ན་སྟན་བཟང་པོ་གནང་གི། གང་ཟག་ལ་ནི། མི་གནང་ངོ ། །དགེ་འདུན་ལ་ནི། འབྱོར་ན་རྒྱབ་རྟེན་གནང་གི།་གང་ཟག་ལ་ནི། མི་གནང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང ། ཁྱིམ་བདག་དད་པ་ཅན་དག་གིས། དགེ་སློང་རྣམས་ལ་དྲི་ཕུལ་བ་དང ། དགེ་སློང་རྣམས་ཀྱིས་མ་བླངས་ནས་དེ་དག་གིས་སྨྲས་པ། འཕགས་པ། གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བ་ཞེས་བྱ་བ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།དྲི་བླང་བར་བྱའོ། །ཞེས་བྱ་བའི་བར་སྔ་མ་བཞིན་ནོ། །དེ་རྣམས་ཀྱིས་བླངས་</font><hr>Tha297b<br><font size=+2>


ནས་དེ་དག་ཉིད་ཀྱི་མདུན་དུ་བོར་བ་དང་དེ་དག་གིས། འཕགས་པ་དག་།བདག་ཅག་གིས་རི་བའི་རིན་གྱིས་ཉོས་པ་ཡིན་ན། ཁྱོད་ཀྱིས་བླངས་ཏེ་འདོར་རམ་ཞེས་འཕྱ་བར་བྱེད་དོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དོར་བར་མི་བྱའོ། །དེ་དག་གིས་དབུ་སྐྲ་དང ། སེན་མོའི་མཆོད་རྟེན་ལ་ཕུལ་བ་དང ། དེ་དག་གིས་སྨྲས་པ།་འཕགས་པ་དག་།བདག་ཅག་གིས་དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་མ་མཐོང་ངམ། བདག་ཅག་གིས་ཁྱེད་ལ་ཕུལ་གྱི། དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་ལ་ནི། བདག་ཅག་གིས་དང་པོ་ཉིད་དུ་ཕུལ་ལགས་སོ། །དགེ་སློང་དག་གིས་བླངས་ནས་གནས་ཁང་གི་སྒོར་བཞག་པ་དང ། བྲམ་ཟེ་དང ། ཁྱིམ་བདག་དད་པ་ཅན་དག་གིས་མཐོང་ནས་དྲི་གཙང་ཁང་ཡིན་ནོ། །སྙམ་སྟེ་ཞབས་ལ་གཏུགས་ནས་བཅོམ་ལྡན་འདས་ཀྱིས་བཀའ་སྩལ་པ། གནས་ཁང་གི་སྒོར་མི་གཞག་གི་།འོན་ཀྱང་ནང་དུ་གཞག་པར་བྱའོ། །དགེ་སློང་དག་གིས་སྒོའི་དྲང་ཐད་དུ་བཞག་ནས་ཉེས་དམིགས་དེ་ཉིད་དུ་གྱུར་ཏེ་བཅོམ་ལྡན་འདས་ཀྱིས་བཀའ་སྩལ་པ། སྒོའི་དྲང་ཐད་དུ་གཞག་པར་མི་བྱའི། འོན་ཀྱང་དྲི་ཞིམ་པོ་ཐམས་ཅད་ནི། མིག་ལ་ཕན་པས། སྔས་ཀྱི་ཐད་ཀར་དྲིའི་ལག་རིས་བྱ་ཞིང ། དེ་ནས་དུས་དུས་སུ་བསྣམ་པར་བྱའོ། །གཞན་དད་པ་ཅན་དག་གིས་དགེ་སློང་དག་ཁྱིམ་དུ་སྤྱན་དྲངས་ཏེ་མཆོད་སྟོན་གསོལ་ནས་དེ་རྣམས་</font><hr>Tha298a<br><font size=+2>


༄#། །དེ་དག་གི་རྐང་པ་ལ་དྲིའི་ལག་རིས་སྐུད་པ་དང ། དགེ་སློང་དག་གིས་མ་བླངས་ནས་དེ་དག་གིས་སྨྲས་པ། འཕགས་པ། གང་དག་བྲམ་ཟེ་ལ་མངོན་པར་དད་པ་དེ་དག་གིས་དེ་དག་ལ་དང་པོ་དྲི་དང ། ཕྲེང་བ་དག་ཕུལ་ནས་དེ་དག་གིས་བླངས་ཏེ་མགོ་དང ། ལུས་ལ་ཉེ་བར་སྦྱོར་བར་བགྱིད་ན། བདག་ཅག་ནི། ཁྱེད་ལ་མངོན་པར་དད་དེ་ཞབས་དག་ལ་འབུལ་བ་འགལ་བ་ཅི་ཞིག་མཆིས། བཞེས་སུ་གསོལ། སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྐང་པ་དག་ལ་འབུལ་བ་བདག་གིར་བྱའོ། །དགེ་སློང་དག་གིས་བླངས་ཏེ་དེ་དག་ཉིད་ཀྱི་མདུན་དུ་བོར་བ་དང ། དེ་དག་གིས་སྨྲས་པ། ཨེ་མ་འཕགས་པ། ཁྱེད་ཅག་གཙུག་ལག་ཁང་དུ་གཤེགས་ཏེ་ཅི་བདེར་མཛོད་ཅིག ། ཇི་ལྟར་བདག་ཅག་དད་པ་སྐྱེས་པ་དེ་ལྟར་མ་དད་པའང་སྐྱེས་སོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཉིད་ཀྱི་མདུན་དུ་དོར་བར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ལྷུང་བཟེད་བབ་ཅོལ་དུ་འཇོག་པར་བྱེད་པས། དེ་དག་མ་རུངས་པར་གྱུར་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་</font><hr>Tha298b<br><font size=+2>


པ་བཅོལ་དུ་གཞག་པར་མི་བྱའི། འོན་ཀྱང་ལྷུང་བཟེད་གཞག་པའི་བུ་ག་བྱས་ལ་དེར་གཞག་པར་བྱའོ། །དགེ་སློང་དག་རྩིག་པ་རྐོ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། རྩིག་པ་བརྐོ་བར་མི་བྱའི། འོན་ཀྱང་གང་གི་ཚེ་གཙུག་ལག་ཁང་རྩིག་པ་དེ་ཁོ་ནའི་ལྷུང་བཟེད་ཀྱི་བུ་ག་བྱ་སྟེ། དེ་བཞིན་དུ་འཁོར་གྱི་ཁང་བ་ལའང་བྱའོ། །བཅོམ་ལྡན་འདས་ཀྱིས་ལྷུང་བཟེད་གཞག་པའི་བུ་གར་ལྷུང་བཟེད་གཞག་པར་བྱའོ། །ཞེས་གསུངས་པ་དང ། དགེ་སློང་དགོན་པ་པ་དག་ལ་ལྷུང་བཟེད་གཞག་པའི་བུ་ག་མེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ལྕུག་མའམ། སྲད་བུའི་སྐོན་བུ་བྱས་ཏེ། དེ་ལ་བ་ལང་གི་ལྕི་བའམ། འཇིམ་པས་བསྐུས་ལ་དེར་གཞག་པར་བྱའོ། །རྡུལ་ཁྱེར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལ་དེ་དང་འདྲ་བའི་ཁ་གབ་བྱའོ། །དགེ་སློང་དག་གིས་དེ་ས་ལ་བཞག་ནས་བཅོམ་ལྡན་འདས་ཀྱིས་བཀའ་སྩལ་པ། ས་ལ་མི་གཞག་གི། འོན་ཀྱང་གདང་ཐག་གམ། ཤིང་གི་ཡལ་ག་ལ་སྤྱད་དུ་གཞུག་པར་བྱའོ། །དེ་དག་གང་གི་ཚེ་ལྗོངས་རྒྱུ་ཞིང་འགྲོ་བ་དེའི་ཚེ་དེ་ཁྱེར་ཞིང་དོང་ནས་མ་དད་པ་དག་།འཕགས་པ། ཅི་འདིར་ཁྱིམ་བྱའམ། སྤྲེའུ་ཁྱེར་ཞེས་འཕྱ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གར་འགྲོ་རྒུར་སྐོན་བུ་ཁྱེར་ཏེ་འགྲོ་བར་མི་བྱའི། འོན་ཀྱང་གང་དུ་འགྲོ་བ་དེར་གཞན་ཞིག་གཞག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་</font><hr>Tha299a<br><font size=+2>


༄#། །ར་བ་ན་བཞུགས་སོ། །དགེ་སློང་ཞིག་ལྗོངས་རྒྱུ་ཞིང་རི་བྲག་ཅིག་ཏུ་ཕྱིན་ཏེ་དེས་ཁྱིམ་ཞིག་ཏུ་གནས་བརྙས་ནས་རྐང་པ་བཀྲུས་ཏེ་འབྲུ་མར་བསླང་བར་བརྩམས་པ་དང ། ཇི་ཙམ་ན་བུད་མེད་ཅིག་གིས་ཏིལ་མར་ཁྱེར་ཏེ་འོངས་ནས་དགེ་སློང་དེས་ལག་པ་བརྐྱང་བ་དང ། དེས་སྨྲས་པ། འཕགས་པ། སློང་བར་མཛད་ལ་སྣོད་མི་མངའ་བ་དེ་ག་ལ་གདའ། ཨེ་མའོ། །ཁྱོད་ཀྱི་འབྲུ་མར་གྱི་སྣོད་བཅང་བར་མཛོད་ཅིག་།དེས་སྨྲས་པ། སྲིང་མོ། བཅོམ་ལྡན་འདས་ཀྱིས་མ་གནང་ངོ ། །དེ་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།འབྲུ་མར་གྱི་སྣོད་བཅང་བར་བྱའོ། །བཅོམ་ལྡན་འདས་ཀྱིས་འབྲུ་མར་གྱི་སྣོད་བཅང་བར་བྱའོ། །ཞེས་གསུངས་པ་དང ། ཚེ་དང་ལྡན་པ་ཉེ་དགའི་དགེ་ཚུལ་གཉིས་འབྲུ་མར་གྱི་འབྲག་ཁྱེར་ཏེ་འབྲུ་མར་གྱི་བསོད་སྙོམས་ལ་ཞུགས་པ་དང ། བུད་མེད་ཅིག་གིས་འབྲུ་མར་ཁྱེར་ཏེ་འོངས་པ་དང ། ཇི་ཙམ་ན་དགེ་ཚུལ་གཉིས་ཤིག་འབྲུ་མར་གྱི་འབྲག་ཐོགས་པ་མཐོང་ནས་དེས་བྲང་བརྡུངས་ཏེ་སྨྲས་པ། འཕགས་པ། ཁྱེད་ཀྱི་འདི་སུ་ཞིག་གིས་འགེངས་པར་བྱེད། དེ་དག་གིས་སྨྲས་པ། བཀྲེན་པ་མོ། ཁྱོད་ཀྱིས་རེ་ཞིག་ཅི་བྱིན་པ་དེ་ལུགས་ཤིག་།ལྷག་མ་ལྷ་བྲམ་ཟེ་དང ། ཁྱིམ་བདག་དད་པ་ཅན་དག་འགེངས་སོ། །དེ་ཅང་མི་ཟེར་བར་གྱུར་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། </font><hr>Tha299b<br><font size=+2>


བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་འབྲུ་མར་གྱི་སྣོད་ཧ་ཅང་ཆེན་པོ་བཅང་བར་མི་བྱའོ། །བཅོམ་ལྡན་འདས་ཀྱིས་དགེ་སློང་དག་གིས་འབྲུ་མར་གྱི་སྣོད་ཧ་ཅང་ཆེན་པོ་བཅང་བར་མི་བྱའོ། །ཞེས་གསུངས་པ་དང ། དེ་དག་གིས་ཧ་ཅང་ཆུང་བ་བཅངས་པས་དེས་དགོས་པ་མི་ཆོག་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་ཆུང་ངུ་ཡང་མི་བཅང་གི། འོན་ཀྱང་འབྲུ་མར་གྱི་སྣོད་ནི། གསུམ་སྟེ། ཆེན་པོ་དང ། འབྲིང་དང ། ཆུང་ངུའོ། །དེ་ལ་ཆེན་པོ་ནི། ཕུལ་གང་བའོ། །ཆུང་ངུ་ནི། ཕུལ་ཕྱེད་པའོ། །དེ་དག་གི་བར་ནི། འབྲིང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྒན་པོ་དང ། གསར་བུ་ཞིག་དང་གཉིས་ལམ་དུ་ཞུགས་ཏེ་དོང་བ་དང ། དེ་དག་གཏམ་བཟང་པོ་མ་ཡིན་པ་ཟེར་ཞིང་འགྲོ་བ། ཇི་ཙམ་ན་གནོད་སྦྱིན་མ་དད་པ་ཞིག་གིས་ཐོས་ནས་དེས་བསམ་པ། ཤཱཀྱའི་བུའི་དགེ་སྦྱོང་འདི་གཉིས་གཏམ་བཟང་པོ་མ་ཡིན་པ་ཟེར་ཞིང་འདོང་བས་འདི་དག་གི་མདངས་དབྲོག་པར་བྱའོ། །སྙམ་བསམ་སྟེ། དེ་དེ་གཉིས་ཀྱི་ཕྱི་བཞིན་འབྲང་ངོ ། །ཡང་བསམ་པ། གང་འདས་པ་དེ་ནི། འདས་སུ་ཟད། གལ་ཏེ་གཏམ་བཟང་པོ་མ་ཡིན་པ་དག་ཟེར་ན། ངེས་པར་མདངས་དབྲོག་པར་བྱའོ། །སྙམ་མོ། །དེ་དེ་ལྟར་སེམས་ཤིང་དེ་དག་གི་ཕྱི་བཞིན་འབྲངས་པ་ལས། གནོད་སྦྱིན་དད་པ་ཅན་གཞན་ཞིག་ཕྱོགས་དེར་འོངས་ཏེ། དེས་དེ་ལ་གྲོགས་པོ། གར་འགྲོ་ཞེས་དྲིས་པ་དང ། </font><hr>Tha300a<br><font size=+2>


༄#། །དེས་ཇི་ལྟར་གྱུར་པ་དེ་ལ་སྨྲས་སོ། །དེས་སྨྲས་པ། གྲོགས་པོ། དགེ་སློང་འདི་དག་ནི། དཀའ་ཐུབ་དང་ལྡན་པས། གོར་མ་ཆག་པར་ཆོས་ཀྱི་གཏམ་ཟེར་ཞིང་འདོང་ངོ ། །ཁྱོད་ལ་དགེ་སློང་དག་གིས་ཅི་ཞིག་བྱའི། འདུག་ཅིག་དང ། བདག་ཅག་ཕན་ཚུན་ཡང་དག་པར་དགའ་བའི་གཏམ་དག་བྱ་ཞིང་འདོང་ངོ ། །དེས་སྨྲས་པ། གྲོགས་པོ། བདག་གིས་འདི་གཉིས་ངེས་པར་མི་གཏང་གི་།ཚུར་ཤོག་།འདོང་ངོ ། །དེ་དེས་དུས་ཀྱིས་འཆུ་བར་ཤེས་ནས་དེ་དང་ལྷན་ཅིག་ཏུ་དེ་གཉིས་ཀྱི་ཕྱི་བཞིན་དུ་འབྲངས་པ་དང ། དགེ་སློང་དེ་གཉིས་གཏམ་བཟང་པོ་མ་ཡིན་པ་ཁོ་ན་ཟེར་ཞིང་འདོང་བ་ལས། ཇི་ཙམ་ན་ལམ་གཉིས་སུ་གྱུར་ནས་དགེ་སློང་དེ་གཉིས་ལས་ཀྱང་གཅིག་ནི། རྒྱལ་བྱེད་ཀྱི་ཚལ་དུ་འགྲོའོ། །གཅིག་ནི། རི་དྭགས་འཛིན་གྱི་མའི་ཁང་བཟང་དུ་འགྲོའོ། ། དེ་གཉིས་ལས་གསར་བུ་གང་ཡིན་པ་དེས། རྒན་པོ་ལ་ཕྱག་བྱས་ཏེ་དེས་སྨྲས་པ། ཚེ་དང་ལྡན་པ། བདག་ནི། རི་དྭགས་འཛིན་གྱི་མའི་ཁང་བཟང་དུ་མཆི་ཡི། ཁྱོད་བག་ཡོད་པར་མཛོད་ལ་ནད་མེད་པར་གཤེགས་ཤིག་།ཅེས་སྨྲས་ནས་དེ་སོང་བ་དང ། གནོད་སྦྱིན་མ་དད་པ་དེ་སྐྲ་གྱེན་དུ་བསླང་སྟེ་མདངས་དབྲོག་ཅེས་བྱས་པ་དང ། གནོད་སྦྱིན་དད་པ་ཅན་དེས་སྨྲས་པ། གྲོགས་པོ། གཟུ་ལུམ་མ་བྱེད་ཅིག་།འདི་གཉིས་ཀྱིས་ཆོས་བཤད་དེ། གང་ནད་མེད་པར་གྱུར་ཅིག་།ཅེས་སྨྲས་པ། ནད་མེད་པ་དེ་ནི། རྙེད་པའི་མཆོག་ཡིན་ལ། གང་བག་ཡོད་པར་བྱོས་ཤིག་ཅེས་ཟེར་བ། བག་</font><hr>Tha300b<br><font size=+2>


ཡོད་པ་ནི། ཆོས་ཐམས་ཅད་ཀྱི་རྩ་བ་ཡིན་ནོ། །བཅོམ་ལྡན་འདས་ཀྱིས་ཀྱང ། བག་ཡོད་འཆི་མེད་གནས་ཡིན་ཏེ། །བག་མེད་པ་ནི་འཆི་བའི་གནས། །བག་ཡོད་འཆི་བར་མི་འགྱུར་ཏེ། །བག་མེད་རྟག་ཏུ་འཆི་བར་འགྱུར། །ཞེས་གསུངས་སོ། །ཞེས་དེས་དེ་སླར་བཟློག་གོ། །གནོད་སྦྱིན་དད་པ་ཅན་དེ། འདི་སྙམ་དུ་འདི་ཁོ་ན་བདག་གིས་བྱ་བ་ཡིན་ནོ། །སྙམ་དུ་བསམ་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་གནོད་སྦྱིན་དེས་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱི་བསྟན་པ་ལ་མངོན་པར་མ་དད་པ། མི་མ་ལགས་པ། གནོད་སྦྱིན་གཏུམ་པོ་རྟག་ཏུ་གནས་ཤིང་མཆིས་ལགས་སོ། །བཙུན་པ། མངོན་པར་དད་པ་གང་དག་ལགས་པ་དེ་དག་ནི། ཉུང་ཟད་ཅིག་མཆིས་ལགས་ཏེ། བཅོམ་ལྡན་འདས་ཀྱི་བསྟན་པ་ལ་མངོན་པར་མ་དད་པ། མི་མ་ལགས་པ། གནོད་སྦྱིན་གཏུམ་པ་རྟག་ཏུ་གནས་ཀྱང ། བཅོམ་ལྡན་འདས་ཀྱི་བསྟན་པ་ལ་མངོན་པར་མ་དད་པའི་གནོད་སྦྱིན་གཏུམ་པོ་རྟག་ཏུ་གནས་པ་ནི། ཆེས་མང་དུ་ལགས་ལ། བཙུན་པ། འཕགས་པ་འདི་དག་ནི། གཏམ་བཟང་པོ་མ་ལགས་པ་མཆི་ཞིང་ཤུལ་དུ་ཞུགས་ཏེ་མཆི་ན། ཀྱེ་མ། བཅོམ་ལྡན་འདས་ཀྱིས་བརྩེ་བར་དགོངས་ཏེ། གང་གིས་ན། འཕགས་པ་དག་གཏམ་བཟང་པོ་མ་ལགས་པ་མཆི་ཞིང་ཤུལ་དུ་ཞུགས་ཏེ་མཆི་བར་མི་འགྱུར་བ། འཕགས་</font><hr>Tha301a<br><font size=+2>


༄#། །པ་རྣམས་དྲན་པར་བགྱིད་པ་ཅུང་ཟད་ཅིག་བཅར་གསོལ། བཅོམ་ལྡན་འདས་ཀྱིས་གནོད་སྦྱིན་དེ་ལ་ཅང་མི་གསུང་བས་གནང་ནས། དེ་ནས་གནོད་སྦྱིན་དེ་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་གནོད་སྦྱིན་དེ་སོང་སྟེ་རིང་པོ་མ་ལོན་པར་མཁྱེན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་དག། ངས་གནོད་སྦྱིན་ཞིག་ལས་དགེ་སློང་དག་གཏམ་བཟང་པོ་མ་ཡིན་པ་ཟེར་ཞིང་ལམ་དུ་ཞུགས་ཏེ་འདོང་བ་ལ་གནོད་སྦྱིན་མ་དད་པ་དག་སྐབས་ཚོལ་ཞིང་གླགས་ལྟ་ཞེས་ཐོས་སོ། །དགེ་སློང་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་རྣམས་འདི་ལྟ་སྟེ། གཏམ་བཟང་པོ་མ་ཡིན་པ་ཟེར་བ་དེ་ནི། མཛེས་པ་མ་ཡིན་ཞིང་འཚམ་པ་མ་ཡིན་ནོ། །དེ་ལྟ་བས་ན། ངས་དགེ་སློང་ལམ་དུ་འཇུག་པའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། ལམ་དུ་འཇུག་པའི་དགེ་སློང་གིས་ཆོས་ཀྱི་གཏམ་དང ། འཕགས་པའི་མི་སྨྲ་བ་དང་རྣམ་པ་གཉིས་ཀྱིས་ལམ་དུ་ཞུགས་ནས་འགྲོ་བར་བྱའོ། །ངལ་བསོ་བའི་གནས་ཀྱི་ཕྱོགས་སུ་གཙུག་ལག་གི་ཚིགས་སུ་བཅད་པ་གདོན་པར་བྱའོ། །ཆུ་འཆུ་བ་ན་ཆུ་དེ་གང་གི་ཡིན་པ་</font><hr>Tha301b<br><font size=+2>


དང ། དེའི་ལྷ་ལ་ཚིགས་སུ་བཅད་པ་གདོན་པར་བྱའོ། །གང་དུ་གནས་འཆའ་བ་དེར་རྒྱུད་ཆགས་གསུམ་པ་གདོན་པར་བྱའོ། །ལམ་དུ་ཞུགས་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འདུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་གིས་ཆོས་གོས་ཟིན་པ། ཆོས་གོས་མཐར་ཕྱིན་པ། ཚོན་གསར་པ་ཅན་དག་ཕྲག་པ་ལ་བཀལ་ཏེ་ལམ་དུ་ཞུགས་པ་དང ། དེ་དག་རྡུལ་དང ། རྡུལ་གྱིས་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གཏུར་བུ་བྱས་ལ་དེར་གཞུག་སྟེ་བཀུར་བར་བྱའོ། །བཅོམ་ལྡན་འདས་ཀྱིས་གོས་གཏུར་བུ་བཅུག་སྟེ་བཀུར་བར་བྱའོ། །ཞེས་གསུངས་པ་དང ། དགེ་སློང་དག་གིས་ཆོས་གོས་ཀྱི་གཏུར་བུ་ཇི་ལྟ་བུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རས་གང་ཆུར་ནི། ཁྲུ་གསུམ། ཞེང་དུ་ནི། ཁྲུ་ཕྱེད་དང་དོ་པ་དེ་གཉིས་སུ་བལྟབ་ལ་དྲུབ་པར་བྱའོ། །དགེ་སློང་དག་གིས་མཐའ་མར་ཁ་བཏོད་པས་གླང་པོ་ཆེའི་སྣ་ལྟར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། མཐར་ཁ་མི་གདོད་ཀྱི། འོན་ཀྱང་དབུས་སུ་གདོད་བར་བྱའོ། །དེ་དག་གིས་ཁ་ཐག་མ་བཏགས་པས་དེ་བཞིན་དུ་རྡུལ་ཞུགས་ནས་བཅོམ་ལྡན་འདས་ཀྱིས་བཀའ་སྩལ་པ། སྲད་བུས་དྲ་བ་ལྟ་བུ་བྱས་ལ་དེ་ནས་སྲད་བུ་གཞན་གྱིས་བརྒྱུ་བར་བྱའོ། ། </font><hr>Tha302a<br><font size=+2>


༄#། །དེ་དག་གིས་ཆོས་གོས་གང་དག་བགོ་བ་དག་ནི། འོག་ཏུ་བཞག། གཞན་ནི། སྟེང་དུ་ཕྱུང་བ་དང ། དེ་དག་གཏུར་བུ་ཡང་དང་ཡང་དུ་འབྱེད་པ་ན། འཆོལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་བགོ་བ་དེ་དག་ནི། སྟེང་དུ་གཞག་ལ། ལྷག་མ་དེ་དག་ནི། འོག་ཏུ་གཞག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མི་རྒོད་དག་གིས་འགྲོན་པོ་བཅོམ་ནས་ཕན་ཚུན་ཁུས་འདེབས་ཤིང་བྲོས་པ་དང ། སོ་སོའི་གྲོང་ན་གནས་པ་དག་ཁྱིམ་ནས་ལྷགས་ཏེ་མི་རྒོད་དག་བཏགས། རབ་ཏུ་གཏགས་ནས་མགོན་མེད་ཅིང་སྐོམ་པས་གདུངས་ཏེ་གཅིག་ནས་གཅིག་ཏུ་ཆུ་བཙལ་བའི་ཕྱིར་རྨེད་ཅིང་ཁྲོན་པ་ཞིག་ཏུ་ཕྱིན་པ་དང ། རྐུན་པོའི་སྡེ་དཔོན་གྱིས་སྨྲས་པ། ཤེས་ལྡན་དག། འདིར་ཆུ་སྣོད་དང ། ཐག་པ་དག་ལྟོས་ཤིག་།བལྟས་ན་ཐག་པ་ཡང་མེད། ཆུ་སྣོད་ཀྱང་མེད་དོ། །ཤེས་ལྡན་དག། གལ་ཏེ་འགྲོན་པོ་འགའ་ཞིག་འོང་ན། དེ་ལས་ཐག་པ་དང ། ཆུ་སྣོད་བརྙས། ཤིང་ལ་འཛེགས་ཏེ་ལྟོས་ཤིག་།དེ་དག་གིས་ཤིང་ལ་འཛེགས་ཏེ་བལྟ་བར་བརྩམས་ན། ཇི་ཙམ་ན་ཐག་རིང་པོ་ཞིག་ནས་དགེ་སློང་དག་ཅིག་འོང་བ་མཐོང་ནས་དེ་དག་གིས་སྨྲས་པ། སྡེ་དཔོན། ཤཱཀྱའི་བུ་མང་ཞིག་འོང་ངོ ། །དེས་སྨྲས་པ། ཤེས་ལྡན། དེ་དག་ནི། མཁས་པ་ཡིན་པས་གདོན་མི་ཟ་བར་</font><hr>Tha302b<br><font size=+2>


དེ་དག་ལ་གདང་ཐག་དང ། ཆུ་སྣོད་ཡོད་དོ། །དེ་དག་གིས་སྨྲས་པ། སྡེ་དཔོན། གལ་ཏེ་དེ་དག་ལ་ཡོད་ན། དེ་ལྟ་ན་ལེགས། ཅི་སྟེ་མེད་ན། དེ་དག་གི་ལྟོ་དྲལ་ཏེ་ཁྲག་བཏུང་བར་བྱའོ། །དེ་དག་གིས་དེ་ལྟར་གྲོས་བྱས་ཏེ་བསྡད་པ་དང་དགེ་སློང་དག་ཀྱང་ལྷགས་སོ། །མི་རྒོད་དག་གིས་དྲིས་པ། འཕགས་པ། བདག་སྐོམ་ན། ཁྱེད་ལ་གདང་ཐག་དང ། ཆུ་སྣོད་ཡོད་དམ། དེ་དག་གིས་སྨྲས་པ། བཞིན་བཟང ། མེད་དོ། །མི་རྒོད་དག་འཁྲུགས་པར་གྱུར་ཏེ། མཚོན་ཆ་ལ་ནོམ་པ་དང ། དེ་ན་དགེ་འདུན་གྱི་གནས་བརྟན་དགྲ་བཅོམ་པ་ཞིག་གིས་ཅིའི་ཕྱིར་འདི་དག་འཁྲུགས་ཤིང་མཚོན་ཆ་ལ་ནོམ་ཞེས་བསམ་པ་ལ་ཞུགས་པ་དང ། དགེ་སློང་དག་གསད་པར་འདོད་པར་མཐོང་ནས་དེས་སྨྲས་པ། ཚེ་དང་ལྡན་པ་དག། ཁྱེད་ཅིའི་ཕྱིར་འཁྲུགས་པར་གྱུར། དེ་དག་གིས་ཇི་ལྟར་གྱུར་པ་སྨྲས་སོ། །དེས་སྨྲས་པ། ཚེ་དང་ལྡན་པ་དག། ཐབས་ཡོད་ཀྱི། ཐ་མལ་པར་འདུག་ལ་ཆུ་འཐུང་ཞིག། དེ་དག་ཐ་མལ་པར་འདུག་པ་དང ། དགེ་སློང་དག་གིས་ལྷས་མ་དང ། ལྕག་ཕོད་དང ། རྒྱ་ཅང་དག་མཐུད་དེ་ལྷུང་བཟེད་ཁྲོན་པར་དཔྱང་ལ་བཏང་ནས་དེ་ནས་ཆུ་བཅུས་ཏེ་བཏགས་སོ། །བཏགས་ནས་མི་རྒོད་ཐམས་ཅད་ངོམ་པར་བྱས་པ་དང་དེ་དག་གིས་སྨྲས་པ། འཕགས་པ་དག། གལ་ཏེ་ཁྱེད་ཀྱིས་བདག་ཅག་ལ་ཆུ་མ་སྩལ་བར་གྱུར་ན། བདག་ཅག་གིས་ཁྱེད་ཐ་མལ་བསད་པར་གྱུར་ཏོ། །ེ་མ་ཁྱེད་གདང་ཐག་འཆང་བ་མཛོད་ཅིག་།དེ་དག་གིས་སྨྲས་པ། ཚེ་དང་ལྡན་པ་དག། དེ་བཞིན་བྱའོ། །མི་རྒོད་དག་གིས་</font><hr>Tha303a<br><font size=+2>


༄#། །ཕྱག་བྱས་ཏེ་དོང་ངོ ། །དགེ་སློང་དག་གིས་ཀྱང་ཇི་ཙམ་ངོམ་པར་ཆུ་འཐུངས་ནས་རིལ་བ་དང ། བྱ་མ་བུམ་དག་བཀང་སྟེ་དོང་ནས་དེ་རིམ་གྱིས་མཉན་ཡོད་དུ་ལྷགས་སོ། ། དགེ་སློང་དག་གིས་འོངས་པ་ལེགས་སོ། །ཞེས་བྱ་བའི་ཀུན་ཏུ་སྤྱོད་པས་ཀུན་ཏུ་སྤྱད་ནས་ཚེ་དང་ལྡན་པ་དག། ཅི་བདེ་བར་སྤྱད་དམ་ཞེས་དྲིས་པ་དང ། དེ་དག་གིས་ཇི་ལྟར་གྱུར་པ་སྨྲས་སོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་སློང་གིས་གདང་ཐག་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་དག་གིས་གདང་ཐག་བཅང་བར་བྱའོ། །ཞེས་གསུངས་པ་དང ། དགེ་སློང་རྣམས་ཀྱིས་ཤིན་ཏུ་རིང་པོ་དག་འཆང་ནས་བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་རིང་པོ་ཡང་བཅང་བར་མི་བྱའོ། །དེ་དག་གིས་ཤིན་ཏུ་ཐུང་ངུ་དག་བཅངས་ནས་བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ཐུང་ངུ་ཡང་བཅང་བར་མི་བྱའོ། །འོན་ཀྱང་གདང་ཐག་གསུམ་བཅང་བར་བྱ་སྟེ། རིང་པོ་དང ། འབྲིང་དང ། ཐུང་ངུའོ། །རིང་པོ་ནི། ཁྲུ་བརྒྱ་ལྔ་བཅུའོ། །ཐུང་ངུ་ནི། ཁྲུ་བརྒྱའོ། །དེ་དག་གི་བར་ནི། འབྲིང་ངོ ། །བཅོམ་ལྡན་འདས་ཀྱིས་གདང་ཐག་གསུམ་བཅང་བར་བྱའོ། །ཞེས་གསུངས་པ་དང ། དགེ་སློང་རྣམས་འཆད་བར་གྱུར་ཏེ། ཡུལ་གཞན་ཞིག་ན་ཆུ་མོད་པ་དེར་ཡང་དགེ་སློང་དག་གདང་ཐག་ཁྱེར་ཏེ་དོང་ནས་བཅོམ་ལྡན་འདས་ཀྱིས་བཀའ་སྩལ་</font><hr>Tha303b<br><font size=+2>


པ། གདང་ཐག་ནི། ཡུལ་རྣམས་དང་སྦྱར་ཞིང་བཅང་བར་བྱའོ། །སྡོམ་ནི། སྤུ་གྲི་རྡར་དང་སེན་གྲི་དང ། །སྨད་ཚེར་དང་ནི་སྔས་ཤིང་དང ། །བད་ཚའི་རིགས་ལས་འཇིམ་པ་ནི། །དྲི་ཡིས་ཡོངས་སུ་བསྒོས་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གི་སྐྲ་རིང་པོ་རིང་པོར་གྱུར་ཏེ་དེ་འབྲེག་མཁན་གྱི་གན་དུ་སོང་ནས་བཞིན་བཟང ། བདག་གི་སྐྲ་བྲེགས་ཤིག་།དེས་བསམ་པ། ཤཱཀྱའི་བུའི་དགེ་སྦྱོང་འདི་དག་ནི། ནན་ཆེ་སྟེ་རྔན་པ་མེད་པར་ལས་བྱེད་དུ་འཇུག་པས། གལ་ཏེ་འདིའི་སྐྲ་བྲེགས་ནས་ཐོས་པ་དང ། གཞན་དང་གཞན་དག་ཀྱང་འོང་བར་འགྱུར་བས། དུས་རིང་དུ་བསྒྱངས་ཏེ་བཞག་པ་དང ། འདི་རང་གི་བློས་ལྡོག་གོ། སྙམ་ནས་དེས་དུས་བཏབ་པ། འཕགས་པ། གཤེགས་ལ་སང་གནངས་སྔ་དྲོའམ། ཕྱི་དྲོའམ། གདུགས་ཀྱི་གུང་ཞིག་ལ་སྤྱོན་ཅིག། དེ་དེས་བསླུས་པས་ཡང་དང་ཡང་དུ་འགྲོའོ། །དེ་ལ་དགེ་སློང་མཛའ་བཤེས་ཤིག་ཡོད་པ་དེས། དེ་ཡང་དང་ཡང་དུ་འགྲོ་བ་མཐོང་ནས་སྨྲས་པ། ཚེ་དང་ལྡན་པ། ཁྱོད་ཅིའི་ཕྱིར་འདིར་ཡང་དང་ཡང་དུ་འགྲོ། ཅི། འདི་གཉེན་གྱི་ཁྱིམ་མམ། རིགས་ཀྱི་ཁྱིམ་ཡིན། དེས་སྨྲས་པ། ཚེ་དང་ལྡན་པ། དེ་ནི། གཉེན་གྱི་ཁྱིམ་དང ། རིགས་ཀྱི་ཁྱིམ་ཡང་མ་ཡིན་མོད་ཀྱི། འོན་ཀྱང་བདག་གི་སྐྲ་རིང་པོ་རིང་པོར་གྱུར་ནས་བདག་གིས་འབྲེག་མཁན་དེ་ལ་འདི་སྐད་དུ། བདག་གི་སྐྲ་རིང་པོ་བྲེགས་ཤིག་དང ། ཁྱོད་ལ་བསོད་ནམས་སུ་</font><hr>Tha304a<br><font size=+2>


༄#། །འགྱུར་རོ། །ཞེས་བྱས་པ་དང ། དེས་དུས་བཏབ་སྟེ་མ་བྲེགས་སོ། །དེས་སྨྲས་པ། ཚེ་དང་ལྡན་པ། བཟོ་བོ་ལ་བདེན་པར་སྨྲ་བ་དཀོན་ནོ། །ཞེས་ཁྱོད་ཀྱིས་མ་ཐོས་སམ། ཁོ་བོ་ནི། སྐྲ་འབྲེག་ཀྱང་མཁས་ན། བཅོམ་ལྡན་འདས་ཀྱིས་མ་གནང་ངོ ། །དེས་སྐབས་དེ། དགེ་སློང་དག་ལ་བསྙད་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་སློང་གང་ཞིག་ཤེས་པ་དེས་ཕྱོགས་དབེན་པར་སྐྲ་བྲེག་པར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་དགེ་སློང་གང་ཞིག་མཁས་པ་དེས་ཕྱོགས་དབེན་པར་སྐྲ་བྲེག་པར་བྱའོ། །ཞེས་བཀའ་སྩལ་པ་དང ། དགེ་སློང་དེ་དགེ་སློང་དེའི་དྲུང་དུ་སོང་ནས་ཚེ་དང་ལྡན་པ། བཅོམ་ལྡན་འདས་ཀྱིས་གནང་གི། སྐྲ་བྲེགས་ཤིག་།དེས་སྨྲས་པ། ཚེ་དང་ལྡན་པ། བཅོམ་ལྡན་འདས་ཀྱིས་གནང་བ་ནི། ལེགས་ན། དེ་ཅི། མཛུབ་མོས་བྲེག་པར་བྱའམ། འདི་ལ་སྤུ་གྲི་དང ། རྡར་དང ། སེན་གྲི་དང ། སྨང་ཚེར་དག་ཀྱང་དགོས་སོ། །དེས་སྐབས་དེ། དགེ་སློང་དག་ལ་སྨྲས་ནས་དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་འདུན་གྱི་ཕྱིར་སྤུ་གྲིའི་ལག་ཆ་བཅང་བར་བྱའོ། །སངས་རྒྱས་བཅོམ་ལྡན་འདས་སེར་སྐྱའི་གནས་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་སེར་སྐྱ་ན་གནས་པའི་</font><hr>Tha304b<br><font size=+2>


ཤཱཀྱའི་རིགས་ལས་རེ་རེ་རབ་ཏུ་ཕྱུང་བ་ན། དེ་དག་རབ་ཏུ་གཞོན་པའི་རང་བཞིན་ཅན་ཡིན་པས། དེ་དག་སྔས་ཤིང་མེད་པར་བབ་བབ་ཏུ་ཉལ་ནས་གཉིད་ལོག་གོ་།དེ་དག་དེ་བཞིན་དུ་གཉིད་ལོག་པས་ཁམས་མ་སྙོམས་ཏེ་དྲོད་ཆུང་བར་གྱུར་ནས་དེ་དག་སྨན་པའི་དྲུང་དུ་སོང་སྟེ་སྨྲས་པ། བཞིན་བཟང ། བདག་ཅག་དྲོད་ཆུང་བར་གྱུར་ན། སྨན་སྟོན་ཅིག། དེས་སྨྲས་པ། འཕགས་པ། བཞུད་ཅིག་དང ། ཁྱེད་ཅག་ཅི་འདྲ་བར་ཉལ་ཞིང་འདུག་པ་བལྟར་འདོང་ངོ ། །དེ་སོང་བ་དང་ཇི་ཙམ་ན་སྔས་ཤིང་མེད་པར་ཁས་བུབ་ཏུ་ཉལ་བ་མཐོང་ནས་དེས་སྨྲས་པ། འཕགས་པ། ཁྱེད་ཅག་ཁས་བུབ་ཏུ་ཉལ་བ་དེའི་ཕྱིར་ཁྱེད་ཁམས་མ་སྙོམས་ལ་དྲོད་ཆུང་བར་གྱུར་གྱི། སྔས་ཤིང་ཆུག་ལ་ཉོལ་ཅིག། དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། ཁྱེད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། སྔས་ཤིང་བཙུགས་ཏེ་ཉལ་བར་བྱའོ། །དེ་དག་གིས་སྔས་ཤིང་བཙུགས་ཏེ་ཉལ་ན། འོན་ཀྱང་སོས་པར་མ་གྱུར་ནས་དེ་དག་གིས་ཡང་སྨན་པ་ལ་སྨྲས་པ་དང ། དེས་སྨྲས་པ། འཕགས་པ། སྔས་ནང་ཚངས་ཅན་བཅུག་སྟེ་ཉལ་བར་བྱའོ། །བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱེད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་</font><hr>Tha305a<br><font size=+2>


༄#། །འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། སྔས་ནང་ཚངས་ཅན་བཅང་བར་བྱའོ། །བཅོམ་ལྡན་འདས་ཀྱིས་སྔས་ནང་ཚངས་ཅན་བཅང་བར་བྱའོ། །ཞེས་གསུངས་པ་དང ། དགེ་སློང་དག་གིས་ཅི་འདྲ་བ་ཞིག་བཅང་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རས་དེ་ནི། སྲིད་དུ་ཁྲུ་བཞི། ཞེང་དུ་ཁྲུ་དོར་བྱས་ལ་དྲུབ་སྟེ། དེ་ནས་ཤིང་བལ་གྱིས་བཀང་ལ་སྔས་སུ་གཞུག་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིནདའི་བུ་རབ་ཏུ་བྱུང་ཚུན་ཆད་ཅེས་བྱ་བ་ནས་གནས་བརྟན། ཁྱོད་ཀྱིས་ཅི་བཅངས་ཞེས་བྱ་བའི་བར་སྔ་མ་བཞིན་ནོ། །དེས་སྨྲས་པ། ཚེ་དང་ལྡན་པ་དྲིས་བསྒོས་པའི་འཇིམ་པ་དག་བཅངས་སོ། །གནས་བརྟན། ད་ཅིའི་ཕྱིར་མི་བཅང ། ཚེ་དང་ལྡན་པ་དག། བཅོམ་ལྡན་འདས་ཀྱིས་མ་གནང་ངོ ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ནད་པས་དྲིས་བསྒོས་པའི་འཇིམ་པ་བཅང་བར་བྱ་སྟེ། འདི་ལ་འགྱོད་པར་མི་བྱའོ། །འདུལ་བ་ཕྲན་ཚེགས་ཀྱི་གཞི་ལས། སྒོ་གསུམ་པ་རྫོགས་སོ།། །།བསྡུས་པའི་སྡོམ་ནི། གནས་བརྟན་ར་བ་ལྷན་པ་དང ། །ནད་པ་དང་ནི་རིགས་ངན་ཕག། རི་མོ་ལྷུང་བཟེད་མེད་པ་དང ། །གནས་བཅའ་བ་དང་ཤིང་བསྐྱེད་པའོ། །སྡོམ་ནི། གནས་བརྟན་རེས་མོས་གཞན་དང་ནི། །གསོ་སྦྱོང་</font><hr>Tha305b<br><font size=+2>


མཚམས་ནི་སྦྱར་བ་དང ། །ལྟུང་བ་རྣམ་གཉིས་ལྡན་པ་དང ། །གཙུག་ལག་ཁང་ནི་དུས་ཀུན་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་རབ་ན་བཞུགས་སོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་གསོ་སྦྱོང་གི་ཚེ་ཁ་ཏོན་གདོན་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་གང་གིས་ཁ་ཏོན་གདོན་པར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་གྱིས་ཁ་ཏོན་གདོན་པར་བྱའོ། །བཅོམ་ལྡན་འདས་ཀྱིས་དགེ་འདུན་གྱི་གནས་བརྟན་གྱིས་ཁ་ཏོན་གདོན་པར་བྱའོ། །ཞེས་བཀའ་སྩལ་ནས། དགེ་འདུན་གྱི་གནས་བརྟན་ཟླ་བ་ཕྱེད་ཕྱེད་ཅིང་གསོ་སྦྱོང་གི་ཚེ་ཁ་ཏོན་འདོན་པར་ཞུགས་སོ། །རེ་ཞིག་ཅིག་གཙུག་ལག་ཁང་གཞན་ཞིག་ན། གནས་བརྟན་ཞིག་འདུག་པ་དེ་ཁ་ཏོན་འདོན་མི་ནུས་པ་དང ། དེ་ལ་དགེ་སློང་དག་གིས་སྨྲས་པ། གནས་བརྟན། གསོ་སྦྱོང་ཉེ་བར་གནས་ན། ཅི་མི་སེམས་པར་འདུག་གམ། དེས་སྨྲས་པ། ཚེ་དང་ལྡན་པ་དག། བདག་གིས་མི་ནུས་ན། ཇི་ལྟར་བྱ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དགེ་འདུན་གྱི་གནས་བརྟན་གྱིས་མི་ནུས་ན། གནས་བརྟན་གཉིས་པས་ཁ་ཏོན་གདོན་པར་བྱའོ། །བཅོམ་ལྡན་འདས་ཀྱིས་གནས་བརྟན་གཉིས་པས་ཁ་ཏོན་གདོན་པར་བྱའོ། །ཞེས་བཀའ་སྩལ་པ་དང ། རེ་ཞིག་ཅིག་ན་གཙུག་ལག་ཁང་གཞན་ཞིག་ན། གནས་བརྟན་</font><hr>Tha306a<br><font size=+2>


༄#། །གཉིས་པས་ཀྱང་མ་ནུས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་གནས་བརྟན་གཉིས་པས་ཀྱང་མ་ནུས་ན། གནས་བརྟན་གསུམ་པས་ཁ་ཏོན་གདོན་པར་བྱའོ། །བཅོམ་ལྡན་འདས་ཀྱིས་གནས་བརྟན་གསུམ་པས་ཁ་ཏོན་གདོན་པར་བྱའོ། །ཞེས་བཀའ་སྩལ་པ་དང ། རེ་ཞིག་ཅིག་ན་གཙུག་ལག་ཁང་གཞན་ཞིག་ན། གནས་བརྟན་གསུམ་པས་ཀྱང་མ་ནུས་ནས། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་གནས་བརྟན་གསུམ་པས་ཀྱང་མ་ནུས་ན། དགེ་སློང་རྣམས་ཀྱིས་རེས་སུ་བཀླགས་ཏེ་ཁ་ཏོན་གདོན་པར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་རེས་སུ་བཀླགས་ཏེ་ཁ་ཏོན་གདོན་པར་བྱའོ། །ཞེས་བཀའ་སྩལ་ནས་དགེ་སློང་རྣམས་རེས་སུ་བཀླགས་ཏེ་ཁ་ཏོན་གདོན་པར་བརྩམས་པ་དང ། རེས་སུ་བཀླགས་ཏེ་ཁ་ཏོན་འདོན་པ་དེ་དག་ལས། ཁ་ཅིག་ནི། ནུས་པ་ལ་རེས་བབ། ཁ་ཅིག་ནི། མི་ནུས་པ་ལ་རེས་བབ་ནས་དེ་ལ་ནུས་པ་གང་ཡིན་པ་དེ་ནི། རེས་བབ་ན། ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད། མི་ནུས་པ་གང་ཡིན་པ་དེ་ནི། རེས་བབ་པ་ན། མི་ཤེས་ན་ཇི་ལྟར་བྱ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེས་ཀྱང་ནུས་པ་གང་ཡིན་པ་དེ་ལ་བཅོལ་</font><hr>Tha306b<br><font size=+2>


བར་བྱའོ། །བཅོམ་ལྡན་འདས་ཀྱིས་མི་ནུས་པ་ལ་རེས་བབ་པ་གང་ཡིན་པ་དེས་ཀྱང་གཞན་ལ་བཅོལ་བར་བྱའོ། །ཞེས་བཀའ་སྩལ་པ་དང ། རེ་ཞིག་ཅིག་ན་གཙུག་ལག་ཁང་གཞན་ཞིག་ན། མི་ནུས་པ་ལ་རེས་བབ་པ་དེས་གང་ལ་བཅོལ་བ་དེ་མ་བཏུབ་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ནུས་པ་གཞན་གང་ཡིན་པ་དེ་ཁོ་ན་ལ་རྟག་ཏུ་བཅོལ་བར་བྱའོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་གདོན་པར་བྱའོ། །དེ་མེད་ན། གནས་བརྟན་གཉིས་པས་སོ། །དེ་ཡང་མེད་ན། རེས་སུ་བཀླགས་ཏེ་ཁ་ཏོན་གདོན་པར་བྱ་བའམ། གཞན་ནུས་པ་གང་ཡིན་པ་དེ་ལ་བཅོལ་བར་བྱའོ། །ཞེས་བཀའ་སྩལ་པ་དང ། གཙུག་ལག་ཁང་གཞན་ཞིག་ན། སོ་སོ་ཐར་པའི་མདོ་འདོན་པ་རིལ་ཐོན་པ་ནི། འགའ་ཡང་མེད་ཀྱི། དགེ་འདུན་གྱི་གནས་བརྟན་གྱིས་ཕས་ཕམ་པར་གྱུར་པའི་ཆོས་བཞི་བཏོན་ཏེ་ལྷག་མ་མ་ཐོན་ནས་དགེ་སློང་དེ་དག་གིས་གསོ་སྦྱོང་བཞག་གོ་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གསོ་སྦྱོང་གཞག་པར་མི་བྱའོ། །འོན་ཀྱང་གང་གིས་གང་ཐོན་པ་དེས་དེ་གདོན་པར་བྱ་སྟེ། གལ་ཏེ་དགེ་འདུན་གྱི་གནས་བརྟན་གྱིས་ཕས་ཕམ་པར་འགྱུར་བའི་ཆོས་བཞི་ཐོན་ན། དེས་དེ་དག་གདོན་པར་བྱ་ཞིང ། གཞན་གྱིས་དགེ་འདུན་ལྷག་མའི་ཆོས་བཅུ་གསུམ། གཞན་གྱིས་མ་ངེས་པའི་ཆོས་གཉིས། </font><hr>Tha307a<br><font size=+2>


༄#། །གཞན་གྱིས་སྤང་བའི་ལྟུང་བྱེད་ཀྱི་ཆོས་སུམ་ཅུ། གཞན་གྱིས་ལྟུང་བྱེད་ཀྱི་ཆོས་དགུ་བཅུ། གཞན་གྱིས་སོ་སོར་བཤགས་པར་བྱ་བའི་ཆོས་བཞི། གཞན་གྱིས་བསླབ་པ་མང་པོའི་ཆོས་རྣམས། གཞན་གྱིས་རྩོད་པ་ཞི་བར་བྱེད་པའི་ཆོས་བདུན་ཏེ། དེ་ལྟར་གསོ་སྦྱོང་གི་མཚམས་སྦྱར་ན། གསོ་སྦྱོང་གི་བར་ཆད་དུ་འགྱུར་བར་ང་མི་སྨྲའོ། །གླེང་གཞི་ནི། མཉན་ཡོད་ནའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། དུས་སུ་རུང་བའི་བཏུང་བ་ཞེས་ཀྱང་བཀའ་སྩལ། དུས་མ་ལགས་པར་རུང་བ་ཞེས་ཀྱང་བཀའ་སྩལ་ན། བཙུན་པ། དུས་སུ་རུང་བ་ནི། གང་ལགས། དུས་མ་ལགས་པར་རུང་བ་ནི། གང་ལགས། ཉེ་བར་འཁོར། མ་བཙགས་པ་ནི། དུས་སུ་རུང་བའོ། །བཙགས་ཏེ་ཆུ་དང་བསྲེས་པ་ནི། དུས་མ་ཡིན་པར་རུང་བའོ། །གླེང་གཞི་ནི། མཉན་ཡོད་ནའོ། །དྲུག་སྡེ་རྣམས་སྡིག་པ་འདོད་པ། སེར་སྣས་མི་རིགས་པར་གཙུག་ལག་ཁང་ལ་ཡོངས་སུ་སྤྱོད་པར་བྱེད་དེ། ཁ་ཅིག་ལ་ནི། དུས་ཐམས་ཅད་པས། ཁ་ཅིག་ལ་ནི། གནས་རེས་སུ་གཅོད་པས། ཁ་ཅིག་ལ་ནི། དུས་རེ་ཞིག་པས། ཁ་ཅིག་ལ་ནི། རྟིང་གནོན་པས་ཡོངས་སུ་སྤྱོད་པར་བྱེད་དོ། །ཇི་ལྟར་དུས་ཐམས་ཅད་པས་ཡིན་ཞེ་ན། འདི་ནི།་བདག་གི་དགུན་གྱི་གཙུག་ལག་ཁང་ངོ ། །འདི་ནི། དཔྱིད་ཀྱིའོ། །འདི་ནི། དབྱར་གྱིའོ། །ཞེས་བྱ་བ་སྟེ། དེ་ལྟར་དུས་ཐམས་ཅད་པས་ཡིན་ནོ། །ཇི་ལྟར་ན། གནས་རེས་སུ་གཅོད་པས་ཡིན་</font><hr>Tha307b<br><font size=+2>


ཞེ་ན། འདི་ནི། བདག་གི་སང་གི་གཙུག་ལག་ཁང་ངོ ། །འདི་ནི། གནངས་ཀྱིའོ། །འདི་ནི། གཞེས་ཀྱིའོ་ཞེས་བྱ་བ་སྟེ། དེ་ལྟར་ན། གནས་རེས་སུ་གཅོད་པས་ཡིན་ནོ། །ཇི་ལྟར་ན། དུས་རེ་ཞིག་པས་ཡིན་ཞེ་ན། འདིར་ནི། སྔ་དྲོ་གནས་སོ། །འདིར་ནི། ཕྱི་དྲོའོ། །ཞེས་བྱ་བ་སྟེ། དེ་ལྟར་ན། དུས་རེ་ཞིག་པས་ཡིན་ནོ། ཇི་ལྟར་ན། རྟིང་གནོན་པས་ཡིན་ཞེ་ན། འདི་ནི། བདག་གི་སློབ་དཔོན་གྱི་གཙུག་ལག་ཁང་ངོ ། །འདི་ནི། མཁན་པོ་དང ། ལྷན་ཅིག་གནས་པ་དང ། ཉེ་གནས་དང ། གཏམ་འདྲེས་པ་དང ། ཕེབས་པར་སྨྲ་བའིའོ། །ཞེས་བྱ་བ་སྟེ། དེ་ལྟར་ན། རྟིང་གནོན་པས་ཡིན་ནོ། །ཡུལ་སྣ་ཚོགས་ན་གནས་པའི་དགེ་སློང་དག་ལྷགས་པ་དང་ཕོངས་པར་གྱུར་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་གཙུག་ལག་ཁང་དག་ལ་དུས་ཐམས་ཅད་པ་དང ། གནས་རེས་སུ་གཅོད་པ་དང ། དུས་རེ་ཞིག་པ་དང ། རྟིང་གནོན་པས་ཡོངས་སུ་སྤྱད་པར་མི་བྱ་སྟེ། སྤྱོད་ན། འགལ་ཚབས་ཅན་དུ་འགྱུར་རོ། སྡོམ་ནི། ར་བ་དང་ནི་ཤིང་ཐགས་དང ། །ལམ་དང་འོབས་དང་སྐར་རྒྱལ་དང ། །ཆོས་གོས་བཅགས་ཤིང་ཕྱིས་པ་དང ། །ཆ་ག་དང་ནི་བྲམ་ཟེའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་དེའི་</font><hr>Tha308a<br><font size=+2>


༄#། །ཚེ།་འཇིག་རྟེན་དག་རྒྱལ་བྱེད་ཀྱི་ཚལ་གྱི་ནང་དུ་དགའ་མགུར་འགྲོ་ཞིང་འོང་ནས་ཁྱིམ་བདག་མགོན་མེད་ཟས་སྦྱིན་གྱིས་བསམ་པ། བདག་གི་གཙུག་ལག་ཁང་ལམ་པོ་ཆེར་གྱུར་གྱི། དེའི་ཕྱིར་གལ་ཏེ་བཅོམ་ལྡན་འདས་ཀྱིས་གནང་ན། བདག་གི་ར་བས་བསྐོར་རོ། །སྙམ་དུ་བསམ་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། གཙུག་ལག་ཁང་འདི་ཤུལ་པོ་ཆེར་གྱུར་ཏེ། དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་འདིར་བས་བསྐོར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། དེ་ལྟ་བས་ན། གནང་གི། སྐོར་ཅིག་།དེས་ར་བས་བསྐོར་བ་དང ། གང་གི་ཚེ་དབྱར་གྱི་དུས་ལ་བབ་པ་དེའི་ཚེ་རྒྱལ་བྱེད་ཀྱི་ཚལ་ཆུས་སྦྱང་བཞིན་གང་སྟེ་འདུག་གོ་།ཇི་ཙམ་ན་ཁྱིམ་བདག་མགོན་མེད་ཟས་སྦྱིན། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་སོང་བ་དང ། དེས་རྒྱལ་བྱེད་ཀྱི་ཚལ་ཆུས་སྦྱང་བཞིན་དུ་གང་བ་མཐོང་ནས་དེས་བསམ་པ། བདག་གིས་རྒྱལ་བྱེད་ཀྱི་ཚལ་ར་བས་བསྐོར་གྱི། སྟོར་ཁུང་མ་བཏོད་པས། དེས་ན་འདི་ཆུས་སྦྱང་བཞིན་དུ་གང་སྟེ་འདུག་གོ། དེའི་ཕྱིར་གལ་ཏེ་བཅོམ་ལྡན་འདས་ཀྱིས་གནང་ན། སྟོར་ཁུང་གདོད་དོ། །སྙམ་</font><hr>Tha308b<br><font size=+2>


དུ་བསམ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གིས་རྒྱལ་བྱེད་ཀྱི་ཚལ་ར་བས་བསྐོར་གྱི། སྟོར་ཁུང་མ་བཏོད་པས། དེས་ན་འདི་ཆབ་ཀྱིས་སྦྱང་བཞིན་གཏམས་ཏེ་མཆིས་སོ། །དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་སྟོར་ཁུང་གདོད་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། དེ་ལྟ་བས་ན། གནང་གི། ཐོད་ཅིག། དེས་སྟོར་ཁུང་བཏོད་དོ། །བ་ལང་དག་འོངས་ཤིང་འོངས་ནས་རྩིག་པ་ལ་ལུས་ཀྱིས་སྙོགས་ཤིང་རཝས་དྲུད་པ་དང ། ཇི་ཙམ་ན་ཁྱིམ་བདག་མགོན་མེད་ཟས་སྦྱིན་གྱིས་མཐོང་ནས་དེས་བསམ་པ། བདག་གིས་རྒྱལ་བྱེད་ཀྱི་ཚལ་ར་བས་བསྐོར་གྱི། ཤིང་ཐགས་མ་བྲེས་པས། དེས་ན་བ་ལང་དག་འོངས་ཤིང་འོངས་ནས་འདི་ལ་ལུས་ཀྱིས་སྙོགས་ཤིང་རཝས་དྲུད་དོ། །དེའི་ཕྱིར་གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་འདི་ཤིང་ཐགས་ཀྱིས་བསྐོར་བར་བྱའོ། །སྙམ་དུ་བསམ་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གིས་རྒྱལ་བྱེད་ཀྱི་ཚལ་ར་བས་བསྐོར་གྱི།་ཤིང་ཐགས་མ་བྲེས་པས། བ་ལང་དག་མཆིས་ཤིང་མཆིས་ནས་དེ་ལ་ལུས་ཀྱིས་སྙོགས་ཤིང་རཝས་དྲུད་དེ། དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན། ཤིང་ཐགས་བྲེ་བར་བགྱིའོ། ། </font><hr>Tha309a<br><font size=+2>


༄#། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། དེ་ལྟ་བས་ན། གནང་གི། ཤིང་ཐགས་བྲེས་ཤིག་།དེས་ཤིང་ཐགས་བྲེས་པ་དང ། མ་བྱིན་པར་ལེན་པ་དག་གིས། ཤིང་ཐག་དྲལ་ཏེ་བརྐུས་སོ། །ཇི་ཙམ་དུས་གཞན་ཞིག་ན་ཁྱིམ་བདག་མགོན་མེད་ཟས་སྦྱིན་འཆག་ཅིང་སོང་བ་དང་ཤིང་ཐགས་བར་བར་ནས་དྲལ་ཞིང ། ཤིང་དེ་ཡང་བརྐུས་པར་མཐོང་ངོ ། །དེས་བསམ་པ། བདག་གིས་རྒྱལ་བྱེད་ཀྱི་ཚལ་ར་བས་བསྐོར་ནས་ཤིང་ཐགས་བྲེས་ན། འདི་བར་བར་ནས་དྲལ་ཏེ་ཤིང་ཡང་བརྐུས་ཀྱི། དེའི་ཕྱིར་གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་འོབས་ཀྱིས་བསྐོར་རོ། །སྙམ་དུ་བསམ་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གིས་རྒྱལ་བྱེད་ཀྱི་ཚལ་ར་བས་བསྐོར་ཅིང་ཤིང་ཐགས་བྲེས་ན། དེ་འོབས་ཀྱིས་མ་བསྐོར་བས། བར་བར་ནས་དྲལ་ནས་ཤིང་བརྐུས་ན། དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་འོབས་ཀྱིས་བསྐོར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། དེ་ལྟ་བས་ན། གནང་གི། འོབས་ཀྱིས་སྐོར་ཅིག། དེས་འོབས་ཀྱིས་བསྐོར་ཏོ། །གླེང་གཞི་ནི། མཉན་ཡོད་ནའོ། །མཉན་</font><hr>Tha309b<br><font size=+2>


ཡོད་ན་དགེ་སློང་མ་སྐར་རྒྱལ་ཞེས་བྱ་བ་ཞིག་འདུག་པ་དེ། སྐྲ་རིང་པོ་རིང་པོར་གྱུར་ནས་དེ་འབྲེག་མཁན་གྱི་དྲུང་དུ་སོང་སྟེ། བུ། སྐྲ་བྲེགས་ཤིག། ཁྱོད་ལ་བསོད་ནམས་སུ་འགྱུར་རོ། །ཞེས་བྱས་པ་དང ། དེས་བསམ་པ། ཇི་ལྟར་ཤཱཀྱའི་བུའི་དགེ་སྦྱོང་དག་ནན་ཆེ་བ་དེ་ལྟར་འདི་དག་ཀྱང་རྔན་པ་མེད་པར་ལས་བྱེད་དུ་འཇུག་སྟེ། གལ་ཏེ་འདིའི་སྐྲ་བྲེགས་ན། གཞན་དང་གཞན་དག་ཀྱང་འོང་བར་འགྱུར་བས། དུས་རིང་དུ་བཤོལ་ཏེ་གཞག་དང ། འདི་རང་གི་བློས་ལྡོག་པར་འགྱུར་རོ། །སྙམ་ནས་དེས་འཕགས་མ། བཞུད་ལ་སད་གནངས་སྔ་དྲོའམ། ཉི་མའི་གུང་ངམ། སླད་དྲོ་སྤྱོན་ཅིག་།ཅེས་དུས་བཏབ་བོ། །དེ་དེས་བསླུས་པས་ཡང་དང་ཡང་དུ་འགྲོ་བ་དང ། དེའི་སྨོས་འདྲིན་དགེ་སློང་མ་ཞིག་ཡོད་པ་དེས། དེ་ཡང་དང་ཡང་དུ་འགྲོ་བ་མཐོང་ནས་དེས་སྨྲས་པ། འཕགས་མ། ཁྱོད་ཅིའི་ཕྱིར་འདིར་ཡང་དང་ཡང་དུ་འགྲོ། ཅི། འདི་ཁྱོད་ཀྱི་ཉེ་དུའི་ཁྱིམ་མམ། རིགས་ཀྱི་ཁྱིམ་ཡིན། དེས་སྨྲས་པ། འཕགས་མ། འདི་ནི། བདག་གི་ཉེ་དུའི་ཁྱིམ་ཡང་མ་ཡིན། རིགས་ཀྱི་ཁྱིམ་ཡང་མ་ཡིན་མོད་ཀྱི། འོན་ཀྱང་བདག་གི་སྐྲ་རིང་པོ་རིང་པོར་གྱུར་ནས་བདག་གིས་འབྲེག་མཁན་འོ་ནི་ལ། བུ། བདག་གི་སྐྲ་རིང་པོ་རིང་པོ་བྲེགས་ཤིག་དང ། ཁྱོད་ལ་བསོད་ནམས་སུ་འགྱུར་རོ། །ཞེས་བྱས་ན། དེས་མ་བྲེགས་ཏེ་དུས་བཏབ་བོ། །དེས་སྨྲས་པ། འཕགས་མ། ཁྱོད་ཀྱིས་བཟོ་བོ་ལ་བདེན་པར་སྨྲ་བ་དཀོན་པར་མ་ཐོས་སམ། ཁོ་མོ་ནི། སྐྲ་འབྲེག་མཁས་ན། འོན་ཀྱང་བཅོམ་ལྡན་འདས་ཀྱིས་མ་གནང་ངོ ། །དེས་</font><hr>Tha310a<br><font size=+2>


༄#། །སྐབས་དེ། དགེ་སློང་མ་རྣམས་ལ་བསྙད་པ་དང ། དགེ་སློང་མ་རྣམས་ཀྱིས་དགེ་སློང་རྣམས་ལའོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་གང་ཞིག་མཁས་པ་དེས་ཕྱོགས་དབེན་པར་སྐྲ་བྲེག་པར་བྱའོ། །བཅོམ་ལྡན་འདས་ཀྱིས་དགེ་སློང་མ་གང་ཞིག་མཁས་པ་དེས་ཕྱོགས་དབེན་པར་སྐྲ་བྲེག་པར་བྱའོ། །ཞེས་བཀའ་སྩལ་ནས་དགེ་སློང་མ་དེ། དགེ་སློང་མ་དེའི་དྲུང་དུ་སོང་སྟེ། འཕགས་མ། བཅོམ་ལྡན་འདས་ཀྱིས་གནང་གི། ཚུར་སྤྱོན། སྐྲ་བྲེགས་ཤིག། དེས་སྨྲས་པ། འཕགས་མ། གལ་ཏེ་བཅོམ་ལྡན་འདས་ཀྱིས་གནང་བ་ནི་ལེགས་ན། དེ་ཅི། སོར་མོས་བྲེག་གམ། འདི་ལ་སྤུ་གྲི་དང ། རྡར་དང ། སེན་གྲི་དང ། སྨད་ཚེར་དག་དགོས་སོ། །དེས་སྐབས་དེ། དགེ་སློང་མ་རྣམས་ལ་བསྙད་པ་དང ། དགེ་སློང་མ་རྣམས་ཀྱིས་དགེ་སློང་རྣམས་ལའོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་སློང་མ་རྣམས་ཀྱིས་དགེ་འདུན་གྱི་ཕྱིར་སྤུ་གྲིའི་སྤྱད་དག་བཅང་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅོ་བརྒྱད་པ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་དགའ་བོ་རབ་ཏུ་</font><hr>Tha310b<br><font size=+2>


བྱུང་བ་དེའི་ཚེ། དེ་ལ་བཟང་མོས་ཆོས་གོས་བཅགས་ཤིང་རབ་ཏུ་བཅགས་པ་དག་མཉན་ཡོད་དུ་བསྐུར་རོ། །དེ་ནས་ཚེ་དང་ལྡན་པ་དགའ་བོས་ཆོས་གོས་བཅགས་ཤིང་རབ་ཏུ་བཅགས་པ་གསར་པ། བ་སོས་ཕྱིས་པ་དག་བགོས། ལྷུང་བཟེད་འཚེར་བ་ཐོགས་ནས་དགེ་སློང་རྣམས་ཀྱི་མདུན་ན་འགྱིང་བག་ཏུ་རློམ་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་ཆོས་གོས་བཅགས་པ་དང ། རབ་ཏུ་བཅགས་པ་དག་གྱོན་པ་ལས་གྱུར་ཏོ། །སྙམ་དུ་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན་སྐྱེས་བུ་གཏི་མུག་ཅན་དགའ་བོ་ཆོས་གོས་བཅགས་ཤིང་རབ་ཏུ་བཅགས་པ། གསར་པ། བ་སོས་ཕྱིས་པ་དག་བགོས། ལྷུང་བཟེད་འཚེར་བ་ཐོགས་ནས་དགེ་སློང་རྣམས་ཀྱི་མདུན་དུ་འགྱིང་བག་ཏུ་རློམ་པ་འདི་ནི། མཛེས་པ་མ་ཡིན་ཞིང ། འཚམ་པ་མ་ཡིན་ནོ། །དེ་ལྟ་བས་ན། དགེ་སློང་གིས་ཆོས་གོས་བཅགས་ཤིང་རབ་ཏུ་བཅགས་པ་དག་བཅང་བར་མི་བྱ་སྟེ། འཆང་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཆོས་གོས་བཅགས་ཤིང་རབ་ཏུ་བཅགས་པ་དག་བཅང་བར་མི་བྱའོ། །ཞེས་བཀའ་སྩལ་པ་དང ། བྲམ་ཟེ་དང ། ཁྱིམ་བདག་དད་པ་ཅན་དག་དགེ་སློང་རྣམས་ལ་ཆོས་གོས་བཅགས་ཤིང་རབ་ཏུ་བཅགས་པ་དག་འབུལ་བ་ན། དགེ་སློང་རྣམས་ཀྱིས་མ་བླངས་ནས་དེ་དག་གིས་སྨྲས་པ། </font><hr>Tha311a<br><font size=+2>


༄#། །འཕགས་པ་དག་།གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བ་དེའི་ཚེ་ནི། མུ་སྟེགས་ཅན་རྣམས་སྦྱིན་གནས་ལགས། ད་བཅོམ་ལྡན་འདས་འཇིག་རྟེན་དུ་བྱུང་ནས་ད་ལྟར་ཁྱེད་སྦྱིན་གནས་ལགས་ན། གལ་ཏེ་ཁྱེད་མི་བཞེས་ན། ཅི། བདག་ཅག་འཇིག་རྟེན་འདི་ནས་འཇིག་རྟེན་ཕ་རོལ་ཏུ་དགེ་བའི་ལམ་རྒྱགས་མ་མཆིས་པར་མཆིའམ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། བླང་བར་བྱ་ཞིང ། བླངས་ནས་འཚེར་བ་ཡལ་བར་བྱས་ཏེ་ཡོངས་སུ་ལོངས་སྤྱད་པར་བྱའོ། །དེ་དག་གིས་ལག་པས་མཉེས་ནས་ཡལ་བར་མ་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། ཟིལ་པ་ལ་བཞག་སྟེ་ཡལ་བར་བྱའོ། ། ཟིལ་པ་ལ་བཞག་སྟེ་ཡལ་བར་བྱས་ན། འོན་ཀྱང་ཐམས་ཅད་ཀྱི་ཐམས་ཅད་དུ་ཡལ་བར་མ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཆུའི་ནང་དུ་བསུག་པར་བྱའོ། །དགེ་སློང་དག་གིས་ཆུའི་ནང་དུ་བསུགས་ན། འོན་ཀྱང་ཡལ་བར་མ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་བྱས་ཀྱང་མ་ཡལ་ན། ཡོངས་སུ་ལོངས་སྤྱད་པར་བྱ་སྟེ། འདི་ལ་འགྱོད་པར་མི་བྱའོ། ། དེ་བཞིན་དུ་བྲམ་ཟེ་དང ། ཁྱིམ་བདག་།དད་པ་ཅན་དག་གིས་དགེ་འདུན་ལ་ཆོས་གོས་བཅགས་པ་དང ། རབ་ཏུ་བཅགས་པ་དག་ཕུལ་ན། དེ་ལ་ཡང་རིམ་པ་འདི་ཉིད་ཀྱིས་ཡོངས་སུ་ལོངས་</font><hr>Tha311b<br><font size=+2>


སྤྱད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ཀྱི་བྲམ་ཟེ་དང ། ཁྱིམ་བདག་རྣམས་རྟོག་ཁང་དུ་འདུས་ཤིང་འཁོད་ནས་བར་སྐབས་ཀྱི་གཏམ་འདི་ལྟ་བུ་དག་གླེང་སྟེ། དགེ་སྦྱོང་གོའུ་ཏ་མ་བཅོམ་ལྡན་འདས་ཀྱང་བགོ་བཤའ་བྱེད་པའི་རང་བཞིན་ཅན་མ་ཡིན་ལ། དེའི་ཉན་ཐོས་རྣམས་ཀྱང་བགོ་བཤའ་བྱེད་པའི་རང་བཞིན་ཅན་མ་ཡིན་པས། ཉིས་ན། མུ་སྟེགས་ཅན་དག་རུང་གི། དགེ་སྦྱོང་མགོ་རེག་དེ་དག་ནི། མ་ཡིན་ནོ། །ཞེས་ཟེར་རོ། །དེ་ན་བྲམ་ཟེ་གཅིག་ཅིག་གིས་སྨྲས་པ། ཁོ་བོས་དགེ་སྦྱོང་གོའུ་ཏ་མ་བགོ་བཤའ་བྱེད་པའི་རང་བཞིན་ཅན་ཡིན་ནམ། འོན་ཏེ་བགོ་བཤའ་བྱེད་པའི་རང་བཞིན་ཅན་མ་ཡིན། དེའི་ཉན་ཐོས་རྣམས་བགོ་བཤའ་བྱེད་པའི་རང་བཞིན་ཅན་ཡིན་ནམ། འོན་ཏེ་མ་ཡིན་པ་སང་ཁྱོད་ཀྱི་མངོན་སུམ་དུ་གྱུར་པར་བྱའོ། །དེ་དག་གིས་སྨྲས་པ། ལེགས་ཏེ། དེ་བཞིན་དུ་གྱིས་ཤིག་དང་བལྟའོ། །དེས་རས་ཡུག་ཅིག་ཁྱེར་ནས་རྒྱལ་བྱེད་ཀྱི་ཚལ་དུ་སོང་སྟེ། དེས་རས་ཡུག་དེ་རྒན་པའི་མཐའ་ལོགས་སུ་བཞག་ནས་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་ཏེ། འཕགས་པ། བདག་གིས་རས་ཡུག་འདི་དགེ་འདུན་ལ་ཕུལ་གྱི། ཅི་བདེར་མཛོད་ཅིག་ཅེས་བྱས་པ་དང ། དེ་ལ་དགེ་འདུན་གྱི་གནས་བརྟན་གྱིས་སྨྲས་པ། བྲམ་ཟེ་ཆེན་པོ་ནད་མེད་པར་གྱུར་ཅིག་།སྦྱིན་པ་འདི་ཁྱོད་ཀྱི་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། </font><hr>Tha312a<br><font size=+2>


༄#། །རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མིའི་གོས་དག་ཐོབ་པར་གྱུར་ཅིག་ཅེས་བྱས་པ་དང ། དེས་བཅོམ་མར་མགོས་ཕྱག་བྱས་ནས་སོང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ་རས་ཡུག་འོ་ནི་བྲམ་ཟེས་གླགས་བཙལ་བའི་ཕྱིར་ཕུལ་གྱི། དེ་ལྟ་བས་ན། ཁྱེད་ཀྱིས་མཉམ་པར་བགོས་ལ། ལ་ལས་ནི། ཆ་གར་ཐོབ་ཅིག་།ལ་ལས་ནི། སྒྲོག་གཟུངས་སུ། ལ་ལས་ནི། ལྷན་པར། ལ་ལས་ནི། ཆོས་གོས་ཀྱི་སྒྲོག་གུར་གྱིས་ཤིག་ཅེས་སྒོས་ཤིག་།བཙུན་པ། དེ་ལྟར་འཚལ་ལོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་དགེ་སློང་རྣམས་ལ། ཚེ་དང་ལྡན་པ་དག་།བཅོམ་ལྡན་འདས་ཀྱི་ཞལ་ནས། རས་ཡུག་འོ་ནི་བྲམ་ཟེས་གླགས་བཙལ་བའི་ཕྱིར་ཕུལ་གྱི། དེ་ལྟ་བས་ན། ཁྱེད་ཀྱིས་མཉམ་པར་བགོས་ལ། ལ་ལས་ནི། ཆ་གར་ཐོབ་ཅིག་།ལ་ལས་ནི། སྒྲོག་གཟུངས་སུ། ལ་ལས་ནི། ལྷན་པར། ལ་ལས་ནི། ཆོས་གོས་ཀྱི་སྒྲོག་གུར་གྱིས་ཤིག་།ཅེས་དེ་སྐད་བཀའ་སྩལ་ཏོ། །དགེ་སློང་རྣམས་ཀྱིས་སྨྲས་པ། བཙུན་པ་ཀུན་དགའ་བོ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཞེས་དེ་རྣམས་ཀྱིས་དེ་མཉམ་པར་གསེས་ནས་དེ་བཞིན་དུ་བགོས་སོ། །ཇི་ཙམ་ན་བྲམ་ཟེ་དེ་ནང་པར་སྔར་ལ་ངས་ནས་མཉན་ཡོད་ཀྱི་སྒོ་ན་འདུག་གོ་།དགེ་སློང་དག་</font><hr>Tha312b<br><font size=+2>


ཀྱང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་འཇུག་པར་བརྩམས་པ་དང ། བྲམ་ཟེ་དེས་སྨྲས་པ། འཕགས་པ། བདག་གིས་དགེ་འདུན་ལ་རས་ཕུལ་བ་གང་ལགས་པ་དེ། ཁྱེད་ཀྱིས་ཅིར་བགྱིས། དེ་ན་དགེ་སློང་གཅིག་ཅིག་གིས་སྨྲས་པ། བྲམ་ཟེ་ཆེན་པོ། དེ་དགེ་འདུན་གྱིས་མཉམ་པར་གསེས་ནས་བགོས་ཏེ། ཁོ་བོའི་སྐལ་པ་གང་ཡིན་པ་དེ་ནི། ཆ་གར་བཏབ་པ་འདི་ཡིན་ནོ། །གཞན་ཞིག་གིས་སྨྲས་པ། ཁོ་བོའི་ནི། སྒྲོག་གཟུངས་སུ་བཏབ་པ་འདི་ཡིན་ནོ། །གཞན་ཞིག་གིས་སྨྲས་པ། ཁོ་བོའི་ནི་ལྷན་པར་བཏབ་པ་འདི་ཡིན་ནོ། །གཞན་ཞིག་གིས་སྨྲས་པ། ཁོ་བོའི་ནི། ཆོས་གོས་ཀྱི་སྒྲོག་གུར་བྱས་པ་འདི་ཡིན་ནོ། །བྲམ་ཟེ་དེས་བསམ་པ། བྲམ་ཟེ་རྣམས། ཤཱཀྱའི་བུའི་དགེ་སྦྱོང་རྣམས་བགོ་བཤའ་བྱེད་པའི་ངང་ཚུལ་ཅན་མ་ཡིན་ནོ། ། ཞེས་ཟེར་བ་ནི། གྱི་ན་ཞིག་བརྡོལ་ཏེ། བདག་ཉིད་ཆེན་པོ་འདི་དག་ནི། བགོ་བཤའ་བྱེད་པའི་ངང་ཚུལ་ཅན་ཡིན་པས། འདི་དག་ཁོ་ནའི་ནང་དུ་རབ་ཏུ་བྱུང་ངོ ། །སྙམ་ནས། དེ་དད་པ་སྐྱེས་ཏེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་དོ། །བཅོམ་ལྡན་འདས་ཀྱིས་བཀའ་སྩལ་པ། </font><hr>Tha313a<br><font size=+2>


༄#། །བྲམ་ཟེ། ལེགས་སོ། །ལེགས་སོ། །ཁྱོད་ཀྱིས་སེམས་བསྐྱེད་པ་ནི། བཟང་སྟེ། རབ་ཏུ་འབྱུང་བ་ནི། མཆོག་གོ་།ཕན་ཡོན་ལྔ་མཐོང་བའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་ཏེ། ལྔ་གང་ཞེ་ན། བདག་གིས་རང་གི་དོན་མ་འདྲེས་པ་ཐོབ་པར་འགྱུར་རོ། །ཞེས་བྱ་བར་མཐོང་བའི་མཁས་པས། རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་སོ། བདག་གང་དག་གི་བྲན་དང ། མངག་གཞུག་པ་དང ། བསྒོ་བ་བཞིན་བྱེད་པ་དང ། རང་དབང་མེད་པ་དང ། དགའ་མགུར་བྱེད་པ་དེ་དག་གི་ཡང་མཆོད་པར་བྱ་བ་དང ། བསྔགས་པར་བྱ་བར་འགྱུར་རོ། །ཞེས་བྱ་བར་མཐོང་བའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་སོ། །གྲུབ་པ་དང་བདེ་བ་བླ་ན་མེད་པ་མྱ་ངན་ལས་འདས་པ་འཐོབ་པར་འགྱུར་རོ། །ཞེས་བྱ་བར་མཐོང་པའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་སོ། །བདག་གྲུབ་པ་དང་བདེ་བ་བླ་ན་མེད་པ་མྱ་ངན་ལས་འདས་པ་ཐོབ་པ་ལས་ཉམས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། ། ཞེས་བྱ་བར་མཐོང་བའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་སོ། །སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་དམ་པ་ཡང་དག་པར་ཞུགས་པའི་སྐྱེས་བུ་དམ་པ་རྣམས་ཀྱིས་རབ་ཏུ་བྱུང་བ་རྣམ་གྲངས་དུ་མར་བསྔགས་སོ། །ཞེས་བྱ་བར་མཐོང་བའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་སོ། །དེ་ལྟ་བས་ན། ལེགས་ཀྱིས་རབ་ཏུ་</font><hr>Tha313b<br><font size=+2>


བྱུང་ཞིག་།དེ་བཅོམ་ལྡན་འདས་ཀྱིས་དགེ་སློང་ཚུར་ཤོག་།ཅེས་བྱ་བས་རབ་ཏུ་ཕྱུང ། བསྙེན་པར་རྫོགས་པར་མཛད་ནས་གདམས་ངག་གནང་བ་དང ། དེས་འབད། བརྩལ། བསྒྲིམས་པས་འཁོར་བའི་འཁོར་ལོ་གཡོ་བ་དང ། མི་གཡོ་བ་ཆ་ལྔ་པ་འདི་ཉིད་རིག་ནས་འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། འགྱེས་པ་དང ། འཇིག་པའི་ཆོས་ཉིད་ཀྱིས་འཇོམས་པར་རྟོགས་ཏེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ་དགྲ་བཅོམ་པ་ཁམས་གསུམ་ལ་འདོད་ཆགས་དང་བྲལ་བ། སེམས་བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཉམ་པ། སྟེའུ་དང་ཙནྡན་དུ་མཚུངས་པ། རིག་པས་མ་རིག་པའི་སྒོ་ངའི་སྦུབས་དྲལ་བ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པ་དང ། རྗེད་པ་དང ། གུས་པར་སྨྲ་བར་བྱ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཚོད་ཟིན་པ་ལ་ཕན་ཡོན་འདི་དང ། གཞན་དག་ཀྱང་ཡོད་དོ། །དགེ་སློང་དག་།དེ་ལྟ་བས་ན། ཟས་ཀྱི་རྙེད་པ་ཞིག་བྱུང་ན། འུ་སུའི་ལོ་མ་ཙམ་དུ་ཡང་མཉམ་པར་བྱས་ཏེ་བགོ་བར་བྱའོ། །གོས་ཀྱི་རྙེད་པ་ཞིག་བྱུང་ན། མར་མེའི་སྙིང་པོ་ཙམ་དུ་ཡང་མཉམ་པར་བྱས་ཏེ་བགོ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་</font><hr>Tha314a<br><font size=+2>


༄#། །ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་གཙང་སྦྲ་འདོད་པ་ཞིག་རབ་ཏུ་འབྱུང་བར་འདོད་པ་དེས་བསམ་པ། གང་ཞིག་གིས་གཙང་སྦྲས་བདག་གི་སེམས་རངས་པ་དེའི་བསྟན་པ་ལ་བདག་རབ་ཏུ་འབྱུང་ངོ ། །སྙམ་ནས། དེ་མུ་སྟེགས་ཅན་གྱི་གནས་དེ་དག་བྱུལ་ན། དེ་དག་གི་གཙང་སྦྲས་དེའི་སེམས་མ་རངས་སོ། །དེས་བསམ་པ། བདག་གིས་མུ་སྟེགས་ཅན་ཐམས་ཅད་བགམས་\་BཱG་ཾཱཥ?\་ན་གང་གིས་ཀྱང་བདག་གི་སེམས་མ་རངས་ཀྱི། ད་ནི། ཤཱཀྱའི་བུའི་དགེ་སྦྱོང་དག་ལུས་པས། སོང་སྟེ་དེ་དག་བགམ་པར་བྱའོ། །སྙམ་ནས་དེ་རྒྱལ་བྱེད་ཀྱི་ཚལ་དུ་སོང་བ་དང ། ཇི་ཙམ་ན་ཚེ་དང་ལྡན་པ་ཤཱ་རིའི་བུ་རིལ་བ་ཐོགས་ཏེ་ཕྱི་རོལ་ཏུ་ཆབ་ཁུང་སར་ཆས་པ་མཐོང་ནས་དེས་བསམ་པ། དགེ་སྦྱོང་གོའུ་ཏ་མའི་ཉན་ཐོས་ཀྱི་མཆོག་འདི་ཡིན་པས། རེ་ཞིག་འདི་ཁོ་ན་གཙང་སྦྲ་ཇི་ལྟར་བྱེད་པ་བལྟའོ། །སྙམ་མོ། །དེ་དེའི་ཕྱི་བཞིན་འབྲང་ཞིང་སོང་བ་དང ། དགྲ་བཅོམ་པ་རྣམས་ནི། མ་བསམ་པར་ཡེ་ཤེས་མཐོང་བ་མི་འཇུག་པས། ཚེ་དང་ལྡན་པ་ཤཱ་རིའི་བུ་སེམས་པ་ལ་ཞུགས་ཏེ། བྲམ་ཟེ་འདི་ཅིའི་ཕྱིར་བདག་གི་ཕྱི་བཞིན་འབྲང་སྙམ་ན། ཇི་ཙམ་ན་གཙང་སྦྲ་འདོད་པར་མཐོང་ངོ ། །ཡང་བསམ་པ་ལ་ཞུགས་ཏེ། ཅི། འདི་ལ་དགེ་བའི་རྩ་བ་འགའ་ཞིག་ཡོད་དམ། འོན་ཏེ་མེད་སྙམ་ན། ཡོད་པར་མཐོང་ངོ ། །སུ་ལ་རག་ལས་སྙམ་ན། བདག་ཁོ་ན་ལ་ཡིན་པར་མཐོང་ངོ ། །དེས་བསམ་</font><hr>Tha314b<br><font size=+2>


ནས་ལྷམ་ཕུད། ཆོས་གོས་དག་བཞག་སྟེ་དེ་ནས་ཕྱོགས་གཅིག་ཏུ་ས་ཕུང་བུ་བདུན་བཞག་།གཞན་ཞིག་ཏུ་བདུན། གཞན་ཞིག་ཏུ་ཡང་སའི་ཕུང་བུ་གཉིས་བཞག་གོ་།དེ་ནས་ས་ཕུང་བུ་གསུམ་ཞིག་ཁྱེར་ནས་ཅི་ནས་བྲམ་ཟེ་དེས་མཐོང་བ་དེ་ལྟར་བཤང་བ་བྱ་བར་བརྩམས་སོ། །དེ་ནས་བཤང་བ་ཟིན་ནས་ས་ཕུང་གཅིག་གིས་རྐུབ་ཕྱིས། གཉིས་ཀྱིས་ཁྲུས་བྱས་སོ། །དེ་ནས་དལ་གྱིས་ལངས་ནས་ཕྱོགས་དེར་འོངས་ཏེ་ཕྱིན་ནས་ལག་པ་གཡོན་པས་ས་ཕུང་བུ་བདུན་གྱིས་ཁྲུས་བྱས་སོ། །དེ་ནས་གཉི་གས་ཕུང་བུ་བདུན་གྱི་ཁྲུས་བྱས་སོ། །དེ་ནས་ས་ཕུང་བུ་གཅིག་གིས་དཔུང་པ་མན་ཆད་བཀྲུས་སོ། །ལག་པ་དག་བཀྲུས་ནས་གཉིས་པས་རིལ་བ་བཀྲུས་སོ། །དེ་ནས་དལ་གྱིས་ལངས་ཏེ་སྤྱོད་ལམ་ཞི་བས་ཆོས་གོས་བགོས་ནས་རྐང་པ་དག་བཀྲུས་པ་དང ། བྲམ་ཟེ་དེས་མཐོང་ནས་མངོན་པར་དད་པར་གྱུར་ཏེ། དེས་བསམ་པ། ཤཱཀྱའི་བུའི་དགེ་སྦྱོང་རྣམས་ཀྱི་སའི་ཕུང་བུ་གཅིག་ནི། མཆོག་ཡིན་གྱི། མུ་སྟེགས་ཅན་རྣམས་ཀྱི་བརྒྱ་ཡང་དེ་ལྟ་མ་ཡིན་ནོ། །སྙམ་དུ་རིག་ནས་ཚེ་དང་ལྡན་པ་ཤཱ་རིའི་བུའི་རྐང་པ་ལ་གཏུགས་ནས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ་ཤཱ་རིའི་བུ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན། བདག་འཕགས་པ་ཤཱ་རིའི་བུའི་སྤྱན་སྔར་ཚངས་པར་སྤྱད་པ་སྤྱོད་དོ། །ཤཱ་རིའི་བུས་སྨྲས་པ། བྲམ་ཟེ། ལེགས་སོ། །ཁྱོད་ཀྱི་སེམས་བསྐྱེད་པ་ནི། བཟང་སྟེ། རབ་ཏུ་འབྱུང་བ་ནི། </font><hr>Tha315a<br><font size=+2>


༄#། །མཆོག་གོ་།བཅོམ་ལྡན་འདས་ཀྱིས་ཀྱང ། ཕན་ཡོན་ལྔ་མཐོང་བའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་ཏེ་ཞེས་བྱ་བ་ནས་སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་དམ་པ་ཡང་དག་པར་ཞུགས་པའི་སྐྱེས་བུ་དམ་པ་རྣམས་ཀྱིས་རབ་ཏུ་བྱུང་བ་རྣམ་གྲངས་དུ་མར་བསྔགས་སོ། །ཞེས་བྱ་བར་མཐོང་བའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་སོ། །ཞེས་གསུངས་ཞེས་བྱ་བའི་བར་སྔ་མ་བཞིན་ནོ། །དེ་ལྟ་བས་ན། ལེགས་ཀྱི། རབ་ཏུ་བྱུང་ཞིག། དེས་དེ་རབ་ཏུ་ཕྱུང ། བསྙེན་པར་རྫོགས་པར་བྱས་ཏེ་གདམས་ངག་བྱིན་པ་དང ། དེས་འབད། བརྩལ། བསྒྲིམས་པས། འཁོར་བའི་འཁོར་ལོ་གཡོ་བ་དང ། མི་གཡོ་བ་ཆ་ལྔ་པ་འདི་ཉིད་རིག་ནས་ཞེས་བྱ་བ་ནས་གུས་པར་སྨྲ་བར་བྱ་བར་གྱུར་ཏོ། ། ཞེས་བྱ་བའི་བར་སྔ་མ་བཞིན་ནོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་ཤཱ་རིའི་བུས་གཙང་སྦྲས་བྲམ་ཟེ་འདི་དད་པར་བགྱིས་ནས་འཁོར་བའི་དགོན་པ་ལས་བསྒྲལ་ཏེ། གྲུབ་པ་དང་བདེ་བ་བླ་ན་མེད་པ་ཤིན་ཏུ་མཐར་ཐུག་པ་མྱ་ངན་ལས་འདས་པ་ལ་བཞག་པ་ལ་གཟིགས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་འབའ་ཞིག་ཏུ་མ་ཟད་ཀྱི། ཇི་ལྟར་འདས་པའི་དུས་ན་ཡང་འདིས་འདི་རྐུན་པོ་ལས་བཟློག་སྟེ་བརྟུལ་ཞུགས་ཀྱི་གནས་ལྔ་ལ་བཞག་པ་དེ་ཉོན་ཅིག་</font><hr>Tha315b<br><font size=+2>


དགེ་སློང་དག་།སྔོན་བྱུང་བ་རི་བྲག་ཅིག་ན་བྲམ་ཟེ་ཞིག་གནས་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བཙས་ཏེ། དེའི་བཙས་སྟོན་ཞག་བདུན་གསུམ་ཉི་ཤུ་རྩ་གཅིག་ཏུ་རྒྱ་ཆེར་བྱས་ནས་རིགས་དང་མཐུན་པའི་མིང་བཏགས་སོ། །དེ་བསྐྱེད་བསྲིངས་ཏེ་ཆེན་མོར་གྱུར་པ་དང ། རེ་ཞིག་ཅིག་ན་རི་བྲག་དེར་རྐུན་པོ་ལྔ་བརྒྱ་ཞིག་འཇོམས་འདོད་ཅིང་ལྷགས་སོ། །དེ་དག་གི་སྡེ་དཔོན་གང་ཡིན་པ་དེ་སྐོམ་པས་གདུངས་ནས་བྲམ་ཟེ་དེའི་ཁྱིམ་དུ་ཞུགས་པ་དང ། ཇི་ཙམ་ན་བུ་མོ་དེ་མཐོང་ངོ་མཐོང་ནས་ཀྱང་སྨྲས་པ། བུ་མོ། ཆུ་བྱིན་ཅིག་།དེས་སྨྲས་པ། རེ་ཞིག་ཅུང་ཞིག་གཞེས་ཤིག་།དེ་ཅང་མི་སྨྲ་བར་འདུག་གོ་།དེས་མྱུར་བ་མྱུར་བར་མར་མེ་བུས་པ་དང ། རྐུན་པོའི་སྡེ་དཔོན་བུ་མོ་དེ་ལ་མིག་གཏད་དེ་རྟོག་གོ་།བུ་མོ་དེས་མར་མེ་བུས་ནས་ཆུ་ལ་བལྟ་བ་དང ། རྐུན་པོའི་སྡེ་དཔོན་གྱིས་སྨྲས་པ། བུ་མོ། ཅི་ལ་ལྟ། དེས་སྨྲས་པ། ཆུ་ལ་ལྟའོ། །དེས་སྨྲས་པ། དེ་ལ་བལྟར་ཅི་ཡོད། དེས་སྨྲས་པ། འདིར་སྤུར་མའམ་སྐྲ་སོང་དུ་འོང་བས་སོ། །དེས་སྨྲས་པ། བུ་མོ། ཁོ་བོ་ནི། ཁྱེད་ལ་གནོད་པ་བྱ་བའི་ཕྱིར་ཞུགས་པ་ཡིན་པས། ཁོ་བོ་ལ་དུག་བླུད་པར་བྱ་བ་ཡིན་ན། ཁྱོད་ཀོ་དེ་སྐད་སྨྲ་བ་ལྟ་ཞིག་</font><hr>Tha316a<br><font size=+2>


༄#། །དེས་ཚིགས་སུ་བཅད་དེ་སྨྲས་པ། གཞན་གྱི་ནོར་འཕྲོག་གཡོན་ཅན་གྱིས། །བྱ་བ་གང་དེ་རྐུན་པོ་རྣམས། །བྱེད་དམ་འོན་ཏེ་མིན་ཡང་རུང ། །བདག་གིས་ཆོས་ནི་རྟག་བསྲུང་བྱ། །དེ་ཤིན་ཏུ་དགའ་ནས་སྨྲས་པ། བུ་མོ། ཁྱོད་བདག་གི་སྲིང་མོར་བྱ་ན། ཅི་ཞིག་བྱ་སྨྲོས་ཤིག། དེས་སྨྲས་པ། ཁྱོད་གཞན་གྱི་ནོར་ལ་མངོན་པར་ཆགས་པ་བསྐྱེད་པས། མདས་གནད་དུ་བསྣུན་ནས་དུས་བྱས་པར་གྱུར་ན། བདག་མིང་པོ་དང་བྲལ་བའི་སྡུག་བསྔལ་གྱིས་ཉམ་ཐག་ཅིང་ཆོ་ངེས་འདེབས་ན། དགའ་བར་མི་འགྱུར་བས། རྐུན་པོ་བྱེད་པའི་མིང་པོ་གང་ཡིན་པ་དེ་ལྟ་བུ་ནི། བདག་ལ་མི་དགོས་སོ། །དེ་ལྟ་བས་ན། གལ་ཏེ་ཁྱོད་ཀྱིས་བརྟུལ་ཞུགས་ཀྱི་གཞི་ལྔ་ཡང་དག་པར་ལེན་ནུས་ན། དེ་ལྟ་ན། བདག་གིས་ཁྱོད་ཀྱི་སྲིང་མོ་བྱའོ། །དེས་མི་འདོད་བཞིན་དུ་ཚིག་ཡིད་དུ་འོང་བ་སྙན་པའི་ཚུལ་གྱིས་སྨྲས་པ་དང ། དེས་དེ་སྲིང་མོ་བྱ་བར་ཤིན་ཏུ་དགའ་ཞིང་འདོད་པར་གྱུར་ཏེ། དེས་སྨྲས་པ། སྲིང་མོ། ལེགས་ཏེ། དེ་བཞིན་དུ་བྱའོ། །དེས་དེ་ཆོམ་རྐུན་ལས་བཟློག་སྟེ་བརྟུལ་ཞུགས་ཀྱི་གནས་ལྔ་ལ་བཞག་གོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་རྐུན་པོའི་སྡེ་དཔོན་དེ་ནི། བྲམ་ཟེ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་བུ་མོ་དེ་ནི། དགེ་སློང་ཤཱ་རིའི་བུ་འདི་ཉིད་ཡིན་ཏེ། དེའི་ཚེ་ཡང་འདིས་དེ་རྐུན་པོ་ལས་བཟློག་སྟེ་བསླབ་པའི་གཞི་ལྔ་ལ་བཞག་གོ། །ད་ལྟར་ཡང་འདི་གཙང་སྦྲས་དད་པར་བྱས་</font><hr>Tha316b<br><font size=+2>


ནས་འཁོར་བའི་དགོན་པ་ལས་བསྒྲལ་ཏེ་གྲུབ་པ་དང ། བདེ་བ་བླ་ན་མེད་པ་ཤིན་ཏུ་མཐར་ཐུག་པའི་མྱ་ངན་ལས་འདས་པ་ལ་བཞག་པ་ཡིན་ནོ། །དགེ་སློང་དག། དེ་ལྟར་ན། གཙང་སྦྲ་ལ་ཕན་ཡོན་འདི་དང ། གཞན་དག་ཀྱང་ཡོད་དོ། །དེ་ལྟ་བས་ན། ཇི་ལྟར་ཤཱ་རིའི་བུས་བྱས་པ་ལྟར། དགེ་སློང་དག་གིས་རྣམ་པ་དེས་གཙང་སྦྲ་བྱའོ། །སྡོམ་ནི། ཆ་ག་གཟུངས་དང་རྡུལ་ཟན་དང ། །དགེ་སློང་མ་ནི་ཟླ་བ་དང ། །གནས་ནི་བཅའ་བ་དྲུག་ལྡན་དང ། །ཁྲི་ལ་གསུམ་ནི་འདུག་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་སློང་དག་གིས་དུས་སུ་བགོས་པའི་ཆོས་གོས་རྣམས་མི་བསྲི་བར་སྤྱད་པས། དེ་དག་གི་མཐའ་མའི་རྐུད་པ་རྣམས་ཟེགས་སོ། །སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་ཟེགས་པ་རྣམས་ཀྱི་མཐར་ཆག་གདབ་པར་བྱའོ། །བཅོམ་ལྡན་འདས་ཀྱིས་ཆོས་གོས་ཟེགས་པ་རྣམས་ཀྱི་མཐར་ཆག་གདབ་པར་བྱའོ། །ཞེས་གསུངས་པ་དང ། དགེ་སློང་དག་གིས་ཆ་ག་བཏབ་ནས་སྤྱད་པར་བརྩམས་ན། འོན་ཀྱང་རྐུད་པ་རྣམས་ཟེགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བར་བར་དུ་གཟུངས་གདབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་སྣམ་སྦྱར་ནི། པགས་</font><hr>Tha317a<br><font size=+2>


༄#། །པ་དང་འདྲ་བར་བསྲུང་བར་བྱའོ། །ཞེས་གསུངས་པ་དང ། དགེ་སློང་གཞན་དག་ཅིག་ལ་གོས་སྤྱད་པར་འོས་པ་གཞན་མེད་ནས། དེ་དག་གིས་རྟག་པར་སྣམ་སྦྱར་བགོས་པས། དེ་སོ་ག་ཚ་བའི་དུས་སུ་མཆན་ཁུང་གི་ཕྱོགས་ཀྱི་རྡུལ་ཟགས་པས། དྲི་མ་ཅན་དུ་གྱུར་ཅིང་དེངས་པ་དང ། དྲི་མི་ཞིམ་པར་གྱུར་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཆན་ཁུང་གི་ཕྱོགས་སུ་རྡུལ་གཟན་གཞུག་པར་བྱའོ། །བཅོམ་ལྡན་འདས་ཀྱིས་བཀའ་སྩལ་པ། མཆན་ཁུང་གི་ཕྱོགས་སུ་སྣམ་སྦྱར་གྱི་རྡུལ་གཟན་གཞུག་པར་བྱའོ། །ཞེས་གསུངས་པ་དང ། དགེ་སློང་དག་གིས་རྡུལ་གཟན་ཇི་ལྟ་བུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གོས་ཆུར་ཁྲུ་ཕྱེད་དང་དོ། །ཞེང་དུ་མཐོ་གང་ཡིན་པ་དེ། ཕྱོགས་དེར་གཞུག་པར་བྱའོ། །དགེ་སློང་དག་གིས་དྲུབས་པ་དང ། བཅོམ་ལྡན་འདས་ཀྱིས་བཀའ་སྩལ་པ། དྲུབ་པར་མི་བྱའོ། །དེ་དྲི་མ་ཅན་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་བཀྲུ་ཞིང་ཁ་བསྒྱུར་བར་བྱའོ། །དགེ་སློང་དག་གིས་ངོས་གཅིག་ཏུ་བཅུག་ནས་བཅོམ་ལྡན་འདས་ཀྱིས་བཀའ་སྩལ་པ། ངོས་གཉི་གར་གཞུག་པར་བྱའོ། །བཅོམ་ལྡན་འདས་ཀྱིས་ཁ་བསྒྱུར་བར་བྱའོ། །ཞེས་གསུངས་པ་དང ། དགེ་སློང་དག་གིས་ངུར་སྨྲིག་ཏུ་བཅོས་ནས་བཅོམ་ལྡན་འདས་ཀྱིས་བཀའ་སྩལ་པ། </font><hr>Tha317b<br><font size=+2>


ངུར་སྨྲིག་ཏུ་བཙོ་བར་མི་བྱའི། བཙག་གིས་ཁ་བསྒྱུར་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་འདུག་པ་དེ་རིགས་མཉམ་པ་ལས་ཆུང་མ་བླངས་ཏེ་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །དེ་ཟླ་བ་དགུ་འདས་པ་དང་བུ་མོ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས་དེའི་མིང་ཟླ་བ་ཞེས་བྱ་བར་བཏགས་ཏེ། དེ་བསྐྱེད་བསྲིངས་ནས་ཆེན་མོར་གྱུར་ཏོ། །ཇི་ཙམ་དུས་གཞན་ཞིག་ན། སྐྱེ་རྒུའི་བདག་མོ་ཆེན་མོ་གོའུ་ཏ་མི་ལས་རབ་ཏུ་བྱུང་ཞིང་བསྙེན་པར་རྫོགས་པ་དང ། དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་འཁོར་ལྔ་བརྒྱས་བསྐོར་ཏེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་བར་ལེན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་</font><hr>Tha318a<br><font size=+2>


༄#། །བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ་ཅང་མི་གསུང་བར་བཞུགས་སོ། །དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱིས་དགེ་སློང་རྣམས་ལ་དགེ་སློང་གི་འདུལ་བ་བསྟན་ལགས་ན། ཀྱེ་མ། བཅོམ་ལྡན་འདས་ཀྱིས་ཐུགས་བརྩེ་བས་ཉེ་བར་བཟུང་སྟེ་དགེ་སློང་མ་རྣམས་ལ་དགེ་སློང་མའི་འདུལ་བ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གོའུ་ཏ་མི། དེ་བཞིན་གཤེགས་པ་ཆོས་ཚིག་རེ་ནས་གསུངས་པ་དེ་ནི། གནས་མ་ཡིན་ཞིང་གོ་སྐབས་མེད་དོ། །འོན་ཀྱང་གལ་ཏེ་དགེ་སློང་མ་འགའ་ཞིག་ངས་ལན་གཅིག་བཤད་པ་འཛིན་པར་སྤྲོ་ན། དེ་ལྟ་ན། ངས་བསྟན་པར་བྱའོ། །དེ་ནས་དེའི་ཚེ་དགེ་སློང་མ་ཟླ་བ་འཁོར་དེ་ཉིད་དུ་འདུས་ཏེ་འདུག་པར་གྱུར་ཏོ། །དེ་ནས་དགེ་སློང་མ་ཟླ་བ་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ལན་གཅིག་བཀའ་སྩལ་པ་བདག་གིས་གཟུང་བར་འཚལ་ན། བསྟན་དུ་གསོལ། དེ་ནས་བཅོམ་ལྡན་འདས་ཀྱིས་དེ་ལ་བསྟན་པ་དང ། དེས་ལན་གཅིག་གསུངས་པ་བཟུང་ངོ ། །དེ་ནས་བཅོམ་ལྡན་འདས་</font><hr>Tha318b<br><font size=+2>


ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ངའི་ཉན་ཐོས་ཀྱི་དགེ་སློང་མ་རྣམས་ཀྱི་ནང་ན་ཐོས་པ་འཛིན་པའི་མཆོག་ནི། འདི་ལྟ་སྟེ། དགེ་སློང་མ་ཟླ་བ་འདི་ཡིན་ནོ། །བཅོམ་ལྡན་འདས་ཀྱིས་དགོངས་པ། ཐམས་ཅད་དུ་དགེ་སློང་མ་ཟླ་བའམ། ཟླ་བ་ལྟ་བུ་འབྱུང་བར་མི་འགྱུར་རོ། །དེ་ལྟ་བས་ན། དགེ་སློང་རྣམས་ཀྱིས་ཀྱང་དགེ་སློང་མའི་འདུལ་བ་བཟུང་ནས་བཅང་བར་བྱ་ཞིང ། དགེ་སློང་མ་རྣམས་ལ་ཡང་བསྟན་པར་བྱ། ཁ་ཏོན་བྱེད་པ་དང ། འདྲི་བར་བྱེད་པ་དག་ལ་ཡང་སྦྱིན་པར་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། གལ་ཏེ་དགེ་སློང་མ་ཟླ་བས། ང་ལས་དགེ་སློང་མའི་འདུལ་བ་ལན་གཅིག་བཤད་པ་བླངས་མོད་ཀྱི། འོན་ཀྱང་ཐམས་ཅད་དུ་དགེ་སློང་མ་ཟླ་བའམ། ཟླ་བ་ལྟ་བུ་མི་འབྱུང་བས། དགེ་སློང་དག། གིས་ཀྱང་དགེ་སློང་མའི་འདུལ་བ་གཟུང་བར་བྱ། བཅང་བར་བྱ་ཞིང ། དགེ་སློང་མ་རྣམས་ལ་ཡང་བསྟན་པར་བྱ། ཁ་ཏོན་བྱེད་པ་དང ། འདྲི་བར་བྱེད་པ་དག་ལ་ཡང་སྦྱིན་པར་བྱའོ། །བཅོམ་ལྡན་འདས་ཀྱིས་ཚུལ་ཁྲིམས་ལ་བརྟེན་ཅིང་ཚུལ་ཁྲིམས་ལ་གནས་ནས་ཞི་གནས་དང ། ལྷག་མཐོང་གི་ཆོས་གཉིས་བསྒོམ་པར་བྱའོ། །ཞེས་གསུངས་པ་དང ། དགེ་སློང་མ་ཟླ་བས་འདུལ་བའི་རྗེས་སུ་མཐུན་པར་ཚུལ་ཁྲིམས་ལ་བརྟེན་ཅིང་ཚུལ་ཁྲིམས་ལ་བརྟེན་ཅིང་ཚུལ་ཁྲིམས་ལ་གནས་ནས་བསམ་གཏན་དང ། འདོན་པའི་སྦྱོར་བས་འབད། བརྩལ། བསྒྲིམས་བས། འཁོར་བའི་འཁོར་ལོ་གཡོ་བ་དང ། མི་</font><hr>Tha319a<br><font size=+2>


༄#། །གཡོ་བ་ཆ་ལྔ་པ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། འགྱེས་པ་དང ། འཇིག་པའི་ཆོས་ཉིད་ཀྱིས་འཇོམས་པར་རྟོགས་ཏེ། ཉོན་མོངས་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་གྱི་འདོད་ཆགས་དང་བྲལ་བ། སེམས་གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་མཉམ་པ། སྟེའུ་དང་ཙནྡན་དུ་མཚུངས་པ། རིག་པས་མ་རིག་པའི་སྒོ་ངའི་སྦུབས་བྲལ་བ། མངོན་པར་ཤེས་པ་དང ། སོ་སོ་ཡང་དག་པར་རིག་པ་རྣམས་ཐོབ་པ། སྲིད་པ་དང ། རྙེད་པ་དང ། བཀུར་སྟི་ལ་རྒྱབ་ཀྱིས་བལྟས་པ། དབང་པོ་དང ། ཉེ་དབང་དུ་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། གུས་པར་སྨྲ་བར་བྱ་བར་གྱུར་ཏོ། ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ངའི་ཉན་ཐོས་དགེ་སློང་མ་རྣམས་ཀྱི་ནང་ན། ཤེས་རབ་ཆེ་བ་དང ། སྤོབས་པ་ཆེ་བ་དང ། ཐོས་པ་འཛིན་པའི་མཆོག་ནི། འདི་ལྟ་སྟེ། དགེ་སློང་མ་ཟླ་བ་འདི་ཡིན་ནོ། །དགེ་སློང་དག། ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས། དགེ་སློང་མ་ཟླ་བས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཤེས་རབ་ཆེ་ཞིང་སྤོབས་བ་ཆེ་བ་དང ། བཅོམ་ལྡན་འདས་ཀྱིས་ཀྱང་ཐོས་པ་འཛིན་པའི་མཆོག་ཏུ་</font><hr>Tha319b<br><font size=+2>


བསྟན་ལ། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཀྱང་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བགྱིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དགེ་སློང་མ་ཟླ་བ་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། ལུས་ཅན་རྣམས་ལ་འབྲས་བུར་སྨིན། །ཞེས་བྱ་བའི་བར་སྔ་མ་བཞིན་ནོ། །དགེ་སློང་དག། སྔོན་བྱུང་བ་བསྐལ་པ་དགུ་བཅུ་རྩ་གཅིག་ན་སྐྱེ་རྒུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ། སྟོན་པ་འཇིག་རྟེན་དུ་བྱུང་སྟེ། དེ་འཁོར་དགེ་སློང་དྲུག་ཁྲི་ཉིས་སྟོང་དང་རྒྱལ་པོའི་ཁབ་གཉེན་ལྡན་དུ་གཤེགས་ཏེ་གཉེན་ལྡན་གྱི་ཚལ་ན་བཞུགས་སོ། །དེ་ནས་དེའི་ཚེ་རྒྱལ་པོའི་ཁབ་གཉེན་ལྡན་ན། ཁྱིམ་བདག་ཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ཏེ་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །དེས་ཟླ་བ་དགུ་འདས་ནས་བུ་མོ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས་རིགས་དང་མཐུན་</font><hr>Tha320a<br><font size=+2>


༄#། །པའི་མིང་བཏགས་ཏེ། དེ་བསྐྱེད་བསྲིངས་ནས་ཆེན་མོར་གྱུར་པ་དང ། ཁྱིམ་བདག་དེ་དད་པ་ཅན་ཞིག་པས། དགག་དབྱེའི་ཚེ་དེ་ཁྲིད་ནས་དགེ་སློང་མའི་དབྱར་ཁང་དུ་སོང་སྟེ། དེས་དགེ་སློང་མ་རྣམས་ལ་སོ་སོར་ཁབ་དང ། གྲི་ལ་སོགས་པའི་ཡོ་བྱད་ཀྱིས་དགེ་སློང་མའི་དགེ་འདུན་ལ་དགག་དབྱེ་བྱེད་དོ། །བུ་མོ་དེས་མཛེས་པར་མཐོང་ནས་དད་པ་སྐྱེས་ཏེ་ཕ་ལ་སྨྲས་པ། ཡབ། བདག་གིས་ཀྱང་ཇི་ཞིག་ཅིག་གིས་དགེ་སློང་མའི་དགེ་འདུན་ལ་དགག་དབྱེ་བགྱིའོ། །ཁྱིམ་བདག་དེས་སྨྲས་པ། བུ་མོ། ལེགས་ཏེ། དེ་བཞིན་དགག་དབྱེ་གྱིས་ཤིག་།དེས་ཁབ་དང ། གྲི་དང ། གསེར་དང ། དབྱིག་ལ་སོགས་པ་ཡོ་བྱད་ཀྱི་ཁྱད་པར་དག་གིས་དགེ་སློང་མའི་དགེ་འདུན་ལ་དགག་དབྱེ་བྱས་ཏེ་རབ་ཏུ་དང་བ་དྲག་པོས་རྒན་པའི་མཐའ་ནས་རྐང་བ་ལ་ཕྱག་བྱས་ནས་སྨོན་ལམ་བཏབ་པ། བདག་གིས་སེམས་བསྐྱེད་དེ་སྦྱིན་པར་བྱ་བའི་ཆོས་ཡོངས་སུ་བཏང་བའི་དགེ་བའི་རྩ་བ་འདིས། ཤེས་རབ་ཆེ་ཞིང་སྤོབས་པ་ཆེ་བ་དང ། ཐོས་པ་འཛིན་པར་གྱུར་ཅིག། ཅེས་བྱས་སོ། །དགེ་སློང་དག། ཇི་སྙམ་དུ་སེམས། ཁྱིམ་བདག་གི་བུ་མོ་གང་ཡིན་པ་དེ་ནི། དགེ་སློང་མ་ཟླ་བ་འདི་ཉིད་ཡིན་ཏེ། འདིས་གང་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དགེ་སློང་མའི་དགེ་འདུན་ལ་ཁབ་དང ། གྲི་དང ། གསེར་དང ། དབྱིག་ལ་སོགས་པ་ཡོ་བྱད་ཀྱི་ཁྱད་པར་དག་གིས་དགག་དབྱེ་བྱས་ནས་བདག་གིས་</font><hr>Tha320b<br><font size=+2>


སེམས་བསྐྱེད་ཅིང་སྦྱིན་པར་བྱ་བའི་ཆོས་ཡོངས་སུ་བཏང་བའི་དགེ་བའི་རྩ་བ་འདིས། བདག་ཤེས་རབ་ཆེ་ཞིང་སྤོབས་པ་ཆེ་བ་དང ། ཐོས་པ་འཛིན་པར་གྱུར་ཅིག་ཅེས་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས། ད་ལྟར་ཤེས་རབ་ཆེ་ཞིང་སྤོབས་པ་ཆེ་བ་དང ། ཐོས་པ་འཛིན་པར་གྱུར་ཏོ། །ཡང་བཅོམ་ལྡན་འདས་འོད་སྲུང་གི་གསུང་རབ་ལ་རབ་ཏུ་བྱུང་བར་གྱུར་ཏོ། །དེས་དེ་ན་ཚེ་གཅིག་ཏུ་ཚངས་པར་སྤྱོད་པ་སྤྱད་ཀྱང་ཡོན་ཏན་གྱི་ཚོགས་འགའ་ཡང་ཐོབ་པར་མ་གྱུར་ཏོ། །མཁན་པོ་གང་ལས་རབ་ཏུ་བྱུང་བ་དེ་ནི། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཐོས་པ་འཛིན་པའི་མཆོག་ཏུ་བསྟན་ཏོ། །དེ་ན་འདིས། འདི་ལྟར་བདག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་གི་སྤྱན་སྔར་ཚེ་གཅིག་གི་བར་དུ་ཚངས་པར་སྤྱོད་པ་སྤྱད་ཀྱང ། ཡོན་ཏན་གྱི་ཚོགས་འགའ་ཡང་ཐོབ་པར་མ་གྱུར་གྱི། བདག་དགེ་བའི་རྩ་བ་འདིས་གང་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་ལ་བྲམ་ཟེའི་ཁྱེའུ་ཁྱོད་སྐྱེ་རྒུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་ཏེ། ཇི་ལྟར་བདག་གི་མཁན་པོ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་</font><hr>Tha321a<br><font size=+2>


༄#། །གིས་ཐོས་པ་འཛིན་པའི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱ་ཐུབ་པ། ཤཱཀྱའི་རྒྱལ་པོའི་གཙོ་བོ་དེས། ཐོས་པ་འཛིན་པའི་མཆོག་ཏུ་བསྟན་པར་གྱུར་ཅིག་།ཅེས་སྨོན་ལམ་བཏབ་བོ། །དེའི་སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་ཐོས་པ་འཛིན་པའི་མཆོག་ཏུ་བསྟན་པ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་ནག་།གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་ཞེས་བྱ་བ་ནས་བརྩལ་བར་བྱ་སྟེ། དགེ་སློང་དག་གིས་དེ་ལྟར་བསླབ་པར་བྱའོ། །ཞེས་བྱ་བའི་བར་སྔ་མ་བཞིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་དགེ་སློང་གཞོན་ནུ་ཞིག་དགེ་སློང་ཞིག་དང་ལྷན་ཅིག་ལྗོངས་རྒྱུ་ཞིང་མཉན་ཡོད་དུ་ཕྱིན་ནས་དགེ་སློང་དེ་ནི། རི་དྭགས་འཛིན་གྱི་མའི་ཁང་བཟང་དུ་སོང ། གཞོན་ནུ་དེ་ཡང་རྒྱལ་བྱེད་ཀྱི་ཚལ་དུ་སོང་སྟེ། དེས་དགེ་སློང་ཞིག་ལ་གནས་བཅས་ནས་དེ་དེའི་ཐད་ན་ཅུང་ཟད་ཅིག་འདུག་ནས་སྨྲས་པ། བདག་གིས་འཕགས་པ་གཙུག་ལག་ཁང་ཆེ་གེ་མོ་ཞིག་ཏུ་ལྷུང་བཟེད་དང ། ཆོས་གོས་བཞག་སྟེ་མཆིས་ལ་དེ་བླངས་ནས་སླར་མཆིའོ། །དེས་སྨྲས་པ། བུ། སོང་ལ་མྱུར་དུ་ཤོག་ཅིག་།དེས་སྨྲས་པ། སློབ་དཔོན། བདག་དེ་ན་ཅི་ཞིག་བགྱིད་དེ། བདག་མྱུར་དུ་མཆིས་པར་བགྱིའོ། ། </font><hr>Tha321b<br><font size=+2>


ཞེས་རྐང་པ་ལ་ཕྱག་བྱས་ཏེ་སོང་ནས་རིམ་གྱིས་གཙུག་ལག་ཁང་དེར་ཕྱིན་ཏོ། །ཇི་ཙམ་ན་དགེ་འདུན་དག་གིས་གཙུག་ལག་ཁང་དེར་གནས་མེད་པར་ནུབ་གཅིག་ཀྱང་མི་གནས་པར་ཁྲིམས་སུ་བྱ་བ་བཅས་སོ། །དེ་ཁྲིམས་བཞིན་དུ་དགེ་སློང་ཞིག་གནས་བཅས་ནས་དེ་ནུབ་མོ་ཉལ་ལོ། །ནམ་ལངས་ནས་བསམ་པ། བདག་སོང་ལ་སློབ་དཔོན་དེ་བལྟའོ། །སྙམ་ནས་དེའི་གནས་ཁང་དུ་སོང་སྟེ་སྒོ་ལ་བརྡབས་ཏེ་སློབ་དཔོན་ལ་ཕྱག་འཚལ་ལོ། །ཁམས་བདེའམ་ཞེས་བྱས་པ་དང ། བུ། བདག་ན་སྟེ། མི་བདེའོ། །དེ་འདི་སྙམ་དུ། བདག་སློབ་དཔོན་ན་བ་བོར་ཏེ་འགྲོ་བ་གང་ཡིན་པ་ནི། བདག་གི་ཚུལ་མ་ཡིན་ཏེ། བཅོམ་ལྡན་འདས་ཀྱིས་ཀྱང་དེའི་ཕྱིར་གཅིག་གིས་གཅིག་བསྟང་ཞིང་ན་བའི་ནད་གཡོག་བྱ་བའི་ཕྱིར་གནས་བཅའ་བར་གནང་བས། དེའི་ཕྱིར་དེའི་ནད་གཡོག་བྱས་ཏེ་སོས་ནས་འགྲོ་བར་བསམ་མོ། །དེས་དེའི་ནད་གཡོག་བྱས་ནས་སོས་པར་གྱུར་པ་དང་དེས་སྨྲས་པ། སློབ་དཔོན། མཁྱེན་པར་མཛོད་ཅིག་།མཆིའོ། །དེས་སྨྲས་པ། བུ། ཅུང་ཟད་མི་བདེ་བ་ལྟ་མེད་གྲང ། སློབ་དཔོན། མི་བདེ་བ་ནི། ཅུང་ཟད་ཀྱང་མ་མཆིས་ན། འོན་ཀྱང་བདག་འདིར་གནས་སུ་མཆིས་པ་མ་ལགས་ཀྱི། བདག་གིས་ཆོས་གོས་དང ། ལྷུང་བཟེད་བཞག་པ་དེ་ལེན་དུ་མཆིས་པ་ལས། དགེ་འདུན་གྱིས་གནས་མེད་པར་ནུབ་གཅིག་ཀྱང་མི་གནས་པར་ཁྲིམས་སུ་བྱ་བ་བཅས་སོ། །དེའི་སླད་དུ་བདག་གིས་ཁྲིམས་བཞིན་དུ་གནས་བཅས་པ་དང་ཁྱོད་ན་བར་གྱུར་ནས་བདག་གིས་བསམ་པ། བདག་སློབ་</font><hr>Tha322a<br><font size=+2>


༄#། །དཔོན་བོར་ནས་འགྲོ་བ་གང་ཡིན་པ་ནི། བདག་གི་ཚུལ་མ་ལགས་ཏེ། བཅོམ་ལྡན་འདས་ཀྱིས་ཀྱང་དེའི་ཕྱིར་གཅིག་གིས་གཅིག་བསྟང་ཞིང ། ན་བའི་ནད་གཡོག་བྱ་བའི་ཕྱིར་གནས་བཅའ་བར་གནང་བས། དེའི་ཕྱིར་ནད་གཡོག་བྱས་ལ་སོས་ན་འགྲོའོ། །སྙམ་པ་ལས། ད་ནི། ཁྱོད་སོས་པར་གྱུར་པས། མཁྱེན་པར་མཛོད་ཅིག་།མཆིའོ། །ཚེ་དང་ལྡན་པ། ལེགས་སོ། །ལེགས་སོ། །ཁྱོད་ཇི་ལྟར་ཞུགས་པ་དེ་ལྟར་ལྷན་ཅིག་གནས་པ་དང ། ཉེ་གནས་དག་གིས་མཁན་པོ་དང ། སློབ་དཔོན་དག་ལ་བསྒྲུབ་པར་བྱའོ། །ལྷན་ཅིག་གནས་པ་དང ། ཉེ་གནས་རྣམས་ཀྱིས་མཁན་པོ་དང ། སློབ་དཔོན་དག་ལ་དེ་ལྟར་བསྒྲུབས་ན། དེ་ལྟར་ཨུཏྤ་ལ་ཆུ་ནས་འབྱུང་བ་བཞིན་དུ་དགེ་བའི་ཆོས་རྣམས་ཀྱིས་འཕེལ་བར་འགྱུར་རོ། །སྐྱེས་བུ་དམ་པ་ཁྱོད་བག་ཡོད་པར་བྱོས་ལ་སོང་ཞིག་།དེས་དེ་ལ་ཕྱག་བྱས་ནས་རིམ་གྱིས་རྒྱལ་བྱེད་ཀྱི་ཚལ་དུ་ཕྱིན་པ་དང ། དེའི་སློབ་དཔོན་གྱིས་མཐོང་ནས་སྨྲས་པ། ཚེ་དང་ལྡན་པ། འོངས་པ་ལེགས་ན། ཅི་སྟེ་རིང་ཞིག་ཐོགས་ནས་འོངས། དེས་ཇི་ལྟར་གྱུར་པ་སྨྲས་སོ། །དེས་སྨྲས་པ། ཚེ་དང་ལྡན་པ། ལེགས་སོ། །ལེགས་སོ། །ཁྱོད་ཇི་ལྟར་ཞུགས་པ་དེ་ལྟར་གནས་པ་དང ། ཉེ་གནས་དག་གིས་མཁན་པོ་དང ། སློབ་དཔོན་དག་ལ་བསྒྲུབ་པར་བྱའོ། །དེ་ལྟར་བསྒྲུབས་ན། ཇི་ལྟར་ཨུཏྤ་ལ་ཆུ་ནས་འབྱུང་བ་བཞིན་དུ་དགེ་བའི་ཆོས་རྣམས་ཀྱིས་འཕེལ་བར་འགྱུར་རོ། །དགེ་སློང་དེ་འགྱོད་</font><hr>Tha322b<br><font size=+2>


པ་སྐྱེས་ཏེ། འདིའི་གནས་དེ་ཉིད་ཀྱིས་ཆོག་གམ། འོན་ཏེ་གཞན་ཞིག་སྦྱིན་དགོས་སྙམ་ནས་དེས་སྐབས་དེ། དགེ་སློང་དག་ལ་སྨྲས་ཏེ། དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེས་རེ་ཞིག་པའི་གནས་བཅས་པར་ཟད་དེ། དེ་ལྟ་བས་ན། དེའི་གནས་དེ་ཁོ་ནས་ཆོག་གི་།གཞན་ནི། མ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་སྤོང་བ་པ་ཞིག་ལ་དགེ་སློང་གཞོན་ནུ་ཞིག་གིས་གནས་བཅས་པ་དང ། དེ་འདི་སྙམ་དུ། བཅོམ་ལྡན་འདས་ཀྱིས་དགེ་སློང་དག་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ནས་གདམས་ངག་མ་བྱིན་ཞིང ། རྗེས་སུ་མ་བསྟན་པས་ནི། ཤན་པ་བྱེད་ཀྱང་བླའོ། །ཞེས་གསུངས་ཏེ། འདི་ལྟར་ཉེ་གནས་ཀྱང་དེ་བཞིན་དུ་སློབ་མ་ཡིན་ལ། བདག་ཀྱང་སྤོང་བ་པ་ཞིག་པས་འདི་གང་ཞིག་སྨིན་པར་བྱེད་པ་འགའ་ཞིག་ལ་གཏད་དོ། །སྙམ་བསམ་ནས། ད་དགེ་སློང་ཞིག་གི་ཐད་དུ་སོང་ནས་ཚེ་དང་ལྡན་པ། གཞོན་ནུ་འདི་བསླབ་པར་གྱིས་ཤིག་།དེས་སྨྲས་པ། གལ་ཏེ་ཁྱོད་བདག་གི་གཡོག་བྱེད་ན། དམ་བཅས་ཏེ་བསླབ་པར་བྱའོ། །དེས་སྨྲས་པ། བསླབ་ཏུ་གསོལ། བགྱིའོ། །དེས་དེ་བསླབ་པར་བརྩམས་སོ། །དུས་གཞན་ཞིག་ན་དེ་ན་བར་གྱུར་ནས་གནས་བཅས་པའི་སློབ་དཔོན་དེས་དེའི་ནད་གཡོག་བྱས་སོ། །ཇི་ཙམ་དུས་གཞན་ཞིག་ན། </font><hr>Tha323a<br><font size=+2>


༄#། །གནས་བཅས་པའི་སློབ་དཔོན་དེ་ན་བར་གྱུར་ཏེ། དེས་དེ་སླར་མ་བལྟས་ཤིང ། དེ་བཞིན་ལན་གསུམ་གྱི་བར་དུ་ཡང་མ་བལྟས་ནས་དེས་དེ་ལ་སྨྲས་པ། ཚེ་དང་ལྡན་པ།་ཁྱོད་གཞན་ཞིག་གི་དྲུང་དུ་སོང་ལ་གནས་ཆོས་ཤིག། དེས་སྨྲས་པ། འཕགས་པ། བདག་ཁྱོད་ཁོ་ནའི་དྲུང་ན་མཆིས་ཏེ། བདག་ལ་ཕོངས་པ་ཅུང་ཟད་ཀྱང་མ་མཆིས་སོ། །དེས་སྨྲས་པ། ཚེ་དང་ལྡན་པ། ཁྱོད་ལ་ཕོངས་པ་མེད་པ་ནི། བདེན་ན། འོན་ཀྱང་ཁོ་བོ་ཕོངས་ཏེ། ཁྱོད་ན་བར་གྱུར་པ་ན། ངས་ཁྱོད་ཀྱི་ནད་གཡོག་བྱས་ན། ང་ལན་གསུམ་གྱི་བར་དུ་ན་བར་གྱུར་པ་ན། ཅི་སྟེ་ཁྱོད་ཀྱིས་ང་སླར་མ་བལྟས། སོང་ལ་གང་ཞིག་ཁྱོད་འདྲ་བའི་མ་གུས་པ་ལ་གནས་སྟེར་བ་དེ་ལ་གནས་འཆོས་ཏེ་འདུག་ཅིག་།དེ་སྤོབས་པ་མེད་དེ་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གནས་པས་སློབ་དཔོན་ལ་རིམ་གྲོ་བྱའོ། །ཇི་ཙམ་དུས་གཞན་ཞིག་ན། ཀློག་པའི་སློབ་དཔོན་ན་བར་གྱུར་ནས་དེས་སླར་མ་བལྟས་ཀྱི། གང་གི་ཚེ་སོས་པར་གྱུར་པ་དེའི་ཚེ་དྲུང་དུ་སོང་སྟེ་དེས་སྨྲས་པ། སློབ་དཔོན། བདག་ལ་ལུང་ཕོག་ཅིག་།དེས་སྨྲས་པ། ཚེ་དང་ལྡན་པ། ཁོ་བོ་ན་བ་ཁྱོད་ཀྱིས་རེས་འགའ་ཡང་སླར་མ་བལྟས་ཀྱི། ཁྱོད་སོང་ལ་གང་ཞིག་ཁྱོད་ལྟ་བུ་མ་གུས་པ་ལ་ཀློག་ཏུ་འཇུག་པ་དེ་ལས་ལྷོགས་ཤིག། དེས་སྤོབས་པ་མེད་དེ་ཅང་མི་ཟེར་བར་འདུག་</font><hr>Tha323b<br><font size=+2>


ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀློག་པའི་སློབ་དཔོན་ལ་རིམ་གྲོ་བྱའོ། །བཅོམ་ལྡན་འདས་ཀྱིས་ཀློག་པའི་སློབ་དཔོན་ལ་རིམ་གྲོ་བྱའོ། །ཞེས་གསུངས་པ་དང ། ཇི་ཙམ་དུས་གཞན་ཞིག་ན་ཀློག་པའི་སློབ་དཔོན་དང ། གནས་ཀྱི་སློབ་དཔོན་དེ་གཉི་ག་ན་བར་གྱུར་ནས། དེས་གང་གི་རིམ་གྲོ་བྱ་བ་མི་ཤེས་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ནུས་ན། གཉི་གའི་བྱའོ། །ཅི་སྟེ་མི་ནུས་ན། གནས་ཀྱི་སློབ་དཔོན་ལ་བྱ་སྟེ། འདི་ལྟར་ཀློག་པ་མེད་པར་ནི། འདུག་ཏུ་རུང་གི་།གནས་པ་མེད་པར་ནི། མ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རབ་ཏུ་འབྱུང་བར་འདོད་པ་ཞིག་དགེ་སློང་ཞིག་གི་དྲུང་དུ་སོང་བ་དང ། དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ཏེ་ལྗོངས་རྒྱུ་ཞིང་སོང་ངོ ། །ལྷན་ཅིག་གནས་པ་དེ་ལ་ཟང་ཟིང་གིས་བསྡུ་བ་ནི། བྱས་ན། ཆོས་ཀྱིས་མ་བྱས་པས་དེ་གཞན་ཞིག་ལ་གནས་ཏེ་འདུག་གོ་།བཅོམ་ལྡན་འདས་ཀྱིས་བསྡུ་བའི་དངོས་པོ་བཞི་པོ་སྦྱིན་པ་དང ། སྙན་པར་སྨྲ་བ་དང ། དོན་སྤྱོད་པ་དང ། དོན་མཐུན་པ་ཞེས་གསུངས་པས། དེས་དེ་ལ་ཆོས་དང་ཟང་ཟིང་དག་གིས་ཀྱང་སྡུད་པས། དེ་སློབ་དཔོན་དེ་ལ་རྟག་ཏུ་ལྟ་ཞིང་སེམས་ལ་འཛིན་ཏོ། །ཇི་ཙམ་དུས་གཞན་ཞིག་ན། དེའི་མཁན་པོ་ཅི་འདོད་</font><hr>Tha324a<br><font size=+2>


༄#། །པར་ལྗོངས་རྒྱུས་ནས་སླར་མཉན་ཡོད་དུ་ཕྱིན་པ་དང ། དེ་མཐོང་ནས་དེ་ལ་ཚངས་པ་མཚུངས་པར་སྤྱོད་པ་གསར་བུ་གང་དག་ཡིན་པ་དེ་དག་ནི། སྟན་ལས་ལྡང་བར་བྱེད། གང་དག་རྒན་པ་དེ་དག་གིས་ནི། འོངས་པ་ལེགས་སོ། །ཞེས་བྱ་བའི་ཀུན་ཏུ་སྤྱོད་པས་ཀུན་ཏུ་སྤྱད་དོ། །དེའི་ལྷན་ཅིག་གནས་པ་དེ་སྟན་ལས་ཀྱང་མ་ལངས་པ་དང ། དེ་ལ་དགེ་སློང་དག་གིས་སྨྲས་པ། ཚེ་དང་ལྡན་པ། ཁྱོད་ཀྱི་མཁན་པོ་འོངས་ན། ཚངས་པ་མཚུངས་པར་སྤྱོད་པ་ཁ་ཅིག་ནི། ལྡང་བར་བྱེད། ཁ་ཅིག་གིས་ནི། མངོན་དུ་ལྡང་བར་བྱས། ཁ་ཅིག་གིས་ནི། ལེགས་པར་འོངས་སོ། །ཞེས་ཀུན་ཏུ་སྤྱོད་པས་ཀུན་ཏུ་སྤྱད་ན། ཁྱོད་དེ་མཐོང་བཞིན་དུ་སྟན་ལས་ཀྱང་མ་ལངས་པ་དེ་ནི། རིགས་པ་མ་ཡིན་ནོ། །དེས་སྨྲས་པ། བདག་འདིས་རབ་ཏུ་ཕྱུང་ནས་ཅི་ཟང་ཟིང་གིས་བསྡུ་བ་བྱས་སམ། འོན་ཏེ་ཆོས་ཀྱིས་བསྡུ་བ་བྱས། གང་ཞིག་དྲན་ནས་ལྡང་བར་བྱ། དེ་དག་གིས་སྨྲས་པ། ཚེ་དང་ལྡན་པ། དེ་སྐད་མ་ཟེར་ཅིག་།བཅོམ་ལྡན་འདས་ཀྱིས་ཀྱང་གང་ཟག་ཅིག་།གང་ཟག་གང་ཞིག་ལ་བརྟེན་ནས་དེ་བཞིན་གཤེགས་པས་གསུངས་པའི་ཆོས་འདུལ་བ་ལ་སྐྲ་དང ། ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་ཡང་དག་པར་དད་པས་ཁྱིམ་ནས་ཁྱིམ་མེད་པར་རབ་ཏུ་ཕྱུང་བའི་གང་ཟག་དེས་ནི། གང་ཟག་དེ་ལ་ཇི་སྲིད་འཚོའི་བར་དུ་ཡང་འདི་ལྟ་སྟེ། ཆོས་གོས་དང ། བསོད་སྙོམས་དང ། ནད་ཀྱི་གསོས་སྨན་དང ། མལ་སྟན་དང ། ཡོ་བྱད་</font><hr>Tha324b<br><font size=+2>


དག་གིས་ལན་གླན་པར་སླ་བ་མ་ཡིན་ནོ། །ཞེས་མ་གསུངས་སམ། ཚེ་དང་ལྡན་པ། ཁྱོད་དེ་སྐད་ཟེར་བ་དེ་ནི། ལེགས་པ་མ་ཡིན་ནོ། །དེ་སྤོབས་པ་མེད་དེ་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལྷན་ཅིག་གནས་པ་དང ། ཉེ་གནས་ཀྱི་དགེ་སློང་རྣམས་ཀྱིས་མཐོང་མ་ཐག་ཏུ་སྟན་ལས་ལྡང་བ་བྱ་སྟེ། མཁན་པོ་མཐོང་མ་ཐག་ཏུ་གནས་བཅས་པ་ཡང་མེད་པར་འགྱུར་རོ། །བཅོམ་ལྡན་འདས་ཀྱིས་མཁན་པོ་མཐོང་མ་ཐག་ཏུ་གནས་བཅས་པ་མེད་པར་འགྱུར་རོ། །ཞེས་གསུངས་པ་དང ། གཞན་དག་ཅིག་གི་མཁན་པོ་འདུག་མི་ཕོད་པ་དག་ཅིག་འོངས་ཤིང ། དེ་དག་དུས་ཅུང་ཟད་འདུག་ནས་འགྲོ་བར་བྱེད་དོ། །དེ་ལ་ཁ་ཅིག་ལ་ནི། མཁན་པོ་དང ། སློབ་དཔོན་རྣམས་གཤེ་།ཁ་ཅིག་ལ་ནི། དགའ་བར་གྱུར་ཅིང ། དེ་རྣམས་གང་དག་ལ་གཤེ་པ་དེ་དག་ལ་ནི། སྔོན་གནས་བཅས་པ་ཡང་མི་སྟེར་ཅིང ། བདག་ཉིད་ཀྱང་སྡུད་པར་མི་བྱེད། གང་དག་ལ་དགའ་བ་དེ་དག་ནི། སྡུད་པར་བྱེད་པ་ནས་སྔོན་གྱི་སློབ་དཔོན་རྣམས་འཁྲུགས་པར་གྱུར་ཅིང་སོང་བ་དེ་དག་ཡང་སྡུད་པ་མི་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། འདུག་མི་ཕོད་པ་གང་དག་ཡིན་པ་དེ་དག་ལ་ཡང་ཐམས་ཅད་བྱ་ཞིང ། སྔོན་གྱི་སློབ་དཔོན་རྣམས་ལ་ཡང་ཐམས་ཅད་བྱ་མོད་ཀྱི། འོན་ཀྱང་གཉིས་ཀའི་སེམས་ཀྱང་མགུ་བ་ལྷུར་བླང་</font><hr>Tha325a<br><font size=+2>


༄#། །བར་བྱ་ཞིང ། གཉི་ག་ལ་ཡང་དྲི་བར་བྱའོ། །གལ་ཏེ་ཐམས་ཅད་ཀྱི་ཐམས་ཅད་དུ་མཁན་པོ་དག་འདུག་ན། དེ་ཉིད་དུ་དྲི་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གིས་གཞོན་ནུ་གཅིག་ཅིག་ལ་གནས་བྱིན་ཏེ། དེ་ཟླ་བ་ཕྱེད་ཅིང་གསོ་སྦྱོང་གི་ཚེ་དེའི་ཐད་དུ་སོང་ནས་སྨྲས་པ། སློབ་དཔོན་ཕྱག་འཚལ་ལོ། །ཞུའོ། །གསོ་སྦྱོང་བྱིན་གྱིས་བརླབ་བོ། །དེས་སྨྲས་པ། བཞིན་བཟང ། ཁོ་བོ་ཇི་ལྟར་ཁྱོད་ཀྱི་སློབ་དཔོན་དུ་འགྱུར། དེས་སྨྲས་པ། བདག་ནི། ཁྱོད་ཉིད་ལ་གནས་བཅས་ཏེ་མཆིས་པས་སོ། །དེས་སྨྲས་པ། བཞིན་བཟང ། གང་ཞིག་ཁྱོད་ལྟ་བུ་མ་གུས་ཤིང་ཞེས་མེད་པ་ལ་གནས་སྟེར་བ་དེ་ལ་གནས་ཏེ་འདུག་ལ། དེ་ཉིད་ལ་ཞུས་ཤིག་།དེ་སྤོབས་པ་མེད་དེ་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་དུས་གསུམ་དུ་མཁན་པོ་དང ། སློབ་དཔོན་རྣམས་ལ་བལྟར་མི་འགྲོ་བ་ལས་གྱུར་ཏོ། །དེ་ལྟ་བས་ན། ལྷན་ཅིག་གནས་པ་དང ། ཉེ་གནས་རྣམས་ཀྱིས་དུས་གསུམ་དུ་མཁན་པོ་དང ། སློབ་དཔོན་རྣམས་བལྟ་བའི་ཕྱིར་འགྲོ་བར་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ལྷན་ཅིག་གནས་པ་དང ། ཉེ་གནས་</font><hr>Tha325b<br><font size=+2>


རྣམས་ཀྱིས་དུས་གསུམ་དུ་མཁན་པོ་དང ། སློབ་དཔོན་དག་བལྟ་བའི་ཕྱིར་འགྲོ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གིས་དགེ་སློང་གཞོན་ནུ་གཅིག་ཅིག་ལ་གནས་བྱིན་ནས་དེས་དེ་བུ་བཞིན་བསྐྱངས་སོ། །དེ་དུས་གཞན་ཞིག་ན་ལྗོངས་རྒྱུ་བར་ཆས་ཏེ་སྨྲས་པ། སློབ་དཔོན་ཕྱག་འཚལ་ལོ། །མཁྱེན་པར་མཛོད་ཅིག་།ལྗོངས་རྒྱུར་མཆིའོ། །དེས་སྨྲས་པ། བུ། མི་བདེ་བ་ཅུང་ཟད་མེད་དམ། དེས་སྨྲས་པ། སློབ་དཔོན། མི་བདེ་བ་ནི། ཅུང་ཟད་ཀྱང་མ་མཆིས་ན། འོན་ཀྱང་བདག་ལྗོངས་རྒྱུ་བར་སྤྲོ་སྟེ། སླར་ཡང་མཆིའོ། །དེས་སྨྲས་པ། བུ། དེ་ལྟ་ན་སོང་ལ་ལམ་ཀར་འགྱོད་པར་གྱུར་ན། སླར་ལྡོག་པར་གྱིས་ཤིག་།དེས་སྨྲས་པ། སློབ་དཔོན། ལེགས་ཀྱི། སླར་ལྡོག་པར་བགྱིའོ། །ཞེས་དེ་ཆས་པ་དང ། ཇི་ཙམ་ན་དེ་ལམ་གར་འགྱོད་པ་སྐྱེས་ཏེ་དེས་བསམ་པ། བདག་ལ་སློབ་དཔོན་དེས་ཡོ་བྱད་ཐམས་ཅད་སྦྱར་བ་ལས། བདག་སོང་བ་མ་ལེགས་ཀྱི། སླར་ལྡོག་པར་བྱའོ། །སྙམ་བསམ་ནས། དེ་སླར་ལོག་པ་དང ། སློབ་དཔོན་གྱིས་མཐོང་ནས་དེས་སྨྲས་པ། བུ། ཅི་སྟེ་སླར་ལོག་།ཅུང་ཟད་བརྗེད་པ་ལྟ་མེད་དམ། དེས་སྨྲས་པ། སློབ་དཔོན། བརྗེད་པ་ལ་ཅི་ཡང་མ་མཆིས་ན། འོན་ཀྱང་བདག་གིས་བསམ་པ། བདག་ལ་སློབ་དཔོན་གྱིས་ཡོ་བྱད་ཐམས་ཅད་སྦྱར་ན། དོན་ཅི་ཞིག་ལ་འགྲོ་སྙམ་ནས་བདག་སླར་ལོག་པ་ལགས་སོ། །དེས་སྨྲས་</font><hr>Tha326a<br><font size=+2>


༄#། །པ།་བུ། གལ་ཏེ་སླར་ལོག་ན་ལེགས་སོ། །ཁྱོད་ཀྱི་སློབ་དཔོན་ནི། ང་ཉིད་ཡིན་ནོ། །ཞེས་སྨྲས་ནས་བསམ་པ། ཅི། འདི་གནས་བཅས་པ་དེ་ཁོ་ནས་ཆོག་གམ། འོན་ཏེ་གདོད་སྦྱིན་པར་བྱ་སྙམ་སྟེ། དེས་སྐབས་དེ། དགེ་སློང་དག་ལ་སྨྲས་ནས་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག ། གལ་ཏེ་སློབ་དཔོན་གྱིས་མ་བཏང་ལ་ཉེ་གནས་ཀྱིས་བཏང་ན། གནས་བཅས་པ་མ་ཞིག་པ་ཞེས་བརྗོད་དོ། །སློབ་དཔོན་གྱིས་བཏང་ལ་ཉེ་གནས་ཀྱིས་མ་བཏང་ན། གནས་བཅས་པ་མ་ཞིག་པ་ཞེས་བརྗོད་དོ། །སློབ་དཔོན་གྱིས་ཀྱང་མ་བཏང་ལ་ཉེ་གནས་ཀྱིས་ཀྱང་མ་བཏང་ན། གནས་བཅས་པ་མ་ཞིག་པ་ཞེས་བརྗོད་དོ། །སློབ་དཔོན་གྱིས་ཀྱང་བཏང་ལ་ཉེ་གནས་ཀྱིས་ཀྱང་བཏང་ན། གནས་བཅས་པ་ཞིག་པ་ཞེས་བརྗོད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་ཚོགས་ལ་སྟོན་པ་ཞིག་འདུག་པ་དེ་གཞོན་ནུ་མང་པོ་དག་ཀློག་ཏུ་འཇུག་གོ་།དེ་དུས་གཞན་ཞིག་ན་ན་བར་གྱུར་པ་དང ། དེ་དག་གིས་དེ་སླར་མ་བལྟས་ཤིང ། དེ་བཞིན་དུ་ལན་གསུམ་ན་པར་གྱུར་ཀྱང་དེ་དག་གིས་སླར་མ་བལྟས་སོ། །དེ་དུས་གཞན་ཞིག་ན་སོས་པར་གྱུར་པ་དང ། ཉེ་གནས་དག་དེའི་དྲུང་དུ་འོངས་ཏེ། དེ་ན་གཅིག་གིས་སྨྲས་པ། སློབ་དཔོན། བདག་ལ་ལུང་དབོག་</font><hr>Tha326b<br><font size=+2>


ཏུ་གསོལ། གཞན་ཞིག་གིས་སྨྲས་པ། བདག་ལ་གཡར་སྟོན་དབོག་ཏུ་གསོལ། གཞན་ཞིག་གིས་སྨྲས་པ། ཞུ་བར་འཚལ་ལོ། །དེས་སྨྲས་པ། ཚེ་དང་ལྡན་པ་དག་།བདག་ལན་གསུམ་གྱི་བར་དུ་ན་བར་གྱུར་ཀྱང་ཁྱེད་གང་གིས་ཀྱང་སླར་མ་བལྟས་པས། གང་ཞིག་ཁྱེད་ལྟ་བུ་མ་གུས་པ་ལ་གདམས་ངག་ཁ་ཏོན་དག་འབོག་པར་བྱེད་པ་དེའི་ཐད་དུ་དེངས་ཤིག་།སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀློག་པའི་སློབ་དཔོན་ལ་རིམ་གྲོ་བྱའོ། །དེ་དག་ཐམས་ཅད་ཀྱིས་བྱས་པ་དང ། དེ་རྣམས་ཀྱི་དགེ་བའི་ཕྱོགས་ཉམས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རེས་སུ་བཅད་དེ་བྱའོ། །དེ་དག་གིས་རེས་ཀྱིས་བྱ་བར་བརྩམས་པ་དང ། རྒན་པོ་རབ་ཏུ་བྱུང་བ་ཞིག་དེ་ལ་གནས་ཏེ་འདུག་པ་དེ་ལ་དེ་དག་གིས་སྨྲས་པ། རྒན་ཞུགས། སང་ཁྱོད་ལ་རེས་བབ་པོ། །དེས་སྨྲས་པ། ཚེ་དང་ལྡན་པ་དག་།ཅི། སློབ་དཔོན་ལ་རེས་ཀྱིས་གཡོག་བྱའམ། ཁོ་བོ་ཁོ་ནས་གཡོག་བྱའི། ཁྱེད་ཅག་སེམས་ལས་ཆུང་ངུར་གྱིས་ཤིག་།དེ་དག་གིས་སྨྲས་པ། རྒན་ཞུགས། གལ་ཏེ་དེ་ལྟ་ན་ལེགས་སོ། །བཅོམ་ལྡན་འདས་ཀྱིས་ཀྱང་གང་ནད་པ་ལ་རིམ་གྲོ་བྱེད་པ་དེ་ནི། ང་ལ་རིམ་གྲོ་བྱེད་པ་ཡིན་ནོ། །ཞེས་གསུངས་པས། སྐྱེས་བུ་དམ་པ་ཁྱོད་ཀྱིས་གྱིས་ཤིག ། དེས་དེའི་རིམ་གྲོ་བྱེད་པར་བརྩམས་ནས་དེས་སོས་པར་གྱུར་ཏོ། །དེའི་ལུས་ཀྱི་གནས་སྐབས་ཤེས་ནས་སྨྲས་པ། སློབ་དཔོན། བདག་ལ་གདམས་ངག་དབོག་ཏུ་གསོལ། དེས་སྨྲས་པ། ཁྱོད་རེས་ལམ་</font><hr>Tha327a<br><font size=+2>


༄#། །བབ་པས། རེ་ཞིག་སྡོད་ཅིག་།ཡང་སྨྲས་པ། སློབ་དཔོན། ཁ་ཏོན་དང ། ཞུ་བ་དག་གནོངས་ཤིག་།ཁྱོད་ཀྱི་རེས་ལམ་བབ་པས་རེ་ཞིག་སྡོད་ཅིག་།དེས་སྨྲས་པ། སློབ་དཔོན། རིམ་གྲོ་བྱེད་པ་ནི། བདག་ལ་རེས་བབ་ན། ཀློག་པ་དང ། འདོན་པ་ནི། འདི་དག་ལ་རེས་བབ་པ་ཅིའི་སླད་དུ། བདག་མཆི་ཡི། མཁྱེན་པར་མཛོད་ཅིག་།དེས་སྨྲས་པ། བུ། ཐམས་ཅད་བྱའི། མ་འགྲོ་བར་སྡོད་ཅིག་།དེ་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་རྟག་ཏུ་གཡོག་བྱེད་པ་དེ། མི་དགའ་བར་མ་གྱུར་པར་གཞན་དག་ལ་ལུང་དང ། ཁ་ཏོན་དང ། ཞུ་བ་དག་སྦྱིན་པར་བྱའོ། །མཁས་པ་དང ། མི་མཁས་པ་ཁ་ཅིག་ཀློག་པ་ན། མཁས་པ་དག་ལ་ནི། ལུང་བྱིན་པས། མི་མཁས་པ་དག་ལ་གནོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ལ་ཡང་ལུང་དང ། ཁ་ཏོན་དང ། དྲི་བ་དག་སྐབས་སུ་སྦྱིན་པར་བྱའོ། །བར་སྡོམ་ནི། ནད་པ་སྤོང་བ་མཁན་པོ་དང ། །ཟླ་བ་ཕྱེད་ཅིང་འོང་བ་དང ། །ཚོགས་དག་ཀློག་ཏུ་འཇུག་བྱེད་པ། །བར་སྡོམ་དག་ཏུ་ཡང་དག་བསྟན། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་ན་བ་བཞུགས་སོ། །དྲུག་སྡེ་རྣམས་རིགས་ཀྱི་ཁྱིམ་དུ་སོང་བ་དང ། དེ་དག་གིས་ཁྲི་ཕྱུང་སྟེ་འཕགས་པ། ཅི་བདེར་བཞུགས་</font><hr>Tha327b<br><font size=+2>


ཤིག་།དེ་རྣམས་གཅིག་ཅར་འཁོད་ནས་ཁྲི་དེ་ཆག་པར་གྱུར་ཏེ། དེ་དག་གིས་རྟ་གད་ཀྱིས་བཏབ་པ་དང ། དགེ་སློང་གཞན་དག་ཀྱང་དེར་འོངས་ཏེ། དེ་དག་གིས་དེ་རྣམས་མཐོང་ནས་དེས་སྨྲས་པ། ཚེ་དང་ལྡན་པ། ཁྱེད་འདི་ལྟ་བུའི་འཕྱར་པོ་བྱས་ནས་དགོད་དམ་ཞེས་སྨྲས་པ་དང ། དེ་དག་གིས་སྨྲས་པ། ཅི། ཆང་འཐུངས་སམ། སྒོག་སྐྱ་ཟོས། དེས་སྨྲས་པ། ཅི། དེ་དག་ཀྱང་བྱེད་དམ། གཞན་ཅི་ཞིག་བྱས།་ཁྲི་མ་བཅག་གམ། ཅི། ཤིང་ཟད་དམ། ཤིང་མཁན་དག་ཤིའམ། དེ་དག་མ་རངས་བཞིན་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ཁྲི་གཅིག་ལ་དྲུག་འདུག་པར་མི་བྱའོ། །བཅོམ་ལྡན་འདས་ཀྱིས་ཁྲི་གཅིག་ལ་དྲུག་འདུག་པར་མི་བྱའོ། །ཞེས་གསུངས་པ་དང ། ལྔ་འདུག་སྟེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལྔ་ཡང་འདུག་པར་མི་བྱའོ། །བཞི་འདུག་སྟེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བཞི་ཡང་འདུག་པར་མི་བྱའི། འོན་ཀྱང་ཁྲི་ལ་ནི། གསུམ་འདུག་པར་བྱའོ། །ཁྲིའུ་ལ་གཉིས་སོ། །ཁྲིའུ་ཆུང་ལ་ནི། གཅིག་གོ་།སྡོམ་ནི། ནད་པ་ཡི་ནི་ནད་གཡོག་དང ། །ཤིང་ལ་འཛེག་པར་མི་བྱ་དང ། །བཀྲབས་པ་བསྙེན་རྫོགས་མི་བྱ་དང ། །ལག་པ་གཅད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། </font><hr>Tha328a<br><font size=+2>


༄#། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བཅོམ་ལྡན་འདས་ཀྱིས་ནད་པའི་རིམ་གྲོ་བྱའོ། །ཞེས་གསུངས་པ་གང་ལགས་པ་དེ། ཡོ་བྱད་ཇི་ལྟ་བུ་དག་གིས་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར། རང་བཞིན་གྱིས་ཁ་ན་མ་ཐོ་བ་དང་བཅས་པ་དག་མ་གཏོགས་པར་གཞན་དག་གིས་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགའི་དགེ་ཚུལ་བསྙེན་པར་རྫོགས་པར་འདོད་ནས་དེས་བསྙེན་པར་རྫོགས་པར་བྱ་བའི་ཆེད་དུ་ལས་བྱེད་པའི་དགེ་སློང་དང ། གསང་སྟེ་སྟོན་པ་དང ། དགེ་སློང་གང་དག་དཀྱིལ་འཁོར་དུ་འོང་བ་ལ་གསོལ་བ་བཏབ་སྟེ། དེ་ནས་དགེ་ཚུལ་སྟན་ཁྱེར་ཏེ་དཀྱིལ་འཁོར་དུ་སྔར་སོང་ནས། དཀྱིལ་འཁོར་ཕྱག་དར་བྱས་ཏེ་སྟན་བཤམས་ན། དགེ་སློང་དག་མ་འོངས་ཏེ། ཉེ་དགས་ཕན་ཚུན་དུ་བལྟས་ན།་དེས་མེ་ཏོག་གི་ཤིང་ཞིག་མཐོང་སྟེ། དེས་སྨྲས་པ། དགེ་ཚུལ། རེ་ཞིག་མེ་ཏོག་དག་ལྷོགས་ལ་དགེ་སློང་རྣམས་ལ་བྲིམས་ཤིག་།དེས་འཛེགས་པ་དང་མ་སྟེས་ཏེ་ལྷུང་ནས་ལག་པ་ཆག་སྟེ། དེ་ཉིད་དེའི་བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་</font><hr>Tha328b<br><font size=+2>


ཀྱིས་བཀའ་སྩལ་པ། དཔེར་ན། འཁོར་ལོས་བསྒྱུར་བའི་རྒྱལ་པོའི་བུ་ཐུ་བོ་དབང་བསྐུར་བར་འོས་པ། དབང་མ་བསྐུར་བར་འདུག་ཅིང ། མཚམས་ལ་བབ་པ་བསྲུང་བར་བྱ་བ་དང ། བསྐྱང་བར་བྱ་བ་ཡིན་པ་དེ་བཞིན་དུ་དགེ་སློང་གིས་དགེ་ཚུལ་བསྙེན་པར་རྫོགས་པར་འདོད་པ་ཡང་བསྲུང་ཞིང་བསྐྱང་བར་བྱ་བ་ཡིན་ནོ། །དེ་ལྟ་བས་ན། དགེ་སློང་གིས་བསྙེན་པར་རྫོགས་པར་འདོད་པའི་དགེ་ཚུལ་ཤིང་ལ་འཛེག་ཏུ་མི་གཞུག་སྟེ། འཛེག་ཏུ་འཇུག་ན། འགལ་ཚབས་ཅན་དུ་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་དགུ་པ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཡུལ་ཀོ་ས་ལའི་རྒྱལ་པོ་གསལ་རྒྱལ་ལ་ནང་མི་གཅུགས་པ་ཆེན་པོ་ཞེས་བྱ་བ་ཞིག་ཡོད་དོ། །དེ་དུས་གཞན་ཞིག་ན་རྒྱལ་པོས་སྤྱོས་ནས་དེས་བསམ་པ། རྒྱལ་པོ་དག་ནི། ཇི་ལྟར་བྱས་ཀྱང་མགུ་དགའ་བས། སོང་ལ་རབ་ཏུ་འབྱུང་བར་བྱའོ། །སྙམ་ནས། དེ་རྒྱལ་བྱེད་ཀྱི་ཚལ་དུ་སོང་ངོ ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དྲུག་སྡེ་གང་ཡང་རུང་བ་ཞིག་གིས་རྒྱལ་བྱེད་ཀྱི་ཚལ་གྱི་སྒོ་མི་སྟོང་བ་ཡིན་པས། ཚེ་དང་ལྡན་པ་ཉེ་དགའ་སྒོ་ན་འདུག་གོ། དེས་དེ་སྔ་ན་ངོ་ཤེས་པས། དེས་དེ་ལ་འོངས་པ་ལེགས་སོ། །ཞེས་བྱ་བ་ཀུན་ཏུ་སྤྱད་ནས། ཆེན་པོ། ཁྱོད་ཟླ་བ་ལྟ་བུར་གནས་ན། རིང་མོ་ཞིག་ལོན་ཏེ་ག་ལས་འོངས་ཞེས་བྱས་པ་དང ། དེས་</font><hr>Tha329a<br><font size=+2>


༄#། །སྨྲས་པ། འཕགས་པ། ཡང་དང་ཡང་མཐོང་བས་ནི། བརྙས་པར་འགྱུར་གྱི། ཡུན་རིང་ཞིག་ལོན་ཏེ་མཐོང་བ་ནི། ལེགས་པ་ཡིན་ནོ། །ཆེན་པོ། དགོས་པ་ཅི་ཞིག་ལ་འོངས། འཕགས་པ། རྒྱལ་པོ་ནི། མགུ་དགའ་བས། ལྷའི་ཐུགས་མཉེས་པར་བྱ་མི་ནུས་ཏེ། རབ་ཏུ་འབྱུང་ངོ ། །ཆེན་པོ། ཁྱོད་ཀྱི་སེམས་བསྐྱེད་པ་ནི། བཟང་སྟེ། ལེགས་སོ། ། རབ་ཏུ་འབྱུང་བ་ནི། མཆོག་ཡིན་ཏེ། བཅོམ་ལྡན་འདས་ཀྱིས་ཀྱང་ཕན་ཡོན་རྣམ་པ་ལྔ་མཐོང་བ་ཞེས་བྱ་བ་ནས་སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་དམ་པ་ཡང་དག་པར་ཞུགས་པའི་སྐྱེས་བུ་དམ་པ་རྣམས་ཀྱིས་རབ་ཏུ་བྱུང་བ་རྣམ་གྲངས་དུ་མར་བསྔགས་པ་ཞེས་བྱ་བའི་བར་སྔ་མ་བཞིན་ནོ། །ལེགས་ཀྱི། རབ་ཏུ་བྱུང་ཞིག་།ཅེས་དེས་དེ་རབ་ཏུ་ཕྱུང ། བསྙེན་པར་རྫོགས་པར་བྱས་སོ། །རྒྱལ་པོས་བློན་པོ་དག་ལ་བཀའ་སྩལ་པ། ཤེས་ལྡན་དག་།ཆེན་པོ་མི་སྣང་ན་།མི་ན་གྲང ། དེ་དག་གིས་སྨྲས་པ། ལྷ། དེ་བྲོ་འཚལ་བ་ནི། མ་མཆིས་མོད་ཀྱི། ལྷས་ཅི་ཞིག་བཀའ་སྩལ་ན། རྒྱལ་བྱེད་ཀྱི་ཚལ་དུ་མཆིས་ནས་རབ་ཏུ་བྱུང་ལགས་སོ། །སུས་རབ་ཏུ་ཕྱུང ། འཕགས་པ་ཉེ་དགས་སོ། །རྒྱལ་པོས་དེ་ཐོས་ནས་ཁྲོས་ཏེ། དེས་དེ་ལ་ཕོ་ཉ་བཏང་ནས། འཕགས་པ། བདག་གིས་སྤྱོས་ན། ཁྱོད་ཀྱིས་རབ་ཏུ་འབྱུང་ངམ། ཁྱོད་ཀྱིས་ཆེན་པོ་རབ་ཏུ་ཕྱུང་ན། ད་བདག་དང ། འཕགས་སྐྱེས་པོ་དང ། ཕྲེང་ལྡན་མ་དང ། དབྱར་བྱེད་མ་དག་ཀྱང་རབ་</font><hr>Tha329b<br><font size=+2>


ཏུ་ཕྱུང་ལ། རང་རྒྱལ་སྲིད་གྱིས་ཤིག་།དེས་ཀྱང་དེ་ལ་ལན་སྤྲིང་པ། ལྟོ་སྒྱེ་ཚུར་ཤོག་།ཁྱོད་དང ། འཕགས་སྐྱེས་པོ་དང ། ཕྲེང་ལྡན་མ་དང ། དབྱར་བྱེད་མ་རབ་ཏུ་ཕྱུང་ལ་ང་ཉིད་རྒྱལ་སྲིད་བྱེད་དོ། །འདི་ལྟར་ངས་ཁྱོད་ཀྱི་ཆེན་པོའམ། གཞན་ཡང་རུང ། བསླུས་ཏེ་རབ་ཏུ་ཕྱུང་ངམ་ཅི། ངེད་ནི། གང་ཞིག་རྒྱལ་བྱེད་ཀྱི་ཚལ་དུ་འོངས་ནས་ངེད་ལ་གསོལ་པ་འདེབས་པ་དེ། རབ་ཏུ་འབྱིན་ཏོ། །རྒྱལ་པོས་ཐོས་ཏེ་མ་དད་པར་གྱུར་ནས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་རྒྱལ་པོས་བཀྲབས་པ་རབ་ཏུ་འབྱིན་པ་ལས་གྱུར་གྱི། དེའི་ཕྱིར་དགེ་སློང་གིས་རྒྱལ་པོས་བཀྲབས་པ་རབ་ཏུ་མི་འབྱུང་བར་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། སྐྱེས་བུ་གཏི་མུག་ཉེ་དགས་བློན་པོ་རབ་ཏུ་ཕྱུང་བས། རྒྱལ་པོ་མ་དད་པར་གྱུར་ཏོ། །དེ་ལྟ་བས་ན། དགེ་སློང་དག་གིས་རྒྱལ་པོས་བཀྲབས་པ་རབ་ཏུ་དབྱུང་བར་མི་བྱའོ། །གང་ཡང་རུང་བ་ཞིག་གི་དྲུང་དུ་རབ་ཏུ་འབྱུང་བར་འདོད་པ་ཞིག་ཉེ་བར་འོངས་ནས། དེས་དེ་ལ་རྒྱལ་པོས་བཀྲབས་པ་མ་ཡིན་ནམ་ཞེས་དྲི་བར་བྱ་སྟེ། མ་དྲིས་པར་རབ་ཏུ་འབྱིན་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་རྒྱལ་པོས་བཀྲབས་པ་རབ་ཏུ་དབྱུང་བར་མི་བྱའོ། །ཞེས་གསུངས་པ་དང ། ཁ་ཅིག་ཡུལ་རིང་པོ་དག་ནས་ཀྱང་འོང ། རྒྱུས་མི་ཤེས་པ་ཡང་འོང ། མ་གནང་བ་དག་ཀྱང་འོང་ནས་དགེ་</font><hr>Tha330a<br><font size=+2>


༄#། །སློང་དག་ཐེ་ཚོམ་དུ་གྱུར་ཏེ། དེ་དག་ཀྱང་རབ་ཏུ་མ་ཕྱུང་ནས་བཅོམ་ལྡན་འདས་ཀྱིས་བཀའ་སྩལ་པ། གང་ཡུལ་རིང་པོ་དང ། རྒྱུས་མི་ཤེས་པ་དང ། མ་གནང་བ་དག་འོང་བ་དེ་དག་རབ་ཏུ་དབྱུང་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་དགའ་བོ། སྐྲ་དང ། ཁ་སྤུ་བྲེགས་ནས་རིང་པོ་མ་ལོན་པར་སྔ་དྲོ་ཆོས་གོས་བགོས་ཏེ་ལྷུང་བཟེད་ཐོགས་ནས་མཉན་ཡོད་དུ་བསོད་སྙོམས་ལ་ཞུགས་སོ། །དེ་རིམ་གྱིས་སྲང་དུ་སོང་བ་དང ། ཇི་ཙམ་ན་བྲམ་ཟེ་ཞིག་བྲམ་ཟེའི་ཁྱེའུ་ལྔ་བརྒྱ་ཙམ་ལ་བྲམ་ཟེའི་གསང་ཚིག་ཀློག་ཏུ་འཇུག་སྟེ། དེ་ཡང་གཏུམ་པོ་གཟུ་ལུམ་ཅན། རྩུབ་མོ་ཞིག་ཡིན་པས། དེས་བྲམ་ཟེའི་ཁྱེའུ་ཞིག་ལ་སྨྲས་པ། ཀྱེ་བྲམ་ཟེའི་ཁྱེའུ། ཁྱོད་དགེ་སྦྱོང་མགོ་རེག་འདིའི་མགོར་ལྟག་དབྱུག་སྣུན་ནུས་སམ། དེས་སྨྲས་པ། མཁན་པོ། ཏེ་པོར་རྔོ་ཐོགས་སོ། །ཞེས་དེ་དེའི་དྲུང་དུ་སོང་ནས་དེའི་མགོར་ལྟག་དབྱུག་གིས་བརྒྱབ་བོ། །ཚེ་དང་ལྡན་པ་དགའ་བོ་ལོག་སྟེ་བྲམ་ཟེ་དེ་ལ་བལྟས་པ་དང ། དེ་ཇེ་ཁྲོས་ནས་དེས་སྨྲས་པ། བྲམ་ཟེའི་ཁྱེའུ་ཡང་རྒྱོབ་ཅིག། དེས་དེ་ལ་ལན་གཉིས་སུ་ལྟག་དབྱུག་གིས་བརྒྱབ་པ་དང ། ཚེ་དང་ལྡན་པ་དགའ་བོས་བསམ་པ། བདག་གིས་བལྟས་ཏེ་ཅི་རུང་འགྲོའོ། །སྙམ་ནས་དེ་སོང་ངོ ། །རྒྱལ་བྱེད་ཀྱི་ཚལ་དུ་ཕྱིན་ནས་ཟས་ཀྱི་བྱ་</font><hr>Tha330b<br><font size=+2>


བ་བྱས་ཏེ་ལྷུང་བཟེད་བཀྲུས་ནས་དགེ་སློང་དག་ལ་སྨྲས་པ། ཚེ་དང་ལྡན་པ་དག། སྲང་ཆེ་གེ་མོ་ཞེས་བྱ་བར་མ་འདོང་ཞིག། དགེ་སློང་དག་གིས་སྨྲས་པ། ཅིའི་ཕྱིར། དེས་སྨྲས་པ། དེ་ན་བྲམ་ཟེ་གཏུམ་པོ་གཟུ་ལུམ་ཅན། རྩུབ་མོ་ཞིག་བྲམ་ཟེའི་ཁྱེའུ་ལྔ་བརྒྱ་ཙམ་ཞིག་ལ་བྲམ་ཟེའི་གསང་ཚིག་ཀློག་ཏུ་འཇུག་སྟེ། དེས་བདག་ལ་ལྟག་དབྱུག་གཉིས་བསྣུན་ནོ། །དེ་དག་གིས་སྨྲས་པ། ཁྱོད་ཀྱིས་ཅི་ཉེས། དེས་སྨྲས་པ། ཚེ་དང་ལྡན་པ་དག་།གཅིག་ནི། ཉེས། གཉིས་པ་ནི། མ་ཉེས་སོ། །ཇི་ལྟར་ནི། ཉེས། ཇི་ལྟར་ནི། མ་ཉེས། གཅུགས་མེད་པར་དེས་ཁོ་བོ་ལ་ལྟག་དབྱུག་གིས་བསྣུན་ནས་ཁོ་བོས་ལོག་སྟེ་བལྟས་པ་དང ། དེས་ལན་གཉིས་བསྣུན་པས། ཁོ་བོས་དེ་ལ་ལོག་སྟེ་བལྟས་པ་གང་ཡིན་པ་དེ་ནི། ཉེས་སོ། །སྔ་མ་ནི། མ་ཉེས་སོ། །ཚེ་དང་ལྡན་པ་ཉེ་དས་ཐོས་ནས་དེས་སྨྲས་པ། འཕགས་པ། ཅི་ཞིག་གསུང ། དེས་སྨྲས་པ། ཆེན་པོ་མ་ལགས་སོ། །ཉེ་དགས་སྨྲས་པ། འཕགས་པ། དེ་བདག་གིས་ཐོས་ཀྱི། ཡང་གསུངས་ཤིག། དེས་ཇི་ལྟར་གྱུར་པ་སྨྲས་པ་དང ། ཉེ་དགས་མགོ་ལན་གསུམ་ལྕོག་ནས་འཇལ་ཏོ། །ཞེས་བྱས་ཏེ་མི་དགའ་བར་བྱའོ། །སྙམ་ནས་དེ་མགོ་བཟླས་ཏེ་བྲེགས་ནས་ཏིལ་མར་གྱིས་བསྐུས་ཏེ་བཀྲུས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ནས་མཉན་ཡོད་དུ་བསོད་སྙོམས་ལ་ཞུགས་སོ། །དེ་རིམ་གྱིས་སྲང་དུ་ཕྱིན་ན། བྲམ་ཟེ་དེ་གཞན་དུ་ཡེངས་པ་དེས་དེ་མ་མཐོང་ངོ ། །ཚེ་དང་ལྡན་པ་ཉེ་དགའ་དེའི་མདུན་དུ་</font><hr>Tha331a<br><font size=+2>


༄#། །འཆག་པར་བརྩམས་པ་དང ། བྲམ་ཟེ་དེས་མཐོང་ནས། དེས་བྲམ་ཟེའི་ཁྱེའུ་ཞིག་ལ་སྨྲས་པ། བྲམ་ཟེའི་ཁྱེའུ། སོང་ལ་དགེ་སྦྱོང་མགོ་རེག་འདིའི་མགོར་ལྟག་དབྱུག་གིས་སྣུན་ཅིག་།ཚེ་དང་ལྡན་པ་ཉེ་དགས་དེ་ཐོས་ནས་དེས་སྨྲས་པ། བཀྲེན་པ། འོ་ནི་བཏང་ཅི་དགོས། ཁྱོད་ཉིད་ཚུར། དེ་སྐད་སྨྲས་པ་དང ། བྲམ་ཟེ་དེ་ཁྲོས་ཏེ། དེས་བདག་ཉིད་སོང་ནས་ཉེ་དགའ་ལ་ལྟག་དབྱུག་གིས་བསྣུན་ནས་ཉེ་དགས་བྲམ་ཟེ་དེའི་དཔུང་པ་ནས་བཟུང་སྟེ། བཀྲེན་པ། ཉེ་དགའ་ལ་ཡང་རྡེག་གམ། ཚུར། རྒྱལ་པོའི་ཕོ་བྲང་དུ་འདོང་ངོ ། །ཞེས་དེས་དེའི་དཔུང་བ་ནས་བཟུང་སྟེ་དྲངས་པ་དང ། དེས་བྲམ་ཟེའི་ཁྱེའུ་དེ་དག་ལ་བོས་ནས་དེ་དག་གིས་ཀྱང་དེའི་དཔུང་པ་ཡ་གཅིག་ནས་བཟུང་སྟེ་དྲངས་སོ། །ཉེ་དགའ་ཚན་པོ་ཆེ་ཆེན་པོའི་སྟོབས་ཅན་དེས། བྲམ་ཟེའི་ཁྱེའུ་ལྔ་བརྒྱ་པོ་དེ་དག་དང ། བྲམ་ཟེ་དེ་དྲངས་ནས་རྒྱལ་པོའི་ཕོ་བྲང་གི་སྒོར་སོང་སྟེ་འདུག་གོ། འདི་ནི། ཆོས་ཉིད་ཡིན་ཏེ། གང་གི་ཚེ་དྲུག་སྡེ་རྣམས་ཁྲོས་ནས་རྒྱལ་པོའི་ཕོ་བྲང་གི་སྒོ་ན་འདུག་པ་དེའི་ཚེ་རྒྱལ་པོ་གསལ་རྒྱལ་གྱི་ཁང་བཟང་གཡོ་བར་འགྱུར་རོ། །རྒྱལ་པོས་བལྟས་ཏེ་མཐོང་ནས་མི་ཞིག་ལ་བསྒོ་བ། ཀྱེ་སྐྱེས་བུ། སྒོར་འཕགས་པ་དྲུག་སྡེ་འགའ་ཞིག་བྱོན་པར་མ་གྱུར་གྲང ། སོང་ལ་ལྟོས། དེས་བྱུང་སྟེ་བལྟས་ན། ཚེ་དང་ལྡན་པ་ཉེ་དགའ་བྲམ་ཟེའི་ཁྱེའུ་ལྔ་བརྒྱ་ཙམ་དང་སྒོ་ན་འདུག་ནས། དེས་རྒྱལ་པོ་ལ་སྨྲས་པ། ལྷ། འཕགས་</font><hr>Tha331b<br><font size=+2>


པ་ཉེ་དགའ་ཆབ་སྒོ་ན་མཆིས་སོ། །རྒྱལ་པོས་སྨྲས་པ། དེ་ནང་དུ་སྤྱན་དྲོངས་ཤིག། དེ་ནང་དུ་འོངས་ཏེ་སྨྲས་པ། ལྷ། འཕགས་པ་དགའ་པོ་རབ་ཏུ་བྱུང་བར་མ་གྱུར་ན། ཅི་ཞིག་ཏུ་འགྱུར། འཕགས་པ།་སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར་རོ། །འོ་ན། ཁྱོད་དེའི་ཅིར་འགྱུར། འཕགས་པ། གཡོག་ཏུ་འགྱུར་རོ། །ལྷ། ཁྱོད་ཀྱིས་དགེ་སློང་རྣམས་ནི། གཞོན་ནུའི་ཐབས་སུ་གནང ། དགེ་སློང་མ་རྣམས་ནི། བཙུན་མོའི་འཁོར་གྱི་ཐབས་སུ་གནང་སྟེ། དེ་ལྟར་བདག་ཅག་ལ་བྱམས་ན། བྲམ་ཟེ་གཅིག་ཅིག་གིས་ལྷ་ཁྱད་དུ་བཀུམ་སྟེ། སློབ་དཔོན་དགའ་བོ་ལ་ལྟག་དབྱུག་གཉིས་བསྣུན། བདག་ལ་ཡང་ལྟག་དབྱུག་གིས་བརྒྱབ་པོ། །རྒྱལ་པོ་ཁྲོས་ཏེ། དེས་བློན་པོ་རྣམས་ལ་བཀའ་སྩལ་པ། སོང་ལ་བྲམ་ཟེ་དེའི་ལག་པ་ཆོད་ཅིག། དེས་དེ་ཁྲིད་དེ་སྲང་དུ་སོང་ན། བྲམ་ཟེ་དེའི་ཕ་མ་གཉིས་ཀྱིས་ཐོས་ནས་དེ་དག་མཛའ་བོ་དང ། ཕུ་ནུ་དང ། གཉེན་དག་དང་འདུས་ཤིང་སྙིང་རྗེ་རྗེ་ལྟར་སྨ་བབ་པའི་ཚིག་དལ་གྱིས་སྨྲ་ཞིང ། ཀྱི་ཧུད་བུ་ཞེས་ཆོ་ངེས་འདེབས་བཞིན་སྲང་དུ་སོང་ནས་དེ་དག་དང ། སྐྱེ་བོའི་ཚོགས་དེས་བློན་པོ་དེ་ལ་སྨྲས་པ། ཀྱེ་དགེ་བ། ལྷ་ལ་ཉེས་པ་བྱས་པ་ལག་པ་བཅད་པའི་ནི། རིགས་ན། བྲམ་ཟེ་འདི་ལག་པས་འཚོ་བ་ཞིག་པས། ལག་པ་གཡོན་པ་གཅད་པའི་རིགས་སོ། །དེས་དེའི་ལག་པ་གཡོན་པ་བཅད་པ་དང ། ཇི་ཙམ་དུས་གཞན་ཞིག་ན། བྲམ་ཟེ་དེ་དེ་བཞིན་དུ་ལག་པ་གཡོན་པ་གཡོགས་ནས་གཡས་པས་ཀློག་པར་</font><hr>Tha332a<br><font size=+2>


༄#། །བྱེད་དོ། །རེ་ཞིག་ཅིག་ན་ཉེ་དགས་མཐོང་ནས་དེ་ཤིན་ཏུ་ཁྲོས་ཏེ་རྒྱལ་པོའི་ཐད་དུ་སོང་ནས་སྨྲས་པ། རྒྱལ་པོ་རྣམས་ཀྱི་བདེ་བ་ནི། འདི་ལྟ་སྟེ། བཀའི་འབྲས་བུ་བཙན་པ་འདིར་ཟད་ན། དེ་ཡང་ལྷ་ལ་མེད་དོ། །དེས་སྨྲས་པ། འཕགས་པ། ཅི་ཞིག་བྱས། ཉེ་དགས་སྨྲས་པ། ལྷ། བྲམ་ཟེ་དེའི་ལག་པ་མ་བཅད་དོ། །རྒྱལ་པོས་བློན་པོ་རྣམས་བོས་ཏེ་སྨྲས་པ།་ཁྱེད་ཀྱིས་བྲམ་ཟེ་དེའི་ལག་པ་མ་བཅད་དམ། དེས་སྨྲས་པ། ལྷ། བཀུམ་ལགས་སོ། །དེ་ལྟ་ན། འོ་ན་འཕགས་པ་ཉེ་དགའ་འདི་སྐད་ཟེར་རོ། །ཚེ་དང་ལྡན་པ་ཉེ་དགས་སྨྲས་པ། ལྷ། བྲམ་ཟེ་དེ་དེ་བཞིན་དུ་ལག་པ་གཡས་པས་སྒྱུར་སྒྱུར་བགྱིད་ཅིང་བྲམ་ཟེའི་ཁྱེའུ་རྣམས་ཀློག་ཏུ་འཇུག་གོ། བློན་པོས་སྨྲས་པ། ལྷ། དེའི་ཕ་མ་དག་གིས་མཆིད་ནས། བྲམ་ཟེ་འདི་ལག་པས་འཚོ་བ་ཞིག་པས་ལག་པ་གཡོན་པ་ཆོད་ཅིག་ཅེས་མཆི་སྟེ། དེའི་སླད་དུ་བདག་གིས་དེའི་སུག་པ་གཡོན་པ་བཀུམ་མོ། །རྒྱལ་པོས་སྨྲས་པ། གལ་ཏེ་དེའི་ཕ་མ་དག་གིས་ལག་པ་གཡོན་པ་གཅོད་དུ་བཅུག་ན། ངས་གཡས་པ་གཅོད་དུ་གཞུག་གི། སོང་ལ་ཆོད་ཅིག། དེས་དེའི་དྲུང་དུ་སོང་ནས་ལག་པ་གཡས་པ་བཅད་པ་དང ། དེ་ལག་པ་གཉི་ག་འཕྱང་ཞིང་འདུག་གོ། དེ་སྡུག་བསྔལ་ཞིང་འདུག་པ་དང་ཉེ་དགའ་བོས་སྨྲས་པ། བྲམ་ཟེ། ཅི་སྟེ་ཁོ་བོ་ཅག་ལ་ལྟག་དབྱུག་གིས་མི་རྡེག་པར་ལག་པ་དཔྱངས་ཏེ་འདུག། དེ་སྨ་བབ་ནས་དྲེགས་པ་དང ། ང་རྒྱལ་བཅག་སྟེ་ཅང་མི་</font><hr>Tha332b<br><font size=+2>


ཟེར་བར་འདུག་པ་དང ། བྲམ་ཟེ་དང ། ཁྱིམ་བདག་རྣམས་དགེ་སྦྱོང་ཤཱཀྱའི་བུ་རྣམས་ནི། སྙིང་རྗེ་མེད་པ་སྟེ། ཆད་པས་བཅད་ནས་ཀྱང་ཞེ་གཅོད་པར་བྱེད་དོ། །ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་ལག་པ་ཡང་གཅོད་དུ་འཇུག་པ་ལས་གྱུར་གྱི། དེ་ལྟ་བས་ན། དགེ་སློང་གིས་ལག་པ་དང ། རྐང་པ་དག་གཅད་པར་མི་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།སྐྱེས་བུ་གཏི་མུག་ཅན་ཉེ་དགས་དགེ་སྦྱོང་གི་ལས་མ་ཡིན་པ་བྱས་ཏེ། དགེ་སློང་དག། ངའི་བསྟན་པ་ལ་རབ་ཏུ་བྱུང་བ་རྣམས་ལས་དེ་ལྟ་བུ་བྱེད་དུ་འཇུག་པ་དེ་ནི། མཛེས་པ་མ་ཡིན། འཚམ་པ་མ་ཡིན་ནོ། །དེ་ལྟ་བས་ན། དགེ་སློང་གིས་ལག་པ་དང ། རྐང་པ་དག་གཅད་པར་མི་བྱའོ། །གཅོད་པར་བྱེད་ན། ཉེས་པ་སྦོམ་པོར་འགྱུར་རོ། །དགེ་སློང་དག། ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བྲམ་ཟེ་དེ། ཚེ་དང་ལྡན་པ་དགའ་བོས་ནི། བསྲུངས། ཉེ་དགས་ནི། ཡོངས་སུ་བཏང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ད་ལྟར་འབའ་ཞིག་ཏུ་མ་ཟད་ཀྱི། ཇི་ལྟར་འདས་པའི་དུས་ན་ཡང་དགའ་བོས་ནི། བསྲུངས། ཉེ་དགས་ནི། བཏང་བ་དེ་ཉོན་ཅིག། དགེ་སློང་དག། སྔོན་བྱུང་བ་</font><hr>Tha333a<br><font size=+2>


༄#། །སྐྱེད་མོས་ཚལ། ཤིང་སྣ་ཚོགས་ཀྱི་ཚལ་གྱིས་བརྒྱན་པ། མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་ཞིག་ན་དྲང་སྲོང་འབྲས་བུ་དང ། རྩ་བ་དང།་ཆུ་ཟ་ཞིང་འཐུང་བ། གཡང་གཞི་དང ། ཤིང་ཤུན་གྱོན་པ་ཞིག་གནས་ཏེ། དེ་ཤིང་བིལ་བའི་དྲུང་ན་འདུག་ཅིང་རང་གི་དོན་སེམས་པར་བྱེད་དོ། །དེའི་སྟེང་ནས་སྤྲེའུ་ཞིག་གིས་པིལ་བའི་འབྲས་བུ་ཞིག་འཕངས་པ་དེས་དྲང་སྲོང་དེའི་མགོ་སྣད་ནས་དེས་ཚིགས་སུ་བཅད་དེ་སྨྲས་པ། ཁྱོད་མེད་འགྱུར་བ་གང་ཡིན་པ། །དེ་ནི་ཁོ་བོ་མི་བྱེད་ཀྱི། །ཁྱོད་མེད་འགྱུར་བ་གང་ཡིན་པ། །དེ་ནི་ཁྱོད་ཉིད་བྱེད་ཅིང་འཇུག། དྲང་སྲོང་དེའི་སྨོན་འདྲིན་རྔོན་པ་ཞིག་འདུག་པ་དེ། རི་དྭགས་འཆོར་དུ་སོང་བ་ལས། བསྟི་གནས་དེར་ཕྱིན་ཏོ། །དྲང་སྲོང་དེ་ནི། བྱ་བ་འགའ་ཞིག་གི་ཕྱིར་ཤིང་བིལ་བའི་དྲུང་དེ་ནས་གཞན་ཞིག་ཏུ་སོང་ངོ ། །རྔོན་པ་དེ་དེ་མི་སྣང་ནས་ཏེ་པོར་ལྟ་ཞིང་ཤིང་བིལ་བ་དེའི་དྲུང་ན་འདུག་གོ་།སྤྲེའུ་དེས་རྔོན་པ་དེའི་མགོར་བིལ་བའི་འབྲས་བུ་གཅིག་འཕངས་པ་དང ། རྔོན་པ་དེ་སྤྱི་ཅེར་ཞིག་པས། དེའི་ཀླད་པ་སྣད་ནས་བིལ་བའི་འབྲས་བུས་བསྣུན་པས་བསྐྱེད་པའི་སྡུག་བསྔལ་དང ། ཡིད་མི་བདེ་བས་གྱེན་དུ་བལྟ་བར་བརྩམས་པ་དང ། ཇི་ཙམ་ན་སྤྲེའུ་མཐོང་ནས་དེ་ཁྲོས་པས་གཞུ་རྣ་དྲུང་དུ་བཀང་སྟེ་དུག་མདའ་གཅིག་དེའི་གནད་དུ་བསྣུན་པ་དང ། ས་ལ་ལྷུང་ནས་དུས་ལས་འདས་སོ། །དགེ་སློང་དག་།ཇི་སྙམ་དུ་སེམས། དེའི་</font><hr>Tha333b<br><font size=+2>


ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི། དགེ་སློང་དགའ་བོ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་སྤྲེའུ་གང་ཡིན་པ་དེ་ནི། བྲམ་ཟེ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་རྔོན་པ་གང་ཡིན་པ་དེ་ནི། ཉེ་དགའ་འདི་ཉིད་ཡིན་ཏེ། དེའི་ཚེ་ཡང་འདི་དགའ་བོས་ནི། བསྲུངས་ལ། ཉེ་དགས་ནི། ཡོངས་སུ་བཏང་ངོ ། །ད་ལྟར་ཡང་དགའ་བོས་ནི། བསྲུངས་ལ། ཉེ་དགས་ནི། ཡོངས་སུ་བཏང་ངོ ། །སྡོམ་ནི། རིགས་ངན་དང་ནི་འཆར་ཀར་བཅས། །སྣམ་སྦྱར་དང་ནི་བརྙས་པ་དང ། །མཚམས་བཟང་དང་ནི་བཟང་སྦྱིན་དང ། །བདག་གིས་འདུ་ཤེས་ལྷུང་བཟེད་བླངས། །མ་ཕམ་པ་དང་ཟླ་སྲུང་གི་།རང་གི་བཙོས་བུའི་རས་བརྐུས་པའོ། །སྡོམ་གྱི་ཚིགས་སུ་བཅད་པ་འདི་ནི། ཕས་ཕམ་པ་གཉིས་ལས་ཇི་སྐད་འབྱུང་བ་དེ་བཞིན་དུ་རྒྱས་པར་སྦྱར་བར་བྱ་སྟེ། ཁྱད་པར་ཅུང་ཟད་ཀྱང་མེད་དོ། །སྡོམ་ནི། ཕག་དང་བུ་རམ་ཤིང་དང་ནི། །ཏ་ལ་ཆོས་གོས་གནག་དགའ་བོ། །སྤྲ་ཚིལ་གྱིས་ནི་བྱུགས་པའི་སྣོད། །མཆིང་བུའི་ཕོར་བ་སྦོམ་དགའ་མོའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མུ་གེའི་དུས་ལ་བབ་ནས་མ་བྱིན་པར་ལེན་པ་རྣམས་ཀྱིས་ཕག་དག་ཅིག་བརྐུས་ཏེ་ཚལ་སྟུག་པོའི་ནང་དུ་དོང་སྟེ། དེར་དེ་དག་གིས་དེ་བསད་དོ། །བསད་ནས་ཤ་བཟང་པོ་རྣམས་ཟོས་ཏེ་མགོ་དང ། རུས་ཐོགས་དང ། སུག་པ་རྣམས་བོར་རོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། ནང་པར་སྔར་ལངས་ནས་ཁང་པའི་སྟེང་</font><hr>Tha334a<br><font size=+2>


༄#། །འཛེགས་ཏེ་ཕྱོགས་བཞིར་ལྟ་ཞིང ། དེ་དག་གིས་གང་ན་དུད་པ་འཐུལ་བ་དང ། བྱ་རྒོད་ལྡིང་བ་དག་མཐོང་བ་དེར་ཐམས་ཅད་འདུས་ཏེ་འདོང་བས། ནང་པར་སྔར་ལངས་ནས་ཁང་པའི་སྟེང་དུ་འཛེགས་ཏེ་ཕྱོགས་བཞིར་བལྟ་བར་བརྩམས་པ་དང ། ཇི་ཙམ་ན་ཚལ་སྟུག་པོའི་ནང་ན་དུད་པ་དང ། བྱ་རྒོད་ལྡིང་བ་མཐོང་ནས་སྨྲས་པ། དགའ་བོ་ཉེ་དགའ། ཚལ་གྱི་ནང་ན་དུད་པ་འཐུལ་ཞིང་བྱ་རྒོད་ལྡིང་བས། གལ་ཏེ་ཅུང་ཟད་རྙེད་ཀྱང་སྲིད་པས་འདོང་ངོ ། །དེ་དག་མྱུར་བ་མྱུར་བར་དོང་བ་དང ། ཕག་གི་མགོ་བོ་དང ། རུས་ཐོགས་དང ། སུག་པ་བོར་བ་དག་མཐོང་ནས་དེ་དག་གིས་སྨྲས་པ། དགའ་བོ་ཉེ་དགའ། ཕྱག་དར་ལྟ་བུ་ཞིག་རྙེད་ཀྱི། བཙོས་ཏེ་བཟའ་བར་བྱའོ། །དེ་དག་གིས་བསྡུས་ནས་འཚེད་པ་ན། ཕག་བདག་རྣམས་ཚོལ་ཞིང་དེར་ལྷགས་པ་དང ། ཇི་ཙམ་ན་དྲུག་སྡེ་རྣམས། ཕག་ཤ་འཚེད་པ་མཐོང་སྟེ། དེ་དག་གིས་སྨྲས་པ། འཕགས་པ་དག་།དྲང་སྲོང་གི་རྒྱལ་མཚན་ཡང་ཐོགས་ལ། བྱ་བ་འདི་ལྟ་བུ་ཡང་བྱེད་དམ། དེ་དག་གིས་སྨྲས་པ། བཞིན་བཟང ། ཁོ་བོ་ཅག་སྲོག་གཅོད་དུ་རུང་ན་ལྟ། བདག་ཅག་གིས་རི་དྭགས་བཟང་པོ་བཟང་པོ་དག་བསད་ནས་ཤ་བཟང་པོ་དག་བཟའ་མི་ནུས་སམ་ཅི། ཅིའི་ཕྱིར་ཁོ་བོ་ཅག་མགོ་དང ། རུས་པ་དང ། སུག་པ་དག་བསྡུས་ནས་འཚོད། མ་བྱིན་པར་ལེན་པ་འགའ་ཞིག་གིས་བརྐུས་ཏེ་ཟོས་ནས་བོར་བ་འདི་དག་ཁོ་བོ་ཅག་གིས་</font><hr>Tha334b<br><font size=+2>


ཕྱག་དར་བོར་བ་ལྟ་བུ་བླངས་བར་ཟད་དོ། །དེ་དག་གིས་སྨྲས་པ། འཕགས་པ། གལ་ཏེ་དེ་ལྟ་ན། འོན་ཀྱང་འདི་ལྟར་ཁྱེད་རབ་ཏུ་བྱུང་བ་ཡིན་པས། འདི་ནི། འཚམ་པ་མ་ཡིན་ནོ། །ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དགེ་སློང་གིས་དེ་ལྟ་བུའི་ཕྱག་དར་བླང་པར་མི་བྱའོ། །བླངས་ན།་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མ་བྱིན་པར་ལེན་པ་རྣམས་ཀྱིས་བུ་རམ་གྱི་ཤིང་དག་བརྐུས་ཏེ་ཟོས་ནས་དེ་རྩ་བ་དང ། ཐོར་ཏོ་རོ་ཆུང་བ་དག་བོར་བ་དང ། དྲུག་སྡེ་རྣམས་ཕན་ཚུན་འཕྱན་ཞིང་ཕྱོགས་དེར་ཕྱིན་པ་དང ། དེ་དག་གིས་མཐོང་ནས་སྨྲས་པ། དགའ་བོ་ཉེ་དགའ། ཕྱག་དར་ལྟ་བུ་འདི་རྙེད་ཀྱི། བླང་བར་བྱའོ། །དེ་དག་དིས་བླང་བར་བརྩམས་པ་ན། བུ་རམ་ཤིང་སྲུང་བ་དག་ཚོལ་ཞིང་དེར་ལྷགས་པ་དང ། ཇི་ཙམ་ན་དྲུག་སྟེ་རྣམས། བུ་རམ་ཤིང་གི་རྩ་བ་དང ། ཐོར་ཏོ་རོ་ཆུང་བ་དག་ལེན་པ་དག་མཐོང་ནས་དེས་སྨྲས་པ། འཕགས་པ་དག། དྲང་སྲོང་གི་རྒྱལ་མཚན་ཡང་ཐོགས་ལ། འདི་ལྟ་བུའི་སྡིག་པའི་ལས་ཀྱང་བྱེད་དམ། དེ་དག་གིས་སྨྲས་པ། བཞིན་བཟང ། གལ་ཏེ་བདག་ཅག་མ་བྱིན་པར་ལེན་དུ་རུང་ན་ལྟ། བདག་ཅག་གིས་བདམས་ཤིང་བདམས་ནས་བུ་རམ་ཤིང་བཟང་པོའམ། གཞན་ནོར་བུ་</font><hr>Tha335a<br><font size=+2>


༄#། །དང ། མུ་ཏིག་ལ་སོགས་པ་རིན་པོ་ཆེ་དབྲོག་པར་མི་ནུས་སམ་ཅི། མ་བྱིན་པར་ལེན་པ་འགའ་ཞིག་གིས་བརྐུས་ཏེ་ཟོས་ནས་ད་གཟོད་ཁོ་བོ་ཅག་གིས་རྩ་བ་དང ། རྩེ་མོ་རོ་ཆུང་བ་དག་བསྡུས་པར་ཟད་དོ། །དེ་དག་གིས་སྨྲས་པ། འཕགས་པ། གལ་ཏེ་དེ་ལྟ་ན། འོན་ཀྱང་འདི་ལྟར་ཁྱེད་རབ་ཏུ་བྱུང་བ་ཡིན་པས། འདི་ནི། འཚམ་པ་མ་ཡིན་ནོ། །དེ་དག་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དགེ་སློང་གིས་དེ་ལྟ་བུའི་ཕྱག་དར་བླང་བར་མི་བྱའོ། །དགེ་སློང་དེ་ལྟ་བུའི་ཕྱག་དར་ལེན་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མ་བྱིན་པ་ལེན་པ་རྣམས་ཀྱིས་ཤིང་ཏ་ལའི་འབྲས་བུ་དག་བརྐུས་ནས་ནགས་སྟུག་པོའི་ནང་དུ་ཁྱེར་ནས་བདམས་ཤིང་བདམས་ཏེ་ཟོས་ཏེ་སྙིགས་མ་དག་བོར་བ་དང ། དྲུག་སྡེ་རྣམས་ཕན་ཚུན་འཁྱམས་པ་ལས་ཕྱོགས་དེར་ཕྱིན་ནས་དེ་དག་གིས་དེ་མཐོང་ནས་དེ་དག་གིས་སྨྲས་པ། དགའ་བོ་ཉེ་དགའ།ཕྱག་དར་ལྟ་བུ་འདི་རྙེད་ཀྱི། བསྡུ་བར་བྱའོ། །དེ་རྣམས་ཀྱིས་དེ་བསྡུ་བར་བརྩམས་པ་ན། ཤིང་ཏ་ལའི་སྲུང་མ་ཚོལ་ཞིང་དེར་སོན་པ་དང ། ཇི་ཙམ་ན་དྲུག་སྡེ་རྣམས་ཤིང་རྟ་ལའི་མགོ་ཐོགས་དང ། སྙིགས་མ་དག་སྡུད་པ་མཐོང་ནས་དེས་སྨྲས་པ། འཕགས་</font><hr>Tha335b<br><font size=+2>


པ།་དྲང་སྲོང་གི་རྒྱལ་མཚན་ཡང་ཐོགས་ལ། འདི་ལྟ་བུའི་སྡིག་པའི་ལས་ཀྱང་བྱེད་དམ། དེ་དག་གིས་སྨྲས་པ། བཞིན་བཟང ། གལ་ཏེ་ཁོ་བོ་ཅག་མ་བྱིན་པར་ལེན་དུ་རུང་ན་ལྟ། བདམས་ཤིང་བདམས་ཏེ་ཤིང་ཏ་ལའི་འབྲས་བུ་བཟང་པོ་དག་དང ། གཞན་ཡང་ནོར་བུ་དང ། མུ་ཏིག་ལ་སོགས་པ་རིན་པོ་ཆེ་དག་དབྲོག་པར་མི་ནུས་སམ་ཅི། མ་བྱིན་པར་ལེན་པ་འགའ་ཞིག་གིས་འདི་དག་བརྐུས་པ་ལས་ཁོ་བོ་ཅག་གིས་ཉལ་ཉིལ་བསྡུས་པར་ཟད་དོ། །དེས་སྨྲས་པ། གལ་ཏེ་དེ་ལྟ་ན་ཡང་འདི་ལྟར་ཁྱེད་རབ་ཏུ་བྱུང་བ་ཡིན་པས། འདི་ནི། འཚམ་པ་མ་ཡིན་ནོ། །དེ་དག་ཅང་མི་ཟེར་བར་འདུག་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་དེ་ལྟ་བུའི་ཕྱག་དར་བླང་བར་མི་བྱའོ། །དགེ་སློང་གིས་དེ་ལྟ་བུའི་ཕྱག་དར་བླངས་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་སྤོས་ཚོང་གི་ཁྱེའུ་ཞིག་འདུག་པ་དེ་ལ། ལཝ་བ་བཟང་པོ་ཞིག་བདོག་ནས་དེ་དེ་ལ་ཤིན་ཏུ་ཆགས་སོ། །དེ་དུས་གཞན་ཞིག་ན། ན་བར་གྱུར་པ་དང་ལཝ་བ་དེ་ལ་ཇི་ལྟ་བར་དབྱིག་དག་ལ་ནི་མྱ་ངན་མི་བྱེད་དོ། །དེ་རྩ་བ་དང ། སྡོང་བུ་དང ། འདབ་མ་དང ། མེ་ཏོག་དང ། འབྲས་བུའི་སྨན་དག་བྱས་ཀྱང་ཕན་པར་མ་གྱུར་ཏེ། དེས་གང་གི་ཚེ་ལུས་ཀྱི་གནས་སྐབས་ཤེས་པ་དེའི་ཚེ། ཉེ་དུ་རྣམས་བསགས་ཏེ་</font><hr>Tha336a<br><font size=+2>


༄#། །སྨྲས་པ། གང་གི་ཚེ་ཁོ་བོ་ཤི་བར་གྱུར་ན་དེའི་ཚེ་ཁྱེད་ཅག་གིས་མ་བསྲེགས་པར་འོན་ཀྱང་ལཝ་བ་འདིས་དཀྲིས་ནས་འོར་ཅིག། དེ་དག་གིས་དེ་དབུགས་ཕྱུང་སྟེ་སྨྲས་པ། ཇི་སྙེད་ནད་ཀྱིས་བཏབ་པ་ཐམས་ཅད་འཆིའམ་ཅི། སོས་པར་འགྱུར་བས་མ་འཇིགས་ཤིག། དེ་ཚེ་ཟད་པ་ཞིག་པས་རིམ་གྲོ་དང ། གསོས་བྱས་ཀྱང་མ་ཕན་ཏེ་ཤི་ནས་ལཝ་བ་ལ་ལྷག་པར་ཆགས་པས། ཡི་དྭགས་ཝ་བ་ཅན་རྣམས་ཀྱི་ནང་དུ་སྐྱེས་སོ། །དེ་ཉེ་དུ་རྣམས་ཀྱིས་གོས་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་གིས་ཁྱོགས་བརྒྱན་ནས་ལཝ་བ་དེ་ཉིད་ཀྱིས་དཀྲིས་ཏེ་དུར་ཁྲོད་དུ་བོར་བ་དང ། དེ་དགེ་སློང་དག་གིས་མཐོང་ནས་དེ་དག་གིས་དགེ་སློང་དུར་ཁྲོད་པ་གནག་དགའ་བོ། །ཞེས་བྱ་བ་དེ་ལ་སྨྲས་པ། ཚེ་དང་ལྡན་པ། སྤོས་ཚོང་གི་ཁྱེའུ་ཞིག་ཤི་བ་དེ། ཉེ་དུ་དག་གིས་ལཝ་བས་དཀྲིས་ནས་དུར་ཁྲོད་དུ་བོར་གྱི། སོང་ལ་ཕྱག་དར་ཁྲོད་ལོངས་ཤིག། དེ་མྱུར་བ་མྱུར་བར་དུར་ཁྲོད་དུ་སོང་ནས་ལཝ་བ་བླངས་པ་དང ། མི་མ་ཡིན་པ་དེས་སྨྲས་པ། འཕགས་པ། གནག་དགའ་བོ། བདག་གི་ལཝ་བ་མ་སྣམས་ཤིག། དུར་ཁྲོད་པ་ཕལ་ཆེར་སྙིང་སྟོབས་ཅན་ཡིན་པས་དེས་དེ་ལ་སྨྲས་པ། བཀྲེན་པ། ཁྱོད་ལཝ་བ་འདི་ལ་ལྷག་པར་ཆགས་པས། ཡི་དྭགས་ཝ་བ་ཅན་རྣམས་ཀྱི་ནང་དུ་སྐྱེས་ན། ད་ཡང་ཅི་དམྱལ་བར་སྐྱེ་འདོད་དམ། ཐོང་ཞིག་ཅེས་བྱས་ནས། འོན་ཀྱང་དེས་མ་བཏང་ངོ ། །དེ་ལྷག་པར་ཆགས་པས། དེས་དེ་ལ་རྡོག་པས་བསྙུན་ནས་བཤུས་ཏེ་དེས་དེ་ཁྱེར་ནས་</font><hr>Tha336b<br><font size=+2>


རྒྱལ་བྱེད་ཀྱི་ཚལ་དུ་སོང་ངོ ། །དེ་ཡང་ཆོ་ངེས་འདེབས་ཤིང་དེའི་ཕྱི་བཞིན་དུ་འབྲངས་ཏེ་འཕགས་པ། གནག་དགའ་བོ། །ལཝ་བ་འོ་ནི་སྩོལ་ཅིག། ཅེས་བྱས་ན། དེ་ཁྱད་དུ་བསད་དེ་རྒྱལ་བྱེད་ཀྱི་ཚལ་དུ་སོང་བ་དང ། རྒྱལ་བྱེད་ཀྱི་ཚལ་ན་སངས་རྒྱས་ལ་མངོན་པར་དད་པའི་ལྷ་དང ། ཀླུ་དང ། གནོད་སྦྱིན་དག་འདུག་པས། དབང་ཆུ་ངུར་གགས་པས་ནང་དུ་འཇུག་མ་ནུས་ནས་རྒྱལ་བྱེད་ཀྱི་ཚལ་གྱི་སྒོ་ན་ཆོ་ངེས་འདེབས་ཤིང་འདུག་གོ། སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་ཡིན་པས། དེ་ནས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཅིའི་ཕྱིར་རྒྱལ་བྱེད་ཀྱི་ཚལ་གྱི་སྒོ་ན་མི་མ་ཡིན་པ་ངུ ། དེས་གསོལ་པ། བཙུན་པ་གནག་དགའ་བོས་དེའི་ལཝ་བ་བླངས་ལགས་སོ། །བཅོམ་ལྡན་འདས་ཀྱིས་དགོངས་པ། མི་མ་ཡིན་པ་འདི་ཆགས་པ་དེ་ལྟ་བུས་ངུ་སྟེ། གལ་ཏེ་ལཝ་བ་མ་ཐོབ་ན། ཁྲག་དྲོན་དུ་སྐྱུགས་ནས་འཆི་བར་འགྱུར་བ་གང་ཡིན་པའི་གནས་དེ་ཡོད་དོ། །སྙམ་དུ་དགོངས་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་གནག་དགའ་བོ་ལ་མི་མ་ཡིན་པ་འདི་ལ་ལཝ་བ་བྱིན་ཅིག། གལ་ཏེ་འདི་ལ་ལཝ་བ་མ་བྱིན་ན། གདོན་མི་ཟ་བར་འདི་ཁྲག་དྲོན་དུ་སྐྱུགས་ནས་འཆི་བར་འགྱུར་རོ། །གང་གི་ཚེ་བྱིན་པ་དེའི་ཚེ་ཡང་མདུན་དུ་སོང་ཞིག་ཅེས་སྨྲ་བར་བྱའོ། །གང་གི་ཚེ་དུར་ཁྲོད་དུ་སོན་པ་དེའི་ཚེ་ཡང་ཉོལ་ཅིག་ཅེས་བརྗོད་པར་བྱ་ཞིང ། གང་གི་ཚེ་ཉལ་བ་དེའི་ཚེ་དེའི་སྟེང་དུ་དགབ་པར་བྱའོ། །ཞེས་གྱིས་</font><hr>Tha337a<br><font size=+2>


༄#། །ཤིག། བཙུན་པ། དེ་ལྟར་འཚལ་ལོ། །ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ནས་ཚེ་དང་ལྡན་པ་གནག་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་གནག་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གནག་དགའ་བོ། ཤེས་པར་གྱིས་ཤིག། བཅོམ་ལྡན་འདས་ཀྱི་ཞལ་ནས། མི་མ་ཡིན་པ་འདི་ལ་ལཝ་བ་བྱིན་ཅིག། གལ་ཏེ་འདི་ལ་ལཝ་བ་མ་བྱིན་ན། གདོན་མི་ཟ་བར་ཁྲག་དྲོན་དུ་སྐྱུགས་ནས་འཆི་བར་འགྱུར་རོ། །གང་གི་ཚེ་བྱིན་པ་དེའི་ཚེ་ཡང་མདུན་དུ་སོང་ཞིག་ཅེས་བརྗོད་པར་བྱའོ། །གང་གི་ཚེ་དུར་ཁྲོད་དུ་ཕྱིན་པ་དེའི་ཚེ་ཡང་ཉོལ་ཅིག། ཅེས་བརྗོད་པར་བྱ་ཞིང ། གང་གི་ཚེ་ཉལ་བ་དེའི་ཚེ་དེའི་སྟེང་དུ་དགབ་པར་བྱའོ། །ཞེས་དེ་སྐད་བཀའ་སྩལ་ཏོ། །ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ་འཚལ་ལོ། །ཚེ་དང་ལྡན་པ་ཀུན་དགའ་བོ་སོང་བ་དང ། གནག་དགའ་བོས་མི་མ་ཡིན་པ་དེ་ལ་སྨྲས་པ། གལ་ཏེ་ཁྱོད་ལཝ་བ་འདོད་ན། མདུན་དུ་སོང་ཞིག་དང་སྦྱིན་ནོ།། དེ་མདུན་དུ་སོང་བ་དང་ཡང་སྨྲས་པ། གལ་ཏེ་ཁྱོད་ལཝ་བ་འདོད་ན། ཉོལ་ཅིག་ཅེས་བྱས་པ་དང ། དེ་ཉལ་ནས་དེའི་སྟེང་དུ་བཀབ་བོ། །མི་མ་ཡིན་པས་ཀྱང་དེ་ལ་རྡོག་པས་བསྣུན་པ་དང ། དེ་སྟོབས་དང་ལྡན་པ་ཡིན་པས་དེས་མནགས་སོ། །སྐབས་དེ། དགེ་སློང་རྣམས་ལ་བསྙད་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་</font><hr>Tha337b<br><font size=+2>


གྱ་ཙོམ་དུ་རོའི་གོས་བླང་བའམ་སྦྱིན་པར་མི་བྱའི། ལེན་ན། དེས་རྐང་པའི་མཐའ་ནས་མགོ་བོའི་མཐར་སོང་སྟེ་བླང་བར་བྱའོ། །གང་ཞིག་སྦྱིན་པ་དེས་ཀྱང་མགོའི་མཐའ་ནས་རྐང་པའི་མཐར་སོང་སྟེ་སྦྱིན་པར་བྱའོ། །དགེ་སློང་དག་།རོའི་གོས་ལ་ཉེས་དམིགས་ལྔ་ཡོད་དོ། །ལྔ་གང་ཞེ་ན། ཁ་དོག་ངན་པ་དང ། དྲི་མི་ཞིམ་པ་དང ། རྙིང་པ་དང ། ཤིག་མང་བ་དང ། གནོད་སྦྱིན་མི་སྲུན་པ་མང་བའོ། །འོན་ཀྱང་ཕྱག་དར་ཁྲོད་པས་ཇི་སྲིད་དུ་རྨ་མ་ཕྱུང་བ་དེ་སྲིད་དུ་རོའི་གོས་བླང་བར་མི་བྱའོ། །བཅོམ་ལྡན་འདས་ཀྱིས་རྨ་མ་ཕྱུང་བར་ཤི་བའི་གོས་བླང་བར་མི་བྱའོ། །ཞེས་གསུངས་པ་དང ། དྲུག་སྡེ་རྣམས་ཀྱིས་ཁྱི་ཁྲིད་དེ་དོང་བ་དང ། མ་དད་པ་དག་གིས་མཐོང་ནས་འཕགས་པ། ཁྱོད་ཅི་སྟེ་ཁྱི་ཁྲིད་ནས་དགོན་པར་འདོང ། །ཅི་སྲོག་གཅོད་པར་བྱེད་དམ་ཞེས་ཁ་ཟེར་བར་བྱེད་པ་དང ། དེ་དག་གིས་ལན་གཞན་དུ་གླན་ནོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱི་ཁྲིད་དེ་འགྲོ་བར་མི་བྱའོ། །དེ་དག་གིས་མཚོན་གྱིས་རྨ་ཕྱུང་སྟེ་བླངས་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚོན་གྱིས་རྨ་ཕྱུང་སྟེ་བླང་བར་མི་བྱའི། འོན་ཀྱང་གང་གི་ཚེ་སྲིན་བུ་ཕྲེའུ་དང ། གྲོག་མས་ཟོས་ཀྱང་རུང ། དེའི་ཚེ་བླང་བར་བྱའོ། །དེ་དག་གིས་བླངས་ཏེ་དེ་བཞིན་དུ་གྱོན་ནས་བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་བགོ་བར་མི་བྱའི། འོན་ཀྱང་ཞག་བདུན་ནམ། བརྒྱད་དུ་དབེན་པར་བཞག་ལ། གང་གི་ཚེ་རླུང་དང ། ཉི་མས་</font><hr>Tha338a<br><font size=+2>


༄#། །གདུངས་པར་གྱུར་པ་དེའི་ཚེ་བཀྲུས་ནས་བཙོས་ལ་བགོ་བར་བྱའོ། །དེ་དག་གིས་གོས་དེ་བགོས་ཏེ་གཙུག་ལག་ཁང་དུ་འཇུག་ཅིང་མཆོད་རྟེན་དག་ལ་ཕྱག་འཚལ་བར་བྱེད་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ངས་དགེ་སློང་ངུར་ཁྲོད་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་དུར་ཁྲོད་པས་རོའི་གོས་བགོས་ཏེ་གཙུག་ལག་ཁང་དུ་འགྲོ་བར་མི་བྱ། མཆོད་རྟེན་ལ་ཕྱག་འཚལ་བར་མི་བྱ། དེ་སྟེ་ཕྱག་བྱེད་ན་ཡང་འདོམ་གང་འཁོར་ཡུག་ལས་ཉེ་བར་འགྲོ་བར་མི་བྱ། གནས་ཁང་ལ་ལོངས་སྤྱད་པར་མི་བྱ། གནས་མལ་ལ་ཡང་འདུག་པར་མི་བྱ། དགེ་སློང་གི་ནང་དུ་འདུག་པར་མི་བྱ། བྲམ་ཟེ་དང ། ཁྱིམ་བདག་འོང་ཞིང་ལྷགས་པ་རྣམས་ལ་ཆོས་བསྟན་པར་མི་བྱ། བྲམ་ཟེ་དང ། ཁྱིམ་བདག་གི་ཁྱིམ་དག་ཏུ་འགྲོ་བར་མི་བྱ། གལ་ཏེ་འགྲོ་ན་ཡང་སྒོར་བསྡད་པར་བྱའོ། །གལ་ཏེ་འཕགས་པ་ནང་དུ་གཤེགས་ཞེས་ཟེར་ན། བདག་ནི། དུར་ཁྲོད་པའོ། །ཞེས་སྨྲ་བར་བྱའོ། །ཅི་སྟེ་འཕགས་པ། གལ་ཏེ་ཁྱེད་ལྟ་བུ་སྦྱངས་པའི་ཡོན་ཏན་ཡང་དག་པར་བླངས་ཏེ་འཇུག་པ་དག་ཁྱིམ་གྱི་ནང་དུ་བྱོན་ན། བདག་གིས་རྙེད་པ་དག་ལེགས་པར་རྙེད་མ་ལགས་སམ་ཞེས་ཟེར་ན། ནང་དུ་འགྲོ་བར་བྱ་ཞིང ། སྟན་ལ་ནི། འདུག་པར་མི་བྱའོ། །གལ་ཏེ་འཕགས་པ་གདན་ལ་བཞུགས་ཤིག་ཅེས་ཟེར་ན། བདག་ནི། དུར་ཁྲོད་པའོ། །ཞེས་བརྗོད་པར་བྱའོ། ། </font><hr>Tha338b<br><font size=+2>


ཅི་སྟེ་འཕགས་པ། གལ་ཏེ་ཁྱོད་ལྟ་བུ་སྦྱངས་པའི་ཡོན་ཏན་ཡང་དག་པར་བླངས་ཏེ་འདུག་པ་དག། སྟན་དང་ཁྱིམ་ལ་ཡོངས་སུ་ལོངས་སྤྱོད་ན། བདག་གིས་རྙེད་པ་དག་ལེགས་པར་རྙེད་པ་མ་ལགས་སམ་ཞེས་ཟེར་ན། དེར་འདུག་པར་བྱ་སྟེ། འདི་ལ་འགྱོད་པར་མི་བྱའོ། །དགེ་སློང་དུར་ཁྲོད་པས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་མི་འཇུག་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་གྲི་དང ། ཁབ་དག་བབ་ཅོལ་དུ་འཇོག་པས་དེ་དག་བཙས་ཟོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བབ་ཅོལ་དུ་གཞག་པར་མི་བྱའི། འོན་ཀྱང་སྣོད་དུ་གཞག་པར་བྱའོ། །བཅོམ་ལྡན་འདས་ཀྱིས་སྣོད་དུ་གཞག་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་སྣོད་ཇི་ལྟ་བུ་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རས་ལ་སྤྲ་ཚིལ་གྱིས་བྱུགས་ནས་དེར་ཁབ་དང ། གྲི་དག་གཞུག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མ་སྦོམ་དགའ་མོ་ཞེས་བྱ་བ་དེ་ལ་མཆིང་ཕོར་ཞིག་ཡོད་དོ། །ཇི་ཙམ་ན་དགེ་སློང་མ་གཞན་ཞིག་སྐོམ་པས་ཉམ་ཐག་སྟེ་ཆུ་འཐུང་འདོད་</font><hr>Tha339a<br><font size=+2>


༄#། །ནས་དེ་དེའི་དྲུང་དུ་སོང་ནས་སྨྲས་པ། འཕགས་མ། སྐོམ་སྟེ་ཆུ་བཏུང་གི། མཆིང་ཕོར་གཡོར་ཅིག། དེས་སྨྲས་པ། འདི་ནི་འདུག་གི། ལོངས་ལ་སོང་ཞིག། དེས་བླངས་ཏེ་སོང་བ་དང ། ལག་ནས་ལྷུང་སྟེ་ཆག་ནས་དེ་ཅང་མི་སྨྲ་བར་འདུག་གོ། །དུས་གཞན་ཞིག་ན་སྦོམ་དགའ་མོས་དེ་དྲན་ནས་དེ་དེའི་དྲུང་དུ་སོང་སྟེ་སྨྲས་པ། འཕགས་མ། མཆིང་ཕོར་བསྣམས་པ་དེ་སྩོལ་ཅིག། དེས་སྨྲས་པ། འཕགས་མ། འཚལ་ན། འོན་ཀྱང་ལག་ནས་ལྷུང་སྟེ་ཆག་གི། གཞན་ཞིག་ཉོས་ཏེ་དབུལ་ལོ། །དེས་སྨྲས་པ། དེ་ཉིད་བྱིན་ཅིག། ཅེས་དེས་དེ་རིང་ཞིག་ཏུ་གཙེས། ཏེ་བཏང་ངོ ། །སྐབས་དེ། དགེ་སློང་མ་དག་གིས་དགེ་སློང་རྣམས་ལ་བསྙད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། མཆིང་ཕོར་ནས་ཆུ་འཐུང་བ་ལས་གྱུར་གྱི། དེའི་ཕྱིར་དགེ་སློང་མས་མཆིང་ཕོར་དུ་ཆུ་བཏུང་བར་མི་བྱའོ། །སྙམ་དུ་མཁྱེན་ནས་དགེ་སློང་རྣམས་ལ་བཀའ་སྩལ་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་མ་དག་མཆིང་ཕོར་ནས་ཆུ་འཐུང་བ་ལས་གྱུར་གྱི། དེ་ལྟ་བས་ན། དགེ་སློང་མས་མཆིང་ཕོར་ནས་ཆུ་བཏུང་བར་མི་བྱ་ཞིང ། གཞན་ཡང་བཏུང་བ་དང ། བཟའ་བར་མི་བྱའོ། །དགེ་སློང་མ་མཆིང་ཕོར་ནས་ཆུའམ། གཞན་དུ་ཡང་རུང ། འཐུང་ངམ། ཟ་ན། འགལ་ཚབས་ཅན་དུ་འགྱུར་རོ། །སྡོམ་ནི། རི་མོའི་མཁར་ལན་མེ་དང་</font><hr>Tha339b<br><font size=+2>


ནི། །ཁྲུས་དང་འགག་དང་ལྷུང་བཟེད་ཀྱི། །ལྷག་རོལ་མ་ཡིན་ལྷུང་བཟེད་གཞིར། །རྐང་པ་མི་གཞག་ལྷམ་དག་གོ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་ཕྱོགས་བཞིའི་དགེ་འདུན་ལ་རྒྱལ་བྱེད་ཀྱི་ཚལ་ཕུལ་བ་དེའི་ཚེ། དེའི་བློ་སྐྱེས་པ། འདིར་རི་མོ་མ་བྲིས་པས་མི་སྡུག་སྟེ། དེའི་ཕྱིར་གལ་ཏེ་བཅོམ་ལྡན་འདས་ཀྱིས་གནང་ན། འདིར་རི་མོ་བྲིའོ། །སྙམ་དུ་རིག་ནས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་མགོན་མེད་ཟས་སྦྱིན་གྱིས་འདི་སྐད་ཅེས་གསོལ་ཏོ། །བཙུན་པ། བདག་གིས་རྒྱལ་བྱེད་ཀྱི་ཚལ་འདིར་རི་མོ་མ་བྲིས་པས་མི་སྡུག་སྟེ། དེའི་སླད་དུ་བཅོམ་ལྡན་འདས་ཀྱིས་གནང་ན། བདག་གིས་འདིར་རི་མོ་བྲི་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། དེ་ལྟ་བས་ན། གནང་གི། རི་མོ་བྲིས་ཤིག། བཅོམ་ལྡན་འདས་ཀྱིས་རི་མོ་བྲིས་ཤིག་ཅེས་བཀའ་སྩལ་ནས་དེས་ཚོན་རྩི་དག་ཀྱང་བསགས། རི་མོ་མཁན་རྣམས་ཀྱང་བོས་ཏེ་སྨྲས་པ། ཤེས་ལྡན་དག། བཅོམ་ལྡན་འདས་ཀྱིས་གནང་གི། དེའི་ཕྱིར་ཚོན་འདི་དག་གིས་རྒྱལ་བྱེད་ཀྱི་ཚལ་རི་མོ་བྲིས་ཤིག། དེ་དག་གིས་སྨྲས་པ། ཁྱིམ་བདག། རི་མོ་བྲི་ན་ཕྱོགས་གང་དུ་ཅི་ཞིག་བྲི་བ་གསུངས་ཤིག། </font><hr>Tha340a<br><font size=+2>


༄#། །དེས་སྨྲས་པ། ཤེས་ལྡན་དག། བདག་གིས་མི་ཤེས་ཀྱི། སྡོད་ཅིག་དང་བཅོམ་ལྡན་འདས་ལ་ཞུའོ། །དེ་དག་གིས་སྨྲས་པ། ཁྱིམ་བདག། ལེགས་ཏེ། དེ་བཞིན་དུ་མཛོད་ཅིག་དང་སྡོད་དོ། །དེ་བཅོམ་ལྡན་འདས་ཀྱི་སྤྱན་སྔར་སོང་ནས་ཞབས་ལ་མགོ་བོས་ཕྱག་འཚལ་ཏེ་གསོལ་པ། བཅོམ་ལྡན་འདས། ཚོན་རྩི་དག་ཀྱང་བསགས། རི་མོ་མཁན་རྣམས་ཀྱང་བོས་ན། དེ་དག་གི་མཆིད་ནས་ཁྱིམ་བདག། ཕྱོགས་གང་དུ་ཅི་ཞིག་བྲི་བ་སྨྲོས་ཤིག། ཅེས་མཆི་ན། དེའི་སླད་དུ་བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ་ཕྱོགས་གང་དུ་ཅི་ཞིག་བྲི་བ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། གལ་ཏེ་དེ་ལྟ་ན། སོང་ལ་རེ་ཞིག་ཕྱི་སྒོར་གནོད་སྦྱིན་ལག་ན་དབྱུག་ཐོགས་འབྲིར་བཅུག་ནས་སྒོ་ཁང་དུ་ནི། ཆོ་འཕྲུལ་ཆེན་པོ་དང ། འཁོར་བའི་འཁོར་ལོ་ཆ་ལྔ་པ། ཁྱམས་སུ་ནི། སྐྱེས་པའི་རབས་ཀྱི་ཕྲེང་བ། དྲི་གཙང་ཁང་གི་སྒོར་ནི། གནོད་སྦྱིན་ལག་ན་ཕྲེང་བ་ཐོགས་པ་དག། རིམ་གྲོའི་ཁང་པར་ནི། དགེ་སློང་གནས་བརྟན་གནས་བརྟན་དག་ཆོས་རྣམ་པར་གཏན་ལ་འབེབས་པར་བྱེད་པ། བཀད་སར་ནི། གནོད་སྦྱིན་ལག་ན་ཟས་ཐོགས་པ་དག། མཛོད་ཀྱི་སྒོར་ནི། གནོད་སྦྱིན་ལག་ན་ལྕགས་ཀྱུ་ཐོགས་པ་དག། ཆུའི་ཁང་པར་ནི། ཀླུ་ལག་ན་བུམ་པ་ཐོགས་པ། བརྒྱན་སྣ་ཚོགས་ཀྱིས་བརྒྱན་པ་དག། ཁྲུས་ཁང་ངམ། བསྲོ་ཁང་དུ་ནི། ལྷའི་མདོ་ལས་འབྱུང་བའམ། </font><hr>Tha340b<br><font size=+2>


གཞན་དམྱལ་བའི་རབས། ནད་པའི་སྨན་ཁང་དུ་ནི། དེ་བཞིན་གཤེགས་པ་ནད་གཡོག་མཛད་པ། ཆབ་ཁུང་སར་ནི། དུར་ཁྲོད་ཤིན་ཏུ་འཇིགས་སུ་རུང་བ། གནས་གང་གི་སྒོར་ནི། རུས་པའི་ཀེང་རུས་དང་མགོའི་ཐོད་པ་བྲིའོ། །བཙུན་པ། དེ་ལྟར་འཚལ་ལོ། །ཞེས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ལྟར་མཉན་ནས་ཐམས་ཅད་དེ་ཁོ་ན་བཞིན་དུ་འབྲིར་བཅུག་གོ་།གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་རི་མོ་བྲིས་པ་དེའི་ཚེ་དགེ་སློང་ཤེས་བཞིན་མེད་པར་གནས་པ་ཁ་ཅིག་གིས་དེར་མེ་བུས་པས། དུ་བས་རི་མོ་མ་རུང་བར་གྱུར་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངས་མེའི་ཁང་པ་གནང་གི། དགེ་སློང་གང་ཞིག་ལ་མེ་དགོས་པ་དེས། མེའི་ཁང་པར་མེ་འབུད་པར་བྱའི། ཁང་བཟང་དུ་ནི་མ་ཡིན་ནོ། །ཁང་བཟང་དུ་མེ་འབུད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་མེའི་ཁང་པར་མེ་འབུད་པར་བྱའི། ཁང་བཟང་དུ་ནི་མ་ཡིན་ནོ། །ཞེས་བཀའ་སྩལ་པ་དང ། དགེ་སློང་གཞན་ནད་པ་དག་ཅིག་འཁོད་པ་དེ་དག་མེས་ཕོངས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ནད་པ་གང་དག་མེས་ཕོང་པ་དེ་དག་གིས་གཙུག་ལག་ཁང་གི་ཕྱི་རོལ་ལམ། རྫིང་དྲུང་དུ་མེ་བུས་ལ་མདག་མ་དུ་བ་མེད་པ་ནང་དུ་གཞག་པར་བྱའོ། །དགེ་སློང་རྣམས་ཁང་བཟང་དུ་ཁྲུས་བྱེད་པས་རི་མོ་བྱེད་ནས་བཅོམ་ལྡན་འདས་</font><hr>Tha341a<br><font size=+2>


༄#། །ཀྱིས་བཀའ་སྩལ་པ། ཁང་བཟང་དུ་ཁྲུས་མི་བྱའི། འོན་ཀྱང་རྫིང་གི་གྲ་གཅིག་ཏུ་སྟོན་པའི་སྤྱན་སྔར་མ་བབ་པའམ། ཁྲུས་ཀྱི་ཁང་པ་བྱས་ནས་དེར་ཁྲུས་བྱའོ། །འདམ་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེར་སོ་ཕག་གི་བཅལ་འགྲམ་པར་བྱའོ། །ཆུ་འཁྱིལ་ནས་བཅོམ་ལྡན་འདས་ཀྱིས་བཀའ་སྩལ་པ། ཆུའི་གཏོར་ཁུང་གདོད་པར་བྱའོ། །བཅོམ་ལྡན་འདས་ཀྱིས་ཆུའི་སྟོར་ཁུང་གདོད་པར་བྱའོ། །ཞེས་བཀའ་སྩལ་པ་དང ། ཆུའི་སྟོར་ཁུང་གི་ཁ་འགག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་བསལ་བར་བྱ་ཞིང ། ཆུའི་སྟོར་ཁུང་གི་ཁ་ཉིད་དུ་ཁྲུས་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་གི་བུ་ན་བར་གྱུར་ནས་དེའི་སྨན་པའི་དྲུང་དུ་སོང་སྟེ་སྨྲས་པ། བཀྲ་ཤིས་པར་གྱུར་ཅིག་།བཀྲ་ཤིས་པར་གྱུར་ཅིག་།སྨན་པས་སྨྲས་པ། ཇོ་བོ། ཅི་བཞེད་གསུངས་ཤིག་།དེས་སྨྲས་པ། ཀྱེ་དགེ་བ་ཅུང་ཟད་ཀྱང་མི་འདོད་མོད་ཀྱི། འོན་ཀྱང་ཁོ་བོའི་བུ་ནད་འདི་དང་འདིས་ཐེབས་ཀྱི། སྨན་སྟོན་ཅིག་།སྨན་པ་དེ་དད་པ་ཅན་ཞིག་པས་དེས་སྨྲས་པ། བྲམ་ཟེ། འཕགས་པ་རྣམས་ཀྱི་དྲུང་དུ་བཞུད་ལ། ལྷུང་བཟེད་ཀྱི་ཆུ་བསླངས་ཏེ་དེ་ཁྲུས་ཤིག་དང་སོས་པར་འགྱུར་རོ། །དེས་བྲམ་ཟེ་བཀྲ་ཤིས་པར་གྱུར་ཅིག་ཅེས་སྨྲས་ནས་ཆས་ཏེ་རྒྱལ་བྱེད་ཀྱི་ཚལ་</font><hr>Tha341b<br><font size=+2>


དུ་སོང་ངོ ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དྲུག་སྡེ་གང་ཡང་རུང་བ་ཞིག་གིས། རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་ཡིན་ཏེ། ཚེ་དང་ལྡན་པ་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་པ་དེས། བྲམ་ཟེ་དེ་མཐོང་ནས་སྨྲས་པ། བྲམ་ཟེ་ཆེན་པོ། འོངས་པ་ལེགས་སོ། །འོངས་པ་ལེགས་སོ། །ཁྱོད་ཟླ་བ་ལྟ་བུ་གནས་པ་ཡིན་ན། རིང་མོ་ཞིག་སྟེ་ག་ལས་འོངས། འཕགས་པ། ཕྱག་འཚལ་ལོ། ། རིང་མོ་ཞིག་སྟེ་མཐོང་བ་ནི། ལེགས་ཏེ། ཡང་དང་ཡང་དུ་མཐོང་བས་ནི། བརྙས་པར་འགྱུར་རོ། །དགོས་པ་ཅི་ཞིག་ལ་འོངས། འཕགས་པ། བདག་གི་བུ་བྲོ་ཚབས་ཆེན་པོ་ཞིག་གིས་ཐེབས་ཏེ། དེ་ལ་སྨན་པས་འཕགས་པ་རྣམས་ཀྱི་ཐད་ནས་ལྷུང་བཟེད་ཀྱི་ཆུ་བསླངས་ཏེ་དེས་བཀྲུས་དང ། སོས་པར་འགྱུར་རོ། །ཞེས་བསྟན་ནས། བདག་ལྷུང་བཟེད་ཀྱི་ཆུ་བསླང་བའི་སླད་དུ་འདིར་མཆིས་ཀྱི། སྩོལ་ཅིག་།དེས་སྨྲས་པ། ཁྱོད་ཀོ་ལྷུང་བཟེད་ཀྱི་ཆུའི་ཕྱིར་འདིར་འོངས་པ་ལྟ། འཕགས་པ། དེ་ལྟ་ལགས་ཏེ། དགོས་པ་ནི། དེ་མཆིས་སོ། །གལ་ཏེ་དེ་ལྟ་ན། སྡོད་ཅིག་དང ། ཁོ་བོས་ལྷུང་བཟེད་ཀྱི་ཆུ་བླང་ངོ། །ཞེས་བྱས་ནས་དེ་ནང་དུ་སོང་ངོ ། །དེས་ཟན་ཟོས་ནས་ལྷུང་བཟེད་བཀྲུས་ཏེ་དེར་རུས་པ་དང ། ཤའི་ཁམ་ཚད་དང ། ཉའི་གྲ་མ་དང ། འབྲས་ཆན་གྱི་བྲུལ་མ་དང ། ཕྱེ་དང ། ཚོད་ཤོལ་དང ། ཁུར་བ་ཅུང་ཟད་ཅིག་བླུགས་སོ། །དེ་ནས་ཕྱིར་བྱུང་ནས་སྨྲས་པ། བྲམ་ཟེ། ལྷུང་བཟེད་ཀྱི་ཆུ་འདི་རེ། ཁྱེར་ཅིག་།བྲམ་ཟེས་མཐོང་ནས་སྨྲས་པ། འཕགས་པ། བདག་གི་བུ་གུམ་བླའི། ཆུ་འདི་ལྟ་བུ་</font><hr>Tha342a<br><font size=+2>


༄#། །མི་གཙང་བས་ཁྲུས་བགྱིད་པ་ནི། མི་རུང་ངོ ། །ཚེ་དང་ལྡན་པ་ཉེ་དགས་སྨྲས་པ། ཁྱོད་དད་པ་འདི་ལྟ་བུ་དང་ལྡན་པས་ཁྱོད་ཀྱི་བུ་སོས་ཟིན་དུ་ཟད་དོ། །བྲམ་ཟེ་དེ་འཕྱ་བ་ལ་ཞུགས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་ལྷུང་བཟེད་ནས་ལྷག་རོལ་འདོར་བ་ལས་གྱུར་གྱི། དེའི་ཕྱིར་དགེ་སློང་གི་ལྷུང་བཟེད་ནས་ལྷག་རོལ་དོར་བར་མི་བྱའོ། །སྙམ་དུ་དགོངས་ཏེ་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། དགེ་སློང་གིས་ལྷུང་བཟེད་ནས་ལྷག་རོལ་དོར་བར་མི་བྱའོ། །དོར་ན། འགལ་ཚབས་ཅན་དུ་འགྱུར་རོ། །འོན་ཀྱང་ངས་དགེ་སློང་གིས་ལྷུང་བཟེད་ཀྱི་ཆུ་སྦྱིན་པར་བྱེད་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ལྷུང་བཟེད་ཀྱི་ཆུ་སྦྱིན་པར་བྱེད་པས་ལྷུང་བཟེད་ལན་གསུམ་བཀྲུས་ཏེ། ལྷུང་བཟེད་ཀྱི་ཆུ་ལ་གཙུག་ལག་གི་ཚིགས་སུ་བཅད་པས་མངོན་པར་བསྔགས་ནས་སྦྱིན་པར་བྱའོ། །དགེ་སློང་ལྷུང་བཟེད་ཀྱི་ཆུ་སྦྱིན་པར་བྱེད་པས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་མི་འཇུག་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ལྷུང་བཟེད་ཀྱི་གཞི་ལ་རྐང་པ་བཞག་སྟེ་ཟན་ཟ་བ་བྲམ་</font><hr>Tha342b<br><font size=+2>


ཟེ་དང ། ཁྱིམ་བདག་རྣམས་ཀྱིས་མཐོང་ནས་ཤཱཀྱའི་བུའི་དགེ་སྦྱོང་རྣམས་ནི། གཙང་སྦྲ་མེད་པ་སྟེ། ལྷུང་བཟེད་ཀྱི་གཞི་ལ་རྐང་པ་བཞག་སྟེ་ཟན་ཟའོ། །ཞེས་བྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲམ་ཟེ་དང ། ཁྱིམ་བདག་རྣམས་འཕྱ་བ་ནི། ཐོག་ཏུ་བབ་བོ། །དེ་ལྟ་བས་ན། དགེ་སློང་གིས་ལྷུང་བཟེད་ཀྱི་གཞི་ལ་རྐང་པ་བཞག་སྟེ་ཟན་བཟའ་བར་མི་བྱའོ། །དགེ་སློང་ལྷུང་བཟེད་ཀྱི་གཞི་ལ་རྐང་པ་བཞག་སྟེ་ཟན་ཟ་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པ་ན་བཞུགས་སོ། །དགེ་སློང་དག་ལྷམ་མ་ཕུད་པར་ཟན་ཟ་བ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་ཤཱཀྱའི་བུའི་དགེ་སློང་རྣམས་ནི། གཙང་སྦྲ་མེད་པ་སྟེ། ལྷམ་མ་ཕུད་པར་ཟན་ཟའོ། །ཞེས་འཕྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲམ་ཟེ་དང ། ཁྱིམ་བདག་རྣམས་འཕྱ་བ་ནི། ཐོག་ཏུ་བབ་བོ། །དེ་ལྟ་བས་ན། དགེ་སློང་གིས་ལྷམ་མ་ཕུད་པར་ཟན་བཟའ་བར་མི་བྱའོ། །དགེ་སློང་ལྷམ་མ་ཕུད་པར་ཟན་ཟ་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ལྷམ་མ་ཕུད་པར་ཟན་ཟ་བར་མི་བྱའོ། །ཞེས་བཀའ་སྩལ་ནས། དགེ་སློང་དག་གིས་ལྷམ་ཕུད་དེ་ཟན་བཟའ་བར་བརྩམས་པ་དང་</font><hr>Tha343a<br><font size=+2>


༄#། །དེ་དག་ན་བར་གྱུར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ནད་པ་གང་དག་ཡིན་པ་དེ་དག་གིས་ནི། མ་ཕུད་པར་ཟན་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །སྡོམ་ནི། ལྷུང་བཟེད་མེད་དང་གྲགས་པ་དང ། །དབྱར་གནས་པ་དང་གནས་མེད་དང ། །ལོ་ལྔ་རྙེད་པ་གཅིག་པ་དང ། །གློ་དང་རྒྱབ་དང་རྐེད་པ་མགོ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཉེ་དགའ་བོས་གཅིག་ཅིག་རབ་ཏུ་ཕྱུང་བ་དེ་ལ་སྔ་ནས་ལྷུང་བཟེད་ཉེ་བར་མ་བཞག་གོ་།ཇི་ཙམ་ན་དགེ་སློང་རྣམས་ཟས་ཀྱི་དུས་ལ་བབ་སྟེ་རང་རང་གི་ལྷུང་བཟེད་བཀྲུས་ནས་ལྷུང་བཟེད་ཀྱི་གཞི་ལ་བཞག་སྟེ་མཆོད་རྟེན་ལ་ཕྱག་འཚལ་དུ་དོང་བ་དང ། དེས་བསམ་པ། ལྷུང་བཟེད་འདི་དག་མང་མོ་ཞིག་འདུག་པས། གདོན་མི་ཟ་བར་གང་གིས་ཇི་ལྟར་བླངས་པ་དེས་ཟོས་ཤིང་ཟོས་ནས་འདི་ཉིད་དུ་འཇོག་གོ་།དེ་ལྟ་བས་ན། རེ་ཞིག་བདག་གིས་ཀྱང་བླངས་ལ་སླར་གཞག་གོ་།སྙམ་ནས་དེས་གནས་བརྟན་ཀུན་ཤེས་ཀོའུ་དི་ནྱའི་ལྷུང་བཟེད་བླང་བར་བརྩམས་པ་དང ། གཞན་ཞིག་གིས་དེ་ལ་སྨྲས་པ།་ཚེ་དང་ལྡན་པ། ལྷུང་བཟེད་འདི་ནི། གནས་བརྟན་ཀུན་ཤེས་ཀོའུ་དི་ནྱའི་ཡིན་གྱི། འདི་མ་ལེན་ཅིག་།དེས་དེ་བཞག་ནས་ཚེ་དང་ལྡན་པ་རྟ་ཐུལ་དང ། བཟང་པོ་དང ། རླངས་པ་དང ། མིང་</font><hr>Tha343b<br><font size=+2>


ཆེན་དང ། གང་པོ་དང ། དྲི་མ་མེད་པ་དང ། བ་ལང་བདག་དང ། ལག་བཟང་དང ། དགེ་སློང་གཞན་དག་གཅིག་གི་ལྷུང་བཟེད་དག་བླང་བར་བརྩམས་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ། ཁྱོད་ལ་ལྷུང་བཟེད་མེད་ན། ལྷུང་བཟེད་མེད་པ་ཁྱོད་སུས་རབ་ཏུ་བྱུང ། དེས་སྨྲས་པ། མཁན་པོ་ཉེ་དགས་སོ། །དགེ་སློང་རྣམས་འཕྱ་བར་བྱེད་དེ། གནས་ངན་ལེན་ཀུན་ཏུ་སྤྱོད་པ་དེ་མ་ཡིན་པ་གཞན་སུ་ཞིག་ལྷུང་བཟེད་མེད་པ་རབ་ཏུ་འབྱིན་ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ལྷུང་བཟེད་མེད་པ་རབ་ཏུ་དབྱུང་བར་མི་བྱ་སྟེ། རབ་ཏུ་འབྱིན་ན། འགལ་ཚབས་ཅན་དུ་འགྱུར་རོ། །རབ་ཏུ་འབྱིན་པར་བྱེད་པས་ཡོ་བྱད་དྲུག་གིས་མི་བྲེལ་བར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། རེ་ཞིག་དགེ་སློང་དག་གིས་ལྷུང་བཟེད་མེད་པ་ཞིག་བསྙེན་པར་རྫོགས་པར་བགྱིད་ན། བསྙེན་པར་རྫོགས་པ་ཞེས་བརྗོད་པར་བགྱིའམ། ཉེ་བར་འཁོར། བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི། འགལ་ཚབས་ཅན་དུ་འགྱུར་རོ། །བཙུན་པ། དགེ་སློང་དག་གིས་ལྷུང་བཟེད་ཆུང་ངུའམ། ལྷུང་བཟེད་ཆེན་པོའམ། ལྷུང་བཟེད་སྐྱ་བོས་བསྙེན་པར་རྫོགས་པར་བགྱིད་ན། བསྙེན་པར་རྫོགས་པ་ཞེས་བགྱིའམ། ཉེ་བར་འཁོར། བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་</font><hr>Tha344a<br><font size=+2>


༄#། །པར་བྱེད་པ་རྣམས་ནི། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཆོམ་རྐུན་པར་གྲགས་པ་ཞིག་རྐུན་པོ་བྱེད་པ་ཚོར་ནས་དེས་བཟུང་བ་དང་བརྐུས་པ་བོར་ནས་བྲོས་སོ། །དེ་ལམ་གྱི་ངལ་བས་དུབ་ནས་རྒྱལ་བྱེད་ཀྱི་ཚལ་གྱི་ལམ་ག་ཤིང་ཞིག་གི་དྲུང་ན་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་པ་དང ། ཚེ་དང་ལྡན་པ་ཉེ་དགའ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཆས་པ་དེས་དེ་མཐོང་ནས་སྨྲས་པ། ཚེ་དང་ལྡན་པ། ཁྱོད་སུའི། དེས་སྨྲས་པ། འཕགས་པ། བདག་ནི། མགོན་མེད་པ་ཞིག་སྟེ། བདག་ལ་ཅི་ཡང་མ་མཆིས་སོ།། དེས་སྨྲས་པ། བཞིན་བཟང ། གལ་ཏེ་དེ་ལྟ་ན། ཅི་སྟེ་རབ་ཏུ་མི་འབྱུང ། དེས་སྨྲས་པ། འཕགས་པ། ཁྱོད་རབ་ཏུ་བྱུང་བ་ལགས་པས་རེ་ཞིག་དྲང་པོར་སྨྲ་བར་བགྱི་སྟེ། བདག་ནི། ཆོམ་རྐུན་པར་གྲགས་པ་ལགས་ན། སུ་ཞིག་བདག་རབ་ཏུ་འབྱིན། བུ། བཅོམ་ལྡན་འདས་ཀྱི་བསྟན་པ་ནི། ཐུགས་རྗེས་རབ་ཏུ་ཕྱེ་བ་ཡིན་པས། སུ་ཞིག་རབ་ཏུ་མི་འབྱིན། སེམས་རྟོན་ཅིག་དང་ངས་རབ་ཏུ་དབྱུང་ངོ ། །འཕགས་པ། ལེགས་ཏེ། རབ་ཏུ་འབྱུང་ངོ ། །དེས་དེ་རབ་ཏུ་ཕྱུང ། བསྙེན་པར་རྫོགས་པར་བྱས་ནས་སྨྲས་པ། བཞིན་བཟང ། རི་དྭགས་ཀྱིས་རི་དྭགས་མི་སོས་</font><hr>Tha344b<br><font size=+2>


ཀྱི།་མཉན་ཡོད་རྒྱ་ཆེན་པོར་རང་གི་སྤྱོད་ཡུལ་ཕ་ཡུལ་དུ་བསོད་སྙོམས་ལ་རྒྱུས་ལ་འཚོ་བར་གྱིས་ཤིག་།དེ་སྔ་དྲོ་ཤམ་ཐབས་བགོས། ལྷུང་བཟེད་དང ། ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་དང ། དེ་བསོད་སྙོམས་ལ་རྒྱུ་བ་ན། བྲམ་ཟེ་དང ། ཁྱིམ་བདག་རྣམས་ཀྱིས་ངོ་ཤེས་ནས་དེ་ན་ཁ་ཅིག་ན་རེ། ཤེས་ལྡན་དག་།འདི་ནི། ཆོམ་རྐུན་པར་གྲགས་པ་དེ་ཡིན། ན།་རབ་ཏུ་བྱུང་ངོ ། །ཞེས་ཟེར། གཞན་དག་ན་རེ། དགེ་སྦྱོང་ཤཱཀྱའི་བུ་པ་རྣམས་ཀྱི་ཆོས་ནི། བཟང་སྟེ། ཆོམ་རྐུན་པར་གྲགས་པ་ཡང་རབ་ཏུ་འབྱིན་པར་བྱེད་དོ། །འདི་དག་ནི། ཉིན་མོ་བསོད་སྙོམས་པའི་ཆ་བྱད་ཀྱིས་ཁྱིམ་དག་ཏུ་གླགས་བཅད་ནས་ནུབ་མོ་རྐུར་འོང་ངོ ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་ཆོམ་རྐུན་པར་གྲགས་པ་རབ་ཏུ་འབྱིན་པ་ལས་གྱུར་ཏེ། དེའི་ཕྱིར་དགེ་སློང་གིས་ཆོམ་རྐུན་པར་གྲགས་པ་རབ་ཏུ་དབྱུང་བར་མི་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།བྲམ་ཟེ་དང ། ཁྱིམ་བདག་རྣམས་འཕྱ་བ་ནི། ཐོག་ཏུ་བབ་པོ། །དེ་ལྟ་བས་ན། དགེ་སློང་གིས་ཆོམ་རྐུན་པར་གྲགས་པ་རབ་ཏུ་དབྱུང་བར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་ཆོམ་རྐུན་པར་གྲགས་པ་རབ་ཏུ་དབྱུང་བར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཆོམ་རྐུན་པ་ཡིན་པར་</font><hr>Tha345a<br><font size=+2>


༄#། །མངོན་པ་མེད་པ་དག་ཀྱང་རབ་ཏུ་མ་ཕྱུང་བས་དེ་དག་གིས་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཆོམ་རྐུན་པ་ཡིན་པར་མངོན་པ་རབ་ཏུ་དབྱུང་བར་མི་བྱའི། མངོན་པ་མེད་པ་ནི། རབ་ཏུ་དབྱུང་བར་བྱའོ། །དེ་ལྟ་བས་ན། གང་ཡང་རུང་བ་ཞིག་གི་དྲུང་དུ་རབ་ཏུ་འབྱུང་བར་འདོད་པ་ཞིག་ཉེ་བར་འོངས་ན། དེས་དེ་ལ་ཆོམ་རྐུན་པར་གྲགས་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་ན། འགལ་ཚབས་ཅན་དུ་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་པ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་གནས་ཤིག་ན། དགེ་སློང་མང་པོ་ཞིག་གཅིག་ཅིག་ལ་གནས་བཅས་ཏེ་འདུག་པ་ལས་ཇི་ཙམ་ན། དེ་དག་གི་གནས་ཀྱི་སློབ་དཔོན་དེ་དུས་ལས་འདས་པ་དང ། དེ་དག་གིས་སུ་ཞིག་ལ་བདག་ཅག་གི་འཕྲལ་གྱི་བྱ་བ་ཞུ་བར་བྱ་བ་དང ། གང་ལ་གནས་བཅས་ཏེ་འདུག་པར་བྱ་བ་མི་ཤེས་ནས་སྐབས་དེ། དགེ་སློང་རྣམས་ལ་བསྙད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་དགེ་སློང་ཞིག་ལས་སུ་བསྐོ་བ་སྤང་བ་དང ། གནས་</font><hr>Tha345b<br><font size=+2>


ཁང་སྤང་བ་དང ། མལ་སྟན་སྤང་བ་དང ། རིམ་གྲོ་པ་སྤང་བས་བཙལ་བར་བྱ་སྟེ། ཅི་སྟེ་རྙེད་ན། དེ་ལྟ་ན་ལེགས། ཅི་སྟེ་མ་རྙེད་ན། དགེ་སློང་དེ་དག་གིས་གནས་དེར་གསོ་སྦྱོང་གཉིས་པའི་བར་དུ་འདུག་པར་མི་བྱ་སྟེ། འདུག་ན། འགལ་ཆབས་ཅན་དུ་འགྱུར་རོ། །དགེ་སློང་གཞན་དག་ཅིག་གནས་ཤིག་ཏུ་གནས་ཀྱི་སློབ་དཔོན་གཅིག་ཅིག་དང་དབྱར་གནས་པར་ཁས་བླང་བར་འདོད་པ་ལས། དེ་དག་གི་གནས་ཀྱི་སློབ་དཔོན་དེ་ཡང་དུས་ལས་འདས་ནས་དེ་དག་གིས་ཀྱང་ཇི་ལྟར་སྒྲུབ་པ་མི་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་ཀྱང་དགེ་སློང་ཞིག་།ལས་སུ་བསྐོ་བ་སྤང་བ་དང ། གནས་ཁང་སྤང་བ་དང ། མལ་སྟན་སྤང་བ་དང ། རིམ་གྲོ་པ་སྤང་བས་བཙལ་བར་བྱ་སྟེ། གལ་ཏེ་རྙེད་ན། དེ་ལྟ་ན་ལེགས། ཅི་སྟེ་མ་རྙེད་ན། དགེ་སློང་དེ་དག་གིས་གནས་དེར་དབྱར་སྔ་མར་གནས་པར་དམ་བཅའ་བར་མི་བྱ་སྟེ། གནས་པར་དམ་འཆའ་ན། འགལ་ཚབས་ཅན་དུ་འགྱུར་རོ། དགེ་སློང་གཞན་དག་ཅིག་གནས་ཤིག་ཏུ་གནས་ཀྱི་སློབ་དཔོན་གཅིག་ཅིག་དང་དབྱར་སྔ་མར་གནས་པར་དམ་བཅས་པ་ལས། དེ་དག་གི་སློབ་དཔོན་དེ་ཡང་དུས་ལས་འདས་ནས། དེ་དག་གིས་ཀྱང་ཇི་ལྟར་སྒྲུབ་པ་མི་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་ཀྱང་དགེ་སློང་ཞིག་།ལས་སུ་བསྐོ་བ་སྤང་</font><hr>Tha346a<br><font size=+2>


༄#། །པ་དང ། གནས་ཁང་སྤང་བ་དང ། མལ་སྟན་སྤང་བ་དང ། རིམ་གྲོ་པ་སྤང་བས་བཙལ་བར་བྱ་སྟེ། གལ་ཏེ་རྙེད་ན། དེ་ལྟ་ན་ལེགས། ཅི་སྟེ་མ་རྙེད་ན། དགེ་སློང་དེ་དག་གིས་དེར་གནས་པར་མི་བྱའི། གཞན་དུ་སོང་ལ་དབྱར་ཉེ་བར་སྦྱོར་བ་གཉིས་པར་དབྱར་གནས་པར་ཁས་བླང་བར་བྱའོ། །དེར་གནས་ན། འགལ་ཚབས་ཅན་དུ་འགྱུར་རོ། །དགེ་སློང་གཞན་དག་ཅིག་གནས་ཤིག་ཏུ་གནས་ཀྱི་སློབ་དཔོན་གཅིག་ཅིག་དང་དབྱར་གནས་པར་ཁས་བླང་བར་འདོད་པ་ལས། དེ་དག་གི་གནས་ཀྱི་སློབ་དཔོན་དེ་ཡང་དུས་ལས་འདས་ནས་དེ་དག་གིས་ཀྱང་ཇི་ལྟར་སྒྲུབ་པ་མི་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་ཀྱང་དགེ་སློང་ཞིག་ལས་སུ་བསྐོ་བ་སྤང་བ་དང ། གནས་ཁང་སྤང་བ་དང ། མལ་སྟན་སྤང་བ་དང ། རིམ་གྲོ་པ་སྤང་བས་བཅལ་བར་བྱ་སྟེ། གལ་ཏེ་རྙེད་ན། དེ་བསྟན་ལེགས། ཅི་སྟེ་མ་རྙེད་ན། དགེ་སློང་དེ་དག་གིས་དེར་དབྱར་ཕྱི་མར་གནས་པར་དམ་བཅའ་བར་མི་བྱ་སྟེ། གནས་པར་དམ་འཆའ་ན། འགལ་ཚབས་ཅན་དུ་འགྱུར་རོ། །དགེ་སློང་གཞན་དག་ཅིག་གནས་ཤིག་ཏུ་གནས་ཀྱི་སློབ་དཔོན་གཅིག་ཅིག་དང་དབྱར་ཕྱི་མར་གནས་པར་དམ་བཅས་པ་ལས་དེ་དག་གི་སློབ་དཔོན་དེ་ཡང་དུས་ལས་འདས་ནས་དེ་དག་གིས་ཀྱང་ཇི་ལྟར་སྒྲུབ་པ་མི་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་</font><hr>Tha346b<br><font size=+2>


ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་ཟླ་བ་གཉིས་ཀྱི་བར་དུ་གཅིག་ལ་གཅིག་དྲི་ཞིང་སོ་སོར་བརྟགས་པས་གནས་པར་བྱའོ། །ཟླ་བ་གཉིས་འདས་ནས་དགེ་སློང་ཞིག་ལས་སུ་བསྐོ་བ་སྤང་བ་དང ། གནས་ཁང་སྤང་བ་དང ། མལ་ཆ་སྤང་བ་དང ། རིམ་གྲོ་པ་སྤང་བས་བཙལ་བར་བྱ་སྟེ། གལ་ཏེ་རྙེད་ན། དེ་ལྟ་ན་ལེགས། ཅི་སྟེ་མ་རྙེད་ན། དགེ་སློང་དེ་དག་གིས་གནས་དེར་གསོ་སྦྱོང་གཉིས་པའི་བར་དུ་འདུག་པར་མི་བྱ་སྟེ། འདུག་ན། འགལ་ཚབས་ཅན་དུ་འགྱུར་རོ། །དགེ་སློང་གཞན་དག་ཅིག་གནས་ཤིག་ཏུ་དགེ་སློང་གཅིག་ཅིག་གིས་རབ་ཏུ་ཕྱུང ། བསྙེན་པར་རྫོགས་པར་བྱས་པ་ལས། དེ་དག་གི་མཁན་པོ་དེ་དུས་ལས་འདས་པ་དང ། དེ་དག་གིས་ཀྱང་ཇི་ལྟར་སྒྲུབ་པ་མི་ཤེས་ཞེས་བྱ་བ་ཐམས་ཅད་སློབ་དཔོན་ལ་ཇི་ལྟ་བར་སྔ་མ་བཞིན་དུ་བརྗོད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བོར་ཞིག་ན་ཁྱིམ་བདག་ཅིག་གནས་པ་དེས་གཙུག་ལག་ཁང་བྱེད་དུ་བཅུག་སྟེ་ཡོ་བྱད་ཐམས་ཅད་ཀྱིས་བཀང་ནས་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་ལོ། །ཇི་ཙམ་དུས་གཞན་ཞིག་ན། ཁྱིམ་བདག་དེ་རྒྱལ་པོའི་ཕོ་བྲང་དུ་བཟུང་བ་དང ། དགེ་སློང་རྣམས་ཀྱིས་ཐོས་སོ། །དེ་དག་གིས་ཐོས་ནས་གཙུག་ལག་ཁང་བོར་ཏེ་བྲོས་པ་དང ། དཀོན་མཆོག་གསུམ་གྱི་དཀོར་མ་བྱིན་པར་ལེན་པ་རྣམས་ཀྱིས་</font><hr>Tha347a<br><font size=+2>


༄#། །བརྐུས་སོ། །ཇི་ཙམ་ན་ཁྱིམ་བདག་དེ་སླར་བཏང་སྟེ། དགེ་སློང་རྣམས་ཀྱིས་གཙུག་ལག་ཁང་གི་བདག་པོ་དེ་ཇི་ལྟར་སླར་བཏང་བར་ཐོས་ནས་དེ་དག་ཁྱིམ་དེའི་དྲུང་དུ་སོང་བ་དང ། ཁྱིམ་བདག་དེས་ཇི་ལྟར་དགེ་སློང་དག་གཙུག་ལག་ཁང་བོར་ཏེ་བྲོས་ནས་དཀོན་མཆོག་གི་དཀོར་མ་བྱིན་པར་ལེན་པ་རྣམས་ཀྱིས་བརྐུས་པ་སྔ་ནས་ཐོས་པས། དེས་དེ་དག་སྐྱེངས་པ། འཕགས་པ། ཁྱེད་ཅིའི་ཕྱིར་བྲོས། དེ་དག་གིས་སྨྲས་པ། ཁོ་བོ་ཅག་གིས་ཁྱོད་རྒྱལ་པོའི་ཕོ་བྲང་དུ་ཇི་ལྟར་བཟུང་བ་ཐོས་ཏེ་ཐོས་ནས། དེ་ནས་བདག་ཅག་སྐྲག་སྟེ་བྲོས་སོ། །འཕགས་པ་དག་།གལ་ཏེ་བདག་རྒྱལ་པོའི་ཕོ་བྲང་དུ་བཟུང་ཡང་ཁྱེད་ཀ་ཅིའི་སླད་དུ་འབྲོས། བདག་གི་ཉེ་དུ་དག་ནི། མ་བཟུང་ན། ཅི། དེ་དག་ཀྱང་ཁྱེད་ཀྱི་ཡོ་བྱད་སྦྱོར་བར་མི་འགྱུར་རམ། དེ་དག་སྤོབས་པ་མེད་པར་ཅང་མི་ཟེར་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་འབྲོས་པར་མི་བྱའི། འོན་ཀྱང་གཙུག་ལག་ཁང་གི་བདག་པོའི་ཉེ་དུ་དག་ལ། གཙུག་ལག་ཁང་གི་བདག་པོ་ནི། རྒྱལ་པོའི་ཁབ་ཏུ་བཟུང་ན། ཅི། ཁྱེད་ཀྱིས་བདག་ཅག་གི་བསོད་སྙོམས་ཀྱི་ཡོ་བྱད་སྦྱར་ནུས་སམ་ཞེས་དྲི་བར་བྱ་སྟེ། གལ་ཏེ་དེ་དག་སྦྱོར་ན། དེ་ལྟ་ན་ལེགས། ཅི་སྟེ་མི་སྦྱོར་ན། ལོ་ལྔའི་བར་དུ་བསོད་སྙོམས་བྱ་ཞིང་འདུག་པར་བྱའོ། །ལོ་ལྔ་འདས་ནས་གལ་ཏེ་གཙུག་ལག་ཁང་གི་བདག་</font><hr>Tha347b<br><font size=+2>


པོར་སླར་བཏང་ན། དེ་ལྟ་ན་ལེགས། ཅི་སྟེ་མ་བཏང་ན། གསོལ་བ་དང་གཉིས་ཀྱི་ལས་བྱས་ནས་གཙུག་ལག་ཁང་དེའི་ཉེ་འཁོར་གྱི་གཙུག་ལག་ཁང་དག་ཡོངས་སུ་སྐྱོང་བར་བྱེད་པ་རྣམས་དང་རྙེད་པ་ཐུན་མོང་དང ། གསོ་སྦྱོང་ཐ་དད་པ་དག་གིས་ལོ་གཞན་ལྔའི་བར་དུ་འདུག་པར་བྱའོ། །ལས་ནི། འདི་ལྟར་བྱ་སྟེ། ཉེ་འཁོར་གྱི་གཙུག་ལག་ཁང་དག་ཏུ་གནས་མལ་བཤམས་ཏེ་གཎྜི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུས་ཤིང་འཁོད་པ་དང ། དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གཙུག་ལག་ཁང་ཆེ་གེ་མོ་ཞིག་གི་བདག་པོ་རྒྱལ་པོས་བཟུང་སྟེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་གཙུག་ལག་ཁང་དེ། གཙུག་ལག་ཁང་འདི་དག་དང་རྙེད་པ་ཐུན་མོང་དང ། གསོ་སྦྱོང་ཐ་དད་པར་བགྱིའོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གཙུག་ལག་ཁང་ཆེ་གེ་མོ་ཞིག་གི་བདག་པོ་རྒྱལ་པོས་བཟུང་སྟེ། དེའི་སླད་དུ་དགེ་འདུན་གྱིས་གཙུག་ལག་ཁང་དེ། གཙུག་ལག་ཁང་འདི་དག་དང་རྙེད་པ་ཐུན་མོང་དང ། གསོ་སྦྱོང་ཐ་དད་པར་མཛད་ན། ཚེ་དང་ལྡན་པ་གང་དག་གཙུག་ལག་ཁང་དེ། གཙུག་ལག་ཁང་འདི་དག་དང་རྙེད་པ་ཐུན་མོང་དང ། གསོ་སྦྱོང་ཐ་དད་པར་མཛད་པར་བཟོད་པ་དེ་དག་ནི་།ཅང་མ་གསུངས་</font><hr>Tha348a<br><font size=+2>


༄#། །ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་གཙུག་ལག་ཁང་ཆེ་གེ་མོ་ཞིག་རྙེད་པ་ཐུན་མོང་དང ། གསོ་སྦྱོང་ཐ་དད་པར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །གལ་ཏེ་རྣམ་པ་དེས་ལོ་བཅུའི་བར་དུ་གནས་པ་རྣམས་ལ་གཙུག་ལག་ཁང་གི་བདག་པོ་འོངས་ན། དེ་ལྟ་ན་ལེགས། ཅི་སྟེ་མ་འོངས་ན། ཉེ་འཁོར་གྱི་གཙུག་ལག་ཁང་དག་ཏུ་གནས་མལ་དང ། སྣོད་དང ། ཡོ་བྱད་དག་བཞག་ནས་ནང་སྒོ་བཅད་དེ་འགྲོ་བར་བྱའོ། །གང་གི་ཚེ་གཙུག་ལག་ཁང་གི་བདག་པོ་སླར་བཏང་བ་དེའི་ཚེ་ཉེ་འཁོར་གྱི་གཙུག་ལག་ཁང་དག་ནས་རྫས་ཇི་ལྟར་བཞག་པ་རྣམས་ཕྱིར་བླངས་ཏེ་དེ་ཉིད་དུ་སྦྱིན་པར་བྱའོ། །གལ་ཏེ་ཉེ་འཁོར་གྱི་གཙུག་ལག་ཁང་ན་གནས་པའི་དགེ་སློང་རྣམས་ཀྱིས་བྱིན་ན། དེ་ལྟ་ན་ལེགས། ཅི་སྟེ་མ་བྱིན་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ལུས་ཀྱིས་ཁུར་ཁྱེར་བ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་འཕྱ་བར་བྱེད་དེ། འཕགས་པ། རེ་ཞིག་བདག་ཅག་ནི། ཁྱིམ་པ་ཁྱིམ་ན་གནས་པ་ལགས་པས་ཕ་མ་དང ། བུ་དང ། བུ་མོ་དང ། བྲན་མོ་དང ། བྲན་པོ་དང ། ལས་བྱེད་པ་དང ། ཞོ་ཤས་འཚོ་བ་དང ། རྒྱལ་པོ་དང ། ལྷ་དང ། གཤིན་ངོག་དང ། དགེ་</font><hr>Tha348b<br><font size=+2>


སྦྱོང་དང ། བྲམ་ཟེ་རྣམས་ཀྱི་དོན་དུ་ལུས་ཀྱིས་ཁུར་འཁུར་འཚལ་ན། ཁྱོད་ཀོ་སུའི་དོན་དུ་ཁུར་སྣོམ། དེ་དག་ཅང་མི་ཟེར་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲམ་ཟེ་དང ། ཁྱིམ་བདག་རྣམས་འཕྱ་བ་ནི་།ཐོག་ཏུ་བབ་པོ། །དེ་ལྟ་བས་ན། དགེ་སློང་གིས་ལུས་ཀྱིས་ཁུར་བཀུར་བར་མི་བྱའོ། །དགེ་སློང་ལུས་ཀྱིས་ཁུར་ཁྱེར་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ལུས་ཀྱིས་ཁུར་བཀུར་བར་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་རྒྱབ་དང ། རྐེད་པ་དང ། གློ་དང ། མགོས་ཁུར་བཀུར་བར་བརྩམས་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱབ་ཀྱིས་མ་ཡིན། རྐེད་པས་མ་ཡིན། གློས་མ་ཡིན། མགོས་ཁུར་བཀུར་བར་མི་བྱ་སྟེ། ཁུར་ན། འགལ་ཚབས་ཅན་དུ་འགྱུར་རོ། །སྡོམ་ནི། གནས་དང་ཡོ་བྱད་དྲུག་དང་ནི། །དེ་ནས་དེ་ལས་འཕྲོག་པ་དང ། །ཡིད་གཅུགས་ལེན་པ་ལྔ་དང་ནི། །བཙོ་བླག་སྒོ་ཁང་འཆག་སའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་བྲམ་ཟེ་རབ་ཏུ་འབྱུང་བར་འདོད་པ་ཞིག་རྒྱལ་བྱེད་ཀྱི་ཚལ་དུ་སོང་བ་དང ། ཇི་ཙམ་ན་དགེ་སློང་ལག་ན་ལྷུང་བཟེད་ཐོགས་པ་རབ་ཏུ་མང་པོ་འཁར་གསིལ་ཐོགས་ནས་བསོད་སྙོམས་ལ་ཆས་པ་</font><hr>Tha349a<br><font size=+2>


༄#། །དེ་དག་དེས་མཐོང་ནས་དེས་བསམ་པ། རེ་ཞིག་དེ་དག་གང་དུ་འགྲོ་དྲིའོ་།སྙམ་ནས་དེས་དེ་དག་ལ་དྲིས་པ། འཕགས་པ། གང་དུ་བཞུད། དེ་དག་གིས་སྨྲས་པ། བྲམ་ཟེ། བསོད་སྙོམས་ལ་འགྲོའོ། །དེས་སྨྲས་པ། འཕགས་པ། དགེ་སློང་ཐམས་ཅད་བསོད་སྙོམས་ལ་རྒྱུའམ། དེ་དག་གིས་སྨྲས་པ། བྲམ་ཟེ། དགེ་སློང་ཤེས་ཉེན་ཅན་གང་དག་ཡིན་པ་དེ་དག་ལ་ནི། བྲམ་ཟེ་དང ། ཁྱིམ་བདག་རྣམས་བསོད་སྙོམས་གཙུག་ལག་ཁང་དུ་ཁྱེར་ཏེ་འོངས་ནས་འབུལ་ལོ། །ཤེས་ཉེན་མེད་པ་གང་དག་ཡིན་པ་དེ་དག་ནི། བསོད་སྙོམས་ལ་འགྲོའོ། །དེས་བསམ་པ། དགེ་སྦྱོང་ཤཱཀྱའི་བུ་པ་རྣམས་ཀྱི་ནང་དུ་རབ་ཏུ་བྱུང་བ་དང་ཁྱད་པར་ཅི་ཡོད་ཀྱི། བདག་གིས་འདིར་ཡང་དེ་བཞིན་དུ་བསོད་སྙོམས་ལ་འགྲོ་བར་བྱའོ། །སྙམ་མོ། །དེས་ཡང་བསམ་པ། རེ་ཞིག་དགེ་སློང་གཞན་ཞིག་ལ་ཡང་ཅི་འདི་དག་བསོད་སྙོམས་ཁོ་ན་ལ་གནས་ཏེ་རབ་ཏུ་བྱུང་ངམ། འོན་ཏེ་གནས་གཞན་ཡང་ཡོད་དྲི་བར་བྱའོ། །སྙམ་ནས་དེ་དགེ་སློང་ཞིག་གི་དྲུང་དུ་སོང་བ་དང ། དེས་དེ་ལ་འོངས་པ་ལེགས་ཞེས་བྱ་བའི་ཀུན་ཏུ་སྤྱོད་པ་ཀུན་ཏུ་སྤྱད་ནས་སྨྲས་པ། བྲམ་ཟེ། ཁྱོད་གང་གི་ཅིའི་ཕྱིར་འདིར་འོངས། དེས་སྨྲས་པ། འཕགས་པ། ཁྱོད་བལྟ་བ་ཁོ་ནའི་ཕྱིར་འོངས་ཏེ། རེ་ཞིག་ཁྱོད་ཅི་ལ་གནས་ནས་རབ་ཏུ་བྱུང་བ་དྲིའོ། །དེས་སྨྲས་པ། བྲམ་ཟེ། ལེགས་སོ། །ལེགས་སོ། །ཁྱོད་ཀྱི་བརྟག་པ་ནི། བཟང་སྟེ། འདུག་ཅིག་དང་གཏམ་བྱའོ། །བྲམ་</font><hr>Tha349b<br><font size=+2>


ཟེ་རབ་ཏུ་འབྱུང་བར་འདོད་པ་དེས། རྐང་པ་ལ་ཕྱག་བྱས་ནས་དེའི་མདུན་དུ་འདུག་པ་དང ། དེས་སྨྲས་པ། བྲམ་ཟེ། བཞི་པོ་འདི་དག་ནི། བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ། བསྙེན་པར་རྫོགས་པ་དགེ་སློང་གི་གནས་སུས་བཅད་པ་ཡིན་ནོ། །བྲམ་ཟེ། བཞི་གང་ཞེ་ན། བཅོམ་ལྡན་འདས་ཀྱིས་དགེ་སློང་དག་གོས་རྣམས་ཀྱི་ནང་ན་ཕྱག་དར་ཁྲོད་ནི། རུང་བ། རྙེད་ཀྱང་སླ་བ་སྟེ། དེ་ལ་གནས་ན། དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང ། བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །ཟས་རྣམས་ཀྱི་ནང་ན་བསོད་སྙོམས་དང ། གནས་མལ་རྣམས་ཀྱི་ནང་ན་ཤིང་དྲུང་དང ། སྨན་རྣམས་ཀྱི་ནང་ན་བཀུས་ཏེ་བོར་བ་ནི། རུང་བ། རྙེད་ཀྱང་སླ་བ་སྟེ། དེ་ལ་གནས་ན། དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང ། བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །ཞེས་བཀའ་སྩལ་ཏོ། །བྲམ་ཟེ། བཅོམ་ལྡན་འདས་ཀྱིས་བདག་ཅག་ལ་གནས་སུ་བཅད་པ་ནི། བཞི་པོ་འདི་དག་ཡིན་ཏེ། འདི་དག་ལ་གནས་ནས་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང ། བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །བྲམ་ཟེས་སྨྲས་པ། འཕགས་པ། སུ་ཞིག་གནས་འདི་དག་གིས་འཚོ་བར་ནུས། བདག་རབ་ཏུ་མི་འབྱུང་ངོ ། །སྙམ་སྟེ། འདིས་མཆིས་ན། རབ་ཏུ་འབྱུང་བ་འདི་ཡང་དཀའ་བ་ཞིག་པས། ཕྱག་འཚལ་ལོ། །མཆིའོ། །ཞེས་སྨྲས་</font><hr>Tha350a<br><font size=+2>


༄#། །ཏེ་སོང་ངོ ། །དེ་ཉིད་དེའི་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་རབ་ཏུ་མ་བྱུང་བ་ཁོ་ན་ལ་གནས་བཞི་བརྗོད་པ་ལས་གྱུར་གྱི། དེ་ལྟ་བས་ན། དགེ་སློང་གིས་རབ་ཏུ་མ་བྱུང་བའམ། བསྙེན་པར་མ་རྫོགས་པ་ལ་གནས་བཞི་བརྗོད་པར་མི་བྱའི། གང་གི་ཚེ་རབ་ཏུ་བྱུང་བསྙེན་པར་རྫོགས་པ་དེའི་ཚེ་གནས་བཞི་བརྗོད་པར་བྱའོ། །རབ་ཏུ་མ་བྱུང ། བསྙེན་པར་མ་རྫོགས་པ་ལ་གནས་བཞི་བརྗོད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །མཉན་ཡོད་ན་ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཞེས་བྱ་བ་སྔ་མ་བཞིན་ནོ། །རིགས་དང་མཐུན་པའི་མིང་བཏགས་ཏེ། དེ་བསྐྱེད་བསྲིངས་ནས་ཆེན་པོར་གྱུར་ཏོ། །དེ་དུས་གཞན་ཞིག་ན་ཕས་སྤྱོས་པ་དང་དེས་བསམ་པ། ཕ་མགུ་དཀའ་བར་གྱུར་གྱི། རྒྱལ་བྱེད་ཀྱི་ཚལ་དུ་སོང་ལ་རབ་ཏུ་འབྱུང་ངོ ། །སྙམ་ནས་དེ་རྒྱལ་བྱེད་ཀྱི་ཚལ་དུ་སོང་ངོ ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དྲུག་སྡེ་གང་ཡང་རུང་བ་ཞིག་གིས། རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་</font><hr>Tha350b<br><font size=+2>


ཡིན་ཏེ། ཚེ་དང་ལྡན་པ་ཉེ་དགའ་སྒོ་ན་འདུག་པ་དེས་དེ་མཐོང་ནས་སྨྲས་པ། བཞིན་བཟང ། འོངས་པ་ལེགས་སོ། །ཁྱོད་ཟླ་བ་ལྟ་བུར་གནས་པ་ཡིན་ན། རིང་མོ་ཞིག་ལོན་ཏེ་ག་ལས་འོངས། དེས་སྨྲས་པ། འཕགས་པ། རིང་མོ་ཞིག་ལོན་ཏེ་མཐོང་བ་ནི། ལེགས་ཀྱི། ཡང་དང་ཡང་མཐོང་བ་ནི། བརྙས་པར་འགྱུར་རོ། །འོན་ཀྱང་འཕགས་པ་རབ་ཏུ་བྱུང་བར་འཚལ་གྱི། རབ་ཏུ་ཕྱུང་ཞིག་།བཞིན་བཟང ། ཁྱོད་ཀྱི་སེམས་བསྐྱེད་པ་ནི། བཟང་སྟེ། རབ་ཏུ་འབྱུང་བ་ནི། མཆོག་གོ་།བཅོམ་ལྡན་འདས་ཀྱིས་ཀྱང་ཕན་ཡོན་ལྔ་མཐོང་བའི་མཁས་པས་རབ་ཏུ་འབྱུང་བར་བྱ་བར་མོས་པར་བྱ་བའི་རིགས་སོ། །ཞེས་བྱ་བ་ནས་སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་དམ་པ་ཡང་དག་པར་ཞུགས་པའི་སྐྱེས་བུ་དམ་པ་རྣམས་ཀྱིས་ཞེས་བྱ་བའི་བར་སྔ་མ་བཞིན་ནོ། །དེ་ལྟ་བས་ན། ལེགས་ཀྱི། རབ་ཏུ་ཕྱུང་ཞིག་།དེ་ལྟ་མོད་ཀྱི། འདི་ལ་ཡོ་བྱད་དྲུག་དགོས་ན། ཁྱོད་ལ་ཡོ་བྱད་དྲུག་ཡོད་དམ། འཕགས་པ། ཡོ་བྱད་དྲུག་པོ་དེ་དག་ཇི་ལྟ་བུ་ཞིག་ལགས། བཞིན་བཟང ། ལྷུང་བཟེད་དང ། ཆུ་ཚགས་དང ། ཆོས་གོས་གསུམ་དང ། གདིང་བའོ། །འཕགས་པ། མ་མཆིས་སོ། །བཞིན་བཟང ། ཁོ་བོ་ལ་ཡང་མེད་དེ། རེ་ཞིག་སོང་ཞིག་དང ། ཁོ་བོས་ཡོ་བྱད་དྲུག་བཙལ་ལོ། །དེ་ཕ་སྤངས་ནས་གཉེན་དག་གི་དྲུང་དུ་སོང་བ་དང ། དེ་དག་གིས་ཁྱེའུ་དེ་ཇི་ལྟར་རབ་ཏུ་འབྱུང་བ་ཐོས་པས་དེ་དག་གིས་དེའི་ཆུང་མ་བླངས་སོ། །ཚེ་དང་ལྡན་པ་ཉེ་དགས་ཡོ་བྱད་དྲུག་རྙེད་ནས་དེ་</font><hr>Tha351a<br><font size=+2>


༄#། །དུས་གཞན་ཞིག་ན་ཡོ་བྱད་དྲུག་བཞག་སྟེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་དང ། དེས་ཁྱེའུ་དེ་སྲང་དུ་མཐོང་ནས་དེས་སྨྲས་པ། བཞིན་བཟང ། ཁོ་བོས་ཡོ་བྱད་དྲུག་པོ་དེ་དག་རྙེད་དེ། ཚུར་རབ་ཏུ་དབྱུང་གི། འདོང ། དེས་སྨྲས་པ། འཕགས་པ། བདག་གིས་ཀྱང་ཡོ་བྱད་དྲུག་རྙེད་དོ། །བཞིན་བཟང ། ཅི་འདྲ་བ་དག་ཅིག་།འཕགས་པ། མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་དོ། །བཞིན་བཟང ། དེ་ཅིའི་ཐ་ཚིག་།འཕགས་པ། བདག་ཉེ་དུ་རྣམས་ཀྱིས་ཆུང་མ་བླངས་ན། ཅི་ད་རབ་ཏུ་འབྱུང་ངམ། དེ་ཉིད་དེའི་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་ན། གནང་གི། ཡོ་བྱད་དྲུག་བརྙས་ནས་རབ་ཏུ་དབྱུང་བར་བྱ་ཞིང་བསྙེན་པར་རྫོགས་པར་བྱའོ། །ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་རྙེད་དཀའ་བས། ཡོ་བྱད་དྲུག་པོ་དག་རིམ་གྱིས་བཙལ་ནས་བརྙས་པ་སླར་བྱིན་ཅིག། གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་རབ་ཏུ་མང་པོ་ལྗོངས་རྒྱུ་ཞིང་དོང་བ་དང་རྐུན་པོ་དག་གིས་བཅོམ་ནས་དེ་དག་གིས་འཕྲོག་པ་དེ་ཁྱེར་ཏེ་རྒྱལ་བྱེད་ཀྱི་ཚལ་དུ་ལྷགས་ནས་བཙོང་བར་བརྩམས་སོ། །དགེ་སློང་བཅོམ་པ་དེ་དག་ཀྱང་</font><hr>Tha351b<br><font size=+2>


དེ་ཉིད་དུ་འོངས་ནས་དགེ་སློང་དེ་དག་གིས་རང་གི་ལྷུང་བཟེད་དང ། ཆོས་གོས་དག་ངོ་ཤེས་ཏེ། དེ་དག་གིས་ཀུ་ཅོའི་སྒྲ་བཏོན་ནས་ཤེས་ལྡན་དག་།འདི་དག་གིས་བདག་གི་ལྷུང་བཟེད་དང ། ཆོས་གོས་འདི་འཕྲོག་གི་།རྐུན་པོ་རྣམས་ཟུངས་ཤིག་།ཟུངས་ཤིག་།ཅེས་བྱས་པ་དང ། དེ་དག་ཀུ་ཅོའི་སྒྲ་ཐོས་ནས་སྐྲག་ཏེ་བྲོས་སོ། །དགེ་སློང་རྣམས་ཀྱིས་རང་རང་གི་ལྷུང་བཟེད་དང ། ཆོས་གོས་བླངས་ནས་འདུག་སྟེ། ཅི་འདི་བདག་ཅག་ལ་རུང་བ་ཡིན་ནམ། འོན་ཏེ་རུང་བ་མ་ཡིན་མི་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ནི། གང་གིས་འཕྲོག་པ་དེ་ཁོ་ནའི་ཡིན་པས། དེ་དག་བསྡིགས་པར་མི་བྱའོ། །བཅོམ་ལྡན་འདས་ཀྱིས་དེ་ནི། གང་གིས་འཕྲོག་པ་དེ་ཁོ་ནའི་ཡིན་ནོ། །ཞེས་བཀའ་སྩལ་པ་དང ། དགེ་སློང་གཞན་དག་ཅིག་ལྗོངས་རྒྱུ་ཞིང་དོང་བ་དང་རྐུན་པོ་རྣམས་ཀྱིས་མཐོང་ནས་དེ་དག་གིས་དེ་རྣམས་གཞོམ་པར་བརྩམས་ཏེ། དེ་དག་གིས་དེ་རྣམས་ཀྱི་ལྷུང་བཟེད་དང ། ཆོས་གོས་ཇི་སྙེད་ལ་ལག་པས་རེག་པ་དེ་སྙེད་ལྟ་བ་མེད་པར་བོར་ནས་དེ་རྣམས་ལྷུང་བཟེད་དང ། ཆོས་གོས་ཀྱིས་ཕོངས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཇི་སྲིད་རྐུན་པོ་དག་གིས་འཕྲོག་པ་ཁྱེར་ནས་སྦྱོར་བའི་རྒྱུན་མ་བཅད་པ་དེ་སྲིད་དུ་ལྟ་བ་མེད་པར་མི་བྱའོ། །བཅོམ་ལྡན་འདས་ཀྱིས་ཇི་སྲིད་དུ་རྐུན་པོ་དག་གིས་</font><hr>Tha352a<br><font size=+2>


༄#། །འཕྲོག་པ་ཁྱེར་ནས་སྦྱོར་བ་རྒྱུན་མ་བཅད་པ་དེ་སྲིད་དུ་ལྟ་བ་མེད་པར་མི་བྱའོ། །ཞེས་བཀའ་སྩལ་པ་དང ། རྐུན་པོ་དེ་དག་གིས་འཕྲོག་པ་དེ་ཁྱེར་ནས་མཉན་ཡོད་དུ་ཞུགས་ཏེ་སྲང་དུ་བཙོང་བར་བརྩམས་སོ། །དགེ་སློང་དེ་རྣམས་ཀྱིས་འཕྲོག་པ་དེ་ངོ་ཤེས་ཏེ། ངོ་ཤེས་ནས་རྐུན་པོ་དེ་རྣམས་རྒྱལ་པོའི་ཕོ་བྲང་དུ་ཁྲིད་དེ། དེ་དག་དེར་བསད་པ་དང ། བཅིང་བ་དང ། བཅད་པ་དང ། དབུག་པ་ལ་སོགས་པ་སྡུག་བསྔལ་གྱི་ཁྱད་པར་དག་གིས་ཉེ་བར་གཟིར་ཅིང་ཤིན་ཏུ་སྡུག་བསྔལ་བར་བྱས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོའི་ཕོ་བྲང་དུ་སྦྲན་པར་མི་བྱའི། འོན་ཀྱང་སྔར་ཆོས་བཤད་ནས་བླང་བར་བྱའོ། །གལ་ཏེ་མི་སྟེར་ན། རིན་ཕྱེད་ཀྱིས་བླང་བར་བྱའོ། །གལ་ཏེ་དེ་ལྟར་ཡང་མི་སྟེར་ན། རིན་ཚང་བར་བྱིན་ནས་བླང་བར་བྱ་སྟེ། དགེ་སློང་དག་གིས་ལྷུང་བཟེད་དང ། ཆོས་གོས་བྱས་པ་མཐར་ཕྱིན་པ་ནི། རྙེད་པར་དཀའོ། །གླེང་གཞི་ནི། མཉན་ཡོད་ནའོ། །དགེ་སློང་དག་གིས་ལྕི་བ་སྐམ་པོ་དང ། སོ་ཤིང་ཚོན་རྩིའི་ཤལ་མ་ལ་སོགས་པ་བཞིན་དུ་བོར་ནས་མི་ལྟ་བར་དོང་བ་དང ། དེ་དག་དགེ་སློང་འགས་ཀྱང་འགྱོད་པས་མ་བླངས་པས་དེ་ཉིད་དུ་ཆུད་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། </font><hr>Tha352b<br><font size=+2>


ཡིད་གཅུགས་པ་ལྔས་ལེན་པ། མཛའ་བ་དང ། ཡིད་དུ་འོང་བ་དང ། བླ་མ་དང ། དྲན་པར་བྱ་བ་དང ། ཐོས་ནས་དགའ་བར་འགྱུར་རོ། །སྙམ་ནས་ལེན་པ་ནི། ལེགས་པར་བླངས་པ་ཡིན་ཏེ། འདི་ལ་འགྱོད་པར་མི་བྱའོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་བཙོ་བླག་གི་ལས་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་སྒོ་ཁང་དང ། འཆགས་དག་ཏུ་ཆོས་གོས་དག་བཙོས་པས་དེ་དག་རྡུལ་གྱིས་ཀྱང་ཕོག་།རྫི་ཆར་གྱིས་ཀྱང་གཤེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་དུ་བཙོ་བླག་གི་ལས་བྱའོ། །དགེ་སློང་དག་གིས་གཙུག་ལག་ཁང་དུ་བཙོ་བླག་གི་ལས་བྱས་བར་བརྩམས་པ་དང ། ཚོན་ས་ལ་བོ་བ་ཁྲག་ལྟ་བུར་སྣང་བ། བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ། ཕྱོགས་འདིར་ར་ལུག་བསད་དམ་ཅི། དེ་དག་གིས་སྨྲས་པ། ཤེས་ལྡན་དག་།བདག་ཅག་གིས་ཕྱོགས་འདིར་བཙོ་བླག་གི་ལས་བྱས་པས་ཚོན་རྩི་བོའོ། །དེ་དག་གིས་སྨྲས་པ། འཕགས་པ། གལ་ཏེ་ཚོན་རྩི་ཕོ་ན། ཏེ་པོར་མི་སྡུག་པར་སྣང་གི། བྱི་དོར་བགྱིད་དུ་སྩོལ་ཅིག་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཞལ་ཞལ་བྱུག་པར་བྱའོ། །དེ་དག་གིས་ཐམས་ཅད་དུ་བྱུགས་པ་དང ། རྡོ་ཐལ་དག་མ་རུངས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རྡོ་</font><hr>Tha353a<br><font size=+2>


༄#། །ཐལ་ཅན་ནི། བཀྲུ་བར་བྱའོ། །གཞན་དུ་ནི། ཞལ་ཞལ་གྱིས་བྱུག་པར་བྱའོ། །སྡོམ་ནི། ཤིང་རྣམས་བསྐྱེད་པར་གནང་བ་དང ། ན་མེ་རུ་ཀ་གོས་དག་དང ། ཁ་ཚར་རིང་པོ་ཚིགས་བཅད་དུ། །བསྡུས་ནས་སྡོམ་དུ་ཡང་དག་བསྟན། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་ཀ་ལནད་ཀ་གནས་པ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལུས་འཕགས་རི་ལ་བདེན་པ་ལ་བཞག་པ་དེའི་ཚེ། རྒྱལ་པོ་གཟུགས་ཅན་སྙིང་པོས་དེར་དུས་སྟོན་བཙུགས་པས། དེར་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ཐམས་ཅད་འདུའོ། །ལུས་འཕགས་རི་རྡོ་ཅན་ཤིང་མེད་པ་ཞིག་པས། ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ཚ་བས་གདུངས་ཏེ། འཕགས་པ། ཀྱེ་མ་ཁྱེད་ཀྱི་འདིར་ཤིང་བསྐྱེད་མཛོད་ཅིག་།དེ་དག་གིས་སྨྲས་པ། ཤེས་ལྡན་དག་།བཅོམ་ལྡན་འདས་ཀྱིས་མ་གནང་ངོ ། །འཕགས་པ། འདི་ལ་ཅི་ཞིག་འགལ། དེ་དག་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། ཤིང་བསྐྱེད་པར་བྱའོ། །བཅོམ་ལྡན་འདས་ཀྱིས་ཤིང་བསྐྱེད་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཤིང་བསྐྱེད་དེ་དོང་བས་དེ་དག་དེ་བཞིན་དུ་བསྐམས་སོ། །ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ཕྱི་དེ་ལོ་ལྷགས་</font><hr>Tha353b<br><font size=+2>


པ་དང ། དེ་བཞིན་དུ་ཚ་བས་གདུངས་ནས་སྨྲས་པ། འཕགས་པ། ཁྱེད་ཀྱིས་ཤིང་དེ་དག་མ་བསྐྱེད་དམ། ཤེས་ལྡན་དག། བསྐྱེད་ན། འོན་ཀྱང་ཞལ་ཏ་མ་བྱས་པས་མ་རུང་ངོ ། །འཕགས་པ།་གལ་ཏེ་ཁྱེད་ཀྱང་ཕ་མ་དག་གིས་བསྐྱེད་ནས་ཞལ་ཏ་བྱས་པར་མ་གྱུར་ན། ཁྱེད་ཀྱང་མ་རུང་བར་འགྱུར་རོ། །ཀྱེ་མ་ཁྱེད་ཀྱི་ཞལ་ཏ་བྱས་མཛོད་ཅིག་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཤིང་བསྐྱེད་ནས་ཡལ་བར་དོར་བར་མི་བྱའི། འོན་ཀྱང་ཞལ་ཏ་བྱའོ། །བཅོམ་ལྡན་འདས་ཀྱིས་ཤིང་བསྐྱེད་ནས་ཡལ་བར་དོར་བར་མི་བྱའི། འོན་ཀྱང་ཞལ་ཏ་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཇི་ལྟར་ཞལ་ཏ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་ཆུས་བཅུ་བར་བྱའོ། །དགེ་སློང་དག་།དེ་ཁོ་ན་ལྷུར་ལེན་པས། དགེ་བའི་ཕྱོགས་ཡོངས་སུ་ཉམས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྷུར་བླང་བར་མི་བྱའི། ལ་ལར་ནི། ལག་པ།་ལ་ལར་ནི། རྐང་པ་བཀྲུ་བར་བྱའོ། །ལ་ལར་ནི། སོ་ཤིང་བཟའ་བར་བྱའོ། །ལ་ལར་ནི། ལྷུང་བཟེད་བཀྲུ་བར་བྱའོ། །ལ་ལར་ནི། ཁྲུས་བྱའོ། །དེ་དག་དགུན་སྟོད་ཀྱི་དུས་སུ་ཁ་བས་ཚིག་ནས་བཅོམ་ལྡན་འདས་ཀྱིས་བཀའ་སྩལ་པ། ཚས་སུ་གཞུག་པར་བྱའོ། །དགེ་སློང་དག་གིས་ཚས་སུ་བཅུག་པ་དང ། དེ་དག་གིས་མེ་ཤོར་བས་ཚིག་ནས་བཅོམ་ལྡན་འདས་ཀྱིས་</font><hr>Tha354a<br><font size=+2>


༄#། །བཀའ་སྩལ་པ། ར་བས་བསྐོར་བར་བྱའོ། །རླུང་མ་ཤོར་བར་ཚ་བས་གདུངས་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་གདོད་པར་བྱའོ། །དབྱར་སྦྱང་བཞིན་དུ་ཆུས་གང་སྟེ་འདུག་ནས་བཅོམ་ལྡན་འདས་ཀྱིས་བཀའ་སྩལ་པ། དབྱར་གྱི་དུས་སུ་རྩིག་པ་བཤིག་ལ་ཆུ་འབོ་བར་བྱའོ། །དགེ་སློང་དག་གིས་ཇི་སྲིད་ཤིང་དེ་དག་ཆེན་པོར་མ་གྱུར་པར་དེ་དག་བོར་ཏེ་དོང་བ་དང ། དེ་དག་དེ་བཞིན་དུ་བསྐམས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་ངས་དགེ་སློང་ཤིང་སྐྱེད་པར་བྱེད་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ཤིང་སྐྱེད་པར་བྱེད་པས། གལ་ཏེ་མེ་ཏོག་གི་ཤིང་སྐྱེས་པར་གྱུར་ན། ཇི་སྲིད་དུ་མེ་ཏོག་མ་ཆགས་པ་དེ་སྲིད་དུ་འགྲོ་བར་མི་བྱའོ། །འོན་ཏེ་འབྲས་བུའི་ཤིང་སྐྱེས་པར་གྱུར་ན། ཇི་སྲིད་དུ་འབྲས་བུ་མ་ཆགས་པ་དེ་སྲིད་དུ་འགྲོ་བར་མི་བྱའོ། །བཅོམ་ལྡན་འདས་ཀྱིས་དགེ་སློང་ཤིང་སྐྱེད་པར་བྱེད་པས། ཇི་སྲིད་དུ་མེ་ཏོག་དང ། འབྲས་བུ་མ་ཆགས་པ་དེ་སྲིད་དུ་འགྲོ་བར་མི་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ལ་བྱ་བ་རིངས་པ་དག་ཅིག་བྱུང་སྟེ།་དེ་དག་གིས་ཇི་ལྟར་སྒྲུབ་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཀུན་དགའ་ར་བ་པའམ། དགེ་སློང་སྨོས་འདྲིན་ལ་བཅོལ་ནས་འགྲོ་བར་བྱ་སྟེ། </font><hr>Tha354b<br><font size=+2>


འདི་ལ་འགྱོད་པར་མི་བྱའོ། །གླེང་གཞི་ནི། རྒྱལ་པོའི་ཁབ་ནའོ། །རྒྱལ་པོ་ས་འཛིན་གྱིས་རྒྱལ་པོ་གཟུགས་ཅན་སྙིང་པོ་ལ་ལཝ་བ་རིན་པོ་ཆེ་ཞིག་སྐྱེས་སུ་བསྐུར་བ་དང ། དེ་རྒྱལ་པོ་གཟུགས་ཅན་སྙིང་པོས་ཚེ་དང་ལྡན་པ་པི་ལིནདའི་བུ་ལ་བྱིན་ནོ། །ཚེ་དང་ལྡན་པ་པི་ལིནདའི་བུ་དེས་གྱོན་ནས་དགོན་པའི་གནས་སུ་སོང་སྟེ་འདུག་པ་དང ། རྐུན་པོ་རྣམས་ཀྱིས་རྒྱལ་པོ་ས་འཛིན་གྱིས་རྒྱལ་པོ་གཟུགས་ཅན་སྙིང་པོ་ལ་ལཝ་བ་རིན་པོ་ཆེ་ཞིག་བསྐུར་བ་དེས། དེས་འཕགས་པ་པི་ལིནདའི་བུ་ལ་བྱིན་པ་དང ། དེས་དེ་གྱོན་ནས་དགོན་པའི་གནས་ཆེ་གེ་ཞིག་ན་འདུག་གོ། ཞེས་ཇི་ལྟ་བ་བཞིན་དུ་ཐོས་ནས་དེ་དག་ཕན་ཚུན་གྲོས་བྱ་བར་བརྩམས་པ། ཤེས་ལྡན་དག་།དེ་སྐད་ཅེས་གྲག་ན། འདི་ལ་ཇི་ལྟར་བསྒྲུབ་པར་བྱ། ཁ་ཅིག་གིས་སྨྲས་པ། འདི་ལ་ཅི་ཞིག་སྒྲུབ་ཏུ་ཡོད། ཚུར་དོང་ལ་དབྲོག་མོད།་དེ་དག་དོང་སྟེ་སྒོ་ལ་དལ་གྱིས་བརྡུངས་པ་དང ། ཚེ་དང་ལྡན་པ་པི་ལིནདའི་བུས་སྨྲས་པ། འདི་སུ་ཞིག། དེ་དག་གིས་སྨྲས་པ། འཕགས་པ། བདག་ཅག་ནི། རྐུན་པོའོ། །ཅི་འདོད། འཕགས་པ། ལཝ་བ་རིན་པོ་ཆེའོ། །བཞིན་བཟང་དག་།གལ་ཏེ་དེ་ལྟ་ན། སྐར་ཁུང་ནས་ལག་པ་རྐྱོངས་ཤིག་།དེ་ནས་གཅིག་ཅིག་གིས་ལག་པ་བརྐྱང་བ་དང ། ཚེ་དང་ལྡན་པ་པི་ལིནདའི་བུས་ལཝ་བ་རིན་པོ་ཆེ་དེ། མ་འཆད་ཅིག་།མ་འཚིག་ཅིག་།འདྲེན་པ་ན་ཟད་པར་མ་གྱུར་ཅིག་།ཅེས་དེ་ལྟར་བྱིན་གྱིས་བརླབས་ནས་སྐར་ཁུང་ནས་</font><hr>Tha355a<br><font size=+2>


༄#། །དེའི་ཕྱོགས་གཅིག་ཕྱུང་བ་དང ། རྐུན་པོ་རྣམས་ཀྱིས་དྲངས་ཤིང་དྲངས་ནས་ཕུང་པོར་བྱས་ཏེ་དྲངས་ན་ཟད་དུ་མ་བཏུབ་ནས་དེ་དག་གིས་མཚོན་གྱིས་གཅད་པར་བརྩམས་ན་ཡང་མ་ཆོད། མེས་བསྲེགས་པར་བརྩམས་ན་ཡང་འཚིག་ཏུ་མ་བཏུབ་ནས་དེ་དག་གིས་སྨྲས་པ། འཕགས་པ་པི་ལིནདའི་བུ། བདག་ཅག་ལ་ཅི་ཞིག་མཐོ་བཙམ། ཐོང་ཞིག། དེས་སྨྲས་པ། སྐྱེས་བུ་གཏི་མུག་དག་།ཁྱེད་ཀྱིས་མཐོ་བཙམས་ན། ངས་ཇི་ལྟར་མཐོ་བཙམ། ཁྱེད་ཀྱི་སྟོབས་དང ། བརྩོན་འགྲུས་དང ། ཕ་རོལ་གནོད་པ་གང་ཡིན་པ་དེས་དྲངས་ན། ངས་ཇི་ལྟར་མི་གཏང ། དེ་དག་གིས་སྨྲས་པ། ཤེས་ལྡན་དག་།འཕགས་པ་པི་ལིནདའི་བུ་རྫུ་འཕྲུལ་ཆེན་པོ་མཐུ་ཆེན་པོས་མ་བཏང་ཕན་ཆད་འཛིན་པ་འོངས་ན་མི་རུང་གི། བྲོས་ཏེ་འདོང་ངོ ། །ཞེས་དེ་དག་བྲོས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་དེ་ལྟ་བུའི་རིན་པོ་ཆེ་དག་གྱོན་ནས་དགོན་པའི་གནས་ན་འདུག་པ་ལས་གྱུར་གྱི། དེའི་ཕྱིར་དགེ་སློང་གིས་དེ་ལྟ་བུའི་རིན་པོ་ཆེ་དག་དགོན་པའི་གནས་སུ་བཀུར་བར་མི་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དགེ་སློང་པི་ལིནདའི་བུས་ལཝ་བ་རིན་པོ་ཆེ་དེ་འདྲ་བ་གྱོན་ནས་དགོན་པའི་གནས་སུ་འདུག་པ་གང་ཡིན་པ་དེ་ནི། མ་ལེགས་པ་ཞིག་བྱས་</font><hr>Tha355b<br><font size=+2>


སོ། །དེ་ལྟ་བས་ན། དགེ་སློང་གིས་ལཝ་བ་རིན་པོ་ཆེ་དེ་ལྟ་བུ་གྱོན་ནས་དགོན་པའི་གནས་སུ་འདུག་པར་མི་བྱའོ། །འདུག་ན། འགལ་ཚབས་ཅན་དུ་འགྱུར་རོ། །འོན་ཀྱང་དགེ་སློང་དགོན་པའི་གནས་ན་གནས་པ་གང་ཞིག་ལ་ལཝ་བ་རིན་པོ་ཆེ་དེ་ལྟ་བུ་བདོག་པ་དེས་ཁྱིམ་དུ་གཞག་པར་བྱའོ། །བཅོམ་ལྡན་འདས་ཀྱིས་ལཝ་བ་རིན་པོ་ཆེ་དེ་འདྲ་བ་ཁྱིམ་དུ་གཞག་པར་བྱའོ། །ཞེས་བཀའ་སྩལ་པ་དང ། དགེ་སློང་དགོན་པའི་གནས་ན་འདུག་པ་གཞན་ཞིག་ལ་ཆེན་པོ་ལ་འོས་པའི་ལཝ་བ་གྲུབ་པ་དེས་དེ་ཁྱིམ་དུ་བཞག་པ་དང ། སྲོག་ཆགས་དག་གིས་རྨུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ན་མེ་རུ་ཀས་བཏབ་སྟེ་གཞག་པར་བྱའོ། །གལ་ཏེ་དེ་མ་རྙེད་ན། ཤིང་ཀུན་ནམ། བ་ཤ་ཀའི་ལོ་མའམ། ཨ་རི་ཏའི་ལོ་མས་རིམ་པ་རིམ་པར་བཏབ་ནས་གཞག་བར་བྱའོ། །རིམ་པ་རིམ་པར་གདབ་ཏུ་མ་འབྱོར་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་འབྱོར་པ་མེད་ན། སྟེང་དུ་བཏབ་ནས་གཞག་པར་བྱ་ཞིང་དུས་དུས་སུ་བསྐམ་པར་བྱའོ། །གླེང་གཞི་ནི། མཉན་ཡོད་ནའོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་དེའི་ཚེ། དེ་དུས་དུས་སུ་སྟོན་པའི་ཞབས་དང ། དགེ་སློང་གནས་བརྟན་གནས་བརྟན་རྣམས་ལ་ཕྱག་འཚལ་དུ་འོང་ངོ ། །ཇི་ཙམ་དུས་</font><hr>Tha356a<br><font size=+2>


༄#། །གཞན་ཞིག་ན་དགུན་ཁ་དགེ་སློང་རྣམས་ལྷགས་པས་སྦྲེབས་ནས་བསྐུམས་ཏེ་གནས་ཁང་དག་ན་ཉལ་ཞིང་འདུག་གོ་།ཁྱིམ་བདག་མགོན་མེད་ཟས་སྦྱིན་སྟོན་པའི་ཞབས་ལ་ཕྱག་འཚལ་དུ་རྒྱལ་བྱེད་ཀྱི་ཚལ་དུ་སོང་བ་དེས། དགེ་སློང་དེ་དག་དགེ་བའི་ཕྱོགས་བཏང་སྟེ་དེ་བཞིན་དུ་འདུག་པ་མཐོང་ནས་དེས་སྨྲས་པ། འཕགས་པ། གཅིག་ཏུ་བརྩོན་པའི་བསྟན་པ་ལ་ཅི་སྟེ་དགེ་བའི་ཕྱོགས་བཏང་སྟེ་བཞུགས། དེ་དག་གིས་སྨྲས་པ། ཁྱིམ་བདག་།ལྷགས་པས་སྦྲེབས་སོ། །དེ་ཅང་མི་སྨྲ་བར་རྐང་པ་ལ་ཕྱག་བྱས་ཏེ་སོང་ངོ ། །དེས་ཁྱིམ་དུ་ཕྱིན་ནས་གོས་ལྔ་བརྒྱ་དགེ་འདུན་ལ་བསྐུར་བ་དང ། དགེ་སློང་རྣམས་ཀྱིས་ཁ་ཚར་བཅད་ནས་བཙག་དང་ཚོན་གཞན་གྱིས་ཅི་དགའ་མགུར་ཁ་བསྒྱུར་ཏེ་གྱོན་ནོ། །ཇི་ཙམ་ན་ཁྱིམ་བདག་མགོན་མེད་ཟས་སྦྱིན་ཡང་སྟོན་པའི་ཞབས་ལ་ཕྱག་འཚལ་དུ་འོངས་པས། དགེ་སློང་རྣམས་ཀྱི་གནས་ཁང་དུ་བལྟས་ན། གོས་དེ་དག་མི་སྣང་ནས་དེས་སྨྲས་པ། འཕགས་པ། གོས་དེ་དག་མི་གདའ་ན། ཁྱེད་ཀྱིས་གང་དུ་བཞག་།དེ་དག་གིས་ཇི་ལྟར་གྱུར་པ་བསྙད་པ་དང ། དེས་སྨྲས་པ། འཕགས་པ། ཁྱེད་ཀྱིས་ཆེན་པོ་ལ་འོས་པའི་གོས་དེ་ལྟ་བུ་ཆུད་གསན་ཏོ། །ཀྱེ་མ་ཁྱེད་ཀྱིས་ཁ་ཚར་རིང་པོ་ཉིད་དང་དཀར་པོར་གཞག་མཛོད་ཅིག་།དེ་དག་སྤོབས་པ་མེད་ནས་ཅང་མི་ཟེར་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་</font><hr>Tha356b<br><font size=+2>


ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།དགེ་འདུན་གྱིས་གོས་གསར་པ་ཁ་ཚར་རིང་པོ་དག་བཅང་བར་བྱའོ། །འདུལ་བ་ཕྲན་ཚེགས་ཀྱི་གཞི་ལས་སྒོ་བཞི་པ་རྫོགས་སོ།། །།བསྡུས་པའི་སྡོམ་ནི། ལུས་དང་གླེང་བ་སངས་རྒྱས་དང ། །སྤང་བ་དག་དང་ང་འདས་དང ། །མཚམས་ལས་ཕྱི་རོལ་དགེ་སློང་རྣམས། །དུས་སྟོན་རྒྱུ་བར་བཅས་པའོ། །སྡོམ་ནི། རོ་ནི་བསྲེག་པར་བྱ་བ་དང ། །ཤཱ་རིའི་བུ་ཡི་མཆོད་རྟེན་དང ། །དེར་ནི་དུས་སྟོན་བྱ་བ་དང ། །དུང་དང་ཉ་ཕྱིས་ཚོང་བའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན། ཁྱིམ་བདག་ཅིག་གནས་པ་དེས་རིགས་མཉམ་པ་ལ་ཆུང་མ་བླངས་ཏེ་དེ་དེ་དང་ལྷན་ཅིག་ཅེས་བྱ་བ་ནས་བུ་ཕོ་ཞིག་བཙས་ཏེ། དེ་བཙས་པའི་བཙས་སྟོན་ཞག་བདུན་གསུམ་ཉི་ཤུ་རྩ་གཅིག་ཏུ་རྒྱ་ཆེར་བྱས་ནས་རིགས་དང་མཐུན་པའི་མིང་བཏགས་ཏེ་བསྲིངས་བསྐྱེད་ནས་ཆེན་པོར་གྱུར་ཏོ། །ཞེས་བྱ་བའི་བར་སྔ་མ་བཞིན་ནོ། །ཇི་ཙམ་དུས་གཞན་ཞིག་ན། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། དེའི་ཁམས་མི་མཉམ་ནས་ན་བར་གྱུར་ཏེ། དེ་རྩ་བ་དང ། སྡོང་བུ་དང ། མེ་ཏོག་དང ། འབྲས་བུའི་སྨན་དག་གིས་རིམ་གྲོ་བྱས་ན། མ་ཕན་ཏེ་དུས་ལས་འདས་སོ། །དེ་དགེ་སློང་དག་གིས་ལྷུང་བཟེད་དང་བཅས། ཆོས་གོས་དང་</font><hr>Tha357a<br><font size=+2>


༄#། །བཅས་པར་ལམ་དང་ཉེ་བ་ཞིག་ཏུ་བོར་རོ། །ཇི་ཙམ་ན་ལམ་དེ་ནས་བྲམ་ཟེ་དང ། ཁྱིམ་བདག་འགྲོ་བ་དེ་དག་གིས་དེ་མཐོང་སྟེ། དེ་ན་ཁ་ཅིག་གིས་སྨྲས་པ། ཤེས་ལྡན་དག། ཤཱཀྱའི་བུ་པ་ཞིག་དུས་ལས་འདས་སོ། །གཞན་དག་གིས་སྨྲས་པ། ཚུར་ཤེག། བལྟ་བར་བྱའོ། །དེ་དེ་དག་གིས་མཐོང་ནས་ངོ་ཤེས་ཏེ། དེ་དག་གིས་སྨྲས་པ། ཤེས་ལྡན་དག། འདི་ནི། ཁྱིམ་བདག་ཆེ་གེ་མོའི་བུ་ཡིན་ཏེ། དགེ་སྦྱོང་ཤཱཀྱའི་བུ་པ་མགོན་མེད་པ་རྣམས་ཀྱི་ནང་དུ་རབ་ཏུ་བྱུང་བས། གནས་སྐབས་འདི་འདྲ་བར་གྱུར་ཏོ། །འདི་དག་གི་ནང་དུ་རབ་ཏུ་བྱུང་བར་མ་གྱུར་ན། ཉེ་དུ་དག་གིས་འདིར་རིམ་གྲོ་བྱས་པར་འགྱུར་བ་ཞིག་།སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་ལྟ་བས་ན། གནང་གི། དགེ་སློང་ཤི་བའི་རིམ་གྲོ་བྱའོ། །བཅོམ་ལྡན་འདས་ཀྱིས་དགེ་སློང་ཤི་བའི་རིམ་གྲོ་བྱའོ། །ཞེས་གསུངས་པ་དང ། དགེ་སློང་དག་ཇི་ལྟར་རིམ་གྲོ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། བསྲེག་པར་བྱའོ། །བཅོམ་ལྡན་འདས་ཀྱིས་བསྲེག་པར་བྱའོ། །ཞེས་གསུངས་པ་དང ། བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བཅོམ་ལྡན་འདས་ཀྱིས་ལུས་འདི་ལ་སྲིན་བུའི་རིགས་བརྒྱད་ཁྲི་ཡོད་དོ། །ཞེས་གང་གསུངས་པ་དེ་དག་ཇི་ལྟ་བུ་ལགས། </font><hr>Tha357b<br><font size=+2>


བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར། དེ་སྐྱེས་མ་ཐག་ཏུ་དེ་དག་ཀྱང་སྐྱེ་ལ། ཤི་བའི་ཚེ་དེ་དག་ཀྱང་འཆི་མོད་ཀྱི། འོན་ཀྱང་རྨའི་སྒོ་རྣམས་སུ་བརྟགས་ཏེ་བསྲེག་པར་བྱའོ།། བཅོམ་ལྡན་འདས་ཀྱིས་བསྲེག་པར་བྱའོ། །ཞེས་གསུངས་པ་དང ། ཤིང་མ་འབྱོར་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཆུ་ཀླུང་དག་ཏུ་དོར་བར་བྱའོ། །ཆུ་ཀླུང་མེད་ནས་བཅོམ་ལྡན་འདས་ཀྱིས་བཀའ་སྩལ་པ། ས་བརྐོས་ཏེ་གཞུག་པར་བྱའོ། །དབྱར་ཁ་ས་ཡང་འཐས་ལ་ཤིང་ཡང་སྲོག་ཆགས་ཅན་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཐིབས་པོའི་ཕྱོགས་སུ་མགོ་བྱང་ཕྱོགས་སུ་བསྟན་ཏེ་སྔས་སུ་རྩཝའི་བམ་པོ་བཞག་ལ་གློ་གཡས་པས་བསྙལ་ཏེ་རྩཝའམ་ལོ་མའི་ཚོགས་ཀྱིས་གཡོགས་ལ་ཡོན་བསྔོ་ཞིང་རྒྱུད་ཆགས་གསུམ་གྱི་ཆོས་མཉན་པ་བྱིན་ནས་འདོར་བར་བྱའོ། །དགེ་སློང་དག་དེ་བཞིན་དུ་དོང་བ་དང ། བྲམ་ཟེ་དང ། ཁྱིམ་བདག་དག་ཤཱཀྱའི་བུའི་དགེ་སྦྱོང་རྣམས་ནི། རོ་བསྐྱལ་ནས་ཁྲུས་མི་བྱེད་པར་དེ་བཞིན་འདོང་སྟེ། གཙང་སྦྲ་མེད་དོ། །ཞེས་འཕྱ་བར་བྱེད་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་དོང་བར་མི་བྱའི། འོན་ཀྱང་ཁྲུས་བྱའོ། །དེ་དག་ཐམས་ཅད་བཀྲུ་བར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ཁྲུས་</font><hr>Tha358a<br><font size=+2>


༄#། །མི་བྱའི། གང་དག་རེག་པ་དེ་དག་གིས་གོས་དང་བཅས་ཏེ་བཀྲུ་བར་བྱའོ། །གཞན་དག་གི་ནི། རྐང་ལག་ཉི་ཚེ་བཀྲུ་བར་བྱའོ། །དེ་དག་མཆོད་རྟེན་ལ་ཕྱག་མི་འཚལ་ནས་བཅོམ་ལྡན་འདས་ཀྱིས་བཀའ་སྩལ་པ། མཆོད་རྟེན་དག་ལ་ཕྱག་འཚལ་བར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་བྱ་ཀ་ལནད་ཀ་གནས་པ་ན་བཞུགས་སོ།། ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ཀྱི་ཀུན་ཏུ་སྤྱོད་པ་ནི། དུས་དུས་སུ་སེམས་ཅན་དམྱལ་བར་ཡང་རྒྱུ་ཞིང་འདོང ། དུད་འགྲོར་ཡང་འདོང ། ཡི་དྭགས་དག་ཏུ་ཡང་འདོང ། ལྷའི་ནང་དུ་ཡང་འདོང ། མི་དག་ཏུ་ཡང་རྒྱུ་ཞིང་འདོང་ངོ ། །དེ་གཉིས་དུས་གཞན་ཞིག་ན་དམྱལ་བར་རྒྱུ་ཞིང་འདོང་བ་ལས། མནར་མེད་པའི་དམྱལ་བ་ཆེན་པོར་སོན་པ་དང ། དེར་ཚེ་དང་ལྡན་པ་ཤཱ་རིའི་བུས། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་སྨྲས་པ། ཚེ་དང་ལྡན་པ་མོའུ་དགལ་གྱི་བུ། དམྱལ་བ་པའི་སེམས་ཅན་རྣམས་ངལ་སོས་པར་གྱིས་ཤིག་ཚེ་དང་ལྡན་པ་མོའུ་དགལ་གྱི་བུས། ཚེ་དང་ལྡན་པ་ཤཱ་རིའི་བུ། དེ་བཞིན་བགྱིའོ། །ཞེས་ཚེ་དང་ལྡན་པ་ཤཱ་རིའི་བུ་ལྟར་མཉན་ཏེ་ནམ་མཁའ་ལ་འཕགས་ནས་ཆར་ཤིང་རྟའི་སྲོག་ཤིང་ཙམ་གྱི་རྒྱུན་དབབ་པར་བརྩམས་པ་དང ། ཆུ་དེ་མནར་མེད་པའི་མེ་ལྕེའི་འོད་ཀྱིས་བར་དུ་བསྐམས་པར་གྱུར་ཏོ། །ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ་མོའུ་</font><hr>Tha358b<br><font size=+2>


དགལ་གྱི་བུ་ཆེན་པོ། གཞེས་ཤིག་དང ། བདག་གིས་ངལ་སོས་པར་བགྱིའོ། །དེས་སྨྲས་པ། ལེགས་ཀྱི། དེ་བཞིན་དུ་ངལ་སོས་པར་མཛོད་ཅེས་སྨྲས་ཏེ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་བསྡད་པ་དང ། ཚེ་དང་ལྡན་པ་ཤཱ་རིའི་བུས་ཏིང་ངེ་འཛིན་མོས་པ་ཅན་ཞེས་བྱ་བ་ལ་སྙོམས་པར་ཞུགས་ནས་དེས་མནར་མེད་པ་ཆེན་པོ་དེ་བསིལ་བར་བྱས་ཏེ། མནར་མེད་པའི་སེམས་ཅན་རྣམས་ཀྱི་སྡུག་བསྔལ་རྒྱུན་བཅད་དོ། །དེ་ནས་དེ་གཉིས་ཀྱིས་རྫོགས་བྱེད་ཆོས་ལོག་པར་སྟོན་པས། ལུས་ཆེན་པོར་གྱུར་ཅིང་དེའི་ལྕེ་ལ་ཡང་གཤོལ་ལྔ་བརྒྱས་རྨོད་པ་མཐོང་བ་དང ། དེས་སྨྲས་པ། འཕགས་པ་ཤཱ་རིའི་བུ་དང ། མོའུ་དགལ་གྱི་བུ། གལ་ཏེ་འཛམ་བུའི་གླིང་དུ་གཤེགས་ན། ཚངས་པ་མཚུངས་པར་སྤྱོད་པ་རྣམས་ལ་བདག་གི་མཆིད་ནས། ངས་ཆོས་ལོག་པར་བསྟན་པས་སྐྱེ་བོའི་ཚོགས་མང་པོ་བསླུས་ཏེ། ང་ལས་ཡང་དག་པར་བླངས་ནས་ཀུན་ཏུ་སྤྱད་པ་དེས་ལྕེ་ལ་གཤོལ་ལྔ་བརྒྱས་རྨོད་ཅིང ། ཁྱེད་ཀྱི་ཇི་ལྟ་ཇི་ལྟར་ངའི་མཆོད་རྟེན་ལ་རྗེད་པར་བྱས་པ་དེ་ལྟ་དེ་ལྟར་ང་ལ་སྡུག་བསྔལ་ཆེས་མི་ཟད་པར་གྱུར་གྱི། ཕྱིན་ཆད་མ་བྱེད་པར་ཐོང་ཞིག་གཅིག་མཆིའོ། །ཞེས་གསུངས་ཤིག་།ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་དག་གིས་རྫོགས་བྱེད་ལ་ཅང་མི་སྨྲ་པས། ཁས་བླངས་སོ། །ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་མནར་མེད་པ་ནས་མི་སྣང་བར་གྱུར་ཏེ་རྒྱལ་པོའི་ཁབ་ཏུ་དོང་ངོ ། །དེ་གཉིས་རྒྱལ་</font><hr>Tha359a<br><font size=+2>


༄#། །པོའི་ཁབ་ཏུ་ཕྱིན་པ་དང ། ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་དག་ཅིག་ཕྱིར་བྱུང་ནས་དེ་དག་ཁ་ཅིག་གིས་སྨྲས་པ། ཤེས་ལྡན་དག་།ཤཱཀྱའི་བུའི་དགེ་སྦྱོང་འདི་དག་བརྡེག་གོ་།ཁ་ཅིག་གིས་སྨྲས་པ། དེ་བཞིན་ཁོ་ནར་བརྡེག་ན། མ་ལེགས་ཏེ། ཀླན་ཀ་བཙལ་ནས་བརྡེག་པར་བྱའོ། །དེ་དག་གིས་སྨྲས་པ། དེ་བཞིན་དུ་བྱའོ། །ཚེ་དང་ལྡན་པ་ཤཱ་རིའི་བུ་སྔར་སོང་བ་དང་དེ་དག་གིས་དེ་ལ་སྨྲས་པ། འཕགས་པ་ཤཱ་རིའི་བུ། ཀུན་ཏུ་འཚོ་བ་དག་ལ་དགེ་སྦྱོང་ཡོད་དམ། དེས་ཚིགས་སུ་བཅད་དེ་སྨྲས་པ། ཀུན་ཏུ་འཚོ་ལ་དགེ་སྦྱོང་མེད། །ཤཱཀྱ་རྣམས་ཀྱི་ནང་ན་ཡོད། །དགྲ་བཅོམ་དག་ལ་ཆགས་ལྡན་མེད། །བུས་པ་སོ་སོའི་སྐྱེ་བོའང་མེད། །དེ་དག་གིས་ཚིགས་སུ་བཅད་པ་དེའི་དོན་ཁོང་དུ་མ་ཆུད་ནས་དེ་དག་གིས་སྨྲས་པ། ཤེས་ལྡན་དག་།འདིས་ནི། བདག་ཅག་གི་བསྔགས་པ་སྨྲས་ཀྱི། སུ་ཡང་ཅི་ཡང་མ་སྨྲ་བར་འགྲོར་ཆུག་ཅིག་།ཅེས་བྱས་ཏེ། དེ་སོང་ངོ ། །ཚེ་དང་ལྡན་པ་མོའུ་དགལ་གྱི་བུ་ཕྱི་བཞིན་དུ་འོང་བ། སྔོན་གྱི་ལས་ཀྱི་རྣམ་པར་སྨིན་པ་ཉེ་བར་གནས་པས། དལ་ནས་དལ་ནས་འོང་བ་དེ། དེ་དག་གིས་མཐོང་ནས་འཕགས་པ་མོའུ་དགལ་གྱི་བུ། ཀུན་ཏུ་འཚོ་བ་དག་ལ་དགེ་སྦྱོང་ཡོད་དམ། དེས་སྨྲས་པ། ཤེས་ལྡན་དག། ཀུན་ཏུ་འཚོ་བ་དག་ལ་དགེ་སྦྱོང་ག་ལ་ཡོད་དེ། བཅོམ་ལྡན་འདས་ཀྱིས་ཀྱང ། འདི་ལ་དགེ་སྦྱོང་དང་པོ་ཡོད། འདི་ལ་</font><hr>Tha359b<br><font size=+2>


གཉིས་པ་ཡོད། འདི་ལ་གསུམ་པ་ཡོད། འདི་ལ་བཞི་པ་ཡོད་ཀྱི། འདི་ལས་ཕྱི་རོལ་པ་ལ་ནི། དགེ་སྦྱོང་དང ། བྲམ་ཟེ་མེད་དེ། ཕ་རོལ་རབ་ཏུ་སྨྲ་བ་རྣམས་ནི། དགེ་སྦྱོང་དང ། བྲམ་ཟེས་སྟོང་ངོ ། ། དེ་ལྟ་བས་ན། འདིར་འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་སོ། །ཞེས་གསུངས་སོ། །གཞན་ཡང ། ཁྱེད་ཀྱི་སྟོན་པ་དེ་མནར་མེད་པ་ཆེན་པོར་སྐྱེས་ཏེ་ཆོས་ལོག་པར་བསྟན་པས། ལུས་ཆེན་པོར་གྱུར་ཅིང་ལྕེ་ལ་གཤོལ་ལྔ་བརྒྱས་རྨོད་དོ། །དེས་ང་ལ་ཐན་བཏང་བ། བདག་གིས་ཚངས་པ་མཚུངས་པར་སྤྱོད་པ་རྣམས་ལ། ངས་ཆོས་ལོག་པར་བསྟན་པས་སྐྱེ་བོའི་ཚོགས་མང་པོ་བསླུས་ཏེ། ང་ལས་ཡང་དག་པར་བླངས་ཤིང་ཀུན་ཏུ་སྤྱད་པ་དེས་ལྕེ་ལ་གཤོལ་ལྔ་བརྒྱས་རྨོད་ཅིང ། ཁྱེད་ཀྱིས་ཇི་ལྟ་ཇི་ལྟར་ངའི་མཆོད་རྟེན་ལ་རྗེད་པར་བྱེད་པ་དེ་ལྟ་དེ་ལྟར་ང་ལ་སྡུག་བསྔལ་ཆེས་མི་ཟད་པར་གྱུར་ཏོ། །ཞེས་གསུངས་ཤིག་ཟེར་རོ། །དེ་དག་རྔམ་ནས་སྨྲས་པ། ཤེས་ལྡན་དག་།མགོ་རེག་ངན་པ་བདག་ཅག་ལ་ཁ་ཟེར་བར་མ་ཟད། བདག་ཅག་གི་སྟོན་པ་ལ་ཡང་མི་སྙན་པ་ཟེར་ན། ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། འདི་ལ་སྒྲུབ་ཏུ་ཅི་ཡོད། འདི་ཏེ་པོར་གཏལ་དུ་ཟད་མོད། གཞན་དག་གིས་སྨྲས་པ། སྔར་ཡང་བདག་ཅག་གིས་སྨྲས་པ་ཡིན་ཏེ། དེ་དེ་བཞིན་དུ་བརྡེག་གི། ཚུར། ཁྱེད་ན་རེ། གླན་ཀ་བཙལ་ནས་བརྡེག་གོ་།ཟེར་བ་དེ་ནི། བདག་ཅག་དང ། བདག་ཅག་གི་སྟོན་པ་ལ་ཁ་བྱས་པས་དོན་གྱིས་གྲུབ་པ་ཞེས་དེ་དག་གིས་དེའི་ཡན་ལག་དང ། </font><hr>Tha360a<br><font size=+2>


༄#། །ཉིང་ལག་འདམ་བུ་བཞིན་བཅོམ་ནས་དོང་ངོ ། །ཚེ་དང་ལྡན་པ་ཤཱ་རིའི་བུས། ཚེ་དང་ལྡན་པ་མོའུ་དགལ་གྱི་བུ་ཅིས་ཐོགས་སྙམ་བསམ་ནས། དེས་ཕྱིར་ལོག་སྟེ་བལྟས་ན། ཇི་ཙམ་ན་ཡན་ལག་དང ། ཉིང་ལག་འདམ་བུ་བཞིན་དུ་བཅོམ་ལྡན་ནས་ས་ལ་འགྱེལ་བ་མཐོང་སྟེ། དེས་སྨྲས་པ། ཚེ་དང་ལྡན་པ་མོའུ་དགལ་གྱི་བུ། འདི་ཅི་ཉེས། དེས་སྨྲས་པ། ཚེ་དང་ལྡན་པ་ཤཱ་རིའི་བུ། ལས་སུ་ཟད་མོད། གཞན་ཅི་ཞིག་ཡིན་པར་འགྱུར། ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ་མོའུ་དགལ་གྱི་བུ། ཁྱོད་བཅོམ་ལྡན་འདས་ཀྱིས་རྫུ་འཕྲུལ་ཅན་གྱི་མཆོག་ཏུ་མ་བསྟན་ཏམ། དེ་ཇི་ལྟར་གྱུར། དེས་སྨྲས་པ། ཚེ་དང་ལྡན་པ་ཤཱ་རིའི་བུ། བདག་ལས་ཀྱིས་ནན་པས། རྫུ་ཞེས་བྱ་བ་ཡང་མི་དྲན་ན། རྫུ་འཕྲུལ་ལྟ་སྨོས་ཀྱང་ཅི་དགོས། དེ་ནས་ཚེ་དང་ལྡན་པ་ཤཱ་རིའི་བུས། ཚེ་དང་ལྡན་པ་མོའུ་དགལ་གྱི་བུ་བྱིས་པ་ཆུང་ངུ་བཞིན་དུ་བླ་གོས་ཀྱི་ནང་དུ་བཅུག་ནས་གཙུག་ལག་ཁང་དུ་ཁྱེར་བ་དང ། དགེ་སློང་དག་གིས་དེ་ལྟ་བུའི་མི་སྡུག་པ་མཐོང་ནས་སྡངས་ཏེ་འདུག་ནས་ཚེ་དང་ལྡན་པ་ཤཱ་རིའི་བུ་ལ་དྲིས་པ། འདི་ཅི་ཞིག་།དེས་སྨྲས་པ། ཚེ་དང་ལྡན་པ་མོའུ་དགལ་གྱི་བུ་ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས་འདི་ལྟ་བུར་བྱས་མོད་ཅེས་སྨྲས་ཏེ། དེས་དེ་དལ་གྱིས་ས་ལ་བསྙལ་ལོ། །དགེ་སློང་དག་གིས་སྨྲས་པ། ཚེ་དང་ལྡན་པ་ཤཱ་རིའི་བུ། འདི་བཅོམ་ལྡན་འདས་ཀྱིས་རྫུ་འཕྲུལ་ཅན་གྱི་མཆོག་ཏུ་བསྟན་པ་</font><hr>Tha360b<br><font size=+2>


མ་ཡིན་ནམ། དེས་སྨྲས་པ། བསྟན་ན། ཚེ་དང་ལྡན་པ་དག། ལས་རྣམས་ཀྱི་མཐུ་ལ་ལྟོས། གང་གིས་ལྷ་རྣམས་ཀྱི་དབང་པོ་བརྒྱ་བྱིན་གྱི་ཁང་བཟང་རྣམ་པར་རྒྱལ་བྱེད། རྐང་པ་གཡས་པའི་མཐེ་བོས་བསྒུལ། རབ་ཏུ་བསྒུལ། ཀུན་ཏུ་རབ་ཏུ་བསྒུལ་ཏེ། བཅོམ་ལྡན་འདས་ཀྱིས་རྫུ་འཕྲུལ་ཆེ་བ་དང ། མཐུ་ཆེ་བ་རྣམས་ཀྱི་མཆོག་ཏུ་བསྟན་པ་དེ། ད་ལས་ཀྱིས་ནོན་ནས་རྫུ་ཞེས་བྱ་བ་ཡང་མི་དྲན་ན། རྫུ་འཕྲུལ་ལྟ་སྨོས་ཀྱང་ཅི་དགོས། དེ་ན་དགེ་སློང་གང་དག་འཕགས་པའི་ལམ་མ་སྐྱེས་པ་དེ་དག་མི་དགའ་ཞིང་ཤིན་ཏུ་སྒྱོ་ནས་དགོན་པ་དང ། ནགས་ཁྲོད་དང ། བས་མཐའི་གནས་མལ་དག་ཏུ་གནས་ནས་ཡིད་ལ་བྱེད་པ་བསྐྱེད་པར་བརྩམས་སོ། །རྒྱལ་པོའི་ཁབ་ཀྱི་གྲོང་ཁྱེར་ཀུན་ཏུ་ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས། འཕགས་པ་མོའུ་དགལ་གྱི་བུ་ཆེན་པོ་བརྡེགས་ཏེ། ཡན་ལག་དང ། ཉིང་ལག་འདམ་བུ་བཞིན་དུ་བཅོམ་ནས་དེ་འཕགས་པ་ཤཱ་རིའི་བུས་བུ་ཆུང་ངུ་བཞིན་བླ་གོས་ཀྱི་ནང་དུ་བཅུག་སྟེ་འོད་མའི་ཚལ་དུ་ཁྱེར་ནས་སྲོག་གི་ལྷག་མ་ཅུང་ཟད་ཅིག་ལུས་ཏེ། རིང་པོ་མི་ཐོགས་པར་དུས་བྱེད་པར་འགྱུར་རོ། །ཞེས་བྱ་བའི་སྒྲ་དེ་གྲགས་ནས་སྲོག་ཆགས་བརྒྱ་སྟོང་དུ་མ་འོད་མའི་ཚལ་དུ་འདུས་པ་དང ། རྒྱལ་པོ་མ་སྐྱེས་དགྲའི་བློན་པོ་དག་གིས། ལྷ། འཕགས་པ་མོའུ་དགལ་གྱི་བུ་ཆེན་པོ་ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས་བརྡེགས་ཏེ། ཡན་ལག་དང ། ཉིང་ལག་འདམ་བུ་བཞིན་དུ་བཅོམ་ནས་འཕགས་པ་</font><hr>Tha361a<br><font size=+2>


༄#། །ཤཱ་རིའི་བུས། དེ་བྱིས་པ་ཆུང་ངུ་བཞིན་དུ་བླ་གོས་ཀྱི་ནང་དུ་བཅུག་སྟེ་འོད་མའི་ཚལ་དུ་འཚལ་ཏེ་མཆིས་ན། སྲོག་གི་ལྷག་མ་ཅུང་ཟད་ཅིག་ལུས་ཏེ། རིང་པོ་མི་ཐོགས་པར་དུས་བགྱིད་པར་འགྱུར་རོ། །ཞེས་སྦྲན་པ་དང ། དེ་ཐོས་ནས་ཁྲོས་ཏེ་དེ་རྣམས་ལ་སྨྲས་པ། ཤེས་ལྡན་དག་།ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཚོལ་ཅིག། ཅེས་སྨྲས་ནས། དེ་བཙུན་མོའི་འཁོར་དང ། གཞོན་ནུ་དང ། ཕོ་བྲང་འཁོར་གྱི་མི་དག་དང་ལྷན་ཅིག་འོད་མའི་ཚལ་དུ་སོང་ངོ ། །དེ་ནས་སྐྱེ་བོའི་ཚོགས་མང་པོས། རྒྱལ་པོ་མཐོང་ནས་ལམ་ཕྱེ་བ་དང ། དེ་མིག་མཆི་མས་གང་ཞིང་སྙིང་རྗེ་རྗེ་སྐད་དུ་མི་དགའ་བའི་ཚིག་གིས་དལ་གྱིས་དྲིས་པ། འཕགས་པ་མོའུ་དགལ་གྱི་བུ་ཆེན་པོ། །འདི་ཅི་ཞིག། དེས་སྨྲས་པ། རྒྱལ་པོ་ཆེན་པོ། ལས་སུ་བས་མོད། གཞན་ནི། ཅི་ཞིག་ཏུ་འགྱུར། འཕགས་པ། ཁྱོད་བཅོམ་ལྡན་འདས་ཀྱིས་རྫུ་འཕྲུལ་ཅན་གྱི་མཆོག་ཏུ་བསྟན་པ་མ་ཡིན་ནམ། རྒྱལ་པོ་ཆེན་པོ། དེ་དེ་བཞིན་ཏེ། བསྟན་མོད་ཀྱི། ལས་ཀྱིས་ནོན་པས་འོན་ཀྱང་རྫུ་ཞེས་བྱ་བ་ཡང་མི་དྲན་ན། རྫུ་འཕྲུལ་ལྟ་སྨོས་ཀྱང་ཅི་དགོས། བཅོམ་ལྡན་འདས་ནི། གཉིས་སུ་མི་གསུང་བ་སྟེ། བཅོམ་ལྡན་འདས་ཀྱིས་འདི་སྐད་དུ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །ཅེས་གསུངས་པ་དེ་ཉེ་བར་གནས་</font><hr>Tha361b<br><font size=+2>


པར་གྱུར་ཏོ། །ཞེས་བྱས་པ་དང ། རྒྱལ་པོས་གོས་ཀྱི་མཐའ་མས་མཆི་མ་ཕྱིས་ཏེ། སྨན་པ་ཐམས་ཅད་བཀུག་ནས་བསྒོ་བ། ཤེས་ལྡན་དག་།གལ་ཏེ་འཕགས་པ་མོའུ་དགལ་གྱི་བུ་ཆེན་པོ་ཞག་བདུན་ན་སོས་པར་མ་བྱས་ན། ཁྱེད་ཀྱི་དབང་ཐང་གཅད་པར་བྱའོ། །ཞེས་བསྒོས་ཏེ། བློན་པོ་དག་ལ་ཡང་གཏད་ནས་སོང་ངོ ། །ཀུན་ཏུ་རྒྱུ་དབྱུག་ཐོགས་སྤྱི་ཕུང་ཅན་རྣམས་ཀྱང་ཐོས་ནས་བྲོས་སོ། །སྨན་པ་རྣམས་ཀྱིས་ཕན་ཚུན་གྲོས་བྱ་བར་བརྩམས་པ། ཤེས་ལྡན་དག། རྒྱལ་པོས་ནི། དེ་སྐད་བཀའ་སྩལ་ན། འདི་ལ་ཇི་ལྟར་བསྒྲུབ་པར་བྱ། འཕགས་པ་མོའུ་དགལ་གྱི་བུ་ཆེན་པོ་ནི། བགྲེས་ལ། དེའི་ཡན་ལག་དང ། ཉིང་ལག་ཐམས་ཅད་འདམ་བུ་བཞིན་དུ་བཅོམ་པས། དེ་ཇི་ལྟར་གསོ་བར་ནུས། ཡེ་དེ་ཉིད་མཐུ་ཆེ་བ། རྫུ་འཕྲུལ་ཆེ་བ་ཡིན་པས། དེ་ཉིད་ལ་སྐྱབས་སུ་འདོང་ངོ ། །ཁ་ཅིག་གིས་སྨྲས་པ། ལེགས་ཀྱི། དེ་བཞིན་དུ་བྱའོ། །ཞེས་དེ་དག་ཐམས་ཅད་འདུས་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོའི་ཐད་དུ་སོང་སྟེ་རྐང་པ་གཉིས་ལ་ཕྱག་བྱས་ནས་སྨྲས་པ། འཕགས་པ། བདག་ཅག་ལ་ལྷས་འདི་སྐད་དུ། འཕགས་པ་མོའུ་དགལ་གྱི་བུ་ཆེན་པོ་ཞག་བདུན་ན་མ་སོས་ན། ཁྱེད་ཀྱི་དབང་ཐང་གཅད་དོ། །ཞེས་བཀའ་སྩལ་ན། ཁྱོད་ནི། བགྲེས་པས་སྔོན་བཞིན་དུ་བགྱི་བར་བདག་ཅག་གིས་རྡོ་མི་ཐོགས་ཏེ། ཁྱོད་ཉིད་རྫུ་འཕྲུལ་ཆེ་ཞིང་མཐུ་ཆེ་བས། ཇི་ལྟར་བདག་ཅག་གི་དབང་ཐང་གཅད་པར་མི་འགྱུར་བ་དེ་ལྟར་མཛད་དུ་གསོལ། </font><hr>Tha362a<br><font size=+2>


༄#། །དེས་སྨྲས་པ། ཤེས་ལྡན་དག་།གལ་ཏེ་དེ་ལྟ་ན། དེངས་ལ་རྒྱལ་པོ་མ་སྐྱེས་དགྲ་ལ། འཕགས་པ་མོའུ་དགལ་གྱི་བུ་ཆེན་པོ་བདག་ཉིད་ཞག་བདུན་ན། རྒྱལ་པོའི་ཁབ་ཏུ་བསོད་སྙོམས་ལ་འཇུག་གོ་།ཞེས་གྱིས་ཤིག་།དེ་དག་རབ་ཏུ་དགའ་ནས་དེས་དེའི་རྐང་པ་གཉིས་ལ་ཕྱག་བྱས་ནས་རྒྱལ་པོ་མ་སྐྱེས་དགྲའི་ཐད་དུ་སོང་ནས་རྐང་པ་གཉིས་ལ་གཏུགས་ཏེ་སྨྲས་པ། ལྷ། འཕགས་པ་མོའུ་དགལ་གྱི་བུ་ཆེན་པོ་བདག་ཉིད་དགུང་བདུན་ན་རྒྱལ་པོའི་ཁབ་ཏུ་བསོད་སྙོམས་ལ་འཇུག་གོ་།རྒྱལ་པོ་རབ་ཏུ་དགའ་ནས་སྨྲས་པ། ཤེས་ལྡན་དག་།གལ་ཏེ་དེ་ལྟ་ན་ལེགས་སོ། །ཇི་ཙམ་ན་ཞག་བདུན་ལོན་པ་དང ། འཕགས་པ་མོའུ་དགལ་གྱི་བུ་ཆེན་པོ་རང་ཉིད་ཀྱི་རྫུ་འཕྲུལ་གྱིས་མི་བདེ་བ་དེ་མེད་པར་བྱས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །དགྲ་བཅོམ་པ་རྣམས་ཀྱི་ཡེ་ཤེས་མཐོང་བ་ནི། བསམ་པས་འཇུག་པས། ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་རབ་ཏུ་ན་ན། ཅིའི་ཕྱིར་བདག་ཉིད་རྒྱལ་པོའི་ཁབ་ཏུ་བསོད་སྙོམས་ལ་ཞུགས་ཞེས་བསམ་པ་ལ་ཞུགས་ན། ཡོངས་སུ་མྱ་ངན་ལས་འདའ་བར་འདོད་པ་མཐོང་ངོ ། །དེ་དེ་དང་མཛའ་བའི་བག་ཆགས་ཀྱིས་རྒྱུད་བསྒོས་པས། དེ་ཉིད་ཀྱི་ཉིན་པར་ནས་ན་བར་གྱུར་ཏེ་དེས་བསམ་པ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཡོངས་སུ་མྱ་ངན་ལས་འདའ་ན། བདག་ཅི་སྟེ་འདུག། </font><hr>Tha362b<br><font size=+2>


བདག་ཆེས་སྔར་མྱ་ངན་ལས་འདའ་བར་བྱའོ། །སྙམ་དུ་བསམ་སྟེ། རྒྱལ་པོའི་ཁབ་ནས་གྲོང་ནཱ་ལ་དར་སོང་སྟེ། དེ་ན་ཚེ་དང་ལྡན་པ་ཤཱ་རིའི་བུ་ཡུལ་མ་ག་དྷའི་གྲོང་ཁྱེར་ནཱ་ལ་ད་ན་རིམ་གྲོ་བ་དགེ་སྦྱོང་གི་ཆེད་སྐུལ་བྱེད་དང ། ནད་ཚབས་ཆེན་པོས་མི་བདེ་ཞིང་སྡུག་བསྔལ་ཏེ་འདུག་གོ་།དེ་ནས་ཚེ་དང་ལྡན་པ་ཤཱ་རིའི་བུ་ནད་དེ་ཉིད་ཀྱིས་ཡོངས་སུ་མྱ་ངན་ལས་འདས་པ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཡང་གྲོང་ཁྱེར་ཤིང་ཐགས་ཅན་དུ་སོང་ནས་དེའི་ཕྱི་དྲོ་ཡོངས་སུ་མྱ་ངན་ལས་འདས་སོ། །གང་གི་ཚེ་ཚེ་དང་ལྡན་པ་ཤཱ་རིའི་བུ་ཡོངས་སུ་མྱ་ངན་ལས་འདས་པ་དེའི་ཚེ་དགེ་སློང་ཕལ་ཆེར་དབང་དང་ལྡན་པ་ཤ་སྟག་བརྒྱད་ཁྲི་ཡོངས་སུ་མྱ་ངན་ལས་འདས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཡོངས་སུ་མྱ་ངན་ལས་འདས་པ་དེའི་ཚེ་ཡང་དགེ་སློང་ཕལ་ཆེར་དབང་དང་ལྡན་པ་ཤ་སྟག་ལ་བདུན་ཁྲི་བདུན་སྟོང་ཡོངས་སུ་མྱ་ངན་ལས་འདས་སོ། །དེ་ནས་དགེ་སྦྱོང་གི་ཆེད་སྐུལ་བྱེད་ཀྱིས། ཚེ་དང་ལྡན་པ་ཤཱ་རིའི་བུའི་རིང་བསྲེལ་ལ་ལུས་ཀྱིས་མཆོད་པ་བྱས་ཏེ། རིང་བསྲེལ་དང ། ལྷུང་བཟེད་དང ། ཆོས་གོས་དག་ཁྱེར་ནས་རྒྱལ་པོའི་ཁབ་ག་ལ་བ་དེར་རྒྱུ་ཞིང་སོང་སྟེ། རིམ་གྱིས་རྒྱུ་ཞིང་སོང་བ་ན་རྒྱལ་པོའི་ཁབ་ཏུ་ཕྱིན་ཏོ། དགེ་སྦྱོང་གི་ཆེད་སྐུལ་བྱེད་ལྷུང་བཟེད་དང ། ཆོས་གོས་ཆམ་དུ་ཕབ་ནས་རྐང་པ་གཉིས་བཀྲུས་ཏེ་ཚེ་དང་ལྡན་པ་ཀུན་དགའ་བོ་ག་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་པ་ཀུན་དགའ་བོའི་རྐང་པ་གཉིས་</font><hr>Tha363a<br><font size=+2>


༄#། །ལ་མགོ་བོས་ཕྱག་འཚལ་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་དགེ་སྦྱོང་གི་ཆེད་སྐུལ་བྱེད་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ། མཁྱེན་པར་མཛོད་ཅིག་།བདག་གི་མཁན་པོ་བཙུན་པ་ཤཱ་རིའི་བུ་ནི། ཡོངས་སུ་མྱ་ངན་ལས་འདས་ཏེ་དེའི་རིང་བསྲེལ་དང ། ལྷུང་བཟེད་དང ། ཆོས་གོས་ཀྱང་འདི་ལགས་སོ། །དེ་ནས་ཚེ་དང་ལྡན་པ་ཀུན་དགའ་བོས། དགེ་སྦྱོང་གི་ཆེད་སྐུལ་བྱེད་ཁྲིད་དེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། དགེ་སྦྱོང་གི་ཆེད་སྐུལ་བྱེད་འདི། བདག་གང་ན་བ་དེར་མཆིས་ཏེ་མཆིས་ནས་བདག་ལ་འདི་སྐད་དུ། བཙུན་པ་ཀུན་དགའ་བོས་མཁྱེན་པར་མཛོད་ཅིག། བདག་གི་མཁན་པོ་བཙུན་པ་ཤཱ་རིའི་བུ་ཡོངས་སུ་མྱ་ངན་ལས་འདས་ཏེ། དེའི་རིང་བསྲེལ་དང ། ལྷུང་བཟེད་དང ། ཆོས་གོས་ཀྱང་འདི་ལགས་སོ། །ཞེས་མཆི་ན། བཙུན་པ། བདག་གི་ལུས་གདུང་བར་གྱུར་ཅིང ། ཕྱོགས་ཀྱང་བསླད། ཆོས་ཐོས་པ་རྣམས་ཀྱང་བསྐྱུད་པར་གྱུར་ཏོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་གཅིག་པ། ཀུན་</font><hr>Tha363b<br><font size=+2>


དགའ་བོ། ཅི། དགེ་སློང་ཤཱ་རིའི་བུས་ཚུལ་ཁྲིམས་ཀྱི་ཕུང་པོ་ཁྱེར་ཏེ་ཡོངས་སུ་མྱ་ངན་ལས་འདས་སམ། བཙུན་པ། མ་ལགས་སོ། །ཏིང་ངེ་འཛིན་གྱི་ཕུང་པོ་དང ། ཤེས་རབ་ཀྱི་ཕུང་པོ་དང ། རྣམ་པར་གྲོལ་བའི་ཕུང་པོ་དང ། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ཁྱེར་ཏེ་ཡོངས་སུ་མྱ་ངན་ལས་འདས་སམ། བཙུན་པ། མ་ལགས་སོ། །གང་ཡང་ངས་ཉིད་ཀྱི་མངོན་པར་ཤེས་པས་མངོན་པར་རྫོགས་པར་སངས་རྒྱས་ཏེ་བཤད་པའི་ཆོས་འདི་ལྟ་སྟེ། དྲན་པ་ཉེ་བར་གཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དག་ཁྱེར་ཏེ་ཡོངས་སུ་མྱ་ངན་ལས་འདས་སམ། བཙུན་པ། མ་ལགས་ཏེ། བཙུན་པ། ཚེ་དང་ལྡན་པ་ཤཱ་རིའི་བུས་ཚུལ་ཁྲིམས་ཀྱི་ཕུང་པོ་འཚལ་ཏེ་ཡོངས་སུ་མྱ་ངན་ལས་འདས་པ་མ་ལགས། ཏིང་ངེ་འཛིན་གྱི་ཕུང་པོ་ཡང་མ་ལགས། ཤེས་རབ་ཀྱི་ཕུང་པོ་ཡང་མ་ལགས། རྣམ་པར་གྲོལ་བའི་ཕུང་པོ་ཡང་མ་ལགས། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་འཚལ་ཏེ་མྱ་ངན་ལས་འདས་པ་ཡང་མ་ལགས། གང་ཡང་བཅོམ་ལྡན་འདས་ཀྱིས་ཉིད་ཀྱི་མངོན་པར་ཤེས་པས་མངོན་པར་རྫོགས་པར་སངས་རྒྱས་ཏེ་བཤད་པའི་ཆོས་འདི་ལྟ་སྟེ། དྲན་པ་ཉེ་བར་གཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་</font><hr>Tha364a<br><font size=+2>


༄#། །ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དག་འཚལ་ཏེ་ཡོངས་སུ་མྱ་ངན་ལས་འདས་པ་ཡང་མ་ལགས་མོད་ཀྱི། འོན་ཀྱང་ཚེ་དང་ལྡན་པ་ཤཱ་རིའི་བུ་ནི། ཚུལ་ཁྲིམས་དང་ལྡན་པ། མང་དུ་ཐོས་པ། ཆོག་ཤེས་པ། འདོད་པ་ཆུང་བ། རབ་ཏུ་དཔེན་པ། བརྩོན་འགྲུས་བརྩམས་པ། དྲན་པ་ཉེ་བར་གནས་པ། མཉམ་པར་བཞག་པ། ཤེས་རབ་ཅན། ཤེས་རབ་མྱུར་བ། ཤེས་རབ་མགྱོགས་པ། ཤེས་རབ་རྣོ་བ། ངེས་པར་འབྱུང་བའི་ཤེས་རབ་ཅན། ངེས་པར་འབྱེད་པའི་ཤེས་རབ་ཅན། ཤེས་རབ་ཆེ་བ། ཤེས་རབ་ཡངས་པ། ཤེས་རབ་ཟབ་པ། ཤེས་རབ་མཉམ་པ་མེད་པ། ཤེས་རབ་རིན་པོ་ཆེ་དང་ལྡན་པ། ཡང་དག་པར་སྟོན་པར་བགྱིད་པ། ཡང་དག་པར་ལེན་དུ་འཇུག་པར་བགྱིད་པ། ཡང་དག་པར་གཟེངས་བསྟོད་པར་བགྱིད་པ། ཡང་དག་པར་རབ་ཏུ་དགའ་བར་བགྱིད་པ། ཡང་དག་པར་སྟོན་པ་དང ། ཡང་དག་པར་ལེན་དུ་འཇུག་པ་དང ། ཡང་དག་པར་གཟེངས་བསྟོད་པ་དང ། ཡང་དག་པར་རབ་ཏུ་དགའ་བའི་བསྔགས་པ་བརྗོད་པ། འཁོར་བཞི་པོ་ལ་ཆོས་སྟོན་པ་ན་དུབ་པ་མ་མཆིས་པ་སྟེ། བདག་ཚེ་དང་ལྡན་པ་ཤཱ་རིའི་བུའི་ཆོས་དང ། ཆོས་ཀྱི་ལོངས་སྤྱོད་གང་དག་ལགས་པ་དེ་དག་རྗེས་སུ་དྲན་ན། ཚེ་དང་ལྡན་པ་ཤཱ་རིའི་བུ་ཡོངས་སུ་མྱ་ངན་ལས་འདས་པ་དེའི་སླད་དུ་མྱ་ངན་དང ། སྨྲེ་སྔགས་འདོན་ཏོ། །ཀུན་དགའ་བོ། ཁྱོད་མྱ་</font><hr>Tha364b<br><font size=+2>


ངན་མ་བྱེད། བློང་བར་མ་བྱེད། སྨྲེ་སྔགས་འདོན་པར་མ་བྱེད་ཅིག། གང་སྐྱེས་པ་དང ། བྱུང་བ་དང ། བྱས་པ་དང ། འདུས་བྱས་པ་དང ། བསམ་པ་དང ། རྟེན་ཅིང་འབྲེལ་པར་བྱུང་བ་དེ་ནི། འཇིག་པའི་ཆོས་ཅན་ཏེ། དེ་དང་ལྡན་པ་ལ་འཇིག་པར་མི་འགྱུར་བ་དེ་ག་ལ་ཡོད་དེ། དེ་ནི། གནས་མེད་དོ། །ཀུན་དགའ་བོ། ངས་སྔ་ནས་ཁྱོད་ལ་འདོད་པ་དང ། སྡུག་པ་དང ། དགའ་བ་དང ། ཡིད་དུ་འོང་བ་ཐམས་ཅད་ནི། འགྱེས་པ་དང ། མད་པ་དང ། འབྲལ་པ་དང ། མི་ལྡན་པར་འགྱུར་བར་མ་བསྟན་ཏམ། ཀུན་དགའ་བོ། དཔེར་ན། ལྗོན་ཤིང་ཆེན་པོ་རྩ་བ་དང་བཅས། སྙིང་པོ་དང་བཅས། སྡོང་པོ་དང ། ལོ་མ་དང ། འདབ་མ་དང ། མེ་ཏོག་དང ། འབྲས་བུ་དག་དང་ལྡན་པའི་འདབ་མ་གང་ཆེས་མཐོ་བ་དེ་དང་པོར་ལྟུང་ངོ ། །རིན་པོ་ཆེའི་རི་ཆེན་པོའི་རྩེ་མོ་གང་ཆེས་མཐོ་བ་དག་ཀྱང་དང་པོར་བསྙིལ་ལོ། །དེ་བཞིན་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་བཞུགས་པའི་ནང་ན་དགེ་སློང་ཤཱ་རིའི་བུ་ཡོངས་སུ་མྱ་ངན་ལས་འདས་ཏེ། དགེ་སློང་ཤཱ་རིའི་བུ་ཕྱོགས་གང་ན་གནས་པའི་ཕྱོགས་དེར་ང་ཐུགས་ཁྲལ་ཆུང་ངུར་བཞུགས་སོ། །འདི་ལྟ་སྟེ། དགེ་སློང་ཤཱ་རིའི་བུ་གང་ན་བའི་ཕྱོགས་དེ་ངས་སྟོང་པ་མ་ཡིན་པར་མཐོང་ངོ ། །དེ་ལྟ་བས་ན། ཀུན་དགའ་བོ། ཁྱོད་མྱ་ངན་མ་བྱེད། བློང་བར་མ་བྱེད། སྨྲེ་སྔགས་འདོན་པར་མ་བྱེད་ཅིག་།གང་སྐྱེས་པ་དང ། བྱུང་བ་དང ། བྱས་པ་དང ། འདུས་བྱས་པ་དང ། བསམ་པ་དང ། རྟེན་ཅིང་</font><hr>Tha365a<br><font size=+2>


༄#། །འབྲེལ་པར་བྱུང་བ་དེ་ནི། འཇིག་པའི་ཆོས་ཅན་ཏེ། དེ་དང་ལྡན་པ་ལ་འཇིག་པར་མི་འགྱུར་བ་དེ་ག་ལ་ཡོད་དེ། དེ་ནི། གནས་མེད་དོ། །ཀུན་དགའ་བོ། ངས་སྔ་ནས་ཁྱོད་ལ་འདོད་པ་དང ། སྡུག་པ་དང ། དགའ་བ་དང ། ཡིད་དུ་འོང་བ་ཐམས་ཅད་ནི། འགྱེས་པ་དང ། མེད་པ་དང ། འབྲས་པ་དང ། མི་ལྡན་པར་འགྱུར་བར་མ་བསྟན་ཏམ། ཀུན་དགའ་བོ། དེ་ལྟ་བས་ན། ད་ལྟར་རམ། ང་འདས་ཀྱང་རུང ། བདག་ཉིད་གླིང་དང ། བདག་ཉིད་སྐྱབས་དང ། ཆོས་གླིང་དང ། ཆོས་སྐྱབས་དང ། གླིང་གཞན་མ་ཡིན་པ་དང ། སྐྱབས་གཞན་མ་ཡིན་པར་གནས་པ་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ། ད་ལྟར་རམ། ང་འདས་ཀྱང་རུང ། གང་དག་བདག་ཉིད་གླིང་དང ། བདག་ཉིད་སྐྱབས་དང ། ཆོས་གླིང་དང ། ཆོས་སྐྱབས་དང ། གླིང་གཞན་མ་ཡིན་པ་དང ། སྐྱབས་གཞན་མ་ཡིན་པ་ལ་གནས་པ་དེ་དག་ནི། འདི་ལྟ་སྟེ། ངའི་དགེ་སློང་བསླབ་པ་འདོད་པ་རྣམས་ཀྱི་མཆོག་ཏུ་འགྱུར་རོ། །ཇི་ལྟར་དགེ་སློང་བདག་ཉིད་གླིང་དང ། བདག་ཉིད་སྐྱབས་དང ། ཆོས་གླིང་དང ། ཆོས་སྐྱབས་དང ། གླིང་གཞན་མ་ཡིན་པ་དང ། སྐྱབས་གཞན་མ་ཡིན་པར་གནས་པ་ཡིན་ཞེ་ན། འདི་ན་དགེ་སློང་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང ། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་བརྟུལ་ནས་རྟུན་པ་དང ། ཤེས་བཞིན་དང ། དྲན་པ་དང་ལྡན་པར་གནས་ཤིང ། ཕྱིའི་ལུས་དང ། ཕྱི་དང་ནང་གི་</font><hr>Tha365b<br><font size=+2>


ལུས་དང ། ནང་གི་ཚོར་བ་དང ། ཕྱིའི་ཚོར་བ་དང ། ཕྱི་དང་ནང་གི་ཚོར་བ་དག་དང ། ནང་གི་སེམས་དང ། ཕྱིའི་སེམས་དང ། ཕྱི་དང་ནང་གི་སེམས་དག་དང ། ནང་གི་ཆོས་དང ། ཕྱིའི་ཆོས་དང ། ཕྱི་དང་ནང་གི་ཆོས་དག་ལ་ཆོས་ཀྱི་རྗེས་སུ་ལྟ་ཞིང ། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་བརྟུལ་ནས་རྟུན་པ་དང ། ཤེས་བཞིན་དང ། དྲན་པ་དང་ལྡན་པར་གནས་པ་ཡིན་ཏེ་ཀུན་དགའ་བོ། དེ་ལྟར་ན། དགེ་སློང་བདག་ཉིད་གླིང་དང ། བདག་ཉིད་སྐྱབས་དང ། ཆོས་གླིང་དང ། ཆོས་སྐྱབས་དང ། གླིང་གཞན་མ་ཡིན་པ་དང ། སྐྱབས་གཞན་མ་ཡིན་པར་གནས་པ་ཡིན་ནོ། །དེ་ནས་ཚེ་དང་ལྡན་པ་ཀུན་དགའ་བོ། །བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ཀྱིས་ཇི་ལྟར་ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས་འཕགས་པ་མོའུ་དགལ་གྱི་བུ་ཆེན་པོའི་ཡན་ལག་དང ། ཉིང་ལག་དག་འདམ་བུ་བཞིན་དུ་བཅོམ་པས། འཕགས་པ་ཤཱ་རིའི་བུ་རྒྱུད་དེ་དང་མཛའ་བའི་བག་ཆགས་ཀྱིས་བསྒོས་པ་ཡང་གྲོང་ནཱ་ལ་དར་སོང་སྟེ་སྔ་དྲོ་ཡོངས་སུ་མྱ་ངན་ལས་འདས། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཡང་གྲོང་ཤིང་ཐགས་ཅན་དུ་སོང་སྟེ་ཡོངས་སུ་མྱ་ངན་ལས་འདས་པ་ཐོས་སོ། །བར་སྐབས་དེར་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་</font><hr>Tha366a<br><font size=+2>


༄#། །ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས་འདི་ཡན་ལག་དང ། ཉིང་ལག་དག་འདམ་བུ་བཞིན་དུ་བཅོམ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དགེ་སློང་མོའུ་དགལ་གྱི་བུ་འདི་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་སྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་ཞེས་བྱ་བ་ནས། ལུས་ཅན་རྣམས་ལ་འབྲས་བུར་སྨིན། །ཅེས་བྱ་བའི་བར་སྔ་མ་བཞིན་ནོ། །དགེ་སློང་དག། སྔོན་བྱུང་བ་རི་བོར་ཞིག་ན། བྲམ་ཟེ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །དེ་ལ་ཟླ་བ་བརྒྱད་དམ་དགུ་འདས་ནས་ཁྱེའུ་ཞིག་བཙས་ཏེ། ཞག་བདུན་གསུམ་ཉི་ཤུ་རྩ་གཅིག་ཏུ་དེ་བཙས་པའི་བཙས་སྟོན་རྒྱས་པར་བྱས་ནས་མིང་བཏགས་ཏེ་བསྐྱེད་བསྲིངས་ནས་ཆེན་པོར་གྱུར་ཏོ། །ཕས་དེ་ལ་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་</font><hr>Tha366b<br><font size=+2>


བྱད། དགའ་མགུར་སྤྱོད་པར་བྱེད་ཅིང་དེ་ལ་ཡང་རབ་ཏུ་ཆགས་སོ། །དེ་ལ་དེའི་མས་རྟག་ཏུ་ཚིག་ཡིད་དུ་མི་འོང་བ། ངན་པར་སྨྲས་པ་དག་གིས་སྤྱོས་པ་དང ། དེས་ཁྱོ་ལ་བཟླས་ནས་དེས་དེ་ཅི་ནས་ཀྱང་མ་ལ་ཤིན་ཏུ་བྱམས་པ་མེད་པ་དང ། དེའི་བྱ་རྒུ་ལ་ཕྱི་ལང་བྱེད་པ་དེ་ལྟ་དེ་ལྟར་བསླུས་སོ། །དེས་སྨྲས་པ། ཁྱོད་གང་གི་ཕྱིར་དེ་ལྟ་ཤིན་ཏུ་ཆགས་པས་ང་ལ་ཕྱི་ལང་བྱེད་དམ། དེ་ངོ་ཚ་ནས་ཅང་མི་ཟེར་བར་འདུག་པ་དང ། དེའི་ཆུང་མས་བསམ་པ། རེ་ཞིག་ཁ་དུག་ཅན་འདི་ལང་ཚོ་ཡལ་ཡང་རང་གི་ཁྱོ་ལ་ཆགས་པ་ཅུང་ཟད་མི་གཏོང་ཞིང ། བདག་གི་ཁྱོ་ལ་གཤེ་བར་བྱེད་དོ། །སྙམ་དུ་རིག་ནས་དེའི་གླགས་ཚོལ་བར་ཞུགས་སོ། །ཇི་ཙམ་ན་དུས་གཞན་ཞིག་ན་དེའི་མ་སྐར་མ་དང་སྦྱར་ཏེ་ཁྲུས་བྱས་ནས་དྲི་དང ། མེ་ཏོག་དག་གིས་བརྒྱན་ཏེ་ཉི་མ་མ་ནུབ་པ་ཁོ་ནར་དེས་ཁྱིམ་མི་དག་ལ་ཡང་མ་བརྟགས་པར་ཁྱོ་དང་ལྷན་ཅིག་གསང་བ་སྤྱོད་དོ། །དེ་ནས་མནའ་མ་དེས་ཁྱོ་དེ་ཁྲིད་ནས་ཅི་ནས་ཀྱང་ཕྱོགས་དེར་སོན་པ་དེ་ལྟར་བྱས་པ་དང ། ཇི་ཙམ་ན་ཕ་དང་མ་གཉིས་གསང་བ་སྤྱོད་པ་མཐོང་ནས་དེས་བསམ་པ། ཁ་དུག་ཅན་འདི། བདག་ལ་ནི། ཁྱོད་བུད་མེད་ལ་ཤིན་ཏུ་ཆགས་སོ། །ཞེས་གཤེ་བར་བྱེད་ན། འདི་ད་དུང་ཡང་ཞི་བ་མེད་དེ། ཁྱིམ་མི་དག་ལ་ཡང་མི་རྟོག་པར་ཉི་མ་མ་ནུབ་པ་ཉིད་དུ་གསང་བ་སྤྱོད་དོ། །སྙམ་དུ་བསམ་ནས་ཁྲོས་ཏེ། གང་ཞིག་འདི་གཉིས་ཀྱི་ཡན་ལག་དང ། ཉིང་ལག་འདམ་བུ་བཞིན་འཇོམས་པ་དེ་འགའ་མེད་</font><hr>Tha367a<br><font size=+2>


༄#། །དམ་ཞེས་ངག་གི་ལས་རྩུབ་མོ་སྨྲས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ན་བྲམ་ཟེའི་ཁྱེའུར་གྱུར་པ་གང་ཡིན་པ་དེ་ནི། དགེ་སློང་མོའུ་དགལ་གྱི་བུ་འདི་ཉིད་ཡིན་ཏེ། གང་འདིས་སེམས་འཁྲུགས་ཏེ་ཕ་དང་མ་ལ་ངག་གི་ལས་རྩུབ་མོ་སྨྲས་པ་དེའི་ལས་ཀྱི་རྣམ་པར་སྨིན་པས། ཚེ་རབས་ལྔ་བརྒྱར་འདིའི་ཡན་ལག་དང ། ཉིང་ལག་འདམ་བུ་བཞིན་དུ་བཅོམ་སྟེ། ད་ལྟར་སྲིད་པ་ཐ་མ། གནས་ཐ་མ། ལུས་ཐ་མ། བདག་ཉིད་ཐ་མ་ཐོབ་སྟེ། རྫུ་འཕྲུལ་ཅན་གྱི་ནང་ན་མཆོག་ཏུ་བསྟན་པའི་བར་དུ་ཡང་ཡན་ལག་དང ། ཉིང་ལག་འདམ་བུ་བཞིན་དུ་བཅོམ་པར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་ནག། གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར། འདྲེན་མ་རྣམས་ཀྱི་ཡང་འདྲེན་མའོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་དང ། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་དག་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། དགེ་སློང་དེ་དག་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཡང་སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་</font><hr>Tha367b<br><font size=+2>


པ།་ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས་ཚེ་དང་ལྡན་པ་ཤཱ་རིའི་བུ་ནི། བཏང ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ནི། བརྡེགས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ད་ལྟར་འབའ་ཞིག་མ་ཡིན་གྱི། འདས་པའི་དུས་ན་ཡང་ཇི་ལྟར་ཤཱ་རིའི་བུ་ནི། བཏང་ལ། མོའུ་དགལ་གྱི་བུ་ནི། བརྡེགས་པ་དེ་ཉོན་ཅིག་།དགེ་སློང་དག་།སྔོན་བྱུང་བ་རི་བོ་ཞིག་ན་ཁྱེའུ་དང ། བུ་མོ་དག་ཅིག་རྩེ་བ་དེ་དག་གིས་བྲམ་ཟེའི་ཁྱེའུ་གཉིས་ཤིག་མཐོང་ནས་དེ་དག་གིས་སྨྲས་པ། བྲམ་ཟེའི་ཁྱེའུ་ཕ་བི་དག་བརྡེག་གོ་།ཡང་སྨྲས་པ། རེ་ཞིག་མི་བརྡེག་པར་ཇི་དྲི་བ་ཞིག་དྲིས་ལ། གལ་ཏེ་སེམས་མགུ་བར་བྱས་ན་ནི། མི་བརྡེག་།ཅི་སྟེ་མ་ཡིན་ན། བརྡེག་གོ་།དེ་དག་གིས་བྲམ་ཟེའི་ཁྱེའུ་གཅིག་ལ་དྲིས་པ། དུས་གང་དུ་གྲང ། དེས་བསམ་པ། ཇི་ལྟ་བུའི་སེམས་ཀྱིས་འདི་དག་བདག་ལ་འདྲི་སྙམ་ན། དེར་གོར་མ་ཆག་པར་འདི་དག་བརྡེག་པར་འདོད་པར་ཤེས་ནས་དེས་ཚིགས་སུ་བཅད་དེ་སྨྲས་པ། གྲང་ངམ་གལ་ཏེ་དྲོ་ཡང་རུང ། །གང་གི་ཚེ་ན་རླུང་ལངས་པ། །རླུང་གིས་བཏབ་ན་གྲང་བ་སྟེ། །རླུང་མེད་པ་ཡི་གྲང་བ་མེད། །དེ་དེ་དག་གིས་བཏང་ནས་གཅིག་ཤོས་ལ་དྲིས་པ་དང ། དེས་སྨྲས་པ། དགུན་གྲང་མེད་ཅེས་བྱས་པ་དང ། དེ་དེ་དག་གིས་བརྡེགས་སོ། །དགེ་སློང་དག་།ཇི་སྙམ་དུ་སེམས། བཏང་པ་གང་ཡིན་པ་དེ་ནི། ཤཱ་རིའི་བུ་འདི་ཉིད་ཡིན་ནོ། །བརྡེགས་པ་གང་ཡིན་པ་དེ་ནི། མོའུ་</font><hr>Tha368a<br><font size=+2>


༄#། །དགལ་གྱི་བུ་འདི་ཉིད་ཡིན་ཏེ། དེའི་ཚེ་ཡང་ཤཱ་རིའི་བུ་ནི། བཏང་ལ། མོའུ་དགལ་གྱི་བུ་ནི། བརྡེགས་སོ། །ད་ལྟར་ཡང་ཤཱ་རིའི་བུ་ནི། བཏང་ལ། མོའུ་དགལ་གྱི་བུ་ནི། བརྡེགས་སོ། །ཡང་ཇི་ལྟར་ཤཱ་རིའི་བུ་ནི། བཏང་ལ། མོའུ་དགལ་གྱི་བུ་ནི། བརྡེགས་པ་དེ་ཉོན་ཅིག་།དགེ་སློང་དག། སྔོན་བྱུང་བ་ཆུ་ཀླུང་བསྐམས་པའི་ཤོལ་ཞིག་ན་ཁྱེའུ་དང ། བུ་མོ་དག་ཅིག་རྩེ་བ་དེ་དག་གིས་ཤིང་ཤལ་མ་ལིའི་མེ་ཏོག་ཆུའི་རྒྱུན་གྱིས་ཁྱེར་བ་ཞིག་དང ། བྲམ་ཟེའི་ཁྱེའུ་གཉིས་ཤིག་འོང་བ་མཐོང་ནས་ཞེས་བྱ་བ་ནས་དེ་དག་གིས་བྲམ་ཟེའི་ཁྱེའུ་གཅིག་ལ་བྲིས་པ། ཆུས་ཁྱེར་བ་འདི་ཅི་ཞིག་།དེས་བསམ་པ། ཇི་འདྲ་བའི་སེམས་ཀྱིས་འདི་དག་བདག་ལ་འདྲི་སྙམ་ན། གོར་མ་ཆག་པར་བརྡེག་འདོད་པར་ཞེས་བྱ་བའི་བར་སྔ་མ་བཞིན་ནོ། །དེས་ཀྱང་ཚིགས་སུ་བཅད་དེ་སྨྲས་པ། སྟོབས་དང་ལྡན་པས་ཚར་བཅད་པ། །ངེས་པར་འབྱུང་བ་ཚོལ་བ་ཡིས། །ཤལ་མ་ལི་ཞེས་མི་བསམ་སྟེ། །སྐམ་གྱི་པདྨ་ཡིན་པར་བསམ། །དེ་དག་གིས་བཏང་ནས་གཅིག་ཤོས་ལ་དྲིས་པ་དང ། དེས་སྨྲས་པ། མ་མཐོང་ངམ། ཤིང་ཤལ་མ་ལིའི་མེ་ཏོག་ཡིན་མོད་ཅེས་བྱས་པ་དང ། དེ་དེ་དག་གིས་བརྡེགས་སོ། ། དགེ་སློང་དག་།ཇི་སྙམ་དུ་སེམས་ཞེས་བྱ་བ་རྒྱས་པར་སྔ་མ་བཞིན་ནོ། །དེ་ནས་བཅོམ་ལྡན་འདས་རྒྱལ་པོའི་ཁབ་ན་ཇི་ཙམ་དགྱེས་པར་བཞུགས་ནས་མཉན་ཡོད་གང་ན་བ་དེར་རྒྱུ་</font><hr>Tha368b<br><font size=+2>


ཞིང་གཤེགས་སོ། །རྒྱུ་ཞིང་གཤེགས་པ་དང་རིམ་གྱིས་མཉན་ཡོད་དུ་བྱོན་ཏེ། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱིས་འཕགས་པ་ཤཱ་རིའི་བུ་ཡོངས་སུ་མྱ་ངན་ལས་འདས་ཏེ། དེའི་རིང་བསྲེལ་འཕགས་པ་ཀུན་དགའ་བོའི་ལག་ན་ཡོད་དོ། །ཞེས་ཐོས་སོ། །ཐོས་ནས་ཀྱང་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །འཕགས་པ་ཀུན་དགའ་བོ། མཁྱེན་པར་མཛོད་ཅིག་།འཕགས་པ་ཤཱ་རིའི་བུ་ནི། བདག་གི་ཡུན་རིང་པོ་ནས་སྡུག་པ་དང ། ཡིད་དུ་འོང་བ་དང ། བླ་མ་དང ། དྲན་པར་བགྱི་བ་ལགས་ན། དེ་ཡོངས་སུ་མྱ་ངན་ལས་འདས་ཏེ། དེའི་རིང་བསྲེལ་ཁྱོད་ཀྱི་ཕྱག་ན་མངའ་བ་དེ་དག་བདག་ལ་སྩོལ་ཅིག་དང ། དེའི་རིང་བསྲེལ་ལ་རིང་བསྲེལ་གྱི་མཆོད་པ་བགྱིའོ། །དེས་སྨྲས་པ། ཁྱིམ་བདག་།དེ་ནི། བདག་གི་ཡང་ཡུན་རིང་པོ་ནས་སྡུག་པ་དང ། ཡིད་དུ་འོང་བ་དང ། བླ་མ་དང ། དྲན་པར་བྱ་བ་ཡིན་པས། བདག་ཉིད་དེའི་རིང་བསྲེལ་ལ་རིང་བསྲེལ་གྱི་མཆོད་པ་བྱེད་དོ། །དེ་ནས་ཁྱིམ་བདག་མགོན་མེད་ཟས་སྦྱིན། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་</font><hr>Tha369a<br><font size=+2>


༄#། །ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། མཁྱེན་པར་མཛད་དུ་གསོལ། འཕགས་པ་ཤཱ་རིའི་བུ་ནི། བདག་གི་ཡུན་རིང་པོ་ནས་སྡུག་པ་དང ། ཡིད་དུ་འོང་བ་དང ། བླ་མ་དང ། དྲན་པར་བགྱི་བ་ལགས་ཏེ། དེའི་རིང་བསྲེལ་འཕགས་པ་ཀུན་དགའ་བོའི་སུག་པ་ན་མཆིས་པ། བཅོམ་ལྡན་འདས་ཀྱིས་བདག་ལ་སྩོལ་དུ་སྩལ་བར་གསོལ། བདག་དེའི་རིང་བསྲེལ་ལ་རིང་བསྲེལ་གྱི་མཆོད་པ་འཚལ་ལོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ཕོ་ཉས་བཀུག་ནས་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། དགེ་སློང་ཤཱ་རིའི་བུའི་རིང་བསྲེལ་རྣམས་ཁྱིམ་བདག་མགོན་མེད་ཟས་སྦྱིན་ལ་བྱིན་ལ་དེ་མཆོད་པ་བྱེད་དུ་ཆུག་ཅིག། བྲམ་ཟེ་དང ། ཁྱིམ་བདག་རྣམས་ནི། དོན་འདིས་ན། དད་པ་ཅན་ཡིན་ནོ། །ཀུན་དགའ་བོ། གཞན་ཡང་འདི་ཙམ་གྱིས་ན། ཁྱོད་ཀྱིས་ངའི་བསྟན་པ་ལ་ཕན་པ་བྱས་པའམ། ལན་ལོན་པ་མ་ཡིན་ནོ། །དེ་ལྟ་བས་ན། ཁྱོད་ཀྱིས་རབ་ཏུ་ཕྱུང་ཞིག། བསྙེན་པར་རྫོགས་བར་གྱིས་ཤིག་།གནས་བྱིན་ཅིག་།དགེ་སྦྱོང་གི་ཆེད་ཉེ་བར་ཞོག་ཅིག། དེ་དག་ལ་ཡང་ཇི་ལྟར་ཐོན་པ་བཞིན་འདོན་ཏུ་ཆུག་ཅིག། །འཛིན་དུ་ཆུག་ཅིག། སློབ་ཅིག་དང ། འདི་</font><hr>Tha369b<br><font size=+2>


ཙམ་གྱིས་ན། ཁྱོད་ཀྱིས་ངའི་བསྟན་པ་ལ་ཕན་བཏགས་པ་དང ། ལན་ལོན་པ་ཡིན་ནོ། །དེ་ནས་ཚེ་དང་ལྡན་པ་ཀུན་དགའ་བོས། སྟོན་པའི་བཀས་ཁྱིམ་བདག་མགོན་མེད་ཟས་སྦྱིན་ལ་ཚེ་དང་ལྡན་པ་ཤཱ་རིའི་བུའི་རིང་བསྲེལ་དག་བྱིན་ཏེ། འདི་ལྟར། བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པ་ན། ལན་འགའ་ཡང་ཡབ་ཡུམ་དང ། མཁན་པོ་དང ། སློབ་དཔོན་དང ། གཞན་བླ་མའི་གནས་ལྟ་བུ་དག་གི་ཚིག་མ་བཅག་པས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས། ཚེ་དང་ལྡན་པ་ཤཱ་རིའི་བུའི་རིང་བསྲེལ་དག་ཁྱེར་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་དེ་དག་ཁྱིམ་གྱི་མཆོག་གི་ནང་དུ་མཐོན་པོ་ཞིག་ཏུ་བཞག་ནས་ནང་མི་དང་བཅས། མཛའ་བོ་དང ། ཉེ་དུ་དང ། ཕུ་ནུ་དང་བཅས་ཏེ་མར་མེ་དང ། བདུག་པ་དང ། མེ་ཏོག་དང ། དྲི་དང ། ཕྲེང་བ་དང ། བྱུག་པ་རྣམས་ཀྱིས་མཆོད་པ་བྱ་བར་བརྩམས་སོ། །མཉན་ཡོད་ན་གནས་པའི་སྐྱེ་བོའི་ཚོགས་ཀྱིས་ཇི་ལྟར་འཕགས་པ་ཤཱ་རིའི་བུ་ཡུལ་མ་ག་དྷའི་གྲོང་ནཱ་ལ་དར་ཡོངས་སུ་མྱ་ངན་ལས་འདས་ལ། དེའི་རིང་བསྲེལ་དག་འཕགས་པ་ཀུན་དགའ་བོས་བླངས་ནས་ཁྱིམ་བདག་མགོན་མེད་ཟས་སྦྱིན་ལ་བྱིན་ཏེ། དེས་དེ་དག་ཁྱིམ་དུ་བཞག་ནས་ནང་མི་དང་བཅས། མཛའ་བོ་དང ། གཉེན་བཤེས་དང ། ཕུ་ནུ་དང་བཅས་ཏེ་མར་མེ་དང ། བདུག་པ་དང ། མེ་ཏོག་དང ། དྲི་དང ། ཕྲེང་བ་དང ། བྱུག་པ་དག་གིས་མཆོད་པ་ཐོས་སོ། །དེ་བཞིན་དུ་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་ཀྱང་ཐོས་</font><hr>Tha370a<br><font size=+2>


༄#། །ནས་བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། དྲང་སྲོང་བྱིན་དང ། རྙིང་པ་དག་དང ། རི་དྭགས་འཛིན་གྱི་མ་ས་ག་དང ། གཞན་ཡང་དད་པ་ཅན་མང་པོ་དག་དང་ལྷན་ཅིག་དེ་དག་ཐམས་ཅད་མཆོད་པའི་ཡོ་བྱད་དག་ཁྱེར་ཏེ་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་དོང་ནས་དེ་རྣམས་ཀྱིས་མཆོད་པའི་ཡོ་བྱད་དག་གིས་མཆོད་པར་བརྩམས་པ་ལས། དེར་ཁ་ཅིག་གིས་ཡོན་ཏན་གྱི་ཚོགས་དག་ཐོབ་བོ། །ཇི་ཙམ་དུས་གཞན་ཞིག་ན། ཁྱིམ་བདག་མགོན་མེད་ཟས་སྦྱིན་རི་བོར་ཞིག་ཏུ་བྱ་བ་ཅུང་ཟད་ཅིག་བྱུང་ནས་དེས་དེར་སྒོ་བཅད་ནས་སོང་ངོ ། །སྐྱེ་བོ་ཕལ་པོ་ཆེ་དག་དེ་བཞིན་དུ་འོངས་པ་དང ། ཇི་ཙམ་ན་སྒོ་བཅད་པ་མཐོང་ནས་ཁྱིམ་བདག་མགོན་མེད་ཟས་སྦྱིན་གྱིས་སྒོ་བཅད་དེ་སོང་བས། དེས་བདག་ཅག་གི་བསོད་ནམས་ཀྱི་བར་ཆད་བྱས་སོ། །ཞེས་དེ་དག་འཕྱ་བར་བྱེད། གཞོགས་འཕྱས་བྱེད། སྨོད་པར་བྱེད་དོ། །དེ་ནས་ཁྱིམ་བདག་མགོན་མེད་ཟས་སྦྱིན་རི་བོར་དེ་ནས་འོངས་པ་དང ། དེའི་ནང་མིས་སྨྲས་པ། ཁྱིམ་བདག་།སྐྱེ་བོའི་ཚོགས་ཆེན་པོ་མཆོད་པའི་ཡོ་བྱད་ཐོགས་ཏེ་འོངས་པ་ལས། སྒོ་བཅད་པ་མཐོང་ནས་དེས་བདག་ཅག་གི་བསོད་ནམས་ཀྱི་བར་ཆད་བྱས་སོ། །ཞེས་འཕྱ་བར་བྱེད། གཞོགས་འཕྱས་བྱེད། སྨོད་པར་བྱེད་དོ། །དེ་འདི་སྙམ་དུ། འདི་ཉིད་བདག་གི་བྱ་བ་ཡིན་ནོ། །སྙམ་དུ་ཤེས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། </font><hr>Tha370b<br><font size=+2>


བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། འཕགས་པ་ཤཱ་རིའི་བུ་ལ་རབ་ཏུ་དད་པའི་སྐྱེ་བོའི་ཚོགས་ཆེན་པོ་མཆོད་པའི་ཡོ་བྱད་དག་ཐོགས་ཏེ་བདག་གི་སྡུམ་པར་མཆིས་པ་ལས། བདག་བགྱི་བ་ཅུང་ཟད་ཅིག་གི་སླད་དུ་ཆབ་སྒོ་བཀུམ་ནས་གཞན་དུ་མཆིས་པ་དང ། དེ་དག་ཁྱིམ་བདག་མགོན་མེད་ཟས་སྦྱིན་གྱིས་སྒོ་བཅད་དེ་སོང་བས། བདག་ཅག་གི་བསོད་ནམས་ཀྱི་བར་ཆད་བྱས་སོ། །ཞེས་འཕྱ་བར་བགྱིད། གཞོགས་འཕྱས་བགྱིད། སྨོད་པར་བགྱིད་དོ།། དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་འཕགས་པ་ཤཱ་རིའི་བུའི་མཆོད་རྟེན་ཕྱོགས་སྣང་གཡེལ་ཅན་ཞིག་ཏུ་བགྱིས་ལ། དེར་སྐྱེ་བོའི་ཚོགས་ཆེན་པོ་བག་ཡངས་སུ་མཆོད་པ་བགྱིད་དུ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། དེ་ལྟ་བས་ན། གནང་གི། བྱོས་ཤིག། བཅོམ་ལྡན་འདས་ཀྱིས་གནང་གི། བྱོས་ཤིག་ཅེས་བཀའ་སྩལ་པ་དང ། དེས་ཇི་ལྟ་བུར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རིམ་གྱིས་བང་རིམ་བཞི་བྱས་ལ་དེ་ནས་བུམ་རྟེན་བྱའོ། །དེ་ནས་བུམ་པ་དང ། བྲེ་དང ། སྲོག་ཤིང་དང ། གདུགས་གཅིག་དང ། གཉིས་དང ། གསུམ་དང ། བཞི་བྱ་བ་བྱས་ནས་བཅུ་གསུམ་གྱི་བར་དུ་བྱ་ཞིང ། ཆར་ཁེབས་དག་བཞག་པར་བྱའོ། །བཅོམ་ལྡན་འདས་ཀྱིས་མཆོད་རྟེན་དེ་ལྟ་བུ་བྱའོ། །ཞེས་</font><hr>Tha371a<br><font size=+2>


༄#། །གསུངས་པ་དང ། དེས་ཅི། འཕགས་པ་ཤཱ་རིའི་བུ་འབའ་ཞིག་ལ་མཆོད་རྟེན་རྣམ་པ་དེ་ལྟ་བུ་བྱའམ། འོན་ཏེ་འཕགས་པ་ཐམས་ཅད་ལ་བྱ་བ་མི་ཤེས་ནས་སྐབས་དེ། བཅོམ་ལྡན་འདས་ལ་དགེ་སློང་དག་གིས་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། རེ་ཞིག་དེ་བཞིན་གཤེགས་པའི་མཆོད་རྟེན་ནི། རྣམ་པ་ཐམས་ཅད་རྫོགས་པར་བྱའོ། །རང་སངས་རྒྱས་ཀྱི་ནི། ཆར་ཁེབས་མི་གཞག་པར་བྱའོ། །དགྲ་བཅོམ་པའི་ནི། གདུགས་བཞིའོ། །ཕྱིར་མི་འོང་བའི་ནི། གསུམ་མོ། །ཕྱིར་འོང་བའི་ནི། གཉིས་སོ། །རྒྱུན་དུ་ཞུགས་པའི་ནི། གཅིག་གོ་།སོ་སོའི་སྐྱེ་བོ་དགེ་བ་རྣམས་ཀྱི་མཆོད་རྟེན་ནི། བྱི་བོར་བྱའོ། །བཅོམ་ལྡན་འདས་ཀྱིས་འཕགས་པ་རྣམས་ཀྱི་མཆོད་རྟེན་ནི། རྣམ་པ་འདིས་སོ། །སོ་སོའི་སྐྱེ་བོའི་རྣམས་ཀྱི་ནི། འདིས་སོ། །ཞེས་བཀའ་སྩལ་པ་དང ། དེ་གང་གིས་གནས་གང་དུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་དེ་བཞིན་གཤེགས་པ་བཞུགས་པ་ན་ཤཱ་རིའི་བུ་དང ། མོའུ་དགལ་གྱི་བུ་དག་འདུག་པ་དེ་བཞིན་དུ་ཡོངས་སུ་མྱ་ངན་ལས་འདས་པའི་མཆོད་རྟེན་ཡང་བྱའོ། །གཞན་ཡང་གནས་བརྟན་གནས་བརྟན་རྣམས་ཀྱི་མཆོད་རྟེན་ནི། རྒན་རིམ་བཞིན་སྦྲེང་བར་བྱའོ། །སོ་སོའི་སྐྱེ་བོ་དགེ་བ་རྣམས་ཀྱི་ནི། དགེ་འདུན་གྱི་ཀུན་དགའ་ར་བའི་ཕྱི་རོལ་ཏུ་བྱའོ། །ཁྱིམ་བདག་མགོན་མེད་ཟས་སྦྱིན་གྱིས་གསོལ་པ། གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་འཕགས་</font><hr>Tha371b<br><font size=+2>


པ་ཤཱ་རིའི་བུའི་མཆོད་རྟེན་གྱི་དུས་སྟོན་དག་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་།གནང་གི་།གྱིས་ཤིག་།ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་ཇི་ལྟར་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འཕགས་པ་ཤཱ་རིའི་བུའི་མཆོད་རྟེན་གྱི་དུས་སྟོན་གཟུགས་པར་གསོལ་པ་ལས། བཅོམ་ལྡན་འདས་ཀྱིས་འཛུགས་པར་གནང་བ་ཐོས་ནས་མ་ལ་བདག་གིས་ཀྱང་དེའི་གྲོགས་བྱའོ། །སྙམ་ནས་དེས་འདི་ལྟར་དྲིལ་བསྒྲགས་ནས་ཤེས་ལྡན་མཉན་ཡོད་ན་གནས་པའི་གྲོང་ཁྱེར་བ་རྣམས་དང ། ཡུལ་གཞན་ནས་ལྷགས་པའི་སྐྱེ་བོའི་ཚོགས་དག་ཉོན་ཅིག་།འཕགས་པ་ཤཱ་རིའི་བུའི་མཆོད་རྟེན་གྱི་དུས་སྟོན་ལ་བབ་པའི་ཚེ་ཟོང་ཐོགས་ནས་འོང་བ་གང་ཡིན་པ་དེ་ལ་ཤོ་གམ་ཡང་མེད། ལ་གཅན་ཡང་མེད། གྲུ་བཙས་ཀྱང་མེད་ཀྱི། དེ་བག་ཡངས་སུ་འདིར་ཤོག་ཅིག་།བར་སྐབས་དེར་རྒྱ་མཚོ་ཆེན་པོ་ནས་ཚོང་བ་ལྔ་བརྒྱ་ཞིག་གྲུ་བོ་ཆེའི་ནོར་གྲུབ་སྟེ་མཉན་ཡོད་དུ་ཕྱིན་པ་དེ་དག་གིས་ཇི་ལྟར་རྒྱལ་པོས་མཉན་ཡོད་དུ་དྲིལ་བསྒྲགས་ཏེ་འདི་སྐད་དུ། གང་ཞིག་འཕགས་པ་ཤཱ་རིའི་བུའི་མཆོད་རྟེན་གྱི་དུས་སྟོན་ལ་བབ་པའི་ཚེ་ཟོང་ཐོགས་ཏེ་འོང་བ་དེ་ལ་ཤོ་གམ་ཡང་མེད། ལ་གཅན་ཡང་མེད། གྲུ་བཙས་ཀྱང་མེད་ཀྱི། དེ་བག་ཡངས་སུ་འདིར་ཤོག་ཅིག་ཅེས་བསྒོ་བ་ཐོས་ནས་རེ་ཞིག་རྒྱལ་པོ་འདི། རང་གི་བསོད་ནམས་ཀྱི་འབྲས་བུ་ལ་གནས་ཀྱང ། བསོད་ནམས་དག་གིས་ངོམས་མི་ཤེས་ཏེ། སྦྱིན་པ་དག་སྦྱིན། བསོད་ནམས་དག་བྱེད་ན། བདག་</font><hr>Tha372a<br><font size=+2>


༄#། །ཅག་གིས་ཅིའི་ཕྱིར་སྦྱིན་པ་དག་མི་སྦྱིན། བསོད་ནམས་དག་མི་བྱ་སྙམ་ནས་དེ་དག་ཡིད་རབ་ཏུ་དང་བ་སྐྱེས་ཏེ་དུས་སྟོན་དེའི་དུས་སུ། དུང་དང ། ནོར་བུ་དང ། མུ་ཏིག་ལ་སོགས་པ་ཕུལ་བ་དང ། དགེ་སློང་དག་གིས་ཇི་ལྟར་སྒྲུབ་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། འབུད་དུང་གང་དག་ཡིན་པ་དེ་དག་ནི། ཤིང་འཛམ་བུའི་གྲིབ་མ་ན་བཞུགས་པའི་སྐུ་གཟུགས་ལ་དབུལ་བར་བྱའོ། །གཞན་ཡང་ཆུང་ཤས་ཤིག་ནི། ཤཱ་རིའི་བུའི་མཆོད་རྟེན་དེའི་བཅོས་ལེགས་བྱ་བར་བཞག་ལ། ལྷག་མ་ནི། དགེ་འདུན་ཚོགས་པས་བགོ་བར་བྱའོ། །དེ་དེ་བཞིན་གཤེགས་པའི་མཆོད་རྟེན་གྱི་མ་ཡིན་གྱི། ཤཱ་རིའི་བུའི་མཆོད་རྟེན་གྱི་ཡིན་ཏེ། དེ་ལྟ་བས་ན། འདི་ལ་འགྱོད་པར་མི་བྱའོ། །སྡོམ་ནི། གླེང་དང་དྲན་པ་ཉིད་དང་ནི། །སྐབས་དབྱེ་བ་དང་སྨྲ་མི་བྱ། །ལུང་འབོགས་པ་དང་གསོ་སྦྱོང་དང ། །དགག་དབྱེ་འཇོག་པར་བྱེད་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དྲུག་སྡེ་དག་གིས་ཉེས་པར་མཐོང་བ་དང ། ཉེས་པར་ཐོས་པ་དང ། ཉེས་པར་དོགས་པས་དགེ་སློང་དག་ལ་གླེང་ངོ ། །དགེ་སློང་དག་ལ་ཉེས་པར་མཐོང་པ་དང ། ཉེས་པར་ཐོས་པ་དང ། ཉེས་པར་དོགས་པས་གླེང་བ་ན། དེ་དག་བག་ཚ་བཞིན་དུ་གནས་སོ། །དེ་དག་བག་ཚ་བཞིན་དུ་གནས་པས་རིད་པ་དང ། སྐེམ་པ་དང ། རྙིས་པ་དང ། ལུས་ལས་སུ་</font><hr>Tha372b<br><font size=+2>


མ་རུང་བར་གྱུར་ཏེ་ལུང་སྟོན་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ནང་གི་ཚུལ་བཞིན་ཡིད་ལ་བྱེད་པ་དག་ཤོར་ནས་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་དགེ་སློང་ལ་ཉེས་པར་མཐོང་བ་དང ། ཉེས་པར་ཐོས་པ་དང ། ཉེས་པར་དོགས་པས་གླེང་བ་ལས་གྱུར་གྱི། དེ་ལྟ་བས་ན། དགེ་སློང་གིས་དགེ་སློང་ལ་ཉེས་པར་མཐོང་བ་དང ། ཉེས་པར་ཐོས་པ་དང ། ཉེས་པར་དོགས་པས་གླེང་བར་མི་བྱའི། དགེ་སློང་གིས་ཉེས་པར་མཐོང་བ་དང ། ཉེས་པར་ཐོས་པ་དང ། ཉེས་པར་དོགས་པས་དགེ་སློང་ལ་གླེང་བར་བྱེད་ན། འགལ་ཚབས་ཅན་དུ་འགྱུར་རོ། །གླེང་བར་བྱེད་པ་ཇི་ལྟ་བར་དྲན་པར་བྱེད་པ་དང ། སྐབས་འབྱེད་པར་བྱེད་པ་དང ། མི་སྨྲ་བར་བྱེད་པ་དང ། ལུང་འབོག་པར་བྱེད་པ་དང ། གསོ་སྦྱོང་འཇོག་པར་བྱེད་པ་དང ། དགག་དབྱེ་འཇོག་པར་བྱེད་པ་ཡང་དེ་དང་འདྲ་སྟེ། སྡོམ་གྱི་ཚིགས་སུ་བཅད་པ་ཐམས་ཅད་སྔ་མ་བཞིན་དུ་བརྗོད་པར་བྱའོ། །སྡོམ་ནི། སངས་རྒྱས་མཚན་ནས་སྨོས་པ་དང ། །ཚེ་དང་ལྡན་པ་ཀུན་མི་སྤྱད། །འཕྲལ་ཐབས་ཅན་ལ་མ་དད་དང ། །འདུལ་བ་མདོར་ནི་བསྡུས་པའོ། །སངས་རྒྱས་བཅོམ་ལྡན་འདས་ཝཱ་ར་ཎཱ་སི་ན། དྲང་སྲོང་སྨྲ་བ་རི་དྭགས་ཀྱི་ནགས་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་ལྔ་པོ་དག་ལ་བཀའ་སྩལ་པ། དགེ་སློང་དག་།ངས་སྔོན་མ་ཐོས་པའི་ཆོས་</font><hr>Tha373a<br><font size=+2>


༄#། །རྣམས་ལ་འདི་ནི། སྡུག་བསྔལ་འཕགས་པའི་བདེན་པའོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་།ངས་སྔོན་མ་ཐོས་པའི་ཆོས་རྣམས་ལ་འདི་ནི། སྡུག་བསྔལ་ཀུན་འབྱུང་བའོ། །འདི་ནི། སྡུག་བསྔལ་འགོག་པའོ། །འདི་ནི། སྡུག་བསྔལ་འགོག་པར་འགྱུར་བ་འཕགས་པའི་ལམ་མོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག། ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འཕགས་པའི་བདེན་པ་དེ། མངོན་པར་ཤེས་པས་ཡོངས་སུ་ཤེས་པར་བྱའོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག། ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་ཀུན་འབྱུང་བ་འཕགས་པའི་བདེན་པ་དེ། མངོན་པར་ཤེས་པས་སྤང་བར་བྱའོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་།ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་ཀུན་འབྱུང་བ་འཕགས་པའི་བདེན་པ་ནི། མངོན་པར་ཤེས་པས་མངོན་སུམ་དུ་བྱའོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་</font><hr>Tha373b<br><font size=+2>


དག་།ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འགོག་པར་འགྱུར་བའི་ལམ་འཕགས་པའི་བདེན་པ་དེ། བསྒོམ་པར་བྱའོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག། ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འཕགས་པའི་བདེན་པ་དེ་མངོན་པར་ཤེས་པས་ཡོངས་སུ་ཤེས་སོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་།ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་ཀུན་འབྱུང་བ་འཕགས་པའི་བདེན་པ་དེ། མངོན་པར་ཤེས་པས་སྤངས་སོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་།ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འགོག་པ་འཕགས་པའི་བདེན་པ་དེ། མངོན་པར་ཤེས་པས་མངོན་སུམ་དུ་བྱས་སོ། །ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་།ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འགོག་པར་འགྱུར་བ་འཕགས་པའི་ལམ་དེ། མངོན་པར་ཤེས་པས་བསྒོམས་སོ། ། ཞེས་ཚུལ་བཞིན་ཡིད་ལ་བྱས་པ་ན། མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་།གང་ང་ལ་ཇི་སྲིད་དུ་འཕགས་པའི་བདེན་པ་བཞི་པོ་འདི་དག་ལ་དེ་</font><hr>Tha374a<br><font size=+2>


༄#། །ལྟར་ལན་གསུམ་དུ་བཟླས་ཏེ་རྣམ་པ་བཅུ་གཉིས་པའི་མིག་སྐྱེས་པར་མ་གྱུར། ཤེས་པ་མ་ཡིན། རིག་པ་མ་ཡིན། བློ་མ་ཡིན། རྟོགས་པ་མ་སྐྱེས་པ་དེ་སྲིད་དུ་ང་འཇིག་རྟེན་ལྷ་དང་བཅས། བདུད་དང་བཅས། ཚངས་པ་དང་བཅས། དགེ་སྦྱོང་དང་བྲམ་ཟེའི་སྐྱེ་རྒུ་དང་བཅས། ལྷ་དང་མི་དང་བཅས་པ་འདི་ལས་གྲོལ་བ་དང ། ངེས་པར་བྱུང་བ་དང ། བྲལ་བ་དང ། རབ་ཏུ་གྲོལ་བ་དང ། ཕྱིན་ཅི་ལོག་དང་བྲལ་བའི་སེམས་ཀྱིས་མང་དུ་གནས་པར་མ་གྱུར། དེ་སྲིད་དུ་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །སྙམ་དུ་ཤེས་པར་མ་གྱུར་གྱི། དགེ་སློང་དག། གང་ནས་བཟུང་སྟེ་ང་ལ་འཕགས་པའི་བདེན་པ་བཞི་པོ་འདི་དག་ལ་དེ་ལྟ་ལན་གསུམ་དུ་བཟླས་ཏེ་རྣམ་པ་བཅུ་གཉིས་པའི་མིག་སྐྱེས། ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་པ་དེ་ནས་བཟུང་སྟེ་ང་འཇིག་རྟེན་ལྷ་དང་བཅས། བདུད་དང་བཅས། ཚངས་པ་དང་བཅས། དགེ་སྦྱོང་དང་བྲམ་ཟེའི་སྐྱེ་རྒུ་དང་བཅས། ལྷ་དང ། མི་དང་བཅས་པ་འདི་ལས་གྲོལ་བ་དང ། ངེས་པར་བྱུང་བ་དང ། རབ་ཏུ་གྲོལ་བ་དང ། ཕྱིན་ཅི་ལོག་དང་བྲལ་བའི་སེམས་ཀྱིས་མང་དུ་གནས་པར་གྱུར། དེ་ནས་བཟུང་སྟེ་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །སྙམ་དུ་ཤེས་པར་གྱུར་ཏོ། །ཆོས་ཀྱི་རྣམ་གྲངས་འདི་བཤད་པ་ན། ཚེ་དང་ལྡན་པ་ཀོའུ་དི་ནྱ་དང ། ལྷ་</font><hr>Tha374b<br><font size=+2>


བརྒྱད་ཁྲི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀོའུ་དི་ནྱ་ལ་བཀའ་སྩལ་པ། ཀོའུ་དི་ནྱ། ཁྱོད་ཀྱིས་ཆོས་ཀུན་ཤེས་སམ། བཅོམ་ལྡན་འདས། ཀུན་འཚལ་ཏོ། །ཀོའུ་དི་ནྱ། ཁྱོད་ཀྱིས་ཆོས་ཀུན་ཤེས་སམ། བདེ་བར་གཤེགས་པ། ཀུན་འཚལ་ཏོ། །ཚེ་དང་ལྡན་པ་ཀོའུ་དི་ནྱས་ཆོས་ཀུན་ཤེས་པ་དེའི་ཕྱིར་ཚེ་དང་ལྡན་པ་ཀོའུ་དི་ནྱའི་མིང་ཀུན་ཤེས་ཀོའུ་དི་ནྱ་ཞེས་བྱ་བར་ཆགས་སོ། །ཚེ་དང་ལྡན་པ་ཀོའུ་དི་ནྱས་ཆོས་ཀུན་ཤེས་པ་ན། ས་བླ་བའི་གནོད་སྦྱིན་རྣམས་ཀྱིས་སྒྲ་ཕྱུང་ཞིང་དབྱངས་རྗེས་སུ་བསྒྲགས་པ། གྲོགས་པོ་དག་།བཅོམ་ལྡན་འདས་ཀྱིས་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་ཐུགས་བརྩེ་བ་དང ། ལྷ་དང་མི་རྣམས་ཀྱི་དོན་དང ། ཕན་པ་དང ། བདེ་བར་མཛད་པའི་སླད་དུ་འཇིག་རྟེན་ན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པ་གང་གིས་ཀྱང་ཆོས་དང་མཐུན་པར་མ་བསྐོར་བའི་ཆོས་ཀྱི་འཁོར་ལོ་ཆོས་དང་མཐུན་པ་ལན་གསུམ་དུ་བཟླས་ཏེ་རྣམ་པ་བཅུ་གཉིས་པ་འདི། ཡུལ་ཝཱ་ར་ཎཱ་སི་དྲང་སྲོང་སྨྲ་བ་རི་དྭགས་ཀྱི་ནགས་སུ་བསྐོར་བས་ལྷའི་རིས་དག་ནི། མངོན་པར་འཕེལ་བར་འགྱུར། ལྷ་མ་ཡིན་གྱི་རིས་དག་ནི། ཡོངས་སུ་ཉམས་པར་འགྱུར་རོ། །ས་བླ་བའི་གནོད་སྦྱིན་རྣམས་ཀྱི་སྒྲ་བར་སྣང་ལ་སྤྱོད་པའི་གནོད་སྦྱིན་རྣམས་དང ། རྒྱལ་ཆེན་བཞི་པའི་ལྷ་རྣམས་དང ། སུམ་ཅུ་རྩ་གསུམ་པ་རྣམས་དང ། འཐབ་བྲལ་</font><hr>Tha375a<br><font size=+2>


༄#། །བ་རྣམས་དང ། འཕྲུལ་དགའ་བ་རྣམས་དང ། གཞན་འཕྲུལ་དབང་བྱེད་ཀྱིས་ཐོས་ནས་སྐད་ཅིག་དེ་དང ། ཐང་གཅིག་དེ་དང ། ཡུད་ཙམ་དེ་དང ། སྐད་ཅིག་དང ། ཐང་ཅིག་དང ། ཡུད་ཙམ་དེ་ལ་ཚངས་པའི་འཇིག་རྟེན་གྱི་བར་དུ་སྒྲ་གྲགས་པར་གྱུར་ཏེ། ཚངས་རིས་པའི་ལྷ་རྣམས་ཀྱིས་སྒྲ་ཕྱུང་ཞིང་དབྱངས་རྗེས་སུ་བསྒྲགས་པ། གྲོགས་པོ་དག། བཅོམ་ལྡན་འདས་ཀྱིས་ལྷ་དང་མི་རྣམས་ཀྱི་ཞེས་བྱ་བ་ནས་འདི། ཡུལ་ཝཱ་ར་ཎཱ་སི་དྲང་སྲོང་སྨྲ་བ་རི་དྭགས་ཀྱི་ནགས་སུ་བསྐོར་བས་ལྷའི་རིས་དག་ནི། མངོན་པར་འཕེལ་བར་འགྱུར། ལྷ་མ་ཡིན་གྱི་རིས་དག་ནི། ཡོངས་སུ་ཉམས་པར་འགྱུར་རོ། །ཞེས་བྱ་བའི་བར་སྔ་མ་བཞིན་ནོ། །བཅོམ་ལྡན་འདས་ཀྱིས་ཡུལ་ཝཱ་ར་ཎཱ་སི་དྲང་སྲོང་སྨྲ་བ་རི་དྭགས་ཀྱི་ནགས་སུ་ཆོས་ཀྱི་འཁོར་ལོ་ཆོས་དང་མཐུན་པ་ལན་གསུམ་གྱི་བར་དུ་བཟླས་ཏེ་རྣམ་པ་བཅུ་གཉིས་པ་བསྐོར་ཏེ། དེའི་ཕྱིར་ཆོས་ཀྱི་རྣམ་གྲངས་འདི་ཆོས་ཀྱི་འཁོར་ལོ་བསྐོར་བ་ཞེས་བྱའོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་ལྔ་པོ་དག་གི་རྒྱུད་ལ་ཆོས་ཀྱི་འཁོར་ལོ་བསྐོར་ཏེ་དེ་དག་བསྙེན་པར་རྫོགས་པ་དགེ་སློང་གི་དངོས་པོར་གྱུར་པ་དེའི་ཚེ། དེ་དག་དེ་བཞིན་གཤེགས་པ་ལ་ཤིན་ཏུ་མཚན་ནས་སྨོས་པ་དང ། གདུང་ནས་སྨོས་པ་དང ། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱོད་ནས་བཅོམ་ལྡན་འདས་ཀྱིས་དེ་དག་ལ་བཀའ་སྩལ་པ། དགེ་སློང་དག། ཁྱེད་དེ་བཞིན་གཤེགས་པ་ལ་ཤིན་</font><hr>Tha375b<br><font size=+2>


ཏུ་མཚན་ནས་སྨོས་པ་དང ། གདུང་ནས་སྨོས་པ་དང ། ཚེ་དང་ལྡན་པ་ཞེས་སྨོས་པ་ཀུན་ཏུ་མ་སྤྱོད་ཅིག་།དགེ་སློང་དག། དེ་ཅིའི་ཕྱིར་ཞེ་ན། གང་ཞིག་དེ་བཞིན་གཤེགས་པ་ལ་ཤིན་ཏུ་མཚན་ནས་སྨོས་པ་དང ། གདུང་ནས་སྨོས་པ་དང ། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱོད་པ་དེ་ནི། སྐྱེས་བུ་གཏི་མུག་དེ་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་རོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་།དེ་བཞིན་གཤེགས་པ་ལ་མཚན་ནས་སྨོས་པ་དང ། གདུང་ནས་སྨོས་པ་དང ། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱོད་པ་ལས་གྱུར་གྱི། དེའི་ཕྱིར་དགེ་སློང་གིས་དེ་བཞིན་གཤེགས་པ་ལ་མཚན་ནས་སྨོས་པ་དང ། གདུང་ནས་སྨོས་པ་དང ། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱད་པར་མི་བྱའོ། །སྙམ་དུ་དགོངས་ནས་དགེ་སློང་ལྔ་པོ་དག་ལ་བཀའ་སྩལ་པ། དགེ་སློང་དག། དེ་ལྟ་བས་ན། དགེ་སློང་གིས་དེ་བཞིན་གཤེགས་པ་ལ་མཚན་ནས་སྨོས་པ་དང ། གདུང་ནས་སྨོས་པ་དང ། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱད་པར་མི་བྱ་སྟེ། ཀུན་ཏུ་སྤྱོད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་དེ་བཞིན་གཤེགས་པ་ལ་མཚན་ནས་སྨོས་པ་དང ། གདུང་ནས་སྨོས་པ་དང ། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱད་པར་མི་བྱ་སྟེ། ཀུན་ཏུ་སྤྱོད་ན། འགལ་ཚབས་ཅན་དུ་འགྱུར་རོ། །ཞེས་བཀའ་སྩལ་པ་དང ། </font><hr>Tha376a<br><font size=+2>


༄#། །དགེ་སློང་གཞོན་ནུ་དག་།དགེ་སློང་རྒན་པ་རྒན་པ་དག་ལ་མིང་ནས་སྨོས་པ་དང ། རུས་ནས་སྨོས་པ་དང ། ཚེ་དང་ལྡན་པ་ཞེས་སྨོས་བ་ཀུན་ཏུ་སྤྱོད་ནས་སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཞོན་ནུས་དགེ་སློང་ཆེས་རྒན་པ་ལ་མིང་ནས་སྨོས་པ་དང ། རུས་ནས་སྨོས་པ་ཀུན་ཏུ་སྤྱད་པར་མི་བྱའོ། །འོན་ཀྱང་ཚེ་དང་ལྡན་པ་ཞེས་འབོད་པ་དང ། བཙུན་པ་ཞེས་འབོད་པ་གཉིས་ཀུན་ཏུ་སྤྱད་པར་བྱའོ། དགེ་སློང་གཞོན་ནུས་དགེ་སློང་ཆེས་རྒན་པ་ལ་མིང་ནས་སྨོས་པའམ། རུས་ནས་སྨོས་པ་ཀུན་ཏུ་སྤྱོད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །མཉན་ཡོད་ན་དགེ་སློང་འཕྲལ་ཐབས་ཅན་དང ། དགེ་སློང་མ་གསོང་མོ་ཇི་ལྟ་ཇི་ལྟར་སྐྱེ་བོའི་ཚོགས་མང་པོ་མི་དད་པར་འགྱུར་བ་དེ་ལྟ་དེ་ལྟར་ཁྱིམ་དག་ཏུ་རྒྱུ་བར་བྱེད་ཅེས་བྱ་བ་རྒྱས་པར་རྣམ་པར་འབྱེད་པ་ལས་ཇི་སྐད་འབྱུང་བ་བཞིན་ནོ། །སངས་རྒྱས་བཅོམ་ལྡན་འདས་ཀུ་ཤའི་གྲོང་ཁྱེར་ན་གྱད་ཀྱི་ཉེ་འཁོར་ཤིང་སཱ་ལ་ཟུང་གི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ་དེ་ན་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངས་འདུལ་བ་རྒྱས་པར་བསྟན་ན། མདོར་བསྡུས་ཏེ་ཡང་མ་བསྟན་པས་ལེགས་པར་ཉོན་ལ་ཡིད་ལ་ཟུངས་ཤིག་དང་བཤད་དོ། །དགེ་</font><hr>Tha376b<br><font size=+2>


སློང་དག། ཁྱེད་ཀྱིས་སྔོན་གནང་བ་ཡང་མེད། བཀག་པ་ཡང་མེད་པ་གང་ཡིན་པ་དེ་ཡང ། གལ་ཏེ་མི་རུང་བ་བསྟེན་ཅིང་རུང་བ་དང་མི་མཐུན་ན། རུང་བ་མ་ཡིན་པ་ཡིན་པའི་ཕྱིར་སྤྱད་པར་མི་བྱའོ། །གལ་ཏེ་རུང་བ་བསྟེན་ཅིང་མི་རུང་བ་དང་མི་མཐུན་ན། རུང་བ་ཡིན་པའི་ཕྱིར་སྤྱད་པར་བྱ་སྟེ། འདི་ལ་འགྱོད་པར་མི་བྱའོ། །སྡོམ་ནི། སྤངས་པ་དག་ནི་བགེད་པ་དང ། །སྦྲང་མ་རྣམས་ཀྱི་སྐྱབས་དང་ནི། །སྤྱང་ཚགས་དང་ནི་གྱོ་མོ་དང ། །སྲ་བརྐྱང་གདིང་དང་མང་པོའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཆལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ལ་ཆོས་གོས་ཀྱི་སྤང་བ་བྱུང་ནས། དེས་དེ་རྒན་པའི་མཐའ་ལོགས་སུ་འདུག་སྟེ་དགེ་འདུན་ལ་སྤངས་སོ། །དགེ་བསྐོས་ཀྱིས་བསམ་པ། འདི་ནི། དགེ་འདུན་གྱི་རྙེད་པ་གྲུབ་པ་ཡིན་ཏེ། སྤེལ་ནས་བགོ་བར་བྱའོ། །སྙམ་ནས་དེས་དེ་སྤེལ་ནས་དགེ་འདུན་ལ་བྲིམས་པ་དང ། དགེ་སློང་དེ་ཕོངས་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་སྤང་བ་དགེ་འདུན་ལ་སྤངས་པ་ལས་གྱུར་གྱི། དེའི་ཕྱིར་དགེ་སློང་གི་དགེ་འདུན་ལ་སྤང་བར་མི་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དགེ་སློང་ཞིག་གིས་སྤངས་པ་དགེ་འདུན་ལ་སྤངས་པ་དང ། དེ་དགེ་བསྐོས་</font><hr>Tha377a<br><font size=+2>


༄#། །ཀྱིས་སྤེལ་ཏེ་བགས་ཀྱི། དེ་ལྟ་བས་ན། དགེ་སློང་གིས་སྤང་བ་དགེ་འདུན་ལ་སྤང་བར་མི་བྱའི། འོན་ཀྱང་གང་ཟག་ལ་སྤང་བར་བྱའོ། །གལ་ཏེ་མི་ཤེས་པས་སྤངས་ན་ཡང་དགེ་འདུན་གྱིས་བགོ་བར་མི་བྱའོ། །དགེ་སློང་གིས་སྤང་བ་དགེ་འདུན་ལ་སྤངས་སམ། དགེ་འདུན་གྱིས་བགོས་ན། གཉི་ག་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སྤང་བ་དགེ་འདུན་ལ་སྤང་བར་མི་བྱའོ། །འོན་ཀྱང་གང་ཟག་ལ་སྤང་བར་བྱའོ། །ཞེས་བཀའ་སྩལ་པ་དང ། དགེ་སློང་གཞན་ཞིག་ལ་ཆོས་གོས་ཀྱི་སྤང་བ་བྱུང་སྟེ། དེས་དགེ་སློང་མི་ཤེས་པ་ཞིག་ལ་སྤང་བ་དང ། དེས་བླངས་ནས་ཅང་མི་ཟེར་བར་འདུག་གོ་།སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཞན་གྱིས་བརྡ་སྤྲད་པར་བྱ་སྟེ། གལ་ཏེ་བྱིན་ན། ལེགས། ཅི་སྟེ་མི་སྟེར་ན། མཐུས་འཕྲོག་ལ་བྱིན་གྱིས་བརླབ་པར་བྱའོ། །རུང་བར་བྱ་བའི་ཕྱིར་སྤང་བ་ཡིན་པས། སྤངས་པ་གཏན་བཀུར་བར་མི་བྱའི། འོན་ཀྱང་སྤངས་པ་སླར་སྦྱིན་པར་བྱའོ། །གླེང་གཞི་ནི། ཡངས་པ་ཅན་ནའོ། །དབྱར་གྱི་དུས་སུ་དགེ་སློང་དག་སྦྲང་བུ་མཆུ་རིང་གིས་ཟོས་ཏེ། དེ་དག་གཡའ་སྟེ་སེན་མོས་ལུས་ཀུན་ཕྲུགས་པ་དང ། བར་བར་དུ་ཁྲག་གི་ཐིགས་པ་དང ། ཐོར་བུ་དག་བྱུང་བར་སྣང་ངོ ། །དེ་ལྟར་ལུས་མི་སྡུག་པ་དེ་དག་བྲམ་ཟེ་དང ། </font><hr>Tha377b<br><font size=+2>


ཁྱིམ་བདག་རྣམས་ཀྱིས་མཐོང་ནས་དེ་དག་གིས་སྨྲས་པ། འཕགས་པ། ཁྱེད་ཅི་ཞིག་གིས་ལུས་ཀྱི་གནས་སྐབས་འདི་ལྟ་བུར་གྱུར། དེ་དག་གིས་ཇི་ལྟར་གྱུར་པ་བསྙད་པ་དང ། དེ་དག་གིས་སྨྲས་པ།་འཕགས་པ། ཁྱེད་སྦྲང་སྐྱབས་མི་འཆང་ངམ། བཞིན་བཟང ། བཅོམ་ལྡན་འདས་ཀྱིས་མ་གནང་ན། ཇི་ལྟར་བཅང ། འཕགས་པ། ཁྱེད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི་།དགེ་སློང་གིས་སྦྲང་སྐྱབས་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་གིས་སྦྲང་སྐྱབས་བཅང་བར་བྱའོ། །ཞེས་བཀའ་སྩལ་ན། དགེ་སློང་གིས་ཅི་འདྲ་བ་བཅང་བ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རས་སྲིད་དུ་ཁྲུ་བཞི། ཞེང་དུ་ཁྲུ་དོ་པ་དེ། ཤིང་ལ་བརྒྱངས་ལ་སྟེང་ནས་དགབ་པར་བྱ་ཞིང ། རས་ཁྲུ་བཅུ་གཉིས་པས་ངོས་ཁོར་ཡུག་བསྐོར་བར་བྱའོ། །དགེ་སློང་དག་གིས་རས་དེ་མ་ལུས་པར་བྱས་པ་དང ། གློ་ནས་སྦྲང་བུ་མཆུ་རིང་དག་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། རས་ལྷག་མ་དང་བཅས་པ་བཅང་བར་བྱ་ཞིང ། དེས་གློ་ནས་དཀྲི་བར་བྱའོ། །དགེ་སློང་དག་གིས་སྦྲང་སྐྱབས་བྱས་ནས་རས་དེ་ཕྱོགས་གཅིག་ནས་བཏེག་སྟེ་འཛུལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྒོ་གདོད་པར་བྱའོ། །དགེ་སློང་དག་གིས་སྒོ་ཐད་ཀར་གཏོད་པ་དང ། བཅོམ་</font><hr>Tha378a<br><font size=+2>


༄#། །ལྡན་འདས་ཀྱིས་བཀའ་སྩལ་པ། སྣོལ་མར་བྱའོ། །ཆ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་དུ་བསིལ་ཡབ་གཞག་པར་བྱའོ། །འོག་ནས་སྦྲང་མ་མཆུ་རིང་དག་འཇུག་ནས་བཅོམ་ལྡན་འདས་ཀྱིས་བཀའ་སྩལ་པ། གནས་མལ་གྱིས་དགབ་པར་བྱ་ཞིང ། རྣམ་པ་གང་དང་གང་གིས་སྦྲང་མ་མཆུ་རིང་ཟ་བ་དེ་ཐམས་ཅད་རུང་བར་བྱའོ། །གླེང་གཞི་ནི།་མཉན་ཡོད་ནའོ། །བཅོམ་ལྡན་འདས་ཀྱིས་ཆུ་བཙག་པར་བྱའོ། །ཞེས་བཀའ་སྩལ་པ་དང ། དགེ་སློང་དག་ལག་པས་ཆུ་ཚགས་འཛིན་པས་དེ་དག་ངལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཤིང་ལ་བཏགས་ཏེ་བཙག་པར་བྱའོ། །དགེ་སློང་དག་གིས་ཤིང་ལ་བཏགས་ཏེ་བཙག་ན། འོན་ཀྱང་ངལ་ནས་བཅོམ་ལྡན་འདས་ཀྱིས་བཀའ་སྩལ་པ། དབྱུ་གུ་གསུམ་བཅང་བར་བྱའོ། །དགེ་སློང་དག་གིས་དབྱུ་གུ་གསུམ་ལ་བཏགས་ན། འདུག་ཏུ་མ་བཏུབ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་ཕུག་ལ་སྲད་བུའམ། གཟེར་བུས་སྦྲེལ་ལ་ཆུ་ཚགས་གདགས་པར་བྱའོ། །དགེ་སློང་དག་གིས་ཆུ་ཚགས་བཏགས་ནས་ཆུ་བླུགས་པ་དང ། ཕྱེད་ས་ལ་བོ་ནས་བཅོམ་ལྡན་འདས་ཀྱིས་བཀའ་སྩལ་པ། ཅི་ནས་ས་ལ་མི་འབོ་བར་དྲན་པ་ཉེ་བར་བཞག་སྟེ་བླུགས་པར་བྱའོ། །དགེ་སློང་དག་གིས་བུམ་པ་ཞབས་རྟེན་མེད་པར་བཞག་པས་དེ་འདྲིལ་ནས་བཅོམ་ལྡན་འདས་ཀྱིས་བཀའ་སྩལ་པ། ཞབས་རྟེན་གཞུག་པར་བྱའོ། །དགེ་</font><hr>Tha378b<br><font size=+2>


སློང་གཞན་དག་ཅིག་གིས་ཆུ་བླང་བར་བརྩམས་པ་དང ། དེ་ཆུ་ཚགས་སུ་མ་ཆགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་གཅལ་གཞུག་པར་བྱའོ། །དགེ་སློང་དག་གིས་ཅི་ཞིག་གཞུག་པར་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། བྱེ་བའམ། བ་ལང་གི་ལྕི་བའོ། །འོན་ཀྱང་མ་ཆགས་ནས་བཅོམ་ལྡན་འདས་ཀྱིས་བཀའ་སྩལ་པ། ཚགས་རྟེན་སྣོད་བཅང་བར་བྱའོ། །བཅོམ་ལྡན་འདས་ཀྱིས་ཚགས་རྟེན་སྣོད་བཅང་བར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཇི་ལྟ་བུ་བཅང་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཚགས་རྟེན་སྣོད་ནི། གཉིས་ཏེ། ཟངས་ལས་བྱས་པ་དང ། ས་ལས་བྱས་པའོ། །དགེ་སློང་དག་གིས་ཚགས་རྟེན་སྣོད་ལག་པས་བཟུང་བ་དང ། དེ་དག་ངལ་ནས་བཅོམ་ལྡན་འདས་ཀྱིས་བཀའ་སྩལ་པ། ཟངས་ལས་བྱས་པ་གང་ཡིན་པ་དེ་ནི། ཕུག་ལ་ལྕགས་ཐག་འཇམ་པོས་དབྱུག་གུ་གསུམ་ལ་གདགས་པར་བྱའོ། །ས་ལས་བྱས་པ་གང་ཡིན་པ་དེ་ནི། ཕུག་ལ་ཐ་གུས་གདགས་པར་བྱའོ། །ཆུ་ཚགས་གཞན་དག་ཆུ་མ་ཕྱིན་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་གློར་ཡང་དང་ཡང་དུ་བརྡབ་པར་བྱའོ། ། དགེ་སློང་དག་ཆུ་རྟོག་པ་ན་བུམ་པ་མ་གང་བ་ལ་བརྟགས་པས་སྲོག་ཆགས་དག་མ་རྟོགས་ནས་བཅོམ་ལྡན་འདས་ཀྱིས་བཀའ་སྩལ་པ། བུམ་པ་ལེགས་པར་བཀང་ལ་ཇི་སྲིད་དུ་ཆུ་མི་གཡོ་</font><hr>Tha379a<br><font size=+2>


༄#། །བ་དེ་སྲིད་དུ་གཞག་པར་བྱ་ཞིང ། དེ་ནས་བརྟག་པར་བྱའོ། །བུམ་པ་བཀང་བ་དང་སྟེང་དུ་རྡུལ་ཞུགས་པ། དགེ་སློང་དག་གིས་དེ་མ་བསལ་བས། སྲོག་ཆགས་དག་མ་རྟོགས་ནས་བཅོམ་ལྡན་འདས་ཀྱིས་བཀའ་སྩལ་པ། རྡུལ་བསལ་ནས་བརྟག་པར་བྱའོ། །དགེ་སློང་དག་གིས་སྲོག་ཆགས་མཛུབ་མོའི་རྩེ་མོས་བསྟན་པས་དེ་དག་འགུལ་ནས་མིག་གིས་མ་སོད་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཤིང་བུའི་རྩེ་མོའམ། རྩཝའི་རྩེ་མོའམ། ཕྲ་མོ་གཞན་གང་ཡང་རུང་བས་བསྟན་པར་བྱའོ། །དགེ་སློང་དག་གིས་ཆུ་ཚགས་ཉིད་ནས་ཆུ་ཁྲོན་པར་ཕོ་བ་དང ། སྲོག་ཆགས་དག་བརྡབ་བསྣུན་པས་གནོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བསལ་ཚགས་བསྲེལ་བར་བྱའོ། །དགེ་སློང་དག་གིས་བཀང་སྟེ་བཏང་ན། ཕྱིར་གང་བཞིན་དུ་འོང་པ་གང་ཡིན་པ་དེ་ལྟ་བུ་བསྲེལ་ནས་བཅོམ་ལྡན་འདས་ཀྱིས་བཀའ་སྩལ་པ། བཀང་སྟེ་བཏང་ན། ཕྱིར་སྟོང་བར་འོང་བ་ཅི་འདྲ་བ་དེ་འདྲ་བ་བསྲེལ་བར་བྱའོ། །གཞན་དག་ཅིག་གིས་བསལ་ཚགས་མ་འབྱོར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ནི། ཆུ་ཚགས་ཐ་གུས་བཏགས་ལ་ཅི་ནུས་བཀང་སྟེ། བཏང་ན་ཕྱིར་སྟོང་པར་འོང་བ་དེ་ལྟ་བཏང་བར་བྱའོ། །དགེ་སློང་དག་གིས་ཆུ་ཕོ་ནས་ཆུ་ཚགས་བཤལ་བར་མི་བྱེད། འཁྲུ་བར་མི་བྱེད། འཚིར་བར་མི་བྱེད། སྐེམ་པར་མི་བྱེད། ལྟོབ་\?\་པར་མི་བྱེད་ནས་བཅོམ་</font><hr>Tha379b<br><font size=+2>


ལྡན་འདས་ཀྱིས་བཀའ་སྩལ་པ། ཆུ་ཚགས་ཀྱི་ཆུ་ཕོ་ནས་དེ་བཤལ་བར་བྱ། བཀྲུ་བར་བྱ། བཙིར་བར་བྱ། བསྐམ་པར་བྱ། བལྟབ་པར་བྱའོ། །དགེ་སློང་དག་དགེ་འདུན་གྱི་ཆུ་ཡང་ཆུ་ཚགས་ཀྱིས་འཚག་པར་བྱེད་པ་དང ། དགེ་སློང་གི་དགེ་འདུན་ཕལ་ཆེས་པས་སྐྱོ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དགེ་སློང་གི་དགེ་འདུན་ཕལ་ཆེ་བར་གྱུར་ན། ཆུ་ཚགས་མང་པོ་བཅང་བའམ། ཡང་ན་བུམ་ཚགས་གཅེའུ་ཅན་བཅང་བར་བྱའོ། །བཅོམ་ལྡན་འདས་ཀྱིས་བུམ་ཚགས་གཅེའུ་ཅན་གྱིས་བཙག་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་བུམ་ཚགས་གཅེའུ་ཅན་ཇི་ལྟ་བུ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སའམ། ཟངས་ལས་བུམ་པའི་དབྱིབས་ལྟ་བུ་བྱ་ཞིང་དེ་ལ་པདྨའི་སྙིང་པོ་ལྟ་བུའི་བུ་ག་དག་གདོད་པར་བྱའོ། །དེ་དག་བསྡུ་བའི་ཕྱིར་དེ་དག་གི་སྟེང་དུ་བུ་ག་ཆེན་པོ་གཅིག་གདོད་དོ། །དེ་དག་ཉིད་བསྡུ་བའི་ཕྱིར་འོག་ཏུ་གཅེའུ་གཞུག་པར་བྱའོ། །དེ་ནས་སྟེང་རས་ཀྱིས་གཡོགས་ལ་ཆུ་བཙག་པར་བྱ་ཞིང ། རས་དེ་ཡང་བཤལ་བར་བྱ། བཀྲུ་བར་བྱ། བསྐམ་པར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་གཉིས་པ། དགེ་སློང་དག་གིས་ཤིག་དང ། རྩཝ་ཤིག་དང ། སྲོག་ཆགས་གཞན་དག་གཡང་ས་ནས་བོར་བ་དང ། དེ་དག་དྲན་པ་ཉམས་ཤིང་གནོད་པར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་</font><hr>Tha380a<br><font size=+2>


༄#། །པ་དང ། བཅོམ་ལྡན་འདས་ཀྱིས་བཀའ་སྩལ་པ། སྲོག་ཆགས་ཐམས་ཅད་གཡང་ས་ནས་དོར་བར་མི་བྱའོ། །དེ་དག་གིས་གར་བབ་བབ་ཏུ་བོར་བ་དང ། བཅོམ་ལྡན་འདས་ཀྱིས་བཀའ་སྩལ་པ། གར་བབ་བབ་ཏུ་དོར་བར་མི་བྱའི། ཤིག་ནི། རས་མའི་ནང་དུ་གཞུག་པར་བྱ། དེ་མ་རྙེད་ན། ཀ་བའི་སེར་ཀའམ། རྩིག་པའི་བུ་གར་ཆུག་ཅིག་།རྩཝ་ཤིག་ནི། ནེའུ་གསིང་སྔོན་པོའི་ས་ཕྱོགས་སུ་གཞག་པར་བྱའོ། །དེ་མ་རྙེད་ན། བསིལ་བའི་ཕྱོགས་སུའོ། །སྲོག་ཆགས་གཞན་ཡང་རང་རང་གི་གནས་སུ་གཏང་བར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། ཆབ་བཙགས་པ་མ་བརྟགས་པ་འཚལ་དུ་རུང་ལགས་སམ། ཉེ་བར་འཁོར། མིག་གིས་མ་བརྟགས་ན། མི་རུང་ངོ ། །བཙུན་པ།་ཆབ་བཙགས་པ་བརྟགས་པ་འཚལ་དུ་རུང་ལགས་སམ། ཉེ་བར་འཁོར། མིག་གིས་བརྟགས་པའི་ཕྱིར་རུང་ངོ ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་དབྱར་གནས་པར་ཁས་བླངས་པའི་དགེ་འདུན་གྱིས་སྲ་བརྐྱང་གདིང་བ་བྱའོ། །ཞེས་བཀའ་སྩལ་པ་དང ། ཀོ་ས་ལའི་རྒྱལ་པོ་གསལ་རྒྱལ་གྱིས་ཐོས་ནས་དེས་དགེ་འདུན་ལ་སྲ་བརྐྱང་ཕུལ་ལོ། །དེ་བཞིན་དུ་བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། ཁྱིམ་བདག་མགོན་མེད་ཟས་སྦྱིན་དང ། དྲང་སྲོང་བྱིན་དང ། རྙིང་པ་དག་དང ། ཕྱ་མཁན་དག་དང ། གཞན་མང་</font><hr>Tha380b<br><font size=+2>


པོ་དག་གིས་སྲ་བརྐྱང་ཕུལ་པ་དང ། དགེ་སློང་དག་གིས་སྲ་བརྐྱང་གཅིག་ཅིག་བྱིན་གྱིས་བརླབས་ནས་ལྷག་མ་གཞན་དེ་དག་ཉིད་ལ་སླར་བསྐུར་བར་བརྩམས་པ་དང ། དེ་དག་གིས་འཕགས་པ། འདི་དག་ནི། བདག་ཅག་གིས་དགེ་འདུན་ལ་ཕུལ་བ་ལགས་པས། བདག་ཅག་སླར་ཇི་ལྟར་འཚལ། སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་གནང་གི་།བླང་བར་བྱ་ཞིང ། བླངས་ནས་ཀྱང་གཏན་པ་གདིང་པའི་དགེ་སློང་མང་པོ་བསྐོ་བར་བྱའོ། །ཇི་ལྟར་སྔར་བསྐོས་པ་དེ་ལས་ཕྱིས་གཅིག་གདིང་བར་བྱའོ། །ལྷག་མ་རྣམས་ནི། གཞག་པར་བྱ་ཞིང ། དེ་ནི། དབྱར་གནས་པར་ཁས་བླངས་པའི་དགེ་འདུན་གྱི་བགོ་བའི་རྙེད་པ་ཡིན་པས། དབྱར་གནས་པར་ཁས་བླངས་པའི་དགེ་འདུན་ཚོགས་པས་ཅི་དགར་བགོ་བར་བྱ་སྟེ། འདི་ལ་འགྱོད་པར་མི་བྱའོ། །སྡོམ་ནི། ང་འདས་པ་ལ་སྦྱིན་མེད་དང ། །གང་གིས་བསྔོས་པ་ཤི་བ་དང ། གང་ལ་གཏད་པ་ཤི་བ་དང ། །བབས་པ་དང་ནི་འགྱོད་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ།་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་རིམ་གྱིས་བུ་གསུམ་བྱུང་ངོ ། ། </font><hr>Tha381a<br><font size=+2>


༄#། །དེ་རྣམས་ཀྱིས་ཐ་ཆུང་གང་ཡིན་པ་དེ། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ ། །དེ་དུས་གཞན་ཞིག་ན་ལྗོངས་རྒྱུ་ཞིང་སོང་ངོ ། །དེ་དུས་གཞན་ཞིག་ན་ལྗོངས་རྒྱུ་ཞིང་སོང་ངོ ། །ལྗོངས་རྒྱུ་ཞིང་སོང་བ་ན་དེའི་ཕ་ནད་ཀྱིས་ཐེབས་ནས་དེ་རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་རྣམས་ཀྱིས་རིམ་གྲོ་བྱས་ཀྱང་དེའི་ནད་དེ་ཞི་བར་མ་གྱུར་ཏེ། གང་གི་ཚེ་དེ་ལ་ཤི་ལ་ཐུག་པའི་ཚོར་བ་བྱུང་སྟེ་རིང་པོར་མི་ཐོགས་པར་འཆི་བའི་དུས་བྱེད་པར་འགྱུར་བ་དེའི་ཚེ། དེས་མཛའ་བོ་དང ། གཉེན་དང ། ཕུ་ནུ་བོ་དང ། ཁྱིམ་ཚེས་རྣམས་བསྡུས་ནས་བུ་དེ་གཉིས་ལ་སྨྲས་པ། བུ། ངའི་ཁྱིམ་ན་ཅུང་ཟད་ཅི་ཡོད་པ་དེ་ཐམས་ཅད་ཁྱེར་ཏེ་ཤོག་ཅིག་།དེ་དག་གིས་ཀྱང་དེའི་ཚིག་མཉན་ཏེ་ཐམས་ཅད་ཁྱེར་ཏེ་འོངས་པ་དང ། དེས་མཛའ་བོ་དང ། གཉེན་དང ། ཕུ་ནུ་དེ་དག་དང ། ཁྱིམ་ཚེས་ཀྱི་མི་དེ་ལ་སྨྲས་པ། ཤེས་ལྡན་དག་གསོན་ཅིག། བདག་གི་བུ་གསུམ་ཡོད་པ་ལས། ཕུ་བོ་གཉིས་ནི། འདི་དག་ཡིན། ཐ་ཆུང་གང་ཡིན་པ་དེ་ནི། དགེ་སྦྱོང་ཤཱཀྱའི་བུའི་ནང་དུ་རབ་ཏུ་བྱུང་ངོ ། །དེའི་ཕྱིར་བདག་གི་ཁྱིམ་ན་ནོར་གང་ཅུང་ཟད་ཅི་ཡོད་པ་དེ་ཐམས་ཅད་དེ་རྣམས་མཉམ་པར་བགོས་ཤིག། ཅེས་སྨྲས་ནས། བསགས་པ་ཀུན་གྱི་མཐའ་འཛད་ཅིང ། །མཐོན་པོའི་མཐའ་ནི་བསྙིལ་བར་འགྱུར། །འདུ་བའི་མཐའ་ནི་འབྲལ་བ་སྟེ། །གསོན་པོའི་མཐའ་ནི་འཆི་བ་ཡིན། །ཞེས་བྱ་བས་དུས་ཀྱི་ཆོས་དང་ལྡན་པར་གྱུར་ཏེ། དེ་ཁྱོགས་གོས་སྔོན་</font><hr>Tha381b<br><font size=+2>


པོ་དང ། དམར་པོ་དང ། སེར་པོ་དང ། དཀར་པོ་དག་གིས་བརྒྱན་ཏེ་དུར་ཁྲོད་དུ་ཁྱེར་ནས་བསྲེགས་སོ། །དེའི་བུ་དེ་དག་གིས་དེའི་ཤིད་བཏང་བ་དང ། མྱ་ངན་བསང་བ་བྱས་ཏེ་འདུག་གོ། དེའི་བུ་དེས་བདག་གི་ཕ་དེ་ཤིའོ་ཞེས་ཐོས་ནས་དེ་འདི་སྙམ་དུ། བདག་སོང་ལ་མ་ཡར་མོ་དེ་དང ། ཕུ་བོ་དེ་དག་ལ་ཆོས་བཤད་དེ་མྱ་ངན་བསང་བར་བྱའོ། །སྙམ་དུ་བསམ་ནས་དེ་ཇི་སྲིད་འདོད་པར་ལྗོངས་ན་འདུག་ནས་ལྷུང་བཟེད་དང་ཆོས་གོས་ཁྱེར་ཏེ་མཉན་ཡོད་གང་ན་བ་དེར་རྒྱུ་ཞིང་སོང་ནས་རིམ་གྱིས་རྒྱུ་ཞིང་སོང་བ་ལས་མཉན་ཡོད་དུ་ཕྱིན་ཏོ། དེས་ཆོས་གོས་དང་ལྷུང་བཟེད་རྒྱལ་བྱེད་ཀྱི་ཚལ་དུ་བཞག་སྟེ་ལམ་གྱིས་དུབ་པ་ངལ་བསོས་ནས་རང་གི་ཁྱིམ་དུ་སོང་ངོ ། །ནང་མི་རྣམས་ཀྱིས་དེ་མཐོང་ནས་དུས་སོ། །ངུ་བ་དེ་ཐོས་ནས་ཁྱིམ་ཚེས་རྣམས་འདུས་ཏེ་ལ་ལ་ནི། སྐད་ཕྱུང་སྟེ་ངུ ། ལ་ལ་ནི། མིག་མཆི་མས་གང་བར་གྱུར་ཏོ། །དེ་སོ་སོའི་སྐྱེ་བོ་ཡིན་པས། སྐྱེ་བོའི་ཚོགས་ཆེན་པོ་སྨྲེ་ཞིང་འདུག་པ་ཐོས་ནས། དེ་ཡང་མིག་མཆི་མས་གང་ཞིང་འདུག་པ་དང ། དེ་ལ་ཁྱིམ་ཚེས་ཀྱི་བུད་མེད་ཅིག་གིས་སྨྲས་པ། བུ། མྱ་ངན་མ་བྱེད་ཅིག། ཁྱོད་ཀྱི་ཕ་དེ་བསོད་ནམས་བྱས་པས་ལྷ་ཡུལ་དུ་སོང་ངོ ། །ཁྱོད་ལ་ཡང་ཕས་མཛའ་བོ་དང ། གཉེན་དང ། ཕུ་ནུ་བོ་དང ། ཁྱིམ་ཚེས་རྣམས་བསྡུས་ཏེ་ནོར་གྱི་སུམ་ཆ་གཅིག་ཀྱང་བྱིན་ནོ། །དེས་བསམ་པ། བཅོམ་ལྡན་འདས་ཀྱིས་ང་འདས་ནས་འདི་ལ་བྱིན་ཅིག། ཅེས་ཟེར་བ་ནི། མེད་པ་ཡིན་ནོ། །ཞེས་གསུངས་པ་གང་ཡིན་པ་དེ་ནི། འདི་ལྟ་</font><hr>Tha382a<br><font size=+2>


༄#། །བུ་ཡིན་ནོ། །སྙམ་དུ་རིག་ནས་ང་དེའི་ཕྱིར་མྱ་ངན་བྱེད་པ་ནི། མ་ཡིན་གྱི། ངའི་ཕ་དེ་དཀའ་བ་བྱེད་བྱེད་པས་དབང་མེད་པར་མཆི་མ་བྱུང་ངོ ། །བཅོམ་ལྡན་འདས་ཀྱིས་ཀྱང་ཕ་མ་ནི། བུ་ལ་དཀའ་བ་བྱེད་དེ། སྙོད་པ་དང ། གསོ་བ་དང ། སྐྱེད་པ་དང ། འཛམ་བུ་གླིང་སྣ་ཚོགས་སྟོན་པ་ཡིན་ཏེ། བུའི་ཕྲག་པ་གཅིག་གིས་ཕ་བླངས་ཤིང ། གཅིག་ཤོས་ཀྱིས་མ་བླངས་ཏེ་ལོ་བརྒྱ་ཚང་བར་བཀུར་བར་བྱས་པ་དང ། ས་ཆེན་པོ་འདི་ལ་ནོར་བུ་དང ། མུ་ཏིག་དང ། བཻཌཱུརྱ་དང ། མན་ཤེལ་དང ། བྱུ་རུ་དང ། དངུལ་དང ། གསེར་དང ། རྡོའི་སྙིང་པོ་དང ། སྤུག་དང ། པདྨ་རཱ་ག་དང ། གཡས་སུ་འཁྱིལ་བ་དེ་ལྟ་བུའི་དབང་ཕྱུག་གི་བདག་པོར་བཞག་ཀྱང་འདི་ཙམ་གྱིས། བུས་ཕ་དང་མ་ལ་ཕན་ཐོགས་པ་དང ། ལན་ལོན་པར་མི་འགྱུར་གྱི། གང་ཞིག་གིས་ཕ་མ་དེ་དག་མ་དད་པ་ལས་དད་པ་ཕུན་སུམ་ཚོགས་པ་ཡང་དག་པར་ལེན་དུ་འཇུག། གཟེངས་བསྟོད་པར་བྱེད། འདུལ་བར་བྱེད། འཇོག་པར་བྱེད། རབ་ཏུ་འཇོག་པར་བྱེད་ཅིང ། ཚུལ་ཁྲིམས་འཆལ་པ་ཚུལ་ཁྲིམས་ཕུན་སུམ་ཚོགས་པ། འཇུངས་པ་གཏོང་བ་ཕུན་སུམ་ཚོགས་པ་དང ། ཤེས་རབ་འཆལ་པ་ཤེས་རབ་ཕུན་སུམ་ཚོགས་པ་ཡང་དག་པར་ལེན་དུ་འཇུག། གཟེངས་བསྟོད་པར་བྱེད། འདུལ་བར་བྱེད། འཇོག་པར་བྱེད། རབ་ཏུ་འཇོག་པར་བྱེད་ན། དེ་ཙམ་གྱིས་ན། བུས་ཕ་མ་ལ་ཕན་བཏགས་པ་དང་ལན་གླན་པར་འགྱུར་རོ། །ཞེས་གསུངས་སོ། །ཡང་</font><hr>Tha382b<br><font size=+2>


བཅོམ་ལྡན་འདས་ཀྱིས་ང་འདས་ནས་དེ་ལ་བྱིན་ཅིག་ཅེས་ཟེར་བ་ནི། སྦྱིན་པ་ཡང་མ་ཡིན་ནོ། །ཞེས་བཀག་གོ་།བུད་མེད་དེ་ཅང་མི་ཟེར་བར་འདུག་གོ། སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངས་ནི། ཁྱིམ་པ་ལ་དགོངས་ཏེ་གསུངས་པ་མ་ཡིན་གྱི། འོན་ཀྱང་རབ་ཏུ་བྱུང་བ་ལ་དགོངས་པ་ཡིན་ནོ། ། ཁྱིམ་པ་དག་ནི། ཆགས་པ་དང་བཅས་བཞིན་དུ་འཆི་བར་འགྱུར་ལ། རབ་ཏུ་བྱུང་བ་ནི། མ་ཡིན་ནོ། །དེ་ལྟ་བས་ན། དེའི་ཕྱིར་ཁྱིམ་པ་འདི་སྙམ་དུ། ང་འདས་ནས་འདི་ལ་སྦྱིན་ནོ། །སྙམ་དུ་སེམས་པ་ནི། བྱིན་པ་ཡིན་གྱི། རབ་ཏུ་བྱུང་བ་ནི། མ་ཡིན་པས་བླང་བར་བྱ་ཞིང ། བླངས་ནས་ཀྱང་ཇི་ལྟར་འདོད་པ་བཞིན་ལོངས་སྤྱོད་དུ་ཡོངས་སུ་སྤྱད་པར་བྱའོ། །གླེང་གཞི་ནི། མཉན་ཡོད་ནའོ། །དགེ་སློང་ཞིག་གིས། དགེ་སློང་ཞིག་ལ་ཆོས་གོས་དག་བསྔོས་སོ། །དེས་དེ་དག་བསྔོས་ནས་དུས་ལས་འདས་པ་དང ། དགེ་སློང་དེ་དག་གིས་དེ་ཁྱེར་ནས་བསྲེག་ཏུ་སོང་ངོ ། །དེའི་བར་དུ་དགེ་སློང་དེས་དེའི་གནས་ཁང་ནས་དེའི་ཆོས་གོས་དེ་དག་བླངས་ཏེ་རང་གི་གནས་ཁང་དུ་བཞག་གོ། དེ་ནས་དགེ་སློང་དེ་དག་གིས་དེའི་རིམ་གྲོ་བྱས་ནས་གཙུག་ལག་ཁང་དུ་ལོག་པ་དང ། དགེ་བསྐོས་ཀྱིས་དེའི་གནས་ཁང་དུ་བརྟགས་ན། ཇི་ཙམ་ན་ལྷུང་བཟེད་དང ། ཆོས་གོས་གསུམ་དང ། ཆུ་ཚགས་མཐོང་ནས་དེས་རྒན་པའི་མཐར་ཁྱར་བ་དང ། དེ་ལ་དགེ་སློང་དེ་དག་གིས་སྨྲས་པ། ཚེ་དང་ལྡན་</font><hr>Tha383a<br><font size=+2>


༄#། །པ།་ཁྱོད་ཀྱིས་དེའི་ཆོས་གོས་གསུམ་པོ་འདི་ཁྱེར་ཏེ་འོངས་སམ། དེ་ལ་ཆོས་གོས་རུང་བར་བྱས་པ་གཞན་ཡང་མང་དུ་ཡོད་ན། དེ་དག་ཀྱང་ཁྱེར་ཏེ་ཤོག་ཅིག ། དེས་སྨྲས་པ། དེའི་གནས་ཁང་ན་ནི། འདིར་ཟད་ཀྱི། གཞན་ཅུང་ཟད་ཀྱང་མེད་དོ། །དགེ་སློང་དག་གིས་སྨྲས་པ། ཚེ་དང་ལྡན་པ། དེའི་སྨོས་འདྲིན་དགེ་སློང་ཆེ་གེ་མོ་ཞེས་བྱ་བ་དེ་ལ་དྲིས་ཤིག། དེས་དེ་ལ་དྲིས་པ་དང ། སྨྲས་པ། བདག་གིས་ཁྱེར་ཏེ། དེས་བདག་ལ་བསྔོས་སོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། རུང་བར་བྱ་བའི་ཕྱིར་ངས་བསྔོ་བར་གནང་སྟེ། གང་གིས་དེ་དག་ཁྱེར་བ་དེ་ལ་འདི་སྐད་ཅེས་གྱིས་ཤིག། ཤི་བའི་ཡོ་བྱད་ཀྱི་རྙེད་པ་དེ་དག་དགེ་འདུན་ལ་ཕུལ་ལ། རང་གི་སྐལ་བས་ཆོག་པ་གྱིས་ཤིག་ཅེས་སྒོས་ཤིག། གླེང་གཞི་ནི། མཉན་ཡོད་ནའོ། །དགེ་སློང་གཞན་ཞིག་གིས། དགེ་སློང་ཞིག་ལ་ཆོས་གོས་དག་བསྔོས་པ་དང ། གང་ལ་བསྔོས་པ་དེ་དུས་ལས་འདས་སོ། །དགེ་སློང་རྣམས་ཀྱིས་ངུར་ཁྲོད་དུ་ཁྱེར་ནས་བསྲེགས་ཏེ་སླར་འོངས་ནས་དེའི་ཆོས་གོས་དེ་དག་རྒན་པའི་མཐར་ཁྱེར་བ་དང ། དེ་ལ་དགེ་སློང་གིས་སྨྲས་པ།་ཚེ་དང་ལྡན་པ། འདི་དག་སུའི་ཡིན། དེས་སྨྲས་པ། འདི་དག་ནི། བདག་གི་ལགས་མོད་ཀྱི། འོན་ཀྱང་བདག་གིས་དེ་ལ་བསྔོས་སོ། །དགེ་སློང་དག་གིས་དེ་ཇི་ལྟར་བསྒྲུབ་པ་མི་</font><hr>Tha383b<br><font size=+2>


ཤེས་ནས་སྐབས་དེ། དགེ་སློང་དག་གིས་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། རུང་བར་བྱ་བའི་ཕྱིར་ངས་བསྔོ་བར་གནང་མོད་ཀྱི།་འོན་ཀྱང་གང་གིས་བསྔོས་པ་དེ་ཉིད་ཀྱི་ཡིན་ནོ། །གླེང་གཞི་ནི། མཉན་ཡོད་ནའོ། །དགེ་སློང་གཞན་ཞིག་གིས་དགེ་སློང་ཞིག་ལ་ཆོས་གོས་དག་བསྔོས་པ་དང ། གང་ལ་བསྔོས་པ་དེ་བབས་ནས་དེས་བསམ་པ། བདག་ལ་དགེ་སློང་དེས་ཆོས་གོས་དག་བསྔོས་པས། བདག་བབས་མོད་ཀྱི། འོན་ཀྱང་དེ་དག་བདག་དབང་གི། ལེན་དུ་འགྲོའོ། །སྙམ་ནས་དེ་དགེ་སློང་དེའི་དྲུང་དུ་སོང་སྟེ་དེས་སྨྲས་པ། འཕགས་པ། ཁྱོད་ཀྱིས་ཆོས་གོས་དག་བདག་ལ་བསྔོས་ན། དེ་དག་བདག་ལ་སྩོལ་ཅིག། དེ་དགེ་སློང་དག་ལ་བརྗོད་པ་དང ། དེ་དག་གིས་ཇི་ལྟར་བསྒྲུབ་པ་མི་ཤེས་ནས་སྐབས་དེ།་དགེ་སློང་དག་གིས་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་གང་ཁོ་ན་ལ་ཡིད་བརྟན་ཏེ་ཆོས་གོས་དག་གཏམས་པ་དེ་ཁོ་ནའི་མདུན་དུ་བསྔོ་བ་ལས་གྱུར་གྱི། དེའི་ཕྱིར་དགེ་སློང་གིས་གང་ལ་ཡིད་བརྟན་ཏེ་ཆོས་གོས་དག་གཏམས་པ་དེ་ཁོ་ནའི་མདུན་དུ་བསྔོ་བར་མི་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། དགེ་སློང་གིས་ཡིད་བརྟན་ཞིང་ཆོས་གོས་གཏམས་པ་དེ་ཉིད་ཀྱི་མདུན་དུ་ཆོས་གོས་བསྔོ་བར་མི་བྱའི། དེའི་</font><hr>Tha384a<br><font size=+2>


༄#། །མངོན་སུམ་དུ་བསྔོ་བ་མ་བྱས་ན། དེས་ན། ཉེས་དམིགས་དེར་མི་འགྱུར་རོ། །གླེང་གཞི་ནི། མཉན་ཡོད་ནའོ། །དགེ་སློང་གཞན་ཞིག་གིས་དགེ་སློང་ཞིག་ལ་ཆོས་གོས་དག་བསྔོས་ཏེ་གང་ལ་བསྔོས་པ་དེ་འཐབ་ཀྲོལ་ཅན་ཞིག་སྟེ། རྟག་ཏུ་དགེ་སློང་དང་ལྷན་ཅིག་འཐབ་ཀྲོལ་བྱེད་པ་ལས། དེ་གཞན་ཞིག་དང་འཐབ་མོ་བྱས་ནས་འགྲོ་བར་ཆས་པ་དང ། གང་གིས་དེ་ལ་ཆོས་གོས་དག་བསྔོས་པ་དེས་མི་བཏང་བར་བརྩམས་ཏེ་ཚེ་དང་ལྡན་པ། མ་འགྲོ་ཞིག། ཅེས་དེས་དེ་བཟུང་བ་དང ། འདུག་ཏུ་མ་གཏུབ་བོ། །དེས་ཡང་དང་ཡང་དུ་བཟློག་པ་དང ། དེ་ལ་དགེ་སློང་ཞིག་གིས་སྨྲས་པ། ཚེ་དང་ལྡན་པ། འདི་ནི། འཐབ་ཀྲོལ་ཅན་ཞིག་སྟེ། རྟག་ཏུ་དགེ་སློང་རྣམས་ལ་མི་བདེ་བར་བྱེད་པ་ཡིན་གྱི། ཐོང་ཞིག། དེས་སྨྲས་པ། གཞན་གྱི་ཕྱིར་འདི་མི་གཏོང་བ་མ་ཡིན་གྱི། ང་ཉིད་ཀྱི་ཆོས་གོས་དག་འདི་ལ་བསྔོས་པས་འདི་འཛིན་ཏོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཡིད་བརྟན་པའི་དགེ་སློང་རྒྱ་མཚོའི་ཕ་རོལ་ན་འདུག་པ་ཞིག་ཡིན་ན། དེ་ལ་ཡིད་བརྟན་ཏེ་བསྔོ་བ་བྱས་ནས་གཟུང་བར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་གལ་ཏེ་ཡིད་བརྟན་པའི་དགེ་སློང་རྒྱ་མཚོའི་ཕ་རོལ་ན་འདུག་པ་ཞིག་ཡིན་ན། དེ་ལ་ཡང་ཆོས་གོས་དག་བསྔོ་བར་བྱའོ། །ཞེས་བཀའ་སྩལ་པ་དང ། དགེ་སློང་གཞན་ཞིག་</font><hr>Tha384b<br><font size=+2>


གིས་དགེ་སློང་ཡུལ་ཤིན་ཏུ་ཐག་རིང་པོ་ན་འདུག་པ་ཞིག་ལ་ཆོས་གོས་བསྔོས་ཏེ་དེ་དུས་ལས་འདས་པར་གྱུར་པ་དང ། དགེ་སློང་དེས་དགེ་སློང་དེ་ཇི་ལྟར་དུས་ལས་འདས་པ་རིང་ཞིག་ལོན་ནས་ཐོས་པ་དང ། དགེ་སློང་དེ་འགྱོད་པ་སྐྱེས་སོ། །སྐབས་དེ། དགེ་སློང་དག་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས་བཅོམ་ལྡན་འདས་ཀྱིས་བཀའ་སྩལ་པ། གང་གི་ཚེ་ཐོས་པ་དེའི་ཚེ་གཞན་ལ་བསྔོ་བར་བྱ་སྟེ། འདི་ལ་འགྱོད་པར་མི་བྱའོ། །སྡོམ་ནི། མཚམས་ཀྱི་ཕྱི་རོལ་འདུག་པ་ཡིས། །དད་པ་མི་དབུལ་སྦྱིན་མི་བྱ། །གཅིག་ལ་གཅིག་ནི་མི་བྱ་དང ། ། གསོ་སྦྱོང་དང་ནི་དགག་དབྱེའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དྲུག་སྡེ་དག་མཚམས་ཀྱི་ཕྱི་རོལ་ན་གནས་ཀྱང་དད་པ་འབུལ་བའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་ན་གནས་པས་དད་པ་དབུལ་བར་མི་བྱའོ། །བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་གནས་པས་དད་པ་དབུལ་བར་མི་བྱའོ། །ཞེས་བཀའ་སྩལ་པ་དང ། དགེ་སློང་གཞན་དག་ཅིག་མཚམས་ཀྱི་ཕྱི་རོལ་ཏུ་སོང་ངོ ། །དེ་དག་ཆས་པ་དང ། དགེ་འདུན་གྱི་བྱ་བ་ཞིག་བྱུང་ནས་དྲུག་སྡེ་རྣམས་ཀྱིས་དེ་དག་ལས་དད་པ་བླངས་སོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་</font><hr>Tha385a<br><font size=+2>


༄#། །པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་ཏུ་སོང་བ་ལས་དད་པ་བླང་བར་མི་བྱའོ། །བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་གནས་པས་དད་པ་དབུལ་བར་མི་བྱ། མཚམས་ཀྱི་ཕྱི་རོལ་ཏུ་སོང་བ་ལས་དད་པ་བླང་བར་ཡང་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་མཚམས་ཀྱི་ཕྱི་རོལ་ན་གནས་བཞིན་དུ་གཅིག་ལ་གཅིག་དད་པ་སྦྱིན་པར་བྱེད་དེ། དགའ་བོས་ནི། ཉེ་དགའ་ལ། ཉེ་དགས་ཀྱང་དགའ་བོ་ལ། འདུན་པས་ནི། འཆར་ཀ་ལ། འཆར་ཀས་ཀྱང་འདུན་པ་ལ། འགྲོ་མགྱོགས་ཀྱིས་ནི། ནབ་སོ་ལ། ནབ་སོས་ཀྱང་འགྲོ་མགྱོགས་ལ་དད་པ་བྱིན་པ་དང ། སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཅིག་ལ་གཅིག་དད་པ་སྦྱིན་པར་མི་བྱ་སྟེ། བྱིན་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་གསོ་སྦྱོང་གི་ཚེ་སོ་སོར་ཐར་པའི་མདོ་གདོན་པ་ཐོན་ཅིག། ཅེས་བཀའ་སྩལ་པ་དང ། དྲུག་སྡེ་དག་མཚམས་ཀྱི་ཕྱི་རོལ་ན་གནས་ཤིང་གསོ་སྦྱོང་ལ་འདུན་པ་དང ། ཡོངས་སུ་དག་པ་འབུལ་ལོ། །སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་ན་གནས་པས་གསོ་སྦྱོང་ལ་འདུན་པ་དང ། ཡོངས་སུ་དག་པ་དབུལ་</font><hr>Tha385b<br><font size=+2>


བར་མི་བྱའོ། །བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་གནས་པས་གསོ་སྦྱོང་ལ་འདུན་པ་དང ། ཡོངས་སུ་དག་པ་དབུལ་བར་མི་བྱའོ། །ཞེས་བཀའ་སྩལ་པ་དང ། དགེ་སློང་གཞན་དག་ཅིག་མཚམས་ཀྱི་ཕྱི་རོལ་ཏུ་སོང་ངོ ། །དེ་དག་ཆས་པ་དང ། དགེ་འདུན་གསོ་སྦྱོང་བྱ་བར་བཞེད་ནས་འདུས་པ་དང ། དྲུག་སྡེ་རྣམས་ཀྱིས་དེ་དག་ལས་འདུན་པ་དང ། ཡོངས་སུ་དག་པ་བླངས་སོ། །སྐབས་དེ།་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་ཏུ་སོང་བ་ལས་འདུན་པ་དང ། ཡོངས་སུ་དག་པ་བླང་བར་མི་བྱའོ། ། བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་གནས་པས་དད་པ་དང་ཡོངས་སུ་དག་པ་དབུལ་བར་མི་བྱ། མཚམས་ཀྱི་ཕྱི་རོལ་ཏུ་སོང་བ་ལས་དད་པ་དང ། ཡོངས་སུ་དག་པ་བླང་བར་ཡང་མི་བྱའོ། ། ཞེས་བཀའ་སྩལ་པ་དང ། དྲུག་སྡེ་དག་མཚམས་ཀྱི་ཕྱི་རོལ་ན་གནས་བཞིན་དུ་གཅིག་ལ་གཅིག་དད་པ་སྦྱིན་པར་བྱེད་དེ། དགའ་བོས་ནི། ཉེ་དགའ་ལ། ཉེ་དགས་ཀྱང་དགའ་བོ་ལ། འདུན་པས་ནི། འཆར་ཀ་ལ། འཆར་ཀས་ཀྱང་འདུན་པ་ལ། འགྲོ་མགྱོགས་ཀྱིས་ནི། ནབ་སོ་ལ། ནབ་སོས་ཀྱང་འགྲོ་མགྱོགས་ལ་དད་པ་བྱིན་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་གཅིག་ལ་གཅིག་གསོ་སྦྱོང་གི་དད་པ་དང ། ཡོངས་སུ་དག་པ་སྦྱིན་པར་མི་བྱའོ། །དགེ་སློང་གིས་གཅིག་ལ་</font><hr>Tha386a<br><font size=+2>


༄#། །གཅིག་གསོ་སྦྱོང་གི་དད་པ་དང ། ཡོངས་སུ་དག་པ་སྦྱིན་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །བཅོམ་ལྡན་འདས་ཀྱིས་དབྱར་གནས་པར་ཁས་བླངས་པའི་དགེ་སློང་གིས་གནས་གསུམ་པོ་མཐོང་བ་དང ། ཐོས་པ་དང ། དོགས་པས་དགག་དབྱེ་བྱའོ། །ཞེས་བཀའ་སྩལ་པ། དྲུག་སྡེ་དག་མཚམས་ཀྱི་ཕྱི་རོལ་ན་གནས་ཤིང་དགག་དབྱེའི་དད་པ་དང ། ཡོངས་སུ་དག་པ་འབུལ་བ་རྒྱས་པར་ཐམས་ཅད་གསོ་སྦྱོང་བཞིན་ནོ། །སྡོམ་ནི། དགེ་སློང་བགྲང་བར་བྱ་བ་དང ། ཚུལ་ཤིང་དག་དང་གང་འདོད་དང ། །སྟན་གཅིག་ཁྱིམ་ན་གནས་པ་དང ། །དགེ་ཚུལ་གསར་བུ་མི་འདུག་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་འདུག་པ་དེ་བྱ་བ་ཅུང་ཟད་ཅིག་ལ་ཕྱིར་བྱུང་ནས་རྒྱལ་བྱེད་ཀྱི་ཚལ་དུ་སོང་བ་དང ། དེ་རེ་ཞིག་འདི་ན་དགེ་སློང་དུ་ཞིག་གནས་དྲིའོ། །སྙམ་པའི་འདོད་པ་སྐྱེས་ནས་དེས་དགེ་སློང་རྣམས་ལ་དྲིས་པ། འཕགས་པ་དག་།འདི་ན་དགེ་སློང་དུ་ཞིག་གནས། དེ་དག་གིས་སྨྲས་པ། བྲམ་ཟེ། མ་ཤེས་སོ། །བྲམ་ཟེས་སྨྲས་པ། ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་ཁྲོམ་གྱི་རུའི་གྲངས་ཀྱང་ཤེས་ན། ཁྱེད་ཀྱིས་དགེ་སློང་དག་མི་ཤེས་པ་ལྟ། དེ་དག་ཅང་མི་སྨྲ་བར་འདུག་པ་དང ། བྲམ་ཟེ་དེ་སོང་ངོ ། །སྐབས་དེ། དགེ་སློང་རྣམས་ཀྱིས་</font><hr>Tha386b<br><font size=+2>


བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བགྲང་བར་བྱའོ། །བཅོམ་ལྡན་འདས་ཀྱིས་དགེ་སློང་དག་བགྲང་བར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་གཅིག་ཅེས་བྱ་བ་ལ་སོགས་པས་བགྲངས་པ་དང ། ཕྱིས་བརྗེད་ནས་བཅོམ་ལྡན་འདས་ཀྱིས་བཀའ་སྩལ་པ། གཅིག་ཅེས་བྱ་བ་ལ་སོགས་པས་བགྲང་བར་མི་བྱའོ། དགེ་སློང་དག་གིས་སོར་མོས་འཛུགས་ཤིང་བགྲང་ན། འོན་ཀྱང་བརྗེད་ནས་བཅོམ་ལྡན་འདས་ཀྱིས་བཀའ་སྩལ་པ། སོར་མོས་གཟུགས་ཤིང་བགྲང་བར་མི་བྱའོ། །བཅོམ་ལྡན་འདས་ཀྱིས་དགེ་སློང་དག་གཅིག་ཅེས་བྱ་བ་ལ་སོགས་པས་བགྲང་བར་མི་བྱ། སོར་མོས་བཙུགས་ཤིང་བགྲང་བར་མི་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཇི་ལྟར་བགྲང་བ་མ་ཤེས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཚུལ་ཤིང་བྲིམ་པར་བྱ་ཞིང་བྲིམས་ནས་བགྲང་བར་བྱ། བགྲངས་ནས་དགེ་འདུན་ལ་དགེ་སློང་འདི་སྙེད་དོ། །ཞེས་བརྗོད་པར་བྱའོ། །བཅོམ་ལྡན་འདས་ཀྱིས་ཚུལ་ཤིང་བྲིམ་པར་བྱའོ། །ཞེས་བཀའ་སྩལ་པ་དང ། དགེ་སློང་དག་གིས་ཉི་མའམ། ཟླ་བའམ། ལོ་གང་ལ་བྲིམ་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དབྱར་ཉེ་བར་གཏོད་པའི་ཚེ་ཚུལ་ཤིང་བྲིམ་པར་བྱའོ། །བཅོམ་ལྡན་འདས་ཀྱིས་དགེ་སློང་དག་བགྲང་བར་བྱའོ། །ཞེས་བཀའ་སྩལ་པ་</font><hr>Tha387a<br><font size=+2>


༄#། །དང ། མཉན་ཡོད་ན་ཁྱིམ་བདག་ཅིག་གནས་པ་དེ་དུས་དུས་སུ་རྒྱལ་བྱེད་ཀྱི་ཚལ་དུ་ཉེ་བར་འོངས་ཏེ། དེས་དེ་ན་དགེ་སློང་དག། བསམ་གཏན་དང ། འདོན་པ་དང ། ཡིད་ལ་བྱེད་པའི་རྣལ་འབྱོར་ལ་བརྩོན་པ་མཐོང་ནས་དེ་དག་གི་སྤྱོད་ལམ་དང ། སྤྱོད་པ་དང ། སྒྲུབ་པ་དེས་མངོན་པར་དད་དེ། དེས་བསམ་པ། རེ་ཞིག་འདི་ན་དགེ་སློང་ཇི་སྙེད་ཅིག་ཡོད་པ་དྲིས་ལ་ཕྱིས་སྤྱན་དྲངས་ཏེ་བཤོས་གསོལ་ལོ། །སྙམ་ནས་དེས་དགེ་སློང་རྣམས་ལ་དྲིས་པ། འཕགས་པ། དགེ་སློང་ཇི་སྙེད་ཅིག་བཞུགས། དགེ་སློང་དག་གིས་སྨྲས་པ། འདི་སྙེད་ཅིག་གོ། དེས་རྐང་པ་ལ་ཕྱག་འཚལ་ཏེ་སོང་ནས་རང་གི་ཁྱིམ་དུ་ཕྱིན་ཏེ་ནང་མི་ལ་སྨྲས་པ། སང་ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་གསོལ་གྱི། ཁྱེད་ཀྱིས་དགེ་སློང་འདི་སྙེད་ཅིག་གི་བཤོས་སྦྱོར་ཅིག་།དེ་དག་གིས་སྨྲས་པ། རྗེའི་སྲས། ལེགས་ཏེ། དེ་བཞིན་དུ་བགྱིའོ། །ཞེས་དེ་དག་གིས་ཧཝགས་དང ། བུ་རམ་དང ། ཤ་ཁ་ར་ལ་སོགས་པ་སྟ་གོན་བྱ་བར་བརྩམས་སོ། ཁྱིམ་བདག་དེ་ཡང་མཛའ་བོ་དང ། ཉེ་དུ་དང ། ཕུ་ནུ་རྣམས་སྦྲན་ནས་བཤམས་ཟིན་པའི་དུས་སུ་དེ་དག་དང་ལྷན་ཅིག་རྒྱལ་བྱེད་ཀྱི་ཚལ་དུ་སོང་སྟེ་རྒན་པའི་མཐའ་ནས་རྐང་པ་ལ་ཕྱག་བྱས་ནས་དགེ་བསྐོས་ལ་སྨྲས་པ། འཕགས་པ། ཁྱིམ་བདག་ཆེ་གེ་མོ་ཞིག་།སང་སངས་རྒྱས་ལ་སོགས་པ་དགེ་སློང་གི་དགེ་འདུན་སྡུམ་པར་གདུགས་ཚོད་ལ་སྤྱན་འདྲེན་</font><hr>Tha387b<br><font size=+2>


ཏོ། །ཞེས་དེ་སྐད་གསུངས་ཤིག་།དགེ་བསྐོས་ཀྱིས་སྨྲས་པ་དང ། དགེ་སློང་གི་དགེ་འདུན་གྱིས་གནང་ནས་དེ་རྐང་པ་ལ་ཕྱག་འཚལ་ཏེ་སོང་ངོ ། །དགེ་སློང་གཞན་དག་ཅིག་ཀྱང་ལྗོངས་རྒྱུ་བ་རྒྱུ་ཞིང་མཉན་ཡོད་དུ་ཕྱིན་ཏོ། །དེ་ནས་ཁྱིམ་བདག་དེ་དེ་ཉིད་ཀྱི་ནུབ་མོ་བཟའ་བ་དང ། བཅའ་བ་གཙང་ཞིང་བསོད་པ་སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས། ཆུ་ར་བཞག་ནས་བཅོམ་ལྡན་འདས་ལ་ཕོ་ཉ་བས། བཙུན་པ། གདུགས་ཚོད་བཤམས་ལགས་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་གདུགས་ཚོད་གདས་པར་གསོལ་ཏོ། །དགེ་སློང་རྣམས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཁྱིམ་བདག་དེའི་ཁྱིམ་དུ་དོང་ངོ ། །བཅོམ་ལྡན་འདས་ནི། གཙུག་ལག་ཁང་ན་བཞུགས་ཤིང་གདུགས་ཚོད་དེར་དྲངས་སོ། །སངས་རྒྱས་བཅོམ་ལྡན་འདས་རྣམས་ནི། རྒྱུ་ལྔས་གཙུག་ལག་ཁང་ན་བཞུགས་ཤིང་གདུགས་ཚོད་འདྲེན་ཏེ། ལྔ་གང་ཞེ་ན། ནང་དུ་ཡང་དག་འཇོག་པར་བཞེད་པ་ཡིན། ལྷ་རྣམས་ལ་ཆོས་སྟོན་པར་བཞེད་པ་ཡིན། གནས་མལ་ལ་གཟིགས་པར་བཞེད་པ་ཡིན། ནད་པ་ལ་གཟིགས་པར་བཞེད་པ་ཡིན། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པ་ཡིན་ནོ། །དོན་འདི་ལ་ནི། བཅོམ་ལྡན་འདས་ཉན་ཐོས་རྣམས་འདུལ་པ་ལ་བསླབ་པའི་གཞི་བཅའ་བར་བཞེད་ནས་གཙུག་ལག་ཁང་ན་བཞུགས་ཤིང ། དེར་གདུགས་ཚོད་དྲངས་སོ། །ཁྱིམ་</font><hr>Tha388a<br><font size=+2>


༄#། །བདག་དེས་དགེ་སློང་གི་དགེ་འདུན་གྱི་ཚད་བཞིན་སྟན་བཤམས། ཟན་སྟ་གོན་བྱས་པ་ལས། ཇི་ཙམ་ན། དགེ་སློང་རབ་ཏུ་མང་བར་མཐོང་ནས་དེས་སྨྲས་པ། འཕགས་པ། བདག་གིས་ཁྱེད་ཀྱིས་དགེ་སློང་ཇི་སྙེད་ཡོད་པ་བསྟན་པ་དེ་སྙེད་ཀྱི་དགེ་སློང་གི་གདན་བཤམས། བཤོས་སྟ་གོན་བྱས་ན། དགེ་སློང་མང་དུ་བྱོན་ཏོ། །དགེ་སློང་རྣམས་ཀྱིས་སྨྲས་པ། ཁྱིམ་བདག་།དགེ་སློང་གློ་བུར་བ་དག་ལྷགས་ཀྱི། རབ་ཏུ་དགའ་བ་སྐྱེད་ཅིག་།དེས་སྨྲས་པ། འཕགས་པ། ཀྱེ་མ་ཁྱེད་ཀྱིས་དགེ་སློང་གཞན་དག་ཀྱང་འོངས་སོ། །ཞེས་བགྱིས་པ་དང ། བདག་གིས་བཤོས་ཀྱང་མང་དུ་སྟ་གོན་བགྱིས། གདན་ཡང་མང་དུ་བཤམས་པ་ཞིག་།དགེ་སློང་དག་སྤོབས་པ་མེད་ནས་ཅང་མི་སྨྲ་བར་འདུག་གོ་།དེ་ན་ཁ་ཅིག། ཐ་མ་མ་སྨྱུངས་ཙམ་དུ་གྱུར་ཏེ་དེ་དག་ལ་དགེ་སློང་རྣམས་གཤེ་བཞིན་དུ་ཁ་མ་ཟིན་ཙམ་ཟ་བར་གྱུར་ཏོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་བསྐོས་ཀྱིས་དགེ་སློང་གློ་བུར་པ་འདི་སྙེད་ཅིག་ལྷགས་སོ། །ཞེས་དགེ་སློང་གློ་བུར་པ་རྣམས་ཤེས་པར་བྱས་ནས་ཁྱིམ་བདག་ལ་སྦྲན་པར་བྱའོ། །དགེ་སློང་གཞན་དག་ཅིག་ཟན་གྱི་ཐད་ཀ་ཁོ་ནར་འོངས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀྱང་སྦྲན་པར་བྱའོ། །དགེ་སློང་གཞན་དག་ཅིག་སྔར་པོས་པ་ལས་གུད་དུ་སོང་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་</font><hr>Tha388b<br><font size=+2>


ཀྱང་སྦྲན་པར་བྱའོ། །གཞན་ཡང་ངས་དགེ་འདུན་གྱི་གནས་བརྟན་གྱི་དགེ་སློང་གི་ཀུན་ཏུ་སྤྱད་པའི་ཆོས་བཅའ་བར་བྱ་སྟེ་དགེ་འདུན་གྱི་གནས་བརྟན་གྱིས་དགེ་སློང་གི་དགེ་འདུན་བལྟ་བར་བྱ་ཞིང་གལ་ཏེ་དགེ་སློང་ནི། མང ། ཟན་ནི། ཉུང་ན། སྦྱིན་བདག་ལ། བཞིན་བཟང ། ཟན་ནི། ཉུང ། དགེ་སློང་ནི། མང་གི་།སྙོམས་པར་བྲིམས་ཤིག་།ཅེས་བརྗོད་པར་བྱའོ། །འོན་ཏེ་ཟན་ནི། མང ། དགེ་སློང་ནི། ཉུང་ན། དེས་བཞིན་བཟང ། ཟན་ནི། མང་གི་།ཅི་འབྱོར་པ་བཞིན་བྲིམས་ཤིག་།ཅེས་བརྗོད་པར་བྱའོ། །དགེ་འདུན་གྱི་གནས་བརྟན་གྱི་དགེ་སློང་གིས་ཀུན་ཏུ་སྤྱད་པའི་ཆོས་ཇི་ལྟར་བཅས་པ་རྣམས་ཡང་དག་པར་བླངས་ཏེ་མི་འཇུག་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་སོ། །མཉན་ཡོད་དུ་བསོད་སྙོམས་ལ་རྒྱུས་ནས་བཙུན་མོ་ཕྲེང་ལྡན་མ་ག་ལ་བ་དེར་སོང་སྟེ་ཕྱིན་ནས་བཙུན་མོ་ཕྲེང་ལྡན་མ་ལ་ཆོས་བསྟན་པར་བརྩམས་སོ། །དེས་དེ་ལ་ཆོས་སྟོན་པ་ན། རི་དྭགས་འཛིན་གྱི་མ་ས་ག་དགེ་སློང་གི་དགེ་འདུན་གྱི་ན་བའི་སྨན་ཁྱེར་ནས་གླུ་དང ། རོལ་མོའི་སྒྲ་དང ། རྒྱལ་བྱེད་ཀྱི་ཚལ་དུ་ཆས་པ་བཙུན་མོ་ཕྲེང་ལྡན་མས་ཐོས་ནས་སྨྲས་པ། འཕགས་པ། གླུ་དང ། རོལ་མོའི་སྒྲ་གྲག་པའོ་ནི། སུའི་ལགས། དེས་སྨྲས་པ། བཙུན་མོ། །རི་དྭགས་འཛིན་གྱི་མ་ས་ག་དགེ་སློང་གི་དགེ་</font><hr>Tha389a<br><font size=+2>


༄#། །འདུན་གྱི་ན་བའི་སྨན་ཁྱེར་ནས་འགྲོ་སྟེ། སྒྲ་འོ་ནི། །དེའི་ཡིན་ནོ། །དེས་སྨྲས་པ། འཕགས་པ། གལ་ཏེ་དེ་ལྟ་ན། བཙུན་མོ་ཕྲེང་ལྡན་གྱིས་དགེ་སློང་གི་དགེ་འདུན་ལ་ན་བའི་སྨན་གྱིས་བསྟབ་བོ། །ཞེས་བདག་གི་མིང་གིས་དགེ་སློང་གི་དགེ་འདུན་ལ་བརྗོད་པའི་རིགས་སོ། །དེས་སྨྲས་པ། བཙུན་མོ། ལེགས་ཏེ། བཅོམ་ལྡན་འདས་ཀྱིས་ཀྱང་གང་ཞིག་ནད་པ་ལ་རིམ་གྲོ་བྱེད་པ་དེ་ནི། ང་ལ་རིམ་གྲོ་བྱེད་པ་ཡིན་ནོ། །ཞེས་གསུངས་པས། ཁྱོད་ཀྱི་མིང་གིས་དགེ་སློང་གི་དགེ་འདུན་ལ་བསྟབ་པར་བྱའོ། །ཞེས་སྨྲས་ནས་བཙུན་མོ་ཕྲེང་ལྡན་མ་ལ་ནད་མེད་པར་གྱུར་ཅིག་།ཅེས་བྱས་ཏེ་སྟན་ལས་ལངས་ནས་སོང་ངོ ། །དེ་ནས་གཙུག་ལག་ཁང་དུ་སོང་སྟེ་རྒན་པའི་མཐར་འདུག་ནས་སྨྲས་པ། བཙུན་མོ་ཕྲེང་ལྡན་མས་དགེ་སློང་གི་དགེ་འདུན་ལ་ན་བའི་སྨན་གྱིས་བསྟབ་ཀྱི། གང་ཞིག་སྨན་གང་འདོད་པ་དེ་སོང་ལ་སློངས་ཤིག་།དགེ་བསྐོས་ཀྱིས་བསྒོས་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འཆར་ཀ་།བཅོམ་ལྡན་འདས་ཀྱིས་རྒྱལ་པོའི་ཕོ་བྲང་དུ་འགྲོ་བ་ལ་ཉེས་དམིགས་བཅུ་ཡོད་དོ། །ཞེས་མ་གསུངས་སམ། དེ་ཇི་ལྟར་བདག་ཅག་གིས་སྨན་གྱི་ཕྱིར་བསླབ་པ་ལས་འདའ་བར་བྱ། དེ་སྤོབས་པ་མེད་ནས་ཅང་མི་ཟེར་བར་འདུག་སྟེ། དགེ་སློང་འགའ་ཡང་ཕྲེང་ལྡན་མ་ལས་སྨན་མི་སློང་ངོ ། །ཇི་ཙམ་ན་ཚེ་དང་ལྡན་པ་འཆར་ཀ། ཡང་བཙུན་མོ་ཕྲེང་ལྡན་མའི་</font><hr>Tha389b<br><font size=+2>


དེར་སོང་བ་དང ། དེས་སྨྲས་པ། འཕགས་པ། ཁྱོད་ཀྱིས་བདག་གི་མིང་གིས་དགེ་སློང་གི་དགེ་འདུན་ལ་ན་བའི་སྨན་གྱིས་མ་བསྟབས་སམ། བཙུན་མོ། བསྟབས་སོ། །འཕགས་པ། གལ་ཏེ་དེ་ལྟ་ན། ཅིའི་སླད་དུ་དགེ་སློང་དག་མི་བྱོན། །བཙུན་མོ། བཅོམ་ལྡན་འདས་ཀྱིས་རྒྱལ་པོའི་ཕོ་བྲང་དུ་འགྲོ་བ་ལ་ཉེས་དམིགས་བཅུ་ཡོད་དོ། །ཞེས་མ་གསུངས་སམ། དགེ་སློང་དག་འདིར་ཇི་ལྟར་འོང ། འཕགས་པ། གལ་ཏེ་དེ་ལྟ་ན། བདག་གིས་འདི་ལ་ཇི་ལྟར་བསྒྲུབ་པར་བགྱི། བཙུན་མོ། ཚོང་འདུས་པའི་ཚོང་པའི་ལག་ཏུ་ཀཪྴ་པ་ཎ་དག་གཏད་ན། དགེ་སློང་གང་ཞིག་གང་འདོད་པ་དེ། དེ་ལས་དེ་དག་སློང་གྲང ། དེས་སྨྲས་པ། འཕགས་པ། ལེགས་ཏེ། དེ་ལྟར་བགྱིའོ། །ཞེས་དེས་ཚོང་འདུས་པའི་ཚོང་བའི་ལག་ཏུ་ཀཪྴ་པ་ཎ་དག་གཏད་ནས་སྨྲས་པ། འཕགས་པ་དག་རྒྱལ་པོའི་ཕོ་བྲང་དུ་མི་འོང་གི་།དགེ་སློང་གང་ཞིག་གང་འདོད་པ་དེ་ལ་དེ་བྱིན་ཅིག་།ཚོང་པས་རྒྱལ་པོའི་བཀས་ཀཪྴ་པ་ཎ་དག་བླངས་ཏེ་བཞག་པ་དང ། དགེ་སློང་རྣམས་ཀྱིས་ལྷ་མོ་ཕྲེང་ལྡན་མས་སྤོས་འཚོང་ཆེ་གེ་མོ་ཞིག་ལ་ཀཪྴ་པ་ཎ་དག་གཏད་དེ་དགེ་སློང་གང་ཞིག་གང་འདོད་པ་དེ་ཁྱོད་ཀྱིས་སྦྱིན་པར་བྱའོ། །ཞེས་བསྒོ་བ་ཐོས་ནས་སོང་ལ་བསླང་ངོ ། །སྙམ་མོ། དེ་ནས་དགེ་སློང་ཁ་ཅིག་ནི། སོང་ནས་སྨྲས་པ། བཞིན་བཟང ། ཁོ་བོ་ཅག་ལ་ཁུར་སྐམ་དང ། ཁུར་བ་དང ། ཤ་ཁུ་དག་བྱོས་ལ་བྱིན་ཅིག་།ཁ་ཅིག་གིས་སྨྲས་པ། ཁོ་བོ་ཅག་ལ་ཁུར་བ་དང ། ཤ་སྐམ་བྱིན་ཅིག་།ཁ་ཅིག་</font><hr>Tha390a<br><font size=+2>


༄#། །གིས་སྨྲས་པ། ཁོ་བོ་ཅག་ལ་ཤ་ཁུ་ཁྲོལ་བུ་དང ། ཚོག་པ་བྱིན་ཅིག་།དེ་དེ་དག་གིས་གཙེས་པ་དང་སྨྲས་པ། འཕགས་པ། བདག་ནི། ཁུར་མཁན་ཡང་མ་ལགས། ཤ་གཡོས་མཁན་ཡང་མ་ལགས་པས། དབྱིག་འདི་སྣོམས་ཏེ་བཞུད་ལ་གང་ཞིག་གང་བཞེད་པ་དེས་དེ་བགྱིད་དུ་སྩོལ་ཅིག་།དེ་དག་གིས་སྨྲས་པ། བཞིན་བཟང ། བཅོམ་ལྡན་འདས་ཀྱིས་དབྱིག་མ་གནང་ངོ ། །དེས་སྨྲས་པ། འཕགས་པ། བདག་ནི། སྤོས་འཚོང་སྟེ། ཚོང་འདུས་ཀྱིས་འཚོ་བ་ལགས་ན། དེ་ལྟ་ན། བདག་གིས་འཚོ་བ་འཆད་པར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྦྱིན་བདག་ལ་ཡིད་བརྟན་ཏེ་ཀཪྴ་པ་ཎ་དག་བླངས་ནས་ཅི་འདོད་པར་ཡོངས་སུ་སྤྱད་པར་བྱ་སྟེ། འདི་ལ་འགྱོད་པར་མི་བྱའོ། །གླེང་གཞི་ནི། མཉན་ཡོད་ནའོ། །དྲུག་སྡེ་རྣམས་ཁྱིམ་པ་དག་དང་ལྷན་ཅིག་སྟན་ཅིག་ལ་འདུག་པ་བྲམ་ཟེ་དང ། ཁྱིམ་བདག་དད་པ་ཅན་དག་གིས་མཐོང་ནས་འཕྱ་བར་བྱེད་ཅིང ། འཕགས་པ། ཁྱེད་རབ་ཏུ་བྱུང་བ་ཚངས་པར་སྤྱོད་པ་ཡིན་ན། ཇི་ལྟར་འདོད་པའི་ལོངས་སྤྱོད་སྤྱོད་པ་འདི་དག་དང་ལྷན་ཅིག་སྟན་གཅིག་ལ་འདུག་ཅེས་བྱས་པ་དང ། དེ་དག་ཅང་མི་ཟེར་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། བྲམ་ཟེ་དང ། ཁྱིམ་</font><hr>Tha390b<br><font size=+2>


བདག་དད་པ་ཅན་དག་འཕྱ་བ་ནི། ཐོག་ཏུ་བབ་བོ། །དེ་ལྟ་བས་ན། དགེ་སློང་གིས་ཁྱིམ་པ་དག་དང་ལྷན་ཅིག་སྟན་གཅིག་ལ་འདུག་པར་མི་བྱ་སྟེ། འདུག་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་ཁྱིམ་པ་དག་དང་ལྷན་ཅིག་སྟན་གཅིག་ལ་འདུག་པར་མི་བྱའོ། །ཞེས་བཀའ་སྩལ་པ་དང ། དགེ་ཚུལ་དག་དང་ལྷན་ཅིག་སྟན་གཅིག་ལ་འདུག་པ་དགེ་བསྙེན་དག་གིས་མཐོང་ནས་སྨྲས་པ། འཕགས་པ། ཁྱོད་ནི། བསྙེན་པར་རྫོགས་པ་ལགས་ན། ཇི་ལྟར་དགེ་ཚུལ་དག་དང་ལྷན་ཅིག་སྟན་གཅིག་ལ་བཞུགས། དེ་དག་གིས་སྨྲས་པ། ཚེ་དང་ལྡན་པ་དང ། འདི་དག་ནི། ཁྱིམ་པ་མ་ཡིན་ཏེ། འདི་དག་དགེ་སྦྱོང་ཡིན་ན། འདི་ལ་འགལ་བ་ཅི་ཞིག་ཡོད། དེ་དག་ཅང་མི་སྨྲ་བར་འདུག་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བསྙེན་པར་མ་རྫོགས་པ་དང་ལྷན་ཅིག་སྟན་གཅིག་ལ་འདུག་པར་མི་བྱའོ། །བཅོམ་ལྡན་འདས་ཀྱིས་བསྙེན་པར་མ་རྫོགས་པ་དང་ལྷན་ཅིག་སྟན་གཅིག་ལ་འདུག་པར་མི་བྱའོ། །ཞེས་བཀའ་སྩལ་པ་དང ། དགེ་སློང་རྒན་པ་རྒན་པ་དག་།གསར་བུ་གསར་བུ་དག་དང་ལྷན་ཅིག་སྟན་གཅིག་ལ་འདུག་པས་གསར་བུ་རྣམས། རྒན་པ་རྣམས་ལ་མ་གུས་པར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྒན་པ་དང ། གསར་བུ་ལྷན་ཅིག་སྟན་གཅིག་ལ་འདུག་པར་མི་བྱའི། འོན་ཀྱང་བར་ན་ལོ་གསུམ་</font><hr>Tha391a<br><font size=+2>


༄#། །ཞུགས་པ་དང་ལྷན་ཅིག་འདུག་པར་བྱ་སྟེ། ལོར་མ་ལོན་པ་དང ། ལོ་གསུམ་ལོན་པ་ཡང་ལྷན་ཅིག་འདུག་པར་བྱ་ཞིང ། ལོ་གཅིག་ལོན་པ་དང ། ལོ་བཞི་ལོན་པ་དང ། དེ་བཞིན་དུ་ལོ་དགུ་ལོན་པ་དང ། ལོ་བཅུ་གཉིས་ལོན་པའི་བར་ཡང་ལྷན་ཅིག་འདུག་པར་བྱའོ། །བཅོམ་ལྡན་འདས་ཀྱིས་བར་ན་ལོ་གསུམ་ཞུགས་པ་དང་ལྷན་ཅིག་འདུག་པར་བྱ་སྟེ། ལོར་མ་ལོན་པ་དང ། ལོ་གསུམ་ལོན་པ་ཡང་ལྷན་ཅིག་འདུག་པར་བྱ་ཞིང ། ལོ་གཅིག་ལོན་པ་དང ། ལོ་བཞི་ལོན་པ་ནས་དེ་བཞིན་དུ་ལོ་དགུ་ལོན་པ་དང ། ལོ་བཅུ་གཉིས་ལོན་པའི་བར་ཡང་ལྷན་ཅིག་འདུག་པར་བྱའོ། །ཞེས་བཀའ་སྩལ་ཏེ་བཅོམ་ལྡན་འདས་ཀྱིས་བར་ན་ལོ་གསུམ་ཞུགས་པ་དང་ལྷན་ཅིག་འདུག་པར་བྱའོ། །ཞེས་བཀའ་སྩལ་པ་དང ། དགེ་སློང་དག་ཁྱིམ་གྱི་ནང་དུ་ཡང་བར་ན་ལོ་གསུམ་ཞུགས་པ་དང་ལྷན་ཅིག་འདུག་པར་བྱེད་པས། དེས་སྟན་དག་མ་འབྱོར་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱིམ་གྱི་ནང་དུ་ནི། སློབ་དཔོན་དང ། མཁན་པོ་དག་དང་ཡང་ལྷན་ཅིག་འདུག་པར་བྱ་སྟེ། འདི་ལ་འགྱོད་པར་མི་བྱའོ། །སྡོམ་ནི། དགེ་ཚུལ་ཁྲིའུ་གཡོགས་མི་སྦྱིན་དང ། །དགེ་ཚུལ་ཁ་དྲང་མི་བྱ་དང ། །མནའ་དང་སྐུགས་གཟུགས་མི་བྱ་དང ། ། སྟག་གི་གོད་མ་མི་བཟའ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་</font><hr>Tha391b<br><font size=+2>


ཀྱིས་ཆོས་ཉན་པའི་སྟན་བཤམ་པར་བྱའོ། །ཞེས་བཀའ་སྩལ་པ་དང ། དགེ་ཚུལ་དག་ཀྱང་ཁྲིའུ་གཡོགས་མ་ཅན་ལ་འདུག་ནས་ཆོས་ཉན་པར་བྱེད་དོ། །དེ་དག་གཉིད་ལོག་ནས་དེ་ཉིད་དུ་བཤང་གཅི་ཤོར་ཏེ་ཁྲིའུ་གཡོགས་མ་ཅན་དག་མ་རུང་བར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་ལ་ཁྲིའུ་གཡོགས་མ་ཅན་སྦྱིན་པར་མི་བྱའོ། །བཅོམ་ལྡན་འདས་ཀྱིས་དགེ་ཚུལ་ལ་ཁྲིའུ་གཡོགས་མ་ཅན་སྦྱིན་པར་མི་བྱའོ། །ཞེས་བཀའ་སྩལ་པ་དང ། ཚེ་དང་ལྡན་པ་ཤཱ་རིའི་བུའི་དགེ་ཚུལ་སྐུལ་བྱེད་ཅེས་བྱ་བ་དེ་ཆོས་ཉན་དུ་སོང་བ་དང ། དེ་ལ་དགེ་སློང་དག་གིས་ཁྲིའུ་རྐྱང་པ་ཞིག་བྱིན་པ་དང ། དེས་སྨྲས་པ། ཚེ་དང་ལྡན་པ་དག་།ཅིའི་ཕྱིར་བདག་ལ་ཁྲིའུ་རྐྱང་པ་སྦྱིན། དེ་དག་གིས་སྨྲས་པ། བཅོམ་ལྡན་འདས་ཀྱིས་དགེ་ཚུལ་རྣམས་ལ་ཁྲིའུ་གཡོགས་མ་ཅན་བཀག་གོ་།དེས་སྨྲས་པ། ཚེ་དང་ལྡན་པ་དག་།ཅི། ཁོ་བོ་ཡང་ཉེས་དམིགས་དེ་བྱེད་དམ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་གང་དག་དྲན་པ་ཉེ་བར་འཇོག་པ་དེ་དག་ལ་ཁྲིའུ་གཡོགས་མ་ཅན་སྦྱིན་པར་བྱའི། གཞན་དག་ལ་ནི། མ་ཡིན་ནོ། །གླེང་གཞི་ནི། མཉན་ཡོད་ནའོ། །དགེ་སློང་ཞིག་ལ་དགེ་ཚུལ་ཞིག་ཡོད་པ་དེ་ལ་དེས་ནན་ཏུར་བྱས་པ་དང ། དེ་རྒྱལ་བྱེད་ཀྱི་ཚལ་གྱི་སྒོ་ན་ངུ་ཞིང་འདུག་གོ ། </font><hr>Tha392a<br><font size=+2>


༄#། །དྲུག་སྡེ་ལས་གང་ཡང་རུང་བ་ཞིག་གིས་རྒྱལ་བྱེད་ཀྱི་ཚལ་གྱི་སྒོ་མི་སྟོང་བ་ཡིན་པས། ཚེ་དང་ལྡན་པ་ཉེ་དགའ་སྒོ་ན་འདུག་པ་དེས། དེ་མཐོང་ནས་དེས་སྨྲས་པ། དགེ་ཚུལ། ཅིའི་ཕྱིར་དུ། དེས་སྨྲས་པ། བཙུན་པ་ཉེ་དགའ། བདག་མཁན་པོས་ནན་ཏུར་བྱས་སོ། །བུ། ཚུར། ངས་ཁྱོད་ཀྱི་ལྷུང་བཟེད་དང ། ཆོས་གོས་དང ། དྲ་བ་དང ། ཕེར་བུ་དང ། སྐ་རགས་དང ། ཁྱོད་གང་དང་གང་གིས་ཕོངས་པ་དེ་དང་དེས་མི་ཕོངས་པར་བྱའོ། །ཞེས་དེས་དེ་གནས་ཁང་དུ་ཁྲིད་དོ། །བཅོམ་ལྡན་འདས་ཀྱིས་ནན་ཏུར་བྱས་ནས་ཡལ་བར་དོར་བར་མི་བྱའི། འོན་ཀྱང་སླར་དགུག་པར་བྱའོ། །ཞེས་བཀའ་སྩལ་པས། དགེ་སློང་དེས་དགེ་སྦྱོང་དེ་ལ་དགེ་སློང་ཞིག་མངགས་ནས་དེས་དེ་ལ་སྨྲས་པ་དང ། དེས་སྨྲས་པ། ཁོ་བོ་ལ་མཁན་པོ་ཅི་དགོས། ཉེ་དགས་ཁོ་བོའི་ཡོ་བྱད་ཐམས་ཅད་སྦྱར་བས་མི་འགྲོའོ། །དགེ་སློང་འཕྱ་བར་བྱེད། གཞོགས་འཕྱས་བྱེད། སྨོད་པར་བྱེད་དེ། བདག་གིས་རབ་ཏུ་ཕྱུང་བ་ཉེ་དགས་ཁ་ཕྱུང་ངོ ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཞན་གྱི་དགེ་ཚུལ་ཁ་དྲང་བར་མི་བྱ་སྟེ། ཁ་འདྲེན་ན། དབྱེན་དང་ཉེ་བའི་ཉེས་པ་སྦོམ་པོར་འགྱུར་རོ། །གླེང་གཞི་ནི། མཉན་ཡོད་ནའོ། །དྲུག་སྡེ་རྣམས་གང་དང་གང་དུ་དགོས་པར་མནའ་འདོར་བར་བྱེད་དེ། སངས་རྒྱས་ལ་མནའ་</font><hr>Tha392b<br><font size=+2>


འདོར། ཆོས་དང ། དགེ་འདུན་ལ་མནའ་འདོར། སློབ་དཔོན་དང ། མཁན་པོ་ལ་མནའ་འདོར་བ་དང ། བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས་སྨྲས་པ། སློབ་དཔོན་དག་།བདག་ཅག་ཁྱིམ་པ་ལགས་ཀྱང ། སྟོན་པ་ལ་མནའ་འདོར་བར་མི་བགྱིད་ན། ཁྱེད་རབ་ཏུ་བྱུང་བ་ལགས་ན། ཇི་ལྟར་སྟོན་པ་ལ་མནའ་འདོར། འདི་ནི། འཚམ་པ་མ་ལགས་སོ། །ཞེས་བྱས་པ་དང ། དེ་དག་ཅང་མི་ཟེར་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲམ་ཟེ་དང ། ཁྱིམ་བདག་དད་པ་ཅན་རྣམས་འཕྱ་བ་ནི། ཐོག་ཏུ་བབ་བོ། །རབ་ཏུ་བྱུང་བ་ནི། བདེན་པའི་བསམ་པ་ཅན་ཡིན་ཏེ། དེ་ལྟ་བས་ན། དགེ་སློང་གིས་མནའ་འདོར་བར་མི་བྱའོ། །དགེ་སློང་མནའ་འདོར་ན།་འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །དྲུག་སྡེ་དག་གང་དང་གང་དུ་དགོས་པར་ལྷུང་བཟེད་དང ། ཆོས་གོས་དང ། དྲ་བ་དང ། ཕུར་བུ་དང ། སྐ་རགས་དང ། གཞན་ཡང་དགེ་སྦྱོང་གི་ཡོ་བྱད་གང་ཡང་རུང་བ་དག་སྐུགས་སུ་འཛུགས་པར་བྱེད་པ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་འཕྱ་བར་བྱེད་ཅིང ། འཕགས་པ། ཁྱེད་ཅི་ཁྱིམ་པ་དག་བཞིན་དུ་ལྷུང་བཟེད་ལ་སོགས་པ་ཡོ་བྱད་སྐུགས་སུ་འཛུགས་སམ། དེ་ནི། འཚམ་པ་མ་ཡིན་ནོ། །དེ་དག་གིས་སྨྲས་པ། སྒོག་སྐྱ་ཟོས་སམ། ཆང་འཐུངས་སམ། འདི་ལ་མི་འཚམ་</font><hr>Tha393a<br><font size=+2>


༄#། །པ་ཅི་ཞིག་ཡོད། དེ་དག་ཅང་མི་ཟེར་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག་།བྲམ་ཟེ་དང ། ཁྱིམ་བདག་རྣམས་འཕྱ་བ་ནི། ཐོག་ཏུ་བབ་པོ། །དེ་ལྟ་བས་ན། དགེ་སློང་གིས་སྐུགས་གཟུགས་པར་མི་བྱ་སྟེ། དགེ་སློང་སྐུགས་གཟུགས་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། ནང་པར་སྔར་ལངས་ནས་ཁང་ཐོག་ཏུ་འཛེགས་ཏེ་ཕྱོགས་བཞིར་ལྟ་ཞིང་དེ་དག་གང་ན་དུ་བ་འཐུལ་བའམ། བྱ་རྒོད་ལྡིང་བ་སྣང་བ་དེར་མྱུར་དུ་གོམ་པ་བསླང་སྟེ་འགྲོ་བར་བྱེད་དེ། །ཇི་ཙམ་དུས་གཞན་ཞིག་ན་ཉེ་དགའ་ནང་པར་སྔར་ཁང་ཐོག་ཏུ་འཛེགས་ཏེ་བལྟ་བར་བརྩམས་ན། དེས་བྱ་རྒོད་ལྡིང་བ་མཐོང་ནས་དེ་རིངས་པ་རིངས་པར་སོང་བ་དང ། ཇི་ཙམ་ན་སྟག་གིས་ནགས་ཐིབས་པོའི་ས་ཕྱོགས་ཤིག་ཏུ་གོད་མ་ཞིག་སྦས་པ་མཐོང་ནས་དེ་དགའ་སྟེ། དེ་ཁྱེར་ནས་རྒྱལ་བྱེད་ཀྱི་ཚལ་དུ་སོང་བ་དང ། སྟག་དྲི་སྣོམ་ཞིང་ཕྱི་བཞིན་འབྲངས་ནས་རྒྱལ་བྱེད་ཀྱི་ཚལ་གྱི་སྒོ་ན་སྒྲ་འབྱིན་པར་བྱེད་དོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་ཡིན་པས། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་སྨྲས་པ། སྟག་འོ་ནི་ཅི་སྟེ་སྐད་འབྱིན། དེས་གསོལ་བ། བཙུན་པ། དེས་གོད་མ་སྦས་པ་དེ། བཙུན་</font><hr>Tha393b<br><font size=+2>


པ་ཉེ་དགས་འཚལ་ཏེ་མཆིས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དགེ་སློང་དག་སྟག་གི་གོད་མ་ཟའམ། བཙུན་པ། འཚལ་ལགས་སོ། །ཀུན་དགའ་བོ།་རི་དྭགས་ཀྱི་རྒྱལ་པོ་སེང་གེ་ནི། རི་དྭགས་བཟང་པོ་བཟང་པོ་དག་བསད་ནས་ཤ་བཟང་པོ་དག་ཟོས་ཤིང་ཁྲག་བཟང་པོ་དག་འཐུངས་ནས་བོར་ཏེ་འགྲོའི། སྟག་གོད་མ་སྦེད་པར་བྱེད་པས། དེ་ལྟ་བས་ན། དགེ་སློང་གིས་སྟག་གི་གོད་མ་བཟའ་བར་མི་བྱ་སྟེ། ཟ་ན་འགལ་ཚབས་ཅན་དུ་འགྱུར་རོ། །དགེ་སློང་དག་།གཞན་ཡང་ངས་དགེ་འདུན་གྱི་གནས་བརྟན་གྱི་ཀུན་ཏུ་སྤྱད་པའི་ཆོས་བཅའ་བར་བྱ་སྟེ། དགེ་འདུན་གྱི་གནས་བརྟན་གྱི་དགེ་སློང་གིས་ཤ་འབྲིམ་པའི་ཚེ། འདི་ཅིའི་ཤ། སྟག་གི་གོད་མ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་ལེན་ན། འགལ་ཚབས་ཅན་དུ་འགྱུར་རོ། །སྡོམ་ནི། ཚུལ་ཤིང་རྣམས་ནི་བྲིམས་པ་ན། སྤུན་གཉིས་དག་ནི་གབ་པ་དང ། ལ་བ་བསྒྱུར་བར་བྱ་བ་དང ། །དེ་ལྟ་བུ་ལ་སོགས་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བོར་ཞིག་ན་གཙུག་ལག་ཁང་ཞིག་ཡོད་དེ། ཇི་ཙམ་དུས་གཞན་ཞིག་ན་དགའ་བོ་དང་ཉེ་དགའ་ལྗོངས་རྒྱུ་ཞིང་དོང་བ་ལས་རི་བོར་དེར་ཕྱིན་ཏོ། །དེ་དག་དེར་ཕྱིན་པ་ན། དགེ་འདུན་ལ་ཡང་རྙེད་པ་ཞིག་གྲུབ་ན་དེ་དག་གནས་ངན་ལེན་ཀུན་ཏུ་སྤྱོད་པ་ཡིན་པས་དགེ་སློང་གང་གིས་ཀྱང་</font><hr>Tha394a<br><font size=+2>


༄#། །མ་བཅར་བ་དང་ཉེ་དགའ་བོས་དགའ་བོ་ལ་སྨྲས་པ། སློབ་དཔོན། ལྷུང་བཟེད་ནག་པོ་ཅན་འདི་དག་།ཁེངས་པ་ང་རྒྱལ་ཅན་དག་ཅིག་པས་གཙེའི། ཆུར་སྤྱོན། གབ་སྟེ་བཞུགས་ལ་འདི་དག་རྙེད་པ་ཇི་ལྟར་བགེད་པ་གཟིགས་སོ། །དེས་སྨྲས་པ། ལེགས་ཏེ། དེ་བཞིན་བྱའོ། །ཞེས་དེ་དག་གབ་སྟེ་འདུག་པ་དང ། དགེ་འདུན་གྱིས་རྙེད་པ་དེ་བགོས་སོ། ། གང་གི་ཚེ་རྙེད་པ་དེ་བགོས་ཟིན་པ་དེའི་ཚེ་དེ་དག་འོངས་ནས་སྨྲས་པ། ཚེ་དང་ལྡན་པ་དག་།དགེ་འདུན་གྱི་རྙེད་པ་གྲུབ་པ་བགོའོ། །དགེ་སློང་རྣམས་ཀྱིས་སྨྲས་པ། ཁྱེད་ག་ལས་ད་གཟོད་འདིར་འོངས་ཀྱི། རྙེད་པ་དེ་འབྲིམ་པའི་ཚེ་མ་ཡིན། དེ་དག་གིས་སྨྲས་པ། ཅི། ཁྱེད་བགོད་རྒྱུ་ཞིག་ཡིན་ནམ། བགོས་པར་མི་ཆུད་ཀྱི། བགོ་ཉེས་ཏེ། ཅི། ཁྱོད་ཀྱིས་གོ་བར་བྱས་ནས་བགོས་སམ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་ལ་དེང་དགེ་འདུན་གྱི་རྙེད་པ་འབྲིམ་ན། དགེ་སློང་གང་ཡང་གང་དུ་ཡང་མ་འགྲོ་ཞིག་།ཅེས་གོ་བར་བྱས་ནས་རྙེད་པ་བྲིམ་པར་བྱའོ། །དགེ་སློང་རྣམས་ཀྱིས་རྙེད་པ་དེ་སླར་བསྡུས་སོ། །བསྡུས་ནས་དགེ་འདུན་ལ་དགེ་འདུན་གྱི་རྙེད་པ་འབྲིམ་ན། དགེ་སློང་གང་ཡང་གང་དུ་ཡང་མ་འགྲོ་ཞིག་།ཅེས་བསྒོས་ནས་དེ་དག་གིས་བགོ་བར་བརྩམས་པ་དང ། དགའ་བོ་དང་ཉེ་དགའ་དེ་བཞིན་དུ་གབ་སྟེ་འདུག་གོ། །།འདུལ་བ་</font><hr>Tha394b<br><font size=+2>


ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་གསུམ་པ། གང་གི་ཚེ་དགེ་འདུན་གྱིས་རྙེད་པ་དེ་བགོས་ཟིན་པ་དེའི་ཚེ་དེ་དག་ཡང་འོངས་ནས་སྨྲས་པ། ཚེ་དང་ལྡན་པ་དག་།ཚུར། རྙེད་པ་དེ་བགོའོ། །དགེ་སློང་དག་གིས་སྨྲས་པ། ཁྱེད་གང་ནས་ད་གཟོད་འདིར་འོངས་ཀྱི། རྙེད་པ་དེ་དགེ་འདུན་ལ་གོ་བར་བྱས་ནས་འབྲིམ་པའི་ཚེ་ནི་མ་ཡིན། དེ་དག་གིས་སྨྲས་པ། གལ་ཏེ་ཁྱོད་ཀྱིས་གོ་བར་བྱས་ཀྱང་བགོས་པར་མི་ཚུད་ཀྱི། བགོ་ཉེས་ཏེ། ཅི། ཁྱེད་ཀྱིས་གོ་བར་བྱས་ནས་གཎྜཱི་བརྡུངས་སམ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ།་གོ་བར་བྱས་ནས་གཎྜཱི་བརྡུངས་ཏེ་དགེ་འདུན་ལ་རྙེད་པ་དེ་བྲིམ་པར་བྱའོ། །དགེ་སློང་རྣམས་ཀྱིས་ཡང་རྙེད་པ་དེ་སླར་བསྡུས་སོ། །བསྡུས་ནས་དེ་བཞིན་དུ་གོ་བར་བྱས་ཏེ་གཎྜཱི་བརྡུངས་ནས་བགོ་བར་བརྩམས་པ་དང ། དེ་དག་དེ་ཁོ་ན་བཞིན་དུ་གབ་སྟེ་འདུག་གོ། གང་གི་ཚེ་རྙེད་པ་དེ་བགོས་ཟིན་པ་དེའི་ཚེ་ཡང་འོངས་ཏེ་དེ་ཁོ་ན་བཞིན་དུ་སྨྲས་པ་དང ། དགེ་སློང་རྣམས་ཀྱིས་སྨྲས་པ། དགེ་འདུན་ལ་ཡང་གོ་བར་བྱས། གཎྜཱི་ཡང་བརྡུངས་ནས་ཁྱེད་ག་ལས་ད་གཟོད་འདིར་འོངས། དེ་དག་གིས་སྨྲས་པ། ཁྱེད་ཀྱིས་གོ་བར་ཡང་བྱས། གཎྜཱི་དེ་ཡང་བརྡུངས་ཀྱང་ཅིག་།ཁྱེད་ཀྱིས་ཚུལ་ཤིང་བྲིམས་སམ། བགོས་པར་མི་ཚུད་ཀྱི། བགོ་ཉེས་སོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། གོ་བར་བྱས་</font><hr>Tha395a<br><font size=+2>


༄#། །ཏེ་གཎྜཱི་བརྡུངས་ནས་ཚུལ་ཤིང་བྲིམ་པར་བྱའོ། །དགེ་སློང་རྣམས་ཀྱིས་ཡང་རྙེད་པ་དེ་བསྡུས་སོ། །བསྡུས་ནས་གོ་བར་བྱས། གཎྜཱི་བརྡུངས་ཚུལ་ཤིང་བྲིམས་ཏེ་བགོ་བར་བརྩམས་པ་དང ། དེ་དག་དེ་ཁོ་ན་བཞིན་དུ་གབ་སྟེ་འདུག་གོ་།གང་གི་ཚེ་རྙེད་པ་དེ་བགོས་ཟིན་པ་དེའི་ཚེ་དེ་དག་འོངས་ནས་དེ་ཁོ་ན་བཞིན་དུ་སྨྲས་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ། ཁྱེད་ཀྱིས་དགེ་འདུན་ལ་དེ་ལྟར་ཅོ་འདྲིའམ། དགེ་འདུན་ལ་གོ་བར་བྱས། གཎྜཱི་བརྡུངས། ཚུལ་ཤིང་བྲིམས་ན། ཁྱེད་ག་ལས་ད་གཟོད་འདིར་ཕྱིན། དེ་དག་གིས་སྨྲས་པ། ཚེ་དང་ལྡན་པ་དག་།རྙེད་པ་ལྟ་བར་ཤོག་།གལ་ཏེ་དེ་ལྟ་ན། ཁོ་བོ་ཅག་གིས་དགེ་འདུན་ཇི་ལྟར་ཅོ་དྲིས་པ་སྨྲོས་ཤིག་།གལ་ཏེ་ཁྱེད་ཀྱིས་དགེ་འདུན་ལ་གོ་བར་བྱས། གཎྜཱི་བརྡུངས། ཚུལ་ཤིང་བྲིམས་ན། དེ་ཅི། ཁྱེད་ཀྱིས་ཁོ་བོ་ཅག་གི་བགོ་སྐལ་བསྟན་ཏམ། དེར་ཟད། རྙེད་པ་མེད་ཀྱང་བླ། འགྲོའོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་ལ་གོ་བར་བྱས། གཎྜཱི་བརྡུངས། ཚུལ་ཤིང་བྲིམས་ནས་གང་ཞིག་མི་སྣང་བ་དེའི་བགོ་སྐལ་བསྟན་ནས་བགོ་བར་བྱའོ། །བགོས་ཟིན་ཏེ་འོང་བ་གང་ཡིན་པ་དེ་ལ་ནི། རྙེད་པ་སྦྱིན་པར་མི་བྱ་སྟེ། གལ་ཏེ་དེ་ལྟར་བགོས་ན། ལེགས་པར་བགོས་པ་ཡིན་པས། འདི་ལ་འགྱོད་པར་མི་བྱའོ། ། </font><hr>Tha395b<br><font size=+2>


དགེ་སློང་གིས་ཆེད་དུ་བསམ་སྟེ་དེ་ལྟར་དགེ་འདུན་ལ་ཅོ་འདྲི་བར་ཡང་མི་བྱའོ། །དགེ་སློང་ཆེད་དུ་བསམ་སྟེ་དགེ་འདུན་ལ་ཅོ་འདྲི་བར་བྱེད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་ནས་ཚོན་རྩིའི་ཁྱད་པར་རྣམ་པ་སྣ་ཚོགས་ཀྱིས་ཕྱི་ནང་བཅས་ཏེ་རི་མོ་བྲིས་པ་དེའི་ཚེ་མཉན་ཡོད་ན་གནས་པའི་སྐྱེ་བོའི་ཚོགས་ཀྱིས་ཇི་ལྟར་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་ཚོན་རྩིའི་ཁྱད་པར་རྣམ་པ་སྣ་ཚོགས་ཀྱིས་ཕྱི་ནང་བཅས་ཏེ་རི་མོ་བྲིས་ནས་མཆོག་ཏུ་ཕུན་སུམ་ཚོགས་པར་བྱས་པ་ཐོས་ཏེ། དེའི་ཚེ་སྲོག་ཆགས་བརྒྱ་སྟོང་ཕྲག་དུ་མ་རྒྱལ་བྱེད་ཀྱི་ཚལ་བལྟ་བའི་ཕྱིར་ཉེ་བར་སོང་ངོ ། །ཡང་དེའི་ཚེ་མཉན་ཡོད་ན་བྲམ་ཟེ་ཞིག་གནས་པ་དེ་ལ་རྒྱལ་པོ་དང ། བློན་པོ་དང ། གྲོང་མི་རྣམས་བྲམ་ཟེ་འདི་མཛེས་སོ། །ཞེས་མངོན་པར་དད་དེ། དེས་རྒྱལ་པོའི་ཕོ་བྲང་ནས་ཆེན་པོ་ལ་འོས་པའི་ལ་བ་ཞིག་ཐོབ་བོ། །དེས་དེ་བགོས་ནས་རྒྱལ་བྱེད་ཀྱི་ཚལ་དུ་ལྟད་མོ་བལྟར་སོང་བ་དང ། དེ་མཐོང་མ་ཐག་ཁོ་ནར་དད་པ་ཆེན་པོ་སྐྱེས་ནས་དེས་ལ་བ་དེ་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་ལོ། །བཅོམ་ལྡན་འདས་ཀྱིས་གོས་ཀྱི་རྙེད་པ་བྱུང་ན། ཐ་ན་མེ་མར་གྱི་སྙིང་པོའི་རྒྱུ་ཙམ་དུ་ཡང་མཉམ་པར་བགོའོ། །ཞེས་གསུངས་པས། དགེ་སློང་རྣམས་ཀྱིས་དེ་ཚལ་བུ་ཚལ་བུར་བྱས་ནས་མཉམ་པར་བགོས་སོ། །བྲམ་ཟེ་དེས་བསམ་པ། ལ་བ་དེ་</font><hr>Tha396a<br><font size=+2>


༄#། །ཆེན་པོ་ལ་འོས་པ་ཞིག་པས། བདག་གིས་འཕགས་པ་རྣམས་ལ་ཀཪྴ་པ་ཎ་དག་ཕུལ་ལ་སླར་བླང་ངོ ། །སྙམ་སྟེ། དེ་ནང་པར་སྔར་ལངས་ནས་རྒྱལ་བྱེད་ཀྱི་ཚལ་དུ་སོང་བ་དང ། རྒྱལ་བྱེད་ཀྱི་ཚལ་གྱི་སྒོ་ན་དགེ་སློང་མང་པོ་གཅིག་འདུག་གོ་།དེས་སྨྲས་པ། འཕགས་པ་དག། ཕྱག་འཚལ་ལོ། །བྲམ་ཟེ་ཆེན་པོ། ནད་མེད་ཅིག། འཕགས་པ། བདག་གིས་ཁྱེད་ལ་ལ་བ་ཕུལ་བ་དེ། ཁྱེད་ཀྱིས་ཅིར་བགྱིས། དགེ་སློང་རྣམས་ཀྱིས་སྨྲས་པ། བྲམ་ཟེ་ཆེན་པོ། རྗེས་སུ་ཡི་རང་བར་གྱིས་ཤིག་།ཁོ་བོ་ཅག་གིས་མཉམ་པར་བགོས་སོ། །གཅིག་ཅིག་གིས་སྨྲས་པ། བདག་གིས་ནི། བགོ་སྐལ་ཞཝ་ལ་གླན་ཏོ། །གཞན་ཞིག་གིས་སྨྲས་པ། བདག་གིས་ནི། ལྷམ་ཡུ་ཐུང་ལ་གླན་ཏོ། །གཞན་ཞིག་གིས་སྨྲས་པ། བདག་གིས་ནི། སྟོད་ཀོར་ལ་གླན་ཏོ། །གཞན་ཞིག་གིས་སྨྲས་པ། བདག་གིས་ལྷུང་བཟེད་ཕྱི་བར་བྱས་སོ། །དེས་སྨྲས་པ། འཕགས་པ། ལ་བ་ཆེན་པོ་ལ་འོས་པ་ཞིག་ན། ཀྱེ་མ་ཁྱེད་ཀྱིས་དེ་ཀཪྴ་པ་ཎ་དག་ཏུ་བསྒྱུར་ལ་ཀཪྴ་པ་ཎ་དག་བགོ་འདོད་ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། བྲམ་ཟེ་དེ་ཟེར་བ་བདེན་ཏེ། དེ་ལྟ་བས་ན། དགེ་འདུན་ལ་གོས་ཀྱི་རྙེད་པ་དེ་ལྟ་བུ་གྲུབ་པ་གང་ཡིན་པ་དེ། ཀཪྴ་པ་ཎ་དག་ཏུ་བསྒྱུར་ལ་ཀཪྴ་པ་ཎ་དག་བགོ་བར་བྱའོ། །སྡོམ་ནི། རུང་བ་མ་</font><hr>Tha396b<br><font size=+2>


ཡིན་ལྔ་དག་གི་།ལྷམ་ནི་དགག་པ་མཛད་པ་དང ། །དོམ་ལྤགས་ཀྱི་ནི་ལྷམ་དག་དང ། །དེ་ཡི་སྟེང་གི་རིམ་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ཀྱིས་སྨྲས་པ། དགའ་བོ་ཉེ་དགའ་བོ། བདག་ཅག་གིས་མཉན་ཡོད་དུ་སྐྱེ་བོ་མང་པོ་ཐམས་ཅད་ལ་མ་ལུས་པར་བཟའ་བའི་རིན་བསླངས་ན། རྒྱལ་པོའི་གླང་པོ་ཆེ་འདུལ་བ་དེ་དག་གིས་བདག་ཅག་ལ་ཅུང་ཟད་ཀྱང་མ་བྱིན་གྱི། ཚུར་ཤོག་།འདོང་ངོ ། །ཅུང་ཟད་ཅིག་བསླང་ངོ ། །དེ་ན་ཁ་ཅིག་གིས་སྨྲས་པ། ལེགས་ཏེ། དེ་ལྟར་བྱ་མོད་ཀྱི། འོན་ཀྱང་ཐབས་ཤིག་བཤམ་པར་བྱའོ། །ཅི་ཞིག་བྱ། སེང་གེའི་པགས་པ་ལས་ལྷམ་བྱས་ལ་དེ་བགོས་ཏེ་རྫི་ཀར་འདུག་ནས་གླང་པོ་ཆེ་རྣམས་དཀྲོག་པར་བྱའོ། །གཞན་དག་གིས་སྨྲས་པ།་རེ་ཞིག་དེ་བཞིན་དུ་བསླངས་ལ། གལ་ཏེ་མ་སྟེར་ན། ཕྱིས་དེ་ལྟར་བྱའོ། །ཞེས་དེ་རྣམས་ནང་པར་སྔར་ལངས་ཏེ་དེ་དག་གི་དྲུང་དུ་སོང་ནས་སྨྲས་པ། བཞིན་བཟང་དག་།གཏུམ་པོ་ཁྱེད་ཀྱིས་ཁོ་པོ་ཅག་ལ་ཟས་ཀྱི་རིན་མི་སྦྱིན་ནམ། དེ་དག་གིས་སྨྲས་པ། འཕགས་པ། ཁྱེད་ལ་ཁོ་བོ་ཅག་ཅི་རག་ལུས་ན། གང་གི་ཕྱིར་ཁོ་བོ་ཅག་གིས་ཟས་ཀྱི་རིན་སྦྱིན། དྲུག་སྡེ་རྣམས་ཀྱིས་འཇལ་ཏོ། །ཞེས་བྱས་ནས་སོང་ངོ ། །དེ་དག་གིས་སྔར་གྲོས་བྱས་པ་བཞིན་སེང་གེའི་པགས་པ་ལས་ལྷམ་བྱས་ནས་བགོས་ཏེ། དེ་དག་གླང་པོ་ཆེ་རྣམས་རྒྱུ་བའི་རྫི་ཀར་དོང་སྟེ་འདུག་པ་དང ། གླང་པོ་ཆེ་རྣམས་ཀྱིས་</font><hr>Tha397a<br><font size=+2>


༄#། །སེང་གེའི་དྲི་ཚོར་ཏེ་བྲེད་ནས་གཅིན་རྟུག་གཏོར་ཏེ་འབྲོས་པར་བརྩམས་སོ། །གླང་པོ་ཆེ་འདུལ་བ་རྣམས་ཀྱིས་ལྕགས་ཀྱུ་དག་གིས་ཞོ་ཤ་ཡོད་མེད་ཀྱིས་གཟུང་ན། མ་ཐུབ་པ་དང ། དྲུག་སྡེ་རྣམས་ཀྱིས་སྨྲས་པ། ཚེ་དང་ལྡན་པ་དག་།མ་གཏང་ཞིག། མ་གཏང་ཞིག། དེ་དག་གིས་སྨྲས་པ། འཕགས་པ། མི་ཐུབ་ན། ཇི་ལྟར་མི་གཏང ། དྲུག་སྡེ་རྣམས་ཀྱིས་སྨྲས་པ།་ཁོ་བོ་ཅག་གིས་གླན་ནམ། འཕགས་པ། དེ་ལྟར་གནང་ན། སྨན་ཆེའོ། །ཚེ་དང་ལྡན་པ་དག་།གལ་ཏེ་བཟའ་བའི་རིན་སྟེར་བར་དམ་འཆའ་ན། གླན་ནོ། །འཕགས་པ། དབུལ་ལོ། །བདེན་གྲང་ཞེས་བྱས་ནས་དེ་དག་རྫི་ཕྱོགས་མ་ཡིན་པར་དོང་སྟེ་འདུག་པ་དང ། སེངྒེའི་དྲི་མ་མནམ་པས་གླང་པོ་ཆེ་རྣམས་སྡོད་དོ། །གླང་པོ་ཆེ་འདུལ་བ་རྣམས་ཀྱིས་སྨྲས་པ། འཕགས་པ། ཅི། ཁྱེད་རིག་སྔགས་མཁྱེན་ཏམ། བཞིན་བཟང ། ཁོ་བོ་ཅག་རིག་སྔགས་མི་ཤེས་སོ། །འཕགས་པ། གལ་ཏེ་དེ་ལྟ་ན། ཁྱེད་ཀྱིས་ཇི་ལྟར་བཟློག། དེ་རྣམས་ཀྱིས་ཇི་ལྟར་གྱུར་པ་བསྙད་པ་དང ། དེ་དག་གིས་སྨྲས་པ། ཁྱོད་ཀྱིས་གནོད་པ་འདི་ལྟ་བུ་ཡང་བྱས་པ་ལྟ། གལ་ཏེ་རྒྱལ་པོའི་གླང་པོ་ཆེ་དམ་པ། ཡན་ལག་མཆོག་ཅན་འདི་ལྟ་བུ་དག་ནགས་ཀྱི་ནང་དུ་ཤོར་བར་གྱུར་ན། ཁྱེད་ཀྱིས་རྒྱལ་པོ་ལ་རྐུ་བྱས་པར་མ་གྱུར་ཏམ། དེ་དག་འཛུམ་དམུལ་ནས་ཅང་མི་ཟེར་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་</font><hr>Tha397b<br><font size=+2>


དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་སེང་གེའི་པགས་པའི་ལྷམ་གྱོན་པ་ལས་གྱུར་གྱི། དེའི་ཕྱིར་དགེ་སློང་གིས་སེང་གེའི་པགས་པའི་ལྷམ་བཅང་བར་མི་བྱའོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། དགེ་སློང་གིས་སེང་གེའི་པགས་པའི་ལྷམ་བཅང་བར་མི་བྱ་སྟེ། དགེ་སློང་སེང་གེའི་པགས་པའི་ལྷམ་འཆང་ན།་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སེང་གེའི་པགས་པའི་ལྷམ་བཅང་བར་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་སྟག་ལྤགས་ཀྱི་ལྷམ་བཅང་བར་བརྩམས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། སེན་མོ་དང ། མཆེ་བའི་སྟོབས་ཅན་ལྔ་པོ་གླང་པོ་ཅང་ཤེས་དང ། རྟ་ཅང་ཤེས་དང ། སེང་གེ་དང ། སྟག་དང ། གུང་གི་པགས་པའི་ལྷམ་བཅང་བར་མི་བྱའོ། །བཅོམ་ལྡན་འདས་ཀྱིས་སེན་མོ་དང ། མཆེ་བའི་སྟོབས་ཅན་ལྔའི་པགས་ལྷམ་བཅང་བར་མི་བྱའོ། །ཞེས་བཀའ་སྩལ་པ་དང ། ཚེ་དང་ལྡན་པ་ཉེ་བར་འཁོར་གྱིས་བཅོམ་ལྡན་འདས་ལ་ཞུས་པ། བཙུན་པ། སེན་མོ་དང ། མཆེ་བའི་སྟོབས་ཅན་གཞན་དག་ཀྱང་མཆིས་ན། ཅི་ལགས། དེ་དག་གི་པགས་པའི་ལྷམ་ཡང་བཅང་བར་མི་བགྱི་ལགས་སམ། ཉེ་བར་འཁོར། དེ་དག་གི་པགས་པའི་ལྷམ་ཡང་བཅང་བར་མི་བྱ་སྟེ། འཆང་ན། འགལ་</font><hr>Tha398a<br><font size=+2>


༄#། །ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །མཉན་ཡོད་ན་དགེ་སློང་ཞིག་གཞང་འབྲུམ་གྱི་ནད་ཀྱིས་ཐེབས་པ་དེ་སྨན་པའི་དྲུང་དུ་སོང་ནས་བཞིན་བཟང ། བདག་གཞང་འབྲུམ་གྱིས་ཐེབས་ན། སྨན་སྟོན་ཅིག། དེས་སྨྲས་པ། འཕགས་པ། དོམ་ལྤགས་ཀྱི་ལྷམ་ནོབས་ཤིག་དང ། ཁྱོད་སོས་པར་འགྱུར་རོ། །དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ ། །འཕགས་པ། ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གནང་གི། དགེ་སློང་གཞང་འབྲུམ་གྱི་ནད་ཀྱིས་ཐེབས་པས་དོམ་ལྤགས་ཀྱི་ལྷམ་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་གཞང་འབྲུམ་གྱི་ནད་ཀྱིས་ཐེབས་པས་དོམ་ལྤགས་ཀྱི་ལྷམ་བཅང་བར་བྱའོ། །ཞེས་བཀའ་སྩལ་པ་དང ། རིམ་པ་མང་པོ་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་རིམ་པ་མང་པོར་མ་རྙེད་ན། སྟེང་རིམ་གཅིག་སྤུན་བག་ཏུ་གླན་པར་བྱའོ། །འདུལ་བ་ཕྲན་ཚེགས་ཀྱི་གཞི་ལས། སྒོ་ལྔ་པ་རྫོགས་སོ།། །།བསྡུས་པའི་སྡོམ་ནི། རྒྱུས་པ་རབ་སྣང་དྲག་པོ་དང ། ། བྲན་དང་དེ་བཞིན་བཙོད་ཀ་དང ། །བབས་པ་མདུན་དང་ཚོང་དཔོན་དང ། །དགེ་སློང་ལྷག་མ་མི་དོར་བའོ། །སྡོམ་ནི། དེ་ཡི་རྒྱུས་པ་འབྲེང་བུ་དང ། །དེ་བཞིན་བྲང་ལྷན་རྟིང་ལྷན་དང ། །ཡུ་ཆད་</font><hr>Tha398b<br><font size=+2>


དང་ནི་ཡུ་ཐུང་དང ། །སྒྲོག་གུ་ཅན་དག་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་སེན་མོ་དང ། མཆེ་བའི་སྟོབས་ཅན་ལྔའི་པགས་པའི་ལྷམ་བཅང་བར་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་དེ་དག་གི་རྒྱུས་པས་ལྷམ་བཙེམས་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་རྒྱུས་པས་ལྷམ་བཙེམ་པར་མི་བྱའོ། །བཅོམ་ལྡན་འདས་ཀྱིས་དེ་དག་གི་རྒྱུས་པས་ལྷམ་བཙེམ་པར་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་དེ་དག་གི་པགས་པའི་འབྲེང་བུས་བཙམས་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་པགས་པའི་འབྲེང་བུས་ལྷམ་བཙེམ་པར་མི་བྱའོ། །བཅོམ་ལྡན་འདས་ཀྱིས་དེ་དག་གི་རྒྱུས་པ་དང ། པགས་པའི་འབྲེང་བུས་ལྷམ་བཙེམ་པར་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་དེ་དག་གི་པགས་པ་ལས་བྲང་ལྷན་བྱས་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་པགས་པ་ལས་བྲང་ལྷན་མི་བྱའོ། །བཅོམ་ལྡན་འདས་ཀྱིས་དེ་དག་གི་པགས་པ་ལས་བྲང་ལྷན་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་དེ་དག་གི་པགས་པ་ལས་རྟིང་ལྷན་བྱས་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་</font><hr>Tha399a<br><font size=+2>


༄#། །བཀའ་སྩལ་པ། དེ་དག་གི་པགས་པ་ལས་རྟིང་ལྷན་མི་བྱའོ། །བཅོམ་ལྡན་འདས་ཀྱིས་དེ་དག་གི་པགས་པ་ལས་བྲང་ལྷན་དང ། རྟིང་ལྷན་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་དེ་དག་གི་པགས་པ་ལས་ལྷམ་ཡུ་ཆད་བྱས་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་པགས་པ་ལས་ལྷམ་ཡུ་ཆད་མི་བྱའོ། །བཅོམ་ལྡན་འདས་ཀྱིས་དེ་དག་གི་པགས་པ་ལས་བྲང་ལྷན་དང ། རྟིང་ལྷན་དང ། ལྷམ་ཡུ་ཆད་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་དེ་དག་གི་པགས་པ་ལས་ལྷམ་ཡུ་ཐུང་བྱས་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་པགས་པ་ལས་ལྷམ་ཡུ་ཐུང་མི་བྱའོ། །བཅོམ་ལྡན་འདས་ཀྱིས་དེ་དག་གི་པགས་པ་ལས་ལྷམ་ཡུ་ཐུང་མི་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་དེ་དག་གི་པགས་པ་ལས་ལྷམ་སྒྲོག་གུ་ཅན་བྱས་ཏེ་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་པགས་པ་ལས་ལྷམ་སྒྲོག་གུ་ཅན་མི་བྱའོ། །སྡོམ་ནི། རབ་སྣང་འདོད་པ་ཐམས་ཅད་དང ། །དགེ་འདུན་བཤོས་དང་བཟོ་སྦྱངས་དང ། །མགོན་མེད་ཟས་སྦྱིན་ཁྲིའུ་རྣམས་དང ། །གཙུག་ལག་ཁང་དང་བཟང་པོའོ། །བར་སྡོམ་ནི། བལྟམས་དང་རྒྱལ་པོ་ཆེ་དང་བདག་གི་མཐུ། །དེ་བཞིན་མི་དཀར་རབ་བྱུང་རྒྱལ་ཚབ་དང ། །སངས་</font><hr>Tha399b<br><font size=+2>


རྒྱས་རྒྱལ་སྲིད་ཉིད་དང་ཡན་ལག་མཆོག་།དེ་བཞིན་རྨི་ལམ་ས་འཛིན་སྐྱེས་དང་གནས། །བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ན། རྒྱལ་པོའི་ཁབ་ཀྱི་གྲོང་ཁྱེར་ན་རྒྱལ་པོ་པདྨ་ཆེན་པོ་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ་ཆོས་ཀྱི་རྒྱལ་པོ། རྒྱལ་སྲིད་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་པ་དང ། རྩོད་པ་དང ། འཁྲུག་པ་དང ། འཁྲུག་ལོང་རབ་ཏུ་ཞི་བ། ཆོམ་རྐུན་དང ། ནད་མེད་པ། སཱ་ལུ་དང ། བུ་རམ་ཤིང་དང ། མ་ཧེ་ཕུན་སུམ་ཚོགས་པ། ཆོས་དང་མཐུན་པས་བྱེད་དུ་འཇུག་གོ་།མཉན་ཡོད་ན་ནི། རྒྱལ་པོ་ཚངས་བྱིན་རིང་དུ་འཕུར། འཕགས་རྒྱལ་ན་ནི། མུ་ཁྱུད་མཐའ་ཡས། ཀོའུ་ཤམྦྷི་ན་ནི། དམག་བརྒྱ་པ་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། རྒྱལ་སྲིད་རྒྱས་པ་དང་ཞེས་བྱ་བ་ནས་ཆོས་དང་མཐུན་པར་བྱེད་དུ་འཇུག་གོ། ཞེས་བྱ་བའི་བར་སྔ་མ་བཞིན་ནོ། །གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་དགའ་ལྡན་གྱི་གནས་ན་བཞུགས་པ་ན་གཟིགས་པ་ལྔ་པོ་རིགས་ལ་གཟིགས་པ་དང ། དུས་ལ་གཟིགས་པ་དང ། ཡུལ་ལ་གཟིགས་པ་དང ། རུས་ལ་གཟིགས་པ་དང ། བུད་མེད་ལ་གཟིགས་པས་འཇིག་རྟེན་ལ་གཟིགས་ཏེ་འདོད་པ་ན་སྤྱོད་པ་ལྷ་དྲུག་ཀྱང་ལན་གསུམ་དུ་སྦྱང་བ་མཛད་ནས་གླང་པོ་ཆེར་བསྟན་པས་ཡུམ་གྱི་ལྷུམས་སུ་ཞུགས་སོ། །དེའི་ཚེ་ས་ཆེན་པོ་གཡོས་པར་གྱུར། འཇིག་རྟེན་འདི་ཐམས་ཅད་ཀྱང་སྣང་བ་རྒྱ་ཆེན་</font><hr>Tha400a<br><font size=+2>


༄#། །པོས་སུམ་ཅུ་རྩ་གསུམ་པའི་ལྷ་རྣམས་ཀྱི་ཁ་དོག་གི་མཐུ་ཡང་ཟིལ་གྱིས་མནན་ནས་ཁྱབ་པར་གྱུར་ཏེ། འཇིག་རྟེན་དང་འཇིག་རྟེན་གྱི་བར་གྱི་མུན་གནག་ཐིབས་པོ་སྨག་ཏུ་གྱུར་པ་གང་དུ་ཉི་མ་དང ། ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་འདི་དག་གི་འོད་ཀྱིས་ཀྱང་སྣང་བར་མ་ནུས་པ་གང་དག་ཡིན་པ་དེ་དག་ཀྱང་དེའི་ཚེ་སྣང་བ་རྒྱ་ཆེན་པོས་ཁྱབ་པར་གྱུར་ཏེ། དེར་སེམས་ཅན་གང་དག་སྐྱེས་པ་དེ་དག་རང་གི་ལག་ནས་བཟུང་ཡང་མི་མཐོང་བ་དེ་དག་ཀྱང་འོད་དེས་སེམས་ཅན་ཕན་ཚུན་མཐོང་ནས་ཤེས་ལྡན་དག། སེམས་ཅན་གཞན་དག་ཀྱང་འདིར་སྐྱེས་པ་ལྟ། ཤེས་ལྡན་དག། སེམས་ཅན་གཞན་དག་ཀྱང་འདིར་སྐྱེས་པ་ལྟ་ཞེས་བྱ་བར་ཤེས་སོ། །གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་བལྟམས་པ་དེའི་ཚེ། རྒྱལ་པོ་ཆེན་པོ་བཞིའི་བུ་ཡང་བཙས་ཏེ། རྒྱལ་པོའི་ཁབ་ཏུ་ནི། རྒྱལ་པོ་པདྨ་ཆེན་པོའི་བུ་བཙས་སོ། །མཉན་ཡོད་དུ་ནི། ཚངས་བྱིན་གྱི། འཕགས་རྒྱལ་དུ་ནི། མུ་ཁྱུད་མཐའ་ཡས་ཀྱི། ཀོའུ་ཤམྦྷིར་ནི་རྒྱལ་པོ་དམག་བརྒྱ་པའི་བུ་བཙས་སོ། །བྱང་ཆུབ་སེམས་དཔའ་བལྟམས་པ་ན། ས་ཆེན་པོ་འདི་གསེར་ཞུན་མ་ལྟ་བུར་སྣང་བར་གྱུར་པ་དང ། རྒྱལ་པོ་སོ་སོ་ནས་བསམ་པ། བདག་གི་བུའི་མཐུའོ། །བདག་གི་བུའི་མཐུའོ། །སྙམ་ནས་དེ་དག་སོ་སོ་ནས་མིང་འདོགས་པར་བྱེད་དེ། རྒྱལ་པོ་པདྨ་ཆེན་པོས་སྨྲས་པ། ཤེས་ལྡན་དག་།ངའི་བུ་</font><hr>Tha400b<br><font size=+2>


བཙས་པ་ན་ཉི་མའི་གཟུགས་བཞིན་དུ་འཇིག་རྟེན་སྣང་བར་བྱས་པས། དེའི་ཕྱིར་གཞོན་ནུའི་མིང་གཟུགས་ཅན་སྙིང་པོ་ཞེས་གདགས་སོ། །རྒྱལ་པོ་ཚངས་བྱིན་རིང་དུ་འཕུར་གྱིས་སྨྲས་པ། ངའི་བུ་བཙས་པ་ན་ལྗོངས་རྣམས་གསལ་ཞིང་གསལ་བ་ལྟ་བུར་སྣང་བས། དེའི་ཕྱིར་གཞོན་ནུའི་མིང་གསལ་རྒྱལ་ཞེས་བྱ་བར་གདགས་སོ། །རྒྱལ་པོ་བུ་ཁྱུད་མཐའ་ཡས་ཀྱིས་སྨྲས་པ། ངའི་བུ་བཙས་པ་ན་འཇིག་རྟེན་རབ་ཏུ་སྣང་བ་ཁོ་ནས་སྣང་བར་བྱས་པས། དེའི་ཕྱིར་གཞོན་ནུའི་མིང་རབ་སྣང་ཞེས་བྱ་བར་གདགས་སོ། །རྒྱལ་པོ་དམག་བརྒྱ་བས་སྨྲས་པ། ངའི་བུ་བཙས་པ་ན་འཇིག་རྟེན་ཉི་མ་ཤར་བ་བཞིན་དུ་སྣང་བར་བྱས་པས། དེའི་ཕྱིར་གཞོན་ནུའི་མིང་ཤར་པར་གདགས་སོ། །དེའི་ཚེ་རི་ཀི་སྐི་ན་ད་ལ་དྲང་སྲོང་མི་དཀར་བ་ཞེས་བྱ་བ་འཇིག་རྟེན་དེའི་འཇིག་པ་ལ་མཁས་པ། འཆགས་པ་ལ་མཁས་པ་ཞིག་གནས་སོ། །དེའི་ཚ་བོ་ན་ལ་ད་ཞེས་བྱ་བ་ཞིག་ཡོད་པ་དེ། དེའི་དྲུང་དུ་ཡང་དང་ཡང་དུ་ཉེ་བར་འགྲོའོ། །དེ་ཉེ་བར་འོངས་པ་དེ་ལ་རྟག་ཏུ་འཇིག་པ་དང ། འཆགས་པའི་གཏམ་བྱས་ཏེ། དེ་འཇིག་པ་དང་འཆགས་པའི་གཏམ་ཐོས་ནས་སྐྱོ་སྟེ་དེའི་ཐད་དུ་རབ་ཏུ་བྱུང་ངོ ། །དེས་དུས་གཞན་ཞིག་ན་དྲང་སྲོང་མི་དཀར་བའི་ཕུག་སྣང་བ་རྒྱ་ཆེན་པོས་ཁྱབ་པ་མཐོང་ངོ ། །མཐོང་ནས་ཀྱང་ཚིགས་སུ་བཅད་དེ་སྨྲས་པ། ཉི་མ་ཐམས་ཅད་གཅིག་ཅར་དུ། །འདིར་ནི་ཤར་པ་འགྱུར་ཏམ་ཅི། འདི་ལྟར་རི་དང་ཕུག་བཅས་པར། །འོད་ཟེར་དག་གིས་འབར་བ་བཞིན། །མི་དཀར་</font><hr>Tha401a<br><font size=+2>


༄#། །བ་ཡིས་དེ་སྨྲས་པ། །ཉི་མའི་འོད་ཚ་འོད་འདི་བསིལ། །ལུས་འདིར་སྣང་བ་འཇུག་པས་ན། །འདི་ནི་ངེས་པར་ཐུབ་པའི་འོད། །བྱང་ཆུབ་སེམས་དཔའ་འོད་པོ་ཆེ། །གདོན་མི་ཟ་བར་ལྷུམས་ནས་འབྱུང ། །འདི་ནི་བྱང་ཆུབ་སེམས་དཔའ་དེ། །འབྱུང་བའི་འོད་ནི་དྲི་མེད་པ། །འཇིག་རྟེན་གསུམ་པོ་དག་ཏུ་ནི། །གསེར་དང་འདྲ་བ་བཀྱེ་བ་ཡིན། །ན་ལ་དས་སྨྲས་པ། མཁན་པོ། གལ་ཏེ་དེ་ལྟ་ན། ཚུར་སྤྱོན། བྱང་ཆུབ་སེམས་དཔའ་གཟིགས་ཀྱི། བཞུད་དོ། །དེས་སྨྲས་པ། བུ། ད་ལྟ་བྱང་ཆུབ་སེམས་དཔའ་ལྷ་དབང་ཆེ་བར་གྲགས་པ། དབང་ཆེ་བར་གྲགས་པ་རྣམས་ཀྱིས་བསྐོར་ཅིང་བཞུགས་ཏེ། དེ་བདག་ཅག་གིས་མཐོང་བར་སླ་བ་མ་ཡིན་གྱི། གང་གི་ཚེ་ཕོ་བྲང་དུ་གཤེགས་ནས་མཚན་བཏགས་ཏེ་ཕྱིར་བྱུང་བ་དེའི་ཚེ་བལྟར་འདོད་དོ། །གང་གི་ཉིན་པར་བྱང་ཆུབ་སེམས་དཔའ་བལྟམས་པ་དེ་ཉིད་ཀྱི་ཉིན་མོ་འདུན་པ་ལ་སོགས་པ་རིམ་གྲོ་པ་ལྔ་བརྒྱ་དང ། འདུན་མ་ལ་སོགས་པ་རིམ་གྲོ་མ་ལྔ་བརྒྱ་དང ། གླང་པོ་ཆེ་མོ་ལྔ་བརྒྱ་དང ། རྟ་རྒོད་མ་ལྔ་བརྒྱ་ཡང་བཅས་ཤིང་འབྲངས། གཏེར་ལྔ་བརྒྱ་ཡང་ཁ་བྱེ་སྟེ་སྣང་ངོ ། །བློན་པོ་རྣམས་ཀྱིས་རྒྱལ་པོ་ཟས་གཙང་ལ་སྦྲན་པ། ལྷ། ཞལ་རྗེས་དགྱེས་པ་མཛད་དུ་གསོལ། གཞོན་ནུ་བལྟམས་པ་ན་དོན་འདི་སྙེད་གྲུབ་སྟེ། རིམ་གྲོ་པ་ལྔ་བརྒྱ་དང ། རིམ་གྲོ་མ་ལྔ་བརྒྱ་ཡང་བཙས། གླང་པོ་ཆེ་མོ་ལྔ་བརྒྱ་དང ། རྟ་རྒོད་མ་ལྔ་བརྒྱ་ཡང་བཙས་ཤིང་འབྲངས། གཏེར་ལྔ་བརྒྱ་ཡང་</font><hr>Tha401b<br><font size=+2>


ཁ་བྱེ་སྟེ་བསྟན་ལགས་སོ། །རྒྱལ་པོ་ཟས་གཙང་གིས་ཐོས་ནས་ཡིད་བདེ་བ་སྐྱེས་ཏེ་སྨྲས་པ། ཤེས་ལྡན་དག་།གཞོན་ནུ་བཙས་པ་ན། ངའི་དོན་ཐམས་ཅད་དང ། ལས་ཀྱི་མཐའ་ཐམས་ཅད་གྲུབ་པས། དེའི་ཕྱིར་གཞོན་ནུའི་མིང་དོན་ཐམས་ཅད་གྲུབ་པ་ཞེས་བྱ་བར་གདགས་སོ། །ཞེས་དེ་ན་བྱང་ཆུབ་སེམས་དཔའི་མཚན་འདི་ལྟ་སྟེ། དོན་ཐམས་ཅད་གྲུབ་པ་ཞེས་བྱ་བ་དེར་བཏགས་སོ། །བྱང་ཆུབ་སེམས་དཔའ་རིན་པོ་ཆེ་སྣ་བཞིའི་ཁྱོགས་ལ་བཞག་སྟེ་སེམས་ཅན་སྟོང་ཕྲག་དུ་མས་བསྐོར་ནས་ལྷ་དང་མིའི་བཀུར་སྟི་ཆེན་པོས་སེར་སྐྱའི་གཞིའི་གྲོང་ཁྱེར་དུ་ཞུགས་སོ། །བྱང་ཆུབ་སེམས་དཔའ་གྲོང་ཁྱེར་དུ་ཞུགས་པ་ན། ཤཱཀྱ་ང་རྒྱལ་ཅན། མུ་ཅོར་སྨྲ་བ། ཐུགས་ཐུབ་ཅན་རྣམས་ཐུབ་པ་བཞིན་དུ་ཅང་མི་སྨྲ་བར་འདུག་པ་དང ། རྒྱལ་པོ་ཟས་གཙང་གིས་སྨྲས་པ། ཤཱཀྱ་ང་རྒྱལ་ཅན། མུ་ཅོར་སྨྲ་བ། ཐུགས་ཐུབ་ཅན་འདི་དག་གཞོན་ནུ་གྲོང་ཁྱེར་དུ་ཞུགས་པ་དང ། ཐུབ་པ་བཞིན་དུ་ཅང་མི་སྨྲ་བ་འདུག་པ་དེའི་ཕྱིར་གཞོན་ནུའི་མིང་ཤཱཀྱ་ཐུབ་པར་གདགས་སོ། །ཞེས་དེ་ན་བྱང་ཆུབ་སེམས་དཔའི་མཚན་གཉིས་པ་འདི་ལྟ་སྟེ། ཤཱཀྱ་ཐུབ་པ་ཞེས་བྱ་བ་དེར་བཏགས་སོ། །ཤཱཀྱ་རྣམས་ལ་གནོད་སྦྱིན་གཞུག་མར་གནས་པ་ཤཱཀྱ་སྤེལ་བ་ཞེས་བྱ་བ་ཞིག་ཡོད་དེ། ཤཱཀྱ་སུའི་བུའམ། བུ་མོ་བཙས་ཀྱང་རུང ། དེ་དང་པོར་གནོད་སྦྱིན་ཤཱཀྱ་སྤེལ་བའི་རྐང་པ་ལ་ཕྱག་འཚལ་དུ་ཁྲིད་པས་རྒྱལ་པོ་ཟས་གཙང་གིས་སྨྲས་པ། ཤེས་ལྡན་དག་།དེང་ལ་གཞོན་ནུ་</font><hr>Tha402a<br><font size=+2>


༄#། །གནོད་སྦྱིན་ཤཱཀྱ་སྤེལ་བའི་རྐང་པ་ལ་ཕྱག་འཚལ་དུ་ཆུག་ཅིག་།བློན་པོ་རྣམས་ཀྱིས་དེའི་མདུན་དུ་ཁྲིད་པ་དང ། གནོད་སྦྱིན་ཤཱཀྱ་སྤེལ་བས་བྱང་ཆུབ་སེམས་དཔའ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་དེ་བརྟད་དེ་རིངས་པར་གོམ་པ་བསླང་ནས་བྱང་ཆུབ་སེམས་དཔའ་བསུས་ཏེ་རྐང་པ་ལ་ཕྱག་བྱས་པ་དང ། རྒྱལ་པོ་ཟས་གཙང་གིས་སྨྲས་པ། ཤེས་ལྡན་དག། གནོད་སྦྱིན་ཤཱཀྱ་སྤེལ་བ་ཡང ། གཞོན་ནུའི་རྐང་པ་ལ་ཕྱག་འཚལ་ཏེ། དེ་ལྟ་བས་ན། འདི་ནི། ལྷའི་ཡང་ལྷ་ཡིན་པས། དེའི་ཕྱིར་གཞོན་ནུའི་མིང་ལྷའི་ཡང་ལྷ་ཞེས་གདགས་སོ། །ཞེས་དེ་ན་བྱང་ཆུབ་སེམས་དཔའི་མཚན་གསུམ་པ་འདི་ལྟ་སྟེ། ལྷའི་ཡང་ལྷ་ཞེས་བྱ་བར་བཏགས་སོ། །དེ་ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་བྲམ་ཟེ་རྣམས་དང ། མཚན་མཁན་རྣམས་དང ། སྐར་མཁན་རྣམས་ལ་བསྟན་ནས་ཤེས་ལྡན་དག། གཞོན་ནུ་ཅི་གང་དག་དང་ལྡན་ན། སྐྱེས་བུ་ཆེན་པོའི་འགྲོ་བ་གཉིས་སུ་འགྱུར་གྱི། གཞན་དུ་མ་ཡིན་ཏེ། གལ་ཏེ་ཁྱིམ་པ་ཁྱིམ་ན་གནས་ན། འཁོར་ལོས་བསྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ། ཆོས་ཀྱི་རྒྱལ་པོ། ཆོས་དང་མཐུན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཞིང ། དེའི་རིན་པོ་ཆེ་སྣ་བདུན་ནི། འདི་ལྟ་བུ་དག་ཡིན་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བཙུན་མོ་</font><hr>Tha402b<br><font size=+2>


རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་བློན་པོ་རིན་པོ་ཆེའོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་དག་བགོས་ཏེ་དད་པས་ཡང་དག་པར་ཁྱིམ་ནས་ཁྱིམ་མེད་པར་རབ་ཏུ་བྱུང་ན། འཇིག་རྟེན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་སྒྲ་རྣམ་པར་གྲགས་པར་འགྱུར། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་ནམ། དེ་དག་གིས་སྨྲས་པ། ལྷ། དེ་ལྟ་ལགས་ཏེ། གཞོན་ནུ་ནི། གང་དག་དང་ལྡན་ན། སྐྱེས་བུ་ཆེན་པོའི་འགྲོ་བ་གཉིས་སུ་འགྱུར་གྱི། གཞན་དུ་མ་ལགས་ཏེ་ཞེས་བྱ་བ་ནས་འཇིག་རྟེན་ན་སྒྲ་རྣམ་པར་གྲགས་པར་འགྱུར་བ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་ལགས་སོ། །ན་ལ་དས་སྨྲས་པ། མཁན་པོ། བྱང་ཆུབ་སེམས་དཔའ་སེར་སྐྱའི་གྲོང་ཁྱེར་དུ་གཤེགས་ཏེ་དེའི་མཚན་ཡང་བཏགས་ལགས་ཀྱི། ཚུར་གཤེགས། གཟིགས་སུ་བཞུད་དོ། །དེས་སྨྲས་པ། བུ། ལེགས་ཏེ། དེ་བཞིན་བྱའི། འདོང་ངོ ། །ཞེས་དེ་གཉིས་རྫུ་འཕྲུལ་གྱིས་ཆས་པ་དང ། བྱང་ཆུབ་སེམས་དཔའི་མཐུས་དེའི་རྫུ་འཕྲུལ་ཉམས་ཏེ་རྐང་པ་ཁོ་ནས་སེར་སྐྱའི་གཞིའི་གྲོང་ཁྱེར་དུ་ཞུགས་ནས་རྒྱལ་པོ་ཟས་གཙང་གི་ཕོ་བྲང་ག་ལ་བ་དེར་སོང་སྟེ་ཕྱིན་ནས་རྒྱལ་པོའི་ཕོ་བྲང་གི་སྒོ་ན་སྡོད་དོ། །དེ་ནས་དྲང་སྲོང་མི་དཀར་བས་མི་ཞིག་ལ་སྨྲས་པ། ཀྱེ་སྐྱེས་བུ། ཁྱོད་ཚུར་ཤོག་།སོང་ལ་རྒྱལ་པོ་ཟས་གཙང་ལ་དྲང་སྲོང་མི་དཀར་བ་ལྷ་ལ་བལྟ་བར་</font><hr>Tha403a<br><font size=+2>


༄#། །འདད་དེ་སྒོ་ན་འདུག་གོ། ཞེས་སྦྲོན་ཅིག་།དེས་སོང་ནས་རྒྱལ་པོ་ཟས་གཙང་ལ། ལྷ། དྲང་སྲོང་མི་དཀར་བ་ལྷ་ལ་བལྟ་བར་འཚལ་ཏེ་ཆབ་སྒོ་ན་མཆིས་སོ། །ཞེས་སྦྲན་པ་དང ། དེས་སྨྲས་པ། ཤེས་ལྡན་དག། དྲང་སྲོང་མི་དཀར་བ་ལ་སུ་འགོག་།ནང་དུ་ཤོག་ཅིག་།དེ་ནང་དུ་ཞུགས་པ་དང ། རྒྱལ་པོ་ཟས་གཙང་གིས་བྱོན་པ་ལེགས་སོ། །ཞེས་བྱ་བའི་ཀུན་ཏུ་སྤྱོད་པས་ཀུན་ཏུ་སྤྱད་ནས་རྐང་པ་ལ་མཆོད་ཡོན་ཕུལ་ཏེ་སེང་གེའི་ཁྲི་ལ་འདུག་ཏུ་བཅུག་གོ། དེ་ནས་རྒྱལ་པོ་ཟས་གཙང་གིས་དེའི་རྐང་པ་གཉིས་ལ་གཏུགས་ནས་སྨྲས་པ། དྲང་སྲོང་ཆེན་པོ། ཅི་ཞིག་གི་སླད་དུ་བྱོན། དེས་ཚིགས་སུ་བཅད་དེ་སྨྲས་པ། རྒྱལ་ཆེན་བདག་ནི་ཁྱོད་ཀྱི་སྲས། །བལྟ་བར་འཚལ་ནས་མཆིས་ལགས་ཏེ། །འཇིག་རྟེན་གཙོ་བོ་རྣམ་འདྲེན་པ། ། ཐུབ་པ་དེ་ནི་བལྟ་འཚལ་ལོ། རྒྱལ་པོ་ཟས་གཙང་གིས་སྨྲས་པ། དྲང་སྲོང་ཆེན་པོ། གཞོན་ནུ་གཉིད་ལོག་གོ་།དེས་སྨྲས་པ། མནལ་བཞིན་བལྟ་བར་བགྱིའོ། །རྒྱལ་པོ་ཟས་གཙང་གིས་སྨྲས་པ། དྲང་སྲོང་ཆེན་པོ། ལེགས་ཀྱི། དེ་བཞིན་དུ་མཛོད། གཟིགས་ཤིག་།དེས་སོང་ནས་བྱང་ཆུབ་སེམས་དཔའ་མིག་མི་འཛུམ་པར་གཟུགས་རྣམས་ལ་གཟིགས་པ་མཐོང་ངོ་།། མཐོང་ནས་ཀྱང་ཚིགས་སུ་བཅད་དེ་སྨྲས་པ། རིགས་པ་རྟ་ཕོ་རྣམ་དག་ནི། །ནམ་གྱི་གུང་ལ་ཉལ་བ་ལྟར། །དགོས་པ་དོན་དུ་གཉེར་རྣམས་ཀྱི། །མིག་ལ་ཡུན་རིང་གཉིད་མི་གནས། ། </font><hr>Tha403b<br><font size=+2>


ཞེས་སྨྲས་ནས་སྨྲས་པ། ལྷ། ཅི། གཞོན་ནུ་བྲམ་ཟེ་རྣམས་དང ། མཚན་མཁན་རྣམས་དང ། སྐར་མཁན་རྣམས་ལ་བསྟན་ཏམ། དེས་སྨྲས་པ། དྲང་སྲོང་ཆེན་པོ། བསྟན་ཏོ། །ལྷ། དེ་དག་གིས་ཅི་ཞིག་ཏུ་ལུང་བསྟན། རྒྱལ་པོ་ཟས་གཙང་གིས་སྨྲས་པ། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་མཆིའོ། །དེས་བྱང་ཆུབ་སེམས་དཔའ་ལ་ཡན་མན་བརྟག་པར་བརྩམས་པ། ཇི་ཙམ་ན་བྱང་ཆུབ་སེམས་དཔའ་ལ་སངས་རྒྱས་ཀྱི་མཚན་རྣམས་མཐོང་ནས་དུས་ཇི་ཙམ་གྱིས་བདུད་རྩི་ཐོབ་པར་འགྱུར་ཞེས་བསམ་པ་ལ་ཞུགས་ནས་དེས་ལོ་ཉི་ཤུ་རྩ་དགུ་ལོན་པ་དང ། ཁྱིམ་ནས་བྱུང་སྟེ་ལོ་དྲུག་ཏུ་དཀའ་བ་སྤྱད་ནས་བདུད་རྩི་ཐོབ་པར་འགྱུར་བར་མཐོང་ངོ ། །དེས་བདག་ཉིད་ཀྱི་རྒྱུད་བསམ་པ་ལ་ཞུགས་པ་དང ། བར་སྐབས་སུ་འཆི་བར་མཐོང་ནས་འདོད་པ་ན་སྤྱོད་པའི་སྲེད་པ་བྱུང་བ་དེ། མིག་མཆི་མས་གང་བཞིན་ཚིགས་སུ་བཅད་དེ་སྨྲས་པ། ས་བདག་རྟོག་གེ་རྣམས་ཀྱི་བློ་གྲོས་འཁྲུལ། །དུས་ཀྱི་མཐར་ནི་འཁོར་ལོས་བསྒྱུར་མི་འབྱུང ། །བསོད་ནམས་མཆོག་ཅན་འདི་ནི་ཆོས་ཀྱི་མཛོད། །ཉེས་པ་རྣམས་ལས་རྒྱལ་ཏེ་སངས་རྒྱས་འགྱུར། །མི་ཡི་དབང་པོ་མཚན་གསལ་མིན་རྣམས་ཀྱིས། །གླིང་བཞི་རྣམས་ཀྱི་བདག་པོར་དབང་ཕྱུག་འགྱུར། །ཤིན་ཏུ་མཚན་གསལ་ཐུབ་དབང་རྫོགས་སངས་རྒྱས། །མི་མཆོག་ཆོས་ཀྱི་འཁོར་ལོ་བསྐོར་བར་འགྱུར། །དེ་ནས་རྒྱལ་པོས་དེ་མིག་མཆི་མས་གང་བ་མཐོང་ནས་བག་ཚ་སྟེ་མི་དགའ་ནས་སླར་ཚིགས་</font><hr>Tha404a<br><font size=+2>


༄#། །སུ་བཅད་དེ་སྨྲས་པ། སྐྱེས་པ་བུད་མེད་དག་ནི་གང་འཕྲད་ནས། །ངོམས་པར་མི་འགྱུར་དགའ་བ་ཐོབ་འགྱུར་བ། །ལུས་བཟང་དགའ་བྱེད་དེ་ནི་འདིར་གཟིགས་ནས། །ཅི་སླད་ཁྱོད་ཀྱི་ཞལ་ནི་མཆི་མར་བཅས། །བདག་གི་གཞོན་ནུ་འགའ་ལས་འཇིགས་པའམ། །ཚེ་ཟད་ཉེ་བར་གནས་པར་མ་གྱུར་གྲང ། །དེ་སླད་དགེ་བ་འདི་མྱུར་བདག་ལ་གསུངས། །ཁྱོད་ཀྱི་བཤུམས་མོ་བྱུང་བས་བདག་འདར་ཏོ། །དེས་ཀྱང་ཚིགས་སུ་བཅད་དེ་སྨྲས་པ། གལ་ཏེ་འདི་ཡི་སྟེང་དུ་མཁའ་ལས་ནི། །རྡོ་རྗེའི་ཆར་དྲག་རབ་ཏུ་བབ་གྱུར་ཀྱང ། །ཐུབ་པ་ཆེན་པོའི་སྐུ་ཡི་སྤུ་ཉག་གཅིག། ཀུན་ཏུ་བསྐྱོད་པར་ནུས་པ་མ་ཡིན་ནོ། །ཚན་ཆེན་རླུང་གིས་རབ་ཏུ་བསྐྱོད་པ་ཡི། །ཤིན་ཏུ་མི་བཟད་མཚོན་རྣོན་རྣམས་དག་དང ། །སྤྲུལ་གདུག་རྣམས་དང་ཤིན་ཏུ་གདུག་པའི་དུག་།གཞོན་ནུའི་ལུས་ལ་བབ་ཀྱང་རྨས་མི་ནུས། །མི་དབང་བདག་ནི་ཆོས་མཆོག་མཛོད་འདི་དང ། །འཕྲད་ནས་དོན་མ་གྲུབ་པར་འཆི་འགྱུར་ཏེ། །ཞི་བ་མི་འཐོབ་རང་གི་ཉེས་མཐོང་ནས། །དེ་ཡི་སླད་དུ་བདག་ནི་ངུ་བར་བས། །འཇིག་རྟེན་དག་ནི་གང་རྣམས་དུས་སུ་ནི། །སྨྲ་བའི་དམ་པ་མཚུངས་མེད་འདི་ཡི་ཆོས། །ཉན་ཅིང་ཐོས་ནས་རབ་ཞི་མཆོག་འགྲོ་བ། །བདེ་སྐྱིད་བསོད་ནམས་ཅན་དེ་རིམས་ནད་བྲལ། །རྒྱལ་པོ་ཟས་གཙང་གིས་བྱང་ཆུབ་སེམས་དཔས་བདུད་རྩི་འཐོབ་པར་ཐོས་ནས་ཅང་མི་ཟེར་བར་འདུག་གོ་།ལོག་པའི་ལྟ་བས་ཉམས་པ་ནི། ཕལ་ཆེར་རྫུན་སྨྲ་བ་</font><hr>Tha404b<br><font size=+2>


དང ། གཡོ་ཀུན་ཏུ་སྤྱོད་པ་ལ་ཞུགས་པ་ཡན་པས། དྲང་སྲོང་མི་དཀར་བས་སྨྲས་པ། ལྷ། ཁྱོད་ཀྱི་གྲོང་ཁྱེར་ན་གནས་པའི་སྐྱེ་བོའི་ཚོགས་འདི་སྙམ་དུ། ཀྱེ་མ་དྲང་སྲོང་མི་དཀར་བ་རྐང་གིས་སེར་སྐྱའི་བཞིའི་གྲོང་ཁྱེར་དུ་འོངས་ཀྱང་ཅི་མ་རུང་སྙམ་དུ་ཡུན་རིང་པོ་ནས་སྨོན་པས། བདག་སྐྱེ་བོ་ལ་སྙིང་བརྩེ་བའི་ཕྱིར་རྐང་ཁོ་ནས་སེར་སྐྱའི་གཞིའི་གྲོང་ཁྱེར་དུ་འོངས་ཏེ་རྐང་ཁོ་ནས་འབྱུང་གི་།གྲོང་ཁྱེར་མཛེས་པར་བགྱིད་དུ་སྩོལ་ཅིག། རྒྱལ་པོ་ཟས་གཙང་གིས་བློན་པོ་རྣམས་ལ་བསྒོ་བ། ཤེས་ལྡན་དག། དྲང་སྲོང་མི་དཀར་བ་རྐང་གིས་གྲོང་ཁྱེར་ནས་འབྱུང་གི། གྲོང་ཁྱེར་དང་ལམ་མཛེས་པར་བྱེད་དུ་ཆུག་ལ་དྲིལ་བསྒྲགས་ཏེ་འདི་སྐད་དུ། སེར་སྐྱའི་གཞི་ན་གནས་པའི་སྐྱེ་བོའི་ཚོགས་དང ། ཡུལ་སྣ་ཚོགས་ནས་ལྷགས་པ་གཞན་གྱིས་ཀྱང་དྲང་སྲོང་མི་དཀར་བ་གྲོང་ཁྱེར་ནས་འབྱུང་བ་བསུས་ཤིག་ཅེས་ཀྱང་སྒོས་ཤིག། ལྷ། དེ་ལྟར་འཚལ་ལོ། །ཞེས་བློན་པོ་རྣམས་ཀྱིས་སེར་སྐྱའི་གཞིའི་གྲོང་ཁྱེར་རྡོ་དང ། གསེག་མ་དང ། གྱོ་མོ་མེད་པར་བྱས། ཙནྡན་གྱི་ཆུས་ཆག་ཆག་བཏབ། དྲི་ཞིམ་པོའི་ཕོག་ཕོར་བཞག། དར་གྱི་ལྔ་ལྡི་མང་པོ་བྲེས། རྒྱལ་མཚན་དང་བ་དན་བསྒྲེང ། མེ་ཏོག་སྣ་ཚོགས་བཀྲམ་སྟེ་ལྷ་རྣམས་ཀྱི་སྐྱེད་མོས་ཚལ། དགའ་བའི་ཚལ་བས་ཀྱང་ལྷག་པར་དགའ་དགའ་ལྟར་གྲོང་ཁྱེར་མཛེས་པ་དང ། ལམ་མཛེས་པར་བྱས་ནས་དྲིལ་བསྒྲགས་ཏེ་འདི་སྐད་ཅེས། ཤེས་ལྡན་དག་།གྲོང་ཁྱེར་ན་གནས་པ་རྣམས་དང ། ཕོ་བྲང་</font><hr>Tha405a<br><font size=+2>


༄#། །འཁོར་བ་རྣམས་དང ། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཉོན་ཅིག། ལྷས་འདི་སྐད་ཅེས། དྲང་སྲོང་མི་དཀར་བ་སང་རྐང་གིས་སེར་སྐྱའི་གཞིའི་གྲོང་ཁྱེར་ནས་འབྱུང་གི། དེའི་ཕྱིར་ཁྱེད་ཐམས་ཅད་ཀྱིས་དེ་བསུས་ཤིག་ཅེས་བཀའ་སྩལ་ཏེ། ཇི་ཙམ་ནམ་ནངས་པ་དང་དྲང་སྲོང་མི་དཀར་བ་མིའི་མཆོག་སྟོང་ཕྲག་དུ་མས་བཀུར་སྟི་ཆེན་པོས་བསྐྱལ་ནས་རྐང་གིས་སེར་སྐྱའི་གཞིའི་གྲོང་ཁྱེར་ནས་བྱུང་ངོ ། །དེས་རི་ཀི་སྐིན་དར་སོང་ནས་ཡང་བསམ་གཏན་དག་ཀྱང་བསྐྱེད། རྫུ་འཕྲུལ་ཡང་བསྒྲུབས་སོ། །དེའི་ཚེ་རྣམ་པར་སྨིན་པའི་ལས་ཡོངས་སུ་ཟད་པས་ནད་ཀྱིས་ཐེབས་ཏེ་རྩ་བ་དང ། སྡོང་བུ་དང ། མེ་ཏོག་དང ། འདབ་མ་དང ། འབྲས་བུའི་སྨན་རྣམས་ཀྱིས་རིམ་གྲོ་བྱས་ཀྱང་ནད་ཉེ་བར་ཞི་བར་མ་གྱུར་ཏོ། །ན་ལ་དས་དེའི་ལུས་ཀྱི་གནས་སྐབས་ཤེས་ནས་རྐང་པ་ལ་ཕྱག་འཚལ་ཏེ་སྨྲས་པ། མཁན་པོ། གང་ཅུང་ཟད་རབ་ཏུ་བྱུང་བ་དེ་ཐམས་ཅད་ནི། བདུད་རྩི་དོན་དུ་གཉེར་བ་དང ། བདུད་རྩི་ཚོལ་བ་ལགས་ཏེ།་དེའི་སླད་དུ་གལ་ཏེ་ཁྱོད་ཀྱིས་བདུད་རྩི་རྙེད་ན། བདག་ལ་ཡང་བདུད་རྩིའི་བགོ་བཤའ་མཛད་དུ་གསོལ། དེས་སྨྲས་པ། བུ། ང་ཡང་གང་ཅུང་ཟད་རབ་ཏུ་བྱུང་བ་དེ་ཐམས་ཅད་བདུད་རྩི་དོན་དུ་གཉེར་བ་དང ། བདུད་རྩི་ཚོལ་བ་ཡིན་ན། ངས་ཀྱང་བདུད་རྩི་མ་རྙེད་དོ། །འོན་ཀྱང་ཁྱོད་ཤཱཀྱ་རྣམས་ཀྱི་ནང་དུ་གཞོན་ནུ་འཁྲུངས་པ་དེའི་སྤྱན་སྔར་རབ་ཏུ་བྱུང་ལ་རིགས་ཀྱི་རློམ་པ་མ་བྱེད། རུས་</font><hr>Tha405b<br><font size=+2>


ཀྱི་རློམ་པ་མ་བྱེད། བྲམ་ཟེའི་བུའི་རློམ་པ་མ་བྱེད་པར་ང་རྒྱལ་ཆོག་ལ་ཚངས་པ་སྤྱད་པ་སྤྱོད་ཅིག་དང ། དེས་ན། ཁྱོད་བདུད་རྩི་ཐོབ་པར་འགྱུར་རོ། །ཞེས་སྨྲས་ནས། བསགས་པ་ཀུན་གྱི་མཐའ་འཛད་ཅིང ། །མཐོན་པོའི་མཐའ་ནི་བསྙིལ་བར་འགྱུར། །འཕྲད་པའི་མཐའ་ནི་འབྲལ་བ་སྟེ། གསོན་པའི་མཐའ་ནི་འཆི་བ་ཡིན། །ཞེས་བྱ་བས་དུས་ཀྱི་ཆོས་དང་ལྡན་པར་གྱུར་ཏོ། །དེས་དེའི་རུས་བུ་ལ་རུས་བུའི་མཆོད་པ་བྱས་ནས་གྲོང་ཁྱེར་ཝཱ་ར་ཎཱ་སིར་སོང་སྟེ་དྲང་སྲོང་གི་ནང་ན་འདུག་གོ་།དེ་ན་ལ་ད་དང་རུས་མཐུན་པས་དེའི་མིང་དྲང་སྲོང་ན་ལ་ད་ཞེས་བྱ་བར་ཆགས་སོ། །གཞོན་ནུ་རབ་སྣང་མ་མ་བརྒྱད་པོ། པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེན་གྲོགས་ཀྱི་མ་མ་གཉིས་ལ་གཏད་ནས་དེ་མ་མ་བརྒྱད་ཀྱིས་འོ་མ་དང ། ཞོ་དང ། མར་གསར་དང ། མར་དཀར་དང ། མར་གྱི་ཉིང་ཁུ་དང ། གཞན་ཡང་ཡོ་བྱད་ཀྱི་ཁྱད་པར་གཙོ་བོ་གཙོ་བོ་དག་གིས་བསྐྱེད་བསྲིངས་པས། མཚེའུ་ན་འདུག་པའི་པདྨ་བཞིན་དུ་སྐྱེད་དྲག་པར་གྱུར་ཏོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང ། གྲངས་དང ། རྩིས་དང ། ལག་རྩིས་དང ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། ཡུལ་གྱི་དབང་ཕྱུག་ལ་གནས་པའི་མཐུ་ཐོབ་པ། ས་ཆེན་པོའི་དཀྱིལ་འཁོར་རྣལ་དུ་ཕབ་སྟེ་གནས་པ་རྣམས་ཀྱི་བཟོའི་གནས་དང ། ལས་ཀྱི་གནས་ཐ་དད་པ་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་</font><hr>Tha406a<br><font size=+2>


༄#། །ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དཔྱད་དང ། ཕྱིར་སྣུར་བ་དང ། མདུན་དུ་སྣུར་བ་དང ། ལྕགས་ཀྱུས་སྒྱུར་ཐབས་དང ། ཞགས་པས་གདབ་པ་དང ། མདའ་བོ་ཆེ་འཕེན་པ་དང ། གཅད་པ་དང ། དྲལ་བ་དང ། འཛིན་སྟངས་དང ། གོམ་སྟབས་དང ། ཐོར་ཚུགས་དང ། རྒྱང་ནས་ཕོག་པ་དང ། སྒྲ་གྲག་པར་ཕོག་པ་དང ། གནད་དུ་ཕོག་པ་དང ། མི་འཆོར་བར་ཕོག་པ་དང ། ཚབས་ཆེན་པོ་དེ་དག་ལ་མཁས་པར་གྱུར་ཏེ། གནས་ལྔ་ལ་ཡང་བྱང་བར་གྱུར་ཏོ། །གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་གཞོན་ནུའི་རོལ་པ་ལ་རོལ་པ་དེའི་ཚེ་གཞོན་ནུ་རབ་སྣང་ཡང་གཞོན་ནུའི་རྩེ་བ་ལ་རྩེའོ། །གང་གི་ཚེ་བྱང་ཆུབ་སེམས་དཔའ་རྒྱལ་ཚབ་ཏུ་དབང་བསྐུར་བ་དེའི་ཚེ་གཞོན་ནུ་རབ་སྣང་ཡང་རྒྱལ་ཚབ་ཏུ་དབང་བསྐུར་ཏོ། །གང་གི་ཚེ་བྱང་ཆུབ་སེམས་དཔའ་རྒན་པོ་དང་ནད་པ་དང་ཤི་བ་གཟིགས་ནས་སྐྱོ་སྟེ་ས་འཚོ་མ་དང ། རི་དྭགས་སྐྱེས་དང ། གྲགས་འཛིན་མ་ལ་སོགས་པ་བུད་མེད་དྲུག་ཁྲི་སྤངས་ནས་ནམ་གྱི་གུང་ལ་དཀའ་ཐུབ་ཀྱི་ནགས་སུ་གནས་ཏེ་གོང་མ་དང་འོག་མའི་རྣམ་པ་ལས་གྲོལ་བའི་དྲང་སྲོང་རྣམས་ཀྱི་ཐད་ནས་འདོད་པའི་ཁམས་ལས་འདོད་ཆགས་དང་བྲལ་བ་དང ། གཟུགས་ཀྱི་ཁམས་ལས་འདོད་ཆགས་དང་བྲལ་བ་ནས་རངས་བྱེད་ཀྱི་བུ་ལྷག་སྤྱོད་ཀྱི་ཐད་ནས་གཟུགས་མེད་པའི་ཁམས། ཅི་ཡང་མེད་པའི་སྐྱེ་མཆེད་ཀྱི་བར་ལས་</font><hr>Tha406b<br><font size=+2>


འདོད་ཆགས་དང་བྲལ་བར་བྱས་ཏེ་ལུང་འབོག་པ་མེད་པའི་ཕྱིར་དཀའ་བ་སྤྱད་པ་རུང་ངོ ། །སྙམ་ནས་ལོ་དྲུག་ཏུ་དཀའ་བ་སྤྱད་ན། ཁྱད་པར་རྟོགས་པ་ཐོབ་པར་མ་གྱུར་ཏེ། དབུགས་ཀྱང་ཅི་བདེར་རྔུབས་ཤིང ། ཅི་བདེར་ཕྱུང ། ཞལ་ཟས་རགས་པ་འབྲས་ཆན་དང ། ཟན་དྲོན་ཡང་གསོལ། མར་དཀར་དང་ཏིལ་མར་གྱིས་ཀྱང་སྐུ་བྱུགས། ཆུ་གྲང་དྲོ་རན་པས་ཀྱང་སྐུ་ཁྲུས་མཛད་ནས་སྡེ་གྲོང་ཞེས་བྱ་བའི་གྲོང་དུ་གཤེགས་ནས་བུ་མོ་དགའ་མོ་དང ། དགའ་སྟོབས་ལས་འོ་ཐུག་སྦྲང་རྩི་ཅན་ལན་བཅུ་དྲུག་ཏུ་ཉིང་ཁུར་བྱས་པ་བཞེས་ཏེ་གསོལ་ནས་ཀླུའི་རྒྱལ་པོ་ནག་པོས་བསྟོད་ཅིང ། རྩཝ་ཚོང་བཀྲ་ཤིས་ལས་རྩཝ་དག་བཞེས་ནས་བྱང་ཆུབ་ཀྱི་ཤིང་དྲུང་ག་ལ་བ་དེར་གཤེགས་ཏེ་བྱོན་ནས་ཉིད་ཀྱིས་རྩཝ་མ་འཁྲུགས་མ་འཛིངས་པར་བཏིང་སྟེ་བཞུགས་ནས་སྐྱིལ་མོ་ཀྲུང་བཅས་ཏེ་སྐུ་དྲང་པོར་བསྲང ། དགོངས་པ་མངོན་དུ་བཞག་ནས་ཇི་སྲིད་ཟག་པ་ཟད་པ་མ་ཐོབ་པ་དེ་སྲིད་ཀྱི་བར་དུ་སྐྱིལ་མོ་ཀྲུང་མི་གཞིག་གོ་།སྙམ་དུ་ཐུགས་བསྐྱེད་ཅིང་ཚིག་ཏུ་ཡང་གསུངས་ཏེ། དེས་ཇི་སྲིད་དུ་ཟག་པ་ཟད་པ་མ་བརྙེས་པ་དེ་སྲིད་དུ་སྐྱིལ་མོ་ཀྲུང་མ་བཤིག་གོ་།གང་གི་ཚེ་བཅོམ་ལྡན་འདས་ཀྱིས་བདུད་འབྱུང་པོ་དཀྲིགས་ཕྲག་དྲུག་ཅུའི་འཁོར་ཅན་བྱམས་པའི་མཚོན་གྱིས་ཕམ་པར་མཛད་ནས་བླ་ན་མེད་པའི་ཡེ་ཤེས་བརྙེས་ཏེ་ཚངས་པས་བསྐུལ་ནས་ཡུལ་ཝཱ་ར་ཎཱ་སིར་གཤེགས་ཏེ་ལན་གསུམ་དུ་བཟླས་ཏེ་རྣམ་པ་བཅུ་གཉིས་པའི་ཆོས་ཀྱི་འཁོར་ལོ་ཆོས་དང་</font><hr>Tha407a<br><font size=+2>


༄#། །མཐུན་པ་བསྐོར་བ་དེའི་ཚེ་གཞོན་ནུ་རབ་སྣང་ཡང་རྒྱལ་པོ་ཆེན་པོར་དབང་བསྐུར་བས་དབང་བསྐུར་རོ། །དེ་ན་ཡུལ་འཕགས་རྒྱལ་ན་རྒྱལ་པོ་རབ་སྣང་ཞེས་བྱ་བ། ཆོས་ཀྱི་རྒྱལ་པོ། རྒྱལ་སྲིད་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་མང་པོ་དང་མིས་གང་བ། འཐབ་པ་དང ། རྩོད་པ་དང ། འཁྲུག་པ་དང ། འཁྲུག་ལོང་རབ་ཏུ་ཞི་བ།་ཆོམ་རྐུན་དང ། ནད་མེད་པ། སཱ་ལུ་དང ། བུ་རམ་ཤིང་དང ། མ་ཧེ་ཕུན་སུམ་ཚོགས་པ། ཆོས་དང་མཐུན་པས་བྱེད་དུ་འཇུག་སྟེ། དེའི་མཐུས་རྟག་ཏུ་དགའ་སྟོན་གྱིས་རབ་ཏུ་དགའོ། ། གྲོང་ཁྱེར་འཕགས་རྒྱལ་དེ་ན་དབང་པོ་ལྔ་དང ། ཉེ་དབང་ལྔ་ཡོད་དོ། །རྫིང་བུ་ལྔ་བརྒྱ་ལས་ཝ་ནས་འབབ་པའི་ཆུ་ལྔ་བརྒྱ་རྒྱལ་པོའི་ཕོ་བྲང་གྲོང་ཁྱེར་མཛེས་པ་ཞེས་བྱ་བ་དེ་ཉིད་དུ་འབབ་བོ། །རྒྱལ་པོ་རབ་སྣང་ཡན་ལག་མཆོག་ལྔ་པོ། གླང་པོ་ཆེ་འདམ་བུའི་རི་དང ། གླང་པོ་ཆེ་མོ་བཟང་ལྡན་དང ། རྔ་མོ་རྒྱ་མཚོའི་རྐང་དང ། རྟ་གོས་མགྲིན་དང ། འཕར་མ་པ་ཁཝ་ཞེས་བྱ་བ་ཡོད་དེ། དེ་དག་ལས་འདམ་བུའི་རིས་ནི། ཉིན་ཞག་གཅིག་ལ་དཔག་ཚད་བརྒྱ་ཆོད་དོ། །བཟང་ལྡན་གྱིས་ནི། དཔག་ཚད་བརྒྱད་ཅུའོ། །རྒྱ་མཚོའི་རྐང་གིས་ནི། དཔག་ཚད་བདུན་ཅུའོ། ། རྟ་གོས་མགྲིན་གྱིས་ནི། དཔག་ཚད་ལྔ་བཅུའོ། །ཁཝས་ནི། དཔག་ཚད་ཉི་ཤུའོ། །དེ་དེ་ལྟར་འབྱོར་བ་ཕུན་སུམ་ཚོགས་པ་དེ། ཁམས་མ་མཉམ་པས། ནད་གཉིད་མེད་པ་ཞེས་བྱ་བས་</font><hr>Tha407b<br><font size=+2>


ཐེབས་སོ། །རྒྱལ་པོ་དེ་ནི། མར་ལ་སྡང་ཞིང་ཆང་ལ་དགའ་བ་ཞིག་སྟེ། དེ་ལ་སྨན་པ་རྣམས་ཀྱིས་རྫས་ཀྱི་ཚོགས་རྣམས་ཀྱི་ཁྱད་པར་སྣ་ཚོགས་དང་སྦྱར་བའི་མར་བླུད་ན། དེ་འཐུང་དུ་མ་ཐུབ་བོ། །དེ་ལ་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་རྣམས་ཀྱིས་མར་བླུད་པར་བྱས་ན། མར་ལ་ཇེ་ཁྲོ་བར་རྩོམ་ཞིང་གང་ཞིག་མར་གྱི་མིང་བྱིན་པ་དེའི་མགོ་དྲུངས་ནས་བཅད་ནས་ས་ལ་འདོར་བར་བྱེད་དོ། །དེ་གཉིད་མེད་པས་ནམ་གྱི་ཐུན་དང་པོ་ལ་ནི། བཙུན་མོའི་འཁོར་དང་ལྷན་ཅིག་དགའ་བའི་རྩེད་མོ་ཉམས་སུ་མྱོང་བར་བྱེད་དོ། །གཉིས་པ་ལ་ནི། གླང་པོ་ཆེ་དང ། རྟ་དག་ལ་ལྟའོ། །གསུམ་པ་ལ་ནི། འབངས་མེལ་ཚེ་བ་རྣམས་ལ་དེ་ལྟར་མེལ་ཚེ་སུ་བྱེད་མེལ་ཚེ་སུ་བྱེད་ཅེས་འདྲི་ཞིང ། དེ་གང་ཞིག་ཚིག་དང་པོ་ལ་ནི། ལན་མི་གློན་པ་དེ་ལ་ཡང་བཟོད་དོ། ། གཉིས་པ་ལ་ལན་མི་གློན་པ་དེ་ལ་ཡང་བཟོད་དོ། །གང་ཞིག་གསུམ་པ་ལ་ལན་མི་ལོན་པ་དེའི་ནི། མགོ་དྲུངས་ནས་བཅད་ནས་ས་ལ་འདོར་བར་བྱེད་པས། དེའི་མིང་རྒྱལ་པོ་རབ་སྣང ། རྒྱལ་པོ་རབ་སྣང་ཞེས་བྱ་བ་གང་ཡིན་པ་དེ་ནུབ་ནས་མིང་གཏུམ་པོ་རབ་སྣང ། གཏུམ་པོ་རབ་སྣང་ཞེས་བྱ་བར་ཆགས་སོ། །དེས་དུས་གཞན་ཞིག་ན་བཙུན་མོའི་འཁོར་རྣམས་ལ་སྨྲས་པ། བུད་མེད་དག ། ང་ནི། མེལ་ཚེ་བྱེད་ན་ཁྱེད་ཅིའི་ཕྱིར་མེལ་ཚེ་མི་བྱེད། དེ་དག་གིས་སྨྲས་པ། ལྷ། བདག་ཅག་ཀྱང་ཞུགས་ཚེ་བགྱིད་དོ། །དེ་དག་གིས་མེལ་ཚེ་ཅུང་ཟད་ཅིག་བྱས་ནས་སྨྲས་པ། ལྷ། གལ་ཏེ་</font><hr>Tha408a<br><font size=+2>


༄#། །བདག་ཅག་གིས་རྟག་ཏུ་ཞུགས་ཚེ་བགྱི་ན། ལྷའི་ཐུགས་སྲུང་བར་བགྱི་བའི་རྔོ་མི་ཐོགས་ཀྱི་སྟེང་དུ་འདི་ནི། བདག་ཅག་གི་སུག་ལས་མ་ལགས་སོ། །དེས་སྨྲས་པ། གལ་ཏེ་འདི་ཁྱེད་ཀྱི་ལས་མ་ཡིན་ན། འོ་ན་འདི་སུའི་ལས་ཡིན། དེ་དག་གིས་སྨྲས་པ། ལྷ། གཞོན་ནུ་རྣམས་ཀྱི་ལགས་སོ། །དེས་དེ་དག་བཏང་ནས་གཞོན་ནུ་རྣམས་ཀྱི་དྲུང་དུ་སོང་སྟེ་སྨྲས་པ། གཞོན་ནུ་དག་།ང་ཡང་མེལ་ཚེ་བྱེད་ན། ཁྱེད་ཅིའི་ཕྱིར་མེལ་ཚེ་མི་བྱེད། དེ་དག་གིས་སྨྲས་པ། ལྷ། བདག་ཅག་ཀྱང་ཞུགས་ཚེ་བགྱིད་དོ། །དེ་དག་གིས་ཀྱང་མེལ་ཚེ་ཅུང་ཟད་ཅིག་བྱས་ནས་སྨྲས་པ། ལྷ། གལ་ཏེ་བདག་ཅག་གིས་རྟག་ཏུ་ཞུགས་ཚེ་བགྱིས་ན། རྒྱལ་པོའི་བྱ་བ་གང་དག་ལགས་པ་ཞེས་བྱ་བ་ནས་གནས་ལྔ་ལ་ཞེས་བྱ་བའི་བར་སྔ་མ་བཞིན་ཏེ། བྱང་བར་བགྱི་བའི་རྔོ་མི་ཐོགས་ཀྱི་སྟེང་དུ་འདི་ནི། བདག་ཅག་གི་སུག་ལས་མ་ལགས་སོ། །དེས་སྨྲས་པ། གལ་ཏེ་འདི་ཁྱེད་ཀྱི་ལས་མ་ཡིན་ན། འོ་ན་འདི་སུའི་ལས་ཡིན། དེ་དག་གིས་སྨྲས་པ། ལྷ། བློན་པོ་རྣམས་ཀྱི་ལགས་སོ། ། དེས་དེ་དག་བཏང་ནས་བློན་པོ་རྣམས་ལ་སྨྲས་པ། ཤེས་ལྡན་དག་།ང་ཡང་མེལ་ཚེ་བྱེད་ན། ཁྱེད་ཅིའི་ཕྱིར་མེལ་ཚེ་མི་བྱེད། དེ་དག་གིས་སྨྲས་པ། ལྷ། བདག་ཅག་ཀྱང་ཞུགས་ཚེ་བགྱིད་དོ། ། དེ་དག་གིས་ཀྱང་མེལ་ཚེ་ཅུང་ཟད་ཅིག་བྱས་ནས་སྨྲས་པ། ལྷ། གལ་ཏེ་བདག་གིས་རྟག་ཏུ་ཞུགས་ཚེ་བགྱི་ན། ཆོས་དང་མཐུན་པར་རྒྱལ་སྲིད་བགྱི་པའི་རྔོ་མི་ཐོགས་པའི་སྟེང་དུ་འདི་ནི། བདག་</font><hr>Tha408b<br><font size=+2>


ཅག་གི་སུག་ལས་མ་ལགས་སོ། །དེས་སྨྲས་པ། གལ་ཏེ་འདི་ཁྱེད་ཀྱི་ལས་མ་ཡིན་ན། འོ་ན་འདི་སུའི་ལས་ཡིན། དེ་དག་གིས་སྨྲས་པ། ལྷ། ཁྲོམ་གྱི་རུའི་ལགས་སོ། །དེས་དེ་དག་བཏང་ནས་ཁྲོམ་གྱི་རུའི་དྲུང་དུ་སོང་སྟེ་སྨྲས་པ། ཤེས་ལྡན་དག་།ང་ཡང་མེལ་ཚེ་བྱེད་ན། ཁྱེད་ཅིའི་ཕྱིར་མེལ་ཚེ་མི་བྱེད། ཁྲོམ་གྱི་རུས་སྨྲས་པ། བདག་ཅག་ཀྱང་ཞུགས་ཚེ་བགྱིད་དོ། །དེ་དག་གིས་ཀྱང་མེལ་ཚེ་ཅུང་ཟད་ཅིག་བྱས་ནས་སྨྲས་པ། ལྷ། བདག་ཅག་གིས་རྟག་ཏུ་ཞུགས་ཚེ་བགྱི་ན། ལྷ་ལ་རྒོལ་བ་རྣམས་དང ། ཕྱིར་རྒོལ་བ་རྣམས་དང་ལྷན་ཅིག་གཡུལ་སྤྲད་པའི་རྔོ་མི་ཐོགས་པའི་སྟེང་དུ་འདི་ནི། བདག་ཅག་གི་སུག་ལས་མ་ལགས་སོ། །དེས་སྨྲས་པ། འདི་ཁྱེད་ཀྱི་ལས་མ་ཡིན་ན། འོ་ན་འདི་སུའི་ལས་ཡིན། དེ་དག་གིས་སྨྲས་པ། ལྷ། གྲོང་མི་དང ། ཡུལ་མི་རྣམས་ཀྱི་ལགས་སོ། །དེས་དེ་དག་བཏང་ནས་གྲོང་མི་དང ། ཡུལ་མི་རྣམས་ཀྱི་དྲུང་དུ་སོང་སྟེ་སྨྲས་པ། ཤེས་ལྡན་དག་།ང་ཡང་མེལ་ཚེ་བྱེད་ན། ཁྱེད་ཅིའི་ཕྱིར་མེལ་ཚེ་མི་བྱེད། དེ་དག་གིས་སྨྲས་པ། ལྷ། བདག་ཅག་ཀྱང་ཞུགས་ཚེ་བགྱིད་དོ། །དེས་དེ་དག་རྟག་ཏུ་མེལ་ཚེ་བྱེད་པར་བགོས་ནས་དེ་དག་རེས་སུ་བཅད་དེ་མེལ་ཚེ་བྱ་བར་བརྩམས་སོ། །ཇི་ཙམ་ན་སྤོས་འཚོང་གི་ཁྱེའུ་ཞིག་ལ་རེས་བབ་པ་དང ། དེ་རྒྱལ་པོ་དེ་དག་གཏུམ་པས་གསད་དུ་དེགས་ཏེ། ཡིད་མི་དགའ་ཞིང་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་པ་དང ། དེ་སེམས་ཁོང་དུ་ཆུད་པ་གྲོགས་པོ་ཞིག་གིས་མཐོང་ནས་སྨྲས་</font><hr>Tha409a<br><font size=+2>


༄#། །པ། གྲོགས་པོ། ཅི་སྟེ་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་།དེས་ཇི་ལྟར་གྱུར་པ་བསྙད་པ་དང ། དེའི་ཁྱིམ་དྲུང་ན་ས་འཛིན་པ་ཞིག་ཡོད་དེ།་དེས་དེ་ལ་སྨྲས་པ། གྲོགས་པོ། ཁྱོད་ཀྱི་ཁྱིམ་དྲུང་ན་ས་འཛིན་པ་ཞིག་ཡོད་ན། ཅིའི་ཕྱིར་དེ་ལ་མི་འཆོལ། དེས་སྨྲས་པ། གྲོགས་པོ། ཇི་ལྟར་ཁོ་བོའི་སྲོག་ཕངས་པ་ལྟར། དེའི་ཡང་དེ་དང་འདྲ་ན། དེ་ཅིའི་ཕྱིར་ཁོ་བོས་བཅོལ་བར་བྱེད། དེས་སྨྲས་པ། གྲོགས་པོ། དེ་ལ་ཀཪྴ་པ་ཎ་དག་བྱིན་དང ། གདོན་མི་ཟ་བར་མེལ་ཚེ་བྱེད་དོ། །དེས་དེ་ལ་བཅོལ་བ་དང ། དེས་སྨྲས་པ། ཀཪྴ་པ་ཎ་ལྔ་བརྒྱ་བྱིན་ཅིག་དང་མེལ་ཚེ་བྱའོ། །དེས་སྦྱིན་ནོ། །ཞེས་དམ་བཅས་པ་དང ། དེས་སྨྲས་པ། རེ་ཞིག་ཉིས་བརྒྱ་ལྔ་བཅུ་ཞིག་བྱིན་ཅིག་།ལྷག་མ་ནི། གལ་ཏེ་ཁོ་བོ་གསོན་པོར་སླར་འཁོར་ན།་བྱིན་ཅིག་།ཅི་སྟེ་མ་ཡིན་ན། ཁྱོད་ཉིད་ཀྱི་ཡིན་གྱི། ཅི་བདེར་གྱིས་ཤིག་།དེས་སྨྲས་པ། ལེགས་ཏ། དེ་བཞིན་བྱའོ། །ཞེས་དེས་དེ་ལ་ཀཪྴ་པ་ཎ་ཉིས་བརྒྱ་ལྔ་བཅུ་བྱིན་པ་དང ། དེས་དེ་དག་བླངས་ནས་སྲང་དུ་སོང་སྟེ། དེས་དེ་ལ་ཤ་དང ། ཆང་དང ། ཁུར་བ་མང་དུ་ཉོས་སོ། །དེ་ནས་རྒྱལ་པོ་གཏུམ་པོ་རབ་སྣང་གི་ནང་མི་ཐམས་ཅད་མགྲོན་དུ་བོས་ཏ་ཟན་བྱིན། ཆང་ཡང་ཅི་འདོད་པ་བླུད་ནས་སྨྲས་པ། ཤེས་ལྡན་དག་།ཁོ་བོ་ལ་མེལ་ཚེའི་རེས་བབ་ན། རྒྱལ་པོ་འདིའི་སྤྱོད་པ་ཅི་འདྲ་བ་སྨོས་ཤིག་།དེ་དག་གིས་དེ་ལ་ཇི་ལྟ་བུ་ཡིན་པ་ཐམས་ཅད་བསྙད་པ་དང ། དེས་</font><hr>Tha409b<br><font size=+2>


སྨྲས་པ། ཤེས་ལྡན་དག་།ཁོ་བོས་ཅུང་ཟད་བྱས་པ་དྲན་པར་གྱིས་ཤིག་།དེ་དག་གིས་སྨྲས་པ། ས་འཛིན་པ། ད་དུང་ཁྱོད་ཀྱིས་ཟན་བྱིན་པ་དང ། སྐོམ་བླུད་པ་ཡང་མ་ཞུ་ན། ཅི་སྟེ་མི་དྲན། ཅི་བྱ་བ་སྨྲོས་ཤིག་།དེས་སྨྲས་པ། གལ་ཏེ་མ་སྟེས་ཏེ་ཁོ་བོ་ཉལ་བ་ལ་རྒྱལ་པོས་མེལ་ཚེ་པ་དག་བྱུང་ན། ཁྱེད་ཀྱིས་ཁོ་བོ་སློངས་ཤིག་།དེ་དག་གིས་སྨྲས་པ། ལེགས་ཏེ། དེ་བཞིན་དུ་བྱའོ། །དེ་ལ་བས་སྨད་དཀྲིས་ནས་མེལ་ཚེ་བྱེད་པ་ན་ཐལ་བྱུང་གཉིད་ཀྱིས་ལོག་གོ་།ཇི་ཙམ་ན་རྒྱལ་པོ་དེ་ཁོ་ན་བཞིན་དུ་ཐུན་དང་པོ་ལ་བཙུན་མོའི་འཁོར་དང་ལྷན་ཅིག་རྩེས། དགའ་བར་བྱས། དགའ་མགུར་སྤྱད་དེ།་ཐུན་བར་མ་ལ་གླང་པོ་ཆེ་དང ། རྟ་དག་ལ་བལྟས་ནས་ཐུན་ཐ་མ་ལ་མེལ་ཚེ་བ་རྣམས་ལ་བརྟག་པར་བརྩམས་ན། དེ་དག་གིས་ས་འཛིན་པ་དེ་ལ། ས་འཛིན་པ། ལྷ་གཤེགས་ཀྱི། ལོངས་ཤིག ། ཅེས་བསླང་བ་དང ། དེ་མྱུར་བ་མྱུར་བ་ཁོ་ནར་ལངས་ནས་དེ་བཞིན་དུ་ལ་བས་སྨད་དཀྲིས་ཏེ་འདུག་གོ་།རྒྱལ་པོས་སུ་མེལ་ཚེ་བྱེད་ཅེས་སྒྲ་ཕྱུང་བ་དང ། ས་འཛིན་པས་བསམ་པ། གལ་ཏེ་ཚིག་དང་པོ་ཁོ་ནའི་ལེན་གླན་ཏེ། ཕྱིས་ལན་མ་གླན་དང ། རྒྱལ་པོ་འདིས་གདོན་མི་ཟ་བར་བདག་གི་མགོ་དྲུང་ནས་བཅད་དེ་ས་ལ་འདོར་རོ། །སྙམ་དུ་རིག་ནས། ཅང་མི་ཟེར་བར་འདུག་གོ་།ལན་གཉིས་ཀྱི་བར་དུ་རྒྱལ་པོས་སུ་མེལ་ཚེ་བྱེད་སྒྲ་ཕྱུང་ན་ཡང་དེ་བཞིན་ཅང་མི་ཟེར་བར་འདུག་གོ་།ལན་གསུམ་དུ་རྒྱལ་པོ་སུ་མེལ་ཚེ་བྱེད་ཅེས་སྒྲ་ཕྱུང་བ་དང ། དེས་སྨྲས་པ། ས་འཛིན་པ་བདག་གོ་།རྒྱལ་</font><hr>Tha410a<br><font size=+2>


༄#། །པོས་སྨྲས་པ། ས་འཛིན་པ། ཅི་སེམས། དེ་སེམས་ངན་ལ་འཇིག་རྟེན་གྱི་སྒྲུང་གཏམ་ལ་ཡང་མཁས་པ་ཞིག་པས། དེས་སྨྲས་པ། འཇིག་རྟེན་གྱི་བསམ་པ་སེམས་ལགས་སོ། །བར་སྡོམ་ནི། འུག་པ་ཁྲུང་ཁྲུང་མུན་ཛ་དང ། །ནག་མོ་སྲེག་པ་བུམ་པ་དང ། །ལན་ཚཝ་ཕྱེ་དང་ཤི་བ་དང ། །དོང་ཐགས་རྫ་མ་སྡིག་པའོ། །ས་འཛིན་པ་འཇིག་རྟེན་གྱི་བསམ་པ་ཇི་ལྟ་བུ་ཞིག་སེམས། ལྷ། སྲོག་ཆགས་འུག་པ་སྒྲོ་དང་བཅས་པ་དང ། སྒྲོ་མ་མཆིས་པ་སྲང་ལ་གཞལ་ན། མཉམ་པ་ཁོ་ནར་འགྱུར་ཏེ། དེ་ངོ་མཚར་ཆེ་ལགས་སོ། །ས་འཛིན་པ། ཅི། དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་འུག་པ་ཞིག་ཁྱེར་ཏེ་འོངས་ནས། དེ་རྒྱལ་པོའི་མདུན་དུ་སྒྲོ་དང་བཅས་ཏེ་བཅལ་ནས་ཡང་སྒྲོ་བཏོགས་ཏེ་བཅལ་ན།་དེ་ཁོ་ན་དང་མཉམ་མོ། །རྒྱལ་པོས་སྨྲས་པ། ས་འཛིན་པ། འདི་ལ་རྒྱུ་ཅི་ཞིག་ཡོད། དེས་སྨྲས་པ། ལྷ། འདིའི་སྒྲོ་དག་གིས་རླུང་འཛིན་པའི་སླད་དུའོ། །རྒྱལ་པོས་སྨྲས་པ། ས་འཛིན་པ། ཁྱོད་ནི། མཁས་པ་ཞིག་གོ་།དེས། ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ་།ས་འཛིན་པ་ནམ་ངོ་མ་ལངས་ཏེ་ལངས་ནས་མགོ་ལ་བྱུགས་ཏེ་རྒྱལ་པོའི་ཕོ་བྲང་ནས་བྱུང་བ་དང ། སྤོས་འཚོང་གི་ཁྱེའུ་དེས་ཀཪྴ་པ་ཎ་ཉིས་བརྒྱ་ལྔ་བཅུ་པོ་དེ་དག་ཀྱང་དེ་ལ་བྱིན་ནོ། །ཡུལ་འཕགས་རྒྱལ་ན་གང་དང་གང་ལ་རེས་བབ་པ་དེས་</font><hr>Tha410b<br><font size=+2>


ཀཪྴ་པ་ཎ་ལྔ་བརྒྱས་དེ་གླས་ཏེ་གཏོང་གཏོང་བས་དེ་རྟག་ཏུ་མེལ་ཚེ་ཁོ་ན་བྱེད་པར་གྱུར་ཏེ། ཡང་རྒྱལ་པོས་དེ་ཁོ་ན་བཞིན་དུ་སུ་མེལ་ཚེ་བྱེད་ཅེས་སྨྲས་པ། དེས་སྔ་མའི་ཚུལ་དུ་སྨྲས་པ། ལྷ། བདག་ཞུགས་ཚེ་བགྱིད་དོ། །རྒྱལ་པོས་དེ་ཁོ་ན་བཞིན་དུ་ས་འཛིན་པ། ཅི་སེམས་ཞེས་སྨྲས་པ་དང ། དེས་སྨྲས་པ། ལྷ། འཇིག་རྟེན་པའི་བསམ་པ་སེམས་ལགས་སོ། །རྒྱལ་པོས་སྨྲས་པ། ས་འཛིན་པ།་འཇིག་རྟེན་གྱི་བསམ་པ་ཇི་ལྟ་བུ་ཞིག་སེམས། ལྷ། ཁྲུང་ཁྲུང་ཞེས་བྱ་བའི་བྱ་དེ་དག་ལ་འོ་མ་དང་ཆུ་བསྲེས་ཏེ་སྩལ་ན། དེ་དག་འོ་མ་ནི། འཚལ། ཆབ་ནི། འདོར་རོ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་ཁྲུང་ཁྲུང་ཞིག་ཁྱེར་ཏེ་འོངས་ནས་དེ་རྒྱལ་པོའི་དྲུང་དུ་འོ་མ་དང་ཆུ་བསྲེས་ཏེ་བླུད་པ་དང ། དེས་འོ་མ་ནི།་འཐུངས། ཆུ་ནི། བོར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་བཞི་པ། རྒྱལ་པོས་སྨྲས་པ། ས་འཛིན་པ། འདི་ལ་རྒྱུ་ཅི་ཞིག་ཡོད། དེས་སྨྲས་པ། ལྷ།་འདིའི་མཆུ་ལ་སྐྱུར་མཆིས་ཏེ། དེས་ན། དེ་འཚལ་བའི་འོ་མ་ཞོར་གྱུར་བའི་སླད་དུའོ། །རྒྱལ་པོས་སྨྲས་པ། ས་འཛིན་པ། ཁྱོད་ནི། མཁས་པ་ཞིག་གོ། དེས། ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ་།ཡང་རྒྱལ་པོས་དེ་བཞིན་དུ་སུ་མེལ་ཚེ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། བདག་ཞུགས་ཚེ་བགྱིད་དོ། །རྒྱལ་</font><hr>Tha411a<br><font size=+2>


༄#། །པོས་སྨྲས་པ། ས་འཛིན་པ། ཅི་སེམས། དེས་སྨྲས་པ། ལྷ། འཇིག་རྟེན་པའི་བསམ་པ་སེམས་ལགས་སོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག་སེམས།་ལྷ། རྩཝ་མུན་ཛ་ཐོ་བས་བརྡུངས་པ་དང ། མ་བརྡུངས་པ་སྲང་ལ་བཅལ་ན། མཉམ་པ་ཁོ་ནར་འགྱུར་ལགས་སོ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ།། ས་འཛིན་པ། ལེགས་སོ། །དེས་ཕྱི་དེ་ཉིན་རྩཝ་མུན་ཛ་ཁྱེར་ཏེ་འོངས་ནས་རྒྱལ་པོའི་མདུན་དུ་ཇི་ལྟར་བསྟན་པ་བཞིན་བྱས་ན། ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ།་འདི་ལ་རྒྱུ་ཅི་ཞིག་ཡོད། ལྷ། ཐོ་བས་བརྡུངས་བས། རླུང་བསྡུས་པའི་སླད་དུའོ། །ས་འཛིན་པ། ཁྱོད་ནི། མཁས་པ་ཞིག་གོ་།དེས། ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང།་རྒྱལ་པོ་ཅང་མི་ཟེར་བར་འདུག་གོ་།ཡང་རྒྱལ་པོས་དེ་བཞིན་དུ་སུ་མེལ་ཚེ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་བདག་གོ་།རྒྱལ་པོས་སྨྲས་པ། ས་འཛིན་པ། ཅི་སེམས། ལྷ། འཇིག་རྟེན་པའི་བསམ་པ་སེམས་ལགས་སོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག་སེམས། ལྷ། ཤིང་སྤྲ་མགོ་ནག་མོ་ཞེས་བྱ་བ་དེའི་ལུས་ཇི་ཙམ་པ་མཇུག་མ་ཡང་དེ་ཙམ་མོ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་སྤྲ་མགོ་ནག་མོ་ཞིག་</font><hr>Tha411b<br><font size=+2>


ཁྱེར་ཏེ་འོངས་ནས་རྒྱལ་པོའི་མདུན་དུ་ཇི་ལྟ་བ་བཞིན་དུ་བསྟན་ན། ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ། ཁྱོད་ཀྱིས་ཇི་ལྟར་ཤེས། ལྷ། བདག་གིས་སོ་གའི་དུས་ན་འདི་འཇུག་པའི་ཚེ་མཇུག་མས་མགོར་སླེབ་བ་མཐོང་ལགས་སོ། །ས་འཛིན་པ། ཁྱོད་ནི། མཁས་པ་ཞིག་གོ་།ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ ། ཡང་རྒྱལ་པོས་སུ་མེལ་ཚེ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་བདག་གོ་།རྒྱལ་པོས་སྨྲས་པ། ས་འཛིན་པ། ཅི་སེམས། ལྷ། འཇིག་རྟེན་པའི་བསམ་པའོ། །ས་འཛིན་པ།་འཇིག་རྟེན་པའི་བསམ་པ་ཇི་ལྟ་བུ་ཞིག་།ལྷ། སྲེག་པའི་གཤོག་པ་བཀྲ་བ་ཇི་སྙེད་པ་མི་བཀྲ་བ་ཡང་དེ་ཁོ་ན་ཉིད་མཆིས་སོ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་རྒྱལ་པོའི་མངོན་སུམ་དུ་བྱས་ན། དེ་ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ། ཁྱེད་ཀྱིས་ཇི་ལྟར་ཤེས། ལྷ། སྔོན་བདག་གིས་བགྲངས་ལགས་སོ། །ས་འཛིན་པ། ཁྱོད་ནི། མཁས་པ་ཞིག་གོ་།ལྷའི་དཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ་།རྒྱལ་པོས་ཡང་དེ་བཞིན་དུ་སུ་མེལ་ཚེ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་བདག་གོ་།རྒྱལ་པོས་སྨྲས་པ། ཅི་སེམས། ལྷ། འཇིག་རྟེན་པའི་བསམ་པའོ། །ས་འཛིན་པ། འཇིག་རྟེན་</font><hr>Tha412a<br><font size=+2>


༄#། །པའི་བསམ་པ་ཇི་ལྟ་བུ་ཞིག་།ལྷ། བྱེ་མ་བུམ་པ་གང་གི་ནང་དུ་ཆབ་བུམ་པ་གང་བླུགས་ན། ཆབ་དེ་ཐམས་ཅད་དེའི་ནང་དུ་ཤོང་ངོ ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་མངོན་སུམ་དུ་བྱས་ན། ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ། ཁྱོད་ཀྱིས་ཇི་ལྟར་ཤེས། ལྷ། བྱེ་མ་ཆུ་ལས་བྱུང་བའི་སླད་དུའོ། །ས་འཛིན་པ། ཁྱོད་ནི། མཁས་པ་ཞིག་གོ་།ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ་།ཡང་རྒྱལ་པོས་དེ་བཞིན་དུ་སུ་མེལ་ཚེ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་བདག་གོ་།རྒྱལ་པོས་སྨྲས་པ། ས་འཛིན་པ། ཅི་སེམས། ལྷ། འཇིག་རྟེན་པའི་བསམ་པའོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག་སེམས། ལྷ། ཆབ་ཕུལ་གང་གི་ནང་དུ་ལན་ཚཝ་ཕུལ་གང་སྩལ་ན། ཆབ་ཕུལ་གང་ཁོ་ནར་འགྱུར་རོ། ། ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་མངོན་སུམ་དུ་བྱས་ན། ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ། འདི་ལ་རྒྱུ་ཅི་ཡོད། ལྷ། ལན་ཚཝ་ཆབ་ལས་བྱུང་བའི་སླད་དུའོ། །ས་འཛིན་པ། ཁྱོད་ནི། མཁས་པ་ཞིག་གོ་།ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་</font><hr>Tha412b<br><font size=+2>


དང ། རྒྱལ་པོ་ཅང་མི་ཟེར་བར་འདུག་གོ་།ཡང་རྒྱལ་པོས་དེ་བཞིན་དུ་མེལ་ཚེ་སུ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་དག་གོ་།རྒྱལ་པོས་སྨྲས་པ། ས་འཛིན་པ། ཅི་སེམས། ལྷ། འཇིག་རྟེན་པའི་བསམ་པའོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག་།ལྷ། ཞིབ་ཕུལ་གང་གི་ནང་དུ་ཆབ་ཕུལ་གང་སྩལ་ན། སླ་བར་ཡང་མི་འགྱུར་གར་བར་ཡང་མི་འགྱུར་རོ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་མངོན་སུམ་དུ་བྱས་ན། ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ། འདི་ལ་རྒྱུ་ཅི་ཞིག་ཡོད། ལྷ། བདག་ཅག་ས་འཛིན་པ་རྣམས་ནི། ཕྱེ་འཚལ་བ་ལགས་པས། བདག་གིས་ལན་དུ་མ་མཐོང་ལགས་སོ། །ས་འཛིན་པ། ཁྱོད་ནི། དྲན་པ་ཅན་ཞིག་གོ་།ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ་།ཡང་རྒྱལ་པོས་དེ་བཞིན་དུ་མེལ་ཚེ་སུ་བྱེད་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་བདག་གོ་།རྒྱལ་པོས་སྨྲས་པ། ས་འཛིན་པ། ཅི་སེམས། ལྷ། འཇིག་རྟེན་པའི་བསམ་པའོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག ། ལྷ། གུམ་པ་དང ། གསོན་པོ་གཉིས་སྲང་ལ་བཅལ་ན། མི་མཉམ་པར་འགྱུར་རོ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ། སྤྱན་སྔར་དབབ་པར་བགྱིའོ། །ས་འཛིན་པ། ལེགས་</font><hr>Tha413a<br><font size=+2>


༄#། །སོ། །དེས་ཕྱི་དེ་ཉིན་མངོན་སུམ་དུ་བྱས་ན། ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ། དེ་ལ་རྒྱུ་ཅི་ཡོད། ལྷ། གུམ་པ་མི་མ་ལགས་པས་མདངས་འཕྲོག་པའི་སླད་དུའོ། །ས་འཛིན་པ། ཁྱོད་ནི། མཁས་པ་ཞིག་གོ་།ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ། ཡང་རྒྱལ་པོས་དེ་བཞིན་དུ་མེལ་ཚེ་སུ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ་དང ། ལྷ། ས་འཛིན་པ་བདག་གོ་།རྒྱལ་པོས་སྨྲས་པ། ས་འཛིན་པ། ཅི་སེམས། ལྷ། འཇིག་རྟེན་པའི་བསམ་པའོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག་།ལྷ། དོང་བརྐོས་པ་ལས་དེ་དེ་ཉིད་དུ་སྩལ་ན། མཉམ་པར་མི་འགྱུར་ལགས་སོ། །ས་འཛིན་པ། ཅི། དེ་དེ་ལྟར་འགྱུར་རམ། ལྷ།་སྤྱན་སྔར་དབབ་པར་བགྱིའོ། །ས་འཛིན་པ། ལེགས་སོ། །དེས་ཕྱི་དེ་ཉིན་མངོན་སུམ་དུ་བྱས་ན། ཐམས་ཅད་དེ་བཞིན་དུ་གྱུར་པ་དང ། རྒྱལ་པོས་སྨྲས་པ། ས་འཛིན་པ། འདི་ལ་རྒྱུ་ཅི་ཡོད། ལྷ། མི་མ་ལགས་པས་མདངས་འཕྲོག་པའི་སླད་དུའོ། །ས་འཛིན་པ། ཁྱོད་ནི། མཁས་པ་ཞིག་གོ་།ལྷ། ཁྱོད་ཀྱི་བཀའ་དྲིན་ལགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ་།ཡང་རྒྱལ་པོས་དེ་བཞིན་དུ་མེལ་ཚེ་སུ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་བདག་གོ་།རྒྱལ་པོས་སྨྲས་པ། ས་འཛིན་པ། ཅི་སེམས། </font><hr>Tha413b<br><font size=+2>


ལྷ།་འཇིག་རྟེན་པའི་བསམ་པའོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག་།ལྷ། ཐ་ག་པས་ཉིན་མཚན་དུ་གོས་བཏགས་ན། གར་མཆིས་པ་མ་འཚལ་ལོ། །ཀྱེ་ས་འཛིན་པ། གར་སོང་མི་ཤེས་པ་ཡུས་སོ། །ལྷ། སར་གྱུར་པ་ལགས་སོ། །ཀྱེ་ས་འཛིན་པ། སར་གྱུར་པ་ལྟ་ཞིག་།ཡང་རྒྱལ་པོས་དེ་བཞིན་དུ་མེལ་ཚེ་སུ་བྱེད་ཅེས་སྨྲས་པ་དང ། དེས་སྔ་མའི་ཚུལ་དུ་སྨྲས་པ། ལྷ། ས་འཛིན་པ་བདག་གོ་།ས་འཛིན་པ། ཅི་སེམས། ལྷ། འཇིག་རྟེན་པའི་བསམ་པའོ། །ས་འཛིན་པ། འཇིག་རྟེན་པའི་བསམ་པ་ཇི་ལྟ་བུ་ཞིག་།ལྷ། རྫ་མཁན་གྱིས་ཉིན་མཚན་དུ་སྣོད་བགྱིས་ན། དེ་གར་མཆིས་མ་འཚལ་ཏོ། །ཀྱེ་ས་འཛིན་པ། གར་སོང་མི་ཤེས་པ་ཡུས་སོ། །ལྷ། སར་གྱུར་ཏོ། །ཀྱེ་ས་འཛིན་པ། སར་གྱུར་པ་ལྟ་ཞིག་།ཀྱེ་ས་འཛིན་པ། ཁྱོད་ནི། མཁས་པ་ཞིག་སྟེ། ཐམས་ཅད་ཤེས་ན། ང་གཉིད་མེད་པ་འདི་ལ་རྒྱུ་ཅི་ཡོད། ལྷ། མི་འཇིགས་པ་སྩལ་ན། སྨྲ་བར་བགྱིའོ། །ས་འཛིན་པ། མི་འཇིགས་པ་སྦྱིན་གྱི། བག་མ་ཚ་བར་སྨྲོས་ཤིག་།ལྷ། ཁྱོད་ནི། སྡིག་པ་ལས་སྐྱེས་སོ། །ས་འཛིན་པ། ཅི། ཁྱོད་ང་ལ་མི་སྙན་པ་ཟེར་རམ། ལྷ། དེ་སྐད་མ་གསུངས་ཤིག་།ལྷ་ལ་བདག་གིས་མི་སྙན་པ་ཇི་སྐད་དུ་བགྱིས། ལྷ། མི་སྙན་པ་མ་བགྱིས་ཏེ། ལྷའི་མངོན་སུམ་དུ་བགྱིའོ། །ས་འཛིན་པ། ལེགས་སོ། །དེས་དོང་བརྐོས་ནས་བ་ལང་གི་ལྕི་བསྐམ་པོས་བཀང་སྟེ། དེའི་སྟེང་དུ་མལ་བཅས་ཏེ་ཕྱི་དེ་ཉིན་རྒྱལ་པོ་ལ། ལྷ། མལ་འདིར་གཟིམས་ཤིག་།ཅེས་</font><hr>Tha414a<br><font size=+2>


༄#། །སྨྲས་པ་དང ། རྒྱལ་པོས་དེར་ཉལ་ལོ། །ཉལ་མ་ཐག་ཏུ་གཉིད་ཀྱིས་ལོག་པར་གྱུར་ཏོ། །གང་གི་ཚེ་སད་པ་དེའི་ཚེ། ལྷ། ཁྱོད་ཀྱིས་གཟིགས་སམ་ཞེས་སྨྲས་པ་དང ། དེས་བདག་གིས་མངོན་སུམ་དུ་བྱས་པ་ཤེས་ནས་བཙུན་མོའི་འཁོར་དུ་སོང་སྟེ་མ་ལ་དྲིས་པ། ཡུམ། བདག་སུ་ལས་སྐྱེས་པ་རྫུན་མ་གསུང་བར་དྲང་པོར་གསུངས་ཤིག་།ལྷ། སྨྲ་བར་བགྱི་ཡི།་བདག་ལ་མི་འཇིགས་པ་སྩོལ་ཅིག་།ཡུམ། གསོལ་ལོ། །ལྷ། ཁྱོད་ཀྱི་ཡབ་བཙུན་མོའི་འཁོར་རྒྱ་ཆེན་པོ་དང་ལྡན་པས་དེ་ལྗོངས་ཤིག་ཏུ་སོང་བ་ན། བདག་ཟླ་མཚན་དང་ལྡན་པར་གྱུར་ཏེ།་དེའི་ཚེ་བདག་ཟླ་མཚན་གྱི་ཁྲུས་བགྱིད་པ་ན། སྡིག་པ་ཞིག་མཐོང་བ་དང ། བདག་གི་བློ་སྐྱེས་པ། ཅི་སྟེ་འདི་ཕོ་ཞིག་ཏུ་གྱུར་ན། བདག་འདི་དང་ལྷན་ཅིག་འདོད་པའི་ལོངས་སྤྱོད་དགའ་མགུར་སྤྱད་པར་བྱའོ། །སྙམ་པ་དང ། དེས་དེ་ཕོ་ཞིག་ཏུ་གྱུར་ནས་དེ་དང་བདག་ལྷན་ཅིག་ཏུ་འདོད་པའི་ལོངས་སྤྱོད་དགའ་མགུར་སྤྱད་པ་དང ། དེ་ལས་ཁྱོད་སྐྱེས་པར་གྱུར་ཏོ། །དེས་བསམ་པ། ས་འཛིན་པ་དེ་ནི། མཁས་པ་ཞིག་སྟེ། དེས་བདག་ཤེས་ན། དེ་ལ་བདག་གིས་མི་འཇིགས་པ་བྱིན་པས། དེ་གསད་དུ་ནི་མི་རུང་གི། གཞན་སུ་ལ་ཡང་མི་ཟེར་བར་བྱ་བའི་ཕྱིར་བྱ་དགའ་བྱིན་ལ་ཡུལ་དབྱུང་ངོ ། །སྙམ་ནས་དེས་དེ་ལ་ཀཪྴ་པ་ཎ་ལྔ་བརྒྱ་བྱིན་ཏེ་ཡུལ་ཕྱུང་ངོ ། །སྡོམ་ནི། འཚོ་བྱེད་དང་ནི་གསེར་འོད་དང ། ེ་ལའི་འདབ་དང་ན་ལ་ད། །རབ་བྱུང་སྐྲ་ཅན་ཟས་དང་ནི། །འབྲུ་མར་</font><hr>Tha414b<br><font size=+2>


སྣོད་ནི་ཐ་མའོ། །རྒྱལ་པོ་གཏུམ་པོ་རབ་སྣང་གིས་བསམ་པ། བདག་གི་ནད་འདི་གཞི་ཆེར་གྱུར་པས་སྨན་པ་དག་བསྡུས་ལ་དཔྱད་བྱའོ། །སྙམ་དུ་བསམ་ནས། དེས་ཡུལ་ན་གནས་པའི་སྨན་པ་ཐམས་ཅད་བསྡུས་ཏེ་སྨྲས་པ། ཤེས་ལྡན་དག་།ངའི་ནད་འདི་ལྟ་བུ་ལ་དཔྱད་གྱིས་ཤིག་།དེ་དག་གིས་སྨྲས་པ། ལྷ། བདག་ཅག་གིས་ཁྱོད་ཀྱི་དཔྱད་བགྱིད་པའི་རྔོ་མི་ཐོགས་ཏེ། འོན་ཀྱང་རྒྱལ་པོའི་ཁབ་ན་རྒྱལ་པོ་གཟུགས་ཅན་སྙིང་པོའི་བུ་སྨན་པའི་རྒྱལ་པོ་འཚོ་བྱེད་ཅེས་བགྱི་བ་མཆིས་ཏེ། གལ་ཏེ་ན། དེས་ལྷའི་དཔྱད་བགྱིད་པ་རྔོ་ཐོགས་སོ། །དེས་རྒྱལ་པོ་གཟུགས་ཅན་སྙིང་པོ་ལ་ཡི་གེ་སྤྲིང་སྟེ་སྨན་པའི་རྒྱལ་པོ་འཚོ་བྱེད་ཚུར་ཐོང་ཞིག་།ཡང་ན་ང་འོ་ནིར་འོང་གི་།རྩཝ་དང ། ཆབ་སྟ་གོན་གྱིས་ཤིག་།ཅེས་བྱས་པ་དང ། རྒྱལ་པོ་གཟུགས་ཅན་སྙིང་པོས་ཡི་གེ་བཀླགས་ནས་སྡངས་ཏེ་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་སྟེ། གལ་ཏེ་འཚོ་བྱེད་བཏང་ན། དེ་ལ་ཅི་དང་ཅི་དགོས་པ་དེ་འགུམས་པས་དོན་གྱིས་བདག་ཀྱང་དེའི་དཔྱས་པར་གྱུར་པས་མ་ལེགས་སོ། །སྙམ་ནས་དེ་ཡིད་མི་བདེ་བ་སྨན་པའི་རྒྱལ་པོ་འཚོ་བྱེད་ཀྱིས་མཐོང་ངོ ། །དེ་ནས་རྐང་པ་ལ་ཕྱག་འཚལ་ཏེ་སྨྲས་པ། ལྷ། ཅིའི་སླད་དུ་ཕྱག་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བུ། ཁྱོད་ཀྱིས་འདི་ལྟ་བུའི་བཟོ་བསླབ་པ་དེས་ན། གནོད་པར་གྱུར་ཏོ། །འཚོ་བྱེད་ཀྱིས་སྨྲས་པ། ཇི་ལྟར་གནོད་པར་གྱུར། དེས་ཇི་ལྟར་གྱུར་པ་བརྗོད་པ་དང ། ལྷ། བཀའ་ལུང་སྩལ་</font><hr>Tha415a<br><font size=+2>


༄#། །དུ་གསོལ། མཆི་བར་བགྱིའོ། །བུ། རྒྱལ་པོ་དེ་གཏུམ་པོ་ཞིག་སྟེ། ཅིའི་ཕྱིར་ཡང་སེམས་ཅན་གསོད་པར་བྱེད་པས་ཁྱོད་མི་གསད་གྲང ། ལྷ། བདག་སྲུང་མི་ནུས་པའི་སྨན་པ་དེ་ཅི་འདྲ་བ་ཞིག་སྟེ། ཐུགས་མི་ཆུང་བར་བདག་གཏང་དུ་གསོལ། དེས་སྨྲས་པ། བུ། གལ་ཏེ་དེ་ལྟ་ན། སོང་ལ་ཇི་ལྟར་ང་དང་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང ། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་རྣམས་མྱ་ངན་སྐྱེ་བར་མི་འགྱུར་བ་དེ་ལྟར་ཁྱོད་ཀྱིས་བག་ཡོད་པར་གྱིས་ཤིག་།དེས། ལྷ། ཅིའི་སླད་དུ་དེ་ལྟར་འགྱུར། བདག་གིས་ནད་པའི་སེམས་སྲུང་རྡོ་ཐོགས་སོ། །ཞེས་བྱས་པ་དང ། རྒྱལ་པོ་ཅང་མི་ཟེར་བར་འདུག་གོ་།འཚོ་བྱེད་ཀྱིས་འཕར་མ་པའི་མི་དེ་ལ་དྲིས་པ། ཀྱེ་སྐྱེས་བུ། རྒྱལ་པོ་དེའི་སྤྱོད་པ་ནི། ཅི་འདྲ་བ་ཞིག་།ནད་ནི། ཇི་ལྟ་བུ་ཞིག་གིས་ཐེབས། དེས་ཇི་ལྟར་གྱུར་པ་རྒྱས་པར་བསྙད་དོ། །དེ་ནས་འཚོ་བྱེད་ཀྱིས་ཆང་གི་ཁ་དོག་དང ། ཆང་གི་དྲི་དང ། ཆང་གི་རོ་བྲོ་བའི་མར་སྦྱར་ནས་དགེ་མཚན་དང ། བཀྲ་ཤིས་དང ། བདེ་ལེགས་དག་བྱས་ཏེ་གྲོགས་པོ་དང ། གཉེན་དང ། ཕུ་ནུ་བོ་རྣམས་ལ་སྦྲན་ནས་ཡུལ་འཕགས་རྒྱལ་དུ་སོང་ངོ ། །དེ་མཐར་གྱིས་ཡུལ་ཀནྱ་ཀུབ་ཛར་ཕྱིན་པ་དང ། དེ་ན་གནས་པའི་སྨན་པའི་ཁྱེའུ་ཞིག་ཡོད་པ་དེས། ཇི་ལྟར་སྨན་པའི་རྒྱལ་པོ་འཚོ་བྱེད་འོངས་ཏེ་འཕགས་རྒྱལ་དུ་འགྲོ་བ་ཐོས་སོ། །དེས་ཨ་རུ་ར་གཅིག་ཁྱེར་ཏེ་དེའི་དྲུང་དུ་</font><hr>Tha415b<br><font size=+2>


སོང་སྟེ་ཕན་ཚུན་ཡང་དག་པར་དགའ་བ་དག་བྱས་ནས་འཚོ་བྱེད་ཀྱིས་སྨྲས་པ། ཀྱེ་ཆོས་ཀྱི་སྤུན། རྒྱལ་པོ་གཏུམ་པོ་རབ་སྣང་དེ། ནད་ཇི་ལྟ་བུ་ཞིག་གིས་ཐེབས། ཁྱེད་ཅག་གིས་དེའི་དཔྱད་མ་བྱས་སམ། དེས་སྨྲས་པ། རྒྱལ་པོ་དེ་གཉིད་མེད་པའི་ནད་ཀྱིས་ཐེབས་ཏེ། དེ་ལ་མར་ཕན་ན། དེ་མར་ལ་ནི། སྡང ། ཆང་ལ་ནི། དགའ་ཞིང་གཏུམ་སྟེ། གང་ཞིག་དེ་མདུན་དུ་མར་གྱི་མིང་འབྱིན་པ་དེའི་མགོ་དྲུངས་ནས་བཅད་དེ་ས་ལ་འདོར་བས། དེ་དག་འཇིགས་ནས་འབྲོས་ན། སུ་ཞིག་དེའི་དཔྱད་བྱེད་པར་ནུས། འཚོ་བྱེད་ཀྱིས་སྨྲས་པ། དེའི་ཕྱིར་ངས་ཆང་གི་ཁ་དོག་དང ། ཆང་གི་དྲི་དང ། ཆང་གི་རོ་བྲོ་བའི་མར་བསྐོལ་ཏེ་ཁྱེར་ཏེ་འོངས་ཀྱི། འདོང ། གང་གི་ཚེ་ངས་ཁྱོད་ལ་བརྡ་བྱས་པ་དེའི་ཚེ་ཁྱོད་ཀྱིས་མར་འདི་ཙམ་གྱི་ཚོད་ཅིག་བྱིན་ཅིག་།ང་ནི། དེའི་མདུན་ནས་འགྲོ་ཡི། ཁྱོད་ཀྱིས་རེ་ཞིག་ཙམ་ཞིག་དེའི་རིམ་གྲོ་གྱིས་ཤིག་དང ། སོས་ནས་ངས་ཁྱོད་ལ་རྔན་པ་རབ་ཏུ་མང་པོ་སྦྱིན་ཞིང ། སྦྱིན་དུ་ཡང་གཞུག་གོ་།དེས་སྨྲས་པ། ལེགས་ཀྱི། བཞུད་དོ། །ཞེས་དེ་དེ་དང་ལྷན་ཅིག་དོང་ངོ ། །འཚོ་བྱེད་རིམ་གྱིས་འཕགས་རྒྱལ་དང་ཉེ་བར་ཕྱིན་པ་དང ། རྒྱལ་པོ་རབ་སྣང་གིས་ཇི་ལྟར་སྨན་པའི་རྒྱལ་པོ་འཚོ་བྱེད་འོངས་པ་ཐོས་ནས་དེས་བསམ་པ། དེ་ནི། རྒྱལ་པོའི་བུ་ཡང་ཡིན་ལ། སྨན་པའི་རྒྱལ་པོ་ཡང་ཡིན་པས་མཆོད་པ་དང ། བཀུར་སྟིས་གྲོང་ཁྱེར་དུ་འོང་བར་བྱའོ། །སྙམ་ནས་དེས་གྲོང་ཁྱེར་མཛེས་པ་དང ། ལམ་མཛེས་པར་བྱས་ཏེ་བཙུན་མོའི་འཁོར་དང ། གཞོན་ནུ་དང ། བློན་</font><hr>Tha416a<br><font size=+2>


༄#། །པོ་དང ། ཕོ་བྲང་འཁོར་གྱི་མི་དང་བཅས་པས་བསུས་ནས་སྨན་པའི་རྒྱལ་པོ་འཚོ་བྱེད་མི་སྟོང་ཕྲག་དུ་མས་བསྐོར་ཏེ་གྲོང་ཁྱེར་དུ་འོངས་སོ། །དེ་ནས་དེ་ལམ་གྱིས་དུབ་པ་ངལ་བསོས་ཏེ་ཅུང་ཞིག་བསྡད་ནས་རྒྱལ་པོ་གཏུམ་པོ་རབ་སྣང་གིས་འཚོ་བྱེད་ལ། བདག་གཉིད་མེད་པའི་ནད་དཀྱེལ་ཆེར་གྱུར་ན། དཔྱད་གྱིས་ཤིག་ཅེས་སྨྲས་པ་དང ། དེས་སྨྲས་པ། ལྷ།་བགྱི་མོད་ཀྱི། འོན་ཀྱང་འདི་ལ་སྨན་འཚལ་ན། དེ་དག་ཀྱང་ཡུལ་སྣ་ཚོགས་དང ། གནས་སྣ་ཚོགས་ན་མཆིས་ཏེ། སྨན་ཁ་ཅིག་བདག་གིས་ངོ་འཚལ་ལ། གཞན་གྱིས་མ་འཚལ་བ་ཡང་མཆིས། ཁ་ཅིག་གཞན་གྱིས་འཚལ་ལ། བདག་གིས་མ་འཚལ་བ་ཡང་མཆིས། ཁ་ཅིག་བདག་གིས་ཀྱང་འཚལ་ལ། གཞན་གྱིས་ཀྱང་འཚལ་བ་ཡང་མཆིས། ཁ་ཅིག་ཐག་རིང་པོ་ན་ཡང་མཆིས། ཁ་ཅིག་ཉེ་བ་ན་ཡང་མཆིས་པས། ཁྱོད་ཀྱིས་གླང་པོ་ཆེ་མོ་བཟང་ལྡན་བདག་ལ་ཅི་བདེར་མཛོད་ཅིག་།རྒྱལ་པོས་འཚོ་བྱེད། ལེགས་ཀྱི། དེ་བཞིན་དུ་གྱིས་ཤིག་།ཅེས་སྨྲས་ནས་དེས་གླང་པོ་ཆེ་འདུལ་བ་རྣམས་ལ་བསྒོ་བ། འཚོ་བྱེད་གླང་པོ་ཆེ་མོ་བཟང་ལྡན་ཅི་བདེར་སྤྱོད་དུ་བཅུག་གི་།ཁྱེད་ཅག་གིས་མ་དགག་ཅིག་།བློན་པོ་དང ། ཆབ་སྒོ་བ་རྣམས་ལ་ཡང་བསྒོ་བ། འདི་ཉིན་པར་ཡང་རུང ། མཚན་མོ་ཡང་རུང ། གླང་པོ་ཆེ་མོ་བཟང་ལྡན་ལ་ཞོན་ཏེ་འགྲོ་ཞིང་འོང་བ་དང ། ཁྱེད་ཅག་གིས་མ་དགག་པར་ཇི་ལྟར་འདོད་པར་དགའ་མགུར་འགྲོ་ཞིང་འོང་དུ་</font><hr>Tha416b<br><font size=+2>


ཆུག་ཅིག་།བློན་པོ་དང ། ཆབ་སྒོ་བ་དང ། གླང་པོ་ཆེ་འདུལ་བ་རྣམས་ཀྱིས་སྨྲས་པ། ལྷས་ཇི་ལྟར་བཀའ་སྩལ་པ་བཞིན་འཚལ་ལོ། །སྨན་པའི་རྒྱལ་པོ་འཚོ་བྱེད་གླང་པོ་ཆེ་མོ་བཟང་ལྡན་ལ་ཞོན་ཏེ་མིག་སློབ་པར་རྩོམ་པ་ན་སྔ་དྲོ་སོང་ཞིང་རེས་འགའ་ཕྱི་དྲོ་སླར་འོང་ངོ ། །གུང་ལ་སོང་ཞིང་རེས་དགའ་ཕྱི་དྲོ་འོང་ངོ ། །ཕྱི་དྲོ་སོང་ཞིང་རེས་འགའ་ནུབ་མོའི་ཐུན་འདའ་ཞིང་འོང་སྟེ། དེ་དེ་ལྟར་ཡིད་ཆེས་པ་བསྐྱེད་པའི་རྟགས་ཀྱིས་འགྲོ་བ་དང ། འོང་བར་བྱེད་དོ། །རྒྱལ་པོས་སྨྲས་པ། འཚོ་བྱེད། ད་དཔྱད་གྱིས་ཤིག་།དེས་སྨྲས་པ། ལྷ། རེ་ཞིག་ཁྲུས་མཛོད་ཅིག་།དེས་བཀྲུས་ནས་ཡང་སྨྲས་པ། འཚོ་བྱེད། ངས་ཁྲུས་བྱས་ན། ཅི་སྡོད། དེས་སྨྲས་པ། ལྷ། རེ་ཞིག་གདུགས་ཚོད་གསོལ་ཅིག་།དེས་ཟན་བཟའ་བར་བརྩམས་པ་དང ། འཚོ་བྱེད་ཀྱིས་སྨྲས་པ། ལྷ། བདག་གིས་ཡུལ་མ་ག་དྷའི་སྐྱེམས་ཤིན་ཏུ་བདའ་བ་ཞིག་འཚལ་ཏེ་མཆིས་ཀྱི། ལྷ། གལ་ཏེ་གསོལ་ན། ཅུང་ཟད་ཅིག་གསོལ་ལོ། །རྒྱལ་པོས་སྨྲས་པ། འཚོ་བྱེད། ལེགས་ཀྱི། འོན་ཅིག། བལྟའོ། །དེས་སྨན་པའི་ཁྱེའུ་དེ་ལ་དེ་ཙམ་གྱི་ཚོད་ཅིག་བྱིན་ཅིག་པའི་བརྡ་བྱས་པ་དང ། དེས་དེ་ཙམ་གྱི་ཚོད་ཅིག་བྱིན་ནས་རྒྱལ་པོས་འཐུངས་སོ། །འཐུངས་མ་ཐག་ཏུ་གཉིད་ཀྱིས་ལོག་པ་དང ། འཚོ་བྱེད་གླང་པོ་ཆེ་མོ་བཟང་ལྡན་ལ་ཞོན་ཏེ་བྲོས་སོ། །རྒྱལ་པོ་ཡང་ན་མ་ཕྱེད་ན་སད་དོ། །ཇི་ཙམ་ན་དེ་ལ་མར་གྱི་སྒྲེགས་པ་བྱུང་བ་དང ། དེས་མི་ཞིག་ལ་བོས་ཏེ། ཀཝའི་སྐྱེས་བུ། འཚོ་བྱེད་བོས་ཤིག་།དེས་ང་ལ་མར་བླུད་ཀྱི། མགོ་</font><hr>Tha417a<br><font size=+2>


༄#། །དྲུངས་ནས་བཅད་དེ་དོར་རོ། །དེས་ཀུན་ཏུ་བཙལ་བར་བརྩམས་ན། མི་སྣང་ནས་དེས་དེ་ལ་སྨྲས་པ། ལྷ། མི་གདའ་སྟེ། དེ་གདོན་མི་འཚལ་བར་བྲོས་སོ། །རྒྱལ་པོ་དེ་ཁྲོས་ནས་སྨྲས་པ། ཀཝའི་སྐྱེས་བུ། འཕར་མ་པ་ཁཝ་བོས་ཤིག་།ཅེས་བསྒོ་བ་དང ། དེས་དེ་བོས་སོ། །དེས་ཀྱེ་ཁཝ། སོང་ལ་མྱུར་དུ་གླང་པོ་ཆེ་འདམ་བུའི་རི་ལ་ཞོན་ཏེ་འཚོ་བྱེད་སྐེ་ནས་ཐོགས་ལ་དེ་ཁྲིད་དེ་ཤོག་ཅིག། དེའི་མགོ་དྲུངས་ནས་བཅད་དོ། །གལ་ཏེ་སྒྱུ་མ་མཁན་དེས་ཁྱོད་ལ་ཅུང་ཟད་ཅིག་བྱིན་ན། ཁྱོད་ཀྱིས་བླང་བར་མི་བྱའོ། །ལྷ། དེ་ལྟར་འཚལ་ལོ། །ཞེས་འཕར་མ་པ་ཁཝས། རྒྱལ་པོ་གཏུམ་པོ་རབ་སྣང་གི་ལྟར་མཉན་ནས་མྱུར་བ་མྱུར་བར་གླང་པོ་ཆེ་འདམ་བུའི་རི་ལ་ཞོན་ཏེ་རྗེས་བཞིན་དུ་སོང་ངོ ། །དེས་དེ་སྐྱུ་རུ་རའི་ཚལ་དུ་ཞུགས་པ་མཐོང་ནས་སྨྲས་པ། འཚོ་བྱེད། ལྷ་གསུང་གི། ཚུར་ཤོག། འདོང ། དེས་སྨྲས་པ། ཀྱེ་ཁཝ། ཅི་རིངས། ཚུར་རེ་ཞིག་སྐྱུ་རུ་ར་ཟོ་ཞིག། དེས་སྨྲས་པ། ལྷས་ང་ལ་དེ་སྒྱུ་མ་མཁན་ཡིན་པས་ཁྱོད་ཀྱིས་དེ་ལས་ཅུང་ཟད་ཀྱང་མ་ལེན་ཅིག། ཅེས་བསྒོའོ། །འཚོ་བྱེད་ཀྱིས་སྨྲས་པ། ཀཝའི་ཁཝ། གལ་ཏེ་དེ་ལྟ་ན། ཁྱོད་ཀྱིས་ཕྱེད་ཟོ། །ངས་ཀྱང་ཕྱེད་བཟའོ། །དེས་བསམ་པ། ཕྱེད་བཟའ་སྟེ། ཕྱེད་ལ་སྒྱུ་ཇི་ལྟ་བུ་ཞིག་བྱར་ཡོད་སྙམ་དུ་རིག་ནས་སྨྲས་པ། འཚོ་བྱེད། བཟའ་ཡི། བྱིན་ཅིག། དེས་སྐྱུ་རུ་ར་ཕྱེད་ཟོས་ཏེ་སེན་མོའི་བར་ཕྱེ་མས་བཀང་བའི་སེན་མོས་བཅད་པའི་ཕྱེད་བྱིན་ནོ། །དེས་དེ་ཟོས་པ་དང ། དེ་མཛེ་ཅན་ཞིག་པས་</font><hr>Tha417b<br><font size=+2>


ཡན་མན་གཉི་གར་འཁྲུས་སོ། །དེས་དེ་རི་བོར་ཞིག་ཏུ་བཞག་ནས་རི་བོར་པ་དེ་དག་ལ་བསྒོ་བ། ཤེས་ལྡན་དག། རྒྱལ་པོ་གཏུམ་པོར་བྱ་སྣང་གི་ཡན་ལག་གི་མཆོག་གསུམ་ནི། གླང་པོ་འདམ་བུའི་རི་དང ། གླང་པོ་ཆེ་མོ་བཟང་ལྡན་དང ། འཕར་མ་པ་ཁཝ་འདི་ཡིན་ན། འདི་ལྟ་སྟེ་དཔྱད་འདིས་རིམ་གྲོ་གྱིས་དང ། སོས་པར་འགྱུར་རོ། །གཞན་དུ་ན་རྒྱལ་པོས་ཁྱེད་ཅག་ངེས་པར་ཕུང་བར་བྱེད་དོ། །ཞེས་སྨྲས་ནས་སོང་ངོ ། །དེ་དག་གིས་དེའི་རིམ་གྲོ་བྱས་པ་དང ། སོས་པར་གྱུར་ནས་སོང་ངོ ། །རྒྱལ་པོ་ཡང་སྨན་པའི་ཁྱེའུ་དེས་ཇི་ལྟར་བསྟན་པའི་དཔྱད་ཀྱིས་རིམ་གྲོ་བྱས་པས་དེ་ཡང་སོས་པར་གྱུར་ཏོ། །འཕར་མ་པ་ཁཝ་ཡང་རིམ་གྱིས་རྒྱལ་པོའི་དྲུང་དུ་ཕྱིན་པ་དང ། རྒྱལ་པོས་དྲིས་པ། ཁཝ། འཚོ་བྱེད་དེ་ག་རེ། ལྷ། བྲོས་ལགས་སོ། །ཁཝ། གལ་ཏེ་བྲོས་ན། མ་ལེགས་པ་ཞིག་བྱས་སོ། ། ལྷ། ཅི་སྟེ་ཁུགས་པར་གྱུར་ན། དེ་ལ་ལྷས་ཅི་ཞིག་བགྱིས་པར་འགྱུར། ཁཝ། ངས་དེའི་མགོ་དྲུངས་ནས་བཅད་ནས་ས་ལ་བོར་བར་འགྱུར་རོ། །ལྷ། སྨན་པའི་རྒྱལ་པོ་གང་གིས་ལྷ་དང ། བདག་ཀྱང་སོས་པར་བགྱིས་པ་དེ་ལྟ་བུ་དགུམ་པ་དེ་ནི། རིགས་པ་མ་ལགས་སོ། །ཁཝ། གལ་ཏེ་དེ་ལྟ་ན། དེ་ལ་ཅི་ཞིག་བྱ། ལྷ། རྔན་པ་རྒྱ་ཆེར་སྩལ་མོད། ལགས་ཀྱི། དེ་བཞིན་དུ་བྱའོ། །དེས་དེ་ལ་ཡི་གེ་སྤྲིང་སྟེ། སྨན་པའི་རྒྱལ་པོ་འཚོ་བྱེད། ཁྱོད་ཅི་སྟེ་བྲོས། ཁྱོད་ལ་རྔན་པ་སྦྱིན་གྱི། ཚུར་ཤོག། རྔན་པ་ལོངས་ཤིག། འཚོ་བྱེད་ཀྱིས་དེ་ལ་སྤྲིང་པ། ལྷ། ཁྱོད་ཀྱི་བཀའ་དྲིན་ལ་བདག་གི་ཁྱིམ་ན་</font><hr>Tha418a<br><font size=+2>


༄#། །ནོར་ཙམ་མཆིས་སོ། །འོན་ཀྱང་གལ་ཏེ་ལྷས་བདག་ལ་ཐུགས་དཔག་མཛད་ན། སྨན་པའི་ཁྱེའུ་གང་གིས་ལྷའི་རིམ་གྲོ་བགྱིས་པ་དེ་ལ་བྱ་དགའ་སྩལ་བའི་རིགས་སོ། །རྒྱལ་པོས་ཁྱེའུ་དེ་ལ་རྔན་པ་མང་དུ་བྱིན་ནོ། །འཚོ་བྱེད་ལ་ཡང་བརྒྱ་སྟོང་རི་བའི་རས་ཡུག་ཆེན་གྱི་གོས་བསྐུར་བ་དང ། འཚོ་བྱེད་ཀྱིས་བསམ་པ། གོས་འདི་ནི། རྒྱལ་པོ་ལ་འོས་པ་ཡིན་ཏེ།་སུ་ལ་སྦྱིན་སྙམ་ན། དེས། བཅོམ་ལྡན་འདས་ནི། ཆོས་ཉིད་ཀྱིས་བདག་གི་ཕ་ཡིན་པས། འདི་དེ་ལ་དབུལ་ལོ། །སྙམ་དུ་བསམ་ནས་དེས་དེ་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། འདི་ཆོས་གོས་སུ་གྱིས་ལ་ང་ལ་ཕུལ་ཅིག་།ཚེ་དང་ལྡན་པ་ཀུན་དགའ་བོས་དེ་བླངས་ནས་བླངས་པ་དེས། བཅོམ་ལྡན་འདས་ཀྱི་ཆོས་གོས་གསུམ་ལངས་པ་བས་ལྷག་པར་མཐོང་ནས་དེས་དྲུབ་པར་བརྩམས་ན། དེ་ལས་བཅོམ་ལྡན་འདས་ཀྱི་ཆོས་གོས་གསུམ་དང ། ཚེ་དང་ལྡན་པ་ཀུན་དགའ་བོའི་སྟོད་གཡོགས་དང་སྨད་གཡོགས་སུ་བཅས་པ་དང ། སྒྲ་གཅན་ཟིན་གྱི་རྡུལ་ཟན་ཡང་ལངས་སོ། །དགའ་ལྡན་གྱི་གནས་ན་སངས་རྒྱས་ཀྱིས་གསུངས་པའི་དྲི་བ་འདི་སྐད་དུ། བདག་པོ་རྒྱལ་པོ་གང་ཞིག་ནི།། ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། །གང་གིས་འདིར་ནི་ཆགས་ཞེས་བརྗོད། །བློ་ངན་ཇི་ལྟར་མྱ་ངན་བྱེད། །མཁས་པ་ཇི་ལྟར་དགའ་བར་འགྱུར། །གང་</font><hr>Tha418b<br><font size=+2>


གིས་ལྡན་པ་ལས་བྲལ་ནས། །འདི་ན་གྲུབ་དང་བདེ་ཞེས་བརྗོད། །ཅེས་བྲིས་ཏེ་འདུག་པ། གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བ་དེའི་ཚེ་སུས་ཀྱང་གཟུང་བར་ཡང་མི་ནུས། དེ་དག་གི་དོན་སྨྲ་བར་ཡང་མི་ནུས་སོ། །གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བ་དེའི་ཚེ། ཡང་དྲི་བ་དེ་དག་གཟུང་བར་ནུས་ཀྱི། དེ་དག་གི་དོན་སྨྲ་བར་ནི། མི་ནུས་སོ། །རེ་ཞིག་ཅིག་ན་གནོད་སྦྱིན་གྱི་བདག་པོ་རྣམ་ཐོས་ཀྱི་བུ་བྱ་བ་ཞིག་གི་ཕྱིར་དགའ་ལྡན་གྱི་ལྷའི་ནང་དུ་སོང་བ་ན་དེས་དྲི་བ་བྲིས་པ་དེ་དག་མཐོང་ངོ ། །དེ་ནས་ཡ་མཚན་སྐྱེས་ཏེ་དེ་བཟུང་ན། དོན་ཁོང་དུ་ཆུད་པར་མ་ནུས་ཏེ། དེས་དེ་དག་ཕོ་བྲང་ལྕང་ལོ་ཅན་དུ་ཁྱེར་ནས་སྤང་ལེབ་ལ་བྲིས་ཏེ་བཞག་གོ། དེའི་ཚེ་རྡོ་འཇོག་ཅེས་བྱ་བ་ན་ཀླུའི་རྒྱལ་པོ་ཨེ་ལའི་འདབ་ཅེས་བྱ་བ་གནས་པ་དེ་ཡུན་རིང་པོ་ནས་བདག་གིས་ནམ་ཞིག་སངས་རྒྱས་བཅོམ་ལྡན་འདས་མཐོང་ཞེས་དེ་སྙམ་དུ་སྨོན་ཏོ། །དེའི་མཛའ་བོ་གནོད་སྦྱིན་གསེར་འོད་ཅེས་བྱ་བ་དེ། བྱ་བ་ཞིག་གི་ཕྱིར་གནོད་སྦྱིན་གྱི་བདག་པོ་རྣམ་ཐོས་ཀྱི་བུའི་ཕོ་བྲང་ལྕང་ལོ་ཅན་དུ་སོང་བ་དང ། དེས་དྲི་བ་དེ་དག་སྤང་ལེབ་ལ་བྲིས་པ་མཐོང་ནས་དེས་དེ་དག་བླངས་ཏེ་ཆུབ་པར་བྱས་ནས་དཔྱད་པར་བརྩམས་ན། དོན་ཁོང་དུ་མ་ཆུད་ནས་དེས་རྡོ་འཇོག་ཏུ་ཁྱེར་ཏེ་ཀླུའི་རྒྱལ་པོ་ཨེ་ལའི་འདབ་ལ་བྱིན་ནས་སྨྲས་པ། གྲོགས་པོ། དྲི་བ་འདི་དག་ནི། སངས་རྒྱས་ཀྱིས་གསུངས་པ་ཡིན་ན། འདི་དག་གི་དོན་སུས་ཀྱང་མ་རྟོགས་ཀྱི། ཁྱོད་ཀྱིས་འདི་དག་དང་གསེར་འབུམ་</font><hr>Tha419a<br><font size=+2>


༄#། །ཁྱེར་ལ་གྲོང་དང ། གྲོང་རྡལ་དང ། རྒྱལ་པོའི་ཕོ་བྲང་འཁོར་དུ་བསྐོར་ཏེ་འདི་སྐད་ཅེས། གང་གིས་དྲི་བ་འདི་དག་གི་དོན་སྨྲ་ནུས་པ་དེ་ལ། ངས་གསེར་འབུམ་སྦྱིན་ཞིང་བཀུར་སྟི་ཆེན་པོས་ཀྱང་རིམ་གྲོ་བྱའོ། །ཞེས་སྨྲོས་ཤིག་།གལ་ཏེ་འགའ་ཞིག་གིས་སྨྲ་བར་ནུས་ན། དེ་ལ་གསེར་འབུམ་བྱིན་ཅིག། ཇི་སྟེ་མ་ནུས་ན། གྲོང་ཁྱེར་དང ། གྲོང་རྡལ་མ་ཡིན་ནོ། །ཞེས་སྒྲོགས་ལ་གཞན་དུ་སོང་ཞིག། དེས་དེ་བཟུང་ནས་ཀུན་ཆུབ་པར་བྱས་ཏེ་བདག་ཉིད་བྲམ་ཟེའི་ཁྱེའུ་ཞིག་གི་གཟུགས་སུ་སྤྲུལ་ནས་གསེར་འབུམ་ཁྱེར་ཏེ་གྲོང་ཁྱེར་དང ། གྲོང་རྡལ་དང ། རྒྱལ་པོའི་ཕོ་བྲང་དག་ཏུ་བསྐོར་ནས་ཝཱ་ར་ཎཱ་སིར་ཕྱིན་ཏོ། །དེས་ཝཱ་ར་ཎཱ་སིའི་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་དག་ཏུ་ཤེས་ལྡན་ཝཱ་ར་ཎཱ་སིའི་གྲོང་ན་གནས་པ་དང ། ཡུལ་སོ་སོ་ནས་འོངས་པའི་སྐྱེ་བོའི་ཚོགས་དག་ཉོན་ཅིག། བདག་གིས་དྲི་བ་འདི་དག་ཁྱེར་ཏེ་འོངས་ཏེ། གང་ཞིག་འདི་དག་གི་དོན་སྨྲ་བར་ནུས་པ་དེ་ལ། ངས་གསེར་འབུམ་འདི་སྦྱིན་ཞིང ། བཀུར་སྟི་ཆེན་པོས་ཀྱང་རིམ་གྲོ་བྱའོ། །ཞེས་བསྒྲགས་པ་དང ། ཁ་ཅིག་ནི། མཁས་པས་སྙེམས། ཁ་ཅིག་ནི། ཡ་མཚན་སྐྱེས་ནས་སྲོག་ཆགས་བརྒྱ་སྟོང་ཕྲག་དུ་མ་འདུས་ཀྱང་སུས་ཀྱང་དོན་སྨྲ་བར་མ་ནུས་སོ། །དེས་གྲོང་ཁྱེར་དང ། གྲོང་རྡལ་མ་ཡིན་ནོ། །ཞེས་བསྒྲག་བར་བརྩམས་པ་དང ། ཝཱ་ར་ཎཱ་སི་ན་གནས་པའི་བྲམ་ཟེ་དང ། ཁྱིམ་བདག་གིས་སྨྲས་པ། རེ་ཞིག། </font><hr>Tha419b<br><font size=+2>


གྲོང་དང་གྲོང་རྡལ་མ་ཡིན་ནོ། །ཞེས་མ་སྒྲོག་པར་བདག་ཅག་གི་སྐྱེ་བོས་ངེས་པར་བཀུར་བའི་དགེ་སྦྱོང་དང ། བྲམ་ཟེ་དགོན་པའི་གནས་ན་འདུག་པ་གང་དག་ཡིན་པ་དེ་དག་ཇེ་འོང་དུ་ཆུག་ལ། ཕྱིས་གྲོང་ཁྱེར་དང ། གྲོང་རྡལ་མ་ཡིན་ནོ། །ཞེས་སྒྲོགས་ཤིག། དེས་སྨྲས་པ། དེ་དག་གང་ཞིག་ཡིན། ན་ལ་ད་ལ་སོགས་པའོ། །དེས་ལེགས་ཀྱི། དེ་བཞིན་བྱའོ། །ཞེས་སྨྲས་ནས་དེ་སྡོད་པ་དང ། ཇི་ཙམ་ཞིག་ན་ན་ལ་ད་འོངས་སོ། །དེས་དེའི་མདུན་དུ་འདུག་སྟེ་སྨྲས་པ། དྲང་སྒྲོང་ཆེན་པོ། བདག་གིས་དྲི་བ་འདི་དག་ཁྱེར་ཏེ་འོངས་ཏེ། གང་ཞིག་འདི་དག་གི་དོན་སྨྲ་བར་ནུས་པ་དེ་ལ། གསེར་འབུམ་འདི་ཡང་སྦྱིན་ཞིང ། བཀུར་སྟི་ཆེན་པོས་ཀྱང་རིམ་གྲོ་བྱའོ། །ན་ལ་དས་དེ་དག་བཀླགས་ནས་སྨྲས་པ། བྲམ་ཟེའི་ཁྱེའུ། ལེགས་ཀྱི། དེ་བཞིན་དུ་བྱ་སྟེ། སྨྲའོ། །ཡུན་ཇི་སྲིད་ཅིག་ན། ལོ་བཅུ་གཉིས་འདས་ནས་སོ། །དྲང་སྲོང་ཆེན་པོ། དུས་དེ་ནི། རིང་ངོ ། །དྲུག་ནའོ། །དེ་ཡང་རིང་ངོ ། །གསུམ་ནའོ། །གཅིག་ནའོ། །ཟླ་བ་དྲུག་ནའོ། །ཟླ་བ་གསུམ་ནའོ། །ཟླ་བ་ནའོ། །ཟླ་བ་ཕྱེད་ནའོ། །ཞག་བདུན་འདས་ནའོ། །ེ་ལའི་འདབ་ཀྱིས་དྲང་སྲོང་ཆེན་པོ། ལེགས་ཀྱི། དེ་ལྟར་བྱོས་ཤིག། དེའི་བར་དུ་སྡོད་དོ། །ཞེས་སྨྲས་ནས་དེ་སྡོད་པ་དང ། དྲང་སྲོང་ན་ལ་དའི་སྨོས་འདྲིན་དགེ་སློང་ལྔ་པོ་ཡིན་པས་དེ་དེ་དག་གི་དྲུང་དུ་སོང་ནས་སྨྲས་པ། ཤེས་ལྡན་དག། བྲམ་ཟེའི་ཁྱེའུ་ཞིག་གིས་དྲི་བ་འདི་དག་དང ། གསེར་འབུམ་ཁྱེར་ནས་བདག་གི་དྲུང་དུ་འོངས་ཏེ་གང་ཞིག་དྲི་བ་འདི་དག་གི་དོན་སྨྲ་</font><hr>Tha420a<br><font size=+2>


༄#། །ནུས་པ་དེ་ལ་གསེར་འབུམ་འདི་སྦྱིན་ཞིང ། བཀུར་སྟི་ཆེན་པོས་ཀྱང་རི་མོར་བྱའོ། །ཞེས་ཟེར་ན། དྲི་བ་འདི་དག་ནི། དོན་མང་ལ་ཚིག་ཉུང་བས་ཁོང་དུ་ཆུད་པར་དཀའ་ན། འདི་ལ་ཇི་ལྟར་བསྒྲུབ་པར་བྱ། དེ་དག་གིས་སྨྲས་པ། ན་ལ་ད་སོང་ལ་སངས་རྒྱས་བཅོམ་ལྡན་འདས་ལ་ཞུས་ཤིག། ཤེས་ལྡན་འདག། ཅི། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངམ། བྱུང་ངོ ། །གང་ན་བཞུགས། དྲང་སྲོང་སྨྲ་བ་རི་དྭགས་ཀྱི་ནགས་ནའོ། །དེ་དགའ་བ་དང ། མགུ་བ་སྐྱེས་ནས་མྱུར་བ་མྱུར་བར་བཅོམ་ལྡན་འདས་ག་ལ་བ་དེར་སོང་བ་དང ། ན་ལ་དས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་ཅན། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་སྟེ། ཇི་ལྟར་དགེ་བའི་རྩ་བ་བསགས་པའི་སེམས་ཅན་གྱིས་ཐོག་མ་སངས་རྒྱས་མཐོང་བ་ལྟར། ལོ་བཅུ་གཉིས་ཀྱི་བར་དུ་ཞི་གནས་ཀྱི་སེམས་གོམས་པར་བྱས་པའམ། བུ་མེད་པས་བུ་རྙེད་པའམ། དབུལ་པོས་གཏེར་མཐོང་བའམ། རྒྱལ་སྲིད་ལ་མངོན་པར་དགའ་བ་རྒྱལ་སྲིད་ཀྱི་དབང་བསྐུར་བ་ནི། དེ་ལྟར་ཉམས་བདེ་བར་འགྱུར་བ་མ་ཡིན་ནོ། །མཐོང་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། </font><hr>Tha420b<br><font size=+2>


ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་ཐུགས་སུ་ཆུད་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་པ་དང ། དེ་ཐོས་ནས་དྲང་སྲོང་ན་ལ་དས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེས་བདེན་པ་མཐོང་ནས་ཞབས་ལ་ཕྱག་འཚལ་ཏེ་གསོལ་པ། བཙུན་པ། བདག་ལེགས་པར་གསུངས་པའི་ཆོས་འདུལ་པ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན། བཅོམ་ལྡན་འདས་ཀྱི་སྤྱན་སྔར་བདག་ཚགས་པར་སྤྱད་པ་སྤྱོད་པ་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ན་ལ་ད། ཁྱོད་ཀྱིས་བྲམ་ཟེའི་ཁྱེའུ་དེ་ལ་དྲི་བའི་དོན་སྨྲའོ། །ཞེས་དམ་བཅས་པས། དེའི་ཕྱིར་སོང་ལ་རེ་ཞིག་སྔར་དམ་བཅས་པ་དེ་ཚར་ཕྱུང་སྟེ། ཕྱིས་རབ་ཏུ་བྱུང་ཞིག། དེས་གསོལ་པ། བཙུན་པ། བདག་གིས་ཡོན་ཏན་གྱི་ཚོགས་འདི་ལྟ་བུ་ཐོབ་མོད་ཀྱི། འོན་ཀྱང་དྲི་བ་དེ་དག་གི་དོན་བདག་གིས་སྨྲ་བར་རྔོ་མི་ཐོགས་ན། དེར་མཆིས་ཏེ་ཅི་ཞིག་བགྱི། བཅོམ་ལྡན་འདས་ཀྱིས་བཀའ་སྩལ་པ། ན་ལ་ད། སོང་ལ་སོན་ནས་འདི་སྐད་དུ། རེ་ཞིག་དྲི་བ་དེ་དག་སྨྲོས་ཤིག། ཅེས་གྱིས་ཤིག། གང་གི་ཚེ་དེས་འདི་སྐད་ཅེས། བདག་པོ་རྒྱལ་པོ་གང་ཞིག་ནི། །ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། གང་གིས་འདིར་ནི་ཆགས་ཞེས་བརྗོད། །བློན་ངན་</font><hr>Tha421a<br><font size=+2>


༄#། །ཇི་ལྟར་མྱ་ངན་བྱེད། །མཁས་པ་ཇི་ལྟར་དགའ་བར་འགྱུར། །གང་གི་ལྡན་པ་ལས་བྲལ་ནས། །འདི་ན་གྲུབ་དང་བདེ་ཞེས་བརྗོད། །ཅེས་སྨྲས་པར་གྱུར་པ་དེའི་ཚེ་ཁྱོད་ཀྱིས་འདི་སྐད་ཅེས་སྨྲོས་ཤིག་།དྲུག་པ་བདག་པོ་རྒྱལ་པོ་ནི། །ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། །ཆགས་ན་བྱིས་པ་ཞེས་འདིར་བརྗོད། །བློ་ངན་དེ་ལྟར་མྱ་ངན་བྱེད། །མཁས་པ་དེ་ལྟར་དགའ་བར་འགྱུར། །འདི་ཡི་ལྡན་པ་ལས་བྲལ་ནས། །འདི་ན་གྲུབ་དང་བདེ་ཞེས་བརྗོད། །གལ་ཏེ་བརྡ་མ་འཕྲད་དོ། །ཞེས་ཟེར་ན། དེ་ལ། ལེགས་པར་གསུངས་པ་ཤེས་པ་གཅེས་པ་སྟེ། །ཐོས་དང་ཏིང་འཛིན་ཤེས་པ་གཅེས་པ་ཡིན། །མི་གང་གྱ་ཙོམ་བག་མེད་གྱུར་པས་ནི། །མི་ཤེས་དེ་ལ་ཐོས་པ་དོན་མི་ཆེ། །ཞེས་སྨྲོས་ཤིག་།གལ་ཏེ། སངས་རྒྱས་གསུང་དག་སྨྲ་མོད་ཀྱི། །ཁྱོད་ལ་མཚན་ནི་མི་སྣང་ངོ ། །འདི་ལ་བདག་ནི་བློ་རྨོངས་ཀྱི། །ཐེ་ཚོམ་མྱུར་དུ་བཅད་པར་གྱིས། །ཞེས་ཟེར་ན། དེའི་མདུན་དུ་སེན་མོས་རྩཝ་ཆོད་ཅིག་།གལ་ཏེ་ཅི། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངམ་ཞེས་ཟེར་ན། བྱུང་ངོ ། །ཞེས་སྨྲོས་ཤིག་།ཅི་སྟེ་གང་ན་བཞུགས་ཞེས་ཟེར་ན། དྲང་སྲོང་སྨྲ་བ་རི་དྭགས་ཀྱི་ནགས་ནའོ། །ཞེས་གྱིས་ཤིག་།བཙུན་པ། དེ་བཞིན་དུ་འཚལ་ལོ། །ཞེས་རིགས་ཀྱི་བུ་ན་ལ་དས། བཅོམ་ལྡན་འདས་ཀྱི་ལྟར་མཉན་ཏེ་བྲམ་ཟེའི་ཁྱེའུ་དེ་གང་ན་བ་དེར་སོང་སྟེ་ཕྱིན་པ་དང ། བྲམ་ཟེའི་ཁྱེའུ་ལ་འདི་</font><hr>Tha421b<br><font size=+2>


སྐད་ཅེས་སྨྲས་སོ། །བྲམ་ཟེའི་ཁྱེའུ། རེ་ཞིག་དྲི་བ་དེ་དག་སྨྲོས་ཤིག་།དེས་ཚིགས་སུ་བཅད་དེ་སྨྲས་པ། བདག་པོ་རྒྱལ་པོ་གང་ཞིག་ནི། །ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། །གང་གིས་འདིར་ནི་ཆགས་ཞེས་བརྗོད། །བློ་ངན་ཇི་ལྟར་མྱ་ངན་བྱེད། །མཁས་པ་ཇི་ལྟར་དགའ་བར་འགྱུར། །གང་ཞིག་ལྡན་པ་ལས་བྲལ་ནས། །འདི་ན་གྲུབ་དང་བདེ་ཞེས་བརྗོད། །དེས་སྨྲས་པ། དྲུག་པ་བདག་པོ་རྒྱལ་པོ་ནི། །ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། །ཆགས་ན་བྱིས་པ་ཞེས་འདིར་བརྗོད། །བློ་ངན་དེ་ལྟར་མྱ་ངན་བྱེད། །མཁས་པ་དེ་ལྟར་དགའ་བར་འགྱུར། །འདི་ཡི་ལྡན་པ་ལས་བྲལ་ནས། །འདི་ན་གྲུབ་དང་བདེ་ཞེས་བརྗོད། །བྲམ་ཟེའི་ཁྱེའུས་སྨྲས་པ། དྲང་སྲོང་ཆེན་པོ། བརྡ་མ་འཕྲད་དོ། །དེས་སྨྲས་པ། ལེགས་པར་གསུངས་པ་ཤེས་པ་གཅེས་པ་སྟེ། །ཐོས་དང་ཏིང་འཛིན་ཤེས་པ་གཅེས་པ་ཡིན། །མི་གང་གྱ་ཚོམ་བག་མེད་གྱུར་པས་ནི། །མི་ཤེས་དེ་ལ་ཐོས་པ་དོན་མི་ཆེ། །བྲམ་ཟེའི་ཁྱེའུས་སྨྲས་པ། ན་ལ་ད། སངས་རྒྱས་གསུང་དག་སྨྲ་མོད་ཀྱི། །ཁྱོད་ལ་མཚན་ནི་མི་སྣང་ངོ ། །འདི་ལ་བདག་ནི་བློ་རྨོངས་ཀྱི། །ཐེ་ཚོམ་མྱུར་དུ་བཅོད་པར་གྱིས། །ན་ལ་དས། དེའི་མདུན་དུ་སེན་མོས་རྩཝ་བཅད་པ་དང ། དེས་སྨྲས་པ། ན་ལ་ད། ཅི།་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངམ། དེས་སྨྲས་པ། བྲམ་ཟེའི་ཁྱེའུ་བྱུང་ངོ ། །གང་ན་བཞུགས། ཡུལ་ཝཱ་ར་ཎཱ་སི་འདི་ཉིད་ནའོ། །ཕྱོགས་གང་ན། དྲང་སྲོང་སྨྲ་བ་རི་དྭགས་ཀྱི་</font><hr>Tha422a<br><font size=+2>


༄#། །ནགས་ནའོ། །བྲམ་ཟེའི་ཁྱེའུས་བསམ་པ། གལ་ཏེ་བདག་གིས་འདི་ལ་རང་གི་རིགས་བསྙད་ན་ནི། འདིས་བརྙས་པར་འགྱུར། འོན་ཏེ་བྲམ་ཟེའི་ཁྱེའུའི་ཆ་ལུགས་ཁོ་ནས་སོང་ན་ནི། ཝཱ་ར་ཎཱ་སི་ན་གནས་པའི་བྲམ་ཟེ་རིག་པ་གསུམ་དང་ལྡན་པའམ། ཁ་ཅིག་།བྲམ་ཟེའི་ཁྱེའུ་རིགས་མཐོན་པོ་ལས་སྐྱེས་པ་དག་།དགེ་སྦྱོང་གོའུ་ཏ་མའི་དྲུང་དུ་སོང་ངོ ། །ཞེས་མ་དད་པར་འགྱུར་རོ། །གལ་ཏེ་རང་གི་ཆ་ལུགས་ཀྱིས་སོང་ན་ནི། བདག་དང ། ཀླུ་མང་པོ་འཁོན་ཡོད་པས་ལ་ལས་བདག་ལ་གནོད་པ་བྱས་སུ་འོང་བས། མ་ལ་བདག་གིས་བདག་ཉིད་འཁོར་ལོས་བསྒྱུར་བར་མངོན་པར་སྤྲུལ་ལ་བཅོམ་ལྡན་འདས་ཀྱི་སྤྱན་སྔར་འགྲོའོ། །སྙམ་མོ། །དེ་ནས་ཀླུའི་རྒྱལ་པོ་ཨེ་ལའི་འདབ་ཀྱིས་བདག་ཉིད་འཁོར་ལོས་བསྒྱུར་བའི་རྒྱལ་པོར་མངོན་པར་སྤྲུལ་ཏེ་རིན་པོ་ཆེ་སྣ་བདུན་གྱིས་ནི། མདུན་དྲངས། ཁྲོམ་གྱི་རུ་བྱེ་བ་ཕྲག་དགུ་བཅུ་རྩ་དགུས་ནི། བསྐོར། བུ་སྟོང་རིན་པོ་ཆེ་སྣ་ཚོགས་ཀྱི་རྒྱན་གྱིས་བརྒྱན་ཅིང་ཀླུབས་པས་ནི། ཟླ་བ་ཁམ་པ་ལྟ་བུར་བསྐོར། མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་སྣ་ཚོགས་དང ། མིའི་མཆོག་སྟོང་ནི། ཕྱི་བཞིན་འབྲང ། རྩིབས་སྟོང་དང་ལྡན་པའི་གདུགས་ནི། སྟེང་ནས་འཛིན་ཅིང ། ཉི་མ་འོད་ཟེར་སྟོང་གི་འོད་ཀྱིས་སྣང་བས། ཟླ་བ་རྒྱུ་སྐར་དང ། གཟའ་དང་བཅས་པའི་གཞལ་ཡས་ཁང་གིས་མཛེས་པ་ཡང་ཟིལ་གྱིས་གནོན་པའི་འོད་ཀྱང་ཟིལ་གྱིས་མནན་ནས་དྲང་སྲོང་</font><hr>Tha422b<br><font size=+2>


སྨྲ་བ་ག་ལ་བ་དེར་སོང་ངོ ། །ཡང་དེའི་ཚེ་བཅོམ་ལྡན་འདས་འཁོར་བརྒྱ་ཕྲག་དུ་མའི་མདུན་ན་བཞུགས་ཤིང་ཆོས་སྟོན་ཏོ། །འཁོར་དེ་དག་གིས་ཀླུའི་རྒྱལ་པོ་ཨེ་ལའི་འདབ་རྒྱང་རིང་པོ་ནས་མཐོང་ངོ་།། མཐོང་ནས་ཀྱང་ངོ་མཚར་དུ་གྱུར་ཏེ། མིག་བགྲད་ནས་རྟོག་པ་རྣམ་པ་སྣ་ཚོགས་སྐྱེས་ཏེ། ཁ་ཅིག་ནི། འདི་སྐད་དུ་ཤེས་ལྡན་དག་།རྒྱལ་པོ་འདི་ག་ལས་འོངས་པ་ཞིག་ཅེས་ཟེར་རོ། །གཞན་དག་ན་རེ། ཤེས་ལྡན་དག་།གང་ལ་འདི་ལྟ་བུའི་འབྱོར་པ་ཕུན་སུམ་ཚོགས་པ་ཡོད་པ་འདི་རྒྱལ་པོ་མ་ཡིན་གྱི། སའི་སྟེང་གི་སའི་དབང་ཕྱུག་གང་ཞིག་ཡིན་ཞེས་ཟེར་རོ། །གཞན་དག་ནི། འདི་རྒྱལ་པོ་མ་ཡིན་གྱི། ལྷའི་དབང་པོ་བརྒྱ་བྱིན་བཅོམ་ལྡན་འདས་ལ་བལྟ་བའི་ཕྱིར་འདིར་འོངས་སོ། །ཞེས་ཟེར་རོ། དེ་ན་གང་དག་ཆགས་པའི་དབང་དུ་སོང་བ་དེ་དག་གིས་དེ་མཐོང་ནས་བདག་ཀྱང་འདི་འདྲ་བར་ནམ་ཞིག་འགྱུར་ཞེས་ཆགས་པ་སྐྱེད་དོ། །དེ་དག་དེ་ལྟར་རྣམ་པ་དུ་མར་རྟོག་པ་ན་ཀླུའི་རྒྱལ་པོ་ཨེ་ལའི་འདབ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཀླུའི་རྒྱལ་པོ་ཨེ་ལའི་འདབ་ལ་འདི་སྐད་ཅེས་བཀའ་སྩལ་ཏོ། །སྐྱེས་བུ་བླུན་པོ། ཁྱོད་ཡང་དག་པར་རྫོགས་པའི་སངས་རྒྱས་འོད་སྲུང་གི་བསླབ་པའི་མཚམས་ལས་འདས་པས། ཀླུའི་སྐྱེ་གནས་སྨད་པར་སྐྱེས་ན། ད་ངའི་འཁོར་ཡང་བསླུ་བར་འདོད་</font><hr>Tha423a<br><font size=+2>


༄#། །དམ་ཅི། སོང་ལ་སྤྲུལ་པ་བཏང་སྟེ་རང་གི་ཆ་ལུགས་ཀྱིས་ཤོག་ཅིག་།དེས་གསོལ་པ། བཙུན་པ། བདག་དང་ཀླུ་མང་པོ་འཁོན་མཆིས་པས། ལ་ལས་བདག་ལ་གནོད་པ་བགྱིས་སུ་མཆིའོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། སོང་ལ་ཀླུའི་རྒྱལ་པོ་ཨེ་ལའི་འདབ་ལ་སྲུང་བར་གྱིས་ཤིག་།བཙུན་པ།་དེ་ལྟར་འཆལ་ལོ། །ཞེས་གནོད་སྦྱིན་ལག་ན་རྡོ་རྗེས་བཅོམ་ལྡན་འདས་ཀྱི་ལྟར་མཉན་ནས་ཀླུའི་རྒྱལ་པོ་ཨེ་ལའི་འདབ་སྲུང་བ་ལྷུར་ལེན་ཅིང་ཕྱི་བཞིན་འབྲང་ངོ་།། །། འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་ལྔ་པ། དེ་ནས་ཀླུའི་རྒྱལ་པོ་ཨེ་ལའི་འདབ་བཅོམ་ལྡན་འདས་ཀྱི་སྤྱན་སྔ་ནས་སོང་སྟེ་རང་གི་རང་བཞིན་དུ་མངོན་པར་བསྒྱུར་ནས་མཇུག་མ་ནི།་རྡོ་འཇོག་ན་འདུག་།མགོ་བདུན་པོ་ནི། ཝཱ་ར་ཎཱ་སི་ན་འདུག་སྟེ། མགོ་རེ་རེ་ལ་སྔོན་གྱི་ལས་ཀྱི་རྣམ་པར་སྨིན་པས་གྲུབ་པའི་ཤིང་ཨེ་ལ་ཞིག་སྐྱེས་པས་ཀུན་ནས་སྲིན་བུའི་རིགས་བརྒྱ་ཕྲག་དུ་མས་ནི། གང ། སྦྲང་བུའི་ཚོགས་དུ་མ་ནི། ལྡིང་ཞིང་འབབ། རྣག་དང་ཁྲག་དྲི་མནམ་ཞིང་རབ་ཏུ་མནམ་པ་ནི། འཛག་གོ་།དེ་ནས་སེམས་ཅན་རྣམས་ཀྱིས་མཐོང་ན་མིག་སྒྱུར་བ་དེ་ལྟ་བུར་ལུས་བསྒྱུར་ནས་བཅོམ་ལྡན་འདས་ག་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་པ་དང ། འཁོར་དེ་དག་གིས་ཀླུའི་རྒྱལ་པོ་ཨེ་</font><hr>Tha423b<br><font size=+2>


ལའི་འདབ་ཀྱི་ལུས་མཐོང་མི་འདོད་པ། ཤིན་ཏུ་འཇིགས་སུ་རུང་བ། འདོད་ཆགས་དང་མ་བྲལ་བ་འཇིགས་པ་དང ། མྱ་ངན་དང ། སྐྱོ་བར་བྱེད་པ་ཆེ་ཞིང་གས་པ། རྩུབ་པ། མདངས་མེད་པ། ཁ་དོག་གི་རྣམ་པ་དང ། དབྱིབས་ཀྱི་ཁྱད་པར་དུ་མ་དང་ལྡན་པ་མཐོང་ངོ ། །མཐོང་ནས་ཀྱང་སྐྲག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱི་སྤྱན་སྔར་མཆིས་པ། ཤིན་ཏུ་འཇིགས་སུ་རུང་བ་འདི་གང་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་ནི། འཁོར་ལོས་བསྒྱུར་བའི་ཆ་ལུགས་འཆང་ཤིང ། ངའི་དྲུང་དུ་འོངས་པ་གང་ལ་ཁྱེད་ཀྱིས་འཁོར་བའི་སྒོའི་ཁྱད་པར་འདོད་པས་ཆགས་པ་སྐྱེད་པ་དེ་ཡིན་ཏེ། དེའི་ད་ལྟའི་ལུས་འདི་ནི། མི་འདོད་པའི་ལས་ཀྱི་ཉེས་པས་མངོན་པར་གྲུབ་པ། རང་བཞིན་པ་ཡིན་ནོ། །སྔ་མ་ནི། སྤྲུལ་པ་ཡིན་ནོ། །དེ་དག་གིས་ལས་ཆུད་མི་ཟ་བ་ཐོས་པས་ཡིད་མི་བདེ་བ་སྐྱེས་ཏེ་ཅང་མི་ཟེར་བར་འདུག་གོ། །དེ་ནས་ཀླུའི་རྒྱལ་པོ་ཨེ་ལའི་འདབ་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ལུང་བསྟན་དུ་གསོལ། བདེ་བར་གཤེགས་པ། བདག་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ། མི་རྣམས་ཀྱི་ཚེ་ལོ་བརྒྱད་ཁྲི་པར་གྱུར་ཏེ། མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། སྟོན་པ་བྱམས་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཞེས་བྱ་བ་ནས་ལྷ་དང་མི་རྣམས་ཀྱི་སྟོན་</font><hr>Tha424a<br><font size=+2>


༄#། །པ་སངས་རྒྱས་བཅོམ་ལྡན་འདས་འཇིག་རྟེན་དུ་འབྱུང་བར་འགྱུར་རོ། །ཞེས་བྱ་བའི་བར་སྔ་མ་བཞིན་ཏེ། དེས་ཁྱོད་ལ་ལུང་སྟོན་པར་འགྱུར་རོ། །དེ་ནས་ཀླུའི་རྒྱལ་པོ་ཨེ་ལའི་འདབ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་དེ་ཉིད་དུ་མི་སྣང་བར་གྱུར་ཏོ། །དགེ་སློང་དག་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཀླུའི་རྒྱལ་པོ་ཨེ་ལའི་འདབ་ཀྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཀླུའི་སྐྱེ་གནས་སྨད་པར་སྐྱེས་ནས། ཤིང་ཨེ་ལ་མགོ་ལ་སྐྱེས་པས་ཀུན་ནས་སྲིན་བུའི་རིགས་བརྒྱ་ཕྲག་དུ་མས་ནི། གང ། སྦྲང་མའི་ཚོགས་དུ་མ་ནི། ལྡིང་ཞིང་འབབ། རྣག་དང་ཁྲག་གི་དྲི་མནམ་ཞིང་རབ་ཏུ་མནམ་པ་ནི།་འཛག་པའི་སྡུག་བསྔལ་འདི་ལྟ་བུ་འདི་ཉམས་སུ་མྱོང་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཀླུའི་རྒྱལ་པོ་ཨེ་ལའི་འདབ་ཀྱིས་ལས་བྱས་ཤིང་བསགས་པ།་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་ངེས་པར་འབྱུང་བ་ཡིན་ཏེ། ཀླུའི་རྒྱལ་པོ་ཨེ་ལའི་འདབ་ཀྱིས་ལས་བྱས་ཤིང་བསགས་པ་གཞན་སུ་ཞིག་གིས་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན་</font><hr>Tha424b<br><font size=+2>


རླུང་གི་ཁམས་ལ་མ་ཡིན་གྱི། འོན་ཀྱང་ལས་དགེ་བ་དང་མི་དགེ་བ་བྱས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་།སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། དེ་གྲོང་ཁྱེར་ཝཱ་ར་ཎཱ་སིའི་དྲང་སྲོང་སྨྲ་བ་རི་དྭགས་ཀྱི་ནགས་ན་གནས་ཤིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས་སྡེ་སྣོད་གསུམ་དང་ལྡན་པ་སྤོང་བ་པར་གྱུར་ཏེ། དེ་དབེན་པའི་ཕྱོགས་ཤིག་ནི་ཤིང་ཨེ་ལའི་དྲུང་དུ་འཆགས་བཅས་ཏེ། དེ་དེ་ན་འཆག་པའི་འཕྲལ་པར་ཤིང་ཨེ་ལའི་འདབ་མས་ཕོག་པ་དང ། དེ་དེས་བརྣགས་སོ། །ཇི་ཙམ་དུས་གཞན་ཞིག་ན་ཡིད་ལ་བྱེད་པའི་རྣལ་འབྱོར་གྱིས་ངལ་ཏེ་འཆག་པ་ན། དེའི་འཕྲལ་བ་ལ་དེའི་འདབ་མས་ཕོག་པ་དང ། དེས་དེ་ལ་ཁྲོས་ཏེ་བཅད་ནས་ལག་པ་གཉིས་ཀྱིས་དུམ་བུ་དུམ་བུར་བྱས་ཏེ་བོར་ནས་འདི་སྐད་དུ། སྲོག་ཀྱང་མེད། འཚོ་བ་ཡང་མེད་པ་འདི་ལ་བཅོམ་ལྡན་འདས་འོད་སྲུང་གིས་ཉེས་པ་ཅི་ཞིག་གཟིགས་</font><hr>Tha425a<br><font size=+2>


༄#། །ན།་གང་གི་ཕྱིར་བསླབ་པའི་གཞིར་བཅས་ཞེས་ཀྱང་སྨྲས་སོ། །དེས་ཁྲོས་ཏེ་བསླབ་པ་དྲལ་བས་ལུས་ཞིག་ནས་ཀླུ་རྣམས་ཀྱི་ནང་དུ་སྐྱེས་ཏེ་མགོ་ལ་ཤིང་ཨེ་ལ་སྐྱེས་པས། སྲིན་བུའི་རིགས་བརྒྱ་ཕྲག་དུ་མས་ནི། གང ། སྦྲང་མའི་ཚོགས་དུ་མ་ནི། ལྡིང་ཞིང་འབབ། རྣག་དང་ཁྲག་དྲི་མནམ་ཞིང་རབ་ཏུ་མནམ་ཞིང་རབ་ཏུ་མནམ་པ་ནི། འཛག་གོ ། དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་དགེ་སློང་སྡེ་སྣོད་གསུམ་པ་སྤོང་བ་པ་གང་ཡིན་པ་དེ་ནི། ཀླུའི་རྒྱལ་པོ་ཨེ་ལའི་འདབ་འདི་ཉིད་ཡིན་ཏེ། གང་འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་ནས་རབ་ཏུ་ཁྲོས་ཏེ་བསླབ་པ་དྲལ་བའི་ལས་དེའི་རྣམ་པར་སྨིན་པས། ཀླུ་རྣམས་ཀྱི་ནང་དུ་སྐྱེས་ཏེ་མགོ་ལ་ཤིང་ཨེ་ལ་སྐྱེས་པས་ཀུན་ནས་སྲིན་བུའི་རིགས་བརྒྱ་ཕྲག་དུ་མས་ནི། གང ། སྦྲང་བུའི་ཚོགས་དུ་མ་ནི། ལྡིང་ཞིང་འབབ། རྣག་དང་ཁྲག་དྲི་མནམ་ཞིང་རབ་ཏུ་མནམ་པ་ནི། འཛག་གོ་།དགེ་སློང་དག་།དེ་ལྟར་ན།་ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་ནང ། །གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར། འདྲེན་མ་རྣམས་ཀྱི་ཡང་འདྲེན་མའོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་དང་འདྲེན་མ་དག་སྤངས་ཏེ། ལས་གཅིག་ཏུ་དཀར་བ་དག་ཁོ་ན་ལ་བརྩལ་བར་བྱ་སྟེ། དགེ་སློང་དག། ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་</font><hr>Tha425b<br><font size=+2>


གྱིས་དེ་སྐད་ཅེས་བཀའ་སྩལ་པ་དང ། དགེ་སློང་དེ་དག་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ནས་དྲང་སྲོང་ན་ལ་ད་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་དྲང་སྲོང་ན་ལ་དས་འདི་སྐད་ཅེས་གསོལ་ཏོ། ། བཙུན་པ། བདག་གིས་སྔོན་དམ་བཅས་པ་ཚར་ཕྱུང་ལགས་ཏེ། བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པར་འཚལ་ལོ། །བཅོམ་ལྡན་འདས་ཀྱིས་དེ་ལ་དགེ་སློང་ཚུར་ཤོག་།ཚངས་པར་སྤྱད་པ་སྤྱོད་ཅིག་།ཅེས་དགེ་སློང་ཚུར་ཞེས་བྱ་བས་བཀའ་སྩལ་པ་དང ། དེ་བཅོམ་ལྡན་འདས་ཀྱིས་བཀའ་སྩལ་མ་ཐག་ཏུ་སྐྲ་བྱི། སྣམ་སྦྱར་གྱོན། ལག་ན་ལྷུང་བཟེད་དང་བྱ་མ་བུམ་ཐོགས་ཤིང ། སྐྲ་དང་ཁ་སྤུ་བྲེགས་ནས་ཞག་བདུན་ལོན་པ་ལྟ་བུ་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་དུ་གནས་པར་གྱུར་ཏེ། །དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྲེགས་སྣམ་སྦྱར་བགོས་པའི་ལུས་ལྡན་ཞིང ། །སངས་རྒྱས་དགོངས་པས་ཆ་ལུགས་བསྒྱུར་ནས་ནི། །མོད་ལ་དབང་པོ་རབ་ཞི་ཁོ་ནར་གནས། །གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ན་ལ་ད་དགེ་སློང་</font><hr>Tha426a<br><font size=+2>


༄#། །ཚུར་ཤོག་ཅེས་བྱ་བས་རབ་ཏུ་ཕྱུང་བ་དེའི་ཚེ། དེ་ལ་ཚངས་པ་མཚུངས་པར་སྤྱོད་པ་དག་གིས་ཇི་སྐད་འབོད་མི་ཤེས་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདིའི་རུས་ཀ་ཏྱའི་བུ་ཡིན་ཏེ། དེ་བས་ན། འདི་ལ་ཀ་ཏྱའི་བུ་ཞེས་བོས་ཤིག་།དགེ་སློང་དག་གིས་དེ་ལ་ཀ་ཏྱའི་བུ་ཞེས་འབོད་པར་བརྩམས་པ་དང ། དེའི་མིང་ཀ་ཏྱའི་བུ། ཀ་ཏྱའི་བུ་ཞེས་བྱ་བར་ཆགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀ་ཏྱའི་བུ་ལ་བཀའ་སྩལ་པ། ཀ་ཏྱའི་བུ། འཇིག་རྟེན་འདི་ནི། ཕལ་ཆེར་ཡོད་པ་དང ། མེད་པ་གཉིས་ལ་རྟེན་ཏོ། །ཀ་ཏྱའི་བུ། འཇིག་རྟེན་འདི་ནི། ཕལ་ཆེར་ཕུང་པོ་དང་ཉེ་བར་ལེན་པས་རྣམ་པར་བཅིངས་ཤིང ། ཡོད་པ་དང་མེད་པ་གཉིས་ལ་རྟེན་ཏོ། །ཀ་ཏྱའི་བུ། སེམས་ཀྱི་རྟེན་མངོན་པར་ཞེན་པ་བག་ལ་ཉལ་དུ་འགྱུར་བ་འདི་དག་ལ་བདག་ཅེས་བྱ་བར་ཁས་མི་ལེན། ལེན་པར་མི་བྱེད། གནས་པར་མི་བྱེད། མངོན་པར་ཞེན་པར་མི་བྱེད་དོ། །ཀ་ཏྱའི་བུ། སྐྱེ་བ་ན། སྡུག་བསྔལ་འདི་སྐྱེའོ། །འགག་པ་ན། སྡུག་བསྔལ་འདི་འགག་གོ་།ཀ་ཏྱའི་བུ། འདི་ལ་ཁྱོད་ཡིད་གཉིས་དང ། ཐེ་ཚོམ་མེད་པར་གཞན་ལ་རག་མ་ལས་པའི་ཤེས་པ་ཁོ་ན་སྐྱེས་ན། ཀ་ཏྱའི་བུ། འདི་ཙམ་གྱིས་ནི། ཡང་དག་པའི་ལྟ་བ་ཡིན་ཏེ། འདི་ཙམ་གྱིས་ན། དེ་བཞིན་གཤེགས་པས་ཡང་</font><hr>Tha426b<br><font size=+2>


དག་པའི་ལྟ་བར་འདོགས་པར་མཛད་དོ། །དེ་ཅིའི་ཕྱིར་ཞེ་ན། ཀ་ཏྱའི་བུ། འཇིག་རྟེན་ཀུན་འབྱུང་བ་ཡང་དག་པ་ཇི་ལྟ་བ་བཞིན་དུ་ཡང་དག་པའི་ཤེས་རབ་ཀྱིས་ལྟ་བ་ནི། འཇིག་རྟེན་ལ་མེད་པ་གང་ཡིན་པ་དེར་མི་སེམས་སོ། །ཀ་ཏྱའི་བུ་འཇིག་རྟེན་འགོག་པ་ཡང་དག་པ་ཇི་ལྟ་བ་བཞིན་དུ་ཡང་དག་པའི་ཤེས་རབ་ཀྱི་ལྟ་བ་ནི། འཇིག་རྟེན་ལ་ཡོད་པ་གང་ཡིན་པ་དེར་སེམས་སོ། །ཀ་ཏྱའི་བུ། དེ་བཞིན་གཤེགས་པ་ནི། མཐའ་གཉིས་པོ་དེ་དག་ལ་མི་རྟེན་པར་འཇིག་རྟེན་ལ་དབུ་མའི་ལམ་གྱིས་ཆོས་སྟོན་ཅིང་འདི་ལྟར། འདི་ཡོད་པས་འདི་འབྱུང ། འདི་སྐྱེས་པས་འདི་སྐྱེ་སྟེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་སྟེ། དེ་ལྟར་ན། སྡུག་བསྔལ་གྱི་ཕུང་པོ་ཆེན་པོ་འདི་འབའ་ཞིག་ཀུན་འབྱུང་བར་འགྱུར་རོ། །འདི་ལྟར། འདི་མེད་པས་འདི་མི་འབྱུང ། འདི་འགག་པས་འདི་འགག་སྟེ། འདི་ལྟ་སྟེ། མ་རིག་པ་འགག་པས་འདུ་བྱེད་འགག་།འདུ་བྱེད་འགག་པས་རྣམ་པར་ཤེས་པ་</font><hr>Tha427a<br><font size=+2>


༄#། །འགག་།རྣམ་པར་ཤེས་པ་འགག་པས་མིང་དང་གཟུགས་འགག་།མིང་དང་གཟུགས་འགག་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགག་པས་རེག་པ་འགག་།རེག་པ་འགག་པས་ཚོར་བ་འགག་།ཚོར་བ་འགག་པས་སྲེད་པ་འགག་།སྲེད་པ་འགག་པས་ལེན་པ་འགག་།ལེན་པ་འགག་པས་སྲིད་པ་འགག་།སྲིད་པ་འགག་པས་སྐྱེ་བ་འགག་།སྐྱེ་བ་འགག་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་སྟེ། དེ་ལྟར་ན། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་ནི། འགག་པར་འགྱུར་རོ། །དེ་ནས་ཚེ་དང་ལྡན་པ་ཀ་ཏྱའི་བུས་བདེན་པ་མཐོང་སྟེ། འཁོར་བའི་འཁོར་ལོ་གཡོ་བ་དང ། མི་གཡོ་བ་ཆ་ལྔ་པ་འདི་ཉིད་རེག་སྟེ། འདུས་བྱས་ཀྱི་རྣམ་པ་ཐམས་ཅད་ཆོས་ཉིད་ཀྱིས་འཇིག་པ་དང ། ལྟུང་བ་དང ། འགྱེས་པ་དང ། འཇོམས་པར་རྟོགས་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་ནས་དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བ། སེམས་གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་འདྲ་བ། ཙནྡན་དང་སྟེའུར་མཚུངས་པ། རིག་པས་མ་རིག་པས་སྒོ་ངའི་སྦུབས་བཅོམ་པ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་ལ་ཆགས་པ་དང ། བཀུར་སྟི་ལ་རྒྱབ་</font><hr>Tha427b<br><font size=+2>


ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པ་དང ། རྗེད་པ་དང ། གུས་པར་སྨྲ་བར་གྱུར་ཏོ། །བཅོམ་ལྡན་འདས་ཀྱིས་དེ་ལ་ཀ་ཏྱའི་བུ་ཞེས་བཀའ་སྩལ་ཅིང་བོས་བས་དེའི་མིང་ཀ་ཏྱའི་བུ་ཆེན་པོ་ཞེས་བྱ་བར་ཆགས་སོ། །ཇི་ཙམ་དུས་གཞན་ཞིག་ན། འཕགས་རྒྱལ་དུ་ཁྱོགས་དང་ཁྱོགས་སུ་འདོམ་པའི་མི་ངས་ཤིག་བྱུང་ནས་རྒྱལ་པོ་གཏུམ་པོ་རབ་སྣང་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང་བཅས་ཏེ་སེམས་ཁོང་དུ་ཆུད་ཅིང་འདུག་གོ་།དེ་ན་ཁ་ཅིག་གིས་སྨྲས་པ། ལྷ། ཞི་བ་བགྱིད་དུ་སྩོལ་ཅིག་།གཞན་དག་གིས་སྨྲས་པ། བྲམ་ཟེ་རྣམས་འཚལ་མ་སྩོལ་ཅིག་།ཁ་ཅིག་གིས་སྨྲས་པ། ལྷ། ཉེ་འཁོར་ན་གནས་པའི་དགེ་བའི་ངོ་བོར་བཀུར་བའི་དགེ་སྦྱོང་དང ། བྲམ་ཟེ་གང་ཡང་རུང་བ་དེ་དག་ཚོལ་དུ་སྩོལ་ཅིག་།རྒྱལ་པོ་གཏུམ་པོ་རབ་སྣང་གིས་ཆབ་སྒོ་བ་རྣམས་ལ་བསྒོ་བ། ཤེས་ལྡན་དག་།དགེ་སྦྱོང་ངམ། བྲམ་ཟེ་གང་སུ་ཡང་རུང་བ་ཡམས་ཀྱི་ནད་ཞི་བར་བྱེད་པར་འགྱུར་བ་ཞིག་འདིར་འོངས་ན། དེ་ང་ལ་སྦྲོན་ཅིག་།སྐབས་འདི་ལྟ་བུ་ལ་སངས་རྒྱས་བཅོམ་ལྡན་འདས་རྣམས་མི་མཁྱེན་པའམ། མི་གཟིགས་པའམ། མི་རིག་པ་དང ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་སྟེ།་སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་མངའ་བ། འཇིག་རྟེན་ལ་ཕན་འདོགས་པར་ཞུགས་པ། སྲུང་བ་གཅིག་པ། གཅིག་ཏུ་དཔའ་བ། ཟླ་མེད་པ། གཉིས་སུ་མི་གསུང་བ། ཞི་</font><hr>Tha428a<br><font size=+2>


༄#། །གནས་དང་ལྷག་མཐོང་ལ་གནས་པ། གདུལ་བའི་དངོས་པོ་གསུམ་ལ་མཁས་པ། ཆུ་བོ་བཞི་ལས་བརྒལ་བ། རྫུ་འཕྲུལ་གྱི་རྐང་པ་བཞི་ཞབས་ཀྱི་མཐིལ་ལ་ལེགས་བར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་གོམས་པ། ཡན་ལག་ལྔ་སྤངས་པ། འགྲོ་བ་ལྔ་ལས་ཤིན་ཏུ་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། འཕགས་པའི་ལམ་ཡན་ལག་བརྒྱད་པ་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་གྲགས་པས་ཁྱབ་པ་།བརྒྱ་ཕྲག་བཅུ་ལ་མངའ་བསྒྱུར་བས་ཁྱད་པར་དུ་འཕགས་པ་རྣམས་ནི། ཆོས་ཉིད་ཀྱིས་ཉིན་ལན་གསུམ། མཚན་ལན་གསུམ་དུ་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་ཤིང ། སུ་ནི། རྒུད། སུ་ནི། དར། སུ་ནི། ཕོངས་པར་གྱུར། སུ་ནི། ཉམ་ང་བར་གྱུར། སུ་ནི། གནོད་པར་གྱུར། སུ་ནི། ཕོངས་པ་དང ། ཉམ་ང་བ་དང ། གནོད་པར་གྱུར། སུ་ནི། ངན་སོང་ལ་གཞོལ། སུ་ནི། ངན་སོང་ལ་འབོབ། སུ་ནི། ངན་སོང་ལ་བབ། སུ་ནི། ངན་སོང་ནས་དྲངས་ཏེ་མཐོ་རིས་དང་ཐར་པ་ལ་གཞག་།སུའི་དགེ་བའི་རྩ་བ་མ་སྐྱེས་པ་དག་ནི། བསྐྱེད་པར་བྱ། སུའི་བསྐྱེད་པ་དག་ནི། ཡོངས་སུ་སྨིན་པར་བྱ། སུའི་སྨིན་པ་ནི། རྣམ་པར་གྲོལ་བར་བྱ། སུ་ནི། འདོད་པའི་འདམ་དུ་བྱིང་བ་ལས་ལག་ནས་དྲང་</font><hr>Tha428b<br><font size=+2>


བར་བྱ། སུ་ནི། འཕགས་པའི་ནོར་དང་བྲལ་བ་ལས་འཕགས་པའི་ནོར་གྱི་དབང་ཕྱུག་ལ་དབང་བྱེད་པར་གཞག་།སུ་ནི། སངས་རྒྱས་འབྱུང་བས་བརྒྱན་པའི་འཇིག་རྟེན་འབྲས་བུ་དང་བཅས་པར་བྱ་ཞེས་ཡེ་ཤེས་གཟིགས་པ་འཇུག་གོ་།སྨྲས་པ། རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་སྲིད་ཀྱི། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་ཡོལ་བ་མེད། །ཇི་ལྟར་མ་ནི་བུ་གཅིག་སྡུག་པ་ལ། །ལྟ་བར་བྱེད་ཅིང་དེ་ཡི་སྲོག་སྲུང་ལྟར། །དེ་བཞིན་གདུལ་བའི་སྐྱེ་བོ་རྣམས་ལ་ནི། །དེ་བཞིན་གཤེགས་པ་གཟིགས་ཤིང་དེའི་རྒྱུད་སྲུང ། །ཐམས་ཅད་མཁྱེན་པའི་རྒྱུད་ལ་གནས་པ་ཡི། །ཐུགས་རྗེའི་བ་དྲུས་སྲིད་པ་བགྲོད་དཀའ་བར། །འཁྱམས་པ་གདུལ་བར་བྱ་བའི་སྲས་དག་ནི། །བ་གཤིན་བེའུ་སྟོར་བཞིན་དུ་སྐྱོ་མེད་ཚོལ། །བཅོམ་ལྡན་འདས་ཀྱིས་དགོངས་པ། རྒྱལ་པོ་གཏུམ་པོ་རབ་སྣང་བཙུན་མོའི་འཁོར་དང ། གཞོན་ནུ་དང ། བློན་པོ་དང ། འཕགས་རྒྱལ་ན་གནས་པའི་སྐྱེ་བོའི་ཚོགས་དང་བཅས་པ་གང་གིས་གདུལ་བར་བྱ་བ་ཡིན་སྙམ་ན། དགེ་སློང་ཀ་ཏྱའི་བུ་ཆེན་པོའི་ཡིན་པར་གཟིགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་བཀའ་སྩལ་པ། ཀ་ཏྱའི་བུ། འཕགས་རྒྱལ་གྱི་རྒྱལ་པོ་གཏུམ་པོ་རབ་སྣང ། བཙུན་མོའི་འཁོར་དང ། གཞོན་ནུ་དང ། བློན་པོ་དང ། འཕགས་རྒྱལ་ན་གནས་པའི་སྐྱེ་བོའི་ཚོགས་དང་བཅས་པ་ལ་སོམས་ཤིག་།བཙུན་པ། དེ་ལྟར་འཚལ་ལོ། ། </font><hr>Tha429a<br><font size=+2>


༄#། །ཞེས་ཚེ་དང་ལྡན་པ་ཀ་ཏྱའི་བུ་ཆེན་པོས་བཅོམ་ལྡན་འདས་ཀྱི་ལྟར་མཉན་ཏེ། དེ་ཉིད་ཀྱི་མཚན་མོ་འདས་ནས་སྔ་དྲོ་ཆོས་གོས་དང་ཤམ་ཐབས་བགོས། ལྷུང་བཟེད་ཐོགས་ཏེ་ཝཱ་ར་ཎཱ་སིར་བསོད་སྙོམས་ལ་ཞུགས་སོ། །ཝཱ་ར་ཎཱ་སིར་བསོད་སྙོམས་སྤྱད་ནས་ཟས་ཀྱི་བྱ་བ་བྱས་ཏེ་ཟས་ཕྱིས་ལེན་པ་སྤངས་པས། གནས་མལ་ཇི་ལྟར་སྤྱད་པ་ཆམ་དུ་ཕབ་སྟེ་ལྷུང་བཟེད་དང་ཆོས་གོས་ཐོགས་ནས་འཁོར་ལྔ་བརྒྱ་དང་འཕགས་རྒྱལ་གང་ན་བ་དེར་རྒྱུ་ཞིང་སོང་ངོ ། །དེའི་ཚེ་ཡུལ་ཀ་ནྱ་ཀུབ་ཛ་ན་ཚེ་དང་ལྡན་པ་ཀ་ཏྱའི་བུ་ཆེན་པོའི་སྔོན་ཁྱིམ་པའི་མཛའ་བོ་བྲམ་ཟེ་ཞིག་གནས་པ་དེའི་བུ་མོ་གཟུགས་ཁྱད་པར་ཅན་དང་ལྡན་པས། ཚེ་རབས་སྔ་མའི་མིང་དང་མཐུན་པར་སྐྲ་ཅན་ཞེས་བཏགས་སོ། །ཇི་ཙམ་ན་ལྷོ་ཕྱོགས་ནས་གར་མཁན་གྱི་སློབ་དཔོན་ཞིག་འོངས་ཏེ། དེས་དེའི་སྐྲ་བཟང་བར་མཐོང་ནས་བྲམ་ཟེ་དེའི་དྲུང་དུ་སོང་སྟེ་དེས་སྨྲས་པ། ཀྱེ་བྲམ་ཟེ་ཆེན་པོ། བུ་མོ་འདིའི་སྐྲ་རྣམས་བདག་ལ་བྱིན་ཅིག་དང ། ཀཪྴ་པ་ཎ་སྟོང་སྦྱིན་ནོ། ། ཞེས་སྨྲས་པ་དང ། དེས་སློབ་དཔོན། བདག་ཅག་ནི། བྲམ་ཟེ་ཡིན་ཏེ་བདག་ཅག་སྐྲ་བཙོང་དུ་མི་རུང་ན། ཇི་ལྟར་སྐྲ་བཙོང་ཞེས་སྨྲས་པ་དང ། གར་མཁན་གྱི་སློབ་དཔོན་དེ་ཅང་མི་ཟེར་བར་སོང་ངོ ། །བྲམ་ཟེ་དེ་ཡང་ཕྱི་དེ་ཉིན་དུས་ལས་འདས་སོ། །དེའི་ཆུང་མས་ཇི་ལྟར་འཕགས་པ་ཀ་ཏྱའི་བུ་ཆེན་པོ་འཁོར་ལྔ་བརྒྱ་དང ། དེ་ནས་ཐག་མི་རིང་བ་ཞིག་ན་འདུག་སྟེ། འཕགས་</font><hr>Tha429b<br><font size=+2>


རྒྱལ་དུ་འོང་བར་འདོད་ཅེས་ཐོས་སོ། །ཁྱོ་དང་བྲལ་བས་སྡུག་བསྔལ་བ་དང ། ཡིད་མི་བདེ་བ་སྐྱེས་པ་དང ། ཚེ་དང་ལྡན་པ་ཀ་ཏྱའི་བུ་ཆེན་པོ་འོང་བ་ཐོས་ནས་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་གོ་།བུ་མོ་སྐྲ་ཅན་མས་མ་དེ་ལྟར་འདུག་པ་མཐོང་ངོ ། །མཐོང་ནས་ཀྱང་སྨྲས་པ། མ། ཅིའི་ཕྱིར་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་།དེས་སྨྲས་པ། བུ་མོ། འཕགས་པ་ཀ་ཏྱའི་བུ་ཆེན་པོ་ཁྱོད་ཀྱི་ཕའི་ཆུང་པོ་གྲོགས་འདི་ནས་མི་རིང་བ་ཞིག་ན་འདུག་སྟེ། འཕགས་རྒྱལ་དུ་འོང་འདོད་ན། ཁྱོད་ཀྱི་ཕ་ནི། དུས་ལས་འདས། བདག་ཅག་གི་ཁྱིམ་གྱི་གནས་སྐབས་ནི། འདི་ལྟ་བུར་གྱུར་པས་རིང་ཞིག་ན་འོངས་པ་དེ་ལ་ཉི་མ་འགའི་བསོད་སྙོམས་ཀྱང་སྦྱིན་མི་ནུས་པས་སོ། །དེས་སྨྲས་པ། མ། གལ་ཏེ་དེ་ལྟ་ན་གར་མཁན་གྱི་སློབ་དཔོན་དེ་བདག་གི་སྐྲ་ཀཪྴ་པ་ཎ་སྟོང་གིས་ཉོ་བས་དེ་ཉིད་དུ་ཚོངས་ལ་འཕགས་པ་ཀ་ཏྱའི་བུ་ཆེན་པོ་ལ་བསོད་སྙོམས་ཕུལ་ཅིག་།བདག་གི་སྐྲ་ནི། ཡང་སྐྱེ་བར་འགྱུར་གྱི། མྱ་ངན་མ་མཛད་ཅིག་།དེས་དེའི་ཚིག་དད་པ་ལས་བྱུང་བ་དེ་ཐོས་ནས་བུ་མོ། །ལེགས་ཀྱི། དེ་ལྟར་བྱའོ། །ཞེས་སྨྲས་ཏེ། གར་མཁན་གྱི་སློབ་དཔོན་གང་ན་བ་དེར་སོང་སྟེ་ཕྱིན་ནས་སྨྲས་པ། སློབ་དཔོན། ཁྱོད་ཀྱིས་ངའི་བུ་མོའི་སྐྲ་ཀཪྴ་པ་ཎ་སྟོང་གིས་འཇལ་ན། དེ་སྣོམས་ལ་ཀཪྴ་པ་ཎ་སྟོང་སྩོལ་ཅིག་།དེས་སྨྲས་པ། སྲིང་མོ། །དེའི་ཚེ་ནི། ཁོ་བོ་དེ་དག་དགོས་ཀྱི། ད་ནི། དེ་དག་མི་དགོས། འོན་ཀྱང་ཀཪྴ་པ་ཎ་ལྔ་བརྒྱར་འཚོང་ན་</font><hr>Tha430a<br><font size=+2>


༄#། །བླང་ངོ ། །དེས་སྨྲས་པ། སློབ་དཔོན། སྩོལ་ལ་འདི་དག་བཞེས་ཤིག་།དེས་བླངས་སོ། །ཇི་ཙམ་ན་ཚེ་དང་ལྡན་པ་ཀ་ཏྱའི་བུ་ཆེན་པོ་ཡུལ་ཀ་ནྱ་ཀུབ་ཛར་ཕྱིན་ནས་དེ་དབེན་པ་བླ་གབ་མེད་པ་ཞིག་ཏུ་འདུག་གོ་།དེ་ནས་བྲམ་ཟེ་མོ་དེ་རྟབ་པོར་གོམ་པ་བསླང་སྟེ་ཚེ་དང་ལྡན་པ་ཀཏྱའི་བུ་ཆེན་པོ་གང་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་ཀ་ཏྱའི་བུ་ཆེན་པོ། སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། དེས་སྨྲས་པ། བྲམ་ཟེ་མོ། ངའི་འཁོར་སྐྱེ་བོ་ཕལ་པོ་ཆེའོ། དེས་སྨྲས་པ། འཕགས་པ། འཁོར་ཇི་སྙེད་ཅིག་མཆིས། བྲམ་ཟེ་མོ། ངའི་འཁོར་ལྔ་བརྒྱ་ཡོད་དོ། །འཕགས་པ། ལེགས་ཀྱི། དེ་བཞིན་བགྱི་ཡི། གནང་བར་མཛོད་ཅིག་།ཚེ་དང་ལྡན་པ་ཀ་ཏྱའི་བུ་ཆེན་པོས་བྲམ་ཟེ་མོ་དེ་ལ་ཅང་མི་ཟེར་བར་ཁས་བླངས་སོ། །དེ་ནས་བྲམ་ཟེ་མོ་དེ། ཚེ་དང་ལྡན་པ་ཀ་ཏྱའི་བུ་ཆེན་པོས་ཅང་མི་ཟེར་བས་ཁས་བླངས་པར་རིག་ནས་རྐང་པ་ལ་ཕྱག་བྱས་ནས་སྟན་ལས་ལངས་ཏེ་སོང་ངོ ། །དེ་ནས་བྲམ་ཟེ་མོ་དེས། དེ་ཉིད་ཀྱི་ནུབ་མོ་གཙང་ཞིང་བསོད་པའི་བཟའ་བ་དང ། བཅའ་བ་དག་བཤམས་ཏེ་ནང་པར་སྔར་ལངས་ནས་སྟན་བཏིང ། ཆུ་ར་བཞག་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་སྤྱན་འདྲེན་གྱིས། འཕགས་པ་གདུགས་ཚོད་བཤམས་ལགས་ཏེ། འཕགས་པ། ད་དེའི་དུས་ལ་བབ་པར་དགོངས་སུ་གསོལ་ཞེས་</font><hr>Tha430b<br><font size=+2>


དུས་གདས་པར་བྱས་སོ། །དེ་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་སྔ་དྲོ་ཆོས་གོས་དང་ཤམ་ཐབས་བགོས། ལྷུང་བཟེད་ཐོགས་ནས་དགེ་སློང་མང་པོས་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ་བྲམ་ཟེ་མོ་དེའི་བཀད་ས་གང་ན་བ་དེར་སོང་ངོ ། །ཕྱིན་ནས་དགེ་སློང་གི་དགེ་འདུན་གྱི་གུང་ལ་སྟན་བཤམས་པ་ཉིད་ལ་འདུག་གོ་།དེ་ནས་བྲམ་ཟེ་མོ་དེས་ཀ་ཏྱའི་བུ་ཆེན་པོ་ལ་སོགས་པ་དགེ་སློང་གི་དགེ་འདུན་དག་བདེ་བར་བཞུགས་པར་རིག་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་བསྟར་ཏེ་ཡང་དག་པར་ཚིམ་པར་བྱེད། ཡང་དག་པར་སྟོབ་པར་བྱེད་དོ། །རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་བསྟར་ཏེ་ཡང་དག་པར་ཚིམ་པར་བྱས། ཡང་དག་པར་བསྟབས་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་བཤོས་གསོལ་ནས། ལྷུང་བཟེད་གྱུ། ཕྱག་བཅབས་པར་རིག་ནས་ཚེ་དང་ལྡན་པ་ཀ་ཏྱའི་བུ་ཆེན་པོའི་མདུན་དུ་ཆོས་མཉན་པའི་ཕྱིར་སྟན་ཆེས་དམའ་བ་ཞིག་བཏིང་ནས་འདུག་གོ་།དེ་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་བྲམ་ཟེ་མོ་དེ་ལ་ཆོས་འཆད་པར་འདོད་ནས་བྲམ་ཟེ་མོ་དེ་ལ་འདི་སྐད་ཅེས་སྨྲས་སོ། །བྲམ་ཟེའི་བུ་མོ་སྐྲ་ཅན་ག་རེ། དེས་སྨྲས་པ། འཕགས་པ།་སྤྱོད་ལམ་ཉམས་ལགས་སོ། །དགྲ་བཅོམ་པ་རྣམས་ནི། མ་བསམ་པར་ཡེ་ཤེས་མཐོང་བ་མི་འཇུག་པས། དེས་བུ་མོ་སྐྲ་ཅན་གྱི་སྤྱོད་པ་བསམ་ནས་སྨྲས་པ། བྲམ་ཟེ་མོ། དགེ་བའི་</font><hr>Tha431a<br><font size=+2>


༄#། །བསམ་པ་ཅན་གྱི་བུ་མོ་དེ་བོས་ཤིག་།དེས་བོས་པ་དང་ཁང་པ་ནས་བྱུང་སྟེ་དད་པ་དྲག་པོས་ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་ཕྱག་འཚལ་ཏེ་ཕྱོགས་གཅིག་ཏུ་འདུག་པ་དང ། བྲམ་ཟེ་མོ་དེས་སྨྲས་པ། འཕགས་པ། སྐྲ་ཅན་མ་འདི་སྡིག་པ་སྤངས་པས་ཁྱོད་ཀྱི་སྲས་མ་ལགས་ཏེ། དེའི་སླད་དུ་ཇི་ལྟར་བགྱིས་ཀྱང་བདག་ཅག་གིས་ཁྱོད་ཁོ་ན་ལ་ཞུ་འཚལ་ན། འདི་བདག་ཅག་གིས་སུ་ལ་བསྩལ་བར་བགྱི་གསུངས་ཤིག་།དེས་སྨྲས་པ། བྲམ་ཟེ་མོས་ཆ་མ་ཡིན་པ་ཞིག་དྲིས་ཏེ། དེ་ནི། རབ་ཏུ་བྱུང་བ་ལ་འཚམ་པ་མ་ཡིན་མོད་ཀྱི། འོན་ཀྱང་བུ་མོ་འདིས་གསང་བའི་རྒྱན་ལྔ་བརྒྱ་དང ། ཕྱི་རོལ་གྱི་རྒྱན་ལྔ་བརྒྱ་དང ། གྲོང་གི་མཆོག་ལྔ་རྙེད་པར་འགྱུར་རོ། །དེས་སྨྲས་པ། འཕགས་པ། བདག་ཅག་བྲམ་ཟེ་ནི། དབུལ་བ་ལགས་ན། བདག་ཅག་གིས་དེ་དག་ག་ལས་རྙེད། དེས་སྨྲས་པ། བྲམ་ཟེ་མོ། དེ་སྐད་མ་ཟེར་ཅིག་།བུ་མོ་འདིས་ཞིང་བཟང་པོ་ལ་དད་པ་དྲག་པོས་བྱ་བ་བྱས་པས་བསོད་ནམས་ཀྱི་དབང་ཆེ་བར་གྲགས་པ་ཡིན་ཏེ། ངེས་པར་འདི་ལ་ཐམས་ཅད་འབྱོར་བར་འགྱུར་གྱི། སྨྲེ་སྔགས་མ་འདོན་ཅིག་།ཅེས་བྱས་པ་དང ། དེ་ཅང་མི་ཟེར་བར་འདུག་གོ་།ཚེ་དང་ལྡན་པ་ཀ་ཏྱའི་བུ་ཆེན་པོས་བྲམ་ཟེ་མོ་དེ་དང་བུ་མོ་དེ་ལ་ཆོས་དང་མཐུན་པའི་གཏམ་གྱིས་ཡང་དག་པར་སྟོན། ཡང་དག་པར་ལེན་དུ་འཇུག་།ཡང་དག་པར་གཟེངས་བསྟོད། ཡང་དག་པར་དགའ་བར་བྱེད་ཅིང ། རྣམ་པ་དུ་མར་</font><hr>Tha431b<br><font size=+2>


ཆོས་དང་མཐུན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ནས་སྟན་ལས་ལངས་ཏེ་སོང་ནས་རིམ་གྱིས་འཕགས་རྒྱལ་དུ་ཕྱིན་ཏོ། །དེ་གྲོང་ཁྱེར་དུ་ཞུགས་པའི་ཚེ་མོད་ལ་ཡམས་ཀྱི་ནད་ཕྱེད་ཞི་བར་གྱུར་པ་དང ། ཆབ་སྒོ་བས་རྒྱལ་པོ་ལ་སྦྲན་པ། ལྷ། སྔོན་མ་བྱུང་བའི་རྟགས་དང ། ཆ་ལུགས་འཆང་བའི་དགེ་སྦྱོང་ཞིག་གཡོག་ལྔ་བརྒྱ་དང་བཅས་པ་མཆིས་ཏེ། དེ་མཆིས་པའི་མོད་ལ་ཡམས་ཀྱི་ནད་ཕྱེད་ཞི་བར་གྱུར་ཏོ། །རྒྱལ་པོས་སྨྲས་པ། ཀྱེ་སྐྱེས་བུ། ལེགས་ཀྱི། དེ་ལ་བཀུར་སྟི་གྱིས་ཤིག ། བྲམ་ཟེ་རྣམས་ཀྱིས་སྨྲས་པ། ལྷ། བདག་ཅག་གིས་ཉིན་མཚན་དུ་ཞི་བའི་ལས་ལ་བརྩོན་པར་བགྱིས་པས་ན། བདག་ཅག་གི་མཐུས་ཡམས་ཀྱི་ནད་ཕྱེད་ཞི་བར་གྱུར་ཏེ། དགུང་རིང་མོ་མི་ཐོགས་པར་ཐམས་ཅད་ཡོད་ཡེ་ཞི་པར་བགྱིའོ། །དགེ་སློང་དག་གིས་ནི། རྒྱལ་པོ་གཏུམ་པོ་རབ་སྣང་ལ་ནད་མེད་པར་གྱུར་ཅིག་ཅེས་སྨྲས་ནས་ཅང་མི་ཟེར་བར་དོང་ངོ ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།ཆབ་སྒོ་བ་ནི། ལྷ། སྔོན་མ་བྱུང་བའི་རྟགས་དང ། ཆ་ལུགས་འཆང་བའི་དགེ་སྦྱོང་ཞིག་འཁོར་ལྔ་བརྒྱ་དང་བཅས་པ་འདིར་མཆིས་ཏེ། དེ་མཆིས་པའི་མོད་ཉིད་ལ་ཡམས་ཀྱི་ནད་ཕྱེད་ཞི་བར་གྱུར་ཏོ། །ཞེས་ཟེར། བྲམ་ཟེ་རྣམས་ནི། ལྷ། བདག་ཅག་གིས་གདུགས་མཚན་དུ་ཞི་བའི་ལས་ལ་བརྩོན་པར་བགྱིས་པས་ན། བདག་ཅག་གི་མཐུས་ཡམས་ཀྱི་ནད་ཕྱེད་ཞི་བར་</font><hr>Tha432a<br><font size=+2>


༄#། །གྱུར་ཏོ། །ཞེས་ཟེར་ཏེ། དེ་གང་གི་མཐུས་ཡིན་པ་མི་ཤེས་ན། དེང་ལ་དགེ་སྦྱོང་དང་བྲམ་ཟེ་དེ་དག་གླང་པོ་ཆེའི་བྲེས་ཀྱི་མི་གཙང་བའི་ཕྱོགས་ཤིག་ཏུ་འབྲས་ཆན་ངན་པ་དང ། རྩབས་དག་གི་ཟས་བྱིན་ལ་ཟོས་ནས་ཕྱིར་བྱུང་བ་དང ། གཉི་ག་ལ་ཟན་ཅི་འདྲ་བ་ཞིག་དྲིས་ཤིག་།ལྷ། དེ་ལྟར་འཚལ་ལོ། །ཞེས་སྨྲས་ནས་བློན་པོ་རྣམས་ཀྱིས་ཇི་ལྟར་བསྒོ་བ་བཞིན་དུ་གླང་པོ་ཆེའི་བྲེས་ཀྱི་མི་གཙང་བའི་ཕྱོགས་ཤིག་ཏུ་སྟན་བཏིང་ནས་དགེ་སློང་དང་བྲམ་ཟེ་དག་ལ་ཟན་བྱིན་ཏེ་ཟོས་ཟིན་ནས་ཕྱིར་བྱུང་བ་དང ། བྲམ་ཟེ་རྣམས་ལ་བསྒོ་བ། ཀྱེ་བྲམ་ཟེ་ཆེན་པོ་དག་།ལྷས་ཁྱེད་ཅག་ཅི་འདྲ་བའི་ཁ་ཟས་ཀྱིས་ཚིམ་པར་བྱས་ཞེས་དྲིས་པ་དང ། དེ་དག་ཁྲོས་ཏེ་སྨྲས་པ། བྱེད་སྟངས་དང ། རྒྱལ་པོ་ཐ་ཆད་ཆོས་མ་ཡིན་པ་ལ་གཞོལ་བ་ཞིག་སྟེ། དེས་བྲམ་ཟེ་རྣམས་ལ་འབྲས་ཆན་མི་གཙང་བ་དང ། སྲན་ཚོད་ཡན་ལག་གཉིས་པ་དང ། རྩབས་མོ་བྱིན་ཏེ་ཚིམ་པར་བྱས་མོད། ཅེས་བྱས་པ་དང ། དེ་ཅང་མི་ཟེར་བར་འདུག་གོ་།དེ་དག་དོང་ནས་དགེ་སློང་རྣམས་ལ་དྲིས་པ། འཕགས་པ། ཁྱེད་ལྷས་ཅི་འདྲ་བའི་ཁ་ཟས་ཀྱིས་ཚིམ་པར་བྱས། དེ་དག་གིས་སྨྲས་པ། བཞིན་བཟང ། སྦྱིན་པ་པོས་ནི། བྱིན། ལེན་པ་པོ་རྣམས་ཀྱིས་ནི། ཟོས་ཏེ་འབྱུང་བ་ཆེན་པོ་རྣམས་ཚིམ་པར་བྱས་ཤིང ། ཉིན་ཞག་གི་རྒྱགས་བླངས་སོ། །སྒོ་བས་རྒྱལ་པོ་ལ་སྨྲས་པ། བྲམ་ཟེ་རྣམས་ནི། འདི་སྐད་མཆིའོ། །དགེ་སློང་རྣམས་ནི། འདི་སྐད་མཆིའོ། །རྒྱལ་</font><hr>Tha432b<br><font size=+2>


པོས་བློན་པོ་རྣམས་ལ་བསྒོ་བ། ཤེས་ལྡན་དག་།དེང་ལ་ད་ནི། གཉི་ག་གླང་པོ་ཆེའི་བྲེས་གཙང་མའི་ཕྱོགས་ཤིག་ཏུ་ཁ་ཟས་བསོད་པ་དག་བྱིན་ལ་དེ་བཞིན་དུ་དྲིས་ཤིག་།དེ་དག་གིས་གླང་པོ་ཆེའི་བྲེས་གཙང་མའི་ཕྱོགས་ཤིག་ཏུ་སྟན་བཤམས་ཏེ་ཁ་ཟས་བསོད་པས་ཚིམ་པར་བྱས་ནས་དེ་བཞིན་དུ་སྒོ་བས་དྲིས་པ་དང ། བྲམ་ཟེ་རྣམས་ཀྱིས་སྨྲས་པ། བྱེད་སྟངས་དང ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཞིག་སྟེ། ཟས་ཅི་འདོད་པ་བྱིན་ནས་ཚིམ་པར་བྱས་སོ། །དེས་བྲམ་ཟེ་དག་རྒྱལ་པོའི་ཕོ་བྲང་འདི་ནི། སྒོ་ཤམ་པའི་ཁ་ན་ལས་པས། རེས་འགའ་ནི། ངན་པར་གྱུར། རེས་འགའ་ནི། བཟང་པོར་གྱུར་གྱི། དམ་འཕྱ་ཞིག། ཅེས་སྨྲས་པ་དང ། དེ་དག་ཅང་མི་ཟེར་བར་འདུག་གོ་།དེ་དག་དོང་ནས་དགེ་སློང་དག་ལ་དྲིས་པ་དང ། དེ་དག་གིས་སྔ་མ་བཞིན་དུ་སྨྲས་སོ། །སྒོ་བས་རྒྱལ་པོ་ལ་དེ་བཞིན་དུ་སྨྲས་སོ། །གླང་པོ་ཆེའི་བྲེས་ཇི་ལྟ་བ་བཞིན་དུ་རྟའི་བྲེས་དང ། ཕྱག་དར་ཁྲོད་དང ། ས་ཕྱོགས་གཙང་མར་ངན་པ་དང ། བསོད་པ་དག་སྦྱར་བར་བྱས་སོ། །རྒྱལ་པོ་གཏུམ་པོ་རབ་སྣང་གིས་བསམ་པ། དགེ་སློང་དག་སྦྱིན་གནས་དམ་པ་ཡིན་གྱི། བྲམ་ཟེ་དག་ནི། མ་ཡིན་ནོ། །སྙམ་དུ་རིག་ནས་དད་པ་སྐྱེས་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་གང་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། རྒྱལ་པོ་གཏུམ་པོ་རབ་</font><hr>Tha433a<br><font size=+2>


༄#། །སྣང་ལ་ཚེ་དང་ལྡན་པ་ཀ་ཏྱའི་བུ་ཆེན་པོས་ཆོས་དང་ལྡན་པའི་གཏམ་གྱིས་ཡང་དག་པར་སྟོན། ཡང་དག་པར་ལེན་དུ་འཇུག་།ཡང་དག་པར་གཟེངས་བསྟོད། ཡང་དག་པར་དགའ་བར་བྱེད་ཅིང ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲ་བར་འདུག་གོ་།དེ་ནས་རྒྱལ་པོ་གཏུམ་པོ་རབ་སྣང་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས། འཕགས་པ་ཀ་ཏྱའི་བུ་ཆེན་པོ་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང་ཞེས་སྨྲས་པ་དང ། ཚེ་དང་ལྡན་པ་ཀ་ཏྱའི་བུ་ཆེན་པོས་རྒྱལ་པོ་གཏུམ་པོ་རབ་སྣང་ལ་ཅང་མི་སྨྲ་བས་གནང་ངོ ། །དེ་ནས་རྒྱལ་པོ་གཏུམ་པོ་རབ་སྣང་གིས་ཚེ་དང་ལྡན་པ་ཀ་ཏྱའི་བུ་ཆེན་པོས་ཅང་མི་སྨྲ་བས་གནང་བར་རིག་ནས་ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་ངོ ། །དེ་ནས་རྒྱལ་པོ་གཏུམ་པོ་རབ་སྣང་གིས་དེ་ཉིད་ཀྱི་ནུབ་མོ་གཙང་ཞིང་བསོད་པའི་བཟའ་བ་དང ། བཅའ་བ་དག་བཤམས་ཏེ་ནང་པར་སྔར་ལངས་ནས་གདན་བཏིང ། ཆུ་ར་བཞག་སྟེ་ཚེ་དང་ལྡན་པ་ཀ་ཏྱའི་བུ་ཆེན་</font><hr>Tha433b<br><font size=+2>


པོ་ལ་སྤྱན་འདྲེན་པས། འཕགས་པ་ཀ་ཏྱའི་བུ་ཆེན་པོ། གདུགས་ཚོད་བཤམས་ལགས་ཏེ། ད་དེའི་དུས་ལ་བབ་པར་དགོངས་སུ་གསོལ་ཞེས་དུས་ཚོད་གདས་པར་བྱས་སོ། །ཚེ་དང་ལྡན་པ་ཀ་ཏྱའི་བུ་ཆེན་པོ་སྔ་དྲོ་ཆོས་གོས་དང་ཤམ་ཐབས་བགོས། ལྷུང་བཟེད་ཐོགས་ཏེ་དགེ་སློང་གི་ཚོགས་ཀྱིས་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ་རྒྱལ་པོ་གཏུམ་པོ་རབ་སྣང་གི་བཀད་ས་ག་ན་བ་དེར་སོང་སྟེ་ཕྱིན་པ་དང ། དགེ་སློང་གི་དགེ་འདུན་གྱི་གུང་ལ་སྟན་བཤམས་པ་ཉིད་ལ་འདུག་པ་དང ། དེ་ཡང་འདུག་སྟེ་རོལ་མོའི་སྒྲ་ཕྱུང་ནས་བྲོ་གར་མཁན་རྣམས་ཀྱིས་བྲོ་གར་རྣམ་པ་དུ་མ་དག་བྱ་བར་བརྩམས་པ་དང ། ཚེ་དང་ལྡན་པ་ཀ་ཏྱའི་བུ་ཆེན་པོ་དང ། དགེ་སློང་དག་དབང་པོ་བསྡམས་ཏེ་འཁོད་དོ། །གླུ་གར་དང ། རོལ་མོའི་སྒྲ་དེ་དག་ཞི་ནས་རྒྱལ་པོ་གཏུམ་པོ་རབ་སྣང་གིས། འཕགས་པ། ཅི། གར་བཟང་ལགས་སམ། གླུ་སྙན་ལགས་སམ་ཞེས་སྨྲས་པ་དང ། ཚེ་དང་ལྡན་པ་ཀ་ཏྱའི་བུ་ཆེན་པོས་སྨྲས་པ། རྒྱལ་པོ་ཆེན་པོ། གང་གིས་ཐོས་པའམ། མཐོང་བ་དག་ལའོ། །དེས་སྨྲས་པ། འཕགས་པ། དབང་པོ་ནང་དུ་བསྡུས་པ་རྣམས་ཀྱིས་མ་གཟིགས་སུ་ནི་གསོལ་ན། ཇི་ལྟར་མ་གསན། དེས་སྨྲས་པ། ལྷ། ཁྱོད་ལ་མི་གསོད་པ་ལ་ཐུག་པ་འགའ་ཡོད་དམ། འཕགས་པ། མཆིས་ན། དེ་ཅིར་འཚལ། ལྷ། སྐྱེས་བུ་དེའི་ལག་ཏུ་སྣོད་ཏིལ་མར་གྱིས་བཀང་སྟེ་བསྐུར་ལ་ཕྱི་བཞིན་གཤེད་མའི་མི་བཏང་སྟེ་དེ་ལ་འདི་སྐད་ཅེས། མི་ཁྱོད་ཚུར་</font><hr>Tha434a<br><font size=+2>


༄#། །ཤོག་།སྣོད་འབྲུ་མར་གྱིས་ཁད་ཆད་དུ་གང་བ་བྱ་རོག་གིས་བཏུང་དུ་རུང་བ་འདི་ཁྱེར་ལ། ལྗོངས་བཟང་པོ་ཐམས་ཅད་བསྐོར་ལ་འདིར་ཁྱེར་ཏེ་ཤོག་ཅིག་།ཅི་སྟེ་ཏིལ་མར་ཐིགས་པ་གཅིག་ས་ལ་བོ་ན། མི་རལ་གྲི་གདེངས་པ་འདིས་ཁྱོད་ཀྱི་མགོ་དྲུངས་ནས་བཅད་དེ་ས་ལ་འདོར་དུ་གཞུག་གོ་།ཞེས་བསྒོས་ལ། དེའི་མདུན་དུ་རོལ་མོའི་སྒྲ་སྣ་ཚོགས་ཕྱུང་སྟེ་བྲོ་གར་རྣམ་པ་སྣ་ཚོགས་བྱེད་དུ་ཆུག་ཅིག་དང ། དེ་ནས་ཁྱོད་ཡིད་ཆེས་པར་འགྱུར་རོ། །ཞེས་སྨྲས་སོ། །རྒྱལ་པོ་གཏུམ་པོ་རབ་སྣང་དེས་ཇི་སྐད་བསྟན་པ་ཐམས་ཅད་རིམ་གྱིས་བྱས་ནས་མི་དེ་ལ། ཀྱེ་སྐྱེས་བུ། ཅི། གར་བཟང་ངམ། གླུ་སྙན་པ་བླངས་སམ། རོལ་མོའི་སྒྲ་སྙན་ཏམ་ཞེས་དྲིས་པ་དང ། དེས་སྨྲས་པ། ལྷ། གང་གིས་ཐོས་པའམ། མཐོང་བ་དག་ལའོ། །རྒྱལ་པོས་སྨྲས་པ། ཀཝའི་སྐྱེས་བུ། དབང་པོ་ནང་དུ་བསྡུས་པ་དག་གིས་མ་མཐོང་དུ་ཆུག་ན། ཇི་ལྟར་མ་ཐོས། དེས། ལྷ། བདག་འདི་སྙམ་དུ། གལ་ཏེ་བདག་གིས་འབྲུ་མར་གྱི་སྣོད་འདི་ལས་འབྲུ་མར་ཐིགས་པ་གཅིག་ས་ལ་བོ་ན་ཡང་གཤེད་མའི་མི་རལ་གྲི་གདེངས་པ་འདིས། བདག་གི་མགོ་དྲུངས་ནས་བཅད་ནས་ས་ལ་འབོར་རོ། །སྙམ་སྟེ་བདག་འཆི་བས་འཇིགས་སྐྲག་ནས་འབྲུ་མར་གྱི་སྣོད་ལ་སེམས་རྩེ་གཅིག་ཏུ་གཏད་དེ་ལྟ་བས་ཉམ་ཐག་སྟེ་འདིར་མཆིས་ན། ཇི་ལྟར་མཐོང་ངམ་ཐོས་ཞེས་སྨྲས་པ་དང ། རྒྱལ་པོ་སྤོབས་པ་མེད་ནས་ཅང་མི་ཟེར་བར་འདུག་</font><hr>Tha434b<br><font size=+2>


གོ།་ཚེ་དང་ལྡན་པ་ཀ་ཏྱའི་བུ་ཆེན་པོས་སྨྲས་པ། ལྷ། ཁྱོད་ཀྱིས་མཐོང་ངམ། འཕགས་པ། མཐོང་ལགས་སོ། །ལྷ། རེ་ཞིག་མི་འདི་ཚེ་གཅིག་གིས་སྡུག་བསྔལ་གྱི་ཕྱིར་བདག་ཉིད་མི་གཡེང་བ་དང ། བག་ཡོད་པར་ཀུན་ཏུ་སྲུང་བར་བགྱིད་ན། བདག་ཅག་དགེ་སློང་རོལ་མོའི་སྒྲ་ལ་བལྟ་བ་དང ། ཉན་པ་སྤོང་བ་བླངས་ཏེ་བསླབ་པ་བཟུང་བ་དག་།ཚེ་རབས་དུ་མའི་སྡུག་བསྔལ་གྱི་རྒྱུ་གར་དང ། གླུ་དང་རོལ་མོའི་སྒྲ་ལ་བལྟ་བ་དང ། ཉན་པ་ལྟ་སྨོས་ཀྱང་ཅི་དགོས་ཏེ། དེ་ནི། གནས་མེད་དོ། །རྒྱལ་པོ་གཏུམ་པོ་རབ་སྣང་འབྲུ་མར་གྱི་སྣོད་མཐོང་བས་ཡིད་ཆེས་ཏེ་ལྷག་པར་དད་ནས་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང་བཅས་པས། ཀ་ཏྱའི་བུ་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པ་ལ་གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་བསྟར་ཏེ་ཡང་དག་པར་ཚིམ་པར་བྱེད། ཡང་དག་པར་སྟོབ་པར་བྱེད་ཅིང ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་བསྟར་ཏེ་ཡང་དག་པར་ཚིམ་པར་བྱས། ཡང་དག་པར་བསྟབས་ནས་ཚེ་དང་ལྡན་པ་ཀ་ཏྱའི་བུ་ཆེན་པོས་གདུག་ཚོད་གསོལ་ནས་ལྷུང་བཟེད་གྱུ། ཕྱག་བཅབས་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཚེ་དང་ལྡན་པ་ཀ་ཏྱའི་བུ་ཆེན་པོའི་མདུན་དུ་འདུག་གོ། འདུག་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ། ཇི་ལྟར་བདག་གིས་བགྱིས་པ་དེ་ལྟར་འཁོར་</font><hr>Tha435a<br><font size=+2>


༄#། །ལྔ་བརྒྱ་པོ་བསོད་པའི་ཞལ་ཟས་ཀྱིས་ཚིམ་པར་བགྱིས་པ་གཞན་འགའ་མཆིས་སམ། དེས་སྨྲས་བ། ལྷས་བདག་དུ་མ་བས་ཁྱད་ཞུགས་པ་ཁྱོད་ཀྱིས་བདག་འཁོར་ལྔ་བརྒྱ་དང་བསོད་པའི་ཁ་ཟས་འདི་ལྟ་བུས་ཚིམ་པར་བྱས་པ་གང་ཡིན་པ་འདི་ལ་ངོ་མཚར་ཅི་ཞིག་ཆེ། བདག་འདིར་འོང་བའི་ཚེ་རི་བོར་ན་གནས་པའི་བུ་མོ་ཞིག་གིས་བདག་ཉིད་ཀྱི་སྐྲ་བཙོངས་ནས་འཁོར་ལྔ་བརྒྱ་དང་ཁ་ཟས་བསོད་པ་འདི་ལྟ་བུས་ཚིམ་པར་བྱས་པ་ནི། འདི་བས་ཆེས་ཁྱད་ཞུགས་པར་ངོ་མཚར་ཆེའོ། །རྒྱལ་པོ་གཏུམ་པོ་རབ་སྣང་གིས་བསམ་པ། བུ་མོ་གང་ཞིག་གིས་སྐྲ་ཀཪྴ་པ་ཎ་ལྔ་བརྒྱར་ལྡོམ་པ་དེ་ལྟ་བུའི་བུད་མེད་དེ། ལྷ་དག་གི་ནང་ན་ཡང་ག་ལ་ཡོད། མདོར་ན་དེ་བཙལ་བར་བྱའོ། །སྙམ་ན། ཚེ་དང་ལྡན་པ་ཀ་ཏྱའི་བུ་ཆེན་པོ་ནི། བསྙེན་པར་དཀའ་བ་ཡིན་པས། དེས་དེ་ལ་བུ་མོ་དེ་རི་བོར་གང་ན་འདུག་།ཅེས་དྲི་བར་མ་ནུས་ཏེ། དེས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་།ཀ་ཏྱའི་བུ་ཆེན་པོ་ནི། ལམ་གང་ནས་འོངས་པ་ནས་དེང་ལ་རི་བོར་གང་ན་བུ་མོ་ཞིག་གིས་སྐྲ་བཙོངས་ནས་འཕགས་པ་ཀ་ཏྱའི་བུ་ཆེན་པོ་འཁོར་ལྔ་བརྒྱ་དང་བཤོས་གསོལ་བ་ཚོལ་ལ། བཙལ་ནས་དེ་ངའི་དོན་དུ་སློངས་ཤིག་།ལྷ། དེ་ལྟར་འཚལ་ལོ། །ཞེས་ཞོ་ཤས་འཚོ་བ་རྣམས་ཀྱིས་རྒྱལ་པོ་གཏུམ་པོ་རབ་སྣང་གི་ལྟར་མཉན་ཏེ། རིམ་གྱིས་ཚོལ་བ་ན་ཀ་ནྱ་ཀུབ་ཛར་ཕྱིན་ཏེ། དེ་དག་གིས་དེར་དེ་བཙལ་ཏོ། །བཙལ་</font><hr>Tha435b<br><font size=+2>


ནས་ལམ་གྱིས་དུབ་པ་ངལ་བསོས་ཏེ་བྲམ་ཟེ་མོ་དེའི་ཁྱིམ་གང་ན་བ་དེར་སོང་སྟེ་ཕྱིན་པ་དང ། སྒོ་ཁང་དུ་འཁོད་ནས་སྨྲས་བ། བཀྲ་ཤིས་པར་གྱུར་ཅིག་།བཀྲ་ཤིས་པར་གྱུར་ཅིག་།བྲམ་ཟེ་མོ་དེས་སྨྲས་པ། ཤེས་ལྡན་དག་།ཅི་འདོད། དེ་དག་གིས་སྨྲས་པ། བུ་མོ་སྐྲ་ཅན་མའོ། །བྲམ་ཟེ་མོས་སྨྲས་པ། སུའི་དོན་དུ་སློང ། དེ་དག་གིས་སྨྲས་པ། བྲམ་ཟེ་མོ། རྒྱལ་པོ་གཏུམ་པོ་རབ་སྣང་གིའོ། །དེས་སྨྲས་པ། ཤེས་ལྡན་དག་།ལེགས་མོད་ཀྱི། འོན་ཀྱང་འདི་ལ་གཉོད་མང་དུ་དགོས་སོ། །དེ་དག་གིས་སྨྲས་པ། སྲིང་མོ། ཇི་ཙམ་ཞིག་དགོས། དེས་སྨྲས་པ། གསང་བའི་རྒྱན་ལྔ་བརྒྱ་དང ། ཕྱི་རོལ་གྱི་རྒྱན་ལྔ་བརྒྱ་དང ། གྲོང་ཁྱེར་མཆོག་ལྔའོ། །རྒྱལ་པོ་གཏུམ་པོ་རབ་སྣང་ལ། ལྷ། བུ་མོའི་གཉོད་འདི་སྙེད་ཅིག་བརྩེགས་ལགས་སོ། །ཞེས་དོན་དེ་སྤྲིང་པ་དང ། རྒྱལ་པོ་གཏུམ་པོ་རབ་སྣང་གིས་ཕྱིར་སྤྲིང་པ། ཤེས་ལྡན་དག་།བུ་མོ་གཉོད་ཇི་ཙམ་གྱིས་ཁུགས་པ་ནོས་ཤིག་དང ། ཐམས་ཅད་སྦྱར་རོ། །དེ་དག་གིས་བླངས་ནས་རྒྱལ་པོས་ཉི་མ་དང ། ཚེས་གྲངས་དང ། ཡུད་ཙམ་དང་སྦྱར་ཏེ་དཔལ་གྱི་འབྱོར་པ་ཆེན་པོས་བླངས་སོ། །གང་གི་ཉིན་པར་འཕགས་རྒྱལ་དུ་ཕྱིན་པ་དེ་ཉིད་དུ་དེ་ཉིད་ཀྱི་ཉིན་པར་ཡུལ་འཕགས་རྒྱལ་དུ་མི་ངས་ཐམས་ཅད་ཀྱི་ཐམས་ཅད་དུ་ཉེ་བར་ཞི་ཞིང་ཞི་བར་གྱུར་ནས་དེའི་མིང་ཞི་བ་ཞི་བ་ཞེས་བྱ་བར་ཆགས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་དྲུག་པ། སྡོམ་ནི། སྐྱེ་དང་འཚེ་བྱེད་ཀ་ཏྱའི་བུ། །ཞི་དང་ཚོང་དཔོན་</font><hr>Tha436a<br><font size=+2>


༄#། །གཡུལ་དང་ནི། །མདུན་དུ་འདོན་དང་སྒྲོལ་མ་དང ། །པི་ཝང་ལེན་དང་སྐྲ་བྲེགས་དང ། །རུས་པའི་ཀེང་རུས་བཏོགས་པར་ནི། །དེ་ནི་ཚོམས་སུ་ཡང་དག་བསྡུས། །དེའི་ཚེ་འཕགས་རྒྱལ་ན་ཚོང་དཔོན་གྱི་བུ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེས་དུས་ཅུང་ཟད་ཅིག་རྩེས། དགའ་བར་བྱས། དགའ་མགུར་སྤྱད་ནས་ཟོང་ཁྱེར་ཏེ་ཡུལ་གཞན་དུ་སོང་ངོ ། །དེའི་ཆུང་མ་ཞིམ་པོ་དང ། བཟང་པོ་ཟོས་ཤིང་གྱོན་པས་ཉོན་མོངས་པས་ཤིན་ཏུ་གཟིར་ཏེ།་དེ་ཉིན་གཅིག་བཞིན་དུ་ཁང་ཐོག་ཏུ་སོང་ནས་ཐམས་ཅད་དུ་སྐྱེས་པ་ལ་ལྟའོ། །ཇི་ཙམ་དུས་གཞན་ཞིག་ན། རྒྱལ་པོ་གཏུམ་པོ་རབ་སྣང་གླང་པོ་ཆེ་ལ་ཞོན་ཏེ། དེའི་ཁྱིམ་དང་ཉེ་བ་ཞིག་ཏུ་སོང་བ་དང ། དེས་དེ་ལ་མེ་ཏོག་གི་ཕྲེང་བ་འཕངས་པ་དེ། རྒྱལ་པོ་གཏུམ་པོ་རབ་སྣང་གི་ཕྲག་པ་ལ་ཕོག་གོ། །དེས་གྱེན་དུ་བལྟ་བར་བརྩམས་པ་དང ། ཇི་ཙམ་ན་ན་ཚོད་གཞོན་ནུ་ཁ་དོག་དང ། དབྱིབས་ཀྱི་ཁྱད་པར་གྱིས་བདག་ཉིད་ཤིན་ཏུ་མཛེས་པར་རློམ་པ་འདོད་པས་ཐེབས་པའི་སྤྱོད་པས་ཟུར་སྟེགས་སུ་མིག་ཟུར་གྱིས་བལྟ་བ་དེ་མཐོང་ངོ ། །མཐོང་ནས་ཀྱང་དེ་ལ་སེམས་ཀྱི་བསམ་པ་འཆུམས་པར་གྱུར་ཏོ། །དེས་སྨྲས་པ། གལ་ཏེ་དེ་ལྟ་ན། ཕྱིར་བྱུང་ཞིག། དེས་སྨྲས་པ། ལྷ། མཆིར་གཡར་ཚའི། འདི་ཉིད་དུ་སྤྱོན་ཅིག་།དེ་ཡང་དེ་ལ་</font><hr>Tha436b<br><font size=+2>


ཆགས་པས་ལྡོག་མ་ནུས་ཏེ། དེ་གླང་པོ་ཆེ་ལས་བབས་ནས་དེའི་ཁྱིམ་དུ་ཞུགས་ཏེ་དེ་དང་ལྷན་ཅིག་དགའ་མགུར་སྤྱད་པས་སེམས་ཅན་ཞུགས་པར་གྱུར་ཏོ། །བུད་མེད་མཁས་པའི་རང་བཞིན་ཅན་ཁ་ཅིག་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པ་ཤེས་ཤིང་མ་ཆགས་པ་ཤེས་པ་དང ། དུས་ཤེས་ཤིང་ཟླ་མཚན་དང་ལྡན་པ་ཤེས་པ་དང ། མངལ་དུ་ཞུགས་པ་ཤེས་པ་དང ། གང་ལས་མངལ་དུ་ཞུགས་པ་ཤེས་པ་དང ། ཁྱེའུར་ཤེས་ཤིང་བུ་མོར་ཤེས་པ་ཡིན་ནོ། །དེས་རྒྱལ་པོ་ལ། ལྷ། བདག་ནི། སེམས་ཅན་དང་ལྡན་པར་གྱུར་ཏོ། །ཞེས་ཇི་ལྟར་གྱུར་པ་སྨྲས་པ་དང ། རྒྱལ་པོས་དེ་ལ་མུ་ཏིག་གི་སེ་མོ་དོ་ཞིག་བྱིན་ཏེ་སྨྲས་པ། གལ་ཏེ་ཁྱོད་ལས་བུ་ཁྱེའུ་ཞིག་བྱུང་ན། དེ་ལ་མུ་ཏིག་གི་སེ་མོ་དོ་འདི་བྱིན་ལ་ངའི་དྲུང་དུ་ཐོང་ཞིག། འོན་ཏེ་བུ་མོ་ན། ཁྱོད་ཉིད་ཀྱི་ཡིན་ནོ། །ཞེས་སྨྲས་ཏེ་སོང་ངོ ། །དེ་ལ་མངལ་གྱི་མཚན་མ་བྱུང་བར་གྱུར་པ་ན། ཚོང་དཔོན་དེས་ཡི་གེ་སྤྲིང་སྟེ། བདག་ཀྱང་བདེ་བར་འོང་གི། མི་དགའ་བ་མ་བྱེད་པར་བག་རྟོན་ཅིག་ཅེས་བྱས་པ་དང ། དེས་ཐོས་ནས་སྐྲག་སྟེ་དེས་རྒྱལ་པོ་ལ་གསོལ་པ། ལྷ། བདག་གི་ཁྱིམ་ཐབ་དེ་ཉེ་བ་ཞིག་ཏུ་མཆིས་ན། བདག་གིས་ཇི་ལྟར་བསྒྲུབ་པར་བགྱི། རྒྱལ་པོས་དེ་ལ་སྤྲིང་པ།་ཁྱོད་མི་དགའ་བ་མ་བྱེད་པར་བག་རྟོན་ཅིག་དང ། ངས་ཇི་ལྟར་དེ་ཐག་ཆེས་རིང་བར་འགྲོ་བ་དེ་ལྟར་བྱའོ། །ཞེས་སྤྲིང་ནས་དེ་ཅང་མི་ཟེར་བར་འདུག་གོ། རྒྱལ་པོས་དེ་ལ་ནོར་འདི་ལྟ་བུ་</font><hr>Tha437a<br><font size=+2>


༄#། །ཞིག་ང་ལ་དགོས་ཀྱི། དེ་མ་རྙེད་པར་མ་འོངས་ཤིག་ཅེས་སྤྲིང་པ་དང ། དེ་དེ་དག་ཚོལ་དུ་ལམ་རིང་པོ་ཞིག་ཏུ་སོང་ངོ ། །དེ་ཡང་ཟླ་བ་དགུ་འདས་ནས་ཁྱེའུ་གཟུགས་བཟང་ཞིང་མཛེས་པ། བལྟ་ན་སྡུག་པ་ཞིག་བཙས་པ་དང ། དེས་མར་དང་སྦྲང་རྩིས་ཁ་བཀང་སྟེ་སྒྲོམ་གྱི་ནང་དུ་ཤིང་བལ་བཏིང་ནས་དེའི་ཐོག་ཏུ་བཞག་སྟེ་སྟེང་ནས་གོས་དཀར་པོས་གཡོགས་ནས་དེའི་ཐོག་ཏུ་མུ་ཏིག་གི་སེ་མོ་དོ་བཞག་སྟེ་ཁ་བཅད་ནས་སྒྲོམ་དེ་ལ་རྒྱ་སྐེགས་ལ་རྒྱ་བཏབ་སྟེ། བྲན་མོ་ལ། བྲན་མོ། ཁྱོད་སྒྲོམ་འདི་ཁྱེར་ཏེ་སོང་ལ་རྒྱལ་པོའི་ཁབ་ཀྱི་སྒོར་དཀྱིལ་འཁོར་གྱིས་ལ་མར་མེ་བུས་ཏེ་ཞོག་ཅིག། བཞག་ནས་ནམ་སུས་བླངས་ཀྱི་བར་དུ་ཕྱོགས་གཅིག་ཏུ་ཁྱེར་ཅིག་ཅེས་བསྒོ་བ་དང ། དེས་དེ་བཞིན་དུ་བྱས་སོ། །ཇི་ཙམ་ཞིག་ན་བ་ལང་ལམ་དེ་ནས་འགྲོ་བ་དག་གིས་སྒྲོམ་དེ་བསྐོར་ཏེ་འཁོད་དོ། །རེ་ཞིག་ཅིག་ན་རྒྱལ་པོ་གཏུམ་པོ་རབ་སྣང་བཙུན་མོ་ཞི་བ་དང་ལྷན་ཅིག་ཁང་བཟང་གི་སྟེང་དུ་སོང་སྟེ་འདུག་པ་དེས། དེ་བསྐོར་ཏེ་འདུག་པའི་བ་ལང་དེ་དག་མཐོང་སྟེ། དེས་ཞོ་ཤས་འཚོ་བ་རྣམས་ལ་བཀའ་སྩལ་པ། ཤེས་ལྡན་དག། བ་ལང་གིས་བསྐོར་ཅིང་འདུག་པ་དེ། ཅི་ཡིན་ལྟོས་ཤིག། དེ་དག་གིས་མཐོང་ནས་སྨྲས་པ། ལྷ། སྒྲོམ་རྒྱ་སྐེགས་ལ་རྒྱ་བཏབ་པ་ཞིག་མཆིས་སོ། །རྒྱལ་པོས་སྨྲས་པ། ཁྱེར་ཏེ་ཤོག་ཅིག། བཙུན་མོ་ཞི་བས། ལྷ། སྒྲོམ་དེའི་ནང་ན་རྫས་ཅི་མཆིས་པ་དེ་བདག་ལ་</font><hr>Tha437b<br><font size=+2>


སྩོལ་ཅིག་།ཅེས་གསོལ་པ་དང ། རྒྱལ་པོས་སྨྲས་པ། ལེགས་ཀྱི། དེ་བཞིན་དུ་བྱའོ། །ཇི་ཙམ་ན་སྒྲོམ་དེ་རྒྱལ་པོའི་ཐད་དུ་བླངས་ནས་རྒྱལ་པོས་ཁ་བྱེ་སྟེ་བལྟས་ན། རེ་ཞིག་ན་མུ་ཏིག་གི་སེ་མོ་དོ་དང ། བུ་ཞིག་མཐོང་སྟེ། དེས་མུ་ཏིག་གི་སེ་མོ་དོ་ངོ་ཤེས་ནས། དེ་འདི་ནི། བདག་གི་བུ་ཡིན་ནོ། །སྙམ་པའི་སེམས་སྐྱེས་ནས་དེས་དེ་ཞི་བ་ལ་འདི་ནི། ཁྱོད་ཀྱི་བུའོ། །ཞེས་གཏད་དོ། །དེས་སྨྲས་པ། ལྷ། ཁྱེའུ་འདིའི་མིང་ཇི་སྐད་དུ་གདགས། དེས་སྨྲས་པ། ཁྱེའུ་འདི་བ་ལང་དག་གིས་བསྐྱངས་པས། དེའི་ཕྱིར་འདིའི་མིང་བ་ལང་སྐྱོང་དུ་གདགས་སོ། །ཞེས་དེའི་མིང་པ་ལང་སྐྱོང་ཞེས་བྱ་བར་བཏགས་སོ། །དེ་ནས་བཙུན་མོ་ཞི་བས་དེ་བསྐྱེད་པས་ན། དེའི་མིང་ཡང་ཞི་བ་བ་ལང་སྐྱོང་ཞེས་བྱ་བར་ཆགས་སོ། །དེའི་ཚེ་ཡུལ་རྡོ་འཇོག་ན་རྒྱལ་པོ་པདྨའི་སྙིང་པོ་ཅན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། འབྱོར་པ་ཞེས་བྱ་བ་ནས་ཆོས་དང་མཐུན་པས་རྒྱལ་སྲིད་བྱེད་དུ་འཇུག་གོ། ཞེས་བྱ་བའི་བར་སྔ་མ་བཞིན་ནོ། །དེའི་ཡུལ་ན་དུས་བཞིན་དུ་ཆར་འབབ་པས་ཤིང་རྣམས་ཀྱི་མེ་ཏོག་དང ། འབྲས་བུ་ཡང་རྟག་ཏུ་ཆགས། ས་ལ་ལོ་ཡང་ལེགས་ཏེ། སློང་མོ་བས་ཀྱང་ཟས་རྙེད་སླའོ། །ཇི་ཙམ་དུ་དུས་གཞན་ཞིག་ན་རྒྱལ་པོ་པདྨའི་སྙིང་པོ་ཅན་ཁང་བཟང་གི་ཐོག་ཏུ་སོང་སྟེ་བློན་པོའི་ཚོགས་ཀྱིས་བསྐོར་ཞིང་འདུག་པ་དེས་བློན་པོ་རྣམས་ལ་སྨྲས་པ། ཤེས་ལྡན་དག། རྒྱལ་པོ་གཞན་གང་གི་ཡུལ་ན་ཡང་འདི་ལྟར་ཆར་དུས་བཞིན་དུ་</font><hr>Tha438a<br><font size=+2>


༄#། །འབབ་ཅིང ། ཤིང་ལ་མེ་ཏོག་དང ། འབྲས་བུ་རྟག་ཏུ་འཆགས་པ་དང ། ས་ལ་ལོ་ལེགས་ཤིང་སློང་མོ་བས་ཀྱང་ཟས་རྟག་ཏུ་རྙེད་སླ་བ་ཡོད་དམ། དེ་དག་གིས་སྨྲས་པ། ལྷ། མཆིས་ཏེ། རྒྱལ་པོ་གཏུམ་པོ་རབ་སྣང་གི་ཡུལ་འཕགས་རྒྱལ་ཞེས་བགྱི་བ་ན། ཆར་དུས་བཞིན་དུ་འབབ་ཅིང ། ཤིང་ལ་མེ་ཏོག་དང་འབྲས་བུ་ཡང་རྟག་ཏུ་འཆགས། ས་ལ་ལོ་ལེགས་པས་སློང་མོ་བས་ཀྱང་རྟག་ཏུ་ཟས་རྙེད་སླའོ། །ཞེས་གདའོ། །དེས་སྨྲས་པ། ཤེས་ལྡན་དག། གལ་ཏེ་དེ་ལྟ་ན། དཔུང་གི་ཚོགས་ཡན་ལག་བཞི་པ་གོ་སྐོན་ཅིག་དང ། དེའི་ཡུལ་འཁོར་གཞོམ་པར་བྱའི། འདོང་ངོ ། །དེ་དག་གིས་དཔུང་གི་ཚོགས་ཡན་ལག་བཞི་པ་གོ་བསྐོན་ནས་རྒྱལ་པོ་པདྨའི་སྙིང་པོ་ཅན་དཔུང་གི་ཚོགས་ཡན་ལག་བཞི་པ་དང་ཡུལ་འཕགས་རྒྱལ་དུ་སོང་སྟེ་རིམ་གྱིས་རྒྱལ་པོ་གཏུམ་པོ་རབ་སྣང་གི་ཡུལ་དུ་ཕྱིན་ཏོ། །དེས་དེ་དག་གཞོམ་པར་བརྩམས་པ་ན། ཡུལ་དེ་ན་གནས་པའི་སྐྱེ་བོའི་ཚོགས་ཀྱི་རྒྱལ་པོ་གཏུམ་པོ་རབ་སྣང་ལ། ལྷ། རྒྱལ་པོ་པདྨའི་སྙིང་པོ་ཅན་ཞེས་བགྱི་བ། དཔུང་གི་ཚོགས་ཆེན་པོ་བསྡུས་ནས་ལྷའི་ཡུལ་འཇོམས་སུ་མཆིས་སོ། །ཞེས་སྦྲན་པ་ཐོས་པ་དང ། དེས་ཀྱང་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་ག་བསྐོན་ཏེ་རྒྱལ་པོ་པདྨའི་སྙིང་པོ་ཅན་དང་གཡུལ་འགྱེད་</font><hr>Tha438b<br><font size=+2>


པའི་ཕྱིར་སྤགས་སོ། །དེ་ན་རྒྱལ་པོ་པདྨའི་སྙིང་པོ་ཅན་གྱིས་རྒྱལ་པོ་གཏུམ་པོ་རབ་སྣང་གི་གླང་པོ་ཆེའི་ཚོགས་ཐམས་ཅད་ཀྱང་འཕྲོག། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་ཀྱང་འཕྲོག་སྟེ། རྒྱལ་པོ་གཏུམ་པོ་རབ་སྣང་བཅོམ། བཏགས། བྱིན་བསྒྲལ། ཕམ་པར་བྱས་ཏེ་གཡུལ་བཟློག་པ་ན། ཕན་ཚུན་ཀུན་ཏུ་བྱེར་བ་ལས། བློན་པོ་དང་སྐྱེ་བོའི་ཚོགས་གཞན་རྣམས་ནི། འཕགས་རྒྱལ་དུ་ཞུགས་ནས་ར་པའི་ཁར་སྦྲེངས་ཏེ་འདུག་གོ། རྒྱལ་པོ་ནི། རྐྱ་གཅིག་པོར་རི་འོར་ཞིག་ཏུ་ཕྱིན་པ་དང ། རི་འོར་དེ་ན་ཞིང་པ་སྣམས་བྱེད་ཅེས་བྱ་བ་ཞིག་ཞིང་རྨེད་པ་དེས་དེ་མཐོང་ནས་སྨྲས་པ། ཀྱེ་ཁྲོམ་གྱི་དཔའ་བོ། །རྒྱལ་པོ་པདྨའི་སྙིང་པོ་ཅན་གྱིས་རྒྱལ་པོ་གཏུམ་པོ་རབ་སྣང་བཅོམ། བཏགས། བྱིན་བསྒྲལ། ཕམ་པར་བྱས་ཏེ་གཡུལ་བཟློག་ཅེས་གྲག་ན། དེ་བདེན་ནམ། ཀྱེ་སྐྱེས་བུ། བདེན་ནོ། །ཡུལ་ན་གནས་ཀྱང་ཡུལ་གཞན་ནས་འོངས་པའི་རྒྱལ་པོ་པདྨའི་སྙིང་པོ་ཅན་གྱིས་བཅོམ། བཏགས། བྱིན་བསྒྲལ། ཕམ་པར་བྱས་ཏེ་གཡུལ་བཟློག་པ། རྒྱལ་པོ་དེའི་བློན་པོ་དང ། དམག་དཔོན་ཅི་འདྲ་བ་ཞིག། གལ་ཏེ་ང་དེའི་བློན་པོར་གྱུར་ན། མྱུར་ཞིང་མྱུར་བར་རྒྱལ་པོ་པདྨའི་སྙིང་པོ་ཅན་མགུལ་ནས་བཏགས་ཏེ་འཕགས་རྒྱལ་དུ་ཁྲིད་པ་ཞིག་།དེ་དེ་སྐད་དུ་གཏམ་ཟེར་ཞིང་འདུག་པ་ན། དེའི་ཆུང་མ་རི་ཁྲོད་མ་ཞེས་བྱ་བ་ཟན་ཁྱེར་ཏེ་འོངས་ནས་དེས་ས་བརྐོས་ཏེ་ལོ་མ་བཏིང་ནས་ལག་པ་བཀྲུས་</font><hr>Tha439a<br><font size=+2>


༄#། །ཏེ་ཟན་བཟའ་བར་བྱས་པ་ན། རྒྱལ་པོ་ལ་བལྟས་ཏེ་ཁྲོམ་གྱི་དཔའ་བོ་ཁྱོད་ངལ་བས་སྐྱོ་ཞིང་བཀྲེས་སྐོམ་བས་ཉོན་མོངས་ཀྱི། བདག་ཅག་དབང་ཐང་ཆུང་ངུའི་བཟའ་བ་དང ། བཏུང་བ་ཅི་འདྲ་བ་ཡང་མི་བསྡོ་དེ་གསོལ་གྱི། ཚུར་གཤེགས་ཞེས་སྨྲས་པ་དང ། རྒྱལ་པོ་གཏུམ་པོ་རབ་སྣང་གིས་བསམ་པ། གལ་ཏེ་མ་ཟོས་ན། ལྟོགས་ཏེ་འཆི་བར་འགྱུར་རོ། །སྙམ་དུ་རིག་ནས་རྟ་ལས་བབས་ཏེ་ལག་པ་དང ། རྐང་པ་བཀྲུས་ནས་རྟ་ལས་སྟན་ཕོག་སྟེ་བཏིང་ནས་འདུག་གོ། འདུག་ནས་དེས་འཚོ་བའི་བསམ་པས་བཟའ་བར་བརྩམས་སོ། །དེ་ནས་ཕོར་བུ་ཁ་ཆག་ཅིག་ནས་ཆང་བླུད་པ་དང ། རྒྱལ་པོས་བསམ་པ། ཕོར་པ་འདི་ཁ་ཆག་མོད་ཀྱི། འོན་ཀྱང་གང་དུ་མ་ཆག་པའི་ཕྱོགས་དེ་ནས་ཆང་བཏུང་ངོ ། །སྙམ་མོ། །རྒྱལ་པོ་རྣམས་ནི། ཤེས་རབ་དང་ལྡན་པ། ཚུལ་ཕུན་སུམ་ཚོགས་པ་ཡིན་པས། དེས་ཡང་བསམ་པ། གལ་ཏེ་ཁ་མ་ཆག་པའི་ཕྱོགས་ནས་བདག་གིས་ཆང་འཐུངས་ན། འདིས་ནི། མ་ཆག་པ་ནས་འཐུངས་སོ། །ཞེས་འདི་ཁུ་འཕྲིག་ཟ་བར་འགྱུར་ཞིང ། འདིས་བདག་སྤངས་པར་འགྱུར་བས། འདིས་གང་ནས་འཐུངས་པ་དེ་ཉིད་ནས་འཐུངས་ན། བདག་ལ་ཤིན་ཏུ་དགའ་བར་འགྱུར་རོ། །སྙམ་ནས་དེས་ངོས་དེ་ཉིད་ནས་འཐུངས་པ་དང ། སྣམས་བྱེད་ཀྱིས་བསམ་པ། ཁྲོམ་གྱི་དཔའ་བོ་འདི་ནི། ཆོག་མེད་པ་ཞིག་སྟེ། བདག་གིས་ངོས་གང་ནས་འཐུངས་</font><hr>Tha439b<br><font size=+2>


པའི་ངོས་དེ་ཉིད་ནས་འདིས་ཀྱང་འཐུངས་པས། འདི་དང་འཇིག་རྟེན་གྱི་ལུགས་ཡུན་རིང་དུ་མི་འཆོར་བར་མཛའ་པོ་བྱའོ། །སྙམ་ནས། དེས་ཆུང་མ་ལ་སྨྲས་པ། བཟང་མོ། ཁྲོམ་གྱི་དཔའ་བོ་འདི། ངའི་སྙིང་གི་གྲོགས་པོ་ཡིན་གྱི། འདི་ཁྱིམ་དུ་ཁྲིད་དེ་སོང་ལ་དྲིལ་ཕྱི་དང་ཁྲུས་གྱིས་ཏེ་ཟན་བྱིན་ལ་རྟ་ལ་ཡང་རྩཝ་དང་ཆས་བྱིན་ཅིག་།དེས་དེ་ཁྱིམ་དུ་ཁྲིད་ནས་དྲིལ་ཕྱི་དང་ཁྲུས་བྱས་ཏེ་ཟན་བྱིན་ནས་རྟ་ལ་ཡང་རྩཝ་དང་ཆས་བྱིན་ནོ། །རྒྱལ་པོ་པདྨའི་སྙིང་པོ་ཅན་ལ་རི་བྲག་པ་སྐྱ་སེང་ཞེས་པ་དག་གིས་བསྡོས་ནས་དེ་དག་རི་བྲགས་ཀྱི་ལུང་པ་ནས་བླུགས་ཏེ་རྒྱལ་པོ་པདྨའི་སྙིང་པོ་ཅན་གྱི་ཡུལ་གཞོམ་པར་བརྩམས་པ་དང ། བློན་པོ་རྣམས་ཀྱིས་རྒྱལ་པོ་པདྨའི་སྙིང་པོ་ཅན་ལ། ལྷ། རི་བྲག་པ་སྐྱ་སེང་དག་གིས་ལྷའི་ཡུལ་གཞོམ་པར་བགྱིས་ཀྱི། ཇི་ལྟར་བགྱི་བ་དགོངས་སུ་གསོལ་ཞེས་ཡི་གེ་སྤྲིང་སྟེ། ཡི་གེའི་ནང་ན་ཡང་ཚིགས་སུ་བཅད་པ། གཞན་གྱི་ཡུལ་ནི་གཞོམ་པའི་ཕྱིར། །ཇི་ལྟར་ནན་ཏན་མཛད་པ་ལྟར། །རང་གི་ཡུལ་འཁོར་སྲུང་བ་ཡང ། །དེ་བཞིན་ལྷས་ཀྱང་མཛད་དུ་གསོལ། །ཞེས་བྲིས་སོ། །རྒྱལ་པོ་པདྨའི་སྙིང་པོ་ཅན་གྱིས་ཡི་གེ་བཀླགས་ནས་བསམ་པ། གལ་ཏེ་བདག་དེ་བཞིན་དུ་སོང་ན། འཇིག་རྟེན་དག། རྒྱལ་པོ་པདྨའི་སྙིང་པོ་ཅན་ཕམ་སྟེ། དེའི་ཕྱིར་ལོག་གོ། ཞེས་སེམས་པར་འགྱུར་བས། ཡོངས་འཇལ་དུ་མ་བྱས་ཏེ་འགྲོའོ། །སྙམ་ནས་དེས་རྒྱལ་པོ་གཏུམ་པོ་རབ་སྣང་ལ་སྤྲིང་པ། གྲོགས་པོ། སྡུག་པ་གང་ཐོལ་</font><hr>Tha440a<br><font size=+2>


༄#། །ཟིན་པ་དེ་ཐལ་དུ་ཟད། ད་ཕྱིར་ཕྱུངས་ཤིག་དང ། ཁྱོད་ལ་ཅུང་ཟད་ཀྱང་མི་བྱེད་ཀྱི། གཞན་དུ་ན་ཕན་ཚུན་མགུལ་ནས་འཇུས་ཏེ་འགྲོ་བར་ཟད་དོ། །བློན་པོ་དག་གིས་སྤྲིང་པ་དེ་ཐོས་ནས་བསམ་པ། གལ་ཏེ་འདི་ན་རྒྱལ་པོ་མེད་དོ། །ཞེས་སྤྲིང་ན། གླགས་རྙེད་པར་འགྱུར་གྱི། ཡེ་གཡོ་ཞིག་བྱའོ། །སྙམ་སྟེ། དེ་དག་གིས་དེ་ལ་ཡི་གེ་སྤྲིང་པ། གྲོགས་པོ་སྡུག་པ། གལ་ཏེ་དེ་ལྟར་ཡིན་ཡང་ཁོ་བོ་ཅག་རྒྱལ་པོ་ནི། བྱ་རོག་བཞིན་དུ་དོགས་པ་དང་བཅས་པ་ཡིན་པས་བདག་ནི། ཕྱིར་མི་འབྱུང་ངོ ། །ཁྱོད་ཀྱི་མཛའ་བོའི་བུ་རྒྱལ་བུ་གཞོན་ནུ་བ་ལང་སྐྱོང་འདི་འོང་གི། དེ་དང་བྲང་སྤྲོད་ལ་བཞུད་ཅིག། ཅེས་སྤྲིང་པ་དང ། རྒྱལ་པོ་པདྨའི་སྙིང་པོ་ཅན་གྱིས་རྒྱལ་བུ་གཞོན་ནུ་བ་ལང་སྐྱོང་དང་བྲང་སྤྲད་ནས་འཕགས་རྒྱལ་བསྐོར་བ་བཏང་སྟེ་རྡོ་འཇོག་ཏུ་སོང་ངོ ། །བློན་པོ་རྣམས་ཀྱིས་སྨྲས་པ། ཤེས་ལྡན་དག། རྒྱལ་པོ་པདྨའི་སྙིང་པོ་ཅན་གྱིས་བག་ཕབ་སྟེ། ཡུལ་རྡོ་འཇོག་ཏུ་སོང་གི། ད་ནི། ལྷ་ཚོལ་དུ་འདོང་ངོ ། །ཞེས་དེ་དག་གིས་ཕོ་ཉ་རྟ་བ་ཀུན་ཏུ་བཏང་ངོ ། །རྒྱལ་པོ་གཏུམ་པོ་རབ་སྣང་གིས་རྒྱལ་པོ་པདྨའི་སྙིང་པོ་ཅན་གྱིས་འཕགས་རྒྱལ་བསྐོར་བ་བཏང་ནས་ཡུལ་རྡོ་འཇོག་ཏུ་སོང་ངོ ། །ཞེས་ཐོས་པ་དང ། དེས་ཞིང་པ་སྣམས་བྱེད་དེ་ལ་སྨྲས་པ། སྣམས་བྱེད། བདག་ནི་འཇིགས་པ་དང་བྲལ་བས་དེའི་ཕྱིར་བདག་འཕགས་རྒྱལ་དུ་འགྲོའི། གལ་ཏེ་ཁྱོད་འཕགས་རྒྱལ་དུ་འོང་ན། བདག་གི་</font><hr>Tha440b<br><font size=+2>


ཁྱིམ་དུ་ཤོག་ཅིག། དེས་སྨྲས་པ། ཁྲོམ་གྱི་དཔའ་བོ། ཁྱོད་ཀྱི་མིང་ཡང་ཁོ་བོས་མི་ཤེས་ན། ཇི་ལྟར་ཁྱིམ་དུ་འོངས། དེས་སྨྲས་པ། སྣམས་བྱེད་ངའི་ཁྱིམ་མི་ཤེས་ཀྱང་བླ། འོན་ཀྱང་ཁྱོད་འཕགས་རྒྱལ་དུ་འོངས་པ་དང ། རྟ་མང་གི་ཁྱིམ་གང་ཡིན་ཞེས་དྲིས་ཤིག་ཅེས་སྨྲས་ཏེ་སོང་ནས་རིམ་གྱིས་ཡུལ་འཕགས་རྒྱལ་དུ་ཕྱིན་པ་དང ། དེས་ཆབ་སྒོ་བ་ལ་བསྒོ་བ། ཀཝའི་སྐྱེས་བུ། འགའ་ཞིག་རྟ་མང་གི་ཁྱིམ་གང་ཡིན་ཞེས་འདྲི་བ་དང ། དེ་ངའི་དྲུང་དུ་ཁྲིད་དེ་ཤོག་ཅིག་ཅེས་སྨྲས་ནས་ཁྱིམ་དུ་ཞུགས་སོ། །ཇི་ཙམ་དུས་གཞན་ཞིག་ན་ཡུལ་འཕགས་རྒྱལ་དུ་དུས་སྟོན་ལ་བབ་ནས་ཡུལ་དེ་ན་གནས་བའི་སྐྱེ་བོའི་ཚོགས་དག་ཀྱང་དེར་དོང་བ་དང ། ཞིང་བའི་ཆུང་མ་རི་ཁྲོད་མས། རྗེའི་སྲས། ཡུལ་འཕགས་རྒྱལ་ན་དུས་སྟོན་ལ་བབ་སྟེ་སྐྱེ་བོའི་ཚོགས་དེར་དོང་ན་བདག་ཅག་ཀྱང་བཞུད་ལ། དེར་དུས་སྟོན་ཀྱང་ཉམས་སུ་མྱོང་བར་བྱ་ཞིང ། རྟ་མང་དེ་ཡང་གཟིགས་སོ། །དེས་སྨྲས་པ། བཟང་མོ། ཅི་ཁྲོམ་གྱི་དཔའ་བོས་གང་སྨྲས་པ་དེ་ཐམས་ཅད་བདེན་དུ་རེའམ། དེ་ནི། གནས་གསུམ་གྱིས་བལྟ་བར་བྱ་སྟེ། བཅོམ་པ་དང ། བྲོས་པ་དང ། རྒྱལ་སྲིད་ལས་ཉམས་པ་ཞིག་ནའོ། །དེས་སྨྲས་པ། རྗེའི་སྲས། གལ་ཏེ་དེ་ལྟ་ན། ཐོང ། བཞུད་ལ་དུས་སྟོན་ཀྱང་ཉམས་སུ་མྱོང་བར་བགྱིས་ནས་བྱོན་ཏོ། །དེས་སྨྲས་པ། བཟང་མོ། །ལེགས་ཀྱི། དེ་བཞིན་དུ་བྱའི། འདོང་ངོ ། །ཞེས་དེ་གཉིས་དོང་ནས་རིམ་གྱིས་ཡུལ་འཕགས་རྒྱལ་དུ་ཕྱིན་པ་དང ། སྣམས་</font><hr>Tha441a<br><font size=+2>


༄#། །བྱེད་ཀྱིས་སྒོ་བ་ལ། ཀྱེ་སྐྱེས་བུ། རྟ་མང་ཞེས་བྱ་བའི་ཁྱིམ་གང་ཡིན་ཞེས་དྲིས་པ་དང ། དེས་དེ་ཆུང་མ་དང་བཅས་ཏེ་རྒྱལ་པོ་གཏུམ་པོ་རབ་སྣང་གི་དྲུང་དུ་ཁྲིད་པ་དང ། རྒྱལ་པོས་རྒྱང་རིང་པོ་ནས་ཞེས་བྱས་ཏེ། འོངས་པ་ལེགས་སོ། །ཞེས་བྱ་བའི་ཀུན་ཏུ་སྤྱོད་པ་ཀུན་ཏུ་སྤྱད་ནས་སྣམས་བྱེད། ཁྱོད་འོངས་སམ། ལྷ། བདག་མཆིས་སོ། །རྒྱལ་པོ་དེ་སྤྱི་ཅེར་ཞིག་ཡིན་པ་ལས་དེས་ཅོད་པ་ན་བཅིངས་པས། དེས་རྒྱལ་པོ་ངོ་མ་ཤེས་སོ། །རྒྱལ་པོས་སེང་གེའི་ཁྲི་ལས་བབས་པ་དང ། དེས་ངོ་ཤེས་ནས་དེས་ཆུང་མ་དང་བཅས་ཏེ་རྐང་པ་ལ་ཕྱག་བྱས་སོ། །རྒྱལ་པོ་གཏུམ་པོ་རབ་སྣང་གིས་ཀྱང་རིམ་གྲོ་ཆེར་བྱས་ནས་བཙུན་མོ་འཁོར་གྱི་ནང་དུ་ཁྲིད་དེ། དྲིལ་ཕྱི་དང ། ཁྲུས་བྱས། ཟན་བྱིན་ནས་ཉལ་ཁང་ཡང་བྱིན་ཏེ། བཙུན་མོའི་འཁོར་རྣམས་ལ་བསྒོ་བ། འདི་དག་ངའི་ཕ་མ་ཡིན་ཏེ། དེའི་ཕྱིར་ཁྱེད་ཀྱིས་འདི་གཉིས་ལ་བཟའ་བ་དང ། བཏུང་བ་དང ། མལ་ཆ་དང ། སྟན་དང ། བྲན་ཕོ་དང ། བྲན་མོ་དང ། ལས་བྱེད་པའི་མི་དང ། རིམ་གྲོ་བ་དང ། ཡོ་བྱད་དག་གིས་རིམ་གྲོ་གྱིས་ཤིག་།དེ་རྒྱལ་པོས་བཀུར་སྟི་དང ། མཆོད་པ་བྱས་སོ། །སྙམ་ནས་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་ཐམས་ཅད་ཀྱིས་རིམ་གྲོ་བྱ་བར་བརྩམས་སོ། །ཞིང་པ་སྣམས་བྱེད་ཅུང་ཟད་ཅིག་འདུག་ནས་སྨྲས་པ། ལྷ། མཁྱེན་པར་མཛོད་ཅིག་།བདག་མཆིས་ཏེ་སླར་ལྷའི་</font><hr>Tha441b<br><font size=+2>


ཞལ་བལྟ་བ་མི་དཀའ་བ་ལགས་སོ། །རྒྱལ་པོས་སྨྲས་པ། སྣམས་བྱེད། འདི་ཉིད་དུ་འདུག་ཅིག་དང ། ལྷན་ཅིག་རྒྱལ་སྲིད་གཟུང་ངོ ། །དེས་སྨྲས་པ། ལྷ། ཞིང་པ་བདག་ལྟ་བུས་རྒྱལ་སྲིད་གཟུང་བའི་རྔོ་ཅི་ཞིག་ཐོགས། རྒྱལ་པོས་སྨྲས་པ། སྣམས་བྱེད། དེའི་ཚེ་ནི། ཁྱོད་ན་རེ། གལ་ཏེ་བདག་རྒྱལ་པོ་དེའི་བློན་པོའམ། དམག་དཔོན་དུ་གྱུར་ན། བདག་གིས་མྱུར་ཞིང་མྱུར་བར་རྒྱལ་པོ་པདྨའི་སྙིང་པོ་ཅན་མགུལ་ནས་བཏགས་ཏེ་འཕགས་རྒྱལ་དུ་ཁྲིད་པ་ཞིག་ཅེས་ཟེར། ད་ནི། མི་ནུས་སོ། །ཞེས་ཟེར་ན། དེ་ཇི་ལྟ་བུ་ཞིག་ཅེས་བྱས་པ་དང ། དེ་ཅང་མི་ཟེར་བར་འདུག་གོ་།རྒྱལ་པོ་གཏུམ་པོ་རབ་སྣང་ལ་བློན་པོ་ལྔ་བརྒྱ་ཡོད་དེ། དེས་དེ་དག་ལ་གསོར་བཅུག་གོ་།དེ་དག་གིས་དེ་གསོས་པ་དང ། དེའི་མིང་གསོས་པ་གསོས་པ་ཞེས་བྱ་བར་ཆགས་སོ། །དུས་གཞན་ཞིག་ན་རྒྱལ་པོས་དེ་ལ་དྲིས་པ།་གསོས་པ། ཁྱོད་ཇི་ལྟ་ཞིང་འདུག་།ལྷ། ཇི་འདྲ་ཞིང་མཆིས། བདག་ལ་བློན་པོ་དེ་རྣམས་བརྙས་བཞིན་བགྱིད་མོད། རྒྱལ་པོས་སྨྲས་པ། གསོས་པ། གལ་ཏེ་དེ་ལྟ་ན། དེ་རྣམས་དགོས་པ་བྱུང་བའི་གྲོས་བྱེད་པའི་ནང་དུ་ཁྱོད་ཀྱང་ཞུགས་ཤིག་དང ། སུ་ཡང་ཁྱོད་ལ་མ་གུས་པར་མི་བྱེད་དོ། །དེས་སྨྲས་པ། ལྷ། ཞིང་པ་བདག་ལྟ་བུས་གྲོས་དག་གི་ནང་དུ་འཇུག་པའི་རྡོ་ཅི་ཞིག་ཐོགས། རྒྱལ་པོས།་གསོས་པ། དེ་བཞིན་དུ་གྱིས་ཤིག་དང ། བློན་པོ་དེ་ཐམས་ཅད་གུས་པ་བྱེད་པར་འགྱུར་རོ། །ཞེས་བསྒོ་བ་དང ། དེ་ཅང་མི་སྨྲ་བར་འདུག་གོ། ཇི་ཙམ་དུས་གཞན་ཞིག་ན་རྒྱལ་པོ་གཏུམ་པོ་</font><hr>Tha442a<br><font size=+2>


༄#། །རབ་སྣང་བློན་པོའི་ཚོགས་ཀྱིས་བསྐོར་ཅིང་འདུག་པ་དང ། དེ་གསོས་པ་སྨྲར་གཞུག་པར་འདོད་པའི་བློ་སྔོན་དུ་བཏང་སྟེ་བློན་པོ་རྣམས་ལ། ཤེས་ལྡན་དག་།དོན་འདི་ཇི་ལྟར་བྱ་ཞེས་སྨྲས་པ་དང ། དེ་ན་ཁ་ཅིག་གིས་སྨྲས་པ། ལྷ། འདི་དང་འདི་ལྟ་བུར་བགྱིའོ། །རྒྱལ་པོས་སྨྲས་པ། དོན་འདི་ནི། དེ་ལྟར་མི་བྱའོ། །གཞན་དག་ཅིག་གིས་སྨྲས་པ། ལྷ། དོན་འདི་དང་འདི་ལྟ་བུར་བགྱིའོ། །རྒྱལ་པོས་སྨྲས་པ། དོན་འདི་ནི། དེ་ལྟར་མི་བྱའོ། །རྒྱལ་པོས། གསོས་པ་ལ་དོན་འདི་ཇི་ལྟར་བྱ་ཞེས་སྨྲས་པ་དང ། དེས། ལྷ། དོན་འདི་ནི། འདི་ལྟར་བགྱི་སྟེ། དེ་ལྟར་མཛད་ན། ལེགས་པར་འགྱུར་རོ། །ཞེས་སྨྲས་པ་དང ། རྒྱལ་པོས་དེ་བཞིན་དུ་བྱས་སོ། །བློན་པོ་རྣམས་ཀྱིས་སྨྲས་པ། རྒྱལ་པོ་ཡང་འདིའི་གྲོས་བཞིན་མཛད་པས་དེ་ལ་མ་གུས་པར་མི་བྱའོ། །ཞེས་དེ་དག་གིས་དེ་ལ་གུས་པ་བྱ་བར་བརྩམས་སོ། །ཡང་རྒྱལ་པོས་གསོས་པ་ལ་དྲིས་པ། ཁྱོད་ཇི་ལྟ་ཞིང་འདུག་།དེས་སྨྲས་པ།་ལྷ། ཇི་འདྲ་ཞིང་མཆིས། རེ་ཞིག་དང་པོར་བདག་ལ་ཁྱིམ་མ་མཆིས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།གསོས་པ་ལ་ཁྱིམ་བྱིན་ཅིག་།དེ་དག་གིས་སྨྲས་པ། ལྷ། བློན་པོ་ཆེ་གེ་མོ་ཞེས་བགྱི་བ་དུས་ལས་འདས་པ་དེའི་ཁྱིམ་ཞིག་མཆིས་ཏེ། དེའི་མཆིས་བྲང་ཡང་དེ་ན་མཆིས་སོ། །རྒྱལ་པོས་ཁྱིམ་དེ་ཆུང་མ་དང་ནོར་བུ་བཅས་</font><hr>Tha442b<br><font size=+2>


པ་གསོས་པ་ལ་བྱིན་ཅིག་ཅེས་བསྒོ་བ་དང ། དེ་དག་གིས་ཁྱིམ་དེ་ཆུང་མ་དང་བཅས་ཏེ་གསོས་པ་ལ་བྱིན་ནོ། །ཡང་རྒྱལ་པོས་གསོས་པ་ལ་སྨྲས་པ། གསོས་པ། ཁྱོད་ཇི་ལྟ་ཞིང་འདུག་།དེས་སྨྲས་པ།་ལྷ། མཆིས་བྲང་གི་འཁོར་རྣམས་མི་འདི་ཞིང་པའོ། །ཞེས་བརྙས་པར་བགྱིད་ལགས་སོ། །རྒྱལ་པོས་སྨྲས་པ། གསོས་པ། གལ་ཏེ་དེ་ལྟ་ན། གང་གི་ཚེ་ཁྱོད་ཁྲུས་བྱེད་པར་འདོད་པ་དེའི་ཚེ་ངས་ཁྱོད་ལ་འགུགས་པ་གཏང་དང ། ཁྱོད་ཀྱིས་དེ་ལ་ཁྲུས་ཟིན་ཏེ་འོང་ངོ ། །ཞེས་བྱོས་ཤིག་།གསོས་པས་སྨྲས་པ། ཇི་ལྟར་བདག་གིས་ལྷའི་བཀའ་བཅག་།རྒྱལ་པོས་སྨྲས་པ། གསོས་པ། ངས་ཁྱོད་ལ་གནང་བ་འདི་ལ་འགལ་བ་ཅི་ཞིག་ཡོད། གང་གི་ཚེ་ཁྱོད་ཟན་ཟ་བར་འདོད་པ་དེའི་ཚེ་ངས་འགུགས་པ་གཉིས་པ་གཏང་གི། དེ་ལ་ཡང་ཁྱོད་ཀྱིས་ཟན་ཟོས་ཏེ་འོང་ངོ ། །ཞེས་གྱིས་ཤིག་དང ། དེ་ནས་ང་ཉིད་ཁྱོད་ཀྱི་ཁྱིམ་དུ་འོངས་ཏེ། འོངས་ནས་ཁྱོད་དང་ལྷན་ཅིག་སྣོད་གཅིག་ཏུ་ཟན་བཟའོ། །དེས་སྨྲས་པ། ལྷ། བདག་ནི། འབངས་ལགས། ཁྱོད་ནི། ཇོ་བོ་ལགས་པས། བདག་ཁྱོད་དང་ལྷན་ཅིག་གཅིག་ཏུ་འཚལ་མ་འཚལ་ཏེ། དེ་ནི། ཆ་མ་ལགས་སོ། །རྒྱལ་པོས། གསོས་པ། ངས་ཁྱོད་ལ་གནང་ན། འདི་ལ་འགལ་བ་ཅི་ཞིག་ཡོད། ཁྱོད་ཟོ་ཞིག་དང ། དེ་ལྟ་ན། དེ་དག་ཁྱོད་ལ་གུས་པ་བྱེད་པར་འགྱུར་རོ། །ཞེས་བསྒོ་བ་དང ། དེས་ཁས་བླངས་ནས་ཅང་མི་ཟེར་བར་འདུག་གོ་།དེ་ནས་རྒྱལ་པོས་དེ་ཁྲུས་བྱེད་པའི་དུས་སུ་གསོས་པ། དགོས་ཅུང་ཟད་ཅིག་ཡོད་ཀྱི། </font><hr>Tha443a<br><font size=+2>


༄#། །མྱུར་དུ་ཤོག་ཅིག་།ཅེས་ཕོ་ཉ་བཏང་བ་དང ། དེས་དེའི་དྲུང་དུ་སོང་སྟེ་སྨྲས་པ། གསོས་པ། དགོས་པ་ཅུང་ཟད་ཅིག་ཡོད་ཀྱི། རིངས་པར་ཤོག་ཅིག་ཅེས་ལྷས་བཀའ་སྩལ་ཏོ། །དེས་སྨྲས་པ། ཀྱེ་ནང་རྗེ། ཁྲུས་བྱས་ཏེ་འོང་གི་།སོང་ཞིག་།ཅེས་བྱས་པ་དང ། མི་དེ་སླར་སོང་ངོ ། །དེའི་ཆུང་མའི་འཁོར་དག་ཅིག་གཏམ་གླེང་བར་བརྩམས་པ། ཕུ་ནུ་མོ། འོ་བུ་ཅག་གི་ཁྱོ་ཞིང་པ་འདི་འདི་ལྟར་ཚོད་མེད་དེ། ལྷའི་བཀའ་ཁྱད་དུ་གསོད་པ་ལ་ལྟོས། དེ་ན་ཁ་ཅིག་ན་རེ། ཕུ་ནུ་མོ། གང་དག་རིགས་ངན་པ་ལས་བྱུང་བ་དེ་དག་ནི། གྱི་ནས་ཀྱང་དྲེགས་པར་འགྱུར་རོ། །ཞེས་ཟེར་རོ། །གཞན་དག་ན་རེ། ཕུ་ནུ་མོ། རིངས་པར་ལྟོས་ཤིག་དང ། མཐོན་པོའི་མཐའ་ལྟུང་བས་ན། གདོན་མི་ཟ་བར་རྒྱལ་པོས་འདི་བརླག་པར་འགྱུར་རོ། །ཞེས་ཟེར་རོ། །དེས་ཁྲུས་བྱས་ནས་ཟན་བཟའ་བར་བརྩམས་པ་ན། རྒྱལ་པོས་དེ་ལ་གསོས་པ། བྱ་བ་ཅུང་ཟད་ཅིག་ཡོད་པ་མི་སླེབ་ཀྱི། རིངས་པར་ཚུར་ཤོག་།ཅེས་ཕོ་ཉ་གཉིས་པ་བཏང་བ་དང ། དེས་དེར་སོང་སྟེ། དེ་བཞིན་དུ་བསྒོ་ན་དེས་སྨྲས་པ། ཀྱེ་མི་ཁྱོད་སོང་ཞིག་།ཟན་ཟོས་ཏེ་འོང་ངོ ། །ཇི་ཙམ་ན་རྒྱལ་པོ་ཉིད་འོངས་ནས་སྨྲས་པ། གསོས་པ། ཅི་ཟན་ཟའམ། དེས་སྨྲས་པ། ལྷ།་འཚལ་མ་འཚལ་ལོ། །རྒྱལ་པོས་སྨྲས་པ། གསོས་པ། ང་ལ་མགྲོན་མི་བྱའམ། དེས་སྨྲས་པ། ལྷ། མགྲོན་བགྱི་ཡི། བཤོས་གསོལ་ཅིག་།ཆུང་མ་དག་གིས་བསམ་པ། ལྷ། འདི་དང་</font><hr>Tha443b<br><font size=+2>


ལྷན་ཅིག་བཞད་གད་མཛད་དོ། །སྙམ་ནས་དེ་དག་ངོ་མཚར་དུ་གྱུར་ཏེ་མིག་ཚུགས་སུ་རྟོག་པར་བརྩམས་སོ། །རྒྱལ་པོས་རྐང་པ་དང་ལག་པ་བཀྲུས་ཏེ་དེ་དང་ལྷན་ཅིག་ཏུ་ཟན་བཟའ་བར་བརྩམས་པ་དང ། ཆུང་མ་རྣམས་ཀྱིས་མཐོང་ནས་སྡངས་ཏེ་ཕན་ཚུན་དུ་སྨྲས་པ། ཕུ་ནུ་མོ། །བདག་ཅག་གིས་འདི་ལ་འདི་ཞིང་པའོ། །ཞེས་བརྙས་པ་བྱས་ན། ལྷ་འདི་དང་ལྷན་ཅིག་བཤོས་གསོལ་བ་ལ་ལྟོས། དེ་ན་ཁ་ཅིག་གིས་སྨྲས་པ། ཕུ་ནུ་མོ། འདི་ལ་ཇི་ལྟར་བསྒྲུབ་པར་བྱ། གཞན་དག་གིས་སྨྲས་པ། འདི་ལ་ཅི་ཞིག་བསྒྲུབ་ཏུ་ཡོད། གང་དང་ལྷན་ཅིག་རྒྱལ་པོ་བཤོས་གསོལ་བ་དེ་ལ་བདག་ཅག་གིས་བཀུར་སྟི་མ་བྱས་ན། ཅི་སྟེ་རྒྱལ་པོས་མཁྱེན་ན། བདག་ཅག་ལ་གདོན་མི་ཟ་བར་གནོད་པ་བྱེད་པར་འགྱུར་བས་གང་ཐལ་བ་དེ་ཐལ་དུ་ཟད། ད་ནི། ནམ་ཡང་དེ་ལ་མི་གུས་པ་མི་བྱའོ། ། ཞེས་བྱས་པ་དང ། གཞན་དག་གིས་སྨྲས་པ། ལེགས་ཀྱི། དེ་བཞིན་དུ་བྱའོ། །ཞེས་དེ་དག་འཚེར་ཞིང་མི་དགའ་བཞིན་དུ་དེའི་ངག་མི་གཅོག་གོ་།ཡང་རྒྱལ་པོས་གསོས་པ་ལ་ཇི་ལྟ་ཞིང་འདུག་ཅེས་སྨྲས་པ་དང ། དེས་སྨྲས་པ། ལྷ། ཅི་འདྲ་ཞིང་མཆིས། ཁྱོད་ཀྱི་ཞང་པོ་དེ་བདག་ལ་ཤིན་ཏུ་ཁྱད་དུ་འགུམས་ལགས་མོད། རྒྱལ་པོས་སྨྲས་པ། གསོས་པ་དེ་ལྟ་བུ་བྱ་བར་མི་ནུས་མོད་ཀྱི། འོན་ཀྱང་ཐམས་ཅད་ཁྱོད་ཁོ་ན་ལ་རག་ལས་ཀྱི། ཁྱོད་ཉིད་ཤེས་སོ། །དེས་སྨྲས་པ། ལྷ། གལ་ཏེ་དེ་ལྟ་ན། ཁྱོད་ཀྱིས་བདག་ལ་བཀའ་གྱོད་མི་རྨ་བར་ཅི་གནང ། རྒྱལ་པོས་སྨྲས་པ་</font><hr>Tha444a<br><font size=+2>


༄#། །ལེགས་ཀྱི། དེ་བཞིན་གྱིས་ཤིག་།ཇི་ཙམ་དུས་གཞན་ཞིག་ན་གསོས་པ་སྲང་གི་ནང་ནས་སོང་བ་དང ། དེ་ན་ཕ་མ་དག་བྲལ་བའི་བྱིས་པ་གཉིས་ཤིག་ཅི་དགར་རྒྱུ་ཞིང་གནས་པ་གང་ཡང་རུང་བ་ཉིན་པར་ཟས་བསྒྲུབས་ནས་དོན་གོང་གིས་རྩེ་ཞིང་འདུག་གོ་།ཇི་ཙམ་ན་བྲན་མོ་ཞིག་ཆུའི་བུམ་པ་ཁྱེར་ནས་ལམ་དེ་ནས་འགྲོ་བ་དང ། དེ་ན་ཁྱེའུ་ཞིག་གིས། གྲོགས་པོ། ལྟོས་ཤིག་།རི་ལུའི་བུམ་པ་འདི་བརྟོལ་ལོ། །ཞེས་སྨྲས་པ་དང ། དེས་སྨྲས་པ། གལ་ཏེ་ཁྱོད་ཀྱིས་རི་ལུ་སྐམ་པོས་བུ་ག་ཕྱུང་ན། དེ་ན་ངོ་མཚར་མི་ཆེའི། ངས་རི་ལུ་གཤེར་བ་འདིས་གླན་པ་གང་ཡིན་པ་འདི་ནི། ངོ་མཚར་ཆེའོ། །དེས་ལེགས་ཀྱི། དེ་བཞིན་དུ་བྱའོ། །ཞེས་སྨྲས་ནས། དེས་དེ་ལ་རི་ལུ་སྐམ་པོས་བརྟོལ་བ་དང ། དེས་གཤེར་བ་གླན་ཏོ། །དེ་ནས་གསོས་པས་དེ་དག་མཐོང་ནས་ཤིན་ཏུ་ངོ་མཚར་སྐྱེས་ཏེ། དེས་བསམ་པ། དེ་གཉིས་ཀྱིས་བསྟངས་ན། དེ་ལ་ཤ་གླན་པར་ནུས་སོ། །སྙམ་དུ་རིག་ནས་ཀཝའི་བྱིས་པ། ཁྱེད་གཉིས་སུའི་ཡིན་ཞེས་དྲིས་པ་དང ། དེ་གཉིས་ཀྱིས་སྨྲས་པ། ལྷ། བདག་ཅག་ཕ་མ་དང་བྲལ་ནས་གང་ཡང་རུང་བ་ནས་ཉིན་པར་གྱི་ཟས་ཚོལ་བ་ཞིག་ལགས་སོ། །དེས་སྨྲས་པ། གལ་ཏེ་དེ་ལྟ་ན། ཅི་ངའི་གན་དུ་མི་འདུག་གམ། ལྷས་མཆིས་པར་ནི། བགྱི་ན། འོན་ཀྱང་གསོལ་བ་ཞིག་མཆིས་ཏེ། བདག་ཅག་གིས་ཁྱོད་ཀྱི་ལས་ཅི་ཞིག་བགྱི་བར་འཚལ། དེས་སྨྲས་པ། ཅུང་ཟད་ཀྱང་བྱར་</font><hr>Tha444b<br><font size=+2>


མེད་ཀྱི། དོན་གོང་ཉིད་གོམས་པར་བྱེད་དུ་བཅུག་ཅིང་གཞག་གོ་།འོན་ཀྱང་ཁྱོད་ཀྱིས་ངའི་དོན་གཅིག་བྱ་སྟེ། གང་ཞིག་ང་དང་ལྷན་ཅིག་འཐབ་མོ་བྱེད་པ་དེའི་ཁ་ཁྱེད་གཉིས་ཀྱིས་མི་གཙང་བའི་ནང་དུ་བསྒྲེས་པའི་རི་ལུས་ཁོང་ཞིག་།དེ་གཉིས་ཀྱིས་སྨྲས་པ། ལྷ། ལེགས་ཀྱི། དེ་བཞིན་དུ་བགྱིའོ། །ཇི་ཙམ་དུས་གཞན་ཞིག་ན་ཅི་ཞིག་གི་ཕྱིར་དེ་དེ་དང་ལྷན་ཅིག་ཏུ་འཐབ་མོ་བྱེད་པར་བརྩམས་ན།་དེ་གཉིས་ཀྱིས་དེའི་ཁར་མི་གཙང་བའི་ནང་དུ་བསྒྲེས་པའི་རི་ལུས་བཀང་བ་དང ། དེ་སྐྱེངས་ནས་ལ་གོར་དུ་ཕྱིས་ཏེ་ཁ་བཙུམས་ནས་སྤོབས་པ་མེད་པར་གྱུར་ཏོ། །ཡང་རྒྱལ་པོས་གསོས་པ་ལ། གསོས་པ། ཁྱོད་ཇི་ལྟ་ཞིང་འདུག་ཅེས་སྨྲས་པ་དང ། དེས་སྨྲས་པ། ལྷ། ཅི་འདྲ་ཞིང་མཆིས། ཁྱོད་ཀྱི་ནང་མི་དེས་ཞིང་པའི་མི་ཡིན་ནོ། །ཞེས་བདག་ལ་བརྙས་པར་བས་མོད། རྒྱལ་པོས་སྨྲས་པ། གསོས་པ།་གལ་ཏེ་དེ་ལྟ་ན། གང་གི་ཚེ་ང་བཙུན་མོའི་འཁོར་གྱི་ནང་དུ་སོང་བ་དེའི་ཚེ་ཁྱོད་ཤོག་ལ་རྒྱལ་པོ་ག་ལ་བཞུགས་ཞེས་དྲིས་ཤིག་།གལ་ཏེ་བཙུན་མོའི་འཁོར་གྱི་ནང་ན་བཞུགས་སོ། །ཞེས་ཟེར་ན། དེ་བཙུན་མོའི་འཁོར་གྱི་ནང་དུ་བཞུད་ཅིང་གནས་ན། རྒྱལ་པོའི་བྱ་བ་དང་རྒྱལ་པོའི་དོན་དག་ཉམས་པར་འགྱུར་རོ། །ཞེས་སྨྲོས་ཤིག་།གལ་ཏེ་ཡང་དེར་ངའི་མལ་ལམ་ཁྲི་དག་མཐོང་ན། ཁྱོད་དེར་འདུག་ཅིག་དང ། ངས་ཁྱོད་ཀྱི་རྐང་པ་བཀྲུ་བར་བྱའོ། །དེས་སྨྲས་པ། ལྷ། ཁྱོད་ནི། རྗེ་ལགས། བདག་ནི། འབངས་ལགས་པས་དེ་ཇི་ལྟར་རུང་སྟེ། དེ་ནི། ཆ་མ་ལགས་སོ། །རྒྱལ་པོས་སྨྲས་པ། </font><hr>Tha445a<br><font size=+2>


༄#། །གསོས་པ། ང་དེ་ལྟར་འདོད་ན། འདི་ལ་འགལ་བ་ཅི་ཞིག་ཡོད། དེ་ལྟ་ན། དེ་དག་ཁྱོད་ལ་རིམ་གྲོ་བྱེད་པར་འགྱུར་རོ། །ཞེས་བྱས་པ་དང ། དེས་ཁས་བླངས་ནས་ཐམས་ཅད་རིམ་གྱིས་བྱས་སོ། །རྒྱལ་པོའི་མལ་སྟན་གང་ཡིན་པའི་སྟེང་དུ་རེ་ཞིག་ངལ་བསོའོ། །ཞེས་བྱས་ནས་ཉལ་བ་དང་དེ་ཉིད་དུ་གཉིད་ཀྱིས་ལོག་གོ་།རྒྱལ་པོ་ཕྱིར་བྱུང་ནས་འདི་སུ་ཞིག་ཅེས་སྨྲས་པ་དང ། དེ་དག་གིས་སྨྲས་པ། གསོས་པ་ལགས་སོ། །རྒྱལ་པོས་སྨྲས་པ། འདི་སུས་ཀྱང་རྐང་པ་མ་བཀྲུས་སམ། ཆུ་ཁྱེར་ཏེ་ཤོག་ཅིག་།རྐང་པ་བཀྲུའོ། །ཞེས་རྒྱལ་པོས་དེའི་རྐང་པ་བཀྲུས་པ་དང ། དེ་དག་དོགས་ཤིང་མི་དགའ་བཞིན་དེ་ལ་རིམ་གྲོ་བྱ་བར་བརྩམས་སོ། །རྒྱལ་པོ་གཏུམ་པོ་རབ་སྣང་བུད་མེད་ལ་བརྐམ་ཆགས་ཅན་ཞིག་པས། དེ་དུས་གཞན་ཞིག་ན་བློན་པོའི་བུ་ནེའུ་ལྡང་དག་དང་ལྷན་ཅིག་ཁང་བཟང་གི་སྟེང་དུ་སོང་ནས་དེ་དག་དང་གཏམ་བཟང་པོ་མ་ཡིན་པ་ཟེར་ཞིང་འདུག་སྟེ། ཤེས་ལྡན་དག་།གྲོང་དང ། གྲོང་རྡལ་དང ། ཡུལ་འཁོར་གང་ན་བུད་མེད་བཟང ། དེ་ན་ཁ་ཅིག་གིས་སྨྲས་པ། ལྷ། ཀ་ནྱ་ཀུབ་ཛ་ན་བུད་མེད་བཟང་ལགས་སོ། །གཞན་དག་གིས་སྨྲས་པ། ལྷ། ཀམྤོ་ཇི་ཀའི་བུད་མེད་བཟང་ལགས་སོ། ། གཞན་དག་གིས་སྨྲས་པ། ལྷ། སྦྲུལ་གདུག་པ་དག་བཟང་ལགས་སོ། །གཞན་ཞིག་གིས་སྨྲས་པ། གྲོང་ཁྱེར་གཞན་ན་གནས་པའི་བུད་མེད་དག་ལྟ་ཞོག་།འཕགས་རྒྱལ་འདི་ཉིད་ན་</font><hr>Tha445b<br><font size=+2>


གཟུགས་ཀྱིས་འཚོ་བ་བཟང་མོ་ཞེས་བགྱི་བ་གང་ཡིན་པ་མཐོང་ན། སུམ་ཅུ་རྩ་གསུམ་པས་བཀུར་བའི་ལྷ་མོ་གཟུགས་དང ། ཁ་དོག་དང ། ན་ཚོད་དང ། དབྱིབས་དང་ལྡན་པ་ཡང་ཉི་མའི་འོད་ཟེར་གྱི་སྣང་བས་ལྷའི་གཞལ་མེད་ཁང་ན་གནས་པའི་སྐར་མ་རྣམས་ཀྱི་སྣང་བ་ཟིལ་གྱིས་ནོན་པ་དེ་ལྟ་བུ་ཞིག་གནས་ལགས་སོ། །རྒྱལ་པོས་དེའི་གཟུགས་དང ། ན་ཚོད་ཀྱི་ཡོན་ཏན་བརྗོད་པ་ཐོས་ནས་ལྷག་པར་གཞན་གྱི་བུད་མེད་ཀྱི་གན་དུ་འགྲོ་འདོད་པར་གྱུར་ཏེ། ཆ་ལུགས་མི་མངོན་པར་བྱས་ནས་དེ་ཉིད་ཀྱི་ནུབ་མོ་ཀཪྴ་པ་ཎ་ལྔ་བརྒྱ་ཁྱེར་ཏེ་དེའི་ཁྱིམ་དུ་སོང་བ་དང ། དེས་དེ་ལ་བྱོན་པ་ལེགས་སོ། །ཞེས་བྱ་བའི་ཀུན་ཏུ་སྤྱོད་པ་ཀུན་ཏུ་སྤྱད་ནས་མངག་གཞུག་མའི་བུ་མོ་ལ་གཏད་དེ། བུ་མོ། སོང་ལ་རིགས་ཀྱི་བུ་འདི་དྲིལ་ཕྱི་དང ། ཁྲུས་གྱིས་ཤིག་།ཇོ་མོ། དེ་ལྟར་འཚལ་ལོ། །ཞེས་བུ་མོ་དེས་གཟུགས་ཀྱིས་འཚོ་བ་བཟང་མོའི་ལྟར་མཉན་ཏེ་རྒྱལ་པོ་གཏུམ་པོ་རབ་སྣང་ལ་དྲིལ་ཕྱི་བྱ་བར་བརྩམས་སོ། །དེ་དེ་ལ་དྲིལ་ཕྱི་བྱེད་པ་ན་མི་གཞན་ཞིག་ཀྱང་ཀཪྴ་པ་ཎ་ལྔ་བརྒྱ་ཁྱེར་ཏེ་དེར་འོངས་ནས། དེས་བཟང་མོ་དགའ་མགུར་སྤྱོད་ཀྱི། འདོང་ཞེས་སྨྲས་སོ། གཟུགས་ཀྱིས་འཚོ་བ་བཟང་མོ་དེའི་ཀུན་ཏུ་སྤྱོད་པ་ནི། གལ་ཏེ་གཅིག་ནང་དུ་འོངས་ལ། ཡང་གཅིག་འོངས་ན་སྔ་མ་བསད་ཅིང་ཕྱི་མ་དང་ལྷན་ཅིག་དགའ་མགུར་སྤྱོད་དོ། །བུ་མོ་དེས་རྒྱལ་པོ་གཏུམ་པོ་རབ་སྣང་དེའི་གཟུགས་དང་ན་ཚོད་མཛེས་པ་དེ་མཐོང་ནས་འདི་ལྟ་བུའི་རྒྱལ་རིགས་ཀྱི་བུ་ཡང་སྡིག་པའི་ཆོས་ཀུན་</font><hr>Tha446a<br><font size=+2>


༄#། །ཏུ་སྤྱོད་པ་འདིས་གསོད་དོ། །སྙམ་ནས་དུས་སོ། །དེས་དུས་པ་དང ། མཆི་མའི་ཐིགས་པ་རྒྱལ་པོ་གཏུམ་པོ་རབ་སྣང་གི་ལུས་ལ་ཕོག་པར་གྱུར་ཏོ། །དེ་ནས་རྒྱལ་པོ་གཏུམ་པོ་རབ་སྣང་གིས་གྱེན་དུ་བལྟས་ན། བུ་མོ་དེ་ངུ་ནས་དེས་སྨྲས་པ། བུ་མོ། ཅིའི་ཕྱིར་དུ། དེས་སྨྲས་པ། གཞོན་ནུ། ཆེན་པོ་མ་ལགས་སོ། །རྒྱལ་པོ་དོགས་པར་གྱུར་ནས་ཡང་དྲིས་པ། བུ་མོ། ཅིའི་ཕྱིར་དུ། བག་མ་ཚ་བར་སྨྲོས་ཤིག། ཅེས་དྲིས་པ་དང ། དེས་རྒྱས་པར་བརྗོད་དོ། །རྒྱལ་པོ་གཏུམ་པོ་རབ་སྣང་གིས་སྨྲས་པ། བུ་མོ། གང་གིས་ན། ང་འབྲོས་པའི་ཐབས་ལྟ་འགའ་ཡོད་དམ། དེས་སྨྲས་པ། འདིའི་ཁྱིམ་ཀུན་ནས་གཤེད་མའི་མི་རལ་གྲི་ཐོགས་པས་བསྐོར་བས་མེད་མོད་ཀྱི། འོན་ཀྱང་ཕྱོགས་གཅིག་ཡོད་ན། དེ་མི་གཙང་བས་དེ་ལྟ་ཞིག་སྨྲས་ཀྱང་ཅི་རུང ། རྒྱལ་པོས་སྨྲས་པ། བུ་མོ། གཙང་ཡང་རུང་མི་གཙང་ཡང་རུང་སྨྲོས་ལ་སྲོག་བྱིན་ཅིག། དེས་སྨྲས་པ། ཕྱོགས་འདི་ན་ཆབ་ཁུང་ས་ཞིག་ཡོད་དེ། ལྕགས་ཀྱི་ཕུར་པས་བཏབ་ཅིང་འདུག་གི། གལ་ཏེ་འབྱིན་ནུས་ན། དེ་ཕྱེ་ལ་བྲོས་ཤིག། རྒྱལ་པོས་སྨྲས་པ། བུ་མོ། ཚུར། ཕྱོགས་དེ་གང་ཡིན་པ་སྟོན་ཅིག་དང ། ངས་དེ་དབྱུང་ནུས་སོ། །ཞེས་སྨྲས་པ་དང ། དེས་ཕྱོགས་དེ་དེ་ལ་བསྟན་ཏོ། །སྨད་འཚོང་མ་དེའི་ཁྱིམ་དང་འདབ་ཆགས་ན་བྲམ་ཟེ་ལྟས་མཁན་ཞིག་གི་ཁྱིམ་ཡོད་དེ། རེ་ཞིག་ན་བྲམ་ཟེ་དེ། གཅིན་གཅིར་བྱུང་ན། དེའི་</font><hr>Tha446b<br><font size=+2>


ཆུང་མ་ཡང་ཆུ་ཁྱེར་ནས་ཕྱི་བཞིན་དུ་འོངས་ཏེ། བྲམ་ཟེ་དེས་སྐར་མ་བལྟས་པ་དང་མི་བཟང་བར་མཐོང་ནས་དེས་བྲམ་ཟེ་མོ་ལ་སྨྲས་པ། བྲམ་ཟེ་མོ། སྐར་མ་མི་བཟང་བས། ལྷ་ནི། མི་བཟང་བ། དོགས་པ། ཉམ་ང་བར་གྱུར་ཏོ། །དེས་སྨྲས་པ། བྲམ་ཟེ། དེ་སྐད་མ་ཟེར་ཅིག། དེ་ནི། རྒྱལ་པོ་ཁྲོ་བར་འགྱུར་རོ། །དེས་སྨྲས་པ། བྲམ་ཟེ་མོ། བདག་ཅག་ནི། རྒྱལ་པོའི་སྐྱབས་ན་བདེ་བར་གནས་པ་ཡིན་པས། དེས་ན་མི་དགའ་སྟེ། དེ་སྐད་སྨྲ་མོད། དེ་ཐམས་ཅད་རྒྱལ་པོས་ཐོས་སོ། །དེ་ནས་རྒྱལ་པོས་ལྕགས་ཀྱི་ཕུར་པ་དེ་བསྒུལ་བར་བརྩམས་ན། མ་ནུས་ན། སྟོབས་དང་ལྡན་པ་དེས་བསྒྲིམས་ཏེ་བསྒུལ་ནས་ཕྱིན་པ་དང ། བཤང་བ་འབབ་པ་དེ་དང་ལྷན་ཅིག་བྱུང་སྟེ་སོང་ངོ ། །བྲམ་ཟེ་དེས་བྲམ་ཟེ་མོ་དེ་ལ་སྨྲས་པ། བྲམ་ཟེ་མོ། ལྷ་དེའི་མི་བཟང་བ། དོགས་པ། ཉམ་ང་བར་གྱུར་པ་གང་ཡིན་པ་དེ་དང་ལྷ་བྲལ་ཏེ། རྒྱལ་པོ་གསོན་པ་བདག་ཅག་དབང་ཐང་ཆེན། རྒྱལ་པོ་ནི། དེ་ལྟར་སྤགས་བཞིན་དུ་བཙུན་མོ་ཞི་བའི་ཐད་དུ་སོང་ངོ ། །དེས་ལྷ་དེ་ཅི་ཞིག་ཅེས་སྨྲས་པ་དང ། དེས་ཇི་ལྟ་བུར་གྱུར་བ་སྨྲས་སོ། །བཙུན་མོ་ཞི་བ་མིག་མཆི་མས་གང་བཞིན་དུ་དེ་སྨྱིག་མའི་ཚལ་པས་བཞར་རོ། །སྨྱིག་མའི་ཚལ་པས་བཞར་ནས་ས་དཀར་གྱིས་དྲིལ་ཕྱི་བྱས་སོ། །ས་དཀར་གྱིས་དྲིལ་ཕྱི་བྱས་ནས་སྤས་སྣ་ཚོགས་ཀྱིས་བསྒོས་པའི་ཆུས་བཀྲུས་ཏེ་མཐུན་པའི་གོས་དག་བསྐོན་ཏོ། །དེ་ཕྱི་དེ་ཉིན་པར་དོན་བྱ་བའི་སར་འདུག་ནས་བློན་པོ་རྣམས་ལ་སྨྲས་པ། </font><hr>Tha447a<br><font size=+2>


༄#། །ཤེས་ལྡན་དག། ལྟས་མཁན་དག་བོས་ཤིག་།དེ་དག་གིས་ལྟས་མཁན་དག་བོས་པ་དང ། དེ་དག་ལ་རྒྱལ་པོས་སྨྲས་པ། ཤེས་ལྡན་དག། མདང་ངའི་མཚན་མོ་ཇི་ལྟ་བུར་འདས་པར་གྱུར། དེ་དག་གིས་སྨྲས་པ། ཇི་ལྟར་རྒྱལ་རིགས་སྤྱི་བོ་ནས་དབང་བསྐུར་བ་ཆོས་བཞིན་དུ་ས་སྐྱོང་བ་ལྟར་ལགས་སོ། །རྒྱལ་པོས་སྨྲས་པ། ཤེས་ལྡན་དག ། ཕྱོགས་ཆེ་གེ་མོ་ཞིག་ན་བྲམ་ཟེ་ལྟས་མཁན་ཞིག་གནས་པ་དེ་བོས་ཤིག། དེ་དག་གིས་དེའི་ཐོག་ཏུ་རྒྱལ་པོའི་མི་དག་བཏང་ངོ ། །དེ་དག་དེར་སོང་ནས་བྲམ་ཟེ་དེ་ལ་ལྷ་འབོད་དོ། །ཞེས་བསྒོ་བ་དང ། དེས་ཤེས་ལྡན་དག། ལྷས་ཇི་ལྟར་བཀའ་སྩལ་པ་བཞིན་འཚལ་གྱི། སོང་ཞིག། གོས་འཚལ་ལ་མཆིའོ། །ཞེས་སྨྲས་སོ། །དེ་དག་སླར་སོང་བ་དང་བྲམ་ཟེ་མོ་དེས་སྨྲས་པ། བྲམ་ཟེ། བདག་གིས་སྔར་ཁྱོད་ལ་རྒྱལ་པོ་གཏུམ་པོ་ཁྲོ་བར་འགྱུར་བ་མ་སྨྲ་ཞིག། ཅེས་བྱས་ན། ཁྱོད་ངའི་ངག་ཉན་དུ་མ་བཏུབ་པས་ད་ནི། དེ་བྱུང་ངོ ། །དེས་བྲམ་ཟེ་མོ་ལ་ཐམས་ཅད་ལེགས་པར་འགྱུར་གྱི། བག་མ་ཚ་ཞིག་སྨྲས་ནས་དེས་དེ་དབུགས་ཕྱུང་སྟེ་རྒྱལ་པོའི་དྲུང་དུ་སོང་ངོ ། །རྒྱལ་པོས་རྒྱང་རིང་པོ་ནས་མཐོང་ནས་བྱོན་པ་ལེགས་སོ། །ཞེས་བྱ་བའི་ཚིག་བརྗོད་ནས་མཁན་པོ། བྱོན་པ་ལེགས་ཏེ། ཕྱོགས་འདིར་བཞུགས་ཤིག། ཅེས་བྱས་པ་དང ། དེ་ཡིད་དགའ་བ་སྐྱེས་ནས་རྒྱལ་པོ་ལ་རྒྱལ་བ་དང་ཚེ་སྤེལ་བ་བྱས་ནས་ཇི་ལྟར་བསྒོ་བའི་གནས་སུ་འདུག་གོ ། </font><hr>Tha447b<br><font size=+2>


རྒྱལ་པོས་ཡུད་ཙམ་ཞིག་བསྡད་ནས་སྨྲས་པ། མཁན་པོ། ཁྱོད་ལྟས་མཁྱེན་ཏམ། དེས་སྨྲས་པ། ལྷ་མཉེས་པར་རྡོ་ཐོགས་སོ། །མཁན་པོ། བདག་མདང་ཇི་ལྟ་བུ་ཞིག་ཏུ་འདས་པར་གྱུར། ལྷ། མི་བཟང་པ། དོགས་པ། ཉམ་ང་བར་གྱུར་པ་ལས་ཁྱོད་བསོད་ནམས་ཀྱི་མཐུ་ཅན་ཞིག་སྟེ། དེའི་སླད་དུ་མི་མཛའ་བ་རྣམས་ཀྱི་ནང་ནས་འོ་བརྒྱལ་ཏེ་ཐར་པར་གྱུར་ཏོ། །ཞེས་བྱས་པ་དང ། རྒྱལ་པོ་མགུ་ནས་ཤེས་ལྡན་དག་།མཁན་པོས་ཇི་སྐད་དུ་སྨྲས་པ་དེ་བཞིན་ཏེ། གཞན་དུ་མ་ཡིན་ནོ། །ཞེས་སྨྲས་ནས། མཁན་པོ། ཁྱོད་ལ་དམ་པ་ཅི་ཞིག་དབུལ་པ་གསུངས་ཤིག་།ཅེས་སྨྲས་པ་དང ། དེས་སྨྲས་པ། རེ་ཞིག་ནང་མི་དང་མཆིད་གྲོས་འཚལ་ཏེ་སླད་ཀྱིས་གསོལ་བར་འཚལ་ལོ། །རྒྱལ་པོས་སྨྲས་པ། མཁན་པོ། ལེགས་ཀྱི། དེ་བཞིན་གྱིས་ཤིག་།དེས་རིངས་པར་འགྲོས་བསླང་ནས་སོང་སྟེ་རང་གི་ཁྱིམ་དུ་ཕྱིན་པ་དང ། ནང་མི་རྣམས་ལ་པོས་ཏེ་སྨྲས་པ། ང་ལ་ལྷས་དམ་པ་སྦྱིན་པར་ཆད་ན། ཁྱོད་ཅི་འདོད་པ་སྨྲོས་ཤིག། བྲམ་ཟེ་མོས་སྨྲས་པ། བྲམ་ཟེ། རེ་ཞིག་ཁྱོད་ཉིད་ལ་དྲིའི། ཁྱོད་ཅི་འདོད། དེས་སྨྲས་པ། བྲམ་ཟེ་མོ། ང་ནི། གྲོང་མཆོག་ལྔའོ། །དེས་སྨྲས་པ། བྲམ་ཟེ། གལ་ཏེ་དེ་ལྟ་ན། བདག་ནི། བ་ལང་བརྒྱའོ། །བུས་སྨྲས་པ། ཡབ། བདག་ནི། ཅང་ཤེས་ཀྱི་ཤིང་རྟའོ། །བུ་མོས་སྨྲས་པ། བདག་ནི། ནོར་བུའི་རྣ་ཆ་གདུབ་འཁོར་རོ། །དེའི་བྲན་མོ་སྐྱེད་མས་སྨྲས་པ། ཅི་སྟེ་ཁྱོད་ཅག་དེ་ལྟ་བུ་འདོད་ན། བདག་ནི། རྡོ་ལེབ་བཟང་པོའོ། ། </font><hr>Tha448a<br><font size=+2>


༄#། །བྲམ་ཟེས་བསམ་པ། ཚིགས་སུ་བཅད་པའི་དབྱངས་ཀྱིས་ལྷ་ལས་དམ་པ་གསོལ་གྱི། ཕལ་པ་གཞན་ལྟར་ནི། མི་བྱའོ། །སྙམ་དུ་བསམ་ནས་ཚིགས་སུ་བཅད་པ་སེམས་ཤིང་རྒྱལ་པོའི་དྲུང་དུ་སོང་སྟེ་སྨྲས་པ། ལྷ། བདག་ཅག་ཅི་འཚལ་བ་དེ་གསན་དུ་གསོལ། བདག་ནི་གྲོང་ཁྱེར་ལྔ་ཞིག་འཚལ། །བྲམ་ཟེ་མོ་ཡང་བ་ལང་བརྒྱ། །བུ་ནི་ཅང་ཤེས་ཤིང་རྟ་སྟེ། །བུ་མོ་ནོར་བུའི་རྣ་ཆ་འཚལ། །བདག་གི་བྲན་མོ་སྐྱེད་མ་སྟེ། །དེ་ཡང་རྡོ་ལེབ་བཟང་པོ་འཚལ། །རྒྱལ་པོ་གཏུམ་པོ་རབ་སྣང་གིས་ཀྱང་དེ་ལ་དེ་བཞིན་དུ་སླར་ཚིགས་སུ་བཅད་དེ་སྨྲས་པ། ཁྱོད་ལ་གྲོང་མཆོག་ལྔ་སྦྱིན་ཏེ། །ཆུང་མ་ལ་ཡང་བ་ལང་བརྒྱ། །བུ་ལ་རྟ་ཡི་ཤིང་རྟ་བརྒྱ། །བུ་མོ་ལ་ཡང་རྣ་ཆ་དག་།བྲན་མོ་སྐྱེད་མ་སློང་བ་ཡི། །རྡོ་ལེབ་བཟང་པོ་འདོད་པ་ཡང ། །དེ་ཡི་རེ་བ་འབྲས་ཡོད་པར། །ཇི་ལྟར་འདོད་པ་བསྐང་བར་བྱ། །དེ་ནས་རྒྱལ་པོས་དེ་ལ་ཇི་ལྟར་འདོད་པའི་དམ་པ་བྱིན་ནས་སྨྲས་པ། མཁན་པོ། རུབ་སྟེ་རྒྱལ་སྲིད་བགྱིའི། བདག་ལ་གྲོས་སྟོན་ཅིག་།དེས། ལྷ། བདག་ཅག་ནི། བྲམ་ཟེ་ལགས་པས། དེ་ནི། བདག་གི་ཆ་མ་ལགས་སོ། །ཞེས་སྨྲས་པ་དང ། དེས་དེ་ནན་གྱིས་མདུན་ན་འདོན་དུ་བཅུག་གོ་།རེ་ཞིག་ཅིག་ན་རྒྱལ་པོ་གཏུམ་པོ་རབ་སྣང་ལ་རི་ཁྲོད་པ་སྐྱ་སེང་བ་ཞེས་བྱ་བ་དག་ལོག་པ་དང ། དེས་གསོལ་པ་ལ་བཀའ་སྩལ་པ། སོང་ལ་སྐྱ་སེང་དག་རྣལ་དུ་ཕོབ་ཅིག་།དེས་ཀྱང་དཔུང་</font><hr>Tha448b<br><font size=+2>


གི་ཚོགས་ཡན་ལག་བཞི་པོ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་སོང་ངོ ། །དས་དེ་དག་རྣལ་དུ་ཕམ་སྟེ་དེ་ནས་དེར་གཏེའུ་ཡང་བཟུང ། དཔྱ་ནར་མ་དང་བླ་སྐྱེས་ཀྱང་འབུལ་དུ་བཅུག་ནས་སོང་ངོ ། །རྒྱལ་པོས་ཇི་ལྟར་གསོས་པས་སྐྱ་སེང་དག་རྣལ་དུ་ཕབ་ནས་གཏེའུ་ཡང་བཟུང ། དཔྱ་ནར་མ་དད་བླ་སྐྱེས་ཀྱང་འབུལ་དུ་བཅུག་ནས་འོངས་པ་ཐོས་སོ། །དེས་ཐོས་ནས་ཀྱང་དཔུང་གི་ཚོགས་ཡན་ལག་བཞི་པ་དང་བཅས་བསུར་སོང་ངོ ། །ཇི་ཙམ་ཞིག་ན་གཏེའུ་པ་དེའི་ནང་ན་རི་བྲག་གི་བུ་མོ་ཤུ་བ་དང་གཡན་པས་ཐེབས་པ་ཞིག་མཐོང་ངོ ། །མཐོང་ནས་ཀྱང་གསོས་པ་ལ་དྲིས་པ། གསོས་པ། འདི་དང་ལྷན་ཅིག་དགའ་མགུར་སྤྱོད་པའི་མི་ལྟ་འགའ་ཡོད་དམ། དེས་སྨྲས་པ། ལྷ། དགའ་མགུར་སྤྱོད་པ་འབའ་ཞིག་ཏུ་མ་བས། གང་ལ་འདི་སྩལ་པ་དེའི་རྒྱབ་ཏུ་འདི་འཚལ་ན། རྟ་སྐད་འབྱིན་པར་བགྱིད་པ་དེ་གནས་མཆིས་སོ། །རྒྱལ་པོས་སྨྲས་པ། གསོས་པ། དེ་ཅི་དེ་བཞིན་དུ་འགྱུར་རམ། དེས་སྨྲས་པ། ལྷ།་སྤྱན་སྔར་དབབ་པར་བགྱིའོ། །གསོས་པས་བུ་མོ་དེ་སྨན་པ་རྣམས་ལ་གཏད་ནས་ཤེས་ལྡན་དག། ཁོ་བོས་ཡོ་བྱད་ཐམས་ཅད་སྦྱར་གྱི། འདིའི་དཔྱད་གྱིས་ཤིག་།དེ་དག་གིས་དེ་ལ་དཔྱད་བྱས་པ་དང་ནད་ཀྱང་སོས་པར་གྱུར་ཏོ། །དེ་ནས་རིམ་གྱིས་ཡོ་བྱད་ཀྱི་ཁྱད་པར་རྣམས་ཀྱིས་བསྐྱེད་པས་གཟུགས་བཟང་མོར་གྱུར་པ་དང ། གསོས་པས་དེ་བུ་མོར་བཟུང་སྟེ། དེའི་མིང་སྐྱ་སེང་</font><hr>Tha449a<br><font size=+2>


༄#། །གི་བུ་མོ་སྒྲོལ་མ་ཞེས་བྱ་བར་བཏགས་སོ། །གསོས་པས། བུ་མོ། དེས་ལྷ་འདིར་གདུགས་ཚོད་ལ་སྤྱན་དྲང་གི། ཁྱོད་རྒྱན་ཐམས་ཅད་ཀྱིས་ཀླུབས་ལ་ལྷ་ལ་བདག་ཉིད་སྟོན་ཅིག། ཅེས་བསྒོ་བ་དང ། དེ་ཅང་མི་སྨྲ་བར་འདུག་གོ། གསོས་པས་རྒྱལ་པོ་ལ་སྨྲས་པ། ལྷས་པ་བདག་གི་སྡུམ་པ་ཡོངས་སུ་སྤངས་པ་ལྟ་ཞིག། ད་མི་གཟིགས་སམ། དེས་སྨྲས་པ། གསོས་པ་ཁྱོད་ཀྱིས་མ་བོས་པར་ཇི་ལྟར་བལྟ་བར་བྱ། ལྷ། གལ་ཏེ་དེ་ལྟ་ན། སྤྱན་འདྲེན་ཏོ། །ལེགས་ཏེ། ཕན་བཏགས་སོ། །གསོས་པས་རྒྱལ་པོ་ལ་འོས་པའི་བཟའ་བ་དང ། བཏུང་བ་དག་སྦྱར་ཏེ་ཁྱིམ་ཡང་བྱི་དོར་བྱས་པ་དང ། རྒྱལ་པོ་དེའི་ཁྱིམ་དུ་འོངས་སོ། །དེས་ཀྱང་རྒྱལ་པོ་ལ་འོས་པའི་དྲིལ་ཕྱི་དག་གིས་ཕྱིས་ནས་དྲི་སྣ་ཚོགས་ཀྱིས་བསྒོས་པའི་ཆུས་ནི། བཀྲུས། བྱུག་པ་རྣམ་པ་སྣ་ཚོགས་ཀྱིས་ནི། བྱུགས། གོས་རྣམ་པ་སྣ་ཚོགས་ནི། བསྐོན་ཏེ། རྒྱལ་པོ་ལ་འོས་པའི་བཤོས་གསོལ་ནས་གསོས་པ་དང་ལྷན་ཅིག་ཏུ་གཏམ་དག་གླེང་ཞིང་འདུག་པ་ན། དེས་ཀྱང་ཡོལ་བས་བསྐོར་བའི་ནང་ནས་ཕོ་ལོང་འཕངས་ནས་དེ་ཡོལ་བ་བཟློག་སྟེ། ཡབ་ཅིག། ཕོ་ལོང་སླར་སྩོལ་ཅེས་སྨྲས་པ་དང ། དེ་ན་ཚོད་གཞོན་ཞིང་མཛེས་པ་རྒྱལ་པོས་མཐོང་ངོ ། །མཐོང་མ་ཐག་ཏུ་ཆགས་པར་གྱུར་ཏེ་སྨྲས་པ། གསོས་པ། འདི་སུའི་བུ་མོ་ཡིན། ལྷ། བདག་གི་བུ་མོ་ལགས་སོ། །གསོས་པ། ཅི་འགའ་ཞིག་</font><hr>Tha449b<br><font size=+2>


མ་བྱིན་ནམ། ལྷ། མ་སྩལ་ཏོ། །གསོས་པ། གལ་ཏེ་དེ་ལྟ་ན། ཅིའི་ཕྱིར་ང་ལ་མི་སྦྱིན། ལྷ། དབུལ་བར་འཚལ་ལོ། །དེ་རྒྱལ་པོ་གཏུམ་པོ་རབ་སྣང་གིས་དཔལ་གྱི་འབྱོར་པ་ཆེན་པོས་ཆུང་མར་བླངས་སོ། །གསར་པས་རྙིང་པ་ཐམས་ཅད་ཟིལ་གྱིས་གནོན་པ་འདི་ནི། ཆོས་ཉིད་ཡིན་པས། རྒྱལ་པོ་ཡང་དེ་ལ་གཅིག་ཏུ་ལྟ་ཞིང་སེམས་ཆགས་པ་ལས་གཞན་བཏང་སྟེ། དེ་ཁོ་ན་ལྷུར་ལེན་ཅིང་འདུག་གོ། གསོས་པས་བསམ་པ། སྔོན་དམ་བཅས་པ་བྱ་བའི་དུས་དེ་ནི། འདི་ཡིན་ནོ། །སྙམ་ནས་བུ་མོ་ལ་འདི་སྐད་ཅེས་སྨྲས་སོ། །བུ་མོ་ཁྱོད་ཀྱིས་རྒྱལ་པོ་འདིའི་རྒྱབ་ཏུ་ཞོན་ནས་རྟ་སྐད་ཟེར་དུ་གཞུག་པར་ནུས་སམ། དེས་ཅུང་ཟད་ཅིག་བགད་ནས་སྨྲས་པ། ཡབ་ཅིག། རེ་ཞིག་གལ་ཏེ་རྡོ་ཐོགས་སམ་མི་ཐོགས་བལྟ་བར་བགྱིའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་བདུན་པ། བུད་མེད་རྣམས་ནི། མ་བསླབ་པར་མཁས་པ་ཡིན་པས། དེ་གོས་དྲི་མ་ཅན་བགོས་ནས་ཁྲིའུ་དྲ་བ་ཅན་གྱི་སྟེང་ན་ཉལ་ཞིང་འདུག་པ་དང ། རྒྱལ་པོས་སྨྲས་པ། ལྷ་མོ། འདི་ཅིའི་ཐ་ཚིག། དེས་སྨྲས་པ། ལྷ། ལྷ་རྣམས་འཁྲུགས་པར་གྱུར་ཏོ། །དེས་སྨྲས་པ། ཁྱོད་ཀྱི་ལྷ་རྣམས་ལ་ཅི་བྱས། ལྷ། གང་གི་ཚེ་ལྷས་བདག་གི་ཕ་རི་ཁྲོད་པ་སྐྱ་སེང་འབེབས་སུ་བཏང་བ་དེའི་ཚེ་བདག་གིས་དེ་ཞི་བར་བགྱི་བའི་སླད་དུ་ལྷ་རྣམས་ལ་གསོལ་བཏབ་སྟེ། གལ་ཏེ་བདག་གི་ཕ་དོན་ཡང་དག་པར་གྲུབ་ནས་སླར་འཁོར་</font><hr>Tha450a<br><font size=+2>


༄#། །ན་གང་གིས་བདག་བླངས་པ་དེའི་རྒྱབ་ཏུ་བདག་ཞོན་ལ་རྟ་སྐད་ཟེར་དུ་སྩལ་ཏོ། །ཞེས་བགྱིས་པ་ལས། བདག་ནི། ལྷ་ལ་ཕུལ་ལ། ལྷའི་བཙུན་མོའི་འཁོར་ནི། རྒྱ་ཆེ་བས་ཅིས་ཀྱང་བདག་གི་དོན་འདི་མི་བགྱིས་པར་འགྱུར་བས་སོ། །འདོད་པའི་འདོད་ཆགས་ལ་ཞེན་པ་རྣམས་ཀྱིས་ནི། མི་བྱ་བ་ཅི་ཡང་མེད་པ་ཡིན་པས་དེས་སྨྲས་པ། ལྷ་མོ། ཁྱོད་ཀྱི་དོན་དུ་ངའི་ཆེད་དུ་གསོལ་བ་བྱས་པ་ཡིན་པས་ཐམས་ཅད་བསྒྲུབ་ཀྱི། བདེ་བར་འདུག་ཅིག། དེ་ཡང་ཅང་མི་ཟེར་བར་འདུག་གོ། རྒྱལ་པོ་གཏུམ་པོ་རབ་སྣང་གིས་སྨྲས་པ། ལྷ་མོ། ཁྱོད་ཅིའི་ཕྱིར་མི་སྨྲ་བར་འདུག། ལྷ་མོ། ཁྱོད་ཀྱི་གསོལ་བ་གཞན་ཡང་ཅུང་ཟད་མེད་གྲང ། དེས་སྨྲས་པ། ལྷ། ཅུང་ཟད་ཀྱང་མ་མཆིས་མོད་ཀྱི། འོན་ཀྱང་དེའི་དུས་སུ་བྲམ་ཟེ་མདུན་ན་འདོན་གྱིས་ལྷའི་ཤིས་པ་བརྗོད་པ་བརྗོད་པར་བགྱི། པི་ཝང་ལེན་པའི་མིས་ཀྱང་པི་ཝང་དག་བླང་བར་བགྱིའོ། །དེས་སྨྲས་པ། ལྷ་མོ། དེ་ཡང་སླ་སྟེ། བྲམ་ཟེ་མདུན་ན་འདོན་པ་ནི། ཡོད་ན། འོན་ཀྱང་པི་ཝང་ལེན་པ་ཞིག་བཙལ་བར་བྱའོ། །དེས་སྨྲས་པ། ལྷ། ལེགས་ཀྱི། པི་ཝང་ལེན་པ་བཙལ་དུ་གསོལ། དེའི་ཚེ་ཡུལ་ས་འཛིན་ནས་ས་འཛིན་པ་ཞིག་ཟོང་ཐོགས་ནས་འཕགས་རྒྱལ་དུ་འོངས་སོ། །དེས་སྨད་ཚོང་མ་ལ་ཇི་ལྟར་འདོད་པའི་འདོད་ཆགས་ཀྱིས་ཟིལ་གྱིས་ནོན་པ་དེས། ཟོང་ཐམས་ཅད་བཙོངས་ཏེ། དེ་དང་ལྷན་ཅིག་ཟོས་པ་དེ་ལྟར་ལྷག་པར་ཆགས་སོ། </font><hr>Tha450b<br><font size=+2>


དེའི་གླ་མི་གང་དག་ཡིན་པ་དེ་དག་ཐམས་ཅད་ཀྱིས་བོར་ནས་བྲོས་པ་དང ། དེས་དེ་ལ་སྨྲས་པ། རྗེའི་སྲས། བདག་ནི། ཞིང་པ་མ་ལགས། ཚོང་བ་མ་ལགས། གྲོང་མི་ཟོང་ཐོགས་ནས་ཡུལ་གཞན་དུ་འགྲོ་བ་ཡང་མ་ལགས་ཀྱི། གཞན་དུ་ན། ཁྱེད་ལྟ་བུ་དག་ལས་རྙེད་པ་གང་ལགས་པ་དེས་འཚོ་བ་ལགས་པས་ཀཪྴ་པ་ཎ་དག་སྩོལ་ཅིག། ཡང་ན་སྐྱེས་བུ་གཞན་གྱི་སྐབས་ཕྱེ་ཞིག། དེས་སྨྲས་པ། བཟང་མོ། ཁོ་བོ་ལ་ཀཪྴ་པ་ཎ་དག་མེད་མོད། ཇི་སྟེ་ཀཪྴ་པ་ཎ་དག་བདོག་ན། ཁྱོད་ལས་ལྷག་པ་གཞན་སུ་ཞིག་ཡོད་དེ། སྦྱིན་ཆེས་མོད། འོན་ཀྱང་ཁྱོད་བདག་ལ་སྡུག་པས་འདིར་འདུག་གི། མ་བསྐྲད་ཅིག། ཅི་སྟེ་བདག་གིས་སྨྲས་པ་གང་ཡིན་པ་དེ་བྱེད་ན། དེ་ལྟ་ན། གདོད་བདག་ཁྱོད་ལ་སྡུག་པར་ཤེས་སོ། །དེས་སྨྲས་པ། བཟང་མོ། མགོ་བོས་བཀུར་རོ། །དེས་བཤང་བ་བྱས་ནས་དེའི་སྟེང་དུ་རྒྱ་ཤུག་གི་ཚིག་གུ་བཞག་སྟེ་སྨྲས་པ། ཅི་སྟེ་ཁྱོད་བདག་ལ་བྱམས་ན། རྒྱ་ཤུག་གི་ཚིག་གུ་འདི་སོས་ཟུངས་ཤིག། དེས་གཟུང་བར་བརྩམས་པ་དང ། དེས་རྡོག་པ་གཅིག་བསྣུན་ནས་ཕུལ་ཏེ། བཀྲེན་པ། ཅི་འདི་ལྟ་བུ་དག་ཀྱང་བྱེད་དམ། རྩོག་པ་ཁྱོད་དང་ང་ལྷན་ཅིག་མི་འདུག་གི། སོང་ཞིག། ཅེས་སྨྲས་ནས་དེས་དེ་ཁྱིམ་ནས་བསྐྲད་དོ། །དེ་ཡང་པི་ཝང་ལ་མཁས་པ་ཞིག་སྟེ། པི་ཝང་ལེན་པས་འཚོ་བ་ཚོལ་བར་གྱུར་ཏོ། །རྒྱལ་པོས་གསོས་པ་ལ་སྨྲས་པ། ཁྱོད་ཀྱི་བུ་མོས་འདི་ལྟ་འདི་ལྟར་ལྷ་རྣམས་ལ་གསོལ་</font><hr>Tha451a<br><font size=+2>


༄#། །བ་བྱས་ཏེ། བྲམ་ཟེ་མདུན་ན་འདོན་ནི། ང་ལ་ཡོད་ན། པི་ཝང་སུས་བླང་བར་བྱ། དེས་སྨྲས་པ། ལྷ། ས་འཛིན་པ་པི་ཝང་ལེན་པས་འཚོ་བར་བགྱིད་པ་ཞིག་མཆིས་ཀྱི།་དེའི་མིག་དར་གྱིས་བཀབ་ལ་ནང་དུ་དགུག་པར་བགྱིའོ། །རྒྱལ་པོས་སྨྲས་པ། གསོས་པ། ལེགས་ཀྱི། དེ་བཞིན་དུ་གྱིས་ལ་ཁུག་ཅིག། རྒྱལ་པོ་དང་མདུན་ན་འདོན་ཁང་པ་བདུན་བརྩེགས་ཀྱི་སྟེང་དུ་འཛེགས་ནས་དེས་མདུན་ན་འདོན་ལ་ཇི་ལྟར་གྱུར་པ་ཐམས་ཅད་བསྙད་པ་དང ། དེ་ཅང་མི་ཟེར་བར་འདུག་གོ། གསོས་པས་ཀྱང་ས་འཛིན་པའི་མིག་དར་གྱིས་བཀབ་ནས་ཁང་པ་བདུན་བརྩེགས་ཀྱི་སྟེང་དུ་བཞག་གོ། སྐྱ་སེང་གི་བུ་མོ་སྒྲོལ་མ་ཡང་ངོ་མཚར་དང ། བཀྲ་ཤིས་དང ། བདེ་ལེགས་དག་བྱས་ཏེ། གོས་དཀར་པོ་བགོས་ནས་རྒྱལ་པོའི་རྒྱབ་ཏུ་ཞོན་པ་དང ། བྲམ་ཟེ་མདུན་ན་འདོན་གྱིས་ནི། ཤིས་པར་བརྗོད་པ་བརྗོད་པར་བརྩམས། ས་འཛིན་པའི་མིས་ནི། པི་ཝང་བླངས། རྒྱལ་པོ་གཏུམ་པོ་རབ་སྣང་ཡང་རྟའི་སྐད་འབྱིན་པར་ཞུགས་པ་དང ། ས་འཛིན་པ་དེས་བསམ་པ། ཁང་པ་འདི་ནི། བདུན་བརྩེགས་ཡིན་པས་རྟས་འདིར་ག་ལ་ཐར། གདོན་མི་ཟ་བར་འདིར་བདག་ལྟ་བུ་བུད་མེད་ཀྱི་དབང་དུ་གྱུར་པ་འགའ་ཞིག་བུད་མེད་ཀྱིས་ཅོ་བྲིས་སོ། །སྙམ་ནས་དེས་གླུ་ཚིག་ཏུ་བླངས་པ། རྒྱ་ཤུག་ཚིག་གུས་གྱུར་པ་ལྟར། །རྒྱ་ཤུག་ཚིག་གུས་གྱུར་པ་ལྟར། །དོན་འདིའང་ཕལ་ཆེར་འདྲ་བ་ཡིན། །དོན་འདིའང་ཕལ་</font><hr>Tha451b<br><font size=+2>


ཆེར་འདྲ་བ་ཡིན། །ཞེས་ཟེར་ཞིང་དེ་པི་ཝང་མི་ལེན་པར་ཡང་ནས་ཡང་དུ་རྒྱུན་མི་ཆད་པར་གླུ་ལེན་ཅིང་གླུ་ཚིག་དེ་སྨྲའོ། །རྒྱལ་པོས་དེ་ལ་དྲིས་པ། ཀྱེ་སྐྱེས་བུ། གླུ་དེའི་དོན་ཅི་ཡིན། དེས་ཇི་ལྟར་གྱུར་པ་རྣམས་བརྗོད་པ་དང ། དེས་བསམ་པ། འདིས་བདག་ཤེས་ཀྱི། ཡུལ་དབྱུང་བར་བྱའོ། །སྙམ་ནས་རྒྱལ་པོས་དེ་ལ་ཀཪྴ་པ་ཎ་ལྔ་བརྒྱ་བྱིན་ནས་ཡུལ་ཕྱུང་ངོ ། །དུས་གཞན་ཞིག་ན་མདུན་ན་འདོན་གྱིས་རྒྱལ་པོ་ལ་ལྷ་ཁྱོད་ཀྱིས་མི་རིགས་པ་ཞིག་བགྱིས་ཏེ། རྒྱལ་པོ་དག་ནི། བུད་མེད་ཀྱི་དབང་དུ་འགྱུར་བ་མ་ལགས་སོ། །ཞེས་སྨྲས་པ་དང ། དེ་སྙད་མེད་པར་ཅང་མི་ཟེར་བར་འདུག་གོ།་དེས་ཕྱི་དེ་ཉིན་གསོས་པ་ལ་སྨྲས་པ། དེང་བྲམ་ཟེ་དེས་འདི་སྐད་ཅེས་སྨྲས་ན། དེ་རང་གི་ཆུང་མས་མགོ་དབྱིར་གཞུག་ན། ཁྱོད་ཀྱིས་ནུས་སམ། དེས། ལྷ། རེ་ཞིག་བལྟས་ཏེ་བགྱིའོ། ། ཞེས་སྨྲས་ནས་གསོས་པས་ཁྱིམ་དུ་སོང་སྟེ་ཆུང་མ་ལ་སྨྲས་པ། བཟང་མོ། བྲམ་ཟེ་མདུན་ན་འདོན་གྱིས་ལྷ་ལ་འདི་དང་འདི་སྐད་ཅེས་སྨྲས་པ་ལས། དེ་ཁོ་བོ་ལ་སྨྲས་ན། ཁྱོད་ཀྱིས་ཅི་ནས་བྲམ་ཟེ་དེ་རང་གི་ཆུང་མས་མགོ་དབྱིར་གཞུག་པ་དེ་ལྟ་བུའི་སྦྱར་བ་བྱ་བར་ནུས་སམ། དེས་སྨྲས་པ། རྗེའི་སྲས། འདི་ལ་ཅི་ཞིག་བགྱིར་མཆིས། དེ་ལྟ་ཞིག་བགྱིས་ལགས་སུ་བས་ཀྱི། གཟིགས་ཤིག། དེས་སྨྲས་པ། བཟང་མོ། གལ་ཏེ་དེ་ལྟ་ན། ལེགས་སོ། །གཡོན་ཅན་གྱི་ཆུང་མ་ཡང་གཡོན་ཅན་ཉིད་དུ་འགྱུར་བས། དེས་བྲམ་ཟེ་དེའི་ཆུང་མ་དང་ལྷན་ཅིག་མཛའ་མོར་བྱ་བར་</font><hr>Tha452a<br><font size=+2>


༄#། །བརྩམས་སོ། །གང་གི་ཚེ་དེ་གཉིས་ཕན་ཚུན་ཕེབས་པར་གྱུར་པ་དེའི་ཚེ། དེས་བྲམ་ཟེ་མོ་ལ་སྨྲས་པ། གྲོགས་མོ། བདག་གི་ཁྱིམ་ཐབ་ནི། རབ་ཏུ་བྱམས་ཏེ། དེ་བདག་གིས་གང་སྨྲས་པ་དེ་བྱེད་དོ། །དེས་སྨྲས་པ། གྲོགས་མོས་ཁོ་མོ་ལ་ཐུབ་རེ་སྐན། ཇི་ལྟར་ཁྱིམ་ཐབ་བདག་གི་དབང་དུ་འགྱུར་བ་དེ་ལྟར་ཁྱོད་ཀྱིས་ག་ལ་འགྱུར། གསོས་པའི་ཆུང་མས་སྨྲས་པ། གྲོགས་མོ། ཅི་སྟེ་ཁྱོད་ཀྱི་ཁྱིམ་ཐབ་ཁྱོད་ཀྱི་དབང་དུ་འགྱུར་ན། ལྟ་ཡི། དེའི་མགོ་ཕྱི་ཞིག། ད་དེས་ང་རྒྱལ་བསྐྱེད་པས་གྲོགས་མོ། མགོ་དབྱིའོ། །ལྟོས་ཤིག། ཅེས་སྨྲས་ནས་དེ་གོས་དྲི་མ་ཅན་གྱོན་ནས་ཁྲིའུ་དྲ་བ་ཅན་གྱི་སྟེང་ན་ཉལ་ཏེ་འདུག་གོ། མདུན་ན་འདོན་གྱིས་དྲིས་པ། བྲམ་ཟེ་མོ། འདི་ཅིའི་ཐ་ཚིག། དེས་སྨྲས་པ། བྲམ་ཟེ། ལྷ་རྣམས་འཁྲུགས་པར་གྱུར་ཏོ། །དེས་སྨྲས་པ། བྲམ་ཟེ་མོ། ཁྱོད་ཀྱི་ཁྱིམ་ན་མི་བདོག་གམ། ཅི། ཁྱོད་ཀྱིས་ལྷ་རྣམས་ལ་ཁས་བླངས་པ་གང་ཡིན་པ་དེ་ཐམས་ཅད་གྱིས་ཤིག་དང་བདེ་བར་འགྱུར་རོ། །དེ་ཅང་མི་ཟེར་བར་འདུག་པ་དང ། མདུན་ན་འདོན་གྱིས་སྨྲས་པ། བྲམ་ཟེ་མོ། ཁྱོད་ཀྱིས་ལྷ་རྣམས་ལ་ཅི་ཞིག་ཁས་བླངས། དེས་སྨྲས་པ། བྲམ་ཟེ། གང་གི་ཚེ་ཁྱོད་བྲམ་ཟེའི་ཚུལ་དུ་གནས་པ་ན་ལྷས་པོས་བ་དེའི་ཚེ་བདག་གིས་ལྷ་རྣམས་ལ་འདི་སྐད་ཅེས། བདག་གི་ཁྱིམ་ཐབ་བདེ་བར་སླར་འོངས་ན། བདག་གིས་དེའི་མགོ་ཕྱི་ནས་དེའི་སྐྲ་རྣམས་ཁྱེད་ལ་དབུལ་ལོ། །ཞེས་གསོལ་པ་</font><hr>Tha452b<br><font size=+2>


བྱས་པ་ལས། དེའི་རྗེས་ལ་ཁྱོད་ཀྱང་ལོངས་སྤྱོད་སྐྱེས་པར་གྱུར། བདག་གིས་ཀྱང་བརྗེད་དེ། ད་ནི། ལྷ་དེ་རྣམས་འཁྲུགས་པར་གྱུར་པས། མདོར་ན་བདག་འགུམ་དུ་བས་སོ། །དེས་སྨྲས་པ། བྲམ་ཟེ་མོ།་ཁྱོད་ཀྱིས་གང་ལྷ་རྣམས་ལ་གསོལ་བ་བྱས་པ་དེ་ཡང་ངའི་ཆེད་ཡིན་པས། ལོངས་ཤིག་དང་ལྷ་ལ་གསོལ་ཏེ་ཐམས་ཅད་བསྒྲུབ་པར་བྱའོ། །དེས་གསོས་པའི་ཆུང་མ་དེ་ལ་བདག་གི་ཁྱིམ་ཐབ་ནི།་འདི་སྐད་དུ་ལྷ་ལ་གསོལ་ཏོ། །ཐམས་ཅད་བྱའོ། །ཞེས་ཟེར་རོ། །ཞེས་སྤྲིང་པ་དང ། དེས་ཀྱང་གསོས་པ་ལ། རྗེའི་སྲས། མདུན་ན་འདོན་གྱི་ཆུང་མ་དེས་བདག་ལ་འདི་སྐད་དུ། བདག་གིས་ཁྱིམ་ཐབ་ཁས་ལེན་ཏུ་བཅུག་སྟེ། ལྷ་ལ་གསོལ་ནས་ཐམས་ཅད་བྱའོ། །ཞེས་ཟེར་རོ། །ཞེས་སྤྲིང་པ་མཆིས་སོ། །གསོས་པས་ཀྱང་རྒྱལ་པོ་ལ་སྨྲས་པ། ལྷ། དོན་དེ་གྲུབ་པ་ལགས་ཏེ། མདུན་ན་འདོན་དེ་ཁྱེད་ལ་ཞུར་མཆིས། མཁྱེན་པར་མཛད་དུ་གསོལ། རྒྱལ་པོས་སྨྲས་པ། གསོས་པ། དེ་ངའི་ཆེད་ཡིན་པས་བག་མ་ཚ་ཞིག། རེ་ཞིག་ན་མདུན་ན་འདོན་དེ་རྒྱལ་པོ་ལ་གསོལ་དུ་འོངས་ཏེ་ལྷ། བདག་ལྷ་རྣམས་ཀྱི་དོན་ཅུང་ཟད་ཅིག་བགྱིད་དེ། ཟླ་བ་དྲུག་ན་ལྷའི་ཞལ་བལྟ་ཞིང་མཆི་བར་འཚལ་ལོ། །རྒྱལ་པོས་སྨྲས་པ། ལེགས་ཀྱི། དེ་བཞིན་དུ་གྱིས་ཤིག་།དེ་ཁྱིམ་དུ་སོང་ནས་མགོ་ཕྱིའོ། །དེ་མགོ་ཕྱི་ནས་ཀྱང་ཁྱིམ་ནང་ཉིད་ན་འདུག་གོ་།དེའི་ཆུང་མས་གསོས་པའི་ཆུང་མ་ལ། གྲོགས་མོ། །ཁོ་མོའི་ཁྱིམ་ཐབ་དེ་ནི། མགོ་ཕྱི་ཟིན་ཏོ། །ཞེས་སྤྲིང་པ་དང ། དེས་</font><hr>Tha453a<br><font size=+2>


༄#། །ཀྱང་གསོས་པ་ལ་བསྙད་དོ། །གསོས་པས་ཀྱང་རྒྱལ་པོ་གཏུམ་པོ་རབ་སྣང་ལ་སྨྲས་པ་དང ། དེ་རབ་ཏུ་དགའ་སྟེ་མདུན་ན་འདོན་དེ་ཁུག་ཅེས་བསྒོའོ། །གསོས་པས་ཀྱང་ཁྱེའུ་གཉིས་ཤིག་གླུ་ཚིག་བསླབ་པ། གང་ན་བུད་མེད་གཟུགས་ལྡན་ལ། །རིགས་དང་ལྡན་ཞིང་རིགས་སྤེལ་མ། །དེ་ན་རྟ་མེད་རྟ་སྐད་ཟེར། །མདུན་ན་འདོན་མགོ་ཕྱི་ལ་ལྟོས། ། ཞེས་བསླབས་སོ། །ཇི་ཙམ་ན་མདུན་ན་འདོན་དེ་ཞཝ་ཞིག་གྱོན་ནས་རྒྱལ་པོའི་དྲུང་དུ་འོངས་པ་དང ། ཁྱེའུ་དེ་གཉིས་ཀྱིས་གླུ་ཚིག་བྱ་བར་བརྩམས་པ། གང་ན་བུད་མེད་གཟུགས་ལྡན་ལ།། རིགས་དང་ལྡན་ཞིང་རིགས་སྤེལ་མ། །དེ་ན་རྟ་མེད་རྟ་སྐད་ཟེར། །ཞེས་བྱས་ནས་གཞན་ཞིག་གིས་དེའི་ཞཝ་ཕུད་ནས་མདུན་ན་འདོན་མགོ་ཕྱི་ལ་ལྟོས་ཞེས་བྱས་པ་དང ། དེ་ན་གད་མོ་ཆེན་པོ་བྱུང་སྟེ། མདུན་ན་འདོན་ཡིད་ལ་ངོ་ཚ་བར་གྱུར་ནས་ཁ་རོག་པར་མགོ་སྨད་དེ་སྨ་བབ་ནས་སོང་ངོ ། །གསོས་པས་དགོས་པ་དག་བྱུང་བ་ན། དེ་དག་ལ་གཙེ་བར་བརྩམས་ནས་གང་ན་འདི་ལྟ་བུར་བུད་མེད་ཀྱི་དབང་དུ་གྱུར་པ་དེ་ན་རྒྱལ་པོའི་དོན་ག་ལ་ཡོད་ཅེས་བྱས་པ་དང ། རྒྱལ་པོས་མདུན་ན་འདོན་ལ་སྨྲས་པ། མཁན་པོ། ཁྱོད་ཀྱིས་གསོས་པ་དེ་གཙེ་བར་ནུས་སམ། དེས་སྨྲས་པ། ལྷ། རེ་ཞིག་རྔོ་ཐོགས་མ་མི་ཐོགས་བལྟས་ཏེ་བགྱིའོ། །དེའི་ཚ་བོ་སྒྱུ་མ་མཁས་པ་ཞིག་ཡོད་པས། དེས་དེ་ལ་སྨྲས་པ། ཚ་བོ་གསོས་པ་འདིས་རྒྱལ་པོ་འཁོར་དང་</font><hr>Tha453b<br><font size=+2>


བཅས་པའི་མདུན་དུ་བདག་མཐོ་བརྩམས་ན། དེ་ལ་ཁྱོད་ཀྱིས་གཙེ་བར་ནུས་ན། བདག་གི་ཤ་གླན་པར་འགྱུར་རོ། །ཞེས་སྨྲས་པ་དང ། དེས། ཞང་པོ། རེ་ཞིག་ནུས་སམ་མི་ནུས་བལྟས་ཏེ་བགྱིའོ། །ཞེས་སྨྲས་ནས་དེས་མིག་འཕྲུལ་གྱིས་འགྲོན་པོ་སྤྲུལ། ཕྱག་དར་གྱི་ཕུང་པོ་ལས་ཁྱིམ་དུ་སྤྲུལ། རུས་པའི་རུས་གོང་ལས་དེད་དཔོན་གྱི་ཆུང་མ་གཟུགས་བཟང་ཞིང་བལྟ་ན་སྡུག་པ་མཛེས་པ་ཞིག་སྤྲུལ་ཏོ། །རྒྱལ་པོའི་ཀུན་ཏུ་སྤྱོད་པ་ནི། གལ་ཏེ་འགྲོན་པོ་འོངས་ན། དེ་ལ་བདག་ཉིད་ཀྱིས་ཤོ་གམ་གཅོད་པའམ། ཡང་ན་གསོས་པ་གཏོང་ངོ ། །གསོས་པས་འགྲོན་པོ་དེ་དག་ལས་ཤོ་གམ་གཅད་པར་བརྩམས་ན། དེས་འགྲོན་པོ་རྣམས་ལ་དྲིས་པ། ཤེས་ལྡན་དག། དེད་དཔོན་གྱི་ཁྱིམ་གང་ཡིན། དེ་དག་གིས་ཁྱིམ་འདི་ལགས་སོ། །ཞེས་བསྟན་ཏོ།། དེ་དེར་ཞུགས་པ་དང ། རེ་ཞིག་ན་དེད་དཔོན་གྱི་ཆུང་མ་གཟུགས་བཟང་བ་མཛེས་པ། བལྟ་ན་སྡུག་པ། དབང་པོ་འཕྲོག་པ། སེམས་གཡོ་བར་བྱེད་པ་ཞིག་མཐོང་ངོ ། །མཐོང་མ་ཐག་ཏུ་ཆགས་པར་གྱུར་ནས་དེས་སྨྲས་པ། བཟང་མོ། ཁྱོད་དང་ལྷན་ཅིག་དགའ་མགུར་སྤྱད་ན། འགྲོན་པོ་ཤོ་གམ་མི་གཅད་པར་བགྱིའོ། །དེས་སྨྲས་པ། རྗེའི་སྲས། དེ་ལྟར་ནི། བགྱི་ན། འོན་ཀྱང་མཚན་མོ་དགའ་མགུར་སྤྱད་དོ། །དེའི་མིག་འཕྲུལ་གྱིས་མཚན་མོར་སྤྲུལ་པ་དང ། གསོས་པས་དེ་དང་ལྷན་ཅིག་དགའ་མགུར་སྤྱད་ན། ཇི་ཙམ་ནས་མགུལ་པ་ནས་འཁྱུད་</font><hr>Tha454a<br><font size=+2>


༄#། །དེ་གཉིད་ཀྱིས་ལོག་གོ་།མིག་འཕྲུལ་མཁན་གྱིས་མིག་འཕྲུལ་སླར་བསྡུས་པ་དང ། གསོས་པ་ཕྱག་དར་ཁྲོད་ན་ཀེང་རུས་ཀྱི་མགུལ་ནས་འཁྱུད་དེ་ཉལ་ཞིང་འདུག་གོ་།མདུན་ན་འདོན་གྱིས་རྒྱལ་པོ་ལ། ལྷ། གསོས་པའི་གནས་སྐབས་དེ། གཟིགས་ཤིག་ཅེས་སྨྲས་པ་དང ། རྒྱལ་པོས་བལྟ་བའི་ཕྱིར་སྲོག་ཆགས་བརྒྱ་སྟོང་ཕྲག་དུ་མ་བསྡུས་ཏེ་སོང་ནས་རྒྱལ་པོས་དེ་སེ་གོལ་གྱི་སྒྲས་བསླང་ནས་གསོས་པ། ཅི། བུད་མེད་གང་དང་ལྷན་ཅིག་དགའ་མགུར་སྤྱད་པ་དེའི་ཤ་ཡང་ཟའམ་ཞེས་སྨྲས་པ་དང ། དེ་རབ་ཏུ་སྐྱེངས་ནས་ལངས་ཏེ་བསམ་པ། འདི་ལྟར་རྒྱལ་པོ་འདིས་བདག་ཅོ་དྲིས་ནས་གསོན་ཏེ་ཡང་ཅི་རུང ། བདག་རང་འཆི་བར་བྱའོ། །སྙམ་མོ། །ཡང་བསམ་པ། བདག་རང་གི་རང་འཆི་བར་བྱ་བ་ནི། དཀའི། སོང་ལ་འཕགས་པ་ཀ་ཏྱའི་བུ་ཆེན་པོའི་གན་དུ་རབ་ཏུ་འབྱུང་ངོ ། །སྙམ་ནས་དེ་ཚེ་དང་ལྡན་པ་ཀ་ཏྱའི་བུ་ཆེན་པོ་གང་ན་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ། བདག་རབ་ཏུ་འབྱུང་བར་འཚལ་གྱི། རབ་ཏུ་དབྱུང་དུ་གསོལ། དེས་དེ་རབ་ཏུ་ཕྱུང་སྟེ་བསྙེན་པར་རྫོགས་པར་བྱས་ནས་གཅིག་ལས་འཕྲོས་པའི་ལུང་ཀློག་ཏུ་བཅུག་གོ། རྒྱལ་པོ་གཏུམ་པོ་རབ་སྣང་དེ་མེད་པ་དང་མི་དགའ་བར་གྱུར་ནས་དེས་དེ་རབ་ཏུ་བྱུང་བ་ལས་ཕབ་སྟེ་སྔོན་གྱི་གནས་ཇི་ལྟ་བ་བཞིན་བཞག་གོ། སྡོམ་ནི། བ་ལང་</font><hr>Tha454b<br><font size=+2>


སྐྱོང་དང་རྔོན་པ་ཉིད་དང་ནི། །བུད་མེད་རྣམས་དང་བད་སའི་རྒྱལ་པོ་དང ། །ནོར་ལྷས་བྱིན་པ་དང་ནི་རབ་སྣང་དང ། །རྒྱལ་པོ་རྡོ་འཇོག་ཏུ་ནི་སོང་བ་དང ། །རྨི་ལམ་རྨིས་པར་གྱུར་པ་ཐ་མ་ཡིན། ། རྒྱལ་པོ་གཏུམ་པོ་རབ་སྣང་མལ་ཆེན་པོར་འདུག་པ་ན་རྣམ་པར་རྟོག་པ་སྐྱེས་ཏེ། ཅི། བདག་འདས་ན་གཞོན་ནུ་བ་ལང་སྐྱོང་གིས་རྒྱལ་སྲིད་བྱ་བར་ནུས་སམ། འོན་ཏེ་མི་ནུས་སྙམ་མོ། །ཡང་བསམ་པ། རེ་ཞིག་འདི་བགམ་པར་བྱའོ། །སྙམ་ནས་དེས་དེ་བོས་ཏེ་སྨྲས་པ། བུ། ང་རེ་ཞིག་བཙུན་མོའི་འཁོར་དུ་བྱ་བ་ཅུང་ཟད་ཅིག་ཡོད་དེ། ང་ཞག་བདུན་གྱི་བར་དུ་བཙུན་མོའི་འཁོར་གྱི་ནང་ན་འདུག་གི། དེའི་བར་དུ་ཁྱོད་ཀྱིས་རྒྱལ་པོ་གྱིས་ཤིག་།ཅེས་བསྒོ་ནས་དེ་རྒྱལ་པོ་བྱེད་ཅིང ། རྒྱལ་པོ་གཏུམ་པོ་རབ་སྣང་ནི། བཙུན་མོའི་འཁོར་གྱི་ནང་ན་འདུག་གོ། གཞོན་ནུ་བ་ལང་སྐྱོང་ཡང་རྒོལ་བ་དང ། ཕྱིར་རྒོལ་བ་རྣམས་ཀྱི་ཐ་སྙད་ལ་ལེགས་པར་སྦྱོང་སྟེ། རྒྱལ་པོའི་མི་རྣམས་ཀྱིས་བྱ་བ་བྱེད་པ་དང ། བུད་མེད་གང་དག་བཟུང་བ་དེ་དང་དེ་དག་ལ་སོ་སོར། ཀྱེ་མ། ཁྱོད་བུད་མེད་འདི་འདོད་དམ་ཞེས་རྨེད་ལ། བུད་མེད་ལ་ཡང་ཁྱོད་སྐྱེས་པ་འདི་འདོད་དམ་ཞེས་རྨེད་ཅིང ། གལ་ཏེ་དེ་དག་ཕན་ཚུན་མངོན་པར་འདོད་པར་གྱུར་ན། དེ་ནས་བློན་པོ་རྣམས་ལ། ཤེས་ལྡན་དག། འདི་དག་ཕན་ཚུན་མངོན་པར་འདོད་ན། ང་ཅིའི་ཕྱིར་མི་འདོད། འདི་དག་ལ་ངའི་ཆབ་འོག་ན་འཚོ་བ་སུས་ཀྱང་ཅུང་ཟད་ཀྱང་མ་སྨྲ་བར་འདི་དག་ཅི་དགའ་སྤྱོད་ཅིང་འདུག་</font><hr>Tha455a<br><font size=+2>


༄#། །ཏུ་ཆུག་ཅིག་།ཅེས་བསྒོའོ། །དཔྱ་འབུལ་རྣམས་ལ་ནི། ནན་ཏན་དུ་བལྟའོ། །ཞག་བདུན་ལོན་ཏེ་རྒྱལ་པོ་ཕྱིར་བྱུང་ནས་གསོས་པ་ལ་སྨྲས་པ། གསོས་པ་ཅི།་གཞོན་ནུ་བ་ལང་སྐྱོང་ང་འདས་ནས་རྒྱལ་སྲིད་བྱེད་ནུས་སམ། དེས་སྨྲས་པ། ལྷ། རྔོ་ནི། ཐོགས་ན། འོན་ཀྱང་བྱི་བ་བགྱིད་པ་རྣམས་ནི། དར་བར་འགྱུར་ལགས་སོ། །རྒྱལ་པོས་སྨྲས་པ།་གསོས་པ། བྱི་བ་བྱེད་པ་དང ། བྱི་བ་མི་བྱེད་པ་ཞེས་བྱ་བ་དེ་ཇི་ལྟ་བུ་ཡིན། དེས་ཇི་ལྟ་བུ་ཡིན་པ་བརྗོད་པ་དང ། རྒྱལ་པོས་བསམ་པ། ཅི། གཞོན་ནུ་འདི་གཞན་གྱི་བུད་མེད་རྣམས་ལ་ཕྲག་དོག་མེད་པ་ཞིག་གམ། འོན་ཏེ་རང་གི་ཆུང་མ་ལ་ཡང་དེ་བཞིན་པ་དེ། རེ་ཞིག་བརྟག་པར་བྱའོ། །སྙམ་ནས་དེས་ས་འཛིན་པ་ཞིག་ལ། ས་འཛིན་པ། ཁྱོད་སོང་ལ། གཞོན་ནུ་བ་ལང་སྐྱོང་གི། ཆུང་མ་དང་ལྷན་ཅིག་དགའ་མགུར་སྤྱོད་ཅེས་བསྒོ་བ་དང ། དེས་རྣ་བ་གཉིས་བཀག་ནས་སྨྲས་པ། ལྷ། སྡིག་པས་བརླག་ལགས་སོ། །རྒྱལ་པོས་སྨྲས་པ། ས་འཛིན་པ། རྒྱལ་པོའི་དོན་ནི། དེ་ལྟ་བུར་གནས་པ་ཡིན་གྱི། སོང་ཞིག། གལ་ཏེ་རིམ་པ་བཞིན་མ་བྱས་ན། རྒྱལ་པོའི་དོན་ཉམས་པར་འགྱུར་རོ། །དེས་སྨྲས་པ། ལྷ། མོད་ལ་དེ་ལྟར་བགྱི་བའི་རྔོ་མི་ཐོགས་པས། བགས་ཀྱིས་བགྱིའོ། །དེས་སྨྲས་པ། དེ་བཞིན་དུ་ནི། བྱེད་ལ་རག་ན། ས་འཛིན་པ། ཐབས་ཇི་ལྟ་བུ་ཞིག་བྱེད། ལྷ། དེའི་སྡུམ་པ་དང་ཉེ་བ་ཞིག་ཏུ་ཟོང་</font><hr>Tha455b<br><font size=+2>


བཀྲམ་པ་བགྱིའོ། །ཟོང་སྩོལ་ཅིག་དང ། དེ་ནས་འདྲིས་པར་བགྱིས་ནས་བཀའ་ཇི་སྐད་སྩལ་པ་བསྒྲུབ་པར་བགྱིའོ། །རྒྱལ་པོས་དེ་ལ་ཟོང་བྱིན་པ་དང ། དེས་རྫས་དག་བསགས་ཏེ་ཚོང་ཟོང་བཀྲམ་པ་དང ། བ་ལང་སྐྱོང་གི་སྒྱུག་མོའི་བྲན་མོ་ཞིག་ཡོད་པ་དེ་ཟོང་ཁྱེར་ནས་སྤོས་ཀྱི་ཕུར་མ་ཉོར་འོངས་སོ། །ས་འཛིན་པས་བུ་མོ་དེ་ལ། བུ་མོ། སྤོས་ཀྱི་ཕུར་མ་འདི་སུའི་ཡིན་ཞེས་དྲིས་པ་དང ། དེས་སྨྲས་པ། གཞོན་ནུ། བ་ལང་སྐྱོང་གི་སྒྱུག་མོའིའོ། །དེ་མིང་ཅི་ཞིག། མིང་འདི་ཞེས་བྱའོ། །བུ་མོ། ངའི་མ་དེ་ཡང་མིང་དེ་སྐད་ཅེས་བྱ་བས། དེ་ནི། ངའི་མ་དང་འདྲའོ། །ཞེས་སྨྲས་ནས། དེས་དེ་ལ་སྤོས་ཀྱི་ཕུར་མ་རིན་བསྐྱུངས་ནས་མང་དུ་བྱིན་ནོ། །བ་ལང་སྐྱོང་གི་སྒྱུག་མོས་བུ་མོ་དེ་ལ་དྲིས་པ། བུ་མོ། སྔོན་ཆད་ནི། རིན་འདི་ཙམ་གྱིས་རྫས་ཉུང་ངུ་ཁུགས་ལ། ད་ནི། ཤིན་ཏུ་མང་དུ་ཁུགས་པ་འདི་ལ་རྒྱུ་ཅི་ཡོད། དེས་ཀྱང་ཇི་ལྟར་གྱུར་པ་ཐམས་ཅད་བརྗོད་དོ། །དེས་སྨྲས་པ། ལེགས་ཏེ། དེ་ནི། ངའི་བུ་དང་འདྲའོ། །དེ་བཞིན་དུ་ལན་གཉིས། ལན་གསུམ་དུ་བྱས་པ་དང ། དེ་དེ་ལ་དགའ་བར་གྱུར་ཏོ། །དུས་གཞན་ཞིག་ན་ས་འཛིན་པས་སྨྲས་པ། བུ་མོ། མ་ལ་འདི་སྐད་དུ། མའི་ཞལ་བལྟར་མཆིའོ། །ཞེས་གྱིས་ཤིག་།དེས་དེ་ལ་བྱས་པ་དང ། དེས་སྨྲས་པ། ལེགས་ཀྱི། ཚུར་ཤོག་ཅིག་ཅེས་གྱིས་ཤིག། དེས་དེ་ལ་སྨྲས་པ་དང ། དེས་སྐྱེས་སུ་དྲིའི་རྫས་དག་ཁྱེར་ཏེ་འོངས་ནས་དེས་དེ་ལ་བྲང་སྤྲད་དེ་དུས་པ་དང ། དེས་སྨྲས་པ། བུ། ཅིའི་ཕྱིར་ངུ ། </font><hr>Tha456a<br><font size=+2>


༄#། །དེས་སྨྲས་པ། ཡུམ། ཅི་འདྲ་བ་བདག་གི་མའི་དབྱིབས་ཀྱང་དེ་འདྲ་བས། དེའི་སླད་དུ་བདག་མཆི་མ་བྱུང་ངོ ། །དེས། བུ། ང་ཉིད་ཁྱོད་ཀྱི་མ་དེ་ཡིན་ཏེ། ཁྱོད་ངའི་བུ་ཡིན་གྱི། མ་ངུ་ཞིག། ཅེས་སྨྲས་ནས་དེ་དེ་ལ་ལྷག་པར་དགའ་བར་གྱུར་ཏོ། །ཇི་ཙམ་ཞིག་ན་ཕྱོགས་ཤིག་ཏུ་བ་ལང་སྐྱོང་གི་ཆུང་མ་སོང་བ་ལས། དེས་དེ་བོས་ནས་བུ་མོ། ཚུར་མིང་པོའི་ཞབས་ལ་ཕྱག་གྱིས་ཤིག་།ཅེས་བྱས་པ་དང་དེ་འོངས་སོ། །མ་གཅིག་།བུ་མོ་འདིའི་མིང་ཅི་ལགས། བུ། མིང་འདི་ཞེས་བྱའོ། །མ་གཅིག་།བདག་གི་མནའ་མ་ཡང་མིང་ཡང་འདི་དང་འདྲ། དབྱིབས་ཀྱང་འདི་དང་འདྲ་བས། འདི་ནི། བདག་གི་མནའ་མ་ལགས་སོ། །དེས། བུ། ལེགས་སོ། །ཞེས་སྨྲས་སོ། །གང་གིས་ཚེ་དེ་དག་ཕན་ཚུན་གཅུགས་པར་གྱུར་པ་དེའི་ཚེ་དེས་གཡོ་ཐབས་སུ་ན་བ་ལྟར་བཅོས་ནས་འདུག་གོ་།བུ་མོ་དེ་ཡང་རྫས་ཉོར་འོངས་པ་དང ། ས་འཛིན་པའི་ཁྱེའུ་དེས་སྨྲས་པ། བུ་མོ། ང་ནི། ཐེག་གི་ན་ན། མ་གཅིག་ང་བལྟར་མི་འོང་ངམ། དེས་ཁྱོད་ན་བར་མི་ཤེས་སོ། །དེས་སྨྲས་པ། དེ་ལ་གྱིས་ཤིག་།དེས་དེ་ལ་བྱས་པ་དང ། དེ་ཡང་བལྟ་བའི་ཕྱིར་འོངས་ཏེ་དྲིས་པ། བུ། ཁྱོད་ཇི་ལྟར་ན། དེས་སྨྲས་པ། མ་གཅིག་བདག་གི་བྲོ་ནི། ཡང་བ་ཞིག་ལགས་སོ། །དེས་སྨྲས་པ། བུ། སྨན་པ་ལ་དྲིས་ཏེ་དཔྱད་གྱིས་ཤིག་།དེས་སྨྲས་པ། མ་གཅིག་།འདི་ནི། དཔྱད་ཀྱིས་འཚོ་བ་མ་ལགས་ཏེ། བདག་ནད་</font><hr>Tha456b<br><font size=+2>


འདི་ཁོ་ནས་སྲོག་དང་བྲལ་བར་འགྱུར་བའི་གནས་གང་ལགས་པ་དེ་མཆིས་སོ། །དེས་སྨྲས་པ། བུ། ཅི་སེམས། ཐབས་གང་གིས་ནད་འདི་ཞི་བར་འགྱུར། མ་གཅིག་།ཞི་བར་འགྱུར་བའི་ཐབས་ཤིག་མཆིས་ན། འོན་ཀྱང་མི་འབྱོར་ཏོ། །བུ། ཅི་མི་འབྱོར་སྨྲོས་ཤིག་དང ། ཐམས་ཅད་འབྱོར་པར་བྱའོ། །དེས་སྨྲས་པ། མ་གཅིག་།བ་ལང་སྐྱོང་གི་བཙུན་མོ་དང་ལྷན་ཅིག་དགའ་མགུར་སྤྱད་ན། དེ་ལྟ་ན་བྲོ་འདི་སོས་པར་འགྱུར་ལགས་སོ། །ཞེས་སྨྲས་པ་དང ། དེ་རབ་ཏུ་ཁྲོས་ནས་སྨྲས་པ། བཀྲེན་པ། ཁྱོད་ད་ཤིར་ཟད། ཁྱོད་རྒྱལ་པོའི་བཙུན་མོ་དང་ལྷན་ཅིག་དགའ་མགུར་སྤྱོད་འདོད་དམ་ཞེས་དེས་དེ་ལ་སྤྱོས་ཏེ་ལངས་ཏེ་སོང་ངོ ། །ས་འཛིན་པ་དེ་གཡོན་ཅན་ཞིག་པས་དེས་ནོར་ཐམས་ཅད་དཀར་ཆག་ལ་བྲིས་ནས། དཀར་ཆག་དེ་ལ་ང་ཤི་ན་རྫས་ཐམས་ཅད་ལ་བ་ལང་སྐྱོང་གི་སྒྱུག་མོའི་ཡིན་ནོ། །ཞེས་དེ་སྐད་དུ་ཡང་བྲིས་སོ། །དཀར་ཆག་དེ་དེ་ལ་བསྐུར་བ་དང ། དེས་བཀླགས་ནས་ཁྲོ་བ་ཞི་བར་གྱུར་ཏེ་བསམ་པ། དེ་བདག་གིས་ད་གཟོང་ཁོ་ན་སྤྱོས་ཏེ་འོངས་ན། དེ་བདག་ལ་ཇེ་བྱམས་པར་གྱུར་གྱི། དེའི་ཕྱིར་བུད་མེད་རྣམས་ཀྱི་རང་བཞིན་ནི། དེ་ལྟ་བུ་ཡིན་པས། དེ་ཤིན་མི་རུང་བས་དེ་ལ་བསྒྲུབ་བོ། །སྙམ་ནས་དེས་བུ་མོ་དེ་བོས་ཏེ། དེ་ནས་ས་འཛིན་པའི་བསྔགས་པ་རིམ་གྱིས་བརྗོད་ནས་སྨྲས་པ། བུ་མོ། ཁྱོད་ཀྱི་སྐུད་པོ་དེ་ན་ན། དེ་བལྟར་མི་འགྲོའམ། དེས་སྨྲས་པ། མ་གཅིག། སྨན་པ་མ་མཆིས་སམ། ཅི་སྟེ་དཔྱད་མ་</font><hr>Tha457a<br><font size=+2>


༄#། །བགྱིས། དེས་སྨྲས་པ། བུ་མོ། དེའི་ནད་ནི། ཡང་བ་ཞིག་སྟེ། དེ་ནད་དེ་ཁོ་ནས་དུས་བྱེད་པར་འགྱུར་བ་གང་ཡིན་པའི་གནས་དེ་ཡོད་ན། འོན་ཀྱང་དེ་ན་རེ། གལ་ཏེ་མནའ་མ་དང་ལྷན་ཅིག་དགའ་མགུར་སྤྱད་ན། དེ་ལྟ་ན་བདག་འཚོ་བར་འགྱུར་རོ། །ཞེས་ཟེར་རོ། །དེ་ཁྲོས་ནས་སྨྲས་པ། མ་གཅིག་།བཀྲེན་པ་དེ་ད་དུས་བྱས་སུ་བས། རྒྱལ་པོའི་བཙུན་མོ་དང་ལྷན་ཅིག་དགའ་མགུར་སྤྱོད་པར་འཚལ་ལམ། དེས་སྨྲས་པ། བུ་མོ། ཁྱོད་ཀྱི་གྱོས་པོ་གང་ལས་སྐྱེས་པ་ཁྱོད་ཤེས་སམ། མ་གཅིག། མ་འཚལ་ཏོ། །བུ་མོ། དེ་ནི། སྡིག་པ་ལས་སྐྱེས་ཏེ། རྒྱལ་པོར་གྱུར་ནས་དཔུང་གི་དམག་མང་བ་ཡིན་ནོ། །ཁྱོད་ཀྱི་ཁྱོ་དེ་ཡང་ཚོང་དཔོན་ཞིག་གི་བུ་ཡིན་ཏེ། དེ་ཡང་རྒྱལ་པོར་འགྱུར་རོ། །ཁྱོད་ཀྱང་འདི་དང་ལྷན་ཅིག་དགའ་མགུར་སྤྱོད་ཅིག་དང ། ཁྱོད་ལས་བུ་གང་བྱུང་བ་དེ་ཡང་རྒྱལ་པོར་འགྱུར་རོ། །ཞེས་དེ་དེས་བསླུས་པ་དང ། ཁས་བླངས་ནས་དེས་ས་འཛིན་པའི་ཁྱེའུ་དེ་ལ་སྤྲིང་པ། བུ། བུ་མོ་འདིས་ཁས་ནི། བླང་ན། ཁྱོད་ལ་གནོད་པར་བྱེད་སྲིད་ཀྱི། དུས་ཤེས་པར་གྱིས་ལ་ཤོག་ཅིག་།ཅེས་བྱས་སོ། །ས་འཛིན་པས་རྒྱལ་པོ་ལ། ལྷ། དོན་དེ་ནི། གྲུབ་ན། འོན་ཀྱང་རེ་ཞིག་བ་ལང་སྐྱོང་མི་གཏང་དུ་གསོལ་ཞེས་སྤྲིང་ངོ ། ། རྒྱལ་པོས་བསམ་པ། བདག་འདས་ནས་གཞོན་ནུ་བ་ལང་སྐྱོང་རྒྱལ་པོར་འགྱུར་ཞིང ། དེ་འདས་ནས་ཀྱང་དེའི་བུ་རྒྱལ་པོར་འགྱུར་བ་ཡིན་ན། གལ་ཏེ་བ་ལང་སྐྱོང་གི་ཆུང་མ་ལས་ས་འཛིན་</font><hr>Tha457b<br><font size=+2>


པའི་བུ་སྐྱེས་པར་གྱུར་ན། དེ་རྒྱལ་པོར་འགྱུར་བས། དེའི་ཕྱིར་གང་གིས་ན་ས་འཛིན་པ་དེའི་དབང་པོ་ས་བོན་དུ་མི་འགྱུར་བ་དེ་ལྟ་བུའི་སྨན་སྦྱིན་པར་བྱའོ། །སྙམ་ནས། དེས་དེའི་དབང་པོ་ས་བོན་དུ་མི་འགྱུར་བའི་ལ་དུ་དག་ཅིག་བསྐུར་ནས་ས་འཛིན་པ། ཁྱོད་གང་གི་ཚེ་གཞོན་ནུ་བ་ལང་སྐྱོང་གི་ཆུང་མ་དང་ལྷན་ཅིག་དགའ་མགུར་སྤྱོད་པ་དེའི་ཆོ་ཁྱོད་ཀྱི་ལ་དུ་འདི་དག་ཟོ་ཞིག་ཅེས་སྤྲིང་ངོ ། །བ་ལང་སྐྱོང་ལ་ཡང་བུ། གྲོས་སུ་བྱ་བ་ཅུང་ཟད་ཅིག་ཡོད་ཀྱི། རེ་ཞིག་ཁྱིམ་དུ་མ་འགྲོ་ཞིག་།ཅེས་བསྒོ་བ་དང ། དེ་འདུག་གོ་།ས་འཛིན་པས་ཀྱང་དབང་པོ་ས་བོན་དུ་མི་འགྱུར་བའི་ལ་དུ་ཟོས་ནས་བ་ལང་སྐྱོང་གི་ཆུང་མ་ལ་དགའ་མགུར་སྤྱད་ནས་འདོད་པའི་དགའ་བས་དུབ་པར་གྱུར་ཏེ་དེའི་མགུལ་ནས་འཁྱུད་བཞིན་དུ་གཉིད་ལོག་པར་གྱུར་ཏོ། །རྒྱལ་པོས་བསམ་པ། དེས་དེ་ལ་དགའ་མགུར་སྤྱད་དེ་སོང་གྲང་གི། གཞོན་ནུ་གཏང་བར་བྱའོ། །སྙམ་ནས་དེས་གཞོན་ནུ་བ་ལང་སྐྱོང་ལ་སྨྲས་པ། བུ། མནའ་མ་མི་དགའ་བར་འགྱུར་གྱི། རིང་པོ་མ་འདུག་པར་སོང་ཞིག་།དེ་ཁྱིམ་དུ་སོང་བ་དང ། རེ་ཞིག་ནི། ཆུང་མ་གཞན་གྱི་སྐྱེས་བུ་ཞིག་དང་ལྷན་ཅིག་ཏུ་འདུག་ཅིང་ས་འཛིན་པ་དེའི་ལག་པ་འཕྱང་བ་མཐོང་ནས། དེས་དེའི་ལག་པ་བསྐུམས་ནས་འདི་དག་འགའ་ཞིག་གིས་མཐོང་བར་འགྱུར་དུ་འོང་ངོ ། །སྙམ་ནས་གོས་ཀྱིས་གཡོགས་སོ། །ས་འཛིན་པ་མཚན་རངས་པར་ཉལ་ནས་ནམ་ནངས་ཏེ་ཉི་མ་ཤར་བ་དང་སད་ནས། དེ་བདག་མཐོང་ངམ་མ་མཐོང་སྙམ་ནས་རྒྱུགས་ཏེ་སོང་ངོ ། ། </font><hr>Tha458a<br><font size=+2>


༄#། །བ་ལང་སྐྱོང་ལ་རྒྱལ་པོས། བུ། མདང་སུམ་ངའི་རྨི་ལམ་ན་ཁྱོད་ཀྱི་ཆུང་མ་སྐྱེས་པ་གཞན་ཞིག་དང་ལྷན་ཅིག་དགའ་མགུར་སྤྱོད་པ་མཐོང་ངོ ། །ཞེས་སྨྲས་པ་དང ། ལྷ།་ཁྱོད་ཀྱིས་ནི། རྨི་ལམ་དུ་གཟིགས། བདག་གིས་མངོན་སུམ་ཁོ་ནར་མཐོང་ངོ ། །ཇི་ལྟ་བུ་ཞིག་ཏུ། དེས་ཇི་ལྟར་གྱུར་པའི་གཏམ་རྒྱས་པར་བརྗོད་དོ། །རྒྱལ་པོས་སྨྲས་པ། བུ། ཁྱོད་ལ་ཕྲག་དོག་མེད་དམ། ལྷ། མ་མཆིས་སོ། །བུ། དེ་ཅིའི་ཕྱིར། ལྷ། བདག་རང་བཞིན་གྱིས་ཚེ་རབས་དྲན་ཏེ། བདག་སྔོན་གྱི་ཚེ་རབས་གཞན་ཞིག་ན། དེད་དཔོན་ཞིག་གི་ཆུང་མར་གྱུར་པ་ལས། དེད་དཔོན་ཟོང་འཚལ་ནས་ཡུལ་གཞན་དུ་ཆས་པ་དང ། དེ་ལ་བདག་གིས། རྗེའི་སྲས། བདག་ཀྱང་མཆིའོ། །ཞེས་སྨྲས་སོ། །དེས་དེ་ན་ཁྱོད་ཀྱི་རིམ་གྲོ་སུ་བྱེད་ཅེས་སྨྲས་ཏེ། དེས་བདག་མི་བཀྲི་བར་བགྱིས་པ་དང་ངུས་སོ། །དེ་ལ་ཞོ་ཤས་འཚོ་བ་རྣམས་ཀྱིས་སྨྲས་པ། དེད་དཔོན་གྱི་ཆུང་མ་ཅིའི་ཕྱིར་ངུ ། དེས་དེ་དག་ལ་ཇི་ལྟར་གྱུར་པ་བརྗོད་པ་དང ། དེ་དག་གིས་དེད་དཔོན་ཁྲིད་ཅིག་དང ། བདག་ཅག་གིས་རིམ་གྲོ་བྱའོ། །ཞེས་སྨྲས་པ་ནས་དེས་བདག་ཁྲིད་དོ། །ཇི་ཙམ་ན་ལམ་གར་མི་རྒོད་ལྔ་བརྒྱ་ཙམ་བྱུང་ནས་དེ་དག་གིས་འགྲོན་པོ་དེ་རྣམས་ཀྱང་བཅོམ། དེད་དཔོན་ཡང་བསད་ནས། བདག་ནི། མི་རྒོད་ལྔ་བརྒྱ་པོ་རྣམས་ཀྱིས་དགའ་མགུར་སྤྱད་དོ། །དེ་རྣམས་ཀྱིས་འགྲོན་པོ་གཞན་བསད་པའི་བུད་མེད་གཞན་ཞིག་རྙེད་པ་དང ། དེ་བདག་གིས་འདི་ནི། བདག་གི་ཆུན་</font><hr>Tha458b<br><font size=+2>


མར་འགྱུར་རོ། །སྙམ་ནས་ཁྲོན་པ་རྙིང་པར་བོར་བ་དང ། དེ་ཉིད་དུ་གུམ་པར་གྱུར་ཏོ། །ལྷ། བདག་མི་རྒོད་ལྔ་བརྒྱས་དགའ་མགུར་སྤྱད་ན་ངོམས་པར་མ་གྱུར་པ་དེ་ལྟ་བུ་བདག་གིས་འཚལ་བཞིན་དུ། ཅི། བུད་མེད་རྣམས་ལ་ཕྲག་དོག་སྐྱེས་ལགས་སམ། ལྷ། འོན་ཀྱང་འཇིག་རྟེན་གང་ཞིག་བུད་མེད་རྣམས་ཡིད་བརྟན་པར་འཇོག་པ་དེ་ནི། བླུན་པ་ལགས་ཀྱི། བུད་མེད་རྣམས་ཀྱིས་སྐྱེས་པ་དག་ཡིད་བརྟན་པར་གཞག་པར་བགྱི་བ་འདི་ནི། རིགས་ལགས་སོ། །དེས་སྨྲས་པ། བུ། དེ་དེ་བཞིན་ཏེ། བུད་མེད་རྣམས་ཀྱིས་སྐྱེས་པ་དག་ཡིད་བརྟན་པར་གཞག་པར་བྱའོ། །འཕགས་རྒྱལ་ན་རྔོན་པ་ཞིག་གནས་པ་དེའི་ཆུང་མ་གཟུགས་བཟང་ཞིང་མཛེས་པ་ལྟ་ན་སྡུག་པ་ཞིག་པས། དེ་དེ་ལ་ཤིན་ཏུ་ཆགས་ཏེ་དེས་བསམ་པ། གལ་ཏེ་ཆུང་མ་བཞག་སྟེ་དགོན་པའི་གནས་སུ་སོང་ན་ནི། འདི་སྐྱེས་པ་གཞན་དང་ལྷན་ཅིག་དགའ་མགུར་སྤྱོད་པར་འགྱུར། ཅི་སྟེ་མ་སོང་ན་ནི། བདག་རྔོན་པ་སྟེ། གཞན་གྱི་སྲོག་གཅོད་ཅིང ། གཞན་གྱི་སྲོག་གཅོད་པས་འཚོ་བར་བྱེད་པ་ཡིན་གྱི། བདག་ནི། ཞིང་པ་མ་ཡིན། ཚོང་པ་མ་ཡིན། གཞན་གྱིས་འཚོ་བ་ཡང་མ་ཡིན་པས། གདོན་མི་ཟ་བར་ལྟོགས་ཏེ་འཆི་བར་འགྱུར་བས། མ་ལ་བདག་གིས་ཆུང་མ་ཁྲིད་ལ་འགྲོའོ། །སྙམ་ནས་དེས་ཆུང་མ་ཁྲིད་དེ་དགོན་པའི་གནས་སུ་སོང་ནས་ཕྱོགས་གཅིག་ཅིག་ཏུ་ལོ་མའི་སྤྱིལ་བུ་བྱས་ཏེ་འདུག་གོ། དེས་དེར་རི་དྭགས་མཆོག་བདམས་ཤིང་བསད་དེ་ཤ་</font><hr>Tha459a<br><font size=+2>


༄#། །བཟང་པོ་བཙོངས་ནས་འཚོ་བར་བྱེད་དོ། །ཇི་ཙམ་དུས་གཞན་ཞིག་ན་རྒྱལ་པོ་གཏུམ་པོ་རབ་སྣང་རི་དྭགས་བཤོར་དུ་སོང་བ་ལས། དེ་རྟས་ཁ་ཁྱེར་ནས་ཕྱོགས་དེར་ཕྱིན་པ་དང ། རྔོན་པ་དེས་དེ་ངོ་ཤེས་པར་གྱུར་ཅིང་ཇི་ལྟར་རྟགས་ཁ་ཁྱེར་བ་ཡང་ཤེས་ནས་དེས་དེ་ལ་བྱོན་པ་ལེགས་སོ། །ཞེས་བྱ་བའི་ཚིག་ཀུན་ཏུ་སྤྱད་པ་དང ། དེ་རྟ་ལས་བབས་ཏེ། ཤིང་དྲུང་ཞིག་ཏུ་འདུག་གོ་།རྔོན་པས་བསམ་པ། བདག་གིས་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་ཞག་ལོན་པའི་ཤ་དབུལ་བ་གང་ཡིན་པ་ནི། བདག་གི་ཆ་མ་ཡིན་པས། མ་ལ་བདག་གིས་ཞག་མ་ལོན་པ་གཞན་ཞིག་ཁྱེར་ཏེ་འོང་ངོ ། །སྙམ་ནས་དེས་མདའ་ལྕུག་བགོས། མདའ་གཞུ་ལག་ན་ཁྱེར་ཏེ་རི་དྭགས་བཤོར་དུ་སོང་ངོ ། །རྒྱལ་པོ་གཏུམ་པོ་རབ་སྣང་གི་དེའི་ཆུང་མ་གཟུགས་དང ། ན་ཚོད་དང་ལྡན་པ་དེ་མཐོང་ནས་ཉོན་མོངས་པ་དྲག་པོའི་མཐུས་འདོད་པའི་འདོད་ཆགས་བསྐྱེད་པས། རྔོན་པ་དེའི་ཆུང་མ་དང་ལྷན་ཅིག་ཏུ་དེ་མ་ཐག་ཏུ་ལོག་པར་སྤྱད་དོ། །རྔོན་པ་དེས་མི་དྭགས་བསད་ནས་སླར་ལོག་པ་དང ། རེ་ཞིག་ན་ཆུང་མ་དེ་ལ་ལོག་པར་སྤྱད་པ་མཐོང་ངོ ། །འཁོན་རྣམས་ཀྱི་ནང་ན་འདི་ལྟ་སྟེ། བུད་མེད་ཀྱི་ཕྱིར་འཁོན་པ་འདི་ཐ་ཆད་ཡིན་པས། དེ་ཁྲོས་ནས་བསམ་པ། དུས་ངན་པའི་རྒྱལ་པོ་རྒྱལ་པོའི་ཆོས་ལས་འདས་པ་འདི་གསད་དོ། །སྙམ་པ་ལས། ཡང་བསམ་པ། བུད་མེད་ཙམ་གྱི་ཕྱིར་ཅི་འདི་གསད་</font><hr>Tha459b<br><font size=+2>


དམ།་དེ་དེ་སྙམ་སེམས་པ་ན། མ་སྟེས་ཏེ་སེང་གེ་ཞིག་དང་གདོང་ཐུག་ཏུ་འཕྲད་ནས་དེས་དེ་བསད་དོ། །དེས་རྒྱལ་པོ་གཏུམ་པོ་རབ་སྣང་ལ་བྱམས་པའི་སེམས་བསྐྱེད་པས་ཤི་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །རྒྱལ་པོས་བསམ་པ། བུད་མེད་འདི་བདག་གིས་ལོངས་སྤྱད་ལ། འདིའི་ཁྱོ་ཡང་དུས་ལས་འདས་ན། བདག་གིས་འདི་བོར་བ་གང་ཡིན་པ་ནི། བདག་གི་ཆ་མ་ཡིན་ནོ། །སྙམ་བསམ་ནས་དེས་དེ་སྤྲོ་བསྲིངས་ནས་དེ་དེ་དང་ལྷན་ཅིག་གཏམ་ཟེར་ཞིང་འདུག་གོ་།ཇི་ཙམ་ན་བློན་པོ་དང ། གཞོན་ནུ་དང ། ཁྲོམ་གྱི་རུ་པ་དག་ཡན་མན་དུ་ཚོལ་ཞིང་ཕྱོགས་དེར་ཕྱིན་པ་དང ། དེ་དག་གིས་སྨྲས་པ། ལྷ། བུད་མེད་འདི་སུའི་ལགས། དེས་སྨྲས་པ། ངེད་ནི། རྒྱལ་པོ་ཡིན་པས། ང་ལ་སུ་ཞིག་བུད་མེད་མི་འབུལ། དེང་ལ་འདི་བཙུན་མོའི་འཁོར་གྱི་ནང་དུ་ཞོག་ཅིག་།དེ་དག་གིས་དེ་བཙུན་མོའི་འཁོར་གྱི་ནང་དུ་བཞག་གོ་།རྒྱལ་པོ་ཡང་དཔུང་དང ། བཞོན་པའི་ཚོགས་དང་ཇི་ལྟར་འདོད་བཞིན་དུ་སོང་ནས་འཕགས་རྒྱལ་དུ་ཕྱིན་པར་གྱུར་པ་ན། དེའི་བཙུན་མོའི་འཁོར་དག་རྒྱ་ཆེར་འཕེལ་བར་གྱུར་ཏོ། །བཅོམ་ལྡན་འདས་ཀྱིས་ཇི་ལྟར་སེམས་འདི་མྱུར་དུ་འགྱུར་བ་དེ་ལྟ་བུའི་ཆོས་ནི། གཅིག་ཀྱང་ངས་ཡང་དག་པར་རྗེས་སུ་མ་མཐོང་ངོ ། །ཞེས་གསུངས་པས། རྒྱལ་པོ་གཏུམ་པོ་རབ་སྣང་གིས་བཙུན་མོའི་འཁོར་རྒྱ་ཆེ་བ་དག་མཐོང་ནས་བསམ་པ། རེ་ཞིག་རྔོན་པ་ཉོན་མོངས་དེས་ཆུང་མ་གཅིག་ཅིག་འབྲོག་དགོན་པར་ཁྲིད་དེ་བཞག་ན། </font><hr>Tha460a<br><font size=+2>


༄#། །དེ་ཡང་སྲུང་བར་མ་ནུས་ན། བདག་གིས་བཙུན་མོའི་འཁོར་ཤིན་ཏུ་རྒྱ་ཆེ་བ་སྲུང་བ་ལྟ་སྨོས་ཀྱང་ཅི་དགོས་སྙམ་ནས་དེས་འཕགས་རྒྱལ་དུ་དྲིལ་བསྒྲགས་ཏེ་འདི་སྐད་དུ།་ཤེས་ལྡན་འཕགས་རྒྱལ་ན་གནས་པ་དང ། གྲོང་ཁྱེར་པ་དང ། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་དག་ཉོན་ཅིག་།ངས་བཙུན་མོའི་འཁོར་རྣམས་ཇི་ལྟར་འདོད་པར་ལོངས་སྤྱད་དུ་གཏང་གི་།གང་གིས་བཙུན་མོའི་འཁོར་དག་ཡོངས་སུ་ལོངས་སྤྱོད་པ་དེས་ནི། ལེགས་པར་ལོངས་སྤྱད་པ་ཡིན་ནོ། །ཞེས་བསྒྲགས་སོ། །བཙུན་མོའི་འཁོར་རྣམས་ཀྱང་བོས་ནས་ཁྱེད་ཀྱང་གཞན་གྱི་སྐྱེས་པ་དང་ལྷན་ཅིག་ཏུ་དགའ་མགུར་སྤྱོད་དུ་དེང་ལ། གང་ཞིག་རྔ་བརྡུངས་པའི་ཚེ་སླར་མ་འོངས་པ་དེའི་མགོ་དྲུངས་ནས་བཅད་དེ་ས་ལ་དོར་བར་བྱའོ། །ཞེས་ཀྱང་བསྒོའོ། །བུད་མེད་ཐམས་ཅད་ནི། སྐྱེས་པ་འདོད་པ་ཡིན་ན། རྒྱལ་པོའི་བཙུན་མོའི་འཁོར་རྣམས་ལྟ་སྨོས་ཀྱང་ཅི་དགོས་པས། དེ་དག་འཕགས་རྒྱལ་ན་ཀུན་ཏུ་འཕྱན་ཅིང་གང་གིས་སྐྱེས་པ་གང་མཐོང་བ་དེ་དེ་དང་ལྷན་ཅིག་དགའ་མགུར་སྤྱོད་པར་བརྩམས་སོ། །བ་ལང་སྐྱོང་གི་མ་ཞི་བ་དང ། སྐྱ་སེང་གི་བུ་མོ་སྒྲོལ་མ་ནི། རྒྱལ་པོ་གཏུམ་པོ་རབ་སྣང་ལྷག་པར་བྱམས་པས་དེ་དག་རྒྱལ་པོའི་ངོ་མ་ཆོད་དེ་མ་སོང་ངོ ། །རྒྱལ་པོས་ཞི་བ་ལ་སྨྲས་པ། ཞི་བ། ཁྱོད་ཀྱང་སོང་ལ་གཞན་གྱི་སྐྱེས་པ་དག་དང་ལྷན་ཅིག་དགའ་མགུར་སྤྱོད་ཅིག་།དེས་སྨྲས་པ། ལྷ། </font><hr>Tha460b<br><font size=+2>


བདག་ནི། ལྷ་བཏང་ནས་སྐྱེས་པ་གཞན་དང་ལྷན་ཅིག་དགའ་མགུར་མི་སྤྱོད་ལགས་སོ། །སྐྱ་སེང་གི་བུ་མོ་སྒྲོལ་མ་ལ་ཁྱོད་སོངས་ཤིག་།ཅེས་སྨྲས་པ་དང ། དེ་ན་ཚོད་ཀྱིས་གཞོན་ལ། མི་བརྟན་པའི་རང་བཞིན་ཅན་ཞིག་ཡིན་པས་སྐྱེས་པ་གཞན་འདོད་དེ། དེས་ཁས་བླངས་ནས་དེ་སྲང་ན་མར་སོང་ངོ ། །དེ་ཀུན་ཏུ་འཕྱན་པ་ན་སྤོས་ཚོང་གི་ཁྱེའུ་སྡུག་གུ་ཞིག་མཐོང་ནས་དེས་དེ་ལ་སྨྲས་པ། དགའ་མགུར་སྤྱོད་ཀྱི། ཚུར། དེས་སྨྲས་པ། རེ་ཞིག་མར་མེ་ཟུངས་ཤིག་དང ། ཇེ་འདུ་འགོད་བརྩིས་ལ་ཕྱིས་དགའ་མགུར་སྤྱད་པར་བགྱིའོ། །ཞེས་བྱས་པ་དང ། དེས་མར་མེ་བཟུང་ནས་འདུག་གོ་།སྤོས་ཚོང་གི་ཁྱེའུ་དེས་འདི་ལས་འདི་ནི། ཁུགས་སོ། །འདི་ནི། ཆེ་གེ་མོ་ཞིག་ལ་བྱིན་པ་ཡིན་ནོ། །ཞེས་དེས་རྩིས་བྱེད་ཅིང ། དེ་ལ་མི་སེམས་པར་འདུག་གི་བར་དུ་ཇི་ཙམ་ན་ནམ་ནངས་པར་གྱུར་ཏེ། རྒྱལ་པོའི་ཕོ་བྲང་དུ་རྔ་བརྡུངས་པ་དང ། སྐྱ་སེང་གི་བུ་མོ་སྒྲོལ་མས་མར་མེ་ས་ལ་བཞག་སྟེ་སོང་ངོ ། །དེས་སྨྲས་པ། དགའ་མགུར་སྤྱོད་ཀྱི། སྡོད་ཅིག་།དེས་སྨྲས་པ། ཇི་ལྟར་དགའ་མགུར་སྤྱད། ལྷ། འདི་སྐད་དུ་བུད་མེད་གང་ཞིག་རྔ་བརྡུངས་ཏེ་མ་འོངས་པ་དེའི་མགོ་དྲུངས་ནས་བཅད་དེ་ས་ལ་དོར་བར་བྱའོ། །ཞེས་ཁྲིམས་སུ་བཅས་ཏེ་བཞག་ལ། ད་གཟོད་རྔ་དེ་ཡང་བརྡུངས་ཟིན་ན། ཅི། བདག་ལ་མགོ་གཉིས་ཡོད་དམ། འགྲོའོ། །ཞེས་དེ་དགའ་མགུར་མ་སྤྱད་པ་ཉིད་དུ་སོང་ངོ ། །རྒྱལ་པོས་དྲིས་པ། སྒྲོལ་མ། ཁྱོད་ཀྱིས་དགའ་མགུར་སྤྱད་དམ། དེས་སྨྲས་པ། ལྷ། བདག་དགའ་མགུར་མ་</font><hr>Tha461a<br><font size=+2>


༄#། །སྤྱད་དོ། །ཅིའི་ཕྱིར་ཞེས་བྱས་པ་དང ། དེས་ཇི་ལྟར་གྱུར་པ་བརྗོད་ནས་རྒྱལ་པོ་ཅང་མི་ཟེར་བར་འདུག་གོ་།ཡང་རྒྱལ་པོས་དེ་བཞིན་དུ་དྲིལ་བསྒྲགས་པ་དང ། ཀུན་ཏུ་རྒྱལ་པོ་གཏུམ་པོ་རབ་སྣང་གི་བཙུན་མོའི་འཁོར་ཇི་ལྟར་འདོད་པ་བཞིན་དུ་སྐྱེས་བུ་ལོངས་སྤྱོད་དུ་བཏང་ངོ ། །ཞེས་སྒྲ་གྲགས་སོ། ཀོའུ་ཤམྦྷིའི་རྒྱལ་པོ་ཤར་པའི་བུས་ཇི་ལྟར་རྒྱལ་པོ་གཏུམ་པོ་རབ་སྣང་གིས་བཙུན་མོའི་འཁོར་ཇི་ལྟར་འདོད་པ་བཞིན་དུ་སྐྱེས་བུ་ལོངས་སྤྱོད་དུ་བཏང་ངོ ། །ཞེས་ཐོས་སོ། །ཐོས་ནས་ཀྱང་སྦྱོར་བ་འཆང་ལ་སྨྲས་པ། སྦྱོར་བ་འཆང ། རྒྱལ་པོ་གཏུམ་པོ་རབ་སྣང་གིས་བཙུན་མོའི་འཁོར་ཇི་ལྟར་འདོད་པ་བཞིན་དུ་སྐྱེས་བུ་ལོངས་སྤྱོད་དུ་བཏང་ངོ ། །ཞེས་སྒྲ་གྲག་གི་།རྒྱལ་པོ་གཏུམ་པོ་རབ་སྣང་གི་བཙུན་མོའི་འཁོར་རྣམས་དང་ལྷན་ཅིག་དགའ་མགུར་སྤྱོད་དུ་འགྲོའོ། །དེས་སྨྲས་པ། ལྷ། རྒྱལ་པོ་གཏུམ་པོ་རབ་སྣང་ནི། ཁྱོད་ཀྱི་ཡུན་རིང་པོ་ནས་གསོད་པ། ཕྱིར་རྒོལ་བ། མི་མཛའ་བ་ལགས་པས། གལ་ཏེ་ལྷ་དེར་བཞུད་དེ་འཇལ་ན། གནོད་པ་བགྱིད་པའི་གནས་གང་ལགས་པ་དེ་མཆིས་སོ། །དེས་སྨྲས་པ། སྦྱོར་བ་འཆང ། མི་རྣམས་ཀྱི་ནང་ན་མི་གཟུ་ལུམས་ཅན་དག་ཡོད་མོད་ཀྱི། འོན་ཀྱང་ཁྱོད་འདིར་འདུག་ཅིག་།ང་ནི། འགྲོའོ། །དེས་སྨྲས་པ། གལ་ཏེ་ལྷ་དེ་ལྟར་བཞེད་ན། ལྷ་བག་མི་མངའ་བ་ལགས་མོད་ཀྱི། འོན་ཀྱང་བག་མཛད་པའི་རིགས་སོ། །རྒྱལ་པོ་ཤར་པའི་བུ་ཡང་ཤིན་</font><hr>Tha461b<br><font size=+2>


ཏུ་བུད་མེད་ལ་བརྐམ་ཆགས་ཅན་ཞིག་པས། དེས་དེའི་ཚིག་ཁྱད་དུ་བསད་ནས་འཕགས་རྒྱལ་དུ་སོང་བ་དང ། སྐྱ་སེང་གི་བུ་མོ་དེས་དེ་གཟུགས་བཟང་ཞིང་བལྟ་ན་སྡུག་པ། མཛེས་པ་མཐོང་ངོ ། །དེས་དེ་མཐོང་ནས་སྨྲས་པ། རྒྱལ་རིགས། ཚུར་སྤྱོན། སྐྱ་སེང་གི་བུ་མོ་སྒྲོལ་མ་དང་དགའ་མགུར་སྤྱད་པར་བགྱིའོ། །དེས་སྨྲས་པ། ལེགས་ཀྱི། མལ་གྱིས་ཤིག ། དེས་སྨྲས་པ། ཁྱོད་མལ་གྱིས་ཤིག་།དེ་གཉི་ག་ཡང་དྲེགས་ཤིང་ང་རྒྱལ་གྱིས་ཁེངས་པས་རྒྱལ་པོ་ཤར་པའི་བུས་ཀྱང་མལ་མ་བྱས། སྐྱ་སེང་གི་བུ་མོ་སྒྲོལ་མས་ཀྱང་མ་བྱས་བར་དེ་གཉིས་ཁྱོད་མལ་བྱོས་ཤིག་།ང་མི་བྱེད་དོ། །ཞེས་སྨྲ་བའི་བར་དུ་ནམ་ནངས་པར་གྱུར་ཏེ། རྒྱལ་པོའི་ཕོ་བྲང་དུ་རྔ་བརྡུངས་པ་དང་སྐྱ་སེང་གི་བུ་མོ་སྒྲོལ་མ་སོང་ངོ ། །རྒྱལ་པོ་ཤར་པའི་བུས་སྨྲས་པ། སྡོད་ཅིག་།དགའ་མགུར་སྤྱད་པར་བྱའོ། །སྐྱ་སེང་གི་བུ་མོ་སྒྲོལ་མས་སྨྲས་པ། ཇི་ལྟར་དགའ་མགུར་སྤྱད། ལྷས་འདི་སྐད་དུ།་བུད་མེད་གང་ཞིག་རྔ་བརྡུངས་ཏེ་མི་འོངས་པ་དེའི་མགོ་བོ་དྲུངས་ནས་བཅད་དེ་ས་ལ་དོར་རོ། །ཞེས་ཁྲིམས་སུ་བཅས་པ་བཞག་ལ། ད་གཟོད་རྔ་དེ་ཡང་བརྡུངས་ན། ཅི། བདག་ལ་མགོ་གཉིས་ཡོད་དམ། འགྲོ་ཞེས་དེ་དགའ་མགུར་མ་སྤྱད་པར་རྒྱལ་པོ་ཤར་པའི་བུའི་ལག་ནས་སོར་གདུབ་རྒྱ་ཕྱུང་སྟེ་སོང་ངོ ། །རྒྱལ་པོས་དྲིས་པ། སྒྲོལ་མ། ཁྱོད་</font><hr>Tha462a<br><font size=+2>


༄#། །ཀྱིས་དགའ་མགུར་སྤྱད་དམ། དེས་སྨྲས་པ། ལྷ། དགའ་མགུར་མ་སྤྱད་དོ། །ཅིའི་ཕྱིར་ཁྱོད་ཀྱིས་དགའ་མགུར་མ་སྤྱད། དེས་ཇི་ལྟར་གྱུར་པ་བརྗོད་ནས་སོར་གདུབ་རྒྱ་བསྟན་ཏེ། འདི་ནི། བདག་གིས་དེའི་སོར་གདུབ་རྒྱ་འཚལ་ཏེ་མཆིས་ལགས་སོ། །རྒྱལ་པོ་གཏུམ་པོ་རབ་སྣང་གིས་དེའི་རྒྱ་བཀླགས་ནས་གསོས་པ་ལ་སྨྲས་པ། གསོས་པ། རྒྱལ་པོ་ཤར་པའི་བུ་དམག་མང་པོ་ཅན་འདིར་འོངས་པ་སུས་ཀྱང་མ་ཚོར་ཏེ། དེ་ཡང་ངའི་བཙུན་མོའི་འཁོར་འདོད་ན་ཁྱོད་ཀྱིས་ཇི་ལྟར་ཡལ་བར་དོར། དེས་སྨྲས་པ།་ལྷ། མ་ཚོར་བར་དེ་འདིར་མཆིས་མོད། ཅི་སྟེ་ད་དུང་འདིར་མཆི་ན། མི་བཟོད་པར་བགྱིའོ། །དེ་ནས་རྒྱལ་པོ་གཏུམ་པོ་རབ་སྣང་གིས་ཡང་དེ་བཞིན་དུ་དྲིལ་བསྒྲགས་པ་དང།་རྒྱལ་པོ་ཤར་པའི་བུ་དེས་དེ་བཞིན་དུ་ཐོས་ནས་སྦྱོར་བ་འཆང་ལ་སྨྲས་པ། སྦྱོར་བ་འཆང ། རྒྱལ་པོ་གཏུམ་པོ་རབ་སྣང་གིས་ཡང་དེ་བཙུན་མོའི་འཁོར་ཇི་ལྟར་འདོད་པ་བཞིན་དུ་སྐྱེས་བུ་ལོངས་སྤྱོད་དུ་གཏོང་ངོ ། །ཞེས་གྲག་གི། དེའི་ཕྱིར་རྒྱལ་པོ་གཏུམ་པོ་རབ་སྣང་གི་བཙུན་མོའི་འཁོར་རྣམས་དང་ལྷན་ཅིག་དགའ་མགུར་སྤྱད་ཀྱི། ཚུར་ཤོག་།འདོང ། སྦྱོར་བ་འཆང་གིས་སྨྲས་པ། ལྷ། དེའི་ཚེ་ནི། ཁྱོད་མ་ཚོར་བར་བཞུད་པས། དེའི་སླད་དུ་བདེ་བར་འདིར་འཁོར་གྱི། ད་ནི། རྒྱལ་པོ་གཏུམ་པོ་རབ་སྣང་སྟ་</font><hr>Tha462b<br><font size=+2>


གོན་དུ་ཆས་ཤིང་མཆིས་པས། མ་གཤེགས་ན་ལེགས་སོ། །དེས་སྨྲས་པ། སྦྱོར་བ་འཆང ། མི་རྣམས་ཀྱི་ནང་ན་མི་གཟུ་ལུམས་ཅན་དག་ལྟ་ཡོད་དེ། འགྲོའོ། །ཞེས་དེ་སོང་བ་དང།་སྦྱོར་བ་འཆང་ཡང་རྒྱལ་པོའི་བཀས་སོང་ངོ ། །རྒྱལ་པོ་ཤར་པའི་བུ་རིམ་གྱིས་འཕགས་རྒྱལ་དུ་ཕྱིན་ཏེ་ཁྱིམ་གང་དུ་ཞུགས་པ་དེ། གསོས་པས་ལག་ན་རལ་གྲི་ཐོགས་པའི་མི་དག་གིས་ཀུན་ནས་བསྐོར་ནས་དེ་རྣམས་ལ་བསྒོ་བ། ཤེས་ལྡན་དག་།གལ་ཏེ་བུད་མེད་ཅིག་ཕྱི་རོལ་ཏུ་བྱུང་ན་ནི། ཐོངས་ཤིག་།ཅི་སྟེ་སྐྱེས་པ་ཞིག་ན། མ་གཏང་ཞིག་།སྦྱོར་བ་འཆང་གིས་ཚོར་ནས་དེས་བསམ་པ། བདག་གིས་རྒྱལ་པོ་མི་བཟང་བ། དོག་པ། ཉམ་ང་བར་གྱུར་པ་ཡལ་བར་དོར་བ་གང་ཡིན་པ་ནི། བདག་གིས་ཆ་མ་ཡིན་ནོ། །སྙམ་ནས། དེས་རྒྱལ་པོ་དེ་བུད་མེད་ཕལ་པའི་ཆ་ལུགས་དང་རྒྱན་གྱིས་བརྒྱན་ཏེ། དེ་ནས་བུམ་པ་བཀུར་ནས་ལྕུག་མས་བཞུས་ཏེ་སྤྱོ་ཞིང ། ལྷ་ད་དུང་ཚེམས་ཤིང་མ་གསོལ་ན། ཁྱེད་ཆུ་ཁྱེར་ཏེ་མི་འོང་ངམ་ཞེས་བྱས་ནས་ཕྱིར་ཕྱུང་ངོ ། །རྒྱལ་པོའི་མི་རྣམས་ཀྱིས་བུ་མོ་མངག་གཞུག་མ་ཡིན་ནོ། །སྙམ་ནས་ཡལ་བར་བཏང་བ་དང ། དེས་བུམ་པ་རྫིང་བུའི་འགྲམ་དུ་བོར་ནས་བྲོས་ཏེ་སོང་ངོ ། །གསོས་པས་ཁྱིམ་དེ་བལྟས་པ་དང ། རེ་ཞིག་ན་བྲོས་པར་གྱུར་ནས་དེས་སྦྱོར་བ་འཆང་བཟུང་སྟེ་རྒྱལ་པོ་གཏུམ་པོ་རབ་སྣང་ལ་ཕུལ་ནས། ལྷ། མི་འདིས་</font><hr>Tha463a<br><font size=+2>


༄#། །རྒྱལ་པོ་ཤར་པའི་བུ་བཏང་ལགས་སོ། །སྦྱོར་བ་འཆང་གིས་སྨྲས་པ། ལྷ། བདག་གིས་དེའི་ཟས་དང ། གོས་དག་བདག་གིར་བགྱིས་ཏེ།་བདག་གིས་དེ་བཏང་བ་གང་ལགས་པ་དེ་ནི། བདག་གིས་རིགས་པ་ཞིག་བགྱིས་ཀྱི། འདིས་ནི། ཁྱོད་ཀྱི་ཟས་དང ། གོས་བདག་གིར་བགྱིས་ལ། དེ་བཏང་བ་ན་ཡལ་བར་བོར་བ་གང་ལགས་པ་དེ་ནི། རིགས་པ་མ་ལགས་སོ། །ཞེས་སྨྲས་པ་དང ། རྒྱལ་པོ་གསོས་པ་ལ་ཁྲོས་ནས་སྨྲས་པ། གསོས་པ། རྒྱལ་པོ་ཤར་པ་ངའི་བཙུན་མོའི་འཁོར་འདོད་པ་ཡལ་བར་གཏང་བའི་རིགས་སམ། དེའི་ཕྱིར་གལ་ཏེ་རེ་ཞིག་རྒྱལ་པོ་ཤར་པའི་བུ་ཁྲིད་དེ་འོངས་ན། དེ་ལྟ་ན་ལེགས། ཅི་སྟེ་མ་འོངས་ན། ཆད་པས་ཆེར་གཅད་དོ། །ཞེས་བྱས་པ་དང ། དེ་སྐྲག་ནས་དེ་གཟུང་བའི་ཐབས་སེམས་ཤིང་འདུག་གོ་།རེ་ཞིག་ན་ལྷོ་ཕྱོགས་ནས་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་ཞིག་འོངས་པ་དང ། གསོས་པས། ཀྱེ་སྐྱེས་བུ། འདི་དང་འདི་ལྟ་བུའི་འཁྲུལ་འཁོར་བྱེད་ནུས་སམ་ཞེས་དྲིས་པ་དང ། དེས་སྨྲས་པ། ལྷ། བདག་གིས་མཉེས་པར་རྔོ་ཐོགས་སོ། གསོས་པས་གླང་པོ་ཆེའི་གཙོ་བོ་འདམ་བུའི་རི་ཞེས་བྱ་བ་དབེན་པ་ཞིག་ཏུ་སྦས་ནས་འཕགས་རྒྱལ་དུ་གླང་པོ་ཆེའི་གཙོ་བོ་འདམ་བུའི་རི་བྲོས་སོ། །ཞེས་སྒྲ་བཏང་བ་</font><hr>Tha463b<br><font size=+2>


དང ། དེའི་ཚེ་སྒྲ་དེ་ཡང་ཕྱོགས་དང་ཕྱོགས་མཚམས་དག་ཏུ་གྲགས་པར་གྱུར་ཏོ། །དེའི་ཚེ་དེ་འཁྲུལ་འཁོར་གྱི་སྒྱུ་རྩལ་གྱི་མཁན་པོ་ལ་འདི་ལྟ་བུའི་འཁྲུལ་འཁོར་ཞིག་གྱིས་ཤིག་ཅེས་སྨྲས་པ་དང ། དེས་ཀྱང་གླང་པོ་ཆེའི་གཙོ་བོ་འདམ་བུའི་རི་ཅི་འདྲ་བའི་འཁྲུལ་འཁོར་ཞིག་བྱས་ནས་འཁྲུལ་འཁོར་དེ་དང་མི་ལྔ་བརྒྱ་ཡང་བཅུག་།གླང་པོ་ཆེའི་ལྕི་བ་དང་ཆུ་ཡང་མང་དུ་བཅུག་སྟེ། དེ་ནས་མི་དེ་རྣམས་ལ་བསྒོ་བ། ཅི་ནས་ཀྱང་ཁྱེད་ཅག་གིས་ཇི་ལྟར་ཀོའུ་ཤམྦྷིའི་ཉེ་འཁོར་མིག་ལམ་དུ་ཕབ་པ་དེ་ལྟར་འཁྲུལ་འཁོར་འདི་དྲོངས་ཤིག ། ཅི་སྟེ་རྒྱལ་པོ་ཤར་པའི་བུ་དཔུང་གི་ཚོགས་ཡན་ལག་བཞི་པའང་བྱུང་ན་ནི། ཁྱེད་ཀྱིས་དེའི་ལག་ཏུ་མ་སྦྱིན་ཅིག་།འོན་ཏེ་གཅིག་པུ་འོངས་ན་ནི། ཟུངས་ལ་བཟུང་ནས་མྱུར་དུ་འདིར་ཁྲིད་དེ་ཤོག་ཅིག་ཅེས་བྱས་པ་དང ། དེ་དག་གིས་ཇི་ལྟར་འཁྲུལ་འཁོར་དེ་ཀོའུ་ཤམྦྷིའི་ཉེ་འཁོར་བལྟར་རུང་བ་དེ་ལྟར་ལེགས་པར་དྲངས་ཏེ་འདུག་པ་དང ། ཕྱུགས་རྫི་དང།་བ་ལང་རྫི་དང ། རྩཝ་ཐུན་དང ། ཤིང་ཤན་དང ། ལམ་གྱིས་འཚོ་བ་དང ། ལམ་གོལ་བས་འཚོ་བའི་མི་རྣམས་ངོ་མཚར་དུ་གྱུར་པའི་མིག་བགྲང་ནས་བསྐོར་ཏེ་བལྟ་བར་བརྩམས་སོ། །དེ་ན་ཁ་ཅིག་ན་རེ། ཤེས་ལྡན་དག་།འདི་ནི། གླང་པོ་ཆེའི་གཙོ་བོ་རྒོད་ཡིན་ནོ། །ཞེས་ཟེར་རོ། །གཞན་དག་ན་རེ། འདི་གླང་པོ་ཆེའི་རྒོད་མ་ཡིན་གྱི། </font><hr>Tha464a<br><font size=+2>


༄#། །འཕགས་རྒྱལ་གྱི་རྒྱལ་པོ་གཏུམ་པོ་རབ་སྣང་གི་གླང་པོ་ཆེའི་གཙོ་བོ་འདམ་བུའི་རི་ཞེས་བྱ་བ་བྲོས་པ་དེ། འདིར་འོངས་པ་ཡིན་ནོ། །ཞེས་ཟེར་རོ། །དེ་ནས་ཁ་ཅིག་གིས་རྒྱལ་པོ་ཤར་པའི་གན་དུ་སོང་ནས་གཅམ་བུ་གསོལ་བ། ལྷ། འཕགས་རྒྱལ་ན་གནས་པའི་རྒྱལ་པོ་གཏུམ་པོ་རབ་སྣང་གི་གླང་པོ་ཆེའི་གཙོ་བོ་འདམ་བུའི་རི་བྲོས་པར་གྱུར་པ་གང་ལགས་པ་དེ་ནི། ལྷའི་བསོད་ནམས་ཀྱི་མཐུས་འདིར་མཆིས་ཏེ། སྲོག་ཆགས་བརྒྱ་སྟོང་དུ་མ་བལྟར་མཆིས་སོ། །ཞེས་བྱས་པ་དང ། རྒྱལ་པོ་ཤར་པའི་བུས་ཐོས་ནས་དགའ་བ་དང ། ཡིད་བདེ་བ་སྐྱེས་ཏེ་དགའ་བའི་རྔ་ནི། བརྡུངས། དུང་ཟུང་ཁ་བསྡམས་པ་ནི། བུས་ནས་སྦྱོར་བ་འཆང་ལ་བསྒོ་བ། སོང་ལ་དཔུང་གི་ཚོགས་ཡན་ལག་བཞི་གོ་བསྐོན་ལ་གྲོང་ཁྱེར་དུ་ཡང་དྲིལ་བསྒྲགས་ཏེ་འདི་སྐད་དུ། གྲོང་ཁྱེར་ན་གནས་པ་ཐམས་ཅད་དང ། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་རྣམས་ལ་རྒྱལ་པོ་གླང་པོ་ཆེའི་གཙོ་བོ་འདམ་བུའི་རི་འཛིན་དུ་གཤེགས་ཀྱི། མཚོན་ཆ་རྣམ་པ་སྣ་ཚོགས་དང ། ཞགས་པ་ཐོགས་ཏེ་ཤོག་ཅིག་།ཅེས་སྒོས་ཤིག་།སྦྱོར་བ་འཆང་གིས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་གྲོང་ཁྱེར་དུ་ཡང་དྲིལ་བསྒྲགས་ནས་འདི་སྐད་དུ། ཤེས་ལྡན་</font><hr>Tha464b<br><font size=+2>


གྲོང་ཁྱེར་ན་གནས་པ་རྣམས་དང ། ཕོ་བྲང་འཁོར་ན་གནས་པ་རྣམས་དང ། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་དག་ཉོན་ཅིག་།ལྷས། ང་གླང་པོ་ཆེའི་གཙོ་བོ་འདམ་བུའི་རི་འཛིན་དུ་གཤེགས་ཀྱི། ཁྱེད་ཅག་མཚོན་ཆ་སྣ་ཚོགས་དང ། ཞགས་པ་དག་ཐོགས་ཏེ་ཤོག་ཅིག་།ཅེས་བཀའ་སྩལ་ཏོ། །ཞེས་བྱས་སོ། །དེ་ནས་རྒྱལ་པོ་ཤར་པའི་དཔུང་གི་ཚོགས་ཡན་ལག་བཞི་པ་དང ། མིའི་མཆོག་སྟོང་ཕྲག་དུ་མ་དང་ལྷན་ཅིག་ཏུ་གླང་པོ་ཆེའི་གཙོ་བོ་འདམ་བུའི་རི་འཛིན་དུ་འོངས་པ་དང ། འཁྲུལ་འཁོར་འཕུལ་བ་རྣམས་ཀྱིས་ཇི་ལྟར་གླང་པོ་ཆེའི་གཙོ་བོ་འདམ་བུའི་རི་ལྟར་བཅོས་པ་དེ་འབྲོས་པར་རྩོམ་པ་དེ་ལྟར་འཁྲུལ་འཁོར་དེ་ཕུལ་བ་དང ། བློན་པོ་རྣམས་ཀྱིས་སྨྲས་པ། ལྷ། ཁྱོད་ཉིད་གླང་པོ་ཆེའི་ཆོ་ག་ལ་མཁས་པ་ལགས་པས། གླང་པོ་ཆེ་འདི་འབྲོས་སུ་བགྱིད་ཀྱི། ཁྱོད་ཉིད་ཀྱིས་ཐབས་མཛད་དུ་གསོལ། རྒྱལ་པོས་སྦྱོར་བ་འཆང་ལ་བསྒོ་བ། དཔུང་གི་ཚོགས་ཡན་ལག་བཞི་པ་ཁྱེད་ཅིག་།ང་ཉིད་ཐབས་ཀྱིས་འདིའི་དྲུང་དུ་འགྲོའོ། །དེས་དཔུང་གི་ཚོགས་ཡན་ལག་བཞི་པ་བཀྱེད་ནས། རྒྱལ་པོ་བདག་ཉིད་པི་ཝང་སྙན་པ་ལེན་ཅིང་ཉེ་བར་འགྲོ་བར་བརྩམས་པ་དང ། འཁྲུལ་འཁོར་འཕུལ་བ་རྣམས་ཀྱིས་ཇི་ལྟར་འཁྲུལ་འཁོར་རྒྱལ་པོ་ཤར་པའི་བུའི་དྲུང་དུ་སོང་ནས་འདུག་པ་དེ་ལྟར་ཕུལ་ཏེ་མི་ལྔ་བརྒྱ་པོ་དེ་དག་འཁྲུལ་འཁོར་ནས་</font><hr>Tha465a<br><font size=+2>


༄#། །བྱུང་ནས་བཟུང་ངོ ། །བཟུང་ནས་འཁྲུལ་འཁོར་དུ་བཅུག་སྟེ་འཁྲུལ་འཁོར་དེ་ཇི་ལྟར་རླུང་གི་ཤུགས་ལྟར་མགྱོགས་པར་གྱུར་པ་དེ་ལྟར་ཕུལ་ལོ། །རྒྱལ་པོ་ཤར་པའི་བུ་ཁྲིད་དོ། །རྒྱལ་པོ་ཤར་པའི་བུ་ཁྲིད་དོ། །ཞེས་བློན་པོ་རྣམས་ཀྱིས་ཀུན་ཏུ་སྦྲན་པ་དང ། སྲོག་ཆགས་བརྒྱ་སྟོང་དུ་མ་དང ། དཔུང་གི་ཚོགས་ཡན་ལག་བཞི་པས་བསྙེག་པར་བརྩམས་སོ། །གང་གི་ཚེ་ས་ཚིགས་འདས་པར་གྱུར་པ་དེའི་ཚེ་སྦྱོར་བ་འཆང་གིས་སྨྲས་པ། ཤེས་ལྡན་དག་།རྒྱལ་པོ་ཁྲིད་ཟིན་ཏེ་ཐབས་གཞན་ཞིག་བསམ་གྱི། སླར་ལོག་ཅིག་།ཅེས་བྱས་པ་དང ། དེ་དག་ཐམས་ཅད་ལོག་གོ་།རྒྱལ་པོ་ཤར་པའི་བུ་ཡང་འཕགས་རྒྱལ་དུ་ཁྲིད་ནས་གསོས་པས་རྒྱལ་པོ་གཏུམ་པོ་རབ་སྣང་ལ་ཕུལ་ཏེ། ལྷ། རྒྱལ་པོ་ཤར་པའི་བུ་འདི་ལགས་སོ། །ཞེས་བྱས་པ་དང ། རྒྱལ་པོས་དགའ་བའི་རྔ་ནི། བརྡུངས། དུང་ཟུང་ཁ་བསྡམས་པ་ནི། བུས་ཏེ་གྲོང་དང ། གྲོང་ཁྱེར་དང ། གྲོང་རྡལ་དང ། སྲང་ན་གནས་པའི་སྲོག་ཆགས་སྙིང་ན་བ་དུ་མ་ཚོགས་པ་དང ། གསོས་པ་ལ་བསྒོ་བ། ངས་རྒྱལ་པོ་ཤར་པའི་བུ་ཡོངས་སུ་བཏང་གི་།སོད་ཅིག་།བློན་པོ་རྣམས་ཀྱིས་སྨྲས་པ། ལྷ། རྒྱལ་པོ་འདི་ནི། གླང་པོ་ཆེའི་ཆོ་ག་ལ་མཁས་པ་ཞིག་སྟེ། གལ་ཏེ་འདི་བཀུམ་ན། </font><hr>Tha465b<br><font size=+2>


གླང་པོ་ཆེའི་ཆོ་ག་ནུབ་པར་འགྱུར་བས། དེའི་སླད་དུ་རེ་ཞིག་ལྷས་འདི་ལས་གླང་པོ་ཆེའི་ཆོ་ག་བསླབ་ཏུ་གསོལ། སླད་ཀྱིས་ཇི་ལྟར་བཀའ་སྩལ་པ་བཞིན་བགྱིའོ། །རྒྱལ་པོས་སྨྲས་པ། གསོས་པ། གལ་ཏེ་དེ་ལྟ་ན། ཁྱོད་ཀྱིས་འདི་ལས་གླང་པོ་ཆེའི་ཆོ་ག་སློབས་ཤིག་།ངས་འདི་ལས་གླང་པོ་ཆེའི་ཆོ་ག་བསླབ་སྟེ་ངའི་སློབ་དཔོན་དུ་གྱུར་ན། ཇི་ལྟར་སློབ་དཔོན་གསད་པར་བྱ། གསོས་པས་སྨྲས་པ། ལྷ། བདག་ལ་ཡང་ཉེས་དམིགས་དེ་ཉིད་དུ་འགྱུར་བས། དེ་ནི། ཆ་མ་ལགས་སོ། །རྒྱལ་པོས་སྨྲས་པ། གསོས་པ། གལ་ཏེ་ལྟ་ན། སུ་ཞིག་འདི་ལ་སློབ་ཏུ་བཅུག་ལ་དེ་ལས་ངས་བསླབ་པར་བྱ། གསོས་པས་སྨྲས་པ། ལྷ། ཁྱོད་ཀྱི་སྲས་མོ་ནོར་ལྷས་བྱིན་འདི། ལེ་ལོ་མ་མཆིས་པ། བརྩོན་འགྲུས་དང་ལྡན་པ། མཁས་པ། གྲིམས་པ་ལགས་པས་འདི་སློབ་ཏུ་སྩལ་ཏེ་འདིས་ལྷ་ལ་བསླབ་པར་བགྱིའོ། །རྒྱལ་པོ་གཏུམ་པོ་རབ་སྣང་གིས་ནོར་ལྷས་བྱིན་ལ་སྨྲས་པ།་བུ་མོ། མི་དེ་མཚན་ངན་པ་བཅོ་བརྒྱད་དང་ལྡན་ན། འོན་ཀྱང་དེ་གླང་པོ་ཆེའི་ཆོ་ག་ལ་མཁས་པ་ཞིག་པས་ཁྱོད་ཀྱིས་དེ་ལས་བར་དུ་ཡོལ་བས་བཅད་དེ་གླང་པོ་ཆེའི་ཆོ་ག་སློབས་ལ་ཕྱིས་པ་ལ་སློབས་ཤིག་།ཁྱོད་ཀྱིས་མི་དེ་ལ་བལྟ་བར་ཡང་མི་བྱ་སྟེ། དེ་མཐོང་ན། བཀྲ་མི་ཤིས་པས། ཁྱོད་ཀྱིས་དེ་མཐོང་ན། ཁྱོད་འཆིའོ། །ཞེས་བྱས་པ་དང ། </font><hr>Tha466a<br><font size=+2>


༄#། །དེས་ཡོལ་བས་བཅད་དེ་དེ་ལས་གླང་པོ་ཆེའི་ཆོ་ག་བསླབ་པར་བརྩམས་སོ། །སྦྱོར་བ་འཆང་གིས་བསམ་པ། གལ་ཏེ་ལྷ་བཙལ་ཏེ་གསོན་ན་ནི། དེ་ཐར་པའི་ཐབས་ཤིག་བསམ་མོ། །འོན་ཏེ་ཤི་སྟེ་དུས་ལས་འདས་ན་ནི། གཞན་ཞིག་རྒྱལ་པོར་དབང་བསྐུར་རོ། །སྙམ་ནས་དེའི་སྲིང་མོ་གསེར་ཕྲེང་ཅན་ཞེས་བྱ་བ། སྒྱུ་བཤམ་པ་ལ་སྦྱོར་བ་འཆང་བ་བས་ཀྱང་ལྷག་པ་ཞིག་ཡོད་པ་དེ་ལ་དེས་སྨྲས་པ། སྲིང་མོ། འཕགས་རྒྱལ་དུ་སོང་ལ་སོན་ནས་རྒྱལ་པོ་ཀུན་ཏུ་བཙལ་ཏེ་གལ་ཏེ་གསོན་ན། དེ་ཐར་པའི་ཐབས་ཤིག་བསམ་པར་བྱའོ། །འོན་ཏེ་ཤི་སྟེ་དུས་ལས་འདས་ན། གཞན་ཞིག་རྒྱལ་པོར་དབང་བསྐུར་རོ། །ཞེས་བྱས་པ་དང ། དེས་དེ་ལ་ཅང་མི་སྨྲ་བས་ཁས་བླངས་ཏེ་ཀུན་ཏུ་རྒྱུའི་ཆ་ལུགས་སུ་བསྒྱུར་ནས་འཕགས་རྒྱལ་དུ་སོང་ངོ ། །དེ་རྒྱལ་པོའི་སྒོར་འདུག་ནས་རྒྱལ་པོའི་མི་དག་ལ་དྲིས་པ། ཤེས་ལྡན་དག་།རྒྱལ་པོ་ཤར་བའི་བུ་དེ། གསོན་ནམ། འོན་ཏེ་ཤི། རྒྱལ་པོའི་མི་དག་གིས་སྨྲས་པ། རེ་ཞིག་རབ་ཏུ་བྱུང་བ་ཁྱོད་ལ་དྲིའི། དེས་ཁྱོད་ལ་གནོད་པ་ཅི་ཞིག་བྱས། དེས་སྨྲས་པ། ཤེས་ལྡན་དག་།དེས་ཁོ་མོའི་ཁྱོ་དང ། བུ་ནི། འཚོ་བ་དང་ཕྲལ། བདག་གི་ནོར་རྫས་ཐམས་ཅད་ནི། འཕྲོག་གོ་།དེ་དག་གིས་སྨྲས་པ། རབ་ཏུ་བྱུང་བ། དེ་ནི། དུས་</font><hr>Tha466b<br><font size=+2>


ལས་མ་འདས་ཏེ། དེ་རྒྱལ་པོའི་སྲས་མོ་ནོར་ལྷས་བྱིན་པ་ལ་གླང་པོ་ཆེའི་ཆོ་ག་སློབ་བོ། །དེ་བཞིན་དུ་དེས་རྒྱལ་པོའི་སྒོ་བཞིར་རྒྱལ་པོའི་མི་དག་ལ་དྲིས་པ་དང ། དེ་དག་གིས་ཀྱང་དེ་བཞིན་དུ་ལན་བཏབ་བོ། །དེ་གཡོ་ཐབས་དེ་དང་དེས་ནང་དུ་ཆུད་པ་དང ། དེས་རྒྱལ་པོ་ཤར་བའི་བུ་མཐོང་ནས་ཕྱོགས་བཞིར་བལྟས་ཏེ་དལ་བུས། ལྷ། གསོན་ནམ་ཞེས་སྨྲས་པ་དང ། དེ་ཡང་བག་ཚ་ཞིང་ཡིད་མི་དགའ་བཞིན་དུ་ཕྱོགས་བཞིར་བལྟས་ནས་སྲིང་མོ། གསོན་ནོ། །ཞེས་སྨྲས་སོ། །དེས་དེ་མངོན་སུམ་དུ་བྱས་ནས་ཐབས་གཞན་ཞིག་གིས་ནོར་ལྷས་བྱིན་པ་མཐོང་ནས་སྨྲས་པ། བུ་མོ། ཁྱོད་སུ་ལས་གླང་པོ་ཆེའི་ཆོ་ག་སློབ། དེས་སྨྲས་པ། བགྲེས་མོ། མི་མཚན་ངན་པ་བཅོ་བརྒྱད་དང་ལྡན་པ་ཞིག་ཡོད་དེ། དེ་ལ་བར་ཡོལ་བས་བཅད་ནས་སློབ་བོ། །དེས་སྨྲས་པ། འདི་ན་མི་མཚན་ངན་པ་བཅོ་བརྒྱད་དང་ལྡན་པ་འགའ་ཡང་ག་ལ་ཡོད། གང་ཞིག་ཁྱོད་སློབ་པ་དེ་ནི། རྒྱལ་པོ་ཤར་བའི་བུ་ཡིན་ཏེ། གཟུགས་བཟང་བ། མཛེས་པ། བལྟ་ན་སྡུག་པ། མཚན་ཐམས་ཅད་ལེགས་པར་རྫོགས་པ་ཡིན་ན། ཁྱོད་ལ་སུ་ཞིག་གིས་དེ་སྐད་དུ་བསླུས། ཅི་སྟེ་ཁྱོད་ཡིད་མི་ཆེས་ན། ཡོལ་བ་ཕྱེ་ལ་ལྟོས་ཤིག་།ཅེས་བྱས་པ་དང ། དེས་དེའི་གཟུགས་དང ། ན་ཚོད་ཐོས་ནས་དད་དེ་ཡོལ་བ་ཕྱེ་བ་དང་མཐོང་ངོ ། །མཐོང་མ་ཐག་ཏུ་རླུང་གི་སྟོབས་ཀྱི་ཤུགས་ཀྱིས་</font><hr>Tha467a<br><font size=+2>


༄#། །བསྐྱོད་པ་བཞིན་དུ་འདོད་པས་གཡེངས་ནས་སྨྲས་པ། བགྲེས་མོ། ཁྱོད་ཇི་སྐད་གསུང་བ་གང་ལགས་པ་དེ་ནི། མད་ན། འོན་ཀྱང་གསོལ་བ་ཞིག་མཆིས་ཏེ། བདག་འདི་དང་ལྷན་ཅིག་མཇལ་བར་ཁྱོད་ཀྱིས་སྤྱོད་དམ། དེས་སྨྲས་པ། བུ་མོ། བདག་གིས་ཁྱོད་ཀྱི་དེ་ཁོ་ན་བཞིན་དུ་བསྒྲུབ་པར་བྱ་སྟེ། གར་བསྐོར་ཀྱང་སྐྱེས་བུ་འདི་ལྟ་བུ་དང་འཕྲད་པ་ཡང་དཀའ་ན། གང་ཁྱོད་ང་ལ་འདི་ལྟ་བུ་ཚོལ་བ་ལྟ་སྨོས་ཀྱང་ཅི་དགོས།། དགེའོ། </font><hr>Da1b<br><font size=+2>


༄#། །འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་བརྒྱད་པ། ཁྱོད་ཀྱིས་འདོད་པ་གནས་བཟང་པོར་སྐྱེས་ཏེ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དང་ཕྲད་པར་བདག་གིས་བྱའོ། །དེས་དེ་རྒྱལ་པོ་ཤར་པ་དང་ལྷན་ཅིག་ཕྲད་པར་བྱས་ཏེ། ནོར་ལྷས་བྱིན་དེ་དང་ལྷན་ཅིག་ཤིན་ཏུ་ཆགས་པར་གྱུར་པ་དང ། གསེར་ཕྲེང་ཅན་གྱིས་སྦྱོར་བ་འཆང་ལ་ལྷ་ནི་</font><hr>Da2a<br><font size=+2>


༄##། །གསོན་ཏེ། རྒྱལ་པོ་གཏུམ་པོ་རབ་སྣང་གི་སྲས་མོ་ནོར་ལྷས་བྱིན་ལ། གླང་པོ་ཆེའི་ཆོ་ག་སློབ་བོ་ཞེས་སྤྲིང་ངོ ། །དེས་ཀྱང་རྒྱན་ལྔ་མི་མངོན་པར་བྱས་ནས་བདག་ཉིད་གོས་ཧྲུལ་པོ་བགོས་ཏེ། མིང་དཔྱིད་ལྡན་ཞེས་བྱ་བར་བཏགས་ནས། སྨྱོན་པའི་ཆ་ལུགས་ཀྱིས་འཕགས་རྒྱལ་དུ་སོང་ངོ ། །དེ་དེར་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་དག་ཏུ་རྒྱུག་མཆོང་རྒལ་ཞིང ། དཔྱིད་ལྡན་དགའ་བོ། དཔྱིད་ལྡན་དགའ་བོ་ཞེས་སྨྱོན་ཚིག་ཀྱང་སྨྲའོ། །གང་དག་གིས་འདི་སྦྱོར་བ་འཆང་ཡིན་ནོ། །ཞེས་དེ་ངོ་ཤེས་པ་དེ་དག་ལ་ནི་རྒྱན་བྱིན་པ་</font><hr>Da2b<br><font size=+2>


དང ། དེ་དག་གིས་དེ་བླངས་ནས་ཅང་མི་ཟེར་བར་འགྲོའོ། །གང་དག་མི་ཤེས་པ་དེ་དག་ནི་འདི་སྨྱོན་པ་ཞིག་གོ་ཞེས་ཡལ་བར་གཏོང་སྟེ། དེ་རྒྱལ་པོའི་ཕོ་བྲང་འཁོར་དང་ཁྱིམ་བཟང་པོ་གང་དུ་ཞུགས་པ་དེར་བཟའ་བ་དང ། མེ་ཏོག་དང ། གོས་དག་ཀྱང་རྙེད་ཅིང ། ཤར་པ་དང་ལྷན་ཅིག་གསང་སྟེ་གྲོས་གཅིག་གོ་།ཅི་ཙམ་དུས་གཞན་ཞིག་ན་ནོར་ལྷས་བྱིན་གྱིས་རྒྱལ་པོ་ཤར་བའི་བུ་ལ་སྨྲས་པ། ལྷ། གལ་ཏེ་ན་བདག་གི་ཕས་ཚོར་དུ་མཆིས། ཚུར་སྤྱོན། འབྲོས་སོ། །དེས་སྨྲས་པ། ལྷ་མོ་གལ་ཏེ་དེ་ལྟ་ན་སོང་ལ་ཕ་ལ་འདི་སྐད་ཅེས། ཡབ་བདག་གིས་གླང་པོ་ཆེའི་ཆོ་ག་ནི་ལོབས་ན། འོན་ཀྱང་ལས་སུ་བགྱི་བ་མ་མཐོང་སྟེ། དེའི་སླད་དུ་ལྷས་བདག་ལ་གླང་པོ་ཆེ་མོ་བཟང་ལྡན་ཅི་བདེར་བགྱིད་དུ་སྩོལ་ཅིག་དང ། དེ་ལ་འཚལ་ནས་ལས་དག་བལྟ་བར་བགྱིའོ་ཞེས་གྱིས་ཤིག་།དེ་སོང་ནས་རྒྱལ་པོ་ལ་དེ་བཞིན་སྨྲས་པ་དང ། རྒྱལ་པོ་གཏུམ་པོ་རབ་སྣང་གིས་ཀྱང་གླང་པོ་ཆེའི་རྫི་རྣམས་ལ། </font><hr>Da3a<br><font size=+2>


༄#། །ཤེས་ལྡན་དག་གླང་པོ་ཆེ་མོ་བཟང་ལྡན་བུ་མོ་ནོར་ལྷས་བྱིན་ལ་ཅི་བདེར་གྱིས་ལ། དེ་ལ་ཞོན་ནས་ལས་དག་བལྟར་ཆུག་ཅིག་།ཅེས་བསྒོའོ། །དེ་དག་གིས་དེ་ལ་གླང་པོ་ཆེ་མོ་བཟང་ལྡན་ཅི་བདེར་བྱས་པ་དང ། དེ་རྒྱལ་པོ་ཤར་བའི་བུ་དང་ལྷན་ཅིག་དེ་ལ་ཞོན་ནས་འབྲོས་པའི་ཐབས་ཤོམ་པར་རྩོམ་སྟེ། རེས་འགའ་ནི་སྔ་དྲོ་སོང་ཞིང ། ཉི་མ་ཕྱེད་ན་སླར་འོང ། རེས་འགའ་ནི་ཉི་མ་ཕྱེད་ན་སོང་ཞིང ། ཕྱི་དྲོ་སླར་འོང ། རེས་འགའ་ནི་ཕྱི་དྲོ་སོང་ནས་དགོངས་སུ་སླར་འོང ། རེས་འགའ་ནི་དགོངས་སོང་ནས་མཚན་མོ་ནམ་ཕྱེད་ན་སླར་འོང ། རེས་འགའ་ནི་འཇིང་ལ་སླར་འོང ། རེས་འགའ་ནི་ལྔ་ཚིགས་ལ་སླར་འོང ། རེས་འགའ་ནི་མ་ཆུང་ན་སླར་འོང ། རེས་འགའ་ནི་སྐྱ་རེངས་ཤར་ན་སླར་འོང་ངོ ། །ཤར་པས་སྤྱོར་བ་འཆང་ལ་འབྲོས་པའི་ཐབས་སྨྲས་པ་དང ། དེས་གླང་པོ་ཆེའི་ལྕི་བ་དག་ཕྱིར་དབྱུང་བར་བརྩམས་སོ། །ཆབ་སྒོ་བདག་གིས་སྨྲས་པ། དཔྱིད་ལྡན་འདི་ཅི་ཡིན། དེས་སྨྲས་པ། ཤེས་</font><hr>Da3b<br><font size=+2>


ལྡན་དག་རྒྱལ་པོའི་བཤོས་སུ་བྱས་ཏེ། འདི་དག་དེར་ལ་དུར་འགྱུར་རོ། །ཞེས་བྱས་པ་དང ། དེ་དག་གིས་བགད་ནས་འདི་ནི་སྨྱོན་པའོ། །སྙམ་ནས་ཆང་མི་སྨྲ་བར་འདུག་གོ་།དེས་ཀྱང་དེ་དག་ཁྱེར་ཏེ། ཀོའུ་ཤམྦྷིའི་ལམ་གྱི་བར་བར་དུ་ཤིང་གི་ཡལ་ག་ལ་དཔྱངས་སོ། །ཡང་གླང་པོ་ཆེའི་གཅིན་དག་གིས་བུམ་པ་བཀང་སྟེ་བཀུར་བར་བརྩམས་པ་དང ། སྒོ་བ་དག་གིས་དེ་བཞིན་དུ་དྲིས་པ་དང ། དེས་སྨྲས་པ། ཤེས་ལྡན་དག་རྒྱལ་པོ་བཤོས་སུ་བྱས་ཏེ་འདི་ནི་དེར་སྐྱེམས་སུ་འགྱུར་རོ་ཞེས་བྱས་པ་དང ། དེ་དག་དེ་བཞིན་དུ་འདི་ནི་སྨྱོན་པ་ཡིན་ནོ། །སྙམ་ནས་བགོད་དེ་འཁོད་དོ། །དེས་ཀྱང་དེ་ཁྱེར་ཏེ་ཀོའུ་ཤམྦྷིའི་ལམ་གྱི་བར་དུ་ཤིང་གི་ཡལ་ག་ལ་དཔྱངས་སོ། །རྒྱལ་པོ་ཤར་པ་དང ། སྦྱོར་བ་འཆང་དང ། གསེར་ཕྲེང་ཅན་གྱིས་ཉི་མ་ཆེ་གེ་མོ་ཞིག་ལ། ཕྱོགས་ཆེ་གེ་མོ་ཞིག་ཏུ་ཐམས་ཅད་འདུ་བར་བྱའོ། །ཞེས་དུས་བཏབ་ནས། རྒྱལ་པོ་ཤར་པའི་བུ་དང ། ནོར་ལྷས་བྱིན་གླང་པོ་ཆེ་མོ་བཟང་ལྡན་ལ་ཞོན་ནས་ཕྱོགས་དེར་སོང་སྟེ། སྦྱོར་བ་འཆང་དང ། གསེར་ཕྲེང་ཅན་ཡང་དེ་ཉིད་ལ་ཞོན་ཏེ། དེ་རྣམས་པི་ཝང་སྙན་པ་ལེན་ཞིང་དོང་བ་ན། རྒྱལ་པོ་ཤར་པའི་བུས་པི་ཝང་སྙན་པ་བླངས་པ་དང ། སྦྱོར་བ་འཆང་དགའ་བ་སྐྱེས་ཏེ་གླུ་བླངས་པ། བཟང་ལྡན་མ་དང་དབྱངས་སྙན་དང ། །ནོར་ལྷས་བྱིན་དང་ཤར་པ་དང ། །གསེར་ཕྲེང་ཅན་དང་དཔྱིད་ལྡན་དང ། །འདི་དག་དོན་མཐུན་འདོང་བ་ཡིན། །དུས་གང་དུ་དེ་དག་སླར་འོང་བའི་དུས་དེ་ཡང་མྱུར་དུ་ཐལ། </font><hr>Da4a<br><font size=+2>


༄#། །དུས་ཐ་མ་གང་ཡིན་པ་དེ་ཡང་ཐལ་ནས། རྒྱལ་པོ་གཏུམ་པོ་རབ་སྣང་གིས་གསོས་པ་ལ་སྨྲས་པ། གསོས་པ་ནོར་ལྷས་བྱིན་དང་ཐོགས་ན་འདི་ཅི་ལས་གྱུར། ཅེས་བྱས་པ་དང ། གསོས་པས་བཙལ་བར་བརྩམས་པ་ལས་མ་རྙེད་ནས། དེས་རྒྱལ་པོ་ལ་སྨྲས་པ། རྒྱལ་པོ་ཤར་པའི་བུས་གླང་པོ་ཆེ་མོ་བཟང་ལྡན་ལ་འཚལ་ཏེ། ནོར་ལྷས་བྱིན་ཁྲིད་ནས་བྲོས་ལགས་སོ། །རྒྱལ་པོས་སྡངས་ནས་སྨྲས་པ། གསོས་པ་མྱུར་དུ་སོང་ལ། གླང་པོ་ཆེ་འདམ་བུའི་རི་ལ་ཞོན་ཏེ་ཤར་པ་དང ། ནོར་ལྷས་བྱིན་ཁྲིད་དེ་ཤོག་ཅིག་།དེ་རིངས་པ་རིངས་པར་གླང་པོ་ཆེ་འདམ་བུའི་རི་ལ་ཞོན་ནས་བསྙགས་སོ། །དེས་བསྙགས་ཏེ་སླེབས་ལ་ཐུག་ནས་སྦྱོར་བ་འཆང་གིས་གླང་པོ་ཆེའི་ལྕི་བའི་ཐུམ་པོ་བཤིག་པ་དང ། འདམ་བུའི་རིས་དེ་བསྣམ་པར་བརྩམས་སོ། །ཇི་སྲིད་སྣོམ་པ་དེའི་བར་དུ་གླང་པོ་ཆེ་མོ་བཟང་ལྡན་གྱིས་དཔག་ཚད་བཅུ་འདས་སོ། །ཡང་འདམ་བུའི་རིས་སླེབས་ལ་ཐུག་ནས་སྦྱོར་བ་འཆང་གིས་གཅིན་གྱི་བུམ་པ་བཅག་པ་དང ། འདམ་བུའི་རིས་དེ་བསྣམ་པར་བརྩམས་སོ། །ཇི་སྲིད་སྣོམ་པ་དེའི་བར་དུ་གླང་པོ་ཆེ་མོ་བཟང་ལྡན་གྱིས་དཔག་ཚད་གཞན་བཅུ་འདས་ཏེ། གཞན་གྱི་ཡུལ་དུ་ཕྱིན་པར་གྱུར་པ་དང ། གསོས་པས་བསམས་པ། འདི་ནི་གཞན་གྱི་ཡུལ་ཡིན་པས། གླང་པོ་ཆེ་འདམ་བུའི་རི་ཡང་ཤོར་དུ་འོང་གི་།ལྡོག་གོ། སྙམ་ནས་དེ་རེ་ཐག་ཆད་དེ་སླར་ལོག་གོ་།རྒྱལ་པོ་</font><hr>Da4b<br><font size=+2>


གཏུམ་པོ་རབ་སྣང་གིས་སྨྲས་པ། གསོས་པ་ཅི་གྲག་།དེས་སྨྲས་པ། ལྷ། ཅི་ཞིག་གདའ། བྲོས་ལགས་མོད་ཅེས་བྱས་པ་དང ། རྒྱལ་པོ་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུང་ཅིང་འདུག་གོ་།རྒྱལ་པོ་ཤར་པའི་བུ་ཡང་སྲོག་སྟོར་བ་ལས་སླར་རྙེད་དེ་ཀོའུ་ཤམྦྷིར་འོངས་ནས། དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་དང ། མཛའ་བོ་དང ། ཕུ་ནུ་དང ། གཉེན་རྣམས་ལ་སྤྱིན་བདག་བྱིན་ཞིང ། དགའ་སྟོན་ཆེན་པོ་བྱས་ནས། ནོར་ལྷས་བྱིན་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དུས་གཞན་ཞིག་ན་ཁང་བཟང་གི་ཐོག་ཏུ་བྱུང་ནས། ནོར་ལྷས་བྱིན་དང་ལྷན་ཅིག་ཏུ་བྲེ་མོ་གཏམ་དག་ཟེར་ཞིང་འཁོད་པ་ལས་སྨྲས་པ། ལྷ་མོ་ཁྱོད་ཀྱང་ངས་དེ་ལྟར་སྒྱུར་ཕྲོགས་པ་ཡིན་ནོ། །དེས་སྨྲས་པ།་ལྷ་ཁྱོད་ཀྱང་དེ་བཞིན་དུ་བདག་གིས་ཕས་ཐབས་ཀྱིས་བཟུང་སྟེ་བཞག་པ་ལགས་སོ། །དེས་སྨྲས་པ། ལྷ་མོ་ཇི་སྟེ་ཁྱོད་ཀྱི་ཕ་འདིར་བཀུག་སྟེ་ཐ་ག་པའི་ལས་སློབ་ཏུ་མ་བཅུག་ན་ང་རྒྱལ་པོ་ཤར་པའི་བུ་མ་ཡིན་དུ་ཟད། ཅེས་བྱས་བ་དང ། དེ་ཁྲོས་བཞིན་དུ་ཅང་མི་སྨྲ་བར་འདུག་གོ་།རྒྱལ་པོ་ཤར་པས་སྦྱོར་བ་འཆང་ལ་སྨྲས་པ། ངའི་མི་དགའ་བ་ཁྱོད་ཀྱིས་བསལ་བར་ནུས་སམ། ལྷ། ཅི་ཞིག་བགྱི། རྒྱལ་པོ་གཏུམ་པོ་རབ་སྣང་མགུལ་པ་ནས་ཐོགས་ཏེ་འདིར་ཁུག་ལ། ཐ་ག་པའི་ལས་སློབ་ཏུ་ཆུག་ཅིག་།དེས་སྨྲས་པ། ལྷ་གང་གི་ཚེ་ཁྱོད་ཀྱིས་ནོར་ལྷས་བྱིན་དང ། གླང་</font><hr>Da5a<br><font size=+2>


༄#། །པོ་ཆེ་མོ་བཟང་ལྡན་ཕྲོགས་པའི་ཚེ་དོན་གྱིས་ན་ཁྱོད་ཀྱི་མི་དགྱེས་པ་བསལ་ལགས་མོད་ཀྱི། འོན་ཀྱང་གལ་ཏེ་རྔོ་ཐོག་ཀྱང་གདས་བསམས་ཏེ་བགྱིའོ། །ཞེས་བྱས་ཏེ། དེས་འཕགས་རྒྱལ་དུ་འགྲོ་བའི་ཟོང་དག་སྟ་གོན་བྱས་ནས། དེད་དཔོན་སྤྲོ་བ་བསྐྱེད་དེ། སྨད་འཚོང་མ་གཟུགས་དང་ན་ཚོད་དང་ལྡན་པ་རྒྱན་སྣ་ཚོགས་ཀྱིས་བརྒྱན་པ་ཞིག་ཀྱང་དེད་དཔོན་གྱི་ཆུང་མར་བྱས་ནས། དེ་རིམ་གྱིས་གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་རྣམས་སུ་ཚོང་དུས་དག་ལྟ་ཞིང་འཕགས་རྒྱལ་དུ་ཕྱིན་ཏོ། །རྒྱལ་པོ་གཏུམ་པོ་རབ་སྣང་གིས་ནོར་མང་པོ་དང་ལྡན་པའི་དེད་དཔོན་ཞིག་འོངས་སོ། །ཞེས་ཐོས་སོ། །དེས་ཐོས་ནས་ཀྱང་བདག་ཉིད་ནོར་རྩིར་སོང་སྟེ། དེས་མགྲོན་པ་དེ་དག་ལ་དྲིས་པ། ཤེས་ལྡན་དག། དེད་དཔོན་གྱི་ཁྱིམ་གང་ཡིན། དེ་དག་གིས། དེད་དཔོན་གྱི་ཁྱིམ་ནི་འདི་ཡིན་ནོ་ཞེས་བྱས་པ་དང ། རྒྱལ་པོ་དེར་སོང་སྟེ་སྒོར་འདུག་ནས། དེད་དཔོན་གང་ན་འདུག་ཅེས་དྲིས་པ་དང ། དེ་རྣམས་ཀྱིས་སྨྲས་པ། སྒོར་བྱུང་སྟེ་སོང་ངོ ། དེ་སྨྲས་པ། འདི་ན་སུ་འདུག་།དེ་རྣམས་ཀྱིས་སྨྲས་པ། དེད་དཔོན་གྱིས་ཅུང་མ་མཆིས་སོ། །དེས་སྒོ་གཏན་ཕྱེ་སྟེ་ནང་དུ་ཞུགས་པ་དང ། ཇི་ཙམ་ན་དེད་དཔོན་གྱི་ཆུང་མ་གཟུགས་དང་ན་ཚོད་བཟང་བས་འཕགས་རྒྱལ་ན་གནས་པའི་བུད་མེད་ཐམས་ཅད་ཟིལ་གྱིས་གནོན་པ་ཞིག་མཐོང་ངོ ། །དེས་དེ་མཐོང་ནས་</font><hr>Da5b<br><font size=+2>


ཀྱང་རབ་ཏུ་ཆགས་པར་གྱུར་ཏེ་སྨྲས་པ། བཟང་མོ་དང་ལྷན་ཅིག་དགའ་མགུར་སྤྱོད་ན། དེད་དཔོན་གྱི་ཤོ་གམ་གཏོང་ངོ ། །དེས་སྨྲས་པ། གལ་ཏེ་དེ་ལྟ་ན། མལ་འདིར་འདུག་ཅིག་ཅེས་བྱས་པ་དང ། འདོད་ཆགས་ཀྱིས་ལོང་བར་གྱུར་པས་ནི་མི་བྱ་བ་ཅི་ཡང་མེད་པའི་ཕྱིར། དེ་དེར་འདུག་པ་དང ། རྒྱལ་པོའི་མི་རྣམས་ཀྱིས་སྒོ་བཅད་དེ། ཁྱོགས་སུ་བཅུག་ནས་མི་བཞིས་བཏེག་སྟེ། གླུ་ལེན་ཅིང་སྒོ་གཅིག་ནས་འཕགས་རྒྱལ་དུ་ཞུགས་སོ། །དེ་ན་ཁ་ཅིག་ནི་ཐལ་མོ་རྡོབ། ཁ་ཅིག་རྒོད། ཁ་ཅིག་ནི་འདི་སྐད་དུ་གླུ་ལེན་ཏེ། སྦྲང་མ་དག་གིས་ཟླ་བ་ཟོས། །རྣམ་ཐོས་བུ་ནི་གཉེར་བས་དེད། །ས་གཞི་ནགས་བཅས་མཁའ་ལ་འཕགས། །སྨད་འཚོང་མས་ནི་རབ་སྣང་ཁྲིད། །ཅེས་བྱས་པ་དང ། འཕགས་རྒྱལ་ན་གནས་པ་རྣམས་ཀྱིས་བསམས་པ། ཅིའི་ཕྱིར་ཚོང་པ་འདི་དག་དེ་སྐད་ཅེས་ཟེར་སྙམ་པ་ལས། དེ་རྣམས་སྒོ་གཞན་དུ་བྱུང་སྟེ། སྨྱགས་བཅད་དེ་བྲོས་ཏེ་སོང་ངོ ། །གསོས་པ་ཡང་ཕན་ཚུན་དུ་རྒྱལ་པོ་ཚོལ་ཤིང ། དེ་རིམ་གྱིས་ཀོའུ་ཤམྦྷིར་སོང་ངོ ། །བློན་པོ་དག་གིས་རྒྱལ་པོ་ཤར་པ་ལ་སྨྲས་པ། ལྷ་དགྱེས་པར་མཛད་དུ་གསོལ། རྒྱལ་པོ་གཏུམ་པོ་རབ་སྣང་ནི་འདིར་ཁུགས་ལགས་སོ། །ཞེས་བྱས་པ་དང ། རྒྱལ་པོ་ཤར་པ་སྨྲས་པ། ཤེས་ལྡན་དག་དེང་ལ་དེ་ཐོགས་ཏེ་ཐ་ག་པའི་ལས་སློབ་ཏུ་ཆུག་ཅིག་།རྒྱལ་པོ་རབ་སྣང་འདིར་འོངས་པར་ནོར་ལྷས་བྱིན་ལ་སུ་ཡང་མ་ཟེར་ཅིག་པར་ཁྲིམས་སུ་ཡང་</font><hr>Da6a<br><font size=+2>


༄#། །ཆོས་ཤིག་།ཅེས་བསྒོའོ། །ཇི་ཙམ་དུས་གཞན་ཞིག་ན་རྒྱལ་པོ་ཤར་བའི་བུ་ནོར་ལྷས་བྱིན་དང་ལྷན་ཅིག་ཏུ་ཁང་བཟང་གི་སྟེང་དུ་བྱུང་སྟེ་འདུག་པ་ན། རྒྱལ་པོ་གཏུམ་པོ་རབ་སྣང་ཐགས་ཀྱི་གྲ་ཁང་ནས་བྱ་བ་ཞིག་གི་ཕྱིར་སྒོར་བྱུང་བ་དང ། རྒྱལ་པོ་ཤར་པས་དེ་མཐོང་ནས། དེས་ནོར་ལྷས་བྱིན་ལ་སྨྲས་པ། མིའོ་ནི་སུ་ཡིན། ཁྱོད་ཀྱིས་ཤེས་སམ། དེས་ཀྱང་རིང་ཞིག་ཏུ་བརྟགས་པ་དང ། རྒྱལ་པོ་དེ་སྤྱི་ཅེར་ཞིག་ཡིན་པས་ངོ་ཤེས་ནས། དེ་མཆི་མས་བརྣངས་བཞིན་དུ་འདུག་སྟེ་དེས་བསམས་པ། རྒྱལ་པོ་ངན་པ་འདིས་ངའི་ཕ་འདི་འདྲ་བའི་གནས་སྐབས་སུ་བྱས་ཀྱི། གལ་ཏེ་རྒྱལ་པོ་ངན་པ་འདི་མ་བསད་ན། ནོར་ལྷས་བྱིན་མ་ཡིན་དུ་ཟད། ཇི་ལྟར་བསད་པ་ཡང་བདག་ཉིད་ཀྱིས་མི་ཚོར་བ་དེ་ལྟར་གསད་དོ་སྙམ་མོ། ། རྒྱལ་པོ་དེ་ཡང་ཡིད་རྣོ་བ་ཞིག་པས་དེ་ཁྲོས་པར་ཤེས་ནས། དེས་སྦྱོར་བ་འཆང་ལ་བསྒོ་བ། སྦྱོར་བ་འཆང་དགྲ་ལ་ཤ་ལོན་ཟིན་གྱི། སོང་ལ། རྒྱལ་པོ་གཏུམ་པོ་རབ་སྣང་ཁྲོལ་ཏེ་ཁྲུས་གྱིས་ཟན་བྱིན་ལ། བཀུར་སྟི་ཆེན་པོས་འཕགས་རྒྱལ་དུ་སྐྱོལ་ཅིག་།ཅེས་བསྒོ་བ་དང ། དེས་ཀྱང་ཇི་ལྟར་བསྒོ་བ་བཞིན་དུ་འཕགས་རྒྱལ་དུ་བསྐྱལ་ཏོ། །ནོར་ལྷས་བྱིན་གྱིས་བསམས་པ། གལ་ཏེ་བདག་གིས་འདི་ང་ཉིད་གསད་པའི་ཐབས་བརྩམས་ན། གཡོན་ཅན་འདིས་འཕྲིགས་པར་འོངས་པས། དུས་ཅུང་ཟད་ཅིག་གི་བར་དུ་བྲིད་དོ། །སྙམ་ནས། དེས་དེ་ལ་རེ་ཞིག་</font><hr>Da6b<br><font size=+2>


ཅུང་ཟད་ཅིག་བགད་པ་དང ། དགའ་བ་དང ། རྩེ་བ་དང ། དགའ་མགུར་སྤྱད་པ་དག་གིས་བྲིད་དོ། །དེ་ནས་དེ་གོས་དྲི་མ་ཅན་གྱོན་ཏེ། ཁྲིའུ་དྲ་བ་ཅན་ལ་ཉལ་ཞིང་འདུག་པ་དང ། རྒྱལ་པོ་ཤར་པའི་བུས་སྨྲས་པ། ལྷ་མོ་འདི་ཅིའི་ཐ་ཚིག་།དེས་སྨྲས་པ། ལྷ། ལྷ་རྣམས་འཁྲུགས་ལགས་སོ། །དེས་སྨྲས་པ། ལྷ་མོ་མི་བདོག་གམ་ཅི། ཇི་ལྟར་དམ་བཅས་པ་བཞིན་གྱིས་ཤིག་དེས་སྨྲས་པ། ལྷ། གང་བདག་གིས་དམ་བཅས་པ་དེ་མི་འགྲུབ་ལགས་མོད། རྒྱལ་པོས་སྨྲས་པ། ཁྱོད་ཀྱི་དམ་ཅི་བཅས། གང་གིས་ན་ཁྱོད་མི་དགའ་བར་གྱུར་པ་སྨྲོས་ཤིག་དང ། ཐམས་ཅད་ཡོངས་སུ་རྫོགས་པར་བྱའི། ཁྱོད་མི་དགའ་བར་མ་བྱེད་ཅིག་།དེས་སྨྲས་པ། གང་གི་ཚེ་བདག་གི་ཕས་ལྷ་བཟུང་སྟེ་བཞག་པ་དེའི་ཚེ། བདག་གིས་ལྷ་ལ་འདི་སྐད་དུ་ཇི་སྟེ་ལྷ་དང་བདག་ལྷན་ཅིག་བདེ་ལེགས་སུ་ཀོའུ་ཤམྦྷིར་ཕྱིན་ནས། དེར་ལྷ་དང་བདག་ལྷན་ཅིག་ཉིན་ཞག་བདུན་གྱི་བར་དུ་ཟས་མི་ཟ་ཞིང ། ཞག་བདུན་འདས་ནས་ལྷ་ནི་མེ་ཏོག་གི་ཕྲེང་བས་རྐང་པའི་རྩེ་མོ་ནས་སྤྱི་བོའི་བར་དུ་དཀྲིས་ཏེ། ར་བའི་ཁར་འདུག་པར་བྱའོ། །བདག་ནི་དཀའ་ཐུབ་རྫོགས་ནས་བྲམ་ཟེ་སྟོང་ལ་ཟན་བྱིན་ལ། མཆོད་པ་དང་བཀུར་སྟི་ཆེར་བྱའོ། །ཞེས་དམ་བཅས་ན། ད་ལྷ་བཙུན་མོའི་འཁོར་རྒྱ་ཆེ་བར་གྱུར་པས། ཅིའི་སླད་དུ་འདི་ལྟ་བུ་མཛད་པར་འགྱུར་སྙམ་དུ་བདག་དེ་སེམས་ཤིང་མཆིས་ཏེ། མདོར་ན་འགུམ་ལགས་སུ་བས་སོ། །རྒྱལ་པོས་སྨྲས་པ། ལྷ་མོ་ཁྱོད་</font><hr>Da7a<br><font size=+2>


༄#། །ཀྱིས་ལྷ་ལ་གསོལ་བ་བཏབ་པ་ཡང ། དོན་གྱིས་ན་ངའི་ཆེད་ཁོ་ན་ཡིན་པས། ལོངས་ཤིག་དང ། ཐམས་ཅད་བསྒྲུབ་པར་བྱའོ། །ཞེས་བྱས་པ་དང ། དེ་ལངས་ཏེ་དེས་ཁྱི་གུ་གཉིས་ཤིག་ར་བའི་དྲུང་དུ་བཏགས་ཏེ་བཞག་ནས། དེ་ཇི་ཙམ་མི་ཙམ་གྱི་ཤ་ཟ་ནུས་པ་དེ་ཙམ་དུ་ཤ་གོང་ནས་གོང་དུ་བསྐྱེད་དེ་བྱིན་ནོ། །གང་གི་ཚེ་ཁྱི་གུ་དེ་གཉིས་ཤ་དེ་ཙམ་ཟ་ནུས་པ་དེའི་ཚེ་རྒྱལ་པོ་དང་ལྷན་ཅིག་ཉིན་ཞག་བདུན་གྱི་བར་དུ་འདུག་ཅིང་དེ་ནི་མཚན་མོ་ཟ། རྒྱལ་པོ་ཤར་པ་ནི་ཆུང་མ་དེ་ལ་ཆགས་པས་ཉིན་ཞག་བདུན་གྱི་བར་དུ་མ་ཟོས་པས་དེ་ལུས་སྐྱ་བོ་བསེང་བསེང་པོར་གྱུར་ཅིང ། ཤ་བྲི་ངན་པ་དང ། ཉམ་ཆུང་བ་དང ། རྨྱ་བར་གྱུར་ཏོ། །ཞག་བདུན་ལོན་པ་དང ། ནོར་ལྷས་བྱིན་གྱིས་མེ་ཏོག་ཕྲེང་རྒྱུད་མཁན་རྣམས་ལ་ཡང ། རྒྱུས་པ་དག་གིས་མེ་ཏོག་དྲི་ཞིམ་པོ་དག་བརྒྱུས་ལ་མྱུར་དུ་ཁྱེར་ལ་ཤོག་ཅིག་ཅེས་བསྒོའོ། །སྦྱོར་བ་འཆང་ལ་ཡང་དེང་དུ་ལྷའི་དཀའ་ཐུབ་རྫོགས་ཀྱི། ཁྱོད་ཀྱིས་གྲོང་ཁྱེར་མཛེས་པར་གྱིས་ལ། བྲམ་ཟེ་སྟོང་དང ། རྒྱལ་པོ་བཙུན་མོའི་འཁོར་དང ། གཞོན་ནུ་དང ། བློན་པོ་དང ། གྲོང་ཁྱེར་གྱི་སྐྱེ་བོའི་ཚོགས་དང་བཅས་པའི་ཟན་སྦྱོར་ཅིག་།ཅེས་བསྒོའོ། །བློན་པོ་གཞན་དག་ནི་མི་ཚོར་བར་བྱ་བའི་ཕྱིར་གནས་གཞན་དང་གཞན་དག་ཏུ་ལས་སུ་བསྐོས་སོ། །སྦྱོར་བ་འཆང་ཡང་རྒྱལ་པོ་ལ་སྙིང་ཉེ་ཞིང་རྗེས་སུ་ཆགས་པས། གྲོང་ཁྱེར་དེ་རྡོ་དང ། གསེག་མ་དང ། གྱོ་མོ་ནི་མེད་པར་</font><hr>Da7b<br><font size=+2>


བྱས། ཙན་དན་གྱི་ཆུས་ནི་ཆག་ཆག་བཏབ། བདུག་པ་དྲི་ཞིམ་པོའི་པོག་ཕོར་ནི་བཞག་།རྒྱལ་མཚན་དང ། བ་དན་ནི་བསྒྲེང ། མུ་ཏིག་དང ། དར་གྱི་ཆུན་པོ་དང ། ལྔ་ལྡི་ནི་དབྱངས། མེ་ཏོག་རྣམ་པ་སྣ་ཚོགས་ནི་བཀྲམ་སྟེ། ལྷ་རྣམས་ཀྱི་སྐྱེད་མོས་ཚལ་དགའ་བའི་ཚལ་བཞིན་དུ་དགའ་དགའ་ལྟར་བྱས་ནས། གནས་དང་གནས་རྣམས་སུ་རོལ་མོའི་སྒྲ་སྣ་ཚོགས་ནི་བསྒྲགས། གར་མཁན་དང ། སྙན་དངགས་མཁན་དང ། འཇོ་ཚར་ཅན་གྱི་བྲོ་མཁན་རྣམས་ཀྱིས་ནི་བྲོ་གར་བྱ་བར་བརྩམས་སོ། །ཅ་ཅོ་ཆེན་པོ་བྱུང་བ་དེའི་ཚེ་ནོར་ལྷས་བྱིན་གྱིས་རྒྱལ་པོ་ཤར་པའི་བུ་ར་བའི་ཁར་རྐང་པའི་རྩེ་མོ་ནས་སྤྱི་བོའི་བར་དུ་མེ་ཏོག་གིས་དཀྲིས་ནས་བསྙལ་ལོ། །དེ་ནས་ར་བའི་ཁ་ནས་ཕུལ་ནས་ལྟུང་མ་ཐག་ཏུ་གསོན་པོར་ཁྱི་དག་གིས་རུས་གོང་འབའ་ཞིག་ལུས་པར་བྱས་ཏེ། བྱ་རོག་དང ། བྱ་རྒོད་དང ། ཝ་དང ། མི་རོ་ལ་ཟ་བའི་སྲོག་ཆགས་གཞན་དག་ཀྱང་འཐབ་པར་གྱུར་ཏོ། །ཀོའུ་ཤིམྦྷིའི་ལྷ་ར་བའི་ཁ་ནས་གྲོང་ཁྱེར་མཛེས་པ་ལྟ་བ་ལས་ལྷུང་སྟེ། ཁྱི་དག་གིས་ཟོས་སོ། །ཞེས་ཀུ་ཅོའི་སྒྲ་ཆེར་གྱུར་པ་དང ། དེ་ནི་ཁ་ཅིག་ནི་ངུ ། ཁ་ཅིག་ནི་དགའ། ཁ་ཅིག་ནི་ཐ་མལ་པར་འདུག་།ཁ་ཅིག་ནི་འཕྲོག་རློམ་བྱེད་པར་གྱུར་ཏོ། །ཀུ་ཅོ་ཆེན་པོ་བྱུང་བ་དེའི་ཚེ་ཀོའུ་ཤམྦྷི་ན་གནས་པའི་དགེ་སློང་དག་སོ་སོར་བྲོས་ནས། ཁ་ཅིག་ནི་མཉན་ཡོད་དུ་སོང་ངོ ། །ཁ་ཅིག་ནི་གནས་གཞན་དང་གཞན་དུ་སོང་ངོ ། །སྐབས་དེར་སྦྱོར་བ་འཆང་དང ། བློན་པོ་གཞན་རྣམས་དང ། ཀོའུ་ཤམྦྷི་ན་གནས་པའི་མིའི་གཙོ་བོ་དང ། </font><hr>Da8a<br><font size=+2>


༄#། །བྲམ་ཟེ་དང ། ཁྱིམ་བདག་རྣམས་ཀྱིས་ཀུ་ཅོ་ཞི་བར་བྱས་ཏེ། དེ་ནས་སྦྱོར་བ་འཆང་གིས་ཇི་ལྟར་རྒྱལ་པོ་ར་བའི་ཁར་སོང་ངོ ། །ཇི་ལྟར་ར་བའི་དྲུང་ན་ཁྱི་འདུག་པར་གྱུར་ཅེས་ཀུན་ཏུ་བརྟག་པར་བརྩམས་སོ། །དེས་དེ་ལྟར་བརྟག་པ་དང ། ནོར་ལྷས་བྱིན་གྱིས་ཇི་ལྟར་ཐབས་ཀྱིས་བསད་པ་བརྩད་ཆོད་དེ། དེ་ཁྲོས་ནས་ནོར་ལྷས་བྱིན་རྒྱ་སྐྱེགས་ཀྱི་ཁང་པར་བཅུག་སྟེ་བསྲེགས་སོ། །དགེ་སློང་དག་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པར་མཛད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་རྒྱལ་པོ་ཤར་པའི་བུས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས། ཁྱི་དག་གིས་འཚལ་ཏེ་དུས་ལས་འདས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དང ། རྒྱལ་པོ་ཤར་པའི་བུ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་ཏེ། དགེ་སློང་དག། རྒྱལ་པོ་ཤར་པའི་བུས་ལས་བྱས་ཤིང་བསགས་པ་དག་གཞན་སུས་སོ་སོར་ཉམས་སུ་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་རྣམས་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་དགེ་བ་དང་མི་དགེ་བའི་ལས་བྱས་པ་དག་ནི་ཟིན་པའི་ཕུང་</font><hr>Da8b<br><font size=+2>


པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་།སྔོན་འབྱུང་བ་རི་བོར་ཞིག་ན། བྲམ་ཟེ་མདུན་ན་འདོན་ཞིག་འདུག་གོ་།སངས་རྒྱས་འབྱུང་བ་མེད་པ་ན། རང་སངས་རྒྱས་ཕོངས་པ་དང ། དམན་པ་ལ་ཐུགས་བརྩེ་བས་བས་མཐའི་གནས་མལ་དག་ལ་དགའ་བ། སྦྱིན་གནས་གཅིག་པུར་གྱུར་པ་དག་འཇིག་རྟེན་དུ་འབྱུང་བས། རང་སངས་རྒྱས་ཤིག་ལྗོངས་རྒྱུ་བ་རྒྱུ་ཞིང་རི་བོར་དེར་ཕྱིན་པ་དང ། ཕྱོགས་ཤིག་ཏུ་ནུབ་མོ་གནས་སོ། །དེ་ཕྱི་དེ་ཉིན་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ནས་རི་བོར་གྱི་གྲོང་ཁྱེར་དེར་བསོད་སྙོམས་ལ་ཞུགས་པ་དང ། མདུན་ན་འདོན་དེ་ཡང་ཁྱི་ཁྲིད་ནས་ཕྱིར་བྱུང་སྟེ། དེས་རང་སངས་རྒྱས་བདག་ཉིད་ཆེན་པོ་ཉེས་པ་མེད་ཅིང་གནོད་པ་མི་བྱེད་པ་དེ་ལ་ཁྱི་སྦད་དོ། །དགེ་སློང་དག་།ཇི་སྙམ་དུ་སེམས། མདུན་ན་འདོན་གང་ཡིན་པ་དེ་ནི་རྒྱལ་པོ་ཤར་པའི་བུ་འདི་ཡིན་ཏེ། འདིས་ནི་དེའི་ཚེ་དེའི་དུས་ན་རང་སངས་རྒྱས་ཉེས་པ་མེད་ཅིང་གནོད་པ་མི་བྱེད་པ་ལ་ཁྱི་སྦད་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ཚེ་རབས་ལྔ་བརྒྱར་ཁྱིས་ཟོས་ནས་དུས་ལས་འདས་ཏེ། ད་ལྟར་གྱི་བར་དུ་ཡང་ཁྱིས་ཟོས་ཏེ་དུས་ལས་འདས་པར་གྱུར་ཏོ། །དགེ་སློང་དག་།དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་</font><hr>Da9a<br><font size=+2>


༄#། །ཡང་གཅིག་ཏུ་གནག་།གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར། འདྲེན་མ་རྣམས་ཀྱིས་ཡན་འདྲེན་མ་སྟེ། དགེ་སློང་དག་།དེ་ལྟ་བས་ན་ལས་གཅིག་ཏུ་གནག་པ་དང ། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་དག་ཁོ་ན་ལ་བརྩལ་བར་བྱ་སྟེ། དགེ་སློང་དག། ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ། །རྒྱལ་པོ་ཤར་བའི་བུ་དུས་ལས་འདས་ནས། རྒྱལ་པོ་གཏུམ་པོ་རབ་སྣང་འགྲན་ཟླ་མེད་པར་རྒྱལ་པོ་བྱེད་པར་གྱུར་ཏོ། །དེ་དུས་གཞན་ཞིག་ན་ཁང་བཟང་གི་སྟེང་དུ་བྱུང་ནས། བློན་པོའི་ཚོགས་ཀྱིས་བསྐོར་ཏེ། གཏམ་བཟང་པོ་མ་ཡིན་པ་དག་ཟེར་ཞིང་འཁོད་དོ། །ཤེས་ལྡན་དག་།གྲོང་དང་གྲོང་ཁྱེར་དང ། གནས་གང་ན་སྨད་འཚོང་མ་བཟང་མོ་ཡོད། བློན་པོ་རྣམས་ཀྱིས་སྨྲས་པ། ལྷ་རྡོ་འཇོག་ན་སྨད་འཚོང་མ་བཟང་མོ་ཞེས་བགྱི་བ་གཟུགས་དང་ན་ཚོད་དང་ལྡན་པ། རྒྱུ་རྩལ་དྲུག་ཅུ་རྩ་བཞི་ལ་མཁས་པ་ཞིག་མཆིས་ཏེ། དེ་མཐོང་མ་ཐག་ཏུ་ཆགས་པར་མི་འགྱུར་བའི་མི་གང་ལགས་པ་དེ་ནི་སའི་སྟེང་ན་འགའ་ཡང་མ་མཆིས་སོ། ། རྒྱལ་པོ་གཏུམ་པོ་རབ་སྣང་གིས་དེའི་གཟུགས་དང་ན་ཚོད་དང་ལྡན་པ་ཐོས་ནས། ཐོས་མ་ཐག་ཏུ་ཆགས་པར་གྱུར་ཏེ་སྨྲས་པ། གསོས་པ་ཅི་བྱས་ཀྱང་མི་ཕན། དེ་ལྟ་བུའི་བུད་མེད་ལ་</font><hr>Da9b<br><font size=+2>


དགའ་མགུར་སྤྱད་དགོས་པས། རྡོ་འཇོག་ཏུ་སོང་སྟེ། དེ་དང་ལྷན་ཅིག་དགའ་མགུར་སྤྱད་པར་བྱའོ། །དེས་སྨྲས་པ། ལྷ་རྒྱལ་པོ་པདྨའི་སྙིང་པོ་ཅན་ནི་ཡུན་རིང་པོ་ནས་ཁྱོད་ཀྱི་གཤེད་མར་གྱུར་པ། ཕྱིར་རྒོལ་བར་གྱུར་པ། མི་མཛའ་བར་གྱུར་པ་ལགས་ལ། དེ་ནི་རྟག་ཏུ་རྡོ་འཇོག་ན་མཆིས་ལགས་པས། ཇི་སྟེ་རྡོ་འཇོག་ཏུ་གཤེགས་ན་གདོན་མི་འཚལ་བར་དེས་ལྷ་བརླག་པར་བགྱིད་ལགས་སོ། ། དེས་སྨྲས་པ། མི་རྣམས་ཀྱི་ནང་ན་མི་གཟུ་ལུམས་ཅན་དག་ལྟ་ཡོད་མོད་ཀྱི། འོན་ཀྱང་ཁྱོད་ནི་འདི་ན་འདུག་ཅིག་།ང་ནི་འགྲོའོ། །དེས་སྨྲས་པ། ཇི་སྟེ་ལྷ་དེ་ལྟ་བུར་དགྱེས་ན། ལྷ་ཉིད་མཁྱེན་མོད་ཀྱི།་འོན་ཀྱང་བག་མཛད་པའི་རིགས་སོ། །རྒྱལ་པོ་རབ་སྣང་བུད་མེད་ལ་བརྐམ་ཆགས་ཅན་ཡིན་པས། དེས་དེའི་ཚིག་མ་མཉན་ནས། གླང་པོ་ཆེའི་གཙོ་བོ་འདམ་བུའི་རི་ལ་ཞོན་ཏེ་རྡོ་འཇོག་ཏུ་སོང་ངོ ། །དེ་རིམ་གྱིས་སོང་ནས། གཏུན་ཤིང་རི་ལ་ཕྱིན་པ་དང ། དེས་དེར་གླང་པོ་ཆེའི་གཙོ་བོ་འདམ་བུ་རི་བཞག་ནས་རྡོ་འཇོག་ཏུ་སོང་ངོ ། །དེ་ནས་མུ་ཏིག་གི་དོ་ཤལ་སྲང་བརྒྱ་སྟོང་རི་བ་མགུལ་ནས་བཀྲོལ་ཏེ། བཟང་མོ་གཟུགས་ཀྱིས་འཚོ་བའི་གན་དུ་སོང་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །འཕགས་རྒྱལ་ན་གནས་བའི་བྲམ་ཟེ་དང ། ཁྱིམ་བདག་གང་དག། ཤེས་ལྡན་དག་།རྒྱལ་པོ་མི་སྣང་ན། གར་བཞུད་ཅེས་དཔྱོད་པ་ལ་ཞུགས་པ་དང ། དེ་ན་ཁ་ཅིག་གིས་སྨྲས་པ། དེ་ཅི་མི་ཕལ་བ་ཡིན་ནམ། </font><hr>Da10a<br><font size=+2>


༄#། །དེས་ན་མི་མངོན་མངོན་པར་འགྱུར་དུ་ཟད་ཀྱི། དེ་གར་ཡང་ནི་མ་བཞུད་དོ། །གཞན་དག་གིས་སྨྲས་པ། དེ་ནི་བཙུན་མོའི་འཁོར་རྒྱ་ཆེ་བ་ཡིན་པས། ཅིའི་ཕྱིར་ཕྱི་རོལ་ཏུ་འབྱུང་སྟེ། བཙུན་མོའི་འཁོར་ཉིད་ན་དགའ་བ་དང ། རྩེད་མོ་སོ་སོར་ཉམས་སུ་མྱོང་བར་བྱེད་དོ། །ཁ་ཅིག་གིས་སྨྲས་པ། འདི་ལ་ཐེ་ཚོམ་བྱར་ཅི་ཡོད། ཚུར་ཤེག་།གསོས་པ་ལ་འདྲིར་འདོང་ངོ ། །ཁ་ཅིག་གིས་ལེགས་ཀྱི་དེ་ལྟར་བྱའོ། །ཞེས་སྨྲས་ན། དེ་དག་ཐམས་ཅད་འདུས་ཏེ། གསོས་པའི་དྲུང་དུ་དོང་ནས་སྨྲས་པ། གསོས་པ། ལྷ་མི་སྣང་ན་ག་ཤེད་དུ་མ་བཞུད་གྲང ། དེས་སྨྲས་པ། ཤེས་ལྡན་དག་ཅི་རིངས་མཐོང་བར་འགྱུར་རོ། །དེ་དག་གིས་སྨྲས་པ། གསོས་པ། ཇི་སྲིད་ཅིག་ན་མཐོང་བར་འགྱུར། དེས་སྨྲས་པ། ལོ་བཅུ་གཉིས་ལོན་ནས་སོ། །དེ་དག་ཁྲོས་ནས་སྨྲས་པ། གསོས་པ། གང་གི་ཕྱིར་དེ་སྐད་སྨྲ་བ་ལས་ན་གདོན་མི་ཟ་བར་ཁྱོད་ཀྱིས་ལྷ་བསད་ནས་བདག་ཉིད་རྒྱལ་སྲིད་བྱེད་པར་འདོད་དོ། །དེའི་ཕྱིར་རེ་ཞིག་གལ་ཏེ་ཞག་བདུན་ན་ལྷ་བལྟ་ཡོད་ན། དེ་ལྟ་ན་ལེགས། ཇི་སྟེ་མེད་ན་ནི་ངེད་ཀྱིས་གཞན་ཞིག་རྒྱལ་པོར་དབང་བསྐུར་བར་བྱའོ། །ཞེས་བྱས་པ་དང ། དེ་ཅང་མི་ཟེར་བར་ལག་པ་འགྲམ་པ་ལ་གཏད་དེ། སེམས་ཁོང་དུ་ཆུད་ཅིང་འདུག་པ་ལ། བ་ལང་སྐྱོང་གི་མ་ཞི་བས་ཐོས་ནས། དེས་དེ་བོས་ཏེ་དྲིས་པ། གསོས་པ་ཁྱོད་ཅིའི་ཕྱིར་ལག་པ་འགྲམ་པ་ལ་གཏད། སེམས་</font><hr>Da10b<br><font size=+2>


ཁོང་དུ་ཆུང་ཅིང་འདུག་།དེས་སྨྲས་པ། ལྷ་མོ་བྲམ་ཟེ་དག་འདི་སྐད་ཅེས་མཆི་ན། ཇི་ལྟར་སེམས་ཁོང་དུ་ཆུད་ཅིང་མི་མཆིས། དེས་སྨྲས་པ། གསོས་པ། གལ་ཏེ་དེ་ལྟ་ན་སོང་ལ་ནས་ཀྱི་ཆས་མར་དང་སྦྲང་རྩིས་བསྐུས་པ་གསེར་སྣོད་ཀྱི་ནང་དུ་བླུགས་ཏེ། རྟ་མང་པོ་ལག་པ་བརྒྱུས་པ་གང་ཡིན་པ་དེའི་མདུན་དུ་ཞོག་ལ། འདི་སྐད་ཅེས་གང་ཞིག་དེང་ཉིད་རྡོ་འཇོག་ཏུ་འགྲོ་བར་སྤྲོ་བ་དེས་ནས་ཀྱི་ཆས་མར་དང་སྦྲང་རྩིས་བསྐུས་པ་འདི་དག་ཟོ་ཤིག་།ཅེས་སྨྲོས་ལ། དེ་ལྟར་བྱས་ཏེ་རྟ་བཟང་པོ་གང་གིས་ཟོས་པ་ངེད་ལ་སྦྲོན་ཅིག་།གསོས་པས་ཇི་ལྟར་བསྒོ་བ་བཞིན་དུ་བྱས་ན། འགའ་ཡང་ཟ་བར་སྤྲོ་བ་མེད་དོ། །ཕྱོགས་གཞན་ཞིག་ཞིག་ན་རྟ་རིད་རྐེ་བ། ལུས་རྨྱ་བར་གྱུར་པ། ངན་མ་ཟ་བ། དབུགས་རྒོད་པ། རྣམ་ཆག་པ་ཞིག་འདུག་པ་དེའི་དྲུང་དུ་དེ་སོང་སྟེ་མདུན་དུ་འདུག་ནས། གང་ཞིག་དེང་ཉིད་རྡོ་འཇོག་ཏུ་འགྲོ་བར་སྤྲོ་བ་དེ། ནས་ཀྱི་ཆས་མར་དང་སྦྲང་རྩིས་བསྐུས་པ་འདི་དག་ཟོ་ཞིག་།ཅེས་སྨྲས་པ་དང ། དེས་དེ་དག་ཟོས་སོ། །གསོས་པས་སོང་ནས་བ་ལང་སྐྱོང་གི་མ་ཞི་བ་ལ་ཇི་ལྟར་གྱུར་པ་སྨྲས་པ་དང ། དེས་སྨྲས་པ། གསོས་པ་སོང་ལ་རྟོད་ཅིག་།གལ་ཏེ་རྟོད་པའི་ཚེ་མི་སྲུན་བྱེད་ན་ཁྱོད་ཀྱིས་མ་འཇིགས་པར་སྤུངས་སྐྱེད་ཅིག་།སེམས་སྟོབས་དང་ལྡན་པ་ལ་ནི་སུས་ཀྱང་མི་རྫིའོ། །དེ་སོང་ནས་དེ་རྟོད་པར་བརྩམས་པ་དང ། དེ་རྟོད་པའི་ཚེ་རབ་ཏུ་འཇིགས་པ་ཆེན་པོའི་གཟུགས་</font><hr>Da11a<br><font size=+2>


༄#། །སུ་བདག་ཉིད་སྤྲུལ་ནས། ཀཝའེ་མི་ཁྱོད་ཀྱིས་སྔོན་ཆད་འདི་ལྟ་བུའི་རྟ་མཐོང་བ་འགའ་ཡོད་དམ། ཞེས་སྨྲས་སོ། །དེ་རལ་གྲི་ཤུབས་ནས་ཕྱུང་སྟེ་བསྡིགས་ནས། ཀཝའེ་རྟའི་སྲིན་པོ་ཁྱོད་ཀྱིས་སྔོན་ཆད་རྟ་ཞོན་བ་སུ་ལ་ཡང་ལྕག་འདི་ལྟ་བུ་མཐོང་བ་ཡོད་དམ། ཞེས་སྨྲས་པ་དང ། དེས་སྨྲས་པ། ཀྱེ་མི། སྔོན་མ་མཐོང་ངོ ། །དེས་ཀྱེ་རྟའི་སྲིན་པོ་གལ་ཏེ་རེ་ཞིག་མི་སྲུན་མི་བྱེད་ན་དེ་ལྟ་ན་ལེགས། ཇི་སྟེ་བྱེད་ན་མགོ་དྲུངས་ནས་བཅད་དེ་ས་ལ་དོར་བར་བྱའོ། །དེས་སྨྲས་བ། ཀྱེ་མི། ཇི་སྟེ་དེ་ལྟ་ན་གལ་ཏེ་བདག་ཕྱིར་འདིར་ཁྲིད་དེ་མི་འོང་བར་དམ་འཆའ་ན་འགྲོའོ།། དེས་སྨྲས་པ། ལེགས་ཀྱི། དེ་བཞིན་དུ་བྱས། འདོང་ངོ་ཞེས་སྨྲས་ནས། དེས་དེ་ལ་ཞོན་ཏེ་སོང་ནས་རིམ་གྱིས་རྡོ་འཇོག་ཏུ་ཕྱིན་ཏོ། །རྒྱལ་པོ་རབ་སྣང་གིས་མཐོང་ནས་སྨྲས་པ། གསོས་པ་འོངས་སམ། དེས་སྨྲས་པ། ལྷ་མཆིས་སོ། །དགོས་པ་ཅི་ཞིག་གི་ཕྱིར་ཞེས་བྱས་པ་དང ། དེས་ཇི་ལྟར་གྱུར་པ་རྣམས་བརྗོད་དོ། །རྒྱལ་པོས་སྨྲས་པ། གསོས་པ་རེ་ཞིག་ཞག་བདུན་གྱི་བར་དུ་རྩིས་ལ། ཞག་བདུན་འདས་པ་དང ། དུས་ཤེས་པར་བྱའོ་ཞེས་བྱས་ནས་ཞག་བདུན་གྱི་བར་དུ་གཟུགས་ཀྱིས་འཚོ་བ་བཟང་མོ་དང་ལྷན་ཅིག་དགའ་མགུར་སྤྱད་དེ་ཞག་བདུན་འདས་ནས་སོང་ངོ ། ། གཏུན་ཤིང་རིར་ཕྱིན་ནས་བདག་ཉིད་ཀྱིས་གླང་པོ་ཆེའི་གཙོ་བོ་འདམ་བུའི་རི་བསྟད་པར་བརྩམས་པ་དང ། དེས་བསྟད་པ་ན་སྐད་ཕྱུང་བ། དེ་དང་མི་རིང་བ་ཞིག་ན་བྲམ་ཟེ་ལྟས་མཁན་ལོང་བ་ཞིག་</font><hr>Da11b<br><font size=+2>


གནས་པ་དེས་ཐོས་ནས། དེས་སྨྲས་པ། གླང་པོ་ཆེའི་གཙོ་བོ་འདིའི་སྐད་དང་སྦྱར་ན། འདི་ནི་འདི་ནས་དཔག་ཚད་བརྒྱར་སོང་ནས། ལྷོ་ཕྱོགས་ཀྱི་རྒྱ་མཚོ་ཆེན་པོ་ལས་ཆུ་འཐུང་བར་འགྱུར་རོ། །དེ་ནས་རྒྱལ་པོ་རབ་སྣང་དང ། གསོས་པ་གླང་པོ་ཆེའི་གཙོ་བོ་འདམ་བུའི་རི་ལ་ཞོན་ཏེ་སོང་ངོ ། །རེ་ཞིག་ཅིག་ན་ཕྱོགས་ཤིག་ན་རྫ་མཁན་ཞིག་འདུག་པ་དེའི་སྣོད་སོམ་བཏང་བ་དག་ཅིག་འདམ་བུའི་རིའི་རྐང་པས་བརྫིས་ནས། རྫ་མཁན་གྱིས་མྱ་ངན་བྱ་བར་བརྩམས་བ་དང ། གསོས་པས་སྨྲས་པ། གང་དག་སས་འཚོ་བ་དེ་དག་ནི་འདི་ལྟར་འགྱུར་རོ། །རྒྱལ་པོ་རྣམས་ནི་ཁཝ་བཞིན་ཁུ་འཕྲིག་ཟ་བ་ཡིན་པས། རྒྱལ་པོ་རབ་སྣང་གིས་བསམས་པ། གསོས་པ། འདི་བདག་ལ་ཟུར་ཟ་སྟེ། ཅི་བདག་གཅིག་པུ་སས་འཚོ་བ་ཡིན་ནམ། འཇལ་ཏོ་སྙམ་དུ་བསམས་ནས་ཅང་མི་ཟེར་བར་སོང་ངོ ། ། ཡང་ཕྱོགས་ཤིག་ན་མཐིང་རིལ་གྱིས་ལམ་ཁར་ཚང་བཅས་པ་དེའི་སྒོ་ང་དག་འདམ་བུའི་རིའི་རྐང་པས་བཅོམ་ནས། དེས་ཀྱང་མྱ་ངན་བྱ་བར་བརྩམས་བ་དང ། གསོས་པས་སྨྲས་པ། གང་དག་སྤྱོད་ཡུལ་མ་ཡིན་པར་སྤྱོད་པ་དེ་དག་ནི་འདི་ལྟར་འགྱུར་རོ། །རྒྱལ་པོ་རབ་སྣང་དེ་བཞིན་དུ་རྟོག་པ་སྐྱེས་ནས་བསམས་པ། ཡང་འདི་བདག་ལ་ཟུར་ཟ་སྟེ། ཅི་སྨད་འཚོང་མ་བདག་གི་སྤྱོད་ཡུལ་མ་ཡིན་ནམ། འཇལ་ཏོ་སྙམ་དུ་བསམས་ནས་ཅང་མི་ཟེར་བར་སོང་ངོ ། །ཡང་འདམ་བུའི་རི་ཤིང་དྲུང་ན་མར་སོང་བ་དང ། ཤིང་དེའི་ཡལ་ག་ལ་སྦྲུལ་ཞིག་གནས་པ་དེས་བསྙབས་ནས། རྒྱལ་</font><hr>Da12a<br><font size=+2>


༄#། །པོ་རབ་སྣང་བཟའ་བར་བརྩམས་སོ། །རེ་ཞིག་ན་གསོས་པས་མཐོང་ནས། དེས་དེ་རལ་གྲི་ཤུབས་ནས་ཕྱུང་སྟེ་དུམ་བུ་དུམ་བུར་གཏུབས་ནས་ས་ལ་བོར་བ་དང ། གཡོ་ཞིང་འགུལ་བ་གསོས་པས་བལྟས་ཏེ་སྨྲས་པ། གང་དག་དོན་དུ་གཉེར་བར་བྱ་བ་མ་ཡིན་པ་དོན་དུ་གཉེར་བ་དེ་དག་ནི་འདི་ལྟར་འགྱུར་རོ། །རྒྱལ་པོ་རབ་སྣང་དེ་ཁོ་ན་བཞིན་དུ་རྟོག་པ་སྐྱེས་ནས་བསམས་པ། འདི་བདག་ལ་ལན་གསུམ་གྱི་བར་དུ་ཟུར་ཟ་སྟེ། ཅི་སྨད་འཚོང་མ་བདག་གིས་དོན་དུ་གཉེར་བར་བྱ་བ་མ་ཡིན་ནམ་འཇལ་ཏོ་སྙམ་དུ་བསམས་ནས་ཅང་མི་ཟེར་བར་སོང་ངོ ། །དུས་གཞན་ཞིག་ན་འདམ་བུའི་རི་བང་ཐེག་སྟེ་སོང་ནས། རྒྱལ་པོས་དེ་བཟུང་བ་དང་མ་ཐུབ་ནས། གསོས་པས་སྨྲས་པ། ལྷ་བྲམ་ཟེ་ལྟས་མཁན་གྱིས་འདི་དཔག་ཚད་བརྒྱར་སོང་ནས། ལྷོ་ཕྱོགས་ཀྱི་རྒྱ་མཚོ་ཆེན་པོ་ལས་ཆུ་འཐུང་བར་འགྱུར་རོ། །ཞེས་ལུང་བསྟན་གྱི། དེའི་སླད་དུ་མྱུར་དུ་ཤིང་གི་ཡལ་ག་ལ་འཇུས་ཏེ། གླང་པོ་ཆེ་ཐོང་ཞིག་།ཅེས་བྱས་པ་དང ། དེས་མྱུར་བ་མྱུར་བར་ཤིང་གི་ཡལ་ག་ལ་འཇུས་སོ། །གསོས་པས་ཀྱང་ཤིང་གི་ཡལ་ག་ལ་འཇུས་པ་དང ། འདམ་བུའི་རི་འདས་ཏེ་སོང་ངོ ། །རྒྱལ་པོས་གསོས་པ་ལ་སྨྲས་པ། གསོས་པ་སོང་ལ། མ་ཚོར་བར་ཞི་བ་ལ་ལྷ་ནི་བྱོན་ནས་སྐྱེད་མོས་ཚལ་ན་བཞུགས་སོ་ཞེས་གྱིས་ཤིག་།དེ་སོང་ནས་དེ་ལ་བརྗོད་བ་དང ། དེ་དགའ་བ་སྐྱེས་ནས་ཅང་མི་ཟེར་བར་འདུག་གོ་།རྒྱལ་པོས་ཀྱང་སྟོར་ཁུང་ནས་འཛུལ་</font><hr>Da12b<br><font size=+2>


བར་བརྩམས་པ་ལས། རེ་ཞིག་ན་བུ་མོ་གཉིས་ཤིག་བཤང་སར་བྱུང་བ་དང ། དེ་ན་གཅིག་གིས་སྨྲས་པ། གྲོགས་མོ་ལྷ་འོངས་སོ། །ཞེས་གྲག་གོ་།ཅིག་ཤོས་ཀྱིས་དེ་སྟོར་ཁུང་ནས་འཛུལ་ལོ་ཞེས་སྨྲས་པ་དང ། རྒྱལ་པོས་ཐོས་ནས་དེས་བསམས་པ། གསོས་པ་ལ་བདག་གིས་ཁྱོད་ཀྱིས་མཚོར་བར་ཞི་བ་ལ་སྨྲོས་ཤིག་།ཅེས་བསྒོ་ན། དེས་ཁྱིམ་ན་འདུག་པ་རིལ་ལ་སྨྲས་སོ། །སྙམ་དུ་བསམས་ཏེ། དེ་ཁྲོས་ནས་དེས་གསོས་པ་ལ་ཇི་ལྟར་གྱུར་པ་དྲན་པར་བྱས་ནས་ཀླན་ཀ་བཙལ་པ། གསོས་པ་ཁྱོད་ཀོ་ང་ལ་གནོད་པ་བྱེད་པར་ཞུགས་པ་ལྟ། ང་གཅིག་པུ་སས་འཚོ་བ་ཡིན་ནམ། ཅི་ན་གང་གི་ཕྱིར་ཁྱོད་ང་ལ་ཕྱོགས་ཆེ་གེ་མོ་ཞིག་ཏུ་གང་དག་སས་འཚོ་བ་དེ་དག་ནི་འདི་ལྟར་འགྱུར་རོ་ཞེས་ཟུར་ཟ། སྨད་འཚོང་མ་ངའི་སྤྱོད་ཡུལ་མ་ཡིན་ནམ་ཅི་ན། ཡང་ཕྱོགས་ཤིག་ཏུ་གང་དག་སྤྱོད་ཡུལ་མ་ཡིན་པར་སྤྱོད་པ་དེ་དག་ནི་འདི་ལྟར་འགྱུར་རོ་ཞེས་ཟུར་ཟ། སྨད་འཚོང་མ་ངས་དོན་དུ་གཉེར་བར་བྱ་བ་མ་ཡིན་ནམ་ཅི་ན། ཡང་ཕྱོགས་ཤིག་ཏུ་ཡང་གང་དག་དོན་དུ་གཉེར་བར་བྱ་བ་མ་ཡིན་པ་དོན་དུ་གཉེར་བ་དེ་དག་འདི་ལྟར་འགྱུར་རོ་ཞེས་ཟུར་ཟ། ད་གཟོད་ཀྱང་ང་སྐྱེད་མོས་ཚལ་ན་འདུག་པས། ཁྱོད་སོང་ལ་མ་ཚོར་བར་ཞི་བ་ལ་ལྷ་བྱོན་ཏེ་སྐྱེད་མོས་ཚལ་ན་བཞུགས་སོ་ཞེས་གྱིས་ཤིག་ཅེས་བསྒོ་བསྒོ་ན། ཁྱོད་ཀྱིས་ཁྱིམ་ན་འདུག་པ་རིལ་ལ་སྨྲས་པས། ཁྱོད་ནི་ང་ལ་གནོད་པ་བྱེད་པར་ཞུགས་སོ། །དེ་དོགས་ཤིང་མི་དགའ་ནས། ཡིད་ཆེས་པར་བྱ་བའི་ཕྱིར་</font><hr>Da13a<br><font size=+2>


༄#། །སྨྲས་པ། ལྷ་སྡིག་པས་ནི་བརླག་སྟེ། བདག་གིས་ལྷ་ལ་ཟུར་བགྱིས་པ་མ་མཆིས་སོ། །བདག་གིས་ལྷ་ལ་ཇི་ལྟར་ཟུར་བགྱིས། ལྷ་འདི་སྐད་དུ་གནས་ཆེ་གེ་མོ་ཞིག་ཏུ་ཁྱོད་ཀྱི་ང་ལ་གང་དག་སས་འཚོ་བ་དེ་དག་ནི་འདི་ལྟར་འགྱུར་རོ་ཞེས་ཟུར་བྱས་སོ་ཞེས་གསུང་བ་གང་ལགས་པ་ནི། ཕྱོགས་དེར་རྫ་མཁན་གྱི་སྣོད་སོ་མ་གཏང་བ་དག་ཅིག་འདམ་བུའི་རིའི་རྐང་པས་བརྫིས་ནས། རྫ་མཁན་དེས་མྱ་ངན་བགྱི་བར་བརྩམས་པ་དང ། བདག་གིས་དེ་ལས་བསམས་ནས་འདི་སྐད་དུ། གང་དག་སས་འཚོ་བ་དེ་དག་ནི་འདི་ལྟར་འགྱུར་རོ་ཞེས་བགྱི་བར་བས་སོ། །ཕྱོགས་ཆེ་གེ་མོ་ཞིག་ཏུ་ཁྱོད་ཀྱིས་ང་ལ་གང་དག་སྤྱོད་ཡུལ་མ་ཡིན་པར་སྤྱོད་པ་དེ་དག་ནི་འདི་ལྟར་འགྱུར་རོ་ཞེས་ཟུར་བྱས་སོ་ཞེས་གསུང་བ་གང་ལགས་པ་ནི།་ཕྱོགས་དེར་སྲོག་ཆགས་མཐིང་རིལ་གྱི་སྒོ་ང་དག་ཅིག་འདམ་བུའི་རིའི་རྐང་པས་བཅོམ་ནས་དེ་ཡང་མྱ་ངན་བྱེད་པར་བརྩམས་པ་དང ། བདག་གིས་དེ་ལས་བསམས་ནས་འདི་སྐད་དུ། གང་དག་སྤྱོད་ཡུལ་མ་ཡིན་པར་སྤྱོད་པ་དེ་དག་ནི་འདི་ལྟར་འགྱུར་རོ་ཞེས་བགྱིས་པར་བས་སོ། །ཕྱོགས་ཆེ་གེ་མོ་ཞིག་ཏུ་ཁྱོད་ཀྱིས་ང་ལ། གང་དག་དོན་དུ་གཉེར་བ་མ་ཡིན་པ་དོན་དུ་གཉེར་བ་དེ་དག་ནི་འདི་ལྟར་འགྱུར་རོ་ཞེས་ཟུར་བྱས་སོ་ཞེས་གསུང་བ་གང་ལགས་པ་ནི། ཕྱོགས་དེར་ཤིང་གི་ཡལ་ག་ལ་སྦྲུལ་ཞིག་གནས་པ་དེས་བསྙབས་ནས་</font><hr>Da13b<br><font size=+2>


ལྷ་བཟའ་བར་བརྩམས་བ་དང ། བདག་གི་རལ་གྲི་ཤུབས་ནས་ཕྱུང་སྟེ། དུམ་བུ་དུམ་བུར་བཅད་ནས་དེ་ས་ལ་ལྷུང་བ་དང ། བདག་གིས་དེ་ལས་བསམས་ནས་འདི་སྐད་དུ། གང་དོན་དུ་གཉེར་བར་བྱ་བ་མ་ཡིན་པ་དོན་དུ་གཉེར་བ་དེ་དག་ནི་འདི་ལྟར་འགྱུར་རོ་ཞེས་བགྱིས་པར་བས་སོ། །ངས་ཁྱོད་ལ་མཚོར་བར་ཞི་བ་ལ་ལྷ་སྐྱེད་མོས་ཚལ་ན་བཞུགས་སོ་ཞེས་གྱིས་ཤིག་ཅེས་བྱས་ན། ཁྱོད་ཀྱིས་ཁྱིམ་ན་གནས་པ་རིལ་ལ་སྨྲས་སོ་ཞེས་གསུང་པ་གང་ལགས་པ་དེ་ཡང་བདག་གིས་མ་ཚོར་བ་ཁོ་ནར་ཞིབ་ལ་བགྱིས་ན། བདག་ཇི་ལྟར་ལྷ་ལ་གནོད་པ་བགྱིད་བར་ཞུགས་པ་ལགས། རྒྱལ་པོས་སྨྲས་པ། གསོས་པ་ཁྱོད་ཀྱིས་ང་ལ་ལན་ཐམས་ཅད་ལེགས་པར་གླན་ན། ད་གཟོད་ང་གཏོར་ཁུང་ནས་འཛུལ་བ་ན། ང་བདག་ཉིད་ཀྱིས་བུད་མེད་གཉིས་ཤིག་ལས་གཅིག་གིས་གྲོགས་མོ་ལྷ་ནི་བྱོན་ཏོ་ཞེས་གྲག་གོ་ཞེས་བྱས་པ་དང ། ཅིག་ཤོས་ན་རེ། དེ་སྟོར་ཁུང་ནས་འཛུལ་ལོ་ཞེས་ཟེར་བ་ཐོས་ན། དེ་སུས་བྱས་ཞིག་གུ་།ལྷ་དེ་དག་ནི་ཕྲ་མེན་མ་ལགས་ན། ལོས་ཀྱང་འཚལ་མོད། དེར་ཡང་བདག་གིས་ལྷ་ལ་གནོད་པ་མ་བགྱིས་སོ། །རྒྱལ་པོས་སྨྲས་པ། གསོས་པ་ཁྱོད་ཀྱིས་ཇི་སྐད་སྨྲས་པ་དེ་དེ་ལྟར་ཡིན་མོད་ཀྱི། ངས་ཁྱོད་བགམ་པར་ཟེད་ཀྱི་མི་དགའ་བར་མ་བྱེད་ཅིག་།འོན་ཀྱང་ང་རྡོ་འཇོག་ཏུ་སོང་བའི་ཚེ་བྲམ་ཟེ་གང་དག་གིས་གཞན་ཞིག་རྒྱལ་པོར་དབང་བསྐུར་བར་བརྩམས་པ་དེ་དག་ཐག་གཞུག་པའི་དུས་འདི་</font><hr>Da14a<br><font size=+2>


༄#། །ཡིན་པས་དེ་རྣམས་གསད་པར་བྱའོ། །དེས་སྨྲས་པ། ལྷ་བྲམ་ཟེ་རྣམས་རེ་ཞིག་གཞག་ཏུ་གསོལ། ཕྲ་མེན་མ་དེ་རྣམས་དེ་ཇེ་དགུམ་པར་བགྱིའོ། །རྒྱལ་པོས་སྨྲས་པ། གསོས་པ་དེ་རྣམས་ཇི་ལྟར་གསད་པར་ནུས། ལྷ་བདག་གིས་དེ་རྣམས་ཁུམས་པའི་ཐབས་ཤིག་བགྱིའོ། །གསོས་པ་ལེགས་ཀྱི། དེ་བཞིན་དུ་གྱིས་ཤིག་།ཅེས་བྱས་པ་དང ། གསོས་པས་མདུན་ན་འདོན་གྱི་ཁྱེའུ་རིག་སྔགས་སྨྲ་བ་མཁས་པ་ཞིག་ཡོད་པ་དེའི་དྲུང་དུ་སོང་ནས། བུ་ཕྲ་མེན་མ་འདི་དག་སྐྱེ་བོ་མང་པོ་གསོད་པར་བྱེད་ན། དེ་དག་གཟུང་བར་བྱ་བའི་ཐབས་དེ་འགའ་ཡོད་དམ། ཞེས་སྨྲས་པ་དང ། དེས་སྨྲས་པ། ཡབ་ཅི་བགྱིར་མཆིས། བདག་གིས་གཟུང་བར་བས་སོ། །བུ་ལེགས་སོ་ཞེས་བྱས་པ་དང ། དེས་མིའི་ལག་པ་ལ་ཨུཏྤ་ལ་འདྲ་བར་བསྒྱུར་ནས་མིའི་ལག་ཏུ་བསྐུར་ནས་སྨྲས་པ། ཀྱེ་མི་ཁྱོད་སོང་ལ་སྲང་དུ་ཕྱིན་ནས་འདུག་ལ། སུ་རིན་གྱིས་ཉོ་བ་དེ་ལ་མ་སྦྱིན་པར། གང་ཞིག་མཐོང་ན་དགོད་པ་དེའི་མིང་དྲིས་ཏེ་གླེགས་བུ་ལ་བྲིས་ཤིག་།དེས་དེ་ཐོགས་ཏེ་འདུག་ནས་གང་ཞིག་རིན་གྱིས་ཉོ་བ་དེ་ལ་མི་སྟེར། གང་ཞིག་མཐོང་ནས་དགོད་པ་དེའི་མིང་ནི་དྲིས་ནས་གླེགས་བུ་ལ་འདྲི་བར་བྱེད་དོ། །དེས་དེ་ལྟར་འཕགས་རྒྱལ་གྱི་ཕྲ་མེན་མ་ལྔ་བརྒྱའི་མིང་དྲིས་ནས་བྲིས་སོ། །དེ་ནས་གསོས་པ་ལ་བསྟན་ནས། གསོས་པས་ཀྱང་རྒྱལ་པོ་ལ་བསྟན་པ་དང ། རྒྱལ་པོས་སྨྲས་པ་དང ། གསོས་པ་ཕྲ་</font><hr>Da14b<br><font size=+2>


མེན་མང་པོ་འདེ་དག་ཅི་ལྟར་ཁ་བཏག་།དེས་སྨྲས་པ། ལྷ་དེ་རྣམས་ཇི་ལྟར་དགུམ་པའི་ཐབས་བདག་ལ་འཚལ་གྱི། ལྷ་ཐུགས་ཁྲལ་བསྐྱུང་གསོལ། དེས་སྨྲས་པ། གསོས་པ་ལེགས་ཏེ། ཁྱོད་ཉིད་ཤེས་སོ། །དེས་འཕགས་རྒྱལ་གྱི་ཕྱོགས་ཤིག་ཏུ་འཁོར་གྱི་ཁྱམས་ཤིག་བྱས་ནས། དེས་ལྷ་ནི་མ་མོའི་དམ་ཚིག་ལ་འཇུག་གི། འཕགས་རྒྱལ་ན་སྲིན་མོ་ཇི་སྙེད་གནས་པ་ཐམས་ཅད་འཁོར་གྱི་ཁྱམས་སུ་འདུ་བར་གྱིས་ཤིག་།ཅེས་དྲིལ་བསྒྲགས་པ་དང ། དེ་དག་གིས་བསམས་པ། ལྷ་འཁོར་གྱི་ཁྱམས་སུ་མ་མོའི་དམ་ཚིག་ལ་འཇུག་པ་དེར་བདག་ཅག་ལ་རྫས་བཟང་པོ་མང་དུ་སྟེར་གྱི། འགྲོ་བར་བྱའོ་སྙམ་ནས། གང་དག་མི་མངོན་པར་འདུག་འདུག་པ་དེ་དག་ཀྱང་རྙེད་པ་ལ་ཆགས་པ་ས་བདག་ཉིད་ཉེ་བར་བསྟན་ཏེ། སྲིན་མོ་ལྔ་བརྒྱ་ལྷག་ཙམ་འཁོར་གྱི་ཁྱམས་སུ་ལྷགས་སོ། །དེ་ནས་མདུན་ན་འདོན་གྱི་བུ་དེས་དེ་དག་ཐམས་ཅད་རིག་སྔགས་ཀྱི་ཞགས་པས་བཅིངས་པ་དང ། གསོས་བས་ཀྱང་དེ་རྣམས་ཁ་བཏག་གོ་།རྒྱལ་པོས་འཕགས་རྒྱལ་ན་གནས་པའི་བྲམ་ཟེ་རྣམས་བོས་ནས། ཤེས་ལྡན་དག་བདག་གིས་ཕྲ་མེན་མ་འདི་སྙེད་ཅིག་བསད་པས། བསོད་ནམས་མ་ཡིན་པ་མང་པོ་བསྐྱེད་ཀྱི། ཁྱེད་ཀྱིས་བདག་འཁོར་བའི་དགོན་པ་དེ་ལས་དབྱུང་བའི་ཕྱིར། ཉིན་གཅིག་བཞིན་འཁོར་གྱི་ཁྱམས་སུ་འདུ་ཞིང་ཟན་ཟོ་ཞིག་ཅེས་བསྒོ་བ་དང ། དེ་རྣམས་ཀྱིས་ཤིས་པ་བརྗོད་པ་བྱས་ནས་ཁས་བླངས་སོ།། </font><hr>Da15a<br><font size=+2>


༄#། །རྒྱལ་པོ་རབ་སྣང་གིས་སྒོ་བ་ལ་བསྒོ་བ། ཀྱེ་སྐྱེས་བུ་བྲམ་ཟེ་ཇི་སྙེད་ཅིག་འཁོར་གྱི་ཁྱམས་སུ་ཟན་ཟོས་ནས་འགྲོ་བ་དེ་དག་ཐམས་ཅད་ཁྱོད་ཀྱིས་ལེགས་པར་གྲོངས་ཏེ་ང་ལ་སྙོད་ཅིག་།དེས་སྨྲས་པ། ལྷ་དེ་ལྟར་བགྱི་སྟེ་གསོལ་བར་འཚལ་ལོ། །རྒྱལ་པོས་བློན་པོ་རྣམས་ལ་ཡང་བསྒོ་བ། ཤེས་ལྡན་དག་།འཕགས་རྒྱལ་ན་གནས་པའི་བྲམ་ཟེ་ཇི་སྙེད་ཅིག་འཁོར་གྱི་ཁྱམས་སུ་ཟན་ཟ་བ་ཐམས་ཅད་ལ། ཁ་ཟས་བསོད་པ་ཕལ་ཆེར་བྱིན་ཅིག་།བྲམ་ཟེ་རྣམས་ནི་ཕལ་ཆེར་ལྟོ་འདུན་ཅན་ཡིན་པས། རྒྱལ་པོ་དེས་དེ་ལྟར་བྱེད་དུ་བཅུག་གོ། ཞེས་ཐོས་ནས་ཐམས་ཅད་ལྷགས་ནས་ཟན་བཟའ་བར་བརྩམས་སོ། །དེ་རྣམས་ཟན་ཟོས་ནས་འཁོར་གྱི་ཁྱམས་ནས་ཕྱིར་བྱུང་བ་དང ། སྒོ་བས་བགྲངས་ནས་ལྷག་ཆད་མེད་པར་བྲམ་ཟེ་བརྒྱད་ཁྲི་བྱུང་སྟེ། ངས་རྒྱལ་པོ་ལ་ལྷ་ལྷག་ཆད་མ་མཆིས་པར་བྲམ་ཟེ་བརྒྱད་ཁྲི་མཆིས་སོ། །ཞེས་གསོལ་ཏོ། །རྒྱལ་པོས་གང་གིས་ན་འདི་རྣམས་དུས་གཅིག་ཏུ་མགོ་བཅད་པའི་ཐབས་དེ་གང་ཡིན་སྙམ་དུ་བསམས་ནས། དེས་ཞོ་ཤས་འཚོ་བ་རྣམས་ལ་བསྒོ་བ། བྲམ་ཟེ་ཟན་ཟ་བ་རེ་རེའི་རྒྱབ་ཏུ་གཤེད་མ་མི་རལ་གྲི་ཐོགས་པ་རེ་རེ་ཞོག་ལ། གང་གི་ཚེ་ངས་ཞོ་འོན་ཅིག་ཅེས་སྨྲས་པ་དེའི་ཚེ། ཐམས་ཅད་ཀྱིས་མགོ་ཆོད་ཅིག་།རྒྱལ་པོ་གཏུམ་པོ་རབ་སྣང་གིས་དེ་ལྟར་བྱས་པ་དང ། འཕགས་རྒྱལ་ན་གནས་པའི་བྲམ་ཟེ་རྣམས་ལས་འཆི་བདག་གི་ཞགས་</font><hr>Da15b<br><font size=+2>


པས་ཟིན་པ་བརྒྱད་ཁྲི་ཐམ་པ་འཁོར་གྱི་ཁམས་སུ་འདུས་པ་དེ་དག་སྦྱོར་བ་དེས་གཅིག་ཅར་མགོ་བཅད་དོ། །དེས་ན་འཕགས་རྒྱལ་ན་གནས་པའི་བྲམ་ཟེ་ལས་བྲམ་ཟེ་བརྒྱད་ཁྲི་རྒྱལ་པོ་རབ་སྣང་གིས་བསད་དོ། །དེས་དེ་དག་བསད་ནས། ནུབ་མོ་མལ་ཆེན་པོར་ཉལ་པ་ན། རྨི་ལམ་དུ་ས་བླའི་སྒྲ་དྲུག་དང ། བར་སྣང་གི་སྒྲ་དྲུག་ནི་ཐོས། རྨི་ལམ་རྣམ་པ་བརྒྱད་ནི་མཐོང་ངོ ། །ས་བླའི་སྒྲ་དྲུག་གང་ཞེ་ན། འདི་ལྟ་སྟེ། དྲུག་།མེད། བདག་།ངན། སེམས། བདག་ཅག་འདི་རྣམས་ཞེས་བྱ་བ་སྟེ། འདི་དག་ནི་འདིར་ཚིགས་སུ་བཅད་པ་དྲུག་གི་ཡི་གེ་དང་པོ་ཡིན་ནོ། །དེ་ལ་དྲུག་ཅེས་བྱ་བ་ལས་ཚིགས་སུ་བཅད་པ་ནི། ལོ་ནི་སྟོང་ཕྲག་དྲུག་ཅུ་དང ། །ལོ་ནི་བརྒྱ་ཕྲག་དྲུག་ཅུ་རུ། །སེམས་ཅན་དམྱལ་བར་འཚེད་རྣམས་ཀྱི། །ནམ་ཞིག་མཐར་ནི་ཕྱིན་པར་འགྱུར་རོ། །མེད་ཅེས་བྱ་བ་ལས་ཚིགས་སུ་བཅད་པ་ནི། མཐའ་མེད་མཐའ་ལྔ་ག་ལ་ཡོད། །ང་དང་ཁྱེད་ཅག་གཉིས་ཀྱིས་ནི། །མཐའ་ཉིད་དམིགས་པར་མི་འགྱུར་བ། །དེ་ལྟར་སྡིག་བའི་ལས་བྱས་སོ། །བདག་ཅེས་བྱ་བ་ལས་ཚིགས་སུ་བཅད་པ་ནི། བདག་ཅག་གིས་ནི་ལོངས་སྤྱོད་དག་།མཐུན་དང་མི་མཐུན་པས་བསྒྲུབས་པ། །གཞན་དག་བདེ་བས་དགའ་བྱེད་ཀྱི། །བདག་ཅག་སྡུག་བསྔལ་སྐལ་ཅན་འགྱུར། ངན་པ་ཞེས་བྱ་བ་ལས་ཚིགས་སུ་བཅད་པ་ནི། འདི་ན་བདག་ཅག་འཚོ་བ་ངན། །བདག་ཅག་གང་བདོག་དེ་མ་བཏང ། །ལོངས་སྤྱོད་དག་ནི་ཡོད་པའི་ཚེ། །བདག་ཉིད་ལ་ནི་ཕན་མ་བྱས། །སེམས་</font><hr>Da16a<br><font size=+2>


༄#། །ཞེས་བྱ་བ་ལས་ཚིགས་སུ་བཅད་པ་ནི། སེམས་ཀྱིས་སུ་ནི་བསླུས་གྱུར་ཅིང ། །མི་ཤེས་པས་ནི་འདས་གྱུར་པ། །སེམས་ཅན་དམྱལ་བར་སྐྱེས་རྣམས་ཀྱི། །གཉའ་ནི་སུ་ཞིག་བྱེད་པར་འགྱུར། །འདི་རྣམས་ཞེས་བྱ་བ་ལས་ཚིགས་སུ་བཅད་པ་ནི། བདག་ཅག་འདི་རྣམས་བདེ་འགྲོ་རུ། །སོང་སྟེ་དགེ་བ་མང་བྱས་ནས། །དེ་ནས་བསོད་ནམས་བྱས་གྱུར་ཅིང ། ། ཤིས་པ་བྱས་རྣམས་མཐོ་རིས་འདོང ། །རབ་སྣང་གི་སྒྲ་དྲུག་གང་ཞེ་ན། འདི་ལྟ་སྟེ། ཐམས་ཅད། སུ། གང ། ད་ནི། དེ་རྣམས། འདི་དག་ཅེས་བྱ་བ་སྟེ། འདི་དག་ནི་ཚིགས་སུ་བཅད་པ་དྲུག་ཡི་གེ་དང་པོ་ཡིན་ནོ། །དེ་ལ་ཐམས་ཅད་ཅེས་བྱ་བ་ལས་ཚིགས་སུ་བཅད་པ་ནི། ཐམས་ཅད་གསོག་ཏུ་ཕྱུང་ཟིན་ཏེ། །འདི་ལ་སྙིང་པོ་ཙམ་ཞིག་ལུས། །རྒྱལ་པོ་སྲིན་དེ་སྙིང་པོ་ལ། །དགའ་བ་མེད་པས་རེ་བ་བོར། །སུ་ཞེས་བྱ་བ་ལ་ཚིགས་སུ་བཅད་པ་ནི། སུ་ཞིག་གཉེར་ལེན་ཚུལ་ངན་པོའི། །མིག་ཡ་གཅིག་ཀྱང་འཇོར་བྱེད་པ། །དེས་ནི་བདག་གི་བུ་ཚ་དང ། །བདག་ཀྱང་སྡུག་བསྔལ་ལས་ཐར་བྱས། །གང་ཞེས་བྱ་བ་ལས་ཚིགས་སུ་བཅད་པ་ནི། རྫིང་འདི་ཉ་དང་རུ་སྦལ་ནི། །མང་པོ་དག་གིས་གང་བ་ལས། །དེ་ནི་སྦལ་པས་འཚོ་མོད་ཀྱི། །བདག་གིས་གནས་ནི་མི་འདོར་རོ། །ད་ནི་ཞེས་བྱ་བ་ལས་ཚིགས་སུ་བཅད་པ་ནི། གང་ཞིག་རི་བོ་གཏུམ་ལྡན་ལ། །བདག་ལ་རྐང་པས་ནོམ་བྱེད་པའི། །ལོང་བ་ཉོན་མོངས་དེ་དག་ནི། །ད་ནི་མགོན་</font><hr>Da16b<br><font size=+2>


ཡང་མེད་པར་གྱུར། །དེ་རྣམས་ཞེས་བྱ་བ་ལས་ཚིགས་སུ་བཅད་པ་ནི། དེ་རྣམས་མཚོ་ནི་བཟང་པོ་ལས། །ཆུ་ནི་བསིལ་ཞིང་ཞིམ་པ་དག་།བདེ་བླག་ཉིད་དུ་རྙེད་པར་འགྱུར། །བདག་ཀྱང་དེ་ལྟར་དེར་དགའོ། །འདི་དག་ཅེས་བྱ་བ་ལས་ཚིགས་སུ་བཅད་པ་ནི། འདི་དག་ཁྲུས་བྱས་ཟོས་ནས་ནི། །ཕྱོགས་དང་ཕྱོགས་སུ་འགྲོ་བར་བྱེད། །བདག་ནི་སྙི་ཡིས་བཟུང་གྱུར་པ། །སྔོན་ཀོ་སྡིག་པ་ཅི་ཞིག་བྱས། །རྨི་ལམ་བརྒྱད་ཅེས་བྱ་བ་གང་ཞེ་ན། འདི་ལྟ་སྟེ། ཙན་དན་དཀར་པོས་ལུས་བྱུགས་པ་དང ། ཙན་དན་དམར་པོས་གཏོར་བ་དང ། ཀླད་ལ་མེ་འབར་བ་དང ། མཆན་ཁུང་གཉིས་ནས་སྦྲུལ་གཉིས་འཕྱང་བ་དང ། རྐང་པ་གཉིས་ལ་ཉ་ཁར་བ་གཉིས་ལྡག་པ་དང ། ངང་པ་གཉིས་ནམ་མཁའ་ལ་འཕུར་བ་དང ། རི་ནག་པོ་ཞིག་མདུན་ན་ཚུར་འོང་བ་དང ། ཆུ་སྐྱར་དག་མགོ་ལ་རྟུག་པས་འཐོར་བ་མཐོང་ངོ ། །དེ་གཉིད་སད་ནས་འཇིགས་པར་གྱུར། བག་ཚ་བར་གྱུར་ཅིང་སྤུ་ཟིང་ཞེས་བྱེད་ནས་གཞི་འདི་ལས་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་མི་འགྱུར་གྲང་སྙམ་མོ། །དེས་རྨི་ལམ་དེ་དག་བྲམ་ཟེ་རྨི་ལམ་གྱི་དཔྱད་ཤེས་པ་གང་དག་ཡིན་པ་དེ་དག་བོས་ཏེ་བསྙད་པ་དང ། དེ་དག་གིས་བསམས་པ། ལྷས་རྨི་ལམ་དེ་དག་བཟང་པོ་ཞིག་མཐོང་མོད་ཀྱི། འོན་ཀྱང་བསྔགས་པར་ནི་མི་བྱ་སྟེ། གལ་ཏེ་བསྔགས་ན་འདི་ཇི་ལྟ་བ་ངན་པར་གྱུར་ནས། བྲམ་ཟེ་ལྷག་མ་གང་དག་ཡིན་པ་དེ་དག་ཀྱང་མ་ལུས་པར་བྱེད་པར་</font><hr>Da17a<br><font size=+2>


༄#། །འོང་ངོ ། །སྙམ་དུ་རིག་ནས་གྲོས་བྱས་ཏེ་སྨྲས་པ། ལྷ་རྨི་ལམ་ནི་མི་བཟང་བདག་ཅིག་གོ་།དེས་སྨྲས་པ། ཤེས་ལྡན་དག་།གང་གིས་འབྲས་བུ་ཅིར་འགྱུར་།དེ་དག་གིས་སྨྲས་པ། གཞི་དེ་ལས་ལྷ་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་འགྱུར་རོ། །རྒྱལ་པོས་སྨྲས་པ། ཤེས་ལྡན་དག་གང་གིས་ན་ང་རྒྱལ་སྲིད་ལས་ཀྱང་ཉམས་པར་མི་འགྱུར་ཞིང ། སྲོག་གི་བར་ཆད་དུ་ཡང་མི་འགྱུར་བའི་ཐབས་དེ་ལྟ་འགའ་ཡོད་དམ། དེ་དག་གིས་སྨྲས་པ། ལྷ་ཁྱོད་ཀྱིས་སྡིག་པ་ཆེན་པོ་བྱས་ཏེ། བྲམ་ཟེ་བརྒྱད་ཁྲི་བསད་པས་དེའི་སླད་དུ།་གལ་ཏེ་སྤྱོད་ན་ཐབས་གཅིག་ཅིག་མཆིས་སོ། །དེ་བྲམ་ཟེ་བསད་པ་དྲན་ནས་སྙིང་ཀུན་ཏུ་འདར་ཏེ་སྨྲས་པ། ཤེས་ལྡན་དག་ཅི་བྱ། སྨྲོས་ཤིག་།དེ་དག་གིས་སྨྲས་པ། ལྷ་སྐྱེད་མོས་ཚལ་དུ་རྫིང་བུ་བརྐོར་སྩལ་ཏེ། བརྐོས་ནས་རྡོ་ཐལ་གྱིས་ཉུག་ཏུ་སྩོལ་ཅིག་།དེ་ནས་དེར་ཡན་ལག་གི་མཆོག་།ལྔ་པོ་གསོས་པ་དང ། མདུན་ན་འདོན་དང ། བ་ལང་སྐྱོང་གི་མ་ཞི་བ་དང ། སྐྱ་བསེང་གི་བུ་མོ་སྒྲོལ་མ་དང ། གཞོན་ནུ་བ་ལང་སྐྱོང་རྣམས་བསད་དེ་བཅུག་ལ། དེ་རྣམས་ཀྱི་ཁྲག་གིས་ཁྲུས་མཛད་དེ། རྫིང་བུ་ནས་བྱུང་ལ་པུས་མོ་གཉིས་ས་ལ་བཙུགས་ནས། བྲམ་ཟེ་རྣམས་ཀྱི་རྐང་པ་ལ་ལྕེས་བལྡགས་ན། དེ་ལྟ་ན་ཁྱོད་རྒྱལ་སྲིད་ལས་ཀྱང་ཉམས་པར་མི་འགྱུར་ཞིང ། སྲོག་གི་བར་ཆད་དུ་ཡང་མི་འགྱུར་རོ། །རྒྱལ་པོས་བསམས་པ། གལ་ཏེ་</font><hr>Da17b<br><font size=+2>


བདག་གིས་ཡན་ལག་གི་མཆོག་ལྔ་པོ་གསོས་པ་དང ། མདུན་ན་འདོན་དང ། བ་ལང་སྐྱོང་གི་མ་ཞི་བ་དང ། སྐྱ་བསེང་གི་བུ་མོ་སྒྲོལ་མ་དང ། གཞོན་ནུ་བ་ལང་སྐྱོང་རྣམས་བསད་ནས། བདག་རྒྱལ་པོ་བྱས་ཏེ་ཡང་ཅི་རུང་སྙམ་དུ་བསམས་ནས། བྲམ་ཟེ་རྣམས་ལ་སྨྲས་པ། ཤེས་ལྡན་དག་ཁྱེད་ཀྱིས་གང་སྨྲས་པ་དེ་ངས་ཐོས་ཀྱི། དེང་ཞིག་དང ། རེ་ཞིག་བསམས་ཏེ་བྱའོ། །བྲམ་ཟེ་རྣམས་དོང་བ་དང།་དེ་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་པ་བ་ལང་སྐྱོང་གི་མ་ཞི་བས་མཐོང་སྟེ། དེས་སྨྲས་པ། ལྷ་ཅིའི་སླད་དུ་ཕྱང ། འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་བཞུགས། དེས་ཇི་ལྟར་གྱུར་པ་ཐམས་ཅད་དེ་ལ་བསྙད་པ་དང ། དེས་སྨྲས་པ། ལྷ་བྲམ་ཟེ་དེ་དག་ནི་རྟག་ཏུ་མི་རིགས་པ་བསྟེན་པ་ལགས་པས་དེ་དག་ཅི་འཚལ། བཞུད་ལ་འཕགས་པ་ཀ་ཏྱའི་བུ་ཆེན་པོ་ལ་ཞུས་ཤིག་།དེས་སྨྲས་པ། ཞི་བ་ལེགས་སོ། །ལེགས་སོ། །ཁྱོད་ཀྱིས་དུས་སུ་འཕགས་པ་ཀ་ཏྱའི་བུ་ཆེན་པོ་ལ་གཏད་པས་འགྲོའོ། །ཞེས་ཚེ་དང་ལྡན་པ་ཀ་ཏྱའི་བུ་ག་ལ་བ་དེར་སོང་ངོ ། །ད་དེར་སོང་སྟེ། སོང་ནས་ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་རྒྱལ་པོ་གཏུམ་པོ་རབ་སྣང་གིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། །སློབ་དཔོན་ཀ་ཏྱའི་བུ་ཆེན་པོ། འདི་ན་བདག་མཚན་མོ་མལ་ཆེན་པོ་ཞིག་ན་ཉལ་ཞིང་མཆིས་པའི་ཚེ་།རྨི་ལམ་</font><hr>Da18a<br><font size=+2>


༄#། །དུ་ས་བླའི་སྒྲ་དྲུག་དང ། བར་སྣང་གི་སྒྲ་དྲུག་ནི་ཐོས། རྨི་ལམ་བརྒྱད་ནི་མཐོང་སྟེ། ས་བླའི་སྒྲ་དྲུག་གང་ཞེ་ན། འདི་ལྟ་སྟེ། དྲུག། མེད། བདག་།ངན། སེམས། བདག་ཅག་།འདི་རྣམས་ཞེས་བྱ་བ་སྟེ། འདི་དག་ནི་འདིར་ཚིགས་སུ་བཅད་པ་དྲུག་གི་ཡི་གེ་དང་པོ་ལགས་སོ། །དེ་ལ་དྲུག་ཅེས་བྱ་བ་ལས་ཚིགས་སུ་བཅད་པ་ནི། ལོ་ནི་སྟོང་ཕྲག་དྲུག་ཅུ་དང ། །ལོ་ནི་བརྒྱ་ཕྲག་དྲུག་ཅུ་རུ། །སེམས་ཅན་དམྱལ་བར་འཚེད་རྣམས་ཀྱི། །ནམ་ཞིག་མཐར་ནི་ཕྱིན་པར་འགྱུར། །མེད་ཅེས་བྱ་བ་ལས་ཚིགས་སུ་བཅད་པ་ནི། མཐའ་མེད་མཐའ་ལྟ་ག་ལ་ཡོད། །ང་དང་ཁྱེད་ཅག་ཉིད་ཀྱིས་ནི། །མཐའ་ཉིད་དམིགས་པར་མི་འགྱུར་བ། །དེ་ལྟར་སྡིག་པའི་ལས་བྱས་སོ། །བདག་ཅེས་བྱ་བ་ལས་ཚིགས་སུ་བཅད་པ་ནི། བདག་ཅག་གིས་ནི་ལོངས་སྤྱོད་དག་།མཐུན་དང་མི་མཐུན་པས་བསྒྲུབས་པ། །གཞན་དག་པ་དེ་བས་དགའ་བྱེད་ཀྱི། །བདག་ཅག་སྡུག་བསྔལ་སྐལ་ཅན་གྱུར། །ངན་ཅེས་བྱ་བ་ལས་ཚིགས་སུ་བཅད་པ་ནི། འདི་ན་བདག་ཅག་འཚོ་བ་ངན། །བདག་ཅག་གང་བདོག་དེ་མ་བཏང ། །ལོངས་སྤྱོད་དག་ནི་ཡོད་པའི་ཚེ། །བདག་ཉིད་ལ་ནི་ཕན་མ་བྱས། །སེམས་ཞེས་བྱ་བ་ལས་ཚིགས་སུ་བཅད་པ་ནི། སེམས་ཀྱིས་སུ་ནི་བསླུས་གྱུར་ཅིང ། །མི་ཤེས་པས་ནི་བདས་གྱུར་པ། །སེམས་ཅན་དམྱལ་བར་སྐྱེས་རྣམས་ཀྱི། །གཉའ་ནི་སུ་ཞིག་བྱེད་པར་འགྱུར། ། </font><hr>Da18b<br><font size=+2>


འདི་རྣམས་ཞེས་བྱ་བ་ལས་ཚིགས་སུ་བཅད་པ་ནི། བདག་ཅག་འདི་རྣམས་བདེ་འགྲོ་རུ། །སོང་སྟེ་དགེ་བ་མང་བྱས་ནས། །དེ་ནས་བསོད་ནམས་བྱས་གྱུར་ཅིང ། །ཤིས་པ་བྱས་རྣམས་མཐོ་རིས་འདོང ། །བར་སྣང་གི་སྒྲ་དྲུག་གང་ཞེ་ན། འདི་ལྟ་སྟེ། ཐམས་ཅད། སུ། གང ། ད་ནི། དེ་རྣམས། འདི་དག་ཅེས་བྱ་བ་སྟེ། འདི་དག་ནི་ཚིགས་སུ་བཅད་པ་དྲུག་གི་ཡི་གེ་དང་པོ་ལགས་སོ། །དེ་ལ་ཐམས་ཅད་ཅེས་བྱ་བ་ལས་ཚིགས་སུ་བཅད་པ་ནི། ཐམས་ཅད་གསོག་ཏུ་ཕྱུང་ཟིན་ཏེ། །དེ་ལ་སྙིང་པོ་ཙམ་ཞིག་ལུས། །རྒྱལ་པོ་སྲིན་དེ་སྙིང་པོ་ལ། །དགའ་བ་མེད་པས་རེ་བ་བོར། །སུ་ཞེས་བྱ་བ་ལས་ཚིགས་སུ་བཅད་པ་ནི། སུ་ཞིག་གཉེར་ལེན་ཚུལ་ངན་པོའི། །མིག་ཡ་གཅིག་ཀྱང་འཇོར་བྱེད་པ། །དེས་ནི་བདག་གི་བུ་ཚ་དང ། །བདག་ཀྱང་སྡུག་བསྔལ་ལས་ཐར་བྱས། །གང་ཞེས་བྱ་བ་ལས་ཚིགས་སུ་བཅད་པ་ནི། རྫིང་འདི་ཉ་དང་རུ་སྦལ་ནི། །མང་པོ་དག་གིས་གང་བ་ལས། །ད་ནི་སྦལ་པས་འཚོ་མོད་ཀྱི། །བདག་གིས་གནས་ནི་མི་འདོར་རོ། །ད་ནི་ཞེས་བྱ་བ་ལས་ཚིགས་སུ་བཅད་པ་ནི། གང་ཞིག་རི་བོ་གཏུམ་ལྡན་ལ། །བདག་ལ་རྐང་པས་ནོམ་བྱེད་པའི། །ལོང་བ་ཉོན་མོངས་དེ་དག་ནི། །ད་ནི་མགོན་ཡང་མེད་པར་འགྱུར། །དེ་རྣམས་ཞེས་བྱ་བ་ལས་ཚིགས་སུ་བཅད་པ་ནི། དེ་རྣམས་མཚོ་ནི་བཟང་པོ་ལས། །ཆུ་ནི་བསིལ་ཞིང་ཞིམ་པ་དག་།བདེ་བླག་ཉིད་དུ་རྙེད་པར་འགྱུར། །བདག་ཀྱང་ད་ལྟར་དེར་དགའོ། །འདི་དག་ཅེས་བྱ་བ་ལས་</font><hr>Da19a<br><font size=+2>


༄#། །ཚིགས་སུ་བཅད་པ་ནི། འདི་དག་ཁྲུས་བྱས་ཟོས་ནས་ནི། །ཕྱོགས་དང་ཕྱོགས་སུ་འགྲོ་བར་བྱེད། །བདག་ནི་རྙི་ཡིས་བཟུང་གྱུར་པ། །སྔོན་ཀོ་སྡིག་པ་ཅི་ཞིག་བྱས། །རྨི་ལམ་བརྒྱད་ཅེས་བྱ་བ་གང་ཞེ་ན། འདི་ལྟ་སྟེ། ཙནྡན་དཀར་པོས་ལུས་བྱུགས་པ་དང ། ཙནྡན་དམར་པོས་གཏོར་བ་དང ། ཀླད་ལ་མེ་འབར་བ་དང ། མཆན་ཁུང་གཉིས་ནས་སྦྲུལ་གཉིས་འཕྱང་བ་དང ། རྐང་པ་གཉིས་ལ་ཉ་ཁར་བ་གཉིས་ལྡག་པ་དང ། ངང་པ་གཉིས་ནམ་མཁའ་ལ་འཕུར་བ་དང ། རི་ནག་པོ་ཞིག་མདུན་ན་ཚུར་འོང་བ་དང ། ཆུ་སྐྱར་དག་མགོ་ལ་རྟུག་པས་འཐོར་བ་མཐོང་སྟེ། གཉིད་སད་ནས་འཇིགས་པར་གྱུར། བག་ཚ་བར་གྱུར་ཅིང ། སྤུ་ཟིང་ཞེས་བགྱིད་ནས། གཞི་འདི་ལས་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་མི་འགྱུར་གྲང་སྙམ་བགྱིད་དོ། །འཕགས་པ་ཀ་ཏྱའི་བུ་ཆེན་པོ་ལ་བདག་དོན་འདི་ཞུ་ན། གཞི་འདི་ལས་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་མི་འགྱུར་ལགས་གྲང ། ཚེ་དང་ལྡན་པ་ཀ་ཏྱའི་བུ་ཆེན་པོས་སྨྲས་པ། རྒྱལ་པོ་ཆེན་པོ་ཁྱོད་ཀྱིས་སྒྲ་དེ་དག་དང ། རྨི་ལམ་དེ་དག་གཞན་འགའ་ཞིག་ལ་བསྙད་དམ། དེས་སྨྲས་པ། འཕགས་པ་བསྙད་དོ། །སུ་ཞིག་ལ། བྲམ་ཟེ་རྣམས་ལའོ། །དེ་དག་གིས་ཁྱོད་ལ་ཇི་སྐད་དུ་ལུང་བསྟན། དེས་ཇི་ལྟར་གྱུར་པ་རྒྱས་པར་བསྙད་པ་དང ། དེས་སྨྲས་པ། རྒྱལ་</font><hr>Da19b<br><font size=+2>


པོ་ཆེན་པོ་དེ་དག་ནི་རྟག་ཏུ་འདོད་པ་ལ་ལོངས་སྤྱད་པ་དང ། ལྷའི་འཇིག་རྟེན་མངོན་པར་འདོད་པ་ཡིན་ཏེ། དེ་དག་ཅི་ཤེས། ཁྱོད་ཀྱིས་སྒྲ་བཟང་པོ་དག་ཅིག་ཀྱང་ཐོས། རྨི་ལམ་བཟང་པོ་དག་ཅིག་ཀྱང་མཐོང་གི། ཁྱོད་མ་འཇིགས་ཤིག་དང ། གཞི་དེ་ལས་ཁྱོད་རྒྱལ་སྲིད་ཉམས་པར་ཡང་མི་འགྱུར། སྲོག་གི་བར་ཆད་དུ་ཡང་མི་འགྱུར་རོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་ཁྱོད་ཀྱི་རྨི་ལམ་ན། ས་བླའི་སྒྲ་དྲུག་ཐོས་པ་གང་ཡིན་པ་དེ་གང་གི་ལྟས་ཡིན་ཞེ་ན། ཁྱོད་ཀྱི་མདུན་རོལ་གྱི་རྒྱལ་པོ་དྲུག་ཅིག་གིས་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་བཅུག་པས་ལུས་ཞིག་ནས་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་རྩ་དགུ་པ། དེ་ན་གཅིག་གིས་སེམས་ཅན་དམྱལ་བའི་སྡུག་བསྔལ་གྱིས་ཉེན་ནས་ཚིགས་སུ་བཅད་པ། ལོ་ནི་སྟོང་ཕྲག་དྲུག་ཅུ་དང ། །ལོ་ནི་བརྒྱ་ཕྲག་དྲུག་ཅུ་རུ། །སེམས་ཅན་དམྱལ་བར་འཚེད་རྣམས་ཀྱིས། །ནམ་ཞིག་མཐར་ནི་ཕྱིན་པར་འགྱུར། །ཞེས་བྱ་བ་སྨྲས་སོ། ། གཉིས་པས་ཚིགས་སུ་བཅད་པ། མཐའ་མེད་མཐའ་ལྟ་ག་ལ་ཡོད། །ང་དང་ཁྱེད་ཅག་ཉིད་ཀྱིས་ནི། །མཐའ་ཉིད་དམིགས་པར་མི་འགྱུར་བ། །དེ་ལྟར་སྡིག་པའི་ལས་བྱས་སོ། །ཞེས་བྱ་བ་སྨྲས་སོ། །གསུམ་པས་ཚིགས་སུ་བཅད་པ། བདག་ཅག་གིས་ནི་ལོངས་སྤྱོད་དག་།མཐུན་དང་མི་མཐུན་པས་བསྒྲུབས་པ། །གཞན་དག་བདེ་བས་དགའ་བྱེད་ཀྱི། །བདག་ཅག་སྡུག་བསྔལ་</font><hr>Da20a<br><font size=+2>


༄#། །སྐལ་ཅན་གྱུར། །ཅེས་བྱ་བ་སྨྲས་སོ། །བཞི་པས་ཚིགས་སུ་བཅད་པ། འདི་ན་བདག་ཅག་འཚོ་བ་ངན། །བདག་ཅག་གང་བདོག་དེ་མ་བཏང ། །ལོངས་སྤྱོད་དག་ནི་ཡོད་པའི་ཚེ། །བདག་ཉིད་ལ་ནི་ཕན་མ་བྱས། །ཞེས་བྱ་བ་སྨྲས་སོ། །ལྔ་བས་ཚིགས་སུ་བཅད་པ། སེམས་ཀྱིས་ལུས་ནི་བསླུས་གྱུར་ཅིང ། །མི་ཤེས་པས་ནི་བདས་གྱུར་པ། སེམས་ཅན་དམྱལ་བར་སྐྱེས་རྣམས་ཀྱི། །གཉའ་ནི་སུ་ཞིག་བྱེད་པར་འགྱུར། །ཞེས་བྱ་བ་སྨྲས་སོ། །དྲུག་པས་ཚིགས་སུ་བཅད་པ། བདག་ཅག་འདི་རྣམས་བདེ་འགྲོ་རུ། །སོང་སྟེ་དགེ་བ་མང་བྱས་ནས། །དེ་ནས་བསོད་ནམས་བྱས་གྱུར་ཅིང ། །ཤིས་པ་བྱས་རྣམས་མཐོ་རིས་འདོང ། །ཞེས་བྱ་བ་སྨྲས་ཏེ། དེ་དག་ནི་དེའི་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་བར་སྣང་ལས་སྒྲ་དྲུག་ཐོས་པ་གང་ཡིན་པ་དེ་གང་གི་ལྟས་ཡིན་ཞེ་ན། ཁྱོད་ཀྱི་ཁྱིམ་གྱི་གདུང་མ་དེ་ལ་སྲིན་བུ་ཞིག་གནས་པ་དེས། དེའི་སྙིང་པོ་མ་ཡིན་པ་ཐམས་ཅད་ཟོས་ནས། སྙིང་པོ་ཉེ་ཚེ་ལུས་པ་དང ། དེ་དེ་ལྟར་མངོན་པར་མི་དགའ་ནས་ཚིགས་སུ་བཅད་པ། ཐམས་ཅད་གསོག་ཏུ་ཕྱུང་ཟིན་ཏེ། །འདི་ལ་སྙིང་པོ་ཙམ་ཞིག་ལུས། །རྒྱལ་པོ་སྲིན་དེ་སྙིང་པོ་ལ། །དགའ་བ་མེད་པས་རེ་བ་བོར། །ཞེས་བྱ་བ་སྨྲས་སོ། །ནམ་མཁའི་སྒྲ་དང་པོ་ནི་དེ་ཡིན་ཏེ། དེ་བས་ན་ཁྱོད་ཀྱིས་ཕྱུང་ལ་གདུང་གཞན་ཞིག་ཆུག་ཅིག་།རྒྱལ་པོ་ཆེན་པོ་</font><hr>Da20b<br><font size=+2>


གཞན་ཡང་ཁྱོད་ཀྱི་རྟ་རྫི་གཉེར་ལེན་ཞེས་བྱ་བ་དེས་བྱ་རོག་མོའི་སྒོ་ང་བྱུང་ཞིང ། བྱུང་བ་རྣམས་བཅོམ་པ་དང ། དེ་བུ་དང་བྲལ་བས་ཡིད་མ་བདེ་བ་སྐྱེས་ཏེ། སྙིང་རྗེ་རྗེ་སྐད་དུ་ངུ་ཞིང་དལ་བུས་ཚིགས་སུ་བཅད་པ། སུ་ཞིག་གཉེར་ལེན་ཚུལ་ངན་པོའི། །མིག་ཡ་གཅིག་ཀྱང་འཇོར་བྱེད་པ། །དེས་ནི་བདག་གི་བུ་ཚ་དང ། །བདག་ཀྱང་སྡུག་བསྔལ་ལས་ཐར་བྱས། །ཞེས་བྱ་བ་སྨྲས་ཏེ། ནམ་མཁའི་སྒྲ་གཉིས་པ་ནི་དེ་ཡིན་གྱི། ཁྱོད་ཀྱིས་དེ་འཇོམས་སུ་མ་གཞུག་ཅིག་།གཞན་ཡང་ཁྱོད་ཀྱི་ཁྱིམ་ན་རྩེ་བའི་རྫིང་བུ་བྱ་རོག་གིས་བཏུང་སླེབས་ཙམ་དུ་ཆུས་ཁ་ད་ཅན་དུ་གང་བ་ཉ་དང ། རུ་སྦལ་དང ། སྦལ་པ་མང་པོ་གནས་པ་དེ་ན། ཆུ་སྐྱར་གཅིག་ཅིག་ཉ་དག་ཟ་ཞིང་འདུག་པ་ལས། དེ་བསྐམས་ཏེ་ཆུ་མེད་པར་གྱུར་པ་དང ། ཆུ་སྐྱར་དེས་དེ་ལྟ་བུ་དེ་མཐོང་ནས། མི་དགའ་སྟེ་ཚིགས་སུ་བཅད་པ། རྫིང་འདི་ཉ་དང་རུ་སྦལ་ནི། །མང་པོ་དག་གིས་གང་བ་ལས། །ད་ནི་སྦལ་པས་འཚོ་མོད་ཀྱི། །བདག་གིས་གནས་ནི་མི་འདོར་རོ། །ཞེས་བྱ་བ་སྨྲས་ཏེ། ནམ་མཁའི་སྒྲ་གསུམ་པ་ནི་དེ་ཡིན་གྱི། ཁྱོད་ཀྱིས་དེ་ཆུས་ཁོང་ཞིག་།གཞན་ཡང་ཁྱོད་ཀྱི་ཡུལ་ན་རི་བོ་གཏུམ་ལྡན་ཞེས་བྱ་བ་དེ་ལ། གླང་པོ་ཆེ་དང ། གླང་པོ་ཆེ་མོ་དམུས་ལོང་ཞིག་གནས་ཏེ། དེ་གཉིས་ལ་བུ་གཅིག་ཅིག་ཡོད་པ་དེ། དེ་དག་གི་རིམ་གྲོ་བྱེད་དོ། །དེ་དེ་གཉིས་ཀྱི་ཟས་ཀྱི་ཕྱིར་སོང་བ་དང ། གླང་པོ་ཆེ་མོ་ཞིག་དང་ལྷན་ཅིག་འདུས་པར་གྱུར་པ་ལས། དེ་ཁྱོད་ཀྱིས་ཐབས་ཀྱིས་གྲོངས་ཏེ་ཁྲིད་དེ་འོངས་ནས་བཏགས་ཏེ་བཞག་པ་དང ། དེ་</font><hr>Da21a<br><font size=+2>


༄#། །མ་དང་ཕའི་རྗེས་སུ་མྱ་ངན་བྱེད་ཅིང་རྩཝ་ཡང་མི་ཟ། ཆུ་ཡང་མི་འཐུང་བར་དེ་དག་རྗེས་སུ་དྲན་ཞིང་མི་དགའ་བར་གྱུར་ནས་ཚིགས་སུ་བཅད་པ། གང་ཞིག་རི་བོ་གཏུམ་ལྡན་ལ། །བདག་ལ་རྐང་པས་ནོམ་བྱེད་པའི། །ལོང་བ་ཉོན་མོངས་དེ་དག་ནི། །ད་ནི་མགོན་ཡང་མེད་པར་གྱུར། །ཅེས་བྱ་བ་སྨྲས་ཏེ། ནམ་མཁའི་སྒྲ་བཞི་པ་ནི་དེ་ཡིན་གྱི། ཕ་མའི་གྲོགས་བྱེད་པ་ཤིན་མི་རུང་བས་ཁྱོད་ཀྱིས་དེ་ཐོང་ཞིག་།གཞན་ཡང་ཁྱོད་ཀྱི་ཁྱིམ་ན་རི་དྭགས་ཤིག་བཟུང་སྟེ་འདུག་པ་དེ་ཁྱུ་དང་ཕྲལ་བས་དགོན་པའི་རི་དྭགས་རྣམས་དྲན་ནས་ཚིགས་སུ་བཅད་པ། དེ་རྣམས་མཚོ་ནི་བཟང་པོ་ལས། །ཆུ་ནི་བསིལ་ཞིང་ཞིམ་པ་དག་།བདེ་བླག་ཉིད་དུ་རྙེད་པར་འགྱུར། །བདག་ཀྱང་ད་ལྟར་དེར་དགའོ། །ཞེས་བྱ་བ་སྨྲས་ཏེ། བར་སྣང་གི་སྒྲ་ལྔ་པ་ནི་དེ་ཡིན་གྱི། ཁྱོད་ཀྱིས་དེ་ཐོང་ཞིག་།གཞན་ཡང་ཁྱོད་ཀྱི་ཁྱིམ་ན་ངང་པ་དག་ཅིག་བཟུང་སྟེ་འདུག་པ་དེ་དག་གིས་ངང་པ་གནམ་ལ་འཕུར་བ་དག་མཐོང་ནས་མི་དགའ་སྟེ་ཚིགས་སུ་བཅད་པ། འདི་དག་ཁྲུས་བྱས་ཟོས་ནས་ནི། །ཕྱོགས་དང་ཕྱོགས་སུ་འགྲོ་བར་བྱེད། །བདག་ནི་རྙི་ཡིས་བཟུང་གྱུར་པ། །སྔོན་ཀོ་སྡིག་པ་ཅི་ཞིག་བྱས། །ཞེས་བྱ་བ་སྨྲས་ཏེ། ནམ་མཁའི་སྒྲ་དྲུག་པ་ནི་དེ་ཡིན་པས་དེ་དག་ཀྱང་ཁྱོད་ཀྱིས་བཏང་བར་བྱ་སྟེ། དེ་ནི་དེ་དག་གི་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱི་རྨི་ལམ་བརྒྱད་མཐོང་བ་གང་ཡིན་པ་དེ་ཅིའི་སྔ་ལྟས་ཡིན་ཞེན། རེ་ཞིག་ཙནྡན་དཀར་པོས་ལུས་བྱུགས་པར་མཐོང་བ་གང་</font><hr>Da21b<br><font size=+2>


ཡིན་པ་ནི་ཁྱོད་ལ་ལུས་འཕགས་ཀྱི་རྒྱལ་པོས་གོས་བེའུ་རས་ཡུག་པོ་ཆེ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཞག་བདུན་ན་ཕྱིན་པར་འགྱུར་བས། ཁྱོད་ཀྱི་རྨི་ལམ་དང་པོ་ནི་དེའི་སྔ་ལྟས་ཡིན་ནོ། །ཁྱོད་ཀྱི་ལུས་ལ་ཙནྡན་དམར་པོས་གཏོར་བར་མཐོང་བ་གང་ཡིན་པ་ནི། ཁྱོད་ལས་འཛིན་གྱི་རྒྱལ་པོས་ལ་བ་རིན་པོ་ཆེ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཡང་ཞག་བདུན་ན་ཕྱིན་པར་འགྱུར་བས། རྨི་ལམ་གཉིས་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་ཀླད་པ་ལ་མེ་འབར་བ་མཐོང་བ་གང་ཡིན་པ་ནི། ཁྱོད་ལ་ཡུལ་ཡ་བ་ནིའི་རྒྱལ་པོས་གསེར་གྱི་ཕྲེང་བ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཡང་ཞག་བདུན་ན་ཕྱིན་པར་འགྱུར་བས། རྨི་ལམ་གསུམ་པ་ནི་དེའི་སྔ་ལྟས་ཡིན་ནོ། །ཁྱོད་ཀྱི་མཆན་ཁུང་གཉིས་ནས་སྦྲུལ་གཉིས་འཕྱང་བ་མཐོང་བ་གང་ཡིན་པ་ནི། ཁྱོད་ལ་རྒྱའི་རྒྱལ་པོས་རལ་གྲི་ཟུང་ཞིག་།སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཡང་ཞག་བདུན་ན་ཕྱིན་པར་འགྱུར་བས། ཁྱོད་ཀྱི་རྨི་ལམ་བཞི་པ་ནི་དེའི་སྔ་ལྟས་ཡིན་ནོ། །ཁྱོད་ཀྱི་རྐང་པ་གཉིས་ལ་ཉ་ཁར་བ་གཉིས་ལྔག་\་LཌཱG་?\པ་མཐོང་བ་གང་ཡིན་པ་ནི། ཁྱོད་ལ་སིངྒ་ལའི་རྒྱལ་པོས་ནོར་བུའི་ལྷམ་ཟུང་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ།་དེ་ཡང་ཞག་བདུན་ན་ཕྱིན་པར་འགྱུར་བས། ཁྱོད་ཀྱི་རྨི་ལམ་ལྔ་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་ངང་པ་གཉིས་ནམ་མཁའ་ལ་འཕུར་བ་མཐོང་བ་གང་ཡིན་པ་ནི། ཁྱོད་ལ་བྷ་ག་ལའི་</font><hr>Da22a<br><font size=+2>


༄#། །རྒྱལ་པོས་རྟ་གཉིས་ཤིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཡང་ཞག་བདུན་ན་ཕྱིན་པར་འགྱུར་བས། ཁྱོད་ཀྱི་རྨི་ལམ་དྲུག་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་རི་ནག་པོ་ཞིག་མདུན་ནས་ཚུར་འོངས་པ་མཐོང་བ་གང་ཡིན་པ་དེ་ནི། ཁྱོད་ལ་ཀ་ལིངྐའི་རྒྱལ་པོས་གླང་པོ་ཆེའི་གཙོ་བོ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ།་དེ་ཡང་ཞག་བདུན་ན་ཕྱིན་པར་འགྱུར་བས། ཁྱོད་ཀྱི་རྨི་ལམ་བདུན་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་ཆུ་སྐྱར་དག་མགོ་ལ་རྟུག་པས་འཐོར་བ་གང་ཡིན་པ་དེ་ནི། ཁྱོད་དང་བ་ལང་སྐྱོང་གི་མ་ཞི་བ་ཤེས་པར་འགྱུར་རོ། །ཁྱོད་ཀྱིས་བྲམ་ཟེ་རྣམས་ལ་ཡང་ངན་སེམས་བསྐྱེད་པར་མི་བྱའོ། །དེ་སྐད་ཅེས་སྨྲས་པ་དང ། རྒྱལ་པོ་རབ་སྣང་སྲོག་སྟོར་བ་ལས་ཕྱིར་རྙེད་པ་བཞིན་དུ་དགའ་བ་དང ། མགུ་བ་དང ། རབ་ཏུ་དགའ་བ་དང ། རངས་པ་དང ། བདེ་བ་དང ། ཡིད་བདེ་བ་སྐྱེས་ནས། ཚེ་དང་ལྡན་པ་ཀ་ཏྱའི་བུ་ཆེན་པོས་བཤད་པ་ལ་རྗེས་སུ་ཡི་རང་ནས། རྐང་པ་ལ་མགོ་བོས་ཕྱག་འཚལ་ཏེ། སྟན་ལས་ལངས་ཏེ་སོང་ངོ ། །དེ་རང་གི་ཁྱིམ་དུ་སོང་ནས། ཚེ་དང་ལྡན་པ་ཀ་ཏྱའི་བུ་ཆེན་པོས་ཇི་སྐད་སྨྲས་པ་དེ་ཐམས་ཅད་བསྒྲུབས་ཏེ།་གདུང་མ་ཡང་གཞན་ཞིག་བཅུག་།རྟ་རྫི་གཉེར་ལེན་ཡང་དེ་ལྟར་བྱེད་དུ་མ་བཅུག་།རྫིང་བུ་ཡང་ཆུས་བཀང ། གླང་པོ་ཆེ་དང ། རི་དྭགས་དང ། ངང་པ་རྣམས་ཀྱང་བཏང་ངོ ། །ཞག་</font><hr>Da22b<br><font size=+2>


བདུན་ན་དེའི་སྐྱེས་ཇི་སྐད་བསྟན་པ་ཐམས་ཅད་ཀྱང་ཕྱིན་ནས། དེ་ནོར་རྙེད་པས་ཡིད་བདེ་བ་སྐྱེས་ནས། ཚེ་དང་ལྡན་པ་ཀ་ཏྱའི་བུ་ཆེན་པོ་ལ་ཇེ་སེམས་མངོན་པར་དད་པར་གྱུར་ཏེ་བསམས་པ། བདག་གི་ཁྱིམ་ན་དཔལ་དང་དབང་ཐང་ཕུན་སུམ་ཚོགས་པ་གང་ཅུང་ཟད་ཡོད་པ་དེ་ཐམས་ཅད་ནི་འཕགས་པ་ཀ་ཏྱའི་བུ་ཆེན་པོ་ལ་བརྟེན་ནས་ཡིན་ནོ། །དེའི་ཕྱིར་རེ་ཞིག་གོས་བེའུ་རས་ཡུག་པོ་ཆེ་འདི་བསྐུར་ལ་ཕྱིས་རྒྱལ་སྲིད་བསྟབ་པར་བྱའོ་སྙམ་དུ་རིག་ནས་མི་ཞིག་ལ་སྨྲས་པ། ཀྱེ་སྐྱེས་བུ་ཁྱོད་ཚུར་གོས་བེའུ་རས་ཡུག་པོ་ཆེ་འདི་ཁྱེར་ལ་འཕགས་པ་ཀ་ཏྱའི་བུ་ཆེན་པོ་ལ་ཕུལ་ཅིག། ཅེས་བྱས་པ་དང ། དེས་གོས་བེའུ་རས་ཡུག་པོ་ཆེ་དེ་ཁྱེར་ནས་འཕགས་པ་ཀ་ཏྱའི་བུ་ཆེན་པོ་ལ་བྱིན་ནོ། །དེ་ནས་བ་ལང་སྐྱོང་གི་མ་ཞི་བ་དང ། སྐྱ་བསེང་གི་བུ་མོ་སྒྲོལ་མ་དང ། གཞོན་ནུ་བ་ལང་སྐྱོང་དང ། གསོས་པ་དང ། མདུན་ན་འདོན་ལ་སྨྲས་པ། ཤེས་ལྡན་དག་ང་ལ་ཡུལ་སྣ་ཚོགས་ལ་དབང་བའི་རྒྱལ་པོ་རྣམས་ཀྱིས། སྐྱེས་འདི་དག་བསྐུར་གྱི། ཁྱེད་གང་ཇི་ལྟར་འདོད་པ་བཞིན་ཁྱེར་ཅིག་།དེ་ནས་བ་ལང་སྐྱོང་གི་མ་ཞི་བས་ནི་གསེར་གྱི་འཕྲེང་བ་ཁྱེར། སྐྱ་བསེང་གི་བུ་མོ་སྒྲོལ་མས་ནི་ལ་བ་རིན་པོ་ཆེ། གཞོན་ནུ་བ་ལང་སྐྱོང་གིས་ནི་རྟ་གཉིས། གསོས་པས་ནི་རལ་གྲི་ཟུང་ཞིག་།མདུན་ན་འདོན་གྱིས་ནི་ནོར་བུའི་ལྷམ་ཟུང་ཞིག་ཁྱེར་ཏེ། གླང་པོ་ཆེའི་གཙོ་བོ་ལུས་པ་དེ་རྒྱལ་པོས་ཁྱེར་རོ། །དེ་ནས་རྒྱལ་པོ་རབ་སྣང་ཡན་ལག་གི་</font><hr>Da23a<br><font size=+2>


༄#། །མཆོག་ལྔ་ལ་རིན་པོ་ཆེ་དག་གིས་བགོ་བཤའ་བྱས། ཚེ་དང་ལྡན་པ་ཀ་ཏྱའི་བུ་ཆེན་པོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། རྒྱལ་པོ་རབ་སྣང་གིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། ། འཕགས་པ་སྨན་འདོགས་ཤིང་གཅེས་སྤྲས་མཛད་པ་ལགས་ཏེ། དེའི་སླད་དུ་བདག་འཕགས་པ་ལ་རྒྱལ་སྲིད་སྟོབས་ན། ཐུགས་བརྩེ་བ་ཉེ་བར་གཟུང་སྟེ་རྒྱལ་སྲིད་བཞེས་སུ་གསོལ། ཚེ་དང་ལྡན་པ་ཀ་ཏྱའི་བུ་ཆེན་པོས་སྨྲས་པ། རྒྱལ་པོ་ཆེན་པོ་བཅོམ་ལྡན་འདས་ཀྱིས་དགེ་སློང་ལ་རྒྱལ་སྲིད་བྱེད་པ་བཀག་གོ་།རྒྱལ་པོས་སྨྲས་པ། འཕགས་པ་གལ་ཏེ་དེ་ལྟ་ན་འདོད་པ་ཐམས་ཅད་སྟོབས་ན། འདོད་པ་ཐམས་ཅད་ཡོངས་སུ་སྤྱད་དུ་གསོལ། དེས་སྨྲས་པ། རྒྱལ་པོ་ཆེན་པོ་བཅོམ་ལྡན་འདས་ཀྱི་འདོད་པ་ཐམས་ཅད་ཀྱང་བཀག་གོ་།རྒྱལ་པོས་སྨྲས་པ། འཕགས་པ་གལ་ཏེ་དེ་ལྟ་ན་ལོངས་སྤྱོད་དང ། ལོངས་སྤྱོད་ཀྱི་མཆོག་རྣམས་སྟོབས་ན་ཡོངས་སུ་སྤྱད་དུ་གསོལ། དེས་སྨྲས་པ། རྒྱལ་པོ་ཆེན་པོ་རེ་ཞིག་བཅོམ་ལྡན་འདས་ལ་ཞུས་ཏེ་བྱའོ། །རྒྱས་པོས་སྨྲས་པ། འཕགས་པ་དེ་ལྟར་མཛོད་ཅིག་།དེའི་ཚེ་ན་བཅོམ་ལྡན་འདས་ནི་མཉན་ཡོད་ན་རྒྱལ་པོ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་</font><hr>Da23b<br><font size=+2>


སོ། །སྐབས་དེ་ལྟ་བུ་ལ་སངས་རྒྱས་བཅོམ་ལྡན་འདས་རྣམས་ལ་མི་མཁྱེན་པའམ། མི་གཟིགས་པའམ། མི་རིག་པའམ། རྣམ་པར་མི་རིག་པ་ཅུང་ཟད་ཀྱང་མི་མངའ་སྟེ། བཅོམ་ལྡན་འདས་ཀྱིས་དགོངས་པ། དགེ་སློང་ཀ་ཏྱའི་བུ་ཆེན་པོ་ལོངས་སྤྱོད་དང་ལོངས་སྤྱོད་ཀྱི་མཆོག་རྣམས་དོན་དུ་གཉེར་བ་མ་ཡིན་མོད་ཀྱི། འོན་ཀྱང་སྐྱེ་བོ་ཕྱི་མ་རྣམས་ལ་ཕན་གདགས་སོ་སྙམ་དུ་དགོངས་ནས་འཇིག་རྟེན་པའི་ཐུགས་བསྐྱེད་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་དེའི་ཚེ་སྲོག་ཆགས་གྲོག་སྦུར་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་སོ། །གང་གི་ཚེ་འཇིག་རྟེན་ལས་འདས་པའི་ཐུགས་བསྐྱེད་པ་དེའི་ཚེ་ནི། ཉན་ཐོས་དང ། རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་མི་ཤེས་ན། བྱོལ་སོང་གི་སྐྱེ་གནས་སུ་སོང་བ་རྣམས་ཀྱིས་ལྟ་སྨོས་ཀྱང་ཅི་དགོས། དོན་འདི་ལ་ནི་བཅོམ་ལྡན་འདས་དང ། ཚེ་དང་ལྡན་པ་ཀ་ཏྱའི་བུ་ཆེན་པོའི་ཐུགས་དང་སེམས་སུ་འཕྲོད་པའི་འཇིག་རྟེན་པའི་ཐུགས་བསྐྱེད་དོ། །དེ་ནས་བཅོམ་ལྡན་འདས་དང ། ཚེ་དང་ལྡན་པ་ཀ་ཏྱའི་བུ་ཆེན་པོས་ལྷའི་མིག་དང་ལྷའི་རྣ་བ་མངོན་པར་བསྒྲུབས་ནས། ཕན་ཚུན་བལྟ་བ་དང་ཉན་པར་ཡང་ཞུགས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀ་ཏྱའི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ་དགེ་སློང་གི་དགེ་འདུན་གྱི་ཆེད་དུ་ལོངས་སྤྱོད་དང་ལོངས་སྤྱོད་</font><hr>Da24a<br><font size=+2>


༄#། །ཀྱི་མཆོག་དག་བླང་དུ་རུང་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀ་ཏྱའི་བུ་ཆེན་པོ་སྐྱེ་བོ་ཕྱི་མ་རྣམས་ལ་སྙིང་བརྩེ་བའི་ཕྱིར་དང ། སྦྱིན་པ་པོ་རྣམས་ཀྱི་ལོངས་སྤྱོད་འཕེལ་བར་བྱ་བའི་ཕྱིར་རུང་སྟེ། དེ་ལྟ་བས་ན་དགེ་འདུན་ལ་ལོངས་སྤྱོད་དང་ལོངས་སྤྱོད་ཀྱི་མཆོག་རྣམས་གནང་གི་།གང་ཟག་ལ་ནི་མ་ཡིན་ནོ། །དེ་ལ་ལོངས་སྤྱོད་ནི་འདི་དག་ཡིན་ཏེ། གྲོང་དང ། ཞིང་རྣམས་སོ། །ལོངས་སྤྱོད་ཀྱི་མཆོག་ནི་བ་ལང་དང ། མ་ཧེ་དང ། ར་དང ། ལུག་རྣམས་སོ། །དེ་ནས་ཚེ་དང་ལྡན་པ་ཀ་ཏྱའི་བུ་ཆེན་པོས་བཅོམ་ལྡན་འདས་ལ་ཞུས་ནས། རྒྱལ་པོ་རབ་སྣང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བཅོམ་ལྡན་འདས་ཀྱིས་སྐྱེ་བོ་ཕྱི་མ་རྣམས་ལ་སྙིང་བརྩེ་བའི་ཕྱིར་དང ། སྦྱིན་བདག་རྣམས་ཀྱི་ལོངས་སྤྱོད་འཕེལ་བར་བྱ་བའི་ཕྱིར་དགེ་འདུན་ལ་ལོངས་སྤྱོད་དང ། ལོངས་སྤྱོད་ཀྱི་མཆོག་རྣམས་གནང་ངོ ། །དེ་ནས་རྒྱལ་པོ་རབ་སྣང་གིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལས་བརྟེན་ནས་ཡོ་བྱད་ཕུན་སུམ་ཚོགས་པའི་གཙུག་ལག་ཁང་བྱེད་དུ་བཅུག་སྟེ། ཕྱོགས་བཞིའི་དགེ་སློང་གི་དགེ་འདུན་ལ་ཕུལ་ནས། ལོངས་སྤྱོད་དང ། ལོངས་སྤྱོད་ཀྱི་མཆོག་རྣམས་ཀྱང་ཕུལ་ལོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་དགེ་བསྙེན། ངའི་ཉན་ཐོས་དགེ་འདུན་ལ་ཐོག་མར་འདོད་པ་ཐམས་ཅད་སྟོབས་པ་རྣམས་</font><hr>Da24b<br><font size=+2>


ཀྱི་ནང་ན་མཆོག་ནི་འདི་ལྟ་སྟེ། འཕགས་རྒྱལ་གྱི་རྒྱལ་པོ་རབ་སྣང་འདི་ཡིན་ནོ། །དགེ་སློང་དག་།ངའི་དགེ་བསྙེན། ངའི་ཉན་ཐོས་དགེ་འདུན་ལ་ཐོག་མར་བཤོས་འབུལ་བ་རྣམས་ཀྱི་ནང་ན་མཆོག་ནི་འདི་ལྟ་སྟེ། རྒྱལ་པོའི་ཁབ་ཀྱི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་འདི་ཡིན་ནོ། །དགེ་སློང་དག་།ངའི་དགེ་བསྙེན། ངའི་ཉན་ཐོས་དགེ་འདུན་ལ་ཐོག་མར་གནས་མལ་འབུལ་བ་རྣམས་ཀྱི་ནང་ན་མཆོག་ནི་འདི་ལྟ་སྟེ། མཉན་ཡོད་ཀྱི་ཁྱིམ་བདག་མགོན་མེད་ཟས་སྦྱིན་འདི་ཡིན་ནོ། །དགེ་སློང་དག་།ངའི་དགེ་བསྙེན། ངའི་ཉན་ཐོས་དགེ་འདུན་ལ་ཐོག་མར་གཙུག་ལག་ཁང་བྱེད་པ་རྣམས་ཀྱི་ནང་ན་མཆོག་ནི་འདི་ལྟ་སྟེ། ཡུལ་ཝཱ་ར་ཎཱ་སིའི་ཁྱིམ་བདག་བཟང་ལྡན་འདི་ཡིན་ནོ། །བར་སྡོམ་ནི། འདོད་པ་ཀུན་གྱི་རབ་སྣང་སྟེ། །དགེ་འདུན་བཤོས་ཀྱི་བཟོ་སྦྱངས་ཡིན། །གནས་མལ་མགོན་མེད་ཟས་སྦྱིན་ཏེ། །གཙུག་ལག་ཁང་ནི་བཟང་ལྡན་ནོ། །རྒྱལ་པོ་རབ་སྣང་བཙུན་མོའི་འཁོར་དུ་རེས་ཀྱིས་ཟན་ཟ་སྟེ། ཉི་མ་གཅིག་ནི་བ་ལང་སྐྱོང་གི་མ་ཞི་བའི་དྲུང་དུ། གཅིག་ནི་སྐྱ་བསེང་གི་བུ་མོ་སྒྲོལ་མའི་དྲུང་དུའོ། །དེའི་དུས་གཞན་ཞིག་ན་དགོངས་པ། བ་ལང་སྐྱོང་གི་མ་ཞི་བའི་ཐད་དུ་ཟན་ཟ་བ་ན། རྒྱལ་པོ་དེ་ཞོ་ལ་དགའ་བས་བ་ལང་སྐྱོང་གི་མ་ཞོའི་ཕོར་བ་ཐོགས་ཏེ། དེ་ཟན་ཟ་བའི་མདུན་ན་འདུག་གོ་།ཇི་ཙམ་ན་ཕྱོགས་དེར་སྐྱ་བསེང་གི་བུ་མོ་སྒྲོལ་མ་སོང་སྟེ། དེས་ལ་བ་རིན་པོ་ཆེ་བགོས་པ་དང ། དེས་གློག་བྱུང་བ་ལྟ་བུར་རྒྱལ་པོ་དེ་བ་ལང་སྐྱོང་གི་མ་ཞིབ་དང་བཅས་</font><hr>Da25a<br><font size=+2>


༄#། །ཏེ་སྣང་བར་བྱས་སོ། །ཞི་བས་སྣང་བ་དེ་མཐོང་ནས་ཡ་མཚན་སྐྱེས་ཏེ་སྨྲས་པ། ལྷ་འདི་ཅི་ལགས། གློག་ཅིག་གློ་བུར་དུ་བྱུང་ངམ། འགའ་ཞིག་གིས་ཞུགས་མར་འཚལ། དེས་སྨྲས་པ། ཞི་བ་འདི་ནི་གློག་གི་འོད་ཀྱང་མ་ཡིན། མར་མེ་ཡང་མ་ཡིན་གྱི། འོན་ཀྱང་སྐྱ་བསེང་གི་བུ་མོ་སྒྲོལ་མ་ཕྱོགས་འདི་ནས་སོང་སྟེ། དེས་ལ་བ་རིན་པོ་ཆེ་བགོས་པས་འདི་ནི་དེའི་འོད་ཡིན་ནོ། །ཁྱོད་ཀྱིས་ལ་བ་རིན་པོ་ཆེ་དེ་ལྟ་བུ་བཏང་སྟེ། གསེར་གྱི་ཕྲེང་བ་བླངས་པ་ནི་ཁྱོད་བླུན་ནོ། །ཇི་བདག་གི་ཁྱིམ་ན་གསེར་གྱི་ཕྲེང་བ་མེད་དམ། ཉིས་ན་རིགས་ངན་པ་ལས་སྐྱེས་པ་དེ་ཐེ་གིའོ། །དེས་སྨྲས་པ། ལྷ་དེ་ལ་དེ་ལྟ་བུའི་ཤེས་རབ་ག་ལ་མཆིས། གདོན་མ་འཚལ་བར་ཁྱོད་ཉིད་ཀྱིས་ལ་བ་རིན་པོ་ཆེ་ལོང་ཞིག་ཅེས་བསྟན་ཏེ། དེས་ན་དེས་བླངས་ལགས་མོད། རྒྱལ་པོས་སྨྲས་པ། ངས་དེ་ལ་མ་སྨྲས་ཏེ། དེས་རང་གི་བློས་བླངས་སོ། །ཁྱོད་ཀྱིས་སྨྲས་སོ། །ངས་མ་སྨྲས་སོ། །ཞེས་དེ་གཉིས་འཐབ་པར་གྱུར་ནས། ཞི་བས་དེའི་མགོར་ཞོའི་ཕོར་བས་བསྣུན་པ་དང ། རྒྱལ་པོ་དེ་སྤྱི་ཅེར་ཞིག་པས་དེའི་ཀླད་པ་ཞོམ་མོ། །དེས་ལག་པས་མནམས་ཏེ་བསམས་པ། བདག་གི་ཀླད་པ་ཞོམ། བདག་གི་ཀླད་རྒྱས་ཀྱང་ལུག་པས། འདིས་ཡེ་བདག་བསད་ཀྱི། ཇི་སྲིད་སྲོག་དང་མ་བྲལ་གྱི་བར་དུ་ཇེ་འདི་གསད་དོ་སྙམ་ནས། དེས་གསོས་པ་ལ་བསྒོ་བ། གསོས་པ། ངས་བ་ལང་སྐྱོང་གི་མ་ཞི་བ་ཡོངས་སུ་བཏང་གི། སོད་ཅིག་</font><hr>Da25b<br><font size=+2>


གསོས་པས་བསམས་པ། དེ་འདི་ལ་ཤིན་ཏུ་ཕངས་ན་འདི་ཁྲོ་བའི་ཀུན་ནས་དཀྲིས་པས་འདི་སྐད་དུ་ཟེར་བར་ཟད་པས། འཕྲལ་ལ་གསད་པར་མི་བྱའི། ཀུན་ནས་དཀྲིས་པ་དང་བྲལ་ནས་བསམས་པ་ཤེས་པར་བྱ་སྟེ། གསད་ཀྱི། རེ་ཞིག་གནས་དབེན་པ་ཞིག་ཏུ་བཞག་གོ་སྙམ་དུ་རིག་ནས་སྨྲས་པ། ལྷ་དེ་ལྟར་འཚལ་ཏེ། དགུམ་མོ། །ཞེས་བྱས་ནས། དེས་དེ་གནས་དབེན་པ་ཞིག་ཏུ་བཞག་གོ་།རྒྱལ་པོ་ཀུན་ནས་དཀྲིས་པ་དང་བྲལ་ནས་སྨྲས་པ། གསོས་པ། བ་ལང་སྐྱོང་གི་མ་ཞི་བ་ག་རེ། དེས་སྨྲས་པ། ལྷ་ཁྱོད་ཀྱིས། ངས་བ་ལང་སྐྱོང་གི་མ་ཞི་བ་ཡོངས་སུ་བཏང་གི་།སོད་ཅིག་།ཅེས་བཀའ་སྩལ་པས། བདག་གིས་དེ་ལྷའི་བཀའ་བཞིན་དུ་བཀུམ་ལགས་སོ། །དེས་སྨྲས་པ། གསོས་པ་ལེགས་སོ། །ད་ནི་ང་དང་སྐྱ་བསེང་གི་བུ་མོ་སྒྲོལ་མ་དང ། གཞོན་ནུ་བ་ལང་སྐྱོང་དང ། མདུན་ན་འདོན་ཀྱང་སོད་ལ། ཁྱོད་ཉིད་ཅོད་པན་ཆིངས་ཏེ་རྒྱལ་སྲིད་བྱེད་ལ་རག་གོ་།ངས་ཀོ་དེ་ལ་ང་ལ་མ་གུས་པ་བྱས་པས། ངས་དེ་ནན་ཏུར་བྱས་ལ་ཕྱིས་དགའ་བར་བྱའོ་སྙམ་དུ་བསམས་བསམས་ན། ཁྱོད་ཀྱིས་མོད་ཁོ་ན་ལ་བསད་པ་ལྟ་ཞིག་།དེས་སྨྲས་པ། ལྷ་འདི་ན་སྐྱེས་བུ་མཁས་པ་ཁ་ཅིག་སྨྲས་པའི་དོན་དཔེས་ཀྱང་ཀུན་འཚལ་བར་འགྱུར་བས། རེ་ཞིག་དཔེ་གསན་དུ་གསོལ། བསྡུས་པའི་སྡོམ་ནི། ཁྲ་བོ་དང་ནི་སྒྲེན་མོ་དང ། །རྙེད་པར་དཀའ་དང་བསླུ་བ་དང ། །མི་ངོམས་པ་དང་གཉིས་གཏོགས་པར། །བསྡུམ་པའི་སྡོམ་དུ་ཡང་དག་བསྡུས། །སྡོམ་ནི། ཁྲ་བོ་སྤྲེའུ་དང་འཇིག་</font><hr>Da26a<br><font size=+2>


༄#། །རྟེན་ན། །ལོང་བདག་སྟེ་ཐ་མ་ཡིན། །རྒྱལ་པོ་ཆེན་པོ་སྔོན་འབྱུང་བ་རིའི་ཕྱོགས་མི་འདུ་བ་དང ། འཇིགས་པ་མ་མཆིས་པ། ཤིང་སྣ་ཚོགས་ཀྱི་ཚལ་གྱིས་བརྒྱན་པ།་སེངྒེ་དང ། སྟག་དང ། དྲེད་དང ། བྱི་ལ་དང ། རི་དྭགས་དང ། ཕག་རྒོད་རྒྱུ་བ། བྱའི་ཚོགས་སྣ་ཚོགས་ཀྱིས་བསྟེན་པ་གཅིག་ཅིག་ཏུ་སྲོག་ཆགས་ཐི་བས་ཤིང་ཆེན་པོ་ཞིག་གི་ཁར་ཚང་བཅས་ཏེ། དེས་དེ་འབྲས་བུ་སྨིན་པ་རྣམས་ཀྱིས་བཀང་ནས་ཆུང་མ་ལ་སྨྲས་པ། བཟང་མོ་ཁྱོད་ཀྱིས་འབྲས་བུ་འདི་དག་བཟའ་བར་མི་བྱ་སྟེ། ད་ལྟ་ནི་གང་ཡང་རུང་བས་བདག་ཉིད་འཚོ་བར་བྱའོ། །ནམ་རླུང་དང་ཡུལ་ངན་བྱུང་བ་དེའི་ཚེ་འདི་དག་བཟའ་བར་བྱའོ། །དེས་སྨྲས་པ། ལེགས་ཏེ་དེ་བཞིན་བྱའོ། །ཇི་ཙམ་ན་རླུང་དང་ཉི་མས་ཕོག་པས་འབྲས་བུ་རྣམས་བསྐམས་ཏེ།་ཚང་དེ་འགྲིབས་པར་གྱུར་པ་དང ། ཐི་བས་སྨྲས་པ། བཟང་མོ་ངས་ཁྱོད་ལ་ཁྱོད་ཀྱིས་འབྲས་བུ་འདི་དག་བཟའ་བར་མི་བྱ་སྟེ། རླུང་ངམ་ཡུལ་ངན་བྱུང་བའི་ཚེ་བཟའ་བར་བྱའོ་ཞེས་མ་བཀག་གམ། འོ་ན་ཅིའི་ཕྱིར་ཁྱོད་ཀྱིས་ཟོས། དེས་སྨྲས་པ། བདག་གིས་མ་ཟོས་སོ། །དེས་སྨྲས་པ། ངས་ཚང་འདི་བཀང་སྟེ་བཞག་ན། གལ་ཏེ་ཁྱོད་ཀྱིས་མ་ཟོས་ན། འོ་ན་ཚང་འདི་ཅིའི་ཕྱིར་འགྲིབས་པར་གྱུར། དེས་སྨྲས་པ། ཚང་འདི་ཅིའི་ཕྱིར་འགྲིབས་མ་ཤེས། བདག་གིས་ནི་འདི་ལས་འབྲས་བུ་གཅིག་ཀྱང་མ་ཟོས་སོ། །ཁྱོད་ཀྱིས་ཟོས་སོ། །ངས་མ་ཟོས་སོ། །དེས་དེ་</font><hr>Da26b<br><font size=+2>


གཉིས་ལན་དང ། ཡང་ལན་འདེབས་པ་ན་འཐབ་མོ་བྱུང་སྟེ། དེས་ཐི་བ་མོ་དེ་མཆུས་བསྣུན་ནས། སྲོག་དང་བྲལ་ཏེ། དེ་དེ་ཉིད་ན་འཕྱན་ཞིང་འདུག་གོ་།རེ་ཞིག་ཅིག་ན་དུས་མ་ཡིན་པའི་ཆར་ཆེན་པོ་བབ་པ་དང ། ཡང་ཚང་དེ་དེ་ཁོ་ན་བཞིན་དུ་འབྲས་བུ་དེ་དག་གིས་གང་ནས་ངེས་བསམས་པ། ཚང་འདི་འབྲས་བུ་དག་གིས་ཡང་གང་བ་ལས་ན། དེས་འདི་དག་མ་ཟོས་སོ་སྙམ་ནས། དེས་དེ་ལ་བཟོད་པ་གསོལ་པར་བརྩམས་པ། ཁྲ་མོ་སྡུག་པ་ལོངས་ཤིག་།འདི་དག་ཁྱོད་ཀྱིས་མ་ཟོས་ཏེ། བདག་གི་ཚང་འདི་གང་གིས་ཉེས་པ་ཞིག་བཟོད་པར་མཛོད་ཅིག་ཅེས་བྱས་པ་དང ། ལྷས་ཚིགས་སུ་བཅད་དེ་སྨྲས་པ། ནགས་ཚལ་རྒྱུ་བའི་ཐི་བ་ནི། །འདབ་མ་ཁྲ་བོ་མིག་དམར་བ། །རང་གི་སྡུག་མ་བསད་ནས་ནི། །བློ་ངན་ཅི་ཞིག་མྱ་ངན་བྱེད། །ཇི་ལྟར་ཐི་བ་བབ་ཅོལ་སྤྱོད་པ་ཡིས། ། འདི་ན་སྡུག་པ་ཉེས་མེད་བསད་ནས་ནི། །བློ་རྨོངས་མྱ་ངན་བྱེད་ཅིང་བཟང་མོ་ཞེས། །དེས་ལ་བཞམས་ཏེ་ཉེས་གཅིག་བཟོད་གསོལ་པ། །དེ་བཞིན་རྒྱལ་པོ་གཟུ་ལུམས་སྤྱོད་པ་ཡིས། །ཞི་བ་ཡིད་དང་འཐད་པ་འདིར་བསད་ནས། །བློ་རྨོངས་མྱ་ངན་བྱེད་ཅིང་བཟང་མོ་ཞེས། །དེས་ལ་བཞམས་ཏེ་ཉེས་གཅིག་བཟོད་པ་གསོལ། །ཞེས་བགྱི་བ་ལགས་ཏེ། ལྷ་ཁྱོད་ཀྱིས་གསུངས་པའི་དོན་ནི་བདག་དཔེ་དེ་དང་འདྲ་བསྙམ་བགྱིད་དོ། །ལྷ་གཞན་ཡང་ཁྱིམ་བདག་ཅིག་དབྱར་འདས་པ་དང ། སྟོན་གྱི་དུས་སུ་སྲན་མའི་ཁུར་འཚལ་ནས་ཞིང་ཐོག་ཏུ་ཆས་སོ། །དེས་སྲན་མའི་ཁུར་དེ་ཤིང་དྲུང་ཞིག་ཏུ་</font><hr>Da27a<br><font size=+2>


༄#། །བཞག་ནས། ཕ་ཟད་དུ་བཤང་བའི་སར་མཆིས་པ་དང ། ཇི་ཙམ་ན་སྤྲེའུ་ཞིག་ཤིང་དེ་ལས་བབས་ནས། སྲན་མ་ལས་སྦར་གང་བླངས་ཏེ། ཡང་ཤིང་དེ་ལ་འཛེགས་སོ། །དེ་འཛེགས་པ་ན་སྲན་མ་འབྲུམ་བུ་གཅིག་ཤོར་ཏེ་ས་ལ་ལྷུང་ནས། དེས་སྲན་མ་སྦར་གང་པོ་ད་བོར་ཏེ། སྲན་མ་འབྲུམ་བུ་གཅིག་པོ་དེ་བཙལ་བར་བརྩམས་པ་ན། ཁྱིམ་བདག་དེས་དེ་ལ་བོང་བ་ཅིག་བསྣུན་ཏེ། དེ་དུས་ལས་འདས་པ་དང ། ལྷས་ཚིགས་སུ་བཅད་དེ་སྨྲས་པ། སྲན་མ་སྦར་གང་བོར་ནས་སུ། །གང་ཞིག་འབྲུམ་བུ་གཅིག་ཚོད་པ། །ཤིན་ཏུ་ཚོགས་མང་ལྡན་པ་ཡི། །སྤྲེའུ་འདི་ཀྱེ་མ་རེ་མི་མཛངས། །ཞེས་བགྱི་བ་ལགས་ཏེ། ལྷས་གསུངས་པའི་དོན་གང་ཞིག་བ་ལང་སྐྱོང་གི་མ་བཀུམ་ནས། ཡང་བཟོད་པ་གསོལ་བར་བཞེད་པ་ན། བདག་དཔེ་དེ་དང་འདྲ་བ་སྙམ་བགྱིད་དོ། །རྒྱལ་པོས་སྨྲས་པ། གསོས་པ་ཁྱོད་ཀྱིས་ཚིག་གཅིག་ཁོ་ནའི་ཁ་ལ་བ་ལང་སྐྱོང་གི་མ་ཞི་བ་བསད་དོ། །དེས་སྨྲས་པ། ལྷ་སྟོན་པ་གང་ཟག་ཟླ་མེད་པ། །གཅིག་བུ་ཚིག་ནི་གཅིག་གསུང་སྟེ། །གསུང་བ་དེ་ནི་ངེས་ལགས་པས། །འདི་ལ་བདག་བློ་འགྱུར་མ་མཆིས། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་གང་གི་ཕྱིར་བ་ལང་སྐྱོང་གི་མ་ཞི་བ་བསད་པས་ང་ལོང་བར་བྱས་སོ། །དེས་སྨྲས་པ། ལྷ་དང་མིར་བཅས་འཇིག་རྟེན་འདིར། །ལོང་བ་གཉིས་ནི་ངེས་གྲུབ་པ། །རང་བཞིན་གྱིས་ནི་དམུས་</font><hr>Da27b<br><font size=+2>


ལོང་དང ། །གང་ཡང་ཆོས་ལ་མི་གནས་པའོ། །འཇིག་རྟེན་འདི་དང་ཕ་རོལ་ཏུ། །གཞན་ཡང་ལོང་པ་གཉིས་ལགས་ཏེ། །གང་ལ་སྡིག་ལྟ་དེ་ཡོད་དང ། །གང་ཞིག་ཁྲིམས་ལ་མི་བརྟན་པའོ། ། ཞེས་བགྱི་བ་ཁྱོད་ཀྱིས་མ་གསན་ཏམ། སྡོམ་ནི། སྒྲེན་མོ་ཅིར་ཡང་མི་རུང་དང ། །མ་སྤྱད་གཏུན་དང་ལན་གཅིག་དང ། །ནད་དང་བག་ཚ་བརྙས་པ་དང ། །དེ་བཞིན་དུ་ནི་བགས་བགྱིས་སོ། །བྱིས་པ་དང་ནི་བཤེས་དག་དང ། །སྐྱེས་བུ་ཐ་ཤལ་ཉིད་དང་ནི། །ཤིང་རྟ་ཡི་ནི་འཁོར་ལོ་དང ། །གཡོ་རྟོགས་པར་ནི་ཡོངས་སུ་རྫོགས། །རྒྱལ་པོས་སྨྲས་པ། གསོས་པ་གང་གི་ཕྱིར། ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་སྒྲེན་མོར་བྱས་སོ། །དེས་སྨྲས་པ། ལྷ་སྒྲེན་མོ་གསུམ་མི་མཛེས་པ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གསུམ་གང་ཡིན། །ལྷ། ཀླུང་ནི་ཆུ་མེད་སྒྲེན་མོ་སྟེ། །ཡུལ་འཁོར་མགྲོན་མེད་སྒྲེན་མོའོ། །གལ་ཏེ་མིང་པོ་བཅུ་ཡོད་ཀྱང ། །ཁྱོ་མེད་བུད་མེད་སྒྲེན་མོའོ། །ཞེས་བགྱི་བ་ལགས་སོ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་ཅིར་ཡང་མི་རུང་བར་བྱས་སོ། །དེས་སྨྲས་པ། ལྷ་འཇིག་རྟེན་ན་ཅིར་ཡང་མི་རུང་བ་གསུམ་མཆིས་པར་ཁྱོད་ཀྱིས་མ་གསན་ཏམ། དེས་སྨྲས་པ། གསོས་པ་གསུམ་གང་ཡིན། ལྷ། རྟ་པོ་ཐལ་ཀར་བང་བུལ་དང ། །སྟོན་མོ་བྱ་ན་མེད་པ་དང ། །བུད་མེད་གང་ཞིག་ཁྱིམ་སུན་འབྱིན། །འདི་གསུམ་ཅིར་ཡང་མི་རུང་བའོ། །རྒྱལ་</font><hr>Da28a<br><font size=+2>


༄#། །པོས་སྨྲས་པ། གསོས་པ་བ་ལང་སྐྱོང་གི་མ་ཞི་བ་ལོངས་མ་སྤྱད་པར་ཁྱོད་ཀྱིས་བསད་དོ། །དེས་སྨྲས་པ། ལྷ། སོལ་བ་བྱེད་པའི་གོས་དང་ནི། །བཀྲུ་བཤལ་བྱེད་པའི་ལྷམ་དག་དང ། །རྒྱལ་པོའི་བཙུན་མོའི་འཁོར་རྣམས་ནི། །ལོངས་མ་སྤྱད་པ་དེངས་པར་འགྱུར། །ཞེས་བགྱི་བ་ཁྱོད་ཀྱིས་མ་གསན་ཏམ། ལྷ་དེ་དག་འབའ་ཞིག་ཏུ་མ་བས་གཞན་ཡང་གསུམ་སྟེ། ནགས་ཀྱི་ཤིང་གི་མེ་ཏོག་དང ། །དཀའ་ཐུབ་ཅན་གྱི་ལང་ཚོ་དང ། །ཤིང་རྟ་མཁན་གྱི་ཆུང་མ་དག་།ལོངས་མ་སྤྱད་པར་དེངས་པར་འགྱུར། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་གཏུན་གྱིས་བརྡེག་པའི་རྒྱུའོ། །དེས་སྨྲས་པ། ལྷ། ཤིང་མཁན་རྩང་རྩིང་འཇོག་པ་དང ། བཟའ་མཁན་སྐུད་པ་རིང་པོ་དང ། །ཁ་ལོ་སྒྱུར་བ་མིག་རྒྱང་ཐུང ། །དེ་གསུམ་གཏུན་གྱིས་བརྡེག་རྒྱུའོ། །ཞེས་བགྱི་བ་ཁྱོད་ཀྱིས་མ་གསན་ཏམ། ལྷ་དེ་དག་འབའ་ཞིག་ཏུ་མ་བས། གཞན་ཡང་གསུམ་སྟེ།་ཕོ་ཉའི་ཕོ་ཉ་གང་ཡིན་དང ། །མངག་གཞུག་པ་ཡི་མངག་གཞུག་དང ། །བུད་མེད་འཕྱོན་མ་བྱེད་པ་གང ། །དེ་གསུམ་གཏུན་གྱིས་བརྡེག་རྒྱུའོ། །ལྷ། དེ་དག་འབའ་ཞིག་ཏུ་མ་བས། གཞན་ཡང་གསུམ་སྟེ། གནག་རྫི་གྲོང་ན་རྒྱུ་བ་དང ། །འདྲེག་མཁན་ནགས་ན་རྒྱུ་བ་དང ། །མག་པ་རྟག་ཏུ་འོང་བྱེད་པ། །དེ་གསུམ་གཏུན་གྱིས་བརྡེག་རྒྱུའོ། །རྒྱལ་</font><hr>Da28b<br><font size=+2>


པོས་སྨྲས་པ། གསོས་པ་ཁྱོད་ཀྱིས་བ་ལང་སྐྱོང་གི་མ་ཞི་བ་ལན་གཅིག་གིས་བསད་དོ། །དེས་སྨྲས་པ། ལྷ། རྒྱལ་པོ་སྨྲ་བ་ལན་གཅིག་སྟེ། །བུ་མོ་སྦྱིན་པ་ལན་གཅིག་གོ། །འཕགས་པའི་གཟིགས་པ་ལན་གཅིག་སྟེ། །དེ་གསུམ་ལན་རེ་ལན་རེའོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་རང་གིས་ནད་བསླངས་སོ། །དེས་སྨྲས་པ། ལྷ། སྔར་མ་སྣ་ཚོགས་གོ་གྱོན་དང ། །རྩ་མཇིང་ཆུང་ངུ་ནོར་མང་དང ། །རྒད་པོ་ཆུང་མ་གཞོན་ལེན་པ། །དེ་དག་རང་གིས་ནད་བསླངས་སོ། །ཞེས་བ་གྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་ནི་ཁྱོད་ལ་བག་ཚའོ། །དེས་སྨྲས་པ། ལྷ། དཀའ་ཐུབ་ཅན་ནི་བླུན་མཐོང་དང ། །དཔའ་བོ་རྨ་མཚན་མེད་པ་དང ། །བུ་མོ་ཆེན་མོ་མཐོང་ནས་ནི། །སྙིང་ལ་བག་ཚ་སྐྱེ་བར་འགྱུར། །ཞེས་བྱ་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་བརྙས་སོ། །དེས་སྨྲས་པ། ལྷ། ཅ་ལེ་ཅོ་ལེ་སྨྲས་པ་དང ། །གཉིས་པ་གོས་ངན་གྱོན་པ་དང ། །བཀྲུ་ཞིང་ཟ་བ་གང་ཡིན་པ། །དེ་གསུམ་བརྙས་པར་བྱ་བ་ཡིན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ངས་ཁྱོད་དགྲ་</font><hr>Da29a<br><font size=+2>


༄#། །ཞིག་བགས་ཀྱིས་སྤེལ་ཏོ། །དེས་སྨྲས་པ། ལྷ། ཉ་ནི་བགས་ཀྱིས་བཟའ་བར་བྱ། །རི་བོ་ལ་ནི་བགས་ཀྱིས་འཛེག་།དོན་རྣམས་བགས་ཀྱིས་བསྒྲུབ་བྱ་སྟེ། །འདི་གསུམ་བགས་ཀྱིས་བགས་ཀྱིས་བྱ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་བྱིས་པའོ།། དེས་སྨྲས་པ། ལྷ། མ་འདྲིས་པ་ལ་ཡིད་སྟོན་དང ། །མ་རུངས་པ་ལ་བསྟེན་པ་དང ། །གྱ་ཚོམ་དུ་ནི་ཡོངས་གཏོང་བ། །བྱིས་པའི་མཚན་ཉིད་རྣམ་གསུམ་མོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་ནི་བཤེས་པ་འབྱེད་པ་ཡིན་ནོ། །དེས་སྨྲས་པ། ལྷ། བཤེས་རྣམས་ལ་ནི་མི་སྟེན་དང ། །གཉིས་པ་ཧ་ཅང་བསྟེན་པ་དང ། །དུས་མ་ཡིན་པར་བློང་བྱེད་པ། །དེས་ནི་བཤེས་རྣམས་འབྱེད་པར་བྱེད། །ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་སྐྱེས་བུ་ཐ་ཤལ་ཡིན་ནོ། །དེས་སྨྲས་པ། ལྷ། རྟག་ཏུ་གཞན་གྱི་ནོར་དང་ནི། །བདག་ཉིད་འདོད་པ་རྣོག་བྱེད་དང་།། དེ་བཞིན་སྡུག་བསྔལ་ལ་དགའ་བ། །དེ་གསུམ་སྐྱེས་བུ་ཐལ་ཤལ་ཡིན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་</font><hr>Da29b<br><font size=+2>


སྐྱོང་གི་མ་ཞི་བ་བསད་པས། ཁྱོད་ནི་ཤིང་རྟའི་འཁོར་ལོས་གསད་རྒྱུ་ཡིན་ནོ། །དེས་སྨྲས་པ། ལྷ། རི་མོ་མཁན་ནི་ཚོན་གཏོང་མི་ཤེས་དང ། །འཁྲུལ་འཁོར་མཁན་ནི་འབྱོར་ཀ་མི་ཤེས་དང་།། གྱད་ཀྱི་བུ་ནི་དོར་ཐབས་མི་ཤེས་པ། །གསད་བྱ་གསད་པར་རྟག་ཏུ་བཟློག་པ་མེད། །ཅེས་བགྱི་བ་ལྷས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་གསད་པས། ཁྱོད་ནི་གཡོན་ཅན་ཡིན་ནོ། །དེས་སྨྲས་པ། ལྷ། བུད་མེད་ཁྱོ་གསུམ་བརྒྱུད་པ་དང ། །དགེ་སློང་ཕྱིར་ནི་འོངས་པ་དང ། །བྱ་ནི་རྒྱ་ལས་ཤོར་དང་གསུམ། །གཡོན་ཅན་ནང་ན་དེ་གཡོ་ངན། །ཞེས་བགྱི་བ་ཁྱོད་ཀྱིས་མ་གསན་ཏམ། སྡོམ་ནི། རྙེད་པར་དཀའ་དང་གཞན་དང་གཅིག་།བསགས་དང་དེ་བཞིན་མི་མཐུན་དང ། །བརྡུང་དང་མེད་པ་ཉིད་དང་ནི། །མི་འཚམ་པ་དང་དོན་མེད་དོ། །གསོས་པ་ཁྱོད་ཀྱིས་བ་ལང་སྐྱོང་གི་མ་རྙེད་དཀའ་བ་བསད་དོ། །དེས་སྨྲས་པ། ལྷ་རི་བོང་རཝ་ཅན་རྙེད་པར་དཀའ། །རུ་སྦལ་སྤུ་ཅན་རྙེད་པར་དཀའ། །སྨད་འཚོང་གཅིག་པུ་འདུག་པ་དང ། །བཟོ་བོ་དྲང་པོར་སྨྲ་རྙེད་དཀའ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་གཞན་གྱི་ཆེད་དུ་བ་ལང་སྐྱོང་གི་མ་ཞི་བ་བསད་དོ། །དེས་སྨྲས་པ། ལྷ། གཏམས་པ་ལེན་དང་གཉའ་བོ་དང ། །གཡོན་ཅན་གྱི་ནི་ཆེ་བཞི་དང ། །སྨྱན་བྱེད་བློ་ཞན་བཞི་པོ་དང ། །གཞན་གྱི་དོན་དུ་མ་རུང་འགྱུར། །ཞེས་བགྱི་བ་ཁྱོད་ཀྱིས་མ་གསན་ཏམ། </font><hr>Da30a<br><font size=+2>


༄#། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་གཅིག་པོར་བྱས་སོ། །དེས་སྨྲས་པ། ལྷ། སྐྱེ་བ་ན་ཡང་འདི་གཅིག་སྐྱེ་བར་འགྱུར། །དེ་བཞིན་འཆི་བ་ན་ཡང་འདི་གཅིག་འཆི། །སྐྱེ་བོ་གཅིག་པོས་འདི་ན་སྡུག་བསྔལ་མྱོང ། །འཁོར་བ་ལ་ནི་གྲོགས་ཡོད་མ་ཡིན་ནོ། །ཞེས་བགྱི་བ་ཁྱོད་ཀྱིས་མ་གསན་ཏམ།་རྒྱལ་པོས་སྨྲས་པ། གསོས་པ་ཁྱོད་ཀྱིས་བ་ལང་སྐྱོང་གི་མ་ཞི་བ་ཚོགས་བསགས་པ་བསད་དོ། །དེས་སྨྲས་པ། ལྷ། ཉ་སྒོང་ཨ་མྲའི་མེ་ཏོག་དང ། །སྡུག་བསྔལ་གྱུར་པའི་དོན་གཉེར་བ། །དཔེར་ན་སྟོན་ཀའི་སྤྲིན་བཞིན་དུ། །བསགས་པ་རྣམས་ཀྱང་དོན་མེད་འགྱུར། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་ནི་མི་མཐུན་པ་ཡིན་ནོ། །དེས་སྨྲས་པ། ལྷ། ཉི་མ་གྲིབ་མར་མི་མཐུན་ཞིང ། །སྣང་བ་དང་ནི་མུན་པ་དང ། །ཉིན་པར་མཚན་མོར་མི་མཐུན་ཏེ། ། ཆོས་དང་ཆོས་མིན་རྟག་མི་མཐུན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་ནི་བརྡུང་རྒྱུའོ།། དེས་སྨྲས་པ། ལྷ། གོས་རྣམས་བརྡུངས་ན་འཇམ་པོ་དག་ཏུ་འགྱུར། །བོང་བུ་བརྡུངས་ན་དེ་དག་མགྱོགས་པར་འགྱུར། །བུད་མེད་རྣམས་ནི་བརྡུངས་ན་དབང་དུ་འགྱུར། །རྔ་དག་མ་</font><hr>Da30b<br><font size=+2>


བརྡུངས་སྒྲ་འབྱིན་མི་འགྱུར་རོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་མེད་པར་བྱ་བ་ཡིན་ནོ། །དེས་སྨྲས་པ། ལྷ། རླུང་གིས་སྦུར་མ་མེད་པར་བྱེད། །སྐྱེ་བོའི་སྒྲ་ཡིས་གླུ་དེ་བཞིན། །སྐྱེས་བུ་ངན་པ་བསྟེན་པ་དང ། །མི་མཛེས་ཡོན་ཏན་མེད་པར་བྱེད། །ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་འཚམ་པ་མ་ཡིན་ནོ། །དེས་སྨྲས་པ། ལྷ། རྒྱལ་པོ་བརྫུན་དུ་སྨྲ་བ་དང ། །སྨན་པ་གསུང་དང་དགེ་སྦྱོང་འཁྲུག་།བློ་དང་ལྡན་པ་ཀུན་རྨོངས་པ། །བཞི་ནི་འཚམ་པ་མ་ཡིན་ནོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་དོན་མེད་པར་བ་ལང་སྐྱོང་གི་མ་ཞི་བ་བསད་དོ། །དེས་སྨྲས་པ། ལྷ། ཉིན་པར་མར་མེ་བུས་པ་དོན་མེད་དོ། །རྒྱ་མཚོར་ཆར་པ་བབ་པ་དོན་མེད་དོ། །འགྲངས་ལ་སྟོན་མོ་བྱིན་པ་དོན་མེད་དོ། །སྐྱེས་བུ་ངན་པ་བསྟེན་པ་དོན་མེད་དོ། །ཞེས་བགྱི་བ་ཁྱོད་ཀྱིས་མ་གསན་ཏམ། སྡོམ་ནི། བསླུ་དང་བལྟ་དང་མི་ལེགས་དང ། །བསྐྲད་དང་འཇིགས་དང་མི་དགའ་བཏང ། །སྲེད་དང་མ་བསམས་མྱ་ངན་གཏོགས། །དེ་ནི་ཚོགས་སུ་ཡང་དག་བསྒྲགས། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། །ཁྱོད་ནི་བསླུ་བ་ཡིན་ནོ། ། </font><hr>Da31a<br><font size=+2>


༄#། །དེས་སྨྲས་པ། ལྷ། བསླུ་བ་བཞི་མཆིས་པར་ཁྱོད་ཀྱིས་མ་གསན་ཏམ། བཞི་གང་ཡིན། ལྷ། མི་འདོད་པ་ལ་འདོམས་པ་དང ། །གཉིད་ཀྱིས་དུབ་ལ་འཆད་པ་དང ། །དོན་དུ་གཉེར་མིན་དོན་གཉེར་དང ། །སྟོབས་དང་ལྡན་རྣམས་འགྱེད་པའོ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་བལྟ་བར་བྱ་བ་ཡིན་ནོ། །དེས་སྨྲས་པ། ལྷ། གཡུལ་ངོར་དཔའ་བོ་བལྟ་བྱ་སྟེ། །མི་བཟད་དུག་ལ་གསང་སྔགས་བལྟ། །བཟའ་བཏུང་ཚེ་ན་ཉེ་དུ་བལྟ། །དོན་རྟོགས་བྱ་ལ་མཁས་པ་བལྟ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། མ་ལེགས་པ་བྱས་སོ། །དེས་སྨྲས་པ།་ལྷ། ཁྱིམ་པ་ལེ་ལོ་མ་ལེགས་ཆགས་མ་ལེགས། །རང་བྱུང་ཡང་དག་སྡོམ་པ་མིན་མ་ལེགས། །རྒྱལ་པོ་གཟུ་ལུམས་སྤྱོད་པའང་མ་ལེགས་ཏེ། །མཁས་གང་འཁྲུག་བྱེད་དེ་ཡང་མ་ལེགས་སོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་བསྐྲད་པར་བྱ་བ་ཡིན་ནོ། །དེས་སྨྲས་པ། ལྷ། མི་མཁས་ཤིང་རྟ་གཅོག་པ་དང ། །ཁལ་ཆེན་འགེལ་བས་གླང་གསོད་དང ། །ཧ་ཅང་བཞོས་པས་བེའུ་གསོད་དང ། །ཉེ་དུའི་ཁྱིམ་དུ་ཆུང་མ་བསྐྲད།། </font><hr>Da31b<br><font size=+2>


ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་མཐོང་ན་ང་འཇིགས་སོ། །དེས་སྨྲས་པ། ལྷ། འུར་པ་དང་ནི་ཆུ་སྐྱར་དང ། །གསུམ་པ་ཕྱག་དར་སྲིན་བུ་དང ། །བཞི་པ་ལྷམ་བུ་ཆུ་གཤེར་ནི། །འཇིགས་བྱ་མིན་ལ་འཇིགས་པར་བྱེད། །ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་བ་ལང་སྐྱོང་གི་མ་ཞི་བ་མེད་པས་མི་དགའོ། །དེས་སྨྲས་པ། ལྷ། སྤྲེའུ་ནི་གྲོང་ན་མི་དགའ་སྟེ། །ཆུ་སྲིན་བྱིས་པ་གསོད་རི་ལ། །ཆོམ་རྐུན་དགེ་སྦྱོང་ཁྱིམ་དུ་སྟེ། །བྱི་ཕོ་རང་གི་ཁྱིམ་མི་དགའ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་གཏང་བར་བྱ་བ་ཡིན་ནོ། །དེས་སྨྲས་པ། ལྷ། རིགས་ཀྱི་ཕྱིར་ནི་གཅིག་གཏང་སྟེ། །གྲོང་གི་ཕྱིར་ནི་རིགས་གཏང་ངོ ། །ཡུལ་གྱི་ཕྱིར་ནི་གྲོང་གཏང་སྟེ། །བདག་གི་ཕྱིར་ནི་ཡུལ་གཏང་ངོ ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ངའི་སྲེད་པ་འཆད་དུ་མ་བཏུབ་བོ། །དེས་སྨྲས་པ། རྩ་མེད་གཞན་གྱི་བུད་མེད་དང ། །ལག་པ་གཅིག་གིས་ཆུ་འཐུང་དང ། །གཞན་གྱིས་ཆང་བླུད་གང་ཡིན་པ། །དེ་དག་སྲེད་པ་ཆད་པ་མེད། །ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་མ་བསམས་པ་ཁོ་ནར་བ་ལང་སྐྱོང་གི་མ་གསད་དོ། ། </font><hr>Da32a<br><font size=+2>


༄#། །དེས་སྨྲས་པ། ལྷ། རྒྱལ་ལ་རྒྱལ་པོའི་མཛོད་ནི་མ་བསམས་པར། །ལམ་དུ་ཞུགས་ལ་ཆོམ་པོ་མ་བསམས་པར། །ཁྱིམ་ན་བུད་མེད་འཐབ་མོ་མ་བསམས་པར། །རབ་ཏུ་བྱུང་བའི་རྙེད་པ་མ་བསམས་པར། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། མྱ་ངན་བྱ་བ་ཡིན་ནོ། །དེས་སྨྲས་པ། ལྷ། ཆགས་ཅན་རྒས་པའང་མྱ་ངན་བྱ་བ་སྟེ། །མི་བཟང་པོའང་མྱ་ངན་བྱ་བ་ཡིན། །སྨད་འཚོང་རྒས་པའང་མྱ་ངན་བྱ་བ་སྟེ། །རབ་བྱུང་གཏུམ་པོའང་མྱ་ངན་བྱ་བ་ཡིན། །སྡོམ་ནི། བལྟ་བས་མི་ངོམས་ཡིད་འཐད་དམ། །བརྩེ་བར་མི་བྱ་ནོར་དང་ནི། །སྨྲ་བར་མི་བྱ་རབ་སྡང་དང ། །མགོན་མེད་བཤེས་དང་ཡིད་བརྟན་པའོ། ། རྒྱལ་པོས་སྨྲས་པ། གསོས་པ་ཁྱོད་ཀྱིས་ངའི་བ་ལང་སྐྱོང་གི་མ་ཞི་བ་བལྟ་བས་མི་ངོམས་པ་བསད་དོ། །དེས་སྨྲས་པ། ལྷ། གླང་པོའི་གཙོ་དང་རྒྱལ་པོ་དང ། །རྒྱ་མཚོ་དང་ནི་རི་རབ་དང ། །སངས་རྒྱས་སྨྲ་བ་རྣམས་ཀྱི་མཆོག་།བལྟ་བ་ཡིས་ནི་མི་ངོམས་ཡིན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་བ་ལང་སྐྱོང་གི་མ་ཞི་བ་ངའི་ཡིད་དང་འཐད་པ་བསད་དོ། །དེས་སྨྲས་པ། ལྷ། གཟུགས་བཟང་མོ་དང་རིགས་ལྡན་དང ། །དེས་དང་རིགས་ནི་འཕེལ་བྱེད་དང ། །དར་ལ་བབ་དང་བུད་མེད་ལྔ། །རྒྱལ་ཆེན་ཡིད་དང་འཐད་པ་ཡིན། ། </font><hr>Da32b<br><font size=+2>


ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་དང་ལྷན་ཅིག་རྩེ་བར་མི་བྱ་བ་ཡིན་ནོ། །དེས་སྨྲས་པ།་ལྷ། བྱིས་པ་སྦྲུལ་དང་སྦལ་པ་དང ། །གང་གི་མ་ནི་གཡེམ་པ་དང ། །མི་གང་མཛའ་ནི་མི་རྟག་དང ། །ལྷན་ཅིག་རྩེ་བར་མི་བྱའོ། །ཞེས་བགྱི་བ་ཁྱོད་ཀྱིས་མ་གསན་ཏམ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ཀྱིས་ནོར་འཕྲོག་པ་བྱས་སོ། །དེས་སྨྲས་པ། ལྷ། རོལ་མོ་མཁན་དང་དམག་མི་དང ། །སྨན་པ་ཆོམ་རྐུན་བཙོན་རྫི་སྟེ། །དེ་དག་ཉམ་ཐག་གྱུར་པ་ལའང ། །ནོར་ནི་འཕྲོག་པར་བྱེད་པ་ཡིན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་སྨྲ་བར་བྱ་བ་མ་ཡིན་ནོ། །དེས་སྨྲས་པ། ལྷ། ཧ་ཅང་ཕྱུག་དང་ཧ་ཅང་དབུལ། །དམའ་དང་ཧ་ཅང་མཐོ་གང་དང ། །ཧ་ཅང་རིང་དང་ཧ་ཅང་ཉེ། །དེ་དྲུག་སྨྲ་བར་བྱ་བ་མིན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་སེམས་རབ་ཏུ་སྡང་བ་ཡིན་ནོ། །དེས་སྨྲས་པ། ལྷ། སྦྱིན་པ་མི་སྣང་མི་མཐུན་བྱེད་པ་དང ། །མཐུན་པར་མི་བྱེད་ཉེས་སྤྱོད་སྒྲོགས་པ་དང ། །སྦྱིན་པ་བྱིན་ནས་རིམ་གྱིས་ལྡོག་བྱེད་པ། །དེ་དག་རབ་ཏུ་སྡང་བའི་</font><hr>Da33a<br><font size=+2>


༄#། །རྟགས་ཡིན་ནོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ང་མགོན་མེད་པར་གྱུར་ཏོ། །དེས་སྨྲས་པ། ལྷ། གནས་བརྟན་རྒྱལ་པོ་རྒན་པོ་དང ། །ཚུལ་མེད་དཀའ་བློ་མི་བདེ་དང ། །བླ་མ་ལ་ནི་གནོད་བྱེད་གང ། །དེ་དྲུག་མགོན་མེད་པར་བཤད་དོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་གང་གི་ཕྱིར་བ་ལང་སྐྱོང་གི་མ་ཞི་བ་བསད་པས། ཁྱོད་དང་ལྷན་ཅིག་བཤེས་པར་བྱ་བ་མ་ཡིན་ནོ། །དེས་སྨྲས་པ།་ལྷ། བཞད་གད་མཁན་དང་གར་མཁན་དང ། །ཕོ་ཉ་སྨད་འཚོང་ཆང་དད་ཅན། །མ་ནིང་དེ་བཞིན་གཞུང་ངན་པ། །དེ་དག་དང་ནི་བཤེས་མི་བྱ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གིས་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་ཡིད་བརྟན་པར་བྱ་བ་མ་ཡིན་ནོ། །དེས་སྨྲས་པ། ལྷ། སྐེ་ཙམ་ནུབ་པའི་ཆུ་དང་རྟ་དང་ནི། །གླང་པོ་ཆེ་དང་སྤྲེའུ་དང་སྦྲུལ་ནག་དང ། །སྤུ་འགྲེང་བ་དང་གདོང་གཉེར་གང་བ་དང ། །ཁ་སྤུ་ཉུང་ལ་ཡིད་ནི་བརྟན་མི་བྱ། །ཞེས་བགྱི་བ་ཁྱོད་ཀྱིས་མ་གསན་ཏམ། སྡོམ་ནི། གཉིད་མེད་འདོད་པ་མ་ཡིན་དང ། །ཀུན་ནས་མནར་སེམས་དངོས་པོ་དང ། །དེ་བཞིན་སྙིང་རྗེ་ཁཝ་དང་ནི། །ཟློག་ཐབས་ཐ་མ་སྟོབས་ཡིན་ནོ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་</font><hr>Da33b<br><font size=+2>


ཀྱིས་བ་ལང་སྐྱོང་གི་མ་ཞི་བ་བསད་པས་ང་གཉིད་མེད་དོ། །དེས་སྨྲས་པ། ལྷ། གཡེམ་དང་སྐེམ་ནད་ཅན་དང་ནི། །ཆམ་པས་ཐེབས་དང་སྡུག་བསྔལ་དང ། །དོན་སེམས་ཁྲོས་དང་བརྩོན་པ་དང ། །འཇིགས་པ་དེ་ནི་རྣམ་ཀུན་ཏུ། །གཉིད་མི་འོང་སྟེ་འཇིག་རྟེན་ན། །བརྒྱད་ནི་རང་བཞིན་སྡུག་བསྔལ་ལོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་འདོད་པ་མ་ཡིན་ནོ། །དེས་སྨྲས་པ། ལྷ། འདོད་པ་མ་ཡིན་པའི་དངོས་པོ་བརྒྱད་ཅེས་བགྱི་བ་ཁྱོད་ཀྱིས་མ་གསན་ཏམ། གསོས་པ། བརྒྱད་གང་ཡིན། ན་དང་རྒ་དང་འཆི་བ་དང ། །སྡུག་བྲལ་མི་སྡུག་ཕྲད་པ་དང ། །སེར་བ་ཐོག་དང་མི་རྟག་ཉིད། །བརྒྱད་ནི་འཇིག་རྟེན་འདོད་མིན་རབ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ང་ཁྱོད་ལ་ཀུན་ནས་མནར་སེམས་སྐྱེས་སོ། །དེས་སྨྲས་པ། ལྷ། ཀུན་ནས་མནར་སེམས་དགུ་འདུལ་བ་ཞེས་བགྱི་བ་ཁྱོད་ཀྱིས་མ་གསན་ཏམ། གསོས་པ། དགུ་གང་ཡིན། ལྷ་འདི་ནི་བདག་ལ་གནོད་པར་འདོད་པ། ཕན་པ་མ་ཡིན་པར་འདོད་པ། བདེ་བ་མ་ཡིན་པར་འདོད་པ། རེག་པ་མ་ཡིན་པར་འདོད་པ། གྲུབ་པ་དང་བདེ་བ་མ་ཡིན་པར་འདོད་པ་སྟེ། འདིས་བདག་ལ་གནོད་པ་བྱས་སོ། །བྱེད་དོ། །བྱེད་པར་འགྱུར་རོ། །སྙམ་མོ། །ཡང་དེ་འདི་སྙམ་དུ་སེམས་ཏེ། གཞན་ལས་བདག་གི་འདི་ལྟར་གྱུར་ན་མི་རུང་བས། བདག་གིས་འདི་ཁོ་</font><hr>Da34a<br><font size=+2>


༄#། །ན་ལྟར་འགྱུར་བར་བྱའོ་ཞེས་བྱ་བ་འདི་འགྲུབ་པར་ག་ལ་འགྱུར་སྙམ་ནས། དེ་དེ་ལ་ཀུན་ནས་མནར་སེམས་སྐྱེས་པ་སེལ་བར་བྱེད་དོ། །འདི་ནི་གང་ཞིག་བདག་ལ་གནོད་པར་འདོད་པ། ཕན་པ་མ་ཡིན་པར་འདོད་པ། བདེ་བ་མ་ཡིན་པར་འདོད་པ། རེག་པ་མ་ཡིན་པར་འདོད་པ། གྲུབ་པ་དང་བདེ་བ་མ་ཡིན་པར་འདོད་པ། དེ་ལ་གནོད་པར་འདོད་པ། ཕན་པ་མ་ཡིན་པར་འདོད་པ། བདེ་བ་མ་ཡི་པར་འདོད་པ། རེག་པ་མ་ཡིན་པར་འདོད་པ། གྲུབ་པ་དང་བདེ་བ་མ་ཡིན་པར་འདོད་པ་སྟེ། འདིས་དེ་ལ་གནོད་པར་བྱས་སོ། །བྱེད་དོ། །བྱེད་པར་འགྱུར་རོ། །སྙམ་མོ། །ཡང་དེ་འདི་སྙམ་དུ་སེམས་ཏེ། གཞན་ལས་བདག་གི་འདི་ལྟར་གྱུར་ན་མི་རུང་བས། བདག་གིས་འདི་ཁོ་ན་ལྟར་འགྱུར་བར་བྱའོ་ཞེས་བྱ་བ་འདི་འགྲུབ་པར་ག་ལ་འགྱུར་སྙམ་ནས། དེ་དེ་ལ་ཀུན་ནས་མནར་སེམས་སྐྱེས་པ་སེལ་བར་བྱེད་དོ། །འདི་ནི་གང་ཞིག་བདག་ལ་གནོད་པར་འདོད་པ།་ཕན་པ་མ་ཡིན་པར་འདོད་པ། བདེ་བ་མ་ཡིན་པར་འདོད་པ། རེག་པ་མ་ཡིན་པར་འདོད་པ། གྲུབ་པ་དང་བདེ་བ་མ་ཡིན་པར་འདོད་པ། དེ་ལ་དོན་དུ་འདོད་པ། ཕན་པར་འདོད་པ།་བདེ་བར་འདོད་པ། རེག་པར་འདོད་པ། གྲུབ་པ་དང་བདེ་བར་འདོད་པ་སྟེ། འདིས་དེ་ལ་ཕན་པར་བྱས་སོ། །བྱེད་དོ། །བྱེད་པར་འགྱུར་རོ། །སྙམ་མོ། །ཡང་དེ་འདི་སྙམ་དུ་</font><hr>Da34b<br><font size=+2>


སེམས་ཏེ། གཞན་ལས་བདག་གི་འདི་ལྟར་གྱུར་ན་མི་རུང་བས་བདག་གིས་འདི་ཁོ་ན་ལྟར་འགྱུར་བར་བྱའོ་ཞེས་བྱ་བ་འདི་འགྲུབ་པར་ག་ལ་འགྱུར་སྙམ་ནས། དེ་དེ་ལ་ཀུན་ནས་མནར་སེམས་སྐྱེས་པ་སེལ་བར་བྱེད་དོ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས། ཁྱོད་ནི་སྙིང་རྗེ་མེད་པ་ཡིན་ནོ། །དེས་སྨྲས་པ། ལྷ། ཁྱོད་ཀྱིས་སྙིང་རྗེ་མེད་པ་བཅུ་པོ་ཤན་པ་དང ། བྱ་གག་འཚོང་བ་དང ། ཕག་འཚོང་བ་དང ། ཉ་བ་དང ། རི་དྭགས་ཀྱི་རྔོན་པ་དང ། བྱ་བ་དང ། རི་བོང་རྒྱས་འཚོར་བ་དང ། ཚོམ་རྐུན་པ་དང ། གཤེད་མ་པ་དང།་བ་ལང་གསོད་པ་ལགས་པ་མར་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་བས། ཁྱོད་ནི་ཁཝ་ལྟ་བུ་ཡིན་ནོ། །དེས་སྨྲས་པ། ལྷ།་ཡན་ལག་བཅུ་དང་ལྡན་ན་ཁཝ་ལྟ་བུ་ལགས་སོ་ཞེས་བགྱི་བ་ཁྱོད་ཀྱིས་མ་གསན་ཏམ། གསོས་པ། བཅུ་གང་ཡིན། ལྷ་གཅོར་བ་དང ། མུ་ཅོར་སྨྲ་བ་དང ། ཐུབ་ཚོད་བྱེད་པ་དང ། འཁུ་བ་དང ། བྱས་པ་མི་གཟོ་བ་དང ། སྙིང་རྗེ་མེད་པ་དང ། མ་བྱིན་པར་ལེན་པ་དང ། གསོག་པ་དང ། དགང་དཀའ་བ་དང ། འཆལ་པ་ལགས་སོ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་ནི་ཟློག་ཐབས་ཅན་ཡིན་ནོ། །དེས་སྨྲས་པ། ལྷ། ཟློག་ཐབས་ཅན་བཅུ་ཞེས་བགྱི་བ་ཁྱོད་ཀྱིས་མ་གསན་ཏམ། གསོས་པ། བཅུ་</font><hr>Da35a<br><font size=+2>


༄#། །གང་ཡིན། ལྷ། ཉི་མ་ཟློག་ཐབས་ཅན་དང ། ཟླ་བ་ཟློག་ཐབས་ཅན་དང ། མེ་ཟློག་ཐབས་ཅན་དང ། ཆུ་ཟློག་ཐབས་ཅན་དང ། གཞོན་ནུ་མ་ཟློག་ཐབས་ཅན་དང ། བུད་མེད་ཟློག་ཐབས་ཅན་དང ། བྲམ་ཟེ་ཟློག་ཐབས་ཅན་དང ། གཅེར་བུ་བ་ཟློག་ཐབས་ཅན་དང ། དགེ་སློང་ཟློག་ཐབས་ཅན་དང ། སླད་ས་ཟློག་ཐབས་ཅན་ལགས་སོ། །དེ་ལ་ཉི་མ་ཟློག་ཐབས་ཅན་ནི། ཉི་མ་ནི་དགུན་ལྷོ་ནས་མཆི་ན་དྲོ་བར་ཡང་མི་འགྱུར་ལ། སོས་ཀ་ཐག་རིང་པོ་ནས་མཆི་ན་འོན་ཀྱང་དྲོ་བར་འགྱུར་ཏེ། འདི་ནི་ཉི་མ་ཟློག་ཐབས་ཅན་ཞེས་བགྱིའོ། །ཟླ་བ་ཟློག་ཐབས་ཅན་གང་ཞེ་ན། ཟླ་བ་ནི་གང་གི་ཚེ་ཤས་ཆུང་བ་དེའི་ཚེ་སྐྱེ་བོ་ཐམས་ཅད་ཀྱིས་ཕྱག་བྱ་བར་འགྱུར་ལ། གང་གི་ཚེ་རྣམ་པ་ཐམས་ཅད་ཡོངས་སུ་རྫོགས་པར་གྱུར་པ་དེའི་ཚེ་སུ་ཡང་ཕྱག་མི་འཚལ་ཏེ། འདི་ནི་ཟླ་བ་ཟློག་ཐབས་ཅན་ཞེས་བགྱིའོ། །མེ་ཟློག་ཐབས་ཅན་གང་ཞེ་ན། མེ་ནི་ཚིག་པ་མེ་ཉིད་དུ་སྲེག་སྟེ། འདི་ནི་མེ་ཟློག་ཐབས་ཅན་ཞེས་བགྱིའོ། །ཆུ་ཟློག་ཐབས་ཅན་གང་ཞེ་ན། ཆུ་ནི་དགུན་རྫིང་ན་བསིལ་ན་འོན་ཀྱང་བཏུང་དུ་མི་རུང་གི། ཁྲོན་པ་ན་དྲོ་ན་འོན་ཀྱང་བཏུང་དུ་རུང་ལ། སོ་གར་རྫིང་ན་དྲོ་ན་འོན་ཀྱང་བཏུང་དུ་རུང་ལ། ཁྲོན་པ་ན་བསིལ་ན་འོན་ཀྱང་བཏུང་དུ་མི་རུང་སྟེ། འདི་ནི་ཆུ་ཟློག་ཐབས་ཅན་ཞེས་བགྱིའོ། །གཞོན་ནུ་མ་ཟློག་ཐབས་ཅན་གང་ཞེ་ན། གཞོན་ནུ་མ་ནི་གང་གི་ཚེ་མ་ཕྱིན་པ་དེའི་ཚེ་གྱོས་པོའི་ཁྱིམ་ལ་དགའ་</font><hr>Da35b<br><font size=+2>


ལ།་གང་གི་ཚེ་གྱོས་པོའི་ཁྱིམ་དུ་ཁྱེར་བ་དེའི་ཚེ་ཁྱིམ་ལ་ཁོང་དུ་ཡང་དགའ་ལ་ངུ་བར་བྱེད་དེ། འདི་ནི་གཞོན་ནུ་མ་ཟློག་ཐབས་ཅན་ཞེས་བགྱིའོ། །བུད་མེད་ཟློག་ཐབས་ཅན་གང་ཞེ་ན། བུད་མེད་ནི་གང་གི་ཚེ་གཞོན་ཞིང་བལྟ་ན་ཡིད་དུ་འོང་བ་དེའི་ཚེ་ལུས་བཀབ་སྟེ་འགྲོ་ལ། གང་གི་ཚེ་རྒས་ཤིང་ཡིད་དུ་མི་འོང་བ་དེའི་ཚེ་ཕྱེ་ནས་འགྲོ་སྟེ་འདི་ནི་བུད་མེད་ཟློག་ཐབས་ཅན་ཞེས་བགྱིའོ། །བྲམ་ཟེ་ཟློག་ཐབས་ཅན་གང་ཞེ་ན། བྲམ་ཟེ་ནི་གང་གི་ཚེ་བྱིས་པ་སྟེ་འདོད་པའི་འདོད་ཆགས་མ་སྐྱེས་པ་དེའི་ཚེ་ཚངས་པར་སྤྱད་པ་སྤྱོད་ལ། གང་གི་ཚེ་དར་ལ་བབ་སྟེ་འདོད་པའི་འདོད་ཆགས་སྐྱེས་པ་དེའི་ཚེ་འདོད་པ་དག་སྟེན་པར་བྱེད་དེ། འདི་ནི་བྲམ་ཟེ་ཟློག་ཐབས་ཅན་ཞེས་བགྱིའོ། །གཅེར་བུ་པ་ཟློག་ཐབས་ཅན་གང་ཞེ་ན། གཅེར་བུ་པ་ནི་གང་གི་ཚེ་ཁྱིམ་ན་འདུག་པ་དེའི་ཚེ་གོས་བགོས་ཤིང་འདུག་ལ། གང་གི་ཚེ་སྤྱོད་ཡུལ་དུ་འགྲོ་བ་དེའི་ཚེ་ན་གཅེར་བུར་འགྲོ་སྟེ། འདི་ནི་གཅེར་བུ་པ་ཟློག་ཐབས་ཅན་ཞེས་བགྱིའོ། །དགེ་སློང་ཟློག་ཐབས་ཅན་གང་ཞེ་ན། དགེ་སློང་ནི་གང་གི་ཚེ་གཞོན་ནུ་ལང་ཚོ་ལ་བབ་ཅིང ། ཟོས་པ་དང ། འཐུངས་པ་དང ། འཆོས་པ་དང ། མྱངས་པ་རྣམས་འཇུ་བར་ནུས་པ་དེའི་ཚེ་དེ་དག་མི་རྙེད་ལ། གང་གི་ཚེ་རྒས་ཏེ་ཟོས་པ་དང ། འཐུངས་པ་དང ། འཆོས་པ་དང ། མྱངས་པ་རྣམས་འཇུ་བར་མི་ནུས་པ་དེའི་ཚེ་དེ་དག་རྙེད་དེ། འདི་ནི་དགེ་སློང་ཟློག་ཐབས་ཅན་ཞེས་བྱའོ། །སླད་ས་ཟློག་ཐབས་ཅན་གང་ཞེ་ན། སླད་ས་ནི་གང་གི་ཚེ་གཤེར་བ་</font><hr>Da36a<br><font size=+2>


༄#། །དེའི་ཚེ་ཆུའི་སྟེང་ན་འཕྱོ་ལ་གང་གི་ཚེ་བསྐམས་པ་དེའི་ཚེ་འབྱིང་སྟེ། འདི་ནི་སླད་ས་ཟློག་ཐབས་ཅན་ཞེས་བགྱིའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སུམ་ཅུ་པ། རྒྱལ་པོས་སྨྲས་པ། གསོས་པ་དེ་ཐམས་ཅད་གོ་སྟེ་ཆོག་གོ་།འདི་དྲིས། དྲང་པོར་སྨྲོས་ཤིག་།ཁྱོད་ཀྱི་སྟོབས་གང་གིས་བ་ལང་སྐྱོང་གི་མ་ཞི་བ་བསད། དེས་སྨྲས་པ། ལྷ་བདག་ལ་གང་གིས་ན་བ་ལང་སྐྱོང་གི་མ་ཞི་བ་ཁུམས་བའི་སྟོབས་ག་ལ་མཆིས། ལྷ་འོན་ཀྱང་འཕགས་པ་ཀ་ཏྱའི་བུ་ཆེན་པོ་འདི་གང་གི་ཉན་ཐོས་ལགས་པ་དེ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་ལགས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་ཐོགས་པ་མི་མངའ་བའི་སྟོབས་ཀྱི་འཁོར་ལོས་སྒྱུར་བ་དེ་ལ། གང་དག་དང་ལྡན་ན། དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་པ་སྟོབས་བཅུ་མངའོ། ། བཅུ་གང་ལགས་ཤེ་ན། ལྷ། དེ་ནི་གནས་ལ་ཡང་གནས་སུ། གནས་མ་ཡིན་པ་ལ་ཡང་གནས་མ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །ལྷ་འདི་ནི་དེའི་སྟོབས་དང་པོ་</font><hr>Da36b<br><font size=+2>


ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། ། ལྷ།་གཞན་ཡང་དེས་སེམས་ཅན་རྣམས་ཀྱི་ལས་དང ། ཆོས་ཡང་དག་པར་བླངས་པ་འདས་པ་དང ། མ་འོངས་པ་དང ། ད་ལྟར་བྱུང་བ་རྣམས་ལ་གནས་དང ། གཞི་དང ། རྒྱུ་དང ། རྣམ་པར་སྨིན་པ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེས་སེམས་ཅན་རྣམས་ཀྱི་ལས་དང་ཆོས་ཡང་དག་པར་བླངས་པ། འདས་པ་དང ། མ་འོངས་པ་དང ། ད་ལྟར་བྱུང་བ་རྣམས་གནས་དང ། གཞི་དང ། རྒྱུ་དང ། རྣམ་པར་སྨིན་པ་ཡང་དག་པ་ཇི་ལྟ་བ་བཞིན་དུ་མཁྱེན་པ་གང་ལགས་པ་འདི་ནི། ལྷ་དེའི་སྟོབས་གཉིས་པ་ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱི་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེས་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་རྣམས་ཀྱིས་ཀུན་ནས་ཉོན་མོངས་པ་དང ། རྣམ་པར་བྱང་བ་རྣམ་པར་གཞག་པ་དང ། རྣམ་པར་དག་པ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེས་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་རྣམས་ཀྱི་ཀུན་ནས་ཉོན་མོངས་པ་དང ། རྣམ་པར་བྱང་བ་དང ། རྣམ་པར་དག་པ་ཡང་</font><hr>Da37a<br><font size=+2>


༄#། །དག་པ་ཇི་ལྟ་བ་བཞིན་དུ་རབ་ཏུ་མཁྱེན་པ་གང་ལགས་པ་འདི་ནི། ལྷ་དེའི་སྟོབ་ས་གསུམ་པ་ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེས་སེམས་ཅན་གཞན་རྣམས་དང།་གང་ཟག་གཞན་རྣམས་ཀྱི་དབང་པོ་མཆོག་དང ། མཆོག་མ་ཡིན་པ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེས་སེམས་ཅན་གཞན་རྣམས་དང ། གང་ཟག་གཞན་རྣམས་ཀྱི་དབང་པོའི་མཆོག་དང་མཆོག་མ་ཡིན་པ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་པ་གང་ལགས་པ་འདི་ནི། དེའི་སྟོབས་བཞི་པ་ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེས་སེམས་ཅན་གཞན་རྣམས་དང ། གང་ཟག་གཞན་རྣམས་ཀྱི་མོས་པ་སྣ་ཚོགས་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེས་སེམས་ཅན་གཞན་རྣམས་དང།་གང་ཟག་གཞན་རྣམས་ཀྱི་མོས་པ་སྣ་ཚོགས་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་པ་གང་ལགས་པ་འདི་ནི། ལྷ། དེའི་སྟོབས་ལྔ་པ་ལགས་ཏེ། སྟོབས་དེ་དང་ལྡན་</font><hr>Da37b<br><font size=+2>


པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེས་འཇིག་རྟེན་གྱི་ཁམས་སྣ་ཚོགས་པ་དང ། ཁམས་དུ་མ་པའོ་ཞེས་བགྱི་བ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེས་འཇིག་རྟེན་གྱི་ཁམས་སྣ་ཚོགས་པ་དང ། ཁམས་དུ་མ་པའོ་ཞེས་བྱ་བར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་པ་གང་ལགས་པ་འདི་ནི། ལྷ་དེའི་སྟོབས་དྲུག་པ་ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེས་ཀུན་ཏུ་འགྲོ་བའི་ལམ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེས་ཀུན་ཏུ་འགྲོ་བའི་ལམ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་པ་གང་ལགས་པ་འདི་ནི། ལྷ་དེའི་སྟོབས་བདུན་པ་ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེས་སྔོན་གྱི་གནས་རྣམ་པ་དུ་མ་རྗེས་སུ་དགོངས་ཏེ། འདི་ལྟ་སྟེ། ཚེ་གཅིག་ཀྱང་དགོངས། ཚེ་གཉིས་དང ། གསུམ་དང ། བཞི་དང ། ལྔ་དང ། དྲུག་དང ། བདུན་དང ། བརྒྱད་དང ། </font><hr>Da38a<br><font size=+2>


༄#། །དགུ་དང ། བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུ་དང ། ཚེ་བརྒྱ་དང ། ཚེ་སྟོང་དང ། ཚེ་བརྒྱ་སྟོང་དང ། ཚེ་བརྒྱ་ཕྲག་དུ་མ་དང ། ཚེ་སྟོང་ཕྲག་དུ་མ་དང ། ཚེ་བརྒྱ་སྟོང་ཕྲག་དུ་མ་དང ། འཇིག་པའི་བསྐལ་པ་དང ། འཆགས་པའི་སྐལ་པ་དང ། འཇིག་པ་དང ། འཆགས་པའི་བསྐལ་པ་དང ། འཇིག་པའི་བསྐལ་པ་དུ་མ་དང ། འཆགས་པའི་བསྐལ་པ་དུ་མ་དང ། འཇིག་པ་དང ། འཆགས་པའི་བསྐལ་པ་དུ་མ་ཡང་རྗེས་སུ་དགོངས་ཏེ། གང་དུ་བདག་གི་མིང་ནི་འདི་ཞེས་བྱ། རིགས་ནི་འདི་ལྟ་བུ། རུས་ནི་འདི་ལྟ་བུ། ཁ་ཟས་ནི་འདི་ལྟ་བུ་ཟ་ཟ། བདེ་བ་དང ། སྡུག་བསྔལ་ནི་འདི་ལྟ་བུ་ཞིག་ཉམས་སུ་མྱོང ། ཚེ་ནི་འདི་ཙམ་ཐུབ། ཡུན་ནི་འདི་སྲིད་ཅིག་གནས་གནས། ཚེའི་མཐའ་ནི་འདི་སྲིད་ཅིག་ཡིན་པར་གྱུར་པ་ན། སེམས་ཅན་ནི་དེ་དག་བྱུང་ངོ ། །བདག་གནས་དེ་ནས་ཤི་འཕོས་ནས་ནི་ཆེ་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ནས་ནི་འདིར་སྐྱེས་སོ། །ཞེས་སྔོན་གྱི་གནས་རྣམ་པ་དུ་མ་རྣམ་པ་དང་བཅས། ཡུལ་ཕྱོགས་དང་བཅས་པར་རྗེས་སུ་དགོངས་སོ། །དེས་སྔོན་གྱི་གནས་རྣམ་པ་དུ་མ་རྗེས་སུ་དགོངས་ཏེ། འདི་ལྟ་སྟེ། ཚེ་གཅིག་ཀྱང་དགོངས་པ་ནས། འདིར་སྐྱེས་ཞེས་བྱ་བའི་བར་སྔོན་གྱི་གནས་རྣམ་པ་དུ་མ་རྣམ་པ་དང་བཅས། ཡུལ་ཕྱོགས་དང་བཅས་པར་རྗེས་སུ་དགོངས་པ་གང་ལགས་པ་འདི་ནི། ལྷ་དེའི་སྟོབས་བརྒྱད་</font><hr>Da38b<br><font size=+2>


པ་ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེས་ལྷའི་སྤྱན་རྣམ་པར་དག་པ་མིའི་ལས་འདས་པས་སེམས་ཅན་འཆི་འཕོ་བ་དང ། སྐྱེ་བ་དང ། ཁ་དོག་བཟང་པོ་དང ། ཁ་དོག་ངན་པ་དང ། དམན་པ་དང ། གྱ་ནོམ་པ་རྣམས་ཀྱང་གཟིགས་ལ། སེམས་ཅན་ལས་ཇི་ལྟ་བ་བཞིན་དུ་ཉེ་བར་འགྲོ་བ། བདེ་འགྲོ་དང་ངན་འགྲོར་འགྲོ་བ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སེམས་ཅན་འདི་དག་ནི་ལུས་ཀྱི་ཉེས་པར་སྤྱོད་པ་དང་ལྡན་པ། ངག་དང་ཡིད་ཀྱི་ཉེས་པར་སྤྱོད་པ་དང་ལྡན་པ། འཕགས་པ་རྣམས་ལ་སྐུར་པ་འདེབས་པ། ལོག་པར་ལྟ་བ་ཅན་ཡིན་ཏེ། ལོག་པར་ལྟ་བའི་ལས་དང ། ཆོས་ཡང་དག་པར་བླངས་པའི་ཕྱིར། རྒྱུ་དེ་དང་རྐྱེན་དེས་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དག་གི་ནང་དུ་སྐྱེ་བར་འགྱུར་རོ། །སེམས་ཅན་འདི་དག་ནི་ལུས་ཀྱི་ལེགས་པར་སྤྱོད་པ་དང་ལྡན་པ། ངག་དང་ཡིད་ཀྱི་ལེགས་པར་སྤྱོད་པ་དང་ལྡན་པ། འཕགས་པ་རྣམས་ལ་སྐུར་པ་མི་འདེབས་པ། ཡང་དག་པའི་ལྟ་བ་ཅན་ཏེ། ཡང་དག་པའི་ལྟ་བའི་ལས་དང ། ཆོས་ཡང་དག་པར་བླངས་པའི་རྒྱུས། རྒྱུ་དང་རྐྱེན་དེས་ལུས་ཞི་གནས་བདེ་འགྲོ་མཐོ་རིས་སུ་ལྷ་དག་གི་ནང་དུ་སྐྱེ་བར་འགྱུར་རོ་ཞེས་བྱ་བ་ཡང་དག་པ་ཇི་ལྟ་བ་བཞིན་</font><hr>Da39a<br><font size=+2>


༄#། །དུ་རབ་ཏུ་མཁྱེན་ཏོ། །དེས་ལྷའི་སྤྱན་ཞེས་བྱ་བ་ནས་བདེ་འགྲོ་མཐོ་རིས་སུ་ལྷ་དག་གི་ནང་དུ་སྐྱེ་བར་འགྱུར་རོ་ཞེས་བྱ་བའི་བར་སྔ་མ་བཞིན་ནོ། །འདི་ནི། ལྷ་དེའི་སྟོབས་དགུ་པ་ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ། གཞན་ཡང་དེ་ཟག་པ་རྣམས་ཟད་པའི་ཕྱིར་མཐོང་བའི་ཆོས་ཁོ་ན་ལ་ཟག་པ་མེད་པའི་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བ་རང་གི་མངོན་པར་ཤེས་པས་མངོན་སུམ་དུ་བྱས་ནས་རྫོགས་པར་བྱས་ཏེ། བདག་གི་ཟག་པ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་གསུང་ངོ ། །དེ་ཟག་པ་རྣམས་ཟད་པའི་ཕྱིར་མཐོང་བའི་ཆོས་ཁོ་ན་ལ་ཟག་པ་མེད་པའི་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བ་ཞེས་བྱ་བ་ནས། འདི་ལས་སྲིད་པ་གཞན་མི་ཤེས་སོ་ཞེས་བྱ་བའི་བར་སྔ་མ་བཞིན་ནོ། །ལྷ་འདི་ནི་དེའི་སྟོབས་བཅུ་པ་ལགས་ཏེ། སྟོབས་དེ་དང་ལྡན་པས། དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་སྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །དེ་སྐད་ཅེས་སྨྲས་པ་དང ། རྒྱལ་པོ་རབ་སྣང་སྤོབས་པ་མེད་ནས་ཅང་མི་ཟེར་བར་འདུག་</font><hr>Da39b<br><font size=+2>


གོ་།གསོས་པས་བསམས་པ། ལྷ་ནི་སྤོབས་པ་མེད་དེ་ཅང་མི་ཟེར་བར་འདུག་ན། འདི་དང་བ་ལང་སྐྱོང་གི་མ་ཞི་བ་ཇི་སྲིད་མཐོ་བཙམ་སྙམ་ནས། དེས་དེ་ངོམ་ཟུམ་གནག་བཞིན་ཁྲིད་ནས། རྒྱལ་པོའི་རྐང་པ་གཉིས་ལ་ཕྱག་འཚལ་ནས། རྒྱལ་པོ་ལ་བཟོད་པར་གསོལ་བར་ཞུགས་པ། ལྷ། མི་ཡི་དབང་པོས་འདིར་རྟག་ཆོས་ཀྱི་ཚུལ། །བགྲོད་ཅིང་རྗེས་སུ་བགྲོད་པ་ཡང་དག་གཟིགས། ། བཟོད་པ་རྒྱལ་པོ་རྣམས་ཀྱི་ཆོས་གཙོ་ལྷ། །བ་ལང་སྐྱོང་གི་མ་ཡི་ནོངས་བཟོད་མཛོད། །འཇིག་རྟེན་ལྟ་བྱ་ལེགས་གསུངས་རིན་པོ་ཆེ། །ཇི་སྟེ་གཟིགས་པར་མ་གྱུར་གསན་མ་གྱུར། །ཁྱོད་ཀྱིས་གླང་པོ་ཆེ་ཡང་འདུལ་བར་སྤྱོད་ལགས་ན། །ཅུང་ཟད་ནོངས་བགྱིད་བུད་མེད་སྨོས་ཅི་འཚལ། །ཁྱོད་ལས་མི་འཕྱོ་གཟུགས་དང་ཡོན་ཏན་ལྡན། །སྔོན་དང་ཕྱིས་ཀྱང་དེ་བཞིན་བཙུན་མོ་ལགས། ། རྗེ་སླད་ཁོ་ནར་ལྷན་ཅིག་བ་ལང་མའི། །ཐམས་ཅད་བཟོད་པ་མཛོད་ཅེས་དེ་སྐད་མཆིའོ། །རྒྱལ་པོས་ཀྱང་གསོས་པ་ལ་ཚིགས་སུ་བཅད་དེ་སླར་སྨྲས་པ། རབ་སྨྲས་ལེགས་པར་སྨྲ་འདི་ཁྱོད་ཀྱིས་ནི། ། ང་ལ་སྙིང་ཉེ་བསྐྱེད་དེ་སྨྲས་པ་ཡིན། །དེ་ལྟས་ཁྱོད་ལ་ཀན་ནྱ་ཀུབ་ཛ་བྱིན། །ང་ཡིས་ཞི་བ་ལ་ཡང་སྙིང་ནས་བཟོད། །གསོས་པའི་ལན་རྫོགས་སོ།། །།སྡོམ་ནི། དྲག་ཤུལ་ཅན་གྱི་གསེར་སྣོད་དང ། །འོད་བཟང་མ་དང་དགོན་པ་པ། །འཚོ་བྱེད་དང་ནི་འབྲས་སྨན་དང ། །འཁོར་ནི་མང་པོ་སུན་བྱེད་པའོ། །སངས་རྒྱས་བཅོམ་ལྡན་འདས་ཡངས་བ་ཅན་གྱི་སྤྲེའུ་རྫིང་གི་འགྲམ་</font><hr>Da40a<br><font size=+2>


༄#། །ན།་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་བྲམ་ཟེ་དང་ཁྱིམ་བདག་མང་པོ་དཔོང་ས་ན་འདུས་ཤིང་འཁོད་པ་དག་།བར་སྐབས་ཀྱི་གཏམ་འདི་ལྟ་བུ་དག་གླེང་སྟེ། ཤེས་ལྡན་དག་དགེ་སྦྱོང་གོའུ་ཏམ་དང ། དེའི་ཉན་ཐོས་རྣམས་ཀྱང་འདོད་ཆེན་ཆེ་བའོ། །མུ་སྟེགས་ཅན་དག་ནི་དེ་ལྟ་མ་ཡིན་ནོ། །ཞེས་ཟེར་རོ། །དེའི་ཚེ་ཁྱིམ་བདག་དྲག་ཤུལ་ཅན་འཁོར་དེ་ཉིད་དུ་འདུས་ནས་འདུག་པར་གྱུར་ཏོ། །དེ་ནས་ཁྱིམ་བདག་དྲག་ཤུལ་ཅན་གྱིས། ཡངས་པ་ཅན་གྱི་བྲམ་ཟེ་དང ། ཁྱིམ་བདག་མང་པོ་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་རེ་ཞིག་སྡོད་ཅིག་དང ། ངས་བཅོམ་ལྡན་འདས་འདོད་ཆེན་ཆེའམ། འདོད་ཆེན་ཆུང་བ་དང ། དེའི་ཉན་ཐོས་འདོད་ཆེན་ཆེའམ། འདོད་ཆེན་ཆུང་བ་དག་ཁྱོད་ཀྱི་མངོན་སུམ་དུ་བྱའོ་ཞེས་བྱས་ནས། དེས་གསེར་དང ། དངུལ་དང ། བཻ་ཌཱུརྱ་དང ། ཤེལ་གྱི་སྣོད་དག་བསྡོགས་ནས། སངས་རྒྱས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བ་དང ། ཡང་དག་པར་མགུ་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་ལ་ཆོས་ཀྱི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་ལེན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། </font><hr>Da40b<br><font size=+2>


ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་མཐུན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་བར་བཞུགས་སོ། །དེ་ནས་ཁྱིམ་བདག་དྲག་ཤུལ་ཅན་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་བདག་གི་སྡུམ་པར་སང་གདུགས་ཚོད་གསོལ་བར་ཅི་གནང ། ཞེས་གསོལ་པ་དང ། བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་ལ་ཅང་མི་གསུང་པས་གནང་ངོ ། །དེ་ནས་ཁྱིམ་བདག་དྲག་ཤུལ་ཅན་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་ཅིང་རྗེས་སུ་ཡི་རང་ནས་སྟན་ལས་ལངས་ཏེ་སོང་ངོ ། །དེས་མུ་སྟེགས་ཅན་རྣམས་ལ་ཡང་ཤེས་ལྡན་དག། སང་བདག་གི་ཁྱིམ་དུ་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གདུགས་ཚོད་ལ་སྤྱན་དྲངས་ཀྱི། ཁྱེད་ཀྱང་དེ་ཉིད་དུ་ཟན་ལ་ཤོག་ཅིག་།ཅེས་མགྲོན་དུ་བོས་སོ། །ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་ཡང ། ཤེས་ལྡན་དག་།བདག་གིས་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དང ། མུ་སྟེགས་ཅན་རྣམས་</font><hr>Da41a<br><font size=+2>


༄#། །སང་བདག་གི་ཁྱིམ་དུ་གདུགས་ཚོད་ལ་སྤྱན་དྲངས་ཀྱི། ཁྱེད་ཀྱང་དེའི་ཚེ་གྲོགས་བྱེད་དུ་ཤོག་ཅིག་།ཅེས་ཀྱང་བསྒོའོ། །དེ་ནས་རང་གི་ཁྱིམ་དུ་སོང་སྟེ་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་ཞལ་ཟས་གཙང་ཞིང་བསོད་པ་མང་པོ་དག་སྟ་གོན་གྱིས་ཤིག་།དེ་དག་གིས་ཞལ་ཟས་བསོད་པ་མང་པོ་དག་སྟ་གོན་བྱས་སོ། །དེ་ནས་ཁྱིམ་བདག་དྲག་ཤུལ་ཅན་ནང་པར་སྔར་ལངས་ཏེ། གདན་བཤམས། ཆུར་དག་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་གདུགས་ཚོད་གསོལ་བ། གདུགས་ཚོད་སྦྱར་ལགས་ཏེ། ད་དེའི་དུས་ལ་བབ་ན། བཅོམ་ལྡན་འདས་ཀྱིས་དེའི་དུས་ལ་བབ་པར་དགོངས་སུ་གསོལ། ཞེས་གདུགས་ཚོད་གདས་པར་གསོལ་ཏོ། །དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ། ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ཏེ།་ཁྱིམ་བདག་དྲག་ཤུལ་ཅན་གྱིས་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་དྲག་ཤུལ་ཅན་ཡུལ་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་དང་ལྷན་ཅིག་ཏུ་གསེར་དང ། དངུལ་དང ། བཻ་ཌཱུརྱ་དང ། ཤེལ་གྱི་སྣོད་རྣམས་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་ལ་འབྲིམ་པར་ཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ། ཀུན་དགའ་བོ་སོང་ལ་དགེ་སློང་རྣམས་ལ་ཁྱིམ་བདག་དྲག་ཤུལ་ཅན་ནི་བགམ་པའི་བསམ་པས། གསེར་དང ། </font><hr>Da41b<br><font size=+2>


དངུལ་དང ། བཻ་ཌཱུརྱ་དང ། ཤེལ་གྱི་སྣོད་རྣམས་འབྲིམ་གྱི། དགེ་སློང་ཁྱེད་ཅག་སུ་ཡང་མ་ལེན་ཅིག་པར་བསྒོ་ཞིག་།ཅེས་བཀའ་སྩལ་པ་དང ། ཚེ་དང་ལྡན་པ་ཀུན་དགའ་བོས་བཙུན་པ་དེ་ལྟར་འཚལ་ལོ། །ཞེས་བཅོམ་ལྡན་འདས་ཀྱི་ལྟར་མཉན་ནས་དགེ་སློང་རྣམས་ལ། ཚེ་དང་ལྡན་པ་དག་།བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་བགམ་པའི་བསམ་པས་གསེར་དང ། དངུལ་དང ། བཻ་ཌཱུརྱ་དང ། ཤེལ་གྱི་སྣོད་རྣམས་འབྲིམ་གྱི། དགེ་སློང་ཁྱེད་ཅག་སུ་ཡང་མ་ལེན་ཅིག་།ཅེས་བཀའ་སྩལ་ཏོ། །ཞེས་བསྒོ་བ་དང ། བཙུན་པ་ཀུན་དགའ་བོ། །བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ་མི་བླང་བར་བགྱིའོ་ཞེས་སྨྲས་ནས། དེ་དག་གིས་མ་བླངས་སོ། །དེ་ནས་ཁྱིམ་བདག་དྲག་ཤུལ་ཅན་གྱིས། ཟངས་ལས་བྱས་པ་དང ། འཁར་བ་ལས་བྱས་པའི་སྣོད་རྣམས་བྲིམས་ཏེ། སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་བདེ་བར་བཞུགས་པར་རིག་ནས། རང་གི་ལག་བདར་ཏེ་བཟའ་བ་དང ། བཅའ་བ་གཙང་ཞིང་བསོད་པས་ཡང་དག་པར་ཚིམ་པར་བྱེད། ཡང་དག་པར་སྟོབས་པར་བྱེད་དོ། །རྣམ་གྲངས་དུ་མས་རང་གི་ལག་བདར་ཏེ། བཟའ་བ་དང་བཅའ་བ་གཙང་ཞིང་བསོད་པས་ཡང་དག་པར་ཚིམ་པར་བྱས། ཡང་དག་པར་བསྟབས་ནས། བཅོམ་ལྡན་འདས་བཤོས་གསོལ་ཏེ། ཕྱག་བཅབས། ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བཏིང་ནས། ཆོས་</font><hr>Da42a<br><font size=+2>


༄#། །མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།དེ་ནས་བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་ལ་ཆོས་དང་མཐུན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་ལེན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་མཐུན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་ལེན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་ནས། ཡོན་བསྔོ་བ་བརྗོད་ནས་གདན་ལས་བཞེངས་ཏེ་གཤེགས་སོ། །དེ་ནས་མུ་སྟེགས་ཅན་མ་དུལ་བའི་ཆ་བྱད་ཅན་དག་།བབ་བབ་ཏུ་ཅ་ཅོ་ཟེར་ཞིང་འདུག་པ་དང ། ཁྱིམ་བདག་དྲག་ཤུལ་ཅན་གྱིས་སྒོ་བའི་མི་ལ། ཀྱེ་ནང་རྗེ་གལ་ཏེ་མུ་སྟེགས་ཅན་འགའ་ཞིག་གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པའི་སྣོད་རྣམས་ཁྱེར་ཏེ། སྒོར་འགྲོ་ན་མ་སྦྱིན་ཅིག་།ཇི་སྟེ་ངེད་ལ་ཁྱིམ་བདག་གིས་བྱིན་ནོ་ཞེས་ཟེར་དང ། ཀྱེ་ཁྱེད་ལ་ཁྱིམ་བདག་གི་ཟན་གྱི་ཕྱིར་ཡིན་གྱི། གཏན་ནི་མ་བྱིན་ནོ་ཞེས་གྱིས་ཤིག་།དེ་སྟེ་ཡང་མི་སྟེར་ན་རྒྱོབ་ལ་ཕྲོགས་ཤིག་།ཅེས་བསྒོ་བ་དང ། ཁྱིམ་བདག་དེ་ལྟར་འཚལ་ལོ་ཞེས། མི་དེས་ཁྱིམ་བདག་དྲག་ཤུལ་ཅན་གྱི་ལྟར་མཉན་ཏོ། །དེ་ནས་ཁྱིམ་</font><hr>Da42b<br><font size=+2>


བདག་དྲག་ཤུལ་ཅན་གྱིས། མུ་སྟེགས་ཅན་རྣམས་ལ་གསེར་དང ། དངུལ་དང ། བཻ་ཌཱུརྱ་ལས་བྱས་པའི་སྣོད་རྣམས་བྲིམ་པར་བརྩམས་པ་དང ། སྒྲ་མཐོན་པོ་དང ། སྒྲ་མང་པོ་བཏོན་ནས། ལ་ལ་ན་རེ། ཁྱིམ་བདག་བདག་ལ་ནི་གསེར་ལས་བྱས་པ་བྱིན་ཅིག་།ཅེས་ཟེར་ལ། ལ་ལ་ནི་བདག་ལ་དངུལ་ལས་བྱས་པ་བྱིན་ཅིག་།ཅེས་ཟེར་ཞིང ། དེ་ལྟར་དེ་དག་ཀུ་ཅོ་འདོན་པ་དེའི་ཚེ་འཐབ་མོ་བྱུང་ནས། ཕན་ཚུན་དུ་ཁུ་ཚུར་དང ། ཐལ་ལྕག་དང ། དབྱུག་པ་དང ། ལྟག་དབྱུག་དང ། རྡོག་པས་རྡེག་པར་བརྩམས་པ་དང ། དེ་དག་ཁྱིམ་བདག་དྲག་ཤུལ་ཅན་གྱིས་བསྡིགས་པ་དང ། གཞོམ་པ་དང ། དབྱེ་བའི་སྦྱོར་བས་ནན་གྱིས་ཟན་ཟར་བཅུག་གོ་།གང་གིས་སྣོད་གང་དུ་ཟན་ཟོས་པ་དེས། དེ་ཉིད་ཁྱེར་ཏེ་འགྲོ་བར་བརྩམས་པ་དང ། སྒོ་བས་གཟུང་བར་བརྩམས་སོ། །དེ་རྣམས་ཀྱིས་སྨྲས་པ། ཀྱེ་ནང་རྗེ་ཁྱིམ་བདག་གིས་ངེད་ལ་བྱིན་ན་ཅིའི་ཕྱིར་བཟུང ། དེས་སྨྲས་པ། ཁྱིམ་བདག་གིས་ཁྱེད་ཅག་ཟན་གྱི་ཕྱིར་བྱིན་གྱི། གཏན་ནི་མ་བྱིན་ནོ། །ཞོག་ལ་དེང་ཞིག་།དེ་དག་གིས་མ་བཞག་པ་དང ། སྒོ་བས་དེ་དག་བརྡེགས་ནས། ཀུ་ཅོ་རབ་ཏུ་ཆེ་བར་གྱུར་པ་དང ། ཡངས་པ་ཅན་ན་གནས་པའི་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཞེས་བྱ་བ་སྐྱེ་བོའི་ཚོགས་ཆེན་པོ་ཐམས་ཅད་འདུས་པར་གྱུར་ཏོ། །ཁྱིམ་བདག་དྲག་ཤུལ་ཅན་གྱིས་མི་སྡུག་པ་དེ་དག་མཐོང་ནས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་</font><hr>Da43a<br><font size=+2>


༄#། །འདི་སྐད་ཅེས་སྨྲས་སོ། །ཤེས་ལྡན་དག་ཁྱེད་ཀྱིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དང ། དེ་དག་གི་ཁྱད་པར་མཐོང་ངམ། དེ་དག་གིས་སྨྲས་པ།་ཁྱིམ་བདག་མཐོང་ངོ ། །དེས་སྨྲས་པ། ཤེས་ལྡན་དག་དེ་ལྟར་ན་བཅོམ་ལྡན་འདས་ཀྱང་བཞེད་ཆེན་ཆུང་ལ། དེའི་ཉན་ཐོས་དག་ཀྱང་འདོད་ཆེན་ཆུང་གི་།མུ་སྟེགས་ཅན་ཉེས་པར་བཤད་པའི་ཆོས་འདུལ་བ་ཅན་འདི་དག་ནི་དེ་ལྟ་མ་ཡིན་ནོ། །དེ་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་མངོན་པར་མ་དད་པ་མང་པོ་ནི། མངོན་པར་དད་པར་གྱུར་ཏོ། །བར་མ་རྣམས་ལས་ཀྱང་ཁ་ཅིག་ནི། བཅོམ་ལྡན་འདས་ལ་དད་པར་གྱུར་ཏོ། །དེ་ནས་བཅོམ་ལྡན་འདས་གཙུག་ལག་ཁང་དུ་གཤེགས་ནས་ཞབས་བཀྲུས་ཏེ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་ཀྱང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཚོད་རིག་པ་ལ་ཕན་ཡོན་དེ་དང ། གཞན་དག་ཀྱང་ཡོད་པས་དེའི་ཕྱིར་དགེ་སློང་གི་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པ་ལ་སོགས་པ་རིན་པོ་ཆེའི་སྣོད་དུ་བཟའ་བར་མི་བྱ་སྟེ། ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གསེར་དང ། དངུལ་དང ། བཻ་ཌཱུརྱ་དང ། ཤེལ་ལས་བྱས་པ་ལ་སོགས་པ་རིན་པོ་ཆེའི་སྣོད་དུ་བཟའ་བར་མི་བྱའོ་ཞེས་བཀའ་</font><hr>Da43b<br><font size=+2>


སྩལ་པ་དང ། དགེ་སློང་སྐྱོན་དང་བྲལ་བ་གཞན་དག་ཅི་ཡོད་པ་དེ་དག་གི་དབང་གིས། སོ་སོ་སྐྱེ་བོ་དག་ལྷའི་གནས་དང ། ཀླུའི་གནས་སུ་སོང་བ་ལ། དེར་དེ་དག་ཟན་ལ་བོས་པ་དང ། དེ་དག་གི་ཁྱིམ་ན། རང་གི་བསོད་ནམས་ལས་གྲུབ་པའི་གསེར་དང ། དངུལ་དག། བཻ་ཌཱུརྱ་དང ། ཤེལ་གྱི་སྣོད་ཡོད་ཀྱི། གཞན་མེད་པས་དེ་དག་དེར་འགྱོད་དེ་ཟན་མ་ཟོས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་ན་གང་དུ་སྣོད་གཞན་རྙེད་པ་མེད་པ་དེར་ནི་གསེར་དང ། དངུལ་དང ། བཻ་ཌཱུརྱ་དང ། ཤེལ་ལ་སོགས་པའི་སྣོད་དུ་ཟ་བར་གནང་གི། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནེར་དང་ལྡན་པ། རྣམ་ཐོས་ཀྱི་བུ་དང་ནོར་གྱིས་འགྲན་པ་ཞིག་གནས་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་བྱེད་པ་ལས། དུས་གཞན་ཞིག་ན་ཆུང་མ་དེ་ལ་སེམས་ཅན་ཞུགས་པར་གྱུར་ཏོ། །གང་གིས་ཉིན་མོ་དེ་སེམས་ཅན་ཞུགས་པར་</font><hr>Da44a<br><font size=+2>


༄#། །གྱུར་བ་དེ་ཉིད་ཀྱི་ཉིན་མོ་ནས་མདངས་བཟང་བར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས་བུ་མོ་གཟུགས་བཟང་བ། མཛེས་པ། བལྟ་ན་སྡུག་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་བཙས་པའི་ཚེ་དེའི་ཁྱིམ་ཉི་མའི་འོད་བཞིན་དུ་སྣང་བར་གྱུར་ན་མཉན་ཡོད་ཀུན་དུ་ཁྱིམ་བདག་ཆེ་གེ་མོ་ཞིག་གི་བུ་མོ་གཟུགས་བཟང་བ། མཛེས་པ། བལྟ་ན་སྡུག་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་བཙས་པ་དེའི་ཚེ་དེའི་ཁྱིམ་ཉི་མའི་འོད་བཞིན་དུ་སྣང་བར་གྱུར་ཏོ་ཞེས་སྒྲ་དེ་གྲགས་པ་དང ། སྲོག་ཆགས་བརྒྱ་སྟོང་ཕྲག་མང་པོ་ངོ་མཚར་དུ་གྱུར་ནས། ཁྱིམ་བདག་དེའི་ཁྱིམ་དུ་འདུས་སོ། །རེ་ཞིག་ནས་བྲམ་ཟེ་ལྟས་མཁན་ཞིག་ཡུལ་གཞན་ནས་འོངས་པ་དེ་ཡང་ངོ ། ། མཚར་གྱི་ཕྱིར་དེ་ཉིད་དུ་འདུས་ཏེ། དེས་དེ་ལ་ཕན་ཚུན་དུ་བལྟས་ནས། སྐྱེ་བོའི་ཚོགས་ལ་སྨྲས་པ། ཤེས་ལྡན་དག་།ཁྱེད་ཀྱིས་བུ་མོ་འདི་མཐོང་ངམ། དེ་དག་གིས་སྨྲས་པ། མཐོང་ངོ ། ། ཤེས་ལྡན་དག་།བུ་མོ་འདི་ནི་ཅི་ནས་ཀྱང་སྐྱེས་བུ་ལྔ་བརྒྱ་དང་ལྷན་ཅིག་དགའ་མགུར་སྤྱོད་པར་འགྱུར་རོ། །དེ་དག་གིས་སྨྲས་པ། བྲམ་ཟེ། འདིའི་གཟུགས་འདི་ལྟར་མཛེས་པ་དང་སྦྱར་ན།་འདི་ནི་གདོན་མི་ཟ་བར་སྐྱེས་པ་ལྔ་བརྒྱ་དང་དགའ་མགུར་སྤྱོད་པར་འགྱུར་རོ། །མཉན་ཡོད་ཐམས་ཅད་དུ་ཡང་ཁྱིམ་བདག་གཅིག་གི་བུ་མོ་གཟུགས་བཟང་བ། མཛེས་པ། བལྟ་ན་སྡུག་</font><hr>Da44b<br><font size=+2>


པ།་ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་ཏེ། དེ་བཙས་པ་དེའི་ཚེ་དེའི་ཁྱིམ་དེ་ཉི་མའི་འོད་བཞིན་དུ་སྣང་བར་གྱུར་ཏོ། །དེ་ལ་མཚན་མཁན་གྱིས་བུ་མོ་འདི་ནི་སྐྱེས་པ་ལྔ་བརྒྱ་དང་ལྷན་ཅིག་དགའ་མགུར་སྤྱོད་པར་ལུང་བསྟན་ཏོ། །ཞེས་སྒྲ་གྲགས་ནས། གང་གིས་སྒྲ་ཐོས་པ་དེ་ཡང་དེར་འོངས་པར་གྱུར་ཏོ། །ཞག་བདུན་གསུམ་ཉི་ཤུ་གཅིག་ཏུ་དེ་བཙས་པའི་བརྩས་སྟོན་རྒྱ་ཆེར་བྱས་ནས། མིང་འདོགས་པར་བྱེད་དེ། བུ་མོ་འདི་ནི་མིང་ཇི་སྐད་དུ་གདགས། ཉེ་དུ་དག་གིས་སྨྲས་པ། བུ་མོ་འདི་བཙས་པའི་ཚེ་ཁྱིམ་ཉི་མའི་འོད་བཞིན་དུ་སྣང་བར་གྱུར་པས། དེའི་ཕྱིར་བུ་མོའི་མིང་འོད་བཟང་མ་ཞེས་གདགས་སོ། །ཞེས་དེའི་མིང་འོད་བཟང་མ་ཞེས་བྱ་བར་བཏགས་སོ། །འོད་བཟང་མ། མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་ཞོ་ལྡུད་པ་མ་མ་གཉིས་དང ། དྲི་མ་ཕྱི་བའི་མ་མ་གཉིས་དང ། རྩེན་གྲོགས་ཀྱི་མ་མ་གཉིས་ལ་གཏད་དེ། དེ་མ་མ་བརྒྱད་ཀྱི་འོ་མ་དང ། ཞོ་དང ། མར་སར་དང ། མར་ཀར་དང ། མར་གྱི་སྙིང་གུ་དང ། གཞན་ཡང་ཡོ་བྱད་ཀྱི་ཁྱད་པར་གཙོ་བོ་དག་གིས་བསྐྱེད་བསྲིངས་ཏེ། རྫིང་གི་པདྨ་བཞིན་དུ་སྐྱེད་དྲག་པར་གྱུར་ཏོ། །དེ་དག་གང་གི་ཚེ་ཆེན་མོར་གྱུར་པ་དེའི་ཚེ། གཟུགས་དང་ལང་ཚོ་མཛེས་པ་དང ། གཡེར་བ་དང ། སྒྱུ་རྩལ་གྱི་ཡོན་ཏན་གྱི་ཁྱད་པར་དང་ལྡན་པས། ནགས་ཚལ་མེ་ཏོག་རྒྱས་པའི་ནང་ན་ནགས་ཚལ་གྱི་ལྷ་བཞིན་དུ་ཁྱིམ་དེ་ན་མཛེས་སོ། །དེའི་གཟུགས་དང་ལང་ཚོ་དང ། ཁ་དོག་དང ། རྒྱུ་བ་དང ། </font><hr>Da45a<br><font size=+2>


༄#། །གནས་པའི་ཁྱད་པར་གྱིས་འཇིག་རྟེན་པའི་ལམ་གྱིས་འདོད་ཆགས་དང་བྲལ་བའི་དྲང་སྲོང་དག་ཀྱང་སེམས་འཕྲོག་པར་བྱེད་ན། ཐོག་མ་མེད་པའི་དུས་ནས་ཉོན་མོངས་པ་ཀུན་ཏུ་སྤྱོད་པ་བསགས་པ། རིགས་དང ། གཟུགས་དང ། ལང་ཚོ་དང ། དབང་ཕྱུག་གི་དྲེགས་པས་རྒྱགས་པའི་མི་རྣམས་ལྟ་སྨོས་ཀྱང་ཅི་དགོས། ཁྱིམ་བདག་དེ་ཡང་ནང་མིའི་སྐྱེ་བོའི་འཁོར་དང་བཅས་ཏེ། དེ་སྲུང་ལྷུར་ལེན་ཅིང་གཉིད་ཀྱང་མི་ལོག་གོ་།ཡུལ་ཀོ་ས་ལའི་རྒྱལ་པོ་གསལ་རྒྱལ་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང་བཅས་པ་དང ། གཞན་ཡང་འདབ་ཆགས་ན་གནས་པའི་རྒྱལ་པོ་དང ། བློན་པོའི་བུ་དང ། མདུན་ན་འདོན་གྱི་བུ་ལ་སོགས་པས་བསླང་བར་བརྩམས་ཀྱང ། བུ་མོ་འོད་བཟང་མ་སྐྱེས་བུ་ལྔ་བརྒྱ་དང་ལྷན་ཅིག་དགའ་མགུར་སྤྱོད་པར་མཚན་མཁན་གྱིས་ལུང་བསྟན་པས་ན། འཇིག་རྟེན་གྱིས་དཔྱས་སུ་དོགས་པའི་ཕྱིར་སུས་ཀྱང་མ་བསླངས་སོ། །དེ་ཡང་དེའི་ཁྱིམ་གྱི་སྐར་ཁུང་དྲ་བ་ཅན་དང ། སྐར་ཁུང་དང ། སྟེགས་བུ་དང ། ཁང་ཐོག་ཏུ་འདུག་ནས་སུ་སློང་སྙམ་ཞིང་སྐྱེས་པ་དག་ལ་ལྟ་བར་བྱེད་དོ། །ཁྱིམ་བདག་དེས་དེའི་སྤྱོད་པ་མཐོང་ནས། རང་གི་རིགས་རྒྱུད་དང་མཐུན་པ་གཞན་དག་ལ་མི་སློང་ཡང་དེ་བཞིན་དུ་སྦྱིན་པར་བརྩམས་ན། འགའ་ཡང་ལེན་དུ་མ་བཏུབ་བོ། །དེ་ནས་ཁྱིམ་བདག་དེ་དེ་སུ་ཡང་མ་འདོད་པས་ཡིད་མི་བདེ་བ་སྐྱེས་ཏེ། བྱ་བ་ཐམས་ཅད་ཀྱི་བློ་གཏང་ནས། དེ་སྦྱིན་པའི་ཐབས་སེམས་</font><hr>Da45b<br><font size=+2>


པས།་ལུས་སྐྱ་བོ་བསེང་བསེང་པོ། ཤ་བྲིང་ངན་པ། རྐེ་བ་ཤིག་ཤིག་ཏུ་གྱུར་ཏོ། །དེའི་ཚེ་མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་གནས་པ་དེས། རིགས་མཉམ་པ་ལས་ཆུང་མ་བླངས་ཀྱང ། དེ་རང་གི་ལས་ཀྱིས་ཤི་བར་གྱུར་ཏོ། །དེ་བཞིན་དུ་གཉིས་པ་དང ། གསུམ་པ་ནས་བདུན་པའི་བར་བླངས་ཀྱང་དེ་ཡང་རང་གི་ལས་ཀྱིས་ཤི་བར་གྱུར་ཏོ། །དེ་དག་གིས་ཀྱང་ཚེ་ཐུང་བར་འགྱུར་བའི་ལས་བྱས་ལ། དེས་ཀྱང་དཔྱ་བར་འགྱུར་བའི་ལས་བྱས་པས། དེའི་མིང་ཆུང་མ་གསོད་པ། ཆུང་མ་གསོད་པ་ཞེས་བྱ་བར་ཆགས་སོ། །དེས་གཞན་དུ་བླངས་པ་དང ། དེ་དག་གིས་སྨྲས་པ། ངེད་ཀྱི་བུ་མོ་ཅི་སེ་གསད་ཅེས་ཟེར་རོ། །དེས་ཡུགས་མོ་དག་ཀྱང་བསླང་བར་བརྩམས་པ་དང ། དེ་དག་ཀྱང་ངེད་ཀྱི་ལུས་ཅིའི་ཕྱིར་དོར་ཞེས་ཟེར་ནས། དེ་ལ་ཐམས་ཅད་ཀྱིས་ཀྱང་མ་སྟེར་བ་དང ། ཆུང་མ་མེད་ཀྱང་བླ་ཞེས་ཆུང་མ་འདོད་པའི་རེ་ཐག་བཅད་ནས། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་ཏུ་རྒྱུ་རྣམས་དང་ལྷན་ཅིག་ཏུ་བསྟེན་པར་བརྩམས་སོ། །དེའི་ཕ་སངས་རྒྱས་པའི་དགེ་བསྙེན་ཞིག་པས་དེས་བསམས་པ། བདག་གི་ཕ་སངས་རྒྱས་པའི་དགེ་བསྙེན་ཡིན་ན། བདག་ལ་དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་ཏུ་རྒྱུ་བ་རྣམས་ཀྱིས་ཅི་ཞིག་བྱ།་བཅོམ་ལྡན་འདས་ཀྱི་ཉན་ཐོས་རྣམས་ལ་བསྙེན་བཀུར་བྱ་ཞིང ། དེ་དག་ལ་བྱ་བ་བྱས་ནས་དེ་ཉིད་དུ་རབ་ཏུ་འབྱུང་ངོ་སྙམ་ནས། དེ་ཡང་དང་ཡང་དུ་རྒྱལ་བྱེད་ཀྱི་ཚལ་དུ་འགྲོ་བར་གྱུར་ཏོ། །ཇི་ཙམ་</font><hr>Da46a<br><font size=+2>


༄#། །དུས་གཞན་ཞིག་ན་མཛའ་བོ་ཞིག་གིས་མཐོང་ནས། དེས་སྨྲས་པ། གྲོགས་པོ་ཁྱོད་རྒྱལ་བྱེད་ཀྱི་ཚལ་དུ་ཡང་དང་ཡང་དུ་འགྲོ་ན་རབ་ཏུ་འབྱུང་བར་མི་རྩོལ་གྲང་གྲོགས་པོ་བདག་རབ་ཏུ་བྱུང་ཟིན་ན། ཡང་རབ་ཏུ་འབྱུང་ཅི་དགོས། བདག་གིས་ཆུང་མ་གཅིག་བླངས་ཀྱང་རང་གི་ལས་ཀྱིས་ཤི་བར་གྱུར། དེ་བཞིན་དུ་གཉིས་པ་དང ། གསུམ་པ་ནས་བདུན་པའི་བར་ཡང་རང་གི་ལས་ཀྱིས་ཤི་བར་གྱུར་ཏོ། །དེ་དག་གིས་ཀྱང་ཚེ་ཐུང་བར་འགྱུར་བའི་ལས་བྱས། ཁོ་བོས་ཀྱང་དཔྱ་བར་འགྱུར་བའི་ལས་བྱས་པས་ཁོ་བོའི་མིང་ཆུང་མ་གསོད་པ། ཆུང་མ་གསོད་པ་ཞེས་བྱ་བ་ཆགས་ནས་བདག་ཡི་ཆད་དོ། །དགེ་སློང་དག་ལ་ངེས་པར་བསྙེན་བཀུར་བྱ་བ་ནི། བདག་གི་ཕའི་ལུགས་ཡིན་ཏེ། འདི་མི་བྱ་ན་གཞན་སུ་ལ་བསྙེན་བཀུར་བྱ། དེས་སྨྲས་པ།་གྲོགས་པོ་དེ་ཡང་བདེན་ན་འོན་ཀྱང་གདོན་མི་ཟ་བར་བུ་བསྐྱེད་དགོས་ཏེ། གཞན་དུ་ན་རབས་ཆད་པར་འགྱུར་ན་ཅི་སྟེ་གཞན་གྱི་བུ་མོ་སློང་བར་མི་བྱེད། དེས་སྨྲས་པ། གྲོགས་པོ་ཅི་ཕན། གང་ལ་བསླངས་པ་དེ་ངེད་ཀྱི་བུ་མོ་ཅི་སྟེ་གསད་ཅེས་ཟེར་རོ། །དེས་སྨྲས་པ། གྲོགས་པོ་གལ་ཏེ་དེ་ལྟ་ན་ཡུག་ས་མོ་དག་བསླང་ན་ཅི་ཉེས། དེས་སྨྲས་པ། གྲོགས་པོ་བདག་གིས་བསླང་ན། དེ་དག་ཀྱང་ངའི་ལུས་ཅིའི་ཕྱིར་ཡོངས་སུ་དོར་ཞེས་ཟེར་རོ། །དེས་སྨྲས་པ། གྲོགས་པོ་གལ་ཏེ་དེ་ལྟ་ན་འོད་བཟང་མ་ཅིའི་ཕྱིར་མི་བསླང ། དེས་སྨྲས་པ། གྲོགས་པོ་འཇིག་རྟེན་ཀུན་ཏུ་གྲགས་པ་དེས། ཇི་སྨད་</font><hr>Da46b<br><font size=+2>


འཚོང་མའི་ཁྱིམ་དུ་བྱའམ། དེས་སྨྲས་པ། གྲོགས་པོ་ཁྱོད་དད་པ་ཅན་ཡིན་པས་ཁྱོད་ཀྱི་ཁྱིམ་དུ་དགེ་སློང་ལས་སུ་ཞིག་འོང ། སློངས་ཤིག་།དེས་སྨྲས་པ། གྲོགས་པོ་གལ་ཏེ་དེ་ཡང་མི་སྟེར་མོད། གྲོགས་པོ།་སློངས་ཤིག་དང ། དེའི་ཕ་ཡང་སྐྱོ་ཞིང་འདུག་པས་སྟེར་བར་འགྱུར་རོ། །དེ་ཁྱིམ་བདག་དེའི་ཁྱིམ་དུ་སོང་སྟེ། དེས་སྨྲས་པ། བདེ་ལེགས་སུ་གྱུར་ཅིག་།བདེ་ལེགས་སུ་གྱུར་ཅིག་།ཁྱིམ་བདག་དེས་སྨྲས་པ། ཅི་ཞིག་འདོད། འོད་བཟང་མའོ། །སྦྱིན་ནོ། །དེས་དེ་དཔལ་གྱི་འབྱོར་པ་ཆེན་པོས་བག་མར་བླངས་ཏེ། ལྡེ་མིག་དང ། ལྡེ་མིག་ཀྱོག་པོ་དག་བྱིན་ནས་ཁྱིམ་གྱི་བདག་མོར་བཅུག་སྟེ། སྨྲས་པ། བཟང་མོ་ཁོ་བོ་ཅག་གི་རིགས་ཀྱི་ལུགས་ཀྱིས་ནི། སྟོན་པ་སངས་རྒྱས་དང ། དགེ་སློང་དག་སྦྱིན་གནས་ཡིན་པས་ཁྱོད་ཀྱིས་ཀྱང་དེ་དག་ལ་བྱ་བ་བྱོས་ཤིག་།དེས་སྨྲས་པ། ཇོ་བོ་ལེགས་ཀྱི། དེ་བཞིན་དུ་བགྱིའོ། །ཁྱིམ་བདག་དེའི་ཁྱིམ་དུ་དགེ་སློང་དག་ཉིན་གཅིག་བཞིན་དུ་ཟན་ཟ་བ་ལ་འོད་བཟང་མ་རང་གི་ལག་དར་ཏེ་འབྲིམ་མོ། །དེ་ན་དགེ་སློང་གང་དག་ཁ་དོག་དང ། དབྱིབས་དང ། ལང་ཚོའི་ཁྱད་པར་ཕུན་སུམ་ཚོགས་པ་དེ་དག་དེས་མཐོང་ནས། རྣམ་པར་རྟོག་པ་སྐྱེས་པར་གྱུར་ཏོ། །དེ་དེ་དག་ལ་རྟོག་པ་འཕེལ་བས་ཡིད་བདེ་བ་སྐྱེས་པར་གྱུར་ཏོ། །ཁྱིམ་བདག་དེ་ཡང་རི་བོར་ཞིག་ཏུ་དོན་ཞིག་ཡོད་ནས། དེས་བཟང་མོ་ཁོ་བོ་ནི་རི་བོར་ཆེ་གེ་མོ་ཞིག་ཏུ་དོན་ཞིག་ཡོད་དེ། བདག་དེར་འགྲོས། ཁྱོད་ཀྱིས་ཡོན་གནས་དག་དེ་བཞིན་དུ་བཤོས་གསོལ་ཅིག་ཅེས་བསྒོ་བ་དང ། དེས་</font><hr>Da47a<br><font size=+2>


༄#། །སྨྲས་པ། རྗེའི་སྲས་ལེགས་ཀྱི། དེ་བཞིན་དུ་བགྱིས། བཞུད་ཅིག་།དེས་དགེ་སློང་རྣམས་ལ་ཡང ། འཕགས་པ། བདག་ནི་རི་བོར་ཆེ་གེ་མོ་ཞིག་ཏུ་བགྱི་བ་ཞིག་བྱུང་ནས། བདག་དེར་མཆིས། ཁྱེད་ཅག་དེ་བཞིན་དུ་བདག་གི་སྡུམ་པར་བཤོས་གསོལ་ཅིག་ཅེས་སྨྲས་པ་དང ། དེ་དག་གིས་སྨྲས་པ། ཁྱིམ་བདག་སོང་ཞིག་།ནད་མེད་པར་གྱུར་ཅིག ། ཟན་བཟའ་བར་བྱའོ་ཞེས་བྱས་པ་དང ། དེ་ཡང་རི་བོར་གྱི་གྲོང་དུ་སོང་ངོ ། །དགེ་སློང་དག་ཀྱང་དེ་བཞིན་དུ་དེའི་ཁྱིམ་དུ་ཟན་བཟའ་བར་བརྩམས་པ་དང ། འོད་བཟང་མ་བདག་གི་ཁྱོ་མེད་དོ། །སྙམ་ནས། བུད་མེད་ཀྱི་གཡོ་དང ། བུད་མེད་ཀྱི་སྒྱུ་དང ། བུད་མེད་ཀྱི་ཚུལ་འཆོས་པ་གང་དག་ཡིན་པ་དེ་དག་དགེ་སློང་རྣམས་ལ་སྟོན་པར་རྩོམ་པ་དང ། དགེ་སློང་དག་གིས། གཅིག་ལ་གཅིག་ཉེས་དམིགས་བྱུང་ན་འདི་ལ་ཇི་ལྟར་བསྒྲུབ་པར་བྱ་ཞེས་བགྲོས་པ་དང ། དེ་ན་ཁ་ཅིག་གིས་སྨྲས་པ། འདི་ལ་བསྒྲུབ་ཏུ་ཅི་ཡོད། སང་ནས་མི་འོང་དུ་ཟད་མོད། གཞན་དག་གིས་སྨྲས་པ། ཚེ་དང་ལྡན་པ། བདག་ཅག་ནི་བསོད་སྙོམས་པ་ཡིན་པས་སང་ནས་བསོད་སྙོམས་ལ་འདོང་དུ་ཟད་མོད། གཞན་དག་གིས། ཀྱེ་ལེགས་ཀྱི་དེ་བཞིན་དུ་བྱའོ་ཞེས་སྨྲས་ན། དེ་དག་ཕྱི་དེ་ཉིན་ནས་བསོད་སྙོམས་ལ་ཞུགས་སོ། །ཇི་ཙམ་དུས་གཞན་ཞིག་ན་ཁྱིམ་བདག་དེ་སླར་འོངས་ནས་འོད་བཟང་མ་ལ་དྲིས་པ། འོད་བཟང་མ་ཡོན་གནས་དག་བཤོས་གསོལ་ཏམ། དེས་སྨྲས་པ། </font><hr>Da47b<br><font size=+2>


ཉིན་གཅིག་བྱོན་ནས་དེ་ཕན་ཆད་ཡེ་མ་བྱོན་ཏོ། །དེས་བསམས་པ། ངེས་པར་འདིས་དེ་དག་གི་མདུན་དུ་བུད་མེད་ཀྱི་གཡོ་དག་བསྟན་ཏེ། བཀུར་སྟི་མ་བྱས་པས་འཛེམས་ནས་དེ་དག་མ་འོངས་སོ་སྙམ་སྟེ། དེ་དེ་དག་གི་དྲུང་དུ་སོང་ནས་ཡང་སྤྱན་དྲངས་པ་དང ། དེ་དག་གིས་སྨྲས་པ། ཁྱིམ་བདག་བདག་ཅག་ནི་བསོད་སྙོམས་པ་ཡིན་པས་བསོད་སྙོམས་ལ་རྒྱུའོ། །དེས་སྨྲས་པ། འཕགས་པ་བདག་གིས་འཚལ་གྱི་གཤེགས་དང ། དེ་ལྟ་བུའི་ཉེས་དམིགས་མི་མཆིའོ། །དེ་དག་གིས་ཁས་བླངས་པ་དང ། དེ་དག་གི་རྐང་པ་ལ་ཕྱག་འཚལ་ནས་སོང་ངོ ། །དགེ་སློང་དག་ཕྱི་དེ་ཉིན་དེའི་ཁྱིམ་དུ་འོངས་པ་དང ། ཁྱིམ་བདག་དེས་འོད་བཟང་མ་ཁྱིམ་དུ་བཅུག་ནས་ཕྱི་སྒོ་བཅད་དེ་བཞག་ནས། དེ་ནས་དེ་དག་ལ་རང་གི་ལག་དར་ཏེ་འབྲིམ་པར་བརྩམས་པ་ན། འོད་བཟང་མ་ཁྱིམ་གྱི་ནང་དུ་འདུག་བཞིན་དུ་དགེ་སློང་ཟན་ཟ་བ་དེ་དག་ལ་རྣམ་པར་རྟོག་པ་སྐྱེས་པར་གྱུར་ཏེ། འཕགས་པ་ཆེ་གེ་མོ་ཞིག་གི་རྐང་པ་ནི་འདི་འདྲ། བྱིན་པ་ནི་འདི་འདྲ། བརླ་ནི་འདི་འདྲ། རྐེད་པ་དང ། རྩིབ་ལོགས་དང ། རྒྱབ་དང ། ལྟོ་དང ། བཞིན་དང ། སོ་དང ། མཆུ་དང ། སྣ་དང ། མིག་དང ། དཔྲལ་བ་དང ། མགོ་ནི་འདི་འདྲའོ་ཞེས་དེ་དེ་ལྟར་རྣམ་པར་རྟོག་པ་ན། ས་བཅུ་པའི་འདོད་ཆགས་ཀྱི་མེ་བྱུང་བར་གྱུར་པ་རྣམ་པར་རྟོག་པའི་རླུང་གི་ཤུགས་བདོ་བ་དེས་སྦར་བས་རྟུལ་ཏེ་དེ་ཉིད་དུ་འཆི་བའི་དུས་བྱས་སོ། །དགེ་སློང་དག་ཟན་ཟོས་ཏེ་ཡོན་བཤད་པ་བྱས་དོང་བ་དང ། ཁྱིམ་བདག་དེས་སྒོ་ཕྱེ་ནས་སྨྲས་པ། འོད་</font><hr>Da48a<br><font size=+2>


༄#། །བཟང་མ་ཚུར་ཤོག་།ཟན་ཟོ་ཞེས་བྱས་ན། དེ་དུས་ལས་འདས་པས་སུ་ཞིག་ལན་འདེབས། དེས་ནང་དུ་ཞུགས་ན། ཅི་ཙམ་ནས་ལ་འགྱེལ་པ་མཐོང་ངོ ། །དེས་བསམས་པ། གདོན་མི་ཟ་བར་འདི་གཉིད་ཀྱིས་ལོག་གི། བསླང་ངོ་སྙམ་ནས། དེས་དེ་བསྐུལ་བར་བརྩམས་པ་དང ། རེ་ཞིག་ན་དུས་ལས་འདས་པར་མཐོང་ནས། དེ་ངོམ་ཟུང་གནག་ཅིང་སྨ་བབ་ནས། ནང་གི་མི་དག་ལ་སྨྲས་པ། ཤེས་ལྡན་དག་།བདག་ལྟ་བྱུར་ངན་པ། ཆུང་མ་རིན་པོ་ཆེ་འདི་ལྟ་བུ་དང་བྲལ་བར་གྱུར་གྱི། མཛའ་གྲོགས་དང ། ཕུ་ནུ་དང ། གཉེན་དག་ལ། འོད་བཟང་མ་དུས་ལས་འདས་སོ་ཞེས་སྦྲོན་ཅིག་ཅེས་བྱས་པ་དང ། དེ་དག་གིས་ཀུ་ཅོ་བཏོན་ཏེ། ཁ་ཅིག་ནི་ས་ལ་འགྱེལ་ནས་ངུ་ཞིང་འདུག། ཁ་ཅིག་ནི་ཁྱིམ་བདག་ངུ་བའི་ལག་པ་དང་རྐང་པ་ནས་འཛིན་པར་བྱེད། མཛའ་བཤེས་དང ། ཕུ་ནུ་དང ། གཉེན་ཁ་ཅིག་ནི་ངུད་མོའི་སྒྲ་འབྱིན་པར་བྱེད་དོ། །ཁྱིམ་བདག་དེ་རང་གི་སྐྱེ་བོ་དང ། བཤེས་ཀྱི་འཁོར་རྒྱ་ཆེ་བ་ཞིག་པས། དེ་རྣམས་ཇི་སྲིད་དུ་ངུ་བ་དེའི་བར་དུ་ཉི་མ་ནུབ་ནས། དེ་དག་གིས་གོས་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་གིས་ཁྱོགས་བརྒྱན་ཏེ། བཀུར་སྟི་ཆེན་པོས་དེ་དུར་ཁྲོད་དུ་ཁྱེར་རོ། །རེ་ཞིག་ཅིག་ན་མི་རྒོད་ལྔ་བརྒྱ་ཙམ་ཞིག་རི་བོར་ཞིག་ཏུ་སོང་ནས། རྙེད་པ་དང ། ཁེ་བྱིན་ནས། དུར་ཁྲོད་དེ་དང་ཧ་ཅང་ཡང་མི་རིང་བར་འོངས་པ་གྲོང་ཁྱེར་ན་གནས་པའི་མི་ཞིག་གིས་མཐོང་ནས། དེས་བསམས་པ། སྐྱེ་བོའི་ཚོགས་</font><hr>Da48b<br><font size=+2>


ཆེན་པོ་གྲོང་ཁྱེར་ནས་བྱུང་སྟེ། འོད་བཟང་མ་སྐྱེལ་བར་དུར་ཁྲོད་དུ་སོང་བ་རྣམས་མི་རྒོད་དེ་དག་གིས་ཚུལ་མ་ཡིན་པར་གནོད་པ་བྱས་ན་མི་རུང་གི་སྦྲན་ཏོ། །སྙམ་ནས་དེ་མགྱོགས་པར་སོང་སྟེ། སྐྱེ་བོའི་ཚོགས་ཆེན་པོ་དེ་ལ། ཤེས་ལྡན་དག་།མི་རྒོད་ལྔ་བརྒྱ་ཙམ་ཧ་ཅང་མི་རིང་བ་ཞིག་ན་འདུག་གི་བྲོས་ཤིག་ཅེས་སྦྲན་པ་དང ། དེ་དག་གིས་ཀྱང་སང་རིམ་གྲོ་བྱའོ་ཞེས་སྲུང་མ་བཞག་སྟེ་འོད་བཟང་མ་ཇི་ལྟར་རྒྱན་སྣ་ཚོགས་ཀྱིས་ཀླུབས་པ་དང ། དྲི་དང ། བདུག་པ་དང ། གོས་དང ། ཕྱེ་མ་དང ། གདུགས་དང ། རྒྱལ་མཚན་དང ། བ་དན་དག་གིས་མཛེས་པར་བྱས་ཏེ་ཕྱུང་ནས་བསྙལ་བ་བཞིན་དུ་བོར་ཏེ་འགྲོས་བསླང་ནས་གྲོང་ཁྱེར་དུ་བཞུགས་སོ། །ཇི་ཙམ་ན་མི་རྒོད་དེ་དག་ཕྱོགས་དེར་ཕྱིན་པ་དང ། སྲུང་མ་རྣམས་ཀྱང་བྲོས་སོ། །མི་རྒོད་རྣམས་ཀྱིས་རབ་ཏུ་བརྒྱན་པ་དེ་མཐོང་ནས། མཆོག་ཏུ་ངོ་མཚར་སྐྱེས་སོ། །དེ་ནས་འོད་བཟང་མའི་གོས་རྣམས་བཤུས་ནས་བལྟས་པ་དང ། དེ་དག་གིས་དེའི་གཟུགས་གཞོན་ལ་མཛེས་པ་མཐོང་ནས། རབ་ཏུ་ཆགས་ཏེ། ཤེས་ལྡན་དག་།གར་བསྐོར་ཀྱང་བུད་མེད་འདི་ལྟ་བུ་དང་ལྷན་ཅིག་དགའ་མགུར་སྤྱོད་པར་ཟད་དོ་ཞེས་སྨྲས་ནས། དེ་དག་གིས་དེ་དང་ལྷན་ཅིག་དགའ་མགུར་སྤྱད་དེ། ཀཪྴ་པ་ཎ་ལྔ་བརྒྱ་བཞག་པ་དང ། འོད་བཟང་མའི་རོ་ལ་ཡང་སྐྱེས་བུ་ལྔ་བརྒྱས་ཀཪྴ་པ་ཎ་ལྔ་བརྒྱ་བྱིན་ཏེ། དགའ་མགུར་སྤྱད་དོ་ཞེས་ཀུན་ཏུ་སྒྲ་གྲགས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་</font><hr>Da49a<br><font size=+2>


༄#། །ལྡན་འདས་ལ་ཞུས་པ། བཙུན་པ་ཁྱིམ་བདག་གི་མཆིས་བྲང་འོད་བཟང་མས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་འོད་དང་ལྡན་པར་གྱུར་ཅིང ། བཙས་མ་ཐག་ཏུ་ཁྱིམ་ཐམས་ཅད་འོད་ཀྱིས་སྣང་བར་བགྱིས་པ་དང ། གུམ་ནས་ཀྱང་མི་རྒོད་ལྔ་བརྒྱས་ཀཪྴ་པ་ཎ་ལྔ་བརྒྱ་སྩལ་ནས་དགའ་མགུར་སྤྱད་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱིམ་བདག་གི་ཆུང་མ་འོད་བཟང་མ་ཉིད་ཀྱིས་ལས་བྱས་ཤིང་བསགས་པ་ཚོགས་རྙེད་པ། རྐྱེན་ཡོངས་སུ་བསྒྱུར་བ། དཔའ་རྒལ་བཞིན་དུ་ཉེ་བར་གནས་པ་ངེས་པར་གྱུར་པ་ཡིན་ཏེ། འོད་བཟང་མས་ལས་བྱས་ཤིང་བསགས་པ་དག་གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་རྣམས་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་དགེ་བ་དང་མི་དགེ་བའི་ལས་བྱས་ཤིང་བསགས་པ་རྣམས་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང ། ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་།སྔོན་བྱུང་བ་བསྐལ་པ་བཟང་པོ་འདི་ཉིད་ལ། སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་རིག་པ་དང་ཞབས་སུ་ལྡན་པ། བདེ་</font><hr>Da49b<br><font size=+2>


པར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། ཝཱ་ར་ཎཱ་སའི་གྲོང་ཁྱེར་ན།་ཉེ་བར་རྟེན་ཅིང་དྲང་སྲོང་སྨྲ་བ་རི་དྭགས་ཀྱི་ནགས་ན་བཞུགས་སོ། །དེའི་ཚེ་དེའི་དུས་ན། ཝཱ་ར་ཎཱ་སིའི་གྲོང་ཁྱེར་ན་རྒྱལ་པོ་ཀྲི་ཀྲི་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། རྒྱལ་སྲིད་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་པ་དང ། རྩོད་པ་དང ། ནང་འཁྲུག་དང ། འཁྲུག་ལོང་རབ་ཏུ་ཞི་བ། ནད་མེད་པ། སཱ་ལུ་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ། ཆོས་ཀྱི་རྒྱལ་པོས་ཆོས་བཞིན་བྱེད་དུ་འཇུག་གོ་།ཇི་ཙམ་ན་ཡང་དག་པར་རྫོགས་པའི་སངས་རྒྱས་འོད་སྲུང་སངས་རྒྱས་ཀྱི་མཛད་པ་མཐའ་དག་མཛད་ནས། བུད་ཤིང་ཟད་པའི་མེ་བཞིན་དུ་ཕུང་པོ་ལྷག་མ་མེད་པའི་དབྱིངས་སུ་ཡོངས་སུ་མྱ་ངན་ལས་འདས་པ་དང ། རྒྱལ་པོ་ཀྲི་ཀྲི་བཙུན་མོ་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང་བཅས་པས་དེའི་སྐུ་གདུང་ལ། བཀུར་སྟི་ཆེན་པོས་སྐུ་གདུང་གི་མཆོད་པ་བྱས་ནས། རིན་པོ་ཆེ་སྣ་བཞིའི་མཆོད་རྟེན་ཁོ་ར་ཁོར་ཡུག་ཏུ་དཔག་ཚད་གཅིག་པ། འཕང་དུ་དཔག་ཚད་ཕྱེད་པ་གཅིག་བརྩིགས་སོ། །དེ་ན་ཚོང་དཔོན་གྱི་བུ་མོ་ཞིག་དད་པ་སྐྱེས་ནས། སྲོག་ཤིང་ལ་མེ་ལོང་གཅིག་བཏགས་སོ། །དགེ་སློང་དག། །ཇི་སྙམ་དུ་སེམས། ཡང་དག་པར་རྫོགས་པའི་སངས་རྒྱས་</font><hr>Da50a<br><font size=+2>


༄#། །འོད་སྲུང་གི་མཆོད་རྟེན་ལ་དད་པ་སྐྱེས་ནས་སྲོག་ཤིང་ལ་མེ་ལོང་བཏགས་པ་གང་ཡིན་པའི་ཚོང་དཔོན་གྱི་བུ་མོ་དེ་ནི། ཁྱིམ་བདག་གི་ཆུང་མ་འོད་བཟང་མ་འདི་ཉིད་ཡིན་ཏེ། དེའི་ཚེ་དེའི་དུས་ན་གང་འདིས། ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་གྱི་སྲོག་ཤིང་ལ་མེ་ལོང་བཏགས་པ་དེའི་ལས་ཀྱི་རྣམ་པར་སྨིན་པས་འོད་དང་ལྡན་བཞིན་དུ་སྐྱེ་ལ། སྐྱེས་མ་ཐག་ཏུ་ཡང་ཁྱིམ་ཐམས་ཅད་དུ་འོད་ཀྱིས་སྣང་བར་གྱུར་པ་ཡིན་ནོ། །གང་ཡང་ཤི་ནས་སྐྱེས་བུ་ལྔ་བརྒྱས་ཀཪྴ་པ་ཎ་ལྔ་བརྒྱ་བྱིན་ནས། དགའ་མགུར་སྤྱད་པ་དེ་ཡང་ཉོན་ཅིག་།དགེ་སློང་དག་སྔོན་བྱུང་བ་ཝཱ་ར་ཎཱ་སིའི་གྲོང་ཁྱེར་ན། རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། རྒྱལ་སྲིད་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ། འཐབ་མོ་དང ། རྩོད་པ་དང ། ནང་འཁྲུག་དང ། འཁྲུག་ལོང་རབ་ཏུ་ཞི་བ། ཆོམ་རྐུན་དང ། ནད་དང་བྲལ་བ། སཱ་ལུ་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ། ཆོས་ཀྱི་རྒྱལ་པོས་ཆོས་བཞིན་བྱེད་དུ་འཇུག་གོ་།དེའི་ཚེ་དེའི་དུས་ན་ཝཱ་ར་ཎཱ་སི་ན། གཟུགས་ཀྱིས་འཚོ་བ་བཟང་མོ་ཞེས་བྱ་བ། གཟུགས་བཟང་བ་མཛེས་པ། བལྟ་ན་སྡུག་པ་སྐྱེས་པའི་ཡིད་དུ་འོང་བ། སྔོན་རྒྱལ་པོ་ཚངས་སྦྱིན་གྱི་ཞང་པོས་ཡོངས་སུ་སྤྱད་པ་ཞིག་འདུག་གོ་།རེ་ཞིག་དུས་གཞན་ཞིག་ན། དགའ་འདུན་པ་ལྔ་བརྒྱ་བཟའ་བ་དང་བཅའ་བ་མང་པོ་དག་</font><hr>Da50b<br><font size=+2>


སྦྱར་ཏེ། སྐྱེད་མོས་ཚལ་དུ་དོང་ནས། ཕན་ཚུན་ཤེས་ལྡན་དག་བདག་ཅག་གིས་སྐྱེད་མོས་ཚལ་གྱི་ལོངས་སྤྱོད་ཐམས་ཅད་ནི་བཤམས་ན་བུད་མེད་མེད་ཀྱི། དོང་ལ་སྨད་འཚོང་འགའ་ཞིག་དགུག་གོ་ཞེས་སྨྲས་པ་དང ། ལེགས་ཀྱི་དེ་བཞིན་དུ་བྱ་ན་སུ་ཞིག་དགུག་།བཟང་མོའོ། །དེ་དག་བཟང་མོའི་དྲུང་དུ་སོང་སྟེ། བཟང་མོ་ཚུར་ཤོག་།སྐྱེད་མོས་ཚལ་དུ་འདོང་ངོ ། །དེས་སྨྲས་པ། གལ་ཏེ་ཀཪྴ་པ་ཎ་སྟོང་བྱིན་ན་འགྲོ་ཡི། གཞན་དུ་ནི་མ་ཡིན་ནོ། །དེ་དག་གིས་སྨྲས་པ། ཀཪྴ་པ་ཎ་ལྔ་བརྒྱ་ཇེ་ཁྱེར་ཅིག་།ལྔ་བརྒྱ་ནི་དགའ་མགུར་སྤྱད་ནས་སྦྱིན་ནོ། །དེས་སྨྲས་པ། ལེགས་ཀྱི་དེ་བཞིན་དུ་བྱས། བྱིན་ཅིག ། དེ་དག་གིས་ཀཪྴ་པ་ཎ་ལྔ་བརྒྱ་བྱིན་ནས། དེས་སྨྲས་པ། དེང་ཞིག་དང ། དྲི་དང ། ཕྲེང་བ་དང ། གོས་དག་བགོས་ལ་འོང་ངོ་ཞེས་བྱས་པ་དང ། དེ་དག་དོང་ངོ ། །དེ་འགྱོད་པ་སྐྱེས་ནས། གལ་ཏེ་བདག་དགའ་འདུན་པ་ལྔ་བརྒྱ་དང་ལྷན་ཅིག་དགའ་མགུར་སྤྱད་ན། བདག་གི་གནས་སྐབས་ཅི་འདྲ་བར་འགྱུར། བདག་གིས་ཀཪྴ་པ་ཎ་ལྔ་བརྒྱ་ཞིག་ཀྱང་བླངས་ན། ད་ཇི་ལྟར་བྱ་སྙམ་པ་ལས། དེས་བདག་རྒྱལ་པོའི་ཞང་པོས་ཡོངས་སུ་སྤྱད་པས་དེ་ཁོ་ན་ལ་སྐྱབས་བཙལ་གྱི། གཞན་དུ་ནི་མ་ཡིན་ནོ་སྙམ་པའི་བློ་སྐྱེས་ནས། དེས་དེའི་གན་དུ་བྲན་མོ་མངག་གཞུག་མ་མངགས་ཏེ། བུ་མོ་རྒྱལ་པོའི་ཞང་པོའི་དྲུང་དུ་སོང་ལ། སོང་ནས་འདི་སྐད་ཅེས་བདག་ངན་ཏེ་དགའ་འདུན་པ་ལས་ཀཪྴ་པ་ཎ་ལྔ་བརྒྱ་བླངས་ན། དགའ་འདུན་པ་དེ་དག་ལྔ་བརྒྱ་ཡོད་དེ། ཇི་སྟེ་བདག་དགའ་འདུན་པ་ལྔ་བརྒྱ་དང་</font><hr>Da51a<br><font size=+2>


༄#། །ལྷན་ཅིག་དགའ་མགུར་སྤྱད་པར་གྱུར་ན། བདག་གི་གནས་སྐབས་ཅི་འདྲ་བར་འགྱུར། ཁྱོད་ཀྱིས་སྔོན་བདག་ཡོངས་སུ་བཟུང་བས་དེའི་སླད་དུ་ཁྱོད་ཀྱིས་བདག་དེ་དག་ལས་ཡོངས་སུ་བསྐྱབ་པའི་རིགས་སོ་ཞེས་སྨྲོས་ཤིག་།བུ་མོ་དེས་དེའི་དྲུང་དུ་སོང་སྟེ་སྨྲས་པ་དང ། དེ་ཡང་རྒྱལ་པོ་ལ་རྟེན་པ་ཡིན་པས་དེ་དག་ལས་དེ་ཕྲོགས་སོ། །སངས་རྒྱས་རྣམས་འབྱུང་བ་མེད་པ་ན་རང་སངས་རྒྱས་དམན་པ་དང་ཕོངས་པ་ལ་ཐུགས་བརྩེ་བ། བས་མཐའི་གནས་མལ་ལ་དགའ་བ། འཇིག་རྟེན་གྱི་སྦྱིན་གནས་གཅིག་པུར་གྱུར་པ་དག་འཇིག་རྟེན་དུ་བྱུང་ངོ ། །དེ་ནས་རང་སངས་རྒྱས་ཤིག་ལྗོངས་རྒྱུ་ཞིང་ཝཱ་ར་ཎཱ་སིར་ཕྱིན་ཏེ། བདག་ཉིད་ཆེན་པོ་ཞི་བའི་བདག་ཉིད་ཅན་རབ་ཏུ་དབེན་པར་གནས་པ་དེ། རབ་ཏུ་དབེན་པའི་གནས་ཚོལ་ཞིང་སྐྱེད་མོས་ཚལ་དེར་ཕྱིན་པ་དང ། དགའ་འདུན་པ་དེ་དག་གིས་ལུས་མཛེས་པ་དང ། སེམས་མཛེས་པ་མཐོང་ནས། དེ་དག་གིས་བསམས་པ། གར་བསྐོར་ཀྱང་ཡོན་གནས་ཀྱི་ཞིང་འདི་ལྟ་བུ་ལ་བྱ་བ་བྱ་དགོས་སོ་སྙམ་ནས་དེ་དག་གིས་གཅིག་ལ་གཅིག་དྲིས་ཏེ། དེ་ལ་གཙང་ཞིང་བསོད་པའི་བཟའ་བ་དང ། བཅའ་བ་དག་གིས་ལྷུང་བཟེད་བཀང་སྟེ་ཕུལ་ལོ། །བདག་ཉིད་ཆེན་པོ་དེ་དག་ནི། །དག་གིས་ཆོས་མི་སྟོན་གྱི། ལུས་ཀྱིས་ཆོས་སྟོན་པ་ཡིན་པས་སྟེང་གི་ནམ་མཁའ་ལ་མངོན་པར་འཕགས་ཏེ་འབར་བ་དང ། གསལ་བ་དང ། ཆར་འབབ་པ་དང ། གློག་འགྱུ་བ་ལ་སོགས་པའི་ཆོ་འཕྲུལ་བྱ་བར་</font><hr>Da51b<br><font size=+2>


བརྩམས་པ་དང ། སོ་སོའི་སྐྱེ་བོ་ནི་རྫུ་འཕྲུལ་གྱིས་དད་པར་འགྱུར་བས་ཤིང་རྩ་བ་ནས་བཅད་པ་བཞིན་དུ་ཞབས་ལ་གཏུགས་ནས། གང་བདག་ཅག་གིས་ཡང་དག་པའི་སྦྱིན་གནས་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་འདིས་བདག་ཅག་གཟུགས་ཀྱིས་འཚོ་བ་ལ་ཐ་ན་ཤི་ན་ཡང་ཀཪྴ་པ་ཎ་ལྔ་བརྒྱ་བྱིན་ནས་དགའ་མགུར་སྤྱོད་པར་ཤོག་ཅིག་ཅེས་སྨོན་ལམ་བཏབ་བོ། །དགེ་སློང་དག་ཇི་སྙམ་དུ་སེམས། གཟུགས་ཀྱིས་འཚོ་བ་བཟང་མོ་ཞེས་བྱ་བ་གང་ཡིན་པ་དེ་ནི་ཁྱིམ་བདག་གི་ཆུང་མ་འོད་བཟང་མ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་དགའ་འདུན་པ་ལྔ་བརྒྱ་པོ་དེ་དག་ནི་མི་རྒོད་ལྔ་བརྒྱ་པོ་འདི་དག་ཉིད་ཡིན་ཏེ། དེའི་ཚེ་དེའི་དུས་ན་གང་འདི་དག་གིས་རང་སངས་རྒྱས་ལ་བསོད་སྙོམས་ཕུལ་ནས། སྨོན་ལམ་བཏབ་པ་དེའི་ལས་ཀྱིས་རྣམ་པར་སྨིན་པས། འདི་དག་གིས་འདི་འཁོར་བར་འཁོར་བ་ན་ཚེ་རབས་ལྔ་བརྒྱར་ཀཪྴ་པ་ཎ་ལྔ་བརྒྱ་བྱིན་ཞིང་དགའ་མགུར་སྤྱད་དེ། ད་ལྟར་ཁྱིམ་བདག་གི་ཆུང་མར་གྱུར་པ་ལས། ཤི་བའི་བར་དུ་ཡང་ཀཪྴ་པ་ཎ་ལྔ་བརྒྱ་བྱིན་ནས་དགའ་མགུར་སྤྱད་པ་ཡིན་ནོ། །དེ་ལྟ་ན་དགེ་སློང་དག་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག་པ་ཡིན། གཅིག་ཏུ་དཀར་བ་རྣམས་དང ། འདྲེན་མ་རྣམས་ཀྱི་ཡང་འདྲེན་མ་རྣམས་ཡིན་ནོ། །དེ་ལྟ་བས་ན་དགེ་སློང་དག་གཅིག་ཏུ་གནག་པའི་ལས་རྣམས་དང ། འདྲེན་མ་རྣམས་སྤངས་ཏེ། གཅིག་ཏུ་དཀར་པའི་ལས་ཁོ་ན་ལ་བརྩལ་བར་བྱ་སྟེ། དགེ་སློང་དག་ཁྱེད་</font><hr>Da52a<br><font size=+2>


༄#། །ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་དེ་ལྟ་བུའི་ཁྱིམ་དུ་འགྲོ་བ་ལས་གྱུར་གྱི། དེའི་ཕྱིར་དགེ་སློང་དག་གིས་དེ་ལྟ་བུའི་ཁྱིམ་དུ་འགྲོ་བར་མི་བྱ་བར་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱིམ་བདག་གི་ཆུང་མ་འོད་བཟང་མ་དགེ་སློང་མཐོང་ནས་རྣམ་པར་རྟོག་པ་སྐྱེས་ཏེ། སྲོག་དང་བྲལ་བར་གྱུར་གྱི། དེ་ལྟ་བས་ན་དགེ་སློང་དག་དགེ་སློང་གིས་གང་དུ་འདི་ལྟ་བུའི་ཉེས་དམིགས་འབྱུང་བར་འགྱུར་བ་དེ་ལྟ་བུའི་ཁྱིམ་དུ་འགྲོ་བར་མི་བྱའོ། །དགེ་སློང་དེ་ལྟ་བུའི་ཁྱིམ་དུ་འགྲོ་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་རྒྱལ་པོའི་ཁབ་ནའོ། །དགེ་སློང་སྦོང་བ་པ་ཞིག་ཡོད་པ་དེ་ཡང་དང་ཡང་དགོན་པའི་གནས་སུ་སོང་ནས་བསམ་གཏན་བྱེད་དོ། །དེར་དེ་ལ་བདུད་ཀྱི་རིས་ཀྱི་ལྷ་མོ་ཞིག་གིས་ཚུལ་མ་ཡིན་པར་སྤྱད་པ་བསྒུགས་པ་ལས། དེ་མ་བཏུབ་པ་དང ། དེས་འཕགས་པ་ཁྱོད་མ་བཏུབ་དང་གནོད་པ་བྱའོ། །དེས་སྨྲས་པ། སྲིང་མོ་ང་ནི་དགེ་སློང་ཚུལ་ཁྲིམས་ཅན་ཡིན་ན། ཁྱོད་ཀྱིས་ང་ལ་གནོད་པ་བྱར་ཅི་ཡོད། དེས་འཇལ་ཅེས་བྱས་ནས། དེ་ལ་གླགས་ཚོལ་བ་ལྷུར་ལེན་ཅིང་འདུག་གོ་།དེ་དུས་གཞན་ཞིག་ན་སྣམ་སྦྱར་པུས་ཁྱུད་ལྟར་མ་དུད་པ་བོར་ནས་གཉིད་ལོག་པར་གྱུར་པ་དང ། ལྷ་མོ་དས་བསམས་པ། འདི་ལ་ཤ་གླན་པའི་དུས་ནི་འདི་ཡིན་ནོ་སྙམ་ནས་དེས་བླངས་ཏེ། རྒྱལ་</font><hr>Da52b<br><font size=+2>


པོ་གཟུགས་ཅན་སྙིང་པོ་སྟེང་གི་ཁང་བཟང་གི་སྟེང་ན་གཉིད་ཀྱིས་ལོག་པའི་སྟེང་དུ་བོར་རོ། །དེ་སྡངས་ནས་གཉིད་སད་དེ་དེ་མཐོང་ནས། ཁྱོད་སུ་ཞེས་དྲིས་པ་དང ། དེས་སྨྲས་པ། དགེ་སྦྱོང་ངོ ། །དགེ་སྦྱོང་གི་ནང་ན་གང་ཞིག་ཤཱཀྱའི་བུའི་དགེ་སྦྱོང་ངོ ། །འཕགས་པ་ཁྱོད་ཇི་ལྟར་འདིར་འོངས། དེས་དེ་ལ་ཇི་ལྟར་གྱུར་པ་སྨྲས་པ་དང ། དེས་སྨྲས་པ། འཕགས་པ་ཁྱོད་ཅིའི་ཕྱིར་དེ་ལྟ་བུའི་གདུག་པ་མང་པོ་དག་གི་གནས་མལ་དུ་གནས། ཇི་སྟེ་བདག་བཅོམ་ལྡན་འདས་ལ་དད་པར་མ་གྱུར་ན། བདག་གིས་ཁྱོད་གསད་པར་འགྱུར་བའམ། བསྟན་པ་དང་ཕྲལ་བར་འགྱུར་ཞེས་བྱས་པ་དང ། དེ་ཅང་མི་ཟེར་བར་འདུག་གོ་།སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་དག་དེ་ལྟ་བུའི་གདུག་པ་མང་པོ་ཅན་གྱི་གནས་མལ་ན་གནས་པ་ལས་གྱུར་གྱི། དེའི་ཕྱིར་དགེ་སློང་གིས་དེ་ལྟ་བུའི་གདུག་པ་མང་པོ་ཅན་གྱི་གནས་མལ་དུ་གནས་པར་མི་བྱ་བར་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དང ། རྒྱལ་པོ་གཟུགས་ཅན་སྙིང་པོ་འཕྱ་བ་ནི་ཐོག་ཏུ་བབ་བོ། །དེ་བས་ན་དགེ་སློང་གིས་དེ་ལྟ་བུའི་གདུག་པ་མང་པོ་ཅན་གྱི་གནས་མལ་དུ་གནས་པར་མི་བྱའོ། །དགེ་སློང་དེ་ལྟ་བུའི་གདུག་པ་མང་པོ་ཅན་གྱི་གནས་སུ་གནས་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་རྒྱལ་པོའི་ཁབ་ནའོ། །དེའི་ཚེ་དགེ་སློང་གཞོན་ནུ་ཞིག་ཁ་ཟས་དང་སྤྱོད་ལམ་ཉེས་པ་ནས། འབྲས་ཞེས་བྱ་</font><hr>Da53a<br><font size=+2>


༄#། །བའི་ནད་ཀྱིས་བཏབ་ནས། དེ་ནད་ཀྱིས་གཟིར་བས་འཁུན་འབྱིན་ཅིང་དགེ་སློང་རྣམས་ཀྱིས་དེ་བསྐོར་ནས་འདུག་གོ། ཅི་ཙམ་ན་སྨན་པའི་རྒྱལ་པོ་འཚོ་བྱེད་འོངས་ཏེ། དེས་འཕགས་པ་དག་།འདི་ཅི་ཞིག་ཅེས་དྲིས་པ་དང ། དགེ་སློང་རྣམས་ཀྱིས་སྨྲས་པ། འཚོ་བྱེད་དགེ་སློང་གཞོན་ནུ་འདི་ནད་གཅིག་གིས་ཐེབས་ན། ནད་ཅི་ཡིན་པ་དང ། དཔྱད་ཅི་བྱ་བ་ལྟོས་ཤིག་།དེས་བལྟས་ནས་སྨྲས་པ། འཕགས་པ་འབྲས་ཡིན་པས་བརྟོལ་ན་ཕན་ནོ། །དགེ་སློང་རྣམས་ཀྱིས་སྨྲས་པ། གལ་ཏེ་དེ་ལྟ་ན་རྟོལ་ཅིག་།དེས་དེ་རྟོལ་བ་དང ། དེ་བྱ་བ་ཅུང་ཟད་ཅིག་བྱུང་ནས། དེས་དེར་གླན་པ་མ་བྱས་པར་སོང་ངོ ། །དེ་རབ་ཏུ་ན་བར་གྱུར་ནས། དགེ་སློང་དག་གིས། ཚེ་དང་ལྡན་པ་དག་གང་མཁས་པ་དེས། གླན་པ་གྱིས་ཤིག་ཅེས་སྨྲས་པ་དང ། དེ་ལ་དགེ་སློང་གཞོན་ནུ་གཞན་ཞིག་གིས་གླན་པ་བྱས་སོ། །འཚོ་བྱེད་ཀྱིས་བསམས་པ། བདག་གིས་འཕགས་པ་དེའི་གླན་པ་མ་བྱས་པས་སླར་འགྲོའོ་སྙམ་ནས། དེས་སླར་ལོག་སྟེ་དྲིས་པ། འཕགས་པ་དག་།འཕགས་པ་གང་ཞིག་བདག་གིས་འབྲས་བརྟོལ་བ་དེ་ག་རེ། དགེ་སློང་རྣམས་ཀྱིས་སྨྲས་པ། དེ་ཅི་ཞིག་བྱ། འཕགས་པ། གླན་པར་བགྱིའོ། །འཚོ་བྱེད་དེ་གླན་པ་བྱས་ཟིན་ནོ། །འཕགས་པ་སུས་བགྱིས། གཞོན་ནུ་འདིས་སོ། །འཕགས་པ་ཇི་ལྟར་བགྱིས། བལྟའོ་ཞེས་དེའི་དྲུང་དུ་སོང་སྟེ་བལྟས་ན། ལེགས་པར་གླན་པ་མཐོང་ནས་དེས་སྨྲས་པ། འཕགས་པ་གླན་</font><hr>Da53b<br><font size=+2>


པ་ལེགས་ལགས་ཀྱི་།བདག་མ་མཆིས་ན་ཡང་སླན་ཆད་དེ་བཞིན་དུ་མཛོད་ཅིག་།དེས་སྨྲས་པ། འཚོ་བྱེད་འདི་ཡང་རེ་ཞིག་བདག་གིས་གནང་བ་མེད་པར་བྱས་ན། ཡང་བྱ་བ་ལྟ་སྨོས་ཀྱང་ཅི་དགོས་ཏེ། བཅོམ་ལྡན་འདས་ཀྱིས་གནང་ངམ་མི་གནང་གི་གཏོལ་མེད་དོ། །དེས་སྨྲས་པ། འཕགས་པ་བཅོམ་ལྡན་འདས་ནི། ཐུགས་རྗེ་ཅན་ལགས་པས་ཅིའི་ཕྱིར་གནང་བར་མི་འགྱུར། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གང་མཁས་པས་གློན་དུ་གནང་ངོ ། །བཅོམ་ལྡན་འདས་ཀྱིས་དགེ་སློང་གང་མཁས་པ་དེས་གློན་དུ་གནང་ངོ ། །ཞེས་བཀའ་སྩལ་པ་དང ། དེ་དག་གིས་ཁྱམས་དང ། རྫིང་དྲུང་དང ། སྒོ་ཁང་དང ། བང་རིམ་དག་ཏུ་གླན་པ་དང ། བཅོམ་ལྡན་འདས་ཀྱིས་བཀའ་སྩལ་པ། དབེན་པའི་ཕྱོགས་སུ་གྱིས་ཤིག་།གཞན་དུ་བྱས་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །བྲམ་ཟེ་དང ། ཁྱིམ་བདག་དད་བ་ཅན་དག་གཙུག་ལག་ཁང་དུ་འོངས་ནས། དགེ་སློང་རྣམས་ལ་འཕགས་པ། བདག་ནད་འདི་ལྟ་བུ་དང་འདི་ལྟ་བུས་ཐེབས་ན། བདག་གིས་གཡར་ཟས་ནི་ཇི་ལྟ་བུ་ཞིག་འཚལ་བར་བགྱི། སྨན་ནི་ཇི་ལྟ་བུ་ཞིག་བསྟེན་པར་བགྱི་ཞེས་ཟས་ཀྱི་ཆོག་དྲིས་པ་དང ། དེ་ན་དགེ་སློང་གང་དག་མི་ཤེས་པ་དེ་དག་ནི་ཅིའང་མི་སྨྲའོ། །ཤེས་པ་རྣམས་ནི་ཐེ་ཚོམ་དུ་གྱུར་ནས་མ་སྨྲས་པ་དང ། བྲམ་ཟེ་དང ། ཁྱིམ་བདག་དད་པ་ཅན་</font><hr>Da54a<br><font size=+2>


༄#། །རྣམས་མི་དགའ་བཞིན་དུ་དོང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གང་མཁས་པ་དེས་ཁ་ཟས་ཀྱི་ཆོ་ག་དང ། སྨན་དཔྱད་རྣམས་སྟོན་པར་གནང་གི་།འདི་ལ་འགྱོད་པར་མི་བྱའོ། །གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་ཆོ་འཕྲུལ་ཆེན་པོ་བསྟན་པས། མུ་སྟེགས་ཅན་རྣམས་ནི་ཐག་བཅུག་།ལྷ་དང་མི་རྣམས་ནི་ཀུན་དགའ་བར་མཛད། སྐྱེས་བུ་དམ་པ་རྣམས་ནི་མགུ་བར་མཛད་པ་དེའི་ཚེ། ཡུལ་ཐ་དད་པ་ན་གནས་པའི་མི་མ་ཡིན་པ་དག་གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་དེ་དང ། དེ་དག་དང ། འཇིག་རྟེན་གྱི་ཁམས་གཞན་ནས་ཀྱང་མཉན་ཡོད་དུ་འོངས་སོ།། བཅོམ་ལྡན་འདས་ལ་མངོན་པར་དད་པའི་ལྷ་དང ། ཀླུ་དང ། གནོད་སྦྱིན་དང ། ཀོ་ས་ལའི་རྒྱལ་པོ་གསལ་རྒྱལ་དང ། བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། ཕྱ་མཁན་དྲང་སྲོང་བྱིན་དང ། རྙིང་པ་དག་དང ། རི་དྭགས་འཛིན་གྱི་མ་ས་ག་དང ། གཞན་ཡང་དད་པ་ཅན་མང་པོ་མཉན་ཡོད་དུ་འོངས་ནས། དེར་ཟང་ཟིང་གི་རྙེད་པ་དང ། མཆོད་པའི་བཀུར་སྟིས་སྐྱེ་བོའི་ཚོགས་མང་པོ་ཡོངས་སུ་ཚིམ་པར་བྱས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སོ་གཅིག་པ། དེ་ལྟ་བུའི་འབྱོར་བ་མཆོག་མཐོང་ནས། མི་</font><hr>Da54b<br><font size=+2>


མ་ཡིན་པ་ཁ་ཅིག་ནི་དེ་ཉིད་དུ་མངོན་པར་དགའོ། །ཁ་ཅིག་ནི་རང་གི་ཡུལ་གྱི་གནས་ཉིད་དུ་དོང་ངོ ། །གང་དག་དེར་མངོན་པར་དགའ་བ་དེ་དག་གང་གི་ཚེ་སེམས་འདོད་པའི་འདོད་ཆགས་ཀྱིས་ཀུན་ནས་དཀྲིས་པར་གྱུར་པ་དེའི་ཚེ། བུད་མེད་གང་དག་གི་ཁྱོ་ཕྱི་རོལ་དུ་དོན་གཉེར་དུ་སོང་བ་དེའི་ཆ་ལུགས་སུ་བདག་ཉིད་མངོན་པར་སྤྲུལ་ནས་དེ་དག་དང་ལྷན་ཅིག་ཏུ་དགའ་མགུར་སྤྱོད་པར་བྱེད་དོ། །དེ་ནས་བུད་མེད་དེ་དག་ལས་རྒྱུ་མཐུན་པ་ལས་སྐྱེས་པའི་ཁྱེའུ་དང་བུ་མོ་དག་རྐང་ལག་དང་མིག་དང་ལུས་མི་སྡུག་པར་སྐྱེས་ཏེ། ཁ་ཅིག་ནི་གནག་ལ་མིག་དམར། ཁ་ཅིག་ནི་མགོ་ཆེ་ལུས་ཆུང ། ཁ་ཅིག་ནི་མགོ་སེར། ཁ་ཅིག་ནི་སྐྲ་ལྗང་ཁུའོ། །དེ་དག་མ་དེ་དག་གིས་མཐོང་བ་དང་སྡངས་ནས། ཁྱིམ་གྱི་བར་དང ། ཚང་ཚིང་གི་ཕྱོགས་དག་ཏུ་བོར་བ་དང ། དེ་དག་མི་མ་ཡིན་པའི་མདངས་ཀྱིས་གསོ་བར་བྱེད་དོ། །ཁ་ཅིག་ནི་མིའི་གཟུགས་སུ་མི་གསལ་བར་སྐྱེས་ཤིང ། གང་གི་ཚེ་ཆེར་སྐྱེས་པ་དེའི་ཚེ་འགྱུར་བ་སྟོན་པར་བྱེད་དོ། །དེ་དག་ཀྱང་མས་ལམ་པོ་ཆེའི་ཁར་བོར་བ་དང ། དེ་ཡང་མི་མ་ཡིན་པའི་མདངས་ཀྱིས་གསོ་བར་བྱེད་དོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དེ་དག་ཇི་སྙེད་རབ་ཏུ་འབྱིན། བསྙེན་པར་རྫོགས་པར་བྱེད་པ་དེ་དག་དང་ཇི་སྲིད་དུ་གནས་ངན་ལེན་ཀུན་ཏུ་སྤྱོད་པར་མི་ཤེས་པ་དེ་སྲིད་དུ་ལྷན་ཅིག་གནས་སོ། །གང་གི་ཚེ་ཡོངས་སུ་ཤེས་པ་དེའི་ཚེ་རང་བཞིན་དུ་གནས་པའི་དགེ་སློང་དག་དང་ལྷན་ཅིག་ཏུ་གནས་ཏེ། གཞན་དུ་ན་སྟོན་པའི་བཀས་དུས་གསུམ་</font><hr>Da55a<br><font size=+2>


༄#། །དུ་བལྟར་འགྲོའོ། །རེ་ཞིག་ན་ཚེ་དང་ལྡན་པ་ཉེ་དགའ་སྔ་གྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་སོ། །དེ་བསོད་སྙོམས་ལ་རྒྱུ་བ་ན། སྲང་ན་སྐྲ་ལྗང་ཁུ་ཅན་ཞིག་མཐོང་ནས། དེས་བསམས་པ། འདི་ནི་ལྷུང་བཟེད་ནག་པོ་ཅན་དག་གིས་ཕྲོགས་པར་མི་འགྱུར་བས། གལ་ཏེ་རབ་ཏུ་བྱུང་ན་འདི་རབ་ཏུ་དབྱུང་ངོ་སྙམ་དུ་བསམས་ནས་དེའི་དྲུང་དུ་སོང་སྟེ་དྲིས་པ། བཞིན་བཟང་ཁྱོད་སུའི། དེས་སྨྲས་པ། འཕགས་པ་བདག་ལ་སུ་ཡང་ག་ལས་མཆིས། བདག་མགོན་མེད་པ་ཞིག་ལགས་སོ། །དེས་སྨྲས་པ། བཞིན་བཟང་གལ་ཏེ་དེ་ལྟ་ན་ཅིའི་ཕྱིར་རབ་ཏུ་མི་འབྱུང ། དེས་སྨྲས་པ། འཕགས་པ་སྐྲ་ལྗང་ཁུ་ཅན་བདག་སུ་ཞིག་རབ་ཏུ་འབྱིན། བཞིན་བཟང ། བཅོམ་ལྡན་འདས་ཀྱི་བསྟན་པ་ནི་སྙིང་རྗེས་རབ་ཏུ་ཕྱེ་བ་ཡིན་པས། གལ་ཏེ་སུས་ཀྱང་རབ་ཏུ་མ་ཕྱུང་ན། ཚུར་ཤོག་ངས་རབ་ཏུ་དབྱུང་གི། འདོང་ཞེས་བྱས་པ་དང ། དེ་ཡིད་བདེ་བ་སྐྱེས་ཏེ་རྒྱལ་བྱེད་ཀྱི་ཚལ་དུ་སོང་ནས། དེས་དེ་རབ་ཏུ་ཕྱུང་བསྙེན་པར་རྫོགས་པར་བྱས་སོ། །དེ་ནས་ཉིན་ཞག་མི་མང་བ་ཞིག་ཏུ་ཀུན་ཏུ་སྤྱད་པར་བྱ་བའི་ཆོས་རྣམས་བསླབས་ཏེ་བསྒོ་བ། བཞིན་བཟང་རི་དྭགས་ཀྱིས་རི་དྭགས་མི་སོས་ཀྱི། མཉན་ཡོད་རང་གི་སྤྱོད་ཡུལ་ཡངས་པ་ཡང་ཡིན་ལ་ཕའི་ཡུལ་ཡང་ཡིན་པས། སློང་མོ་ལ་རྒྱུ་བས་འཚོ་བར་གྱིས་ཤིག་།དེ་མི་དགའ་ནས་ཕྱི་དེ་ཉིན་སྔ་དྲོ་</font><hr>Da55b<br><font size=+2>


ཤམ་ཐབས་བགོས། ཆོས་གོས་དང་ལྷུང་བ་ཟེད་ཐོགས་ནས་མཉན་ཡོད་དུ་བསོད་སྙོམས་ལ་ཞུགས་སོ། །རེ་ཞིག་ན་བུད་མེད་ཅིག་བསོད་སྙོམས་ཁྱེར་ཏེ་ཕྱིར་བྱུང་བ་ལས། དེས་དེ་མཐོང་བ་དང་བྲང་བརྡུངས་ནས་སྨྲས་པ། འཕགས་པ་ཁྱོད་སྐྲ་ལྗང་ཁུ་ཅན་ན་སུས་རབ་ཏུ་ཕྱུང ། དེས་སྨྲས་པ། སྲིང་མོ། མཁན་པོ་ཉེ་དགས་སྙིང་རྗེས་བདག་རབ་ཏུ་ཕྱུང་ངོ ། །དེས་སྨྲས་པ། གནས་ངན་ལེན་ཀུན་ཏུ་སྤྱོད་པ་དེ་མ་ཡིན་པ་གཞན་སུ་ཞིག་།བཅོམ་ལྡན་འདས་ཀྱི་བསྟན་པ་ཀུན་ནས་མཛེས་པ་སུན་པར་བྱེད་ཅེས་བྱས་པ་དང ། གཞན་དག་ཀྱང་དེ་བཞིན་དུ་འཕྱ་སྟེ། མ་དད་པ་ཁ་ཟེར་བ་རྣམས་སྲང་དང ། བཞི་མདོ་དང ། སུམ་མདོ་དག་ཏུ་དགེ་སྦྱོང་ཤཱཀྱའི་བུ་བ་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།ཚངས་པའི་ཚུལ་ཡང་ཚིག་སྟེ། ད་ནི་སྐྲ་ལྗང་ཁུ་ཅན་དག་ཀྱང་རབ་ཏུ་འབྱིན་ཏོ་ཞེས་མི་སྙན་པ་སྨྲ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི། དགེ་སློང་རྣམས་དེ་ལྟ་བུ་དག་ཀྱང་རབ་ཏུ་འབྱིན་པ་ལས་གྱུར་གྱི། དེའི་ཕྱིར་དགེ་སློང་གིས་དེ་ལྟ་བུ་དག་རབ་ཏུ་དབྱུང་བར་མི་བྱའོ་སྙམ་དུ་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཐོག་ཏུ་བབ་བོ། །དེ་ལྟ་བས་ན་དགེ་སློང་གིས་འཁོར་སུན་པར་བྱེད་པའི་འཁོར་ཉེ་བར་གཞག་པར་མི་བྱའོ། །དགེ་སློང་གིས་སུན་པར་བྱེད་པའི་འཁོར་ཉེ་བར་བཞག་</font><hr>Da56a<br><font size=+2>


༄#། །ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་འཁོར་སུན་པར་བྱེད་པའི་འཁོར་ཉེ་བར་གཞག་པར་མི་བྱའོ་ཞེས་བཀའ་སྩལ་པ་དང ། དགེ་སློང་རྣམས་ཀྱིས་འཁོར་གྱིས་འཁོར་སུན་པར་བྱེད་པ་ཇི་ལྟ་བུ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འཁོར་གྱིས་འཁོན་སུན་པར་བྱེད་པ་ནི་རྒྱུ་གཉིས་ཀྱིས་ཏེ། གང་དག་གིས་ཤེ་ན། རིགས་དང ། མཚན་མས་སོ། །དེ་ལ་རིགས་ཀྱིས་ནི་རིགས་གང་ཡང་རུང་བས་ཏེ། མ་རབས་དམན་པ་ཕོངས་པ། ཀོས་ཐག་པ། བཀྲེན་པ། བཟའ་བ་དང ། བཏུང་བ་ཆེན་པོ་མི་བདོག་པ། དེ་ལྟ་བུའི་རིགས་དག་ལས་སོ་སོར་སྐྱེས་པར་གྱུར་པ་དེ་དག་དགེ་སློང་རྣམས་རབ་ཏུ་འབྱིན་པར་བྱེད་ན། དེ་ལྟ་བུ་ནི་རིགས་ཀྱིས་ཡིན་ནོ། །མཚན་མས་ཇི་ལྟ་བུ་ཞེ་ན། སྐྲ་སེར་དང་ནི་སྐྲ་ལྗང་ཁུ། །དེ་བཞིན་དུ་ནི་སྐྲ་དམར་དང ། །མི་རྣམས་སྐྲ་ནི་དཀར་བ་དང ། །གྲང་ཆེན་སྐྲ་དང་སྐྲ་མེད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །འབར་འབུར་མགོ་དང་གླང་པོ་ཆེ། །མགོ་སྨྱུང་དང་ནི་མགོ་ལེབ་དང ། །བོང་བུ་ཕག་གི་མགོ་དང་ནི། །མི་གང་མགོ་ནི་གཉིས་ཡོད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །གླང་པོའི་རྣ་དང་རྟ་རྣ་དང ། །བ་ལང་རྣ་དང་སྤྲེའུ་རྣ་དང ། །བོང་བུ་ཕག་གི་རྣ་བ་དང ། །རྣ་གཅིག་དང་ནི་རྣ་མེད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་</font><hr>Da56b<br><font size=+2>


སྤངས་པ་ཡིན། །མིག་དམར་ཧ་ཅང་མིག་ཆེ་དང ། །མིག་ཆུང་མིག་ནི་ཧ་ཅང་སེར། །ཤེལ་མིག་དང་ནི་མིག་འབུར་དང ། །མིག་གཅིག་དང་ནི་མིག་མེད་དང ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །གླང་པོའི་སྣ་དང་རྟ་སྣ་དང ། །བ་ལང་དང་ནི་སྤྲེའུ་སྣ་དང ། །བོང་བུ་ཕག་གི་སྣ་དག་དང ། །སྣ་སྦུབས་གཅིག་དང་སྣ་མེད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །རྟ་དང་གླང་ཆེན་ཀོས་ཀོ་དང ། །བ་ལང་སྤྲེའུ་ཡི་ཀོས་ཀོ་དང ། །བོང་བུ་ཕག་གི་ཀོས་ཀོ་དང ། །ཀོས་གཅིག་པ་དང་ཀོས་མེད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །གླང་ཆེན་སོ་དང་རྟ་སོ་དང ། །བ་ལང་སྤྲེའུ་ཡི་སོ་དང་ནི། །བོང་བུ་ཕག་གི་སོ་དག་དང ། །སོ་གཅིག་པ་དང་སོ་མེད་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །མཇིང་བུ་ཐུང་དང་སྐེ་རིང་དང ། །ཕྲག་མིག་དང་ནི་སྒུར་པོ་དང ། །མཚན་རྡུམ་དང་ནི་རླིག་རླུག་དང ། །རླིག་གཅིག་དང་ནི་རླིག་མེད་དང ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །ཧ་ཅང་རིང་དང་ཧ་ཅང་ཐུང ། །སྐེམ་དང་ངལ་སྐྱེན་ཧ་ཅང་ཚོལ། །ཤ་མདོག་ཁ་དོག་བཞི་པ་དང ། །གྱོལ་པོ་གྲུམ་པོ་སོ་སྟོ་བ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །ལག་རྡུམ་དང་ནི་རྐང་རྡུམ་དང ། ། ལག་སོར་རྡུམ་པོ་འཇས་པ་དང ། །མཆུ་མེད་ལུས་ནི་རི་མོ་ཅན། །ཧ་ཅང་རྒན་དང་ཧ་ཅང་གཞོན། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །ཐེང་པོ་སྨད་འཆལ་ཞར་བ་དང ། ། </font><hr>Da57a<br><font size=+2>


༄#། །སོར་རྡུམ་སྒུར་པོ་མིའུ་ཐུང་དང ། །ཝ་བ་ཅན་དང་ལྐུགས་བ་དང ། །འོན་བ་རྟེན་འཕྱེ་རྐང་བམ་པ། །དེ་ལྟ་བུ་ཡི་མི་དག་ནི། །དྲང་སྲོང་ཆེན་པོས་སྤངས་པ་ཡིན། །མཛེ་ཅན་འབྲས་ཅན་ཕོལ་མིག་ཅན། །གཏའ་གམ་ཤུ་བ་གཡན་པ་དང ། །ནད་ནི་གཞན་ཅན་ཐམས་ཅད་ཀྱང ། །དྲང་སྲོད་ཆེན་པོས་སྤངས་པ་ཡིན། །བུད་མེད་ལམ་དང་ཁུར་གྱིས་དུབ། །ཡ་ཟ་མ་ལུག་གཏའ་གམ་དང ། །དེ་དག་དང་གཞན་ཡན་ལག་ཉམས། །དེ་ཀུན་འཁོར་སུན་འབྱིན་པ་ཡིན། །མཛེས་པ་རབ་ཏུ་དབྱུང་བ་དང ། །ཡོངས་སུ་དག་པ་བསྙེན་རྫོགས་པ། །རྫོགས་སངས་རྒྱས་ཀྱིས་རབ་མཁྱེན་ཏེ། །བདེན་པའི་མཚན་གྱིས་བཀའ་སྩལ་ཏོ། །ཉེ་དགས་སྐྲ་ལྗང་ཁུ་ཅན་དེའི་སྐྲ་དག་ཀྱང་གར་མཁན་གྱི་ལག་ཏུ་བཙོངས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་སྐྲ་བཙོངས་པར་མི་བྱའོ། །བྱེད་ན་ཉེས་པ་སྦོམ་བོར་འགྱུར་རོ། །སྡོམ་ལ། བྲན་ཅན་དང་ནི་སྐྱོང་བ་དང ། །གླེང་གཞི་དང་ནི་ཞུ་བ་དང ། །ཆོ་འཕྲུལ་ཚེ་དང་སྙན་ལྡན་དང ། །དམག་ཀུན་དང་ནི་སྲིན་བུ་རི། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་བར་འཁོར་གྱི་དགེ་ཚུལ་གཉིས་པོ་བྲན་ཅན་དང ། སྐྱོང་བ་སྟེ། དེ་དག་ཕན་ཚུན་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་</font><hr>Da57b<br><font size=+2>


འགྲོགས་བཤེས་ཡིན་ནོ། །དེ་གཉིས་ལས་གཅིག་གིས་ཁྱོད་བསྙེན་པར་རྫོགས་ཤིག་དང ། ངས་མཁན་པོ་དང ། ཁྱོད་ཀྱི་རིམ་གྲོ་བྱའོ་ཞེས་སྨྲས་པ་དང ། ཅིག་ཤོས་ཀྱིས་དེ་ཁོན་བཞིན་དུ་སྨྲས་ཏེ། དེ་དག་ཕན་ཚུན་སྟངས་བྱེད་པས་གཉི་ག་ཡང་བསྙེན་པར་མ་རྫོགས་པར་གྱུར་ཏེ། །དེ་ནས་ཚེ་དང་ལྡན་པ་ཉེ་བར་འཁོར་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཉེ་བར་འཁོར་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་མཁན་པོ་གཅིག་དང ། སློབ་དཔོན་གཅིག་དང ། གསོལ་བའི་ལས་གཅིག་གིས་གཉིས་བསྙེན་པར་རྫོགས་སུ་རུང་ལགས་སམ། ཉེ་བར་འཁོར། རུང་ངོ ། །དེ་གཉིས་གང་རྒན་ལགས། གང་ཡང་མ་ཡིན་ནོ། །བཙུན་པ་མཁན་པོ་གཅིག་དང ། སློབ་དཔོན་གཅིག་དང ། གསོལ་བའི་ལས་གཅིག་གིས་གསུམ་བསྙེན་པར་རྫོགས་སུ་རུང་ལགས་སམ། ཉེ་བར་འཁོར། རུང་ངོ ། །དེ་དག་ལས་གང་རྒན་པ་ལགས། གང་ཡང་མ་ཡིན། བཙུན་པ་མཁན་པོ་གཅིག་དང ། སློབ་དཔོན་གཅིག་དང ། གསོལ་པའི་ལས་གཅིག་གིས་བཞི་བསྙེན་པར་རྫོགས་སུ་རུང་ལགས་སམ། ཉེ་བར་འཁོར་མི་རུང་ངོ ། །དེ་ཅིའི་ཕྱིར་ཞེ་ན།་ཉེ་བར་འཁོར། ཚོགས་ཀྱིས་ཚོགས་ཀྱི་ལས་དག་མི་བྱ་བས། དགེ་འདུན་གྱིས་དགེ་འདུན་བསྙེན་པར་རྫོགས་པར་འགལ་ཏེ། དགེ་འདུན་གྱིས་དགེ་འདུན་བསྙེན་པར་རྫོགས་པར་བྱེད་ན་</font><hr>Da58a<br><font size=+2>


༄#། །འགལ་ཚབས་ཅན་དུ་འགྱུར་རོ། །དེ་ནས་ཚེ་དང་ལྡན་པ་ཉེ་བར་འཁོར་གྱིས་དེ་གཉིས་གསོལ་བའི་ལས་གཅིག་གིས་བསྙེན་པར་རྫོགས་པར་བྱས་པ་དང ། དེ་གཉིས་གང་ལ་ཕྱག་བྱ་བ་དང ། ལས་སུ་ཇི་ལྟར་བསྐོ་བར་བྱ་བ་དང ། རྙེད་པ་ཇི་ལྟར་བླང་པ་མི་ཤེས་པའི་སྐབས་དེ། ཚེ་དང་ལྡན་པ་ཉེ་བར་འཁོར་གྱིས་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་གཉིས་ཀྱིས་གཅིག་ལ་གཅིག་ཕྱག་ནི་མི་བྱའོ། །རྙེད་པ་ནི་གང་སྔར་འོངས་པས་བླང་བར་བྱའོ། །ཕྱིས་འོངས་པ་དེ་ནི་སྔར་ལས་སུ་བསྐོ་ཞིང ། རྙེད་པ་ཕྱིས་སྦྱིན་པར་བྱའོ། །གླེང་གཞི་ནི་མཉན་ཡོད་ནའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་མ་འོངས་པའི་དུས་ན་དགེ་སློང་དྲན་པ་ཉམས་པ། དྲན་པ་ཞན་པ་དག་འབྱུང་སྟེ་དེ་དག་གིས་གནས་དང ། གྲོང་དང ། གྲོང་རྡལ་གང་དང་གང་དུ་མདོ་སྡེ་གང་བཤད་པ་དང ། བསླབ་པའི་གཞི་གང་བཅས་པ་མ་འཚལ་བར་གྱུར་ན། དེ་དག་གིས་ཇི་ལྟར་བསྒྲུབ་པར་བགྱི། གཞན་ཡང་མདོ་སྡེ་དང ། འདུལ་བ་དང ། ཆོས་མངོན་པར་བསྐྱུད་པར་གྱུར་ན། དེ་དག་གིས་ཇི་ལྟར་བསྒྲུབ་པར་བགྱི། གཞན་ཡང་རྒྱལ་པོ་དང ། ཁྱིམ་བདག་དང ། དགེ་བསྙེན་རྣམས་ཀྱི་སྔོན་གྱི་བཀའ་མཆིད་དག་ལ་གནས་དང ། རྒྱལ་པོ་དང ། གྲོང་ཁྱེར་དང ། གྲོང་རྡལ་དང ། ཁྱིམ་བདག་དང ། དགེ་བསྙེན་རྣམས་ཀྱིས་མིང་བསྐྱུད་པར་གྱུར་ན། དེ་དག་གིས་ཇི་ལྟར་</font><hr>Da58b<br><font size=+2>


བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར། གང་གིས་གནས་ལ་སོགས་པའི་མིང་བརྗེད་པར་གྱུར་པ་དེ་དག་གིས་གྲོང་ཁྱེར་ཆེན་པོ་དྲུག་ལས་གང་ཡང་རུང་བའམ། ཡང་ན་དེ་བཞིན་གཤེགས་པ་གང་དུ་ལན་མང་དུ་བཞུགས་པ་བརྗོད་བར་བྱའོ། །ཇི་སྟེ་རྒྱལ་པོའི་མིང་བརྗེད་ན་ནི་གསལ་རྒྱལ་ལོ། །ཁྱིམ་བདག་གི་མིང་ནི་མགོན་མེད་ཟས་སྦྱིན་ནོ། །དགེ་བསྙེན་མ་ནི་རི་དྭགས་འཛིན་གྱི་མ་ས་གའོ། །སྔོན་གྱི་གཏམ་གྱི་གནས་ནི་ཝཱ་ར་ཎཱ་སིའོ། །རྒྱལ་པོ་ནི་ཚངས་སྦྱིན་ནོ། །ཁྱིམ་བདག་ནི་ཁྱིམ་བདག་སྡུམས་བྱེད་དོ། །དགེ་བསྙེན་མ་ནི་ཁྱིམ་བདག་གསོ་སྦྱོང་སྐྱེས་ཀྱི་ཆུང་མ་བརྗོད་པར་བྱའོ། །མདོ་སྡེ་དང ། འདུལ་བ་དང ། ཆོས་མངོན་པ་རྣམས་བརྗེད་པར་གྱུར་ན། གླེགས་བུ་ལ་བྲིས་ནས་བཅང་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །སངས་རྒྱས་བཅོམ་ལྡན་འདས་རྒྱལ་པོ་དང ། བློན་པོ་དང ། བྲམ་ཟེ་དང ། ཁྱིམ་བདག་དང ། གྲོང་མི་དང ། ལྗོངས་ཀྱི་མི་དང ། ཕྱུག་པོ་དང ། ཚོང་དཔོན་དང ། དེད་དཔོན་རྣམས་ཀྱིས་རིམ་གྲོར་བྱས། བླ་མར་བྱས། ཕུ་དུད་དུ་བྱས། མཆོད་པ་བྱས་པས། བཅོམ་ལྡན་འདས་ཀྱི་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་གསོས་ཀྱི་རྐྱེན་སྨན་དང ། ཡོ་བྱད་རྣམས་ཀྱང་བརྙེས་སོ། །མུ་སྟེགས་རྣམས་ནི་རྒྱལ་པོ་དང ། བློན་པོ་དང ། བྲམ་ཟེ་དང ། ཁྱིམ་བདག་དང ། གྲོང་མི་དང ། ལྗོངས་ཀྱི་</font><hr>Da59a<br><font size=+2>


༄#། །མི་དང ། ཕྱུག་པོ་དང ། ཚོང་དཔོན་དང ། དེད་དཔོན་རྣམས་ཀྱིས་རིམ་གྲོར་མ་བྱས། བླ་མར་མ་བྱས། ཕུ་དུད་དུ་མ་བྱས། མཆོད་པ་མ་བྱས་པས། ཆོས་གོས་དང ། བསོད་སྙོམས་དང ། མལ་སྟན་དང ། ནད་གསོས་ཀྱི་རྐྱེན་སྨན་དང ། ཡོ་བྱད་རྣམས་ཀྱང་མ་རྙེད་པར་གྱུར་ཏོ། །དེ་ནས་བདུད་སྡིག་ཅན་འདི་སྙམ་དུ་བདག་གིས་ཡུན་རིང་མོ་ནས་དགེ་སྦྱོང་གོའུ་ཏ་མ་ལ་རྣམ་པར་མཐོ་བཙམས་ན་གླགས་མ་རྙེད་ཀྱི། མ་ལ་བདག་གིས་མུ་སྟེགས་ཅན་རྣམས་ལ་མཐོ་བཙམ་མོ་སྙམ་མོ། །དེའི་ཚེ་རྫོགས་བྱེད་ལ་སོགས་པ་སྟོན་པ་དྲུག་པོ་ཐམས་ཅད་མཁྱེན་པ་མ་ཡིན་པར་ཐམས་ཅད་མཁྱེན་པར་ང་རྒྱལ་བྱེད་པ་རྣམས་རྒྱལ་པོའི་ཁབ་ན་རྟེན་ཅིང་འཁོད་དོ། །དེ་ནས་བདུད་སྡིག་ཅན་གྱིས་བདག་ཉིད་རྫོགས་བྱེད་ཀྱི་ཆ་བྱད་དུ་མངོན་པར་སྦྲུལ་ནས། ཀུན་ཏུ་རྒྱུ་གནག་ལྷས་ཀྱི་བུ་ག་ལ་བ་དེར་སོང་སྟེ་ཕྱིན་པ་དང ། ཀུན་ཏུ་རྒྱུ་གནག་ལྷས་ཀྱི་བུའི་མདུན་དུ་འབར་བ་དང ། སྣང་བ་དང ། ཆར་འབབ་པ་དང ། གློག་འགྱུར་བའི་ཆོ་འཕྲུལ་དག་བསྟན་པ་དང ། ཀུན་ཏུ་རྒྱུ་གནག་ལྷས་ཀྱི་བུས་སྨྲས་པ། རྫོགས་བྱེད་ཁྱོད་ཀྱིས་འདི་ལྟ་བུའི་ཡོན་ཏན་གྱི་ཚོགས་རྣམས་ཐོབ་བམ། ཐོབ་བོ། །དེ་བཞིན་དུ་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང ། མི་ཕམ་སྐྲའི་ལ་བ་ཅན་དང ། ཀ་ཏྱའི་བུ་ནོག་ཅན་དང ། གཉེན་གྱི་བུ་གཅེར་བུའི་མདུན་དུ་འབར་བ་དང ། སྣང་བ་དང ། ཆར་འབབ་པ་དང ། གློག་འགྱུ་བའི་ཆོ་འཕྲུལ་རྣམས་བསྟན་</font><hr>Da59b<br><font size=+2>


པ་དང ། དེས་ཀྱང་སྨྲས་པ། རྫོགས་བྱེད་ཁྱོད་ཀྱིས་འདི་ལྟ་བུའི་ཡོན་ཏན་གྱི་ཚོགས་རྣམས་ཐོབ་བམ། ཐོབ་བོ། །དེ་བཞིན་དུ་བདག་ཉིད་ཀུན་ཏུ་རྒྱུ་གནག་ལྷས་ཀྱི་བུའི་ཆ་བྱད་དུ་མངོན་པར་སྤྲུལ་ནས། ཐམས་ཅད་ཀྱི་དྲུང་དུ་སོང་ནས། འདི་ལྟ་བུའི་ཡོན་ཏན་གྱི་ཚོགས་རྣམས་ཁྱོད་ཀྱིས་ཐོབ་བམ། ཐོབ་བོ་ཞེས་བྱ་བའི་བར་སྔ་མ་བཞིན་ནོ། །དེ་བཞིན་དུ་བདག་ཉིད་མི་ཕམ་སྐྲའི་ལ་བ་ཅན་དུ་མངོན་པར་སྤྲུལ་ནས། ཐམས་ཅད་ཀྱི་དྲུང་དུ་སོང་ནས། འདི་ལྟ་བུའི་ཡོན་ཏན་གྱི་ཚོགས་རྣམས་ཁྱོད་ཀྱིས་ཐོབ་བམ། ཐོབ་བོ་ཞེས་བྱ་བའི་བར་སྔ་མ་བཞིན་ནོ། །དེ་བཞིན་དུ་བདག་ཉིད་སྨྲ་འདོད་ཀྱི་བུ་ཡང་དག་རྒྱལ་བ་ཅན་གྱི་ཆ་བྱད་དུ་མངོན་པར་སྤྲུལ་ནས། ཐམས་ཅད་ཀྱི་དྲུང་དུ་སོང་ནས་ཞེས་བྱ་བའི་བར་སྔ་མ་བཞིན་ནོ། །དེ་བཞིན་དུ་བདག་ཉིད་ཀ་ཏྱའི་བུ་ནོག་ཅན་གྱི་ཆ་བྱད་དུ་མངོན་པར་སྤྲུལ་ནས། ཐམས་ཅད་ཀྱི་དྲུང་དུ་སོང་ནས་ཞེས་བྱ་བའི་བར་སྔ་མ་བཞིན་ནོ། །དེ་བཞིན་དུ་བདག་ཉིད་གཅེར་བུ་པ་གཉེན་གྱི་བུའི་ཆ་བྱད་དུ་མངོན་པར་སྤྲུལ་ནས། ཐམས་ཅད་ཀྱི་དྲུང་དུ་སོང་ནས་ཞེས་བྱ་བའི་བར་སྔ་མ་བཞིན་ཏེ།་དེ་རྣམས་སོ་སོ་ནས་བསམས་པ། བདག་གཅིག་པུ་མ་གཏོགས་པ་འདི་དག་ཐམས་ཅད་ནི་མཐུ་ཆེ་བ། རྫུ་འཕྲུལ་ཆེ་བའོ་སྙམ་མོ། །དེ་ནས་དུས་གཞན་ཞིག་ན་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་རྟོག་ཁང་དུ་འདུས་ཤིང་འཁོད་པ་ན། བར་སྐབས་ཀྱི་གཏམ་འདི་ལྟ་བུ་དག་གླེང་སྟེ། ཤེས་ལྡན་དག། སྔོན་ནི་བདག་ཅག་རྒྱལ་པོ་དང ། བློན་པོ་དང ། བྲམ་ཟེ་དང ། ཁྱིམ་བདག་</font><hr>Da60a<br><font size=+2>


༄#། །དང ། གྲོང་མི་དང ། ལྗོངས་ཀྱི་མི་དང ། ཕྱུག་པོ་དང ། ཚོང་དཔོན་དང ། དེད་དཔོན་རྣམས་ཀྱིས་བཀུར་སྟིར་བྱས། རི་མོར་བྱས། མཆོད་པར་བྱས་པས། ཆོས་གོས་དང ། བསོད་སྙོམས་དང ། མལ་སྟན་དང ། ན་བའི་རྐྱེན་སྨན་དང ། ཡོ་བྱད་རྣམས་ཀྱང་རྙེད་པར་གྱུར་ཏོ། །ད་ནི་བདག་ཅག་ལ་བཀུར་སྟིར་མི་བྱེད། རི་མོར་མི་བྱེད། བླ་མར་མི་བྱེད། མཆོད་པར་མི་བྱེད་ཅེས་བྱ་བ་ནས། ཆོས་གོས་དང ། བསོད་སྙོམས་དང ། མལ་སྟན་དང ། ནད་གསོས་ཀྱི་རྐྱེན་སྨན་དང ། ཡོ་བྱད་རྣམས་མི་རྙེད་དོ་ཞེས་བྱ་བའི་བར་སྔ་མ་བཞིན་ནོ། །ཤེས་ལྡན་དག་།དགེ་སྦྱོང་གོའུ་ཏ་མ་དེ་ལ་ནི་བསྐུར་སྟི་བྱས། རི་མོ་བྱས་ཞེས་བྱ་བ་ནས། དགེ་སྦྱོང་གོའུ་ཏ་མས་ནི་ཆོས་གོས་དང ། བསོད་སྙོམས་དང ། མལ་སྟན་དང ། ནད་གསོས་ཀྱི་རྐྱེན་སྨན་དང ། ཡོ་བྱད་རྣམས་ཀྱང་རྙེད་དོ་ཞེས་བྱའི་བར་སྔ་མ་བཞིན་ནོ། །ཤེས་ལྡན་དག་དེ་ལྟ་བས་ན། བདག་ཅག་གིས་དགེ་སྦྱོང་གོའུ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་དགུག་པར་བྱ་ཞིང་གལ་ཏེ། དགེ་སྦྱོང་གོའུ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་གཅིག་བསྟན་ན། བདག་ཅག་གིས་གཉིས། དགེ་སྦྱོང་གོའུ་ཏ་མས་གཉིས་ན་བདག་ཅག་གིས་བཞི། དགེ་སྦྱོང་གོའུ་ཏ་མས་བཞིན་བདག་ཅག་གིས་བརྒྱད།་དགེ་སྦྱོང་གོའུ་ཏ་མས་བརྒྱད་ན་བདག་ཅག་གིས་བཅུ་དྲུག་།དགེ་སྦྱོང་གོའུ་ཏ་མས་བཅུ་དྲུག་ན་བདག་ཅག་གིས་སུམ་ཅུ་རྩ་གཉིས་ཏེ། དགེ་སྦྱོང་གོའུ་ཏ་མས་མིའི་ཆོས་བླ་</font><hr>Da60b<br><font size=+2>


མའི་རྫུ་འཕྲུལ་གྱི་ཆོ་འཕྲུལ་ཇི་སྙེད་བསྟན་པ་ལས་བདག་ཅག་གིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ཉིས་འགྱུར་སུམ་འགྱུར་དུ་བསྟན་པར་བྱའོ། །དེ་ནས་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་རྒྱལ་པོ་གཟུགས་ཅན་སྙིང་པོ་གང་ན་བ་དེར་སོང་སྟེ་ཕྱིན་ནས། རྒྱལ་པོ་གཟུགས་ཅན་སྙིང་པོ་ལ། རྒྱལ་བ་དང ། ཚེ་སྤེལ་བ་བྱས་ནས་འདི་སྐད་ཅེས་སྨྲས་སོ། །ལྷ་བདག་ཅག་ནི་རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས། དགེ་སྦྱོང་གོའུ་ཏ་མ་ཡང་བདག་ཉིད་རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས་པར་སེམས་ན། དེའི་སླད་དུ་ཡེ་ཤེས་དང་ལྡན་པར་སྨྲ་བ་དང ། ཡེ་ཤེས་དང་ལྡན་པར་སྨྲ་བ་ལྷན་ཅིག་ཏུ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་སྩལ་བའི་རིགས་སོ། །གལ་ཏེ་དགེ་སྦྱོང་གོའུ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་གཅིག་བསྟན་ན་བདག་ཅག་གིས་གཉིས་ཞེས་བྱ་བ་ནས། བདག་ཅག་གིས་མིའི་ཆོས་བླ་མའི་རྫུ་འཕྲུལ་ཉིས་འགྱུར་སུམ་འགྱུར་དུ་བསྟན་པར་བགྱིའོ་ཞེས་བྱ་བའི་བར་སྔ་མ་བཞིན་ནོ། །དགེ་སྦྱོང་གོའུ་ཏ་མ་ཡང་ཤུལ་གྱི་ཕྱེད་དུ་དགུག་ཏུ་གསོལ། བདག་ཅག་ཀྱང་ཤུལ་གྱི་ཕྱེད་དུ་མཆིའོ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་ལ་འདི་སྐད་ཅེས་སྨྲས་སོ། །ཀྱེ་རོ་དང་འདྲ་བ་ཁྱེད་ཀྱིས་ཀྱང་བཅོམ་ལྡན་འདས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་དགུག་གམ། རྒྱལ་པོས་དེ་སྐད་ཅེས་སྨྲས་པ་དང ། དེ་དག་དོང་ངོ་།། </font><hr>Da61a<br><font size=+2>


༄#། །ཇི་ཙམ་དུས་གཞན་ཞིག་ན་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་རྒྱལ་པོའི་ཁབ་ནས་བྱུང་སྟེ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་བ་དང ། དེ་དག་དེའི་ལམ་ཁར་སོང་ནས། རྒྱལ་པོ་ལ་རྒྱལ་བ་དང ། ཚེ་སྤེལ་བ་བྱས་ནས་འདི་སྐད་ཅེས་སྨྲས་སོ། །ལྷ་བདག་ཅག་ནི་རྫུ་འཕྲུལ་དང་ལྡན་པ་ཡེ་ཤེས་ཅན་དུ་སྨྲ་བ་ལགས་ཞེས་བྱ་བ་ནས། མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ཉིས་འགྱུར་སུམ་འགྱུར་དུ་བསྟན་པར་བགྱིས་ན། དགེ་སྦྱོང་གོའུ་ཏ་མ་ཤུལ་གྱི་ཕྱེད་དག་ཏུ་དགུག་པར་གསོལ། བདག་ཅག་ཀྱང་ཤུལ་གྱི་ཕྱེད་དུ་མཆིའོ་ཞེས་བྱ་བའི་བར་སྔ་མ་བཞིན་ནོ། །རྒྱལ་པོས་སྨྲས་པ། ཀྱེ་འདིའི་ཚེ་ནི་དེར་ཟད། གལ་ཏེ་ཁྱོད་དོན་འདི་ལན་གསུམ་གྱི་བར་དུ་ཟེར་ན་ཁྱེད་སྤྱུགས་ཏེ་བཏང་ངོ་ཞེས་དེས་དེ་དག་ཐག་བཅུག་པ་དང ། སླར་སོང་ངོ ། །རང་གི་གནས་སུ་ཕྱིན་པ་དང ། ཡང་བསྡོས་པ། ཤེས་ལྡན་དག་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ནི་དགེ་སྦྱོང་གོའུ་ཏ་མའི་ཕྱོགས་བྱེད་པས། མཉན་ཡོད་ན་ཀོ་ས་ལའི་རྒྱལ་པོ་གསལ་རྒྱལ་གཟུ་བོ་ལྟ་བུ་ཞེས་ཡོད་ཅེས་གྲག་གོ་།གང་གི་ཚེ་དགེ་སྦྱོང་གོའུ་ཏ་མ་མཉན་ཡོད་དུ་འོངས་པ་དེའི་ཚེ། བདག་ཅག་གིས་དགེ་སྦྱོང་གོའུ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་དགུག་པར་བྱའོ། །ཅི་ཙམ་དུ་གཞན་ཞིག་ན་བཅོམ་ལྡན་འདས་རྒྱལ་པོའི་ཁབ་ཏུ་ཇི་སྲིད་དགྱེས་ཀྱི་བར་དུ་བཞུགས་</font><hr>Da61b<br><font size=+2>


ནས་མཉན་ཡོད་གང་ན་བར་ལྗོངས་རྒྱུ་ཞིང་གཤེགས་སོ། །རིམ་གྱིས་ལྗོངས་རྒྱུ་ཞིང་གཤེགས་པ་ལས་མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་ཀྱང་བཅོམ་ལྡན་འདས་ཀྱི་རྗེས་ཤིང་མཉན་ཡོད་དུ་དོང་ངོ ། །དེ་ནས་རིམ་གྱིས་མཉན་ཡོད་དུ་ཕྱིན་པ་དང ། དེ་དག་ལམ་གྱིས་དུབ་པ་ངལ་བསོ་ནས་ཀོ་ས་ལའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་པ་དང ། ཀོ་ས་ལའི་རྒྱལ་པོ་གསལ་རྒྱལ་ལ་རྒྱལ་བ་དང་ཚེ་སྤེལ་བ་བྱས་ནས་སྨྲས་པ། ལྷ་བདག་ཅག་ནི། རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས། དགེ་སྦྱོང་གོའུ་ཏ་མ་ཡང་བདག་ཉིད་རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས་པར་སེམས་ན། དེའི་སླད་དུ་ཡེ་ཤེས་ཅན་དུ་སྨྲ་བ་དང ། ཡེ་ཤེས་ཅན་དུ་སྨྲ་བ་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་སྟོན་དུ་སྩལ་བའི་རིགས་སོ། །གལ་ཏེ་དགེ་སྦྱོང་གོའུ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་གཅིག་བསྟན་ན། བདག་ཅག་གིས་གཉིས། དགེ་སྦྱོང་གོའུ་ཏ་མས་གཉིས་ན། བདག་ཅག་གིས་བཞི། དགེ་སྦྱོང་གོའུ་ཏ་མས་བཞི་ན། བདག་ཅག་གིས་བརྒྱད། དགེ་སྦྱོང་གོའུ་ཏ་མས་བརྒྱད་ན། བདག་ཅག་གིས་བཅུ་དྲུག་།དགེ་སྦྱོང་གོའུ་ཏ་མས་བཅུ་དྲུག་ན། བདག་གིས་སུམ་ཅུ་རྩ་གཉིས་ཏེ། དགེ་སྦྱོང་གོའུ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ཇི་</font><hr>Da62a<br><font size=+2>


༄#། །སྙེད་བསྟན་པ་ལས། བདག་ཅག་གིས་ཉིས་འགྱུར་སུམ་འགྱུར་དུ་མི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བགྱིས། དགེ་སྦྱོང་གོའུ་ཏ་མ་ཤུལ་གྱི་ཕྱེད་དུ་དགུག་ཏུ་གསོལ། བདག་ཅག་ཀྱང་ཤུལ་གྱི་ཕྱེད་དུ་མཆིའོ། །ཀོ་ས་ལའི་རྒྱལ་པོ་གསལ་རྒྱལ་གྱིས་སྨྲས་པ། ཤེས་ལྡན་དག་།གལ་ཏེ་དེ་ལྟ་ན་བདག་གིས་བཅོམ་ལྡན་འདས་ལ་ཞུས་ཏེ་བྱས། རེ་ཞིག་སྡོད་ཅིག་།དེ་རྣམས་ཀྱིས་སྨྲས་པ། ལྷ་ལེགས་ཀྱི་དེ་ལྟར་མཛད་དུ་གསོལ། སྡོད་དོ། །དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་འདི་སྐད་ཅེས་གསོལ་ཏོ། །བཙུན་པ། མུ་སྟེགས་ཅན་དེ་རྣམས་བཅོམ་ལྡན་འདས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་སྤྱན་འདྲེན་ན། དེའི་སླད་དུ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་དུ་གསོལ། མུ་སྟེགས་ཅན་རྣམས་ཐག་སྩལ་དུ་གསོལ། ལྷ་དང་མི་རྣམས་དགའ་བར་བགྱིར་གསོལ། སྐྱེས་བུ་དམ་པ་རྣམས་གློ་བ་རངས་པར་བགྱིར་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ང་ནི་ཉན་ཐོས་རྣམས་ལ་</font><hr>Da62b<br><font size=+2>


འདི་སྐད་དུ། དགེ་སློང་དག་།ཁྱེད་ཚུར། བྲམ་ཟེ་དང་ཁྱིམ་བདག་འོངས་ཤིང་འོངས་པ་རྣམས་ལ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་སྟོན་ཅིག་།ཅེས་ཆོས་སྟོན་པར་མི་བྱེད་ཀྱི། འོན་ཀྱང་ང་ནི་ཉན་ཐོས་རྣམས་ལ་འདི་སྐད་དུ། དགེ་སློང་དག་།དགེ་བ་ནི་མ་སྤྱོམས་ཤིག་།སྡིག་པ་ནི་ཤོགས་ཏེ་གནོས་ཤིག་།ཅེས་ཆོས་སྟོན་ཏོ། །ཀོ་ས་ལའི་རྒྱལ་པོ་གསལ་རྒྱལ་གྱིས་ལན་གཉིས། ལན་གསུམ་གྱི་བར་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། མུ་སྟེགས་ཅན་དེ་རྣམས་བཅོམ་ལྡན་འདས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་སྤྱན་འདྲེན་ན། དེའི་སླད་དུ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་དུ་གསོལ། མུ་སྟེགས་ཅན་རྣམས་ཐག་སྩལ་དུ་གསོལ། ལྷ་དང་མི་རྣམས་དགའ་བར་བགྱིར་གསོལ། སྐྱེ་བོ་དམ་པ་རྣམས་གློ་བ་རངས་པར་བགྱིར་གསོལ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ལན་གཉིས་ལན་གསུམ་གྱི་བར་དུ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། ང་ནི་ཉན་ཐོས་རྣམས་ལ་འདི་སྐད་དུ། དགེ་སློང་དག་ཁྱེད་ཚུར། བྲམ་ཟེ་དང་ཁྱིམ་བདག་འོངས་ཤིང་འོངས་པ་རྣམས་ལ། མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་སྟོན་ཅིག་།ཅེས་ཆོས་སྟོན་པར་མི་བྱེད་ཀྱི། འོན་ཀྱང་ང་ནི་ཉན་ཐོས་རྣམས་ལ་འདི་སྐད་དུ། དགེ་སློང་དག་དགེ་བ་ནི་མ་སྤྱོམས་ཤིག་།སྡིག་པ་ནི་ཤོགས་ཏེ་གནོས་ཤིག་ཅེས་ཆོས་སྟོན་ཏོ། །སངས་རྒྱས་བཅོམ་ལྡན་འདས་རྣམས་ཀྱིས་ངེས་པར་མཛད་པ་ནི། </font><hr>Da63a<br><font size=+2>


༄#། །ལྔ་ཡིན་ཏེ། ལྔ་གང་ཞེ་ན། སྔ་ཕྱི་མེད་པའི་སེམས་ཅན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མཛད་པ་དང ། ཉན་ཐོས་དགེ་བའི་རྩ་བ་བསགས་པ་རྒྱལ་ཚབ་ཏུ་དབང་བསྐུར་བས་དབང་བསྐུར་བར་མཛད་པ་དང ། ཡབ་དང་ཡུམ་བདེན་པ་ལ་འགོད་པར་མཛད་པ་དང ། མཉན་ཡོད་དུ་ཆོ་འཕྲུལ་ཆེན་པོ་བསྟན་པ་མཛད་པ་དང ། སངས་རྒྱས་ཀྱིས་གདུལ་བར་བྱ་བ་ཐམས་ཅད་འདུལ་བའོ། །བཅོམ་ལྡན་འདས་ཀྱིས་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཆོ་འཕྲུལ་ཆེན་པོ་གང་དུ་བསྟན་ཅེས་དགོངས་ན། མཉན་ཡོད་དུ་ཡིན་པར་གཟིགས་སོ། །ཡང་སྐྱེ་བོའི་ཚོགས་ཆེན་པོས་དུས་ཇི་ཙམ་ན་ཁོང་དུ་ཆུད་པར་འགྱུར་ཞེས་དགོངས་ན། ཞག་བདུན་ལོན་ནས་འགྱུར་བར་མཁྱེན་ནས། ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། སོང་ལ་དེ་བཞིན་བྱས། ཅི་རིགས་པར་སྒྲུབས་ཤིག་ཅེས་བགྱིས་ཤིག་།བཅོམ་ལྡན་འདས་དུས་ཇི་ཙམ་ན། རྒྱལ་པོ་ཆེན་པོ།་ཞག་བདུན་ནའོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་སོང་སྟེ། མུ་སྟེགས་ཅན་རྣམས་ལ་སྨྲས་པ། ཀྱེ་བཅོམ་ལྡན་འདས་ནི། ཞག་བདུན་ན་རྫུ་འཕྲུལ་གྱི་ཆོ་འཕྲུལ་ཆེན་པོ་སྟོན་པར་མཛད་ཀྱི། ཁྱེད་ཅག་གིས་བྱ་ཞིང་བཤམས་དགོས་པ་ཅི་ཡོད་པ་དེ་གྱིས་ཤིག་།མུ་སྟེགས་ཅན་</font><hr>Da63b<br><font size=+2>


རྣམས་ཀྱིས་བགྲོས་པ། ཤེས་ལྡན་དག། ཡང་ན་ནི་དགེ་སྦྱོང་གོའུ་ཏ་མ་འབྲོས་པར་འགྱུར་རོ། །ཡང་ན་ནི་གྲོགས་ཚོལ་བར་འགྱུར་ན་དེ་ལ་ཇི་ལྟར་བསྒྲུབ། དེ་དག་འདི་སྐད་ཅེས། ཀྱེ་དགེ་སྦྱོང་གོའུ་ཏ་མ་ནི་གདོན་མི་ཟ་བར་གྲོགས་ཚོལ་བར་འགྱུར་བས་ཇི་སྟེ་དེ་ལྟར་གྱུར་ན། བདག་ཅག་གིས་ཀྱང་གྲོགས་བཙལ་ལོ། །དེའི་ཚེ་ཀུ་ཤའི་གྲོང་ཁྱེར་ན་ཀུན་ཏུ་རྒྱུ་ཤིན་ཏུ་བཟང་པོ་ཞེས་བྱ་བ་རྒས་པ། འཁོགས་པ། གཏུགས་པ། ཀུ་ཤའི་གྲོང་ཁྱེར་གྱི་གྱད་རྣམས་ཀྱིས་དགྲ་བཅོམ་པར་བཀུར་ཞིང ། རིམ་གྲོ་བྱས། བཀུར་སྟིར་བྱས། བླ་མར་བྱས། མཆོད་པར་བྱས་པ་ཞིག་འདུག་གོ་།དེ་རྣམས་ཀྱིས་གྲོས་བཅས་ནས་དེའི་དྲུང་དུ་སོང་སྟེ་སྨྲས་པ། ཤིན་ཏུ་བཟང་པོ་ཁྱོད་དང་བདག་ཅག་ཚངས་པ་མཚུངས་པར་སྤྱོད་པ་ཡིན་ཏེ། བདག་ཅག་གིས་དགེ་སྦྱོང་གོའུ་ཏ་མ་མིའི་ཆོས་བླ་མའི་རྫུ་འཕྲུལ་ལ་བོས་ཀྱི་གྲོགས་གྱིས་ཤིག ། དེས་སྨྲས་པ། ཀྱེ་ཁྱེད་ཀྱིས་དགེ་སྦྱོང་གོའུ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་བོས་པ་ནི་མ་ལེགས་པ་ཞིག་བྱས་སོ། །དེ་ཅིའི་ཕྱིར་ཞེ་ན། དེ་ནི་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ནོ། །ཇི་ལྟར་ཤེས། འཐད་པ་ལགས་སོ། །འདི་ལ་གཏན་ཚིགས་ཅི་ཡོད། ཤེས་ལྡན་དག་།གང་གི་ཚེ་དགེ་སྦྱོང་གོའུ་ཏ་མ་འཇིག་རྟེན་དུ་མ་བྱུང་བ་དེའི་ཚེ། ཁོ་བོ་དལ་གྱིས་འབབ་པ་ཞེས་བྱ་བའི་མཚོ་འགྲམ་ན་ཉིན་མོ་གནས་ཤིང་ཁོ་བོའི་བསོད་སྙོམས་བླངས་ནས། མཚོ་ཆེན་པོ་མ་དྲོས་པར་སོང་སྟེ་ཟའོ། །དེ་ན་ཁོ་བོ་ཕྱོགས་གཅིག་ན་འདུག་པ་ལ་མ་དྲོས་པ་ན་གནས་པའི་ལྷ་རྣམས་ཀྱིས་ཆུ་བཅུས་ཤིང་</font><hr>Da64a<br><font size=+2>


༄#། །སྦྱིན་པར་བྱེད་དོ། །གང་གི་ཚེ་དགེ་སྦྱོང་གོའུ་ཏ་མ་འཇིག་རྟེན་དུ་བྱུང་བ་དེའི་ཚེ། དེའི་ཉན་ཐོས་ཀྱི་མཆོག་ཤཱ་རིའི་བུ་ཞེས་བྱ་བ་དེའི་དགེ་སྦྱོང་སྐུལ་བྱེད་ཅེས་བྱ་བ་དེས། ཕྱག་དར་ཁྲོད་པ་ཁྱེར་ནས་མཚོ་ཆེན་པོ་མ་དྲོས་པར་འོངས་པ་དང ། །མ་དྲོས་པ་ན་གནས་པའི་ལྷ་དེ་རྣམས་དེའི་ཕྱག་དར་ཁྲོད་པ་དེ་དག་བཀྲུས་ནས་འབུལ་བར་བྱེད་ལ། བཀྲུས་པའི་ཆུ་དེས་ཀྱང་བདག་ཉིད་ཀྱི་མགོ་བོར་འདེབས་པར་བྱེད་དོ། །དེ་ལྟ་བས་ན་བདག་ཅག་གང་གི་ཡང་སློབ་དཔོན་དང་ཡང་མི་མཉམ་པ་དེ་ཁྱེད་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་བོས་པ་ནི་མ་ལེགས་པ་བྱས་སོ། །དེ་རྣམས་ཕན་ཚུན་དུ་ཀྱེ་འདི་ཡང་དེའི་ཕྱོགས་ཤིག་ཡིན་པས། བདག་ཅག་གཞན་ཚོལ་དུ་དོང་ངོ་ཞེས་སྨྲས་ནས། དེ་རྣམས་ཀྱིས་དེ་ལ་གཡོའི་ཀུན་ཏུ་སྤྱོད་པས། བཀུར་སྟི་བྱ་བ་ལྟར་བྱས་ཏེ་དོང་ནས། ས་ཕྱོགས་དབེན་པ་གཞན་ཞིག་ཏུ་འདུས་ནས་བགྲོས་པ། ཀྱེ་བདག་ཅག་གིས་གྲོགས་གཞན་ཇི་ལྟར་བཙལ་བར་བྱ། སྨྲོས་ཤིག་།དེ་ལས་ཁ་ཅིག་གིས་སྨྲས་པ། གྲོང་ཁྱེར་སྐྱེད་མོས་ཚལ་གྱི་ནགས་ཞེས་བྱ་བ་ན། ལྔ་མངོན་པར་ཤེས་པ་ཆེ་གེ་མོ་ཞིག་གནས་པས་དེའི་གན་དུ་དོང་དང ། དེས་བདག་ཅག་གི་གྲོགས་བྱེད་པར་འགྱུར་རོ། །ཁ་ཅིག་གིས་སྨྲས་པ། དེས་མི་ནུས་ཀྱི། འོན་ཀྱང་དཀའ་ཐུབ་ཀྱི་ནགས་ཚལ་ཆེ་གེ་མོ་ཞེས་བྱ་བ་ན། དཀའ་ཐུབ་ཅན་ལྔ་མངོན་པར་ཤེས་པ་ཆེ་གེ་མོ་ཞེས་བྱ་བ་གནས་པ་དེའི་དྲུང་དུ་དོང་ན། དེས་བདག་</font><hr>Da64b<br><font size=+2>


ཅག་གི་གྲོགས་བྱེད་པར་འགྱུར་རོ། །དེའི་ཚེ་གངས་རིའི་སུལ་ཤིང་སྣ་ཚོགས་ཀྱི་ནགས་ཚལ་གྱིས་བརྒྱན་པ། ཆུ་མིག་དང ། མེ་ཏོག་དང ། འབྲས་བུ་དང ། རྩ་བ་ཕུན་སུམ་ཚོགས་པ་འབབ་ཆུ་དང ། མཚེའུས་མཛེས་པར་བྱས་པ་ན། དྲང་སྲོང་ལྔ་བརྒྱ་ཙམ་ཞིག་གནས་ཏེ་ཕལ་ཆེར་མངོན་པར་ཤེས་པ་ལྔ་དང་ལྡན་པའོ། །དེའི་ནང་ནས་དྲང་སྲོང་མངོན་པར་ཤེས་པ་ལྔ་དང་ལྡན་པ་གཅིག་གྲོང་ཁྱེར་གྱི་ཉེ་འཁོར་དུ་འོངས་ནས། དེ་ཕན་ཚུན་འཕྱན་པ་ལས། དེ་རྣམས་ཀྱི་དྲུང་དུ་འོངས་པ་དང ། དེ་རྣམས་ཀྱིས་དེ་ལ་བྱོན་པ་ལེགས་སོ། །ཞེས་བྱ་བ་ཀུན་ཏུ་སྤྱད་ནས། ཁྱོད་གང་ན་འདིར་འོངས་ཞེས་དྲིས་པ་དང ། དེས་ཇི་ལྟར་གྱུར་པ་རྣམས་བརྗོད་དོ། །དེ་རྣམས་ཡིད་བདེ་བ་སྐྱེས་ནས་དེ་དག་གི་དྲུང་དུ་སོང་ངོ ། །དེ་ནས་ཕན་ཚུན་ཡང་དག་པར་དགའ་བར་བྱས་ནས་ལམ་གྱིས་དུབ་པ་ངལ་བསོ་སྟེ། ཀྱེ་ཁྱེད་དང་བདག་ཅག་ཚངས་པ་མཚུངས་པར་སྤྱོད་པ་ཡིན་ཏེ། བདག་ཅག་གིས་དགེ་སྦྱོང་གོའུ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་བོས་ན། ཁྱོད་ཀྱིས་ཀྱང་གྲོགས་གྱིས་ཤིག་།དེ་དག་གིས་སྨྲས་པ། ཀྱེ་ལེགས་ཏེ་དེ་བཞིན་དུ་བྱ་ན། འོན་ཀྱང་ངེད་ལ་མཚན་མ་སྟོན་ཅིག་།དེ་རྣམས་ཡིད་བདེ་བ་སྐྱེས་ནས། དེ་དག་ལ་གུས་པར་སྨྲ་བས་མགུ་བར་བྱས་ཏེ་དོང་ངོ ། །རེ་ཞིག་ན་ཀོ་ས་ལའི་རྒྱལ་པོ་གསལ་རྒྱལ་གྱི་མས་དབེན་གྱི་ནུ་བོ་རྒྱལ་བུ་གཞོན་ནུ་ནག་གུ་ཞེས་བྱ་བ་དེ་དྲི་དང་མེ་ཏོག་གི་ཕྲེང་བས་བརྒྱན་ནས། རྒྱལ་པོའི་ཕོ་བྲང་གི་དྲུང་ན་མར་སོང་བ་ལས། དེའི་བཙུན་</font><hr>Da65a<br><font size=+2>


༄#། །མོ་ཞིག་སྟེང་གི་ཁང་བཟང་གི་ཐོག་ནས་མེ་ཏོག་གི་ཕྲེང་བ་བོར་བ་དང ། དེའི་ལུས་ལ་ཕོག་པ་གཞན་ཞིག་གིས་མཐོང་ངོ ། །འཇིག་རྟེན་ནི་མཛའ་བ་དང ། མི་མཛའ་བ་དང ། ཐ་མལ་པ་ཡིན་པས། དེས་ཀྱང་བློན་པོ་ལ་བྱས་སོ། །བློན་པོས་ཀྱང་རྒྱལ་པོ་ལ། ལྷ་རྒྱལ་བུ་གཞོན་ནུ་ནག་གུ་ནི་ལྷའི་བཙུན་མོ་དང་ཁྲིའོ་ཞེས་གསོལ་ཏོ། །རྒྱལ་པོ་རྣམས་ནི་མ་བརྟགས་པར་བྱེད་པ་ཡིན་པས། དེས་བློན་པོ་རྣམས་ལ། ཤེས་ལྡན་དག་།ངས་རྒྱལ་བུ་གཞོན་ནུ་ནག་གུ་ཡོངས་སུ་བཏང་གི་།དེང་ལ་རྐང་ལག་མེད་པར་གྱིས་ཤིག་།ཅེས་བསྒོ་བ་དང ། དེ་དག་གིས་དེ་སྲང་དུ་ཁྲིད་ནས་རྐང་ལག་མེད་པར་བྱས་ཏེ་བཞག་ནས། དེའི་གཉེན་མིག་མཆི་མས་གང་བ་རྣམས་དང ། སྐྱེ་བོའི་ཚོགས་གཞན་དག་གིས་ཀྱང་ཡོངས་སུ་བསྐོར་ཅིང་འདུག་གོ་།ཇི་ཙམ་ན་མུ་སྟེགས་ཅན་རྣམས་ཀྱང་ཕྱོགས་དེར་འོངས་པ་དང ། དེ་དག་ལ་དེའི་གཉེན་རྣམས་ཀྱིས། འཕགས་པ། རྒྱལ་བུ་གཞོན་ནུ་ནག་གུའི་ཡན་ལག་དང་ཉིད་ལག་དག་ཇི་ལྟར་སྔ་མཁོ་བཞིན་དུ་འགྱུར་བའི་བདེན་པའི་ཚིག་མཛད་དུ་གསོལ། ཞེས་སྨྲས་པ་དང ། དེ་དག་སྤོབས་པ་མེད་ནས། ཅང་མི་ཟེར་བར་ལངས་ཏེ། ཇི་ཙམ་ན་ཚེ་དང་ལྡན་པ་ཀུན་དགའ་བོ་བསོད་སྙོམས་ལ་རྒྱུ་བ་ལས་ཕྱོགས་དེར་ཕྱིན་པ་དང ། དེ་དག་གིས་དེ་ལ་སྨྲས་པ། འཕགས་པ། རྒྱལ་བུ་གཞོན་ནུ་ནག་གུ་ཡན་ལག་དང་ཉིང་ལག་དག་ཇི་ལྟར་སྔ་མཁོ་བཞིན་དུ་འགྱུར་བར་བདེན་པའི་ཚིག་མཛད་</font><hr>Da65b<br><font size=+2>


དུ་གསོལ། དེས་སྨྲས་པ། ཤེས་ལྡན་དག་།བཅོམ་ལྡན་འདས་ལ་ཞུས་ཏེ་འོངས། ཞེས་བྱས་པ་དང ། དེ་དག་འདི་ནི། སོས་ཟིན་ཏོ་ཞེས་དབུགས་ཕྱིན་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་རིངས་པ་རིངས་པར་མཉན་ཡོད་དུ་སོང་སྟེ། བསོད་སྙོམས་པ་བཞག་ནས། བཅོམ་ལྡན་འདས་ཀྱི་སྤྱན་སྔར་སྟོང་སྟེ། སྐབས་དེ་བཅོམ་ལྡན་འདས་ལ་རྒྱ་ཆེར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་སོང་ལ་རྒྱལ་བུ་གཞོན་ནུ་ནག་གུའི་གཉེན་གྱིས་ཡན་ལག་དང་ཉིང་ལག་དག་གནས་ཇི་ལྟ་བ་བཞིན་དུ་འཇོག་ཏུ་ཆུག་ལ། བདེན་པའི་ཚིག་འདི་ལྟར་གྱིས་ཤིག། །བདེན་པ་དང་བདེན་པའི་ཚིག་གང་གིས་སེམས་ཅན་རྐང་པ་མེད་པ་དང ། རྐང་གཉིས་དང ། རྐང་བཞི་དང ། རྐང་མངས་དང ། གཟུགས་ཅན་དང ། གཟུགས་མེད་པ་དང ། འདུ་ཤེས་ཡོད་པ་དང ། འདུ་ཤེས་མེད་པ་དང ། འདུ་ཤེས་མེད་འདུ་ཤེས་མེད་མིན་གང་སུ་ཡང་རུང་བ་དེ་དག་གི་ནང་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཆོག་ཏུ་གསུངས་པ་དང ། འདུས་བྱས་དང ། འདུས་མ་བྱས་ཀྱི་ཆོས་གང་ཅི་ཡང་རུང་བ་དེ་དག་གི་ནང་ན། འདོད་ཆགས་དང་བྲལ་བའི་ཆོས་མཆོག་ཏུ་གསུངས་པ་དང ། འདུས་པའམ། མང་པོའམ། ཚོགས་པའམ། འཁོར་གང་སུ་ཡང་རུང་བ་དེ་དག་གི་ནང་ན། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་མཆོག་ཏུ་གསུངས་པ་དང ། ཚུལ་ཁྲིམས་དང ། བརྟུལ་ཞུགས་དང་</font><hr>Da66a<br><font size=+2>


༄#། །དཀའ་ཐུབ་དང ། ཚངས་པར་སྤྱོད་པ་ལ་གནས་པ་གང་ཅི་ཡང་རུང་བ་དེ་དག་གི་ནང་ན། འཕགས་པ་དགྱེས་པའི་ཚུལ་ཁྲིམས་མཆོག་ཏུ་གསུངས་པའི་བདེན་པ་དང ། བདེན་པའི་ཚིག་འདིས་རྒྱལ་བུ་གཞོན་ནུ་ནག་གུའི་ཡན་ལག་དང ། ཉིང་ལག་སྔོན་གྱི་ཇི་ལྟ་བ་བཞིན་དུ་གྱུར་ཅིག་།ཅེས་བྱོས་ཤིག་དང ། སྔ་མཁོ་བཞིན་དུ་འགྱུར་རོ། །ཚེ་དང་ལྡན་པ་ཀུན་དགའ་བོས་བཙུན་པ་དེ་ལྟར་འཚལ་ལོ། །ཞེས་བཅོམ་ལྡན་འདས་ཀྱི་ལྟར་མཉན་ནས། དེའི་གཉེན་རྣམས་ཀྱིས་ཡན་ལག་དང ། ཉིང་ལག་གནས་ཇི་ལྟ་བ་བཞིན་དུ་བཞག་ནས། འདི་ལྟར་བདེན་པའི་ཚིག་བྱ་བར་བརྩམས་ཏེ། བདེན་པ་དང་བདེན་པའི་ཚིག་གིས་སེམས་ཅན་རྐང་པ་མེད་པ་དང ། ཞེས་བྱ་བ་ནས། གང་སུ་ཡང་རུང་བ་དེ་དག་གི་ནང་ན། འཕགས་པ་དགྱེས་པའི་ཚུལ་ཁྲིམས་མཆོག་ཏུ་གསུངས་པའི་བདེན་པ་དང ། བདེན་པའི་ཚིག་དེས་དེའི་ཡན་ལག་སྔ་མཁོ་བཞིན་དུ་གྱུར་ཅིག་།ཅེས་བྱ་བའི་བར་དུ་སྔ་མ་བཞིན་དུ་བྱས་པ་དང ། བདེན་པའི་ཚིག་གིས་དེའི་ཡན་ལག་དང་ཉིང་ལག་ཇི་ལྟར་སྔ་མ་བཞིན་དུ་གནས་པར་གྱུར་ནས། སྐྱེ་བོའི་ཚོགས་ཀྱིས་ངོ་མཚར་དུ་གྱུར་པའི་མིག་ཕྱེ་སྟེ། ཨ་ལ་ལ་འཕགས་པ་ཀུན་དགའ་བོས་མུ་སྟེགས་ཅན་རྣམས་ཕམ་པར་བྱས་སོ། །ཞེས་སྒྲ་བོ་ཆེ་བཏོན་ཏོ། །དེ་ནས་ཚེ་དང་ལྡན་པ་ཀུན་དགའ་བོས་རྒྱལ་བུ་གཞོན་ནུ་ནག་གུ་ཁྲིད་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་</font><hr>Da66b<br><font size=+2>


འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས། བཙུན་པ་རྒྱལ་བུ་གཞོན་ནུ་ནག་གུ་དེ་ནི་འདི་ལགས་སོ་ཞེས་གསོལ་པ་དང ། དེ་ནས་རྒྱལ་བུ་གཞོན་ནུ་ནག་གུས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས། དེ་དང་འཚམ་པའི་ཆོས་སྟོན་པ་མཛད་དོ། །རྒྱལ་བུ་གཞོན་ནུ་ནག་གུས་དེ་ཐོས་མ་ཐག་ཏུ་བདེན་པ་མངོན་པར་རྟོགས་ཏེ། ཕྱིར་མི་འོང་བའི་འབྲས་བུ་མངོན་དུ་བྱས་ཤིང ། རྫུ་འཕྲུལ་ཡང་ཐོབ་པར་གྱུར་ཏོ། །ཀོ་ས་ལའི་རྒྱལ་པོ་གསལ་རྒྱལ་གྱིས། འཕགས་པ་ཀུན་དགའ་བོས་བདེན་པའི་ཚིག་ཇི་ལྟ་བ་བཞིན་དུ་བྱས་པས། རྒྱལ་བུ་གཞོན་ནུ་ནག་གུའི་ཡན་ལག་དང་ཉིང་ལག་སྔ་མཁོ་བཞིན་དུ་གྱུར་ཏོ་ཞེས་ཐོས་སོ། །ཐོས་ནས་ཀྱང་རྒྱལ་བུ་གཞོན་ནུ་ནག་གུ་གང་ན་བ་དེར་སོང་སྟེ་ཕྱིན་ནས། རྒྱལ་བུ་གཞོན་ནུ་ནག་གུ་ལ་འདི་སྐད་ཅེས་སྨྲས་སོ། །གཞོན་ནུ་ཚུར་ཤོག་།ཁྱིམ་དུ་འདོང ། དེས་སྨྲས་པ། ལྷ་བདག་ནི་བཅོམ་ལྡན་འདས་ལ་བསྙེན་བཀུར་འཚལ་ཞིང་འདི་ཉིད་དུ་མཆིས་སོ། །ལེགས་ཀྱི་དེ་བཞིན་དུ་གྱིས་ཤིག་།ཅེས་དེས་ཀུན་དགའ་ར་བའི་ནང་དེར་འཆགས་བྱས་སོ། །དེ་དེ་ན་འདུག་པ་ན་དེའི་ཡན་ལག་དང་ཉིང་ལག་དུམ་བུ་སླར་འབྱོར་བས། དེའི་མིང་དུམ་བུའི་ཀུན་དགའ་ར་བ་</font><hr>Da67a<br><font size=+2>


༄#། །དུམ་བུའི་ཀུན་དགའ་ར་བ་ན་ཞེས་བྱ་བར་ཆགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཀོ་ས་ལའི་རྒྱལ་པོ་གསལ་རྒྱལ་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་མཉན་ཡོད་ནས་རྒྱལ་བུ་རྒྱལ་བྱེད་ཀྱི་ཚལ་ཇི་སྲིད་པ་དེའི་བར་དུ་ཆོ་འཕྲུལ་ཆེན་པོ་བསྟན་པའི་འདུན་ཁང་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ལེགས་ཀྱི་གྱིས་ཤིག་།དེར་གདོན་མི་ཟ་བར་སྐྱེ་བོའི་ཚོགས་ཆེན་པོ་འདུ་བར་འགྱུར་རོ། །ཞེས་བཀའ་སྩལ་པ་དང ། ཀོ་ས་ལའི་རྒྱལ་པོ་གསལ་རྒྱལ་གྱིས་མཉན་ཡོད་དང ། རྒྱལ་བྱེད་ཀྱི་ཚལ་ཇི་སྲིད་པ་དེའི་བར་དུ་ས་གཞི་ཡོངས་སུ་སྦྱངས། ཆོ་འཕྲུལ་ཆེན་པོ་བསྟན་པའི་འདུན་ཁང་བཤམས་ཏེ། འདུན་ཁང་གོས་བརྒྱ་སྟོང་རི་བས་གཡོགས་པ་ཙནྡན་གྱི་ཆུས་ཆག་ཆག་བཏབ་པ། དྲི་ཞིམ་པའི་བདུག་པའི་སྣོད་བཞག་པ། བ་དན་དང་རྒྱལ་མཚན་སྒྲེང་བ། དར་གྱི་ཆུན་འཕྱང་གི་ཚོགས་དཔྱངས་པ། མེ་ཏོག་སིལ་མ་སྣ་ཚོགས་བཀྲམ་པ། ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་ཉམས་དགའ་བར་བྱས་ནས། དེར་བཅོམ་ལྡན་འདས་ཀྱིས་ཕྱིར་རྡོ་རྗེ་དང ། བཻ་ཌཱུརྱ་དང ། མརྒད་དང ། བྱུ་རུ་དང ། ནོར་བུ་</font><hr>Da67b<br><font size=+2>


དང ། མུ་ཏིག་དང ། ན་ད་སྙིལ་དང ། མཐོན་ཀ་ཆེན་པོ་དང ། པདྨ་རཱ་གས་བརྒྱན་ཅིང་སྤྲས་པའི་གསེར་གྱི་སེང་གེའི་ཁྲི་ཡང་བཤམས་སོ། །མུ་སྟེགས་ཅན་གྱི་དགེ་བསྙེན་རྣམས་ཀྱིས་ཀྱང་རང་གི་འབྱོར་པ་དང་མཐུན་པའི་གོས་ཀྱིས་གཡོགས་པའི་འདུན་ཁང་དྲུག་ཀྱང་བྱས། སྟན་དྲུག་ཀྱང་བཤམས་ནས། དེ་དག་ཏུ་མུ་སྟེགས་ཅན་རྣམས་རང་གི་འཁོར་གྱིས་བསྐོར་ནས་སྔར་འོངས་ཏེ་འདུག་ནས། རྒྱལ་པོ་ལ། ལྷ་བདག་ཅག་ནི་མཆིས་ལགས་ན། དགེ་སྦྱོང་གོའུ་ཏ་མ་དགུག་ཏུ་གསོལ། ཞེས་ཕོ་ཉ་བཏང་ངོ ། །རྒྱལ་པོས་ཐོས་ནས་ཀྱང་བཙུན་མོ་དང ། གཞོན་ནུ་དང ། ཕོ་བྲང་འཁོར་གྱི་མི་དང་བཅས་ཏེ་ཆོ་འཕྲུལ་ཆེན་པོའི་འདུན་ཁང་དུ་སོང་ནས། དེས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་ཚུར་ཤོག་།བཅོམ་ལྡན་འདས་གང་ན་བཞུགས་པ་དེར་སོང་ལ། ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བདག་གི་མཆིད་ནས། གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མི་མངའམ། ཞེས་སྙུན་གསོལ་ལ་འདི་སྐད་ཅེས། བཙུན་པ་མུ་སྟེགས་ཅན་དེ་རྣམས་ཚོགས་ཤིང་མཆིས་ལགས་ན། བཅོམ་ལྡན་འདས་ཀྱིས་དེའི་དུས་ལ་བབ་པར་དགོངས་སུ་གསོལ། ཞེས་ཀྱང་གསོལ་ཅིག་།ལྷ་དེ་ལྟར་འཚལ་ལོ་ཞེས་བྲམ་ཟེའི་ཁྱེའུ་བླ་མ་ཀོ་ས་ལའི་རྒྱལ་པོ་གསལ་རྒྱལ་གྱི་ལྟར་མཉན་ནས། བཅོམ་ལྡན་འདས་གང་ན་བ་དེར་སོང་སྟེ་</font><hr>Da68a<br><font size=+2>


༄#། །ཕྱིན་པ་དང ། བཅོམ་ལྡན་འདས་དང་ལྷན་ཅིག་ཕན་ཚུན་ཡང་དག་པར་དགའ་བ་དང ། ཡང་དག་པར་མགུ་བར་གྱུར་པའི་གཏམ་རྣམ་པ་སྣ་ཚོགས་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བྲམ་ཟེའི་ཁྱེའུ་བླ་མས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། ཀོ་ས་ལའི་རྒྱལ་པོ་གསལ་རྒྱལ་གོའུ་ཏ་མའི་ཞབས་ལ་ཕྱག་འཚལ་ནས། གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མི་མངའམ། ཞེས་སྙུན་གསོལ་ཞིང་མཆིས་ཞེས་གསོལ་པ་དང ། བྲམ་ཟེ་ཁྱེའུ་བླ་མ་ཀོ་ས་ལའི་རྒྱལ་པོ་གསལ་རྒྱལ་དང་ཁྱོད་བདེ་བར་གྱུར་ཅིག་།ཀོ་ས་ལའི་རྒྱལ་པོ་གསལ་རྒྱལ་གྱི་མཆིད་ནས། ཀྱེ་གོའུ་ཏ་མ་མུ་སྟེགས་ཅན་རྣམས་ཆོ་འཕྲུལ་ཆེན་པོའི་འདུན་ཁང་དུ་ལྷགས་ནས་འདུས་ཤིང་མཆིས་ན། བཅོམ་ལྡན་འདས་ཀྱིས་དེའི་དུས་ལ་བབ་པར་དགོངས་སུ་གསོལ། ཞེས་མཆིའོ། །བཅོམ་ལྡན་འདས་ཀྱིས་བླ་མ་སོང་ཞིག་།ང་ཡང་འོང་ངོ ། །ཞེས་བཀའ་སྩལ་པ་དང ། བྲམ་ཟེའི་ཁྱེའུ་བླ་མ་སོང་ངོ ། །བཅོམ་ལྡན་འདས་ཀྱིས་ཇི་ལྟར་ངང་པའི་རྒྱལ་པོ་འདབ་མ་བརྐྱང་བ་དེ་ལྟར་བྱིན་གྱིས་བརླབས་ནས་ནམ་མཁའི་དཀྱིལ་དུ་འཕགས་ཏེ། སྲོག་ཆགས་བརྒྱ་སྟོང་དུ་མ་ངོ་མཚར་གྱིས་མིག་ཕྱེ་ནས་ཨ་ལ་ལ་ཞེས་ཅ་ཅོ་དང ། ག་ཞའི་སྒྲ་བཏོན་ཏེ། ལྟ་</font><hr>Da68b<br><font size=+2>


བཞིན་དུ་ནམ་མཁའ་ལས་ཆོ་འཕྲུལ་ཆེན་པོའི་འདུན་ཁང་དུ་གཤེགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་འབྱོར་པ་དེ་དག་མཐོང་ནས། ཡ་མཚན་གྱིས་ཡིད་དད་པར་གྱུར་ཏེ། མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཀྱེ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱོད་ཀྱི་རེས་ལ་བབ་ཀྱི། ཁྱོད་ཀྱིས་སྟོན་ཅིག་།དེ་རྣམས་ཀྱིས་སྨྲས་པ།་ལྷ། གཞེས་ཤིག་།སྐྱེ་བོའི་ཚོགས་ཆེན་པོ་འདིར་འདུས་ལགས་ན། ཆོ་འཕྲུལ་ཆེན་པོ་འདི་ཅི་དགེ་སྦྱོང་གོའུ་ཏ་མའི་ལགས་སམ། འོན་ཏེ་བདག་ཅག་གི་ལགས་སམ། གང་གི་ལགས་སུས་འཚལ། དེ་ནས་དེའི་མོད་ལ་དུམ་བུའི་ཀུན་དགའ་ར་བ་པའི་རྫུ་འཕྲུལ་གྱིས་རི་སྤོས་ཀྱི་ངད་ལྡང་ལས་ཤིང་ཨ་མྲ་ཡལ་ག་དང ། ལོ་མ་དང ། འདབ་མ་དཀར་པོ་དུ་མས་ཀླུབས་པ། བྱའི་ཚོགས་དུ་མ་སྐད་འབྱིན་པ་བླངས་ན། ཆོ་འཕྲུལ་ཆེན་པོའི་འདུན་ཁང་གི་བྱང་ཕྱོགས་སུ་བཞག་པ་དང ། དེ་ཡང་རྒྱལ་པོས་མཐོང་ནས་ཡིད་བདེ་བ་སྐྱེས་ཏེ། ལན་གཉིས་ཀྱི་བར་དུ་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱེད་ཀྱི་རེས་ལ་བབ་ཀྱི། ཁྱེད་ཀྱིས་སྟོན་ཅིག་།དེ་དག་གིས་སྨྲས་པ། ལྷ་བདག་ཅག་གིས་ཁྱོད་ལ་སྔར་མ་གསོལ་ཏམ། ལྷ་སྐྱེ་བོའི་ཚོགས་ཆེན་པོ་འདིར་འདུས་ལགས་ན། ཆོ་འཕྲུལ་ཆེན་པོ་འདི་ཅི་དགེ་སྦྱོང་གོའུ་ཏ་མའི་ལགས་སམ། འོན་ཏེ་བདག་ཅག་གི་ལགས་སམ། </font><hr>Da69a<br><font size=+2>


༄#། །སུའི་ལགས་སུས་འཚལ། དེ་ནས་དེའི་མོད་ལ་ཁྱིམ་བདག་ངན་ལེགས་སྦྱིན་གྱིས་རྫུ་འཕྲུལ་གྱིས་སུམ་ཅུ་རྩ་གསུམ་གྱི་ལྷའི་དཔག་བསམ་གྱི་ཤིང་བླངས་ནས། ཆོ་འཕྲུལ་ཆེན་པོའི་འདུན་ཁང་གི་ལྷོ་ཕྱོགས་ཀྱི་ངོས་སུ་བཞག་པ་དང ། དེ་ཡང་ཀོ་ས་ལའི་རྒྱལ་པོ་གསལ་རྒྱལ་གྱིས་མཐོང་ནས། ཡང་ཤིན་ཏུ་དགའ་བ་དང་མགུ་བ་སྐྱེས་ནས། ལན་གསུམ་གྱི་བར་དུ་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཀྱེ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱོད་ཀྱི་རེས་ལ་བབ་ཀྱི། སྟོན་ཅིག་།དེ་དག་གིས་སྨྲས་པ། བདག་ཅག་གིས་གསོལ་མོད་ཀྱི། འོན་ཀྱང་ལན་གསུམ་གྱི་བར་དུ་གསོལ་བར་བགྱི་སྟེ། ལྷ་སྐྱེ་བོའི་ཚོགས་ཆེན་པོ་འདིར་འདུས་ལགས་ན། ཆོ་འཕྲུལ་ཆེན་པོ་འདི་ཅི་དགེ་སྦྱོང་གོའུ་ཏ་མའི་ལགས་སམ། འོན་ཏེ་བདག་ཅག་གི་ལགས་སམ། སུའི་ལགས་སུས་འཚལ། དེ་ནས་བཅོམ་ལྡན་འདས་ཀྱི་ཆོ་འཕྲུལ་ཆེན་པོ་ལྟ་བར་སྤྲོ་བའི་སྲོག་ཆགས་བརྒྱ་སྟོང་དུམ་ཡང་འདུས། ལྷ་བརྒྱ་སྟོང་དུ་མ་ཡང་ནམ་མཁའི་དཀྱིལ་དུ་འདུས་པར་གྱུར་པ་དང ། བཅོམ་ལྡན་འདས་ཀྱིས་གཙུག་ལག་ཁང་གི་ཕྱི་རོལ་ཏུ་ཞབས་བཀྲུས་ཏེ། གཙུག་ལག་ཁང་དུ་གཤེགས་ནས། གདན་བཤམས་པ་ཉིད་ལ་བཞུགས་ཏེ། མེའི་ཁམས་ལ་སྙོམས་པར་ཞུགས་སོ། །དེ་ནས་སྒོ་འཕར་གྱི་གསེབ་ནས་འོད་ཟེར་བྱུང་བས་ཆོ་འཕྲུལ་ཆེན་པོའི་འདུན་ཁང་ཐམས་ཅད་བསྲེག་པར་</font><hr>Da69b<br><font size=+2>


བརྩམས་པ་དང ། མུ་སྟེགས་ཅན་རྣམས་ཀྱིས་སྨྲས་པ། ལྷ་ད་ནི། དགེ་སྦྱོང་གོའུ་ཏ་མའི་ཆོ་འཕྲུལ་ཆེན་པོའི་འདུན་ཁང་ཚིག་ཅིང་མཆིས་ན། གལ་ཏེ་དགེ་སྦྱོང་གོའུ་ཏ་མས་རྔོ་ཐོག་ན་འདིར་མཆིས་ལ།་ཞི་བར་བགྱིད་གྲང ། ཞེས་བྱས་པ་དང ། རྒྱལ་པོ་ཅང་མི་ཟེར་བར་སེམས་ཁོང་དུ་ཆུད་ཅིང་འདུག་གོ་།དེ་བཞིན་དུ་བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། ཕྱ་མཁན་དྲང་སྲོང་བྱིན་དང ། རྙིང་པ་དང ། ཁྱིམ་བདག་མགོན་མེད་ཟས་སྦྱིན་དང ། རི་དྭགས་དགྲའི་མ་ས་ག་དང ། གཞན་ཡང་དད་པ་ཅན་མང་པོ་དང ། བར་མར་གནས་པ་ཁ་ཅིག་ཀྱང་ཅང་མི་ཟེར་བར་འདུག་གོ་།མུ་སྟེགས་ཅན་རྣམས་དང ། དེའི་སློབ་མ་རྣམས་ནི་རབ་ཏུ་དགའ་བར་གྱུར་ཏོ། །དེ་ནས་མེ་དེས་ཆོ་འཕྲུལ་ཆེན་པོའི་འདུན་ཁང་གི་དྲི་མ་ཐམས་ཅད་བསྲེགས་ནས། རང་ཉིད་ཞི་བར་གྱུར་ཏེ། འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་ཆོ་འཕྲུལ་ཆེན་པོའི་འདུན་ཁང་དྲི་མ་མེད་ཅིང་གསལ་ལ། མཛེས་པར་གྱུར་ཅིང་འདུག་གོ་།དེ་ནས་ཡང་རྒྱལ་པོ་སྲོག་ཤོར་བ་ལས་རྙེད་པ་ལྟ་བུར་དགའ་བ་དང ། ཡིད་བདེ་བ་སྐྱེས་ནས་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཀྱེ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱེད་ཀྱི་རེས་ལ་བབ་ཀྱི་ཁྱེད་ཀྱིས་སྟོན་ཅིག་།ཅེས་བྱས་པ་དང ། དེ་དག་སྤོབས་པ་མེད་པས་ཅང་མི་ཟེར་བར་འདུག་གོ་།དེ་ནས་བཅོམ་ལྡན་འདས་ཀྱིས་མངོན་པར་འདུ་བྱ་</font><hr>Da70a<br><font size=+2>


༄#། །བ་དང་བཅས་པར་ཞབས་གཡས་པ་དྲི་གཙང་ཁང་གི་ནང་དུ་བསྣུན་པ་དང ། ས་རྣམ་པ་དྲུག་ཏུ་གཡོས་པར་གྱུར་ནས། ས་ཆེན་པོ་འདི་གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས། འགུལ། ཀུན་ཏུ་འགུལ། ཀུན་ཏུ་རབ་ཏུ་འགུལ་བར་གྱུར་ཏེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། དབུས་མཐོ་ན་མཐའ་དམའ། མཐའ་མཐོ་ན་དབུས་དམའ་བར་གྱུར་ཏོ། །ས་གཡོས་པ་དེས་གངས་རེའི་ཁྲོད་ཀྱི་ཀུན་དགའ་ར་བ་ན་གནས་པའི་དྲང་སོང་རྣམས་ལ་བསྐུལ་བས། དེ་དག་ཕན་ཚུན་དུ། ཤེས་ལྡན་དག་།བདག་ཅག་ལ་ཚངས་པ་མཚུངས་པར་སྤྱོད་པ་དེ་དག་གིས་མཚན་མ་དག་བསྟན་གྱི། འདོང་ངོ་ཞེས་སྨྲས་ནས་དེ་དག་དོང་བ་དང ། བཅོམ་ལྡན་འདས་ཀྱིས་དེ་རྣམས་འདུལ་བ་ལ་གཟིགས་ཏེ། ཉི་མ་སྟོང་པས་ལྷག་པའི་འོད། གསེར་གྱི་ཁ་དོག་ལྟ་བུའི་འོད་ཟེར་དག་བ་ཀྱེ་བས། དེ་དག་གིས་བཅོམ་ལྡན་འདས་ཀྱི་དྲུང་ནས་དྲང་སྲོང་དེ་རྣམས་ཀྱི་བར་ཐག་ཇི་སྲིད་པ་དེ། གསེར་ཞུན་མ་ལྟ་བུར་སྣང་བར་གྱུར་ཏོ། །དྲང་སྲོང་དེ་རྣམས་ཀྱིས་སངས་རྒྱས་བཅོམ་ལྡན་འདས་ཉི་མ་དང་པོ་ཤར་བའི་དཀྱིལ་འཁོར་ལྟར་མཛེས་པ། གསེར་མཆོག་སྦྱངས་པའི་དུམ་བུའི་ཚོགས་སྤུངས་པ་ལྟ་བུ། མེ་ཏོག་ཀུ་མན་ད་ཀ་དང ། མྱ་ངན་འཚང་གི་ཕུང་པོ་ལྟ་བུའི་མདངས་ཅན། </font><hr>Da70b<br><font size=+2>


གསུང་དབྱངས་སྤྲིན་ཆུ་དང་བཅས་པ་དང ། རྒྱ་མཚོ་དང ། ཁྱུ་མཆོག་དང ། རྔ་སྒྲ་ལྟ་བུར་ཟབ་ཅིང་བརྟན་པ་རྣམ་པར་གསལ་བ། མཉན་ན་བདེ་ཞིང་སྙན་པ། དཔྲལ་པའི་ཕྱོགས་འོ་མའི་རྒྱ་མཚོའི་དབུ་བ་དང ། མུ་ཏིག་གི་དོ་ཤལ་དང ། པདྨའི་རྩ་ལག་དང ། དང་པ་དང ། མེ་ཏོག་ཀུན་ད་དང ། ཤེལ་སྤུངས་པ་ལྟ་བུར་དཀར་བའི་མཛོད་སྤུས་རྣམ་པར་བརྒྱན་པ། ཡོན་ཏན་རྨད་དུ་བྱུང་བ་བསམ་གྱིས་མི་ཁྱབ་པ། གྲངས་མེད་པའི་ཚོགས་ཀྱིས་གནས་པ། སྲིད་པའི་དགའ་བ་དང ། བདེ་བ་དང ། བཀུར་སྟི་ལ་མངོན་པར་དགའ་བའི་ཆགས་པའི་དྲི་མའི་འདམ་གྱི་སྐྱོན་དང་བྲལ་བ། དུས་དཔག་ཏུ་མེད་པ་ནས་ཚོགས་བསགས་པའི་ཡེ་ཤེས་བླ་ན་མེད་པ་ཕུལ་དུ་ཕྱིན་པའི་རྒྱན་གྱིས་བརྒྱན་པའི་གྲགས་པ་ཅན། ལྷའི་དབང་པོའི་ཅོད་པན་རིན་པོ་ཆེའི་མྱུ་གུས་ཞབས་གཉིས་ལ་གཏུགས་པ། ལྷ་དང ། ལྷ་མ་ཡིན་དང ། མི་དང ། ཀླུ་དང ། གནོད་སྦྱིན་དང ། དྲི་ཟ་དང ། རིག་སྔགས་འཆང་དང ། དྲང་སྲོང་མཆོད་འོས་རྣམས་ཀྱིས་རྗེད་པ། མདོར་ན་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་རྣམ་པར་སྤྲས་པ། འོད་འདོམ་གང་བས་བརྒྱན་པ། འོད་ཉི་མ་སྟོང་བས་ལྷག་པ། རིན་པོ་ཆེའི་རི་འགྲོ་བ་ལྟ་བུ་ཀུན་ནས་བཟང་བ་མཐོང་ངོ ། །ཇི་ལྟར་སེམས་ཅན་དགེ་བའི་རྩ་བ་བསགས་པའི་རྒྱུ་ཅན་གྱིས་དང་པོ་སངས་རྒྱས་མཐོང་བ་ལྟར། ལོ་བཅུ་གཉིས་སུ་ཞི་གནས་ཀྱི་སེམས་གོམས་པའམ། བུ་མེད་པས་</font><hr>Da71a<br><font size=+2>


༄#། །བུ་རྙེད་པའམ། བཀྲེན་པས་གཏེར་མཐོང་བའམ། རྒྱལ་པོ་མངོན་པར་འདོད་པ་དང་པོ་རྒྱལ་པོར་དབང་བསྐུར་བ་ནི། དེ་ལྟ་མ་ཡིན་པས་དྲང་སྲོང་དེ་རྣམས་ཀྱིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་གོ་།བཅོམ་ལྡན་འདས་ཀྱིས་དེ་རྣམས་ཀྱིས་བསམ་པ་དང ། བག་ལ་ཉལ་དང ། ཁམས་དང ། རང་བཞིན་མཁྱེན་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་པ་མཛད་པ་དང ། དེ་རྣམས་ཀྱིས་དེ་ཐོས་ནས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་རྣམས་བདེན་པ་མཐོང་ནས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་ན། བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པར་འཚལ་ལོ། །བཅོམ་ལྡན་འདས་ཀྱིས་དེ་རྣམས་རབ་ཏུ་ཕྱུང ། བསྙེན་པར་རྫོགས་པར་མཛད་དེ། གདམས་ངག་ཕོག་པ་དང ། དེ་རྣམས་ཀྱིས་འབད། བརྩལ། བསྒྲིམས་པས་འཁོར་བའི་འཁོར་ལོ་གཡོ་བ་དང ། མི་གཡོ་བ་ཆ་ལྔ་པ་འདི་ཉིད་རིག་ནས། འདུ་བྱེད་ཀྱི་རྣམ་པ་ཐམས་ཅད་འཇིག་པ་</font><hr>Da71b<br><font size=+2>


དང ། ལྟུང་པ་དང ། འགྱེས་པ་དང ། འཇོམས་པའི་ཆོས་ཅན་དུ་རྟོགས་ཏེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་གྱི་འདོད་ཆགས་དང་བྲལ་བ། སེམས་བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་འདྲ་བ། ཙནྡན་དང་སྟེའུར་མཚུངས་པ། རིག་པས་མ་རིག་པའི་སྒོ་ངའི་སྦུབས་བཅོམ་པ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་ལ་ཆགས་པ་དང ། བསྙེན་བཀུར་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དུ་བཅས་པའི་ལྷ་རྣམས་ཀྱིས་མཆོད་པ་དང ། རྗེད་པར་བྱ་བ་དང ། གུས་པར་བྱ་བར་གྱུར་ཏོ། །དེ་ནས་བཅོམ་ལྡན་འདས་འཁོར་དགྲ་བཅོམ་པ་ལྔ་བརྒྱ་དང་ཐབས་ཅིག་ཟླ་བ་ཁམ་པ་ལྟ་བུར་བསྐོར་ནས། ཆོ་འཕྲུལ་ཆེན་པོའི་འདུན་ཁང་ག་ལ་བ་དེར་གཤེགས་ཏེ་བྱོན་ནས། འཁོར་བརྒྱ་ཕྲག་དུ་མའི་གུང་ལ་སེང་གེའི་ཁྲི་ལ་བཞུགས་སོ། །དེ་ནས་དགེ་བསྙེན་མ་རྫུ་འཕྲུལ་ལེན་གྱི་མ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཐུགས་ཁྲལ་ཆུང་ངུར་མཛད་དུ་གསོལ། བདག་གིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བགྱི་ཞིང ། མུ་སྟེགས་ཅན་རྣམས་ཐག་སྩལ་པར་བགྱི། ལྷ་དང་མི་རྣམས་དགའ་བར་བགྱི། སྐྱེ་</font><hr>Da72a<br><font size=+2>


༄#། །བོ་དམ་པ་རྣམས་གློ་བ་རངས་པར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྫུ་འཕྲུལ་ལེན་གྱི་མ་ཁྱོད་སེམས་ཁྲལ་ཆུང་ངུར་གྱིས་ཤིག་།ཁྱོད་ཀྱིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཅིང་མུ་སྟེགས་ཅན་རྣམས་ཐག་གཞུག་པ་དང ། ལྷ་དང་མི་རྣམས་དགའ་བར་བྱ་བ་དང ། སྐྱེ་བོ་དམ་པ་རྣམས་སྙིང་རངས་པར་བྱ་བར་ནུས་མོད་ཀྱི། འོན་ཀྱང་འདི་རྣམས་ཁྱོད་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་མི་འབོད་ཀྱི། འདི་རྣམས་ང་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་འབོད་པས། ང་ཉིད་ཀྱིས་འདི་དག་ལ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བྱའོ། །གལ་ཏེ་ཁྱོད་ཀྱིས་འདི་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ནས། མུ་སྟེགས་ཅན་རྣམས་དགེ་སྦྱོང་གོའུ་ཏ་མ་ལ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་མེད་ཀྱི། འོན་ཀྱང་འདིའི་ཉིན་ཐོས་མ་རྫུ་འཕྲུལ་ལེན་གྱི་མ། འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་བ་ཞིག་ངེད་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་སྟོན་ཏོ། །ཞེས་སྨྲ་བར་འགྱུར་བས། ཁྱོད་རང་གི་སྟན་ཇི་ལྟ་བ་ལ་འདུག་ཅིག། ཅེས་བཀའ་སྩལ་པ་དང ། དེ་རང་གི་སྟན་ཇི་ལྟ་བ་ལ་འདུག་སྟེ། ཁྱིམ་བདག་ངན་ལེགས་སྦྱིན་དང ། དགེ་ཚུལ་སྐུལ་བྱེད་དང ། དགེ་ཚུལ་མ་བརྗེད་མེད་དང ། དགེ་སློང་མ་ཨུཏྤ་ལའི་མདོག་དང ། གཞན་ཡང་རྫུ་འཕྲུལ་དང་ལྡན་པ་ཕལ་མོ་</font><hr>Da72b<br><font size=+2>


ཆེ་དག་ཀྱང་དེ་དང་འདྲའོ། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཐུགས་ཁྲལ་ཆུང་ངུར་མཛད་དུ་གསོལ། བདག་གིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བགྱི་ཞིང ། མུ་སྟེགས་ཅན་རྣམས་ཐག་སྩལ་བར་བགྱི། ལྷ་དང་མི་རྣམས་དགའ་བར་བགྱི། སྐྱེ་བོ་དམ་པ་རྣམས་གློ་བ་རངས་པར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མོའུ་འགལ་གྱི་བུ་ཁྱོད་སེམས་ཁྲལ་ཆུང་ངུར་གྱིས་ཤིག་།ཁྱོད་ཀྱིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཅིང ། མུ་སྟེགས་ཅན་རྣམས་ཐག་གཞུག་པ་དང ། ལྷ་དང་མི་རྣམས་དགའ་བར་བྱ་བ་དང ། སྐྱེ་བོ་དམ་པ་རྣམས་སྙིང་རངས་པར་བྱ་བར་ནུས་མོད་ཀྱི། འོན་ཀྱང་འདི་རྣམས་ཁྱོད་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་མི་འབོད་ཀྱི། ང་འདི་རྣམས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་བོས་པས། ང་ཉིད་ཀྱིས་འདི་དག་ལ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བྱའོ། །གལ་ཏེ་ཁྱོད་ཀྱིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ན། མུ་སྟེགས་ཅན་རྣམས་ནི། དགེ་སྦྱོང་གོའུ་ཏ་མ་ལ་ནི་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་མེད་ཀྱི། འོན་ཀྱང་འདིའི་ཉན་</font><hr>Da73a<br><font size=+2>


༄#། །ཐོས་དགེ་སློང་མོའུ་འགལ་གྱི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཞིག་ངེད་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་སྟོན་ཏོ། །ཞེས་སྨྲ་བར་འགྱུར་བས། ཁྱོད་རང་གི་སྟན་ཇི་ལྟ་བ་ལ་འདུག་ཅིག་ཅེས་བཀའ་སྩལ་པ་དང ། དེ་ཡང་རང་གི་སྟན་ཇི་ལྟ་བ་ལ་འདུག་གོ་།དེ་ནས་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་བཀའ་སྩལ་པ། རྒྱལ་པོ་ཆེན་པོ། དེ་བཞིན་གཤེགས་པ་ལ་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་གསོལ་པ་འདེབས་པ་སུ་ཡིན། དེ་ནས་ཀོ་ས་ལའི་རྒྱལ་པོ་གསལ་རྒྱལ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཅིང ། མུ་སྟེགས་ཅན་རྣམས་ཐག་སྩལ་པ་དང ། ལྷ་དང་མི་རྣམས་དགའ་བར་བགྱི་བ་དང ། སྐྱེ་བོ་དམ་པ་རྣམས་གློ་བ་རངས་པར་བགྱི་བར་གསོལ་པ་བདག་ལགས་ཏེ། དེ་ནི་དགེ་སྦྱོང་དང་བྲམ་ཟེར་བཅས། ལྷ་དང་མིར་བཅས་པའི་སྐྱེ་དགུ་ལ་ཡུན་རིང་པོའི་དོན་དང ། ཕན་པ་དང་བདེ་བར་འགྱུར་ལགས་སོ། །ཞེས་གསོལ་པ་དང ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་</font><hr>Da73b<br><font size=+2>


རྒྱལ་ལ་ཅང་མི་གསུང་བས་གནང་ངོ ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། རང་གི་སྟན་ཇི་ལྟ་བ་ལ་འདུག་གོ་།དེ་ནས་བཅོམ་ལྡན་འདས་ཀྱིས་ཇི་ལྟར་ཐུགས་མཉམ་པར་བཞག་ན་ཉིད་ཀྱི་གདན་ལས་མི་སྣང་བར་གྱུར་ནས། ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ཏེ། སྤྱོད་ལམ་བཞི་པོ་འདི་ལྟ་སྟེ། གཤེགས་པ་དང ། འགྲེང་བ་དང ། བཞུགས་པ་དང ། གཟིམས་པ་མཛད་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །མེའི་ཁམས་ལ་སྙོམས་པར་ཞུགས་ཏེ།་སངས་རྒྱས་བཅོམ་ལྡན་འདས་མེའི་ཁམས་ལ་སྙོམས་པར་ཞུགས་པའི་སྐུ་ལས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཀ་དང ། ཤེལ་གྱི་ཁ་དོག་ལྟ་བུ་དག་འཐོན་ཏོ། །ཟུང་གི་ཆོ་འཕྲུལ་སྐུའི་སྨད་ནས་ནི་མེ་འབར། སྐུའི་སྟོད་ནས་ནི་ཆུ་གྲང་མོའི་རྒྱུན་འབབས་པ་དང ། སྐུའི་སྟོད་ནས་ནི་མེ་འབར། སྐུའི་སྨད་ནས་ནི་ཆུ་གྲང་མོའི་རྒྱུན་འབབ་པ་དག་ཀྱང་སྟོན་པར་མཛད་དོ། །ཤར་ཕྱོགས་སུ་ཇི་ལྟ་བར་ལྷོ་དང ། ནུབ་དང ། བྱང་ཕྱོགས་སུ་ཡང་དེ་དང་འདྲ་སྟེ། ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བསྟན་ནས། རྫུ་འཕྲུལ་མངོན་པར་འདུ་མཛད་པ་བཏང་སྟེ། སེང་གེའི་ཁྲི་ལ་བཞུགས་སོ། །དེ་ནས་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་བཀའ་སྩལ་པ། རྒྱལ་པོ་</font><hr>Da74a<br><font size=+2>


༄#། །ཆེན་པོ། དེ་བཞིན་གཤེགས་པའི་རྫུ་འཕྲུལ་འདི་ནི། ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་བ་ཡིན་ནོ། །རྒྱལ་པོ་ཆེན་པོ། དེ་བཞིན་གཤེགས་པ་ལ་མུ་སྟེགས་ཅན་རྣམས་དང ། སྐྱེ་བོའི་ཚོགས་ཀྱི་མདུན་དུ་བླ་ན་མེད་པའི་ཆོ་འཕྲུལ་ཆེན་པོ་བསྟན་པར་གསོལ་བ་འདེབས་པ་སུ་ཡིན། དེ་ནས་ཀོ་ས་ལའི་རྒྱལ་པོ་གསལ་རྒྱལ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་མུ་སྟེགས་ཅན་རྣམས་དང ། སྐྱེ་བོའི་ཚོགས་ཀྱི་མདུན་དུ་བླ་ན་མེད་པའི་ཆོ་འཕྲུལ་ཆེན་པོ་བསྟན་ཅིང ། མུ་སྟེགས་ཅན་རྣམས་ཐག་སྩལ་བ་དང ། ལྷ་དང་མི་རྣམས་དགའ་བར་མཛད་པ་དང ། སྐྱེ་བོ་དམ་པ་རྣམས་གློ་བ་རངས་པར་མཛད་པར་བཅོམ་ལྡན་འདས་ལ་གསོལ་བ་བདག་ལགས་ཏེ། དེ་ནི་དགེ་སྦྱོང་དང་བྲམ་ཟེར་བཅས། ལྷ་དང་མིར་བཅས་པའི་སྐྱེ་དགུ་ལ་ཡུན་རིང་པོའི་དོན་དང ། ཕན་པ་དང་བདེ་བར་འགྱུར་ལགས་སོ། །ཞེས་གསོལ་པ་དང ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཅང་མི་གསུང་བས་གནང་ངོ ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། རང་གི་སྟན་ཇི་ལྟ་བ་ལ་འདུག་གོ།། །།འདུལ་བ་ཕྲན་ཚེགས་ཀྱི་</font><hr>Da74b<br><font size=+2>


གཞི། བམ་པོ་སོ་གཉིས་པ། དེ་ནས་བཅོམ་ལྡན་འདས་ཀྱིས་ཕྱག་འཁོར་ལོ་དང ། བཀྲ་ཤིས་དང ། གཡུང་དྲུང་ཅན་དྲ་བས་འབྲེལ་པ། བསོད་ནམས་བརྒྱ་ཕྲག་དུ་མ་ལས་འཁྲུངས་པ། འཇིགས་པ་རྣམས་དབུགས་འབྱིན་པར་མཛད་པས་ས་ལ་རེག་པར་མཛད་དེ། ཀྱེ་མ་ཀླུ་རྣམས་ཀྱིས་པདྨ་ཤིང་རྟའི་འཁོར་ལོ་ཙམ། འདབ་མ་སྟོང་དང་ལྡན་པ། ཐམས་ཅད་གསེར་ལས་བྱས་པ། རིན་པོ་ཆེའི་ཆུ་བ་དང ། རྡོ་རྗེའི་ཟེ་བ་ཅན་ཁྱེར་ཏེ་འོངས་ཀྱང་བླ་ན་སྙམ་དུ་འཇིག་རྟེན་པའི་ཐུགས་བསྐྱེད་པ་མཛད་དོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱིས་གང་གི་ཚེ་འཇིག་རྟེན་པའི་ཐུགས་བསྐྱེད་པ་དེའི་ཚེ། སྲོག་ཆགས་གྲོག་སྦུར་རྣམས་ཀྱིས་ཀྱང ། བཅོམ་ལྡན་འདས་ཀྱིས་ཐུགས་སེམས་ཀྱིས་ཤེས་པར་འགྱུར་ལ། གང་གི་ཚེ་འཇིག་རྟེན་ལས་འདས་པའི་ཐུགས་བསྐྱེད་པ་དེའི་ཚེ་ནི།་ཉན་ཐོས་དང ། རང་སངས་རྒྱས་རྣམས་ཀྱིས་ཀྱང ། བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་པར་མི་འགྱུར་ན། དུད་འགྲོའི་སྐྱེ་གནས་སུ་སོང་བ་ཀླུ་རྣམས་ཀྱིས་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱིས་ཅིའི་ཕྱིར་ས་ལ་རེག་པར་མཛད་སྙམ་ན། ཆོ་འཕྲུལ་ཆེན་པོ་སྟོན་པར་མཐོང་ནས། དེ་དག་གིས་པདྨ་ཤིང་རྟའི་འཕང་ལོ་ཙམ་འདབ་མ་སྟོང་དང་ལྡན་པ། ཐམས་ཅད་གསེར་ལས་བྱས་པ། རིན་པོ་ཆེའི་ཆུ་བ་དང ། རྡོ་རྗེའི་ཟེ་བ་ཅན་ཁྱེར་ཏེ་ས་བརྟོལ་ནས་བྱུང་བ་དང ། བཅོམ་ལྡན་འདས་པདྨ་དེའི་སྙིང་པོ་ལ་བཞུགས་སོ། །དེ་ནས་བཅོམ་ལྡན་འདས་ཀྱི་གཡས་</font><hr>Da75a<br><font size=+2>


༄#། །གཡོན་དུ་པདྨ་དེ་འདྲ་བ་གཞན་རབ་ཏུ་མང་པོ་དག་བྱུང་བར་གྱུར་ཏེ། དེ་དག་རེ་རེ་ལ་ཡང་སྤྲུལ་པའི་སངས་རྒྱས་རྣམས་བཞུགས་པར་གྱུར་ཏོ། །དེ་དག་གི་གཡས་གཡོན་དུ་ཡང་པདྨ་དེ་འདྲ་བ་གཞན་དག་བྱུང་བར་གྱུར་ཅིག། དེ་དག་ལ་གཞན། དེ་དག་ལ་ཡང་གཞན་ཏེ། དེ་བཞིན་དུ་འོག་མིན་གྱི་གནས་ཀྱི་བར་དུ་སངས་རྒྱས་ཕལ་པོ་ཆེ་སྤྲུལ་ཏོ། །དེ་ན་སངས་རྒྱས་ཁ་ཅིག་ནི་འབར། ཁ་ཅིག་ནི་གསལ་བར་མཛད། ཁ་ཅིག་ནི་ཆར་འབེབས། ཁ་ཅིག་ནི་གློག་འབྱིན། ཁ་ཅིག་ནི་ཀུན་ཤེས་པ་ལུང་སྟོན། ཁ་ཅིག་ནི་ཞུ་བ་ཞུ། ཁ་ཅིག་ནི་ལན་འདེབས། ཁ་ཅིག་ནི་འཆག་པ་མཛད། ཁ་ཅིག་ནི་གཞེས། ཁ་ཅིག་ནི་བཞེངས། ཁ་ཅིག་ནི་བཞུགས། ཁ་ཅིག་ནི་གཟིམས་ཏེ། ཇི་ལྟར་བྱིས་པ་གཞོན་ནུ་རྣམས་ཀྱིས་ཀྱང་སྒྲིབ་པ་མེད་པར་སངས་རྒྱས་ཀྱི་སྐུ་མཐོང་བ་དེ་ལྟར་ཡང་བྱིན་གྱིས་བརླབས་སོ། །ཆོ་འཕྲུལ་དེ་མཐོང་ནས། ཀོ་ས་ལའི་རྒྱལ་པོ་གསལ་རྒྱལ་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང་བཅས་པ་དང ། ཡུལ་སྣ་ཚོགས་ནས་འོངས་པའི་སྲོག་ཆགས་འབུམ་ཕྲག་དུ་མ་དང ། ནམ་མཁའི་དཀྱིལ་ན་ལྷ་འབུམ་ཕྲག་དུ་མ་བཅོམ་ལྡན་འདས་ཀྱི་ཆོ་འཕྲུལ་ཆེན་པོ་ལ་མིག་མི་འཛུམ་པར་ལྟ་ཞིང་རྒྱུན་མི་འཆད་པར་ཕྱག་འཚལ་ལོ། །ནམ་མཁའ་ལ་གནས་པའི་ལྷ་རྣམས་ཀྱང་རྔ་དག་རྡུང་ངོ ། །གནས་གནས་ན་ཡང་རྔ་བོ་ཆེ་རྣམས་</font><hr>Da75b<br><font size=+2>


ནི་རྡུང ། དུང་སྒྲིལ་མ་ནི་འབུད། རོལ་མོའི་སྒྲ་རྣམ་པ་སྣ་ཚོགས་ནི་འབྱིན་ཅིང ། ལ་ལ་ནི་གླུ་ལེན། ལ་ལ་ནི་གར་བྱེད་དོ། །བྱོལ་སོང་གི་སྐྱེ་གནས་སུ་གཏོགས་པའི་སྲོག་ཆགས་རྣམས་ཀྱང་ཡིད་བདེ་བ་སྐྱེས་ནས། རང་གི་རིགས་དང་འདྲ་བའི་སྒྲ་སྐད་རྣམ་པ་སྣ་ཚོགས་སྒྲོགས་པ་འདི་ལྟ་སྟེ། རྟ་རྣམས་ནི་འཚེར། གླང་པོ་ཆེ་རྣམས་ནི་ངུར། རྔ་མོ་རྣམས་ནི་འཁོང ། བ་ལང་རྣམས་ནི་འབོད། རྨ་བྱ་རྣམས་ནི་འགྱུར་ཏེ། ལྷ་དང་མིར་བཅས་པའི་འགྲོ་བ་དགའ་བ་དང ། རབ་ཏུ་དགའ་བ་སྐྱེས་ནས། བཅོམ་ལྡན་འདས་ལ་མཆོད་པ་བྱ་བར་སྤོར་བར་གྱུར་ཏོ། །དེ་ནས་ལྷ་རྣམས་ཀྱིས་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་དང ། པདྨ་དཀར་པོ་དང ། མན་ད་ར་བ་རྣམས་གཏོར་ཏོ། །ལྷའི་ཨ་ག་རུའི་ཕྱེ་མ་དང ། རྒྱ་སྤོས་ཀྱི་ཕྱེ་མ་དང ། ཙནྡན་གྱི་ཕྱེ་མ་དང ། ལྷ་རྫས་ཀྱི་གོས་དག་ཀྱང་གཏོར་ཏེ། མི་དང་མི་མ་ཡིན་པའི་བར་དག་ཀྱང་དེ་བཞིན་ནོ། །དེ་ལྟ་བུའི་དགའ་སྟོན་ཆེན་པོ་བྱུང་བ་ན། གདུལ་བའི་སྐྱེ་བོས་རྟོགས་པར་མཛད་པའི་ཕྱིར། བཅོམ་ལྡན་འདས་ཉིད་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འབད་པར་བྱ། འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་ཆོས་འདུལ་འདི་ལ་ནི། །བག་དང་ལྡན་པར་སྤྱོད་བྱེད་པ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་གྱི་ནི་མཐར་བྱེད་འགྱུར། །ལྷག་མ་སྤྲུལ་པའི་</font><hr>Da76a<br><font size=+2>


༄#། །སངས་རྒྱས་རྣམས་ཀྱིས་ཀྱང ། གཅིག་ཅར་དུ་ཚིགས་སུ་བཅད་པ་འདི་དག་བཀའ་སྩལ་ཏོ། །ཇི་སྲིད་ཉི་མ་མ་ཤར་བ། །དེ་སྲིད་སྲིན་བུ་མེ་ཁྱེར་གསལ། །མཁའ་ལ་ཉི་མ་ཤར་བ་ན། །མོག་མོག་པོར་འགྱུར་གསལ་མི་འགྱུར། །ཇི་སྲིད་དེ་བཞིན་གཤེགས་མ་བྱུང ། །རྟོག་གེ་ཅན་རྣམས་སྔོན་གསལ་ཏེ། །རྫོགས་པའི་སངས་རྒྱས་འཇིག་རྟེན་སྣང ། ། རྟོག་གེ་མི་གསལ་དེ་སློབ་མིན། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཆོ་འཕྲུལ་ཆེན་པོ་མི་སྣང་བར་འགྱུར་གྱི། མཚན་མ་ཟུང་ཞིག་།བཅོམ་ལྡན་འདས་ཀྱིས་དེ་སྐད་གསུངས་མ་ཐག་ཏུ་མོད་ལ་མི་སྣང་བར་གྱུར་ཏོ། །དེ་མི་སྣང་བར་གྱུར་པ་དང ། ཀོ་ས་ལའི་རྒྱལ་པོ་གསལ་རྒྱལ་གྱིས་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། ། ཀྱེ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱེད་ཀྱི་རེས་ལ་བབ་པས་ཁྱེད་ཀྱིས་སྟོན་ཅིག་།དེ་ནས་འོད་སྲུང་རྫོགས་བྱེད་ཅང་མི་སྨྲ་བར་ཀུན་ཏུ་རྒྱུ་གནག་ལྷས་ཀྱི་བུ་ལ་གྲུ་ཕུག་བྱས་སོ། །དེས་ཀྱང་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ལའོ། །དེས་ཀྱང་མི་ཕམ་སྐྲའི་ལ་བ་ཅན་ལའོ། །དེས་ཀྱང་ཀ་ཏྱའི་བུ་ནོག་ཅན་ལའོ། །དེས་ཀྱང་གཅེར་བུ་པ་གཉེན་གྱི་བུ་ལའོ། །དེས་ཀྱང་འོད་སྲུང་རྫོགས་བྱེད་ལ་བྱས་ན། འགའ་ཡང་སྨྲ་བར་མི་བྱེད་དོ། །དེ་དག་ལ་ལན་གཉིས་ལན་གསུམ་གྱི་བར་དུ་རྒྱལ་པོས་དེ་སྐད་ཅེས་སྨྲས་</font><hr>Da76b<br><font size=+2>


ན།་དེ་བཞིན་དུ་གཅིག་ལ་གཅིག་གྲུ་ཕུག་བྱེད་ཅིང ། ཅང་མི་ཟེར་བར་གྱུར། ཡུལ་ཡུལ་པོར་གྱུར། ཞུམ་ཞུམ་པོར་གྱུར་ནས། མགོ་སྨད་ཅིང་སྤོབས་པ་མེད་དེ་སེམས་ཁོང་དུ་ཆུད་ཅིང་འདུག་གོ་།དེ་ནས་གནོད་སྦྱིན་ལག་ན་རྡོ་རྗེ་འདི་སྙམ་དུ། སྐྱེས་བུ་བླུན་པོ་འདི་རྣམས་ཡུན་རིང་པོ་ནས་བཅོམ་ལྡན་འདས་ལ་མཐོ་འཚམས་པས། དེའི་ཕྱིར་གང་གིས་ན་འདི་རྣམས་ཀུན་ཏུ་འབྲོས་པར་འགྱུར་བའི་ཐབས་ཤིག་བྱའོ་སྙམ་ནས། དེས་གང་གིས་ན་ཆོ་འཕྲུལ་གྱི་འདུན་ཁང་དེ། དེ་རྣམས་ཀྱི་མིག་ལམ་དུ་ཡང་མི་འབབ་པ་དེ་ལྟ་བུའི་རླུང་དམར་དང ། ཆར་དྲག་བཏང་བ་དང ། དེ་ན་ཁ་ཅིག་ནི་བྲེད་ནས་རིའི་གསེབ་ཏུ་ཞུགས། ཁ་ཅིག་ནི་རྩཝ་ཚང་ཚིང་དུ། ཁ་ཅིག་ནི་ནགས་ཐིབས་པོར། ཁ་ཅིག་ནི་འདུན་ཁང་དུ། ཁ་ཅིག་ནི་ལྷ་ཁང་དུ་ཞུགས་སོ། །བཅོམ་ལྡན་འདས་ནི་ཉིད་ཀྱི་ཆོ་འཕྲུལ་ཆེན་པོའི་འདུན་ཁང་ན་བཞུགས་ཏེ། ཚིགས་སུ་བཅད་པ་དག་བཀའ་སྩལ་པ། འཇིགས་པས་སྐྲག་པའི་མི་རྣམས་ནི། །ཕལ་ཆེར་རི་དང་ནགས་ཚལ་དང ། །ཀུན་དགའ་ར་བ་ལྗོན་ཤིང་དང ། །མཆོད་རྟེན་རྣམས་ལ་སྐྱབས་སུ་འགྲོ། །སྐྱབས་དེ་གཙོ་བོ་མ་ཡིན་ཞིང ། །སྐྱབས་དེ་མཆོག་གྱུར་མ་ཡིན་ཏེ། །སྐྱབས་དེ་དག་ལ་བརྟེན་ནས་ནི། །སྡུག་བསྔལ་ཀུན་ལས་རབ་མི་ཐར། །གང་ཞིག་གང་ཚེ་སངས་རྒྱས་དང ། ཆོས་དང་དགེ་འདུན་སྐྱ་བས་སོང་ཞིང ། །འཕགས་པ་ཡི་ནི་བདེན་པ་བཞི། །སྡུག་བསྔལ་སྡུག་བསྔལ་ཀུན་འབྱུང་དང ། །སྡུག་བསྔལ་ཡང་དག་འདས་པ་དང ། །མྱ་ངན་</font><hr>Da77a<br><font size=+2>


༄#། །འདས་པ་བདེར་འགྲོ་བའི། །འཕགས་ལམ་ཡན་ལག་བརྒྱད་པོ་དག་།ཤེས་རབ་ཀྱིས་ནི་ལྟ་བྱེད་ན། །སྐྱབས་དེ་དག་ནི་གཙོ་ཡིན་ཞིང ། །སྐྱབས་དེ་དག་ནི་མཆོག་ཡིན་ཏེ། །སྐྱབས་དེ་དག་ལ་བརྟེན་ནས་ནི། །སྡུག་བསྔལ་ཀུན་ལས་རབ་ཏུ་ཐར། །དེ་ནས་བཅོམ་ལྡན་འདས་ཀྱིས་འཁོར་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་དེ་ལ་བརྟེན་ཏེ། གང་ཐོས་ན་སེམས་ཅན་བརྒྱ་ཕྲག་མང་པོས་ཁྱད་པར་ཆེན་པོ་ཐོབ་པར་འགྱུར་བ་དེ་ལྟ་བུའི་ཆོས་བསྟན་པས། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་སུམ་དུ་བྱས་སོ། །ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། འཁོར་དེ་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་བཀོད་དོ། །དེ་ནས་བཅོམ་ལྡན་འདས་ཀྱིས་འཁོར་དེ་དག་ལ་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག་།ཡང་དག་པར་གཟེངས་བསྟོད། ཡང་དག་པར་དགའ་བར་མཛད་དེ། གདན་ལས་བཞེངས་</font><hr>Da77b<br><font size=+2>


ནས་གཤེགས་སོ། །དེ་ནས་འོད་སྲུང་རྫོགས་བྱེད་ལ་སློབ་མ་རྣམས་ཀྱིས་དྲིས་པ། མཁན་པོ། དེ་ཁོ་ན་ཉིད་ཇི་ལྟ་བུ་ལགས་པ་གསུངས་ཤིག་།དེས་སློབ་མ་དེ་དག་ཁ་ཅིག་ལ་ནི། བུ། འདི་ལྟ་སྟེ། འཇིག་རྟེན་རྟག་པ་འདི་ནི་དེ་ཁོ་ན་ཉིད་ཡིན་ནོ་ཞེས་སྨྲས། གཞན་དག་ལ་ནི་མི་རྟག་གོ་།གཞན་དག་ལ་ནི་རྟག་ཀྱང་རྟག་།མི་རྟག་ཀྱང་མི་རྟག་གོ་།གཞན་དག་ལ་ནི་རྟག་པ་ཡང་མ་ཡིན། མི་རྟག་པ་ཡང་མ་ཡིན་ནོ། །གཞན་དག་ལ་ནི་མཐའ་ཡོད་དོ། །མཐའ་མེད་དོ། །མཐའ་ཡོད་ཀྱང་ཡོད། མཐའ་མེད་ཀྱང་མེད་དོ། །མཐའ་ཡོད་པ་ཡང་མ་ཡིན། མཐའ་མེད་པ་ཡང་མ་ཡིན་ནོ། །སྲོག་དེ་ལུས་ཡིན་ནོ། །སྲོག་ཀྱང་གཞན་ལ་ལུས་ཀྱང་གཞན་ཡིན་ནོ། །དེ་བཞིན་སོང་བ་ཤི་ཕན་ཆད་ཡོད་དོ། །མེད་དོ། །ཡོད་ཀྱང་ཡོད་ལ་མེད་ཀྱང་མེད་དོ། །དེ་བཞིན་སོང་བ་ཤི་ཕན་ཆད་ཡོད་པ་ཡང་མ་ཡིན། མེད་པ་ཡང་མ་ཡིན་པ་འདི་ནི་བདེན་གྱི། གཞན་ནི་རྨོངས་པ་ཡིན་ནོ་ཞེས་རྣམ་པ་གཞན་དང ། གཞན་གྱིས་བསླུས་སོ། །དེ་ཡང་ངོ་ཚ་ནས་མགོ་སྨད་དེ། མྱ་ངན་གྱི་མེས་གདུངས་པས་ཆུ་བསིལ་བ་འདོད་པའི་ཕྱིར་རྫིང་དུ་སོང་བ་དང ། དེ་ནས་ལམ་གྱི་ནང་དུ་མ་ནིང་ཞིག་གིས་མཐོང་ནས། དེས་ཚིགས་སུ་བཅད་དེ་སྨྲས་པ། ཐུག་རེ་རཝ་མཐུ་ཆག་པ་ལྟ་བུ་ཡི། །མདངས་མེད་ཁྱོད་ཅིག་ག་ལས་རིངས་པར་འོངས། །ཤཱཀྱའི་ཆོས་ནི་རྣམ་པར་མ་ཤེས་པས། །བོང་བུ་བཞིན་དུ་འཛེམ་པ་མེད་པར་འཕྱན། །དེས་ཀྱང་ཚིགས་སུ་བཅད་དེ་སྨྲས་པ། </font><hr>Da78a<br><font size=+2>


༄#། །ང་ཡི་མདུན་ན་འདུག་འདི་འཆི་བདག་དེས། །བདག་གི་ལུས་ལ་སྟོབས་དང་བརྩོན་པ་མེད། །དངོས་པོ་ཐམས་ཅད་བདེ་དང་སྡུག་བསྔལ་སྟེན། །ཐར་ཟིན་ད་ནི་བདེ་བ་བྱེད་དུ་འགྲོ། །ཉི་ཟེར་རབ་ཏུ་ཚ་བར་བྱེད་རྣམས་ཀྱིས། །ལུས་དང་སེམས་ཀུན་གདུངས་ཤིང་ངལ་གྱུར་གྱི། །མི་སྲུན་ཐོང་ལ་རྫིང་རབ་བསིལ་བདེ། །ག་ལ་ཡོད་པ་བདག་ལ་མྱུར་དུ་སྨྲོས། །དེས་ཀྱང་ཚིགས་སུ་བཅད་དེ་སྨྲས་པ། ཕོ་ངན་སྡིག་ཅན་སྐྱེས་མཆོག་མ་ཡིན་པ། །མཚེའུ་ལྟར་པདྨ་ངང་པ་དང་ལྡན་ཞིང ། །གངས་ཀྱི་ཆུ་ལྟར་ཆུ་ཡོངས་གཙང་བ་ཡི། ། རྫིང་བུ་ཤིན་ཏུ་བཟང་པོ་མ་མཐོང་ངམ། །དེས་ཡང་ཚིགས་སུ་བཅད་དེ་སྨྲས་པ། ཁྱོད་ཀྱང་ཕོ་མིན་མི་ཡི་ཆུང་མའང་མིན། །དེ་བརྡ་ཕྲད་ཀྱི་ཟུར་ལ་ལམ་ཕྱེ་དང ། རྫིང་བུ་ཆུ་བཟང་ཆུ་བསིལ་གང་བར་ནི། གདུང་བ་སིལ་བར་བྱ་ཕྱིར་བདག་འགྲོའོ། །དེ་ལམ་དེ་ནས་བཟུར་བ་དང ། རྫོགས་བྱེད་ཀྱང་རྫིང་དྲུང་དུ་སོང་སྟེ། མགུལ་དུ་བུམ་པ་བྱེད་མས་གང་བ་བཏགས་ནས། དེར་ནུབ་སྟེ་དེ་ཉིད་དུ་དུས་ལས་འདས་སོ། །དེ་ནས་དེའི་སློབ་མ་རྣམས་ཀྱིས་གཅིག་ལ་གཅིག་དྲིས་པ། མཁན་པོ། ཁྱོད་སུས་མཐོང ། དེ་རྣམས་ཀྱིས་སྨྲས་པ། མ་མཐོང་ངོ ། །ཁྱོད་ལ་མཁན་པོས་ལུང་བསྟན་པ་སུ་ཡོད། དེ་ན་ཁ་ཅིག་གིས་སྨྲས་པ། ཤེས་ལྡན་དག་ངེད་ལ་ནི་མཁན་པོས་འཇིག་རྟེན་རྟག་པ་འདི་ནི་བདེན་གྱི། གཞན་ནི་རྨོངས་པ་ཡིན་ནོ། །ཞེས་ལུང་བསྟན་ཏོ། །ཁ་ཅིག་</font><hr>Da78b<br><font size=+2>


གིས་སྨྲས་པ། ངེད་ལ་ནི་མི་རྟག་གོ་།ཞེས་བསྟན་ཏོ། །གཞན་དག་གིས་སྨྲས་པ། ངེད་ལ་ནི་རྟག་ཀྱང་རྟག། མི་རྟག་ཀྱང་མི་རྟག་གོ་།རྟག་པ་ཡང་མ་ཡིན། མི་རྟག་པ་ཡང་མ་ཡིན་ནོ། ། མཐའ་མེད་དོ། །མཐའ་ཡོད་དོ། །མཐའ་ཡོད་ཀྱང་ཡོད། མཐའ་མེད་ཀྱང་མེད་དོ། །མཐའ་ཡོད་པ་ཡང་མ་ཡིན། མཐའ་མེད་པ་ཡང་མ་ཡིན་ནོ། །དེ་བཞིན་སོང་བ་ཤི་ཕན་ཆད་ཡོད་དོ། ། མེད་དོ། །ཡོད་ཀྱང་ཡོད་ལ་མེད་ཀྱང་མེད་དོ། །དེ་བཞིན་སོང་བ་ཤི་ཕན་ཆད་ཡོད་པ་མ་ཡིན། མེད་པ་ཡང་མ་ཡིན་པ་འདི་ནི་བདེན་གྱི། གཞན་ནི་རྨོངས་པ་ཡིན་ནོ། །ཞེའོ། །དེ་རྣམས་ཀྱིས་སྨྲས་པ། ཤེས་ལྡན་དག་།འདི་ལྟ་སྟེ། སྣ་ཚོགས་སུ་བཏགས་པས་བདག་ཅག་ཐམས་ཅད་མི་མཐུན་པར་གྱུར་གྱི། མ་ལ་བདག་ཅག་གིས་མཁན་པོ་ཀུན་ཏུ་བཙལ་ལ། དེ་ཁོ་ན་ཉིད་ཇི་ལྟ་བུ་ཡིན་པ་འདི་འདྲིའོ། །ཞེས་དེ་རྣམས་དོང་བ་དང ། དེ་རྣམས་ཀྱིས་ལམ་གྱི་དབུས་སུ་བུ་མོ་ཞིག་མཐོང་ནས། དེ་རྣམས་ཀྱིས་དེ་ལ་ཚིགས་སུ་བཅད་པས་དྲིས་པ། ཆོས་ཀྱི་གོས་ནི་གྱོན་པ་པོ། །དཀའ་ཐུབ་ནལ་ཟེ་གང་ཟ་བ། །རྫོགས་བྱེད་འདི་ནས་སོང་གྱུར་ནས། །བཟང་མོ་ཁྱོད་ཀྱིས་མ་མཐོང་ངམ། །དེས་ཀྱང་ཚིགས་སུ་བཅད་དེ་སྨྲས་པ། ངན་སོང་སེམས་ཅན་དམྱལ་བ་པ། །ལག་པ་བརྐྱང་ནས་འགྲོ་བ་ཡི། །རྫོགས་བྱེད་དེ་ནི་ཆུས་གཡེངས་ནས། །རྐང་ལག་སྐྱ་བོར་གྱུར་ཅིང་འདུག་།དེ་རྣམས་ཀྱིས་ཀྱང་ཚིགས་སུ་བཅད་པས་སྨྲས་པ། ཆོས་ཀྱི་གོས་ནི་གྱོན་པ་པོ། ཆོས་སྤྱོད་</font><hr>Da79a<br><font size=+2>


༄#། །ཐུབ་པ་དེ་ལ་ནི། །ཁྱོད་ཀྱིས་སྨྲས་ཏེ་ལེགས་མིན་གྱི། །བཟང་མོ་དེ་སྐད་མ་ཟེར་ཅིག་།དེས་ཀྱང་ཚིགས་སུ་བཅད་དེ་སྨྲས་པ། ཕོ་མཚན་གྱི་ནི་རྟགས་སྐྱེས་པས། ། བློ་ལྡན་དེས་སུ་འཇིག་རྟེན་ན། །རྟག་ཏུ་འཇིག་རྟེན་གྱིས་མཐོང་བར། །གཅེར་བུ་གྲོང་དུ་རྒྱུ་བར་བྱེད། །ཕོ་མཚན་མདུན་ནས་དཔྱོང་བྱེད་པ། །གང་གི་ཆོས་ནི་འདི་འདྲ་བ། །དེ་ནི་རྒྱལ་པོ་རྣམ་ཐོས་བུས། །མདའ་ནི་སྟེའུ་ཁས་གཅོད་འདོང་ཞིག་།ཅེས་བྱས་པ་དང ། དེ་དག་ཅང་མི་ཟེར་བར་དོང་ནས། དེ་དག་རྫིང་བུར་ཕྱིན་པ་དང ། རེ་ཞིག་ན་རྫོགས་བྱེད་བུམ་པ་བྱེ་མས་བཀང་བ་མགུལ་དུ་བཏགས་ནས། དུས་ལས་འདས་པ་མཐོང་ནས། དེ་རྣམས་ལས་གང་དག་བསླབ་པ་འདོད་པ་དེ་རྣམས་ཀྱིས། ཤེས་ལྡན་དག་།འདི་ནི་བདེན་གྱི། གཞན་ནི་རྨོངས་པ་ཡིན་ནོ། །ཞེས་སྨྲས་ནས། དེ་དག་ཀྱང་བུམ་པ་བྱེ་མས་བཀང་བ་མགུལ་དུ་བཏགས་ནས་དེ་ཉིད་དུ་དུས་ལས་འདས་སོ། །ལྷག་མ་རྣམས་ནི་སླར་ལོག་ནས་མཐའ་འཁོབ་ཏུ་དོང་ནས་འདུག་གོ། གང་གི་ཚེ་བཅོམ་ལྡན་འདས་སྐྱེས་བུ་འདུལ་བའི་ཁ་ལོ་སྒྱུར་བ། གླ་ན་མེད་པ། ཐོགས་པ་མེད་པའི་སྟོབས་ཀྱི་འཁོར་ལོས་སྒྱུར་བས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། ཆོས་ཀྱི་འཁོར་ལོ་སྐོར་བ་དེའི་ཚེ། མུ་སྟེགས་ཅན་ཐམས་ཅད་ཀྱིས། མིའི་ཆོས་བླ་མའི་རྫུ་འཕྲུལ་གྱི་ཆོས་འཕྲུལ་ལ་སྤྱན་དྲངས་པ་ལས། མུ་སྟེགས་ཅན་ཐམས་</font><hr>Da79b<br><font size=+2>


ཅད་ཐག་སྩལ། ཕམ་པར་མཛད། རྒྱབ་ཀྱིས་ཕྱོགས་པར་མཛད། སྤོབས་པ་མེད་པར་མཛད་དེ། དེ་ནས་མཐའ་འཁོབ་ཀྱི་ལྗོངས་རྣམས་སུ་རྟེན་པར་གྱུར་ཏོ། །དེ་ན་དགེ་སློང་རྣམས་ཐེ་ཚོམ་སྐྱེས་ནས། བཙུན་པ་བཅོམ་ལྡན་འདས་ཀྱིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་སྤྱན་དྲངས་པ་ལས། མུ་སྟེགས་ཅན་ཐམས་ཅད་ཐག་སྩལ། ཕམ་པར་མཛད། རྒྱབ་ཀྱིས་ཕྱོགས་པར་མཛད། སྤོབས་པ་མེད་པར་མཛད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་དང ། ཡིད་མི་བདེ་བ་དང ། འཁྲུག་པ་ལས་ཡོངས་སུ་གྲོལ་ཏེ། ཐམས་ཅད་མཁྱེན་པ། རྣམ་པ་ཐམས་ཅད་མཁྱེན་པ་དང ། ཤེས་པ་དང་ཤེས་བྱ་ཐམས་ཅད་ལ་དབང་ཐོབ་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་བྱང་ཆུབ་ནས། མུ་སྟེགས་ཅན་ཐམས་ཅད་ཐག་བཅུག་།ཕམ་པར་བྱས། རྒྱབ་ཀྱིས་ཕྱོགས་པར་བྱས། སྤོབས་པ་མེད་པར་བྱས་པ་འདི་ལ་ངོ་མཚར་ཅི་ཆེ། འདས་པའི་དུས་ནང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་</font><hr>Da80a<br><font size=+2>


༄#། །འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུགས་ལས་ཡོངས་སུ་མ་གྲོལ་བ་ན་ཡང ། སྟོན་པ་དྲུག་པོ་འཁོར་དང་བཅས་པ་འདི་དག་ཐམས་ཅད་ཐག་བཅུག་།ཕམ་པར་བྱས། རྒྱབ་ཀྱིས་ཕྱོགས་པར་བྱས། སྤོབས་པ་མེད་པར་བྱས། ཚར་བཅད་དེ་མཐའ་འཁོབ་ཀྱི་ལྗོངས་རྣམས་སུ་རྟེན་དུ་བཅུག་པ་དེ་བཤད་ཀྱི། ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་།དགེ་སློང་དག་སྔོན་བྱུང་བ་འདས་པའི་དུས་ན། ལུས་འཕགས་ཞེས་བྱ་བའི་ལྗོངས་ན། རྒྱལ་པོ་སྐྱེད་པ་ཞེས་བྱ་བ་རྒྱལ་སྲིད་འབོར་བ་དང ། རྒྱས་པ་ཞེས་བྱ་བ་ནས། བྱེད་དུ་འཇུད་དོ་ཞེས་བྱ་བ་རྒས་པར་རོ། །དེ་ནས་རྒྱལ་པོ་སྐྱེད་པས་བཙུན་མོ་གཟུགས་བཟང་བ། མཛེས་པ། ལྟ་ན་སྡུག་པ་ཞིག་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་དོ། །དེ་ནས་བཙུན་མོ་དེ་ལ་སེམས་ཅན་ཞུགས་པར་གྱུར་ནས། རིམ་གྱིས་ཟླ་བ་དགུ་ལོན་པ་དང ། ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བཙས་སོ། །གཞོན་ནུ་དེ་བཙས་པ་ན་ལུས་འཕགས་ཀྱི་ལྗོངས་རྣམས་ལོ་ལེགས་པ་དང ། བཟའ་བ་དང ། བཏུང་བ་མོད་པར་གྱུར་ཅིང ། ལྷས་ཀྱང་ཆར་དུས་བཞིན་དུ་ཕབ། དུས་དང་མཐུན་པའི་རླུང་ཡང་ལྡང་སྟེ། དེས་ན་རྟག་ཏུ་བཟའ་བ་དང ། བཏུང་བ་མོད་པར་གྱུར་ཏོ། །དེ་ནས་གཞོན་ནུའི་བཙས་སྟོན་རྒྱ་ཆེར་བྱས་ནས། གཞོན་ནུའི་མིང་ཅིར་གདགས་</font><hr>Da80b<br><font size=+2>


ཞེས་རྒྱལ་པོ་སེམས་པ་ན། གང་གི་ཕྱིར་གཞོན་ནུ་འདི་བཙས་པ་ན། ཡུལ་དུ་བཟའ་བ་དང ། བཏུང་བ་མོད་པར་གྱུར་པ་དེའི་ཕྱིར། གཞོན་ནུའི་མིང་བཟའ་བཏུང་ཞེས་བཏགས་ནས། དེ་ནས་གཞོན་ནུ་བཟའ་བཏུང་མ་མ་བརྒྱད་ལ་རྗེས་སུ་གཏད་དོ། །གང་གི་ཚེ་དེ་ཆེན་པོར་གྱུར་པ་དེའི་ཚེ་ཡི་གེ་སློབ་ཏུ་བཅུག་པ་དང ། རིང་པོར་མ་ཐོགས་པར་མཐར་ཕྱིན་པར་གྱུར་ཏོ། །རིགས་ཀྱི་བཟོའི་གནས་ལ་ཡང་རིང་པོ་མ་ཐོགས་པར་མཁས་པར་གྱུར་ཏོ། །ཞེས་གོང་མ་བཞིན་དུ་རྒྱས་པར་བརྗོད་པར་བྱའོ། །གཞོན་ནུ་དེ་ཡང་དཔའ་བ། ཚམ་ཚོམ་མེད་པ། གཏུམ་པ། རེམ་པར་གྱུར་ཏོ། །དེ་ནས་བཙུན་མོ་བུས་སྙེམས་ནས་རྒྱལ་པོ་ཡབ་ཀྱི་བཀའ་བཞིན་མི་ཉན་ཅིང ། བཟློག་ཐབས་བྱེད་པར་གྱུར་ཏོ། །རྒྱུ་དེས་རྒྱལ་པོ་ཡང་མི་དགའ་བས་གདུངས་པ་དང ། དེ་མི་དགའ་བ་བློན་པོ་རྣམས་ཀྱིས་ཤེས་ནས་སྨྲས་པ།་ལྷ་ཅིའི་སླད་དུ་མི་དགྱེས་པར་གྱུར། རྒྱལ་པོས་སྨྲས་པ། ངའི་བཙུན་མོ་བུས་སྙེམས་ནས་ད་ནི་ངའི་བཀའ་ཤིན་ཏུ་མི་ཉན་ཅིང ། བཟློག་ཐབས་བྱེད་དེ། རྒྱུ་དེས་ནང་མི་དགའ་བར་གྱུར་ཏོ། །དེ་ནས་བློན་པོ་རྣམས་ཀྱིས་སྨྲས་པ། ལྷ་གལ་ཏེ་འདི་བཀའ་བཞིན་མི་བགྱིད་ན། ད་གཞན་ཞིག་བླང་བར་བགྱི་སྟེ། དེ་ན་འདི་ཡང་དབང་དུ་འགྱུར་ལ། ལྷ་ཡང་གཞན་དང་ལྷན་ཅིག་དགྱེས་པ་ལྟར་འགྱུར་རོ། །རྒྱལ་པོས་སྨྲས་པ། གང་ནས་བླང་བར་བྱ། བློན་པོ་རྣམས་ཀྱིས་སྨྲས་པ། ཉི་འོག་གི་རྒྱལ་པོ་འདིའི། དེ་ནས་བླང་བར་བགྱིའོ། །རྒྱལ་པོས་སྨྲས་པ། དེ་དང་ང་མི་མཐུན་པ་ཡིན་ན། ཇི་ལྟར་</font><hr>Da81a<br><font size=+2>


༄#། །དེ་ནས་བླང ། བློན་པོས་སྨྲས་པ། ཉི་འོག་གི་རྒྱལ་པོ་འདི་ནི་ཆུང་བས་གཉེན་དུ་བགྱིས་ན་བཤེས་པར་འགྱུར་ལགས་ཀྱི། ཐམས་ཅད་དུ་ཐུགས་ཁྲལ་ཆུང་བར་བཞུགས་ཤིག་དང ། འདི་བདག་ཅག་གིས་བསྒྲུབ་པར་བགྱིའོ། །དེ་ནས་བློན་པོ་རྣམས་ཉི་འོག་གི་རྒྱལ་པོ་དེའི་ཐད་དུ་སོང་ནས། དེར་དེ་དག་གིས་དེ་ཤིན་ཏུ་རངས་པར་བྱས་པ་དང ། དེས་སྨྲས་པ། ངས་དམ་ཞིག་བཅས་ནས་བུ་མོ་སྦྱིན་ཏེ། གལ་ཏེ་ངའི་ཚ་བོ་ཞིག་ཡོང་ལ། དེ་རྒྱལ་ཚབ་ཀྱི་ཐབས་སྦྱིན་ན། དེ་ལྟ་ན་ངས་སྦྱིན་པར་བྱའོ། །དེ་རྣམས་ཀྱིས་སྨྲས་པ། དེ་བཞིན་དུ་བགྱིའོ། ། རྒྱལ་པོས་སྨྲས་པ། རེ་ཞིག་སྔར་རྒྱལ་པོ་དེ་ལ་གྱིས་ལ། དེ་གལ་ཏེ་དམ་བཅས་པ་དེ་བཞིན་དུ་བཏུབ་ན། དེའི་འོག་ཏུ་སྦྱིན་པར་བྱའོ། །དེ་ནས་བློན་པོ་རྣམས་ཀྱིས་དེ་ལ་ཕྱག་འཚལ་ཏེ་སྨྲས་པ། ལྷ་རྒྱལ་ཚབ་ཏུ་སྩལ་བར་བློན་པོ་རྣམས་ཀྱིས་དད་པར་བྱས་པས། ཅི་ནས་ལྷའི་དབོན་པོ་ཞིག་མཆིས་ན། དེ་རྒྱལ་ཚབ་ཏུ་སྩལ་བར་ཡེ་བགྱིའོ། །དེ་ནས་ཐོབ་སྟེ་དཔལ་གྱི་འབྱོར་པ་ཆེན་པོས་བག་མར་བླངས་ནས། དེ་དང་རྒྱལ་པོ་སྐྱེད་པ་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་བཙུན་མོ་དེ་གཡེར་བག་ཆེ་བ་ཞིག་པས། ཇི་ལྟར་རྒྱལ་པོ་དམ་པ་དེ་ལྟར་མཉེས་པར་བྱས་པ་དང ། རྒྱལ་པོས་སྨྲས་པ། ཁྱོད་ལ་དམ་པ་ཅི་ཞིག་སྦྱིན། དེས་ཐལ་མོ་སྦྱར་ནས་སྨྲས་པ། གལ་ཏེ་བདག་ལ་ལྷས་སྐབས་ཕྱེ་ན། བདག་གི་བུ་བཙས་པ་གང་ལགས་པ་དེ་རྒྱལ་</font><hr>Da81b<br><font size=+2>


ཚབ་ཏུ་སྩལ་བར་གསོལ། དེའི་ཚིག་ཐོས་མ་ཐག་ཏུ་རྒྱལ་པོ་མཚོན་གྱིས་གནད་དུ་བསྣུན་པ་བཞིན་དུ་ཏིང་ཞེས་བྱེད་ནས་བསམས་པ། བདག་གིས་འདི་ལ་དམ་པ་སྦྱིན་པར་སྐབས་ཕྱེ་བ་དང ། འདིས་ཀྱང་དེ་ལྟ་བུའི་དམ་པ་བསླངས་ལ། བདག་གི་བུ་བཟའ་བཏུང་འདི་ཡང་དཔའ་ཞིང་བརྩོན་པ། གཟུགས་བཟང་ཞིང་བལྟ་ན་སྡུག་པ། རིགས་དང་མཐུན་པར་སྐྱེས་པའི་བུ་གཅིག་པ་ཡིན་ན། ཇི་ལྟར་ན་འདི་བཏང་སྟེ། གཞན་ལ་རྒྱལ་ཐབས་སྦྱིན་པར་བྱ་སྟེ། ད་འདི་ལ་ཇི་ལྟར་བྱ་ཞེས་ཐེ་ཚོམ་སྐྱེས་ནས་སེམས་པ་ལ་ཞུགས་པ་དང ། རེ་ཞིག་ན་བློན་པོ་རྣམས་ཀྱིས་རྒྱལ་པོ་ཡིད་མི་བདེ་བར་རིག་ནས། ལྷ་ཅི་དགོངས་ཞེས་དྲིས་པ་དང ། རྒྱལ་པོས་དེ་རྣམས་ལ་རང་བཞིན་སྨྲས་ཏེ། ངས་བཙུན་མོ་ལ་དམ་པ་སྦྱིན་པའི་སྐབས་ཕྱེ་བ་དང ། དེས་ཀྱང་བུ་ཞིག་མཆིས་གྱུར་ན། རྒྱལ་ཚབ་ཏུ་སྩལ་བར་གསོལ། ཞེས་གསོལ་བ་བཏབ་ནས། དེའི་ཕྱིར་ང་སེམས་ཁོང་དུ་ཆུད་པར་གྱུར་ཏོ། །དེ་ནས་བློན་པོ་རྣམས་ཀྱིས་སྨྲས་པ། ལྷ་འདིར་ཡང་མ་བས་ཏེ། ཉི་འོག་གི་རྒྱལ་པོ་གང་ལས་བདག་ཅག་གིས་འདི་བསླངས་པ་དེ་ལས་ཀྱང་དམ་པ་འདི་ལྟ་བུ་བཅས་པས་སྩལ་མོད་ཀྱི། ལྷ་འོན་ཀྱང་མཆིས་པར་འགྱུར་རམ། མ་མཆིས་པར་འགྱུར་རམ། ཁྱེའུ་འམ། བུ་མོར་འགྱུར་བ་ད་དུང་སུས་འཚལ། རེ་ཞིག་དེ་ལ་མཆོག་སྩོལ་ཅིག་།དེ་ནས་རྒྱལ་པོས་ཀྱང་དེ་བཞིན་དུ་བྱའོ། །ཞེས་བསྒོའོ། །དེ་ནས་དུས་གཞན་ཞིག་ན། བཙུན་མོ་སེམས་ཅན་དང་ལྡན་པར་གྱུར་ནས་ཟླ་བ་དགུ་ཚང་བ་ན། གཞོན་ནུ་</font><hr>Da82a<br><font size=+2>


༄#། །གཟུགས་བཟང་བ་མཛེས་པ། བལྟ་ན་སྡུག་པ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས། གཞོན་ནུ་འདིའི་མིང་ཅིར་གདགས་ཞེས་མིར་འདོགས་པར་བྱེད་དོ། །དེ་ནས་རྒྱལ་པོ་སྐྱེད་པས་བསམས་པ། གང་གི་ཕྱིར་འདི་མ་བཙས་པ་ཉིད་ནས། རྒྱལ་སྲིད་མངོན་པར་འདོད་ཅིང་མངོན་པར་དགའ་བས་ན། དེའི་ཕྱིར་གཞོན་ནུ་འདིའི་མིང་རྒྱལ་སྲིད་ལ་མངོན་པར་དགའ་བ་ཞེས་བྱ་བར་བཏགས་སོ། །དེ་མ་མ་བརྒྱད་པོ་རྣམས་ལ་གཏད་ནས། དེ་དག་གིས་ཀྱང་དྲིལ་བ་དང ། ཕྱི་བ་དང ། བཀྲུ་བ་དང ། འོ་མ་དང ། སྦྲང་རྩི་དང ། མར་དཀར་རྣམས་ཀྱིས་བསྐྱེད་ནས། གང་གི་ཚེ་ཆེན་པོར་གྱུར་ཀྱང་རྒྱལ་ཚབ་ཏུ་མ་བཅུག་གོ་།དེ་ནས་དེའི་མ་མེས་ཉི་འོག་གི་རྒྱལ་པོས། ལུས་འཕགས་ཀྱི་རྒྱལ་པོ་སྐྱེད་པ་ལ་ཕོ་ཉ་བཏང་སྟེ། ཇི་ལྟར་བདག་གི་ཚ་བོ་རྒྱལ་སྲིད་ལ་མངོན་པར་དགའ་བ་རྒྱལ་ཚབ་ཏུ་མ་བཅུག་ན། བདག་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་ཁྱོད་ཀྱི་གན་དུ་འོང་ངོ ། །ཞེས་སྤྲིང་པ་དང ། དེས་ཕོ་ཉའི་ཆིག་ཐོས་ནས། འཇིགས་སྐྲག་ནས་ཡིད་མི་བདེ་ཞིང་འདུག་གོ་།དེ་ནས་བློན་པོ་རྣམས་ཀྱིས་རྒྱལ་པོ་སྐྱེད་པ་སྐྲག་ཅིང་མི་དགའ་བར་རིག་ནས་སྨྲས་པ། ལྷ་ཅིའི་སླད་དུ། འདི་ལྟར་མི་དགྱེས་པར་མཛད། སྐྱེད་པས་སྨྲས་པ། ཉི་འོག་གི་རྒྱལ་པོ་དེས་ཚ་བོའི་ཕྱིར་ཕོ་ཉ་བཏང་ནས། ཕོ་ཉ་དེ་འདི་སྐད་ཅེས་ཅི་སྟེ་ངའི་ཚ་བོ་རྒྱལ་ཚབ་ཏུ་མི་གཞུག་ན། ང་འོངས་ཏེ་ཁྱོད་རྒྱལ་པོ་ལས་ཕྱུང་ལ། ངའི་ཚ་བོ་གཞུག་གོ་</font><hr>Da82b<br><font size=+2>


ཞེས་ཟེར་རོ། །དེ་ནས་བློན་པོ་རྣམས་ཀྱིས་སྨྲས་པ། ལྷ། རྒྱལ་སྲིད་ལ་མངོན་པར་དགའ་བ། རྒྱལ་ཚབ་ཀྱི་ཐབས་སྩལ་ལ། གཞོན་ནུ་བཟའ་བཏུང་འདི་དགུམ་པར་བགྱིའོ། །དེ་ནས་རྒྱལ་པོ་སྐྱེད་པས་བློན་པོ་རྣམས་ལ་སྨྲས་པ། ཆོས་དང་མི་ལྡན་པའི་ཚིག་དེ་ལྟ་བུ་མ་སྨྲ་ཞིག་།འདི་ལྟར་འདི་ན་བུ་ཕ་གསོད་པ་ཐོས་ཀྱི། ཕ་བུ་གསོད་པ་ནི་མ་ཡིན་པས། ང་ནི་དེ་ལྟར་གཏན་མི་བྱེད་དོ། །དེ་དག་གིས་སྨྲས་པ། ཇི་སྟེ་མི་དགུམ་ན་ཡང་ཡན་ལག་མ་མཆིས་པར་བགྱིའོ། །དེ་ནས་རྒྱལ་པོ་སྐྱེད་པས། བློན་པོ་རྣམས་ལ་སྨྲས་པ། གལ་ཏེ་ཡན་ལག་མེད་པར་བྱས་ན་བསད་པ་ཁོ་ནར་ཟད་མོད། དེ་ནས་བློན་པོ་རྣམས་ཀྱི་རྒྱལ་པོ་སྐྱེད་པའི་ཚིག་ཐོས་ནས། རྒྱལ་པོ་ལ་སྨྲས་པ། ལྷ་འདི་ལ་གཞན་ཅི་བགྱིར་མཆིས། བསྐྲད་པར་བགྱིའོ། །རྒྱལ་པོས་སྨྲས་པ། ཉེས་པ་མེད་པ་ཇི་ལྟར་བསྐྲད་པར་བྱ། བློན་པོ་རྣམས་ཀྱིས་སྨྲས་པ། ཅིའི་སླད་དུའང་མི་བསྔོ་བ་རིང་པོ་མི་ཐོགས་པར་གཞོན་ནུ་ལ་ནོངས་པར་འབྱུང་བར་རྔོ་ཐོག་གི་།རེ་ཞིག་རྒྱལ་སྲིད་ལ་མངོན་པར་དགའ་བ་ལ་ཐབས་སྩོལ་ཅིག་།དེ་ནས་ནི་རྒྱལ་པོ་བཟའ་བཏུང་རང་ཉིད་ཀྱིས་འཚལ་བར་འགྱུར་རོ། །དེ་ནས་རྒྱལ་པོ་སྐྱེད་པས་དབང་ཐང་གི་ཉི་མ་ཤིས་པ་ལ། བཀྲ་ཤིས་དང ། ཤིས་པར་བརྗོད་པ་བྱས་ནས། རྒྱལ་སྲིད་ལ་མངོན་པར་དགའ་བ་རྒྱལ་ཚབ་ཀྱི་ཐབས་བྱིན་ནོ། །དེ་ཐབས་བྱིན་པར་གཞོན་ནུ་བཟའ་བཏུང་གིས་ཐོས་ནས། བསམས་པ། ལྷས་ནི་བདག་སྤངས་པར་གྱུར་གྱི། ད་བདག་འདིར་འདུག་ཀྱང་ཅི་ཞིག་རུང་སྟེ། བདག་གསད་</font><hr>Da83a<br><font size=+2>


༄#། །པར་འོང་ངོ ། །སྙམ་ནས། དེའི་མའི་ཐད་དུ་སོང་སྟེ། མི་བདེ་བའི་ལོ་རྒྱུས་བཤད་ནས། སྨྲས་པ། བདག་རྒྱལ་པོ་ལྔ་ལེན་གྱི་ཡུལ་དུ་མཆིས། མཁྱེན་པར་མཛོད་ཅིག་།དེ་ནས་དེ་ཡང་སྡུག་བསྔལ་རྣམ་པ་སྣ་ཚོགས་ཀྱིས་ནི་མྱོས། བུ་དང་བྲལ་བའི་སྡུག་བསྔལ་དང་ནི་ལྡན། བུའི་མགུལ་ནས་ནི་འཁྱུད་དེ། སྙིང་རྗེ་རྗེ་སྐད་སྨྲེ་སྔགས་བཏོན་ཏེ་སྨྲས་པ། དུ་གུལ་རས་ཀྱི་གདིང་བས་མཛེས་བྱས་པའི། །མལ་སྟན་ཆེ་ལ་འོས་པར་བདེར་ཉལ་བ། །བུ་གཅིག་ད་ནི་ས་སྟེང་ཐང་བུ་ལ། །གོས་ཀྱི་ཕྱོགས་གཅིག་གཏིང་ནས་ཇི་ལྟར་ཉལ། །མལ་དུ་བདེ་བར་ཉལ་ནས་རོལ་མོ་དང ། །གླུ་སྒྲ་སྣ་ཚོགས་དག་གིས་སད་བྱེད་པ། །གྲང་དང་ཚ་བའི་ཆུ་ཡིས་ཕོག་གྱུར་ན། །མདངས་ཅན་ལུས་ནི་ཇི་ལྟར་ནགས་ན་དགའ། །སྔོན་ཆད་རྒྱལ་པོས་གནང་བའི་བཟའ་བཏུང་དང ། །སྟན་དང་བཞོན་དང་ཐེག་མཆོག་ལ་སྤྱོད་པ། །བྱུག་པ་རྒྱན་དང་གོས་ཀྱིས་ཕོངས་བཞིན་དུ། །སུ་ཡི་དབང་གིས་སྡུག་བསྔལ་གྱུར་པར་འཁྱམས། །འཇིག་རྟེན་དང་ཕྲད་སྐྱེ་བོའི་ཚོགས་རྣམས་ཀྱིས། །ཐལ་མོ་རབ་སྦྱར་རྔ་སྒྲ་གླུ་དབྱངས་དག་།ཡིད་དང་རྣར་འོངས་རྣམས་ཀྱིས་ལེགས་མཆོད་པ། །སྐོམ་པས་མངོན་པར་གདུངས་བཞིན་གང་དུ་འཁྱམས། །གཞོན་ནུས་སྨྲས་པ། གཏན་དུ་བདེ་བ་ཡང་ནི་སུ་ཞིག་ཡོད། །གཏན་དུ་སྡུག་བསྔལ་བ་ཡང་སུ་ཞིག་ཡོད། །མི་བདེ་མ་ཐོབ་པ་ཡང་སུ་ཞིག་ཡོད། །ཐོབ་པར་མི་འགྱུར་བ་</font><hr>Da83b<br><font size=+2>


ཡང་སུ་ཞིག་ཡོད། །འགྱུར་བའི་དབང་གིས་མི་རྣམས་བདེ་སྡུག་སྟེ། །རྒྱུ་སྐར་འཁོར་ལོ་མཁའ་ལ་འཁོར་བ་བཞིན། །བདེ་བས་དགའ་མིན་སྡུག་པས་མི་དགའ་མེད། །མི་དབང་རིགས་རྗེས་འགྲོ་བའི་རྟགས་ཡིན་ནོ། །དེས་མ་ལ་དེ་ལྟ་བུ་རྣམ་པ་མང་པོ་ཁོང་དུ་ཆུད་པར་བྱས་ཏེ། ཡུལ་ལྔ་ལེན་གང་ན་བ་དེར་སོང་ངོ ། །དེ་དེར་གྲོང་དང་ཉེ་བར་ཕྱིན་ནས། ལུས་ངལ་བ་དང ། ལུས་བཀྲེས་པས་ཤིང་གི་གྲིབ་མ་ཞིག་ལ་ཉལ་ཞིང་འདུག་གོ་།ཇི་ཙམ་ཞིག་ན་རྒྱལ་པོའི་བྱ་བ་ཅུང་ཟད་ཅིག་གི་ཕྱིར། ལྔ་ལེན་གྱི་བཀྲབས་པ་དག་ཅིག་ཕྱོགས་དེར་འོངས་པ་དང ། བཟའ་བཏུང་གྲིབ་མ་དེ་ལ་ཉལ་ཞིང་འདུག་པ་མཐོང་ནས་སྨྲས་པ། འདི་ལྟ་བུ་གཟུགས་བཟང་བ། བལྟ་ན་སྡུག་པ། མཁྲང་བ། སྲ་བ། ལེགས་པར་འབྲེལ་བ། རོ་སྟོད་ཆེ་བ། དཔུང་པ་རིང་བའི་སྐྱེས་བུ་འདི་སུ་ཞིག་ཅེས། དེ་དག་གིས་དེ་བསླངས་ནས། ཁྱོད་སུ་ཞིག་།སུའི་བུ་ཡིན། ཞེས་དྲིས་པ་དང ། དེས་སྨྲས་པ། བདག་ནི་ལུས་འཕགས་ཀྱི་རྒྱལ་པོ་སྐྱེད་པའི་བུ་བཟའ་བཏུང་ཞེས་བྱ་བ་ཡིན་ནོ། །དགོས་པ་ཅི་ཞིག་གི་ཕྱིར་འོངས། དེས་དེ་རྣམས་ལ་ཇི་ལྟར་གྱུར་པ་སྨྲས་སོ། །དེ་ནས་བཀྲབས་པ་དེ་དག་གིས་རྒྱལ་པོའི་བུ་དེ་སྐྱེས་སུ་ཁྱེར་ནས། ལྔ་ལེན་གྱི་རྒྱལ་པོའི་གན་དུ་སོང་སྟེ། བཟའ་བཏུང་དེ་ལ་ཕུལ་ནས། ལྷ་འདི་རྒྱལ་པོ་སྐྱེད་པའི་བུ་བཟའ་བཏུང་ཞེས་བགྱི་བ་ལགས་ཏེ། ཕས་འདི་ལྟ་བུ་ཞིག་གི་སླད་དུ་བསྐྲད་ནས། འདིར་ཕྱིན་པ་ལགས་སོ། །དེ་ནས་བཟའ་བཏུང་གིས་ཀྱང་ལྔ་ལེན་གྱི་རྒྱལ་པོ་ལ་ཐམས་ཅད་རྒྱས་པར་བསྙད་དོ། །ཡང་</font><hr>Da84a<br><font size=+2>


༄#། །སྨྲས་པ། མི་ཡི་བདག་པོ་སྐྱེད་པ་ནི། །དབང་པོ་འདྲ་བའི་སྲས་འདི་སྟེ། །གཟུགས་ལྡན་ཡོན་ཏན་ཕུན་ཚོགས་པ། །རྒྱལ་སྲིད་ཉམས་ནས་འདིར་མཆིས་སོ། །དེ་ནས་ལྔ་ལེན་གྱི་རྒྱལ་པོས་མགུལ་ནས་འཁྱུད་དེ། དགའ་བར་འགྱུར་བའི་གཏམ་རྣམ་པ་སྣ་ཚོགས་སྨྲས་ནས། དགའ་བ་ཁོང་དུ་ཆུད་པར་བྱས་ཏེ། དེ་ལ་བུ་མོ་དང་ཡུལ་དག་ཀྱང་བྱིན་ནོ། །དེ་ཡང་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། རེ་ཞིག་ན་སྐྱེ་དགུའི་བདག་མོ་དེ་སེམས་ཅན་དང་ལྡན་པར་གྱུར་ཏེ། ཟླ་བ་དགུ་ཚང་བ་དང་ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། ཐོང་ག་སེང་གེ་ལྟར་འདུག་པ། དཔུང་པ་རིང་བ། རོ་སྟོད་སེང་གེ་འདྲ་བ་ཞིག་བཙས་ནས། དེའི་བཙས་སྟོན་རྒྱ་ཆེར་བྱས་ནས། གཞོན་ནུའི་མིང་ཅིར་གདགས་སྙམ་པ་ལས། བདག་གི་མིང་བཟའ་བཏུང་ཡིན་པས། འདི་ནི་བཟའ་བཏུང་མང་པོའོ། །དེ་ནས་གཞོན་ནུ་བཟའ་བཏུང་མང་པོ་མ་མ་བརྒྱད་པོ་ལ་གཏད་པ་དང ། དེ་དག་གིས་བསྐུ་བ་དང ། ཕྱི་བ་དང ། བཀྲུ་བ་དང ། འོ་མ་དང ། སྦྲང་རྩི་དང ། མར་དཀར་རྣམས་ཀྱིས་བསྐྱེད་ནས། གང་གི་ཚེ་ཆེན་པོར་གྱུར་པ་དེའི་ཚེ། ཁྱེའུ་ཡི་གེ་སློབ་པའི་གྲཝར་ཡི་གེ་སློབ་ཏུ་བཏང་ངོ ། །དེའི་ཕ་བཟའ་བཏུང་ནི་ནད་ཀྱིས་བཏབ་ནས། དེས་སྨན་པ་དང ། སྨན་དང ། ནད་གཡོག་རྣམས་ཀྱིས་ཀྱང་གསོ་བར་མ་ནུས་ནས་དུས་ལས་འདས་སོ། །དེ་དུས་ལས་འདས་པ་དང ། རྒྱལ་པོའི་བུ་མོ་</font><hr>Da84b<br><font size=+2>


ཤིན་ཏུ་མྱ་ངན་གྱིས་ཐེབས་ནས་ཆོ་ངེས་བཏབ་སྟེ། སྨྲེ་སྔགས་འདོན་ཏོ། །དེ་ནས་ལྔ་ལེན་གྱི་རྒྱལ་པོས་བསམས་པ། བུད་མེད་ཐམས་ཅད་ཀྱི་བསམ་པ་ནི། ཕལ་ཆེར་སྐྱེས་པ་འདོད་པ་ཡིན་པས། དེ་གཅིག་ལ་སྦྱིན་ནོ་སྙམ་ནས། དེས་དེ་དང ། གཞོན་ནུ་བཟའ་བཏུང་མང་པོ་དང་བཅས་པར་མདུན་ན་འདོན་ལ་བྱིན་ནོ། །དེ་ནས་མདུན་ན་འདོན་དེ་དེ་དང་ལྷན་ཅིག་དགའ་བ་རྒྱ་ཆེན་པོ་ཉམས་སུ་མྱོང་བར་བྱེད་དོ། །རེ་ཞིག་ན་མདུན་ན་འདོན་དེའི་ཁྱིམ་དྲུང་ན། བྱ་གག་གཅིག་སྐད་འབྱིན་པ་ཕྱོགས་དེ་ན་བྲམ་ཟེ་ལྟས་མཁན་ཞིག་འགྲོ་བས་ཐོས་ནས། དེས་མི་གང་གིས་དེའི་ཤ་ཟོས་པ་དེ་རྒྱལ་པོར་འགྱུར་རོ་ཞེས་སྨྲས་པ་དང ། ཚིག་དེ་མདུན་ན་འདོན་གྱིས་ཐོས་ནས། དེས་བྲམ་ཟེ་དེ་ལ་དྲིས་ཏེ། དེ་ནས་མདུན་ན་འདོན་གྱིས་བྱ་གག་བཟུང་ནས་བསད་དེ། ཆུང་མ་ལ་སྨྲས་པ། བྱ་གག་འདི་འཕྲལ་དུ་ཚོས་ཤིག་དང ། ང་རྒྱལ་པོའི་ཕོ་བྲང་ནས་སླར་འོང་ངོ་ཞེས་བྱས་ནས། དེ་རྒྱལ་པོའི་ཕོ་བྲང་དུ་སོང་ངོ ། །ཇི་ཙམ་ན་ཁྱེའུ་བཟའ་བཏུང་མང་པོ་གྲཝ་ནས་བཀྲེས་ཏེ། ཁྱིམ་དུ་འོངས་ན་མ་ཡང་མི་སྣང་ངོ ། །དེ་ནས་དེས་བདག་ཅག་གི་ཅི་དག་བཙོས། ཅི་ཞིག་བཟའ་སྙམ་ནས། རེ་ཞིག་ན་མ་ནི་མི་སྣང་གི་།བལྟས་ན་རྫེའུ་ཞིག་གི་ནང་ན་བྱ་གག་ཅིག་མགོ་གྱེན་དུ་བྱུང་ཞིང་འདུག་པ་མཐོང་ངོ ། །དེ་ནས་དེས་ཀྱང་རྫིའུའི་ནང་དུ་འདུག་བཞིན་དུ་མགོ་བཅད་དེ་ཟོས་སོ། །ཇི་ཙམ་ན་མ་འོངས་ནས། དེ་ལ་མགོ་སུས་ཟོས་ཞེས་དྲིས་པ་དང ། དེས་བདག་གིས་འཆལ་ཏོ་ཞེས་བྱས་པ་དང ། དེ་ནས་ཁྱེའུ་ཟན་བྱིན་ཏེ་གྲཝར་</font><hr>Da85a<br><font size=+2>


༄#། །བཏང་ངོ ། །མདུན་ན་འདོན་ཀྱང་འོངས་ནས། བཟའ་ཞེས་བྱས་པ་དང ། བྱ་གག་གི་མགྲིན་པ་མི་སྣང་ནས། འདིའི་མགྲིན་པ་ག་རེ། ཆུང་མས་སྨྲས་པ། ཁྱེའུས་འཚལ་ཏོ་ཞེས་བྱས་པ་དང ། དེ་ནས་བྱ་གག་གི་ལྷག་མ་ཟོས་ནས། བསམས་པ། ཅི་རེ་ཞིག་བྱ་གག་རིལ་གྱིས་ཟོས་པས་རྒྱལ་པོར་འགྱུར་རམ། འོན་ཏེ་ཡན་ལག་མ་ཚང་བ་ཟོས་པས་ཀྱང་རྒྱལ་པོར་འགྱུར་སྙམ་དུ་ཐེ་ཚོམ་སྐྱེས་ནས། ཐེ་ཚོམ་གཅད་པའི་ཕྱིར་ཐབས་གཞན་ཞིག་གིས་བྲམ་ཟེ་ལྟས་མཁན་དེ་ཉིད་བོས་ཏེ། ཀྱེ་བྲམ་ཟེ་ཆེན་པོ་ཁྱོད་ཀྱིས་སྔར་གང་གིས་བྱ་གག་ཟོས་པ་དེ་རྒྱལ་པོར་འགྱུར་རོ་ཞེས་བྱ་བ་ཅི། ཡན་ལག་མ་ཚང་བ་ཟོས་པ་དེར་འགྱུར་རམ། འོན་ཏེ་རིལ་གྱིས་ཟོས་པས་འགྱུར། དེས་སྨྲས་པ། ཡན་ལག་མ་ཚང་ཡང་གང་གིས་དེའི་མགོ་ཟོས་པ་དེ་རྒྱལ་པོར་འགྱུར་རོ། །ཡང་ན་གང་གིས་དེའི་མགོ་ཟོས་པ་དེ་བསད་དེ། དེའི་མགོ་ཟོས་ན་དེ་ཉིད་རྒྱལ་པོར་འགྱུར་རོ། །དེ་ནས་མདུན་ན་འདོན་གྱིས་བློ་སྐྱེས་པ། གཞོན་ནུ་འདི་བསད་ནས་འདིའི་མགོ་བཟའ་ན། མས་ཤེས་པར་མ་བྱས་ན་ནི། བསད་པའམ། བཟའ་བར་མི་ནུས་པས། རེ་ཞིག་བཏུབ་བམ། མི་བཏུབ་འདི་ཉིད་ཀྱི་མའི་ཉམ་དྲོད་བླང་ངོ་སྙམ་ནས། དེས་སྙན་པའི་ཚིག་རྣམ་པ་དུ་མས་བཞམས་ཏེ། བཟང་མོ་ཅི་ཁྱོས་རྒྱལ་པོ་བྱས་ན་ལེགས་སམ། འོན་ཏེ་བུས་རྒྱལ་པོ་བྱས་ན་ལེགས། ཞེས་སྨྲས་པ་དང ། དེས་ཟུར་དང་སྣོལ་དག་ལས་ལེགས་པར་བརྟགས་</font><hr>Da85b<br><font size=+2>


ཏེ་བསམས་པ། གལ་ཏེ་བུས་རྒྱལ་པོ་བྱས་ན་ལེགས་ཞེས་སྨྲས་ན། འདི་བདག་ལས་གྱེད་པར་འགྱུར་བས། ཅི་ནས་ཀྱང་དེ་དང་མཐུན་པར་སྨྲའོ། །སྙམ་ནས། དེས་ཁྱོས་རྒྱལ་པོ་བྱས་ན་ལེགས་སོ། ། ཞེས་སྨྲས་སོ། །བུད་མེད་དེ་ཡང་མཁས་ཤིང་མཛངས་ལ། སྤྱོད་པ་ཅན་ཞིག་པས། དེས་བསམས་ན། བྱ་གག་གི་མགོའི་ཕྱིར་ཁོན་དུ་བཟུང་ནས། བདག་གི་བུ་བསད་པར་ཆད་པར་འཕྲིགས་ཏེ། ད་ནི་དུས་ལ་བབ་ཀྱི། ཅི་ནས་ཀྱང་བུ་བསྲུང་བ་བྱའོ་སྙམ་ནས། དེ་བུ་ལ་གསང་སྟེ་བུ་ཁྱོད་ཀྱིས་བྱ་གག་གི་མགོ་ཟོས་པ་ནི་མ་ལེགས་པ་ཞིག་བྱས་ཀྱི། ཡུལ་འདི་ནས་མྱུར་དུ་སོང་ཞིག་།སོང་ནས་མེས་པོ་རྒྱལ་པོ་བྱེད་པ་དེ་ན་།ཁྱོད་ཀྱི་རང་གི་སྐྱེ་བོའི་ཚོགས་ཡོད་པ་དེར་བདེ་བར་འདུག་ཅིག་།དེ་སྐད་སྨྲས་པ་དང ། ངེ་བྲོས་ནས་ལུས་འཕགས་སུ་སོང་ངོ ། །དེ་ངལ་ཞིང་བཀྲེས་སྐོམ་པས་ལུས་གཟིར་ཏེ། །གནས་ཀྱི་ཉེ་འཁོར་གྱི་སྐྱེད་མོས་ཚལ་གྱི་ཤིང་ཞིག་གི་དྲུང་དུ་གོས་ཤིག་གཏིང་ནས་ཉལ་ཞིང་འདུག་གོ་།དེའི་ཚེ་རྒྱལ་སྲིད་ལ་མངོན་པར་དགའ་བ་ནད་ཀྱིས་ཐེབས་ནས། སྨན་པ་དང ། སྨན་དང ། ནད་གཡོག་རྣམས་ཀྱིས་གསོ་བར་མ་ནུས་ནས། དེ་ཤི་སྟེ་རྒྱལ་པོ་རབས་ཆད་དོ། །འདི་ནི་རྒྱལ་པོའི་ཆོས་ཉིད་དེ། ཇི་སྲིད་དུ་གཞན་རྒྱལ་པོར་དབང་མ་བསྐུར་བ་དེ་སྲིད་དུ་རྒྱལ་པོའི་རོ་མི་འབྱིན་ཏོ། ། ཅི་ཙམ་ན་བློན་པོ་རྣམས་དང ། རྒྱལ་པོའི་མི་གཞན་དང ། བྲམ་ཟེ་དང ། ལྟས་མཁན་རྣམས་གལ་ཏེ་བསོད་ནམས་ཀྱི་དབང་ཆེར་གྲགས་པའི་སེམས་ཅན་འགའ་ཞིག་རྙེད་ན། དེ་རྒྱལ་སྲིད་ལ་གཞག་</font><hr>Da86a<br><font size=+2>


༄#། །གོ་།ཞེས་ཕན་ཚུན་ཚོལ་ཞིང་སོང་སྟེ། དེ་རྣམས་ཀྱིས་བཙལ་བ་ལས། གྲོང་ཁྱེར་གྱི་ཕྱི་རོལ་ཤིང་དྲུང་ཞིག་ན་ཁྱེའུ་གཞོན་ནུ་གཟུགས་བཟང་བ། བལྟ་ན་སྡུག་པ།་མཛེས་པ། ཐོང་ཁ་སེང་གེ་འདྲ་བ། ཉི་མ་ཡོལ་ཡང་ཤིང་གི་གྲིབ་མ་ཤར་ཕྱོགས་སུ་མི་འཁོར་བར་དེའི་ལུས་མི་གཏོང་བ་ཞིག་ཉལ་ཞིང་འདུག་པ་མཐོང་ངོ ། །དེ་ནས་བློན་པོ་དྲུག་པོ་དེ་རྣམས་ཀྱིས་དེ་མཐོང་ནས་ངོ་མཚར་དུ་འགྱུར་ཏེ་སྨྲས་པ། བདག་ཅག་གིས་བསོད་ནམས་ཀྱི་དབང་ཆེ་བར་གྲགས་པའི་སེམས་ཅན་འདི་ལས་གཞན་བསོད་ནམས་ཀྱི་སྟོབས་དང་ལྡན་པ་མ་མཐོང་ངོ ། །ཡང་འདི་ནི་གཟུགས་བཟང་པ། བལྟ་ན་སྡུག་པ། མཛེས་པ། མཚན་དང་ལྡན་པ་ཞིག་པས། འདི་ནི་རྒྱལ་སྲིད་ལ་གཞག་པར་འོས་སོ། །ཞེས་གཅིག་ཏུ་ངེས་པར་བྱས་ནས།་བུ། ལོངས། ལོངས། ཞེས་བསླང་ངོ ། །དེ་ཡང་ལངས་ཏེ་དྲིས་པ། ང་བསླངས་ཏེ་ཅི་བྱ། དེ་དག་གིས་སྨྲས་པ། རྒྱལ་པོར་གཞུག་གོ་།དེས་སྨྲས་པ། རྒྱལ་པོ་ཉལ་བ་དེ་ལྟར་བསླང་ངམ། བློན་པོ་རྣམས་ཀྱིས་སྨྲས་པ། འོ་ན་ཇི་ལྟར་བསླང ། གཞོན་ནུས་སྨྲས་པ། གླུ་དང ། སིལ་སྙན་དང ། རོལ་མོའི་སྒྲ་མི་དྲག་པས་བསླང་མོད། དེ་རྣམས་ཀྱིས་དེ་ཐོས་པ་དང ། འདི་སྙམ་དུ་འདི་ནི་རིགས་དམའ་བ་ལས་བྱུང་བ་མ་ཡིན་གྱི། འདི་ངེས་པར་རིགས་མཐོན་པོ་ལས་སྐྱེས་པ་ཡིན་ནོ། །སྙམ་ནས། དེ་དག་གིས་དྲིས་པ། ཁྱོད་སུ་ཞིག་།སུའི་བུ་ཡིན། དེ་ནས་ཁྱེའུ་</font><hr>Da86b<br><font size=+2>


གཞོན་ནུ་དེས་ཀྱང་སེང་གེ་བཞིན་དུ་བསྒྱིངས་ནས་རང་གི་རིགས་སྨྲས་པ། ལུས་འཕགས་ཀྱི་རྒྱལ་པོ་སྐྱེད་པ་ཞེས་བྱ་བ་དེའི་བུ་ནི་བཟའ་བཏུང་ངོ ། །བཟའ་བཏུང་དེའི་བུ་ནི་བཟའ་བཏུང་མང་པོ་ཞེས་བྱ་སྟེ་ང་ཡིན་ནོ། །དེ་ནས་བློན་པོ་དྲུག་པོ་རྣམས་འཛུམ་ཕྱུང་ནས། བདག་ཅག་གིས་ནི་བདག་ཅག་ཉིད་ཀྱི་གཞོན་ནུ་རྙེད་དོ། །ཞེས་སྨྲས་སོ། །དེ་ནས་གནས་དེ་ཉིད་ནས་སྐྱེ་བོའི་ཚོགས་ཆེན་པོས་ཡོངས་སུ་བསྐོར་ཅིང ། གླུ་དང ། སིལ་སྙན་དང ། རོལ་མོའི་སྒྲ་དང ། ཤིས་པར་བརྗོད་པ་ལ་སོགས་པས་མདུན་དུ་དྲངས་ཏེ། གྲོང་ཁྱེར་དུ་བཅུག་ནས་རྒྱལ་པོར་དབང་བསྐུར་རོ། །གང་གི་ཕྱིར་འདིས་རྒྱལ་པོའི་བརྒྱུད་ཆད་པ་བསབས་པ་དེའི་ཕྱིར། མིང་སྐྱེད་པ་ཁོ་ནར་བཏགས་ནས། དེའི་མིང་བཟའ་བཏུང་མང་པོ་ཞེས་བྱ་བ་གང་ཡིན་པ་དེ་མེད་པར་གྱུར་ཏོ། །དེ་ནས་དེ་རྒྱལ་སྲིད་བྱེད་དུ་བཅུག་པ་ན། བྱིས་པའོ་སྙམ་ནས། བློན་པོ་རྣམས་ཀྱིས་དེ་ཁྱད་དུ་བསད་དེ། དེ་ལ་དབང་ཅུང་ཟད་ཀྱང་མེད་དོ། །དེ་ནས་དུས་གཞན་ཞིག་ན། རྒྱལ་པོ་བཟའ་བཏུང་མང་པོ་ཡུལ་བལྟར་སོང་སྟེ། དེས་གྲོང་དང ། གྲོང་ཁྱེར་དང ། ཚོང་དུས་རྣམས་བལྟས་ནས་གྲོང་དང་གྲོང་ཁྱེར་དང ། རི་བོར་པ་འདི་རྣམས་སུའི་ཡིན་ཞེས་དྲིས་པ་དང ། དེ་དག་གིས་བློན་པོ་དྲུག་ཁོ་ནའི་ལགས་སོ། །ཞེས་སྨྲས་པ་དང ། དེ་གཅིག་པུས་བསམས་པ། གྲོང་དང་གྲོང་ཁྱེར་དང ། རི་བོར་པ་འདི་སུའི་ཡིན། །ཞེས་དེ་སྐད་དུ་གང་དང་གང་ལ་དྲིས་པ་དེ་དག་ཐམས་ཅད་དེ་སྐད་ཟེར་བས། བདག་ལྟ་ཞིག་བཟའ་བ་དང ། བགོ་བ་ཙམ་ལ་</font><hr>Da87a<br><font size=+2>


༄#། །དབང་ཕྱུག་བྱེད་ཀྱི། གཞན་ཅི་ལ་ཡང་མ་ཡིན་ནོ། །སྙམ་དུ་རང་གིས་རིག་ནས། དེ་སེམས་ཁོང་གི་རྒྱ་མཚོར་ཆུད་ནས་འདི་ཇི་ལྟར་བྱ་ཞེས་སེམས་སོ། །དེ་དེ་ལྟར་སེམས་པ་ན། ལྷ་ཞིག་གིས་རྒྱལ་པོ་མི་དགའ་བར་མ་བྱེད་ཅིག་།འདི་ལྟར་ཁྱོད་ཉིད་ཀྱི་ཡུལ་ན། རི་བོར་གང་པོའི་མཚན་ཞེས་བྱ་བ་དེ་ན། སྣ་ལ་གཏོགས་པ་གང་པོ་ཞེས་བྱ་བ་དེ་ལ། བུ་སྨན་ཆེན་པོ་ཞེས་བྱ་བ་ཞིག་ཡོད་པར་འགྱུར་གྱི། དེ་ཁྱོད་ཀྱི་བློན་པོར་ཆུག་ཅིག་དང ། དེས་ཡུལ་བདག་གིར་བྱས་ནས་ཁྱོད་ལ་འབུལ་བས། ཁྱོད་ལ་ཕན་པ་དང ། བདེ་བ་དང ། འདོད་པ་དང་ལྡན་པར་འགྱུར་རོ། །ཞེས་བསྒོའོ། །དེ་ནས་བཟའ་བཏུང་མང་པོས་མི་དག་མངགས་ཏེ། རི་བོར་གང་པོའི་མཚན་དེ་ན་སྣ་ལ་གཏོགས་པ་གང་པོ་ཞེས་བྱ་བ་དེ་ཚོལ་ཏོ། །གལ་ཏེ་རྙེད་དང ། དེའི་ཆུང་མ་ལ་བུ་ཡོད་དམ། མེད་རྟོགས་ཤིག་ཅེས་བསྒོའོ། །དེ་དག་སོང་སྟེ་མཐོང་ནས་དྲིས་ན། དེས་བདག་གི་ཆུང་མ་ལ་བུ་ཡོད་དོ་ཞེས་སྨྲས་པ་དང ། དེ་དག་སླར་འོངས་ནས་རྒྱལ་པོ་ལ་གསོལ་པ། རྒྱལ་པོ་སྣ་ལ་གཏོགས་པ་དེ་མཆིས་ཏེ། དེའི་མཆིས་བྲང་ཡང་སྦྲུམ་ལགས་སོ། །དེ་ནས་རྒྱལ་པོས་ཡི་གེ་སྤྲིང་སྟེ། གང་པོ་བཀུག་ནས་བཤེས་པའི་ཚིག་གིས། དེ་ལ་རི་བོར་དེ་བྱིན་ནས་འདིས་རང་གི་བུ་མའི་ལྟོ་ན་འདུག་པ་དེ་དེང་ཕྱིན་ཆད་ཡོངས་སུ་སྐྱོངས་ལ། ཅི་ནས་ཀྱང་དེ་ཡན་ལག་གང་ཡང་ཉམས་པར་མི་འགྱུར་བ་དེ་ལྟར་གྱིས་ཤིག་།ཅེས་བསྒོའོ། །དེ་</font><hr>Da87b<br><font size=+2>


ནས་དེ་ཟླ་བ་དགུ་ཚང་བ་དང ། ཁྱེའུ་གཟུགས་བཟང་བ། མཛེས་པ་བལྟ་ན་སྡུག་པ་ཞིག་བཙས་ནས། ཅི་འབྱོར་པའི་བཙས་སྟོན་རྒྱ་ཆེར་བྱས་ཏེ། ཁྱེའུ་འདིའི་མིང་ཅིར་གདགས་ཞེས་བྱས་ན། དེའི་མས་སྨྲས་པ། བདག་འདི་ལྟ་ཡུན་རིང་དུ་ནད་བུ་ཅན་དུ་གྱུར་ཏེ། སྨན་པ་དང ། སྨན་དང ། ནད་གཡོག་རྣམས་ཀྱིས་ནད་ཞི་བར་བྱ་མ་ནུས་པ་ལས། གང་གི་ཚེ་ཁྱེའུ་འདི་ལྟོར་ཞུགས་པ་དེ་ཉིད་ནས་ནད་ཞི་བར་གྱུར་པས། དེས་ན་འདིའི་མིང་སྨན་ཆེན་པོར་གདགས་སོ། །སྨྲས་པ། སྨན་རྣམས་ཀུན་གྱི་ནང་ན་ནི། །བདག་གི་བུ་ནི་སྨན་ཆེན་པོ། །འདི་ནི་སྨན་པས་ལྷག་པའི་སྨན། དེ་ལྟས་འདིའི་མིང་སྨན་ཡིན་ནོ། །དེ་ནས་སྨན་ཆེན་པོ་ཕའི་ཕྲག་པ་ལ་ཞོན་ཏེ། ཁྲུས་བྱ་བའི་ཕྱིར་སྲང་གི་དབུས་ནས་རྫིང་བུར་ཁྱེར་ཏེ་སོང་བ་ལས། རེ་ཞིག་ན་སའི་སྟེང་ན་ཉའི་དུམ་བུ་ཞིག་འདུག་པ་མཐོང་ནས། དེས་དེ་ལ་རིན་པོ་ཆེ་ཡིན་ནོ་སྙམ་ནས། དེའི་རྐང་པའི་མཐེ་བོས་ས་སྟེང་ནས་བླང་བར་བརྩམས་པ་དང ། ཇི་ཙམ་ན་སྨན་ཆེན་པོས་སྨྲས་པ། ཕ་གཅིག་གང་པོ་རིན་ཆེན་ལྷུང་སྙམ་སྟེ། །ལས་བཏང་མིག་མི་འཛུམ་པར་ཉ་དུམ་ལ། །རྟོག་ཅིང་དེ་ནས་རིན་ཆེན་ཡིན་པར་སེམས། །ཕ་གཅིག་གང་པོ་རྟོགས་ཤིག་རིན་ཆེན་མིན། །ཉ་དུམ་དམར་པོ་རྐང་གིས་འདྲིལ་བར་ཟད། །རྣམ་ཐོས་བུ་དེ་བག་མེད་སྤྱོད་མ་ཡིན། །དེ་ནས་དེ་རྫིང་དུ་སོང་ནས་གང་པོས་སྨན་ཆེན་པོ་དང ། གོས་རྫིང་འགྲམ་དུ་བཞག་སྟེ། ཁྲུས་བྱ་བའི་ཕྱིར་ཆུར་ཞུགས་པ་ན། པདྨའི་སྟེང་ན་ཆུ་སྐྱར་ཞིག་འདུག་པ་དང ། དེས་</font><hr>Da88a<br><font size=+2>


༄#། །ཆུ་སྐྱར་དེ་བཟུང་ངོ་སྙམ་ནས་དེ་དེའི་དྲུང་དུ་སོང་བ་དང ། དེ་ཡང་དེ་ནས་འཕུར་ཏོ། །དེ་ནས་སྨན་ཆེན་པོས་སྨྲས་པ། པདྨའི་སྟེང་ནས་ཆུ་སྐྱར་འཕུར། །ཆུ་སྐྱར་འཕུར་བས་པདྨ་ལྷགས། །པདྨའི་སྟེང་ནས་ཆུ་སྐྱར་མོ། །འཕུར་བ་རེ་ཞིག་ཕ་གཅིག་གཟིགས། །དེ་ནས་ཡང་དུས་ཕྱི་ཞིག་ན། དེས་སྨན་ཆེན་པོ་ཕྲག་པ་ལ་ཁྱེར་ནས་ཆུ་བོ་གངྒཱར་ཁྲུས་བྱེད་དུ་སོང་སྟེ། དེས་དེ་དང་གོས་ཆུ་འགྲམ་དུ་བཞག་ནས་ཆུར་ཞུགས་ཏེ། ཁྲུས་བྱེད་པ་ན། ཁར་གཞོང་ཞིག་ཆུ་བོས་ཁྱེར་བ་དེའི་སྟེང་ན་ངང་མོ་ཞིག་འདུག་པ་མཐོང་ངོ ། །དེ་མཐོང་ནས་སྨན་ཆེན་པོས་སྨྲས་པ། ཆུ་བོ་གངྒཱས་ཁར་གཞོང་ཁྱེར། །ཁར་གཞོང་དེ་སྟེང་ངང་མོ་འདུག་།ཁར་གཞོང་ངང་མོ་ལྷན་ཅིག་ཏུ། །གངྒཱས་ཁྱེར་བ་ཕ་གཅིག་གཟིགས། །ཇི་ཙམ་དུ་དུས་གཞན་ཞིག་ན་ཡང་ཁྲུས་བྱེད་ཅིང ། སྨན་ཆེན་པོ་ཆུ་འགྲམ་དུ་བཞག་པ་དང ། རེ་ཞིག་ན་ཆུ་བོ་གངྒཱའི་རྒྱུན་ཕྱོགས་སུ་བུམ་པ་ཞིག་ཁྱེར་བ་དེའི་སྟེང་ན། ཆུ་སྲེག་ཞིག་འདུག་པ་དེ་མཐོང་ནས།་སྨན་ཆེན་པོས་ཕ་ལ་སྨྲས་པ། ཆུ་བོ་གངྒཱས་བུམ་པ་ཁྱེར། །དེ་ཡི་སྟེང་ན་ཆུ་སྲེག་འདུག་།རེ་ཞིག་ཕ་གཅིག་བུམ་པ་ནི། །ཆུ་སྲེག་གངྒཱ་བཅས་ཏེ་གཟིགས། །ཇི་ཙམ་དུ་དུས་གཞན་ཞིག་ན་ཡང་ཁྲུས་བྱེད་པར་འདོད་ནས། ཆུ་བོ་གངྒཱར་སོང་སྟེ། དེས་སྨན་ཆེན་པོ་ཆུ་འགྲམ་དུ་བཞག་ནས། དེར་ཁྲུས་བྱེད་པ་ལ་ཞུགས་པ་དང ། རེ་ཞིག་ན་ཆུ་བོ་གངྒཱའི་རྒྱུན་ཕྱོགས་</font><hr>Da88b<br><font size=+2>


སུ་ལུག་ཐུག་ཅིག་ཁྱེར་བ་དེའི་སྟེང་ན་བྱ་དཀར་ཞིག་འདུག་པ་མཐོང་ངོ ། །དེ་ནས་དེ་སྨན་ཆེན་པོས་མཐོང་ནས་སྨྲས་པ། ཆུ་བོ་གངྒཱས་ལུག་ཐུག་ཁྱེར། །དེ་བཞིན་དེ་སྟེང་བྱ་དཀར་འདུག་།ལུག་ཐུག་བྱ་དཀར་ལྷན་ཅིག་ཏུ། །གངྒཱས་ཁྱེར་བ་ཡབ་གཅིག་གཟིགས། །དེ་ནས་སྨན་ཆེན་པོ་དེ་ན་བྱིས་པ་རྣམས་དང་ལྷན་ཅིག་རྩེ་བ་ལས་རེ་ཞིག་ན། བྱིས་པ་དེ་དག་འདུས་ནས། ད་རྒྱལ་པོར་བཅུག་གོ་།དེས་ཀྱང་ཁ་ཅིག་བློན་པོར་བཅུག་ནས། དེ་དེ་དག་དང་ལྷན་ཅིག་རྩེ་ཞིང་འདུག་གོ་།ཇི་ཙམ་ན་བྲམ་ཟེ་རྒན་པོ་ཞིག་ཆུང་མ་གཞོན་ནུ་དར་ལ་བབ་པ་ཞིག་དང ། ཁྱོ་ཤུག་ལྷན་ཅིག་ཏུ་ལམ་དུ་ཞུགས་ནས་ཡུལ་གཞན་དུ་འགྲོ་བ་ལས། རེ་ཞིག་ན་བྲམ་ཟེ་བཤང་གཅིའི་སར་སོང་ངོ ། །དེ་ནས་གཡོན་ཅན་ཕོ་ཞིག་གིས་འཕྲིགས་ནས། བུད་མེད་དེའི་དྲུང་དུ་སོང་སྟེ་སྨྲས་པ། བཟང་མོ་ཁྱོད་ཀྱི་ཕ་དེ་གར་སོང ། བུད་མེད་ཀྱིས་སྨྲས་པ། གང་ཞིག་།དེ་ནས་གཡོན་ཅན་གྱིས་སྨྲས་པ། དེས་མེས་པོ་ཡིན་པ་ལྟ་ཞིག་།སྨྲས་པ། འདི་ཅི་ཟེར་བ་ཞིག་།དེ་ནས་གཡོན་ཅན་གྱིས་སྨྲས་པ། དེ་ཁྱོད་ཀྱི་མེས་པོ་ཡིན་པ་ལྟ་ཞིག་།བུད་མེད་ཀྱིས་སྨྲས་པ། ངའི་ཕ་ཡང་མ་ཡིན། མེས་པོ་ཡང་མ་ཡིན། ཡང་མེས་ཀྱང་མ་ཡིན་གྱི། དེ་ནི་ངའི་ཁྱོ་ཡིན་ནོ། །དེ་ནས་གཡོན་ཅན་གྱིས་ཅུང་ཟད་ཅིག་བགད་དེ་སྨྲས་པ། བླུན་མོ་ཁྱོད་གྲོགས་མའམ། ངོ་ཚ་ཤེས་པ་གཞན་གྱི་དྲུང་དུ་འདི་ལྟ་བུ་ངའི་ཁྱོ་ཡིན་ནོ་ཞེས་སྨྲ་བ་ངོ་མི་ཚའམ། ས་སྐལ་བ་ལྡན་པ་འདིའི་སྟེང་ན་སྐྱེས་བུ་ལྷའི་གཟུགས་འདྲ་</font><hr>Da89a<br><font size=+2>


༄#། །བས་རབ་ཏུ་གང་བ་ཁྱོད་ཀྱིས་མ་མཐོང་ངམ། འདི་ལྟ་བུའི་གཟུགས་མཛེས་པ་ཆུད་ཟོས་སོ། །ངས་ཁྱོད་ཀྱི་ཁྱོ་བྱས། ཚུར་བདག་ཅག་དང་ལྷན་ཅིག་འདོང ། གལ་ཏེ་ཁྱོད་ཀྱི་ཕྱིར་བྲམ་ཟེ་རྒན་པོ་དང ། ང་འཐབ་མོ་བྱུང་བ་དང ། དེར་ཡང་ཁྱོད་ཀྱིས་སྐྱེ་བོའི་ཚོགས་ཆེན་པོ་ལ་ངའི་ཁྱོ་འདི་ཡིན་ནོ་ཞེས་ང་ཁྱོ་ཡིན་པར་ཕྱེ་ཞིག་ཅེས་བྱས་པ་དང ། དེ་དང་གཡོན་ཅན་འགྲོགས་ཏེ་སོང་ངོ ། །བྲམ་ཟེ་ཡང་བཤང་གཅི་དང་བཀྲུ་བཤལ་བྱས་ནས་ལངས་པ་དང ། དེས་དེ་མ་མཐོང་ངོ ། །རེ་ཞིག་ན་སྒང་བུ་མཐོན་པོ་ཞིག་གི་སྟེང་དུ་འཛེགས་ནས་བལྟས་ན། སྐྱེས་པ་གཞན་ཞིག་དང་འགྲོགས་ཏེ་སོང་བ་མཐོང་ནས། བྲམ་ཟེ་དེས་བརྒྱུགས་ཏེ་ལག་པ་ཡ་གཅིག་གིས་བཟུང་ངོ ། །གཡོན་ཅན་གྱིས་ཀྱང་ལག་པ་ཡ་གཅིག་ནས་བཟུང་བ་དང ། དེ་ནས་བྲམ་ཟེས་སྨྲས་པ། ངའི་ཆུང་མ་ཅིའི་ཕྱིར་དབྲོག་།གཡོན་ཅན་གྱིས་སྨྲས་པ། འདི་ངའི་ཆུང་མ་ཡིན་ན། ཀྱེ་མ་ཁྱོད་རེ་འོ་རྒྱལ། བྲམ་ཟེས་ཀྱང་ངའི་ཡིན་ནོ་ཞེས་སྨྲས་ནས། དེ་གཉིས་ལམ་ཀར་འཐབ་མོ་བྱུང་སྟེ། ཕར་དྲངས། ཚུར་དྲངས་པ་དང ། གཡོན་ཅན་དེ་དར་ལ་བབ་པས་སྟོབས་ཆེ་ནས། བྲམ་ཟེ་ལས་དྲངས་ཏེ་ཕྲོགས་སོ། །དེ་ནས་བྲམ་ཟེ་བཅོམ་པས་འབྲོག་དེར་བྲམ་ཟེར་མ་བྱས་ཀྱི། ར་མདའ་ལོག་ཅེས་བྱས་སོ། །དེའི་ཚེ་སྨན་ཆེན་པོ་བྱིས་པ་རྣམས་དང་ལྷན་ཅིག་དགོན་པ་ན་རྩེ་ཞིང་འདུག་པ་ལས། བྲམ་ཟེར་མ་བྱས་སོ་ཞེས་བྱ་བ་དེ་ཡང་བྱིས་པ་</font><hr>Da89b<br><font size=+2>


དག་གིས་ཐོས་སོ། །དེ་ནས་བྱིས་པ་དེ་དག་གིས་དེ་ལ་སྨྲས་པ། ཀྱེ་སྨན་ཆེན་པོ་ཁྱོད་ཅིག་ན་རེ། ང་རྒྱལ་པོའོ་ཞེ་ན། བྲམ་ཟེ་ཕ་བི་བྲམ་ཟེར་མ་བྱས་སོ་ཞེས་འབོད་ན། དེ་ཅིའི་ཕྱིར་འཇིགས་པ་ལས་མི་བསྐྱབ། དེ་ནས་དེས་བྱིས་པ་རྣམས་ལ་སོང་སྟེ་ཁྲིད་ལ་ཤོག་ཅེས་བཀྱེ་བ་དང ། བྱིས་པ་དེ་དག་གིས་དེ་ཀུན་ཁྲིད་དེ་འོངས་སོ། །འདི་ཅི་ཞིག་ཅེས་དྲིས་པ་དང ། བྲམ་ཟེས་སྨྲས་པ། བདག་གྲོགས་མ་མཆིས་ཤིང་ཉམ་ཆུང་བའི་ཆུང་མ་གཡོན་ཅན་སྟོབས་པོ་ཆེ་འདིས་ཕྲོགས་སོ། །གཡོན་ཅན་གྱིས་སྨྲས་པ། འདི་རྫུན་མཆི་སྟེ། འདི་ནི་བདག་གི་ཆུང་མ་ལགས་སོ། །བུད་མེད་དེས་ཀྱང་བདག་གི་ཁྱོ་འདི་ལགས་སོ། །ཞེས་གཡོན་ཅན་དེ་ཉིད་ཡིན་པར་ཕྱེའོ། །དེ་ནས་སྨན་ཆེན་པོས་བྲམ་ཟེ་དེ་མ་འོས་པར་ཡི་ཆད་པར་ཤེས་ནས། བགམ་པར་བྱའོ་སྙམ་ནས། ཀྱེ་ནང་རྗེ། ཁྱོད་ད་གཟོད་བུད་མེད་འདི་དང་འགྲོགས་ཏེ་གང་ནས་འོངས། གཡོན་ཅན་གྱིས་སྨྲས་པ། གྱོས་པོའི་ཁྱིམ་ནས་མཆིས་སོ། །དེར་ཅི་དག་ཟོས་སམ། འཐུངས། དེས་སྨྲས་པ། ཤ་དང ། སྣུམ་འཁུར་དང ། བེང་ཏང་དང ། ཆང་དག་འཚལ་ཏོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སོ་གསུམ་པ། སྨན་ཆེན་པོས་སྨྲས་པ། གལ་ཏེ་དེ་ལྟ་ན་སྐྱུགས་ཤིག་དང ། བདེན་ནམ་རྫུན་བལྟའོ་ཞེས་སྨྲས་པ་དང།་ངེས་མཛུབ་མོ་ཁར་བཅུག་སྟེ་སྐྱུགས་པ་ན་ཁ་ཟས་དེ་ལྟ་བུ་ཅང་མ་བྱུང་ངོ ། །བྲམ་ཟེ་དེ་ལ་གང་ནས་འོངས་ཞེས་དྲིས་པ། བྲམ་ཟེ་དེས་གྱོས་པོའི་ཁྱིམ་ནས་མཆིས་སོ་ཞེས་སྨྲས་སོ། །དེར་ཅི་ཟོས། </font><hr>Da90a<br><font size=+2>


༄#། །དེར་དར་བ་དང ། ཟན་དང ། ལ་ཕུག་དང ། ནས་ཀྱི་འཁུར་བ་རྣམས་ཟོས་སོ་ཞེས་སྨྲས་སོ། །དེས་སྐྱུགས་ཤིག་ཅེས་བསྒོ་བ་དང ། དེས་སྐྱུགས་པ་དང ། ཅི་ཟོས་ཅི་འཐུངས་པ་མངོན་དུ་བྱུང་ངོ ། །དེ་ལྟར་གྱུར་ནས་སྨན་ཆེན་པོས་སྐྱེས་པ་གཡོན་ཅན་འདིས་ནི་གཞོན་ནུ་མ་བསླུས་ཏེ། བྲམ་ཟེའི་ཆུང་མ་ཕྲོགས་སོ་སྙམ་བསམས་ནས། གཡོན་ཅན་དེ་དབྱུག་པ་དང ། ཁུ་ཚུར་གྱིས་བརྡེགས་ནས། མི་ནུབ་པའི་དོང་བརྐོས་ཏེ་མགྲིན་པ་མན་ཆད་ས་དོང་དུ་བཅུག་ནས། རྨ་བྱའི་མཁྲིས་པས་དཔྲལ་བར་བྲིས་ཏེ། གང་སུ་ཡང་རུང་བུད་མེད་ལ་འདི་བཞིན་དུ་རྐུ་ན། སྨན་ཆེན་པོས་འདི་ལྟ་བུའི་ཆད་པས་བཅད་དོ། །གང་གིས་བུད་མེད་བརྐུས་པ་བཞིན་དུ། རྒྱས་པར་བྱིས་པ་རྐུ་བ་དང ། གླང་རྐུ་བ་དང ། ལ་བ་རྐུ་བ་དང ། སྐུད་པ་རྐུ་བ་ལ་སོགས་པ་འདི་ལྟ་བུ་ལྔ་བརྒྱ་བཟུང་ནས། དབྱུག་པ་དང ། ཁུ་ཚུར་གྱིས་བརྡེགས་ཏེ། མགྲིན་པ་མན་ཆད་ས་དོང་དུ་བཅུག་ནས། དཔྲལ་བར་རྨ་བྱའི་མཁྲིས་པས་དེ་རྣམས་ཀྱི་མིང་དང ། གཞན་གང་ཡང་རུང་རྐུན་པོ་བྱེད་པ་ཐམས་ཅད། སྨན་ཆེན་པོས་འདི་ལྟར་ཆད་པས་གཅད་ཅེས་བྲིས་སོ། །དེ་ནས་བློན་པོ་དྲུག་གིས་ཡུལ་ས་མངོན་དུ་ཟོས་པར་རྒྱལ་པོས་མཐོང་ནས་འདི་སྙམ་དུ་བློ་སྐྱེས་སོ། །སྨན་ཆེན་པོ་དེ་ད་ལྟར་ཅི་འདྲ་བར་འདུག་པ་ལྟད་མོ་བལྟའོ་སྙམ་ནས། བློན་པོ་རྣམས་ལ་ང་ནི་རི་དྭགས་ཤོར་དུ་འགྲོའོ་ཞེས་བྱས་ལ། རི་བྲགས་ཀྱི་གྲོང་རྡལ་དུ་བལྟའོ་སྙམ་ནས། རི་</font><hr>Da90b<br><font size=+2>


དྭགས་ཤོར་དུ་འགྲོ་བ་ལྟར་བྱས་ཏེ། འཁོར་མང་པོ་འདུས་པ་དང ། རི་བྲགས་ཀྱི་གྲོང་རྡལ་ལོགས་སུ་ཆས་པ་དང ། གཡོན་ཅན་ལྔ་བརྒྱ་སའི་དོང་དུ་བཅུག་པས་རྒྱལ་པོ་དེ་མཐོང་ནས། མང་པོ་ཀུན་གྱིས་རྒྱལ་པོ་ཞེས་བོས་སོ། །རྒྱལ་པོས་སྒྲ་དེ་ཐོས་ནས། མི་མི་སྣང་ནས་ཀུན་ཏུ་བལྟས་ཀྱང ། དེར་སྐད་ཀྱི་སྒྲ་གྲགས་ནས། དེ་ལ་གཡོན་ཅན་གཅིག་གིས་མཐོང་ནས། རྒྱལ་པོ་ལ་བཟླས་ཏེ། རྒྱལ་པོས་བལྟས་པ་དང ། དཔྲལ་བ་ལ་རྨ་བྱའི་མཁྲིས་པས་བྲིས་པ་བཀླགས་པ་ན། གང་བུད་མེད་རྐུ་བ་དང ། བྱིས་པ་རྐུ་བ་དང ། གླང་རྐུ་བ་དང ། ལ་བ་རྐུ་བ་ལ་སོགས་པ་རྣམས་སྨན་ཆེན་པོས་འདི་ལྟ་བུའི་ཆད་པས་གཅད་དོ་ཞེས་བྲིས་སོ། །སྨན་ཆེན་པོ་ལ་སོགས་པ་བྱིས་པ་དེ་རྣམས་རྒྱལ་པོ་མཐོང་ནས། ཀུན་ཏུ་བྲོས་སོ། །དེ་ནས་རྒྱལ་པོ་དེས་དེའི་ལས་བྱས་པ་མཐོང་ནས། སེམས་དགའ་མགུ་སྟེ། བྱིས་པ་ཡིན་མོད་ཀྱི་འདི་ལྟ་བུའི་བྱེད་པ་ལ་བལྟས་ན། འདི་དག་ཉེས་པ་ནི་མ་ཡིན་ནོ། །སྙམ་བསམས་ནས་རྒྱལ་པོས་དེ་དག་ཕྱུང་སྟེ་བཀྱེའོ། །པུརྞ་ཀཙྪ་ན་གང་པོས་རྒྱལ་པོ་དེར་ཕྱིན་པ་མཐོང་ནས། བུམ་པ་ཆུས་བཀང་པ་དང ། གདུགས་དང ། བ་དན་དང ། རྒྱལ་མཚན་ལ་སོགས་པས་བསུ་བ་དང ། རྒྱལ་པོས་ཀྱང་མ་འཇིགས་ཤིག་།ཅེས་བྱས་ནས། གང་པོ་ལ་ཁྱོད་ཀྱི་བུ་བལྟ་ཡི། ཁྲིད་དེ་ཤོག་ཅེས་སྨྲས་པ་དང ། གང་པོས། ལྷ་བྱིས་པ་ཆུང་ཆེས་པས་ན། དེ་ལྷའི་སྤྱན་སྔར་མི་དགུག་གོ་ཞེས་གསོལ་ཏོ། །རྒྱལ་པོས་ཡང་ཁྲིད་དེ་ཤོག་ཅེས་སྨྲས་པ་དང ། དེ་ནས་</font><hr>Da91a<br><font size=+2>


༄#། །ཕས་ཁྲིད་དེ་འོང་བ་དང ། རྒྱལ་པོས་བལྟས་ན། གཟུགས་ལེགས་ཤིང་བལྟ་ན་སྡུག་པ་དང ། བཟང་བ་དང ། དཔའ་བོ་ཞིག་ན། བྱིས་པ་དེ། ཤེད་མ་རྫོགས་ནས་དེའི་ཕ་ལ་རྣམ་པ་དུ་མར་བསྒོ་ཞིང་གཏད་ནས་སླར་ཆས་སོ། །དུས་ཕྱི་ཞིག་ན། རྒྱལ་པོས་སྨན་ཆེན་པོ་དེ་བློ་ཅི་བདོག་པ་བགམ་ན། ཅི་འདྲི་བར་བྱ་ཞེས་བསམས་ནས། རྒྱལ་པོ་སྐྱེད་པས་པུརྞ་ཀཙྪའི་རི་བྲགས་ཀྱི་གྲོང་རྡལ་དུ་གྲོང་དཔོན་གང་པོ་ལ་ཕོ་ཉ་བཏང་ནས། བྱེ་མ་ལས་བྱས་པའི་ཐག་པ་ཁྲུ་བརྒྱ་པ་གཅིག་འདིར་སྐུར་ཅིག་ཅེས་སྤྲིང་སྟེ། ཕོ་ཉ་དེ་སོང་ནས་རི་བྲགས་ཀྱི་གྲོང་རྡལ་དུ་སོང་སྟེ། གང་པོའི་དྲུང་དུ་ཕྱིན་ནས། རྒྱལ་པོས་བཀའ་སྩལ་པ། བྱེ་མ་ལས་བྱས་པའི་ཐག་པ་ཁྲུ་བརྒྱ་པ་གཅིག་སྐུར་ཅིག་ཅེས་བྱས་པ་དང ། གྲོང་དཔོན་གང་པོས་དེ་ཐོས་ནས། རབ་ཏུ་སེམས་ཤིང ། མི་དགའ། སྡངས་སྐྲག་སྟེ། བདག་འདི་ཙམ་དུ་སྐྱེས་ནས་མ་མཐོང ། མ་ཐོས་པའི་ཀླན་ཀ་ཞིག་བདག་ལ་ཚོལ་ལོ། །ཞེས་སྨྲས་ཏེ། ཤིན་ཏུ་མི་དགའ་བ་དང ། གང་པོ་ལ་སྨན་ཆེན་པོས་ཕ་ཅི་ཉེས་ཏེ་མི་དགའ། ཞེས་སྨྲས་པ་དང ། ཕས། བུ་བདག་གིས་ཚེ་རབས་ཀྱང་མ་ཐོས་མ་མཐོང་བ་རྒྱལ་པོས་ཕབ་ན། ཅིའི་ཐབས་ཞིག་གིས་ཆད་པས་གཅོད་པར་བྱེད་དམ་མི་ཤེས་སོ། །ཞེས་སྨྲས་པ་དང ། དེ་ནས་སྨན་ཆེན་པོས་སྨྲས་པ། མི་དེ་བདག་དང་སྤྲོད་ཅིག་དང ། རྒྱལ་པོ་སྐྱེད་པ་ལ་ལན་བདག་གིས་སྤྲིང་ངོ ། །ཞེས་བྱས་པ་དང ། ཕས་ཕོ་ཉ་དང་སྤྲད་པ་དང ། སྨན་ཆེན་པོས། ཕོ་ཉ་ལ་བདག་གིས་གསོལ་</font><hr>Da91b<br><font size=+2>


པ་འདི་རྒྱལ་པོ་ལ་མ་བརྗེད་པར་གྱིས་ཤིག་།བདག་ཅག་ཡུལ་འཁོར་བ་བློ་རྩིང་ལ་མི་མཁས་ཤིང་བླུན་པས་མ་འཚལ་ཏེ། རྒྱལ་པོས་བཀའ་སྩལ་པ། བཀལ་བར་འཚལ་ན། ལྷས་དཔེ་ཁྲུ་གང་བ་གཅིག་བཀལ་ཏེ་བདག་ལ་བསྐུར་ཏེ། དཔེ་དེ་ལ་བལྟས་ལ། ཁྲུ་བརྒྱའམ། སྟོང་ཡང་བཀལ་ཏེ་རྔོ་ཐོག་པར་བགྱིས་ནས་བསྐུར་བར་འཚལ་ལོ་ཞེས་སྤྲིང་བ་དང ། དེ་སོང་སྟེ། རྒྱལ་པོ་ལ་ལྷ་ཁོང་དག་འདི་སྐད་མཆིའོ་ཞེས་སྨྲས་པ་དང ། རྒྱལ་པོས་སྨྲས་པ། འདི་སྐད་གང་པོ་ཟེར་རམ། བུ་ཟེར་ཞེས་སླར་དྲིས་ན། ཕོ་ཉས། ལྷ་སྨན་ཆེན་པོ་གཞོན་ནུ་འདི་སྐད་མཆིའོ་ཞེས་སྨྲས་པ་དང ། དེ་ནས་རྒྱལ་པོ་ངོ་མཚར་སྐྱེས་ཏེ་བསམས་པ། འདི་ནི་ལྷས་བསྟན་པ་ཡང་དག་པ་སྟེ། འདིས་ནི་བདག་གིས་རྒྱལ་སྲིད་རྒྱས་པར་བྱེད་པར་མངོན་ནོ། །དེ་ནས་ཡང་དུས་ཕྱི་ཞིག་ན། རྒྱལ་པོས་སྨན་ཆེན་པོ་ལ་བགམ་པར་འདོད་ནས། པུརྞ་ཀཙྪའི་རི་བྲགས་ཀྱི་གྲོང་རྡལ་དུ་གང་པོའི་དྲུང་དུ་ཕོ་ཉ་བཏང་སྟེ། འབྲས་ཆན་གཏུན་གྱིས་ཀྱང་མ་བརྡུངས། དུམ་བུར་ཆག་པ་ཡང་མ་བགྱིས་ཏེ། ཁྱིམ་གྱི་ནང་ན་ཡང་མ་ཡིན། ཕྱི་རོལ་ཀྱང་མ་ཡིན། མེས་ཀྱང་མ་ཡིན། མེ་མེད་པ་ཡང་མ་ཡིན་པར་ཚོས་ལ། ལམ་དུ་ཡང་ཁྱེར་ཏེ་མི་འོང ། ལམ་མ་ཡིན་པར་ཡང་ཁྱེར་ཏེ་མི་འོང ། ཉི་མས་ཀྱང་མ་ཕོག་།གྲིབ་མས་ཀྱང་མ་ཡིན། བུད་མེད་ཀྱིས་ཀྱང་མི་བསྐུར། སྐྱེས་པས་ཀྱང་མ་ཡིན། བཞོན་པས་ཀྱང་མི་བསྐུར། རྐང་པས་ཀྱང་མ་ཡིན་པར་འབྲས་ཆན་ཞིག་སྐུར་ཅིག་ཅེས་སྤྲིང་པ་དང ། རྒྱལ་པོའི་</font><hr>Da92a<br><font size=+2>


༄#། །བཀའ་ཁྱེར་ནས། ཕོ་ཉ་དེས་རིམ་གྱིས་གྲོང་དང ། གྲོང་ཁྱེར་དང ། གྲོང་རྡལ་ལྟ་ཞིང ། རིམ་གྱིས་རི་བྲགས་ཀྱི་གྲོང་ཁྱེར་ག་ལ་བ་དེར་སོང་སྟེ། ཕྱིན་ནས་གང་པོ་བོས་ཏེ། གང་པོ་དེ་དང་དགའ་བའི་གཏམ་སྣ་ཚོགས་བྱས་ནས། དེ་ནས་རྒྱལ་པོའི་ཚིག་ཇི་ལྟ་བུ་ཀུན་བསྒོ་ནས། རྒྱལ་པོའི་བཀའ་འདི་སྐད་ཅེས་སྩལ་ཏོ། །ཞེས་སྨྲས་པ་དང ། དེས་ཚིག་དེ་ཐོས་མ་ཐག་ཏུ་དེ་ཤིན་ཏུ་མི་དགའ། རབ་ཏུ་མི་དགའ་བ་དང ། སྨན་ཆེན་པོས་ཕ་ཅི་ཉེས་ཏེ་ཡི་མ་རངས་ཞེས་དྲིས་པ་དང ། གང་པོས་བུ་ཅི་ཉེས་ཏེ་མི་སེམས། རྒྱལ་པོ་སྐྱེད་པས་རྣམ་པ་འདི་ལྟ་བུ་དག་བསྒོའོ་ཞེས་སྨྲས་སོ། །ཇི་ལྟ་བུ་ཞེས་དྲིས་པ་དང ། གང་པོས་སྔ་མ་བཞིན་དུ་ཐམས་ཅད་ཞིབ་ཏུ་སྨྲས་པ་དང ། དེ་ནས་སྨན་ཆེན་པོས་སྨྲས་པ་དང ། ཕ་མི་དགའ་བར་མ་བྱེད་ཅིག་།བདག་གིས་ཀུན་ནུས་པར་བྱའོ། །དེ་ནས་སྨན་ཆེན་པོས་འབྲས་ཉི་མ་ལ་བསྐམས་ནས། སྐྱེས་པ་དང ། བུད་མེད་ཕལ་པོ་ཆེ་བསོགས་ཏེ། མི་མང་པོ་ལ་འབྲས་སྤར་བ་རེ་རེ་བྱིན་ནས། སེན་མོས་ཤུན་པ་མ་ཆག་པར་བྱོས་ཏེ་འབྲུ་རེ་རེ་ནས་སོལ་ཅིག་།དེ་དག་གིས་མ་ཆག་པར་བསལ་ཏེ། རྫིའུར་བླུགས་ཏེ། སྒོའི་ཐེམ་ཁར་བཙོས་ནས། མེས་ཀྱང་མ་ཡིན། མེ་མེད་པས་ཀྱང་མ་ཡིན་པར་ཚོས་ཤིག་པ་ནི། དེའི་ངོས་སུ་ནི་མེ། སྟེང་ནས་ནི་ཉི་མས་བཙོས་སོ། །ལམ་དུ་མ་ཡིན། ལམ་མ་ཡིན་པར་ཡང་མ་ཡིན་པར་ཁྱེར་ཏེ་ཤོག་ཅིག་པ་ནི། སྐྱེས་བུ་ལ་བསྒོ་བ། རྐང་པ་ཡ་གཅིག་ལམ་</font><hr>Da92b<br><font size=+2>


དུ་སོང་ལ། རྐང་པ་ཡ་གཅིག་ལམ་མ་ཡིན་པར་སོང་ཞིག་།ཉི་མ་ལ་ཡང་མ་ཡིན། གྲིབ་མ་ལ་ཡང་ཁྱེར་ཏེ་མ་འོངས་ཤིག་པ་ནི། མི་དེ་ལ་བསྒོ་བ། དབྱུག་པའི་རྩེ་མོ་ལ་རྫེའུ་ཆིངས་ལ་གོས་སྲབ་མོས་གཡོགས་ཏེ་སོང་ཞིག་།བཞོན་པས་ཀྱང་མ་ཡིན། རྐང་པས་ཀྱང་མ་ཡིན་པར་ཁྱེར་ཏེ་ཤོག་ཅིག་པ་ནི། མི་དེ་ལ་བསྒོ་བ་རྐང་པ་ཡ་གཅིག་ལྷམ་གྱོན། ཡ་གཅིག་ལྷམ་མེད་པར་བྱོས་ལ་སོང་ཞིག་།སྐྱེས་པས་ཀྱང་མ་ཡིན། བུད་མེད་ཀྱིས་ཀྱང་མ་ཡིན་པས་ཁྱེར་ཏེ་ཤོག་ཅིག་པ་ནི། མ་ནིང་ལ་བསྐུར་བའོ། །རྒྱལ་པོ་སྐྱེད་པའི་དྲུང་དུ་དེ་ཁྱེར་དེ་འོངས་ནས། རྒྱལ་པོ་སྐྱེད་པས། མི་དེ་ལ་དྲིས་པ།་དེས་རྒྱལ་པོ་ལ་ཞིབ་ཏུ་སྨྲས་པ་དང ། རྒྱལ་པོས་ཐོས་ནས་དགའ་སྟེ། ཅི་གང་པོས་བསྒོ་སྟེ་བསྐུར་རམ། འོན་ཏེ་སྨན་ཆེན་པོས་བསྒོ་།ཞེས་དྲིས་པ་དང ། ཕོ་ཉས་སྨན་ཆེན་པོས་བསྐུར་རོ། །ཞེས་སྨྲས་སོ། །དེ་ནས་རྒྱལ་པོས་སྨྲས་པ། སྨན་ཆེན་པོ་དེས་ནི་རྟོགས་པ་དང ། ལན་ལྡོན་པ་དང ། ཚུལ་དང ། ཆོ་ག་ལ་སོགས་པར་ལྡན་ནོ། །དེ་ནས་དུས་ཕྱི་ཞིག་ན་ཕོ་ཉ་གཞན་ཞིག་བཏང་སྟེ། འདི་ལྟར་སྐྱེད་མོས་ཚལ་ལྡུམ་ར་དང ། བཟའ་ཤིང་དང ། རྫིང་བུར་ལྡན་པ་སྐུར་ཅིག་ཅེས་སྤྲིང་པ་དང ། དེ་ནས་ཕོ་ཉ་དེ་པུརྞ་ཀཙྪའི་གྲོང་རྡལ་དུ་ཕྱིན་པ་དང ། གང་པོ་ལ་རྒྱལ་པོས་འདི་སྐད་ཅེས་བཀའ་སྩལ་ཏོ། །སྐྱེད་མོས་ཚལ་ལྡུམ་ར་དང ། བཟའ་ཤིང་དང ། རྫིང་བུར་བཅས་པ་ཞིག་སྐུར་ཅིག་ཅེས་བསྒོ་བ་དང ། གང་པོས་དེ་ཐོས་ནས་མི་དགའ་སྟེ། སྐྱེད་མོས་ཚལ་འདི་སྔོན་མ་མཐོང་ན་ཐབས་ཇི་ལྟ་བུར་བྱ། </font><hr>Da93a<br><font size=+2>


༄#། །ཞེས་རབ་ཏུ་སེམས་པ་དང ། དེ་ནས་སྨན་ཆེན་པོ་གཞོན་ནུས་ཕ་སེམས་པ་མཐོང་ནས། སྨན་ཆེན་པོས་སྨྲས་པ། ཕ་ཅི་ཞིག་མི་དགའ། ཞེས་དྲིས་པ་དང ། གང་པོས་དེ་ལ་བུ་ཅིའི་ཕྱིར་མི་དགའ་བར་མི་འགྱུར། རྒྱལ་པོས་བདག་ལ་འདི་སྐད་དུ་བསྒོ་སྟེ། སྐྱེད་མོས་ཚལ་ལྡུམ་ར་དང ། བཟའ་ཤིང་དང ། རྫིང་བུར་ལྡན་པ་ཞིག་སྐུར་ཅིག་ཅེ་ན། ཇི་ལྟར་སྦྱར་ཞེས་སྨྲས་པ་དང ། སྨན་ཆེན་པོས་སྨྲས་པ། ཕ་མི་དགའ་བར་མ་མཛད་ཅིག་།རྒྱལ་པོ་ཇི་ལྟར་མཉེས་པར་འགྱུར་བ་བདག་གིས་དེ་ལྟར་བགྱིའོ། །དེ་ནས་ཕོ་ཉ་བོས་ནས། སྨན་ཆེན་པོས་སྨྲས་པ། རྒྱལ་པོ་ལ་སླར་འདི་སྐད་ཅེས་གསོལ་ཅིག་།རི་བྲགས་ཀྱི་སྐྱེད་མོས་ཚལ་འདི་དག་ནི། ལེགས་པར་ན་ཅི་འོང་བ་མ་འཚལ་ན། ཇི་ལྟར་བགྱིས་ན་མཆི་བར་འགྱུར་བ་རྒྱལ་པོའི་ཕོ་བྲང་གི་སྐྱེད་མོས་ཚལ་ཞིག་།རྒྱལ་པོས་བསྐུར་བར་གསོལ། ཕས་ཀྱི་སྐྱེད་མོས་ཚལ་དེ་ཇི་ལྟར་མཆིས་པ་ལ་བལྟས་ཏེ་བསླབས་ནས། དེའི་རྗེས་བཞིན་དུ་བཏང་བར་འཚལ་ལོ་ཞེས་སྤྲིང་པ་དང ། དེ་ནས་ཕོ་ཉ་དེ་སླར་བཏང་སྟེ། རྒྱལ་པོ་ལ་དེས་ཇི་ལྟར་སྤྲིང་པ་བཞིན་དུ་གསོལ་ཏོ། །རྒྱལ་པོ་དགའ་སྟེ་ཅིག་།གང་པོ་རང་གི་བློས་སྨྲས་པ་ཡིན་ནམ། འོན་ཏེ་སྨན་ཆེན་པོས་སྨྲས་པ་ཡིན། ཞེས་དྲིས་པ་དང ། དེ་ནས་ཕོ་ཉས་སྨན་ཆེན་པོས་སྤྲིང་པ་ལགས་སོ། །ཞེས་སྨྲས་པ་དང ། འདི་ལྟར་གཞོན་ནུ་དེ་ནི་ཤེས་རབ་དང་ལྡན་པ་ཞིག་གོ་ཞེས་བསམས་ནས། ཡང་</font><hr>Da93b<br><font size=+2>


དུས་ཕྱི་ཞིག་ན་ཕོ་ཉ་དེ་ལྟ་བུ་ཞིག་བཏང་ནས། རི་བྲགས་ཀྱི་གྲོང་རྡལ་དེར་ཤིང་སྐྱེད་ལ་ལོ་གཅིག་ལོན་པ་དེ་ལ་མེ་ཏོག་དང་ལྡན་པ། འབྲས་བུ་དང་ལྡན་པ་ཞིག་སྐུར་ཅིག་ཅེས་སྤྲིང་པ་དང ། ཕོ་ཉ་དེ་སོང་སྟེ། གང་པོ་ལ་བསྒོ་བ་དང ། གང་པོ་སྔ་མ་བཞིན་དུ་རབ་ཏུ་སེམས་ནས། མི་དགའ་བ་སྨན་ཆེན་པོས་མཐོང་ནས་སྨྲས་པ། ཕ་མི་དགའ་བར་མ་མཛད་ཅིག་།དོན་དེ་མི་དཀའོ་ཞེས་སྨྲས་ནས། དེས་ཨེ་རཎྜའི་ཤིང་ཞིག་བསྐྱེད་ནས་བསྐུར་ཏེ་དེའི་ལོ་ལ་འབྲས་བུ་དང ། མེ་ཏོག་བྱུང་བ་རྒྱལ་པོས་མཐོང་ནས། ངོ་མཚར་ཆེ་བར་བསམས་ཏེ། ཕོ་ཉ་ལ་འདི་ཅི། གང་པོའི་ཐབས་སམ། སྨན་ཆེན་པོའམ། སུའི་ཞེས་སྨྲས་པ་དང ། ཕོ་ཉས་སྨྲས་པ། སྨན་ཆེན་པོའི་ལགས་སོ། །ལེགས་སོ་ལེགས་སོ་ཞེས་སྨྲས་ནས། ཅང་མི་ཟེར་བར་འདུག་གོ་།དེ་ནས་དུས་ཕྱི་ཞིག་ན། རྒྱལ་པོས་རི་བྲགས་ཀྱི་གྲོང་རྡལ་དེར་གང་པོ་ལ། བལ་གླང་ལྔ་བརྒྱ་བདས་ནས་འདི་རྣམས་ལ་རྩཝ་བྱིན་ཏེ་ཞོས་ལ་འོ་མ་དང ། ཞོ་དང ། མར་དང ། བྲིས་མ་དང ། ཆུར་བ་རྣམས་བྱོས་ལ་སྐུར་ཅིག་།ཕོ་ཉ་དེས་རྒྱལ་པོའི་བཀའ་མཉན་ཏེ། རིམ་གྱིས་གྲོང་དུ་སོང་ནས། གང་པོ་ལ་ཡིད་ཆེས་པའི་ཚིག་གིས་བྱས་ནས་བོས་ཏེ་སྨྲས་པ། རྒྱལ་པོས་བལ་གླང་ལྔ་བརྒྱ་པོ་འདི་དག་བདས་ཏེ་འདི་རྣམས་ཞོས་ལ་འོ་མ་དང ། ཞོ་དང ། མར་དང ། བྲིས་མ་དང ། ཆུར་བ་བགྱིས་ལ་སྐུར་ཅིག་ཅེས་བྱུང་ངོ ། །གང་པོས་དེ་སྐད་དུ་ཐོས་ནས་ཡི་ཆད་དེ། གྲོང་མི་གཞན་དག་ལ་སྨྲས་པ། རྒྱལ་པོས་ནི་ཐབས་འདི་ལྟ་བུས་ཆད་པས་གཅད་</font><hr>Da94a<br><font size=+2>


༄#། །པར་ངེས་ནས། གླང་ལས་འོ་མ་གྱིས་ཤིག་ཅེས་བྱུང་ནས། རབ་ཏུ་སེམས་ཤིང་འདུག་པ་དང ། སྨན་ཆེན་པོས་སྨྲས་པ། ཕ་ཁྱོད་མི་དགའ་བར་མ་མཛད་ཅིག་དང ། བདག་གིས་དེའི་ལན་བསམས་ལ། ཇི་ནས་རྒྱལ་པོ་མཉེས་པར་འགྱུར་ཞིང ། དེ་རྣམས་ཀྱང་བྱེད་དུ་མི་གཞུག་པར་བྱའོ། །དེ་ནས་སྨན་ཆེན་པོས་སྦད་གཉིས་ཤིག་ལ་བསླབས་ཏེ་བཏང་ནས། ཁྱོད་གྲོང་ཁྱེར་ཆེན་པོར་རྒྱལ་པོ་ལས་མི་རིང་བ་ཞིག་ཏུ་སོང་ལ། ཤིང་གི་གཞོང་ཁུང་གཅིག་ལྟོར་ཆོར་ལ་གོས་ཀྱིས་དཀྲིས་ཏེ། ས་ལ་ཕར་འགྲེ་ཚུར་འགྲེ་ཞིང་དུ་བ་ལྟར་བྱོས་ཤིག་།དེ་ནས་ཁྱེའུ་ཁྱོད་ཀྱིས་ཕྱོགས་ཀུན་ཏུ་གསོལ་བ་ཐོབ་ལ། མེ་ཏོག་དང ། སྤོས་དང ། བཤོས་ཀྱིས་ཕྱོགས་བཅུར་གཏོར་ལ། ཕ་འདི་བདེ་ཞིང་ལེགས་ལ། བཀྲ་ཤིས་པར་བུ་ཕྱུང་ཞིག་ཅེས་བརྗོད་ཅིག། དེར་སྦད་གཉིས་ཇི་ལྟར་བསྟན་པ་བཞིན་དུ། ཡུལ་པུརྞ་ཀ་ཙྪའི་གྲོང་རྡལ་ནས། རྒྱལ་པོ་སྐྱེད་པའི་དྲུང་དུ་སོང་སྟེ། མི་རིང་བ་ཞིག་ཏུ་འདུག་ནས། ཇི་ལྟར་བསྟན་པའི་ཆོས་དང ། སྨྲེ་ཞིང་དུ་བ་ལ་སོགས་པ་བྱས་ཏེ། གང་འཇིག་རྟེན་ན་འཇིག་རྟེན་སྐྱོང་བས་བདག་གི་ཕ་འདི་སྲུངས་ལ། བདེ་ཞིང་ལེགས་ལ་བཀྲ་ཤིས་པ་བུ་བཙས་བར་ཤོག་ཅིག་ཅེས་དེ་སྐད་དུ་བོས་པ། རྒྱལ་པོ་སྐྱེད་པས་ཐོས་ནས། དེ་རྟོགས་ཤིག་ཅེས་མི་ཞིག་བཏང་ངོ ། །དེ་སོང་སྟེ་བལྟས་ན། སྐྱེས་པ་ཞིག་གསུས་པ་ཆེ་ལ་ས་ལ་འགྲེ་ལྡོག་</font><hr>Da94b<br><font size=+2>


ཅིང་དུ་བ་མཐོང་ངོ ། །དེའི་བུ་ཡང་གཤིན་རྗེ་དང ། ཀླུའི་རྒྱལ་པོ་དང ། ངལ་བསོ་པོ་དང་བཅས་པ་ལ་སོགས་པ་ལྷའི་དབང་པོ་རྣམས་ལ་གསོལ་བ་འདེབས་པ་མཐོང་སྟེ། དེ་དག་གིས་དེ་ཅིའི་ཕྱིར་ཞེས་དྲིས་ན། དེ་ནས་ཁྱེའུས་བདག་གི་ཕ་ལས་བུ་འབྱུང་བར་བྱ་བའི་ཕྱིར་རོ། །དེ་དག་གིས་དོང་ནས་རྒྱལ་པོ་ལ་གསོལ་བ་དང ། རྒྱལ་པོས་དེ་སྦད་གཉིས་པོས་པ་དང ། ཁྱེའུ་དེས་བདག་གི་ཕ་ལས་བུ་འབྱུང་བར་ཤོག་ཅིག་ཅེས་དེ་བཞིན་དུ་སྨྲས་སོ། །དེ་ནས་རྒྱལ་པོས་བགད་དེ། གང་ན་ཡང་འདི་ལྟར་སྐྱེས་པ་ལས་བུ་བྱུང་བ་ནི་མ་ཐོས། མ་མཐོང་ངོ ། །ཞེས་སྨྲས་པ་དང ། དེ་ནས་ཁྱེའུ་དེས་ལྷ་ཁྱོད་དེ་བཞིན་དུ་གསུངས་པ་བཞིན་ལགས་སམ། དེ་བཞིན་ནོ། །དེ་ནས་ཁྱེའུ་དེས་དེ་ལྟར་ན་ཅིའི་སླད་དུ། པུརྞ་ཀཙྪའི་རི་བྲགས་ཀྱི་གྲོང་རྡལ་དུ་གླང་ལྔ་བརྒྱ་བདས་སྟེ། འདི་རྣམས་ལས་འོ་མ་དང ། ཞོ་དང ། མར་སར་དང ། པྲིས་མ་དང ། ཆུར་བདག་ཀྱང་སྐུར་ཅིག་ཅེས་བྱུང་ན། ཁྱོད་ཀྱིས་གླང་སྦྲུམ་སྟེ་པུ་བྱུང་བ་གང་ན་གཟིགས། གང་ནས་གསན་ཅེས་སྨྲས་པ་དང ། དེ་ནས་རྒྱལ་པོས་བགད་དེ། ཅི་གང་པོའི་ཡིད་བརྟན་པ། ཕ་ཟེར་རམ། འོན་ཏེ་སྨན་ཆེན་པོའམ། སུ་ཞེས་དྲིས་པ་དང ། ཕོ་ཉས་ལྷ་སྨན་ཆེན་པོ་ལགས་སོ། །ཞེས་སྨྲས་པ་དང ། རྒྱལ་པོ་དང ། བློན་པོ་རྣམས་ཀྱིས་ཤིན་ཏུ་ངོ་མཚར་དང་ལྡན་པར་བཟུང་ངོ ། །དེ་ནས་ཡང་དུས་ཕྱི་ཞིག་ན། རྒྱལ་པོས་བགམ་པའི་ཕྱིར་ཕོ་ཉ་དྲེའུ་ཞིག་བཀྲི་སྟེ་བཏང་ནས། པུརྞ་ཀཙྪའི་རི་བྲགས་ཀྱི་གྲོང་རྡལ་དུ་</font><hr>Da95a<br><font size=+2>


༄#། །སོང་སྟེ། གང་པོ་ལ་དྲེའུ་འདི་མ་བཅིང་བར་སྲུངས་ཤིག་།བླ་གབ་ཡོད་པར་ཡང་མ་གཞུག་པར་འཚོས་ཤིག་ཅེས་བསྒོ་ཞིག་།ཕོ་ཉ་དེ་རིམ་བཞིན་པུརྞ་ཀཙྪའི་རི་བྲགས་ཀྱི་གྲོང་རྡལ་དུ་སོང་སྟེ། གང་པོ་ལ་ཁྱོད་ཀྱིས་དྲེའུ་འདི་སྲུངས་ཤིག་།དེ་ལྟ་བུའི་ཚུལ་ལས་བརྒྱ་ལ་ཤོར་ན། ལུས་ལ་ཆད་པས་ཆེར་གཅོད་དོ། །ཞེས་བསྒོ་བ་དང ། དེ་དེ་སྐད་ཐོས་ནས་སྐྲག་སྟེ། དེ་དག་ཐམས་ཅད་བྱར་རུང་གི་།ད་ནི་འདི་མི་རུང་སྟེ། དེས་བདག་ལ་འདི་འདྲ་བ་བཀའ་སྩལ་པ་ནི། ལྷས་ཀྱང་དེ་འདྲ་བར་བྱེད་མི་ནུས་སོ། །སྙམ་སྟེ། རབ་ཏུ་སེམས་ཤིང་འདུག་པ་དང ། སྨན་ཆེན་པོས་ཕ་རབ་ཏུ་སེམས་པ་མཐོང་ནས། མི་དགའ་བར་མ་བྱེད་ཅིག་།ཅེས་སྨྲས་ཏེ། དྲེའུ་དེ་ཉིན་མོ་ནི་གཟས་ལ་ཅི་བདེར་བཙས་ནས། ནུབ་མོ་ནི་མི་ཉི་ཤུས་བསྐོར་ནས། མི་ལྔ་ལྔས་མེལ་ཚེ་ཐུན་རེ་རེ་བྱས་ནས། རྐང་ལག་ལ་མི་རེ་རེས་བཟུང ། དྲེའུ་དེའི་སྟེང་དུ་རྟག་པར་མི་ཞིག་ཞོན་ཏེ་འདུག་གོ་།ཐབས་དེ་ལྟ་བུར་མི་ཉི་ཤུས་བླ་གབ་མེད་པ་ན་སྲུང་ཞིང་འདུག་གོ་།རྒྱལ་པོ་སྐྱེད་པས་མངག་གཞུག་བྱེད་པའི་མི་ཞིག་གང་པོའི་དྲུང་དུ་དེ་ཇི་ལྟར་འཚོ་བ་ལྟོས་ཤིག་ཅེས་རྟོག་ཏུ་བཏང་ངོ ། །དེས་མཐོང་སྟེ། རྒྱལ་པོ་ལ་ལྷ་འདི་ལྟ་བུའི་ཐབས་སུ་བགྱིད་དོ་།ཞེས་གསོལ་པ་དང ། རྒྱལ་པོ་དེ་ལྟར་བསྲུང་ན་འབྲོས་མི་ནུས་ཀྱི། མི་དེ་རྣམས་ལས་གཅིག་ཁ་དྲང་ངོ་ཞེས་སྨྲས་པ་དང ། བློན་པོས། གང་ཁ་དྲང་བར་</font><hr>Da95b<br><font size=+2>


བགྱི་ཞེས་ཞུས་པ་དང ། རྒྱལ་པོས་ནུབ་མོ་སྟེང་ན་ཞོན་པ་དེ་ཁ་དྲངས་ན། གཞན་གཉིད་ལོགས་པ་དང ། དེ་ཁྲིད་དེ་འོང་ངོ་ཞེས་སྨྲས་ཏེ། དེ་ནས་རྒྱལ་པོས་སྟེང་ན་ཞོན་པ་དེ་ཁ་དྲངས་ནས་དེས་ཀྱང ། དྲེའུ་ཁྱེར་ཏེ་དེ་འོངས་སོ། །ནམ་ནངས་པ་དང ། གང་པོ་ལ་དྲེའུ་དེ་བྲོས་སོ། །ཞེས་སྨྲས་པ་དང ། དེ་ང་ནི་བདག་གི་འཚོ་བ་མ་རུང་བར་གྱུར་ཏོ་ཞེས་སྐྲག་ནས། སྨྲེ་སྔགས་འདོན་པར་བྱེད་པ་ནི། གང་ཇི་ལྟར་བྱ། ཞེས་དེ་མི་དགའ་ཞིང་འདུག་པ། སྨན་ཆེན་པོས་མཐོང་ནས། དེ་ཡང་སེམས་པ་ལ་ཞུགས་ཏེ། ཐབས་དེ་དག་ཐམས་ཅད་ཐབས་ཀྱིས་བསྒྲུབས་ན་འདིའི་ཐབས་ནི་མི་སྣང་ཞེས་སྨྲ་སྟེ། དེ་ཡང་སྐྲག་ནས་དེའི་ཐབས་སེམས་པ་ལས། དེས་ཕ་ལ་ཁྱོད་ཀྱིས་དོན་དེ་བསྒྲུབ་པར་ནུས་ན། ཐབས་ཅིག་ཡོད་དོ་ཞེས་སྨྲས་སོ། །ཕས་ཅི་ཞིག་ཡོད་ཅེས་དྲིས་པ་དང ། སྨན་ཆེན་པོས་ཅི་ནས་བདག་ཉིད་ལ་མཐོ་བཙམ་པར་བཟོད་ན། གདོད་དོན་དེ་བསྒྲུབ་པར་འགྱུར་རོ། །ཞེས་སྨྲས་པ་དང ། དེ་ནས་གང་པོས་སྨྲས་པ། ཅི་ནས་བདག་གི་འཚོ་བ་དང་བྲལ་བར་མི་འགྱུར་བ་དེ་ལྟར་གྱིས་ཤིག་།དེ་ནས་སྨན་ཆེན་པོས་ཕའི་མགོ་བོ་སྐྲ་ཁྲེམ་གཉེར་བདུན་དུ་བྲེགས་ཏེ། ལི་ཁྲི་དང ། སྣག་ཚ་དང ། མཐིང་ཤིང་དང ། དཀར་པོ་ལ་སོགས་པས་མགོ་རི་མོ་བྱས་ནས་བོང་བུ་ལ་སྐྱོན་ཏེ། རིམ་གྱིས་གྲོང་ཁྱེར་ཆེན་པོར་དོང་བ་དང ། སྨན་ཆེན་པོ་འོང་ངོ ། །ཞེས་ཀུན་ཏུ་སྒྲ་གྲགས་སོ། །དེས་ཕའི་མགོ་བོ་ཁྲེམ་གཉེར་བདུན་དུ་བྲེགས་ཤིང་བོང་བུ་ལ་ཞོན་ཏེ་འོངས་སོ། །ཞེས་ཀྱང་གྲགས་</font><hr>Da96a<br><font size=+2>


༄#། །སོ། །དེ་ནས་རྒྱལ་པོ་དང ། བློན་པོ་དག་གིས་དེ་ལྟ་བུར་གྱུར་པ་ཐོས་ནས་སྨྲས་པ། དེ་མཁས་པའོ། །མཛངས་པའོ། །ཞེས་གཏམ་སྙན་པ་ཐམས་ཅད་དུ་གྲགས་པ་ནི་ལེགས་ན། ཅིའི་ཕྱིར་ན་དེས་མི་རིགས་པ་འདི་ལྟ་བུ་བྱས། དེ་ནས་རྒྱལ་པོ་སྐྱེད་པ་བློན་པོ་དང་འཁོར་དུ་བཅས་ནས། སྨན་ཆེན་པོ་ལྟར་དོང་སྟེ། ཅི་དེ་འདྲ་བ་དྲང་པོའམ། འོན་ཏེ་རྫུན། རྒྱལ་པོ་འཁོར་དང་བཅས་པས་དེ་ལྟ་བུ་མངོན་སུམ་དུ་མཐོང་བ་དང ། བློན་པོ་དག་གིས། རྒྱལ་པོ་ལ་ལྷ་ཅིའི་ཕྱིར་སྨན་ཆེན་པོ་ལ་མཁས་པའོ། །གསལ་བའོ། །མཛངས་པའོ། །ཞེས་བསྔགས་ཏེ།་དེས་མི་རིགས་པ་འདི་ལྟ་བུ་བགྱིད་པ་གངའམ་ཞེས་གསོལ་པ་དང ། དེ་ནས་རྒྱལ་པོས་སྨན་ཆེན་པོ་ཅི་འདི་ལྟ་བུ་ཕལ་མཐོ་བཙམ་པར་བྱས་ཞེས་དྲིས་པ་དང ། དེས་སྨྲས་པ། ལྷ་འདི་ནི་མཐོ་འཚམ་པ་མ་ལགས་ཀྱི། མཆོད་པ་བགྱིད་དེ། བདག་ཀྱང་ཕ་བས་ཤིན་ཏུ་མང་དུ་འཚལ་བས་ན། བདག་ཀྱང་ཕ་བས་ཤིན་ཏུ་མང་དུ་འཚལ་བས་ན། བདག་གིས་འདི་ལ་རྣམ་པར་མཆོད་པར་བགྱིས་སོ། །རྒྱལ་པོས་སྨྲས་པ། ཅི་ཁྱོད་བཟང་ངམ། འོན་ཏེ་ཕ་བཟང ། དེས་བདག་བཟང་གི་།ཕ་ངན་ནོ། །ཞེས་སྨྲས་པ་དང ། རྒྱལ་པོས་སྨྲས་པ། ཕ་བས་བུ་བཟང་བའི། ངས་གང་དུ་ཡང་མ་ཐོས་མ་མཐོང་མོད་ཀྱི། ཕས་བུ་གྲགས་པར་བྱེད། མས་ནི་བུ་གསོ་བ་དང ། སྐྱེད་པ་དང ། སྲུང་བའི་ཕྱིར་ཏེ། དེ་བས་ན་དེད་ཀྱིས་ནི་ཅི་ནས་ཕ་བཟང་བ་ཡིན་ནོ་སྙམ་དུ་བསམས་སོ། །དེ་ནས་སྨན་ཆེན་པོས་རྒྱལ་པོ་ལ་</font><hr>Da96b<br><font size=+2>


ཡང་ཕ་དེ་ལྟར་ལགས་སམ། མ་ལགས། ཤིན་ཏུ་རྟོགས་ཤིག་ཅེས་སྨྲས་པ་དང ། རྒྱལ་པོ་དང ། བློན་པོས་དེ་བཞིན་ཡིན་གྱི་གཞན་མ་ཡིན་ནོ་ཞེས་སྨྲས་པ་དང ། དེ་ནས་སྨན་ཆེན་པོས་རྒྱལ་པོའི་རྐང་པ་ལ་གཏུགས་ཏེ། ལྷ་དེ་ལྟར་ལགས་མོད་ན། ལྷས་བདག་ཅག་ལ་དྲེའུ་འཚོར་སྩལ་པ་དེ་བྲོས་ཏེ། ལྷ་དང་བློན་པོ་རྣམས་ཀྱིས་བཀའ་སྩལ་པ་ཡང ། ཕ་རབ་ཏུ་བཟང་ངོ་ཞེས་བསྟོད་ན།་དྲེའུ་དེའི་ཕ་ནི་བོང་བུ་འདི་ལགས་ན་སྐྱིན་པར་བཞེས་སུ་གསོལ། ཞེས་སྨྲས་པ་དང ། དེ་ནས་རྒྱལ་པོ་དང ། བློན་པོས་དེའི་ཚིག་གིས་ཐབས་དེ་ལྟ་བུར་སྦྱར་བར་ཐོས་ནས། ཡ་མཚན་དུ་བཟུང་ཞིང ། ེ་མའོ་ཞེས་དེ་རིགས་པ་དང་མི་རིགས་པར་བྱ་བ་འདི་ལྟ་བུ་མཁས་སོ། །དེ་ལྟ་བུ་ཁོང་དུ་ཆུད་དེ། དེས་རྒྱལ་པོ་མགུ་།རངས། རབ་ཏུ་དགའ་བའི་སེམས་སྐྱེས་ནས། རྣམ་པ་མང་པོའི་རྒྱན་ཀླུབས་ཏེ། བློན་པོའི་དབང་བྱིན་ནོ། །ཕ་ལ་ཡང་རི་བྲགས་ཀྱི་གྲོང་ཁྱེར་དེ་བྱིན་ནོ། །བར་གྱི་སྡོམ་སྟེ། བྱེ་མ་བཀལ་བ་འབྲས་ཆན་དང ། །ེ་རཎྜ་ཡི་ཤིང་དང་གླང ། །དྲེའུ་དང་དེ་རུ་སོང་བ་དང ། །དེ་ལ་བློན་པོའི་ཐབས་བྱིན་པའོ། །དེ་ནས་སྨན་ཆེན་པོ་བློན་པོའི་དབང་བྱིན་པ་དང ། ཅི་བྱ་བ་དང ། རྒྱལ་པོའི་དོན་ཇི་ལྟར་བྱ་ཞེས་རབ་ཏུ་བདེ་བར་སེམས་པ་ལ་ཞུགས་པ་དང ། གྲོང་ཁྱེར་ཀུན་ཏུ་ཡང་སྨན་ཆེན་པོ་བློན་པོར་བཅུག་སྟེ། མཛངས་པ་མཁས་པའི་སྒྲ་གྲགས་སོ། །དེ་ནས་དུས་ཕྱི་ཞིག་ན། བྲམ་ཟེ་ཞིག་གི་བུ་མོ་ཞིག་བག་མར་བླངས་པའི་ཡོ་བྱད་དུ་ནོར་མང་</font><hr>Da97a<br><font size=+2>


༄#། །ཞིག་ཟད་ནས། དེ་དང་ལྷན་ཅིག་ཞག་མང་ཞིག་ཏུ་ཡོངས་སུ་སྤྱད་དེ། བདག་གིས་བག་མ་བླངས་པའི་ཡོ་བྱད་དུ་ནོར་མང་དུ་ཟད་པས། ད་ནི་འདི་ལྟར་ནོར་དུ་གྱུར་པ་ཆེན་པོ་མེད་ལ། ཁྱིམ་ན་འདུག་ན་མ་ལེགས་པར་འགྱུར་རོ། །སྙམ་དུ་བསམས་ཏེ། བྲམ་ཟེ་དེ་ཁ་ཏོན་མང་དུ་ལོབས་པ། སྨྲ་བ་དང ། སྨྲང་གི་ཡན་ལག་དང་ལྡན་པར་ཕ་རོལ་ཏུ་ཕྱིན་པ་ནོར་བསྒྲུབ་པའི་ཕྱིར་ལྗོངས་གཞན་དུ་སོང་ངོ ། །དེ་ཡང་དེ་ནས་མཐར་གྱིས་རྒྱུ་ཞིང་སོང་བ་ལས། དེས་གསེར་གྱི་དོང་ཙེ་གནའ་མ་ལྔ་བརྒྱ་རྙེད་དེ། དེ་ཁྱེར་ནས་སླར་བདག་གི་ཁྱིམ་དུ་འོངས་སོ།། དེས་བདག་སྔར་ནོར་ཁྱེར་ནས་ཁྱིམ་དུ་མི་འཇུག་གོ་།བུད་མེད་ཀྱི་སེམས་ཀྱི་སྤྱོད་པ་སུས་ཀྱང་མི་རིག་སྟེ། བྲམ་ཟེ་མོ་དེ་ཡང་དབྱིབས་ལེགས་ཤིང་བལྟ་ན་སྡུག་པ། བཟང་བས་ན་བདག་མེད་པའི་ཕྱིར། སྐྱེས་པ་གཞན་དང་ཆགས་ཤིང་འདུག་ཀྱང་སྲིད་ཀྱི་སྙམ་དུ་བསམས་ནས། དེས་ནམ་སྲོས་པ་དང་དུར་ཁྲོད་དུ་སོང་ནས། ཤིང་ནྱ་དྲོ་དྷའི་དྲུང་དུ་ཁུང་བརྐོས་ནས་དེའི་ནང་དུ་བཅུག་སྟེ། ནམ་སྲོས་ནས་ཁྱིམ་དུ་ཕྱིན་པ་དང ། ཆུང་མ་དེ་ཡང་སྐྱེས་པ་གཞན་བྲམ་ཟེ་རྣ་བོ་ཆེ་ཞེས་བྱ་བ་དེ་ལ་ཆགས་ཏེ། དེའི་ཚེ་ན་ལྷན་ཅིག་ཁ་ཟས་ཞིམ་པོ་ཟོས་ནས། དྲི་བསུང་ཞིམ་པོས་ལུས་བྱུགས་ཏེ་ཉལ། མལ་གྱི་སྟེང་ན་དེ་གཉིས་དགའ་བ་མྱོང་ཞིང་འཁོད་པ་ལས། བྲམ་ཟེ་དེ་ཡང་བདག་གི་ཁྱིམ་དུ་ཕྱིན་ནས། སྒོ་ཕྱེ་ཞེས་བོས་པ་དང ། བུད་མེད་དེས་</font><hr>Da97b<br><font size=+2>


སྨྲས་པ། འདི་སྐད་ཀྱེ་ཁྱེད་སུ་ཞིག་ཅེས་སྨྲས་སོ། །དེས་བདག་གི་མིང་ཕྱུང་བ་དང ། མོ་ཉིད་ཀྱིས་དགའ་བ་དང ། མགུ་བའི་སྒྲ་ཕྱུང་ནས། རྣ་བོ་ཆེ་ཉལ་བ་བསླང་སྟེ། མལ་ཁྲིའི་འོག་ཏུ་སྦས་ནས། སྒོ་འབྱེད་དུ་འོངས་ཏེ། དེས་ཁྱོ་ལ་གཡོ་བྱེད་ཅིང་རྗེས་བྱས་ཏེ་འོངས་ནས་སྒོ་ཕྱེ་སྟེ། ངུས་ནས་མགྲིན་པ་ནས་འཇུས། མཆོད་ཡོན་ཕུལ་ལོ། །ཟས་བསོད་པ་བྱིན་ནོ། །བྲམ་ཟེ་དེ་ཟ་ཞིང་འདི་ནི་སྐྱེས་པ་གཞན་ཞིག་ལ་ཆགས་པར་ངེས་པས་ན། འདི་ལྟར་མཚན་མོ་ཁ་ཟས་འདི་ལྟ་བུ་སྦྱར་རོ་སྙམ་དུ་བསམས་སོ། །དེ་ཡང་དྲང་བའི་རང་བཞིན་ཅན་ཞིག་སྟེ། དེ་ལ་ཀྱེ་བཟང་མོ་ཚེས་གྲངས་ཁྱད་པར་ཅན་ནི་མ་ཡིན། དུས་ཀྱི་སྟོན་མོའམ། གྲོང་ཁྱེར་གྱི་དུས་ཀྱི་སྟོན་མོ་ལ་ནི་མ་བབ་ན། བཟའ་བ་འདི་ལྟ་བུ་ག་ལས་འོངས་ཞེས་དྲིས་པ་དང ། བདག་ལ་ལྷས་ཁྱོད་ཀྱི་ཁྱོ་དེ་འོང་ངོ་ཞེས་བསྟན་པས་ན། ཁྱོད་ཀྱི་ཕྱིར་འདི་ལྟར་སྟ་གོན་བགྱིས་སོ། །ཞེས་སྨྲས་སོ། །བྲམ་ཟེ་ཨེ་མའོ་ང་ནི་བསོད་ནམས་ཅན་དུ་བས་ཏེ། བདག་གི་ཆུང་མའི་རྨི་ལམ་དུ་ཡང་ལྷས་བསྟན་པ་ལྟ་ཞེས་སྨྲས་ཏེ། དེས་ཟན་ཟོས་ནས་ཁྲུས་བྱས་ཏེ། མལ་དུ་ཉལ་ནས་གཅིག་ལ་གཅིག་མཛའ་བས་བདེ་བའམ། ཉོན་མ་མོངས་སམ་ཞེས་གཏམ་འདྲིའོ། །དེ་ནས་ཆུང་མས་ཇོ་བོས་ཅུང་ཟད་མཆིས་སམ་ཞེས་དྲིས་པ་དང ། དེས་སྨྲས་པ། ཅུང་ཟད་ཅིག་འོངས་སོ། །དེ་ནས་ཆུང་མས་བརྡ་ཚིག་ཏུ་སྨྲས་པ། འདི་ནི་ཅི་ཟེར་བ་རྣ་བས་ཉོན། རྣ་བོ་ཆེ། དེས་སྨྲས་པ། གསེར་གྱི་དོང་ཙེ་</font><hr>Da98a<br><font size=+2>


༄#། །ལྔ་བརྒྱ་པོ་བདག་ལ་མ་བསྟན་ན་གར་བཞག། དེས་སྨྲས་པ། ནོགས་ཐུབ་པར་གྱིས་དང ། ཡོད་དོ། །དེ་གང་དུ་བཞག་།དེས་སྨྲས་པ། སང་བསྟན་ཏོ། །དེ་ནས་བུད་མེད་དེས་སྨྲས་པ། བདག་ཁྱོད་ཀྱི་ལུས་ཕྱེད་ན། ཅིའི་ཕྱིར་གསང ། བྲམ་ཟེ་རང་བཞིན་གྱིས་དྲང་བས་ན། གྲོང་ཁྱེར་གྱི་ཕྱི་རོལ་ཏུ་བཞག་གོ་ཞེས་སྨྲས་པ་དང ། བུད་མེད་དེས་སྨྲས་པ། ཉོན་ཅིག་རྣ་བོ་ཆེ། ས་ཕྱོགས་གང་དུ་བཞག་ཅེས་སྨྲས་པ་དང ། བྲམ་ཟེ་དེས་དུར་ཁྲོད་ཀྱི་ཤིང་ནྱ་གྲོ་དྷའི་དྲུང་དུ་ས་བརྐོས་ཏེ་བཞག་གོ་།ཞེས་སྨྲས་པ་དང ། དེ་ནས་བྲམ་ཟེ་མོ་དེས་ཇོ་བོ་ལམ་ནས་བརྡབས་བརྡབས་ཏེ་མཉེལ་བ་བདག་གིས་ཀྱང་གཙེས་ཏེ། ད་ཁྱོད་མནོལ་ཅིག་ཅེས་སྨྲས་སོ། །དེ་ནས་གཉིད་ཀྱིས་ལོག་པར་རིག་ནས། རྣ་བོ་ཆེ་ལ་གང་ཁྱོད་ཀྱིས་ཐོས་པ་དེ་མྱུར་དུ་བསྒྲུབས་ཞེས་བྱས་པ་དང ། དེ་ནས་རྣ་བོ་ཆེ་དལ་བུས་འཇབ་ཅིང་ཁྱིམ་དེ་ནས་བྱུང་སྟེ། དུར་ཁྲོད་དུ་སོང་ངོ ། །དེས་ཇི་ལྟར་བསྟན་པ་བཞིན་དུ་དུར་ཁྲོད་ཀྱི་ཤིང་ནྱ་གྲོ་དྷའི་དྲུང་ནས་དེ་བླངས་ཏེ། རྣ་བོ་ཆེ་བདག་གི་ཁྱིམ་དུ་སོང་ངོ ། །བྲམ་ཟེ་དེ་དེའི་ཕྱི་དེ་ཉིན་པར་ལངས་ཏེ། དུར་ཁྲོད་དུ་སོང་ནས་བལྟས་ན། དེའི་ཕྱོགས་ནས་མ་རྙེད་དོ། །དེ་ནས་མགོ་དང་བྲང་རྡུང་ཞིང་ཁྱིམ་དུ་ཕྱིན་པ་དང ། ཆུང་མ་དང ། གཉེན་འདུན་དང ། གཞན་གྲོགས་པོ་དང ། ཕུ་ནུ་དག་གིས་ཅི་ཉེས། ཞེས་དྲིས་པ་དང ། དེས་གསེར་གྱི་དོང་ཙེ་ལྔ་བརྒྱ་བསླངས་ནས་ཁྱེར་ཏེ་འོངས་ནས་ཁར་</font><hr>Da98b<br><font size=+2>


ཚང་མི་རྒྱུན་ཆད་པའི་དུས་སུ་དུར་ཁྲོད་དུ་བརྐོས་ཏེ་བཞག་ནས་ཁྱིམ་དུ་འོངས་སོ། །དེ་རིང་བདག་གིས་བཙལ་ན་མི་སྣང་ངོ ། །ཞེས་སྨྲས་པ་དང ། དེ་དག་གིས་སྨན་ཆེན་པོའི་དྲུང་དུ་སོང་བ་དང ། བློན་པོའི་མཆོག་དེས། མཁས་ཤིང་ཤེས་པ་བརྟགས་པ་དང ། དཔྱད་པ་ཡང་རྟོགས་ཤིང་དོན་རྣམས་ལ་རྗེས་སུ་དཔོག་པས་རིག་གི་དེ་ལ་སྐྱབས་སུ་སོང་ཞིག་དང ། དེས་གལ་ཏེ་ཐོབ་པར་བྱེད་ཀྱང་སྲིད་ཀྱི། སྐྱབས་གཞན་ནི་མི་སྣང་ངོ་ཞེས་བསྟན་པ་དང ། དེ་ནས་བྲམ་ཟེ་དེ་གདོང་ལ་མཆི་མ་འཛག་ཅིང་དུ་བཞིན་དུ། སྨན་ཆེན་པོའི་དྲུང་དུ་ཕྱིན་ནས། རྒྱལ་བ་དང ། ཚེ་རིང་བར་ཤོག་ཅེས་བརྗོད་ནས། གསོལ་པ། ལྷ་འདི་ལྟར་བདག་གིས་བསླངས་པ་འཚལ་ཏེ་མཆིས་ནས་ཁར་ཚང་མི་རྒྱུན་ཆད་པའི་དུས་ན་དུར་ཁྲོད་དུ་བརྐོས་ཏེ་སྦས་ནས། ཁྱིམ་དུ་མཆིས། དེང་བདག་སླར་དེར་མཆིས་ན་མ་རྙེད་པར་གྱུར་ཏོ། །དེ་ནས་བློན་པོའི་མཆོག་སྨན་ཆེན་པོ་དེ་ཇི་ལྟ་བུ་ཞིག་ཅེས་སྐད་ཅིག་ཅང་མི་སྨྲ་བར་འདུག་ནས། བྲམ་ཟེ་དེ་ལ་ཀྱེ་བྲམ་ཟེ་ཁྱོད་ཀྱིས་ཕྱོགས་གང་དུ་བཞག་།དུས་ཇི་ཙམ་ན། ཁ་ཅིག་གིས་མཐོང་བའམ། ཁ་ཅིག་ལ་སྨྲས་པ་ལྟ་མེད་དམ། ཞེས་དྲིས་པ་དང ། དེས་ཇི་ལྟར་གྱུར་བ་ཞིབ་ཏུ་སྨྲས་སོ། །དེ་ནས་ཡང་བྲམ་ཟེ་མོ་དེ་སྐྱེས་པ་གཞན་ལ་ཆགས་ཏེ། དེའི་སྒྱུ་ཡིན་པར་གདོན་མི་ཟའོ་ཞེས་བསམས་ནས། བྲམ་ཟེ་དེ་དབུགས་དབྱུང་བའི་ཕྱིར། ཁྱོད་མི་དགའ་བར་མ་བྱེད་ཅིག་དང ། དེ་མེད་ན་བདག་ཉིད་ཀྱི་ནོར་ལས་སྦྱིན་ནོ། །དེ་ལྟར་བྲམ་</font><hr>Da99a<br><font size=+2>


༄#། །ཟེ་དབུགས་ཕྱུང་ནས་སྨྲས་པ། ཁྱོད་ཀྱི་ཁྱིམ་ན་ཁྱི་ལྟ་ཡོད་དམ། བྲམ་ཟེ་དེས་མཆིས་སོ་ཞེས་སྨྲས་སོ། །སོང་ལ་བྲམ་ཟེ་བརྒྱད་བོས་ཤིག་།བཞི་ནི་ཁྱོད་ཀྱིས་བོས་ཤིག། བཞི་ནི་ཆུང་མ་ལ་ཁྱོད་ཀྱིས་བོས་ཤིག་ཅེས་བསྒོ་ལ། དེ་ནས་འདི་སྐད་སྨྲོས་ཤིག་།བདག་ཁྱིམ་དུ་སླར་དགེ་ཞིང་བཀྲ་ཤིས་པར་འཁོར་ན་བྲམ་ཟེ་བརྒྱད་ལ་ཟས་སྦྱིན་པར་ལྷ་དབང་ཕྱུག་གི་སྤྱན་སྔར་ཁས་བླངས་སོ། །ཞེས་བྱོས་ཤིག་།དེ་ནས་དེ་ཁྱིམ་དུ་སོང་བ་ཆུང་མ་ལ་བདག་ལམ་དུ་ཞུགས་ཏེ་སོང་བའི་ཚེ། ལྷའི་སྤྱན་སྔར་ཇི་སྟེ་དགེ་ཞིང་བཀྲ་ཤིས་ཏེ། སླར་འཁོར་ན། བྲམ་ཟེ་བརྒྱད་ལ་ཟན་སྦྱིན་པར་དམ་བཅས་པ་དེ་ད་བོད་ཀྱི་ཁྱོད་ཀྱིས་ནི་བཞི་པོས་ཤིག་།བདག་གིས་ཀྱང་བཞི་བོད་དོ། །དེ་བཞིན་དུ་བྱའོ་ཞེས་མཉན་ནས་བྲམ་ཟེ་དེས་བཞི་བོས། བྲམ་ཟེ་མོས་ཀྱང་བཞི་མགྲོན་དུ་བོས་སོ། །དེ་ལྟར་མགྲོན་དུ་བོས་ནས། སྨན་ཆེན་པོའི་དྲུང་དུ་སོང་སྟེ། དེ་དག་བོས་ལགས་སོ། །ཞེས་སྨྲས་པ་དང ། དེ་ནས་ཡང་སྨན་ཆེན་པོས་སྨྲས་པ། ནམ་དེ་དག་ཁྱིམ་དུ་ཁྲིད་པ་ན། བདག་གི་དྲུང་ནས་མི་འདི་ཁྲིད་ལ། དེ་དག་ནང་དུ་དོང་བའི་ཚེ་སྒོར་ཞོག་ཅིག་།ཟན་ཟ་བའི་ཚེ་ཅི་ཡང་བྱེད་དུ་མ་གཞུག་པར་མདུན་དུ་ཞོག་ཅིག་།མི་དེ་ལ་ཡང་ཁྱོད་ཀྱིས་མཚན་མ་རྣམས་བཟུང་སྟེ། དེ་དག་ནང་དུ་འཇུག་པའི་ཚེ། བྲམ་ཟེ་གང་ལ་ཁྱི་ཟུག་པ་དང ། གང་ལ་མཇུག་མ་འདྲིལ་བར་འགྱུར་བ་ལྟོས་ཤིག་།ཁྱིའི་ཚུལ་ནི་འདི་ལྟ་བུའོ་ཞེས་</font><hr>Da99b<br><font size=+2>


དེ་ལ་བསྒོའོ། །བྲམ་ཟེ་དེ་ལ་ཡང་ཁྱོད་ཀྱིས་བྲམ་ཟེ་རྣམས་ལ་མ་འབྲིམ་པར། བྲམ་ཟེ་མོ་དེ་ཉིད་འབྲིམ་དུ་ཆུག་ཅིག་ཅེས་བསྒོའོ། །མི་དེ་ལ་ཡང་ཁྱོད་ཀྱིས་བརྟག་པ་ནི། བྲམ་ཟེ་མོ་དེ་འབྲིམ་པའི་ཚེ། གང་ལ་མཚན་མར་བྱེད། མིག་བཙུགས་ཤིང་ལྟ་བ་དང ། དགོད་ཅིང་ཚིག་འབྱིན་ལ་ལྷག་པར་འགྲིམ་པ་རྣམས་ཤེས་པར་གྱིས་ཤིག་།ཅེས་བསྒོའོ། །དེ་ལྟར་བསྟན་པ་དང ། བྲམ་ཟེ་དེས་མི་དེ་ཁྲིད་དེ་སྒོ་དྲུང་དུ་བཞག་གོ་།བྲམ་ཟེ་མོ་ལ་ཁྱོད་ཀྱིས། བྲམ་ཟེ་གང་མགྲོན་དུ་བོས་པ་དེ་དག་ཁྱོད་ཉིད་ཀྱིས་བོས་ཤིག་ཅེས་བསྒོ་ནས། རང་གིས་གང་མགྲོན་དུ་བོས་པ་དེ་དག་ཀྱང ། བདག་ཉིད་ཀྱིས་བོས་སོ། །དེ་དག་རིམ་གྱིས་ནང་དུ་སོང་བ་ལ་ཁྱི་ཟུགས་སོ། །ནམ་རྣ་བོ་ཆེ་དེ་འོངས་པ་དང ། ཁྱི་དེས་ཁ་བལྟས་ནས་རྣ་བ་ཕབ། མཇུག་མ་འདྲིལ་ནས་ཕྱི་བཞིན་དུ་འབྲངས་ཏེ། ནང་དུ་ཞུགས་ནས་ཁྱི་འདྲིས་པའི་སྒྲ་འབྱིན་པ་དང ། རྒྱལ་པོའི་མི་དེས་རྣ་བོ་ཆེ་འདི་ཡིན་པར་ཤེས་སོ། །དེ་ནས་དེས་ཟས་འབྲིམ་པ་ལ་བལྟས་ན། བྲམ་ཟེ་མོ་དེ་འབྲིམ་པ་ལ་ཞུགས་པ་དང ། རྣ་བོ་ཆེ་དེ་ལ་སྨིན་མའི་བརྡ་བྱེད་ཅུང་ཟད་དགོད། མིག་དེར་ཆགས། དེ་དང་ལྷན་ཅིག་གཏམ་ཟེར། ལྷག་པར་ཡང་དེར་འབྲིམ་པ་དང ། དེ་ནས་རྒྱལ་པོའི་མི་དེས་ཇི་ལྟར་མཐོང་བ་བཞིན་དུ། ཇོ་བོ། ཚུལ་འདི་འདྲའོ། །ཞེས་སྨན་ཆེན་པོ་ལ་སྨྲས་པ་དང ། སྨན་ཆེན་པོས་དེ་ཐོས་མ་ཐག་ཏུ། རྣ་བོ་ཆེ་ཁུག་ཅིག་ཅེས་རྒྱལ་པོའི་མི་བཏང་ངོ ། །དེ་འོངས་ནས། སྨན་ཆེན་པོས་དེ་ལ་གཞན་གྱི་ནོར་དབྲོག་པར་བྱ་བ་དེ་ལྟ་བུ་ཅི། བྲམ་ཟེའི་ཆོས་</font><hr>Da100a<br><font size=+2>


༄#། །ཡིན་ནམ། ཁྱོད་ཀྱིས་ཁྱེར་བ་དེ་སླར་བྱིན་ཅིག་།ཅེས་བསྒོ་ན། དེས་སྡིག་བཞི་པར་གྱུར་ཅིག་།བདག་གིས་དེ་ཡོད་མ་འཚལ་ཏོ་ཞེས་སྨྲས་པ་དང ། དེ་ནས་སྨན་ཆེན་པོས་མི་རྣམས་ལ་ངན་པ་ཅན་འདི་བཙོན་རར་ཆུག་ལ། ཇི་ནས་རུས་པ་བྱུང་བ་དེ་ལྟ་བུར་ནན་ལ་བོར་ཅིག་ཅེས་བསྒོ་བ་དང ། དེ་དེ་ལྟ་བུས་བསྡིགས་པས། འཇིགས་སྐྲག་ཤིན་ཏུ་གདུངས་པས་ན། ལྷ་སྐྱོབས་ཤིག་དང ། བདག་གིས་དེ་སླར་དབུལ་ལོ་ཞེས་སྨྲས་སོ། །དེ་ནས་རྣ་བོ་ཆེ་དེ་དག་གིས་ཁྱིམ་ནས། གསེར་གྱི་དོང་ཙེ་གནའ་མ་ལྔ་བརྒྱ་བོ་ཇི་ལྟར་བཅིངས་པ་བཞིན་དུ་ཁྱེར་ཏེ་འོངས་ནས་སྨན་ཆེན་པོ་ལ་ཕུལ་ལོ། །དེ་ནས་སྨན་ཆེན་པོས་ཀྱང་བྲམ་ཟེ་དེ་ལ་བྱིན་ནོ། །དེ་ནས་བྲམ་ཟེ་དེ་དགའ་མགུ་ནས་ཡིད་རབ་ཏུ་དགའ་བར་གྱུར་ཏེ། དེ་ནས་བྲམ་ཟེ་དེ་འདི་སྙམ་དུ་སེམས་པར་གྱུར་ཏོ། །བདག་གི་གསེར་གྱི་དོང་ཙེ་གནའ་མ་ལྔ་བརྒྱ་པོ་མེད་པ་ལས་སླར་རྙེད་པ་ནི། ཐམས་ཅད་ཀྱང་སྨན་ཆེན་པོའི་མཐུ་ཡིན་ཏེ། ཇི་ནས་བདག་གིས་དེ་ལ་བཀུར་སྟི་བྱ་ཞིང ། ལན་གླན་ནོ། །སྨན་ཆེན་པོ་བདག་ལ་བྱམས་པ་དང ། བདག་གིས་ཀྱང་ལན་གླན་པར་འགྱུར་རོ་སྙམ་དུ་བསམས་ནས། དེས་གསེར་གྱི་དོང་ཙེ་གནའ་མ་དེ་དག་ལས་ཕྱེད་ཁྱེར་ཏེ། སྨན་ཆེན་པོའི་དྲུང་དུ་སོང་ནས། སྐྱེས་འདི་བཞེས་ཤིག་ཅེས་ཕུལ་ལོ། །སྨན་ཆེན་པོས་ཀྱང་བླངས་ནས། དེ་ཉིད་ལ་སླར་བྱིན་ནོ། །དེའི་སྙན་པས་ཀྱང་གྲོང་ཁྱེར་དེར་ཁྱབ་པར་བྱུར། རྒྱལ་པོ་དང་</font><hr>Da100b<br><font size=+2>


བློན་པོ་དང ། གྲོང་ཁྱེར་བ་རྣམས་ཀྱིས་ཀྱང་དེ་མཁས་པ་དང་ལྡན་ནོ། །ཞེས་བྱ་བའི་སྒྲ་ཀུན་ཏུ་བསྒྲགས། བདག་ཅག་བསོད་ནམས་དང་ལྡན་པས་ན། འདི་འདྲ་བའི་བློན་པོ་བདོག་གོ་སྙམ་དུ་སེམས་སོ། །དེ་ནས་གཞན་ཞིག་རང་གི་དོན་ཞིག་གི་ཕྱིར། ཡུལ་གཞན་དུ་སོང་སོང་བ་ལས་སླར་ལོག་སྟེ། རྫིང་འགྲམ་ཞིག་ཏུ་སོང་ནས། ཕྱེའི་རྐྱལ་པ་ཁ་ཕྱེ་སྟེ། ཕྱེ་ཕྱུང་ནས། ཟན་ཟོས་སོ།། ཟན་ཟོས་ནས་རྐྱལ་པ་ཁམ་བཅིངས་བཞིན་དུ། ཕྱི་རོལ་གྱི་སར་སོང་ངོ ། །དེ་དེར་འདུག་པ་དང ། སྤྲུལ་རེག་ན་གདུག་པའི་དུག་ཅན་དེའི་རྐྱལ་བའི་ནང་དུ་ཞུགས་སོ། །མི་དེ་སླར་འོངས་ཏེ་དེས་མ་བལྟས་པར་རྐྱལ་པའི་ཁ་བཅིངས་ཏེ། ཕྲག་པ་ལ་ཐོགས་ནས་གྲོང་ཁྱེར་ཆེན་པོར་ཕྱིན་པ་དང ། དེ་ནས་ལྟས་མཁན་ཞིག་གིས་རིགས་ཀྱི་བུ་འདི་ནི་འཚོ་བ་དང་བྲལ་དུ་ཉེའོ། །ཞེས་ལུང་བསྟན་ཏོ།། མི་དེས་ཀྱང་སླར་ལོག་སྟེ་དེ་ལ་བལྟས་སོ། །དེ་ནས་དེ་ལ་ཚིག་དེ་སྐད་ཐོས་པའི་འོག་ཏུ་ཅིའི་ཕྱིར་བདག་གིས་ལྟས་མཁན་དེ་ལ་མ་དྲིས་ཞེས་འགྱོད་པ་སྐྱེས་སོ། །དེ་ཐེ་ཚོམ་སྐྱེས་ནས་བདག་གིས་དོན་དེའི་ཕྱིར། བློན་པོ་སྨན་ཆེན་པོ་ལ་མ་དྲིས་ཀྱི་བར་དུ་ཁྱིམ་དུ་མི་འགྲོའོ་སྙམ་དུ་བསམས་ནས། ཚིག་ཏུ་ཡང་སྨྲས་སོ། །དེ་སྨན་ཆེན་པོའི་དྲུང་དུ་སོང་སྟེ། འདི་ལྟར་བདག་གྲོང་ཁྱེར་དུ་མཆི་བའི་ཚེ། ལྟས་མཁན་གྱིས་འདི་ལྟར་ལུང་བསྟན་པའི་དོན་དེ་དག་སྨྲས་ནས། དེ་ལ་སླར་བདག་གིས་ནི་མ་དྲིས་ཏེ། དེ་བས་ན་ཁྱོད་ལ་གསོལ་ལོ། །ཞེས་དྲིས་པ་དང ། སྨན་ཆེན་པོས་གང་ནས་འོངས། </font><hr>Da101a<br><font size=+2>


༄#། །ཞེས་དྲིས་ནས། དེས་ཇི་ལྟ་བུར་གྱུར་པ་ཞིབ་ཏུ་སྨྲས་སོ། །དེས་བསམས་པ། རྐྱལ་བའི་ནང་དུ་སྦྲུལ་རེག་ན་གདུག་པ་ཡོད་ཡང་དག་གིས་ལྟས་མཁན་དེས་ཀྱང་དེའི་ཕྱིར་སྨྲས་སོ། །སྙམ་ནས། དེ་ནས་སྨན་ཆེན་པོས་སྐྱེ་བོ་མང་པོའི་མངོན་སུམ་དུ་རྐྱལ་པ་འདི་ཁ་ཁྲོལ་ལ་རྒྱང་མ་ནས་ཤིང་གིས་ཁ་ཕྱེ་ཤིག་དང ། གདོད་ཤེས་པར་འགྱུར་རོ། །དེ་ལྟ་བུར་བྱས་པ་དང ། སྦྲུལ་རེག་ན་གདུག་པ་དེ་དེའི་ནང་ནས་མགོ་ནི་བཏེག་།དབུགས་ནི་རྒོད། ལྕེ་ནི་བསྐྱོད་བཞིན་དུ་ཕྱིར་བྱུང་བ་དང ། སྨན་ཆེན་པོས་ཁྱོད་ཀྱི་དོགས་པ་དེ་ནི་འདི་ཡིན་ནོ་ཞེས་སྨྲས་སོ། །དེ་ནས་སྨན་ཆེན་པོ་ཡུལ་བལྟ་བའི་ཕྱིར་ཡན་ལག་བཞིའི་སྟོབས་མང་པོ་རྣམས་གོ་བསྐོན་ཏེ་ཕྱིར་བྱུང་ངོ ། །དེ་ནས་གྲོང་དང ། གྲོང་ཁྱེར་དང ། ཚོང་དུས་དག་བལྟས་ནས། གྲོང་དང་གྲོང་ཁྱེར་དང ། གྲོང་འདབ་འདི་སུའི་ཡིན་ཞེས་དྲིས་ན། ཡུལ་ན་གནས་པ་དག་གིས་འདི་བློན་པོ་ཆེ་གེ་མོ་ཞིག་གི་ལགས་སོ། །འདི་ནི་འདི་དག་གིའོ་ཞེས་སྨྲས་པ་དང ། དེ་ནས་སྨན་ཆེན་པོས་བརྟགས་ཏེ་བལྟས་ན། འདི་ལྟར་ཡུལ་ཐམས་ཅད་བློན་པོ་དྲུག་གིས་ཀུན་རྣོགས་ཏེ། རྒྱལ་པོ་སྐྱེད་པ་བཟའ་བ་དང ། བཏུང་བ་ཙམ་འབའ་ཞིག་ལ་དབང་ངོ ། །སྙམ་དུ་བསམས་སོ།། དེ་དེ་ནས་སྨན་ཆེན་པོས། ལྷ་གྲོང་དང ། རི་བྲགས་ཀྱི་གྲོང་དང ། གྲོང་ཁྱེར་རྣམས་སུ་དབང་ཞེས་གསོལ་པ་དང ། རྒྱལ་པོས་དེ་ཇི་ལྟར་བྱ་བ་དེའི་ཕྱིར། སྙིང་བརྩེ་བའི་ལྷ་རྣམས་ཀྱིས་</font><hr>Da101b<br><font size=+2>


བདག་ལ་བསྟན་པ་ནི། པུ་རྞ་ཀཙྪའི་རི་བྲགས་ཀྱི་གྲོང་ན། གང་པོ་ཞེས་བྱ་བའི་བུ་སྨན་ཆེན་པོ་ཁྱོད་ཀྱི་བློན་པོར་ཆུག་ཅིག་དང ། ཁྱོད་ཀྱི་ཡུལ་རྣམས་རྒྱས་པར་བྱས་པས་འདུལ་བར་འགྱུར་ཏེ། དེའི་ཚེ་ན་ཁྱོད་ཉིད་ཀྱང་ཐམས་ཅད་ལ་དབང་བའི་རྒྱལ་པོར་འགྱུར་ཞེས་ལུང་བསྟན་ཏེ། ཁྱོད་ནི་འདི་ལྟ་བུར་དགོས་པའི་ཕྱིར་བདག་གིས་རུམ་ན་འདུག་ཚུན་ཆད་དུ་བདེ་བའི་ཡོ་བྱད་ཀྱིས་བསྐྱེད་པ་ཡིན། ད་ལྟ་ན་ཡང་བློན་པོའི་མཆོག་ཏུ་བཅུག་ན། ད་ནི་ལྷའི་ཚིག་གིས་ཁྱོད་བདག་གིས་བློས་ཅི་ལྕོགས་པ་སྟོན་པ་ཅི་ནས་བདག་རྒྱལ་པོའི་དབང་ཕྱུག་ཏུ་འགྱུར་བར་བྱོས་ཤིག་ཅེས་སྨྲས་པ་དང ། དེ་ནས་སྨན་ཆེན་པོས་རྒྱལ་པོ་སྐྱེད་པ་ལ་ཕྱག་བྱས་ནས། ཐུགས་བརྟན་པར་མཛོད་ཅིག་དང ། ཇི་ལྟར་བདག་གིས་ལྷ་མཉེས་པར་འགྱུར་བ་དེ་ལྟར་བགྱིའོ། །ཞེས་སྨྲས་སོ། །དེ་ནས་སྨན་ཆེན་པོ་ཡུལ་དང ། གྲོང་དང ། གྲོང་ཁྱེར་དང ། རི་བྲགས་ཀྱི་གྲོང་དེ་དག་ན་གཙོ་བོ་གང་ཡིན་པ་དེ་རྣམས་དབྱེན་བཅུག་སྟེ། སོ་སོར་ཕྱེ་ནས་ཅི་ནས་ཁྱེད་བདག་ལ་དགའ་བར་གྱུར་པ་དེ་ལྟ་བུར་བདག་གིས་བྱའོ། །བློན་པོ་དེ་དག་ནི་འདོད་ཆེན་ཆེ་བས་དཔྱ་ནར་མ་དང ། བླ་སྐྱེས་དག་ཀྱང་མི་རིགས་པར་འབེབས་ཏེ། གནོད་པར་གྱུར་པས་ན། དེའི་ཕྱིར་རིག་པར་བྱས། འདི་ལྟར་བདག་གི་ཚིག་བཞིན་དུ་བྱས་ན། བདག་གིས་ཀྱང་ཁོང་དུ་ཆུད་པར་བསྟན་ཏེ། དཔྱ་ཡང་རིགས་པར་དབབ། གཞན་ཡང་བདེ་བར་དགོད་ཅིང་བདེ་བའི་ཡོ་བྱད་རྣམས་ཀྱིས་ཀྱང་བསྐྱང་བར་བྱ། ཅི་ནས་</font><hr>Da102a<br><font size=+2>


༄#། །ཁྱེད་ཅག་མི་མཐུན་པར་བྱོས་ཤིག་།ཁྱེད་མི་མཐུན་པར་བྱས་པ་ལས་ཇི་སྟེ། རྒྱལ་པོ་དང ། བློན་པོ་རྣམས་ལྷགས་ན་ཡང་བདག་མེད་ཀྱི་བར་དུ་དེ་དག་གི་དབང་དུ་མ་འགྲོ་བར་འདི་སྐད་སྨྲོས་ཤིག་།ཅི་སྟེ་བློན་པོའི་མཆོག་སྨན་ཆེན་པོ་འོངས་ཏེ། དེ་ལ་བདག་ཅག་གིས་བློན་པོའི་དབང་དུ་བྱའི། གཞན་ལ་མ་ཡིན་ནོ་ཞེས་སྨྲོས་ཤིག་།དེ་ནས་དེས་འདི་ལྟ་བུའི་རིགས་པ་སྔར་སྦྱར་ནས། ཡུལ་དེ་དག་ཀུན་མི་མཐུན་པར་བྱེད་ཅིང་བྱེད་དུ་བཅུག་པས་ན། བཀའ་རྣམས་ཀྱང་གཅོག་པར་གྱུར་ཏོ། །དེ་ནས་བློན་པོ་དེ་དག་གིས་རྒྱལ་པོ་ལ་གསོལ་པ་དང ། འདི་ལྟར་རྒྱལ་པོ་སྐྱེད་པས་བློན་པོ་དྲུག་པོ་དེ་དག་ཉིད་ཡན་ལག་བཞིའི་སྟོབས་མང་པོ་དང་ལྷན་ཅིག་བཀྱེ་ཡང ། དེ་དག་གི་གྲོང་དང ། རི་བྲགས་ཀྱི་གྲོང་གཅིག་ལ་ཡང་དབང་བྱེད་མ་ནུས་སོ། ། དེ་ནས་རྒྱལ་པོ་ལ་ལྷ་ཉིད་མ་བྱོན་ན་འདི་དག་དབང་དུ་བགྱིར་མི་ནུས་སོ་ཞེས་ཕོ་ཉ་བཏང་བ་དང ། དེ་ནས་རྒྱལ་པོ་ཉིད་འོངས་ཀྱང ། རི་བྲགས་ཀྱི་གྲོང་གཅིག་ཀྱང་དབང་བྱར་མ་ནུས་ཏེ། འཐབ་པས་མང་ཞིག་ཤི་བ་དང ། རྒྱལ་པོ་དང ། བློན་པོ་དྲུག་པོ་དེ་དག་ཀྱང་མི་དགའ་བར་གྱུར་ཏོ། །དེ་ནས་རི་བྲགས་ཀྱི་གྲོང་མི་དག་གིས་དྲིས་ཏེ། སྨན་ཆེན་པོ་འདིར་འོངས་ན། དེའི་ངག་ཉན་ཅིང་དེའི་དབང་བཞིན་དུ་བགྱིས་ཏེ། བདག་ཅག་རྒྱལ་པོ་སྐྱེད་པ་དང་མི་མཐུན་པར་བགྱིད་པ་ནི་མ་ལགས་ཀྱི། བློན་པོ་རྣམས་བདག་ཅག་ལ་གནོད་པར་བགྱིད་པའི་ཕྱིར་རོ། །ཞེས་སྨྲས་པ་དང ། </font><hr>Da102b<br><font size=+2>


དེ་ནས་རྒྱལ་པོས། སྨན་ཆེན་པོ་ལ་ངེད་ཀྱིས་ཡུལ་རྣམས་ཕེབས་པར་མི་ནུས་ཀྱི། ཁྱོད་ཚུར་ཤོག་ཅིག་ཅེས་ཕོ་ཉ་བཏང་ངོ ། །དེ་ནས་སྨན་ཆེན་པོས་ཡི་གེ་མཐོང་མ་ཐག་ཏུ་རྒྱལ་པོའི་དྲུང་དུ་འོངས་སོ། །དེ་མཐོང་ནས་ཡུལ་གྱི་མི་ཀུན་གྱིས་ཕྱག་བྱས་ཏེ། ཡུལ་མི་དེ་རྣམས་ལ་མ་འཇིགས་ཤིག་།དཔྱ་ཡང་ཆོས་བཞིན་དབབ། དམན་པ་དང ། དབུལ་བ་དང ། སྐྱབས་མེད་པ་རྣམས་ཀྱང་དབུགས་དབྱུང་བ་བྱས། ཡུལ་ན་གནས་པ་དང ། གྲོང་ཁྱེར་བ་རྣམས་ལ་ཕ་མ་དང ། ཕུ་ནུ་དང ། རང་གི་སྐྱེ་བོ་བཞིན་བཀུར་སྟི་དང ། བྱ་དགས་ཀུན་སྙོམས་པར་བྱས་ནས། ཕང་ནས་འཁྱུད་དོ། །དེ་ནས་ཡུལ་ན་གནས་པའི་རྒན་པ་དང ། གཞོན་པ་དང ། བུད་མེད་དེ་དག་ཐམས་ཅད་ཀྱིས་ཀྱང་སྨན་ཆེན་པོ་ལ་བུ་དང ། བདག་གི་མིང་པོ་བཞིན་དུ་བལྟ་བར་གྱུར། དེས་ཀྱང་ཐམས་ཅད་ལ་སེམས་དགའ་བར་བྱས་ཤིང ། དེ་ནས་མཐར་གྱིས་ཡུལ་ཐམས་ཅད་གཅིག་ཏུ་བསྡུས་ཏེ། རྒྱལ་པོ་སྐྱེད་པ་དང་ལྷན་ཅིག་སླར་རྒྱལ་པོའི་ཕོ་བྲང་དུ་འོངས་སོ། །དེ་ལྟ་བུའི་ལས་བྱས་པས། རྒྱལ་པོ་གཞན་དག་ལ་ཡང་སྙན་པའི་སྒྲ་གྲགས་པར་གྱུར་ཏོ། །དེ་ནས་རྒྱལ་པོ་མཉེས་པ་ན། བདག་གི་བུ་མོ་སྨན་ཆེན་པོའི་ཆུང་མར་བྱིན་ཏེ། དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ནས་ཡང་ཡུལ་གཞན་ཞིག་ནས། རྒྱལ་པོའི་ལོངས་སྤྱོད་ཉམས་པ་གཞན་ཞིག། རྒྱལ་པོ་སྐྱེད་པའི་དྲུང་དུ་འོངས་ནས། རྒྱལ་པོ་སྐྱེད་པས་ཀྱང་དེ་མ་འདོད་ནས། སྨན་ཆེན་</font><hr>Da103a<br><font size=+2>


༄#། །པོའི་དྲུང་དུ་འོངས་སོ། །དེས་སྙིང་རྗེ་བའི་དབང་གིས་བླངས་ཏེ། ལོངས་སྤྱོད་ཀྱང་བྱིན་ནོ། །དེ་ནས་དུས་ཕྱི་ཞིག་ན། བྲམ་ཟེ་ཞིག་འོངས་ཏེ། དེ་ནས་བྲེ་གང་ཞིག་བླངས་པ་དང ། དེས་ཀྱང་ཁས་བླངས་ཏེ། བང་ཀ་བ་ལ་གཏད་ན། སང་སྦྱིན། གནངས་སྦྱིན་པ་ལས་མ་བྱིན་ནོ། །དེ་ནས་དུས་ཕྱི་ཞིག་ན་རྒྱལ་པོ་ལ་བློན་པོ་རྣམས་དང ། གྲོང་ཁྱེར་པ་དང ། ལྗོངས་པ་དག་གིས་བསྐོར་ཏེ་མི་མང་པོ་ཕྱག་འཚལ་བའི་གནས་ན་འདུག་གོ་།དེས་བློན་པོ་རྣམས་ལ། ཀྱེ་བློན་པོ་རྣམས། གསང་བ་ནི་སུ་ལ་སྨྲ་བར་བྱ། གང་ལ་ཡིད་བརྟན་པར་བྱ།་ཞེས་སྨྲས་པ་དང ། དེ་ནས་བློན་པོ་དེ་དག་སེམས་པ་ལ་ཞུགས་སོ། །དེ་དག་ལས་གཅིག་གིས་ནི་མཛའ་བོ་ལ་སྨྲ་བར་རིགས་སོ་ཞེས་བྱས། ཁ་ཅིག་གིས་ནི་ལྷ་དེའི་ཆུང་མ་ལ། ཁ་ཅིག་གིས་མ་ལ། ཁ་ཅིག་གིས་ནི་སྲིང་མོ་ལ། ཁ་ཅིག་གིས་ནི་ཕ་ལ། ཁ་ཅིག་གིས་ནི་ཕུ་ནུ་ལའོ་ཞེས་གཞན་དག་གིས་དེ་སྐད་སྨྲས་པ་དང ། རྒྱལ་པོས་སྨན་ཆེན་པོ་ལ་གཞན་དག་གིས་ནི་ཇི་ལྟར་བསམས་པ་བཞིན་སྨྲས་ན། ཁྱོད་ཀྱིས་ཅིའི་ཕྱིར་མི་སྨྲ་ཞེས་དྲིས་པ་དང ། དེ་ནས་སྨན་ཆེན་པོས། རྒྱལ་པོ་ལ། ལྷ་བདག་གིས་ནི་འདི་སྙམ་དུ་བསམས་ཏེ། གསང་བ་དེ་ནི་སུ་ལ་ཡང་བགྱི་བར་མི་རིགས་ན། ཆུང་མ་ལ་ལྟ་ཅི་སྨོས་ཏེ། དེ་ནི་བདག་གིས་ལྷའི་སྤྱན་སྔར་མངོན་པར་བགྱིའོ། །ཞེས་སྨྲས་སོ། །དེ་ནས་དུས་ཕྱི་ཞིག་ན། རྒྱལ་པོའི་རྨ་བྱ་སྟོར་བ། སྨན་</font><hr>Da103b<br><font size=+2>


ཆེན་པོས་བཙལ་ཏེ་ཕྱོགས་གཞན་ཞིག་ཏུ་སྦས་ནས། དེ་དང་འདྲ་བ་གཞན་ཞིག་བཟུང་སྟེ། ཆུང་མ་ལ་ཁྱོད་ཀྱིས་རྒྱལ་པོའི་ཕོ་བྲང་ནས་རྨ་བྱ་སྟོར་པ་ཐོས་སམ། ཞེས་དྲིས་པ་དང ། དེས་ཀྱང་བདག་གིས་ཐོས་སོ། །ཞེས་སྨྲས་སོ། །སྨན་ཆེན་པོས་ཁྱོད་ཀྱིས་སུ་ལ་ཡང་མ་ཟེར་བར་འདི་མྱུར་དུ་ཚོས་ཤིག་དང ། བཟའོ་ཞེས་བསྒོའོ། །དེས་རི་བྲགས་ཀྱི་གྲོང་མི་འདིས་རྒྱལ་པོའི་རྨ་བྱ་ཟ་བ་ལྟོས་ཤིག་།བདག་གིས་ཕ་ནི་འདི་ལ་ཤིན་ཏུ་ཡིད་བརྟན་པར་བྱེད་ན། འདི་ནི་རྒྱལ་པོ་ལ་གནོད་པའི་ལས་བྱེད་དོ་སྙམ་དུ་བསམས་སོ། །ཡང་རེ་ཞིག་ན་རྒྱལ་པོ་དེའི་བཙུན་མོ་འདྲ་བ་བུད་མེད་སྨད་འཚོང་མ་ཞིག་རྒྱན་ཐམས་ཅད་ཀྱིས་ཀླུབས་ཏེ། བདག་གི་བུད་མེད་ཀྱི་ནང་དུ་བཅུག་ནས། ཆུང་མ་ལ་འདི་ནི་རྒྱལ་པོའི་བཙུན་མོ་འདི་ཞེས་བྱ་བ་ཡིན་ཏེ། བདག་འདི་ལ་ཤིན་ཏུ་ཡིད་བརྟན་གྱིས། ཁྱོད་བདག་ལ་སྡུག་ན། སུ་ལ་ཡང་མ་ཟེར་ཅིག་།ཅེས་བསྒོ་བ་དང ། དེ་ནས་རྒྱལ་པོའི་བུ་མོ་དེ་འདི་ནི། སྨན་ཆེན་པོ་དང་ལྷན་ཅིག་ཏུ་འདུག་གོ་སྙམ་བསམས་ནས། ཁྲོས་པས་འཁྲུག་པ་སྐྱེས་ཏེ། ཕ་ལ་འཕྱ་ནས་བདག་གི་ཕ་འདི་ལྟ་བུ་དོན་ལ་རྟོག་པ་ཅི་ཡང་མེད་དེ། རི་བྲགས་ཀྱི་གྲོང་མི་རིགས་ངན་པ་ལས་བྱུང་བ། བློན་པོའི་མཆོག་ཏུ་བཅུག་ཅིང ། ངན་པ་འདི་ལ་རྒྱལ་པོའི་དོན་ཐམས་ཅད་གཏད་པ་ག་ལ་རིགས། དེ་ཅི་ནས་སྔོན་གྱི་གནས་རྙིང་པར་བཞག་པ་དེ་ལྟ་བུར་བྱའོ་ཞེས་བསམས་ཏེ་སོང་ནས། ཕ་ཡབ་ཀྱིས་ངན་པ་དེ་ལྟ་བུ་མ་བརྟགས་པར་བློན་</font><hr>Da104a<br><font size=+2>


༄#། །པོའི་མཆོག་ཏུ་བཅུག་ཅིང ། ཡིད་བརྟན་པར་བགྱིས་པ་ག་ལ་རིགས། དེས་འདི་ལྟར་རྒྱལ་པོའི་བཙུན་མོ་ལ་གློ་བ་རངས་ཏེ། ཡབ་ཀྱི་བཙུན་མོ་འདི་ཞེས་བགྱི་བ་དང་ལྷན་ཅིག་ཏུ་སྤྱད། རྒྱལ་པོའི་རྨ་བྱ་དེ་ཡང་འདིས་ཟོས། ཡུལ་གཞན་ནས་མི་འོངས་པ་རྣམས་ཀྱང་བསྙེན་ཅིང་ཡོ་བྱད་ཀུན་སྦྱོར་བར་བགྱིད་ན། ཡབ་ནི་རྟག་ཏུ་ཡང་བདག་ལ་སྨན་ཆེན་པོ་འདི་ཐམས་ཅད་པས་སྡུག་།འདི་ལས་ཡིད་དུ་འོང་བ་མེད་དོ་ཞེས་གསུང་ན། དེ་ནི་འདི་ལྟ་བུ་མི་བགྱི་བ་རྣམས་བགྱིད་ཀྱི། ཇི་ལྟ་བུ་ཡིན་མཁྱེན་པར་གྱིས་ཤིག་ཅེས་སྨྲས་པ་དང ། དེ་ནས་རྒྱལ་པོས་དོན་དེ་དག་བརྟག་པའི་ཕྱིར། གཤེད་མའི་མི་རྣམས་ལ་སོད་ཅིག་།ཅེས་བཀྲིའོ། །དེ་ནས་རིགས་ངན་དེ་དག་གིས་ཤིང་ཀར་བི་རིའི་མེ་ཏོག་གིས་ཕྲེང་བ་ནི་མགུལ་དུ་བཏགས། བོང་སྐད་ལྟ་བུའི་རྔ་བརྡུངས། ཚིག་རྩུབ་པོས་སྤྱོས། བསྡིགས། ཚར་བཅད་དེ། མཚོན་ཐོགས་པ་གཤིན་རྗེའི་མི་ལྟ་བུའི་རིགས་ངན་རྣམས་ཀྱིས་དུར་ཁྲོད་དུ་ཁྲིད་མོད་ཀྱི། དེ་གསད་པར་ནི་གང་ཡང་མི་འདོད་དོ། །གྲོང་ཁྱེར་གྱི་སྐྱེ་བོ་དང ། ལྗོངས་པ་རྣམས་ནི་མིག་ནས་མཆི་མ་འཛག་ཅིང ། བདག་གི་བུ་བསད་པ་ལྟར་སྡུག་བསྔལ་ནས། ཉམ་ཐག་པའི་སྒྲ་འབྱིན་ཅིང ། ལྷ་དག་ལ་ཡང་གསོལ་པ་འདེབས་སོ། །ཅི་ཙམ་ཞིག་ན། སྨན་ཆེན་པོས་རྒྱལ་རིགས་དབུལ་པོ་བསྙེན་ཅིང་ལོངས་སྤྱོད་བགོས་ཏེ་བྱིན་པ་དེ་དག་གིས། རྒྱལ་པོའི་མི་རྣམས་ལ་བདག་ཅག་གིས་</font><hr>Da104b<br><font size=+2>


འདི་བསད་ཀྱི། ཁྱེད་ཅག་སླར་ལོག་ཅིག་ཅེས་སྨྲས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སོ་བཞི་པ། ཇི་ཙམ་ན་གྲོང་ཁྱེར་ནས་བྱུང་བ་དང ། བྲམ་ཟེ་མོང་རྟུལ་ཞེས་བྱ་བས་གོས་ཀྱི་མཐའ་མ་ནས་འཇུས་ནས། ཁྱོད་ཀྱིས་ནས་བྲེ་གང་སྦྱིན་པར་བྱས་པ་དེ་བྱིན་ལ་སོང་ཞིག་ཅེས་ཟེར་རོ། །སྨན་ཆེན་པོས་གནས་དེར་ཚིགས་སུ་བཅད་དེ་སྨྲས་པ། རྒྱལ་པོ་གྲོགས་སུ་འགྱུར་བ་མེད།། གདོལ་པ་ལ་ནི་བཤེས་པ་མེད། །བུད་མེད་རྣམས་ལ་གསང་མི་བརྗོད། །རྨ་བྱའི་ཤ་ནི་བཟའ་མི་བྱ། །བྲམ་ཟེ་མོང་རྟུལ་པོ་ཡིས་ནི། །ནས་བྲེ་གང་ཡང་ཆགས་མི་བྱ། །དེས་དེ་སྐད་སྨྲ་ཞིང་སོང་བ་དང།་དེ་ནས་གཤེད་མ་མི་རྣམས་ཀྱིས་སྨྲས་པ། སྨན་ཆེན་པོ་དེ་ཅི། ཁྱོད་ཤེས་པ་དང ། རྣམ་པར་ཤེས་པ་ཕུན་སུམ་ཚོགས་པ་ཡིན་ན། བླ་བར་བྱེད་དམ། སྨན་ཆེན་པོས་སྨྲས་པ། ཁོ་བོ་ནི་མི་བླ་སྟེ། འོན་ཀྱང་དེ་ཅི་བླ། དེས་སྨྲས་པ། ལྷ། བདག་མི་བླ་སྟེ། འོན་ཀྱང་སྡུག་བསྔལ་གྱིས་ཉམ་ཐག་ནས་དགོས་པ་སྨྲའོ། །དེ་ཅི་ཡིན། དེས་སྨྲས་པ། རྒྱལ་པོ་གྲོགས་སུ་འགྱུར་བ་མེད། །ཅེས་བྱ་བ་རྒྱ་ཆེར་རོ། །དེས་ཡང་སྨྲས་པ། ལྷ་གསོལ་བར་འཚལ་ན་རེ་ཞིག་གསན་དུ་གསོལ། བདག་གིས། རྒྱལ་པོ་གྲོགས་སུ་འགྱུར་བ་མེད། །ཅེས་གང་སྨྲས་པ་ནི་སྔོན་ལྷ་གྲོང་ངམ། གྲོང་ཁྱེར་རམ། གྲོང་རྡལ་རྣམས་ཀྱི་དོན་གང་ལ་ཡང་མི་མངའ་བར་གྱུར་ཏེ། ཁྱོད་གང་གི་ཕྱིར་དེ་སྐད་སྨྲ་བ་སྨྲས་པ་དེའི་དོན་ཁྱོད་ཀྱིས་མ་གོ་བར་ཟད་དོ། །དེ་རྣམས་སོང་སྟེ། རྒྱལ་པོ་སྐྱེད་པ་ལ་སྨན་ཆེན་པོ་ཇི་ཞིག་བླ་ན། དེ་བླ་བ་ཟློས་སུ་སྩལ་</font><hr>Da105a<br><font size=+2>


༄#། །བར་གསོལ། ཞེས་སྨྲས་སོ། །དེ་ནས་རྒྱལ་པོས་བོས་ནས་དྲིས་པ། ཞལ་ཟས་དང ། བཏུང་བ་དང ། སླས་གང་དག་ལགས་པ་དེ་ལ་མངའ་བ་ལས། ལྷ་དེང་སང་ས་ལ་དབང་བའི་རྒྱལ་པོ་དང ། རྒྱལ་སྲིད་དང ། དཔུང་དང ། མཛོད་དང ། དམག་ལ་མངའ་མཛད་པར་གྱུར་པ་གང་ལགས་པ་དེ་ལྟ་བུ་བདག་གིས་བགྱིས་ན། བདག་ལ་ཁྱོད་ཀྱིས་སྔོན་བྱས་པ་གཟོ་བ་ཉིད་མ་དགོངས་པར། ལྷས་དགུམ་དུ་བཏང་བས། དེའི་སླད་དུ་བདག་འདི་སྐད་དུ། རྒྱལ་པོ་གྲོགས་སུ་འགྱུར་བ་མེད། །ཅེས་མཆིའོ། །གདོལ་པ་ལ་ནི་བཤེས་པ་མེད། །ཅེས་བགྱི་བ་ནི།་ལྷ་གདོལ་བ་མལ་དང ། གོས་དང་བྲལ་བ་འདི། རྒྱལ་པོ་སྐྱེད་པས་བདག་ལ་འཚོ་བའི་ཡོ་བྱད་བྱིན་ན། དེས་བདག་འཚོ་བར་བྱའོ་སྙམ་ནས། ལྷའི་དྲུང་དུ་མཆིས་པ་ལས། ལྷས་ཡོངས་སུ་མ་བཟུང་ངོ ། །བདག་གིས་ནི་བཀྲེན་པའོ་སྙམ་པ་དང ། ཡུལ་ནས་འཁྱམས་པའོ་སྙམ་ནས་བགོ་བཤའ་བགྱིས་པ་ལས། འདི་ལྟར་དེང་སང་བདེ་བར་གྱུར་པ་ལགས་ན། དེང་བདག་དགུམ་པའི་སླད་དུ་ཆས་པས། དེའི་སླད་དུ་བདག་འདི་སྐད་དུ། གདོལ་པ་ལ་ནི་བཤེས་པ་མེད། །ཅེས་མཆིའོ། །བུད་མེད་རྣམས་ལ་གསང་མི་བརྗོད། །ཅེས་བགྱི་བ་ནི། རྒྱལ་པོ་དུས་གཅིག་ན་འཁོར་གྱི་ནང་ན་བཞུགས་ནས། ཚིག་འདི་སྐད་དུ་ཇི་ལྟར་སུ་ལ་ཡིད་གཅུགས་པར་བྱ་ཞེས་གསུངས་པ་དང ། དེ་ན་བློན་པོ་རྣམས་ཀྱིས་ཕ་དང ། མ་དང ། སྲིང་མོ་དང ། ནེའུ་ལྡངས་རྣམས་ལའོ། །ཞེས་གང་</font><hr>Da105b<br><font size=+2>


ལ་སྨྲ་བར་བགྱི་བ་དེ་སྨྲས་སོ། །ལྷས་ཀྱང་ཆུང་མ་ལ་བརྗོད་པར་བྱ་སྟེ། འདི་ལྟར་ཆུང་མ་ནི་ལུས་ཀྱི་ཕྱེད་ཡིན་པས་དེའི་ཕྱིར་བརྗོད་པར་བྱའོ། །ཞེས་གསུངས་སོ། །དེ་ནས་བདག་གིས་དོན་འདི་ལྷའི་སྤྱན་སྔར་བབ་པར་བགྱིའོ་སྙམ་ནས། བགམ་པའི་སླད་དུ་རྒྱལ་པོའི་རྨ་བྱ་སྦས་ནས། རྨ་བྱ་གཞན་ཞིག་བླངས་ཏེ་འཚལ་ཏོ། །སླས་ལས་ཀྱང་སླས་ཆེ་གེ་མོ་ཞིག་ལས་རྒྱན་བཙལ་ཏེ། སྨད་འཚོང་མ་ཆེ་གེ་མོ་ཞིག་གི་མགུལ་དུ་བཏགས་ནས། ཁྱིམ་དུ་བཞག་སྟེ། ལྷ་སྨད་འཚོང་མ་དེ་ཡང་གཟིགས་སུ་གསོལ། དེ་ནས་རྒྱལ་པོས་བཀུག་ནས། སླས་དང ། སྨད་འཚོང་མ་ཕྱོགས་གཅིག་ཏུ་བཞག་སྟེ། གཉི་ག་བལྟས་ན། རྟགས་དང ། ཁ་དོག་དང ། ཚུལ་དང ། དབྱིབས་མཚུངས་ཏེ། གཅིག་ལ་ཡང་ཁྱད་པར་དམིགས་པ་མ་ཡིན་ལ། ཅིག་ཤོས་ལ་ཡང་མ་ཡིན་ནོ། །དེ་ནས་རྒྱལ་པོས་བརྟགས་ནས། བདག་གིས་སྨན་ཆེན་པོ་ནི་ཉེས་པ་མེད་པར་ཁོང་དུ་ཆུད་དོ། །བྲམ་ཟེ་མོང་རྟུལ་པོ་ཡིས་ནི། །ནས་བྲེ་གང་ཡང་ཆགས་མི་བྱ། །ཞེས་གང་སྨྲས་པ་ནི། བདག་ལྷས་དགུམ་པར་བཏང་ནས། གཤེད་མ་པ་རྣམས་ཀྱིས་ཁྲིད་པ་ན། དེས་ནས་བྲེ་གང་བྱིན་ཅིག་།ཅེས་ནས་བྲེ་གང་གི་དོན་དུ་གོས་ཀྱི་མཐའ་མ་ནས་བཟུང་བས་དེའི་སླད་དུ་བདག་གིས་དེ་སྐད་སྨྲས་སོ། །དེ་ནས་རྒྱལ་པོ་དོན་དེ་ཐམས་ཅད་མངོན་སུམ་དུ་བསྟན་པས། དགའ་སྟེ་བཀྲོལ་ནས་བཀུར་སྟི་ཆེན་པོས་བཀུར་སྟི་བྱས་སོ། །དེ་ནས་རྒྱལ་པོ་ལ་ཕྱག་བྱས་ནས་གསོལ་པ། ལྷ་ཁྱོད་ཀྱིས་བུད་མེད་རྣམས་ཀྱི་གསང་</font><hr>Da106a<br><font size=+2>


༄#། །གཟིགས་སམ། ཁྱོད་ཀྱི་སྲས་མོ་ནི། བདག་ལ་ཡོང་དགོས་པ་མ་མཆིས་སོ། །འོན་ཀྱང་རིགས་དང ། གཟུགས་དང ། ངང་ཚུལ་དང ། ཤེས་རབ་བདག་དང་འདྲ་བ་དེ་ཁོ་ན་ལྟ་བུའི་མཆིས་བྲང་ཞིག་བླང་བར་བགྱིའོ། །དེས་རྒྱལ་པོ་ལ་གནང་བ་གསོལ་ནས། བདག་ཉིད་བྲམ་ཟེའི་ཆ་བྱད་དུ་བྱས་ཏེ། ལག་པ་གཡས་པ་བྱ་མ་བུམ་ཐོགས། ལུས་མཆོད་ཕྱིར་ཐོགས་ཀྱིས་མཛེས་པར་བྱས། ལུས་ལ་རི་དྭགས་ཀྱི་པགས་པ་གོས་སུ་བགོས། གདོང་ལ་བྱུག་རིས་གསུམ་བྱས་ནས། རི་བོར་ནགས་ཀྱི་ཚང་ཚིང་ཅན་ག་ལ་བ་དེར་བུ་མོ་བཙལ་བའི་ཕྱིར་ཆས་སོ། །ཇི་ཙམ་ན་ལམ་གྱི་བར་དུ་གྲོང་ཞིག་ཏུ་མུན་སྲོས་པར་གྱུར་ཏོ། །ཐ་གི་ཙམ་ན་བྲམ་ཟེ་ཞིག་གིས་དྲིས་པ། གང་ནས་འོངས། དེས་སྨྲས་པ། ལུས་འཕགས་པའི་ལྗོངས་ནས་སོ། །གང་དུ་འགྲོ་བར་སེམས། ནགས་ཀྱི་ཚང་ཚིང་ཅན་དུའོ། །ཅི་གང་གི་ཁྱིམ་དུ་བྲང་གདབ་པའི་ངོ་ཤེས་འགའ་ཁྱོད་ལ་ཡོད་དམ། དེས་སྨྲས་པ། མེད་དོ། །དེ་ནས་དེས་ཁྱིམ་དུ་ཁྲིད་དེ། ཚུལ་དང་མཐུན་པའི་འབྱོར་པས་ཕུ་དུད་བྱས་སོ། །དེས་དེའི་ཆུང་མ་ལ་ཡང་འདི་ནི་སྐྱེས་པ་གཞན་ལ་ཆགས་པས་རུང་བ་མ་ཡིན་ནོ་ཞེས་འཕྲིགས་སོ། །དེ་ཕྱི་དེ་ཉིན་དྲིས་ནས་ཆས་པ་དང ། བྲམ་ཟེས་ཀྱང་སྨྲས་པ། གྲོགས་པོ། བདག་གི་ཁྱིམ་འདི་སྟེ། ཕན་ཚུན་འགྲོ་བའི་ཚེ་ཕྱིན་པ་ན་རང་གི་ཁྱིམ་བཞིན་དུ་སོམས་ཤིག་།དེ་བཞིན་བགྱིའོ། །ཞེས་སྨྲས་ནས་ཆས་སོ། །ཇི་ཙམ་</font><hr>Da106b<br><font size=+2>


ན་ལམ་གྱི་བར་ཞིག་ན། ནས་ཀྱི་ཞིང་ཞིག་ཡོད་པ་དེ་ན། བུ་མོ་གཟུགས་བཟང་ཞིང་བལྟ་ན་སྡུག་ལ་རིགས་བཙུན་པ་ཤིན་ཏུ་ཞི་བ་དང་ལྡན་པ་ཞིག་མཐོང་ངོ ། །མཐོང་ནས་ཀྱང་དེའི་ཡིད་དེ་ལ་ཞེན་ཏོ། །དེ་ནས་དྲིས་པ། བཟང་མོ་ཁྱོད་གང་ཞིག་ཡིན། སུའི་ཡིན། ཁྱོད་ཀྱི་མིང་ཅི། དེས་སྨྲས་པ། ས་གའོ། ཁྱོད་སུ་ཡིན། སྨྲས་པ། གང་ཞིག་གྲོང་ཐམས་ཅད་ཀྱི་ཤིང་སྒྲུབ་པར་བྱེད་པའིའོ། །དེ་ནས་སྨན་ཆེན་པོས་བསམས་པ། འདི་བྱད་ནི་བཟང་མོ་ཞིག་ཡིན་ན། ད་རེ་ཞིག་བློ་ཅི་འདྲ་བ་བློ་བགམ་པར་བྱའོ་སྙམ་མོ། །དེ་ནས་དེ་གྲོ་ཞིང་ཞིག་ཏུ་ཞུགས་ཏེ་ལག་པ་བསྒྲེང་ནས་ལག་པ་ཕངས་པར་བྱ་བའི་ཕྱིར། རྐང་པས་གྲོ་འཕུར་བ་དང ། དེ་ནས་ས་གས་སྨྲས་པ། མཁན་པོ་ཇི་ལྟར་ལག་པ་ཕངས་པ་དེ་བཞིན་དུ་ཁྱོད་ཀྱི་རྐང་པ་གཉིས་ཀྱང་ཕངས་པར་གྱིས་ཤིག་།དེས་བསམས་པ། བུ་མོ་འདི་ནི་མཛངས་མ་ཞིག་གོ་སྙམ་མོ། །དེ་ནས་ཡང་བྲམ་ཟེས་བགད་ནས་སྨྲས་པ། བུ་མོ་ཁྱོད་ཀྱིས་རྣ་ཆ་གདུབ་ཀོར་སྡུ་གུ་ཞིག་སྟེ་ཤིན་ཏུ་ལྷང་དེའོ། །ས་གས་སྨྲས་པ། མཁན་པོ་རྣ་བ་གཉིས་དགབ་པའི་སླད་དུའོ། །དེ་ནས་སྨན་ཆེན་པོས་སྨྲས་པ། བུ་མོ་བྱད་བཟང་ཞིང་།བལྟ་ན་སྡུག་ལ་མཛེས་པ་ཡིན་ནོ། །ས་ག་མས་སྨྲས་པ། གྲོང་གི་བདག་པོ་རྣམས་ཀྱི་བཀའ་དྲིན་གྱིས་སོ། །ཅུང་ཞིག་འདུག་ནས་སྨྲས་པ། ཁྱོད་ཀྱི་ཕ་གར་སོང ། བུ་མོས་སྨྲས་པ། ལམ་གཅིག་གཉིས་སུ་བགྱིད་དུ་མཆིས་ཏེ། ཚེར་མའི་ཡལ་ག་བསྡུས་ནས་ལམ་གཅོད་པར་བགྱིད་དོ། །དེ་ནས་སྐྱེ་བོ་དག་ཤུལ་</font><hr>Da107a<br><font size=+2>


༄#། །གཉིས་པ་བགྱིད་དོ། །ཁྱོད་ཀྱི་མ་ཡང་གར་སོང ། ཞིང་ཐོགས་ནས་ས་བོན་གྱི་ཕྱིར་མཆིས་སོ། །བུ་མོ། །ངའི་ཆུང་མ་བྱའམ། བུ་མོས་སྨྲས་པ། གལ་ཏེ་གྲོང་གི་བདག་པོ་བཏུབ་ནའོ། །དེས་སྨྲས་པ། ནགས་ཀྱི་ཚང་ཚིང་ཅན་དུ་ལམ་གང་ནས་འགྲོ་ན་བདེ་བ་དང ། མི་འཁྱོག་པ་དེ་སྟོན་ཅིག་།ཡང་སྨྲས་པ། ནགས་ཀྱི་ཚང་ཚིང་ཅན་གྱི་ལམ། །ཆེར་མ་མེད་ཅིང་ཐིབས་པོ་མེད། །བདེ་ཞིང་མི་འཁྱོག་འཇམ་པ་ནི། །གང་ནས་བདག་འགྲོ་དྲིས་པ་སྟོན། །དེས་དེ་ལ་ལམ་འཁྱོག་པ་ཞིག་བསྟན་ནས། ལམ་གཞན་ནས་མདུན་དུ་བརྒྱུགས་ཏེ། རྫིང་བུ་ཞིག་ཏུ་གོས་རྣམས་ཕུད་ནས། མིག་ཡ་གཅིག་བཙུམས་ཏེ་ཅི་ངོ་ཤེས་སམ། འོན་ཏེ་མ་ཡིན་ཞེས་གློ་གཅིག་གིས་སྙེས་ཏེ་འདུག་།ཡང་སྨྲས་པ། གང་གིས་ཟ་བགྱིད་དེ་ནས་བཞུད། །གང་གིས་ཟ་བར་མི་བགྱིད་པ། །དེ་ནི་དོར་བར་བགྱིས་ནས་སུ། །ཟན་གྱི་ནགས་སུ་བཞུད་པར་མཛོད། །དེ་ནས་སྨན་ཆེན་པོས་ཇི་སྐད་བསྟན་པའི་ལམ་ནས་སོང་བ་དང ། ཇི་ཙམ་ན་རྒྱང་རིང་པོ་ཁོ་ན་ནས་དེ་ངོ་ཤེས་ནས་སྨྲས་པ། རས་བལ་ཐགས་སུ་བཏགས་པ་མི་བདོག་པས། །མ་བཀལ་ཐགས་སུ་མ་བཏགས་གྱོན་བྱེད་པ། །མཛེས་ལྡན་གཡོན་པའི་མིག་ཅན་གང་ནས་ནི། །མེ་ཏོག་གྲོང་དུ་འགྲོ་བ་བདག་ལ་སྟོན། །དེ་ནས་བུ་མོས་ཅུང་ཞིག་བགད་ནས་སྨྲས་པ། འདིར་ནི་གཡོན་པའི་ལམ་བོར་ལ། །གང་ན་ཡོས་ནི་ཡོད་པ་དང ། །པ་ལ་ཤ་ཡི་མེ་ཏོག་རྒྱས། །དེ་ནས་བྲམ་ཟེ་བཞུད་དུ་</font><hr>Da107b<br><font size=+2>


གསོལ། །དེ་སོང་སོང་སྟེ་ཕྱིན་ནས་སྨྲས་ཏེ། ས་གའི་ཕའི་ཁྱིམ་དུ་སོང་ན་དེའི་ཕམ་མི་སྣང་ངོ ། །དེ་ནས་གྲོང་གི་བདག་པོ་རྣམས་ལ་སྨྲས་པ། གལ་ཏེ་ཁྱོད་ཀྱིས་གནང་ན་ས་ག་འདི་བདག་གི་ཆུང་མ་བགྱིའོ། །ཚིག་དེ་སྨྲས་མ་ཐག་ཁོ་ནར་གྲོང་གི་བདག་པོ་དེ་དག་ཐམས་ཅད་ཀྱིས་ཚིག་མཐུན་པར་བྲམ་ཟེ་ངན་པ་སློང་མོ་བ་ཁྱོད་གང་ངེད་ཀྱི་ས་ག་ལྷའི་བུ་མོ་འདྲ་བ་སློང་བ་ཁྱོད་ངོ་མི་ཚའམ། ཡུལ་འདི་ནས་ཡེ་སོང་ཞིག་།ཁྱོད་ལ་ཁྱི་མི་སྲུན་པ་དག་ཟར་བཅུག་ག་རེ། ཞེས་སྤྱོས་སོ། །དེ་སྐྱེ་བོས་བསྐྲད་ནས། དེ་ཁོ་ནའི་དྲུང་དུ་སོང་བ་དང ། ས་གས་རྒྱང་རིང་པོ་ནས་མཐོང་ནས། བྱོན་པ་ལེགས་སོ། །ཞེས་སྨྲས་སོ། །དེ་ནས་སྨན་ཆེན་པོ་དེ་རྣམས་ཀྱིས་དེའུ་བརྡེགས་སོ་ཞེས་གྲོང་གི་བདག་པོ་རྣམས་ཀྱི་གཏམ་སྨྲས་པ་དང ། ས་གས་སྨྲས་པ། ཁྱོད་ཀྱིས་ཇི་ལྟའམ། ཐབས་ཅི་ཞིག་གིས་སྨྲས་པ། དེ་ནས་སྨན་ཆེན་པོས་གཏམ་ཇི་ལྟ་བ་བཞིན་དུ་བསྙད་པ་དང ། དེ་ནས་ས་གས་སྨན་ཆེན་པོ་ལ་སྨྲས་པ། བྲམ་ཟེ་ཆེན་པོ། ཁྱོད་ཐ་གི་མི་སྒམ་མོ། །བུ་མོ་བསླང་བ་ཇི་ལྟར་ཁྱོད་ཀྱིས་མཛད་པ་དེ་ལྟར་བགྱིའམ། བྲམ་ཟེས་སྨྲས་པ། གཞན་དུ་ཇི་ལྟར་བྱ། བུ་མོས་སྨྲས་པ། རེ་ཞིག་སྔར་ཉེ་བར་བཞུད་དོ། །དེ་ནས་རྗེས་སུ་མཐུན་པར་བགྱིའོ། །རྗེས་སུ་མཐུན་པར་བགྱིས་ནས་མགྲོན་དུ་བོད་ཅིང ། ཟས་སྐོམ་བདའ་བའི་སྟོན་མོས་སྟོན་ཏེ། སླད་ཀྱིས་ཁྱོད་ཀྱི་བགྱི་བ་གང་ལགས་པ་དེ་བགྱི་མོད། །དེས་སོང་སྟེ། ཇི་སྐད་བསྟན་པ་བཞིན་དུ་གྲོང་གི་བདག་པོ་རྣམས་ཁ་ཟས་ཀྱི་རྣམ་པ་བསོད་པས་</font><hr>Da108a<br><font size=+2>


༄#། །སྟོན་ཏོ། །དེ་ནས་ལངས་ཏེ་ས་ག་བསླངས་པ་དང ། དེ་རྣམས་ཀྱིས་དེང་ཁྱོད་ཀྱིས་ཡིད་ལ་བསམ་པ་བཞིན་རྫོགས་པར་བྱའོ། །ཞེས་ཁས་བླངས་སོ། །དེ་ལྟ་བུའི་དོན་ལ་ཞུགས་པ་ན། ཐ་གི་ཙམ་ན་དེའི་ཕ་མ་འོངས་སོ། །དེ་ནས་སྨན་ཆེན་པོ་དང ། གྲོང་གི་བདག་པོས་ཕ་མ་ལ་གསོལ་བ་བཏབ་པ་དང ། སྨྲས་པ། དོན་དེ་བསམ་དགོས་སོ། །དེ་ནས་གྲོང་གི་བདག་པོ་རྣམས་ཀྱིས་སྨྲས་པ། འདི་ལ་ཅི་བསམ་དུ་ཡོད། བྲམ་ཟེ་གཞོན་ནུ་བྱད་བཞིན་བཟང་ཞིང་བལྟ་ན་སྡུག་ལ། བསྟན་བཅོས་མང་པོ་ཤེས་ཤིང ། རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ་ཞིག་ཡིན་པས་ཅིར་ཡང་མི་འགྱུར་གྱི་བྱིན་ཅིག་།དེ་ནས་སྨན་ཆེན་པོས་ཀྱང་བྲམ་ཟེ་རྣམས་བོས་ནས་བུ་མོ་བླང་བར་བྱས་སོ། །དེ་ནས་ཉི་མ་གཞན་ཞིག་ལ་གྱོས་པོ་དང ། སྒྱུག་མོ་བོས་ལ་བཀུར་སྟི་བྱས་ཏེ་གོས་བསྐོན་ནས་གཉོད་བཅུག་སྟེ། ལུས་འཕགས་སུ་སྐྱེད་པའི་དྲུང་དུ་ཆས་སོ། །དེ་ནས་འགྲོ་བ་ན་དེ་བྲམ་ཟེ་ཞིག་གིས་བཅུ་བཞི་པའི་སྟོན་མོས་སྟོན་ཏེ། ཡོན་དུ་ནས་བྲེ་གང་བྱིན་ནོ། །དེས་ནས་བྲེ་གང་གོས་ཀྱི་མཐའ་མར་བུར་ཏེ། གྲོགས་པོའི་ཁྱིམ་དུ་སོན་ནས་སྒོ་བརྡུངས་པ་དང ། བྲམ་ཟེ་མོས་སྨྲས་པ། དེ་སུ་ཞིག་།དེས་སྨྲས་པ། ང་ནི་ཁྱོད་ཀྱི་ཁྱིམ་ཐབ་ཀྱི་གྲོགས་པོ་དེ་ཡིན་ནོ། །དེས་སྨྲས་པ། འདི་ན་དེ་ཡང་མེད་ལ། འགའ་ཡང་མེད་པས་ཁྱིམ་བདག་དེ་མེད་པར་སྐྱེས་པ་གཞན་ཁྱིམ་དུ་འཇུག་ཏུ་མི་རུང་གི་།གཞན་ཞིག་</font><hr>Da108b<br><font size=+2>


ཏུ་བྲང་ཐོབ་ཅིག་།ཇི་ཙམ་ན་སྨན་ཆེན་པོས་བདག་ཅིའི་ཕྱིར་འཇུག་ཏུ་མི་སྟེར་སྙམ་དཔྱད་ན། རེ་ཞིག་ན་སྐྱེས་པ་གཞན་བཅུག་པར་མཐོང་ངོ ། །དེ་ནས་སྨན་ཆེན་པོས་སྨྲས་པ། འདིས་འཇུག་ཏུ་མི་སྟེར་བ་ནི་རུང་ངོ ། །དེ་དེ་ལྟར་སེམས་པ་དང ། ཐ་གི་ཙམ་ན། བྲམ་ཟེ་དེ་གྲོང་གཞན་ཞིག་ནས་འོངས་ནས་སྒོར་བོས་བ་དང ། དེས་ཁྱོའི་སྒྲེ་ཐོས་ནས་ཇི་ལྟར་བྱ་སྙམ་ནས་མི་དགའ་སྟེ། དེ་སྦྱང་དུ་བཅུག་གོ ། དེ་ནས་གཉི་ག་ཞུགས་ནས། བདེ་བར་འཁོད་དོ། །ཇི་ཙམ་ན་སྨན་ཆེན་པོས་བྲམ་ཟེ་མོ་ལ་སྨྲས་པ། ནས་འདི་དག་གར་བཞག་།བྲམ་ཟེ་མོས་སྨྲས་པ། ས་ལའོ། །བྲམ་ཟེས་སྨྲས་པ། བྱི་བས་ཟོས་པར་འོང་མོད། དེས་མལ་གྱི་འོག་དང་ཁྱིམ་གྱི་གྲཝ་ཕན་ཚུན་དུ་བརྟགས་ན་དེ་མི་སྣང་ངོ ། །ཐ་གི་ཙམ་ན་ཕྱོགས་གཅིག་ན་སྦྱང་ཞིག་སྣང་བ་དང ། དེས་ད་ནི་འདི་ན་ཡོད་དོ་སྙམ་མོ། །དེ་ནས་སྨན་ཆེན་པོས་སྨྲས་པ། སྦྱང་འདིར་ནས་བླུགས་སོ། །བྲམ་ཟེ་མོས་སྨྲས་པ། འདི་ན་བདག་གི་ནོར་གཅེས་པ་ཡོད་ན་འདིར་ནས་ཇི་ལྟར་བླུགས། དེ་ནས་ཁྱོས་སྨྲས་པ། བྲམ་ཟེ་མོ་སྐྱོན་ཅན་དེ་སྣོད་གང་ཡང་རུང་བ་ཞིག་ཏུ་བྱོ་ཞིག་དང ། དེ་ནས་དེར་ནས་ལྡུགས་སོ། །སྨན་ཆེན་པོས་ཀྱང་སྨྲས་པ། གཞན་དུ་ནི་ནས་རྣམས་བྱི་བས་མ་རུང་བར་བྱེད་པས། དེའི་ཕྱིར་འདིར་བླུགས་པར་བྱའོ། །དེ་ནས་བྲམ་ཟེ་མོས། ངེས་པར་རྟོགས་ནས་འཇིགས་ཤིང་སྐྲག་སྟེ་སྨྲས་པ། སྦྱང་འདི་ཡང་གཤེར་ལ། ནས་རྣམས་ཀྱང་མ་རུང་བར་འགྱུར་རོ། །དེ་ནས་སྨན་ཆེན་པོས་བྲམ་ཟེ་མོ་ལ་སྨྲས་པ། ཡང་</font><hr>Da109a<br><font size=+2>


༄#། །ཁྱོད་ཀྱིས་སེམས་ཁྲལ་བྱ་མི་དགོས་པར་ཁོ་བོས་ཅི་ནས་ཀྱང་གཤེར་བར་མི་འགྱུར་བ་དང ། ནས་ཀྱང་མ་རུང་བར་མི་འགྱུར་བ་དེ་ལྟར་བྱའོ་ཞེས་དེས་ལངས་ནས། རི་དྭགས་ཀྱི་པགས་པ་སྔ་ལོག་ཕྱི་ལོག་བྱས། མཆོད་ཕྱིར་ཐོགས་ཉིས་ལྟ་བ་ཏུ་མགུལ་དུ་ཐོགས་ཏེ། སྦྱང་བསྐམ་མོ་ཞེས་སྦྱང་དྲུང་དུ་བ་ལང་གི་ལྕི་བ་དང ། ཤིང་དག་བསྐྱ་བར་བརྩམས་པ་དང ། དེ་ནས་བྲམ་ཟེ་མོ་སྡུག་པ་དང་བྲལ་བ་ལས་སྐྱེས་པའི་སྡུག་བསྔལ་མངོན་དུ་མཐོང་སྟེ། འདི་ད་ནི་མེད་པར་འོང་ངོ་སྙམ་ནས། བྱི་ཕོ་དེའི་ཁྱིམ་དུ་འདི་ལྟར་གྱུར་གྱི་མྱུར་དུ་ཤེག་གཅིག་ཅེས་བང་ཆེན་བཏང་ངོ ། །དེ་ནས་དེའི་ཕས་ཐོས་མ་ཐག་ཁོ་ནར་སོང་སྟེ། སྨན་ཆེན་པོ་ལ་སྨྲས་པ། སྦྱང་འདི་རིན་གྱིས་བླང་ངོ ། །དེས་སྨྲས་པ། བག་རྟོན་ལ་ལོང་ཞིག་།ཇི་ལྟར་བྱ། གསེར་གྱི་དོང་ཙེ་ལྔ་བརྒྱ་དག་གིས་ཡིན་གྱི། གཞན་དུ་ནི་མ་ཡིན་ནོ། །ཞེས་དེ་སྐད་ཀྱང་ཟེར་ཞིང ། སྦྱང་དེའི་ཉེན་ཀོར་དུ་མེ་སྒྲོན་ཡང་སྤོར་བར་བྱེད་པ་དང ། དེའི་ཕས་བསམས་པ། དོན་འདི་ནི་བསྙད་དུ་མི་རུང་ངོ་སྙམ་ནས། ཁྱིམ་སྒོ་ཕྱེ་སྟེ་མི་སྟོབས་པོ་ཆེས་བཏེག་ནས། རང་གི་ཁྱིམ་དུ་ཁྱེར་རོ། །སྨན་ཆེན་པོས་ཀྱང་ཕྱི་དེ་ཉིན་གསེར་གྱི་དོང་རྩེ་བརྒྱ་ཕྲག་གཅིག་ནི་ཁྱིམ་བདག་དེ་ལ་བྱིན་ཏེ། ཁྱོད་ཀྱི་ཆུང་མ་དེ་ནི་འདི་ལྟ་བུ་ཡིན་ནོ་ཞེས་ཁྱིམ་གྱི་གཏམ་དེ་དང ། དེ་བས་ན་ཁྱོད་ཀྱིས་བག་གྱིས་ཤིག་ཅེས་སྨྲས་སོ། །གསེར་གྱི་དོང་ཙེ་ལྷག་མ་བཞི་བརྒྱ་ནི། བྲམ་ཟེ་དེའི་ལག་ཏུ་གཏད་ནས་འདི་</font><hr>Da109b<br><font size=+2>


རྣམས་ནགས་ཀྱི་ཚང་ཚིང་ཅན་དུ་སོང་ལ། བདག་གིས་བླངས་པའི་ས་ག་ལ་བྱིན་ཅིག་།དེ་དག་ལ་ཁོ་བོ་ནི། བྲམ་ཟེ་མ་ཡིན་ཏེ། ཁོ་བོ་ནི་ལུས་འཕགས་པའི་རྒྱལ་པོ་སྐྱེད་པའི་བློན་པོའི་མཆོག་སྨན་ཆེན་པོ་ཞེས་བྱ་བ་ཡིན་ཏེ། ཁོ་བོ་རྟགས་འདིས་ཚོལ་བའི་ཕྱིར་འོངས་པར་ཟད་དོ། །དེའི་ཕྱིར་བུ་མོ་ཡོངས་སུ་སྐྱོངས་ཤིག་།ཅེས་ཀྱང་གྱིས་ཤིག་ཅེས་དེས་གསེར་གྱི་དོང་ཙེ་དེ་རྣམས་བརྫངས་ནས་ཕྲིན་ཡིག་ཀྱང་སྤྲིང་སྟེ། རྒྱལ་པོ་སྐྱེད་པའི་དྲུང་དུ་སོང་ངོ ། །བྲམ་ཟེ་དེས་ཀྱང་ནགས་ཀྱི་ཚང་ཚིང་ཅན་དུ་སོང་སྟེ། ས་ག་ལ་ཕྲིན་ཡིག་དང ། གསེར་གྱི་དོང་ཙེ་སུམ་བརྒྱ་བྱིན་ནོ། །ཇི་ཙམ་ནས་གས་བཀླགས་ན། བཞི་པོ་ཡི་ནི་ཆད་ཀ་ལས། །གལ་ཏེ་ཆ་གཅིག་མ་སྟེར་ན། །ཤིང་གི་སུ་མི་འདོད་བླངས་ནས། །དེས་འདི་ཆུག་ལ་ཆ་དོ་ཞིག་།དེས་གསེར་གྱི་དོང་ཙེ་བརྒྱ་ཕྲག་ཅིག་མ་ཐོབ་པར་མཐོང་ནས། དེ་ནས་རིངས་པར་མལ་གྱི་འོག་ཏུ་ཚོལ་བ་དང ། དེས་སྨྲས་པ། དེར་ཅི་ཚོལ། དེས་སྨྲས་པ། ཕོ་བྲང་འཁོར་ནས་རྒྱལ་པོའི་མི་འོངས་ནས། གནོད་པ་བྱེད་པ་ཟུང་ཞིག་ཅེས་བྱུང་སྟེ། དེའི་ཕྱིར་སུ་མི་འདོད་ཚོལ་ལོ། དེས་བླངས་ཏེ་བྲམ་ཟེ་དེ་ལ་སྨྲས་པ། དེར་དེ་ལྟ་བུར་སུ་ཞིག་ཁྲིད་ཀྱང་ཁོ་མོས་མ་ཤེས་ན། རེ་ཞིག་འདིར་རྐང་པ་ཆུད་དམ། མི་ཆུད་སད་ཀྱི་ཐང་ཅིག་ཆུག་ཅིག་།བྲམ་ཟེས་ཀྱང་བསམས་པ། བགམ་པའི་ཕྱིར་རྐང་པ་བཅུག་པ་དང ། དེས་རིངས་པར་གཟེར་བུ་བཏབ་བོ། །བྲམ་ཟེས་སྨྲས་པ། ད་ཅིའི་ཕྱིར་བཟུང ། དེས་སྨྲས་པ། དེས་བཞི་བརྒྱ་བསྐུར་ན་ཁྱོད་ཀྱིས་</font><hr>Da110a<br><font size=+2>


༄#། །དེ་ལས་བརྒྱ་བརྐུས་པས་སོ། །དེ་ནས་བྲམ་ཟེ་ཡ་མཚན་སྐྱེས་ཏེ། དེས་བསམས་པ། སྨན་ཆེན་པོ་དང་འདི་ནི་འདྲེ་དག་ཅིག་སྟེ། འདྲེ་ཆེན་པོ་གཉིས་གནས་གཅིག་ཏུ་འདུས་པར་གྱུར་ཏོ་སྙམ་ནས་དེས་ལྷག་མ་བྱིན་ནོ། །ཐ་གི་ཙམ་ན་ཕ་མ་འོངས་པ་དང ། གསེར་དེ་བསྟན་ནས། དེ་ནི་བྲམ་ཟེ་མ་ལགས་ཏེ། དེ་ནི་ལུས་འཕགས་པའི་རྒྱལ་པོ་སྐྱེད་པའི་བློན་པོའི་མཆོག་སྨན་ཆེན་པོ་ཞེས་བགྱི་བ་ལགས་སོ། །ཞེས་སྨྲས་པ་ཐོས་ནས། ཕ་མ་དང་བུ་མོ་དེའི་གཉེན་མདུན་གྱི་སྐྱེ་བོ་དག་།བདག་ཅག་གིས་ནི་ཆེན་པོ་དང་གཉེན་དུ་བྱས་སོ། ། བདག་ཅག་ནི་བསོད་ནམས་དང་ལྡན་པ་དང ། གཙང་བྱེད་པ་ཡིན་ཏེ། ང་ནི་བདག་ཅག་གི་རིགས་སྨན་ཆེན་པོས་གསལ་བར་བྱས་སོ། །ཞེས་ཤིན་ཏུ་དགའ་བ་དང་ལྡན་ནོ། །དེ་ཕྱིན་ཆད་ས་ག་དེ་བསྐུ་མཉེ་དང ། ཁྲུས་དང ། ཟས་སྐོམ་དང ། གོས་དང ། རྒྱན་གྱི་ཁྱད་པར་དག་གིས་ཤིན་ཏུ་བྱི་དོར་བྱ་བར་བརྩམས་པས། རིང་པོ་མ་ལོན་པར་དེ་ཁྱད་པར་དུ་གཟུགས་ཤིན་ཏུ་བཟང་བ། ཤིན་ཏུ་མཛེས་པར་གྱུར་ཏོ། །དེ་ནས་སྨན་ཆེན་པོ་གྲོང་ཁྱེར་དུ་སོན་པ་དང ། རྒྱལ་པོས་འོངས་སོ་ཞེས་ཐོས་སོ། །དེ་ནས་རྒྱལ་པོ་དང ། བློན་པོ་རྙིང་པ་རྣམས་སྨན་ཆེན་པོ་འོངས་སོ་ཞེས་ཤིན་ཏུ་དགའ་བ་སྐྱེས་སོ། །རྒྱལ་པོ་སྐྱེད་པས་སྨྲས་པ། ཇི་ལྟར་འོངས། དེས་སྨྲས་པ། བདག་གིས་མཆིས་བྲང་རྙེད་དོ། །རྒྱལ་པོས་སྨྲས་པ། ཅི་འདྲ་བ་ཞིག་།སྨན་ཆེན་པོས་སྨྲས་པ། གཟུགས་བཟང་</font><hr>Da110b<br><font size=+2>


ཞིང་བལྟ་ན་སྡུག་ལ་མཛེས་པ་དང ། བློ་ཕུན་སུམ་ཚོགས་པ་ཞིག་སྟེ། དེ་ནི་བདག་གི་སྤུ་ལ་འབབ་པ་ལགས་སོ། །དེ་ལྟ་ལགས་ཀྱིས་ཀྱང་ལྷ་ལ་ད་བླང་བར་བགྱིའམ། ཞེས་ཞུའོ། །དེ་ནས་རྒྱལ་པོས་སྨྲས་པ། ང་མ་གཏོགས་པ་གཞན་སུ་ཞིག་ཁྱོད་ཀྱི་ཐོག་ཏུ་འབབ་སྟེ། དེ་ཅིའི་ཕྱིར་ཞེ་ན། ཁྱོད་ནི་བློན་པོའི་མཆོག་ཡིན་ནོ། །དེ་ལྟ་བས་ནས་དེ་ཅི་ནས་ཀྱང་ང་མགུ་བར་འགྱུར་བ་དེ་ལྟ་བུའི་འབྱོར་བས་བླང་བར་བྱའོ། །ལྷ། དེ་ལྟར་འཚལ་ལོ། །ཞེས་སྨྲས་ནས། སྨན་ཆེན་པོ་བློན་པོའི་ཚོགས་ཀྱིས་བསྐོར་ཅིང ། བྲམ་ཟེ་དང ། ཁྱིམ་བདག་དང ། སྐྱེ་བོའི་ཚོགས་མགྲོན་དུ་བོས་པ་གཞན་རྣམས་དང ། གླང་པོ་ཆེ་བ་དང ། རྟ་བ་དང ། ཤིང་རྟ་བ་དང ། དཔུང་བུ་ཆུང་གི་ཚོགས་མང་པོ་ཆེན་པོས་བསྐོར་ནས། རི་བོར་ནགས་ཀྱི་ཚང་ཚིང་ཅན་དུ་གྱོས་པོས་ཁྱིམ་དུ་སོང་ངོ ། །སོང་ནས་བག་མ་བླང་བ་ཆེན་པོ་བྱས་ཏེ། མཐར་གྱིས་ཆུང་མ་ཁྲིད་ནས་གྲོང་ཁྱེར་དུ་འོངས་ཏེ། དེ་ན་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་བྱང་ཕྱོགས་ནས་ཚོང་པ་ལྔ་བརྒྱ་ཞིག་ཟོང་དུ་རྟ་ཁྱེར་ནས་ལུས་འཕགས་པའི་ལྗོངས་སུ་རྒྱལ་པོ་སྐྱེད་པའི་དྲུང་དུ་ལྷགས་སོ། །གནས་དེ་ན་སྨད་འཚོང་མ་ཚུལ་དང ། དུལ་བ་དང ། གཟུགས་དང ། རྒྱ་ཆེ་བ་དང ། མཐུན་པར་བྱེད་པ་དང ། བགད་པ་དང ། སྒེག་པ་དང ། སྤྲོ་བ་སྐྱེད་པ་དང ། གླུ་དང ། གར་དང ། ཟུར་སྟེགས་དང ། བསམ་པ་མཁས་པ་དེ་བལྟ་བུར་ལྔ་བརྒྱ་འཁོད་པས། ཚོང་པ་གང་དག་འོངས་</font><hr>Da111a<br><font size=+2>


༄#། །ཤིང་ལྷགས་པ་རྣམས་རྫས་མེད་པར་བྱེད་དོ། །དེ་ནས་དེ་རྣམས་ཀྱིས་བྱང་ཕྱོགས་ནས་ཚོང་བའི་འགྲོན་པ་ཇི་ལྟར་ལྷགས་པ་ཐོས་ནས། དེ་རྣམས་ཀྱིས་རེ་རེས་ཚོང་པ་རེ་རེ་ལ་རིམ་གྲོ་བྱ་བ་ཁས་བླངས་པས་ཉེ་བར་བཟུང་སྟེ། དེ་དག་རྣམས་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་དེ་རྣམས་ཀྱིས་དེད་དཔོན་གང་ཡིན་པ་དེ་ནི་བག་ཡོད་པ་ཅན་ཞིག་པས། དེ་དེ་རྣམས་དང་ལྷན་ཅིག་བག་མེད་པ་མི་བྱེད་དོ། །སྨད་འཚོང་མ་དེ་རྣམས་ཀྱི་ནང་ན་ཀུན་གྱི་གཙོ་མོ་གང་ཡིན་པ་དེ་ནི་དེད་དཔོན་དེ་འདོད་ན། དེད་དཔོན་ནི་མི་བཏུབ་བོ། །དེ་ནས་དེས་ཚོང་བ་དེ་རྣམས་བསྡུས་ནས་གསོལ་བ་བཏབ་པ། བདག་དང་དེད་དཔོན་མཐུན་པར་མཛོད་ཅིག་།དེ་ནས་ཚོང་བ་དེ་རྣམས་དང ། སྨད་འཚོང་མ་དེ་རྣམས་ཀྱིས་ཉིན་གཅིག་བཞིན་རྒྱུན་དུ་ཕེའུ་བྱས་ན། བག་མེད་པའི་དབང་དུ་མི་འགྲོའོ། །དེ་ནས་སྨད་འཚོང་མ་དེ་རང་ཉིད་འོངས་ཤིང་དེད་དཔོན་དང་ལྷན་ཅིག་བགད་པ་དང ། ག་ཞ་བྱས་པ་དང ། དེ་ནས་དེད་དཔོན་གྱིས་སྨྲས་པ། ང་ལ་འཁྲུལ་པར་བྱ་བར་མི་ནུས་ན། ཅིའི་ཕྱིར་ཉོན་མོངས། དེས་སྨྲས་པ། གལ་ཏེ་འཁྲུལ་པར་བགྱི་ན་ཤེས་ལྡན་གྱིས་ཅི་སྩལ། དེས་སྨྲས་པ། རྟའི་མཆོག་ལྔ་བྱིན་ནོ། །འོ་ན་འཁྲུལ་པར་མ་བགྱིས་ན། སླད་ཀྱིས་ཀཪྴ་པ་ཎ་མ་མཆིས་བཞིན་དུ་རྗེས་སུ་འཇུག་པར་བགྱིའོ། །དེ་ནས་དེ་ལྟར་སྐུགས་བཙུགས་ནས་འབད་དེ་ཉེ་བར་སྤྱད་པར་བརྩམས་པ་</font><hr>Da111b<br><font size=+2>


ལས་ཀྱང་མ་ནུས་སོ། །ཇི་ཙམ་དུས་གཞན་ཞིག་ན་ཚོང་པ་དེ་རྣམས་ཀྱིས་སྨྲས་པ། དེད་དཔོན་གྲོང་ཁྱེར་གྱི་གཙོ་མོ་སྨད་འཚོང་མ་བཞག་པ་ལས་མ་ཐུག་གི། འཇིག་རྟེན་གྱི་ཚུལ་གྱིས་ཤིག། དེ་ནས་དེད་དཔོན་གྱིས་དེ་རྣམས་ལ་སྨྲས་པ། གྲོགས་པོ་དག་།མཚན་མོ་རྨི་ལམ་ན་དེ་ལ་ཡོངས་སུ་སྤྱད་དོ། །ཚོང་པ་རྣམས་ཀྱིས་ཀྱང་དེ་ལ་བསྙད་པ་དང ། དེས་དེད་དཔོན་དེ་རྒྱལ་པོའི་མི་རྣམས་འཛིན་དུ་བཅུག་ནས། ཁྱེད་བདག་དང་འདོད་པ་སྤྱད་ཀྱི། རྟའི་མཆོག་ལྔ་བྱིན་ཅིག་།དེད་དཔོན་གྱིས་སྨྲས་པ། ངན་པ་མོ། བརྫུན་དུ་སྨྲ་བ་ཟེར་རམ། ཞེས་དེ་གཉིས་རྩོད་ཅིང་རྒྱལ་པོའི་ཕོ་བྲང་དུ་སོང་ངོ ། །དེ་ནས་རྒྱལ་པོ་འཁོར་དང་བཅས་པ་ལ་ཤགས་བཀྱེ་བ་ལས། ཉི་མ་ནུབ་ཀྱི་བར་དུ་གཅིག་ཀྱང་མ་ཕམ་ལ་ཅིག་ཤོས་ཀྱང་མ་ཡིན་ནོ། །རྒྱལ་པོ་དང་བློན་པོ་ཐམས་ཅད་ཀྱང་སྐྱོ་བར་གྱུར་ནས། བཀྲེས་པས་ཉེན་ཏེ་ཕྱིས་དཔྱད་དོ། །ཞེས་རང་གི་ཁྱིམ་དུ་དོང་ངོ ། །དེ་ནས་སྨན་ཆེན་པོ་ནུབ་མོ་རང་གི་ཁྱིམ་དུ་སོན་ནས། ས་གས་དྲིས་པ། རྗེའི་སྲས་དེ་རིང་ཅིའི་སླད་དུ་ཐོགས། དེས་ཞལ་ཆེ་གཅད་པར་ཡང་མ་ནུས་པའི་གཏམ་དེ་ཐམས་ཅད་རྒྱ་ཆེར་བསྙད་དོ། །དེ་ནས་ས་གས་སྨྲས་པ། ཁྱེད་དེ་ལྟར་རྟོག་པ་དང ། སེལ་བ་ཕུན་སུམ་ཚོགས་པ་དེ་ལྟ་བུ་ཐམས་ཅད་ཀྱིས་གཅད་པར་མ་སྤྱོད་ན། ཁྱེད་སྐྱེས་པའི་ཚུལ་དེ་ལྟ་བུ་ལགས་པ་ལྟ། སྨན་ཆེན་པོས་སྨྲས་པ། དེ་ནི་དེ་ལྟ་བུ་ཡིན་ན། ཅི་ཁྱེད་ཀྱིས་གཅད་ནུས་སམ། དེས་སྨྲས་པ། </font><hr>Da112a<br><font size=+2>


༄#། །རྔོ་ཐོག་སྟེ་བདག་གིས་བློའི་ནུས་པ་ལ་གཟིགས་ཤིག་།དེས་སྨྲས་པ། གཤེགས་ལ་རྫིང་བུའི་འགྲམ་དུ་རྟའི་མཆོག་ལྔ་བཞག་སྟེ། དེ་ནས་གནས་དེ་ཉིད་དུ་རྒྱལ་པོ་དང ། བློན་པོ་རྣམས་ཀྱང་འདུས་ཏེ་ཤགས་འགྱེས་དུ་སྩོལ་ཅིག་།གལ་ཏེ་སྨད་འཚོང་མ་གཉིས་དང་གཉིས་འདོད་པ་སྤྱད་དོ་ཞེས་མཆི་ན་རྟའི་མཆོག་ལྔ་ཁྱེར་ཅིག་ཅེས་གསུངས་ཤིག་།འོན་ཏེ་རྨི་ལམ་ན་འདོད་པ་སྤྱད་དོ་ཞེས་མཆི་ན། དེ་ནས་རྟའི་གཟུགས་བརྙན་ཆུ་ན་མཆིས་པ་དག་སྟོན་ཅིག་།གལ་ཏེ་བླང་དུ་མི་རུང་བ་འདི་དག་བདག་ལ་ཅི་དགོས་ཞེས་སྨྲ་ན། དེ་ནས་ཇི་ལྟར་འདི་བླང་དུ་མི་རུང་བ་དེ་བཞིན་དུ། རྨི་ལམ་གྱི་འདོད་པ་སྤྱད་པ་ཡང་དེ་དང་འདྲའོ་ཞེས་གསུངས་ཤིག་།དེ་ཐོས་ནས་སྨན་ཆེན་པོ་ཉིད་ཇེ་ཡ་མཚན་དུ་གྱུར་ཏོ། །ཕྱི་དེ་ཉིན་པར་རྒྱལ་པོ་ཡང་འདུས་པ་དང ། བློན་པོ་རྣམས་ཀྱང་ཚོགས་ནས། རྟའི་མཆོག་ལྔ་ཁྲིད་དེ་རྫིང་བུར་ལྷགས་ཏེ། དེར་རྟའི་མཆོག་ལྔ་བཏགས་ནས་ཤགས་འགྱེད་དུ་བཅུག་གོ་།དེ་ནས་ས་གས་བསྟན་པ་བཞིན་སྨན་ཆེན་པོས་ཞལ་ཆེ་བཅད་པ་དང ། རྒྱལ་པོ་དང ། བློན་པོ་དང ། ཁྲོམ་གྱི་རུ་པ་རྣམས་ཀྱིས་ཐོས་ནས་ཡ་མཚན་སྐྱེས་སོ། །རྒྱལ་པོས་སྨྲས་པ། ཀྱེ་སྨན་ཆེན་པོ་གང་འདི་ཁར་ཙང་སྨྲས་པ་དང ། ང་དང ། བློན་པོ་རྣམས་དང ། སྐྱེ་བོ་གཞན་ཡང་ཉོན་མོངས་པར་མི་འགྱུར་བ་ཞིག་ན། ཁྱོད་ཀྱི་ཐབས་སུ་ལས་བྱུང ། དེས་སྨྲས་པ། འདི་ནི་ས་གའི་ཐབས་ལགས་ཏེ། </font><hr>Da112b<br><font size=+2>


དེས་ཀྱང་ཁར་ཙང་བསྟན་ལགས་སོ། །དེ་ནས་རྒྱལ་པོ་དང ། བློན་པོ་དག་དང ། སྐྱེ་བོའི་ཚོགས་གཞན་རྣམས་ཀྱང་ཡ་མཚན་སྐྱེས་ཏེ། ཀྱེ་མའོ་ཤིང་མཁན་གྱི་བུ་མོ་ས་ག་ནི་ཤིན་ཏུ་མཁས་སོ། །ས་ག་བློ་དང་ལྡན་ནོ། །ཞེས་ཡུལ་ཐམས་ཅད་དུ་གྲགས་པར་གྱུར་ཏོ། །དེ་ནས་བྱང་ཕྱོགས་ཀྱི་ཚོང་པ་ཞིག་གིས་རྒོད་མ་གཉིས་ཤིག་རྒྱལ་པོ་ལ་སྐྱེས་སུ་ཕུལ་ཏེ། ལྷ་རྒོད་མ་འདི་དག་སྨད་ལགས་ན། མའམ་བུ་གང་ལགས་པ་ནི་གཞན་གྱིས་མ་འཚལ་ཏོ། །དེ་ལ་ཡང་རྒྱལ་པོ་འཁོར་དང་བཅས་པ་དེ་དག་སྐྱོ་བར་གྱུར་ནས། དེ་ཁོ་ན་བཞིན་དུ་ཤིང་མཁན་གྱི་བུ་མོ་ས་ག་ལ་སྨན་ཆེན་པོས་རྨས་པ། རྗེའི་སྲས་གང་གི་སྤུ་ཤོར་བ་དེ་ནི་མའོ། །གང་གི་སྤུ་འཇམ་པ་དེ་ནི་བུའོ། །ཕྱི་དེ་ཉིན་དེ་བཞིན་དུ་སྨན་ཆེན་པོས་སྨྲས་ནས། ལྷ་ས་གའི་ཐབས་ལགས་སོ། །ཞེས་སྨྲས་པ་དང ། དེ་ལ་ཡང་རྒྱལ་པོ་ཡ་མཚན་སྐྱེས་སོ། །དུས་གཞན་ཞིག་ན་སྦྲུལ་ཁས་སྡིགས་པ་ཞིག་གིས་སྦྲུལ་གཉིས་ཁྱེར་ཏེ་འོངས་ནས་དེ་ལ་གཅིག་ནི་ཕོ། ཅིག་ཤོས་མོ་ལགས་ན། གང་ཕོ་ལགས། གང་མོ་ལགས་པ་ནི་མ་འཚལ་ཏེ། དེ་ནས་རྒྱལ་པོ་དང ། བློན་པོ་དང ། མདུན་ན་འདོན་རྣམས་སྐྱོ་ནས། དེ་ཁོ་ན་བཞིན་དུ་སྨན་ཆེན་པོས་ས་ག་ལ་དྲིས་ཤིང ། གང་ཞིག་པོའམ་མོ་ཡིན་པ་མ་ཤེས་པ་རྒྱས་པར་སྨྲས་པ་དང ། དེ་ནས་ས་གས་ཅུང་ཞིག་བགད་ནས་སྨྲས་པ། གང་དག་དོན་འདི་ལྟ་བུ་མི་རྟོགས་པ་དེ་ལྟ་བུ་ཁྱེད་ཀྱང་བློན་པོའམ། ཡོང་རྒྱལ་པོ་གོ་བློན་པོ་རྟོག་པ་དང ། སེལ་བ་ཕུན་སུམ་</font><hr>Da113a<br><font size=+2>


༄#། །ཚོགས་པ་དེ་ལྟ་བུ་དྲུག་གིས་བརྒྱན་པ་ལྟ་ཞིག་།དྲི་ཡི། ཅི་ཁྱོད་ཀྱིས་ཤེས་སམ། སྨྲས་པ། ཧ་ཅང་མོད། འོད་མའི་རྩེ་མོའམ། སྨིག་མའི་རྩེ་མོ་ལ་རས་བལ་གྱི་འདབ་མའམ། བལ་གྱིས་དཀྲིས་ཏེ། གཉི་གའི་རྒྱབ་ཏུ་རེག་པར་བགྱིས་པ་དང ། དེ་དག་ལས་གང་རེག་ཏུ་མི་བཟོད་པ་དེ་ནི་ཕོ་ལགས་སོ། །ཕྱི་དེ་ཉིན་དེ་བཞིན་དུ་བྱས་པ་ལས་རྒྱལ་པོ་མགུ་བར་གྱུར་ཏོ། །དེ་ནས་དུས་གཞན་ཞིག་ན་ལྷོ་ཕྱོགས་ནས་ཚོང་པ་དག་ཅིག་ཙནྡན་གྱི་སྡོང་པོ་ཞིག་ཁྱེར་ཏེ་འོངས་པ་དེའི་མགོ་མཇུག་མ་ཤེས་ཏེ། དེ་ནས་དེ་ཁོ་ན་བཞིན་དུ་ཆུང་མ་ལ་དྲིས་པ་དང ། རྗེའི་སྲས་རྫིང་བུའི་ནང་དུ་བོར་དང ། རྩ་བ་གང་ལགས་པ་དེ་འོག་ཏུ་འབྱིང་ངོ ། །དེ་ཡང་རྒྱལ་པོ་སྐྱེད་པ་དང ། གཞན་ཡང་སྐྱེ་བོའི་ཚོགས་དག་གིས་ཐོས་ནས་ཡ་མཚན་སྐྱེས་སོ། །རྒྱལ་པོ་སྐྱེད་པའི་བློ་སྐྱེས་པ། ངའི་བློན་པོ་དག་གི་ནང་ན་ནོར་བུ་རིན་པོ་ཆེ་རྟོགས་སུ་མཁས་ཤེས་པར་བྱའོ་སྙམ་ནས། དེས་ཁང་པ་རྩེག་མའི་སྟེང་དུ་རྒྱལ་མཚན་གྱི་རྩེ་མོ་ལ་རིན་པོ་ཆེ་བཏགས་སོ། །དེའི་འོག་ན་རྫིང་བུ་ཞིག་ཡོད་དོ། །རྒྱལ་པོས་ཀྱང་སུས་ནོར་བུ་རིན་པོ་ཆེ་འདི་ཤེས་པ་དེ་ལ་སྦྱིན་པར་དམ་པ་བསྟབས་སོ། །རྫོང་བུ་དེར་ཞུགས་ནས་འོད་དེ་བླང་བ་ལ་ཞུགས་ན་བླང་བར་མ་ནུས་སོ། །དེ་ནས་ཤིང་མཁན་གྱི་བུ་མོ་ས་ག་མ་ལ་སྨྲས་པ། རྗེའི་སྲས་སྟེང་དུ་གཟིགས་ཤིག་དང ། དེ་རྒྱལ་མཚན་གྱི་རྩེ་མོ་ལ་བཏགས་</font><hr>Da113b<br><font size=+2>


པ་དེའི་མཐུས། གཟུགས་བརྙན་གདའ་མོད་ཀྱི་ནང་དུ་བཞུད་དེ་རྒྱལ་མཚན་གྱི་རྩེ་མོ་ལས་བླང་བར་བགྱིའོ། །དེ་ཕྱི་དེ་ཉིན་དེ་བཞིན་དུ་བྱས་པ་དང ། རྒྱལ་པོས་སྨྲས་པ། འདི་སུའི་ཐབས། དེས་ས་གའི་ཐབས་ལགས་སོ། །ཞེས་སྨྲས་པ་དང ། མགུ་ནས་རྣམ་པ་ཐམས་ཅད་དུ་ཤིན་ཏུ་མཁས་སོ། །ཞེས་བསྟོད་དོ། །དེ་ནས་ས་ག་ཤིན་ཏུ་གཟུགས་དང་ལྡན་པར་བློན་པོ་དྲུག་གིས་ཤེས་ཏེ།་དེ་བདག་ཅག་གི་ནོར་བུ་དང ། དངུལ་དང ། དབྱིག་དང ། གསེར་དང ། ན་ད་རྙིལ་དང ། པདྨ་རཱ་ག་དང ། རྡོའི་སྙིང་པོ་ལ་སོགས་པས་བྲིད་ལ། ལྷན་ཅིག་ཕྲད་པར་བྱའོ་སྙམ་པ་ལས་མ་ཟུག་གོ་།དེ་དག་རྒྱུན་དུ་སྨྲ་བ་དང ། དེས་སྨན་ཆེན་པོ་ལ་སྨྲས་པ། ཁྱེད་ཀྱི་ཡུལ་ཆོས་ཀོ་།བུད་མེད་གང་སུ་ཡང་རུང་གཞོན་ཞིང་གཟུགས་བཟང་བ་དེ་གཞན་གྱི་སྐྱེས་པས་བསླུ་བ་དེ་ལྟ་བུ་ཞིག་ཡོད་པ་ལྟ། དེས་སྨྲས་པ། འདི་ནི་ཐམས་ཅད་ཀྱི་ཆོས་ཏེ། སྐྱེས་པ་རྣམས་ཀྱིས་བུད་མེད་ཐམས་ཅད་ལ་དོན་དུ་གཉེར་མོད་ཀྱི། བུད་མེད་ཉིད་ཀྱིས་ཤེས་པར་བྱ་སྟེ། གལ་ཏེ་བུད་མེད་མཛངས་ན་དེ་བྱེད་དུ་མི་བཏུབ་བོ། །དེ་ནས་ས་གས་སྨྲས་པ། རྗེའི་སྲས་གལ་ཏེ་དེ་ལྟ་བུ་ལ་ཅོ་བྲི་བའམ། གནོད་པ་ཞིག་བགྱིས་ན། དེ་ལ་ཉེན་དུ་མི་འགྱུར་གྲང ། སྨན་ཆེན་པོས་སྨྲས་པ། བག་རྟོན་ལ་བྱོས་ཤིག་།དེ་ནས་དེས་ཁྱེད་ཀྱིས་ནའོ་ཞེས་སྒྱུ་མཛོད་ཅིག་དང ། དེ་ནས་མཐོ་བཙམ་པར་བགྱིའོ། །དེ་མི་ན་བར་སྒྱུ་བྱས་ཏེ་འདུག་པ་དང ། དེས་ཀྱང་དེ་དག་གི་ཕོ་ཉ་གང་དག་ཡིན་པ་དེ་དག་ལས་བཟླུགས་པ་</font><hr>Da114a<br><font size=+2>


༄#། །འདི་ནི་མི་བདེ་མོད་ཀྱི། ཇི་ལྟར་བཀའ་སྩལ་པ་དེ་བཞིན་དུ་རིམ་གྲོ་འཚལ་ལོ་ཞེས་འདི་སྐད་དུ་སོ་སོར་སྤྲིང་ངོ ། །དེས་ཀྱང་ཤིང་ལས་སྨན་ཆེན་པོའི་གཟུགས་བརྙན་བྱས་ནས། དེ་གོས་ཀྱིས་གཡོགས་ཏེ་མལ་དུ་བསྙལ་ལོ། །དེ་དག་སོ་སོ་ལ་ཡང་སྨྲས་པ། སྨན་ཆེན་པོ་འདི་ནི་ཉམ་ཆུང་སྟེ། ཆེ་གེ་མོ་ཞིག་དང ། ཆེ་གེ་མོ་ཞིག་གི་དུས་སུ་གཞན་གྱིས་མ་འཚལ་བར་སྤྱོན་ཅིག་ཅེས་བྱས་ནས། སྒྲོམ་ཆེན་པོ་དྲུག་བྱས་ཏེ། རང་གི་ཁང་པ་དྲུག་ཏུ་བཅུག་གོ་།དེ་ནས་དེ་དག་འོངས་པ་དང ། སྒྲོམ་དུ་བཅུག་སྟེ་བཅིངས་ནས་ཕྱི་དེ་ཉིན་སྨན་ཆེན་པོ་ཤིའོ་ཞེས་སྒྲ་ཡང་བཏང་ངོ ། །དེ་ནས་རྒྱལ་པོའི་བཙུན་མོའི་འཁོར་དང་བཅས་པ་དང ། གཞན་ཡང་སྐྱེ་བོའི་ཚོགས་དག་གིས་ཐོས་ནས་མྱ་ངན་ཆེན་པོ་དང་ལྡན་ཏེ། བདག་ཅག་སེམས་ཅན་འདི་ལྟ་བུ་དང་བྲལ་བར་གྱུར་ཏོ། །ཞེས་རབ་ཏུ་སེམས་ཤིང་མྱ་ངན་གྱི་རྒྱ་མཚོར་ཞུགས་ནས་སྙིང་རྗེ་རྗེ་སྐད་དུ་སྨྲེའོ། །ཤིང་མཁན་གྱི་བུ་མོ་ས་ག་དེས་ཀྱང ། བློན་པོ་སྒྲོམ་དུ་བཅུག་པ་དེ་དྲུག་ལེགས་པར་བསྡམས་ནས། རྒྱལ་པོ་སྐྱེད་པའི་དྲུང་དུ་ཁྱེར་ཏེ། ལྷ་སྨན་ཆེན་པོ་ནི་དུས་ལས་འདས་ཏེ། དེའི་ནོར་གང་ལགས་པ། དབྱིག་དང ། གསེར་དང ། དར་དང ། རིན་པོ་ཆེ་ལ་སོགས་པ་དེ་དག་དེ་ཉིད་ཀྱི་རྒྱས་བཏབ་པ་འདི་དག་ལགས་སོ། །དེ་ནས་རྒྱལ་པོས་དེ་ནི་དེ་རིང་ཤི་ནས་དེང་ཉིད་ངལ་འདི་ཕུལ་ལོ། །ཞེས་ཤིན་ཏུ་མྱ་</font><hr>Da114b<br><font size=+2>


ངན་གྱིས་གདུངས་སོ། །དེའི་སྐབས་སུ་སྨན་ཆེན་པོ་ཉིད་གནས་གཞན་ཞིག་ནས། མེ་ཏོག་གིས་བརྒྱན་ཏེ། དགོད་ཅིང་རྒྱལ་པོའི་ཕོ་བྲང་དུ་ཕྱིན་ནས། རྒྱལ་པོ་ལ་ཕྱག་བྱས་ཏེ་སྨྲས་པ། ལྷས་བདག་གདུགས་འགའ་ཡང་བྱམས་པས་མ་བཟུང་སྟེ། དེང་ཉིད་སྡུམ་པ་རྒྱལ་པོས་བཞེས་ལགས་སམ། རྒྱལ་པོས་སྨྲས་པ། ངས་མ་བླངས་ཏེ། ཁྱོད་ཉིད་ཀྱི་ཁྱིམ་ནས་ཁྱེར་ཏེ་འོངས་སོ། །ཡང་སྨྲས་པ། རྒྱལ་པོ་ཆེན་པོ་སྨན་ཆེན་ནི། །འདི་ནས་འཇིག་རྟེན་ཕ་རོལ་མཆིས། །དེ་ཡི་རིན་ཆེན་འདི་རྣམས་ལགས། །དེ་དག་མི་དབང་བཞེས་སུ་གསོལ། །རྒྱལ་ཆེན་བདག་ནི་ཡུགས་སྟེ། །ཁྱིམ་ཐབ་དང་ནི་བྲལ་བས་ན། བདག་ལ་བརྙས་པ་བགྱིས་ནས་འགས། །བདག་ལས་ནོར་ནི་ཕྲོགས་སུ་མཆིས། །དེ་ནས་སྨན་ཆེན་པོས་བློན་པོའི་མཆོག་རྣམས་ཀྱི་བློའི་སྤྱོད་པའི་ལེགས་པ་ཡང་བསྟན་ཏོ། །རྒྱལ་པོ་སྐྱེད་པས་ཀྱང་བལྟས་ན། སྐྲ་དང་ཁ་སྤུ་བྲེགས་།རྐང་ལག་བཞི་བསྐུམས་པའི་བློན་པོ་དྲུག་མཐོང་ནས། བགད་དེ་སྨན་ཆེན་པོ་ལ་སྨྲས་པ། སྨན་ཆེན་པོ་ཐབས་འདི་སུའི་ཡིན་སྨྲོས་ཤིག་།དེས་ས་གའིའོ། །ཞེས་ཐམས་ཅད་རྒྱས་པར་སྨྲས་སོ། །དེ་ནས་རྒྱལ་པོས་བསམས་པ། ཀྱེ་མ་བུད་མེད་ཀྱི་བློ་གྲོས། ཀྱེ་མ་བརྟན་པ། ཀྱེ་མ་བློ་ཡི་དཔྱོད་པ། དེས་བློན་པོའི་མཆོག་འདི་དག་འདི་ལྟར་ཅོ་དྲིས་སོ་ཞེས་མགུ་ནས་དེ་བཀུར་བ་ཆེར་བྱས་སོ། །ཡུལ་ཐམས་ཅད་དུ་ཡང་ཤིང་མཁན་གྱི་བུ་མོ་ས་ག་ནི་དེ་</font><hr>Da115a<br><font size=+2>


༄#། །ལྟར་བློ་དང་ལྡན་ནོ་ཞེས་སྙན་བ་གྲགས་སོ། །སྡོམ་ནི། ང་ཡང་སྨན་གྱིས་དེ་བཞིན་ནོ། །ཁྱི་དང་ཕྱུགས་ལ་བཟས་བསོད་སྦྱིན། །དམ་བཅའ་རྡོ་བ་རོལ་མོ་རྣམས། །ུ་དུམ་ཝཱ་ར་སྒྱུར་མོར་འདྲ། །སེ་མོ་དོ་ཡང་སྟོར་བ་སྟེ། །ནེ་ཙོ་གསང་ཡང་བསྙད་པའོ། །བར་མདོ་གཉིས་པའི་ཚིགས་བཅད་དོ། །དེ་ནས་རྒྱལ་པོས་ས་ག་མཁས་ཤིང་མཛངས་པར་ཤེས་ནས། སྨན་ཆེན་པོ་བསོད་ནམས་དང་ལྡན་པས་ནི། འདི་ལྟ་བུའི་ཆུང་མ་བློ་དང་ལྡན་པ་རྙེད་དོ། །སྙམ་མོ། །དེ་ནས་རྒྱལ་པོས་སྨན་ཆེན་པོ་ལ་སྨྲས་པ། གལ་ཏེ་ཁྱོད་དགའ་བ་ལྟ་ན།་ང་ལ་ཡང་ཆུང་མ་འདི་ལྟར་བློ་དང་ལྡན་པ་ཞིག་བཙལ་ཏེ་བླངས་ན་ཁྱིམ་གྱི་སྲིད་དང ། གཞན་ཡང་ཕྱི་རོལ་རྒྱལ་པོའི་ཕོ་བྲང་གི་དོན་འདི་ལ་བདེ་བར་གནས་སོ། །སྨན་ཆེན་པོས་སྨྲས་པ།་གང་ནས་བཙལ་བར་བགྱི། གང་གི་ཕྱིར་རྒྱལ་པོ་སྐྱེད་པས་སྨྲས་པ། ལྔ་ལེན་གྱི་རྒྱལ་པོའི་བུ་མོ་སྨན་ལྡན་ཞེས་བྱ་བ་གཟུགས་བཟང་ཞིང་མཛེས་པ། གཞན་ཡང་དྲན་པ་དང ། ཤེས་བཞིན་ཅན་འདི་ལྟར་ས་གཅི་འདྲ་བའི་བློ་དང་ལྡན་པ་ཞིག་ཡོད་ཅེས་ཐོས་པ་དེ་ཆུང་མར་ལོང་ཞིག་།དེ་ནས་སྨན་ཆེན་པོས་སྨྲས་པ། ལྷ་འདི་ལ་ཐབས་ཅི་ཞིག་བགྱི་ན། དེ་ཡང་ལྷའི་མཚམས་ལས་གཞན་པ། དགྲ་ལྟ་བུར་མཆིས་པ་སྟེ། དེ་ལ་སྔར་ཐབས་བཙལ་བར་བགྱིའོ། །དེ་ནས་རྒྱལ་པོ་སྐྱེད་པས། བློན་པོ་འདུན་ན་འདོན་དག་བཏང་སྟེ་དེ་དག་སློང་བ་ལ་ཞུགས་</font><hr>Da115b<br><font size=+2>


སོ། །དེ་ནས་ལྔ་ལེན་གྱི་རྒྱལ་པོས་བློན་པོ་རྣམས་བསྡུས་ཏེ་ཇི་ལྟར་བྱ། ཞེས་དྲིས་པ་དང ། དེ་དག་གིས་སྨྲས་པ། རྒྱལ་པོ་སྐྱེད་པ་འདི་སྔན་ཆད་ལྷའི་བཀའ་མི་ཉན་ཏེ། དོན་འདིས་འོ་སྐོལ་གྱི་དབང་དུ་འགྱུར་བ་ནི། དེ་དག་མཆིས་ནས་ཇི་ལྟར་བགྱི་བ་གདོད་མཛད་ཀྱི། རེ་ཞིག་སྩོལ་ཅིག་།དེས་བྱིན་ནས་ཆེ་གེ་མོ་ཞིག་ན། ཟླ་བ་ཕྱེད་ཀྱི་ཉིན་བར་ཡུད་ཙམ་དག་དང་སྦྱར་ཏེ། བག་མ་ལེན་དུ་ཤོག་ཅིག་ཅེས་བྱས་ནས་ཕྱིར་སོང་སྟེ། རྒྱལ་པོ་སྐྱེད་པ་ལ་བུ་མོ་སྨན་ལྡན་ནི་ཐོབ་བོ། །ཞེས་ཤེས་པར་བྱས་སོ། །ཇི་ལྟར་ནམ་བླང་བར་བྱ། དེ་དག་གིས་ཚེས་གྲངས་ཆེ་གེ་མོ་ཞིག་ན། ཡུད་ཙམ་པ་དང་སྦྱོར་ལ་ཤོག་ཅིག་།ཅེས་མཆིའོ། །དུས་དེའི་འོག་ཏུ་ལྔ་ལེན་གྱི་རྒྱལ་པོ་དེས་བག་མ་བཏང་བའི་དོན་དུ་བརྩམས་པ་ནི། བཟའ་བ་དང ། བཏུང་བ་དག་སྟ་གོན་བྱས་ཏེ། བཟའ་བ་དང ། བཏུང་བའི་རྣམ་པ་ཐམས་ཅད་དུག་དང་བསྲེ་བ་བྱས་ནས་ལྔ་ལེན་གྱི་རྒྱལ་པོས་བསྡོགས་པ་འདི་ལས་མི་འཕྱི་བར་ཤོག་ཅིག་།ཅེས་ཕོ་ཉ་བཏང་ངོ ། །དེ་ནས་དེ་ཐོས་པ་དང ། སྨན་ཆེན་པོས། རྒྱལ་པོ་སྐྱེད་པ་ལ་སྨྲས་པ། ལྷ་རེ་ཞིག་འཕྲལ་དུ་བགྱིར་མི་རུང་སྟེ། དེ་ཅིའི་སླད་དུ་ཞེ་ན། དེ་ནི་གང་གི་ཕྱིར། ལྷའི་མཚམས་ལས་གཞན་པའི་རྒྱལ་པོ་སྟེ། དེ་དང་རྟག་ཏུ་རྩོད་ཅིང་འདིས་རྒྱུན་དུ་མི་མཐུན་པ་ལྷན་ཅིག་ཏུ་བགྱིས་པས་བརྟག་པར་བགྱིའོ། །རྒྱལ་པོས་སྨྲས་པ། སུ་རྟོག་ཏུ་བཏང ། དེས་སྨྲས་པ། རྒྱལ་པོ་བདེ་བར་བཞུགས་ཤིག་།བདག་ལ་ནེ་ཙོ་སྤྱོད་གསལ་ཞེས་བགྱི་བ་མཁས་པ། གསལ་</font><hr>Da116a<br><font size=+2>


༄#། །བ། ཡིད་གཞུངས་པར་དེར་བཏང་ལ་དེས་ཐམས་ཅད་ལ་གཏམ་བགྱིས་ནས། སླར་མཆི་བར་བགྱིའོ། །དེ་བཞིན་གྱིས་ཤིག་།དེ་དེར་སོང་ནས་བསམས་པ། སུ་ལ་བཅར་ཏེ་གང་གིས་ན་ལྷན་ཅིག་འགྲོགས་ཤིང་གཏམ་བྱ། དེས་ཀུན་ཏུ་བལྟས་ན་ཅུང་ཟད་ཀྱང་མ་མཐོང་ངོ ། །འཇིག་རྟེན་གྱི་ཐ་སྙད་གང་གིས་བྱ་སྙམ་མོ། །ཇི་ཙམ་ན་རྒྱལ་པོའི་ཕོ་བྲང་དུ་ཞུགས་ཏེ་དེར་བལྟས་ན། གདུང་གི་བར་ན་རི་སྐེགས་ཞིག་འདུག་པ་མཐོང་སྟེ། དེ་དེར་སོང་ནས་ཀྱང ། དེ་གཉིས་ཕན་ཚུན་གཅིག་ལ་གཅིག་དགའ་བས་ཡང་དག་པར་མགུ་བར་བྱས་ནས། གང་ནས་འོངས་ཞེས་དྲིས་སོ། །ནེ་ཙོས་སྨྲས་པ། བྱང་ཕྱོགས་ཀྱི་རྒྱལ་པོ། རྒྱལ་པོ་ཤི་བི་ཞེས་བྱ་བ་དེ་ནས་ཁོ་བོ་འོངས་སོ། །ཁོ་བོ་དེའི་སྐྱེད་མོས་ཚལ་སྲུང་སྟེ། དེ་ལ་ཁོ་བོའི་ཆུང་མ་དམ་པ་གཟུགས་བཟང་བ། མཛངས་ཤིང་རྗེས་སུ་མཐུན་པ། ཡིད་དུ་འོང་བ་སྨྲ་བ། རི་སྐེགས་མོ་ཞིག་ཡོད་པ་ལས། རི་སྐེགས་དེ་ཡང་གཞན་དུ་སོང་བ་ལས་ཁྲས་ཁྱེར་ཏེ་དེས་ན་ཁོ་བོ་མྱ་ངན་གྱིས་སེམས་གདུངས་ཤིང ། ཕན་ཚུན་འཁྱམས་པ་ལས་ཁྱོད་ཀྱི་དྲུང་དུ་ཕྱིན་ཏོ། །བཟང་མོ་ཁྱོད་ཁོ་བོའི་ཆུང་མར་མི་རུང་ངམ། དེས་སྨྲས་པ། ཇི་ལྟར་ན་ནེ་ཙོའི་ཆུང་མ་རི་སྐེགས་ཡིན་ཞེས་མ་ཐོས་མ་མཐོང་སྟེ། དེ་ལྟ་མོད་ཀྱི་ནེ་ཙོའི་ཆུང་མ་ནི་ནེ་ཙོ་ཉིད་ཡིན་ནོ་ཞེས་ཐོས་སོ། །དེས་སྤྱོད་གསལ་གྱིས་གཞན་དག་ཕན་ཚུན་འོང་ཞིང་འགྲོ་བའི་རྣམ་གྲངས་</font><hr>Da116b<br><font size=+2>


ཀྱི་རྣམ་པས་ཉེ་བར་བསྙེན་ཏོ། །ཡང་སྨྲས་པ། བཟང་མོ་བདག་ནི་ཤི་བིའི་རྒྱལ། །སྐྱེད་མོས་ཚལ་སྲུང་གྱུར་པ་སྟེ། །ཁོ་བོའི་ཆུང་མ་རི་སྐེགས་ནི། །འཇམ་པའི་ཚིག་ཏུ་སྨྲ་གྱུར་པ། །བྱས་ནི་ནན་གྱིས་ཁྱེར་བས་ན། །བདག་ནི་དེ་ཡིས་གདུངས་པར་གྱུར། །ཁོ་བོ་འདོད་པས་གདུངས་ནས་ནི། །ཁྱོད་ཀྱི་གན་དུ་འོངས་པ་ཡིན། །རི་སྐེགས་ཀྱིས་སྨྲས་པ། ནེ་ཙོའི་ཆུང་མ་རི་སྐེགས་ནི། །མི་རིགས་པར་ནི་བདག་གིས་བསམས། །ནེ་ཙོའི་ཆུང་མ་ནེ་ཙོ་བར། །འདི་སྐད་དུ་ནི་མཁས་པས་བསྒྲགས། །དེ་ནས་དེ་བཞིན་དུ་སྨྲས་ཤིང་བསམ་པ་བསྒྲུབས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་ནེ་ཙོ་སྤྱོད་གསལ་གྱིས། རྒྱལ་པོའི་ཕོ་བྲང་ན། བཟའ་བ་མང་པོ་སྦྲང་རྩིའི་མཆོག་ཅེས་བྱ་བ་དང ། མྱ་ངན་མེད་སྒྱུར་དང ། ཕེའུ་ཏེའུ་དག་དོག་ལེར་འཚོད་པ་དང ། བུ་རམ་ལས་བྱས་པའི་ཁ་ཟས་མང་པོ་མཐོང་ནས། རི་སྐེགས་ལ་སྨྲས་པ། ཅིའི་ཕྱིར་འདི་དག་འཚོད། ཇི་སྟེ་བདག་ཅག་གིས་ཐོབ་བམ། དེ་ནས་རི་སྐེགས་ལ་ཚིགས་སུ་བཅད་དེ་སྨྲས་པ། དོག་ལེར་མར་སར་མང་པོ་ནི། །འཚེད་པར་བྱེད་པ་འདི་རྣམས་དག་།ཁ་ཅིག་བདག་ཅག་གིས་ཐོབ་བམ། །རི་སྐེགས་ཀྱིས་ནི་འཇམ་པོར་སྨྲོས། །རི་སྐེགས་ཀྱིས་སྨྲས་པ། དོག་ལེར་བཅའ་བ་ཁུར་བ་དག་།འཚེད་པར་བྱེད་པ་འདི་དག་ཀྱང ། །ནེ་ཙོ་མཁས་པ་སྤྱོད་གསལ་བ། །འདི་རྣམས་ཁྱོད་ཀྱི་བཟའ་བ་མིན། །འདི་དག་སྐྱེད་པའི་ཆེད་དུ་ནི། །དུག་གིས་ཐམས་ཅད་</font><hr>Da117a<br><font size=+2>


༄#། །བསྲེས་པ་ཡིན། དེ་ནས་སྤྱོད་གསལ་གྱིས་རིག་པ་སྔོན་དུ་བཏང་ནས། རི་སྐེགས་ལ་ཐབས་ཀྱིས་ཡང་སྨྲས་པ། ལྔ་ལེན་རང་གི་བུ་མོ་པ། །སྐྱེད་པ་ལ་ནི་བྱིན་ནོ་ཞེས། །དེ་ལྟ་བུར་ཡང་སྒྲ་དག་གིས། །ཕྱོགས་ཀུན་ཏུ་ནི་རྒྱས་གྱུར་ན། །དེ་ལ་སུ་ཡི་ཚིག་བདེན་ཞིང ། །གང་གི་ཚིག་དེ་དེ་བཞིན་ཡིན། །རི་སྐེགས་ཀྱིས་སྨྲས་པ། ནེ་ཙོ་མཁས་པ་སྤྱོད་གསལ་བ། །གཏུམ་པོ་དེ་ནི་མི་བྱིན་ཏེ། །བློ་གྲོས་ངན་པ་ཉིད་དག་གིས། །དེ་ལ་གསད་པ་དག་ཏུ་བརྩོན། །དེ་དག་ཐོས་ནས་སླར་ལོག་སྟེ། ནེ་ཙོ་སྤྱོད་གསལ་གྱིས་མཐོང་ཞིང་ཐོས་ནས་རྟོགས་ཤིང་ཤེས་པ་ནི། ཚོང་པས་དོན་གྱི་རྙེད་པ་ཐོབ་པ་ཡོངས་སུ་གྲུབ་པ་བཞིན་ནོ། །རི་སྐེགས་ལ་ཤི་བིའི་ཕྱིར་སྨྲས་པ། བདག་གི་ཆུང་མ་འདྲ་རྙེད་པ། །རི་སྐེགས་འཇམ་པོར་སྨྲ་བ་ནི། །ཤི་བིའི་རྒྱལ་པོས་མཁྱེན་བྱའི་ཕྱིར། །བཟང་མོ་བདག་ནི་འགྲོ་བར་བྱ། །རི་སྐེགས་ཀྱིས་སྨྲས་པ། གལ་ཏེ་རྗེ་ཡི་སྲས་གཤེགས་ན། །ཤི་བིའི་རྒྱལ་པོ་མཁྱེན་གསོལ་ནས། །དགུང་བདུན་དག་ལས་གཞན་དུ་ནི། ཡུན་མི་རིང་པར་མཁྱེན་པར་མཛོད། །བདག་གི་རིགས་དང་རུས་དག་དང ། །ལོངས་སྤྱོད་ཀྱང་ནི་འདི་འདྲ་བར། ཤི་བིའི་རྒྱལ་པོས་མཁྱེན་པར་མཛོད། །བདག་ཀྱང་སླད་རྗེས་ཁྱེད་མ་དགུ་མ། །དེ་སོང་ནས་ཕྱིན་པ་དང ། བློན་པོ་སྨན་ཆེན་པོ་ལ་རྒྱ་ཆེར་ཐམས་ཅད་སྨྲས་སོ། །དེ་ནས་སྨན་ཆེན་པོས་རྒྱལ་པོ་སྐྱེད་པ་ལ་མཁྱེན་པར་བྱས་སོ། །དེ་ནས་ལྔ་ལེན་གྱི་</font><hr>Da117b<br><font size=+2>


རྒྱལ་པོས་ཀྱང་མི་འོང་བར་རྟོགས་ནས། དཔུང་གི་ཚོགས་ཡན་ལག་བཞི་པ་གོ་བསྐོན་ནས། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་དག་རྒྱལ་པོ་སྐྱེད་པའི་དྲུང་དུ་ཕྱིན་ནས། རྒྱལ་པོ་སྐྱེད་པའི་ཕོ་བྲང་བསྐོར་བར་བྱས་པ་དང ། དེ་ནས་བློན་པོའི་མཆོག་སྨན་ཆེན་པོས་བསམས་པ། འདིས་ལྷན་ཅིག་འཐབ་མོ་འགྱེད་པར་ཡང་མི་ནུས་ན་ཇི་ལྟར་བྱ། དབྱེན་ཞིག་བྱ་སྙམ་མོ། །དེས་ལྔ་ལེན་གྱི་རྒྱལ་པོའི་བློན་པོ་ལྔ་བརྒྱ་ལ་རྣམ་པ་སྣ་ཚོགས་ཀྱི་སྐྱེས་བསྐུར་ཏེ་དབྱེན་བྱས་སོ། །དབྱེན་བྱས་ནས་རྒྱལ་པོ་སྐྱེད་པས་ལྔ་ལེན་གྱི་རྒྱལ་པོ་ལ་ཕོ་ཉ་བཏང་སྟེ། ཁོ་བོ་ཁྱོད་ལ་རྒོལ་མི་ནུས་པ་མ་ཡིན་མོད་ཀྱི། ཁོ་བོ་དང་ཁྱོད་གཉེན་ཏེ། ཁྱོད་ཉིད་གྱོས་པོ་ཡིན་པས་མི་རྒལ་ལོ། །འོན་ཀྱང་ཁྱོད་ངའི་ལག་ཏུ་འཚོའམ། གཤིན་པ་ནི་ཤིན་ཏུ་རིག་པར་གྱིས་ཤིག་།ངེད་ཀྱིས་ནུས་པར་གྱུར་ཀྱང་ཁྱོད་ལ་མི་རྒོལ་ཏེ། གལ་ཏེ་ཡང་ཁྱོད་ཐེ་ཚོམ་དུ་གྱུར་ན། སྐྱེས་འདི་དང་འདི་དག་ནི་བློན་པོ་ཆེ་གེ་མོ་རྣམས་ལ་བསྐུར་བ་བརྟག་པར་བྱའོ། ། ཞེས་དེས་སྤྲིང་པ་ལས། སྐྱེས་དང་བཅས་སུ་བཟུང་ངོ ། །དེ་ནས་ལྔ་ལེན་གྱི་རྒྱལ་པོ་དེ་ཉིད་ཀྱི་ནུབ་མོ་ཆས་ནས། རང་གི་ཁྱིམ་དུ་སོང་སྟེ་ཕྱིན་པ་དང ། བློན་པོ་ལྔ་བརྒྱ་དེ་དག་བསད་དེ། དེ་དག་གི་བུ་རྣམས་ཀྱང་བློན་པོར་བཅུག་པ་བདེན་ནོ་ཞེས་སྨྲས་པ་འདིས་རྒྱལ་པོ་སྐྱེད་པ་དང་ལྷན་ཅིག་པ་དག་དགའ་བ་སྐྱེས་པར་གྱུར་ཏོ། །སྨན་ཆེན་པོས་ཀྱང་དེ་དག་བསད་པར་ཐོས་ནས་བདག་གི་དེ་ལྟ་</font><hr>Da118a<br><font size=+2>


༄#། །བུ་དག་བྱས་སོ་སྙམ་སྟེ། དགའ་བར་གྱུར་ཏོ། །དེ་དག་ཀྱང་བསད་ནས་རྒྱལ་པོ་ལ་སྨན་ཆེན་པོས་གསོལ་པ། འདི་ལྟར་བདག་ཉིད་དངོས་དེར་མཆིས་ལ་ཐོབ་བམ། མི་ཐོབ་བརྟག་པར་བགྱིའོ་ཞེས་སྨྲས་སོ། །གང་གི་ཕྱིར་དེ་དེར་བདག་ཉིད་ཀྱི་དཔུང་དང་བཅས་ནས་ལྔ་ལེན་གྱི་རྒྱལ་པོའི་ཡུལ་དུ་སོང་བ་དང ། ལྔ་ལེན་གྱི་རྒྱལ་པོས་གྲོང་ཁྱེར་གྱི་ནང་དུ་ཤོག་ཅིག་ཅེས་སྨྲས་སོ། །དེས་སྨྲས་པ། སྐྱེད་མོས་ཚལ་འདི་ཉིད་དུ་མཆིས་སོ། །ཇི་སྟེ་ཡང་བདག་ངེས་པར་ནང་དུ་མཆི་ན། བློན་པོ་ཆེ་གེ་མོ་ཞིག་གི་ཁྱིམ་དུ་མཆི་བར་འཚལ་ལོ། །དེ་ནས་ལྔ་ལེན་གྱི་རྒྱལ་པོ་བག་ཚ་སྟེ། ཅིའི་ཕྱིར་འདི་འདི་སྐད་དུ་སྨྲ། རེ་ཞིག་གཞན་ཡང་བདག་དང་བློན་པོ་དག་དབྱེན་བྱེད་དོ་སྙམ་སྟེ། དེ་ལྟར་དགའ་ན་དེ་ཉིད་དུ་འདུག་ཅིག་ཅེས་སྤྲིང་ངོ ། །དེའི་བློན་པོ་རྣམས་ཀྱིས་འདི་ལ་བགྲོས་པ། བདག་ཅག་གི་ཕ་ཆུད་གསན་པ་བྱས་པ་དེ་ཐམས་ཅད་ནི། སྨན་ཆེན་པོ་འདི་ཡིན་པས་བདག་ཅག་གིས་སྔོན་གྱི་ཤ་ཁོན་རྗེས་སུ་དྲན་པར་བྱས་ཏེ། རྒྱལ་པོ་ལ་དེ་བཞིན་དུ་གལ་གྱིས་བཅུས་ལ། དེ་ལྟར་འདི་ཕྱིར་མི་འགྲོ་བར་བྱའོ་ཞེས་འདུས་ནས། རྒྱལ་པོ་ལ་དེ་དག་གིས་སྨྲས་པ། རྒྱལ་པོ་སྐྱེད་པ་གང་ལ་བློའི་སྤྱོད་ཚུལ་འདི་ལྟ་བུ་དེ་ནི། སྨན་ཆེན་པོ་དེའི་ལགས་སོ། །དེ་ལ་རྒྱལ་པོ་སྐྱེད་པ་ནི་ཕ་རོལ་གནོན་པ་བགྱིད་མི་ནུས་ཏེ། དེ་ལྟར་དེ་འདི་ཉིད་ན་མཆིས་པའི་ཚེ། བདག་ཅག་གིས་གཞན་</font><hr>Da118b<br><font size=+2>


ནས་རྒྱལ་པོ་སྐྱེད་པའི་དྲུང་དུ་མཆིའོ། །དེས་སྨྲས་པ། ལེགས་པར་སྨྲས་སོ། །དེ་ནས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གླང་པོ་ཆེའི་ཚོགས་དང ། རྟའི་ཚོགས་དང ། ཤིང་རྟའི་ཚོགས་དང ། དཔུང་བུ་ཆུང་གི་ཚོགས་དང ། །རྒྱལ་པོའི་ཕོ་བྲང་གནས་དེར་སོང་ངོ ། །རྒྱལ་པོ་སྐྱེད་པ་འདིས་ཀྱང་སྟ་གོན་བྱས་སོ། །སྨན་ཆེན་པོས་ཀྱང་ལྔ་ལེན་གྱི་རྒྱལ་པོ་ལམ་ཆེ་གེ་མོ་ཞིག་ནས་རྒྱལ་པོ་སྐྱེད་པའི་དྲུང་དུ་སོང་བར་ཤེས་སོ། །དེས་ཀྱང་དེར་ཅུང་ཞིག་འདུག་ནས། ཕྱོགས་ཆེ་གེ་མོ་ཞིག་ན། རྒྱལ་པོའི་མཛོད་ཡོད་དེ། མཛོད་དེ་ན་རྒྱལ་པོའི་བུ་མོ་སྨན་ལྡན་མ་ཞེས་བྱ་བ་འདུག་པར་ཤེས་སོ། །དེ་ནས་དེས་ནང་འཁོར་མི་ཞིག་ཁྲིད་དེ་འཁོར་བཞག་ནས། ཇི་ཙམ་ན་རྒྱལ་པོའི་མཛོད་དུ་ཞུགས་ཏེ། མཛོད་ཕྱེ་ནས་བུ་མོ་དང ། འབྱོར་པ་དབྱིག་དང ། གསེར་དག་བླངས་ནས། དཔུང་གི་ཚོགས་ཡན་ལག་བཞི་གོ་བསྐོན་ཏེ། ལམ་གཞན་ཞིག་ནས་རྒྱལ་པོ་སྐྱེད་པའི་དྲུང་དུ་སོང་ངོ ། །དེ་ནས་རྒྱལ་པོ་སྐྱེད་པ་དང ། བློན་པོ་དང ། གྲོང་མི་རྣམས་དང ། གཞན་དག་ཀྱང་ལས་ཆེན་པོས་བསྒྲུབས་སོ་ཞེས་རབ་ཏུ་དགའ་སྟེ། རྗེད་ཅིང་རི་མོར་བྱ་བ་མང་པོ་དག་བྱས་སོ། །ལྔ་ལེན་གྱི་རྒྱལ་པོའི་བློན་པོ་མཆོག་ཀྱང་འོངས་ན། སྨན་ཆེན་པོས་བུ་མོ་དང ། མཛོད་ཁྱེར་བ་དང ། རྒྱལ་པོའི་ཕོ་བྲང་དེ། དེ་དག་གིས་སྤངས་ཏེ། རང་གིས་ཡུལ་དུ་སོང་ངོ ། །རྒྱལ་པོ་སྐྱེད་པས་ཀྱང་གང་གིས་ཕྱིར་བཀྲ་ཤིས་ཀྱི་རྣམ་པ་དག་གིས། བུ་མོ་བག་མར་བླངས་ནས་</font><hr>Da119a<br><font size=+2>


༄#། །དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་ལྔ་ལེན་གྱིས་རྒྱལ་པོས། བུ་མོ་སྨན་ལྡན་ལ་ཕོ་ཉ་ཞིག་བཏང་ནས་འདི་ལྟ་བུ་སུའི་ཐབས། སུས་བརྟགས། སུས་དབྱེན་བྱས་པ་དག་གི་དོན་ཤེས་པར་གྱིས་ལ། རྟོགས་ལ་སྤྲིང་ཞིག་།དེས་བརྟགས་ནས། ཕོ་ཉ་བཏང་ལ་སྨན་ཆེན་པོ་འདི་ལ་ནེ་ཙོ་སྤྱོད་གསལ་ཞེས་བྱ་བ་མིའི་སྐད་དུ་སྨྲ་བ་དེས་འདི་ལྟར་བརྟགས་སོ། །དེ་ནས་ལྔ་ལེན་གྱི་རྒྱལ་པོས་སྨྲས་པ། ནེ་ཙོ་སྤྱོད་གསལ་ཅི་ནས་ཀྱང་སླར་ཐོང་ཞིག་།དེ་ནས་དེས་རབ་ཏུ་འབད་པས་རྙིས་བཟུང་སྟེ།་དེ་ལ་བསྐུར་རོ། །དེ་ནས་རྒྱལ་པོ་ཁྲོ་བས་དཀྲིས་པས་རྣམ་པ་མང་པོར་སྤྱོས་ཏེ། སོད་ཅིག་ཅེས་བསྒོའོ། །དེ་ནས་ནེ་ཙོ་སྤྱོད་གསལ་གྱིས་རྐང་པ་ལ་གཏུགས་ཏེ་རྒྱལ་པོ་ལ་གསོལ་པ།་ལྷ་བདག་གི་ཕ་དང ། མེས་པོ་ཇི་ལྟར་བཀུམ་པ་དེ་བཞིན་དུ་དགུམ་པར་ཅི་གནང ། གལ་ཏེ་དེ་ལྟ་ན་དེ་བཞིན་དུ་འདི་གསོད་པར་གྱིས་ཤིག་།ཅེས་ནས་གནང་ངོ ། །ཇི་ལྟ་བུ་ཉིད་དུ་ཕ་དང་མེས་པོ་བསད། ཅེས་དེས་དེ་ལ་དྲིས་པ་དང ། རས་བལ་གྱིས་མཇུག་མ་བཀྲིས་ཏེ། ཡུངས་མར་གྱིས་བསྐུས་ནས་བསྲེགས་ཏེ་བཏང་བ་དང ། དེ་ནམ་མཁའ་ལ་འཕུར་ཏེ་རྒྱལ་པོའི་ཕོ་བྲང་ཀུན་ནས་འབར་བར་བྱས་ནས་ཆུར་ཞུགས་སོ། །དེ་ནས་རྒྱལ་པོ་སྐྱེད་པའི་དྲུང་དུ་སོང་བ་དང ། སྨན་ཆེན་པོས་ཀྱང་དྲིས་པ། ཁྱོད་ག་ལས་འདིར་ཕྱིན། དེས་ཇི་ལྟར་བྱས་པ་</font><hr>Da119b<br><font size=+2>


ཐམས་ཅད་ཤེས་པར་བྱས་པ་དང ། དེ་མགུ་བར་གྱུར་ཏོ། །ལྔ་ལེན་གྱི་རྒྱལ་པོ་ཁྲོ་བས་དཀྲིས་པས་ཡང་ཡི་གེ་བསྐུར་བ། དེས་རྣམ་པ་འདི་ལྟ་བུས་གནོད་པ་བྱས་ཏེ་འདི་ངེས་པར་སླར་ཐོང་ཞིག་དེས་ཀྱང་བཟུང་སྟེ་བསྐུར་རོ། །ལྔ་ལེན་གྱི་རྒྱལ་པོ་ཁྲོས་པས། སྤུ་རིལ་ཕྱི་ནས་ཤའི་རི་ལུར་བཞག་སྟེ། འགྲོ་ན་སོང་ཞིག་ཅེས་དེ་ཕྱི་རོལ་ཏུ་བོར་བ་དང ། ཁྲས་ཁྱེར་རོ། །དེས་ཀྱང་ཁྲ་ལ་གསོལ་བ་བཏབ་པ། ཁོ་བོ་ཟོས་པ་ནི་ཉིན་གཅིག་གི་ཟས་སུ་ཟད་དེ། ཁོ་བོ་བཏང་ན་ནི་ཉིན་གཅིག་བཞིན་དུ་ཇི་ལྟ་བུའི་དགོས་པ་དང ། བཟའ་བ་མང་པོ་དག་དེ་བཞིན་དུ་སྦྱར་བར་བྱའོ་ཞེས་དེས་ཡིད་ཆེས་པར་མནའ་བོར་ནས་བཏང་སྟེ། སྤྱོད་གསལ་གྱིས་སྨྲས་པ། ཕྱོགས་ཆེ་གེ་མོ་ཞིག་ན་རྒྱལ་པོའི་གཙུག་ལག་ཁང་དེར་ཤོག་ཅིག་།དེས་དེ་བཞིན་བྱས་པ་དང ། དེ་གཙུག་ལག་ཁང་དུ་སོང་སྟེ། བུ་ག་ཞིག་ཏུ་ཞུགས་པ་དང ། ཕྱི་དེ་ཉིན་བྲམ་ཟེ་དག་ལྷ་མཆོད་པའི་ཕྱིར་དེར་ལྷགས་ནས། ལྷ་དྲི་མ་ཕྱིས་ཏེ། བདུག་པ་དང ། མེ་ཏོག་དང ། ལྷ་བཤོས་དང ། གཏོར་མ་སྦྱིན་པར་རྩོམ་པ་ན། སྤྱོད་གསལ་དེས་ཀྱང་སྨྲས་པ། ཀྱེ་བྲམ་ཟེ་རྒྱལ་པོ་སྡིག་པ་ཅན་ལྔ་ལེན་གྱི་རྒྱལ་པོ་ལ་ངའི་ཚིག་འདི་བརྗོད་པར་བྱའོ། །ཉེས་པ་འདི་དང་འདི་དག་བྱས་པ་དེ་ནི་ངས་གནོད་པར་བྱས་པ་ཡིན་ནོ། །གལ་ཏེ་ངའི་ཚིག་བཞིན་མ་བྱས་ན་ཕྱིར་ཡང་བྱའོ། །དེ་ལྟར་རེ་ཞིག་ཉིན་རེ་ཞིང་ཤ་རྗེན་མང་པོ་དང ། ཏིལ་དང ། འབྲས་ཐུག་པོ་བྲེའུ་ཆུང་གང་གི་ལྷ་བཤོས་བྱས་པ་དང ། དེ་ནས་ཕྱིས་བསམ་མོ། ། </font><hr>Da120a<br><font size=+2>


༄#། །སོང་ནས་དེས་ལྔ་ལེན་གྱི་རྒྱལ་པོ་ལ་ཁོང་དུ་ཆུད་པར་བྱས་སོ། །རྒྱལ་པོས་ཀྱང་དེའི་དོན་ཁོ་ནར་ལྷ་བཤོས་དང ། གཏོར་མ་བྱ་བ་ལ་ཞུགས་ཏེ། ཉིན་གཅིག་བཞིན་དུ་རྒྱལ་པོ་དང ། བློན་པོ་དང ། མདུན་ན་འདོན་དག་ལྷགས་ནས། ལྷ་ལ་གནང་ངམ། མི་གནང་བཀའ་སྩལ་པ་གསོལ་བ་བཏབ་པ་དང ། དེ་བཞིན་དུ་བྱའོ། །ཞེས་སོ། །འདི་ལྟར་དུས་མང་དུ་ལོན་ནས། ནེ་ཙོ་སྤྱོད་གསལ་དེའི་གཤོག་པ་སྐྱེས་ཤིང་འཕུར་ནུས་པར་གྱུར་པ་དང ། ཡང་འགྲོ་བའི་བློ་སྐྱེས་ཏེ་དེ་ལ་ཡང་སྨྲས་པ། འདི་ལྟར་ང་ལ་གང་ཁྱོད་སྟོབས་ཀྱི་དཔུང་དང ། ལྷ་མོ་དང ། གཞོན་ནུ་དང ། བློན་པོ་དག་དང་ལྷན་ཅིག་མགོ་གཏུན་བཞིན་བྲེགས་ལ་ངའི་དྲུང་དུ་ཤོག་ཅིག་དང ། འདི་ལྟར་ཡང་བཟོད་ཅིང་གནང་བར་བྱའོ། །དེས་རྒྱལ་པོ་ལ་ཁོང་དུ་ཆུད་པར་བྱས་པ་དང ། རྒྱལ་པོས་ཀྱང་དེ་བཞིན་དུ་བྱས་ཏེ། དེ་ལྟར་ཐམས་ཅད་མགོ་གཏུན་བཞིན་དུ་བྲེགས་ནས། ལྷ་ཁང་དུ་སོང་སྟེ། རྐང་པ་ལ་གཏུགས་ནས་བཟོད་པར་གསོལ་བ་དང ། དེ་ནས་ནེ་ཙོ་ནམ་མཁའ་ལ་འཕུར་ཏེ་ཚིགས་སུ་བཅད་པ་འདི་སྨྲས་སོ། །བྱེད་པ་ལ་ནི་སླར་བྱས་ཏེ། །ཕྱི་བ་སླར་ནི་ཕྱི་ལ་ལྟོས། །འདིར་ནི་གཅིག་པུ་ཕྱི་བ་ཡིས། ། བཙུན་མོ་ཀུན་དང་ལེགས་པར་ཕྱི། །དེས་འདི་སྐད་སྨྲས་ཏེ། དེ་ནས་ཡང་སྨན་ཆེན་པོའི་དྲུང་དུ་སོང་བ་དང ། སྤྱོད་གསལ་ཡུན་རིང་ཞིག་ཏུ་མ་མཐོང་ན། གང་ནས་ཕྱིན་ཅེས་དྲིས་</font><hr>Da120b<br><font size=+2>


སོ། །དེས་འདི་དང་འདི་ལྟ་བུའི་ཐབས་དེ་དག་བདག་གིས་བགྱིས་སོ། །ཞེས་རྒྱ་ཆེར་སྨྲས་སོ། །དེ་ནས་སྨན་ཆེན་པོ་ཡིད་དགའ་ཞིང་མགུ་སྟེ། རྒྱལ་པོ་སྐྱེད་པ་ལ་ནེ་ཙོ་སྤྱོད་གསལ་གྱིས་འདི་ལྟར་བགྱིས་སོ། །ཞེས་སྨྲས་པ་དང ། རྒྱལ་པོ་ཡང་མཆོག་ཏུ་དགའ་བ་དང་ལྡན་ནས། སྨྲས་པ། ཨེ་མའོ་འདི་ལྟར་ཁྱོད་མཁས་པ་ཤ་སྟག་དང་ཕྲད་པ་ནི་བསོད་ནམས་དང་ལྡན་ནོ།། ཞེས་སྨྲས་སོ། །དེ་ནས་ཡང་དུས་ཕྱི་ཞིག་ན། རྒྱལ་པོས་བློན་པོ་རྣམས་ལ་གང་རབ་ཏུ་མཁས་པ་ཉམས་སད་དོ་སྙམ་པའི་བློ་སྐྱེས་ནས། དེ་དག་བོས་ཏེ་སོ་སོར་ཁྱི་རེ་རེ་བྱིན་ནས། འདི་དག་དུས་འདི་ཙམ་ན་ཐམས་ཅད་མི་སྐད་དུ་སྨྲ་བར་གྱིས་ཤིག་།དེ་དག་གིས་དེ་ཁྱིམ་དུ་ཁྲིད་དེ་གསོ་བར་བྱ་བ་ནི་ཤེས་ཀྱི། མི་སྐད་དུ་ཟེར་བ་ནི་མི་ཤེས་སོ། །སྨན་ཆེན་པོས་ཁྱི་དེ་ཁྱིམ་དུ་ཁྲིད་དེ་འོངས་ནས་ཁྲི་ལས་མི་རིང་བ་ཞིག་ཏུ་ཕུར་པ་ལ་བཏགས་ཏེ་བཞག་གོ་།ནམ་སྨན་ཆེན་པོ་ཁ་ཟས་དྲངས་ནས། བཅའ་བ་དང ། བཟའ་བ་དང ། འཁུར་བ་སྣ་ཚོགས་སུ་སྦྱར་བ་ཟ་བར་མཐོང་ཡང་ལེན་མི་ནུས་སོ། །དེ་ནས་ངན་པ་ཅུང་ཟད་ཅིག་བྱིན་པས་མ་ཤི་མ་གསོན་ཙམ་དུ་ཉམ་ཆུང ། རིད་དེ་སྐེམ་པར་གྱུར་ཏོ། །དེ་ནས་རྒྱལ་པོས་ཁྱི་དེ་དག་ལོབས་སམ། མ་ལོབས་བལྟས། ཁྲིད་དེ་ཤོག་ཅིག་པར་བསྒོའོ། །དེ་དག་གིས་ནི་ཐབས་ལ་མི་མཁས་པས་བསླབ་མ་ནུས་སོ། །དེ་ནས་སྨན་ཆེན་པོ་ལ་ཁྱོད་ཀྱིས་ཅི་འདྲ་བ་ཁྲིད་དེ་ཤོག་ཅེས་སྨྲས་ནས། རྒྱལ་པོའི་མདུན་དུ་འོངས་ཏེ། </font><hr>Da121a<br><font size=+2>


༄#། །བལྟས་ན། སྐེམ་ཞིང་རིད་དོ། །དེས་འདི་ཅིའི་ཕྱིར་རིད་ཅེས་དྲིས་པ་དང ། སྨན་ཆེན་པོས་ལྷ་བདག་གིས་ཅི་ཟོས་ཅི་འཚལ་བ་དེ་བཞིན་འདི་ལ་ཡང་སྩལ་ཏོ། ། ཞེས་སྨྲས་པ་དང ། ཁྱིས་སྨྲས་པ། ལྷ་འདི་ནི་རྫུན་མཆི་སྟེ། བདག་ལྟོགས་ཏེ་དེའུ་གུམ་མོ། །དེ་ནས་སྨན་ཆེན་པོས་བདག་གིས་འདི་འདི་ལྟར་མིའི་སྐད་དུ་སྨྲ་བར་བགྱིས་སོ། །ཞེས་གསོལ་ཏོ། །དེ་ནས་རྒྱལ་པོ་དགྱེས་པར་གྱུར་ཏོ། །དེ་ནས་དུས་ཕྱི་ཞིག་ན། ཡང་ཉམས་སད་པར་འདོད་ནས། ལུག་འདི་རྣམས་ཁྱེད་ཀྱིས་བཟའ་བཏུང་ཞིམ་པོ་སྩལ་ལ་ཚིལ་མེད་ལ་མཐུ་དང་ལྡན་པར་བྱོས་ཤིག་།ཅེས་བསྒོའོ། །དེ་ནས་བློན་པོ་ལྔ་བརྒྱ་པོ་དེ་དག་གིས་ཐབས་མ་ཤེས་ཏེ། དེ་སོས་ཏེ་ཚོ་བར་བྱས་སོ། །སྨན་ཆེན་པོས་ནི། བཟའ་བཏུང་ཞིམ་པོ་མདུན་དུ་བཞག་ནས། ཤིང་ལས་སྤྱང་ཀིའི་གཟུགས་ཞིག་བྱས་ཏེ། ལུག་གི་མདུན་དུ་བཞག་པས། དེས་དེ་མཐོང་བས་ན་སྐྲག་སྟེ། ཚིལ་ནི་མ་སྐྱེས། མཐུ་དང་ནི་ལྡན་པར་གྱུར་ཏོ། །དེ་དག་ཀུན་བལྟས་ན་གཞན་དག་ནི་མདོག་དང་ལྡན་ཞིང་ཚིལ་མང་བར་གྱུར་ཏོ། །སྨན་ཆེན་པོའི་ནི་ཚིལ་མེད་ལ་མཐུ་དང་ལྡན་པར་མཐོང་ནས། རྒྱལ་པོ་དགའ་སྟེ། མཛངས་སོ་ཞེས་བསྔགས་སོ། །དེ་ནས་ཡང་དུས་ཕྱི་ཞིག་ན། གང་མཁས་པ་བགམ་སྟེ་བལྟའོ། །སྙམ་དུ་བསམས་ནས། བློན་པོ་དེ་དག་གི་བུ་ལྔ་བརྒྱ་པོ་དེ་དག་སྐྱེད་མོས་ཚལ་དུ་ཟན་</font><hr>Da121b<br><font size=+2>


བྱས་ཏེ། ཟ་འཐུང་ཞིང་འཁོད་པ་ལས་ངོ་མཚར་དང་ལྡན་པའི་གཏམ་རྩོམ་སྟེ། སུ་གང་གིས་ངོ་མཚར་གྱི་གཏམ་མམ། ཁྱིམ་ན་ཡོད་པ་ཅི་ཐོས་པ་སྨྲོས་ཤིག་།དེ་དག་མཛའ་བས་གཅིག་ལ་གཅིག་ངོ་མཚར་གང་ལ་ཅི་ཡོད་པ་དང ། ཁྱིམ་དང ། གཞན་གྱི་ཕྱོགས་ན་མཐོང་བ་རྣམས་སྨྲས་སོ། །དེ་ནས་ཁྱེའུ་དེ་དག་གིས་སྨན་ཆེན་པོའི་བུ་ལ་ཁྱོད་ཀྱང་སྨྲོས། ཞེས་བསྐུལ་བ་དང ། སྨན་ཆེན་པོའི་ཁྱིམ་ན་རྡོ་ཞིག་ཡོད་དེ། དེ་ཀ་རྟེན་ཡིན་པ་ལས་དེ་ཆུའི་སྟེང་དུ་བཞག་ན། ཕན་ཚུན་དུ་འཕྱོ་ཞིང་ཉུག་ཅིང་མཉེ་བ་ལ་སོགས་པའི་ལས་ཀུན་བྱེད་དོ། །དེ་ནས་ཁྱེའུ་དེས་བདག་གི་ཁྱིམ་ན་ཡོད་པ་དེ་དག་ལ་བསྙད་དེ། ངེད་ཀྱི་ཁྱིམ་ན་ངོ་མཚར་ཡོད་པ་དེ་ལྟ་བུ་ནི་སུ་ལ་ཡང་མེད་དོ། །དེ་དག་གིས་དེའི་རྗེས་ནས་བཟུང་བ་དང ། ངེད་ཀྱི་ཁྱིམ་ན་རྡོ་བ་ཆུའི་སྟེང་ན་འཕྱོ་ཞིང་འགྲོའོ། །ཞེས་སྨྲས་པ་དང།་དེ་དག་གིས་བདག་ཅག་གིས་རྡོ་ཆུའི་སྟེང་ནས་འཕྱོ་ཞིང་འགྲོ་བ་དེ་ལྟ་བུ་ནི། མ་མཐོང ། མ་ཐོས་སོ། །དེ་ནས་དེ་དག་གིས་གསེར་གྱི་དོང་ཙེ་ལྔ་བརྒྱ་རྒྱལ་བ་ཀྱེའོ། །དེ་ནས་གཞོན་ནུ་དེས་ཇི་ལྟར་གྱུར་ཅིང་དེའི་ཕྱིར་བདག་དང་རྒྱལ་བཀྱེའོ་ཞེས་ཕ་ལ་སྨྲས་པ་དང ། དེས་སྨྲས་པ། བུ་མ་བསྟན་ཅིག་།དེ་ནས་དེ་དག་ལྷགས་ནས་མ་བསྟན་པ་དང ། གསེར་གྱི་དོང་ཙེ་ལྔ་བརྒྱ་རྒྱལ་དུ་བབ་བོ། །དེ་ནས་སྨན་ཆེན་པོས་སྤྲེའུ་རྣམས་བཟུང་སྟེ་རོལ་མོ་བསླབས་ནས། བུ་ལ་སྨྲས་པ། ད་ནི་སོང་ལ་སྡུམ་པའི་ནང་དུ་སྔར་གཏམ་གླེངས་ལ་ཁྱོད་ཀྱིས་ངོ་མཚར་སུས་ཅི་མཐོང ། ཅི་</font><hr>Da122a<br><font size=+2>


༄#། །ཐོས། ཁྱིམ་ལྟ་ན་ཅི་ཡོད་པ་སྨྲོས་ཤིག་བྱོས་ལ། དེ་ནས་ཁྱོད་ཀྱིས་ད་ནི་རྒྱལ་ཉིས་འགྱུར་དུ་བྱས་ཏེ། བདག་གི་ཁྱིམ་ན་ནི་རོལ་མོ་མཁན་སྤྲེའུ་ཡོད་དེ། གླུ་ལ་མཁས། གར་ལ་མཁས། རྔ་རྡུང་ལ་མཁས་སོ་ཞེས་བྱོས་ཤིག་།ཅེས་བསྒོ་བ་དང ། དེས་ཀྱང་དེ་བཞིན་དུ་གཏམ་གཞན་དག་ལ་བརྗོད་དེ། འདི་ལྟ་བུ་མཐོང་སྟེ་ཡོད་དོ། །ཞེས་བགྱིས་པ་དང ། དེ་ནས་དེ་དག་ན་རེ། བདག་ཅག་གིས་སྤྲེའུ་རོལ་མོ་བྱེད་པ་མ་མཐོང ། མ་ཐོས་སོ། །དེས་སྨྲས་པ། དེ་སྟེ་བདག་གིས་བསྟན་ན། ཁྱེད་ཀྱིས་ཅི་སྦྱིན། དེ་དག་གིས་སྨྲས་པ། སྔར་ཡང་ཁྱོད་ལ་གསེར་གྱི་དོང་ཙེ་ལྔ་བརྒྱ་ཕབ་པ་ཡིན། ད་ཡང་དེ་བཞིན་མ་རིགས་མི་ཚུལ་བ་ཟེར་ཏེ། དེ་སྟེ་ཡང་ཁྱོད་ཀྱིས་མ་བསྟན་ན། གསེར་གྱི་དོང་ཙེ་སྟོང་བབ་བོ། །ཇི་སྟེ་བསྟན་ན་ངེད་ཀྱིས་སྦྱིན་ནོ། །དེ་ལྟར་དམ་བཅས་ནས། །སྤྲེའུ་ཁྲིད་དེ་རྒྱལ་པོའི་ཕོ་བྲང་དུ་འདོང་ངོ ། །དེས་ཀྱང་སྤྲེའུ་རྣམས་རྒྱལ་པོའི་ཕོ་བྲང་བུ་དེད་དེ་རྒྱལ་པོའི་མདུན་དུ་གླུ་དང ། གར་དང་རྔ་རྡུང་བ་ཀུན་བསྟན་པ་དང ། དེ་ནས་དེ་དག་གིས་དེ་ལ་གསེར་གྱི་དོང་ཙེ་སྟོང་བྱིན་ནོ། །རྒྱལ་པོས་ཀྱང་ངོ་མཚར་དུ་བཟུང་སྟེ། འདི་ལྟ་བུ་དག་ནི། སྔོན་ཡང་མ་མཐོང ། མ་ཐོས་སོ། །དེ་ནས་རྒྱལ་པོ་དང ། བློན་པོ་དང ། གྲོང་པ་རྣམས་ཀྱིས། ཀྱེ་ཐམས་ཅད་པས་དེ་གཅིག་པུ་མཁས་ཤིང་བློ་དང་ལྡན་པ་ལ་ལྟོས་ཤིག་།ཀུན་གྱིས་སྨན་ཆེན་པོ་ལ་བཀུར་སྟི་བྱས་སོ། །དེ་</font><hr>Da122b<br><font size=+2>


ནས་ཡུལ་དེ་དེ་ལྟའི་བྲམ་ཟེ་ཞིག་འདུག་པས། དེས་བདག་དང་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱད་པ་ལས། ཕྱི་ཞིག་ན་བྲམ་ཟེ་མོ་དེ་སེམས་ཅན་དང་ལྡན་པར་གྱུར་པས། ཟླ་བ་དགུ་འདས་ཏེ་བཙས་ན་བུ་མོ་ཞིག་བྱུང་ནས། གཟུགས་བཟང་བ་བལྟ་ན་སྡུག་པ་བཟང་མོ་ཞིག་གོ་།བྲམ་ཟེ་དེ་ཡང་སྨྲང་དང ། སྨྲང་གི་ཡན་ལག་གི་ཕ་རོལ་ཏུ་ཕྱིན་པ། རིག་པའི་གནས་བཅོ་བརྒྱད་ཀྱི་ཕ་རོལ་ཏུ་ཕྱིན་པ་བློ་དང ། ཤེས་རབ་རྣོ་བ་དེས་འདི་གང་བདག་དང་འདྲ་བར་འགྱུར་པ། བདག་གི་དྲུང་ན་སློབ་ཅིང་འདོན་པ་བྱེད་པ་ལ་བུ་མོ་འདི་སྦྱིན་ནོ་སྙམ་དུ་བསམས་སོ། །བཙས་པའི་བཙས་སྟོན་རྒྱ་ཆེར་བྱས་ཏེ། འདིའི་མིང་ཅིར་གདགས་ཞེས་བགྲོས་ནས། བུ་མོ་འདིའི་མིང་ཨུ་དུམ་ཝཱ་རི་ཀར་བཏགས་ཏེ། དེ་གསོས་བསྐྱེད་ནས་ཆེན་མོར་གྱུར་ཏོ། །དེ་ནས་བྲམ་ཟེ་གཞན་ཞིག་ལ། བུ་ཁ་དོག་ངན་པ། གཟུགས་མི་སྡུག་པ། མདོག་ངན་པའི་མཚན་མ་བཅོ་བརྒྱད་དང་ལྡན་པ་ཞིག་བཙས་ཏེ། དེ་སྐྱེས་མ་ཐག་ཏུ་ཕ་མས་ཀྱང་འདི་ལྟ་བུ་ནི། མི་སྡུག་པ་ཡིད་དུ་མི་འོང་བའི་ཕྱིར་མིང་ཡང་གཟུགས་ངན་དུ་བཏགས་སོ། །དེ་བཙས་བསྐྱེད་ནས་ཆེར་བསྐྱེད་པ་དང ། ཕས་བུ་ངོ་ཚ་བར་འགྱུར་བ། གཟུགས་ངན་པ་འདི་འདྲ་བ་ལ་བསླབས་ཏེ་ཅི་རུང་སྙམ་ནས་མ་བསླབས་སོ། །དེ་ནས་ཁྱེའུ་གཟུགས་ངན་པ་དེ་ནམ་ཆེན་པོར་གྱུར་པ་དེ་ན་བསླབ་པར་འདོད་ན་ཕས་ནི་མ་བསླབས་ཀྱི། ཡུལ་གཞན་དུ་འགྲོའོ་སྙམ་དུ་</font><hr>Da123a<br><font size=+2>


༄#། །བསམས་ནས། བྲམ་ཟེ་གཞན་ཞིག་གི་དྲུང་དུ་ཕྱིན་ཏེ། བྲམ་ཟེའི་ཁྱེའུ་དེ་ལ་ལངས་ནས་བདག་ནི་བྲམ་ཟེ་འདི་ཞེས་བགྱི་བའི་བུ་ལགས་ཏེ། ཁྱོད་ལ་སློབ་པར་འཚལ་བའི་སླད་དུ་ཁྱོད་ཀྱི་དྲུང་དུ་མཆིས་སོ་ཞེས་གསོལ་པ་དང ། དེས་ཀྱང་དེ་བཞིན་དུ་གྱིས་ཤིག་།ཅེས་སྐབས་ཕྱེའོ། །དེ་ནས་རིང་པོ་མ་ལོན་པར་བྲམ་ཟེ་དེས། ཅི་ཤེས་པ་ཐམས་ཅད་གཟུགས་ངན་པ་དེས་ཀྱང་ལོབས་སོ། །དེ་ནས་སློབ་དཔོན་དེ་འདི་སྙམ་དུ་བསམས་སོ། །བདག་གི་དྲུང་དུ་སློབ་ཅིང་ཤེས་པ་ཡང་བདག་དང་མཚུངས་པར་གྱུར་པ་དེ་ལ་བུ་མོ་ཨུ་དུམ་ཝཱ་རི་ཀ་སྦྱིན་པར་བདག་གིས་དམ་བཅས་ན། ད་བྲམ་ཟེ་གཟུགས་ངན་པ་འདིས། བདག་གི་དྲུང་ན་བསླབས་ལ་ཤེས་པ་ཡང་བདག་དང་མཚུངས་པར་གྱུར་ན། འདི་གཟུགས་མི་སྡུག་མོད་ཀྱི། བདག་གིས་གཞན་བྱ་མི་ནུས་ཀྱི། གཉེན་དུ་བྱ་སྟེ། བདག་དང་ཕ་མེས་ལ་འཇིག་རྟེན་དུ་ཡང་མི་རུང ། བྲམ་ཟེ་གཞན་གྱིས་ཀྱང་སྨད་པར་འགྱུར་གྱི། ཅི་ནས་ཡི་དམ་བཅས་པ་བཞིན་བྱའོ་སྙམ་ནས། དེས་བུ་མོ་ཨུ་དུམ་ཝཱ་རི་ཀ་དེ་རྒྱན་ཐམས་ཅད་ཀྱིས་བརྒྱན་ནས་བྲམ་ཟེའི་ཁྱེའུ་གཟུགས་ངན་པ་ལ་བྱིན་ནས། དེས་དེ་བླངས་ཏེ་དེ་དང་ལྷན་ཅིག་དགའ་བར་སྤྱོད་དུ་མི་སྤོབས་སོ། །དེ་ནས་དེས་བདག་ཉིད་ཀྱི་ཁྱིམ་དུ་འོངས་པ་དང ། དེ་ན་ཅི་དགའ་མགུར་བྱའོ་སྙམ་དུ་བསམས་ནས། རང་གི་ཁྱིམ་དུ་ཁྲིད་དོ། །ུ་དུམ་ཝཱ་རི་ཀ་དེ་ཡང ། དེ་གཟུགས་ངན་</font><hr>Da123b<br><font size=+2>


པ་མཐོང་ན་ཡང་ཡིད་དུ་མི་འོང་སྟེ། བདག་ནི་གཟུགས་དང་ལྡན་པ། འདི་ནི་མདོག་མི་སྡུག་པ་རྣམ་པ་བཅོ་བརྒྱད་དང་ལྡན་པས་ན། ཁྱོ་འདི་ལྟ་བུ་དང་ལྡན་པ་ཞིག་ནི་ངོ་ཚའོ་སྙམ་དུ་བསམས་ཏེ།་དེ་ནས་གཟུགས་ངན་དེས་དེ་ཁྲིད་དེ་བདག་ཅག་གི་ཡུལ་དུ་སོང་བ་ལས། ལམ་གྱི་བར་དུ་རྒྱགས་ཆད་དོ། །དེ་ནས་རྫིང་གཞན་ཞིག་གི་འགྲམ་དུ་ཕྱིན་ཏེ། གཉིས་ཀ་བཀྲེས་ཤིང་འཁོད་པ་དང ། ལམ་གྲོགས་གཞན་ཞིག་ཀྱང་ཕྱེ་ཆུའི་ནང་དུ་ཤིང་བུས་དཀྲུགས་ཏེ་འཐུང་བ་ལ་ཞུགས་པ་དང ། མོ་བྲུ་བས་གཟིར་ཏེ་བསླངས་ན། དེ་ལ་གཟུགས་ངན་གྱིས་ཕྱེ་སྤར་གང་བླངས་ཏེ། བདག་ཉིད་འཐུང་ངོ ། །ུ་དུམ་ཝཱ་རི་ཀས་ཇོ་བོ་བདག་ཀྱང་ཤིན་ཏུ་བྲུ་བས་གདུང་གཟིར་ན། ཁོ་མོ་འོ་ནི་ལས་ཆུ་ཞིག་འཐུང་ངོ་ཞེས་སྨྲས་པ་དང ། གཟུགས་ངན་གྱིས་བུད་མེད་ལ་འདི་འདྲ་བའི་ཆུ་གྲོག་འཐུང་དུ་སྔོན་གྱི་ཆོས་མཁན་དྲང་སྲོང་རྣམས་ཀྱིས་མ་གནང་བས། དེའི་ཕྱིར་མི་སྤྱིན་ནོ་ཞེས་ཟེར་ཏེ་མ་བྱིན་ནོ། །དེ་ནས་ཡང་ཆར་བ་མ་བབས་པའི་ཕྱིར་དགོན་པ་ལ་བྲུ་བས་གཟིར་ཅིང་དོང་བ་ལས་གཉི་གས་ཁྱི་ཤ་ཞིག་རྙེད་ན། གཟུགས་ངན་གྱིས་བསྲེགས་ཏེ། བདག་ཟོས་ནས་ཨུ་དུམ་ཝཱ་རི་ཀས་དེ་བསླངས་ན། འདི་ཡང་བུད་མེད་རྣམས་ལ་དྲང་སྲོང་གིས་མ་གནང་ངོ་ཞེས་ཟེར་ཏེ་མི་སྟེར་རོ། །དེས་བདག་ལྟ་བུ་བྱུར་ངན་མ། བྲུ་བའི་སྡུག་བསྔལ་གྱིས་གཟིར་ཏོ། །ཕ་མ་གཉིས་ཀྱིས་བདག་གི་ཉེས་པ་ཅི་མཐོང་ན། འདྲི་འདྲ་བ་ལ་སྦྱིན། ཞེས་བསམས་ཏེ། ཕ་མ་ལ་རྣམ་པ་</font><hr>Da124a<br><font size=+2>


༄#། །མང་པོར་སྨྲའོ། །ཡང་དེ་གཉིས་དོང་བ་ལས་ཤིང་ཨུ་དུམ་ཝཱ་ར་སྨིན་པ་ཞིག་མཐོང་ནས། གཟུགས་ངན་དེ་ལ་འཛེགས་ཏེ་ཟ་ཞིག་འདུག་པ་དང ། ུ་དུམ་ཝཱ་རི་ཀས་ཁྱོད་གཅིག་པུ་མ་ཟ་བར་ངན་བུ་ལ་ཡང་འོར་ཞེས་སྨྲས་པ་དང ། དེས་སྨིན་པ་ནི་བདག་ཟོས་ནས་མ་སྨིན་པ་ནི་མར་བོར་རོ། །དེས་བདག་ལ་མ་སྨིན་པ་མདོར་བར་སྨིན་པ་ཡང་སྩོལ། དེས་དེ་སྟེ་ཁྱོད་སྨིན་པ་འདོད་ན་བདག་ཉིད་འཛེགས་ཏེ་ཐོགས་ལ་ཟོ་ཞིག་།ཅེས་སྨྲས་པ་དང ། བྲུ་བས་གཟིར་བའི་ཕྱིར་ནན་གྱིས་ཨུ་དུམ་ཝཱ་ར་ལ་འཛེགས་ཏེ། ཟ་ཞིང་འདུག་པ་དང ། གཟུགས་ངན་གྱིས་བསམས་པ། བདག་ལྟ་བུ་བསོད་ནམས་མེད་དེ། ཆུང་མ་འདི་འདྲ་བ་བདག་ཉིད་ཀྱིས་མི་སོས་པ་ལྟ་ཅི་སྨོས། འདི་ནི་བདག་ལ་བལྟར་ཡང་མི་བཏུབ་བོ་སྙམ་ནས་ཤིང་ལས་བབས་ཏེ། ཤིང་ཨུ་དུམ་ཝཱ་རིའི་དྲུང་ཚེར་མས་བསྐོར་ནས་བོར་ཏེ་སོང་ངོ ། །ཡང་སྨྲས་པ། དེ་གཉིས་སོང་བ་ནགས་ནང་ན། །ུ་དུམ་ཝཱ་ར་སྨིན་པ་མཐོང ། །དེས་ཀྱང་དེ་ལ་འཛེགས་པ་དང ། །ཟ་ཞིང་སྦྱིན་པར་མི་བྱེད་དོ། །སྙན་པར་སྨྲ་བའི་ཚིག་ཅན་མ། །དེ་ལ་བུ་མོས་སྨྲས་པ་ནི། །བདག་ཀྱང་བཀྲེས་པར་གྱུར་པ་ལ། །ཇོ་བོ་སྩོལ་ཅིག་བདག་ལ་ཡང ། །རྩུབ་པའི་ཚིག་ཏུ་སྨྲ་བ་ནི། །དེས་ནི་དེ་ལ་ངན་པ་མོ། །དེ་སྡེ་བཟའ་བར་འདོད་ན་ནི། །ཟོས་ཤིང་བདག་ཉིད་འཛེགས་ནས་སོ། །དེས་ཀྱང་ནན་གྱིས་བསྒྲིམས་ནས་སུ། །ཤིང་ཆེན་དེ་ལ་འཛེགས་</font><hr>Da124b<br><font size=+2>


པར་གྱུར། །ཤིང་ལ་འཛེགས་པར་ཤེས་ནས་ནི། །བབས་ཏེ་ཡལ་གས་དྲུང་བསྐོར་སོང ། །དེ་ནས་དེའི་ཚེ་དེའི་དུས་ན། རྒྱལ་པོ་སྐྱེད་པ་རི་དྭགས་ཤོར་དུ་སོང་སྟེ། དེའི་ཕྱོགས་སུ་ཕྱིན་པ་དང།་དེ་ནས་དེ་ཁྱོད་དང་བྲལ་བའི་སྡུག་བསྔལ་གྱིས་ཉོན་མོངས་པར་གྱུར། །མི་འོང་བ་ཡང་མེད། བོད་དུ་ཡང་མེད་པའི་དགོན་པ་ན་ཤིན་ཏུ་སྙིང་རྗེ་ཞིང་བརྩེ་བའི་སྐད་དུ་ངུ་ཞིང་འདུག་པ་དང ། དེ་ནས་རྒྱལ་པོ་སྐྱེད་པ་དེའི་ཕྱོགས་སུ་རི་དྭགས་སྙེགས་པ་ལས་དེས་དེའི་སྒྲ་ཐོས་ནས། འདི་ལྟ་བུར་སྙིང་རྗེ་ཞིང་བརྩེ་བས་སྨྲེ་ངག་འདོན་ཅིང་དགོན་པ་ན་འདུག་པ་འདི་ལྟ་བུ་ཞིག་ཅི་ནས་ཀྱང་དེ་བརྟག་གོ་སྙམ་དུ་བསམས་ནས། སྒྲ་དེའི་ལོགས་སུ་སོང་སྟེ། ཨུ་དུམ་ཝཱ་རི་ཀའི་དྲུང་དུ་ཕྱིན་པ་དང ། མིག་ཤིན་ཏུ་ལེགས་པ་ནགས་ཀྱི་ལྷ་མོ་ལྟ་བུ་གཟུགས་ལེགས་ཤིང་བལྟ་ན་སྡུག་པ་བཟང་མོ་ཞིག་མཐོང་ནས། ཡང་བཟང་མོ། ལྷ་མོའམ། གནོད་སྦྱིན་མོའམ། དྲི་ཟ་མོའམ། ལྷའི་སྲས་མོའམ། ཁྱོད་ཅི་ཡིན། དོན་ཅིའི་ཕྱིར་ཕྱོགས་འདིར་འོངས་ཞེས་དྲིས་སོ། །ཡང་སྨྲས་པ། ཤིན་ཏུ་མི་བཟད་ཡིད་འཕྲོག་མ། །རྒྱན་ཀུན་གྱིས་ནི་ཀླུབས་པ་སྟེ། །ངང་པ་དབྱངས་སྙན་རྐང་གདུབ་ཅན། །སྤྲིན་མངས་ཀྱི་ནི་གློག་དང་འདྲ། །སྐལ་ཆེན་ལྟེ་བ་སྨིན་མ་བཟང ། །ཁྱོད་ནི་ལྷའམ་ཀླུ་མོའམ། །དྲི་ཟ་མོའམ་ཅི་ཡིན་པ། །ཁྱོད་ལ་བདག་འདྲི་ལེགས་པར་སྨྲོས། །དེ་ལྟར་བདག་ལ་ཁྱོད་ཀྱིས་ཤེས་པར་བྱོས། །དེ་ནས་རྒྱལ་པོས་དེ་སྐད་དུ་</font><hr>Da125a<br><font size=+2>


༄#། །དྲིས་པ་དང ། དེས་འདི་སྐད་དུ་སྨྲས་པ། བདག་ནི་ལྷ་མོ་ཀླུ་མ་ལགས། །དྲི་ཟ་མིའམ་ཅི་མ་ལགས། །རྒྱལ་ཆེན་བདག་ནི་མི་ལགས་ཏེ། །ཁྱིམ་ཐབ་དང་ནི་བྲལ་བའོ། །དེ་ནས་དེ་ནི་ཤིང་ལས་ཕབ། །དེ་ཉིད་དུ་ནི་ལྷན་ཅིག་ཉལ། །རྒྱལ་པོ་ས་དབང་ཆེན་པོ་པ། །མི་དབང་དེ་ལ་སྡུག་པར་གྱུར། །དེ་དེས་ཤིང་རྟའི་སྟེང་དུ་བསྐྱོན་ནས། གྲོང་ཁྱེར་དུ་ཁྲོད་དེ། དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །བྲམ་ཟེ་དེ་གཅིག་པོ་ལམ་དུ་འགྱོད་ནས། བདག་གིས་དགོན་པར་ཆུང་མ་པོར་ཏེ་འོངས་པ་ནི་མ་ལེགས་པ་ཞིག་བྱས་ཀྱི།་སླར་སོང་སྟེ་ཁྲིད་དེ་འོང་ངོ་སྙམ་དུ་བསམས་ནས། དེའི་ཕྱིར་ཨུ་དུམ་ཝཱ་རི་ཀའི་དྲུང་དུ་ཕྱིན་པ་ན། དེ་མི་སྣང་ནས་གཞན་ཞིག་ལས་རྒྱལ་པོ་སྐྱེད་པས་ཁྲིད་དེ་བཙུན་མོར་བྱས་སོ། །ཞེས་ཐོས་པ་དང ། ཚིག་དེ་ཐོས་ནས་ཡང་ཡིད་ལ་ཤིན་ཏུ་སྡུག་བསྔལ་གྱིས་གཟིར་བར་གྱུར་ཏེ། རྒྱལ་པོའི་སྒོར་ཕྱིན་ན་ནང་དུ་མ་ཆུད་དོ། །བལྟས་ན་རྒྱལ་པོའི་འཁོར་ན་ལས་གསར་བ་བྱེད་དེ། དེ་ལས་མི་འདི་དག་དང་ལྷན་ཅིག་རྡོ་བ་ཁྱེར་ཏེ་འགྲོའོ་སྙམ་བསམས་ནས། དེས་རྡོ་བ་ཁྱེར་ཏེ་རྒྱལ་པོའི་ཕོ་བྲང་དུ་ཞུགས་སོ། །བལྟས་ན་བདག་གི་ཆུང་མ་རྒྱལ་པོ་དང་ལྷན་ཅིག་ཏུ་ཨུ་ཤུད་བརྒྱ་ཞིང་འདུག་གོ་།ཆུང་མ་འདི་དང་ལྷན་ཅིག་གཏམ་ཐབས་ཇི་ལྟ་བུ་ཞིག་གིས་བྱ་སྙམ་དུ་བསམས་སོ། །དེས་སྨྲས་པ། གཞི་ནི་གསེར་ལས་བྱས་པ་སྟེ། །བརྒྱད་དུ་འཇོག་ཅིང་དགའ་</font><hr>Da125b<br><font size=+2>


བར་བྱེད། །བཟང་མོ་བདག་ལ་མི་དགའ་མ། །ཤིང་མཁན་རྡོ་བ་བླངས་པར་བྱོས། །གནས་དེར་བདག་གིས་སྨྲས་པ་དང ། །བུད་མེད་ཤ་ཟར་མི་རུང་ཞེས། །དེ་སྐད་སྨྲ་བའི་ཚིག་ཀྱང་དྲན། ། འདི་ནི་འདོར་ཞིང་འཇོག་པར་བྱེད། །ུ་དུམ་ཝཱ་རའི་ཤིང་དང་ནི། །ཡིད་འོང་ཁྱོད་ཀྱིས་བདག་ལ་དྲིས། །དགའ་དགའི་དྲུང་ན་སྐྱེས་པ་དེ། །ཤིང་མཁན་གྱིས་ནི་རྡོ་བ་ལོང ། །ཆུ་གྲོག་ཤིང་བུས་དཀྲུགས་པ་སྟེ། དྲིས་པའི་ལན་ནི་བདག་ལ་སྨྲོས། བུད་མེད་བཏུང་དུ་མི་རུང་ཞེས། །སྨྲས་པ་ཡིན་ཞེས་འདིར་བདག་གོ། །མང་ཐོས་ནས་ཚོགས་སྨྲ་བ་སྟེ། གསེར་འོད་གྲངས་མེད་སླད་དུ་སྨྲོས། །བཟང་མོ་བདག་ལ་མི་དགའམ། སློབ་དཔོན་རྡོ་བ་བླང་བར་གྱིས། །མ་སྨིན་རྣམས་ནི་བདག་ལ་མོར། །སྨིན་པ་དག་ནི་ཁྱོད་ཀྱིས་ཟོས། །ཚིག་རྩུབ་སྨྲ་བ་དེ་ཡང་དྲན། ། འདི་ན་ཨུ་ཤུད་འདོར་ཞིང་འདུག་།རི་རྩེ་ནས་ནི་བདག་འདོར་ཏེ། །དུག་ཀྱང་བཟའོ་བྲམ་ཟེ་མོ། །ཁྱོད་ཀྱི་མྱ་ངན་ཕྱིར་བདག་འཆི། །ཤིང་མཁན་གྱིས་ནི་རྡོ་བ་ལོང ། །རི་ཡི་རྩེ་ནས་བདག་བོར་ཅིག ། བྲམ་ཟེ་དུག་ཀྱང་ཟ་ལ་རག་།འདོད་པའི་ཚེ་ན་མ་འདོད་དེ། །ུ་ཤུད་ཀྱིས་ནི་ཁྱིམ་དུ་བྱས། །དེ་ནས་དེ་གཉིས་ཕན་ཚུན་དེ་སྐད་དུ་གཏམ་ཟེར་བ་ལས། རྒྱལ་པོ་དོགས་པ་སྐྱེས་ཏེ། ལྷ་མོ་ཁྱེད་ཅག་གཏམ་ཅི་ཟེར་བ་ནི་ངས་ཁོང་དུ་མ་ཆུད་དེ། ཁྱེད་ཅག་ཅི་ཟེར་བ་བག་ཕོབ་ལ་བདག་གིས་ཐོས་པར་སྨྲོས་ཤིག་།རྒྱལ་པོ་ནི། བུད་མེད་ཀྱི་དབང་དུ་འགྲོ་བས་ན། བུད་མེད་ཨུ་དུམ་ཝཱ་རི་ཀས། </font><hr>Da126a<br><font size=+2>


༄#། །ལྷ་ལ་ཇི་ལྟར་གྱུར་པ་ཞིབ་ཏུ་སྨྲས་སོ། །འདི་ནི་བདག་གི་ཁྱོ་ལགས་ཏེ། བདག་གི་ཕ་མས་འདིའི་ཆུང་མར་བྱིན་ནས། འདིས་མཁས་པ་བྲམ་ཟེ་ཤེས་པ་དང ། ཤེས་པའི་ཡན་ལག་ཀུན་ཤེས་པའོ། །དེ་ནས་རྒྱལ་པོས་ལྷ་མོ་ལ་ཇི་ལྟར་བྱ། དེའི་སེམས་ཇི་ལྟར་མགུ་བར་བྱ། ཁྱེད་ཅི་དེ་དང་འགྲོགས་ཏེ་འགྲོ་བར་བྱའམ། ཞེས་སྨྲས་པ་དང ། དེས་ཇི་ལྟར་བདག་ལ་འདོད་པར་མི་འགྱུར་བ་དང ། དེའི་སྔགས་མ་རུངས་པས་མི་ཚུགས་པ་དང ། བྲམ་ཟེའི་སྔགས་ཀྱི་སྟོབས་སུ་མི་འགྱུར་བ་དེ་ལྟར་བདག་གིས་བགྱིའོ། ། ཞེས་སྨྲས་པ་དང ། དེ་ནས་རྒྱལ་པོ་སྐྱེད་པས་ཇི་ལྟར་གྱུར་པ་དེ་སྨན་ཆེན་པོ་ལ་སྨྲས་སོ། །སྨན་ཆེན་པོས་ལྷ་དང་ཇི་ལྟར་བྲལ་བར་མི་འགྱུར་བ་དེ་ལྟར་བགྱིའོ་ཞེས་སྨྲས་པ་དང ། ཇི་ལྟར་བྱ་སྨན་ཆེན་པོས་བྲམ་ཟེ་འདི་ལྟར་བུས་པ་ཆུང་ངུ་རྒྱ་མི་ཆེ་ལ། བཙུན་མོ་རྣམས་ཤིན་ཏུ་གཟི་བརྗིད་དང་ལྡན་པས། དེ་ལ་བདག་གིས་འདི་སྐད་ཅེས་བགྱིའོ། །དེ་བཙུན་མོ་རྣམས་ཀྱི་ནང་ནས་དེ་འདམ་དུ་བཅུག་པ་དང ། དེས་ངོས་མི་ཟིན་ཏོ། །ཞེས་སྨྲས་ནས། དེ་ནས་སྨན་ཆེན་པོ་དང ། རྒྱལ་པོ་ཤེས་པར་བྱས་ནས། བྲམ་ཟེ་དེ་པོས་ཏེ་མཁན་པོ་ཅི་ཚོལ།་རྒྱལ་པོའི་ཕོ་བྲང་དུ་ཅིའི་ཕྱིར་འོངས་ཞེས་དྲིས་པ་དང ། དེས་སྨྲས་པ། བདག་གི་ཆུང་མ་རྒྱལ་པོ་སྐྱེད་པ་འདིས་ཁྲིད་བས་ན་དེ་ཚོལ་དུ་འོངས་སོ། །སྨན་ཆེན་པོས་སྨྲས་པ། ཁྱོད་</font><hr>Da126b<br><font size=+2>


རང་གི་ཆུང་མ་ངོ་ཤེས་སམ། གཟུགས་ངན་པས་སྨྲས་པ། ཤེས་སོ། །སྨན་ཆེན་པོས་བཙུན་མོ་ལྔ་བརྒྱ་ཁྱོད་ཀྱི་མདུན་དུ་བཞག་ལ། དེ་རྣམས་ལས་རང་གི་མ་ཡིན་པ་བཙུན་མོ་གཞན་ཞིག་བཟུང་ན། མཚོན་གྱིས་ཁྱོད་ཀྱི་ལུས་དུམ་བུར་བྱའོ་ཞེས་བསྒོ་ན། དེ་བཞིན་དུ་བྱའོ། །ཞེས་ཟེར་རོ། །དེ་ནས་རྒྱལ་པོ་སྐྱེད་པས་བཙུན་མོ་རྣམས་ལ་རྒྱན་ཐམས་ཅད་ཀྱིས་ཀླུབས་པ་བདག་གི་དྲུང་དུ་ཤོག་ཅིག་།རྒྱན་གྱིས་ཁྱད་པར་ཡོད་པར་གྱིས་ཤིག་ཅེས་བསྒོའོ། །དེ་ནས་རྒྱལ་པོས་བཤོས་གསོལ་པའི་ལམ་སྣང་བའི་སར། བརྒྱ་བྱིན་གྱི་བཙུན་མོ་བཞིན་དུ་དངར་ནས། ཨུ་དུམ་ཝཱ་རི་ཀ་ལྷ་མོ་བཙུན་མོ་ཐམས་ཅད་ཀྱི་མདུན་དུ་བྱས་པ་ནི། ཇི་ལྟར་ལྷའི་བུ་མོ་རྣམས་ཀྱི་བསྐོར་བ་བཞིན། རྒྱལ་པོའི་དྲུང་དུ་ལྷགས་པ་དང ། སྨན་ཆེན་པོས་བྲམ་ཟེ་དེ་མདུན་དུ་བཞག་ནས། ཁྱོད་རང་གི་ཆུང་མ་ངོ་ཤེས་ན། འདི་ནས་ཟུང་ཞིག་ཅེས་བསྒོ་བ་དང ། དེ་ནས་བྲམ་ཟེ་དེ་ཨུ་དུམ་ཝཱ་རི་ཀ་དེ་དང ། བཙུན་མོ་གཞན་ཡང་རྒྱན་ཐམས་ཅད་ཀྱིས་བརྒྱན་པ་མཐོང་བ་དང ། སྦྲུལ་སྔགས་ཀྱིས་བཏབ་པ་བཞིན་དུ་སྤ་གོང་ནས་འདུག་གོ་།ཉི་མ་ཕྱེ་བ་ལ་བལྟར་མི་བཟོད་པ་བཞིན་བྲམ་ཟེ་དེ་དེ་རྣམས་ལ་ལྟ་ཞིང་འདུག་གོ་།དེ་ནས་དེ་དག་ཕྱི་བཞིན་འདྲེ་དང་འདྲ་བའི་བྲན་མོ་ཆུ་ཆུན་མ་བཙུན་མོ་གཞན་ཞིག་གི་ཕྱིར་བཞིན་འགྲོ་བ་མཐོང་བ་དང ། དེའི་ལག་ནས་བཟུང་སྟེ་འདི་བདག་གི་ཆུང་མའོ་ཞེས་ཟེར་བ་དང ། སྨན་</font><hr>Da127a<br><font size=+2>


༄#། །ཆེན་པོས་དེ་ཡིན་ན་ཁྱེར་ཅིག་།ཅེས་སྨྲས་པ་དང ། དེས་བྲན་མོ་ཁྲིད་ནས་སྨྲས་པ། མཆོག་ལ་མཆོག་གི་ཡིད་ཀྱང་ཆགས། །འབྲིང་ལ་འབྲིང་གི་ཡིད་ཀྱང་ཆགས། །སྒུར་མོ་ལ་ཡང་བདག་ཡིད་ཆགས། །བཟང་མོ་བདག་ནི་འདྲེ་འདྲ་ཁྱོད་ཀྱང་འདྲེའོ། །ལྷ་དག་འཚལ་ན་དགའ་བཞིན་དུ་འདྲེ་མོ་ཚུར་ཤོག་།བདག་ཀྱང་འདྲེ་ལྟ་བུ་སྟེ། བདག་ཅག་དགའ་བར་བྱའོ་ཞེས་སྨྲས་ནས་སོང་ངོ ། །དེ་ནས་དུས་ཕྱི་ཞིག་ན། རྒྱལ་པོ་སྐྱེད་པས། བློན་པོའི་མཆོག་སྨན་ཆེན་པོ་ཇི་ཞིག་ཉེས་ཏེ་སྤངས་སོ། །དེ་ནས་རྒྱལ་པོ་སྐྱེད་མོས་ཚལ་དུ་བཙུན་མོ་དང་ལྷན་ཅིག་བྱུང་སྟེ། དེར་བཙུན་མོ་དང་ལྷན་ཅིག་ཉི་མ་ཐུབ་པར་རྩེ་དགའ་ཡོངས་སུ་སྤྱོད་དོ། །དེ་ནས་བཙུན་མོ་མུ་ཏིག་གི་སེ་མོ་དོ་བརྒྱ་སྟོང་རི་བ་བཀྲོལ་ཏེ། ཤིང་ཨ་ཤོ་ཀའི་ཡལ་ག་ལ་གཟར་ཏེ་བཞག་ནས་རྒྱལ་པོ་དང་ལྷན་ཅིག་ཏུ་རྩེ་རྩེ་བ་ལས། མུ་ཏིག་གི་སེ་མོ་དོ་བརྒྱ་སྟོང་རི་བ་དེ་བརྗེད་དོ། །རྒྱལ་པོ་ཡང་བཙུན་མོ་དང་ལྷན་ཅིག་རྒྱལ་པོའི་ཁབ་ཏུ་དོང་ངོ ། །དེ་ནམ་ཕྱེད་ན་བཙུན་མོ་དེས་མུ་ཏིག་གི་སེ་མོ་དོ་སྐྱེད་མོས་ཚལ་ཉིད་དུ་ལུས་པར་དྲན་ནོ། །མུ་ཏིག་གི་སེ་མོ་དོ་དེ་ཡང་སྤྲ་མོས་ཁྱེར་ཏེ་ཤིང་ཁར་བཞག་གོ་།དེ་ནས་རྒྱལ་པོས་མི་དག་ལ་སྐྱེད་མོས་ཚལ་དུ་མུ་ཏིག་གི་སེ་མོ་དོ་དེ་ལུས་ཀྱི་མྱུར་དུ་སོང་ལ་ཁྱེར་ཏེ་ཤོག་ཅིག་ཅེས་བསྒོའོ། །དེ་དག་དེར་དོང་ན་མ་རྙེད་དོ། །རེ་ཞིག་ན་སྤྲང་པོ་ཞིག་དེ་ན་གཞན་གྱིས་ཟོས་པའི་</font><hr>Da127b<br><font size=+2>


ལྷག་མ་པོ་རབ་འཚོལ་དུ་སོང་སོང་བ་ལས། ལྷག་མས་ལ་རྙེད་པ་ཟོས་ཏེ་སྐྱེད་མོས་ཚལ་ནས་བྱུང་སྟེ། འགྲོ་བ་དང་རྒྱལ་པོའི་མི་དེ་དག་གིས་སྤྲང་པོ་དེ་བཟུང་སྟེ་གཞན་ནི་འདི་ན་སུ་ཡང་མི་སྣང་ན། མུ་ཏིག་གི་སེ་མོ་དོ་དེ་ཕུལ་ཞིག་ཅེས་བསྒོ་བ་དང ། དེས་སྨྲས་པ་དང ། མུ་ཏིག་གི་སེ་མོ་དོ་དེ་ཁྱེར་བ་མ་མཐོང་ངོ ། །བདག་ནི་སྤྲང་པོ་སྟེ། ཟོས་པའི་ལྷག་མ་འཚོལ་བའི་ཕྱིར། འདིའི་ནང་དུ་འོངས་སོ། །དེ་དག་གིས་དེ་ཁུ་ཚུར་དང་དབྱུག་པས་བརྡེགས་ནས་བཙོན་རར་བཅུག་གོ་།དེ་དེ་ན་བཀྲེས་པས་གཟིར་ཏེ། བསམས་པ། བདག་གིས་འདིར་ཐབས་ཤིག་མ་བྱས་ན་ནི་ལྟོགས་ཏེ་འཆིའོ་སྙམ་ནས། དེས་བཙོན་སྲུང་དག་ལ་བདག་གིས་མུ་ཏིག་གི་སེ་མོ་དོ་དེ་བླངས་པ་བདེན་མོད་ཀྱི། དེ་ཚོང་དཔོན་གྱི་བུ་འདི་ཞེས་བྱ་བ་ལ་བྱིན་ནོ། །ཞེས་སྨྲས་པ་དང ། རྒྱལ་པོའི་མི་དེས་ཐོས་ནས། དེ་ཡང་དེར་བཀུག་སྟེ་གཉིས་ཀ་ཤིང་སྒྲོམ་དུ་བཅུག་པ་དང ། ཚོང་དཔོན་གྱི་བུ་དེ་ཁྱིམ་ནས་ཁ་ཟས་སྣ་ཚོགས་འོངས་ཤིང་ཟ་བ་ལ་སྤྲང་པོ་དེས་སླངས་པ་དང ། ཚོང་དཔོན་གྱི་བུ་དེས་སྤྱོས་ཏེ་སྨྲས་པ། ཁྱོད་ཀྱིས་ང་ལ་ཁ་ཟས་ཀྱིས་གསོ་བར་འཇུག་པའི་ཕྱིར་རྐུར་སྦྱར་གྲང་སྟེ། ཡོང་མི་སྦྱིན་ནོ་ཞེས་སྨྲ་ཞིང་ཟའོ། །དེ་ནས་ཚོང་དཔོན་གྱི་བུ་བཤད་པས་མི་བདེ་སྟེ། དེ་ལ་ལོངས་ཏེ་འདོང་ཞེས་སྨྲས་པ་དང ། དེས་ད་ནི་ཁྱོད་ཀྱི་ཚིག་བདག་གིས་མཉན་པ་མ་ཡིན་ཏེ། མི་འགྲོའོ་ཞེས་སྨྲས་པ་དང ། དེས་སྨྲས་པ། དེ་ཕན་ཆད་ཇི་ལྟར་བདེ་བར་འགྱུར་བ་དེ་ལྟར་</font><hr>Da128a<br><font size=+2>


༄#། །བྱའོ། །ཞེས་དེ་ལ་ཚིག་འཇམ་པོ་དང ། མནས་ཡིད་ཆེས་པར་བྱས་ཏེ། བཤང་བས་མི་བདེ་བ་ཡང་བཤངས་སོ། །དེ་ནས་སྡེའི་ཉིན་མོ་ཚོང་དཔོན་གྱི་བུ་དེས་ཁྱིམ་དུ་དེང་ཕན་ཆད་བདག་ཅག་མི་གཉིས་ཀྱིས་ཟན་ཁྱེར་ཏེ་ཤོག་ཅེས་སྤྲིང་ངོ ། །སྤྲང་པོ་དེ་བདེ་བར་གྱུར་པ་དང ། དེས་བསམས་པ། བདག་སྔན་ཆད་ནི་གྲོང་ཁྱེར་ཐམས་ཅད་བསྐོར་ཡང ། ལྟོ་འགྲངས་པ་མ་རྙེད་ན། འདིར་བཟའ་བ་དང ། བཏུང་བ་ཞིམ་པོ་ཆོག་པར་ཡོད་མོད་ཀྱི། གྲོགས་ནི་འདི་གཅིག་པུས་མི་ཆོག་གི་།སྨད་འཚོང་མ་ཞིག་ཀྱང་དགུག་གོ ། སྙམ་ནས། དེས་སྨད་འཚོང་མ་ཞིག་ལ་འདི་ཡང་ཁྱེར་བ་ལ་གཏོགས་ཀྱི། ཟུང་ཞིག་ཅེས་བསྒོ་བ་དང ། རྒྱལ་པོའི་མིས་དེ་ཡང་བཙོན་རར་བཅུག་གོ་།དེ་དང་ལྷན་ཅིག་ཏུ་བཟའ་བ་དང ། བཏུང་བ་ཞིམ་པོ་ཟོས་ནས། ཡང་སྨྲས་པ། ཅི་ནས་ལོ་བཅུ་གཉིས་ཀྱི་བར་དུ་འདི་ལྟ་བུ་ལས་མ་ཐར་ཡང་བླའོ། །དེ་བཞིན་དུ་ཡོངས་སུ་སྤྱོད་པ་ལས་ཕྱིས་ཡང་འདོད་པ་སྐྱེས་ཏེ། སྨད་འཚོང་མ་འདི་གཅིག་པུས་ཀྱང་མི་ཆོག་སྟེ། ནམ་འདོད་པ་དང་ལྡན་པར་གྱུར་པ་དེ་ན་དགའ་བ་རྒྱས་པར་མྱོང་བར་འགྱུར་གྱི། པི་ཝང་མཁན་གཅིག་ཀྱང་དགུག་གོ་སྙམ་ནས། སྤྲང་པོ་དེས་པི་ཝང་མཁན་གཅིག་ལ་འདིས་ཀྱང་མུ་ཏིག་གི་སེ་མོ་དོ་ཁྱེར་རོ་ཞེས་སྨྲས་པ་དང ། དེ་ནས་དེ་ཡང་སྔ་མ་བཞིན་དེར་བཅུག་གོ་།དེ་ཚོང་དཔོན་གྱི་བུ་དང ། སྨད་འཚོང་མ་དང ། པི་ཝང་</font><hr>Da128b<br><font size=+2>


མཁན་དང་བཙོན་ར་ན་ལྷན་ཅིག་ཏུ་བདེ་བ་སྤྱོད་ཅིང་རྩེ་དགའ་ཡོངས་སུ་སྤྱོད་དོ། །དེ་ནས་དུས་རིང་ཞིག་འདས་པ་དང ། དེ་རྣམས་ཀྱིས་སྤྲང་པོ་དེ་ལ་ཅི་ནས་ཀྱང་བདག་ཅག་ཐར་བར་གྱིས་ཤིག། བདག་ཅག་ཐར་ན་ཁྱོད་ལ་ཅི་ནས་ཀྱང་མི་བྲེལ་བར་འགྱུར་བ་དེ་ལྟ་བུར་བྱའོ། །ཞེས་གསོལ་བ་བཏབ་པ་དང ། དེས་ཀྱང་དེ་བཞིན་དུ་བྱའོ། །ཞེས་ཁས་བླངས་སོ། །དེས་བསམས་པ། གཞན་གྱིས་མ་ཡིན་གྱི། སྨན་ཆེན་པོས་ནུས་སོ། །སྙམ་དུ་བློ་སྐྱེས་ནས། དེ་དག་ལ་ཡང་བདག་ཅག་རྣམས་བཙོན་ར་ནས་ཕྱིན་པར་སྨན་ཆེན་པོ་གཅིག་པུས་ནུས་ཀྱི་གཞན་ནི་མ་མཐོང་ངོ་ཞེས་སྨྲས་ཏེ། དེས་རྒྱལ་པོའི་མི་རྣམས་ལ་སྨན་ཆེན་པོའི་བུ་ཡང་འདིར་གཏོགས་སོ་ཞེས་སྨྲས་པ་དང ། རྒྱལ་པོའི་མིས་དེ་ཡང་དེར་འགུག་གོ་།དེ་ནས་སྨན་ཆེན་པོས་ཁྱོད་ཀྱི་བུ་ཡང་བཙོན་རར་བཅུག་གོ་ཞེས་ཐོས་པ་དང ། དེས་བསམས་པ། ཅི་ནས་ཀྱང་འདིའི་ཕྱིར་ད་ནི་རྒྱལ་པོའི་ཕོ་བྲང་དུ་མི་འགྲོར་མི་རུང་སྟེ། དེར་མ་སོང་ན་བདག་གི་བུ་ཉོན་མོངས་པར་འགྱུར་རོ་སྙམ་ནས། དེ་རྒྱལ་པོའི་ཕོ་བྲང་དུ་སོང་ངོ ། །དེར་འོངས་ནས། རྒྱལ་པོ་ལ། ལྷ་བདག་ལ་བཀའ་ཕབ་ཏུ་བས་ན། བདག་གི་བུས་ལྷ་ལ་གློ་བ་རིང་བ་ཅི་བགྱིས་ན། བཙོན་རར་སྩལ་ཅེས་གསོལ་པ་དང ། རྒྱལ་པོས་མུ་ཏིག་གི་སེ་མོ་དོ་བརྒྱ་སྟོང་རི་བ་སྐྱེད་མོས་ཚལ་ནས་སྟོར་ན། སྤྲང་པོ་དེ་དེར་སོང་ངོ ། །ཞེས་ཟེར་ཏེ། དེའི་ཕྱིར་རོ། །ཞེས་སྨྲས་པ་དང ། དེས་ཀྱང་དེ་དག་གི་ཐབས་ཞིབ་ཏུ་ཐོས་ནས། སྨན་ཆེན་པོས་ལྷ་འདི་དག་</font><hr>Da129a<br><font size=+2>


༄#། །ནི་གང་གིས་ཀྱང་མ་འཚལ་ཏེ། བདག་གིས་སྨྲས། འདི་དག་གཏང་བར་གསོལ། ཞེས་སྨྲས་པ་དང ། དེ་དག་བཏང་ངོ ། །དེ་ནས་དེ་སྐྱེད་མོས་ཚལ་དུ་སོང་བ་དང་དེ་ལ་སྔ་ན་གནས་གང་དུ་བཞུགས། ཤིང་དྲུང་དུ་བཞུགས་སོ་ཞེས་ས་ཕྱོགས་བསྟན་པ་དང ། ཤིང་དེ་ལ་བལྟས་ན་ཤིང་དེའི་རྩེ་མོ་ན་སྤྲ་མོ་ཞིག་འདུག་པ་མཐོང་ནས། དེས་བསམས་པ། འདིས་མུ་ཏིག་གི་སེ་མོ་དོ་དེ་ཁྱེར་ཡང་དག་གི། འདི་ལ་ཐབས་ཤིག་སྦྱར་ཏེ་དགུག་གོ་སྙམ་ནས། དེས་ལྷ་བཙུན་མོ་དང་ལྷན་ཅིག་ཏུ་འདིར་གཤེགས་ཤིག་།ཅེས་གསོལ་པ་དང ། རྒྱལ་པོ་ཡང་བཙུན་མོ་དང ། སྐྱེད་མོས་ཚལ་དེར་ལྷགས་ཏེ། དེ་ན་འཁོད་པ་དང ། ལྷ། འདིར་བཙུན་མོ་རྒྱན་བཏགས་ན། དེ་ཡང་རྒྱན་འདོགས་སོ། །ཞེས་སྨྲས་པ་དང ། སྤྲ་མོ་དེ་ཡང་ཤིང་གི་རྩེ་མོར་འདུག་ནས་མུ་ཏིག་གི་སེ་མོ་དོ་དེ་བཏགས་སོ། །དེ་ནས་སྨན་ཆེན་པོས་བཙུན་མོ་གར་གྱིས། ཞེས་སྨྲས་པ་དང ། དེས་གར་བྱས་ན་སྤྲ་མོ་དེ་ཡང་ཤིང་གི་རྩེ་མོར་འདུག་ནས་གར་བྱས་པ་དང ། དེའི་མགུལ་ནས་མུ་ཏིག་གི་སེ་མོ་དོ་དེ་མར་ལྟུང་སྟེ། དེ་ཡང་མིས་ཇི་ལྟར་བྱེད་པ་དང་ཇི་ལྟར་ཆས་པ་དེ་ལ་བལྟས་ནས། དེ་འདྲ་བར་བྱེད་དེ། སྨན་ཆེན་པོས། ལྷ་བཙུན་མོ་འདིས་མགོ་བཏུད་དེ་གར་བགྱིས་ན་རུང་ངོ ། །ཞེས་སྨྲས་པ་དང ། རྒྱལ་པོས་དེ་བཞིན་གྱིས་ཤིག་།ཅེས་བསྒོ་ནས། དེ་མགོ་བཏུད་དེ་གར་བྱེད་པ་ལ་ཞུགས་པ་དང ། སྤྲ་མོ་དེས་ཀྱང་མགོ་བཏུད་དེ་གར་</font><hr>Da129b<br><font size=+2>


བྱས་པ་དང ། དེའི་མགུལ་ནས་མུ་ཏིག་གི་སེ་མོ་དོ་མར་ལྟུང་ངོ ། །དེ་ནས་རྒྱལ་པོ་དགའ་བས། སྨན་ཆེན་པོའི་མགུལ་ནས་འཁྱུད་དེ་མགུ་བར་བྱས་ནས། ལོངས་སྤྱོད་ཀྱང་བྱིན་ནོ། །དེ་ནས་བློན་པོ་དྲུག་པོ་དེ་དག་ལྷན་ཅིག་ཏུ་འདུས་ཏེ་སྔོན་གྱི་དུས་དང ། དེའི་ཡང་སྔོན་ལོགས་ན་ནི། བདག་ཅག་ལ་རྒྱལ་པོས་རིམ་གྲོར་བྱས། བླ་མར་བྱས། བཙུན་པར་བྱས། མཆོད་པར་བྱས་ན། ད་ནི་རི་བྲགས་ཀྱི་གྲོང་མི་བློ་ཅན་བཀྲེན་པའི་རིགས་ལས་བྱུང་བ་འདིས་བདག་ཅག་ཐམས་ཅད་གཟི་བརྗིད་ཀྱིས་གནས་ནས་ཕྱུང་ན། དེ་ལ་ཇི་ལྟར་བྱ་ཞེས་བགྲོས་པ་དང ། དེ་ནས་བློན་པོ་གཞན་ཞིག་གིས། ཀྱེ་བདག་ཅག་སྔོན་གཅིག་ལ་གཅིག་སོ་སོར་བྱེ་བས་ན། དེས་བདག་ཅག་མཐུ་མེད་པར་བྱས་ཀྱི། དེ་ལྟ་བས་ན་ད་ནི་སྐྱེད་མོས་ཚལ་དུ་དོང་ངོ ། །དེར་དོང་ལ་མནའ་དང ། ཡིད་ཆེས་པ་དང ། གཉེན་དུ་ཡང་བྱའོ། །དེ་ལྟ་བུར་བྱས་ན། རྒྱལ་པོ་སྐྱེད་པ་དང ། སྨན་ཆེན་པོ་བདག་ཅག་ལ་ནི་སྤང་བ་ནི་མ་ཡིན་གྱི། སླར་སྟེན་པར་འགྱུར་རོ། །ཞེས་སྨྲས་ན། དེ་དག་འདུས་ཏེ་སྐྱེད་མོས་ཚལ་དུ་དོང་ངོ ། །འདོང་པ་སྨན་ཆེན་པོས་མཐོང་སྟེ། དེ་ནས་སྨན་ཆེན་པོས་ནམས་ཀྱང་འདི་དག་གཅིག་ཏུ་འདུས་ཏེ། གང་ཡང་མ་དོང་ན། སྔོན་ལྟ་བུ་མ་ཡིན་པ་ཞིག་སྦྱར་རོ་སྙམ་ནས། དེ་དོགས་པར་གྱུར་ཏེ། ནེ་ཙོ་མ་ཏ་ར་ལ་ཕྱི་བཞིན་སོང་ལ་འདི་དག་ཅི་སྤྱོད། ཅི་ཟེར་བ་དང ། ཅི་བྱེད་པ་རྟོགས་ཤིག་།ཅེས་བསྒོའོ། །དེ་ནས་བློན་པོ་དྲུག་པོ་དེ་དག་སྐྱེད་མོས་ཚལ་དུ་དོང་ནས། </font><hr>Da130a<br><font size=+2>


༄#། །ཕན་ཚུན་གཉེན་དུ་བྱས་ནས། དེ་སྟེ་གཅིག་ལ་གཅིག་མཚང་འབྲུ། གསང་བརྟོལ་ན་ནི། གདོད་བདག་ཅག་ཡིད་ཆེས་པར་འགྱུར་རོ། །ཞེས་སྨྲས་པ་དང ། གཞན་ཞིག་གིས་སྨྲས་པ། དེ་བཞིན་བྱའོ། །དེ་ནས་གཅིག་གིས་སྨྲས་པ། བདག་གིས་ནི་རྒྱལ་པོའི་རྨ་བྱ་ཟོས་སོ། །གཞན་ཞིག་གིས་སྨྲས་པ། བདག་གིས་ནི་རྒྱལ་པོའི་བཙུན་མོ་དང་ལྷན་ཅིག་ཉལ་བ་བྱས་སོ། །གཞན་ཞིག་གིས་སྨྲས་པ། བདག་གིས་ཀྱང་དེ་ལྟ་བུར་བྱའོ་སྙམ་དུ་བསམས་སོ། །དེ་བཞིན་དུ་དྲུག་པོ་དེ་དག་གིས་གཅིག་ལ་གཅིག་གསང་གཏམ་བྱས་ཏེ། སྣོད་གཅིག་ཏུ་ཟོས་པར་གྱུར་ཏོ། །ནེ་ཙོ་མ་ཏ་རས་ཀྱང་དེ་དག་ཐོས་ནས་སྨན་ཆེན་པོ་ལ་སྨྲས་སོ། །དེ་ནས་སྨན་ཆེན་པོས་རྒྱལ་པོ་སྐྱེད་པའི་དྲུང་དུ་སོང་སྟེ། ནང་དུ་ཕྱིན་ནས་དེ་ཐམས་ཅད་སྨྲས་ཏེ། ལྷའི་བློན་པོ་འདི་དག་ནི། རྣམ་པ་འདི་ལྟ་བུའི་ཚུལ་ཁྲིམས་དང ། གཙང་སྦྲ་དང ། སྤྱོད་པར་ལྡན་ནོ། །དེ་ནས་རྒྱལ་པོ་སྐྱེད་པས་མངོན་པར་རྟོགས་ཤིང་དེ་དག་མཐོང་ནས་ཡུལ་མེད་པར་བྱས་ཏེ། ཨེ་མའོ་བདག་གི་བློན་པོ་འདི་དག་ནི་འདི་ལྟ་བུའི་མི་རིགས་པ་ཅན་གྱི། གང་ན་བདག་མི་དབང་བ་དེར་དེང་ཞིག་ཅེས་དེ་དག་བསྐྲད་དེ་བཀྱེའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། གང་དེའི་དུས་དེའི་ཚེ་ན། སྨན་ཆེན་པོ་ནི་ང་ཉིད་ཡིན་ནོ། །རྒྱལ་པོ་སྐྱེད་པ་དེ་ནི་དགེ་སློང་ཤཱ་རིའི་བུ་འདིའོ། །གང་</font><hr>Da130b<br><font size=+2>


དེའི་དུས་ཀྱི་བློན་པོ་དྲུག་པོ་དེ་དག་ནི། ད་ལྟར་གྱི་སྟོན་པ་དྲུག་པོ་དེ་དག་སྟེ། དེའི་དུས་ན་ཡང་བློན་པོར་གྱུར་ནས་ཡུལ་མེད་པར་བྱས་སོས། །ད་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས། རྫུ་འཕྲུལ་དང་ཆོ་འཕྲུལ་གྱིས་ཕམ་པར་བྱས་ཏེ། མཐའ་འཁོབ་ཏུ་བསྐྲད་དོ། །དེ་བས་ན་དགེ་སློང་ཁྱེད་ཀྱིས་དགེ་བའི་བཤེས་གཉེན་ལ་བསྟེན་པ་ལ་བརྩོན་པར་བྱའོ། །གང་ལས་ཤེས་རབ་དང ། གཞུང་དང ། ཡེ་ཤེས་མཆོག་ཏུ་གྱུར་པའོ། །དེ་ལྟ་བུའི་ཡོན་ཏན་དུ་འགྱུར་བ་དེ་ལྟ་བུར་བསྒྲུབ་པར་བྱའོ། །གང་གི་ཚེ་བཅོམ་ལྡན་འདས་ཀྱིས་ཆོ་འཕྲུལ་ཆེན་པོ་བསྟན་ཏེ། མུ་སྟེགས་ཅན་དག་ནི་ཅིས་ཀྱང་སྨྲ་ཕབ། ལྷ་དང་མི་ནི་དགའ་བར་མཛད། སྐྱེ་བོ་དམ་པ་རྣམས་ནི་མགུ་བར་མཛད་པ་དེའི་དུས་ན་ཡུལ་སོ་སོ་ན་གནས་པའི་བཟོ་བོ་གྲོང་དང ། གྲོང་ཁྱེར་དང ། ཕོ་བྲང་འཁོར་དང ། ཡུལ་དེ་དག་ནས་མཉན་དུ་ཡོད་པར་ལྷགས་ཏེ། རབ་ཏུ་བྱུང་བ་དང ། དེ་དག་གི་བུ་ཕོ་དང ། བུ་མོ་དང ། ཆུང་མ་དང ། གཞན་ཡང་མཛའ་བོ་དང ། གཉེན་དང ། ཕུ་ནུ་དག་ཕན་ཚུན་དུ་ཚོལ་ཞིང་མཉན་དུ་ཡོད་པར་ལྷགས་ཏེ། དེ་མཐོང་ནས་འཕགས་པ་ཁྱེད་ཅག་ནི་འདིར་དོང་སྟེ། རབ་ཏུ་བྱུང་སྟེ་འཁོད་ན། བདག་ཅག་གི་འཚོ་བ་སུས་སྦྱོར་ཞེས་སྨྲས་པ་དང ། དེ་དག་གིས་འདི་ཉིད་དུ་འཁོད་ལ་འདི་ཉིད་དུ་ཁྱེད་སློབས་ཤིག་།ཅེས་སྨྲས་པ་དང ། དེ་དག་གིས་ལེགས་ཏེ་དེ་བཞིན་བགྱིའོ། །ཞེས་སྨྲས་ནས། དེ་</font><hr>Da131a<br><font size=+2>


༄#། །དག་སློབ་པ་ལ་ཞུགས་པ་དང ། ཇི་ཙམ་ན་བྲམ་ཟེ་དང་ཁྱིམ་བདག་དག་ལྷགས་ནས། དེ་དག་གིས་དེ་དག་མཐོང་སྟེ། བཟོ་བོ་འདི་དག་ཐམས་ཅད་རབ་ཏུ་བྱུང་ན་བདག་གི་ལས་སུས་བྱ་ཞེས་ཟེར་རོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགོངས་པ། དེ་དང་འདྲ་བའི་སྣོད་འཆང་ན། ཉེས་པ་འདི་དམིགས་པ་ཡིན་ཏེ། དེ་ལྟ་བས་ན་དེ་དང་འདྲ་བའི་རྒྱུད་ལས་དེ་དང་འདྲ་བའི་ཆ་སྤྱད་མི་འཆང་བར་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།བྲམ་ཟེ་དང ། ཁྱིམ་བདག་དག་འཕྱ་བ་ནི་གནས་ཡིན་ནོ། །དེ་ལྟ་བས་ན་དགེ་སློང་དག་དེ་དང་འདྲ་བ་ལས། དེ་དང་འདྲ་བའི་རྒྱུད་ཀྱི་ཆ་སྤྱད་མ་འཆང་ཞིག་།དགེ་སློང་རྣམས་ཀྱིས་དེ་དང་འདྲ་བ་ལས་དེ་དང་འདྲ་བའི་ཆ་སྤྱད་འཆང་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་དེ་དང་འདྲ་བའི་ཆ་སྤྱད་མ་འཆང་ཞིག་ཅེས་གསུངས་པ་དང ། ཇི་ཙམ་ན་སྨན་པ་གཞན་ཞིག་རབ་ཏུ་བྱུང་ནས། ལྗོངས་རྒྱུ་ཞིང་མཉན་དུ་ཡོད་པར་ཕྱིན་པ་དང ། དེ་ལ་དགེ་སློང་དག་གིས། ཚེ་དང་ལྡན་པ་དགེ་སློང་ནད་པ་འདིའི་སྨན་དཔྱད་བྱོས་ཤིག་།ཅེས་སྨྲས་པ་དང ། ཚེ་དང་ལྡན་པ་བཅོམ་ལྡན་འདས་ཀྱིས་མ་གནང་སྟེ། དེ་དང་འདྲ་བ་ལས་དེ་དང་འདྲ་བའི་སྤྱད་མ་འཆང་ཞིག་།ཅེས་བྱུང་ན། དེ་ལ་སྨན་དཔྱད་ཅིས་བྱ་ཞེས་ཟེར་རོ། །དེ་ལྟར་གྱུར་པ་དགེ་</font><hr>Da131b<br><font size=+2>


སློང་དག་གིས། བཅོམ་ལྡན་འདས་ལ་གསོལ་ན། བཅོམ་ལྡན་འདས་ཀྱིས་དེ་ལྟ་བས་ན། གནང་བ་ནི་སྨན་པ་རབ་ཏུ་བྱུང་ན། གཏར་དཔྱད་ཀྱི་སྤྱད་ཆོངས་ཤིག་།སྔོན་ཡི་གེ་བས་ནི་རམ་ཕྱིས་ཆོངས་ཤིག་།འདྲེག་མཁན་རབ་ཏུ་བྱུང་ན་ནི་སེན་མོ་གཅད་པ་ཆོངས་ཤིག་།ཅེས་བཀའ་སྩལ་ཏོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སོ་ལྔ་པ། གླེང་གཞི་ནི་མཉན་དུ་ཡོད་པ་ན་སྟེ། ནམ་བཅོམ་ལྡན་འདས་ཀྱིས། རྫུ་འཕྲུལ་ཆེན་པོ་བསྟན་ཏེ། མུ་སྟེགས་ཅན་རྣམས་ནི་སྨ་ཕབ། ལྷ་དང་མི་རྣམས་ནི་དགའ་བར་མཛད། སྐྱེ་བོ་མང་པོ་དག་ནི་སེམས་མགུ་བར་མཛད་པ་དེའི་ཚེ་ན། བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་དང་བཅས་པ་ཤིན་ཏུ་རྙེད་པ་དང ། བཀུར་སྟི་མང་དུ་བྱུང་སྟེ། དེ་ནས་བཅོམ་ལྡན་འདས་ཀྱིས། རྙེད་པ་དང་བཀུར་སྟི་བྱུང་བ་གཅད་པར་དགོངས་ནས། སུམ་ཅུ་རྩ་གསུམ་གྱི་ལྷའི་གནས་སུ་གཤེགས་ཏེ། ལ་བ་རྡོ་དཀར་ལས་ཤིང་པ་རི་ཛཱ་ཏ་ཀ་དང ། ཀོ་བི་ད་ར་ཀ་དང ། ཤིན་ཏུ་མི་རིང་བ་ཞིག་ཏུ་དབྱར་ཚུལ་དུ་ཞུགས་སོ། །དེ་ནས་བཅོམ་ལྡན་འདས་ཀྱིས། ཡུམ་སྐྱེད་མ་དང ། གཞན་ཡང་སུམ་ཅུ་རྩ་གསུམ་གནས་ཀྱི་ལྷ་རྣམས་ལ་ཆོས་འཆད་དོ། །དེའི་ཚེ་མོའུ་འགལ་ཡ་ན་ཆེན་པོ་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་ཚུལ་དུ་ཞུགས་སོ། །དེ་ནས་འཁོར་བཞི་པོས། ཚེ་དང་ལྡན་པ་མོའུ་འགལ་ཡ་ན་ཆེན་པོ་གང་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་</font><hr>Da132a<br><font size=+2>


༄#། །པ་མོའུ་འགལ་ཡ་ན་ཆེན་པོའི་རྐང་པ་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། འཁོར་བཞི་པོ་རྣམས་ལ། ཚེ་དང་ལྡན་པ་མོའུ་འགལ་ཡ་ན་ཆེན་པོས་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་བཟེངས་\་GZཱེཎGཥ་\བསྟོད། ཡང་དག་པར་དགའ་བར་བྱས་སོ། །རྣམ་གྲངས་དུ་མའི་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ནས་ཅང་མི་ཟེར་བ་དང ། དེ་ནས་འཁོར་བཞི་པོ་རྣམས་སྟན་ལས་ལངས་ཏེ། བླ་གོས་ཕྲག་པ་ལ་གཟར་ཏེ། ཚེ་དང་ལྡན་པ་མོའུ་འགལ་ཡ་ན་ཆེན་པོ་ག་ན་བ་དེར་ཐལ་མོ་སྦྱར་ཏེ་ཕྱག་འཚལ་ནས། ཚེ་དང་ལྡན་པ་མོའུ་དགལ་ཡ་ན་ཆེན་པོ་ལ། བཙུན་པ་མོའུ་འགལ་ཡ་ན་ཆེན་པོ། བཅོམ་ལྡན་འདས་ད་ལྟར་གང་དུ་དབྱར་ཚུལ་དུ་ཞུགས་པ་གསན་ཏམ། ཞེས་སྨྲས་པ་དང ། ཀྱེ་བཅོམ་ལྡན་འདས་ནི་སུམ་ཅུ་རྩ་གསུམ་གྱི་གནས་ལ་བ་རྡོ་དཀར་ལས་ཤིང་པ་རི་ཛ་ཏ་ཀ་དང ། ཀོ་བི་ང་ར་ཀ་དང་ཤིན་ཏུ་མི་རིང་བཞིག་\་Bཱ་Zཿ ཱིG་\ཏུ་དབྱར་ཚུལ་དུ་ཞུགས་ཏེ། ཡུམ་སྐྱེད་མ་དང ། གཞན་ཡང་སུམ་ཅུ་རྩ་གསུམ་གྱི་ལྷ་རྣམས་ལ་ཆོས་འཆད་པར་བདག་གིས་ཐོས་སོ། །ཞེས་སྨྲས་པ་དང ། དེ་ནས་འཁོར་བཞི་པོ་རྣམས་ཀྱིས། ཚེ་དང་ལྡན་པ་མོའུ་དགལ་ཡ་ན་</font><hr>Da132b<br><font size=+2>


ཆེན་པོས་བཤད་པ་ལ་མངོན་པར་དགའ་ཞིང་རྗེས་སུ་ཡི་རང་ནས། ཚེ་དང་ལྡན་པ་མོའུ་འགལ་ཡ་ན་ཆེན་པོའི་རྐང་པ་ལ་མགོ་བོས་ཕྱག་འཚལ་ནས། སྟན་ལས་ལངས་ཏེ་སོང་ངོ ། །དེ་ནས་འཁོར་བཞི་པོ་རྣམས་ཟླ་བ་གསུམ་འདས་པ་དང ། ཚེ་དང་ལྡན་པ་མོའུ་འགལ་ཡ་ན་ཆེན་པོ་ག་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་པ་མོའུ་འགལ་ཡན་ཆེན་པོའི་རྐང་པ་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། འཁོར་བཞི་པོ་རྣམས་ལ། ཚེ་དང་ལྡན་པ་མོའུ་འགལ་ཡ་ན་ཆེན་པོས་ཆོས་ཀྱི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་སོ། །རྣམ་གྲངས་དུ་མའི་ཆོས་ཀྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ཏེ། ཅང་མི་ཟེར་བར་འདུག་པ་དང ། དེ་ནས་འཁོར་བཞི་པོ་དག་སྟན་ལས་ལངས་ཏེ། བླ་གོས་ཕྲག་པ་ལ་གཟར་ནས། ཚེ་དང་ལྡན་པ་མོའུ་འགལ་ཡ་ན་ཆེན་པོ་ག་ལ་བ་དེར་ཐལ་མོ་སྦྱར་ཏེ་ཕྱག་འཚལ་ནས། ཚེ་དང་ལྡན་པ་མོའུ་འགལ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །འདི་ལྟར་བཙུན་པ་ཚེ་དང་ལྡན་པ་མོའུ་འགལ་ཡ་ན་ཆེན་པོ་མཁྱེན་པར་མཛད་དུ་གསོལ། བདག་ཅག་གིས་བཅོམ་ལྡན་འདས་མ་མཐོང་ནས་རིང་ཞིག་ལོན་ལགས་ཏེ། བཅོམ་ལྡན་འདས་ལ་ལྟ་བར་འཚལ་བས་བདག་ཅག་</font><hr>Da133a<br><font size=+2>


༄#། །ཤིན་ཏུ་སྐོམ་སྟེ། བཅོམ་ལྡན་འདས་ལ་བལྟ་བར་འཚལ་གྱི། དེ་སྟེ་བཙུན་པ་མོའུ་འགལ་ཡ་ན་ཆེན་པོ་ལ་རིགས་ཤིང་ལེགས་ན་ནི། བཙུན་པ་མོའུ་འགལ་ཡ་ན་ཆེན་པོས། བཅོམ་ལྡན་འདས་གང་ན་བ་དེར་བཞུད་ལ་དྲུང་དུ་ཕྱིན་པ་དང ། བདག་ཅག་གི་ཚིག་གིས། བཅོམ་ལྡན་འདས་ཀྱི་ཞབས་ལ་ཕྱག་བགྱིས་ཏེ། གནོད་པ་ཆུང་ངམ། གནོད་པར་མ་གྱུར་ཏམ། མྱུར་དུ་བཞེངས་སམ། འཚོའམ། མཐུ་དང་ལྡན་ནམ། བདེའམ། སྙུན་ཆུང་ངམ། བདེ་བར་བཞུགས་སམ། བདེ་བར་གྱུར་ཏམ། ཞེས་ཞུས་ལ་འདི་སྐད་ཅེས་ཀྱང་གསོལ་ཅིག་།བཙུན་པ། ཛམྦུའི་གླིང་གི་འཁོར་བཞི་པོ་དག་།བཅོམ་ལྡན་འདས་ལ་བལྟ་བར་འཚལ་ན། བཙུན་པ་སུམ་ཅུ་རྩ་གསུམ་གྱི་ལྷའི་གནས་སུ་འཛེག་ཅིང་བཅོམ་ལྡན་འདས་ཀྱི་དྲུང་དུ་བཅོམ་ལྡན་འདས་ལ་བལྟ་བ་དང ། བསྙེན་བཀུར་བའི་ཕྱིར་མཆིར། ཛམྦུའི་གླིང་གི་མི་རྣམས་ལ་དེ་འདྲ་བའི་རྫུ་འཕྲུལ་དང་མཐུ་མ་མཆིས་སོ། །གང་སུམ་ཅུ་རྩ་གསུམ་གྱི་གནས་ཀྱི་ལྷ་དེ་རྣམས་ནི། ཛམྦུའི་གླིང་དུ་བབས་ཏེ། བཅོམ་ལྡན་འདས་ཀྱི་དྲུང་དུ་བཅོམ་ལྡན་འདས་ལ་བལྟ་བ་དང ། བསྙེན་བཀུར་བགྱིད་དུ་མཆི་བར་ནི་སུམ་ཅུ་རྩ་གསུམ་གྱི་ལྷ་ལ་རྫུ་འཕྲུལ་དང་མཐུ་མཆིས་ན། བཅོམ་ལྡན་འདས་སུམ་ཅུ་རྩ་གསུམ་གྱི་གནས་ནས། ཛམྦུའི་གླིང་དུ་གཤེགས་པར་ཐུགས་རྗེར་དགོངས་ན་ལེགས་སོ། །ཞེས་གསུངས་ཤིག་</font><hr>Da133b<br><font size=+2>


ཅེས་སྨྲས་པ་དང ། ཚེ་དང་ལྡན་པ་མོའུ་འགལ་ཡ་ན་ཆེན་པོ་འཁོར་བཞི་པོ་རྣམས་ལ་ཅང་མི་སྨྲ་བར་གནང་ངོ ། །དེ་ནས་འཁོར་བཞི་པོ་དེ་དག་ཚེ་དང་ལྡན་པ་མོའུ་འགལ་ཡ་ན་ཆེན་པོ་ཅང་མི་སྨྲ་བས་གནང་བར་རིག་སྟེ། ཚེ་དང་ལྡན་པ་མོའུ་འགལ་ཡ་ན་ཆེན་པོའི་རྐང་བ་ལ་མགོ་བོས་ཕྱག་བྱས་ནས། སྟན་ལས་ལངས་ཏེ་དོང་ངོ ། །དེ་ནས་ཚེ་དང་ལྡན་པ་མོའུ་འགལ་ཡ་ན་ཆེན་པོས་འཁོར་བཞི་པོ་དག་དོང་ནས་རིང་པོ་མ་ལོན་པར་རིག་པ་དང ། དེ་འདྲ་བའི་ཏིང་ངེ་འཛིན་ལ་མཉམ་པར་གཞག་གོ་།ཇི་ལྟར་སེམས་མཉམ་པར་གཞག་པ་ན་འདི་ལྟ་སྟེ། སྟོབས་དང་ལྡན་པའི་སྐྱེས་བུས་དཔུང་པ་བསྐུམ་པ་ལས་བརྐྱང་བའམ། བརྐྱང་པ་ལས་བསྐུམ་པ་ཙམ་དུ་དེ་ལྟར་དེ་བཞིན། ཚེ་དང་ལྡན་པ་མོའུ་འགལ་ཡ་ན་ཆེན་པོ་མཉན་དུ་ཡོད་པ་ནས་མི་སྣང་བར་གྱུར་ཏེ། སུམ་ཅུ་རྩ་གསུམ་གྱི་ལྷའི་གནས་ལ་བ་རྡོ་དཀར་ལས་ཤིང་པ་རི་ཛཱ་ཏི་ཀ་དང ། ཀོ་པི་ད་ར་ཀ་དང་ཤིན་ཏུ་མི་རིང་བ་ཞིག་ཏུ་ཕྱིན་པ་དང ། དེའི་དུས་ན་བཅོམ་ལྡན་འདས་ལྷའི་འཁོར་བརྒྱ་སྟོང་དུ་མའི་མདུན་ན་བཞུགས་ཤིང ། ཆོས་འཆད་པ་ཚེ་དང་ལྡན་པ་མོའུ་འགལ་ཡ་ན་ཆེན་པོས་མཐོང་ངོ ། །བཅོམ་ལྡན་འདས་ལྷའི་འཁོར་བརྒྱ་སྟོང་དུ་མའི་འཁོར་ན་ཞུགས་ཤིང་ཆོས་འཆད་པ་མཐོང་ནས་འཛུམ་པ་བྱས་ཏེ། བཅོམ་ལྡན་འདས་འདི་ན་ཡང་ལྷ་མང་པོ་དང་བཞུགས་པ་ནི། འདི་ལྟ་སྟེ། ཛམྦུའི་གླིང་གི་འཁོར་བཞི་པོ་བཞིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་</font><hr>Da134a<br><font size=+2>


༄#། །འགལ་ཡ་ན་ཆེན་པོའི་བསམ་པ་མཁྱེན་ནས། ཚེ་དང་ལྡན་པ་མོའུ་འགལ་ཡ་ན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མོའུ་འགལ་ཡ་ན་ཆེན་པོ་རང་གི་འདུ་བྱེད་པ་ནི་མ་ཡིན་གྱི། ནམ་གྱི་ཚེ་ངས་འོང་བར་བསམས་པ་དེའི་ཚེ་ནི་འོང་ངོ ། །ནམ་གྱི་ཚེ་འགྲོ་བར་བསམས་པ་དེའི་ཚེ་ནི་འགྲོ་སྟེ། ངའི་སེམས་པ་སེམས་ཀྱིས་ཤེས་ནས་འོང་བ་དང་འགྲོ་བའོ། །དེ་ནས་ཚེ་དང་ལྡན་པ་མོའུ་འགལ་ཡ་ན་ཆེན་པོ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་མོའུ་འགལ་ཡ་ན་ཆེན་པོ། ལྷའི་འཁོར་ཐམས་ཅད་དུ་བལྟས་ནས། བཅོམ་ལྡན་འདས་ལ་བཙུན་པ་ལྷའི་འཁོར་འདི་དག་ནི། རྣམ་པ་སྣ་ཚོགས་སུ་འདུས་ཤིང་མཆིས་སོ། །དེའི་འཁོར་འདུས་ཤིང་མཆིས་པ་འདི་དག་ནི། གང་སངས་རྒྱས་ལ་ཤེས་ཏེ་དད་པ་དང་ལྡན་པས་ལུས་དང་བྲལ་ནས་འདིར་སྐྱེས་པ་དག་མཆིས་སོ། །དེའི་འཁོར་འདུས་ཤིང་མཆིས་པ་འདི་དག་ནི་གང་ཆོས་དང ། དགེ་འདུན་དང ། འཕགས་པ་བཞེད་པའི་ཚུལ་ཁྲིམས་དང་ལྡན་པས་ལུས་དང་བྲལ་ནས་འདིར་སྐྱེས་སོ། །ཞེས་གསོལ་པ་དང ། དེ་ལྟར་དེ་བཞིན་ཏེ། མོའུ་འགལ་ཡ་ན། རྣམ་པ་སྣ་ཚོགས་ཀྱི་ལྷའི་འཁོར་འདི་དག་འདུས་ཤིང་འཁོད་དོ། །ལྷའི་འཁོར་འདི་དག་ལས་གང་སངས་</font><hr>Da134b<br><font size=+2>


རྒྱས་ལ་ཤེས་ཤིང་དད་པ་དང་ལྡན་པས་ན། ལུས་དང་བྲལ་ནས་འདིར་སྐྱེས་པ་ཡོད་དོ། །ཆོས་དང ། དགེ་འདུན་དང ། འཕགས་པ་བཞེད་པའི་ཚུལ་ཁྲིམས་དང་ལྡན་པས། ལུས་དང་བྲལ་ནས་འདིར་སྐྱེས་པ་ཡང་ཡོད་དོ། །དེ་ནས་བརྒྱ་བྱིན་ལྷའི་དབང་པོ། བཅོམ་ལྡན་འདས་དང ། ཚེ་དང་ལྡན་པ་མོའུ་འགལ་ཡ་ན་ཆེན་པོས་བཤད་པའི་རྗེས་སུ་བསྔགས་ནས། ཚེ་དང་ལྡན་པ་མོའུ་འགལ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །དེ་ལྟར་དེ་བཞིན་ནོ། །བཙུན་པ་མོའུ་འགལ་ཡ་ན་ཆེན་པོ་དེ་ལྟར་དེ་བཞིན་ཏེ། རྣམ་པ་སྣ་ཚོགས་ཀྱི་ལྷའི་འཁོར་འདུས་ཤིང་འཁོད་དོ། །ལྷའི་འཁོར་འདི་དག་ལས། གང་སངས་རྒྱས་ལ་ཤེས་ཤིང་དད་པ་དང་ལྡན་པས། ལུས་དང་བྲལ་ནས་འདིར་སྐྱེས་པ་མཆིས་སོ། །ཆོས་དང ། དགེ་འདུན་དང ། འཕགས་པ་བཞེད་པའི་ཚུལ་ཁྲིམས་དང་ལྡན་པས། ལུས་དང་བྲལ་ནས་འདིར་སྐྱེས་པ་ཡང་མཆིས་སོ། །དེ་ནས་ལྷའི་བུ་གཞན་ཞིག་གིས། བཅོམ་ལྡན་འདས་དང ། ཚེ་དང་ལྡན་པ་མོའུ་འགལ་ཡ་ན་ཆེན་པོ་དང ། བརྒྱ་བྱིན་ལྷའི་དབང་པོས་བཤད་པ་ལ་རྗེས་སུ་བསྔགས་ཏེ། ཚེ་དང་ལྡན་པ་མོའུ་འགལ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་མོའུ་འགལ་ཡ་ན་ཆེན་པོ་འདི་ལྟར་དེ་བཞིན་ནོ། །དེ་ལྟར་དེ་བཞིན་ཏེ་རྣམ་པ་སྣ་ཚོགས་ཀྱི་ལྷའི་འཁོར་འདུས་ཤིང་འཁོད་དོ། །ལྷའི་འཁོར་འདི་དག་ལས། གང་སངས་རྒྱས་ལ་ཤེས་ཤིང་དད་པ་དང་ལྡན་པས། ལུས་དང་བྲལ་ནས་འདིར་སྐྱེས་པ་ཡང་མཆིས་སོ། </font><hr>Da135a<br><font size=+2>


༄#། །ཆོས་དང ། དགེ་འདུན་དང ། འཕགས་པ་བཞེད་པའི་ཚུལ་ཁྲིམས་དང་ལྡན་པས། ལུས་དང་བྲལ་ནས་འདིར་སྐྱེས་པ་ཡང་མཆིས་སོ། །དེ་ནས་དེའི་ཚེ་ལྷ་གཅིག་ཅིག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བྱས་ནས། བཅོམ་ལྡན་འདས་ག་ལ་བ་དེར་ལོངས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ། བཙུན་པ་བདག་ནི་སངས་རྒྱས་ལ་ཤེས་ཤིང་དད་པ་དང་ལྡན་པས། ལུས་དང་བྲལ་ཏེ་འདིར་སྐྱེས་སོ་ཞེས་གསོལ་པ་དང ། གཞན་ཞིག་གིས་ཀྱང་འདི་སྐད་དུ་སྨྲས་སོ། །བདག་ནི་ཆོས་ལ། བདག་ནི་དགེ་འདུན་ལ། བདག་ནི་འཕགས་པ་བཞེད་པའི་ཚུལ་ཁྲིམས་དང་ལྡན་པས། ལུས་དང་བྲལ་ཏེ་འདིར་སྐྱེས་སོ། །དེར་ལྷ་བརྒྱ་སྟོང་དུ་མས་བཅོམ་ལྡན་འདས་ཀྱི་སྤྱན་སྔར་སོ་སོར་རྒྱུན་དུ་ཞུགས་པའི་ལུང་བསྟན་ནས། དེ་ཉིད་དུ་མི་སྣང་བར་གྱུར་ཏོ། །དེ་ནས་ཚེ་དང་ལྡན་པ་མོའུ་འགལ་ཡ་ན་ཆེན་པོས། ལྷའི་འཁོར་རྣམས་ལས་དབེན་པར་ཤེས་ནས། སྟན་ལས་ལངས་ཏེ། བླ་གོས་ཕྲག་པ་ལ་གཟར་ནས། བཅོམ་ལྡན་འདས་ག་ལ་བ་དེར་ལོངས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཛམྦུའི་གླིང་ན། འཁོར་བཞི་པོ་རྣམས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། གནོད་པ་ཆུང་ངམ། གནོད་པར་མ་གྱུར་ཏམ། མྱུར་དུ་བཞེངས་སམ། འཚོའམ། མཐུ་དང་ལྡན་ནམ། བདེའམ། </font><hr>Da135b<br><font size=+2>


སྙུན་ཆུང་ངམ། བདེ་བར་བཞུགས་སམ། བདེ་བར་གྱུར་ཏམ་ཞེས་སྙུན་གསོལ་ལོ། །མོའུ་འགལ་ཡ་ན་ཁྱོད་དང་ཛམྦུའི་གླིང་གི་འཁོར་བཞི་པོ་དག་ཀྱང་བདེ་བར་གྱུར་ཅིག་།བཙུན་པ། ཛམྦུའི་གླིང་གི་འཁོར་བཞི་པོ་དག་།བཅོམ་ལྡན་འདས་ལ་བལྟ་བར་འཚལ་ཏེ། འདི་སྐད་ཅེས་གསོལ་ཏོ། །བཙུན་པ། ཛམྦུའི་གླིང་གི་མི་རྣམས་སུམ་ཅུ་རྩ་གསུམ་གྱི་ལྷའི་གནས་སུ་འཛེག་ཅིང་བཅོམ་ལྡན་འདས་ཀྱི་དྲུང་དུ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བའི་ཕྱིར་མཆི་བར་འགྱུར་བ་དེ་ལྟ་བུའི་རྫུ་འཕྲུལ་དང་མཐུ་ཛམྦུའི་གླིང་གི་མི་རྣམས་ལ་མ་མཆིས་ཀྱི། བཙུན་པ་སུམ་ཅུ་རྩ་གསུམ་གྱི་ལྷ་དེ་རྣམས་ནི། ཛམྦུའི་གླིང་དུ་བབ་ཅིང ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བར་མཆི་བ་དེ་ལྟ་བུའི་རྫུ་འཕྲུལ་དང ། མཐུ་སུམ་ཅུ་རྩ་གསུམ་གྱི་ལྷ་རྣམས་ལ་མཆིས་ན།་བཅོམ་ལྡན་འདས་ཐུགས་རྗེས་དགོངས་ཏེ། སུམ་ཅུ་རྩ་གསུམ་གྱི་ལྷའི་ནང་ནས། ཛམྦུའི་གླིང་དུ་གཤེགས་ན་ལེགས་སོ་ཞེས་གསོལ་ལོ། །དེ་བས་ན་མོའུ་འགལ་ཡ་ན་ཁྱོད་ཛམྦུའི་གླིང་དུ་སོང་ལ་འཁོར་བཞི་པོ་རྣམས་ལ། བཅོམ་ལྡན་འདས་དེང་ནས་ཞག་བདུན་ན། སུམ་བཅུ་རྩ་གསུམ་གྱི་ལྷའི་གནས་ནས། ཛམྦུའི་གླིང་གི་གྲོང་ཁྱེར་སང་ཀཱ་ཤེའི་ཨ་པ་ཛ་རིའི་ནགས་ཤིང་ཨུ་དུམ་ཝཱ་རའི་དྲུང་དུ་གཤེགས་སོ་ཞེས་བསྒོ་ཞིག་།དེ་ནས་ཚེ་དང་ལྡན་པ་མོའུ་འགལ་ཡ་ན་ཆེན་པོས། བཅོམ་ལྡན་འདས་ལས་མཉན་ཏེ་ཞབས་ལ་མགོ་བོས་ཕྱག་འཚལ་ནས། དེ་འདྲ་བའི་ཏིང་</font><hr>Da136a<br><font size=+2>


༄#། །ངེ་འཛིན་ལ་མཉམ་པར་གཞག་གོ་།ཇི་ལྟར་སེམས་མཉམ་པར་གཞག་པ་ན་འདི་ལྟ་སྟེ། སྟོབས་དང་ལྡན་པའི་སྐྱེས་བུས་དཔུང་པ་བསྐུམ་པ་ལས་བརྐྱང་པའམ། བརྐྱང་པ་ལས་བསྐུམ་པ་བཞིན། ཚེ་དང་ལྡན་པ་མོའུ་འགལ་ཡན་ཆེན་པོ་སུམ་ཅུ་རྩ་གསུམ་གྱི་ནང་ནས་མི་སྣང་བར་གྱུར་ཏེ། ཛམྦུའི་གླིང་དུ་ཕྱིན་ཏོ། །དེ་ནས་ཚེ་དང་ལྡན་པ་མོའུ་འགལ་ཡ་ན་ཆེན་པོ། ཛམྦུའི་གླིང་དུ་འོངས་ནས། འཁོར་བཞི་པོ་རྣམས་ལ། ཀྱེ་བཅོམ་ལྡན་འདས་ནི། དེང་ནས་ཞག་བདུན་ན་སུམ་ཅུ་རྩ་གསུམ་གྱི་ལྷའི་གནས་ནས། ཛམྦུའི་གླིང་གི་གྲོང་ཁྱེར་སང་ཀཱ་ཤེའི་ཨ་བ་ཛ་རིའི་ནགས་ཤིང་ཨུ་དུམ་ཝཱ་རའི་དྲུང་དུ་གཤེགས་སོ་ཞེས་བསྒོའོ། །དེ་ནས་འཁོར་བཞི་པོ་རྣམས་ཞག་བདུན་པོ་ན། དྲི་དང་བྱུག་པ་དག་ཁྱེར་ཏེ། གྲོང་ཁྱེར་སང་ཀཱ་ཤེར་དོང་ངོ ། །དེ་ནས་སང་ཀཱ་ཤེ་ན་གནས་པའི་སྐྱེ་བོ་མང་པོ་དག་གིས་གྲོང་ཁྱེར་སང་ཀཱ་ཤེ་རྡོ་བ་དང ། གྱོ་མོ་དང ། བོང་བ་དག་མེད་པར་བྱས་ཏེ། ཙནྡན་གྱི་ཆུས་ཆག་ཆག་བཏབ་ནས། བདུག་པ་ཞིམ་པོའི་པོག་ཕོར་དཔྱངས། རྒྱལ་མཚན་དང ། ལྷའི་འཕན་དག་བསྒྲེངས། ངར་གྱི་ལྡ་ལྡི་རྣམས་ནི་བྲེས་ཏེ། མེ་ཏོག་སྣ་ཚོགས་ཀྱིས་གཏོར་བས།་ཡིད་དགའ་བར་འགྱུར་བ་ནི། ལྷའི་དགའ་བའི་ཚལ་བཞིན་ཏེ། སའི་ཕྱོགས་ཡངས་ཤིང་བླ་གབ་མེད་པར་གདན་བཏིང་ཞིང་བཤམས་སོ། །དེ་ནས་བཅོམ་ལྡན་འདས་ཀྱིས་སུམ་ཅུ་རྩ་</font><hr>Da136b<br><font size=+2>


གསུམ་གྱི་ལྷ་རྣམས་ལ་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ཏེ། སུམ་ཅུ་རྩ་གསུམ་གྱི་ལྷའི་གནས་ནས་སུམ་ཅུ་རྩ་གསུམ་གནས་ཀྱི་ལྷ་རྣམས་དང་ལྷན་ཅིག་ཏུ་མི་སྣང་བར་གྱུར་ཏེ། མཚེ་མར་གཤེགས་སོ། །དེ་ནས་བཅོམ་ལྡན་འདས་ཀྱིས། མཚེ་མའི་ལྷ་རྣམས་ལ། ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ནས། སུམ་ཅུ་རྩ་གསུམ་གྱི་ལྷ་རྣམས་དང ། མཚེ་མའི་ལྷ་རྣམས་དང་ལྷན་ཅིག་མི་སྣང་བར་གྱུར་ཏེ། དེ་བཞིན་དུ་དགའ་ལྡན་དུ་གཤེགས་སོ། །དེ་བཞིན་དུ་འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་ལྷ་ཉེ་ཕན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་བ་དང ། མ་ལུས་དགེ་དང ། སྤྲིན་མེད་དགེ་དང ། བསོད་ནམས་འཕེལ་དང ། འབྲས་བུ་ཆེ་དང ། མི་ཆེ་བ་དང ། མི་དྲོས་དང ། གྱ་ནོམ་སྣང་བ་དང ། ཤིན་ཏུ་མཐོང་དང ། འོག་མིན་དུ་འདོད་པ་ན་སྤྱོད་པ་དང ། གཟུགས་ཡོད་པ་ན་སྤྱོད་པའི་ལྷ་རྣམས་དང་ཐབས་ཅིག་ཏུ་གཤེགས་སོ། །དེ་ནས་བཅོམ་ལྡན་འདས། འོག་མིན་གནས་ཀྱི་ལྷ་རྣམས་ལ་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། </font><hr>Da137a<br><font size=+2>


༄#། །ཡང་དག་པར་དགའ་བར་བྱས་ནས། འོག་མིན་གྱི་གནས་ནས་མི་སྣང་བར་གྱུར་ཏེ། གྱ་ནོམ་སྣང་གི་ལྷའི་གནས་སུ་སླར་གཤེགས་སོ། །ལྷ་རྣམས་ལ་སླར་རིམ་གྱིས་སུམ་ཅུ་རྩ་གསུམ་གྱི་ལྷའི་རིས་ཀྱི་བར་དུ་འདོད་པ་ན་སྤྱོད་པ་དང ། གཟུགས་ཡོད་པ་ན་སྤྱོད་པའི་ལྷ་རྣམས་དང་ཐབས་ཅིག་ཏུ་གཤེགས་སོ། །དེ་ནས་བརྒྱ་བྱིན་ལྷའི་དབང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི། ཛམྦུའི་གླིང་དུ་གཤེགས་སམ། ཀོའུ་ཤི་ཀ་འབབ་བོ། །ཅི་རྫུ་འཕྲུལ་གྱིས་འབབ་བམ། འོན་ཏེ་ཞབས་ཀྱིས་གཤེགས། ཀོའུ་ཤི་ཀ། རྐང་གིས་སོ། །དེ་ནས་བརྒྱ་བྱིན་ལྷའི་དབང་པོས། ལྷའི་བུ་ལས་ཐམས་ཅད་དང་ལྡན་པ་ལ་བསྒོ་བ། ལས་ཐམས་ཅད་དང་ལྡན་པ། གསེར་དང ། བཻ་ཌཱུརྱ་དང ། ཤེལ་གྱི་སྐས་གསུམ་སྤྲུལ་ཅེས་སྨྲས་པ་དང ། ཀོའུ་ཤི་ཀ་ཁྱོད་མཆོག་ཏུ་བཟང་ངོ་ཞེས་སྨྲས་ནས། ལྷའི་བུ་ལས་ཐམས་ཅད་དང་ལྡན་པས། བརྒྱ་བྱིན་ལྷའི་དབང་པོ་ལས་མཉན་ཏེ། གསེར་དང ། བཻ་ཌཱུརྱ་དང ། ཤེལ་གྱི་སྐས་གསུམ་སྤྲུལ་ཏོ། །དེ་ནས་བཅོམ་ལྡན་འདས་ནི་བཻ་ཌཱུརྱའི་སྐས་ལ་གཤེགས། ཚངས་པ་འཁོར་གྱི་དབང་པོ་ནི། གཡས་ཕྱོགས་ནས་ནོར་བུའི་རྔ་ཡབ་བརྒྱ་སྟོང་ཐོགས་ཏེ། གཟུགས་ཡོད་པ་ན་སྤྱོད་པའི་ལྷ་དག་དང་ལྷན་ཅིག་ཏུ་གསེར་གྱི་སྐས་ལ་འབབ་བོ། །བརྒྱ་བྱིན་ལྷའི་དབང་པོ་ནི། བཅོམ་ལྡན་འདས་ཀྱི་གཡོན་ཕྱོགས་ནས། རྩིབ་མ་བརྒྱ་པའི་གདུགས་</font><hr>Da137b<br><font size=+2>


ཐོགས་ཏེ། འདོད་པ་ན་སྤྱོད་པའི་ལྷ་དག་དང་ལྷན་ཅིག་ཏུ་ཤེལ་གྱི་སྐས་ལ་འབབ་བོ། །དེ་ནས་བཅོམ་ལྡན་འདས་ཀྱིས་འདི་ལྟར་གལ་ཏེ་རྐང་པས་འབབས་ན་ནི། མུ་སྟེགས་ཅན་དག་དགེ་སྦྱོང་གོའུ་ཏ་མ་སུམ་ཅུ་རྩ་གསུམ་གྱི་ལྷའི་གནས་སུ་རྫུ་འཕྲུལ་གྱིས་སོང་སོང་ན། ཡིད་འཕྲོག་པའི་གཟུགས་སུ་མཐོང་བས། དེའི་རྫུ་འཕྲུལ་ཉམས་པར་གྱུར་ཏེ། ཛམྦུའི་གླིང་དུ་རྐང་པས་བབས་སོ། །ཞེས་ཟེར་ཏེ་འོང ། རྫུ་འཕྲུལ་གྱིས་བབས་ན་ནི་ལས་ཐམས་ཅད་དང་ལྡན་པའི་སྐྱེས་བུའི་བྱེད་པའི་འབྲས་བུ་མེད་པར་འགྱུར་ན། ཅི་ནས་ང་ཕྱེད་ནི་རྐང་པས་འབབ་བོ། །ང་ཕྱེད་ནི་རྫུ་འཕྲུལ་གྱིས་འབབ་བོ། །སྙམ་དུ་དགོངས་སོ། །དེ་ནས་བཅོམ་ལྡན་འདས་བར་བར་ནི་ཞབས་ཀྱིས། བར་བར་ནི་རྫུ་འཕྲུལ་གྱིས་སོ། །དཔག་ཚད་བཅུ་གཉིས་མན་ཆད་མིའི་དྲི་མ་མནམ་སྟེ། ལྷ་རྣམས་སྣོམ་པར་མི་བཟོད་དོ། །དེ་ནས་བཅོམ་ལྡན་འདས་ཀྱིས་ཙནྡན་གོར་ཤིར་ཤའི་དྲི་མངོན་དུ་སྤྲུལ་ཏེ། དྲི་དེ་མི་མནམ་པར་བྱས་སོ། །དེ་ནས་བཅོམ་ལྡན་འདས་ཀྱིས་དགོངས་པ། གལ་ཏེ། སྐྱེས་པས་ལྷའི་བུ་མོའམ། བུད་མེད་རྣམས་ཀྱིས་ལྷའི་བུ་མཐོང་ན། འདི་ལྟར་དེ་དག་གང་ཁྲག་དྲོན་མོ་སྐྱུགས་ཏེ། དུས་བྱེད་པར་གདོན་མི་ཟ་བར་འགྱུར་གྱི། ཅི་ནས་ངས་ཇི་ལྟར་སྐྱེས་པས་ལྷའི་བུ་མཐོང་ཞིང ། བུད་མེད་རྣམས་ཀྱིས་ལྷའི་བུ་མོ་མཐོང་བར་འགྱུར་བདེ་ལྟ་བུར་རྫུ་འཕྲུལ་མངོན་དུ་འདུ་བྱ་བ་མངོན་དུ་བྱས་སོ། །དེ་ནས་བཅོམ་ལྡན་འདས་ཀྱིས་ཇི་ལྟར་སྐྱེས་པས་ནི་ལྷའི་བུ་མཐོང་ཞིང ། བུད་</font><hr>Da138a<br><font size=+2>


༄#། །མེད་ཀྱིས་ནི་ལྷའི་བུ་མོ་མཐོང་བར་འགྱུར་བ་དེ་ལྟ་བུར་རྫུ་འཕྲུལ་འདུ་བྱས་པ་མངོན་པར་འདུས་བྱས་སོ། །དེའི་དུས་ན་ཚེ་དང་ལྡན་པ་རབ་འབྱོར་ཤིང་གཞན་ཞིག་གི་དྲུང་ན། ཉིན་པར་སྤྱོད་པའི་ཕྱིར་འདུག་སྟེ། ཚེ་དང་ལྡན་པ་རབ་འབྱོར་གྱིས། བཅོམ་ལྡན་འདས་ལོངས་སྤྱོད་མཆོག་དང ། སུམ་ཅུ་རྩ་གསུམ་གྱི་ལྷའི་གནས་ནས། ཛམྦུའི་གླིང་དུ་བབས་པ་མཐོང་ངོ ། །མཐོང་ནས་འདི་སྙམ་དུ་གྱུར་ཏོ། །ལྷ་འདི་དག་ནི་འདི་བཞིན་དུ་རྫུ་འཕྲུལ་ཆེ་བ། མཐུ་ཆེ་བ་ཡང ། བཅོམ་ལྡན་འདས་བོར་ཏེ་རང་གི་གནས་སུ་དོང་ངོ། །མི་འདི་དག་ཀྱང་ལོ་བརྒྱ་འདས་པ་དང་དུས་བྱེད། བཅོམ་ལྡན་འདས་ཀྱང་ཡོངས་སུ་མྱ་ངན་ལས་འདས་ཏེ། འདི་ལྟ་བུའི་ལོངས་སྤྱོད་ཆེན་པོ་ཡང་ཐམས་ཅད་ཀྱི་ཐམས་ཅད་དུ་མེད་པར་འགྱུར་རོ། །དེ་ལ་བཅོམ་ལྡན་འདས་ཀྱིས་ལེགས་པར་གསུངས་པ་དེ་ནི། འདུས་བྱས་ཐམས་ཅད་ནི་མི་རྟག་།མི་བརྟན། ཡིད་བརྟན་དུ་མི་རུང ། འགྱུར་བའི་ཆོས་ཅན་ཏེ། འདུས་བྱས་ཐམས་ཅད་ཀྱིས་ཆོག་གོ། སྐྱོ་བར་རིགས་སོ། །མི་འདོད་པའི་རིགས་སོ། །རྣམ་པར་གྲོལ་བར་བྱ་བར་ཤེས་ནས། ཉེ་བར་ལེན་པའི་ཕུང་པོ་ལྔ་ལ་མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཉིད་དུ་ཡིད་ལ་བྱེད་པ་ལ་ཞུགས་ཏེ། དེས་ཉེ་བར་ལེན་པའི་ཕུང་པོ་རྣམས་ལ་མི་རྟག་པ་དང ། སྡུག་བསྔལ་བ་</font><hr>Da138b<br><font size=+2>


དང ། སྟོང་པ་དང ། བདག་མེད་པར་ཡིད་ལ་བྱས་པས་ན། མི་རྟག་པའི་རྣམ་པས་འདི་བཞིན་འཇིག་ཚོགས་སུ་ལྟ་བའི་རིའི་རྩེ་མོ་ཉི་ཤུ་གྱེན་དུ་བྱུང་བ་ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །དེ་ནས་བདེན་པ་མཐོང་ཞིང་ཤེས་ཏེ། དད་པ་དང་ལྡན་པས་མྱུར་དུ་སྐྱིལ་མོ་ཀྲུང་བཤིག་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་ཕྱག་བྱས་སོ། །དེ་ནས་དགེ་སློང་མ་ཨུཏྤ་ལའི་ཁ་དོག་མས་འདི་སྙམ་དུ། བཅོམ་ལྡན་འདས་སུམ་ཅུ་རྩ་གསུམ་གྱི་ལྷའི་གནས་ནས། ཛམྦུའི་གླིང་དུ་བབས་ན། དེ་ལ་ཐབས་ཅི་ཞིག་གིས་བདག་གིས། བཅོམ་ལྡན་འདས་ལ་ཐོག་མར་ཕྱག་བྱ། དེ་སྟེ་འདི་བཞིན་དུ་སོང་ན་ནི། དགེ་སྦྱོང་མ་མགོ་རེག་མའོ། །ཞེས་ཟེར་ནས། ཆེ་ཞིང་ཆེ་བའི་ལྷ་དང་མིས། བཅོམ་ལྡན་འདས་བསྐོར་བས་ནང་དུ་འགྲོར་ཡང་མི་སྟེར་གྱི། ཅི་ནས་བདག་ནི་རྫུ་འཕྲུལ་གྱིས་འགྲོའོ་སྙམ་བསམས་ཏེ། དེས་འཁོར་ལོས་སྒྱུར་བའི་རྒྱལ་པོའི་ཆ་ལུགས་སུ་བདག་ཉིད་མངོན་པར་སྤྲུལ་ཏེ། རིན་པོ་ཆེ་སྣ་བདུན་ནི་ཐོག་མར་དྲངས། བློན་པོ་སྟོབས་ཀྱི་མཆོག་ས་ཡ་ཕྲག་བདུན་ཅུ་རྩ་དགུས་ནི་བསྐོར། རྣམ་པ་སྣ་ཚོགས་ཀྱི་རྒྱན་གྱིས་བརྒྱན་པའི་བུ་སྟོང་གིས་ཀྱང་ཟླ་བ་ཁམ་པ་བཞིན་དུ་བསྐོར། མུ་སྟེགས་ཅན་དང ། བྲམ་ཟེ་དང ། ཕོངས་པ་དང ། དམན་པ་དང ། མི་མཆོག་སྟོང་གིས་ནི་རྗེས་སུ་འབྲང ། རྩིབ་མ་བརྒྱ་པའི་</font><hr>Da139a<br><font size=+2>


༄#། །གདུགས་ནི་སྤྱི་བོར་འཛིན། ཉི་མའི་འོད་ཟེར་སྟོང་ཤར་ཅིང་འཕྲོ་བ་དང ། ཟླ་བ་དང ། སྐར་མ་དང ། གཞལ་མེད་ཁང་མཛེས་པར་བཅས་པ་ཟིལ་གྱིས་མནན་ཅིང ། བཅོམ་ལྡན་འདས་ཀྱི་དྲུང་དུ་སོང་བ་དང ། འཁོར་དེ་དག་གིས་དགེ་སློང་མ་ཨུཏྤ་ལའི་ཁ་དོག་མ་རྒྱད་མ་ནས་མཐོང་ངོ ། །མཐོང་ནས་ཀྱང་ཡ་མཚན་དུ་གྱུར་ཏེ། མིག་ཚུགས་སུ་བལྟ་ཞིང་རྟོག་པ་སྣ་ཚོགས་སུ་གྱུར་ཏོ། །ཁ་ཅིག་ནི་ཀྱེ་རྒྱལ་པོ་འདི་ལྟ་བུ་གང་ནས་འོངས་ཞེས་སྨྲ། ཁ་ཅིག་གིས་ནི་འདི་རྒྱལ་པོའི་སའི་སྟེང་ན་འདི་ལྟ་བུ་དམག་ཕུན་སུམ་ཚོགས་པ་ནི་ག་ལ་ཡོད་ཀྱི། འདི་ནི་འཁོར་ལོས་སྒྱུར་བའི་འཇིག་རྟེན་གཞན་ནས། བཅོམ་ལྡན་འདས་ལ་ལྟ་བའི་ཕྱིར་འོངས་ཡང་དག་ཅེས་ཟེར་རོ། །དེ་དག་གིས་འཁོར་ལོས་སྒྱུར་བ་དེའི་ལོངས་སྤྱོད་དེ་ལྟ་བུ་མཐོང་ནས། ཨེ་མའོ་བདག་ཅག་ཀྱང་འདི་ལྟ་བུའི་དངོས་པོར་མངོན་པར་སྒྲུབས་ཤིག་ཅེས་ཆགས་ཏེ། དེ་དག་གིས་གོ་ཡང་ཕྱེའོ། །དེའི་དུས་ན་ཚེ་དང་ལྡན་པ་འཆར་ཀ་འཁོར་འདུས་པ་དེའི་ནང་ན་འདུག་སྟེ། དེས་སྨྲས་པ། ཀྱེ་འདི་ནི་འཁོར་ལོས་སྒྱུར་བ་མ་ཡིན་གྱི། འདི་ནི་དགེ་སློང་མ་ཨུཏྤ་ལའི་ཁ་དོག་མ་སྟེ། རྫུ་འཕྲུལ་གྱིས་བཅོམ་ལྡན་འདས་ལ་བལྟ་བའི་ཕྱིར་འོངས་སོ། །དེ་དག་གིས་སྨྲས་པ། འཕགས་པ་འདི་དགེ་སློང་མ་ཨུཏྤ་ལའི་ཁ་དོག་ཡིན་པར་ཁྱོད་ཀྱིས་ཇི་ལྟར་ཤེས། །དེས་སྨྲས་པ། ཀྱེ་</font><hr>Da139b<br><font size=+2>


ུཏྤ་ལའི་དྲི་ཤིན་ཏུ་མནམ་པས་ན། འདི་ནི་ཨུཏྤ་ལའི་ཁ་དོག་མ་སྟེ། རྫུ་འཕྲུལ་གྱིས་བཅོམ་ལྡན་འདས་ཀྱི་དྲུང་དུ་འོངས་སོ། །དེ་ནས་དགེ་སློང་མ་ཨུཏྤ་ལའི་ཁ་དོག་མས་རྫུ་འཕྲུལ་མངོན་པར་འདུས་བྱས་པ་སླར་བརྟུལ་ནས། བཅོམ་ལྡན་འདས་ག་ལ་བ་དེར་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས། དགེ་སློང་མ་ཨུཏྤ་ལའི་ཁ་དོག་མ་ལ་འདི་སྐད་ཅེས་བཀའ་སྩལ་ཏོ། །དགེ་སློང་མ་སོང་ཞིག་།ངའི་དྲུང་དུ་མ་འདུག་ཅིག་།དགེ་སློང་མས་སྟོན་པའི་སྤྱན་སྔར་རྫུ་འཕྲུལ་བྱེད་པ་ནི་མི་རིགས་པའོ། །དེ་ནས་བཅོམ་ལྡན་འདས་ཀྱིས་བསྐྲད་པ་དང ། ཕྱོགས་གཅིག་ཏུ་སོང་སྟེ་འདུག་གོ་།བཅོམ་ལྡན་འདས་ཀྱིས་དགོངས་པ། གང་སུ་ཞིག་དགེ་སློང་མ་སྟོན་པའི་སྤྱན་སྔར་རྫུ་འཕྲུལ་སྟོན་ན། ཉེས་པའི་དམིགས་ཡིན་ཏེ། དེ་ལྟ་བས་ན་དགེ་སློང་མས་སྟོན་པའི་སྤྱན་སྔར་རྫུ་འཕྲུལ་མི་བྱ་བར་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།དགེ་སློང་མས་སྟོན་པའི་སྤྱན་སྔར་རྫུ་འཕྲུལ་སྟོན་པ་མི་རིགས་ཏེ། དེ་ལྟ་བས་ན་དགེ་སློང་མས་སྟོན་པའི་སྤྱན་སྔར་རྫུ་འཕྲུལ་མ་སྟོན་ཅིག་།དགེ་སློང་མས་སྟོན་པའི་སྤྱན་སྔར་སྟོན་ན་འདས་པ་དང་བཅས་པར་འགྱུར་རོ། །དེ་ལ་ཁ་ཅིག་གིས་ནི་དགེ་སློང་མ་ཨུཏྤ་ལའི་ཁ་དོག་མའི་འཁོར་ལོས་སྒྱུར་བའི་རྒྱལ་པོའི་ལོངས་སྤྱོད་དུ་མཐོང་ནས། མིར་ཆགས་པ་སྐྱེས། </font><hr>Da140a<br><font size=+2>


༄#། །ཁ་ཅིག་ནི་ལྷ་རྣམས་ཀྱི་རྫུ་འཕྲུལ་གྱི་ལོངས་སྤྱོད་དུ་མཐོང་ནས། ལྷ་རྣམས་སུ་ཆགས་པ་སྐྱེས་སོ། །དེ་ནས་བཅོམ་ལྡན་འདས་ཀྱིས་ལྷ་དང་མིར་སྐྱེ་བ་ལས་བཟློག་པའི་ཕྱིར། འཁོར་དེ་དག་ལ་འདི་ལྟ་བུས་ཆོས་བཤད་དོ། །གང་གིས་དེ་ཐོས་པ་ན་ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་དུ་བྱས་སོ། །ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ། ཁ་ཅིག་གིས་ནི་རང་བྱང་ཆུབ་ཏུ། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་དྲོད་དུ་གྱུར་བའི་དགེ་བའི་རྩ་བ་རྣམས་བསྐྱེད་དོ། །ཁ་ཅིག་གིས་ནི་སྤྱི་བོ། ཁ་ཅིག་གིས་ནི་བཟོད་པ་ཆུང་ངུ་དང ། འབྲིང་པོར་བསྐྱེད་དོ། །འཁོར་དེ་དག་ལས་ཕལ་ཆེར་ནི་སངས་རྒྱས་ལ་གཞོལ། ཆོས་ལ་འབབ། དགེ་འདུན་ལ་རབ་ཏུ་བབ་པར་བཀོད་དོ། །དེ་ནས་བཅོམ་ལྡན་འདས་ཀྱིས། དེ་ལྟ་བུའི་ཕྱིར་ཚིགས་སུ་བཅད་དེ་གསུངས་པ། ས་རྣམས་གཅིག་གིས་ཐོབ་པ་དང ། །ལྷ་རྣམས་སུ་ཡང་འགྲོ་བ་དང ། །ཡང་ན་ཏིང་ངེ་འཛིན་ཐོབ་པ་བས། །རྒྱུན་དུ་ཞུགས་པའི་འབྲས་བུ་མཆོག་།དེ་ནས་བཅོམ་ལྡན་འདས་ཀྱིས། འཁོར་དེ་དག་ལ་ཆོས་ཀྱི་གཏམ་གྱིས་ཡང་དག་པར་</font><hr>Da140b<br><font size=+2>


བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བ་བསྐྱེད་དེ། གདན་ལ་བཞེངས་ཏེ་བཞུད་པ་དང ། དགེ་སློང་དག་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་འཆར་ཀས་ཨུཏྤ་ལའི་ཁ་དོག་མ་དྲི་ལས་རྟོགས་པ་ལ་གཟིགས། ཞེས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་མ་ཡིན་གྱི། འདི་ལྟར་འདས་པའི་དུས་ན་ཡང་འཆར་ཀས་དྲི་ལས་རྟོགས་སོ། །དེ་བས་ན་ཉོན་ཅིག་།དགེ་སློང་དག་སྔོན་བྱུང་བ་ན། ཡུལ་འཁོར་མོ་འཇིག་གི་གྲོང་ཁྱེར་ན། དེད་དཔོན་གཞན་ཞིག་གནས་ཏེ། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱོད་པ་ན། ཆུང་མ་སེམས་ཅན་དང་ལྡན་པར་གྱུར་ཏོ། །དེད་དཔོན་དེ་ཡང་རྒྱ་མཚོ་མཆིང་རྣམས་ཆེན་པོར་ཆས་ནས། དེས་དེ་ལ་བཟང་མོ་བདག་ནི་ཟོང་ཁྱེར་ཏེ་ཡུལ་གཞན་དུ་འགྲོའི། ཁྱིམ་གྱི་བྱ་བ་ལ་བག་ཡོད་པར་བྱོས་ཤིག་།ཅེས་སྨྲས་པ་དང ། དེས་ཇོ་བོ་དེ་སྟེ་དེ་ལྟར་ན་བདག་ཀྱང་མཆི་ཡི་ཁྲིད་ཅེས་ཟེར་རོ། །དེས་བཟང་མོ་ཁྱོད་ལ་དེ་ན་སུ་ཞིག་གཡོག་བྱེད། ཅེས་སྨྲས་པ་དང ། དེ་ངུ་ཞིང་འདུག་ནས་གཡོག་པོ་དག་གིས། དེད་དཔོན་ཅིའི་ཕྱིར་ན་འདི་ལྟར་དེད་དཔོན་གྱི་བཙུན་མོ་ངུ་ཞེས་སྨྲས་པ་དང ། དེས་འདི་ཡང་བདག་དང་ལྷན་ཅིག་ཏུ་འགྲོ་བར་འདོད་དོ། །དེ་</font><hr>Da141a<br><font size=+2>


༄#། །བདག་གིས་མ་ཁྲིད་དེ། དེ་དེའི་ཕྱིར་ན་ངུ་ཞིང་འདུག་གོ་།ཞེས་སྨྲས་པ་དང ། དེ་དག་གིས་དེད་དཔོན་དེ་སྟེ། དེ་བཞིན་ཅིའི་ཕྱིར་མ་བཀྲི། དེ་ན་སུ་ཞིག་འདི་ལ་གཡོག་བྱེད། དེད་དཔོན་དེ་ལྟ་བས་ན་ཉེས་པ་མེད་ཀྱི་ཁྲིད་ཅིག་དང ། བདག་ཅག་གིས་གཡོག་བྱའོ། །ཞེས་སྨྲས་པ་དང ། དེས་དེ་ཁྲིད་དེ་རིམ་བཞིན་དོང་པ་ལས་རྒྱ་མཚོ་མཆིང་རྣམས་ཆེན་པོའི་ནང་དུ་ཞུགས་སོ། །དེ་དག་རྒྱ་མཚོ་མཆིང་རྣམས་ཆེན་པོར་ཞུགས་པ་དང ། གྲུ་བོ་ཆེ་ཆུ་སྲིན་ཉ་ལྟ་བུས་མི་རིགས་པར་བཟློག་པས་ན། དེ་དེར་དུས་ལས་འདས་སོ། །དེའི་ཆུང་མ་དི་ཤིང་ལེབ་གཅིག་ལ་འཇུས་ཏེ། རླུང་གིས་རིམ་བཞིན་དུ་ཕུལ་བས། གླིང་ཀ་ཤེ་རུར་ཕྱིན་པ་དང ། དེ་ན་བྱའི་རྒྱལ་པོ་གཤོག་བཟང་གནས་ཏེ། དེས་དེའི་ཆུང་མར་བླངས་སོ། །དེ་ཟླ་བ་དགུ་འདས་པ་དང་བཙས་ན་བུ་ཕོ་ཞིག་བྱུང་སྟེ། གཟུགས་བཟང་ཞིང་བལྟ་ན་སྡུག་པ་བཟང་པོ་ཞིག་གོ་།དེ་ནས་ཡང་བྱའི་རྒྱལ་པོ་གཤོག་བཟང་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་དག་རྩེ་དགའ་ཡོངས་སུ་སྤྱད་པ་ལས། བུ་འདབ་གཤོག་བཟང་པོ་ཞིག་བཙས་ཏེ། དེ་ནས་དུས་ཕྱི་ཞིག་ན། བྱའི་རྒྱལ་པོ་གཤོག་བཟང་དུས་ལས་འདས་པ་དང ། བྱ་མང་པོ་འདུས་ནས་གཤོག་བཟང་འདས་པའི་སྐྱིན་པར་བུ་རྒྱལ་པོར་བཅུག་གོ་།དེ་ལ་མས་བུ་ཁྱོད་ནི་ཕའི་སྐྱིན་པར་རྒྱལ་པོར་བཅུག་ན། ཁྱོད་ཀྱི་ཕུ་བོ་འདི་འཁོར་མོ་འཇིག་གི་རྒྱལ་པོར་</font><hr>Da141b<br><font size=+2>


ཆུག་ཅིག་ཅེས་སྨྲས་པ་དང ། དེས་སྨྲས་པ། དེ་ལྟར་གཞུག་པར་བྱའོ། །དེའི་དུས་ན་འཁོར་མོ་འཇིག་གི་རྒྱལ་པོ་ཚངས་བྱིན་ཞེས་བྱ་བ་ཞིག་བྱེད་དེ། དེ་འབྱོར་པ་དང ། རྒྱས་པ་དང ། བདེ་བ། ལོ་ལེགས་པ། མི་ལ་སོགས་པ་སྐྱེ་བོ་མང་པོ་དང་ལྡན་པ། འཐབ་པ་དང ། རྩོད་པ་དང ། འཁྲུག་པ་དང ། མི་འདུམ་པ་རྣམས་རབ་ཏུ་ཞི་བ། འཕྲོག་རློམ་དང ། ནད་དང་བྲལ་བ། འབྲས་དང་བུ་རམ་ཤིང་དང ། ཕྱུགས་དང ། མ་ཧེར་ལྡན་པ་ཆོས་ཀྱི་རྒྱལ་པོ་ཆོས་བཞིན་དུ་རྒྱལ་པོ་བྱེད་དོ། །དེ་དོན་བྱེད་པའི་ཕྱིར་འདུག་པ་ལས་བྱའི་རྒྱལ་པོ་གཤོག་བཟང་གི་སྤར་མོས་ལག་ནས་བཟུང་སྟེ།་རྒྱ་མཚོ་ཆེན་པོར་བོར་ནས་ཕུ་བོ་དེ་རྒྱན་ཐམས་ཅད་ཀྱིས་བརྒྱན་ཏེ། སེང་གེའི་གདན་དེ་ལ་བཞག་གོ་།དེ་ནས་བློན་པོ་དག་ལ་ཀྱེ་འདི་ནི་ཁྱོད་ཀྱི་རྒྱལ་པོ་ཡིན་ཏེ། འདི་ལ་གང་གིས་ཉེས་པ་ཅུང་ཟད་ཅིག་བྱས་ན། དེ་ལ་བདག་གིས་འདི་འདྲ་བའི་གནས་སུ་བྱའོ། །ཞེས་སྨྲས་པ་དང ། དེ་དག་སྐྲག་སྟེ། དེའི་ཚིག་བཞིན་མཉན་པར་གྱུར་ཏོ། །དེ་དག་གིས་དེ་སུ་ལ་ཡང་མ་སྨྲས་པས། འཇིག་རྟེན་པ་དག་ནི་དེ་ཉིད་ཚངས་བྱིན་ཡིན་པར་ཤེས་སོ། །དེས་བྱའི་རྒྱལ་པོ་ལ་ནུ་བོ་ཁྱོད་ཀྱིས་བདག་དུས་དུས་སུ་ལྟོས་ཤིག་།ཅེས་སྨྲས་པ་དང ། དེས་ཀྱང་ལེགས་ཀྱི།་བལྟའོ་ཞེས་སྨྲས་སོ། །དེ་ནས་དུས་ཕྱི་ཞིག་ན། རྒྱལ་པོ་ཚངས་བྱིན་གྱི་བ་གླང་མོ་བེའུ་བྱུང་བར་གྱུར་ཏེ། དེའི་བེའུ་མངལ་གྱི་སྒོར་ཐོགས་ནས། བློན་པོ་དག་གིས་རྒྱལ་པོ་ལ་</font><hr>Da142a<br><font size=+2>


༄#། །གསོལ་པ་དང ། དེས་བཙུན་མོའི་འཁོར་དུ་འཁྲིད་ལ་བཙུན་མོ་རྣམས་ཀྱིས་བདེན་པའི་ཚིག་གིས་ཟུག་རྔུ་མེད་པར་བྱོས་ཤིག་།ཅེས་སྨྲས་པ་དང ། དེས་དེའི་བཙུན་མོའི་འཁོར་དུ་ཁྲིད་པ་དང ། བཙུན་མོ་རྣམས་ཀྱིས་ཀྱང་བདེན་པའི་ཚིག་གིས་སྨོན་ལམ་བཏབ་ན། དེ་དག་གིས་ཀྱང་དེའི་ཟུག་རྔུ་དང་བྲལ་བར་མ་ནུས་ནས། དེར་སྒྲ་ཆེན་པོ་དྲག་པོ་བྱུང་བར་གྱུར་ཏེ། རྒྱལ་པོའི་ཕོ་བྲང་ནས་མི་རིང་བ་ཞིག་ན། བ་ལང་རྫི་མོ་ཞིག་གནས་པ་དེས་ཐོས་ནས་དེས་གཞན་ཞིག་ལ་རྒྱལ་པོའི་ཕོ་བྲང་ན་སྒྲ་དྲག་པོ་ཆེན་པོ་འདི་ཅི་ཞིག་ཅེས་དྲིས་པ་དང ། དེས་ཇི་ལྟར་གྱུར་པ་སྨྲས་པ། དེས་བདག་གིས་བདེན་པའི་ཚིག་གི་སྨོན་ལམ་བཏབ་སྟེ། དེའི་ཟུག་རྔུ་དབྲལ་བར་བྱའོ། །ཞེས་སྨྲས་པ་དང ། དེ་དག་གིས་བློན་པོ་དག་ལ་གསོལ་ཏེ། བློན་པོ་དག་གིས་དེ་བཙུན་མོའི་འཁོར་དུ་ཁྲིད་དེ། དེས་བདེན་པའི་ཚིག་གིས་སྨོན་ལམ་བཏབ་བོ། །དེས་བདག་ལ་ཁྱོ་གཅིག་པུར་ཟད་དེ། སྐྱེས་པ་གཉིས་པ་མེད་པར་བདེན་ན་བདེན་པའི་ཚིག་འདིས་བ་ལང་མོ་ཟུག་རྔུ་དང་མྱུར་དུ་བྲལ་བར་གྱུར་ཅིག་།ཅེས་བདེན་པའི་ཚིག་གིས་སྨོན་ལམ་བཏབ་པ་དང ། དེ་ལས་བེའུ་བྱུང་ན་མཇུག་མ་ལ་ཐོགས་པ་དང ། མོས་བགད་དེ། འདི་ཙམ་ཡང་བཟོད་པར་མ་ནུས་སོ། །བཙུན་མོ་དག་གིས་ཅི་ཞིག་།ཅེས་དྲིས་པ་དང ། དེས་སྨྲས་པ། བདག་གིས་ཁྱེའུ་ཆུང་ངུ་ཞིག་པང་བར་བླངས་</font><hr>Da142b<br><font size=+2>


ནས། དེ་གཅིན་གཅིས་པ་དང ། གཅིན་དེ་བདག་གི་མོ་མཚན་དུ་སོང་བ་བདག་གིས་དགའ་བར་ཚོར་བས། དེའི་ཕྱིར་མཇུག་མ་ཐོགས་སོ། །དེས་ཇི་ལྟར་གྱུར་པ་དེ་ཡང་སྨྲས་ནས། མཇུག་མ་ཡང་དེ་ནས་བྱུང་ངོ ། །བློན་པོ་དག་གིས་རྒྱལ་པོ་ལ། ལྷ་བལ་གླང་མོ་དེ་བེའུ་འབྲངས་ལགས་སོ། །ཞེས་གསོལ་ནས། དེ་ཟུག་རྔུ་ལས་སུས་ཕྲལ། ཞེས་སྨྲས་པ་དང ། དེ་དག་གིས་ཇི་ལྟར་གྱུར་པ་སྨྲས་ནས། རྒྱལ་པོས་བསམས་པ། གདོན་མི་ཟ་བར་བདག་གི་བཙུན་མོ་ཐམས་ཅད་ནི། ཚུལ་ཁྲིམས་ངན་པར་གྱུར་པས་ན། བལ་གླང་རྫི་མོས་བདེན་པའི་ཚིག་གིས་སྨོན་ལམ་བཏབ་པས་ཟུག་རྔུ་ལས་བྲལ་བར་བྱས་སོ། །སྙམ་དུ་རི་གནས། ཀྱེ་བལ་གླང་རྫི་མོ་དེ་ལ་དྲི་ཡི་བོས་ཤིག་ཅེས་བསྒོ་བ་དང ། དེ་དག་གིས་བོས་ནས། རྒྱལ་པོས་ཁྱོད་ཀྱིས་བལ་གླང་མོ་དེ་བདེན་པའི་ཚིག་གིས་སྨོན་ལམ་བཏབ་པས་ཟུག་རྔུ་ལས་འབྲལ་བར་བྱས་པ་བདེན་ནམ། ཞེས་སྨྲས་པ་དང ། ལྷ་མད་དོ། །རྒྱལ་པོས་གང་འདི་འདྲ་བར་གྱུར་པའི་བུ་མོ་ཡང་འདི་འདྲ་བར་འགྱུར་ཏེ། དེ་སྟེ་འདི་ལ་བུ་མོ་ཞིག་ཡོད་ན་དེ་ཆུང་མར་བླང་གི་།སྐད་ཅིག་དྲིའོ་སྙམ་བསམས་ནས། ཁྱོད་ལ་བུ་མོ་ཡོད་དམ། ཞེས་སྨྲས་པ་དང ། ལྷ་མཆིས་སོ། །མིང་ཅི། ལྷ་མིང་ནི་ཤོ་ཤུམ་པའོ། །མ་མ། སུ་ལ་བྱིན་ནམ། མ་བྱིན། ལྷ། སུ་ལ་ཡང་མ་སྩལ་ཏོ། །མ་མ་དེ་སྟེ་དེ་ལྟར་ན་ང་ལ་ཕུལ་ཅིག་།ཆུང་མར་བླང་ངོ ། །ལྷ་གསོལ་ལོ། །དེ་དེས་བྱིན་པ་དང ། རྒྱལ་པོས་དཔལ་ཆེན་པོའི་ཚོགས་དང་སྦྱར་</font><hr>Da143a<br><font size=+2>


༄#། །ཏེ་བག་མར་བླངས་སོ། །རྒྱལ་པོས་དེ་སྟེ་འདི་བཙུན་མོ་དག་གི་འཁོར་འདིར་བཞག་ན་ནི་ཚུལ་ཁྲིམས་ངན་པ་ཅན་དུ་གདོན་མི་ཟ་བར་འགྱུར་རོ། །སྙམ་དུ་བསམ་ནས། དེས་བྱའི་རྒྱལ་པོ་གཤོག་བཟང་ལ་ཇི་ལྟར་གྱུར་པ་སྨྲས་ནས། ཁྱོད་ཀྱིས་འདི་ཉིན་པར་ནི། ཀ་ཤི་རུའི་གླིང་དུ་ཁྲིད་ལ་མཚན་མོ་ཁྲིད་དེ་ཤོག་ཅིག་ཅེས་བསྒོའོ། །དེ་ན་རེ། ལེགས་ཀྱི་དེ་བཞིན་བགྱིའོ། །ཞེས་སྨྲས་ནས། དེ་དེས་བྱ་གཤོག་བཟང་ལ་བསྐྲི་ནས། འདི་ལྟར་ཕར་ཁྲིད་ལ་ཚུར་ཁྲིད་དེ་ཤོག་ཅིག་།དེ་ཉིན་པར་ནི་ཀ་ཤི་རུའི་གླིང་དུ་ཁྲིད། མཚན་མོ་ནི་འཁོར་མོ་འཇིག་ཏུ་ཁྲིད་ཅིང་འོང་ངོ ། །ཀ་ཤི་རུའི་གླིང་ན་མེ་ཏོག་ཏྲི་མ་རི་ཞེས་བྱ་བ་དྲི་ཞིམ་པོ་ཞིག་ཡོད་དེ། མོས་དེ་ཕྲེང་བར་བརྒྱུས་ཏེ། རྒྱལ་པོ་ཚངས་བྱིན་ལ་ཉིན་གཅིག་བཞིན་བསྐུར་རོ། །འཁོར་མོ་འཇིག་ན་བྲམ་ཟེའི་ཁྱེའུ་གཞན་ཞིག་གནས་ཏེ། དེ་དུས་ཕྱི་ཞིག་ན་ཡམ་ཤིང་གི་ཕྱིར་ནགས་སུ་སོང་བ་དང ། དེ་དེར་མིའམ་ཅི་མོ་ཞིག་གིས་མཐོང་ནས་དེ་བྲག་ཕུག་ཏུ་བཅུག་སྟེ་བཞག་གོ་།མི་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །ནམ་མིའམ་ཅི་མོ་མེ་ཏོག་དང ། འབྲས་བུའི་ཕྱིར་འགྲོ་བ་དེ་ན། བྲག་ཕུག་གི་སྒོ་བྲམ་ཟེའི་ཁྱེའུས་བསྐྱོད་མི་ནུས་པའི་རྡོ་ལེབ་ཆེན་པོས་འགེབས་སོ། །ཇི་ཙམ་ན་དེ་ལ་བྲམ་ཟེའི་ཁྱེའུ་དེའི་བུ་ཞིག་བཙས་ན། དེ་གར་འགྲོ་ཡང་མྱུར་དུ་འགྲོ་བས་ན། དེའི་མིང་མྱུར་འགྲོར་བཏགས་སོ། །བྲམ་ཟེའི་ཁྱེའུ་</font><hr>Da143b<br><font size=+2>


དེས་དེའི་མདུན་ན་རྟག་ཏུ་ཡུལ་འཁོར་མོ་འཇིག་གི་ཡོན་ཏན་བརྗོད་དེ། བུ་འཁོར་མོ་འཇིག་གི་གྲོང་ཁྱེར་ན་ཡོན་ཏན་འདི་དག་དང་འདི་ལྟ་བུའི་ཡོན་ཏན་ཡོད་དོ་ཞེས་བརྗོད་པ་དང ། དེས་ཕ་ཁྱོད་ཡུལ་གང་ཡིན་ཞེས་དྲིས་པ་དང ། དེས་བདག་ནི་ཡུལ་འཁོར་མོ་འཇིག་ན་སྐྱེས་སོ། །ཞེས་སྨྲས་པ་དང ། ཕ་དེ་ལྟར་ལགས་ན་ཅིའི་ཕྱིར་མི་འབྲོས། ཞེས་སྨྲས་པ་དང ། དེས་ཁྱོད་ཀྱི་མ་མེ་ཏོག་དང་འབྲས་བུའི་ཕྱིར་འགྲོ་བ་དེའི་ཚེ་བྲག་ཕུག་གི་སྒོ་འདི་རྡོ་ལེབ་ཆེན་པོས་བཀབ་ཅིང་འགྲོ་སྟེ། འདི་ནི་ངས་བསྐྱོད་པར་མི་ནུས་ན་ཇི་ལྟ་འབྲོས་ཞེས་སྨྲས་པ་དང ། །དེས་ཕ་བདག་གིས་དབྱེའོ། །བུ་ལེགས་སོ། །དེས་རྡོ་བ་ལ་གོམས་པར་བྱའོ། །ཞེས་ཟེར་ཞིང་ཉི་མ་གཅིག་ནི་རྡོ་བ་ཆུང་ངུ་ཞིག་བཏེག་གོ་།གཉིས་པ་ནི་དེ་བས་ཆེའོ། །གསུམ་པ་ནི་དེ་བས་ཀྱང་ཤིན་ཏུ་ཆེ་སྟེ།་འདི་བཞིན་དུ་རྡོ་ལེབ་དེ་ནམ་འདེགས་ནུས་ཀྱི་བར་དུ་གོམ་པར་བྱེད་དོ། །དེ་ནས་དེས་ཕ་རྡོ་ལེབ་དོར་གྱི་བྲོས་ཏེ་བཞུད་དོ། །ཞེས་སྨྲས་པ་དང ། དེས་བུ་འདི་ལྟར་ཁྱོད་ཀྱི་མ་མེ་ཏོག་དང ། འབྲས་བུའི་ཕྱིར་སོང་བ་ལས། སླར་མྱུར་དུ་འོང་གི་མི་འབྲོས་སོ། །ལམ་དུ་ཕྲད་པ་དང ། གདོན་མི་ཟ་བར་ཡུ་བུ་ཅག་།དོན་མེད་པར་བྱའོ། །ཞེས་སྨྲས་པ་དང ། དེས་ཕ་ཅི་ནས་མྱུར་དུ་མི་འཁོར་བ་དེ་ལྟར་བདག་གིས་བགྱིའོ། །ཞེས་སྨྲས་པ་དང ། བུ་ལེགས་སོ། །དེས་མེ་ཏོག་དང་འབྲས་བུ་ཁྱེར་ཏེ་འོངས་པ་དང ། དེས་དེ་ཁར་བཅུག་ཅིང་བཅུག་ཅིང་བོར་ནས། མས་བུ་ཅིའི་ཕྱིར་ཁར་བཅུག་ཅིང་</font><hr>Da144a<br><font size=+2>


༄#། །བཅུག་ཅིང་བོར། ཞེས་དྲིས་པ་དང ། དེས་སྨྲས་པ་དང ། མ་ཁྱོད་ལེ་ལོ་བྱེད་དེ། ཉེ་འཁོར་ནས། མེ་ཏོག་དང་འབྲས་བུ་ཁ་བ། སྐྱུར་བ་ཤ་སྟག་ཁྱེར་ཏེ་འོངས་པས། མི་ཞིམ་སྟེ་ཟ་མི་ནུས་ན། ལག་པས་ཀྱང་དོར་མེད། མས་བུ་དེ་སྟེ་དེ་བཞིན་ན་སང་ནི་རིང་དུ་འགྲོའོ། །ཉེ་པ་ན་ནི་ཞིམ་པོ་མེད་ཀྱི། སང་ནི་རིང་དུ་འགྲོའོ་ཞེས་སྨྲས་པ་དང ། དེས་ལེགས་ཀྱི། མ་དེ་བཞིན་དུ་གྱིས་ཤིག་དང ། ཞིམ་པོ་ནི་བཟའོ། །ཞེས་སྨྲས་སོ། །དེའི་ཕྱིར་དེ་ཉིན་རིང་མོ་ཞིག་ཏུ་སོང་ངོ ། །མྱུར་འགྲོས་ཕ་བདག་གིས་རིང་དུ་བཏང་གི་ད་ནི་འབྲོས་པའི་དུས་ལ་བབ་བོ། །ཞེས་སྨྲས་པ་དང ། དེས་སྨྲས་པ། བུ་ལེགས་ཀྱི་རྡོ་བ་བོར་ཅིག་།དེས་རྡོ་ལེབ་བོར་བ་དང ། དེ་མྱུར་འགྲོ་དང་ལྷན་ཅིག་བྲོས་ཏེ། འཁོར་མོ་འཇིག་ཏུ་ཕྱིན་པ་དང ། དེ་ཡང་མེ་ཏོག་དང ། འབྲས་བུ་ཁྱེར་ཏེ། རིང་ཞིག་ལོན་ནས་འོངས་ཏེ་བལྟས་ན། བྲག་ཕུག་སྟོང་པར་གྱུར་པ་དང ། དེ་ངུ་ཞིང་འདུག་ནས། གྲོགས་མོས་མཐོང་སྟེ། ཅིའི་ཕྱིར་ངུ་ཞེས་དྲིས་པ་དང ། དེས་ཕུ་ནུ་མོ། བྲམ་ཟེ་ཁྱེའུ་དེས་ངའི་བུ་ཡང་ཁྲིད་དེ་བྲོས་སོ། །ཞེས་སྨྲས་པ་དང ། དེས་སྨྲས་པ། དེ་ནི་མི་ཡིན་ཏེ། མིའི་ནང་ན་བདེ་བ་ནི་དེ་ལ་མྱ་ངན་ཅི་ཡོད། དེས་བདག་དང་ལྷན་ཅིག་ཏུ་མི་གནས་པའི་ཕྱིར་ནི། མྱ་ངན་མི་བྱེད་ཀྱི། བདག་གིས་དེ་ལ་འཚོ་བ་ཅུང་ཟད་ཀྱང་མ་བྱིན་ནོ། །ཕུ་ནུ་མོ་ཅི་སྟེར་རམ། བདག་གི་ལག་ཏུ་སྐུར་དང ། དེ་སྟེ་</font><hr>Da144b<br><font size=+2>


མཐོང་བ་དང་སྦྱིན་ནོ། །ཞེས་སྨྲས་སོ། །དེས་དེའི་ལག་ཏུ་པི་ཝང་གཅིག་བྱིན་ནས་སྨྲས་པ། ཕུ་ནུ་མོ་དེ་ལ་ཁྱོད་ཀྱིས་པི་ཝང་འདི་ལོང་ལ་འཚོ་བར་གྱིས་ཤིག་།རྒྱུད་ཡ་ཐོག་མ་ལ་མ་རེ་ག་ཅིག ། ཉེས་པའི་དམིགས་སུ་གྱུར་ཏ་རེ། དེས་དེ་ཁྱེར་ཏེ་སོང་ངོ ། །བྲམ་ཟེ་དེས་ཁྱེའུ་མྱུར་དུ་འགྲོ་དེ་བྲམ་ཟེ་མང་པོ་སློབ་པ་ལ་ཕུལ་ནས་བྲམ་ཟེའི་ཁྱེའུ་འདི་སློབས་ཤིག་།ཅེས་སྨྲས་ནས། དེས་དེ་ཀློག་ཏུ་བཅུག་གོ་།ཁྱེའུ་དེ་དག་གསང་སྟེ་གང་གི་དུས་ན་མི་ཀློག་པར་གྱུར་པ་དེའི་དུས་ན། ཡམ་ཤིང་ཐུར་འདོང་ངོ ། །ཅི་ཙམ་ན་ཁྱེའུ་དེ་དག་མི་ཀློག་པར་གྱུར་ནས། དེ་དག་ཡམ་ཤིང་ཐུར་དོང་པ་དང ། མྱུར་འགྲོ་དེ་ཤིན་ཏུ་རིང་པར་སོང་ནས། དེའི་མའི་གྲོགས་མོས་མཐོང་སྟེ། བུ་གཏམ་ཅི་གྲག་།ཅེས་དྲིས་པ་དང ། དེས་ཅི་འདྲ་བའི་གཏམ་ཞིག་བཀྲེས་སྐོམ་པས་གཟིར་ཏོ། །ཞེས་སྨྲས་པ་དང ། དེས་སྨྲས་པ། ཁྱོད་ཀྱི་མ་དེ་ནི་མྱ་ངན་བྱེད་དེ་ངུ་ཞིང་འདུག་ན། ཅི་དེའི་དྲུང་དུ་མི་འགྲོའམ། མ་འབར་མ་མོ་དེ་དང་ལྷན་ཅིག་ཏུ་སྨྲ་བར་མི་ནུས་སོ། །བུ་དེ་སྟེ་མི་འགྲོ་ན་ཁྱོད་ཀྱི་འཚོ་བ་ཞིག་སྦྱིན་གྱི། དེ་སུ་ལ་ཡང་མི་སྦྱིན་ཅིག་།དེ་གསོལ་ཅིག་དང ། དེ་སུ་ལ་ཡང་མི་སྦྱིན་པར་བགྱིའོ། །དེས་དེ་ལ་པི་ཝང་དེ་བྱིན་ཏེ། འདི་ལོང་ལ་འཚོ་བར་གྱིས་ཤིག་།ཉེས་པའི་དམིགས་སུ་མི་འགྱུར་བའི་ཕྱིར་རྒྱུད་ལྟག་མ་ལ་མ་རེ་ག་ཅིག་ཅེས་བསྒོ་བ་དང ། དེས་མ་ཉེས་ཀྱི་དེ་བཞིན་བགྱིའོ། །ཞེས་སྨྲས་ནས། དེས་བླངས་ཏེ་བྲམ་ཟེའི་ཁྱེའུ་དེ་དག་གི་ནང་དུ་སོང་བ་དང ། དེ་དག་གིས་ཁྱེའུ་</font><hr>Da145a<br><font size=+2>


༄#། །ཁྱོད་ཅིའི་ཕྱིར་རིང་ཞིག་ཐོགས་ཏེ་འོངས། པི་ཝང་འདི་ཡང་སུས་བྱིན། ཞེས་སྨྲས་པ་དང ། དེས་སྨྲས་པ། ཀྱེ་བདག་གི་མའི་གྲོགས་མོས་མཐོང་ནས། དེས་བདག་ལ་པི་ཝང་འདི་སྦྱིན་ནོ། །དེ་དག་གིས་ཁྱེའུ་ཁྱོད་པི་ཝང་ལེན་ཤེས་སམ་ཞེས་དྲིས་པ་དང ། དེས་ཤེས་སོ། །བལྟ་ཡི། ལོང་ཞིག་།དེས་དེ་བླངས་ཏེ། ལེན་ཅིང་གླུ་ལེན་ཏོ། །དེས་རྒྱུད་ལྟག་མ་ལ་མ་རེག་པ་དང ། དེ་དག་གིས་སྨྲས་པ། ཁྱེའུ་ཅིའི་ཕྱིར་ན་ཁྱོད་རྒྱུད་ལྟག་མ་ལ་མི་རེག་།ཅེས་དྲིས་པ་དང ། དེས་ཀྱེ་དེ་སྟེ་འདི་ལ་རེག་ན་ནི་ཉེས་པའི་དམིགས་སུ་འགྱུར་རོ། །ཞེས་སྨྲས་པ་དང ། དེ་དག་གིས་བྲམ་ཟེའི་བུ་རེག་པ་ལྟ་ན་ཉེས་པའི་དམིགས་སུ་འགྱུར་བ་ཅི་ཡོད། ཅེས་སྨྲས་ཏེ། དེ་དག་གིས་རེག་པ་དང ། དེ་དག་ཐམས་ཅད་མཆོང་རྒལ་ཞིང་གར་བྱེད་དོ། །དེ་དག་གར་བྱས་པས་འཕྱིས་པར་གྱུར་ཏེ། དེ་དག་ནུབ་ཀར་མཁན་པོའི་དྲུང་དུ་འོངས་པ་དང ། དེས་ཁྱེའུ་དག་ཅིའི་ཕྱིར་རིང་ཞིག་ལོན་ཏེ་འོངས། ཞེས་དྲིས་པ་དང ། དེ་དག་གིས་ཇི་ལྟར་གྱུར་པ་ཞིབ་ཏུ་སྨྲས་ནས། དེས་མྱུར་འགྲོ་དེ་ལ་ཁྱོད་པི་ཝང་ལེན་ཅིང་གླུ་ལེན་ཤེས་སམ། ཞེས་དྲིས་པ་དང ། འཚལ་ལོ། བྲམ་ཟེའི་ཁྱེའུ་དེ་ལྟ་བས་ན་པི་ཝང་མཉན་གྱི། ལོང་ཞིག་།དེས་དེ་ལེན་ཅིང་གླུ་བླངས་ཏེ། དེས་རྒྱུད་ལྟག་མ་ལ་མ་རེག་པ་དང ། དེས་བྲམ་ཟེའི་ཁྱེའུ་ཅིའི་ཕྱིར་རྒྱུད་ལྟག་མ་ལ་མི་རེག་།ཅེས་དྲིས་པ་དང ། དེས་སྨྲས་པ་མཁན་པོ་དེ་སྟེ། འདི་ལ་རེག་ན་ནི་</font><hr>Da145b<br><font size=+2>


ཉེས་པའི་དམིགས་སུ་འགྱུར་རོ། །དེས་བྲམ་ཟེའི་བུ་འདི་ལ་རེག་ན་ཉེས་པའི་དམིགས་སུ་འགྱུར་བ་ཅི་ཡོད་རེག་ཅིག་།ཅེས་སྨྲས་པ་དང ། དེས་རེག་པ་དང ། བྲམ་ཟེ་ཆུང་མ་དང་བཅས་ཏེ་མཆོད་རྒལ་ཞིང་གར་བྱེད་དོ། །ཁྱིམ་དེ་ཐམས་ཅད་ཀྱང་མཆོངས་པས་ཞིག་པར་གྱུར་ཏོ། །དེ་ཞིག་པས་རྫ་མའི་སྣོད་ཐམས་ཅད་ཆག་པ་དང ། བྲམ་ཟེ་དེ་ཁྲོས་ནས་བྲམ་ཟེའི་ཁྱེའུ་དེའི་མགྲིན་པ་ནས་བཟུང་སྟེ་བསྐྲད་དོ། །བསྐྲད་པ་དང ། དེ་པི་ཝང་བླངས་ཏེ། ལེན་པས་འཚོ་བ་སྦྱོར་བ་ལ་ཞུགས་སོ། །ཕྱི་ཞིག་ན་ཚོང་པ་ལྔ་བརྒྱ་རྩམ་ཞིག་རྒྱ་མཚོ་ཆེན་པོར་འདོད་པའི་ཟོང་རྣམས་སྦྱར་ཏེ། རྒྱ་མཚོ་ཆེན་པོར་ཆས་པ་དང ། དེ་དག་གིས་སྨྲས་པ། ཀྱེ་བདག་ཅག་རྒྱ་མཚོ་ཆེན་པོར་ཞུགས་པ་ན། ཡིད་སྲབ་པར་བྱས། རོལ་མོ་མཁན་ཞིག་བཀྲིའོ། །དེ་དག་ལ་གཅིག་གིས་གང་བཀྲི་ཞེས་པ་དང ། གཞན་ཞིག་གིས་བྲམ་ཟེའི་བུ་མྱུར་འགྲོ་ཞེས་བྱ་བ་བཀྲིའོ། །ཞེས་སྨྲས་སོ། །ཁ་ཅིག་གིས་ལེགས་ཀྱི་དེ་བཞིན་བྱའོ། །ཞེས་སྨྲས་ནས། དེ་དག་གིས་བྲམ་ཟེའི་བུ་མྱུར་འགྲོ་ཁྲིད་དེ་རྒྱ་མཚོ་ཆེན་པོར་ཞུགས་སོ། །དེ་ནས་རྒྱ་མཚོ་ཆེན་པོར་དོང་པ་དང ། མྱུར་འགྲོ་རོལ་མོའི་པི་ཝང་མཉན་གྱི་ལོང་ཞིག་ཅེས་སྨྲས་པ་དང ། དེས་པི་ཝང་ལེན་ཅིང་གླུ་ལེན་པ་ལ་ཞུགས་པ་ན་དེས་པི་ཝང་དེའི་རྒྱུད་ལྟག་མ་ལ་མ་རེག་ནས། ཚོང་པ་དེ་དག་གིས་ཇི་ལྟར་མྱུར་འགྲོ་རྒྱུད་ལྟག་མ་འདི་ལ་ཅིའི་ཕྱིར་མི་རེག་།ཅེས་སྨྲས་པ་དང ། ཀྱེ་དེ་སྟེ་འདི་ལ་རེག་ན་ནི་ཉེས་པའི་དམིགས་སུ་འགྱུར་རོ། །དེ་བདག་གིས་</font><hr>Da146a<br><font size=+2>


༄#། །བྲམ་ཟེའི་བུ་ཉེས་པའི་དམིགས་སུ་འགྱུར་བ་ཅི་ཞིག་ཡོད། རེག་ཅིག་ཅེས་སྨྲས་པ་དང ། དེས་རེག་པ་དང ། གྲུ་བོ་ཆེ་འཕར་ཏེ་གྲུ་བུབ་ཅིང་ཞིག་པས་ཚོང་པ་དེ་དག་དུས་ལས་འདས་སོ། །དེ་ནི་སྔོན་གྱི་ལས་ཀྱི་མཐུས་ཤིང་ལེབ་ཅིག་ཟིན་ཏེ། མྱུར་བའི་རླུང་གིས་གླིང་ཀ་ཤེར་ཕུལ་ལོ། །དེ་དེ་ན་སྐྱེད་མོས་ཚལ་གཞན་ཞིག་ན་འདུག་སྟེ། དེ་ན་མི་གཞན་ནི་མེད་ཀྱི། དེས་ཤོ་ཤུམ་པ་དེ་མཐོང་བ་དང ། དེ་དང་ལྷན་ཅིག་དུ་ཉལ་ལོ། །དེ་ཉིན་པར་ནི་མྱུར་འགྲོ་དང་ཡོངས་སུ་སྤྱོད། མཚན་མོ་ནི་རྒྱལ་པོ་ཚངས་བྱིན་དང་སྤྱོད་དོ། །དེས་བཟང་མོ་ཁྱོད་མཚན་མོ་གང་དུ་འགྲོ་ཞེས་སྨྲས་པ་དང ། དེ་དེ་དང་མཛའ་བར་འགྱུར་བས་ཐམས་ཅད་སྨྲས་ནས། དེས་སྨྲས་པ། བཟང་མོ་དེ་སྟེ། དེ་བཞིན་བདག་ཀྱང་འཁོར་མོ་འཇིག་ཏུ་ཁྲིད་ཅིག་།དེས་སྨྲས་པ། ཇོ་བོ་ལེགས་ཀྱི་བཀྲིའོ། །ཁྱོད་ཀྱི་མིང་ཅི། སྨྲོས་ཤིག་།དེས་སྨྲས་པ། བཟང་མོ་བདག་གི་མིང་ནི་མྱུར་འགྲོ་ཞེས་བྱའོ། །ཁྱོད་ཀྱི་མིང་ཅི་ཞེས་བྱ། སྨྲོས་ཤིག་།ཇོ་བོ་བདག་གི་མིང་ནི་ཤོ་ཤུམ་པ་ཞེས་བགྱིའོ། །དེས་རྡོ་བ་ལས་ཐབས་སུ་སྦྱར་བར་བརྩམས་སོ། །ཉིན་གཅིག་ནི་རྡོ་ཆུང་ངུ་ཞིག་བླངས་ཏེ། བྱ་གཤོག་བཟངས་ལ་ཞོན། ཉི་མ་གཉིས་ན་རྡོ་དེ་ཙམ་གཉིས་སོ། །ཉི་མ་གསུམ་ན་རྡོ་དེ་ཙམ་གསུམ་པོ་ནས། དེ་བཞིན་དུ་མིའི་ཚད་དང་མཉམ་པའི་བར་དུ་ཁྱེར་རོ། །དེ་ནས་མྱུར་འགྲོ་དང་ལྷན་ཅིག་ཏུ་བྱ་གཤོག་བཟང་ལ་ཞོན་ཏེ་དོང་ནས། ཤོ་</font><hr>Da146b<br><font size=+2>


ཤུམ་པ་ན་རེ། ཇོ་བོ་མིག་མ་དབྱེ། ཉེས་པ་བྱུང་ཏ་རེ་ཞེས་སྨྲས་པ་དང ། དེས་མིག་བཙུམས་ནས་ནམ་འཁོར་མོ་འཇིག་དང་ཉེ་བར་ཕྱིན་ན་དེས་སྐྱེ་བོ་མང་པོ་དག་གི་སྒྲ་ཅ་ཅོ་ཐོས་པ་དང ། དེས་བསམས་པ།་ད་ནི་ཕྱིན་གྱི། བལྟའོ། །དེས་མི་ཕྱེ་བ་དང་མིག་བྱུང་སྟེ་ལོང་བར་གྱུར་ཏོ། །ཤོ་ཤུམ་པས་དེ་སྐྱེད་མོས་ཚལ་ཏུ་བཞག་སྟེ། རྒྱལ་པོ་ཚངས་བྱིན་གྱི་བཙུན་མོ་རྣམས་ཀྱི་ནང་དུ་སོང་ངོ ། །དེ་ནས་དུས་ཕྱི་ཞིག་ན་དཔྱིད་ཀྱི་དུས་ལ་བབ་སྟེ། ཤིང་དག་ནི་ཁ་འབུས། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། ཤ་རི་ཀ་དང ། ཀོ་ཀི་ལ་དང ། འཚོ་བ་འཚོ་བྱེད་རྣམས་སྒྲ་འབྱིན་པའི་ནགས་སྟུག་པོར་རྒྱལ་པོ་ཚངས་བྱིན་བཙུན་མོས་བསྐོར་ཏེ། ཤོ་ཤུམ་པ་དང་ལྷན་ཅིག་ཏུ་སྐྱེད་མོས་ཚལ་ཏུ་དོང་པ་དང ། བྲམ་ཟེའི་བུ་མྱུར་འགྲོས་མེ་ཏོག་ཏི་མི་རའི་དྲི་མནམ་ནས། མནམས་ཏེ། དེ་འདྲ་བའི་གླུ་བླང་བར་བསམས་ནས། རླུང་གིས་སུ་ནི་བསྐྱོད་པས་དང ། །ཏི་མི་ར་ཡི་དྲི་མནམ་མོ། །གང་ན་ཤོ་ཤུམ་པ་གནས་པ། །ཀ་ཤེར་རུ་ཡི་གླིང་དག་གོ་།དེ་རྒྱལ་པོ་ཚངས་བྱིན་གྱིས་ཐོས་ནས། དེས་བཙུན་མོ་དག་ལ། ཀྱེ་འདི་ན་གླུ་ལེན་པ་སུ་ཡིན་ཚོལ་ཅིག་ཅེས་བསྒོ་བ་དང ། དེ་དག་གིས་ལྷ་མིག་དང་བྲལ་བའི་སྐྱེས་བུ་ཞིག་སྐྱེད་མོས་ཚལ་འདི་ན་གླུ་ལེན་ཅིང་མཆིས་སོ། །ཞེས་སྨྲས་སོ། །དེ་རྒྱལ་པོས་བོས་ཏེ། ཀྱེ་སྐྱེས་བུ་ཁྱེད་ཀྱིས་གླུ་བླངས་སམ། ཞེས་སྨྲས་པ་དང ། ལྷ་བདག་གིས་གླུ་བླངས་སོ། །ཀྱེ་སྐྱེས་བུ་ཡང་ལོང་ཞིག་དང་མཉན་ཏོ། །དེས་བསམས་པ། གཞན་མ་ཡིན་གྱི་</font><hr>Da147a<br><font size=+2>


༄#། །བདག་གིས་བླངས་པ་དེ་སྙན་པ་ལྟ་ཞིག་སྟེ། དེའི་ཕྱིར་རྒྱལ་པོ་ཉན་པར་འདོད་དེ། གལ་ཏེ་ཅུང་ཟད་ཐོབ་ཀྱང་སྲིད་སྙམ་ནས། དེས་གླུ་བླངས་པ། རླུང་གིས་སུ་ནི་བསྐྱོད་པས་དང ། །ཏི་མི་ར་ཡི་དྲི་མནམ་མོ། །གང་ན་ཤོ་ཤུམ་པ་གནས་པ། །ཀ་ཤེ་རུ་ཡི་གླིང་དག་གོ་།རྒྱལ་པོས། ཀྱེ་སྐྱེས་བུ་ཀ་ཤེ་རུའི་གླིང་འདི་ནས་ཇི་སྲིད་ཅེས་དྲིས་པ་དང ། དེས་ཚིགས་སུ་བཅད་དེ་སྨྲས་པ། འདི་ནས་དེའུ་དཔག་ཚད་བརྒྱའི། །རྒྱ་མཚོ་ཆེན་པོའི་ཆུ་རྣམས་ཏེ། །དེ་ན་གནས་པ་ཤོ་ཤུམ་པ། །ཀ་ཤེ་རུ་ཡི་གླིང་དག་ནའོ། །དེ་ལ་རྒྱལ་པོ་ཚངས་བྱིན་གྱིས། དེའི་ལན་ཚིགས་སུ་བཅད་དེ་སྨྲས་པ། དེ་སྟེ་བདག་གི་ཡིད་འོང་བ། །ཤོ་ཤུམ་པ་ཞེས་བྱ་བ་དེ། ཁྱོད་ཀྱིས་ངེས་པར་མཐོང་ཐོས་ན། །ལུས་ལ་མཚན་ཡོད་པ་ཡང་སྨྲོས། །དེས་ཀྱང་སླར་ཚིགས་སུ་བཅད་དེ་སྨྲས་པ། སཝ་ཏི་ཀ་ནི་བརླ་ལ་ཡོད། །དེ་ཡི་ནུ་བར་འཁྱིལ་བ་སྟེ། །ཏི་མི་ར་ཡི་མེ་ཏོག་རྣམས། །རྒྱུད་པ་ཁྱོད་ཀྱི་ཕྱིར་ཡིན་ནོ། །རྒྱལ་པོས་འདི་ཡང་འདི་ལྟར་ངན་པ་སྤྱོད་པར་གྱུར་པ་སྟེ། འདི་མི་དགོས་ཀྱི་ལོང་བ་འདི་ལ་སྦྱིན་ནོ་སྙམ་བསམ་པ་ལས། ཕྱིར་ཡང་ཁྲོས་ཏེ་ཚིགས་སུ་བཅད་དེ་སྨྲས་པ། ཤོ་ཤུམ་པ་ནི་ཁྱོད་སྦྱིན་པ། །རྒྱན་ཀུན་གྱིས་ནི་ཀླུབས་བཞིན་ཏེ། བོང་བུ་བསྐྱོན་ལ་སྦུག་ནས་ནི། གྲོང་ཁྱེར་ནས་ནི་མྱུར་དུ་དེངས། །རྒྱལ་པོ་དེ་ཁྲོས་ནས་བཞོན་པ་བོང་བུ་ལ་ཤོ་ཤུམ་པ་དང་ལྷན་ཅིག་ཏུ་བསྐྱོན་དེ་ཕྱུང་ངོ ། །དེས་ཁྲིད་དེ་ཕན་ཚུན་དུ་</font><hr>Da147b<br><font size=+2>


འཁྱམ་འཁྱམ་ནས། ཉི་མ་ནུབ་པ་དང ། རི་བྲགས་ཀྱི་གྲོང་གཞན་ཞིག་ཏུ་ཕྱིན་ཏེ། དེ་ན་ལྷ་ཁང་སྟོང་པ་ཞིག་ཏུ་གནས་སོ། །དེའི་ནུབ་མོ་མི་རྒོད་ལྔ་བརྒྱ་ཙམ་ཞིག་རི་བྲགས་ཀྱི་གྲོང་དེར་འཇོམས་སུ་ལྷགས་པ་དང ། རི་བྲགས་ཀྱི་གྲོང་ན་གནས་པའི་སྐྱེ་བོ་མང་པོ་དག་གིས་ཚོར་ནས། དེ་དག་གིས་ཀུན་ཏུ་བསྒྲགས་ཏེ། རི་བྲགས་ཀྱི་གྲོང་མི་དག་གིས་མི་རྒོད་རྣམས་བཏགས་བཅོམ་མོ། །དེ་ནས་མི་རྒོད་ཀྱི་དཔོན་པོ་དེ་མ་ཟིན་ནས། ལྷའི་ཁང་པ་དེ་ཉིད་དུ་ཞུགས་པ་དང ། རི་བྲགས་ཀྱི་གྲོང་མི་དག་གིས་ལྷའི་ཁང་པ་དེ་ཁོར་ཁོར་ཡུག་ཏུ་བསྐོར་ནས། མི་རྒོད་ཀྱི་དཔོན་པོ་དེས་སྒོ་བཅད་དོ། །རི་བྲགས་ཀྱི་གྲོང་མི་དག་གིས། ཀྱེ་འདི་ན་སུ་ཞིག་གནས། ཞེས་སྨྲས་པ་དང ། བྲམ་ཟེ་མྱུར་འགྲོས་སྨྲས་པ། ཀྱེ་བདག་ཅག་ནི་མགྲོན་པའོ། །དེ་དག་གིས་སྨྲས་པ། མི་རྒོད་འདི་ཕྱིར་ཕྱུང་ཞིག་།གྱི་ན་འདའ་ཁྱོད་ཉིད་དོན་མེད་པར་བྱས་ཏ་རེ། མི་རྒོད་ཀྱི་དེད་དཔོན་དེས། ཤོ་ཤུམ་པ་ལ་ཀྱེ་ལོང་བ་འདིས་ཅི་ཞིག་བྱ། འདི་བསྐྲད་ལ་བདག་ཅག་གཉིས་ཡོངས་སུ་སྤྱོད་དོ་ཞེས་སྨྲས་པ་དང ། དེས་ཇོ་བོ་ལེགས་ཀྱི་དེ་བཞིན་མཛོད་ཅིག་དང ། བདག་ནི་ཁྱོད་ཀྱིའོ། །ཞེས་སྨྲས་ནས། དེ་དང་མི་རྒོད་ཀྱི་དེད་དཔོན་གྱིས་ལོང་བ་དེ་ར་བའི་རྩིག་པའི་ཁ་ནས་བོར་བ་དང ། རི་བྲགས་ཀྱི་གྲོང་མི་དེ་དག་གིས་དེའི་མགོ་བཅད་དེ་བོར་རོ། །དེའི་ཕྱི་དེ་ཉིན་མི་རྒོད་ཀྱི་དེད་དཔོན་གྱིས་ཁྲིད་དེ་དོང་བ་ལས། ཆུ་བོ་ཀ་ར་ད་བར་ཕྱིན་ཏེ། རྒལ་དུ་གྲུ་མེད་ནས་དེས་བཟང་མོ་ཀ་ར་ད་བ་འདི་ནི་ཆུས་གང་བ་ལ་བརྒལ་བར་བྱ་</font><hr>Da148a<br><font size=+2>


༄#། །ན།་ཁྱོད་རྒྱན་དང་བཅས་ཏེ། བརྒལ་དུ་ནི་མི་ནུས་ཀྱི། ཁྱོད་རེ་ཞིག་ཁྲུས་བྱེད་ཅིང་འདུག་ཅིག་དང ། །ངས་རྒྱན་རྣམས་བསྐྱེལ་ལོ། །ཕྱིར་འོངས་ནས་ཕྱིས་ཁྱོད་བསྒྲལ་བར་བྱའོ། །ཞེས་སྨྲས་པ་དང ། མོས་ཇོ་བོ་ལེགས་ཀྱི་དེ་བཞིན་དུ་ཁྲུས་བྱའོ། །ཞེས་སྨྲས་ནས། དེས་དེ་ལ་གོས་དང་རྒྱན་ཐམས་ཅད་བྱིན་ཏེ། དེ་ཆུའི་ནང་དུ་ཞུགས་ཏེ་སྒྲེན་མོར་འདུག་གོ་།དེ་ཡང་ཆུའི་དབུས་སུ་ཕྱིན་པ་དང ། དེ་ལ་འདིས་བདག་གི་གོས་དང་རྒྱན་རྣམས་ཕྲོགས་ཏེ། མི་འོང་ངམ་ཞེས་འགྱོད་པ་སྐྱེས་ནས་དེས་ཚིགས་སུ་བཅད་དེ་སྨྲས་པ། ཀ་ར་ད་འདི་ཆུ་ཡིས་གང ། །བཟང་མོས་ཁྱོད་ལ་རྫས་ཀུན་བྱིན། །བདག་ནི་དོགས་སེམས་སྐྱེས་པར་གྱུར། །སྡིག་ཅན་ཁྱོད་ནི་བདག་མ་བསླུ། །དེས་ཀྱང་ཚིགས་སུ་བཅད་དེ་སྨྲས་པ། མི་ཤེས་ཁྱོད་ཀྱིས་བཤེས་རྙིང་བསད། །སྐྱེས་བུ་དེ་ནི་དོན་མེད་དོ། །དེ་བས་ཁྱོད་ལ་ཡིད་བརྟན་དཀའོ། །བདག་ཀྱང་ཁྱོད་ཀྱིས་མི་བསད་དམ། །དེས་དེ་ལ་ཕྲོགས་ཏེ་བྲོས་སོ། །དེ་ཡང་སྒྲེན་མོར་ནགས་སྟུག་པོའི་ནང་དུ་ཞུགས་ཏེ་འདུག་པ་དང ། ཇི་ཙམ་ན་ཝ་རྒན་མོ་ཞིག་ཤ་ལྟར་ལྟར་བོ་ཞིག་ཁྱེར་ཏེ། ཆུ་བོ་ཀ་ར་ད་པའི་འགྲམ་ནས་སོང་བ་དང ། ཉ་ཞིག་ཀྱང་རྒྱགས་ཆེས་པས་ཆུ་ལས་རྒལ་བ་དང ། སྐམ་ས་ལ་ལྷུང་ནས་དེས་ཤ་དེ་བོར་ཏེ་ཉའི་ཕྱིར་རྒྱུགས་པ་དང ། ཉ་ནི་ཕྱིར་ཆུ་བོ་ཀ་ར་ད་བར་ཞུགས། ཤ་དེ་ཡང་བྱའོ་ལ་བས་ཁྱེར་ནས། དེ་གཉིས་ཀ་ལས་བྲལ་བས། རྣ་བ་ཕབ་ཅིང་འགྱོད་ཅིང་</font><hr>Da148b<br><font size=+2>


འདུག་པ། ཤོ་ཤུམ་པ་རྩཝ་སྟུག་པོའི་ནང་ན་འདུག་པས་མཐོང་ནས། མོས་ཚིགས་སུ་བཅད་དེ་སྨྲས་པ། ཤ་དུམ་དེ་ནི་འོལ་བས་ཕྲོགས། །ཉ་ནི་ཆུ་བོའི་ནང་དུ་བྲོས། །གཉིས་ཀ་ལས་སུ་བྲལ་བར་གྱུར། །ཝས་ནི་མྱ་ངན་ཅི་ཞིག་བྱ། །དེས་ཕྱོགས་བཞིར་བལྟས་པ་དང ། སུ་ཡང་མ་མཐོང་སྟེ། དེ་ནས་ཚིགས་སུ་བཅད་དེ་སྨྲས་པ། མི་རྒོད་གར་ཡང་མི་བྱེད་ཅིང ། །གླུ་ལ་བདག་ནི་མི་དགའ་ན། །རྩཝ་ཡི་ནང་ན་གནས་པ་སུ། །བདག་ལ་འཕྱ་ཞིང་དགོད་པར་བྱེད། །དེས་ཞང་པོ་བདག་ནི་ཤོ་ཤུམ་པའོ། །ཞེས་སྨྲས་པ་དང ། ཝ་དེ་ཁྲོས་ཏེ་བསམས་པ། སྦྱར་མ་འདི་བདག་ལ་འཕྱ་བར་ཤེས་ནས། ཚིགས་སུ་བཅད་དེ་སྨྲས་པ། ཁྱོ་ནི་ཁྱོད་ཀྱིས་བསད་པ་ཡིན། །བྱི་བོ་དེ་ནི་བྲོས་པས་ན། །གཉིས་ཀ་ལས་ནི་བྲལ་བར་གྱུར། །སྦྱར་མ་མྱ་ངན་ཅིར་མི་བྱེད། །མོས་སླར་ཚིགས་སུ་བཅད་དེ་སྨྲས་པ། བདག་ནི་ཁྱིམ་དུ་སོང་ནས་ནི། །ཁྱོ་གཅིག་ཅིག་ནི་བླང་བར་བྱ། །དེ་ནས་ཁྱོ་གཅིག་རྙེད་པ་དང ། །རིགས་སུན་དབྱུང་བར་མི་བྱའོ། །ཝས་ཚིགས་སུ་བཅད་དེ་སྨྲས་པ། གང་གི་དུས་ན་གངྒཱ་སླར་ལོག་ཅིང ། །ཞོ་ཡི་ཁ་དོག་ཏུ་ནི་བྱ་རོག་གྱུར། །ཏ་ལ་འབྲས་བྱུང་དེ་དུས་ན། །ཁྱོད་གདོད་ཚུལ་ཁྲིམས་ལྡན་པར་འགྱུར། །ནམ་ཞིག་བྱ་རོག་འུག་པ་གཉིས། །ཤིང་གཅིག་ལ་ནི་གནས་བཅས་ནས། ། ཡིད་ནི་དགའ་བར་གྱུར་བས་ན། །དེ་དུས་ཚུལ་ཁྲིམས་ཁྱོད་ལྡན་ནོ། །ནམ་ཞིག་སྦྲུལ་དང་སྲེ་མོ་གཉིས། །ཁུང་གཅིག་ཏུ་ནི་གནས་པ་ན། །དགའ་བར་བྱེད་ཅིང་འཁོད་པ་སྟེ། །དེ་ཚེ་ཚུལ་ཁྲིམས་ཁྱོད་</font><hr>Da149a<br><font size=+2>


༄#། །ལྡན་ནོ། །ནམ་ཞིག་རུས་སྦལ་བལ་ལས་ནི། །བགོ་བ་དག་ནི་ལེགས་བྱས་ནས། །དགུན་གྱི་བགོ་བར་གྱུར་པ་ན། །དེ་ཚེ་ཚུལ་ཁྲིམས་ཁྱོད་ལྡན་ནོ། །ནམ་ཞིག་སྦྲང་བུའི་ལག་ངར་ལས། །སྐས་ཀ་རུ་ནི་ལེགས་བཅས་ཏེ། །མཐོ་རིས་འགྲོ་བའི་སྐས་བཙུགས་ན། །དེ་ཚེ་ཚུལ་ཁྲིམས་ཁྱོད་ལྡན་ནོ། །ནམ་ཞིག་ཀུ་མུད་སྡོང་བུ་ལ། །ཟམ་པ་རབ་ཏུ་ལེགས་བྱས་ནས། ། བལ་ལང་དེ་རུ་འགྲོ་བར་འགྱུར། །དེ་ཚེ་ཚུལ་ཁྲིམས་ཁྱོད་ལྡན་ནོ། །ནམ་ཞིག་རྒྱ་མཚོའི་དབུས་ནས་ཀྱང ། །ལེགས་པར་ཡང་ནི་མེ་འབར་ལ། །སྐྱེ་བོ་མང་པོ་དག་ནི་འཇུག་།དེ་ཚེ་ཚུལ་ཁྲིམས་ཁྱོད་ལྡན་ནོ། །ཤོ་ཤུམ་པ། བདག་གིས་བཞད་གད་བྱས་པ་ནི། དེར་ཟད་ན་བདག་གིས་ཁྱོད་སྔོན་གྱི་གནས་སུ་སླར་བཞག་པར་བྱ་ན། ཁྱོད་ཀྱིས་བདག་ལ་ལན་ཅི་ཞིག་བྱ། ཞེས་སྨྲས་པ་དང ། དེས་ཀྱང་ཞང་པོ་དེ་སྟེ་བདག་ཁྱོད་ཀྱིས་སྔོན་གྱི་གནས་སུ་བཞག་ན་ནི། ཁྱོད་ལ་བདག་གིས་ཉིན་རེ་ཞིང་ཤུ་དུམ་བུ་རེ་རེ་སྦྱིན་ནོ། །ཞེས་སྨྲས་པ་དང ། དེས་དེ་སྟེ་དེ་བཞིན་བཞག་གི་ལྟོས་ཤིག་།ཁྱོད་ཆུ་ཀླུང་དུ་ཞུགས་ལ་ལྐོག་མ་མན་ཆད་ཆུར་ཆུག་ལ། ཤར་ཕྱོགས་སུ་ལྟོས་ཏེ་འདུག་ཅིག་དང ། བདག་གིས་ལྷ་ལ་གསོལ་ལོ། །ཞེས་ཟེར་ཏེ། དེས་རྒྱལ་པོའི་ཕོ་བྲང་དང་ཉེ་བར་སོང་སྟེ། ལྷ་འདི་ལྟར་ཤོ་ཤུམ་པ་ནི་དགེ་ཞིང་བདེན་ཏེ། དཀའ་ཐུབ་སྤྱོད་པ་བྱེད་ཀྱི་མྱུར་དུ་འབོད་པའི་རིགས་སོ། །ཞེས་གསོལ་པ་དང ། རྒྱལ་པོ་ཚངས་བྱིན་གྱིས་ཝའི་སྐད་ལ་མཁས་ནས། དེས་བློན་པོ་ལ། ཀྱེ་ཆུ་བོ་ཀ་ར་</font><hr>Da149b<br><font size=+2>


ད་ན་ཤོ་ཤུམ་པ་དཀའ་ཐུབ་སྤྱོད་ཅིང་འདུག་གོ་།ཞེས་ཐོས་ཀྱི་དེ་ཚུར་ཁུག་ཅིག་ཅེས་བསྒོའོ། །དེ་དག་གིས་གོས་དང་རྒྱན་བསྐོན་ཏེ་འོངས་པ་དང ། རྒྱལ་པོས་སྔོན་གྱི་གནས་སུ་སླར་བཞག་གོ ། མོས་དེ་ལ་ཉི་མ་རེ་རེ་ཞིང་ཤའི་དུམ་བུ་རེ་རེ་བྱིན་ནོ། །ཇི་སྲིད་ཅིག་གི་དུས་སུ་བྱིན་ཏེ། དེ་ནས་མ་བྱིན་པ་དང ། ཝ་དེས་རྒྱལ་པོའི་ཕོ་བྲང་དང་ཉེ་བར་འདུག་ནས། ཤོ་ཤུམ་པ་དེ་སྟེ་ཁྱོད་ཀྱིས་བདག་ལ་ཤའི་དུམ་བུ་བྱིན་ན་ནི་དགེའོ། །མ་བྱིན་ན་ནི་ལེགས་པར་བརྡེགས་ལ། ཇི་ལྟར་སྔོན་གྱི་གནས་སུ་ཕྱིར་ཡང་གཞག་གོ་ཞེས་བསྡིགས་པ་དང ། མོས་ཐོས་ནས་སྐྲག་སྟེ། ཡང་དེ་ལ་ཉིན་རེ་རེ་ཞིང་ཤའི་དུམ་བུ་བྱིན་པ་ལ་ཞུགས་སོ། །དགེ་སློང་དག་འདི་ཇི་སྙམ་དུ་སེམས་གང་ཤོ་ཤུམ་པ་དེ་ནི་འདི་ལྟར་འདི་བཞིན་དེའི་དུས་ན། དགེ་སློང་མ་ཨུཏྤ་ལའི་མདོག་མའོ། །གང་མྱུར་འགྲོ་དེ་ནི་དེའི་ཚེ་དེའི་དུས་ན། འདི་ལྟར་དགེ་སློང་འཆར་ཀའོ། །དེའི་ཚེ་དེའི་དུས་ན་ཡང་འདི་ལྟར་འདིས་དྲི་ལས་ཤེས་ཏེ། ད་ལྟར་ཡང་འདིས་དྲི་ལས་ཤེས་སོ། །བཅོམ་ལྡན་འདས་ཀྱིས་དེ་སྐད་ཅེས་གསུངས་པ་དང ། དགེ་སློང་དག་བཅོམ་ལྡན་འདས་ཀྱིས་གསུངས་པ་ལ་ཡི་རང་ནས་མངོན་པར་དགའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སོ་དྲུག་པ། སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། ཆུ་བོ་འབལ་གུ་མ་ཏའི་འགྲམ་ན། དགེ་སློང་དག་འཇིམ་པའི་རིལ་བུ་དང ། ཕོ་ལོང་གི་སྦྱོར་</font><hr>Da150a<br><font size=+2>


༄#། །བས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་དུ་བྱས་པ་དེའི་ཚེ། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དེ་ལྟ་བས་ན་དགེ་སློང་དག་གིས་འདི་བཞིན་དུ་འཇིམ་པའི་རིལ་བུ་དང ། ཕོ་ལོང་གི་སྦྱོར་བ་བྱས་ཏེ། བརྩོན་པར་བྱོས་ཤིག་།ནན་ཏན་དུ་བྱོས་ཤིག་།འབད་པར་བྱོས་ཤིག་།ཇི་ལྟར་ཆུ་བོ་འབལ་གུ་མ་ཏའི་འགྲམ་ན།་དགེ་སློང་རྣམས་བརྩོན་པར་བྱས། ནན་ཏན་དུ་བྱས། འབད་པར་བྱས་པ་བཞིན་ནོ། །དགེ་སློང་དག་གིས་བརྩོན་འགྲུས་མ་གཏང་ཞིག་།དགེ་སློང་དག་གིས་བརྩོན་འགྲུས་བཏང་ན་འདས་པ་དང་བཅས་པར་འགྱུར་རོ། །སངས་རྒྱས་བཅོམ་ལྡན་འདས་གྲོ་ཏི་ཀ་ཞེས་བྱ་བའི་དྲུང་རི་ཀི་ཏིའི་ནགས་སྟུག་པོ་ན་བཞུགས་སོ། །དེའི་ཚེ་རི་ཀི་ཏིའི་དགེ་སློང་ཐ་སྐར་སྐྱེས་དང ། ནབ་སོ་དང ། དགེ་སློང་དམར་སྐྱ་རྣམས་གནས་ཏེ། དེ་དག་གིས་འདི་ལྟ་བུ་དང ། འདི་འདྲ་བ་འཐབ་པ་དང ། འཐབ་ཏུ་འཇུག་པ་དང ། ཆེད་དུ་བལྟར་འདོད་ཞིང་འཁོད་པ་དེ་འདི་ལྟ་སྟེ། བ་ལང་འཐབ་པ་དང ། རྟ་འཐབ་པ་དང ། ཤིང་རྟ་འཐབ་པ་དང ། དཔུང་བུ་ཆུང་འཐབ་པ་དང ། དབྱུག་པས་འཐབ་པ་དང ། ཁུ་ཚུར་གྱིས་འཐབ་པ་དང ། ཁྱུ་མཆོག་འཐབ་པ་དང ། མ་ཧེ་འཐབ་པ་དང ། ར་ཐུག་འཐབ་པ་དང ། ཐུག་རི་འཐབ་པ་དང ། ཁྱི་འཐབ་པ་དང ། བྱ་འབར་ཏ་ཀ་འཐབ་པ་དང ། བྱ་ལ་བ་ཀ་འཐབ་པ་དང ། བྱ་གག་འཐབ་པ་དང ། བུད་མེད་སྟོབས་འགྱེད་པ་དང ། སྐྱེས་པ་སྟོབས་</font><hr>Da150b<br><font size=+2>


འགྱེད་པ་དང ། གཞོན་ནུ་སྟོབས་འགྱེད་པ་དང ། གཞོན་ནུ་མ་སྟོབས་འགྱེད་དུ་འཇུག་པ་དང ། དད་པའི་བྲམ་ཟེ་དང ། ཁྱིམ་བདག་དག་འཕྱ་ཞིང་སྨོད། གཏམ་ངན་དུ་ཟེར་ནས། འདི་ལྟར་དགེ་སློང་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ནས། བ་ལང་འཐབ་པར་བྱེད། །བྱེད་དུ་འཇུག་པའི་དགེ་སློང་མགོ་རེག་འདི་ལ་ཅིའི་ཕྱིར་བསོད་སྙོམས་སྦྱིན་པ་དང ། མཆོད་པར་བྱ་སྙམ་དུ་བསམས་སོ། །དེ་ལྟར་གྱུར་པ་དགེ་སློང་དག་གིས། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་རྣམས་ནི་རིགས་པར་འཕྱའོ། །དེ་ལྟ་བས་ན་དགེ་སློང་དག་གིས་བ་ལང་ལ་སོགས་པ་འཐབ་ཏུ་མི་གཞུག་།བལྟ་བར་ཡང་མི་བྱའོ། །དགེ་སློང་དག་གིས་བ་ལང་ལ་སོགས་པ་འཐབ་པར་བྱེད་དམ། བྱེད་དུ་འཇུག་གམ། བལྟས་ན་འདས་པ་དང་བཅས་པར་འགྱུར་རོ། །སྡོམ་ནི། བཙའ་ཞུགས་པ་དང་དགེ་སློང་མ། །ཡོངས་སུ་དྲིས་པ་སྨྲས་པའོ། །ལས་རྣམས་དག་ཀྱང་བྱ་བ་སྟེ། སླར་བབས་པ་ཡི་དགེ་སློང་མ། ། སངས་རྒྱས་བཅོམ་ལྡན་འདས་སེར་སྐྱའི་གནས་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་ཏེ། དེ་ནས་གོའུ་ཏ་མི་སྐྱེ་དགུའི་བདག་མོ་ཆེན་མོ་ཤཱཀྱ་མོ་ལྔ་བརྒྱ་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། གོའུ་ཏ་མི་སྐྱེ་དགུའི་བདག་མོ་ཆེན་མོ་ལ། </font><hr>Da151a<br><font size=+2>


༄#། །བཅོམ་ལྡན་འདས་ཀྱིས་ཆོས་ཀྱི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་སོ། །རྣམ་གྲངས་དུ་མར་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ཏེ། ཅང་མི་གསུང་བ་དང ། གོའུ་ཏ་མིའི་སྐྱེ་དགུའི་བདག་མོ་ཆེན་མོ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་སྟེ་བུད་མེད་རྣམས་ཀྱིས་དགེ་སྦྱོང་གི་འབྲས་བུ་བཞི་ཐོབ་པའི་སྐབས་མཆིས་ན། བུད་མེད་རྣམས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་སྟེ། བསྙེན་པར་རྫོགས་ནས།་དགེ་སློང་མའི་དངོས་པོ་སྤྱོད་ཅིང ། བུད་མེད་རྣམས་བཅོམ་ལྡན་འདས་ཀྱི་དྲུང་ན་ཚངས་པར་སྤྱད་པ་སྤྱོད་དུ་གསོལ་ཞེས་གསོལ་པ་དང ། བཅོམ་ལྡན་འདས་ཀྱིས་སྐྱེ་དགུའི་བདག་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ། །གོའུ་ཏ་མི་ཁྱོད་འདི་ལྟར་ཁྱིམ་པ་མོའི་གོས་དཀར་པོ་གྱོན་ལ་ནམ་འཚོའི་བར་དུ་དེ་འབའ་ཞིག་ལ་ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱད་པ་སྤྱོད་ཅིག་དང ། ཁྱོད་ལ་ཡུན་རིང་པོའི་དོན་དང ། ཕན་པ་དང ། བདེ་བར་འགྱུར་རོ། །གོའུ་ཏ་མི་སྐྱེ་དགུའི་བདག་མོ་ཆེན་མོས་ལན་གཉིས་</font><hr>Da151b<br><font size=+2>


ལན་གསུམ་དུ་ཡང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་སྟེ་བུད་མེད་ཀྱིས་དགེ་སྦྱོང་གི་འབྲས་བུ་བཞི་ཐོབ་པའི་སྐབས་མཆིས་ན། བུད་མེད་རྣམས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་སྟེ། བསྙེན་པར་རྫོགས་ནས་དགེ་སློང་མའི་དངོས་པོ་སྤྱོད་ཅིང ། བུད་མེད་རྣམས་བཅོམ་ལྡན་འདས་ཀྱི་དྲུང་དུ་ཚངས་པར་སྤྱད་པ་སྤྱོད་དུ་གསོལ་ཞེས་གསོལ་པ་དང ། བཅོམ་ལྡན་འདས་ཀྱིས་ལན་གཉིས་ལན་གསུམ་དུ་ཡང ། གོའུ་ཏ་མི་སྐྱེ་དགུའི་བདག་མོ་ཆེན་མོ་ལ་གོའུ་ཏ་མི་ཁྱོད་འདི་ལྟར་ཁྱིམ་པ་མོའི་གོས་དཀར་པོ་གྱོན་ལ་ནམ་འཚོའི་བར་དུ་དེ་འབའ་ཞིག་ལ་ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བར་ཚངས་པར་སྤྱད་པ་སྤྱོད་ཅིག་དང ། ཁྱོད་ལ་ཡུན་རིང་པོའི་དོན་དང ། ཕན་པ་དང་བདེ་བར་འགྱུར་རོ་ཞེས་བཀའ་སྩལ་པ་དང ། དེ་ནས་གོའུ་ཏ་མི་སྐྱེ་དགུའི་བདག་མོ་ཆེན་མོས། བཅོམ་ལྡན་འདས་ཀྱིས་ལན་གཉིས་ལན་གསུམ་དུ་མ་གནང་བ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ནས། བཅོམ་ལྡན་འདས་ཀྱི་དྲུང་ནས་སོང་ངོ ། །དེ་ནས་བཅོམ་ལྡན་འདས་ཀྱིས་སེར་སྐྱའི་གནས་ན་ཇི་སྲིད་དགྱེས་ཀྱི་བར་དུ་བཞུགས་ནས། ལྷུང་བཟེད་དང་ཆོས་གོས་བསྙམས་ཏེ། ཡུལ་ན་ཏི་ཀ་གང་ན་བ་དེར་རྒྱུ་ཞིང་གཤེགས་པ་དང ། གོའུ་ཏ་མི་སྐྱེ་དགུའི་བདག་མོ་ཆེན་མོས་བཅོམ་ལྡན་འདས་སེར་སྐྱའི་གནས་ན་ཇི་སྲིད་དགྱེས་ཀྱི་བར་དུ་བཞུགས་</font><hr>Da152a<br><font size=+2>


༄#། །ནས།་ལྷུང་བཟེད་དང་ཆོས་གོས་བསྣམས་ཏེ། ཡུལ་ན་དི་ཀ་གང་ན་བ་དེར་རྒྱུ་ཞིང་གཤེགས་པ་ཐོས་སོ། །དེ་ལྟར་ཐོས་པ་དང ། ཤཱཀྱ་མོ་ལྔ་བརྒྱ་དང་ལྷན་ཅིག་ཏུ་རང་གིས་མགོ་བྲེགས་ཏེ་ཆོས་གོས་སྦྱར་མ་གྱོན་ཏེ། བཅོམ་ལྡན་འདས་ཀྱི་དགོངས་མལ་དུ་རྗེས་བཞིན་འབྲང་ཞིང་དོང་ངོ ། །དེ་ནས་བཅོམ་ལྡན་འདས་ཀྱིས་ཡུལ་བྲི་ཛི་ནས་ལྗོངས་རྒྱུ་ཞིང་ན་དི་ཀར་བྱོན་ཏེ་ན་དི་ཀའི་ཀུ་ཛི་ཀའི་གནས་ན་བཞུགས་སོ། །དེ་ནས་གོའུ་ཏ་མི་སྐྱེ་དགུའི་བདག་མོ་ཆེན་མོ་ལུས་ངལ། ལུས་ཆད། ལུས་དུབ་སྟེ། རྡུལ་གྱིས་ལུས་ལ་ཕོག་བཞིན་དུ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། གོའུ་ཏ་མི་སྐྱེ་དགུའི་བདག་མོ་ཆེན་མོ་ནི། བཅོམ་ལྡན་འདས་ཀྱིས་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ཏེ། རྣམ་གྲངས་དུ་མར་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་འགའ་བར་བྱས་ཏེ། ཅང་མི་གསུང་བར་བཞུགས་པ་དང ། གོའུ་ཏ་མི་སྐྱེ་དགུའི་བདག་མོ་ཆེན་མོས་སྟན་ལས་ལས་ཏེ། བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་འདི་</font><hr>Da152b<br><font size=+2>


སྐད་ཅེས་གསོལ་ཏོ། །བཙུན་པ་དེ་སྟེ་བུད་མེད་རྣམས་ཀྱིས་དགེ་སྦྱོང་གི་འབྲས་བུ་བཞི་ཐོབ་པའི་སྐབས་མཆིས་ན། བུད་མེད་རྣམས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་སྟེ། བསྙེན་པར་རྫོགས་ནས་དགེ་སློང་མའི་དངོས་པོར་སྤྱོད་ཅིང ། བུད་མེད་རྣམས་བཅོམ་ལྡན་འདས་ཀྱི་དྲུང་ན་ཚངས་པར་སྤྱད་པ་སྤྱོད་དུ་གསོལ་ཞེས་གསོལ་པ་དང ། བཅོམ་ལྡན་འདས་ཀྱིས་གོའུ་ཏ་མི་སྐྱེ་དགུའི་བདག་མོ་ཆེན་མོ་ལ། གོའུ་ཏ་མི་ཁྱོད་འདི་ལྟར་འདྲི་བཞིན་དུ་ནམ་འཚོའི་བར་དུ་མགོ་བྲེགས་ཏེ་སྦྱར་མ་གྱོན་ལ། དེ་འབའ་ཞིག་ཡོངས་སུ་རྫོགས་པ། ཡོངས་སུ་དག་པ།་ཡོངས་སུ་བྱང་བར་ཚངས་པར་སྤྱད་པ་སྤྱོད་ཅིག་དང ། ཁྱོད་ལ་ཡུན་རིང་པོའི་དོན་དང ། ཕན་པ་དང་བདེ་བར་འགྱུར་རོ་ཞེས་བཀའ་སྩལ་ཏོ། །གོའུ་ཏ་མི་སྐྱེ་དགུའི་བདག་མོ་ཆེན་མོས་ལན་གཉིས་ལན་གསུམ་དུ་ཡང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་སྟེ་བུད་མེད་ཀྱིས་དགེ་སྦྱོང་གི་འབྲས་བུ་བཞི་ཐོབ་པའི་སྐབས་མཆིས་ན། བུད་མེད་རྣམས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས། དགེ་སློང་མའི་དངོས་པོར་སྤྱོད་ཅིང ། བུད་མེད་རྣམས་བཅོམ་ལྡན་འདས་ཀྱི་དྲུང་ན་ཚངས་པར་སྤྱད་པ་སྤྱོད་དུ་གསོལ་ཞེས་དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ལན་གཉིས་ལན་གསུམ་དུ་ཡང ། གོའུ་ཏ་མི་སྐྱེ་དགུའི་བདག་མོ་ཆེན་མོ་ལ། གོའུ་ཏ་མི་ཁྱོད་ཀྱིས་འདི་ལྟར་འདི་བཞིན་དུ་ནམ་འཚོའི་</font><hr>Da153a<br><font size=+2>


༄#། །བར་དུ་མགོ་བྲེགས་ཏེ་སྦྱར་མ་གྱོན་ལ་དེ་འབའ་ཞིག་ཡོངས་སུ་རྫོགས་པ་དང ། ཡོངས་སུ་དག་པ་དང ། ཡོངས་སུ་བྱང་བར་ཚངས་པར་སྤྱད་པ་སྤྱོད་ཅིག་དང ། ཁྱོད་ལ་ཡུན་རིང་པོའི་དོན་དང ། ཕན་པ་དང་བདེ་བར་འགྱུར་རོ། །གོའུ་ཏ་མི་སྐྱེ་དགུའི་བདག་མོ་ཆེན་མོ་ལ་ལན་གཉིས་ལན་གསུམ་གྱི་བར་དུ་བཅོམ་ལྡན་འདས་ཀྱིས་མ་གནང་བ་དང ། ཕྱི་རོལ་གྱི་སྒོ་ཁང་གི་ཕྱོགས་གཅིག་ཏུ་འདུག་སྟེ། ངུ་ཞིང་མཆི་མ་འབྱིན་ཏོ། །ཚེ་དང་ལྡན་པ་ཀུན་དགའ་བོས་གོའུ་ཏ་མི་སྐྱེ་དགུའི་བདག་མོ་ཆེན་མོ་ཕྱི་རོལ་གྱི་སྒོ་ཁང་གི་ཕྱོགས་གཅིག་ཏུ་འདུག་ནས། ངུ་ཞིང་མཆི་མ་ཕྱུང་བ་མཐོང་ངོ ། །དེ་ལྟར་མཐོང་བ་དང ། གོའུ་ཏ་མི་སྐྱེ་དགུའི་བདག་མོ་ཆེན་མོ་ལ། གོའུ་ཏ་མི་ཁྱོད་ཅིའི་ཕྱིར་ན། ཕྱི་རོལ་གྱི་སྒོ་ཁང་གི་ཕྱོགས་གཅིག་ཏུ་འདུག་ལ། ངུ་ཞིང་མཆི་མ་འབྱིན་ཅེས་སྨྲས་པ་དང ། བཙུན་པ་ཀུན་དགའ་བོ་འདི་ལྟར་བུད་མེད་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་བསྙེན་པར་རྫོགས་ཏེ། དགེ་སློང་མའི་དངོས་པོར་མ་གནང་ངོ ། །གོའུ་ཏ་མི་དེ་ལྟར་ན་སྡོད་ཅིག་དང ། ངས་བཅོམ་ལྡན་འདས་ལ་གསོལ་ལོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་གང་ན་བ་དེར་སོང་སྟེ་དྲུང་དུ་ཕྱིན་པ་དང།་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་བཙུན་</font><hr>Da153b<br><font size=+2>


པ་དེ་སྟེ། བུད་མེད་རྣམས་དགེ་སྦྱོང་གི་འབྲས་བུ་བཞི་ཐོབ་པའི་སྐབས་མཆིས་ན། བུད་མེད་རྣམས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས། དགེ་སློང་མའི་དངོས་པོར་སྤྱད་ཅིང ། བཅོམ་ལྡན་འདས་ཀྱི་དྲུང་ན་བུད་མེད་རྣམས་ཚངས་པར་སྤྱད་པ་སྤྱོད་དུ་གསོལ་ཞེས་གསོལ་པ་དང ། ཀུན་དགའ་བོ་ཁྱོད་བུད་མེད་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང ། བསྙེན་པར་རྫོགས་ཏེ། དགེ་སློང་མའི་དངོས་པོར་མ་གསོལ་ཅིག་།དེ་ཅིའི་ཕྱིར་ཞེ་ན། ཀུན་དགའ་བོ་ལེགས་པར་བཤད་པའི་ཆོས་འདུལ་བ་ལ་བུད་མེད་རབ་ཏུ་ཕྱུང་བ་ན། ཆོས་འདུལ་བ་དེ་ཡུན་རིང་དུ་གནས་པར་མི་འགྱུར་རོ། །འདི་ལྟ་སྟེ། ཀུན་དགའ་བོ་དཔེར་ན། ཁྱིམ་གང་ན་བུད་མེད་མང་ཞིང་སྐྱེས་པ་ཉུང་བ་དེ་ན་རྐུན་པོ་དང ། མི་ལ་རྐུ་བ་རྣམས་ཀྱིས་ཆོམ་པར་འགྱུར་ཞིང ། རབ་ཏུ་ཆོམ་པར་འགྱུར་རོ། །ཀུན་དགའ་བོ་དེ་བཞིན་དུ་ཆོས་འདུལ་བ་ལ་བུད་མེད་རབ་ཏུ་བྱུང་ན། ཆོས་འདུལ་བ་འདི་ཡུན་རིང་དུ་མི་གནས་པར་འགྱུར་རོ། །འདི་ལྟ་སྟེ།་ཀུན་དགའ་བོ་དཔེར་ན། འབྲས་སཱ་ལུ་ཕུན་སུམ་ཚོགས་པའི་ཞིང་ལ། སེར་བའི་འཁོར་ལོ་མི་བཟད་པ་བབས་ན། འབྲས་སཱ་ལུ་དེ་ཉིད་ཉམས་པར་འགྱུར། རྣམ་པར་ཉམས་པར་འགྱུར། ཚུལ་མ་ཡིན་པས་མ་རུངས་པར་འགྱུར་རོ། །ཀུན་དགའ་བོ་དེ་བཞིན་དུ་ཆོས་འདུལ་བ་ལ་བུད་མེད་རབ་ཏུ་བྱུང་ན། ཆོས་འདུལ་བ་འདི་ཡུན་རིང་དུ་མི་གནས་པར་འགྱུར་རོ། །འདི་ལྟ་སྟེ། ཀུན་</font><hr>Da154a<br><font size=+2>


༄#། །དགའ་བོ་ཞིང་མེད་པའི་ཁྱིམ་པའི་ཁྱིམ་བདག་བུ་རམ་ཤིང་ཕུན་སུམ་ཚོགས་པ་ལ་བཙའི་ནད་བྱུང་ན། བུ་རམ་ཤིང་དག་མ་རུངས་པར་འགྱུར། ཆུད་ཟོས་པར་འགྱུར་རོ། །ཀུན་དགའ་བོ་དེ་ལྟར་དེ་བཞིན་དུ་ཆོས་འདུལ་བ་ལ་བུད་མེད་རབ་ཏུ་བྱུང་ན། ཆོས་འདུལ་བ་འདི་ཡུན་རིང་དུ་མི་གནས་པར་འགྱུར་རོ། །འོན་ཀྱང་ཀུན་དགའ་བོ་ངས་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བརྒྱད་བཅས་པ་ལ་བུད་མེད་ཀྱི་ནམ་འཚོའི་བར་དུ་བསླབ་པར་བྱའོ། །དེ་འདི་ལྟ་སྟེ། ཀུན་དགའ་བོ་ཁྱིམ་བདག་ཞིང་པས་དབྱར་འདས་ཏེ་སྟོན་གྱི་དུས་ན་ཆུ་བོའམ། ཡུར་བ་ཡང་རུང ། ཆུ་བཅད་ན། ཆུ་དེ་འགགས་པས་འདའ་བར་མི་འགྱུར་རོ། །ཀུན་དགའ་བོ་དེ་ལྟར་དེ་བཞིན་དུ་བུད་མེད་རྣམས་ཀྱིས་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བརྒྱད་བཅའ་བར་བྱའོ། །དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱོས་ཤིག་།བརྒྱད་གང་ཞེ་ན། ཀུན་དགའ་བོ། དགེ་སློང་རྣམས་ལས་བུད་མེད་རྣམས་ཀྱིས་རབ་ཏུ་འབྱུང་བ་དང ། བསྙེན་པར་རྫོགས་ནས། དགེ་སློང་མའི་དངོས་པོར་འགྱུར་བ་རབ་ཏུ་རྟོགས་པར་བྱའོ། །ཀུན་དགའ་བོ་ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་དང་པོར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ་དགེ་སློང་མ་དག་</font><hr>Da154b<br><font size=+2>


གིས།་དགེ་སློང་ཕ་རྣམས་ལ་ཟླ་བ་ཕྱེད་ཕྱེད་ཅིང་སྟོན་པའི་ལུང་རྗེས་སུ་བསྟན་པ་བཙལ་བར་བྱའོ། །ཀུན་དགའ་བོ་ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་གཉིས་སུ་བཅས་ཏེ། དེ་ལ་བུད་མེད་རྣམས་ཀྱི་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ། དགེ་སློང་མ་དག་གིས་དགེ་སློང་མེད་པའི་གནས་སུ། དབྱར་ཚུལ་དུ་མི་འཇུག་པར་བྱ་སྟེ། ཀུན་དགའ་བོ་ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་གསུམ་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ་དགེ་སློང་མ་དབྱར་ཚུལ་དུ་ཞུགས་པས། དགེ་འདུན་གཉིས་ཀ་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་དུ་སྐབས་དབྱེ་བར་བྱ་སྟེ། ཀུན་དགའ་བོ།་ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་བཞིར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ། དགེ་སློང་མས་དགེ་སློང་ཕ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་ལ་གླེང་བར་མི་བྱ། དྲན་པར་མི་བྱ་སྟེ། ཀུན་དགའ་བོ་དགེ་སློང་མས་དགེ་སློང་ཕ་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་རྣམས་གླེང་བ་དང ། དྲན་པར་བྱེད་པ་དག་མི་གནང་ངོ ། །དགེ་སློང་</font><hr>Da155a<br><font size=+2>


༄#། །དག་གིས་ནི་དགེ་སློང་མ་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་ལ་གླེང་བ་དང ། དྲན་པར་བྱེད་པ་ལ་དགག་པ་མེད་དོ། །ཀུན་དགའ་བོ་ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་ལྔར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ་དགེ་སློང་མས་དགེ་སློང་ཕ་ལ་ཚིག་ངན་པ་མི་སྨྲ། ཁྲོ་བར་མི་བྱ། བསྡིགས་པར་མི་བྱའོ། །ཀུན་དགའ་བོ་དགེ་སློང་མས་དགེ་སློང་ཕ་ལ་ཚིག་ངན་པ་སྨྲ་བ་དང།་ཁྲོ་བ་དང ། བསྡིགས་པ་རྣམས་མི་གནང་སྟེ། ཀུན་དགའ་བོ། ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང ། མི་འདའ་བར་བྱ་བའི་ཕྱིར། བླ་མའི་ཆོས་དྲུག་པར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ་བླ་མའི་ཆོས་ཉམས་ན། དགེ་སློང་མས་དགེ་འདུན་གཉིས་ཀ་ལ་ཟླ་བ་ཕྱེད་ཀྱི་བར་དུ་མཉེས་པར་བྱ་བ་སྤྱོད་ཅིག། ཀུན་དགའ་བོ་ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་བདུན་པར་བཅས་ཏེ། དེ་ལ་ཀུན་དགའ་བོ། བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ་དགེ་སློང་མ་བསྙེན་པར་རྫོགས་ནས་ལོ་བརྒྱ་ལོན་པས་ཀྱང ། ད་གཟོད་བསྙེན་པར་རྫོགས་པའི་དགེ་སློང་ལ་ཚིག་སྙན་པ་དང ། བསྟོད་པ་དང ། ལྡང་བ་</font><hr>Da155b<br><font size=+2>


དང ། ཐལ་མོ་སྦྱར་བ་དང ། ཕྱག་བྱ་བ་སྟེ། ཀུན་དགའ་བོ་ངས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་བརྒྱད་དུ་བཅས་ཏེ། འདི་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཀུན་དགའ་བོ་དེ་སྟེ། གོའུ་ཏ་མི་སྐྱེ་དགུའི་བདག་མོ་ཆེན་མོས་བླ་མའི་ཆོས་འདི་བརྒྱད་ལ་ཡང་དག་པར་བཟུང་ཞིང ། ནན་ཏན་བྱས་ན་འདི་ཉིད་དེ་ལ་རབ་ཏུ་བྱུང་བའོ། །དེ་ཉིད་བསྙེན་པར་རྫོགས་པའོ། །དེ་ཉིད་དགེ་སློང་མའི་དངོས་པོ་ཞེས་བཀའ་སྩལ་པ་དང ། དེ་ནས་ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་དྲུང་ནས་སོང་ངོ ། །གོའུ་ཏ་མི་སྐྱེ་དགུའི་བདག་མོ་ཆེན་མོ་ག་ལ་བ་དེར་སོང་སྟེ་ཕྱིན་པ་དང ། གོའུ་ཏ་མི་སྐྱེ་དགུའི་བདག་མོ་ཆེན་མོ་ལ་འདི་སྐད་ཅེས་སྨྲས་སོ། །གོའུ་ཏ་མི་བུད་མེད་རྣམས་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་བསྙེན་པར་རྫོགས་ཏེ། དགེ་སློང་མའི་དངོས་པོར་གནང་མོད་ཀྱི། འོན་ཀྱང་གོའུ་ཏ་མི་བཅོམ་ལྡན་འདས་ཀྱིས། བུད་མེད་རྣམས་ཀྱི་ཉེས་པ་དགག་ཅིང ། མི་འདའ་བར་བྱ་བའི་ཕྱིར་བླ་མའི་ཆོས་བརྒྱད་བཅས་ཏེ། འདི་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ནན་ཏན་དུ་བྱའོ། །བཙུན་པ་ཀུན་དགའ་བོ། བཀའ་བསྩལ་པ་དེ་མཉན་གྱི་གསུངས་ཤིག་།གོའུ་ཏ་མི། བཅོམ་ལྡན་འདས་ཀྱིས་ནི་འདི་སྐད་ཅེས་</font><hr>Da156a<br><font size=+2>


༄#། །བཀའ་སྩལ་ཏོ། །ཀུན་དགའ་བོ་དགེ་སློང་ལས་བུད་མེད་རྣམས་ཀྱིས་རབ་ཏུ་བྱུང་བ་དང ། བསྙེན་པར་རྫོགས་ཏེ། དགེ་སློང་མའི་དངོས་པོ་རབ་ཏུ་རྟོགས་པར་བྱའོ། ། གོའུ་ཏ་མི་བཅོམ་ལྡན་འདས་ཀྱིས་འདི་ནི། བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་བཅས་པ་དང་པོ་སྟེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །གོའུ་ཏ་མི། བཅོམ་ལྡན་འདས་ཀྱིས་ཡང་བཀའ་སྩལ་པ། ཀུན་དགའ་བོ། དགེ་སློང་རྣམས་ཀྱི་དྲུང་ནས་དགེ་སློང་མས་ཟླ་བ་ཕྱེད་ཕྱེད་ཅིང་སྟོན་པའི་ལུང་རྗེས་སུ་བསྟན་པར་བཙལ་བར་བྱའོ། །གོའུ་ཏ་མི། བཅོམ་ལྡན་འདས་ཀྱིས་འདི་ནི་བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་གཉིས་སུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །གོའུ་ཏ་མི། བཅོམ་ལྡན་འདས་ཀྱིས་ཡང་བཀའ་སྩལ་པ། ཀུན་དགའ་བོ། དགེ་སློང་མས་དགེ་སློང་མེད་པའི་གནས་སུ་དབྱར་ཚུལ་དུ་མ་འཇུག་ཅིག།་གོའུ་ཏ་མི། བཅོམ་ལྡན་འདས་ཀྱིས་འདི་ནི་བུད་མེད་རྣམས་ཀྱིས་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་གསུམ་དུ་བཅས་ཏེ། འདི་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །གོའུ་ཏ་མི། བཅོམ་ལྡན་འདས་ཀྱིས་ཡང་བཀའ་སྩལ་པ། ཀུན་དགའ་བོ། དབྱར་ཚུལ་དུ་ཞུགས་པའི་དགེ་སློང་མས། དགེ་སློང་དང ། དགེ་སློང་མའི་དགེ་</font><hr>Da156b<br><font size=+2>


འདུན་གཉིས་ཀ་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་དུ་སྐབས་དབྱེ་བར་བྱའོ། །གོའུ་ཏ་མི། བཅོམ་ལྡན་འདས་ཀྱིས་འདི་ནི་བུད་མེད་རྣམས་ཀྱིས་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བཞིར་བཅས་ཏེ། འདི་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །གོའུ་ཏ་མི། བཅོམ་ལྡན་འདས་ཀྱིས་ཡང་བཀའ་སྩལ་པ། ཀུན་དགའ་བོ། དགེ་སློང་མས་དགེ་སློང་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་ལ་གླེང་བར་མི་བྱ། དྲན་པར་མི་བྱའོ། །ཀུན་དགའ་བོ། དགེ་སློང་མས་དགེ་སློང་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་ལ་གླེང་བར་བྱ་བ་དང ། དྲན་པར་བྱ་བ་མི་གནང་ངོ ། །དགེ་སློང་གིས་ནི་དགེ་སློང་མ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་ལ་གླེང་བར་བྱེད། དྲན་པར་བྱེད་པ་ལ་མི་གནང་བ་མེད་དོ། །གོའུ་ཏ་མི། བཅོམ་ལྡན་འདས་ཀྱིས་འདི་ནི་བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་ལྔ་པར་བཅས་ཏེ། འདི་ལ་བུད་མེད་རྣམས་ཀྱིས་ནམ་ང་ཚོའི་བར་དུ་བསླབ་པར་བྱའོ། །གོའུ་ཏ་མི། བཅོམ་ལྡན་འདས་ཀྱིས་ཡང་བཀའ་སྩལ་པ། ཀུན་དགའ་བོ། དགེ་སློང་མས་དགེ་སློང་ལ་ཚིག་ངན་པ་སྨྲ་བར་མི་བྱ། ཁྲོ་བར་མི་བྱ། བསྡིགས་པར་མི་བྱའོ། །ཀུན་དགའ་བོ། དགེ་སློང་མས་དགེ་སློང་ལ་ཚིག་</font><hr>Da157a<br><font size=+2>


༄#། །ངན་པ་སྨྲ་བ་དང ། ཁྲོ་བ་དང ། བསྡིགས་པ་རྣམས་མི་གནང་སྟེ། གོའུ་ཏ་མི་བཅོམ་ལྡན་འདས་ཀྱིས་འདི་ནི་བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་དྲུག་པར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །གོའུ་ཏ་མི། བཅོམ་ལྡན་འདས་ཀྱིས་ཡང་བཀའ་སྩལ་པ། ཀུན་དགའ་བོ་བླ་མའི་ཆོས་བྱུང་བའི་དགེ་སློང་མས་དགེ་འདུན་སྡེ་གཉིས་ལ་ཟླ་བ་ཕྱེད་ཕྱེད་ཀྱི་བར་དུ་མཉེས་པར་བྱ་བ་སྤྱོད་དོ། །གོའུ་ཏ་མི། བཅོམ་ལྡན་འདས་ཀྱིས་འདི་ནི། བུད་མེད་རྣམས་ཀྱིས་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བདུན་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །གོའུ་ཏ་མི། བཅོམ་ལྡན་འདས་ཀྱིས་ཡང་བཀའ་སྩལ་པ།་བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་མས་ད་གཟོད་བསྙེན་པར་རྫོགས་པའི་དགེ་སློང་ལ་ཚིག་སྙན་པ་དང ། བསྟོད་པ་དང ། ལྡང་བ་དང ། ཐལ་མོ་སྦྱར་བ་དང ། ཕྱག་བྱ་བར་བྱའོ། །གོའུ་ཏ་མི། བཅོམ་ལྡན་འདས་ཀྱིས་འདི་ནི་བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བརྒྱད་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །བཅོམ་ལྡན་འདས་ཀྱིས་ཡང་བཀའ་སྩལ་པ། ཀུན་དགའ་བོ་དེ་སྟེ། གོའུ་ཏ་མི། སྐྱེ་དགུའི་བདག་མོ་ཆེན་མོས་བླ་མའི་ཆོས་འདི་བརྒྱད་ཡང་དག་པར་བཟུང་ཞིང་</font><hr>Da157b<br><font size=+2>


ནན་ཏན་བྱས་ན། དེ་ལ་དེ་ཉིད་དེའི་རབ་ཏུ་བྱུང་བའོ། །འདི་ནི་བསྙེན་པར་རྫོགས་པའོ། །འདི་ནི་དགེ་སློང་མའི་དངོས་པོ་ཡིན་ནོ་ཞེས་བཀའ་སྩལ་ཏོ། །བཙུན་པ་ཀུན་དགའ་བོ། བཅོམ་ལྡན་འདས་ཀྱིས་བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར། བླ་མའི་ཆོས་བརྒྱད་པོ་འདི་རྣམས་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བགྱི་བ་འདི་བདག་གི་ངག་དང་ཡིད་དང ། སྤྱི་བོས་ཀྱང་མནོད་དོ། །བཙུན་པ་ཀུན་དགའ་བོ་དེ་འདི་ལྟ་སྟེ། རྒྱལ་རིགས་ཀྱི་བུ་མོའམ། བྲམ་ཟེའི་བུ་མོའམ། རྗེའུ་རིགས་ཀྱི་བུ་མོའམ། དམངས་རིགས་ཀྱི་བུ་མོ་ཡང་རུང ། རབ་ཏུ་བཀྲུས་པ།་རབ་ཏུ་བྱུགས་པ། སྐྲ་དང་སེན་མོ་བྱི་བྱད་བྱས་པ། གོས་དཀར་པོ་བགོས་པ་ལ་ཁ་ཅིག་གིས་མེ་ཏོག་ཨུཏྤ་ལའི་ཕྲེང་བའམ། ཙམ་པ་ཀའི་ཕྲེང་བ་དང ། བ་རི་ཤ་ཀའི་ཕྲེང་བ་དང ། ་ཏི་མུ་ཀ་ཏིའི་ཕྲེང་བ་ཡང་རུང ། བྱིན་ན་དེས་དེ་ལ་ཡིད་དགའ་ལ་རངས་ཏེ། ལག་པ་གཉིས་ཀྱི་བླངས་ནས། ཡན་ལག་གི་མཆོག་མགོ་ལ་འཇོག་གོ། བཙུན་པ་ཀུན་དགའ་བོ་དེ་བཞིན་དུ་བཅོམ་ལྡན་འདས་ཀྱིས་བུད་མེད་རྣམས་ཀྱི་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བརྒྱད་པོ་འདི་རྣམས་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བགྱི་བ་འདི་དག་ནི་བདག་གི་ངག་དང ། ཡིད་དང ། སྤྱི་བོས་ཀྱང་མནོད་དོ། །བཅོམ་ལྡན་འདས་ཀྱིས་ནམ་གོའུ་ཏ་མི་སྐྱེ་དགུའི་བདག་མོ་ཆེན་མོས་བླ་མའི་ཆོས་རྣམས་ཉམས་སུ་བླངས་པས་ན། རབ་ཏུ་བྱུང་</font><hr>Da158a<br><font size=+2>


༄#། །ཞིང་བསྙེན་པར་རྫོགས་པའི་དགེ་སློང་མའི་དངོས་པོར་གནང་བ་དེ་ན། སངས་རྒྱས་བཅོམ་ལྡན་འདས་ལ། ཚེ་དང་ལྡན་པ་ཨུ་པ་ལིས། བཙུན་པ་བཅོམ་ལྡན་འདས་ཀྱིས་ནི་དེ་སྟེ་གོའུ་ཏ་མི་སྐྱེ་དགུའི་བདག་མོ་ཆེན་མོས་བླ་མའི་ཆོས་བརྒྱད་ཡང་དག་པར་བཟུང་ནས། ནན་ཏན་བྱས་ན་དེ་ལ་འདི་ཉིད་རབ་ཏུ་བྱུང་བའོ། །འདི་ཉིད་བསྙེན་པར་རྫོགས་པའོ། །འདི་ཉིད་དགེ་སློང་མའི་དངོས་པོའོ་ཞེས་བཀའ་སྩལ་ན། བཙུན་པ་དེ་ལས་གཞན་པའི་བུད་མེད་རྣམས་ཇི་ལྟར་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་བགྱི་ཞེས་ཞུས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཨུ་པ་ལི་བུད་མེད་གཞན་ནི། རིམ་བཞིན་དུ་རབ་ཏུ་བྱུང་ཞིང་བསྙེན་པར་རྫོགས་པར་བྱའོ། །བཅོམ་ལྡན་འདས་ཀྱིས་བུད་མེད་གཞན་ནི་རིམ་བཞིན་དུ་རབ་ཏུ་བྱུང་ཞིང་བསྙེན་པར་རྫོགས་པར་བྱོས་ཤིག་ཅེས་བཀའ་སྩལ་ན། དགེ་སློང་དག་གིས་ཇི་ལྟ་བུར་རིམ་བཞིན་དུ་བྱ་བ་མི་ཤེས་ནས་དེ་ལྟ་བུར་གྱུར་པ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གོའུ་ཏ་མི་སྐྱེ་དགུའི་བདག་མོ་ལ་སོགས་པ་ཤཱཀྱ་མོ་ལྔ་བརྒྱ་རྣམས་ནི། བླ་མའི་ཆོས་རྣམས་ཁས་བླངས་པས། རབ་ཏུ་བྱུང་ཞིང་བསྙེན་པར་རྫོགས་ཏེ། དགེ་སློང་མའི་དངོས་པོར་གྱུར་ཏོ། །བུད་མེད་གཞན་ནི་རིམ་བཞིན་བྱ་སྟེ། དགེ་སློང་མ་གང་ཡང་རུང་བ་ལ་རབ་ཏུ་བྱུང་བར་</font><hr>Da158b<br><font size=+2>


འདོད་པ་ཞིག་དྲུང་དུ་འོངས་ནས། དེས་བར་ཆད་ཀྱི་ཆོས་རྣམས་དྲིས་ལ་གཟུང་བར་བྱའོ། །བཟུང་ནས་སྐྱབས་སུ་འགྲོ་བ་གསུམ་དང ། དགེ་བསྙེན་མའི་བསླབ་པའི་གཞི་ལྔ་བྱིན་ཅིག ། སྐྱབས་སུ་འགྲོ་བ་གསུམ་གང་ཞེ་ན། སངས་རྒྱས་དང ། ཆོས་དང ། དགེ་འདུན་ནོ། བསླབ་པའི་གཞི་ལྔ་གང་ཞེ་ན། སྲོག་གཅོད་པ་རབ་ཏུ་སྤངས་པ་དང ། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཆང་དང་འབྲུའི་ཁུ་བ་མྱོས་པར་འགྱུར་བ་བག་མེད་པའི་གནས་རབ་ཏུ་སྤངས་པའོ། །འདི་བཞིན་དུ་ཡང་སྐྱབས་སུ་འགྲོ་བ་དང ། བསླབ་པའི་གཞི་སྦྱིན་པར་བྱའོ། །ཐོག་མར་སྟོན་པ་ལ་ཕྱག་བྱེད་དུ་ཆུག་ཅིག་།དེ་ནས་དགེ་སློང་མ་གང་གིས་སྐྱབས་སུ་འགྲོ་བ་དང ། བསླབ་པའི་གཞི་སྦྱིན་པ་དེ་ལ་ཕྱག་འཚལ་ཞིང་ཐལ་མོ་སྦྱོར་དུ་བཅུག་ལ། དེ་ནས་དེས་འདི་སྐད་དུ་སྨྲ་བར་བྱའོ། །འཕགས་མ་དགོངས་ཤིག་།བདག་མིང་འདི་ཞེས་བགྱི་བ་ནམ་འཚོའི་བར་དུ་རྐང་གཉིས་ཀྱི་ནང་ན་གཙོ་བོ་སངས་རྒྱས་ལ་སྐྱབས་སུ་མཆིའོ། །འདོད་ཆགས་དང་བྲལ་བའི་ནང་ན་མཆོག་དམ་པའི་ཆོས་ལ་སྐྱབས་སུ་མཆིའོ། །མང་པོའི་ནང་ན་མཆོག་དགེ་འདུན་ལ་སྐྱབས་སུ་མཆིའོ། །བདག་ཇི་སྲིད་འཚོའི་བར་དུ་དགེ་བསྙེན་མར་འཕགས་པས་གཟུང་དུ་གསོལ། དེ་བཞིན་ལན་གཉིས་ལན་གསུམ་དུ་བྱའོ། །ཚིག་གསུམ་པ་ལ་སློབ་དཔོན་མས་ཞེས་</font><hr>Da159a<br><font size=+2>


༄#། །བརྗོད་པར་བྱའོ། །སློབ་དཔོན་མས་ཐབས་ཡིན་ནོ། །སློབ་མས་ལེགས་སོ་ཞེས་བྱའོ། །དེ་ནས་བསླབ་པའི་གཞི་ལྔ་བྱིན་ཅིག་།འཕགས་མ་དགོངས་ཤིག ། ཇི་ལྟར་འཕགས་པ་དགྲ་བཅོམ་པ་དེ་དག་གིས་ནམ་འཚོའི་བར་དུ་སྲོག་གཅོད་པ་རབ་ཏུ་སྤངས་ཤིང་སྲོག་གཅོད་པ་ལས་རབ་ཏུ་སྤང་པ་དེ་བཞིན་དུ། བདག་མིང་འདི་ཞེས་བགྱི་བ་ཡང་དེང་གི་ཉི་མ་ནས་བཟུང་སྟེ། ནམ་འཚོའི་བར་དུ་སྲོག་གཅོད་པ་སྤངས་ཤིང་སྲོག་གཅོད་པ་ལས་རབ་ཏུ་སྤངས་ཏེ། ཡན་ལག་དང་པོ་འདིས་བདག་འཕགས་པ་དགྲ་བཅོམ་པ་དེ་དག་གི་བསླབ་པ་ལ་རྗེས་སུ་སློབ་བོ། །རྗེས་སུ་བསྒྲུབ་བོ། །རྗེས་སུ་བགྱིའོ། །གཞན་ཡང་ཇི་ལྟར་དགྲ་བཅོམ་པ་དེ་དག་གིས་ནམ་འཚོའི་བར་དུ་མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཆང་དང་འབྲུའི་ཁུ་བ་མྱོས་པ་བག་མེད་པའི་གནས་སྤངས་ཤིང་རབ་ཏུ་སྤངས་པ་དེ་བཞིན་དུ་བདག་མིང་འདི་ཞེས་བགྱི་བ་ཡང་དེང་གི་ཉི་མ་ནས་བཟུང་སྟེ། ནམ་འཚོའི་བར་དུ་མ་བྱིན་པར་ལེན་པ་དང ། འདོད་པས་ལོག་པར་གཡེམ་བ་དང ། བརྫུན་དུ་སྨྲ་བ་དང ། བག་མེད་པའི་གནས་སྤངས་ཤིང ། ཆང་དང ། འབྲུའི་ཁུ་བ་མྱོས་པ་བག་མེད་པའི་གནས་ལས་སླར་ལོག་སྟེ། བདག་ཡན་ལག་ལྔ་པོ་འདིས། བདག་འཕགས་པ་དགྲ་བཅོམ་པ་དེ་དག་གི་བསླབ་པ་ལ་རྗེས་སུ་སློབ་བོ། །རྗེས་སུ་བསྒྲུབ་</font><hr>Da159b<br><font size=+2>


བོ། །རྗེས་སུ་བགྱིད་དོ། །སློབ་དཔོན་མས་ཐབས་ཡིན་ནོ་ཞེས་བརྗོད་པར་བྱའོ། །དགེ་བསྙེན་མས་ལེགས་སོ་ཞེས་བརྗོད་པར་བྱའོ། །དེ་ནས་དགེ་འདུན་གྱི་ནང་དུ་སྒྲོགས་པའི་དགེ་སློང་མ་སྐོས་ཤིག་།གང་བསྐོས་པ་དེས་ཀྱང་དགེ་སློང་དེ་ལ་ཁྱོད་ཀྱིས་འདི་ལ་བར་ཆད་ཀྱི་ཆོས་དྲིས་སམ་ཞེས་དྲིས་ཤིག་།མ་དྲིས་པར་བསྒྲགས་པར་བྱས་ན། འདས་པ་དང་བཅས་པར་འགྱུར་རོ། ། དེ་ནས་དགེ་སློང་མ་དེས་དགེ་འདུན་འདུས་ཤིང་འཁོད་དམ། སོ་སོའི་གནས་ཁང་དུ་ཡང་རུང ། འདི་སྐད་སྒྲོགས་ཤིག་།གསོན་ཅིག་།འཕགས་མའི་དགེ་འདུན་མ་རྣམས་མིང་འདི་ཞེས་བ་གྱི་བ་འདི་མཁན་མོ་མིང་འདི་ཞེས་བགྱི་བ་ལས་རབ་ཏུ་བྱུང་བར་འཚལ་ཏེ། ཁྱིམ་པ་མོ་གོས་དཀར་མོ་སྐྲ་མ་བྲེགས་པ་ལས། ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་མའི་དངོས་པོར་གསོལ་ན། མིང་འདི་ཞེས་བགྱི་བ་འདི་སྐྲ་བྲེགས་ཤིང་གོས་ངུར་སྨྲིག་བགོས་ནས། ཡང་དག་པར་དད་པས་ཁྱིམ་ནས་ཁྱིམ་མེད་པར་མཁན་མོ་མིང་འདི་ཞེས་བགྱི་བ་ལས་རབ་ཏུ་འབྱུང་ན། དེ་ཡང་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་མོ་ཉིད་མཆི་ན། ཅི་འདི་རབ་ཏུ་བྱུང་ཞིག་གམ། ཐམས་ཅད་ཀྱིས་ཀྱང་དེ་སྟེ། ཡོངས་སུ་དག་ནའོ་ཞེས་སྨོས་ཤིག་།དེ་སྟེ་འདི་བཞིན་སྨྲས་ན་ནི་ལེགས། འོན་ཏེ་མ་སྨྲས་ན་ནི་འདས་པ་དང་བཅས་པར་འགྱུར་རོ། །དེ་ནས་མཁན་མོར་གསོལ་བ་བྱ་སྟེ། སློབ་དཔོན་མ་དགོངས་ཤིག ། </font><hr>Da160a<br><font size=+2>


༄#། །བདག་མིང་འདི་ཞེས་བགྱི་བ་སློབ་དཔོན་མ་ལ་མཁན་མོར་གསོལ་ཏེ། སློབ་དཔོན་མ་བདག་གི་མཁན་མོར་གྱུར་ཅིག་།སློབ་དཔོན་མ་མཁན་མོ་ལས་རབ་ཏུ་དབྱུང་བར་གསོལ་ལོ། །དེ་བཞིན་དུ་ལན་གཉིས། ལན་གསུམ་དུ་བཟླས། ཚིག་གསུམ་པ་ལ་མཁན་མོ་མཁན་མོ་ལས་ཞེས་བརྗོད་པར་བྱའོ། །མཁན་མོས་ཐབས་ཡིན་ནོ་ཞེས་བརྗོད། རབ་ཏུ་བྱུང་མས་ལེགས་སོ་ཞེས་བརྗོད་པར་བྱའོ། །དེ་ནས་མཁན་མོས་འདྲེག་པའི་དགེ་སློང་མ་ལ་སྐྲ་བྲེག་པར་གསོལ་ཅིག་།དེས་ཀྱང་ནུ་མོ་སྐྲ་བྲེག་གམ་ཞེས་དྲིས་ཤིག་།དེ་སྟེ་བྲེག་གོ་ཞེས་སྨྲས་ན་བྲེགས་ཤིག་།དེ་སྟེ་མ་ཡིན་ནོ་ཞེས་སྨྲས་ན་འདི་ནས་སོང་ཞིག་ཞེས་སྨྲོས་ཤིག་།དགེ་སློང་དག་གིས་སྐྲ་འབྲེག་པའི་དགེ་སློང་མས་དེ་ལྟར་མངོན་དུ་སྤྱད་པའི་ཆོས་བཅས་ཏེ། སྐྲ་བྲེགས་པའི་དགེ་སློང་མས་འདི་ལྟར་གྲང་བར་གྱུར་ན། ཆུ་དྲོ་མོས་ཁྲུས་བྱའོ། །འོན་ཏེ་ཙ་བར་གྱུར་པའི་ཚེ་ན་ཆུ་གྲང་མོས་ཁྲུས་བྱའོ། །དེ་ནས་སྐད་ཅིག་གཅིག་ལ་ལུས་ཀྱི་ཆུ་བསྐམས་ཏེ། ཤམ་ཐབས་གྱོན་ཅིག་།ཤམ་ཐབས་བསྐོན་པ་ན། མཚན་མ་མེད་པའམ། མཚན་གཉིས་པའམ། སླེ་འདམས་པ་མ་ཡིན་ནམ་ཞེས་མཚན་བརྟག་པར་བྱའོ།། སྐྲ་འབྲེག་པའི་དགེ་སློང་མས་དེ་ལྟར་མངོན་དུ་སྤྱད་པའི་ཆོས་བཅས་པ་ཡང་དག་པར་བླངས་ཏེ་མི་སྤྱོད་ན། འདས་པ་དང་བཅས་པར་འགྱུར་རོ། །དེ་ནས་རབ་ཏུ་བྱུང་བ་ཉེ་བར་བསྒྲུབ་པར་བྱ་སྟེ། དང་</font><hr>Da160b<br><font size=+2>


པོ་སྟོན་པ་ལ་ཕྱག་འཚལ་དུ་བཅུག་།དེའི་འོག་ཏུ་མཁན་མོ་ལ་འཚལ་དུ་བཅུག་སྟེ། མདུན་དུ་ཙོག་པུར་འདུག་ཏུ་བཅུག་ལ། ཐལ་མོ་སྦྱོར་དུ་བཅུག་ནས་དེ་ནས་དེས་འདི་སྐད་དུ་སྨྲ་བར་བྱའོ། ། མཁན་མོ་དགོངས་ཤིག་།བདག་མིང་འདི་ཞེས་བགྱི་བ་ནམ་འཚོའི་བར་དུ། རྐང་གཉིས་ཀྱི་ནང་ན་གཙོ་བོ་སངས་རྒྱས་ལ་སྐྱབས་སུ་མཆིའོ། །འདོད་ཆགས་དང་བྲལ་བའི་ནང་ན་མཆོག་དམ་པའི་ཆོས་ལ་སྐྱབས་སུ་མཆིའོ། །མང་པོའི་ནང་ན་མཆོག་དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ། ཤཱཀྱ་སེང་གེ། ཤཱཀྱའི་རྒྱལ་པོ་གཙོ་བོ་དེ་རབ་ཏུ་བྱུང་བའི་རྗེས་སུ་བདག་རབ་ཏུ་འབྱུང་སྟེ། ཁྱིམ་པའི་རྟགས་སྤོང་ངོ ། །རབ་ཏུ་བྱུང་བའི་རྟགས་ཡང་དག་པར་ལེན་ཏོ། །དེ་བཞིན་དུ་ལན་གཉིས་ལན་གསུམ་བཟླས། མཁན་མོས་ཐབས་ཡིན་ནོ་ཞེས་བརྗོད་པར་བྱའོ། །རབ་ཏུ་བྱུང་མས་ལེགས་སོ་ཞེས་བརྗོད་པར་བྱའོ། །དེ་ནས་མཁན་མོས་དགེ་ཚུལ་མའི་བསླབ་པའི་གཞི་འབོགས་པའི་དགེ་སློང་མ་ལ་གསོལ་ཅིག་།གང་ལ་གསོལ་བ་དེས་སྟོན་པ་ལ་ཕྱག་འཚལ་དུ་བཅུག་ལ་མདུན་དུ་ཙོག་པུར་ཞོག་སྟེ། ཐལ་མོ་སྦྱོར་དུ་ཆུག་ལ། སྐྱབས་སུ་འགྲོ་བ་དང ། དགེ་ཚུལ་མའི་བསླབ་པའི་གཞི་རྣམས་ཕོག་ཅིག་།འཕགས་མ་དགོངས་ཤིག་།བདག་མིང་འདི་ཞེས་བགྱི་བ་ནམ་འཚོའི་བར་དུ་རྐང་གཉིས་ཀྱི་ནང་ན་གཙོ་བོ་སངས་རྒྱས་ལ་སྐྱབས་སུ་མཆིའོ། །འདོད་ཆགས་</font><hr>Da161a<br><font size=+2>


༄#། །དང་བྲལ་བའི་ནང་ན་མཆོག་དམ་པའི་ཆོས་ལ་སྐྱབས་སུ་མཆིའོ། །མང་པོའི་ནང་ན་མཆོག་དགེ་འདུན་ལ་སྐྱབས་སུ་མཆིའོ། །བདག་ཇི་སྲིད་འཚོའི་བར་དུ་དགེ་ཚུལ་མར་འཕགས་མས་གཟུང་དུ་གསོལ། །དེ་བཞིན་དུ་ལན་གཉིས་ལན་གསུམ་དུ་བཟླས། ཚིག་གསུམ་པ་ལ་སློབ་དཔོན་མས་ཞེས་བརྗོད་པར་བྱའོ། །སློབ་དཔོན་མས་ཐབས་ཡིན་ནོ་ཞེས་བརྗོད་པར་བྱའོ། །དགེ་ཚུལ་མས་ལེགས་སོ་ཞེས་བརྗོད་པར་བྱའོ། །དེའི་རྗེས་ལ་དགེ་སློང་མ་ཞིག་གིས་གྲིབ་ཚོད་གཞལ་བར་བྱ་ཞིང ། སྐྱེས་བུ་དང ། རྩ་བ་དང ། ཉིན་མཚན་གྱི་ཆ་དང ། དུས་ཚོད་ཀྱང་བརྗོད་པར་བྱའོ། །དེ་ནས་བསླབ་པའི་གཞི་བཅུ་བྱིན་ཅིག་།འཕགས་མ་དགོངས་ཤིག་།ཇི་ལྟར་འཕགས་པ་དགྲ་བཅོམ་པ་དེ་དག་གིས་ནམ་འཚོའི་བར་དུ་སྲོག་གཅོད་པ་སྤངས་ཏེ།་སྲོག་གཅོད་པ་ལས་སླར་ལོག་པ་དེ་བཞིན་དུ་བདག་མིང་འདི་ཞེས་བགྱི་བས་ཀྱང་དེང་གི་དུས་འདི་ནས་བཟུང་སྟེ། ནམ་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་གོ་།བདག་ཡན་ལག་དང་པོ་འདིས་ཇི་ལྟར་འཕགས་པ་དགྲ་བཅོམ་པ་དེ་དག་གི་བསླབ་པའི་རྗེས་སུ་སློབ་བོ། །རྗེས་སུ་བསྒྲུབ་བོ། །རྗེས་སུ་བགྱིད་དོ། །གཞན་ཡང་ཇི་ལྟར་འཕགས་པ་དགྲ་བཅོམ་པ་དེ་དག་གིས་ནམ་འཚོའི་བར་དུ་མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། འབྲུའི་ཆང་དང ། འབྲས་བུའི་ཆང་མྱོས་པར་འགྱུར་བ་བག་</font><hr>Da161b<br><font size=+2>


མེད་པའི་གནས་དང ། གླུ་དང ། གར་དང ། བརྡུང་བ་དང ། ཕྲེང་བ་དང ། དྲི་དང ། བྱུག་པ་དང ། ཁ་དོག་འཆང་བ་རྣམས་དང ། མལ་སྟན་མཐོན་པོ་དང ། མལ་སྟན་ཆེན་པོ་དང ། དུས་མ་ཡིན་པའི་བཟའ་བ་དང ། གསེར་དངུལ་བླང་བ་རྣམས་སྤངས་ཏེ། གསེར་དངུལ་བླང་བ་ལས་སླར་ལོག་པ་དེ་བཞིན་དུ་བདག་མིང་འདི་ཞེས་བགྱི་བས་ཀྱང ། དེང་གི་དུས་འདི་ནས་བཟུང་སྟེ། ནམ་འཚོའི་བར་དུ་མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། འབྲུའི་ཆང་དང ། འབྲས་བུའི་ཆང་མྱོས་པར་འགྱུར་བ་བག་མེད་པར་གྱུར་པའི་གནས་དང ། གླུ་དང ། གར་དང ། བརྡུང་བ་དང ། ཕྲེང་བ་དང ། དྲི་དང ། བྱུག་པ་དང ། ཁ་དོག་འཆང་བ་རྣམས་དང ། མལ་སྟན་མཐོན་པོ་དང ། མལ་སྟན་ཆེན་པོ་དང ། དུས་མ་ཡིན་པའི་བཟའ་བ་དང ། གསེར་དངུལ་བླང་བ་དག་སྤངས་ནས། གསེར་དངུལ་བླང་བ་ལས་སླར་ལོག་སྟེ། བདག་ཡན་ལག་བཅུ་པོ་འདིས་ཇི་ལྟར་འཕགས་པ་དགྲ་བཅོམ་པ་དེ་དག་གི་བསླབ་པའི་རྗེས་སུ་སློབ་བོ། ། རྗེས་སུ་བསྒྲུབ་བོ། །རྗེས་སུ་བགྱིད་དོ། །སློབ་དཔོན་མས་ཐབས་ཡིན་ནོ་ཞེས་བརྗོད་པར་བྱའོ། །དགེ་ཚུལ་མས་ལེགས་སོ་ཞེས་བརྗོད་པར་བྱའོ། །དེ་སྟེ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་ལོན་པ་དེ་ལ་ནི། ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་བྱིན་ཅིག་།འདི་བཞིན་དུ་སྦྱིན་པར་བྱ་སྟེ། དགེ་སློང་མའི་དགེ་འདུན་འདུས་</font><hr>Da162a<br><font size=+2>


༄#། །ཤིང་འཁོད་དེ། ཉུང་ན་ཡང་དགེ་སློང་མ་བཅུ་གཉིས་འདུས་པའི་འཁོར་ལ་ཕྱག་འཚལ་དུ་ཆུག་ལ། རྒན་པའི་དྲུང་དུ་ཙོག་པུར་ཞོག་ལ། མཁན་མོར་གསོལ་བར་བྱའོ། །མཁན་མོ་ལ་ཕྱག་འཚལ་དུ་བཅུག་ལ་ཙོག་ཙོག་པོར་འདུག་སྟེ། ཐལ་མོ་སྦྱོར་དུ་བཅུག་ནས། དེ་སྟེ་མཁན་མོ་ཡིན་ན་ནི་འདི་བཞིན་གསོལ་ལོ། །དགོངས་ཤིག་།མཁན་མོ། བདག་མིང་འདི་ཞེས་བགྱི་བ་མཁན་མོ་ལ་མཁན་མོར་གསོལ་ན། མཁན་མོ་བདག་གི་མཁན་མོར་གྱུར་ཅིག་།མཁན་མོ་ལས་བསླབ་པའི་སྡོམ་པ་ཡང་དག་པར་བླང་བར་གསོལ་ལོ། །དེ་སྟེ་སློབ་དཔོན་མ་ཡིན་ན་ཡང་འདི་སྐད་དུ་གསོལ་བར་བྱའོ། །སློབ་དཔོན་མ་དགོངས་ཤིག་།བདག་མིང་འདི་ཞེས་བགྱི་བ་སློབ་དཔོན་མ་ལ་མཁན་མོར་གསོལ་ཏེ། སློབ་དཔོན་མ་བདག་གི་མཁན་མོར་གྱུར་ཅིག་།སློབ་དཔོན་མ་མཁན་མོ་ལས་བསླབ་པའི་སྡོམ་པ་ཡང་དག་པར་བླང་བར་གསོལ་ལོ། །དེ་བཞིན་དུ་ལན་གཉིས་ལན་གསུམ་མོ། །གསུམ་པ་ལ་མཁན་མོ་ཞེས་བརྗོད། མཁན་མོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེ་ནས་བསླབ་པའི་སྡོམ་པ་གསོལ་བར་བྱའོ། །གསོན་ཅིག ། འཕགས་མའི་དགེ་འདུན་རྣམས། བདག་མིང་འདི་ཞེས་བགྱི་བས་དོན་གྱི་སླད་དུ་མཚན་ནས་སྨྲོས་ཏེ། མཁན་མོ་མིང་འདི་ཞེས་བགྱི་བ་ལས་རབ་ཏུ་རྫོགས་པར་འཚལ་ན་བདག་</font><hr>Da162b<br><font size=+2>


མིང་འདི་ཞེས་བགྱི་བ་མཁན་མོའི་མཚན་འདི་ཞེས་བགྱི་སྟེ། འཕགས་མའི་དགེ་འདུན་ལས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་གསོལ་ན། འཕགས་མའི་དགེ་འདུན་མས་བདག་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་ལོན་ཏེ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ཐུགས་བརྩེ་བ་ཅན་བརྩེ་བའི་སླད་དུ་སྩལ་དུ་གསོལ་ཏོ། །དེ་བཞིན་ལན་གཉིས་ལན་གསུམ་དུ་བྱའོ། །དེའི་འོག་ཏུ་དགེ་སློང་མ་གཅིག་གིས་གསོལ་བ་ཐོབ་ལ་ལས་བྱོས་ཤིག་།གསོན་ཅིག།་འཕགས་མའི་དགེ་འདུན་མ་རྣམས་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་ལོན་ཏེ། མཁན་མོ་མིང་འདི་ཞེས་བགྱི་བས་འཕགས་མའི་དགེ་འདུན་མ་ལས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གསོལ་ན། དེ་འཕགས་མའི་དགེ་འདུན་གྱིས་དུས་ལ་བབ་ཅིང་བཟོད་ན། འཕགས་མའི་དགེ་འདུན་མ་རྣམས་ཀྱིས་གནང་ལ། འཕགས་མའི་དགེ་འདུན་མ་རྣམས་ཀྱིས་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་མ་སྟེ། མཁན་མོ་མིང་འདི་ཞེས་བགྱི་བས་དགེ་སློང་མའི་དགེ་འདུན་ལས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་སྩོལ་ཅིག་།འདི་ནི་གསོལ་བའོ། །ལས་ནི་འདི་བཞིན་དུ་བྱའོ། ། </font><hr>Da163a<br><font size=+2>


༄#། །གསོན་ཅིག། འཕགས་མའི་དགེ་འདུན་མ་རྣམས་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་མ་སྟེ། མཁན་མོ་མིང་འདི་ཞེས་བགྱི་བས་འཕགས་མའི་དགེ་འདུན་མ་ལས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་གསོལ་ན། དེའི་སླད་དུ་འཕགས་མའི་དགེ་འདུན་མས་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་མ་སྟེ། མཁན་མོ་མིང་འདི་ཞེས་བགྱི་བས། དགེ་སློང་མའི་དགེ་འདུན་ལས་ལོ་གཉིས་སུ་ཆོས་དྲུག་དང།་རྗེས་སུ་འབྲང་བའི་ཆོས་དྲུག་གི་བསླབ་པ་གསོལ་ན། གང་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་མ་སྟེ། མཁན་མོ་མིང་འདི་ཞེས་བགྱི་བས་དགེ་སློང་མའི་དགེ་འདུན་ལས། ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་སྩལ་བར་འཕགས་མའི་དགེ་འདུན་རྣམས་གང་བཟོད་པ་ནི་ཅང་མ་གསུངས་ཤིག་།མི་བཟོད་པ་རྣམས་ནི་གསུངས་ཤིག་།མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་བཅོ་བརྒྱད་མ་སྟེ། མཁན་མོ་མིང་འདི་ཞེས་བྱ་བས། དགེ་སློང་མའི་དགེ་འདུན་ལས་ཆོས་དྲུག་དང ། རྗེས་སུ་འབྲང་བའི་ཆོས་དྲུག་།འཕགས་མའི་དགེ་འདུན་རྣམས་ཀྱིས་སྩལ་ཏེ། འཕགས་མའི་དགེ་འདུན་མ་རྣམས་བཟོད་ཅིང་གནང་སྟེ། ཅང་མི་གསུང་བས་ན་དེ་</font><hr>Da163b<br><font size=+2>


དེ་བཞིན་དུ་འཛིན་ཏོ། །དེ་ནས་ད་ལ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་ཞིབ་ཏུ་སྟོན་ཅིག་།ཆོས་དྲུག་གང་ཞེ་ན། གཅིག་པུ་གྲོང་དུ་མི་འགྲོ་དང ། ཆུ་བོ་ཕ་རོལ་མི་རྒལ་ལོ། །སྐྱེས་པ་དག་དང་རེག་མི་བྱ། །སྐྱེས་པ་དང་ཡང་གནས་མི་གཅིག་།སྨྱན་དུ་འགྱུར་བ་མི་བྱ་སྟེ། །ཁ་ན་མ་ཐོ་མི་བཅབ་བོ། །འདི་ནི་དེ་བཞིན་གཤེགས་པ་ཡི། །གསུང་རབ་ཀྱིས་ནི་ཆོས་དྲུག་གསུངས། །རྗེས་སུ་འབྲང་བའི་ཆོས་དྲུག་གང་ཞེ་ན། གསེར་ལ་སོགས་པ་མི་གཟུང་སྟེ། །གསང་བའི་སྤུ་ནི་བྲེག་མི་བྱ། །ས་ཡང་རྐོ་བར་མི་བྱ་སྟེ། །སེན་མོས་རྩཝ་སྔོན་མི་གཅོད་དོ། །བྱིན་ལེན་མ་བྱས་ཟས་མི་བཟའ། ། བཞག་པ་རྣམས་ནི་བཟའ་མི་བྱ། །རྗེས་སུ་འབྲང་བའི་ཆོས་དྲུག་འདི། །བདེ་བར་གཤེགས་པས་མ་གནང་ངོ ། །ནམ་ལོ་གཉིས་སུ་ཆོས་དྲུག་དང ། །རྗེས་སུ་འབྲང་བའི་ཆོས་དྲུག་ནི་བསླབ་པར་གྱུར་ན། དེ་ནས་ཚངས་པར་སྤྱོད་པ་ལ་རིམ་གྲོར་བྱ་བའི་སྡོམ་པ་སྦྱིན་པར་བྱའོ། །ཐོག་མར་མཁན་མོས་ཆོས་གོས་ལྔ་དང ། ལྷུང་བཟེད་ཤོམ་ལ། གསང་བ་སྟོན་པ་དང ། ལས་བྱེད་པའི་དགེ་སློང་མ་གསོལ་ཅིག་།དེའི་འོག་ཏུ་དགེ་སློང་མའི་དགེ་འདུན་མ་རྣམས་འདུས་ཤིང་འཁོད་པ་དང ། ཉུང་ན་ཡང་དགེ་སློང་མ་བཅུ་གཉིས་འདུས་པའི་འཁོར་ལ་ལན་གསུམ་དུ་ཕྱག་བྱས་ནས་མཁན་མོར་གསོལ་པ་བྱས་ཏེ། དེ་སྟེ་མཁན་མོ་ཡིན་ན་ནི་འདི་བཞིན་གསོལ་ལོ། །དགོངས་ཤིག་མཁན་མོ། བདག་མིང་འདི་ཞེས་བགྱི་བ་མཁན་མོ་ལ་མཁན་མོར་གསོལ་ན། མཁན་མོས་བདག་གི་</font><hr>Da164a<br><font size=+2>


༄#། །མཁན་མོར་གྱུར་ཅིག་།མཁན་མོ་ལས་བསྙེན་པར་རྫོགས་པར་གསོལ་ལོ། །དེ་སྟེ་སློབ་དཔོན་མ་ལ་ཡང་འདི་སྐད་དུ་གསོལ་བར་བྱའོ། །སློབ་དཔོན་མ་དགོངས་ཤིག ། བདག་མིང་འདི་ཞེས་བགྱི་བ་སློབ་དཔོན་མ་ལ་མཁན་མོར་གསོལ་ཏེ། སློབ་དཔོན་མ་བདག་གི་མཁན་མོར་གྱུར་ཅིག། སློབ་དཔོན་མ་མཁན་མོ་ལས་བསྙེན་པར་རྫོགས་པར་གསོལ་ལོ། ། དེ་བཞིན་ལན་གཉིས་ལན་གསུམ་མོ། །དེ་ནས་ཆོས་གོས་རྣམས་བྱིན་གྱིས་བརླབ་པར་བྱའོ། །མཁན་མོ་དགོངས་ཤིག་།བདག་མིང་འདི་ཞེས་བགྱི་བའི་ཆོས་གོས་འདི་སྦྱར་མར་བྱིན་གྱིས་བརླབ་སྟེ། བྱས་པ་རྫོགས་པའི་ཆོས་གོས་ཀུན་ཏུ་སྤྱད་པའོ། །དེ་བཞིན་ལན་གཉིས་ལན་གསུམ་དུ་བྱའོ། །དེ་བཞིན་དུ་སྟོད་གཡོགས་དང ། བར་དུ་བགོ་བ་དང ། ཤིང་ང་དཔུང་ཆད་དང ། རྡུལ་ཟན་རྣམས་བྱིན་གྱིས་བརླབ་བོ། །དེ་ནས་ལྷུང་བཟེད་དགེ་སློང་མའི་དགེ་འདུན་མ་ལ་བསྟན་ཏོ། །དགེ་སློང་མ་དག་གིས་ལྷུང་བཟེད་བཟང་ངོ་ཞེས་སྨྲོས་ཤིག་།དེ་ནས་ལྷུང་བཟེད་བྱིན་གྱིས་བརླབ་སྟེ། མཁན་མོ་དགོངས་ཤིག་།བདག་མིང་འདི་ཞེས་བགྱི་བའི་ལྷུང་བཟེད་འདི་ནི་དྲང་སྲོང་གི་སྣོད་དེ། བསླང་བའི་སྣོད་དུ་བྱིན་གྱིས་བརླབ་བོ། །བཟའ་བར་ཀུན་ཏུ་སྤྱད་པའོ། །དེ་བཞིན་ལན་གཉིས་ལན་གསུམ་དུའོ། །དེའི་འོག་ཏུ་ཐོས་པའི་གནས་ནས་སྤངས་ནས་མཐོང་བའི་གནས་སུ་ཐལ་མོ་སྦྱར་ལ། མང་པོ་འདུས་པའི་ལོགས་སུ་</font><hr>Da164b<br><font size=+2>


སྟན་ལ་ཞོག་ཅིག་།དེ་ནས་ལས་བྱེད་པའི་དགེ་སློང་མས་མིང་འདི་ཞེས་བྱ་བའི་གསང་བ་སྟོན་པར་སུ་ལ་གསོལ་ཞེས་སྨྲོས་ཤིག་།གང་བསྐོས་པ་དེས་ཀྱང་བདག་མིང་འདི་ཞེས་བགྱི་བའོ། ། ཞེས་སྨྲོས་ཤིག་།དེ་ནས་ལས་བྱེད་པའི་དགེ་སློང་མས་ཐོག་མར་དད་པར་བྱོས་ཤིག། མིང་འདི་ཞེས་བྱ་བ་ཁྱོད་མཁན་མོ་མིང་འདི་ཞེས་བྱ་བ་སྟེ། མིང་འདི་ཞེས་བྱ་བའི་གསང་བ་སྟོན་པར་དད་དམ། དེ་དད་ན་དེས། དད་དོ་ཞེས་སྨྲོས་ཤིག། དེ་ནས་ལས་བྱེད་པའི་དགེ་སློང་མས་གསོལ་བ་ཉི་ཚེ་བྱོས་ཤིག་།གསོན་ཅིག་འཕགས་མའི་དགེ་འདུན་མ་རྣམས། མཁན་མོ་མིང་འདི་ཞེས་བགྱི་སྟེ་མིང་འདི་ཞེས་བྱ་བའི་གསང་སྟེ་སྟོན་པ་མིང་འདི་ཞེས་ཞེས་བགྱི་བར་དད་ན། དེ་སྟེ་འཕགས་མའི་དགེ་འདུན་མ་རྣམས་ཀྱིས་དུས་ལ་བབ་ཅིང་གཟོད་ན། འཕགས་མའི་དགེ་འདུན་མ་རྣམས་ཀྱིས་གནོང་ཞིག་དང ། འཕགས་མའི་དགེ་འདུན་མ་རྣམས་མཁན་མོ་མིང་འདི་ཞེས་བགྱི་སྟེ། དགེ་སློང་མ་མིང་འདི་ཞེས་བགྱི་བ་འདི་མིང་འདི་ཞེས་བགྱི་བ་ལ་གསང་བ་སྟོན་ཏོ། །འདི་ནི་གསོལ་བའོ། །དེ་ནས་གསང་བ་སྟོན་པའི་དགེ་སློང་མས་མདུན་དུ་ཙོག་པུར་ཞོག་སྟེ། ཐལ་མོ་སྦྱོར་དུ་ཆུག་ལ་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།འདི་ནི་ཁྱོད་ཀྱི་བདེན་པའི་དུས། འདི་ནི་ཡང་དག་པའི་དུས་ཏེ། ངས་ཁྱོད་ལ་ཅུང་ཟད་ཅིག་དྲིས་པ་དེ་ཐམས་ཅད་ཁྱོད་ཀྱིས་མ་འཛེམ་པར་བྱུང་བ་ལ་ནི་བྱུང་ཞེས་བྱ། མ་བྱུང་བ་</font><hr>Da165a<br><font size=+2>


༄#། །ལ་ནི་མ་བྱུང་ཞེས་མ་ནོར་བར་སྨྲོས་ཤིག་།ཁྱོད་བུད་མེད་དམ། བུད་མེད་དོ། །བུད་མེད་ཀྱི་དབང་པོ་དང་ལྡན་ནམ། ལྡན་ནོ། །ཁྱིམ་ན་གནས་པ་ལོ་བཅུ་གཉིས་པའམ། གཞོན་ནུ་མ་ལོ་ཉི་ཤུ་ཚང་ངམ། ཚང་ངོ ། །ཆོས་གོས་ལྔ་དང ། ལྷུང་བཟེད་རྣམས་དང་ལྡན་ནམ། ལྡན་ནོ། །ཁྱོད་ཀྱི་ཕ་མ་དང ། ཁྱིམ་ཐབ་རྣམས་གསོན་ནམ། གསོན་ནོ། །ཕ་དང་མ་དང་ཁྱོ་རྣམས་ཀྱིས་གནང་ངམ། གནང་ངོ ། །བྲན་མོ་མ་ཡིན་ནམ། ཕྲོག་པ་མ་ཡིན་ནམ། བརྐུས་པ་མ་ཡིན་ནམ། བཙོང་པ་མ་ཡིན་ནམ། རྙེད་བཙོན་མ་ཡིན་ནམ། རྩོད་པ་མེད་དམ། གཞན་གྱིས་ཆགས་པ་མེད་དམ། སྤྲུལ་པ་མ་ཡིན་ནམ། དུད་འགྲོ་མ་ཡིན་ནམ། རྒྱལ་པོ་ལ་གཙེས་པ་མ་ཡིན་ནམ། རྒྱལ་པོ་དང་འཁོན་པ་མ་ཡིན་ནམ། རྒྱལ་པོ་ལ་གནོད་པའི་ལས་བྱེད་པ་མ་ཡིན་ནམ། ཁྱོད་ཀྱིས་རྒྱལ་པོ་ལ་གནོད་པའི་ལས་བྱས་སམ། བྱེད་དུ་བཅུག་པ་མ་ཡིན་ནམ། མི་སྲུན་པ་མ་ཡིན་ནམ། མྱ་ངན་གྱིས་གདུངས་པ་མ་ཡིན་ནམ། སྦྲུམ་མ་མ་ཡིན་ནམ། མཚན་མེད་པ་མ་ཡིན་ནམ། མཚན་གཉིས་པ་མ་ཡིན་ནམ། སླེ་འདམས་པ་མ་ཡིན་ནམ། རྟག་ཏུ་ཁྲག་འཛག་པ་མ་ཡིན་ནམ། ཁྲག་མེད་པ་མ་ཡིན་ནམ། མཚན་མ་ཙམ་ཡོད་པ་མ་ཡིན་ནམ། དགེ་སློང་བསླུས་པ་མ་ཡིན་ནམ། ཕ་བསད་པ་མ་ཡིན་ནམ། མ་བསད་པ་མ་ཡིན་ནམ། དགྲ་བཅོམ་པ་བསད་པ་མ་ཡིན་ནམ། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་ཕྱུང་བ་མ་ཡིན་ནམ། མུ་སྟེགས་ཅན་མ་ཡིན་ནམ། མུ་སྟེགས་ཅན་དུ་འགྲོ་བ་མ་ཡིན་ནམ། རྐུན་པོའི་རྒྱལ་མཚན་ཅན་</font><hr>Da165b<br><font size=+2>


མ་ཡིན་ནམ། རྐུ་ཐབས་སུ་གནས་པ་མ་ཡིན་ནམ། སོ་སོར་གནས་པ་མ་ཡིན་ནམ། མི་གནས་པ་མ་ཡིན་ནམ། ཅི་ཁྱོད་སྔོན་རབ་ཏུ་བྱུང་བ་མ་ཡིན་ནམ། དེ་སྟེ་རབ་ཏུ་བྱུང་བའོ་ཞེས་སྨྲ་ན། འོ་ན་སླར་སོང་ཞིག་ཅེས་སྨྲོས་ཤིག་།དེ་སྟེ་རབ་ཏུ་མ་བྱུང་ངོ་ཞེས་སྨྲ་ན། ཅི་ཁྱོད་ཀྱིས་ད་ལྟར་རབ་ཏུ་བྱུང་ངམ། བྱུང་ངོ ། །ཅི་ཁྱོད་ཀྱིས་ཚངས་པར་སྤྱོད་པ་ཡང་དག་པར་སྤྱད་དམ། སྤྱད་དོ། །ཁྱོད་ཀྱིས་དགེ་སློང་མའི་དགེ་འདུན་ལས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་གསོལ་ཏམ། གསོལ་ཏོ། །ཁྱོད་ཀྱིས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་བསླབས་སམ། བསླབས་སོ། །ཁྱོད་ལ་དགེ་སློང་མའི་དགེ་འདུན་གྱིས་ཚངས་པར་སྤྱད་པ་སྐྱེད་པའི་སྡོམ་པ་ཕོག་གམ། ཕོག་གོ། ཁྱོད་ལ་དགེ་སློང་མའི་དགེ་འདུན་གྱིས་སྔར་བྱ་བའི་ལས་རྣམས་བྱས་སམ། བགྱིས་སོ། །ཁྱོད་ཀྱིས་དགེ་སློང་མའི་དགེ་འདུན་རྣམས་ཀྱི་སེམས་གུས་པར་བྱས་སམ། གུས་པར་བགྱིས་སོ། །བར་ཆད་ཀྱི་ཆོས་རྣམས་ཡོངས་སུ་དག་གམ། ཡོངས་སུ་དག་གོ་།ཁྱོད་ལ་གཞན་གྱི་བུ་ལོན་མང་ཡང་རུང ། ཉུང་ཡང་རུང་ཆགས་པ་མེད་དམ། མེད་དོ།། ཁྱོད་ཀྱི་མིང་ཅི། ཁྱོད་ཀྱི་མཁན་མོའི་མིང་ཅི། བདག་གི་མིང་འདི་ཞེས་བགྱི། དོན་གྱི་སླད་དུ་མཚན་ནས་སྨོས་ཏེ། མཁན་མོའི་མིང་འདི་ཞེས་བགྱིའོ། །ཁྱོད་མིང་འདི་ཞེས་བགྱི་བ་ཉོན་ཅིག་།བུད་མེད་ཀྱི་ལུས་ལ་གནོད་པར་འགྱུར་བ་ལུས་ཀྱི་ནད་འདི་འདྲ་བ་ཡོད་དེ། དེ་འདི་ལྟ་སྟེ། མཛེ་དང ། འབྲས་དང ། ཤུ་བ་དང ། ཚད་པ་དང ། ཤ་བཀྲ་དང ། རྐོང་བ་དང ། ཕོལ་མིག་དང ། གློག་པ་དང ། རབ་ཏུ་གཡའ་བ་དང ། སྐྱིགས་བུ་དང་</font><hr>Da166a<br><font size=+2>


༄#། །སྐྱུགས་པ་དང ། གཞང་འབྲུམ་དང ། རིམས་དང ། ཟ་ངད་དང ། མྱོས་པ་དང ། ཆུ་བགགས་པ་དང ། ངལ་བ་དང ། རྨོང་བུ་དང ། དབུགས་མི་བདེ་བ་དང ། ལུད་པ་དང ། སྐེམ་པ་དང ། རྗེད་བྱེད་དང ། འཇས་པ་དང ། དཀར་པོའི་ནད་དང ། རྐང་འབམ་དང ། མཚན་པར་རྡོལ་བ་དང ། སྐྲན་དང ། ཁྲག་ནད་དང ། མཁྲིས་པ་དང ། རྐུབ་འབྲུམ་དང ། ལྷོག་པ་དང ། ཡན་ལག་ཚ་བ་དང ། རྩིབ་ལོག་ཚ་བ་དང ། རུས་པ་ཞིག་པ་དང ། རིམས་དྲག་པོ་དང ། རིམས་ཞག་གཅིག་པ་དང ། ཞག་གཉིས་པ་དང ། ཞག་གསུམ་པ་དང ། ཞག་བཞི་པ་དང ། རིམས་ཉིན་རེ་དང ། འདུས་པའི་རིམས་དང ། རྟག་པའི་རིམས་དང ། རིམས་ལྡང་དུབ་བ་དང ། ཁྱོད་ཀྱི་ལུས་ལ་འདི་ལྟ་བུའི་ལུས་ཀྱི་ནད་དང ། གཞན་དག་མེད་དམ། དེ་སྟེ་ཡོངས་སུ་གཙང་བར་གྱུར་ན། གསང་སྟེ་སྟོན་པས་ཇི་ལྟར་བདག་གིས་ཁྱོད་ལ་དྲིས་པ་དེ་བཞིན་དུ། དགེ་འདུན་གྱི་ནང་དུ་ཡང་སྨྲོས་ཤིག་ཅེས་བསྒོ་ལ།་འདིར་འདུག་སྟེ། མ་བོས་ཀྱི་བར་དུ་མ་འོངས་ཤིག་།དེ་ནས་གསང་སྟེ་སྟོན་པ་ལམ་གྱི་བར་དུ་འདུག་ལ། འདི་སྐད་སྨྲོས་ཤིག་།དགོངས་ཤིག་།འཕགས་མ་དག། བདག་གིས་མིང་འདི་ཞེས་བགྱི་བ་ལ་བར་ཆད་ཀྱི་ཆོས་རྣམས་བསྟན་ཅིང་དྲིས་ན། ཡོངས་སུ་དག་གོ་ཞེས་ཉིད་མཆི་ན། ཅི་མཆི་ཞིག་གམ། དགེ་སློང་མ་ཐམས་ཅད་ཀྱིས་ཀྱང ། </font><hr>Da166b<br><font size=+2>


དེ་སྟེ་ཡོངས་སུ་དག་པར་གྱུར་ན་ཚུར་ཤོག་ཅེས་སྨྲོས་ཤིག་།དེ་ལྟར་སྨྲས་ན་ནི་ལེགས། མ་སྨྲས་ན་ནི་འདས་པ་དང་བཅས་པར་འགྱུར་རོ། །དེ་ནས་ལས་བྱེད་པའི་དགེ་སློང་མས་མདུན་དུ་ཞོག་ལ་ཚངས་པ་སྤྱད་པ་སྐྱེད་པའི་སྡོམ་པ་གསོལ་ཅིག་།གསོན་ཅིག་།འཕགས་མའི་དགེ་འདུན་མ་རྣམས། བདག་མིང་འདི་ཞེས་བགྱི་བ་མིང་འདི་ཞེས་བགྱི་བ་ལས་དགེ་འདུན་ལས་བསྙེན་པར་རྫོགས་པར་འཚལ་ཏེ། དེ་ཡང་བདག་མིང་འདི་ཞེས་བགྱི་བ་འཕགས་མའི་དགེ་འདུན་མ་རྣམས་ལ་ཚངས་པར་སྤྱོད་པ་སྐྱེད་པའི་སྡོམ་པ་གསོལ་གྱི། དོན་གྱི་སླད་དུ་མཚན་ནས་སྨོས་ཏེ། མཁན་མོ་མིང་འདི་ཞེས་བགྱི་སྟེ། འཕགས་མའི་དགེ་འདུན་གྱིས་བདག་མིང་འདི་ཞེས་བགྱི་བ་ལ། ཚངས་པར་སྤྱད་པ་སྐྱེད་པའི་སྡོམ་པ་གསོལ་ཅིག་།བརྩེ་བ་ཅན་བརྩེ་བར་བགྱི་བའི་ཕྱིར་རོ། །དེ་བཞིན་ལན་གཉིས་ལན་གསུམ་དུའོ། །དེ་ནས་ལས་བྱེད་པའི་དགེ་སློང་མས་གསོལ་བ་ཐོབ་ལ། ལས་བྱོས་ཤིག་།གསོན་ཅིག་།འཕགས་མའི་དགེ་འདུན་མ་རྣམས་མིང་འདི་ཞེས་བགྱི་བ་མིང་འདི་ཞེས་བགྱི་བ་ལས་བསྙེན་པར་རྫོགས་པར་འཚལ་ཏེ། མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་སྟེ། འཕགས་པའི་དགེ་འདུན་མ་རྣམས་ལས་ཚངས་པར་སྤྱོད་པ་སྐྱེད་པའི་སྡོམ་པ་གསོལ་ན། དེ་སྟེ་འཕགས་མའི་དགེ་འདུན་མ་རྣམས་ཀྱིས་དུས་ལ་བབ་ཅིང་བཟོད་ན། འཕགས་མའི་དགེ་འདུན་རྣམས་ཀྱིས་གནོང་ཞིག་དང ། བདག་མིང་འདི་ཞེས་བགྱི་བས་དགེ་འདུན་</font><hr>Da167a<br><font size=+2>


༄#། །མའི་ནང་དུ་བར་ཆད་ཀྱི་ཆོས་འདི་འདྲི་སྟེ། འདི་ནི་གསོལ་བའོ། །མིང་འདི་ཞེས་བྱ་བ་ཁྱོད་ཉོན་ཅིག་།འདི་ནི་ཁྱོད་ཀྱི་བདེན་པའི་དུས། འདི་ནི་ཡང་དག་པའི་དུས་ཏེ། ངས་ཁྱོད་ལ་ཅུང་ཟད་ཅིག་དྲིས་པ་དེ་ཐམས་ཅད་ཁྱོད་ཀྱིས་མ་འཛེམ་པར་བྱུང་བ་ལ་ནི་བྱུང་ཞེས་སྨྲོས། མ་བྱུང་བ་ལ་ནི་མ་བྱུང་ཞེས་བྱ་བ་མ་ནོར་བར་སྨྲོས་ཤིག་།བུད་མེད་དམ། བུད་མེད་དོ་ཞེས་བྱ་བ་ནས། ཁྱོད་ཀྱི་ལུས་ལ་འདི་འདྲ་བའི་ནད་ཀྱི་གནོད་པ་དང ། གཞན་ཡང་མེད་དམ། མེད་དོ་ཞེས་སྨྲོས་ཤིག་པའི་བར་དུ་སྦྱར་རོ། །དེ་ནས་གསོལ་བ་བྱོས་ཤིག་།གསོན་ཅིག་།འཕགས་མའི་དགེ་འདུན་མ་རྣམས་མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་འཚལ་ཏེ། ཁྱིམ་ན་གནས་པ་ལོ་བཅུ་གཉིས་ལོན་པའམ། གཞོན་ནུ་མ་ལོ་ཉི་ཤུ་ཚང་ལ། ཆོས་གོས་ལྔ་དང ། ལྷུང་བཟེད་དུ་ཡང་ལྡན། བར་ཆད་ཀྱི་ཆོས་རྣམས་ཀྱང་ཡོངས་སུ་གཙང་ངོ་ཞེས་བདག་ཉིད་མཆི་སྟེ། མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་སྟེ། འཕགས་མའི་དགེ་འདུན་མ་རྣམས་ལ་ཚངས་པར་སྤྱད་པ་སྐྱེད་པའི་སྡོམ་པ་གསོལ་ན། དེ་སྟེ་འཕགས་མའི་དགེ་འདུན་མ་རྣམས་ཀྱིས་དུས་ལ་བབ་ཅིང་བཟོད་ན། འཕགས་མའི་དགེ་འདུན་མ་རྣམས་ཀྱིས་གནོང་ལ། འཕགས་མའི་དགེ་འདུན་མ་རྣམས་ཀྱིས་མིང་འདི་ཞེས་བགྱི་བ་ལ་མཁན་མོ་མིང་འདི་ཞེས་</font><hr>Da167b<br><font size=+2>


བགྱི་སྟེ། དེ་ལ་ཚངས་པར་སྤྱད་པ་སྐྱེད་པའི་སྡོམ་པ་སྩོལ་ཅིག་།འདི་ནི་གསོལ་བའོ། །ལས་ཀྱང་འདི་བཞིན་བྱའོ། །གསོན་ཅིག་།འཕགས་མའི་དགེ་འདུན་མ་རྣམས། མིང་འདི་ཞེས་བགྱི་བ་འདི་མཁན་མོ་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་འཚལ་ཏེ། ཁྱིམ་ན་གནས་པ་ལོ་བཅུ་གཉིས་པའམ། གཞོན་ནུ་མ་ལོ་ཉི་ཤུར་ཚང་ལ། ཆོས་གོས་ལྔ་དང ། ལྷུང་བཟེད་དུ་ཡང་ལྡན། བར་ཆད་ཀྱི་ཆོས་རྣམས་ཀྱང་གཙང་ངོ་ཞེས་བདག་ཉིད་མཆི་སྟེ། མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་སྟེ། འཕགས་མའི་དགེ་འདུན་མ་རྣམས་ལ་ཚངས་པར་སྤྱད་པ་སྐྱེད་པའི་སྡོམ་པ་གསོལ་ན། འཕགས་མའི་དགེ་འདུན་མ་རྣམས་ཀྱིས་མིང་འདི་ཞེས་བགྱི་བ་འདི། མཁན་མོ་མིང་འདི་ཞེས་བགྱི་སྟེ། དེ་ལ་ཚངས་པར་སྤྱད་པ་སྐྱེད་པའི་སྡོམ་པ་གསོལ་ན། འཕགས་མ་རྣམས་ལས་མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་སྟེ། དེ་ལ་ཚངས་པར་སྤྱད་པ་སྐྱེད་པའི་སྡོམ་པ་སྩལ་བར་གང་བཟོད་པ་དེ་དག་ནི་ཅང་མ་གསུངས་ཤིག། གང་མི་བཟོད་པ་དེ་དག་ནི་གསུངས་ཤིག་།འཕགས་མའི་དགེ་འདུན་མ་རྣམས་ཀྱིས་མིང་འདི་ཞེས་བགྱི་བ་ལ། མཁན་མོ་མིང་འདི་ཞེས་བགྱི་སྟེ། དེ་ལ་ཚངས་པར་སྤྱད་པ་སྐྱེད་པའི་སྡོམ་པ་སྩལ་ཏེ། འཕགས་མའི་དགེ་འདུན་མ་རྣམས་ཀྱིས་བཟོད་ཅིང་གནང་བས་ན་ཅང་མི་གསུང་སྟེ། དེ་དེ་བཞིན་དུ་འཛིན་ཏོ། །དེའི་འོག་ཏུ་དགེ་སློང་ཕའི་དགེ་འདུན་</font><hr>Da168a<br><font size=+2>


༄#། །ཐམས་ཅད་འདུས་ཤིང་འཁོད་དེ། ཉུང་ན་ཡང་དགེ་སློང་གི་གྲངས་བཅུའི་འཁོར་དང ། དགེ་སློང་མ་ཐམས་ཅད་འདུས་ཤིང་འཁོད་ལ་ཉུང་ན་ཡང་དགེ་སློང་མ་བཅུ་གཉིས་ཀྱི་འཁོར་དུ་ལས་བྱེད་པའི་དགེ་སློང་ཕའི་མདུན་དུ་རྩཝ་ཆུན་པོའམ། སྟན་ཁོང་ཚངས་ཅན་གྱི་སྟེང་དུ་ཞོག་ལ་ཐལ་མོ་སྦྱར་ཏེ། དགེ་འདུན་གཉིས་ཀ་ལས་བསྙེན་པར་རྫོགས་པར་གསོལ་བར་བྱའོ། །གསོན་ཅིག་།བཙུན་པའི་དགེ་འདུན་སྡེ་གཉིས་རྣམས། བདག་མིང་འདི་ཞེས་བགྱི་བ་དོན་གྱི་སླད་དུ་མཚན་ནས་སྨོས་ཏེ་མཁན་མོ་མིང་འདི་ཞེས་བགྱི་བ་ལས།་དགེ་འདུན་སྡེ་གཉིས་ཀ་ལས་བསྙེན་པར་རྫོགས་པར་འཚལ་ཏེ། བདག་མིང་འདི་ཞེས་བགྱི་བ་དོན་གྱི་སླད་དུ་མཚན་ནས་སྨྲོས་ཏེ་མཁན་མོ་མིང་འདི་ཞེས་བགྱི་བས་།དགེ་འདུན་སྡེ་གཉིས་ཀ་ལས་བསྙེན་པར་རྫོགས་པར་གསོལ་ན། བཙུན་པའི་དགེ་འདུན་གཉིས་ཀས་བདག་བསྙེན་པར་རྫོགས་པར་བགྱི་བར་གསོལ། བཙུན་པའི་དགེ་འདུན་གཉིས་ཀས་བདག་དབྱུང་བར་གསོལ། བཙུན་པའི་དགེ་འདུན་གཉིས་ཀས་བདག་རྗེས་སུ་གཟུང་བར་གསོལ། བཙུན་པའི་དགེ་འདུན་གཉིས་ཀས་བདག་ལ་ཐུགས་བརྩེ་བར་གསོལ། ཐུགས་བརྩེ་བ་ཅན་ཐུགས་བརྩེ་བའི་ཕྱིར་རོ། །འདི་བཞིན་ལན་གསུམ་དུ་བྱའོ། །དེའི་འོག་ཏུ་ལས་བྱེད་པའི་དགེ་སློང་ཕས་གསོལ་བར་གྱིས་ཤིག་།གསོན་ཅིག་།བཙུན་པའི་</font><hr>Da168b<br><font size=+2>


དགེ་འདུན་གཉིས་ཀ་རྣམས། མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་བས་དགེ་འདུན་སྡེ་གཉིས་ཀ་ལས་བསྙེན་པར་རྫོགས་པར་འཚལ་ཏེ། མིང་འདི་ཞེས་བགྱི་བ་འདི། མཁན་མོ་མིང་འདི་ཞེས་བགྱི་སྟེ། དགེ་འདུན་སྡེ་གཉིས་ཀ་ལས་བསྙེན་པར་རྫོགས་པར་གསོལ་ན། དེ་སྟེ་དགེ་འདུན་གཉིས་ཀས་དུས་ལ་བབ་ཅིང་བཟོད་ན། དགེ་འདུན་གཉིས་ཀས་གནོང་ཞིག་དང ། བདག་གིས་འདི་ལ་དགེ་འདུན་གཉིས་ཀའི་ནང་དུ་མཁན་མོ་མིང་འདི་ཞེས་བགྱི་བས་མིང་འདི་ཞེས་བགྱི་བ་ལ་བར་ཆད་ཀྱི་ཆོས་རྣམས་དྲི་སྟེ། འདི་ནི་གསོལ་བའོ། །མིང་འདི་ཞེས་བྱ་བ་ཁྱོད་ཉོན་ཅིག་།འདི་ནི་ཁྱོད་ཀྱི་བདེན་པའི་དུས། འདི་ནི་ཡང་དག་པའི་དུས་ཏེ། ངས་ཁྱོད་ལ་ཅུང་ཟད་ཅིག་དྲིས་པ་དེ་དག་ཐམས་ཅད་ཁྱོད་ཀྱིས་མ་འཛེམ་པར་བྱུང་བ་ལ་བྱུང་ཞེས། མ་བྱུང་བ་ལ་ནི་མ་བྱུང་ཞེས་མ་ནོར་བར་སྨྲོས་ཤིག་།ཁྱོད་བུད་མེད་དམ། བུད་མེད་དོ། །བུད་མེད་ཀྱི་དབང་པོ་དང་ལྡན་ནམ། ལྡན་ནོ། །ཁྱིམ་ན་གནས་པ་ལོ་བཅུ་གཉིས་སམ། གཞོན་ནུ་མ་ལོ་ཉི་ཤུ་ཚང་ངམ། ཚང་ངོ ། །ཁྱོད་ཀྱི་ཆོས་གོས་ལྔ་དང ། ལྷུང་བཟེད་དུ་ལྡན་ནམ། ལྡན་ནོ། །ཁྱོད་ཀྱི་ཕ་དང་མ་དང་ཁྱིམ་ཐབ་གསོན་ནམ། གསོན་ནོ། །ཕ་དང ། མ་དང ། ཁྱིམ་ཐབ་ཀྱིས་གནང་ངམ་གནང་ངོ ། །བྲན་མོ་མ་ཡིན་ནམ། ཕྲོག་པ་མ་ཡིན་ནམ། བརྐུས་པ་མ་ཡིན་ནམ། རྙེད་བཙོན་པ་མ་ཡིན་ནམ། བཙོང་པ་མ་ཡིན་ནམ། རྩོད་པ་མེད་དམ། གཞན་གྱིས་ཆགས་པ་མེད་དམ། སྤྲུལ་</font><hr>Da169a<br><font size=+2>


༄#། །པ་མ་ཡིན་ན། དུད་འགྲོ་མ་ཡིན་ནམ། རྒྱལ་པོ་ལ་གཙེས་པ་མ་ཡིན་ནམ། རྒྱལ་པོ་དང་འཁོན་པ་མ་ཡིན་ནམ། རྒྱལ་པོ་ལ་གནོད་པའི་ལས་བྱེད་པ་མ་ཡིན་ནམ། ཁྱོད་ཀྱིས་རྒྱལ་པོ་ལ་གནོད་པ་བྱས་པའམ། གནོད་པ་བྱེད་དུ་བཅུག་པ་མ་ཡིན་ནམ། མི་སྲུན་པ་མ་ཡིན་ནམ། མྱ་ངན་གྱིས་གདུངས་པ་མ་ཡིན་ནམ། སྦྲུམ་མ་མ་ཡིན་ནམ། མཚན་མེད་པ་མ་ཡིན་ནམ། མཚན་གཉིས་པ་མ་ཡིན་ནམ། གླེ་འདམས་པ་མ་ཡིན་ནམ། རྟག་ཏུ་ཁྲག་འཛག་པ་མ་ཡིན་ནམ། ཁྲག་མེད་པ་མ་ཡིན་ནམ། མཚན་མ་ཙམ་ཡོད་པ་མ་ཡིན་ནམ། དགེ་སློང་བསླུས་པ་མ་ཡིན་ནམ། ཕ་བསད་པ་མ་ཡིན་ནམ། མ་བསད་པ་མ་ཡིན་ནམ། དགྲ་བཅོམ་པ་བསད་པ་མ་ཡིན་ནམ། དེ་བཞིན་གཤེགས་པའི་སྐུ་ཡང་ན་སེམས་ཀྱིས་ཁྲག་ཕྱུང་བ་མ་ཡིན་ནམ། མུ་སྟེགས་ཅན་མ་ཡིན་ནམ། མུ་སྟེགས་ཅན་དུ་འགྲོ་བ་མ་ཡིན་ནམ། རྐུན་བོའི་རྒྱལ་མཚན་ཅན་མ་ཡིན་ནམ། རྐུ་ཐབས་སུ་གནས་བ་མ་ཡིན་ནམ། སོ་སོར་གནས་པ་མ་ཡིན་ནམ། མི་གནས་པ་མ་ཡིན་ནམ། ཅི་ཁྱོད་སྔོན་རབ་ཏུ་བྱུང་ངམ། དེ་སྟེ་རབ་ཏུ་བྱུང་ངོ་ཞེས་སྨྲ་ན། འོན་སོང་ཞིག་ཅེས་སྨྲོས་ཤིག་དེ་སྟེ་རབ་ཏུ་མ་བྱུང་ངོ་ཞེས་ཟེར་ན། ཅི་ཁྱོད་ད་ལྟར་རབ་ཏུ་བྱུང་ངམ། བྱུང་ངོ ། །ཅི་ཁྱོད་ཀྱིས་ཚངས་པར་སྤྱོད་པ་ཡང་དག་པར་སྤྱད་དམ། སྤྱད་དོ། །ཅི་ཁྱོད་ཀྱིས་དགེ་སློང་</font><hr>Da169b<br><font size=+2>


མའི་དགེ་འདུན་གྱིས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་བྱིན་ནམ། བྱིན་ནོ། །ཁྱོད་ཀྱིས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ལ་བསླབས་སམ། བསླབས་སོ། །ཁྱོད་ལ་དགེ་སློང་མའི་དགེ་འདུན་གྱིས་ཚངས་པར་སྤྱད་པ་སྤྱོད་པའི་སྡོམ་པ་ཕོག་གམ། ཕོག་གོ། ཁྱོད་ལ་དགེ་སློང་མའི་དགེ་འདུན་གྱིས་སྔར་བྱ་བའི་ལས་རྣམས་བྱས་སམ། བགྱིས་སོ། །ཁྱོད་ཀྱིས་དགེ་སློང་མའི་དགེ་འདུན་རྣམས་ཀྱི་སེམས་མགུ་བར་བྱས་སམ། མགུ་བར་བྱས་སོ། །བར་ཆད་ཀྱི་ཆོས་རྣམས་ལས་ཡོངས་སུ་དག་གམ། ཡོངས་སུ་དག་གོ་།ཁྱོད་ལ་གཞན་གྱི་བུ་ལོན་མང་ཡང་རུང ། ཉུང་ཡང་རུང་ཆགས་པ་མེད་དམ། མེད་དོ། །ཁྱོད་ཀྱི་མིང་ཅི། ཁྱོད་ཀྱི་མཁན་མོའི་མིང་ཅི། བདག་གི་མིང་འདི་ཞེས་བགྱི། དོན་གྱི་སླད་དུ་མཚན་ནས་སྨོས་ཏེ། མཁན་མོའི་མིང་ནི་འདི་ཞེས་བགྱིའོ། །མིང་འདི་ཞེས་བྱ་བ་ཁྱོད་ཉོན་ཅིག་།བུད་མེད་ཀྱི་ལུས་ལ་གནོད་པར་འགྱུར་བ་ལུས་ཀྱི་ནད་འདི་འདྲ་བ་ཡོད་དེ། དེ་འདི་ལྟ་སྟེ། མཛེ་དང ། འབྲས་དང ། ཤུ་བ་དང ། ཕོལ་མིག་དང ། ཚད་པ་དང ། ཤ་བཀྲ་ཅན་དང ། རྐོང་པ་དང ། གྲོག་པ་དང ། རབ་ཏུ་གཡའ་བ་དང ། སྐྱུགས་པ་དང ། གཞང་འབྲུམ་དང ། སྐྱིགས་བུ་དང ། རིམས་དང ། ཟ་ངད་དང ། མྱོས་པ་དང ། ངལ་བ་དང ། མགོ་གཡུང་དང ། ཚད་པ་དང ། </font><hr>Da170a<br><font size=+2>


༄#། །ལུད་པ་དང ། དབུགས་མི་བདེ་བ་དང ། སྐེམ་པ་དང ། བརྗེད་བྱེད་དང ། འཇས་པ་དང ། ནད་དཀར་པོ་དང ། རྐང་འབམ་དང ། མཚན་པར་རྡོལ་པ་དང ། སྐྲན་དང ། ཁྲག་ནད་དང ། མཁྲིས་པ་དང ། རྐུབ་འབྲུམ་དང ། ལྟོག་པ་དང ། ཡན་ལག་ཚ་བ་དང ། རྩིབ་ལོགས་ཚ་བ་དང ། རུས་པ་ཞིག་པ་དང ། རིམས་དྲག་པོ་དང ། རིམས་ཞག་གཅིག་པ་དང ། གཉིས་པ་དང ། གསུམ་པ་དང ། བཞི་པ་དང ། རིམས་ཉིན་རེ་བ་དང ། འདུས་པའི་རིམས་དང ། རིམས་ལྡང་དུབ་པ་དང ། རྟག་པའི་རིམས་དང ། ཁྱོད་ཀྱི་ལུས་ལ་འདི་ལྟ་བུའི་ལུས་ཀྱི་ནད་ལུས་ལ་གནོད་པར་འགྱུར་བ་དང ། དེ་ལས་གཞན་ཡང་མེད་དམ། དེ་ལ་ཁྱོད་ཀྱིས་ཡང་དག་པར་ཇི་བཞིན་པར་སྨྲོས་ཤིག། །།འདུལ་བ་ཕྲན་ཚེགས་ཀྱི་གཞི། བམ་བོ་སོ་བདུན་པ། དེ་ནས་གསོལ་བ་བྱེད་པའི་དགེ་སློང་གིས་གསོལ་བ་ཐོབ་སྟེ་ལས་བྱོས་ཤིག་།གསོན་ཅིག་།བཙུན་པའི་དགེ་འདུན་གཉིས་ཀ་རྣམས་མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་བས་དགེ་འདུན་གཉིས་ཀ་ལས་བསྙེན་པར་རྫོགས་པར་འཚལ་ཏེ། མིང་འདི་ཞེས་བགྱི་བ་མཁན་མོ་མིང་འདི་ཞེས་བགྱི་བས་དགེ་འདུན་གཉིས་ཀ་ལས་བསྙེན་པར་རྫོགས་པར་གསོལ་ཏེ། བུད་མེད་ཀྱང་ལགས། བུད་མེད་ཀྱི་དབང་པོ་དང་ལྡན། བུད་མེད་ཁྱིམ་ན་གནས་པ་ལོ་བཅུ་གཉིས་སམ། གཞོན་ནུ་མ་ལོ་ཉི་ཤུ་ཚང་བ་སྟེ། </font><hr>Da170b<br><font size=+2>


འདིའི་ཆོས་གོས་ལྔ་དང ། ལྷུང་བཟེད་དུ་ཡང་ལྡན། ཕ་མ་དང་ཁྱིམ་ཐབ་ཀྱིས་ཀྱང་གནང ། བར་ཆད་ཀྱི་ཆོས་རྣམས་ཀྱང་ཡོངས་སུ་དག་།འདིས་ཚངས་པར་སྤྱོད་པ་ཡང་ལེགས་པར་སྤྱད། དགེ་སློང་མའི་དགེ་འདུན་གྱིས་འདི་ལ་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ཡང་ཕོག་སྟེ། འདིས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ཡང་བསླབས། དགེ་སློང་མའི་དགེ་འདུན་མ་རྣམས་ཀྱིས་འདི་ལ་ཆོས་གསུམ་གྱིས་ཚངས་པར་སྤྱད་པ་སྐྱེད་པའི་སྡོམ་པ་ཡང་བྱིན། དགེ་སློང་མའི་དགེ་འདུན་རྣམས་ཀྱིས། འདི་ལ་བྱ་བ་རྣམས་ཀྱང་སྔོན་དུ་བྱས་ཟིན། དགེ་སློང་མའི་དགེ་འདུན་རྣམས་ཀྱི་སེམས་མཉེས་པར་བྱས་ཟིན། བར་ཆད་ཀྱི་ཆོས་རྣམས་ཀྱང་གཙང་ངོ་ཞེས་བདག་ཉིད་མཆི་ན། མིང་འདི་ཞེས་བྱ་བ་འདི་མཁན་མོ་མིང་འདི་ཞེས་བགྱི་སྟེ། དགེ་འདུན་གཉིས་ཀ་ལས་བསྙེན་པར་རྫོགས་པར་གསོལ་ན། དེ་སྟེ་དགེ་འདུན་གཉིས་ཀས་དུས་ལས་བབ་ཅིང་བཟོད་ན། དགེ་འདུན་སྡེ་གཉིས་ཀས་གནོང་ལ། དགེ་འདུན་གཉིས་ཀས་མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་སྟེ་བསྙེན་པར་རྫོགས་པར་གསོལ་ཅིག་།འདི་ནི་གསོལ་བའོ། །ལས་ནི་འདི་ལྟར་བྱོས་ཤིག་།གསོན་ཅིག་།བཙུན་པའི་དགེ་འདུན་གཉིས་ཀ་རྣམས་མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་བས་གཉིས་ཀའི་དགེ་འདུན་ལས་བསྙེན་པར་</font><hr>Da171a<br><font size=+2>


༄#། །རྫོགས་པར་འཚལ་ཏེ། མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་བས་གཉིས་ཀའི་དགེ་འདུན་ལས་བསྙེན་པར་རྫོགས་པར་གསོལ་ཏེ། །བུད་མེད་ཀྱང་ལགས། ། བུད་མེད་ཀྱི་དབང་པོ་དང་ཡང་ལྡན། བུད་མེད་ཁྱིམ་ན་གནས་པ་ལོ་བཅུ་གཉིས་སམ། གཞོན་ནུ་མ་ལོ་ཉི་ཤུར་ཚང་སྟེ། འདི་ལ་ཆོས་གོས་ལྔ་དང ། ལྷུང་བཟེད་དུ་ཡང་ལྡན། ཕ་མ་དང་ཁྱིམ་ཐབ་ཀྱིས་ཀྱང་གནང ། བར་ཆད་ཀྱི་ཆོས་རྣམས་ཀྱང་ཡོངས་སུ་དག་།འདིས་ཚངས་པར་སྤྱོད་པ་ཡང་ལེགས་པར་སྤྱད། དགེ་སློང་མའི་དགེ་འདུན་གྱིས་འདི་ལ་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ཡང་ཕོག་སྟེ། འདི་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ལ་ཡང་བསླབས། དགེ་སློང་མའི་དགེ་འདུན་མ་རྣམས་ཀྱིས། འདི་ཚངས་པར་སྤྱད་པ་སྐྱེད་པའི་སྡོམ་པ་ཡང་བྱིན། དགེ་སློང་མའི་དགེ་འདུན་གྱིས་འདི་ལ་བྱ་བ་རྣམས་ཀྱང་སྔོན་དུ་བྱས་ཟིན། འདིས་དགེ་སློང་མའི་དགེ་འདུན་གྱི་སེམས་མཉེས་པར་ཡང་བྱས། བར་ཆད་ཀྱི་ཆོས་རྣམས་གཙང་ངོ་ཞེས་བདག་ཉིད་མཆི་སྟེ། མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་སྟེ། དགེ་འདུན་གཉིས་ཀ་ལས་བསྙེན་པར་རྫོགས་ཤིང ། དགེ་སློང་མའི་དངོས་པོར་གསོལ་ན། དེའི་སླད་དུ་མིང་འདི་ཞེས་བགྱི་བ་འདི་མཁན་མོ་མིང་འདི་ཞེས་བགྱི་སྟེ། དགེ་འདུན་</font><hr>Da171b<br><font size=+2>


གཉིས་ཀས་བསྙེན་པར་རྫོགས་པར་མཛད་ན། ཚེ་དང་ལྡན་པ་རྣམས་ལས་མིང་འདི་ཞེས་བགྱི་བ་འདི། མཁན་མོ་མིང་འདི་ཞེས་བགྱི་སྟེ། དགེ་འདུན་གཉིས་ཀས་བསྙེན་པར་རྫོགས་པར་མཛད་པར་གང་དག་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་དང་པོའི་ཚིག་སྟེ། དེ་བཞིན་དུ་ལས་ཀྱི་ཚིག་རྣམས་ལན་གཉིས་ལན་གསུམ་དུ་སྨྲ་བར་བྱའོ། །མིང་འདི་ཞེས་བགྱི་བ་མཁན་མོ་མིང་འདི་ཞེས་བགྱི་སྟེ། དགེ་འདུན་གཉིས་ཀས་བསྙེན་པར་རྫོགས་པར་མཛད་དེ། དགེ་འདུན་གཉིས་ཀས་བཟོད་ཅིང་གནང་བས་ན། ཅང་མི་གསུང་བས་ངེ་དེ་བཞིན་དུ་འཛིན་ཏོ། །དེ་ནས་གྲིབ་མ་གཅལ་བར་བྱའོ། །དགེ་སློང་མ་དག་གིས་རིང་པོ་རིང་པོས་གྲིབ་མ་གཅལ་བ་དང ། བཅོམ་ལྡན་འདས་ཀྱིས་ཤིང་ལྕུག་མ་རིང་ཞིང་རིང་པོས་གྲིབ་མ་གཅལ་བར་མ་བྱེད་ཅིག་ཅེས་བཀའ་སྩལ་ཏོ། །རྐང་པས་གཅལ་ནས། བཅོམ་ལྡན་འདས་ཀྱིས་རྐང་པས་གཅལ་བར་མི་བྱའོ། །ཤིང་བུ་སོར་བཞི་པས་གཅོལ་ཅིག་།ཤིང་བུ་ཇི་སྲིད་པ་དེ་ཙམ་ལ་སྐྱེས་བུ་ཞེས་བྱའོ། །དེའི་འོག་ཏུ་དུས་ཚོད་རིག་པར་བྱོས་ཤིག་།དགུན་གྱི་དུས་དང ། དཔྱིད་ཀྱི་དུས་དང ། དབྱར་གྱི་དུས་དང ། དབྱར་ཟད་པ་དང ། དུས་རིང་བོའོ། །དེ་ལ་དགུན་གྱི་དུས་ནི་ཟླ་བ་བཞིའོ། །དཔྱིད་ཀྱི་དུས་ནི་ཟླ་བ་བཞིའོ། །དབྱར་གྱི་དུས་ནི་ཟླ་བ་གཅིག་གོ་།དབྱར་ཟད་པ་ནི་ཞག་གཅིག་གོ་།དུས་རིང་པོ་ནི་ནུབ་གཅིག་གིས་</font><hr>Da172a<br><font size=+2>


༄#། །ཉུང་བའི་ཟླ་བ་གསུམ་མོ། །དུས་ཀྱང་རིག་པར་བྱ་སྟེ། སྐྱ་རེངས་དང་པོ་དང ། སྐྱ་རེངས་པར་མ་དང ། སྐྱ་རེངས་ཐ་མ་དང ། ཉི་མ་མ་ཤར་བ་དང ། ཉི་མ་ཤར་བ་དང ། ཉི་མ་ཤར་བའི་བརྒྱད་ཆ་དང ། ཉི་མ་ཤར་བའི་བཞི་ཆ་དང ། ཉི་མ་མ་ཕྱེད་པ་དང ། ཉི་མ་ཕྱེད་པ་དང ། ཉི་མ་ཕྱེད་ཡོལ་བ་དང ། ཕྱི་དྲོའི་བཞི་ཆ་དང ། ཕྱི་དྲོའི་བརྒྱད་ཆ་དང།་ཉི་མ་མ་ནུབ་པ་དང ། ཉི་མ་ནུབ་པ་དང ། སྐར་མ་མ་ཤར་བ་དང ། སྐར་མ་ཤར་བའོ། །དེ་ནས་གནས་གསུམ་སྨྲ་བར་བྱའོ། །མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེས་མཁྱེན་ཅིང་གཟིགས་ཏེ། འདི་ལྟར་རབ་ཏུ་བྱུང་ཞིང་བསྙེན་པར་རྫོགས་པའི་དགེ་སློང་མ་ལ་གནས་འདི་གསུམ་གསུངས་ཏེ། དགེ་སློང་མས་དེ་ལ་གནས་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ཏེ། དགེ་སློང་མའི་དངོས་པོར་འགྱུར་བ་སྟེ། གསུམ་གང་ཞེ་ན། ཆོས་གོས་ཀྱི་ནང་ན་རྡུལ་ཁྲོད་པ་ནི། རུང་བ་དང་མོད་པ་སྟེ། གང་ལ་གནས་ན་དགེ་སློང་མ་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་འགྱུར་བ། རྡུལ་ཁྲོད་པའི་ཆོས་གོས་ཀྱིས། ཚེ་དང་ལྡན་པ་མིང་འདི་ཞེས་བྱ་བ་ཁྱོད་དུས་འདི་ནས་</font><hr>Da172b<br><font size=+2>


ནམ་འཚོའི་བར་དུ་ཆོག་པར་དད་དམ། དེས་དད་དོ་ཞེས་སྨྲོས་ཤིག་།ལྷག་པར་རྙེད་ན་དར་རམ། རས་སམ། གྲོ་པའམ། སེང་རས་སམ། ལྡུམ་བུ་ཤ་ནའི་གོས་སམ། སྲིན་བུའམ། རས་ཨ་མི་ལའམ། སོ་མི་ལའམ། ལ་པའི་ཁ་དོག་སྲིན་བུ་སྨུག་པོ་འདྲ་བའམ། ཀ་ཤི་ཀའི་ཕྲ་མོའམ། ཟར་མའི་ཕྲ་མོའམ། རྩཝ་དུ་ཀུ་ལ་ཕྲ་མོའམ། རས་ཀོ་ཏམ་པས་ཀ་ཕྲ་མོ་རྣམས་ཏེ། གང་གཞན་ཡང་རུང་བའི་གོས་དགེ་འདུན་ལས་རྙེད་དམ། གང་ཟག་ལས་ཀྱང་རུང་སྟེ། དེ་དག་ལས་ཁྱོད་ཀྱིས་ལོང་ལ། ཚོད་ཟིན་པར་གྱིས་ཤིག་།ཅི་དེ་འདྲ་བའི་གནས་ལ་མངོན་དུ་ཡིད་དམ་འཆའ་འམ། དེས་ཀྱང་མངོན་དུ་ཡིད་དམ་འཆའོ་ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།ཟས་ཀྱི་ནང་ན་བསོད་སྙོམས་པ་ནི། རུང་བ་མོད་པ་སྟེ། དེ་ལ་གནས་ན་དགེ་སློང་མ་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ཏེ། དགེ་སློང་མའི་དངོས་པོར་འགྱུར་རོ། །བསོད་སྙོམས་པའི་ཟས་ཀྱིས་མིང་འདི་ཞེས་བྱ་བ་ཁྱོད་དེང་ནས་ནམ་འཚོའི་བར་དུ་ཆོག་པར་དད་དམ། དེས་དད་དོ་ཞེས་སྨྲོས་ཤིག་།ལྷག་པར་རྙེད་ན་འབྲས་ཆན་ནམ། སྐྱོ་མའམ། ཐུག་པའམ། རྟག་པའི་འམ། མགྲོན་དུ་བོས་པའི་འམ། འཕྲལ་ལ་བོས་པའི་འམ། སྤགས་པའི་འམ། ལྔ་སྟོན་འམ། བརྒྱད་པའི་འམ། བཅུ་བཞི་པའི་འམ། ཉ་སྟོན་རྣམས་ཀྱི་སྟེ། གང་གཞན་ཡང་རུང་བའི་བསོད་སྙོམས་</font><hr>Da173a<br><font size=+2>


༄#། །དགེ་འདུན་ལས་སམ། གང་ཟག་ལས་ཀྱང་རུང་སྟེ། དེ་དག་ལས་ཀྱང་ཁྱོད་ཀྱིས་ལོང་ལ་ཚོད་ཟིན་པར་གྱིས་ཤིག་།ཅི་འདི་འདྲ་བའི་གནས་ལ་ཡི་དམ་འཆའ་འམ། དེས་ཀྱང་ཡི་དམ་འཆའ་འོ། །ཞེས་གྱིས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བཀུས་པའི་སྨན་ནི། རུང་བ་དང་མོད་པ་སྟེ། དེ་ལ་གནས་ན་དགེ་སློང་མས་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་འགྱུར་རོ། །མིང་འདི་ཞེས་བྱ་བ་ཁྱོད་དེང་ནས་བཟུང་ནས་ནམ་འཚོའི་བར་དུ་བཀུས་ཏེ་བོར་བའི་སྨན་གྱིས་ཆོག་པར་དད་དམ། དེས་དད་དོ་ཞེས་སྨྲོས་ཤིག་།ལྷག་པར་རྙེད་ན་མར་དང ། འབྲུ་མར་དང ། སྦྲང་རྩི་དང ། བུ་རམ་དང ། རྩ་བའི་སྨན་དང ། སྡོང་པོའི་སྨན་དང ། ལོ་མའི་སྨན་དང ། མེ་ཏོག་གི་སྨན་དང།་འབྲས་བུའི་སྨན་དང ། སྔ་དྲོ་བ་དང ། ཕྱི་དྲོ་བ་དང ། བདུན་པའི་དང ། ནམ་འཚོའི་བར་དུའོ། །དེ་ལྟ་བུ་ལ་སོགས་ཏེ། གཞན་ཡང་རུང་བའི་སྨན་དག་དགེ་འདུན་ལས་སམ། གང་ཟག་ལས་རྙེད་ཀྱང་རུང་སྟེ། དེ་དག་ལས་ཀྱང་ཁྱོད་ཀྱིས་ལོང་ལ་ཚོད་རིག་པར་གྱིས་ཤིག་།ཅི་འདི་འདྲ་བའི་གནས་ལ་མངོན་དུ་ཡི་དམ་འཆའ་འམ། དེས་ཀྱང་ཡི་དམ་འཆའ་འོ་ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེས་མཁྱེན་ཅིང་གཟིགས་ནས། འདི་ལྟར་རབ་ཏུ་བྱུང་ཞིང་</font><hr>Da173b<br><font size=+2>


བསྙེན་པར་རྫོགས་པའི་དགེ་སློང་མ་ལ་ལྟུང་བའི་ཆོས་འདི་བརྒྱད་གསུངས་ཏེ། དགེ་སློང་མས་གནས་དེ་ལ་གང་ཡང་རུང་སྟེ་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་ནོ། །དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་ཡང་མེད་པར་འགྱུར་རོ། །མེད་པའོ། །བསྲུངས་པའོ། །ལྟུང་བའོ། །ཕས་ཕམ་པ་སྟེ། དེ་ལ་དགེ་སྦྱོང་མར་སླར་དབྱུང་དུ་མེད་དོ། །འདི་ལྟ་སྟེ། ཤིང་ཏ་ལའི་མགོ་བཅད་པ་བཞིན་ཏེ། སྔོན་པོར་མི་འགྱུར། མི་སྐྱེ། མི་རྒྱས། མི་འཕེལ་ལོ། །ཆེར་སྐྱེ་བའི་སྐལ་པ་མེད་པ་དེ་ལྟར་དེ་བཞིན་དུ་དགེ་སློང་མས། གནས་དེ་བརྒྱད་ལས་གང་ཡང་རུང ། གནས་དེ་བརྒྱད་ལ་བརྟུན་ཅིང་བྱས་ན། དེ་ལ་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་ཡང་མེད་པར་འགྱུར་ཏེ། མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དེ་ལ་དགེ་སྦྱོང་མར་སླར་དབྱུང་དུ་མེད་དོ། །མིང་འདི་ཞེས་བྱ་བ་ཁྱོད་ཉོན་ཅིག་།བརྒྱད་གང་ཞེ་ན། བཅོམ་ལྡན་འདས་ཀྱིས་རྣམ་གྲངས་དུ་མ་ལས་ཀྱང་འདོད་པ་སྨད་པ་ནི་འཛིན་པའོ། །འདོད་པ་ནི་ཆགས་པའོ། །འདོད་པ་ནི་སེམས་པའོ། །འདོད་པ་ནི་སྡུག་པའོ། །འདོད་པ་ནི་གནས་སོ། །འདོད་པ་ནི་གདོན་མི་ཟ་བའོ། །འདོད་པ་ནི་ཤིན་ཏུ་ཆགས་པ་སྟེ། འདོད་པ་སྤངས་པ་ནི། སོ་སོར་བསྔགས་པའོ། །སླར་སྐྱུགས་པའོ། །བསམས་པའོ། །ཟད་</font><hr>Da174a<br><font size=+2>


༄#། །པའོ། འདོད་ཆགས་དང་བྲལ་བའོ། །འཕགས་པའོ། །རྣམ་པར་ཞི་བའོ། །ནུབ་པའོ་ཞེས་བསྟོད་།བསྟོད་དུ་འཇུག་གོ་།བསྔགས་སོ། །བསྒྲགས་པ་ཡིན་གྱི།་མིང་འདི་ཞེས་བྱ་བ་ཁྱོད་ཀྱིས་དེང་ཕན་ཆད་ཆགས་པའི་སེམས་ཀྱིས་སྐྱེས་པ་ལ་མིག་གིས་མིག་ཚུགས་སུ་ཡང་ཆགས་ཤིང་མི་ལྟ་ན། གཉིས་ཀྱིས་གཉིས་སྤྲད་ཅིང་མི་ཚངས་པར་སྤྱོད་པ་འཁྲིག་པའི་ཆོས་སུ་སྤྱོད་པ་ལྟ་ཅི་སྨོས། བཅོམ་ལྡན་འདས་ཀྱིས་གསུངས་པ། ཡང་དགེ་སློང་མ་དགེ་སློང་མ་དང་ལྷན་ཅིག་ཏུ་བསླབ་པ་མཚུངས་པ་མཉམ་པར་གྱུར་པ་ལས། བསླབ་པ་མ་ཕུལ་ལམ། བསླབ་པ་སྟོབས་ཆུང་ངམ། མ་བཤམས་པར་མི་ཚངས་པར་སྤྱོད་པ་འཁྲིག་པའི་ཆོས་བྱས་ན། ཆུང་དུ་ན་བྱོལ་སོང་གི་སྐྱེ་གནས་སུ་གཏོགས་པ་དང་ལྷན་ཅིག་པ་ཡང་རུང་སྟེ།་དེ་ལྟ་བུའི་གནས་གང་དུ་ཡང་རུང ། དགེ་སློང་མས་བརྟུན་ཅིང་བྱས་མ་ཐག་ཏུ། དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་དངོས་པོ་ཡང་མེད་པར་འགྱུར་ཏེ། དེ་མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དགེ་སྦྱོང་མར་སླར་དབྱུང་དུ་མེད་དོ། །འདི་ལྟ་སྟེ། ཤིང་ཏ་ལའི་མགོ་བཅད་པ་བཞིན་དུ་སྔོན་པོར་མི་རུང ། སྐྱེར་མི་རུང ། འཕེལ་ཞིང་རྒྱས་པར་མི་འགྱུར་ཏེ། དེ་བཞིན་དུ་དགེ་སློང་ལས་འདི་འདྲ་བའི་གནས་ལ་བརྟུན་ཅིང་</font><hr>Da174b<br><font size=+2>


བྱས་ན། དེ་བརྟུན་ཅིང་བྱས་ཏེ་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་དངོས་པོ་མེད་པར་འགྱུར་ཏེ། མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དགེ་སྦྱོང་མར་སླར་དབྱུང་དུ་མེད་དོ། །དེ་ལ་ཁྱེད་ཀྱིས་དེང་ཕན་ཆད་མི་སྤྱོད་པ་དང ། བརྟུན་ཅིང་མི་འཇུག་པ་དང ། མི་སྤྱོད་པར་སྤྱོད་པ་ལ་མྱུར་ཏེ་སེམས་སྲུངས་ལ་དྲན་པ་དང ། བག་ཡོད་པ་དང ། བརྩོན་པར་གྱིས་ཤིག་།ཅི་ནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་ཀྱིས་རྣམ་གྲངས་དུ་མ་ལས་མ་བྱིན་པར་ལེན་པ་ནི། རྣམ་པར་སྨད་དེ། མ་བྱིན་པར་ལེན་པ་སྤངས་པ་ནི་བསྟོད་དོ། །བསྟོད་དུ་འཇུག་གོ་།བསྔགས་སོ། །བསྒྲགས་པ་ཡིན་གྱི། དེང་ཕན་ཆད་མིང་འདི་ཞེས་བྱ་བ་ཁྱོད་རྐུ་བའི་སེམས་ཀྱིས་ཕ་རོལ་པོས་མ་བྱིན་པར་ཏིལ་གྱི་ཕུབ་མ་ཙམ་ཡང་མི་བླང་ན་མ་ཤ་ཀ་ལྔའམ། ལྔ་ལས་ལྷག་པ་ལྟ་ཅི་སྨོས། བཅོམ་ལྡན་འདས་ཀྱིས་ཀྱང་གསུངས་པ། དགེ་སློང་མ་གྲོང་ན་འདུག་པའམ། དབེན་པར་འདུག་པའང་རུང ། གཞན་གྱིས་མ་བྱིན་པར་རྐུ་བར་གྲགས་པ་བླངས་ན་ཅི་ཙམ་མ་བྱིན་པར་བླངས་པས། དེ་རྒྱལ་པོའམ། བློན་པོས་ཀྱང་རུང ། བཟུང་ནས་བསད་པ་དང ། བཅིང་བ་དང ། སྤྱུག་ཀྱང་རུང ། དེ་ལ་འདི་སྐད་ཅེས་ཟེར་རོ། །ཀྱེ་ཁྱོད་ནི་རྐུ་བ། མི་ཤེས་</font><hr>Da175a<br><font size=+2>


༄#། །པ། བླུན་པའོ། །ཞེས་འདི་ལྟ་བུའི་གནས་སུ་བརྟུན་ཅིང་བྱས་ན། དེ་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་ནོ། །ཞེས་བྱ་བ་ནས། སྔ་མ་བཞིན་ཏེ། དྲན་པས་བག་ཡོད་པ་དང ། བརྩོན་པར་གྱིས་ཤིག་པའི་བར་དུ་སྦྱར་རོ། །ཅི་ནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་བྱོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་ཀྱིས་སྲོག་གཅོད་པ་ནི། རྣམ་གྲངས་དུ་མ་ལས་ཀྱང་རྣམ་པར་སྨད་དེ། སྲོག་གཅོད་པ་སྤངས་པ་ལ་བསྟོད་དོ། །བསྟོད་དུ་འཇུག་གོ་།བསྔགས་སོ། །བསྒྲགས་པ་ཡིན་གྱི། མིང་འདི་ཞེས་བྱ་བ་ཁྱོད་ཀྱིས་དེང་ཕན་ཆད་སྲོག་ཆགས་གྲོག་སྦུར་ཡང་བསམ་བཞིན་དུ་སྲོག་མི་གཅད་ན། མིའམ་མིའི་ལུས་སུ་གྱུར་པ་ལྟ་ཅི་སྨོས། བཅོམ་ལྡན་འདས་ཀྱིས་གསུངས་པ། གང་ཡང་དགེ་སློང་མས་མིའམ་མིའི་རིགས་སུ་གྱུར་པ་ཡང་རུང ། བསམས་ནས་རང་གི་ལག་གིས་སྲོག་གཅོད་དམ། དེ་ལ་མཚོན་བྱིན་ནམ། དེ་ལ་མཚོན་ཐོགས་པ་གཉེར་ཏམ། དེ་ལ་འཆི་བ་ལ་སྐུལ་ཏམ། དེ་ལ་འཆི་བའི་ཡོན་ཏན་བསྔགས་ཀྱང་རུང ། དེས་འདི་སྐད་ཅེས་ཟེར་ཏེ། ཀྱེ་མི་ཁྱོད་འདི་ལྟར་སྡིག་པ་མི་གཙང་བར་སྡུག་ཅིང་འཚོ་བ་ཅི་རུང་གི་།ཀྱེ་སྐྱེས་བུ་འཚོ་བ་བས་ཆེས་ཤིན་ལེགས་སོ། །ཞེས་སེམས་ལ་བསམ། སེམས་ལ་བརྟུན་ཞིང་རྣམ་གྲངས་དུ་མར་འཆི་བར་དེ་ལ་</font><hr>Da175b<br><font size=+2>


སྐུལ་ཏམ། དེས་འཆི་བའི་ཡོན་ཏན་བསྔགས་ཀྱང་རུང་སྟེ། དེ་ཡང་དེ་ལྟ་བུའི་ཐབས་ཤིག་གིས་དུས་བྱས་ཏེ། དེ་ལྟ་བུའི་གནས་སུ་དགེ་སློང་མས་བརྟུན་ཅིང་བྱས་ན། དེ་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར་བ་ནས་སྔ་མ་བཞིན་ཏེ། དྲན་པར་བགྱིས་ལ་བག་ཡོད་པ་དང ། བརྩོན་པའི་བར་དུ་སྦྱོར་རོ། །གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ། །ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བརྫུན་དུ་སྨྲ་བ་ནི། བཅོམ་ལྡན་འདས་ཀྱིས་རྣམ་གྲངས་དུ་མ་ལས་ཀྱང་རྣམ་པར་སྨད་དེ། བརྫུན་དུ་སྨྲ་བ་སྤངས་པ་ནི་བསྟོད་དོ། །བསྟོད་དུ་འཇུག་གོ་།བསྔགས་སོ། །བསྒྲགས་པ་ཡིན་གྱི། མིང་འདི་ཞེས་བྱ་བ་ཁྱོད་ཉོན་ཅིག་།ཆུང་དུ་ན་རྩེད་མོའི་ཕྱིར་ཡང་ཤེས་བཞིན་པའི་རྫུན་མི་སྨྲ་བར་བྱ་ན། མེད་ལ་ཀུན་མེད་བཞིན་དུ་མིའི་ཆོས་བླ་མ་བརྫུན་དུ་སྨྲ་བ་ལྟ་ཅི་སྨོས། བཅོམ་ལྡན་འདས་ཀྱིས་གསུངས་པ། གང་ཡང་དགེ་སློང་མ་མངོན་དུ་མི་ཤེས། ཀུན་ཏུ་མི་ཤེས་ཤིང ། མེད་ལ་ཀུན་མེད་བཞིན་དུ་མིའི་བླ་མའི་ཆོས་ཀྱི་སྒྲུབ་པ་འཕགས་པའི་ཁྱད་པར་ཆུད་པ་ཤེས་པའམ། མཐོང་བའམ། རེག་པར་གནས་པ་ཡང་རུང་སོ་སོར་ཤེས་ཏེ། འདི་ཤེས་སོ། །འདི་མཐོང་ངོ ། །ཞེས་ཟེར་བ་ལས་ཅི་ཤེས་ཤེ་ན། སྡུག་བསྔལ་ཤེས་སོ། །ཀུན་འབྱུང་བ་དང ། འགོག་པ་དང ། ལམ་ཤེས་སོ། ཅི་མཐོང་ཞེ་ན། ལྷ་མཐོང་ངོ ། །ཀླུ་དང ། གནོད་སྦྱིན་</font><hr>Da176a<br><font size=+2>


༄#། །དང ། ནམ་མཁའ་ལྡིང་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་མཐོང་ངོ ། །ལྷ་རྣམས་ཀྱིས་ཀྱང་བདག་མཐོང་ངོ ། །ཀླུ་དང ། གནོད་སྦྱིན་དང ། ནམ་མཁའ་ལྡིང་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་རྣམས་ཀྱིས་ཀྱང་བདག་མཐོང་ངོ ། །ལྷ་རྣམས་ཀྱི་སྒྲ་ཐོས་སོ། །ཀླུ་དང ། གནོད་སྦྱིན་དང ། ནམ་མཁའ་ལྡིང་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་རྣམས་ཀྱི་སྒྲ་ཐོས་སོ། །ལྷ་རྣམས་ཀྱིས་ཀྱང་བདག་གི་སྒྲ་ཐོས་སོ། །ཀླུ་དང ། གནོད་སྦྱིན་དང ། ནམ་མཁའ་ལྡིང་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་རྣམས་ཀྱིས་ཀྱང་བདག་གི་སྒྲ་ཐོས་སོ། །ལྷ་རྣམས་ལ་བལྟར་འགྲོའོ། །ཀླུ་དང ། གནོད་སྦྱིན་དང ། ནམ་མཁའ་ལྡིང་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་རྣམས་ལ་བལྟར་འགྲོའོ། །ལྷ་རྣམས་ཀྱང་བདག་ལ་ལྟར་འོང་ངོ ། །ཀླུ་དང ། གནོད་སྦྱིན་དང ། དྲི་ཟ་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་རྣམས་ཀྱང་</font><hr>Da176b<br><font size=+2>


བདག་ལ་བལྟ་བའི་ཕྱིར་འོང་ངོ ། །ལྷ་རྣམས་དང་ལྷན་ཅིག་སྨྲའོ། །ཀུན་ཏུ་སྨྲའོ། །སོ་སོར་དགའ་བར་བྱེད། རྟག་ཏུ་ལྷན་ཅིག་ཏུ་འདུག་གོ། །ཀླུ་དང ། གནོད་སྦྱིན་དང ། ནམ་མཁའ་ལྡིང་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་རྣམས་དང་ལྷན་ཅིག་ཏུ་སྨྲའོ། །ཀུན་ཏུ་སྨྲའོ། །སོ་སོར་དགའ་བར་བྱེད། རྟག་ཏུ་ལྷན་ཅིག་ཏུ་འདུག་གོ་།ལྷ་རྣམས་ཀྱང་བདག་དང་ལྷན་ཅིག་ཏུ་སྨྲའོ། །ཀུན་ཏུ་སྨྲའོ། །སོ་སོར་དགའ་བར་བྱེད། རྟག་པར་ལྷན་ཅིག་ཏུ་འདུག་གོ་།ཀླུ་དང ། གནོད་སྦྱིན་དང ། དྲི་ཟ་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། ལུས་སྲུལ་པོ་རྣམས་ཀྱང་བདག་དང་ལྷན་ཅིག་ཏུ་རྟག་ཏུ་སྨྲའོ། །ཀུན་ཏུ་སྨྲའོ། །སོ་སོར་དགའ་བར་བྱེད། རྟག་ཏུ་ལྷན་ཅིག་ཏུ་འདུག་གོ། །འདི་ལྟར་མ་ཐོབ་བཞིན་དུ་ངས་མི་རྟག་པའི་འདུ་ཤེས་ཐོབ་བོ་ཞེས་ཟེར་བ་དང ། མི་རྟག་པ་ལ་སྡུག་བསྔལ་བར་འདུ་ཤེས། སྡུག་བསྔལ་བ་ལ་བདག་མེད་པར་འདུ་ཤེས། ཟས་ལ་མི་མཐུན་པར་འདུ་ཤེས། འཇིག་རྟེན་ཐམས་ཅད་ལ་མི་མོས་པར་འདུ་ཤེས། ཉེས་པའི་དམིགས་སུ་འགྱུར་བར་འདུ་ཤེས། སྤངས་པར་འདུ་ཤེས། འདོད་ཆགས་དང་བྲལ་བར་འདུ་ཤེས། འགོག་པར་འདུ་ཤེས། འཆི་བར་འདུ་ཤེས། མི་གཙང་བར་འདུ་ཤེས། རྣམ་པར་སྔོས་པར་འདུ་ཤེས། རྣམ་པར་རྣགས་པར་འདུ་ཤེས། </font><hr>Da177a<br><font size=+2>


༄#། །རྣམ་པར་བམ་པར་འདུ་ཤེས། རྣམ་པར་འབུས་གཞིག་པར་འདུ་ཤེས། རྣམ་པར་ཟོས་པར་འདུ་ཤེས། རྣམ་པར་དམར་བར་འདུ་ཤེས། རྣམ་པར་འཐོར་བར་འདུ་ཤེས། རུས་གོང་དུ་འདུ་ཤེས། སྟོང་པ་ཉིད་དུ་སོ་སོར་རྟོགས་པའི་འདུ་ཤེས། མ་ཐོབ་བཞིན་དུ་ངས་ཐོབ་བོ་ཞེས་ཟེར་བ་བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅུང་ཟད་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྣམས་སོ། །མ་ཐོབ་བཞིན་དུ་ངས་ཐོབ་བོ་ཞེས་ཟེར་བ་རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། གཞན་གྱི་སེམས་ཤེས་པ་དང ། སྔོན་གྱི་གནས་དང ། འཆི་འཕོ་བ་དང ། སྐྱེ་བ་དང ། ཟག་པ་ཟད་པ་དང ། དགྲ་བཅོམ་པ་རྣམ་པར་ཐར་པ་བརྒྱད་ལ་སྒོམ་པ་དང ། ཆ་གཉིས་ལས་རྣམ་པར་གྲོལ་བ་དེ་འདྲ་བའི་གནས་ལ་དགེ་སློང་མས་བརྟུན་ཅིང་བྱས་ན། དེས་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་</font><hr>Da177b<br><font size=+2>


འགྱུར། དགེ་སྦྱོང་མའི་དངོས་པོ་ཡང་མེད་པར་འགྱུར་ཏེ། མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དགེ་སྦྱོང་མར་སླར་དབྱུང་དུ་མེད་དོ། །དེ་འདི་ལྟ་སྟེ། ཤིང་ཏ་ལའི་མགོ་བཅད་པ་བཞིན་ཏེ། སྔོན་པོར་མི་རུང ། སྐྱེར་མི་རུང ། འཕེལ་ཞིང་རྒྱས་པར་མི་རུང་ངོ ། །དེ་ལྟར་དེ་འདྲ་བ་ལ་དགེ་སློང་མས་བརྟུན་ཅིང་བྱས་ན། དེས་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་དངོས་པོ་ཡང་མེད་པར་འགྱུར་ཏེ། མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དགེ་སྦྱོང་མར་སླར་དབྱུང་དུ་མེད་དོ། །དེ་ལ་ཁྱོད་ཀྱིས་དེང་ཕྱིན་ཆད་མི་སྤྱོད་པ་དང ། བརྟུན་ཅིང་མི་འཇུག་པ་དང ། མི་སྤྱོད་པར་སྤོང་བ་ལ་མྱུར་ཏེ་སེམས་སྲུངས་ལ། དྲན་པ་དང ། བག་ཡོད་པ་དང ། བརྩོན་པར་གྱིས་ཤིག་།གང་སུ་ཞིག་གནས་འདི་ལྟ་བུ་ལ་མ་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་ཀྱིས་གསུངས་པ་གང་ཡང ། དགེ་སློང་མ་ཆགས་བཞིན་དུ་ཆགས་ནས་སྐྱེས་པ་དང་ལྷན་ཅིག་མིག་མན་ཆད་པུས་མོ་ཡན་ཆད་རེག་ཅིང ། ཀུན་རེག་པ་ལ་དགའ་བར་ཚོར་རམ། དགེ་སློང་མས་འདི་འདྲ་བའི་གནས་ལ་བརྟུན་ཅིང་བྱས་ན་དེ་བརྟུན་དེ་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་ནོ་ཞེས་བྱ་བ་ནས། བརྟུན་ཅིང་མི་འཇུག་པ་དང ། མི་སྤྱོད་པར་སྤོང་བ་ལ་མྱུར་ཏེ་སེམས་སྲུངས་ལ། དྲན་</font><hr>Da178a<br><font size=+2>


༄#། །པ་དང ། བག་ཡོད་པ་དང ། བརྩོན་པའི་བར་དུ་སྦྱར་རོ། །གང་སུ་ཞིག་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག་།མིང་འདི་ཞེས་བྱ་ཁྱོད་ཉོན་ཅིག་།བཅོམ་ལྡན་འདས་ཀྱིས་གསུངས་པ་གང་ཡང ། དགེ་སློང་མ་ཆགས་ཤིང་ཆགས་ནས་སྐྱེས་པ་དང་ལྷན་ཅིག་ཏུ་རྩེ་བའི་ཚིག་རྩེ་བ་དང ། དགོད་པ་དང ། དྲེགས་པ་དང ། རྒྱུགས་པ་དང ། ལུས་ལ་འཚོགས་པར་བྱེད་པ་དང ། བསྟན་ཏམ། ལུས་འདོར་རམ། མཚན་མ་འཛུགས་པ་དང ། སྐྱེས་པ་འོངས་སམ། སོང་ཡང་རུང་དགའ་བར་ཚོར་ན་དེ་དང་འདྲ་བས། ཕྱོགས་དེར་ལུས་ཕབ་ཅིང་སྐྱེས་པའི་དབང་དུ་བུད་མེད་གྱུར་ཏེ། དངོས་པོ་དེ་ལྟ་བུ་བརྒྱད་དང་ལྡན་ཞིང ། དགེ་སློང་མས་འདི་འདྲ་བའི་གནས་ལ་བརྟུན་ཅིང་བྱས་ན། དེས་བརྟུན་ཏེ་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་པ་ནས་གང་བརྟུན་ཅིང་མི་འཇུག་པ་དང ། མི་སྤྱོད་པར་སྤོང་བ་ལ་མྱུར་ཏེ་སེམས་སྲུངས་ལ། དྲན་པ་དང ། བག་ཡོད་པ་དང ། བརྩོན་པའི་བར་དུ་བྱའོ། །གང་སུ་ཞིག་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་ཀྱིས་གསུངས་པ། གང་ཡང་དགེ་སློང་མ་དགེ་སློང་མ་ཞིག་གིས་སྔོན་ཕས་ཕམ་པ་བྱུང་ཞིང་མི་གནས་པར་གྱུར་པ་དགེ་སློང་མ་ཞིག་གིས་ཤེས་ཀྱང ། དེ་གང་གི་ཚེ་ཤི་བར་གྱུར་པའམ། </font><hr>Da178b<br><font size=+2>


སླར་བབས་པར་གྱུར་པའམ། ཡུལ་གཞན་དུ་བྲོས་པ་དེའི་འོག་ཏུ་འདི་སྐད་དུ། འཕགས་མ་དག་།སྔོན་བདག་གིས་དགེ་སློང་མ་དེ་ཇི་ལྟར་ཕས་ཕམ་སྟེ། གནས་སུ་མི་རུང་བར་ཤེས་སོ་ཞེས་སྨྲས་ཏེ། དགེ་སློང་མའི་ཁ་ན་མ་ཐོ་བ་བཅབས་པ་དེ་འདྲ་བའི་གནས་ལ་བརྟུན་ཅིང་བྱས་ན། དེས་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་པ་ནས། སྔ་མ་བཞིན་ཏེ། མི་སྤྱོད་དམ། དེས་མི་སྤྱོད་དོ། །སྐྱོ་བ་དང་རབ་ཏུ་བསམས་པས་ཀུན་ཏུ་སྲུངས་ཏེ། དྲན་པ་དང ། བག་ཡོད་པ་དང ། བརྩོན་པའི་བར་དུ་བྱའོ། །གང་སུ་ཞིག་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་ཀྱིས་གསུངས་པ། གང་ཡང་དགེ་སློང་མས་འདི་ལྟར་དགེ་སློང་ཕ། དགེ་སློང་གི་དགེ་འདུན་འདུས་པས་སྤངས་པར་གྱུར་པའི་ལས་བྱས། དགེ་སློང་མའི་དགེ་འདུན་འདུས་པར་གྱུར་པས་ཀྱང་དེ་ལ་ཕྱག་མི་སྟེར་བའི་སྡོམ་པ་བཅས་པར་གྱུར་ནས། དེ་སྐྲ་ལངས་པ་དང ། ཉལ་བཞིན་དུ་དགེ་འདུན་རྣམས་ལ་སྤུ་ཉལ་བར་བྱེད། འབྱུང་བར་འཇུག་།ཕྱག་བྱེད་པར་སྟོན། མཚམས་ཀྱི་ནང་དུ་འཇུག་ཅིང་བཟོད་པར་གསོལ་བར་ཤེས་བཞིན་དུ་དེ་ལ་འདི་སྐད་ཟེར་རོ། །འཕགས་པ་ཁྱོད་སྐྲ་ཉལ་བ་དང་ལངས་བཞིན་དུ་དགེ་འདུན་རྣམས་ལ་སྤུ་ཉལ་བ་དང ། འབྱུང་བར་འཇུག་པར་ཡང་མ་བྱེད་ཅིག་།ཕྱག་བྱེད་པར་སྟོན་པ་དང ། </font><hr>Da179a<br><font size=+2>


༄#། །མཚམས་ཀྱི་ནང་ན་འདུག་ཅིང་བཟོད་པར་གསོལ་བར་ཡང་མ་བྱེད་ཅིག་།བདག་གིས་འཕགས་པ་ཁྱོད་ཀྱི་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ཀློག་པ་དང ། ཁ་ཏོན་དང ། རྣལ་འབྱོར་ཡིད་ལ་བྱ་བ་དང ། འཕགས་པ་ལ་ཅི་དང་ཅིས་བྲེལ་བར་གྱུར་པ་དེ་དང ། དེ་དག་ཐམས་ཅད་ཀྱིས་མི་བྲེལ་བར་བྱེད་པའི་དགེ་སློང་མ་དེ་ལ། དགེ་སློང་མ་རྣམས་ཀྱིས་འདི་སྐད་བསྒོ་ཞིག་།འཕགས་མ་ཁྱོད་དགེ་སློང་ཕ་དེ་ནི་འདུས་པའི་དགེ་འདུན་གྱིས་སྤངས་པའི་ལས་བྱས་པ་ཡིན། དགེ་སློང་མའི་དགེ་འདུན་གྱིས་ཀྱང་དེ་ལ་ཕྱག་མི་བྱ་བའི་སྡོམ་པ་བཅས་པ་ཡིན་ཏེ། དགེ་སློང་ཕ་དེ་སྐྲ་ལངས་པ་དང ། ཉལ་བཞིན་དུ་དགེ་འདུན་ལ་སྤུ་ཉལ་བར་བྱེད། འབྱུང་བར་འཇུག་།ཕྱག་བྱེད་པར་སྟོན། མཚམས་ཀྱི་ནང་ན་འདུག་ཅིང་བཟོད་པར་གསོལ་བར་ཤེས་བཞིན་དུ། དེ་ལ་འཕགས་མ་ཁྱོད་ཀྱིས་འདི་སྐད་ཅེས་མ་སྨྲ་ཞིག་།འཕགས་པ་ཁྱོད་སྐྲ་ཉལ་བ་དང་ལངས་བཞིན་དུ་དགེ་འདུན་ལ་སྤུ་ཉལ་བ་དང ། འབྱུང་བར་འཇུག་པར་མ་བྱེད་ཅིག་།ཕྱག་བྱེད་པར་སྟོན་པ་དང ། མཚམས་ཀྱི་ནང་ན་འདུག་ཅིང་བཟོད་པ་གསོལ་བར་ཡང་མ་བྱེད་ཅིག་དང ། བདག་གི་ཁྱོད་ལ་ཀུན་སྦྱར་ཏེ། ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ཀློག་པ་དང ། ཁ་ཏོན་དང ། རྣལ་འབྱོར་ཡིད་ལ་བྱ་བ་དང ། ཅི་དང་ཅིས་</font><hr>Da179b<br><font size=+2>


འཕགས་པ་ཁྱོད་ལ་བྲེལ་བར་གྱུར་པ་དེ་དང་དེ་དག་ཐམས་ཅད་བདག་གིས་མི་བྲེལ་བར་སྦྱར་རོ། །འཕགས་མ་ཁྱོད་སྤངས་པའི་རྗེས་སུ་འཇུག་པའི་ཚིག་གི་ལམ་འདི་ལྟ་བུ་ཐོང་ཞིག་།ཅེས་དགེ་སློང་མ་དེ་ལ་དེ་ལྟ་བུར་དགེ་སློང་མ་རྣམས་ཀྱིས་བསྒོ་སྟེ། དོན་དེ་སླར་བཏང་ན་ནི་ལེགས། དེ་སྟེ་མ་བཏང་ན་ལན་གཉིས་ལན་གསུམ་གྱི་བར་དུ་བསྒོ་ཞིང་སྟོན་ཅིག་།དོན་དེ་སླར་སྤངས་བའི་ཕྱིར་ལན་གཉིས་ལན་གསུམ་དུ་བསྒོ་ཞིང་བསྟན་པ་ལས། དོན་དེ་སླར་བཏང་ན་ནི་ལེགས། དེ་སྟེ་མ་བཏང་ཞིང་དགེ་སློང་སྤངས་པའི་རྗེས་སུ་འཇུག་ཅིང ། དེ་ལྟ་བུའི་གནས་སུ་བརྟུན་ཅིང་བྱས་ན། དེ་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་པ་ནས་སྔ་མ་བཞིན་ཏེ། སྐྱོ་བ་དང ། རབ་ཏུ་བསམས་པས་ཀུན་ཏུ་སྲུངས་ཏེ། དྲན་པ་དང ། བག་ཡོད་པ་དང ། བརྩོན་པའི་བར་དུ་བྱའོ། །གང་སུ་ཞིག་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ། །ཞེས་སྨྲོས་ཤིག་།མིང་འདི་ཞེས་བྱ་བ་ཁྱོད་ཉོན་ཅིག་།བརྒྱད་པོ་འདི་དག་ནི། བཅོམ་ལྡན་འདས་དེས་མཁྱེན་ཅིང་གཟིགས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་འདི་ནི་རབ་ཏུ་བྱུང་ཞིང་བསྙེན་པར་རྫོགས་པའི་དགེ་སློང་མ་རྣམས་ལ་དགག་ཅིང ། མི་འདའ་བར་བྱ་བའི་ཕྱིར་བླ་མའི་ཆོས་སུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་</font><hr>Da180a<br><font size=+2>


༄#། །བྱའོ། །བརྒྱད་གང་ཞེ་ན། མིང་འདི་ཞེས་བྱ་བ་བུད་མེད་ཀྱི་དགེ་སློང་རྣམས་ལས་རབ་ཏུ་བྱུང་ཞིང་བསྙེན་པར་རྫོགས་ནས། དགེ་སློང་མའི་དངོས་པོར་འགྱུར་བར་རབ་ཏུ་རྟོགས་པར་བྱའོ། །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི། བུད་མེད་རྣམས་ལ་དགག་ཅིང ། མི་འདའ་བར་བྱ་བའི་ཕྱིར། བླ་མའི་ཆོས་དང་པོར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མ་རྣམས་ཀྱིས་ཟླ་བ་ཕྱེད་ཕྱེད་ཅིང་དགེ་སློང་ཕ་རྣམས་ལས་སྟོན་པའི་ལུང་རྗེས་སུ་བསྟན་པ་བཙལ་བར་བྱའོ། །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི། བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་གཉིས་པར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མེད་པའི་གནས་སུ་དགེ་སློང་མས་དབྱར་ཚུལ་དུ་མ་འཇུག་ཅིག། མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི། བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་གསུམ་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མས་དབྱར་ཚུལ་ནས་བྱུང་བའི་ཚེ། དགེ་འདུན་སྡེ་གཉིས་ཀ་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་དུ་སྐབས་དབྱེ་བར་བྱའོ། །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི། བུད་མེད་རྣམས་ལ་དགག་ཅིང་མི་འདའ་</font><hr>Da180b<br><font size=+2>


བར་བྱ་བའི་ཕྱིར་བླ་མའི་ཆོས་བཞིར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མས་དགེ་སློང་ལ་ཚུལ་ཁྲིམས་ཉམས་མ། ལྟ་བ་ཉམས་སམ། སྤྱོད་པ་ཉམས་སམ། འཚོ་བ་ཉམས་ཀྱང་རུང ། མི་གླེང་ཞིང ། དྲན་པར་མ་བྱེད་ཅིག་།དགེ་སློང་མས་དགེ་སློང་ཕ་ཚུལ་ཁྲིམས་ལས་ཉམས་སམ། ལྟ་བ་ཉམས་སམ། སྤྱོད་པ་ཉམས་སམ། འཚོ་བ་ཉམས་ཀྱང་རུང ། གླེང་ཞིང་དྲན་པར་བྱེད་པ་མི་གནང་ངོ ། །དགེ་སློང་ཕས་ནི། དགེ་སློང་མ་ཚུལ་ཁྲིམས་ཉམས་སམ། ལྟ་བ་ཉམས་སམ། སྤྱོད་པ་ཉམས་སམ། འཚོ་བ་ཉམས་པ་ལ་གླིང་བ་དང་དྲན་པར་བྱེད་པ་ལ་མི་གནང་བ་མེད་དོ། །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི། བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་ལྔར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མས་དགེ་སློང་ལ་ཁ་ངན་མི་བྱ། ཁྲོ་བར་མི་བྱ། བསྡིགས་པར་མི་བྱ། དགེ་སློང་མས་དགེ་སློང་ལ་ཁ་ངན་དང་ཁྲོ་བ་དང་བསྡིགས་པ་ནི་མ་གནང་སྟེ། མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི། བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་དྲུག་ཏུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མ་ལ་བླ་མའི་ཆོས་ཞིག་བྱུང་ན་དེས་དགེ་འདུན་གཉིས་ཀ་ལ་ཟླ་བ་ཕྱེད་ཀྱི་བར་དུ་ཡིད་མགུ་བར་བྱ་བ་སྤྱོད་ཅིག་།མིང་འདི་ཞེས་བྱ་བ་བཅོམ་</font><hr>Da181a<br><font size=+2>


༄#། །ལྡན་འདས་ཀྱིས་འདི་ནི། བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བདུན་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་མས། ད་གཟོད་བསྙེན་པར་རྫོགས་པའི་དགེ་སློང་ཕ་ལ་ཚིག་སྙན་པ་དང ། བསྟོད་པ་དང ། ལྡང་བ་དང ། ཐལ་མོ་སྦྱར་བ་དང ། ཕྱག་བྱ་བ་བྱ་སྟེ། མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི། བུད་མེད་རྣམས་ལ་ཉེས་པ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བརྒྱད་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །ཅི་བླ་མའི་ཆོས་འདི་བརྒྱད་ཡང་དག་པར་བཟུང་སྟེ་སྤྱོད་དམ། སྤྱོད་དོ། །མིང་འདི་ཞེས་བྱ་བ་ཁྱོད་ཉོན་ཅིག་།བཅོམ་ལྡན་འདས་ཀྱིས་བཞི་པོ་འདི་དག་ནི། སྔ་མ་བཞིན་ཏེ། ཡང་དག་པར་རྫོགས་པའི་སངས་རྒྱས་ཀྱིས་ཞེས་བྱ་བའི་བར་དུ་སྦྱར་རོ། །བཞི་གང་ཞེ་ན། དེང་ཕན་ཆད་མིང་འདི་ཞེས་བྱ་བ་ཁྱོད་ངན་པར་སྨྲ་བ་ལ་སླར་མི་སྨྲ། ཁྲོས་པ་ལ་སླར་མ་ཁྲོ་ཞིག་།བརྡེག་པ་ལ་སླར་མི་བརྡེག་།འཕྱ་བ་ལ་སླར་མི་འཕྱ། མིང་འདི་ཞེས་བྱ་བ་ཁྱོད་ཉོན་ཅིག་།ཁྱོད་སྔོན་འདི་ལྟར་བདག་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས། དགེ་སློང་མའི་དངོས་པོར་ཤོག་ཅིག་ཅེས་སྨོན་པ་དེ་ནི་ཁྱོད་རབ་ཏུ་བྱུང་ཞིང་བསྙེན་པར་རྫོགས་ཏེ། མཁན་མོ་ཚུལ་</font><hr>Da181b<br><font size=+2>


ཁྲིམས་དང་ལྡན་པ་དང ། སློབ་དཔོན་ཚུལ་ཁྲིམས་དང་ལྡན་པ་དང ། དགེ་འདུན་གཉིས་ཀ་ཚོགས་ཤིང་འདུས་པས་གསོལ་བ་དང་བཞིའི་ལས་ཀྱིས་ཕྱིར་བྱ་བ་མེད་པ་དང ། གཞན་པར་བྱ་བ་མེད་པས་རབ་ཏུ་བྱུང་ཞིང་བསྙེན་པར་རྫོགས་སོ། །མིང་འདི་ཞེས་བྱ་བ་ཁྱོད་ཉོན་ཅིག་།གང་བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་མས་བསླབ་པ་དེ་ནི་དེང་བསྙེན་པར་རྫོགས་པས་ཀྱང་དེ་ལ་བསླབ་པར་བྱའོ། །གང་དེང་བསྙེན་པར་རྫོགས་པས་བསླབ་པ་དེ་ལ་བསྙེན་པར་རྫོགས་ནས་ལོ་བརྒྱ་ལོན་པས་ཀྱང་དེ་བསླབ་པར་བྱའོ། །གང་ཚུལ་ཁྲིམས་མཚུངས་པར་བསླབ་པ་མཐུན་པ་དང ། སོ་སོར་ཐར་པའི་མདོ་ཁ་ཏོན་ཀློག་པར་མཚུངས་པ་ལ་དེང་ཕན་ཆད་ཁྱོད་ཀྱིས་མཉེས་པར་བྱའོ། །མི་མཉེས་པར་མི་བྱའོ། །དེང་ཕན་ཆད་མིང་འདི་ཞེས་བྱ་བའི་མཁན་མོ་ལ་མར་འདུ་ཤེས་གཞག་པར་བྱའོ། །མཁན་མོས་ཀྱང་དེ་ལ་བུ་མོའི་འདུ་ཤེས་གཞག་པར་བྱའོ། །དེང་ཕན་ཆད་ཁྱོད་ཀྱིས་མཁན་མོ་ལ་ནམ་འཚོའི་བར་དུ་བསྙེན་བཀུར་བྱོས་ཤིག་།མཁན་མོས་ཀྱང་ཁྱོད་ལ་ནམ་འཚོའི་བར་དུ་བསྙེན་བཀུར་བྱོས་ཤིག་།དེང་ཕན་ཆད་མིང་འདི་ཞེས་བྱ་བ་ཁྱོད་ཀྱིས་འཇིགས་པའི་དབང་དུ་བྱས་ཤིང ། བླ་མ་དང ། ཚངས་པར་མཚུངས་པ་སྤྱོད་པ་དང ། གནས་བརྟན་མ་དང ། བར་མ་དང ། གསར་བུ་རྣམས་ལ་རི་མོར་བྱོས་ཤིག་།མིང་འདི་ཞེས་བྱ་བ་ཁྱོད་དེང་ཕན་ཆད་ལུང་ནོས་ཤིག་།ལྷོགས་ཤིག་།ཁ་ཏོན་གྱིས་ཤིག་།ཕུང་པོ་ལ་མཁས། ཁམས་ལ་</font><hr>Da182a<br><font size=+2>


༄#། །མཁས། སྐྱེ་མཆེད་ལ་མཁས། རྟེན་ཅིང་འབྲེལ་བར་འབྱུང་བ་ལ་མཁས། གནས་དང་གནས་མ་ཡིན་པ་ལ་མཁས་པར་བྱའོ། །ཁྱོད་ཀྱིས་མ་ཐོབ་པ་ཐོབ་པའི་ཕྱིར། ཁོང་དུ་མ་ཆུད་པ་ཁོང་དུ་ཆུད་པའི་ཕྱིར། མངོན་དུ་མ་བྱས་པ་མངོན་དུ་བྱ་བའི་ཕྱིར་བརྩོན་འགྲུས་མ་གཏང་ཞིག་།འདི་དག་ནི་ངས་ཁྱོད་ལ་ཆེན་པོའི་ཆེ་བ་རྣམས་བསླབ་པའི་གཞིར་བཤད་དོ། །གཞན་ནི་ཁྱོད་ཀྱི་སློབ་དཔོན་དང ། མཁན་མོ་དང ། སློབ་དཔོན་གཅིག་པ་དང ། མཁན་མོ་གཅིག་པ་དང ། སྨྲ་བ་དང ། ཀུན་སྨྲ་བ་དང ། བསྟོད་པ་དང ། མཛའ་བ་དག་གིས་ཀྱང་དེ་བཞིན་དུ་སྟོན་ཏོ། ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་ཀློག་པ་ཉོན་ཅིག་།འདི་ལྟར་བསྙེན་པར་རྫོགས་པ་ནི། །ཤེས་རབ་མཆོག་གི་བསྟན་པ་ལ། །ད་ནི་བསྙེན་པར་ཁྱོད་རྫོགས་ཏེ། །ཁོམ་པ་ཕུན་སུམ་ཚོགས་རྙེད་དཀའ། །འདི་ལ་སྐྱོ་བར་མ་བྱེད་ཅིག་།བཟང་མོ་ལས་ནི་རབ་ཏུ་བྱུང ། །ཡོངས་སུ་དག་པ་བསྙེན་པར་རྫོགས། །བདེན་ཞེས་བྱ་བའི་སངས་རྒྱས་ཀྱིས། །རབ་ཏུ་མཁྱེན་ནས་གསུངས་པའོ། །མིང་འདི་ཞེས་བྱ་བ་ཁྱོད་བསྙེན་པར་རྫོགས་ཀྱི། བག་ཡོད་པར་སྤྱོད་ཅིག་།གླེང་གཞི་ནི་མཉན་དུ་ཡོད་པ་ན་སྟེ། ནམ་སངས་རྒྱས་བཅོམ་ལྡན་འདས་ཀྱིས་གོའུ་ཏ་མི་སྐྱེ་དགུའི་བདག་མོ་ཆེན་པོ་འཁོར་ཤཱཀྱ་མོ་ལྔ་བརྒྱ་རྣམས་ཀྱིས་བླ་མའི་ཆོས་ཀྱི་ཡི་དམ་འཆའ་སྟེ། རབ་ཏུ་བྱུང་ནས་བསྙེན་པར་རྫོགས་</font><hr>Da182b<br><font size=+2>


ཏེ།་དགེ་སློང་མའི་དངོས་པོ་ལ་རྗེས་སུ་ཡི་རང་བ་དེའི་ཚེ། དེ་དག་གིས་གཞན་དག་དགེ་སློང་མ་རབ་ཏུ་བྱུང་ཞིང་བསྙེན་པར་རྫོགས་པར་བྱས་སོ། །དེ་དག་གིས་ཀྱང་གཞན་དག་རབ་ཏུ་བྱུང་སྟེ། དེ་ན་དགེ་སློང་མའི་དགེ་འདུན་མ་མང་ཞིང་འཕེལ་བར་གྱུར་ཏོ། །དེ་ནས་དགེ་སློང་མ་གནས་བརྟན་དང ། གནས་བརྟན་མ་དེ་དག་གོའུ་ཏ་མི་སྐྱེ་དགུའི་བདག་མོ་ཆེན་མོ་གང་ན་བ་དེར་དོང་སྟེ་ཕྱིན་པ་དང ། གོའུ་ཏ་མི་སྐྱེ་དགུའི་བདག་མོ་ཆེན་མོ་ལ་འདི་སྐད་ཅེས་སྨྲས་སོ། །ེ་མའོ་འཕགས་མ་དགེ་སློང་མ་གནས་བརྟན་མ་འདི་དག་ལ་གང་དགེ་སློང་ཕ་གསར་བུ་དང ། བར་མ་དང ། གཞོན་ནུ་རབ་ཏུ་བྱུང་ནས་རིང་པོ་མ་ལོན་པ་དེ་དག་གཅིག་ལ་གཅིག་རྒན་རིམས་སུ་ཕྱག་འཚལ་འདུད་ཅེས་འདི་སྐད་སྨྲས་པ་དང ། གོའུ་ཏ་མི་སྐྱེ་དགུའི་བདག་མོ་ཆེན་མོས་དགེ་སློང་མ་དེ་དག་ལ་འདི་སྐད་ཅེས་སྨྲས་སོ། །དེ་བས་ན་ནུ་མོ་དག་སྡོད་ཅིག་དང ། བདག་གིས་འཕགས་པ་ཀུན་དགའ་བོ་ལ་ཞུས་ཏེ་བྱའོ། །དེ་ལྟར་གྱུར་པ་གོའུ་ཏ་མི་སྐྱེ་དགུའི་བདག་མོ་ཆེན་མོས་ཚེ་དང་ལྡན་པ་ཀུན་དགའ་བོ་ལ་སྨྲས་སོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཀུན་དགའ་བོས་གོའུ་ཏ་མི་སྐྱེ་དགུའི་བདག་མོ་ཆེན་མོ་ལ་དེ་བས་ན་གོའུ་ཏ་མི་སྡོད་ཅིག་དང ། བདག་གིས་བཅོམ་ལྡན་འདས་ལ་གསོལ་ལོ་ཞེས་སྨྲས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་</font><hr>Da183a<br><font size=+2>


༄#། །ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་ཨེ་མའོ། །བཅོམ་ལྡན་འདས། དགེ་སློང་མའི་གནས་བརྟན་དང ། གནས་བརྟན་མ་དེ་དག་ལ། གང་དགེ་སློང་ཕ་གསར་བུ་དང ། བར་མ་དང ། གཞོན་ནུ་རབ་ཏུ་བྱུང་ནས་རིང་པོ་མ་ལོན་པ་འདི་དག་གཅིག་ལ་གཅིག་ཇི་ལྟར་རྒན་རིམས་སུ་ཕྱག་འཚལ་ཡང་མི་བསྔོའོ་ཞེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་འདི་ལྟ་བུའི་ཚིག་ཕྱིན་ཆད་མ་སྨྲ་ཞིག་།དེ་ཅིའི་ཕྱིར་ཞེ་ན། གལ་ཏེ་ཀུན་དགའ་བོ། བུད་མེད་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་བར་གྱུར་ན་ནི། ད་དུང་ཡང་དད་པའི་བྲམ་ཟེ་དང ། ཁྱིམ་བདག་དག་གིས་དགེ་སློང་ལ་བསོད་སྙོམས་དྲ་བ་བཀང་སྟེ། ཐེག་དྲོད་ཀྱིས་སྟེར་རོ། །ཀུན་དགའ་བོ། བུད་མེད་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་ན་ནི། ད་དུང་ཡང་བྲམ་ཟེ་དང ། ཁྱིམ་བདག་དད་པ་དག་གིས་མ་བགོས་པའི་གོས་གསར་པ་ཁ་ཚར་རིང་པོ་དག་སྲང་གི་ནང་དུ་བཏིང་སྟེ། འདི་སྐད་ཅེས་སྨྲ་བར་འགྱུར་རོ། །དགེ་སྦྱོང་དག།་རས་གསར་པ་ཁ་ཚར་རིང་པོ་བཏིང་པ་འདིའི་སྟེང་དུ་གཤེགས་ཤིག་དང ། བདག་ཅག་ལ་ཡུན་རིང་པོའི་དོན་དང་ཕན་པ་དང་བདེ་བར་འགྱུར་རོ། །གལ་ཏེ་ཀུན་དགའ་བོ་བུད་མེད་</font><hr>Da183b<br><font size=+2>


རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་བར་གྱུར་ན་ནི། ད་དུང་ཡང་བྲམ་ཟེ་དང་ཁྱིམ་བདག་དད་པ་དག་གིས་ཡན་ལག་གི་མཆོག་ལས་སྐྱེས་པའི་སྐྲ་ས་ལ་བཏིང་སྟེ།་དགེ་སྦྱོང་དག་།སྐྲ་འདིའི་སྟེང་དུ་གཤེགས་ཤིག་དང ། དེ་ནི་བདག་ཅག་ལ་ཡུན་རིང་པོའི་དོན་དང་ཕན་པ་དང ། བདེ་བར་འགྱུར་རོ་ཞེས་སྨྲའོ། །གལ་ཏེ་ཀུན་དགའ་བོ། བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་བར་གྱུར་ན་ནི། ད་དུང་ཡང་ངའི་ཉན་ཐོས་དག་གི་འོད་ཀྱིས་ཟླ་བ་དང་ཉི་མ་འདི་གཉིས་འདི་ལྟ་བུར་མཐུ་ཆེ་བ་དང ། རྫུ་འཕྲུལ་ཆེ་བ་ཡང་ཟིལ་གྱིས་གནོན་ན། རོ་དང་འདྲ་བའི་མུ་སྟེགས་ཅན་རྣམས་ལྟ་ཅི་སྨོས། ཀུན་དགའ་བོ། བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་མ་བྱུང་ན་ནི། ད་དུང་ངའི་བསྟན་པ་ལོ་སྟོང་ཚང་བར་ཉེས་པ་མེད་ཅིང ། ཉམས་པ་མེད་པར་གནས་པར་འགྱུར་རོ། །དེ་ལྟ་བས་ན་ཀུན་དགའ་བོ། བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་མས་ཀྱང་ད་གཟོད་བསྙེན་པར་རྫོགས་པའི་དགེ་སློང་ཕ་ལ་ཚིག་སྙན་པ་དང ། བསྟོད་པ་དང་ལྡང་བ་དང ། ཐལ་མོ་སྦྱར་བ་དང ། ཕྱག་བྱ་བ་ལ་སོགས་པའི་ལས་བྱོས་ཤིག་།གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་རྣམས་ལས་སྡེ་བཞི་འདུས་པས་བྱ་བ་དང ། སྡེ་ལྔ་འདུས་པས་བྱ་བ་དང ། སྡེ་བཅུ་གཉིས་འདུས་པས་ལས་བྱ་བ་ཡང་ཡོད་དེ། དེ་དག་གིས་དགེ་འདུན་གཉིས་ཀ་བསྡུས་པ་དང ། བྱ་</font><hr>Da184a<br><font size=+2>


༄#། །བ་མང་པོར་གྱུར་ཏོ། །བྱ་བ་མང་པོས་བཤད་པ་དང ། བཀླག་པ་དང ། བཟླས་པ་དང ། རྣལ་འབྱོར་དང ། ཡིད་ལ་བྱ་བ་རྣམས་ཀྱི་བར་ཆད་དུ་གྱུར་ཏོ། །དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དབྱུང་བ་དང ། བསྙེན་པར་རྫོགས་པ་དང ། སྤྱིས་བྱ་བའི་ལས་མ་གཏོགས་པ་དགེ་སློང་ཕའི་ལས་ཀྱང་ལོགས་ཤིག་ཏུ་བྱོས་ཤིག་།དགེ་སློང་མ་རྣམས་ཀྱང་ལོགས་ཤིག་ཏུ་བྱོས་ཤིག་ཅེས་བཀའ་སྩལ་ཏོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་དུས་ན་མཉན་དུ་ཡོད་པ་ན། ཁྱིམ་བདག་གཞན་ཞིག་འདུག་སྟེ། རིགས་མཉམ་པ་ལས་ཆུང་མ་ཞིག་བླངས་ཏེ། དེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱོད་པ་ལས་དུས་ཕྱི་ཞིག་ན། དེའི་ཆུང་མ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་དགུ་འདས་པ་དང ། བུ་མོ་ཞིག་བཙས་ནས། དེ་བཙས་མ་ཐག་ཏུ་ཕ་དུས་ལས་འདས་སོ། །དེ་མས་གསོས་ཤིང་བསྐྱེད་དེ་ཆེན་མོར་གྱུར་པ་དང ། དེའི་མ་ཡང་དུས་ལས་འདས་སོ། །དེ་ནས་དུས་ཕྱི་ཞིག་ན་སྦོམ་དགའ་མོ་བསོད་སྙོམས་ཀྱི་ཕྱིར་ཞུགས་པ་དང ། དེས་དེ་སྲང་ཞིག་ཏུ་མཐོང་སྟེ། བུ་མོ་ཁྱོད་སུའི་ཞེས་སྨྲས་པ་དང ། དེས་འཕགས་མ་སུའི་ཡང་མ་ལགས་ཏེ། མགོན་མེད་པའོ་ཞེས་སྨྲས་པ་དང ། དེས་བུ་མོ། དེ་སྟེ་དེ་བཞིན་ན་ཅིའི་ཕྱིར་རབ་ཏུ་མི་འབྱུང་</font><hr>Da184b<br><font size=+2>


ཞེས་སྨྲས་པ་དང ། དེས་སུ་ཞིག་གིས་བདག་རབ་ཏུ་འབྱིན་ཅེས་སྨྲས་པ་དང ། དེས་བུ་མོ་ངས་རབ་ཏུ་དབྱུང་གི་ཚུར་ཤོག་།འདོང་ཞེས་སྨྲས་པ་དང ། ལེགས་སོ་ཞེས་ཟེར་ཏེ། དེ་དང་ལྷན་ཅིག་ཏུ་དབྱར་མོ་ཁང་དུ་དོང་ནས། སྦོམ་དགའ་མོས་རབ་ཏུ་ཕྱུང་བ་དང ། དེ་ཉོན་མོངས་པས་གཟིར་ནས་སླར་བབས་སོ། །སྦོམ་དགའ་མོ་བསོད་སྙོམས་ལ་ཞུགས་པ་དང་མཐོང་ནས། དེས་བུ་མོ་ཇི་ལྟར་འཚོ་ཞིང་འདུག་ཅེས་སྨྲས་པ་དང ། དེས་རྐང་པ་ལ་ཕྱག་བྱས་ཏེ། སྨྲས་པ། འཕགས་མ། སྡུག་བསྔལ་ཞིང་འཚོའོ། །བུ་མོ་དེ་སྟེ་དེ་བཞིན་ན་ཅིའི་ཕྱིར་ཡང་རབ་ཏུ་མི་འབྱུང ། དེས་སྨྲས་པ། འཕགས་མ་སུ་ཞིག་དག་སླར་བབས་པ་ལས་རབ་ཏུ་འབྱིན། བུ་མོ་བདག་གིས་རབ་ཏུ་དབྱུང་ངམ། ལེགས་སོ་ཞེས་སྨྲས་པ་དང ། དེས་རབ་ཏུ་ཕྱུང་སྟེ། བསོད་སྙོམས་ལ་ཞུགས་པ་དང ། བྲམ་ཟེ་དང ། ཁྱིམ་བདག་དག་གིས་མཐོང་ནས་མ་ལེགས་སོ། །དགེ་སྦྱོང་ཤཱཀྱའི་བུ་མོ་དག་ནི་ཆོས་ལ་ངལ་བསོས་ཤིང་ངལ་བསོས་ཤིང་ཆོས་ལ་སྤྱོད་དོ་ཞེས་འཕྱའོ། དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། གང་ཉེས་པའི་དམིགས་སུ་གྱུར་པ་ནི། དགེ་སློང་མ་དག་བབས་ཤིང་སླར་རབ་ཏུ་བྱུང་བའི་ཕྱིར་ཏེ། དེ་ལྟ་བས་ན་དགེ་སློང་མ་དག་གིས་བབས་པ་ལ་སླར་རབ་ཏུ་མི་དབྱུང་བར་དགོངས་ནས། དགེ་སློང་རྣམས་ལ་</font><hr>Da185a<br><font size=+2>


༄#། །བཀའ་སྩལ་པ། དགེ་སློང་དག་བྲམ་ཟེ་དང ། ཁྱིམ་བདག་རྣམས་ནི་རིགས་པར་འཕྱ་སྟེ། དེ་ལྟ་བས་ན་དགེ་སློང་མ་དག་གིས་ལན་ཅིག་བབས་པ་མཐུ་མེད་པ་དགེ་སློང་མས་རབ་ཏུ་མ་དབྱུང་ཞིག་།རབ་ཏུ་འབྱིན་ན་འདས་པ་དང་བཅས་པར་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སོ་བརྒྱད་པ། སྡོམ་ནི། འཕྱན་པ་དག་དང་འདོད་ཆེན་དང ། །གཤེ་བ་དང་ཡང་འཕྱ་བ་སྟེ། །དགེ་སློང་ལ་ནི་དགེ་སློང་མ། །འཕྱ་བ་དགེ་སློང་དགེ་ཚུལ་མའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་ན་ཡུལ་འཁོར་མོ་འཇིག་ན་ཁྱིམ་བདག་གོའུ་ཏ་མ་ཞེས་བྱ་བ་ཞིག་འདུག་པ། ཕྱུག་པ་ནོར་མང་བ། ལོངས་སྤྱོད་ཆེན་པོ་ཞིག་སྟེ། དེས་རིགས་མཉམ་པ་ལས་ཆུང་མ་ཞིག་བླངས་ནས། དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་དུས་ཕྱི་ཞིག་ན་གྲོང་ཁྱེར་ནས་ཡུལ་རྡོ་འཇོག་ཏུ་སོང་སྟེ། ཁྱིམ་བདག་གཞན་ཞིག་གི་ཁྱིམ་དུ་ཕྱིན་པ་དང ། དེས་དེ་ལ་བདེ་བར་འོངས་སམ། ཞེས་བྱ་བའི་ཚིག་སྙན་པ་བརྗོད་ནས། ངལ་བསོས་ཏེ་གཅིག་ལ་གཅིག་བྱམས་པ་ལས། ཁྱིམ་བདག་གོའུ་ཏ་མ་དེ་དང་ལྷན་ཅིག་མཛའ་བར་གྱུར་ཏོ། །ཁྱིམ་བདག་གོའུ་ཏ་མས་ཟོང་རྣམས་བཙོངས་ཏེ། སླར་ཟོང་རྣམས་ཁྱེར་ནས་གྲོང་ཁྱེར་འཁོར་མོ་འཇིག་</font><hr>Da185b<br><font size=+2>


ཏུ་སོང་ངོ ། །ཡུལ་རྡོ་འཇོག་གི་ཁྱིམ་བདག་ཀྱང་ཕྱི་ཞིག་ན་ཟོང་ཁྱེར་ནས་འཁོར་མོ་འཇིག་ཏུ་འོངས་ཏེ། དེ་ཡང་ཁྱིམ་བདག་གོའུ་ཏ་མའི་ཁྱིམ་དུ་ཕྱིན་པ་དང ། དེས་ཀྱང་དེ་ལ་རི་མོ་དང ། མཛའ་བའི་ཚིག་གིས་བདེ་བར་འོངས་སམ། ཞེས་སྨྲས་ནས། ངལ་བསོས་སོ། །དེ་གཉིས་གཅིག་ལ་གཅིག་མཛའ་བ་ལས་མཛའ་བ་རབ་ཏུ་སྐྱེས་པར་གྱུར་ཏོ། །ཡུལ་རྡོ་འཇོག་ན་གནས་པའི་ཁྱིམ་བདག་གིས་ཁྱིམ་བདག་གོའུ་ཏ་མ་ལ། གྲོགས་པོ་བདག་ཅག་གཉིས་དུས་ལས་འདས་པའི་འོག་ཏུ་བུ་དང ། ཚ་བོ་དང ། ཡང་ཚ་དང ། སུམ་ཚ་དག་མཛའ་བའི་རྒྱུན་མི་གཅད་པར་བྱ་བའི་ཐབས་ཅི་ཡོད། ཅེས་སྨྲས་པ་དང ། གོའུ་ཏ་མས་སྨྲས་པ། གྲོགས་པོ་ལེགས་ཏེ། བདག་གིས་ཀྱང་དེ་སྙམ་བསམས་སོ། །དེ་བས་ན་ཚུར་ཤོག་བུ་མ་བྱུང་བ་ནས་གཉེན་དུ་བྱས་ཏེ། དེ་སྟེ་བདག་ལ་བུ་ཕོ་ཞིག་བྱུང་བ་ཁྱོད་ལ་བུ་མོ་ཞིག་བྱུང་ན་ཁྱོད་ཀྱིས་བདག་གི་བུ་ལ་བྱིན་ཅིག་།འོན་ཏེ་ཁྱོད་ལ་བུ་ཕོ་ཞིག་སྟེ། བདག་ལ་བུ་མོ་ཞིག་ན་བདག་གིས་ཁྱོད་ཀྱི་བུ་ལ་སྦྱིན་ནོ། །དེས་སྨྲས་པ། གྲོགས་པོ་ལེགས་ཀྱི་དེ་བཞིན་བྱའོ་ཞེས་ཟེར་ནས། ཡུལ་རྡོ་འཇོག་ན་གནས་པའི་ཁྱིམ་བདག་དང ། ཁྱིམ་བདག་གོའུ་ཏ་མ་གཉིས་ལྷན་ཅིག་ཏུ་བུ་མ་བྱུང་བ་ནས་གཉེན་དུ་འཐམས་ནས། དེས་ཟོང་བཙོངས་ཏེ་སླར་གྱིས་ཟོང་ཁྱེར་ནས་ཡུལ་རྡོ་འཇོག་ཏུ་སོང་ངོ ། །དེས་དེ་ན་ཆུང་མ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་པ་ལས། ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ནས། དེས་ཟླ་བ་</font><hr>Da186a<br><font size=+2>


༄#། །བརྒྱད་དམ་དགུ་འདས་པ་དང་བཙས་ནས་བུ་ཕོ་ཞིག་བྱུང་ངོ ། །དེ་ཞག་བདུན་གསུམ་ཉི་ཤུ་རྩ་གཅིག་གི་བར་དུ་བཙས་པའི་བཙས་སྟོན་ཆེན་པོ་རྒྱས་པར་བྱས་ཏེ། དེར་རིགས་དང་མཐུན་པའི་མིང་ཞིག་བཏགས་སོ། །འཁོར་མོ་འཇིག་གི་ཁྱིམ་བདག་གིས་ཡུལ་རྡོ་འཇོག་གི་ཁྱིམ་བདག་ལས་བུ་ཕོ་ཞིག་བཙས་པ་ཐོས་ནས། དེས་བདག་གི་གྲོགས་པོ་ལ་བུ་ཕོ་ཞིག་བཙས་ཏེ། ཁྱེའུ་དེ་ནི་བདག་གི་མག་པར་འགྱུར་ཡང་སྲིད་ཀྱི། དེའི་གོས་དང་རྒྱན་རྣམས་བསྐུར་རོ་སྙམ་བསམས་ནས། དེས་དེ་ལ་གོས་དང་རྒྱན་རྣམས་བསྐུར་ཏེ། ཡུལ་རྡོ་འཇོག་ན་གནས་པའི་ཁྱིམ་བདག་དེ་ལ་གྲོགས་པོ་ཁྱོད་ལ་བུ་ཕོ་ཞིག་བཙས་སོ། །ཞེས་ཐོས་ནས། གྲོགས་པོ་ལ་བུ་བཙས་པས་བདག་ལ་ཤིན་ཏུ་དགའ་བ་སྐྱེས་ཏེ། ཁྱེའུའི་ཕྱིར་གོས་དང་རྒྱན་ཞིག་བསྐུར་གྱི། ལོང་ཞིག་ཅེས་ཡི་གེ་སྤྲིང་ངོ ། །དེས་སྤྲིང་ཡིག་བཀླགས་ཏེ། སླར་གྱིས་ལན་སྤྲིང་པ་དང ། ཁྱིམ་བདག་གོའུ་ཏ་མས་དེ་བཀླགས་ནས་བུ་མོ་ཞིག་འབྱུང་དུ་སྨོན་ཏེ། ཆུང་མ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་རྩེ་དགའ་ཡོངས་སུ་སྤྱོད་པ་ལས། ཆུང་མ་སེམས་ཅན་དང་ལྡན་པར་གྱུར་ནས། དེ་ཟླ་བ་དགུ་འདས་པ་དང་བཙས་ནས་བུ་མོ་ཞིག་བྱུང་སྟེ། གཟུགས་ལེགས་ཤིང་བལྟ་ན་སྡུག་པ་བཟང་མོ་ཞིག་ན། ཅུང་ཟད་དུ་རིད་ཅིང་ཉམ་ཆུང་བ་ཞིག་ནས། དེ་ཞག་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་ཆེན་པོ་རྒྱས་པར་བྱས་ནས། </font><hr>Da186b<br><font size=+2>


མིང་འདོགས་པ་ལ་ཞུགས་ཏེ། བུ་མོ་འདིའི་མིང་ཅིར་གདགས་ཞེས་བགྲོས་པ་དང ། གཉེན་དང་གིས་སྨྲས་པ། བུ་མོ་འདི་ནི་རིད་ཅིང་ཉམ་ཆུང་ལ་ཁྱིམ་བདག་གོའུ་ཏ་མའི་བུ་མོ་སྟེ། །དེ་བས་ན་བུ་མོ་འདིའི་མིང་ནི་སྐེམ་མོ་གོའུ་ཏ་མི་ཞེས་མིང་དུ་གཏགས་སོ། །ཡུལ་རྡོ་འཇོག་ན་གནས་པའི་ཁྱིམ་བདག་གིས་འདི་ལྟར་འཁོར་མོ་འཇིག་གི་ཁྱིམ་བདག་གོའུ་ཏ་མ་ལ་བུ་མོ་ཞིག་བཙས་སོ། །ཞེས་ཐོས་ནས། དེས་བདག་གི་གྲོགས་པོ་ལས་བུ་མོ་ཞིག་བཙས་ཏེ། བུ་མོ་དེ་ནི་བདག་གི་མནའ་མར་འགྱུར་བར་ངེས་ཀྱི། དེ་ལ་གོས་དང་རྒྱན་རྣམས་བསྐུར་བའི་རིགས་སོ་སྙམ་བསམས་ཏེ།་ཁྱིམ་བདག་གོའུ་ཏ་མ་ལ་གྲོགས་པོ་བདག་གིས་ནི་ཁྱོད་ལ་བུ་མོ་ཞིག་བཙས་སོ། །ཞེས་ཐོས་ནས་བདག་ཤིན་ཏུ་དགའ་སྟེ། གྲོགས་པོའི་བུ་མོ་ལ་གོས་དང་རྒྱན་རྣམས་བསྐུར་གྱི། ལོང་ཞིག་ཅེས་དེས་ཡི་གེ་སྤྲིང་ངོ ། །དེས་ཡི་གེ་བཀླགས་ཏེ། སླར་གྲོགས་པོ་མཛའ་བོས་བྱས་པ་དེ་ནི་ལེགས་ཏེ། བདག་དང་གཉེན་བྱས་ཏེ། བུ་མོ་སྐྱེས་ནས་བླང་བར་བྱའོ། །ཞེས་ལན་སྤྲིང་ངོ། །ཁྱིམ་བདག་གོའུ་ཏ་མས་ཡི་གེ་བཀླགས་ནས། བུ་མོ་དེ་བུད་མེད་ཀྱི་བསླབ་པ་རྣམས་སློབ་ཏུ་བཅུག་གོ་།ཡུལ་རྡོ་འཇོག་ན་གནས་པའི་ཁྱིམ་བདག་གིས་ཀྱང་བུ་དེ་བསླབ་པ་སློབ་ཏུ་བཅུག་སྟེ། དེས་སྨད་འཚོང་མ་དག་དང་སྔོན་ལྷན་ཅིག་ཏུ་འདུག་འདུག་པ་དེ་ལ་བུ་མོ་འདི་ལ་བསླབ་པ་རྣམས་སློབས་ཤིག་པར་གཏད་དོ། །དེས་དེ་ལ་བསླབ་པར་བརྩམས་སོ། །དེས་ཇི་སྲིད་ཅིག་</font><hr>Da187a<br><font size=+2>


༄#། །ཏུ་བསླབས་པ་དང ། དེ་ན་རེ། བདག་གིས་བསླབ་པ་རྣམས་ལོབས་ཀྱི། ད་ནི་འགྲོའོ་ཞེས་སྨྲས་པ་དང ། བུད་མེད་དེས་བུ་ལེགས་ཀྱི། ལོབས་པར་བྱས་ད་དུང་མ་འགྲོ་ཞིག་ཅེས་སྨྲས་པ་དང ། དེས་མ་མ། བདག་གིས་ལེགས་པར་ལོབས་ཟིན་གྱི། ད་འགྲོའོ་ཞེས་ཟེར་རོ། །དེས་རྒྱ་སྐྱེགས་ཀྱི་ཐུམ་པོ་ཞིག་ཐོགས་ཏེ། བུ་དེ་སྟེ་ཁྱོད་བཤོལ་བཞིན་དུ་འགྲོ་བར་འདོད་ན། བདག་གི་མགོ་བོ་བརྡུང་ངོ་ཞེས་སྨྲས་པ་དང ། དེས་མ་མ་དེ་ལྟར་མ་བྱེད་ཅིག་དང་བདག་མི་འགྲོ་བར་བྱའོ། །དེ་འདུག་པ་དང ། མོས་སྨྲས་པ། བཀྲེན་པ་ཁྱོད་ན་རེ། ངས་བསླབ་པ་རྣམས་ལོབས་སོ་ཞེས་ཟེར་ན། ཁྱོད་ཀྱིས་འདི་ཙམ་ཡང་མ་ཤེས་སོ། །གཞན་གྱི་བུའི་ཕྱིར་བདག་གི་མགོ་བོ་བརྡུང ། ཁྱོད་ནི་ཤེས་རབ་ཅན་མ་ཡིན་ནོ། །དེ་ཡང་ཇི་སྲིད་ཅིག་ཏུ་འདུག་ནས། མ་མ་འགྲོའོ་ཞེས་ཟེར་བ་དང ། མོས་བུ་འདུག་ཅིག་ཅེས་སྨྲས་ཀྱང ། དེ་འདུག་ཏུ་མ་བཏུབ་པ་དང ། མོས་བུ་དེ་སྟེ་ཁྱོད་བཤོལ་བཞིན་དུ་ཡང་འགྲོ་བར་འདོད་ན། བདག་གི་ལུས་ཁྲོན་པར་མཆོང་ངོ་ཞེས་སྨྲས་པ་དང ། དེས་མ་མ་དེ་ལྟར་ན་བདག་མི་འགྲོས་མ་བྱེད་ཅིག་།འདུག་གོ་ཞེས་སྨྲས་པ་དང ། མོས་སྨྲས་པ་དང ། བཀྲེན་པ་ཁྱོད་ན་རེ་ངས་བསླབ་པ་རྣམས་ལོབས་ཟིན་ཏོ་ཞེས་ཟེར་ན། འདི་ཙམ་ཡང་ཁྱོད་ཀྱིས་མི་ཤེས་ཏེ་འདི་ལྟར་གཞན་གྱི་བུའི་ཕྱིར་བདག་ཉིད་ཁྲོན་པར་ཅིའི་ཕྱིར་མཆོང་སྟེ། ཁྱོད་འདུག་ཏུ་མ་བཏུབ་ན་བདག་གིས་ཁྲོན་</font><hr>Da187b<br><font size=+2>


པའི་ནང་དུ་གློད་བཅས་པ་དེར་བདག་འདུག་ཏུ་ཟད་ཀྱི། ཁྱོད་ཤེས་རབ་ཅན་མ་ཡིན་གྱི་འདུག་ཅིག་།དེས་ཇི་སྲིད་ཅིག་ཏུ་འདུག་ནས། མ་མ་མཆིའོ་ཞེས་སྨྲས་པ་དང ། མོས་སྨྲས་པ། བུ་དེ་སྟེ་འདི་ལྟར་དུས་ཀྱིས་ཐེན་ན་སྡོད་ལ། འོ་ཐུག་བཙོས་ཏེ་འཐུང་ལ་སོང་ཞིག་།དེ་འདུག་པ་དང ། དེས་འོ་ཐུག་བཙོས་ཏེ་དེ་ཉིད་ཀྱི་མདུན་དུ་སྣོད་དུ་མར་དང་སྦྲང་རྩིས་བཏབ་སྟེ་འཐུངས་ནས། སྣོད་དེ་ཉིད་དུ་སླར་སྐྱུགས་སོ། །སྐྱུགས་ནས་ཡང་རྗེའུ་དེ་ཉིད་དུ་བླུགས་ནས། མོས་བུ་ཚུར་ཤོག་།འདི་འཐུང་ཞིག་ཅེས་སྨྲས་པ་དང ། དེས་སྨྲས་པ། མ་མ་འདི་ནི་སྐྱུགས་པ་ཡིན་ན་ཇི་ལྟར་བཏུང་ཞེས་སྨྲས་པ་དང ། མོས་ངུ་བ་ལྟར་བྱས་པ་དང ། ཁྱིམ་མཚེས་དེ་དག་གིས་ཐོས་ནས། དེ་དག་ཐམས་ཅད་འདུས་ཏེ། ཀྱེ་ཅིའི་ཕྱིར་དུ་ཞེས་དྲིས་པ་དང ། དེས་ཇི་ལྟར་གྱུར་པ་ཐམས་ཅད་ཞིབ་ཏུ་སྨྲས་ནས། དེ་དག་གིས་བུ་ཁྱོད་ཀྱི་ཕྱིར་ཐུག་པ་འདི་སྦྱར་ན་ཅིའི་ཕྱིར་མི་འཐུང་ཞེས་སྨྲས་པ་དང ། དེས་ཀྱེ་འདི་ནི་སྐྱུགས་པ་ཡིན་ན་སྐྱུགས་པ་ཇི་ལྟར་བཏུང་ཞེས་སྨྲས་སོ། །དེའི་ཕྱི་ཕྱིར་བྲང་བརྡུངས་ཏེ་ངུ་ཞིང་འདུག་ནས། ཀྱེ་ཅིའི་ཕྱིར་ཁོ་མོས་འདི་ལ་སྐྱུགས་པ་བླུད་ཅེས་སྨྲས་པ་དང ། དེ་འཁོར་གྱི་ཁྱིམ་མཚེས་དེ་དག་གིས་ནན་གྱིས་བླུད་ནས། དེས་འཐུང་བར་བརྩམས་པ་དང ། མོས་དེའི་ལག་པ་ནས་བཟུང་སྟེ། གདོང་དུ་ཐལ་མོ་གཅིག་བརྒྱབ་ནས་སྨྲས་པ། བཀྲེན་པ་ཁྱོད་ན་རེ། ངས་བསླབ་པ་རྣམས་ལོབས་སོ། །ཞེས་ཟེར་ན། ཇི་ལྟར་ན་</font><hr>Da188a<br><font size=+2>


༄#། །ཁྱོད་ཀྱིས་བསླབ་པ་རྣམས་ལོབས། འདི་ལྟར་ཁྱོད་ཀྱིས་མངོན་སུམ་དུ་སྐྱུགས་པ་མཐོང་ཡང་འཐུང་བར་ཤོམ་ན། ཁྱོད་ནི་ཤེས་རབ་ཅན་མ་ཡིན་ནོ་ཞེས་སྨྲས་ནས། དེས་དེ་བསྐྲད་དེ་བཏང་ངོ ། །དེ་དུས་ཕྱི་ཞིག་ན་ཚོང་པ་ལྔ་བརྒྱ་དང་ལྷན་ཅིག་ཏུ་ཟོང་ཁྱེར་ཏེ་ཡུལ་གྱི་དབུས་སུ་དོང་ངོ ། །དེས་ཚོང་པ་དེ་དག་གི་མདུན་དུ་ཕྱི་ཕྱིར་ཞིང་བུད་མེད་ལ་སྨོད་དོ། །དེ་དག་རིམ་བཞིན་དུ་འཁོར་མོ་འཇིག་ཏུ་ཕྱིན་ཏོ། །ཚོང་པ་དེ་དག་སྔོན་གྱི་སྨད་འཚོང་མ་དེ་དག་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་དག་ཀྱང་དེ་དང་བསྟེན་པས་ཀྱང་བུད་མེད་ལ་སྨོད་དེ། སྨད་འཚོང་མ་གང་གི་ཁྱིམ་དུ་ཡང་མི་དོང་པ་དང ། སྨད་འཚོང་མ་དེ་དག་གཅིག་ལ་གཅིག་གྲོས་བྱེད་དེ། དེ་དག་ལས་གཅིག་གིས་ཆེ་ཞེ་སྔོན་ནི་ཡུལ་རྡོ་འཇོག་གི་ཚོང་པ་དག་ལྷགས་ནས་དེ་དག་ཡུ་བུ་ཅག་དང་ལྷན་ཅིག་ཏུ་ཡོངས་སུ་སྤྱོད་པར་འོང་ན། ད་ནི་ཐམས་ཅད་ཀྱང་འདོད་ཆགས་དང་བྲལ་བར་གྱུར་ཏེ། སུ་ཡང་བདག་ཅག་དང་ལྷན་ཅིག་ཡོངས་སུ་མི་སྤྱོད་དོ། །ཞེས་སྨྲས་པ་དང ། གཞན་གྱིས་ཆེ་ཞེ་བདག་གིས་ནི་དེ་དག་གི་དེད་དཔོན་དེ་ནི་གཡེམ་པའི་ཆོ་ག་ལ་མཁས་པས་བུད་མེད་ལ་ཤིན་ཏུ་སྨོད་དོ། །ཞེས་ཐོས་སོ། །དེ་དང་བསྟེན་པས་ན་དེ་དག་ཀུན་བདག་ཅག་དང་ལྷན་ཅིག་ཏུ་མ་སྤྱོད་དོ་ཞེས་སྨྲས་པ་དང ། དེ་དག་གི་ནང་ནས་སྨད་འཚོང་མ་</font><hr>Da188b<br><font size=+2>


རྒན་མོ་ཞིག་གིས་སྨྲས་པ། བུ་མོ་དེ་སྐྱེས་པ་ཡིན་ནམ། འོན་ཏེ་མ་ཡིན། དེ་དག་གི་ཆེ་ཞེ་དེ་ནི་སྐྱེས་པ་སྟེ་སྐྱེས་པའི་དབང་པོ་དང་ལྡན་ནོ། །ཞེས་སྨྲས་པ་དང ། དེ་སྟེ་བདག་གི་བུ་མོས་དེ་བསྒྱུར་ནས། དེ་སྟེ་ཁྱེད་ཀྱིས་དཔོན་མོར་གཞུག་གམ་ཞེས་སྨྲས་པ་དང ། དེ་དག་གིས་གཞུག་ཏུ་ནི་རུང་ན། དེ་སྟེ་མ་གྱུར་ན་ཁྱོད་ཀྱིས་ཅི་སྦྱིན། ཞེས་སྨྲས་པ་དང ། མོས་སྨྲས་པ། ཀཪྴ་པ་ཎ་ལྔ་བརྒྱ་ཁྱེད་ལ་སྦྱིན་ནོ། །དེ་དག་གིས་སྨྲས་པ། ལེགས་ཀྱི་དེ་བཞིན་བྱའོ། །དེ་ནས་བུད་མེད་རྒན་མོ་དེས་དེ་དག་དང་ཉེ་བའི་ཁྱིམ་ཞིག་གླས་ན་སྣོད་སྤྱད་མང་དུ་བསགས་པ་དང ། དེ་དེད་དཔོན་དེའི་ཁྱེའུ་དག་དེར་འོངས་ཤིང་ལྷགས་ཏེ། སྣོད་སྤྱད་དག་རྙེན་ནོ། །དེས་དེ་དག་ལ་བུ་ཁྱེད་སུ་ཞེས་དྲིས་པ་དང ། དེ་དག་གིས་སྨྲས་པ། མ་མ་བདག་ཅག་ནི་ཡུལ་རྡོ་འཇོག་གི་དེད་དཔོན་གྱིའོ། །དེས་སྨྲས་པ། བུ་བདག་གི་བུ་ཡང་དེད་དཔོན་ཡིན་ཏེ། ཟོང་ཁྱེར་ནས་ཡུལ་གཞན་དུ་སོང་ན། དེའི་ཁྱེའུ་དག་ཀྱང་ཇི་ལྟར་ཁྱེད་བཞིན་དུ་དེ་དག་ཀྱང་གཞན་ལས་སྣོད་རྙེན་པ་སྙམ་བགྱིད། དེ་བས་ན་ཁྱིམ་འདི་ན་སྣོད་ཡོད་པ་དེ་དག་ཀུན་ཁྱེད་ཅག་ཉིད་ཀྱི་དང་འདྲ་བས་ཅི་བདེ་བར་སྤྱོད་ཅིག་།དེ་དག་གིས་དེ་ནས་སྣོད་སྤྱད་ཉིན་གཅིག་བཞིན་དུ་བླངས་ཤིང་འོངས་པ་དང ། དེ་དག་ལ་དེད་དཔོན་གྱིས། ཀྱེ་ཁྱེད་ལ་ཉིན་གཅིག་བཞིན་སྣོད་སྤྱད་དང་ཡོ་བྱད་སུས་བྱིན་ཞེས་དྲིས་པ་དང ། དེ་དག་གིས་དེད་དཔོན་གནས་འདི་ན་དེད་དཔོན་གྱི་མ་ཞིག་འདུག་སྟེ། དེ་ན་རེ། བདག་གི་བུ་ཡང་ཡུལ་གཞན་དུ་</font><hr>Da189a<br><font size=+2>


༄#། །ཟོང་ཁྱེར་དེ་སོང་ན། དེའི་ཁྱེའུ་དག་ཀྱང་འདི་ལྟར་ཁྱེད་བཞིན་དུ་གཞན་ལས་སྣོད་སྤྱད་རྙེད་གདོན་མི་ཟས། དེ་ལྟ་བས་ན་ཁྱིམ་འདི་ན་སྣོད་སྤྱད་ཡོད་པ་དག་ཀུན་ཁྱེད་ཅག་ཉིད་ཀྱི་དང་འདྲ་བར་ཅི་བདེར་སྤྱོད་ཅིག་ཅེས་མཆི་སྟེ། དེ་ནས་སྣོད་སྤྱད་འཚལ་ཞིང་མཆིའོ་ཞེས་སྨྲས་པ་དང ། དེས་དེ་ལ་བྱམས་པ་སྐྱེས་ནས། ཀྱེ་ཁྱེད་ལ་དེ་ལྟར་བྱམས་པ་བྱེད་ན་དེ་བདག་གི་ཡང་མ་ཡིན་ནོ། །ཞེས་སྨྲས་སོ། །དེ་དག་གིས་དེ་ལ་སྨྲས་པ། མ་མ་དེད་དཔོན་ནི། ཁྱེད་ལ་ཡོན་ཏན་ཤིན་ཏུ་བརྗོད་དེ། འདི་ལྟར་ཁྱེད་ལ་ཀུན་སྦྱོར་བ་དེ་བདག་གི་ཡང་མ་ཡིན་ནོ།། ཞེས་ཟེར་རོ། །མོས་དེ་ལྟར་ན་བུ་མཐོང་ཡང་ཅི་མ་རུང་ཞེས་སྨྲས་པ་དང ། དེ་དག་གིས་ཀྱང་མ་མ་ལེགས་ཀྱི། དེད་དཔོན་ལ་བགྱིའོ་ཞེས་སྨྲས་ནས། དེ་དག་གིས་དེ་ལ་དེད་དཔོན་མ་མ་ནི་ཁྱོད་ལ་བལྟ་བར་འཚལ་ལོ་ཞེས་སྨྲས་པ་དང ། དེས་ཀྱང་ཀྱེ་ལེགས་ཀྱི། འདོང་ངོ་ཞེས་སྨྲས་ནས། དེ་དེའི་ཁྱིམ་དུ་སོང་ངོ ། །མོས་དེ་བསྟི་སྟང་དུ་བཅས་པས་བདེ་བར་འོངས་སམ་ཞེས་བྱ་བའི་ཚིག་སྙན་པ་བརྗོད་དེ། བུ་བདག་གི་བུ་ཡང་ཁྱོད་ཅི་འདྲ་བ་བཞིན་ནོ། །ཞེས་སྨྲས་པ་དང ། དེས་ཀྱང་མིང་སྨོས་སོ། །མོས་སྨྲས་པ། དེའི་མིང་ཡང་དེ་བཞིན་ཏེ། མདོར་ན་ཁྱོད་དང་དེ་གཉིས་བདག་གི་བུར་ཁྱད་པར་མེད་ཀྱི། ཁྱོད་གཞན་དུ་མ་སེམས་ཤིག་།ཅེས་སྨྲས་སོ། །དེས་སྨྲས་པ། མ་མ་དེ་ལྟར་ན་དེ་བཞིན་ཏེ། དེ་ཉིད་བདག་སྟེ་ཁྱོད་ཀྱི་བུ་དང་</font><hr>Da189b<br><font size=+2>


ཁྱད་པར་མེད་དོ། །དེ་ནས་ཁྱིམ་བདག་གི་ཆུང་མ་དེས་བུ་མོ་བོས་ཏེ། བུ་མོ་ཚུར་ཤོག་མིང་པོའི་ཞབས་ལ་ཕྱག་འཚོལ་ཅིག་ཅེས་བོས་སོ། །དེ་ཕྱིར་བྱུང་ན་ན་ཚོད་དང་དེས་དེའི་གཟུགས་བཟང་མོ་དར་ལ་བབ་ཅིང་མཛེས་མ་མཐོང་ནས། རླུང་གི་ཤུགས་བཞིན་དུ་འདོད་ཆགས་ཀྱི་མཐུས་ཡོག་པས་ན། བདག་ཉིད་མ་ཚོར་བར་གྱུར་ཏེ། དེས་དེ་ལ་ཀུན་ཏུ་བརྟགས་ནས། མ་མ་བུ་མོ་འདི་སུའི་ཞེས་དྲིས་པ་དང ། མོས་སྨྲས་པ། བུ། ཁྱོད་ཉིད་ཀྱི་སྲིང་མོ་ཡིན་ནོ། །ཞེས་སྨྲས་པ་དང ། མ་མ་གཞན་ལ་བྱིན་ནམ། མ་བྱིན། མོས་སྨྲས་པ། བུ། འདི་སུ་ལ་ཡང་མ་བྱིན་ནོ། །དེས་དེ་སྟེ་དེ་ལྟར་ན་ཁོ་བོ་ལ་ཅིའི་ཕྱིར་མི་སྦྱིན། ཞེས་སྨྲས་པ་དང ། མོས་སྨྲས་པ། བུ། གཞན་ལྟ་སུ་ཞིག་ལ་སྦྱིན། ཅུང་ཟད་དུ་གང་ཁྱོད་ལ་ཉེས་པ་ཞིག་ཡོད་དེ། ཁྱོད་ནི་བཤེས་མི་བརྟན་པས་ཆུང་མར་བླངས་ཤིང་བླངས་ནས་བོར་ཞིང་དོང་ངོ ། །དེས་སྨྲས་པ། མ་མ་སྩོལ་ཅིག་དང ། མ་འདོར་བར་བགྱིའོ། །མཐོན་དམན་དུ་ཁྲིད་དེ་མཆིའོ། །མོས་སྨྲས་པ། བུ་ཁྱོད་ཀྱིས་བདག་གི་རྫས་ཐམས་ཅད་འདིར་བསྐྱས་ཏེ་བཞག་ན། གདོད་མཐོན་དམན་དུ་ཁྲིད་ཅིང་འགྲོ་བར་ཁོ་མོ་ཡིད་ཆེས་སོ། །དེས་སྨྲས་པ། མ་མ་དེ་ལྟར་ན་གཞག་པར་བྱའོ། །དེས་དེའི་ཁྱིམ་དུ་རྫས་རྣམས་བསྐྱས་ན། དེའི་ཁྱིམ་གཉིས་ཡོད་དེ། དེས་ནི་སྒོ་གཅིག་ནས་ནང་དུ་བསྐྱས་ན། མོས་ཀྱང་སྒོ་གཉིས་པ་ནས་གུད་དུ་བསྐྱེས་\་BཥKYཱཥ་?\སོ། །ནམ་དེས་ནོར་རྫས་ཐམས་ཅད་བསྐྱས་པ་དང ། མོས་ཀྱང་གུད་</font><hr>Da190a<br><font size=+2>


༄#། །དུ་བསྐྱས་ནས། གདོད་དེ་ལ་བུ་མོ་བྱིན་ནོ། །དེས་ཞག་དང་ཚེས་གྲངས་མཐུན་པར་སྦྱོར་ཏེ། བག་མ་ལེན་པའི་ཚེ་མོས་སྨད་འཚོང་མ་རྒྱན་སྣ་ཚོགས་ཀྱིས་བརྒྱན་པ་ཀུན་མགྲོན་དུ་བོས་ཏེ། དེས་བག་མ་བླང་བའི་ཚེ་ན་ཕན་ཚུན་དུ་རྒྱུ་ཞིང་འཁོད་པ་དང ། དེད་དཔོན་དེས་སྨྲས་པ། མ་འདི་ན་ཐམས་ཅད་ཀྱང་བུད་མེད་དེ། སྐྱེས་པ་གཅིག་ཀྱང་མེད་དམ། དེས་བསྒྱངས་སོ། །གཞན་ཞིག་གིས་དེའི་སྣ་དྲུང་དུ་གསང་སྟེ། དེད་དཔོན་འདི་ལྟར་གྱུར་པ་ཁྱོད་ཀྱིས་མི་ཤེས་སམ། བདག་ཅག་ཀུན་ཀྱང་སྨད་འཚོང་མ་ཡིན་ན། སྐྱེས་པ་ག་ལ་ཡོད་ཅེས་སྨྲས་པ་དང ། དེས་བདག་གིས་ནི་སྨད་འཚོང་མ་ཞིག་བླངས་པ་ལྟ་སྟེ། མདོར་ན་འདིས་ནི་བདག་བསླུས་སོ་སྙམ་དུ་བསམས་སོ། །བུ་མོ་དེ་ཡང་དེ་དང་ལྷན་ཅིག་ཇི་སྲིད་ཅིག་ཏུ་ལོངས་སྤྱོད་དེ། ཇོ་བོ་ཀཪྴ་པ་ཎ་སྩོལ་ཅིག་ཅེས་སྨྲས་པ་དང ། དེས་སྨྲས་པ། བཟང་མོ་བདག་གི་ནོར་རྫས་ཅི་ཡོད་དོ་ཅོག་ཐམས་ཅད་འདིར་བསྐྱས་ཏེ་འོངས་ན། བདག་ལ་ཀཪྴ་པ་ཎ་གཞན་ག་ལ་ཡོད་ཅེས་སྨྲས་པ་དང ། དེ་གཉིད་ཀྱིས་ཤིན་ཏུ་ལོག་པ་དང ། མོས་རེ་ལྡེའི་ནང་ན་དཀྲིས་ཏེ་ཚོང་འདུས་ཀྱི་དབུས་སུ་བོར་རོ། །ནང་པར་ནམ་ལངས་པ་དང ། གྲོང་ཁྱེར་ན་གནས་པའི་སྐྱེ་བོ་མང་པོ་དག་འོང་ཞིང་འདོང་བས་སད་པར་བྱས་ནས། བདག་གིས་བལྟས་པ་དང ། དེས་བདག་ཉིད་མི་རིགས་པར་མཐོང་ནས། སེམས་དང་སེམས་ལས་བྱུང་བའི་</font><hr>Da190b<br><font size=+2>


རྒྱུ་བ་རྣམས་ཉམས་ཏེ་མིག་མཆི་མས་གང་ནས། འཁོར་མོ་འཇིག་གིས་ཚོང་འདུས་དང ། སྲང་དང་ལམ་གྱི་བཞི་མདོ་དང ། སུམ་མདོ་དག་ན་འཁྱམ་པ་ལས། བཀྲེས་པས་གཟིར་ཏེ་ཟས་ཚོལ་པའི་ཕྱིར་གླ་མི་དག་གནས་པར་སོང་ནས་འདུག་གོ་།དེའི་ཚེ་ན་ཁྱིམ་བདག་གོའུ་ཏ་མའི་ཁྱིམ་བརྩིག་སྟེ། དེ་གླ་མི་རྣམས་ཚོལ་བ་ལས། དེར་མི་གཞན་ཞིག་གིས་ཁྱིམ་བདག་གོའུ་ཏ་མིའི་དྲུང་དུ་ཁྲིད་པ་དང ། དེས་དེ་མཐོང་ནས་ཀྱེ་འདི་ནི་རབ་ཏུ་གཞོན་ཞིང་ཤིན་ཏུ་གཞོན་པ་ཞིག་སྟེ། སྔོན་སུའི་ལས་ཀྱང་མ་བྱས་པ་ཞིག་གི་གཞན་ཞིག་ཚོལ་ཅིག་ཅེས་སྨྲས་པ་དང ། དེའི་མིག་མཆི་མས་གང་བཞིན་དུ་ཁྱིམ་བདག་གོའུ་ཏ་མའི་གདོང་དུ་ལྟའོ། །དེ་ལ་ཁྱིམ་བདག་གོའུ་ཏ་མས། བུ་ཁྱོད་སུ་ཡིན། གང་ནས་འདིར་འོངས་པ་སྨྲོས་ཤིག། ཅེས་དྲིས་པ་དང ། དེས་སྙིང་རྗེ་ཞིང་དམན་ལ་སྡུག་བསྔལ་བས་མིག་མཆི་མས་གང་སྟེ། ཚིག་ཀྱང་བརྣངས་བཞིན་དུ་ངལ་ནས་སྨྲས་པ། ཕ་བདག་ནི་བྱང་ཕྱོགས་ན་རྡོ་འཇོག་གི་གྲོང་ཁྱེར་དེ་ནས་སྔོན་གྱི་ལས་ཀྱིས་འདིར་བདེ་བར་ཕྱིན་ན། ད་ནི་གར་མཆི་ཡང་མ་འཚལ་ཏེ། བར་མ་དོར་དུས་ལས་འདའ་བ་ཞིག་ཏུ་འགྱུར་ཡང་མ་འཚལ་ཏོ། །ཞེས་སྨྲས་པ་དང ། དེས་དེའི་ཉམས་དང་ཚིག་གི་རྒྱུད་ཐོས་ཏེ། ཁྱིམ་བདག་གོའུ་ཏ་མས་དེ་ལ་ཡིད་ཀྱིས་སྡུག་པར་གྱུར་ཏེ། བུ་རྡོ་འཇོག་ན་གནས་པའི་སྐྱེ་བོ་མང་པོ་དག་ཁྱོད་ཀྱིས་ཤེས་སམ་ཞེས་དྲིས་སོ། །ཕ་འཚལ་ལོ། །བུ་ཁྱིམ་བདག་</font><hr>Da191a<br><font size=+2>


༄#། །འདི་ཞེས་བྱ་བ་ཁྱོད་ཀྱིས་ཤེས་སམ། ཕ་དེ་ནི་བདག་སྐལ་པ་ཉམས་པའི་ཕ་ལགས་ཏེ། འཚལ་ཏོ། །ཁྱིམ་བདག་གོའུ་ཏ་མའི་ཡིད་ལ་ཡང་ཤིན་ཏུ་སྡུག་པར་གྱུར་ནས། བུ་མི་དགའ་བར་བྱ་མི་དགོས་ཀྱི། མ་ངུ་ཞིག། ཁྱོད་ནི་ངའི་མག་པར་འགྱུར་ཏེ། ཁྱིམ་འདི་དག་ཁྱོད་ཉིད་ཀྱི་ཡིན་ནོ་ཞེས་སྨྲས་ཏེ། དེ་ཡང་སྤྲོ་བསྲིངས་ཏེ། དེ་ཡང་མི་དགའ་བ་དང་བྲལ་ལོ། །ཁྱིམ་བདག་གོའུ་ཏ་མས་བྱུག་པ་དང ། བཟའ་བ་དང ། བཏུང་བ་དང ། གོས་དང ། རྒྱན་དང ། ཁྱིམ་དང ། མལ་སྟན་དང ། གཡོག་དང ། དགའ་བའི་ཚིག་གིས་ངལ་བསོས་ཏེ། ཆུང་མ་ལ་སྨྲས་པ། བཟང་མོ་ཁྱོད་ཀྱི་མག་པ་འོངས་ཏེ། བུ་མོ་བག་མར་བཏང་གི་སྟ་གོན་བྱོས་ཤིག་།དེས་དེའི་ཉི་མ་དང ། ཚེས་གྲངས་དང ། སྐད་ཅིག་མ་དང ། སྐར་མ་དག་བརྟགས་ཏེ། རིམ་བཞིན་དུ་བཤམས་ནས། ཕུ་ནུ་དང ། མཛའ་བོ་དང ། གཉེན་བཤེས་སུ་བཅས་པས་བུ་མོ་ལོང་ཞིག་ཅེས་སྨྲས་པ་དང ། དེས་པ་སྐད་ཅིག་མི་བླང་གི། ནོར་རྣམས་ཇེ་བཙལ་བར་བྱའོ་ཞེས་སྨྲས་པ་དང ། དེས་བུ་ཁྱིམ་ན་ནོར་ཡོད་པ་འདི་དག་ཐམས་ཅད་ཁྱོད་ཀྱི་ཡིན་ན། ནོར་གྱིས་ཅི་ཞིག་བྱ། ཞེས་སྨྲས་པ་དང ། དེ་ཡང་སྨད་འཚོང་མ་དེ་ལ་ཁོན་ལན་གློན་པར་འདོད་ནས་སྨྲས་པ། ཕ་དེ་ནི་དེ་ལྟར་ལགས་མོད་ཀྱི། བདག་མི་མ་རབས་བཞིན་དུ་བག་མ་མི་ལེན་ནོ་ཞེས་སྨྲས་པ་དང ། དེ་ཅང་མི་ཟེར་བར་འདུག་གོ། །དེ་འཁོར་མོ་འཇིག་ནས་</font><hr>Da191b<br><font size=+2>


བྱུང་སྟེ། ཡན་མན་དུ་འཁྱམ་ཞིང་འདུག་པ་ལས་ཆུ་འགྲམ་དུ་སོང་བ་དང ། ཆུ་དེའི་ནང་ནས་མི་རོ་ཞིག་ཁྱེར་འོངས་ནས། བྱ་རོག་གཅིག་ཆུའི་འགྲམ་དེ་ན་འདུག་ནས་མི་རོ་ཟ་བར་འདོད་ན་མཆུས་མ་སླེབས་སོ། །དེ་ནས་མཆུ་དེ་ཤིང་བུ་ཞིག་ལ་བརྡོར་བ་དང ། རིང་པོ་ཞིག་ཏུ་གྱུར་ཏེ་དེས་རོ་དེ་ཟོས་སོ། །དེ་ནས་ཡང་དེས་ཤིང་གཞན་ཞིག་ལ་མཆུ་བརྡར་བ་དང ། ཇི་ལྟར་སྔ་མ་བཞིན་དུ་གྱུར་ཏོ། །དེད་དཔོན་དེས་ཀྱང་ལག་པས་ཤིང་བུ་དེ་གཉིས་བླངས་ཏེ། ཁྱིམ་དུ་སོང་ངོ ། །དེ་ནས་ཀཪྴ་པ་ཎ་ལྔ་བརྒྱ་ཁྱེར་ནས་སྨད་ཚོང་མ་དེའི་ཁྱིམ་དུ་སོང་སྟེ། བཟང་མོ་ཁྱོད་ཀྱིས་བདག་ལ་ཀཪྴ་པ་ཎ་མེད་པའོ་ཞེས་བསྐྲད་ན། དེ་ནི་ཀཪྴ་པ་ཎ་འདི་རེ་ཡོངས་སུ་སྤྱད་ཀྱི། ཚུར་ཤོག་ཅེས་སྨྲས་པ་དང ། དེ་ཡང་ཀཪྴ་པ་ཎ་ལ་ཆགས་ནས་དེ་དང་ལྷན་ཅིག་ཏུ་ཡོངས་སུ་སྤྱད་དོ། །དེ་ནས་དེད་དཔོན་དེས་དེ་ལ་ཡོངས་སུ་སྤྱད་དེ། དེའི་སྣ་ཤིང་བུ་དེས་བརྡར་བ་དང ། ཤིན་ཏུ་རིང་བར་གྱུར་ནས། དེས་སྨན་པ་ཐམས་ཅད་བཀུག་སྟེ་བསྟན་ན་ཡང ། དེ་དག་གིས་སྨན་དཔྱད་བྱ་བར་མ་ནུས་ཏེ། དེ་ལྟར་དེ་སྨན་པ་ཐམས་ཅད་ཀྱིས་སྤངས་པ་དང ། དེས་དེད་དཔོན་ལ་ཇོ་བོ་བཟོད་པར་གསོལ། འདིའི་སྨན་དཔྱད་མཛོད་ཅིག། ཅེས་སྨྲས་པ་དང ། དེས་སྨྲས་པ། དེ་སྟེ་ཁྱེར་བ་དེ་ཀུན་སླར་སྦྱིན་པར་དམ་འཆའ་ན་གདོད་བྱའོ། །མོས་ཇོ་བོ་ཉི་རིམ་དུ་ཡང་སླར་དབུལ་གྱི་མཛོད་ཅིག་ཅེས་སྨྲས་པ་དང ། དེས་ཤིང་བུ་གཉིས་པས་བརྡར་ན་ཇི་ལྟར་སྔ་མ་བཞིན་དུ་གྱུར་ཏེ། དེས་ཟོང་</font><hr>Da192a<br><font size=+2>


༄#། །ཅི་ཁྱེར་བ་ཐམས་ཅད་དེ་ལ་སླར་བྱིན་ནོ། །དེ་ནས་དེད་དཔོན་དེས་བུ་མོ་སྐེམ་མོ་གོའུ་ཏ་མི་དཔལ་ཆེན་པོ་དང་སྦྱར་ཏེ་བག་མར་བླངས་སོ། །ཁྱིམ་བདག་གོའུ་ཏ་མ་རི་བྲགས་ཀྱི་གྲོང་གཞན་ཞིག་ན་ཞིང་རྨེད་དེ། དེས་མག་པ་དེ་ལ་སྨྲས་པ། བུ་ཁྱོད་ཀྱི་ཆུང་མ་འདི་ཁྲིད་ལ་རི་བྲགས་ཀྱི་གྲོང་འདི་ཞེས་བྱ་བར་འདུག་ཅིག། དེས་དེ་ལ་རི་བྲགས་ཀྱི་གྲོང་གི་ཞིང་ཐམས་ཅད་བྱིན་ནས། དེ་སྐེམ་མོ་གོའུ་ཏ་མི་ཤིང་རྟ་ལ་བསྐྱོན་ཏེ། དེར་སོང་ནས་འདུག་གོ། དེ་དང་ལྷན་ཅིག་རྩེ་དགའ་ཡོངས་སུ་སྤྱད་དོ། །དེ་དེ་ལ་རྩེ་དགའ་ཡོངས་སུ་སྤྱོད་པ་ལས། དུས་ཕྱི་ཞིག་ན་སྐེམ་མོ་གོའུ་ཏ་མི་སེམས་ཅན་དང་ལྡན་པར་གྱུར་ནས། དེ་བུ་འབྱུང་བའི་དུས་ལ་བབ་པ་དང ། ཇོ་བོ་བདག་གི་བུ་བཙར་ཉེས། བདག་གཉེན་གྱི་ཁྱིམ་དུ་མཆིའོ། །དེར་བདག་ལ་བདག་གི་མས་བདག་གི་གཡོག་བགྱིད་དོ་ཞེས་སྨྲས་པ་དང ། དེས་ཀྱང་ལེགས་སོ། །ཞེས་སྨྲས་ནས། དེས་བུ་མོ་གཉེན་གྱི་ཁྱིམ་དུ་བསྐྱལ་བ་དང ། དེ་ལ་དེར་བཙས་ན་བུ་ཁྱེའུ་ཞིག་བྱུང་ནས་ཞག་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཅས་སྟོན་རྒྱས་པར་བྱས་ཏེ། རིགས་དང་མཐུན་པའི་མིང་བཏགས་ནས། དེས་ཁྱེའུ་དེ་ཁྱེར་ཏེ་སླར་རི་བྲགས་དེ་ཉིད་དུ་འོངས་སོ། །དེ་ཕྱིས་ཡང་སེམས་ཅན་དང་ལྡན་པར་གྱུར་ནས། བུ་འབྱུང་བའི་དུས་སུ་བབ་པ་དང ། ཇོ་བོ་བུ་འབྱུང་བའི་དུས་ལ་བབ་ཀྱི། གཉེན་གྱི་ཁྱིམ་དུ་མཆིའོ། །དེར་</font><hr>Da192b<br><font size=+2>


བདག་ལ་མས་བདག་གི་གཡོག་བགྱིད་དོ་ཞེས་སྨྲས་པ་དང ། དེས་ཀྱང་བཟང་མོ་ལེགས་ཀྱི་དོང་བར་བྱའོ། །ཞེས་སྨྲས་པ་དང ། དེས་མ་དང་བུར་བཅས་ཏེ་ཤིང་རྟ་ལ་བསྐྱོན་ནས་དོང་བ་དང ། དེ་ལམ་གྱི་ཕྱེད་དུ་བུ་བཙས་པར་གྱུར་ཏོ། །དེས་བུ་བཙས་པ་མཐོང་ནས། ཤིང་རྟ་ལས་བབས་ཏེ་ཤིང་གཞན་ཞིག་གི་དྲུང་དུ་འདུག་པ་དང ། དེ་ཉིད་དུ་གཉིད་ཀྱིས་ལོག་གོ། །དེ་གཉིད་ཀྱིས་ཆེར་ལོག་པ་དང ། སྦྲུལ་གདུག་པས་ཟིན་ནས་དུས་ལས་འདས་སོ། །མོ་ཡང་ཤིང་རྟའི་སྟེང་དེ་ཉིད་དུ་ཁྱེའུ་ཞིག་བཙས་ཏེ། དེ་ཤིང་རྟ་ལས་བབས་ནས་ཤིང་དྲུང་དུ་སོང་སྟེ། ཇོ་བོ་ཁྱོད་ཀྱི་བུ་ཁྱེའུ་ཞིག་བཙས་ཀྱི་དགྱེས་པ་སྐྱེད་ཅིག། ཅེས་སྨྲས་པ་དང ། དེ་སེམས་མེད་པས་ལན་མ་གླན་ནོ། །དེས་ལག་པས་བསྐུལ་ཏེ་བརྟགས་ན་དུས་ལས་འདས་པར་མཐོང་ངོ ། །མོ་དེ་ངུ་བར་གྱུར་པ་དང ། བ་ལང་ཡང་མ་བྱིན་པར་ལེན་པས་ཕྲོགས་སོ། །དེ་ནས་རིང་ཞིག་ཏུ་དུས་ནས་མི་དགའ་བ་སྐྱེས་ཏེ། ཕྱོགས་བཞིར་བལྟས་ནས། དེ་བུ་ད་གཟོད་བཙས་པ་འདི་པང་དུ་ཐོགས། སྔ་མ་ནི་ལག་པ་ནས་བཟུང་སྟེ་སོང་བ་དང ། དེ་ན་དུས་མ་ཡིན་པའི་སྤྲིན་ཆེན་པོ་ལངས་ཏེ། དེས་མཚོ་དང ། ལྟེང་ཀ་དང ། ཁྲོན་པ་དག་ཆུས་གང་ནས། དེའི་ལམ་ཀ་ན་ཆུ་བོ་རྒལ་དགོས་པར་གྱུར་ནས། དེས་བསམས་པ། དེ་སྟེ་ཁྱེའུ་དང་ལྷན་ཅིག་ཏུ་རྒལ་ན་ནི་བདག་ཀྱང་མེད། ཁྱེའུ་ཡང་མེད་པར་འགྱུར་ན། རེ་ཞིག་ཁྱེའུ་ཇེ་བསྒྲལ་ལོ། །ཕུ་བོ་དེ་ཆུའི་འགྲམ་དུ་བཞག་སྟེ། ཆུང་དུ་ཁྱེར་ཏེ་རྒལ་ལོ། ། </font><hr>Da193a<br><font size=+2>


༄#། །དེ་ནས་དེ་ཡང་འགྲམ་དུ་བཞག་སྟེ། བུ་ཕུ་བོའི་ཕྱིར་ཡང་ཆུ་རྒལ་ཏེ། ཆུ་བོའི་ཕྱེད་དུ་ཕྱིན་པ་དང ། ཁྱེའུ་ཆུང་དུ་དེ་ཝས་ཁྱེར་རོ། །དེ་ནས་མོས་ཆུ་བོའི་དབུས་སུ་འདུག་སྟེ། ལག་པ་གཡབས་ནས་ཀུ་ཀུ་ཞེས་བོས་པ་དང ། ཁྱེའུ་ཕུ་བོ་དེ་མ་བདག་ལ་འབོད་དོ་སྙམ་བསམས་ནས། དེ་ཆུའི་ནང་དུ་མཆོངས་པ་དང ། ཆུ་འགྲམ་ཡང་གད་པ་ཆད་པ་ཞིག་སྟེ། ལྷུང་མ་ཐག་ཏུ་དུས་ལས་འདས་ནས། དེ་ནས་མོ་རིངས་ཤིང་མྱུར་བར་བྱུང་སྟེ། ཝ་དེའི་རྗེས་བཞིན་དུ་བསྙེགས་པ་དང ། དེས་དེ་བོར་ཏེ་སོང་ནས། དེ་ལ་བལྟས་ན་དུས་ལས་འདས་པ་མཐོང་བ་དང ། མོས་དུས་ནས་དེ་ཆུར་བོར་ཏེ། དེ་ནས་བུ་ཆེན་པོ་དེ་ཡང་ཆུས་ཁྱེར་བ་མཐོང་ནས། དེ་མི་དགའ་བ་ཆེན་པོར་གྱུར་ཏེ། ངུ་ཞིང་བརྒྱུགས་པ་དང ། དེ་ཡང་དུས་ལས་འདས་པར་མཐོང་ངོ ། །དེ་ཁྱོ་དང་བུ་ལས་བྲལ་བས་ཡི་ཆད་པར་གྱུར་ནས། གཅིག་པུ་གོས་གཅིག་གིས་སྨད་གཡོགས་ཏེ། ཆུ་བོའི་འགྲམ་ན་རླུང་དང ། ནགས་ཆེན་པོ་དང ། ཆུ་བོ་རྣམས་ཀྱི་སྒྲ་དང ། བྱའི་སྒྲ་དུ་མ་རྣམས་མཉན་ཅིང་ཐོས་ནས། ཀྱི་ཧུད་ཁྱོ། ཀྱི་ཧུད་བུ་ཆེན་པོ། ཀྱི་ཧུད་བུ་ཆུང་ངུ་མ་ཞེས་ཟེར་ཞིང་སྙིང་རྗེ་ཞིང་བརྩེ་བས། མཆི་མས་བརྣངས་བཞིན་དུ་ངུ་སྟེ། ས་ལ་ཕན་ཚུན་འགྲེ་ཞིང་འདུག་པ་དང ། ལས་ཀུན་རྒྱས་ཤིང་རྫོགས་པས་ངེས་པར་གདོན་མི་ཟ་བར་རྣམ་པར་སྨིན་པར་འགྱུར་ཏེ། དེ་མ་ཐག་ཏུ་འདིའི་ཕ་དང་མ་དང་ཁྱིམ་གྱི་སྐྱེ་</font><hr>Da193b<br><font size=+2>


བོ་མང་པོ་དག་གནམ་ལྕགས་ཀྱིས་ཕོག་སྟེ་ཤིའོ། །དེའི་ནང་ནས་སྐྱེས་པ་གཅིག་ཅིག་ཐར་ཏེ། སྙིང་རྗེ་ཞིང་བརྩེ་བས་མཆི་མས་བརྣངས་བཞིན་དུ་མྱུར་བར་འགྲོ་ཞིང་དེའི་མདུན་ལོགས་སུ་འོངས་པ་དང ། མོས་དེ་སྐྲག་པ་ལྟ་བུར་མཐོང་ནས། ཀྱེ་སྐྱེས་བུ་ཅིའི་ཕྱིར་རིངས་པར་རྒྱུག། ཅེས་དྲིས་པ་དང ། དེས་དེའི་མདུན་དུ་རང་གིས་ལུས་བརྡབས་ནས་ངུ་ཞིང་མཆི་མས་བརྣངས་བཞིན་དུ་སྨྲས་པ། ཁྱོད་ཀྱི་ཕ་དང་མ་དང་ཁྱིམ་གྱི་སྐྱེ་བོ་མང་པོ་ཀུན་གནམ་ལྕགས་བབས་པས་ཕོག་སྟེ། བདག་གཅིག་བུ་ནི་ལས་ཀྱིས་ཐར་རོ། །དེ་ཐོས་ནས་ཕྱི་ཕྱིར་མྱ་ངན་སློང་ཤིང་དུ་བར་གྱུར་པ་དང ། བདག་གིས་སྔོན་གྱི་ཚེ་རབས་སུ་སྡིག་ཅི་ཞིག་བྱས་ན། དུས་གཅིག་ཏུ་ཁྱོ་དང་བུ་ལ་སོགས་པ་གཉེན་བཤེས་དང་བྲལ། དེ་བས་ཁྱིམ་ན་གནས་པས་ཅི་ཞིག་བྱས། །སྐལ་པ་ཆད་པས་གང་དུ་ཅི་སྙེད་པ། །ཁྱོ་དང་གཉེན་བཤེས་དང་ཡང་བ་དག་བྲལ་བ། །བདག་འགྲོ་ཁྱིམ་ན་གནས་པར་མི་རིགས་ཏེ། །དགོན་པ་རྣམ་པར་དབེན་པ་དེ་དག་དང ། །ཁྱིམ་སྟོང་དེ་དག་ཏུ་ནི་གནས་པ་བླ། །ཁྱིམ་ན་གནས་པ་སྡིག་སྟེ་ཅིར་མི་རུང ། །མྱ་ངན་སྡུག་བསྔལ་རྣམ་པར་འཕེལ་བར་འགྱུར། །དེར་ཕྱོགས་གཅིག་ཏུ་ཞུགས་ཏེ་སོང་ནས། ཕན་ཚུན་དུ་འཁྱམ་འཁྱམ་པ་ལས་རིམ་གྱིས་གྲོང་གཞན་ཞིག་ཏུ་ཕྱིན་ནས། དེ་ན་བུད་མེད་རྒན་མོ་གཞན་ཞིག་རས་འཁལ་བ་ཞིག་འདུག་སྟེ། དེ་དེའི་དྲུང་དུ་སོང་བ་དང ། དེས་དེ་ལ་ངལ་བསོས་ནས་དེ་དང་ལྷན་ཅིག་ཏུ་རས་འཁལ་བ་</font><hr>Da194a<br><font size=+2>


༄#། །ལ་ཞུགས་སོ། །དེ་ན་ཐག་པ་ཁྱེའུ་གཞོན་ནུ་གཞན་ཞིག་རང་གི་བཟོས་འཚོ་བ་ལ་ཞུགས་ཏེ། དེ་ལ་བུད་མེད་རྒན་མོ་དེ་དུས་དུས་སུ་རས་ཀྱི་སྐུད་པ་དེ་ལ་འཚོང་ངོ་།། དེ་ནས་གཞན་ཞིག་ཏུ་དེས་སྐུད་པ་ཕྲ་མོ་ཞིག་ཁྱེར་ཏེ། དེའི་དྲུང་དུ་སོང་བ་དང ། དེས་མ་མ་ཁྱོད་ཀྱིས་སྔོན་ནི་སྦོམ་པོར་འཁལ་ན། ད་འདི་ལྟ་བུ་ག་ལས་འོངས། ཞེས་དྲིས་པ་དང ། དེས་འདི་ནི་བདག་གིས་མ་བཀལ་ཏོ། །མ་མ་འོ་ན་སུས་བཀལ། བུ་བདག་གི་ཁྱིམ་ན་བུད་མེད་གཅིག་ཅིག་འདུག་སྟེ། དེས་བཀལ་བ་འདི་ཡིན་ནོ་ཞེས་སྨྲས་པ་དང ། དེས་མ་མ་ཁྱོད་ཀྱིས་ཅིའི་ཕྱིར་ན་བདག་ལ་དེ་མི་སྦྱིན། བདག་ལ་ཡང་ཆུང་མ་མེད་དེ། བདག་གིས་དེའི་བཟའ་བ་དང ། བགོ་པ་དང ། འཚོ་བའི་ཡོ་བྱད་དག་སྦྱར་རོ། །ཞེས་སྨྲས་པ་དང ། མོས་བུ་རེ་ཞིག་དེ་ལ་གསོལ་བར་བྱ་སྟེ།་ཅི་ཟེར་བ་ལས་ལན་ཕྱིར་སྦྱིན་ནོ་ཞེས་སྨྲས་པ་དང ། དེས་དེའི་སྐུད་པའི་རིན་རྒྱལ་པར་བྱིན། ཟན་ཡང་བྱིན་ནས། དེ་ནས་དྲི་དང་མེ་ཏོག་གིས་བརྒྱན་ཏེ་བཏང་བ་དང ། སྐེམ་མོ་གོའུ་ཏ་མིས་སྨྲས་པ། མ་མ་སྐུད་པ་སུ་ལ་བཙོངས་ན་རིན་རྒྱལ་ཞིང་ལེགས་ཏེ། ཁྱོད་ཀྱང་དྲི་དང་མེ་ཏོག་གིས་སུས་བརྒྱན། དེས་བུ་མོ། །དྲི་དང་མེ་ཏོག་གིས་བརྒྱན་པ་འབའ་ཞིག་མ་ཡིན་གྱི། ཟས་ཀྱང་སྦྱིན་ནོ་ཞེས་སྨྲས་པ་དང ། དེའི་ཕྱིར་འདི་ལྟ་བུ་ག་ལས་བྱུང་ཞེས་འདྲིའོ། །དེས་ཀྱང་ཇི་ལྟར་གྱུར་པ་ཞིབ་ཏུ་སྨྲས་ནས། ཁྱེའུ་ཐ་ག་པའི་ཡོན་ཏན་གྱི་ཁྱད་པར་སྙན་པ་བརྗོད་དེ་སྨྲས་</font><hr>Da194b<br><font size=+2>


པ།་བུ་མོ་ཁྱེའུ་ཐ་ག་པ་དེ་ཁྱོད་སློང་སྟེ། དེའི་ཆུང་མ་མེད་ཀྱི་ཁས་ལོང་ཞིག་དང ། བདེ་བར་འགྱུར་རོ། །དེས་མ་མ། ཆོག་གི་ཕྱིན་ཆད་སྐད་མ་སྨྲ་ཞིག། བདག་ནི་ཁྱིམ་ན་གནས་པས་སྐྱོས།་ཇི་ལྟར་ཡང་རུང་སྟེ་དེ་ལྟ་བུའི་འཚོ་བ་མི་བྱའོ་ཞེས་སྨྲས་པ་དང ། དེས་སྨྲས་པ། བུ་མོ་བུད་མེད་རྟེན་མེད་པ་ནི། སྡུག་བསྔལ་བའི་གནས་ན་འདུག་སྟེ། ཕྱི་རོལ་གྱི་སྐྱེས་པ་དག་གླགས་ལྟ་བར་ཡང་འགྱུར་གྱི་གནས་སུ་སོམས་ལ་ཁས་ལོང་སྟེ་འདུག་ཅིག། དེས་ཁས་མ་བླངས་ནས། དེས་དེ་ལ་ཉེས་པའི་དམིགས་སུ་འགྱུར་བར་སྨྲས་པ་དང ། གདོད་དེས་ཁས་བླངས་སོ། །དེ་ནས་ཁྱེའུ་ཐ་ག་པས། དེ་ཉི་མ་དང ། ཚེས་གྲངས་དང ། སྐར་མའི་རིམ་དང་སྦྱར་ཏེ་ཁྱིམ་དུ་བླངས་སོ། །དེ་ཡང་མི་སྲུན་ཅིང་སྨྱོ་ལ་ཁྲོ་བས་རྟག་ཏུ་དེ་ལ་དབྱིག་པ་དང་ཐལ་མོས་རྡེག་སྟེ། དེས་བུད་མེད་རྒན་མོ་དེ་ལ་སྨྲས་པ། མ་མ་ཁྱོད་ཀྱིས་བདག་སྲིན་པོ་ལ་ཕུལ་ཏེ། དེས་བདག་ལ་ཉིན་གཅིག་བཞིན་དུ་དབྱུག་པ་དང ། ཐལ་མོས་བརྡེག་ན་ཇི་ལྟར་བྱ་མ་ཤེས་སོ། །བུ་མོ་ནམ་ཁྱོད་ལ་བུ་མ་བྱུང་གི་བར་དུ་ཁྱོད་ལ་ཁོ་རྡེག་གོ་།ཁྱོད་ཀྱང་བུ་ཐུར་གྱུར་པ་དང ། ཁྱིམ་དེ་ཡང་ཁྱོད་ཉིད་དབང་བྱེད་ཀྱི་མི་དགའ་བར་མ་བྱེད་ཅིག། དེ་ནས་དུས་ཕྱི་ཞིག་ན་དེ་སེམས་ཅན་དང་ལྡན་པར་གྱུར་ནས། ཁྱེའུ་ཐ་ག་པ་དེ་མོ་ལ་བྱམས་པར་གྱུར་ཏོ། །མོ་ཡང་དེ་ལ་བརྙས་པ་བྱེད་དོ། །དེས་ཀྱང་སྡོད་ཅིག་།ཅེས་བྱས་ནས་མནགས་སོ། །དེ་ནས་དུས་ཕྱི་ཞིག་ན་ཁྱེའུ་དེ་ཐ་ག་བའི་གྲོགས་པོ་རྣམས་ཀྱིས་ཆང་མང་དུ་བླུད་པས་ར་རོ་ནས། </font><hr>Da195a<br><font size=+2>


༄#། །སྨྱོ་ཞིང་ཁྱིམ་དུ་འོངས་སོ། །དེ་ཡང་སྒོ་བཅད་དེ་བུ་འབྱུང་ཞིང་འདུག་པའི་ཚེ་དེས་སྒོ་ཕྱེ་ཞེས་བྱས་ན། དེ་བུ་འབྱུང་བའི་སྡུག་བསྔལ་གྱིས་ཀུན་ཏུ་གཟིར་ནས་སྒོ་མ་ཕྱེ་བ་དང ། དེ་རབ་ཏུ་ཁྲོ་བ་སྐྱེས་ནས་ཕྱོགས་གཅིག་ཏུ་སོང་སྟེ་འདུག་གོ། །དེས་བུ་བྱུང་ནས་སྒོ་ཕྱེ་བ་དང ། དེ་ནང་དུ་འོངས་པ་ལ་གུས་པར་བྱས་ཏེ་སྨྲས་པ། ཇོ་བོ་དགྱེས་པར་མཛོད་ཅིག། ཁྱོད་ཀྱི་བུ་ཕོ་ཞིག་བཙས་སོ། །དེས་དེ་ལ་ཁྲོ་བས་ཀུན་ཏུ་ཁེབས་པ་དང་ནི་མ་བྲལ་གྱི་གནོད་སེམས་ཀྱིས་ཀུན་ཏུ་ཁེབས་པར་གྱུར་ཏེ། དེས་བུ་མ་བྱུང་བར་ཡང་བདག་ལ་བརྙས་པར་བྱེད་ན། གང་གི་ཚེ་འདི་བུ་སྐྱེས་པར་གྱུར་ན། འདི་དང་བུ་གཉིས་བསྡོམས་ནས་བདག་ལ་གདོན་མི་ཟ་བར་གསོད་པར་བྱེད་དོ་སྙམ་བསམས་ནས། དེས་སྨྲས་པ། བཟང་མོ་ཐབ་ཏུ་མེ་བུས་ལ་ཟངས་ཚུགས་ཤིག་།དེས་ཐབ་ཏུ་མེ་བུས་ཏེ་ཟངས་བཙུགས་པ་དང ། སྨྲས་པ། ཡུངས་མར་ལུགས་ལ་སྐོལ་ཅིག་།དེས་ཡུངས་མར་བླུགས་ཏེ་བསྐོལ་བ་དང ། དེས་བུ་ཆུང་འདིར་ཆུག་ལ་སྐོལ་ཅིག། ཅེས་སྨྲས་པ་དང ། མོས་ཇོ་བོ་འདི་ཁྱོད་ཉིད་ཀྱི་བུ་ཡིན་ན་འདིས་ཅི་ཞིག་ཉེས། གཞོན་ནུ་མ་བསད་ཅེས་སྨྲས་པ་དང ། དེས་དེ་ལ་དབྱིག་པས་བརྡེགས་སོ། །བདག་ལས་སྡུག་པ་མེད་པས་དེས་སྐྲག་སྟེ། དེ་ཡུངས་མར་ཁོལ་བའི་ནང་དུ་བཅུག་པ་དང ། དུས་ལས་འདས་སོ། །ནམ་དེ་ཚོས་པར་གྱུར་བ་ན་དེས་སྨྲས་པ། ད་ཕྱུང་ཞེས་བསྒོ་</font><hr>Da195b<br><font size=+2>


བ་དང ། དེས་དེ་ཕྱུང་པ་དང ། སྨྲས་པ། ཟོ་ཞིག་།ཅེས་སྒོའོ། །དེས་སྨྲས་པ། ཇོ་བོ། བུའི་ཤ་ཇི་ལྟར་བཟའ་ཞེས་སྨྲས་པ་དང ། དེས་དེ་ཉིད་ཀྱི་ལུས་ཐམས་ཅད་དུ་བརྡེགས། །རབ་ཏུ་བརྡེགས་པ་དང ། དེ་དེས་བརྡེགས་པས་བུའི་ཤ་ཡང་ཟོས་སོ། །བཅོམ་ལྡན་འདས་ཀྱིས་གསུངས་པ། འདོད་ཆགས་ཀྱི་ཁ་ན་མ་ཐོ་བ་ཆུང་མོད་ཀྱི་འབྲལ་བར་ནི་དཀའོ། །ཞེ་སྡང་གི་ཁ་ན་མ་ཐོ་བ་ཆེ་ལ་འཕྲལ་བར་སླ་བས་།ཐ་ག་པའི་ཁྱེའུ་དེ་ཕྱིས་འགྱོད་པའི་མེས་གདུངས་ཏེ། རིང་ཞིག་ཏུ་མ་ལོག་པས་ན། གཉིད་ཀྱིས་མྱོས་ཏེ། དེ་ཤིན་ཏུ་ལོག་པར་གོའུ་ཏ་མིས་རིག་ནས་བསམས་པ། འདི་བུ་བསད་ནས་བདག་ལ་ཡང་བུའི་ཤ་ཟར་བཅུག་སྟེ། མི་འདི་ནི་སྲིན་པོ་ཡིན་གྱི་འབྲོས་སོ། །སྙམ་ནས་རྒྱགས་ཅི་ཐེག་ཅིག་ཁྱེར་ཏེ་བྲོས་པ་དང ། བྱང་ཕྱོགས་ཀྱི་ལམ་གྲོགས་དག་ཅིག་ཡུལ་འཁོར་མོ་འཇིག་ཏུ་ཟོང་རྣམས་བཙོངས་ཏེ། སླར་གྱིས་ཟོང་རྣམས་ཁྱེར་ནས་བྱང་ཕྱོགས་ཀྱི་ལམ་དུ་ཞུགས་ཏེ་དོང་བ་དང་ལྷན་ཅིག་ཏུ་སོང་ངོ ། །ཇི་ཙམ་ན་དེད་དཔོན་གྱིས་དེའི་གཟུགས་མཛེས་པ་མཐོང་ངོ ། །མཐོང་ནས་དེ་ལ་ཆགས་ཏེ། དེས་ཁྱོད་སུའི། ད་གང་དུ་འགྲོ་ཞེས་དྲིས་པ་དང ། མོས་སྨྲས་པ། དེད་དཔོན། བདག་གི་ཁྱོ་ནི་སྦྲུལ་གདུག་པས་ཟོས་སོ། །བུ་གཉིས་ལས་གཅིག་ནི་ཝས་ཟོས་སོ། །གཅིག་ནི་ཆུའི་ནང་དུ་དུས་ལས་འདས་སོ། །ཕ་དང་མ་ནི་གནམ་ལྕགས་ཀྱིས་བསད་དོ། །བདག་ནི་མགོན་</font><hr>Da196a<br><font size=+2>


༄#། །མེད་པས་གར་དགའ་བར་འགྲོ་སྟེ། མགྲོན་པ་མང་པོ་དེ་དག་གར་དོང་བ་དེར་མཆིའོ། །དེས་བསམས་པ། རིང་དུ་གར་སོང་ཡང་འདི་འདྲ་བའི་བུད་མེད་དང་ལྷན་ཅིག་ཡོངས་སུ་སྤྱོད་དོ་སྙམ་ནས་དེས་དེ་ཆུང་མར་བྱས་ཏེ། ཇི་ཙམ་ཞིག་ན་མགྲོན་པ་མང་པོ་དེ་དག་མི་རྒོད་ཀྱིས་བཅོམ་སྟེ། དེད་དཔོན་དེ་ཡང་འཐབ་པ་ལས་བསད་དོ། །སྐེམ་མོ་གོའུ་ཏ་མི་ནི་མི་རྒོད་ཀྱི་དེད་དཔོན་གྱིས་ཆུང་མར་བྱས་པ་དང ། མི་རྒོད་ཀྱི་དེད་དཔོན་དེ་ཡང་བྱང་ཕྱོགས་ཀྱི་རྒྱལ་པོས་བསད་དོ། །སྐེམ་མོ་གོའུ་ཏ་མི་ནི་རྒྱལ་པོའི་བཙུན་མོར་གྱུར་ཏོ། །ཇི་ཙམ་ན་རྒྱལ་པོ་དེ་ཡང་དུས་ལས་འདས་ནས། བཙུན་མོ་དང ། གཞོན་ནུ་དང ། བློན་པོ་དང ། སྐྱེ་བོ་མང་པོ་དག་གིས་དེ་སྐེམ་མོ་གོའུ་ཏ་མི་དང་ལྷན་ཅིག་ཏུ་བཀུར་སྟི་ཆེར་བྱས་ཏེ། མཆད་པའི་ནང་དུ་བཅུག་གོ་།བྱང་ཕྱོགས་ཀྱི་མི་རྣམས་དུར་རྐུ་སྟེ། དེ་དག་གིས་མཆད་པ་བྲུས་པ་དང ། སྐེམ་མོ་གོའུ་ཏ་མི་སྣར་རྡུལ་སོང་ནས་དེས་སྦྲིད་པ་བྱུང་བ་དང ། དུར་རྐུ་བའི་མི་རྣམས་སྐྲག་སྟེ། རོ་ལངས་སོ་སྙམ་ནས་དེ་དག་བྲོས་པ་དང ། སྐེམ་མོ་གོའུ་ཏ་མི་ཁུང་བུ་བྲུས་ནས་བྱུང་ངོ ། །དེས་སྡུག་བསྔལ་རྣམ་པ་དུ་མར་བརྟགས་པས་རླུང་རབ་ཏུ་ལངས་ཤིང་ཁ་ཟས་མེད་པའི་རྐྱེན་གྱིས་སྨྱོན་མར་གྱུར་ནས་དེས་སྨད་གཡོགས་བོར་ཏེ། ལག་པ་དང་རྐང་པ་གས་ཤིང་</font><hr>Da196b<br><font size=+2>


རྩུབ།་སྐྲ་རིང་ཞིང་སྐྱ་མོ་སེང་སེང་མོར་གྱུར་ཏེ། ཕན་ཚུན་འཁྱམས་འཁྱམས་པ་ལས་མཉན་ཡོད་དུ་ཕྱིན་ཏོ། །བཅོམ་ལྡན་འདས་ཀྱིས་གསུངས་པ། སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི་བསམ་གྱིས་མི་ཁྱབ་བོ། །དེས་སྔོན་ལས་བྱས་པ་རྣམས་ཀྱི་འབྲས་བུ་རྣམ་པར་སྨིན་པ་མྱོང་བར་གྱུར་ནས། སྔོན་གྱི་ལས་ཀྱིས་ཛེ་ཏའི་ཚལ་དུ་ཕྱིན་ཏོ། །དེའི་ཚེ་བཅོམ་ལྡན་འདས་དགེ་སློང་བརྒྱ་སྟོང་དུ་མའི་མདུན་ན་ཆོས་འཆད་ཅིང་བཞུགས་པ་སྐེམ་མོ་གོའུ་ཏ་མིས་རྒྱང་མ་ནས། སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ནི་ཡང་དག་པར་བརྒྱན། དཔེ་བྱེད་བཟང་པོ་བརྒྱད་ཅུས་ནི་སྐུ་ལ་རྣམ་པར་སྤྲས། འོད་ཀྱི་དཀྱིལ་འཁོར་ཉི་མ་སྟོང་ལས་འདས་པའི་འོད་འདོམ་གང་བ་རིན་པོ་ཆེའི་རི་འགྲོ་བ་བཞིན་ཁོ་ར་ཁོར་ཡུག་ནས་བཟང་བ་མཐོང་ངོ ། ། མཐོང་ནས་ཀྱང་བདག་གི་སེམས་དྲན་པ་སླར་ཐོབ་སྟེ། དེ་ངོ་ཚ་བའི་ཚུལ་དུ་གྱུར་ནས་ཕྱོགས་གཅིག་ཏུ་ཙོག་པུར་འདུག་གོ་།དེའི་བར་དུ་ཡང་སངས་རྒྱས་བཅོམ་ལྡན་འདས་ཀྱིས་མི་མཁྱེན་པའམ། མི་གཟིགས་པའམ། མི་རིག་པའམ། རྣམ་པར་མི་རིག་པ་ཅུང་ཟད་ཀྱང་མེད་དེ། སངས་རྒྱས་བཅོམ་ལྡན་འདས་རྣམས་ནི། ཆོས་ཉིད་ཀྱི་ཐུགས་རྗེ་ཆེན་པོས་འཇིག་རྟེན་ལ་ཕན་འདོགས་པར་གྱུར་པ། སྲུང་བ་གཅིག་པུ་དཔའ་བོ་གཅིག་པུ་གཉིས་སུ་མད་པ་གཉིས་སུ་མི་སྨྲ་བ། ཞི་གནས་དང་ལྷག་མཐོང་ལ་གནས་པ། གདུལ་བའི་དངོས་པོ་གསུམ་ལ་མཁས་པ། ཆུ་བོ་བཞི་ལས་</font><hr>Da197a<br><font size=+2>


༄#། །རྒལ་བ། རྫུ་འཕྲུལ་གྱིས་རྐང་པ་བཞིའི་མཐིལ་རབ་ཏུ་བརྟན་པ། མི་འཇིགས་པ་བཞིས་བསྙེངས་པ་མེད་པ། ཡན་ལག་ལྔ་རྣམ་པར་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། གནས་དྲུག་ལ་རྟག་ཏུ་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་བརྒྱན་པ། ལམ་གྱི་ཡན་ལག་བརྒྱད་འཆང་བ། མཐར་གྱིས་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པར་གྲགས་པ་རྣམས་བརྒྱ་ཕྲག་བཅུའི་དབང་དུ་གྱུར་པ་ལས་རབ་ཏུ་ངེས་པ་རྣམས་མཚན་ལན་གསུམ་ཉིན་ལན་གསུམ་གྱི་བར་དུ་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་ནས། ཡེ་ཤེས་ཀྱི་གཟིགས་པ་འབྱུང་སྟེ། གང་ལ་ཉམས། གང་ལ་འཕེལ་བར་འགྱུར། གང་ལ་སྡུག་བསྔལ་བར་འགྱུར་ཏེ། གང་དོག་པར་འགྱུར། གང་གནོད་པར་འགྱུར། གང་སྡུག་བསྔལ་བ་དང ། དོག་པ་དང ། གནོད་པར་འགྱུར། གང་ངན་སོང་ལ་གཞོལ། གང་ངན་སོང་ལ་འབབ། གང་ངན་སོང་ལ་རབ་ཏུ་བབ། ངས་གང་ངན་སོང་ནས་ཕྱུང་སྟེ། མཐོ་རིས་དང་ཐར་པ་ལ་གཞག་པར་བྱ།་གང་དགེ་བའི་རྩ་བ་མ་སྐྱེད་པ་རྣམས་དགེ་བའི་རྩ་བ་བསྐྱེད་པར་བྱ། གང་བསྐྱེད་པ་རྣམས་ཡོངས་སུ་སྨིན་པར་བྱ། གང་སྨིན་པ་རྣམས་རྣམ་པར་གྲོལ་བར་བྱ། ཡང་གསུངས་པ། </font><hr>Da197b<br><font size=+2>


རྒྱ་མཚོ་ཆུ་སྲིན་གནས་དེ་ཡང ། །གལ་ཏེ་དུས་ལས་ཡོལ་ཡང་སྲིད། །གདུལ་བར་འགྱུར་བའི་སྲས་རྣམས་ལ། །སངས་རྒྱས་དུས་ལས་འདའ་མི་འགྱུར། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དེད་དཔོན་གྱི་ཆུང་མ་སྐེམ་མོ་གོའུ་ཏ་མི་ལ་བླ་གོས་བྱིན་ཅིག་དང ། འདི་ལ་ཆོས་བཤད་པར་བྱའོ། །ཚེ་དང་ལྡན་པ་ཀུན་དགའ་བོས་དེད་དཔོན་གྱི་ཆུང་མ་སྐེམ་མོ་གོའུ་ཏ་མི་ལ་བླ་གོས་བྱིན་ནོ། །དེ་ནས་དེད་དཔོན་གྱི་ཆུང་མ་སྐེམ་མོ་གོའུ་ཏ་མིས་བླ་གོས་གྱོན་ནས། བཅོམ་ལྡན་འདས་གང་ན་བདེར་སོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་རྣམས་མཁྱེན་ནས། འཕགས་པའི་བདེན་པ་བཞི་ཡང་དག་པར་རྟོགས་པར་འགྱུར་བ་དེ་ལྟ་བུའི་ཆོས་བཤད་དེ། གང་ཐོས་པས་དེད་དཔོན་གྱི་ཆུང་མ་སྐེམ་མོ་གོའུ་ཏ་མིས། འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་གྱེན་དུ་བྱུང་བ་ཡེ་ཤེས་ཀྱི་རྡོ་རྗེ་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །དེ་བདེན་པ་མཐོང་ནས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང ། བསྙེན་</font><hr>Da198a<br><font size=+2>


༄#། །པར་རྫོགས་ཏེ། དགེ་སློང་མའི་དངོས་པོར་འགྱུར་ཞིང ། བཅོམ་ལྡན་འདས་ཀྱི་དྲུང་དུ་བདག་ཚངས་པར་སྤྱད་པ་སྤྱོད་དུ་གནང་ངམ། བཅོམ་ལྡན་འདས་ཀྱིས་སྐྱེ་དགུའི་བདག་མོ་ཆེན་མོ་ལ་གཏད་ནས་དེས་རབ་ཏུ་ཕྱུང་སྟེ། བསྙེན་པར་རྫོགས་པར་བྱས་ནས། འདུལ་བ་ལ་བསླབས་ཏེ་ལུང་བསྒོ་བ་བྱིན་ནས། དེ་བརྩོན་པར་བྱས། ནན་ཏན་ཏུ་བྱས། བསྒྲུབ་པར་བྱས་པས་ན་འཁོར་བའི་འཁོར་ལོ་འདི་གཡོ་བ་དང ། མི་གཡོ་བར་ཤེས་ཏེ། འདུས་བྱས་ཀྱི་རྒྱུད་ཐམས་ཅད་ཞིག་པ་དང ། ལྟུང་པ་དང ། རྣམ་པར་གྱེས་པ། རྣམ་པར་འཇིག་པའི་ཆོས་ཉིད་ཀྱིས་རབ་ཏུ་བཅོམ་སྟེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་དུ་བྱས་ཏེ། དགྲ་བཅོམ་པར་གྱུར་ཏོ། །ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་འདྲ་བ། ནམ་མཁའ་དང་ལག་མཐིལ་ལྟར་ཆགས་པ་མེད་པ་བཞིན་དུ་སེམས་མཉམ་པ་སྟེ། སྟེའུ་དང་ཙན་དན་དུ་འདྲ་བར་རིག་པས་སྒོ་ངའི་སྦུབས་བཅོམ་པ། རིག་པ་དང ། མངོན་པར་ཤེས་པ་ཡང་དག་པར་སོ་སོར་རིག་པ་ནི་ཐོབ། སྲིད་པའི་རྙེད་པ་དང ། ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་ཏེ། དབང་པོ་དང ། ཉེ་དབང་པོ་དང ། ལྷར་བཅས་པ་རྣམས་ཀྱིས་མཆོད་ཅིང་ཕྱག་བྱ་བ་དང ། ཚིག་སྙན་པར་བརྗོད་པར་གྱུར་ཏོ། །དེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་སོང་བ་དང ། དེ་ནས་བཅོམ་ལྡན་འདས་ཀྱིས་དགེ་</font><hr>Da198b<br><font size=+2>


སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་མའི་དགེ་སློང་མ་འདུལ་བ་འཛིན་པའི་ནང་ན་འདི་ལྟ་སྟེ། མཆོག་ནི་དགེ་སློང་མ་སྐེམ་མོ་གོའུ་ཏ་མིའོ། །ནམ་བཅོམ་ལྡན་འདས་ཀྱིས་དགེ་སློང་མ་སྐེམ་མོ་གོའུ་ཏ་མི་འདུལ་བ་འཛིན་པོའི་ནང་ན་མཆོག་གོ་ཞེས་གསུངས་པ་དང ། དེའི་ཚེ་དེའི་དྲུང་དུ་དགེ་སློང་མ་རྣམས་དོང་ངོ ། །དེས་འོངས་པ་དེ་དག་སྐྱོ་བ་བསྐྱེད་པའི་ཕྱིར་ལས་ཀྱི་རྒྱུད་རྣམས་བརྗོད་དོ། །དགེ་སློང་མ་རྣམས་ཀྱིས་ཀྱང་དགེ་སློང་དག་ལ་དེ་ལྟར་གྱུར་པ་ཞིབ་ཏུ་སྨྲས་སོ། །དེ་ནས་དུས་ཕྱི་ཞིག་ན་སྐེམ་མོ་གོའུ་ཏ་མི། བཅོམ་ལྡན་འདས་ཀྱི་ཞབས་ལ་ཕྱག་འཚལ་བའི་ཕྱིར་སོང་བ་དང ། དགེ་སློང་དག་གིས་མཐོང་ནས་གཅིག་ལ་གཅིག་དེའི་ལས་ཀྱི་རྒྱུད་རྣམས་བརྗོད་དོ། །དེ་ནས་སྐེམ་མོ་གོའུ་ཏ་མིས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ཀྱི་དྲུང་ནས་སོང་ངོ ། །མཁྱེན་བཞིན་དུ་འདྲི་བ་ནི། བཅོམ་ལྡན་འདས་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་ཅིའི་ཕྱིར་ན། ཀུན་དགའ་བོ། དགེ་སློང་རྣམས་ཕན་ཚུན་རྣ་བར་བཤུབ་ཅེས་སྨྲས་པ་དང ། དེས་ཞིབ་ཏུ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། སེམས་ཅན་རྣམས་ཀྱི་རྒྱུད་དང ། ལས་ཀྱི་རྣམ་པར་སྨིན་པ་ནི་བསམ་གྱིས་མི་ཁྱབ་བོ། །འཇིག་རྟེན་པའི་རྣམས་ནི་རང་གི་ལས་སོ། །ལས་ནི་སྐྱེ་གནས་སོ། །ལས་ནི་ཉེ་མཚམས་སོ། ། </font><hr>Da199a<br><font size=+2>


༄#། །ལས་ནི་རྗེས་སུ་འཇུག་པ་སྟེ། གང་གིས་ཇི་ལྟར་ལས་བྱས་པ་དེ་ལ་དེ་རྣམ་པར་སྨིན་པ་སོ་སོར་མྱོང་བར་འགྱུར་རོ། །དགེ་སློང་དག་ཐེ་ཚོམ་སྐྱེས་པ་དང ། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་སློང་མ་སྐེམ་མོ་གོའུ་ཏ་མིས་ལས་ཅི་ཞིག་བགྱིས་ན། དེའི་ཕྱིར་འདིའི་ཁྱོ་སྦྲུལ་གྱིས་ཟོས་ཏེ་དུས་ལས་འདས། བུ་གཅིག་ཝས་བཀུམ། གཉིས་པ་ནི་ཆུ་བོས་འཚལ་ཏེ་དུས་ལས་འདས། ཕ་མ་གཉིས་ནི་གནམ་ལྕགས་ལྷུང་བས་བཀུམ་པར་གྱུར། བུའི་ཤ་ཡང་འཚལ་ནས་སྨྱོས་ཤིང་གཡེངས་པའི་སེམས་ཀྱིས་དེ་དང ། དེ་དག་ཏུ་འཁྱམས་འཁྱམས་པ་ལས། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་དུ་བགྱིས། བཅོམ་ལྡན་འདས་ཀྱིས་ཀྱང་འདུལ་བ་འཛིན་པའི་ནང་ན་མཆོག་གོ་།ཞེས་ཅིའི་སླད་དུ་བཀའ་སྩལ་ཅེས་ཞུས་པ་དང ། བཅོམ་ལྡན་འདས་ཀྱིས་གསུངས་པ།་དགེ་སློང་དག་དགེ་སློང་མ་སྐེམ་མོ་གོའུ་ཏ་མི་ཉིད་ཀྱི་ལས་དག་བྱས་ཤིང་ཚོགས་པ་རྙེད་ཅིང་རྐྱེན་སྨིན་པ་ནི། ཆུ་བོ་བཞིན་མངོན་དུ་འབྱུང་སྟེ་ངེས་པར་འགྱུར་རོ། །སྐེམ་མོ་གོའུ་ཏ་མིས་ལས་བྱས་ལ་བསགས་པ་ནི། གཞན་གྱིས་མྱོང་བར་མི་འགྱུར་རོ། །དགེ་སློང་རྣམས་ལས་བྱས་ཤིང་བསགས་པ་ནི། ཕྱི་རོལ་གྱི་སའི་ཁམས་ལ་རྣམས་པར་མི་སྨིན། ཆུའི་ཁམས་</font><hr>Da199b<br><font size=+2>


ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་འདི་ཉིད་ལ་དགེ་བ་དང་མི་དགེ་བའི་ལས་བྱས་པ་རྣམ་པར་སྨིན་ཏེ། ལས་རྣམས་སྟོར་བར་མི་འགྱུར་བ། །བསྐལ་པ་དག་ནི་བརྒྱ་ལོན་ཀྱང ། །དུས་དང་འཕྲོད་ནས་ཐོབ་པ་ནི། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་སྔོན་བྱུང་བ་རི་བྲགས་ཀྱི་གྲོང་གཞན་ཞིག་ན་ཁྱིམ་བདག་གཅིག་འདུག་སྟེ། ཕྱུག་ལ་ནོར་མང་ཞིང་ལོངས་སྤྱོད་ཆེ། གནས་ཡངས་ཤིང་རྒྱ་ཆེ་བ་ནི། ངལ་བསོས་པོའི་ནོར་དང་འདྲ་སྟེ། ངལ་བསོས་པོའི་ནོར་ལ་སྡོ་བ་ཞིག་ནས། རིགས་དང་མཉམ་པ་ཞིག་ལས་ཆུང་མ་ཞིག་བླངས་ཏེ། དེ་དེ་དང་ལྷན་ཅིག་རྩེ་དགའ་ཡོངས་སུ་སྤྱད་པ་སྤྱོད་དོ། །དེས་རྩེ་དགའ་ཡོངས་སུ་སྤྱོད་ཀྱང་བུ་ཕོ་ཡང་མེད། བུ་མོ་ཡང་མེད་དེ། བདག་གི་ཁྱིམ་དུ་ནོར་དུ་མ་ཞིག་འདུག་ན། ང་ལ་བུ་ཕོ་ཡང་མེད། བུ་མོ་ཡང་མེད་དེ། བདག་འདས་པ་དང ། བདག་གི་དབང་བ་ཐམས་ཅད་བུ་མེད་པའོ་ཞེས་ཟེར་ཏེ། རྒྱལ་པོའི་དཀོར་དུ་འགྱུར་རོ། །ཞེས་དེ་འགྲམ་པ་ལག་པས་བརྟེན་ཏེ། རབ་ཏུ་སེམས་ཤིང ། འདུག་པ་དེའི་ཆུང་མས་མཐོང་ནས། ཇོ་བོ་ཁྱོད་ཅིའི་ཕྱིར་ལག་པ་འགྲམ་པ་ལ་བརྟེན་ཏེ་རབ་ཏུ་སེམས་ཤིང་འདུག་ཅེས་སྨྲས་པ་དང ། དེས་སྨྲས་པ། བཟང་མོ་བདག་གི་ཁྱིམ་ན་ནོར་དུ་མ་ཞིག་འདུག་ཀྱང་བུ་ཕོ་ཡང་མེད། བུ་མོ་ཡང་མེད་ན། བདག་འདས་པ་དང ། བདག་གི་དབང་བ་ཐམས་ཅད་བུ་མེད་པའོ་ཞེས་ཟེར་ཏེ། རྒྱལ་པོའི་</font><hr>Da200a<br><font size=+2>


༄#། །དཀོར་དུ་འགྱུར་ན། ཅིའི་ཕྱིར་རབ་ཏུ་སེམས་ཤིང་མི་འདུག་།དེས་བསམས་པ། འདིའི་སྐལ་པ་ཆུང་ངམ། བུ་ཕོ་ཡང་མེད། བུ་མོ་ཡང་མེད་ན་ཅི་བདག་གི་སྐལ་པ་ཆུང་ངམ་འདི་ནི་གཞན་མ་ཡིན་གྱི། བདག་ལ་ཉེས་པའི་སྐྱོན་བཏགས་ཏེ། ཆུང་མ་གཞན་ལེན་པར་འདོད་དོ། །དེའི་ཕྱིར་བདག་གི་མདུན་དུ་འགྲམ་པར་ལག་པ་གཏད་དེ། རབ་ཏུ་སེམས་ཤིང་འདུག་ལ། འདི་སྐད་དུ་བདག་གི་ཁྱིམ་ན་ནོར་དུ་མ་འདུག་ཀྱང་བུ་ཕོ་དང ། བུ་མོ་མེད་པས། བདག་འདས་པ་དང ། བདག་གི་དབང་བ་ཐམས་ཅད་བུ་མེད་པའོ་ཞེས་ཟེར་ཏེ། རྒྱལ་པོའི་དཀོར་དུ་འགྱུར་རོ་ཞེས་ཟེར་ཀྱི། དེས་བས་ན་བདག་ཉིད་ཐར་པར་བྱའོ་ཞེས་བསམས་ནས་སྨྲས་པ། ཇོ་བོ་འདི་ལྟར་བདག་སྐལ་པ་ཆུང་བས་ཁྱོད་ཀྱི་བུ་ཕོ་དང ། བུ་མོ་མེད་ཀྱི། ཆུང་མ་གཞན་ཞིག་ལོང་ཞིག་དང ། དེ་ལས་བུ་ཕོ་དང ། བུ་མོ་ཡང་འབྱུང་བར་འགྱུར་རོ། །དེས་སྨྲས་པ། བཟང་མོ་ཁྱོད་ཀྱིས་སྐྱེས་བུ་གང་ལ་ཆུང་མ་གཉིས་ཡོད་ན། དེ་ནི་ནམ་ཡང་ཆུ་གྲང་མོའི་སྐྱོ་མ་མི་འཐུང་སྟེ། རྟག་ཏུ་དེའི་ཁྱིམ་ན་འཐབ་པ་དང ། འཁྲུག་པ་དང ། མི་འདུམ་པ་དང ། རྩོད་པས་ནང་གི་སྐྱེ་བོ་རྣམས་དཀྲུག་པར་བྱས་ཏེ། རང་གི་ལས་ལ་བརྩོན་པར་མི་འགྱུར་རོ། །ཞེས་མ་ཐོས་སམ། མོས་སྨྲས་པ། ཇོ་བོ། རེ་ཞིག་ལོན་ཞིག་དང ། དེ་སྟེ་ཕུ་ནུ་མོ་ཙམ་དུ་གྱུར་ན་ནི་ཕུ་ནུ་མོའི་འདུ་ཤེས་ཀྱིས་བསྐྱང་བར་བྱའོ། །འོན་ཏེ་བུ་མོ་ཙམ་ཞིག་ན་ནི་བུ་མོའི་འདུ་ཤེས་</font><hr>Da200b<br><font size=+2>


ཀྱིས་བསྐྱང་བར་བྱའོ། །དེས་དེ་ལ་གཡོ་བྱས་ཏེ་སྨྲས་པས། དེ་ཡང་བུ་མོ་འཚོལ་བ་ལ་ཞུགས་སོ། །དེ་ནས་རི་བྲགས་ཀྱི་གྲོང་གཞན་ཞིག་ན། ཁྱིམ་བདག་ཅིག་གི་བུ་མོ་ཞིག་བཙས་ནས། སྐྱེས་པ་དང་ཕ་མ་གཉིས་དུས་ལས་འདས་པ་ཞིག་སྟེ། དེ་ནས་དེའི་མིང་པོ་ལས་དེ་བསླངས་ནས། དཔལ་ཆེན་པོ་དང་སྦྱར་ཏེ་བག་མར་བླངས་སོ། །ཐམས་ཅད་ཀྱང་ཆོས་ཉིད་ཀྱིས་སར་པས་རྙིང་པ་ཟིལ་གྱིས་གནོན་པས་དེ་དེ་ལ་ཤིན་ཏུ་བྱམས་ཤིང་སེམས་ཞུགས་པར་གྱུར་ཏོ། །དེ་ནས་དེའི་ཆུང་མ་རྙིང་པ་དེ་རང་བཞིན་གྱིས་ཕྲག་དོག་གིས་མངལ་གྱི་གནས་དག་པར་གྱུར་ཏེ། སེམས་ཅན་དང་ལྡན་པར་གྱུར་ནས། དེ་དགའ་བ་སྐྱེས་ཏེ། དེ་ལ་སྨྲས་པ། ཇོ་བོ་དགའ་བ་སྐྱེད་ཅིག་།བདག་ནི་སེམས་ཅན་དང་ལྡན་པར་གྱུར་ཏེ། །དེས་སྨྲས་པ། བཟང་མོ་ལེགས་སོ། །དེ་སྟེ་བུ་ཕོ་ཞིག་བཙས་ན་ནི་བདག་འདས་པ་དང ། ཁྱིམ་གྱི་བདག་པོར་འགྱུར་རོ། །མོས་སྨྲས་པ། ཇོ་བོ་ཁྱོད་ཀྱི་ཆུང་མས་མངལ་ནས་ལྷུང་བའི་ཆོ་ག་ཞིག་སྦྱར་ཏེ། ལྷུང་བར་མ་བྱས་ན་ནི་ཁྱིམ་གྱི་བདག་པོར་འགྱུར་རོ། །དེས་སྨྲས་པ། བཟང་མོ་སྔོན་ཡང་བདག་གིས་འདི་ལྟ་བུའི་ཕྱིར་སྨྲས་ན། ད་དུང་བུ་ཅུང་ཟད་ཀྱང་མེད་པར་ཁྱོད་ཀྱིས་བརྩམ་མམ། དེ་ལན་མེད་དེ་ཅང་མི་ཟེར་བར་འདུག་གོ་།དེ་ཟླ་བ་བརྒྱད་དམ་དགུ་འདས་པ་དང ། ཁྱེའུ་ཞིག་བཙས་སོ། །དེ་བཙས་པའི་བཙས་སྟོན་རྒྱ་ཆེར་བྱས་ཏེ། རིགས་དང་མཐུན་པ་ལས་མིང་བཏགས་སོ། །དེ་སྔོན་གྱི་ལས་ཀྱིས་འདི་བཙས་ན་སེམས་ཅན་འདི་</font><hr>Da201a<br><font size=+2>


༄#། །མ་ཡར་མོ་འདིས་མི་གསོད་པ་ལ་པན་གྱི། དེ་བས་ན་འདི་ཉིད་ལ་གཞར་རོ་ཞེས་བསམས་ནས། དེས་དེ་ལ་སྨྲས་པ། ཆེ་ཞེ་ཁྱེའུ་འདི་ཁྱོད་དང་བདག་གི་ཡིན་གྱི། འདི་བདག་ཅག་གཉིས་ཀས་བསྐྱེད་དོ། །དེས་ལེགས་ཀྱི་འདི་བཞིན་བགྱིའོ་ཞེས་སྨྲས་ནས། དེ་སྐྱེད་པ་ལ་ཞུགས་སོ། །དེས་དེ་བསྐྱེད་ན་ལོག་པར་རྟོག་པ་སྐྱེས་ཏེ། གང་གི་བུ་ཡིན་པ་དེའི་ཁྱིམ་སྟེ། དེ་བས་ན་འདི་བསྐྱེད་ཀྱང་འདི་ལྟར་ཁྱིམ་གྱི་བདག་པོར་གྱུར་པ་དང ། བདག་ནི་བྲན་མོར་འགྱུར་གྱི། འདི་ནི་གསད་དོ་སྙམ་ནས། དེ་ལོག་པར་རྟོག་པས་བསྐྱོད་པས་ཁྱེའུ་དེའི་ཁར་སྨྱུག་མའི་ཐུར་མ་ཞིག་བཙུགས་པ་དང ། དེས་སྡུག་བསྔལ་གྱིས་གཟིར་བས་ངུ་བར་གྱུར་ནས། དེས་སྨྲས་པ། ཆེ་ཞེ་ཁྱེའུ་འདི་ཅིའི་ཕྱིར་དུ། ཞེས་དྲིས་པ་དང ། དེས་སྨྲས་པ། ཆེ་ཞེ་ཅིའི་ཕྱིར་དུ་བ་མ་འཚལ་ཏོ། དེས་དེ་བླངས་ཏེ་དགའ་བ་བྱ་བར་བརྩམས་ཏེ། ལག་པས་འཁྱུད་དེ་འོ་བྱས་ནས་པང་པར་བླངས་ཀྱང་མི་བཏུབ་ནས། དེས་དེ་ལ་ནུ་མ་བླུང་ནས་ཇི་ཙམ་བལྟས་པ་དང ། སྨྱུག་མའི་ཐུར་མ་ཞིག་ཁར་བཙུགས་པར་མཐོང་ནས། དེས་མྱུར་དུ་ཁ་ཕྱེ་སྟེ་ལག་པས་དྲངས་པ་དང ། ཁྱེའུ་དེ་དབུགས་མེད་དེ་དུས་ལས་འདས་ནས། བྲང་བརྡུངས་ཏེ་ངུ་ཞིང་ས་ལ་འགྱེལ་བ་དང ། ཁྱིམ་གྱི་སྐྱེ་པོ་རྣམས་བརྒྱུགས་ནས། འདི་ཅི་ཉེས་ཞེས་དྲིས་པ་དང ། དེས་སྙིང་རྗེ་ཞིང་བརྩེ་བས་མཆི་མས་བརྣངས་བཞིན་དུ་སྨྲས་པ། ཀྱེ་མ་མ་</font><hr>Da201b<br><font size=+2>


ཡར་མོ་སྡིག་པའི་ཆོས་སྤྱོད་པ་འདི་ཕྲག་དོག་གིས་ཁྲོས་ནས། བདག་གི་བུའི་ཁར་སྨྱུག་མའི་ཐུར་མ་བཙུགས་ཏེ་བསད་དོ། །དེ་དག་ངུ་བར་གྱུར་ནས། འཁོར་གྱི་ཁྱིམ་མཚེས་དག་གིས་ཐོས་ནས། དེ་དག་གིས་ཀྱང་བརྒྱུགས་ཏེ་སྨྲས་པ། ཨེ་མའོ་འདི་ནི་གློ་བུར་ཞིག་བྱས་ཏེ། བྱིས་པ་འདི་ཉེས་པ་མེད་ཅིང་གནོད་པ་མེད་པར་བསད་དོ། །ཞེས་ཟེར་པ་ནས། དེས་དེ་ལ་སྐྱེ་བོ་མང་པོ་དག་གིས་ཨེ་མའོ་ཞེས་ཟེར་ཞིང་ཀུན་ཏུ་བསྐོར་ཏོ། །དེ་ནི་བྲང་བརྡུང་ཞིང་ངུ་སྟེ། མནའ་འདོར་བ་དེ་སྟེ། བདག་གིས་ཁྱོད་ཀྱི་བུ་གསད་པར་གྱུར་ན། བདག་གི་ཁྱོ་ཡང་སྤྲུལ་གྱིས་ཟོས་ཏེ། དུས་བྱེད་པར་ཤོག་ཅིག་།བུ་གཅིག་ནི་ཝས་ཟོས་པར་ཤོག་ཅིག་།གཉིས་པ་ཆུ་བོར་ལྷུངས་ཏེ་དུས་བྱེད་པར་ཤོག་ཅིག་།ཕ་མ་གནམ་ལྕགས་ཀྱིས་གསོད་པར་ཤོག་ཅིག་།བུའི་ཤ་ཡང་ཟོས་ལ་སྨྱོ་ཞིང་ཕྱར་བའི་སེམས་ཀྱིས་ཕན་ཚུན་འཁྱམ་པར་ཤོག་ཅིག་།ཅེས་མནའ་དོར་རོ། །དགེ་སློང་དག་ཇི་སྙམ་དུ་སེམས། ཁྱིམ་བདག་དེའི་ཆུང་མ་གཉིས་པ་ནི་འདི་ལྟར་འདི་བཞིན་དགེ་སློང་མ་སྐེམ་མོ་གོའུ་ཏ་མི་འདིའོ། །འདི་ཤིན་ཏུ་ཉོན་མོངས་པས་ཀུན་ཏུ་ཁེབས་པས་ན། ཁྱེའུ་བསད་ན་ཡང་རྫུན་དུ་སྨྲ་ཞིང་མནའ་བོར་བ་དེའི་ལས་ཀྱི་རྣམ་པར་སྨིན་པས། འདིའི་ཁྱོ་སྤྲུལ་གྱིས་ཟོས་ཏེ། དུས་ལས་འདས་སོ། །བུ་གཅིག་ནི་ཝས་བསད་དོ། །གཅིག་ནི་ཆུ་བོར་ལྷུང་སྟེ་དུས་ལས་འདས་སོ། །ཕ་མ་ནི་གནམ་ལྕགས་ལྷུང་བས་ཤིའོ། །བུ་ཤ་ཟོས་ཏེ། སྒྲེན་མོར་སྨྱོས་ཤིང་ཡན་</font><hr>Da202a<br><font size=+2>


༄#། །མན་དུ་གཡེང་པའི་སེམས་ཀྱིས་ཕན་ཚུན་དུ་འཁྱམས་སོ། །གཞན་ཡང་བཅོམ་ལྡན་འདས་འོད་སྲུང་ལས་རབ་ཏུ་བྱུང་བར་གྱུར་ཏེ། དེར་འདིས་ཚེ་གཅིག་ཏུ་ཚངས་པར་སྤྱད་པ་སྤྱོད་ཀྱང་ཡོན་ཏན་གྱི་ཆོས་མང་པོ་གང་ཡང་མ་ཆུད་དོ། །གང་ལ་རབ་ཏུ་བྱུང་བའི་མཁན་མོ་དེ། བཅོམ་ལྡན་འདས་འོད་སྲུང་ཡང་དག་པར་རྫོགས་པའི་སངས་རྒྱས་ཀྱིས་འདུལ་བ་འཛིན་པ་རྣམས་ཀྱི་ནང་ན་མཆོག་ཏུ་གསུངས་སོ། །དེ་ན་འདི་འཆི་བའི་ཚེ་སྨོན་ལམ་བཏབ་པ། གང་བདག་གིས་བཅོམ་ལྡན་འདས་འོད་སྲུང་བླ་ན་མེད་པ་ཡོན་གནས་ཀྱི་དྲུང་དུ་ཚེ་གཅིག་ཏུ་ཚངས་པར་སྤྱོད་པ་སྤྱད་ཀྱང་ཡོན་ཏན་མང་པོ་གཅིག་ཀྱང་མ་ཆུད་དེ། བདག་དགེ་བའི་རྩ་བ་འདིས་གང་བཅོམ་ལྡན་འདས་འོད་སྲུང་ཡང་དག་པར་རྫོགས་པའི་སངས་རྒྱས་ཀྱིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་སྐྱེ་དགུའི་ཚེ་ལོ་བརྒྱ་ཐུབ་པ་ན། ཤཱཀྱ་ཐུབ་པ་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་འབྱུང་ནས། ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་དུ་བྱས་ནས། ཇི་ལྟར་བདག་གིས་མཁན་མོ་འདི་ལ། བཅོམ་ལྡན་འདས་འོད་སྲུང་ཡང་དག་པར་རྫོགས་པའི་སངས་རྒྱས་ཀྱིས་འདུལ་བ་འཛིན་པའི་ནང་ན་མཆོག་ཏུ་གསུངས་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱའི་རྒྱལ་པོ་དེས་འདུལ་བ་འཛིན་པ་ནང་ན་མཆོག་ཏུ་</font><hr>Da202b<br><font size=+2>


གསུངས་པར་ཤོག་ཅིག་།འདིས་དེ་ན་ཚེ་གཅིག་ཏུ་ཚངས་པར་སྤྱོད་པ་སྤྱད་པས་ན། དེ་ངའི་བསྟན་པ་ལ་རབ་ཏུ་བྱུང་ཞིང་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་དུ་བྱས་སོ། །གང་འདུལ་བ་འཛིན་པའི་ནང་ནས་མཆོག་ཏུ་ཤོག་ཅིག་ཅེས་སྨོན་ལམ་བཏབ་སྟེ། སྨོན་ལམ་དེའི་མཐུས་ད་ལྟར་དེ་བཞིན་གཤེགས་པས་འདུལ་བ་འཛིན་པའི་ནང་ན་མཆོག་ཏུ་གསུངས་སོ། །གཞན་ཡང་དགེ་སློང་དག་གིས་བཅོམ་ལྡན་འདས་ལ་ཞུས་པ། བཙུན་པ་སྐེམ་མོ་གོའུ་ཏ་མིའི་ཕ་མ་གཉིས་ཀྱིས་ལས་ཅི་ཞིག་བགྱིས་ན་ལས་གང་གིས་རྣམ་པར་སྨིན་པས། གནམ་ལྕགས་ལྷུང་སྟེ་གུམ་པར་གྱུར། ཁྱོས་ལས་ཅི་ཞིག་བགྱིས་ན་སྤྲུལ་གྱིས་འཚལ་ནས་དུས་ལས་འདས། བུ་གཉིས་ཀྱིས་ལས་ཅི་ཞིག་བགྱིས་ན་གཅིག་ནི་ཝས་འཚལ། གཅིག་ནི་ཆུ་བོར་ལྷུང་སྟེ་དུས་ལས་འདས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་དག་ཉིད་ཀྱིས་ལས་བྱས་ཤིང་བསགས་པས་ཚོགས་རྙེད་ཅིང་རྐྱེན་སྨིན་པ་ན། ཆུ་བོ་བཞིན་དུ་ཉེ་བར་གནས་པ་ནི་གདོན་མི་ཟ་བར་འགྱུར་རོ། །དེ་དག་གིས་ལས་བྱས་ཤིང་བསགས་པ་ནི། གཞན་སུས་ཀྱང་མྱོང་བར་མི་འགྱུར་རོ། །དགེ་སློང་རྣམས་ལས་བྱས་ཤིང་བསགས་པ་ནི། ཕྱི་རོལ་གྱི་སའི་ཁམས་ལ་རྣམ་པར་མི་སྨིན། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་འདི་ཉིད་ལ་དགེ་བ་དང ། མི་དགེ་བའི་ལས་བྱས་པ་རྣམ་པར་</font><hr>Da203a<br><font size=+2>


༄#། །སྨིན་ཏོ། །ལས་རྣམས་སྟོར་བར་མི་འགྱུར་པ། །བསྐལ་པ་དག་ནི་བརྒྱ་ལོན་ཀྱང ། །དུས་དང་འཕྲོད་ན་འཐོབ་པ་ནི། ལུས་ཅན་རྣམས་ལ་འབྲས་བུར་སྨིན། དགེ་སློང་དག་སྔོན་བྱུང་བ་ན་བསྐལ་པ་བཟང་པོ་འདིར་སྐྱེ་བོ་ཚེ་ལོ་ཉི་ཁྲི་ཐུབ་པ་ན་འོད་སྲུང་ཞེས་བྱ་བའི་སྟོན་པ་འཇིག་རྟེན་དུ་བྱུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང ། རྐང་པར་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཡུལ་འཁོར་མོ་འཇིག་གི་གྲོང་ཁྱེར་གྱི་དྲང་སྲོང་བཞིན་གྱི་རི་དྭགས་གནས་ན་བཞུགས་སོ། །དེའི་དུས་ན་ཡུལ་འཁོར་མོ་འཇིག་ན་ཁྱིམ་བདག་གཞན་ཞིག་གནས་ཏེ། ཕྱུག་པ། ནོར་མང་བ། ལོངས་སྤྱོད་ཆེ་བ། གནས་ཡངས་ཤིང་རྒྱས་པ། ངལ་བསོས་བུ་བཞིན་ནོར་འདུ་བ། ངལ་བསོས་པོའི་ནོར་ལ་སྔོ་བ་དེས། ཆུ་བོ་བར་ཀ་ཡའི་ཕ་རོལ་ཏུ་གཙུག་ལག་ཁང་ཞིག་བརྩིགས་ཏེ། དེར་ཡུལ་སོ་སོ་ན་གནས་པའི་དགེ་སློང་དག་གནས་ཏེ། ཁྱིམ་བདག་དེ་ལས་སྐྱེ་བོའི་གྲོང་མི་དག་གིས་ཟོང་བླངས་ཤིང་འདོང་ངོ ། །དེ་ལ་གཅིག་གིས་ལན་གསུམ་གྱི་བར་དུ་ཟོང་ཆུས་གསན་པ་དང ། དེས་དེ་ལ་སྨྲས་པ། འདི་ལྟར་དྲིན་མེད་པ་ཁྱོད་ཀྱིས་བརྣོགས་ཏེ། བདག་གི་ཟོང་ལན་གསུམ་དུ་ཆུད་གསན་གྱི། ནོར་མ་བྱིན་གྱི་བར་དུ་མ་འགྲོ་ཞིག། </font><hr>Da203b<br><font size=+2>


དེས་སྨྲས་པ། ཁྱིམ་བདག་ལན་ཅིག་སྩོལ་ལ་དེ་ཆུད་གསན་ན། བདག་གི་བུ་གསུམ་དང ། བདག་ཆུང་མར་བཅས་པ་ཁྱོད་ཀྱི་བྲན་དུ་སྣོམས་ཤིག། དེས་ཡང་ཚིག་རྒྱ་བྲིས་ནས་དེ་ལ་ཟོང་བྱིན་ནོ། །དེ་ཡང་ཅུང་ཟད་ཀྱང་མི་ནུས་པ་ཞིག་སྟེ། དེ་ཡང་ཆུད་གསན་ནས་ཁྱིམ་བདག་དེས་དེ་ཆུང་མ་དང་བཅས་ཏེ། གཙུག་ལག་ཁང་དེའི་ལས་བྱེད་པར་ཕུལ་ལོ། །དེ་ཡུལ་འཁོར་མོ་འཇིག་ན་གནས་པས་ཉི་མ་རེ་རེ་ཞིང་ཆུ་བོ་རྒལ་ནས། གཙུག་ལག་ཁང་དེར་དགེ་སློང་གི་དགེ་འདུན་གྱི་འབྲས་ཆན་འཚེད་དེ། ཆུང་མ་དང་བུ་དག་ནི་ཕྱག་ཚང་བྱེད་དོ། །གཙུག་ལག་ཁང་དེ་ན་དགེ་སློང་དགྲ་བཅོམ་པ་ཞིག་དགེ་འདུན་གྱི་ཞལ་ཏ་བྱེད་དེ། དེ་ནས་དུས་ཕྱི་ཞིག་ན་ཆར་པ་བབས་པས། ཆུ་བོ་བར་ཀ་ཆུས་གང་སྟེ། ལས་བྱེད་པ་བུ་དང་ཆུང་མར་བཅས་ཏེ། རིང་དུ་ཐོགས་པ་དང ། དགེ་སློང་དགྲ་བཅོམ་པ་དེ་འོངས་ནས་སྨྲས་པ། ཀྱེ་སྐྱེས་བུ་གདུགས་ཚོད་འདི་ཙམ་འདས་ཀྱི་བར་ད་དུང་ཡང་ཁྱོད་མི་འོང་ན། ཅི་དགེ་སློང་གི་དགེ་འདུན་བཤོས་རྣམས་གཅད་པར་བྱའམ། དེ་སྐད་སྨྲས་པ་དང ། ཆུང་མ་དང་བཅས་ནས་ཁྲོས་ཏེ་སྨྲས་པ། འདི་འོང་བ་ན་ཀླད་པར་ཅིའི་ཕྱིར་ན་གནམ་ལྕགས་མི་བབ། བུ་ཆེན་པོས་སྨྲས་པ། འདི་སྤྲུལ་གདུག་པས་ཅིའི་ཕྱིར་མ་ཟོས། བུ་འབྲིང་པོས་སྨྲས་པ།་འདི་ཅིའི་ཕྱིར་ཆུ་བོར་ལྷུང་སྟེ། དུས་ལས་མ་འདས། བུ་ཆུང་ངུས་སྨྲས་པ། འདི་ཝས་ཅིའི་ཕྱིར་མ་ཟོས། དགེ་སློང་དག་ཇི་སྙམ་དུ་སེམས། གང་ཁྱིམ་བདག་ཆུང་མར་བཅས་པ་དེ་ཉིད་ནི་</font><hr>Da204a<br><font size=+2>


༄#། །སྐེམ་མོ་གོའུ་ཏ་མིའི་ཕ་མའོ། །གང་བུ་ཆེན་པོ་དེ་ནི་འདིའི་ཁྱོའོ། །གང་བུ་འབྲིང་པོ་དེ་ནི་འདིའི་བུ་ཆེན་པོའོ། །གང་བུ་ཐ་ཆུང་དེ་ནི་འདིའི་བུ་ཆུང་ངུ་སྟེ། དེ་ལྟར་དགྲ་བཅོམ་པ་ལ་ངན་སེམས་ཀྱིས་ཚིག་རྩུབ་པོ་ཕྱུང་སྟེ། དེའི་ལས་ཀྱི་རྣམ་པར་སྨིན་པས་གནམ་ལྕགས་དང ། སྦྲུལ་གདུག་པ་དང ། ཝ་ལ་སོགས་པས་བསད། ཆུ་བོར་ལྷུང་བ་དང་བཞི་ཆར་དུས་ལས་འདས་སོ། །དེ་ལྟ་བས་ན་དགེ་སློང་དག་ཤིན་ཏུ་གནག་པའི་ལས་ཀྱི་རྣམ་པར་སྨིན་པའང་ཤིན་ཏུ་གནག་གོ། ཤིན་ཏུ་དཀར་བའི་ལས་ནི་ཤིན་ཏུ་དཀར་བའོ། །འདྲེས་པའི་ལས་ནི་འདྲེས་པའོ། །དེ་ལྟ་བས་ན་དགེ་སློང་དག་ཤིན་ཏུ་གནག་པ་དང ། འདྲེས་མའི་ལས་སྤངས་ཏེ། ཤིན་ཏུ་དཀར་བའི་ལས་ལ་ནན་ཏན་དུ་བྱའོ། །དེ་བཞིན་དུ་དགེ་སློང་དག་།ཁྱེད་ཀྱིས་བསླབ་པར་བྱོས་ཤིག། བཅོམ་ལྡན་འདས་ཀྱི་དེ་སྐད་ཅེས་གསུངས་པ་དང ། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའོ།། །། འདུལ་བ་ཕྲན་ཚེགས་ཀྱི་གཞི། བམ་པོ་སོ་དགུ་པ། གླེང་གཞི་ནི་མཉན་དུ་ཡོད་པ་ན་སྟེ། ནམ་སྐྱེས་བུ་གླེན་པ་འཕགས་སྐྱེས་པོས་ཤཱཀྱ་རྣམས་ལ་ཉེས་པ་མེད་ཅིང་གནོད་པ་མེད་པར་བསད་པ་དང ། ཤཱཀྱའི་ཆུང་མ་རྣམས་ཀྱིས་མིང་པོ་དང་ཁྱོ་དང ། ཕ་རྣམས་ལས་བྲལ་བར་གྱུར་ནས། སྡུག་བསྔལ་གྱིས་ཉོན་མོངས་ཏེ། ལེགས་པར་བཤད་པའི་ཆོས་འདུལ་བ་ལ་</font><hr>Da204b<br><font size=+2>


རབ་ཏུ་བྱུང་ངོ ། །སྡུག་བསྔལ་ནི་དྲིལ་བུའི་སྒྲ་དང་འདྲ་སྟེ། ནམ་དེ་དག་མྱ་ངན་དང་བྲལ་བ་དང ། དེའི་ཚེ་འདོད་ཆགས་རབ་ཏུ་ཆེ་བའི་ཉོན་མོངས་པས་གཟིར་ཏེ་བཟོད་པར་བྱ་བ་མ་ནུས་སོ། །བཅོམ་ལྡན་འདས་ཀྱིས་གསུངས་པ། སྦྲུལ་ནག་པོ་ལ་ཉེས་པའི་དམིགས་ལྔ་སྟེ། ལྔ་གང་ཞེ་ན། ཁྲོ་བ་ཅན་དང ། ཁོན་དུ་འཛིན་པ་ཅན་དང ། སྙིང་རིང་བ་དང ། བྱས་པ་མི་གཟོ་བ་དང ། དུག་རྣོ་བའོ། །དེ་ལྟར་དེ་བཞིན་དུ་བུད་མེད་ཁ་ཅིག་ལ་ཡང་ཉེས་པའི་དམིགས་ལྔ་སྟེ། ལྔ་གང་ཞེ་ན། ཁྲོ་བ་ཅན་དང ། ཁོན་དུ་འཛིན་པ་ཅན་དང ། སྙིང་རིང་བ་དང ། བྱས་པ་མི་གཟོ་བ་དང ། དུག་རྣོ་བའོ། །དེ་ལ་བུད་མེད་ཀྱི་དུག་རྣོ་བ་གང་ཞེ་ན། བུད་མེད་ནི་ཕལ་ཆེར་འདོད་ཆགས་ཆེའོ། །དེ་དག་གཅིག་ལ་གཅིག་གྲོས་བྱས་ནས། དགེ་སློང་མ་སྦོམ་དགའ་མོ་གང་ན་བ་དེར་སོང་སྟེ། ཕྱིན་པ་དང ། སྦོམ་དགའ་མོའི་རྐང་པ་ལ་ཕྱག་བྱས་ཏེ། མདུན་དུ་འཁོད་ནས་འཕགས་མ་ཉོན་མོངས་པ་རྣམས་ནི་གཟུང་བར་དཀའ་སྟེ་།བུད་མེད་རྣམས་ལ་སླུ་བར་བགྱིད་ན། ཇི་ལྟར་བདག་གིས་བཟློག་པར་བགྱི་བར་བཤད་དུ་གསོལ། དེས་སྨྲས་པ། ནུ་མོ་དག། དེ་ལ་ཤེས་པར་བྱ་བ་ཅི་ཞིག་ཡོད། ཁྱེད་ཅག་ནི་ན་ཆུང་དར་ལ་བབ་པ་ཡིན་གྱི། དེང་ལ་ཁྲིམས་ཕུལ་ཏེ་ནོར་ཅན་དང ། ཚོང་དཔོན་དང ། དེད་དཔོན་དང ། གཞན་ཡང་ནལ་གྱི་བུ་དང ། སུའི་བུ་རྟོལ་མེད་པ་རྣམས་དང་ལྷན་གཅིག་ཏུ་ཡོངས་སུ་སྤྱོད་ཅིག་།དེ་སྟེ་ང་ཡང་གཞོན་ནི་ཁྱེད་ཅག་དང་ལྷན་ཅིག་ཏུ་</font><hr>Da205a<br><font size=+2>


༄#། །འགྲོའོ། །དེས་དེ་དག་བསླུས་པ་དང ། རྐང་པ་ལ་ཕྱག་འཚལ་ཏེ། དོང་ནས་ཡང་སྨྲས་པ། ཆེ་ཞེ་འཕགས་མ་སྦོམ་དགའ་མོ་ན་རེ། འདི་ལ་ཤེས་པར་བྱ་བ་ཅི་ཞིག་ཡོད་ཅེས་ཟེར་རོ། །དེ་དག་ལས་ཁ་ཅིག་གིས་ཆེ་ཞེ་དེས་སྨྲས་པ་ལེགས་ཀྱི། འདོང་ལ་ཡོངས་སུ་སྤྱོད་དོ་ཞེས་སྨྲས་པ་དང ། ཁ་ཅིག་གིས་སྨྲས་པ། བུ་མོ། བུད་མེད་རྣམས་ཀྱིས་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་བ་ནི་རྙེད་པར་དཀའ་ན་སྐད་ཅིག་འཕགས་མ་སྐེམ་མོ་གོའུ་ཏ་མི་ལ་ཡང་དྲིའོ། །དེ་དག་གིས་ཆེ་ཞེ་ལེགས་ཀྱི། དེ་བཞིན་དུ་བགྱིའོ།། ཞེས་སྨྲས་ཏེ། དེ་དག་སྐེམ་མོ་གོའུ་ཏ་མིའི་དྲུང་དུ་དོང་སྟེ། རྐང་པ་ལ་ཕྱག་བྱས་ནས། འཕགས་མ་ཉོན་མོངས་པ་ནི་གཟུང་བར་དཀའ་སྟེ། བུད་མེད་རྣམས་ལ་སླུ་བར་བྱེད་ན་།བདག་ཅག་གིས་ཇི་ལྟར་བཟློག་པར་བགྱི་བར་བཤད་དུ་གསོལ། དེས་སྨྲས་པས། ཆེ་ཞེ་དག་འདོད་པ་རྣམས་ཀྱི་མིང་ཡང་མ་འཛིན་ཅིག་།དེ་ཅིའི་ཕྱིར་ཞེ་ན། འདོད་པ་ནི་བདེ་བ་ཆུང་ལ་སྡུག་བསྔལ་ཆེའོ། །ཉེས་པའི་དམིགས་མང་ངོ ། །བཅོམ་ལྡན་འདས་ཀྱིས་གསུངས་པ། ཉེས་པའི་དམིགས་ལྔ་ཡང་དག་པར་མཐོང་ཞིང་མཁས་པས་ནི་འདོད་པ་ལ་བསྟེན་པ་ནི་མི་རིགས་སོ། །ལྔ་གང་ཞེ་ན། འདོད་པ་ནི་དགའ་བ་ཆུང་ལ་སྡུག་བསྔལ་ཆེ་བ་ཉེས་པའི་དམིགས་མང་པོར་ཡང་དག་པར་མཐོང་བའི་མཁས་པས་འདོད་པ་ལ་བསྟེན་པར་མི་རིགས་སོ། །འདོད་པ་ལ་བསྟེན་</font><hr>Da205b<br><font size=+2>


ནས་སྦྱོར་བའི་རྣམ་པར་འཕེལ་བར་འགྱུར་བར་མཐོང་བའི་མཁས་པས་འདོད་པ་ལ་བསྟེན་པར་མི་རིགས་སོ། །འདོད་པ་ལ་བསྟེན་པ་གཏོང་བ་དང ། ངོམས་པ་དང ། ཆོག་པ་མེད་པར་མཐོང་བའི་མཁས་པས་འདོད་པ་ལ་བསྟེན་པར་མི་རིགས་སོ། །འདོད་པ་ལ་བསྟེན་པ་ནི། སྡིག་པའི་ལས་མི་བྱེད་པ་ནི་ཅུང་ཟད་ཀྱང་མེད་པར་མཐོང་བའི་མཁས་པས་འདོད་པ་ལ་བསྟེན་པར་མི་རིགས་སོ། ། འདོད་པ་ནི་རྣམ་གྲངས་དུ་མ་ལས་ཀྱང ། སངས་རྒྱས་དང ། སངས་རྒྱས་ཀྱི་ཉན་ཐོས་དང ། མཁས་པ་དང ། ཡང་དག་པར་སོང་བའི་སྐྱེས་བུ་དམ་པ་དག་གིས་སྨད་པར་མཐོང་བའི་མཁས་པས་འདོད་པ་ལ་བསྟེན་པར་མི་རིགས་སོ། །ཡོན་ཏན་ལྔ་མཐོང་བའི་མཁས་པ་ནི། རབ་ཏུ་འབྱུང་བ་ལ་མོས་པར་བྱ་བའི་རིགས་སོ། །ལྔ་གང་ཞེ་ན། རང་གི་དོན་མ་འདྲེས་པ་མཐོང་བར་འགྱུར་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བར་རིགས་སོ། །བདག་གང་བྲན་མོ་དང ། མངག་གཞུག་མ་དང ། སྐྱོ་བ་དང ། དབང་མེད་པ་དང ། གང་དགར་འགྲོར་མེད་པ་ལས་དེ་དག་གིས་མཆོད་པ་དང ། བསྔགས་པར་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བའི་རིགས་སོ། །བླ་ན་མེད་པའི་རྣལ་འབྱོར་བདེ་བ་དང ། མྱ་ངན་ལས་འདས་པ་ཐོབ་པར་འགྱུར་བ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བའི་རིགས་སོ། །བདག་བླ་ན་མེད་པའི་རྣལ་འབྱོར་བདེ་བ་དང ། མྱ་ངན་ལས་འདས་པ་འཐོབ་པ་དག་མ་ཐོབ་ན་ཡང་ལྷར་སྐྱེ་བར་འགྱུར་རོ་ཞེས་མཐོང་</font><hr>Da206a<br><font size=+2>


༄#། །བའི་མཁས་པས་རབ་ཏུ་འབྱུང་བ་ལ་མོས་པར་བྱ་བའི་རིགས་སོ། །རྣམ་གྲངས་དུ་མ་ལས་ཀྱང་རབ་ཏུ་འབྱུང་བ་ནི། སངས་རྒྱས་དང ། སངས་རྒྱས་ཀྱི་ཉན་ཐོས་དང ། མཁས་པ་དང་ཡང་དག་པར་སོང་བ་དང ། སྐྱེས་བུ་དམ་པ་དག་གིས་བསྟོད་པར་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བའི་རིགས་སོ། །ཅི་བདག་གིས་ཚེ་གཞན་དུ་འདོད་པའི་ཕྱིར་སྡུག་བསྔལ་མྱོང་བ་དེ་མཉན་པར་འདོད་དམ། འོན་ཏེ་ཚེ་འདི་ལ་མྱོང་བ་རྣམས་མཉན་པར་འདོད། དེ་དག་གིས་འཕགས་མ་ཁྱོད་ཀྱིས། ཚེ་གཞན་དུ་འདོད་པའི་ཕྱིར་སྡུག་བསྔལ་མྱོང་བ་ནི་རེ་ཞིག་ཞོག་ལ། གང་ཚེ་འདི་ཉིད་ལ་མྱོང་བ་རྣམས་གསུངས་ཤིག་།ཅེས་སྨྲས་པ་དང ། དེས་དེ་དག་ལ་ཕ་དང ། མ་དང ། ཁྱོ་དང ། བུ་རྣམས་ལས་བྲལ་བའི་སྡུག་བསྔལ་དང ། བུ་ཤ་ཟོས་པའི་སྡུག་བསྔལ་ཇི་ལྟར་གྱུར་པ་ཞིབ་ཏུ་སྨྲས་པ་དང ། དེ་དག་སྐྱོ་ནས་པ་སྤུ་ཀུན་གྱི་ཁུང་བུ་ཡང་གཡོས་ཏེ། རྣ་བ་བྱོ་ནས་སྐེམ་མོ་གོའུ་ཏ་མིའི་གདོང་དུ་བལྟས་པ་དང ། དེས་དེ་དག་གི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་རྣམས་ཤེས་ནས། འཕགས་པའི་བདེན་པ་བཞི་ཡང་དག་པར་རྟོགས་པར་འགྱུར་བ་དེ་ལྟ་བུའི་ཆོས་བཤད་དོ། །དེ་ཐོས་ནས་དེ་དག་གིས་འཇིག་ཚོགས་སུ་ལྟ་བའི་རིའི་རྩེ་མོ་ཉི་ཤུ་གྱེན་དུ་བྱུང་བ། ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །དེ་དག་བདེན་པ་མཐོང་སྟེ། འཕགས་</font><hr>Da206b<br><font size=+2>


མ་བདག་ཅག་དོ་ཞིག་གོ་།བདག་ཅག་རབ་ཏུ་དོ་ཞིག་གོ་།འཕགས་མ་སྤོམ་དགའ་མེས་བདག་ཅག་འདོད་པའི་འདམ་དུ་དོ་བཅུག་གོ་།ཞེས་སྨྲས་པ་དང ། སྐེམ་མོ་གོའུ་ཏ་མིས། ནུ་མོ་དག་ཅི་བྱས་ཞེས་དྲིས་པ་དང ། དེ་དག་གིས་ཀྱང་ཞིབ་ཏུ་སྨྲས་སོ། །དེས་ནུ་མོ་དག་།འདི་ལ་ཅི་ཞིག་བྱ། དེ་ནི་ཉེས་པ་སྦོམ་པོ་སྤྱོད་པ་སྟེ། དེས་བཅོམ་ལྡན་འདས་ཀྱི་བསྟན་པ་ཆུ་འགྲམ་གྱི་གད་པ་བཞིན་འདོར་རོ། །ཞེས་སྨྲས་པ་དང ། དོན་ཉུང་བའི་དགེ་སློང་མ་དག་འཕྱ་སྤོང་སྟེ། ཁ་ངན་དུ་ཟེར་བ་ན་དགེ་སློང་མས། དགེ་སློང་མ་དག་སླར་ཁྱིམ་དུ་བསྐྲད་པ་ག་ལ་སྲིད་ཅེས་ཟེར་རོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་ལ་སྨྲས་སོ། །དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མས་དགེ་སློང་མ་ཁྱིམ་དུ་འཇུག་པར་མ་བྱེད་ཅིག་།འཇུག་པར་བྱེད་ན་ཉེས་པ་སྦོམ་པོར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་གཞན་ཞིག་གིས་དགེ་སློང་ལ་སྤྱོད་པ་དང ། དགེ་སློང་དེ་སྐྲག་པར་གྱུར་ཏེ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མས་དགེ་སློང་ལ་སྤྱོ་བར་མ་བྱེད་ཅིག་།སྤྱོ་བར་བྱེད་ན་འདས་པ་དང་བཅས་པར་འགྱུར་རོ། །ཇི་ལྟར་དགེ་སློང་མས་དགེ་སློང་ཕ་ལ་མི་བྱ་བ་བཞིན་དུ་དགེ་སློང་མ་དང ། དགེ་སློང་མ་དང ། དགེ་ཚུལ་ཕ་དང ། དགེ་ཚུལ་མ་ལ་མི་བྱའོ། །དགེ་སློང་མས། དགེ་</font><hr>Da207a<br><font size=+2>


༄#། །སློང་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་ཕ་དང ། དགེ་ཚུལ་མ་ལ་མི་བྱའོ། །དགེ་ཚུལ་མས་དགེ་སློང་དང ། དགེ་སློང་མ་དང ། དགེ་སློང་མ་དང་དགེ་ཚུལ་ཕ་དང ། དགེ་ཚུལ་མ་ལ་ཡང་མི་བྱའོ། །སྡོམ་ནི། མདུན་དུ་འགྲོ་བར་མི་བྱ་སྟེ། །ལྡང་པར་བྱའོ་དགེ་སློང་མ། ཞུས་ནས་འདུག་པར་བྱ་བ་དང ། །སྐྱིལ་མོ་ཀྲུང་དང་རྣམ་གྲངས་མེད། ། སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་འོད་སྲུང་ཆེན་པོ་མཉན་དུ་ཡོད་པའི་སྔོན་གྱི་སྐྱེད་མོས་ཚལ་རི་དྭགས་སྒྲའི་ཁང་པ་ན་འདུག་གོ་།དེ་ནས་ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང་ཆོས་གོས་གྱོན། ལྷུང་བཟེད་ཁྱེར་ཏེ། མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་སོ། །དགེ་སློང་མ་སྦོམ་དགའ་མོ་ཡང་སྔ་དྲོ་ཤམ་ཐབས་དང ། ཆོས་གོས་གྱོན་ལྷུང་བཟེད་ཁྱེར་ནས་མཉན་དུ་ཡོད་པར་བསོད་སྙོམས་ལ་ཞུགས་པ་དང ། དེས་ཚེ་དང་ལྡན་པ་འོད་སྲུང་མཐོང་ནས། གླེན་པ་འདི་ལ་མི་དགའ་བར་བྱའོ་སྙམ་བསམས་ནས། ཁྱིམ་གང་དུ་ཚེ་དང་ལྡན་པ་འོད་སྲུང་ཆེན་པོ་འགྲོ་བ་དེར་མོ་ཐོག་མར་སོང་སྟེ། སྒོའི་ནང་ལོགས་སུ་འདུག་ནས་འཕགས་པ་ད་ལྟར་ནི་སྦྱར་བ་ཅུང་ཟད་ཀྱང་མེད་ཀྱི། སོང་ཞིག། ཅེས་སྨྲས་པ་དང ། དེ་ཁྱིམ་གཞན་དུ་སོང་ངོ ། །དེར་ཡང་མོ་སྔར་སོང་སྟེ་སྔ་མ་བཞིན་དུ་གཙེས་སོ། །འདི་བཞིན་དུ་ཡང་</font><hr>Da207b<br><font size=+2>


གཅིག་ནས་གཅིག་ཏུ་བྱས་པ་དང ། མ་དགོངས་པར་ནི་དགྲ་བཅོམ་པའི་ཡེ་ཤེས་ཀྱི་གཟིགས་པ་མི་འཇུག་སྟེ། སུ་ཞིག་བདག་ལ་འཚེ་སྙམ་དགོངས་ན་སྤོམ་དགའ་མོ་ཡིན་པར་གཟིགས་ནས། དེས་སྨྲས་པ། སྲིང་མོ་ཁྱོད་ཀྱིས་མ་ཉེས་ཀྱི། ཚེ་དང་ལྡན་པ་ཀུན་དགའ་བོས་ཉེས་ཏེ། ཉེས་པ་སྦོམ་པོ་སྤྱོད་པའི་བུད་མེད་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས།་དགེ་སློང་མའི་དངོས་པོར་གནང་བར་བྱས་པས་ཉེས་སོ། །དེ་ལྟར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། གང་ཅུང་ཟད་དགེ་སློང་མས། དགེ་སློང་ཕ་སྤྱོད་ཡུལ་དུ་འགྲོ་བའི་མདུན་དུ་སོང་ན་ཉེས་པའི་དམིགས་སུ་འགྱུར་ཏེ། དེ་ལྟ་བས་ན་དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་མི་བསླང་བར་དགོངས་ནས། བཀའ་སྩལ་པ། དགེ་སློང་དག་།དགེ་སློང་འོད་སྲུང་གིས་དགེ་སློང་མ་ལ་རིགས་པར་སྤྱོས་སོ། །དེ་ལྟ་བས་ན་དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་མ་བསླང་ཞིག་།དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་བསླངས་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་མ་བསླང་ཞིག་།ཅེས་གསུངས་པ་དང ། དགེ་སློང་མས་དགེ་སློང་གི་སྤྱོད་ཡུལ་སྤངས་པ་དང ། དེ་དག་བསོད་སྙོམས་ཀྱིས་ཕོངས་པར་གྱུར་ནས། དེ་ལྟར་གྱུར་པ་དགེ་སློང་མ་རྣམས་ཀྱིས་དགེ་</font><hr>Da208a<br><font size=+2>


༄#། །སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དེ་ལྟ་བས་ན། དགེ་སློང་མས་དགེ་སློང་སྤྱོད་ཡུལ་དུ་འདོད་བའི་མདུན་དུ་འགྲོ་བར་མི་བྱའོ། །གང་སྤྱོད་ཡུལ་དགེ་སློང་དག་གིས་སྤངས་པར་དགེ་སློང་མ་དེ་དག་དོང་བར་བྱོས་ཤིག་།ཅེས་བཀའ་སྩལ་ཏོ། །གླེང་གཞི་ནི་མཉན་དུ་ཡོད་པ་ན་སྟེ།་སྦོམ་དགའ་མོ་འཁོར་བརྒྱ་སྟོང་དུ་མའི་མདུན་ན་འདུག་ཅིང་ཆོས་འཆད་དོ། །ཚེ་དང་ལྡན་པ་འོད་སྲུང་ཆེན་པོ་ལམ་དེར་སོང་བ་དང ། འཁོར་དེ་དག་གིས་ཚེ་དང་ལྡན་པ་འོད་སྲུང་ཆེན་པོ་མཐོང་ནས་ལངས་སོ། །སྦོམ་དགའ་མོ་ནི་རྐུབ་མ་བསྐྱོད་པ་དང ། དེ་དག་གིས། འཕགས་པ་འོད་སྲུང་ཆེན་པོ་ལྷ་དང་མིའི་མཆོད་གནས་དེ་མཐོང་བ་དང ། བདག་ཅག་ནི་ལངས་ན་ཁྱོད་སྟན་ལས་ཀྱང་མ་འཕགས་པ་ནི་མ་ལེགས་སོ། །ཞེས་སྨྲས་པ་དང ། དེས་འདི་ནི་མུ་སྟེགས་ཅན་ལས་རབ་ཏུ་བྱུང་བ་སྟེ། བླུན་པ། རབ་ཏུ་བླུན་པ། གླེན་པ། རབ་ཏུ་གླེན་པས་ན་བདག་ཤཱཀྱ་མོ་ལས་རབ་ཏུ་བྱུང་བ། སྡེ་སྣོད་གསུམ་པ་ཆོས་ཀྱི་གཏམ་ཅན། རིག་པ་དང་གྲོལ་བ་ལ་སྤོབས་པས་ཅིའི་ཕྱིར་འདི་མཐོང་བ་དང་སྟན་ལས་ལྡང ། ཞེས་སྨྲས་པ་དང ། དགེ་སློང་དག་གིས་དེ་ཐོས་ཏེ། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དད་པའི་བྲམ་ཟེ་དང ། ཁྱིམ་བདག་རྣམས་ནི་རིགས་པར་འཕྱའོ། །དེ་ལྟ་བས་ན་དགེ་སློང་མས་</font><hr>Da208b<br><font size=+2>


དགེ་སློང་མཐོང་མ་ཐག་ཏུ་སྟན་ལས་ལོངས་ཤིག་།མ་ལངས་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་གསུངས་པ། དགེ་སློང་མས་དགེ་སློང་མཐོང་མ་ཐག་ཏུ་སྟན་ལས་ལོངས་ཤིག་།ཅེས་གསུངས་པ་དང ། དུས་ཕྱི་ཞིག་ན་དགེ་སློང་མ་ཨུཏྤ་ལའི་ཁ་དོག་མ་དབྱར་མོ་ཁང་གི་ཕྱི་རོལ་ན་འཁོར་བརྒྱ་སྟོང་དུ་མའི་མདུན་ན་འདུག་སྟེ། ཆོས་འཆད་དོ། །ཆེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་དང ། ཆོས་གོས་གྱོན། ལྷུང་བཟེད་ཁྱེར་ཏེ། མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་པ་ལས། མཉན་དུ་ཡོད་པ་ནས་བསོད་སྙོམས་ལས་སླར་བསྐོར་ཏེ། གང་ན་དགེ་སློང་མའི་དབྱར་མོ་ཁང་ཡོད་པ་དེར་སོང་བ་དང ། དགེ་སློང་མ་ཨུཏྤ་ལའི་ཁ་དོག་མས་ཚེ་དང་ལྡན་པ་ཀུན་དགའ་བོ་མཐོང་སྟེ། མཐོང་མ་ཐག་ཏུ་སྟན་ལས་ལངས་པ་དང ། ཚེ་དང་ལྡན་པ་ཀུན་དགའ་བོས་སྟན་ལ་འདུག་གོ་།འདུག་ནས་སྲིང་མོ་ཁྱོད་ཀྱིས་མདོ་སྡེ་གང་ཞིག་བརྩམས་ཞེས་དྲིས་པ་དང ། དེས་སྨྲས་པ། འཕགས་པ་འདི་ཞེས་བགྱིའོ། །ཚེ་དང་ལྡན་པ་ཀུན་དགའ་བོས་མདོ་སྡེ་རྒྱས་པར་བཤད་པ་བརྩམས་པ་དང ། ུཏྤ་ལའི་ཁ་དོག་མ་འགྲེང་བཞིན་དུ་རྣ་བ་བྱོ་སྟེ་ཉན་ཏོ། །ཚེ་དང་ལྡན་པ་ཀུན་དགའ་བོ་ཆོས་འཆད་པ་ལ་ཆགས་པས་དེ་ལ་འདུག་།ཅེས་མ་སྨྲས་པ་དང ། དེ་རིང་ཞིག་འགྲེང་བས་ཉི་མའི་འོད་ཟེར་ཚ་བས་རྨྱ་སྟེ་བརྒྱལ་བར་གྱུར་ནས་ས་ལ་འགྱེལ་བ་དང ། མ་དད་པ་དག་གིས་སྨྲས་པ། ཀྱེ་དགེ་སློང་མ་</font><hr>Da209a<br><font size=+2>


༄#། །ུཏྤ་ལའི་ཁ་དོག་མ་འདོད་ཆགས་དང་བྲལ་ལོ། །ཞེས་ཐོས་ན་ཤཱཀྱ་གཞོན་ནུ་གཟུགས་སྡུག་པ་མཐོང་བ་དང ། འདོད་ཆགས་ཀྱིས་བསྐྱོད་བའི་རྟོག་པས་ས་ལ་འགྱེལ་ཏོ། །ཞེས་ཟེར་བ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲམ་ཟེ་དང ། ཁྱིམ་བདག་འཕྱ་བ་རིགས་པར་འཕྱ་སྟེ། དེ་ལྟ་བས་ན། དགེ་སློང་དག་ཆོས་འཆད་ན། འཕགས་མ་འདུག་ཅིག་ཅེས་སྨྲོས་ཤིག་།དེ་སྟེ་དགེ་སློང་བྲེལ་ཏེ་མ་དྲན་ན། དགེ་སློང་མས་ཞུས་ལ་འདུག་ཅིག་།འཕགས་པ་མཁྱེན་པར་མཛོད་ཅིག་།བདག་མཆིས་སོ། །ཞེས་བརྗོད་ཅིག་།སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེར་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་དག་ཉི་མ་ནི་ཤར། བྱ་རོག་ནི་སྐད་འབྱིན། ཞིང་པ་ནི་ཞིང་རྨེད། མི་རྒོད་ནི་དུའོ། །དེ་ལྟ་བས་ན་དགེ་སློང་དག་དོན་འདི་ནི་དཔེ་ཡིན་པར་ཤེས་པར་བྱའོ། །དེའི་དོན་ཡང་འདི་ལྟར་བལྟའོ། །དགེ་སློང་ངག་ཉི་མ་ཤར་ཏོ། །ཞེས་བྱ་བ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཚིག་བླ་དྭགས་སོ། །བྱ་རོག་སྒྲ་འབྱིན་ཏོ། །ཞེས་བྱ་བ་ནི། ཆོས་འཆད་པའི་གང་ཟག་གི་ཚིག་བླ་དྭགས་སོ། །ཞིང་པ་ནི་ཞིང་རྨོད་དོ། །ཞེས་བྱ་བ་ནི། གཏོང་བ་སྦྱིན་</font><hr>Da209b<br><font size=+2>


བདག་གི་ཚིག་བླ་དྭགས་སོ། །མི་རྒོད་དུའོ། །ཞེས་བྱ་བ་ནི། བདུད་ཀྱི་འཁོར་གྱི་ཚིག་བླ་དྭགས་སོ། །དེ་ལྟ་བས་ན་དགེ་སློང་དག་།འདི་ལྟར་སྟོན་པ་རྗེས་སུ་བརྩེ་བ་ཅན། ཐུགས་རྗེ་ཅན། དོན་དུ་བཞེད་པ། ཕན་པར་བཞེད་པ། ཐུགས་བརྩེ་བར་གྱུར་པ་ངས། ཉན་ཐོས་ཁྱེད་རྣམས་ལ་བྱ་བ་ནི་བྱས་ཟིན་གྱི། ད་ནི་ཁྱེད་ཅག་གིས་དགོན་པ་དང ། ཤིང་དྲུང་དང ། ཁྱིམ་སྟོང་པ་དང ། ལུང་པ་དང ། བྲག་ཕུག་དང ། སོག་མ་སྤུངས་པ་བླ་གབ་མེད་པ་དང ། དུར་ཁྲོད་དང ། ནགས་དང ། རི་དང ། བས་མཐའ་འདི་དག་ཏུ་གནས་ཤིང་སྒོམས་ཤིག་།དགེ་སློང་དག་།བག་མེད་པར་མ་བྱེད་ཅིག་།ཕྱིས་འགྱོད་པ་ཅན་དུ་གྱུར་ཏ་རེ། འདི་ནི་ངའི་བསྟན་པའོ། །དགེ་སློང་དག་།མཚོ་དང ། ལྟེང་ཀ་དང ། བྲག་ཕུག་དང ། སྐྱེད་མོས་ཚལ་དང ། ཆུ་མིག་དང ། མེ་ཏོག་དང ། འབྲས་བུས་བརྒྱན་པའི་ཤིང་དེ་ལྟ་བུའི་སྟེང་ན་ཁྱད་པར་ཅན་དུ་དགའ་བའི་གནས་སུ་དོང་ནས་ཡིད་ལ་བྱེད་པ་བསྒྲུབ་པ་ལ་རྩོམ་མོ། །དགེ་སློང་མ་ཡང་རྒྱལ་པོའི་ཀུན་དགའ་ར་བ་དང ། ཉེ་བའི་ཚལ་སྟུག་པོར་གཞན་ཡང་བུད་མེད་དང་མཐུན་པའི་གནས་དག་ཏུ་དོང་སྟེ། ཡིད་ལ་བྱེད་པ་བསྒྲུབ་པ་ལ་རྩོམ་མོ། །དེ་སྔོན་གྱི་ལས་ཀྱི་རྣམ་པར་སྨིན་པ་ལས་གྱུར་པས། བུད་མེད་ཅེས་བྱ་བའི་རྨའི་སྒོར་སྲོག་ཆགས་དག་ཞུགས་པར་བཅོམ་ལྡན་འདས་ཀྱིས་གསན་ནས། བཀའ་སྩལ་པ། དེ་ལྟ་བས་ན། དགེ་སློང་དག་།དགེ་སློང་མ་ཡིད་ལ་བྱེད་པ་བསྒོམ་པ་ན། སྐྱིལ་མོ་ཀྲུང་བཅས་ཏེ་མ་འདུག་པར་སྐྱིལ་མོ་ཀྲུང་ཕྱེད་དུ་ཆོས་ལ། </font><hr>Da210a<br><font size=+2>


༄#། །འདུག་པས་ཡིད་ལ་བྱེད་པ་སྒོམས་ཤིག་།བཅོམ་ལྡན་འདས་ཀྱིས་དགེ་སློང་མ་སྐྱིལ་མོ་ཀྲུང་ཕྱེད་དུ་ཆོས་ཏེ་འདུག་ལ་ཡིད་ལ་བྱེད་པ་སྒོམས་ཤིག་།ཅེས་གསུངས་ནས། དགེ་སློང་མ་དག་གིས་སྐྱིལ་མོ་ཀྲུང་ཕྱེད་དུ་བཅས་ཏེ་འདུག་ནས་ཡིད་ལ་བྱ་བ་བསྒོམ་པ་ལ་རྩོམ་པ་དང ། འོན་ཀྱང་དེའི་མོ་མཚན་དུ་སྲོག་ཆགས་ཕྲ་མོ་དག་ཞུགས་པ་གསན་ནས། བཅོམ་ལྡན་འདས་ཀྱིས་བཀའ་སྩལ་པ། གནས་དེར་འདབ་མའམ། ལོ་མ་སྲབ་མོ་ལྷུང་བས་གློན་ལ། སྐྱིལ་མོ་ཀྲུང་ཕྱེད་དུ་ཆོས་ལ་འདུག་ཅིང་།གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་ཨུ་པ་ལིས་བཅོམ་ལྡན་འདས་ལ་ཞུས་པ། བཙུན་པ་ནམ་དགེ་སློང་མས་ཁྲིམས་ཕུལ་ནས་བབས་པར་གྱུར་པས་ལེགས་པར་བཤད་པའི་ཆོས་འདུལ་བ་ལ་སླར་རབ་ཏུ་བྱུང་སྟེ། བསྙེན་པར་རྫོགས་ནས་དགེ་སློང་མའི་དངོས་པོར་འཚལ་ན་རབ་ཏུ་འབྱུང་ངམ། རབ་ཏུ་མི་འབྱུང ། བཅོམ་ལྡན་འདས་ཀྱིས་བཀའ་སྩལ་པ། ཨུ་པ་ལི། རབ་ཏུ་མི་འབྱུང་ངོ ། །ུ་པ་ལི་ལན་གཅིག་བབས་པའི་དགེ་སློང་མས་ཕྱིས་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང ། བསྙེན་པར་རྫོགས་ནས་དགེ་སློང་མའི་དངོས་པོར་འབྱུང་དུ་མེད་དོ། །གླེང་གཞི་ནི་གཉན་དུ་ཡོད་པ་ན་སྟེ། ཚེ་དང་ལྡན་པ་ཨུ་པ་ལིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། གང་བཅོམ་ལྡན་འདས་ཀྱིས་ནི་འདི་ལྟར་དགེ་སློང་མས་དགེ་སློང་ལ་ཚུལ་ཁྲིམས་ཉམས་པ་དང ། ལྟ་བ་ཉམས་</font><hr>Da210b<br><font size=+2>


པ་དང ། སྤྱོད་པ་ཉམས་པ་དང ། འཚོ་བ་ཉམས་པའོ་ཞེས་གླེང་བར་མི་བྱ། དྲན་པར་མི་བྱའོ། །ཞེས་གསུངས་ན། བཙུན་པ་ཅི། དགེ་སློང་མས་དགེ་སློང་ཕ་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པའོ། །ཞེས་གླེང་བར་བགྱི་བ་དང ། དྲན་པར་བགྱི་བའི་རྣམ་གྲངས་འགའ་ཙམ་མཆིས་སམ། བཅོམ་ལྡན་འདས་ཀྱིས་བཀའ་སྩལ་བ། ཨུ་པ་ལི་དགེ་སློང་མས་དགེ་སློང་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པའོ་ཞེས་གླེང་བར་བྱ་བ་དང ། དྲན་པར་བྱ་བའི་རྣམ་གྲངས་གང་ཡང་མེད་དོ། །སྡོམ་ནི། ཚོང་དཔོན་གྱིས་ཀྱང་ཟས་ལྷག་མ། །བཞག་པ་དག་ནི་མི་སྤངས་ཏེ། །བར་ཆད་ཆོས་ནི་མི་འདྲི་བའི། །གཞན་ཕྱིར་དག་དང་ཁྲག་འཛག་པའོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཚོང་དཔོན་གཞན་ཞིག་གནས་པ། ཕྱུག་ལ་ནོར་མང་ཞིང་ལོངས་སྤྱོད་ཆེ་བ་སྟེ། རིགས་མཉམ་པ་ལས་ཆུང་མ་ཞིག་བླངས་ཏེ། དེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་དེ་ལ་རྩེ་དགའ་ཡོངས་སུ་སྤྱོད་ཀྱང་བུ་ཕོ་ཡང་མེད། བུ་མོ་ཡང་མ་བྱུང་ངོ ། །དེ་དུས་ཕྱི་ཞིག་ན་ནོར་ཟད་པར་གྱུར། ལོངས་སྤྱོད་ཀྱང་ཟད་པར་གྱུར་ནས། དེས་ཆུང་མ་ལ། བཟང་མོ་ད་ནི་བདག་རྒས་པས་ནོར་བཙལ་བར་མི་ནུས་ཀྱི། ཛེ་ཏའི་ཚལ་དུ་སོང་སྟེ། རབ་ཏུ་འབྱུང་ངོ ། །ཞེས་སྨྲས་པ་དང ། དེ་ཇོ་བོ་དེ་སྟེ། ཁྱོད་རབ་ཏུ་བྱུང་ན་བདག་སུའི་དྲུང་ན་འདུག་གི་བདག་ཀྱང་རབ་ཏུ་འབྱུང ། </font><hr>Da211a<br><font size=+2>


༄#། །ཞེས་སྨྲས་པ་དང ། དེས་བཟང་མོ་ལེགས་ཀྱི་འདོང་ཞེས་སྨྲས་ནས། དེ་ཁྲིད་དེ་གོའུ་ཏ་མི་སྐྱེ་དགུའི་བདག་མོ་ཆེན་མོའི་དྲུང་དུ་འོངས་ནས། རྐང་པ་ལ་ཕྱག་བྱས་ཏེ། འཕགས་མ་རང་གི་ལས་ཀྱིས་འདི་ལེགས་པར་བཤད་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་ལགས་ཀྱི། རབ་ཏུ་ཕྱུང་ཞིག་།བདག་ཀྱང་ཛེ་ཏའི་ཚལ་དུ་མཆིས་ལ་རབ་ཏུ་བྱུང་ངོ ། ། ཞེས་སྨྲས་ནས། དེས་སྨྲས་པ། བུ་ཁྱོད་ཆུང་མ་དང་བཅས་ཏེ་སེམས་བསྐྱེད་པ་ནི་ལེགས་ཏེ། རབ་ཏུ་བྱུང་བ་ནི་བཅོམ་ལྡན་འདས་ཀྱིས་གསུངས་པ། ཡོན་ཏན་ལྔ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བའི་རིགས་སོ། །ཞེས་བྱ་བ་ནས། སྔ་མ་བཞིན་དུ་སངས་རྒྱས་དང ། སངས་རྒྱས་ཀྱི་ཉན་ཐོས་དང ། མཁས་པ་དང ། ཡང་དག་པར་སོང་བ་དང ། སྐྱེས་བུ་དམ་པ་རྣམས་ཀྱིས་རྣམ་གྲངས་དུ་མས་ཀྱང་རབ་ཏུ་བྱུང་བ་ནི་བསྟོད་ཀྱི། ལེགས་ཏེ་རབ་ཏུ་དབྱུང་གི། སོང་ཞིག་ཅེས་སྨྲས་ནས་དེ་རབ་ཏུ་ཕྱུང་ངོ ། །དེ་ཡང་ཛེ་ཏའི་ཚལ་དུ་སོང་ནས། དགེ་སློང་དག་ལས་རབ་ཏུ་བྱུང་སྟེ། དེ་མཉན་དུ་ཡོད་པའི་ཚོང་དཔོན་ཞིག་རབ་ཏུ་བྱུང་ངོ ། །ཞེས་གྲགས་པར་གྱུར་ཏེ། བསོད་ནམས་ཆེན་པོ་ཐོབ་པ་ནི་ཆོས་གོས་དང ། བསོད་སྙོམས་དང ། མལ་ཆ་དང ། ནད་ཀྱི་རྐྱེན་སྨན་སྤྱད་དང ། ཡོ་བྱད་རྣམས་སོ། །དེ་དུས་ཕྱི་ཞིག་ན་བསོད་སྙོམས་ཀྱི་ཕྱིར་ཞུགས་སོ། །དེའི་ཆུང་མ་དེ་ཡང་བསོད་སྙོམས་ལ་ཞུགས་པ་དང ། དེའི་དུས་ན་མུ་གེ་</font><hr>Da211b<br><font size=+2>


ཆེན་པོས་དེ་བསོད་སྙོམས་ཀྱིས་ཕོངས་སོ། །དེས་དེ་མཐོང་ནས་སྨྲས་པ། སྲིང་མོ་ཇི་ལྟར་འཚོ་ཞིང་འདུག་།དེས་འཕགས་པ་མུ་གེའི་དུས་ལ་བབ་པས་བསོད་སྙོམས་ཀྱི་ཟས་སུ་ཡང་མི་སྟེར་ཏེ། སྡུག་བསྔལ་ཞིང་འཚོ་མོད། ཅེས་སྨྲས་པ་དང ། དེས་སྲིང་མོ་ང་ལ་བསོད་སྙོམས་འབྱོར་པ་ཡོད་མོད་ཀྱི། བཅོམ་ལྡན་འདས་ཀྱིས་གནང་ན་བསོད་སྙོམས་ཀྱིས་ཕྱེད་སྦྱིན་ནོ། །ཞེས་སྨྲས་པ་དང ། དེ་ཅང་མི་ཟེར་བར་དབྱར་མོ་ཁང་དུ་སོང་ནས། ཇི་ལྟར་གྱུར་པ་དགེ་སློང་མ་དག་ལ་སྨྲས་པ་དང ། དེ་དག་གིས་དགེ་སློང་དག་ལ་སྨྲས་པ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་འདི་འདྲ་བའི་དགེ་སློང་མ་ལ་གང་དགེ་སློང་གིས་བསོད་སྙོམས་ཤིག་འབྱོར་ན། དགེ་སློང་དེས་མུ་གེའི་དུས་ན། དེ་ལ་བསོད་སྙོམས་ཀྱི་ཕྱེད་སྦྱིན་པར་བྱ་སྟེ། དེ་དེ་ལ་ཐེ་ཚོམ་མ་བྱེད་ཅིག་།ཅེས་བཀའ་སྩལ་ཏོ། །བཅོམ་ལྡན་འདས་ཀྱིས་འདི་འདྲ་བའི་དགེ་སློང་མ་ལ་གང་དགེ་སློང་གིས་བསོད་སྙོམས་ཤིག་འབྱོར་ན་དགེ་སློང་དེས་མུ་གེའི་དུས་ལ་བབ་པ་དང ། དེ་ལ་བསོད་སྙོམས་ཀྱི་ཕྱེད་བྱིན་ཅིག་།ཅེས་བཀའ་སྩལ་ནས། དེས་དེ་ལ་བསོད་སྙོམས་ཀྱི་ཕྱེད་བཞག་པ་དང ། དེས་དེ་ཟ་ཞིང་སོང་ངོ ། །དེ་ལ་དུས་ཕྱི་ཞིག་ན་འཕྲལ་ལ་བྱིན་པའི་བསོད་སྙོམས་ཞིག་རྙེད་དེ། དགེ་སློང་དེའི་དྲུང་དུ་མ་སོང་བ་དང ། དགེ་སློང་དེས་བསམས་པ། དེ་ནི་གུད་ནས་ཟས་རྙེད་དུ་ངེས་ཏེ། དེའི་ཕྱིར་འདིར་མ་འོངས་ན། འདི་སུའི་ཕྱིར་བཞག་།སྙམ་དུ་བསམས་</font><hr>Da212a<br><font size=+2>


༄#། །ནས།་དེས་དེ་མ་བཞག་པ་དང ། ཇི་ཙམ་ཞིག་ན་དགེ་སློང་མ་དེ་ཡང་འོངས་ཏེ། དེས་སྲིང་མོ་ཁྱོད་མི་འོངས་སྙམ་ནས། བདག་གི་བསོད་སྙོམས་མ་བཞག་སྟེ། ཟས་འདི་ནི་བཞག་པ་ཞིག་ན་དེ་སྟེ་བཅོམ་ལྡན་འདས་ཀྱིས་གནང་ན་ནི་འདི་བདག་གིས་སྦྱིན་ནོ་ཞེས་སྨྲས་པ་དང ། དེས་དེའི་རྐང་པ་ལ་ཕྱག་བྱས་ནས། དབྱར་མོ་ཁང་དུ་སོང་སྟེ། དེས་ཇི་ལྟར་གྱུར་པ་དགེ་སློང་མ་དག་ལ་སྨྲས་ནས། དེ་དག་གིས་དགེ་སློང་དག་ལ་སྨྲས་ཏེ། དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་གིས་བཞག་པ་དགེ་སློང་མས་བྱིན་ལེན་བྱོས་ལ་བཟའ་བར་གནང་ངོ ། །གང་ཡང་དགེ་སློང་མས་བཞག་པ་དེ་ནི་དགེ་སློང་གིས་བྱིན་ལེན་བྱོས་ཤིག་།འདི་ལ་ཐེ་ཚོམ་མ་བྱེད་པར་དགེ་སློང་མས་ནི་དགེ་སློང་ལ་བྱིན་ལེན་བྱའོ། །དགེ་སློང་དག་གིས་ཀྱང་དགེ་སློང་མ་ལ་བྱིན་ལེན་བྱའོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་དག་གིས་དགེ་སློང་མའི་དགེ་འདུན་གྱི་དབུས་སུ་ཐུན་མོང་མ་ཡིན་པའི་བར་ཆད་ཀྱི་ཆོས་དྲིས་པ་དང ། དེ་ངོ་ཚ་ནས་གདོང་སྨད་དེ་འདུག་གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་དགེ་སློང་མ་ལ་ཐུན་མོང་མ་ཡིན་པའི་བར་ཆད་ཀྱི་ཆོས་དྲི་བར་མི་བྱའོ། །དགེ་སློང་མ་ཉིད་ཀྱིས་དྲིས་ཤིག ། </font><hr>Da212b<br><font size=+2>


དགེ་སློང་གིས་དགེ་སློང་མ་ལ་དགེ་སློང་མ་དེའི་ཐུན་མོང་མ་ཡིན་པའི་བར་ཆད་ཀྱི་ཆོས་འདྲི་ན་འདས་པ་དང་བཅས་པར་འགྱུར་རོ། །དགེ་སློང་དག་གིས་ཐུན་མོང་གི་བར་ཆད་ཀྱི་ཆོས་དྲི་བར་བརྩམས་ན། འོན་ཀྱང་ངོ་ཚ་ནས་མ་སྨྲས་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་དྲུང་དུ་ཞོག་ལ་དྲིས་ཤིག་།དེས་ནི་དགེ་སློང་མལ་སྨྲོས་ཤིག་།དགེ་སློང་མ་དེས་ཀྱང་དགེ་སློང་ལ་སྨྲོས་ཤིག་།གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་ཤཱ་རིའི་བུ་ལ་དགེ་སློང་མ་ཞིག་བསྙེན་པར་རྫོགས་ཏེ། འདི་ལྟར་ཁྱོད་ཤེས་རབ་མཆོག་གི་བསྟན་པ་ལ་བསྙེན་པར་རྫོགས་ནས། ཇི་ལྟར་ཁོམ་པ་ཕུན་སུམ་ཚོགས་པ་རྙེད་པར་དཀའ་བ་འདི་ལ་སྐྱོ་བར་མ་བྱེད་ཅིག་།ཅེས་བསྒོ་བ་དེའི་བར་དུ་དེར་ཁྲག་ཟགས་ནས། དེ་ལ་ཚེ་དང་ལྡན་པ་ཤཱ་རིའི་བུས་སྲིང་མོ་ལོངས་ཏེ་སོང་ཞིག་།ཅེས་སྨྲས་པ་དང ། དེ་ཁྲག་ཟགས་ཏེ་ངོ་ཚ་ནས་ཡིད་ལ་གནོང་བས་མ་ལངས་པ་དང ། ཚེ་དང་ལྡན་པ་ཤཱ་རིའི་བུས་དེ་ཤེས་ནས་སོང་ངོ ། །དེ་ལ་དགེ་སློང་མ་དག་གིས་ནུ་མོ་དཀྱིལ་འཁོར་ཉིད་དུ་ཁྱོད་ཀྱིས་སློབ་དཔོན་ལ་མ་དད་པར་བྱའམ། ལོངས་ཞེས་བསྒོན་\་BཥGཱོ་ཎཱ་?\ཁྱོད་ཅིའི་ཕྱིར་མི་ལྡང་ཞེས་སྨྲས་པ་དང ། དེས་ཕུ་ནུ་མོ་དག་འདི་ནི་ཡོན་ཏན་ཆེན་པོའོ། །བདག་ལ་འདི་ལྟ་བུ་ལས་མེད་ན་ཁྱེད་ཀྱང་འདི་སྐད་སྨྲའམ། བདག་ཙོག་བུར་འདུག་པས་ཁྲག་ཟགས་ན། ཇི་ལྟར་ལྡང་ཞེས་སྨྲས་པ་དང ། དེ་དག་ཅང་མི་ཟེར་བར་འདུག་གོ། དེ་ལྟར་གྱུར་པ་དེ་དག་</font><hr>Da213a<br><font size=+2>


༄#། །གིས་དགེ་སློང་དག་ལ་བྱས་ནས། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མ་བསྙེན་པར་རྫོགས་པར་བྱེད་པ་ཙོག་ཕུར་མ་འདུག་པར་ཕ་གུའམ། རྩཝའམ། སྟན་ནང་ཚངས་ཅན་གྱི་སྟེང་དུ་གཞག་པར་བྱ་སྟེ། བུད་མེད་ལྟོ་སྙི་བའི་ཕྱིར་རོ། །སྔོ་མ་\་ཥཌཱོཾ་?\ནི། དགེ་སློང་ལྷག་མ་མི་རུང་སྟེ། མི་གཙང་བ་ནི་རྐེད་ཆིངས་དང ། ནུ་ཆིངས་དང་ཡང་ནུ་རྟེན་གྱིས། །བར་ཆད་དེ་དག་བཅང་མི་བྱ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་གོའུ་ཏ་མི་སྐྱེ་དགུའི་བདག་མོ་ཆེན་མོ། །འཁོར་ལྔ་བརྒྱ་དང་ལྗོངས་རྒྱུ་ཞིང་དོང་བ་ལས། ཉི་མ་ནུབ་ཀར་ཛེ་ཏའི་ཚལ་དུ་ཕྱིན་ནས་དེས་མཉན་དུ་ཡོད་པར་འདོང་དུ་ནི་དུས་ལས་ཡོལ་ན་འདི་ཉིད་དུ་འདི་ཇི་ལྟ་བུ་དེ་ལྟ་བུར་ནུབ་མོ་གནས་ཏེ། ནང་བར་ནམ་ནངས་ནས་དོང་ངོ་སྙམ་བསམས་ཏེ། དེ་ས་ལ་ཉལ་བས་དེའི་ཆོས་གོས་རྣམས་རྡུལ་གྱིས་གོས་པར་གྱུར་ཏོ། །དེ་ནང་བར་ནམ་ནངས་ནས་ཕྱིར་ཡང་འོང་དགོས་ཀྱི་ཅིག་ཅར་སྟོན་པ་ལ་ཕྱག་བྱས་ཏེ་འདོང་ངོ་སྙམ་བསམས་ནས། དེ་དག་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་བྱས་ཏེ། སྤྱན་སྔར་འཁོད་པ་དང ། བཅོམ་ལྡན་འདས་ཀྱིས་དེའི་ཆོས་གོས་རྡུལ་གྱིས་གོས་པར་</font><hr>Da213b<br><font size=+2>


གཟིགས་ནས། གོའུ་ཏ་མི་ཁྱོད་ཀྱི་ཆོས་གོས་ལ་རྡུལ་སུས་བསྒོས། ཞེས་རྨས་པ་དང ། དེས་ཇི་ལྟར་གྱུར་པ་ཞིབ་ཏུ་གསོལ་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དགེ་སློང་དག་གི་དགེ་སློང་མ་ལ་དགེ་སློང་གི་མལ་སྟན་གྱི་ལྷག་མ་མ་བྱིན་ནམ། མ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་ལྟ་བས་ན་གནང་བ་ནི་དགེ་སློང་གི་མལ་སྟན་གྱི་ལྷག་མ་དགེ་སློང་མ་ལ་བྱིན་ཅིག་།དེ་ལ་ཐེ་ཚོམ་མ་བྱེད་ཅིག་།བཅོམ་ལྡན་འདས་ཀྱིས་དགེ་སློང་དག་གིས་དགེ་སློང་གི་མལ་སྟན་གྱི་ལྷག་མ་དགེ་སློང་མ་ལ་བྱིན་ཅིག་།ཅེས་བཀའ་སྩལ་པ། དགེ་སློང་གཞན་གྱིས་མལ་སྟན་ཤིན་ཏུ་བཟང་པོ་བླངས་ཏེ། དེའི་ལྷག་མ་དགེ་སློང་དག་གིས་དགེ་སློང་མ་དེ་དག་ལ་སྦྱིན་ནས། བཅོམ་ལྡན་འདས་ཀྱིས་བཀའ་སྩལ་པ། བཟང་པོ་ལས་མ་སྦྱིན་པར་གོས་རྙིང་པའམ། སྣམ་བུའམ། རས་ལྟ་བུ་ལས་བྱིན་ཅིག་།གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང་ཆོས་གོས་གྱོན། ལྷུང་བཟེད་ཐོགས་ཏེ། མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་སོ། །དགེ་སློང་མ་སྦོམ་དགའ་མོ་ཡང་གཙུག་ལག་ཁང་དུ་ཞུགས་ཏེ། སྟོན་གྱི་དུས་སུ་གྱུར་པས་ཆུ་བོ་རྣམས་ཆུས་གང་བས་ན། ཚེ་དང་ལྡན་པ་འོད་སྲུང་ཆེན་པོ་ཟམ་པ་ལ་རྒལ་བ་དང ། སྦོམ་དགའ་མོས་མཐོང་ནས། དེ་བསམས་པ། བླུན་པོ་འདི་མི་དགའ་བར་</font><hr>Da214a<br><font size=+2>


༄#། །འགྱུར་བ་ཞིག་བྱའོ། །སྙམ་ནས། དེ་འགྲོས་མགྱོགས་ཤིང་མྱུར་དུ་སོང་སྟེ། དེ་ཟམ་པ་རྒྱལ་བ་དེས་ཟམ་པ་དེ་བསྒུལ་བ་དང ། ཚེ་དང་ལྡན་པ་འོད་སྲུང་ཆེན་པོ་ལྷུང་ནས། དེའི་སྦྱར་མ་དང ། ཤམ་ཐབས་དག་ཆུས་གཤེར། ལྷུང་བཟེད་ཤོར་བ་ཆུར་ནུབ་བོ། །འཁར་གསིལ་ནི་ཁྱེར་རོ། །དེས་སྨྲས་པ། སྲིང་མོ་ཁྱོད་ཀྱིས་ནི་མ་ཉེས་ཀྱི། ཚེ་དང་ལྡན་པ་ཀུན་དགའ་བོས་ཉེས་ཏེ། འདི་ལྟར་ཉེས་པ་སྦོམ་པོ་སྤྱོད་པའི་བུད་མེད་རྣམས་ལེགས་པར་བཤད་པའི་ཆོས་འདུལ་བ་ལས་རབ་ཏུ་ཕྱུང་བསྙེན་པར་རྫོགས་ནས། དགེ་སློང་མའི་དངོས་པོར་རྗེས་སུ་ཡི་རང་བས་ལན་ནོ། །དེ་ལྟར་གྱུར་པ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགོངས་པ། གང་སུ་ཞིག་དགེ་སློང་མ་དང ། དགེ་སློང་ལྷན་ཅིག་ཏུ་ཟམ་པ་གཅིག་ལ་རྒལ་ན་ཉེས་པའི་དམིགས་ཡིན་ཏེ། དེ་ལྟ་བས་ན། དགེ་སློང་མས་དགེ་སློང་ཕ་དང་ལྷན་ཅིག་ཏུ་ཟམ་པ་གཅིག་ལམ་རྒལ་ཅིག་།རྒལ་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་དགེ་སློང་མ་དགེ་སློང་དང་ལྷན་ཅིག་ཏུ་ཟམ་པ་གཅིག་ཏུ་མ་རྒལ་ཅིག་།ཅེས་བཀའ་སྩལ་པ་དང ། ཟམ་པ་བརྟན་པ་ཞེང་ཆེན་པོ་གཞན་ལ་ཡང་དེ་དག་མ་རྒལ་ནས། བཅོམ་ལྡན་འདས་ཀྱིས་བཀའ་སྩལ་པ། ཟམ་པ་གང་བརྟན་ཞིང་ཞེང་ཆེ་བ་ལ་ནི་དེ་དག་རྒལ་བར་བྱ་སྟེ། དེ་ལ་ཐེ་ཚོམ་དུ་མ་བྱེད་ཅིག་།གླེང་གཞི་ནི་མཉན་དུ་</font><hr>Da214b<br><font size=+2>


ཡོད་པ་ན་སྟེ། དེ་ན་དགེ་སློང་མ་སྦོམ་དགའ་མོ་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་ནས། རིམ་བཞིན་དུ་བཙུན་མོ་ཕྲེང་ལྡན་མའི་དྲུང་དུ་སོང་བ་དང ། དེས་བདེ་བར་འོངས་པའི་ཚིག་སྙན་པར་སྨྲས་ནས་སྟན་བ་ཏིང་ངོ ། །དེ་གཏམ་ཟེར་ཞིང་སྐད་ཅིག་འདུག་ནས། ཕྲེང་ལྡན་མ་ཁྱོད་ཀྱིས་རྐེད་པ་ཕྲ་ཞིང་ཕྲའོ། །ཞེས་སྨྲས་པ་དང ། དེས་འཕགས་མ་ཁྱོད་ཀྱིས་འདི་དྲིས་ཏེ། ཅི་དགོས། བདག་ནི་ཅི་ནས་ཀྱང་རྣམ་པ་གང་གིས་ལྷའི་སེམས་མཉེས་པར་བྱེད་དོ། །ཞེས་སྨྲས་པ་དང ། ཕྲེང་ལྡན་མ་དོ་བཞིན་མོད་ཀྱི་འོན་ཀྱང་ཐེ་ཚོམ་དགྲོལ་བ་ཙམ་དུ་དྲིས། སྨྲོས་ཤིག་ཅེས་བྱས་པ་དང ། དེས་འཕགས་མ་བདག་གིས་རྐེད་ཆིངས་བཅངས་སོ། །ཞེས་སྨྲས་པ་དང ། དེས་ལེགས་ཏེ། དེའི་ཕྱིར་ཁྱོད་ལ་སྐྱེ་བོ་མང་པོ་དག་གིས་ཡིད་མགུ་བ་དང ། དགའ་བར་བྱེད་དོ། །ཞེས་སྨྲས་པ་དང ། དེ་ཅང་མི་ཟེར་བར་འདུག་གོ། སྦོམ་དགའ་མོ་དབྱར་མོ་ཁང་དུ་སོང་ནས། རྐེད་ཆིངས་བཅངས་སོ། །དུས་ཕྱི་ཞིག་ན། སྦོམ་དགའ་མོ་ཆུ་བོ་ཨ་ཛི་ར་བ་ཏིའི་དྲུང་ན། དགེ་སློང་མ་དག་དང་ལྷན་ཅིག་ཁྲུས་བྱེད་པ་ན། དེ་དག་གིས་མཐོང་ནས། འཕགས་མ་བདག་ཅག་གི་རྐེད་པ་ནི། སྦོམ་ཞིང་སྦོམ་ལ། ཁྱོད་ཀྱི་ཕྲ་ཞིང་ཕྲ་བ་འདི་ཅི་ཞིག་གི་ཕྱིར་ཞེས་དྲིས་པ་དང ། དེས་ནུ་མོ་དག་།བདག་གིས་ནི་རྐེད་ཆིངས་བཅངས་སོ། །དེ་བས་ན་བདག་གི་རྐེད་པ་འདི་འདྲའོ། །ཞེས་སྨྲས་སོ། །དེ་དག་གིས་འཕགས་མ་ཁྱོད་</font><hr>Da215a<br><font size=+2>


༄#། །རྐེད་ཆིངས་བཅང་དུ་རུང་ངམ། ཞེས་དྲིས་པ་དང ། དེས་ནུ་མོ་དག་རུང་ཡང་བླ། མི་རུང་ཡང་བླ་སྟེ། བདག་གིས་ནི་བཅངས་སོ། །ཞེས་སྨྲས་པ་དང ། དགེ་སློང་མ་དག་འཕྱ་ཞིང་སྨོད་དོ། །ངན་དུ་ཟེར་བ་ནི་དགེ་སློང་མས་རྐེད་ཆིངས་འཆང་བ་ལྟ་ག་ལ་སྲིད། དེ་ལྟར་གྱུར་པ་དེ་དག་གིས་དགེ་སློང་རྣམས་ལ་སྨྲས་པ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མས་རྐེད་ཆིངས་མ་འཆང་ཞིག་།དགེ་སློང་མས་རྐེད་ཆིངས་བཅངས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་དགེ་སློང་མ་སྦོམ་དགའ་མོས་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ། སྔ་མ་བཞིན་དུ་སྐད་ཅིག་འདུག་པའི་བར་དུ་གཏམ་བྱས་པ་དང ། ཕྲེང་ལྡན་མ་ཁྱོད་ཀྱི་ནུ་མ་ཅིའི་ཕྱིར་མཐོ་ཞིང་འགྲེང ། ཞེས་དྲིས་པ་དང ། འཕགས་མ་འདི་དྲིས་ཏེ། ཁྱོད་ལ་ཅི་དགོས། བདག་ནི་རྣམ་པ་ཅི་དང་ཅིས་ཀྱང་ལྷའི་སེམས་མཉེས་པར་བྱེད་དོ། །ཞེས་སྨྲས་པ་དང ། དེས་ཕྲེང་ལྡན་མ་དེ་བཞིན་མོད་ཀྱི། ཐེ་ཚོམ་འགྲོལ་བའི་ཕྱིར་སྨྲོས་ཤིག་།ཅེས་སྨྲས་པ་དང ། དེས་འཕགས་མ་བདག་ནི་ནུ་རྟེན་འཆང་ངོ་ཞེས་སྨྲས་སོ། །དེས་ལེགས་སོ། །དེ་ལྟ་བས་ན། ལྷ་མོ་ཁྱོད་ནི་བུད་མེད་རིན་པོ་ཆེའོ། །ཞེས་སྨྲས་པ་དང ། དེ་ཅང་མི་ཟེར་བར་འདུག་གོ། སྦོམ་དགའ་མོ་དབྱར་མོ་</font><hr>Da215b<br><font size=+2>


ཁང་དུ་སོང་ངོ ། །དེས་དབྱར་མོ་ཁང་དུ་སོང་ནས་ནུ་རྟེན་བཅངས་པ་ནས། སྔ་མ་དང་འདྲ་བའི་བར་དུ་སྟེ། དེ་ལྟ་བས་ན་དགེ་སློང་དག་དགེ་སློང་མས་ནུ་རྟེན་མ་འཆང་ཞིག་།དགེ་སློང་མས་ནུ་རྟེན་བཅངས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་དགེ་སློང་མ་སྦོམ་དགའ་མོས་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ། སྔ་མ་དང་འདྲ་བ་ནས་སྐད་ཅིག་གཏམ་ཟེར་ཞིང་འདུག་པའི་བར་དུ་ཕྲེང་ལྡན་མ་ལ་ཅིའི་ཕྱིར་ཁྱོད་ཀྱི་ནུ་མ་འཕྱར། ཞེས་དྲིས་པ་དང ། དེས་འཕགས་མ་འདི་དྲིས་ཏེ་ཁྱོད་ལ་ཅི་དགོས། བདག་ནི་རྣམ་པ་ཅི་དང་ཅིས་ལྷའི་སེམས་མཉེས་པར་བྱེད་དོ། །ཞེས་སྨྲས་པ་དང ། ཕྲེང་ལྡན་མ་དེ་བཞིན་མོད་ཀྱི། ཐེ་ཚོམ་དགྲོལ་བའི་ཕྱིར་དྲིས་པ་སྨྲོས་ཤིག་།དེས་འཕགས་མ། བདག་ནི་ནུ་མའི་བར་ཆད་འཆང་ངོ ། །ཞེས་སྨྲས་པ་དང ། དེས་ལེགས་སོ། །ཞེས་བྱས་ནས། ཁྱོད་ལ་གང་གི་བཙུན་མོ་དག་དགའ་ཞིང་ཡིད་མགུའོ། །ཞེས་སྨྲས་པ་དང ། ངེ་ཅང་མི་ཟེར་བར་འདུག་གོ། སྦོམ་དགའ་མོ་དབྱར་མོ་ཁང་དུ་སོང་ངོ ། །དེ་དབྱར་མོ་ཁང་དུ་སོང་ནས། ནུ་མའི་བར་ཆད་བཅངས་པ་ནས་སྔ་མ་དང་འདྲ་བའི་བར་དུ་སྟེ། དེ་ལྟ་བས་ན་དགེ་སློང་མས་ནུ་མའི་བར་ཆད་མ་འཆང་ཞིག་།དགེ་སློང་མས་ནུ་མའི་བར་ཆད་བཅངས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་དགེ་སློང་མ་རྐེད་ཆིངས་མ་འཆད་</font><hr>Da216a<br><font size=+2>


༄#། །ཞིག་།ཅེས་གསུངས་པ་དང ། སྦོམ་དགའ་མོ་རས་ཅི་དང་ཅི་ཡང་རུང ། དེས་རྐེད་པ་བཅིངས་པ་དང ། དེ་ནས་དུས་ཕྱི་ཞིག་ན་སྦོམ་དགའ་མོ་ཆུ་བོ་ཨ་ཇི་ར་བ་ཏིར་དགེ་སློང་མ་དང་ལྷན་ཅིག་ཏུ་ཁྲུས་བྱེད་པ་དེ་དག་གིས་དེ་མཐོང་ནས། འཕགས་མ་དགེ་སློང་མའི་རྐེད་པ་རྐེད་ཆིངས་ཀྱིས་བཅིང་དུ། བཅོམ་ལྡན་འདས་ཀྱིས་མ་གནང་ན་ཁྱོད་ཀྱི་རྐེད་པ་ཕྲ་བ་ཕྲ་བ། ཞེས་དྲིས་པ་དང ། དེས་ནུ་མོ་བདག་ནི་རས་ཅི་དང་ཅི་ཡང་རུང་བས་དཀྲིས་སོ། །ཞེས་སྨྲས་པ་དང ། དེ་དག་གིས་ཁྱེད་རས་ཅི་དང་ཅིས་ཀྱང་དཀྲིར་རུང་ངམ། ཞེས་དྲིས་པ་དང ། དེས་ནུ་མོ་དག་རུང་ཡང་བླ། མི་རུང་ཡང་བླ་སྟེ། བདག་གིས་ནི་བཅིངས་སོ་ཞེས་ཟེར་བ་དང ། དགེ་སློང་མ་དག་འཕྱ་སྨོད་ངན་དུ་ཟེར་བ་ནི་དགེ་སློང་མས་རས་ཅི་དང་ཅིས་ཀྱང་རྐེད་པ་དཀྲི་བ་ག་ལ་རིགས། དེ་ལྟར་གྱུར་པ་དེ་དག་གིས་སྔ་མ་དང་འདྲ་བའི་བར་དུ་སྟེ། དགེ་སློང་མས་རས་ཅི་དང་ཅིས་ཀྱང་རུང ། རྐེད་པ་མ་དཀྲི་ཞིག་།དགེ་སློང་མས་རས་ཅི་དང་ཅིས་ཀྱང་རུང་རྐེད་པ་དཀྲིས་ན་འདས་པ་དང་བཅས་པར་འགྱུར་རོ། །སྡོམ་ནི། བཙོག་པའི་གནས་སུ་མི་དོར་ཏེ། །མངལ་དང་མི་གཙང་མི་བཏུང་ངོ ། །བདག་གི་བུ་ལ་རེག་པར་བྱ། །གཞན་གྱི་བུ་ལ་རེག་མི་བྱ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། ཚེ་དང་</font><hr>Da216b<br><font size=+2>


ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ། མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་སོ། །དགེ་སློང་མ་སྦོམ་དགའ་མོ་ཡང་བསོད་སྙོམས་ཀྱི་ཕྱིར་ཞུགས་པ་དང ། ཚེ་དང་ལྡན་པ་འོད་སྲུང་ཆེན་པོ་བཤང་སའི་ཆུ་ཁུང་དང་ཉེ་བ་ཞིག་ནས་མར་སོང་བ་དང ། སྦོམ་དགའ་མོས་མཐོང་སྟེ། དེས་བསམས་པ། བླུན་པོ་འདི་ལ་མི་དགའ་བར་གྱུར་པ་ཞིག་བྱའོ། །སྙམ་ནས། མྱུར་ཞིང་རིངས་པར་སོང་སྟེ། བཤང་སའི་ཆུ་ཁུང་གི་ནང་དུ་ཕ་གུ་འཕངས་པ་དང ། ཚེ་དང་ལྡན་པ་འོད་སྲུང་ཆེན་པོའི་ཆོས་གོས་དང་བསོད་སྙོམས་ཀྱི་སྣོད་ཐམས་ཅད་མ་རུང་པར་བྱས་ནས། དེས་སྨྲས་པ་དང ། སྲིང་མོ་ཁྱོད་ཀྱིས་ནི་མ་ཉེས་པ་ནས། སྔ་མ་བཞིན་ཏེ། དེ་ལྟར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པའི་བར་དུ་སྟེ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་།དགེ་སློང་མས་དགེ་སློང་ཕ་ལ་མི་གཙང་བས་མ་རུང་པར་མ་བྱེད་ཅིག་།དགེ་སློང་ཕ་ལ་མི་གཙང་བས་མ་རུང་བར་བྱེད་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གཞན་ཞིག་ཕྱུག་ཅིང་ནོར་མང་བ་ལོངས་སྤྱོད་ཆེ་བ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་ཞིག་བླངས་ཏེ། དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་དུས་ཕྱི་ཞིག་ན་ཟོང་ཁྱེར་ནས་ཡུལ་གཞན་དུ་སོང་བ་དང ། དེས་</font><hr>Da217a<br><font size=+2>


༄#། །ཆུང་མ་ལ་སྨྲས་པ། བཟང་མོ་ཟོང་ཁྱེར་ཏེ་ཡུལ་གཞན་དུ་འགྲོ་ཡི། ཁྱོད་མ་གཡེང་ཞིང་བག་ཡོད་པར་ཁྱིམ་སྲུངས་ཤིག་།དེས་ཇོ་བོ་ལེགས་ཏེ། དེ་བཞིན་དུ་བགྱི་ཡི། དུས་དུས་སུ་གཏམ་སྤྲིངས་ཤིག་།ཅེས་སྨྲས་སོ། །དེ་ཟོང་ཁྱེར་ཏེ་ཡུལ་གཞན་དུ་སོང་བ་དང ། དེའི་ཆུང་མ་གོས་དང ། ཟས་བཟང་བའི་ཕྱིར་ཉོན་མོངས་པས་གཟིར་བར་གྱུར་ཏེ། དེས་སྐྱེས་པ་གཞན་ཞིག་དང་ལྷན་ཅིག་ཏུ་ཡོངས་སུ་སྤྱད་པས་སེམས་ཅན་དང་ལྡན་པར་གྱུར་ནས། བསམས་པ། མངལ་ན་གནས་པ་གསད་དོ། །བདག་གི་ཁྱོ་འོངས་པ་དང་མ་རུང་བར་བྱེད་དོ། །སྙམ་ནས། དེས་མངལ་ན་གནས་པ་བསད་ནས་ལྷུང་བར་བྱས་ཏེ། འདི་ཇི་ལྟར་དོར། གང་དུ་དོར་མི་ཤེས་ཏེ། རབ་ཏུ་སེམས་ཁོང་དུ་ཆུད་ཅིང་འདུག་པ་དང ། སྦོམ་དགའ་མོ་ཁྱིམ་དེར་བསོད་སྙོམས་ལ་ཞུགས་ཏེ། དེས་མཚན་བཟང་མ་བསོད་སྙོམས་བྱིན་ཅིག་།ཅེས་སྨྲས་པ་དང ། དེས་བདག་ནི་མི་དགའ་བས་གཟིར་བས་བསོད་སྙོམས་སྦྱིན་དུ་སུ་ཡང་མེད་ཀྱི་བཞུད། ཅེས་སྨྲས་པ་དང ། དེས་སྨྲས་པ། མཚན་བཟང་མ་མི་ཤིའམ། གཅིག་མེད་དམ། དེས་འཕགས་མ་སུ་ཡང་མ་ཤི་མོད་ཀྱི། བདག་ལས་བུ་ཞིག་བྱུང་སྟེ། ཇི་ལྟར་དོར། གང་དུ་དོར་བ་བདག་གིས་མི་ཤེས་སོ། །ཞེས་སྨྲས་པ་དང ། དེས་སྨྲས་པ། མཚན་བཟང་མ་དེས་བདག་གིས་དོར་ན་བདག་ལ་བསོད་སྙོམས་སྦྱིན་ནམ། འཕགས་མ་གསོལ་ལོ། །ཕྱི་བཞིན་</font><hr>Da217b<br><font size=+2>


འབྲང་བའི་དགེ་སློང་མ་ལ་ཡང་སྦྱིན་ནམ། གསོལ་ལོ། །དགེ་སྐོས་ལ་ཡང་སྦྱིན་ནམ། གསོལ་ལོ། །ལེགས་ཀྱི་དོར་རོ། །དེས་དེ་ལྷུང་བཟེད་ཆེན་པོར་བཅུག་གོ། ཁང་པ་སྟོང་པར་ཁྱེར་ནས་དེར་དོར་བ་ལ་ཞུགས་པ་དང ། ཁྱིམ་སྟོང་པ་དེར་སྔར་སྐྱེས་པ་ཞིག་ཞུགས་པ་དེས་མཐོང་ནས། དེས་མགོ་རེག་དགེ་སྦྱོང་མ་ཅི་བྱེད། ཅེས་དྲིས་པ་དང ། དེས་ཁྱེད་ཅག་ལྟ་བུ་ནལ་གྱི་བུ་དང ། སུའི་བུ་རྟོལ་མེད་པས་རིགས་དང་ལྡན་པའི་བུད་མེད་འདི་འདྲ་བའི་ལས་པ་བྱས་ཏེ་དོར་རོ། །ཞེས་སྨྲས་པ་དང ། དེས་དེ་ལ་བརྒྱད་བཀག་སྟེ་སོང་ངོ ། །དེས་དགེ་སློང་མ་ཞིག་མཐོང་ནས་དགེ་སློང་མ་མི་སྲུན་མ་ཁྱེད་ཀྱི་སྦོམ་དགའ་མོས་འདི་དང་འདི་ལྟ་བུ་བྱས་སོ། །ཞེས་སྨྲས་པ་དང ། དེ་ལན་མེད་ནས་ཅང་མི་ཟེར་བར་འདུག་གོ་།དེ་ལྟར་གྱུར་པ་དགེ་སློང་མ་དག་གིས་དགེ་སློང་ཕ་དག་ལ་སྨྲས་ཏེ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགོངས་པ། འདི་ལྟར་དགེ་སློང་མས་ལྷུང་བཟེད་ཆེན་པོ་འཆང་ན་ཉེས་པའི་དམིགས་ཡིན་ཏེ། དེ་ལྟ་བས་ན་དགེ་སློང་མ་དག་གིས་ལྷུང་བཟེད་ཆེན་པོ་མི་བཅང་བར་མཁྱེན་ནས། དགེ་སློང་དག་ལ་བཀའ་སྩལ་པ། དགེ་སློང་དག་དགེ་སྦྱོང་མ་ཡིན་པའི་སྦོམ་དགའ་མོས་དགེ་སློང་མ་མ་ཡིན་པ་བྱས་ཏེ། དེ་ལྟ་བས་ན་དགེ་སློང་མས་འདི་འདྲ་བའི་ལས་མི་བྱ་སྟེ། ལྷུང་བཟེད་ཆེན་པོ་ཡང་མ་འཆང་ཞིག་།དགེ་སློང་མས་དེ་འདྲ་བའི་ལས་བྱེད་</font><hr>Da218a<br><font size=+2>


༄#། །དམ། ལྷུང་བཟེད་ཆེན་པོ་འཆང་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མས་ལྷུང་བཟེད་ཆེན་པོ་མ་འཆང་ཞིག་།བཅོམ་ལྡན་འདས་ཀྱིས་བཀའ་སྩལ་པ་གང ། དགེ་སློང་གིས་ལྷུང་བཟེད་ཆུང་ངུ་ནི་དགེ་སློང་མའི་ཆེན་པོའོ། །གླེང་གཞི་ནི་མཉན་དུ་ཡོད་པ་ན་སྟེ། ནམ་དགེ་སློང་མ་གུབ་ཏས་གཅིན་གྱི་ཐིགས་པ་གཅིག་ནི་ཁར་བླུགས། གཅིག་ནི་མངལ་གྱི་སྒོར་བཅུག་པ་དང ། སེམས་ཅན་གྱི་ལས་ཀྱི་རྣམ་པ་བསམ་གྱིས་མི་ཁྱབ་པས་གཞོན་ནུ་འོད་སྲུང་བྱུང་སྟེ། དེ་ལ་གུབ་ཏས་མ་རེག་པ་དང ། དེ་དུ་ནས་དེའི་གཉེན་བཤེས་དག་གིས། གུབ་ཏ། ཁྱེའུ་ཅིའི་ཕྱིར་དུ་ཞེས་དྲིས་པ་དང ། དེ་ཅང་མི་ཟེར་ནས། དགེ་སློང་མ་དག་གིས་ཚེ་དང་ལྡན་པ་བཅོམ་ལྡན་འདས་ཀྱིས་བསླབ་པའི་གཞི་བཅས་ཏེ། དགེ་སློང་མས་སྐྱེས་པ་ལ་མ་རེག་ཅིག་།འདིས་དེ་ལ་མ་རེག་སྟེ། དེ་བས་ན་དུའོ་ཞེས་སྨྲས་པ་དང ། དེ་དག་གིས་བཅོམ་ལྡན་འདས་ནི་ཐུགས་རྗེ་ཅན་ན་ཅིའི་ཕྱིར་ན་རང་གི་བུ་ལ་རེག་པ་འགོག་པར་འགྱུར། བྱིས་པ་ཁྱེའུ་འདི་ལ་དེ་སྟེ་མས་མ་རེག་ན་འདི་དུས་བྱེད་པར་ངེས་སོ། །ཞེས་སྨྲས་པ་དང ། དེ་དག་གིས་ལེགས་ཀྱི། དེ་ལྟ་བས་ན། བཅོམ་ལྡན་འདས་མཁྱེན་པར་བྱའོ་ཞེས་སྨྲས་སོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་</font><hr>Da218b<br><font size=+2>


གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གི་རེག་པར་བྱའོ། །བསྙོད་པར་བྱའོ། །གསོ་བར་བྱའོ། །བསྐྱེད་པར་བྱའོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་བསྙོད་པར་བྱའོ། །གསོ་བར་བྱའོ། །བསྐྱེད་པར་བྱའོ། །ཞེས་གསུངས་པ་དང ། བུད་མེད་ནི་སྲེད་པ་ཅན་ཏེ། དགེ་སློང་མ་དག་གིས་པང་པ་ནས་པང་པར་ཁྱེར་ཏེ་དེ་པང་པ་ནས་པང་པར་སྤོས་པས་རིད་ཅིང་ཉམ་ཆུང་སྟེ། རྐེ་ནས་ལུས་རྨྱ་ཞིང་མ་རྟས་པར་གྱུར་པ་དང ། དེའི་གཉེན་བཤེས་དག་གིས་མཐོང་ནས། དེ་དག་གིས་ཅིའི་ཕྱིར་ཁྱེའུ་འདི་རིད་ཅིང་ཉམ་ཆུང་ལ་རྨྱ་སྟེ། ལུས་མ་རྟས་པར་གྱུར། ཅེས་དྲིས་པ་དང ། དེས་དེ་དག་ལ་ཞིབ་ཏུ་སྨྲས་ན། གཉེན་དེ་དག་བྱམས་པས་འཕྱ་བ་ལ་ཞུགས་པ་དང ། དེ་ལྟར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མ་དག་དགེ་སློང་མས་གཞན་གྱི་བུ་ལ་མ་རེག་ཅིག་།གཞན་གྱི་བུ་ལ་རེག་ན་འདས་པ་དང་བཅས་པར་འགྱུར་རོ། །ཕྲ་མོའི་སྒོ་དྲུག་རྫོགས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་པ། བསྡུས་པའི་སྡོམ་ནི། ཐེ་ཚོམ་དང་ཡང་དགོན་པ་ལ། །སང་ཀ་ཀྵི་དང་གཉིས་ཀྱི་ཕྱིར། །དགེ་སློང་ཆང་འཚོང་དག་ལའམ། །དགེ་སློང་མ་དང་ཕྱི་རོལ་གྱི། །སྡོམ་ནི། ཐེ་ཚོམ་ལྷན་ཅིག་ཉལ་བ་ཡང ། །གཞན་དུ་</font><hr>Da219a<br><font size=+2>


༄#། །གཅིག་པུ་མ་གནས་ཤིག་།ཁྱེའུ་དང་བུ་མོ་དེ་བཞིན་ཏེ། །ཉེ་གནས་དང་ཡང་རང་དུའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས། དགེ་སློང་མ་སྐྱེས་པ་དང་ལྷན་ཅིག་ཏུ་ཁང་པ་གཅིག་ཏུ་མ་ཉལ་ཅིག། ཅེས་བཀའ་སྩལ་པ་དང ། དགེ་སློང་མ་གུབ་ཏའི་བུ་འོད་སྲུང་གཞོན་ནུ་ཕྱི་རོལ་ཏུ་བསྙལ་བ་དང ། དེ་གཅིག་པུ་ངུ་ནས་དེའི་གཉེན་བཤེས་དག་གིས་ཐོས་ཏེ། དེ་དག་གིས་གུབ་ཏ་ལ་ཁྱེའུ་འོད་སྲུང་གཞོན་ནུ་ཅིའི་ཕྱིར་དུ། ཞེས་དྲིས་པ་དང ། དེ་ཅང་མི་ཟེར་བར་འདུག་ནས། དགེ་སློང་མ་དག་གིས་ཚེ་དང་ལྡན་པ་རྣམས། བཅོམ་ལྡན་འདས་ཀྱིས་ནི་དགེ་སློང་མ་སྐྱེས་པ་དང་ལྷན་ཅིག་ཁྱིམ་གཅིག་གི་ནང་དུ་ཉལ་དུ་མི་རུང་བར་བསླབ་པའི་གཞི་བཅས་པས་གུབ་ཏ་འདི་དང་ལྷན་ཅིག་ཁྱིམ་གཅིག་གི་ནང་དུ་ཉལ་དུ་མི་རུང་ངོ ། །དེ་དག་གིས་འཕགས་མ། བཅོམ་ལྡན་འདས་ནི་ཐུགས་རྗེ་ཅན་ཏེ། དེ་སྟེ་གཞོན་ནུ་འོད་སྲུང་གུབ་ཏ་དང་ལྷན་ཅིག་ཏུ་ཁང་པ་གཅིག་ཏུ་ཉལ་དུ་མ་གནང་ན་ནི་གཅིག་པུ་གདོན་མི་ཟ་བར་དོན་མེད་པར་འགྱུར་རོ། །ཞེས་སྨྲས་པ་དང ། དེ་དག་གིས་དེ་ལྟར་ན་བཅོམ་ལྡན་འདས་མཁྱེན་པར་གསོལ་ཞེས་སྨྲས་ནས། དེ་ལྟར་གྱུར་པ་དེ་དག་གིས་དགེ་སློང་ལ་སྨྲས། དགེ་སློང་དག་གིས་བཅོམ་ལྡན་འདས་ལ་</font><hr>Da219b<br><font size=+2>


གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་བས་ན་གནང་གི། དགེ་སློང་མ་གུབ་ཏ་བུ་དང་ལྷན་ཅིག་ཏུ་ཁང་པ་གཅིག་ཏུ་ཉལ་བར་དགེ་སློང་མའི་དགེ་འདུན་ལས་སྡོམ་པ་གསོལ་ཅིག་།གསོལ་བ་ཡང་འདི་ལྟར་བྱའོ། །སྟན་བཏིང་ལ་གཎྜའི་བརྡུངས་ཏེ། དགེ་སློང་མའི་དགེ་འདུན་མ་ཐམས་ཅད་འདུས་ཤིང་འཁོད་པ་དང ། དགེ་སློང་མ་གུབ་ཏས་ཇི་ལྟར་རྒན་རིམས་ནས་ཕྱག་བྱས་ཏེ་རྒན་མོའི་དྲུང་དུ་ཕ་གུའམ། རྩཝའམ། སྟན་ནང་ཚངས་ཅན་གྱི་སྟེན་དུ་འདུག་སྟེ། ཐལ་མོ་སྦྱར་ལ་འདི་སྐད་བརྗོད་ཅིག། གསོན་ཅིག་འཕགས་མའི་དགེ་འདུན་མ་རྣམས། བདག་གུབ་ཏ་ལས་བུ་ཁྱེའུ་ཞིག་བཙས་ཏེ་བདག་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་འཕགས་མའི་དགེ་འདུན་མ་རྣམས་ལ་གསོལ་ན། འཕགས་མའི་དགེ་འདུན་གྱིས་གུབ་ཏ་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་བརྩེ་བ་ཅན་བརྩེ་བའི་ཕྱིར་སྩོལ་ཅིག་།འདི་བཞིན་ལན་གཉིས་ལན་གསུམ་དུ་བྱའོ། །དེའི་འོག་ཏུ་དགེ་སློང་མ་གཅིག་གིས་གུབ་ཏ་ཐོས་པའི་ཉེ་འཁོར་ནས་སྤངས་ཏེ། མཐོང་བའི་གནས་སུ་ཞོག་ལ། འདི་སྐད་སྨྲོས་ཤིག་།གསོན་ཅིག་འཕགས་མའི་དགེ་འདུན་མ་རྣམས། གུབ་ཏ་འདི་ལས་ཁྱེའུ་ཞིག་བཙས་ཏེ། དེ་ཡང་བུ་དང་ལྷན་ཅིག་ཁྱིམ་གཅིག་ན་ཉལ་བའི་སྡོམ་པ་འཕགས་མའི་དགེ་འདུན་མ་རྣམས་ལས་སྡོམ་པ་གསོལ་ན། དེ་སྟེ་འཕགས་མའི་དགེ་འདུན་མ་རྣམས་ཀྱིས་དུས་ལ་བབ་ཅིང་བཟོད་ན་གནོང་ཞིག་།འཕགས་</font><hr>Da220a<br><font size=+2>


༄#། །མའི་དགེ་འདུན་མ་རྣམས་ཀྱིས་གུབ་ཏ་བུ་དང་ལྷན་ཅིག་ཏུ་ཁང་པ་གཅིག་ཏུ་ཉལ་བའི་སྡོམ་པ་སྩལ་ཏེ། འདི་ནི་གསོལ་བའོ། །ལས་ནི་འདི་བཞིན་བྱའོ། །གསོན་ཅིག་འཕགས་མའི་དགེ་འདུན་མ་རྣམས། གུབ་ཏ་འདི་ལས་ཁྱེའུ་ཞིག་བཙས་ཏེ། འདི་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་འཕགས་མའི་དགེ་འདུན་མ་རྣམས་ལ་གསོལ་ཏེ། དེའི་སླད་དུ་འཕགས་མའི་དགེ་འདུན་མ་རྣམས་ཀྱིས་གུབ་ཏ་འདི་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་གསོལ་ན། འཕགས་མ་རྣམས་ལས་གུབ་ཏ་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་སྩལ་བར་བཟོད་པ་རྣམས་ནི་ཅང་མ་གསུངས་ཤིག་།མི་བཟོད་པ་རྣམས་ནི་གསུངས་ཤིག། འཕགས་མའི་དགེ་འདུན་མ་རྣམས་ཀྱིས་གུབ་ཏ་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་སྩལ་ཏེ། དགེ་འདུན་གྱི་བཟོད་ཅིང་གནང་བས་ན་ཅང་མི་གསུང་སྟེ། དེ་དེ་བཞིན་དུ་འཛིན་ཏོ། །དགེ་སློང་མ་གང་ལ་འཕགས་མའི་དགེ་འདུན་མ་རྣམས་ཀྱིས་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་བྱིན་པར་གྱུར་པ་དེ་ནི་བུ་དང་ལྷན་ཅིག་ཏུ་ཁང་པ་གཅིག་ཏུ་ཉལ་བར་རུང་སྟེ། འདི་ལ་ཐེ་ཚོམ་མ་བྱེད་ཅིག་།གུབ་ཏས་དགེ་སློང་མ་གཞན་ཞིག་ཀྱང་དེ་ཉིད་དུ་བསྙལ་པ་དང ། དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་</font><hr>Da220b<br><font size=+2>


འདས་ཀྱིས་བཀའ་སྩལ་པ། དགེ་སློང་མ་གང་གིས་བུ་དེ་ཉིད་དུ་ལྷན་ཅིག་ཏུ་ཁང་པ་གཅིག་ཏུ་ཉལ་བར་རུང་སྟེ། གཅིག་པུའོ། །དེར་དགེ་སློང་མ་གཞན་ནི་མ་གནས་ཤིག་།གནས་ན་འདས་པ་དང་བཅས་པར་འགྱུར་རོ། །གུབ་ཏས་ནམ་གཞོན་ནུ་འོད་སྲུང་ཆེན་པོར་གྱུར་པ་དེའི་ཚེ་ཡང་དེ་དང་ལྷན་ཅིག་ཏུ་ཁང་པ་གཅིག་ཏུ་ཉལ་བར་བྱེད་དོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགེ་སློང་མས་ནམ་བུ་ཆེན་པོར་གྱུར་པ་དེའི་ཚེ་དེ་དང་ལྷན་ཅིག་ཏུ་ཁང་པ་གཅིག་ཏུ་ཉལ་བར་མི་བྱའོ། །ཇི་ལྟར་བསླབ་པ་བཅས་པ་བཞིན་སློབས་ཤིག་།ཅེས་བཀའ་སྩལ་ཏོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ཀྱི་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ན་ས་ཏ་ཞེས་བྱ་བའི་གནོད་སྦྱིན་ཞིག་གནས་ཏེ། དེ་ཡུལ་ཉམས་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ། བཙུན་མོ་དང ། བཞོན་ནུ་དང ། བློན་པོ་དང ། གྲོང་ཁྱེར་དང ། ཡུལ་གྱི་མི་རྣམས་ལ་བསྲུང་བ་དང ། བསྐྱང་བ་དང ། སྐྱོབ་པར་བྱེད་དོ། །དེའི་མཐུས་ཡུལ་ཉམས་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ། བཙུན་མོ་དང ། གཞོན་ནུ་དང ། བློན་པོ་དང ། གྲོང་ཁྱེར་དང ། ཡུལ་གྱི་མི་རྣམས་ལ་ལོངས་སྤྱོད་འཕེལ་བར་གྱུར་ཅིང ། དེ་དག་ལ་རྟག་ཏུ་ཤིང་གི་མེ་ཏོག་དང ། འབྲས་བུར་</font><hr>Da221a<br><font size=+2>


༄#། །ལྡན། ཆར་པ་ནི་དུས་དུས་སུ་འབབ། ས་ནི་འབྲུ་དང་ལྡན་པར་འགྱུར་ཏེ། ཟས་བསླང་པ་རྣམས་ནི་མོད་པས། གྲོང་དང ། གྲོང་ཁྱེར་དང ། ཡུལ་དང ། ཕོ་བྲང་འཁོར་དེ་དང་དེ་དག་གི་དང ། ཡུལ་སོ་སོ་ན་གནས་པའི་དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་ཐམས་ཅད་ཡུལ་ཉམས་དགར་ལྷགས་ཏེ། དེ་དག་ལ་ཡང་གནོད་སྦྱིན་ས་ཏས་བསྲུང་བ་དང ། བསྐྱང་པ་དང ། སྐྱོབ་པར་བྱེད་དོ། །དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །ཡུལ་ག་དྷ་ར་ན་ཡང་པཉྩ་ལ་ཞེས་བྱ་བའི་གནོད་སྦྱིན་ཞིག་གནས་ཏེ། དེས་ཀྱང་ཡུལ་ག་དྷ་རའི་རྒྱལ་པོ་དང ། བཙུན་མོ་དང ། གཞོན་ནུ་དང ། བློན་པོ་དང ། གྲོང་ཁྱེར་དང ། ཡུལ་གྱི་མི་རྣམས་ལ་བསྲུང་བ་དང ། བསྐྱང་བ་དང ། སྐྱོབ་པར་བྱེད་དོ། །དེའི་མཐུས་ཡུལ་ག་དྷ་རའི་རྒྱལ་པོ་དང ། བཙུན་མོ་དང ། གཞོན་ནུ་དང ། བློན་པོ་དང ། གྲོང་ཁྱེར་དང ། ཡུལ་གྱི་མི་རྣམས་ལ་ལོངས་སྤྱོད་འཕེལ་བར་གྱུར་ཅིང ། དེ་དག་ལ་རྟག་ཏུ་ཤིང་གི་མེ་ཏོག་དང་འབྲས་བུར་ལྡན། ཆར་པ་ནི་དུས་སུ་འབབ། ས་ནི་འབྲུ་དང་ལྡན་པར་གྱུར་ཏེ། ཟས་བསླང་པ་རྣམས་ནི་མོད་པས་ན། དེར་ཡང་གྲོང་དང ། གྲོང་ཁྱེར་དང ། ཡུལ་དང ། ཕོ་བྲང་འཁོར་དེ་དང་དེ་དག་གི་དང ། ཡུལ་སོ་སོ་ན་གནས་པའི་དགེ་སྦྱོང་དང ། བྲམ་ཟེ་དང ། བཀྲེན་</font><hr>Da221b<br><font size=+2>


པ་དང ། ཕོངས་པ་ཐམས་ཅད་ཡུལ་ག་དྷ་རར་ལྷགས་ཏེ། དེ་དག་ལ་གནོད་སྦྱིན་པཉྩ་ལས་བསྲུང་བ་དང ། བསྐྱང་པ་དང ། སྐྱོབ་པར་བྱེད་དོ། །དེས་ཀྱང་རིགས་མཉམ་པ་ལས་ཆུང་མ་ཞིག་བླངས་ཏེ། དེ་ཡང་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་ནས་དུས་ཕྱི་ཞིག་ན་གནོད་སྦྱིན་ས་ཏ་དང ། གནོད་སྦྱིན་པཉྩ་ལ་གཉིས་གནོད་སྦྱིན་རྣམས་ཀྱི་གནོད་སྦྱིན་འདུས་པར་འདོང་ནས།་དེ་གཉིས་ཕན་ཚུན་མཛའ་བོར་གྱུར་ཏེ། གནོད་སྦྱིན་ས་ཏས་དེ་ལ་དུས་དུས་སུ་ཡུལ་ཉམས་དགའི་མེ་ཏོག་དང ། འབྲས་བུ་ལ་སོགས་པ་སྐྱེས་སུ་བསྐུར་རོ། །གནོད་སྦྱིན་པཉྩ་ལས་ཀྱང་གནོད་སྦྱིན་ས་ཏ་ལ་ཡུལ་ག་དྷ་རའི་མེ་ཏོག་དང ། འབྲས་བུ་སྐྱེས་སུ་བསྐུར་རོ། །དེ་གཉིས་འདི་བཞིན་ཕན་ཚུན་དུ་རབ་ཏུ་མཛའ་བར་གྱུར་ནས། དེ་གཉིས་ཕྱིར་ཡང་གནོད་སྦྱིན་འདུས་པར་འདོང་སྟེ། གནོད་སྦྱིན་ས་ཏས་གྲོགས་པོའི་བུ་གཉིས་དུས་ལ་འདས་ཀྱང ། བུ་དང ། ཚ་བོ་དང ། ཡང་ཚ་དང ། སུམ་ཚ་རྣམས་རྒྱུན་མི་འཆད་པར་བྱ་བའི་ཐབས་ཅི་ཡོད། ཅེས་སྨྲས་པ་དང ། གནོད་སྦྱིན་པཉྩ་ལས་སྨྲས་པ། གྲོགས་པོ་ལེགས་སོ། །བདག་ཀྱང་འདི་སྙམ་སེམས་ཏེ། དེ་ལྟ་བས་ན་མ་སྐྱེས་པ་ལས་གཉེན་དུ་བྱ་སྟེ། དེ་སྟེ་བདག་ལ་བུ་ཕོ་ཞིག་བཙས་པ་ལ་ཁྱོད་ལ་བུ་མོ་ཞིག་ཡོད་པ་དང ། ཁྱོད་ཀྱིས་བདག་གི་བུ་ལ་བྱིན་ཅིག་།འོན་ཏེ་ཁྱོད་ལ་བུ་ཕོ་ཞིག་སྟེ། བདག་ལ་བུ་མོ་ཞིག་ན་བདག་གིས་ཁྱོད་ཀྱི་བུ་ལ་སྦྱིན་ནོ། །དེས་སྨྲས་པ། གྲོགས་པོ་</font><hr>Da222a<br><font size=+2>


༄#། །ལེགས་ཀྱི་དེ་བཞིན་བྱའོ། །དེ་གཉིས་ཕན་ཚུན་དུ་མ་བཙས་པར་གཉེན་བྱས་ཏེ་དོང་ངོ ། །དེ་ནས་དུས་ཕྱི་ཞིག་ན་གནོད་སྦྱིན་ས་ཏའི་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་དགུ་འདས་པ་དང ། བུ་མོ་ཞིག་བཙས་ཏེ། དབྱིབས་ལེགས་ཤིང་བལྟ་ན་སྡུག་པ་བཟང་མོ་ཞིག་སྟེ། དེ་བཙས་པ་དང ། གནོད་སྦྱིན་གྱི་རིགས་ཐམས་ཅད་དགའ་བར་གྱུར་ཏོ། །དེ་དག་གི་རིགས་དང ། འདྲ་བ་དང ། རྒྱུད་གཅིག་པ་རྣམས་ཀྱིས་བཙས་པའི་བཙས་སྟོན་ཆེན་པོ་བྱས་ཏེ། མིང་འདོགས་པ་ལ་བཞུགས་སོ། །བུ་མོ་འདིའི་མིང་ཅིར་གདགས་ཞེས་གྲོས་བྱས་ན། གཉེན་བཤེས་དག་གིས་འདི་བཙས་པའི་ཚེ། གནོད་སྦྱིན་གྱི་རིགས་ཐམས་ཅད་དགའ་བར་གྱུར་ཀྱི། དེ་བས་ན་བུ་མོ་འདིའི་མིང་དགའ་བྱེད་མར་གདགས་སོ། །ཞེས་སྨྲས་ཏེ། དེའི་མིང་དགའ་བྱེད་མར་བཏགས་སོ། །ཡུལ་ག་དྷ་རའི་གནོད་སྦྱིན་པཉྩ་ལས་འདི་ལྟར་རྒྱལ་པོའི་ཁབ་ཏུ་གནོད་སྦྱིན་ས་ཏ་ལས་བུ་མོ་ཞིག་བཙས་སོ། །ཞེས་ཐོས་ནས། དེས་བསམས་པ། བདག་གི་གྲོགས་པོ་ལ་བུ་མོ་ཞིག་བཙས་ཏེ། བུ་མོ་དེ་བདག་གི་མནའ་མར་འགྱུར་ཡང་དག་གི། རྒྱན་རྣམས་བསྐུར་བའི་རིགས་སོ་སྙམ་ནས། དེས་གནོད་སྦྱིན་ས་ཏ་ལ། གྲོགས་པོ་མཛའ་བོ། བདག་གིས་ཁྱོད་ཀྱི་བུ་མོ་བཙས་པར་ཐོས་ནས་ཤིན་ཏུ་དགའ་སྟེ། བདག་གིས་གྲོགས་པོའི་བུ་མོ་</font><hr>Da222b<br><font size=+2>


ལ་གོས་དང ། རྒྱན་རྣམས་བསྐུར་བ་འདི་བླང་བའི་རིགས་སོ། །ཞེས་ཡི་གེ་སྤྲིང་ངོ ། །དེས་ཡི་གེ་བཀླགས་ཏེ། སླར་ཡང་གྲོགས་པོ་བདག་ཅག་གཉེན་ཡིན་གྱི། དེ་སྟེ་ཁྱོད་ལ་བུ་ཕོ་ཞིག་བཙས་ན་འདི་ནི་དེ་ཉིད་ཀྱི་ཡིན་ནོ། །ཞེས་སྤྲིང་ངོ ། །གནོད་སྦྱིན་པཉྩ་ལས་དེ་བཀླགས་ནས། བུ་ནམ་རྙེད་ཅེས་རྟག་ཏུ་སེམས་ཤིང་ཆུང་མ་དང་ལྷན་ཅིག་ཏུ་རྩེ་དགའ་སྟེ། ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་བུ་ཕོ་ཞིག་བཙས་ཏེ། དེ་ཡང་བདག་གི་རིགས་དང་མཐུན་པ་རྒྱུད་གཅིག་པ་དག་གིས་བཙས་པའི་བཙས་སྟོན་རྒྱ་ཆེར་བྱས་ཏེ། མིང་འདོགས་པ་ལ་ཞུགས་སོ། །ཁྱེའུ་འདིའི་མིང་ཅིར་གདགས་ཞེས་པ་གྲོས་པ་ལས། གཉེན་བཤེས་དག་གིས་ཁྱེའུ་འདི་གནོད་སྦྱིན་པཉྩ་ལའི་བུ་སྟེ། དེ་བས་ན་ཁྱེའུ་འདིའི་མིང་པཉྩི་ཀར་གདགས་སོ་ཞེས་སྨྲས་ནས། དེའི་མིང་པཉྩི་ཀར་བཏགས་སོ། །རྒྱལ་པོའི་ཁབ་ཀྱི་གནོད་སྦྱིན་ས་ཏས། འདི་ལྟར་ཡུལ་ག་དྷ་རའི་གནོད་སྦྱིན་པཉྩ་ལའི་བུ་ཕོ་ཞིག་བཙས་པ་ཐོས་ཏེ། དེས་བདག་གིས་གྲོགས་པོ་ལས་བུ་ཕོ་ཞིག་བཙས་ཏེ། གདོན་མི་ཟ་བར་བདག་གི་མག་པར་འགྱུར་སྙམ་བསམས་ནས། དེས་དེ་ལ་གོས་དང་རྒྱན་རྣམས་བསྐུར་ཏེ། གྲོགས་པོ་བདག་གིས་ཁྱེད་ཀྱི་བུ་ཕོ་ཞིག་བཙས་སོ་ཞེས་ཐོས་ནས་ཤིན་ཏུ་དགའ་སྟེ། བདག་གིས་གྲོགས་པོའི་བུ་ལ་གོས་དང་རྒྱན་ཞིག་བསྐུར་གྱི། ད་བླང་བའི་རིགས་སོ། །ཞེས་སྤྲིང་ངོ ། །དེས་ཡི་གེ་བཀླགས་ཏེ། </font><hr>Da223a<br><font size=+2>


༄#། །སླར་གྱིས་ལན་བག་མ་བླང་བའི་སྟོན་མོ་སྟ་གོན་གྱིས་ཤིག་།ཅེས་སྤྲིང་པ་དང ། གནོད་སྦྱིན་ས་ཏས་ཡི་གེ་བཀླགས་ཏེ། ལེགས་ཀྱི། བུ་མོ་དགའ་བྱེད་མ་ནི་བདག་གིས་སྔར་བྱིན་ནོ། །སྙམ་བསམས་ནས། དེས་དེ་སྐྱེད་ཅིང་ཆུང་མ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་ཆུང་མ་སེམས་ཅན་དང་ལྡན་པར་གྱུར་ཏེ། ནམ་གྱི་ཚེ་སེམས་ཅན་དང་ལྡན་པར་གྱུར་པ་དེའི་ཉིན་མོ་ཉིད་དུ་རི་ལས་ཁྲུང་ཁྲུང་གི་སྐད་ཕྱུང་ངོ ། །དེ་ཟླ་བ་དགུ་འདས་པ་དང་བུ་ཁྱེའུ་ཞིག་བཙས་ཏེ། གཟུགས་ལེགས་ཤིང་བལྟ་ན་སྡུག་པ་བཟང་བ་ཞིག་སྟེ། བཙས་མ་ཐག་ཏུ་ཡང་རི་ལས་ཁྲུང་ཁྲུང་གི་སྐད་ཕྱུང་ངོ ། །དེ་དག་གི་རིགས་དང་མཐུན་པའི་རྒྱུད་གཅིག་པ་ཐམས་ཅད་ཀྱིས་བཙས་པའི་བཙས་སྟོན་ཆེར་བྱས་ཏེ། མིང་འདོགས་པ་ལ་ཞུགས་སོ། །ཁྱེའུ་འདིའི་མིང་ཅིར་གདགས་ཞེས་བགྲོས་ན། གཉེན་བཤེས་དག་གིས་འདི་མངལ་དུ་ཞུགས་པ་ན་ཡང་རི་ལས་ཁྲུང་ཁྲུང་གི་སྐད་ཕྱུང ། བཙས་པ་ན་ཡང་ཁྲུང་ཁྲུང་གི་སྐད་ཕྱུང་ལ། ཕ་ཡང་ས་ཏ་ཞེས་བྱ་སྟེ། དེ་བས་ན་ཁྱེའུ་འདིའི་མིང་ཡང་ས་ཏ་གི་རིར་གདགས་སོ་ཞེས་སྨྲས་ནས། དེའི་མིང་ས་ཏ་གི་རིར་བཏགས་སོ། །ཁྱེའུ་ས་ཏ་གི་རི་དེ་གསོས་བསྐྱེད་དེ་ཆེར་གྱུར་པ་དང ། ཇི་ཙམ་དུས་ཕྱི་ཞིག་ན་གནོད་སྦྱིན་ས་ཏ་ཆུང་མ་དང་བཅས་པ་དུས་ལས་འདས་ནས། ས་ཏ་གི་རི་</font><hr>Da223b<br><font size=+2>


ཁྱིམ་གྱི་བདག་པོར་གྱུར་པ་དང ། གནོད་སྦྱིན་གྱི་བུ་མོ་དགའ་བྱེད་མས་ས་ཏ་གི་རི་ལ་མིང་པོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཏེ། ཕྲོགས་ནས་ཟ་བར་འདོད་དོ། །ཞེས་སྨྲས་པ་དང ། དེས་སྨྲས་པ། སྲིང་མོ་ཡུ་བུ་ཅག་གི་ཕས་ཡུལ་ཉམས་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་དང ། བཙུན་མོ་དང ། གཞོན་ནུ་དང ། བློན་པོ་དང ། གྲོང་དང ། གྲོང་ཁྱེར་པ་དང ། ཡུལ་མི་རྣམས་ལ་རྟག་ཏུ་སྲུང་བ་དང ། སྐྱོབ་པ་དང ། སྐྱོབ་པར་བྱེད་དོ། །ཞེས་ཐོས་ནས། ཡུ་བུ་ཅག་གིས་རབ་ཏུ་བསྲུང་བར་བྱ་བར་རིགས་ཏེ། འདི་ནི་ཡུ་བུ་ཅག་གི་སྤྱོད་ཡུལ་ཡིན་གྱི། འདི་ལ་གཞན་དག་གཅིག་གིས་ཀྱལ་ཀ་བྱེད་ན་ཡང་དེ་ལ་ཡུ་བུ་ཅག་གིས་དགག་པའི་རིགས་ན་ཅིའི་ཕྱིར་ཁྱོད་ཀྱིས་དེ་བཞིན་བྱ་མི་རིགས་པར་ཁྱོད་ཀྱི་སེམས་བསྐྱེད་པ་དེ་སླར་ཟློག་ཅིག། ཅེས་བསྒོའོ། །དེ་ལོག་པའི་སྨོན་ལམ་གྱི་བག་ཆགས་ཀྱིས་བསྒོས་པས་བཅོས་སུ་མ་བཏུབ་སྟེ། ཡང་ས་ཏ་གི་རི་ལ་མིང་པོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་འཚལ་ལོ། །ཞེས་སྨྲས་པ་དང ། ས་ཏ་གི་རིས་དེའི་དུས་ཀྱིས་བརྟེན་པ་ལས་ན་བཅོས་སུ་མི་བཏུབ་པར་ཤེས་ཏེ། འདི་ཕྱི་ཕྱིར་ཞིང་རྟག་ཏུ་དགག་མི་ནུས་ཀྱི། འདི་ཕས་ཀྱང་སྔར་བྱིན་ཏེ། བག་མར་བཏང་ངོ ། །སྙམ་བསམས་ནས། དེས་གནོད་སྦྱིན་པཉྩ་ལ་བུ་མོ་དགའ་བྱེད་མ་ནི་ན་ཆུང་དུ་གྱུར་</font><hr>Da224a<br><font size=+2>


༄#། །ཀྱི། ཚུར་གཤེགས་ལ་བག་མ་ལོང་ཞིག་།ཅེས་ཡི་གེ་སྤྲིང་པ་དང ། གནོད་སྦྱིན་པཉྩ་ལ་དེས་གནོད་སྦྱིན་གཞོན་ནུ་པཉྩི་ཀ་ལ་དགའ་བྱེད་མ་དཔལ་ཆེན་པོ་དང་སྦྱར་ཏེ། བག་མར་བླངས་ནས་ཡུལ་ག་དྷ་རར་ཁྲིད་དོ། །གནོད་སྦྱིན་གཞོན་ནུ་པཉྩི་ཀ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །མོ་ནམ་མཛའ་ཞིང་སྦོབས་པ་དང ། དགའ་ཞིང་ཡིད་བདེ་བ་མང་པོར་གྱུར་པ་དེའི་ཚེ། མོས་ཇོ་བོ། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ཏེ། བཟའ་བར་འཚལ་ལོ། །ཞེས་སྨྲས་པ་དང ། དེས་སྨྲས་པ། བཟང་མོ་དེ་ནི་ཁྱོད་ཀྱི་གཉེན་གྱི་གནས་ཡིན་ཏེ། དེར་གཞན་དག་ཅིག་ཀྱལ་ཀ་བྱེད་ན་ཡང་དེ་བདག་ཅག་གིས་དགག་པའི་རིགས་ན་ཁྱོད་ཀྱིས་ཅིའི་ཕྱིར་དེ་ལྟ་ཁྱོད་ཀྱིས་མི་རིགས་པ་སེམས་བསྐྱེད་པ་སླར་ཟློག་ཅིག་།ཅེས་བསྒོ་ན། དེ་སྔོན་གྱིས་ལོག་པའི་སྨོན་ལམ་གྱི་བག་ཆགས་བསྒོས་པས་སྡོད་ཅིག་།ཅེས་སྨྲས་ཏེ། ཅང་མི་ཟེར་བར་འདུག་གོ་།དེ་གནོད་སྦྱིན་གཞོན་ནུ་པཉྩི་ཀ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱད་པས་བུ་ཕོ་ཞིག་བཙས་ཏེ། དེའི་བཙས་སྟོན་ཆེན་པོ་རྒྱ་ཆེར་བྱས་ཏེ། རིགས་དང་མཐུན་པའི་མིང་བཏགས་སོ། །དེ་བཞིན་ལན་གཉིས་ལན་གསུམ་ནས། བུ་ལྔ་བརྒྱའི་བར་དུ་བཙས་ཏེ་དེ་དག་ཐམས་ཅད་ཀྱི་ཐ་ཆུང་གི་མིང་དགའ་བྱེད་དུ་བཏགས་སོ། །དེ་</font><hr>Da224b<br><font size=+2>


ནམ་བུ་ལས་མཐུ་རྙེད་པར་གྱུར་པ་ན། དེ་ན་པཉྩི་ཀས་བཟློག་ཀྱང་མ་བཟློག་ནས་དེ་མི་དགའ་བར་གྱུར་ཏེ། མི་སྨྲ་བར་འདུག་གོ། །དེ་ནས་གནོད་སྦྱིན་མོ་དགའ་བྱེད་མ་གར་དགའ་བར་རང་ཉམ་དུ་འགྲོ་ཞིང ། རྒྱུ་བ་དང ། གནས་པར་གྱུར་ཏོ། །དེས་རྒྱལ་པོའི་ཁབ་ན་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་བརྩམས་པ་དང ། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས། རྒྱལ་པོ་གཟུགས་ཅན་སྙིང་པོ་ལ། ལྷ་བདག་ཅག་གི་བུ་བཙས་ཤིང་བཙས་པ་དག་གཅིག་གིས་ཕྲོགས་ན་སུ་ཞིག་བདག་ཅག་ལ་གནོད་པ་བགྱིད་པ་རྨ་བའི་རིགས་སོ། །ཞེས་གསོལ་པ་དང ། རྒྱལ་པོས་གནས་ཐམས་ཅད་ལ་དབང་བ་རྣམས་ལ། ཀྱེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་སུས་ཕྲོགས་པ་སྨྲོས་ཤིག་།ཅེས་བསྒོ་ནས། དེ་དག་གིས་ནན་ཏན་དུ་བག་ཡོད་པར་རྨེད་པ་ལ་ཞུགས་པ་དང ། ཇི་ཙམ་ན། ཡང་དེ་དག་གི་ཡང་ཕྲོགས་པར་གྱུར་ནས་གནོད་པ་ཆེར་གྱུར་ཏེ། སུ་གང་གི་བུད་མེད་སེམས་ཅན་དང་ལྡན་པར་གྱུར་པ་དེས་ཡུལ་གཞན་དུ་ཕྱུང་སྟེ་བཞག་པ་དང ། བློན་པོ་དག་གིས་རྒྱལ་པོ་གཟུགས་ཅན་སྙིང་པོ་ལ།་ལྷ་གནོད་པ་ཆེར་གྱུར་ཏེ། སུ་གང་གི་བུད་མེད་དག་སེམས་ཅན་དང་ལྡན་པར་གྱུར་ན། དེས་ཡུལ་གཞན་དུ་ཕྱུང་སྟེ། བཞག་གོ། ཞེས་གསོལ་པ་དང ། རྒྱལ་པོས་ལྟས་</font><hr>Da225a<br><font size=+2>


༄#། །མཁན་བཀུག་སྟེ་རྨས་ན། དེ་དག་གིས་ལྷ་གནོད་སྦྱིན་ཁྲོས་ཀྱི། གནོད་སྦྱིན་གྱི་གནས་སུ་གཏོར་མ་སྩལ་ལ། མཆོད་པ་དང ། བཀུར་སྟི་མཛོད་ཅིག། ཅེས་གསོལ་ཏོ། །རྒྱལ་པོས་བློན་པོ་རྣམས་ལ། ཀྱེ་སོང་ལ་རྒྱལ་པོའི་ཁབ་ཀྱི་གྲོང་ཁྱེར་དུ་དྲིལ་བསྒྲགས་པར་བྱོས་ཤིག་།རྒྱལ་པོའི་ཁབ་ན་སྐྱེ་བོ་མང་པོ་ཐམས་ཅད་དང ། ཡུལ་སོ་སོ་ན་གནས་པ་ཐམས་ཅད་ཀྱིས་གནོད་སྦྱིན་གྱི་གནས་སུ་གཏོར་མ་བྱིན་ལ་མཆོད་པ་དང ། བཀུར་སྟི་བྱོས་ཤིག་།ཅེས་བསྒོ་བ་དང ། དེ་དག་གིས་ཀྱང་དེ་བཞིན་དུ་དྲིལ་བསྒྲགས་ཏེ།་ཀྱེ་རྒྱལ་པོའི་ཁབ་དང་གྲོང་ཁྱེར་དང་ཡུལ་སོ་སོ་ནས་ལྷགས་པའི་སྐྱེ་བོ་དག་ཉོན་ཅིག་།ལྷས་འདི་སྐད་བཀའ་སྩལ་ཏེ། བདག་གི་ཡུལ་དང་གྲོང་ཁྱེར་དང་ཡུལ་སོ་སོ་ནས་ལྷགས་པའི་སྐྱེ་བོ་མང་པོ་གནས་པ་རྣམས་ཀྱིས། གནོད་སྦྱིན་གྱི་གནས་ཐམས་ཅད་དུ། གཏོར་མ་བྱིན་ལ་མཆོད་པ་དང ། བཀུར་སྟི་བྱོས་ཤིག་།ཅེས་བསྒོ་བ་དང ། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་གྲོང་ཁྱེར་དེ་དག་རྡོ་བ་དང ། གྱོ་མོ་དང ། ས་རྡོ་དག་ཕྱགས་ཏེ། ཙནྡན་གྱི་ཆུས་ཆག་ཆག་བཏབ་ནས། དྲི་ཞིམ་པོའི་པོག་ཕོར་དག་སོ་སོར་དཔྱངས། རྒྱལ་མཚན་དང ། ལྷའི་འཕན་བསྒྲེང ། དར་གྱི་ལྡ་ལྡི་མང་པོས་ནི་དཔྱངས་ཏེ། མེ་ཏོག་སྣ་ཚོགས་ཀྱིས་གཏོར་ནས་ལྷ་རྣམས་ཀྱི་སྐྱེད་མོས་ཚལ་</font><hr>Da225b<br><font size=+2>


དགའ་ལྡན་བཞིན་དུ་མཛེས་པར་བྱས་སོ། །དེ་ནས་གནོད་སྦྱིན་གྱི་གནས་ཐམས་ཅད་དུ་གཏོར་མ་བྱིན་ཞིང་མཆོད་པ་དང ། བཀུར་སྟི་བྱས་ཏེ། འོན་ཀྱང་དགའ་བྱེད་མ་ཞི་བར་མ་གྱུར་ཏོ། །དེ་ནས་རྒྱལ་པོའི་ཁབ་ན་གནས་པའི་ལྷ་དག་གིས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་།ཀྱེ་ཁྱེད་ལ་གནོད་སྦྱིན་མོ་དགའ་བྱེད་མས་ཁྱེད་ཀྱི་བུ་རྣམས་ཕྲོགས་ཀྱི་ཁྱེད་ཐམས་ཅད་བཅོམ་ལྡན་འདས་ཀྱི་དྲུང་དུ་དོང་བ་དང ། བཅོམ་ལྡན་འདས་ཀྱིས་དེ་འདུལ་བར་མཛད་དོ། །ཞེས་བསྟན་ཏོ། །དེ་དག་གིས་ཀྱེ་འདི་ནི་དགའ་བྱེད་མ་མ་ཡིན་གྱི་དེ་ནི་འཕྲོག་མ་སྟེ། དེས་བདག་ཅག་གི་བུ་བཙས་ཤིང་བཙས་པ་རྣམས་ཕྲོགས་སོ། །ཞེས་སྨྲས་པ་དང ། དེའི་མིང་དགའ་བྱེད་མ་ཞེས་བྱ་བ་ལྡོག་སྟེ། གནོད་སྦྱིན་མ་འཕྲོག་མར་མིང་དུ་འགྱུར་ཏོ། །དེ་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་གནོད་སྦྱིན་མོ་འཕྲོག་མ་འདི་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་ཡུན་རིང་པོ་ནས་མ་འཁོན་པ་དང་ནི་འཁོན། དགྲར་མ་གྱུར་པ་དང་ནི་དགྲར་གྱུར། སྙིང་མི་རིང་བ་ལ་ནི་སྙིང་རིང་བར་གྱུར། དེས་བུ་བཙས་ཤིང་བཙས་པ་རྣམས་ནི་ཕྲོགས་ན། བཅོམ་ལྡན་འདས་ཐུགས་རྗེ་ཅན་ཐུགས་བརྩེ་བའི་ཕྱིར་གནོད་སྦྱིན་མ་འཕྲོག་མ་འདུལ་བར་ཅི་གནང ། ཞེས་གསོལ་པ་དང ། བཅོམ་</font><hr>Da226a<br><font size=+2>


༄#། །ལྡན་འདས་ཀྱིས་ཅང་མི་གསུང་བ་བཞིན། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་གནང་ངོ ། །དེ་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་བཅོམ་ལྡན་འདས་ཅང་མི་གསུང་བ་བཞིན་གནང་བར་ཤེས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་དྲུང་ནས་སོང་ངོ ། །དེ་ནས་སྔ་དྲོ་བཅོམ་ལྡན་འདས་ཀྱིས་ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ནས། རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་གཤེགས་སོ། །རྒྱལ་པོའི་ཁབ་ན་བསོད་སྙོམས་ལས་སླར་བསྐོར་ནས། ཟས་ཀྱི་བྱ་བ་བྱས་ཏེ། བསོད་སྙོམས་ཕྱིས་ལེན་པ་སྤངས་ཏེ་གཤེགས་ནས། གནོད་སྦྱིན་མ་འཕྲོག་མའི་གནས་གང་ན་བ་དེར་གཤེགས་སོ། །དེའི་ཚེ་ན་གནོད་སྦྱིན་མ་འཕྲོག་མས་བུ་དགའ་བྱེད་ཁྱིམ་དུ་བཞག་སྟེ། སྤྱོད་ཡུལ་དུ་སོང་བ་དང ། བཅོམ་ལྡན་འདས་ཀྱིས་དེ་ལྷུང་བཟེད་ཀྱིས་བཀབ་སྟེ་བཞག་ནས། ཇི་ལྟར་བུ་ཕུ་བོ་དག་གིས་དེ་མི་མཐོང་གི། དེས་དེ་དག་ཐམས་ཅད་མཐོང་བར་འགྱུར་བ་དེ་ལྟར་བྱིན་གྱིས་བརླབས་སོ། །དེ་མ་ཐག་ཏུ་གནོད་སྦྱིན་མོ་འཕྲོག་མ་སྤྱོད་ཡུལ་ནས་འོངས་པ་དང ། བུ་དགའ་བྱེད་མི་སྣང་ནས། དེ་སྡངས་ཏེ་ཕན་ཚུན་ཁྱིམ་ཁོར་ཁོར་ཡུག་ཏུ་བལྟས་ན་འོན་ཀྱང་མི་སྣང་ནས། བུ་ཐམས་ཅད་ལ་བུ་དག་།བུ་དགའ་བྱེད་མི་སྣང་ན་ག་རེ། དེ་དག་གིས། མ་བདག་ཅག་</font><hr>Da226b<br><font size=+2>


གིས་ཀྱང་མ་མཐོང་ངོ ། །ཞེས་སྨྲས་པ་དང ། དེས་བྲང་བརྡུངས་ནས་མདོག་ཉམས་ཤིང་མི་དགའ་སྟེ། མིག་མཆི་མས་གང ། འགྲོས་མྱུར་བར་བརྒྱུགས་ཏེ། རྒྱལ་པོའི་ཁབ་ཀྱི་གྲོང་དང ། ཚོང་འདུས་དང ། སྲང་དང ། ལམ་གྱི་བཞི་མདོ་དང ། ལམ་གྱི་སུམ་མདོ་དང ། ཀུན་དགའ་ར་བ་དང ། སྐྱེད་མོས་ཚལ་དང ། མཚོ་དང ། ལྟེང་ཀ་དང ། རྫིང་དང ། ལྷ་ཁང་དང ། མདུན་ཁང་དང ། གཞན་ཡང་ཁྱིམ་དོག་པའི་གནས་དག་ཏུ་བཙལ་ན་འོན་ཀྱང་མ་རྙེད་དོ། །དེས་བླ་གོས་མེད་པར་མྱོས་ནས་ངུ་ཞིང་སྨྲེ་བ། ཀྱི་ཧུད་བུ། ཀྱི་ཧུད་ཕ། ཀྱི་ཧུད་དགའ་བྱེད། ཅེས་ཡང་དང་ཡང་སྒྲ་འབྱིན་ཅིང ། གྲོང་དང ། གྲོང་ཁྱེར་དང ། གྲོང་འདབ་དང ། ཕོ་བྲང་དང ། ཕོ་བྲང་འཁོར་རྣམས་སུ་བལྟས་ཏེ་འོན་ཀྱང་མ་རྙེད་དོ། །དེ་ནས་ཤར་ཕྱོགས་ཀྱི་རྒྱ་མཚོ་ཆེན་པོར་སོང་ངོ ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་ཀྱི་རྒྱ་མཚོར་སོང་ངོ ། །ཤར་ཕྱོགས་དང ། ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་དེ་དག་ན་ཡང་མི་སྣང་ངོ ། །དེ་ནས་སྐྲག་ཅིང་སྒྲེན་མོར་གྱུར། འགྲོས་ཀྱང་འཁྱོར། ཡར་མཆོང ། མར་ལྷུང ། ས་ལ་འགྲེའོ། །པུས་མོས་འགྲོ། ཙོག་པུར་འདུག་པ་དེ་ལྟ་བུའི་ཐབས་ཀྱིས་འཛམ་བུའི་གླིང་གི་རི་ནག་པོ་བདུན་རྒལ། གསེར་ལྟ་བུའི་རི་བདུན་དང ། གངས་ཀྱི་རི་དང ། མ་དྲོས་པའི་མཚོ་ཆེན་པོ་དང ། རི་དྲི་རྒྱས་དག་ཏུ་ཡང་བཙལ་ཏེ། དེ་ནས་དེ་སྐད་ཆེར་དུ་</font><hr>Da227a<br><font size=+2>


༄#། །ཞིང་ཤར་ཕྱོགས་ཀྱི་ལུས་འཕགས་གླིང་དང ། ནུབ་ཕྱོགས་ཀྱི་བ་གླང་སྤྱོད་དང ། བྱང་གི་སྒྲ་མི་སྙན་རྣམས་ཀུན་བཙལ་ཡང་མ་རྙེད་དོ། །དེ་ནས་ཡང་སོས་དང ། ཐིག་ནག་པོ་དང ། འདུས་གཏུབ་དང ། འོ་དོད་འབོད་པ་དང ། འོ་དོད་ཆེར་འབོད་པ་དང ། སྲེག་པ་དང ། རབ་ཏུ་སྲེག་པ་དང ། མནར་མེད་པ་དང ། ཆུ་བུར་དང ། ཤིན་ཏུ་ཆུ་བུར་དང ། ་ཧ་ཧ་ཞེས་ཟེར་བ་དང ། ཧ་ཧ་པ་དང ། ཧུ་ཧུ་པ་དང ། ུཏྤ་ལ་ལྟ་བུ་དང ། པདྨ་ཆེན་པོ་ལྟ་བུ་ལ་སོགས་པ་དང ། སེམས་ཅན་དམྱལ་བ་དག་ཏུ་བཙལ་ན་ཡང་མ་རྙེད་དོ། །དེ་ནས་རི་རབ་ཀྱི་བང་རིམ་དང་པོར་འཛེགས་ནས། གཉིས་པ་དང ། གསུམ་པར་འཛེགས། གནོད་སྦྱིན་གྱི་བདག་པོ་ངལ་བསོ་པོ་ལ་མ་དྲིས་པར་སུམ་ཅུ་རྩ་གསུམ་ལྷའི་གནས་སུ་བཙལ་ཏེ། སྐྱེད་མོས་ཚལ་ཤིང་རྟ་སྣ་ཚོགས་ཞེས་བྱ་བ་དང ། རྩུབ་པོར་འགྱུར་བ་དང ། འདྲེས་པ་དང ། དགའ་བ་ཞེས་བྱ་བའི་སྐྱེད་མོས་ཚལ་དུ་ཡང་བཙལ་ཏེ། པ་རི་ཡ་ཏྲ་ཀོ་དཱ་བི་དྷ་རའི་དྲུང་དུ་ཡང་སོང་ངོ ། །དེ་ནས་ལྷའི་འདུན་ས་ཆོས་བཟང་ཞེས་བྱ་བ་གྲོང་ཁྱེར་བཟང་པོའི་ནང་དུ་ཞུགས་ཏེ། དེ་ནས་བརྒྱ་བྱིན་ལྷའི་དབང་པོའི་ཁང་པ་རྣམ་པར་རྒྱལ་དུ་འགྲོ་བར་བརྩམས་པ་དང ། དེར་གནོད་སྦྱིན་ལག་ན་རྡོ་རྗེ་ལ་སོགས་པ་གནོད་སྦྱིན་དུ་མ་དང ། ལྷ་སྟོང་གིས་བཟུང་བ་དང ། དེ་མྱུར་དུ་མགྱོགས་པར་</font><hr>Da227b<br><font size=+2>


གྲོང་ཁྱེར་བཟང་པོའི་ནང་ནས་བྱུང་སྟེ། ཕྱོགས་གཞན་ཞིག་ཏུ་རིང་ཞིག་ཏུ་གནས་ནས་མདོར་ན་ཡི་ཆད་པར་གྱུར་ཏེ། གནོད་སྦྱིན་རྣམས་ཀྱི་བདག་པོ་ངལ་བསོ་བའི་དྲུང་དུ་སོང་ནས། རྡོ་ལེབ་ལ་བདག་གི་ལུས་བརྡབས་ནས། ཀྱི་ཧུད་བུ། ཀྱི་ཧུད་ཕ། ཀྱི་ཧུད་དགའ་བྱེད། ཅེས་སྨྲེ་ཞིང་སྨྲ་སྟེ། སྡེ་དཔོན་ཆེན་པོ། སུས་ཕྲོགས། མི་དགའ་ན། བུ་སློང་ན་སྩལ་དུ་གསོལ། ཞེས་སྨྲས་པ་དང ། གནོད་སྦྱིན་གྱི་རྒྱལ་པོ་ཆེན་པོ་ངལ་བསོ་པོས་སྨྲས་པ། ཆེ་ཞེས་མྱ་ངན་ཐོང་ལ་མཆི་མ་ཕྱིས་ཤིག་།ཁྱོད་ཀྱི་གནས་སུ་ཉིན་པར་གནས་ཤིང་སུ་འོངས་སོམས་ཤིག་།ཅེས་སྨྲས་པ་དང ། དེས་སྨྲས་པ། སྡེ་དཔོན་དགེ་སྦྱོང་གོའུ་ཏ་མ་ལགས་སོ། །དེས་དེ་སྟེ་དེ་བཞིན་སོང་ལ། བཅོམ་ལྡན་འདས་ལ་སྐྱབས་སུ་སོང་ཞིག་དང ། ཁྱོད་ལ་དགའ་བྱེད་དེ་བཅོམ་ལྡན་འདས་ཀྱིས་སྟོན་ཏོ། །ཞེས་སྨྲས་པ་དང ། དེ་སྲོག་སྟོར་བ་ལས་སླར་རྙེད་པ་བཞིན་དུ་རིངས་ཤིང་མྱུར་དུ་རང་གི་གནས་སུ་སོང་བ་དང ། གནོད་སྦྱིན་མོ་འཕྲོག་མས། སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན། དཔེ་བྱད་བཟང་པོས་སྐུ་སྤྲས། ཉི་ཟེར་སྟོང་ལས་འདས་པའི་འོད་འདོམ་གང་གིས་བརྒྱན་པ། རིན་པོ་ཆེའི་རི་འགྲོ་བ་བཞིན་ཁོ་ར་ཁོར་ཡུག་ནས་བཟང་བ་མཐོང་མ་ཐག་ཏུ་དགའ་བ་སྐྱེས་སོ། །བུ་དགའ་བྱེད་རྙེད་དོ། །སྙམ་ནས་བཅོམ་ལྡན་འདས་གང་ན་</font><hr>Da228a<br><font size=+2>


༄#། །བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས།་གནོད་སྦྱིན་མ་འཕྲོག་མས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ་ཁྱོད་ཀྱིས་བདག་གི་བུ་དགའ་བྱེད་བསྟན་དུ་གསོལ། བདག་གི་བུ་དགའ་བྱེད་མ་མཐོང་ནས། རིང་ཞིག་ལོན་ནོ། །ཞེས་སྨྲས་པ་དང ། བཅོམ་ལྡན་འདས་ཀྱིས་གནོད་སྦྱིན་མོ་འཕྲོག་མ་ལ། འཕྲོག་མ་ཁྱོད་ལ་བུ་མང་ཞེ་ན། ཇི་སྙེད་ཡོད་ཅེས་རྨས་པ་དང།་དེས་སྨྲས་པ། བཅོམ་ལྡན་འདས་བུ་ལྔ་བརྒྱ་མཆིས་སོ། །བཅོམ་ལྡན་འདས་ཀྱིས་འཕྲོག་མ་དེ་སྟེ། ཁྱོད་ཀྱི་བུ་ལྔ་བརྒྱ་ལས་གཅིག་ཅིག་མེད་པ་ལྟ་ཅི་ཉེས་ཞེས་གསུངས་པ་དང ། བཅོམ་ལྡན་འདས་བདག་གི་དགའ་བྱེད་མ་མཐོང་ན། ཁྲག་དྲོན་མོ་སྐྱུགས་ཏེ་གདོན་མི་ཟ་བར་དུས་བགྱིད་དོ། །ཞེས་གསོལ་པ་དང ། འཕྲོག་མ་ཁྱོད་ཀྱི་བུ་ལྔ་བརྒྱ་ལས་གཅིག་མ་མཐོང་ན་ཡང་འདི་འདྲ་བར་སྡུག་བསྔལ་ན་གང་ལ་བུ་གཅིག་པུ་ཡོད་པ་ཡང་ཁྱོད་ཀྱིས་བསད་དེ་ཟོས་ན། དེའི་སྡུག་བསྔལ་ཅི་འདྲ་བར་འགྱུར། དེས་བཅོམ་ལྡན་འདས་དེ་བས་སྡུག་བསྔལ་བ་རབ་ཏུ་ཆེའོ། །ཞེས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། འཕྲོག་མ་ཁྱོད་བུ་དང་བྲལ་བའི་སྡུག་བསྔལ་འདི་འདྲ་བར་ཤེས་བཞིན་དུ་གཞན་གྱི་བུ་ཅིའི་ཕྱིར་ཟ། </font><hr>Da228b<br><font size=+2>


དེས་བཅོམ་ལྡན་འདས་བདག་གིས་ཇི་ལྟར་བགྱི་བ་བཀའ་སྩོལ་ཅིག་།ཅེས་གསོལ་པ་དང ། བཅོམ་ལྡན་འདས་ཀྱིས་ཚུར་ཤོག་།ང་ལ་སྐྱབས་སུ་སོང་སྟེ། བསླབ་པའི་གཞི་གཟུང་ལ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ཅིག་དང ། གལ་ཏེ་འདི་ཉིད་ན་འདུག་བཞིན་དུ་དགའ་བྱེད་མཐོང་བར་གདོན་མི་ཟའོ། །ཞེས་བཀའ་སྩལ་པ་དང ། དེས་བཙུན་པ། འདི་ལྟར་དེང་ཕན་ཆད་བཅོམ་ལྡན་འདས་ལ་སྐྱབས་སུ་མཆི་བ་དང ། བསླབ་པའི་གཞི་བཟུང་སྟེ། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་ཡང་མི་འཇིགས་པ་སྩལ་ཏོ། །དེ་ནས་བཅོམ་ལྡན་འདས་ཀྱིས་དེའི་བུ་དགའ་བྱེད་བསྟན་ནས། དེས་ཀྱང་བཅོམ་ལྡན་འདས་ལ་སྐྱབས་སུ་སོང་ནས་བསླབ་པའི་གཞི་བཟུང་སྟེ། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ནོ། །ནམ་གྱི་ཚེ་འཕྲོག་མ་བཅོམ་ལྡན་འདས་ལ་སྐྱབས་སུ་སོང་སྟེ། བསླབ་པའི་གཞི་བཟུང་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་རྣམས་ལ་མི་འཇིགས་པ་སྦྱིན་པ་དེའི་ཚེ། དགེ་སློང་དག་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གནོད་སྦྱིན་མོ་འཕྲོག་མས། ལས་ཅི་བགྱིས།་ལས་གང་གི་རྣམ་པར་སྨིན་པས་ན། མདངས་འཕྲོག་མའི་གནོད་སྦྱིན་མོར་སྐྱེས་ལ་འདི་ལས་བུ་ལྔ་བརྒྱ་བཙས། ཞེས་ཞུས་པ་དང ། བཅོམ་ལྡན་འདས་ཀྱིས་བཀའ་</font><hr>Da229a<br><font size=+2>


༄#། །སྩལ་པ། དགེ་སློང་དག་གནོད་སྦྱིན་མོ་འཕྲོག་མས་ལས་བྱས་ཤིང་བསགས་པས་ཚོགས་རྙེད་པ་དང ། རྐྱེན་སྨིན་པ་ནི་ཆུ་བོ་བཞིན་ཉེ་བར་གནས་ཏེ། གདོན་མི་ཟ་བར་འགྱུར་རོ། །འཕྲོག་མས་ལས་བྱས་ཤིང་བསགས་པ་ནི་གཞན་གྱིས་མྱོང་བར་མི་འགྱུར་རོ། །དགེ་སློང་རྣམས་ལས་བྱས་ཤིང་བསགས་པ་ནི་ཕྱི་རོལ་གྱི་སའི་ཁམས་ལ་རྣམ་པར་མི་སྨིན།་ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། ཟིན་པའི་ཕུང་པོ་དང ། ཁམས་དང་སྐྱེ་མཆེད་འདི་ཉིད་ལ་དགེ་བ་དང ། མི་དགེ་བའི་ལས་བྱས་པ་ནི་རྣམ་པར་སྨིན་ཏོ། །ལས་རྣམས་སྟོར་བར་མི་འགྱུར་བ། །བསྐལ་པ་དག་ནི་བརྒྱ་ལོན་ཀྱང ། །དུས་དང་འཕྲོད་ནས་ཐོབ་པ་ནི། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་སྔོན་འདས་པའི་དུས་ན་བྱུང་བ་ནི། རྒྱལ་པོའི་ཁབ་འདི་ཉིད་ན་གྲོང་ཁྱེར་གཞན་ཞིག་ཏུ་བ་ལང་རྫི་བོ་ཞིག་གནས་པ་དེས། རིགས་དང་མཉམ་པ་ལས་ཆུང་མ་ཞིག་བླངས་ཏེ།་དེས་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས། དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །སངས་རྒྱས་མི་འབྱུང་བ་ན་རང་སངས་རྒྱས་འཇིག་རྟེན་དུ་འབྱུང་སྟེ། ཉམས་ཤིང་དམན་པ་ལ་ཐུགས་བརྩེ་བ། གནས་པས་མཐར་ཚ་བ་འཇིག་རྟེན་པའི་ཡོན་གནས་གཅིག་པའོ། །ཇི་ཙམ་ན་རང་སངས་རྒྱས་</font><hr>Da229b<br><font size=+2>


གཞན་ཞིག་ཡུལ་རྒྱུ་ཞིང་རྒྱལ་པོའི་ཁབ་ཏུ་གཤེགས་ཏེ། དེའི་ཚེ་ན་རྒྱལ་པོའི་ཁབ་ཀྱི་གྲོང་ཁྱེར་དུ་དུས་སྟོན་ཉེ་བར་གྱུར་ཏོ། །དེར་སྡུན་\་ཥྞGཱུཎ་?\ཟན་པ་ལྔ་བརྒྱ་ཙམ་ཞིག་གཙང་ཞིང་བསོད་པའི་བཟའ་བ་དང ། བཅའ་བ་ཁྱེར་ཏེ། གོས་སྣ་ཚོགས་ཀྱིས་ཀླུབས། མེ་ཏོག་ཀུ་སུ་མ་དྲི་ཞིམ་པོས་བརྒྱན་ཏེ། གར་བྱེད། གླུ་ལེན། རྔ་རྡུང་ཞིང་སྐྱེད་མོས་ཚལ་གྱི་སར་དོང་བའི་བར་དུ་བ་ལང་རྫི་མོ་ཞིག་དར་བ་བུམ་པ་གང་ཐོགས་ཏེ། ལམ་དེ་ནས་མར་སོང་བ་དང ། སྡུན་\་ཥྞGཱུཎ་?\ཟན་པ་དེ་དག་གིས་དེ་མཐོང་ནས། གྲོགས་མོ་ཚུར་ཤོག་།གླུ་བླང་ངོ ། །ཞེས་སྨྲས་པ་དང ། དེས་ཀྱང་དེ་དག་གར་ཇི་ལྟར་བྱེད་པ་དེ་ལྟ་དེ་ལྟར་བྱས་པས། དེའི་མངལ་ཞིག་པར་གྱུར་ཏོ། །དེ་ཁྲོས་ནས་རང་སངས་རྒྱས་ལ་ཨ་མྲའི་འབྲས་བུ་སྨིན་པ་ལྔ་བརྒྱ་ཕུལ་ནས་སྨོན་ལམ་བཏབ་པ། དགེ་བའི་རྩ་བ་འདིས་བདག་གང་དང་གང་དུ་སྐྱེས་པ་དེ་དང་དེར་མདངས་འཕྲོག་པའི་གནོད་སྦྱིན་མོ་ཞིག་ཏུ་སྐྱེས་ལ་རྒྱལ་པོའི་ཁབ་ཀྱི་མི་རྣམས་ཀྱི་བུ་དང་བུ་མོ་བདག་གིས་ཕྲོགས་ཏེ། ཟ་བར་གྱུར་ཅིག་།བདག་ལ་བུ་ལྔ་བརྒྱ་བཙའ་བར་གྱུར་ཅིག་།ཅེས་སྨྲས་སོ། །དགེ་སློང་དག་དེའི་ཚེ་བ་ལང་རྫིའི་ཆུང་མར་གྱུར་བ་ནི་ད་ལྟར་འཕྲོག་མ་འདི་ཡིན་ཏེ། སྨོན་ལམ་བཏབ་པའི་དབང་གིས་འདི་ལྟ་བུར་སྐྱེས་པ་ཡིན་ནོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་གཅིག་པ། གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་དགེ་སློང་མ་དགོན་པ་ལ་གནས་</font><hr>Da230a<br><font size=+2>


༄#། །པར་མི་བྱའོ། །ཞེས་གསུངས་པ་དང ། དེ་དག་ཚོང་འདུས་དང ། སྲང་དང ། ལམ་གྱི་སུམ་མདོ་དག་ཏུ་བསམ་གཏན་ལ་ཞུགས་པ་དང ། དེ་ཡང་ཉེས་པའི་དམིགས་སུ་གྱུར་ཏེ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དེ་ལྟ་བས་ན། དགེ་སློང་མ་དག་དབྱར་མོ་ཁང་དུ་གནས་པར་བྱའོ། ། ཞེས་བཀའ་སྩལ་པ་དང ། དད་པའི་བྲམ་ཟེ་དང་ཁྱིམ་བདག་དག་གིས་བཅོམ་ལྡན་འདས་ཀྱིས་དགེ་སློང་མ་རྣམས་ལ་དབྱར་མོ་ཁང་གནང་ངོ ། །ཞེས་ཐོས་ནས། དེ་དག་གིས་གྲོང་ཁྱེར་གྱི་ཕྱི་རོལ་ཏུ་དགེ་སློང་མའི་དབྱར་མོ་ཁང་བརྩིགས་པ་དང ། དགེ་སློང་མ་དག་ལ་དེ་བཞིན་དུ་མི་རྒོད་དང ། ནལ་གྱི་བུ་དང ། སུའི་བུ་གཏོལ་མེད་པ་དག་གླགས་ལྟ་བར་གྱུར་ནས། ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དེ་ལྟ་བས་ན་དགེ་སློང་མའི་དབྱར་མོ་ཁང་གྲོང་ཁྱེར་གྱི་ཕྱི་རོལ་ཏུ་མ་བརྩིགས་པར་གྲོང་ཁྱེར་གྱི་ནང་དུ་བརྩིག་པར་བྱའོ། །ཞེས་བཀའ་སྩལ་ཏོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོ་དབྱར་མོ་ཁང་གི་སྒོ་ན་འདུག་སྟེ། བྲམ་ཟེ་དང ། ཁྱིམ་བདག་དག་ལ་འཕྱས་པ་དང ། དེ་དག་འཕྱ་ཞིང་སྨོད། ངན་དུ་ཟེར་ཏེ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས་བཅོམ་ལྡན་འདས་ཀྱིས་དགོངས་པ། </font><hr>Da230b<br><font size=+2>


གང་ཉེས་པའི་དམིགས་སུ་གྱུར་པ་ནི། དགེ་སློང་མ་དབྱར་མོ་ཁང་གི་སྒོ་ན་འདུག་པའི་ཕྱིར་ཏེ། དེ་ལྟ་བས་ན་དགེ་སློང་མ་དབྱར་མོ་ཁང་གི་སྒོ་ན་འདུག་པར་མི་བྱ་བར་དགོངས་ནས། །དགེ་སློང་རྣམས་ལ་བཀའ་སྩལ་པ། དགེ་སློང་རྣམས་བྲམ་ཟེ་དང་ཁྱིམ་བདག་དག་འཕྱ་བ་ནི་གནས་ཡིན་ཏེ། དེ་ལྟ་བས་ན་དགེ་སློང་མ་དབྱར་མོ་ཁང་གི་སྒོ་ན་འདུག་པར་མི་བྱའོ། །དགེ་སློང་མ་དབྱར་མོ་ཁང་གི་སྒོ་ན་འདུག་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་དགེ་སློང་མ་དབྱར་མོ་ཁང་གི་སྒོ་ན་འདུག་པར་མི་བྱའོ། ། ཞེས་བཀའ་སྩལ་པ་དང ། སྦོམ་དགའ་མོ་སྐར་ཁུང་དུ་འདུག་སྟེ། བྲམ་ཟེ་དང་ཁྱིམ་བདག་དག་ལ་འཕྱ་བ་དང ། དེ་དག་ཀྱང་ངོར་འཕྱ་ནས་སྔ་མ་བཞིན་ཏེ། དགེ་སློང་མ་སྐར་ཁུང་དུ་འདུག་པར་མི་བྱའོ། །ཞེས་བྱ་བའི་བར་དུ་སྟེ། དགེ་སློང་མ་སྐར་ཁུང་དུ་འདུག་ན་འདས་པ་དང་བཅས་པར་འགྱུར་རོ། །སྡོམ་ནི། སང་ཀ་ཀྵི་ནི་གནང་བའོ། །སྐྱེས་པ་འཁྲུ་བར་ཁྲུས་མི་བྱ། །སྲང་དག་ཏུ་ནི་མི་འགྲོ་སྟེ། །དེ་དག་བསྙེན་པར་དེས་རྫོགས་སོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ།་དགེ་སློང་མ་དག་གི་དབྱར་མོ་ཁང་ན་ཆོས་གོས་ལྔ་གྱོན་ཏེ་ལས་ཀུན་བྱེད་པ་དང ། དེ་དག་ཉོན་མོངས་པར་གྱུར་ཏོ། །དེ་ལྟར་གྱུར་པ་ཐོས་ནས་དགེ་སློང་མ་དག་གིས་དགེ་སློང་ལ་སྨྲས་</font><hr>Da231a<br><font size=+2>


༄#། །པ་དང ། དགེ་སློང་ཕ་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དེ་ལྟ་བས་ན་དགེ་སློང་མ་སང་ཀ་ཀྵི་གནང་གི་གྱོན་ཏེ། དབྱར་མོ་ཁང་གི་ལས་ཀུན་བྱོས་ཤིག། ཅེས་བཀའ་སྩལ་ཏོ། བྲམ་ཟེ་དང ། ཁྱིམ་བདག་དག་དབྱར་མོ་ཁང་དུ་འོངས་ན་ཡང་དེ་དག་དེ་བཞིན་དུ་སང་ཀ་ཀྵི་གྱོན་པས་ལས་བྱེད་དེ། དེ་དག་ཆགས་པར་གྱུར་ཏོ། །གཞན་དད་པ་དག་ནི་འཕྱའོ། །དེ་ལྟར་གྱུར་པ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང ། ཁྱིམ་བདག་འཕྱ་བ་ནི་གནས་ཡིན་ཏེ། དེ་ལྟ་བས་ན་དགེ་སློང་མ་བྲམ་ཟེ་དང ། ཁྱིམ་བདག་གི་མདུན་ན་སང་ཀ་ཀྵི་གྱོན་ཏེ་ལས་མ་བྱེད་ཅིག་།དགེ་སློང་མས་བྲམ་ཟེ་དང་ཁྱིམ་བདག་གི་མདུན་དུ་སང་ཀ་ཀྵི་གྱོན་པས་ལས་བྱེད་ན་འདས་པ་དང་བཅས་པར་འགྱུར་རོ། །འདི་ལྟར་ནམ་བྲམ་ཟེ་དང ། ཁྱིམ་བདག་གི་མདུན་དུ་ལས་བྱེད་པ་དེའི་ཚེ། སང་ཀ་ཀྵི་ས་དཔུང་པ་གཡོགས་ལ་སང་ཀ་ཀྵི་གྱོན་ཏེ་ལས་ཀུན་བྱོས་ཤིག་།གླེང་གཞི་ནི་མཉན་དུ་ཡོད་པ་ན་སྟེ། སྦོམ་དགའ་མོ་སྐྱེས་པ་འཁྲུ་བའི་སར་དེས་ཁྲུས་བྱས་པ་དང ། ཁྱེའུ་དང་གཞོན་ནུ་དག་གིས་དེ་མཐོང་ནས་གཅིག་ལ་གཅིག་གཏམ་དུ་ཟེར་བ་ནི། ཀྱེ་ལྟོས་ཤིག་།དགེ་སྦྱོང་མ་མགོ་བྱི་མོ་དེའི་ལུས་ནི་ནགས་ཀྱི་མ་ཧེ་བཞིན་ནོ། །དེ་ལྟར་གྱུར་པ་དགེ་སློང་མ་དག་</font><hr>Da231b<br><font size=+2>


གིས་དགེ་སློང་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། གང་སུ་ཞིག་དགེ་སློང་མ་སྐྱེས་པ་འཁྲུ་བའི་སར་འཁྲུ་ན་ཉེས་པའི་དམིགས་ཡིན་ཏེ། དེ་ལྟ་བས་ན་དགེ་སློང་མས་སྐྱེས་པ་འཁྲུ་བའི་སར་ཁྲུས་མི་བྱ་བར་དགོངས་ནས། དགེ་སློང་དག་ལ་བཀའ་སྩལ་པ། དགེ་སློང་རྣམས་བྲམ་ཟེ་དང་ཁྱིམ་བདག་འཕྱ་བ་ནི་གནས་ཡིན་ཏེ། དེ་ལྟ་བས་ན་དགེ་སློང་མས་སྐྱེས་པ་འཁྲུ་བའི་གནས་སུ་མ་འཁྲུ་ཞིག་།དགེ་སློང་མས་སྐྱེས་པ་འཁྲུ་བའི་སར་འཁྲུ་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོ་ལམ་གྱི་བཞི་མདོ་ན་འདུག་ནས། བྲམ་ཟེ་དང་ཁྱིམ་བདག་རྣམས་ལ་འཕྱས་པ་དང ། དེ་དག་གིས་ཀྱང་དགེ་སྦྱོང་མགོ་རེག་མོ་ལམ་གྱི་བཞི་མདོར་འདུག་སྟེ། ཡུ་བུ་ཅག་ལ་འཕྱ་ཡི་ལྟོས་ཤིག་།ཅེས་འཕྱའོ། །དེ་ལྟར་གྱུར་པ་དགེ་སློང་མ་དག་གིས་ཐོས་ནས་དགེ་སློང་དག་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་དག་ནི་འཕྱ་བ་གནས་ཡིན་ཏེ། དེ་ལྟ་བས་ན་དགེ་སློང་མས་སྲང་དུ་མ་འགྲོ་ཞིག་།འགྲོ་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་ཨུ་པ་ལིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་</font><hr>Da232a<br><font size=+2>


༄#། །ཀྱིས་ནི་གོའུ་ཏ་མི་སྐྱེ་དགུའི་བདག་མོ་ཆེན་མོ་བླ་མའི་ཆོས་ཁས་བླངས་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་འགྱུར་རོ། ། ཞེས་གསུངས་ན། ཅི་བཙུན་པ་དགེ་སློང་མ་ལྔ་བརྒྱ་དེ་དག་གིས་ཀྱང་བླ་མའི་ཆོས་ཁས་བླངས་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་འགྱུར་ལགས་སམ། ཨུ་པ་ལི། དགེ་སློང་མ་ལྔ་བརྒྱ་དེ་དག་ཀྱང་བླ་མའི་ཆོས་ཁས་བླངས་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་གྱུར་ཏོ། །སྡོམ་ནི། ཇི་ལྟར་མཚན་གཉིས་པ་དང་ཡང ། །དེ་བཞིན་གླེ་ཡང་འདམས་གྱུར་པ། །རྟག་ཏུ་ཁྲག་རབ་འཛག་པ་དང ། ཐ་མ་ཡི་ནི་ཁྲག་མེད་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། མཉན་དུ་ཡོད་པ་ན་དགེ་སློང་མ་གཞན་ཞིག་གིས་མཚན་གཉིས་པ་ཞིག་རབ་ཏུ་ཕྱུང་པ་དང ། དེས་དགེ་སློང་མ་དག་ལ་མཚན་མ་བསྟན་ནས། དགེ་སློང་མ་དག་གིས་དེ་ལ་ཕུ་ནུ་མོ་ཁྱོད་ཇི་ལྟ་བུ། ཞེས་དྲིས་པ་དང ། དེས་སྨྲས་པ། ཆེ་ཞེ། མཚན་གཉིས་མའོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མཚན་གཉིས་པ་ནི་མ་ནིང་ཡིན་གྱི། </font><hr>Da232b<br><font size=+2>


དགེ་སློང་ཁྱེད་ཀྱིས་མཚན་གཉིས་པ་དེ་སྐྲོད་ཅིག་།དགེ་སློང་མཚན་གཉིས་པ་ནི་ཆོས་འདུལ་པ་འདི་ལ་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་འདོད་དེ། དེ་འོངས་ན་དེ་ལ་དེ་དག་གིས་ཁྱོད་མཚན་གཉིས་པ་མ་ཡིན་ནམ། ཞེས་དྲིས་ཤིག་།མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་དགེ་སློང་མ་གཞན་ཞིག་གིས་གླེ་འདམས་པ་ཞིག་རབ་ཏུ་ཕྱུང་ནས་དེ་ཆབ་ཁུང་སར་སོང་སྟེ། གཅིས་པ་དང ། དེ་ཡང་བཤང་གཅི་གཉིས་ཀ་བྱུང་སྟེ། དེ་སླར་བྱུང་བ་དང ། དགེ་སློང་མ་གཞན་ཞིག་དེར་ཞུགས་པ་དང ། ཆབ་ཁུང་ས་བཤང་བས་མ་རུང་པར་གྱུར་པ་དེས་མཐོང་ནས། དེས་ནུ་མོ་ཆབ་ཁུངས་འདི་བཤང་བ་ས་མ་རུང་བར་སུས་བྱས། ཞེས་དྲིས་པ་དང ། དེས་ཆེ་ཞེ། བདག་གིས་བག་མ་མཆིས་པས་མ་རུང་པར་བགྱིས་སོ། །ཞེས་སྨྲས་པ་དང ། དེས་ནུ་མོ་ཁྱོད་ཀྱིས་བག་མེད་པ་ཅི་ཞིག་བྱས། ཞེས་དྲིས་པ་དང ། དེས་སྨྲས་པ། ཆེ་ཞེ། བདག་ནི་གླེ་འདམས་མ་སྟེ། གཅི་བར་བསམ་པ་དང ། དེ་ན་བཤང་བ་ཡང་བྱུང་ན། བདག་གིས་ཇི་ལྟར་བགྱི། དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱོད་ཀྱིས་གླེ་འདམས་མ་དེ་སྐྲོད་ཅིག་།དགེ་སློང་གི་ཆོས་</font><hr>Da233a<br><font size=+2>


༄#། །འདུལ་བ་ལ་གླེ་འདམས་མ་ལ་ནི་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་དོད་པ་དེའི་དྲུང་དུ་འོངས་ན་དེས་གླེ་འདམས་མ་མ་ཡིན་ནམ། ཞེས་དྲིས་ཤིག་།མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་དགེ་སློང་མ་གཞན་ཞིག་གིས་རྟག་ཏུ་ཁྲག་འཛག་པ་ཞིག་རབ་ཏུ་ཕྱུང་སྟེ། དེའི་སྨད་གཡོགས་ཀྱི་གནས་སུ་ཁྲག་གིས་མ་རུང་བར་གྱུར་ཏེ། སྦྲང་བུ་དག་གིས་གང་བར་མཐོང་བ་དང ། དེ་ལ་དགེ་སློང་མ་གཞན་ཞིག་གིས་ནུ་མོ་ཁྱོད་ཁྲག་རྟག་ཏུ་འཛག་གམ། ཞེས་དྲིས་པ་དང ། དེས་སྨྲས་པ། ཕུ་ནུ་མོ་ཇི་ལྟར་བྱ། བདག་ནི་རྟག་ཏུ་ཁྲག་འཛག་པའོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྟག་ཏུ་ཁྲག་འཛག་པ་ནི་མ་ནིང་མོ་ཡིན་ཏེ། དགེ་སློང་ཁྱེད་ཀྱིས་སྐྲོད་ཅིག་།ཆོས་འདུལ་བ་ལ་འདི་རྟག་ཏུ་ཁྲག་འཛག་པ་ལ་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་བས་ན་གང་སུ་ཞིག་རབ་ཏུ་འབྱུང་བར་འདོད་དེ་དྲུང་དུ་འོངས་ན་དེས་ཁྱོད་རྟག་ཏུ་ཁྲག་འཛག་པ་མ་ཡིན་ནམ། ཞེས་དྲིས་ཤིག་།མ་དྲིས་པར་རབ་ཏུ་ཕྱུང་ན་འདས་པ་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་</font><hr>Da233b<br><font size=+2>


དགེ་སློང་མ་གཞན་ཞིག་གིས་ཁྲག་མེད་པ་ཞིག་རབ་ཏུ་ཕྱུང་བས། འདོད་ཆགས་དང་བྲལ་བ་མ་ཡིན་པས་ན། དགེ་སློང་མ་དག་ནི་དུས་དུས་སུ་ཁྲག་འཛག་པ་དང ། དེས་དེ་མཐོང་ནས་དཔྱས་པ། ཕུ་ནུ་མོ་དག་ཁྱེད་ཅག་ལོག་པར་རྟོག་པ་ལ་རྟོག་གམ། ཅིའི་ཕྱིར་ཁྱེད་ཅག་ཁྲག་འཛག་།ནུ་མོ་ཅི་ཞིག་འཕྱར་ཡོད། བུད་མེད་ནི་ཆོས་ཉིད་ཀྱིས་འདི་བཞིན་ན་ཁྱོད་ཅི་མི་འཛག་གམ། དེས་བདག་ནི་ཁྲག་མེད་ན་བདག་ལ་ཁྲག་འཛག་ཏུ་ཅི་ཞིག་ཡོད། ཅེས་སྨྲས་སོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་ནས། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྲག་མེད་པ་ནི་མ་ནིང་ཡིན་ཏེ། ཁྱོད་ཀྱིས་སྐྲོད་ཅིག་།དགེ་སློང་དག་ཁྲག་མེད་པ་ལ་ཆོས་འདུལ་བ་འདི་ལ་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་འདོད་དེ་དེའི་དྲུང་དུ་འོངས་ན་དེས་ཁྱོད་ཁྲག་མེད་པ་མ་ཡིན་ནམ། ཞེས་དྲིས་ཤིག་།མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །སྡོམ་ནི། མཚན་མ་ཙམ་དང་སྨེ་གབ་ཀྱི། །སྲད་བུས་དེ་ལ་བཅིང་བར་བྱ། །ཐུ་མི་བྱ་དང་དགེ་སློང་ཆགས། །དགེ་སློང་མས་ཀྱང་བཤགས་མི་བྱ། ། སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། མཉན་དུ་ཡོད་པ་ན་དགེ་སློང་མ་གཞན་ཞིག་གིས་མཚན་མ་</font><hr>Da234a<br><font size=+2>


༄#། །ཙམ་ཡོད་པ་ཞིག་རབ་ཏུ་ཕྱུང་སྟེ། དེ་ཆབ་ཁུང་སར་ཞུགས་ནས། རིང་ཞིག་ལོན་ཏེ་སླར་བྱུང་བ་དང ། དེ་ལ་དགེ་སློང་མ་དག་གིས་ནུ་མོ་རིང་ཞིག་ཐོགས་ཏེ་བྱུང་ན་ཅི་བྱེད། དེས་ཕུ་ནུ་མོ། །བདག་ནི་མཚན་མ་ཙམ་མཆིས་ལགས་ཏེ། མོ་མཚན་ཚང་བ་མ་ལགས་ན་ཇི་ལྟར་བགྱི། ཞེས་སྨྲས་སོ། །དེས་ནུ་མོ་ཁྱོད་མཚན་མ་ཙམ་པ་ཞིག་མ་ཡིན་ནམ། ཞེས་དྲིས་པ་དང ། དེས་ཕུ་ནུ་མོ་བདག་ནི་མཚན་མ་ཙམ་མོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་མ་ལ་སྨྲས་ཏེ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མཚན་མ་ཙམ་པ་མ་ནིང་ཡིན་ཏེ། ཁྱོད་ཀྱིས་སྐྲོད་ཅིག་།དགེ་སློང་དག་།ཆོས་འདུལ་བ་འདི་ལ་མཚན་མ་ཙམ་ལ་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་འདོད་དེ་དེའི་དྲུང་དུ་འོངས་ན་དེ་དག་ལ་ཁྱོད་མཚན་མ་ཙམ་ཡོད་པ་མ་ཡིན་ནམ། ཞེས་དྲིས་ཤིག་།མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། འདོད་ཆགས་དང་བྲལ་བ་མ་ཡིན་པས་ན། དགེ་སློང་མ་སྔོན་གྱི་ལས་ཀྱི་ཉེས་པས་སྐབས་སྐབས་སུ་མོ་མཚན་ནས་ཁྲག་ཟགས་པས། དེའི་སྨད་གཡོགས་ཀྱི་གནས་གནས་སུ་མ་རུང་བར་གྱུར་ཏེ། སྦྲང་བུ་དག་གིས་གང་བ་དང་མི་མཛེས་ཏེ། </font><hr>Da234b<br><font size=+2>


དགེ་སློང་མས་བཀྲུས་ནས་བཅོས་ཀྱང་སླར་དེ་འདྲ་བར་གྱུར་ཏེ། དེ་ལྟར་གྱུར་པ་དགེ་སློང་དག་ལ་སྨྲས་ནས། དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་མས་སྨེ་གབ་ཆོངས་ཤིག་།བཅོམ་ལྡན་འདས་ཀྱིས་དགེ་སློང་མས་སྨེ་གབ་ཆོངས་ཤིག། ཅེས་གསུངས་པ་དང ། དགེ་སློང་མ་དག་སྨེ་གབ་འཆང་བར་གྱུར་ནས། དེ་ནས་དུས་ཕྱི་ཞིག་ན། སྦོམ་དགའ་མོ་བསོད་སྙོམས་ལ་ཞུགས་པ་དང ། སྲང་དུ་སྨེ་གབ་ལྷུང་ནས། སྲང་ན་ཁྱེའུ་དང ། བུ་མོ་དག་ཅིག་རྩེ་བ་དག་གིས་མཐོང་སྟེ། དེ་དག་གིས་འཕགས་མ་འདི་ཅི་ཞིག་ལྷུང ། ཞེས་དྲིས་པ་དང ། དེ་སྐད་སྨྲས་པས་ཁྲོས་ཏེ་བུ་ཟན་མོའི་བུ་མོ་དང ། སྲིང་མོའི་དྲུང་དུ་དེང་ལ་དྲིས་ཤིག་དང ། དེ་དག་གིས་སྟོན་ཏོ། །ཞེས་སྨྲས་སོ། །དེ་ལྟར་གྱུར་པ་དགེ་སློང་མ་དག་གིས་ཐོས་ཏེ། དགེ་སློང་དག་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དེ་ལྟ་བུ་ཁོ་ནར་མོ་མཚན་གྱི་སྨེ་གབ་བཅང་བར་མི་བྱའོ། །སྲད་བུས་ཐོགས་ལ་རྐེད་པ་ལ་ཆོངས་ཞིག་།དེ་ལྟར་ན་ཉེས་པའི་དམིགས་སུ་མི་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང ། ཆོས་གོས་བགོས། ལྷུང་བཟེད་ཐོགས་ཏེ། </font><hr>Da235a<br><font size=+2>


༄#། །མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་པ་དང ། དེ་སྦོམ་དགའ་མོས་མཐོང་ནས་མྱུར་ཞིང་རིངས་པར་དེའི་དྲུང་དུ་སོང་སྟེ། གླེན་པ། རབ་ཏུ་གླེན་པ། ཞེས་སྨྲས་ནས། མཆིལ་མས་བཏབ་པ་དང ། དེས་སྨྲས་པ། སྲིང་མོ་ཁྱོད་ཀྱིས་ནི་ཉེས་པ་མེད་ཀྱི། ཚེ་དང་ལྡན་པ་ཀུན་དགའ་བོས། གལ་ཏེ་ཉེས་པ་སྦོམ་པོ་སྤྱོད་པའི་བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་ཕྱུང་སྟེ། བསྙེན་པར་རྫོགས་ནས་དགེ་སློང་མའི་དངོས་པོར་གནང་བས་ལན་ནོ། །དེ་ལྟར་གྱུར་པ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས། དགེ་སློང་དག་སྦོམ་དགའ་མོ་ནི་དགེ་སྦྱོང་མ་ཡིན། དགེ་སློང་མ་མ་ཡིན་ཏེ། སྨད་འཚོང་མ་ཡང་ཇི་ལྟར་སྦོམ་དགའ་མོས་བྱས་པ་བཞིན་དགེ་སློང་ལ་མི་བྱེད་དོ། །དེ་ལྟ་བས་ན་དགེ་སློང་མས་དགེ་སློང་ལ་ཐུ་ཞེས་བྱ་བར་མ་བྱེད་ཅིག་།ཅེས་བཀའ་སྩལ་ཏོ། །དགེ་སློང་མས་དགེ་སློང་ལ་ཐུ་ཞེས་བྱས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་ཚེ་ན་དགེ་སློང་གཞན་ཞིག་ལ་ཉེས་པ་བྱུང་སྟེ། དེས་དགེ་སློང་མ་ཞིག་མཐོང་ནས། འཕགས་མ་ཅུང་ཞིག་འདུག་ཅེས་སྨྲས་པ་དང ། དེས་འཕགས་པ་ཅི་འཚལ། དེས་འཕགས་མ་བདག་ལ་ཉེས་པ་ཞིག་བྱུང་སྟེ། འཆགས་སོ་ཞེས་སྨྲས་སོ། །དེ་འདུག་ནས་དེས་དེའི་མདུན་དུ་</font><hr>Da235b<br><font size=+2>


འདུག་སྟེ་སྨྲས་ན། དགོངས་ཤིག་འཕགས་མ། བདག་མིང་འདི་ཞེས་བྱ་བའི་དགེ་སློང་ལ་འདི་ལྟ་བུ་འདི་འདྲ་བའི་ཉེས་པ་ཞིག་བྱུང་སྟེ། བདག་གིས་འཕགས་མའི་མདུན་དུ་མཐོལ་ལོ། །འཆགས་སོ། །མི་འཆབ་བོ། །མཐོང་ཞིང་བཤགས་བས་བདེ་བར་འགྱུར་གྱི་མ་མཐོལ་མ་བཤགས་ན་ནི་མི་འགྱུར་རོ། །མོས་འཕགས་པ་ཅི། འདི་འདྲ་བའི་ཉེས་པ་ཡང་ཁྱོད་ལ་བྱུང་ངམ། དེ་ནི་མ་ལེགས་པ་བྱས་སོ། །ཞེས་སྨྲས་པ་དང ། དགེ་སློང་དེ་སྐྱེངས་པར་གྱུར་ཏེ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་གིས་དགེ་སློང་མའི་མདུན་དུ་ཉེས་པ་བཤགས་པར་མི་བྱ་སྟེ། ཡོངས་སུ་དག་པ། ལྟ་བ་མཐུན་པའི་དགེ་སློང་གི་མདུན་དུ་བཤགས་པར་བགྱིའོ། ། དགེ་སློང་གིས་དགེ་སློང་མའི་མདུན་དུ་ཉེས་པ་བཤགས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་དུས་ན་དགེ་སློང་མ་གཞན་ཞིག་ལ་ཉེས་པ་བྱུང་ནས། དེས་དགེ་སློང་ཞིག་མཐོང་སྟེ། དེས་བསྟི་སྟང་དུ་བྱ་བ་དང་བཅས་ཏེ་རྐང་པ་ལ་ཕྱག་འཚལ་ནས། འཕགས་པ་ཐུགས་རྗེས་དགོངས་ཏེ་ཅུང་ཞིག་བཞུགས་ཤིག་།ཅེས་སྨྲས་པ་དང ། དེས་འཕགས་མ་ཅི་དགོས་ཞེས་དྲིས་ན། དེས་འཕགས་པ་བདག་ལ་ཉེས་པ་ཞིག་བྱུང་སྟེ། དེ་འཕགས་པའི་སྤྱན་སྔར་བཤགས་སོ། །ཞེས་སྨྲས་པ་དང ། དེ་འདུག་གོ་།དེས་ཀྱང་དེའི་</font><hr>Da236a<br><font size=+2>


༄#། །རྐང་པ་ལ་ཕྱག་བྱས་ཏེ། མདུན་དུ་འདུག་ནས་ཐལ་མོ་སྦྱར་ཏེ། འཕགས་པ་དགོངས་ཤིག་།བདག་མིང་འདི་ཞེས་བྱ་བའི་དགེ་སློང་མ་ལ་འདི་ལྟ་བུ་འདི་འདྲ་བའི་ཉེས་པ་ཞིག་བྱུང་སྟེ། དེ་བདག་གིས་འཕགས་པའི་སྤྱན་སྔར་ཉེས་པ་བྱུང་བ་བཤགས་སོ། །མཐོལ་ལོ། །མི་འཆབ་བོ། །མཐོལ་ཞིང་བཤགས་ན་བདེ་བར་འགྱུར་རོ། ། མ་བཤགས་མ་མཐོལ་ན་ནི་མ་ཡིན་ནོ། །དེས་འདི་ལྟ་བུའི་གཟུགས་ཀྱི་ཉེས་པ་བྱུང་བ་ནི་འཕགས་མས་མ་ལེགས་པ་བྱས་སོ། །ཞེས་སྨྲས་པ་དང ། དགེ་སློང་མ་དེ་སྐྱེངས་པར་གྱུར་ཏོ། །དེ་ལྟར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་མས་དགེ་སློང་ཕའི་མདུན་དུ་ཉེས་པ་མཐོལ་བར་མི་བྱ་སྟེ། དགེ་སློང་མ་ཡོངས་སུ་དག་པ་།ལྟ་བ་མཐུན་པའི་མདུན་དུ་ཉེས་པ་མཐོལ་བར་བྱའོ། །དགེ་སློང་མས་དགེ་སློང་གི་མདུན་དུ་ཉེས་པ་མཐོལ་ན་འདས་པ་དང་བཅས་པར་འགྱུར་རོ། །སྡོམ་ནི། དགེ་སློང་ཕས་ནི་ལས་བརྗོད་ཅིག་།དགེ་སློང་མས་ནི་བརྟག་པར་བྱའོ། །ཁྲི་དང་ཁྲིའུ་ཡང་སྦྱིན་པར་བྱ། གཡོགས་པ་དག་ལ་མི་གཞག་གོ་།སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་</font><hr>Da236b<br><font size=+2>


སོ། །བཅོམ་ལྡན་འདས་ཀྱིས་དགེ་སློང་ཕའི་ལས་ཀྱང་སོ་སོ། །དགེ་སློང་མའི་ཡང་སོ་སོ། །སྤྱིའི་ལས་ནི་མ་གཏོགས་སོ། །ཞེས་གསུངས་པ་དང ། དགེ་སློང་མ་དག་དགེ་སློང་ཕའི་མདུན་དུ་ལས་བྱས་པ་དང་འཇིགས་པར་གྱུར་ཏེ། ལས་བྱེད་པར་མ་སྦོབས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་ལས་བྱོས་ཤིག་།དགེ་སློང་མས་ནི་བརྟག་པར་བྱའོ། །བཅོམ་ལྡན་འདས་ཀྱིས་དེ་ལྟ་བས་ན། དགེ་སློང་དག་དགེ་སློང་གིས་ནི་ལས་བྱོས་ཤིག་།དགེ་སློང་མས་ནི་བརྟག་པར་བྱའོ། །ཞེས་གསུངས་པ་དང ། དགེ་སློང་མ་དག་གིས་ཇི་ལྟར་བརྟག་པ་མི་ཤེས་ཏེ། དེ་དག་གིས་དེ་ལྟར་གྱུར་པ་དགེ་སློང་དག་ལ་སྨྲས་ནས་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་དག་གིས་བག་ཡོད་པར་ཡིད་ལ་བྱ་སྟེ། འདི་ནི་གསོལ་བའོ། ། འདི་ནི་ལས་དང་པོའོ། །འདི་ནི་གཉིས་པའོ། །འདི་ནི་གསུམ་པའོ། །ཞེས་ཤེས་པར་བྱའོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་ཆོས་ཉན་པ་བསྒྲགས་པར་བྱོས་ཤིག་།ཅེས་གསུངས་པ་དང ། དགེ་སློང་དག་གིས་སྟན་མ་བཏིང་ནས། བཅོམ་ལྡན་འདས་ཀྱིས་སྟན་ཐིང་ཞིག་།ཅེས་བཀའ་སྩལ་ཏོ། དེ་ནས་དུས་ཕྱི་ཞིག་ན་</font><hr>Da237a<br><font size=+2>


༄#། །ཆོས་བཤད་པ་བསྒྲགས་པར་གྱུར་པ་ན། དགེ་སློང་མ་དག་འོངས་ནས་གཡོགས་པའི་ཁྲིའུ་ལ་འདུག་སྟེ། ཆོས་ཉན་པར་བརྩམས་པ་དང ། དེར་དགེ་སློང་མ་གཞན་ཞིག་གིས་དྲན་པ་ཉེ་བར་མ་བཞག་སྟེ། ཁྲག་ཟགས་ནས་གཡོགས་པའི་ཁྲིའུ་མ་རུང་བར་གྱུར་ཏོ། །དེ་ནས་ཆོས་བསྒྲགས་པ་ཟིན་པ་དང ། དགེ་སྐོས་ཀྱིས་སྟན་བསྡུ་བར་བརྩམས་པ་ན། ཇི་ཙམ་ན་གཡོགས་པའི་ཁྲིའུ་མ་རུང་བར་གྱུར་ཏེ། སྦྲང་བུས་གང་བ་མཐོང་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན། དགེ་སློང་མ་དག་ཆོས་ཉན་པའི་ཕྱིར་འོངས་པ་ལ་གཡོགས་པའི་ཁྲིའུ་མི་སྦྱིན་ནོ། །དེས་ཀྱང་ཁྲིའུའི་གཡོགས་པ་ལ་འདུག་པར་མི་བྱའོ། །བཅོམ་ལྡན་འདས་ཀྱིས་དགེ་སློང་མ་ཆོས་ཉན་དུ་འོངས་པ་ལ་ཁྲིའུ་གཡོགས་པ་མ་སྦྱིན་ཅིག་།ཅེས་བཀའ་སྩལ་པ་དང ། དགེ་སློང་དག་གིས་དེ་དག་ཆོས་ཉན་པའི་ཕྱིར་ལྷགས་པ་རྣམས་ལ་ཁྲིའུ་མ་གཡོགས་པ་བྱིན་པ་དང ། ཇི་ཙམ་ན་སྐྱེ་དགུའི་བདག་མོ་ཆེན་མོ་ཆོས་ཉན་པའི་ཕྱིར་འོངས་པ་དང ། དེ་ལ་ཡང་ཁྲིའུ་མ་གཡོགས་པ་ཞིག་བྱིན་པ་དང ། དེས་འཕགས་པ། བདག་སྔོན་ཁྱིམ་ན་གནས་པ་ན་ཡང་ཁྲིའུ་གཡོགས་པ་ལ་ཅུང་ཟད་ཀྱང་མ་མཆིས་སོ། །ཞེས་སྨྲས་པ་</font><hr>Da237b<br><font size=+2>


དང ། དགེ་སློང་དག་གིས་སྨྲས་པ། གོའུ་ཏ་མི་བཅོམ་ལྡན་འདས་ཀྱིས་མ་གནང་སྟེ། དགེ་སློང་མ་ཆོས་ཉན་པའི་ཕྱིར་ལྷགས་པ་ལ་ཁྲིའུ་གཡོགས་པ་མ་སྦྱིན་ཅིག་།ཅེས་བཀའ་སྩལ་ཏོ། །དེས་འཕགས་པ། དགེ་སློང་མ་གང་དག་དྲན་པ་ཉེ་བར་མི་འཇོག་པ་དེ་བཞིན་དུ་བདག་ཀྱང་ཉེས་པའི་དམིགས་ཅི་བགྱིད་དམ། ཞེས་སྨྲས་པ་དང ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས། དགེ་སློང་དག་།དེ་ལྟ་བས་ན་གནང་བ་ནི། དྲན་པ་ཉེ་བར་འཇོག་པའི་དགེ་སློང་མ་དེ་དག་ཆོས་ཉན་པའི་ཕྱིར་འོངས་ན་དེ་དག་ལ་ཁྲིའུ་གཡོགས་པ་སྦྱིན་པར་བྱོས་ཤིག་།འདི་ལ་ཐེ་ཚོམ་མ་བྱེད་ཅིག་།ཅེས་བཀའ་སྩལ་ཏོ། །སྡོམ་ནི། ཆང་འཚོང་མ་དང་སྨད་འཚོང་མ། །བྲན་མོ་དང་ཡང་རེག་མི་བྱ། གནོད་པའི་གོས་དང་བྲང་མི་རྡུང ། །དགེ་སློང་དག་གི་ནང་དུ་གཞག་།སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་དགེ་སློང་མ་སྦོམ་དགའ་མོ་སྔ་དྲོའི་དུས་ན་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་སོ། ། དེ་བསོད་སྙོམས་ལ་ཞུགས་ནས། ཁྱིམ་མི་མོ་ཞིག་མཐོང་སྟེ། བགོ་བ་བཟང་ཞིང ། སྨད་གཡོགས་དང ། རྒྱན་བཟང་པོ་ཞིག་སྟེ། དེས་དེ་མཐོང་ནས་ནུ་མོ་ཁྱོད་ཀྱི་གོས་དང ། རྒྱན་དག་ག་ལས་</font><hr>Da238a<br><font size=+2>


༄#། །རྙེད། ཅེས་དྲིས་པ་དང ། དེས་འཕགས་མ། བདག་ནི་ཆང་འཚོང་པ་སྟེ། དེ་ལས་འདི་དག་ཐམས་ཅད་རྙེད་དོ། །ཞེས་སྨྲས་པ་དང ། སྦོམ་དགའ་མོས་ཐབས་འདི་ནི་ལེགས་པ་ཞིག་སྟེ། དེ་ལྟར་འགྲུབ་བམ། མི་འགྲུབ་པ་ལྟའོ། །སྙམ་བསམས་ནས་དེས་དེ་ལ་དམིགས་ཤིང་དྲན་པ་བཞིན་དུ་སོང་ནས། ཇི་ཙམ་ན་མཐོང་བ། གནས་གཞན་ཞིག་ན་བུད་མེད་ཅིག་གོས་དྲི་མ་ཅན་གྱོན་ལ། ཟས་མེད་ཅིང ། དེ་རིད་ལ་གོམ་པ་དལ་གྱིས་འགྲོ་བ་ཞིག་མཐོང་ནས། བུ་མོ་ཁྱོད་སུའི་ཡིན། ཞེས་དྲིས་པ་དང ། དེ་སྨྲས་པ། སུའི་ཡང་མ་ཡིན་ཏེ། གང་བདག་ལ་བཟའ་བ་དང ། བགོ་བ་སྟེར་བ་དེའི་ལས་བདག་གིས་བགྱིའོ། །དེས་བུ་མོ། དེ་སྟེ་དེ་བཞིན་ན་ཆང་འཚོང་བ་ཅིའི་ཕྱིར་མི་སྤྱོད། ཅེས་སྨྲས་པ་དང ། དེས་འཕགས་མ་ཅི་འདི་བཞིན་ཉིད་དུ་ཆང་འཚོང་བ་སྤྱོད་དུ་རུང་ངམ། དེར་ཐོག་མར་ནོར་མང་དུ་དགོས་སོ། །ཟོང་ཡོད་ཀྱང་སྣོད་དང་ཆང་འཐུང་བ་དག་བདེ་བར་འདུག་པའི་ཁང་པ་རྒྱ་ཆེན་པོ་རྣམས་ཀྱང་མེད་དོ། །ཞེས་སྨྲས་པ་དང ། སྦོམ་དགའ་མོས། བུ་མོ་དེ་སྟེ། བདག་གིས་དེ་དག་ཐམས་ཅད་སྦྱར་ལ་ཁྱོད་ཀྱི་བཟའ་བ་དང་བགོ་བ་ཡང་སྦྱིན་གྱི། རྙེད་པ་ཐམས་ཅད་བདག་ལ་བྱིན་ཅིག་།ཅེས་སོ། །དེས་འཕགས་མ་ལེགས་ཀྱི། དེ་བཞིན་དུ་བྱིན་ཅིག་།དེ་བཞིན་བགྱིའོ། །སྦོམ་དགའ་མོས། དེ་དབྱར་མོ་ཁང་དང་ཉེ་བར་དེའི་ཁང་པ་ཞིག་བརྩིགས་</font><hr>Da238b<br><font size=+2>


ཏེ།་ཟོང་དང ། སྣོད་དང ། ཡོ་བྱད་རྣམས་བྱིན་པ་དང ། དེས་དེར་ཆང་འཚོང་བ་ལ་ཞུགས་ཏེ། ཆང་ཡང་ཞིམ་པོར་གྱུར་ནས། ཆང་འཐུང་བ་དག་དེར་མང་དུ་འདུས་ཤིང་འཚོགས་པ་དང།་དེ་དག་མཐོང་ནས་ཆང་འཚོང་བ་གཞན་དག་ཕྲག་དོག་སྐྱེས་པར་གྱུར་ཏོ། །སྦོམ་དགའ་མོའི་ཡང་རྙེད་པ་དག་འཕེལ་ལོ། །དེ་ནས་དུས་ཕྱི་ཞིག་ན། རྒྱལ་པོ་ཕོ་བྲང་དུ་ཆང་ཞིག་དགོས་པར་གྱུར་ནས། རྒྱལ་པོའི་སྐྱེས་བུ་དག་གིས་ཆང་འཚོང་བ་ཐམས་ཅད་བསྡུས་པ་དང ། དེ་དག་ཕྲག་དོག་ལངས་ཏེ། དེ་རྣམས་ཀྱིས་རྒྱལ་པོའི་སྐྱེས་བུ་དག་ལ། འདི་ནི་སྦོམ་དགའ་མོའི་ཆང་འཚོང་མ་ཞིག་དབྱར་མོ་ཁང་དང་ཉེ་བ་ན་ཆང་འཚོང་ཞིང་འདུག་གི་ཆང་མ་དེ་ཡང་ཁྲིད་ཅིག་།ཅེས་སྨྲས་པ་དང ། དེ་དག་གིས་དེ་བཟུང་སྟེ་ཁྲིད་དོ། །དེ་ངུ་བར་གྱུར་ཏེ། འཕགས་མ་སྦོམ་དགའ་མོ། རྒྱལ་པོའི་སྐྱེས་བུ་འདི་དག་གིས་བདག་ཁྲིད་དོ། །ཞེས་སྨྲས་པ་དང ། དེ་མྱུར་དུ་གོམ་པ་མགྱོགས་པར་སོང་ནས། བུ་ཟན་མོའི་བུ་དག་།བདག་གི་བུ་མོ་འདི་གར་བཀྲི། ཞེས་སྨྲས་སོ། །དེ་དག་གིས། ཅི་འཕགས་མ་ཆང་འཚོང་ངམ། མི་མཛའ་བ་རྣམས་ཀྱི་གཉའ་བར་རྡོག་པས་མནན་ལ་ཆང་ཡང་འཚོང་ངོ ། །ཅི་འཕགས་མ་ལ་ཡང་དགྲ་ཡོད་དམ། ཞེས་སྨྲས་པ་དང ། ཁྱེད་ཅག་ཉིད་ངའི་དགྲ་ཆེན་པོ་ཡིན་ཏེ། དེའི་ཕྱིར་བདག་གི་བུ་མོ་ཁྲིད་དོ། །ཞེས་སྨྲ་ཞིང ། དེ་དག་འཐབ་པ་བྲམ་ཟེ་དང་ཁྱིམ་བདག་གིས་</font><hr>Da239a<br><font size=+2>


༄#། །མཐོང་སྟེ། དེ་དག་གིས་ཀྱེ་འདི་དག་ཅི། ཞེས་དྲིས་པ་དང ། དེ་དག་གིས་ཞིབ་ཏུ་སྨྲས་པ་དང ། དེ་དག་འཕྱ་ཞིང་སྨོད། ངན་དུ་ཟེར་བ་ནི། དགེ་སྦྱོང་ཤཱཀྱའི་བུ་དགེ་སྦྱོང་དག་ནི་ཚིག་པའོ། །དེ་འདི་ལྟར་དགེ་སློང་མགོ་རེག་མ་ཡང་ཆང་འཚོང་བ་ལ་ཞུགས་པས་ན། དགེ་སྦྱོང་དང་ཚངས་པ་ཡང་རབ་ཏུ་ཚིག་པའོ། །དེ་ལྟར་གྱུར་པ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། སྦོམ་དགའ་མོས་དགེ་སྦྱོང་མ་ཡིན་པ་ཆེར་བྱས་ཏེ། དེ་ལྟ་བས་ན་དགེ་སློང་མས་ཆང་འཚོང་བ་མ་བྱེད་ཅིག་།འཚོང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་དགེ་སློང་མ་སྦོམ་དགའ་མོ་སྔ་དྲོའི་དུས་ན་ཤམ་ཐབས་དང ། ཆོས་གོས་བགོས། ལྷུང་བཟེད་ཐོགས་ཏེ་མཉན་དུ་ཡོད་པར་བསོད་སྙོམས་ལ་ཞུགས་སོ། །དེ་བསོད་སྙོམས་ལ་ཞུགས་པའི་ཚེ། སྨད་འཚོང་མ་ཞིག་གིས། གོས་དང་ཤམ་ཐབས་རབ་ཏུ་བཟང་བ་ཞིག་གྱོན། རྒྱན་རབ་ཏུ་བཟང་བས་བརྒྱན་པ་ཞིག་མཐོང་ནས། དེས་མཐོང་བ་དང ། ཕུ་ནུ་མོ། འདི་ལྟ་བུ་གོས་དང ། རྒྱན་ག་ལས་འབྱོར། ཅེས་དྲིས་པ་དང ། དེས་འཕགས་མ་བདག་གིས་སྨད་འཚོང་བྱས་པས་ན། དེ་ལས་འདི་ལྟ་བུ་དག་རྙེད་དོ། །ཞེས་སྨྲས་པ་དང ། སྦོམ་དགའ་མོས་ཐབས་དེ་ནི་ལེགས་པ་ཞིག་ན། འགྲུབ་བམ། </font><hr>Da239b<br><font size=+2>


མི་འགྲུབ་པ་བལྟའོ། །སྙམ་བསམས་ནས། དེ་ལ་དམིགས་ཤིང་དྲན་བཞིན་དུ་སོང་ངོ ། །ཇི་ཙམ་ན་གནས་གཞན་ཞིག་ན་བུ་མོ་ཞིག་གོས་དྲི་མ་ཅན། ཟས་ཀྱིས་ཀྱང་མི་འབྱོར་པར་གྱུར། འགྲོས་ཀྱང་དལ་བུས་འགྲོ་བ་ཞིག་།བྱད་བཞིན་ནི་བཟང་མོ་ཞིག་མཐོང་ནས། བུ་མོ་ཁྱོད་སུའི་ཡིན། ཞེས་དྲིས་པ་དང ། དེས་འཕགས་མ་གང་སུས་བདག་ལ་ཟས་དང་གོས་སྦྱིན་པ་དེའི་ལས་ཀྱང་བདག་གིས་བགྱིའོ། །ཞེས་སྨྲས་སོ། །དེས་བུ་མོ། དེ་ལྟར་ན་སྨད་འཚོང་མ་ཅིའི་ཕྱིར་མི་བྱེད། ཅེས་དྲིས་པ་དང ། དེ་རྣ་བ་བཀབ་ནས། འཕགས་མ། དེ་སྐད་མ་གསུངས་ཤིག་།མི་མཛེས་པ་དེ་ལྟ་བུ་དག་ནི་བདག་ཅག་གི་རིགས་ལ་སྔོན་ཆད་སུས་ཀྱང་མ་བགྱིས་སོ། །ཞེས་སྨྲས་པ་དང ། སྦོམ་དགའ་མོས། བུ་མོ། བུད་མེད་ཀྱི་སྤྱོད་པ་ནི་དེ་ལྟ་བུ་ཡིན་ན། རྒྱལ་པོ་འདི་ཞེས་བྱ་བའི་བུ་མོ་ཡང་དེ་བཞིན་དུ་སྨད་འཚོང་བས་ན། དེ་ལྟ་བུར་གྱུར། བྲམ་ཟེ་འདི་ཞེས་བྱ་བའི་བུ་མོ་ཡང་དེ་བཞིན་དུའོ། །རིགས་མཆོག་ལས་ཀྱང་དེ་ལྟ་བུ་མང་དུ་བྱུང་ན།་བུད་མེད་ནི་སྐྱེས་པ་ལ་སེམས་པ་ཡིན་མོད་ཀྱི། བདག་རབ་ཏུ་མ་བྱུང་ན་དེ་ལྟ་བུ་བྱ་བ་ཞིག་ན། རབ་ཏུ་བྱུང་བས་མི་བདེའོ། །ཞེས་སྨྲས་ནས། དེས་དེ་བསླུས་ནས་སྨྲས་པ། འཕགས་མ། སྨད་འཚོང་མ་འདི་འདྲ་བ་སྤྱོད་དམ། འཕགས་མ། སྨད་འཚོང་མ་འདི་ལྟ་བུ་སྤྱད་ན། དེ་ལ་ཡང་ཡོ་བྱད་མང་པོར་དགོས་ཏེ། སྐྱེས་པ་མང་པོ་འདུ་བའི་</font><hr>Da240a<br><font size=+2>


༄#། །ཁང་པ་རྒྱ་ཆེན་པོ་དང ། གོས་དང ། རྒྱན་དང ། བྱུག་པ་དང ། བཟའ་བ་དང ། བཏུང་བ་དག་ཀྱང་མང་དུ་དགོས་སོ། །སྦོམ་དགའ་མོས། བུ་མོ། དེ་ལྟར་ན་བདག་གིས་ཐམས་ཅད་སྦྱར་ལ། ཁྱོད་ཀྱིས་རྙེད་པ་ཐམས་ཅད་བདག་ལ་བྱིན་ན་ནི་ཁྱོད་ཀྱི་ཟས་དང ། གོས་ལ་སོགས་པ་བདག་གིས་སྦྱར་རོ། །ཞེས་བྱས་ནས། དེས་འཕགས་མ་ལེགས་ཀྱི། དེ་བཞིན་དུ་རྙེད་པ་སྦྱིན་ནོ། །ཞེས་སྨྲས་སོ། །སྦོམ་དགའ་མོས་དབྱར་མོ་ཁང་དང་ཉེ་བ་ཞིག་ཏུ་དེའི་ཁང་པ་ཞིག་བརྩིགས་ནས། དེས་ཅི་སྨྲས་པ་བཞིན་དུ་བྱིན་ཏེ། དེ་ཕྱིས་བཀྲུས་ཏེ། གོས་དང་རྒྱན་བཟང་པོ་དག་ཀྱང་བྱིན་ནས། ཞག་དུ་མ་ཞིག་གི་བར་དུ་ཆས་ཏེ། དེ་གཟུགས་གཞོན་ཞིང་མཛེས་ནས། སྨད་འཚོང་མའི་གཟུགས་སུ་བྱས་ཏེ་འདུག་གོ།་ཉོན་མོངས་པའི་དབང་གིས་གཟིར་ནས་ཐམས་ཅད་ཀྱང་དེར་འདུས་སོ། །དེ་སྨད་འཚོང་མ་གཞན་ཞིག་གིས་མཐོང་ནས་ཕྲག་དོག་ལངས་ཏེ། མ་བཟོད་པར་གྱུར་ཏོ། །སྦོམ་དགའ་མོའི་རྙེད་པ་དག་ཆེར་གྱུར་ཏོ། །དེ་ནས་དུས་ཕྱི་ཞིག་ན། རྒྱལ་པོའི་ཕོ་བྲང་དུ་དུས་སྟོན་ཆེན་པོ་ཞིག་བྱུང་སྟེ། དེ་དྲི་མང་པོ་ཞིག་དགོས་ནས། རྒྱལ་པོའི་སྐྱེས་བུ་དག་གིས་དྲི་བཏབ་པའི་ཕྱིར་སྨད་འཚོང་མ་ཐམས་ཅད་བསྡུས་པ་དང ། དེ་དག་གིས་ཕྲག་དོག་གིས། དེ་ཡང་རྒྱལ་པོའི་སྐྱེས་བུ་དག་ལ། དབྱར་མོ་ཁང་གི་དྲུང་ན་སྦོམ་དགའ་མོའི་སྨད་འཚོང་</font><hr>Da240b<br><font size=+2>


མ་ཞིག་འདུག་གི། དེ་ཡང་ཁྲིད་ཅེས་སྨྲས་སོ། །དེ་དག་གིས་དེ་བཟུང་སྟེ་ཁྲིད་པ་དང ། དེ་ཡང་དུ་ནས། འཕགས་མ་སྦོམ་དགའ་མོ། བདག་ནི་རྒྱལ་པོའི་སྐྱེས་བུས་ཁྲིད་དོ། །ཞེས་སྨྲས་པ་དང ། དེ་མྱུར་བར་བརྒྱུགས་ནས། བུ་ཟན་མོའི་བུ་འདི་དག་།བདག་གི་བུ་མོ་འདི་གར་བཀྲི། དེ་དག་གིས་སྨྲས་པ། འཕགས་མ་ཡང་སྨད་འཚོང་མ་སྤྱད་དམ། དགྲ་རྣམས་ཀྱི་གཉའ་བར་རྡོག་པས་མནན་ལ་སྤྱོད་དོ། །ཅི་འཕགས་མ་ལ་ཡང་དགྲ་ཡོད་དམ། ངའི་བུ་མོ་ཁྲིད་པས་ན་ཁྱོད་ཉིད་དགྲའི་ནང་ན་ཆེན་པོ་ཡིན་ནོ། །དེ་དག་འཐབ་པ་བྲམ་ཟེ་དང ། ཁྱིམ་བདག་གིས་མཐོང་ནས། དེ་དག་གིས་ཀྱེ་ཅི་ཞིག་།ཅེས་དྲིས་པ་དང ། དེས་ཇི་ལྟར་གྱུར་པ་ཞིབ་ཏུ་སྨྲས་པ་དང ། དེ་དག་འཕྱ་ཞིང ། ངན་དུ་ཟེར་སྨོད་དེ། ཤཱཀྱའི་བུའི་དགེ་སྦྱོང་མ་ནི་རབ་ཏུ་ཚིག་གོ་།དགེ་སྦྱོང་དང ། ཚངས་པ་ཡང་རབ་ཏུ་ཚིག་གོ ། ད་ནི་དགེ་སྦྱོང་མགོ་རེག་མས་ཀྱང་སྨད་འཚོང་མ་ཡང་བྱེད་དོ། །ཞེས་འཕྱའོ། །དེ་ལྟར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་ཞུས་པ་དང ། བཅོམ་ལྡན་འདས་ཀྱིས་དགོངས་པ། སྦོམ་དགའ་མོས་ནི། དགེ་སྦྱོང་གི་ཚུལ་མ་ཡིན་པ་ཞིག་བྱས་སོ། །དེ་ལྟ་བས་ན་དགེ་སློང་མས་སྨད་འཚོང་མ་བྱེད་དུ་མི་གཞུག་པར་དགོངས་ནས། དགེ་སློང་དག ། སྦོམ་དགའ་མོས་ནི། དགེ་སྦྱོང་གི་ཚུལ་མ་ཡིན་པ་ཆེར་བྱས་པ་ལས་བྲམ་ཟེ་དང ། ཁྱིམ་བདག་རྣམས་འཕྱ་བ་དང ། སྨོད་པ་དང ། ངན་དུ་སྨྲ་བ་ནི་གནས་ཡིན་ཏེ། དེ་ལྟ་བས་ན་དགེ་</font><hr>Da241a<br><font size=+2>


༄#། །སློང་མས་སྨད་འཚོང་མ་བྱེད་དུ་མི་གཞུག་གོ་།དགེ་སློང་མས་སྨད་འཚོང་མ་བྱེད་དུ་བཅུག་ན་ཉེས་པ་སྦོམ་པོར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་སྦོམ་དགའ་མོས་སྔ་དྲོའི་དུས་ན་ཤམ་ཐབས་དང ། ཆོས་གོས་བགོས། །ལྷུང་བཟེད་ཐོགས་ཏེ། མཉན་དུ་ཡོད་པར་བསོད་སྙོམས་ལ་ཞུགས་སོ། །བསོད་སྙོམས་ཀྱི་ཕྱིར་ཞུགས་པ་དང ། བྲན་མོ་ཞིག་མཐོང་ནས། དེ་གོས་བཟང ། སྨད་གཡོགས་བཟང ། རྒྱན་བཟང་པོས་བརྒྱན་པ་དེས་མཐོང་ནས། ནུ་མོ་ཁྱོད་གོས་དང་རྒྱན་བཟང་པོ་གང་ནས་རྙེད། ཅེས་དྲིས་པ་དང ། དེས་འཕགས་མ། བདག་ནི་ལོགས་ཤིག་ན་སྨད་འཚོང་བས་ན། དེ་ནས་འདི་དག་རྙེད་དོ། །ཞེས་སྨྲས་པ་དང ། སྦོམ་དགའ་མོས་ཐབས་དེ་ནི་ལེགས་སོ། །དེ་ལྟར་འགྱུར་རམ། མི་འགྱུར་བ་བལྟའོ། །སྙམ་བསམས་ནས། དེ་ལ་དམིགས་ཤིང་དྲན་བཞིན་དུ་སོང་ནས། ཇི་ཙམ་ཞིག་ན་བུ་མོ་གོས་དྲི་མ་ཅན་ཁ་ཟས་མེད་པ་འགྲོས་ཀྱང་དལ་བུས་འགྲོ་ལ། བྱད་བཞིན་ནི་བཟང་བ་ཞིག་མཐོང་ནས། དེས་བུ་མོ་ཁྱོད་སུའི་ཡིན། ཞེས་དྲིས་པ་དང ། དེས་སྨྲས་པ། བདག་ནི་སུའི་ཡང་མ་ཡིན་གྱི། གང་གིས་གོས་དང་ཟས་དག་སྦྱིན་པ་དེའི་ལས་དག་བྱེད་དོ། །དེས་སྨྲས་པ། བུ་མོ་དེ་ལྟར་ན་ལོགས་ཤིག་ན་སྨད་འཚོང་མ་ཅིའི་ཕྱིར་མི་བྱེད། དེས་རྣ་བ་བཀག་སྟེ། འཕགས་མ། དེ་སྐད་མ་གསུངས་ཤིག། མི་རིགས་པ་འདི་ལྟ་བུ་བདག་ཅག་</font><hr>Da241b<br><font size=+2>


གི་རིགས་ལ་སྔོན་ཆད་སུས་ཀྱང་དེ་ལྟ་བུ་མ་བྱས་སོ། །ཞེས་སྨྲས་པ་དང ། སྦོམ་དགའ་མོས་བུ་མོ་བུད་མེད་ཀྱི་ཆོས་ནི། དེ་ཡིན་ཏེ། རྒྱལ་པོའི་བུ་མོ་ཡང་དེ་བཞིན་འདི་ཞེས་བྱ་བའི། བྲམ། ཟེའི་བུ་མོ་ཡང་དེ་བཞིན་ཏེ། དེ་བཞིན་དུ་རིགས་ཆེན་པོ་མང་པོ་དག་ལས་ཀྱང་དེ་ལྟ་བུ་བྱུང་ན། བུད་མེད་ནི་སྐྱེས་པ་ལ་སེམས་ཏེ། བདག་གིས་ཀྱང་བྱ་བ་ཞིག་ན། རབ་ཏུ་བྱུང་བས་མི་རུང་ངོ ། །ཞེས་ཟེར་ཞིང་དེས་དེ་བསླུས་པ་དང ། འཕགས་མ། དེ་ལྟར་ན་ལོགས་ཤིག་ན་སྨད་འཚོང་ཇི་ལྟར་བྱ། དེ་ལ་ཡོ་བྱད་མང་པོ་དག་དགོས་སོ། །དང་པོར་ནི་གོས་དང ། རྒྱན་དགོས། དེའི་འོག་ཏུ་སྦྲ་དང ། དྲ་བ་ཆེན་པོ་དང ། ཞལ་ཏ་བྱེད་པའི་སྐྱེས་པ་ཡང་གཞན་ལ་ཀྱལ་ཀ་བྱེད་པ་འོངས་ན་ཡང་གྲོགས་བྱ་དགོས། བདག་ཀྱང་སྐྱེས་པ་མང་པོ་བསྡུ་ཞིང་མགུ་བར་བྱ་བའི་ཕྱིར་ཆང་དང ། དྲི་དང ། བྱུག་པ་དག་དགོས་སོ། །ཞེས་སྨྲས་པ་དང ། སྦོམ་དགའ་མོས་དེ་ལྟར་ན་བདག་གིས་གོས་དང་ཟས་ལ་སོགས་ཏེ། ཐམས་ཅད་སྦྱར་གྱི། ཁྱོད་ཀྱིས་རྙེད་པ་དེ་ཐམས་ཅད་བདག་ལ་བྱིན་ཅིག་།ཅེས་སྨྲས་པ་དང ། ལེགས་ཀྱི། དེ་བཞིན་དུ་སྦྱིན་ནོ། །ཞེས་སྨྲས་པ་དང ། སྦོམ་དགའ་མོས་དེ་ཕྱིས་ནས་ཁྲུས་བྱས་ཏེ། གོས་དང ། རྒྱན་དང ། དགོན་པ་ལ་གནས་པའི་ཡོ་བྱད་ལ་སོགས་པ་བྱིན་ནས་ཞག་ཉུང་ཟད་ཅིག་གི་བར་དུ་གསོས་ནས། སྦྲ་ཡང་བྱིན། ཞལ་ཏ་བྱེད་པའི་སྐྱེས་པ་ཡང་བྱིན་ནས། ཞལ་ཏ་བྱེད་པའི་མི་དང་</font><hr>Da242a<br><font size=+2>


༄#། །འགྲོགས་ཏེ་དགོན་པ་ལ་སོང་ནས་ལོགས་ཤིག་ན། སྨད་འཚོང་མ་ལ་ཞུགས་པ་དང ། ཇི་ཙམ་ཞིག་ན་བསེལ་བས་བཟུང་སྟེ་ཁྲིད་པ་དང ། སྦོམ་དགའ་མོ་ལ་སྦྲན་ཏོ། །དེ་ནས་སྦོམ་དགའ་མོས་རིངས་བར་མྱུར་བར་སོང་ནས་བརྒྱུགས་ཏེ། བུ་ཟན་མོའི་བུ་དག་།བདག་གི་བུ་མོ་གར་བཀྲི། ཞེས་སྨྲས་པ་དང ། དེ་དག་གིས་འཕགས་མ། ཅི་ཁྱོད་ཀྱང་ལོགས་ཤིག་ན་སྨད་འཚོང་མ་བྱེད་དམ། ཞེས་སྨྲས་པ་དང ། དགྲའི་གཉའ་བར་རྡོག་བས་མནན་ལ་བྱེད་དུ་གཞུག་གོ། འཕགས་མ་ཅི་ཁྱོད་ལ་ཡང་དགྲ་ཡོད་དམ། བདག་གི་བུ་མོ་ཁྱོད་ཀྱིས་ཁྲིད་པས་ན་བདག་གི་དགྲ་ཆེན་པོ་ཁྱོད་ཉིད་ཡིན་ནོ། །དེ་དག་འཐབ་མོ་བྱེད་པ་བྲམ་ཟེ་དང ། ཁྱིམ་བདག་གིས་མཐོང་ནས། ཀྱེ་ཅི་ཞིག། ཅེས་དྲིས་པ་དང ། དེ་དག་གིས་ཇི་ལྟར་གྱུར་པ་ཞིབ་ཏུ་སྨྲས་པ་དང ། དེ་དག་འཕྱ་ཞིང་སྨོད་ངན་དུ་ཟེར་ཏོ། །དགེ་སྦྱོང་ཤཱཀྱའི་བུ་རྣམས་ཀྱི་དགེ་སྦྱོང་ནི་རབ་ཏུ་ཚིག་གོ། དགེ་སྦྱོང་དང་ཚངས་པ་ཡང་རབ་ཏུ་ཚིག་པའོ། །དེ་ལྟར་དགེ་སྦྱོང་མ་མགོ་རེག་མ་འདི་ནི་ལོགས་ཤིག་ན་སྨད་འཚོང་མ་བྱེད་དོ། །ཞེས་འཕྱའོ། །དེ་ལྟར་གྱུར་པ་དགེ་སློང་རྣམས་ཀྱིས་ཐོས་ནས། སངས་རྒྱས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགེ་སློང་མ་སྦོམ་དགའ་མོས་དགེ་སྦྱོང་གི་བྱ་བ་མ་ཡིན་པ་ཆེར་བྱས་ཏེ། དེ་བས་ན་དགེ་སློང་མས་ལོགས་ཤིག་ན་སྨད་</font><hr>Da242b<br><font size=+2>


འཚོང་མ་མི་བྱ་བར་དགོངས་ནས། བཀའ་སྩལ་པ། དགེ་སློང་དག་བམ་ཟེ་དང་ཁྱིམ་བདག་འཕྱ་ལ་སྨོད་ཅིང་ངན་དུ་ཟེར་བ་ནི་གནས་ཡིན་ཏེ། སྦོམ་དགའ་མོས་དགེ་སྦྱོང་མ་མ་ཡིན་པའི་ལས་བྱས་སོ། །དེ་ལྟ་བས་ན་དགེ་སློང་མས་ལོགས་ཤིག་ན་སྨད་འཚོང་མ་བྱེད་དུ་མ་གཞུག་ཅིག་།དགེ་སློང་མས་ལོགས་ཤིག་ན་སྨད་འཚོང་མ་བྱེད་དུ་བཅུག་ན་ལྟུང་བ་སྦོམ་པོར་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་གཉིས་པ། གླིང་གཞི་ནི་རྒྱལ་པོའི་ཁབ་ན་སྟེ། ནམ་གར་མཁན་དག་གིས་མི་མང་པོའི་དབུས་སུ་དྲུག་སྡེ་དག་ལ་དཔྱས་པའི་ཚེ། དེའི་དུས་ན་དེ་དག་གཅིག་ལ་གཅིག་གྲོས་སུ་བྱེད་དེ། དེ་དག་གི་ནང་ནས། གཅིག་གིས་ཀྱེ་གར་མཁན་དག་གིས་མི་མང་པོའི་དབུས་སུ་བདག་ཅག་ལ་དཔྱས་བ་དེ་ཐམས་ཅད་བཅུ་གཉིས་སྡེས་ལན་ན། བུ་ཟན་མོའི་བུ་དེ་ལ་དེ་དག་གིས་ལྷུང་བཟེད་དང ། ཆོས་གོས་དག་མ་བྱིན་དང ། དེས་བདག་ཅག་ལ་དཔྱ་བར་མི་འགྱུར་བ་ཞིག་ན། ད་ནི་དེའི་དུས་ལ་བབ་སྟེ། དེ་དག་ཐབས་ཇི་ལྟར་བྱ་བ་སྨྲོས་ཤིག་།ཅེས་སྨྲས་པ་དང ། ཉེ་དགའ་བོས་སྨྲས་པ། དེ་ལ་གཞན་ཅི་ཞིག་བྱར་ཡོད། དེ་བདག་ཅག་གིས་རབ་ཏུ་བརྡེག་པར་བྱས། འདོང་ངོ ། ། གཅིག་གིས་ཡང་ལེགས་ཀྱི། དེ་ལྟར་བྱའོ། །ཞེས་སྨྲས་ནས། དེ་དག་གྲོས་བྱས་ཏེ། དེའི་དྲུང་དུ་དོང་བ་དང ། སྦོམ་དགའ་མོ་མཐོང་ངོ ། །དེ་རྣམས་ཀྱིས་ཀྱེ་དེ་དག་གི་ནང་ན་གཙོ་མོ་ནི་</font><hr>Da243a<br><font size=+2>


༄#། །འདི་ཡིན་གྱི། འདི་བརྡེག་པར་བྱའོ། །ཞེས་སྨྲས་ནས། དེ་དག་གིས་དེ་ཐལ་མོ་དང ། དབྱུག་པ་དང ། རྡོ་བ་དང ། དབྱུག་གུ་དང ། ཁུ་ཚུར་དག་གིས་བརྡེགས་སོ། །དེ་བརྡེགས་ཟིན་པ་དང ། དེས་ལུས་ཡུངས་མར་གྱིས་བྱུགས་ནས་ཁྲིའུ་དྲ་བ་ཅན་གྱི་སྟེང་དུ་ཉལ་ཞིང་འདུག་གོ་།དེ་ནས་དགེ་སློང་མ་དག་གིས་མཐོང་ནས། འཕགས་མ་འདི་ལྟར་ཅི་ཞིག་ཉེས། དྲིས་པ་དང ། དེས་བདག་ནི་བརྡེགས་སོ། །དེས་སུ་ཞིག་གིས། ཞེས་དྲིས་པ་དང ། འཕགས་པ་དྲུག་སྡེ་དག་གོ། ཁྱོད་ཀྱིས་ཅི་ཞིག་བྱས། ཕུ་ནུ་མོ། ཆོས་ཀྱི་མིང་པོ་དེ་དག་ལ་ངན་དུ་བརྗོད་པར་མི་རིགས་ཏེ། སྲིང་མོ་ལ་བསླབ་ཅིང་བསྟན་པ་ལྟ་ག་ལ་ཡོད་མོད། ཅེས་སྨྲས་པ་དང ། དགེ་སློང་མ་དག་འཕྱ་བར་གྱུར་ཏེ། དགེ་སློང་ཕས་དགེ་སློང་མ་དག་ལ་རྡེག་པ་ལྟ་ག་ལ་ཡོད། དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་པ་དང ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགོངས་པ། གང་ཉེས་པའི་དམིགས་སུ་གྱུར་པ་ནི། དགེ་སློང་དག་གིས་དགེ་སློང་མ་ལ་རྡེག་པའོ། །དེ་ལྟ་བས་ན་དགེ་སློང་ཕས་དགེ་སློང་མ་ལ་རྡེག་ཏུ་མི་སྣང་བར་དགོངས་ནས། བཀའ་སྩལ་པ། དགེ་སློང་དག་།དགེ་སློང་དྲུག་སྡེ་དག་གིས་བྱས་པ་ལ་དགེ་སློང་མ་དག་འཕྱ་བ་ནི་གནས་ཡིན་ཏེ། དེ་ལྟ་བས་ན། དགེ་སློང་དག། དགེ་སློང་ཕས་དགེ་</font><hr>Da243b<br><font size=+2>


སློང་མ་ལ་རྡེག་ཏུ་མི་གནང་ངོ ། །དགེ་སློང་ཕས་དགེ་སློང་མ་ལ་རྡེག་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས། དགེ་སློང་མ་དག་།རྩ་བའི་སྨེ་གབ་ཆོངས་ཤིག་།ཅེས་བཀའ་སྩལ་པ་དང ། དེས་རྩ་བའི་སྨེ་གབ་བཅངས་པ་དང ། དེ་ལས་ཀྱང་ཐལ་ཏེ་ཤམ་ཐབས་ལ་ཟགས་ནས། ཐིག་ལེར་གྱུར་པ་ལས་དེའི་གནས་གནས་སུ་སྦྲང་བུ་དག་གིས་གང་ཞིང་འཁོད་པ་དང ། དེ་དག་ངོ་ཚ་བར་གྱུར་ནས་འཇིགས་བཞིན་དུ་འཁོད་དོ། །དེ་ལྟར་གྱུར་པ་དགེ་སློང་མས་དགེ་སློང་ལ་སྨྲས། དགེ་སློང་ཕས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་།དགེ་སློང་མས་གནོད་པའི་གོས་ཆོངས་ཤིག་།བཅོམ་ལྡན་འདས་ཀྱིས། གནོད་པའི་གོས་ཆོངས་ཤིག་།ཅེས་བཀའ་སྩལ་པ་དང ། དེ་དག་གིས། གནོད་པའི་གོས་ཅི་ལྟ་བུར་བྱ་མི་ཤེས་ནས། བཅོམ་ལྡན་འདས་ཀྱིས་ནང་གི་སྨད་གཡོགས་ཆོངས་ཤིག་།ཅེས་བཀའ་སྩལ་བ་དང ། དེ་དག་གིས་ནང་གི་སྨད་གཡོགས་འཆང་བར་བརྩམས་པ་དང ། དེ་ལ་ཡང་ཁྲག་གིས་ཏིག་ཏིག་པོར་སོང་ངོ ། །དེ་ཡང་དེ་ལྟར་གྱུར་པ་དགེ་སློང་མས་དགེ་སློང་ཕ་ལ་སྨྲས་པ་དང ། དགེ་སློང་ཕས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་ཁྲུས་ལ་ཚོས་ཏེ་ཆོངས་ཤིག་།དགེ་སློང་མ་དག་།རྟག་ཏུ་དྲན་པ་ཉེ་བར་ཞོག་ལ་ཉོལ་ཅིག། དགེ་སློང་མས་དྲན་པ་ཉེ་བར་མ་</font><hr>Da244a<br><font size=+2>


༄#། །བཞག་པར་ཉལ་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་ཚེ་དགེ་སློང་ཕ་མུ་ལ་པ་ལ་བྱ་བ་ཞིག་དུས་ལས་འདས་ནས། དེ་ན་བཅུ་གཉིས་སྡེ་དག་གིས་དེ་ལ་མཆོད་པ་བྱས་ཏེ་བསྲེགས་ནས། དེ་དག་གིས་བྲང་བརྡུངས་པ་དང ། དགེ་སློང་མ་དག། བྲང་རྡུང་བ་ག་ལ་རིགས། ཞེས་འཕྱ་སྟེ། དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་སོ། །དགེ་སློང་ཕ་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགོངས་པ། དགེ་སློང་མ་བཅུ་གཉིས་སྡེས་མི་རིགས་པ་ཞིག་བྱས་ཏེ། དེ་བས་ན་དགེ་སློང་མས་བྲང་མི་རྡུང་བར་དགོངས་ཏེ། བཀའ་སྩལ་པ། དགེ་སློང་ཕ་དག། དགེ་སློང་མ་བཅུ་གཉིས་སྡེས་མི་རིགས་པ་དག་བྱས་པ། དགེ་སློང་མ་དག་འཕྱ་བ་ནི་གནས་ཡིན་ཏེ། དེ་ལྟ་བས་ན། དགེ་སློང་མ་དག་བྲང་རྡུང་བར་མི་བྱའོ། །དེ་སྟེ་དགེ་སློང་མ་དག་གིས་བྲང་རྡུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་ཨུ་པ་ལིས། སངས་རྒྱས་བཅོམ་ལྡན་འདས་ལ། བཙུན་པ་དགེ་སློང་མ་ལས་མཚན་གྱུར་ན། དེ་ལ་ཇི་ལྟ་བུར་བགྱི་ཞེས་ཞུས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཨུ་པ་ལི། དེ་ནི་ལོ་དུ་ལོན་པ་དེ་བཞིན་དུ་དགེ་སློང་གི་ནང་དུ་ཞོག་ཅིག་།དེ་ཡང་བསྙེན་པར་རྫོགས་ཤིང་</font><hr>Da244b<br><font size=+2>


དགེ་སློང་ཕའི་དངོས་པོར་འགྱུར་རོ། །སྡོམ་ནི། དགེ་སློང་མ་ལས་དགེ་སློང་ནང་དུ་གཞག། རྣམ་པ་ཐམས་ཅད་དུ་ཡང་གཞག་མི་བྱ། །ཕོ་ཉས་ཡང་ནི་དེ་བཞིན་བསྙེན་རྫོགས་པར། །དྲང་སྲོང་ཆེན་པོ་ཡིས་ནི་གནང་བ་ཡིན། །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཨུ་པ་ལིས། སངས་རྒྱས་བཅོམ་ལྡན་འདས་ལ། བཙུན་པ་བཅོམ་ལྡན་འདས་ཀྱིས་ནི་དགེ་སློང་མ་མཚན་གྱུར་ན། དང་པོ་ནས་ལོ་གྲངས་དུ་ལོན་པ་དེ་བཞིན་དགེ་སློང་ཕའི་ནང་དུ་ཆུག་ཅིག་།ཅེས་གསུངས་ན། ཅི་དགེ་སློང་ཕ་མཚན་གྱུར་ན་ཡང་དང་པོ་ནས་ལོ་གྲངས་དུ་ལོན་པ་དེ་བཞིན་དུ་དགེ་སློང་མའི་ནང་དུ་གཞུག་པར་བགྱིའམ། ཞེས་ཞུས་པ་དང ། ུ་པ་ལི། དགེ་སློང་ཕ་ལས་མཚན་གྱུར་ན། དེ་ལོ་གྲངས་དུ་ལོན་པ་དེ་བཞིན་དགེ་སློང་མའི་ནང་དུ་གཞག་པར་བྱའོ། །དེ་སྟེ་བཙུན་པ་དགེ་སློང་ཕའམ། དགེ་སློང་མ་ཡང་རུང ། དེར་གཞག་པ་ལས་དེ་ནས་ཀྱང་མཚན་གྱུར་ན་དེ་ལ་ཐབས་ཇི་ལྟར་བགྱི། བཅོམ་ལྡན་འདས་ཀྱིས། ཨུ་པ་ལི། དེ་ནས་ཡང་ཇི་རིགས་པ་བཞིན་དུ་ཞོག་ཅིག་།ཅེས་བཀའ་སྩལ་ཏོ། ། གླེང་གཞི་ནི་མཉན་དུ་ཡོད་པ་ན་སྟེ། དེ་ནས་ཚེ་དང་ལྡན་པ་ཨུ་པ་ལིས། སངས་རྒྱས་བཅོམ་ལྡན་འདས་ལ། བཙུན་པ་བཅོམ་ལྡན་འདས་ཀྱིས་ནི་དགེ་སློང་ཕའམ། དགེ་སློང་མ་</font><hr>Da245a<br><font size=+2>


༄#། །ཡང་རུང ། ལན་གཉིས་སུ་མཚན་གྱུར་ན། དེ་ཡང་གར་རིགས་པར་ཞོག་ཅིག་།ཅེས་བཀའ་སྩལ་ན། བཙུན་པ། དེ་སྟེ་དེར་བཞག་པ་ལས་མཚན་ལན་གསུམ་དུ་གྱུར་ན། དེ་ལ་ཐབས་ཇི་ལྟ་བུར་བགྱི། ཨུ་པ་ལི། དེ་རྣམ་པ་ཐམས་ཅད་དུ་མི་གཞག་པ་ཡིན་ཏེ། ཨུ་པ་ལི་མཚན་ལན་གསུམ་དུ་གྱུར་ན་དགེ་སློང་ཕའི་དངོས་པོ་དང ། དགེ་སློང་མའི་དངོས་པོ་དེ་མ་ཐག་ཏུ་རྣམ་པ་ཐམས་ཅད་དུ་མི་གཞག་པར་བྱས། དེ་ལ་ཐེ་ཚོམ་དུ་མ་བྱེད་ཅིག། སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་དུ་ཡོད་པའི་ཕྱོགས་གཅིག་ན་ཁྱིམ་བདག་བྱིན་པ་ཞེས་བྱ་བ་ཞིག་གནས་པ་དེ་རབ་ཏུ་ཕྱུག་ཅིང་ནོར་མང་ལ། ལོངས་སྤྱོད་ཆེ་བ། ཡངས་ཤིང་རྒྱ་ཆེ་བ་ནི། ངལ་བསོ་བོའི་ནོར་དང་འདྲ་བ་ངལ་བསོ་པོའི་ནོར་ལ་སྡོ་བ་ཞིག་འདུག་སྟེ། དེ་རིགས་མཉམ་པ་ལས་ཆུང་མ་ཞིག་བླངས་ནས། དེ་དང་ལྷན་ཅིག་ཙེ་དགའ་ཡོངས་སུ་སྤྱོད་དོ། །ཡང་ཕྱོགས་གཞན་ཞིག་ན་རི་དྭགས་སྒྲ་ཞེས་བྱ་བའི་ཁྱིམ་བདག་ཅིག་གནས་པ་དེ་ཡང་ཕྱུག་ཅིང་ནོར་མང་ལ། ལོངས་སྤྱོད་ཆེ་ལ་ཡངས་ཤིང་རྒྱ་ཆེ་བ་ནི། ངལ་བསོ་པོའི་ནོར་དང་འདྲ་བ། ངལ་བསོ་པོའི་ནོར་ལ་སྔོ་པ་ཞིག་འདུག་སྟེ། དེས་ཀྱང་རིགས་མཉམ་པ་ལས་ཆུང་མ་བླངས་ནས། དེ་དང་ལྷན་ཅིག་རྩེ་དགའ་ཡོངས་སུ་</font><hr>Da245b<br><font size=+2>


སྤྱོད་དོ། །དེ་དག་གཅིག་ལ་གཅིག་ཕྱུག་པས་འགྲན་ཏེ། གཅིག་ན་རེ། ཁྱོད་པས་ནི་ལོངས་སྤྱོད་ཀྱི་རྒྱུ་བདག་གི་ཁྱད་ཞུགས་སོ། །གཅིག་ན་རེ། ཁྱོད་བས་ལོངས་སྤྱོད་ཀྱི་རྒྱུ་བདག་གི་ཁྱད་ཞུགས་སོ། །ཞེས་སྨྲའོ། །དེ་གཉིས་ཕན་ཚུན་མཛའ་བར་གྱུར་ཏེ། གཅིག་གིས་ཀྱང་དུས་དུས་སུ་སྐྱེས་བསྐུར། གཅིག་གིས་ཀྱང་དེ་བཞིན་སླར་བསྐུར་ནས། དེ་གཉིས་ཕན་ཚུན་མཛའ་བར་གྱུར་ཏོ། །ཅི་ནས་དུས་ཕྱི་ཞིག་ན་མཉན་དུ་ཡོད་པ་ན་གནས་པའི་སྐྱེ་བོ་མང་པོ་དག་ཅུང་ཟད་བྱ་བ་ཞིག་ཡོད་དོ། དེ་དག་ཐམས་ཅད་སྐྱེད་མོས་ཚལ་དུ་དོང་སྟེ་འདུས་ནས། དེར་གྲོང་ཁྱེར་གྱི་དོན་རྣམས་བསྒྲུབས་ནས་དོང་ངོ ། །ཁྱིམ་བདག་བྱིན་པ་དང ། རི་དྭགས་སྒྲ་གཉིས་དེ་ན་གཅིག་ལ་གཅིག་མཛའ་བའི་གཏམ་ཟེར་ཅིང་འཁོད་དོ། །ཁྱིམ་བདག་བྱིན་པས་མཛའ་བོ་གྲོགས་པོ་བདག་ཅག་གཉིས་དུས་ལས་འདས་ཀྱང་ཕྱི་ནས་བུ་དང ། ཚ་བོ་དང ། ཡང་ཚ་དང ། སུམ་ཏ་དག་གི་བར་དུ་ཡང་མཛའ་བའི་རྒྱུན་མི་གཅད་པར་བྱ་ན། དེ་ལ་ཐབས་ཇི་ལྟ་བུ་ཞིག་བྱ། ཞེས་དྲིས་པ་དང ། རི་དྭགས་སྒྲས་སྨྲས་པ། གྲོགས་པོ་ལེགས་ཏེ། བདག་ཀྱང་ལྟ་བུར་སེམས་ན། ཚུར་ཤོག། མ་བཙས་པར་གཉེན་སྔར་བྱ་སྟེ། དེ་སྟེ་བདག་ལ་བུ་ཕོ་ཞིག་སྐྱེས་ན། ཁྱོད་ལ་བུ་མོ་ཞིག་བྱུང་ན་ཁྱོད་ཀྱིས་བདག་གི་བུ་ལ་བྱིན་ཅིག་།དེ་སྟེ་ཁྱོད་ལ་བུ་ཕོ་ཞིག་བྱུང་ལ། བདག་ལ་བུ་མོ་ཞིག་བྱུང་ན་བདག་གིས་ཁྱོད་ཀྱི་བུ་ལ་སྦྱིན་ནོ། །དེས་གྲོགས་</font><hr>Da246a<br><font size=+2>


༄#། །པོ་ལེགས་ཀྱི། དེ་ལྟ་བུར་བྱའོ། །ཞེས་སྨྲས་སོ། །དེ་དག་གཅིག་ལ་གཅིག་མ་བཙས་པར་གཉེན་བྱས་ཏེ་དོང་ངོ ། །དེ་ནས་དུས་ཕྱི་ཞིག་ན་ཁྱིམ་བདག་བྱིན་པའི་ཆུང་མ་སེམས་ཅན་དང་ལྡན་པར་གྱུར་ཏེ། ཟླ་བ་བརྒྱད་དམ། དགུ་འདས་པ་དང་བུ་མོ་ཞིག་བཙས་ཏེ། དབྱིབས་ལེགས་ཤིང་བལྟ་ན་སྡུག་པ། བཟང་མོ་ཡན་ལག་དང་ཉིང་ལག་ཏུ་ལྡན་པ་ཞིག་སྟེ། དེ་རྟག་ཏུ་ངུའོ། །དེ་ནས་ཁྱིམ་བདག་བྱིན་པའི་ཁྱིམ་དུ་དགེ་སློང་དག་འོངས་ཏེ། ཆོས་བཤད་པ་དང ། དེའི་རྣ་བ་བྱོས་ཏེ་ཉན་ནོ། །དེ་ཉི་མ་བདུན་གསུམ་ཉི་ཤུ་རྩ་གཅིག་ཏུ་རྒྱ་ཆེར་བཙས་པའི་བཙས་སྟོན་ཆེན་པོ་བྱས་ནས། དེའི་མིང་འདོགས་པ་ལ་ཞུགས་ཏེ། བུ་མོ་འདིའི་མིང་ཅིར་གདགས་ཞེས་བགྲོས་པ་དང ། གཉེན་རྣམས་ཀྱིས། བུ་མོ་འདི་རྟག་ཏུ་ཆོས་འདོད་པ་ལ་ཆོས་ལ་རྣ་བ་བྱོས་ཏེ་ཉན་ལ། ཁྱིམ་བདག་བྱིན་པའི་བུ་མོ་ཡིན་པས། དེའི་ཕྱིར་བུ་མོ་འདིའི་མིང་ཆོས་སྦྱིན་ཞེས་བཏགས་སོ། །བུ་མོ་ཆོས་སྦྱིན་མ་མ་མ་བརྒྱད་ལ་གཏད་དེ། གཉིས་ནི་ནུ་མ་སྣུན་པའོ། །གཉིས་ནི་འཚོ་བའི་མ་མའོ། །གཉིས་ནི་དྲི་མ་འཕྱི་བའི་མ་མའོ། །གཉིས་ནི་རྩེ་བའི་མ་མའོ། །མ་མ་དེ་བརྒྱད་ཀྱིས་གསོས་བསྐྱེད་དེ། འོ་མ་དང ། ཞོ་དང ། མར་སར་དང ། མར་དང ། གཞན་ཡང་དེས་ཤིང་དེས་པའི་ཡོ་བྱད་ཀྱི་ཁྱད་པར་གྱིས་མྱུར་དུ་བསྐྱེད་པ་ནི་རྫིང་ན་གནས་པའི་འདམ་</font><hr>Da246b<br><font size=+2>


ལས་སྐྱེས་པ་བཞིན་ནོ། །དེ་ནས་ཁྱིམ་བདག་རི་དྭགས་སྒྲ་ཞེས་བྱ་བས་ཁྱིམ་བདག་བྱིན་པའི་བུ་མོ་བཙས་པར་དེས་ཐོས་པ་དང ། དེས་གྲོགས་པོའི་བུ་མོ་བཙས་ན། དེ་ལ་གོས་དང་རྒྱན་རྣམས་བདག་གིས་བསྐུར་རོ། །སྙམ་བསམས་ཏེ། བདག་གི་མནའ་མ་ཡིན་པར་ཡིད་ལ་ཡོད་པས། དེས་དེ་ལ་གོས་དང་རྒྱན་རྣམས་བསྐུར་ནས། མཛའ་བོ་གྲོགས་པོ་ཁྱོད་ལ་བུ་མོ་ཞིག་བྱུང་བར་ཐོས་ནས། བདག་རབ་ཏུ་དགའ་སྟེ། མཛའ་བོའི་བུ་མོའི་གོས་དང་རྒྱན་དང་བསྐུར་བ་འདི་ཡིན་གྱི། བླང་བའི་རིགས་སོ། །ཞེས་སྤྲིང་པ་དང ། དེས་དེ་བླངས་ནས། སླར་ལན་སྤྲིང་པ། མཛའ་བོ། དེ་ལྟར་བྱས་པ་ལེགས་ཀྱི། གཉེན་ཡང་བྱས། ཁྱོད་ལ་བུ་ཕོ་ཞིག་བྱུང་ན་དེ་ལ་སྦྱིན་ནོ། །ཁྱིམ་བདག་རི་དྭགས་སྒྲས་དེའི་ལན་ཐོས་པ་དང ། དེ་བུ་འདོད་པར་སེམས་བཞིན་དུ་དེ་ཆུང་མ་ལ་རྩེ་དགའ་ཡོངས་སུ་སྤྱོད་དོ། །རྩེ་དགའ་ཡོངས་སུ་སྤྱོད་པ་ལས་ཕྱི་ཞིག་ན་དེའི་ཆུང་མ་མངལ་སེམས་ཅན་དང་ལྡན་པར་གྱུར་ནས། དེ་ཟླ་བ་བརྒྱད་དམ་དགུ་འདས་པ་དང་བུ་ཕོ་ཞིག་བཙས་སོ། །དེ་བཙས་ནས་དེ་ལ་ཡང ། ཞག་བདུན་གསུམ་ཉི་ཤུ་རྩ་གཅིག་གི་བར་དུ་རྒྱ་ཆེར་བཙས་པའི་བཙས་སྟོན་ཆེན་པོ་བྱས་ཏེ། ཞེས་བྱ་བ་ལ་སོགས་པ་སྦྱར་ཏེ། ཁྱེའུ་འདིའི་མིང་ཅིར་གདགས། ཞེས་དཔྱད་པ་དང ། དེའི་གཉེན་དག་གིས། ཁྱེའུ་འདི་སྐར་མ་ས་གའི་ཚེ་བཙས་པས་ན། དེ་བས་ན་ཁྱེའུ་འདིའི་མིང་ས་གར་གདགས་</font><hr>Da247a<br><font size=+2>


༄#། །སོ། །ཞེས་ཟེར་ནས། དེའི་མིང་ས་གར་བཏགས་སོ། །ཁྱེའུ་ས་ག་དེ་ཡང་མ་མ་བརྒྱད་ལ་གཏད་དེ། གཉིས་ནི་སྣུན་པའི་མ་མའོ། །གྱིས་ནི་འཚོ་བའི་མ་མའོ། །གཉིས་ནི་དྲི་མ་འཕྱི་བའི་མ་མའོ། །གཉིས་ནི་རྩེ་བའི་མ་མའོ། །མ་མ་དེ་བརྒྱད་ཀྱིས་གསོས་བསྐྱེད་དེ། འོ་མ་དང ། ཞོ་དང ། མར་སར་དང ། མར་དང ། གཞན་ཡང་དེས་ཤིང་དེས་པའི་ཡོ་བྱད་ཀྱི་ཁྱད་པར་གྱིས་མྱུར་དུ་བསྐྱེད་པ་ནི་རྫིང་ན་གནས་པའི་འདམ་ལས་སྐྱེས་པ་བཞིན་ནོ། །ཁྱིམ་བདག་རི་དྭགས་སྒྲ་ལས་བུ་ཕོ་ཞིག་བྱུང་བར་ཁྱིམ་བདག་བྱིན་པས་ཐོས་ནས། དེས་བསམས་པ། མཛའ་བོ་ལས་བུ་ཕོ་ཞིག་བྱུང་བ་དེ་གོར་མ་ཆག་པར་བདག་གི་མག་པར་འགྱུར་གྱི། དེ་ལ་གོས་དང་རྒྱན་དག་ཅིག་བསྐུར་རོ་སྙམ་ནས། དེས་དེ་ལ་གོས་དང་རྒྱན་དག་བསྐུར་ནས་ཕྲིན་དག་སྤྲིང་པ། མཛའ་བོ་ཁྱོད་ལ་བུ་ཕོ་ཞིག་བཙས་པར་བདག་གིས་ཐོས་ནས་རབ་ཏུ་དགའ་སྟེ། མཛའ་བའི་བུ་ལ་བདག་གིས་གོས་དང ། རྒྱན་བསྐུར་བ་འདི་ཡིན་གྱི། འདི་བླང་བར་རིགས་སོ། །དེས་དེ་བླངས་ནས་ཕྲིན་ལན་མཛའ་བོ་ཁྱོད་ཀྱི་བུ་མོ་སྐྱེད་ཅིག་དང ། སྐྱེས་ནས་བླང་ངོ ། །ཞེས་སྤྲིང་ངོ ། །དེས་སྨྲས་པ། བུ་མོ་སྦྱིན་གྱི། ལེགས་ཏེ་དེ་ལྟར་བྱའོ། །ནམ་བུ་མོ་ཆོས་སྦྱིན་བསྐྱེད་པ་དང ། དེ་རབ་ཏུ་བྱུང་བར་འདོད་ནས། དེས་ཕའི་</font><hr>Da247b<br><font size=+2>


རྐང་པ་ལ་ཕྱག་འཚལ་ཏེ། ཕ་བདག་ལེགས་པར་བཤད་པའི་ཆོས་འདུལ་བ་ལ་རབ་ཏུ་འབྱུང་བར་གསོལ། ཞེས་སྨྲས་པ་དང ། དེས་སྨྲས་པ། བུ་མོ་ཁྱོད་རི་དྭགས་སྒྲའི་བུ་ས་ག་ལ་ཁྱོད་སྔོན་བཏང་ཟིན་ཏེ། ཁྱོད་ཀྱི་ཁྱིམ་ཐབ་དེ་ཡིན་ཏེ། ངས་ནི་གནང་དུ་མི་རུང་ངོ ། །ཞེས་ཟེར་ནས། མ་གནང་ངོ ། །ཁྱིམ་དེར་དགེ་སློང་མ་ཨུཏྤ་ལའི་ཁ་དོག་ཅེས་བྱ་བ་རིགས་པ་དག་སྟོན་པར་བྱེད་དེ་དུས་དུས་སུ་འོང་ངོ ། །ཆོས་སྦྱིན་གྱིས། འཕགས་མ། བདག་ལེགས་པར་བཤད་པའི་ཆོས་འདུལ་བ་ལ་རབ་ཏུ་འབྱུང ། བསྙེན་པར་རྫོགས་ཤིང་དགེ་སློང་མའི་དངོས་པོ་ཐོབ་པར་འཚལ་ན། བདག་ནི་ཕས་མི་གནང་ཞིང་བསྲུངས་ཏེ། ཕྱིར་འབྱུང་དུ་ཡང་མི་སྟེར་ན། ཁྱོད་ཀྱིས་འདི་ཉིད་དུ་རབ་ཏུ་མི་འབྱུང་ངམ། ཞེས་སྨྲས་པ་དང ། དེས་བུ་མོ་སེམས་དེ་ལྟར་བསྐྱེད་པ་ནི་ལེགས་སོ། །འདོད་པ་ནི་བདེ་བ་ཆུང་ལ། སྡུག་བསྔལ་ཆེ་ཞིང་ཉེས་པ་མང་སྟེ། རབ་ཏུ་བྱུང་ན་ནི་དགེ་བའོ། །བཅོམ་ལྡན་འདས་ནི། མཁས་པས་ཉེས་པ་རྣམ་པ་ལྔ་མཐོང་ནས། དེས་འདོད་པ་ལྔ་ལ་བསྟེན་པར་མི་རིགས། ཞེས་གསུངས་ཏེ། ལྔ་གང་ཞེ་ན། བདེ་བ་ཆུང་ལ་སྡུག་བསྔལ་ཆེ་ཞིང ། ཉེས་པ་མང་བར་མཁས་པས་ཡང་དག་པར་མཐོང་ནས། དེས་འདོད་པ་ལ་བསྟེན་པར་མི་རིགས་སོ། །འདོད་པ་ལ་བསྟེན་པས་ཀུན་ཏུ་སྦྱོར་བ་འཕེལ་བར་འགྱུར་བར་མཁས་པས་ཡང་དག་པར་མཐོང་ནས། དེས་འདོད་པ་ལ་བསྟེན་པར་མི་རིགས་</font><hr>Da248a<br><font size=+2>


༄#། །སོ། །འདོད་པ་ལ་བསྟེན་ན་ཅུང་ཟད་ཀྱང་མི་རིགས་པའམ། ངོམས་པའམ། ཆོག་པ་མེད་པར་མཁས་པས་ཡང་དག་པར་མཐོང་ནས། དེས་འདོད་པ་ལ་བསྟེན་པར་མི་རིགས་སོ། །འདོད་པ་ལ་བསྟེན་ན་སྡིག་པ་ཅུང་ཟད་ཀྱང་མི་བྱ་བ་མེད་པར་མཁས་པས་ཡང་དག་པར་མཐོང་ནས། དེས་འདོད་པ་ལ་བསྟེན་པར་མི་རིགས་སོ། །འདོད་པ་ནི་རྣམ་གྲངས་དེ་ལྟ་བུར་སངས་རྒྱས་དང ། སངས་རྒྱས་ཀྱི་ཉན་ཐོས་རྣམས་དང ། མཁས་པ་དང ། ཡང་དག་པར་སོང་བ་སྐྱེས་བུ་དམ་པ་རྣམས་ཀྱིས་སྤངས་པར་མཁས་པས་མཐོང་ནས། འདོད་པ་ལ་བསྟེན་པར་མི་རིགས་སོ། །མཁས་པས་ཡོན་ཏན་ལྔ་མཐོང་ནས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །ལྔ་གང་ཞེ་ན། བདག་གིས་མ་འདྲེས་པའི་དོན་རྗེས་སུ་ཐོབ་པར་འགྱུར་བ་མཐོང་ནས། མཁས་པས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །བདག་གང་དག་གི་བྲན་དང ། མངག་གཞུག་པ་དང ། བསྒོ་བ་དང ། བཀོལ་བ་དང ། ཅི་དགའ་མགུར་བྱེད་པ་དེ་དག་གིས་སླར་མཆོད་པ་དང ། བསྟོད་པར་འགྱུར་བ་མཐོང་ནས། མཁས་པས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །བླ་ན་མེད་པའི་རྣལ་འབྱོར་བདེ་བ་མྱ་ངན་ལས་འདས་པ་རྗེས་སུ་འཐོབ་པར་མཐོང་ནས། མཁས་པས་བདག་ཉིད་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །བླ་ན་མེད་པ་རྣལ་འབྱོར་བདེ་བ་མྱ་ངན་ལས་འདས་པ་རྗེས་</font><hr>Da248b<br><font size=+2>


སུ་ཐོབ་པ་མ་གྲུབ་ཀྱང ། བདག་ལྷར་སྐྱེ་བར་འགྱུར་བར་མཐོང་ནས། མཁས་པས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །རབ་ཏུ་འབྱུང་བའི་ཡོན་ཏན་ནི། སངས་རྒྱས་དང ། སངས་རྒྱས་ཀྱི་ཉན་ཐོས་རྣམས་དང ། མཁས་པ་དང ། ཡང་དག་པར་སོང་བའི་སྐྱེས་བུ་དམ་པ་རྣམས་ཀྱིས་བསྔགས་པར་མཐོང་ནས། མཁས་པས་རབ་ཏུ་འབྱུང་བ་ལ་དད་པར་བྱ་བའི་རིགས་ཏེ། ཁྱོད་ཀྱིས་སེམས་དེ་ལྟར་བསྐྱེད་པ་ནི་ལེགས་ཀྱི། སོང་ནས། བཅོམ་ལྡན་འདས་ལ་གསོལ་ཏེ་བྱའོ། །ཞེས་སྨྲས་ནས། དགེ་སློང་མ་ཨུཏྤ་ལའི་ཁ་དོག་མ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། དགེ་སློང་མ་ཨུཏྤ་ལའི་ཁ་དོག་མས། བཅོམ་ལྡན་འདས་ལ། བཙུན་པ། ཁྱིམ་བདག་བྱིན་པ་ཞེས་བྱ་བའི་བུ་མོ་ཆོས་སྦྱིན་མ་ཞེས་བགྱི་བ་ལེགས་པར་བཤད་པའི་ཆོས་འདུལ་བ་ལ་རབ་ཏུ་འབྱུང ། བསྙེན་པར་རྫོགས་ཤིང་དགེ་སློང་མའི་དངོས་པོར་འཚལ་ན། དེ་ཁྱིམ་བདག་རི་དྭགས་སྒྲའི་བུ་ས་ག་ཞེས་བགྱི་བ་ལ་སྩལ་ནས། ཁྱིམ་བདག་བྱིན་པ་དེས་མ་གནང་བའི་སྟེང་དུ་རྟག་ཏུ་བསྲུངས་ཤིང ། སླད་རོལ་དུ་འབྱུང་དུ་ཡང་མི་སྟེར་ཏོ། །ཞེས་གསོལ་པ་དང ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་མ་དག་ལ་འདི་སྐད་ཅེས་</font><hr>Da249a<br><font size=+2>


༄#། །སྨྲོས་ཤིག་།ཁྱིམ་བདག་བྱིན་པའི་བུ་མོ་ཆོས་སྦྱིན་མ་ཞེས་བྱ་བ་ཁྱིམ་དེ་ཉིད་དུ། ཨུཏྤ་ལའི་ཁ་དོག་མ་ཕྲིན་པར་གཏང་གི་།སྐྱབས་སུ་འགྲོ་བ་གསུམ་དང ། བསླབ་པའི་གཞི་ལྔ་བྱིན་ལ། གནས་དེ་ཉིད་དུ་རབ་ཏུ་འབྱུང་བར་ངས་གནང་ངོ ། །བཙུན་པ་དེ་ལྟར་བགྱིའོ། །ཞེས་གསོལ་ནས། དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལས་མཉན་ཏེ། དགེ་སློང་མ་རྣམས་ལ་བསྒོའོ། །དགེ་སློང་མའི་དགེ་འདུན་མས། དགེ་སློང་མ་ཨུཏྤ་ལའི་ཁ་དོག་མ་ལ་བསྒོ་སྟེ། ཕྲིན་པར་བཏང་ངོ ། །དེ་དེར་སོང་ནས། བུ་མོ། བཅོམ་ལྡན་འདས་ཀྱིས་ཀྱང་གནང་བར་བཀའ་སྩལ་ཏོ། །དགེ་སློང་མའི་དགེ་འདུན་གྱིས་ཀྱང་སྐྱབས་སུ་འགྲོ་བ་གསུམ་དང ། དགེ་བསྙེན་མའི་བསླབ་པའི་གཞི་ལྔ་ཡང་བྱིན་ནོ། །ཁྱོད་རབ་ཏུ་བྱུང་སྟེ། བསླབ་པའི་གཞི་བཅུ་ཡང་བྱིན་གྱི། འདི་དང་འདི་དག་ནི་འདི་ལྟར་བསླབ་པའི་གནས་ནས་འབྱུང་བ་བཞིན་དུ་བཟུང་ལ། བསྡམ་པར་གྱིས་ཤིག་།ཅེས་སྨྲས་པ་དང ། དེ་རབ་ཏུ་དགའ་བ་སྐྱེས་སོ། །དེ་ནས་རབ་ཏུ་དགའ་བ་སྐྱེས་པ་དང ། དགེ་སློང་མ་ཨུཏྤ་ལའི་ཁ་དོག་མས་འཕགས་པའི་བདེན་པ་བཞི་ཡང་དག་པར་རྟོགས་པར་འགྱུར་བ་དེ་ལྟ་བུའི་ཆོས་བཤད་ནས། ཆོས་སྦྱིན་མས་ཐོས་མ་ཐག་ཏུ་འཇིག་ཚོགས་སུ་ལྟ་བའི་རིའི་རྩེ་མོ་ཉི་ཤུ་གྱེན་དུ་བྱུང་བ་ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་དུ་བྱས་</font><hr>Da249b<br><font size=+2>


སོ། །དེ་ནས་དགེ་སློང་མ་ཨུཏྤ་ལའི་ཁ་དོག་མས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་སོང་སྟེ། དགེ་སློང་མ་དག་ལ་འདི་སྐད་དུ་བསྒོ་ཞིག་།ཆོས་སྦྱིན་མ་གནས་དེ་ཉིད་དུ་ཨུཏྤ་ལའི་ཁ་དོག་མ་ཕྲིན་པར་ཐོང་ལ། ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་བྱིན་ཅིག་།ཅེས་བཀའ་སྩལ་པ་དང ། བཙུན་པ་དེ་ལྟར་བགྱིའོ། །ཞེས་གསོལ་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ། དགེ་སློང་མ་རྣམས་ལ་བསྒོའོ། །དགེ་སློང་མའི་དགེ་འདུན་གྱིས་ཨུཏྤ་ལའི་ཁ་དོག་མ་ལ་བསྒོ་སྟེ། ཕྲིན་པར་བཏང་ངོ ། །དེ་དེར་སོང་ནས། བུ་མོ། དགེ་སློང་མའི་དགེ་འདུན་རྣམས་ཀྱིས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པའི་སྡོམ་པ་བྱིན་ཏེ། ཁྱོད་ནི་ད་དགེ་སློབ་མར་གྱུར་ཀྱི། འདི་དང་འདི་ནི་ཁྱོད་ཀྱིས་བྱོས་ཤིག་།ཇི་ལྟར་བསླབ་པའི་གཞི་བཅས་པ་བཞིན་དུ་བསྡམ་པར་གྱིས་ཤིག་།དེ་ནས་དེ་ལྟ་བུའི་ཆོས་བཤད་དེ། དེས་ཐོས་པ་དང་ཆོས་སྦྱིན་མས་ལན་ཅིག་ཕྱིར་འོང་བའི་འབྲས་བུ་མངོན་དུ་བྱས་སོ། །དེ་ལྟར་ཆོས་སྦྱིན་མས་ལོ་གཉིས་སུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ལ་བསླབ་པ་དེ་ན་དེ་བཞིན་ནུ་མར་གྱུར་ཏོ། །དེ་གཟུགས་གཞོན་ཞིང་བཟང་མོ་ལ་ནང་གི་སྐྱེ་བོ་ཐམས་ཅད་ཀྱིས་ཡིད་དགའ་ཞིང་ཕྱི་ཕྱིར་ཞིང་བལྟའོ། །དེ་ནས་ཁྱིམ་</font><hr>Da250a<br><font size=+2>


༄#། །བདག་རི་དྭགས་སྒྲས། བུ་མོ་ཆོས་སྦྱིན་དེ་གཞོན་ནུར་གྱུར་པ་ཐོས་པ་དང ། དེས་ཁྱིམ་བདག་བྱིན་པ་ལ་མཛའ་བོ་ཁྱེའུ་ཡང་གཞོན་ནུར་གྱུར། བུ་མོ་ཡང་གཞོན་ནུར་གྱུར་ན་ཉི་མ་ནམ་བཟང་བ་བརྟགས་ནས། ཁྱེའུའི་ཆུང་མར་བླང་ངོ ། །ཞེས་སྤྲིང་པ་དང ། དེས་མཛའ་བོ་ལེགས་ཀྱི། དེ་ལྟར་བྱའོ། །ཞེས་ལན་སྤྲིང་ངོ ། །ཁྱིམ་བདག་བྱིན་པས་ལྟས་མཁན་དག་བསགས་ཏེ། ཀྱེ། བུ་མོ་འདི་ནམ་བག་མར་བཏང་ན་རུང་བ་རྟོགས་ཤིག་།ཅེས་བྱས་པ་དང ། དེ་དག་གིས་ཡིད་མཐུན་པར་བརྩིས་ཏེ། བག་མར་བཏང་བའི་ཉི་མ་བསྟན་ཏོ། །དེ་བཞིན་དུ་ཁྱིམ་བདག་རི་དྭགས་སྒྲས་ཀྱང་བག་མ་བླང་བའི་ཞག་བསྟན་ཏོ། །དེ་ནས་ཁྱིམ་བདག་བྱིན་པས་མཛའ་བོ་དང ། ཕུ་ནུ་དང ། གཉེན་དག་གིས་གནས་སུ་དུས་འདི་ཙམ་ན་བུ་མོ་ཆོས་སྦྱིན་མ་བག་མར་གཏང་བར་བྱ་སྟེ། ཕུ་ནུ་དང ། གཉེན་འཁོར་དང་ཆས་ཏེ་གྲོགས་བྱེད་པའི་ཕྱིར་ཤོག་ཅིག་།ཅེས་ཡི་གེ་སྤྲིང་ངོ ། །དེ་ནས་ཁྱིམ་བདག་རི་དྭགས་སྒྲས་ཀྱང་མཛའ་བོ་དང ། ཕུ་ནུ་དང ། གཉེན་རྣམས་ལ་དེ་བཞིན་དུ་ཡི་གེ་སྤྲིང་ངོ ། །ཁྱིམ་བདག་དེ་གཉིས་ཀྱི་སྐྱེ་བོ་དང ། འཁོར་དང་རྒྱ་ཆེར་གནས་ནས་མཛའ་བོ་དང ། ཕུ་ནུ་དང།་གཉེན་རྣམས་ལྷགས་པས་མཉན་དུ་ཡོད་པའི་ནང་ཐམས་ཅད་གང་ངོ ། །ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་ནང་གི་བཙུན་མོ་དང ། གཞོན་ནུ་དང ། བློན་པོ་དང ། སྐྱེ་བོ་མང་</font><hr>Da250b<br><font size=+2>


པོ་དང ། ལྗོངས་དག་གི་མིས། ཁྱིམ་བདག་བྱིན་པའི་བུ་མོ་རི་དྭགས་སྒྲ་ལ་བྱིན་ཏེ། དེ་བག་མར་ལེན་པར་བྱེད་ཅིང ། དེ་དག་གི་གནས་ནས་མཛའ་བོ་དང ། ཕུ་ནུ་དང ། གཉེན་རྣམས་དང།་སྐྱེ་པོ་མང་པོ་དག་ལྷགས་སོ། །ཞེས་ཐོས་སོ། །དེས་བློན་པོ་ལ། ཀྱེ་ཁྱེད་ཀྱིས་ཀྱང་དེ་གཉིས་ཀྱི་གྲོགས་ཀྱིས་ཤིག་པར་བསྒོའོ། །དེ་དག་གིས་ཀྱང་གནས་གནས་ཀྱི་དབང་པོ་རྣམས་དང ། རྒྱལ་པོའི་རིགས་སུ་གཏོགས་པ་རྣམས་ལ་སོ་སོར་གང་གི་ཡུལ་ན་ཡོ་བྱད་ཅི་ཡོད་པ་རྣམས་དེང་བདག་གིས་ཁྱེར་ཏེ། འདི་ན་ཀུན་ཕྱིན་པར་འདུས་ཤིག་།ཅེས་ཡི་གེ་སྤྲིང་ངོ ། །དེ་དག་གིས་ཀྱང་དེ་ལྟར་ཐོས་མ་ཐག་ཏུ་བདག་གི་ཅི་འབྱོར་པ་རྣམས་སྦྱར་ཏེ། མཉན་དུ་ཡོད་པར་ལྷགས་སོ། །དེ་ནས་སེམས་ཅན་མང་པོ་བརྒྱ་སྟོང་ཡང་འདུས་ཏེ། དེ་ནས་བློན་པོ་རྣམས་ཀྱིས་མཉན་དུ་ཡོད་པའི་སྐྱེད་མོས་ཚལ་དང ། ཉེ་བའི་ཚལ་དང ། དེའི་འཁོར་དུ་བཅས་པ་ཐམས་ཅད་བྱི་དོར་བྱས། རྡོ་དང ། གྱོ་མོ་དང ། བོང་བདག་ཀྱང་ཕྱགས་ནས་མེད་པར་བྱས་སོ། །ཙནྡན་གྱི་ཆུས་ནི་ཆག་ཆག་བཏབ། བདུག་སྤོས་ཞིམ་པོའི་པོག་ཕོར་སྦྱངས་ཏེ། གཡས་གཡོན་དུ་བཞག་པ་དང ། འཕན་དང ། རྒྱལ་མཚན་བསྒྲེངས་ནས་དར་གྱི་ལྔ་ལྡི་དབྱངས། མེ་ཏོག་རྣམ་པ་སྣ་ཚོགས་ཀྱིས་བཀྲམ། ཡིད་དུ་འོང་བའི་ལྷ་རྣམས་ཀྱི་དགའ་བའི་ཚལ་དང ། སྐྱེད་མོས་ཚལ་བཞིན་ནོ། །དེ་ནས་ཆོས་སྦྱིན་མས་ཡོ་བྱད་སྦྱར་བ་རྣམས་མཐོང་ནས། ནང་གི་སྐྱེ་བོ་དག་ལ། ཀྱེ་དུས་</font><hr>Da251a<br><font size=+2>


༄#། །མ་ཡིན་པའི་དུས་སྟོན་འདི་ཅི་ཞིག་ཡིན། ཞེས་སྨྲས་པ་དང ། དེ་དག་གིས་ཁྱོད་ཀྱིས་སྔོན་གྱི་ལེགས་པའི་ཚོགས་རྣམ་པར་བསགས་པ་དེའི་མཐུས་ནི་དུས་ལ་མ་བབ་པའི་དུས་སྟོན་ཆེན་པོ་བྱས་ཏེ། ཁྱོད་བག་མར་གཏང་བའི་ཕྱིར་དུས་ལ་མ་བབ་པའི་དུས་སྟོན་ཆེན་པོ་བྱས་ཏེ། དེ་དག་ཉེ་བར་འོངས་སོ། །ཞེས་སྨྲས་པ་དང ། དེས་ཐོས་ནས་སྐྲག་སྟེ། ཕའི་རྐང་པ་ལ་ཕྱག་འཚལ་ནས། ཡབ་བདག་འདོད་པ་འཚལ་བ་ནི་མ་ལགས་ན། རྒྱལ་པོའི་ཀུན་དགའ་ར་བ་ཞེས་བགྱི་བ་དགེ་སློང་མའི་དབྱར་མོ་ཁང་དུ་མཆིར་ཅི་གནང ། ཞེས་སྨྲས་པ་དང ། དེས་སྨྲས་པ། བུ་མོ་ཁྱོད་མ་སྐྱེས་པར་ཁྱིམ་བདག་རི་དྭགས་སྒྲའི་བུ་ས་ག་ལ་བྱིན་པས། ད་ནི་ང་ལ་དབང་མེད་དོ། །ཁྱོད་ཀྱི་ཁྱིམ་ཐབ་དེ་ཡིན་ཏེ། དེ་ལྟ་བུར་ནི་ཡུལ་ཀོ་ས་ལའི་རྒྱལ་པོ་གསལ་རྒྱལ་དང ། ནང་གི་བཙུན་མོ་དང ། གཞོན་ནུ་དང ། བྲན་ཕོ་དང ། བྲན་མོ་དང ། སྐྱེ་བོ་མང་པོ་དང ། ཡུལ་སོ་སོ་ནས་ལྷགས་པའི་སྐྱེ་བོ་མང་པོ་དག་གིས་ཀྱང་ཤེས་ན། ངས་ཁྱོད་ལ་ཇི་ལྟར་གནང་བར་བྱ། ཅི་བདག་མཛའ་བོ་དང ། ཕུ་ནུ་དང ། གཉེན་རྣམས་བཙོན་རར་བཅུག་སྟེ་འཆི་བར་འདོད་དམ། ཁྱོད་ནི་སང་བག་མར་འགྲོ་བ་ལྟར་གྱིས་ཤིག་།མཛའ་བོ་དང ། བདག་གི་མི་དང ། གཉེན་དང ། སྐྱེ་བོ་མང་པོ་དག་ཀྱང་འདིར་འདུས་ན། དེ་སྐད་མ་ཟེར་ཅིག་།ཁྱོད་རབ་ཏུ་གཞོན་བས་མ་རྟོགས་པ་ཡིན་ཏེ། ཚངས་པར་སྤྱད་པ་སྤྱོད་པ་ཐོང་</font><hr>Da251b<br><font size=+2>


ཞིག་།ཅེས་བསྒོ་བ་དང ། དེ་བརྩོན་པས་ལམ་ཡིད་ལ་བྱེད་པ་སྒོམ་པ་ལ་ཞུགས་ན། འདོད་ཆགས་དང་བྲལ་བར་བྱ་བའི་ཐབས་མ་རྙེད་དོ། །དེའི་བར་དུ་ཡང་སངས་རྒྱས་བཅོམ་ལྡན་འདས་ལ་མི་མཁྱེན་པའམ། མི་གཟིགས་པའམ། མི་རིག་པའམ། རྣམ་པར་མི་རིག་པ་ཅུང་ཟད་ཀྱང་མེད་དེ། སངས་རྒྱས་བཅོམ་ལྡན་འདས་རྣམས་ནི་ཐུགས་རྗེ་ཆེན་པོ་ཅན། འཇིག་རྟེན་ལ་ཕན་འདོགས་པར་ཞུགས་པ། སྲུང་བ་གཅིག་པུ། དཔའ་བ་གཅིག་པུ། གཉིས་སུ་མེད་པ། གཉིས་སུ་མ་ཡིན་པར་གསུངས་པ། ཞི་གནས་དང་ལྷག་མཐོང་གིས་གནས་པ། འདུལ་བའི་དངོས་པོ་གསུམ་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིའི་ཞབས་ཀྱི་མཐིལ་ལ་རབ་ཏུ་རྟག་པར་གནས་པ། མི་འཇིགས་པ་བཞིས་བསྙེངས་པ་མེད་པ། ཡན་ལག་ལྔ་རྣམ་པར་སྤངས་པ། སྐྱེ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། སྤྱོད་པ་དྲུག་ལ་རྟག་ཏུ་སྤྱོད་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་བརྒྱན་པ། ལམ་ཡན་ལག་བརྒྱད་པ་འཆང་བ། དགུ་མཐར་གྱིས་སྙོམས་པར་འཇུག་པ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པ་རྒྱས་པར་གྲགས་པ། བརྒྱ་ཕྲག་བཅུ་ལས་དབང་སྒྱུར་བ་ཁྱད་ཞུགས་པ། མཚན་ལན་གསུམ། ཉིན་ལན་གསུམ་དུ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་</font><hr>Da252a<br><font size=+2>


༄#། །ནས་ཡེ་ཤེས་ཀྱི་མཐོང་བ་ལ་འཇུག་སྟེ། གང་འགྲིབ། གང་འཕེལ། གང་སྡུག་བསྔལ་བར་འགྱུར། གང་དོག་པར་འགྱུར། གང་གནོད་པར་འགྱུར། གང་དགའ་བ་དང།་དོག་པ་དང ། གནོད་པར་འགྱུར། གང་ངན་སོང་ལ་གཞོལ། གང་ངན་སོང་ལ་འབབ། གང་ངན་སོང་ལ་རབ་ཏུ་བབ། གང་ངན་སོང་ལས་བྱུང་སྟེ། མཐོ་རིས་དང་ཐར་པ་ལ་རབ་ཏུ་གཞག་པར་བྱ། དགེ་བའི་རྩ་བ་མ་བསྐྱེད་པ་རྣམས་ལ་དགེ་བའི་རྩ་བ་བསྐྱེད་པར་བྱ། གང་བསྐྱེད་པ་རྣམས་ཡོངས་སུ་སྨིན་པར་བྱ། གང་ཡོངས་སུ་སྨིན་པ་རྣམས་ནི་གྲོལ་བར་བྱའོ།། སྙམ་དུ་གཟིགས་སོ། །ཡང་སྨྲས་པ། རྒྱ་མཚོ་ཆུ་སྲིན་གནས་དེ་ནི། །དུས་ལས་གལ་ཏེ་ཡོལ་ཡང་སྲིད། །གདུལ་བར་བྱ་བའི་བུ་རྣམས་ལ། །སངས་རྒྱས་དུས་ལས་འདའ་མི་མཛད། །དེ་ནས་བཅོམ་ལྡན་འདས་ཀྱིས་འཛུམ་པ་མཛད་པ་དང ། ཆོས་ཉིད་ཀྱིས་ནམ་གྱི་ཚེ་སངས་རྒྱས་བཅོམ་ལྡན་འདས་དེར་འཛུམ་པ་མཛད་པ་དེའི་ཚེ། ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་རྣམས་འབྱུང་སྟེ། ཁ་ཅིག་ནི་འོག་ཏུ་དོང ། ཁ་ཅིག་ནི་སྟེང་དུ་དོང་ངོ ། །གང་འོག་ཏུ་དོང་བ་དེ་དག་གིས་ནི། ཡང་སོས་དང ། ཐིག་ནག་པོ་དང ། འཇོམས་པ་དང ། འོ་དོད་འབོད་པ་དང ། འོ་དོད་ཆེར་འབོད་པ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཤིན་ཏུ་ཆུ་བུར་ཅན་དང ། ་ཧ་ཧ་དང ། ཧ་ཧ་བ་དང ། ཧུ་ཧུ་</font><hr>Da252b<br><font size=+2>


བ་དང ། ུཏྤལ་ལྟ་བུ་དང ། པདྨོ་ལྟ་བུ་དང ། པདྨོ་ཆེན་པོ་ལྟ་བུ་དག་གི་སེམས་ཅན་དམྱལ་བར་སོང་ནས། གང་ཚ་བའི་སེམས་ཅན་དམྱལ་བ་དེར་བབ་ན་ནི་བསིལ་བར་གྱུར། གང་གྲང་བའི་སེམས་ཅན་དམྱལ་བ་དེར་བབ་ན་ནི་དྲོ་བར་གྱུར་ཏེ། དེས་སེམས་ཅན་དེ་དག་གི་སྡུག་བསྔལ་གྱི་ཁྱད་པར་སླར་བདེ་བར་གྱུར་པ། དེ་དག་འདི་སྙམ་དུ་སེམས་སོ། །ཀྱེ་མའོ། །བདག་ཅག་འདི་ནས་ཤི་འཕོས་སམ། འོན་ཏེ་གཞན་ཞིག་ཏུ་སྐྱེས་སྙམ་མོ། །དེ་དག་དང་བ་བསྐྱེད་པའི་ཕྱིར། བཅོམ་ལྡན་འདས་ཀྱིས་སྤྲུལ་པ་དེར་བཏང་ངོ ། །དེ་དག་སྤྲུལ་པ་དེ་མཐོང་ནས། དེ་དག་འདི་སྙམ་དུ་སེམས་སོ། །ཀྱེ་བདག་ཅག་ནི་ཚེ་འདི་ནས་ཤི་འཕོས་པའམ། གཞན་དུ་སྐྱེས་པ་ནི་མ་ཡིན་མོད་ཀྱི། སྔོན་ཆད་མ་མཐོང་བའི་སེམས་ཅན་འདིའི་མཐུས་ན། བདག་ཅག་གི་སྡུག་བསྔལ་གྱི་ཁྱད་པར་བདེ་བར་གྱུར་ཏོ། །སྙམ་ནས། དེ་དག་སྤྲུལ་པ་ལ་མངོན་པར་སེམས་དད་པ་ལས་དེ་དག་སེམས་ཅན་དམྱལ་བའི་སྡུག་བསྔལ་གྱི་ལས་ཟད་ནས། གང་དུ་བདེན་པ་རྣམས་ཀྱི་སྣོད་འགྱུར་བ་དེར་ལྷ་དང ། མིའི་ཕྱིར་ཉིད་མཚམས་ལེན་ཏོ། །གང་སྟེང་གི་ཕྱོགས་སུ་དོང་པ་དེས་ནི། རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་དང ། མཚེ་མའི་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་ལྷ་ཉེ་ཕན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་སྣང་དང ། དགེ་ཆུང་གནས་དང ། </font><hr>Da253a<br><font size=+2>


༄#། །ཚད་མེད་དགེ་གནས་དང ། དགེ་རྒྱས་དང ། སྤྲིན་མེད་དང ། བསོད་ནམས་འཕེལ་དང ། འབྲས་བུ་ཆེ་བ་དང ། མི་ཆེ་བ་དང ། མི་གདུང་བ་དང ། ཤིན་ཏུ་སྣང་དང ། གྱ་ནོམ་མཐོང་དང ། འོག་མིན་གནས་ཀྱི་ལྷ་དག་གི་དྲུང་དུ་སོང་ནས། མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པའོ། །ཞེས་སྒྲ་འབྱིན་ཅིང ། ཚིགས་སུ་བཅད་པ་གཉིས་ཀྱང་བརྗོད་དོ། །འབྱུང་བ་ལ་ནི་བརྩམ་པར་བྱོས། །སངས་རྒྱས་བསྟན་ལ་ནན་ཏན་གྱིས། །འཆི་བདག་སྡེ་རྣམས་གཞོམ་པ་ནི། །བ་གླང་གིས་ནི་རྩཝ་ཁྱིམ་བཞིན། །ཆོས་ཀྱི་འདུལ་བ་འདི་ལ་གང ། །བག་ཡོད་པ་རུ་སུ་སྤྱོད་པ། །སྐྱེ་བའི་འཁོར་བ་སྤོང་བ་སྟེ། །སྡུག་བསྔལ་བ་ཡི་མཐར་བྱེད་འགྱུར། །དེ་ནས་འོད་ཟེར་དེ་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་ཀྱི་ཁམས་བསྐོར་ནས། བཅོམ་ལྡན་འདས་ཀྱི་སྣམ་གྱི་ཕྱི་བཞིན་འབྲང་ཞིང་འོང་ངོ ། །དེ་སྟེ་བཅོམ་ལྡན་འདས་ཀྱིས་འདས་པ་ལུང་བསྟན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་མི་སྣང་བར་འགྱུར་རོ། །མ་འོངས་པ་ལུང་བསྟན་པར་བཞེད་ན་ནི། མདུན་དུ་མི་སྣང་བར་འགྱུར་རོ། །སེམས་ཅན་དམྱལ་བར་ལུང་བསྟན་པར་བཞེད་ན་ནི། ཞབས་ཀྱི་མཐིལ་དུ་མི་སྣང་བར་འགྱུར་རོ། །བྱོལ་སོང་དུ་སྐྱེ་བར་ལུང་བསྟན་པར་བཞེད་ན་ནི། ཞབས་ཀྱི་རྟིང་པར་མི་སྣང་བར་འགྱུར་རོ། །ཡི་དྭགས་སུ་སྐྱེ་བར་ལུང་བསྟན་པར་བཞེད་ན་ནི། ཞབས་ཀྱི་མཐེ་བོར་</font><hr>Da253b<br><font size=+2>


མི་སྣང་བར་འགྱུར་རོ། །མིར་སྐྱེ་བར་ལུང་བསྟན་པར་བཞེད་ན་ནི། པུས་མོ་གཉིས་སུ་མི་སྣང་བར་འགྱུར་རོ། །སྟོབས་ཀྱི་འཁོར་ལོས་སྒྱུར་བའི་རྒྱལ་པོར་ལུང་བསྟན་པར་བཞེད་ན་ནི། ཕྱག་གཡོན་པའི་མཐིལ་དུ་མི་སྣང་བར་འགྱུར་རོ། །འཁོར་ལོས་སྒྱུར་བའི་རྒྱལ་པོར་ལུང་སྟོན་པར་བཞེད་ན་ནི། ཕྱག་གཡས་པའི་མཐིལ་དུ་མི་སྣང་བར་འགྱུར་རོ། །ལྷར་སྐྱེ་བར་ལུང་སྟོན་པར་བཞེད་ན་ནི། ལྟེ་བར་མི་སྣང་བར་འགྱུར་རོ། །ཉན་ཐོས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། ཞལ་གྱི་ནང་དུ་མི་སྣང་བར་འགྱུར་རོ། །རང་སངས་རྒྱས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། མཛོད་སྤུར་མི་སྣང་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་བཞེད་ན་ནི། གཙུག་ཏོར་གྱི་ནང་དུ་མི་སྣང་བར་འགྱུར་རོ། །དེ་ནས་འོད་ཟེར་དེ་དག་བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞལ་དུ་མི་སྣང་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ། བཅོམ་ལྡན་འདས་ལ་ཞུས་པ། རྣམ་པ་སྣ་ཚོགས་ཁ་དོག་སྟོང་གིས་བརྒྱན། །ཞལ་གྱི་ནང་ནས་མང་པོ་འབྱུང་བ་དག་།ཐམས་ཅད་ཕྱོགས་སུ་གང་གིས་སྣང་མཛད་པ། །སྣང་བྱེད་ཤར་བས་ཇི་ལྟར་དེ་བཞིན་ནོ། །ཡང་ཚིགས་སུ་བཅད་དེ་སྨྲས་པ། འཕྱར་བ་མེད་ཅིང་མི་དགའ་དྲེགས་སྤངས་པ། སངས་རྒྱས་སྐྱེ་བོ་མཆོག་གི་རྒྱུར་གྱུར་ཏེ། །རྒྱུ་མ་མཆིས་པར་དུང་དཀར་པདྨོའི་རྩ། །འཛུམ་པ་མི་སྟོན་རྒྱལ་བ་དགྲ་ཕམ་མཛད། །དེ་ཚེ་ཉིད་</font><hr>Da254a<br><font size=+2>


༄#། །ཀྱི་རྟོགས་པ་བསྟན་པའི་བློ། །ཉན་པ་རྒྱལ་དབང་ལ་ནི་ཐོས་པར་འཚལ། །ཐུབ་པ་ཁྱུ་མཆོག་གཏན་ཚིགས་དམ་པས་ནི། །ཐེ་ཚོམ་སྐྱེས་པ་མཆོག་གིས་བསལ་བར་མཛོད། །མགོན་པོ་བརྟན་པ་རྒྱ་མཚོའི་རི་བོ་བཞིན། །རྒྱུ་མེད་པར་ནི་སངས་རྒྱས་བཞད་མི་མཛད། །བརྟན་པས་གང་གི་ཕྱིར་ནི་འཛུམ་བསྟན་པ། །སྐྱེ་བོ་མང་པོ་འདི་དག་ཐོས་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་ནོ། །ཀུན་དགའ་བོ། དེ་བཞིན་ཏེ། ཀུན་དགའ་བོ། རྒྱུ་མེད་རྐྱེན་མེད་པར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་ནི་འཛུམ་པ་མི་མཛད་དོ། །ཀུན་དགའ་བོ་ཁྱོད་ཀྱིས་བུ་མོ་ཆོས་སྦྱིན་མ་ལ་དགེ་སློང་མའི་དགེ་འདུན་དང ། ངའི་བཀས་དགེ་སློང་མ་ཨུཏྤ་ལའི་ཁ་དོག་མ་ཕྲིན་པར་བཏང་སྟེ། སྐྱབས་སུ་འགྲོ་བ་གསུམ་ནས་རིམ་བཞིན་དུ་རབ་ཏུ་ཕྱུང་བ་ལ་ལོ་གཉིས་ཀྱི་བར་དུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པའི་སྡོམ་པ་ཡང་བྱིན་ནོ། །དེ་ནི་སང་བག་མར་གཏོང་སྟེ། དེའི་ཕྱིར་སྐྱེ་བོ་མང་པོ་འདུས་པ་རྣམས་མཐོང་ངམ། བཙུན་པ། མཐོང་ངོ ། །ཀུན་དགའ་བོ། བུ་མོ་དེ་སླར་ཁྱིམ་དུ་མི་མོར་གནས་པའི་སྐབས་མ་ཡིན། གནས་མ་ཡིན་ཏེ། དགའ་བར་བྱ་བའི་ཕྱིར་འདོད་པའི་ལོངས་སྤྱོད་ལ་ལོངས་སྤྱད་པའི་གནས་སུ་འདི་མི་འགྱུར་གྱི། འདི་ནི་ད་ཕྱིར་མི་ལྡོག་པའི་འབྲས་བུ་ཐོབ་སྟེ། </font><hr>Da254b<br><font size=+2>


དགྲ་བཅོམ་པ་མངོན་དུ་བྱེད་པར་འགྱུར་རོ། །ཀུན་དགའ་བོ་སོང་སྟེ། དགེ་སློང་མ་རྣམས་ལ་འདི་ལྟར་ཆོས་སྦྱིན་མས་ནི། ལོ་གཉིས་ཀྱི་བར་དུ་ཆོས་དྲུག་དང ། རྗེས་སུ་འབྲང་བའི་ཆོས་དྲུག་གི་བསླབ་པ་ལ་བསླབས་ཟིན་གྱི། དེ་ལ་ཨུཏྤ་ལའི་ཁ་དོག་མ་ཕྲིན་པར་ཐོང་ལ། དེ་ཚངས་པར་སྤྱད་པ་བསྐྱེད་པའི་སྡོམ་པ་བྱིན་པར་བསྒོ་ཞིག་།བཙུན་པ། དེ་བཞིན་དུ་འཚལ་ལོ། །ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏེ། དགེ་སློང་མ་ལ་བསྒོ་བ་དང ། དགེ་སློང་མའི་དགེ་འདུན་གྱིས་ཀྱང་ཨུཏྤ་ལའི་ཁ་དོག་མ་ཕྲིན་པར་བསྒོས་ཏེ་བཏང་ངོ ། །དེ་སོང་ནས་བུ་མོ་ཁྱོད་ནི་དགེ་སློང་མའི་དགེ་འདུན་གྱིས་ཚངས་པ་སྤྱད་པ་བསྐྱེད་པའི་སྡོམ་པ་གནང་གི་།ད་ནི་ཁྱོད་བསྙེན་པར་རྫོགས་པར་བྱའོ། །ཅི་ནས་འདི་ལྟ་བུའི་ཆོས་བཤད་དེ། དེས་ཐོས་མ་ཐག་ཏུ་སླར་ཕྱིར་མི་ལྡོག་པའི་འབྲས་བུ་མངོན་དུ་བྱས་ནས། རྫུ་འཕྲུལ་ཡང་བསྒྲུབས་སོ། །ུཏྤ་ལའི་ཁ་དོག་མ་སོང་ནས། བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་སྟེ། དགེ་སློང་མ་དག་ལ། འདི་ལྟར་ངས་གནང་གི་།དགེ་འདུན་སྡེ་གཉིས་ཀྱིས། ཨུཏྤ་ལའི་ཁ་དོག་མ་ཕྲིན་པར་ཐོང་སྟེ། བུ་མོ་ཆོས་སྦྱིན་མ་བསྙེན་པར་རྫོགས་པར་གྱིས་ཤིག་།ཅེས་བསྒོ་ཞིག་།བཙུན་པ། དེ་ལྟར་འཚལ་ལོ། །ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལས་མཉན་ཏེ། དགེ་སློང་མ་</font><hr>Da255a<br><font size=+2>


༄#། །དག་ལ་བསྒོའོ། །དགེ་སློང་མའི་དགེ་འདུན་གྱིས་ཀྱང་དགེ་འདུན་སྡེ་གཉིས་ཀ་བསྡུས་ཏེ། ཆོས་སྦྱིན་མ་ཁྱིམ་དེ་ན་འདུག་བཞིན་དུ། ཨུཏྤ་ལའི་ཁ་དོག་མ་ལས་ཕྲིན་གྱིས་བསྙེན་པར་རྫོགས་པར་བྱས་ཏེ། ཨུཏྤ་ལའི་ཁ་དོག་མ་སོང་སྟེ། དེ་ལ་ཁྱོད་ནི། བཅོམ་ལྡན་འདས་ཀྱིས་གནང་སྟེ། དགེ་འདུན་སྡེ་གཉིས་ཀྱིས་བསྙེན་པར་རྫོགས་པར་བྱས་སོ། །ཞེས་བསྒོའོ། །འདི་ལྟ་བུའི་ཆོས་ཀྱང་བཤད་དེ། དེ་ཐོས་པ་ན། དགེ་སློང་མ་ཆོས་སྦྱིན་མས་འཁོར་བའི་འཁོར་ལོ་དུམ་བུ་ལྔ་པོ་འདི་གཡོ་པ་དང ། མི་གཡོ་བ་ཤེས་ཏེ། འདུས་བྱས་ཀྱི་དངོས་པོ་ཐམས་ཅད་འཇིག་པ། ལྟུང་བ། རྣམ་པར་འགྱེས་པ། རྣམ་པར་ཞིག་པའི་ཆོས་ཉིད་ཀྱིས་རབ་ཏུ་བཅོམ་སྟེ། ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་དུ་བྱས་ནས།་དགྲ་བཅོམ་པར་གྱུར་ཏེ། ཁམས་གསུམ་གྱི་འདོད་ཆགས་དང་བྲལ་བ། གསེར་དང་བོང་བར་འདྲ་བ། ནམ་མཁའ་དང་ལག་མཐིལ་ལྟར་ཆགས་པ་མེད་པ་བཞིན་དུ་མཉམ་པའི་སེམས་སྟེའུ་དང་ཙན་དན་དུ་འདྲ་བ། མ་རིག་པའི་སྒོ་ངའི་སྦུབས་བཅོམ་པ། རིག་པ་དང ། མངོན་པར་ཤེས་པ་དང ། སོ་སོར་རིག་པ་རྣམས་ཐོབ་པ། སྲིད་པའི་འདོད་ཆགས་ལ་ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་པོ་དང ། ལྷར་བཅས་པ་རྣམས་ཀྱིས་མཆོད་པ་དང ། ཕྱག་བྱས་པ་དང ། ཚིག་གིས་སྙན་པར་</font><hr>Da255b<br><font size=+2>


བརྗོད་པར་འགྱུར་རོ། །དགྲ་བཅོམ་པའི་དགེ་སློང་མ། ཟག་པ་ཟད་པ། ཁྱིམ་པ་ཁྱིམ་ན་གནས་པའི་སྐབས་མ་ཡིན། གནས་མ་ཡིན་ཏེ། དགའ་བ་བྱ་བའི་ཕྱིར་འདོད་པའི་ལོངས་སྤྱོད་ལ་ཡོངས་སུ་སྤྱོད་པའི་གནས་མ་ཡིན་ནོ། །ནམ་ཆོས་སྦྱིན་མ་དགྲ་བཅོམ་པ་མངོན་དུ་བྱས་པ་དང ། དེའི་ཚེ་ཕ་མ་ལ། ཡབ་དང ། ཡུམ་བདག་གིས་ནི་དགྲ་བཅོམ་པ་མངོན་དུ་བགྱིས་ཀྱི། རྒྱལ་པོའི་ཀུན་དགའ་ར་བར་དགེ་སློང་མའི་དབྱར་མོ་ཁང་དུ་མཆི་ན་གནང་བར་མཛོད་ཅིག་།ཅེས་སྨྲས་པ་དང ། ཁྱིམ་བདག་བྱིན་པ་དང ། ཆུང་མ་དང་གཉིས་གྲོས་བྱས་ནས་བུ་མོ་དེ་ལྟར་ན་བདག་ཅག་ལ་རྒྱལ་པོས་གྱོད་རྨས་པར་མི་འགྱུར་རམ། དེ་ལ་རིམ་བཞིན་དུ་བྱས་ཏེ། བཅོམ་ལྡན་འདས་དང་ལྷན་ཅིག་ཏུ་སོང་ཞིག་།ཅེས་སྨྲས་པ་དང ། དེས་སྨྲས་པ། ལེགས་ཀྱི། དེ་ལྟར་བགྱིའོ། །དེ་ནས་ཁྱིམ་བདག་བྱིན་པས་སངས་རྒྱས་བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་དག་ཁྱིམ་དུ་སྤྱན་དྲངས་ཏེ། ཁྱིམ་བདག་རི་དྭགས་སྒྲ་ལ། མཛའ་བོ། བུ་མོ་ཆོས་སྦྱིན་ནི་ཁྱིམ་དུ་གནས་སུ་མི་བཏུབ་སྟེ། རབ་ཏུ་འབྱུང་བར་གདོན་མི་ཟས། ཚུར་ཤོག་ལ། དེ་ནན་གྱིས་བླང་བར་གྱིས་ཤིག་།ཅེས་སྤྲིང་ངོ ། །ཁྱིམ་བདག་རི་དྭགས་སྒྲས་ཡུལ་ཀོ་ས་ལའི་རྒྱལ་པོ་གསལ་རྒྱལ་ལ་གསོལ་ནས། མཛའ་བོ་དང ། ཕུ་ནུ་དང ། གཉེན་དང ། སྐྱེ་བོ་མང་པོ་དག་སྡུད་པ་ལ་ཞུགས་སོ། །ཁྱིམ་བདག་བྱིན་པས་དེའི་ནུབ་མོ་གཙང་ཞིང་བསོད་པའི་བཟའ་བ་དང ། བཅའ་བ་དག་སྦྱར་ནས། ནང་</font><hr>Da256a<br><font size=+2>


༄#། །པར་སྔར་ལངས་ཏེ། གདན་བཏིང ། ཆུ་བུམ་པ་བཀང་སྟེ་བཞག་།བཅོམ་ལྡན་འདས་ལ་སྤྱན་འདྲེན་པས་བཙུན་པ་བཤོས་ཀྱང་ལགས། གདུགས་ཚོད་ལ་ཡང་བབ་ན། བཅོམ་ལྡན་འདས་དུས་ལ་བབ་པར་དགོངས་ཤིག་།ཅེས་གསོལ་པ་དང ། དེ་ནས་བཅོམ་ལྡན་འདས་སྔ་དྲོའི་དུས་ན་ཤམ་ཐབས་གསོལ། ལྷུང་བཟེད་དང ། ཆོས་གོས་བསྣམས་ཏེ། དགེ་སློང་མང་པོ་དག་གིས་བསྐོར། དགེ་སློང་གི་དགེ་འདུན་གྱི་མདུན་དུ་བྱས་ཏེ། ཁྱིམ་བདག་བྱིན་པའི་ཁྱིམ་གང་ན་བ་དེར་གཤེགས་སོ། །དེར་ཕྱིན་པ་དང ། དགེ་སློང་གི་དགེ་འདུན་གྱི་མདུན་དུ་སྟན་བཏིང་བ་ལ་བཞུགས་སོ། །དེ་ནས་ཁྱིམ་བདག་བྱིན་པས་མཛའ་བོ་དང ། ཕུ་ནུ་དང ། གཉེན་དག་གིས་བསྐོར་ཏེ། སངས་རྒྱས་དང ། དགེ་སློང་གི་དགེ་འདུན་དག་བདེ་བར་བཞུགས་པར་ཤེས་ནས། གཙང་ཞིང་བསོད་པའི་བཟའ་བ་དང ། བཅའ་བ་དག་ཉིད་ཀྱིས་ལག་དར་ཏེ་ཚིམ་པ་དང ། ཡང་དག་པར་བསྟབས་སོ། །དེའི་སྐབས་སུ་ཁྱིམ་བདག་རི་དྭགས་སྒྲས་མཛའ་བོ་དང ། ཕུ་ནུ་དང ། གཉེན་དང ། གཞོན་ནུ་དང ། བློན་པོ་དང ། གྲོང་ཁྱེར་བ་དང ། ལྗོངས་ཀྱི་སྐྱེ་བོ་མང་པོ་དང་ལྷན་ཅིག་ཏུ་ས་ག་སྲུང་བ་དང ། བཀྲ་ཤིས་དང།་ཞི་བ་དག་བྱས་ཏེ། བག་མ་ལེན་པར་ཆས་ཏེ། ཁྱིམ་བདག་བྱིན་པའི་སྒོ་དྲུང་ན་གནས་ཤིང་འཁོད་དོ། །ཁྱིམ་བདག་བྱིན་པས་སངས་རྒྱས་དང ། དགེ་སློང་གི་དགེ་འདུན་ལ་</font><hr>Da256b<br><font size=+2>


བདག་ཉིད་ཀྱིས་ལག་དར་ཏེ། ཚིམ་པར་བྱས། ཡང་དག་པར་བསྟབས་ནས། བཅོམ་ལྡན་འདས་བཤོས་གསོལ་ཟིན་ནས། ཕྱག་བཅབས། ལྷུང་བཟེད་བླངས་པར་ཤེས་ནས། སྟན་དམའ་བ་ཞིག་བཏིང་ནས། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་མཛའ་བོ་དང ། ཕུ་ནུ་དང ། གཉེན་དུ་བཅས་ཏེ་འཁོད་དོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་བྱིན་པ། མཛའ་བོ་དང ། ཕུ་ནུ་དང ། གཉེན་དག་ལ་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་མགུ་བར་བྱས་སོ། །ཆོས་ཀྱི་གཏམ་གྱིས་རྣམ་གྲངས་དུ་མར་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། མགུ་བར་བྱས་ཏེ། གདན་ལས་བཞེངས་ནས་བཞུད་དོ། །དགེ་སློང་མ་ཆོས་སྦྱིན་མ་ཡིས་ཁམས་གསུམ་གྱི་ནི་གཉེན་པོ་ཐོབ། མི་འཇིགས་པ་ཐོབ་བོ། །དེ་བག་མར་བླངས་པའི་དུས་ལ་བབ་ནས། ཁྱིམ་བདག་རི་དྭགས་སྒྲའི་བུ་ས་གས་ཀྱང་མཛའ་བོ་དང ། ཕུ་ནུ་དང ། གཉེན་དང ། གཞོན་ནུ་དང ། བློན་པོ་དང ། གྲོང་ཁྱེར་བ་དང ། ལྗོངས་ཀྱི་སྐྱེ་བོ་མང་པོ་དང་ལྷན་ཅིག་ཏུ་དེར་སིལ་སྙན་རྣམ་པ་སྣ་ཚོགས་འབྱིན་ཏེ། ཆོས་སྦྱིན་མ། བཅོམ་ལྡན་འདས་ཀྱི་ཕྱི་བཞིན་ཕྱིར་འབྱུང་བར་འདོད་པ་དང ། དེ་ནས་ཁྱིམ་བདག་རི་དྭགས་སྒྲའི་བུ་ས་གས་འཕྲལ་ལ་དཔུང་པ་བརྐྱང་ནས། ཆོས་སྦྱིན་གྱི་ལག་པ་ནས་བཟུང་བར་བརྩམ་པ་དང ། ཆོས་</font><hr>Da257a<br><font size=+2>


༄#། །སྦྱིན་མ། སེམས་ཅན་གྲངས་མེད་པ་བརྒྱ་སྟོང་གིས་མཐོང་བཞིན་དུ་ངང་པའི་རྒྱལ་པོ་འདབ་མ་བརྐྱང་པ་བཞིན་དུ་ནམ་མཁའ་ལ་འཕུར་ཏེ། རྣམ་པ་སྣ་ཚོགས་ཀྱི་ཆོ་འཕྲུལ་བསྟན་པ་དང ། དེ་ན་ཁྱིམ་བདག་རི་དྭགས་སྒྲའི་མཛའ་བོ་དང ། ཕུ་ནུ་དང ། གཉེན་དང ། གཞོན་ནུ་དང ། བློན་པོ་དང ། གྲོང་ཁྱེར་བ་དང ། ལྗོངས་ཀྱི་སྐྱེ་བོ་མང་པོ་དང།་ཁྱིམ་བདག་རི་དྭགས་སྒྲའི་བུ་ས་ག་དང ། གཞན་ཡང་ལྟད་མོ་ལ་ལྷགས་པའི་སེམས་ཅན་དག་ངོ་མཚར་ཆེར་གྱུར་ནས། ཤིང་རྩ་བ་ནས་བཅད་པ་བཞིན་དུ་རྐང་པ་ལ་ཕྱག་འཚལ་ནས།་སྲིང་མོ། འདི་འདྲ་བའི་ཡོན་ཏན་མང་པོ་ཐོབ་ན། ཁྱོད་འདོད་ཆགས་ལ་སྤྱོད་པའི་སྐབས་མ་ཡིན་ཏེ། བཟོད་པ་གསོལ་ལོ། །ཞེས་སྨྲས་པ་དང ། དེ་ནས་ཆོས་སྦྱིན་མ་ནམ་མཁའ་ལས་བབས་ཏེ། སྐྱེ་བོ་མང་པོ་དག་གི་མདུན་དུ་འདུག་ནས་འདི་ལྟ་བུའི་ཆོས་བཤད་དེ། སེམས་ཅན་མང་པོ་བརྒྱ་སྟོང་གིས་ཐོས་ནས། ཁྱད་པར་ཆེར་རྟོགས་ཏེ། ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་དུ་བྱས། ཁ་ཅིག་གིས་ནི། ལན་ཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་ལྡོག་པའི་འབྲས་བུ། ཁ་ཅིག་གིས་ནི། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་དུ་བྱས་སོ། །ཁ་ཅིག་གིས་ནི། ཉན་ཐོས་པའི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི། </font><hr>Da257b<br><font size=+2>


རང་སངས་རྒྱས་ཀྱི་བྱང་ཆུབ་དང ། ཁ་ཅིག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུའོ། །འཁོར་དེ་དག་ལས་ཕལ་ཆེར་སངས་རྒྱས་ལ་གཞོལ། ཆོས་ལ་འབབ། དགེ་འདུན་ལ་རབ་ཏུ་བབ་པར་བཀོད་དོ། །དེ་ནས་དགེ་སྦྱོང་མ་ཆོས་སྦྱིན་གྱིས་ཐོབ་པ་དང ། ཕུན་སུམ་ཚོགས་པ་རྙེད། སེམས་ཅན་རྣམས་ཀྱི་དོན་ཆེན་པོ་བྱས་ཏེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་དྲུང་ནས་སོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། འདི་ལྟར་ངའི་བཀའ་ཐོབ་སྟེ། བསྙེན་པར་རྫོགས་པས་ངའི་དགེ་སློང་མ་ཉན་ཐོས་ཆོས་ཀྱི་གཏམ་སྨྲས་བའི་ནང་ན་དགེ་སློང་མ་ཆོས་སྦྱིན་མ་འདི་ནི་མཆོག་ཡིན་ནོ། །དགེ་སློང་དག་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ། བཙུན་པ། དགེ་སློང་མ་ཆོས་སྦྱིན་མས་ལས་ཅི་ཞིག་བགྱིས་ན་དེ་ཁྱིམ་ན་མཆིས་བཞིན་དུ། ཕྲིན་ལས་རབ་ཏུ་བྱུང་ཞིང་བསྙེན་པར་རྫོགས་ནས། དགེ་སློང་མའི་དངོས་པོ་ཐོབ་ནས། འདི་ཉིད་དུ་དགྲ་བཅོམ་པ་མངོན་སུམ་དུ་བགྱིས་ནས། བཅོམ་ལྡན་འདས་ཀྱིས་ཆོས་ཀྱི་གཏམ་སྨྲ་བའི་ནང་ན་མཆོག་ཏུ་གསུངས། ཞེས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་མ་ཆོས་སྦྱིན་མས་ལས་བྱས་ཤིང་བསགས་པས་ཚོགས་པ་རྙེད་པ་དང ། </font><hr>Da258a<br><font size=+2>


༄#། །རྐྱེན་སྨིན་པ་ནི་ཆུ་བོ་བཞིན་དུ་ཉེ་བར་གནས་ཏེ། གདོན་མི་ཟའོ། །ཆོས་སྦྱིན་གྱིས་ལས་བྱས་ཤིང་བསགས་པ་ནི་གཞན་གྱིས་མྱོང་བར་མི་འགྱུར་ཏེ། དགེ་སློང་དག་ལས་བྱས་ཤིང་བསགས་པ་ནི་ཕྱི་རོལ་གྱི་སའི་ཁམས་ལ་རྣམ་པར་མི་སྨིན། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་འདི་ཉིད་ལ་དགེ་བ་དང་མི་དགེ་བའི་ལས་བྱས་པ་རྣམ་པར་སྨིན་པར་འགྱུར་རོ། །ལས་རྣམས་སྟོར་བར་མི་འགྱུར་བ། །བསྐལ་པ་དག་ནི་བརྒྱ་ལོན་ཀྱང ། དུས་དང་འཕྲོད་ནས་ཐོབ་པ་ནི། །ལུས་ཅན་ཉིད་ལ་འབྲས་བུར་སྨིན། །དགེ་སློང་དག་།སྔོན་བྱུང་བ་ནི་བསྐལ་པ་བཟང་པོ་འདིའི་སྐྱེ་དགུའི་ཚེ་ལོ་སྟོང་ཕྲག་ཉི་ཤུ་ཐུབ་པ་ན། སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཡུལ་འཁོར་མོ་འཇིག་གི་གྲོང་ཁྱེར་ན་བཞུགས་ཤིང ། དྲང་སྲོང་གནས་ཀྱི་རི་དྭགས་ཀྱི་ཚལ་ན་བཞུགས་སོ། །དེའི་དུས་ན་ཡུལ་འཁོར་མོ་འཇིག་ན་ཁྱིམ་བདག་གཞན་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་</font><hr>Da258b<br><font size=+2>


དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པ་དང ། དེ་དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ། དགུ་འདས་པ་དང་དེ་ལས་བུ་མོ་ཞིག་བྱུང་སྟེ། དེ་ཞག་བདུན་གསུམ་ཉི་ཤུ་རྩ་གཅིག་གི་བར་དུ་བཙས་པའི་བཙས་སྟོན་ཆེན་པོ་རྒྱ་ཆེར་བྱས་ཏེ། རིགས་དང་མཐུན་པའི་མིང་བཏགས་ནས། དེ་ནས་ལུས་ཆེར་གྱུར་པ་དེ་ན་རབ་ཏུ་འབྱུང་བར་འདོད་པས་དེའི་ཕ་མ་དག་གིས་རབ་ཏུ་འབྱུང་དུ་མི་སྟེར་རོ། །ཁྱིམ་དེ་ན་དགེ་སློང་མ་རྒན་མོ་གཞན་ཞིག་རིགས་པ་སྟོན་པར་བྱེད་ཅིང ། དེའི་ཁྱིམ་དུ་དུས་སུ་འོང་ངོ། །བུ་མོ་དེས་དགེ་སློང་མ་རྒན་མོ་དེ་ལ་འཕགས་མ་བདག་ནི་ལེགས་པར་བཤད་པའི་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་འཚལ་ན། བདག་གིས་ཕ་མས་མི་གནང་ཞིང་ཁྱིམ་ལས་ཕྱིར་འབྱུང་དུ་ཡང་མི་སྟེར་ན། གནས་འདི་ཉིད་དུ་རབ་ཏུ་དབྱུང་བར་ནུས་སམ། ཞེས་སྨྲས་པ་དང ། དེས་བུ་མོ་བཅོམ་ལྡན་འདས་ལ་ཞུས་ཏེ་བྱའོ། །ཞེས་སྨྲས་ནས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་ལ་ཞུས་པ་དང ། དེ་ཉིད་ཕྲིན་པར་བཏང་སྟེ། དེ་ཁྱིམ་དེ་ན་འདུག་བཞིན་དུ་རབ་ཏུ་བྱུང་ནས། དགེ་སློང་མའི་སྡོམ་པ་ཡང་གནང་ནས། དགེ་འདུན་སྡེ་གཉིས་ཀྱིས་བསྙེན་པར་རྫོགས་པར་བྱས་ཏེ། དགེ་སློང་མ་རྒན་མོ་དེས་དེ་ལ་ཆོས་བཤད་པ་དང ། དེ་ཁྱིམ་ན་འདུག་</font><hr>Da259a<br><font size=+2>


༄#། །བཞིན་དུ་དགྲ་བཅོམ་པ་མངོན་དུ་བྱས་སོ། །དེ་ནས་དགེ་སློང་མ་རྒན་མོས་བསམས་པ། བུ་མོ་འདིས་ཁྱིམ་ན་འདུག་བཞིན་དུ་ཕྲིན་གྱིས་རབ་ཏུ་བྱུང ། སློབ་པའི་སྡོམ་པ་དང་བསྙེན་པར་རྫོགས་པ་ཐོབ། ཁྱིམ་ན་འདུག་བཞིན་དུ་དགྲ་བཅོམ་པ་མངོན་དུ་བྱས་པ་དེ་ཐམས་ཅད་ཀྱང་བདག་ལས་གྱུར་ཏེ། བདག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་ཚེ་གཅིག་ཏུ་ཚངས་པར་སྤྱོད་པ་དང ། དགེ་བ་ཅི་སྤྱད་པའི་རྩ་བས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས། བྲམ་ཟེའི་བུ་བླ་མ་ལ། བྲམ་ཟེའི་ཁྱེའུ་ཁྱོད་སྐྱེ་དགུ་ལོ་བརྒྱ་ཐུབ་པའི་ཚེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་དེའི་བསྟན་པ་ལ་འདི་ལྟར་ཁྱིམ་ན་འདུག་བཞིན་དུ་ཕྲིན་གྱིས་རབ་ཏུ་བྱུང ། བསླབ་པའི་སྡོམ་པ་དང ། དགེ་སློང་མའི་དངོས་པོ་ཐོབ་ཅིང་ཁྱིམ་ན་འདུག་བཞིན་དུ་དགྲ་བཅོམ་པ་མངོན་དུ་བྱེད་པ་དང ། ཇི་ལྟར་བདག་གི་མཁན་མོ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཆོས་ཀྱི་གཏམ་སྨྲ་བའི་ནང་ན་མཆོག་ཏུ་བསྔགས་པ་དེ་བཞིན་དུ་བདག་ཀྱང་ཤཱཀྱ་ཐུབ་པ། བཅོམ་ལྡན་འདས་ཤཱཀྱའི་རྒྱལ་པོས་ཆོས་ཀྱི་གཏམ་སྨྲ་བའི་ནང་ན་མཆོག་</font><hr>Da259b<br><font size=+2>


ཏུ་བསྔགས་པར་ཤོག་ཅིག་།ཅེས་སྨྲས་སོ། །དགེ་སློང་དག་ཇི་སྙམ་དུ་སེམས། དགེ་སློང་མ་རྒན་མོ་དེ་ནི་ད་ལྟར་གྱི་དགེ་སློང་མ་ཆོས་སྦྱིན་མ་འདི་ཉིད་ཡིན་ནོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་དྲུང་ན། འདིས་ཚེ་གཅིག་ཏུ་ཚངས་པར་སྤྱོད་པ་སྤྱོད་དེ། །སྨོན་ལམ་གྱི་མཐུས་ན། ཁྱིམ་ན་འདུག་བཞིན་དུ་ཕྲིན་པས་རབ་ཏུ་ཕྱུང ། བསླབ་པའི་སྡོམ་པ་དང ། བསྙེན་པར་རྫོགས་ཤིང་དགེ་སློང་མའི་དངོས་པོ་ཡང་ཐོབ། ཁྱིམ་ན་འདུག་བཞིན་དུ་དེས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་དུ་བྱས། དེ་བཞིན་གཤེགས་པས་ཀྱང་ཆོས་ཀྱི་གཏམ་སྨྲ་བའི་ནང་ན་མཆོག་ཏུ་བསྔགས་སོ། །དེ་ལྟ་བས་ན་དགེ་སློང་དག་།ལས་གཅིག་ཏུ་གནག་པ་ནི་རྣམ་པར་སྨིན་པ་ཡང་གཅིག་ཏུ་གནག་གོ། །དཀར་བ་ནི་གཅིག་ཏུ་དཀར་རོ། །འདྲེས་པ་ནི་གཅིག་ཏུ་འདྲེས་པའོ། །དེ་ལྟ་བས་ན་དགེ་སློང་དག་།གཅིག་ཏུ་གནག་པ་དང ། འདྲེས་པའི་ལས་སྤོངས་ལ། གཅིག་ཏུ་དཀར་བའི་ལས་ཉིད་ལ་བསྒྲུབ་པར་བྱ་སྟེ། དགེ་སློང་དག་།དེ་ལྟ་བུར་བསླབ་པར་བྱོས་ཤིག་།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། དགེ་སློང་དེ་དག་བཅོམ་ལྡན་འདས་ཀྱིས་བཤད་པ་ལ་ཡི་རངས་ཏེ། མངོན་པར་དགའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་གསུམ་པ། སྡོམ་ནི། ཕྱི་རོལ་དགེ་སློང་བཟོད་མི་གསོལ། །གཅིག་པུ་འབྲེག་</font><hr>Da260a<br><font size=+2>


༄#། །མཁན་གྱིས་མི་བྲེག་།དབྱར་མོ་ཁང་ནི་གླར་མི་གཏང ། །ཕ་གུས་ཡང་ནི་ལུས་མི་ཕྱི། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དགེ་སློང་མ་གཅིག་ཅིག་དགེ་སློང་ལ་ཀློག་སློབ་པ་དང ། དེ་ནས་དུས་ཕྱི་ཞིག་ན། དེ་ཉེས་པ་ཞིག་བྱས་ནས། དེས་སྤྱོས་པ་དང།་དེ་དབྱར་མོ་ཁང་དུ་སོང་སྟེ། འཕྲེས་ཏེ་འདུག་གོ་།དེ་མཁན་མོས་མཐོང་ནས། གཞོན་ནུ་མ་ཁྱོད་ཅི་ཞིག་ཉེས་ན་འཕྲེས་ཏེ་འདུག། ཅེས་སྨྲས་པ་དང ། དེས་མཁན་མོ་སློབ་དཔོན་གྱིས་སྤྱོས་ན་ད་ཇི་ལྟར་བྱ་མི་ཤེས་སོ། །ཞེས་སྨྲས་སོ། །བུ་མོ། དེ་ལ་གཞན་ཅི་ཞིག་བྱར་ཡོད། སློབ་དཔོན་དང་མཁན་མོ་ནི་བསྟན་པ་གནས་པར་བྱ་བའི་ཕྱིར་སྦྱོར་བར་ཟད་ཀྱི། སོང་ལ་བཟོད་པར་གསོལ་ཅིག་།ཅེས་སྨྲས་པ་དང ། དེས་ལེགས་ཀྱི། དེ་ལྟར་བྱས་བཟོད་པ་གསོལ་དུ་འགྲོའོ། །ཞེས་ཟེར་ཏེ། ཛེ་ཏའི་ཚལ་དུ་སོང་སྟེ་མི་སྣང་བ་དང ། དེས་དེ་བཙལ་ནས་ཇི་ཙམ་ཞིག་ན། དེ་གཙུག་ལག་ཁང་གི་ཕྱི་རོལ་གྱི་འཆགས་ན་འཆག་ཅིང་འདུག་པ་དང ། དེས་དེའི་རྐང་པ་ལ་ཕྱག་འཚལ་བ་དང ། དགེ་སློང་དེས་མ་གུས་པར་བྱས་ཏེ་སོང་ངོ ། །བྱིས་པ་དག་གིས་མཐོང་ནས་དེ་དག་ཉོན་མོངས་པའི་དབང་གིས་གཟིར་ཏེ། འཕགས་མ་ཁྱོད་ཀྱིས་དོན་ཅིའི་ཕྱིར་ཁྱོད་ཀྱིས་བཟོད་པ་བྱས་པ་བདག་ཅག་</font><hr>Da260b<br><font size=+2>


གིས་ཤེས། ཞེས་ཏེ། དེས་ནི་མི་བཟོད་ན་ཚུར་ཤོག་།བདག་ཅག་གིས་ཁྱོད་ཀྱི་དོན་བསྒྲུབ་བོ། །ཞེས་སྨྲས་པ་དང ། དེ་ངོ་ཚ་ནས་ཅང་མི་སྨྲ་བར་སོང་ངོ ། །དེ་ལྟར་གྱུར་པ་དགེ་སློང་དག་གིས་མཐོང་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། གང་ཉེས་པའི་དམིགས་སུ་གྱུར་པ་ནི་དགེ་སློང་མ་ལ་སྤྱོས་ནས་བཟོད་པ་གསོལ་ན་ཡང་རིམ་གྲོ་མི་བྱེད་པར་འགྲོ་སྟེ། བྱིས་པ་དག་གིས་ཀྱང་ཕྱི་ཕྱིར་མི་དགེ་བ་གཞན་དུ་རྟོག་གི། དེ་ལྟ་བས་ན་དགེ་སློང་མས་དགེ་སློང་ལ་གཙུག་ལག་ཁང་གི་ཕྱི་རོལ་ཏུ་བཟོད་པ་མི་གསོལ་ཞིང ། དགེ་སློང་ཕས་དགེ་སློང་མ་ལ་མ་གུས་པ་བཞིན་དུ་འགྲོ་བར་མི་བྱ་བར་དགོངས་ཤིང་མཁྱེན་ནས་བཀའ་སྩལ་པ། དགེ་སློང་དག་བྱིས་པ་རྣམས་ཕྱི་ཕྱིར་མི་དགེ་བ་ལ་རྟོག་པར་འགྱུར་གྱི། དེ་ལྟ་བས་ན་དགེ་སློང་མས་དགེ་སློང་ཁྲོས་པ་ལ་གཙུག་ལག་ཁང་གི་ཕྱི་རོལ་ཏུ་བཟོད་པ་མ་གསོལ་ཅིག་།དེ་སྟེ་ཡང་དགེ་སློང་མས་དགེ་སློང་ཕ་ལ་བཟོད་པ་གསོལ་ན། མ་གུས་པར་བྱས་ཏེ་མ་འགྲོ་ཞིག་།དགེ་སློང་མས་དགེ་སློང་ཕ་ལ་གཙུག་ལག་ཁང་གི་ཕྱི་རོལ་ཏུ་བཟོད་པ་གསོལ་ལམ། དགེ་སློང་ཕས་དགེ་སློང་མ་བཟོད་པ་གསོལ་བ་ལ་མ་གུས་པ་བྱས་ཏེ་སོང་ན་གཉིས་ཀ་ལ་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་དག་འབྲེག་མཁན་གྱིས་སྐྲ་བྲེག་པ་དང ། དེ་ན་འབྲེག་མཁན་གཞོན་ནུར་གྱུར་</font><hr>Da261a<br><font size=+2>


༄#། །པས་དྲན་པ་ཉེ་བར་མི་འཇོག་གོ་།དེས་དེ་དག་མཐོང་བ་དང ། ཆགས་པར་གྱུར་ཏོ། །རྣམ་པ་དེ་ལྟ་བུར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སེམས་ནི་རྒོད་པ་སྟེ། དྲན་པ་ཉེ་བར་མ་བཞག་པས་བསླུས་པར་འགྱུར། བུད་མེད་ནི་ཕལ་ཆེར་འདོད་ཆགས་རབ་ཏུ་ཆེ་སྟེ། དེ་ལྟ་བས་ན་དགེ་སློང་མ་དག་གཅིག་པུ་འབྲེག་མཁན་གྱི་དྲུང་དུ་སྐྲ་འབྲེག་པར་མ་བྱེད་པར། དེའི་དྲུང་དུ་དགེ་སློང་མ་གཞན་ཞིག་ཞོག་ལ། དེ་སྟེ་འབྲེག་མཁན་དེ་ཆགས་པར་གྱུར་ན་དེའི་དྲུང་ན་དགེ་སློང་མ་འདུག་པས་འདི་སྐད་སྨྲོས་ཤིག། བཞིན་བཟང ། དགེ་སློང་མ་འདིའི་ལུས་ནི་རུས་པའི་འཁྲུལ་འཁོར། འདི་ནི་རྒྱན་མེད་ལ་ལུས་དྲི་མ་ཅན། འདི་ནི་རབ་ཏུ་བྱུང་བ་ཡིན་གྱི། དེ་ལྟ་བུའི་སེམས་ཟློག་ཅིག། སེམས་ཅན་དམྱལ་བར་ལྟུང་བར་གྱུར་ཏ་རེ། དེ་སྟེ་དགེ་སློང་མ་ཆགས་པར་གྱུར་ན་ཡང ། འདི་སྐད་དུ་སྨྲོས་ཤིག། ཕུ་ནུ་མོ། ཁྱིམ་བའི་ལས་ནི་ཁྱོད་ཀྱིས་སྤངས་ན། ཅི་ཁྱོད་ཀྱིས་བསྙེན་པར་རྫོགས་པའི་ཚེ། དགེ་འདུན་སྡེ་གཉིས་ལ་ཁྱོད་ཀྱིས་ཁས་བླངས་པ་དེ་སོམས་ཤིག། འདོད་པ་ནི་བདེ་བ་ཆུང་ཞིང་སྡུག་བསྔལ་མང་ལ། ཉེས་པའི་དམིགས་མང་བར་ནི། བཅོམ་ལྡན་འདས་ཀྱིས་བཀའ་སྩལ་གྱི། ཚུལ་བཞིན་མ་ཡིན་པའི་ཡིད་ལ་བྱེད་པ་སྤོངས་ལ། རབ་ཏུ་བྱུང་</font><hr>Da261b<br><font size=+2>


བའི་སེམས་ཉེ་བར་ཞོག་ཅིག་།དེས་དེ་ལ་འདི་སྐད་དུ་སྨྲ་ན་ནི་ལེགས། དེ་སྟེ་མ་སྨྲས་ན་དྲུང་ན་འདུག་པའི་དགེ་སློང་མ་ལ་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོས་ཁྱིམ་བདག་གཞན་ཞིག་དད་པར་བྱས་ཏེ། དབྱར་མོ་ཁང་བརྩིག་ཏུ་བཅུག་ནས། དེ་ན་དགེ་སློང་མ་མང་ཞིག་གནས་པར་གྱུར་ཏོ། །ཇི་ཙམ་ཞིག་ན་ལྷོ་ཕྱོགས་ནས་ཚོང་བ་ལྔ་བརྒྱ་ཙམ་ཞིག་ཟོར་ཁྱེར་ཏེ། མཉན་དུ་ཡོད་པར་ལྷགས་སོ། །ཚོང་པ་དེ་དག་ནོར་གཞག་པའི་ཁང་པ་གླས་བཙལ་བ་དང ། མ་རྙེད་དེ། དེ་ནས་དེ་དག་གིས་མཉན་དུ་ཡོད་པར་ཀུན་ཏུ་བཙལ་ཀྱང་མ་རྙེད་དོ། །ཚོང་འདུས་དང ། སྲང་དང ། ལམ་གྱི་བཞི་མདོར་ནོར་རྣམས་སྤུངས་ཏེ་འཁོད་ན་འབྲུག་ཀྱང་ཟེར། ཉི་མ་ཡང་ནུབ་ཏུ་ཉེ་ནས། དེའི་ཚེ་ཆར་པ་ཅུང་ཟད་ཅིག་བབ་པ་དང ། དེ་དག་ལག་པས་འགྲམ་པ་ལ་བརྟེན་ནས་རབ་ཏུ་སེམས་ཤིང་འཁོད་པ་དག་།སྦོམ་དགའ་མོས་མཐོང་སྟེ། སྨྲས་པ། བཞིན་བཟང་ཆར་པ་ཡང་འབབ་ན།་སྲང་དུ་འཁོད་དེ་ཅི་བྱེད། ནོར་རྣམས་གནས་ཤིག་ཏུ་གཟུད་ན་ཅི་ཉེས། དེ་དག་གིས་འཕགས་མ། བདག་ཅག་གིས་མཉན་དུ་ཡོད་པར་ཁྱབ་པར་བཙལ་ཏེ། འཇིག་རྟེན་པ་མི་སྲུན་པས་ཁང་པ་གླར་ཡང་མ་རྙེད་ན། ཇི་ལྟར་བགྱི། ཞེས་སྨྲས་པ་དང ། དེས་བུ་རྣམས་མཚན་མོའི་ཚེ་ཅི་འདྲ་བར་ཤེས་པར་བྱོས་ལ། གླ་ཡང་ལྷག་པར་བྱིན་ཏེ་ཁྱི་མ་ཚོལ་ཅིག་།འདི་ནི་ཟོང་མ་</font><hr>Da262a<br><font size=+2>


༄#། །རུང་བར་གྱུར་པ་དང ། ཆར་བས་གཤེར་ནས་སུ་ཞིག་ཉོ་བ་ཡོད། ཅེས་སྨྲས་པ་དང ། དེས་འཕགས་མ། འཇིག་རྟེན་འདི་དག་མི་སྲུན་ཏེ། དེ་དག་ལ་བདག་ཅག་གིས་ཁྱིམ་གྱི་གླ་ཉིས་རིམ་དུ་བྱིན་ཡང་མ་སྟེར་ཏོ། །བདག་གི་ལས་འབྱུང་བ་ལྟ་སྟེ། ཇི་ལྟ་བུར་ཡང་རུང་སྟེ་ཞག་གཅིག་ལོན་ནས་གཞན་དུ་འདོང་ངོ ། །ཞེས་བྱས་པ་དང་དེས་སྨྲས་པ། བུ་དེ་ལྟར་ཁང་པའི་གླ་ལྷག་པར་བྱིན་ན་བདག་གི་དབྱར་མོ་ཁང་གི་ནང་དུ་སྐྱོས་ཤིག། དེ་དག་གིས་འཕགས་མ་ལེགས་ཀྱི། དེར་མཆིའོ། །ཞེས་སྨྲས་པ་དང ། དེ་ནས་སྦོམ་དགའ་མོས། དགེ་སློང་མ་དག་ནུབ་མོ་དབྱར་མོ་ཁང་ནས་བསྐྲད་དེ། དབྱར་མོ་ཁང་དེ་ཚོང་བ་དེ་དག་ལ་གླར་བཏང་ངོ ། །དགེ་སློང་མ་དེ་དག་ཆར་པ་བབས། ཆོས་གོས་གཤེར་བཞིན་དུ་དབྱར་མོ་ཁང་གཞན་དུ་སོང་ངོ ། །དེའི་དགེ་སློང་མ་དག་གིས་ཆེ་ཞེ། ཁྱེད་ཅག་ནུབ་མོ་ཆོས་གོས་གཤེར་བཞིན་དུ་འདིར་ཅི་ལ་འོངས། ཞེས་དྲིས་པ་དང ། དེ་དག་གིས་ཞིབ་ཏུ་སྨྲས་སོ། །དོན་ཉུང་དུ་མའི་དགེ་སློང་མ་དག་གིས་འཕྱ་ཞིང་སྨོད་ལ་ངན་དུ་འཛེར་བ་ནི། སྦྱིན་བདག་གིས་དགེ་སློང་མའི་དབྱར་མོ་ཁང་དུ་བྱས་པའི་ཁང་པ་གླར་གཏང་བར་ག་ལ་རིགས། དེ་ལྟར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། </font><hr>Da262b<br><font size=+2>


དགེ་སློང་མ་དག་འཕྱ་བ་ནི་གནས་ཡིན་ཏེ། དེ་བས་ན་དགེ་སློང་མ་དག་དབྱར་མོ་ཁང་གླང་མ་གཏང་ཞིག། དགེ་སློང་མས་དབྱར་མོ་ཁང་གླར་བཏང་ན། འདས་པ་དང་བཅས་པར་འགྱུར་རོ་གླེང་གཞི་ནི་གཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོས་བྱིས་པ་གཞོན་ནུ་དག་ལུས་འཁྲུ་བའི་ནང་དུ་ཞུགས་ཏེ། སོ་ཕག་གིས་ལུས་དྲུད་ཅིང་ཁྲུས་བྱས་པ་དང ། དེ་དག་ཆགས་པར་གྱུར་ཏེ། ཀུན་ཏུ་བལྟ་ཞིང་གཏམ་འཛེར་བ་ནི། ཀྱེ་ལྟོས་ཤིག་།དགེ་སྦྱོང་མ་མགོ་རེག་མ་ཕ་བི་གྱད་ཆེན་པོ་གོ་ཆར་བགོས་པ་དང་འདྲ་བ་ཞིག་ལུས་ཕ་གུས་ཕྱི་ཞིང་ཕྱིས་ནས་ཕྱི་ཞིང་འདུག་གོ། དེ་དག་དེ་ལ་འཕྱ་བར་གྱུར་ཏོ། །དེ་ལ་འཕྱ་བ་དང ། དེ་ལ་དེ་དག་རབ་ཏུ་དགོད་དེ། དེ་ལྟར་གྱུར་པ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། བྱིས་པ་གཞོན་ནུ་དེ་དག་འཕྱ་བ་ནི་གནས་ཡིན་ཏེ། མི་རིགས་པའི་ལས་བྱས་པར་མཁྱེན་ནས་བཀའ་སྩལ་པ། དགེ་སློང་དག་།དགེ་སློང་མ་སྦོམ་དགའ་མོས་མི་མཛེས་ཤིང་ལས་ངན་པ་བྱས་པ་དེ། བྱིས་པ་གཞོན་ནུ་དེ་དག་འཕྱ་བ་ནི་གནས་ཡིན་ཏེ། དེ་ལྟ་བས་ན་དགེ་སློང་མ་དག་ལུས་ཕ་གུས་མ་ཕྱི་ཞིག་།དགེ་སློང་མ་དག་ལུས་ཕ་གུས་ཕྱིས་ན་འདས་པ་དང་བཅས་པར་འགྱུར་རོ། །སྡོམ་ནི། ལུས་ལ་ཕ་གུས་ཕྱི་མི་བྱ། །རྡོ་ལེབ་དག་ཀྱང་དེ་བཞིན་ཏེ། །གོས་དཀྲིས་དང་ནི་ཁུ་ཚུར་གྱིས། །ཅི་དང་ཅིས་ཀྱང་མི་ཕྱིའོ། །སངས་རྒྱས་བཅོམ་ལྡན་</font><hr>Da263a<br><font size=+2>


༄#། །འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས། དགེ་སློང་མ་དག། ལུས་ཕ་གུས་མ་ཕྱི་ཞིག་།ཅེས་བཀའ་སྩལ་པ་དང ། རྡོ་ལེབ་ཀྱིས་ཕྱིས་ཏེ། དེ་ཡང་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས། རྡོ་ལེབ་ཀྱིས་མ་ཕྱི་ཞིག་།ཅེས་བཀའ་སྩལ་པ་དང ། དེ་དག་གིས་གོས་དཀྲིས་པས་ཕྱིས་སོ། །དེ་ཡང་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས། གོས་དཀྲིས་པས་མ་ཕྱི་ཞིག། ཅེས་བཀའ་སྩལ་པ་དང ། དེ་དག་གིས་ཁུ་ཚུར་གྱིས་ཕྱིས་ནས། དེ་ཡང་ཉེས་པའི་དམིགས་སུ་གྱུར་ཏེ། བཅོམ་ལྡན་འདས་ཀྱིས། ཁུ་ཚུར་གྱིས་མ་ཕྱི་ཞིག་།ཅེས་བཀའ་སྩལ་པ་དང ། དེ་དག་གིས་ཅི་དང་ཅིས་ཀྱང་ཕྱིས་པ་དང ། དེ་ཡང་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ལག་པ་གཅིག་པུ་མ་གཏོགས་པར་གཞན་ཅི་དང་ཅིས་ཀྱང་རུང་སྟེ། མ་ཕྱི་ཞིག། ཕྱིས་ན་འདས་པ་དང་བཅས་པར་འགྱུར་རོ། །འདུལ་བ་ཕྲ་མོའི་དངོས་པོ་སྒོ་བདུན་པ་རྫོགས་སོ།། །།སྤྱི་སྡོམ་ལ། དགེ་སློང་མ་ཡི་བཀུར་སྟི་བྲི། །སྒོ་བ་དང་ནི་ལྕགས་ཀྱི་སྣོད། །བུད་མེད་གཉིས་ཀྱིས་བལྟ་བ་དང ། །དེ་བཞིན་ནག་མོ་ཨུ་དི་ཀ། སྡོམ་ནི། བསྟི་སྟང་མེད་དང་རྐུན་མ་ཡིན། །ལུས་བསྟན་པ་ནི་མ་གཏོགས་སོ། །བཀྱིགས་པ་</font><hr>Da263b<br><font size=+2>


ལས་ཀྱང་མི་སྦྱིན་པ། །གསོ་སྦྱོང་དང་ནི་ཚུལ་ནས་གྱུར། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་ཀུན་དགའ་ར་བ་ན་བཞུགས་སོ། །གང་གི་ཚེ། ཚེ་དང་ལྡན་པ་གྲེ་ལས་སྐྱེས་དུས་ལས་འདས་པ་དེའི་ཚེ། དགེ་སློང་མ་བཅུ་གཉིས་སྡེས། དེའི་རུས་པ་རྣམས་བསྡུས་ནས། བཀུར་སྟི་ཆེན་པོས་ས་ཕྱོགས་ཡངས་པར་མཆོད་རྟེན་བརྩིགས་ཏེ། དེ་ལ་གདུགས་དང ། རྒྱལ་མཚན་དང ། བ་དན་དག་ཀྱང་བཏགས། དྲི་དང ། མེ་ཏོག་གིས་བརྒྱན་ཏེ། སྙམ་པར་སྨྲ་བའི་དགེ་སློང་མ་གཉིས་ཀྱང་བསྐོས་ནས། དེར་ཉིན་གཅིག་བཞིན་དུ་ས་དང།་ཆུ་དང ། བདུག་པ་དང ། མེ་ཏོག་དག་འཇོག་པར་བྱེད་དོ། །དེ་ནས་དགེ་སློང་གང་དག་ཡུལ་གཞན་ནས་འོངས་པ་དེ་དག་ལ། ལག་པ་བཀྲུ་བ་བྱིན་ཏེ། མེ་ཏོག་དང ། བདུག་པ་དང ། ཚིགས་སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་འཚལ་བར་བྱེད་དོ། །ཇི་ཙམ་དུས་གཞན་ཞིག་ན། ཚེ་དང་ལྡན་པ་ཆུ་འཐུང་འཁོར་ལྔ་བརྒྱ་དང་ལྗོངས་རྒྱུ་ཞིང་མཉན་ཡོད་དུ་ཕྱིན་ཏོ། །དགྲ་བཅོམ་པ་རྣམས་ནི་མ་དགོངས་པར་ཡེ་ཤེས་མཐོང་བ་མི་འཇུག་པས། དེས་མཆོད་རྟེན་དེ་རྒྱང་རིང་པོ་ནས་མཐོང་བ་དང ། འདི་ནི་བཅོམ་ལྡན་འདས་ཀྱི་སྐྲ་དང ། སེན་མོའི་མཆོད་རྟེན་སར་པ་ཡིན་པས་སོང་ལ་ཕྱག་བྱའོ། །སྙམ་དུ་བསམས་ཏེ། དེ་དག་དེར་སོང་བ་དང ། དགེ་སློང་མ་དེ་གཉིས་ཀྱིས། དེ་དག་ལ་ལག་པ་དང ། རྐང་པ་བཀྲུ་བའི་ས་དང ། ཆུ་</font><hr>Da264a<br><font size=+2>


༄#། །དག་བྱིན་ནོ། །དེ་ནས་མེ་ཏོག་དང ། བདུག་པ་བྱིན་པ་དང ། ཚིགས་སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་བྱས་སོ། །དེ་འཁོར་ལྔ་བརྒྱ་དང་ཕྱག་བྱས་ནས་སོང་ངོ ། །མཆོད་རྟེན་དེ་དང་ཧ་ཅང་མི་རིང་བ་ཞིག་ན། ཚེ་དང་ལྡན་མ་ཨུཏྤ་ལའི་མདོག་ཤིང་དྲུང་ཞིག་ན་ཉིན་པར་གནས་པའི་ཕྱིར་འདུག་པ་དེས་དེ་དག་མཐོང་ནས་སྨྲས་པ། ཚེ་དང་ལྡན་བ་ཆུ་འཐུང་ཁྱོད་ཀྱིས་སུའི་མཆོད་རྟེན་ལ་ཕྱག་བགྱིས་པ་དགོངས་ཤིག་།དེས་བསམས་པ། ཅིའི་ཕྱིར་ཚེ་དང་ལྡན་མ་ཨུཏྤ་ལའི་མདོག་ཅན་འདི་སྐད་ཅེས། ཚེ་དང་ལྡན་པ་ཆུ་འཐུང་ཁྱོད་ཀྱིས་སུའི་མཆོད་རྟེན་ལ་ཕྱག་བགྱིས་པ་དགོངས་ཤིག་།ཅེས་སྨྲས་སྙམ་ནས། དེས་སྨྲས་པ་རེ་ཞིག་བསམ་པར་བྱའོ། །རེ་ཞིག་སེམས་པ་ལ་ཞུགས་པ་ན། དགེ་སློང་གྲེ་ལས་སྐྱེས་ཀྱི་རུས་པའི་མཆོད་རྟེན་ཡིན་པར་མཐོང་ནས། དེ་རྒྱུད་ཞེ་སྡང་གིས་ཀུན་ནས་དཀྲིས་པའི་བག་ཆགས་ཀྱིས་བསྒོས་པས་སླར་ལོག་སྟེ། ཚེ་དང་ལྡན་པ་ཨུཏྤ་ལའི་མདོག་ཅན་ལ་སྨྲས་པ། བསྟན་པ་ལ་ཆུ་བུར་བྱུང་ན་ཁྱོད་འདི་ན་འདུག་བཞིན་དུ་ཡལ་བར་བོར་རོ། །ཞེས་བྱས་པ་དང ། དེ་ཅང་མི་ཟེར་བར་འདུག་གོ། དེས་སློབ་མ་དང ། ཉེ་གནས་དེ་དག་ལ་སྨྲས་པ། ཚེ་དང་ལྡན་པ་དག་སྟོན་པ་ལ་སྡུག་པ་དང ། ཕངས་པར་བྱེད་པ་གང་ཡིན་པ་དེ་དག་གིས། དེའི་ཕྱིར་རུས་པ་དང ། རུས་གོང་གི་ཕུང་པོ་འདི་ལས་སོ་</font><hr>Da264b<br><font size=+2>


ཕག་རེ་རེ་ཕྱུང་ལ་དྲོལ་ཅིག་།དེའི་འཁོར་མང་པོ་ཡིན་པས་དེ་དག་གིས་རུས་པ་དང ། རུས་གོང་གི་ཕུང་པོ་ལས་སོ་ཕག་རེ་རེ་ཕྱུང་སྟེ་བོར་ནས་སྐད་ཅིག་ཉིད་ལ་བཤིག་གོ། དགེ་སློང་མ་དེ་གཉིས་དུས་ནས། རིངས་པ་རིངས་པར་དབྱར་མོ་ཁང་དུ་སོང་སྟེ། དགེ་སློང་མ་རྣམས་ལ་སྨྲས་པ་དང ། དགེ་སློང་མ་བཅུ་གཉིས་སྡེ་དང ། དེ་ལ་ཡིད་གཞོལ་ཞིང་མཛའ་བ་འདོད་ཆགས་དང་མ་བྲལ་བ་གཞན་དག་གིས་ཐོས་ནས། བདག་ཅག་གི་མིང་པོ་དེང་གདོད་ཤི་བ་ལྟ་ཞེས་དུ་\་ཎGཱུ་?\ཞིང་འཁོད་པ་ལས། སྦོམ་དགའ་མོས་སྨྲས་པ། ཕུ་ནུ་མོ་དག་།དེ་ལ་སུ་ཞིག་གིས་བསྟན། དེ་དག་གིས་སྨྲས་བ། དེ་ནི་གློ་བུར་དུ་འོངས་པས་སྙིང་ནས་མི་ཤེས་ཀྱི། འཕགས་མ་ཨུཏྤ་ལའི་མདོག་ཅན་ཕྱོགས་དེ་ན་འདུག་པ་དེས་དེ་དག་ལ་སྨྲས་པ་ཡང་དག་གོ་།སྦོམ་དགའ་མོས་སྨྲས་པ། ཕུ་ནུ་མོ་དག་།དེ་ནི་འབྲེག་མཁན་ལས་རབ་ཏུ་བྱུང་བ་ཡིན་ལ། དེ་ཡང་དེ་རང་བཞིན་ཉམས་པ་ཡིན་པས། དེའི་ལས་ཡིན་པར་བདག་གིས་ནི་སྨྲས་པ་ཙམ་ཁོ་ནས་ཤེས་སོ། །བཅོམ་ལྡན་འདས་ཀྱིས། འཁོར་སུན་འབྱིན་པར་བྱེད་པ། འཁོར་གྱི་ནང་དུ་གཞག་པར་མི་བྱའོ། །ཞེས་ལེགས་པར་གསུངས་པ་ཡིན་པས་དེའི་ཕྱིར་དེ་ལ་བསམ་དུ་ཅི་ཡོད་ཀྱི། ཚུར་ཤོག་།འདོང་བར་བྱའོ། །དེ་དག་ཁྲོ་བས་ཀུན་ནས་དཀྲིས་པས་དེ་དག་དེ་བསད་པའི་ཕྱིར་མཚོན་ཆ་དང ། ཁབ་དང ། སེང་ལྡེང་གི་ཕུར་བུ་དག་བླངས་ནས་དོང ། དེས་དེ་དག་རྒྱང་</font><hr>Da265a<br><font size=+2>


༄#། །རིང་བོ་ནས་རིངས་པ་རིངས་པར་འོང་བ་མཐོང་ནས། བསམས་པ། དེ་དག་ཤུགས་དེ་ལྟ་བུས་འོང་བ་ལས་ན། གདོན་མི་ཟ་བར་དེ་དག་བདག་ལ་གནོད་པ་བྱེད་པར་འགྱུར་རོ། །འོན་ཀྱང་དེ་དག་བསམ་པ་ཇི་ལྟ་བུ་ཞིག་གིས་འོང་བ་བསམ་པར་བྱའོ། །སྙམ་ནས། རེ་ཞིག་བསམ་པ་ལ་ཞུགས་པ་ན། གསད་པའི་བསམ་པ་ཅན་དུ་མཐོང་ནས།་དེས་སྣམ་སྦྱར་བྱིན་གྱིས་བརླབས་ཏེ། འགོག་པའི་སྙོམས་པར་འཇུག་པ་ལ་སྙོམས་པར་ཞུགས་སོ། །དེ་དག་གིས་དེའི་སྣམ་སྦྱར་ལ་མཚོན་ཆ་དང ། ཁབ་དང ། སེང་ལྡེང་གི་ཕུར་བུ་དག་གིས་བསྣུན་པ་ན། ཏིང་ངེ་འཛིན་གྱི་སྟོབས་ཀྱིས་ཤི་བ་བཞིན་དུ་དབུགས་ཕྱི་ནང་དུ་མི་རྒྱུ་བར་འདུག་གོ། དེ་དག་གིས་སྨྲས་པ། ཕུ་ནུ་མོ། སྤྱོད་པ་ངན་པས་འཚོ་བ་འདི་བསད་པས་ཤ་ལོན་ཟིན་གྱི། ཚུར་ཤོག་།འདོང་ངོ ། །ཞེས་སྨྲས་ནས་དོང་ངོ ། །དེ་དག་དོང་པ་དང ། ཚེ་དང་ལྡན་པ་ཨུཏྤ་ལའི་མདོག་ཅན་ཏིང་ངེ་འཛིན་དེ་ལས་ལངས་པ་དང ། རེ་ཞིག་ན་དེ་དག་གིས་བདག་ལ་གནོད་པར་བྱས་པ་མཐོང་ངོ ། །དེ་གནས་སྐབས་དེ་བཞིན་དུ་གཙུག་ལག་ཁང་དུ་སོང་བ་དང ། དགེ་སློང་རྣམས་ཀྱིས་མཐོང་ནས། དེ་དག་གིས་སྨྲས་པ། ཚེ་དང་ལྡན་པ་ཨུཏྤ་ལའི་མདོག་ཅན། ཅིའི་ཕྱིར་འདི་ལྟར་གྱུར། དེས་སྨྲས་པ། ཚེ་དང་ལྡན་པ་དག་།དགེ་སློང་མ་རྣམས་ཀྱིས་བདག་དེའུ་བསད་པ་ལ་གཟིགས་སུ་གསོལ། དེ་དག་གིས་སྨྲས་</font><hr>Da265b<br><font size=+2>


པ།་ཅིའི་ཕྱིར། དེས་ཇི་ལྟར་གྱུར་པ་རྣམས་རྒྱས་པར་སྨྲས་པ་དང ། དོན་ཉུང་བའི་དགེ་སློང་རྣམས་ཁྲོས་ནས། གནས་དང་གནས་དག་ན། བཙུན་པ་དག་།དགེ་སློང་མ་ནི་ཤིན་ཏུ་ཁྲོས་པར་གྱུར་ཀྱང་དེ་ལ་ཕྱག་མི་བྱ་བ་ཙམ་དུ་བྱའི། འདི་ལྟར་ཚེ་དང་ལྡན་པ་ཨུཏྤ་ལའི་མདོག་ཅན་གསད་པར་བྱས་པ་ནི་མཚར་གྱིས་གཟུ་ལུམས་བྱེད་དོ། །ཞེས་འཕྱ་བར་བྱེད་དོ། །དེ་ལས་གཅིག་གིས་སྨྲས་པ། ཀྱེ་ཤེས་ལྡན་དག་དེ་ལྟར་དེར་ཟད་ན། འདི་ལ་ཇི་ལྟར་བསྒྲུབ་པ་དཔྱད་པར་བྱའོ། །གཅིག་གིས་སྨྲས་པ། བསྒྲུབ་ཏུ་ཅི་ཡོད། བཅོམ་ལྡན་འདས་ལ་གསོལ་དུ་ཟད་མོད། གཅིག་གིས་སྨྲས་པ། བཅོམ་ལྡན་འདས་ལ་གསོལ་ཅི་དགོས། བདག་ཅག་འདུས་ལས་ཇི་ལྟར་དགེ་སློང་མ་འགའ་ཡང་རྒྱལ་བྱེད་ཀྱི་ཚལ་དུ་འོང་དུ་མི་གཞུག་པར་ཁྲིམས་སུ་བྱའོ། །དེ་དག་འདུས་ནས་དགེ་སློང་མ་རྣམས་གཙུག་ལག་ཁང་དུ་འོང་དུ་མི་གཞུག་པར་དེ་ལྟ་བུ་ཁྲིམས་སུ་བྱས་སོ། །དགེ་སློང་མ་རྣམས་གཙུག་ལག་ཁང་དུ་འོང་དུ་མི་གཞུག་པར་བརྩམས་པ་དང ། བཀུར་སྟི་བྲི་བར་གྱུར་ཏོ། །སྐྱེ་དགུའི་བདག་མོ་ཆེན་མོ་གོའུ་ཏ་མིའི་ཀུན་ཏུ་སྤྱོད་པ་ནི། ཉིན་གཅིག་བཞིན་དུ་བཅོམ་ལྡན་འདས་ཀྱི་ཞབས་ལ་མངོན་པར་ཕྱག་འཚལ་དུ་འོང་བ་ཡིན་པ་ལས། དེ་ལ་དགེ་སློང་རྣམས་ཀྱིས་སྨྲས་པ། གོའུ་ཏ་མི། དགེ་སློང་གི་དགེ་འདུན་གྱིས་དགེ་སློང་མ་རྣམས་གཙུག་ལག་ཁང་དུ་འོང་དུ་མི་གཞུག་པར་ཁྲིམས་སུ་བྱས་ཀྱི་མ་འགྲོ་བར་</font><hr>Da266a<br><font size=+2>


༄#། །སྡོད་ཅིག་།དེས་སྨྲས་པ། འཕགས་པ་དག་།དེ་དག་གིས་ནོངས་པ་བགྱིས་པ་བཞིན་དུ་བདག་གིས་ཀྱང་བགྱིས་སམ་ཅི། དགེ་སློང་རྣམས་ཀྱིས་སྨྲས་པ། དགེ་འདུན་རྣམས་དེ་ལྟར་བཞེད་པ་ལ་ཁོ་བོ་ཅག་གིས་ཅི་བྱར་ཡོད། དེ་སླར་ལོག་ནས་དབྱར་མོ་ཁང་དུ་སོང་ངོ ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་འདྲི་བར་མཛད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ། ཀུན་དགའ་བོ། སྐྱེ་དགུའི་བདག་མོ་ཆེན་མོ་ནད་ཀྱིས་ཐེབས་སམ་ཅི། བཙུན་པ། མ་ལགས་སོ། །འོ་ན་ཅིའི་ཕྱིར་མི་འོང ། དེས་བཅོམ་ལྡན་འདས་ལ་སྐབས་དེ་དག་རྒྱས་པར་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དགེ་སློང་གིས་ཁྲིམས་སུ་བྱས་པ་ཐོག་ཏུ་བབ་པོ། །འོན་ཀྱང་དགེ་སློང་མ་རྣམས་ནི། དགེ་སློང་རྣམས་ལ་རག་ལུས་པ་མང་བ་ཡིན་ཞིང ། གལ་ཏེ་དེ་དག་འོང་དུ་མ་བཅུག་ན་བཀུར་སྟི་མེད་པར་འགྱུར་རོ། །དེའི་ཕྱིར་དགེ་སློང་མས། དགེ་སློང་སྒོ་བ་ལ་དྲིས་ཏེ་འོང་དུ་བཅུག་ལ། གདམས་ངག་མི་སྦྱིན་ནོ། །བཅོམ་ལྡན་འདས་ཀྱིས་དགེ་སློང་མས་དགེ་སློང་སྒོ་བ་ལ་དྲིས་ནས། གཙུག་ལག་ཁང་དུ་འོང་དུ་བཅུག་ལ། གདམས་ངག་ནི་བཀྱིག་པར་བྱའོ། །ཞེས་བཀའ་སྩལ་པ་དང ། དགེ་སློང་མ་རྣམས་ཀྱིས་ཇི་སྐད་དུ་དྲིས་ནས་ནང་དུ་འཇུག་པ་མི་ཤེས་པ་དང ། བཅོམ་</font><hr>Da266b<br><font size=+2>


ལྡན་འདས་ཀྱིས་བཀའ་སྩལ་པ། དགེ་སློང་མས་གཙུག་ལག་ཁང་དུ་མི་འཇུག་པར་འདི་སྐད་ཅེས། འཕགས་པ་དག་།བདག་ཅག་གཙུག་ལག་ཁང་དུ་འཇུག་གི། མཁྱེན་པར་མཛོད་ཅིག་།ཅེས་སྨྲོས་ཤིག་།དགེ་སློང་གིས་ཀྱང ། སྲིང་མོ་དག་།ཁོན་ཅན་མཚོན་ཆ་དང ། ཁབ་དག་འཆང་བ་མ་ཡིན་ནམ། ཞེས་དྲིས་ཤིག་།དགེ་སློང་མས་མ་དྲིས་པར་ཞུགས་ན་འགལ་ཚབས་ཅན་དུ་འགྱུར་རོ། །དགེ་སློང་གིས་མ་སྨྲས་ན་ཡང་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་གདམས་ངག་བཀྱིག་པར་བྱའོ། །ཞེས་བཀའ་སྩལ་པ་དང ། དྲུག་སྡེ་རྣམས་ཀྱིས་མ་བཀྱིགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་ཉེས་པ་དང་བཅས་པ་ལ་དགེ་སློང་གི་དགེ་འདུན་མི་བཟོད་བཞིན་དུ། དགེ་སློང་གིས་གདམས་ངག་བརྗོད་པར་མི་བྱའོ། །དགེ་སློང་མ་ཉེས་པ་དང་བཅས་པ་ལ། དགེ་སློང་གི་དགེ་འདུན་མི་བཟོད་བཞིན་དུ། དགེ་སློང་གིས་གདམས་ངག་བརྗོད་པར་བྱེད་ན་འགལ་ཚབས་ཅན་དུ་འགྱུར་རོ། །གདམས་ངག་ལ་ཇི་ལྟ་བ་བཞིན་དུ་གསོ་སྦྱོང་དང་དགག་དབྱེ་ལ་ཡང་དེ་བཞིན་ནོ། །སྡོམ་ལ། དགེ་སློང་མས་ནི་བཟོད་གསོལ་དང ། །དགག་དབྱེ་ལས་ནི་གསོ་སྦྱོང་མིན། །གཅིག་ལ་གཅིག་ཀྱང་བཟོད་པ་གསོལ། །གཉིས་ནི་རྒན་རིམས་ཇི་བཞིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་</font><hr>Da267a<br><font size=+2>


༄#། །བཞུགས་སོ། །དགེ་སློང་མ་གཞན་ཞིག་དགེ་སློང་ཞིག་ལས་ཀློག་པར་བྱེད་དོ། །ཇི་ཙམ་དུས་གཞན་ཞིག་ན་དེ་ལ་ཉེས་པ་ཞིག་བྱུང་ནས། དེས་དེ་སྤྱོས་པ་དང ། དེ་དབྱར་ཁང་དུ་སོང་ནས། གློས་ཕབ་སྟེ་འདུག་གོ་།དེ་ནས་མཁན་མོས་མཐོང་ནས་སྨྲས་པ། གཞོན་ནུ་མ་ཁྱོད་ཅིའི་ཕྱིར་གློས་ཕབ་སྟེ་འདུག་།དེས་སྨྲས་པ། མཁན་མོ། སློབ་དཔོན་གྱིས་བདག་ལ་སྤྱོས་ན། ཇི་ལྟར་བགྱི་བ་མ་འཚལ་ཏོ། །བུ་མོ་མཁན་མོ་དང ། སློབ་དཔོན་ནི་བསྟན་པ་གནས་པར་བྱ་བའི་ཕྱིར་གཤེ་བ་ཡིན་པས། བཟོད་པ་གསོལ་དུ་ཟད་མོད།་དེ་ལ་ཅི་ཞིག་ཤེས་པར་བྱར་ཡོད། ལེགས་ཀྱི། བཟོད་པ་གསོལ་དུ་མཆིའོ། །དེ་རྒྱལ་བྱེད་ཀྱི་ཚལ་དུ་སོང་ནས། དགེ་སློང་དེའི་རྐང་པ་གཉིས་ལ་གཏུགས་པ་དང ། དགེ་སློང་དེ་དེ་ལ་འགོམས་ཏེ་སོང་ངོ ། །དགེ་སློང་མ་དེ་སྤོབས་པ་མེད་པར་གྱུར་ནས། དགེ་སློང་མའི་དབྱར་ཁང་དུ་འོངས་པ་དང ། དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་ཁྱོད་ཀྱིས་སློབ་དཔོན་ལ་བཟོད་པ་གསོལ་ན་དེ་བཟོད་པར་གྱུར་ཏམ། དེས་སྨྲས་པ། དེ་ལྟ་བུ་ནི་ནམ་ཡང་སློབ་དཔོན་དུ་མ་གྱུར་ཅིག་།སྨྲས་པ། ཅི་ཉེས། དེས་ཇི་ལྟར་གྱུར་པ་རྣམས་བསྙད་པ་དང ། དགེ་སློང་མ་རྣམས། ཕུ་ནུ་མོ་དག། བུད་མེད་ལ་བརྙས་པའི་ཕྱིར། རེ་ཞིག་བཟོད་པ་གསོལ་ཡང་ཇི་ལྟར་བཟོད་པར་མི་བྱེད་པ་དང ། གཉིས་སུ་ན་རྐང་པ་ལ་ཕྱག་བྱས་ཀྱང་འགོམས་</font><hr>Da267b<br><font size=+2>


ཏེ་འགྲོ་བར་བྱེད་པ་ལ་ལྟོས། ཞེས་འཕྱ་བའི་སྐབས་དེ། དགེ་སློང་མ་རྣམས་ཀྱིས་དགེ་སློང་ཕ་ལ་སྨྲས་སོ། །དགེ་སློང་ཕས་ཀྱང་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་མ་རྣམས་འཕྱ་བ་ནི་ཐོག་ཏུ་བབ་བོ། །དེའི་ཕྱིར་དགེ་སློང་གི་རྐང་པ་ལ་ཕྱག་འཚལ་ནས། བཟོད་པ་གསོལ་ན་འགོམས་ཏེ་འགྲོ་བར་མི་བྱའོ། ། དགེ་སློང་གི་རྐང་པ་ལ་དགེ་སློང་མས་ཕྱག་འཚལ་ནས་བཟོད་པ་གསོལ་བ་ན། འགོམས་ཏེ་འགྲོ་བར་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་མས་མོད་ཁོ་ན་ལ་བཟོད་བ་མི་གསོལ་ལོ། །འོན་ཀྱང་བགས་ཀྱིས་བྱའོ། །བཅོམ་ལྡན་འདས་ཀྱིས་བགས་ཀྱིས་བྱའོ། །ཞེས་བཀའ་སྩལ་པ་དང ། ཇི་ལྟར་བགས་ཀྱིས་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དང་པོར་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གཞན་གྱིས་རབ་ཏུ་སྦྱར་བ་བྱས་ལ། དེ་མཐུན་པར་བྱེད་ན། དེའི་འོག་ཏུ་བཟོད་པ་གསོལ་བར་བྱའོ། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས། དབྱར་གནས་པའི་དགེ་སློང་གིས་དགེ་འདུན་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་གྱིས་དགག་དབྱེ་བྱའོ། །ཞེས་བཀའ་སྩལ་པ་དང ། དབྱར་གནས་པའི་དགེ་སློང་གིས་དགེ་འདུན་ལ་གནས་གསུམ་གྱིས་དགག་དབྱེ་བྱས་ནས། ཡང་གསོ་སྦྱོང་བྱེད་དོ། །དེ་ལ་ཁ་</font><hr>Da268a<br><font size=+2>


༄#། །ཅིག་གིས་སྨྲས་པ། ཚེ་དང་ལྡན་པ་དག་རྣམ་པར་དག་པར་བྱ་བའི་ཕྱིར་གསོ་སྦྱོང་བྱ་བ་ཇི་ལྟ་བར་དགག་དབྱེ་ཡང་དེ་ལྟ་བུ་ཡིན་པར་བདག་གིས་མཐོང་ངོ། །དེའི་ཕྱིར་གསོ་སྦྱོང་གང་ཡིན་པ་དེ་ནི་དགག་དབྱེ་ཡང་ཡིན་ནོ། །གཞན་དག་གིས་སྨྲས་པ། གསོ་སྦྱོང་ཡང་གཞན་ལ། དགག་དབྱེ་ཡང་གཞན་ཡིན་ནོ། །ཞེས་བྱ་བའི་སྐབས་དེ། བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གསོ་སྦྱོང་ཡང་གཞན་ལ། དགག་དབྱེ་ཡང་གཞན་པ། བདེན་མོད་ཀྱི། དགག་དབྱེ་ལས་གསོ་སྦྱོང་གཞན་དུ་བྱར་མེད་པས། དེའི་ཕྱིར་དགེ་སློང་དག་།དགག་དབྱེ་བྱས་ནས་གསོ་སྦྱོང་བྱ་མི་དགོས་སོ། །འདི་ལྟར་རྣམ་པར་དག་པའི་ཕྱིར་གསོ་སྦྱོང་བྱ་བ་ཡིན་ལ། དགག་དབྱེ་ཡང་ཐམས་ཅད་དུ་རྣམ་པར་དག་པ་ཉིད་ཡིན་པའི་ཕྱིར་རོ། །གླེང་གཞི་ནི་མཉན་ཡོད་ནའོ། །དགེ་སློང་དག་།ཁོན་ཡོད་པས་སེམས་མཉམ་པར་འཇོག་པར་བཏང་སྟེ། གཅིག་ལ་གཅིག་གླགས་ཚོལ་ཞིང་དགག་དབྱེ་བྱེད་པའི་ཚེ། དགེ་འདུན་གྱི་ནང་དུ་ཞུགས་ནས། དེ་དག་དགེ་འདུན་གྱི་ནང་དེར་གཅིག་ལ་གཅིག་འགྲན་བྱེད་ཅིང་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། ཆོ་ག་ཉམས་པ་དང ། འཚོ་བ་ཉམས་པ་དག་གླེང་བར་བྱེད་ཅིང ། དེ་དག་གཞན་དུ་གཏམ་འདྲེས་པ་དང ། ཕེབས་པར་སྨྲ་བ་དང ། སྨོས་འདྲིན་དང ། འགྲོགས་བཤེས་དང ། སློབ་</font><hr>Da268b<br><font size=+2>


དཔོན་དང ། མཁན་པོ་དང ། སློབ་དཔོན་གཅིག་པ་དང ། མཁན་པོ་གཅིག་པ་རྣམས་ཕྱོགས་ཕྱོགས་སུ་ཆད་ནས་འདུག་གོ། །དེའི་ཚེ་དགེ་འདུན་གྱི་དབྱེན་ཆེན་པོར་གྱུར་ནས། དགེ་འདུན་ཅ་ཅོ་འདོན། དགེ་འདུན་གཉིས་སུ་གྱུར། དགེ་འདུན་མི་མཐུན་པར་གྱུར་པ་ན། དེ་དག་ལ་གཟུ་བོ་བྱེད་པ་རྣམས་ཀྱིས། ཚེ་དང་ལྡན་པ་དག་།རྩོད་མི་དགོས་ཀྱི། རབ་ཏུ་བྱུང་བའི་སེམས་སོ་སོར་ཐོབ་པར་གྱིས་ཤིག་།ཅེས་འཆུགས་པར་བྱེད་དོ། །བཅོམ་ལྡན་འདས་ཀྱིས་ཀྱང་དགེ་སློང་དག་ཕྱོགས་གང་ན། དགེ་སློང་རྣམས་འཁོད་པ་ན། འཐབ་པར་བྱེད། མཚང་འདྲུ་བར་བྱེད།་འགྱེད་པར་བྱེད། རྩོད་པར་བྱེད། འཐབ་ཀྲོལ་བྱེད་པའི་ཕྱོགས་དེར་ནི། མང་དུ་ཉན་པར་ཡང་ང་མི་འདོད་ན། འགྲོ་ཞིང་གནས་པ་ལྟ་ཅི་སྨོས་ཏེ། དེར་ནི་ང་མི་འགྲོའོ། །དགེ་སློང་དག།་གང་ན་ཆོས་གསུམ་པོ་རྣམ་པར་སྤངས་ཤིང ། ཆོས་གསུམ་པོ་མང་དུ་བྱེད་པ་སྟེ། ཆོས་གསུམ་པོ་རྣམ་པར་སྤངས་པ་གང་ཞེ་ན། མ་ཆགས་པའི་དགེ་བའི་རྩ་བ་རྣམ་པར་སྤངས་པ་དང ། ཞེས་སྡང་མེད་པའི་དགེ་བའི་རྩ་བ་རྣམ་པར་སྤངས་པ་དང ། གཏི་མུག་མེད་པའི་དགེ་བའི་རྩ་བ་རྣམ་པར་སྤངས་པ་སྟེ། ཆོས་གསུམ་པོ་འདི་དག་རྣམ་པར་སྤངས་པ་དང ། ཆོས་གསུམ་པོ་མང་དུ་བྱེད་པ་གང་ཞེ་ན། ཆགས་པ་མི་དགེ་བའི་རྩ་བ་མང་དུ་བྱེད་པ་དང ། ཞེ་སྡང་མི་དགེ་བའི་རྩ་བ་མང་དུ་བྱེད་པ་དང ། གཏི་མུག་མི་དགེ་བའི་རྩ་བ་མང་དུ་བྱེད་པ་སྟེ། ཆོས་གསུམ་</font><hr>Da269a<br><font size=+2>


༄#། །པོ་འདི་དག་མང་དུ་བྱེད་པ་དང ། ཕྱོགས་གང་ན་དགེ་སློང་རྣམས་གནས་ཤིང་འཐབ་པར་བྱེད། མཚང་འདྲུ་བར་བྱེད། འགྱེད་པར་བྱེད། རྩོད་པར་བྱེད། འཐབ་ཀྲོ་ལ་བྱེད་པ་དང ། དགེ་སློང་དག་།དེ་ན་ཆོས་གསུམ་པོ་འདི་དག་རྣམ་པར་སྤངས་ཤིང ། ཆོས་གསུམ་པོ་འདི་དག་མང་དུ་བྱེད་པ་དང ། དགེ་སློང་དག། ཕྱོགས་གང་ན་དགེ་སློང་རྣམས་གནས་ཤིང་འཐབ་པར་བྱེད། མཚང་འདྲུ་བར་བྱེད། འགྱེད་པར་བྱེད། རྩོད་པར་བྱེད། འཐབ་ཀྲོལ་བྱེད་པ་དང ། དགེ་སློང་དག་།དེ་ན་ཆོས་གསུམ་པོ་རྣམ་པར་སྤངས་ཤིང ། ཆོས་གསུམ་པོ་མང་དུ་བྱེད་པ་སྟེ། ཆོས་གསུམ་པོ་རྣམ་པར་སྤངས་པ་གང་ཞེ་ན། མ་ཆགས་པའི་དགེ་བའི་རྩ་བ་རྣམ་པར་སྤངས་པ་དང ། ཞེ་སྡང་མེད་པའི་དགེ་བའི་རྩ་བ་རྣམ་པར་སྤངས་པ་དང ། གཏི་མུག་མེད་པའི་དགེ་བའི་རྩ་བ་རྣམ་པར་སྤངས་པ་སྟེ། ཆོས་གསུམ་པོ་འདི་དག་སྤངས་པ་དང ། དགེ་སློང་དག་ཕྱོགས་གང་ན་དགེ་སློང་དག་རྣམ་པར་གནས་ཤིང་འཐབ་པར་བྱེད། མཚང་འདྲུ་བར་བྱེད། འགྱེད་པར་བྱེད། རྩོད་པར་བྱེད། འཐབ་ཀྲོལ་བྱེད་ཅིང ། དགེ་སློང་དག་དེ་ན་ཆོས་གསུམ་པོ་རྣམ་པར་སྤངས་ནས། ཆོས་གསུམ་པོ་མང་དུ་བྱེད་པ་སྟེ། གསུམ་གང་ཞེ་ན། ཆགས་པ་མི་དགེ་བའི་རྩ་བ་མང་དུ་བྱེད་པ་དང ། ཞེ་སྡང་མི་དགེ་བའི་རྩ་བ་མང་དུ་བྱེད་པ་དང ། གཏི་མུག་མི་དགེ་བའི་རྩ་བ་མང་དུ་བྱེད་པ་སྟེ། ཆོས་གསུམ་པོ་འདི་</font><hr>Da269b<br><font size=+2>


དག་མང་དུ་བྱེད་པ་དང ། དགེ་སློང་དག་ཕྱོགས་གང་ན་དགེ་སློང་རྣམས་གནས་ཤིང་འཐབ་པར་བྱེད། མཚང་འདྲུ་བར་བྱེད། འགྱེད་པར་བྱེད། རྩོད་པར་བྱེད། འཐབ་ཀྲོལ་བྱེད་པ་དང ། དགེ་སློང་དག་།དེ་ན་ཆོས་གསུམ་པོ་རྣམ་པར་སྤངས་ཤིང ། ཆོས་གསུམ་པོ་མང་དུ་བྱེད་པ་དེར་ནི། ང་ཐོས་པར་ཡང་མི་འདོད་ན། འགྲོ་ཞིང་གནས་པ་ལྟ་ཅི་སྨོས་ཏེ། ང་དེར་མི་འགྲོ། ཞེས་གསུངས་པས། ཚེ་དང་ལྡན་པ་དག་རྩོད་མི་དགོས་ཀྱི། རབ་ཏུ་བྱུང་བའི་སེམས་སོ་སོར་ཐོབ་པར་གྱིས་ཤིག་།ཅེས་གསུངས་པ་ན། དེ་དག་ཀུན་ནས་དཀྲིས་པ་ཕྱིར་འཕེལ་བར་གྱུར་ནས་ལྡོག་ཏུ་མ་བཏུབ་པ་བྲམ་ཟེ་དང ། ཁྱིམ་བདག་དག་གིས་མཐོང་ནས། ཤེས་ལྡན་དག་།དགེ་སྦྱོང་མགོ་རེག་འདི་དག་ནི་དགག་དབྱེ་བྱས་ཀྱང ། རབ་ཏུ་བྱུང་བའི་སེམས་སོ་སོར་མ་ཐོབ་སྟེ། རྒྱུན་ཁོ་ནར་འཐབ་མོ་བྱེད་དོ། །ཞེས་འཕྱ་བར་བྱེད། སྨོད་པར་བྱེད། ཕྱར་ཀ་གཏོང་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། བྲམ་ཟེ་དང ། ཁྱིམ་བདག་དག་འཕྱ་བར་བྱེད་པ་ནི་ཐོག་ཏུ་བབ་བོ། །དེའི་ཕྱིར་དགེ་སློང་དག་།དགེ་སློང་འཁོན་ཅན་རྣམས་ཀྱིས་དགག་དབྱེ་མི་བྱའོ། །འོན་ཀྱང་བཟོད་པ་གསོལ་ནས་དགག་དབྱེ་བྱའོ། །དེ་དག་གིས་གང་གི་ཉིན་བར་དགག་དབྱེ་བྱེད་པའི་ཉིན་པར་གཟོད་པ་གསོལ་ཀྱང ། ཀུན་ནས་དཀྲིས་པ་ཕྱིར་འཕེལ་ཞིང་</font><hr>Da270a<br><font size=+2>


༄#། །དེའི་ཚེ། རབ་བྱུང་གི་སེམས་སོ་སོར་ཐོབ་པར་མ་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་ཀྱི་ཉིན་བར་བཟོད་པ་གསོལ་བར་མི་བྱའོ། །འོན་ཀྱང་ཞག་བདུན་ནམ། བརྒྱད་ན་དགག་དབྱེ་བྱེད་པར་འགྱུར་བ་ན་བཟོད་པ་གསོལ་བར་བྱའོ། །བཅོམ་ལྡན་འདས་ཀྱིས་ཞག་བདུན་ནམ། བརྒྱད་ན་དགག་དབྱེ་བྱེད་པར་འགྱུར་བའི་ཚེ། གཟོད་པ་གསོལ་བར་བྱའོ། །ཞེས་བཀའ་སྩལ་པ་དང ། འདི་ལྟར་དེ་དག་ཐམས་ཅད་ཀྱིས་བཟོད་པ་གསོལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ཀྱིས་བཟོད་པ་གསོལ་བར་མི་བྱའོ། །འོན་ཀྱང་གང་མི་མཐུན་པ་རྣམས་ཀྱིས་བཟོད་པ་གསོལ་ལ། གཞན་དག་གིས་ནི་གཅིག་ལ་གཅིག་ཡང་དག་པར་དགའ་བར་བྱོས་ལ། དགག་དབྱེ་གྱིས་ཤིག་གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་ལོ་ལྔ་པ་དང ། གཙུག་ཕུད་ཀྱི་དུས་སྟོན་ཆེན་པོ་བྱའོ། །ཞེས་བཀའ་སྩལ་པ་དང ། བྲམ་ཟེ་དང་ཁྱིམ་བདག་དད་པ་ཅན་རྣམས་ཕན་ཚུན་འགྲན་ཅིང་བྱེད་དོ། །དེའི་ཚེ་དགེ་སློང་དང ། དགེ་སློང་མ་རྣམས་ཀྱི་འདུས་པ་ཆེན་པོར་གྱུར་པ་དང ། བཅོམ་ལྡན་འདས་ཀྱིས་རྒན་རིམས་ཇི་ལྟ་བ་བཞིན་དུ་འདུག་ཅིག་།ཅེས་བཀའ་སྩལ་ཏོ། །དགེ་སློང་མ་རྣམས་རྒན་རིམས་ཇི་ལྟ་བ་བཞིན་དུ་འདུག་པ་ན། ཅ་ཅོ་འདོན་པའི་སྐབས་དེ། དགེ་སློང་མ་རྣམས་ཀྱིས་དགེ་སློང་རྣམས་ལ་སྨྲས་སོ། །དགེ་སློང་རྣམས་</font><hr>Da270b<br><font size=+2>


ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གཉིས་གསུམ་ཙམ་ཞིག་རྒན་རིམས་ཇི་ལྟ་བ་བཞིན་དུ་འཁོད་པར་བྱའོ། །ལྷག་མ་རྣམས་ནི་འཁོར་ཇི་ལྟ་བ་དང ། སྨོས་འདྲིན་ཇི་ལྟ་བ་བཞིན་དུ་འཁོད་ཅིག་།སྡོམ་ལ། སྒོ་ཡི་དྲུང་ན་འཁོད་པ་དང ། གཉིས་ཀྱིས་གསོ་སྦྱོང་ལུང་མནོད་དང ། །དགེ་སློང་མ་ནི་མཁས་གྱུར་ཀྱང ། །གཅིག་པུས་གསོ་སྦྱོང་མི་མནོད་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་མཐུན་མོང་གི་ལས་མ་གཏོགས་པར་དགེ་སློང་དང ། དགེ་སློང་མ་རྣམས་ཀྱིས་ལས་སོ་སོར་གྱིས་ཤིག་།ཅེས་བཀའ་སྩལ་པ་དང ། དགེ་སློང་མ་ཐམས་ཅད་འདུས་ནས་གསོ་སྦྱོང་ལ། རྒྱལ་བུ་རྒྱལ་བྱེད་ཀྱི་ཚལ་དུ་འོངས་ནས་གསོ་སྦྱོང་བྱེད་དེ། དགེ་སློང་རྣམས་དང ། དེ་དག་རྣམས་ལྷན་ཅིག་ཏུ་སྒོ་ཁང་ན་གསོ་སྦྱོང་བྱེད་པ་དང ། བྲམ་ཟེ་དང་ཁྱིམ་བདག་རྣམས་དེ་ལ་ལྟད་མོ་ལྟ་ཞིང་འདུག་པའི་སྐབས་དེ་གསན་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དང ། དགེ་སློང་མ་རྣམས་ལྷན་ཅིག་ཏུ་སྒོ་ཁང་དུ་གསོ་སྦྱོང་མི་བྱའོ། །བཅོམ་ལྡན་འདས་ཀྱིས་དགེ་སློང་དང ། དགེ་སློང་མ་རྣམས་ལྷན་ཅིག་ཏུ་སྒོ་ཁང་དུ་གསོ་སྦྱོང་མི་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ནང་དུ་ཞུགས་ཏེ། དེ་དག་དང་ལྷན་ཅིག་ཏུ་གསོ་སྦྱོང་</font><hr>Da271a<br><font size=+2>


༄#། །བྱེད་པ་དང ། དེ་དང་དེ་དག་ལྷན་ཅིག་ཏུ་འདུ་འཛིའི་གཏམ་ཟེར་ཞིང ། ཡུན་རིང་དུ་འདུག་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་དགེ་སློང་དང ། དགེ་སློང་མ་རྣམས་ལྷན་ཅིག་གཙུག་ལག་ཁང་དུ་གསོ་སྦྱོང་མ་བྱེད་ཅིག་།དགེ་སློང་དང་དགེ་སློང་མ་རྣམས་ལྷན་ཅིག་ཏུ་གཙུག་ལག་ཁང་དུ་གསོ་སྦྱོང་མ་བྱེད་ཅིག་།ཅེས་བཀའ་སྩལ་པ་དང ། དགེ་སློང་མ་རྣམས་གསོ་སྦྱོང་ལ་གཙུག་ལག་ཁང་དུ་ཕྱིས་མི་འོང་བར་གྱུར་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་དགེ་སློང་ཡང་ལམ་གྱི་ཕྱེད་དུ་སོང་ལ། དགེ་སློང་མ་ཡང་ལམ་གྱི་ཕྱེད་དུ་སོང་སྟེ། དེར་དེ་དག་དང་ལྷན་ཅིག་ཏུ་གསོ་སྦྱོང་བྱོས་ཤིག ། བཅོམ་ལྡན་འདས་ཀྱིས། དགེ་སློང་ཡང་ལམ་གྱི་ཕྱེད་དུ་སོང་ལ། དགེ་སློང་མ་ཡང་ལམ་གྱི་ཕྱེད་དུ་སོང་སྟེ། དེར་དེ་དག་དང་ལྷན་ཅིག་གསོ་སྦྱོང་བྱོས་ཤིག་།ཅེས་བཀའ་སྩལ་པ་དང ། དེ་དག་དེ་བཞིན་དུ་གཏམ་བྱེད་པ་ལ་ཞུགས་པ་དང ། རེ་ཞིག་ན་བྲམ་ཟེ་དང ། ཁྱིམ་བདག་རྣམས་ལམ་དེར་སོང་བ་དང ། དེ་དག་གིས་དགེ་སློང་མ་རྣམས་དང་ལྷན་ཅིག་དེ་དག་གསོ་སྦྱོང་བྱེད་པ་མཐོང་ངོ ། །དེ་ནས་དེ་དག་ཡང་དག་པ་མ་ཡིན་པའི་རྣམ་པར་རྟོག་པས་རྟོག་ཅིང ། གཅིག་ལ་གཅིག་གིས་སྨྲས་པ། ཤེས་ལྡན་དག། དགེ་སྦྱོང་མ་མགོ་རེག་འདི་</font><hr>Da271b<br><font size=+2>


དག་དང ། དགེ་སྦྱོང་མགོ་རེག་འདི་དག་ཅི་དག་སྨྲ། གཅིག་གིས་སྨྲས་པ། ཤེས་ལྡན་དག་།དེ་དག་གིས་ཁྱིམ་དུ་གསང་སྟེ། གསང་གཏམ་ཅི་བྱས་པ་དེ་དག་བདག་ཅག་གིས་ཐོས་པ་འདི་དག་དགོན་པར་སོང་སྟེ་འོངས་ནས། གསང་བ་ཅི་ཡོད་པ་སྨྲར་ཟད་མོད། གཞན་ཅི་སྨྲར་ཡོད། འདི་དག་གིས་ཀྱང་རྒྱལ་པོ་ལ་སྨྲས་པས། བདག་ཅག་རྒྱལ་པོས་ཆད་པས་ཅུང་ཟད་ཅི་བཅད་པ་དེ་ཐམས་ཅད་ནི་དགེ་སྦྱོང་མགོ་རེག་འདི་དག་གིས་མ་ལན་གྲང ། ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་བས་ན་དགེ་སློང་རྣམས་དང ། དགེ་སློང་རྣམས་ཀྱིས་ལམ་གྱི་ཕྱེད་དུ་གསོ་སྦྱོང་མི་བྱའོ། །དེ་ལྟ་མོད་ཀྱི་གསོ་སྦྱོང་ལེན་པའི་དགེ་སློང་མ་གཉིས་གཏང་བར་བྱའོ། །དེ་དག་གིས་ཟླ་བ་ཕྱེད་ཅིང་སོང་ལ་ཡོངས་སུ་དག་པ་བརྗོད་པར་བྱའོ། །བཅོམ་ལྡན་འདས་ཀྱིས་གསོ་སྦྱོང་ལེན་པའི་དགེ་སློང་མ་གཉིས་གཏང་བར་བྱའོ། །ཞེས་བཀའ་སྩལ་པ་དང ། དགེ་སློང་མ་སྤོབས་པ་མེད་པ་དག་བཏང་སྟེ། དེ་དག་བག་ཁུམས་ནས་ཡོངས་སུ་དག་པ་བརྗོད་མི་ནུས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྤོབས་པ་ཅན་ལ་གསོལ་བ་གདབ་པར་བྱའོ། །སྤོབས་པ་ཅན་གཉིས་མེད་ནས། བཅོམ་ལྡན་འདས་ཀྱིས་བཀའ་སྩལ་པ། སྤོབས་པ་ཅན་གཅིག་ལ་</font><hr>Da272a<br><font size=+2>


༄#། །གསོལ་བ་གདབ་པར་བྱའོ། །དེ་དག་གཙུག་ལག་ཁང་དུ་འོངས་པར་གྱུར་པ་དང ། དགེ་སློང་གི་དགེ་འདུན་མང་པོ་གང་ལ་བརྗོད་པ་དེ་དག་གིས་མ་ཤེས་ནས། དེ་དག་ཉིད་ནས་ལྡོག་སྟེ། དགེ་སློང་མའི་དགེ་འདུན་གྱི་གསོ་སྦྱོང་མ་བྱས་པའི་སྐབས་དེ་དགེ་སློང་རྣམས་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལའོ། ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཅིག་ལ་གསོལ་བ་གདབ་པར་བྱ་སྟེ། གན་དུ་འོངས་ནས་དེ་ལ་བརྗོད་པར་བྱའོ། །དགེ་སློང་དག་གིས་དགེ་སློང་གཅིག་ལ་གསོལ་བ་བཏབ་པ་དེ་དག་གིས་དེ་མ་ཤེས་ཏེ། དེ་བཞིན་དུ་ཉེས་དམིགས་སུ་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གང་ལ་གསོལ་བ་བཏབ་པར་གྱུར་པ་དེས་ནན་ཏན་གྱིས་སྒོ་ཁང་དུ་འདུག་པར་བྱའོ། །དེ་དག་གིས་སོང་སྟེ། དེ་ལ་བརྗོད་པར་བྱའོ། །དེས་ཀྱང་དགེ་སློང་གི་དགེ་འདུན་ལ་བརྗོད་པར་བྱའོ། །དགེ་སློང་གི་དགེ་འདུན་གྱིས་ཀྱང ། སྟོན་པའི་དགེ་སློང་གསོལ་བ་དང་གཉིས་ཀྱི་ལས་ཀྱིས་བསྐོ་བར་བྱའོ། །དེས་ཀྱང་དགེ་སློང་མ་རྣམས་ལ་གདམས་ངག་སྦྱིན་པར་བྱའོ། །སྡོམ་ནི། མི་འབྲོས་པར་ནི་བསྐོ་བ་དང ། །མིང་རུས་དག་ནི་དྲི་བ་དང ། ཞཝ་དང་ལྷུང་བཟེད་ཁ་གཡོགས་དང ། །ཕྲེང་བ་རྒྱུད་པ་དགེ་སློང་མའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་</font><hr>Da272b<br><font size=+2>


གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་གསོལ་བ་བཏབ་པའི་དགེ་སློང་གང་གི་མདུན་དུ་དགེ་སློང་མ་དེ་དག་ཡོངས་སུ་དག་པ་རྗོད་ཅིག་།ཅེས་བཀའ་སྩལ་ནས། གསོལ་བ་བཏབ་པའི་དགེ་སློང་དེ་སྒོ་ཁང་ན་སྡོད་དོ། །ཇི་ཙམ་ན་དགེ་སློང་མ་དེ་དག་དེའི་དྲུང་དུ་ཉེ་བར་འོང་བར་བརྩམས་པ་དང ། དེས་མ་རེག་།མ་རེག་ཅིག་།ཅེས་སྨྲས་ནས། འབྲོས་པར་བརྩམས་སོ། །དེ་དག་གིས་དེའི་རྗེས་སུ་སྐད་ཅིག་ཙམ་ཞིག་འབྲངས་ཏེ། སླར་ལོག་ནས་དགེ་སློང་མའི་དབྱར་ཁང་དུ་འོངས་ཏེ། དགེ་སློང་མ་རྣམས་ཀྱིས་དེ་བཞིན་དུ་གསོ་སྦྱོང་མ་བྱས་པའི་སྐབས་དེ། དགེ་སློང་མ་རྣམས་ཀྱིས་དགེ་སློང་རྣམས་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། གསོལ་བ་བཏབ་པའི་དགེ་སློང་གིས་དེ་ཁོ་ན་བཞིན་དུ་མ་འབྲོས་པར་སྲིང་མོ་མ་རེག་པ་འདུག་ཅིག་།ཅེས་བསྒོ་བར་བྱའོ། །དགེ་སློང་གིས་དགེ་སློང་མ་དེ་དག་ལ་མ་བསྒོ་བར་དེ་ཁོ་ན་བཞིན་དུ་རིང་དུ་བྲོས་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་མ་ལ་གདམས་ངག་འབོགས་པའི་དགེ་སློང་ལ་གསོལ་བ་གདབ་པར་བྱའོ། །དེས་ཀྱང་ནན་ཏན་གྱིས་བསྡད་པར་བྱའོ། །ཞེས་གསུངས་སོ། །ཇི་ཙམ་ན་གཞན་ཞིག་ལ་གསོལ་བ་བཏབ་པ་དེ་མྱུར་བར་སྒོ་ཁང་དུ་མ་སོང་བ་དང ། དེར་འཚོ་བ་པ་ཞིག་དགོས་པ་ཞིག་གི་ཕྱིར་འོངས་ཏེ། སྒོ་ཁང་ན་</font><hr>Da273a<br><font size=+2>


༄#། །འཁོར་བའི་འཁོར་ལོ་ཆ་ལྔ་པ་ལ་རྟོག་ཅིང་འདུག་གོ་།དགེ་སློང་མ་དེ་དག་གིས་བསམས་པ། འདི་ནི་བདག་ཅག་གི་གདམས་ངག་འབོགས་པ་ཡིན་ནོ། །སྙམ་སྟེ། དེ་དག་དེའི་རྐང་པ་ལ་གཏུགས་ཏེ་འདུག་ནས་སྨྲས་པ། འཕགས་པ་དགོངས་སུ་གསོལ། དེས་བསམས་པ། རེ་ཞིག་དགེ་སྦྱོང་མགོ་རེག་མ་འདི་དག་ཅི་སྨྲ་བ་ལྟའོ། །སྙམ་སྟེ་ཅང་མ་སྨྲས་པ་དང ། དེ་དག་གིས་ཡང་སྨྲས་པ། འཕགས་པ་དགོངས་སུ་གསོལ། རྒྱལ་པོའི་ཀུན་དགའ་ར་བའི་དགེ་སློང་མའི་དགེ་འདུན་མ་རྒྱལ་བུ་རྒྱལ་བྱེད་ཀྱི་ཚལ་གྱི་དགེ་སློང་གི་དགེ་འདུན་གང་གི་ཞབས་ལ་མགོ་བོས་ཕྱག་འཚལ་ཏེ། གནོད་པ་ཆུང་ངམ། ཉམ་ང་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང ། བདེ་བ་དང ། ཁ་ན་མ་ཐོ་བ་མ་མཆིས་པ་ལ་རེག་པར་གནས་སམ། ཞེས་ཞུ་ཞིང ། གསོ་སྦྱོང་གི་ཡོངས་སུ་དག་པ་ཡང་བརྗོད་པར་བྱའོ། །དེས་ཇི་སྐད་བརྗོད་པར་བྱ་བ་མ་ཤེས་ནས་ཅང་མ་སྨྲས་སོ། །དེ་དག་གིས་སྨྲས་པ། ཀྱེ་མ་འཕགས་པ་ཐབས་ཡིན་ནོ། །ཞེས་ཀྱང་མི་གསུང་ངམ། ཕྱིན་མཇལ་ཏོ། །ཞེས་སྨྲས་ནས་སོང་ངོ ། །དགེ་སློང་མ་དེ་དག་ཀྱང་དབྱར་ཁང་དུ་འོངས་སོ། །གདམས་ངག་འབོགས་པའི་དགེ་སློང་དེ་ཡང་ཕྱི་ཞིག་ན་སྒོ་ཁང་དུ་འོངས་ཏེ་ཡུད་ཙམ་ཞིག་དུས་སུ་བསྡད་ནས་སོང་ངོ ། །ཇི་ཙམ་ན་དགེ་འདུན་གྱི་གནས་བརྟན་གྱིས་གསོལ་བ་འབའ་ཞིག་བྱས་</font><hr>Da273b<br><font size=+2>


ཏེ། དགེ་སློང་དག་སྐོས་བྱེད་པས། དགེ་སློང་རྣམས་ལ་སྨྲས་པ། དགེ་སློང་མ་རྣམས་ཀྱི་ཡོངས་སུ་དག་པ་སུས་བླངས། དགེ་སློང་འགས་ཀྱང་བདག་གིས། ཞེས་མ་སྨྲས་སོ། །དགེ་སློང་རྣམས་ཀྱིས་བསམས་པ། གདོན་མི་ཟ་བར་དགེ་སློང་མ་དག་སུ་ཡང་མ་འོངས་ལ། གང་གིས་ཀྱང་ཡོངས་སུ་དག་པ་མ་བླངས་སོ། །དེ་དག་གིས་དགེ་སློང་གཞན་ལ་ཡང་གསོལ་བ་མ་བཏབ་པར། དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་གདོན་པ་བཏོན་ཏེ། དགེ་འདུན་གྱིས་གསོ་སྦྱོང་མཛད་དོ། །ཇི་ཙམ་ན་གསོ་སྦྱོང་ཕྱི་མའི་ཚེ་ཡོངས་སུ་དག་པ་ལེན་པའི་དགེ་སློང་མ་དག་འོངས། ལུང་འབོགས་པ་མི་སྣང་ནས། དེ་དག་གིས་རིང་ཞིག་བསྡད་དེ། དབྱར་ཁང་དུ་འོངས་སོ། །དགེ་སློང་མའི་དགེ་འདུན་གྱིས་ཀྱང་གསོ་སྦྱོང་མ་བྱས་སོ། །ཇི་ཙམ་ན་ཕྱི་དེ་ཉིན་པར་དགེ་སློང་མ་ཐམས་ཅད་འདུས་ཏེ་ལྷགས་ནས་སྨྲས་པ། ཅིའི་སླད་དུ་འཕགས་པའི་དགེ་འདུན་གྱིས། བདག་ཅག་གི་ལུང་འབོགས་པའི་དགེ་སློང་གསོལ་བ་མི་གདབ། དགེ་སློང་དག་གིས་སྨྲས་པ། སྲིང་མོ་དག་།འདས་པའི་གསོ་སྦྱོང་དེའི་ཚེ། སྟོན་པའི་དགེ་སློང་གང་ལ་ཁྱེད་རྣམས་གང་གིས་ཡོངས་སུ་དག་པ་བརྗོད། ཡོངས་སུ་དག་པ་ལེན་པའི་དགེ་སློང་མ་དེ་དག་གིས་སྨྲས་པ། ཁ་དོག་ནི་འདི་ལྟ་བུ། བོང་ཚོད་ནི་འདི་ཙམ་པའི་འཕགས་པ་ཞིག་སྒོ་ཁང་ན་འཁོར་བའི་འཁོར་ལོ་རྟོག་ཅིང་འདུག་པར་</font><hr>Da274a<br><font size=+2>


༄#། །གྱུར་པ་དེ་ལ་བདག་ཅག་གིས་ཡོངས་སུ་དག་པ་བརྗོད་དོ། །དགེ་སློང་དེ་དག་གིས་འཚོ་བ་པ་ཡོད་པ་ཡིན་པར་མཚན་མ་ལས་ཤེས་ཏེ་སྨྲས་པ། དེ་ནི་དགེ་སློང་མ་ཡིན་མོད་ཀྱི། འཚོ་བ་པ་གང་འདུག་པ་དེ་ཁོ་ན་ལ་ཁྱེད་ཀྱིས་བརྗོད་དོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཡིན་པ་ནི་དགེ་སློང་མའི་གདམས་ངག་འབོགས་པའི་དགེ་སློང་དེའི་མིང་མ་དྲིས་པས་ཡིན་ནོ། །དེ་ལྟ་བས་ན་དགེ་སློང་མའི་གདམས་ངག་འབོགས་པ་དེའི་མིང་དྲི་བར་བྱའོ། །སྙམ་དུ་བསམས་ནས་དགེ་སློང་དག་ལ། དགེ་སློང་མ་དེ་དག་གིས་སྨྲས་པ་ལ་ལྟུང་བ་མེད་དོ། །དེ་ལྟ་བས་ན་ཡོངས་སུ་དག་པ་ལེན་པའི་དགེ་སློང་མ་དག་གིས། གདམས་ངག་འབོགས་པའི་དགེ་སློང་དེའི་མིང་དྲི་བར་བྱའོ། །བདག་ཅག་གི་ལུང་འབོགས་པའི་སློབ་དཔོན་གྱི་མིང་ཅི། ཞེས་མ་དྲིས་པར་སྨྲས་ན། འགལ་ཚབས་ཅན་དུ་འགྱུར་རོ། ། བཅོམ་ལྡན་འདས་ཀྱིས་ཡོངས་སུ་དག་པ་ལེན་པའི་དགེ་སློང་མ་དག་གིས། ལུང་འབོགས་པའི་དགེ་སློང་དེའི་མིང་དྲི་བར་བྱའོ། །ཞེས་གསུངས་པ་དང ། དེ་དག་གིས་ཡང་ལུང་འབོགས་པའི་དགེ་སློང་དེའི་མིང་ཤེས་བཞིན་དུ་ཡང་དྲིས་པ་དེའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་</font><hr>Da274b<br><font size=+2>


དེའི་མིང་ཤེས་ན། དེ་དག་གིས་དྲི་བར་མི་བྱའོ། །དེ་དག་གིས་མིང་མི་ཤེས་ན་དྲི་བར་བྱའོ། །གླེང་གཞི་ནི་མཉན་ཡོད་ནའོ། །སྐྱེ་དགུའི་བདག་མོ་གོའུ་ཏ་མི་ན་ཞིང་འདུག་པ་དེའི་དྲུང་དུ། དགེ་སློང་མ་རྣམས་འོངས་ནས་དྲིས་པ། འཕགས་མ་ཇི་ལྟ་ཞིང་བཞུགས། དེས་སྨྲས་པ། བུ་མོ། བདག་བྲོ་འཚལ་ལོ། །དེ་རྣམས་ཀྱིས་སྨྲས་པ། འཕགས་མ་ཁྱོད་ཀྱིས་ཅི་ཞིག་བཅངས། དེས་སྨྲས་པ། བུ་མོ། བདག་སྔོན་ཁྱིམ་པ་མོའི་ཚེ། ཁྱིམ་གྱི་ནང་ན་གནས་ཤིང་ཞཝ་བཅངས་སོ། །འཕགས་མ། ད་ལྟར་ཅིའི་སླད་དུ་མི་བཅང ། བུ་མོ། ད་ལྟར་བདག་རབ་ཏུ་བྱུང་སྟེ། བཅོམ་ལྡན་འདས་ཀྱིས་རྗེས་སུ་མ་གནང་ན། ཇི་ལྟར་བཅང་བར་བྱ། ཞེས་པའི་སྐབས་དེ། དགེ་སློང་མ་རྣམས་ཀྱིས་དགེ་སློང་ལ་བཟླས་སོ། །དགེ་སློང་དག་གིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་སློང་མ་དག་གིས་དབྱར་ཁང་དུ་ཞཝ་བཅང་བར་བྱའོ། །གླེང་གཞི་ནི་རྒྱལ་པོའི་ཁབ་ནའོ། ། རྒྱལ་པོའི་ཁབ་ཀྱི་བྲམ་ཟེ་སློང་མོ་བ་གཞན་ཞིག་འཁྱམ་ཞིང ། ཁྱིམ་གཞན་ཞིག་ཏུ་ཞུགས་ནས་སྨྲས་པ། བདེ་ལེགས་སུ་གྱུར་ཅིག་།སློང་མོ་བྱིན་ཅིག་།ཅེས་སྨྲས་པ་དང ། ཁྱིམ་བདག་མོས་སྨྲས་པ། བྲམ་ཟེ་ཅུང་ཟད་ཀྱང་མེད་ཀྱི། སོང་ཞིག་།ཅེས་བྱས་པ་དང ། དེ་ཕྱིར་བྱུང་སྟེ་སོང་ངོ ། །སྐྱེ་དགུའི་བདག་མོ་ཆེན་མོ་གོའུ་ཏ་མི་ཡང་ཁྱིམ་དེར་བསོད་སྙོམས་ཀྱི་</font><hr>Da275a<br><font size=+2>


༄#། །ཕྱིར་ཞུགས་སོ། །བྲམ་ཟེ་དེས་བསམས་པ། དགེ་སྦྱོང་མགོ་རེག་མ་འདི་ཡང་ཞུགས་ན་རེ་ཞིག་འདི་ལ་ཡང་མི་སྟེར་རམ། བདག་གཅིག་པུ་ལ་ཡིན་བལྟ་བར་བྱའོ། །སྙམ་སྟེ། དེ་དེ་ལ་སྐབས་ཚོལ་ཞིང་ཡུད་ཙམ་ཞིག་དེ་ན་སྡོད་དོ། དེས་སངས་རྒྱས་ཀྱི་ཡུམ་གཤེགས་སོ། །ཞེས་རིངས་པ་རིངས་པར་ལངས་ནས་སྟན་བཏིང་སྟེ། རབ་ཏུ་དགའ་ནས་སོང་སྟེ། གཙང་ཞིང་བསོད་པའི་བཟའ་བ་དང་བཅའ་བས་ལྷུང་བཟེད་བཀང་སྟེ་ཕུལ་ལོ། །བྲམ་ཟེ་དེ་སེར་སྣ་དང་མི་བཟོད་པ་སྐྱེས་ནས་སོང་སྟེ། སྨྲས་པ། འཕགས་མ་དེས་རེ་ཞིག་ལྷུང་བཟེད་དུ་ཕུན་སུམ་ཚོགས་པ་ཅི་མཆིས་བལྟའོ། །དེ་ཡང་དྲང་བས་དེས་ཉེ་བར་བསྟན་ཏོ། །བྲམ་ཟེས་ལྷུང་བཟེད་དེར་མཆིལ་མ་བླུགས་སོ། །སྐྱེ་དགུའི་བདག་མོ་ཆེན་མོ་གོའུ་ཏ་མིས་སྨྲས་པ། བུ་ཅིའི་ཕྱིར། ཁྱོད་ཀྱིས་བསོད་སྙོམས་མ་རུང་བར་བྱས། གལ་ཏེ་ཁྱོད་ཀྱིས་གསོལ་བ་བཏབ་པར་གྱུར་ན། ངས་དེ་བཞིན་དུ་བྱིན་པར་གྱུར་པ་ཞིག་ན། བྲམ་ཟེ་དེ་སྤོབས་པ་མེད་དེ། ཅང་མི་སྨྲ་བར་འདུག་པ་དེའི་སྐབས་དགེ་སློང་མ་རྣམས་ཀྱིས། དགེ་སློང་དག་ལ་བཟླས་སོ། །དགེ་སློང་དག་གིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་དགོངས་པ། བུད་མེད་ཀྱི་རང་བཞིན་ལ་ནི་སྐྱེས་པ་ཕལ་པ་གཞན་ཡང་འཚེ་སྟེ། ཇི་ལྟར་སྐྱེས་བུ་བྲམ་ཟེ་གཏི་མུག་དེས་ཀྱང་འདི་བཞིན་དུ་བསོད་ནམས་མ་ཡིན་པ་མང་</font><hr>Da275b<br><font size=+2>


དུ་བསྐྱེད་དོ། །དེ་ལྟ་བས་ན་དགེ་སློང་མ་དག་གིས་ལྷུང་བཟེད་ཁ་གཡོགས་བཅང་བར་བྱ་བར་མཁྱེན་ནས་གསུངས་པ། དགེ་སློང་དག་།བུད་མེད་ཀྱི་རང་བཞིན་ལ་ནི་སྐྱེས་པ་ཕལ་པ་གཞན་ཡང་འཚེ་སྟེ། སྐྱེས་བུ་བྲམ་ཟེ་གཏི་མུག་དེས་ཀྱང་འདི་བཞིན་དུ་བསོད་ནམས་མ་ཡིན་པ་མང་དུ་བསྐྱེད་དོ། །དེ་ལྟ་བས་ན་རྗེས་སུ་གནང་སྟེ། དགེ་སློང་མ་དག་གིས་ལྷུང་བཟེད་ཀྱི་ཁ་གཡོགས་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་མ་དག་གིས་ལྷུང་བཟེད་ཀྱི་ཁ་གཡོགས་བཅང་བར་བགྱིའོ། །ཞེས་གསུངས་པ་དང ། དགེ་སློང་མ་དག་གིས་ལྷུང་བཟེད་ཀྱི་ཁ་གཡོགས་ཅི་འདྲ་བ་དེ་མ་ཤེས་ཏེ། དེའི་སྐབས་དགེ་སློང་དག་ལ་བཟླས་སོ། །དགེ་སློང་དག་གིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་ཀྱི་ཁ་གཡོགས་ནི་ལྷུང་བཟེད་ཀྱི་སྣོད་དེ། དེར་ལྷུང་བཟེད་བཅུག་ནས། དགེ་སློང་མ་དག་བསོད་སྙོམས་ལ་འགྲོ་བར་བྱའོ། །གླེང་གཞི་ནི་མཉན་ཡོད་ནའོ། །ཤར་ཕྱོགས་ཀྱི་མི་མང་པོ་རྣམས་སྐྱེད་མོས་ཚལ་ན་དགའོ། །ཇི་ཙམ་དུས་གཞན་ཞིག་ན་མཉན་ཡོད་དུ་དུས་སྟོན་ལ་བབ་སྟེ། དེ་རྣམས་གཙང་ཞིང་བསོད་པའི་བཟའ་བ་དང ། བཅའ་བ་དག་ཁྱེར་ཏེ་སྐྱེད་མོས་ཚལ་དུ་སོང་ངོ ། །དེ་རྣམས་ཀྱིས་ཆུང་མ་དག་ལ་མེ་ཏོག་གི་ཕྲེང་བ་རྒྱུས་ལ་སྐུར་ཅིག་།ཅེས་སྤྲིང་པ་དང ། དེ་རྣམས་ཀྱི་ར་བ་ན་མེ་ཏོག་བཟང་པོ་སྣ་ཚོགས་པ་དག་སྐྱེས་ཏེ། དེ་དག་ཀྱང་དེ་རྣམས་ཀྱིས་སྤྲིང་ངོ ། །སྙམ་</font><hr>Da276a<br><font size=+2>


༄#། །ནས། རིངས་པ་རིངས་པར་མེ་ཏོག་གི་ར་བ་དག་ནས་མེ་ཏོག་བཏུས་ན་བརྒྱུད་མ་ཤེས་སོ། །དེ་དག་གིས་མེ་ཏོག་ཕྲེང་རྒྱུད་མ་ལ་མེ་ཏོག་བརྒྱུས་ཚུར་ཤོག ། ཅེས་སྤྲིང་ན། དེ་དག་དེའི་ཉིན་པར་མེ་ཏོག་ཉོ་བ་ཡོད་དེ། དེ་དག་མ་འོངས་པ་དང ། དེ་རྣམས་སེམས་ཁོང་དུ་ཆུད་ཅིང་འདུག་སྟེ། དེ་དག་གིས་བདག་ཅག་ལ་མེ་ཏོག་གི་ཕྲེང་བ་བརྒྱུས་ལ་སྐུར་ཅིག་།ཅེས་སྤྲིང་ན། དེ་བདག་ཅག་གིས་ནི་བརྒྱུད་མི་ཤེས། ཕྲེང་རྒྱུད་མ་བོས་ན་ཡང་འོང་དུ་མ་བཏུབ་སྟེ་ཇི་ལྟར་བསྒྲུབ། སྙམ་མོ། །སྦོམ་དགའ་མོ་ཡང་བསོད་སྙོམས་ཀྱི་ཕྱིར་རྒྱུ་ཞིང་ཁྱིམ་གཞན་ཞིག་ཏུ་ཞུགས་ཏེ། མཚན་བཟང་མ། བསོད་སྙོམས་བསླང་ངོ ། །ཞེས་སྨྲས་པ་དང ། དེས་སྨྲས་པ། འཕགས་མ་ཇི་བཞུད་ཅིག་།བདག་ཅག་ནི་སེམས་ཁོང་དུ་ཆུད་ཅིང་མཆིས་ཏེ། བསོད་སྙོམས་དང་ཚིག་ག་ལ་ཞིག་སྟེར་ཏེ། སུ་ཡང་མ་མཆིས་སོ། །དེས་སྨྲས་པ། ཅི་འདི་སྐད་དུ་སྨྲའམ། ངས་ཅུང་ཟད་ཅི་ཉེས། དེས་ཇི་ལྟར་གྱུར་པ་རྒྱས་པར་བརྗོད་དོ། །སྦོམ་དགའ་མོས་སྨྲས་པ། ཁྱེད་ཉིད་ཅིའི་ཕྱིར་མི་བརྒྱུད། དེས་སྨྲས་པ། འཕགས་མ། བདག་ཅག་ནི་མ་འཚལ་ན། མཁྱེན་པ་ལྟ་མཆིས་སམ། སྦོམ་དགའ་མོས་སྨྲས་པ། མཚན་བཟང་མ། དེ་ཤེས་ཏེ། དེའི་དུས་ལས་འདས་པས་བཟོའི་གནས་དང ། ལས་ཀྱི་གནས་ངེས་པར་ངས་མི་ཤེས་པ་མེད་དོ། །དེ་དག་གིས། འཕགས་མ། དེ་</font><hr>Da276b<br><font size=+2>


བཞིན་དུ་བརྒྱུས་ཏེ་སྩལ་བར་ཅི་གནང ། དེས་སྨྲས་པ། མཚན་བཟང་མ། གལ་ཏེ་བཟའ་བའི་རིན་སྦྱིན་ནམ། དེས་སྨྲ་པ། འཕགས་པ། ལེགས་པར་དབུལ་ལོ། །ཤིན་ཏུ་དབུལ་གྱི་བརྒྱུས་ཤིག་།དེས་ལྷུང་བཟེད་བཞག་སྟེ། རྐང་པ་བརྐྱང་ནས་འདུག་སྟེ། མྱུར་བར་དེ་བཞིན་དུ་བརྒྱུས་པ་ཁྱིམ་བདག་གི་ཆུང་མ་དེ་དག་གིས་དེ་མཐོང་སྟེ། ངོ་མཚར་སྐྱེས་ནས་དེ་དག་ཡོངས་སུ་མགུ་སྟེ། སྦོམ་དགའ་མོ་ལ་བཟའ་བའི་རིན་མང་དུ་བྱིན་ནོ། །སྦོམ་དགའ་མོ་དེས་འགྲན་པས། ཁྱིམ་གཞན་དུ་ཡང་ཕྲེང་བ་བརྒྱུས་ཏེ། དེར་ཡང་བཟའ་བའི་རིན་བྱིན་པ་དང ། སྦོམ་དགའ་མོ་རྙེད་པ་མང་དུ་རྙེད་དེ་ཐོབ་ནས་བྱུང་སྟེ། དབྱར་ཁང་དུ་སོང་ངོ ། །ཇི་ཙམ་ན་ཕྲེང་རྒྱུད་མ་འོངས་ཏེ། སྨྲས་པ། མེ་ཏོག་དེ་དག་འོན་ཅིག་།བརྒྱུའོ། །དེས་སྨྲས་པ། ཁྱེད་ཅག་ད་གཟོད་ག་ཤེད་ནས་འོངས་ཀྱི། ཕྲེང་བ་དེ་དག་བརྒྱུས་ཏེ་སྐྱེད་མོས་ཚལ་དུ་བསྐུར་ཟིན་ཏོ། །དེ་དག་གིས་སྨྲས་པ། སུས་བརྒྱུས། འཕགས་མ་སྦོམ་དགའ་མོས་སོ། དེ་དག་དགེ་སྦྱོང་ཤཱཀྱའི་སྲས་ཀྱི་དགེ་སྦྱོང་རྣམས་ནི་ཚིག་པ། ཚངས་པར་སྤྱོད་པ་ནི་ཚིག་པ་ཡིན་ཏེ། གང་གི་ཕྱིར་ད་ལྟར་གཞན་དག་གི་འཚོ་བ་འཕྲོག་གོ་།ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དོ། །ཞེས་དགེ་སློང་རྣམས་ཀྱིས་ཐོས་ནས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཕྲེང་རྒྱུད་མ་རྣམས་ཁ་ཟེར་བའི་ཉེས་དམིགས་གང་ཅི་བྱུང་བ་ནི། དགེ་</font><hr>Da277a<br><font size=+2>


༄#། །སློང་མ་ཕྲེང་བ་བརྒྱུས་པའི་གཞི་ལས་གྱུར་པ་ཡིན་གྱི། དེ་ལྟ་བས་ན་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་མི་བྱའོ། །སྙམ་དུ་དགོངས་ནས་བཀའ་སྩལ་པ། དགེ་སློང་དག་།ཕྲེང་རྒྱུད་མ་རྣམས་འཕྱ་བའི་གཞིར་གྱུར་ཀྱི། དེ་ལྟ་བས་ན་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་མི་བྱའོ། །དགེ་སློང་མ་དག་ཕྲེང་བརྒྱུད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་མི་བྱའོ། །ཞེས་གསུངས་པ་དང ། གཙུག་ཕུད་ཀྱི་དུས་སྟོན་དང ། དུས་སྟོན་ཆེན་པོ་དང ། ལོ་ལྔའི་དུས་སྟོན་དག་བྱུང་བར་གྱུར་ཏེ། ཀོ་ས་ལའི་རྒྱལ་པོ་གསལ་རྒྱལ་དང ། བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་བྱེད་མ་དང ། ཁྱིམ་བདག་མགོན་མེད་ཟས་སྦྱིན་དང ། རི་དྭགས་འཛིན་གྱི་མ་ས་ག་དང ། ཞལ་ཏ་པ་རྒན་རབས་དང ། དགེ་བསྙེན་མ་རྫུ་འཕྲུལ་ཅན་གྱི་མ་དང ། ཁྱིམ་བདག་གཏུམ་པོ་དང ། ཤཱཀྱ་མིང་ཆེན་དང ། གཞན་ཡང་དད་པ་ཅན་མང་པོ་དག་གོང་ནས་གོང་དུ་མཆོག་།ཁྱད་པར་ཅན། གཙུག་ཕུད་ལ་སོགས་པ་དུས་སྟོན་ཆེན་པོ་དང ། དགའ་སྟོན་དག་བྱེད་དོ། །ཡུལ་ཐ་དད་པ་ན་གནས་པའི་སྐྱེ་བོ་དང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དག་འདུས་པར་གྱུར་ཏེ། མེ་ཏོག་མང་དུ་བརྔས་པ་དང ། ཕྲེང་རྒྱུད་མ་རྣམས་ཀྱིས་ཕྲེང་བ་ལེགས་པར་</font><hr>Da277b<br><font size=+2>


རྒྱུད་མ་ནུས་ཏེ། བྲམ་ཟེ་དང ། ཁྱིམ་བདག་དད་པ་ཅན་གཞན་དག་ཏུ་ཕན་ཚུན་བསྐོར་ཀྱང་མེ་ཏོག་དག་ལེགས་པར་རྒྱུད་མ་ནུས་སོ། །དེ་དག་གིས་དགེ་སློང་མ་རྣམས་ལ་སྨྲས་པ། ཀྱེ་མ་བདག་ཅག་ནི་མེ་ཏོག་རྒྱུད་མ་འཚལ་ན། ཨེ་མའོ་འཕགས་མ་དག་ནི་མཁྱེན་ཏེ། ཁྱེད་ཅག་སྟོན་པ་མཆོད་ཅིང་ཕྲེང་བ་བརྒྱུ་བའི་དུས་ལ་བབ་བོ། །དེ་དག་གིས་སྨྲས་པ། ཤེས་ལྡན་དག་ཁྱེད་ཅག་མི་ཤེས་སམ། འདི་ལྟར་བཅོམ་ལྡན་འདས་ཀྱིས། དགེ་སློང་མ་རྣམས་ཕྲེང་བ་མི་བརྒྱུའོ། །ཞེས་བསླབ་པའི་གཞི་བཅས་ན། དེ་ཇི་ལྟར་བརྒྱུ། ཞེས་པ་དེའི་སྐབས་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། སངས་རྒྱས་དང ། ཆོས་དང ། དགེ་འདུན་གྱི་ཆེད་དུ་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་བྱའོ། །བཅོམ་ལྡན་འདས་ཀྱིས་སངས་རྒྱས་དང ། ཆོས་དང ། དགེ་འདུན་གྱི་ཆེད་དུ་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་བྱའོ། །ཞེས་གསུངས་པ་དང ། དེ་རྣམས་སྒོ་ཁང་དང ། ཁྱམས་དག་ཏུ་རྐང་པ་བརྐྱང་ནས་འདུག་སྟེ་མེ་ཏོག་བརྒྱུ་བར་བརྩམས་པ་མ་དད་པ་དག་གིས་མཐོང་སྟེ། ཀྱེ་མ་འཕགས་མ་དག་།ཁྱེད་ཅག་ཀུན་ཕྲེང་རྒྱུད་མ་ཁོ་ན་ལས་རབ་ཏུ་བྱུང་ངམ། ཞེས་དཔྱས་པ་དང ། དེ་དག་སྤ་གོང་སྟེ་ཅང་མི་སྨྲ་བར་འདུག་པ་དེའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་</font><hr>Da278a<br><font size=+2>


༄#། །སྩལ་པ། དགེ་སློང་དག་མ་དད་པ་རྣམས་འཕྱ་བའི་གཞི་ནི་ཚུལ་མ་ཡིན་པ་དེ་དག་སྟེ། དེ་ལྟ་བས་ན་དགེ་སློང་མ་རྣམས་ཀྱིས་སྒོ་ཁང་དང ། ཁྱམས་སུ་འདུག་སྟེ། མེ་ཏོག་བརྒྱུ་བར་མི་བྱའོ། །དགེ་སློང་མ་དག་།སྒོ་ཁང་དང་ཁྱམས་སུ་འདུག་སྟེ། ཕྲེང་བ་རྒྱུད་ན་འགལ་ཚབས་ཅན་དུ་འགྱུར་རོ། །གཞན་ཡང་ཤེས་པ་ཡོད་ན། དབེན་པའི་ཕྱོགས་སུ་བརྒྱུ་བར་བྱའོ། །དགེ་སློང་མ་དག་།སྒོ་ཁང་དང ། ཁྱམས་སུ་འདུག་སྟེ། མེ་ཏོག་རྒྱུད་ན་འགལ་ཚབས་ཅན་དུ་འགྱུར་རོ། །སྡོམ་ནི། འཁར་བའི་སྣོད་དང་ཆང་གི་ལས། །ཁྱིམ་གྱི་གཞི་རྣམས་འཚོ་བ་དང ། །དེ་བཞིན་ཚོང་ཁང་གཞི་དག་དང ། །ལྷ་འདྲའི་གཟུགས་ནི་མི་བཅང་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སྦོམ་དགའ་མོ། འཁར་བ་མཁན་གྱི་དྲུང་དུ་སོང་སྟེ། སྨྲས་པ། བཞིན་བཟང་འཁར་བའི་ལྷུང་བཟེད་བྱེད་ནུས་སམ། དེས་སྨྲས་པ། འཕགས་མ་དེ་བཞིན་ཤེས་ན་ཚད་ཇི་ཙམ་དུ་བགྱི། ཆེན་པོ་ཞིག་བྱའོ། །འཕགས་མ་ལ་འཁར་བའི་ལྷུང་བཟེད་ཆེན་པོ་ཅིར་དགོས། བཀྲེན་པ་ཁྱོད་ལ་རིན་མེད་པར་ནི་བྱེད་དུ་མི་འཇུག་ན། རིན་ཚང་བར་སྦྱིན་གྱི། བྱོས་ཤིག་།དེས་བསམས་པ། བདག་ལས་འགོད་པ་ནི་ཅི་ཡང་མེད་ན་བྱའོ། །སྙམ་ནས། དེས་འཁར་</font><hr>Da278b<br><font size=+2>


བའི་ལྷུང་བཟེད་ཆེན་པོ་ཞིག་བྱས་སོ། །དེས་སྨྲས་པ། འདིར་གཞུག་ཏུ་རུང་བ་གཞན་ཞིག་ཀྱང་བྱོས་ཤིག་།དེས་གཞན་ཞིག་ཀྱང་བྱས་ཏེ། དེ་བཞིན་དུ་གཞན་བདུན་གྱི་བར་དུ་བྱས་སོ། ། སྦོམ་དགའ་མོས་དེ་དག་དགེ་སློང་མ་རྣམས་ལ་བྱི་དོར་བྱེད་དུ་བཅུག་ནས། ཚོན་སྣ་ལྔའི་སྐུད་པའི་དྲ་བར་དེས་དེ་རིམས་བཞིན་བཅུག་སྟེ། དགེ་སློང་མའི་མགོ་ལ་བསྐུར་ནས། གང་དུ་མགྲོན་དུ་བོས་པ་དེར་སོང་སྟེ་ཕྱིན་ནས། དེ་དག་བཀྲམ་སྟེ་འདུག་པ་དང ། བྲམ་ཟེ་དང ། ཁྱིམ་བདག་དག་གིས་སྨྲས་པ། འཕགས་མ་ཁྱོད་འཁར་བ་མཁན་གྱི་ཚོང་ཁང་འགྲིམས་སམ་ཅི། དེས་སྨྲས་པ། བཀྲེན་པ་ཁྱེད་ཅག་ཅི་ཤེས། རེ་ཞིག་འདིར་ནི་ཟན་བླང་ངོ ། །འདིར་ནི་འཁུར་བའོ། །འདིར་ནི་འབྲས་ཆན་ནོ། །འདིར་ནི་ཚོད་མ་བླང་ངོ ། །འཕགས་མ་དེ་བཞིན་དུ་གཞན་དག་ཀྱང་ཞོག་དང ། གལ་ཏེ་ན་ཚོང་མ་མང་དུ་རྙེད་ཀྱང་སྲིད་དོ། །ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ་།དེའི་སྐབས་དེ་དགེ་སློང་རྣམས་ཀྱིས་ཐོས་ཏེ། བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་དག་ཡིན་པ་ནི་དགེ་སློང་མས་འཁར་བའི་སྣོད་བཅངས་པ་ཡིན་ཏེ། དེ་ལྟ་བས་ན་དགེ་སློང་མ་རྣམས་ཀྱིས་འཁར་བའི་སྣོད་བཅང་བར་མི་བྱའོ། །སྙམ་དུ་མཁྱེན་ནས་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་མ་རྣམས་ཀྱིས་འཁར་བའི་སྣོད་བཅང་བར་མི་བྱའོ། །དགེ་</font><hr>Da279a<br><font size=+2>


༄#། །སློང་མ་དག་འཁར་བའི་སྣོད་འཆང་ན་འགལ་ཚབས་ཅན་དུ་འགྱུར་རོ། །ཡང་གཞན་ཁ་གཟར་དང ། ཚ་སྣོད་དང ། ཕུལ་བའི་བཏུང་ཕོར་དག་ནི་བཅང་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་བཞི་པ། གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་གཞན་ཞིག་གནས་པ་འདིས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད་ཅིང ། དགའ་མགུར་སྤྱོད་པར་བྱེད་པ་ལས། བུ་མོ་གཡས་ཞར་མ་ཞིག་བཙས་ཏེ། གཡས་ཞར་མ་དེ་བཀྲ་མི་ཤིས་པས་སུས་ཀྱང་མ་བསླངས་སོ། །མཉན་ཡོད་ན་ཁྱིམ་བདག་གཞན་ཞིག་གིས་ཆུང་མ་གཅིག་བླངས་པ་དང ། དེ་རང་གི་ལས་ཀྱིས་དུས་ལས་འདས་སོ། །དེ་བཞིན་དུ་གཉིས་པ་ནས་གསུམ་པ་དང ། བདུན་པའི་བར་དུ་བླངས་ན། དེ་དག་ཀྱང་རང་གི་ལས་ཀྱིས་དུས་ལས་འདས་ཏེ། དེའི་མིང་ཆུང་མ་གསོད་པ། ཆུང་མ་གསོད་པ་ཞེས་ཀུན་ཏུ་གྲགས་སོ། །དེས་གཞན་ཞིག་གི་བུ་མོ་ཞིག་བླངས་པ་དང ། དེས་སྨྲས་པ། ཅི་བདག་གི་བུ་མོ་ཡང་ཡོངས་སུ་གཏང་ངམ། ཡུགས་ས་མོ་ཞིག་བླངས་པ་དང ། ཅི་བདག་ཉིད་ཀྱིས་བདག་ཉིད་ཡོངས་སུ་གཏང་ངམ། ཞེས་སྨྲས་སོ། །དེས་རང་ཉིད་ཁྱིམ་གྱི་འཚོ་ཚིས་དག་བྱ་བར་བརྩམས་པ་</font><hr>Da279b<br><font size=+2>


དང ། དེའི་སྟེན་གྲོགས་ཤིག་ཁྱིམ་དུ་འོངས་ཏེ། དེའི་མིང་ཉིད་ནས་ག་རེ། ཞེས་དྲིས་པ་དང ། དེ་དག་གིས་སྨྲས་པ། དེ་ནང་དུ་ཞུགས་ཏེ་ཁྱིམ་གྱི་འཚོ་ཚིས་དག་བྱེད་དོ། །སྟེན་གྲོགས་ཀྱིས་སྨྲས་པ། ཁྱོད་ཀྱིས་ཆུང་མ་དག་བཟའ་བ་དང ། བགོ་བ་སྦྱར་ཞིང་ལས་བྱེད་དུ་གཞུག་མི་ནུས་སམ། གང་གི་ཕྱིར་རང་ཉིད་ཁྱིམ་གྱི་འཚོ་ཚིས་དག་བྱེད། དེས་སྨྲས་པ། སྟེན་གྲོགས་བདག་གིས་ནུས་མོད་ཀྱི། འོན་ཀྱང་བདག་གིས་ཆུང་མ་གཅིག་བླངས་ན། དེ་རང་གི་ལས་ཀྱིས་དུས་ལས་འདས་སོ། །དེ་བཞིན་དུ་གཉིས་པ་དང ། གསུམ་པ་དང ། བདུན་གྱི་བར་ཆུང་མ་བླངས་ན། དེ་དག་ཀྱང་རང་གི་ལས་ཀྱིས་དུས་ལས་འདས་ཏེ། གང་དག་བདག་གི་མིང་ཆུང་མ་གསོད་པ། ཆུང་མ་གསོད་པ། ཞེས་ཀུན་ཏུ་གྲགས་སོ། །དེས་ཅི་གཞན་ཡང་མི་བསླང་ངམ། བདག་གིས་བསླངས་ན། དེ་དག་བདག་ཅག་གི་བུ་མོ་ཡང་ཡོངས་སུ་གཏང་ངམ་ཅི། ཞེས་ཟེར་རོ། །ཅི་ཡུགས་ས་མོ་མི་བསླང་ངམ། དེ་ཡང་བདག་གིས་བྱས་མོད་ཀྱི། ཅི་བདག་ཉིད་ཡོངས་སུ་གཏང་ངམ། ཞེས་ཟེར་རོ། །སྟེན་གྲོགས། དེ་ལྟ་ན་གཡས་ཞར་མ་ཅི་སྟེ་མི་བསླང ། དེ་དག་གི་བུ་མོ་དེ་ཡང་མི་སྟེར་རོ། །སྟེན་གྲོགས་སོང་དང ། ཁྱིམ་བདག་དེ་ཀུན་ཏུ་སྐྱོ་བས་སྟེར་རོ། །དེས་དེ་བསྐུལ་ནས་ཁྱིམ་བདག་དེའི་ཁྱིམ་དུ་སོང་སྟེ། དེས་བདེ་ལེགས། ཞེས་སྨྲས་པ་དང ། ནང་མི་དག་གིས་སྨྲས་པ། ཅི་སློང ། བུ་མོ་སློང་ངོ ། །བུ་མོ་གང་ཡིན། </font><hr>Da280a<br><font size=+2>


༄#། །གཡས་ཞར་མའོ། །དེ་བཞིན་དུ་སྦྱིན་པར་བྱའོ། །བླང་བའི་དུས་བྱའོ། །དེ་བཞིན་དུ་དུས་བྱས་སོ། །གང་གི་ཉིན་པར་བཟང་བ་དེ་ལའོ། །ཞེས་སྨྲས་ནས་སོང་ངོ ། །དེ་ནས་ཁྱིམ་བདག་གི་ཆུང་མ་དེ། བུ་མོ་བག་མར་གཏང་ངོ ། །སྙམ་སྟེ། ཆང་བཙོས་སོ། །ཚ་བའི་དུས་ལ་བབ་སྟེ། དེ་དྲོས་ནས་མ་རུང་བར་གྱུར་ཏོ། །དེ་ནས་ཁྱིམ་བདག་གི་ཆུང་མ་དེས་ཆང་འཚོང་མ་ལ། བདག་གི་བུ་མོ་བག་མར་གཏོང་སྟེ། ཆང་འདི་ཙམ་ཞིག་དགོས་ཀྱི་སྦྱོར་ཅིག་།ཅེས་སྨྲས་པ་དང ། དེ་དག་གིས་ལེགས་ཀྱི་དབུལ་ལོ། །ཞེས་སྨྲས་སོ། །དེས་རེ་ཞིག་ཆང་དག་སྟ་གོན་བྱས་པ་དང ། ཇི་ཙམ་ན་སྦོམ་དགའ་མོ་བསོད་སྙོམས་ཀྱི་ཕྱིར་རྒྱུ་ཞིང་དེའི་ཁྱིམ་ཞིག་ཏུ་ཞུགས་ཏེ། མཚན་བཟང་མ། བསོད་སྙོམས་བྱིན་ཅིག་།ཁྱིམ་བདག་གི་ཆུང་མ་དེ་ཡང་ཡང་དང་ཡང་དུ་ཆང་དག་ལྟ་སྟེ། བྲེལ་ནས་སྨྲས་པ། འཕགས་མ་ཇེ་བཞུད་ཅིག་།བདག་ནི་སེམས་ཁོང་དུ་ཆུད་ཅིང་མཆིས་ཏེ། བསོད་སྙོམས་ལྟ་ག་ལ་ཞིག་།སུ་ཡང་མི་འབུལ་ལོ། །དེས་སྨྲས་པ། ཅི་འདི་སྐད་ཟེར་བ་ལས་ངས་ཅུང་ཟད་ཉེས་སམ། དེས་འདི་ལྟར་རྒྱས་པར་བཤད་པ་དང ། སྦོམ་དགའ་མོས་སྨྲས་པ། མཚན་བཟང་མ། དེ་ལྟ་ན་ཅིའི་ཕྱིར་སླར་མི་བཅོས། དེས་སྨྲས་པ། འཕགས་མ། བདག་ནི་མ་འཚལ་ན། མཁྱེན་པ་ལྟ་མཆིས་སམ། སྦོམ་དགའ་མོས་སྨྲས་པ། མཚན་བཟང་</font><hr>Da280b<br><font size=+2>


མ། ཤེས་ཏེ། དེའི་དུས་ལས་འདས་པས། བཟོའི་གནས་དང ། ལས་ཀྱི་གནས་གང་ཡིན་པ་ངེས་པར་ངས་མི་ཤེས་པ་མེད་དོ། །འཕགས་མ། སླར་བཅོས་ཏེ་སྩལ་བར་ཅི་གནང ། དེས་སྨྲས་པ། མཚན་བཟང་མ་ངས་སླར་བཅོས་ན། གལ་ཏེ་བཟའ་བའི་རིན་སྦྱིན་ནམ། དེས་སྨྲས་པ། འཕགས་མ་ལེགས་པར་འབུལ་ལོ། །ཤིན་ཏུ་དབུལ་གྱི་སླར་ཆོས་ཤིག་།སྦོམ་དགའ་མོས་སྨྲས་པ། ཁྱེར་ཏེ་ཤོག་།བལྟའོ། །དེས་ཆང་གི་རྫ་མ་དག་བསྟན་པ་དང ། སྦོམ་དགའ་མོས་འདི་ཇི་ལྟར་མ་རུང ། ཆང་རྫ་དག་ལ་ཕན་ཚུན་བརྟགས་ན་དྲོ་བ་ལས་མ་རུང་བར་མཐོང་ནས། དེས་སྐར་ཁུང་དག་ཕྱེ་ནས་ཆང་རྫའི་འོག་ཏུ་བྱེ་མ་མང་དུ་བཏིང་སྟེ། ངོས་ལ་ཆུ་བཏབ་ནས་ཉ་ལྕིབས་ཀྱིས་ཀུན་ཏུ་དཀྲིས་ཏེ། དེས་བསིལ་ཡབ་དག་བླངས་ནས་གཡབ་པར་བརྩམས་པ་དང ། བསིལ་བའི་ཁྱད་པར་གྱི་སྦྱོར་བས་ཆང་སླར་རུང་བར་གྱུར་ཏོ། །བག་མ་ལེན་པར་ཡང་ཉེ་ནས་གྲོགས་པོ་དང ། འཛའ་བཤེས་དང ། ཉེ་དུ་དང ། སྐྱེ་བོ་དག་འདུས་པ་དང ། ཆང་འཚོང་བ་དེ་ཡང་ཆང་དག་སྟ་གོན་བྱས་ཏེ་འདུག་ནས། གང་གི་ཚེ་སྦྲོན་པ་གང་དག་འོངས་ན་སྦྱིན་ནོ། །སྙམ་པ་དང ། ཁྱིམ་བདག་དེས་ཀྱང་ཆང་དེ་ཉིད་ཀྱིས་བག་མ་གཏང་བ་གྲུབ་པར་བྱས་སོ། །དེ་ནས་ཆང་འཚོང་བ་དེ་འོངས་ནས་སྨྲས་པ། ཁྱིམ་བདག་ཆང་ལོང་ཞིག་།དེས་སྨྲས་པ། ཤེས་ལྡན་ཆོག་སྟེ། ཆང་དེ་ཉིད་སླར་བཅོས་ནས། ཆང་དེ་ཉིད་ཀྱིས་</font><hr>Da281a<br><font size=+2>


༄#། །བག་མ་བཏང་བ་གྲུབ་པར་བྱས་སོ། །སྨྲས་པ། ཁྱིམ་བདག་དེ་ནི་དེར་ཟད་ན། དེ་སླར་སུས་བཅོས། ཞེས་དྲིས་སོ། །དེས་དེ་འཕགས་མ་སྦོམ་དགའ་མོས་སླར་བཅོས་ཏེ། དེ་ངེད་ལ་ཕན་འདོགས་པའོ། །ཞེས་བཤད་པ་དང ། དགེ་སྦྱོང་ཤཱཀྱའི་བུའི་དགེ་སྦྱོང་མ་རྣམས་ནི་ཚིག་པའོ། །ཚངས་པར་སྤྱོད་པ་ཚིག་པ་སྟེ། གང་གི་ཕྱིར་ད་ལྟར་གཞན་གྱི་འཚོ་བ་འཕྲོག་པའོ། །ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་ཐོས་ཏེ། བཅོམ་ལྡན་འདས་ལ་གསོལ་བ་དང།་བཅོམ་ལྡན་འདས་ཀྱིས་དགོངས་པ། དགེ་སློང་མ་སྦོམ་དགའ་མོའི་སྤྱོད་པ་ནི་དགེ་སྦྱོང་གི་ཚུལ་མ་ཡིན་པ་བྱེད་དོ། །དེ་ལྟ་བས་ན་དགེ་སློང་མས་ཆང་གི་ལས་མི་བྱའོ། ། སྙམ་དུ་མཁྱེན་ནས་བཀའ་སྩལ་པ། དགེ་སློང་དག་།དགེ་སློང་མ་སྦོམ་དགའ་མོའི་སྤྱོད་པ་ནི་དགེ་སྦྱོང་གི་ཚུལ་མ་ཡིན་ཏེ། དེ་ལྟ་བས་ན་དགེ་སློང་མ་དག་གིས་ཆང་གི་ལས་མི་བྱའོ། །དགེ་སློང་མས་ཆང་གི་ལས་བྱེད་ན་ལྟུང་བ་སྦོམ་པོར་འགྱུར་རོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་སྦྱིན་པ་ལ་དགའ་བ་ཞིག་གནས་པ་དེ། དུས་གཞན་ཞིག་ན་ནད་ཀྱིས་ཐེབས་པར་གྱུར་ཏེ། དེའི་ལུས་ཀྱི་ཚེ་ཡོངས་སུ་འཆད་ཅིང་ཇི་ལྟར་བདག་ནི་འཆིའོ། །སྙམ་སྟེ། དེས་གང་ཅུང་ཟད་བདག་དབང་ཞིང ། ཁྱིམ་ན་ཡོད་པ་དེ་</font><hr>Da281b<br><font size=+2>


ཐམས་ཅད་དགེ་སྦྱོང་དང ། བྲམ་ཟེ་དང ། གཞན་ཡང་གྲོགས་པོ་དང ། མཛའ་བཤེས་དང ། ཉེ་དུ་དག་ལ་བྱིན་ཏེ། ཁྱིམ་གཅིག་པུ་ལུས་པ་སྦོམ་དགའ་མོས་ཐོས་ནས། དེ་རིངས་པར་སོང་སྟེ་བརྒྱུས་ནས་དེར་འོངས་ཏེ་ཕྱིན་པ་དང ། དེས་ཁྱིམ་བདག་དེ་ལ། ཁྱིམ་བདག་བུད་མེད་ནི་རྙེད་པ་ཉུང་བའོ། །ཞེས་མཚན་མ་ཞིག་ཉེ་བར་བསྟན་པ་དང ། ཁྱིམ་བདག་དེས་ཀྱང་རིག་ནས་སྨྲས་པ། འཕགས་མ་ཁྱོད་འཕྱི་སྟེ་འོངས་པས། གང་ཅུང་ཟད་ཅི་ཡོད་པ་དེ་ཐམས་ཅད་ངས་བྱིན་ཏེ་ཁྱིམ་གཅིག་པུ་ལས་མ་ལུས་པར་ཅུང་ཟད་སྦྱིན་དུ་ཡང་མེད་དོ། །དེས་སྨྲས་པ། ཁྱིམ་བདག་གླང་པོ་ཆེའི་སྣ་ལྟར་འཕང་བསྟོད་དོ། །ཁྱོད་ཀྱི་དྲུང་དུ་འོང་ན། ཇི་ལྟར་རེ་ཐག་ཆད་དེ་འགྲོ། །དེས་སྨྲས་པ། འཕགས་མ། ཁྱིམ་གཅིག་པུ་ལས་མ་ལུས། ཞེས་མ་སྨྲས་སམ། གལ་ཏེ་དེ་བཞེད་ན་ཁྱིམ་དེ་སྣོམས་ཤིག་།དེས་སྨྲས་པ། ཁྱིམ་བདག་།དེ་བཞིན་དུ་བླང་བར་བྱའོ། །ནད་མེད་པར་གྱུར་ཅིག་།ཅེས་སྨྲས་ནས་བྱུང་སྟེ་སོང་ངོ ། །ཇི་ཙམ་དུས་གཞན་ཞིག་ན། ཁྱིམ་བདག་དེ་དུས་ལས་འདས་ཏེ། དེའི་ཉེ་དུ་དག་གིས་རས་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་གིས་ཁྱོགས་བརྒྱན་ནས་དུར་ཁྲོད་དུ་ཁྱེར་ཏེ་སོང་ངོ། །ཇི་ལྟར་ཁྱིམ་བདག་དེ་དུས་ལས་འདས་པ་སྦོམ་དགའ་མོས་ཐོས་ནས། དེ་རིངས་པ་རིངས་པར་འོངས་ཏེ། དེས་དེའི་ཁྱིམ་དུ་སྒོ་བཅད་ནས་རྒྱས་བཏབ་སྟེ། དེ་ནས་ཕྱོགས་གཅིག་ཏུ་</font><hr>Da282a<br><font size=+2>


༄#། །གནས་ཏེ་འདུག་གོ། །ཇི་ཙམ་ན་དེ་དག་གིས་བསྲེགས་ཏེ་འོངས་ནས། དེ་དག་གིས་སྨྲས་པ། ཁྱིམ་འདི་སུས་རྒྱས་བཏབ། སྦོམ་དགའ་མོས་སྨྲས་པ། གང་དབང་བ་དེས་རྒྱས་བཏབ་བོ། །དེ་དག་གིས་སྨྲས་པ། སུ་ལ་བྱིན། དེས་སྨྲས་པ། སྦོམ་དགའ་མོ་བདག་ལའོ། །དེ་དག་གིས་སྨྲས་པ། འཕགས་མ། གལ་ཏེ་དེ་ལྟ་ན་འོན་ཀྱང་གླ་དབུལ་གྱི་འཇུག་གོ། དེས་སྨྲས་པ། སྦྱིན་ནམ། སྦྱིན་ནོ། །ཞེས་དེས་རྒྱ་བཅག་སྟེ་དེ་དག་ཞུགས་སོ། །ཞུགས་ཏེ་འཁོད་པ་དང ། དེར་བྲམ་ཟེ་དང ། ཁྱིམ་བདག་དག་འོངས་ཏེ། དེ་དག་ཏུ་འདུས་ནས་དགེ་སྦྱོང་ཤཱཀྱའི་བུའི་དགེ་སྦྱོང་རྣམས་ནི་ཚིག་པའོ། །ཚངས་པར་སྤྱོད་པ་ཚིག་པ་སྟེ། གང་གི་ཕྱིར་ད་ལྟར་ཁྱིམ་གླར་གཏོང་ཞིང་ལེན་པའོ། །ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག ། བྲམ་ཟེ་དང་ཁྱིམ་བདག་རྣམས་འཕྱ་བའི་གཞིར་གྱུར་གྱི། དེ་ལྟ་བས་ན་དགེ་སློང་མ་རྣམས་ཀྱིས་ཁྱིམ་གླར་གཏང་ཞིང་གླང་བར་མི་བྱའོ། །དགེ་སློང་མས་ཁྱིམ་གླར་གཏོང་ཞིང་ལེན་ན་འགལ་ཚབས་ཅན་འགྱུར་རོ། །མཉན་ཡོད་ན་ཚོང་པ་སྦྱིན་པ་ལ་དགའ་བ་གཞན་ཞིག་གནས་པ་དེ། དུས་གཞན་ཞིག་ན་ནད་ཀྱིས་ཐེབས་པ་གྱུར་ཏེ། དེའི་ལུས་ཀྱི་ཚེ་ཡོངས་སུ་</font><hr>Da282b<br><font size=+2>


འཆད་ཅིང་ཇི་ལྟར་བདག་ནི་འཆིའོ། །སྙམ་སྟེ། དེས་གང་ཅུང་ཟད་བདག་དབང་ཞིང ། ཁྱིམ་ན་ཡོད་པ་དེ་ཐམས་ཅད་དགེ་སྦྱོང་དང ། བྲམ་ཟེ་དང ། གཞན་ཡང་གྲོགས་པོ་དང ། མཛའ་བཤེས་དང ། ཉེ་དུ་དག་ལ་བྱིན་ཏེ། ཚོང་ཁང་གཅིག་པུ་ལུས་པ་སྦོམ་དགའ་མོས་ཐོས་ནས། དེ་རིངས་པ་རིངས་པར་སོང་སྟེ་རྒྱུ་ཞིང་དེར་འོངས་ཏེ་སོན་ནས། ཚོང་པ་དེ་ལ་སྦྱིན་བདག་བུད་མེད་ནི་རྙེད་པ་ཉུང་བའོ། །ཞེས་མཚན་མ་ཞིག་ཉེ་བར་བསྟན་པ་དང ། ཁྱིམ་བདག་དེས་ཀྱང་རིག་ནས་སྨྲས་པ། འཕགས་མ་ཁྱོད་འཕྱིས་ཏེ་འོངས་པས། གང་ཅུང་ཟད་ཅི་ཡོད་པ་དེ་ཐམས་ཅད་ངས་བྱིན་ཏེ། ཚོང་ཁང་གཅིག་པུ་ལས་མ་ལུས་པས་ཅུང་ཟད་ཀྱང་སྦྱིན་དུ་མེད་དོ། །དེས་སྨྲས་པ། སྦྱིན་བདག་གླང་པོ་ཆེའི་སྣ་ལྟར་འཕང་བསྟོད་དེ་ཁྱོད་ཀྱི་དྲུང་དུ་འོངས་ན། ཇི་ལྟར་རེ་ཐག་ཆད་དེ་འགྲོ། དེས་སྨྲས་པ། འཕགས་མ་ཚོང་ཁང་གཅིག་པུ་ལས་མ་ལུས་སོ། །ཞེས་མ་སྨྲས་སམ། གལ་ཏེ་དེ་བཞིན་ན་ཁྱིམ་དེ་སྣོམས་ཤིག་།དེས་སྨྲས་པ། ཁྱིམ་བདག ། དེ་བཞིན་དུ་བླང་བར་བྱའོ། །ནད་མེད་པར་གྱུར་ཅིག་།ཅེས་སྨྲས་ནས་བྱུང་སྟེ་སོང་ངོ ། །ཇི་ཙམ་དུས་གཞན་ཞིག་ན་ཁྱིམ་བདག་དེ་དུས་ལས་འདས་ཏེ། དེའི་ཉེ་དུ་རྣམས་ཀྱིས་རས་སྔོན་པོ་དང།་སེར་པོ་དང ། དམར་པོ་དང ། དཀར་པོ་དག་གིས་ཀྱང་ཁྱོགས་བརྒྱན་ཏེ་དུར་ཁྲོད་དུ་ཁྱེར་རོ། །སྦོམ་དགའ་མོས་ཁྱིམ་བདག་དེ་ཇི་ལྟར་དུས་ལས་འདས་པ་ཐོས་ནས། དེ་རིངས་པ་རིངས་</font><hr>Da283a<br><font size=+2>


༄#། །པར་སོང་སྟེ། དེས་དེའི་ཚོང་ཁང་གི་སྒོ་བཅད་དེ་རྒྱས་བཏབ་ནས། དེ་ནས་ཕྱོགས་གཅིག་ཏུ་སོང་སྟེ་འདུག་གོ། ཇི་ཙམ་ན་བསྲེགས་ཏེ་སླར་ལོག་ནས། གྲོགས་པོ་དང ། མཛའ་བཤེས་དང ། ཉེ་དུ་དག་ལྷན་ཅིག་མྱ་ངན་སངས་ནས་ཅུང་ཟད་ཅིག་འདུག་པ་དང ། སྐྱེས་བུ་གཞན་ཞིག་ཚོང་འདུས་སུ་འགྲོ་བར་བྱས་ཏེ། དེ་ཁྱིམ་དུ་ཕྱིན་ནས། དེས་དེ་དག་ལ་ཚོང་ཁང་ནི་སྦོམ་དགའ་མོས་རྒྱས་བཏབ་བོ། །ཞེས་སྨྲས་པ་དེ་དག་གིས་ཐོས་ནས་རིངས་པ་རིངས་པར་སོང་སྟེ། སྨྲས་པ། ཚོང་ཁང་འདི་སུས་རྒྱས་བཏབ། སྦོམ་དགའ་མོས་སྨྲས་པ།་གང་ལ་བྱིན་པ་དེས་རྒྱས་བཏབ་བོ། །དེ་དག་གིས་སྨྲས་པ། སུ་ལ་བྱིན། དེས་སྨྲས་པ། སྦོམ་དགའ་མོ་བདག་ལའོ། །དེ་དག་གིས་སྨྲས་པ། འཕགས་མ། གལ་ཏེ་དེ་ལྟ་ན་འོན་ཀྱང་གླ་དབུལ་གྱི། བདག་ཅག་གི་ཟོང་དགྲམ་མོ། །དེས་སྨྲས་པ། སྦྱིན་ནམ། སྦྱིན་ནོ། །ཞེས་དེ་དག་གིས་རྒྱ་བཅག་སྟེ་དེར་དེ་བཀྲམ་མོ། །དེ་དག་ཏུ་བྲམ་ཟེ་དང་ཁྱིམ་བདག་དག་ཉེ་བར་ལྷགས་ཏེ་འདུས་ནས། དགེ་སྦྱོང་ཤཱཀྱའི་དགེ་སློང་རྣམས་ནི་ཚིག་པའོ། །ཚངས་པར་སྤྱོད་པ་ནི་ཚིག་པ་སྟེ། གང་གི་ཕྱིར་ད་ལྟར་ཚོང་ཁང་གླར་གཏོང་ཞིང་ལེན་ཏོ། །ཞེས་དེ་དག་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་</font><hr>Da283b<br><font size=+2>


སློང་དག་།བྲམ་ཟེ་དང་ཁྱིམ་བདག་རྣམས་འཕྱ་བའི་གཞིར་གྱུར་གྱི། དེ་ལྟ་བས་ན་དགེ་སློང་མ་རྣམས་ཀྱིས་ཚོང་ཁང་གླར་གཏང་ཞིང་བླང་བར་མི་བྱའོ། །དགེ་སློང་མས་ཚོང་ཁང་གླར་གཏོང་ཞིང་ལེན་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །སྦོམ་དགའ་མོ་སྔ་དྲོ་ཤམ་ཐབས་བགོས། ཆོས་གོས་དང་ལྷུང་བཟེད་ཐོགས་ཏེ། མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་དང ། ལྟས་མ་མོ་ཞིག་དྲིལ་བུ་ཐོགས་ཏེ་འགྲོ་བ་དེས་མཐོང་སྟེ། དེས་བསམས་པ། ཐབས་དེ་ནི་བཟང་པོ་ཞིག་སྟེ། བདག་གིས་ཀྱང་བྱའོ། །སྙམ་ནས། དེས་དྲིལ་བུ་ཉེ་བར་བསྒྲུབས་ཏེ། དེ་ནས་ཕྱི་དེ་ཉིན་པར་དྲིལ་བུ་ཁྱེར་ཏེ་མཉན་ཡོད་དུ་ཞུགས་ནས། ཁྱེའུ་དང་བུ་མོ་ཁྲུས་བྱ་བར་བརྩམས་ནས། བདུག་སྤོས་ལ་བསྣམས་ཤིང ། དྲིལ་བུ་དཀྲོལ་ནས་ལུང་བསྟན་ཏོ། ། དེས་གང་དང་གང་གི་ཁྱེའུ་དང་བུ་མོ་ཁྲུས་བྱས་པ་དེ་གནམ་བབས་སུ་བདེ་ལེགས་སུ་གྱུར་ཅིང ། དེས་ལུང་བསྟན་པ་ཡང་དེ་བཞིན་དུ་གྱུར་ཏོ། །སྦོམ་དགའ་མོ་ལ་མཉན་ཡོད་ན་རྒྱས་པར་དངོས་གྲུབ་ཐོབ་པར་གྱུར་ཏོ། །ཞེས་གང་དང་གང་དུ་ལྟས་མ་མོ་དགོས་པར་གྱུར་བ་དང ། སྦོམ་དགའ་མོ་དེའི་དྲུང་དུ་འོངས་ཏེ་དྲི་ཞིང ། ལྟས་མ་མོ་ལ་ནི་སུ་ཡང་མི་འདྲི་ནས། དེ་ཆེད་དུ་བྲམ་ཟེ་དང ། ཁྱིམ་བདག་གི་དྲུང་དུ་ཉེ་བར་སོང་སྟེ། སྨྲས་པ། གཏོར་མ་དང་ལུང་བསྟན་པར་བྱའོ། ཞེས་གང་དང་གང་གི་ཁྱིམ་དུ་ཉེ་བར་སོང་བ་དང ། དེ་དང་དེ་དག་གིས་སྨྲས་པ། བདག་ཅག་གི་གཏོར་མ་</font><hr>Da284a<br><font size=+2>


༄#། །དང་ལུང་བསྟན་པ་བྱས་ཟིན་ཏོ། །སུས་ལུང་བསྟན། དེ་དག་གིས། འཕགས་མ་སྦོམ་དགའ་མོས་སོ། །ཞེས་སྨྲས་པ་དང ། དགེ་སྦྱོང་ཤཱཀྱའི་བུའི་དགེ་སྦྱོང་རྣམས་ནི་ཚིག་པའོ། །ཚངས་པར་སྤྱོད་པ་ནི་ཚིག་པ་སྟེ། གང་གི་ཕྱིར་ད་ལྟར་གཞན་དག་གི་འཚོ་བ་འཕྲོགས་པའོ། །ཞེས་དེ་དག་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཡིན་པ་དེ་ནི། དགེ་སློང་མས་ལྷའི་གཟུགས་བཅངས་པ་ལས་གྱུར་ཏེ། དེ་ལྟ་བས་ན། དགེ་སློང་མས་ལྷའི་གཟུགས་བཅང་བར་མི་བྱ་བར་མཁྱེན་ནས་བཀའ་སྩལ་པ། དགེ་སློང་དག་ལྟས་མ་མོ་དེ་དག་འཕྱ་བའི་གཞི་ནི། སྦོམ་དགའ་མོའི་ཚུལ་བཞིན་མ་ཡིན་པའི་སྤྱོད་པ་སྟེ། ཉེས་དམིགས་གང་ཡིན་པ་ནི་དགེ་སློང་མས་ལྷའི་གཟུགས་འཆང་བ་ཡིན་པས་ན། དགེ་སློང་མ་རྣམས་ཀྱིས་ལྷའི་གཟུགས་བཅང་བར་མི་བྱའོ། །དགེ་སློང་མས་ལྷའི་གཟུགས་བཅངས་ན་འགལ་ཚབས་ཅན་དུ་འགྱུར་རོ། །སྡོམ་ནི། བུད་མེད་ཆུ་འགྲམ་ཕྱེ་མས་མིན། རྒྱུན་ལ་བཙལ་བར་མི་བྱ་དང ། །ལྷུང་བཟེད་ལྷན་པ་གཉིས་པ་དང། །མཆིང་བུའི་སྣོད་ནི་མི་བཅང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་</font><hr>Da284b<br><font size=+2>


ན་བུད་མེད་ཅིག་ཆུ་བོ་ཨ་ཛི་ར་བི་ཏའི་བུད་མེད་ཀྱི་ཁྲུས་སའི་འགྲམ་ན་སྐྲ་འཆད་ཅིང་འདུག་པ་དང ། ཇི་ཙམ་ན་སྦོམ་དགའ་མོ་ཁྲུས་བྱེད་པར་འདོད་དེ། ཁྲུས་ཀྱི་ཕྱེ་མ་ཁྱེར་ནས། ཆུ་བོ་ཨ་ཛ་རི་བ་ཏིར་སོང་ངོ ། །དེས་བུད་མེད་དེ་སྐྲ་འཆད་བརྒྱང་མ་ནས་མཐོང་སྟེ། མཐོང་ནས་ཀྱང་ཕྲག་དོག་གི་ཀུན་ནས་དཀྲིས་པས་དཀྲིས་ཏེ་བསམས་པ། འདི་ལྟར་བུ་ཟན་མོའི་བུ་མོས་བདག་ལ་འགྲན་ཏེ། སྐྲ་འཆད་ཅིང་འདུག་པ་ཇི་ལྟར་སེམས། ཅི་སྦོམ་དགའ་མོ་སྔོན་སྐྲ་ཡོད་མ་མྱོང་ངམ། དེ་མི་དགའ་བར་འགྱུར་བ་དང ། དེ་བཞིན་དུ་ཕྱིས་ཀྱང་བདག་མཐོང་ནས་སྐྲས་འགྲན་པར་མི་འགྱུར་བར་བྱའོ། སྙམ་སྟེ། དེས་དེའི་ཕྱི་བཞིན་དུ་སོང་སྟེ། སྐྱུ་རུ་རའི་ཕྱེ་མས་སྐྲ་ལ་གཏོར་ཏོ། །དེས་སྨྲས་པ། འཕགས་མ། བདག་གིས་ཁྱོད་ལ་ཉེས་པ་ཅི་ཞིག་བྱས་ན། ཁྲུས་བྱས་ཟིན་པ་ལ་སྐྱུ་རུ་རུའི་ཕྱེ་མས་མགོ་ལ་གཏོར། །བུ་ཟན་མོ་ཅི་མི་ཤེས་སམ། སྦོམ་དགའ་མོ་ལ་ཅི་དེ་འདྲ་བའི་སྐྲ་ཡོད་སྔོན་མ་མྱོང་ངམ། དེ་བས་ན་ཁྱོད་ལ་གཙེའོ། །ཁྱོད་སོང་ལ་ཁྲུས་བྱས།་ཅི་ངས་ཁྱོད་ཀྱི་སྐྲ་ལ་མི་གཙང་བ་སྣ་ཚོགས་ཀྱིས་མ་རུངས་པར་བྱས་སམ། དེ་འཕྱ་བར་བརྩམས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བུད་མེད་འཕྱ་བའི་གཞིར་གྱུར་གྱི། དེ་བས་ན་དགེ་སློང་མ་རྣམས་ཀྱིས་བུད་མེད་ཁྲུས་བྱས་ཟིན་པ་ལ་ཡང་ཁྲུས་ཀྱི་ཕྱེ་མ་མགོ་ལ་</font><hr>Da285a<br><font size=+2>


༄#། །གཏོར་བར་མི་བྱའོ། །དགེ་སློང་མས་བུད་མེད་ཁྲུས་བྱས་པ་ལ་ཁྲུས་ཀྱི་ཕྱེ་མ་མགོ་ལ་གཏོར་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །སྦོམ་དགའ་མོ་ཁྲུས་བྱ་བར་འདོད་དེ། དགེ་སློང་མ་དག་དང་ལྷན་ཅིག་ཨ་ཛི་ར་བ་ཏིར་སོང་ནས། དེ་དག་དེར་ཆུའི་བཟློག་ཕྱོགས་སུ་འདུག་སྟེ་རེག་པས་དགའ་བར་བྱེད་དོ། ། དེ་དག་ལ་དགེ་སློང་མ་རྣམས་ཀྱིས་སྨྲས་པ། འཕགས་མ་དག་།ཅི་བྱེད། དེ་དག་གིས་སྨྲས་པ། ཆེ་ཞེ། རེག་པས་དགའ་བར་བྱེད་དོ། །དེ་དག་གིས་སྨྲས་པ། འཕགས་མ་དག ། ཆུའི་བཟློག་ཕྱོགས་སུ་འདུག་སྟེ། རེག་པས་དགའ་བར་བྱར་རུང་ངམ། དེ་དག་གིས་སྨྲས་པ། ལེགས་པར་རུང་ངོ ། །ཤིན་ཏུ་རུང་ངོ ། །སུས་མ་གནང ། གང་དུ་མ་གནང ། ཞེས་པ་དེའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་མ་རྣམས་འཕྱ་བའི་གཞིར་གྱུར་གྱི། དེ་ལྟ་བས་ན། དགེ་སློང་མ་རྣམས་ཀྱིས་ཆུའི་བཟློག་ཕྱོགས་སུ་འདུག་སྟེ། རེག་པས་དགའ་བར་མི་བྱའོ། །དགེ་སློང་མས་ཆུའི་བཟློག་ཕྱོགས་སུ་འདུག་སྟེ་རེག་པས་དགའ་བར་བྱེད་ན། ལྟུང་བ་སྦོམ་པོར་འགྱུར་རོ། །གླེང་གཞི་ནི་མཉན་ཡོད་ནའོ། །དགེ་སློང་མ་རྣམས་ཀྱིས་ལྷུང་བཟེད་གར་བབ་བབ་ཏུ་བཞག་པ་དང ། དེ་སྲིལ་གྱིས་</font><hr>Da285b<br><font size=+2>


ཀྱང་ཟོས། བོང་བ་དང ། དབྱུག་པ་དག་ལྟུང་བས་ཀྱང་ཕོག་གོ། ཞེས་པ་དེའི་སྐབས་དགེ་སློང་མ་རྣམས་ཀྱིས་དགེ་སློང་རྣམས་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལའོ། ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་མ་རྣམས་འཕྱ་བའི་གཞིར་གྱུར་གྱི། དེ་ལྟ་བས་ན་དགེ་སློང་མ་རྣམས་ཀྱིས་ལྷུང་བཞེད་གར་བབ་བབ་ཏུ་གཞག་པར་མི་བྱའོ། །འོན་ཀྱང་ལྷུང་བཟེད་ཞ་ཉེའི་དབྱར་འདབ་ཀྱིས་གླན་པར་བྱའོ། །བཅོམ་ལྡན་འདས་ཀྱིས་ལྷུང་བཟེད་ཞ་ཉེའི་དབྱར་འདབ་ཀྱིས་གླན་པར་བྱའོ། །ཞེས་གསུངས་པ་དང ། དེ་དག་གིས་ལྷུང་བཟེད་ཐམས་ཅད་ཞ་ཉེས་དཀྲིས་པ་བྲམ་ཟེ་དང ། ཁྱིམ་བདག་དག་གིས་མཐོང་སྟེ། ཨེ་མའོ། །འཕགས་མ་དག་ཅི་ཡིན། ཞེས་དྲིས་པ་དང ། དེ་དག་གིས་སྨྲས་པ། ཤེས་ལྡན་དག་།བཅོམ་ལྡན་འདས་ཀྱིས་རྗེས་སུ་གནང་ངོ ། །དེ་དག་གིས་སྨྲས་པ། འཕགས་མ། ཨེ་མའོ། །བཅོམ་ལྡན་འདས་ཀྱིས་ལྷུང་བཟེད་ཐམས་ཅད་ཞ་ཉེས་གཡོགས་ཤིག ། ཅེས་དེ་སྐད་གསུང་ངམ། བྱུང་རྒྱལ་དུ་མ་ཟེར། དགེ་སྦྱོང་ཁྱེད་ཅག་འདོད་པའི་ཡོན་ཏན་ལ་ཆགས་སམ་ཅི་།ཞེས་བྱ་བ་དང ། དེ་དག་སྦོབས་པ་མེད་དེ་ཅང་མི་སྨྲ་བར་འདུག་པ་དེའི་སྐབས་དགེ་སློང་རྣམས་ཀྱིས་ཐོས་ཏེ། བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བྲམ་ཟེ་དང་ཁྱིམ་བདག་འཕྱ་བའི་གཞིར་གྱུར་གྱི་</font><hr>Da286a<br><font size=+2>


༄#། །དེ་ལྟ་བས་ན་དེ་བཞིན་དུ་ལྷུང་བཟེད་ཐམས་ཅད་ཞ་ཉེས་དཀྲི་བར་མི་བྱའོ། །འོན་ཀྱང་ཞབས་ཉི་ཚེ་ཞ་ཉེས་དེ་བཞིན་དུ་དཀྲི་བར་བྱའོ། །ཞེས་པ་དང ། དེ་དག་གིས་རིའི་རྩེ་མོ་འདྲ་བ་དང ། ར་བའི་ཅོག་འདྲ་བར་དཀྲིས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་ཀྱི་ཞབས་ཀྱི་ལྷན་པ་གཉིས་ཏེ། བྱང་ཆུབ་ཀྱི་ཤིང་གི་ལོ་མ་འདྲ་བར་བྱ་བ་དང ། ལག་མཐིལ་འདྲ་བའི་ལོ་མས་དཀྲི་བར་བྱའོ། །གླེང་གཞི་ནི་མཉན་ཡོད་ནའོ། །སྦོམ་དགའ་མོ་ལ་མཆིང་བུའི་བུམ་བུ་ཞིག་ཡོད་དོ། །ཇི་ཙམ་ན་བུད་མེད་གཞན་ཞིག་གི་མག་པ་ཞིག་འོངས་པ་དང ། དེ་སྦོམ་དགའ་མོའི་དྲུང་དུ་ཉེ་བར་སོང་སྟེ། སྨྲས་པ། འཕགས་མ་མཆིང་བུའི་བུ་མ་བུ་རེ་ཞིག་ཅུང་ཟད་ཅིག་གཡར་རོ། །དེས་སྨྲས་པ། དེས་ཅི་བྱ། དེས་འཕགས་མ་བདག་གི་མག་པ་ཞིག་མཆིས་ཏེ། དེའི་བཏུང་བའི་སྣོད་མ་མཆིས་སོ། །ཞེས་སྨྲས་ནས། དེས་དེ་ལ་བྱིན་པ་དང ། བག་མེད་པས་ཆག་གོ་།ཅི་ཙམ་དུས་གཞན་ཞིག་ན། སྦོམ་དགའ་མོས་བླང་བར་བརྩམས་པ་དང ། དེས་སྨྲས་པ། འཕགས་མ། དེ་བག་དང་མ་ལྡན་ཏེ་ཆག་པར་གྱུར་གྱི། རིན་དབུལ་ལོ། །སྦོམ་དགའ་མོས་སྨྲས་པ། ཕུ་ནུ་མོ། ང་ལ་རིན་མི་དགོས་ཀྱི་དེ་ཉིད་བྱིན་ཅིག་།དེས་སྨྲས་པ། འཕགས་མ་གཞན་ཞིག་བགྱིས་ལ་དབུལ་ལོ། །དེས་སྨྲས་པ། དེ་ཉིད་བྱིན་ཅིག་།ཅེས་བྱས་པ་དང ། དེ་དག་ཕན་ཚུན་རྩོད་པར་གྱུར་ཏེ། </font><hr>Da286b<br><font size=+2>


དེའི་སྐབས་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཡིན་པ་ནི། དགེ་སློང་མས་མཆིང་བུའི་བུམ་བུ་བཅངས་པ་ཡིན་ཏེ། དེ་ལྟ་བས་ན་དགེ་སློང་མ་དག་གིས་མཆིང་བུའི་བུམ་བུ་བཅང་བར་མི་བྱ་བར་མཁྱེན་ནས་བཀའ་སྩལ་པ། དགེ་སློང་དག། མཆིང་བུའི་བུམ་བུའི་རྒྱུས་སྦོམ་དགའ་མོ་འཐབ་མོ་བྱེད་པར་གྱུར་གྱི། དེ་ལྟ་བས་ན་དགེ་སློང་མ་རྣམས་ཀྱིས་མཆིང་བུའི་བུམ་བུ་བཅང་བར་མི་བྱའོ། །དགེ་སློང་མས་མཆིང་བུའི་བུམ་བུ་བཅངས་ན་འགལ་ཚབས་ཅན་དུ་འགྱུར་རོ། །སྡོམ་ནི། བུད་མེད་གར་དང་འབྲེལ་བ་དང ། །གནས་བརྟན་གྱིས་ཀྱང་ཆོས་བཤད་དང ། ཡང་ན་གཞན་ལ་གསོལ་བ་གདབ། །བཞི་པོ་དག་གིས་བསྐོར་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་གནས་པ་དེའི་མནའ་མ་ལ། ཁྱེའུ་ཞིག་བཙས་པར་གྱུར་ཏོ། །དེ་བཙས་པ་ལ་ལྟ་བར་ཡིད་དགའ་ནས། ཉེ་དུ་དང ། གཉེན་འདབ་དང ། སྐྱེ་བོ་དག་འོངས་ཏེ་མཚན་ཐོག་ཐག་གར་བྱས་ནས། དེ་ནས་ཁྱིམ་བདག་དེ་འཁོར་གྱི་སྐྱེ་བོ་དང་རིང་ཞིག་རྩེས་ནས། ནམ་ནངས་པ་དང་གཉིད་ལོག་པར་གྱུར་ཏོ། །དེའི་ཆུང་མ་ཡང་གཉིད་ཀྱིས་མྱོས་པར་གྱུར་ན། དེའི་</font><hr>Da287a<br><font size=+2>


༄#། །རྨི་ལམ་ན་བདག་དང་ཁྱོར་ལྷན་ཅིག་ཉལ་བར་རྨིས་ཤིང ། དེའི་མི་གཙང་བ་ཡང་བྱུང ། དེའི་གོས་དང ། དེའི་སྨད་གཡོགས་ཀྱང་སྙིལ་ནས་ས་ལ་ལྷུང་ཞིང་འདུག་པ་དག་དང ། བསོད་སྙོམས་པ་ཞིག་གནམ་བབས་སུ་ནང་པར་སྔར་ལངས་ཏེ། བསོད་སྙོམས་ལ་རྒྱུ་ཞིང་ཁྱིམ་དེར་སོང་བ་དང ། དེའི་ཁྱིམ་སྒོ་མང་པོ་ཞིག་སྟེ། དེ་སྒོ་ཁང་དང་པོར་སོང་སྟེ་བལྟས་ན་སྟོང་ངོ ། །དེ་བཞིན་དུ་གཉིས་པ་དང ། གསུམ་པ་སོང་ན་དེ་ཡང་སྟོང་སྟེ། ཇི་ཙམ་བཞི་པར་སོང་སྟེ་བལྟས་པ་དང ། ཁྱིམ་བདག་དེའི་ཆུང་མ་དེ་བཞིན་དུ་ཚུལ་མི་སྡུག་པར་འདུག་སྟེ། དེ་སྐྲག་ནས་མོད་ལ་འབྲོས་པར་བརྩམས་པ་དང ། དེའི་དྲན་པ་ཉམས་པར་གྱུར་པས་དེ་གར་འགྲོ་ཆ་མེད་དེ། ཇི་ཙམ་ཕན་ཚུན་སོང་བ་དང ། ། ཁྱིམ་བདག་དེའི་མལ་ཁང་དུ་སོང་ངོ ། །དེ་མལ་ན་རྡེག་འཆོས་པ་དང ། ཁྱིམ་བདག་དེ་སད་དེ། བསོད་སྙོམས་པ་ཞིག་མཐོང་ནས། དེས་དགེ་སློང་ཁྱོད་གང་ནས་འདིར་འོངས། ཞེས་དྲིས་པ་དང ། བསོད་སྙོམས་པ་དེ་འདར་ཞིང་སྤ་གོང་ནས་ལན་སྦྱིན་ཡང་མ་ནུས་སོ། །ཇི་ཙམ་ན་ཁྱིམ་བདག་མལ་ཁང་ནས་བྱུང་ནས། ཆུང་མ་ཚུལ་མི་སྡུག་པ་མཐོང་སྟེ། དེས་བསམས་པ། མ་ལ་དགེ་སློང་མི་སྲུན་པ་འདིས་བདག་གི་ཆུང་མ་ལ་ཡོངས་སུ་སྤྱད་དོ། །སྙམ་སྟེ། དེས་ལུས་ལ་བྱེ་བྲག་མེད་པར་ལྟག་དབྱུག་དང ། ཐལ་ལྕག་དང ། རྡོག་པ་དང ། ཁུ་</font><hr>Da287b<br><font size=+2>


ཚུར་དག་གི་སྦྱོར་བས་རྡེག་པ་ལ་ཞུགས་པའི་སྒྲ་ཅ་ཅོས་དེའི་ཆུང་མ་སད་དེ། དེས་སྨྲས་པ། རྗེའི་སྲས་ཅིའི་སླད་དུ་དགེ་སློང་འདི་དེ་བཞིན་དུ་བརྡེག་།དེས་སྨྲས་པ། ཁྱོད་གཉིད་ཀྱིས་ལོག་སྟེ་མྱོས་པ་ལ། མགོ་རེག་མི་སྲུན་པ་འདིས་ཡོངས་སུ་སྤྱད་དོ། །དེས་སྨྲས་པ། རྗེའི་སྲས། སྡིག་པ་ཞི་བར་གྱུར་ཅིག་།རབ་ཏུ་བྱུང་བ་འདིས་འདི་ལྟ་བུའི་ལས་མ་བགྱིས་མོད་ཀྱི། བདག་གཉིད་ཀྱིས་ལོག་སྟེ། མྱོས་པའི་རྨི་ལམ་འདི་ལྟ་བུ་ཞིག་རྨིས་ཏེ། ཁྱོད་དང་བདག་གཉིས་ཡོངས་སུ་སྤྱོད་ཅིང ། སྨད་གཡོགས་ཀྱང་ཀུན་ཏུ་སྙིལ་ནས་ས་ལ་ལྷུང་སྟེ། རབ་ཏུ་བྱུང་བ་འདིས་མ་ནོངས་ཀྱི་ཐོང་ཞིག་།དེས་དེའི་མགོ་དང ། ལྷུང་བཟེད་ཀྱང་བཅག་།ཆོས་གོས་ཀྱང་དྲལ་ནས། དེ་དེ་བཞིན་དུ་ཚུལ་མི་སྡུག་པར་མིག་མཆི་མས་གང་ཞིང ། རང་གི་ལས་ལ་དམིགས་ནས་རྒྱལ་བྱེད་ཀྱི་ཚལ་དུ་སོང་བ་དང ། དེ་དགེ་སློང་དག་གིས་མཐོང་སྟེ། ཚེ་དང་ལྡན་པ་ཅི་འདི་འདྲ་བའི་གནས་སུ་སུས་བཞག་།ཅེས་དྲིས་པ་དང ། དེས་ཇི་ལྟར་གྱུར་པ་རྒྱས་པར་སྨྲས་པ་དང ། དེའི་སྐབས་དགེ་སློང་དག་གིས། བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཡིན་པ་ནི། དགེ་སློང་དག་།ཁྱིམ་གྱི་སྒོ་མང་པོར་བབ་བབ་ཏུ་འགྲོ་བ་ཡིན་ཏེ། དེ་ལྟ་བས་ན་དགེ་སློང་དག་གིས་ཁྱིམ་གྱི་སྒོ་མང་པོར་བབ་བབ་ཏུ་འགྲོ་བར་མི་བྱ་བར་མཁྱེན་ནས་བཀའ་སྩལ་པ། དགེ་སློང་དག་།དེ་ལྟ་བས་ན། དེའི་ཕྱིར་དགེ་སློང་</font><hr>Da288a<br><font size=+2>


༄#། །དག་གིས་ཁྱིམ་གྱི་སྒོ་མང་པོར་བབ་བབ་ཏུ་འགྲོ་བར་མི་བྱའོ། །འོན་ཀྱང་སྔར་ཁྱིམ་གཞན་དུ་སོང་སྟེ། ཕྱིས་ཁྱིམ་གྱི་སྒོ་མང་པོར་ཕྱེ་དང་ཚོད་མ་དག་སྔར་མཚན་མར་སྒོ་དྲུང་དུ་བཞག་སྟེ་འཇུག་པར་བྱའོ། །བཅོམ་ལྡན་འདས་ཀྱིས་ཕྱེ་དང་ཚོད་མ་སྒོ་དྲུང་དུ་མཚན་མ་བཞག་སྟེ་ཁྱིམ་གྱི་སྒོ་མང་པོར་འགྲོ་བར་བྱའོ། །ཞེས་གསུངས་པ་དང ། དགེ་སློང་དག་གིས་སྒོ་དྲུང་དུ་མཚན་མ་བཞག་སྟེ་མ་སྦྲན་པར་སོང་བ་དང ། སྐྱེས་པ་བུད་མེད་ཡིད་གཅུགས་པ་དག་།སྨད་གཡོགས་དང ། སྟོད་གཡོགས་དག་ལ་ཤིག་དང ། མང་ཀུན་དག་ཐུ། ལུས་དག་འཕྱ་ཞིང་འདུག་པའི་བུད་མེད་ཀྱིས་དེ་མཐོང་སྟེ་བརྟབས་ནས། ཤིན་ཏུ་སྒྲེན་མོ་དང ། སྒྲེན་ཅེར་དུ་གྱུར་ཏེ། དེ་དག་འཕྱ་བའི་སྐབས་ད་དག་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།བུད་མེད་རྣམས་འཕྱ་བའི་གཞིར་གྱུར་གྱི། དེ་ལྟ་བས་ན་དགེ་སློང་རྣམས་ཀྱིས་དེ་བཞིན་དུ་གློ་བུར་དུ་འགྲོ་བར་མི་བྱའོ། །འོན་ཀྱང་སྒྲ་བྱས་ཏེ་ནང་དུ་འགྲོ་བར་བྱའོ། །བཅོམ་ལྡན་འདས་ཀྱིས་སྒྲ་བྱས་ཏེ་འགྲོ་བར་བྱའོ། །ཞེས་གསུངས་པ་དང ། དེ་དག་གི་ཨ་ལ་ལ་ཞེས་བྱས་ནས་སོང་བ་དང ། ནང་མི་དག་གིས་སྨྲས་པ། འཕགས་པ་ཁྱེད་ཅག་ཅི། ཁྱེའུ་བྱིས་པ་བཞིན་དུ་ཨ་ལ་ལ་ཞེས་ཟེར་ཞིང་འོང་ངམ། དེ་དག་</font><hr>Da288b<br><font size=+2>


གིས་སྨྲས་པ། སྲིང་མོ། བཅོམ་ལྡན་འདས་ཀྱིས་སྒྲ་བྱོས་ལ་སོང་ཞིག་།ཅེས་བཀའ་སྩལ་ཏེ། ངེད་ཚིག་སྨྲས་ནས་འོང་ངོ ། །དེ་དག་གིས་སྨྲས་པ། འཕགས་པ་ཁྱེད་སྒྲའི་ཐབས་གཞན་མེད་དམ་ཅི་ན། ཁྱེད་ཅག་དེ་བཞིན་དུ་འོང ། དེ་དག་སྤོབས་པ་མེད་དེ་ཅང་མི་སྨྲ་བར་འདུག་པ་དང ། དེའི་སྐབས་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་ཨ་ལ་ལ་ཞེས་ཟེར་ཞིང་ཁྱིམ་དུ་འགྲོ་བར་མི་བྱའོ། །འོན་ཀྱང་སྒྲ་གཞན་བྱའོ། །བཅོམ་ལྡན་འདས་ཀྱིས་སྒྲ་གཞན་བྱའོ། །ཞེས་གསུངས་པ་དང ། དེ་དག་འགྲོ་བའི་ཚེ་སྒོ་འཕར་ལ་བརྡུངས་པ་དང ། ནང་མི་དག་གིས་སྨྲས་པ། འཕགས་པ་ཅི་སྟེ་སྒོ་འཕར་ལ་བརྡེག་།དེ་དག་གིས་སྨྲས་པ། སྒྲ་བྱེད་དོ། །ཅི་ཁྱོད་ཅག་གིས་སྒོ་འཕར་གཅག་གམ། །ཞེས་པ་དང ། དེ་དག་སྤོབས་པ་མེད་དེ། ཅང་མི་སྨྲ་བར་འདུག་པ་དང ། དེའི་སྐབས་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྒོ་འཕར་ལ་བརྡེག་པར་མི་བྱའོ། །འོན་ཀྱང་དབྱུག་པས་སྒྲ་དབྱུང་བར་བྱའོ། །དགེ་སློང་དག་གིས་སྒྲ་དབྱུང་བའི་དབྱུག་པ་དེ་ཅི་འདྲ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། འཁར་གསིལ་བཅང་བར་བྱ་སྟེ། དེས་སྒྲ་བྱས་ནས་འཇུག་པར་བྱའོ། །བཅོམ་ལྡན་འདས་ཀྱིས་འཁར་གསིལ་གྱིས་</font><hr>Da289a<br><font size=+2>


༄#། །སྒྲ་བྱས་ཏེ་འཇུག་པར་བྱའོ། །ཞེས་གསུངས་ནས། དགེ་སློང་དག་གིས་འཁར་གསིལ་གྱིས་སྒྲ་བྱས་ནས་སོང་བ་དང ། དེ་དག་ལ་ཁྱི་དག་གིས་གནོད་པར་བྱས་པ་དང ། ཁ་ཅིག་གིས་མ་བརྟགས་པར་འཁར་གསིལ་གྱིས་མང་དུ་བརྡེག་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལ་འཁར་གསིལ་གྱིས་བརྡེག་པར་ནི་མི་བྱ་མོད་ཀྱི། བསྡིགས་པར་ནི་བྱའོ། །ཁྱི་ཁ་ཅིག་ལ་བསྡིགས་པ་དང ། སླར་ཤིན་ཏུ་ཟ་བར་གྱུར་ཏེ། བཅོམ་ལྡན་འདས་ཀྱིས་བཀའ་སྩལ་པ། དེ་ལ་བསོད་སྙོམས་ལས་ཁམ་གཅིག་ཙམ་སྦྱིན་པར་བྱའོ། །མ་དད་པ་གཞན་ཞིག་གི་ཁྱིམ་དུ་དེ་དག་སོང་ནས། དགེ་སློང་དག་གིས་འཁར་གསིལ་དཀྲོལ་བ་དང ། མི་དགའ་བར་གྱུར་ཏེ། སུས་ཀྱང་མ་དྲིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཡང་དང་ཡང་དུ་དཀྲོལ་བར་མི་བྱ་སྟེ། འོན་ཀྱང་ལན་གཉིས། ལན་གསུམ་དུ་དཀྲོལ་བར་བྱའོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་གཞན་ཞིག་འདུག་པ་དེའི་ཁྱིམ་དུ་སངས་རྒྱས་ལ་སོགས་པ། དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་པ་དང ། དགེ་སློང་གི་དགེ་འདུན་ནི་དོང་ངོ ། །བཅོམ་ལྡན་འདས་ནི་རྫས་ཀྱིས་བསྒྲུབས་པ་ན་བཞུགས་ཤིང ། བསོད་སྙོམས་ཀྱང་ལེན་ཏོ། །རྒྱུ་རྣམ་པ་ལྔས་སངས་རྒྱས་བཅོམ་ལྡན་འདས་རྣམས་རྫས་ཀྱིས་བསྒྲུབས་པ་ན་བཞུགས་</font><hr>Da289b<br><font size=+2>


ཤིང ། བསོད་སྙོམས་ཀྱང་ལེན་ཏེ། རྣམ་པ་ལྔ་གང་ཞེ་ན། ནང་དུ་ཡང་དག་འཇོག་པར་བཞེད་པ་དང ། ལྷ་རྣམས་ལ་ཆོས་འཆད་པར་བཞེད་པ་དང ། ནད་པ་རྣམས་ལ་གཟིགས་པར་བཞེད་པ་དང ། མལ་སྟན་རྣམས་ལ་བརྟག་པར་བཞེད་པ་དང ། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པ་ཡིན་ཏེ། འདིའི་སྐབས་སུ་བཅོམ་ལྡན་འདས་ཀྱིས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་དེ། རྫས་ཀྱིས་བསྒྲུབས་པ་ན་བཞུགས་ཤིང ། བསོད་སྙོམས་ཀྱང་ལེན་ཏོ། །ཁྱིམ་བདག་དེས་ལོ་མའི་བཀད་ས་གཞི་བྱས་ཏེ། དེའི་འོག་ཏུ་དགེ་སློང་གི་དགེ་འདུན་བཞུགས་པ་དང ། ལྷས་ཆར་དབབ་པར་བརྩམས་སོ། །དགུན་གྱི་དུས་ཤིག་ཏུ་བབ་སྟེ། ཁྱིམ་བདག་དེས་དགེ་སློང་གི་དགེ་འདུན་ལ་ཐུག་པ་དང ། འཁུར་བ་དང ། འབྲས་འཁུར་དང ། ལ་ཕུག་དག་བྲི་མས་པ་དང ། དེ་ལ་དགེ་སློང་ཁ་ཅིག་ནི་ཐུག་པ་འཐུང་བ་ན་ཧུབ་ཧུབ་ཅེས་སྒྲ་བྱེད་དོ། །ཁ་ཅིག་འབྲས་འཁུར་ཟ་བ་ན། ཁྲུམ་ཁྲུམ་ཞེས་སྒྲ་བྱེད་དོ། །ཁ་ཅིག་ནི་ལ་ཕུག་ཟ་བ་ན། སོལ་སོལ་ཞེས་སྒྲ་བྱེད་དོ། །ཐིགས་པ་བཀད་སར་ཟགས་ཏེ། སྒྲ་ཐིགས་ཐིགས། ཞེས་ཟེར་རོ། །དགེ་སློང་བུམ་པར་ཆུ་འཐུང་ན་སྒྲ་བླུག་བླུག། ཅེས་ཟེར་བ་དང ། དེ་ལ་རོལ་མོ་མཁན་ལས་རབ་ཏུ་བྱུང་བ་ཞིག་དྲན་པ་ཉེ་བར་མི་འཇོག་སྟེ། སྔོན་བྱས་པ་རྗེས་སུ་དྲན་ནས། རྣམ་པར་རྟོག་པའི་</font><hr>Da290a<br><font size=+2>


༄#། །དབང་རྒྱས་ཏེ། ཀུན་ཏུ་རྟོག་པའི་ཤུགས་ཀྱིས་ལངས་ཏེ་སྒྲ་གྲགས་པ་དེ་དང་མཐུན་པར་སྦྱར་ནས་གར་བྱས་ཏེ། བཙུན་པ། སོལ་སོལ། བཙུན་པ་ཁྲུམ་ཁྲུམ། བཙུན་པ། ཆོམ་ཆོམ། བཙུན་པ། བལྕག་བལྕག་།བཙུན་པ། བླུག་བླུག་།ཅེས་ཟེར་ཏེ། དེ་ལ་དགེ་སློང་གང་དྲན་པ་ཉེ་བར་མ་བཞག་པ་དེ་ལ་ཡིད་དགའ་བར་གྱུར་ཏེ་དགོད་དོ། །གང་དྲན་པ་ཉེ་བར་བཞག་པ་དེ་དག་ནི་སྤྱོད་ལམ་ལས་མ་འཁྲུགས་ཏེ། དེ་ཉིད་ན་འདུག་གོ་།ཞལ་ཏ་པ་ཁ་ཅིག་ནི་གད་མོ་དགོད་བར་རྩོམ་མོ། །ཁ་ཅིག་ནི་འཕྱ་བར་གྱུར་ཏོ། །ཁྱིམ་བདག་ཀྱང་མ་དད་པར་གྱུར་ཏོ། །དེ་ནས་བསོད་སྙོམས་ལེན་པའི་དགེ་སློང་ཡང་མ་དད་པ་སྐྱེས་པར་གྱུར་ཏེ། བསོད་སྙོམས་བླངས་ནས། །བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བསོད་སྙོམས་ཕྱོགས་གཅིག་ཏུ་བཞག་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ནི་བསོད་སྙོམས་ལེན་པའི་དགེ་སློང་ལ་ཡིད་རབ་ཏུ་དགའ་བས་དགའ་བར་བྱ་བའི་གཏམ་མཛད་དེ། ཅི་དགེ་སློང་གི་དགེ་འདུན་དག་ཁ་ཟས་བསོད་པས་ཚིམ་པར་བྱས་སམ། ཞེས་རབ་ཏུ་དགའ་བའི་གཏམ་མཛད་དེ། བཅོམ་ལྡན་འདས་ཀྱིས་བསོད་སྙོམས་ལེན་པའི་དགེ་སློང་ལ། དགེ་སློང་དག། ཀྱེ་མའོ། །དགེ་སློང་གི་དགེ་འདུན་རྣམས་ཁ་ཟས་བསོད་པས་ཚིམ་པར་གྱུར་ཏམ། </font><hr>Da290b<br><font size=+2>


དེ་དག་གིས་གསོལ་པ། བཙུན་པ། དེ་བཞིན་ཏེ། དགེ་སློང་གི་དགེ་འདུན་རྣམས་ལ་ཁ་ཟས་གསོད་པས་ཚིམ་མོད་ཀྱི། ཁྱིམ་བདག་ནི་མ་དད་པར་གྱུར་ཏོ། །ཅི་བྱས། དེ་དག་གིས་ཇི་ལྟར་གྱུར་པ་རྒྱས་པར་གསོལ་པ་དང ། དེ་ནས་བཅོམ་ལྡན་འདས་ཀྱིས་ཟས་ཀྱི་བྱ་བ་མཛད་ནས་གཙུག་ལག་ཁང་གི་ཕྱི་རོལ་ཏུ་ཞབས་བཀྲུས་ཏེ། གཙུག་ལག་ཁང་དུ་གཤེགས་ནས། ནང་དུ་ཡང་དག་འཇོག་ལ་ཞུགས་སོ། །དེ་ནས་བཅོམ་ལྡན་འདས་ཕྱི་དྲོ་ནང་དུ་ཡང་དག་འཇོག་ལས་བཞེངས་ནས། དགེ་སློང་གི་དགེ་འདུན་གྱི་མདུན་དུ་གདན་བཤམས་པ་ལ་བཞུགས་སོ། །བཞུགས་ནས་དགེ་སློང་དེ་དག་ལ་འདི་སྐད་ཅེས་བཀའ་སྩལ་ཏོ། །དགེ་སློང་ཁྱོད་རྣམས་ཀྱིས་ཅི་ལ་བསམས་ཏེ་འདི་ལྟ་བུ་བྱས། དེ་དག་གིས་གསོལ་པ། བཙུན་པ་ཅུང་ཟད་འཕྱ་བའི་བསམ་པ་དང ། ཅུང་ཟད་དགོད་པའི་བསམ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །དགེ་སློང་གང་འདི་དགོད་པའི་བསམ་པས་དེ་བཞིན་དུ་བྱས་པ་ནི་དེ་ལ་འགལ་ཚབས་ཅན་དུ་འགྱུར་རོ། །གལ་ཏེ་འཕྱ་བར་བསམས་པ་ནི་ལྟུང་བ་མེད་དོ། །འོན་ཀྱང་དགེ་སློང་དག། ཉེས་དམིགས་གང་ཡིན་པ་ནི། དགེ་སློང་དག་གིས་སྒྲ་དང་བཅས་ཏེ་ཁ་ཟས་ཟོས་པ་ཡིན་ནོ། དེ་ལྟ་བས་ན་དགེ་སློང་དག་གིས་སྒྲ་དང་བཅས་ཏེ་ཁ་ཟས་བཟའ་བར་མི་བྱའོ། །དགེ་སློང་གིས་སྒྲ་དང་བཅས་ཏེ་ཁ་ཟས་ཟོས་ན་འགལ་ཚབས་ཅན་དུ་འགྱུར་རོ། ། </font><hr>Da291a<br><font size=+2>


༄#། །བཅོམ་ལྡན་འདས་ཀྱིས་དགེ་སློང་རྣམས་སྒྲ་དང་བཅས་ཏེ་ཁ་ཟས་བཟའ་བར་མི་བྱའོ། །ཞེས་གསུངས་པ་དང ། བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་དག་ལ་རྒྱལ་མོ་ག་གོན་དང ། འབྲས་འཁུར་དང ། མར་འཁུར་དང ། ལ་ཕུག་དང ། བུ་རམ་ཤིང་དག་ཕུལ་བ་དང ། དགེ་སློང་རྣམས་ཐེ་ཚོམ་སྐྱེས་ནས་མ་བླངས་སོ། །དེ་དག་གིས་སྨྲས་པ། འཕགས་པ། གལ་ཏེ་སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བའི་ཚེ་ནི། བདག་ཅག་གི་སྦྱིན་གནས་མུ་སྟེགས་ཅན་ལགས་ལ། ད་ལྟར་བཅོམ་ལྡན་འདས་འཇིག་རྟེན་དུ་བྱུང་སྟེ། ད་ནི་ཁྱེད་རྣམས་སྦྱིན་གནས་ལགས་ན། གལ་ཏེ་ཁྱེད་རྣམས་ཀྱིས་མ་བླངས་པར་གྱུར་ན། བདག་ཅག་འཇིག་རྟེན་ཕ་རོལ་གྱི་ལམ་རྒྱགས་དང་བྲལ་བར་འགྱུར་ལ། བཅོམ་ལྡན་འདས་ཀྱིས་ཀྱང་དུས་སུ་སྦྱིན་པའི་མདོ་ལས། གང་ལོ་ཏོག་སར་པ་དང ། འབྲས་བུ་སར་པ་གང་ཡིན་པ་དེ་དག་དུས་སུ་དང་པོར་ཚུལ་ཁྲིམས་དང་ལྡན་པ་ལ་བྱིན་ལ། དེ་ནས་ཕྱིས་བདག་གིར་ཡོངས་སུ་སྤྱོད་ཅིག་།ཅེས་གསུངས་ཏེ། འདི་ནི་དུས་སུ་སྦྱིན་པ་ཡིན་པས། དེ་ལྟ་བས་ན་རྗེས་སུ་ཐུགས་བརྩེ་བར་དགོངས་ཏེ་བཞེས་ཤིག་།ཅེས་སྨྲས་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། བྱིན་པ་ལོང་ལ། འབྲས་འཁུར་ནི། འབྲས་ཆན་དང ། ཕྱེ་དང་ལྷན་ཅིག་གྱིས་ལ་བཟའ་</font><hr>Da291b<br><font size=+2>


བར་བྱའོ། །ལ་ཕུག་དང ། རྒྱལ་མོ་ག་གོན་དང ། མར་ཁུར་དག་ནི་དུམ་བུར་བྱས་ཏེ། བཟའ་བར་བྱའོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་གཞན་ཞིག་གིས་སངས་རྒྱས་ལ་སོགས་པ། དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་སོ། །དེར་དགེ་སློང་དག་གཞན་ལམ་བསྡད་པར་སྡེ་སྡེར་ཆད་དེ་འོངས་ནས། དེ་དག་གིས་སྨྲས་པ། ཁྱིམ་བདག་།བདག་ཅག་ལ་བྲིམས་ཤིག་།བདག་ཅག་གིས་བཟའ་བར་བགྱིའོ། །དེ་དག་གིས་ཟོས་ནས་སོང་བ་དང ། གཞན་དང་གཞན་དག་ཀྱང་དེ་བཞིན་དུ་གྱུར་ནས། ཁྱིམ་བདག་དེ་འབྲིམ་བས་བྲེལ་བར་གྱུར་ཏེ། མི་དགའ་བ་སྐྱེས་ནས། ཀྱེ་མའོ། །ཁྱེད་ཅག་ཐམས་ཅད་ལྷན་ཅིག་ཚོགས་ཏེ་བྲིམ་བར་བྱའོ། །ཞེས་སྨྲས་པ་དེའི་སྐབས། དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་།ཁྱིམ་བྲེལ་བར་བཟའ་བར་མི་བྱ་སྟེ། སྔར་སོང་བ་དེ་དག་སྒོ་དྲུང་དུ་བསྡད་པར་བྱ་ཞིང ། ཇི་ཙམ་ཐམས་ཅད་ཚོགས་ཏེ་ཞུགས་ནས་བཟའ་བར་བྱའོ། །བྲེལ་བའི་དེར་ཟོས་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་དག་བྲེལ་བའི་དེར་བཟའ་བར་མི་བྱའོ། །ཞེས་གསུངས་པ་དང ། དགེ་སློང་གཞན་ཞིག་ན་བར་གྱུར་ཏེ། དེའི་གཡོག་པོ་ཟན་ནོད་དུ་སོང་བ་དང ། རིང་ཞིག་ཏུ་མ་འོངས་ཏེ། དེ་འགྱོད་པར་གྱུར་པ་དེའི་སྐབས་དགེ་སློང་དག་</font><hr>Da292a<br><font size=+2>


༄#། །གིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་འདུག་ཅིང་བསོད་སྙོམས་ཟ་བར་རྗེས་སུ་གནང་བ་རྣམ་བ་ལྔ་སྟེ། གློ་བུར་དུ་འོངས་པ་དང ། འགྲོ་བ་དང ། ནད་པ་དང ། ནད་གཡོག་དང ། ལས་བྱེད་པ་དག་སྟེ་དེ་དག་ལ་སྦྱིན་ནོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་གནས་པ་དེ་དུས་གཞན་ཞིག་ན་སངས་རྒྱས་ལ་མངོན་པར་དད། ཆོས་དང ། དགེ་འདུན་ལ་མངོན་པར་དད་དེ། དེས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་གདུགས་ཚོང་ལ་སྤྱན་དྲངས་པ་དང ། དགེ་སློང་གི་དགེ་འདུན་ནི་དོང་ངོ ། །སངས་རྒྱས་བཅོམ་ལྡན་འདས་ནི་རྫས་ཀྱིས་བསྒྲུབས་པ་ན་བཞུགས་ཏེ། བསོད་སྙོམས་ཀྱང་ལེན་ཏོ། །རྒྱུ་རྣམ་པ་ལྔས། སངས་རྒྱས་བཅོམ་ལྡན་འདས་རྣམས་རྫས་ཀྱིས་བསྒྲུབས་པ་ན་བཞུགས་ཤིང ། བསོད་སྙོམས་ཀྱང་ལེན་ཏོ། །ཞེས་བྱ་བ་ནས། འདིའི་སྐབས་སུ། བཅོམ་ལྡན་འདས་ཀྱིས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་དེ། རྫས་ཀྱིས་བསྒྲུབས་པ་ན་བཞུགས་ཤིང ། བསོད་སྙོམས་ཀྱང་ལེན་ཏོ། །ཞེས་བྱ་བ་གོང་མ་བཞིན་ནོ། །དགེ་སློང་དེ་དག་ཟན་ཟོས་ནས་དེ་བཞིན་དུ་དོང་བ་དང ། ཁྱིམ་བདག་དེ་ཆོས་ཉན་པར་འདོད་དེ་བལྟས་པ་དང ། དགེ་སློང་དག་གཅིག་ཀྱང་མེད་དེ། དེ་འཕྱ་བར་</font><hr>Da292b<br><font size=+2>


གྱུར་པ་དེའི་སྐབས་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱིམ་བདག་དེ་འཕྱ་བའི་གཞིར་གྱུར་གྱི། དེ་ལྟ་བས་ན་དགེ་སློང་ངག་གིས་ཟན་ཟོས་ནས་དེ་བཞིན་དུ་འགྲོ་བར་མི་བྱ་སྟེ། སྦྱིན་བདག་ཆོས་འདོད་པ་ལ་བཤད་པར་བྱའོ། །མ་བཤད་པར་སོང་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་སྦྱིན་བདག་ཆོས་འདོད་པ་ལ་ཆོས་བཤད་པར་བྱའོ། །ཞེས་གསུངས་པ་དང ། དགེ་སློང་དག་གིས་གང་གིས་བཤད་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ།་དགེ་འདུན་གྱི་གནས་བརྟན་གྱིས་བཤད་པར་བྱའོ། །གལ་ཏེ་དེས་མི་ནུས་པར་གྱུར་ན་གནས་བརྟན་གཉིས་པས་སོ། །དེས་ཀྱང་མ་ནུས་ན་དགེ་སློང་དག་གིས་རིམས་བཞིན་བསྐོར་བར་བྱའོ། །ཡང་ན་གཞན་ནུས་པ་ཡོད་ན་དེ་ལ་གསོལ་བ་གདབ་པར་བྱའོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་ཕྱུག་པ་ནོར་མང་བ། ལོངས་སྤྱོད་ཆེ་བ་ཞིག་གནས་པ་དེ་ཡང་དད་པ་ཅན། བསམ་པ་བཟང་ཞིང་དགེ་བ་ཞིག་སྟེ། དུས་དུས་སུ་རྒྱལ་བྱེད་ཚལ་དུ་སོང་སྟེ། སངས་རྒྱས་ཀྱི་གསུང་ཉན་ཏོ། །དེས་དུས་གཞན་ཞིག་ན་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་པ་དང ། དགེ་སློང་གི་དགེ་འདུན་ནི་དོང་ངོ ། །བཅོམ་ལྡན་འདས་ནི་རྫས་ཀྱིས་བསྒྲུབས་པ་ན་བཞུགས་ཤིང ། བསོད་སྙོམས་ཀྱང་</font><hr>Da293a<br><font size=+2>


༄#། །ལེན་ཏོ། །རྒྱུ་རྣམ་པ་ལྔ་ཞེས་བྱ་བ་ནས། འདིའི་སྐབས་སུ་སངས་རྒྱས་བཅོམ་ལྡན་འདས་རྫས་ཀྱིས་བསྒྲུབས་པ་ན་བཞུགས་ཤིང ། བསོད་སྙོམས་ཀྱང་ལེན་ཏོ། །ཞེས་བྱ་བ་གོང་མ་བཞིན་ནོ། །བཅོམ་ལྡན་འདས་ཀྱིས་གལ་ཏེ་སྦྱིན་བདག་ཆོས་ཉན་པར་འདོད་ན། དེ་ལ་བསྐོས་པའི་དགེ་སློང་གིས་ཆོས་བཤད་པར་བྱའོ། །ཞེས་གསུངས་པ་དང ། དགེ་སློང་དག་གིས་དགེ་སློང་བསྐོས་པ་གཅིག་པུ་བ་བཞག་སྟེ། དོང་བ་དང ། ཁྱིམ་བདག་དེའི་མཛའ་བོ་དང ། ཉེ་དུ་དང ། གཉེན་འདབ་དབང་ཆེ་དབང་ཆེ་བ་དག་ཀྱང་ཟན་ལ་བོས་ཏེ། དེ་དག་ཀྱང་ཆུང་མ་དག་དང་ལྷན་ཅིག་དགེ་སློང་དེ་བསྐོར་ཏེ་འདུག་ནས། འཕགས་པ་ཆོས་བཤད་དུ་གསོལ། ཞེས་སྨྲས་པ་དང་དེས་དབང་ཆེ་བའི་འཁོར་དེ་དག་འདུག་པ་མཐོང་སྟེ། སྦ་གོང་བར་གྱུར་ནས། ཅང་མི་སྨྲ་བར་འདུག་པ་དང ། ཁྱིམ་བདག་དེས་བསམས་པ། བདག་དང་འཁོར་དབང་ཆེ་བ་དག་གིས་འཕགས་པ་དེ་སྦ་གོང་བར་གྱུར་པ་ལྟ་ཞིག་སྟེ། བདག་གིས་ཆོས་བཤད་པར་བྱའོ། །སྙམ་ནས། འཕགས་པ། བཅོམ་ལྡན་འདས་ཀྱིས་སྦྱིན་པས་ནི་ལོངས་སྤྱོད་ཆེ་བར་འགྱུར། ཚུལ་ཁྲིམས་ཀྱིས་ནི་མཐོ་རིས་སུ་སྐྱེ་བར་འགྱུར་རོ། །བསྒོམ་པས་ནི་འབྲེལ་བར་འགྱུར་རོ། །ཞེས་གསུངས་ཏེ། ཆོས་འདི་ལགས་ཀྱི། བཞུད་ཅིག་།ཅེས་སྨྲས་པ་དང ། དེ་སྤོབས་པ་མེད་པར་</font><hr>Da293b<br><font size=+2>


གྱུར་ཏེ། ཅང་མི་སྨྲ་བར་སོང་ནས། དེ་གཙུག་ལག་ཁང་དུ་ཕྱིན་པ་དང ། དགེ་སློང་རྣམས་ཀྱིས་དྲིས་པ། ཚེ་དང་ལྡན་པ་ཁྱོད་ཀྱིས་སྦྱིན་བདག་དེ་ལ་ཆོས་བཤད་དམ། དེས་སྨྲས་པ། ཚེ་དང་ལྡན་པ་དག་།ཇི་ལྟར་བཤད། ཁྱེད་རྣམས་ཀྱིས་བདག་གཅིག་པུ་བཞག་སྟེ། ཁྱིམ་བདག་དེའི་འཁོར་དེ་དག་མཐོང་ནས་བདག་གཅིག་པུ་སྤ་གོང་པར་གྱུར་ཏེ། དོན་དུ་ན་དེ་ཉིད་ཀྱིས་བདག་ལ་ཆོས་བཤད་དོ། །ཞེས་དེའི་སྐབས་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེས་ནི། བཟང་པོ་ཞིག་སྨྲས་སོ། །དགེ་སློང་བསྐོས་པར་གྱུར་པ་དེའི་གྲོགས་དགེ་སློང་བཞི་བསྐོ་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་ལྔ་པ། སྡོམ་ནི། བརྟགས་ནས་འགྲོ་བར་བྱ་བ་དང ། བྲམ་ཟེའི་རིགས་ཀྱི་དགེ་སློང་དང ། །བཞི་ཡིས་དྲི་བར་བྱ་བ་དང ། །སོ་ཤིང་དག་ཀྱང་བཀྲུ་བར་བྱ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་བྱ་ཀ་ལ་ནད་ཀག་ནས་པ་ན་བཞུགས་སོ། ། བཅོམ་ལྡན་འདས་ཀྱིས་ཆོས་སྟོན་པའི་དགེ་སློང་གི་གྲོགས་དགེ་སློང་བཞི་བསྐོ་བར་བྱའོ། །ཞེས་གསུངས་པ་དང ། དགེ་སློང་དག་གང་དུ་མགྲོན་དུ་པོས་ཤིང་འགྲོ་བ་དེར་ཆོས་སྟོན་པའི་དགེ་སློང་གསོལ་བ་བཏབ་སྟེ། གྲོགས་དགེ་སློང་བཞི་བསྐོས་པ་དང ། དེ་དག་གིས་མ་བརྟགས་པར་བཤང་བ་དང ། གཅི་བ་དང ། རིགས་ཀྱི་ཁྱིམ་དག་ཏུ་སོང་སྟེ། དེ་ཉིད་ཉེས་དམིགས་སུ་</font><hr>Da294a<br><font size=+2>


༄#། །གྱུར་ནས། དེའི་སྐབས་དགེ་སློང་དག་གིས། བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གང་ཆོས་སྟོན་པའི་དགེ་སློང་གི་གྲོགས་སུ་བསྐོས་པ་དེ་དག་གིས་དེ་ལ་མ་བརྟགས་པར་གཞན་དུ་འདོད་པར་མི་བྱའོ། །སོང་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་བྲམ་ཟེ་ཞིག་གིས། དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་དགུ་ནས་བུ་ཁྱེའུ་ཞིག་བཙས་སོ། །དེ་བཙས་ནས་བཙས་སྟོན་རྒྱ་ཆེར་བྱས་ཏེ། རིགས་དང་མཐུན་པར་མིང་བཏགས་སོ། །དེ་དུས་གཞན་ཞིག་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། དེའི་ཁམས་མ་སྙོམས་པས་ན་བར་གྱུར་ཏེ། དེ་སྨན་པའི་དྲུང་དུ་སོང་ནས་སྨྲས་པ། བཞིན་བཟང ། བདག་གི་ལུས་ཀྱི་གནས་སྐབས་འདི་འདྲ་བར་གྱུར་ན། སྨན་དཔྱད་སྟོན་ཅིག་།དེས་སྨྲས་པ། འཕགས་པ། འདི་དང་འདི་ལྟ་བུའི་བསྐ་བ་བྱོས་དང་སོས་པར་འགྱུར་རོ། །དེས་བསྐ་བ་བྱས་པ་དང ། ཇི་ཙམ་ན་ལན་གཅིག་འཁྲུས་ནས་དེས་ཆུ་གྲང་མོས་ཁྲུས་བྱས་པ་དང་ཆད་དོ། །སྨན་པས་སྨྲས་པ། འཕགས་པ། བསྐ་བས་ལེགས་པར་</font><hr>Da294b<br><font size=+2>


གྱུར་ཏམ། དེས་སྨྲས་པ། བཞིན་བཟང་མ་ལེགས་ཏེ། ལན་ཅིག་ཁོ་ན་ལས་མ་འཁྲུས་སོ། །དེས་སྨྲས་པ། འཕགས་པ། ཁྱོད་ཀྱིས་ཆུ་གྲང་མོས་ཁྲུས་མ་བྱས་སམ། དེས་སྨྲས་པ། བཞིན་བཟང་ཇི་ལྟར་ཁྱོད་ཀྱིས་སྨྲས་པ་དེ་བཞིན་ནོ། །དེས་སྨྲས་པ། འཕགས་པ། མ་ལེགས་པ་ཞིག་བྱས་ཏེ། ཆུ་གྲང་མོས་ཆད་ན་ཇི་ལྟར་འཁྲུ་བར་འགྱུར། དེ་ན་དེར་ཟད་ཀྱི་ཡང་འདི་ལྟར་བསྐ་བ་དེ་ཉིད་བྱོས་ལ་སྔར་ཁྲུས་མ་བྱེད་པར་འཁྲུ་བ་མཐར་ཕྱིན་ནས་ཁྲུས་བྱོས་ཤིག་།དེས་སྨྲས་པ། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །དེས་སྨྲས་པ། འཕགས་པ། དེ་ལྟ་ན་བསྐ་བའི་ཆོ་ག་ངས་ཇི་ལྟར་བྱ། ཞེས་པ་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ་ཕྱི་བདག་གཞག་པར་བྱ་ཞིང ། འཁྲུ་བ་མཐར་ཕྱིན་ནས་ཁྲུས་བྱའོ། །བཅོམ་ལྡན་འདས་ཀྱིས་འཕྱི་བ་དག་གཞག་པར་བྱའོ། །ཞེས་གསུངས་པ་དང ། དགེ་སློང་དག་གིས་ཇི་ལྟ་བུ་དག་གིས་ཕྱི་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། བོང་བའམ། ལོ་མའམ། རས་མ་དག་གིས་ཕྱི་བར་བྱ་ཞིང་འཁྲུ་བ་མཐར་ཕྱིན་ནས། ཆུ་དྲོན་མོས་བཀྲུ་བར་བྱའོ། །གླེང་གཞི་ནི་མཉན་ཡོད་ནའོ། །དེ་ནས་ཡང་དེའི་ཚེ་ནགས་ན་སྦྲུལ་གདུག་པ་ཞིག་གནས་ཏེ། ཇི་ཙམ་ན་ནགས་དེར་བ་ལང་རྫིས་མེ་བཏང་བ་དང ། སྦྲུལ་གདུག་པ་དེ་མེས་བསྲེགས་ནས་ཕན་</font><hr>Da295a<br><font size=+2>


༄#། །ཚུན་དུ་སོང་ན་ཡང་མེའི་འོད་ཀྱིས་བསྐོར་བས་མ་ཤི་ཙམ་དུ་འདུག་སྟེ། མེས་བསྲེགས་པ་ལས་མཆོངས་ཏེ་ཤིང་ཞིག་གི་དྲུང་དུ་བསྐྱིལ་ནས་དཀྲིས་ཏེ་འདུག་གོ། ། ཇི་ཙམ་ན་ཚེ་དང་ལྡན་པ་ཤཱ་རིའི་བུ་ལྗོངས་རྒྱུ་ཞིང་ཕྱོགས་དེར་ཉེ་བར་འོངས་ཏེ། དེས་ཤིང་དྲུང་དུ་སོང་སྟེ་བལྟས་ན། སྦྲུལ་གདུག་པ་ཞིག་མེས་ཚིག་སྟེ། རབ་ཏུ་ཚིག་ནས་སྡུག་བསྔལ་གྱི་ཚོར་བས་ཉམ་ཐག་པར་མཐོང་སྟེ། མཐོང་ནས་ཀྱང་དེའི་རྒྱུད་ལ། ཅི་དགེ་བའི་རྩ་བ་ཅུང་ཟད་ཡོད་དམ་མེད་བརྟགས་ན་ཡོད་པར་གྱུར་ཏེ། གང་གི་དབང་དུ་འགྱུར་བ་བརྟགས་པ་ན། ཡང་བདག་ཉིད་ཀྱིས་ཏེ། དེས་དེ་ལ་ཆུས་གཏོར་ནས་ཆོས་ཚིག་གསུམ་ཞིག་བཤད་པ། བཞིན་བཟང་འདུས་བྱས་ཐམས་ཅད་ནི་མི་རྟག་པའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བ་སྟེ། ང་ལ་སེམས་རབ་ཏུ་དང་བར་གྱིས་ཤིག་དང ། འདི་ལྟར་དུད་འགྲོའི་འདོད་ཆགས་དང་བྲལ་ནས། བདེ་འགྲོར་སྐྱེ་བར་འགྱུར་རོ། ། ཞེས་སྨྲས་ནས་སོང་བ་དང ། དེ་མ་ཐག་ཏུ་བྱ་ཁྲ་ཞིག་གིས་ཁྱེར་རོ། །དེ་ཚེ་དང་ལྡན་པ་ཤཱ་རིའི་བུ་ལ་སེམས་མངོན་པར་དད་ནས་དུས་ལས་འདས་ཏེ། མཉན་ཡོད་ན་བྲམ་ཟེ་ལས་དྲུག་དང་ལྡན་པ་ཞིག་གི་རིགས་སུ་སྐྱེས་སོ། །ཚེ་དང་ལྡན་པ་ཤཱ་རིའི་བུས་བསམས་པ། སྦྲུལ་གདུག་པ་དེ་གོར་མ་ཆག་པར་དུས་ལས་འདས་ན་གང་དུ་སྐྱེས་པར་གྱུར། ཅེས་ཐག་གི་</font><hr>Da295b<br><font size=+2>


ཟད་ཅིག་བརྟགས་ན། མཉན་ཡོད་ན་བྲམ་ཟེ་ལས་དྲུག་དང་ལྡན་པ་ཞིག་གི་རིགས་སུ་སྐྱེས་པར་མཐོང་ངོ ། །མཐོང་ནས་ཀྱང་དེ་གདུལ་བར་བྱ་བའི་ཕྱིར། དེའི་ཁྱིམ་དུ་འགྲོ་བར་བརྩམས་ཏེ། དེར་སོང་ནས་བྲམ་ཟེ་དང ། ཆུང་མར་བཅས་པ་སྐྱབས་སུ་འགྲོ་བ་དང ། བསླབ་པའི་གཞི་ལ་རབ་ཏུ་བཀོད་དེ། དེ་དུས་གཞན་ཞིག་ན། གཅིག་པུ་དེའི་ཁྱིམ་དུ་སོང་བ་དང ། དེ་ལ་བྲམ་ཟེས་སྨྲས་པ། འཕགས་པ་ཅི། ཕྱི་བཞིན་འབྲང་བའི་དགེ་སྦྱོང་འགའ་ཡང་མ་མཆིས་སམ། ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ། ཅི་བདག་གི་ཕྱི་བཞིན་འབྲང་བའི་དགེ་སྦྱོང་རྩཝ་ཀུ་ཤའམ། ཀ་ཤ་ལྟ་བུར་གཞན་ནས་སྐྱེ་བར་མི་འགྱུར་གྱི། གང་ཁྱེད་ལྟ་བུ་ལས་ཐོབ་པ་དེ་བདག་གི་ཕྱི་བཞིན་འབྲང་བའི་དགེ་སྦྱོང་དུ་འགྱུར་རོ། །དེས་སྨྲས་པ། འཕགས་པ་བདག་ལ་འཕགས་པའི་ཕྱི་བཞིན་འབྲང་བའི་དགེ་སྦྱོང་དུ་འོས་པའི་ཁྱེའུ་སུ་ཡང་མ་མཆིས་ཏེ། བདག་གི་མཆིས་བྲང་སེམས་ཅན་དང་ལྡན་པ་ལ། གལ་ཏེ་ཁྱེའུ་ཞིག་བཙས་པར་གྱུར་ན། དེ་བདག་གིས་འཕགས་པའི་ཕྱི་བཞིན་འབྲང་བའི་དགེ་སྦྱོང་དུ་དབུལ་ལོ། །དེས་སྨྲས་པ། ནང་མེད་པར་གྱུར་ཅིག་།བླང་བར་བྱའོ། །ཞེས་སྨྲས་ནས་སོང་ངོ ། །ཇི་ཙམ་ན་བྲམ་ཟེ་མོ་དེ་ཟླ་བ་དགུ་འདས་ནས་ཁྱེའུ་ཞིག་བཙས་སོ། །བཙས་ནས་ཉི་མ་བདུན་གསུམ་ཉི་ཤུ་གཅིག་གི་བར་དུ་བཙས་པའི་བཙས་སྟོན་རྒྱ་ཆེར་བྱས་ཏེ། རིགས་དང་མཐུན་པའི་མིང་བརྟགས་སོ།། </font><hr>Da296a<br><font size=+2>


༄#། །དེ་འོ་མ་དང ། ཞོ་དང ། མར་སར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་དེ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་མའི་ནུ་མ་འཐུང་བ་ན། གལ་ཏེ་བག་མེད་པས་སོའམ། སེན་མོས་ནུ་མ་ལ་རེག་ན་སྐྲང་བར་འགྱུར་རོ། །དེ་ཆེན་པོར་གྱུར་ནས་གང་གི་ཚེ་ཁྱེའུ་དང ། བུ་མོ་དག་དང་ལྷན་ཅིག་རྩེ་བ་དེའི་ཚེ། དེ་རྣམས་གལ་ཏེ་ཁྲོ་བའི་ཀུན་ནས་དཀྲིས་པ་ལ་གནས་པ་ནི། སོ་འམ་སེན་མོས་བཏབ་ན་ཕྱོགས་དེ་རིང་པོ་མི་ཐོགས་པར་སྐྲང་བར་འགྱུར་རོ། །ཇི་ཙམ་ན་ཚེ་དང་ལྡན་པ་ཤཱ་རིའི་བུས། དེ་རབ་ཏུ་དབྱུང་བའི་དུས་ཤེས་ནས། ཁྱིམ་དེར་སོང་སྟེ། དེས་བྲམ་ཟེ་དེའི་ཆུང་མ་ལ་ཆོས་བཤད་དེ། ཁྱེའུ་འདི་ནི་བདག་གི་ཕྱི་བཞིན་འབྲང་བའི་དགེ་སྦྱོང་ཡིན་ནོ། །ཞེས་མཚན་མ་ཞིག་བསྟན་པ་དང ། བྲམ་ཟེ་དེས་སྨྲས་པ། བུ་ཁྱོད་ནི་མ་སྐྱེས་པ་ཉིད་ནས་ངས་ཚེ་དང་ལྡན་པ་ཤཱ་རིའི་བུའི་ཕྱི་བཞིན་འབྲང་བའི་དགེ་སྦྱོང་དུ་ཕུལ་གྱི། སོང་ཞིག་།སྲིད་པ་ཐ་མ་པའི་སེམས་ཅན་དེ། ཚེ་དང་ལྡན་པ་ཤཱ་རིའི་བུའི་གདོང་དུ་རིང་ཞིག་བརྟགས་ནས། དེའི་རྗེས་བཞིན་རྗེས་བཞིན་དུ་འབྲངས་པ་དང ། དེ་ཚེ་དང་ལྡན་པ་ཤཱ་རིའི་བུས། རབ་ཏུ་བྱུང་སྟེ་བསྙེན་པར་རྫོགས་པར་བྱས་སོ། །དེས་སོ་ཤིང་ཞིག་ཟོས་ཏེ། ལྕེ་བཞར་</font><hr>Da296b<br><font size=+2>


ནས་མ་བཀྲུས་པར་བཞག་པ་དང ། དེ་ལ་སྦྲང་མ་ཞིག་གིས་ཟོས་ཏེ། དེ་དུས་ལས་འདས་སོ། །དེ་ནས་སྲོག་ཆགས་ཁྱིམ་སྦྱོང་གིས་ཅུང་ཟད་ཟོས་པ་དང ། དེ་ཡང་དུས་ལས་འདས་སོ། ། དེ་ནས་ཡང་བྱ་སྣ་ཚོགས་ཀྱིས་ཟོས་པ་དང ། དེ་ཡང་དུས་ལས་འདས་སོ། །དེ་ལ་བྱི་ལས་ཟོས་པ་དང ། དེ་ཡང་དུས་ལས་འདས་སོ། །གང་སྦྲང་མས་ཟོས་པ་དང ། དེ་ཡང་དུས་ལས་འདས་སོ། །གྲོག་མ་མང་པོ་དག་གིས་ཟོས་ནས། དེ་དག་ཐམས་ཅད་ཀྱང་དུས་ལས་འདས་སོ། །དེ་བཞིན་དུ་ཇི་ལྟར་སྲོག་ཆགས་མང་པོ་དག་དུས་ལས་འདས་པ་དངར་ཞིང་འདུག་པ་དང ། ཅི་ཙམ་ན་ཕྱི་དེ་ཉིན་པར་དགེ་སློང་དག་ཕྱོགས་དེར་སོ་ཤིང་བཟའ་བར་བརྩམས་པ་དང ། དེ་དག་གིས་སྲོག་ཆགས་དུས་ལས་འདས་པ་དག་མཐོང་ནས། དེ་ལ་གཅིག་གིས་སྨྲས་པ། ཚེ་དང་ལྡན་པ་དག་།སྲོག་ཆགས་མང་པོ་འདི་དག་ཅིའི་ཕྱིར་དུས་ལས་འདས། གཞན་དག་གིས་སྨྲས་པ། མི་ཤེས་སོ། །ཞེས་དེ་དག་དེ་བཞིན་དུ་དཔྱོད་པ་དང ། དགེ་སློང་གཞོན་ནུ་གཞན་ཞིག་འོངས་ཏེ། དེས་སྨྲས་པ། ཚེ་དང་ལྡན་པ་དག་།ཕྱོགས་འདིར་བྲམ་ཟེ་ལས་རབ་ཏུ་བྱུང་བ། ཚེ་དང་ལྡན་པ་ཤཱ་རིའི་བུ་དང་ལྷན་ཅིག་གནས་པ་དེས་སོ་ཤིང་ཟོས་ཏེ། ལྕེ་བཞར་ནས་མ་བཀྲུས་པར་བཞག་པ་དེ་ལ། སྲོག་ཆགས་མང་པོས་ཟོས་ཏེ། འདི་ལྟར་ལྕེའི་དྲི་མ་ཟོས་པས་དུས་ལས་འདས་སོ། །ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་</font><hr>Da297a<br><font size=+2>


༄#། །དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། སྐྱེས་བུ་གདུག་པ་འདི་ལྟ་བུ་ཁ་ཅིག་ཡོད་དེ། དེ་ལྟ་བས་ན་དགེ་སློང་དག་གིས་སོ་ཤིང་མ་བཀྲུས་པར་དེ་བཞིན་དུ་དོར་བར་མི་བྱའོ། །བོར་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་སོ་ཤིང་ཟོས་ནས་བཀྲུ་བར་བྱའོ། །ཞེས་གསུངས་པ་དང ། དགེ་སློང་གཞན་དག་གིས་ཆུ་ཉུང་བར་གྱུར་ཏེ། དེ་དག་གིས་ཇི་ལྟར་བསྒྲུབ་པར་བྱ་བ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གང་ལ་ཆུ་ཉུང་བར་གྱུར་ན་དེས་རེ་ཞིག་ས་ལ་བྲུད་ནས་ལྕེའི་དྲི་མ་མེད་པར་བྱའོ། །དེས་དུས་གཞན་ཞིག་ན་བཙོ་བླག་བྱ་བར་བརྩམས་ཏེ། དེས་གོས་དག་ཚོན་དུ་བཙོས་ཏེ་བཟློག་ཅིང་སྐེམས་པ་དང ། ཇི་ཙམ་ན་ཕྱོགས་དེར་ཚེ་དང་ལྡན་པ་ཉེ་དགའ་ཉེ་བར་འོངས་ཏེ། དེས་དེ་མཐོང་ནས། དེས་སྨྲས་པ། ཚེ་དང་ལྡན་པ་བདག་གིས་གྲོགས་བགྱིའོ། །དེས་སྨྲས་པ། གནས་བརྟན་ལེགས་ཀྱི་མཛོད་ཅིག། ཉེ་དགའ་རང་བཞིན་གྱིས་གནས་ངན་ལེན་ཀུན་ཏུ་སྤྱོད་པས། དེས་གོས་སར་པ་རྣམས་ནི་གྲིབ་མ་ལ་བསྐམས། གང་རྙིང་པ་རྣམས་ནི་ཉི་མ་ལ་བསྐམས། གང་བཤེར་བ་རྣམས་ནི་གྲིབ་མ་ལ་བཞག་པ་དང ། དེས་གནས་བརྟན་དེ་ལྟར་མ་མཛད་ཅིག་།དེས་ཡང་དང་ཡང་དུ་བྱས་ཏེ་ལྡོག་ཏུ་མ་བཏུབ་བོ། །དེ་ཀུན་ནས་དཀྲིས་པས་ཉེ་དགའི་སྟེང་དུ་རྒྱུགས་པ་དང ། དེས་</font><hr>Da297b<br><font size=+2>


འབྲོས་པར་བརྩམས་སོ། །ཇི་ཙམ་ན་ཚེ་དང་ལྡན་པ་ཤཱ་རིའི་བུ་ཕྱོགས་དེར་འོངས་ཏེ། དེས་ཚེ་དང་ལྡན་པ་ཅི་བྱེད། ཅི་བྱེད་ཅེས་སྨྲས་ན་ཡང ། དེ་ཀུན་ནས་དཀྲིས་པ་ཁྲོ་བ་འཕེལ་བར་གྱུར་ནས་སྡོད་དུ་མ་བཏུབ་སྟེ། ཉེ་དགའི་ཕྱི་བཞིན་དུ་འབྲང་ངོ ། །ཉེ་དགས་ནྱ་གྲོ་དྷའི་ཤིང་གིས་བརྡེགས་པར་བརྩམས་ན་ཡང་སྡོང་དུ་མ་བཏུབ་སྟེ། དེ་ལ་ཡང་ཚེ་དང་ལྡན་པ་ཤཱ་རིའི་བུས། བཞམས་ཏེ་བཟུང་ནས། ཉེ་དགའ་འབྲོས་སུ་བཏང་བ་དང ། དེས་འོན་ཀྱང་ནྱ་གྲོ་དྷའི་ཤིང་ལ་སོས་བཏབ་ནས། དེས་ནྱ་གྲོ་དྷའི་ཤིང་གི་འདབ་མ་ཐམས་ཅད་ལྷགས་སོ། །དེའི་སྐབས་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུར་ཁྲོ་བར་མི་བྱའོ། །བཅོམ་ལྡན་འདས་ཀྱིས་དེ་བཞིན་དུ་ཁྲོ་བར་མི་བྱའོ། །ཞེས་གསུངས་པ་དང ། ཇི་ཙམ་དུས་གཞན་ཞིག་ན། ཉེ་དགའ་ལ་དགེ་སྐོས་བབ་སྟེ། དེ་དེའི་དྲུང་དུ་སོང་ནས། དེས་སྨྲས་པ། ཚེ་དང་ལྡན་པ་ལས་འདི་ལྟ་བུ་ཞིག་བབ་ཀྱི་བྱོས་ཤིག་།ཅེས་བསྒོ་བ་དང ། དེས་དེ་མཐོང་མ་ཐག་ཏུ་དེ་བཞིན་དུ་ཀུན་ཏུ་དཀྲིས་པ་དེའི་སྐབས་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་འདི་འདྲ་བའི་ཁྲོ་བ་ཁོ་ན་ཡོད་པ་ལ། རང་གིས་མངོན་སུམ་དུ་ལས་བསྒོ་བར་མི་བྱའོ། །འོན་ཀྱང་དེའི་དྲུང་ན་འདུག་པའི་དགེ་སློང་གིས་བསྒོ་བར་བྱ་སྟེ། དེས་དེ་</font><hr>Da298a<br><font size=+2>


༄#། །ལ་ཁྱོད་ཀྱིས་ལས་འདི་ལྟ་བུ་བྱོས་ཤིག་།ཅེས་སྨྲ་བར་བྱའོ། །དེས་ཀྱང་དེ་ལ་བཞམས་ཏེ་ལས་འདི་ལྟ་བུ་བྱོས་ཤིག་།ཅེས་བརྗོད་པར་བྱའོ། །དེས་ཀྱང་ནན་ཏན་དང ། བརྩོན་འགྲུས་དྲག་པོས་འབད་པ་དེ་བཞིན་དུ་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ། འདུས་བྱས་སུ་གྱུར་པ་ཐམས་ཅད་འཇིགས་པ་དང ། ལྟུང་བ་དང ། གྱེས་པ་དང ། འཇིག་པའི་ཆོས་ཅན་དུ་ཁོང་དུ་ཆུད་ཅིང ། ཉོན་མོངས་པ་ཐམས་ཅད་སྤངས་ནས། དགྲ་བཅོམ་པ་མངོན་སུམ་དུ་གྱུར་ཏེ། ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་དང་སྟེའུར་མི་རྟོག་ཅིང ། རིག་པས་སྒོ་ངའི་སྦུབས་དྲལ་ཅིང ། རིག་པ་དང་མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ་དང ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དགེ་སློང་རྣམས་ཀྱིས། ཚེ་དང་ལྡན་པ་ཤཱ་རིའི་བུ་ལ་སྨྲས་པ། ཚེ་དང་ལྡན་པ་ཤཱ་རིའི་བུ། ཁྱོད་དང་ལྷན་ཅིག་གནས་པ་ལྷག་པར་ཁྲོ་བ་འདི་འདྲ་བས་ཀྱང ། དགྲ་བཅོམ་པ་ཉིད་ཐོབ་པ་ནི། ངོ་མཚར་ཆེའོ། །དེས་དེའི་སྔོན་བྱུང་བ་རྣམས་དགེ་སློང་</font><hr>Da298b<br><font size=+2>


དེ་དག་ལ་རྒྱ་ཆེར་བཤད་པ་དང ། དགེ་སློང་དག་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་སློང་འདིས་ལས་གང་ཅི་ཞིག་བགྱིས་ན། དེ་སྦྲུལ་གདུག་པར་སྐྱེས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་འདིས་ལས་ཚོགས་རྙེད་པ་རྐྱེན་ཡོངས་སུ་སྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། དགེ་སློང་འདི་ཉིད་ཀྱིས་ལས་བྱས་ཤིང་བསགས་པ་གཞན་སུ་ཞིག་གིས་སོ་སོར་མྱོང་བར་འགྱུར་ཏེ། དགེ་སློང་དག། ལས་བྱས་ཤིང་བསགས་པ་དག་ནི། ཕྱི་རོལ་ཀྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག། སྔོན་བྱུང་བ་བསྐལ་པ་བཟང་པོ་འདི་ཉིད་ལ། སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་</font><hr>Da299a<br><font size=+2>


༄#། །འདས་འཇིག་རྟེན་དུ་བྱུང་སྟེ། གྲོང་ཁྱེར་ཝཱར་ཎཱ་སིའི་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་རྟེན་ཅིང་བཞུགས་སོ། །དེ་དེའི་བསྟན་པ་ལ་རབ་ཏུ་བྱུང་སྟེ། དགེ་སློང་བྱམས་པ་ལ་གནས་པ་ཞེས་བྱ་བར་གྱུར་ཏོ། །དེ་ལ་དགེ་སློང་རྣམས་ཀྱིས་བྱམས་པ་ལ་གནས་པ། བྱམས་པ་ལ་གནས་པ་ཞེས་རབ་ཏུ་དགོད་དེ་སྨྲས་པ་དང ། དེས་དེ་དག་ལ་བཀག་ན་ཡང་འདུག་ཏུ་མ་བཏུབ་པ་དང ། དེ་ཁྲོ་བ་དྲག་པོས་ཀུན་ཏུ་དཀྲིས་པས། དེ་དག་ལ་ངན་སེམས་ཀྱིས་ང་ནི་བྱམས་པ་ལ་གནས་པ་ཡིན་གྱི། ཁྱེད་ཅག་ནི་སྐྱེས་བུ་གདུག་པའོ། །ཞེས་ངག་གི་ལས་དྲག་པོ་བརྗོད་དོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདི་ཇི་སྙམ་དུ་སེམས། ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ། བྱམས་པ་ལ་གནས་པ་ཞེས་བྱ་བ་གང་ཡིན་པ་དེ་ནི། དགེ་སློང་འདི་ཉིད་ཡིན་ཏེ། དེའི་ཚེ་དེའི་དུས་ན་འདི་ལྟར་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་རྣམས་ལ་སྐྱེས་བུ་གདུག་པའོ། །ཞེས་སྨྲས་ཤིང ། ཀུན་ཏུ་སྤྱད་པ་དེའི་ལས་ཀྱི་རྣམ་པར་སྨིན་པས། ཚེ་རབས་ལྔ་བརྒྱའི་བར་དུ་སྦྲུལ་གདུག་པར་སྐྱེས་ཏེ། དེ་ད་ལྟར་ཡང་ལས་དེ་ཉིད་ཀྱི་ལྷག་མས་སྤྲུལ་གདུག་པ་འདིར་སྐྱེས་སོ། །གང་དེ་ཉིད་དུ་ལུང་འབོག་པ་དང ། བཀླག་པ་དང ། ཁ་ཏོན་བཏོན་པ་དང ། ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། </font><hr>Da299b<br><font size=+2>


རྟེན་ཅིང་འབྲེལ་བར་འབྱུང་བ་ལ་མཁས་པ་དང ། གནས་དང་གནས་པ་མ་ཡིན་པ་ལ་མཁས་པ་དག་བྱས་ཏེ། དེས་ན་ངའི་བསྟན་པ་ལ་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །དེ་ལྟ་བས་ན་དགེ་སློང་དག། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན། གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ནི་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་ཏེ། དགེ་སློང་དག། དེ་ལྟ་བས་ན་ལས་གཅིག་ཏུ་གནག་པ་རྣམས་དང ། འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་རྣམས་ལ་ནི་བརྩལ་བར་བྱ་སྟེ། དགེ་སློང་དག་དེ་ལྟ་བུ་ལ་བསླབ་བར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །སྡོམ་ནི། སྣམ་སྦྱར་དག་ནི་ཅི་རིགས་བགོ་།དགོན་པ་པ་དང་འཚོ་བ་ཅན། །འཁུར་བ་སྒྲ་དང་བཅས་མི་བཟའ། །ཝཱ་ར་ཎཱ་སིར་སྤྱོད་ཡུལ་མིན། །སངས་རྒྱས་བཅོམ་ལྡན་འདས་མཉན་ཡོད་ན། ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་སྣམ་སྦྱར་བགོས་ནས། ཆག་ཆག་དག་འདེབས་ཤིང ། བའི་ལྕིབ་འཇམ་པོ་དག་གིས་ཉུག་པར་བྱེད། བཤང་ས་དག་ཏུ་བཤང་བ་དང ། གཅི་བར་བྱེད་ཅིང ། གཞན་ཡང་བཙོ་བླག་གི་ལས་དག་བྱེད་ཅིང་</font><hr>Da300a<br><font size=+2>


༄#། །དེར་དེ་བཞིན་དུ་སྟོད་གཡོགས་དང ། སྨད་གཡོགས་དག་ཀྱང་གྱོན་ནོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ། དགེ་སློང་འདི་དག་ཆོས་གོས་དག་ལ་བྱེ་བྲག་མེད་པར་ཡོངས་སུ་སྤྱོད། བཅོམ་ལྡན་འདས་ཀྱིས་ནི་སྣམ་སྦྱར་ཆོས་གོས་ཀྱི་མཆོག་གོ། ཞེས་གསུངས་ན། དེ་ཇི་ལྟར་སྣམ་སྦྱར་ཆོས་གོས་ཀྱི་མཆོག་ཏུ་ཁྱད་མེད་པར་ཡོངས་སུ་སྤྱོད། གཞན་ཞིག་གིས་སྨྲས་པ། ཚེ་དང་ལྡན་པས་སྨྲས་པ་བདེན་ཏེ། འདི་ལ་གོར་མ་ཆག་པར་རྒྱུ་ཞིག་ཡོད་དོ། །བརྟག་པར་བྱའོ། །ཞེས་དེའི་སྐབས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དགེ་སློང་རྣམས་འདི་སྐད་སྨྲ་བའི་གཞིར་གྱུར་ཀྱི། དགེ་སློང་དག་།སྣམ་སྦྱར་ནི་རྒྱལ་པོ་ལྟ་བུ་ཡིན་ཏེ། དེ་ལྟ་བས་ན་སྣམ་སྦྱར་གྱོན་ཏེ། ལས་ཐམས་ཅད་མི་བྱའོ། །བཅོམ་ལྡན་འདས་ཀྱིས་སྣམ་སྦྱར་གྱོན་ཏེ་ལས་ཐམས་ཅད་མི་བྱའོ། །ཞེས་གསུངས་པ་དང ། དགེ་སློང་རྣམས་ཀྱིས་སྣམ་སྦྱར་བགོས་ཏེ་ཇི་ལྟར་བྱ་བ་དང ། ཇི་ལྟར་མི་བྱ་བ་མ་ཤེས་ཏེ། དེའི་སྐབས་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སྤྱོད་ཡུལ་དུ་འགྲོ་བ་དང ། ཟས་ཀྱི་ཐོག་མ་ལ་འདུག་པ་དང ། མཆོད་རྟེན་དག་ལ་ཕྱག་བྱེད་པ་དང ། སྟོན་པའི་ལུང་ནོད་ཅིང་སོ་</font><hr>Da300b<br><font size=+2>


སོར་གོ་བར་བྱ་བ་དང ། ཉིན་པར་ཆོས་ཉན་པ་དང ། མཚན་མོ་ཆོས་ཉན་པ་དང ། གྲལ་དུ་འདུག་སྟེ་ཟ་བ་དང ། མཁན་པོ་དང ། སློབ་དཔོན་ལ་ཕྱག་བྱེད་པ་དང ། གཞན་ཡང་ཚངས་པར་སྤྱོད་པ་དང་ལྷན་ཅིག་འདུག་པའི་ཚེ་སྣམ་སྦྱར་བགོ་བར་བྱའོ། །སྟོད་གཡོགས་ནི་ཕྱོགས་གཙང་མར་བགོ་ཞིང་ལས་ཐམས་ཅད་བྱའོ། །སྨད་གཡོགས་ནི་ཅི་བདེར་ཡོངས་སུ་སྤྱོད་ཅིག་།གླེང་གཞི་ནི་མཉན་ཡོད་ནའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཉི་མ་ནི་ཤར་ཏོ། །བྱ་རོག་ནི་ཟེར་རོ། །ཞིང་དག་ནི་རྨེད་དོ། ། ཆོམ་རྐུན་པ་དག་ནི་ངུའོ། །དགེ་སློང་དག། ཉི་མ་ནི་ཤར་ཏོ། །ཞེས་བྱ་བ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། ཞེས་བྱ་བའི་ཚིག་བླ་དྭགས་སོ། །བྱ་རོག་ཟེར་རོ། །ཞེས་བྱ་བ་ནི་ཆོས་སྨྲ་བ་རྣམས་ཀྱི་གང་ཟག་གི་ཚིག་བླ་དྭགས་སོ། །ཞིང་པ་དག་ནི་ཞིང་རྨེད་དོ། །ཞེས་བྱ་བ་ནི། སྦྱིན་བདག་དང་སྦྱིན་པ་པོ་ཞེས་བྱའི་ཚིག་བླ་དྭགས་སོ། །ཆོམ་རྐུན་པ་དག་དུ། ཞེས་བྱ་བ་ནི་བདུད་ཀྱི་འཁོར་ཞེས་བྱ་བའི་ཚིག་བླ་དྭགས་སོ། །དགེ་སློང་དག་།སྟོན་པ་གང་ཡིན་པ་དེ་ནི་ཉན་ཐོས་རྣམས་ལ་ཐུགས་བརྩེ་བ་ཅན། ཐུགས་རྗེའི་དོན་དུ་ཕན་པར་མཛད་པར་དགྱེས་པས་ཁྱེད་རྣམས་ལ་ངས་ཐུགས་རྗེ་གཟིགས་ཏེ། ཁྱེད་རྣམས་ཀྱིས་བྱ་བ་ནི་དགོན་པ་དང ། ཤིང་དྲུང་དང ། ཁང་སྟོང་དང ། རི་དང་</font><hr>Da301a<br><font size=+2>


༄#། །རི་ཁྲོད་དང ། རིའི་ཕུག་དང ། འདམ་བུའི་སྟན་དང ། བླ་གབ་མེད་པ་དང ། དུར་ཁྲོད་དང ། ནགས་ཁྲོད་དང ། བས་མཐའི་གནས་མལ་དུ་བསམ་གཏན་གྱིས་ལ།་དགེ་སློང་དག་།བག་མེད་པ་དང ། ཕྱིས་འགྱོད་པར་མ་བྱེད་ཅིག་།འདི་ནི་ངའི་བསྟན་པ་ཡིན་ནོ། །བཅོམ་ལྡན་འདས་ཀྱིས། དགེ་སློང་རྣམས་བག་ཡོད་པར་གནས་མལ་དེ་ལྟ་བུར་བསམ་གཏན་བྱོས་ཤིག་།ཅེས་གསུངས་པ་དང ། དགེ་སློང་རྣམས་ཀྱིས་ཇི་སྐད་བསྟན་པའི་གནས་མལ་དུ་བསམ་གཏན་བྱ་བར་བརྩམས་པ་དང ། ཇི་ཙམ་ན་དགེ་སློང་ཐོས་པ་ཉུང་ངུ་ཞིག་དེ་བཞིན་དུ་དགོན་པར་སོང་སྟེ་འདུག་ནས། ནུབ་མོ་ཡང་གྲོང་དུ་མི་འགྲོ། །ཉིན་པར་ཡང་བསོད་སྙོམས་དུས་མ་གཏོགས་པར་ཕྱོགས་དེར་གནས་བཅས་པ་དང ། བ་ལང་རྫི་དང།་ཕྱུགས་རྫི་དང ། རྩཝ་ཐུན་དང ། ཤིང་ཐུན་དང ། ལམ་གྱིས་འཚོ་བ་དང ། ལམ་གོལ་བས་འཚོ་བའི་མི་རྣམས་ཀྱིས་འདུག་པར་ཤེས་སོ། །ཇི་ཙམ་དུས་གཞན་ཞིག་ན་ཆོམ་རྐུན་པ་དག་རི་བྲགས་ཀྱི་གྲོང་གཞན་ཞིག་ཏུ་འཇོམས་སུ་སོང་སྟེ། དེ་དག་དེར་བརྡེགས་ཤིང་རྣམ་པར་བརྡེགས་ཏེ། བཅོམ་ནས་དེ་རྣམས་བྲོས་ཏེ། ཕྱོགས་གཞན་ཞིག་ཏུ་ཕྱིན་ནས། དེ་རྣམས་ཤེས་ལྡན་དག་གང་དུ་འདོང ། ཕྱོགས་གར་འདོང ། སྨྲོས་ཤིག་།ཅེས་བགྲོས་པ་དང ། དེ་ནས་གཅིག་གིས་ཁོ་བོ་ནི་རབ་ཏུ་སྣད་དེ་འགྲོ་མི་ནུས་སོ། །ཞེས་སྨྲས་སོ། །ལ་</font><hr>Da301b<br><font size=+2>


ལས་ནི་ཁོ་བོ་ནི་སྐོམ་མོ། །ཞེས་སྨྲས་སོ། །ལ་ལས་ནི་ཁོ་བོ་ནི་བཀྲེས་སོ། །ཞེས་སྨྲས་སོ། །གཞན་ཞིག་གིས་ཤེས་ལྡན་དག་།ཕྱོགས་འདི་ན་དགེ་སྦྱོང་ཤཱཀྱའི་སྲས་ཤིག་གནས་གནས་ཏེ། དགེ་སྦྱོང་ཤཱཀྱའི་སྲས་ཤིག་ནི་མཁས་པ་སྙིང་རྗེ་ཅན་དགོན་པ་དེ་ན་འཇིགས་པ་མེད་དེ། གལ་ཏེ་ཤེས་ལྡན་དག་ད་ནི་དེར་འདོང་ངོ ། །དེར་སོང་ན་དེར་ནི་བདག་ཅག་གིས་ངེས་པར་ཅུང་ཟད་རྙེད་དོ། །ཞེས་སྨྲས་སོ། །དེ་དག་གིས་ཤེས་ལྡན་དེ་ལྟར་ལེགས་ཏེ། ཤེས་ལྡན་དག་།ཚུར་གཤེགས་དེར་འདོང་ངོ ། །ཞེས་སྨྲས་ནས། དེ་དག་གླང་པོ་ཆེའི་སྣ་བཞིན་འཕང་བསྟོད་དེ་རེ་བ་དང་བཅས་ནས་མཐར་གྱིས་དེའི་དྲུང་དུ་འོངས་ནས། དེས་དེ་དག་ལེགས་པར་འོངས་སམ། ཞེས་ཡང་དག་པར་རབ་ཏུ་དགའ་བའི་གཏམ་ཀུན་ཏུ་སྨྲས་པ་དང ། དེ་དག་རབ་ཏུ་དགའ་སྟེ། ཡིད་རབ་ཏུ་བརྟན་ནས་ཅུང་ཟད་ཅིག་བསྡད་དེ། སྨྲས་པ། འཕགས་པ། བདག་ཅག་ནི་གྲང་བས་སྦྲེབས་ན། མེ་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །གཞན་ཞིག་གིས་སྨྲས་པ། བདག་ཅག་ནི་སྐོམ་པར་གྱུར་ན། ཆུ་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། འཕགས་པ།་རྨ་ཁར་གླན་པའི་ཕྱེ་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། འཕགས་པ། རྨ་ཁར་དཀྲིར་རུང་བའི་རས་མ་ཅུང་ཟད་མཆིས་སམ། </font><hr>Da302a<br><font size=+2>


༄#། །དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། རྨ་ཁར་གླན་པའི་མར་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། བདག་ཅག་ནི་བཀྲེས་ན་འབྲས་ཆན་དང ། ཟན་དྲོན་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། དེ་རིང་ཚེ་གྲངས་ནི་ཅི། རྒྱུ་སྐར་ནི་གང ། ཉི་མ་ནི་གང་ལ་བབ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གི་ནང་ན་གཅིག་ཅིག་དགེ་སློང་གི་སྤྱོད་པ་ཤེས་ཏེ། ཀུན་ནས་དཀྲིས་པས་སྨྲས་པ། འཕགས་པ་དེ་ནི་དེར་བས་ན་འདི་ལྟ་བུ་ཞིག་དྲིའོ། །རེ་ཞིག་ཅི། ཁྱོད་དགྲ་བཅོམ་པའམ། ཕྱིར་མི་འོང་བའམ། ལན་ཅིག་ཕྱིར་འོང་བའམ། རྒྱུན་དུ་ཞུགས་པ་ཡིན་ནམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། འཕགས་པ་དེ་ནི་དེར་བས་ན། གཞན་འདི་ལྟ་བུ་ཞིག་དྲིའོ། །ཅི་ཁྱོད་འདུ་ཤེས་མེད། འདུ་ཤེས་མེད་མིན་སྐྱེ་མཆེད་ཐོབ་བམ། འོན་ཏེ་ཅུང་ཟད་མེད་པའི་སྐྱེ་མཆེད་དམ། རྣམ་ཤེས་མཐའ་ཡས་སྐྱེ་མཆེད་དམ། ནམ་མཁའ་མཐའ་ཡས་སྐྱེ་མཆེད་དམ། བསམ་གཏན་བཞི་པའམ། བསམ་གཏན་གསུམ་པའམ། བསམ་གཏན་གཉིས་པའམ། བསམ་གཏན་དང་པོ་ཐོབ་པ་ཡིན། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། འཕགས་པ་དེ་ནི་དེར་བས་ན། ཅི་ཁྱོད་སྡེ་སྣོད་གསུམ་པའམ། </font><hr>Da302b<br><font size=+2>


འོན་ཏེ་མདོ་སྡེ་འཛིན་པའམ། འདུལ་བ་འཛིན་པའམ། མ་མོ་འཛིན་པ་ཡིན། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། དེ་དག་ནི་དེར་བས་ན། གཞན་འདི་ལྟ་བུ་ཞིག་དྲིའོ།། ཁྱོད་ཀྱི་མིང་ཅི། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། འཕགས་པ། ཕྱོགས་འདི་གང ། དེས་སྨྲས་པ། ཁོ་བོ་ནི་དགོན་པ་པའོ། །ཞེས་དེས་དེ་བཞིན་དུ་རྣམ་པ་ཐམས་ཅད་དུ་དགོན་པ་པའོ། །ཞེས་སྨྲས་པ་དང ། དེ་དག་ཤིན་ཏུ་ཁྲོས་པར་གྱུར་ནས་སྨྲས་པ། ཤེས་ལྡན་དག་བདག་ཅག་ནི་ཆོམ་རྐུན་པ་ཡིན་ན། འདི་ནི་ཆོམ་རྐུན་པ་ཆེན་པོ་ཞིག་སྟེ། གང་རང་གི་མིང་ཙམ་ཡང་མི་ཤེས་ལ། མཚན་མ་ཙམ་འཛིན་པ། འཇིག་རྟེན་རྣམས་ལ་སླུ་བར་བྱེད་པའོ། །ཞེས་དེ་དག་དེ་ལ་མི་བཟོད་པ་སྐྱེས་ནས། ཤིན་ཏུ་བརྡེགས་ཏེ། མགོ་དང་ལྷུང་བཟེད་དང ། འཁར་གསིལ་ཡང་བཅོམ། ཆོས་གོས་ཀྱང་དྲལ་ཏེ་མ་ཤི་ཙམ་དུ་བྱས་ནས། དེ་དག་མཚན་མོ་ཉིད་ཕྱོགས་དེ་ནས་དོང་ངོ ། དེ་ཡང་མཚན་མོ་ནམ་ནངས་ནས། དེ་བཞིན་དུ་ཚུལ་མི་སྡུག་པར་རྒྱལ་བྱེད་ཀྱི་ཚལ་དུ་སོང་བ་དང ། དགེ་སློང་དག་གིས་མཐོང་སྟེ། དེ་དག་གིས་སྨྲས་པ། ཚེ་དང་ལྡན་པ་གང་གིས་འདི་འདྲ་བའི་གནས་སུ་བཞག་།དེས་ཇི་ལྟར་གྱུར་པ་ཞིག་ཏུ་སྨྲས་པ་དང ། དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། བཅོམ་ལྡན་འདས་ཀྱིས་བཀའ་སྩལ་པ། དགོན་པ་པ་རྣམས་ཀྱི་དགེ་སློང་གི་ཀུན་</font><hr>Da303a<br><font size=+2>


༄#། །ཏུ་སྤྱོད་པའི་ཆོས་བཅའ་བར་བྱ་སྟེ། དགོན་པ་པའི་དགེ་སློང་གིས་རྟག་ཏུ་མེ་དག་གཞག་པར་བྱ། ཕྱེ་ཉུང་ཟད་ཙམ་བཅང་བར་བྱ། རས་མ་དག་གཞག་པར་བྱ།་གང་འབྲས་ཆན་དང ། ཟན་དག་ཟོས་པའི་ལྷག་མ་ཡང་གཞག་པར་བྱ། རྒྱུ་སྐར་དང ། ཚེས་གྲངས་དང ། ཉི་མ་དག་ལ་མཁས་པ་བྱ་སྟེ། ཕྱོགས་ལ་མཁས་པར་བྱ། སྤྱོད་ཡུལ་ལ་མཁས་པར་བྱ། ཆུ་དག་གཞག་པར་བྱ། མར་དང་འབྲུ་མར་ཅུང་ཟད་བཅང་བར་བྱ། མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དང ། ཐ་ན་སྙན་པར་སྨྲ་བ་ཙམ་ལ་ཡང་མཁས་པར་བྱ་སྟེ། དགོན་པ་པའི་དགེ་སློང་གིས་ཇི་ལྟར་ཀུན་ཏུ་སྤྱད་པའི་ཆོས་བཅས་པ་ལ་ཡང་དག་པར་མི་འཛིན་ཅིང་མ་བསྒྲུབས་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་འཚོ་བ་པ་ཞིག་གནས་པ་དེ། དུས་གཞན་ཞིག་ན་ནད་ཀྱིས་ཐེབས་པར་གྱུར་ཏེ། དེ་སྨན་པའི་དྲུང་དུ་སོང་ནས། བཞིན་བཟང ། སྨན་གྱི་ལུང་སྟོན་ཅིག་།དེས་སྨྲས་པ། འཕགས་པ། བསྲོ་ཁང་གི་ཁྲུས་གྱིས་ཤིག་དང ། སོས་པར་འགྱུར་རོ། །དེས་སྨྲས་པ། བཞིན་བཟང ། བདག་ནི་སློང་མོ་ལ་རྒྱུ་ཞིང ། འཚོ་བར་བྱེད་པ་ཡིན་ན། ཇི་ལྟར་བདག་གིས་བསྲོ་ཁང་དུ་ཁྲུས་འབྱོར་པར་གྱུར། དེས་སྨྲས་པ། འཕགས་པ། དགེ་སྦྱོང་ཤཱཀྱའི་བུ་དག་ཟླ་བ་ཕྱེད་ཕྱེད་ཅིང་ཁྲུས་བྱེད་</font><hr>Da303b<br><font size=+2>


ཀྱི།་དེར་སོང་ལ་ཁྲུས་བྱོས་ཤིག་།དེས་ཁྲུས་བྱ་བར་བརྩམས་ཏེ། དགེ་སློང་དག་གི་ནང་དུ་ཞུགས་པ་དང ། དེའི་གོས་ས་དམར་དུ་ཁ་བསྒྱུར་བ་གྱོན་ནས། དགེ་སློང་ཐམས་ཅད་ཀྱིས་དེ་ཡང་དགེ་སློང་ཞིག་གོ་སྙམ་སྟེ། སུས་ཀྱང་མ་བགགས་སོ། །དེ་ཡང་མྱུར་བ་མྱུར་བར་ཁྲུས་བྱས་ཏེ། མེ་འདེ་ཞིང་འདུག་པ་དང ། ཇི་ཙམ་ན་དགེ་སྦྱོང་དག་ཅིག་ཕྱོགས་དེར་འོངས་ཏེ། དེ་དག་གིས་དེ་མཐོང་ནས། དེ་དག་ལ་གཅིག་ལ་གཅིག་སེམས་དེས་པ་ཞིག་སྟེ། དེས་སྨྲས་པ། ཚེ་དང་ལྡན་པ་དག་།འདི་ན་དགེ་སྦྱོང་རྒན་ཞུགས་ཤིག་འདུག་གི་ཁྲུས་བྱའོ། །དེ་དག་གིས་སྨྲས་པ།་ལེགས་ཀྱི་དེ་བཞིན་དུ་བྱའོ། །དེ་དག་དྲུང་དུ་སོང་སྟེ། རྒན་ཞུགས་ཚུར་ཤོག་།ཁྲུས་བྱའོ། །ཞེས་སྨྲས་སོ། །དེས་མགོ་དྲིལ་བ་དང ། དེ་དག་གིས་དེའི་དཔུང་པ་ནས་བཟུང་སྟེ་བསླང་ངོ། །དེས་སྨྲས་པ། དགེ་སྦྱོང་ཤཱཀྱའི་བུ་མི་གཙང་བ་ཁྲུས་མ་བྱས་པ་དག་གིས་ཁྲུས་བྱས་པ་ལ་རེག་གོ་།དེ་དག་གིས་སྨྲས་པ། ངེད་ནི་དགེ་སྦྱོང་ཤཱཀྱའི་བུ་དག་ཡིན་ན། རྒན་ཞུགས་ཁྱོད་ལྟ་བུ་སུ་ཞིག་།དེས་སྨྲས་པ། བདག་ནི་འཚོ་བ་པའོ། །དེ་དག་གིས་སྨྲས་པ། ཀྱེ་འཚོ་བ་པོ་ཁྱོད་སུས་ཁྲུས་བྱས། ཞེས་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང།་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན། དེའི་ཕྱིར་དགེ་སློང་རྣམས་ཀྱིས་བསྲོ་ཁང་དུ་ཁྲུས་བྱེད་པའི་ཚེ། སྒོ་སྲུང་དག་གཞག་པར་བྱ་ཞིང་ནང་དུ་</font><hr>Da304a<br><font size=+2>


༄#། །འོང་བའི་དགེ་སློང་དག་གི་མིང་དྲི་བར་བྱའོ། །དེ་དག་གིས་དགེ་སློང་མིང་ཤེས་པ་ཡང་དྲི་བར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ངོ་ཤེས་པའི་དགེ་སློང་དག་གི་མིང་མ་འདྲི་ཞིག་།སངས་རྒྱས་བཅོམ་ལྡན་འདས་ཀོ་ས་ལ་ནས་ལྗོངས་རྒྱུ་ཞིང་གཤེགས་པ་ན། འདོད་པ་མཐུན་པར་བྱོན་ནས། འདོད་པ་མཐུན་པ་ན་འདོད་པ་མཐུན་པའི་ནགས་ཁྲོད་ན་བཞུགས་སོ། །དེ་ནས་ཡང་དེའི་ཚེ་བྲམ་ཟེ་པདྨའི་སྙིང་པོ་ཞེས་བྱ་བ་ལ། ཀོ་ས་ལའི་རྒྱལ་པོ་གསལ་རྒྱལ་གྱིས་དཔྱ་རྒྱུ་རྩཝ་དང ། ཤིང་དང ། ཆུར་བཅས་པར་བྲམ་ཟེའི་སྦྱིན་མཐོང་སུ་བྱིན་ནས། ཤས་ཆེན་པོ་རྒྱས་པ་ལ་ལོངས་སྤྱོད་དོ། །བྲམ་ཟེ་པདྨའི་སྙིང་པོའི་སློབ་མ་བྲམ་ཟེའི་ཁྱེའུ་མ་སྡུག་ཅེས་བྱ་བ་མང་དུ་ཐོས་པ། ཚིག་གསལ་བ། ཐགས་ཐོགས་མེད་པ་ཞིག་ཡོད་དེ། བྲམ་ཟེ་པདྨའི་སྙིང་པོའི་བྲམ་ཟེའི་ཁྱེའུ་ལྔ་བརྒྱ་ཙམ་ལ། བྲམ་ཟེ་རྣམས་ཀྱི་གསང་ཚིག་འདོན་དུ་འཇུག་གོ་།བྲམ་ཟེ་པདྨའི་སྙིང་པོས། དགེ་སློང་གོའུ་ཏ་མ་ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོ་འདི་ལྟ་བུ་འདི་ཕྱོགས་དང་ཕྱོགས་མཚམས་</font><hr>Da304b<br><font size=+2>


སུ་གྲགས་ཏེ། འདི་ལྟར་བཅོམ་ལྡན་འདས་གོའུ་ཏ་མ་དེ་ནི། དེ་བཞིན་གཤེགས་པ་དགྲ་བཅོམ་པ། ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་དེ་ནི་འཇིག་རྟེན་ལྷ་དང་བཅས། བདུད་དང་བཅས།་ཚངས་པ་དང་བཅས། དགེ་སྦྱོང་དང་བྲམ་ཟེའི་སྐྱེ་དགུ་དང་བཅས། ལྷ་དང་མིའི་སྐྱེ་དགུ་དང་བཅས་པ་འདི་ལ་མཐོང་བའི་ཆོས་འདི་ཁོན་རང་ཉིད་ཀྱིས་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས། ངའི་ཟག་པ་ཟད་དོ། །ཚངས་པར་སྤྱོད་པ་ལ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །དེའི་ཆོས་ཀྱང་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ། ཡང་དག་པར་རབ་ཏུ་སྟོན་པའོ། །ཞེས་གོ་བར་བྱེད་པ་དེ་གསང་ཚིག་ལས་ཀྱང་འབྱུང་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དེ་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་ནི། གཉིས་ལས་གཞན་དུ་མི་འགྱུར་ཏེ། གལ་ཏེ་ཁྱིམ་ན་གནས་ན་ནི། འཁོར་ལོས་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ། ཆོས་དང་ལྡན་པ། ཆོས་ཀྱི་རྒྱལ་པོ་རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་ནི། འདི་ལྟ་བུ་དག་</font><hr>Da305a<br><font size=+2>


༄#། །ཡིན་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་ཆེན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི་བློན་པོ་རིན་པོ་ཆེ་ཉིད་ཡིན་ནོ། །དེ་ལ་ཡང་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཡང་ཚང་བར་འགྱུར་ཞིང།་དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་སྡོ་བ་མེད་ཅིང་འཚེ་བ་མེད་པ་འདི་ཉིད། ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། ཞེས་བྱ་བར་འཇིག་རྟེན་དུ་སྒྲ་རྣམ་པར་གྲགས་པར་འགྱུར་བ་དེ། ཀོ་ས་ལ་ནས་ལྗོངས་རྒྱུ་ཞིང་གཤེགས་ནས།་འདོད་པ་མཐུན་དུ་བྱོན་ནས་འདོད་པ་མཐུན་པ་ན། འདོད་པ་མཐུན་པའི་ནགས་ཁྲོད་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་བྲམ་ཟེའི་ཁྱེའུ་མ་སྡུག་ལ་སྨྲས་པ། མ་སྡུག་གང་ཡིན་པ་ཤེས་སམ། ཁོ་བོས་དགེ་སྦྱོང་གོའུ་ཏ་མ་ཤཱཀྱའི་སྲས། ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ནས། གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་</font><hr>Da305b<br><font size=+2>


ནས་ཁྱིམ་མེད་པར་རབ་ཏུ་བྱུང་ནས། ཞེས་བྱ་བ་ནས། འཇིག་རྟེན་ཏུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་དུ་སྟེ། ཁོ་བོ་དེ་གསང་ཚིག་ལས་བཏོན་པས། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དེ་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་ནི། གཉིས་ལས་གཞན་དུ་མི་འགྱུར་ཏེ། གལ་ཏེ་ཁྱིམ་ན་གནས་ན་ནི། འཁོར་ལོས་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ། ཞེས་བྱ་བ་ནས། འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་དུ་སྟེ། དེ་ཀོ་ས་ལ་ནས་ལྗོངས་རྒྱུ་ཞིང་གཤེགས་པ་ལ། འདོད་པ་མཐུན་པར་བྱོན་ནས། འདོད་པ་མཐུན་པ་ན། འདོད་པ་མཐུན་པའི་ནགས་ཁྲོད་ན་བཞུགས་སོ། །ཞེས་ཐོས་ཀྱི། བྲམ་ཟེའི་ཁྱེའུ་ཚུར་ཁྱོད་ཤེས་ལྡན་གོའུ་ཏ་མ་གང་ན་བ་དེར་སོང་ཞིག་དང ། ཕྱིན་ནས།་ཇི་ག་ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང་ཚིགས་སུ་བཅད་པ་རྒྱ་ཆེན་པོ་ཕྱོགས་མཚམས་སུ་ཇི་ལྟར་གྲགས་པ་དེ་ཁོ་ན་བཞིན་ཡིན་ནམ། མ་ཡིན་པ་དང ། དེའི་མཚན་རྣམས་གྲགས་པ་ཡང་དག་པ་ཡིན་ནམ། མ་ཡིན། ཤེས་པར་འགྱུར་གྲང ། བྲམ་ཟེའི་ཁྱེའུ་མ་སྡུག་གིས། བྲམ་ཟེ་པདྨའི་སྙིང་པོའི་ལྟར་མཉན་ནས། ཤས་ཆེ་བའི་བྲམ་ཟེ་རྒན་རབས་མང་པོ་དག་དང་ལྷན་ཅིག་ཏུ་ཤས་ཆེ་བ་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། ཕྱོགས་གཅིག་ཏུ་འདུག་གོ་།དེ་ནས་ཤས་ཆེ་བའི་</font><hr>Da306a<br><font size=+2>


༄#། །བྲམ་ཟེ་རྣམས། བཅོམ་ལྡན་འདས་དང་ལྷན་ཅིག་ཏུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ།་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས་ཤས་ཆེ་བའི་བྲམ་ཟེ་རྣམས་ལ་ཆོས་དང་ལྡན་པའི་གཏམ་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། བཅོམ་ལྡན་འདས་ཤས་ཆེ་བའི་བྲམ་ཟེ་རྣམས་ལ་ཆོས་དང་ལྡན་པའི་གཏམ་གསུང་བ་ན། བྲམ་ཟེའི་ཁྱེའུ་མ་སྡུག་མཆིལ་ལྷམ་དང་བཅས་པས་འཆག་ཅིང ། གློ་བུར་དུ་གཏམ་དག་གླེང་བར་བྱེད་ལ། གཏམ་མཐར་ཕྱིན་པར་མི་སྡོད་པར་མ་གུས་པས་སྙེམས་ཤིང་བཟློག་པར་སེམས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ་ཁྱོད་བྲམ་ཟེ་གསུམ་རིག་པ་རྣམས་དང་ལྷན་ཅིག་གློ་བུར་དུ་གཏམ་དེ་ལྟ་སྨྲའམ། ཀྱེ་གོའུ་ཏ་མ། གཏམ་ཇི་ལྟ་བུ་ཞིག་།དེ་བཞིན་གཤེགས་པ་ཤས་ཆེ་བའི་བྲམ་ཟེ་རྣམས་ཆོས་དང་ལྡན་པའི་གཏམ་གསུང་བ་ན་ཁྱོད་མཆིལ་ལྷམ་དང་བཅས་པས་འཆག་ཅིང ། གློ་བུར་དུ་གཏམ་གླེང་བར་བྱེད་ལ། གཏམ་མཐར་ཕྱིན་པར་མི་སྡོད་པར་མ་གུས་པས་སྙེམས་ཤིང་སླར་བཟློག་པར་</font><hr>Da306b<br><font size=+2>


སེམས་པ་ལྟ་བུའོ། །ཀྱེ་གོའུ་ཏ་མ། བྲམ་ཟེ་འགྲོ་བ་རྣམས་ནི་འགྲོ་བ་རྣམས་དང་ལྷན་ཅིག་།འགྲེང་བ་རྣམས་ནི་འགྲེང་བ་རྣམས་དང ། འདུག་པ་རྣམས་ནི་འདུག་པ་རྣམས་དང ། ཉལ་བ་རྣམས་ནི་ཉལ་བ་རྣམས་དང་ཕན་ཚུན་ལེགས་པར་སྨྲའོ། དགེ་སྦྱོང་མགོ་རེག་ནག་པོའི་རྩ་ལག་ཕོ་རེང་གང་དག་ཡིན་པ་དེ་དག་དང་ནི་ཁོ་བོ་ལྷན་ཅིག་ཏུ་འདི་ལྟ་བུའི་གློ་བུར་གྱི་གཏམ་གླེང་དུ་རུང་སྟེ། དཔེར་ན། ད་ལྟར་ཤེས་ལྡན་གོའུ་ཏ་མ་དང་གླེང་བ་བཞིན་ནོ། །བྲམ་ཟེའི་ཁྱེའུ་ཁྱོད་དོན་དུ་གཉེར་བ་ལ་ཞུགས་ནས་འདིར་འོངས་ན། དེ་ལྟ་བུ་ནི་བསྙེན་བཀུར་མ་བྱས་པ་ལས་གཞན་ལ་མེད་པས། བྲམ་ཟེའི་ཁྱེའུ་མ་སྡུག་ནི་བླ་མའི་ཚོགས་ལས་བསྙེན་བཀུར་མ་བྱས་པ་ཞིག་ཡིན་པ་ལྟ། དེ་ནས་བཅོམ་ལྡན་འདས་ཀྱིས། བྲམ་ཟེའི་ཁྱེའུ་མ་སྡུག་ལ་བཀུར་སྟི་མེད་པའི་ཚིག་གིས་སྤྱོས་པ་ན། ཁྲོས་འཁྲུགས་རྔམ་ཞིང་ཡི་མ་རངས་ནས། བཅོམ་ལྡན་འདས་ལ་ཁ་བྱ་བར་འདོད། སྤོབས་པར་འདོད། བརྩད་པར་འདོད། དྲན་པར་བྱ་བར་འདོད། འདི་ཙམ་གྱིས་དགེ་སྦྱོང་གོའུ་ཏ་མ་ལ་ཁ་བྱ་བ་དང ། སྤོབས་པ་དང ། བརྩད་པ་དང ། དྲན་པར་བྱ་བ་བྱས་པར་འགྱུར་རོ། །སྙམ་དུ་རིག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འདི་ལྟར་ཀྱེ། གོའུ་ཏ་མ། ཤཱཀྱ་འདི་དག་ནི་ད་བྱུང་ཁོ་ན་ཡིན་ཏེ། ད་བྱུང་གི་རིགས་ཡིན་པས། བྲམ་ཟེ་རྣམས་ལ་བླ་མ་དང ། རི་མོ་དང ། ཞེ་ས་དང ། མཆོད་པ་མི་བྱེད་དོ། །ཅི་བྲམ་</font><hr>Da307a<br><font size=+2>


༄#། །ཟེའི་བུ་ཁྱོད་ལ་ཤཱཀྱ་རྣམས་ཀྱིས་གནོད་པ་ཅུང་ཟད་བྱས་སམ། ཀྱེ་གོའུ་ཏ་མ། དུས་གཅིག་ཅིག་ན། བདག་ཉིད་དང་མཁན་པོའི་བྱ་བ་ཞིག་ལ་གྲོང་ཁྱེར་སེར་སྐྱའི་གཞིར་ཕྱིན་པ་ན། བདག་ལ་ཤཱཀྱ་རྣམས་དང ། ཤཱཀྱའི་བུ་མོ་རྣམས་ཁང་བཟང་གི་སྟེང་དུ་སོང་ནས། མཛུབ་ཀེར་གྱིས་སྟོན་པར་བྱེད་དེ། བྲམ་ཟེ་པདྨའི་སྙིང་པོའི་སློབ་མ་བྲམ་ཟེའི་ཁྱེའུ་མ་སྡུག་ཡིན་ནོ། །བྲམ་ཟེ་པདྨའི་སྙིང་པོའི་སློབ་མ་བྲམ་ཟེའི་ཁྱེའུ་མ་སྡུག་ཡིན་ནོ། །ཞེས་དེ་དག་བདག་ལ་མཛུབ་ཀེར་ཁོ་ནས་སྟོན་པར་བྱེད་ཀྱི། བདག་ལ་བཀུར་སྟི་དང ། བླ་མ་དང ། ཞེས་དང ། མཆོད་པ་ནི་མི་བྱེད་དོ། །བྲམ་ཟེའི་ཁྱེའུ། རེ་ཞིག་བྱེའུ་ཁུག་སྟ་ཡང་རང་གི་ཚང་ན་འདུག་ན། ཅི་དགར་སྐད་འབྱིན་ན། ཤཱཀྱ་རྣམས་ལྟ་སྨོས་ཀྱང་ཅི་དགོས་ཏེ། བྲམ་ཟེ་ཁྱེའུ་འདི་ལྟ་སྟེ། གྲོང་ཁྱེར་སེར་སྐྱའི་གཞི་འདི་ནི་ཤཱཀྱ་རྣམས་རང་གི་ཡིན་ནོ། །ཀྱེ་གོའུ་ཏ་མ། རིགས་ནི་འདི་བཞི་སྟེ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་སོ། །འདི་ལྟར་ཀྱེ་གོའུ་ཏ་མ། རིགས་བཞི་པོ་འདི་དག་ནི། བྲམ་ཟེ་རྣམས་ལ་བཀུར་སྟི་བྱེད། བླ་མར་བྱེད། ཞེས་བྱེད། མཆོད་པར་བྱེད་དོ། ། འོན་ཀྱང་ཤཱཀྱ་འདི་དག་ནི། ད་བྱུང་ཁོ་ན་ཡིན་ཏེ། ད་བྱུང་གི་རིགས་ཡིན་པས། བྲམ་ཟེ་རྣམས་ལ་བཀུར་སྟི་མི་བྱེད། བླ་མར་མི་བྱེད། ཞེ་ས་མི་བྱེད། མཆོད་པར་མི་བྱེད་དོ། །དེ་</font><hr>Da307b<br><font size=+2>


ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མ་བྲམ་ཟེའི་ཁྱེའུ་མ་སྡུག་ཤཱཀྱ་རྣམས་ལ། ཨེ་མའོ། །ཤཱཀྱ་རྣམས་ནི་ད་བྱུང་ཡིན་ནོ། །ེ་མའོ། །ཤཱཀྱ་རྣམས་ད་བྱུང་གི་རིགས་ཡིན་ནོ།། ཞེས་ཧ་ཅང་ཁ་ཟེར་བས། མ་ལངས་འདིའི་སྔོན་གྱི་རིགས་བརྒྱུད་པ་བཙལ་ལོ། །སྙམ་ནས། བཅོམ་ལྡན་འདས་ཀྱིས། བྲམ་ཟེའི་ཁྱེའུ་མ་སྡུག་གི་སྔོན་གྱི་རིགས་བརྒྱུད་པ་བཙལ་བ་དང ། བྲམ་ཟེའི་ཁྱེའུ་མ་སྡུག་ནི་ཤཱཀྱ་རྣམས་ཀྱི་བྲན་མོའི་བུར་གྱུར་ལ། ཤཱཀྱ་རྣམས་ནི་དེའི་ཇོ་བོའི་བུར་གྱུར་པ་གཟིགས་སོ། །དེ་ནས་བཅོམ་ལྡན་འདས་ཀྱིས། བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །ཀྱེ་བྲམ་ཟེའི་ཁྱེའུ་ཁྱོད་ཀྱི་རིགས་ཅི་ཡིན། ཀྱེ་གོའུ་ཏ་མ། མིག་མི་འཛུམ་གྱི་བུའོ། །བྲམ་ཟེའི་ཁྱེའུ་འདི་ནས་ཁྱོད་ཀྱི་སྔོན་གྱི་རིགས་བརྒྱུད་པ་བཙལ་ན། ཁྱོད་ནི་ཤཱཀྱ་རྣམས་ཀྱི་བྲན་མོའི་བུར་གྱུར་ལ། ཤཱཀྱ་དག་ནི་ཇོ་བོའི་བུར་གྱུར་པ་ཡིན་པར་མཐོང་ངོ་།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་དྲུག་པ། དེ་ནས་ཤས་ཆེ་བའི་བྲམ་ཟེ་རྣམས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ་ཁྱོད་བྲམ་ཟེའི་ཁྱེའུ་མ་སྡུག་ལ་འདི་ནི་བྲན་མོའི་བུ། ཞེས་ཚིག་ཏུ་མ་གསུངས་ཤིག་།དེ་ཅིའི་སླད་དུ་ཞེ་ན། བྲམ་ཟེའི་ཁྱེའུ་མ་སྡུག་ནི་མང་དུ་ཐོས་པ། ཚིག་གསལ་བ། ཐགས་ཐོགས་མེད་པར་སྨྲ་བ་སྟེ། གཞན་ཡང་བྲམ་ཟེའི་ཁྱེའུ་མ་སྡུག་གིས་གཞི་འདི་ལ། ཤེས་ལྡན་གོའུ་ཏ་མ་ལ་ཆོས་དང་མཐུན་པས་ལན་གདབ་པར་རྡོ་ཐོག་</font><hr>Da308a<br><font size=+2>


༄#། །གོ།་བྲམ་ཟེ་དག་།གལ་ཏེ་ཁྱེད་ཅག་འདི་སྙམ་དུ་བྲམ་ཟེའི་ཁྱེའུ་མ་སྡུག་ང་ལ་ཆོས་དང་མཐུན་པས་ལན་ལྡོན་ནུས་སོ། །སྙམ་དུ་སེམས་ན། ཁྱེད་ཅག་ཅང་མ་སྨྲ་བར། བྲམ་ཟེའི་ཁྱེའུ་མ་སྡུག་གཞི་འདི་ལ་ཆོས་དང་མཐུན་པས། ང་ལ་ལན་འདེབས་སུ་ཆུག་ཅིག་།བྲམ་ཟེ་དག། ཁྱེད་ཅག་གལ་ཏེ་འདི་སྙམ་དུ་བྲམ་ཟེའི་ཁྱེའུ་མ་སྡུག་གཞི་འདི་ལ་ང་ལ་ཆོས་དང་མཐུན་པས་ལན་འདེབས་མི་ནུས་སོ། །སྙམ་སེམས་ན། བྲམ་ཟེའི་ཁྱེའུ་མ་སྡུག་ཅང་མི་སྨྲ་བར། ཤེས་ལྡན་ཁྱེད་ཀྱིས་གཞི་འདི་ལ་ང་ལ་ཆོས་དང་མཐུན་པས་ལན་ཐོབ་ཅིག་།ཀྱེ་གོའུ་ཏ་མ། བྲམ་ཟེའི་ཁྱེའུ་མ་སྡུག་ཉིད་མང་དུ་ཐོས་པ། ཚིག་གསལ་བ། ཐགས་ཐོགས་མེད་པ་སྨྲ་བ་ལགས་ཏེ། བྲམ་ཟེའི་ཁྱེའུ་མ་སྡུག་གིས་གཞི་འདི་ལ་ཤེས་ལྡན་གོའུ་ཏ་མ་ལ་ཆོས་དང་མཐུན་པས་ལན་གདབ་པར་རྔོ་ཐོག་གི་།གཞན་གྱིས་ནི་མ་ལགས་སོ། །དེ་ནས་བཅོམ་ལྡན་འདས་ཀྱིས། བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ་སྔོན་བྱུང་བ་རྒྱལ་པོ་བུ་རམ་ཤིང་སྐྱེས་ཞེས་བྱ་བ་ཞིག་བྱུང་སྟེ། རྒྱལ་པོ་བུ་རམ་ཤིང་སྐྱེས་ལ་བུ་བཞི་ཡོད་པ། སྐར་མདའི་གདོང་དང ། ལག་རྣ་དང ། གླང་པོ་ཆེས་འདུལ་བ་དང ། རྐང་རྒྱན་ལྡན་ནོ། །རྒྱལ་པོ་བུ་རམ་ཤིང་སྐྱེས་ཀྱིས་དེ་དག་ཉེས་པ་འགའ་ཞིག་ཕྱིར་སྤྱུགས་ནས། དེ་དག་རང་རང་གི་སྲིང་མོ་ཁྲིད་དེ། ཡུལ་འཁོར་གཞན་དང་ཡུལ་གཞན་དུ་དོང་ནས། རིམ་གྱིས་གངས་ཅན་གྱི་ཕྱོགས་ཆུ་བོ་སྐལ་ལྡན་ཤིང་རྟའི་</font><hr>Da308b<br><font size=+2>


འགྲམ་སེར་སྐྱའི་གནས་ནས་མི་རིང་བ་ཞིག་ཏུ་སོང་སྟེ། ཤིང་གི་ཡལ་ག་དང ། ལོ་མ་དག་ལས་སྤྱིལ་བོ་བྱས་ཏེ། གནས་ཤིང་འཁོད་དོ། །དེ་དག་གིས་དེར་རང་རང་གི་སྲིང་མོ་བཏང་སྟེ། མས་དབེན་གྱི་སྲིང་མོ་རྣམས་དང་ལྷན་ཅིག་འཚོགས་ནས་འཁོད་དོ། །དེ་དག་དེ་ན་འཚོགས་ཤིང་འཁོད་པ་ལས། བུ་ཁྱེའུ་དང ། བུ་མོ་དག་བཙས་སོ། །དེ་ནས་དུས་གཞན་ཞིག་ན། རྒྱལ་པོ་བུ་རམ་ཤིང་སྐྱེས་བུ་སྡུག་པ་རྣམས་དྲན་ནས། བློན་པོ་རྣམས་ལ་སྨྲས་པ། ཀྱེ་གྲོང་པ་དག་།གཞོན་ནུ་རྣམས་གར་དོང ། ལྷས་གཞོན་ནུ་དེ་དག་ནོངས་པ་འགའ་ཞིག་གི་སླད་དུ་སྤྱུགས་ནས། དེ་དག་རང་རང་གི་སྲིང་མོ་ཁྲིད་དེ་ཡུལ་འཁོར་གཞན་དང ། ཡུལ་གཞན་དུ་དོང་སྟེ། རིམ་གྱིས་གངས་ཅན་གྱི་ཕྱོགས་ཆུ་བོ་སྐལ་ལྡན་ཤིང་རྟའི་འགྲམ་ན། ཁྱེའུ་དང ། བུ་མོ་དག་བཙས་ཤིང་འཁོད་དོ། །དེ་ནས་རྒྱལ་པོ་བུ་རམ་ཤིང་སྐྱེས་ཀྱིས། བློན་པོ་རྣམས་ལ་སྨྲས་པ། ཀྱེ་གྲོང་པ་དག་།གཞོན་ནུ་དག་གིས་དེ་ལྟར་ནུས་སམ། ལྷ་རྔོ་ཐོག་ལགས་སོ། །དེ་ནས་རྒྱལ་པོ་བུ་རམ་ཤིང་སྐྱེས་རོ་སྟོད་བསྟོད་ནས་ལག་པ་གཡས་པ་བརྐྱང་སྟེ། ཆེད་དུ་བརྗོད་པས་ཆེད་དུ་བརྗོད་པ། ཀྱེ་མའོ། །གཞོན་ནུ་རྣམས་ཀྱིས་རབ་ཏུ་ནུས་སོ། །ཞེས་སེམས་ཅན་དབང་ཆེ་བར་གྲགས་པས། ཀྱེ་མ་གཞོན་ནུ་རྣམས་ཀྱིས་ནུས་སོ། །ཞེས་ཚིག་ཏུ་སྨྲ་སྟེ། ཤཱཀྱ་ཤཱཀྱ་ཞེས་བྱ་བར་གྲགས་སོ། །བྲམ་ཟེའི་ཁྱེའུ་ཁྱོད་ཀྱིས་ཤཱཀྱ་རྣམས་དེ་ལས་སྐྱེས་པས། མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་</font><hr>Da309a<br><font size=+2>


༄#། །ཡིན་པར་ཅུང་ཟད་ཐོས་སམ། ཀྱེ་གོའུ་ཏ་མ། བདག་གིས་ཤཱཀྱ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་ཡིན་པར་ཐོས་སོ། །བྲམ་ཟེའི་ཁྱེའུ་རྒྱལ་པོ་བུ་རམ་ཤིང་སྐྱེས་ཀྱི་བྲན་མོ་སྔོ་ཕོད་མ་ཞེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་ཡོད་པ་དང ། དྲང་སྲོང་གདོལ་པའི་རིགས་ཤིག་དང་ལྷན་ཅིག་འདུས་ནས། དེ་གཉིས་ལྷན་ཅིག་འདུས་པ་ལས་ཁྱེའུ་ཞིག་བཙས་སོ། །གཞོན་ནུ་བཙས་མ་ཐག་ཏུ་ཡུམ་རེ་ཞིག་བདག་དྲིལ་ཕྱི་བ་དང ། བཀྲུ་བ་གྱིས་ལ། མི་གཙང་བ་ལས་ཐར་པར་གྱིས་ཤིག་།ཅེས་སྨྲས་པ་དང ། དེ་ནས་དུས་གཞན་ཞིག་ན། ཤ་ཟ་རྣམས་ཀྱི་མིང་མིག་མི་འཛུམ་གྱི་བུ་ཞེས་བྱ་བ་ལ། གཞོན་ནུ་བཙས་མ་ཐག་ཏུ་བདག་རེ་ཞིག་དྲིལ་ཕྱི་དང ། མི་གཙང་བ་ལས་ཐར་པ་གྱིས་ཤིག་དང ། ེ་མའོ། །མིག་མི་འཛུམ་གྱི་བུ་ཞིག་སྐྱེས་སོ། །ཞེས་མིག་མི་འཛུམ་གྱི་བུ་མིག་མི་འཛུམ་གྱི་བུ་ཞེས་བྱ་བར་གྲགས་སོ། །བྲམ་ཟེའི་ཁྱེའུ་ཁྱོད་ཀྱིས་མིག་མི་འཛུམ་གྱི་བུ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། དེ་སྐད་ཅེས་བཀའ་སྩལ་པ་དང ། བྲམ་ཟེའི་ཁྱེའུ་མ་སྡུག་ཅང་མི་སྨྲའོ། །ལན་གཉིས་ལན་གསུམ་དུ་ཡང ། བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ་ཁྱོད་ཀྱིས་མིག་མི་འཛུམ་གྱི་བུ་རྣམས་</font><hr>Da309b<br><font size=+2>


དེ་ལས་སྐྱེས་པས་མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། ལན་གཉིས་ལན་གསུམ་དུ་ཡང་བྲམ་ཟེའི་ཁྱེའུ་མ་སྡུག་ཅང་མི་སྨྲའོ། །དེ་ནས་གནོད་སྦྱིན་ལག་ན་རྡོ་རྗེས། རྡོ་རྗེ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ། མེ་ལྕེ་གཅིག་ཏུ་གྱུར་ཅིང་འབར་བ། བྲམ་ཟེའི་ཁྱེའུ་མ་སྡུག་གི་མགོ་བོའི་སྟེང་ན་འཛིན་ཅིང་གལ་ཏེ་བྲམ་ཟེའི་ཁྱེའུ་མ་སྡུག་ལ། བཅོམ་ལྡན་འདས་ཀྱིས་ལན་གསུམ་གྱི་བར་དུ་རྨ་བ་སྨྲས་པ་ལས། རྣ་བ་ལ་གཟོན་ཅིང་ལན་མ་གསོལ་པར་གྱུར་ན། རྡོ་རྗེ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ།་མེ་ལྕེ་གཅིག་ཏུ་གྱུར་ཅིང་འབར་བ་འདིས་སྤྱི་བོ་ཚལ་པ་བདུན་དུ་དགས་པར་བྱའོ། །སྙམ་པ་དང ། གནོད་སྦྱིན་ལག་ན་རྡོ་རྗེ་དེ་བཅོམ་ལྡན་འདས་ཀྱིས་གཟིགས་ནས། སངས་རྒྱས་ཀྱི་མཐུས། བྲམ་ཟེའི་ཁྱེའུ་མ་སྡུག་གིས་ཀྱང་མཐོང་ངོ ། །དེ་ནས་བྲམ་ཟེ་ཁྱེའུ་མ་སྡུག་སྔགས་སྐྲག་།བྲེད་ཅིང་སྤུ་ཟིང་ཞེས་བྱེད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། མིག་མི་འཛུམ་གྱི་བུ་རྣམས་དེ་ལས་སྐྱེས་པ་མགོ་འཛུགས་པ་དེ་ལགས་པ་དང ། དེ་དག་གི་རིགས་རྒྱུད་དེ་ལགས་པར་བདག་གི་ཐོས་ལགས་སོ། །དེ་ནས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་དང ། ཁྱིམ་བདག་རྣམས་འདི་སྙམ་དུ་བསམས་ཏེ། བཙུན་པ་གོའུ་ཏ་མས་འདི་སྐད་ཅེས་བྲམ་ཟེའི་ཁྱེའུ་མ་སྡུག་ནི་ཤཱཀྱ་རྣམས་ཀྱི་བྲན་མོའི་བུ་ཉིད་ཡིན་ལ། </font><hr>Da310a<br><font size=+2>


༄#། །ཤཱཀྱ་རྣམས་ནི་དེའི་ཇོ་བོའི་བུ་ཡིན་ནོ། །ཞེས་གསུངས་པ་གང་ཡིན་པ་བདེན་ན། བདག་ཅག་ཤེས་ལྡན་གོའུ་ཏ་མས་གསུངས་པ་ལ་ཡིད་མ་ཆེས་པར་ཟད་དོ།། སྙམ་མོ། །དེ་ནས་བཅོམ་ལྡན་འདས་ཀྱིས་ཤས་ཆེ་བའི་བྲམ་ཟེ་རྣམས་དང ། ཁྱིམ་བདག་རྣམས་ལ་འདི་སྐད་ཅེས་བཀའ་སྩལ་ཏོ། །ཁྱེད་ཅག་བྲམ་ཟེའི་ཁྱེའུ་མ་སྡུག་ལ། བྲན་མོའི་བུ་ཞེས་ཧ་ཅང་ཚིག་ཏུ་མ་སྨྲ་ཞིག་།དེ་ཅིའི་ཕྱིར་ཞེ་ན། འདི་དེའི་ཚེ་དྲང་སྲོང་རྫུ་འཕྲུལ་ཆེ་བ། མཐུ་ཆེ་བ་ཞིག་ཏུ་གྱུར་པ་ལས། རྒྱལ་པོ་བུ་རམ་ཤིང་སྐྱེས་ཀྱིས་ཉེས་པ་འགའ་ཁོ་ནའི་ཕྱིར་བྲམ་ཟེའི་ཆད་པས་བཅད་དོ། །བྲམ་ཟེའི་ཆད་པས་བཅད་པ་དང ། དེ་ཕྱིས་རྒྱལ་པོ་བུ་རམ་ཤིང་སྐྱེས་འཇིགས་སྐྲག་བྲེད་སྤུ་ཟིང་ཞེས་བྱེད་ནས། ལག་པ་གཡོན་པས་བུ་མོ་ཆེན་པོ་རྒྱན་ཐམས་ཅད་ཀྱིས་བརྒྱན་པ་བཟུང ། ལག་པ་གཡས་པས་གསེར་གྱི་བྱ་མ་བུམ་ཐོགས་ཏེ། དྲང་སྲོང་དེ་ལ་ཆུང་མར་བྱིན་ན། དྲང་སྲོང་གིས་དེ་མ་བླངས་སོ། །དེ་ནས་བཅོམ་ལྡན་འདས་ཀྱིས། བྲམ་ཟེའི་ཁྱེའུ་མ་སྡུག་ལ་བྲན་མོའི་བུ་ཡིན་ནོ། །ཞེས་བཀའ་སྩལ་པས། ཞུམ་ཞུམ་པོར་གྱུར་ན། ཕྲག་པ་བཅུམ། མགོ་སྨད་དེ། སྤོབས་པ་མེད་ཅིང་གཏད་ཁོང་དུ་ཆུད་ནས། ཅང་མི་སྨྲ་བར་འདུག་གོ་།དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བྲམ་ཟེ་ཁྱེའུ་མ་སྡུག་འདི་བྲན་མོའི་བུ་ཡིན་ནོ། །ཞེས་ངས་ཚིག་ཏུ་སྨྲས་</font><hr>Da310b<br><font size=+2>


པས་ཞུམ་ཞུམ་པོར་གྱུར་ཏེ། ཕྲག་པ་བཅུམ་ནས་མགོ་སྨད་དེ། སྤོབས་པ་མེད་ཅིང ། གཏད་ཁོང་དུ་ཆུད་ནས་མི་སྨྲ་བར་གྱུར་གྱི། མ་ལ་ངས་འདི་ལ་ཕྱིས་གཏམ་འདྲི་བར་བྱའོ། །སྙམ་དུ་དགོངས་ནས། བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ། དཔེར་ན། རྒྱལ་རིགས་གཞོན་ནུ་དང ། བྲམ་ཟེའི་བུ་མོར་ལྷན་ཅིག་འདུས་པར་གྱུར་ཏོ། །དེ་གཉིས་ལྷན་ཅིག་འདུས་པ་ལས་ཁྱེའུ་ཞིག་བཙས་ནས། དེ་བྲམ་ཟེ་རྣམས་ལས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ། འཐོབ་ལགས་སོ། །དེ་ལ་རྒྱལ་རིགས་རྣམས་ཀྱིས་རིགས་ཀྱི་དབང་བསྐུར་བས། དབང་བསྐུར་རམ། ཀྱེ་གོའུ་ཏ་མ། དབང་བསྐུར་ལགས་ཏེ། དེ་ཅིའི་སླད་དུ་ཞེ་ན། སྤུན་གྱི་བུ་ལགས་པས། རྒྱལ་རིགས་རྣམས་ཀྱིས་ཚ་བོ་དབང་བསྐུར་ལགས་སོ། །བྲམ་ཟེའི་ཁྱེའུ། དཔེར་ན། བྲམ་ཟེ་གཞོན་ནུ་དང ། རྒྱལ་རིགས་ཀྱི་བུ་མོར་ལྷན་ཅིག་འདུས་པར་གྱུར་ནས། དེ་གཉིས་ལྷན་ཅིག་འདུས་པ་ལས་ཁྱེའུ་ཞིག་བཙས་ནས། དེ་བྲམ་ཟེ་རྣམས་ལས། སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ། འཐོབ་ལགས་སོ། །དེ་ལ་རྒྱལ་རིགས་ཀྱི་དབང་བསྐུར་བས་དབང་བསྐུར་རམ། ཀྱེ་གོའུ་ཏ་མ། དབང་བསྐུར་ལགས་ཏེ། དེ་ཅིའི་སླད་དུ་ཞེ་ན། ཚ་བོ་ལགས་པའི་སླད་དུ་རྒྱལ་རིགས་རྣམས་ཀྱིས་ཚ་བོ་དབང་བསྐུར་ལགས་སོ། །བྲམ་ཟེའི་</font><hr>Da311a<br><font size=+2>


༄#། །ཁྱེའུ། དཔེར་ན། རྒྱལ་རིགས་གཞོན་ནུ་རྒྱལ་རིགས་དག་གིས་ཉེས་པ་འགའ་ཁོ་ནའི་ཕྱིར་སྤྱུགས་པར་གྱུར་ན། དེ་བྲམ་ཟེ་རྣམས་ལས་སྟན་ཏམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ། འཐོབ་ལགས་སོ། །དེ་ལ་རྒྱལ་རིགས་ཀྱི་དབང་བསྐུར་བས་དབང་བསྐུར་རམ། ཀྱེ་གོའུ་ཏ་མ་དབང་བསྐུར་ཏེ། དེ་ཅིའི་སླད་དུ་ཞེ་ན།་ཕུ་ནུ་བོ་ལགས་པའི་སླད་དུ་རྒྱལ་རིགས་རྣམས་ཀྱིས་ཕུ་ནུ་བོ་དབང་བསྐུར་ལགས་སོ། །བྲམ་ཟེའི་ཁྱེའུ། དཔེར་ན། བྲམ་ཟེ་གཞོན་ནུ་བྲམ་ཟེ་རྣམས་ཀྱིས་ཉེས་པ་འགའ་ཁོ་ནའི་ཕྱིར་སྤྱུགས་པར་གྱུར་ན། དེས་བྲམ་ཟེ་རྣམས་ལས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ་མི་འཐོབ་ལགས་སོ། །ཀྱེ་རྒྱལ་རིགས་རྣམས་ཀྱིས། རྒྱལ་རིགས་ཀྱི་དབང་བསྐུར་བས་དབང་བསྐུར་རམ། ཀྱེ་གོའུ་ཏ་མ། དབང་མི་བསྐུར་ཏེ། དེ་ཅིའི་སླད་དུ་ཞེ་ན། བྲམ་ཟེ་གདོལ་པ་ལགས་པའི་སླད་དུ། རྒྱལ་རིགས་རྣམས་བྲམ་ཟེ་དབང་མི་བསྐུར་ལགས་སོ། །བྲམ་ཟེའི་ཁྱེའུ་དེ་ལྟར་ན་རུས་དང ། རིགས་དང ། མནད་ཀྱིས་རྒྱལ་རིགས་ཀྱི་རིགས་མཆོག་ཡིན་གྱི། བྲམ་ཟེ་ནི་མ་ཡིན་ནོ། །བྲམ་ཟེའི་ཁྱེའུ་མི་མཇེད་ཀྱི་བདག་པོ་ཚངས་པས་ཚིགས་སུ་བཅད་དེ་སྨྲས་པ་ནི། རུས་དང་འབྲེལ་པ་གང་ཡིན་པའི། །རྒྱལ་རིགས་རྐང་གཉིས་ནང་ན་བཙུན། །ལྷ་དང་མི་རྣམས་ནང་ན་ཡང ། །རིག་དང་ཞབས་</font><hr>Da311b<br><font size=+2>


སུ་ལྡན་པ་བཙུན། །བྲམ་ཟེའི་ཁྱེའུ། མི་མཇེད་ཀྱི་བདག་པོ་ཚངས་པ་དེས། ཚིགས་སུ་བཅད་དེ་སྨྲས་པ་ནི། ལེགས་པར་སྨྲས་པ་སྟེ། ཉེས་པར་སྨྲས་པ་མ་ཡིན། ལེགས་པར་བརྗོད་པ་ཡིན་གྱི། ཉེས་པར་བརྗོད་པ་མ་ཡིན་ཏེ། འདི་ལྟར་རུས་དང་འབྲེལ་པ་གང་ཡིན་པའི། །རྒྱལ་རིགས་རྐང་གཉིས་ནང་ན་བཙུན། །ལྷ་དང་མི་རྣམས་ནང་ན་ཡང ། །རིགས་དང་ཞབས་སུ་ལྡན་པ་བཙུན། །དེ་ཅིའི་ཕྱིར་ཞེ་ན། བྲམ་ཟེའི་ཁྱེའུ་ང་ཡང་འདི་སྐད་ཅེས་སྨྲ་སྟེ། རུས་དང་འབྲེལ་པ་གང་ཡིན་པའི། །རྒྱལ་རིགས་རྐང་གཉིས་ནང་ན་བཙུན། །ལྷ་དང་མི་རྣམས་ནང་ན་ཡང། །རིགས་དང་ཞབས་སུ་ལྡན་པ་བཙུན། །བྲམ་ཟེའི་ཁྱེའུ་ཇི་སྙམ་དུ་སེམས། གང་ན་བག་མ་ལེན་པ་དང ། བག་མ་གཏོང་བ་ཡོད་པ་དེ་ནས། བྲམ་ཟེ་རྣམས་ཀྱིས་སྟན་ནམ། ཆུའམ།་གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ། གང་ན་བག་མ་ལེན་པ་དང ། བག་མ་གཏོང་བ་མཆིས་པ་དེ་ནས་བྲམ་ཟེ་རྣམས་ཀྱིས་སྟན་ནམ། ཆབ་བམ། གསང་ཚིག་གམ། གདོན་པ་འཐོབ་ལགས་སོ། །བྲམ་ཟེའི་ཁྱེའུ། གང་ན་བག་མ་ལེན་པ་དང ། བག་མ་གཏོང་པ་ཡོད་པ་དེ་ན། རིགས་ཀྱིས་སྙེམས་པ་ཡང་ཡོད། རུས་ཀྱིས་སྙེམས་པ་ཡང་ཡོད། བྲམ་ཟེའི་བུའི་སྙེམས་པ་ཡང་ཡོད་དོ། །བྲམ་ཟེའི་ཁྱེའུ། སེམས་ཅན་རིགས་ཀྱིས་སྙེམས་པས་རྣམ་པར་བཅིངས་པ་དང ། རུས་ཀྱིས་སྙེམས་པས་རྣམ་པར་བཅིངས་པ་</font><hr>Da312a<br><font size=+2>


༄#། །དང ། བྲམ་ཟེའི་བུའི་སྙེམས་པས་རྣམ་པར་བཅིངས་པ་ཇི་སྙེད་པ་དེ་དག་རིག་པ་དང་ཞབས་སུ་ལྡན་པ། བླ་ན་མེད་པ། འདི་ཉིད་མངོན་སུམ་དུ་མ་བྱས་པ། མངོན་སུམ་དུ་བྱ་བའི་སྐལ་བ་མེད་ཀྱི། བྲམ་ཟེའི་བུ། རིགས་ཀྱི་སྙེམས་པ་སྤངས་པ། རུས་ཀྱི་སྙེམས་པ་སྤངས་པ། བྲམ་ཟེའི་བུའི་སྙེམས་པ་སྤངས་ན། དེ་ལྟ་ན་རིག་པ་དང་ཞབས་སུ་ལྡན་པ། བླ་ན་མེད་པ་འདི་མངོན་སུམ་དུ་མ་བྱས་པ་མངོན་དུ་བྱེད་པར་འགྱུར་རོ། །ཤེས་ལྡན་གོའུ་ཏ་མ་ལ། བདག་གང་སྔོན་ཡང་མ་བྱུང ། ཕྱིས་ཀྱང་མི་འབྱུང ། ད་ལྟ་ན་ཡང་མ་མཆིས་པ་དེ་ལྟ་བུའི་མངོན་པར་དད་ལགས་ཀྱི། ཤེས་ལྡན་གོའུ་ཏ་མ་བདག་ལ་ཇི་ལྟར་རིག་པ་དང་ཞབས་སུ་འཚལ་བར་འགྱུར་བ་དེ་ལྟར་ཆོས་བཤད་དུ་གསོལ། བྲམ་ཟེའི་ཁྱེའུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང ། བཤད་དོ། །བྲམ་ཟེའི་ཁྱེའུ། སྟོན་པ་དེ་བཞིན་གཤེགས་པ་དགྲ་བཅོམ་པ། ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་འདིར་བྱུང་སྟེ། དེས་ཆོས་བཤད་པ་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་</font><hr>Da312b<br><font size=+2>


པ།་རྣམ་པར་བྱང་བ། ཚངས་པར་སྤྱོད་པར་རབ་ཏུ་སྟོན་ཏེ། ཆོས་དེ་ཁྱིམ་བདག་གམ། ཁྱིམ་བདག་གྱི་བུས་མཉན་ནས་དེས་ཆོས་དེ་ཐོས་ནས་དད་པར་རབ་ཏུ་ཐོབ་བོ། །དེ་དག་དད་པ་རབ་ཏུ་ཐོབ་པ་དང་ལྡན་པས། འདི་ལ་སོ་སོ་ཡང་དག་པར་སློབ་པར་བྱེད་དེ། ཁྱིམ་གྱི་གནས་ནི་ཉམ་ང་བ། རྡུལ་དག་གི་གནས་ཡིན་ནོ། །རབ་ཏུ་བྱུང་བ་ནི་དྲི་མ་མེད་པ་ཡིན་ན།་ཁྱིམ་པ་ཁྱིམ་ན་གནས་པ་རྣམས་ཀྱིས་ཇི་སྲིད་འཚོའི་བར་དུ་ཚངས་པར་སྤྱོད་པ་གཅིག་ཏུ་གསལ་གྱིས་དག་པ། ཡོངས་སུ་རྫོགས་པ། ཡོངས་སུ་དག་པ། རྣམ་པར་བྱང་བ་ནི་སྤྱད་པ་དཀའ་བས། མ་ལ་བདག་གིས་སྐྲ་དང་ཁ་སྤུ་བྲེགས་ལ། གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །སྙམ་ནས། དེས་དེ་ལྟར་སོ་སོར་བརྟགས་ཏེ། ལོངས་སྤྱོད་གྱི་ཚོགས་མང་ཉུང་དང ། ཉེ་དུའི་འཁོར་མང་པོ་རྣམས་སྤངས་ཏེ། སྐྲ་དང་ཁ་སྤུ་དག་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། ཚུལ་ཁྲིམས་ལ་གནས་པ་ཡིན། སོ་སོ་ཐར་པའི་སྡོམ་པས་བསྡམས་པ་ཡིན། ཆོ་ག་དང་སྤྱོད་ཡུལ་ཕུན་སུམ་ཚོགས་པ་ཡིན། ཁ་ན་མ་ཐོ་བ་ཕྲ་མོ་ཙམ་ལ་ཡང་འཇིགས་པར་ལྟ་བ་ཡིན། བསླབ་པའི་གཞི་ཡང་དག་པར་མནོས་ཏེ་སློབ་པ་ཡིན། དེས་སྲོག་གཅོད་པ་སྤངས་ནས་སྲོག་གཅོད་པ་ལས་སླར་ལོག་པ་ཡིན་</font><hr>Da313a<br><font size=+2>


༄#། །ཏེ།་ཆད་པ་སྤངས་པ་ཡིན། མཚོན་ཆ་སྤངས་པ་ཡིན། ངོ་ཚ་དང་ལྡན་པ་ཡིན་ཏེ། སེམས་ཅན་སྲོག་ཆགས་སུ་གྱུར་པ་ཐམས་ཅད་ཆུང་ངུ་ན་སྲོག་ཆགས་གྲོག་སྦུར་ཡན་ཆད་ལ། སྲོག་གཅོད་པ་ལས་སླར་ལོག་པ་ཡིན་ནོ། །དེས་མ་བྱིན་པར་ལེན་པ་སྤངས་ནས། མ་བྱིན་པར་ལེན་པ་ལས་སླར་ལོག་པ་ཡིན་ཏེ། བྱིན་པ་ལེན་པ་ཡིན། བྱིན་པ་ལ་དགའ་བ་ཡིན། སྦྱིན་པ་ལ་ལྷུག་པར་གཏོང་བ་ལ་དགའ་བ་ཡིན་ཏེ། རྐུན་མ་མ་ཡིན། འདོད་ཆེན་ཅན་མ་ཡིན། གཙང་བ་ཡིན། བཏང་བ་ཡིན། ཁ་ན་མ་ཐོ་བ་མེད་པ་ཡིན། བདག་ཉིད་བསྲུངས་པས་མ་བྱིན་པར་ལེན་པ་ལས་སླར་ལོག་པ་ཡིན་ནོ། །དེ་མི་ཚངས་པར་སྤྱོད་པར་སྤངས་ནས། མི་ཚངས་པར་སྤྱོད་པ་ལས་སླར་ལོག་པ་ཡིན་ཏེ། ཚངས་པར་སྤྱོད་པ་ཡིན། སྤྱོད་པ་ངན་པ་སྤངས་པས་དག་པ་ཡིན། གཙང་བ་ཡིན། དྲི་ང་བ་མེད་པ་ཡིན། འཁྲིག་པ་དང་བྲལ་བ་ཡིན། སྨད་རིམ་གྱི་ཆོས་དང་བྲལ་བ་ཡིན། མི་ཚངས་པར་སྤྱོད་པ་ལས་སླར་ལོག་པ་ཡིན་ནོ། །དེ་བརྫུན་དུ་སྨྲ་བ་སྤངས་ནས། བརྫུན་དུ་སྨྲ་བ་ལས་སླར་ལོག་པ་ཡིན་ཏེ། བདེན་པར་སྨྲ་བ་ཡིན། བདེན་པ་ལ་དགའ་བ་ཡིན། དད་པ་ཡིན། ཡིད་ཆེས་པ་ཡིན། བརྟན་པ་ཡིན།་འཇིག་རྟེན་ལ་མི་སླུ་བ་ཡིན་ཏེ། བརྫུན་དུ་སྨྲ་བ་ལས་སླར་ལོག་པ་ཡིན་ནོ། །དེ་ཕྲ་མ་སྤངས་ནས། ཕྲ་མ་ལས་སླར་ལོག་པ་ཡིན་ཏེ། དེ་ཚུ་རོལ་པོ་དག་ལས་མཉན་ཏེ། དེ་དག་དབྱེ་</font><hr>Da313b<br><font size=+2>


བའི་ཕྱིར་ཕ་རོལ་པོ་དག་ལས་མཉན་ཏེ། དེ་དབྱེ་བའི་ཕྱིར། ཚུ་རོལ་པོ་དག་ལ་སྨྲ་བ་མ་ཡིན། བྱེ་བ་རྣམས་སྡུམས་བྱེད་པ་ཡིན། མཐུན་པ་རྣམས་གཟེངས་བསྟོད་པ་ཡིན། མཐུན་པ་ལ་དགའ་བ་ཡིན། མཐུན་པ་ལ་མགུ་བ་ཡིན། མཐུན་པར་བྱེད་པའི་ཚིག་སྨྲ་བ་ཡིན་ཏེ། ཕྲ་མ་ལས་ཕྱིར་ལོག་པ་ཡིན་ནོ། །དེ་ཚིག་རྩུབ་པོ་སྤངས་ནས། ཚིག་རྩུབ་པ་ལས་སླར་ལོག་པ་ཡིན་ཏེ། དེ་གང་ལ་ཡང་ཚིག་གདུག་པ་དང ། རྩུབ་པ་དང ། ཕ་རོལ་ལ་མི་སྙན་པ་དང ། ཕ་རོལ་སྤ་འགོང་བར་བྱེད་པ་དང ། སྐྱེ་བོ་མང་པོའི་ཡིད་ལ་མི་འཐད་པ་དང ། སྐྱེ་བོ་མང་པོའི་སྙིང་དུ་མི་སྡུག་པ་དང ། སྐྱེ་བོ་མང་པོ་མི་དགའ་བ་དང ། སྐྱེ་བོ་མང་པོའི་ཡིད་དུ་མི་འོང་བ་དང ། མཉམ་པར་བཞག་པ་མ་ཡིན་པ་དང ། མཉམ་པར་འཇོག་པར་འགྱུར་བ་མ་ཡིན་པ་དེ་ལྟ་བུའི་ཚིག་སྤངས་པ་ཡིན། མི་ཚུགས་པ་དང ། རྣ་བ་སྙན་པ་དང ། སྙིང་ཚིམ་པར་བྱེད་པ་དང ། དགའ་བར་བྱེད་པ་དང ། ཕོ་བྲང་འཁོར་གྱི་སྐད་དང ། སྙན་ཅིང་འཇེབས་པ་དང ། རྣམ་པར་གསལ་བ་རྣམ་པར་རིག་པར་བྱེད་པ་དང ། མཉན་པར་འོས་པ་དང ། མི་རྟོན་པ་དང ། འགལ་བ་མ་ཡིན་པ་དང ། ཐུག་པ་མེད་པ་དང ། སྐྱེ་བོ་མང་པོ་ལ་སྡུག་པ་དང ། སྐྱེ་བོ་མང་པོ་མགུ་པ་དང ། སྐྱེ་བོ་མང་པོ་དགའ་བ་དང ། སྐྱེ་བོ་མང་པོའི་ཡིད་དུ་འོང་བ་དང ། མཉམ་པར་བཞག་པ་དང ། མཉམ་པར་འཇོག་པར་འགྱུར་བ་དེ་ལྟ་བུའི་ཚིག་སྨྲ་</font><hr>Da314a<br><font size=+2>


༄#། །བས།་དེའི་ཚིག་རྩུབ་པོ་ལས་སླར་ལོག་པ་ཡིན་ནོ། །དེ་ཚིག་ཀྱལ་པ་སྨྲ་བ་སྤངས་ནས། ཚིག་ཀྱལ་པ་ལས་སླར་ལོག་པ་ཡིན་ཏེ། དེས་དུས་སུ་སྨྲ་བ་ཡིན། ཡང་དག་པར་སྨྲ་བ་ཡིན། དེ་ཁོ་ན་ཉིད་སྨྲ་བ་ཡིན། དོན་སྨྲ་བ་ཡིན། ཆོས་སྨྲ་བ་ཡིན། ངེས་པར་སྨྲ་བ་ཡིན། རྟོགས་པར་སྨྲ་བ་ཡིན། ཁོང་དུ་ཆུད་པར་བྱེད་པའི་ཚིག་སྨྲ་བ་ཡིན་ནོ། །དུས་དང་མ་འདྲེས་པ་དང ། གླེང་གཞི་དང་བཅས་པ་དང ། དན་རྟགས་དང་བཅས་པ་དང ། ཆོས་དང་དོན་དང་ལྡན་པ་ཡིན་ཏེ། དེ་ཚིག་ཀྱལ་པ་སྤངས་ནས། ཚིག་ཀྱལ་པ་ལས་སླར་ལོག་པ་ཡིན་ནོ། །དེ་ཉོ་ཚོང་སྤངས་ནས། ཉོ་ཚོང་ལས་སླར་ལོག་པ་ཡིན་ཏེ། དེ་གཞལ་བླུགས་ལ་གཡོ་བྱེད་པ་དང ། སྲང་ལ་གཡོ་བྱེད་པ་དང ། ཚད་ལ་གཡོ་བྱེད་པ་སྤངས་ནས། དེ་གཞལ་བླུགས་ལ་གཡོ་བྱེད་པ་དང ། སྲང་ལ་གཡོ་བྱེད་པ་དང ། ཚད་ལ་གཡོ་བྱེད་པ་ལས་སླར་ལོག་པ་ཡིན་ནོ། །དེ་གསུག་ལེན་པ་དང ། འདྲིད་པ་དང ། བསྡིགས་ནས་རང་གིར་བྱེད་པ་སྤངས་ནས། གསུག་ལེན་པ་དང ། འདྲིད་པ་དང ། བསྡིགས་ནས་རང་གིར་བྱེད་པ་ལས་སླར་ལོག་པ་ཡིན་ནོ། །དེ་བསད་པ་དང ། བཅིང་བ་དང ། བཅད་པ་དང ། དབུག་པ་དང ། བརྡེག་པའི་བསམ་པ་སྤངས་ནས། གསོད་པ་དང ། འཆིང་བ་དང ། གཅོད་པ་དང ། འབིགས་པ་དང ། བརྡེག་པའི་བསམ་པ་ལས་སླར་</font><hr>Da314b<br><font size=+2>


ལོག་པ་ཡིན་ནོ། །དེ་འོད་དང ། བུད་མེད་ཅན་དང་ལྷན་ཅིག་ཏུ་ཉལ་བ་སྤངས་ནས་འོད་དང ། བུད་མེད་ཅན་དང་ལྷན་ཅིག་ཏུ་ཉལ་བ་ལས་སླར་ལོག་པ་ཡིན་ནོ། །དེ་ཞིང་གི་གཞི་དང ། ཁྱིམ་གྱི་གཞི་དང ། ཚོང་ཁང་གི་གཞི་ལེན་པར་སྤངས་ནས། ཞིང་གི་གཞི་དང ། ཁྱིམ་གྱི་གཞི་དང ། ཚོང་ཁང་གི་གཞི་ལེན་པ་ལས་སླར་ལོག་པ་ཡིན་ནོ། །དེ་གླང་པོ་ཆེ་དང ། རྟ་དང ། བ་ལང་དང།་ལུག་དང ། བྱ་གག་དང ། ཕག་ལེན་པ་སྤངས་ནས། གླང་པོ་ཆེ་དང ། རྟ་དང ། བ་ལང་དང ། ལུག་དང ། བྱ་གག་དང ། ཕག་ལེན་པ་དག་ལས་སླར་ལོག་པ་ཡིན་ནོ། །དེ་བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་ལེན་པ་དག་སྤངས་ནས། བྲན་ཕོ་དང ། བྲན་མོ་དང ། ལས་བྱ་བ་དང ། ཞོ་ཤས་འཚོ་བ་ལེན་པ་དག་ལས་སླར་ལོག་པ་ཡིན་ནོ། །དེ་བུད་མེད་དང།་སྐྱེས་པ་དང ། ཁྱེའུ་དང ། བུ་མོ་ལེན་པ་སྤངས་ནས། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་ལེན་པ་ལས་སླར་ལོག་པ་ཡིན་ནོ། །དེ་གསེར་དང ། དངུལ་ལེན་པ་སྤངས་ནས། གསེར་དང ། དངུལ་ལེན་པ་ལས་སླར་ལོག་པ་ཡིན་ནོ། །དེ་འབྲུ་མ་ཉམས་པ་ལེན་པ་དག་སྤངས་ནས། འབྲུ་མ་ཉམས་པ་ལེན་པ་ལས་སླར་ལོག་པ་ཡིན་ནོ། །དེ་ཟན་གཅིག་པ་ཡིན་ཏེ། ནུབ་མོའི་སྤངས་ཤིང།་དུས་མ་ཡིན་པའི་ཁ་ཟས་སྤངས་པ་ཡིན། དུས་སུ་རྒྱུ་ཞིང་དུས་སུ་སྤྱོད་པ་ལ་སྦྱོར་བ་ལ་བརྩོན་པ་ཡིན། དེ་ལུས་ཀྱི་བགོ་བ་རན་པས་ཆོག་ཤེས་ཤིང་ཚོད་ཟིན་པ་ཡིན། བསོད་སྙོམས་</font><hr>Da315a<br><font size=+2>


༄#། །ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པ་ཡིན། དེ་ལུས་ཀྱི་བགོ་བ་རན་བས་ཆོག་ཤེས་ཤིང་ཚོད་ཟིན་པ་ཡིན་ཞིང ། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པ་ཡིན་པས། གང་དང་གང་དུ་འགྲོ་བ་ན་ལྷུང་བཟེད་དང་བཅས། ཆོས་གོས་དང་བཅས་པས་འགྲོའོ། །དཔེར་ན། འདབ་ཆགས་བྱ་གང་དང་གང་དུ་ལྡིང་བ་དེར་འདབ་མ་དང་ཆས། གཤོག་པ་དང་ཆས་ཏེ། ལྡིང་བ་དེ་བཞིན་དུ། དེ་ལུས་ཀྱི་བགོ་བ་རན་པ་ཆོས་གོས་ཀྱིས་ཆོག་ཤེས་ཤིང་ཚོད་ཟིན་པ་ཡིན། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པ་ཡིན་ཏེ། གང་དང་གང་དུ་འགྲོ་བ་དེར་ལྷུང་བཟེད་དང་བཅས། ཆོས་གོས་དང་བཅས་ཤིང་འགྲོ་བ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ས་བོན་གྱི་ཚོགས་དང ། འབྱུང་པོའི་ཚོགས་སྣ་ཚོགས་རྩོམ་པ་ལ་སྦྱོར་བར་བརྩོན་བསེ་གནས་པ་འདི་ལྟ་སྟེ། རྩ་བའི་ས་བོན་དང ། སྡོང་བུའི་ས་བོན་དང ། ཐོར་ཏོའི་ས་བོན་དང ། འགས་པའི་ས་བོན་དང ། ལྔ་པ་ནི་ས་བོན་གྱི་ས་བོན་ཉིད་དེ། དགེ་སྦྱོང་དང་བྲམ་ཟེ་རྣམས་ཀྱི་ས་བོན་གྱི་ཚོགས་དང ། འབྱུང་པོའི་ཚོགས་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། གསོག་འཇོག་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། ཟས་ཀྱི་གསོག་འཇོག་དང ། </font><hr>Da315b<br><font size=+2>


སྐོམ་གྱི་གསོག་འཇོག་དང ། གོས་ཀྱི་གསོག་འཇོག་དང ། དྲིའི་གསོག་འཇོག་དང ། རོའི་གསོག་འཇོག་དང ། ལོ་མའི་གསོག་འཇོག་དང ། མེ་ཏོག་གི་གསོག་འཇོག་དང ། འབྲས་བུའི་གསོག་འཇོག་སྟེ། དགེ་སྦྱོང་དང ། བྲམ་ཟེ་རྣམས་ཀྱི་གསོག་འཇོག་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་བདག་སྤྱད་ནས། གནས་མལ་མཐོན་པོ་དང ། གནས་མལ་ཆེན་པོ་རྩོམ་པ་ལ་སྦྱོར་བར་བརྩོན་པས་གནས་པར་བྱེད་པ་འདི་ལྟ་སྟེ། སྟན་དང ། ཁྲི་དང ། ཁྲི་སྣམ་བུ་ཅན་དང ། རས་ཀྱི་སྣམ་བུ་ཅན་དང ། སྟན་ནང་ཚངས་ཅན་དང ། རས་ཡུག་ཆེན་དང ། རས་ཁྲ་བོ་དང ། པ་ལེ་ལའི་རས་ཀྱིས་གཡོགས་པ་དང ། གླང་པོ་ཆེའི་འཐབ་སྟན་དང ། རྟའི་འཐབ་སྟན་དང ། ངོས་གཅིག་བལ་ལས་བྱས་པ་དང ། ངོས་གཉིས་བལ་ལས་བྱས་པ་དང ། སྟོད་བལ་ལས་བྱས་པ་དང ། རྒྱབ་བལ་ལས་བྱས་པ་དང ། ཀ་ལིང་གི་གོས་ཀྱི་སྟོད་གཡོགས་དང ། སྟེང་གཡོགས་དང་བཅས་པའི་གོས་དང ། ཕྱོགས་གཉིས་སུ་སྔས་དམར་པོ་ལས་བྱས་པ་སྟེ། དགེ་སྦྱོང་དང ། བྲམ་ཟེ་རྣམས་ཀྱི་གནས་མལ་མཐོན་པོ་དང ། གནས་མལ་ཆེན་པོ་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས་ཆ་བ་དང ། བཞག་པ་རྣམ་པ་སྣ་ཚོགས་རྩོམ་པ་ལ་སྦྱོར་བས་བརྩོན་པ་</font><hr>Da316a<br><font size=+2>


༄#། །གནས་པ་འདི་ལྟ་སྟེ། མཉེ་བ་དང ། བཀྲུ་བ་དང ། དྲིལ་ཕྱི་དང ། ཕྲེང་བ་དང ། དྲི་དང ། བྱུག་པ་དང ། ཁ་དོག་འཆང་བ་དང ། སེན་མོའི་ཁ་དོག་དང ། སོའི་ཁ་དོག་དང ། ཁའི་ཕྱེ་མ་དང ། གདོང་གི་བྱི་དོར་དང ། མེ་ལོང་ལ་ལྟ་བ་དང ། ལག་ངར་བརྒྱན་པ་དང ། གཙུག་ཏོར་འཆིང་བ་དང ། གདུགས་ཀྱི་རྩ་བ་སྦུ་གུ་ཅན་དང ། རལ་གྲི་དང ། རྔ་ཡབ་ནོར་བུའི་ཡུ་བ་ཅན་དང ། མཆིལ་ལྷམ་ཁྲ་བོ་དང ། གོས་སར་པ་དང ། རས་སར་པ་ཁ་ཚར་རིང་པོ་ཅན་འཆང་བའི་རང་བཞིན་ཅན་དག་སྟེ། དགེ་སྦྱོང་དང ། བྲམ་ཟེ་རྣམས་ཀྱི་བཞག་པ་དང ། ཆ་བ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང ། དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ལྟད་མོ་སྣ་ཚོགས་རྩོམ་པ་ལ་སྦྱོར་བར་བརྩོན་པ་ལ་གནས་པ་འདི་ལྟ་སྟེ། གླང་པོ་ཆེས་འགྱེད་པ་དང ། རྟས་འགྱེས་པ་དང ། ཤིང་རྟས་འགྱེད་པ་དང ། དཔུང་བུ་ཆུང་གིས་འགྱེད་པ་དང ། དབྱུག་བས་འགྱེད་པ་དང ། ཁུ་ཚུར་གྱིས་འགྱེད་པ་དང ། ཁྱུ་མཆོག་གིས་འགྱེད་པ་དང ། མ་ཧེས་འགྱེད་པ་དང ། རས་འགྱེད་པ་དང ། བྱ་གག་འཐབ་པ་དང ། མཆིལ་པ་འཐབ་པ་དང ། འུར་པ་འཐབ་པ་དང ། བྱ་གག་དང་འུར་པ་འཐབ་པ་དང ། བུད་མེད་འཐབ་པ་དང ། སྐྱེས་པ་འཐབ་པ་དང ། གཞོན་ནུ་འཐབ་པ་དང ། གཞོན་ནུ་མ་འཐབ་པ་དང ། ཤིང་ལ་འཛེག་པ་དང ། </font><hr>Da316b<br><font size=+2>


བྲོ་གར་གྱི་ཚོགས་དང ། ཕྲག་པ་ནས་མཆོང་བ་དང ། རྒྱལ་མཚན་གྱི་རྩེ་མོ་དང ། སྟོབས་ཀྱི་མཆོག་དང ། དམག་གི་ཚོགས་མང་པོ་ལ་ལྟ་བ་དང ། མང་པོ་འདུས་པ་ལ་ལྟ་བར་འདོད་པ་སྟེ། དགེ་སྦྱོང་གི་ལྟད་མོ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། དེ་སྒྲ་རྣམ་པ་སྣ་ཚོགས་ཉན་པར་རྩོམ་པ་ལ་སྦྱོར་བར་བརྩོན་པར་གནས་པ་འདི་ལྟ་སྟེ། གླང་པོ་ཆེའི་སྒྲ་དང ། རྟའི་སྒྲ་དང ། ཤིང་རྟའི་སྒྲ་དང ། དཔུང་བུ་ཆུང་གི་སྒྲ་དང ། དུང་གི་སྒྲ་དང ། རྔ་པ་ཊ་ཧའི་སྒྲ་དང ། རྔ་བོ་ཆེའི་སྒྲ་དང ། རོལ་མོ་སྣ་ཚོགས་པའི་སྒྲ་དང ། གར་མཁན་གྱི་གླུ་སྒྲ་དང ། རོལ་མོའི་སྒྲ་དང ། འཁར་གསིལ་གྱི་སྒྲ་དང ། སེ་གོལ་གྱི་སྒྲ་དང ། ཐལ་མོའི་སྒྲ་དང ། བུམ་པའི་སྒྲ་དང ། རང་བཟོའི་སྒྲ་དང ། སྙན་དངགས་དང ། ཡི་གེ་སྣ་ཚོགས་དང ། ཚིག་སྣ་ཚོགས་དང ། འཇིག་རྟེན་རྒྱང་ཕན་པ་དང་ལྡན་པའི་གྲགས་པའི་གཏམ་ཉན་འདོད་པ་དག་སྟེ། དགེ་སྦྱོང་རྣམས་ཀྱི་སྒྲ་རྣམ་པ་སྣ་ཚོགས་ཉན་པར་བརྩོན་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང ། དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཨུག་ཤུད་དང ། ཁྲས་དང ། ཆོ་ལོ་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། མིག་བརྒྱད་པ་དང ། མིག་བཅུ་པ་དང ། ན་ཡའི་མིག་དང ། ཕྱོགས་ཕྱོགས་ནས་འགེད་པ་དང ། བུམ་པ་དང ། སྟོབས་དང ། </font><hr>Da317a<br><font size=+2>


༄#། །སྐྱོད་པ་དང ། ཕེག་དང ། ཆོ་ལོ་དང ། ུག་ཤུད་དང ། གུལ་ཚབ་དང ། ཐུར་མ་དང ། ལག་རྒྱན་ནམ་ཇི་ལྟར་སྐུགས་བཙུགས་ནས་འགྱེད་པ་སྟེ། དགེ་སྦྱོང་རྣམས་ཀྱི་ཨུག་ཤུད་དང ། ཁྲས་དང ། ཆོ་ལོ་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང ། དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། གཏམ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པར་གནས་པ་འདི་ལྟ་སྟེ། རྒྱལ་པོའི་གཏམ་དང ། ཆོམ་རྐུན་པའི་གཏམ་དང ། དམག་གི་གཏམ་དང ། ཟས་ཀྱི་གཏམ་དང ། སྐོམ་གྱི་གཏམ་དང ། གོས་ཀྱི་གཏམ་དང ། ཚོང་འདུས་ཀྱི་གཏམ་དང ། སྨད་འཚོང་མའི་གཏམ་དང ། ལམ་ངན་པར་བརྗོད་པའི་གཏམ་དང ། རྒྱ་མཚོ་བརྗོད་པའི་གཏམ་དང ། ལྗོངས་དང ། སྣ་ཆེན་པོ་ལ་གཏོགས་པ་བརྗོད་པའི་གཏམ་སྟེ། དགེ་སྦྱོང་རྣམས་ཀྱི་གཏམ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། རྩོད་པ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་ལ་གནས་པ་འདི་ལྟ་སྟེ། ཁོ་བོས་ནི་ཆོས་འདུལ་བ་འདི་རབ་ཏུ་ཤེས་སོ། །ཁྱོད་ཀྱིས་ནི་ཆོས་འདུལ་བ་འདི་མི་ཤེས་སོ། ། ཇི་ལྟར་ཁོ་བོས་ཆོས་འདུལ་བ་འདི་ཀུན་ཤེས་པ་ལྟར། ཁྱོད་ཀྱིས་ཀྱང་ཆོས་འདུལ་བ་འདི་ཀུན་མི་ཤེས་སོ། །ཁོ་བོས་ནི་རིགས་པ་དང་ལྡན་པར་ཡིན་གྱི། ཁྱོད་ཀྱིས་ནི་རིགས་པ་དང་ལྡན་པར་མ་ཡིན་ནོ། །ཁོ་</font><hr>Da317b<br><font size=+2>


བོས་ནི་འབྲེལ་པར་ཡིན་གྱི། ཁྱོད་ཀྱིས་ནི་འབྲེལ་པར་མ་ཡིན་ཏེ། སྔར་སྨྲ་བར་བྱ་བ་ནི་ཕྱིས་སྨྲས། ཕྱིས་སྨྲ་བར་བྱ་བ་ནི་སྔར་སྨྲས་ལ། ཁྱོད་ཀྱིས་ཧ་ཅང་མྱུར་བར་སྨྲ་བས་མི་གསལ་ལོ། །བརྩད་པས་མཇུག་བརྟུལ་གྱི་ཁྱོད་ཀྱིས་བརྩད་པའི་དོན་དུ་སྨྲ་བའི་ཚིག་དེ་ཐོང་ཞིག་།ཚར་བཅད་པར་ཤེས་སམ། གལ་ཏེ་ལན་ཐེབས་པ་ལྟ་ན། དྲིས་པ་དང་སྨྲོས་ཤིག་ཅེས་བྱ་བ་དགེ་སྦྱོང་རྣམས་ཀྱི་རྩོད་པ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཕོ་ཉར་འགྲོ་བ་དང ། གཏོང་བ་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། དེ་དག་རྒྱལ་པོའི་འམ། བློན་པོ་ཆེན་པོ་རྣམས་ཀྱིའམ། བྲམ་ཟེ་རྣམས་ཀྱིའམ། ཁྱིམ་བདག་རྣམས་ཀྱིའམ། གྲོང་མི་རྣམས་ཀྱིའམ། ཡུལ་མི་རྣམས་ཀྱིའམ། ནོར་ཅན་རྣམས་ཀྱིའམ། ཚོང་དཔོན་རྣམས་ཀྱིའམ། དེད་དཔོན་རྣམས་ཀྱི་ཕོ་ཉ་ཚུ་བི་ནས་ཁྲིད་དེ། ཕ་བིར་སྣ་འདྲེན་པར་བྱེད་པ་དང ། ཕ་བི་ནས་ཕོ་ཉ་ཁྲིད་དེ། ཚུ་བིར་སྣ་འདྲེན་པར་བྱེད་པ་སྟེ། དགེ་སྦྱོང་རྣམས་ཀྱི་ཕོ་ཉར་འགྲོ་བ་དང ། གཏོང་བ་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཚུལ་འཆོས་པ་དང ། ཁ་གསག་དང ། གཞོག་སློང་དང ། འཐོབ་ཀྱིས་འཇལ་བ་དང ། རྙེད་པ་ལས་རྙེད་པ་སྒྲུབ་པར་བྱེད་དེ། དགེ་སྦྱོང་རྣམས་ཀྱི་ཚུལ་འཆོས་པ་དང ། ཁ་གསག་དང ། གཞོག་སློང་</font><hr>Da318a<br><font size=+2>


༄#། །དང ། འཐོབ་ཀྱིས་འཇལ་བ་དང ། རྙེད་པ་ལས་རྙེད་པ་སྒྲུབ་པར་བྱེད་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། གནམ་གྲུམ་པ་དང ། རྨ་མཚན་དང ། རྨི་ལམ་གྱི་མཚན་མ་དང ། མེས་ཚིག་པ་དང ། ཆུས་རེག་པ་དང ། བྱི་བས་ཟོས་པ་དང ། འབེབས་པ་དང ། ཚིག་སྙན་པ་དང ། འབྱུང་པོ་ཐམས་ཅད་ཀྱི་སྐད་དང ། ལུས་ཀྱི་དཔྱད་དང ། ཁྱིམ་སའི་དཔྱད་དང ། ནེ་ཙོའི་དཔྱད་དང ། བྱའི་དཔྱད་དང ། སོར་མོའི་དཔྱད་དང ། སྦྱོར་བ་དག་བྱེད་དེ། དགེ་སྦྱོང་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། ཡུད་ཙམ་རྣམས་ཀྱི་སྦྱོར་བ་དང ། རྒྱུ་སྐར་རྣམས་ཤར་བ་དང ། རོ་ཡོངས་སུ་བརྟག་པ་དང ། ཞི་བའི་ལས་དང ། རྒྱས་པའི་ལས་དང ། དྲག་པོའི་ལས་དང ། བསང་གཏོར་གྱི་ལས་དང ། ཡིག་འབྲུ་དང ། རྩིས་དང ། གྲངས་དང ། ལག་རྩིས་དང ། མེ་ལོང་གི་དཔྱད་ལ་སྦྱོར་བར་བྱེད་དེ། དགེ་སྦྱོང་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་</font><hr>Da318b<br><font size=+2>


པ་དག་ཡོངས་སུ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། གསོ་བའི་དཔྱད་དང ། རྩ་བའི་སྨན་དང ། མིག་སྨན་སྦྱིན་པ་དང ། རོ་སྦྱིན་པ་དང ། སྨན་སྦྱིན་པ་དང ། བུད་མེད་ཀྱི་དཔྱད་དང ། སྐྱེས་པའི་དཔྱད་དང ། ཁྱེའུའི་དཔྱད་དང ། གཞོན་ནུ་མའི་དཔྱད་དང ། སྨན་ལ་སྦྱོར་བར་བྱེད་པ་སྟེ། དགེ་སྦྱོང་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བར་བྱེད་པ་འདི་ལྟ་སྟེ། ནོར་བུའི་མཚན་ཉིད་དང ། དབྱུག་པའི་མཚན་ཉིད་དང ། རལ་གྲིའི་མཚན་ཉིད་དང ། མདའི་མཚན་ཉིད་དང ། མཚོན་ཆའི་མཚན་ཉིད་དང ། གླང་པོ་ཆེའི་མཚན་ཉིད་དང ། རྟའི་མཚན་ཉིད་དང ། ཁྱུ་མཆོག་གི་མཚན་ཉིད་དང ། མ་ཧེའི་མཚན་ཉིད་དང ། རའི་མཚན་ཉིད་དང ། ལུག་གི་མཚན་ཉིད་དང ། བྱ་གག་གི་མཚན་ཉིད་དང ། འུར་པའི་མཚན་ཉིད་དང ། མཆིལ་པའི་མཚན་ཉིད་དང ། བུད་མེད་ཀྱི་མཚན་ཉིད་དང ། སྐྱེས་པའི་མཚན་ཉིད་དང ། གཞོན་ནུའི་མཚན་ཉིད་དང ། གཞོན་ནུ་མའི་མཚན་ཉིད་དང ། ཚེ་ཐུང་བའི་རྟགས་དང ། ཚེ་རིང་པོའི་རྟགས་དང ། སྐལ་པ་ཆུང་བའི་རྟགས་དང ། སྐལ་པ་ཆེ་བའི་རྟགས་དང ། བསོད་ནམས་ཆུང་བའི་རྟགས་དང ། བསོད་ནམས་ཆེ་བའི་རྟགས་དང ། དབང་ཆུང་བའི་རྟགས་དང ། དབང་ཆེ་བའི་རྟགས་དང ། ཇོ་བོའི་མཚན་ཉིད་པ་</font><hr>Da319a<br><font size=+2>


༄#། །བྲན་གྱི་མཚན་ཉིད་དེ། དགེ་སྦྱོང་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། སྨན་ཟས་གཅིག་ཅར་གཏོང་བ་དང ། སྦྲེངས་ཏེ་གཏོང་བ་དང ། འཁྲུར་འཇུག་པ་དང ། ཡར་སྐྱུག་པ་དང ། མར་འཁྲུ་བ་དང ། སྣར་བླུགས་པ་དང ། དུ་བ་རྔུབ་པ་དང ། དུགས་ཀྱི་ལས་དང ། བད་ཀན་གྱི་དཔྱད་དང ། ཕོ་བའི་དཔྱད་དང ། སྨེ་བ་དང ། ཕོལ་མིག་གི་དཔྱད་དང ། རི་དྭགས་འཁྱིལ་པ་དང ། བྱ་རོག་འཁྱིལ་པ་དང ། མཁུར་བ་འགུལ་བ་དང ། ལྕེ་སོས་ཆོད་པ་དང ། རོ་ལངས་དང ། རོ་ལངས་ཕྱེད་ལ་སྦྱོར་བར་བྱེད་དེ། དགེ་སྦྱོང་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། དགུག་པ་དང ། ཀུན་ཏུ་དགུག་པ་དང ། རྣམ་པར་དགུག་པ་དང ། རྨོངས་པ་དང ། ཀུན་ཏུ་རྨོངས་པ་དང ། རྣམ་པར་རྨོངས་པ་དང ། རྣམ་པར་འཐོར་བ་དང ། རྣམ་པར་འཇོམས་པའི་ཆོས་ཅན་དང ། བདེ་བར་བྱེད་པ་དང ། སྡུག་བསྔལ་བར་བྱེད་པ་དང ། མངལ་དུ་ཆགས་པར་བྱེད་པ་དང ། ཏིལ་གྱི་སྦྱིན་སྲེག་དང ། འབྲས་ཀྱི་སྦྱིན་སྲེག་དང ། གཟེགས་མའི་སྦྱིན་སྲེག་དང་</font><hr>Da319b<br><font size=+2>


ཟས་ཀྱི་སྦྱིན་སྲེག་དང ། སྦྱིན་སྲེག་གི་སྦྱིན་སྲེག་དང ། ཉི་མ་ལ་བཀུར་སྟི་བྱ་བ་དང ། སྐར་མ་ལ་བཀུར་སྟི་བྱ་བ་དང ། ལྷ་ལ་བཀུར་སྟི་བྱ་བ་དང ། བཀུར་སྟིའི་གནས་ཆེན་པོ་ལ་བཀུར་སྟི་བྱེད་པ་སྟེ། དགེ་སྦྱོང་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། མ་སྡུག་འདི་ལྟར་ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། འཇིགས་པར་འགྱུར་བ་དང ། བདེ་བར་འགྱུར་བ་དང ། ལོ་ཉེས་པར་འགྱུར་བ་དང ། ལོ་ལེགས་པར་འགྱུར་བ་དང ། ཆར་འབབ་མི་མཁས་པར་འགྱུར་བ་དང ། ཆར་འབབ་མཁས་པར་འགྱུར་བ་དང ། ཡམས་ཀྱི་ནད་འབྱུང་བར་འགྱུར་བ་དང ། ཡམས་ཀྱི་ནད་འབྱུང་བར་མི་འགྱུར་བ་སྟེ། དགེ་སྦྱོང་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་བདུན་པ། འདི་ལྟར་ཡང་མ་སྡུག་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་ཡོངས་སུ་སྤྱད་དེ། ཡོན་པོའི་རིག་པས་ལོག་པར་འཚོ་བས་འཚོ་བར་བྱེད་པ། འདི་ལྟ་སྟེ། ནང་གི་རྒྱལ་པོ་ནི་རྒྱལ་བར་འགྱུར་བ་དང ། ཕྱིའི་རྒྱལ་པོ་ནི་ཕམ་པར་འགྱུར་བ་དང ། ཕྱིའི་རྒྱལ་པོ་ནི་རྒྱལ་བར་འགྱུར་བ་དང ། ནང་གི་རྒྱལ་པོ་ནི་ཕམ་པར་འགྱུར་བ་དང ། ནང་གི་རྒྱལ་པོ་བྲོས་པར་འགྱུར་བ་དང ། ཕྱིའི་རྒྱལ་པོས་སྙེགས་པར་འགྱུར་བ་དང ། ཕྱིའི་རྒྱལ་པོ་བྲོས་པར་འགྱུར་བ་དང ། ནང་གི་རྒྱལ་</font><hr>Da320a<br><font size=+2>


༄#། །པོས་སྙེགས་པར་འགྱུར་བ་དང ། དགེ་སྦྱོང་ནི། ཡོན་པོའི་རིག་པས་ལོག་པར་འཚོ་བར་བྱེད་པ་དེ་ལྟ་བུ་ལས་སླར་ལོག་པ་ཡིན་ནོ། །འདི་ལྟར་ཡང་མ་སྡུག་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་ཡོངས་སུ་སྤྱད་དེ། ཡོན་པོའི་རིག་པས་འཚོ་བས་འཚོ་བར་བྱེད་པ་འདི་ལྟ་སྟེ། ལས་སུ་ནི་ཉི་མ་དང ། ཟླ་བ་ལམ་ལས་གོལ་བར་འགྲོ་བ་དང ། ཉི་མ་གཟའི་ལམ་དང ། ཟླ་བ་གཟའི་ལམ་དང ། སྐར་མདའ་ལྟུང་བ་དང ། ཕྱོགས་སུ་ཤར་བ་དང ། ཕྱོགས་སུ་ཚིག་པ་དང ། བར་སྣང་ལ་ལྷ་རྣམས་རྔ་རྡུང་བ་དང ། ཉི་མའི་ལམ་གཟའ་མ་ཡིན་པ་དང ། ཟླ་བའི་ལམ་གཟའ་མ་ཡིན་པ་དང ། སྐར་མདའ་ལྟུང་བ་དང ། ཕྱོགས་སུ་ཤར་བ་དང ། ཕྱོགས་སུ་ཚིག་པ་དང ། བར་སྣང་ལ་ལྷ་རྣམས་རྔ་རྡུང་བ་དང ། ཉི་མ་དང་ཟླ་བ་གཉིས་དེ་ལྟ་བུར་རྫུ་འཕྲུལ་ཆེ་ཞིང་མཐུ་ཆེ་བདེ་འདི་ལྟར་ལམ་དུ་ཤར། ལམ་མ་ཡིན་པར་ཤར། འདི་ལྟར་ལམ་དུ་ནུབ། འདི་ལྟར་ལམ་མ་ཡིན་པར་ནུབ། ལམ་འདི་ལྟ་བུར་གྱུར་ན་ཉོན་མོངས་པ་དང ། རྣམ་པར་བྱང་བར་སྦྱོར་རོ། །དགེ་སྦྱོང་ནི་ཡོན་པོའི་རིག་པས་ལོག་པར་འཚོ་བས་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །འདི་ལྟར་ཡང་མ་སྡུག་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་ཡོངས་སུ་སྤྱད་དེ། ཡོན་པོའི་རིག་པས་ལོག་པར་འཚོ་བས་འཚོ་བར་བྱེད་པ་འདི་ལྟ་སྟེ། ཉི་མ་དང ། ཟླ་བ་གཉིས་ལམ་འདི་ལྟ་བུར་སོང་ན་རྣམ་པར་སྨིན་པ་འདི་ལྟ་བུར་འགྱུར་རོ། ། </font><hr>Da320b<br><font size=+2>


ཉི་མ་དང ། ཟླ་བ་གཉིས་ལམ་གོལ་བ་འདི་ལྟ་བུར་སོང་ན་ཉོན་མོངས་པ་དང ། རྣམ་པར་བདེ་བ་རྣམ་པར་སྨིན་པ་འདི་ལྟ་བུར་འགྱུར་རོ། །རྣམ་པ་འདི་ལྟ་བུའི་རྣམ་པར་སྨིན་པ་ནི། ཉི་མའི་གཟའ་དང ། ཟླ་བའི་གཟའ་ལས་འདི་ལྟ་བུར་ཞུགས་ཤིང ། སྐར་མདའ་ལྟུང་བ་དང ། ཕྱོགས་སུ་ཤར་བ་དང ། ཕྱོགས་སུ་ཚིག་པ་དང ། བར་སྣང་ལ་ལྷ་རྣམས་རྔ་རྡུང་བ་ན་རྣམ་པ་འདི་ལྟ་བུར་སྨིན། ཉི་མ་དང་ཟླ་བ་འདི་ལྟ་བུར་རྫུ་འཕྲུལ་ཆེ་བ། མཐུ་ཆེ་བ་ལམ་འདི་ལྟ་བུར་ནི་ཤར། ལམ་འདི་ལྟ་བུར་ནི་ནུབ། ལམ་འདི་ལྟ་བུར་གྱུར་ན། ཉོན་མོངས་པ་དང ། རྣམ་པར་བདེ་བ་རྣམ་པར་སྨིན་པ་འདི་ལྟ་བུར་འགྱུར་རོ་ཞེས་སྟོན་གྱི། དགེ་སྦྱོང་ནི་ཡོན་པོའི་རིག་པས་ལོག་པར་འཚོ་བ་དེ་ལྟ་བུ་ལས་སླར་ལོག་པ་ཡིན་ཏེ། དེ་ནི་འཕགས་པའི་ཚུལ་ཁྲིམས་ཀྱི་ཕུང་པོ་དེ་ལྟ་བུ་དང་ལྡན་པས་ན། ནང་གི་ཁ་ན་མཐོ་བ་མེད་པས་བདེ་བ་སོ་སོར་མྱོང་ངོ ། །དེས་དབང་པོ་ཡུལ་ལས་བཟློག་སྟེ་གནས་པས་ན། དྲན་པ་ཀུན་ཏུ་བསྲུངས་པའོ། །དྲན་པ་གསལ་བ། དྲན་པས་ངེས་པར་བསྲུངས་པའི་ཡིད་ཀྱིས་སྙོམས་པའི་ལས་སུ་སྤྱོད་དོ། །དེ་མིག་གིས་གཟུགས་མཐོང་ཡང་མཚན་མར་མི་འཛིན་པ་དང ། འབྲུར་མི་འཛིན་པར་འགྱུར་བ་ནི་གང་གི་ཕྱིར། མིག་གི་དབང་པོའི་སྡོམ་བས་མ་བསྡམས་པར་གནས་བས་ན་ཆགས་པ་དང ། ཡིད་སློང་བ་དང ། འཇིག་རྟེན་གྱི་སྡིག་པ་མི་དགེ་བའི་ཆོས་ཀྱི་སེམས་རྗེས་སུ་འཇུག་པ་དེ་དག་ལ་སྡོམ་པའི་ཕྱིར་ནན་ཏན་བྱེད་དེ། མིག་གི་དབང་པོ་བསྲུངས་པས་</font><hr>Da321a<br><font size=+2>


༄#། །མིག་གི་དབང་པོ་སྡོམ་པར་བྱེད་དོ། །དེ་བཞིན་དུ་རྣ་བས་ནི་སྒྲ་ལ། སྣས་ནི་དྲི་ལ། ལྕེས་ནི་རོལ། ལུས་ཀྱིས་ནི་རེག་བྱ་ལ། ཡིད་ཀྱིས་ནི་ཆོས་ལ་ཤེས་ཀྱང་མཚན་མར་འཛིན་པར་མི་བྱེད། འབྲུར་འཛིན་པར་མི་བྱེད་དེ། གང་གི་ཕྱིར་ཡིད་ཀྱི་དབང་པོའི་སྡོམ་པས་མ་བསྡམས་པར་སྤྱོད་དེ། ཆགས་པ་དང ། ཡིད་མི་བདེ་བ་དང ། འཇིག་རྟེན་གྱི་སྡིག་པ་མི་དགེ་བའི་ཆོས་ཀྱི་རྗེས་སུ་འཇུག་པ་དེ་དག་གིས་སྡིག་པ་འཐོབ་པའོ། །ཡིད་ཀྱི་དབང་པོ་བསྡམས་པས་ཡིད་ཀྱི་དབང་པོ་སྡོམ་པར་བྱེད་དོ། །དེ་ལ་འཕགས་པའི་ཚུལ་ཁྲིམས་འདི་དང་ལྡན་པས་ན། དབང་པོ་ཡུལ་ལས་བཟློག་པ་འདིས་ན་ནང་གི་ཁ་ན་མ་ཐོ་བ་མེད་དེ། བདེ་བ་སོ་སོར་མྱོང་ངོ ། །དེ་འོངས་པ་དང ། འགྲོ་བ་རབ་ཏུ་ཤེས་ཏེ། གནས་པར་གྱུར་པས་ན། སྣང་བ་དང ། ཀུན་ཏུ་སྣང་བ་དང ། བསྐུམ་པ་དང ། བརྐྱང་བ་དང ། སྦྱར་མ་དང ། ཆོས་གོས་དག་དང ། ལྷུང་བཟེད་དག་བཟུང་བ་དང ། འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དང ། མི་ཉལ་བ་དང ། སྨྲ་བ་དང ། ཅང་མི་ཟེར་བ་དང ། གཉིད་ཀྱིས་རྨྱ་བ་དང ། རྨྱ་བ་བསལ་བར་བྱེད་པ་དག་ཤེས་ཤིང་གནས་པར་འགྱུར་རོ། །དེས་འཕགས་པའི་ཚུལ་ཁྲིམས་ཀྱི་ཕུང་པོ་དང་ལྡན་པ་དང ། དབང་པོ་དབེན་པ་དང ། དེས་རབ་ཏུ་དྲན་པ་དང ། ཡང་དག་པར་རབ་ཏུ་ཤེས་པ་དང་ལྡན་པས་ནང་གི་ཁ་ན་མ་ཐོ་བ་མེད་པ། བདེ་བ་ཡང་དག་པར་ཚོར་ཏེ། དེ་ནས་དབེན་པར་མལ་སྟན་ལ་གནས་ཏེ་</font><hr>Da321b<br><font size=+2>


དགོན་པ་དང ། ཤིང་དྲུང་དང ། ཁྱིམ་སྟོང་པ་དང ། དབེན་པར་གྱུར་པའམ། ཤིང་དྲུང་དུ་གྱུར་པའམ། ཁྱིམ་སྟོང་པར་གྱུར་པ་དག་ཏུ་འདུག་སྟེ། སྐྱིལ་མོ་ཀྲུང་བཅས་ནས་ལུས་དྲང་པོར་བསྲང་སྟེ། དྲན་པ་མངོན་དུ་བཞག་ནས། དེས་འཇིག་རྟེན་པའི་ཆགས་པ་སྤངས་ཏེ། ཆགས་པ་དང་བྲལ་བའི་སེམས་མང་པོར་སྤྱོད་ཅིང ། ཆགས་པའི་སེམས་ཡོངས་སུ་སྤྱོད་ངོ ། །གནོད་སེམས་དང ། རྨུག་པ་དང ། གཉིད་དང ། དྲེགས་པ་དང ། འགྱོད་པ་དང ། ཐེ་ཚོམ་འཇིག་རྟེན་དུ་སྤངས་པས་རེ་བ་དང་བྲལ། ཐེ་ཚོམ་ལས་བྲལ་བ་ཡིན་ནོ། །དེ་དགེ་བའི་ཆོས་ལ་འདི་ལྟ་བུའམ། ཇི་ལྟ་བུ་ཞེས་བྱ་བའི་ཐེ་ཚོམ་གྱི་སེམས་ཡོངས་སུ་སྦྱོང་ངོ ། །འདི་ལྟ་སྟེ། མ་སྡུག་སྐྱེས་བུ་ཞིག་གིས་སྦྱིན་པ་བླངས་ཏེ། དེས་དེ་ལས་སུ་བྱ་བ་ལ་སྦྱར་ན་དེ་ལས་དེ་ཡང་འབྱོར་ནས། དེས་དེ་ལ་སྐྱིན་པ་དེ་བསབས་ལ། བུད་མེད་དག་གསོ་བ་ཙམ་གྱི་རང་གི་ནོར་ཀྱང་ཡོད་ནས། དེ་འདི་སྙམ་དུ་སེམས་པར་གྱུར་ཏོ། །བདག་གིས་སྐྱིན་པོ་བླངས་ཏེ་ལས་ལ་སྦྱར་བས་ན། བདག་གིས་ལས་དེ་འབྱོར་ཏེ། དེས་ན་བདག་གིས་སྐྱིན་པོ་དེ་ཡང་བསབས་ལ། བུད་མེད་དག་གསོ་བ་ཙམ་གྱིས་ནོར་ཀྱང་ཡོད་དོ་སྙམ་དུ་གྱུར་ནས་དེ་དེའི་རྒྱུས་བདེ་བ་དང ། ཡིད་དགའ་བར་གྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་ནད་བུ་ཅན་ཏེ། སྡུག་བསྔལ་ཞིང་ནད་ཚབས་ཆེ་བས་དེ་ཁ་ཟས་ཟོས་པ་ནི་ལུས་ལ་གནོད། སྐོམ་འཐུངས་ན་ནི་ལྟོ་མི་བདེ་བར་འགྱུར་རོ། །དེ་དུས་ཕྱི་ཞིག་ན་བདེ་བ་དང ། ནད་མེད་པ་དང ། སྟོབས་དང་ལྡན་པར་གྱུར་པས་ཁ་ཟས་ཟོས་ན་ནི་ལུས་ལ་ཕན་ལ། སྐོམ་འཐུངས་</font><hr>Da322a<br><font size=+2>


༄#། །ན་ནི་ལྟོ་ལ་མི་གནོད་ནས་དེ་འདི་སྙམ་དུ་སེམས་པར་གྱུར་ཏོ། །བདག་སྔོན་ནི་ནད་བུ་ཅན་སྡུག་བསྔལ་བ་ནད་ཚབས་ཆེན་པོར་གྱུར་ཏེ། བདག་དེ་བས་ན་ཁ་ཟས་ཟོས་ན་ནི་ལུས་ལ་གནོད། སྐོམ་འཐུངས་ན་ནི་ལྟོ་མི་བདེའོ། །བདག་ད་ལྟར་ནི་བདེ་ཞིང་ནད་མེད་དེ་སྟོབས་དང་ལྡན་པས་ཁ་ཟས་ཟོས་ན་ནི་ལུས་ལ་ཕན། སྐོམ་འཐུངས་ན་ནི་ལྟོ་ལ་མི་གནོད་དོ་སྙམ་ནས་དེ་དེའི་རྒྱུས་བདེ་བར་གྱུར་ཏོ། །ཡིད་དགའ་བར་ཀྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་བྲན་དང་མངག་གཞུག་པ་དང ། བསྒོ་བ་དང ། སྤྱད་པ་དང ། འདི་ལྟར་རང་ཉམས་སུ་འགྲོར་མེད་པར་གྱུར་པ་དེ་དུས་ཕྱི་ཞིག་ན་བྲན་མ་ཡིན། མངག་གཞུག་པ་མ་ཡིན། བསྒོ་བ་མ་ཡིན། བཀོལ་བ་མ་ཡིན། འདི་ལྟར་རང་ཉམས་སུ་འགྲོར་ཡོད་དེ། དེ་འདི་སྙམ་དུ་གྱུར་ཏོ། །བདག་སྔོན་བྲན་དང ། མངག་གཞུག་པ་དང ། བསྒོ་བ་དང ། བཀོལ་བ་དང ། འདི་ལྟར་རང་ཉམས་སུ་འགྲོར་མེད་པར་གྱུར་ཏོ། །བདག་ད་ལྟར་ནི་བྲན་མ་ཡིན། མངག་གཞུག་པ་མ་ཡིན། བསྒོ་བ་མ་ཡིན། བཀོལ་བ་མ་ཡིན། འདི་ལྟར་རང་ཉམས་སུ་འགྲོར་ཡོད་དེ། དེ་དེའི་རྒྱུས་བདེ་བར་གྱུར། ཡིད་དགའ་བར་གྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་ལག་པ་ཕྱིང་ཀ་ལོག་ཏུ་དམ་དུ་བཅིང་བས་བཅིངས་པར་གྱུར་ནས། དེ་དེ་ལས་ཐར་ནས་བཀྲ་ཤིས་པ། བདེ་བ་དང ། མི་གོད་པ་སྟེ། དེ་འདི་སྙམ་དུ་གྱུར་ཏོ། །བདག་སྔོན་ནི་ལག་པ་ཕྱིང་ཀ་ལོག་ཏུ་བཅིང་བས་བཅིངས་པར་གྱུར། བདག་ད་ལྟར་ནི་དེ་ལས་ཐར་པར་བཀྲ་ཤིས་པ་དང ། བདེ་བ་དང ། མ་གོད་པ་སྟེ། དེ་</font><hr>Da322b<br><font size=+2>


དེའི་རྒྱུས་ཡིད་དགའ་བར་གྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་འཇིགས་པ་ལས་ནི་བདེ་བར་གྱུར། ལོ་ཉེས་པ་ལས་ནི་ལོ་ལེགས་པར་གྱུར་ནས་དེ་འདི་སྙམ་དུ་གྱུར་ཏོ། །བདག་ནི་འཇིགས་པ་ལས་ནི་བདེ་བར་གྱུར། ལོ་ཉེས་པ་ལས་ནི་ལོ་ལེགས་པར་གྱུར། དེ་དེའི་རྒྱུས་བདེ་བར་གྱུར། ཡིད་དགའ་བར་གྱུར་ཏོ། །དེ་ལྟར་དེ་བཞིན་དུ་བགྱིས་པ་དང ། ཇི་ལྟར་ནད་དང ། ཇི་ལྟར་བྲན་དང ། ཇི་ལྟར་བཅིངས་པ་དང ། ཇི་ལྟར་འཇིགས་པ་བཞིན་དུ་དེས་ངེས་པར་སྒྲིབ་པ་འདི་ལྔ་ལས། བདག་ཉིད་བྲལ་བར་མཐོང་ངོ ། །དེས་སེམས་ཅན་ལ་ཉེ་བར་ཉོན་མོངས་པར་བྱེད་པ། ཤེས་རབ་ཉམས་ཆུང་བར་བྱེད་པ། གནོད་པའི་ཕྱོགས་མྱ་ངན་ལས་འདའ་བ་དང་མི་མཐུན་པའི་སྒྲིབ་པ་ལྔ་སྤངས་ཏེ། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་ལས་དབེན་པ། རྟོག་པ་དང་བཅས་དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བའི་བསམ་གཏན་དང་པོ་མངོན་དུ་བསྒྲུབས་ནས་གནས་སོ། །དེས་ལུས་འདི་ཉིད་ལས་དབེན་པ་ལས་སྐྱེས་པ་དང ། དགའ་བ་དང་བདེ་བས་མངོན་པར་བརླན་ཏོ། །རབ་ཏུ་བརླན་ཏོ། །ཀུན་ཏུ་ཚིམ་མོ། །ཀུན་ཏུ་ཁྱབ་སྟེ། འདི་ལྟ་སྟེ། དབེན་པ་ལས་སྐྱེས་པའི་དགའ་བ་དང ། བདེ་བས་ལུས་ཐམས་ཅད་དུ་ཁྱབ་པར་མ་གྱུར་པའམ། མ་ཁྱབ་པ་ཅུང་ཟད་ཀྱང་མེད་དོ། ། འདི་ལྟ་སྟེ། བྱི་དོར་བའམ། བྱི་དོར་བའི་སློབ་མ་མཁས་པ་ཡང་རུང་སྟེ། དེས་ཁམ་ཕོར་རམ། གཞོང་བུའམ། ཉ་ཕྱིས་ཀྱི་ནང་དུ་ཡང་རུང ། བཀྲུ་བའི་ཕྱེ་མ་ཞིབ་མོ་བླུགས་ཏེ། ཆུས་བཏབ་ཅིང་བཏབ་</font><hr>Da323a<br><font size=+2>


༄#། །ནས་གཤེར་བར་བྱས་ཏེ། བཀྲུ་བའི་གོང་བུ་དེ་ཡང་སྣུམ་པ་དང ། སྣུམ་པར་གྱུར་པ་དང ། སྣུམ་པས་ཁྱབ་པ་དང ། གསལ་བར་ནང་དང་ཕྱིའི་སྣུམ་པས་སོ་སོར་མི་འགྱེས་མི་ཟག་གོ་།དེ་ལྟར་དེ་བཞིན་དུ་ལུས་འདི་ལ་དབེན་པ་ལས་སྐྱེས་པའི་དགའ་བ་དང ། བདེ་བས་མངོན་དུ་བརླན། རབ་ཏུ་བརླན། ཀུན་ཏུ་ཚིམ། ཀུན་ཏུ་ཁྱབ་སྟེ། དེའི་ལུས་ཐམས་ཅད་དུ་དབེན་པ་ལས་སྐྱེས་པའི་དགའ་བ་དང ། བདེ་བས་ཅུང་ཟད་ཀྱང་མ་ཁྱབ་པར་གྱུར་པ་མེད་དོ། །དེ་རྣམ་པར་རྟོག་པ་དང ། རྣམ་པར་དཔྱོད་པ་ཞི་བར་བྱ་བའི་ཕྱིར། ནང་གི་སེམས་ལ་རབ་ཏུ་དགའ་བ་གཅིག་ཏུ་དམིགས་པས་རྣམ་པར་མི་རྟོག་།རྣམ་པར་མི་དཔྱོད་པའི་ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བའི་བསམ་གཏན་གཉིས་པ་མངོན་དུ་བསྒྲུབས་ཏེ་གནས་སོ། །དེའི་ལུས་འདི་ཉིད་ལ་ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བས་མངོན་པར་བརླན། རབ་ཏུ་བརླན། ཀུན་ཏུ་ཚིམ། ཀུན་ཏུ་ཁྱབ་བོ། །འདི་ལྟ་སྟེ། དེའི་ལུས་ཐམས་ཅད་ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བས་མ་ཁྱབ་པའམ། ཁྱབ་པར་མ་གྱུར་བ་ཅུང་ཟད་ཀྱང་མེད་དོ། །དེ་འདི་ལྟ་སྟེ། མ་སྡུག་རིའི་སྤྱི་བོར་བཀོད་མའི་མཚོའམ། མཚེའུ་དེ་ལ་ཤར་ཕྱོགས་ནས་ཆུ་མ་བབ། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན། བྱང་ཕྱོགས་ནས་ཆུ་འབབ་པར་མི་འགྱུར། དེར་དུས་དུས་སུ་ཡང་དག་པར་ཆར་པ་ཡང་མི་འབབ་སྟེ། བཀོད་མའི་ཆུ་དེ་ལས་གཞན་ནི་མ་གཏོགས་ཏེ། ཆུའི་རྫིང་གི་ཆུའི་བུ་གུ་ཆེན་པོ་ནས་</font><hr>Da323b<br><font size=+2>


ཆུའི་ཕུང་པོ་འབྱུང་བས་ཆུའི་རྫིང་བུ་དེ་དག་ཐམས་ཅད་ཆུ་གྲང་མོས་མངོན་པར་བརླན། རབ་ཏུ་བརླན། ཀུན་ཏུ་ཚིམ། ཀུན་ཏུ་ཁྱབ་སྟེ། འདི་ལྟ་སྟེ། ཆུ་གྲང་མོས་ཆུའི་རྫིང་བུ་ཐམས་ཅད་དུ་ཁྱབ་པར་མ་གྱུར་པ་ནི་ཅུང་ཟད་ཀྱང་མེད་དེ། དེ་ལྟར་དེ་བཞིན་དུ་དེའི་ལུས་འདི་ཉིད་ལ་ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བས་མངོན་པར་བརླན། རབ་ཏུ་བརླན། ཀུན་ཏུ་ཚིམ། ཀུན་ཏུ་ཁྱབ་སྟེ། འདི་ལྟ་སྟེ། ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བས་ལུས་ཐམས་ཅད་དུ་མ་ཁྱབ་པ་དང ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེས་དགའ་བ་སྤངས་ནས་བཏང་སྙོམས་དང ། དྲན་པ་དང ། རབ་ཏུ་ཤེས་པ་དང ། བདེ་བས་ལུས་ལ་སོ་སོར་མྱོང་བར་གནས་ཏེ། གང་འཕགས་པ་དག་གིས་གསུངས་པའི་དྲན་པ་དང་ལྡན་པའི་བཏང་སྙོམས་པར་བྱས་ཏེ། བདེ་བར་གནས་སོ་ཞེས་བྱ་བའི་བསམ་གཏན་གསུམ་པ་མངོན་དུ་བསྒྲུབས་ཏེ་གནས་སོ། །དེའི་ལུས་འདི་ཉིད་ལ་དགའ་བ་མེད་པའི་བདེ་བས་མངོན་པར་བརླན། རབ་ཏུ་བརླན། ཀུན་ཏུ་ཚིམ། ཀུན་ཏུ་ཁྱབ་བོ། །འདི་ལྟ་སྟེ། དགའ་བ་མེད་པའི་བདེ་བས་ལུས་ཐམས་ཅད་དུ་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་འདི་ལྟ་སྟེ། མེ་ཏོག་ཨུཏྤ་ལའམ། པདྨོའམ། ཀུ་མུ་ཏའམ། པུཎྜ་རི་ཀ་དག་ཆུ་ལས་སྐྱེས་ཏེ། ཆུར་འཕེལ་ཞིང ། རྩ་བ་ཆུར་ནུབ་ནས་གནས་སོ། །དེ་དག་གི་ཇི་ཙམ་རྩ་བ་ནས་རྩེ་མོའི་བར་དུ་འདི་ལྟ་སྟེ། བསིལ་བའི་ཆུས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་ལྟར་དེ་བཞིན་དུ་</font><hr>Da324a<br><font size=+2>


༄#། །ལུས་འདི་ཉིད་ལ་དགའ་བ་མེད་པའི་བདེ་བས་མངོན་པར་བརླན། རབ་ཏུ་བརླན། ཀུན་ཏུ་ཚིམ། ཀུན་ཏུ་ཁྱབ་བོ། །འདི་ལྟ་སྟེ། དགའ་བ་མེད་པའི་བདེ་བས་ལུས་ཐམས་ཅད་དུ་མ་ཁྱབ་པ་དང ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེས་བདེ་བ་ཡང་སྤངས། སྡུག་བསྔལ་བ་ཡང་སྤངས་ཏེ། ཡིད་བདེ་བ་དང ། ཡིད་མི་བདེ་བ་ནི་སྔར་སྤངས་པས་ན་སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་བཏང་སྙོམས་དང ། དྲན་པ་ཡོངས་སུ་དག་པ་བསམ་གཏན་བཞི་བ་མངོན་པར་བསྒྲུབས་ནས་གནས་སོ། །དེའི་ལུས་འདི་ཉིད་ལ་ཀུན་ཏུ་དག་པ་ཡོངས་སུ་དག་པ་ལ་ཞུགས་ནས། མོས་པར་བྱས་ནས་ཁྱབ་པར་མངོན་དུ་བསྒྲུབས་ཏེ་གནས་སོ། །འདི་ལྟ་སྟེ། ཁྱིམ་བདག་གམ། ཁྱིམ་བདག་གི་བུ་ཡང་རུང ། བརྒྱད་ཀྱིས་བཏགས་སམ། དགུས་བཏགས་པའི་གོས་ཀྱིས་དེའི་མགོ་ནས་ལག་པ་དང་རྐང་པ་ཡན་ཆད་དུ་དཀྲིས་ཏེ། དེའི་མགོ་བོ་ནས་རྐང་པའི་བར་དུའོ། །འདི་ལྟ་སྟེ། ཀུན་ཏུ་དག་པའི་རས་ཡོངས་སུ་དཀར་བས་ལུས་ཐམས་ཅད་དུ་མ་ཁྱབ་ཅིང ། མ་ཁྱབ་པར་གྱུར་པ་ནི་ཅུང་ཟད་ཀྱང་མེད་དེ། དེ་ལྟར་དེ་བཞིན་དུ་ལུས་འདི་ཉིད་ལ་ཀུན་ཏུ་དག་པའི་སེམས་ཡོང་སུ་བྱང་བ་ལ་མོས་པར་ཁྱབ་པས་མངོན་དུ་བསྒྲུབས་ནས་གནས་སོ། །འདི་ལྟ་སྟེ། ཀུན་ཏུ་དག་པའི་སེམས་ཡོངས་སུ་བྱང་བས་ལུས་ཐམས་ཅད་དུ་མ་ཁྱབ་པ་དང ། མ་ཁྱབ་པར་གྱུར་པ་ནི་ཅུང་ཟད་ཀྱང་མེད་དོ། །མ་སྡུག་ནམ་འཕགས་པ་ཉན་ཐོས་དག་</font><hr>Da324b<br><font size=+2>


གིས་བདེ་བ་ཡང་སྤངས། སྡུག་བསྔལ་བ་ཡང་སྤངས་ཏེ། ཡིད་བདེ་བ་དང ། ཡིད་མི་བདེ་བ་དང་གཉིས་སྔར་ནུབ་ནས་བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པ་བཏང་སྙོམས་དང ། དྲན་པ་ཀུན་ཏུ་དག་སྟེ། བསམ་གཏན་བཞི་པ་མངོན་དུ་བསྒྲུབས་ཏེ་གནས་སོ། །དེའི་སེམས་དེ་ནི་དེའི་ཚེ་ན་མི་མཐོ་མི་དམའ་བར་གྱུར་ཏེ། མི་མཐོ་མི་དམའ་བར་གནས་པས་མི་གཡོ་བ་འཐོབ་བོ། །འདི་ལྟ་སྟེ། ཁང་པ་བརྩེགས་པའམ། ཁང་ཆེན་བརྩེགས་པར་ཉུངས་མར་གྱི་མེ་མར་བུས་ཏེ། མེ་ལྕེ་དེ་ལ་རླུང་དང ། བྱ་དང ། མི་དང ། མི་མ་ཡིན་པ་རྣམས་ཀྱིས་མ་བསྒུལ་མ་བསྐྱོད་པ་དེའི་དུས་ན་མི་མཐོ་མི་དམའ་བར་གྱུར་ཏེ། མི་མཐོ་མི་དམའ་བར་གནས་པས་མི་གཡོ་བར་འབར་རོ། །དེ་ལྟར་དེ་བཞིན་དུ་མ་སྡུག་གང་གི་ཚེ་འཕགས་པ་ཉན་ཐོས་དག་གིས། བདེ་བ་ཡང་སྤངས། སྡུག་བསྔལ་བ་ཡང་སྤངས་ཏེ། ཡིད་བདེ་བ་དང ། ཡིད་མི་བདེ་བ་གཉི་ག་ནི་སྔར་ནུབ་པས། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་བཏང་སྙོམས་དང ། དྲན་པ་ཀུན་ཏུ་དག་སྟེ་བསམ་གཏན་བཞི་པ་མངོན་དུ་བསྒྲུབས་ཏེ་གནས་སོ། །དེའི་སེམས་དེ་ནི་དེའི་དུས་ན་མི་མཐོ་མི་དམའ་བར་གྱུར་ཏོ། །མི་མཐོ་མི་དམའ་བར་གནས་པས། མི་གཡོ་བ་ཐོབ་སྟེ། དེ་འདི་སྙམ་དུ་གྱུར་ཏོ། །བདག་གིས་ལུས་འདི་ནི་གཟུགས་ཅན་ཆེ་བ་འབྱུང་བ་ཆེན་པོ་བཞི་སྟེ། འདི་ལ་རྣམ་པར་ཤེས་པ་གནས་སོ། །འདི་ལ་རྟེན་ཏོ། །འདིའི་ནང་དུ་ཞུགས་སོ། །ཅི་ནས་བདག་གིས་ལུས་འདི་ལས་ཡིད་བསྐྱོད་དེ། ལུས་</font><hr>Da325a<br><font size=+2>


༄#། །གཞན་གཟུགས་ཅན་ཡིད་ལས་བྱུང་བ་མ་གོད་པ། དབང་པོ་རྣམས་མ་ཉམས་པ་ཞིག་བསྒྲུབ་བོ་སྙམ་དུ་བསམས་ནས། དེས་ལུས་དེ་ལས་ཡིད་བསྐྱོད་དེ། ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ། དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་བཻ་ཌཱུརྱའི་ནོར་བུ་ཟུར་བརྒྱད་པ་རང་བཞིན་གྱིས་བཟང་བ། གསལ་ཞིང་རྣམ་པར་དང་བ་སྟེ། དྲི་མ་མེད་པ་ལ་ཚོན་སྣ་བཞི་པའི་སྐུད་པས་བཏགས་ཏེ། འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། རྨའོ། །དེ་ལ་མིག་དང་ལྡན་པའི་སྐྱེས་བུས་མཐོང་ན། འདི་ནི་སྐུད་པའོ། །འདི་ནི་ནོར་བུ་སྟེ། ནོར་བུ་སྐུད་པ་ལ་བརྒྱུས་པར་ཤེས་སོ། །དེ་ལྟར་དེ་བཞིན་དུ་དེས་ལུས་དེ་ལས་ཡིད་བསྐྱོད་དེ། དེ་ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ། དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་སྐྱེས་བུ་ཞིག་གྲེས་མའི་བམ་པོ་ལས་ཉག་མ་གཅིག་དྲངས་པ་དེ་མིག་དང་ལྡན་པའི་སྐྱེས་བུས་མཐོང་ན་འདི་ནི་གྲེས་མའོ། །འདི་ནི་ཉག་མ་དྲངས་པ་ཡིན་པར་ཤེས་སོ། །དེ་ལྟར་དེ་བཞིན་དུ་དེས་ལུས་དེ་ལས་ཡིད་བསྐྱོད་དེ། ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ། དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་སྐྱེས་བུ་ཞིག་གཟེབ་ཀྱི་ནང་ནས་སྦྲུལ་གཅིག་ཕྱིར་བྱུང་བ་དེ་མིག་དང་ལྡན་པའི་སྐྱེས་བུ་དེས་</font><hr>Da325b<br><font size=+2>


མཐོང་ན། འདི་ནི་གཟེབ་བོ། འདི་ནི་སྦྲུལ་ཏེ་གཟེབ་ནས་སྦྲུལ་བྱུང་བར་ཤེས་སོ། །དེ་ལྟར་དེ་བཞིན་དུ་དེས་ལུས་དེ་ལས་ཡིད་བསྐྱོད་དེ། ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ། དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་སྐྱེས་བུ་ཞིག་།རལ་གྲིའི་ཤུབས་ནས་རལ་གྲི་འབྱིན་པ་དེ་ལ་མིག་དང་ལྡན་པའི་སྐྱེས་བུས་མཐོང་ན། འདི་ནི་རལ་གྲིའི་ཤུབས་སོ། །འདི་ནི་རལ་གྲིའོ། །འདི་ནི་རལ་གྲི་ཤུབས་ནས་ཕྱུང་བར་ཤེས་སོ། །དེ་ལྟར་དེ་བཞིན་དུ་ལུས་དེ་ལས་ཡིད་བསྐྱོད་དེ། ལུས་གཞན་གཟུགས་ཅན་ཡིད་ལ་བྱུང་བ་མ་གོད་པ། དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་བཞིན་མ་གཡེངས་པའི་སེམས་ཀུན་ཏུ་དག་པ། ཡོངས་སུ་བྱང་བ་ཉེས་པ་མེད་པའི་ཉེ་བའི་ཉོན་མོངས་པ་ལས་བྲལ་བ་དྲང་པོར་གྱུར་ཏེ། ལས་སུ་རུང་བ་གནས་པས་མི་གཡོ་བ་ཐོབ་སྟེ། རྫུ་འཕྲུལ་གྱི་ཡུལ་ལ་ཡེ་ཤེས་མངོན་པར་བྱང་བ་དང ། མངོན་པར་ཤེས་པ་ལ་སེམས་མངོན་པར་འཇུག་གོ་།དེས་རྣམ་པ་དུ་མའི་རྫུ་འཕྲུལ་གྱི་ཡུལ་སོ་སོར་མྱོང་བ་ནི། འདི་ལྟ་སྟེ། གཅིག་ལས་མང་པོར་འགྱུར་རོ། །མང་པོ་ལས་གཅིག་ཏུ་འགྱུར་རོ། །མངོན་པར་སྣང་བ་ལས་མི་སྣང་བར་འགྱུར་རོ། །ཡེ་ཤེས་ཀྱི་སྣང་བ་སོ་སོར་མྱོང་བར་འགྱུར་ཏེ། རྩིག་པ་ལས་ཐལ་བ་དང ། རི་ལས་ཐལ་བ་དང ། ར་བ་ལས་ཐལ་ཞིང་མི་ཆགས་པར་ལུས་ཀྱིས་འགྲོ་བ་ནི། འདི་ལྟ་སྟེ། ནམ་མཁའ་དང་འདྲ་བའོ། །ས་ལ་ནུབ་ཅིང་འབྱུང་བ་ནི། འདི་ལྟ་སྟེ། ཆུ་བཞིན་ནོ། །ཆུ་རྒྱུན་གྱི་སྟེང་ནས་འགྲོ་བ་ནི། </font><hr>Da326a<br><font size=+2>


༄#། །འདི་ལྟ་སྟེ། ས་བཞིན་ནོ། །ནམ་མཁའ་ལས་སྐྱིལ་མོ་ཀྲུང་བཅས་ཏེ་འགྲོ་བ་ནི། འདི་ལྟ་སྟེ། བྱ་གཤོག་པ་ཅན་བཞིན་ནོ། །ཉི་མ་དང ། ཟླ་བ་འདི་གཉིས་འདི་ལྟ་བུར་མཐུ་ཆེ་བ་རྫུ་འཕྲུལ་ཆེ་བ་ལ་ཡང་ལག་པས་རེག་།ཀུན་ཏུ་རེག་པར་བྱེད་པ། ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་དུ་བྱེད་དོ། །དེ་འདི་ལྟ་སྟེ། གསེར་མགར་མཁས་པའམ། གསེར་མགར་གྱི་སློབ་མ་མཁས་པ་ཡང་རུང་གསེར་ཤིན་ཏུ་སྦྱངས་པར་ཤེས་ནས། ཅི་དང་ཅི་འདོད་པ་དེ་དང་དེའི་རྐྱེན་གྱིས་ཁྱད་པར་དུ་བྱེད་པ་ནི། དེ་སྟེ་གླེགས་མའམ། དེ་སྟེ་རྣ་ཆའམ། དེ་སྟེ་མགྲིན་རྒྱན་ནམ། དེ་སྟེ་ལག་གདུབ་བམ། དེ་སྟེ་རྐང་གདུབ་བམ། སོར་གདུབ་བམ། དངུལ་དང་གསེར་གྱི་ཕྲེང་བ་ཡང་རུང་མྱུར་ཞིང་རིངས་པར་བྱེད་དོ། །དེ་ལྟར་དེ་བཞིན་དུ་འདིས་ཀྱང་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ་ཉེས་པ་མེད་པ། ཉེ་བའི་ཉོན་མོངས་པ་ལས་བྲལ་བ་དྲང་པོར་གྱུར་པ་ལས་སུ་རུང་བར་གནས་པས་མི་གཡོ་བ་ཐོབ་སྟེ། རྫུ་འཕྲུལ་གྱི་ཡུལ་ལ་ཡེ་ཤེས་མངོན་པར་བྱ་བའི་ཕྱིར། མངོན་པར་ཤེས་པ་དག་ལ་སེམས་མངོན་པར་ཞུགས་སོ། །དེ་འདི་ལྟ་སྟེ། གཅིག་ལས་མང་པོར་གྱུར་པ་ནས། སྔ་མ་བཞིན་ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་དུ་བྱེད་དོ། །དེ་འདི་ལྟ་སྟེ། རྫ་མཁན་ནམ། རྫ་མཁན་གྱི་སློབ་མ་མཁས་པ་ཡང་རུང ། འཇིམ་པའི་གོང་བུ་ཤིན་ཏུ་སྦྱངས་པར་ཤེས་ནས། ཅི་དང་ཇི་ལྟ་བུར་འདོད་པའི་སྣོད་</font><hr>Da326b<br><font size=+2>


ཀྱི་ཁྱད་པར་དེ་དང་དེར་བྱེད་པ་ནི་མྱུར་བར་མྱུར་དུ་བྱེད་དེ། དེ་ལྟར་དེ་བཞིན་དུ། དེས་འདི་བཞིན་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ་ཉེས་པ་མེད་པ། ཉེ་བའི་ཉོན་མོངས་པ་ལས་བྲལ་བ་ནས། སྔ་མ་བཞིན་ཏེ་ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་དུ་བྱེད་དོ། །དེ་འདི་ལྟ་སྟེ། སོ་མཁན་མཁས་པའམ། སོ་མཁན་གྱི་སློབ་མ་མཁས་པ་ཡང་རུང ། སོ་ཤིན་ཏུ་སྦྱངས་པར་ཤེས་ནས། ཅི་དང་ཇི་ལྟ་བུར་འདོད་པའི་གཟུགས་ཀྱི་ཁྱད་པར་དེ་དང་དེར་བྱེད་དེ་མྱུར་ཞིང་རིངས་པར་མངོན་པར་བྱེད་དོ། །དེ་ལྟར་དེ་བཞིན་དུ་དེས་འདི་བཞིན་དུ་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ་ནས་སྔ་མ་བཞིན་ཏེ། ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་དུ་བྱེད་དོ། །དེས་འདི་བཞིན་དུ་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉོན་མོངས་པ་ལས་བྲལ་བ་དྲང་པོར་གྱུར་ཅིང ། ལས་སུ་རུང་བར་གནས་པས་མི་གཡོ་བ་ཐོབ་སྟེ། འཕྲུལ་གྱི་རྣ་བ་ལ་ཡེ་ཤེས་མངོན་པར་བྱ་བའི་ཕྱིར། མངོན་པར་ཤེས་པ་དག་ལ་སེམས་མངོན་པར་འཇུག་གོ་།དེས་འཕྲུལ་གྱི་རྣ་བ་རྣམ་པར་དག་པ་མི་ལས་འདས་པ། སྒྲ་གཉིས་ཐོས་པ་ནི། མི་དང་མི་མ་ཡིན་པའི་དང ། རིང་བ་དང་ཉེ་བའོ། །དེ་འདི་ལྟ་སྟེ། དུང་འབུད་པའི་སྐྱེས་བུས་རི་མཐོ་བའི་རྩེ་ལ་འཛེགས་ཏེ། མཚན་མོ་ནམ་ཕྱེད་ཀྱི་དུས་སུ་དུང་བུས་པས་དེའི་སྒྲས་ཕྱོགས་སུ་ཁྱབ་པར་གྲགས་སོ། །དེ་ལྟར་དེ་བཞིན་དུ་དེས་འདི་བཞིན་དུ་མཉམ་པར་བཞག་པའི་</font><hr>Da327a<br><font size=+2>


༄#། །སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་ལས་བྲལ་བ་དྲང་པོར་གྱུར་ཅིང་ལས་སུ་རུང་བར་གནས་པས། མི་གཡོ་བ་ཐོབ་སྟེ། འཕྲུལ་གྱི་རྣ་བ་ལ་ཡེ་ཤེས་མངོན་པར་བྱ་བའི་ཕྱིར། མངོན་པར་ཤེས་པ་དེ་དག་ལ་སེམས་མངོན་པར་འཇུག་གོ་།དེས་འཕྲུལ་གྱི་རྣ་བ་རྣམ་པར་དག་པ་མི་ལས་འདས་པས་སྒྲ་གཉིས་ཐོས་ཏེ། མི་དང་མི་མ་ཡིན་པའི་དང ། རིང་བ་དང་ཉེ་བའོ། །དེས་འདི་བཞིན་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་ལས་བྲལ་བ་དྲང་པོར་གྱུར་ཅིང ། ལས་སུ་རུང་བར་གནས་པས་མི་གཡོ་བ་ཐོབ་སྟེ། སེམས་ཀྱི་རྣམ་གྲངས་ལས་ཡེ་ཤེས་མངོན་པར་བྱ་བའི་ཕྱིར། མངོན་པར་ཤེས་པ་དག་ལ་སེམས་མངོན་པར་འཇུག་གོ། སེམས་ཅན་ཕ་རོལ་དང ། གང་ཟག་ཕ་རོལ་དག་གིས་རྣམ་པར་བརྟགས་པ་དང ། རྣམ་པར་དཔྱད་པའི་ཡིད་ཇི་ལྟར་གྱུར་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་ཞེས་ཇི་ལྟ་བུ་ཉིད་རབ་ཏུ་ཤེས་སོ། །འདོད་ཆགས་དང་བྲལ་བའི་སེམས་ལ་འདོད་ཆགས་དང་བྲལ་བའི་སེམས་ཞེས་ཇི་ལྟ་བུ་ཉིད་རབ་ཏུ་ཤེས་སོ། །ཞེ་སྡང་དང་བཅས་པ་དང ། ཞེ་སྡང་དང་བྲལ་བ་དང ། གཏི་མུག་དང་བཅས་པ་དང ། གཏི་མུག་དང་བྲལ་བ་དང ། གཡེང་བ་དང་མི་གཡེང་བ་དང ། ཞུམ་པ་དང་རབ་ཏུ་འཛིན་པ་</font><hr>Da327b<br><font size=+2>


དང ། འཕྱར་བ་དང་མི་འཕྱར་བ་དང ། རྒོད་པ་དང་མ་རྒོད་པ་དང ། ཉེ་བར་ཞི་བ་དང་ཉེ་བར་མ་ཞི་བ་དང ། མཉམ་པར་མ་བཞག་པ་དང ། མཉམ་པར་བཞག་པ་དང ། མ་བསྒོམས་པ་དང ། བསྒོམས་པ་དང ། མ་གྲོལ་བའི་སེམས་ལ་མ་གྲོལ་བའི་སེམས་སོ། །ཞེས་ཇི་ལྟ་བུ་ཉིད་རབ་ཏུ་ཤེས་སོ། །ཤིན་ཏུ་རྣམ་པར་གྲོལ་བའི་སེམས་ལ་ཤིན་ཏུ་རྣམ་པར་གྲོལ་བའི་སེམས་ཞེས་ཇི་ལྟ་བུ་ཉིད་རབ་ཏུ་ཤེས་སོ། །དེ་འདི་ལྟ་སྟེ། མིག་དང་ལྡན་པའི་སྐྱེས་བུས་ཡོངས་སུ་དག་པའི་མེ་ལོང་གི་དཀྱིལ་འཁོར་བཟུང་སྟེ། བདག་གི་བཞིན་གྱི་མཚན་མ་རྟོག་གོ་།དེ་ལྟར་འདི་བཞིན་དུ་དེས་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་ལས་བྲལ་བ་དྲང་པོར་གྱུར་ཅིང ། ལས་སུ་རུང་བར་གནས་པས་མི་གཡོ་བ་ཐོབ་སྟེ། སེམས་ཀྱི་རྣམ་གྲངས་ཡེ་ཤེས་མངོན་པར་ཤེས་པར་བྱ་བའི་ཕྱིར་མངོན་པར་ཤེས་པ་དག་ལ་སེམས་མངོན་པར་འཇུག་པ་ནས་སྔ་མ་བཞིན་ཏེ། ཤིན་ཏུ་རྣམ་པར་གྲོལ་བའི་སེམས་ལ་ཤིན་ཏུ་རྣམ་པར་གྲོལ་བའི་སེམས་ཞེས་ཇི་ལྟ་བུ་ཉིད་རབ་ཏུ་ཤེས་པའི་བར་དུ་སྟེ། འདི་ནི་རྐང་པ་ཞེས་བྱའོ། །རིག་པ་གང་ཞེ་ན། དེས་འདི་བཞིན་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་ལས་ཀྱང་བྲལ་བ་དྲང་པོར་གྱུར་ཅིང ། ལས་སུ་རུང་བར་གནས་པས་མི་གཡོ་བ་ཐོབ་སྟེ། སྔོན་གྱི་གནས་ལ་རྗེས་སུ་དྲན་པའི་ཡེ་ཤེས་མངོན་པར་བྱ་བའི་ཕྱིར་མངོན་པར་ཤེས་པ་</font><hr>Da328a<br><font size=+2>


༄#། །དག་ལ་སེམས་མངོན་པར་འཇུག་སྟེ། དེས་རྣམ་པ་དུ་མའི་སྔོན་གྱི་གནས་ལ་རྗེས་སུ་དྲན་པ་ནི་འདི་ལྟ་སྟེ། སྐྱེ་བ་གཅིག་དང ། གཉིས་དང ། གསུམ་དང ། བཞི་དང་ལྔ་དང ། དྲུག་དང ། བདུན་དང ། བརྒྱད་དང ། དགུ་དང ། བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུ་དང ། སྐྱེ་བ་བརྒྱ་དང ། སྐྱེ་བ་སྟོང་དང ། སྐྱེ་བ་བརྒྱ་སྟོང་དང ། སྐྱེ་བ་བརྒྱ་དུ་མ་དང ། སྐྱེ་བ་སྟོང་དུ་མ་དང ། སྐྱེ་བ་བརྒྱ་སྟོང་དུ་མ་དང ། འཇིག་པའི་བསྐལ་པ་དང ། འབྱུང་བའི་བསྐལ་པ་དང ། འཇིག་པ་དང་འབྱུང་བའི་བསྐལ་པ་དང ། འཇིག་པའི་བསྐལ་པ་དུ་མ་དང ། འབྱུང་བའི་བསྐལ་པ་དུ་མ་དང ། འཇིག་པ་དང་འབྱུང་བའི་བསྐལ་པ་དུ་མ་ཡང་རྗེས་སུ་དྲན་ནོ། །ཀྱེ་སེམས་ཅན་དེ་དག་ནི་འདི་ཞེས་བྱ་སྟེ། བདག་ཀྱང་དེ་ན་མིང་འདི་ཞེས་བྱ། རིགས་ནི་འདིའོ། །རུས་ནི་འདིའོ། །ཁ་ཟས་ནི་འདི་ལྟ་བུའོ། །བདེ་བ་དང ། སྡུག་བསྔལ་འདི་ལྟ་བུ་ཡང་སོ་སོར་མྱོང་སྟེ། ཚེ་འདི་ལྟ་བུར་རིང་ཞིང་འདི་ལྟ་བུར་རིང་དུ་གནས་ཏེ། ཚེའི་མཐའ་ནི་འདི་ཙམ་དུ་གྱུར་ནས། དེ་ནས་བདག་ཤི་འཕོས་ཏེ། ཆེ་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ཏེ་ཆེ་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ཏེ་འདིར་སྐྱེས་སོ་ཞེས་དབྱིབས་དང ། གནས་ཀྱི་གཏན་ཚིགས་སུ་བཅས་པ་རྣམ་པ་དུ་མའི་སྔོན་གྱི་གནས་རྗེས་སུ་དྲན་ནོ། །འདི་ལྟ་སྟེ། སྐྱེས་བུ་ཞིག་གྲོང་ནས་གྲོང་དུ་འགྲོའོ། །གྲོང་དེ་ནས་ཡང་གཞན་དུ་སོང་བ་དང ། དེ་འདི་སྙམ་དུ་གྱུར་ཏོ། ། </font><hr>Da328b<br><font size=+2>


བདག་ནི་ཆེ་གེ་མོ་ཞིག་གི་གྲོང་ནས་ཆེ་གེ་མོ་ཞིག་གི་གྲོང་དུ་འགྲོ་སྟེ། དེ་ནས་ཡང་ཆེ་གེ་མོ་ཞིག་ཏུ་འགྲོའོ། །དེ་ནས་གྲོང་དེར་ཕྱིན་ཏོ། །དེ་ལྟར་དེ་བཞིན་དུ་དེས། འདི་བཞིན་དུ་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་དང་བྲལ་བ་དྲང་པོར་གྱུར་ཅིང ། ལས་སུ་རུང་བར་གནས་པས་མི་གཡོ་བ་ཐོབ་སྟེ། སྔོན་གྱི་གནས་ལ་རྗེས་སུ་དྲན་པའི་ཡེ་ཤེས་མངོན་པར་བྱ་བའི་ཕྱིར། མངོན་པར་ཤེས་པ་དག་ལ་སེམས་མངོན་པར་འཇུག་གོ་།དེས་རྣམ་པ་དུ་མའི་སྔོན་གྱི་གནས་ལ་རྗེས་སུ་དྲན་ཏེ། འདི་ལྟ་སྟེ། གཅིག་ཅེས་བྱ་བ་ནས་སྔ་མ་བཞིན་ཏེ། དབྱིབས་དང་གནས་ཀྱི་གཏན་ཚིགས་སུ་བཅས་ཏེ། རྣམ་པ་དུ་མའི་སྔོན་གྱི་གནས་རྗེས་སུ་དྲན་པའི་བར་དུའོ། །དེས་དེ་བཞིན་དུ་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་དང་བྲལ་བ་དྲང་པོར་གྱུར་ཏེ་ལས་སུ་རུང་བར་གནས་པས་མི་གཡོ་བ་ཐོབ་སྟེ། འཆི་འཕོ་དང ། སྐྱེ་བ་ཤེས་པ་མངོན་པར་བྱ་བའི་ཕྱིར། མངོན་པར་ཤེས་པ་དག་ལ་སེམས་མངོན་པར་འཇུག་གོ་།དེས་འཕྲུལ་གྱི་མིག་རྣམ་པར་དག་པ་མི་ལས་འདས་པས། སེམས་ཅན་རྣམས་འཆི་བ་དང ། སྐྱེ་བ་དང ། ཁ་དོག་སྡུག་པ་དང ། ཁ་དོག་མི་སྡུག་པ་དང ། ངན་པ་དང ། བཟང་པོ་དང ། བདེ་བར་འགྲོ་བར་སོང་བ་དང ། ངན་པར་འགྲོ་བ་རྣམས་མཐོང་ངོ ། །སེམས་ཅན་རྣམས་ཇི་ལྟར་ལས་ཀྱིས་ཉེ་བར་འགྲོ་བ་དེ་ལྟ་བུ་ཉིད་རབ་ཏུ་ཤེས་ཏེ། ཀྱེ་</font><hr>Da329a<br><font size=+2>


༄#། །སེམས་ཅན་འདི་དག་ནི་ལུས་ཀྱིས་ཉེས་པ་སྤྱད་པ་དང་ལྡན། ངག་དང་ཡིད་ཀྱིས་ཉེས་པ་སྤྱད་པ་དང་ལྡན་ཞིང་འཕགས་པ་དག་ལ་སྐུར་ཏེ། ངན་པར་ལྟ་ཞིང ། ངན་པར་ལྟ་བའི་ལས་དང་ཆོས་ལ་ཡི་དམ་བཅས་པ་དེའི་རྒྱུ། དེའི་རྐྱེན་གྱིས་ལུས་དང་བྲལ་ནས། ཤི་བའི་འོག་ཏུ་ངན་སོང་ངན་འགྲོར་ལོག་པར་ལྟུང་སྟེ། སེམས་ཅན་དམྱལ་བར་སྐྱེའོ། ། ཀྱེ་གཞན་ཡང་སེམས་ཅན་འདི་དག་ནི། ལུས་ཀྱིས་དགེ་བར་སྤྱད་པ་དང་ལྡན། ངག་དང་ཡིད་ཀྱིས་དགེ་བར་སྤྱད་པ་དང་ལྡན་པ་འཕགས་པ་རྣམས་ལ་མ་སྐུར་ཏེ། ཡང་དག་པར་ལྟ་ཞིང ། ཡང་དག་པར་ལྟ་བའི་ལས་དང་ཆོས་ལ་ཡི་དམ་བཅས་པ་དེའི་རྒྱུ། དེའི་རྐྱེན་གྱིས་ནམ་ལུས་དང་བྲལ་བའི་འོག་ཏུ་བ་དེ་འགྲོ་མཐོ་རིས་ཀྱི་འཇིག་རྟེན་གྱི་ལྷར་སྐྱེའོ། །དེ་འདི་ལྟ་སྟེ། མིག་དང་ལྡན་པའི་སྐྱེས་བུ་ཞིག་གིས་ལམ་གྱི་བཞི་མདོ་ཆེན་པོར་འདུག་སྟེ། སྐྱེ་བོ་མང་པོ་འོང་བ་དང ། འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དག་རྣམ་པ་སྣ་ཚོགས་སུ་གནས་པ་དེ་དག་ཀྱང་མཐོང་ངོ ། །དེ་ལྟར་འདི་བཞིན་དུ་དེའི་འཕྲུལ་གྱི་མིག་རྣམ་པར་དག་པ་མི་ལས་འདས་པ་ཞེས་བྱ་བ་ནས་སྔ་མ་བཞིན་ལྷར་སྐྱེའོ། །ཞེས་བྱ་བའི་བར་དུ་སྟེ། དེས་འདི་བཞིན་དུ་མཉམ་པར་བཞག་པའི་སེམས་ཀུན་ཏུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་ལས་བྲལ་བ་དྲང་པོར་གྱུར་ཅིང ། ལས་སུ་རུང་བས་གནས་པར་གནས་པས་མི་གཡོ་བ་ཐོབ་སྟེ། ཟག་པ་ཟད་</font><hr>Da329b<br><font size=+2>


པ་ལས་ཡེ་ཤེས་མཐོང་བར་བྱ་བའི་ཕྱིར་མངོན་པར་ཤེས་པ་དག་ལ་སེམས་མངོན་པར་འཇུག་སྟེ། དེས་སྡུག་བསྔལ་འདི་ནི་འཕགས་པའི་བདེན་པའོ། །ཞེས་ཇི་ལྟ་བུ་ཉིད་རབ་ཏུ་ཤེས་སོ། །འདི་ནི་སྡུག་བསྔལ་བའོ། །ཀུན་འབྱུང་བའོ། །འདི་ནི་སྡུག་བསྔལ་འགོག་པའོ། །འདི་ནི་སྡུག་བསྔལ་འགོག་པར་འཇུག་པའི་ལམ་འཕགས་པའི་བདེན་པའོ། །ཞེས་ཇི་ལྟ་བུ་ཉིད་རབ་ཏུ་ཤེས་སོ། །དེས་འདི་བཞིན་ཤེས། འདི་བཞིན་མཐོང་བས་ན་འདོད་པའི་ཟག་པ་ལས་སེམས་རྣམ་པར་གྲོལ། སྲིད་པའི་ཟག་པ་དང ། མ་རིག་པའི་ཟག་པ་ལས་སེམས་རྣམ་པར་གྲོལ་ལོ། །རྣམ་པར་གྲོལ་ནས་རྣམ་པར་གྲོལ་ལོ། །ཞེས་བྱ་བའི་ཡེ་ཤེས་མཐོང་བར་འགྱུར་ཏེ། བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་ཏེ་སྲིད་པ་འདི་ལས་གཞན་མེད་པར་ཤེས་སོ། །དཔེར་ན། འདི་ལྟ་སྟེ། གྲོང་ངམ་གྲོང་འདབ་གཅིག་ནས་ཤིན་ཏུ་མི་རིང་བ་ཞིག་ཏུ་ཆུའི་རྫིང་གཏིང་ཟབ་པ། མ་རྙོགས་པ། གསལ་བ། རྣམ་པར་དང་བ་དེ་ལ་མིག་དང་ལྡན་པའི་སྐྱེས་བུ་ཞིག་འགྲམ་དུ་འདུག་པས། གསེག་མའམ། གྱོ་མོའམ། ཉའམ། རུས་སྦལ་ལམ། ཆུ་སྲིན་ཡང་རུང་མཐོང་ངོ ། །དེ་ལྟར་དེས་འདི་བཞིན་དུ་མཉམ་པར་བཞག་པའི་སེམས་ཀུན་ཏུ་དག་པ་ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་དང་བྲལ་བ་དྲང་པོར་གྱུར་ཅིང ། ལས་སུ་རུང་བར་གནས་པས་མི་གཡོ་བ་ཐོབ་པ་ནས་སྔ་མ་བཞིན་ཏེ། སྲིད་པ་འདི་ལས་གཞན་མེད་པར་ཤེས་པའི་བར་དུའོ། ། </font><hr>Da330a<br><font size=+2>


༄#། །འདི་ནི་རིག་པ་ཞེས་བྱ་སྟེ། སྔ་མའི་རིག་པ་དང ། དེ་གཉིས་གཅིག་ཏུ་བསྡུས་ནས་རིག་པ་དང་རྐང་པ་ཞེས་བྱའོ། །བྲམ་ཟེའི་ཁྱེའུ། །བླ་ན་མེད་པའི་རིག་པ་དང་རྐང་པར་ལྡན་པ་འདི་མངོན་པར་མ་བྱས་པ་མངོན་པར་བྱ་བའི་ཕྱིར་ཐབས་བཞིར་རིག་པར་བྱ་སྟེ། བཞི་གང་ཞེ་ན། འདི་ན་བྲམ་ཟེའི་ཁྱེའུ། དགེ་སྦྱོང་ངམ། བྲམ་ཟེ་ཁ་ཅིག་གིས་བླ་ན་མེད་པའི་རིག་པ་དང་རྐང་པར་ལྡན་པ་འདི་ཉིད་མངོན་པར་མ་ཆུད་པས་གྲོང་ནས་དགོན་པར་སོང་སྟེ། ཡལ་ག་དང་ལོ་མའི་སྤྱིལ་བུ་བྱས་ནས་གནས་པར་བྱེད་དོ། །བདག་ཅག་འདིར་རྩ་བ་དང ། འབྲས་བུས་འཚོའོ་ཞེས་ཟེར་ཏེ། དེ་དག་རྩ་བ་དང་འབྲས་བུས་འཚོ་བར་བྱེད་དོ། །བྲམ་ཟེའི་ཁྱེའུ་དེ་ནི་བླ་ན་མེད་པའི་རིག་པ་དང་རྐང་པར་ལྡན་པ་མངོན་པར་མ་བྱས་པ་མངོན་པར་བྱ་བའི་ཕྱིར། འདི་ནི་ཐབས་དང་པོར་རིག་པར་བྱའོ། །བྲམ་ཟེའི་ཁྱེའུ་ཇི་སྙམ་དུ་སེམས། གང་ངས་བླ་ན་མེད་པའི་རིག་པ་དང་རྐང་པར་ལྡན་པ་དེའི་ཐབས་དང་པོར་བསྟན་པ་དེར་ཁྱོད་སློབ་དཔོན་དང་བཅས་པར་འདུག་མྱོང་ངམ། ཀྱེ་གོའུ་ཏ་མ་མ་མྱོང་ངོ ། །གཞན་ཡང་བྲམ་ཟེའི་ཁྱེའུ། དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང་རྐང་པར་ལྡན་པ་འདི་ཉིད་མངོན་པར་མ་ཆུད་པས་རྩ་བ་དང་འབྲས་བུའི་ཁ་ཟས་དེ་བཏང་སྟེ་ཕྱོགས་གཅིག་ཏུ་སོང་ནས། ལོ་མ་དང་ཡལ་གའི་སྤྱིལ་པོ་བྱས་ཏེ་གནས་པར་བྱེད་དོ། །བདག་ཅག་འདི་ན་ལོ་མའི་ཁ་ཟས་ཀྱིས་འཚོའོ་ཞེས་སྨྲས་ཏེ། དེ་དག་དེར་ལོ་མ་འབའ་ཞིག་གི་</font><hr>Da330b<br><font size=+2>


ཁ་ཟས་ཀྱིས་འཚོ་བར་བྱེད་དེ། བྲམ་ཟེའི་ཁྱེའུ། བླ་ན་མེད་པའི་རིག་པ་དང ། རྐང་པར་ལྡན་པ་འདི་མངོན་པར་མ་བྱས་པ་མངོན་པར་བྱ་བའི་ཕྱིར། འདི་ནི་ཐབས་གཉིས་པ་རིག་པར་བྱའོ། །གཞན་ཡང་བྲམ་ཟེའི་ཁྱེའུ། དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང ། རྐང་པར་ལྡན་པ་འདི་ཉིད་མངོན་པར་མ་ཆུད་པར་རྩ་བ་དང ། འབྲས་བུའི་ཁ་ཟས་དེ་ཡང་པོར་ཏེ། ཕྱོགས་གཅིག་ཏུ་སོང་ནས་ཡལ་ག་དང་ལོ་མའི་སྤྱིལ་པོར་བྱས་ཏེ་འཚོ་བར་བྱེད་ཅིང ། འདི་ནི་བདག་ཅག་གིས་སྔགས་རྣམས་ནི་བཅང ། སྨྲང་རྣམས་ནི་སྦྱར་རོ་ཞེས་སྨྲས་ཏེ། དེ་དག་སྔར་སྔགས་དག་འཆང་ཞིང ། ། སྨྲང་སྦྱོར་བ་བྲམ་ཟེའི་ཁྱེའུ་བླ་ན་མེད་པའི་རིག་པ་དང་རྐང་པར་ལྡན་པ་འདི་མངོན་པར་མ་བྱས་པ་མངོན་པར་བྱ་བའི་ཕྱིར། ཐབས་གསུམ་པ་སྟེ། ཤེས་པར་བྱའོ། །གཞན་ཡང་བྲམ་ཟེའི་ཁྱེའུ། དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང་རྐང་པར་ལྡན་པ་འདི་ཉིད་མངོན་པར་མ་ཆུད་པར་རྩ་བ་དང་འབྲས་བུའི་ཁ་ཟས་དེ་དང ། ལོ་མའི་ཁ་ཟས་དེ་དང ། སྔགས་འཆང་བ་དང ། སྨྲང་སྦྱོར་བ་དེ་དག་བོར་ཏེ། མངོན་པར་མ་ཆུད་པར་བྱེད་ནས་གྲོང་དུ་ལྷགས་ཏེ། ཁང་པ་སྒོ་བཞི་པ་བརྩིགས་ནས་གནས་པར་བྱེད་ཅིང ། འདིར་བདག་ཅག་གིས་སྦྱིན་པ་བྱིན་ཞིང་བསོད་ནམས་བྱས་ཏེ། འོང་ཞིང་འགྲོ་བའི་དགེ་སྦྱོང་དང་བྲམ་ཟེ་དག་ལ་ཇི་ལྟར་ནུས་པ་དང ། ཇི་ལྟ་བུའི་སྟོབས་ཀྱིས་བསོད་སྙོམས་སྦྱིན་ནོ་ཞེས་ཟེར་ནས། དེ་དག་གིས་དེར་སྦྱིན་པ་བྱིན་ཞིང་བསོད་ནམས་བྱེད་དེ། འགྲོ་བ་དང་འོང་</font><hr>Da331a<br><font size=+2>


༄#། །བའི་དགེ་སྦྱོང་དང ། བྲམ་ཟེ་དག་ལ་ཇི་ལྟར་ནུས་པ་དང ། ཇི་ལྟར་འབྱོར་པས་བསོད་སྙོམས་བྱིན་ནོ། །བྲམ་ཟེའི་ཁྱེའུ། བླ་ན་མེད་པའི་རིག་པ་དང་རྐང་པར་ལྡན་པ་དེ་མངོན་པར་མ་བྱས་པ་མངོན་པར་བྱ་བའི་ཕྱིར། འདི་ནི་ཐབས་བཞི་པ་ཡིན་ཏེ། ཤེས་པར་བྱའོ། །བྲམ་ཟེའི་ཁྱེའུ་ཇི་སྙམ་དུ་སེམས། གང་ངས་བླ་ན་མེད་པའི་རིག་པ་དང་རྐང་པར་ལྡན་པ་འདི་མངོན་པར་བྱ་བའི་ཕྱིར། ཐབས་རྣམ་པ་བཞིར་བསྟན་པ་ཁྱོད་སློབ་དཔོན་དང་བཅས་པས་གནས་མྱོང་ངམ། ཀྱེ་གོའུ་ཏ་མ་མ་མྱོང་ངོ ། །བྲམ་ཟེའི་ཁྱེའུ་དེ་ལྟ་པས་ན་ཐབས་དེ་དག་ཀུན་ཁྱོད་ཀྱིས་མ་རྫོགས་བཞིན་དུ་ཅིའི་ཕྱིར་ཁྱོད་ཀྱིས་ཤཱཀྱ་དག་ལ། ཨེ་མའོ་ཤཱཀྱ་དག་ནི། ད་གདོད་ཀྱིའོ། །ེ་མའོ་ཤཱཀྱ་དག་ནི་གདོད་བྱུང་བའོ། །ཞེས་ཚིག་གིས་སྨྲ་བར་བྱེད། བྲམ་ཟེའི་ཁྱེའུ་ཇི་སྙམ་དུ་སེམས། སྔོན་གྱི་བྲམ་ཟེ་བྱུང་བ་རྣམས་ནི་བྲམ་ཟེའི་དྲང་སྲོང་དེ་དག་ལ། འདི་ལྟ་སྟེ། ཨ་སྟ་ཀ་དང ། བ་མ་དེ་བོ་དང ། བི་ཤཝ་མི་ཏྲ་དང ། ཛ་མ་དག་ནི་དང ། ང་གི་ར་དང ། བྷ་ར་དྭ་ཛ་དང ། བ་ས་ཤཝ་དང ། ཀ་ཤེ་བ་དང ། བྷྲི་གུ་དེ་དག་གིས་སྔགས་རྣམས་བྱས། སྨྲང་རྣམས་ཕྱུང་བ་དེ་དག་ད་ལྟར་གྱི་བྲམ་ཟེ་རྣམས་ཀྱང་སྔོན་གྱི་སྔགས་ཀྱི་ཚིག་དང་བསྟོད་པ་དང་དབྱངས་སུ་བྱས་པ་དང ། སྦྱར་བ་དེ་དག་ལ་དབྱངས་སུ་སྦྱར། དེ་དག་ལ་རྗེས་སུ་རྗོད་པར་བྱེད་དོ། །ཇི་ལྟར་ཁྱོད་སློབ་དཔོན་དང་བཅས་པ་ད་ལྟར་འོབས་ཀྱིས་བསྐོར་བ། གཙང་བཙུགས་པ། ལྕགས་ཀྱི་གཟེ་མ་བྲེས་ཤིང ། </font><hr>Da331b<br><font size=+2>


འགག་པར་བྱེད་པའི་གྲོང་ཁྱེར་ན་གནས་པ་ལྟར་ཅི་དེ་དག་ཀྱང་དེ་བཞིན་ནམ། ཀྱེ་གོའུ་ཏ་མ་དེ་ལྟར་མ་ལགས་སོ། །ཇི་ལྟར་ཁྱོད་སློབ་དཔོན་དང་བཅས་བཞིན་དུ་ཕྲག་པ་གཟར་ཅིང་རྒྱལ་མཚན་གྱི་མཆོག་དང ། སྟོབས་ཀྱི་མཆོག་དང ། གཡུལ་བཤམས་པ་དུ་མ་ལ་རབ་ཏུ་ལྟ་བ་མྱོང་བར་འགྱུར་བ་བཞིན་དུ་ཅི་དེ་དག་ཀྱང་དེ་ལྟར་རམ། ཀྱེ་གོའུ་ཏ་མ་མ་ལགས་སོ། །ཇི་ལྟར་ཁྱོད་སློབ་དཔོན་དང་བཅས་པ་རྒོད་མ་ལྔ་བརྒྱ་པོ་ཐམས་ཅད་དང་སྦྱར་བའི་ཤིང་རྟ་ལ་ཞོན་ཏེ། གསེར་གྱི་འཁར་བ་དང ། རིལ་བ་བཟུང་སྟེ། བྲམ་ཟེའི་ཁྱེའུ་མང་པོས་བསྐོར། བྲམ་ཟེའི་ཁྱེའུ་མང་པོའི་མདུན་དུ་བྱས་ཏེ། ལྗོངས་རྒྱུ་ཞིང་སོང་བ་ལྟར་ཅི་དེ་དག་ཀྱང་དེ་བཞིན་ནམ། ཀྱེ་གོའུ་ཏ་མ་མ་ལགས་སོ། །ཇི་ལྟར་ཁྱོད་སློབ་དཔོན་དང་བཅས་པས་འདི་བཞིན་དུ་སྐྲ་སྤྱི་བོར་བཅིངས་པའི་ཀུན་ཏུ་རྒྱུ་བ་ལག་པ་གདུ་བུ་ཅན་ནུ་མ་ཕོ་ལོང་བཞིན་པའི་བུད་མེད་ཀྱིས་བསྐུ་བ་དང ། བཀྲུ་བ་དང ། མཉེ་བ་ལ་སོགས་པ་ཉམས་སུ་ལེན་པ་ལྟར་ཅི་དེ་དག་ཀྱང་དེ་བཞིན་ནམ། ཀྱེ་གོའུ་ཏ་མ་མ་ལགས་སོ། །ཇི་ལྟར་ཁྱོད་སློབ་དཔོན་དང་བཅས་པས་གསེར་གྱི་དཔུང་རྒྱན་འཆང་བ། གསེར་གྱི་ཐོད་ཐོགས་པས་བརྒྱན་པའི་བུད་མེད་དང་ལྷན་ཅིག་ཏུ་རྐང་པ་བརྐྱང་སྟེ། ཉི་མ་ཤར་བའི་བར་དུ་ཉལ་བར་བྱེད་པ་དེ་བཞིན་ཅི་དེ་དག་ཀྱང་དེ་ལྟར་རམ། གོའུ་ཏ་མ་མ་ལགས་སོ། །བྲམ་ཟེ་ཁྱེའུ་ཁྱོད་ཀྱི་མཁན་པོའི་ཉེས་པ་རྣམས་ལ་ཉོན་ཅིག་།བྲམ་ཟེའི་ཁྱེའུ། བྲམ་ཟེ་པདྨའི་སྙིང་པོ་ནི། ཡུལ་ཀོས་ལའི་རྒྱལ་པོ་ལ་ལྟར་སོང་བ་ནི་རྩིག་པས་བསྒྲིབས་</font><hr>Da332a<br><font size=+2>


༄#། །པའམ། ཡོལ་བས་བསྒྲིབས་པའམ། གཞན་དུ་མ་ཡིན་ཏེ། ཅིའི་ཕྱིར་ན་དེ་འདྲ་བར་ཤེས་པའི་སྐྱེས་བུ་དེ་གང་གིས་བཙོས་པའི་ཁ་ཟས་ཟ་བ་དེ་ཉིད་ལ་བཞིན་མངོན་སུམ་དུ་མི་བསྟན་པར་རིགས་སམ། བྲམ་ཟེའི་ཁྱེའུ་ཁྱོད་ཉིད་ཀྱི་ཉེས་པ་ལ་ཡང་ཉོན་ཅིག་།སྔོན་བྱུང་བ་ནི་བྲམ་ཟེའི་ཁྱེའུ་ཡུལ་ཀོ་ས་ལའི་རྒྱལ་པོ་གསལ་རྒྱལ་རང་གི་སྟན་ལ་འདུག་སྟེ། སྐྱེས་བུ་གཞན་ཞིག་ལ། ཀྱེ་སྐྱེས་བུ་དོན་ནི་འདི་ལྟ་བུ་སྟེ། འདི་དང་འདི་ལྟ་བུར་བྱོས་ཤིག་།འདི་དང་འདི་ལྟ་བུར་སྤྱོད་ཅིག་ཅེས་བསྒོའོ། །དེ་སྐད་བསྒོ་ནས་རྒྱལ་པོ་སྟན་ལས་ལངས་ཏེ་སོང་ངོ ། ། དེ་ནས་སྐྱེས་བུ་དེས་ལྐོག་ཏུ་རྒྱལ་པོའི་སྟན་ལ་འདུག་སྟེ། སྐྱེས་བུ་གཞན་ཞིག་ལའང ། ཀྱེ་སྐྱེས་བུ་དོན་འདི་ལྟ་བུ་སྟེ། འདི་དང་འདི་ལྟ་བུར་བྱོས་ཤིག་།འདི་དང་འདི་ལྟ་བུར་སྤྱོད་ཅིག་ཅེས་བསྒོ་ན། བྲམ་ཟེའི་ཁྱེའུ་ཇི་སྙམ་དུ་སེམས། དེ་ལྟར་སྐྱེས་བུ་ལྐོག་ཏུ་རྒྱལ་པོའི་སྟན་ལ་འདུག་ནས་རྒྱལ་པོས་སྨྲས་པ་ནི་སྨྲ། རྒྱལ་པོས་གསུངས་པ་ནི་ཟེར་ན། ཅི་དེ་རྒྱལ་པོ་ཡིན་ནམ། ཅི་རྒྱལ་པོར་འགྱུར་རམ། ཀྱེ་གོའུ་ཏ་མ་མ་ལགས་སོ། །དེ་ལྟར་འདི་བཞིན་དུ་བྲམ་ཟེའི་ཁྱེའུ་ཁྱོད་ཀྱང་དྲང་སྲོང་གིས་བཤད་པ་ནི་འཆད། སྨྲས་པ་ནི་སྨྲ་ན་དྲང་སྲོང་ཡིན་ནམ། དྲང་སྲོང་དུ་འགྱུར་རམ། ཀྱེ་གོའུ་ཏ་མ་མ་ལགས་སོ། །བྲམ་ཟེའི་ཁྱེའུ་འོན་ཀྱང་ཁྱོད་དོན་གང་གི་ཕྱིར་འོངས་པའི་དོན་དེ་ཤིན་ཏུ་ལེགས་པར་ཡིད་ལ་ཟུང་ཞིག་དང ། ཁྱོད་ལ་ཡུན་རིང་པོར་ཕན་པའི་དོན་དང་བདེ་བར་འགྱུར་རོ། །དེ་ནས་བྲམ་ཟེའི་ཁྱེའུ་མ་</font><hr>Da332b<br><font size=+2>


སྡུག་།བཅོམ་ལྡན་འདས་ཀྱི་སྐུ་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་བརྟགས་པ་དང ། སུམ་ཅུ་ནི་མཐོང་གི་།གཉིས་ལ་ཡིད་གཉིས་དང ། ཐེ་ཚོམ་ཟོས་པ་ཕོ་མཚན་གསང་བ་སྨད་ཀར་ནུབ་པ་དང ། ལྕེ་སྲབ་ལ་ཆེ་བའོ། །དེས་ཚིགས་སུ་བཅད་དེ་སྨྲས་པ། སུམ་ཅུ་རྩ་གཉིས་མཚན་ཞེས་ཐོས། །མཐུ་ཆེན་ཁྱོད་ལ་སྐྱེས་བུའི་མཚན། །སུམ་ཅུ་རྩ་གཉིས་ཡོད་ཅེས་ཐོས། །གོའུ་ཏ་མ་ཁྱོད་ཀྱི་སྐུ་ལ་ནི། ། རྣམ་པ་དེ་གཉིས་མི་གདའ་ན། །མི་མཆོག་ཁྱོད་ཀྱི་ཕོ་མཚན་གསང ། །དེ་ནི་སྨད་ཀར་ནུབ་བམ་ཅི་།བུད་མེད་ལྟ་བུའི་སྒྲ་ཡི་ཚིག་།ལྕེ་ནི་ཐུང་བམ་ལགས་གྲང ། །སྲས་མོ་མྱུར་དུ་ཕྱུང་བ་མཛོད། །བདག་གི་ཐེ་ཚོམ་བསལ་བར་གསོལ། །སྙན་པར་གྲགས་པའི་སངས་རྒྱས་རྣམས། །མཐོང་བར་རྙེད་པ་ཤིན་ཏུ་དཀའོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་འདི། ངའི་ལུས་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་བརྟགས་ན། སུམ་ཅུ་ནི་མཐོང་གི་།ཕོ་མཚན་གསང་བར་ནུབ་པ་དང ། སྲབ་ལ་ཆེ་བའི་ལྕེ་གཉིས་ལ་ཡིད་གཉིས་དང ། ཐེ་ཚོམ་ཟོས་ཀྱི། གང་བདག་གིས་ཇི་ལྟར་བྲམ་ཟེའི་ཁྱེའུ་མ་སྡུག་ངའི་ཕོ་མཚན་གསང་བར་ནུབ་པ་དང ། ཆེ་ལ་སྲབ་པའི་ལྕེ་མཐོང་བར་འགྱུར་བ་དེ་ལྟ་བུའི་མཚན་མ་བསྟན་ཏོ་སྙམ་དུ་དགོངས་ནས། བཅོམ་ལྡན་འདས་ཀྱིས་ཇི་ལྟར་བྲམ་ཟེའི་ཁྱེའུ་མ་སྡུག་།བཅོམ་ལྡན་འདས་ཀྱི་ཕོ་མཚན་གསང་བར་ནུབ་པ་མཐོང་བར་མཚན་མ་བསྟན་ཏོ། །ཞལ་གྱི་སྐྲ་མཚམས་ཀྱི་བར་དུ་ཞལ་ནས་ལྕེ་ཕྱུང་སྟེ་གཡོགས་པ་མཐོང་ནས། དེ་ཡང་འདི་སྙམ་དུ་གྱུར་ཏོ། །ཀྱེ་དགེ་སྦྱོང་གོའུ་ཏ་མ་ནི་སྐྱེས་བུ་ཆེན་པོའི་མཚན་སུམ་ཅུ་རྩ་</font><hr>Da333a<br><font size=+2>


༄#། །གཉིས་དང་ལྡན་ནོ། །གང་སྐྱེས་བུ་ཆེན་པོའི་མཚན་དང་ལྡན་པ་ལ་ལམ་གཉིས་སུ་འགྱུར་ཏེ། གཞན་དུ་མ་ཡིན་ནོ། །དེ་སྟེ་ཁྱིམ་པ་ཁྱིམ་ན་གནས་ན་ནི་འཁོར་ལོས་སྒྱུར་བའི་རྒྱལ་པོར་འགྱུར་བ་ནས་སྔ་མ་བཞིན་ཏེ། འཇིག་རྟེན་དུ་སྒྲས་ཁྱབ་པར་བསྒྲགས་པའི་བར་དུའོ། །དེ་ནས་བྲམ་ཟེའི་ཁྱེའུ་མ་སྡུག་།བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ནས་རྗེས་སུ་ཡི་རང་སྟེ། བཅོམ་ལྡན་འདས་ཀྱི་དྲུང་ནས་སོང་ངོ་།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་བརྒྱད་པ། དེ་ནས་དེའི་ཚེ་བྲམ་ཟེ་པདྨའི་སྙིང་པོ་ཁྱིམ་མཆོག་གིས་མཐོན་པོ་ཞིག་ན་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་དང་ལྷན་ཅིག་ཏུ་འདུས་ཤིང་འཁོད་པར་གྱུར་ཏོ། །བྲམ་ཟེའི་ཁྱེའུ་མ་སྡུག་ཀྱང་སྡོད་ཅིང་འདུག་པ་ལས། བྲམ་ཟེའི་ཁྱེའུ་མ་སྡུག་གིས། བྲམ་ཟེ་པདྨའི་སྙིང་པོ་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་བྲམ་ཟེ་པདྨའི་སྙིང་པོ་གང་ན་བ་དེར་སོང་སྟེ་ཕྱིན་ནས། བྲམ་ཟེ་པདྨའི་སྙིང་པོའི་རྐང་པ་གཉིས་ལ་མགོ་བོས་ཕྱག་བྱས་ཏེ། ཤས་ཆེ་བའི་བྲམ་ཟེ་གཞན་རྣམས་ལ་ཡང་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བྲམ་ཟེའི་ཁྱེའུ་མ་སྡུག་ལ་བྲམ་ཟེ་པདྨའི་སྙིང་པོས་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ་ཇི་ག་།ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་ཕྱོགས་དང་ཕྱོགས་མཚམས་སུ་རྒྱ་ཆེར་གྲགས་པ་ཇི་ལྟ་བ་དེ་ཁོ་ན་བཞིན་དུ་ཡིན་ནམ། དེའི་མཚན་</font><hr>Da333b<br><font size=+2>


རྣམས་གྲགས་པ་ཡང་དག་པ་ཡིན་ནམ། མཁན་པོ་མད་ལགས་ཏེ། ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་ཕྱོགས་དང་ཕྱོགས་མཚམས་སུ་རྒྱ་ཆེར་གྲགས་པ་ཡང་ཇི་ལྟ་བ་དེ་ཁོ་ན་བཞིན་ལགས་ལ། དེའི་མཚན་རྣམས་གྲགས་པ་ཡང་ཡང་དག་པ་ལགས་སོ། །བྲམ་ཟེའི་ཁྱེའུ། ཤེས་ལྡན་གོའུ་ཏ་མ་དེ་དང་བར་སྐབས་ཀྱི་གཏམ་དག་བྱས་སམ། མཁན་པོ་བགྱིས་ལགས་སོ། །བྲམ་ཟེའི་ཁྱེའུ། ཤེས་ལྡན་གོའུ་ཏ་མ་དེ་དང་ལྷན་ཅིག་བར་སྐབས་ཀྱི་གཏམ་ཅི་སྨྲས་པ་དེ་ཐམས་ཅད་ངེད་ཅག་ལ་རྒྱས་པར་སྨྲོས་ཤིག་།དེ་ནས་བྲམ་ཟེའི་ཁྱེའུ་མ་སྡུག་གིས། བཅོམ་ལྡན་འདས་དང་ལྷན་ཅིག་བར་སྐབས་ཀྱི་གཏམ་ཅི་སྨྲས་པ་དེ་ཐམས་ཅད་དེ་བཞིན་དུ་བྲམ་ཟེ་པདྨའི་སྙིང་པོ་ལ་རྒྱས་པར་སྨྲས་སོ། །དེ་སྐད་ཅེས་སྨྲས་པ་དང ། བྲམ་ཟེ་པདྨའི་སྙིང་པོ་ཁྲོས་འཁྲུགས་རྔམ་སྟེ། ཡིད་ལ་མ་བབ་པར་གྱུར་ནས། མཆིལ་ལྷམ་དང་བཅས་པའི་རྡོག་པས་བྲམ་ཟེའི་ཁྱེའུ་མ་སྡུག་གི་མགོར་བརྒྱབ་ནས། འདི་སྐད་ཅེས་ཀྱང་སྨྲས་སོ། །ེ་མའོ་ཕོ་ཉ་བྱེད་པ། ཨེ་མའོ་ཕྲིན་པར་བྱེད་པ། ཚུལ་འདི་འདྲ་བ་དང ། ཕོ་ཉ་བྱེད་པ་འདི་འདྲ་བ་དང ། ཕྲིན་པ་བྱེད་པས་ནི་བདག་ངན་སོང་དུ་ཡང་ལྟུང་བར་འགྱུར་ཏེ། བྲམ་ཟེའི་ཁྱེའུ་ཁྱོད་ཀྱིས་ཤེས་ལྡན་གོའུ་ཏ་མ་ལ་ཇི་ལྟ་ཇི་ལྟར་ཁྱད་དུ་བསད་ཅིང་བཟློག་པས་སེམས་པ་དེ་ལྟ་དེ་ལྟར་ཤེས་ལྡན་གོའུ་ཏ་མ་དེས་ཁོ་བོ་ཡང་དེ་དང་དེའི་ཁོངས་སུ་བརྩི་བར་དགོངས་སོ། །ཤེས་ལྡན་དག་དེང་ཁོ་ན་ཁོ་བོ་ཤེས་ལྡན་གོའུ་ཏ་མ་དེ་ལ་</font><hr>Da334a<br><font size=+2>


༄#། །བལྟ་བ་དང ། བསྙེན་བཀུར་བྱ་ཞིང་འགྲོར་དགོངས་ཐག་པས་མ་ནུས་པར་ཟད་དེ། འོན་ཀྱང་སང་ཤེས་ལྡན་གོའུ་ཏ་མ་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོའོ། །དེ་ནས་བྲམ་ཟེ་པདྨའི་སྙིང་པོས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་བསྡོགས་ནས་ནང་པར་སྔར་ལངས་ཏེ། གཙང་ཞིང་བསོད་པའི་བཟའ་བ་དང ། བཅའ་བ་དག་གིས་ཤིང་རྟ་བཀང་སྟེ་ཁྱེར་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བྲམ་ཟེ་པདྨའི་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏ་མ། བདག་གིས་གཙང་ཞིང་བསོད་པའི་བཟའ་བ་དང ། བཅའ་བས་ཤིང་རྟ་བཀང་སྟེ་འཚལ་ཏེ་མཆིས་པ་འདི། ཤེས་ལྡན་གོའུ་ཏ་མས་ཐུགས་བརྩེ་བས་ཉེ་བར་བཟུང་སྟེ་བཞེས་སུ་གསོལ། དེ་ནས་དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་བསིལ་ཡབ་ཐོགས་ཏེ། བཅོམ་ལྡན་འདས་ལ་བསིལ་ཡབ་ཀྱིས་གཡོབ་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་འདོད་པ་མཐུན་པ་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་ཐམས་ཅད་རིམ་གྲོའི་གནས་སུ་སྡུས་ཤིག་།བཙུན་</font><hr>Da334b<br><font size=+2>


པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ནས། འདོད་པ་མཐུན་པ་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་ཐམས་ཅད་རིམ་གྲོའི་གནས་སུ་བསྡུས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འདོད་པ་མཐུན་པ་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་ཐམས་ཅད་རིམ་གྲོའི་གནས་སུ་འདུས་ཤིང་མཆིས་ལགས་ཏེ། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་རིམ་གྲོའི་གནས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་བྲམ་ཟེ་པདྨའི་སྙིང་པོ་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་པ་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུར་བར་རིག་ནས། སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་ཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་བྲམ་ཟེ་པདྨའི་སྙིང་པོའི་</font><hr>Da335a<br><font size=+2>


༄#། །སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་སུ་ཡི་རང་བར་མཛད་དེ། སྦྱིན་སྲེག་མཆོག་སྦྱིན་རྣམས་ཀྱི་མཆོག་།སྡེ་བ་སྦྱོར་མཆོག་ནི་ཉི་མའི་ལྷ། །མི་ཡི་མཆོག་ནི་རྒྱལ་པོ་སྟེ། །རྒྱ་མཚོ་ཆུ་བོ་རྣམས་ཀྱི་མཆོག་།ཟླ་བ་རྒྱུ་སྐར་རྣམས་ཀྱི་གཙོ། །ཉི་མ་སྣང་བྱེད་རྣམས་ཀྱི་གཙོ། །སྟེང་དང་འོག་དང་ཐད་ཀར་ཡང ། །འགྲོ་བའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །སྨྲ་བའི་མཆོག་ནི་རྫོགས་སངས་རྒྱས། །དེའི་ཚེ་བྲམ་ཟེ་པདྨའི་སྙིང་པོ་ཡོན་བསྔོ་བ་མཛད་པ་ན། རྒན་ཞུགས་ཤིག་ཏིལ་གྱི་མར་ཁུ་ཟ་བ་མཐོང་སྟེ། མཐོང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅི་ལགས། ཉན་ཐོས་ཐམས་ཅད་ཤེས་ལྡན་གོའུ་ཏ་མའི་ཐུགས་མཉེས་པར་བགྱིད་པ་ལགས་སམ། བྲམ་ཟེ། འདི་ལ་ངེས་པ་མེད་དེ། ཁ་ཅིག་ནི་མཉེས་པར་བྱེད། ཁ་ཅིག་ནི་མཉེས་པར་མི་བྱེད་དོ། །ཀྱེ་གོའུ་ཏ་མ། ཁ་ཅིག་ནི་ཆོས་འཚལ། ཁ་ཅིག་ནི་ཏིལ་གྱི་མར་ཁུར་འཚལ་བ་དག་གདའ་ལགས་སོ། །ཀྱེ་གོའུ་ཏ་མ། བདག་གི་སློབ་མ་བྲམ་ཟེའི་ཁྱེའུ་མ་སྡུག་མཆིས་ལགས་སམ། བྲམ་ཟེ། འོངས་སོ། །ཤེས་ལྡན་གོའུ་ཏ་མ་དེ་དང་ལྷན་ཅིག་བར་སྐབས་ཀྱི་བཀའ་མཆིད་དག་བགྱིས་ལགས་སམ། བྲམ་ཟེ། བྱས་སོ། །ཀྱེ་གོའུ་ཏ་མ་དེའི་སླད་དུ་དེ་དང་ལྷན་ཅིག་བར་སྐབས་ཀྱི་བཀའ་མཆིད་ཇི་ག་གླེངས་པ་དེ་དག་ཐམས་ཅད་བདག་ལ་རྒྱས་པར་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་དང་ལྷན་ཅིག་པར་སྐབས་</font><hr>Da335b<br><font size=+2>


ཀྱི་གཏམ་ཇི་སྙེད་གླེངས་པ་དེ་དག་ཐམས་ཅད་བྲམ་ཟེ་པདྨའི་སྙིང་པོ་ལ་བཀའ་སྩལ་ཏོ། །དེ་ནས་བྲམ་ཟེ་པདྨའི་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། བྲམ་ཟེའི་ཁྱེའུ་མ་སྡུག་ནི་བྱིས་པའི་རང་བཞིན་མ་འཚལ་བ་ལགས་སོ། །ཀྱེ་གོའུ་ཏ་མ། བྲམ་ཟེའི་ཁྱེའུ་མ་སྡུག་ལ་ཁྱོད་ཀྱིས་བཟོད་པ་མཛོད་ཅིག་།བྲམ་ཟེ། བཟོད་དོ། །ཤེས་ལྡན་གོའུ་ཏ་མ། གང་གི་ཚེ་བདག་ཤིང་རྟའི་ནང་དུ་ཞུགས་པའམ། སྲབ་སྐྱོགས་འཛིན་པའམ། ལྕག་སྒྲེང་བའམ། སྐད་ཆེན་པོར་མཆི་བ་གཟིགས་པ་དེའི་ཚེ་བྲམ་ཟེ་པདྨའི་སྙིང་པོ་ངའི་ཞབས་གཉིས་ལ་མགོ་བོས་ཕྱག་འཚལ་ཏེ། གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་བར་དེ་ལྟར་ཐུགས་སུ་ཆུད་པར་མཛད་དུ་གསོལ། ཀྱེ་ཤེས་ལྡན་གོའུ་ཏ་མ། གང་གི་ཚེ་བདག་སྲང་གི་དབུས་ནས་མཆི་བའམ། མཆིལ་ལྷམ་ཕུད་བའམ། ཤུལ་བཟུར་བའམ། སུག་པ་བརྐྱང་པ་གཟིགས་པ་དེའི་ཚེ། བདག་ཤེས་ལྡན་གོའུ་ཏ་མ་ལ་ཕྱག་འཚལ་བར་གཟུང་དུ་གསོལ་ཞེས་བྱ་བ་ནས། རེག་པར་སྤྱོད་དམ་ཞེས་བྱ་བའི་བར་གོང་མ་བཞིན་དུའོ། །ཀྱེ་ཤེས་ལྡན་གོའུ་ཏ་མ། གང་གི་ཚེ་བདག་འཁོར་གྱི་ནང་ན་མཆིས་པའམ། རད་པའམ། སྟན་ནམ། གཙུག་ཏོར་ལ་ནོམ་པ་གཟིགས་པ་དེའི་ཚེ། ཤེས་ལྡན་གོའུ་ཏ་མ་ལ་བདག་ཕྱག་འཚལ་བར་གཟུང་དུ་གསོལ་ཞེས་བྱ་བ་ནས། རེག་པར་སྤྱོད་དམ་</font><hr>Da336a<br><font size=+2>


༄#། །ཞེས་བྱ་བའི་བར་གོང་མ་བཞིན་དུའོ། །དེ་ཅིའི་སླད་དུ་ཞེ་ན། ཀྱེ་ཤེས་ལྡན་གོའུ་ཏ་མ། བྲམ་ཟེ་རྣམས་ནི་གྲགས་པས་ལོངས་སྤྱོད་འཐོབ་ལགས་ཏེ། དེ་དག་ནི་གྲགས་པ་ཁོ་ན་ལས་ལོངས་སྤྱོད་འཚལ་ལགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མའོ་བྲམ་ཟེ་པདྨའི་སྙིང་པོ་འདི་ནི་ང་རྒྱལ་ཤིན་ཏུ་ཆེ་བ་ཞིག་པས། མ་ལ་ངས་འདི་ང་རྒྱལ་སྤང་བའི་ཕྱིར་ཆོས་བཤད་དོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་བྲམ་ཟེ་པདྨའི་སྙིང་པོ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཆོས་དང་ལྡན་པའི་གཏམ་དུས་དང་པོར་བྱ་བ་གང་ཡིན་པ་ནི་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ཀྱི་མནོག་དང་ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་ཕན་ཡོན་དང ། རྣམ་པར་བྱང་བའི་ཕྱོགས་ཀྱི་ཆོས་རྣམས་རྒྱ་ཆེར་ཡང་དག་པར་རབ་ཏུ་སྟོན་པར་མཛད་དོ། །བཅོམ་ལྡན་འདས་ཀྱིས་གང་གི་ཚེ་དེ་སྙིང་དགའ་བ་དང ། དགེ་བའི་སེམས་དང ། མགུ་པའི་སེམས་དང ། སྒྲིབ་པ་དང་རྣམ་པར་བྲལ་བའི་སེམས་དང ། སྐལ་པ་དང་ལྡན་པ་དང ། མཐུ་དང་ལྡན་པ་དང ། </font><hr>Da336b<br><font size=+2>


ཡང་དག་ཕུལ་གྱི་ཆོས་བསྟན་པ་ཤེས་པར་ནུས་པར་གཟིགས་པ་དེའི་ཚེ། སངས་རྒྱས་བཅོམ་ལྡན་འདས་ཀྱིས་ཡང་དག་ཕུལ་གྱི་ཆོས་བཤད་པ། འདི་ལྟ་སྟེ། སྡུག་བསྔལ་བ་དང ། ཀུན་འབྱུང་བ་དང ། འགོག་པ་དང ། ལམ་སྟེ། འཕགས་པའི་བདེན་པ་བཞི་པོ་རྒྱ་ཆེར་ཡང་དག་པར་རབ་ཏུ་བསྟན་ཏེ། དཔེར་ན། གོས་གཙང་མ་ནག་ནོག་མེད་ཅིང་ཁ་བསྒྱུར་བར་འོས་པ་ཚོན་རྩིའི་ནང་དུ་བཅུག་ན་ཚོན་འཇེན་དུ་བཏུབ་པ་དེ་བཞིན་དུ། བྲམ་ཟེ་པདྨའི་སྙིང་པོ་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ། འདི་ལྟ་སྟེ། སྡུག་བསྔལ་བ་དང ། ཀུན་འབྱུང་བ་དང ། འགོག་པ་དང ། ལམ་མངོན་པར་རྟོགས་སོ། །དེ་ནས་བྲམ་ཟེ་པདྨའི་སྙིང་པོ་ཆོས་མཐོང་བ་དང ། ཆོས་ཐོས་པ་དང ། ཆོས་རྟོགས་པ་དང ། ཆོས་ཀྱི་རྣམ་གྲངས་ཤེས་པ་དང ། ཆོས་ཀྱི་གཏིང་སླེབས་པ་དང ། ཐེ་ཚོམ་ལས་རྒལ་བ་དང ། སོམ་ཉི་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པའི་བསྟན་པ་ལ་ཆོས་རྣམས་ལ་མི་འཇིགས་པ་ཐོབ་ནས། སྟན་ལས་ལངས་ཏེ་བླ་གོས་ཕྲག་བ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་འཕགས་སོ། །མངོན་པར་འཕགས་སོ། །བཅོམ་ལྡན་འདས་ལ་སྐྱབས་སུ་མཆིའོ། །ཆོས་དང་དགེ་འདུན་ལ་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་</font><hr>Da337a<br><font size=+2>


༄#། །འཚོའི་བར་དུ་སྲོག་དང་ཡང་བསྡོས་ཏེ། སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བྲམ་ཟེ་པདྨའི་སྙིང་པོ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ནས་རྗེས་སུ་ཡི་རང་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་སོང་ངོ ། །བཅོམ་ལྡན་འདས་ཀྱིས་དགོངས་པ། བྲམ་ཟེ་པདྨའི་སྙིང་པོ་འཕྱ་བའི་ཉེས་དམིགས་གང་ཡིན་པ་ནི། དགེ་སློང་དག་ཡོན་སྔོ་བ་བྱེད་པ་ན་ཁ་ཟས་ཟ་བ་ལས་གྱུར་ཏེ། དེ་ལྟ་བས་ན་དགེ་སློང་རྣམས་ཡོན་སྔོ་བ་བྱེད་པ་ན་ཁ་ཟས་བཟའ་བར་མི་བྱ་བ་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་བྲམ་ཟེ་པདྨའི་སྙིང་པོ་འཕྱ་བའི་གཞིར་གྱུར་གྱི། དེ་ལྟ་བས་ན་དགེ་སློང་རྣམས་ཀྱིས་ཡོན་སྔོ་བ་བྱེད་པ་ན་ཁ་ཟས་བཟའ་བར་མི་བྱའོ།། དགེ་སློང་རྣམས་ཀྱིས་ཡོན་སྔོ་བ་བྱེད་པ་ན་ཁ་ཟས་ཟན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་དག་ཡོན་སྔོ་བ་བྱེད་པའི་ཚེ་ཁ་ཟས་བཟའ་བར་མི་བྱའོ་ཞེས་བཀའ་སྩལ་པ་དང ། གསར་བུ་ཞིག་དུས་ཚོད་ལས་འདས་པར་གྱུར་ཏེ། དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རེ་ཞིག་དགེ་སློང་ཟན་ཟ་བའི་ཚེ། དེ་དོན་ཡང་མ་གོ་།སྒྲ་ཡང་མ་ཐོས་ན་དེས་བཟའ་བར་བྱ་སྟེ། དེ་ལ་ཉེས་པ་མེད་དོ། །གང་གིས་སྒྲ་ནི་ཐོས་ལ། དོན་མགོ་ན་དེས་ཀྱང་བཟའ་བར་བྱ་སྟེ། དེ་ལ་ཡང་</font><hr>Da337b<br><font size=+2>


ཉེས་པ་མེད་དོ། །གང་གིས་སྒྲ་ཡང་ཐོས་ལ། དོན་ཀྱང་གོ་བ་དེས་བཟའ་བར་མི་བྱའོ། །ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་གང་གིས་སྒྲ་ཡང་ཐོས། དོན་ཀྱང་གོ་བ་དེ་དག་ཐོས་བཞིན་དུ་བཟའ་ན་འགལ་ཚབས་ཅན་དུ་འགྱུར་རོ། །ཞེས་གསུངས་པ་དང ། གཙུག་ལག་ཁང་གཞན་ཞིག་ཏུ་དགེ་སློང་མང་པོ་འདུས་པར་གྱུར་ཏེ། དེར་དགེ་སློང་རྣམས་གྲལ་ཚར་གཉིས་སུ་བཅས་ཏེ་འདུག་པ་གསར་བུ་རྣམས་དང་རྒན་པོ་དག་ཏུ་ཉེ་ནས། དེར་དགེ་སློང་གསར་བུ་དེ་དག་ཟ་བ་དང ། དེ་དག་གིས་གྲ་ཡང་ཐོས། དོན་ཀྱང་གོ་བར་གྱུར་ཏོ། །དེ་དག་འགྱོད་པ་སྐྱེས་ཏེ་མ་ཟོས་པ་དང ། དེ་དག་སྨྱུང་བར་འདུག་པ་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཚིགས་བཅད་གཉིས་གསུམ་བརྗོད་ཀྱི་བར་དུ་བསྡད་ནས་བཟའ་བར་བྱ་སྟེ། དེ་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་ཡུལ་ཝཱ་ར་ཎཱ་སི་དྲང་སྲོང་གི་གནས་རི་དྭགས་ཀྱི་ནགས་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་མནབས། ལྷུང་བཟེད་ཐོགས་ཏེ། ཝཱ་ར་ཎཱ་སིར་བསོད་སྙོམས་ལ་གཤེགས་པ་དང ། དེ་ན་དགེ་སློང་གཞན་ཞིག་ཀྱང་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ། ཝཱ་ར་ཎཱ་སིར་བསོད་སྙོམས་ཀྱི་ཕྱིར་ཞུགས་སོ། །དེ་ནས་དགེ་སློང་དེ་ཤིང་ཐགས་ཤིག་གི་དྲུང་དུ་འདུག་སྟེ། མི་དགེ་བའི་རྣམ་པར་རྟོག་པས་རྣམ་པར་</font><hr>Da338a<br><font size=+2>


༄#། །རྟོག་ཅིང་སྡིག་པ་ལ་ཆགས་ཤིང་གནས་པ་དང ། བཅོམ་ལྡན་འདས་ཀྱིས་དགེ་སློང་དེ་ཤིང་ཐགས་ཀྱི་དྲུང་ན་མི་དགེ་བའི་རྣམ་པར་རྟོག་པས་རྣམ་པར་རྟོག་ཅིང་སྡིག་པ་ལ་ཆགས་ཤིང་གནས་པ་དེ་གཟིགས་སོ། །གཟིགས་ནས་ཀྱང་བཅོམ་ལྡན་འདས་ཀྱིས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང ། དགེ་སློང་བདག་ཉིད་ས་བོན་ཚ་བ་ལྟ་བུར་མ་བྱེད་ཅིག་།དྲི་ང་བ་དང ། ཟག་པར་མ་བྱེད་ཅིག་།དགེ་སློང་ཁྱོད་ཀྱིས་འདིར་བདག་ཉིད་ས་བོན་ཚ་བ་ལྟ་བུ་དང ། དྲི་ང་བ་དང ། ཟག་པར་བྱས་ན་སྦྲང་བུ་དག་གིས་མི་མྱངས་ཤིང་མི་ལྡགས་པའི་གནས་དེ་ལྟ་བུར་འགྱུར་བར་མཁྱེན་ཏོ། །དེ་ནས་དགེ་སློང་དེ་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་བདག་གི་སེམས་ཀྱི་རྣམ་པར་རྟོག་པ་མཁྱེན་ཏོ། །སྙམ་ནས་འཇིགས་སྐྲག་སྡངས་བྲེད་དེ་བ་སྤུ་ལོང་ཞེས་བྱེད་ནས། ཤིང་ཐགས་ཀྱི་དྲུང་དེ་ནས་སོང་ངོ ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཡིན་པ་ནི་དགེ་སློང་སྤྱོད་ཡུལ་མ་ཡིན་པ་ན་འདུག་པ་ལས་གྱུར་ཏེ། དེ་ལྟ་བས་ན་དགེ་སློང་སྤྱོད་ཡུལ་མ་ཡིན་པ་ན་འདུག་པར་མི་བྱ་བར་མཁྱེན་ནས། ཝཱ་ར་ཎཱ་སིར་བསོད་སྙོམས་བརྒྱུས་ཏེ་ཟས་ཀྱི་བྱ་བ་མཛད་ནས། བསོད་སྙོམས་ཀྱི་ཟས་ཕྱི་མ་སྤངས་ཏེ། ལྷུང་བཟེད་དང་ཆོས་གོས་བཞག་ནས་ཞབས་གཉིས་བཀྲུས་ཏེ། གཙུག་ལག་ཁང་གི་ནང་དུ་ཡང་དག་འཇོག་ལ་ཞུགས་སོ། །དེ་ནས་བཅོམ་ལྡན་འདས་དགོངས་ཀ་ནང་དུ་ཡང་དག་</font><hr>Da338b<br><font size=+2>


འཇོག་ལས་བཞེངས་ཏེ། དགེ་སློང་གི་དགེ་འདུན་གྱི་མདུན་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་དེང་འདིར་སྔ་དྲོའི་དུས་ཀྱི་ཚེ་ཆོས་གོས་བགོས། ལྷུང་བཟེད་ཐོགས་ཏེ། ཝཱ་ར་ནཱ་སིར་བསོད་སྙོམས་ཀྱི་ཕྱིར་གཤེགས་པ་དང ། དགེ་སློང་གཞན་ཞིག་ཀྱང་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་བགོས་ཏེ། ལྷུང་བཟེད་ཐོགས་ནས་ཝཱ་ར་ཎཱ་སིར་བསོད་སྙོམས་ཀྱི་ཕྱིར་ཞུགས་སོ། །དེ་ནས་དགེ་སློང་དེ་ཤིང་ཐགས་གཞན་ཞིག་གི་དྲུང་དུ་འདུག་སྟེ། མི་དགེ་བའི་རྣམ་པར་རྟོག་པས་རྣམ་པར་རྟོག་ཅིང ། སྡིག་པ་ལ་ཆགས་ཤིང་གནས་སོ། །དགེ་སློང་དེ་ཤིང་ཐགས་གཞན་ཞིག་གི་དྲུང་དུ་འདུག་སྟེ། མི་དགེ་བའི་རྣམ་པར་རྟོག་པས་རྣམ་པར་རྟོག་ཅིང ། སྡིག་པ་ལ་ཆགས་ཤིང་གནས་པ་དེ་མཐོང་ངོ ། །མཐོང་ནས་ཀྱང་དགེ་སློང་དེ་ལ་ངས་འདི་སྐད་ཅེས་བཀའ་སྩལ་ཏོ། །དགེ་སློང ། དགེ་སློང་བདག་ཉིད་ས་བོན་ཚ་བ་ལྟ་བུར་མ་བྱེད་ཅིག་།དྲི་ང་བ་དང ། ཟག་པར་མ་བྱེད་ཅིག་།དགེ་སློང་ཁྱོད་ཀྱིས་འདིར་ས་བོན་ཚ་བ་ལྟ་བུ་དང ། དྲི་ང་བ་དང ། ཟག་པར་བྱས་ན་སྦྲང་བུ་དག་གིས་མི་མྱངས་ཤིང ། མི་ལྡགས་པའི་གནས་དེ་ལྟ་བུར་འགྱུར་བར་མཁྱེན་ཏོ། །དེ་ནས་དགེ་སློང་དེ་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་བདག་གི་སེམས་ཀྱིས་རྟོག་པ་མཁྱེན་ཏོ་སྙམ་ནས་འཇིགས། སྐྲག། སྡངས། བྲེད་དེ། བ་སྤུ་ལོང་ཞེས་བྱེད་ནས། རིངས་པར་རིངས་</font><hr>Da339a<br><font size=+2>


༄#། །པར་ཤིང་ཐགས་དེ་ཉིད་ཀྱི་དྲུང་ནས་སོང་ངོ ། །དགེ་སློང་དག་དེ་ལྟ་བས་ན་དེའི་ཕྱིར་ཉེས་དམིགས་གང་ཡིན་པ་ནི་དགེ་སློང་སྤྱོད་ཡུལ་མ་ཡིན་པ་ན་འདུག་པ་ཡིན་ཏེ། དེ་ལྟ་བས་ན་དགེ་སློང་དག་སྤྱོད་ཡུལ་མ་ཡིན་པ་ན་འདུག་པར་མི་བྱའོ། །སྤྱོད་ཡུལ་མ་ཡིན་པ་ན་འདུག་ན་འགལ་ཚབས་ཅན་དུ་འགྱུར་རོ། །དེ་ནས་དགེ་སློང་ཞན་ཞིག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། འཕགས་པའི་ཆོས་འདུལ་བ་ལ་ས་བོན་ཚ་བ་ཞེས་བགྱི་བ་ཅི་ལགས། དྲི་ང་བ་ཞེས་བགྱི་བ་ཅི་ལགས། ཟག་པ་ཞེས་བགྱི་བ་ཅི་ལགས། ཟག་པ་དེའི་སྦྲང་བུ་ཞེས་བགྱི་བ་ཅི་ལགས། དགེ་སློང ། ས་བོན་ཚ་བ་ཞེས་བྱ་བ་ནི། སྡིག་པ་མི་དགེ་བ་རྣམ་པར་རྟོག་པའི་ཚིག་བླ་དྭགས་ཡིན་ཏེ། འདི་ལྟ་སྟེ། འདོད་པ་ལ་རྣམ་པར་རྟོག་པ་དང ། གནོད་སེམས་ལ་རྣམ་པར་རྟོག་པ་དང ། འཚེ་བ་ལ་རྣམ་པར་རྟོག་པའོ། །དྲི་ང་བ་ཞེས་བྱ་བ་ནི། འདོད་པའི་ཡོན་ཏན་ལྔ་པོ་དག་གི་ཚིག་བླ་དྭགས་ཡིན་ཏེ། གཟུགས་དང ། སྒྲ་དང ། དྲི་དང ། རོ་དང ། རེག་བྱ་ཞེས་བྱ་མོད་ཀྱི། དགེ་སློང་འདི་ནི་འདོད་པའི་ཡོན་ཏན་མ་ཡིན་གྱི། གང་འདུན་པ་དང ། ཆགས་པ་དེ་ནི་འདོད་པ་ཞེས་བྱའོ། །ཟག་པ་ཞེས་བྱ་བ་ནི། ཁ་ཅིག་ཇི་ལྟར་སྐྱེ་མཆེད་དྲུག་ལ་རག་ཅིང་ཟག་པར་གནས་པ་སྟེ། མིག་གི་འདུས་ཏེ་རེག་པའི་སྐྱེ་མཆེད་དང ། རྣ་བ་དང ། སྣ་</font><hr>Da339b<br><font size=+2>


དང ། ལྕེ་དང ། ལུས་ཀྱི་འདུས་ཏེ་རེག་པའི་སྐྱེ་མཆེད་རྣམས་སོ། །ཟག་པའི་སྦྲང་བུ་ཞེས་བྱ་བ་ནི། ཁ་ཅིག་ཇི་ལྟར་སྐྱེ་མཆེད་དྲུག་ལ་སྡོམ་པས་མི་སྡོམ་པར་གནས་པ་སྟེ། ཆགས་པ་དང ། ཡིད་མི་བདེ་བས་འཇིག་རྟེན་གྱི་སྡིག་པ་མི་དགེ་བའི་ཆོས་ལ་སེམས་རྗེས་སུ་ཟག་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། སྟོན་པ་བདེ་བར་གཤེགས་པས་གཞན་ཡང་འདི་སྐད་ཅེས་བཀའ་སྩལ་ཏོ། །གང་གིས་འདོད་པའི་འདོད་ཆགས་བསྐྱོད། །མིག་དང་རྣ་བ་མ་བསྲུངས་ཤིང ། །རྣམ་པར་རྟོག་པས་མྱངས་པས་ན། །དགེ་སློང་ས་བོན་ཚ་བར་བྱེད། །དྲི་ང་བ་དང་ཟག་པ་དང ། ། སྡིག་ལ་ཆགས་ཤིང་གནས་པ་ཡིན། །གྲོང་ངམ་གལ་ཏེ་དགོན་པའམ། །མཚན་མོའམ་འོན་ཏེ་ཉིན་མོའང་རུང ། །བདེ་བ་དག་ལས་རིང་དུ་གནས། །ཉམ་ཐག་པ་ཉིད་ཉེ་བར་གྱུར། །གང་གིས་ནང་གི་ཞི་གནས་དང ། །རང་གིས་མངོན་རིག་བརྩོན་བྱས་ན། །སྦྲང་བུ་དེ་དག་མེད་བྱས་ཤིང ། །དེ་ནི་འཇིག་རྟེན་འདིར་བདེར་གནས། །དགེ་བའི་སྐྱེས་བུར་བསྟེན་པ་ནི། །འཕགས་པས་ཚིག་བཟང་བཤད་པ་སྟེ། །དེ་ཚིག་ཡང་དག་ཤེས་གྱུར་ན། །ཡང་སྲིང་པར་ནི་མི་འགྲོའོ། །བཅོམ་ལྡན་འདས་ཀྱིས། དགེ་སློང་དག་སྤྱོད་ཡུལ་མ་ཡིན་པར་གནས་པར་མི་བྱའོ། །ཞེས་གསུངས་པ་དང ། དགེ་སློང་དག་གིས་སྤྱོད་ཡུལ་མ་ཡིན་པ་རྣམ་པ་དུ་ཡོད་མ་ཤེས་ནས། དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། སྤྱོད་ཡུལ་</font><hr>Da340a<br><font size=+2>


༄#། །མ་ཡིན་པ་རྣམ་པ་ལྔ་སྟེ། རོལ་མོའི་གནས་དང ། སྨད་འཚོང་མའི་གནས་དང ། ཆང་འཚོང་མའི་གནས་དང ། རྒྱལ་པོའི་ཕོ་བྲང་འཁོར་གྱི་སྒོ་དང ། རིགས་ངན་གྱི་གནས་སོ། །སྡོམ་ནི། མལ་ན་སྦྲུལ་ནག་ཉལ་བ་དང ། །ཆོས་གོས་གཅིག་པུས་ཕྱག་མི་བྱ། །རྒན་པ་བཞི་ལ་ཕྱག་བྱ་སྟེ། །དེ་བཞིན་ཚོགས་ལའང་ཕྱག་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་ཞིག་འདུག་པ་དེས། དགེ་སློང་གྲོགས་པོ་ཞིག་ལ་མལ་སྟན་བཤམས་ཏེ། ལྗོངས་རྒྱུ་ཞིང་སོང་ངོ ། །དགེ་སློང་དེས་མལ་སྟན་དེ་ཇི་ལྟར་བཏིང་བ་བཞིན་དུ་བཞག་ནས། དེར་སུ་ཡང་ཉལ་ཞིང་ལྟ་བར་མི་བྱེད་དེ། མལ་སྟན་ཏེ་སྟོང་པར་འདུག་པ་དང ། གནམ་བབས་སུ་སྦྲུལ་གདུག་པ་ཞིག་ཕན་ཚུན་དུ་འཕྱན་ཅིང་རང་དགར་རྒྱུ་ཞིང་གནས་པ་ལས། མལ་སྟན་འདུག་པ་དེར་ཕྱིན་ཏེ། དེ་དེའི་འོག་ཏུ་འཁྱིལ་ཏེ་འདུག་གོ་།ཇི་ཙམ་ན་དགེ་སློང་ཞིག་གློ་བུར་དུ་སློང་དེའི་དྲུང་དུ་འོངས་པ་དང ། དགེ་སློང་དེས་དེ་ངལ་བསོས་ཏེ། དེ་ནས་ལམ་གྱི་ངལ་སོས་པ་དང ། དེས་མཆོག་རྟེན་དང ། ཚངས་པ་མཚུངས་པར་སྤྱོད་པ་ལ་ཕྱག་འཚལ་དུ་བཅུག་ནས། དེས་མཆོད་རྟེན་དག་ལ་ཕྱག་བྱས་ནས་ཉི་མ་ནུབ་སྟེ། དགེ་སློང་དེས་དེ་ལ་འདི་སྐད་ཅེས། ཚེ་དང་ལྡན་པ་ཆུ་དང ། ས་དང ། ཡུངས་མར་འདི་རེ། </font><hr>Da340b<br><font size=+2>


མལ་སྟན་ཡང་འདི་ཡིན་ཏེ། ཇི་ལྟར་བཏིང་ཞིང་འདུག་པ་ལ་ཁྱོད་ལམ་གྱི་དུབ་པས་རྐང་པ་ཁྲུས་ལ་ཉོལ་ཅིག་ཅེས་སྨྲས་པ་དང ། དེ་སྔོན་གྱི་ལས་ཀྱི་དབང་གིས་བསྐུལ་བས་མལ་སྟན་ལ་མ་བརྟགས་པར་ཉལ་ཏེ་གཉིད་ཀྱིས་ལོག་གོ་།དེ་གཉིས་ཀྱིས་ལོག་པས་སྦྲུལ་གདུག་པ་དེ་ནོན་པ་དང ། དེ་ཕན་ཚུན་འགྲོ་བའི་སྐབས་མེད་དེ་བཙིར་བའི་སྡུག་བསྔལ་གྱི་ཚོར་བས་གཟིར་ནས་དགེ་སློང་དེའི་ལུས་ལ་བཟུང་ངོ ། །དེ་མཆེ་བས་ཟིན་པའི་སྡུག་བསྔལ་སྐྱེས་པར་གྱུར་པས་ཕན་ཚུན་བསྒྱུར་བ་དང ། དེ་ཡང་ཤི་བ་གྱུར་ཏེ། དེ་གཉིས་ཀ་དུས་ལས་འདས་སོ། །ཇི་ཙམ་ན་མཚན་མོའི་ནམ་ནངས་ཏེ། དགེ་སློང་དེ་དེའི་དྲུང་དུ་སོང་ནས། དལ་ནས་དལ་ནས་སྒོ་འཕར་ལ་བརྡུངས་པ་དང ། དེ་དུས་ལས་འདས་བས་ག་ལ་ཞིག་ལན་འདེབས་ཏེ། དེས་རེ་ཞིག་འདི་ངལ་བས་ཉལ་ཏེ། རང་ལྡང་གྲང་སྙམ་དུ་བསམས་པ་དང ། ཇི་ཙམ་ན་དྲོ་ལ་བབ་པར་གྱུར་ཏེ། དགེ་སློང་དེ་ཡང་དེའི་དྲུང་དུ་སོང་ནས་སྒོ་འཕར་ལ་དྲག་ཏུ་བརྡུངས་ཏེ། ཚེ་དང་ལྡན་པ། དྲོ་ལ་བབ་ཀྱི། ལོངས་ཤིག་ཅེས་སྨྲས་པ་དང ། གནས་ཁང་སྟོང་པར་འདུག་པས་ག་ལ་ཞིག་ལན་ཡོད་དེ། དེ་ལ་དགེ་སློང་དག་གིས་ཅིའི་ཕྱིར་སྒོ་འཕར་བརྡུངས་ཞེས་སྨྲས་པ་དང ། དེས་ཇི་ལྟར་གྱུར་པ་རྒྱས་པར་བརྗོད་དོ། །དགེ་སློང་དག་གིས་ལྡེ་མིག་ཀྱོག་པོ་བླངས་ཏེ་སྒོ་ཕྱེ་བ་དང ། ཇི་ཙམ་ན་དུས་ལས་འདས་པར་མཐོང་ངོ ། །དེ་དག་གིས་ཕན་ཚུན་དུ་བརྟགས་ན་སྦྲུལ་གདུག་པ་ཞིག་མལ་གྱི་འོག་ཏུ་ནོན་ནས་དུས་ལས་འདས་པར་མཐོང་སྟེ། དེ་ན་ཁ་ཅིག་</font><hr>Da341a<br><font size=+2>


༄#། །གིས་ཚེ་དང་ལྡན་པ་འདི་ནི་སྦྲུལ་གདུག་པ་འདིས་ཟོས་པས་དུས་ལས་འདས་སོ། །དེ་ན་ཁ་ཅིག་ནི་འདི་ཡང་ཚེ་དང་ལྡན་པ་འདིས་ལུས་བསྒྱུར་བས་དུས་ལས་འདས་སོ། །ཞེས་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཡིན་པ་ནི། དགེ་སློང་མལ་སྟན་གཏམས་པས་མལ་སྟན་གྱི་ཞལ་ཏ་པ་ལ་མ་གཏད་ཅིང་དུས་དུས་སུ་མ་བརྟགས་པ་ལས་གྱུར་ཏེ། དེ་ལྟ་བས་ན་མལ་སྟན་གཏམས་པར་གྱུར་པ་དེས་མལ་སྟན་གྱི་ཞལ་ཏ་པ་ལ་གཏད་པར་བྱ་ཞིང ། བལྟབ་སྟེ་ཆོས་གོས་ཀྱི་གདང་བུ་ལ་དགལ་བར་བྱ་བར་མཁྱེན་ནས་བཀའ་སྩལ་པ། དགེ་སློང་དག་དགེ་སློང་དེས་ནི་བག་མེད་པ་བྱས་པས་ཉེས་དམིགས་སུ་གྱུར་ཏེ། དེ་ལྟ་བས་ན་དགེ་སློང་གང་ལ་མལ་སྟན་གཏམས་པར་གྱུར་པ་དེས་ཅི་ནུས་ཀྱིས་སྐོམས་ལ་ལྟོ་བ་སྟེ་མལ་སྟན་གྱི་ཞལ་ཏ་པ་ལ་གཏོད་ཅིག་།ཡང་ན་ལྟོ་བ་ལ་ཆོས་གོས་ཀྱི་གདང་བུ་ལ་བཀལ་ཏེ་གཞག་པར་བྱའོ། །གང་ཞིག་ཉལ་བར་བྱེད་ན་ཡང་མལ་སྟན་ལ་བརྟགས་ཏེ་ཉལ་བར་བྱའོ། །བཅོམ་ལྡན་འདས་ཀྱིས་མལ་སྟན་ལ་ཉལ་བར་འདོད་པ་དེས་མལ་སྟན་ལ་རྟོག་ལ་ཉལ་བར་བྱའོ། །ཞེས་གསུངས་པ་དང ། དེ་དག་གིས་མེ་མར་ལ་མལ་སྟན་རྟོག་པ་དང ། བཅོམ་ལྡན་འདས་ཀྱིས་བཀའ་སྩལ་པ། མལ་སྟན་མེ་མར་ལ་བརྟགས་པར་མི་བྱའོ། །འོན་ཀྱང་ཉིན་པར་མལ་སྟན་བརྟག་པར་བྱའོ། །དགེ་སློང་དག་གིས་མལ་སྟན་ཐམས་ཅད་གློངས་</font><hr>Da341b<br><font size=+2>


པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ཡུན་རིང་དུ་བཞག་པ་དེ་དག་ནི་གཞི་ནས་གློངས་ལ་བརྟག་པར་བྱའོ། །བཏིང་བ་གཞན་ནི་སྤྲུགས་ལ་ཉལ་བར་བྱའོ། །གླེང་གཞི་ནི་མཉན་ཡོད་ནའོ། །དགེ་སློང་གཉིས་ཤིག་གནས་ཁང་གཅིག་ན་གནས་ཏེ། དེ་གཉིས་ལས་གཅིག་གིས་གཞོན་ནུ་གཞན་ཞིག་རབ་ཏུ་ཕྱུང་བ་དང ། དེ་རབ་ཏུ་གཉིད་ཆེ་བ་ཞིག་སྟེ། རིང་ཞིག་ན་ལྡང་བ་དང ། དེ་ལ་མཁན་པོ་རྟག་ཏུ་གཤེའོ། །ཇི་ཙམ་དུས་གཞན་ཞིག་ན་རིང་ཞིག་གཉིད་ཀྱིས་ལོག་པ་དང ། སྡངས་ཏེ་ལངས་ནས་རྡུལ་ཟན་ཤམ་ཐབས་སུ་གྱོན་ཏེ། དེ་བཞིན་དུ་མཁན་པོའི་དྲུང་དུ་སོང་བ་དང ། དེ་ཡང་མལ་ནས་ལངས་ནས་ཤམ་ཐབས་གྱོན་ཅིང་འདུག་པ་དེའི་རྐང་པ་ལ་མགོ་བོས་ཕྱག་འཚལ་བ་དང ། དེ་ཡང་སྐྲ་དང་ཁ་སྤུ་བྲེགས་ནས་རིང་པོ་མ་ལོན་པས། དེ་ལངས་པའི་མགོ་ལ་མཁན་པོའི་ཤམ་ཐབས་ཐོགས་ནས་ལྷུང་སྟེ་སྒྲེན་མོར་གྱུར། དེའི་རྡུལ་ཟན་ཡང་ལྷུང་བར་གྱུར་ཏེ། གཉིས་ཀ་སྒྲེན་མོར་གྱུར་ཅིང ། ཇི་ལྟར་ཚུལ་མི་སྡུག་པར་འདུག་པ་གནས་ཁང་གཅིག་ན་གནས་པས་མཐོང་སྟེ། དེས་ཚེ་དང་ལྡན་པ་དག་བཟང་ངོ ། །ཇི་ལྟར་སྐྱེས་བུ་ཁྱེད་སྐྱེས་བུའི་མཚན་དང་ལྡན་པར་ངས་གདོད་ཤེས་སོ། །ཞེས་སྨྲས་པ་དང ། གཉིས་ཀ་སྐྱེངས་ཏེ་སྤོབས་པ་མེད་པར་སོང་ནས། དེས་སློབ་མ་དེ་ལ་སྤྱོས་པ་དང ། དེ་ལ་དགེ་སློང་དག་གིས་སྨྲས་པ། ཚེ་དང་ལྡན་པ་ཁྱོད་ལ་དེ་བཞིན་དུ་རྟག་ཏུ་གཤེ་བར་གྱུར་ན་ཁྱོད་ཀྱིས་ཅི་ཞིག་བྱས། དེས་སྨྲས་པ། ཚེ་དང་ལྡན་པ་དག་།འདི་དང་སྔོན་ནི་ལྷན་ཅིག་འདུམ་པར་</font><hr>Da342a<br><font size=+2>


༄#། །རུང་ན། ད་ནི་འདུམ་པར་མི་འགྱུར་བས། གཤེད་གཅིག་ཏུ་འགྲོ་བར་བྱའོ། །དེ་དག་གིས་ཅི་ལས་གྱུར་ཅེས་སྨྲས་པ་དང ། དེས་ཇི་ལྟར་གྱུར་པ་དེ་དག་ལ་རྒྱས་པར་སྨྲས་སོ། །དེ་དག་གིས་ཚེ་དང་ལྡན་པ་ཁྱོད་ཉིད་ཀྱིས་ཉེས་པས། གཤེ་བ་ནི་གནས་ཡིན་ནོ། །ཞེས་སྨྲས་པ་དང ། དེ་ཅང་མི་སྨྲ་བར་གྱུར་བ་དེའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། དགེ་སློང་དེས་དེ་ལ་སྤྱོས་པ་ནི་གནས་ཡིན་ཏེ། དགེ་སློང་དག་།དེ་ལྟ་བས་ན་ཉེས་དམིགས་གང་ཡིན་པ་ནི་ཆོས་གོས་གཅིག་གྱོན་པས་ཕྱག་བྱེད་ཅིང ། ཆོས་གོས་གཅིག་གྱོན་པས་ཕྱག་བྱེད་པ་བདག་གིར་བྱེད་པ་སྟེ། དེ་ལྟ་བས་ན་དགེ་སློང་དག་ཆོས་གོས་གཅིག་གྱོན་པས་ཕྱག་མི་བྱ་ཞིང ། ཆོས་གོས་གཅིག་གྱོན་པས་ཀྱང་ཕྱག་བྱེད་པ་བདག་གིར་བྱ་བ་མ་ཡིན་པར་མཁྱེན་ནས་བཀའ་སྩལ་པ། དགེ་སློང་དེས་དེ་ལ་སྤྱོས་པ་ནི་གནས་ཡིན་ཏེ། དགེ་སློང་དག་།དེ་ལྟ་བས་ན་དགེ་སློང་ཆོས་གོས་གཅིག་གྱོན་པ་དེས་ཀྱང་ཕྱག་མི་བྱ། ཆོས་གོས་གཅིག་གྱོན་པ་ལ་ཡང་ཕྱག་མི་བྱ། ཆོས་གོས་གཅིག་གྱོན་པས་ཕྱག་བྱེད་པ་ཡང་བདག་གིར་མི་བྱའོ། །དགེ་སློང་དག་།ཆོས་གོས་གཅིག་གྱོན་པས་ཕྱག་བྱེད་དམ། ཆོས་གོས་གཅིག་གྱོན་པ་ལ་ཕྱག་བྱེད་དམ། ཆོས་གོས་གཅིག་གྱོན་པས་ཕྱག་བྱེད་པ་བདག་གིར་བྱེད་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་རྒྱལ་པོའི་ཁབ་ནའོ། །བཅོམ་ལྡན་འདས་ཀྱིས་</font><hr>Da342b<br><font size=+2>


དགེ་སློང་རྣམས་དགེ་སློང་གིས་ཚུལ་ཁྲིམས་མ་རིག་པར་ངལ་བསོ་བར་མི་བྱའོ། །ཞེས་གསུངས་པ་དང ། ཡུལ་སོ་སོ་ན་གནས་པའི་དགེ་སློང་དག་གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དེ་དང་དེ་དག་ནས། མཆོད་རྟེན་ལ་ཕྱག་བྱེད་དུ་ལྷགས་པ་དེ་དག་ལ། གང་གིས་ཀྱང་ངལ་མ་བསོས་ཏེ། བསྐྲད་ནས་ཁྱམས་དང ། སྒོ་ཁང་དང ། ཐེམ་སྐས་དང ། སྒོ་ཁང་གི་ཁྱམས་དང ། ཤིང་དྲུང་དག་ཏུ་དེ་དག་གནས་པ་དང ། བྲམ་ཟེ་དང ། ཁྱིམ་བདག་མ་དད་པ་ཁ་ཅིག་གིས་མཐོང་ནས། འཕགས་པ་ཁྱེད་ཅག་གཙུག་ལག་ཁང་ནས་བསྐྲད་དམ་ཅི་ན་འདི་བཞིན་དུ་འདུག་།དེ་དག་གིས་སྨྲས་པ། བཞིན་བཟང་ངེད་ནི་གཙུག་ལག་ཁང་ནས་བསྐྲད་པ་མ་ཡིན་ཏེ། འོན་ཀྱང་གློ་བུར་དུ་ལྷགས་པ་ཡིན་ནོ། །དེ་དག་གིས་སྨྲས་པ། འཕགས་པ་ཁྱོད་ཀྱི་ཚངས་པ་མཚུངས་པར་སྤྱོད་པ་དག་གིས་གནས་ཁང་དག་མ་བྱིན་ནམ། དེ་དག་གིས་བཞིན་བཟང་ངེད་ཀྱི་ཚུལ་ཁྲིམས་མི་ཤེས་པས། སུ་ཞིག་ངེད་ལ་གནས་ཁང་གི་སྐབས་འབྱེད་པར་བྱེད། གང་ཅི་ལྟར་ཡང་རུང ། འདིར་གནས་ཏེ་མཆོད་རྟེན་ལ་ཕྱག་བྱས་ནས་རང་གི་གནས་སུ་འགྲོའོ། །ཞེས་སྨྲས་པ་དང ། ཤཱཀྱའི་བུའི་དགེ་སྦྱོང་རྣམས་ཀྱི་ཚུལ་ཁྲིམས་ནི་སྙོམས་པའོ་ཞེས་ཐོས་ན། དེ་ཇི་ལྟར་སྙོམས་པའི་ཚུལ་ཁྲིམས་དེ། ཚངས་པ་མཚུངས་པའི་སྤྱོད་པ་བློ་བུར་དུ་འོངས་པ་ལ་ཡང་གནས་ཁང་སྦྱིན་པར་མི་བྱེད་དོ། །ཞེས་དེ་དག་རྨོད་པར་བྱེད། འཕྱ་བར་བྱེད། ཕྱར་ཀ་གཏོང་བར་བྱེད་པ་དེའི་སྐབས་དགེ་</font><hr>Da343a<br><font size=+2>


༄#། །སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གློ་བུར་དུ་འོངས་པའི་ཀུན་ཏུ་སྤྱོད་པའི་ཆོས་ངས་བཅའ་བར་བྱ་སྟེ། དགེ་སློང་གློ་བུར་དུ་འོངས་པས་རྒན་པ་བཞི་ལ་ཕྱག་བྱོས་ལ། དེའི་མདུན་དུ་འདུག་པར་བྱའོ། །དེ་དག་གིས་ཀྱང་དེ་ལ་གུས་པར་གྱིས་ལ། ངལ་སོར་གཞུག་པར་བྱ་ཞིང ། གནས་ཁང་དང ། མལ་སྟན་གྱི་ཞལ་ཏ་བས་ཀྱང་མལ་སྟན་སྦྱིན་པར་བྱའོ། །བཅོམ་ལྡན་འདས་ཀྱིས་གློ་བུར་དུ་འོངས་པའི་དགེ་སློང་གིས་རྒན་པ་བཞི་ལ་ཕྱག་བྱས་ཏེ་མདུན་དུ་འདུག་པར་བྱའོ། །ཞེས་གསུངས་པ་དང ། ཇི་ཙམ་ན་དགེ་སློང་གཞན་ཞིག་ལྗོངས་རྒྱུ་ཞིང་འགྲོ་བ་ལས་རྒྱལ་པོའི་ཁབ་ཏུ་ཕྱིན་ཏེ། དེས་དགེ་སློང་དག་ལ་ཚེ་དང་ལྡན་པ་གནས་བརྟན་ཀུན་ཤེས་ཀོའུ་དི་ནྱ་གང་ན་ཞེས་དྲིས་པ་དང ། དེ་དག་གིས་སྨྲས་པ། འོད་མའི་ཚལ་ནའོ། །དེ་འོད་མའི་ཚལ་དུ་སོང་སྟེ། དེའི་གནས་ཁང་གི་སྒོ་དལ་ནས་དལ་ནས་བརྡུངས་པ་དང ། ཚེ་དང་ལྡན་པ་ཀུན་ཤེས་ཀོའུ་དི་ནྱས་སྒོ་རྡུང་བ་འདི་སུ་ཞིག་ཡིན། ཞེས་སྨྲས་སོ། །དེས་སྨྲས་པ། གནས་བརྟན་བདག་ནི་གློ་བུར་དུ་མཆིས་པ་མིང་འདི་ཞེས་བགྱི་བ་ལགས་སོ། །དེས་ཚེ་དང་ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་དང ། དེས་སྨྲས་པ། གནས་བརྟན་འོད་སྲུང་ཆེན་པོ་ལ་ཕྱག་འཚལ་ན་དེ་གང་ན་བཞུགས་པ་གསུངས་ཤིག་།དེས་ཚེ་དང་ལྡན་པ། དེ་ཤིང་པིབ་པ་ལའི་ཕུག་ན་འདུག་གི་སོང་ཞིག་ཅེས་སྨྲས་པ་དང ། </font><hr>Da343b<br><font size=+2>


ཤིང་བིབ་པ་ལའི་ཕུག་ཏུ་སོང་སྟེ། བགས་\་BཱGཥ་\ཀྱིས་དལ་ནས་དལ་ནས་སྒོ་བརྡུངས་པ་དང ། ཚེ་དང་ལྡན་པ་འོད་སྲུང་ཆེན་པོས་སྒོ་བརྡུང་པ་འདི་སུ་ཡིན། །ཞེས་སྨྲས་སོ། །དེས་སྨྲས་པ། འཕགས་པ་བདག་ནི་གློ་བུར་དུ་མཆིས་པ་མིང་འདི་ཞེས་བགྱི་བ་ལགས་སོ། དེས་ཚེ་དང་ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་དང ། དེས་སྨྲས་པ། གནས་བརྟན་ཆེན་པོ་སྐུལ་བྱེད་ལ་ཡང་ཕྱག་འཚལ་ན་དེ་གང་ན་བཞུགས་གསུངས་ཤིག་།དེས་སྨྲས་པ། ཚེ་དང་ལྡན་པ་བྱ་རྒོད་ཕུང་པོའི་རི་ལ་འདུག་གི་དེར་སོང་ཞིག་།དེ་བྱ་རྒོད་ཕུང་པོའི་རི་ལ་སོང་སྟེ། དེའི་གནས་ཁང་ལ་བགས་\་BཱGཥ་\ཀྱི་དལ་ནས་དལ་ནས་སྒོ་བརྡུངས་པ་དང ། ཚེ་དང་ལྡན་པ་སྐུལ་བྱེད་ཆེན་པོས་སྒོ་རྡུང་པ་དེ་སུ་ཡིན། ཞེས་སྨྲས་པ་དང ། དེས་སྨྲས་པ། གནས་བརྟན་བདག་ནི་གློ་བུར་དུ་མཆིས་པ་མིང་འདི་ཞེས་བགྱི་བ་ལགས་སོ། །དེས་ཀྱང་ཚེ་དང་ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་དང ། དེས་སྨྲས་པ། གནས་བརྟན་སྟོབས་བཅུ་འོད་སྲུང་ལ་ཕྱག་འཚལ་ན་དེ་གང་ན་བཞུགས་གསུངས་ཤིག་།དེས་སྨྲས་པ། ཚེ་དང་ལྡན་པ་སྡེ་ཅན་གྱི་ཕུག་ན་འདུག་གི་སོང་ཞིག་།དེ་སྡེ་ཅན་གྱི་ཕུག་ཏུ་སོང་སྟེ། བགས་ཀྱིས་དལ་ནས་དལ་ནས་སྒོ་བརྡུངས་པ་དང ། ཚེ་དང་ལྡན་པ་སྟོབས་བཅུ་འོད་སྲུང་གི་སྒོ་རྡུང་བ་སུ་ཡིན་།ཞེས་སྨྲས་སོ། །དེས་སྨྲས་པ། བདག་ནི་གློ་བུར་དུ་མཆིས་པ་མིང་འདི་ཞེས་བགྱི་བ་ལགས་སོ། །དེས་ཀྱང་ཚེ་དང་ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་</font><hr>Da344a<br><font size=+2>


༄#། །དང ། དེས་སྨྲས་པ། གནས་བརྟན་ད་ནི་ནམ་ཡང་ནངས་ཏེ། བསོད་སྙོམས་ལ་ཡང་འཇུག་དགོས་ན། ཇི་ལྟར་ངལ་བསོ་མཆིའོ། །བཅོམ་ལྡན་འདས་ཀྱིས་ནི་བདག་ཅག་གློ་བུར་དུ་ལྷགས་པ་ལམ་གྱིས་དུབ་པ་རྣམས་ཆད་པས་དགུམ་པའི་ལས་ཀྱི་དོན་དུ་རྒན་པ་བཞི་ལ་གློ་བུར་དུ་འོངས་པས་ཕྱག་བྱོས་ཤིག་།ཅེས་གསུངས་ངོ ། །ཞེས་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་ས་ལ་འདུག་གོ་ཅོག་གི་གནས་བརྟན་ལ་མ་གསུངས་མོད་ཀྱི། འོན་ཀྱང་གཙུག་ལག་ཁང་ན་གནས་པ་དེ་ཉིད་ཀྱི་གནས་བརྟན་ལ་ཕྱག་བྱའོ། །སྡོམ་ནི། སྟོན་ལ་ངག་ལྡན་གྱིས་ཞུས་ནས། མཁན་པོའི་རྗེས་སུ་སྤྱད་པ་དང ། རི་དྭགས་ལ་ནི་ལྔ་བརྒྱ་དང ། ཐ་མར་གྱུར་པ་བདུན་བརྒྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ངག་ལྡན་དགོངས་ཀ་ནང་དུ་ཡང་དག་འཇོག་ལས་ལངས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་དག་ལྡན་གྱིས་འདི་སྐད་གསོལ་ཏོ། །བཙུན་པ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས་མཁན་པོ་དང ། སློབ་དཔོན་ལ་ཇི་</font><hr>Da344b<br><font size=+2>


ལྟར་བསྒྲུབ་པར་བགྱི། ངག་ལྡན། དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས་ཀུན་ཏུ་སྤྱད་པའི་ཆོས་ངས་ཡང་དག་པར་བཅའ་བར་བྱའོ། །དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས་ནང་པར་སྔར་ལངས་ཏེ། མཁན་པོ་དང་སློབ་དཔོན་ལ་ཁམས་མཉམ་མམ། ཞེས་དྲི་བར་བྱའོ། །གལ་ཏེ་མཁན་པོ་ཁམས་མི་མཉམ་མོ། །ཞེས་ཟེར་ན། དེའི་ནད་དྲིས་ཏེ་སྨན་པ་ལ་བཞིན་བཟང་བདག་གི་མཁན་པོ་འདི་འདྲ་བར་ན་བར་གྱུར་ན། སྨན་སྟོན་ཅིག་ཅེས་དྲིས་ལ། ཇི་ལྟར་བསྒོ་བ་དེ་ལྟར་བྱའོ། །དེ་ལྟར་འབྱོར་ན་ལེགས། གལ་ཏེ་མ་འབྱོར་ན་དེའི་ཉེ་དུ་དག་ལ་བསླང་བར་བྱའོ།། གལ་ཏེ་ཉེ་དུ་མང་པོར་གྱུར་ན། དེས་མཁན་པོའི་ཉེ་དུ་གང་ལས་སྨན་བསླང་བར་བགྱི་ཞེས་དྲི་ཞིང ། གང་ལ་བསྟན་པ་དེའི་དྲུང་ནས་བསླང་བར་བྱའོ། །ཉེ་དུ་མེད་ན་བྲམ་ཟེ་དང ། ཁྱིམ་བདག་གང་ལ་བསྟན་པ་དེ་ལས་བསླང་བར་བྱའོ། །གལ་ཏེ་དེ་ལྟ་བུ་ཡང་མེད་ན་སྨན་ཁང་ནས་བསླང་བར་བྱའོ། །གལ་ཏེ་དེ་ནས་ཀྱང་མ་རྙེད་ན་རང་གིས་ལས་ལ་བལྟ་ཞིང་བཟའ་བ་དང ། བཏུང་བ་དང ། མྱང་བ་ཙམ་ལ་གནས་པར་བྱའོ། །ཇི་སྟེ་མིན་བར་གྱུར་པ་ཞིག་ན་སོ་ཤིང་བཟའ་བར་བྱ་ཞིང ། ཕྱོགས་གང་དུ་མཁན་པོས་སོ་ཤིང་བོར་བའི་ཕྱོགས་སུ་ཕྱག་དར་དང ། དཀྱིལ་འཁོར་བྱས་ནས་སྟ་ན་གདིང་ཞིང ། ཆུ་སྣོད་དང ། ཆོལ་ཟངས་དང ། འདག་ཆལ་དང ། སོ་ཤིང་གཞག་པར་བྱའོ། །སོ་ཤིང་བོར་ནས་ཆོལ་ཟངས་བསླང་བར་བྱའོ། །གལ་ཏེ་མིག་ནད་ཅན་ཞིག་ན། སྨན་པས་བསྒོ་བའི་མིག་སྨན་སྦྱར་</font><hr>Da345a<br><font size=+2>


༄#། །བར་བྱ་སྟེ། མིག་སྨན་སྦྱར་ནས་སྦྱིན་པར་བྱ་ཞིང ། དེ་སླར་ཡང་བླང་བར་བྱའོ། །ཆོས་གོས་དག་ཀྱང་སྦྱིན་པར་བྱ་ཞིང ། ནམ་ཆོས་གོས་བགོས་ནས་མཆོད་རྟེན་དག་ལ་ཕྱག་བྱེད་ན། དེ་ནས་གནས་ཁང་ཆག་ཆག་གིས་གདབ་ཅིང་ཕྱག་དར་བྱའོ། །གལ་ཏེ་རྡུལ་ཡོད་པར་གྱུར་ན་བ་ལང་གི་ལྕི་བའམ། ལོ་མ་སྔོན་པོས་ཇི་ཙམ་པ་དེ་བྱུག་པར་བྱའོ། །དེ་ནས་མཆོད་རྟེན་ལ་ཕྱག་བྱ་ཞིང ། ཚངས་པ་མཚུངས་པར་སྤྱོད་པ་ལ་ཡང་ཅི་ནུས་ཀྱིས་ཕྱག་བྱའོ། །དེ་ནས་བསམ་གཏན་དང ། ཀློག་པའི་སྦྱོར་བས་གནས་པར་བྱའོ། །དུས་ཚོད་ཤེས་ནས་ལྷུང་བཟེད་གཉིས་བཀྲུས་ཏེ། གལ་ཏེ་བསོད་སྙོམས་པ་ཞིག་ན་ལྷུང་བཟེད་ལྕི་བ་དེ་དག་གིས་བཀུར་བར་བྱ་ཞིང ། གང་ཡང་བ་དེ་མཁན་པོ་ལ་སྦྱིན་པར་བྱའོ། །གལ་ཏེ་གང་གྲང་བའི་དུས་སུ་གྱུར་ན་སྣམ་སྦྱར་གང་ལྕི་བ་དེ་མཁན་པོ་ལ་སྦྱིན་པར་བྱ་ཞིང ། གང་ཡང་བ་དེ་བདག་གིས་བགོ་བར་བྱའོ། །ཇི་སྟེ་དྲོ་བ་ཞིག་ཏུ་གྱུར་ན་གང་ཡང་བ་དེ་མཁན་པོ་ལ་སྦྱིན་པར་བྱ་ཞིང ། གང་ལྕི་བ་དེ་བདག་གིས་བཀུར་བར་བྱའོ། །གལ་ཏེ་ལམ་མི་བདེ་བར་གྱུར་ན་སྔོན་དུ་འགྲོ་བར་བྱ་ཞིང ། ཅི་སྟེ་བདེ་བ་ཞིག་ན་ཕྱི་བཞིན་འགྲོ་བར་བྱའོ། །གལ་ཏེ་ཆུ་རྒལ་བར་གྱུར་ན་མཁན་པོའི་ལག་པ་ནས་བཟུང་བར་བྱའོ། །སྤྱོད་ཡུལ་དུ་འགྲོ་བ་ན་མཁན་པོ་ལ། མཁན་པོ་བསོད་སྙོམས་ལ་ལྷན་ཅིག་གཤེགས་སམ། འོན་ཏེ་སོ་སོར་གཤེགས། ཞེས་དྲིས་ཤིག་།གལ་ཏེ་ལྷན་ཅིག་གོ་ཞེས་</font><hr>Da345b<br><font size=+2>


ཟེར་ན། དེ་བཞིན་དུ་ལྷན་ཅིག་ཏུ་འགྲོ་བར་བྱ་ཞིང་སོང་བ་ལས་གལ་ཏེ་ཕྱེ་ཞིག་རྙེད་ན་བདག་གི་ལྷུང་བཟེད་དུ་བླང་བར་བྱའོ། །ཅི་སྟེ་འབྲས་ཆན་ཞིག་ན་ནི་མཁན་པོའི་ལྷུང་བཟེད་དུ་ལྷུགས་ཤིག ། ཅེས་སྨྲ་བར་བྱའོ། །མོན་སྲན་གྲེའུ་ལས་བྱས་པའམ། འབྲས་ཕྱེ་ལས་བྱས་པའི་བཟའ་བ་རྙེད་ན་བདག་གི་ལྷུང་བཟེད་དུ་བླང་བར་བྱའོ། །ཅི་སྟེ་བཟའ་བ་ཁ་ན་ད་ཞིག་རྙེད་ན་མཁན་པོའི་ལྷུང་བཟེད་དུ་ལྷུགས་ཤིག་།ཅེས་སྨྲ་བར་བྱའོ། །ཅི་སྟེ་དར་བ་བསྐོལ་བའམ། རྩབ་མོའི་ཁུ་བ་བསྐོལ་པ་ཞིག་རྙེད་ན་བདག་གི་ལྷུང་བཟེད་དུ་བླང་བར་བྱའོ། །ཅི་སྟེ་འོ་མའམ། ཞོའམ། ཁུ་བ་སྦྱར་བ་ཞིག་ན་མཁན་པོའི་ལྷུང་བཟེད་དུ་ལྷུགས་ཤིག་།ཅེས་སྨྲ་བར་བྱའོ། །དེ་ནས་གནས་ཁང་དུ་ཕྱིན་ནས་དཀྱིལ་འཁོར་གཉིས་བྱ་ཞིང ། ལོ་མ་ལྷགས་པ་དག་བླངས་ནས། སྟན་གཉིས་གཞག་པར་བྱའོ། །དེ་ནས་འདུག་སྟེ་ཟས་ཀྱི་བྱ་བ་བྱའོ། །ཅི་སྟེ་བསོད་སྙོམས་ལ་སོ་སོར་སོང་ན། བསོད་སྙོམས་བླངས་པ་དག་མཁན་པོ་ལ། མཁན་པོ་བསོད་སྙོམས་འདི་ནི་བདག་གིས་རྙེད་དོ། །དེ་ལས་གང་བཞེད་པ་དེ་བླང་དུ་གསོལ་ཞེས་སྨྲ་བར་བྱའོ། །དེས་ཀྱང་དེ་ལ་ཚོད་རིག་པར་བྱོས་ཤིག་།ཅི་སྟེ་དགེ་འདུན་ལས་འཐོབ་པར་འགྱུར་བ་ཞིག་ན། སྣོད་དག་བཀྲུས་ལ་ཚང་མང་དུ་སོང་སྟེ། གཙང་སྦྱོར་ལ་དྲི་བར་བྱ་སྟེ། ཚེ་དང་ལྡན་པ་དེང་དགེ་འདུན་གྱི་སྐྱུ་རུམ་ཅི་ཞིག་བྱས། དེས་ཀྱང་གུས་པར་གྱིས་ལ། དེ་ལ་སྨྲ་བར་བྱའོ། །དེ་ནས་དེས་མཁན་པོ་ལ། མཁན་པོ་དགེ་འདུན་གྱི་སྐྱུ་རུམ་</font><hr>Da346a<br><font size=+2>


༄#། །འདི་དང་འདི་ལྟ་བུ་ཞིག་བགྱིས་ན། དེ་ལས་གང་བཞེད་པ་དེ་བླང་དུ་གསོལ། ཞེས་སྨྲོས་ཤིག་།དེས་ཀྱང་དྲོད་རིག་པར་བྱོས་ཤིག་།དེ་ནས་ཕྱོགས་གང་དུ་མཁན་པོས་ལག་པ་བཀྲུས་པའི་ས་ཕྱོགས་དེར་དཀྱིལ་འཁོར་བྱོས་ལ། སྟན་དང ། རིལ་བ་སྤྱི་བླུགས་དང ། འདག་ཆལ་དང ། སོ་ཤིང་དག་ཉེ་བར་གཞག་པར་བྱ་ཞིང ། མཁན་པོའི་རྐང་པ་ཡང་བཀྲུ་བར་བྱའོ། །རྐང་པ་བཀྲུས་ནས་ལྷ་མ་གཉིས་བྱི་དོར་བྱས་ཏེ་སྦྱིན་པར་བྱའོ། །ཁྲུས་མི་བྱེད་ན་ཆུ་དང ། ས་དང ། འབྲུ་མར་གྱི་སྣོད་དག་སྦྱིན་པར་བྱའོ། །དེ་ནས་ཟས་ཀྱི་སྙོམས་པ་བསྡུས་ནས། མཁན་པོ་ལ་ཅི་འདི་ཉིད་དུ་དགེ་བའི་ཕྱོགས་མཛད་དམ། འོན་ཏེ་ཉིན་པར་གནས་པར་གཤེགས། ཞེས་དྲི་བར་བྱའོ། །གལ་ཏེ་ཉིན་པར་གནས་པར་འགྲོ་ཞེས་ཟེར་ན། དེས་སྟན་བླངས་ནས་འགྲོ་ཞིང ། ཉིན་པར་གནས་པར་ཕྱག་དར་དང ། ཆག་ཆག་བྱོས་ལ། སྟན་གདིང་བར་བྱ་ཞིང ། དུས་དུས་སུ་བ་ལང་གཞོན་ནུའི་ལྕི་བས་བསྐུ་བར་བྱའོ། ། གལ་ཏེ་བཀླག་པ་རྒྱས་པར་བྱེད་ན་དེ་ལ་བསྟན་པར་བྱའོ། །ཅི་སྟེ་བསམ་གཏན་རྒྱས་པར་བྱེད་ན་ཡིད་ལ་བྱ་བ་བསྟན་པར་བྱའོ། །ཉིན་པར་གནས་པ་ནས་འོངས་ནས། མལ་སྟན་བརྟགས་ནས་ལག་པ་དང་རྐང་པ་བཀྲུས་ཏེ་མཆོད་རྟེན་ལ་ཕྱག་བྱའོ། །ཚངས་པ་མཚུངས་པར་སྤྱོད་པ་ལ་ཡང་ཕྱག་བྱོས་ལ། མཁན་པོའི་ཁྲིའུ་དང ། ཆུ་དང ། ལྷམ་དང ། འབྲུ་མར་གྱི་སྣོད་དག་ཉེ་བར་</font><hr>Da346b<br><font size=+2>


གཞག་པར་བྱའོ། །གལ་ཏེ་རྐང་པ་འཁྲུ་ན་བཀྲུས་ལ་བསྐུ་བར་བྱའོ། །དེ་ལྟ་མ་ཡིན་ན་ཆུ་དང་ས་སྦྱིན་པར་བྱའོ། །གལ་ཏེ་གྲང་བའི་དུས་སུ་གྱུར་ན་དུས་བྱིན་གྱིས་རློབས་ལ་མེ་བུད་པར་བྱའོ། །དྲོ་བར་གྱུར་ན་གློར་བསིལ་ཡབ་གཞག་པར་བྱའོ། །དེས་ཀྱང་དུས་ཤེས་པར་བྱ་སྟེ་བཟླས་པ་དང ། ཁ་ཏོན་བྱེད་དུ་གཞུག་གོ། །ལྷུང་བཟེད་ལ་སོགས་པ་ལས་གང་ཅུང་ཟད་ཅི་བྱ་བ་དེ་ཐམས་ཅད་སྔར་མཁན་པོ་དང ། སློབ་དཔོན་གྱི་བྱས་ལ་ཕྱིས་བདག་གི་བྱའོ། །ངག་ལྡན། ལྷན་ཅིག་སྤྱོད་པ་དང ། ཉེ་གནས་དག་གིས་མཁན་པོ་དང ། སློབ་དཔོན་ལ་དེ་ལྟར་ཉེ་བར་བསྒྲུབ་པར་བྱ་སྟེ། རྣམ་པ་དེ་ལྟ་བུས་མཁན་པོ་དང་སློབ་དཔོན་ལ་ལྷན་ཅིག་སྤྱོད་པ་དང ། ཉེ་གནས་རྣམས་ཀྱིས་བསྒྲུབས་ན་ཆུའི་ནང་གི་མེ་ཏོག་ཨུཏྤ་ལ་བཞིན་དུ་དགེ་བའི་ཆོས་མངོན་པར་འཕེལ་བར་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཞེ་དགུ་པ། གླེང་གཞི་ནི་རྒྱལ་པོའི་ཁབ་ནའོ། །དེ་ནས་ཡང་དེའི་ཚེ་རི་ནག་པོ་ལ་དགེ་སློང་འགྲོ་མགྱོགས་དང ། ནབ་སོ་དང ། དགེ་སློང་དམར་སེར་དག་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་གནས་སོ། །དེ་དག་བུད་མེད་དག་དང་ལྷན་ཅིག་ཏུ་འདུག་།ལྷན་ཅིག་ཁ་དཔྱ་ཟེར། ལྷན་ཅིག་རྩེ་བར་བྱེད། ལྷན་ཅིག་ཅ་ཅོ་འདོན། །འཕྱར་གཡེང་དང ། ལུས་ཀྱིས་སྙོགས་པར་བྱེད། སྟན་གཅིག་ལ་འདུག་པར་བྱེད། སྣོད་གཅིག་ཏུ་ལོངས་སྤྱོད་པར་བྱེད། ཕོར་བུ་གཅིག་ཏུ་ཆང་རྣམ་པ་མང་པོ་འཐུང་བར་བྱེད། མེ་ཏོག་འཐོག་པར་བྱེད། འཐོག་ཏུ་འཇུག་</font><hr>Da347a<br><font size=+2>


༄#། །ཕྲེང་བ་བརྒྱུད་པར་བྱེད། བརྒྱུད་དུ་འཇུག་།མེ་ཏོག་རྒྱན་དག་འཆིང་ཞིང་འཆིང་དུ་འཇུག་།གར་བྱེད། བྱེད་དུ་འཇུག་།གླུ་ལེན་པར་བྱེད། རོལ་མོའི་ཆ་བྱད་འབུད་པར་བྱེད། འབུད་དུ་འཇུག་།གར་མཁས་པ་དང ། གླུ་སྙན་པ་དང ། རོལ་མོའི་ཆ་བྱད་འབུད་མཁས་པ་ལ་གླ་སྦྱིན་པར་བྱེད། གོས་རྣམས་བརྫེས་ནས་རྒྱུག་པར་བྱེད། མཆོང་བར་བྱེད། རྒལ་བར་བྱེད། རྐང་པ་གཅིག་བསྐུམ་སྟེ་སྐོར་བར་བྱེད། ལག་འགྲོས་ཀྱིས་ཀྱང་སྐོར་བར་བྱེད། ཉ་ཚར་གྱིས་ཀྱང་སྐོར་བར་བྱེད། ཆུ་བགགས་ཤིང་གཏོང་བར་བྱེད། ཆུ་ལ་སྦལ་པའི་སྐད་འབྱིན། ཆུ་ལ་རྔའི་སྒྲ་ཡང་འབྱིན། གླང་པོ་ཆེའི་སྐད་ཀྱང་འབྱིན། ཁྲུང་ཁྲུང་གི་སྐད་ཀྱང་འབྱིན། རྟའི་སྐད་ཀྱང་འབྱིན། ཁྱུ་མཆོག་འགྱིང་པའི་སྐད་ཀྱང་འབྱིན། ཁས་རྫ་རྔའི་སྒྲ་ཡང་འབྱིན། ཁས་དུང་དང ། ཁས་རྔ་དང ། རྨ་བྱའི་སྐད་ཀྱང་འབྱིན། ཁུ་བྱུག་གི་སྐད་ཀྱང་འབྱིན། གླང་པོ་ཆེའི་འཐབ་མོ་ཡང་བྱེད། རྟའི་འཐབ་མོ་དང ། ཁྱུ་མཆོག་གི་འཐབ་མོ་དང ། མ་ཧེའི་འཐབ་མོ་དང ། རའི་འཐབ་མོ་དང ། ལུག་ཐུག་གི་འཐབ་མོ་དང ། བུད་མེད་ཀྱི་འཐབ་མོ་དང ། སྐྱེས་པའི་འཐབ་མོ་དང ། གཞོན་ནུ་མའི་འཐབ་མོ་དང ། བྱ་གག་གི་འཐབ་མོ་དང ། སྲེག་པའི་འཐབ་མོ་དང ། འུར་པའི་འཐབ་མོ་དང ། བྱ་གག་དང ། སྲེག་པ་དང ། འུར་པ་དག་གི་འཐབ་མོ་ཡང་བྱེད། བྱེད་དུ་འཇུག་ཅིང ། གཞན་ཡང་དགེ་སྦྱོང་གི་ལས་མ་ཡིན་པ་བྱེད་དེ། དེ་དག་གི་ཚུལ་དང ། སྤྱོད་</font><hr>Da347b<br><font size=+2>


པ་དང ། ལོག་པར་སྒྲུབ་པ་དེས་རི་ནག་པོར་དགེ་སློང་མ་འོངས་པ་རྣམས་ནི་མི་འོང་ཞིང ། འོངས་པ་རྣམས་ཀྱང་མི་འདོད་པས་རི་ནག་པོའི་གནས་འདོར་བར་བྱེད་དོ། །རི་ནག་པོ་ན་གནས་པའི་བྲམ་ཟེ་དང ། ཁྱིམ་བདག་རྣམས་འདི་ལྟར་དགེ་སློང་འདི་དག་ནི་དགེ་སྦྱོང་གི་ལས་མ་ཡིན་པ་བྱེད་དོ་ཞེས་ཁ་ཟེར་བར་བྱེད། འཕྱ་བར་བྱེད། ཕྱར་ཀ་གཏོང་བར་བྱེད་དོ། །ཞེས་སྐབས་དེ་དགེ་སློང་རྣམས་ཀྱིས་ཐོས་ནས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང ། ཁྱིམ་བདག་ཁ་ཟེར་ཞིང་འཕྱ་བ་དང ། ཕྱར་ཀ་གཏོང་བ་ནི་གནས་ཡིན་ཏེ། དེ་ལྟ་བས་ན་དགེ་སློང་དག་གིས་དགེ་སྦྱོང་གི་ཚུལ་མ་ཡིན་པའི་ལས་དེ་ལྟ་བུ་མི་བྱ་ཞིང་བྱེད་དུ་ཡང་མི་གཞུག་གོ། །དགེ་སློང་དག་གིས་དེ་ལྟ་བུའི་དགེ་སྦྱོང་གི་ཚུལ་མ་ཡིན་པའི་ལས་བྱས་སམ་བྱེད་དུ་བཅུག་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ་བཞུགས་སོ། །དེ་ནས་ཡང་དེའི་ཚེ་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་དང ། ཡུལ་སྤོང་བྱེད་པ་རྣམས་ཕན་ཚུན་མི་མཐུན་པར་གྱུར་ནས། དེས་འཁོར་དེ་རྣམས་ལ་ཚིག་འདི་སྐད་ཅེས་སྨྲས་སོ། །ངས་ཡུལ་སྤོང་བྱེད་བ་རྣམས་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང ། མི་མང་པོས་གང་བ་འདི་གཞོམ་པར་བྱ། ཐལ་བར་བྱ། ཚུལ་མ་ཡིན་པས་རྨེག་མེད་པར་བྱའོ་ཞེས་སྨྲས་སོ། །དེ་ནས་ལུས་འཕགས་མའི་བུ་ཡུལ་</font><hr>Da348a<br><font size=+2>


༄#། །མ་ག་དྷའི་རྒྱལ་པོ་མ་སྐྱེས་དགྲས་ཡུལ་མ་ག་དྷའི་སྣ་ཆེན་པོ་ལ་གཏོགས་པའི་བྲམ་ཟེ་དབྱར་བྱེད་ལ་འདི་སྐད་ཅེས་སྨྲས་སོ། །དབྱར་བྱེད་ཚུར་ཤོག་།བཅོམ་ལྡན་འདས་གང་ན་བ་དེར་སོང་ལ། སོང་ནས་ངའི་ཚིག་གིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱོས་ལ། གནོད་པ་ཆུང་ངམ། ཉམ་ང་བ་མི་མ་ངའམ། བསྐྱོད་པ་ཡང་ངམ། འཚོའམ། སྟོབས་དང ། བདེ་བ་ལ་རེག་པར་གནས་སམ། ཁ་ན་མ་ཐོ་བ་མི་མངའམ། ཞེས་སྙུན་གསོལ་ལ། འདི་སྐད་ཅེས་བཙུན་པ་ལུས་འཕགས་མའི་བུ་ཡུལ་ག་དྷའི་རྒྱལ་པོ་མ་སྐྱེས་དགྲ་དང ། ཡུལ་སྤོང་བྱེད་པ་རྣམས་ཕན་ཚུན་མི་མཐུན་པར་གྱུར་ཏེ། དེས་འཁོར་རྣམས་ལ་ཚིག་འདི་སྐད་ཅེས་མཆིའོ། །ངས་ཡུལ་སྤོང་བྱེད་པ་རྣམས་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང ། མི་མང་པོས་གང་བ་འདི་གཞོམ་པར་བྱ། །ཐལ་བར་བྱ། ཚུལ་མ་ཡིན་པས་རྨེག་མེད་པར་བྱའོ་ཞེས་མཆི་ན། དེ་ལ་བཅོམ་ལྡན་འདས་ཀྱིས་བཀའ་ཅི་སྩལ། ཅེས་ཞུས་ལ། བཅོམ་ལྡན་འདས་ཀྱིས་ཇི་ལྟར་ལུང་བསྟན་བ་དེ་བཞིན་དུ་ཟུང་ཞིག་།དབྱར་བྱེད། དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ལོག་པར་གསུངས་པ་མ་ཡིན་ནོ། །ཞེས་སྨྲས་ནས། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས། ལྷ། བཀའ་བཞིན་འཚལ་ཞེས་ལུས་འཕགས་</font><hr>Da348b<br><font size=+2>


མའི་བུ་ཡུལ་མ་གད་དྷའི་རྒྱལ་པོ་མ་སྐྱེས་དགྲའི་ལྟར་མཉན་ནས། རྟ་རྒོད་མ་དང་ལྡན་པའི་ཤིང་རྟ་ཐམས་ཅད་ནས་དཀར་བའི་ནང་དུ་ཞུགས་ཏེ། གསེར་གྱི་འཁར་བ་དང ། རིལ་བ་སྤྱི་བླུགས་ཐོགས་བཞིན་དུ་རྒྱལ་པོའི་ཁབ་ནས་བྱུང་སྟེ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་སོང་སྟེ། དེ་ཇི་ཙམ་བཞོན་པའི་ས་དེའི་བར་དུ་བཞོན་པས་སོང་ནས། བཞོན་པ་ལས་བབས་ཏེ། རྐང་པས་བྱ་རྒོད་ཕུང་པོའི་རི་ལ་འཛེགས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ་བཅོམ་ལྡན་འདས་གོའུ་ཏ་མ་ཁྱོད་ཀྱི་ཞབས་ལ་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་མགོ་བོས་ཕྱག་འཚལ་ནས་གནོད་པ་ཆུང་ངམ། ཉམ་ང་བ་མི་མངའམ། བསྐྱོད་པ་ཡང་ངམ། སྟོབས་དང ། བདེ་བ་ལ་རེག་པར་གནས་སམ། ཁ་ན་མ་ཐོ་བ་མི་མངའམ་ཞེས་སྙུན་གསོལ་ལགས་སོ། །ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་དང ། དབྱར་བྱེད་ཁྱོད་ཀྱང་བདེ་ལེགས་སུ་གྱུར་ཅིག་།ཀྱེ་གོའུ་ཏ་མ་ལུས་འཕགས་མའི་བུ་ཡུལ་མ་ག་དྷའི་</font><hr>Da349a<br><font size=+2>


༄#། །རྒྱལ་པོ་མ་སྐྱེས་དགྲ་དང ། ཡུལ་སྤོང་བྱེད་པ་རྣམས་ལྷན་ཅིག་ཏུ་མི་མཐུན་པར་གྱུར་ནས། དེས་འཁོར་རྣམས་ལ་འདི་སྐད་ཅེས་མཆིའོ། །ངས་ཡུལ་སྤོང་བྱེད་པ་རྣམས་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང ། མི་མང་པོས་གང་བ་འདི་གཞོམ་པར་བྱ། ཐལ་བར་བྱ། ཚུལ་མ་ཡིན་པས་རྨེག་མེད་པར་བྱའོ་ཞེས་མཆི་ན། ཀྱེ་བཅོམ་ལྡན་འདས་གོའུ་ཏ་མ་བཀའ་ཅི་སྩལ། དབྱར་བྱེད་འདི་ནི་གཅིག་ཏུ་ངེས་པ་མ་ཡིན་ཏེ། དབྱར་བྱེད་ང་དུས་གཅིག་ཅིག་ན་ཡུལ་སྤོང་བྱེད་ཙ་པ་ལའི་མཆོད་རྟེན་གྱི་དྲུང་ན་བཞུགས་པ་ན། ངས་ཡུལ་སྤོང་བྱེད་ཀྱི་གནས་དེར་ཡོངས་སུ་ཉམས་པར་མི་འགྱུར་བའི་ཆོས་བདུན་བཤད་དོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་དག་ཡོངས་སུ་ཉམས་པར་མི་འགྱུར་བའི་ཆོས་བདུན་ཡང་དག་པར་བླངས་ནས་སྤྱོད་ཅིང ། ཡུལ་སྤོང་བྱེད་པ་རྣམས་ལ་ཡོངས་སུ་ཉམ་པར་མི་འགྱུར་བའི་ཆོས་བདུན་ཀུན་ཏུ་སྣང་ན། ཡུལ་སྤོང་བྱེད་པ་རྣམས་འདོད་པའི་དགེ་བའི་ཆོས་འཕེལ་བར་འགྱུར་གྱི། ཉམས་པར་མི་འགྱུར་རོ། །གོའུ་ཏ་མ་འདི་ལྟར་མདོར་བཀའ་སྩལ་གྱི། དེ་རྣམ་པར་མ་ཕྱེ་བས་བདག་གིས་དོན་རྒྱས་པར་མ་འཚལ་ན། གོའུ་ཏ་མས་མདོར་གསུངས་པའི་དོན་དེ་རྣམ་པར་ཕྱེ་སྟེ་རྒྱས་པར་བཤད་ན། འདི་ལྟར་བཅོམ་ལྡན་འདས་གོའུ་ཏ་མས་རྣམ་པར་ཕྱེ་སྟེ་རྒྱས་པར་གསུངས་པའི་དོན་དེ་བདག་གིས་ལེགས་པར་འཚལ་</font><hr>Da349b<br><font size=+2>


པར་འགྱུར་ལགས་སོ། །དེ་ནས་ཡང་དེའི་ཚེ་བཅོམ་ལྡན་འདས་ཀྱི་སྣམ་ལོགས་ན་ཚེ་དང་ལྡན་པ་ཀུན་དགའ་བོ་བསིལ་ཡབ་ཐོགས་ཏེ། བཅོམ་ལྡན་འདས་ལ་གཡོབ་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཅི་ཀུན་དགའ་བོ་ཡུལ་སྤོང་བྱེད་པ་རྣམས་ཡང་དང་ཡང་དུ་འདུ་ཞིང ། ཡང་དང་ཡང་དུ་འདུ་བ་ལས་རིང་དུ་གནས་པར་ཐོས་སམ། བཙུན་པ་བདག་གིས་ནི་ཐོས་ལགས་ཏེ། ཡུལ་སྤོང་བྱེད་པ་རྣམས་ཡང་དང་ཡང་དུ་འདུ་ཞིང ། ཡང་དང་ཡང་དུ་འདུ་བ་ལས་རིང་དུ་གནས་ལགས་སོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་ཡང་དང་ཡང་དུ་འདུ་ཞིང་རིང་དུ་གནས་པ་ལས། ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་པར་ཤེས་པར་བྱའོ། །ཅི་ཀུན་དགའ་བོ་ཡུལ་སྤོང་བྱེད་པ་རྣམས་མཐུན་པར་འདུག་ཅིང་མཐུན་པར་འགྲོའམ། ཡུལ་སྤོང་བྱེད་པ་རྣམས་ཀྱི་དགོས་པ་དང ། བྱ་བ་མཐུན་པར་བྱེད་པར་ཐོས་སམ། བཙུན་པ་བདག་གིས་ཐོས་ལགས་ཏེ། ཡུལ་སྤོང་བྱེད་པ་རྣམས་མཐུན་ལགས་སོ། །ཞེས་བྱ་བའི་བར་གོང་མ་བཞིན་དུའོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་མཐུན་པར་འདུག་ཅིང་མཐུན་པར་འགྲོ་བ་དང ། ཡུལ་སྤོང་བྱེད་པ་རྣམས་ཀྱི་དགོས་པ་དང ། བྱ་བ་མཐུན་པར་བྱས་པ་ལས། ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །ཅི་ཀུན་</font><hr>Da350a<br><font size=+2>


༄#། །དགའ་བོ་ཡུལ་སྤོང་བྱེད་པ་རྣམས་སྨོན་པ་མ་ཡིན་པ་ལ་ནི་སྨོན་པར་མི་བྱེད། སྨོན་པ་ནི་ཀུན་ཏུ་འདོར་བར་མི་བྱེད་ཅིང ། ཇི་ལྟར་ཡུལ་སྤོང་བྱེད་པ་རྣམས་ཀྱིས་ཁྲིམས་བཅས་པ་བཞིན་ཡང་དག་པར་བླངས་ནས་སྤྱོད་དོ། །ཞེས་ཐོས་སམ། བཙུན་པ་བདག་གིས་ཐོས་ལགས་ཏེ། ཡུལ་སྤོང་བྱེད་པ་རྣམས་སྨོན་པ་མ་ཡིན་པ་ལ་ནི་སྨོན་པར་མི་བགྱིད་སྨོན་པ་ནི་ཀུན་ཏུ་འདོར་བར་མི་བགྱིད་ཅིང ། ཇི་ལྟར་ཡུལ་སྤོང་བྱེད་པ་རྣམས་ཀྱིས་ཁྲིམས་བཅས་པ་བཞིན་ཡང་དག་པར་བླངས་ནས་སྤྱོད་ལགས་སོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་སྨོན་པ་མ་ཡིན་པ་ལ་ནི་སྨོན་པར་མི་བྱེད། སྨོན་པ་ནི་ཀུན་ཏུ་འདོར་བར་མི་བྱེད་ཅིང ། ཇི་ལྟར་ཡུལ་སྤོང་བྱེད་པ་རྣམས་ཀྱིས་ཁྲིམས་སུ་བཅས་པ་བཞིན་དུ་ཡང་དག་པར་བླངས་ནས་ཀུན་ཏུ་སྤྱོད་པ་ལས། ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །ཅི་ཀུན་དགའ་བོ་ཁྱོད་ཀྱིས་ཡུལ་སྤོང་བྱེད་པ་རྣམས་ཀྱིས། སྤོང་བྱེད་ཀྱི་བུད་མེད་རྣམས་དང ། སྤོང་བྱེད་ཀྱི་གཞོན་ནུ་མ་གང་དག་ཡིན་པ། འདི་ལྟ་སྟེ། ཕས་བསྲུངས་པ། མས་བསྲུངས་པ། མིང་པོས་བསྲུངས་པ། ཕུ་ནུ་མོས་བསྲུངས་པ། སྒྱུག་མོས་བསྲུངས་པ། གྱོས་པོས་བསྲུངས་པ། ཉེ་དུས་བསྲུངས་པ། རུས་ཀྱིས་བསྲུངས་པ། ཆད་པ་དང་བཅས་པ། སྒྲིབ་པ་དང་བཅས་པ། གཞན་གྱི་</font><hr>Da350b<br><font size=+2>


ཆུང་མ་གཞན་གྱིས་ཡོངས་སུ་གཟུང་བ་དག་དང་ཆུང་དུ་ན་མེ་ཏོག་གི་ཕྲེང་བ་བོར་བ་དེ་ལྟ་བུ་དག་ལ་ཡང་ཡུལ་སྤོང་བྱེད་པ་རྣམས་འཕྲལ་ལ་ཁྱད་དུ་བསད་ནས། མཐུས་འདོད་པ་ཀུན་ཏུ་མི་སྤྱོད་པ་ཐོས་སམ། བཙུན་པ་བདག་གིས་ཐོས་ལགས་ཏེ། ཡུལ་སྤོང་བྱེད་པ་རྣམས་སྤོང་བྱེད་ཀྱི་བུད་མེད་རྣམས་དང ། སྤོང་བྱེད་ཀྱི་གཞོན་ནུ་མ་གང་དག་ཡིན་པ། འདི་ལྟ་སྟེ། ཕས་བསྲུངས་པ་དང ། མས་བསྲུངས་པ་ཞེས་བྱ་བ་ནས། ཆུང་ངུ་ན་མེ་ཏོག་གི་ཕྲང་བ་བོར་བ་དེ་ལྟ་བུ་དག་ལ་ཡང ། ཡུལ་སྤོང་བྱེད་རྣམས་འཕྲལ་ལ་ཁྱད་དུ་བསད་ནས། མཐུས་འདོད་པ་ཀུན་ཏུ་མི་སྤྱོད་ལགས་སོ། །ཞེས་བྱ་བ་གོང་མ་བཞིན་ནོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་ཀྱི་སྤོང་བྱེད་ཀྱི་བུད་མེད་རྣམས་དང ། སྤོང་བྱེད་ཀྱི་གཞོན་ནུ་མ་གང་དག་ཅེས་བྱ་བ་ནས། ཆུང་དུ་ན་མེ་ཏོག་གི་ཕྲེང་བ་བོར་བ་དེ་ལྟ་བུ་དག་ལ་ཡང ། ཡུལ་སྤོང་བྱེད་པ་རྣམས་སུ་འཕྲལ་ལ་ཁྱད་དུ་བསད་ནས། མཐུས་འདོད་པ་ཀུན་ཏུ་མི་སྤྱོད་པ་ལས། ཡུལ་སྤོང་བྱེད་པ་རྣམས་ཀྱིས་དགེ་བའི་ཆོས་ཉམས་པར་མི་འགྱུར་ཞིང ། རྒྱས་པར་འགྱུར་བར་ཤེས་པར་བྱའོ། །ཅི་ཀུན་དགའ་བོ་ཁྱོད་ཀྱིས་ཡུལ་སྤོང་བྱེད་པ་རྣམས་སྤོང་བྱེད་ཀྱི་མི་རྒན་རབས་རྣམས་དང ། ཡ་རབས་རྣམས་དང ། ཕ་མའི་རྒྱུད་གང་དག་ལ་ཡུལ་སྤོང་བྱེད་པ་རྣམས་ཀྱིས་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། དེ་དག་གི་ཚིག་ལ་དད་པས་ཉན་པར་བྱེད། སེམས་པར་བྱེད་པར་ཐོས་སམ། བཙུན་པ་</font><hr>Da351a<br><font size=+2>


༄#། །བདག་གིས་ཐོས་ལགས་ཏེ། ཡུལ་སྤོང་བྱེད་པ་རྣམས་སྤོང་བྱེད་ཀྱི་རྒན་རབས་རྣམས་དང ། ཡ་རབས་རྣམས་དང ། ཕ་མའི་རྒྱུད་གང་དག་ལ་ཡུལ་སྤོང་བྱེད་པ་དེ་དག་བཀུར་སྟི་བགྱིད། བླ་མར་བགྱིད། རི་མོར་བགྱིད། མཆོད་པར་བགྱིད་ཅིང ། དེ་དག་གི་ཚིག་ལ་དད་པས་ཉན་པར་བགྱིད། སེམས་པར་བགྱིད་ལགས་སོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་ཡུལ་སྤོང་བྱེད་ཀྱི་རྒན་རབས་རྣམས་དང ། ཡ་རབས་རྣམས་དང ། ཕ་མའི་རྒྱུད་གང་དག་ལ་ཡུལ་སྤོང་བྱེད་པ་དེ་དག་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། དེ་དག་གི་ཚིག་ལ་དད་པས་ཉན་པར་བྱེད། སེམས་པར་བྱེད་པ་ལས། ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །ཅི་ཀུན་དགའ་བོ་ཁྱོད་ཀྱིས་ཡུལ་སྤོང་བྱེད་ཀྱི་ཕྱོགས་བཞི་པོ་གང་དག་ན། ཡུལ་སྤོང་བྱེད་ཀྱི་མཆོད་རྟེན་དེ་དག་ལ་ཡུལ་སྤོང་བྱེད་པ་རྣམས་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། དེ་དག་གིས་སྔོན་གྱི་མཚན་མར་བཟུང་བ་མི་འདོར་བར་ཐོས་སམ། བཙུན་པ་བདག་གིས་ཐོས་ལགས་ཏེ། ཡུལ་སྤོང་བྱེད་ཀྱི་ཕྱོགས་བཞི་པོ་གང་དག་ན། ཡུལ་སྤོང་བྱེད་ཀྱི་མཆོད་རྟེན་དེ་དག་ལ། ཡུལ་སྤོང་བྱེད་པ་རྣམས་བཀུར་སྟི་བགྱིད། བླ་མར་བགྱིད། རི་མོར་བགྱིད། མཆོད་པར་བགྱིད་ཅིང ། དེ་དག་གིས་སྔོན་གྱི་མཚན་མར་བཟུང་བ་མི་འདོར་ལགས་སོ། ། </font><hr>Da351b<br><font size=+2>


དབྱར་བྱེད་ཇི་སྲིད་དུ་ཡུལ་སྤོང་བྱེད་ཀྱི་ཕྱོགས་བཞི་པོ་གང་དག་ན། ཡུལ་སྤོང་བྱེད་ཀྱི་མཆོད་རྟེན་དེ་དག་ལ། ཡུལ་སྤོང་བྱེད་པ་རྣམས་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། དེ་དག་གིས་སྔོན་གྱི་མཚན་མར་བཟུང་བ་མི་འདོར་བ་ལས། ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །ཅི་ཀུན་དགའ་བོ་ཁྱོད་ཀྱི་ཡུལ་སྤོང་བྱེད་པ་རྣམས་དགྲ་བཅོམ་པ་རྣམས་ལ་དད་པའི་སེམས་དྲག་པོས་ཀུན་ཏུ་བསྲུངས་པ་དྲན་པ་ཉེ་བར་གནས་ཏེ། དགྲ་བཅོམ་པ་མ་བྱོན་པ་རྣམས་ནི་སྤྱན་འདྲེན་པར་བྱེད། བྱོན་པ་དག་ལ་མངོན་པར་དགའ་བར་བྱེད་ཅིང ། དེ་དག་ལ་ཆོས་གོས་དང ། བསོད་སྙོམས་དང ། མལ་སྟན་དང ། ནད་གསོས་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་མི་བྲེལ་བར་བྱེད་པ་ཐོས་སམ། བཙུན་པ་བདག་གིས་ཐོས་ལགས་ཏེ། ཡུལ་སྤོང་བྱེད་པ་རྣམས་དགྲ་བཅོམ་པ་རྣམས་ལ་དད་པའི་སེམས་དྲག་པོས་ཀུན་ཏུ་བསྲུངས་པ་དྲན་པ་ཉེ་བར་གནས་ཏེ། དགྲ་བཅོམ་པ་མ་བྱོན་པ་དག་ནི་སྤྱན་འདྲེན་པར་བགྱིད། བྱོན་པ་དག་ལ་ནི་མངོན་པར་དགའ་བར་བགྱིད་དེ། དེ་དག་ལ་ཆོས་གོས་དང ། བསོད་སྙོམས་དང ། མལ་སྟན་དང ། ནད་གསོས་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་མི་བྲེལ་བར་བགྱིད་ལགས་སོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་དགྲ་བཅོམ་པ་རྣམས་ལ་དད་པའི་སེམས་དྲག་པོས་ཀུན་ཏུ་བསྲུངས་པ་དྲན་པ་ཉེ་བར་གནས་པར་</font><hr>Da352a<br><font size=+2>


༄#། །གྱུར་ཅིང ། གང་དགྲ་བཅོམ་པ་མ་འོངས་པ་དག་ནི་སྤྱན་འདྲེན་པར་བྱེད། འོངས་པ་དག་ལ་ནི་མངོན་པར་དགའ་བར་བྱེད་ཅིང ། དེ་དག་ལ་ཆོས་གོས་དང ། བསོད་སྙོམས་དང ། མལ་སྟན་དང ། ནད་གསོས་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་མི་བྲེལ་བར་བྱེད་པ་ལས། ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས། ཀུན་ཏུ་སྤྱོད་ཅིང ། ཡུལ་སྤོང་བྱེད་པ་རྣམས་ལ་ཉམས་པར་མི་འགྱུར་བའི་ཆོས་འདི་བདུན་ཀུན་ཏུ་སྣང་བ་ལས། ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །ཀྱེ་གོའུ་ཏ་མ་རེ་ཞིག་ཡུལ་སྤོང་བྱེད་པ་རྣམས་ཡན་ལག་འདི་གཅིག་དང་ལྡན་ན་ཡང ། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས་ཐུབ་པར་མི་འགྱུར་ན། ཐམས་ཅད་དང་ལྡན་པ་ལྟ་སྨོས་ཀྱང་ཅི་འཚལ་བས། ཀྱེ་གོའུ་ཏ་མ་བདག་ལ་བགྱི་བ་མང་པ་དང ། བགྱི་བར་འགྱུར་བ་མང་བས་ད་མཆི་བར་འཚལ་ལོ། །དབྱར་བྱེད་དེའི་དུས་ལ་བབ་པར་ཤེས་ན་སོང་ཞིག་།དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་སྟེ། </font><hr>Da352b<br><font size=+2>


བཅོམ་ལྡན་འདས་ཀྱི་སྤྱན་སྔ་ནས་ལངས་ཏེ་སོང་ངོ ། །དེ་ནས་བཅོམ་ལྡན་འདས་ཀྱིས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་སོང་ནས། རིང་པོ་མ་ལོན་པར་མཁྱེན་ཏེ། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་སོང་ལ་བྱ་རྒོད་ཕུང་པོའི་རི་ལ་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་འདིར་སྡུས་ཤིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། བྱ་རྒོད་ཕུང་པོའི་རི་ལ་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་སུ་བསྡུས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་སྟེ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བྱ་རྒོད་ཕུང་པོའི་རིལ་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་སུ་འདུས་ཤིང་མཐུན་པར་འགྱུར་ལགས་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་རིམ་གྲོའི་གནས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་དེ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ལ་</font><hr>Da353a<br><font size=+2>


༄#། །ངས་ཉམས་པར་མི་འགྱུར་བའི་ཆོས་བདུན་བཤད་ཀྱི་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་པར་བྱའོ། །ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་ཡང་དང་ཡང་དུ་འདུ་ཤིང ། ཡང་དང་ཡང་དུ་འདུ་བ་ལས་རིང་དུ་གནས་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་མཐུན་པར་འདུ་ཞིང་མཐུན་པར་འགྲོ་བ་དང ། དེ་དགེ་འདུན་གྱི་དོན་དང་དགེ་འདུན་གྱི་བྱ་བ་མཐུན་པར་བྱེད་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང ། རྒྱས་པར་གྱུར་པར་ཤེས་པར་བྱའོ། །དགེ་སློང་དག་ཇི་སྲིད་དུ་སྨོན་པ་མ་ཡིན་པ་ལ་ནི་སྨོན་པར་མི་བྱེད། སྨོན་པ་ནི་ཀུན་ཏུ་འདོར་བར་མི་བྱེད་ཅིང ། ཇི་ལྟར་བསླབ་པ་བཅས་པ་བཞིན་ཡང་དག་པར་བླངས་ཏེ་སྤྱོད་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡང་འབྱུང་བའི་སྲིད་པ་དགའ་བའི་འདོད་ཆགས་སྐྱེས་ཤིང་འབྱུང་བར་འགྱུར་བ་དེ་དང་དེ་དག་ལ་མངོན་པར་རྗེས་སུ་དགའ་བའི་དབང་དུ་མ་གྱུར་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གནས་བརྟན་རྒྱལ་པོ་ལྟ་བུ་རབ་ཏུ་བྱུང་ནས་ཡུན་རིང་དུ་ལོན་པ། ཚངས་པར་སྤྱད་པ་གོམས་པར་བྱས་པ། སྟོན་པས་</font><hr>Da353b<br><font size=+2>


བསྔགས་པ། ཀུན་ཏུ་བསྒོམས་པ། རྣམ་པར་རིག་པའི་ཚངས་པར་མཚུངས་པར་སྤྱོད་པ་དེ་ལྟ་བུ་དེ་དག་ལ་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད། དེ་དག་གི་ཚིག་ལ་དད་པས་ཉན་པར་བྱེད། སེམས་པར་བྱེད་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་དགོན་པ་དང ། ནགས་ཁྲོད་དང ། བས་མཐར་གནས་མལ་འཆའ་བར་བྱེད་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཚངས་པ་མཚུངས་པར་སྤྱོད་པ་རྣམས་ལ་དད་པའི་སེམས་དྲག་པོས་ཀུན་ཏུ་བསྲུངས་པ་དྲན་པ་ཉེ་བར་གནས་པར་གྱུར་ཅིང ། གང་ཚངས་པ་མཚུངས་པར་སྤྱོད་པ་མ་འོངས་པ་དེ་དག་ནི་འབོད་པར་བྱེད་ཅིང ། འོངས་པ་དག་ལ་ནི་མངོན་པར་དགའ་བར་བྱེད་དེ། དེ་དག་ལ་འདི་ལྟར་ཆོས་གོས་དང ། བསོད་སྙོམས་དང ། མལ་སྟན་དང ། ནད་གསོས་ཀྱི་རྐྱེན་སྨན་དང ། ཡོ་བྱད་དག་གིས་མི་བྲེལ་བར་བྱེད་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་སྤྱོད་ཅིང ། དགེ་སློང་དག་ཉམས་པར་མི་འགྱུར་བའི་ཆོས་འདི་བདུན་ཀུན་ཏུ་སྣང་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་</font><hr>Da354a<br><font size=+2>


༄#། །པར་བྱའོ། །དགེ་སློང་དག་གཞན་ཡང་ངས་ཁྱེད་ཅག་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བཤད་པར་བྱས། དེ་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་སྟོན་པ་ལ་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། སྟོན་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པར་བྱས་ནས། ཉེ་བར་རྟེན་ཅིང་གནས་པ་ལས། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །བསླབ་པའི་ཆོས་ཀྱིས་རྗེས་སུ་བག་ཡོད་པས་སྟོན་ཅིང ། རབ་ཏུ་རྣམ་པར་འབྱེད་པ་ལ་ཏིང་འཛིན་དུ་བྱེད། བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། ཏིང་འཛིན་དུ་བྱས། བཀུར་སྟི་བྱས། བླ་མར་བྱས། རི་མོར་བྱས། མཆོད་པར་བྱས་ནས། ཉེ་བར་རྟེན་ཅིང་གནས་པ་ལས། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་ཀུན་ཏུ་སྤྱོད་ལ། དགེ་སློང་དག་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཀུན་ཏུ་སྣང་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གཞན་ཡང་</font><hr>Da354b<br><font size=+2>


ངས་ཁྱེད་ཅག་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བསྟན་པར་བྱས། དེ་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་ལས་ལ་མི་དགའ་བ་དང ། སྨྲ་བ་ལ་མི་དགའ་བ་དང ། གཉིད་ལ་མི་དགའ་བ་དང ། བྲེ་མོའི་གཏམ་ལ་མི་དགའ་བ་དང ། འདུ་བ་ལ་མི་དགའ་བ་དང ། འདུ་འཛི་ལ་མི་དགའ་བར་གྱུར་ཏེ་གནས་པ་དང ། རྙེད་པ་དང ། བཀུར་སྟི་དང ། ཚིགས་སུ་བཅད་པ་དང ། འདུ་ཤེས་གཞན་རབ་ཏུ་སྤངས་ནས། སྦྱོར་བར་རྗེས་སུ་བརྩོན་པར་གནས་ཤིང ། ཅུང་ཟད་ཙམ་དང ། ངན་ངོན་ཙམ་གྱིས་ཆོག་པར་འཛིན་ཅིང ། དེས་གོང་ནས་གོང་དུ་བྱ་བ་སྒྲུབ་པ་ལས་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་ཀུན་ཏུ་སྤྱོད་ལ། དགེ་སློང་དག་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཀུན་ཏུ་སྣང་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གཞན་ཡང་ངས་ཁྱེད་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བསྟན་པར་བྱས། དེ་རབ་ཏུ་ཉོན་ལ་ཡིད་ལ་ཟུངས་ཤིག་དང་ངས་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་དད་པ་དང ། ངོ་ཚ་ཤེས་པ་</font><hr>Da355a<br><font size=+2>


༄#། །དང ། ཁྲེལ་ཡོད་པ་དང ། བརྩོན་འགྲུས་བརྩམས་པ་དང ། དྲན་པ་ཉེ་བར་འཇོག་པ་དང ། མཉམ་པར་འཇོག་པ་དང ། ཤེས་རབ་དང་ལྡན་པར་གྱུར་པ་ལས། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་ཀུན་ཏུ་སྤྱོད་ལ། དགེ་སློང་དག་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཀུན་ཏུ་སྣང་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གཞན་ཡང་ངས་ཁྱེད་ཅག་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བསྟན་པར་བྱས། དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་ཆོས་ཤེས་པ་དང ། དོན་ཤེས་པ་དང ། དུས་ཤེས་པ་དང ། ཚོད་ཤེས་པ་དང ། བདག་ཉིད་ཤེས་པ་དང ། འཁོར་ཤེས་པ་དང ། གང་ཟག་མཆོག་དང་མཆོག་མ་ཡིན་པ་ཤེས་པར་གྱུར་པ་ལས། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་ཀུན་ཏུ་སྤྱོད་ལ། དགེ་སློང་དག་ཡོངས་སུ་ཉམས་པར་</font><hr>Da355b<br><font size=+2>


མི་འགྱུར་བའི་ཆོས་འདི་བདུན་ཀུན་ཏུ་སྣང་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གཞན་ཡང་ངས་ཁྱེད་ཅག་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བཤད་པར་བྱ་ཡི། དེ་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་དྲན་པ་ཡང་དག་བྱང་ཆུབ་ཀྱི་ཡན་ལག་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་རྣམ་པར་སྒྱུར་བ་སྒོམ་ཞིང་ཆོས་རྣམ་པར་འབྱེད་པ་དང ། བརྩོན་འགྲུས་དང ། དགའ་བ་དང ། ཤིན་ཏུ་སྦྱངས་པ་དང ། ཏིང་ངེ་འཛིན་དང ། བཏང་སྙོམས་ཡང་དག་བྱང་ཆུབ་ཀྱི་ཡན་ལག་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་རྣམ་པར་སྒྱུར་བསྒོམ་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ཏེ་སྤྱོད་ལ། ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཀུན་ཏུ་སྣང་ན།་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ངས་ཁྱེད་ཅག་ཀུན་ཏུ་དགའ་བར་འགྱུར་བའི་ཆོས་དྲུག་བཤད་པར་</font><hr>Da356a<br><font size=+2>


༄#། །བྱ་ཡི།་དེ་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་པར་བྱའོ། །ཀུན་ཏུ་དགའ་བར་འགྱུར་བའི་ཆོས་དྲུག་གང་ཞེ་ན། རང་གི་བྱམས་པའི་ལུས་ཀྱི་ལས་ཉེ་བར་གནས་པར་གྱུར་ཅིང་སྒོམ་ལ། སྟོན་པ་དང ། ཚངས་པ་མཚུངས་པར་སྤྱོད་པ་མཁས་པ་རྣམས་ལ་དགའ་བར་བྱེད། བླ་མར་བྱེད། ཡིད་དགའ་བར་བྱེད་ཅིང ། དགའ་བར་བྱས། བླ་མར་བྱས། ཞེ་སར་བྱས་ཏེ། བསྒོམས་ནས་ཀུན་ཏུ་བསྡུ་བ་དང ། ཡང་དག་པར་བསྡུས་ནས་འཐབ་རྩོད་མེད་ཅིང ། གཅིག་ཏུ་བྱེད་ལ་ཀུན་ཏུ་སྤྱོད་པ་འདི་ནི། ཀུན་ཏུ་དགའ་བར་བྱེད་པའི་ཆོས་ཡིན་ནོ། །བྱམས་པའི་ངག་གི་ལས་དང ། བྱམས་པའི་ཡིད་ཀྱི་ལས་ཀྱང་ཡིན་ནོ། །གང་ཆོས་དང་ལྡན་ཞིང་ཆོས་ཀྱིས་ཐོབ་པ་ཆུང་དུ་ན་ལྷུང་བཟེད་ཀྱི་ནང་དུ་འོངས་པ་དང ། ལྷུང་བཟེད་ཀྱི་ནང་དུ་ཐོབ་པ་དེ་ལྟ་བུའི་རྙེད་པ་དེ། རང་དབེན་པར་ཟ་བར་མི་བྱེད་ཅིང ། ཚངས་པ་མཚུངས་པར་སྤྱོད་པ་རྣམས་དང་ལྷན་ཅིག་དགའ་བས་ཐུན་མོང་དུ་ཟ་བར་བྱེད་ལ། དགའ་བར་བྱེད། བླ་མར་བྱེད། ཡིད་དགའ་བར་བྱས་ཏེ། དགའ་བར་བྱས། བླ་མར་བྱས། ཞེ་སར་བྱས་ནས་བསྒོམས་ཏེ། ཀུན་ཏུ་བསྡུ་བ་དང ། ཡང་དག་པར་བསྡུས་ནས་འཐབ་རྩོད་མེད་ཅིང་གཅིག་ཏུ་བྱེད་ལ། ཀུན་ཏུ་སྤྱོད་པ་འདི་ནི། ཀུན་ཏུ་དགའ་བར་བྱེད་པའི་ཆོས་ཡིན་ནོ། །གང་ཚུལ་ཁྲིམས་མ་ཉམས་པ། སྐྱོན་མེད་པ། འདྲེན་མར་མ་གྱུར་བ། ཐུན་ཚགས་མ་ཡིན་པ། རང་དབང་ཅན། ནག་</font><hr>Da356b<br><font size=+2>


ནོག་མ་ཡིན་པ། རབ་ཏུ་བརྩམས་པ། ཤིན་ཏུ་མཐར་ཕྱིན་པ། མཁས་པ་རྣམས་ཀྱིས་བསྟོད་པ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་མ་སྨད་པའི་ཚུལ་ཁྲིམས་དེ་ལྟ་བུ་དེ་ལ། ཚངས་པ་མཚུངས་པར་སྤྱོད་པ་མཁས་པ་རྣམས་དང་ལྷན་ཅིག་ཐུན་མོང་དུ་བྱས་ཏེ། ཚུལ་ཁྲིམས་སྤྱོད་པར་གྱུར་ཅིང་གཅིག་ཏུ་བྱེད་ལ། ཀུན་ཏུ་སྤྱོད་དོ་ཞེས་བྱ་བའི་བར་སྔ་མ་བཞིན་ཏེ། འདི་ནི་ཀུན་ཏུ་དགའ་བར་བྱེད་པའི་ཆོས་ཡིན་ནོ། །གང་འཕགས་པའི་ལྟ་བ་འདི་ནི་ངེས་པར་འབྱིན་པ་དང ། ངེས་པར་འབྱེད་པ་དང ། ཡང་དག་པར་འབྱིན་པ་སྟེ། རྒྱུ་དེས་སྡུག་བསྔལ་ཡང་དག་པར་ཟད་པར་བྱེད་ཅིང ། སྡུག་བསྔལ་མཐར་འབྱིན་པར་བྱེད་པའི་ལྟ་བ་དེ་ལ། ཚངས་པ་མཚུངས་པར་སྤྱོད་པ་མཁས་པ་རྣམས་དང་ལྷན་ཅིག་ཐུན་མོང་དུ་བྱས་ཏེ་ལྟ་ཞིང་གཅིག་ཏུ་བྱེད་ལ། ཀུན་ཏུ་སྤྱོད་དོ་ཞེས་བྱ་བའི་བར་སྔ་མ་བཞིན་ཏེ། འདི་ནི་ཀུན་ཏུ་དགའ་བར་བྱེད་པའི་ཆོས་ཡིན་ནོ། །དགེ་སློང་དག་ཇི་སྲིད་དུ་ཀུན་ཏུ་དགའ་བར་བྱེད་པའི་ཆོས་འདི་དྲུག་ཡང་དག་པར་བླངས་ནས་ཀུན་ཏུ་སྤྱོད་ལ། དགེ་སློང་དག་ཀུན་ཏུ་དགའ་བར་བྱེད་པའི་ཆོས་འདི་ཀུན་ཏུ་སྣང་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །བར་སྡོམ་ནི། སྟོན་པ་དང་ནི་དུལ་བ་དང ། །ལས་དང་དད་དང་ཆོས་ཉིད་དང ། །བྱང་ཆུབ་ཡན་ལག་ཀུན་ཏུ་དགའ། །དབྱར་བྱེད་ས་པ་ཡང་དག་བཤད། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་</font><hr>Da357a<br><font size=+2>


༄#། །བོ་ལ་བཀའ་སྩལ་པ། ཀུན་དགའ་བོ་དམར་བུ་ཅན་གྱི་གྲོང་གང་ན་བདེར་འདོང་ངོ ། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཡུལ་མ་ག་དྷ་ནས་ལྗོངས་རྒྱུ་ཞིང་གཤེགས་པ་ན། དམར་བུ་ཅན་གྱི་གྲོང་དང ། རྒྱལ་པོའི་ཁབ་ཀྱི་བར་གྱི་དབུས་ན། རྒྱལ་པོའི་གནས་འོད་མའི་དབྱུག་པ་ཅན་ན་མཚན་མོ་ཉེ་བར་རྟེན་ཅིང་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ང་དང་ཁྱེད་ཅག་ཁོ་ནས་འཕགས་པའི་བདེན་པ་བཞི་པོ་དག་མི་ཤེས་ཤིང་མ་མཐོང་ལ། ཁོང་དུ་མ་ཆུད་ཅིང ། སོ་སོར་མ་རྟོགས་པས་ལམ་རིང་པོ་འདིར་རྒྱུག་ཅིང་ཀུན་ཏུ་འཁོར་བར་གྱུར་ཏོ། །བདེན་པ་བཞི་པོ་དེ་དག་གང་ཞེ་ན། ང་དང་ཁྱེད་ཅག་ཁོ་ནས་སྡུག་བསྔལ་དང ། ཀུན་འབྱུང་བ་དང ། སྡུག་བསྔལ་འགོག་པ་དང ། སྡུག་བསྔལ་འགོག་པར་འགྲོ་བའི་ལམ་མི་ཤེས་ཤིང་མ་མཐོང་ལ། ཁོང་དུ་མ་ཆུད་ཅིང་སོ་སོར་མ་རྟོགས་པས་ལམ་རིང་པོ་འདིར་རྒྱུག་ཅིང་ཀུན་ཏུ་འཁོར་བར་གྱུར་ཏོ། །སྡུག་བསྔལ་འཕགས་པའི་བདེན་པ་དེ་རྗེས་སུ་རྟོགས་ཤིང ། སོ་སོར་རྟོགས་པས་སྲིད་པའི་སྲེད་པ་བཅད་པས་འཁོར་བའི་སྐྱེ་བ་ཟད་དེ། ད་ནི་སྲིད་པ་གཞན་མེད་དོ། །སྡུག་བསྔལ་ཀུན་འབྱུང་བ་དང ། སྡུག་བསྔལ་འགོག་པ་དང ། སྡུག་བསྔལ་</font><hr>Da357b<br><font size=+2>


འགོག་པར་འགྲོ་བའི་ལམ་འཕགས་པའི་བདེན་པ་དེ་རྗེས་སུ་རྟོགས་ཤིང ། སོ་སོར་རྟོགས་པས་སྲིད་པའི་སྲེད་པ་བཅད་པས་འཁོར་བའི་སྐྱེ་བ་ཟད་དེ། ད་ནི་སྲིད་པ་གཞན་མེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བདེ་བར་གཤེགས་པས་དེ་སྐད་གསུངས་ཏེ། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །ང་དང་ཁྱེད་ཅག་ཁོ་ན་ཡིས། །འཕགས་པའི་བདེན་པ་བཞི་པོ་དག་།ཇི་ལྟ་བ་བཞིན་མ་མཐོང་བས། །ལམ་རིང་དུ་ནི་འཁོར་བར་གྱུར། །བདེན་པ་དེ་དག་མཐོང་ནས་ནི། །སྲིད་པའི་སྲེད་པ་བཅད་ནས་སུ། །འཁོར་བའི་སྐྱེ་བ་ཟད་པ་ཡིས། ད་ནི་སྲིད་པ་གཞན་མེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ད་ཀུན་དགའ་བོ་དམར་བུ་ཅན་གྱི་གྲོང་གང་ན་བ་དེར་འདོང་ངོ ། །བཙུན་པ་བཀའ་བཞིན་འཚལ། །ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་ཡུལ་མ་ག་དྷ་ནས་ལྗོངས་རྒྱུ་ཞིང་གཤེགས་པ་ན། དམར་བུ་ཅན་གྱི་གྲོང་དུ་བྱོན་ཏེ། དམར་བུ་ཅན་གྱི་གྲོང་གི་དམར་བུ་ཅན་གྱི་མཆོད་རྟེན་ན་བཞུགས་སོ། །དམར་བུ་ཅན་གྱི་གྲོང་གི་བྲམ་ཟེ་དང ། ཁྱིམ་བདག་རྣམས་ཀྱིས་བཅོམ་ལྡན་འདས་ཡུལ་མ་ག་དྷ་ནས་ལྗོངས་རྒྱུ་ཞིང་གཤེགས་ཏེ། དམར་བུ་ཅན་གྱི་གྲོང་དུ་བྱོན་ནས། དམར་བུ་ཅན་གྱི་མཆོད་རྟེན་གྱི་དྲུང་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་ཚོགས་ནས་ཚོགས་དང ། ཁྱུ་ནས་ཁྱུར་ཕྲད་ཅིང་</font><hr>Da358a<br><font size=+2>


༄#། །འདུས་ནས། དམར་བུ་ཅན་གྱི་གྲོང་ནས་བྱུང་སྟེ། བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། དམར་བུ་ཅན་གྱི་གྲོང་གི་བྲམ་ཟེ་དང་ཁྱིམ་བདག་རྣམས་ལ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བྲམ་ཟེ་དང་ཁྱིམ་བདག་དང ། །ལྔ་པོ་འདི་དག་ནི། བག་མེད་པའི་ཉེས་དམིགས་དག་ཡིན་ཏེ། ལྔ་གང་ཞེ་ན། བྲམ་ཟེ་དང་ཁྱིམ་བདག་དག་འདི་ལ་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས་ལོངས་སྤྱོད་ཆེན་པོ་ལས་ཉམས་པར་འགྱུར་ཏེ། བྲམ་ཟེ་དང་ཁྱིམ་བདག་རྣམས་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས་ལོངས་སྤྱོད་ཆེན་པོ་ལས་ཉམས་པར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་དང་པོ་ཡིན་ནོ། །གཞན་ཡང་བྲམ་ཟེ་དང་ཁྱིམ་བདག་དག་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས་རྒྱལ་རིགས་ཀྱི་འཁོར་དུ་ཡང་རུང ། བྲམ་ཟེའི་འཁོར་དུ་ཡང་རུང ། ཁྱིམ་བདག་གི་འཁོར་དུ་ཡང་རུང ། དགེ་སྦྱོང་གི་འཁོར་དུ་ཡང་རུང ། འཁོར་གང་དང་གང་དུ་འགྲོ་བ་དེ་དང་དེ་དག་ཏུ་ཞུམ་ཞུམ་པོར་གྱུར་ནས། དགའ་བ་མེད་པ་དང ། བག་ཚ་བས་འགྲོ་བར་འགྱུར་ཏེ། བྲམ་ཟེ་དང་ཁྱིམ་བདག་དག་བག་མེད་པ་དང་ལྡན་ཞིང ། བག་</font><hr>Da358b<br><font size=+2>


མེད་པ་ལ་གནས་པའི་རྒྱུས་གང་དང་གང་དུ་ཞེས་བྱ་བ་ནས། བག་ཚ་བ་ཞེས་བྱ་བའི་བར་གོང་མ་བཞིན་དུའོ། །འདི་ནི་བག་མེད་པའི་ཉེས་དམིགས་གཉིས་པ་ཡིན་ནོ། །གཞན་ཡང་བྲམ་ཟེ་དང་ཁྱིམ་བདག་དག་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས་ཕྱོགས་དང་ཕྱོགས་མཚམས་རྣམས་སུ་སྡིག་པ་དང ། བསྔགས་པ་མ་ཡིན་པ་དང ། གྲགས་པ་མ་ཡིན་པའི་སྒྲ་དང ། ཚིགས་སུ་བཅད་པ་གྲགས་པར་འགྱུར་ཏེ། བྲམ་ཟེ་དང་ཁྱིམ་བདག་རྣམས་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས་ཕྱོགས་དང་ཕྱོགས་མཚམས་རྣམས་སུ་སྡིག་པ་དང ། བསྔགས་པ་མ་ཡིན་པ་དང ། གྲགས་པ་མ་ཡིན་པའི་སྒྲ་དང ། ཚིགས་སུ་བཅད་པ་གྲགས་པར་འགྱུར་ཏེ། འདི་ནི་བག་མེད་པའི་ཉེས་དམིགས་གསུམ་པ་ཡིན་ནོ། །གཞན་ཡང་བྲམ་ཟེ་དང་ཁྱིམ་བདག་དག་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས། ཡིད་ལ་གཅགས་བཞིན་དུ་དུས་བྱེད་པར་འགྱུར་ཏེ། བྲམ་ཟེ་དང་ཁྱིམ་བདག་རྣམས་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས་ཡིད་ལ་གཅགས་བཞིན་དུ་དུས་བྱེད་པར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་བཞི་པ་ཡིན་ནོ། ། གཞན་ཡང་བྲམ་ཟེ་དང་ཁྱིམ་བདག་རྣམས་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས། ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་</font><hr>Da359a<br><font size=+2>


༄#། །དམྱལ་བ་རྣམས་སུ་སྐྱེ་བར་འགྱུར་ཏེ། བྲམ་ཟེ་དང་ཁྱིམ་བདག་རྣམས་བག་མེད་པ་དང་ལྡན་ཞིང ། བག་མེད་པ་ལ་གནས་པའི་རྒྱུས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་ལྔ་པ་ཡིན་ནོ། །བྲམ་ཟེ་དང་ཁྱིམ་བདག་དག་ལྔ་པོ་འདི་དག་ནི། བག་ཡོད་པའི་ཕན་ཡོན་ཡིན་ཏེ། ལྔ་གང་ཞེ་ན། བྲམ་ཟེ་དང་ཁྱིམ་བདག་དག་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས། ལོངས་སྤྱོད་ཆེན་པོ་ལས་ཉམས་པར་མི་འགྱུར་ཏེ། བྲམ་ཟེ་དང་ཁྱིམ་བདག་དག་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས་ལོངས་སྤྱོད་ཆེན་པོ་ལས་ཉམས་པར་མི་འགྱུར་བ་གང་ཡིན་པ་འདི་ནི། བག་ཡོད་པའི་ཕན་ཡོན་དང་པོ་ཡིན་ནོ། །གཞན་ཡང་བྲམ་ཟེ་དང་ཁྱིམ་བདག་དག་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས། རྒྱལ་རིགས་ཀྱི་འཁོར་དུ་ཡང་རུང ། བྲམ་ཟེའི་འཁོར་དུ་ཡང་རུང ། ཁྱིམ་བདག་གི་འཁོར་དུ་ཡང་རུང ། དགེ་སྦྱོང་གི་འཁོར་དུ་ཡང་རུང ། འཁོར་གང་དང་གང་དུ་འགྲོ་བའི་འཁོར་དེ་དང་དེར་ཞུམ་ཞུམ་པོ་མ་ཡིན་པ་དང ། དགའ་བ་དང ། བག་ཚ་བ་མེད་པས་འགྲོ་བར་འགྱུར་ཏེ། བྲམ་ཟེ་དང་ཁྱིམ་བདག་དག་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས་ཞེས་བྱ་བ་ནས། བག་ཚ་བ་མེད་པ་</font><hr>Da359b<br><font size=+2>


ཞེས་བྱ་བའི་བར་གོང་མ་བཞིན་དུ་གང་ཡིན་པ་འདི་ནི་བག་ཡོད་པའི་ཕན་ཡོན་གཉིས་པ་ཡིན་ནོ། །གཞན་ཡང་བྲམ་ཟེ་དང་ཁྱིམ་བདག་དག་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས་ཕྱོགས་དང་ཕྱོགས་མཚམས་རྣམས་སུ་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོར་གྲགས་པར་འགྱུར་ཏེ། བྲམ་ཟེ་དང་ཁྱིམ་བདག་དག་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས་ཕྱོགས་དང་ཕྱོགས་མཚམས་སུ་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོར་གྲགས་པར་འགྱུར་བ་གང་ཡིན་པ་འདི་ནི་བག་ཡོད་པའི་ཕན་ཡོན་གསུམ་པ་ཡིན་ནོ། །གཞན་ཡང་བྲམ་ཟེ་དང་ཁྱིམ་བདག་རྣམས་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས། ཡིད་ལ་གཅགས་པ་མེད་པར་དུས་བྱེད་པར་འགྱུར་ཏེ། བྲམ་ཟེ་དང་ཁྱིམ་བདག་རྣམས་བག་ཡོད་པ་དང་ལྡན་ཞིང་བག་ཡོད་པ་ལ་གནས་པའི་རྒྱུས། ཡིད་ལ་གཅགས་པ་མེད་པར་དུས་བྱེད་པར་འགྱུར་བ་གང་ཡིན་པ་འདི་ནི་བག་ཡོད་པའི་ཕན་ཡོན་བཞི་པ་ཡིན་ནོ། །གཞན་ཡང་བྲམ་ཟེ་དང་ཁྱིམ་བདག་རྣམ་བག་ཡོད་པ་དང་ལྡན་ཞིང ། བག་ཡོད་པ་དང་ལྡན་པའི་རྒྱུས་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེ་བར་འགྱུར་ཏེ། བྲམ་ཟེ་དང་ཁྱིམ་བདག་རྣམས་བག་ཡོད་པ་དང་ལྡན་ཞིང ། བག་ཡོད་པ་ལ་གནས་པའི་རྒྱུས། ལུས་ཞིག་ནས་བདེ་འགྲོ་མཐོ་རིས་ཀྱི་</font><hr>Da360a<br><font size=+2>


༄#། །འཇིག་རྟེན་གྱི་ལྷ་རྣམས་སུ་སྐྱེ་བར་འགྱུར་བ་གང་ཡིན་པ་འདི་ནི། བག་ཡོད་པའི་ཕན་ཡོན་ལྔ་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དམར་བུ་ཅན་གྱི་བྲམ་ཟེ་དང་ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ་ཅང་མི་གསུང་ངོ ། །དེ་ནས་དམར་བུ་ཅན་གྱི་བྲམ་ཟེ་དང་ཁྱིམ་བདག་རྣམས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེར་ལོངས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་གནས་འདིར་དོ་མོད་བཞུགས་སུ་གསོལ། བཅོམ་ལྡན་འདས་ཀྱིས་དམར་བུ་ཅན་གྱི་གྲོང་གི་བྲམ་ཟེ་དང་ཁྱིམ་བདག་རྣམས་ལ་ཅང་མི་གསུང་བས་གནང་བ་མཛད་དོ། །དེ་ནས་དམར་བུ་ཅན་གྱི་བྲམ་ཟེ་དང་ཁྱིམ་བདག་རྣམས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་སྟེ། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་སྟེ་མངོན་པར་བསྟོད་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་</font><hr>Da360b<br><font size=+2>


ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་དམར་བུ་ཅན་གྱི་བྲམ་ཟེ་དང་ཁྱིམ་བདག་རྣམས་དོང་ནས་རིང་པོ་མ་ལོན་པར་མཁྱེན་ཏེ། འདུག་གནས་གང་ན་བ་དེར་གཤེགས་ཏེ་བྱོན་པ་དང ། འདུག་གནས་ཀྱི་ཕྱི་རོལ་ཏུ་ཞབས་གཉིས་བཀྲུས་ཏེ། ནང་དུ་ཡང་དག་འཇོག་གི་ཕྱིར། འདུག་གནས་ཀྱི་ནང་དུ་གཤེགས་སོ། །དེ་ནས་ཡང་དེའི་ཚེ་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཡུལ་སྤོང་བྱེད་པ་རྣམས་གཞོམ་པའི་ཕྱིར། དམར་བུ་ཅན་གྱི་གྲོང་གི་གྲོང་ཁྱེར་རྩིག་པར་བརྩོན་པར་གྱུར་པ་དང ། དེའི་ཚེ་དམར་བུ་ཅན་གྱི་གྲོང་ན་མཐུ་ཆེ་བ་མཐུ་ཆེ་བའི་ལྷ་རྣམས། འདི་ལྟ་སྟེ། གནས་ཀྱི་ས་འདྲེ་བར་གྱུར་ཏོ། །བཅོམ་ལྡན་འདས་འདུག་གནས་ན་ཉིན་མོ་སྤྱོད་པར་བཞུགས་པ་ན། ལྷའི་སྤྱན་རྣམ་པར་དག་པ་མིའི་ལས་འདས་པས་དམར་བུ་ཅན་གྱི་གྲོང་ན་མཐུ་ཆེ་བ་མཐུ་ཆེ་བའི་ལྷ་རྣམས་ཀྱི་གནས་ཀྱི་ས་འདྲེ་བར་གཟིགས་སོ། །གཟིགས་ནས་ཀྱང་དགོངས་ཀ་ནང་དུ་ཡང་དག་འཇོག་ལས་བཞེངས་ཏེ་འདུག་གནས་ནས་བྱུང་ནས། འདུག་གནས་ཀྱི་གྲིབ་མ་ལ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །དམར་བུ་ཅན་གྱི་གྲོང་གི་གྲོང་ཁྱེར་རྩིག་པར་བརྩོན་པ་དེ་སུ་ཡིན། ཅི་ཐོས། བཙུན་པ་བདག་གིས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་</font><hr>Da361a<br><font size=+2>


༄#། །དབྱར་བྱེད་ཡུལ་སྤོང་བྱེད་པ་རྣམས་གཞོམ་པའི་ཕྱིར། དམར་བུ་ཅན་གྱི་གྲོང་གི་གྲོང་ཁྱེར་རྩིག་པར་རྩོམ་པར་ཐོས་ལགས་སོ། །ཀུན་དགའ་བོ་ལེགས་སོ།། ལེགས་སོ། །ཀུན་དགའ་བོ་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་མཁས་པ་ཡིན་ཏེ། འདི་ལྟར་སུམ་ཅུ་རྩ་གསུམ་པའི་ལྷ་རྣམས་དང་ལྷན་ཅིག་བགྲོས་པ་ལྟ་ཞིག་ཀུན་དགའ་བོ་ང་འདི་ན་ཉིན་མོ་སྤྱོད་པས་བཞུགས་པ་ན། ལྷའི་སྤྱན་རྣམ་པར་དག་པ་མི་ལས་འདས་པས། དམར་བུ་ཅན་གྱི་གྲོང་ན་མཐུ་ཆེ་བ་མཐུ་ཆེ་བའི་ལྷ་རྣམས་གནས་ཀྱི་ས་འདྲེ་བར་གཟིགས་སོ། །ཀུན་དགའ་བོ་ཕྱོགས་གང་དུ་མཐུ་ཆེ་བ་མཐུ་ཆེ་བའི་ལྷ་རྣམས་ཀྱིས་གནས་ཀྱི་ས་དྲེས་པའི་ཕྱོགས་དེར། འདི་ལྟ་སྟེ། གནས་ཀྱི་ཕྱིར་མཐུ་ཆེ་བ་མཐུ་ཆེ་བའི་མི་རྣམས་ཀྱི་སེམས་གཞོལ་བར་འགྱུར་རོ། །ཕྱོགས་གང་དུ་ལྷ་བར་མ་དང ། ཕལ་པས་གནས་ཀྱི་ས་དྲེས་པའི་ཕྱོགས་དེར་ནི། འདི་ལྟ་སྟེ། གནས་ཀྱི་ཕྱིར་མི་བར་མ་དང ། ཕལ་པ་རྣམས་ཀྱི་སེམས་གཞོལ་བར་འགྱུར་རོ། །ཀུན་དགའ་བོ། དམར་བུ་ཅན་གྱི་གྲོང་འདིར་མཐུ་ཆེ་བ་མཐུ་ཆེ་བའི་ལྷ་རྣམས་ཀྱིས་གནས་ཀྱི་ས་དྲེས་པས་ཕྱོགས་འདིར། འདི་ལྟ་སྟེ། གནས་ཀྱི་ཕྱིར་མཐུ་ཆེ་བ་མཐུ་ཆེ་བའི་མི་རྣམས་ཀྱི་སེམས་གཞོལ་བར་འགྱུར་རོ། །ཀུན་དགའ་བོ་ཡ་རབས་ཀྱི་གནས་དང ། ཡ་རབས་ཀྱི་ཐ་སྙད་ཇི་སྙེད་པ་དང ། ཚོང་པ་ཡ་རབས་རྣམས་ཀྱི་ལམ་དང ། ཟོང་དགྲམ་སར་ཡང་འགྱུར་</font><hr>Da361b<br><font size=+2>


ཏེ།་འདི་ལྟ་སྟེ། དམར་བུ་ཅན་གྱི་གྲོང་ཁྱེར་འདི་མཆོག་ཏུ་འགྱུར་རོ། །འདི་ལ་བར་ཆད་གསུམ་འབྱུང་བར་རིག་པར་བྱ་སྟེ། མེ་དང ། ཆུ་དང ། ནང་འཁྲུག་གིས་སོ། །དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས། དགེ་སྦྱོང་གོའུ་ཏ་མ་ཡུལ་མ་ག་དྷ་ནས་ལྗོངས་རྒྱུ་ཞིང་གཤེགས་ནས་དམར་བུ་ཅན་གྱི་གྲོང་དུ་བྱོན་ཏེ། དམར་བུ་ཅན་གྱི་གྲོང་གི་དམར་བུ་ཅན་གྱི་མཆོད་རྟེན་གྱི་དྲུང་ན་བཞུགས་ཏེ། དེ་ལ་དམར་བུ་ཅན་གྱི་བྲམ་ཟེ་དང་ཁྱིམ་བདག་རྣམས་ཀྱིས་བསྙེན་བཀུར་བྱས་སོ། །ཞེས་ཐོས་སོ། །ཐོས་ནས་ཀྱང་དམར་བུ་ཅན་གྱི་གྲོང་ནས་བྱུང་སྟེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས།་བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བ་དང ། ཡང་དག་པར་མགུ་བའི་གཏམ་རྣམ་པ་སྣ་ཚོགས་བྱས་ནས། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་</font><hr>Da362a<br><font size=+2>


༄#། །བྱེད་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏ་མ་དགེ་སློང་གི་དགེ་འདུན་རྣམས་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་ཅང་མི་གསུང་བས་གནང་ངོ་།། །།འདུལ་བ་ཕྲན་ཚེགས་ཀྱི་གཞི། བམ་པོ་ལྔ་བཅུ་པ། དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་སྟེ། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་བསྟོད་དེ།་སྟན་ལས་ལངས་ཏེ་སོང་ངོ ། །དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་དེ་ཉིད་ཀྱི་མཚན་མོ་གཙང་ཞིང་བསོད་པའི་བཟའ་བ་དང ། བཅའ་བ་སྟ་གོན་བྱས་ནས། ནང་པར་སྔར་ལངས་ཏེ་གདན་བཤམས་ནས་ཆུ་སྣོད་ནོར་བུ་ཅན་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་གདུགས་ཚོད་གསོལ་པ། ཀྱེ་གོའུ་ཏ་མ་གདུགས་ཚོད་ལགས་ཏེ། ད་དེའི་དུས་ལ་བབ་ན་ཤེས་ལྡན་གོའུ་ཏ་མས་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ། ན་བཟའ་ཤམ་ཐབས་མནབས། </font><hr>Da362b<br><font size=+2>


ཆོས་གོས་དང་ལྷུང་བཟེད་ཐོགས་ནས། དགེ་སློང་གི་དགེ་འདུན་གྱིས་མདུན་དུ་བྱས་ཏེ། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱི་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས། བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང ། བཅའ་བ་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང ། བཅའ་བས་རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གདུགས་ཚོད་གསོལ་ནས། ཕྱག་གཉིས་བཅབས་ཏེ་ལྷུང་བཟེད་གྱུ་བར་རིག་ནས་གསེར་གྱི་བྱ་མ་བུམ་ཐོགས་ཏེ། བཅོམ་ལྡན་འདས་ཀྱི་སྤྱན་སྔར་འདུག་ནས་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ་སྦྱིན་པ་འདི་ལས་བསོད་ནམས་ཀྱི་རྒྱུ་མཐུན་པ་དང།་དགེ་བའི་རྒྱུ་མཐུན་པ་དང ། བདེ་བའི་གཞི་གང་ལགས་པ་དེ། དམར་བུ་ཅན་གྱི་གྲོང་ན་གནས་པའི་ལྷ་རྣམས་ཀྱི་ཡུན་རིང་པོའི་དོན་དང ། ཕན་པ་དང་བདེ་བར་གྱུར་ཅིག་།ཅེས་དེ་ཉིད་ལ་ཡོན་བསྔོ་བ་མཛད་དུ་གསོལ། དེ་ནས་བཅོམ་ལྡན་འདས་ཀྱིས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱི་སྦྱིན་པ་དེ་ལ་རྗེས་སུ་ཡི་རང་བས་རྗེས་སུ་ཡི་རང་ངོ ། །སྐྱེས་བུ་གང་</font><hr>Da363a<br><font size=+2>


༄#། །ཟག་དད་པ་ཅན། །གང་ཞིག་ལྷ་རྣམས་མཆོད་བྱེད་པ། །སངས་རྒྱས་བཀའ་བཞིན་བྱེད་གྱུར་པས། །དེ་ནི་སངས་རྒྱས་རྣམས་ཀྱིས་བསྔགས། །མཁས་ཤིང་ཡིད་ནི་གཞུངས་པ་ཡིས། །གང་གི་ཕྱོགས་སུ་གནས་འཆའ་བ། །ཚུལ་ཁྲིམས་ལྡན་ལ་བཤོས་གསོལ་ནས། །དེ་ཡི་འོག་ཏུ་ཡོན་བསྔོ་བྱས། །དེ་རྣམས་རྗེད་པས་རྗེད་འགྱུར་ཞིང ། །མཆོད་པས་ཡང་ནི་མཆོད་པར་འགྱུར། །དེ་ནས་ལྟོ་ནས་བྱུང་བ་ཡི། །བུ་ལ་མ་བཞིན་འདི་ལ་བརྩེ། །ལྷ་རྣམས་བརྩེ་བའི་སྐྱེས་བུ་དེ། །བདེ་བ་བཟང་པོ་མཐོང་བར་འགྱུར། །དེ་ནས་བཅོམ་ལྡན་འདས་ཀྱིས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། སྟན་ལས་བཞེངས་ཏེ་གཤེགས་སོ། །དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་དེར་རྒྱུ་ལྷག་པ་གང་ཡིན་པ་དེ་ཐམས་ཅད་སྦྱིན་པར་བཏང་ནས། བཅོམ་ལྡན་འདས་ཀྱི་རྗེས་བཞིན་དུ་འབྲང་ཞིང་འདི་སྙམ་དུ་སེམས་ལ་མངོན་པར་འདུ་བྱེད་དོ། །དགེ་སྦྱོང་གོའུ་ཏ་མ་དམར་བུ་ཅན་གྱི་གྲོང་གི་སྒོ་གང་ནས་ཕྱིར་གཤེགས་པ་དེ་ནི། བདག་གིས་གོའུ་ཏ་མའི་སྒོ། ཞེས་གདགས་སོ། །ཆུ་བོ་གངྒཱའི་འཇུག་ངོགས་གང་ནས་རྒལ་བ་དེ་ཡང་གོའུ་ཏ་མའི་འཇུག་ངོགས། ཞེས་གདགས་</font><hr>Da363b<br><font size=+2>


སོ་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་བསམ་པ་མཁྱེན་ནས། དམར་བུ་ཅན་གྱི་གྲོང་གི་དབུས་ཐོག་ཐག་ཏུ་གཤེགས་ནས་ནུབ་ཕྱོགས་ཀྱི་སྒོར་བྱུང་སྟེ། བྱང་ཕྱོགས་སུ་རྒྱུས་ནས་ཆུ་བོ་གངྒཱ་གང་ན་བ་དེར་གཤེགས་སོ། །དེ་ནས་དེའི་ཚེ་ཡུལ་མ་ག་དྷའི་མི་རྣམས་ཆུ་བོ་གངྒཱ་ལ་ཕན་ཚུན་རྒལ་བར་བྱེད་དེ། ཁ་ཅིག་ནི་ཤིང་ཤལ་མ་ལའི་སྤང་ལེབ། ཁ་ཅིག་ནི་སྐུ་བའི་གྲུ་ཟམ། ཁ་ཅིག་ནི་སྔས་ནང་ཚངས་ཅན། ཁ་ཅིག་ནི་ར་རྐྱལ་གྱིས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཅི་ཆུ་བོ་གངྒཱའི་རྒྱུན་ནས་བཟློག་སྟེ་འགྲོའམ། འོན་ཏེ་ཚུ་རོལ་གྱི་འགྲམ་ནས་མི་སྣང་ཞིང་ཕ་རོལ་གྱི་འགྲམ་དུ་བཞུགས་པར་བྱ་སྙམ་མོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཚུ་རོལ་གྱི་འགྲམ་ནས་མི་སྣང་ཞིང་ཕ་རོལ་གྱི་འགྲམ་ན་བཞུགས་པར་བྱ་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཇི་ལྟར་སེམས་མཉམ་པར་བཞག་པ་དང ། དེ་ནས་དགེ་སློང་གཞན་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། ཁ་ཅིག་ཟམ་པ་བཙུགས་ནས་ཆུ་བྲན་བོར་ཏེ་རྒྱ་མཚོ་རྒལ། །སྐྱེ་བོ་རྣམས་ནི་གཟིངས་འཆའ་མཁས་པའི་སྐྱེ་བོ་རྣམས་སུ་རྒལ། །སངས་རྒྱས་བཅོམ་ལྡན་བྲམ་ཟེ་རྒལ་བར་གྱུར་ནས་སྐམ་ལ་བཞུགས། །དགེ་སློང་དག་འདིར་ཁྲུས་བྱེད་ཉན་ཐོས་རྣམས་ནི་གཟིངས་འཆའོ། །གལ་ཏེ་ཀུན་ན་ཆུ་ཡོད་ན། །ཁྲོན་པའི་ཆུས་ནི་ཅི་ཞིག་བྱ། །སྲེད་</font><hr>Da364a<br><font size=+2>


༄#། །པའི་རྩ་བ་བཅད་ནས་ནི། །སུ་ཞིག་སྦྱོང་བ་ཚོལ་བར་བྱེད། །དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས། བཅོམ་ལྡན་འདས་དམར་བུ་ཅན་གྱི་གྲོང་གི་སྒོ་གང་ནས་བྱུང་བ་དེ་ལ་གོའུ་ཏ་མའི་སྒོ་།ཞེས་བཏགས་སོ། །ཆུ་བོ་གངྒཱའི་འཇུག་ངོགས་གང་ནས་རྒལ་བ་དེ་ཡང་གོའུ་ཏ་མའི་འཇུག་ངོགས། ཞེས་བཏགས་སོ།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་ཁྱེར་སྤྱིལ་པོ་ཅན་དུ་འདོང་ངོ ། །བཙུན་པ་བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ཏེ། བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ནས། གྲོང་ཁྱེར་སྤྱིལ་པོ་ཅན་དུ་བྱོན་ཏེ། གྲོང་ཁྱེར་སྤྱིལ་པོ་ཅན་གྱི་གྲོང་གི་བྱང་ཕྱོགས་ཤིང་ཤ་པའི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཚུལ་ཁྲིམས་ནི་འདི་ལྟ་བུའོ། ། ཏིང་ངེ་འཛིན་ནི་འདི་ལྟ་བུའོ། །ཤེས་རབ་ནི་འདི་ལྟ་བུ་སྟེ། ཚུལ་ཁྲིམས་གོམས་པར་བྱས་པས། ཏིང་ངེ་འཛིན་རིང་དུ་གནས་པར་འགྱུར་རོ། །ཏིང་ངེ་འཛིན་རིང་དུ་གནས་པས། ཤེས་རབ་གོམས་པར་བྱས་པར་འགྱུར་རོ། །ཤེས་རབ་གོམས་པར་བྱས་པས། འདི་ལྟ་སྟེ། འདོད་ཆགས་དང ། ཞེ་སྡང་དང ། གཏི་མུག་ལས་ཡང་དག་པ་ཇི་ལྟ་བ་བཞིན་</font><hr>Da364b<br><font size=+2>


སེམས་རྣམ་པར་གྲོལ་བར་འགྱུར་རོ། །དགེ་སློང་དག་འཕགས་པའི་ཉན་ཐོས་རྣམས་འདི་ལྟར་སེམས་ཡང་དག་པར་རྣམ་པར་གྲོལ་ཏེ། བདག་གི་སྐྱེ་བ་ཟད་དོ། །ཚངས་པར་སྤྱད་པ་ལ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་ཁྱེར་སྒྲ་ཅན་གང་ན་བ་དེར་འདོང་ངོ ། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏེ། བཅོམ་ལྡན་འདས་དང་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་པ་ན་སྒྲ་ཅན་དུ་བྱོན་ཏེ། སྒྲ་གཅན་གྱི་ཀུན་ཛི་ཀའི་གནས་ན་བཞུགས་སོ། །དེ་ནས་དེའི་ཚེ་སྒྲ་གཅན་གྱི་སྐྱེ་བོ་ཕལ་པོ་ཆེ་ལ་མི་ངས་བྱུང་བར་གྱུར་ཏེ། འདི་ལྟར་དགེ་བསྙེན་ཨུད་ཀ་ཏ་ཡང་དུས་ལས་འདས་པར་གྱུར། དགེ་བསྙེན་ཉེ་བ་དང ། རབ་བརྩོན་དང ། ཀ་ཏྱའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། འཆི་ལྟས་དང ། ཉེ་བའི་འཆི་ལྟས་དང ། བཟང་པོ་དང ། ཤིན་ཏུ་བཟང་པོ་དང ། གྲགས་པ་དང ། གྲགས་བྱིན་དང ། གྲགས་མཆོག་དག་ཀྱང་དུས་ལས་འདས་པར་གྱུར་ཏོ།། དེ་ནས་དགེ་སློང་རབ་ཏུ་མང་པོ་དག་སྔ་དྲོའི་དུས་ཀྱི་ཚེ་ཤམ་ཐབས་བགོས། ཆོས་གོས་དང་ལྷུང་བཟེད་བླངས་ནས། སྒྲ་ཅན་དུ་བསོད་སྙོམས་ཀྱི་ཕྱིར་ཞུགས་སོ། །དགེ་སློང་རབ་ཏུ་མང་</font><hr>Da365a<br><font size=+2>


༄#། །པོ་སྒྲ་ཅན་དུ་བསོད་སྙོམས་ལ་རྒྱུ་བ་དང ། སྒྲ་ཅན་འདིར་སྐྱེ་བོ་ཕལ་པོ་ཆེ་ཤི་བར་གྱུར་ཏེ། འདི་ལྟར་དགེ་བསྙེན་ཨུད་ཀ་ཏ་ཡང་དུས་ལས་འདས། དགེ་བསྙེན་ཉེ་བ་དང ། རབ་བརྩོན་དང ། ཀ་ཏྱའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། འཆི་ལྟས་དང ། ཉེ་བའི་འཆི་ལྟས་དང ། བཟང་པོ་དང ། ཤིན་ཏུ་བཟང་པོ་དང ། གྲགས་པ་དང ། གྲགས་སྦྱིན་དང ། གྲགས་མཆོག་དག་ཀྱང་དུས་ལས་འདས་སོ། །ཞེས་ཐོས་སོ། །ཐོས་ནས་ཀྱང་སྒྲ་ཅན་དུ་བསོད་སྙོམས་བརྒྱུས་ཏེ་ཟས་ཀྱི་བྱ་བ་བྱས་ནས། ཟས་ཕྱི་མའི་བསོད་སྙོམས་སྤངས་ཏེ། ལྷུང་བཟེད་དང ། ཆོས་གོས་འཁོས་སུ་ཕབ་ནས་རྐང་པ་གཉིས་བཀྲུས་ཏེ། བཅོམ་ལྡན་འདས་གང་ན་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་དགེ་སློང་རབ་ཏུ་མང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཅག་དགེ་སློང་རབ་ཏུ་མང་པོ་སྔ་དྲོའི་དུས་ཀྱི་ཚེ་ཤམ་ཐབས་བགོས། ལྷུང་བཟེད་དང་ཆོས་གོས་བླངས་ཏེ། སྒྲ་ཅན་འདིར་བསོད་སྙོམས་ཀྱི་ཕྱིར་ཞུགས་ཏེ། བཙུན་པ་བདག་ཅག་དགེ་སློང་རབ་ཏུ་མང་པོ་སྒྲ་ཅན་དུ་བསོད་སྙོམས་ལ་རྒྱུ་བ་ན། སྒྲ་ཅན་འདིར་སྐྱེ་བོ་ཕལ་པོ་ཆེ་གུམ་པར་གྱུར་ཏེ། འདི་ལྟར་དགེ་བསྙེན་ཨུད་ཀ་ཏ་</font><hr>Da365b<br><font size=+2>


ཡང་དུས་ལས་འདས། དགེ་བསྙེན་ཉེ་བ་དང ། རབ་བརྩོན་དང ། ཀ་ཏྱའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། འཆི་ལྟས་དང ། ཉེ་བའི་འཆི་ལྟས་དང ། བཟང་པོ་དང ། ཤིན་ཏུ་བཟང་པོ་དང ། གྲགས་པ་དང ། གྲགས་སྦྱིན་དང ། གྲགས་མཆོག་དག་ཀྱང་དུས་ལས་འདས་པར་ཐོས་ལགས་ན། བཙུན་པ་དེ་དག་གར་མཆིས་ལགས། འཇིག་རྟེན་ཕ་རོལ་ཀྱི་གནས་གང་དུ་སྐྱེས་ལགས། དགེ་སློང་དག་།དགེ་བསྙེན་ཨུད་ཀ་ཏ་ནི་གོང་མའི་ཆ་དང་མཐུན་པ་མ་ཡིན་པའི་ཀུན་ཏུ་སྦྱོར་བ་ལྔ་སྤངས་ཏེ། དེ་ཉིད་དུ་བརྫུས་ཏེ་སྐྱེས་ནས་ཡོངས་སུ་མྱ་ངན་ལས་འདས་ཏེ། འཇིག་རྟེན་འདིར་སླར་མི་འོང་ཞིང་མི་འབྱུང་བའི་ཆོས་ཉིད་དུ་འགྱུར་རོ། །དགེ་བསྙེན་ཉེ་བ་དང ། རབ་བརྩོན་དང ། ཀ་ཏྱའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། འཆི་ལྟས་དང ། ཉེ་བའི་འཆི་ལྟས་དང ། བཟང་པོ་དང ། ཤིན་ཏུ་བཟང་པོ་དང ། གྲགས་པ་དང ། གྲགས་སྦྱིན་དང ། གྲགས་མཆོག་རྣམས་ཀྱིས་ཀྱང་གོང་མའི་ཆ་དང་མཐུན་པ་མ་ཡིན་པའི་ཀུན་ཏུ་སྦྱོར་བ་ལྔ་སྤངས་ཏེ་དེ་ཉིད་དུ་རྫུས་ཏེ་སྐྱེས་ནས་ཡོངས་སུ་མྱ་ངན་ལས་འདས་ཏེ། འཇིག་རྟེན་འདིར་སླར་མི་འོང་ཞིང་མི་འབྱུང་བའི་ཆོས་ཉིད་དུ་འགྱུར་རོ། །དགེ་སློང་དག་སྒྲ་ཅན་འདིར་དགེ་བསྙེན་ཉིས་བརྒྱ་ལྔ་བཅུ་ལྔ་བཅུ་ལྷག་ཅིག་དུས་ལས་འདས་པ་གང་ཡིན་པ་དག་ཀྱང ། གོང་མའི་ཆ་དང་མཐུན་པ་མ་ཡིན་པའི་ཀུན་ཏུ་སྦྱོར་བ་ལྔ་སྤངས་ཏེ། དེ་ཉིད་དུ་བརྫུས་ཏེ་སྐྱེས་ནས། ཡོངས་སུ་མྱ་ངན་ལས་འདས་ནས་འཇིག་</font><hr>Da366a<br><font size=+2>


༄#། །རྟེན་འདིར་སླར་མི་འོང་ཞིང་མི་འབྱུང་བའི་ཆོས་ཉིད་དུ་འགྱུར་རོ། །དགེ་སློང་དག་དགྲ་ཅན་འདིར་དགེ་བསྙེན་སུམ་བརྒྱ་ལྷག་ཅིག་གིས་ནི། ཀུན་ཏུ་སྦྱོར་བ་གང་ཡིན་པ་སྤངས་ཏེ། འདོད་ཆགས་དང ། ཞེ་སྡང་དང ། གཏི་མུག་བསྲབས་ནས། ལན་ཅིག་ཕྱིར་འོང་སྟེ། འཇིག་རྟེན་འདིར་ལན་ཅིག་ཕྱིར་འོངས་ནས། སྡུག་བསྔལ་གྱི་མཐར་བྱེད་པར་འགྱུར་རོ། །དགེ་སློང་དག་སྒྲ་ཅན་འདིར་དགེ་བསྙེན་ལྔ་བརྒྱ་ལྷག་ཅིག་དུས་ལས་འདས་པས་ཀྱང ། ཀུན་ཏུ་སྦྱོར་བ་གསུམ་པོ་གང་ཡིན་པ་སྤངས་ཏེ། རྒྱུན་དུ་ཞུགས་པ་ལས་ཕྱིར་མི་ལྟུང་བའི་ཆོས་ཉིད་དུ་གྱུར་ཅིང།་ངེས་པར་ཡང་དག་པའི་བྱང་ཆུབ་ཏུ་འགྱུར་ཏེ། རེ་ལྟར་ཐོགས་ན་སྲིད་པ་ལན་བདུན་ལས་མི་འདའ་སྟེ། ལྷའམ་མི་རྣམས་ཀྱི་ནང་དུ་སྲིད་པ་ལན་བདུན་དུ་ཉིང་མཚམས་སྦྱར་ནས་སྡུག་བསྔལ་གྱི་མཐར་བྱེད་པར་འགྱུར་རོ། །དགེ་སློང་དག་ཁྱེད་དེ་བཞིན་གཤེགས་པ་ལ་དུས་ལས་འདས། དུས་ལས་འདས་ཞེས་ཞུ་བ་ནི། དེ་བཞིན་གཤེགས་པ་ལ་མཐོ་འཚམ་པ་ཡིན་ཏེ། དེས་དེ་བཞིན་གཤེགས་པ་ལ་བདེ་བར་མི་འགྱུར་མོད་ཀྱི། སྐྱེ་བ་ཡོད་ན་ངེས་པར་འཆི་བའི་དུས་བྱེད་པར་འགྱུར་བ་ནི། དེ་ལ་ངོ་མཚར་མི་ཆེ་སྟེ། འོན་ཀྱང་དེ་བཞིན་གཤེགས་པ་རྣམས་བྱུང་ཡང་རུང།་མ་བྱུང་ཡང་རུང་ཆོས་ཀྱི་ཚུལ་ནི་གནས། ཆོས་ཀྱི་དབྱིངས་འདི་དག་ནི་ཆོས་ཉིད་ཀྱིས་གནས་པ་སྟེ། དེ་བཞིན་གཤེགས་པ་ཉིད་ཀྱིས་མཁྱེན་ཅིང་ཡང་དག་པར་ཐུགས་སུ་ཆུད་དེ། </font><hr>Da366b<br><font size=+2>


འཆད་ཅིང་རབ་ཏུ་འདོགས་པར་མཛད། རབ་ཏུ་འཇོག་པར་མཛད། རྣམ་པར་འབྱེད་པར་མཛད། རྣམ་པར་གསལ་བར་མཛད། སྟོན་པར་མཛད། རབ་ཏུ་སྟོན་པར་མཛད་པ་ནི། འདི་ལྟ་སྟེ། འདི་ཡོད་པས་ནི་འདི་འབྱུང་ལ། འདི་སྐྱེས་པས་འདི་སྐྱེ་སྟེ། འདི་ལྟར་མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་རྣམས་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གྱི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་སྟེ།་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ། འདི་མེད་པས་འདི་མི་འབྱུང ། འདི་འགགས་པས་འདི་འགགས་པར་འགྱུར་ཏེ། འདི་ལྟར་མ་རིག་པ་འགགས་པས་འདུ་བྱེད་རྣམས་འགག་།འདུ་བྱེད་རྣམས་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་འགག་།མིང་དང་གཟུགས་འགགས་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགགས་པས་རེག་པ་འགག་།རེག་པ་འགགས་པས་ཚོར་བ་འགག་།ཚོར་བ་འགགས་པས་སྲེད་པ་འགག་།སྲེད་པ་འགགས་པས་ལེན་པ་</font><hr>Da367a<br><font size=+2>


༄#། །འགག་།ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུགས་པ་རྣམས་འགག་པར་འགྱུར་ཏེ། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །དགེ་སློང་དག་དེ་ལྟ་མོད་ཀྱི། ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་ངས་བཤད་པར་བྱས། དེ་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་གང་ཞེ་ན། སངས་རྒྱས་ལ་ཤེས་ནས་དད་པ་ནི། ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་སོ། །ཆོས་དང ། དགེ་འདུན་དང ། འཕགས་པ་དགྱེས་པའི་ཚུལ་ཁྲིམས་ལ་ཤེས་ནས་དད་པ་ནི།་ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་ཡིན་ནོ། །དགེ་སློང་དག་ངས་ཁྱེད་ལ་ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་བཤད་དོ། །ཞེས་གསུངས་པ་དེ་ནི་བཤད་པ་དེ་ཡིན་ནོ། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་བ། ཀུན་དགའ་བོ། ཡངས་པ་ཅན་དུ་འདོང་ངོ ། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས།་བཅོམ་ལྡན་འདས་ཀྱི་ལྟར་མཉན་ནས། དེ་ནས་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ནས་ཡངས་པ་ཅན་དུ་བྱོན་ཏེ། ཡངས་པ་ཅན་གྱི་ཨ་མྲ་སྐྱོང་མའི་</font><hr>Da367b<br><font size=+2>


ཚལ་ན་བཞུགས་སོ། ། མྲ་སྐྱོང་མས་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ། ཡངས་པ་ཅན་དུ་བྱོན་ནས་ཡངས་པ་ཅན་གྱི་བདག་ཉིད་ཀྱི་ཚལ་ན་བཞུགས་པར་ཐོས་སོ། །ཐོས་ནས་ཀྱང་རྒྱན་ཐམས་ཅད་ཀྱིས་བརྒྱན་ཏེ། བུད་མེད་ཀྱི་ཚོགས་ཀྱིས་བསྐོར་ནས། བཞོན་པ་བཟང་པོ་ལ་ཞོན་ཏེ། ཡངས་པ་ཅན་ནས་བྱུང་ནས། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་སྟེ། དེས་ཇི་ཙམ་བཞོན་པའི་སའི་བར་དུ་ཞོན་ཏེ་སོང་ནས། བཞོན་པ་ལས་བབས་ཏེ་རྐང་པ་ཁོ་ནས་ཀུན་དགའ་ར་བར་སོང་ངོ ། །དེ་ནས་དེའི་ཚེ་བཅོམ་ལྡན་འདས་དགེ་སློང་བརྒྱ་ཕྲག་དུ་མའི་འཁོར་གྱི་གུང་ལ་ཆོས་སྟོན་ཅིང་བཞུགས་ཏེ། བཅོམ་ལྡན་འདས་ཀྱིས་ཨ་མྲ་སྐྱོང་མ་རྒྱང་རིང་པོ་ནས་འོང་བ་གཟིགས་སོ། ། གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཨ་མྲ་སྐྱོང་མ་འདིར་འོང་གི་།བརྩོན་པ་དང ། ཤེས་བཞིན་དང ། དྲན་པས་གནས་པར་གྱིས་ཤིག་།དགེ་སློང་དག་ངས་དེ་སྐད་དུ་རྗེས་སུ་བསྟན་པའི་བརྩོན་པ་ལ་གནས་པ་གང་ཞེ་ན། དགེ་སློང་དག་འདི་ལ་སྡིག་པ་མི་དགེ་པའི་ཆོས་སྐྱེས་པ་རྣམས་སྤང་བའི་ཕྱིར་འདུན་པ་བསྐྱེད་དོ། །འབད་དོ། །བརྩོན་འགྲུས་རྩོམ་མོ། ། སེམས་རབ་ཏུ་འཛིན་ཏོ། །རབ་ཏུ་འཇོག་གོ་།སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་བསྐྱེད་དོ། །འབད་དོ། །བརྩོན་འགྲུས་རྩོམ་མོ། །སེམས་རབ་ཏུ་འཛིན་ཏོ། །རབ་ཏུ་</font><hr>Da368a<br><font size=+2>


༄#། །འཇུག་གོ་།དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་འདུན་པ་བསྐྱེད་དོ། །འབད་དོ། །བརྩོན་འགྲུས་རྩོམ་མོ། །སེམས་རབ་ཏུ་འཛིན་ཏོ། །རབ་ཏུ་འཇོག་གོ་།དགེ་བའི་ཆོས་སྐྱེས་པ་རྣམས་གནས་པ་དང ། ཕྱིར་ཞིང་འབྱུང་བ་དང ། ཉམས་པར་མི་འགྱུར་བ་དང ། ཡོངས་སུ་རྫོགས་པ་དང་འཕེལ་ཞིང་རྒྱས་པར་བྱ་བའི་ཕྱིར་འདུན་པ་བསྐྱེད་དོ། །འབད་དོ། །བརྩོན་འགྲུས་རྩོམ་མོ། །སེམས་རབ་ཏུ་འཛིན་ཏོ། །རབ་ཏུ་འཇོག་གོ་།དགེ་སློང་དག་།འདི་ནི་བརྩོན་པ་ལ་གནས་པ་ཡིན་ནོ། །དགེ་སློང་དག་ཤེས་བཞིན་དུ་གྱུར་ཅིང་འགྲོ་བ་དང་འོང་བའི་ཚེ་ཤེས་བཞིན་དུ་གནས་པ་གང་ཞེ་ན། ལྟ་བ་དང ། རྣམ་པར་ལྟ་བ་དང ། བསྐུམ་པ་དང ། བརྐྱང་བ་དང ། ཆོས་གོས་སྣམ་སྦྱར་གོན་པ་དང ། ལྟུང་བཟེད་ཐོགས་པ་དང ། འགྲོ་བ་དང ། འགྲེང་པ་དང ། འདུག་པ་དང ། ཉལ་བ་དང ། ལངས་པ་དང ། སྨྲ་བ་དང ། མི་སྨྲ་བ་དང ། གཉིད་དང ། ངལ་བ་དང ། ངལ་བསོ་བའི་ཚེ་ཤེས་བཞིན་དུ་གྱུར་པ་སྟེ།་དགེ་སློང་དག་འདི་ནི་ཤེས་བཞིན་དུ་གནས་པར་གྱུར་པ་ཡིན་ནོ། །དགེ་སློང་དག་ཇི་ལྟར་དྲན་པར་གྱུར་པ་ཡིན་ཞེ་ན། དགེ་སློང་དག་འདི་ལ་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང ། བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས་འཇིག་རྟེན་ལ་གནོད་སེམས་དང ། ཡིད་མི་བདེ་པ་སྤངས་ནས་གནས་སོ། །ཕྱིའི་ལུས་དང ། ནང་གི་ལུས་དང ། ཕྱི་ནང་གི་</font><hr>Da368b<br><font size=+2>


ལུས་དང ། ཕྱིའི་ཚོར་བ་དང ། ནང་གི་ཚོར་བ་དང ། ཕྱི་དང་ནང་གི་ཚོར་བ་དང ། ཕྱིའི་སེམས་དང ། ནང་གི་སེམས་དང ། ཕྱི་དང་ནང་གི་སེམས་དང ། ཕྱིའི་ཆོས་དང ། ནང་གི་ཆོས་དང ། ཕྱི་དང་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང ། བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས་འཇིག་རྟེན་ལ་གནོད་སེམས་དང ། ཡིད་མི་བདེ་པ་སྤངས་ནས་གནས་སོ། ། དགེ་སློང་དག་འདི་ནི་དྲན་པ་ལ་གནས་པ་ཡིན་ནོ། །དགེ་སློང་དག་ཨ་མྲ་སྐྱོང་མ་འདིར་འོང་གི་།བརྩོན་འགྲུས་དང ། ཤེས་བཞིན་དང ། དྲན་པས་གནས་པར་གྱིས་ཤིག་།ཅེས་ངས་གང་གསུངས་པ་ནི་དེ་ཡིན་ནོ། །དེ་ནས་ཨ་མྲ་སྐྱོང་མ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཨ་མྲ་སྐྱོང་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཨ་མྲ་སྐྱོང་མ་སྟན་ལས་ལངས་ཏེ། བཅོམ་ལྡན་འདས་གང་ན་བ་དེར་</font><hr>Da369a<br><font size=+2>


༄#། །ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཅང་མི་གསུང་བའི་གནང་བས་ཨ་མྲ་སྐྱོང་མ་ལ་གནང་བར་མཛད་དོ། །དེ་ནས་ཨ་མྲ་སྐྱོང་མ་བཅོམ་ལྡན་འདས་ཅང་མི་གསུང་བས་གནང་བར་རིག་སྟེ། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་སྟེ་མངོན་པར་བསྟོད་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །ཡངས་པ་ཅན་གྱི་ལི་ཙ་བྱི་རྣམས་ཀྱིས་བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ། ཡངས་པ་ཅན་དུ་བྱོན་ནས་ཡངས་པ་ཅན་གྱི་ཨ་མྲ་སྐྱོང་མའི་ཚལ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་རང་རང་གི་ཤིང་རྟ་ལ་ཞོན་ཏེ། ཁ་ཅིག་ནི་རྟ་སྔོན་པོ། ཤིང་རྟ་སྔོན་པོ། སྲབ་སྐྱོགས་དང་ལྕག་སྔོན་པོ། ཐོར་ཚུགས་དང ། གདུགས་དང ། རལ་གྲིའི་ཤུབས་སྔོན་པོ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་སྔོན་པོ་དང ། འཁོར་སྔོན་པོར། ཁ་ཅིག་ནི་རྟ་སེར་པོ། ཤིང་རྟ་སེར་པོ། སྲབ་སྐྱོགས་དང ། ལྕག་སེར་པོ། ཐོར་ཚུགས་དང ། གདུགས་སེར་པོ། རལ་གྲིའི་</font><hr>Da369b<br><font size=+2>


ཤུབས་སེར་པོ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་སེར་པོ། འཁོར་སེར་པོར། ཁ་ཅིག་ནི་རྟ་དམར་པོ། ཤིང་རྟ་དམར་པོ། སྲབ་སྐྱོགས་དང ། ལྕག་དམར་པོ།་ཐོར་ཚུགས་དང ། གདུགས་དམར་པོ། རལ་གྲིའི་ཤུབས་དང ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་དམར་པོ། འཁོར་དམར་པོ། ཁ་ཅིག་ནི་རྟ་དཀར་པོ་དང་ཤིང་རྟ་དཀར་པོ་དང ། སྲབ་སྐྱོགས་དང ། ལྕག་དཀར་པོ་དང ། ཐོར་ཚུགས་དང ། གདུགས་དཀར་པོ་དང ། རལ་གྲིའི་ཤུབས་དཀར་པོ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་དཀར་པོ། འཁོར་དཀར་པོར་ཆས་ཏེ། སྐད་མཐོན་པོ་དང ། སྐད་ཆེན་པོས་སླར་ཁྱེད། སླར་ཁྱེད། ཅེས་ཟེར་ཞིང་ཡངས་པ་ཅན་ནས་བྱུང་སྟེ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་དོང་ངོ ། །བཅོམ་ལྡན་འདས་ཀྱིས་ཡངས་བ་ཅན་གྱི་ལི་ཙ་བྱི་རྣམས་རྒྱང་རིང་པོ་ནས་འོང་བ་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ཅག་ལས་གང་གིས་སུམ་ཅུ་རྩ་གསུམ་པའི་ལྷ་རྣམས་སྐྱེད་མོས་ཚལ་དུ་འགྲོ་བའམ་མཐོང་བ་དེ། ཡངས་པ་ཅན་གྱི་ལི་ཙ་བྱི་རྣམས་ལ་ལྟོས་ཤིག་།དེ་ཅིའི་ཕྱིར་ཞེ་ན། དགེ་སློང་དག་སུམ་ཅུ་རྩ་གསུམ་པའི་ལྷ་རྣམས་ཀྱང ། འདི་ལྟར་ད་ལྟར་གྱི་ཡངས་པ་ཅན་གྱི་ལི་ཙ་བྱི་དག་བཞིན་དུ་རྫུ་འཕྲུལ་འདི་དང ། འབྱོར་པ་འདི་དང ། ཆ་ལུགས་འདིས་སྐྱེད་</font><hr>Da370a<br><font size=+2>


༄#། །མོས་ཚལ་གྱི་གནས་སུ་འགྲོའོ། །ཇི་ཙམ་ན་བཞོན་པའི་སའི་བར་དུ་བཞོན་པས་སོང་ནས། བཞོན་པ་ལས་བབས་ཏེ། རྐང་པ་ཁོ་ནས་ཀུན་དགའ་ར་བར་ཞུགས་ནས།་བཅོམ་ལྡན་འདས་གང་ན་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས་ཡངས་པ་ཅན་གྱི་ལི་ཙ་བྱི་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། །དེ་ནས་ཡང་དེའི་ཚེ་བྲམ་ཟེའི་ཁྱེའུ་སེར་སྐྱ་འཁོར་འདུས་པ་དེ་ཉིད་དུ་འདུག་པར་གྱུར་ཏོ། །དེ་ནས་བྲམ་ཟེའི་ཁྱེའུ་སེར་སྐྱ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་སྤོབས་ལགས་སོ། །བདེ་བར་གཤེགས་པ་བདག་ནི་སྤོབས་ལགས་སོ། །བཅོམ་ལྡན་འདས་ཀྱིས་སེར་སྐྱའི་བུ་སྤོབས་པར་གྱིས་ཤིག་།ཅེས་བཀའ་སྩལ་པ་དང ། དེ་ནས་བྲམ་ཟེའི་ཁྱེའུ་སེར་</font><hr>Da370b<br><font size=+2>


སྐྱས་ཚིགས་སུ་བཅད་དེ་གསོལ་པ། ཨང་གི་རྒྱལ་པོ་ནོར་བུའི་གོ་འཆང་བ། །མ་གའི་དབང་པོས་རྙེད་པ་ལེགས་རྙེད་དེ། །དེ་ཡི་ཡུལ་དུ་བྱུང་བའི་སངས་རྒྱས་ནི། །གྲགས་པའི་སྒྲ་དག་གངས་ཀྱི་རི་བོ་བཞིན། །ཇི་ལྟར་པདྨ་བཟང་པོ་ལེགས་འཁྲུངས་པ། །དགོངས་ཀ་ཁ་འབྱེད་དྲི་ཞིམ་ལྡན་པ་བཞིན། །བར་སྣང་ལ་ནི་ཉི་མ་ལྷག་གེ་པར། །སྣང་བ་ལྟ་བུའི་ཉི་མའི་རྒྱུད་ལ་ལྟོས། །དེ་བཞིན་གཤེགས་པ་རྣམས་ཀྱི་ཤེས་རབ་སྟོབས། །ཇི་ལྟར་མཚན་མོ་མེ་འབར་ལྟ་བུ་ལྟོས། །དེ་ནི་མིག་འབྱེད་སྣང་བར་བྱེད་པ་སྟེ། །ལྷགས་པ་རྣམས་ཀྱི་ཐེ་ཚོམ་རྣམ་པར་འདུལ། །ལི་ཙ་བྱི་ལྔ་བརྒྱས་བྲམ་ཟེའི་ཁྱེའུ་སེར་སྐྱས་ལེགས་པར་སྨྲས་སོ། །བྲམ་ཟེའི་ཁྱེའུ་སེར་སྐྱས་ལེགས་པར་སྨྲས་སོ། །ཞེས་བླ་གོས་ལྔ་བརྒྱ་ལེགས་པར་སྨྲས་པའི་ཕྱིར་བྱིན་ནོ། །དེ་ནས་བཅོམ་ལྡན་འདས་ཀྱིས་ཡངས་པ་ཅན་གྱི་ལི་ཙ་བྱི་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཡངས་པ་ཅན་གྱི་ལི་ཙ་བྱི་རྣམས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་ཅག་གི་སྡུམ་པར་གདུགས་ཚོད་</font><hr>Da371a<br><font size=+2>


༄#། །སྦྱོར་ཞིང་མཆིས་ན་གནང་བར་མཛད་དུ་གསོལ། གནས་འཇོག་དག་ང་སྔར་ཨ་མྲ་སྐྱོང་མས་སྤྱན་དྲངས་སོ། །བཙུན་པ་ཨ་མྲ་སྐྱོང་མ་དམན་པ། ཤེས་རབ་དམན་པ་དེས་བདག་ཅག་བ་སླུ་ས་ལགས་ཏེ། ཐོག་མར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བགྱི་ཞིང་མཆིས་པའི་རྔོ་མ་ཐོག་མོད་ཀྱི། ད་དུང་དུ་ཡང་བདག་ཅག་བཅོམ་ལྡན་འདས་དང ། དགེ་སློང་གི་དགེ་འདུན་ལ་བསྙེན་བཀུར་འཚལ་ལོ། །བཅོམ་ལྡན་འདས་ཀྱིས་དེ་དག་ལ་གནས་འཇོག་དག་ལེགས་པར་སྨྲས་སོ། །ཞེས་བཀའ་སྩལ་ཏོ། །དེ་ནས་ཡངས་པ་ཅན་གྱི་ལི་ཙ་བྱི་རྣམས་ཀྱིས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །བྲམ་ཟེའི་ཁྱེའུ་སེར་སྐྱ་ནི་དེ་ཉིད་དུ་འདུག་གོ། །དེ་ནས་བྲམ་ཟེའི་ཁྱེའུ་སེར་སྐྱས་ཡངས་པ་ཅན་གྱི་ལི་ཙ་བྱི་རྣམས་དོང་ནས་རིང་པོ་མ་ལོན་པར་ཤེས་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འདིར་བདག་ལ་ལི་ཙ་བྱི་ལྔ་བརྒྱས་བླ་གོས་ལྔ་བརྒྱ་ལེགས་པར་སྨྲས་པའི་ཕྱིར་སྩལ་བ་འདི་དག་།བཅོམ་ལྡན་འདས་ཀྱིས་ཐུགས་བརྩེ་བ་ཉེ་བ་བཟུང་སྟེ་བཞེས་སུ་</font><hr>Da371b<br><font size=+2>


གསོལ། བཅོམ་ལྡན་འདས་ཀྱིས་བྲམ་ཟེའི་ཁྱེའུ་སེར་སྐྱ་ལ་ཐུགས་བརྩེ་བ་ཉེ་བར་བཟུང་སྟེ། བླ་གོས་ལྔ་བརྒྱ་བཞེས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་སེར་སྐྱ་ལ་བཀའ་སྩལ་པ། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་རྣམ་པ་ལྔ་འཇིག་རྟེན་དུ་འབྱུང་བར་འགྱུར་ཏེ། ལྔ་གང་ཞེ་ན། སེར་སྐྱའི་བུ། འདི་ལ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ།་འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་འབྱུང་བར་གྱུར་ཏེ། དེའི་ཆོས་བསྟན་པ་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ་རབ་ཏུ་སྟོན་ཏེ། སེར་སྐྱའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་དང་པོ་ཡིན་ནོ། །སེར་སྐྱའི་བུ། གཞན་ཡང་གང་ཆོས་དེ་གུས་པ་དང་བཅས་པས་ཉན་ཅིང་བླ་མར་བྱེད། དམ་པར་བྱེད། ཡིད་ལ་བྱེད་ཅིང ། སེམས་རྩེ་གཅིག་ཏུ་བྱས་ཏེ། རྣ་བླགས་ནས་</font><hr>Da372a<br><font size=+2>


༄#། །སེམས་ཐམས་ཅད་བསྡུས་ཏེ་ཉན་པར་བྱེད་པ་འདི་ནི། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་གཉིས་པ་ཡིན་ནོ། །སེར་སྐྱའི་བུ། གཞན་ཡང་ཆོས་དེ་གང་དག་གིས་ཐོས་ནས་དགའ་བ་དང ། མགུ་བ་དང ། ངེས་པར་འབྱུང་བ་དང་ལྡན་པའི་དགེ་བའི་ཆོས་རྒྱ་ཆེན་པོ་ཐོབ་པ་འདི་ནི། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་གསུམ་པ་ཡིན་ནོ། །སེར་སྐྱའི་བུ། གཞན་ཡང་གང་དག་གིས་ཆོས་དེ་ཐོས་ནས་དེ་ལྟ་དེ་ལྟར་སྒྲུབ་པར་བྱེད་པ་ནི། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་བ་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་བཞི་པ་ཡིན་ནོ། །སེར་སྐྱའི་བུ། གཞན་ཡང་གང་དག་གིས་ཆོས་དེ་ཐོས་ནས་དོན་ཟབ་མོའི་གཞི་སོ་སོར་རྟོགས་པར་བྱེད་པ་ནི། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་བ་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་ལྔ་པ་ཡིན་ནོ། །སེར་སྐྱའི་བུ། སྐྱེས་བུ་དམ་པ་དག་ནི་བྱས་པ་གཟོ་བ་དང ། བྱས་པ་ཚོར་བ་ཅན་ཡིན་ཏེ། གང་གིས་ཅུང་ཟད་ཙམ་བྱས་པ་ཡང་ཆུད་གཟོན་པར་མི་བྱེད་ན། མང་པོ་ལྟ་སྨོས་</font><hr>Da372b<br><font size=+2>


ཀྱང་ཅི་དགོས། སེར་སྐྱའི་བུ་དེ་ལྟ་བས་ན་འདི་ལྟར་བྱས་པ་གཟོ་བ་དང ། བྱས་པ་ཚོར་བ་ཅན་དུ་བསླབ་པར་བྱ་སྟེ། ཅུང་ཟད་ཙམ་བྱས་པ་ཡང་ཆུད་གཟོན་པར་མི་བྱེད་ན། མང་པོ་ལྟ་སྨོས་ཀྱང་ཅི་དགོས་ཏེ།་སེར་སྐྱའི་བུ་ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་བྲམ་ཟེའི་ཁྱེའུ་སེར་སྐྱ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཨ་མྲ་སྐྱོང་མས་དེ་ཉིད་ཀྱི་མཚན་མོ་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་སྟ་གོན་བྱས་ཏེ།་ནང་པར་སྔར་ལངས་ནས་གདན་བཤམས་ཏེ། ནོར་བུའི་ཆུ་སྣོད་དག་བཞག་ནས། བཅོམ་ལྡན་འདས་ལ་སྤྱན་འདྲེན་གྱིས་གདུགས་ཚོད་གསོལ་པ། བཙུན་པ་གདུགས་ཚོད་བཤམས་ལགས་ན།་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་ཤམ་ཐབས་མནབས། ན་བཟའ་ཆོས་གོས་དང་ལྷུང་བཟེད་བསྣམས་ཏེ་དགེ་སློང་གི་ཚོགས་ཀྱིས་བསྐོར་ཅིང ། དགེ་སློང་གི་དགེ་འདུན་གྱི་མདུན་གྱིས་བལྟས་ཏེ། ཨ་མྲ་སྐྱོང་མའི་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཨ་མྲ་སྐྱོང་མས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་སྟོབས་ཤིང་ཚིམ་པར་</font><hr>Da373a<br><font size=+2>


༄#། །བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང ། བཅའ་བས་རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས། ཕྱག་བཅབས་ཏེ་ལྷུང་བཟེད་གྱུར་བར་རིག་ནས། སྟན་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་ཨ་མྲ་སྐྱོང་མའི་སྦྱིན་པ་དེ་ལ་རྗེས་སུ་ཡི་རང་བས་རྗེས་སུ་ཡི་རང་བར་མཛད་དེ། སྦྱིན་ལ་དགའ་འགྱུར་དེ་ལ་སྐྱེ་བོ་སྟེན། །སྙན་པ་འཐོབ་ཅིང་དེ་ཡི་གྲགས་པ་འཕེལ། །སེར་སྣ་མེད་ཅིང་ཚོགས་པར་འགྲོ་བ་ན། །ཞུམ་པར་མི་འགྱུར་འཇིགས་པ་མེད་པར་འགྱུར། །དེ་ལྟ་བས་ན་མཁས་པ་བདེ་འདོད་པས། །སེར་སྣའི་དྲི་མ་སྤངས་ཏེ་སྦྱིན་པ་གཏོང ། །དེ་དག་ཡུན་རིང་སུམ་ཅུ་རྩ་གསུམ་གནས། ། ལྷ་དག་དང་ཡང་སྐལ་བ་མཉམ་པར་དགའ། །སྦྱིན་གཏོང་དགེ་བྱེད་དེ་ནི་ཤི་འཕོས་ནས། །རང་གི་འོད་ཀྱིས་དགའ་བའི་ཚལ་ན་རྒྱུ། །དེ་ན་དེ་དག་རྩེན་ཅིང་དགའ་བྱེད་པ། །འདོད་པའི་ཡོན་ཏན་མང་པོ་དག་དང་ལྡན། །མ་བཅིངས་སྐྱོབ་པ་དེ་ཡི་གསུང་ཐོས་ནས། །བདེ་བར་གཤེགས་པའི་ཉན་ཐོས་མཐོ་རིས་དགའ། །དེ་ནས་བཅོམ་ལྡན་འདས་ཀྱིས་ཨ་མྲ་སྐྱོང་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གདན་ལས་བཞེངས་ཏེ་གཤེགས་སོ། ། </font><hr>Da373b<br><font size=+2>


དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་འོད་མ་ཅན་གྱི་གྲོང་གང་ན་བ་དེར་འདོང་ངོ ། །བཙུན་པ་བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ། འོད་མ་ཅན་གྱི་གྲོང་དུ་བྱོན་ནས། འོད་མ་ཅན་གྱི་གྲོང་གི་བྱང་ཕྱོགས་ཀྱི་གྲོང་ཤིང་ཤ་པའི་ཚལ་ན་བཞུགས་སོ། །དེ་ནས་དེའི་ཚེ་མུ་གེའི་དགོན་པ་ཉམ་ང་བ་སློང་མོ་བ་རྣམས་ཀྱིས་ཟས་རྙེད་པར་དཀའ་བ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ད་ལྟར་འདིར་མུ་གེའི་དགོན་པ་ཉམ་ང་བ་སློང་མོ་བ་རྣམས་ཀྱིས་ཟས་རྙེད་པར་དཀའ་བ་བྱུང་གི། །དགེ་སློང་དག་ཚུར་ཁྱེད་ལས་སྨོས་འདྲིན་ཇི་ལྟ་བུ་ཡོད་པ་དང ། གཏམ་འདྲེས་པ་ཇི་ལྟ་བུ་ཡོད་པ་དང ། འགྲོགས་བཤེས་ཇི་ལྟ་བུ་ཡོད་པ་དེ་དག་ནི། ཡངས་པ་ཅན་གྱི་ཉེ་འཁོར་སྤོང་བྱེད་དུ་དབྱར་གནས་པར་དམ་ཆོས་ཤིག་།ང་ཡང་བསྙེན་བཀུར་བ་དགེ་སློང་ཀུན་དགའ་བོ་དང་འོད་མ་ཅན་གྱི་གྲོང་འདི་ཉིད་དུ་དབྱར་བཞུགས་པར་དམ་བཅས་ན། ཐམས་ཅད་བསོད་སྙོམས་ཀྱིས་ཕོངས་པར་མི་འགྱུར་གྲང ། བཙུན་པ་བཀའ་བཞིན་འཚལ། ཞེས་དགེ་སློང་དེ་དག་གིས། བཅོམ་ལྡན་འདས་ཀྱི་ལྟར་མཉན་ནས། སྨོས་འདྲིན་ཇི་ལྟ་བུ་ཡོད་པ་དང ། འགྲོགས་ཤེས་ཇི་ལྟ་བུ་ཡོད་པ་དང ། གཏམ་འདྲེས་པ་</font><hr>Da374a<br><font size=+2>


༄#། །ཇི་ལྟ་བུ་ཡོད་པ་དག་ནི། ཡངས་པ་ཅན་གྱི་ཉེ་འཁོར་སྤོང་བྱེད་དུ་དབྱར་གནས་པར་དམ་བཅས་སོ། །བཅོམ་ལྡན་འདས་ཀྱང་བསྙེན་བཀུར་ཚེ་དང་ལྡན་པ་ཀུན་དགའ་བོ་དང་འོད་མ་ཅན་གྱི་གྲོང་དེ་ཉིད་དུ་དབྱར་བཞུགས་པར་དམ་བཅས་སོ། །དབྱར་གྱི་གནས་དེར། བཅོམ་ལྡན་འདས་སྙུན་ཚབས་ཆེན་པོ་མི་བཟད་པ་དྲག་པོ་གྲོངས་ལ་ཐུག་པ་ཞིག་གིས་ཐེབས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་ནད་ཚབས་ཆེན་པོ་མི་བཟད་པ་དྲག་པོ་ཤི་ལ་ཐུག་པས་ཐེབས་ལ། དགེ་སློང་གི་དགེ་འདུན་ཡང་འཐོར་བར་གྱུར་ན། དགེ་སློང་གི་དགེ་འདུན་འཐོར་བ་ན་བདག་ཡོངས་སུ་མྱ་ངན་ལས་འདའ་བ་ནི། བདག་གི་ཆ་མ་ཡིན་གྱི། མ་ལ་བདག་གིས་ཚོར་བ་གཅིག་པོ་དེ་བརྩོན་འགྲུས་ཀྱིས་བཅིལ་ལ། མཚན་མ་ཐམས་ཅད་ཡིད་ལ་མི་བྱ་བར་སེམས་ཀྱི་ཏིང་འཛིན་མཚན་མ་མེད་པ་ལུས་ཀྱིས་མངོན་སུམ་དུ་བསྒྲུབ་ཏེ་གནས་པར་བྱའོ། །སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་ཚོར་བ་གཅིག་པོ་དེ་བརྩོན་འགྲུས་ཀྱིས་སླར་བཅིལ་ནས། མཚན་མ་ཐམས་ཅད་ཡིད་ལ་མི་མཛད་པས་སེམས་ཀྱི་ཏིང་ངེ་འཛིན་མཚན་མ་མེད་པ་སྐུས་མངོན་སུམ་དུ་མཛད་པ་བསྒྲུབས་ནས་བཞུགས་ཏེ། དེས་ན་བཅོམ་ལྡན་འདས་ལྷག་པར་སྤྱོད་པ་དང ། ལྷག་པར་འཚོ་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་དགོངས་ཀ་ནང་དུ་ཡང་</font><hr>Da374b<br><font size=+2>


དག་འཇོག་ལས་ལངས་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཆལ་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་སྙུན་ཚབས་ཆེན་པོ་མི་བཟད་པ་དྲག་པོ་གྲོངས་ལ་ཐུག་པས་ཐེབས་པར་གློ་བར་ཆུད་ནས། བདག་ནི་དུག་འཚལ་བ་བཞིན་དུ་ལུས་ཀྱང་གཡོ་བ་མ་མཆིས། ཕྱོགས་ཀྱང་བསླད། ཆོས་ཐོས་པ་རྣམས་ཀྱང་བསྐྱུད་པར་གྱུར་ལགས་ཏེ། དེ་ལ་བདག་གློ་བ་རེ་བ་ནི། རེ་ཞིག་བཅོམ་ལྡན་འདས་ཀྱིས་དགེ་སློང་གི་དགེ་འདུན་གྱི་སླད་དུ་ཞལ་ཆེམས་ཅུང་ཟད་བཀའ་མ་སྩལ་གྱི་བར་དུ། བཅོམ་ལྡན་འདས་ཡོངས་སུ་མྱ་ངན་ལས་མི་འདའོ། །སྙམ་བགྱིད་དོ། །ཀུན་དགའ་བོ་གང་ཞིག་འདི་སྙམ་དུ་དགེ་སློང་གི་དགེ་འདུན་ནི་བདག་གི་ཡིན་ཏེ། བདག་གིས་དགེ་སློང་གི་དགེ་འདུན་ལ་བསྟན་པར་བྱའོ། །བདག་གིས་དགེ་སློང་གི་དགེ་འདུན་དྲང་ངོ་སྙམ་དུ་སེམས་པ་དེ་ནི། དགེ་སློང་གི་དགེ་འདུན་གྱི་ཕྱིར་ཁ་ཆེམས་ཅུང་ཟད་སྨྲ་བར་འགྱུར་བ་ཉིད་ན། ཀུན་དགའ་བོ། ང་ནི་འདི་སྙམ་དུ་དགེ་སློང་གི་དགེ་འདུན་ནི་ངའི་ཡིན་ཏེ། ངས་དགེ་སློང་གི་དགེ་འདུན་ལ་བསྟན་པར་བྱའོ། །ངས་དགེ་སློང་གི་དགེ་འདུན་དྲང་ངོ་སྙམ་དུ་དགོངས་པ་མི་མངའ་ན། ངས་དགེ་སློང་གི་དགེ་འདུན་གྱི་ཕྱིར་ཞལ་ཆེམས་ཁོ་ན་ཅུང་ཟད་བསྟན་དུ་ཅི་ཡོད། གཞན་ཡང་ཀུན་དགའ་བོ། ང་</font><hr>Da375a<br><font size=+2>


༄#། །ལ་དགེ་སློང་གི་དགེ་འདུན་གྱི་རག་ལུས་པ་ཅི་ཞིག་ཡོད། ཀུན་དགའ་བོ། ངས་རྟག་ཏུ་གོམས་པར་བྱ་བའི་ཆོས། འདི་ལྟ་སྟེ། དྲན་པ་ཉེ་བར་གཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་ནི་བཤད་ཟིན་ཏོ།། ཀུན་དགའ་བོ། དེ་བཞིན་གཤེགས་པ་ལ་ནི་གང་ཞིག་གཞན་དག་གིས་ཤེས་ན་མི་རུང་བས་དེ་བཞིན་གཤེགས་པས་བཅབ་བོ་སྙམ་དུ་དགོངས་པའི་སློབ་དཔོན་གྱི་དཔེ་མཁྱུད་མི་མངའོ། ། ཀུན་དགའ་བོ་འོན་ཀྱང་གང་གི་ཚེ་དེ་བཞིན་གཤེགས་པ་སྙུན་ཚབས་ཆེན་པོ་མི་བཟད་པ་དྲག་པ་གྲོངས་ལ་ཐུག་པས་ཐེབས་པ་དེ་ལ་ང་འདི་སྙམ་དུ་དགོངས་ཏེ། བདག་ནད་ཚབས་ཆེན་པོ་མི་ཟད་པ་དྲག་པོ་ཤི་ལ་ཐུག་པས་ཐེབས་ལ། དགེ་སློང་གི་དགེ་འདུན་ཡང་འཐོར་བར་གྱུར་ཏེ། དགེ་སློང་གི་དགེ་འདུན་ཐོར་བ་ན་བདག་ཡོངས་སུ་མྱ་ངན་ལས་འདའ་བ་ནི་བདག་གི་ཆ་མ་ཡིན་གྱི། མ་ལ་བདག་གི་ཚོར་བ་གཅིག་པོ་དེ་བརྩོན་འགྲུས་ཀྱིས་བཅིལ་ལ། མཚན་མ་ཐམས་ཅད་ཡིད་ལ་མི་བྱ་བར་སེམས་ཀྱི་ཏིང་ངེ་འཛིན་མཚན་མ་མེད་པ་ལུས་ཀྱིས་མངོན་སུམ་དུ་བསྒྲུབས་ཏེ་གནས་པར་བྱའོ། །སྙམ་ནས་ངས་ཚོར་བ་གཅིག་པོ་དེ་བརྩོན་འགྲུས་ཀྱིས་སླར་བཅིལ་ནས། མཚན་མ་ཐམས་ཅད་ཡིད་ལ་མི་བྱ་བར་སེམས་ཀྱི་ཏིང་ངེ་འཛིན་མཚན་མ་མེད་པ་</font><hr>Da375b<br><font size=+2>


ལུས་ཀྱིས་མངོན་སུམ་དུ་བསྒྲུབས་ནས་བཞུགས་ཏེ། དེས་ན་དེ་བཞིན་གཤེགས་པ་ལྷག་པར་སྤྱོད་པ་དང ། ལྷག་པར་འཚོ་བར་གྱུར་ཏོ། །གཞན་ཡང་ཀུན་དགའ་བོ། དེ་བཞིན་གཤེགས་པ་ནི་ན་ཚོད་བརྒྱད་ཅུ་ལོན་པས་སྐུ་བགྲེས་འཁོགས་གཏུགས་པར་གྱུར་ཏེ། རྣམ་པ་གཉིས་ལ་བརྟེན་ནས་འཚོའོ། །དཔེར་ན་ཤིང་རྟའི་རྙིང་པ་རྣམ་པ་གཉིས་ལ་བརྟེན་ནས་བརྟན་པ་དེ་བཞིན་དུ། དེ་བཞིན་གཤེགས་པ་ཡང་ན་ཚོང་ལོ་བརྒྱད་ཅུ་ལོན་པས་སྐུ་བགྲེས་འཁོགས་གཏུགས་པར་གྱུར་ཏེ། རྣམ་པ་གཉིས་ལ་བརྟེན་ནས་འཚོའོ། །དེ་ལྟ་བས་ན་ཀུན་དགའ་བོ་ཁྱོད་མྱ་ངན་མ་བྱེད་ཅིག་།ཉོན་མོངས་པར་མ་བྱེད་ཅིག་།སྨྲེ་སྔགས་མ་འདོན་ཅིག་།གང་སྐྱེ་བ་དང ། བྱུང་བ་དང ། བྱས་པ་དང ། འདུས་བྱས་དང ། བསམ་པ་གང་ཡིན་པ་རྟེན་ཅིང་འབྲེལ་པར་འབྱུང་བ་རྣམ་པར་འགྱེས་པའི་ཆོས་ཅན་དེ་ལ། མི་འཇིག་པ་དེ་ལྟ་བུ་ག་ལ་ཡོད་དེ། དེ་ནི་གནས་མེད་དོ། །ཀུན་དགའ་བོ། གང་ཡང་ངས་ཁྱོད་ལ་སྡུག་པ་དང ། ཕངས་པ་དང ། དགའ་བ་དང ། ཡིད་དུ་འོང་བ་ཐམས་ཅད་ནི། འབྲལ་བ་དང ། འཇིག་པ་དང ། འགྱེས་པ་དང ། མི་ལྡན་པར་འགྱུར་བ་སྔ་ནས་བཤད་ཟིན་ཏོ། །ཀུན་དགའ་བོ། དེ་ལྟ་བས་ན་ད་ལྟའམ། འདས་ཀྱང་རུང་གང་སུ་དག་བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང ། སྐྱབས་གཞན་གྱིས་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཀུན་</font><hr>Da376a<br><font size=+2>


༄#། །དགའ་བོ་ད་ལྟའམ། འདས་ཀྱང་རུང ། གང་སུ་དག་བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱེད་ཀྱི། གླིང་གཞན་དང ། སྐྱབས་གཞན་གྱིས་ནི་མ་ཡིན་པ་དེ་དག་ནི། འདི་ལྟ་སྟེ། ངའི་ཉན་ཐོས་བསླབ་པ་འདོད་པ་རྣམས་ཀྱི་མཆོག་ཡིན་ནོ། །ཀུན་དགའ་བོ། ཇི་ལྟར་ན་དགེ་སློང་གིས་བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང ། སྐྱབས་གཞན་གྱིས་ནི་མ་ཡིན་ཞེ་ན། ཀུན་དགའ་བོ། འདི་ལ་དགེ་སློང་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང ། བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས་འཇིག་རྟེན་ལ་གནོད་སེམས་དང ། ཡིད་མི་བདེ་བ་སྤངས་ནས་གནས་སོ། །ཕྱིའི་ལུས་དང ། ནང་གི་ལུས་དང ། ནང་དང་ཕྱིའི་ལུས་དང ། ནང་གི་ཚོར་བ་རྣམས་དང ། ཕྱིའི་ཚོར་བ་རྣམས་དང ། ཕྱི་དང་ནང་གི་ཚོར་བ་རྣམས་དང ། ནང་གི་སེམས་དང ། ཕྱིའི་སེམས་དང ། ནང་དང་ཕྱིའི་སེམས་དང ། ནང་གི་ཆོས་རྣམས་དང ། ཕྱིའི་ཆོས་རྣམས་དང ། ནང་དང་ཕྱིའི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང ། བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས་འཇིག་རྟེན་ལ་གནོད་སེམས་དང ། ཡིད་མི་བདེ་བ་སྤངས་ནས་གནས་པ་སྟེ། ཀུན་དགའ་བོ། དགེ་སློང་འདི་ལྟ་བུ་ནི། བདག་ཉིད་</font><hr>Da376b<br><font size=+2>


གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང ། སྐྱབས་གཞན་གྱིས་ནི་མ་ཡིན་ནོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་གཅིག་པ། སྡོམ་པར་མ་ནི། དབྱར་བྱེད་གྲོང་ཁྱེར་བ་ཏ་ལི། །བྱས་པ་སྒོ་དང་གངྒཱ་ལ། །ཀུ་ཏི་ཀ་དང་ན་ཏི་ཀ་།ཡངས་པ་ཅན་དང་འོད་མའི་ཚལ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་།གྲོང་ཁྱེར་ཡངས་པ་ཅན་གང་ན་བ་དེར་འདོང་ངོ ། །ཞེས་བཀའ་སྩལ་པ་དང ། བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་མཉན་ཏེ། དེ་ནས་བཅོམ་ལྡན་འདས་ཡུལ་བྲི་ཛི་ནས་ལྗོངས་རྒྱུ་ཞིང ། གྲོང་ཁྱེར་ཡངས་པ་ཅན་དུ་བྱོན་ཏེ། ཡངས་པ་ཅན་གྱི་སྤྲེའུ་རྫིང་གི་འགྲམ་ཁང་བཟང་བརྩེགས་པའི་གནས་ན་བཞུགས་སོ། ། དེ་ནས་བཅོམ་ལྡན་འདས་སྔ་དྲོ་ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ཏེ། ཡངས་པ་ཅན་དུ་ཞབས་འབྲིང་བའི་དགེ་སྦྱོང་ཀུན་དགའ་བོ་དང་བསོད་སྙོམས་ལ་ཞུགས་སོ། ། དེ་ནས་བཅོམ་ལྡན་འདས་བསོད་སྙོམས་ལ་གཤེགས་ནས་ཟས་ཀྱི་བྱ་བ་བྱས་ཏེ། ཟས་ཀྱི་བསོད་སྙོམས་ཕྱི་མ་སྤངས་ནས། ལྷུང་བཟེད་དང་ཆོས་གོས་བཞག་སྟེ། ཞབས་བཀྲུས་ནས། ཙ་པ་ལའི་མཆོད་རྟེན་གང་ན་བ་དེར་གཤེགས་ཏེ། ཕྱིན་ནས་ཤིང་གཞན་ཞིག་གི་དྲུང་དུ་ཉིན་པར་སྤྱོད་པའི་ཕྱིར་གནས་ཏེ་བཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་</font><hr>Da377a<br><font size=+2>


༄#། །དགའ་བོ་ཡངས་པ་ཅན་དང ། བྲི་ཛིའི་ཕྱོགས་དང ། ཙ་པ་ལིའི་མཆོད་རྟེན་དང ། ཤིང་ཨ་མྲ་བདུན་པོ་དང ། བུ་མང་པོ་དང ། གོའུ་ཏ་མའི་ཤིང་ནྱ་གྲོ་དྷ་དང ། ཤིང་སཱ་ལ་གཉིས་པོ་དང ། བརྩོན་པ་གཏོང་བ་དང ། གྱད་རྣམས་ཀྱི་ཅོད་པན་འཆིང་བའི་མཆོད་རྟེན་དང ། ཛམ་བུའི་གླིང་སྣ་ཚོགས་ལ་དགའ་བར་འགྱུར་བ་ཡིན་ཏེ། མི་རྣམས་ལ་ནི་ཚེ་གཅེས་ཏེ། ཀུན་དགའ་བོ་གང་སུ་ལ་ཡང་རུང ། རྫུ་འཕྲུལ་གྱི་རྐང་པ་བཞི་ལ་བརྟེན་བསྒོམས་མང་དུ་བྱས་པ་དེ་འདོད་ན་བསྐལ་པའམ། བསྐལ་པ་ལས་ལྷག་གི་བར་དུ་ཡང་འདུག་གོ་།ཀུན་དགའ་བོ། དེ་བཞིན་གཤེགས་པས་རྫུ་འཕྲུལ་གྱི་རྐང་པ་བཞི་ལ་བརྟེན་བསྒོམས་མང་དུ་བྱས་པས་ན། དེ་བཞིན་གཤེགས་པ་བཞེད་ན་བསྐལ་པའམ། བསྐལ་པ་ལས་ལྷག་པའི་བར་དུ་ཡང་བཞུགས་སོ། །དེ་སྐད་ཅེས་གསུངས་ན། ཚེ་དང་ལྡན་པ་ཀུན་དགའ་བོ་ཅང་མི་ཟེར་ནས་ལན་གཉིས། ལན་གསུམ་དུ་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཡངས་པ་ཅན་དང ། བྲི་ཛིའི་ཕྱོགས་དང ། ཙ་པ་ལའི་མཆོད་རྟེན་དང ། ཤིང་ཨ་རྨ་བདུན་པོ་དང ། བུ་མང་པོ་དང ། གོའུ་ཏ་མའི་ཤིང་ནྱ་གྲོ་དྷ་དང ། ཤིང་སཱ་ལ་གཉིས་པོ་དང ། བརྩོན་པ་གཏོང་བ་དང ། མལ་ལྱ་རྣམས་ཀྱིས་ཅོད་པན་འཆིང་བའི་མཆོད་རྟེན་དང ། ཛམྦུའི་གླིང་སྣ་ཚོགས་ལ་དགའ་བར་འགྱུར་བ་ཡིན་ཏེ། མི་</font><hr>Da377b<br><font size=+2>


རྣམས་ལ་ནི་ཚེ་གཅེས་པ་ཡིན། ཀུན་དགའ་བོ་གང་སུ་ཡང་རུང ། རྫུ་འཕྲུལ་གྱི་རྐང་པ་བཞི་ལ་བརྟེན་བསྒོམས་མང་དུ་བྱས་པས་ན། དེ་འདོད་ན་བསྐལ་པའམ། བསྐལ་པ་ལས་ལྷག་གི་བར་དུ་འདུག་གོ་།ཀུན་དགའ་བོ། དེ་བཞིན་གཤེགས་པས་ཀྱང་རྫུ་འཕྲུལ་གྱི་རྐང་པ་བཞི་ལ་བརྟེན་བསྒོམས་མང་དུ་བྱས་པས་ན། དེ་བཞིན་གཤེགས་པ་བཞེད་ན་བསྐལ་པའམ། བསྐལ་པ་ལས་ལྷག་གི་བར་དུ་བཞུགས་སོ། །ཞེས་ལན་གཉིས་ལན་གསུམ་དུ་གསུངས་ཀྱང ། ཚེ་དང་ལྡན་པ་ཀུན་དགའ་བོ་ཅང་མི་ཟེར་རོ། །དེ་ནས་བཅོམ་ལྡན་འདས་ཀྱིས་འདི་སྙམ་དུ་དགོངས་སོ། ། ེ་མའོ། །དགེ་སློང་ཀུན་དགའ་བོ་ནི། འདི་ལྟ་སྟེ། བདུད་སྡིག་ཅན་གྱིས་ཁེབས་པར་ངེས་སོ། །དེ་བས་ན་འདི་ལན་གསུམ་གྱི་བར་རྒྱ་ཆེར་སྣང་བའི་མཚན་མས་ཀྱང ། དེའི་མཚན་མ་ཁོང་དུ་ཆུད་པར་མ་ནུས་སོ། །སྙམ་ནས་དེ་བདུད་སྡིག་ཅན་གྱིས་ཁེབས་པར་མཁྱེན་ཏེ། ཚེ་དང་ལྡན་པ་ཀུན་དགའ་བོ། བདག་ཅག་གཉིས་ཀ་འཁྲུགས་པར་མི་འགྱུར་བའི་ཕྱིར་ཤིང་གཞན་ཞིག་གི་དྲུང་དུ་སོང་ལ་འདུག་ཅིག་།ཅེས་བཀའ་སྩལ་པ་དང ། བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་མཉན་ཏེ། ཤིང་གཞན་ཞིག་གི་དྲུང་ན་ཉིན་པར་སྤྱོད་པའི་ཕྱིར་འདུག་གོ་།དེ་ནས་བདུད་སྡིག་ཅན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འགྲེང་ངོ ། །ཕྱོགས་གཅིག་</font><hr>Da378a<br><font size=+2>


༄#། །ཏུ་འགྲེང་ནས། བདུད་སྡིག་ཅན་གྱིས། བཅོམ་ལྡན་འདས་ལ་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་མཛོད་ཅིག་།བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་བོ། །ཞེས་གསོལ་པ་དང ། བཅོམ་ལྡན་འདས་འདི་སྙམ་དུ་དགོངས་སོ། །འདི་ནི་བདུད་སྡིག་ཅན་དུ་ངེས་ཏེ། འདི་ལྟར་དཀྲུག་པའི་ལུས་སུ་འོངས་སོ། །སྙམ་དུ་མཁྱེན་ནས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །བདུད་སྡིག་ཅན་ཁྱོད་ཅིའི་ཕྱིར་ན། བཅོམ་ལྡན་འདས་ཡོངས་སུ་མྱ་ངན་ལས་འདའ་བར་མཛོད་ཅིག་།བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་བོ་ཞེས་ཟེར། བཙུན་པ་དུས་གཅིག་ན་བཅོམ་ལྡན་འདས་ཨུ་རུ་བིལ་པའི་འབབ་ཆུ་ནེ་ར་ཉྫའི་ངོགས་བྱང་ཆུབ་ཤིང་གི་དྲུང་དུ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པར། བཅོམ་ལྡན་འདས་ག་ལ་བ་དེར་བདག་མཆིས་ཏེ་ཕྱིན་པ་དང ། བཅོམ་ལྡན་འདས་ཡོངས་སུ་མྱ་ངན་ལས་འདའ་བར་མཛོད་ཅིག་།བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་བོ། །ཞེས་བདག་གིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བདུད་སྡིག་ཅན་ནམ་ངའི་ཉན་ཐོས་དགེ་སློང་ཕ་དང ། དགེ་སློང་མ་དང ། དགེ་བསྙེན་ཕ་དང ། དགེ་བསྙེན་མ་མཁས་པ་གསལ་བ་ཤེས་རབ་ཏུ་ལྡན་པ། ཕས་ཀྱི་རྒོལ་བ་བྱུང་ཞིང་བྱུང་བ་རྣམས་ལ་</font><hr>Da378b<br><font size=+2>


ཆོས་དང་བཅས། འདུལ་བ་དང་བཅས་པས་ཚར་གཅོད་པ་དང ། རང་གིས་བརྒལ་བ་ཡོངས་སུ་དག་པར་བྱེད་པར་འགྱུར་བའི་ཚངས་པར་སྤྱད་པ་ལྷ་དང་མིའི་སྐྱེ་བོ་མང་པོ་ལ་ཕན་པར་ཁྱབ་ཅིང་རྒྱས་པར་ཡང་དག་པར་རབ་ཏུ་བསྒྲགས་པར་མ་གྱུར་གྱི་བར་དུ་མྱ་ངན་ལས་ཡོངས་སུ་མི་འདའོ་ཞེ་ན། ད་ནི་བཅོམ་ལྡན་འདས་ཀྱི་ཉན་ཐོས་དགེ་སློང་ཕ་དང ། དགེ་སློང་མ་དང ། དགེ་བསྙེན་ཕ་དང ། དགེ་བསྙེན་མ་རྣམས་མཁས་པ་གསལ་བ་ཤེས་རབ་དང་ལྡན་པ་བྱུང་ཞིང ། བྱུང་བ་ཕ་རོལ་གྱི་རྒོལ་བ་ལ་ཆོས་དང་བཅས། འདུལ་བ་དང་བཅས་པས་ཚར་གཅོད་པ་རང་གིས་བརྒལ་བ་ཡོངས་སུ་དག་པར་བྱེད་པ་ཁྱོད་ཀྱི་ཚངས་པར་སྤྱད་པ་ལྷ་དང་མིའི་སྐྱེ་བོ་མང་པོ་ལ་ཕན་པར་ཁྱབ་ཅིང་རྒྱས་པར་ཡང་དག་པར་རབ་ཏུ་བསྒྲགས་པར་གྱུར་ཏེ། དེ་བས་ན་བདག་གིས་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་གསོལ། བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་བོ། །ཞེས་གསོལ་ལོ། །སྡིག་ཅན་ཁྱོད་བརྩོན་པ་མ་ཆེ་ཞིག་།དེ་བཞིན་གཤེགས་པ་ནི་རིང་པོ་མ་ཐོགས་ཏེ། ཟླ་བ་གསུམ་འདས་པ་དང ། ཕུང་པོ་མ་ལུས་པའི་མྱ་ངན་ལས་འདའ་བའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ། །དེ་ནས་བདུད་སྡིག་ཅན་འདི་སྙམ་དུ་བསམས་སོ། །དགེ་སྦྱོང་གོའུ་ཏ་མ་ངེས་པར་ཡོངས་སུ་མྱ་ངན་ལས་འདའ་བར་ཤེས་ནས། དགའ་མགུར་རབ་ཏུ་དགའ་ཞིང་</font><hr>Da379a<br><font size=+2>


༄#། །མགུ་སྟེ། དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་སོ། །ཅི་ནས་བདག་གིས་ཇི་ལྟར་མ་གཡེངས་པའི་སེམས་ཀྱིས་འཚོ་བའི་འདུ་བྱེད་ནི་བྱིན་གྱིས་རླབས། ཚེའི་འདུ་བྱེད་སྤངས་པ་དེ་ལྟ་བུའི་རྫུ་འཕྲུལ་གྱི་མངོན་པར་བྱ་བ་མངོན་པར་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་ན། ཅི་ནས་མཉམ་པར་བཞག་པའི་སེམས་ཀྱིས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་ནི་སྤངས་སོ། །ཚེའི་འདུ་བྱེད་སྤངས་མ་ཐག་ཏུ་དེའི་ཚེ་ས་ཆེན་པོ་གཡོས་པར་གྱུར་ཏེ། སྐར་མདའ་ལྷུང ། ཕྱོགས་ཚིག་།བར་སྣང་ནས་ལྷ་རྣམས་རྔ་རྡུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཏིང་ངེ་འཛིན་དེ་ལས་བཞེངས་ནས། དེའི་ཚེ་ཚིགས་སུ་བཅད་དེ་གསུངས་པ། མཉམ་དང་མི་མཉམ་སྲིད་པ་ནི། །སྲིད་པའི་འདུ་བྱེད་ཐུབ་པས་སྤངས། །ནང་དུ་དགའ་ཞིང་མཉམ་བཞག་པས། །སྒོ་ང་མཛོད་ལས་བྱུང་བ་བཞིན། །དེ་ནས་ཚེ་དང་ལྡན་པ་ཀུན་དགའ་བོ་ཕྱི་དྲོ་ནང་དུ་ཡང་དག་འཇོག་ལས་ལངས་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་</font><hr>Da379b<br><font size=+2>


རྒྱུ།་ཅིའི་རྐྱེན་གྱིས་ན་ས་ཆེན་པོ་གཡོས། ཀུན་དགའ་བོ་འདི་ནི། རྒྱུ་བརྒྱད་དང ། རྐྱེན་བརྒྱད་ཀྱི་ཕྱིར་ས་ཆེན་པོ་གཡོས་པར་འགྱུར་ཏེ། བརྒྱད་གང་ཞེ་ན། ཀུན་དགའ་བོ་ས་ཆེན་པོ་འདི་ནི་ཆུ་ལ་བརྟེན།་ཆུ་ནི་རླུང་ལ་བརྟེན། རླུང་ནི་ནམ་མཁའ་ལ་བརྟེན་པར་གྱུར་ཏེ། ཀུན་དགའ་བོ་ནམ་གྱི་དུས་ན་ནམ་མཁའ་ལ་རླུང་མོ་ཆེ་ལྡང་ངོ ། །ནམ་མཁའ་ལ་རླུང་མོ་ཆེ་ལངས་པས་ཆུ་བསྐྱོད་དོ། །ཆུ་བསྐྱོད་པས་ས་གཡོ་བར་འགྱུར་ཏེ། ཀུན་དགའ་བོ་འདི་ནི། ས་གཡོ་བའི་རྒྱུ་དང་པོ་རྐྱེན་དང་པོ་ཡིན་ནོ། །གཞན་ཡང་ཀུན་དགའ་བོ་དགེ་སློང་ཆོ་འཕྲུལ་ཆེན་པོ་དང ། མཐུ་ཆེན་པོ་ཡོད་དེ། དེས་ས་ཆུང་བར་འདུ་ཤེས་ཀྱིས་བྱིན་གྱིས་བརླབས་ནས། ཆུ་ནི་ཚད་མེད་པར་འདུ་ཤེས་སྦྱར་ཏེ། འདོད་ན་ཡང་ས་གཡོ་བར་འགྱུར་རོ། །དགེ་སློང་མའམ། ལྷ་ཡང་རུང ། རྫུ་འཕྲུལ་ཆེ་བ་མཐུ་ཆེ་བར་གྱུར་པ་དེས་ཀྱང་ས་ཆུང་བར་འདུ་ཤེས་ཀྱིས་བྱིན་གྱིས་བརླབས་ནས། ཆུ་ནི་ཚད་མེད་པར་འདུ་ཤེས་སྦྱར་ཏེ། འདོད་ན་ཡང་ས་གཡོ་བར་འགྱུར་རོ། །ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་གཉིས་པ་རྐྱེན་གཉིས་པ་ཡིན་ནོ། །གཞན་ཡང་ཀུན་དགའ་བོ་ནམ་གྱི་དུས་ན། བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ལས་ཤི་འཕོས་ཏེ། ཡུམ་གྱི་ལྷུམས་སུ་ཞུགས་པ་དེ་ན་ཡང་ས་ཆེན་པོ་ཤིན་ཏུ་གཡོ་བར་འགྱུར་ཏེ། འཇིག་རྟེན་འདི་ཐམས་ཅད་དུ་སྣང་བ་ཆེན་པོས་ཁྱབ་པར་འགྱུར་པ་ནི། ལྷའི་ཁ་དོག་དང་མཐུ་ཟིལ་གྱིས་མནན་ནས། གང་ཡང་འཇིག་རྟེན་དང་འཇིག་རྟེན་གྱི་བར་</font><hr>Da380a<br><font size=+2>


༄#། །མི་སྣང་བར་གནས་པ་མུན་པས་གནག་པ་གང་དུ་ཉི་མ་དང ། ཟླ་བ་གཉིས་འདི་བཞིན་དུ་རྫུ་འཕྲུལ་ཆེ་བ། མཐུ་ཆེ་བའི་འོད་ཀྱིས་སོ་སོར་སྣང་བར་མ་གྱུར་པ་དེར་ཡང་དེའི་དུས་ན་སྣང་བ་ཆེན་པོས་སྣང་བར་གྱུར་ཏེ། དེར་སེམས་ཅན་གང་སྐྱེས་པ་དེ་དག་བདག་གི་ལག་པ་ནས་གཟུང་ཡང་མི་མཐོང་བའི་སེམས་ཅན་དེ་དག་།ཀྱེ་སེམས་ཅན་གཞན་ཡང་འདིར་སྐྱེས་སོ། །ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །སྙམ་དུ་ཤེས་ཏེ། ཀུན་དགའ་བོ་འདི་ནི་ས་ཆེན་པོ་གཡོས་པའི་རྒྱུ་གསུམ་པ་རྐྱེན་གསུམ་པའོ། །གཞན་ཡང་ཀུན་དགའ་བོ་ནམ་གྱི་དུས་ན་བྱང་ཆུབ་སེམས་དཔའ་དེའི་ཡུམ་གྱི་ལྷུམས་ནས་བྱུང་བ་དེའི་དུས་ན་ཡང་ས་ཆེན་པོ་ཤིན་ཏུ་གཡོ་བར་འགྱུར་ཏེ་ཞེས་པ་ནས། སྔ་མ་བཞིན་ཀྱེ་སེམས་ཅན་གཞན་དག་ཀྱང་འདིར་སྐྱེས་སོ།། ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཞེས་ཤེས་པའི་བར་དུ་སྟེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་བཞི་བ་རྐྱེན་བཞི་པའོ། །གཞན་ཡང ། ཀུན་དགའ་བོ་ནམ་གྱི་དུས་ན།་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་དེའི་དུས་ན་ཤིན་ཏུ་གཡོ་བ་ནས་སྔ་མ་བཞིན་ཏེ། ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཀྱེ་སེམས་ཅན་གཞན་ཡང་འདིར་སྐྱེས་སོ། །ཞེས་བྱ་བའི་བར་དུ་སྟེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་ལྔ་པ་རྐྱེན་ལྔ་པའོ། །གཞན་ཡང་ཀུན་དགའ་བོ་ནམ་</font><hr>Da380b<br><font size=+2>


གྱི་དུས་ན་དེ་བཞིན་གཤེགས་པས་ཆོས་ཀྱི་འཁོར་ལོ་རྣམ་པ་བཅུ་གཉིས་ལན་གསུམ་དུ་བསྐོར་བ་དེའི་དུས་ན་ཡང་ས་ཆེན་པོ་ཤིན་ཏུ་གཡོ་བ་ནས་སྔ་མ་བཞིན་ཏེ། ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཞེས་བྱ་བའི་བར་དུ་སྟེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་དྲུག་པ་རྐྱེན་དྲུག་པའོ། །གཞན་ཡང་ཀུན་དགའ་བོ་ནམ་གྱི་དུས་ན། དེ་བཞིན་གཤེགས་པས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་སྤངས་པ་དེའི་དུས་ནས་ཆེན་པོ་ཤིན་ཏུ་གཡོ་བར་འགྱུར་ཏེ། སྐར་མདའ་ལྷུང ། ཕྱོགས་ཚིག་།བར་སྣང་ལ་ལྷ་རྣམས་རྔ་རྡུང་བར་གྱུར་ཏེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་བདུན་པ་རྐྱེན་བདུན་པའོ། །གཞན་ཡང་ཀུན་དགའ་བོ་མི་ཐོགས་པར་དེ་བཞིན་གཤེགས་པ་ཟླ་བ་གསུམ་འདས་པ་དང ། ཕུང་པོ་མ་ལུས་པའི་མྱ་ངན་ལས་འདའ་བའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་བ་དེའི་དུས་ནས་ཆེན་པོ་ཤིན་ཏུ་གཡོ་བར་འགྱུར། ཀུན་དགའ་བོ་འདི་ནི་ས་ཆེན་པོ་གྱོ་བ་སྐར་མདའ་ལྷུང ། ཕྱོགས་ཚིག་།བར་སྣང་ལ་ལྷ་རྣམས་རྔ་རྡུང་བར་གྱུར་ཏེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་བརྒྱད་པ་རྐྱེན་བརྒྱད་པའོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ། བཙུན་པ་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན། ད་ལྟར་བཅོམ་ལྡན་འདས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་ནི་སྤངས་</font><hr>Da381a<br><font size=+2>


༄#། །པར་མ་གྱུར་ཏམ། ཀུན་དགའ་བོ་དེ་དེ་བཞིན་ནོ། །ཀུན་དགའ་བོ་དེ་དེ་བཞིན་ཏེ། ཀུན་དགའ་བོ་ད་ལྟར་དེ་བཞིན་གཤེགས་པས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་ནི་སྤངས་སོ། །བཙུན་པ་མངོན་སུམ་དུ་བཅོམ་ལྡན་འདས་ཀྱིས་བཤད་པ་ལས་ཐོས་ཏེ། མངོན་སུམ་དུ་བཟུང་བ་གང་སུ་ཞིག་གིས་རྫུ་འཕྲུལ་གྱི་རྐང་པ་བཞི་ལ་བརྟེན་བསྒོམས་མང་དུ་བྱས་པས། འདོད་ན་བསྐལ་པའམ། བསྐལ་པ་ལས་ལྷག་པར་འདུག་གོ་ཞེས་བྱུང་ན། བཙུན་པ་བཅོམ་ལྡན་འདས་ཀྱིས་རྫུ་འཕྲུལ་གྱི་རྐང་པ་བཞི་ལ་བརྟེན་བསྒོམས་མང་དུ་བགྱིས་པས། བཅོམ་ལྡན་འདས་བཞེད་ན། བསྐལ་པའམ། བསྐལ་པ་ལས་ལྷག་པར་བཞུགས་པ་ལགས་ན། བཅོམ་ལྡན་འདས་བསྐལ་པར་བཞུགས་ཤིག་།བདེ་བར་གཤེགས་པ་བསྐལ་པར་བཞུགས་ཤིག་།ཅེས་གསོལ་པ་དང ། ཀུན་དགའ་བོ། ཁྱོད་ཉིད་ཀྱིས་ཉེས་སོ། །ཀུན་དགའ་བོ། ཁྱོད་ཉིད་ཀྱིས་ཉེས་པ་བྱས་ཏེ། འདི་ལྟར་ངས་ཁྱོད་ལ་ལན་གསུམ་གྱི་བར་དུ་རྒྱ་ཆེར་སྣང་བའི་མཚན་མས་སྨྲས་ན། དེའི་མཚན་མ་ཁོང་དུ་ཆུད་པར་མ་ནུས་ཏེ། ཇི་ལྟར་ཁྱོད་བདུད་སྡིག་ཅན་གྱིས་ནོན་ཏོ། །ཀུན་དགའ་བོ་འདི་ཇི་སྙམ་དུ་སེམས། དེ་བཞིན་གཤེགས་པས་ཚིག་རྣམ་པར་སྨིན་པ་གཉིས་སུ་འགྱུར་བ་གསུང་ངམ། བཙུན་པ་མ་ལགས་སོ། །ཀུན་དགའ་བོ་གནས་མེད་སྐབས་མེད་པ་ནི། དེ་བཞིན་གཤེགས་པས་ཚིག་རྣམ་པར་སྨིན་པ་གཉིས་སུ་འགྱུར་བ་གསུངས་པའི་</font><hr>Da381b<br><font size=+2>


གནས་མེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་ཇི་སྙེད་ཙ་པ་ལའི་མཆོད་རྟེན་ན་གནས་ཤིང་འཁོད་པ་དེ་དག་ཐམས་ཅད་བཀད་སར་སྡུས་ཤིག་།བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལས་མཉན་ཏེ། དགེ་སློང་ཙ་བ་ལའི་མཆོད་རྟེན་ན་ཇི་སྙེད་གནས་ཤིང་འཁོད་པ་དེ་དག་ཐམས་ཅད་བཀད་སར་བསྡུས་ནས། བཅོམ་ལྡན་འདས་གལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་བཙུན་པ་བཅོམ་ལྡན་འདས་ཀྱིས་ད་ལྟར་དུས་ལ་བབ་པར་དགོངས་ནས། དགེ་སློང་ཙ་བ་ལའི་མཆོད་རྟེན་ན་ཇི་སྙེད་གནས་ཤིང་འཁོད་པ་དེ་དག་ཐམས་ཅད་བཀད་སར་འདུས་ཤིང་མཆིས་སོ། །ཞེས་གསོལ་བ་དང ། དེ་ནས་བཅོམ་ལྡན་འདས་བཀད་ས་གལ་བ་དེར་གཤེགས་ཏེ། དགེ་སློང་གི་དགེ་འདུན་གྱི་མདུན་ན་གདན་བཏིང་བ་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདུས་བྱས་ཐམས་ཅད་ནི་མི་རྟག་པའོ། །ཡིད་མི་བརྟན་པའོ། །འགྱུར་བའི་ཆོས་ཅན་ཏེ། དགེ་སློང་དག་འདུས་བྱས་ཐམས་ཅད་ལ་སྐྱོ་བར་བྱ་བའི་རིགས། ཡིད་འབྱུང་བར་བྱ། རྣམ་པར་ཐར་པ་བྱ་བའི་རིགས་སོ། །དེ་ལྟ་བས་ན་དགེ་སློང་དག་ཆོས་གང་ད་ལྟར་གྱི་ཚེ་ལ་ཕན་པ་</font><hr>Da382a<br><font size=+2>


༄#། །དང ། ད་ལྟར་གྱི་ཚེ་ལ་བདེ་བ་དང ། ཚེ་ཕྱི་མ་ལ་ཕན་པ་དང ། ཚེ་ཕྱི་མ་ལ་ཡང་བདེ་བར་འགྱུར་བ་དེ་ལྟ་བུ་དགེ་སློང་དག་གིས་བཟུང་བ་དང ། ཡོངས་སུ་རྫོགས་པ་དང ། དེ་ལྟ་དེ་ལྟ་བུར་གཟུང་བར་བྱ། ལེན་དུ་གཞུག་པར་བྱ། བཀླག་པར་བྱ། ཇི་ལྟར་ཚངས་པར་སྤྱོད་པ་འདི་ཡུན་རིང་དུ་གནས་ཤིང ། ལྷ་དང་མིའི་སྐྱེ་བོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་རྗེས་སུ་བརྩེ་བ་དང ། དོན་དུ་འགྱུར་བ་དང ། ཕན་པ་དང ། བདེ་བའི་ཕྱིར་བྱའོ། །དགེ་སློང་དག་ད་ལྟར་གྱི་ཚེ་ལ་ཕན་པ་དང ། ད་ལྟར་གྱི་ཚེ་ལ་བདེ་བ་དང ། ཚེ་ཕྱི་མ་ལ་ཕན་པ་དང ། ཚེ་ཕྱི་མ་ལ་བདེ་བར་འགྱུར་བའི་ཆོས་དེ་གང་ཞེ་ན། གང་དགེ་སློང་དག་བཟུང་ཞིང་ཀུན་ཆུབ་པར་བྱས་ནས། དེ་ལྟ་དེ་ལྟ་བུར་གཟུང་བར་བྱ། ལེན་དུ་གཞུག་།ཀློག་པར་བྱེད་ཅིང་གང་ཚངས་པར་སྤྱོད་པ་འདི་ཡུན་རིང་པོར་གནས་པར་འགྱུར་ཞིང ། ལྷ་དང་མིའི་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་རྗེས་སུ་བརྩེ་བར་འགྱུར་བར་བྱའོ། །འདི་ལྟ་སྟེ། དྲན་པ་ཉེ་བར་གཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་དེ། དགེ་སློང་དག་ཆོས་འདི་དག་ནི་ད་ལྟར་གྱི་ཚེ་ལ་ཕན་པ་དང ། ད་ལྟར་གྱི་ཚེ་ལ་བདེ་བ་དང ། ཚེ་ཕྱི་མ་ལ་ཕན་པ་དང ། ཚེ་ཕྱི་མ་ལ་བདེ་</font><hr>Da382b<br><font size=+2>


བར་འགྱུར་རོ། །དེ་དག་དགེ་སློང་དག་གིས་གཟུང་བར་བྱ། ཀུན་ཆུབ་པར་བྱ། དེ་ལྟ་དེ་ལྟ་བུར་གཟུང་བར་བྱ། ལེན་དུ་བཞུག་།བཀླག་པར་བྱའོ། །ཚངས་པར་སྤྱོད་པ་དེ་འདིར་ཡུན་རིང་དུ་གནས་པར་བྱ། སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་རྗེས་སུ་བརྩེ་བའི་ཕྱིར་ལྷ་དང་མི་རྣམས་ཀྱི་དོན་གྱི་ཕྱིར། ཕན་པའི་ཕྱིར། བདེ་བར་འགྱུར་བའི་ཕྱིར་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཀུས་ཏིའི་གྲོང་གལ་བ་དེར་འདོང་ངོ ། །བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་མཉན་ཏེ། དེ་ནས་བཅོམ་ལྡན་འདས་གྲོང་ཁྱེར་ཡངས་པ་ཅན་གྱི་ཚལ་ནས་གཡས་ཕྱོགས་སུ་སྐུ་ཐམས་ཅད་ཀྱིས་ཕྱོགས་ཏེ། བལ་གླང་ལྟ་བ་ལྟར་གཟིགས་བ་དང ། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་གཡས་ཕྱོགས་སུ་སྐུ་ཐམས་ཅད་ཀྱིས་ཕྱོགས་ཏེ། བལ་གླང་ལྟ་བ་བཞིན་མཐོང་ངོ ། །མཐོང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཙུན་པ་རྒྱུ་མ་མཆིས་རྐྱེན་མ་མཆིས་པར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཡས་ཕྱོགས་སུ་སྐུ་ཐམས་ཅད་ཀྱིས་གཡས་ཕྱོགས་ནས་བལ་གླང་ལྟ་བ་ལྟར་མི་གཟིགས་ན། བཙུན་བ་ཅིའི་རྒྱུ་ཅིའི་རྐྱེན་གྱིས་ན། བལ་གླང་ལྟ་བ་བཞིན་དུ་གཟིགས། ཀུན་དགའ་བོ་དེ་བཞིན་ནོ། །ཀུན་དགའ་བོ་དེ་བཞིན་ཏེ། རྒྱུ་མེད་རྐྱེན་མེད་པར་དེ་བཞིན་གཤེགས་</font><hr>Da383a<br><font size=+2>


༄#། །པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཡས་ཕྱོགས་སུ་སྐུ་ཐམས་ཅད་ཀྱིས་ཕྱོགས་ཤིང ། བལ་གླང་ལྟ་བ་ལྟར་མི་གཟིགས་སོ། །ཀུན་དགའ་བོ་འདི་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲོང་ཁྱེར་ཡངས་པ་ཅན་འདི་ལ་གཟིགས་པའི་ཐ་མ་སྟེ། ཡངས་པ་ཅན་འདིར་ཕྱིན་ཆད་མི་གཤེགས་ཀྱི། སཱ་ལ་རྣམས་ཀྱི་ཉེ་འཁོར་ན། ཤིང་སཱ་ལ་ཟུང་གཅིག་པའི་ཚལ་དུ་མྱ་ངན་ལས་འདའ་བའི་ཕྱིར་གཤེགས་སོ། །དེ་ནས་དགེ་སློང་གཞན་ཞིག་གིས་ཀྱང་དེའི་ཚེ་ཚིགས་སུ་བཅད་དེ་སྨྲས་པ། ཐུབ་པ་ཁྱོད་ཀྱིས་ཡངས་པ་ཅན། །གཟིགས་པའི་ཐ་མ་དེང་འདིར་ཏེ། །ཡང་དག་རྫོགས་པའི་སངས་རྒྱས་ནི། །ཡངས་པ་ཅན་དུ་སླར་མི་གཤེགས། །མཱ་ལྱ་རྣམས་ཀྱི་ཉེ་འཁོར་ན། །སཱ་ལ་ཟུང་གཅིག་ཚལ་དྲུང་དུ། །མྱ་ངན་འདའ་ཕྱིར་དེར་གཤེགས་སོ། །དེ་ནས་བཅོམ་ལྡན་འདས་ཡུལ་བྲི་ཛི་ནས་ལྗོངས་རྒྱུ་ཞིང་གྲོང་དུ་ལྟར་བྱོན་ཏེ། གྲོང་དུ་ལྟ་ན་གྲོང་གི་བྱང་ཕྱོགས་ན་ཤིང་ཤ་བའི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། འདི་ནི་ཚུལ་ཁྲིམས་སོ། །འདི་ནི་ཏིང་ངེ་འཛིན་ཏོ། །འདི་ནི་ཤེས་རབ་སྟེ། ཚུལ་ཁྲིམས་ཀུན་ཏུ་བསྒོམས་པས་ན། ཏིང་ངེ་འཛིན་རིང་དུ་གནས་པར་འགྱུར། ཏིང་ངེ་འཛིན་རིང་དུ་གནས་པས་ན། ཤེས་རབ་ཀུན་ཏུ་བསྒོམ་པར་འགྱུར། ཤེས་རབ་ཀུན་ཏུ་བསྒོམས་པས་ན། འདི་ལྟ་སྟེ། སེམས་</font><hr>Da383b<br><font size=+2>


ཡང་དག་པར་འདོད་ཆགས་དང ། ཞེ་སྡང་དང ། གཏི་མུག་ལས་ཡོངས་སུ་གྲོལ་ལོ། །དགེ་སློང་དག་།དེ་བཞིན་དུ་ཡང་དག་པར་ཤིན་ཏུ་རྣམ་པར་གྲོལ་བའི་སེམས་དང་ལྡན་པའི་འཕགས་པའི་ཉན་ཐོས་རྣམས་ནི་ངའི་སྐྱེ་བ་ནི་ཟད། ངའི་ཚངས་པར་སྤྱད་པ་ནི་སྤྱད་ཟིང ། བྱ་བ་ནི་བྱས་ཟིན་ཏེ། འདི་ལས་སྲིད་པ་གཞན་མེད་པ་ནི་ཡང་དག་པར་རབ་ཏུ་ཤེས་སོ། །སྡོམ་བར་མ་སྟེ། རུ་ཏ་དུམ་པ་ཨ་མྲ་དང ། །འཛམ་བུ་ཤུར་བ་བལ་གླང་དང ། །གྲོང་གཉིས་བྲི་ཛི་མལ་ལྱ་རྣམས། །ལོངས་སྤྱོད་གྲོང་ཁྱེར་དེ་བཞིན་ནོ། །ཇི་ལྟར་རུ་ཏའི་གྲོང་ཅི་འདྲ་བ་དེ་བཞིན་དུ་དུམ་པའི་གྲོང་དང ། ་མྲའི་གྲོང་དང ། འཛམ་བུའི་གྲོང་དང ། ཛི་གྲོང་དང ། ཤུར་བའི་གྲོང་དང ། བལ་གླང་ལྟར་གྱི་གྲོང་དང ། བྲི་ཛའི་གྲོང་དང ། མལ་ལྱའི་གྲོང་ནས་ལོངས་སྤྱོད་གྲོང་དུ་གཤེགས་སོ། །ལོངས་སྤྱོད་གྲོང་ནས་གྲོང་གི་བྱང་ཕྱོགས་ན་ཤིང་ཤ་པའི་ཚལ་ན་བཞུགས་སོ། །དེའི་དུས་ན་ས་ཆེན་པོ་གཡོས་པར་གྱུར། སྐར་མདའ་ལྷུང ། ཕྱོགས་ཚིག་།བར་སྣང་ལ་ལྷ་རྣམས་རྔ་རྡུང་བར་གྱུར་ཏོ། ། དེ་ནས་ཚེ་དང་ལྡན་པ་ཀུན་དགའ་བོས་ཕྱི་དྲོ་ནང་དུ་ཡང་དག་འཇོག་ལས་ལངས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅིའི་རྒྱུ་ཅིའི་རྐྱེན་གྱིས་</font><hr>Da384a<br><font size=+2>


༄#། །ན་ས་ཆེན་པོ་གཡོས། ཀུན་དགའ་བོ། །ས་ཆེན་པོ་གཡོས་པའི་རྒྱུ་དང་རྐྱེན་གསུམ་སྟེ། གསུམ་གང་ཞེ་ན། ཀུན་དགའ་བོས་ཆེན་པོ་ཆུ་ལ་རྟེན། ཆུ་ནི་རླུང་ལ་རྟེན། རླུང་ནི་ནམ་མཁའ་ལ་རྟེན་པ་ཡིན་ཏེ། ཀུན་དགའ་བོ་ནམ་མཁའ་ལས་རླུང་ཆེན་པོ་ལྡང་ངོ ། །ནམ་མཁའ་ལས་རླུང་ཆེན་པོ་ལངས་པས་ཆུ་བསྐྱོད་དོ། །ཆུ་བ་སྐྱོད་པས་ན་ས་གཡོས་ཏེ། ཀུན་དགའ་བོ་འདི་ནི་ས་ཆེན་པོ་གཡོས་པའི་རྒྱུ་དང་རྐྱེན་དང་པོའོ། །གཞན་ཡང་ཀུན་དགའ་བོ། དགེ་སློང་མཐུ་ཆེ་བ་རྫུ་འཕྲུལ་ཆེ་བར་གྱུར་པ་དེས། སའི་འདུ་ཤེས་ནི་ཆུང ། ཆུའི་འདུ་ཤེས་ཚད་མེད་པར་བྱིན་གྱིས་བརླབས་ནས། དེ་འདོད་ན་ས་གཡོ་བར་བྱེད། དགེ་སློང་མའམ། ལྷ་ཡང་རུང་རྫུ་འཕྲུལ་ཆེ་བ་མཐུ་ཆེ་བར་གྱུར་པ་དེས་ཀྱང་སའི་འདུ་ཤེས་ཆུང་དུ་བྱས། ཆུའི་འདུ་ཤེས་ནི་ཚད་མེད་པར་བྱིན་གྱིས་བརླབས་ཏེ། དེ་ཡང་འདོད་ན་ས་གཡོ་བར་བྱེད་དེ། ཀུན་དགའ་བོ་འདི་ནི་ས་གཡོ་བའི་རྒྱུ་གཉིས་པ་རྐྱེན་གཉིས་པའོ། །གཞན་ཡང་ཀུན་དགའ་བོ་རིང་པོ་མི་ཐོགས་པར་དེ་བཞིན་གཤེགས་པ་ཕུང་པོ་ལྷག་མ་མ་ལུས་པའི་མྱ་ངན་ལས་འདའ་བའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་ན། དེའི་ཚེ་ས་ཆེན་པོ་ཤིན་ཏུ་གཡོས་པར་འགྱུར་ཏེ། སྐར་མདའ་ལྷུང ། ཕྱོགས་ཚིག་།བར་སྣང་ནས་ལྷ་རྣམས་རྔ་རྡུང་བར་འགྱུར་ཏེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་གསུམ་པ་རྐྱེན་གསུམ་</font><hr>Da384b<br><font size=+2>


པའོ། །དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ངོ་མཚར་ཆེའོ། །འདི་ལྟར་ངོ་མཚར་རྨད་ཀྱི་ཆོས་དང་ལྡན་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཏེ། དེ་འདི་ལྟར་རིང་པོ་མི་ཐོགས་པར་དེ་བཞིན་གཤེགས་པ་ཕུང་པོ་ལྷག་མ་མ་ལུས་པར་མྱ་ངན་ལས་འདའ་བའི་དབྱིངས་སུ་མྱ་ངན་ལས་འདའ་བར་འགྱུར་བའི་དུས་ན་ཤིན་ཏུ་ས་ཆེན་པོ་གཡོ། སྐར་མདའ་ལྷུང ། ཕྱོགས་ཚིག་།བར་སྣང་ལ་ལྷ་རྣམས་རྔ་རྡུང་བར་འགྱུར་རོ། །ཀུན་དགའ་བོ་དེ་དེ་བཞིན་ནོ། །ཀུན་དགའ་བོ་དེ་དེ་བཞིན་ཏེ། དེ་ལྟར་ངོ་མཚར་ཆེན་པོ་རྨད་ཀྱི་ཆོས་དང་ལྡན་པ་ནི་ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་སོ། །ཀུན་དགའ་བོ། ང་རྒྱལ་རིགས་ཀྱི་འཁོར་བརྒྱ་ཕྲག་དུ་མ་ལ་བལྟ་བའི་ཕྱིར་འགྲོའོ། །སོང་ནས་ཀྱང་ཇི་ལྟར་དེ་དག་གི་སྲིད་དང་ཞེང་དུ་གྱུར་པ་ངའི་ཡང་སྲིད་དང་ཞེང་དུ་གྱུར་པ་ཡང་དེ་འདྲ་བར་འགྱུར་རོ། །ཇི་ལྟར་དེ་དག་གི་ཁ་དོག་མཛེས་པ་ངའི་ཁ་དོག་མཛེས་པ་ཡང་དེ་དང་འདྲ་བར་འགྱུར། ཇི་ལྟར་དེ་དག་གི་དབྱངས་ཀྱི་ང་རོར་གྱུར་པ་ངའི་དབྱངས་ཀྱི་ང་རོ་ཡང་དེ་འདྲ་བར་འགྱུར། དེ་དག་གིས་དོན་གང་སྨྲ་བ་ང་ཡང་དོན་དེ་སྨྲའོ། །དེ་དག་གིས་གང་དོན་དུ་མ་སྨྲས་པ་ང་ཡང་དེ་ལ་དོན་དུ་མི་སྨྲའོ། །ལྷག་པར་ཡང་དེ་དག་ལ་ཆོས་ཀྱི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་</font><hr>Da385a<br><font size=+2>


༄#། །པར་གཟེངས་བསྟོད། །ཡང་དག་པར་རབ་ཏུ་དགའ་བར་བྱས་ནས། དེ་ཉིད་དུ་མི་སྣང་བར་འགྱུར་རོ། །ང་མི་སྣང་བར་གྱུར་པ་དང ། མི་སྣང་བར་གྱུར་པ་དེ་ལྷའམ། མི་གང་ཡིན་པར་གཏོལ་མེད་པར་གྱུར་པ་ཡང་མངོན་པར་ཤེས་སོ། །ཇི་ལྟར་རྒྱལ་རིགས་ཀྱི་འཁོར་དུ་བྱས་པ་དེ་བཞིན་དུ་བྲམ་ཟེའི་འཁོར་དང ། ཁྱིམ་བདག་གི་འཁོར་དང ། དགེ་སྦྱོང་གི་འཁོར་དང ། རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་གྱི་ལྷ་རྣམས་དང ། མཚེ་མ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་ལྷ་ཉེ་ཕན་དང ། ཚངས་པ་ཀུན་འཁོར་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་སྣང་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་འཕེལ་དང ། འབྲས་བུ་ཆེ་དང ། མི་ཆེ་བ་དང ། མི་གདུང་བ་དང ། ཤིན་ཏུ་སྣང་བ་དང ། གྱ་ནོམ་མཐོང་བ་དང ། འོག་མིན་གྱི་ལྷ་རྣམས་ལ་བལྟ་བའི་ཕྱིར་འགྲོའོ། །སོང་ནས་ཀྱང་ང་ཇི་ལྟར་དེ་དག་གི་སྲིད་དང་ཞེང་དུ་གྱུར་པ་ངའི་ཡང་སྲིད་དང་ཞེང་ཡང་དེ་འདྲ་བར་འགྱུར་རོ། །ཇི་ལྟར་དེ་དག་གི་ཁ་དོག་མཛེས་པར་གྱུར་པ། དེ་ལྟར་ངའི་ཁ་དོག་མཛེས་པ་ཡང་དེ་འདྲ་བར་འགྱུར། ཇི་ལྟར་དེ་དག་གི་དབྱངས་ཀྱི་ང་རོར་གྱུར་པ་ངའི་དབྱངས་ཀྱི་ང་རོ་ཡང་དེ་འདྲ་བར་འགྱུར། དེ་དག་དོན་གང་སྨྲ་བ་ང་ཡང་དོན་དེ་སྨྲ། དེ་དག་གིས་གང་</font><hr>Da385b<br><font size=+2>


དོན་དུ་མ་སྨྲས་པ་ང་ཡང་དེ་ལ་དོན་དུ་མི་སྨྲའོ། །ལྷག་པར་ཡང་དེ་དག་ལ་ཆོས་ཀྱི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་དེ་ཉིད་དུ་མི་སྣང་བར་བྱས་སོ། །ང་མི་སྣང་བར་གྱུར་པ་དང ། མི་སྣང་བར་གྱུར་པ་དེ་ལྷའམ། མི་གང་ཡིན་པ་གཏོལ་མེད་པར་གྱུར་པ་ཡང་མངོན་པར་ཤེས་སོ། །ཇི་ལྟར་ངོ་མཚར་རྨད་ཀྱི་ཆོས་དང་ལྡན་པ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། དེ་ལྟ་བས་ན་དེ་ཕན་ཆད་མདོ་སྡེའི་མཐའ་ལ་འཇུག་པར་བྱའི། གང་ཟག་ལ་འཇུག་པར་ནི་མ་ཡིན་ནོ། །ཀུན་དགའ་བོ་ཇི་ལྟར་ན་དགེ་སློང་དག་མདོ་སྡེའི་མཐའ་ལ་འཇུག་གི་།གང་ཟག་གི་མཐའ་ལ་འཇུག་པར་མ་ཡིན་ཞེ་ན། ཀུན་དགའ་བོ་འདིར་དགེ་སློང་ཞིག་འོངས་ཏེ། དེ་འདི་སྐད་དུ་སྨྲའོ། །ངས་བཅོམ་ལྡན་འདས་ལས་མངོན་དུ་ཐོས་ཏེ། མངོན་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ། །ཞེས་ཟེར་ན་དགེ་སློང་དེས་སྨྲས་པ་དེ་ལ་བསྟོད་པར་མི་བྱ། སྨད་པར་མི་བྱ། མི་བསྟོད་མི་སྨད་པར་རྣ་བ་བྱོ་སྟེ། ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་ལ་བསྟུན་པར་བྱ། འདུལ་བ་ལ་ཡང་དག་པར་བལྟ་བར་བྱ། མདོ་སྡེ་དང་བསྟུན། འདུལ་བ་དང་བསྟུན་ཀྱང་མདོ་སྡེ་དང་མི་མཐུན། </font><hr>Da386a<br><font size=+2>


༄#། །འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་ན་དགེ་སློང་དེ་ལ་འདི་སྐད་ཅེས་སྨྲོས་ཤིག་།ཚེ་དང་ལྡན་པ་ཆོས་འདི་ནི་བཅོམ་ལྡན་འདས་ཀྱིས་དེ་སྐད་མ་གསུངས་ཏེ། ཚེ་དང་ལྡན་པ་ཉིད་ཀྱིས་ཆོས་འདི་གཟུང་བར་བྱ་བ་ཉེས་སོ། །དེ་ལྟ་བས་ན་ཆོས་འདི་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མི་མཐུན། འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་བས་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པར་ཤེས་པར་བྱས་ལ་དོར་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ནས་དེ་འདི་སྐད་དུ་སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་སློང་གི་དགེ་འདུན་མང་པོ་གནས་ཏེ། ཚེ་དང་ལྡན་པ་བདག་གིས་དགེ་སློང་གི་དགེ་འདུན་མང་པོ་དེ་དག་ལས་བདག་གིས་མངོན་དུ་ཐོས་ཏེ། མངོན་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེ་ན། དགེ་སློང་དེས་སྨྲས་པ་དེ་ལ་བསྟོད་པར་ཡང་མི་བྱ། སྨད་པར་ཡང་མི་བྱ་སྟེ། མི་བསྟོད་མི་སྨད་པར་རྣ་བ་བྱོ་ནས། ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་ལ་བལྟས་ཀྱང་མདོ་སྡེ་དང་མི་མཐུན། འདུལ་བ་ལ་མི་སྣང ། ཆོས་ཉིད་</font><hr>Da386b<br><font size=+2>


དང་ཡང་འགལ་ན། དགེ་སློང་དེ་ལ་འདི་སྐད་ཅེས་སྨྲོས་ཤིག་།ཚེ་དང་ལྡན་པ་དགེ་སློང་གི་དགེ་འདུན་མང་པོ་དེ་དག་གིས་འདི་ལྟར་ཆོས་སུ་འདུ་ཤེས། འདུལ་བར་འདུ་ཤེས་ཀྱིས་ཆོས་མ་ཡིན། འདུལ་བ་མ་ཡིན་པར་སྨྲ་ན། ཚེ་དང་ལྡན་པ་ཉིད་ཀྱིས་ཆོས་འདི་གཟུང་བར་བྱ་བ་ཉེས་སོ། །དེ་འདི་ལྟར་ཆོས་འདི་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མི་མཐུན། འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་བས་ན་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པའི་བསྟན་པ་མ་ཡིན་པར་ཤེས་པར་བྱས་ལ་དོར་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ཏེ། དེ་འདི་སྐད་དུ་སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན་དགེ་སློང་མདོ་སྡེ་འཛིན་པ། འདུལ་བ་འཛིན་པ། མ་ལྟ་བུ་འཛིན་པ་མང་ཞིག་གནས་ཏེ། ཚེ་དང་ལྡན་པ་བདག་གིས་དགེ་སློང་མང་པོ་དེ་དག་ལས་མངོན་སུམ་དུ་ཐོས་ནས། མངོན་སུམ་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེ་ན། དགེ་སློང་དེས་སྨྲས་པ་དེ་ལ་བསྟོད་པར་ཡང་མི་བྱ། སྨད་པར་ཡང་མི་བྱ་སྟེ། མི་བསྟོད་མི་སྨད་པར་རྣ་བ་བྱོ་ནས། ཆོས་ཀྱི་ཚིག་དང་འབྲུ་བཟུང་ལ། མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་དང་བསྟུན་ཀྱང་མདོ་སྡེ་དང་མི་མཐུན། འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་ན། </font><hr>Da387a<br><font size=+2>


༄#། །དགེ་སློང་དེ་ལ་འདི་སྐད་སྨྲོས་ཤིག་།ཚེ་དང་ལྡན་པ་དགེ་སློང་མང་པོ་དག་གིས་འདི་ལྟར་ཆོས་སུ་འདུ་ཤེས་འདུལ་བར་འདུ་ཤེས་ཀྱིས་ཆོས་མ་ཡིན། འདུལ་བ་མ་ཡིན་པར་སྨྲས་ན། ཚེ་དང་ལྡན་པ་ཉིད་ཀྱིས་ཆོས་འདི་གཟུང་བར་བྱ་བ་ཉེས་སོ། །དེ་འདི་ལྟར་ཆོས་འདི་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན་མདོ་སྡེ་དང་མི་མཐུན། འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་བས་ན་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པར་ཤེས་པར་བྱས་ལ་དོར་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ཏེ། འདི་སྐད་དུ་སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན། དགེ་སློང་གནས་བརྟན་དང ། གནས་བརྟན་ལས་གཞན། ཤེས་པ་དང ། ཤེས་པ་ལས་གཞན་དང ། གཙོ་བོ་ལས་གཞན་དག་ཅིག་གནས་ཏེ། ཚེ་དང་ལྡན་པ་བདག་གིས་དགེ་སློང་གནས་བརྟན་ལས་མངོན་དུ་ཐོས། མངོན་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཟེར་ན། དགེ་སློང་དག་དེས་སྨྲས་པ་དེ་ལ་བསྟོད་པར་ཡང་མི་བྱ། སྨད་པར་ཡང་མི་བྱ་སྟེ། མི་བསྟོད་མི་སྨད་པར་རྣ་བ་བྱོ་ནས། ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ཀྱང་མདོ་སྡེ་དང་མི་མཐུན། </font><hr>Da387b<br><font size=+2>


འདུལ་བ་ལ་ཡང་དག་པར་མི་སྣང་སྟེ། ཆོས་ཉིད་དང་ཡང་འགལ་ན་དགེ་སློང་དེ་ལ་འདི་སྐད་སྨྲོས་ཤིག་།ཚེ་དང་ལྡན་པ་དགེ་སློང་གནས་བརྟན་དེས་ནི་འདི་ལྟར་ཆོས་སུ་འདུ་ཤེས། འདུལ་བར་འདུ་ཤེས་ཀྱིས་ཆོས་མ་ཡིན། འདུལ་བ་མ་ཡིན་པར་སྨྲས་ན། ཚེ་དང་ལྡན་པ་ཉིད་ཀྱིས་ཆོས་འདི་གཟུང་བར་བྱ་བ་ཉེས་སོ། །དེ་འདི་ལྟར་ཆོས་འདི་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མི་མཐུན། འདུལ་བ་ལ་ཡང་མི་སྣང་སྟེ། ཆོས་ཉིད་དང་ཡང་འགལ་བས་ན། འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པར་ཤེས་པར་བྱོས་ལ་དོར་བར་བྱའོ། །ཀུན་དགའ་བོ་འདིར་དགེ་སློང་ཞིག་འོངས་ཏེ། དེ་འདི་སྐད་དུ་སྨྲའོ། །ཚེ་དང་ལྡན་པ་བདག་གིས་བཅོམ་ལྡན་འདས་ལས་མངོན་སུམ་དུ་ཐོས། མངོན་སུམ་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེ་ན། དགེ་སློང་དེས་སྨྲས་པ། དེ་ལ་བསྟོད་པར་ཡང་མི་བྱ། སྨད་པར་ཡང་མི་བྱ། མི་བསྟོད་མི་སྨད་པར་རྣ་བ་བྱོ་སྟེ། ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན་མདོ་སྡེ་དང་མཐུན། འདུལ་བ་ལ་ཡང་དག་པར་སྣང་སྟེ། ཆོས་ཉིད་དང་མི་འགལ་ན། དགེ་སློང་དེ་ལ་འདི་སྐད་སྨྲོས་ཤིག་།ཚེ་དང་ལྡན་པ། ཆོས་འདི་ནི་བཅོམ་ལྡན་འདས་ཀྱིས་</font><hr>Da388a<br><font size=+2>


༄#། །གསུངས་ཏེ། ཚེ་དང་ལྡན་པ་ཉིད་ཀྱིས་ཀྱང་ཆོས་འདི་ལེགས་པར་བཟུང་ངོ ། །དེ་ལྟ་བས་ན་འདི་ནི་མདོ་སྡེ་དང་ཡང་བསྟུན། འདུལ་བ་ལ་ཡང་དག་པར་རབ་བལྟས་ན། མདོ་སྡེ་དང་མཐུན། འདུལ་བ་ལ་སྣང་སྟེ། ཆོས་ཉིད་དང་མི་འགལ་བས་ན་།འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པ་ཡིན་པར་ཤེས་པར་བྱོས་ལ་གཟུང་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ཏེ། དེ་འདི་སྐད་དུ་སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་སློང་གི་དགེ་འདུན་མང་པོ་གནས་ཏེ། ཚེ་དང་ལྡན་པ། དགེ་སློང་གི་དགེ་འདུན་མང་པོ་དེ་དག་ལས་བདག་གིས་མངོན་སུམ་དུ་ཐོས་ཏེ། མངོན་སུམ་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེ་ན། དགེ་སློང་དེས་སྨྲས་པ་དེ་ལ་བསྟོད་པར་ཡང་མི་བྱ། སྨད་པར་ཡང་མི་བྱ། མི་བསྟོད་མི་སྨད་པར་རྣ་བ་བྱོ་ནས། ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་བ་ལ་ཡང་དག་པར་སྣང ། ཆོས་ཉིད་དང་ཡང་མི་འགལ་ན། དགེ་སློང་དེ་ལ་འདི་སྐད་དུ་སྨྲོས་ཤིག་།ཚེ་དང་ལྡན་པ། དགེ་སློང་གི་དགེ་འདུན་མང་པོ་དེ་དག་</font><hr>Da388b<br><font size=+2>


གིས་འདི་ལྟར་ཆོས་དང་འདུལ་བར་སྨྲས་ཏེ། ཚེ་དང་ལྡན་པས་ཀྱང་ཆོས་འདི་ལེགས་པར་བཟུང་སྟེ། དེ་བས་ན་ཆོ་ས་འདི་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་བ་ལ་སྣང ། ཆོས་ཉིད་དང་ཡང་མི་འགལ་བས་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པར་ཤེས་པར་བྱས་ནས་གཟུང་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ཏེ། དེ་འདི་སྐད་དུ་སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན་དགེ་སློང་མང་པོ་དག་གནས་ཏེ། མདོ་སྡེ་འཛིན་པ། འདུལ་བ་འཛིན་པ། མ་ལྟ་བུ་འཛིན་པའི་དགེ་སློང་མང་པོ་དེ་དག་ལས། ཚེ་དང་ལྡན་པ་མངོན་སུམ་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཟེར་ན། དགེ་སློང་དེས་སྨྲས་པ་དེ་ལ། བསྟོད་པར་ཡང་མི་བྱ། སྨད་པར་ཡང་མི་བྱ། མི་བསྟོད་མི་སྨད་པར་རྣ་བ་བྱོ་ལ། ཆོས་ཀྱི་ཚིག་དང་འབྲུ་བཟུང་ལ། མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །གལ་ཏེ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་བ་ལ་སྣང་ལ། ཆོས་ཉིད་དང་ཡང་མི་འགལ་ན། དགེ་སློང་དེ་ལ་འདི་སྐད་སྨྲོས་ཤིག་།ཚེ་དང་ལྡན་པ། དེ་ལྟར་དགེ་སློང་མང་པོ་དེ་དག་གིས་ནི་ཆོས་དང་འདུལ་བ་བཤད་དེ། ཚེ་དང་ལྡན་པ་ཆོས་འདི་དག་ལེགས་པར་བཟུང་བའོ། །དེ་ལྟ་བས་ན། </font><hr>Da389a<br><font size=+2>


༄#། །ཆོས་འདི་དག་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་བ་ལ་སྣང ། ཆོས་ཉིད་དང་མི་འགལ་བས་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཤེས་པར་བྱ་སྟེ་གཟུང་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ཏེ། དེ་སྐད་དུ་སྨྲའོ། །ཚེ་དང་ལྡན་པ་ཆེ་གེ་མོ་ཞིག་གི་གནས་ན་དགེ་སློང་དག་གནས་ཏེ། གནས་བརྟན་དང ། གནས་བརྟན་གཞན་དག་དང ། གཙོ་བོ་དང ། གཙོ་བོ་གཞན་དག་དང་ངོ ། །ཚེ་དང་ལྡན་པ་དགེ་སློང་གི་གནས་བརྟན་དེ་དག་ལས་བདག་གིས་མངོན་སུམ་དུ་ཐོས་ཏེ། མངོན་སུམ་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེ་ན། དགེ་སློང་དེས་སྨྲས་པ་དེ་ལ། བསྟོད་པར་ཡང་མི་བྱ། སྨད་པར་ཡང་མི་བྱ་སྟེ། མི་བསྟོད་མི་སྨད་བར་རྣ་བ་བྱོལ། ཆོས་དང་ཚིག་འབྲུ་བཟུང་སྟེ། མདོ་སྡེ་དང་བསྟུན་པར་བྱའོ། །འདུལ་བལ་ཡང་དག་པར་བལྟ་བར་བྱའོ། །གལ་ཏེ་མདོ་སྡེ་དང་བསྟུན། འདུལ་བ་ལ་བལྟས་ན། མདོ་སྡེ་དང་མཐུན། འདུལ་བ་ལ་ཡང་དག་པར་སྣང ། ཆོས་ཉིད་དང་ཡང་མི་འགལ་ན། དགེ་སློང་དེ་ལ་འདི་སྐད་སྨྲོས་ཤིག་།ཚེ་དང་ལྡན་པ་དེ་ལྟར་དགེ་སློང་གནས་བརྟན་དེ་དག་གིས་ཆོས་དང་འདུལ་བ་བཤད་དེ། ཚེ་དང་ལྡན་པས་ཆོས་འདི་ལེགས་པར་བཟུང་ངོ ། །དེ་ལྟ་བས་ན་ཆོས་འདི་ནི་མདོ་སྡེ་དང་བསྟུན། </font><hr>Da389b<br><font size=+2>


འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་བལ་སྣང ། ཆོས་ཉིད་དང་ཡང་མི་འགལ་བས་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པར་ཤེས་པར་བྱས་ནས་གཟུང་བར་བྱའོ། །དེ་ལ་ཀུན་དགའ་བོ། དེ་ལ་གང་ཐོག་མའི་བཞི་པོ་ནག་པོའི་ཕྱོགས་སུ་སྨྲས་པ་དེ་ནི་དགེ་སློང་དག་གིས་དགེ་བ་ཤིན་ཏུ་ཡང་དག་པར་སྦྱར་ཏེ། ཡང་དག་པར་བརྟགས་ལ། འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་ནོ། །ཞེས་ཤེས་པར་བྱས་ཏེ་དོར་བར་བྱའོ། །གང་ཕྱི་མའི་བཞི་པོ་ཆེར་བཤད་པ་དེ་ནི་དགེ་སློང་གིས་ཡང་དག་པར་སྦྱར་ཏེ། ཡང་དག་པར་བརྟགས་ལ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པར་ཤེས་པར་བྱས་ནས་གཟུང་བར་བྱའོ། །དེ་བཞིན་དུ་ཀུན་དགའ་བོ་དགེ་སློང་དག་གིས་མདོ་སྡེའི་མཐའ་ལ་བརྟེན་གྱི་གང་ཟག་ལ་བརྟེན་པར་མི་བྱའོ། །དེ་ནས་བཅོམ་ལྡན་འདས་ཀྱིས་ཆོ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོས་པའི་གྲོང་གལ་བར་འདོང་ངོ ། །བཙུན་པ་དེ་བཞིན་ནོ། །ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་ཐོས་པ་དང ། དེ་ནས་བཅོམ་ལྡན་འདས་མ་ལྱ་ནས་ལྗོངས་རྒྱུ་ཞིང་ས་པའི་གྲོང་དུ་ཕྱིན་ཏེ། ས་པའི་གྲོང་ཛ་ལུ་ཀའི་ཚལ་མང་པོ་ན་བཞུགས་སོ། །གྲོང་ས་པའི་མིས་ཐོས་པ། བཅོམ་ལྡན་འདས་མ་ལྱར་ལྗོངས་རྒྱུ་ཞིང་ས་པའི་གྲོང་དུ་ཕྱིན་ཏེ། ས་བའི་གྲོང་ཛ་ལུ་ཀའི་ཚལ་མང་པོ་ན་བཞུགས་སོ། །ཞེས་ཐོས་ནས་ཡང་འདུ་བ་</font><hr>Da390a<br><font size=+2>


༄#། །ལས་འདུས། ཚོགས་པ་ལས་ཚོགས་ཏེ། འདུས་ཤིང་ཚོགས་ནས་ས་པའི་གྲོང་ནས་བྱུང་སྟེ། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ཀྱིས་ཆོས་ཀྱི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བ་བསྐྱེད་དེ། དེའི་དུས་ན་མགར་བའི་བུ་ཙུན་ད་ཡང་དེ་ཉིད་ཀྱི་འཁོར་དུ་འདུས་ཏེ་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་གྲོང་ས་པའི་མ་ལྱ་རྣམས་ལ་ཆོས་ཀྱི་རྣམ་གྲངས་དུ་མའི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བ་བསྐྱེད་ནས་ཅང་མི་གསུང་ངོ ། །དེ་ནས་ས་པའི་གྲོང་གི་མ་ལྱ་རྣམས། བཅོམ་ལྡན་འདས་ཀྱིས་བཤད་པ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ཀྱི་དྲུང་ནས་སོང་ངོ ། །མགར་བའི་བུ་ཙུན་ད་ཡང་དེ་ཉིད་ན་འདུག་སྟེ། དེ་ནས་མགར་པའི་བུ་ཙུན་དས་ས་པའི་གྲོང་གི་མ་ལྱ་རྣམས་ནས་དོང་ནས་རིང་པོ་མ་ལོན་པར་ཤེས་ཏེ་སྟན་ལས་ལངས་ནས་བླ་གོས་ཕྱོགས་གཅིག་ཏུ་གཟར་ཏེ། བཅོམ་ལྡན་འདས་ག་ལ་བ་དེར་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་</font><hr>Da390b<br><font size=+2>


དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་མཆིས་བྲང་དུ་བཤོས་ལ་གཤེགས་པར་ཅི་གནང ། བཅོམ་ལྡན་འདས་ཀྱིས་མགར་བའི་བུ་ཙུན་ད་ལ་ཅང་མི་གསུང་བས་གནང་ངོ ། །དེ་ནས་མགར་བའི་བུ་ཙུན་དས། བཅོམ་ལྡན་འདས་ཅང་མི་གསུང་བས་གནང་བར་ཤེས་ནས། བཅོམ་ལྡན་འདས་ཀྱིས་གསུངས་པ་དེ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་དྲུང་ནས་སོང་ངོ ། །དེ་ནས་མགར་བའི་བུ་ཙུན་དས་དེ་ཉིད་ཀྱི་ནུབ་མོ་བཅོམ་ལྡན་འདས་ལ་འབྲས་བཟང་པོའི་བཟའ་བ་སྦྱར་ཏེ། ལེགས་པར་བྱས་པའི་བཟའ་བ་སྟ་གོན་བྱས་ནས། དགེ་སློང་གི་དགེ་འདུན་ལ་གཙང་ཞིང་བསོད་པའི་བཟའ་བ་དང ། བཅའ་བ་བསོགས་ཏེ་ནང་པར་སྔར་ལངས་ནས་གདན་བཏིང་སྟེ་ཆུ་རྫ་བཞག་ནས། དེའི་འོག་ཏུ་བཅོམ་ལྡན་འདས་ལ་བཙུན་པ་བཅོམ་ལྡན་འདས་བཤོས་ཀྱི་སྟ་གོན་བགྱིས་ནས། ད་ལྟར་གདུགས་ཚོད་ལ་བབ་ན་གདུགས་ཚོད་མཁྱེན་པར་མཛད་དུ་གསོལ། ཞེས་སྤྱན་དྲངས་པ་དང ། དེ་ནས་བཅོམ་ལྡན་འདས་སྔ་དྲོ་ཆོས་གོས་དང་སྨད་གཡོགས་མན་བས། ལྷུང་བཟེད་བསྣམས་ཏེ། དགེ་སློང་མང་པོས་བསྐོར་ནས་དགེ་སློང་གི་དགེ་འདུན་གྱི་མདུན་དུ་བྱས་ཏེ། མགར་བའི་བུ་ཙུན་དའི་བཀད་སར་གཤེགས་ཏེ་ཕྱིན་པ་དང ། དགེ་སློང་གི་དགེ་འདུན་གྱི་མདུན་ན་གདན་གཏིང་བ་ལ་བཞུགས་སོ། །དེ་ནས་མགར་བའི་བུ་ཙུན་དས། སངས་རྒྱས་དང་དགེ་སློང་གི་དགེ་འདུན་བདེ་བར་</font><hr>Da391a<br><font size=+2>


༄#། །བཞུགས་པར་ཤེས་ནས། བཅོམ་ལྡན་འདས་ལ་འབྲས་བཟང་པོ་ལྕགས་གཞོང་དུ་བཟའ་བ་ལེགས་པར་བྱས་ཏེ་སྦྱར་བ་བདག་གི་ལག་གིས་བྲིམས་ཏེ་བདར་རོ། ། དགེ་སློང་གི་དགེ་འདུན་ལ་ཡང་གཙང་ཞིང་བསོད་པའི་བཟའ་བ་དང་བཅའ་བ་བདག་གི་ལག་གིས་བདར་ཅིང་བསྟབས་སོ། །དེའི་དུས་ན་དགེ་སློང་སྡིག་ཅན་གཞན་ཞིག་གིས་ལྕགས་གཞོང་དྲངས་ཏེ་མཆན་དུ་བཅུག་གོ་།དེ་ནས་དགེ་སློང་སྡིག་ཅན་དེ། བཅོམ་ལྡན་འདས་ཀྱིས་གཟིགས་ཏེ། སངས་རྒྱས་ཀྱི་མཐུས། མགར་བའི་བུ་ཙུན་དས་ཀྱང་མཐོང་ངོ ། །དེ་ནས་མགར་བའི་བུ་ཙུན་དས། བཅོམ་ལྡན་འདས་ལ་གཞོང་བུ་དུ་མའི་འབྲས་བཟང་པོ་བཟའ་བ་ལེགས་པར་སྦྱར་ཏེ། བདག་གི་ལག་པས་བྲིམས་ཤིང་བསྟབས་སོ། །དགེ་སློང་གི་དགེ་འདུན་དག་ལ་ཡང་གཙང་ཞིང་བསོད་པའི་བཟའ་བ་དང་བཅའ་བ་བདག་གི་ལག་གིས་བྲིམས་ཤིང་བསྟབས་སོ། །བཅོམ་ལྡན་འདས་ཀྱིས་གསོལ་ཟིན་པར་ཤེས་ནས་ཕྱག་ཆབ་གསོལ་ལོ། །ལྷུང་བཟེད་བླངས་ནས་སྟན་ངན་པ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་འདུག་ནས་བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། ཤིན་ཏུ་མང་བ་ཐུབ་པའི་བློ་ལ་ཞུ། ། གལ་ཏེ་ཕ་རོལ་གཤེགས་པ་ཐེ་ཚོམ་རྒལ། །ཁ་ལོ་སྒྱུར་བའི་མཆོག་སྟེ་འདྲེན་པའི་མཆོག་།འཇིག་རྟེན་དགེ་སྦྱོང་དུ་མཆིས་གསུང་བར་མཛོད། །དགེ་སྦྱོང་བཞི་སྟེ་ལྔ་པ་མེད། །དེ་མངོན་</font><hr>Da391b<br><font size=+2>


ཤེས་ནས་ཁྱོད་ལ་སྨྲ། །ལམ་རྒྱལ་བ་དང་ལམ་ཆད་པ། །ལམ་འཚོ་དང་ནི་གང་ཞིག་ལམ་སུན་འབྱིན། །ལམ་རྒྱལ་བ་ལ་སངས་རྒྱས་ཅི་ཞིག་གསུང ། །ལམ་བཤད་ཇི་ལྟར་མཉམ་པ་མེད་ཅེས་བགྱི། །ཁྱོད་ལ་ཞུས་པ་ལམ་འཚོ་གསུངས། །འོན་ཏམ་སུན་འབྱིན་པ་དག་བདག་ལ་གསུངས། །གང་གིས་ཐེ་ཚོམ་སྨྲ་བ་བཅད་ནས་ཉོན་མོངས་བྲལ། །གཞན་གྱིས་མི་བཀྲི་མྱ་ངན་འདའ་ལ་དགའ། །འཇིག་རྟེན་ལྷ་རུ་བཅས་པའི་སྟོན་པ་སྟེ། དེ་ནི་ལམ་རྒྱལ་སངས་རྒྱས་ཀྱིས་སུ་གསུངས། །གང་གིས་ར་བ་དང་མཆོག་གཤེགས་པའི། །གསུངས་པའི་ཆོས་ལ་དེ་བཞིན་ཕྱི། ། དེ་ནི་ཐེ་ཚོམ་གཅོད་པའི་ཐུབ་པ་སྟེ། །གཞན་གྱིས་མི་བཀྲི་གཉིས་སུ་མེད། །དཀའ་ཐུབ་ཀྱིས་སུ་ལམ་བཤད་པ་རུ་གསུངས། །གང་གིས་ཆོས་ཚིག་ལེགས་བཤད་པ། །ལམ་འཚོ་དཀའ་ཐུབ་དྲན་པའི་བདག་།ཁ་ན་མ་ཐོའི་ཚིག་ལ་སློབ་པ་ནི། །གསུམ་སྟེ་དཀའ་ཐུབ་ཀྱིས་ནི་ལམ་འཚོར་གསུངས། །ལེགས་དགའ་ནང་ན་གཡོགས་བྱས་ན། །རབ་སྐེམས་རིགས་སུན་བྱུང་རྒྱལ་སྨྲ། ། རྒྱུ་ཅན་སྡོམ་མེད་རབ་སྨྲ་བ། །མི་རིགས་སྤྱོད་པ་དེ་ནི་ལམ་སུན་འབྱིན། །ཁྱིམ་བདག་གང་ཞིག་དེ་ལྟར་རབ་བསམས་པ། །ཐོས་དང་ལྡན་ཏེ་འཕགས་པའི་ཉན་ཐོས་ཀྱིས། །རབ་ཤེས་ཐམས་ཅད་འདི་འདྲར་མི་འགྱུར་རོ། །ཤེས་ནས་དེ་ཡི་དད་པ་འབྲི་མི་འགྱུར། །མི་སྲུན་འདི་དང་སྲུན་པ་དང ། །དག་པ་དང་ནི་མ་དག་པ། །མཉམ་པ་རུ་ནི་ཇི་ལྟར་བྱ། །གཅིག་གིས་སྡིག་པའི་ལས་</font><hr>Da392a<br><font size=+2>


༄#། །བྱས་ན། །སྡིག་མི་བྱེད་ལའང་འགྲོ་རྣམས་དོགས། །ཁ་དོག་གཟུགས་ལྡན་མིར་མི་བརྟག་།མ་རབས་མཐོང་མ་ཐག་ཏུ་ཡིད་མི་བརྟན། །རབ་ཏུ་མི་སྡོམ་མང་དུ་མཚན་མ་ཅན། །མི་ཐུབ་པ་ནི་འཇིག་རྟེན་འདི་ན་སྤྱོད། །གསེར་གྱིས་གཡོགས་པའི་རྣ་ཆ་འདྲ། །ལྕགས་ཀྱི་དོང་ཙེ་གསེར་གྱིས་གཡོགས་པ་བཞིན། །ནང་ནི་ཞེ་སྡང་ཕྱི་ནི་འཕགས་པའི་གཟུགས། །གཡོ་དང་ལྡན་པ་ཁ་ཅིག་འདི་ན་སྤྱོད། །དེ་ནས་བཅོམ་ལྡན་འདས་ཀྱིས་མགར་བའི་བུ་ཙུན་དའི་སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་སུ་ཡི་རང་བར་མཛད་དོ། ། སྦྱིན་པས་བསོད་ནམས་རབ་ཏུ་འཕེལ། །ཡང་དག་སྡོམ་པས་འཁོན་མི་འཕེལ། །ལེགས་པ་ཅན་གྱིས་སྡིག་པ་སྤོང ། །ཉོན་མོངས་ཟད་ནས་མྱ་ངན་འདའ། །དེ་ནས་བཅོམ་ལྡན་འདས་ཀྱིས་མགར་བའི་བུ་ཙུན་ད་ལ་ཆོས་ཀྱི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བ་བསྐྱེད་དེ། རྣམ་གྲངས་དུ་མའི་ཆོས་ཀྱིས་ཡང་དག་པར་བསྐུལ། ཡང་དག་པར་གཟེངས་བསྟོད། །ཡང་དག་པར་དགའ་བ་བསྐྱེད་ནས་སྟན་ལས་ལངས་ཏེ་སོང་ངོ་།། །།འདུལ་བ་ཕྲན་ཚེགས་ཀྱི་གཞི། །བམ་པོ་ང་གཉིས་པ། བར་སྡོམ་ནི། ཙ་པ་ལ་དང་ཚེ་ཡི་འདུ་བྱེད་མཛད། །གླང་པོ་ཆེན་པོ་གཟིགས་པར་མཛད་པ་དང ། །རུ་རྟ་ལ་སོགས་གྲོང་ཁྱེར་བཅུ་རྣམས་དང ། །གཡོས་པ་མདོ་སྡེ་དག་དང་སྡིག་པ་ཅན། ། </font><hr>Da392b<br><font size=+2>


དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་ཁྱེར་རྩཝ་ཅན་ག་ལ་བ་དེར་འདོང་ངོ ། །ཚེ་དང་ལྡན་པ་ཀུན་དགའ་བོས། བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ཏོ། །དེ་ནས་བཅོམ་ལྡན་འདས་གྱད་ཀྱི་ལྗོངས་རྒྱུ་ཞིང་གཤེགས་པ་ནས། སྡིག་པ་ཅན་གྱི་བར་དང ། ཆུ་བོ་དབྱིག་ཅན་གྱི་བར་དུ། བཅོམ་ལྡན་འདས་ཤུལ་དུ་ཞུགས་ཏེ་གཤེགས་པ་ལས། ཤུལ་ནས་གྱུ་སྟེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ང་རྒྱབ་མི་བདེ་སྟེ་ངལ་བསོས། །དེ་བཞིན་གཤེགས་པའི་བླ་གོས་བཞི་ལྟབ་ཏུ་ལྟོབས་ལ་ཐིང་ཞིག་།བཙུན་པ་བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏེ། རིངས་པ་རིངས་པར་བླ་གོས་བཞི་ལྟབ་ཏུ་བལྟབས་ཏེ་བཏིང་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པའི་བླ་གོས་བཞི་ལྟབ་ཏུ་བལྟབས་ཏེ་བཏིང་ལགས་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་ཀྱིས་ན་བཟའ་སྣམ་སྦྱར་ལྟབ་མ་མང་དུ་མཛད་ནས་ཕངས་སུ་བཅུག་སྟེ། གློ་གཡས་པས་ཕབ་ནས། ཞབས་ཀྱི་སྟེང་དུ་ཞབས་བཞག་སྟེ། སྣང་བའི་འདུ་ཤེས་དང ། དྲན་པ་དང ། ཤེས་བཞིན་དང ། བཞེངས་པའི་འདུ་ཤེས་ཐུགས་ལ་མཛད་ནས་གཟིམས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་</font><hr>Da393a<br><font size=+2>


༄#། །བོ་ལ་བཀའ་སྩལ་པ། ཀུན་དགའ་བོ་སོང་ལ་ཆུ་བོ་ཀ་ཀུས་སྟ་ནས་ཆུ་ལྷུང་བཟེད་གང་ལོང་ཞིག་།ཆུ་དེ་ངས་བཏུང་བར་ཡང་བྱ། ལུས་ལ་གཏོར་བར་ཡང་བྱའོ། །བཙུན་པ་བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། ལྷུང་བཟེད་ཐོགས་ཏེ། ཆུ་བོ་ཀ་ཀུས་སྟ་ག་ལ་བར་སོང་བ་དང ། དེའི་ཚེ་ཆུ་བོ་ཀ་ཀུས་སྟ་ལ་ཤིང་རྟ་ལྔ་བརྒྱ་ཙམ་གྱི་ཚད་ཅིག་གིས་བརྒལ་ནས་རིང་པོ་མ་ལོན་ཏེ། དེ་དག་གིས་ཆུ་བོ་དཀྲུགས་ཤིང ། ཀློངས་ཏེ་རྙོགས་པ་དང ། དེ་ནས་ཚེ་དང་ལྡན་པ་ཀུན་དགའ་བོས་ཆུ་བོ་ཀ་ཀུས་སྟ་ལས་ཆུ་ལྷུང་བཟེད་གང་བླངས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འདི་ལྟར་ཆུ་བོ་ཀ་ཀུས་སྟ་ལ་ཤིང་རྟ་ལྔ་བརྒྱ་ཙམ་གྱི་ཚད་ཀྱིས་བརྒལ་ནས་རིང་པོར་མ་ལགས་ཏེ། དེ་དག་གིས་ཆུ་བོ་ཀ་ཀུས་སྟ་དཀྲུགས་ཤིང་ཀློངས་ཏེ་རྙོགས་པར་བགྱིས་པས། བཙུན་པ་བཅོམ་ལྡན་ཆབ་འདིས་ཞལ་ཙམ་བཤལ་ཞིང་ཞབས་བཀྲུར་གསོལ། །བཙུན་པ་འདི་ནས་མི་རིང་བ་ཞིག་ན། ཆུ་བོ་དབྱིག་ལྡན་མཆིས་ཏེ། བཅོམ་ལྡན་འདས་དེ་ལ་གསོལ་ཞིང ། སྐུ་ལ་ཡང་གདབ་པར་བགྱིའོ། །དེ་ནས་བཅོམ་ལྡན་འདས་ཀྱིས་ལྷུང་བཟེད་ཀྱི་ཆུ་དས་ཞབས་བསིལ། ཞལ་བཤལ་བ་དང ། ངེས་ན་བཅོམ་ལྡན་འདས་བཟོད་ཅིང་བདེ་བར་གྱུར་ནས། དེ་ནས་བཅོམ་ལྡན་འདས་བཞེངས་ཏེ་སྐྱིལ་མོ་</font><hr>Da393b<br><font size=+2>


ཀྲུང་བཅས་ནས་སྐུ་དྲང་པོར་བསྲང་སྟེ། དྲན་པ་མངོན་དུ་བཞག་ནས་བཞུགས་སོ། །དེ་ནས་ཡང་དེའི་ཚེ་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་ལམ་དེ་ཉིད་དུ་ཞུགས་པར་གྱུར་བ་དང ། གྱད་ཀྱི་སྣ་ཆེན་པོ་ལ་གཏོགས་པ་གཡུང་པོས། བཅོམ་ལྡན་འདས་མཛེས་པ། དད་པར་མཛད་པ། དབང་པོ་ཞི་བ། ཐུགས་ཞི་བ། ཕ་རོལ་གྱི་སེམས་འདུལ་ཞིང་ཉེ་བར་ཞི་བར་མཛད་པ་དང་ལྡན་པ། གསེར་གྱི་མཆོད་སྡོང་ལྟར་དཔལ་འབར་བ་དེ་ཤིང་དྲུང་གཞན་ཞིག་གི་དྲུང་ན་རྟེན་ཅིང་བཞུགས་པ་མཐོང་ངོ ། །མཐོང་ནས་ཀྱང་བཅོམ་ལྡན་འདས་ག་ལ་བ་དེར་ལོགས་སུ་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་པ་དང ། གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་ལ། བཅོམ་ལྡན་འདས་ཀྱིས་བཀའ་སྩལ་པ། གཡུང་པོ་ཁྱོད་དགེ་སྦྱོང་ངམ། བྲམ་ཟེའི་ཆོས་ཀྱི་གཙང་སྦྲ་གང་ལ་དགའ། བཙུན་པ། སྒྱུ་རྩལ་ཤེས་ཀྱི་བུ་རིང་དུ་འཕུར་གྱི་ཆོས་ཀྱི་གཙང་སྦྲ་ལ་དགའོ། །གཡུང་པོ་ཁྱོད་ཅིའི་ཕྱིར་སྒྱུ་རྩལ་ཤེས་ཀྱི་བུ་རིང་དུ་འཕུར་གྱི་ཆོས་ཀྱི་གཙང་སྦྲ་ལ་དགའ། བཙུན་པ། དུས་གཅིག་ཅིག་ན་སྒྱུ་རྩལ་ཤེས་ཀྱི་བུ་རིང་དུ་འཕུར་ལམ་དུ་ཞུགས་པ་ལས་ལམ་ནས་གྱུ་སྟེ། ཤིང་གཞན་ཞིག་གི་དྲུང་དུ་རྟེན་ཅིང་ཉིན་པར་གྱི་སྤྱོད་པས་གནས་ཤིང་མཆིས་པ་དང ། དེ་ནས་ཡང་དེའི་ཚེ་ལམ་དེ་ཉིད་དུ་ཤིང་རྟ་ལྔ་བརྒྱ་ཙམ་གྱི་ཚད་ཅིག་ཀྱང་མཆིས་ནས་རིང་པོ་མ་ལགས་ཏེ། དེ་ནས་</font><hr>Da394a<br><font size=+2>


༄#། །མི་གཞན་ཞིག་ཤིང་རྟ་དེའི་ཕྱིར་ལུས་པ་སྒྱུ་རྩལ་ཤེས་ཀྱི་བུ་རིང་དུ་འཕུར་ག་ལ་བ་དེར་སོང་སྟེ་ཕྱིན་ནས། སྒྱུ་རྩལ་ཤེས་ཀྱི་བུ་རིང་དུ་འཕུར་ལ་འདི་སྐད་ཅེས་སྨྲས་སོ། །ཅི་ཤིང་རྟ་ལྔ་བརྒྱ་ཙམ་གྱི་ཚད་ཅིག་སོང་བ་མཐོང་བར་མ་གྱུར་ཏམ། ཀྱེ་སྐྱེས་བུ། དེ་མ་མཐོང་ངོ ། །གང་ཤིང་རྟ་ལྔ་བརྒྱ་ཙམ་དོང་བའི་སྒྲ་ཡང་ཐོས་པར་མ་གྱུར་ཏམ། ཀྱེ་སྐྱེས་བུ་བུ། མ་ཐོས་སོ། །ཅི་ཉལ་བར་གྱུར་ཏམ། ཀྱེ་སྐྱེས་བུ། ང་ཉལ་བར་ཡང་མ་གྱུར་ཏོ། །ཅི་ཁྱོད་མི་ཉལ་བའི་འདུ་ཤེས་ཀྱིས་ཤིང་རྟ་ལྔ་བརྒྱ་ཙམ་དོང་བའི་སྒྲ་མ་ཐོས་པར་གྱུར་ཏམ། ཀྱེ་སྐྱེས་བུ། ངས་མི་ཉལ་བའི་འདུ་ཤེས་ཀྱིས་ཤིང་རྟ་ལྔ་བརྒྱ་ཙམ་དོང་བའི་སྒྲ་མ་ཐོས་པར་གྱུར་ཏོ། །དེ་ནས་མི་དེ་འདི་སྙམ་དུ་བསམས་ཏེ། ཇི་སྲིད་ཅིག་ནས་རབ་ཏུ་བྱུང་བ་ཞི་བར་གནས་པ་ཞིག། གང་འདི་ལྟར་མི་ཉལ་བའི་འདུ་ཤེས་ཀྱིས་ཤིང་རྟ་ལྔ་བརྒྱ་ཙམ་གྱི་ཚད་དོང་བའི་སྒྲ་ཡང་མ་ཐོས། འདི་ལྟར་ཆོས་གོས་ཀྱང་རྡུལ་གྱི་ཕྱེ་མས་ཡོག་པར་གྱུར། ཅེས་མི་དེ་ངོ་མཚར་སྐྱེས་ནས། སྒྱུ་རྩལ་ཤེས་ཀྱི་བུ་རིང་དུ་འཕུར་ལ་དད་ཅིང་དད་པའི་དབང་དུ་བྱས་སོ། །བཙུན་པ། དེ་ལྟ་བས་ན་བདག་སྒྱུ་རྩལ་ཤེས་ཀྱི་བུ་རིང་དུ་འཕུར་གྱི་གཙང་སྦྲའི་ཆོས་ལ་དགའ་བ་ལགས་སོ། ། གཡུང་པོ་ཇི་སྙམ་དུ་སེམས། གང་ཤིང་རྟ་ལྔ་བརྒྱ་ཙམ་གྱི་ཚད་དོང་བའི་སྒྲ་དང ། གང་འབྲུག་ཆེམས་ཞེས་ཟེར་བ་དང ། ཐོག་བབས་པ་འདི་གཉིས་ཀྱི་སྒྲ་གང་རྒྱ་ཆེ་བ་ཡིན། བཙུན་པ་ཅི་</font><hr>Da394b<br><font size=+2>


ལགས། ཤིང་རྟ་ལྔ་བརྒྱ་ཙམ་ལྟ་ཞོག་གི་།ཅི་ལགས་ཤིང་རྟ་སྟོང་དང ། ཅི་ལགས་ཤིང་རྟ་བརྒྱ་སྟོང་འདི་དག་གང་བས་ཀྱང ། གང་འབྲུག་ཆེམས་ཞེས་མཆི་བ་དང ། ཐོག་བབས་པའི་སྒྲ་ཆེ་བ་ལགས་སོ། །གཡུང་པོ་དུས་གཅིག་ཅིག་ན། ཡུལ་ཨ་དུ་མ་ཡ་འབྱུང་པོའི་ཁང་པའི་ཁྱམས་ན་བཞུགས་ཏེ། ང་སྔ་དྲོ་ན་བཟའ་སྨད་གཡོགས་བགོས། ལྷུང་བཟེད་དང་ཆོས་གོས་ཐོགས་ཏེ། ཡུལ་ཨ་དུ་མན་དུ་བསོད་སྙོམས་ཀྱི་ཕྱིར་གཤེགས་ཏེ། ཡུལ་ཨ་དུ་མན་དུ་བསོད་སྙོམས་བརྒྱུས་ནས། ཟས་ཀྱི་བྱ་བ་མཛད་དེ་ཟས་ཕྱི་མའི་བསོད་སྙོམས་སྤངས་ནས། ལྷུང་བཟེད་དང་ཆོས་གོས་མཁོས་སུ་ཕབ་སྟེ། ཞབས་བཀྲུས་ནས་འབྱུང་པོའི་ཁང་པའི་ཁྱམས་སུ་ནང་དུ་ཡང་དག་འཇོག་ལ་བཞུགས་སོ། །དེ་ནས་ཡང་དེའི་ཚེ་ཡུལ་ཨ་དུ་མ་ཡ་ན། འབྲུག་ཆེམས་ཞེས་ཟེར་བ་དང ། ཐོག་བབས་པ་དང ། གླང་བཞི་དང ། ཁྱིམ་བདག་ཞིང་པ་སྤུན་གཉིས་ཤི་ནས། དེ་ནས་ཡུལ་ཨ་དུ་མ་ཡར་སྐྱེ་བོ་མང་པོས་སྒྲ་ཆེན་པོ་དང ། སྒྲ་མང་པོ་སྒྲོགས་པར་གྱུར་ཏོ། །ང་ཡང་དགོངས་ཀ་ནང་དུ་ཡང་དག་འཇོག་ལས་བཞེངས་ཏེ། འབྱུང་པོའི་ཁང་པའི་ཁྱམས་ནས་བྱུང་སྟེ། འབྱུང་པོའི་ཁང་པའི་གྲིབ་མ་བླ་གབ་མེད་པར་འཆགས་ན་འཆག་པ་དང ། དེ་ནས་མི་གཞན་ཞིག་སྐྱེ་བོ་མང་པོ་དེ་དག་གི་དྲུང་ནས་ང་ག་ལ་བར་འོངས་ཏེ་ཕྱིན་ནས། ངའི་ཞབས་གཉིས་ལ་མགོ་བོས་ཕྱག་</font><hr>Da395a<br><font size=+2>


༄#། །འཚལ་ཏེ། ང་འཆག་པའི་རྗེས་སུ་འཆག་གོ་།ངས་དེ་ལ་འདི་སྐད་ཅེས། ཀྱེ་སྐྱེས་བུ། ཡུལ་ཨ་དུ་མ་ཡ་ན་སྐྱེ་བོ་མང་པོའི་སྒྲ་ཆེན་པོ་དང ། སྒྲ་མང་པོ་སྒྲོགས་པ་འདི་ཅི་ཞིག་ཡིན། ཞེས་བཀའ་སྩལ་པ་དང ། དེས་སྨྲས་པ། བཙུན་པ་འདི་ལྟར་ཡུལ་ཨ་དུ་མ་ཡར་འབྲུག་ཆེམས་ཞེས་མཆི་བ་དང ། ཐོགས་བབས་པར་གྱུར་ཏེ། གླང་བཞི་དང།་ཁྱིམ་བདག་ཞིང་པ་སྤུན་གཉིས་གུམ་སྟེ། དེས་ན་འདི་ལྟར་ཡུལ་ཨ་དུ་མ་ཡའི་སྐྱེ་བོ་མང་པོ་འདི་དག་སྒྲ་ཆེན་པོ་དང ། སྒྲ་མང་པོ་དག་སྒྲོགས་པར་གྱུར་ཏོ། །དེས་འདི་སྐད་ཅེས་བཅོམ་ལྡན་འདས་ཅི་ལགས། འབྲུག་ཆེམས་ཞེས་མཆི་བ་དང ། ཐོག་བབས་པ་མ་གསན་ཏམ། ཞེས་སྨྲའོ། །དེ་ལ་ངས་འདི་སྐད་ཅེས། ཀྱེ་སྐྱེས་བུ། ངས་མ་ཐོས་སོ་ཞེས་བཀའ་སྩལ་པ་དང ། དེས་འདི་སྐད་ཅེས་ཅི་ལགས། བཅོམ་ལྡན་འདས་གཟིམས་པར་གྱུར་ཏམ། ཞེས་སྨྲའོ། །དེ་ལ་ངས་འདི་སྐད་ཅེས། ཀྱེ་སྐྱེས་བུ། ཉལ་བར་མ་གྱུར་ཏོ་ཞེས་བཀའ་སྩལ་པ་དང ། དེས་འདི་སྐད་ཅེས་ཅི་ལགས། བཅོམ་ལྡན་འདས་མ་གཟིམས་པའི་འདུ་ཤེས་ཀྱིས་འབྲུག་ཆེམས་ཞེས་མཆི་བ་དང ། ཐོག་བས་པ་མ་གས་ན་པར་གྱུར་ཏམ་ཞེས་སྨྲའོ། །དེ་ལ་ངས་འདི་སྐད་ཅེས། ཀྱེ་སྐྱེས་བུ་ང་ནི་མི་ཉལ་བའི་འདུ་ཤེས་ཀྱིས་འབྲུག་ཆེམས་ཞེས་ཟེར་བ་དང ། ཐོག་བབས་པ་མ་ཐོས་སོ་ཞེས་བཀའ་སྩལ་པ་དང ། དེ་ནས་མི་དེས་འདི་སྙམ་དུ་ཇི་</font><hr>Da395b<br><font size=+2>


སྲིད་ཅིག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞི་བར་བཞུགས་ནས། གང་གི་ཕྱིར་བཅོམ་ལྡན་འདས་མ་གཟིམས་པའི་འདུ་ཤེས་ཀྱིས་འབྲུག་ཆེམས་ཞེས་ཟེར་བ་དང ། ཐོག་བབས་པའི་སྒྲ་མ་གསན་པར་གྱུར་པ་ནི། ངོ་མཚར་ཆེའོ། །ཞེས་བསམས་ནས་སྐྱེས་བུ་དེ་ང་ལ་དད་པར་གྱུར་ཅིང་དད་པའི་དབང་དུ་བྱས་ཏེ། འདི་སྐད་ཅེས་བཙུན་པ་བཅོམ་ལྡན་འདས་ལ་སུ་ཞིག་མངོན་པར་མི་དད་ལགས། བདག་ནི་འདི་ལྟར་བཙུན་པ་བཅོམ་ལྡན་འདས་ལ་རྒྱ་ཆེར་མངོན་པར་དད་ལགས་སོ། །ཞེས་སྨྲས་སོ། །དེ་ནས་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོས་གཡོག་པོ་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་རས་བཅོས་བུ་སར་པ་གསེར་གྱི་ཁ་དོག་ལྟར་སེར་བཟུང་གཅིག་ང་ལ་བྱིན་ཅིག་དང ། དེ་ངས་བཅོམ་ལྡན་འདས་ལ་དབུལ་བར་བྱའོ། །ཞེས་སྨྲས་ནས། སྐྱེས་བུ་དེས་ཀྱང་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་ལ་རས་བཅོས་བུ་སར་པ་གསེར་གྱི་ཁ་དོག་ལྟར་སེར་བ་ཟུང་གཅིག་བྱིན་ནོ། །དེ་ནས་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོས་རས་བཅོས་བུ་སར་པ་གསེར་གྱི་མདོག་ལྟར་སེར་བ་ཟུང་གཅིག་ཁྱེར་ནས་བཅོམ་ལྡན་འདས་ལ་འདི་སྐད་གསོལ་ཏོ། །བཅོམ་ལྡན་འདས་རས་བཅོས་བུ་སར་པ་གསེར་གྱི་མདོག་ལྟར་སེར་བ་ཟུང་གཅིག་པོ་འདི་བདག་ཅག་གི་ཡིད་དུ་མཆི་བ་དགའ་བ་བཅང་བར་འོས་པ་དེ་ཐུགས་བརྩེ་བར་དགོངས་ཏེ། བཅོམ་ལྡན་འདས་ཀྱིས་བཞེས་སུ་གསོལ། </font><hr>Da396a<br><font size=+2>


༄#། །བཅོམ་ལྡན་འདས་ཀྱིས་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་ལ་ཐུགས་བརྩེ་བར་དགོངས་ནས། རས་བཅོས་བུ་སར་པ་གསེར་གྱི་མདོག་ལྟར་སེར་བ་ཟུང་གཅིག་བཞེས་པ་དང ། དེ་ནས་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོས། བཅོམ་ལྡན་འདས་ལ་འདི་སྐད་ཅེས་བདག་གིས་གཞན་ཡང་བཙུན་པ་བཅོམ་ལྡན་འདས་དང ། དགེ་སློང་གི་དགེ་འདུན་ལ་རིམ་གྲོ་བགྱིའོ། །ཞེས་གསོལ་པ་དང ། བཅོམ་ལྡན་འདས་ཀྱིས་གཡུང་པོ་ལ་དགེ་བར་སྨྲས་སོ། །ཞེས་བཀའ་སྩལ་ཏོ། །དེ་ནས་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་སོང་ནས་རིང་པོ་མ་ལོན་པར་མཁྱེན་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། རས་བཅོས་བུ་སར་པ་གསེར་གྱི་མདོག་ལྟར་སེར་བཟུང་གཅིག་ཁ་ཚར་དྲ་གྲིས་ཆོད་ལ་ང་ལ་བྱིན་ཅིག་།ངས་བགོ་བར་བྱའོ། །ཚེ་དང་ལྡན་པ་ཀུན་དགའ་བོས་རས་བཅོས་བུ་སར་པ་གསེར་གྱི་མདོག་ལྟར་སེར་པ་ཁ་ཚར་དྲ་གྲིས་བཅད་ནས། བཅོམ་ལྡན་འདས་ལ་ཕུལ་བ་དང ། དེ་བཅོམ་ལྡན་འདས་ཀྱིས་གསོལ་ཏོ། །བཅོམ་</font><hr>Da396b<br><font size=+2>


ལྡན་འདས་ཀྱིས་གསོལ་པ་དང ། བཅོམ་ལྡན་འདས་ཀྱི་སྐུའི་ཁ་དོག་གསལ་བ་མ་ཉམས་པར་སྣང་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གིས་དགུང་ལོ་ཉི་ཤུ་ལྷག་ཅིག་གི་བར་དུ་བཅོམ་ལྡན་འདས་ཀྱི་ཞམ་འབྲིང་ན་མཆིས་ན། བཅོམ་ལྡན་འདས་ཀྱི་སྐུའི་ཁ་དོག་གསལ་བ་འདི་ལྟ་བུ་འབྱུང་བ་བདག་གིས་མངོན་པར་མ་འཚལ་ན། བཙུན་པ་རྒྱུ་གང ། རྐྱེན་གང་གིས་འདི་ལྟ་བུའི་སྐུའི་ཁ་དོག་གསལ་བ་བྱུང་བར་གྱུར། ཀུན་དགའ་བོ་སྐུའི་ཁ་དོག་གསལ་བ་འདི་ལྟ་བུ་འབྱུང་བ་འདི་ནི། རྒྱུ་གཉིས་དང ། རྐྱེན་གཉིས་ཏེ། གཉིས་གང་ཞེ་ན། གང་གི་ནུབ་མོ་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་དང ། གང་གི་ནུབ་མོ་དེ་བཞིན་གཤེགས་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བ་ཡིན་ཏེ། འདི་ནི་སྐུའི་ཁ་དོག་གསལ་བ་འདི་ལྟ་བུ་འབྱུང་བའི་རྒྱུ་གཉིས་པ་དང་རྐྱེན་གཉིས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཆུ་བོ་དབྱིག་ལྡན་ག་ལ་བར་འདོང་ངོ ། །བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་ཆུ་བོ་དབྱིག་ལྡན་ལ་བར་གཤེགས་ཏེ་བྱོན་ནས་ཆུ་བོ་དབྱིག་ལྡན་གྱི་འགྲམ་མཐའ་</font><hr>Da397a<br><font size=+2>


༄#། །གཅིག་ཏུ་ན་བཟའ་ཆོས་གོས་བཞག་སྟེ་བཞུགས་ནས། ཆུ་བོ་དབྱིག་ལྡན་གྱི་ནང་དུ་ཞུགས་ཏེ་སྐུ་ཁྲུས་ལེགས་པར་མཛད་ནས། ཆུ་བོ་དབྱིག་ལྡན་བརྒལ་ཏེ། ན་བཟའ་ཆོས་གོས་གཅིག་པུ་དང ། སྐུ་སྐེམས་ཤིང་བཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་མགར་བའི་བུ་ཙུན་ད་འགྱོད་པ་སྐྱེས་ཏེ། གང་གི་ཕྱིར་སྟོན་པའི་བསོད་སྙོམས་ཕྱི་མ་གསོལ་བས། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་གཤེགས་ཏེ། སྐུལ་བྱེད་དེ་ནི་མ་རྙེད་པའོ། །རྙེད་པ་མ་ཡིན་པའོ། །ཉེས་པ་རྙེད་པའོ། །བདེ་བ་རྙེད་པ་མ་ཡིན་པའོ། །ཞེས་གཞན་དག་གིས་འགྱོད་པ་བསྐྱེད་ཀྱི། ཀུན་དགའ་བོ་མགར་བའི་བུ་སྐུལ་བྱེད་འགྱོད་པ་བསྐྱེད་པ་ལ་གནས་གཉིས་ཀྱིས་འགྱོད་པ་བསལ་བར་བྱ་སྟེ། ཙུན་ད་བདག་གིས་བཅོམ་ལྡན་འདས་ལས་མངོན་སུམ་དུ་ཐོས་ཏེ། མངོན་སུམ་དུ་བཟུང་བ་ནི་བསོད་སྙོམས་ཀྱི་རྣམ་པར་སྨིན་པ་མཉམ་པ་དང ། མི་མཉམ་པ་རྣམ་པ་གཉིས་ཡོད་དེ། གང་དུ་བསོད་སྙོམས་གསོལ་ནས་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བ་དང ། གང་དུ་བསོད་སྙོམས་གསོལ་ནས་དེ་བཞིན་གཤེགས་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་གཤེགས་པ་སྟེ། འདི་</font><hr>Da397b<br><font size=+2>


ནི་བསོད་སྙོམས་ཀྱི་རྣམ་པར་སྨིན་པ་མཉམ་པ་དང ། མི་མཉམ་པ་གཉིས་ཡོད་པ་ཡིན་ནོ། །ཀུན་དགའ་བོ་དེ་ལྟ་བས་ན་འདི་ནི་མགར་བའི་བུ་སྐུལ་བྱེད་ཀྱིས་ལས་བྱས་ཤིང་བསགས་པ་ཡིན་ཏེ།་ཚེར་འགྱུར་བ་དང ། ཁ་དོག་ཏུ་འགྱུར་བ་དང ། སྟོབས་སུ་འགྱུར་བ་དང ། ལོངས་སྤྱོད་དུ་འགྱུར་བ་དང ། བདེ་འགྲོར་འགྱུར་བ་དང ། ཕྱུག་པོ་འཁོར་དང་བཅས་པར་འགྱུར་བའི་ལས་བྱས་ཤིང་བསགས་པ་ཡིན་ནོ། །བར་སྡོམ་ནི། ཚེ་དང་ཁ་དོག་སྟོབས་དག་དང ། །ལོངས་སྤྱོད་བདེ་འགྲོ་ཕྱུག་པོ་རྣམས། །དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཚེ་དང་ལྡན་པ་འདུན་པ་འདི་ནི་གཏུམ་པོ། གཟུ་ལུམས་ཅན། བརླང་བ། གཤེ་བ། ཁྲོ་བ་བདག་ཅག་དགེ་སློང་རྣམས་ལ་ཀུན་ཏུ་གཤེ་བ་ལགས་ན། བཅོམ་ལྡན་འདས་འདས་པའི་འོག་ཏུ་འདི་ཇི་ལྟར་བསྒྲུབ་པར་བགྱི། ཀུན་དགའ་བོ་དགེ་སློང་འདུན་པ་འདི་འདས་པའི་འོག་ཏུ་ཚངས་པའི་ཆད་པས་བསྡིག་པར་བྱའོ། །ཚངས་པའི་ཆད་པས་བསྡིགས་ནས་ཀྱང་སྐྱོ་བར་བྱའོ། །དེ་ལྟར་ཀུན་ཏུ་སྐྱོ་བ་སྐྱེས་ནས་ཀྱང་ཀ་ཏ་ཡ་ན་ལ་ལུང་ནོད་དུ་གཞུག་པར་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།་ཀུན་དགའ་བོ་གྲོང་ཁྱེར་རྩཝ་ཅན་ག་ལ་བ་དེར་འདོང་ངོ ། །བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་</font><hr>Da398a<br><font size=+2>


༄#། །གྱད་ཀྱི་ལྗོངས་རྒྱུ་ཞིང་གཤེགས་པ་ན། གྲོང་ཁྱེར་རྩཝ་ཅན་གྱི་བར་དང ། ཆུ་བོ་དབྱིག་ལྡན་གྱི་བར་དུ་ཤུལ་དུ་ཞུགས་ཏེ་གཤེགས་པ་ལས་ཤུལ་ནས་གྱུ་སྟེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ང་རྒྱབ་མི་བདེ་སྟེ་ངལ་བསོས། དེ་བཞིན་གཤེགས་པའི་བླ་གོས་བཞི་ལྟབ་ཏུ་ལྟོབས་ལ་ཐིང་ཞིག་།བཙུན་པ་བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་རིངས་པ་རིངས་པར་བླ་གོས་བཞི་ལྟབ་ཏུ་བལྟབས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་བཞིན་གཤེགས་པའི་བླ་གོས་བཞི་ལྟབ་ཏུ་བལྟབས་ཏེ་བཏིང་ལགས་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་ཀྱིས་ན་བཟའ་སྣམ་སྦྱར་ལྟབ་མ་མང་དུ་མཛད་དེ་ཕངས་སུ་བཅུག་ནས་གློ་གཡས་པས་ཕབ་སྟེ། ཞབས་ཀྱི་སྟེང་དུ་ཞབས་བཞག་ནས། སྣང་བའི་འདུ་ཤེས་དང ། དྲན་པ་དང ། ཤེས་བཞིན་དང།་བཞེངས་པའི་འདུ་ཤེས་ཐུགས་ལ་མཛད་ནས་གཟིམས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་པོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། བྱང་ཆུབ་ཀྱི་ཡན་ལག་སྨྲོས་ཤིག་།བཅོམ་ལྡན་འདས་ཉིད་ཀྱི་དྲན་པ་བྱང་ཆུབ་ཀྱི་ཡན་ལག་མངོན་པར་མཁྱེན་ཅིང ། ཡང་དག་པར་ཐུགས་སུ་ཆུད་དེ་གསུངས་པ། དབེན་པ་ལ་གནས་པ། འདོད་</font><hr>Da398b<br><font size=+2>


ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ། ཆོས་རབ་ཏུ་རྣམ་པར་འབྱེད་པ། བརྩོན་འགྲུས་དང ། དགའ་བ་དང ། ཤིན་ཏུ་སྦྱངས་པ་དང ། ཏིང་ངེ་འཛིན་དང ། བཏང་སྙོམས་བྱང་ཆུབ་ཀྱི་ཡན་ལག་རྣམས་ཏེ། བཙུན་པ་བཅོམ་ལྡན་འདས་ཉིད་ཀྱིས་མངོན་པར་མཁྱེན་ཅིང ། ཡང་དག་པར་ཐུགས་སུ་ཆུད་དེ་གསུངས་པ། དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་ལགས་སོ། །ཀུན་དགའ་བོ། བརྩོན་འགྲུས་སྨྲས་སམ། བཅོམ་ལྡན་འདས་བརྩོན་འགྲུས་སྨྲས་ལགས་སོ། །ཀུན་དགའ་བོ་བརྩོན་འགྲུས་བསྟེན་ཅིང་བསྒོམ་ཏེ། ལན་གྲངས་མང་དུ་བྱས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་རོ། །ཞེས་གསུངས་ནས། བཅོམ་ལྡན་འདས་བཞེངས་ཏེ་སྐྱིལ་མོ་ཀྲུང་བཅས་ནས་སྐུ་དྲང་པོར་བསྲངས་ཏེ་དྲན་པ་མངོན་དུ་བཞག་ནས་བཞུགས་སོ། །དེ་ནས་དགེ་སློང་གཞན་ཞིག་གིས་ཚིགས་སུ་བཅད་དེ་སྨྲས་པ། སྟོན་པས་ཆོས་ནི་མང་རབ་གསན་སླད་དུ། །བདག་ཉིད་བསྙུང་བར་གྱུར་ཀྱང་གསོལ་བཏབ་ནས། །དགེ་སློང་རང་ཉིད་ཀྱིས་ནི་ཆོས་སྨྲས་པ། །བྱང་ཆུབ་ཡན་ལག་དེ་ཡིས་སྟོན་པར་གྱུར། །མཁས་ཤིང་བློ་དང་ལྡན་པ་རྟོགས་པ་སྟེ། །གནས་བརྟན་ཀུན་དགའ་བོ་ཡིས་ལེགས་སྨྲས་པ། །ཐུབ་པའི་གསུང་ནི་རབ་ཏུ་དཀར་བ་ལས། །ཆོས་ཉིད་དེ་དག་ཁོ་ན་འཐོབ་པར་</font><hr>Da399a<br><font size=+2>


༄#། །འགྱུར། །ཡང་དག་དྲན་དང་རྣམ་པར་འབྱེད་པ་དང ། །བརྩོན་འགྲུས་དགའ་བ་ཤིན་ཏུ་སྦྱངས་པའི་ལུས། །སེམས་དང་ཏིང་ངེ་འཛིན་དང་བཏང་སྙོམས་དང། །དགའ་བ་འདི་དག་བྱང་ཆུབ་ཡན་ལག་ལགས། །བྱང་ཆུབ་ཡན་ལག་རྣམས་ཀྱི་གཏམ་གསན་ཅིང ། །བྱང་ཆུབ་ཡན་ལག་རོ་ནི་རྣམ་མཁྱེན་པས། །བཅོམ་ལྡན་ཐུགས་ནི་ཤིན་ཏུ་མི་བདེ་བའི། །སྙུན་ཚབས་ཆེན་པོ་དག་ལས་བཞེངས་པར་གྱུར། །དེ་ལྟ་བས་ན་ཆོས་རྗེ་དེ་ཡིས་ཀྱང ། །རིན་པོ་ཆེ་ཡི་ཆོས་འདི་འཆད་པ་ལ། །ཆོས་ནི་གསན་པར་བཞེད་གྱུར་གཞན་དག་ལྟ། །ཅིའི་ཕྱིར་དེས་ནི་འདི་ལ་མཉན་མི་བྱ། །དགེ་སློང་གང་གཞིག་ཤེས་རབ་མཆོག་ཡིན་པར། །ཤེས་རབ་སྟོབས་བཅུ་ལྡན་པས་བསྟན་པ་སྟེ། །ཉེ་རྒྱལ་དེ་ཡང་ན་བར་གྱུར་མོད་ཀྱི། །དམ་ཆོས་མཉན་པའི་དོན་དུ་འགྲོ་བར་བྱེད། །མདོ་སྡེ་འཛིན་དང་འདུལ་འཛིན་མ་མོ་འཛིན། །མཁས་པ་ཆོས་ལུགས་མཁྱེན་པ་དེ་དག་ཀྱང ། །ཆོས་རྣམས་ཉན་པར་བྱེད་ན་གཞན་དག་ལྟ། །ཅིའི་ཕྱིར་དེ་ནི་འདི་ལ་མཉན་མི་བྱ། །ཐོས་ནས་ཇི་ལྟར་ཆོས་ཀྱི་བཀའ་ལ་ནི། །སེམས་ཀྱིས་རྟོགས་ཤིང་ཉེ་བར་བཞག་གྱུར་ན། །ཟང་ཟིང་མེད་པའི་སངས་རྒྱས་གསུང་འདི་ནི། །དགའ་བས་དེ་བཞིན་ཉིད་འདི་འཐོབ་པར་འགྱུར། །དགའ་བའི་ཡིད་ཀྱིས་ཤིན་ཏུ་སྦྱངས་པའི་ལུས། །བདེ་བ་དག་ཀྱང་དེ་བཞིན་སྐྱེ་བར་འགྱུར། །བདེ་བར་</font><hr>Da399b<br><font size=+2>


གྱུར་པའི་སེམས་ནི་རྩེ་གཅིག་སྟེ། །དེ་ཡི་འོག་ཏུ་ཏིང་འཛིན་རེག་པར་འགྱུར། །མཉམ་པར་གྱུར་པའི་སེམས་ནི་འདི་དག་ཏུ། །འདུ་བྱེད་རྣམས་ལ་སྐྱབས་སུ་མི་བྱེད་ཅིང ། །སྐྱེ་བར་གྱུར་པས་འདོད་ཆགས་རྣམ་བྲལ་ཏེ། །སེམས་ནི་རྣམ་པར་གྲོལ་བ་དག་ཏུ་འགྱུར། །སྲིད་པར་འགྲོ་བ་དག་ལ་སྐྱོ་གྱུར་ཏེ། །ལྷ་དང་མི་རྣམས་ལ་ཡང་མི་ཆགས་པ། །ཇི་ལྟར་མེ་ནི་བུད་ཤིང་མེད་གྱུར་བཞིན།། དགྲ་བཅོམ་གྱུར་ནས་ཡོངས་སུ་མྱ་ངན་འདས། །ཆོས་ཐོས་པ་ཡི་ཕན་ཡོན་མང་བར་ནི། །རྒྱལ་བ་རྣམས་ཀྱིས་དེ་དག་ཀུན་ཏུ་བཤད། །དེ་ལྟ་བས་ན་སྟོན་པའི་གསུང་འདི་ལ། །ནན་ཏན་འབད་དེ་རབ་ཏུ་མཉན་པར་བྱ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་ཁྱེར་རྩཝ་ཅན་ག་ལ་བར་འདོང་ངོ ། །བཙུན་པ་བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་གྱད་ཀྱི་ལྗོངས་རྒྱུ་ཞིང་གཤེགས་ཏེ། གྲོང་ཁྱེར་རྩཝ་ཅན་དུ་བྱོན་ནས། གྲོང་ཁྱེར་རྩཝ་ཅན་གྱད་ཀྱི་ཡུལ་དང་ཉེ་བ་ཤིང་སཱ་ལ་ཟུང་གི་ཚལ་ན་བཞུགས་སོ། །དེ་ནས་བཅོམ་ལྡན་འདས་དེ་ཉིད་དུ་ཡོངས་སུ་མྱ་ངན་ལས་འདའ་བ་དེའི་ཚེ། ཚེ་དང་ལྡན་པ་ཀུན་དགའ་བོ་ལ། །ཀུན་དགའ་བོ། ཤིང་སཱ་ལ་ཟུང་གཉིས་ཀྱི་བར་དུ། དེ་བཞིན་གཤེགས་པའི་ཁྲི་ཆོས་ལ་ཕངས་བྱང་ཕྱོགས་སུ་སྟོན་ཅིག་།དེ་བཞིན་གཤེགས་པ་ནི་དེང་གི་མཚན་མོའི་གུང་ཐུན་འདི་ལ་ཕུང་པོ་ལྷག་མ་མེད་པའི་</font><hr>Da400a<br><font size=+2>


༄#། །མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ། །ཞེས་བཀའ་སྩལ་པ་དང ། བཙུན་པ་བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། ཤིང་སཱ་ལ་ཟུང་གི་བར་དུ་ཁྲི་བཅས་ནས་ཕངས་བྱང་ཕྱོགས་སུ་བསྟན་ཏེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ། བཅོམ་ལྡན་འདས་ཤིང་སཱ་ལ་ཟུང་གི་བར་དུ། དེ་བཞིན་གཤེགས་པའི་ཁྲི་བཅས་ཏེ་ཕངས་བྱང་ཕྱོགས་སུ་བསྟན་ཏོ། །ཞེས་གསོལ་པ་དང ། དེ་ནས་བཅོམ་ལྡན་འདས་ཁྲི་ག་ལ་བར་གཤེགས་ཏེ་བྱོན་ནས་གློ་གཡས་པས་ཕབ་སྟེ། ཞབས་ཀྱི་སྟེང་དུ་ཞབས་བཞག་ནས་གཟིམས་ཏེ། སྣང་བའི་འདུ་ཤེས་དང ། དྲན་པ་དང ། ཤེས་བཞིན་དང ། མྱ་ངན་ལས་འདའ་བའི་འདུ་ཤེས་ཐུགས་ལ་མཛད་དོ། །དེ་ནས་ཡང་དེའི་ཚོ་ཚེ་དང་ལྡན་པ་ཀུན་དགའ་བོ། །བཅོམ་ལྡན་འདས་ཀྱི་སྣམ་ལོགས་སུ་འདུག་ནས་ཁྲི་ལ་འཇུས་ཏེ་ངུ་ཞིང་མཆི་མ་ཕྱུང་ནས་འདི་སྐད་ཅེས་སྨྲའོ། །བཅོམ་ལྡན་འདས་ཤིན་ཏུ་མྱུར་བར་ཡོངས་སུ་མྱ་ངན་ལས་འདས་སོ། །བདེ་བར་གཤེགས་པ་ཤིན་ཏུ་མྱུར་བར་ཡོངས་སུ་མྱ་ངན་ལས་འདས་སོ། །ཤིན་ཏུ་མྱུར་བར་འཇིག་རྟེན་གྱི་མིག་ལྡོངས་</font><hr>Da400b<br><font size=+2>


ཏེ།་དགེ་སློང་དག་སྔོན་ནི་ཕྱོགས་དེ་དང་དེ་དག་དང ། ལྗོངས་དེ་དང་དེ་དག་ནས་བཅོམ་ལྡན་འདས་ག་ལ་བ་དེར་འོངས་ཏེ་འོངས་པ་དེ་དག་ལ། བཅོམ་ལྡན་འདས་ཀྱིས་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ་རབ་ཏུ་སྟོན་ཏེ། གང་གི་ཕྱིར་དུས་དུས་སུ་ཟབ་པ་ཟབ་མོའི་ཆོས་ཀྱི་གཏམ་ཡང་ཐོས་ཤིང་རྙེད་ན། དེ་དག་གིས་ཀྱང་ད་བཅོམ་ལྡན་འདས་ཡོངས་སུ་མྱ་ངན་ལས་འདས་པར་ཐོས་ཏེ། ཐོས་ནས་ཀྱང་འོང་བར་མི་འགྱུར་ཞིང ། འདི་ལྟར་ཆོས་ཀྱི་ལོངས་སྤྱོད་ཆེན་པོ་འབའ་ཞིག་པོ་འདི་འཇིག་རྟེན་དུ་ནུབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཀུན་དགའ་བོ་གང་ན་འདུག་།བཅོམ་ལྡན་འདས། ཚེ་དང་ལྡན་པ་ཀུན་དགའ་བོ་ནི་བཅོམ་ལྡན་འདས་ཀྱི་སྣམ་ལོགས་འདི་ན་མཆིས་ཏེ། ཁྲི་ལ་འཇུས་ནས་ངུ་ཞིང་མཆི་མ་ཕྱུང་ནས་འདི་སྐད་ཅེས་མཆིའོ། །བཅོམ་ལྡན་འདས་ནི་ཤིན་ཏུ་མྱུར་བར་ཡོངས་སུ་མྱ་ངན་ལས་འདས་སོ། །བདེ་བར་གཤེགས་པ་ནི་ཤིན་ཏུ་མྱུར་བར་ཡོངས་སུ་མྱ་ངན་ལས་འདས་སོ། །ཤིན་ཏུ་མྱུར་བར་འཇིག་རྟེན་གྱི་མིག་ལྡོངས་ཏེ། དགེ་སློང་དག་སྔོན་ནི་ཞེས་བྱ་བ་ནས། འདི་ལྟར་ཆོས་ཀྱི་ལོངས་སྤྱོད་ཆེན་པོ་འཇིག་རྟེན་དུ་ནུབ་བོ། །ཞེས་བྱ་བའི་བར་སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་</font><hr>Da401a<br><font size=+2>


༄#། །བོ་ལ་བཀའ་སྩལ་པ། ཀུན་དགའ་བོ་ཁྱོད་མྱ་ངན་དང ། མི་བཟོད་པ་དང ། སྨྲེ་སྔགས་འདོན་པར་མ་བྱེད་ཅིག་།དེ་ཅིའི་ཕྱིར་ཞེ་ན། ཀུན་དགའ་བོ་ཁྱོད་ཀྱིས་དེ་བཞིན་གཤེགས་པའི་ཉེ་གནས་བྱས་པ་ནི། བྱམས་པའི་ལུས་ཀྱི་ལས་ཀྱིས་ཕན་པ་དང ། བདེ་བ་དང ། གཉིས་སུ་མེད་པ་དང ། ཚད་མེད་པར་བྱས་པ་དང ། བྱམས་པའི་ངག་གི་ལས་དང ། བྱམས་པའི་ཡིད་ཀྱི་ལས་ཀྱིས་ཕན་པ་དང ། བདེ་བ་དང ། གཉིས་སུ་མེད་པ་དང ། ཚད་མེད་པར་བྱས་སོ། །ཀུན་དགའ་བོ་གང་དག་འདས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཀྱང ། སངས་རྒྱས་བཅོམ་ལྡན་འདས་རྣམས་ཀྱི་ཉེ་གནས་ཀྱི་ཚུལ་འདི་འདྲ་བར་བྱས་པར་གྱུར་ཏེ། དཔེར་ན་ད་ལྟར་ཁྱོད་ཀྱིས་ང་ལ་བྱ་བ་བཞིན་དུ་བྱས་པར་གྱུར་ཏོ། །མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཀྱང ། སངས་རྒྱས་བཅོམ་ལྡན་འདས་རྣམས་ཀྱི་ཉེ་གནས་ཀྱི་ཚུལ་འདི་འདྲ་བར་བྱེད་པར་འགྱུར་ཏེ། དཔེར་ན་ད་ལྟར་ཁྱོད་ཀྱིས་ངལ་བྱ་བ་བྱས་པ་བཞིན་ནོ། །ཀུན་དགའ་བོ་དེ་ལྟ་བས་ན་ཁྱོད་མྱ་ངན་མ་བྱེད་ཅིག་།མི་བཟོད་བར་མ་བྱེད་ཅིག་།སྨྲེ་སྔགས་མ་འདོན་ཅིག་།གང་སྐྱེ་བ་དང ། འབྱུང་བ་དང ། བྱས་པ་དང ། འདུས་བྱས་དང ། རྟེན་ཅིང་འབྲེལ་པར་འབྱུང་བ་འཇིག་པའི་ཆོས་</font><hr>Da401b<br><font size=+2>


ཅན་དེ་དག་ནི། འདི་ལྟར་མི་འཇིག་པ་ཐོབ་པར་ག་ལ་འགྱུར་ཏེ། འདི་ནི་གནས་མེད་དེ། རིག་པར་མི་ནུས་སོ། །ཀུན་དགའ་བོ། སྔོན་ཡང་ངས་བཤད་དེ། མཛའ་བོ་དང ། སྡུག་པ་དང ། དགའ་བ་དང་ཡིད་དུ་འོང་བ་དེ་དག་ཐམས་ཅད་ནི། འབྲལ་བ་དང ། འགྱེས་པ་དང ། འཇིག་པ་དང ། མེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ཡང་དག་པར་དགའ་བར་བྱ་བར་བཞེད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་འཁོར་ལོས་སྒྱུར་བའི་རྒྱལ་པོ་ལ་ངོ་མཚར་རྨད་དུ་བྱུང་བའི་ཆོས་བཞི་ཡོད་དེ། བཞི་གང་ཞེ་ན། གལ་ཏེ་རྒྱལ་རིགས་ཀྱི་འཁོར། འཁོར་ལོས་སྒྱུར་བའི་རྒྱལ་པོ་བལྟ་བའི་ཕྱིར་འོངས་པ་མཐོང་བས་ཡིད་དགའ་བར་འགྱུར་རོ། །གལ་ཏེ་ཉེ་བར་འོངས་པ་རྣམས་ལ་ཆོས་བཤད་ན་ཆོས་ཐོས་པས་ཡིད་དགའ་བར་འགྱུར་རོ། །གལ་ཏེ་བྲམ་ཟེའི་འཁོར་དང ། ཁྱིམ་བདག་གི་འཁོར་དང ། དགེ་སྦྱོང་གི་འཁོར། འཁོར་ལོས་སྒྱུར་བའི་རྒྱལ་པོ་བལྟ་བའི་ཕྱིར་འོངས་པ་དེ་མཐོང་བས་ཡིད་དགའ་བར་འགྱུར་རོ། ། གལ་ཏེ་ཉེ་བར་འོངས་པ་རྣམས་ལ་ཆོས་བཤད་ན་ཆོས་ཐོས་པས་ཡིད་དགའ་བར་འགྱུར་རོ། །དགེ་སློང་དག་དེ་བཞིན་དུ་དགེ་སློང་ཀུན་དགའ་བོ་ལ་ཡང་ངོ་མཚར་རྨད་དུ་བྱུང་བའི་ཆོས་བཞི་ཡོད་དེ། བཞི་གང་ཞེ་ན། གལ་ཏེ་དགེ་སློང་གི་འཁོར། དགེ་སློང་ཀུན་དགའ་བོ་བལྟ་བའི་ཕྱིར་འོངས་པ་མཐོང་བས་ཡིད་དགའ་བར་འགྱུར་རོ། །གལ་ཏེ་འོངས་པ་རྣམས་ལ་ཆོས་བཤད་ན་</font><hr>Da402a<br><font size=+2>


༄#། །ཆོས་ཐོས་པས་ཡིད་དགའ་བར་འགྱུར་རོ། །གལ་ཏེ་དགེ་སློང་མའི་འཁོར་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་དགེ་སློང་ཀུན་དགའ་བོ་བལྟ་བའི་ཕྱིར་འོངས་པ་མཐོང་བས་ཡིད་དགའ་བར་འགྱུར་རོ། །གལ་ཏེ་འོངས་པ་རྣམས་ལ་ཆོས་བཤད་ན་ཆོས་ཐོས་པས་ཡིད་དགའ་བར་འགྱུར་རོ། །དགེ་སློང་དག་གཞན་ཡང།་དགེ་སློང་ཀུན་དགའ་བོ་ལ་ངོ་མཚར་རྨད་དུ་བྱུང་བའི་ཆོས་བཞི་ཡོད་དེ། བཞི་གང་ཞེ་ན། གལ་ཏེ་དགེ་སློང་ཀུན་དགའ་བོ་དགེ་སློང་གི་འཁོར་རྣམས་ལ་ཆོས་སྟོན་ན་གུས་པར་བྱས་ཏེ་སྟོན་གྱི། མ་གུས་པས་མ་ཡིན་ནོ། །དེ་ནས་དགེ་སློང་གི་འཁོར་རྣམས་འདི་སྙམ་དུ་སེམས་ཏེ། ཀྱེ་མ་ཚེ་དང་ལྡན་པ་ཀུན་དགའ་བོ་མི་སྨྲ་བར་འདུག་ཅིང ། ཆོས་ཁོ་ན་འཆད་ཀྱང་ཅི་མ་རུང་སྙམ་ནས། དགེ་སློང་གི་འཁོར་རྣམས་དགེ་སློང་ཀུན་དགའ་བོ་ལ་ཆོས་ཉན་པས་མི་ངོམས་མོད་ཀྱི། འོན་ཀྱང་དགེ་སློང་ཀུན་དགའ་བོ་ཅང་མི་སྨྲའོ། །གལ་ཏེ་དགེ་སློང་མའི་འཁོར་རྣམས་དང།་དགེ་བསྙེན་གྱི་འཁོར་དང ། དགེ་བསྙེན་མའི་འཁོར་རྣམས་ལ་དགེ་སློང་ཀུན་དགའ་བོ་ཆོས་སྟོན་ན་གུས་པར་བྱས་ཏེ་སྟོན་གྱི། མ་གུས་པས་ནི་མ་ཡིན་ནོ། །དེ་ནས་དགེ་བསྙེན་གྱིས་འཁོར་ལ་སོགས་པ་འདི་སྙམ་དུ་སེམས་ཏེ། ཀྱེ་མཚེ་དང་ལྡན་པ་ཀུན་དགའ་བོ་མི་སྨྲ་བར་འདུག་ཅིང ། ཆོས་ཁོ་ན་འཆད་ཀྱང་ཅི་མ་རུང་སྙམ་ནས། དགེ་བསྙེན་གྱི་འཁོར་ལ་སོགས་པ་དགེ་</font><hr>Da402b<br><font size=+2>


སློང་ཀུན་དགའ་བོ་ལ་ཆོས་ཉན་པས་མི་ངོམས་མོད་ཀྱི། འོན་ཀྱང་དགེ་སློང་ཀུན་དགའ་བོ་ནི་ཅང་མི་སྨྲ་བར་འདུག་གོ་།དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱིས་ཡང་དག་པར་དགའ་བར་མཛད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅིའི་སླད་དུ་འཇིག་རྟེན་ཐ་དད་པ། གྲོང་ཁྱེར་ཆེན་པོ་དྲུག་པོ་གང་དག་མཉན་ཡོད་དང ། གནས་བཅས་དང ། ཙམ་པ་དང ། ཝཱ་ར་ཎཱ་སི་དང ། ཡངས་པ་ཅན་དང ། རྒྱལ་པོའི་ཁབ་ལ་སོགས་པ་གྲོང་ཁྱེར་ཆེན་པོ་དྲུག་པོ་འདི་ལྟ་བུ་སྤངས་ནས། གང་གྲོང་ཁྱེར་ངན་པ་དང ། དགོན་དུང་དང ། མཁར་ངན་པ་དང ། གྲོང་ཁྱེར་གྱི་ཡན་ལག་དང ། གྲོང་ཁྱེར་གྱི་ཐོ་ཤུལ་ཙམ་འདིར་ཡོངས་སུ་མྱ་ངན་ལས་འདའ་བར་དགོངས། ཀུན་དགའ་བོ་ཁྱོད་གྲོང་ཁྱེར་རྩཝ་ཅན་འདི་ལ་གྲོང་ཁྱེར་ངན་པ་ཞེའམ། དགོན་དུང་ཞེའམ། མཁར་ངན་པ་ཞེའམ། གྲོང་གི་ཡན་ལག་ཅེའམ། གྲོང་ཁྱེར་གྱི་ཐོ་ཤུལ་ཙམ་ཞེས་མ་སྨྲ་ཞིག་།དེ་ཅིའི་ཕྱིར་ཞེ་ན། ཀུན་དགའ་བོ། སྔོན་བྱུང་བ་གྲོང་ཁྱེར་རྩཝ་ཅན་འདི།་རྒྱལ་པོ་ཀུ་ཤ་ཅན་ཞེས་བྱ་བའི་ཕོ་བྲང་དུ་གྱུར་ཏེ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང ། མི་མང་པོས་གང་བ་ཆུར་དཔག་ཚད་བཅུ་གཉིས། རྒྱར་དཔག་ཚད་བདུན་པར་གྱུར་ཏོ། །ཀུན་དགའ་བོ། རྒྱལ་པོ་ཀུ་ཤ་ཅན་གྱི་ར་བ་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་བ་དང ། བཻ་ཌཱུརྱ་ལས་བྱས་པ་དང ། ཤེལ་</font><hr>Da403a<br><font size=+2>


༄#། །ལས་བྱས་པ་སྟེ། ར་བ་བདུན་གྱིས་ཀུན་ཏུ་བསྐོར་བར་གྱུར་ཏོ། །ཀུན་དགའ་བོ། རྒྱལ་པོ་རྩཝ་ཅན་གྱི་ཕོ་བྲང་གི་སྒོ་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པར་གྱུར་ཏོ། །ཀུན་དགའ་བོ། སྒོ་དེ་དག་གི་གཙང་ཁང་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་སྟེ། འཕང་དུ་ནི་སྐྱེས་བུ་བདུན་གྱི་སྲིད་ཙམ་ལ། སྐྱེས་བུ་ཕྱེད་དང་བཞིའི་སྲིད་ཙམ་ནི་ཟབས་སུ་བརྐོས་ནས། ཁྱེའུ་གསུམ་གྱིས་བཙུགས་པར་གྱུར་ཏོ། །ཀུན་དགའ་བོ། རྒྱལ་པོ་ཀུན་ཤ་ཅན་གྱི་ཕོ་བྲང་གི་འོབས་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པའི་ཕ་གུའི་འོབས་རྣམ་པ་བདུན་གྱིས་ཀུན་ཏུ་བསྐོར་ཏོ། །ཀུན་དགའ་བོ། རྒྱལ་པོ་ཀུ་ཤ་ཅན་གྱི་ཕོ་བྲང་ཏ་ལ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པའི་ཏ་ལའི་ཕྲེང་བ་བདུན་གྱིས་ཀུན་ཏུ་བསྐོར་བར་གྱུར་ཏེ། ཀུན་དགའ་བོ་གསེར་གྱི་ཏ་ལ་ལ་ནི། དངུལ་ལས་བྱས་པའི་ལོ་མ་དང ། མེ་ཏོག་དང ། འབྲས་བུ་དག་བྱས་པར་གྱུར་ཏོ། །ཀུན་དགའ་བོ། དངུལ་གྱི་ཏ་ལ་ལ་ནི་གསེར་དང ། བཻ་
་དང ། ཤེལ་གྱིའོ། །ཀུན་དགའ་བོ། ཤེལ་གྱི་ཏ་</font><hr>Da403b<br><font size=+2>


ལ་ལ་ནི་བཻ་
་ལས་བྱས་པའི་ལོ་མ་དང ། མེ་ཏོག་དང ། འབྲས་བུ་དག་བྱས་པར་གྱུར་ཏོ། །ཀུན་དགའ་བོ། ཏ་ལ་དེ་རྣམས་རླུང་གིས་བསྐྱོད་པ་ན་འདི་ལྟ་བུའི་སྒྲ་ཡིད་དུ་འོང་བ་འབྱུང་སྟེ། དཔེར་ན་སྐྱེས་བུ་མཁས་པས་ཡན་ལག་ལྔ་དང་ལྡན་པའི་སིལ་སྙན་ཡང་དག་པར་བསྒྲགས་པ་བཞིན་ནོ། །ཀུན་དགའ་བོ། ཏ་ལ་དེ་དག་གིས་བར་དུ་རྫིང་བཟང་པོ་བཅས་པར་གྱུར་ཏེ། རྫིང་དེ་དག་ཀྱང་རྣམ་པ་བཞི་པོ་གསེར་དང ། དངུལ་དང ། བཻ་
་དང ། ཤེལ་གྱི་ཕ་གུས་བྱས་པར་གྱུར་ཏོ། །ཀུན་དགའ་བོ། རྫིང་བུ་བཟང་པོ་དེ་དག་གི་ཐེམ་སྐས་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པར་གྱུར་ཏོ། །རྫིང་བུ་དེ་དག་གི་ཁ་ཁྱེར་ཡང་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པའི་ཁ་ཁྱེར་གྱིས་ཀུན་ཏུ་བསྐོར་བར་གྱུར་ཏོ། །ཀུན་དགའ་བོ། གསེར་ལས་བྱས་པའི་ཁ་ཁྱེར་གྱི་གཟུངས་གཟེར་དང ། གདུང་བུ་དང ། རྟེན་མ་ནི་དངུལ་ལས་བྱས་པར་གྱུར་ཏོ། །དངུལ་ལས་བྱས་པའི་ནི་གསེར་ལས་བྱས་སོ། །བཻ་
་ལས་བྱས་པའི་ནི་ཤེལ་ལས་བྱས་སོ། །ཤེལ་ལས་བྱས་པའི་ནི་གཟུངས་གཟེར་དང ། གདུང་བུ་དང ། རྟེན་མ་བཻ་
་ལས་བྱས་པར་གྱུར་ཏོ། །ཀུན་དགའ་བོ། རྫིང་བཟང་པོ་དེ་དག་གི་ནང་ན་མེ་ཏོག་ཆུ་ལས་སྐྱེས་པ་རྣམ་པ་སྣ་ཚོགས་འདི་ལྟ་སྟེ། ཨུཏྤ་ལ་དང ། པདྨ་དང ། ཀུ་མུ་ཏ་དང ། པདྨ་དཀར་པོ་དང ། </font><hr>Da404a<br><font size=+2>


༄#། །དྲི་མཆོག་དང ། དྲི་ངད་འཇམ་དང ། དུས་ཚིགས་ཐམས་ཅད་པ་དང ། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་དོ། །ཀུན་དགའ་བོ། རྫིང་བཟང་པོ་དེ་དག་གི་འགྲམ་གཉིས་ན། མེ་ཏོག་སྐམ་ལས་སྐྱེས་པ་རྣམ་པ་སྣ་ཚོགས་འདི་ལྟ་སྟེ། ཨ་ཏི་མུག་ཏ་ཀ་དང ། ཙམ་པ་ཀ་དང ། སྐྱ་སྣར་དང ། པ་རི་ཤ་ཀ་དང ། མ་ལི་ཀ་དང ། ན་བ་མ་ལི་ཀ་དང ། ཡིད་དུ་འོང་བ་དང ། ཡུ་ཏི་ཀ་དང ། དྷ་ནུ་ཀ་རི་དང ། དུས་ཚིགས་ཐམས་ཅད་པ་དང ། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་སྐྱེ་བོ་ཐམས་ཅད་ལ་དགག་པ་མེད་པར་བསྐྱེད་པར་གྱུར་ཏོ། །ཀུན་དགའ་བོ། རྒྱལ་པོ་ལེགས་མཐོང་ཆེན་པོས་ཀྱང་ཏ་ལ་བཟང་པོ་དེ་དག་གི་བར་བར་དུ། ན་ཆུང་རྒྱན་ཐམས་ཅད་ཀྱིས་བརྒྱན་པ་བཞག་སྟེ། གང་དག་ཟས་འདོད་པ་ལ་ནི་ཟས་སྦྱིན་པར་བྱེད། སྐོམ་འདོད་པ་ལ་ནི་སྐོམ། གོས་འདོད་པ་ནི་གོས། ཕྲེང་བ་དང ། དྲི་དང ། བྱུག་པ་འདོད་པ་ལ་ནི་ཕྲེང་བ་དང་དྲི་དང་བྱུག་པ་སྦྱིན་པར་བྱེད་དོ། །ཀུན་དགའ་བོ། རྒྱལ་པོ་ཀུ་ཤ་ཅན་གྱི་ཕོ་བྲང་ན། གང་དག་ར་རོ་བ་དང ། གཡོ་ཅན་དང ། ཆང་འཚོང་རྣམས་རྩེ་བ་དང ། དགའ་བ་དང ། དགའ་མགུར་སྤྱོད་པར་འདོད་པ་དེ་དག་ཏ་ལ་དེ་དག་གི་བར་བར་དུ་ཤིན་ཏུ་རྩེ་ཞིང ། དགའ་བ་དང ། དགའ་མགུར་སྤྱོད་པར་གྱུར་ཏོ། །ཀུན་དགའ་བོ། རྒྱལ་པོ་རྩཝ་ཅན་གྱི་ཕོ་བྲང་ན། ཏལ་དེ་དག་ལས་སྒྲ་ཡིད་</font><hr>Da404b<br><font size=+2>


དུ་འོང་བ་འདི་ལྟ་སྟེ། གླང་པོ་ཆེའི་སྒྲ་དང ། རྟའི་སྒྲ་དང ། ཤིང་རྟའི་སྒྲ་དང ། དཔུང་བུ་ཆུང་གི་སྒྲ་དང ། དུང་གི་སྒྲ་དང ། རྔ་བོ་ཆེའི་སྒྲ་དང ། ཚོགས་པའི་སྒྲ་དང ། རྔ་པ་ཊ་ཧའི་སྒྲ་དང ། རོལ་མོའི་སྒྲ་དང ། གླུའི་སྒྲ་དང ། གླིང་བུའི་སྒྲ་དང ། སྦྱིན་པ་ནི་བྱིན། བསོད་ནམས་ནི་བྱས། ཟ་གཅིག་པ་ནི་སྨྱུང་བ་བྱས་ཏེ། ཚུལ་ཁྲིམས་ཡང་དག་པར་བླངས་པའི་སྒྲ་སྟེ། སྒྲ་བཅུ་གཉིས་དང་ལྡན་པར་གྱུར་ཏོ། །ཀུན་དགའ་བོ། རྒྱལ་པོ་རྩཝ་ཅན་གྱི་ཕོ་བྲང་ན། འཁོར་ལོས་སྒྱུར་བའི་རྒྱལ་པོ་ལེགས་མཐོང་ཆེན་པོ་ཞེས་བྱ་བ། རིན་པོ་ཆེ་སྣ་བདུན་དང ། མི་རྣམས་ཀྱི་འབྱོར་པ་བཞི་དང་ལྡན་ཏེ། རིན་པོ་ཆེ་སྣ་བདུན་གང་དང་ལྡན་ཞེ་ན། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི་བློན་པོ་རིན་པོ་ཆེའོ། །ཀུན་དགའ་བོ། རྒྱལ་པོ་ལེགས་མཐོང་ཆེན་པོ་མི་རྣམས་ཀྱི་འབྱོར་པ་བཞི་གང་དང་ལྡན་ཞེ་ན། ཚེ་རིང་ཞིང་ཡུན་རིང་དུ་གནས་པ་ཡིན་ཏེ། གཞོན་ནུ་རྩེད་མོ་རྩེ་བ་ལ་ལོ་བརྒྱད་ཁྲི་བཞི་སྟོང་ལོན་ནོ། །རྒྱལ་ཚབ་བྱེད་པ་ལ་ལོ་བརྒྱད་ཁྲི་བཞི་སྟོང་ལོན་ནོ། །རྒྱལ་པོ་ཆེན་པོ་བྱེད་པ་ལ་ལོ་བརྒྱད་ཁྲི་བཞི་སྟོང་ལོན་ནོ། །རྒྱལ་པོའི་དྲང་སྲོང་གི་ཚངས་པར་སྤྱོད་པ་ལ་ལོ་བརྒྱད་ཁྲི་བཞི་སྟོང་ལོན་ནོ། །ཀུན་དགའ་བོ། རྒྱལ་པོ་ལེགས་མཐོང་ཆེན་པོ་ཚེ་རིང་ཞིང་ཡུན་རིང་དུ་གནས་པ་ཡིན་ཏེ། དེས་ལོ་བརྒྱད་ཁྲི་བཞི་སྟོང་ནི་གཞོན་ནུ་དགའ་བས་རྩེད་མོ་རྩེས། ལོ་བརྒྱད་ཁྲི་བཞི་</font><hr>Da405a<br><font size=+2>


༄#། །སྟོང་ནི་རྒྱལ་ཚབ་བྱས། ལོ་བརྒྱད་ཁྲི་བཞི་སྟོང་ནི་རྒྱལ་པོ་ཆེན་པོ་བྱས། ལོ་བརྒྱད་ཁྲི་བཞི་སྟོང་ནི་རྒྱལ་པོའི་དྲང་སྲོང་གི་ཚངས་པར་སྤྱོད་པ་བྱས་པ་གང་ཡིན་པ་འདི་ནི། ཀུན་དགའ་བོ། རྒྱལ་པོ་ཆེན་པོ་ལེགས་མཐོང་གི་འབྱོར་པ་ཞེས་བྱའོ། །ཀུན་དགའ་བོ། གཞན་ཡང་རྒྱལ་པོ་ལེགས་མཐོང་ཆེན་པོ་ནི་གཟུགས་བཟང་བ། མཛེས་པ། བལྟ་ན་སྡུག་པ། མིའི་ཁ་དོག་ལས་ནི་འདས། ལྷའི་ཁ་དོག་ནི་མ་ཐོབ་སྟེ། ཀུན་དགའ་བོ། རྒྱལ་པོ་ལེགས་མཐོང་ཆེན་པོའི་གཟུགས་བཟང་བ། མཛེས་པ། བལྟ་ན་སྡུག་པ། མིའི་ཁ་དོག་ལས་ནི་འདས། ལྷའི་ཁ་དོག་ནི་མ་ཐོབ་པ་ཡིན་ཏེ། ཀུན་དགའ་བོ། འདི་ནི་རྒྱལ་པོ་ལེགས་མཐོང་ཆེན་པོའི་འབྱོར་པ་ཞེས་བྱའོ། །ཀུན་དགའ་བོ། གཞན་ཡང་རྒྱལ་པོ་ལེགས་མཐོང་ཆེན་པོ་གནོད་པ་ཆུང་ཞིང་ནད་མེད་པའི་རང་བཞིན་ཡིན་ཏེ། ཕོ་བ་ཧ་ཅང་བསིལ་བ་མ་ཡིན་ཞིང ། ཧ་ཅང་དྲོ་བ་མ་ཡིན་པ། དྲོད་སྙོམས་པ་དང ། དུས་ཀུན་ཏུ་བདེ་བ་དང ། གནོད་པ་མེད་པ་དང་ལྡན་པས། ཟོས་པ་དང ། འཐུངས་པ་དང ། འཆོས་པ་དང ། མྱངས་པ་རྣམས་ལེགས་པར་བདེ་བར་འཇུ་བར་གྱུར་ཏེ། ཀུན་དགའ་བོ། རྒྱལ་པོ་ལེགས་མཐོང་ཆེན་པོ་གནོད་པ་ཉུང་ཞིང་ནད་མེད་པའི་རང་བཞིན་ཅན། ཕོ་བ་ཧ་ཅང་བསིལ་བ་མ་ཡིན་ཞིང ། ཧ་ཅང་དྲོ་བ་མ་ཡིན་པ། དྲོད་སྙོམས་པ་དང ། དུས་ཀུན་ཏུ་བདེ་བ་དང ། གནོད་པ་མེད་པ་དང་ལྡན་པས། </font><hr>Da405b<br><font size=+2>


ཟོས་པ་དང ། འཐུངས་པ་དང ། འཆོས་པ་དང ། མྱངས་པ་རྣམས་ལེགས་པར་བདེ་བར་འཇུ་བར་འགྱུར་བ་གང་ཡིན་པ་འདི་ནི། ཀུན་དགའ་བོ། རྒྱལ་པོ་ལེགས་མཐོང་ཆེན་པོའི་འབྱོར་པ་ཞེས་བྱའོ། །ཀུན་དགའ་བོ། གཞན་ཡང་རྒྱལ་པོ་ལེགས་མཐོང་ཆེན་པོ་ནི། གྲོང་མི་དང ། ཡུལ་མི་རྣམས་ལ་སྙིང་དུ་སྡུག་ཅིང་ཡིད་དུ་འོང་བར་གྱུར་པ་ཡིན་ཏེ། དཔེར་ན། བུ་རྣམས་ལ་ཕ་བཞིན་ནོ། ། རྒྱལ་པོ་ལེགས་མཐོང་ཆེན་པོ་ནི་གྲོང་མི་དང ། ཡུལ་མི་རྣམས་ཀྱི་སྙིང་དུ་སྡུག་ཅིང་ཡིད་དུ་འོང་བར་གྱུར་པ། དཔེར་ན། ཕ་ལ་བུ་རྣམས་བཞིན་ཏེ། ཀུན་དགའ་བོ། དུས་གཅིག་ཅིག་ན། རྒྱལ་པོ་ལེགས་མཐོང་ཆེན་པོ་སྐྱེད་མོས་ཚལ་གྱི་གནས་སུ་འགྲོ་བ་ན། ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ་ཤིང་རྟ་རིམ་གྱིས་དལ་བུ་དལ་བུས་སྒྱུར་ཅིག་།ངས་གྲོང་མི་དང ། ཡུལ་མི་རྣམས་ལ་ཡུན་རིང་དུ་བལྟ་བར་བྱའོ། །གྲོང་མི་དང ། ཡུལ་མི་རྣམས་ཀྱིས་ཀྱང་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ་ཤིང་རྟ་རིམ་གྱིས་དལ་བུ་དལ་བུས་སྒྱུར་ཅིག་།ངེད་ཀྱང་ལྷ་ལ་ཡུན་རིང་དུ་བལྟ་བར་བྱའོ། །ཀུན་དགའ་བོ་གང་གི་ཚེ་རྒྱལ་པོ་ལེགས་མཐོང་ཆེན་པོ་གྲོང་མི་དང ། ཡུལ་མི་རྣམས་ལ་སྙིང་དུ་སྡུག་ཅིང་ཡིད་དུ་འོང་བར་གྱུར་པ་ནི། དཔེར་ན། བུ་རྣམས་ལ་ཕ་བཞིན་ནོ། །རྒྱལ་པོ་ལེགས་མཐོང་ཆེན་པོ་ལ་གྲོང་མི་དང ། ཡུལ་མི་རྣམས་ཀྱི་སྙིང་དུ་སྡུག་ཅིང་ཡིད་དུ་འོང་བར་གྱུར་པ་ནི། དཔེར་ན། ཕ་ལ་བུ་རྣམས་བཞིན་ཏེ། ཀུན་དགའ་བོ། འདི་ནི་རྒྱལ་པོ་ལེགས་མཐོང་ཆེན་</font><hr>Da406a<br><font size=+2>


༄#། །པོའི་འབྱོར་པ་ཞེས་བྱའོ། །དེ་ནས་གྲོང་མི་དང ། ཡུལ་མི་རྣམས་ཀྱིས་གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་བ་རིན་པོ་ཆེ་མང་པོ་དག་ཁྱེར་ཏེ། རྒྱལ་པོ་ལེགས་མཐོང་ཆེན་པོ་གང་ན་བ་དེར་དོང་སྟེ་ཕྱིན་ནས། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་སླད་དུ་བདག་ཅག་གིས་གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་བ་རིན་པོ་ཆེ་མང་པོ་དག་འཚལ་ཏེ་མཆིས་ལགས་ན། ལྷས་ཐུགས་བརྩེ་བའི་སླད་དུ་འདི་དག་བཞེས་སུ་གསོལ། སྣ་བོ་དག་།ངའི་ཡུལ་ན་འདི་འདྲ་བའི་ནོར་གྱི་རིགས་ཡོད་པས། མི་འདོད་དོ་ཞེས་སྨྲས་ནས། ལེན་དུ་མ་བཏུབ་པ་དང ། གྲོང་མི་དང ། ཡུལ་མི་རྣམས་ཀྱིས་རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་སླད་དུ་བདག་ཅག་གིས་གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་བ་རིན་པོ་ཆེ་མང་པོ་འཚལ་ཏེ། མཆིས་པ་འདི་དག་ལྷས་ཐུགས་བརྩེ་བའི་སླད་དུ་བཞེས་སུ་གསོལ། རྒྱལ་པོ་ལེགས་མཐོང་ཆེན་པོས་ཀྱང་གྲོང་མི་དང ། ཡུལ་མི་རྣམས་ལ་ལན་གཉིས་ལན་གསུམ་གྱི་བར་དུ་འདི་སྐད་ཅེས་སྨྲས་སོ། །སྣ་བོ་དག་།ངའི་ཡུལ་ན་འདི་འདྲ་བའི་ནོར་གྱི་རིགས་ཡོད་པས་མི་འདོད་དོ། །ཞེས་སྨྲས་ནས་ལེན་དུ་མ་བཏུབ་བོ། །དེ་ནས་གྲོང་མི་དང ། ཡུལ་མི་རྣམས་འདི་སྙམ་དུ་སེམས་ཏེ། བདག་ཅག་གིས་ལྷའི་ཕྱིར་གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་</font><hr>Da406b<br><font size=+2>


བ་རིན་པོ་ཆེ་མང་པོ་ཁྱེར་ཏེ་འོངས་པ་འདི་དག་།བདག་ཅག་གིས་འདི་དག་བླངས་ཏེ་རང་རང་གི་གནས་སུ་འདོང་བ་ནི་བདག་ཅག་གི་ཚུལ་མ་ཡིན་པས། མ་ལ་བདག་ཅག་གིས་རྒྱལ་པོ་ལེགས་མཐོང་ཆེན་པོའི་མདུན་དུ། གསེར་དང ། དངུལ་གྱི་ཕུང་པོ་ཆེར་སྤུངས་ལ། མཐའ་གཅིག་ཏུ་ནོར་བུ་རིན་པོ་ཆེ་དང ། ལ་བ་རིན་པོ་ཆེ་དག་བཞག་སྟེ། འདི་ནི་ལྷའི་དཀོར་གྱི་རིགས་ཡིན་ནོ། །ཞེས་སྨྲས་ཏེ་བཏང་སྙོམས་སུ་བོར་ལ་འདོང་ངོ་སྙམ་ནས། གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་བ་རིན་པོ་ཆེ་དག་རྒྱལ་པོ་ལེགས་མཐོང་ཆེན་པོའི་མདུན་དུ་ཉེ་བར་བཞག་ནས། བཏང་སྙོམས་སུ་བོར་ཏེ་དོང་ངོ ། །དེ་ནས་རྒྱལ་པོ་ལེགས་མཐོང་ཆེན་པོ་འདི་སྙམ་དུ་སེམས་ཏེ། བདག་གི་ནོར་གྱི་རིགས་ནི་ཆོས་བཞིན་གྱིས་རྙེད་པ་ཡིན་གྱི། ཆོས་མ་ཡིན་པས་ནི་མ་ཡིན་པས་མ་ལ་བདག་གིས་ཆོས་དང་མཐུན་པའི་ཁང་བཟང་བརྩིག་གོ་སྙམ་པ་དང ། མཐའི་རྒྱལ་ཕྲན་བརྒྱད་ཁྲི་བཞི་སྟོང་གི་།རྒྱལ་པོ་ལེགས་མཐོང་ཆེན་པོ་ཆོས་དང་མཐུན་པར་ཁང་བཟང་བརྩིག་པར་སྤྲོའོ། །ཞེས་ཐོས་སོ། །ཐོས་ནས་ཀྱང་རྒྱལ་པོ་ལེགས་མཐོང་ཆེན་པོ་ག་ལ་བ་དེར་དོང་སྟེ་ཕྱིན་ནས། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷ་ཆོས་དང་མཐུན་པའི་ཁང་བཟང་བརྩིག་པ་ལ་ཐུགས་ཀྱི་འཕྲིན་ལས་བསྐྱུང་དུ་གསོལ། ལྷའི་ཆོས་དང་མཐུན་པའི་ཁང་བཟང་བདག་ཅག་གིས་བརྩིག་པར་བགྱིའོ། །སྣ་བོ་དག་།ངའི་ཡུལ་ན་འདི་འདྲ་བའི་ནོར་གྱི་རིགས་ཡོད་པས་</font><hr>Da407a<br><font size=+2>


༄#། །མི་དགོས་སོ། །ཞེས་སྨྲས་ནས་མ་གནང་ངོ ། །མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས་ལན་གཉིས་ལན་གསུམ་གྱི་བར་དུ་རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷ་ཆོས་དང་མཐུན་པའི་ཁང་བཟང་བརྩིག་པ་ལ་ཐུགས་ཀྱི་འཕྲིན་ལས་བསྐྱུང་དུ་གསོལ། ལྷའི་ཆོས་དང་མཐུན་པའི་ཁང་བཟང་བདག་ཅག་གིས་བརྩིག་པར་བགྱིའོ། །རྒྱལ་པོ་ལེགས་མཐོང་ཆེན་པོས་ཀྱང་ལན་གཉིས་ལན་གསུམ་གྱི་བར་དུ་མཐའ་རྒྱལ་ཕྲན་བརྒྱད་ཁྲི་བཞི་སྟོང་ལ་འདི་སྐད་ཅེས་སྨྲས་སོ། །སྣ་བོ་དག་།ངའི་ཡུལ་ན་འདི་འདྲ་བའི་ནོར་གྱི་རིགས་ཡོད་པས་མི་དགོས་སོ། །ཞེས་སྨྲས་ནས་མ་གནང་ངོ ། །དེ་ནས་མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས་རྒྱལ་པོ་ལེགས་མཐོང་ཆེན་པོའི་རྐང་པ་ལ་གཏུགས་ནས། ཁ་ཅིག་གིས་ནི་ལག་པ་ནས་བཟུང ། ཁ་ཅིག་གིས་ནི་གོས་ཀྱི་མཐའ་མ་ནས་བཟུང ། ཁ་ཅིག་གིས་ནི་རྒྱལ་པོ་ལེགས་མཐོང་ཆེན་པོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་གསོལ་ཏོ། །ལྷ་ཆོས་དང་མཐུན་པའི་ཁང་བཟང་བརྩིག་པ་ལ་ཐུགས་ཀྱི་འཕྲིན་ལས་བསྐྱུང་དུ་གསོལ། ལྷའི་ཆོས་ཀྱི་ཁང་བཟང་བདག་ཅག་གིས་བརྩིག་པར་བགྱིའོ། །རྒྱལ་པོ་ལེགས་མཐོང་ཆེན་པོས་མཐའི་རྒྱལ་ཕྲན་བརྒྱད་ཁྲི་བཞི་སྟོང་ལ་ཅང་མི་སྨྲ་བས་གནང་ངོ ། །དེ་ནས་མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས། རྒྱལ་པོ་ལེགས་མཐོང་ཆེན་པོ་ཅང་མི་</font><hr>Da407b<br><font size=+2>


སྨྲ་བས་གནང་བར་རིག་ནས། རང་རང་གི་གནས་སུ་དོང་སྟེ། གསེར་དང ། དབྱིག་མང་པོ་དང ། རིན་པོ་ཆེའི་ཀ་བ་རེ་རེ་ཁྱེར་ཏེ། རྒྱལ་པོ་ལེགས་མཐོང་ཆེན་པོ་ག་ལ་བ་དེར་ལོགས་སུ་སོང་ནས་ཕྱིན་པ་དང ། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་ཆོས་དང་མཐུན་པའི་ཁང་བཟང་གང་དུ་ཇི་ཙམ་ཞིག་བརྩིག་པར་བགྱི་ལགས། སྣ་བོ་དག་།ཁྱེད་ཀྱིས་དེའི་ཕྱིར་ཀུ་ཤ་ཅན་གྱི་ཤར་ཕྱོགས་སུ་ཆོས་དང་མཐུན་པའི་ཁང་བཟང་ཆུར་དཔག་ཚད་གཅིག་།རྒྱར་དཔག་ཚད་གཅིག་པ་ཞིག་རྩིགས་ཤིག་།ལྷ་བཀའ་བཞིན་འཚལ། ཞེས་མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས་རྒྱལ་པོ་ལེགས་མཐོང་ཆེན་པོའི་ལྟར་མཉན་ནས། ཀུ་ཤ་ཅན་གྱི་ཤར་ཕྱོགས་སུ་ཆོས་དང་མཐུན་པའི་ཁང་བཟང་ཆུར་དཔག་ཚད་གཅིག་།རྒྱར་དཔག་ཚད་གཅིག་པ་ཞིག་བརྩིགས་ཏེ། ཀུན་དགའ་བོ། ཆོས་དང་མཐུན་པའི་ཁང་བཟང་གི་རྨང་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པར་གྱུར་ཏོ། །ཀུན་དགའ་བོ། ཆོས་དང་མཐུན་པའི་ཁང་བཟང་གི་ཀ་རྟེན་གྱི་གཞི་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་བྲེས་སོ། །ཀུན་དགའ་བོ། ཆོས་དང་མཐུན་པའི་ཁང་བཟང་གི་ཀ་པ་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། </font><hr>Da408a<br><font size=+2>


༄#། །ཤེལ་ལས་བྱས་པ་བཙུགས་སོ། །ཀུན་དགའ་བོ། གསེར་ལས་བྱས་པའི་ཀ་བ་ལ་ནི་ཀ་རྟེན་དང ། ཀ་ཞུ་དང ། བྲེ་ཕུལ་དང ། གདུང་དངུལ་ལས་བྱས་སོ། །དངུལ་ལས་བྱས་པ་ལ་ནི་གསེར་གྱིའོ། །བཻ་
་ལས་བྱས་པ་ལ་ནི་ཤེལ་གྱིའོ། །ཤེལ་ལས་བྱས་པ་ལ་ནི་ཀ་རྟེན་དང ། ཀ་ཞུ་དང ། བྲེ་ཕུལ་དང ། གདུང་བཻ་
་ལས་བྱས་སོ། །ཀུན་དགའ་བོ།་ཆོས་དང་མཐུན་པའི་ཁང་བཟང་གི་གདུང་ཕྲན་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་བྲེས་སོ། ། ཀུན་དགའ་བོ། ཆོས་དང་མཐུན་པའི་ཁང་བཟང་གི་མདུན་གདུང་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་བྲེས་སོ། །ཀུན་དགའ་བོ། ཆོས་དང་མཐུན་པའི་ཁང་བཟང་གི་གདུང་པོ་ཆེ་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་བྲེས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་གསུམ་པ། ཀུན་དགའ་བོ། ཆོས་དང་མཐུན་པའི་ཁང་བཟང་གི་བ་གམ་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་བཏགས་སོ། །ཀུན་དགའ་བོ། ཆོས་དང་མཐུན་པའི་ཁང་བཟང་ལ་སྤང་ལེབ་</font><hr>Da408b<br><font size=+2>


རྣམ་པ་བཞི་པོ་གསེར་ལས་བྱས་པ་དང་།དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པས་གཡོགས་སོ། །ཀུན་དགའ་བོ། ཆོས་དང་མཐུན་པའི་ཁང་བཟང་ལ་ཐེམ་སྐས་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་བརྩིགས་སོ། །ཀུན་དགའ་བོ། ཆོས་དང་མཐུན་པའི་ཁང་བཟང་ལ་ལན་ཀན་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པས་བསྐོར་ཏོ། །ཀུན་དགའ་བོ། གསེར་ལས་བྱས་པའི་ལན་ཀན་གྱི་གཟུངས་གཟེར་དང ། རྟེན་མ་དང ། གདོང་བུ་དངུལ་ལས་བྱས་སོ། །དངུལ་ལས་བྱས་པ་ལ་ནི་གསེར་གྱིའོ། །བཻ་
་ལ་ནི་ཤེལ་གྱིའོ། །ཀུན་དགའ་བོ། ཤེལ་ལས་བྱས་པའི་ལན་ཀན་ལ་ནི་གཟུངས་གཟེར་དང ། གདོང་བུ་དང ། ལན་ཀན་གྱི་རྟེན་མ་བཻ་
་ལས་བྱས་ལས་སོ། །ཀུན་དགའ་བོ། ཆོས་དང་མཐུན་པའི་ཁང་བཟང་ལ་ཁང་པ་རྩིག་མ་རྣམ་པ་བཞི་པོ་གསེར་ལས་བྱས་པ་དང་།དངུལ་ལས་བྱས་པ་དང་།བཻ་
་ལས་བྱས་པ་དང་།ཤེལ་ལས་བྱས་པ་བརྩིགས་སོ། །ཀུན་དགའ་བོ། གསེར་ལས་བྱས་པའི་ཁང་པ་རྩེག་མ་ལ་ནི། དངུལ་ལས་བྱས་པའི་ཁྲི་ལྷས་མ་ཅང་དང ། ཀ་ལིངྐའི་རས་ཀྱི་གདིང་བ་ཅན་དང་།སྟན་ནང་ཚངས་ཅན་གྱི་གདིང་བ་ཅན་དང་།ཟ་འོག་གི་སྟན་དང་།མེན་ཏྲིའི་སྟན་དང ། </font><hr>Da409a<br><font size=+2>


༄#། །ར་མོ་ནིག་གི་སྟན་དང ། ཀ་ལིངྐའི་རས་ཕྲན་གྱི་སྟན་སྟེང་གཡོགས་དང་བཅས་པ། ཕྱོགས་གཉིས་སུ་སྔས་དམར་པོ་བཅུག་པ་དག་བཞག་གོ་།དངུལ་ལས་བྱས་པ་ལ་ནི་གསེར་ལས་བྱས་པའོ། །བཻ་
་ལས་བྱས་པ་ལ་ནི་ཤེལ་ལས་བྱས་པའོ། །ཤེལ་ལས་བྱས་པ་ལ་ནི་བཻ་
་ལས་བྱས་པའི་ཁྲི་ལྷས་མ་ཅན་གྱི་ཞེས་བྱ་བ་ནས་ཕྱོགས་གཉིས་སུ་སྔས་དམར་པོ་ཅན་དག་བཞག་གོ་།ཞེས་བྱ་བའི་བར་གོང་མ་བཞིན་ནོ། །ཀུན་དགའ་བོ། གསེར་ལས་བྱས་པའི་ཁང་པ་རྩེག་མའི་མདུན་དུ་ནི། དངུལ་ལས་བྱས་པའི་ཏ་ལ་འདབ་མ་དང ། མེ་ཏོག་དང ། འབྲས་བུ་གསེར་ལས་བྱས་པ་སྦྲེངས་སོ། །དངུལ་ལས་བྱས་པ་ལ་ནི་གསེར་ལས་བྱས་པའོ། །བཻ་
་ལས་བྱས་པ་ལ་ནི་ཤེལ་ལས་བྱས་པའོ། །ཤེལ་ལས་བྱས་པའི་ཁང་བ་རྩེག་མའི་མདུན་དུ་ནི། བཻ་
་ལས་བྱས་པའི་ཏ་ལ། འདབ་མ་དང ། མེ་ཏོག་དང ། འབྲས་བུ་ཤེལ་ལས་བྱས་པ་སྦྲེངས་སོ། །ཏ་ལ་དེ་རྣམས་རླུང་གིས་བསྐྱོད་པ་ན།་འདི་ལྟ་བུའི་སྒྲ་ཡིད་དུ་འོང་བ་འབྱུང་སྟེ། དཔེར་ན་སྐྱེས་བུ་མཁས་པས་ཡན་ལག་ལྔ་དང་ལྡན་པའི་སིལ་སྙན་ཡང་དག་པར་ལེགས་པར་བསྒྲགས་པ་བཞིན་ནོ། །ཀུན་དགའ་བོ། ཆོས་དང་མཐུན་པའི་ཁང་བཟང་ལ་གསེར་གྱི་གཅལ་བཀྲམ་ཞིང ། ཙནྡན་གྱི་ཆུས་ཆག་ཆག་བཏབ་ལ། གསེར་གྱི་དྲ་བ་དང ། གསེར་གྱི་དྲིལ་བུ་གཡེར་ཀ་བརྒྱུས་པས་བཏགས་སོ། ། </font><hr>Da409b<br><font size=+2>


བར་སྡོམ་ནི། རྨང་དང་ཀ་རྟེན་ཀ་བ་དང ། གདུང་ཕྲན་མདུན་གདུང་གདུང་པོ་ཆེ། །བ་གམ་སྤང་ལེབ་ཐེམ་སྐས་དང ། །ལན་ཀན་རྩེག་མ་ཏ་ལ་གསེར། །དེ་ནས་མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས་ཆོས་དང་མཐུན་པའི་ཁང་བཟང་གི་བྱ་བ་ཐམས་ཅད་ཟིན་པར་རིག་ནས། ཆོས་དང་མཐུན་པའི་ཁང་བཟང་གི་མདུན་དུ་ཆོས་དང་མཐུན་པའི་རྫིང་ཚུར་དཔག་ཚད་གཅིག་།རྒྱར་དཔག་ཚད་གཅིག་པ་ཞིག་བྱས་ཏེ། ཀུན་དགའ་བོ། ཆོས་དང་མཐུན་པའི་རྫིང་ཕ་གུ་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པས་བརྩིགས་སོ། །ཀུན་དགའ་བོ། ཆོས་དང་མཐུན་པའི་རྫིང་གི་ཐེམ་སྐས་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པས་བརྩིགས་སོ། །ཀུན་དགའ་བོ། ཆོས་དང་མཐུན་པའི་རྫིང་ལ་ཁ་ཁྱེར་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པས་བསྐོར་ཏོ། །གསེར་ལས་བྱས་པའི་ཁ་ཁྱེར་ལ་ནི་གཟུངས་གཟེར་དང ། གདོང་བུ་དང ། རྟེན་མ་དངུལ་ལས་བྱས་སོ། །དངུལ་ལས་བྱས་པ་ལ་ནི་གསེར་ལས་བྱས་སོ། །བཻ་
་ལས་བྱས་པ་ལ་ནི་ཤེལ་ལས་བྱས་སོ། །ཤེལ་ལས་བྱས་པའི་ཁ་ཁྱེར་ལ་ནི་གཟུངས་གཟེར་དང ། གདུང་བུ་དང ། རྟེན་མ་བཻ་
་ལས་བྱས་སོ། །ཀུན་</font><hr>Da410a<br><font size=+2>


༄#། །དགའ་བོ། ཆོས་དང་མཐུན་པའི་རྫིང་གི་ནང་ན་མེ་ཏོག་ཆུ་ལས་སྐྱེས་པ་རྣམ་པ་སྣ་ཚོགས་འདི་ལྟ་སྟེ། ཨུཏྤ་ལ་དང ། པདྨ་དང ། ཀུན་མུ་ད་དང ། པདྨ་དཀར་པོ་དང ། དྲི་མཆོག་དང ། དྲི་ངད་འཇམ་དང ། དུས་ཚིགས་ཐམས་ཅད་པ་དང ། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་དོ། །ཀུན་དགའ་བོ། ཆོས་དང་མཐུན་པའི་རྫིང་གི་འགྲམ་གཉིས་ན། མེ་ཏོག་སྐམ་ལས་སྐྱེ་བ་འདི་ལྟ་སྟེ། ཨ་ཏི་མུ་ག་ཏ་ཀ་དང ། ཙམ་པ་ཀ་དང ། སྐྱ་ན་ར་དང ། པ་རི་ཤ་ཀི་དང ། མ་ལི་ཀ་དང ། ན་བ་མ་ལི་ཀ་དང ། ཡིད་དུ་འོང་བ་དང ། ཡུ་ཏི་ཀ་དང ། དྷ་ནུ་ཀ་རི་དང ། དུས་ཚིགས་ཐམས་ཅད་དང ། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་དོ། །ཀུན་དགའ་བོ། ཆོས་དང་མཐུན་པའི་རྫིང་གསེར་གྱི་བྱེ་མ་བདལ་ཅིང ། ཙནྡན་གྱི་ཆུས་ཆག་ཆག་བཏབ་ལ། གསེར་གྱི་དྲ་བ་དང ། གསེར་གྱི་དྲིལ་བུ་གཡེར་ཀ་བརྒྱུས་པས་བཏགས་སོ། །དེ་ནས་མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས་ཆོས་དང་མཐུན་པའི་རྫིང་གི་བྱ་བ་ཐམས་ཅད་ཟིན་པར་རིག་ནས། ཆོས་དང་མཐུན་པའི་རྫིང་གི་མདུན་དུ། ཆོས་དང་མཐུན་པའི་ཏ་ལའི་ཚལ་ཆུར་དཔག་ཚད་གཅིག་།རྒྱར་དཔག་ཚད་གཅིག་པ་ཞིག་བཙུགས་ཏེ། ཀུན་དགའ་བོ། ཆོས་དང་མཐུན་པའི་ཏ་ལའི་ཚལ་</font><hr>Da410b<br><font size=+2>


དུ་ཏ་ལ་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་བཙུགས་སོ། །ཀུན་དགའ་བོ། གསེར་ལས་བྱས་པའི་ཏ་ལ་ལ་ནི་ལོ་མ་དང ། མེ་ཏོག་དང ། འབྲས་བུ་དངུལ་ལས་བྱས་པ་བཙུགས་སོ། །དངུལ་ལས་བྱས་པ་ལ་ནི་གསེར་ལས་བྱས་པའོ། །བཻ་
་ལས་བྱས་པ་ལ་ནི་ཤེལ་ལས་བྱས་པའོ། །ཤེལ་ལས་བྱས་པའི་ཏ་ལ་ལ་ནི། ལོ་མ་དང ། མེ་ཏོག་དང ། འབྲས་བུ་བཻ་
་ལས་བྱས་པ་བཙུགས་སོ། །ཀུན་དགའ་བོ། ཏ་ལའི་ཚལ་དེ་དག་རླུང་གིས་བསྐྱོད་པ་ན། འདི་ལྟ་བུའི་སྒྲ་ཡིད་དུ་འོང་འབྱུང་སྟེ། དཔེར་ན་སྐྱེས་བུ་མཁས་པས་ཡན་ལག་ལྔ་དང་ལྡན་པའི་སིལ་སྙན་ཡང་དག་པར་བསྒྲགས་པ་བཞིན་ནོ། །ཀུན་དགའ་བོ། ཆོས་དང་མཐུན་པའི་ཏ་ལའི་ཚལ་དེ། ལན་ཀན་རྣམ་པ་བཞི་པོ་གསེར་ལས་བྱས་པ་དང ། དངུལ་ལས་བྱས་པ་དང ། བཻ་
་ལས་བྱས་པ་དང ། ཤེལ་ལས་བྱས་པ་ཀུན་ཏུ་བསྐོར་ཏོ། །ཀུན་དགའ་བོ། གསེར་ལས་བྱས་པའི་ལན་ཀན་ལ་གཟུངས་གཟེར་དང ། གདུང་བུ་དང ། རྟེན་མ་དངུལ་ལས་བྱས་སོ། །དངུལ་ལས་བྱས་པ་ལ་ནི་གསེར་ལས་བྱས་པའོ། །བཻ་
་ལས་བྱས་པ་ལ་ནི་ཤེལ་ལས་བྱས་པའོ། །ཤེལ་ལས་བྱས་པའི་ལན་ཀན་ལ་ནི་གཟུངས་གཟེར་དང ། གདུང་བུ་དང ། རྟེན་མ་བཻ་
་ལས་བྱས་སོ། །ཀུན་དགའ་བོ། ཆོས་དང་མཐུན་པའི་ཏ་ལའི་ཚལ་ན། གསེར་གྱི་གཅལ་བཀྲམ་ཞིང་ཙནྡན་གྱི་</font><hr>Da411a<br><font size=+2>


༄#། །ཆུས་ཆག་ཆག་བཏབ་ལ། གསེར་གྱི་དྲ་བ་དང ། གསེར་གྱི་དྲིལ་བུ་གཡེར་ཀ་བརྒྱུས་པས་བཏགས་སོ། །དེ་ནས་མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས་ཆོས་དང་མཐུན་པའི་ཁང་བཟང་དང ། ཆོས་དང་མཐུན་པའི་རྫིང་དང ། ཆོས་དང་མཐུན་པའི་ཏ་ལའི་ཚལ་གྱི་བྱ་བ་ཐམས་ཅད་ཟིན་པར་རིག་ནས། རྒྱལ་པོ་ལེགས་མཐོང་ཆེན་པོ་ག་ལ་བ་དེར་དོང་སྟེ་ལྷགས་ནས། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་ཆོས་དང་མཐུན་པའི་ཁང་བཟང་དང ། ཆོས་དང་མཐུན་པའི་རྫིང་དང ། ཆོས་དང་མཐུན་པའི་ཏ་ལའི་ཚལ་མཛད་པ་ཐམས་ཅད་བགྱིས་ལགས་ཏེ། ལྷ་ད་དེའི་དུས་ལ་བབ་པར་དགོངས་ཤིག་།དེ་ནས་རྒྱལ་པོ་ལེགས་མཐོང་ཆེན་པོ་འདི་སྙམ་དུ་སེམས་ཏེ། འདི་ལྟར་ཆོས་དང་མཐུན་པའི་ཁང་བཟང་འདིར་ཐོག་མར་བདག་ཁོ་ན་གནས་པ་ནི། བདག་གི་ཆ་མ་ཡིན་པས་མ་ལ་བདག་གིས་བདག་གི་ཡུལ་ན་དགེ་སྦྱོང་དང ། བྲམ་ཟེ་དང ། ཚུལ་བཟང་པོར་བཀུར་བ་གང་དག་གནས་པ་དེ་དག་ཆོས་དང་མཐུན་པའི་ཁང་བཟང་དུ་ཐོག་མཁོ་ནར་ཟན་བྱིན་ལ། རེ་རེ་ལ་ཡང་རས་བཅོས་བུ་སར་པ་ཟུང་རེ་བསྐོན་ནོ་སྙམ་མོ། །དེ་ནས་རྒྱལ་པོ་ལེགས་མཐོང་ཆེན་པོས། རང་གི་ཡུལ་ན་དགེ་སྦྱོང་དང ། བྲམ་ཟེ་དང་ཚུལ་བཟང་པོར་བཀུར་བ་གང་དག་གནས་པ་དེ་དག་ཐོག་མ་ཁོ་ནར་ཆོས་དང་མཐུན་པའི་ཁང་བཟང་དུ་ཟན་བྱིན་ནས། རེ་རེ་ལ་ཡང་རས་བཅོས་</font><hr>Da411b<br><font size=+2>


བུ་སར་པ་ཟུང་རེ་བསྐོན་ནོ། །དེ་ནས་ཡང་རྒྱལ་པོ་ལེགས་མཐོང་ཆེན་པོ་འདི་སྙམ་དུ་སེམས་ཏེ། ཆོས་དང་མཐུན་པའི་ཁང་བཟང་དུ་བདག་གིས་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་པ། རྩེ་བ་དང ། དགའ་བ་དང ། དགའ་མགུར་སྤྱོད་པ་ནི་བདག་གི་ཚུལ་མ་ཡིན་པས། མ་ལ་བདག་གིས་ཆོས་དང་མཐུན་པའི་ཁང་བཟང་དུ་སྐྱེས་བུ་ཉེ་གནས་གཅིག་དང་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ་སྙམ་མོ། །དེ་ནས་རྒྱལ་པོ་ལེགས་མཐོང་ཆེན་པོ་ཆོས་དང་མཐུན་པའི་ཁང་བཟང་དུ་སྐྱེས་བུ་ཉེ་གནས་གཅིག་དང་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །དེ་ནས་རྒྱལ་པོ་ལེགས་མཐོང་ཆེན་པོ་གསེར་ལས་བྱས་པའི་ཁང་པ་རྩེག་མའི་ནང་དུ་ཞུགས་ནས། དངུལ་ལས་བྱས་པའི་ཁྲི་ལ་འདུག་གོ་།ཁྲི་ལ་འདུག་ནས་འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་རྫོགས་པར་བྱས་ཏེ་གནས་སོ། །དངུལ་ལས་བྱས་པའི་ཁྲི་ལས་བབས་ཏེ། གསེར་ལས་བྱས་པའི་ཁང་པ་རྩེག་མ་ནས་བྱུང་ནས། དངུལ་ལས་བྱས་པའི་ཁང་བརྩེག་མའི་ནང་དུ་ཞུགས་ཏེ། གསེར་ལས་བྱས་པའི་ཁྲི་ལ་འདུག་གོ། །ཁྲི་ལ་འདུག་ནས་འདོད་པ་དག་ལས་དབེན་པ་ཞེས་བྱ་བ་ནས། བསམ་གཏན་དང་པོ་རྫོགས་པར་བྱས་ཏེ་གནས་སོ། །ཞེས་བྱ་བའི་བར་གོང་མ་</font><hr>Da412a<br><font size=+2>


༄#། །བཞིན་ནོ། །གསེར་ལས་བྱས་པའི་ཁྲི་ལས་བབས་ནས། དངུལ་ལས་བྱས་པའི་གང་པ་རྩེག་མ་ནས་བྱུང་སྟེ། བཻ་
་ལས་བྱས་པའི་ཁང་པ་རྩེག་མའི་ནང་དུ་ཞུགས་ནས། ཤེལ་ལས་བྱས་པའི་ཁྲི་ལ་འདུག་གོ་།ཁྲི་ལ་འདུག་ནས་འདོད་པ་དག་ལས་དབེན་པ་ཞེས་བྱ་བ་ནས། བསམ་གཏན་དང་པོ་རྫོགས་པར་བྱས་ཏེ་གནས་སོ། །ཞེས་བྱ་བའི་བར་གོང་མ་བཞིན་ནོ། །ཤེལ་ལས་བྱས་པའི་ཁྲི་ལས་བབས་ཏེ། བཻ་
་ལས་བྱས་པའི་ཁང་པ་རྩེག་མ་ནས་བྱུང་སྟེ། ཤེལ་ལས་བྱས་པའི་ཁང་པ་རྩེག་མའི་ནང་དུ་ཞུགས་ནས། བཻ་
་ལས་བྱས་པའི་ཁྲི་ལ་འདུག་གོ་།ཁྲི་ལ་འདུག་ནས་འདོད་པ་དག་ལས་དབེན་པ་ཞེས་བྱ་བ་ནས། བསམ་གཏན་དང་པོ་རྫོགས་པར་བྱས་ཏེ་གནས་སོ། །ཞེས་བྱ་བའི་བར་གོང་མ་བཞིན་ནོ། །དེ་ནས་བུད་མེད་བརྒྱད་ཁྲི་བཞི་སྟོང་བཙུན་མོ་རིན་པོ་ཆེ་ག་ལ་བ་དེར་དོང་སྟེ་ལྷགས་ནས། བཙུན་མོ་རིན་པོ་ཆེ་ལ་འདི་སྐད་ཅེས་སྨྲས་སོ། །ལྷ་མོ། མཁྱེན་པར་མཛོད་ཅིག། བདག་ཅག་ནི་ལྷ་མ་མཐོང་ནས་རིང་ཞིག་ལགས་ཏེ། བདག་ཅག་ནི་ལྷ་མ་མཐོང་བར་ཤིན་ཏུ་སྐོམ་པས། བདག་ཅག་ནི་ལྷ་བལྟ་བར་འཚལ་ལོ། །ཕུ་ནུ་མོ་ཁྱེད་ཅག་དེའི་ཕྱིར་སྡོད་ཅིག་དང ། ཇི་ཙམ་ངས་བློན་པོ་རིན་པོ་ཆེ་ལ་དྲི་བར་བྱའོ། །དེ་ནས་བཙུན་མོ་རིན་པོ་ཆེས་བློན་པོ་རིན་པོ་ཆེ་ཕོ་ཉས་བཀུག་ནས་འདི་སྐད་ཅེས་སྨྲས་སོ། །དམག་དཔོན་ཤེས་པར་བྱོས་ཤིག་།ངེད་ཀྱིས་ལྷ་མ་</font><hr>Da412b<br><font size=+2>


མཐོང་ནས་རིང་ཞིག་ལོན་ཏེ། ངེད་ལྷ་བལྟ་བར་ཤིན་ཏུ་སྐོམ་པས། ངེད་ནི་ལྷ་བལྟ་བར་འདོད་དོ། །དེའི་ཕྱིར་སྲིང་མོ་དག་ཁྱེད་ཐམས་ཅད་རྒྱན་སེར་པོ། གོས་སེར་པོ། ཕྲེང་བ་དང ། འཕྱང་ཕྲུལ་དང ། བྱུག་པ་སེར་པོ། འཁོར་རྣམས་སེར་པོར་ཆོས་ཤིག་དང ། ཇི་ཙམ་བདག་གིས་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང ། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང ། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང ། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་བསྡུ་བར་བགྱིའོ། །དེ་ནས་བཙུན་མོ་ཐམས་ཅད་རྒྱན་སེར་པོ་དང ། གོས་སེར་པོ་དང ། ཕྲེང་བ་དང ། འཕྱང་ཕྲུལ་དང ། བྱུག་པ་སེར་པོ། འཁོར་རྣམས་སེར་པོར་ཆས་སོ། །དེ་ནས་བློན་པོ་རིན་པོ་ཆེས་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང ། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང ། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང ། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་བསྡུས་སོ། །བསྡུས་ནས་བཙུན་མོ་རིན་པོ་ཆེ་ནི་ཤིང་རྟ་དགའ་དབྱངས་ཤུ་ཞུགས། བུད་མེད་ལྷག་མ་གཞན་ནི་རང་རང་གི་ཤིང་རྟར་ཞུགས་ཏེ། ཆོས་དང་མཐུན་པའི་ཁང་བཟང་ག་ལ་བར་དོང་ངོ ། །དེའི་ཚེ་ཆོས་དང་མཐུན་པའི་ཁང་བཟང་གི་འོག་ནས། སྐྱེ་བོ་ཕལ་པོ་ཆེའི་སྒྲ་མང་པོ་དང ། སྒྲ་མཐོན་</font><hr>Da413a<br><font size=+2>


༄#། །པོ་དག་གྲགས་པ་དང ། རྒྱལ་པོ་ལེགས་མཐོང་ཆེན་པོས། ཆོས་དང་མཐུན་པའི་ཁང་བཟང་གི་འོག་ན། སྐྱེ་བོ་ཕལ་པོ་ཆེའི་སྒྲ་གྲགས་པ་ཐོས་སོ། །ཐོས་ནས་སྐྱེས་བུ་ཉེ་གནས་ལ་འདི་སྐད་ཅེས་སྨྲས་སོ། །ཀྱེ། སྐྱེས་བུ་ཆོས་དང་མཐུན་པའི་ཁང་བཟང་འདིའི་འོག་ན། སྐྱེ་བོ་ཕལ་པོ་ཆེའི་སྒྲ་མང་པོ་དང ། སྒྲ་ཆེན་པོ་གྲགས་པ་འདི་ཅི་ཞིག་ཡིན། ལྷ། དེ་ནི་བཙུན་མོ་རིན་པོ་ཆེ་ལ་སོགས་པ་བུད་མེད་བརྒྱད་ཁྲི་བཞི་སྟོང ། ཆོས་དང་མཐུན་པའི་ཁང་བཟང་གི་འོག་ནས་ལྷ་བལྟ་བར་འཚལ་ཏེ། བློན་པོ་རིན་པོ་ཆེ་ལ་སོགས་པ་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང ། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང ། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང ། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་ཆོས་དང་མཐུན་པའི་ཁང་བཟང་འདིའི་འོག་ནས་མཆི་བ་ལགས་སོ། །ཀྱེ། སྐྱེས་བུ་ཁྱོད་ཀྱིས་དེའི་ཕྱིར་ཆོས་དང་མཐུན་པའི་ཁང་བཟང་གི་ཤོད་དུ། གང་ལ་ང་འདུག་ནས་སྐྱེ་བོ་མང་པོ་བལྟ་བ། གསེར་ལས་བྱས་པའི་སྟན་བཟང་པོ་ཤོམས་ཤིག་།ལྷ་བཀའ་བཞིན་འཚལ་ཞེས་སྐྱེས་བུ་དེས་རྒྱལ་པོ་ལེགས་མཐོང་ཆེན་པོའི་ལྟར་མཉན་ནས། ཆོས་དང་མཐུན་པའི་ཁང་བཟང་གི་ཤོད་དུ་གསེར་ལས་བྱས་པའི་གདན་བཟང་པོ་བཤམས་ཏེ། རྒྱལ་པོ་ལེགས་མཐོང་ཆེན་པོ་ག་ལ་བར་སོང་ནས་ཕྱིན་ཏེ། རྒྱལ་པོ་ལེགས་</font><hr>Da413b<br><font size=+2>


མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷ། ཆོས་དང་མཐུན་པའི་ཁང་བཟང་གི་ཤོད་དུ་གསེར་ལས་བགྱིས་པའི་གདན་བཟང་པོ་བཤམས་ལགས་ན། ལྷ་ད་དེའི་དུས་ལ་བབ་པར་དགོངས་སུ་གསོལ།་དེ་ནས་རྒྱལ་པོ་ལེགས་མཐོང་ཆེན་པོ་ཆོས་དང་མཐུན་པའི་ཁང་བཟང་ནས་འབབ་པ་ན། བུད་མེད་དེ་ཐམས་ཅད་རྒྱན་སེར་པོ་དང ། གོས་སེར་པོ་དང ། ཕྲེང་བ་དང ། འཕྱང་ཕྲུལ་དང ། བྱུག་པ་སེར་པོ་དང ། འཁོར་རྣམས་སེར་པོར་ཆས་པ་མཐོང་ངོ ། །མཐོང་ནས་ཀྱང་ཀྱེ་མ་བུད་མེད་འདི་དག་ནི་ཆགས་པར་འགྱུར་རོ། །སྙམ་དུ་རིག་ནས། གནམ་དུ་ལྟ་ཞིང་འདུག་པ་དང ། བཙུན་མོ་རིན་པོ་ཆེས་རྒྱལ་པོ་ལེགས་མཐོང་ཆེན་པོ་གནམ་དུ་ལྟ་ཞིང་འདུག་པ་མཐོང་ངོ ། །མཐོང་ནས་འདི་སྙམ་དུ་སེམས་ཏེ། ཇི་ལྟར་ལྷས་བདག་ཅག་མཐོང་ནས་གནམ་དུ་ལྟ་ཞིང་འདུག་པ་དང་སྦྱར་ན་ལྷས་བདག་ཅག་ལ་གནོད་པ་ཞིག་བྱེད་པར་མི་འགྱུར་གྲང་སྙམ་མོ། །དེ་ནས་རྒྱལ་པོ་ལེགས་མཐོང་ཆེན་པོ་ཆོས་དང་མཐུན་པའི་ཁང་བཟང་ནས་བབས་ནས། གསེར་ལས་བྱས་པའི་གདན་བཟང་པོ་བཤམས་པ་ལ་འདུག་པ་དང ། བཙུན་མོ་རིན་པོ་ཆེ་རྒྱལ་པོ་ལེགས་མཐོང་ཆེན་པོ་ག་ལ་བར་སོང་སྟེ་ཕྱིན་ནས། རྒྱལ་པོ་ལེགས་མཐོང་ཆེན་པོའི་རྐང་པ་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཙུན་མོ་རིན་པོ་ཆེས་རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །བུད་མེད་བརྒྱད་ཁྲི་བཞི་སྟོང་འདི་དག་ནི་ལྷའི་ལགས་ཀྱི། </font><hr>Da414a<br><font size=+2>


༄#། །ལྷ་འདི་དག་ལ་དགྱེས་པ་བསྐྱེད་པ་དང ། འཚོ་བའི་སླད་དུ་གཟིགས་སུ་གསོལ། བློན་པོ་རིན་པོ་ཆེ་ལ་སོགས་པ་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང ། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང ། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང ། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་དང ། རྒྱལ་པོའི་ཕོ་བྲང་རྩཝ་ཅན་ལ་སོགས་པ་གྲོང་ཁྱེར་བརྒྱད་ཁྲི་བཞི་སྟོང་དང ། ཁང་པ་རྩེག་མ་བ་གམ་ཅན་ལ་སོགས་པ་ཁང་པ་རྩེག་མ་བརྒྱད་ཁྲི་བཞི་སྟོང་འདི་དག་ནི། ལྷའི་ལགས་ཀྱི། ལྷ་འདི་དག་ལ་དགྱེས་པ་བསྐྱེད་པ་དང ། འཚོ་བའི་སླད་དུ་གཟིགས་སུ་གསོལ། སྲིང་མོ་ཁྱོད་སྔོན་ནི་ང་ལ་མཛའ་བཤེས་བཞིན་བྱེད་ན། ད་ནི་ཁྱོད་ཀྱིས་འགྲན་ཟླར་བྱས་སོ། །དེ་ནས་བཙུན་མོ་རིན་པོ་ཆེས་རྒྱལ་པོ་ལེགས་མཐོང་ཆེན་པོས་སྲིང་མོ་ཞེས་བྱ་བའི་ཚིག་གིས་བོས་པས། དུས་ཏེ་མཆི་མ་ཕྱུང་ནས་འདི་སྐད་ཅེས་སྨྲས་སོ། །ཇི་ལྟར་ལྷས་བདག་ཅག་ལ་སྲིང་མོ་ཞེས་བཀའ་སྩལ་ཏེ། བོས་པས་ད་ནི་བདག་ཅག་རིང་པོ་མི་ཐོགས་པ་ལ་ལྷ་དང་ཐབས་ཅིག་ཏུ་མི་འགྱུར་ཏེ། བྲལ་བ་དང ། འགྱེས་པ་དང ། རྣམ་པར་འབྲལ་བར་འགྱུར་རོ། །དེ་ནས་བཙུན་མོ་རིན་པོ་ཆེས་རྒྱལ་པོ་ལེགས་མཐོང་ཆེན་པོའི་གོས་ཀྱི་མཐའ་མ་ལ་བཟུང་སྟེ། མཆི་མ་གླགས་ནས་འདི་སྐད་</font><hr>Da414b<br><font size=+2>


ཅེས་སྨྲས་སོ། །ལྷས་བདག་ཅག་ལ་སྔོན་མཛའ་བཤེས་བཞིན་འགྲན་ཟླ་མ་མཆིས་པར་བགྱིས་པ་དེ་ཇི་ལྟ་བུ་ལགས། སྲིང་མོ་ཁྱོད་ཚུར་ཤོག་།འདི་སྐད་ཅེས་མི་རྣམས་ནི་ཡུན་ཐུང་ངུར་འཚོ་བ་སྐྱེས་ནས་མི་འཆི་བ་མེད་ཅིང ། ཚེ་རབས་གཞན་དུ་འགྲོ་བར་འགྱུར་བས་དགེ་བ་བྱོས་ཤིག་།ཚངས་པར་སྤྱད་པ་ལ་སྤྱོད་ཅིག་།ཅེས་སྨྲོས་ཤིག་།ལྷ་གང་དག་སྐད་ཅིག་།ཐང་ཅིག་།ཡུད་ཙམ་ལ།་ལྷའི་སྐུ་ཐམས་ཅད་ནས་ཐམས་ཅད་དུ་འཇིག་པར་འགྱུར་ཞིང་མི་དགའ་སྟེ། གང་ལྷའི་བུད་མེད་བརྒྱད་ཁྲི་བཞི་སྟོང་ལ་འདུན་པ་དང ། ཆགས་པ་དང ། སྡུག་པ་དང ། དགྱེས་པ་དང ། ཡིད་དུ་འོང་བར་འགྱུར་བའི་གནས་དེ་ནི་འཚོ་བར་བགྱི་བའི་སླད་དུ་ལྷས་སྤང་བར་མཛད་དུ་གསོལ། གང་དག་ལྷས་བློན་པོ་རིན་པོ་ཆེ་ལ་སོགས་པ་ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་དང ། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང ། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང ། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་དང ། རྒྱལ་པོའི་ཕོ་བྲང་རྩཝ་ཅན་ལ་སོགས་པ་གྲོང་ཁྱེར་བརྒྱད་ཁྲི་བཞི་སྟོང་དང ། ཁང་པ་རྩེག་མ་བ་གམ་ཅན་ལ་སོགས་པ་ཁང་པ་རྩེག་མ་བརྒྱད་ཁྲི་བཞི་སྟོང་ལ་འདུན་པ་དང ། ཆགས་པ་དང ། སྡུག་པ་དང ། དགྱེས་པ་དང ། ཡིད་དུ་འོང་བར་འགྱུར་བའི་གནས་དེ་ལྷ་འཚོ་བར་བགྱི་བའི་སླད་དུ་སྤང་ཞིང་ཡལ་བར་དོར་དུ་གསོལ། དེ་དག་གིས་སྨྲས་པ། </font><hr>Da415a<br><font size=+2>


༄#། །འདི་ལྟར་བདག་ཅག་ནི་ལྷ་ལ་མཛའ་བཤེས་བཞིན་བགྱིད་དེ། འགྲན་ཟླར་མི་བགྱིད་ན་ལྷས་མི་རྣམས་ནི་ཡུན་ཐུང་ངུར་འཚོ་བ་སྐྱེས་ནས། མི་འཆི་བ་མེད་ཅིང་ཚེ་རབས་གཞན་དུ་མཆི་བར་འགྱུར་བས་དགེ་བ་བགྱིའོ། །ཚངས་པར་སྤྱོད་པ་སྤྱད་དོ། །ལྷ་གང་དག་སྐད་ཅིག་།ཐང་ཅིག་།ཡུད་ཙམ་ལ་ལྷའི་སྐུ་ཐམས་ཅད་ནས་ཐམས་ཅད་དུ་འཇིག་པར་འགྱུར་ཞིང་མི་དགའ་སྟེ། གང་ལྷའི་བུད་མེད་བརྒྱད་ཁྲི་བཞི་སྟོང་ལ་འདུན་པ་དང ། ཆགས་པ་དང ། སྡུག་པ་དང ། དགྱེས་པ་དང ། ཡིད་དུ་མཆི་བར་འགྱུར་བའི་གནས་དེ་དག་ལྷ་འཚོ་བར་བགྱི་བའི་སླད་དུ་སྤང་ཞིང ། བཏང་སྙོམས་སུ་མཛད་དུ་གསོལ། གང་དག་ལྷས་བློན་པོ་རིན་པོ་ཆེ་ལ་སོགས་པ་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང ། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང ། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང ། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་དང ། རྒྱལ་པོའི་ཕོ་བྲང་རྩཝ་ཅན་ལ་སོགས་པ་གྲོང་ཁྱེར་བརྒྱད་ཁྲི་བཞི་སྟོང་དང ། ཁང་པ་རྩེག་མ་བ་གམ་ཅན་ལ་སོགས་པ་ཁང་པ་རྩེག་མ་བརྒྱད་ཁྲི་བཞི་སྟོང་ལ་འདུན་པ་དང ། ཆགས་པ་དང ། སྡུག་པ་དང ། དགྱེས་པ་དང ། ཡིད་དུ་མཆི་བར་འགྱུར་བའི་གནས་དེ་ལྷ་འཚོ་བར་བགྱི་བའི་སླད་དུ་སྤང་ཞིང་བཏང་སྙོམས་སུ་མཛད་དུ་གསོལ། དེ་ནས་རྒྱལ་</font><hr>Da415b<br><font size=+2>


པོ་ལེགས་མཐོང་ཆེན་པོ་ལ་བཙུན་མོ་རིན་པོ་ཆེས་གདམས་པ་འདིས་བཏམས་པ་དང ། ཆོས་དང་མཐུན་པའི་ཁང་བཟང་དུ་འཛེགས་ཏེ། གསེར་ལས་བྱས་པའི་ཁང་པ་རྩེག་མར་ཞུགས་ནས། དངུལ་ལས་བྱས་པའི་ཁྲིའི་སྟེང་ན་འདུག་གོ་།ཁྲིའི་སྟེང་ན་འདུག་ནས་བྱམས་པ་དང་ལྡན་པའི་སེམས་ཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ།་ཤིན་ཏུ་བསྒོམས་པས། ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། བླ་དང ། འོག་དང ། ཐད་ཀར་རྣམ་པ་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་འདི་བྱམས་པ་དང་ལྡན་པའི་སེམས་ཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དངུལ་ལས་བྱས་པའི་ཁྲི་ལས་བབས་ནས། གསེར་ལས་བྱས་པའི་ཁང་པ་རྩེག་མ་ནས་བྱུང་སྟེ། དངུལ་ལས་བྱས་པའི་ཁང་པ་རྩེག་མར་ཞུགས་ནས། གསེར་ལས་བྱས་པའི་ཁྲི་ལ་འདུག་གོ་།ཁྲི་ལ་འདུག་ནས་སྙིང་རྗེ་དང་ལྡན་པའི་སེམས་ཁོ་ན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས། ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་</font><hr>Da416a<br><font size=+2>


༄#། །བྱས་ཏེ་གནས་སོ། །དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། སྟེང་དང ། འོག་དང ། ཐད་ཀར་རྣམ་པ་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་འདི་སྙིང་རྗེ་དང་ལྡན་པའི་སེམས་ཁོ་ན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས། ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །གསེར་ལས་བྱས་པའི་ཁྲི་ལས་བབས་ཏེ། དངུལ་ལས་བྱས་པའི་ཁང་པ་རྩེག་མ་ནས་བྱུང་སྟེ། བཻ་
་ལས་བྱས་པའི་ཁང་པ་རྩེག་མར་ཞུགས་ཏེ། ཤེལ་ལས་བྱས་པའི་ཁྲི་ལ་འདུག་གོ་།ཁྲི་ལ་འདུག་ནས་དགའ་བ་དང་ལྡན་པའི་སེམས་ཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས། ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། སྟེང་དང ། འོག་དང ། ཐད་ཀར་རྣམ་པ་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་འདི་དགའ་བ་དང་ལྡན་པའི་སེམས་ཁོ་ན་མེད་པ། འགྲན་ཟླ་མེད་པ། གནོད་པ་མེད་པ། རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས། ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། ། </font><hr>Da416b<br><font size=+2>


ཤེལ་ལས་བྱས་པའི་ཁྲི་ལས་བབས་ཏེ། བཻ་
་ལས་བྱས་པའི་ཁང་པ་རྩེག་མ་ནས་བྱུང་ནས། ཤེལ་ལ་ས་བྱས་པའི་ཁང་པ་རྩེག་མར་ཞུགས་ཏེ། བཻ་
་ལས་བྱས་པའི་ཁྲི་ལ་འདུག་གོ་།ཁྲི་ལ་འདུག་ནས་བཏང་སྙོམས་དང་ལྡན་པའི་སེམས་ཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས། ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། སྟེང་དང ། འོག་དང ། ཐད་ཀར་རྣམ་པ་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་འདི་ནི་བཏང་སྙོམས་དང་ལྡན་པའི་སེམས་ཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས། ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་ནས་རྒྱལ་པོ་ལེགས་མཐོང་ཆེན་པོ་ཚངས་པ་བཞི་ལ་གནས་ཤིང་བསྒོམས་ཏེ། དེ་ལན་མང་དུ་བྱས་པས་འདོད་པ་རྣམས་དང ། འདོད་པ་ལ་འདུན་པ་སྤངས་ཏེ། ཚངས་པའི་འཇིག་རྟེན་དུ་བསྐལ་པ་མཉམ་པར་སྐྱེས་པར་གྱུར་ཏོ། །ཀུན་དགའ་བོ། རྒྱལ་པོ་ལེགས་མཐོང་ཆེན་པོ་འཆི་བའི་ཚེ་འདི་འདྲ་བའི་ཚོར་བ་ཉམས་སུ་མྱོང་སྟེ། དཔེར་ན། སྐྱེས་བུ་སྟོབས་དང་ལྡན་པ། ཁ་ཟས་བཟང་པོ་ཟོས་ནས། དེའི་མོད་ལ་ཁ་ཟས་ཀྱིས་དུབ་པར་གྱུར་པ་བཞིན་ནོ། །ཀུན་དགའ་བོ། </font><hr>Da417a<br><font size=+2>


༄#། །གྲོང་ཁྱེར་རྩཝ་ཅན་ནས་ཆུ་བོ་དབྱིག་ལྡན་གྱི་བར་དང ། ཤིང་སཱ་ལ་ཟུང་གི་ཚལ་གྱི་བར་དང ། གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་གཉིས་ཁོ་ར་ཁོར་ཡུག་འདི་དག་ཏུ། དེ་བཞིན་གཤེགས་པའི་སྐུ་ལུས་འཁོར་ལོས་སྒྱུར་བའི་རྒྱལ་པོ་མཛད་པའི་ཚེ། ལན་དྲུག་བཏང་བར་གྱུར་ཅིང ། ཀུན་དགའ་བོ། དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་པའི་བར་དང་ལན་བདུན་ཏེ། ཀུན་དགའ་བོ། ས་ཕྱོགས་དེ་ལས་གང་ཤར་ཕྱོགས་སམ། གང་ལྷོ་ཕྱོགས་སམ། གང་ནུབ་ཕྱོགས་སམ། གང་བྱང་ཕྱོགས་དག་ཏུ་དེ་བཞིན་གཤེགས་པའི་སྐུ་ལུས་འདོར་བར་འགྱུར་བ་བརྒྱད་པ་ནི་ངས་མ་མཐོང་ངོ ། །དེ་ཅིའི་ཕྱིར་ཞེ་ན། སྲིད་པའི་སྲེད་པ་བཅད་ཅིང་འཁོར་བར་སྐྱེ་བ་ཟད་པས་འདི་ལས་སྲིད་པའི་སྲིད་པ་གཞན་མི་འབྱུང་ངོ ། །དེའི་ཚེ་ཚེ་དང་ལྡན་པ་དཔེ་ཅན། བཅོམ་ལྡན་འདས་ཀྱི་སྤྱན་སྔ་ན་འདུག་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་དཔེ་ཅན་ལ། ཀཝའེ་དགེ་སློང་ངའི་མདུན་ན་མ་འདུག་ཅིག་།ཅེས་བཀའ་སྩལ་ཏོ། །དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གིས་དགུང་ལོ་ཉི་ཤུ་ལྷག་གི་བར་དུ་བཅོམ་ལྡན་འདས་ཀྱི་ཞབས་འབྲིང་ཉེ་གནས་བགྱིས་ན། འདི་ལྟར་ཚེ་དང་ལྡན་པ་དཔེ་ཅན་ལ་བཀའ་དག་ཏུ་ཕབ་ཅིང་སྨད་པ་ནི་སྔན་ཆད་བདག་གིས་མ་ཐོས་སོ། །འདི་ལྟར་</font><hr>Da417b<br><font size=+2>


ཀུན་དགའ་བོ། ཚེ་བསྐལ་པ་བརྒྱ་ཕྲག་མང་པོ་ཐུབ་པའི་ལྷ་རྣམས་འདི་སྙམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། བརྒྱ་ལམ་ན་རེས་འགའ་ཞིག་ཅི་ཞིག་ལྟར་འཇིག་རྟེན་འདིར་འབྱུང་སྟེ། དཔེར་ན། མེ་ཏོག་ཨུ་དུམ་ཝཱ་ར་བཞིན་ལ། བཅོམ་ལྡན་འདས་དེ་ཡང་དེང་གི་མཚན་མོའི་གུང་ཐུན་ལ་ཕུང་པོ་ལྷག་མ་མེད་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་ལ། དགེ་སློང་དབང་ཆེ་བར་གྲགས་པ་དེ་ཡང ། བཅོམ་ལྡན་འདས་ཀྱི་སྤྱན་སྔ་ན་འདུག་སྟེ། དེས་བདག་ཅག་ལ་རྒྱབ་ཀྱིས་བལྟས་པས། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོ་བར་མ་ནུས་སོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དོ། །བཙུན་པ་བཅོམ་ལྡན་འདས། ལྷ་ཇི་སྙེད་ཅིག་མཆིས་མཁྱེན་པར་མཛད་དུ་གསོལ། ཀུན་དགའ་བོ། ཇི་ཙམ་གྲོང་ཁྱེར་རྩཝ་ཅན་ནས་ཆུ་བོ་དབྱིག་ལྡན་གྱི་བར་དང ། ཇི་ཙམ་ཤིང་སཱ་ལ་ཟུང་གི་ཆལ་གྱི་བར་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་གཉིས་ཁོར་ཁོར་ཡུག་ཏུ་དབང་ཆེ་བ། དབང་ཆེ་བར་གྲགས་པའི་ལྷ་རྣམས་ཀྱིས། མ་ཁྱབ་ཅིང་མ་གང་བ་ཅུང་ཟད་ཀྱང་མེད་དེ། ཆུང་ངུ་ན་འཁར་བ་གཟུགས་པའི་ཁྱོན་ཙམ་ཡང་མེད་དོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཅི་ལགས། ཚེ་དང་ལྡན་པ་དཔེ་ཅན་འདི་ལས་ཅི་ཞིག་བགྱིས་ན། དབང་ཆེ་བར་</font><hr>Da418a<br><font size=+2>


༄#། །གྲགས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་དཔེ་ཅན་འདིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་བྱས་ཤིང་བསགས་པ་དག་ནི། དགེ་སློང་དཔེ་ཅན་གྱིས་ལས་བྱས་ཤིང་བསགས་པ་གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་ནི། ཕྱི་རོལ་གྱིས་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་རྣམ་པར་སྨིན་པར་མི་འགྱུར། མེའི་ཁམས་ལ་རྣམ་པར་སྨིན་པར་མི་འགྱུར། རླུང་གི་ཁམས་ལ་རྣམ་པར་སྨིན་པར་མི་འགྱུར་ཏེ། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཡིན། །དགེ་སློང་དག་བསྐལ་པ་བཟང་པོ་འདི་ཉིད་ལ། སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། ཡུལ་ཝཱ་ར་ཎཱ་སི་གྲོང་ཁྱེར་དྲང་</font><hr>Da418b<br><font size=+2>


སྲོང་སྨྲ་བ་རི་དྭགས་ཀྱི་ནགས་ན་ཉེ་བར་རྟེན་ཅིང་བཞུགས་པ་དེའི་ཚེ། དེའི་གསུང་རབ་ལ་རབ་ཏུ་བྱུང་བར་གྱུར་ཏོ། །ཇི་ཙམ་དུས་གཞན་ཞིག་ན་དེ་དགེ་སྐོས་ཀྱི་རེས་བབ་པ་དང ། དགེ་སློང་རྣམས་སྔ་དྲོའི་དུས་ཀྱི་ཚེ། ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཡུལ་ཝཱ་ར་ཎཱ་སིར་བསོད་སྙོམས་ཀྱི་ཕྱིར་ཞུགས་པ་དང ། དགུན་གྱི་དུས་སུ་དུས་མ་ཡིན་པར་སྤྲིན་ཆེན་པོ་ལས་ཆར་བབ་པར་གྱུར་པ་དང ། དེས་བསམས་པ། ཚངས་པ་མཚུངས་པར་སྤྱོད་པ་རྣམས་དུས་མ་ཡིན་པའི་ཆར་བབ་པས་གཤེར་ནས་གྲང་བས་ཉེན་ཏེ་འོངས་པས་མེ་བུད་པར་བྱའོ་སྙམ་སྟེ། དེས་བསྲོ་ཁང་དུ་ཞུགས་ནས་མེ་བུས་ཏེ། ཁྱམས་ཁོ་ར་ཁོར་ཡུག་ཏུ་གཟར་ཐག་བྲེས་ནས་གཙུག་ལག་ཁང་གི་སྒོ་ན་སླར་འོང་བ་ལྟ་ཞིང་འདུག་གོ་།ཇི་ཙམ་ན་དགེ་སློང་རྣམས་སླར་འོང་བ་དང ། དེ་ནས་བསྲོ་ཁང་དུ་སྟན་བཏིང་ངོ ། །དགེ་སློང་དེ་དག་གིས་རང་རང་གི་ཆོས་གོས་གཞན་ལ་བྱིན་ནས། གང་ཆར་གྱིས་གཤེར་བ་དེ་དག་གཟར་ཐག་ལ་གཟར་ཏོ། །དེ་ནས་དགེ་སློང་དེ་དག་བསྲོ་ཁང་དུ་ཞུགས་ཏེ། མེ་ལ་བསྐོར་ནས་མེ་འདེ་ཞིང་འདུག་པ་དང ། ཇི་ཙམ་ན་གྲང་བ་མེད་པར་གྱུར་ཏེ། དེ་དག་མེའི་འོད་ཚ་ནས་རྒྱབ་ཀྱིས་ཕྱོགས་ཏེ་འདུག་གོ་།དེ་ནས་དགེ་སྐོས་དེ་དད་པ་སྐྱེས་ནས། དགེ་སློང་དེ་རྣམས་ཀྱི་རྐང་པ་ལ་ཕྱག་འཚལ་ཏེ་སྨོན་ལམ་བྱ་བར་བརྩམས་པ། གང་བདག་གིས་ཚངས་པར་སྤྱོད་པ་འདི་དག་གྲང་བས་ཉེན་པའི་སྐྱབས་བྱས་པའི་དགེ་བའི་རྩ་བ་འདིས། གང་སུ་དག་ཡང་དག་པར་རྫོགས་</font><hr>Da419a<br><font size=+2>


༄#། །པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་ལ། བྲམ་ཟེའི་ཁྱེའུ་སྐྱེ་དགུའི་ཚེ་ལོ་བརྒྱ་ཐུབ་པའི་ཚེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་ཐོབ་པ་དེའི་བསྟན་པ་ལ། བདག་རབ་ཏུ་བྱུང་ནས་ཉོན་མོངས་པ་ཐམས་ཅད་རབ་ཏུ་སྤངས་ཏེ། དགྲ་བཅོམ་པ་མངོན་སུམ་དུ་བྱས་ནས། ཇི་ལྟར་དེ་དག་གིས་མེའི་འོད་འདི་མི་བཟོད་པ་དེ་བཞིན་དུ། བདག་གི་གཟི་བརྗིད་ལ་ལྷ་རྣམས་ཀྱིས་ཀྱང་མི་བཟོད་པར་གྱུར་ཅིག། ཅེས་དེ་སྐད་སྨོན་ལམ་བཏབ་པའི་དབང་གིས་འདི་ངའི་བསྟན་པ་ལ་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དབང་ཆེ་བར་གྲགས་པའི་ལྷ་རྣམས་ཀྱིས་ཀྱང་གཟི་བརྗིད་ཟིལ་གྱིས་གནོན་མི་ནུས་སོ། །དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདས་པའི་འོག་ཏུ་བཅོམ་ལྡན་འདས་ཀྱི་སྐུ་གདུང་ལ། བདག་ཅག་གིས་མཆོད་པ་ཇི་སྙེད་ཅིག་བརྩོན་པར་བགྱི་ལགས། ཀུན་དགའ་བོ། ཁྱོད་སྙིང་ལས་ཆུང་ངུར་གྱིས་ཤིག། འདི་ནི་བྲམ་ཟེ་དང་ཁྱིམ་བདག་དད་པ་ཅན་དག་བསྒྲུབ་པར་འགྱུར་རོ། །བཙུན་པ། བྲམ་ཟེ་དང་ཁྱིམ་བདག་དད་པ་ཅན་དག་གིས་འདི་ལ་ཇི་ལྟར་བསྒྲུབ་པར་བགྱིད་ལགས། ཀུན་</font><hr>Da419b<br><font size=+2>


དགའ་བོ། འདི་ལྟ་སྟེ། འཁོར་ལོས་སྒྱུར་བའི་རྒྱལ་པོ་ལ་བྱ་བ་བཞིན་དུ་བྱེད་དོ། །བཙུན་པ་འཁོར་ལོས་སྒྱུར་བའི་རྒྱལ་པོ་ལ་ཇི་ལྟར་བགྱིད་ལགས། ཀུན་དགའ་བོ། འཁོར་ལོས་སྒྱུར་བའི་རྒྱལ་པོ་ནི། ལུས་ཤིང་བལ་གྱི་འདའ་བས་དཀྲི་ཞིང ། ཤིང་བལ་གྱི་འདའ་བས་དཀྲིས་ནས་རས་ཟུང་ལྔ་བརྒྱས་གཡོག་པར་བྱ། རས་ཟུང་ལྔ་བརྒྱས་གཡོགས་ཏེ་ལྕགས་ཀྱི་སྒྲོམ་དུ་བཅུག་ནས་འབྲུ་མར་གྱིས་བཀང་སྟེ། སྟེང་ནས་ལྕགས་ཀྱི་ཁ་གབ་གཉིས་ཀྱིས་བཀབ་ནས། དྲི་ཞིམ་པོའི་ཤིང་ཐམས་ཅད་སྤུངས་ཏེ། དེས་བསྲེགས་ནས་མེ་དེ་དག་འོ་མས་བསད་དེ། དེའི་རུས་པ་གསེར་གྱི་བུམ་པའི་ནང་དུ་བཅུག་ནས་ལམ་པོ་ཆེའི་གཞི་མདོར་རུས་པའི་མཆོད་རྟེན་བརྩིགས་ནས་གདུགས་དང ། རྒྱལ་མཚན་དང ། བ་དེན་བཙུགས་ཏེ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། དུས་སྟོན་ཆེན་པོ་ཡང་བྱེད་དོ། །ཀུན་དགའ་བོ། འཁོར་ལོས་སྒྱུར་བའི་རྒྱལ་པོ་ལ་བྱ་བ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དེ་བས་ཀྱང་ལྷག་པར་བྱའོ། །ཀུན་དགའ་བོ་སོང་ལ། གྲོང་ཁྱེར་རྩཝ་ཅན་གྱི་གྱད་རྣམས་ལ། གནས་འཇོག་དག་ཁྱེད་ཀྱི་སྟོན་པ་ནི་དེང་གི་མཚན་མོའི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་བས། གྱད་ཁྱེད་ཀྱི་བྱ་བ་</font><hr>Da420a<br><font size=+2>


༄#། །དང ། བསྒྲུབ་པ་དག་དེར་བྱོས་ལ། ད་ཕྱིན་ཆད་གྲོང་གི་ཉེ་འཁོར་བ་བདག་ཅག་གི་སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ཏེ། བདག་ཅག་གིས་དེ་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོ་མ་ནུས་སོ། །ཞེས་འགྱོད་པར་མ་བྱེད་ཅིག་ཅེས་སྨྲོས་ཤིག་།བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། སྣམ་སྦྱར་བླངས་ཏེ་དགེ་སློང་གཞན་དག་དང ། ཕྱི་བཞིན་འབྲང་བའི་དགེ་སྦྱོང་དང་བཅས་ཏེ། གྲོང་ཁྱེར་རྩཝ་ཅན་གྱི་གྱད་རྣམས་ཀྱི་འདུན་ཁང་ག་ལ་བར་སོང་སྟེ་ཕྱིན་པ་དང ། དེའི་ཚེ་གྲོང་ཁྱེར་རྩཝ་ཅན་གྱི་གྱད་རྣམས་ཀྱི་འདུན་ཁང་ན་གྱད་ལྔ་བརྒྱ་ཙམ་ཞིག་།བྱ་བ་དག་ཅིག་གི་དོན་དུ་འདུས་ཤིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །ཀྱེ་གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ། ཤེས་ལྡན་གནས་འཇོག་དག་ཉོན་ཅིག་།སྟོན་པ་ནི་དེང་གི་མཚན་མོའི་གུང་ཐུན་འདི་ལ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་བས། གྱད་ཁྱེད་ཀྱི་བྱ་བ་དང ། བསྒྲུབ་པ་དག་དེར་བྱོས་ལ། ད་ཕྱིན་ཆད་གྲོང་གི་ཉེ་འཁོར་བ་བདག་ཅག་གི་སྟོན་པ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་</font><hr>Da420b<br><font size=+2>


ཡོངས་སུ་མྱ་ངན་ལས་འདས་ཏེ། བདག་ཅག་གིས་དེ་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོ་མ་ནུས་སོ། །ཞེས་འགྱོད་པར་མ་བྱེད་ཅིག་།དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་ཚེ་དང་ལྡན་པ་ཀུན་དགའ་བོའི་ལྟར་མཉན་ནས། དེ་དག་གིས་བུ་དང ། ཆུང་མ་དང ། བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དང ། དེ་དག་གི་མཛའ་བཤེས་དང ། ཉེ་དུ་དང ། བློན་པོ་དང ། སྣག་གི་གཉེན་མཚམས་རྣམས་གྲོང་ཁྱེར་རྩཝ་ཅན་ནས་བྱུང་སྟེ། ཤིང་སཱ་ལ་ཟུང་གི་ཚལ་ག་ལ་བར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་པ་དང ། གྲོང་ཁྱེར་རྩཝ་ཅན་གྱི་གྱད་རྣམས་ལ་བཅོམ་ལྡན་འདས་ཀྱིས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་འཇུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། །དེ་ནས་གྲོང་ཁྱེར་རྩཝ་ཅན་གྱི་གྱད་གཙོ་བོ་གཙོ་བོ་དག་།སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་ནི་འདི་ལྟར་གྲོང་ཁྱེར་རྩཝ་ཅན་གྱི་གྱད་ཅེས་བགྱི་བ་ལགས་ཏེ། སངས་རྒྱས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་སྟེ། བསླབ་པའི་གཞི་རབ་ཏུ་གཟུང་བར་བགྱིའོ། །དེ་ནས་ཚེ་དང་ལྡན་པ་ཀུན་</font><hr>Da421a<br><font size=+2>


༄#། །དགའ་བོ་འདི་སྙམ་དུ་སེམས་ཏེ། གལ་ཏེ་གྲོང་ཁྱེར་རྩཝ་ཅན་གྱི་གྱད་རྣམས་རེ་རེ་ནས། བཅོམ་ལྡན་འདས་ཀྱི་སྤྱན་སྔར་འདུག་སྟེ། དགེ་བསྙེན་གྱི་སོ་སོར་བཤགས་པར་བྱ། གྲོང་ཁྱེར་རྩཝ་ཅན་གྱི་གྱད་རྣམས་ནམ་ཕྱེད་ན་སླར་ཡང་འགྲོ་དགོས་ཏེ། སོ་སོར་བཤགས་པར་མི་འགྱུར་བས་མ་ལ་བདག་གིས་བཅོམ་ལྡན་འདས་ཀྱི་སྤྱན་སྔར་འདུག་སྟེ། གྲོང་ཁྱེར་རྩཝ་ཅན་གྱི་གྱད་རྣམས་དགེ་བསྙེན་གྱི་སོ་སོར་བཤགས་པ་གཅིག་ཅར་གདོན་པར་བྱའོ་སྙམ་མོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་བཞི་པ། དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། འདི་ལྟར་གྲོང་ཁྱེར་རྩཝ་ཅན་གྱི་གྱད་རྣམས་དང ། དེ་དག་གི་བུ་དང ། ཆུང་མ་དང ། བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དང ། མཛའ་བོ་དང ། བློན་པོ་དང ། ཉེ་དུ་དང ། སྣག་གི་གཉེན་མཚམས་འདི་རྣམས་སངས་རྒྱས་དང ། ཆོས་དང ། དགེ་འདུན་ལ་སྐྱབས་སུ་མཆི་སྟེ། བསླབ་པའི་གཞི་རབ་ཏུ་འཛིན་ཏུ་སྩལ་བར་བགྱིའོ། །དེ་ནས་ཚེ་དང་ལྡན་པ་ཀུན་དགའ་བོ། གྲོང་ཁྱེར་རྩཝ་ཅན་གྱི་གྱད་དེ་དག་དང ། བཅོམ་ལྡན་འདས་ཀྱི་སྤྱན་སྔར་འདུག་སྟེ། དེའི་མཚན་མོའི་གུང་ཐུན་</font><hr>Da421b<br><font size=+2>


མ་འདས་པར་དགེ་བསྙེན་གྱི་སོ་སོར་བཤགས་པ་བྱས་སོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །གང་གི་ཚེ་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པའི་ཚེ། གཟིགས་པ་ལྔས་གཟིགས་ཏེ། འདོད་པ་ན་སྤྱོད་པའི་ལྷ་དྲུག་ལ་ལན་གསུམ་དུ་སྦྱང་བ་མཛད་ནས་གླང་པོ་ཆེ་ལྟར་བསྟན་ཏེ་ཡུམ་གྱི་ལྷུམས་སུ་ཞུགས་པ་དེའི་ཚེ། ལྷའི་དབང་པོ་བརྒྱ་བྱིན་གྱིས། དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །རབ་དགའ། ཤེས་པར་གྱིས་ཤིག་།བཅོམ་ལྡན་འདས་དགའ་ལྡན་གྱི་གནས་ན་བཞུགས་པ་གཟིགས་པ་ལྔས་གཟིགས་ཏེ། འདོད་པ་ན་སྤྱོད་པའི་ལྷ་དྲུག་ལ་ལན་གསུམ་དུ་སྦྱང་བ་མཛད་ནས། གླང་པོ་ཆེ་ལྟར་བསྟན་ཏེ་ཡུམ་གྱི་ལྷུམས་སུ་ཞུགས་ཀྱི། དེ་བསྲུང་བར་བྱ་བའི་ཕྱིར་འདོང་ངོ ། །དེས་སྨྲས་པ། ཁོ་བོ་ནི་རེ་ཞིག་གླུ་དབྱངས་ལེན་གྱི། ཀོའུ་ཤི་ཀ་སོང་ཞིག་།གང་གི་ཚེ་བྱང་ཆུབ་སེམས་དཔའ་ཡུམ་གྱི་ལྷུམས་ནས་བྱུང་བ་དེའི་ཚེ་ཡང་ལྷའི་དབང་པོ་བརྒྱ་བྱིན་གྱིས་དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །རབ་དགའ། ཤེས་པར་གྱིས་ཤིག་།བཅོམ་ལྡན་འདས་བྱང་ཆུབ་སེམས་དཔའ་ཡུམ་གྱི་ལྷུམས་ནས་བྱུང་གི་།དེའི་ཞལ་ཏ་དང ། </font><hr>Da422a<br><font size=+2>


༄#། །གཡོག་བྱ་བའི་ཕྱིར་འདོང་ངོ ། །དེས་སྨྲས་པ། ཁོ་བོ་ནི་རེ་ཞིག་གླུ་དབྱངས་ལེན་གྱི། ཀོའུ་ཤི་ཀ་སོང་ཞིག་།གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་གཞོན་ནུས་རོལ་ཅིང་རོལ་བ་དེའི་ཚེ་ཡང་ལྷའི་དབང་པོ་བརྒྱ་བྱིན་གྱིས། དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །རབ་དགའ། ཤེས་པར་གྱིས་ཤིག་།བཅོམ་ལྡན་འདས་བྱང་ཆུབ་སེམས་དཔའ་གཞོན་ནུ་རོལ་པས་རོལ་ཅིང་བཞུགས་ཀྱི། དེ་ལ་བདག་ཅག་གིས་བསྙེན་བཀུར་བྱ་བའི་ཕྱིར་འདོང་ངོ ། །དེས་སྨྲས་པ། ཁོ་བོ་ནི་རེ་ཞིག་གླུ་དབྱངས་ལེན་པས་ཀོའུ་ཤི་ཀ་སོང་ཞིག་།གང་གི་ཚེ་བྱང་ཆུབ་སེམས་དཔའ་རྒ་བ་དང ། ན་བ་དང ། འཆི་བ་གཟིགས་ནས་ཐུགས་བྱུང་སྟེ། དཀའ་ཐུབ་ཀྱི་ནགས་ཚལ་ན་བཞུགས་སོ། །གང་གི་ཚེ་དཀའ་པ་སྤྱད་ནས་དཀའ་ཐུབ་ལས་བཞེངས་པ་དེའི་ཚེ་གྲོང་བའི་བུ་མོ་དགའ་མོ་དང ། དགའ་སྟོབས་མས་ལན་བཅུ་དྲུག་ཏུ་ཉིང་ཁུར་བྱས་པའི་འོ་ཐུག་སྦྲང་རྩི་ལྟར་མངར་བ་གསོལ་ནས། ཅི་བདེར་དབུགས་རྔུབ་པ་དང ། ཅི་བདེར་དབུགས་འབྱུང་བ་དང ། ཅི་བདེར་འབྲས་ཆན་དང ། ཟན་དྲོན་གྱི་ཞལ་ཟས་རགས་པ་གསོལ་ཞིང ། སྐུ་ཏིལ་མར་དང ། མར་སར་གྱིས་བྱུག་ནས་ཆུ་འཇམ་པོས་སྐུ་འཁྲུ་བར་མཛད་པ་དེའི་ཚེ། དེ་ནས་ལྷའི་དབང་པོ་བརྒྱ་བྱིན་གྱིས། དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །རབ་དགའ། ཤེས་པར་གྱིས་ཤིག་།བཅོམ་</font><hr>Da422b<br><font size=+2>


ལྡན་འདས་བྱང་ཆུབ་སེམས་དཔའ་རྒ་བ་དང ། ན་བ་དང ། འཆི་བ་གཟིགས་ཏེ་ཐུགས་བྱུང་ནས། དཀའ་ཐུབ་ཀྱི་ནགས་ཚལ་དུ་ཞུགས་ནས་དཀའ་བ་སྤྱོད་དོ། །གང་གི་ཚེ་གྲོང་བའི་བུ་མོ་དགའ་མོ་དང ། དགའ་སྟོབས་མས་ལན་བཅུ་དྲུག་ཏུ་ཉིང་ཁུར་བྱས་པའི་འོ་ཐུག་སྦྲང་རྩི་ལྟར་མངར་བ་གསོལ་ནས། ཅི་བདེར་དབུགས་རྔུབ་པ་དང ། ཅི་བདེར་དབུགས་འབྱུང་བ་དང ། ཅི་བདེར་འབྲས་ཆན་དང ། ཟན་དྲོན་གྱི་ཞལ་ཟས་རགས་པ་གསོལ་ཞིང ། སྐུ་ཏིལ་མར་དང་མར་སར་གྱིས་བྱུགས་ནས་ཆུ་འཇམ་པོས་སྐུ་འཁྲུ་བར་མཛད་ཀྱི། དེ་ལ་བསྙེན་བཀུར་བྱ་བའི་ཕྱིར་འདོང་ངོ ། །དེས་སྨྲས་པ། ཁོ་བོ་ནི་རེ་ཞིག་གླུ་དབྱངས་ལེན་གྱི། ཀོའུ་ཤི་ཀ་སོང་ཞིག་།གང་གི་ཚེ་བཅོམ་ལྡན་འདས་ཀྱིས་བདུད་འབྱུང་པོའི་འཁོར་བྱེ་བ་ཕྲག་སུམ་ཅུ་རྩ་དྲུག་བཏུལ་ཏེ། བླ་ན་མེད་པའི་ཡེ་ཤེས་ཐུགས་སུ་ཆུད་པ་དེའི་ཚེ། ཚངས་པས་གསོལ་ཏེ། ཡུལ་ཝཱ་ར་ཎཱ་སིར་གཤེགས་ནས་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ནས་དེའི་ཚེ། བཅོམ་ལྡན་འདས་ཀྱིས་ཕྱོགས་གང་དང ། གང་དག་ན་གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དང ། ལྗོངས་དེ་དང ། དེ་དག་ཏུ་གདུལ་བ་རྣམས་བཏུལ་ཏེ། གྲོང་ཁྱེར་རྩ་ཅན་དུ་གཤེགས་ནས་ཐ་མའི་གཟིམས་མལ་དུ་ཞུགས་པ་དེའི་ཚེ། ལྷའི་དབང་པོ་བརྒྱ་བྱིན་གྱིས་དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །དྲི་ཟའི་</font><hr>Da423a<br><font size=+2>


༄#། །རྒྱལ་པོ་ཤེས་པར་གྱིས་ཤིག་།བཅོམ་ལྡན་འདས་ཀྱིས་བདུད་འབྱུང་པོའི་འཁོར་བྱེ་བ་ཕྲག་སུམ་ཅུ་རྩ་དྲུག་བཏུལ་ཏེ། བླ་ན་མེད་པའི་ཡེ་ཤེས་ཐུགས་སུ་ཆུད་ནས་ཚངས་པས་གསོལ་ཏེ། ཡུལ་ཝཱ་ར་ཎཱ་སིར་གཤེགས་ནས་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ནས། དེའི་ཚེ་ཕྱོགས་གང་དང ། གང་དག་ན་གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དང ། ལྗོངས་དེ་དང ། དེ་དག་ཏུ་གདུལ་བ་རྣམས་བཏུལ་ཏེ། གྲོང་ཁྱེར་རྩཝ་ཅན་དུ་གཤེགས་ནས་ཐ་མའི་གཟིམས་མལ་དུ་ཞུགས་ཀྱི། དེ་ལ་ཆོས་མཉན་པའི་ཕྱིར་དེར་འདོང་བར་བྱའོ། །དེས་སྨྲས་པ། ཁོ་བོ་ནི་རེ་ཞིག་གླུ་དབྱངས་ལེན་གྱི། ཀོའུ་ཤི་ཀ་སོང་ཞིག། དེ་ནས་ཡང་ལྷའི་དབང་པོ་བརྒྱ་བྱིན་གྱིས། དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །རབ་དགའ། ཤེས་པར་གྱིས་ཤིག་།བཅོམ་ལྡན་འདས་ཐ་མའི་གཟིམས་མལ་དུ་ཞུགས་ཏེ། ཡོངས་སུ་མྱ་ངན་ལས་འདའ་བར་འགྱུར་གྱི། །དེ་ལ་བདག་ཅག་བསྙེན་བཀུར་བའི་ཕྱིར་འདོང་ངོ ། །དེས་སྨྲས་པ། ཁོ་བོ་རེ་ཞིག་གླུ་དབྱངས་ལེན་གྱི། ཀོའུ་ཤི་ཀ་སོང་ཞིག་།བཅོམ་ལྡན་འདས་ཀྱིས་དགོངས་པ། ཀུན་ཏུ་རྒྱུ་རབ་བཟང་ནི་ངས་གདུལ་བར་རུང་ན། དྲི་ཟའི་རྒྱལ་པོ་རབ་དགའ་ནི་གདུལ་བར་དཀའ་སྟེ། ཉན་ཐོས་ཀྱིས་གདུལ་བྱ་ལ་ནི། དེ་བཞིན་གཤེགས་པས་</font><hr>Da423b<br><font size=+2>


འདུལ་བར་སྤྱད་ཀྱི། སངས་རྒྱས་ཀྱིས་གདུལ་བ་ནི་ཉན་ཐོས་ཀྱིས་འདུལ་མི་ནུས་པས། དེ་ལྟ་བས་ན་དེ་བཞིན་གཤེགས་པས་གདུལ་བར་བྱ་བར་མཁྱེན་པ་ནི། བླ་ན་མེད་དེ། མ་ལ་འདི་བདག་གིས་གདུལ་བར་བྱ་གོར་མ་ཆག་སྙམ་དུ་དགོངས་ནས། ཇི་ལྟར་ཐུགས་མཉམ་པར་སྙོམས་པར་ཞུགས་ན། ཐ་མའི་གཟིམས་མལ་དུ་སྤྲུལ་པ་བཞག་ནས། པི་ཝང་རྒྱུད་སྟོང་པ། ཁོག་པ་བཻ་
་ལས་བྱས་པ་བསྣམས་ཏེ། ཐ་མའི་གཟིམས་མལ་ནས་བྱུང་ནས། སུམ་ཅུ་རྩ་གསུམ་པའི་ལྷ་རྣམས་ཀྱི་ནང ། དྲི་ཟའི་རྒྱལ་པོ་རབ་དགའི་སྒོ་ན་བཞུགས་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དྲི་ཟའི་རྒྱལ་པོ་རབ་དགའ་ཡང་གང་ང་ལྟ་བུ་ནི་མེད་དོ། །ཞེས་དྲི་ཟའི་རྒྱལ་པོ་རབ་དགའ་དྲེགས་པར་གྱུར་ཏེ། དེས་པི་ཝང་སྙན་པ་སྙན་པ་བླངས་ནས་ཡིད་རབ་ཏུ་དགའ་བར་གྱུར་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་སྒོ་སྲུང་གི་སྐྱེས་བུ་ལ་འདི་སྐད་ཅེས་བཀའ་སྩལ་ཏོ། །ཀཝའེ་སྐྱེས་བུ་སོང་ལ། དྲི་ཟའི་རྒྱལ་པོ་རབ་དགའ་ལ་སྒོ་ཁར་དྲི་ཟ་ཞིག་ཤེས་ལྡན་བལྟ་བའི་ཕྱིར་འོངས་སོ། །ཞེས་བྱོས་ཤིག་།དེ་སོང་ནས་སྨྲས་པ་དང ། དེ་དྲེགས་པས་མྱོས་ནས་སྨྲས་པ། ཀཝའེ་ཅི་ཟེར། ཅི་ང་ལས་གཞན་པའི་དྲི་ཟ་ཡང་ཡོད་དམ། དེས་སྨྲས་པ། གཞན་དག་ལྟ་རེ་ཞིག་སྨོས་ཀྱང་ཅི་འཚལ་གྱི། སྒོ་དྲུང་འདི་ཁོ་ན་ན་མཆིས་ལགས་སོ། །དྲི་ཟ་དེ་དྲེགས་པས་མྱོས་པའི་ཤུགས་ཀྱིས་མོད་ལ་སྒོར་བྱུང་སྟེ། དེས་སྨྲས་</font><hr>Da424a<br><font size=+2>


༄#། །པ།་ཀཝའེ་སྐྱེས་བུ་ཁྱོད་དྲི་ཟ་ཡིན་ནམ། བཅོམ་ལྡན་འདས་ཀྱིས་བཀའ་སྩལ་པ། ཀཝའེ་ང་དྲི་ཟ་ཏེ་པོར་ཡིན་ནོ། །དེས་སྨྲས་པ། གལ་ཏེ་དེ་ལྟ་ན་གླུ་དབྱངས་བླང་གི་ཚུར་ཤོག་།བཅོམ་ལྡན་འདས་ཀྱིས་བཀའ་སྩལ་པ། ཀཝའེ་ལེགས་ཀྱི་དེ་བཞིན་བྱའོ། །ཞེས་ཇི་ཙམ་བཅོམ་ལྡན་འདས་དང ། དེ་ལྷན་ཅིག་འགྲན་ཏོ། །བཅོམ་ལྡན་འདས་ཀྱིས་རྒྱུད་གཅིག་བཅད་པ་དང ། དེས་ཀྱང་རྒྱུད་གཅིག་བཅད་དེ། པི་ཝང་གཉིས་ཀའི་རྒྱུད་དང ། སྒྲ་མཉམ་མོ། །བཅོམ་ལྡན་འདས་ཀྱིས་རྒྱུད་གཉིས་བཅད་པ་དང ། དེ་བཞིན་དུ་སྒྲ་དང་གདངས་ཁྱད་པར་མེད་དོ། །དེ་བཞིན་དུ་གསུམ་པ་དང ། བཞི་པ་ནས་རྒྱུད་གཅིག་པའི་བར་དུ་བཞག་པ་དང ། རབ་དགས་ཀྱང་གཉིས་པ་དང ། གསུམ་པ་དང ། བཞི་པ་ནས་རྒྱུད་གཅིག་པའི་བར་དུ་གཞག་སྟེ། དེ་བཞིན་དུ་པི་ཝང་གཉིས་ཀ་སྐད་དང ། གདངས་ཁྱད་པར་མེད་དོ། །དེ་ནས་བཅོམ་ལྡན་འདས་ཀྱིས་རྒྱུད་གཅིག་པ་ཡང་བཅད་དེ། ནམ་མཁའ་ཁོ་ན་ལ་ཡང་སྒྲ་དང་གདངས་དེ་བཞིན་དུ་གྱུར་པ་དང ། དྲི་ཟའི་རྒྱལ་པོ་རབ་དགའ་ངོ་མཚར་སྐྱེས་ནས་ང་རྒྱལ་གྱིས་དྲེགས་པ་མེད་པར་གྱུར་ནས། དེས་བསམས་པ། བདག་པས་འཕགས་པའི་དྲི་ཟ་གཞན་ཡང་ཡོད་པ་ལྟ་སྙམ་མོ། །དེ་ནས་བཅོམ་ལྡན་འདས་ཀྱིས་དྲི་ཟའི་ཆ་བྱད་མི་སྣང་བར་མཛད་དེ། བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་ཅུ་</font><hr>Da424b<br><font size=+2>


རྩ་གཉིས་དང ། དཔེ་བྱད་བཟང་པོ་བརྒྱད་ཅུ་དང་ལྡན་ཞིང ། སྐུ་ཉི་མ་སྟོང་གི་འོད་བས་ལྷག་པའི་འོད་འདོམ་གང་གིས་བརྒྱན་པ། རིན་པོ་ཆེའི་རི་ལྟར་ཀུན་ནས་བཟང་བ། རང་གི་སྐུ་ཉིད་དུ་བཞུགས་པ་དང ། དྲི་ཟའི་རྒྱལ་པོ་རབ་དགས་མཐོང་སྟེ་དེ་དད་པ་སྐྱེས་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། ཆོས་མཉན་པའི་ཕྱིར་སྤྱན་སྔ་ན་འདུག་པ་དང ། བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་མཁྱེན་ནས། དེས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བཤད་དེ། གང་ཐོས་པས་དྲི་ཟའི་རྒྱལ་པོ་རབ་དགས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ནས། དེས་བདེན་པ་མཐོང་སྟེ། ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་ལགས། རྒྱལ་པོས་ཀྱང་མ་ལགས། ལྷས་མ་ལགས། མཛའ་བོས་མ་ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས། སྔོན་གྱི་འདས་པས་མ་ལགས། དགེ་སྦྱོང་དང་བྲམ་ཟེ་རྣམས་ཀྱིས་མ་ལགས་པ་གང་ལགས་པ་དེ་བཅོམ་ལྡན་འདས་ཀྱིས་བདག་ལ་མཛད་དེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ་སྟེ། བདག་ལྷ་དང་མིའི་</font><hr>Da425a<br><font size=+2>


༄#། །གནས་སུ་བཞག་པས། བཙུན་པ་བདག་བཅོམ་ལྡན་འདས་དང ། ཆོས་དང ། དགེ་འདུན་ལ་སྐྱབས་སུ་མཆི་ལགས་ཀྱི། དགེ་བསྙེན་དུ་གཟུང་དུ་གསོལ་དེང་སླན་ཆད་ནས་ཇི་སྲིད་འཚོའི་བར་དུ་སྲོག་གཅོད་པ་ལས་ལོག་སྟེ། མངོན་པར་དད་ནས་སྐྱབས་སུ་མཆི་ལགས་སོ། །དེ་ནས་བཅོམ་ལྡན་འདས་ཀྱིས་དྲི་ཟའི་རྒྱལ་པོ་རབ་དགའ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། །ཇི་ལྟར་ཐུགས་མཉམ་པར་བཞག་ན་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་ནས་མི་སྣང་བར་གྱུར་ཅིང ། ཐ་མའི་གཟིམས་མལ་དུ་བཞུགས་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་གྲོང་ཁྱེར་རྩཝ་ཅན་ན། ཀུན་ཏུ་རྒྱུ་རབ་བཟང་ཞེས་བྱ་བ། རྒས་པ། རྙིངས་པ། འཁོགས་པ། ལོ་བརྒྱ་ཉི་ཤུ་ལོན་པ་དེ་ལ་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་པར་བྱེད་དེ། དེ་དགྲ་བཅོམ་པར་གྲགས་པ་ཞིག་གནས་སོ། །གྲོང་ཁྱེར་རྩ་ཅན་ན་རྫིང་དལ་གྱིས་འབབ་པའི་འགྲམ་ཨུ་དུ་མ་ཝཱ་རའི་ཚལ་གྱི་དྲུང་ན། ཉིན་པར་གྱི་སྤྱོད་པས་གནས་པ་དང ། གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་གཟིགས་པ་ལྔས་གཟིགས་ཏེ། འདོད་པ་ན་སྤྱོད་པའི་ལྷ་དྲུག་ལ་</font><hr>Da425b<br><font size=+2>


ལན་གསུམ་དུ་སྦྱང་བ་མཛད་ནས། གླང་པོ་ཆེ་ལྟར་བསྟན་ཏེ། ཡུམ་གྱི་ལྷུམས་སུ་ཞུགས་པ་དེའི་ཚེ། ཨུ་དུམ་ཝཱ་རའི་ཚལ་སྦལ་མིག་ཐོན་པར་འགྱུར་རོ། །གང་གི་ཚེ་ཡུམ་གྱི་ལྷུམས་ནས་བྱུང་བ་དེའི་ཚེ་སྦལ་མིག་བྱེ་བར་འགྱུར་རོ། །གང་གི་ཚེ་གཞོན་ནུ་རོལ་པས་རོལ་པ་དེའི་ཚེ་མེ་ཏོག་ཁ་འབུས་པར་འགྱུར་རོ། །གང་གི་ཚེ་རྒ་བ་དང ། ན་བ་དང ། འཆི་བ་གཟིགས་ཏེ་ཐུགས་བྱུང་ནས། དཀའ་ཐུབ་ཀྱི་ནགས་ཚལ་དུ་ཞུགས་པ་དེའི་ཚེ་མེ་ཏོག་ཁ་བྱེ་བར་འགྱུར་རོ། །གང་གི་ཚེ་དཀའ་བ་སྤྱོད་པ་དེའི་ཚེ་མེ་ཏོག་ཁ་བྱེ་བ་རྙིངས་པར་འགྱུར་རོ། །གང་གི་ཚེ་དཀའ་བ་སྤྱད་པ་དོན་མེད་པར་མཁྱེན་ནས་ཅི་བདེར་དབུགས་རྔུབ་པ་དང ། ཅི་བདེར་དབུགས་འབྱུང་བ་དང ། ཅི་བདེར་འབྲས་ཆན་དང ། ཟན་དྲོན་གྱི་ཞལ་ཟས་རགས་པ་གསོལ་ཞིང ། སྐུ་ཏིལ་མར་དང ། མར་སར་གྱིས་བྱུགས་ཏེ་ཞེས་བྱ་བ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞེས་བྱ་བའི་བར་སྔ་མ་བཞིན་ཏེ། དེའི་ཚེ་མེ་ཏོག་ཐམས་ཅད་རྒྱས་པར་འགྱུར་རོ། །གང་གི་ཚེ་བཅོམ་ལྡན་འདས་ལ་ཚངས་པས་གསོལ་ཏེ། ཡུལ་ཝཱ་ར་ཎཱ་སིར་གཤེགས་ནས་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་བ་དེའི་ཚེ། ཨུ་དུམ་ཝཱ་རའི་ཚལ་ལྷམ་མེ་ལྷན་ནེ་ལྷང་ངེར་འགྱུར་རོ། །གང་གི་ཚེ་བཅོམ་ལྡན་འདས་ཀྱིས་ཕྱོགས་གང་དང ། གང་དག་ན་གྲོང་དང ། གྲོང་ཁྱེར་དང ། </font><hr>Da426a<br><font size=+2>


༄#། །ཡུལ་འཁོར་དང ། རྒྱལ་པོའི་ཕོ་བྲང་འཁོར་དང ། ལྗོངས་དེ་དང་དེ་དག་ཏུ་གདུལ་བ་རྣམས་བཏུལ་ཏེ། གྲོང་ཁྱེར་རྩཝ་ཅན་དུ་ཐ་མའི་གཟིམས་མལ་དུ་བཞུགས་པ་དེའི་ཚེ། ཨུ་དུམ་ཝཱ་རའི་ཚལ་རྙིངས་པར་འགྱུར་བ་དེ་ཐམས་ཅད་ཀུན་ཏུ་རྒྱུ་རབ་བཟང་གིས་མཚན་མར་བྱས་པ་དང ། གྲོང་ཁྱེར་རྩཝ་ཅན་ན་གནས་པའི་ལྷ་ཞིག་གིས། གྲོང་ཁྱེར་རྩཝ་ཅན་པ་ལ་དེ་བཞིན་གཤེགས་པ་ནི་དེང་གི་ནམ་གྱི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ། །ཞེས་སྨྲས་པ་དེ་ཀུན་ཏུ་རྒྱུ་རབ་བཟང་གིས་ཐོས་སོ། །ཐོས་ནས་ཀྱང་དགེ་སྦྱོང་གོའུ་ཏ་མ་དེང་གི་ནམ་གྱི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་ན། བདག་ནི་ཆོས་རྣམས་ལ་ཐེ་ཚོམ་ཡོད་པར་གྱུར་ཏེ། བདག་གི་ཐེ་ཚོམ་ཡོད་པ་དེ། འདི་ལྟར་བཅོམ་ལྡན་འདས་གོའུ་ཏ་མས་བདག་གི་ཐེ་ཚོམ་སེལ་སྤྱོད་པར་འགྱུར་རོ། །སྙམ་དུ་བདག་སེམས་ཤིང་འདུག་སྟེ། མ་ལ་བདག་བཅོམ་ལྡན་འདས་གོའུ་ཏ་མ་ག་ལ་བ་དེར་སོང་སྟེ་ཕྱིན་ནས། གལ་ཏེ་ཞུས་ནས་ལུང་བསྟན་པའི་སླད་དུ་སྐབས་ཕྱེ་ན། ཕྱོགས་འགའ་ཞིག་ཞུའོ། །སྙམ་ནས་གྲོང་ཁྱེར་རྩཝ་ཅན་ནས་བྱུང་སྟེ། ཤིང་སཱ་ལ་ཟུང་གཉིས་ཀྱི་ཚལ་ག་ལ་བ་དེར་སོང་ངོ ། །དེའི་ཚེ་ཚེ་དང་ལྡན་པ་</font><hr>Da426b<br><font size=+2>


ཀུན་དགའ་བོ་ཕྱི་རོལ་ཏུ་བྱུང་སྟེ། བླ་གབ་མེད་པའི་འཆག་ས་ན་འཆག་ཅིང་འདུག་པ་དང ། ཀུན་ཏུ་རྒྱུ་རབ་བཟང་གིས་ཚེ་དང་ལྡན་པ་ཀུན་དགའ་བོ་ཕྱི་རོལ་ཏུ་བྱུང་སྟེ། བླ་གབ་མེད་པའི་འཆག་ས་ན་འཆག་ཅིང་འདུག་པ་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ།། ཀྱེ། ཀུན་དགའ་བོ། བདག་གིས་དགེ་སྦྱོང་གོའུ་ཏ་མ་དེང་གི་མཚན་མོའི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ། །ཞེས་ཐོས་ནས། བདག་ནི་ཆོས་རྣམས་ལ་ཐེ་ཚོམ་ཡོད་པར་གྱུར་ཏེ། བདག་གི་ཐེ་ཚོམ་ཡོད་པ་དེ། འདི་ལྟར་བཅོམ་ལྡན་འདས་གོའུ་ཏ་མས་བདག་གི་ཐེ་ཚོམ་སེལ་སྤྱོད་པར་འགྱུར་རོ། །སྙམ་དུ་བདག་སེམས་ཤིང་མཆིས་ན། གལ་ཏེ་བཙུན་པ་ཀུན་དགའ་བོས་ནང་དུ་མཆི་བར་གནང་སྟེ། གལ་ཏེ་ཞུས་ནས་ལུང་བསྟན་པའི་སླད་དུ་སྐབས་ཕྱེ་ན། ཕྱོགས་འགའ་ཞིག་ཞུ་བར་བགྱིའོ། །རབ་བཟང ། དེ་བཞིན་གཤེགས་པ་ལ་འཚེ་བར་མ་བྱེད་ཅིག་།ཆོག་གོ་།བཅོམ་ལྡན་འདས་ཀྱི་སྐུ་ནི་དུབ་བོ། །བདེ་བར་གཤེགས་པའི་སྐུ་ནི་དུབ་བོ། །ཀུན་ཏུ་རྒྱུ་རབ་བཟང་གིས་ལན་གཉིས་ལན་གསུམ་གྱི་བར་དུ་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཀྱེ། ཀུན་དགའ་བོ། བདག་གིས་ཀུན་ཏུ་རྒྱུ་སྤྱོད་པ་ཅན། རྒན་པོ་རྒན་པོ། སློབ་དཔོན་</font><hr>Da427a<br><font size=+2>


༄#། །སྔ་རབས་དག་ལས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བ་ནི། བརྒྱ་ལམ་རེས་འགའ་ན། འདི་ལྟར་མེ་ཏོག་ཨུ་དུམ་ཝཱ་ར་བཞིན་ནོ། །ཞེས་ཐོས་ཏེ། བཅོམ་ལྡན་འདས་གོའུ་ཏ་མ་དེ། དེང་གི་མཚན་མོའི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་ལ། བདག་ནི་ཆོས་རྣམས་ལ་ཐེ་ཚོམ་ཡོད་པར་གྱུར་ཏེ། བདག་གི་ཐེ་ཚོམ་ཡོད་པ་དེ་འདི་ལྟར་བཅོམ་ལྡན་འདས་གོའུ་ཏ་མས། བདག་གི་ཐེ་ཚོམ་སེལ་སྤྱོད་པར་འགྱུར་རོ། །སྙམ་དུ་བདག་སེམས་ཤིང་མཆིས་ཏེ། གལ་ཏེ་ཚེ་དང་ལྡན་པ་ཀུན་དགའ་བོས་ནང་དུ་མཆི་བར་གནང་ནས། གལ་ཏེ་ཞུ་བ་ལུང་བསྟན་པའི་སླང་དུ་སྐབས་ཕྱེ་ན། ཕྱོགས་འགའ་ཞིག་ཞུ་བར་བགྱིའོ། །ཞེས་ལན་གཉིས་ལན་གསུམ་གྱི་བར་དུ། ཀུན་ཏུ་རྒྱུ་རབ་བཟང་གིས་ཚེ་དང་ལྡན་པ་ཀུན་དགའ་བོ་ལ་སྨྲས་པ་དང ། རབ་བཟང ། དེ་བཞིན་གཤེགས་པ་ལ་འཚེ་བར་མ་བྱེད་ཅིག་།ཆོག་གོ་།བཅོམ་ལྡན་འདས་ཀྱི་སྐུ་ནི་དུབ་བོ། །བདེ་བར་གཤེགས་པའི་སྐུ་ནི་མཉེལ་ཏོ། །དེ་ལྟར་ཚེ་དང་ལྡན་པ་ཀུན་དགའ་བོ་དང ། ཀུན་ཏུ་རྒྱུ་རབ་བཟང་གཉིས་ལྷན་ཅིག་བར་སྐབས་ཀྱི་གཏམ་ཟེར་བ་བཅོམ་ལྡན་འདས་ཀྱི་ལྷའི་སྙན་རྣམ་པར་དག་ཅིང་མིའི་ལས་འདས་པས་གསན་ཏེ། གསན་ནས་</font><hr>Da427b<br><font size=+2>


ཀྱང་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཀུན་ཏུ་རྒྱུ་རབ་བཟང་འདི་མ་དགག་པར་ཅི་དང་ཅི་འདོད་པ་འདྲིར་ཐོང་ཞིག་།དེ་ཅིའི་ཕྱིར་ཞེ་ན། ང་དང་མུ་སྟེགས་ཅན་ལྷན་ཅིག་བར་སྐབས་ཀྱི་གཏམ་གླེང་བའི་ཐ་མར་འགྱུར་བ་འདི་ཡིན་ནོ། །འདི་ལྟ་སྟེ། ཀུན་ཏུ་རྒྱུ་རབ་བཟང་འདི་ཉིད། ངས་མངོན་སུམ་དུ་ཚུར་ཤོག་ཅེས་བྱས་པས། ངའི་ཉན་ཐོས་ཀྱི་དགེ་སློང་རབ་ཏུ་བྱུང་བ་རྣམས་ཀྱི་ཐ་མར་འགྱུར་བ་ཡིན་ནོ། །དེ་ནས་ཀུན་ཏུ་རྒྱུ་རབ་བཟང་བཅོམ་ལྡན་འདས་ཀྱིས་སྐབས་ཕྱེ་བ་དང ། དགའ་མགུ། རབ་ཏུ་དགའ་སྟེ། དགའ་བ་དང ། ཡིད་བདེ་བ་སྐྱེས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་ཏུ་ཡང་དག་པར་མགུ་བར་འགྱུར་བ་དང ། ཡང་དག་པར་རབ་ཏུ་དགའ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀུན་ཏུ་རྒྱུ་རབ་བཟང་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ།་གོའུ་ཏ་མ། གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན། ཕྱོགས་འགའ་ཞིག་ཞུ་བར་བགྱིའོ། །རབ་བཟང་ཅི་དང་ཅི་འདོད་པ་དྲིས་ཤིག་།ཀྱེ། གོའུ་ཏ་མ། འཇིག་རྟེན་འདི་དག་ན། མུ་སྟེགས་ཅན་ཐ་དད་དུ་གནས་པ། འདི་ལྟ་སྟེ། འོད་སྲུང་རྫོགས་བྱེད་དང ། ཀུན་ཏུ་རྒྱུ་གནག་ལྷས་ཀྱི་བུ་དང ། སྨྲ་འདོད་ཀྱི་བུ་མོའི་བུ་ཡང་དག་པར་རྒྱལ་བ་</font><hr>Da428a<br><font size=+2>


༄#། །ཅན་དང ། མི་ཕམ་སྐྲའི་ལ་བ་ཅན་དང ། ཀ་ཏྱའི་བུ་ནོག་ཅན་དང ། གཅེར་བུ་པ་གཉེན་གྱི་བུ་རྣམས་ཀྱི་རང་རང་གི་ཁས་འཆེས་ཤིང་སོ་སོར་རིག་པ་དག་གོ་།དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ། །རབ་བཟང་ངས་ནི་ན་ཚོད་ཉི་ཤུ་དགུ་ལོན་ཏེ། །རབ་ཏུ་བྱུང་ནས་ལོ་གྲངས་ལྔ་བཅུ་ལྷག་གཅིག་ཏུ། །དགེ་བ་གང་ཡིན་ཅི་ཞེས་བཙལ་བར་བྱས་གྱུར་ཅིང ། །རབ་བཟང་ངས་ནི་རབ་ཏུ་བྱུང་བ་དེ་ཡི་ཚེ། །ཚུལ་ཁྲིམས་དང་ནི་ཏིང་འཛིན་རིག་པ་རྐང་པ་དང ། །ང་ཡིས་རྩེ་གཅིག་སེམས་ནི་ཀུན་ཏུ་བསྒོམས་བྱས་ཏེ། །རིག་པའི་ཆོས་ནི་ཕྱོགས་ཙམ་བཤད་པར་བྱས་གྱུར་ན། །འདི་ལས་ཕྱི་རོལ་དག་ན་དགེ་སྦྱོང་གཞན་ཡང་མེད། །རབ་བཟང ། ཆོས་འདུལ་བ་གང་ལ་འཕགས་པའི་ལམ་ཡན་ལག་བརྒྱད་པ་མི་སྣང་བ་དེ་ལ། དགེ་སྦྱོང་དང་པོ་ཡང་མི་སྣང་བར་འགྱུར་རོ། །གཉིས་པ་དང ། གསུམ་པ་དང ། དགེ་སྦྱོང་བཞི་པ་ཡང་མི་སྣང་བར་འགྱུར་རོ། །རབ་བཟང ། ཆོས་འདུལ་བ་གང་ལ་འཕགས་པའི་ལམ་ཡན་ལག་བརྒྱད་པ་སྣང་བ་དེ་ལ། དགེ་སྦྱོང་དང་པོ་ཡང་སྣང་བར་འགྱུར་རོ། །གཉིས་པ་དང ། གསུམ་པ་དང ། དགེ་སྦྱོང་བཞི་པ་ཡང་སྣང་བར་འགྱུར་རོ། །རབ་བཟང ། ཆོས་འདུལ་བ་གང་ལ་འཕགས་པའི་ལམ་ཡན་ལག་བརྒྱད་པ་སྣང་ན། དགེ་སྦྱོང་དང་པོ་ནི་འདི་ཡིན་ནོ། །གཉིས་</font><hr>Da428b<br><font size=+2>


པ་ནི་འདི་ཡིན་ནོ། །གསུམ་པ་ནི་འདི་ཡིན་ཏེ། དགེ་སྦྱོང་བཞི་པ་འདི་ལ་འདི་ལས་ཕྱི་རོལ་ན་དགེ་སྦྱོང་ངམ། བྲམ་ཟེ་མེད་དེ། ཕས་ཀྱི་རྒོལ་བའི་དགེ་སྦྱོང་དང ། བྲམ་ཟེ་རྣམས་ཀྱིས་སྟོང་ངོ། །ཞེས་འདི་ལྟར་འཁོར་རྣམས་ལ་ང་སེངྒེའི་སྒྲ་ཡང་དག་པར་སྒྲོགས་སོ། །ཆོས་ཀྱི་རྣམ་གྲངས་འདི་བཤད་པས། ཀུན་ཏུ་རྒྱུ་རབ་བཟང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བར་གྱུར་ཏོ། །དེ་ནས་ཀུན་ཏུ་རྒྱུ་རབ་བཟང་ཆོས་མཐོང་བ་དང ། ཆོས་ཐོབ་པ་དང ། ཆོས་རྟོགས་པ་དང ། ཆོས་ཀྱི་གཏིང་སླེབས་ཏེ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱིས་མི་བཀྲི་བ་དང ། གཞན་གྱིས་ཁ་དྲང་དུ་མི་རུང་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། ཚེ་དང་ལྡན་པ་ཀུན་དགའ་བོ་གང་ན་བ་དེ་ལོགས་སུ་ཐལ་མོ་སྦྱར་བ་བཏུང་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཚེ་དང་ལྡན་པ་ཀུན་དགའ་བོས་ནི་རྙེད་པ་ལེགས་པར་རྙེད་དེ། གང་གི་ཕྱིར་བཙུན་པ་ཀུན་དགའ་བོ་ནི་སློབ་དཔོན་ཆེན་པོས་དབང་བསྐུར་བས་དབང་བསྐུར་མོད་ཀྱི། བདག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་སྟེ། བསྙེན་པར་རྫོགས་ནས་དགེ་སློང་གི་དངོས་པོ་ཐོབ་སྟེ། གང་གི་ཕྱིར་བདག་གིས་ཀྱང་རྙེད་པར་ལེགས་པར་རྙེད་པར་གྱུར་ཅིག། དེ་ནས་</font><hr>Da429a<br><font size=+2>


༄#། །ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ཀུན་ཏུ་རྒྱུ་རབ་བཟང་འདི་ནི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང ། བསྙེན་པར་རྫོགས་ཏེ། དགེ་སློང་གི་དངོས་པོ་ཐོབ་པར་འཚལ་ན། བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། དེ་རབ་ཏུ་དབྱུང་ཞིང་བསྙེན་པར་རྫོགས་པར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་ཀུན་ཏུ་རྒྱུ་རབ་བཟང་ལ་ཚུར་ཤོག་།དགེ་སློང་ཚངས་པར་སྤྱད་པ་སྤྱོད་ཅིག་།ཅེས་བཀའ་སྩལ་པས། ཚེ་དང་ལྡན་པ་དེ་རབ་ཏུ་བྱུང་ནས་བསྙེན་པར་རྫོགས་ཏེ། དགེ་སློང་གི་དངོས་པོར་གྱུར་ཏོ། །དེ་ལྟར་དེ་རབ་ཏུ་བྱུང་ནས་ཚེ་དང་ལྡན་པ་དེ་གཅིག་ཏུ་བརྟུན་པ་དང ། བག་ཡོད་པ་དང ། བརྩོན་འགྲུས་དང ། དཀའ་ཐུབ་ལ་གནས་ཏེ། དེ་གཅིག་ཏུ་བརྟུན་པ་དང ། བག་ཡོད་པ་དང ། བརྩོན་འགྲུས་དང ། དཀའ་ཐུབ་ལ་གནས་པས་གང་གི་ཕྱིར་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། བླ་ན་མེད་པའི་ཚངས་པར་སྤྱད་པ་མཐར་ཕྱིན་ནས། མཐོང་བའི་ཆོས་འདི་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས། བདག་གི་སྐྱེ་བ་ཟད་དོ། །ཚངས་པར་སྤྱོད་པ་ལ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་</font><hr>Da429b<br><font size=+2>


མི་ཤེས་སོ། །ཞེས་རབ་ཏུ་བསྒྲགས་ནས། ཚེ་དང་ལྡན་པ་དེ་ཡང་དག་པར་སེམས་ཤིན་ཏུ་རྣམ་པར་གྲོལ་ནས། ཀུན་ཤེས་པ་དང་ལྡན་པའི་དགྲ་བཅོམ་པར་གྱུར་ཏོ། །དེ་ནས་ཚེ་དང་ལྡན་པ་རབ་བཟང་དགྲ་བཅོམ་པ་ཐོབ་སྟེ། རྣམ་པར་གྲོལ་བའི་དགའ་བ་དང ། བདེ་བ་ཀུན་ཏུ་མྱོང་ནས་དེ་འདི་སྙམ་དུ་སེམས་ཏེ། བདག་གིས་སྟོན་པ་ཡོངས་སུ་མྱ་ངན་ལས་འདའ་བ་བལྟ་བ་ནི། བདག་གི་ཆ་མ་ཡིན་གྱི། ཅི་ནས་ཀྱང་ཐོག་མ་ཁོ་ནར་བདག་ཡོངས་སུ་མྱ་ངན་ལས་འདའ་བར་བྱའོ། །སྙམ་དུ་བསམས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་རབ་བཟང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གིས་རྡོ་ཐོག་མོད་ཀྱི། ཡོངས་སུ་མྱ་ངན་ལས་འདའ་བར་འཚལ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་བཟང་ལ་འདི་སྐད་ཅེས་བཀའ་སྩལ་ཏོ། །རབ་བཟང་མྱ་ངན་ལས་འདའ་བར་བྱ་བའི་ཕྱིར་སྨྲའམ། བཅོམ་ལྡན་འདས་མྱ་ངན་ལས་འདའ་བར་བགྱི་བའི་སླད་དུའོ། །རབ་བཟང་མྱ་ངན་ལས་འདའ་བར་བྱ་བའི་ཕྱིར་སྨྲའམ། བདེ་བར་གཤེགས་པ་མྱ་ངན་ལས་འདའ་བར་བགྱི་བའི་སླད་དུའོ། །རབ་བཟང་མྱ་ངན་ལས་འདའ་བར་བྱ་བའི་ཕྱིར་སྨྲ་ན། ལས་ཅི་ཞིག་སྨྲར་ཡོད་དེ། འདུས་བྱས་ཐམས་ཅད་</font><hr>Da430a<br><font size=+2>


༄#། །ཀྱི་ཆོས་ཉིད་ཡིན་ནོ། །དེ་ནས་ཚེ་དང་ལྡན་པ་རབ་བཟང་གིས། མ་ལ་བདག་གིས་གནས་ལྔ་བྱིན་གྱིས་བརླབས་ཏེ་མྱ་ངན་ལས་འདའ་བར་བྱའོ། །སྙམ་དུ་བསམས་ནས། བདག་ཚངས་པ་མཚུངས་པར་སྤྱོད་པ་རྣམས་ཀྱིས་ནི་སྐྲ་བྲེགས་ཏེ་སྣམ་སྦྱར་གྱོན་པ་དང ། མུ་སྟེགས་ཅན་རྣམས་ཀྱིས་ནི་མུ་སྟེགས་ཀྱི་རྒྱལ་མཚན་ཐོགས་པ་མཐོང་བར་གྱུར་ཅིག་།བདག་གི་ཁྱོགས་མུ་སྟེགས་ཅན་རྣམས་ཀྱིས་ནི་འདེགས་མི་ནུས་པར་གྱུར་ཅིག་།ཚངས་པ་མཚུངས་པར་སྤྱོད་པ་རྣམས་ཀྱིས་ནི་འདེགས་ནུས་པར་གྱུར་ཅིག་།རྫིང་བུ་གཅིག་སྤྲུལ་ནས་བསམས་པ། འདི་ལྟར་མུ་སྟེགས་ཅན་རྣམས་ཀྱིས་ནི་རྫིང་བུར་བྱིང་ཞིང་སྤྱོད་མི་ནུས་པར་གྱུར་ཅིག་།ཚངས་པ་མཚུངས་པར་སྤྱོད་པ་རྣམས་ཀྱིས་ནི་སྤྱོད་ནུས་པར་གྱུར་ཅིག་།མུ་སྟེགས་ཅན་རྣམས་ལ་ནི་ཉ་དང་རུས་སྦལ་གྱིས་གནོད་པ་བྱེད་ནུས་པར་གྱུར་ཅིག་།ཚངས་པ་མཚུངས་པར་སྤྱོད་པ་རྣམས་ལ་ནི་གནོད་པ་བྱེད་མི་ནུས་པར་གྱུར་ཅིག་།མུ་སྟེགས་ཅན་རྣམས་ཀྱིས་ནི་བདག་བསྲེག་ཅིང་མེ་སྦོར་མི་ནུས་པར་གྱུར་ཅིག་།ཚངས་པ་མཚུངས་པར་སྤྱོད་པ་རྣམས་ཀྱིས་ནི་མེ་སྦོར་ནུས་པར་གྱུར་ཅིག་།ཅེས་དེས་གནས་འདི་ལྔ་བྱིན་གྱིས་བརླབས་ཏེ།་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །མུ་སྟེགས་ཅན་ཀུན་ཏུ་རྒྱུ་གཞན་དག་གིས་ཀུན་ཏུ་རྒྱུ་རབ་བཟང་ཡོངས་སུ་མྱ་ངན་</font><hr>Da430b<br><font size=+2>


ལས་འདས་སོ། །ཞེས་ཐོས་ཏེ། ཐོས་ནས་ཀྱང་རས་ཀྱི་རྒྱལ་མཚན་ཆེན་པོ་བཙུགས་ཏེ། གྲོང་ཁྱེར་རྩཝ་ཅན་གྱི་ལམ་པོ་ཆེ་དང ། ཁྱམས་དང ། བཞི་མདོ་དང ། སུམ་མདོ་དག་ཏུ་བསྐོར་ནས། ཤེས་ལྡན་དགེ་སྦྱོང་གོའུ་ཏ་མས་འདི་སྐད་ཅེས་སྨྲ་སྟེ། དགེ་སྦྱོང་དང་པོ་ནི་འདི་ཡིན་ནོ། །གཉིས་པ་ནི་འདི་ཡིན། གསུམ་པ་ནི་འདི་ཡིན་ཏེ། བཞི་པ་འདི་ལས་ཕྱི་རོལ་ན་དགེ་སྦྱོང་ངམ། བྲམ་ཟེ་མེད་དེ། ཕས་ཀྱི་རྒོལ་བའི་དགེ་སྦྱོང་དང ། བྲམ་ཟེ་རྣམས་ཀྱིས་སྟོང་ངོ ། །ཞེས་འདི་ལྟར་འཁོར་རྣམས་ལ་སེངྒེའི་སྒྲ་ཡང་དག་པར་སྒྲོགས་ན། བདག་ཅག་གི་ཚངས་པ་མཚུངས་པར་སྤྱོད་པ་ཀུན་ཏུ་རྒྱུ་རབ་བཟང་ནི་མྱ་ངན་ལས་འདས་བར་གྱུར་ཏོ། །ཞེས་སྨྲས་པ་དང ། དེ་དག་ལ་དགེ་སློང་རྣམས་ཀྱིས་སྨྲས་པ། ཤེས་ལྡན་དག་།གལ་ཏེ་འདི་ཁྱེད་ཀྱི་ཚངས་པ་མཚུངས་པར་སྤྱོད་པ་ཡིན་ན། ཚུར་ཤོག་།འདི་ཁྱོགས་ཀྱི་སྟེང་དུ་ཞོག་ལ་ཐེག་ཅིག་དང ། བལྟ་བར་བྱའོ། །དེ་དག་གིས་ཁྱོགས་ཀྱི་སྟེང་དུ་བཞག་ནས་གདེག་པར་བརྩམས་ན་བསྒུལ་ཡང་མ་ནུས་པ་དང ། དགེ་སློང་རྣམས་ཀྱིས་སྨྲས་པ། ཤེས་ལྡན་དག་།ངེད་ཀྱིས་གདེག་གམ་ཐེག་ཅིག་།དེ་དག་གིས་བཏེག་པ་དང ། དེ་དག་སྤོབས་པ་མེད་དེ་ཅང་མི་སྨྲ་བར་འདུག་གོ་།དེ་དག་རྫིང་བུར་དོང་བ་དང ། ཡང་དགེ་སློང་རྣམས་ཀྱིས་སྨྲས་པ། ཤེས་ལྡན་དག། གལ་ཏེ་འདི་ཁྱོད་ཀྱི་ཚངས་པ་མཚུངས་པར་སྤྱོད་པ་ཡིན་ན། ཚུར་ཤོག་།རྫིང་བུ་</font><hr>Da431a<br><font size=+2>


༄#། །འདིར་ཞུགས་ཤིག་དང ། བལྟ་བར་བྱའོ། །ཞེས་སྨྲས་ནས། དེ་དག་ཞུགས་པ་དང ། བྱིང་ནས་ཉ་དག་རུས་སྦལ་དག་གིས་གནོད་པ་བྱས་ཏེ་སྤྱོད་མ་ནུས་ནས། རིངས་པ་རིངས་པར་སླར་བྱུང་བ་དང ། དགེ་སློང་རྣམས་ཀྱིས་སྨྲས་པ། ངེད་འཇུག་གི་།ལྟོས་ཤིག་།བལྟ་བར་བྱའོ། །དེ་དག་ཞུགས་ནས་མ་བྱིང་ཞིང་ཉ་དང་རུས་སྦལ་དག་གིས་གནོད་པར་མ་ནུས་ཏེ། དེར་སྤྱོད་ནུས་པར་གྱུར་པ་དང ། དེ་དག་སྤོབས་པ་མེད་དེ་ཅང་མི་སྨྲ་བར་འདུག་གོ་།གཞན་ཡང་དགེ་སློང་རྣམས་ཀྱིས་སྨྲས་པ། ཤེས་ལྡན་དག་།གལ་ཏེ་འདི་ཁྱོད་ཀྱི་ཚངས་པ་མཚུངས་པར་སྤྱོད་པ་ཡིན་ན། མེ་སྦོར་ལ་སྲེགས་ཤིག་།བལྟ་བར་བྱའོ། །དེ་དག་གིས་མེ་སྦར་ཞིང་བསྲེག་བར་བརྩམས་པ་དང ། མེ་སྦར་མ་ནུས་ནས། དགེ་སློང་རྣམས་ཀྱིས་ཤེས་ལྡན་དག་ངེད་ཀྱིས་སྦར་བར་བྱའོ། །ཞེས་སྨྲས་ཏེ། དེ་དག་གིས་མེ་སྦར་ནས་འབར་བར་གྱུར་པ་དང ། དེ་དག་དེ་བཞིན་དུ་སྤོབས་པ་མེད་དེ་ཅང་མི་སྨྲ་བར་འདུག་གོ་དེ་ནས་སྐྱེ་བོ་མང་པོ་རྣམས་ཀྱིས་ཚར་བཅད་ནས་དོང་ངོ ། །གྲོང་ཁྱེར་རྩཝ་ཅན་གྱི་གྱད་རྣམས་ངོ་མཚར་སྐྱེས་ཏེ། བཅོམ་ལྡན་འདས་ལ་རྒྱ་ཆེར་མངོན་པར་དད་པར་གྱུར་ཏོ། །གང་གི་ཚེ་བཅོམ་ལྡན་འདས་ཐ་མའི་གཟིམས་མལ་ན། གནད་རྣམས་ནི་ཆད། ཚིགས་རྣམས་ནི་འབྱེ་བའི་ཚོར་བ་གནད་དུ་བབ་པ་བྱུང་ཞིང་བཞུགས་བཞིན་དུ། རབ་བཟང་ནི་དགྲ་བཅོམ་པ་ལ་</font><hr>Da431b<br><font size=+2>


བཞག་པར་གྱུར། གྲོང་ཁྱེར་རྩཝ་ཅན་གྱི་གྱད་མང་པོ་ནི་ཆོས་ལ་བཀོད་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གང་གི་ཚེ་བཅོམ་ལྡན་འདས་གནད་རྣམས་ནི་ཆད། ཚིགས་རྣམས་ནི་འབྱེ་བའི་ཚོར་བ་གནད་དུ་བབ་པ་བྱུང་ཞིང་བཞུགས་བཞིན་དུ། ཀུན་ཏུ་རྒྱུ་རབ་བཟང་འཁོར་བའི་རྒྱ་མཚོ་ལས་བཏོན་ཏེ། དེ་གཅིག་ཏུ་གྲུབ་པ་དང ། བདེ་བ་མཐར་ཕྱིན་པར་མཛད་ནས། མྱ་ངན་ལས་འདས་པ་ལ་རབ་ཏུ་བཀོད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཅི་ང་ད་ལྟར་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་ཀུན་ཏུ་གྲོལ་ཏེ། ཐམས་ཅད་མཁྱེན་པ་དང ། རྣམ་པ་ཐམས་ཅད་མཁྱེན་པ་དང ། ཐམས་ཅད་མཁྱེན་པའི་ཡེ་ཤེས་བརྙེས་པས། ཀུན་ཏུ་རྒྱུ་རབ་བཟང་འཁོར་བའི་རྒྱ་མཚོ་ལས་བཏོན་ཏེ། དེ་གཅིག་ཏུ་གྲུབ་པ་དང ། བདེ་བ་མཐར་ཕྱིན་པར་མཛད་ནས་མྱ་ངན་ལས་འདས་པ་ལ་རབ་ཏུ་བཞག་པ་ལྟ་ངོ་མཚར་ཅི་ཆེ། གང་ང་སྔོན་འདས་པའི་དུས་ན་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་</font><hr>Da432a<br><font size=+2>


༄#། །དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་ནི་ཀུན་ཏུ་མ་གྲོལ། བརྟག་ཅིང་འཇིག་ནུས་པ་དང་ནི་མ་བྲལ། དུད་འགྲོའི་སྐྱེ་གནས་སུ་ནི་སྐྱེས། རང་གི་སྲོག་ལ་ཡང་མི་ལྟ་བ་ན། ཀུན་ཏུ་རྒྱུ་རབ་བཟང་གི་སྐྱབས་བྱས་ཤིང ། གྲོང་ཁྱེར་རྩཝ་ཅན་གྱི་གྱད་རྣམས་ལ་སྲོག་སྡུག་པའི་སྐྱབས་བྱས་ཤིང ། ཉོན་མོངས་པ་ལས་ཀྱང་ཀུན་ཏུ་བསྐྱབས་པ་དེ་ལེགས་པར་རབ་ཏུ་ཉོན་ལ། ཡིད་ལ་ཟུང་ཞིག་དང ། བཤད་པར་བྱའོ། །དགེ་སློང་དག་།སྔོན་བྱུང་བ་འདས་པའི་དུས་ན་ལུང་པ་ཞིག་གི་ནང་ན་རི་དྭགས་ཀྱི་ཁྱུ་དཔོན་རི་དྭགས་མང་པོའི་ཚོགས་སྟོང་གིས་བསྐོར་བ། མཁས་ཤིང་གསལ་བ་ཡིད་གཞུངས་པ་ཞིག་གནས་ཏེ། རི་དྭགས་ཀྱི་ཁྱུ་དཔོན་དེ། རྔོན་པས་བརྟགས་ནས། རྒྱལ་པོ་ལ་སྨྲས་པ་དང ། དེ་ནས་རྒྱལ་པོ་དཔུང་གི་ཚོགས་ཡན་ལག་བཞི་དང་ཆས་ཏེ་བྱུང་ནས། རི་དྭགས་ཀྱི་ཁྱུ་དཔོན་དེ་ཐམས་ཅད་བསྐོར་ཏོ། །དེ་ནས་རི་དྭགས་ཀྱི་ཁྱུ་དཔོན་དེས་བསམས་པ། མ་ལ་བདག་གིས་རི་དྭགས་འདི་རྣམས་མ་བསྲུངས་ན། ཐམས་ཅད་མེད་པར་འགྱུར་རོ་སྙམ་ནས། དེ་ནས་རི་དྭགས་ཀྱི་ཁྱུ་དཔོན་གྱིས། ཕྱོགས་གང་དུ་རི་དྭགས་ཀྱི་ཚོགས་རྣམས་འབྱུང་བར་འགྱུར་བ་ཀུན་ཏུ་བརྟགས་ན། ལུང་པ་དེ་ན་ཆུ་བོ་ཞིག་འབབ་པ་དེས་མཐོང་སྟེ། ཆུ་བོའི་རྒྱུན་དེ་ཡང་དྲག་པོ། འཕྲོག་ཅིང་རབ་ཏུ་</font><hr>Da432b<br><font size=+2>


འཕྲོག་པ་ཞིག་ལ། རི་དྭགས་དེ་དག་ཀྱང་ཉམ་ཆུང་ནས། དེ་ནས་ཁྱུ་དཔོན་གྱིས་མོད་ལ་ཆུ་བོ་དེར་ཞུགས་ནས་དབུས་སུ་འདུག་སྟེ། སྐད་ཕྱུང་ནས་ཁྱེད་ཅག་ཚུར་ཤོག་།འགྲམ་འོ་ནི་ནས་ངའི་རྒྱབ་ཏུ་རྐང་ལག་ཞོག་ལ། ཕ་རོལ་གྱི་འགྲམ་དུ་སོང་ཞིག་དང ། འཚོ་བའི་ཐབས་ནི་དེ་ལས་མེད་དེ། གཞན་དུ་ན་ངེས་པར་འཆི་བར་འགྱུར་རོ། །དེ་ནས་རི་དྭགས་དེས་དེ་བཞིན་དུ་བྱས་པ་དང ། དེའི་རྒྱབ་ཏུ་རྨིག་པ་དག་གིས་ཕོག་སྟེ། པགས་པ་ཡང་རལ། ཤ་དང་ཁྲག་དང་རུས་པ་དག་བྱུང་ཡང་འོན་ཀྱང་བརྩོན་འགྲུས་མ་བཏང་ངོ ། །དེ་ནས་ཐམས་ཅད་ཀྱིས་རྒལ་ནས། གང་ཁ་ཅིག་སླར་རྒལ་བར་མ་གྱུར་ཏམ། ཞེས་དེ་དག་ལ་སྙིང་རྗེ་བསྐྱེད་དེ། སླར་རྒྱབ་ཏུ་བལྟས་པ་དང ། རི་དྭགས་ཀྱི་ཕྲུ་གུ་གཅིག་མ་རྒལ་བར་དེས་མཐོང་ནས། དེ་ནས་ཁྱུ་དཔོན་གནད་རྣམས་ནི་ཆད། ཚིགས་རྣམས་ནི་འབྱེ་བའི་ཚོར་བ་གནད་དུ་བབ་པ་བྱུང་ཞིང ། ཆུ་འགྲམ་འདིར་ཚོགས་རྣམས་ལ་སྲོག་སྡུག་པའི་སྐྱབས་བྱས་ཤིང ། རི་དྭགས་ཀྱི་ཕྲུ་གུ་དེ་རྒྱབ་ཏུ་བཀལ་ནས། ཆུ་བོ་ལས་བསྒྲལ་ཏེ་འགྲམ་དུ་བཞག་གོ་།དེས་རི་དྭགས་ཀྱི་ཚོགས་མང་པོ་རྒལ་བར་རིག་ནས། འཆི་བའི་དུས་སུ་སྨོན་ལམ་གདབ་པར་བརྩམས་པ། ཇི་ལྟར་བདག་གིས་རི་དྭགས་འདི་དག་དང ། རི་དགས་ཀྱི་ཕྲུ་གུ་འདི་ལ་སྲོག་སྡུག་པའི་སྐྱབས་བྱས་ཤིང ། ཉོན་མོངས་པ་ལས་ཀྱང་ཀུན་ཏུ་བསྐྱབས་པ་འདིས། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་</font><hr>Da433a<br><font size=+2>


༄#། །པར་རྫོགས་པར་སངས་རྒྱས་པ་ན་ཡང ། འཁོར་བའི་རྒྱ་མཚོ་ལས་འདོན་ཅིང ། གཅིག་ཏུ་གྲུབ་པ་དང ། བདེ་བ་མཐར་ཕྱིན་པར་བྱེད་ཅིང ། མྱ་ངན་ལས་འདས་པ་ལ་འགོད་པར་ཤོག་ཅིག་།ཅེས་སྨོན་ལམ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་རི་དྭགས་ཀྱི་ཁྱུ་དཔོན་གང་ཡིན་པ་དེ་ནི་ང་ཡིན་ནོ། །རི་དྭགས་དེ་དག་ནི་གྲོང་ཁྱེར་རྩཝ་ཅན་གྱི་གྱད་འདི་རྣམས་ཡིན་ནོ། །རི་དྭགས་ཀྱི་ཕྲུ་གུ་གང་ཡིན་པ་དེ་ནི་རབ་བཟང་འདི་ཉིད་ཡིན་ནོ། །དགེ་སློང་དག་གཞན་ཡང་གང་གི་ཚེ། ང་བརྟག་ཅིང་འཇིག་མི་ནུས་པ་དང ། དུད་འགྲོའི་སྐྱེ་གནས་སུ་སྐྱེས་པ་དང ། གནད་རྣམས་ནི་ཆད། ཚིགས་རྣམས་ནི་འབྱེད་པའི་ཚོར་བ་གནད་དུ་བབ་པར་བྱུང་ཞིང་བཞུགས་བཞིན་དུ། ཀུན་ཏུ་རྒྱུ་རབ་བཟང་གི་སྐྱབས་བྱས་པ་དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན། ཡུལ་ཝཱ་ར་ཎཱ་སིར་རྒྱལ་པོ་ཚངས་སྦྱིན་ཞེས་བྱ་བ་ཞིག་།རྒྱལ་པོ་བྱེད་པ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ། འཐབ་པ་དང ། རྩོད་པ་དང ། ཕས་ཀྱི་རྒོལ་བ་དང ། འཁྲུག་པ་རྣམས་རབ་ཏུ་ཞི་བ། རྐུན་མ་དང ། ནད་དང་བྲལ་བ་དང ། འབྲས་དང ། བུར་མ་དང ། བ་གླང་དང ། མ་ཧེ་ཕུན་སུམ་ཚོགས་པ། ཆོས་ཀྱི་རྒྱལ་པོ་ཆོས་དང་ལྡན་པ། ཆོས་བཞིན་</font><hr>Da433b<br><font size=+2>


དུ་རྒྱལ་པོ་བྱེད་པ་དེའི་རྟ་ཅང་ཤེས་ཤི་བ་དང ། ཁམས་ཀྱི་རྒྱལ་ཕྲན་དག་གིས་འདི་ལྟར། རྒྱལ་པོ་ཚངས་སྦྱིན་གྱི་རྟ་ཅང་ཤེས་ཤིའོ། །ཞེས་ཐོས་ཏེ། དེ་དག་གིས་དེར་ཕོ་ཉ་བཏང་ནས། ཡང་ན་ནི་དཔྱ་གཅོལ་ཅིག་།ཡང་ན་ནི་གྲོང་ཁྱེར་གྱི་སྒོར་མ་འབྱུང་ཞིག་།གཞན་དུ་ན་ངེས་པར་སྐེ་ནས་བཏགས་ལ་འདིར་འགུག་གོ་།ཞེས་བསྒོ་བ་དང ། དེས་དཔྱ་ཡང་མ་བཅལ། གྲོང་ཁྱེར་གྱི་སྒོར་ཡང་མ་བྱུང་མོད་ཀྱི། འོན་ཀྱང་གྲོང་ཁྱེར་ཉིད་ན་གནས་ཤིང་རྟ་ཅང་ཤེས་ཚོལ་ལོ། །དེ་དུས་གཞན་ཞིག་ན་རྟ་ཅང་ཤེས་རྙེད་ནས་དེ་དེ་ལ་ཞོན་ཏེ། དཔྱིད་ཀྱི་དུས་ལ་བབ་པ་དང ། ཤིང་རྣམས་མེ་ཏོག་གིས་རྒྱས་ཤིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་ཡི་སྒྲ་འབྱིན་པའི་ནགས་ཚལ་སྐྱེད་མོས་ཚལ་གྱི་གནས་སུ་བཙུན་མོའི་འཁོར་གྱིས་ཡོངས་སུ་བསྐོར་ཏེ་དོང་ནས། དེ།་དེ་ན་རྩེ་ཞིང་དགའ་ལ། དགའ་མགུར་ཆ་བའི་སྦྱོར་བས་བག་མེད་པར་གནས་ཏེ། གྲོང་ཁྱེར་དུ་ཡང་མ་ཞུགས་པ་ན། ཇི་ལྟར་རྒྱལ་པོ་ཚངས་སྦྱིན་སྐྱེད་མོས་ཚལ་ན་བག་མེད་པར་གནས་ཤིང ། གྲོང་ཁྱེར་དུ་ཡང་མ་བཞུགས་སོ། །ཞེས་ཁམས་ཀྱི་རྒྱལ་ཕྲན་དག་གིས་ཐོས་ཏེ། དེ་དག་གིས་གྲོས་བྱས་ནས། དཔུང་གི་ཚོགས་ཡན་ལག་བཞི་དང་ཆས་ཏེ། ཡུལ་ཝཱ་ར་ཎཱ་སིའི་སྒོ་བསྐོར་བ་དང ། བློན་པོས་རྒྱལ་པོ་ཚངས་སྦྱིན་ལ་སྨྲས་པ། ལྷ་ཁམས་ཀྱི་རྒྱལ་ཕྲན་རྣམས་ཀྱིས་གྲོང་ཁྱེར་</font><hr>Da434a<br><font size=+2>


༄#། །གྱི་སྒོ་བསྐོར་ལགས་ན། བདེ་བར་བགྱི་བ་དགོངས་སུ་གསོལ། རྒྱལ་པོས་ཐོས་ནས། ཤེས་ལྡན་རྟ་ཅང་ཤེས་གང་ན་འདུག་པ་ཡང་ལོང་ཞིག་།དཔུང་གི་ཚོགས་ཡན་ལག་བཞི་ཡང་གོ་སྐོན་ཅིག་།དེ་དག་དང་ལྷན་ཅིག་གཡུལ་འགྱེད་པར་བྱའོ། །ཞེས་བསྒོའོ། །དེས་རྟ་ཅང་ཤེས་ཀྱང་བསྙེན། དཔུང་གི་ཚོགས་ཡན་ལག་བཞི་པ་ཡང་གོ་བསྐོན་ཏེ། དེ་དེ་དག་དང་ལྷན་ཅིག་གཡུལ་བཤམས་ཏེ། གཡུལ་འགྱེད་པར་བརྩམས་པ་དང ། ཁམས་ཀྱི་རྒྱལ་ཕྲན་གཞན་ཞིག་གིས་རྒྱལ་པོ་ཚངས་སྦྱིན་གྱི་རྟ་ཅང་ཤེས་ཀྱི་གློར་མདུང་གཅིག་བསྣུན་ནས། དེའི་རྒྱུ་མ་དག་བྱུང་སྟེ་སྡུག་བསྔལ་གྱི་ཚོར་བས་གཟིར་ནས། གནད་རྣམས་ཀྱང་ཆད། ཚིགས་རྣམས་ཀྱང་འབྱེ་བའི་ཚོར་བ་གནད་དུ་བབ་པ་བྱུང་བཞིན་དུ། དེས་སེམས་སྲན་བསྐྱེད་པ། མ་ལ་འདི་ལྟར་རྒྱལ་པོ་ནི། སྡུག་བསྔལ་དོག་པ་ཉམ་ང་བར་ཕྱིན་ལ། བདག་གིས་དོར་བར་བྱ་བ་ནི་བདག་གི་ཚུལ་མ་ཡིན་པས། བརྩོན་འགྲུས་ཀྱིས་སྡུག་བསྔལ་བཟློག་ལ། ཐབས་ཅི་དང་ཅིས་སྒེའུ་ཆུང་ནས་གྲོང་ཁྱེར་དུ་ཕྱིན་པར་བྱའོ། །སྙམ་དུ་བསམས་ནས། ཕན་ཚུན་དུ་གྲོང་ཁྱེར་དུ་འགྲོ་བའི་གླགས་བལྟས་ན། ཝཱ་ར་ཎཱ་སིའི་སྐྱེད་མོས་ཚལ་གྱི་བར་ན། རྒྱལ་པོ་ཚངས་སྦྱིན་གྱི་རྫིང་བུ་ཚངས་ལྡན་ཞེས་བྱ་བ། མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དག་གིས་བརྒྱན་</font><hr>Da434b<br><font size=+2>


པ།་ངང་པ་དང ། བྱ་ཀ་རན་ད་བ་དང ། དུར་པ་དག་གིས་མཚོ་གླིང་བརྒྱན་པ་དང ། ཁོ་ར་ཁོར་ཡུག་ཏུ་མེ་ཏོག་དང ། འབྲས་བུ་སྣ་ཚོགས་དང ། ནགས་ཚང་ཚིང་གིས་བརྒྱན་པ། བྱ་རྣམ་པ་སྣ་ཚོགས་ཀྱི་སྒྲ་འབྱིན་པ་ཞིག་ཡོད་དེ། དེ་ཤུགས་དྲག་པོས་ནགས་ཚལ་སྟུག་པོ་དེའི་ནང་དུ་སོང་སྟེ། རྫིང་བུ་ཚངས་ལྡན་གྱི་པདྨའི་འདབ་མ་ནས་པདྨའི་འདབ་མའི་སྟེང་དུ་རྐང་པ་བཞག་ནས་རྒལ་ཏེ་སྒེའུ་ཆུང་ནས་བྱུང་སྟེ། དེ་ནས་རྒྱལ་པོ་བབས་པ་དང ། དེ་ཡང་ས་ལ་འགྱེལ་ཏེ། དུས་ལས་འདས་སོ། །དེ་ནས་རྒྱལ་པོ་དང ། བློན་པོ་དེ་རྣམས་ཀྱིས་ཕན་ཚུན་ཀུན་དུ་བཙལ་བར་བརྩམས་ནས། ཁ་ཅིག་ནི་སྐྱེད་མོས་ཚལ་དུ་སོང ། གཞན་དག་གིས་ནི་ཕྱོགས་བཞིར་བརྒྱུགས་ནས། གང་གིས་ཀྱང་དེ་མ་རྙེད་ནས་རང་རང་གི་རྟ་དང ། གླང་པོ་ཆེ་དག་བཟུང་ནས་སླར་སོང་ངོ ། །རྒྱལ་པོ་ཚངས་སྦྱིན་གྱིས་སྲོག་འབྱིན་པའི་ཕྱིར། དེ་ཡུལ་ཝཱ་ར་ཎཱ་སི་ན་གནས་པའི་གྲོང་མི་དང ། ལྗོངས་ཀྱི་མི་དང ། བློན་པོ་ལྷག་མ་དག་བསྡུས་ནས། སྨྲས་པ། གང་རྒྱལ་རིགས་སྤྱི་བོ་ནས་དབང་བསྐུར་བའི་སྲོག་བྱིན་ན། དེ་ལ་ཇི་ལྟར་བསྒྲུབ་པར་བྱ། དེ་དག་གིས་སྨྲས་པ། ལྷ་རྒྱལ་སྲིད་ཀྱི་ཕྱེད་སྩལ་བར་བགྱིའོ། །དེས་སྨྲས་པ། ངའི་སྲོག་འབྱིན་པ་ནི་རྟ་ཅང་ཤེས་ཡིན་ན། དེ་ནི་དུས་ལས་འདས་ཏེ། དེ་ལ་བྱིན་ཡང་དེས་ཅི་ཞིག་བྱར་ཡོད། དེ་དག་གིས་སྨྲས་པ། ལྷ་དེའི་སླད་དུ་གྲོང་ཁྱེར་གྱི་སྒོ་བཞིར་སྦྱིན་པ་དག་གཏང་བར་བགྱི་ཞིང ། དུས་སྟོན་</font><hr>Da435a<br><font size=+2>


༄#། །མ་ཡིན་པའི་མཆོད་སྟོན་དག་བགྱིས་ལ་བསོད་ནམས་དག་བགྱིའོ། །རྒྱལ་པོས་སྨྲས་པ། ཤེས་ལྡན་དག་།ལེགས་ཀྱི་དེ་བཞིན་དུ་བྱའོ། །དེ་ནས་རྒྱལ་པོའི་བཙུན་མོ་དང ། གཞོན་ནུ་དང ། བློན་པོ་དང ། ཡུལ་མི་དག་གིས་ཤིང་དྲི་ཞིམ་པོ་ཐམས་ཅད་སྤུངས་ནས། དེ་བསྲེགས་སོ། །གཞན་ཡང་གྲོང་ཁྱེར་གྱི་སྒོ་བཞིར་སྦྱིན་གཏོང་གི་ཁང་པ་བརྩིགས་ནས། གྲོང་ཁྱེར་དེ་ན་རྡོ་དང ། གསེག་མ་དང ། གྱོ་མོ་དག་སེལ་དུ་བཅུག་སྟེ། ཙནྡན་གྱི་ཆུས་ནི་ཆག་ཆག་བཏབ། དྲི་ཞིམ་པོའི་པོག་པོར་དག་ནི་བཞག། གདུགས་དང ། རྒྱལ་མཚན་ནི་བསྒྲེང ། དར་གྱི་ལྡ་ལྡི་མང་པོ་ནི་བཏགས། ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་མེ་ཏོག་རྣམ་པ་སྣ་ཚོགས་ཀྱི་སིལ་མ་ཉམས་དགའ་བ་ནི་བཀྲམ་སྟེ།་དུས་སྟོན་མ་ཡིན་པའི་མཆོད་སྟོན་བྱས་ནས། གྲོང་ཁྱེར་དུ་འདི་སྐད་དྲིལ་བསྒྲགས་པ། ཤེས་ལྡན། ཡུལ་ཝཱ་ར་ཎཱ་སི་ན་གནས་པའི་གྲོང་མི་རྣམས་དང ། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་དག་ཉོན་ཅིག་།འདིར་ལྷའི་རྟ་ཅང་ཤེས་ཀྱི་ཕྱིར་གྲོང་ཁྱེར་གྱི་སྒོ་བཞིར་སྦྱིན་པ་གཏོང་ཞིང ། དུས་སྟོན་མ་ཡིན་པའི་མཆོད་སྟོན་དང་བསོད་ནམས་བྱེད་ཀྱི། དེའི་ཕྱིར་ཁྱེད་ཅག་རྣམས་ཀྱིས་གོས་སྣ་ཚོགས་དང ། རྒྱན་དང ། ཕྲེང་བ་དང ། འབྱོར་པ་མཆོག་གིས་ཆོས་ལ་བྱུང་ཞིག་།ཅེས་བསྒོའོ། །དེ་ནས་གྲོང་མི་དག་དང ། ཡུལ་མི་དག་འོངས་ནས། </font><hr>Da435b<br><font size=+2>


དུས་སྟོན་མ་ཡིན་པའི་མཆོད་སྟོན་ཆེན་པོ་བྱས་ཏེ། གྲོང་ཁྱེར་གྱི་སྒོ་བཞིར་ཡང་འདོད་པ་སྣ་ཚོགས་ཀྱི་སྦྱིན་པ་དག་སྦྱིན་ནོ། །དགེ་སློང་དག་།ཇི་སྙམ་དུ་སེམས། རྟ་ཅང་ཤེས་གང་ཡིན་པ་དེ་ནི་ང་ཉིད་ཡིན་ཏེ། དེའི་ཚེ་དེའི་དུས་ན་ཡང་ན་གནད་རྣམས་ནི་ཆད། ཚིགས་རྣམས་ནི་འབྱེ་བའི་ཚོར་བ་གནད་དུ་བབ་པ་བྱུང་བཞིན་དུ་དེའི་སྲོག་གི་སྐྱབས་བྱས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་ལྔ་པ། དེ་ནས་ཡང་དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་རབ་བཟང་གིས་ལས་ཅི་ཞིག་བགྱིས་ན། དེ་ནས་ཉན་ཐོས་རྣམས་ཀྱི་ཐ་མར་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་རབ་བཟང་ཉིད་ཀྱིས་ལས་བྱས་ཤིང་བསགས་པ་དང ། ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། མྱོང་བར་ངེས་པར་རབ་བཟང་གིས་ལས་བྱས་ཤིང་བསགས་པ་དག་ནི། གཞན་སུ་ཞིག་གིས་ཉམས་སུ་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་སྨིན་པར་མི་འགྱུར་ཏེ། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་མོད་ཀྱི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ལ་ལས་བྱས་པའི་དགེ་བ་དང ། མི་དགེ་བ་དག་རྣམ་པར་སྨིན་པར་</font><hr>Da436a<br><font size=+2>


༄#། །འགྱུར་རོ། །ལས་རྣམས་བསྐལ་པ་བརྒྱར་ཡར་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་ཉིད་དུ་སྨིན་པར་འགྱུར། ། དགེ་སློང་དག་།སྔོན་བྱུང་བ་འདས་པའི་དུས་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དེ་ཡུལ་ཝཱ་ར་ཎཱ་སིའི་གྲོང་ཁྱེར་རི་དྭགས་འཛིན་གྱི་ཚལ་ན་ཉེ་བར་རྟེན་ཅིང་བཞུགས་སོ། །དེ་ནས་བཅོམ་ལྡན་འདས་འོད་སྲུང་གི་དབོན་པོ་མྱ་ངན་མེད་ཅེས་བྱ་བ་དེ་ཐར་པར་བྱ་བའི་དོན་དུ། བཅོམ་ལྡན་འདས་འོད་སྲུང་ལས་རབ་ཏུ་བྱུང་སྟེ། དེ་ཐར་ཅིང་རང་དབང་ཐོབ་བོ། །སྙམ་ནས་འབད་པ་མ་བསྐྱེད་དོ། །ཇི་ཙམ་ན་དུས་ཤིན་ཏུ་རིང་བ་ཞིག་ན། མྱ་ངན་མེད་ཅེས་བྱ་བ་ལྗོངས་རྒྱུ་ཞིང་འདུག་པར་གྱུར་ཏོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས། སངས་རྒྱས་ཀྱི་མཛད་པ་མ་ལུས་པར་མཛད་ནས་བུད་ཤིང་ཟད་པའི་མེ་བཞིན་དུ་ཐ་མའི་གཟིམས་མལ་དུ་གཤེགས་སོ། །དགེ་སློང་མྱ་ངན་མེད་ཤིང་ཨ་ཤོ་ཀའི་དྲུང་ན་ནང་དུ་ཡང་དག་འཇོག་ལ་གནས་ཏེ། ཇི་ཙམ་ཤིང་ཨ་ཤོ་ཀ་དེ་ལ་ལྷ་ཞིག་</font><hr>Da436b<br><font size=+2>


གནས་པ་དེས། བཅོམ་ལྡན་འདས་འོད་སྲུང་མྱ་ངན་ལས་འདའ་བར་ཐོས་ནས་ངུས་ཏེ། དེ་ངུས་པའི་མཆི་མ་ཐིག་པ་གཅིག་མྱ་ངན་མེད་ཀྱིས་ལུས་ལ་ལྷུང་བར་གྱུར་པ་དང ། དེ་ནས་མྱ་ངན་མེད་ཀྱིས་གྱེན་དུ་བལྟས་ན། ལྷ་དེ་ངུ་ཞིང་འདུག་ནས། ལྷ་ཅིའི་ཕྱིར་ངུ་ཞེས་སྨྲས་པ་དང ། ལྷས་དེང་གི་མཚན་མོའི་གུང་ཐུན་ལ་བཅོམ་ལྡན་འདས་འོད་སྲུང་མྱ་ངན་ལས་འདའོ། །ཞེས་སྨྲས་སོ། །དེ་ནས་མྱ་ངན་མེད་ལྷའི་ཚིག་ཐོས་ནས། གནད་དུ་ཕོག་པ་བཞིན་འགྱེལ་ཏེ། དེ་སྙིང་རྗེ་རྗེ་སྐད་དུ་ངུ་ཞིང་འདུག་པར་གྱུར་ཏོ། །དེ་ནས་ལྷས་ཅིའི་ཕྱིར་དུ། །ཞེས་དྲིས་པ་དང ། མྱ་ངན་མེད་ཀྱིས་སྨྲས་པ། གཉེན་དང་བྲལ་བ་དང ། བླ་མ་དང་བྲལ་བའི་ཕྱིར་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་ནི་བདག་གི་ཞང་པོ་ཡིན་ནོ། །བདག་གིས་ཤིན་ཏུ་སྦྱངས་ཤིང་གནས་པ་ལ་མ་འབད་པས་བདག་ནི་སོ་སོའི་སྐྱེ་བོར་གྱུར་ལ། ལམ་ཤིན་ཏུ་རིང་བས་བལྟ་མ་ནུས་སོ། །ལྷས་སྨྲས་པ། བཙུན་པ། གལ་ཏེ་དེ་ལྟ་ན་བདག་གིས་བཅོམ་ལྡན་འདས་ཀྱི་སྤྱན་སྔར་བཀྲི་ན། ཅི་ཁྱད་པར་རྟོགས་པར་ནུས་སམ། མྱ་ངན་མེད་ཀྱིས་སྨྲས་པ། ཅི་ལྟར་ལྷས་བཅོམ་ལྡན་འདས་ཀྱི་ཞལ་མཐོང་བར་བགྱིས་ན། བདག་གི་བློ་ནི་ཀུན་ཏུ་སྨིན་ཏེ། དེ་བཞིན་དུ་ཁྱད་པར་རྟོགས་པར་བགྱིའོ། །དེ་ནས་ལྷས་བཅོམ་ལྡན་འདས་ཀྱི་སྤྱན་སྔར་མྱ་ངན་མེད་རྫུ་འཕྲུལ་གྱིས་ཁྲིད་དེ། དེས་བཅོམ་ལྡན་འདས་མཐོང་ནས་དད་པ་སྐྱེས་སོ། །དད་པ་སྐྱེས་ནས་ཀྱང ། བཅོམ་</font><hr>Da437a<br><font size=+2>


༄#། །ལྡན་འདས་འོད་སྲུང་གིས་ཆོས་རྣམ་པ་འདི་ལྟ་བུ་དག་བཤད་དེ། དེ་ཐོས་མ་ཐག་ཏུ་དགྲ་བཅོམ་པ་མངོན་སུམ་དུ་བྱས་ཏེ། དང་པོར་ཚེ་དང་ལྡན་པ་མྱ་ངན་མེད་མྱ་ངན་ལས་འདས་སོ། །དེ་ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་ངོ ། །དེ་ནས་ལྷ་དེས་ཚེ་དང་ལྡན་པ་མྱ་ངན་མེད་མྱ་ངན་ལས་འདས་པར་མཐོང་སྟེ། དགའ་བ་སྐྱེས་ནས། དེས་བསམས་པ། ཚེ་དང་ལྡན་པས་གང་ཅུང་ཟད་ཁྱད་པར་རྟོགས་པ་དེ་ཐམས་ཅད་ནི། བདག་ལས་བརྟེན་པ་ཡིན་གྱི། བདག་མ་འོངས་པའི་དུས་ན་གང་བྲམ་ཟེའི་ཁྱེའུ་བླ་མ་ལ་བཅོམ་ལྡན་འདས་འོད་སྲུང་གིས་བྲམ་ཟེའི་ཁྱེའུ་ཁྱོད་སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་པ་ན། སྟོན་པ་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་པ་དེ། ཐ་མའི་གཟིམས་མལ་དུ་གཤེགས་པ་ན། བདག་དེའི་ཉན་ཐོས་རྣམས་ཀྱི་ཐ་མར་མངོན་སུམ་དུ་བྱས་ནས། བཅོམ་ལྡན་འདས་ཀྱི་སྔོན་ལོགས་སུ་མྱ་ངན་ལས་འདས་ཏེ། དེ་ནས་བཅོམ་ལྡན་འདས་ཤཱཀྱ་ཐུབ་པ་མྱ་ངན་ལས་འདས་པར་གྱུར་ཅིག་།ཅེས་སྨོན་ལམ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་ཇི་སྙམ་དུ་སེམས། ལྷ་གང་ཡིན་པ་དེ་ནི་རབ་བཟང་འདི་ཉིད་ཡིན་ནོ། །དགེ་སློང་དག་དེ་ལྟ་བས་ན། འདི་ལྟར་བསླབ་པར་བྱ་སྟེ། གང་གི་ཕྱིར་དགེ་བའི་</font><hr>Da437b<br><font size=+2>


བཤེས་གཉེན་ལ་བསྟེན་པ་དང ། དགེ་བ་དང་ལྷན་ཅིག་གནས་པ་དང ། དགེ་བ་ལ་བསྟེན་པར་བྱ་ཞིང ། སྡིག་པའི་གྲོགས་པོ་ལ་མི་བསྟེན། སྡིག་པ་དང་ལྷན་ཅིག་མི་གནས། སྡིག་པ་ལ་མི་བསྟེན་པར་དགེ་སློང་རྣམས་ཀྱིས་དེ་ལྟར་བསླབ་པར་བྱའོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གཅིག་པུ་དབེན་པ་ཞིག་ཏུ་མཆིས་ཏེ། ནང་དུ་ཡང་དག་འཇོག་ལ་གནས་པའི་ཚེ། སེམས་ཀྱི་རྟོག་པ་འདི་ལྟ་བུ་སྐྱེས་ཏེ། འདི་ལྟ་སྟེ། དགེ་བའི་བཤེས་གཉེན་ལ་བསྟེན་པ་དང ། དགེ་བ་དང་ལྷན་ཅིག་གནས་པ་དང ། དགེ་བ་ལ་བསྟེན་ནས་སྡིག་པའི་གྲོགས་པོ་ལ་མི་བསྟེན། སྡིག་པ་དང་ལྷན་ཅིག་མི་གནས། སྡིག་པ་ལ་མ་བསྟེན་ན། འདི་ནི་ཚངས་པར་སྤྱོད་པའི་ཕྱེད་ལགས་སོ། །ཀུན་དགའ་བོ།་ཁྱོད་འདི་ལྟ་སྟེ། དགེ་བའི་བཤེས་གཉེན་ལ་བསྟེན་པ་དང ། དགེ་བ་དང་ལྷན་ཅིག་གནས་པ་དང ། དགེ་བ་ལ་བསྟེན་ནས་སྡིག་པའི་གྲོགས་པོ་དང་མི་བསྟེན། སྡིག་པ་དང་ལྷན་ཅིག་མི་གནས། སྡིག་པ་ལ་མ་བསྟེན་ན། འདི་ནི་ཚངས་པར་སྤྱོད་པའི་ཕྱེད་ཡིན་ནོ། །ཞེས་དེ་སྐད་མ་ཟེར་ཅིག་།དེ་ཅིའི་ཕྱིར་ཞེན། ཀུན་དགའ་བོ་དེ་ནི་ཚངས་པར་སྤྱོད་པ། ཀུན་ཏུ་མཐར་ཕྱིན་པ།་མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་ཡིན་ནོ། །འདི་ལྟ་སྟེ། དགེ་བའི་བཤེས་གཉེན་ལ་བསྟེན་པ་དང ། དགེ་བ་དང་ལྷན་ཅིག་གནས་པ་དང ། </font><hr>Da438a<br><font size=+2>


༄#། །དགེ་བ་ལ་བསྟེན་ནས་སྡིག་པའི་གྲོགས་པོ་ལ་མི་བསྟེན། སྡིག་པའི་གྲོགས་པོ་དང་ལྷན་ཅིག་མི་གནས། སྡིག་པའི་གྲོགས་པོ་ལ་བསྟེན་པར་མི་བྱའོ། ། ཀུན་དགའ་བོ་དེ་ཅིའི་ཕྱིར་ཞེ་ན། དགེ་བའི་བཤེས་གཉེན་ལ་བསྟེན་པས་སེམས་ཅན་སྐྱེ་བའི་ཆོས་དང་ལྡན་པ་རྣམས་སྐྱེ་བའི་ཆོས་ལས་རྣམ་པར་གྲོལ་བར་གྱུར་ཏོ། །རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། སེམས་ཅན་འཁྲུག་པའི་ཆོས་དང་ལྡན་པ་རྣམས། འཁྲུག་པའི་ཆོས་ལས་རྣམ་པར་གྲོལ་བར་གྱུར་ཏོ། །ཀུན་དགའ་བོ་རྣམ་གྲངས་དེ་ལྟ་བུ་དེ་ཤེས་པར་བྱའོ། །གང་ཚངས་པར་སྤྱོད་པ་མཐར་ཕྱིན་པ་དང ། མ་འདྲེས་པ་དང ། ཡོངས་སུ་རྫོགས་པ་དང ། ཡོངས་སུ་བྱང་བ་ནི། འདི་ལྟ་སྟེ། དགེ་བའི་བཤེས་གཉེན་ལ་བསྟེན་པ་དང ། དགེ་བ་དང་ལྷན་ཅིག་གནས་པ་དང ། དགེ་བ་ལ་བསྟེན་ནས། སྡིག་པའི་གྲོགས་པོ་ལ་མི་བསྟེན། སྡིག་པ་དང་ལྷན་ཅིག་མི་གནས། སྡིག་པ་ལ་བསྟེན་པར་མི་བྱ་སྟེ། ཀུན་དགའ་བོ། ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས། དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་དེ་ལྟ་བས་ན་དང་ཕན་ཆད་ཉེ་དུ་ཤཱཀྱ་དང ། མེ་པ་རལ་པ་ཅན་མ་གཏོགས་པ་མུ་སྟེགས་ཀུན་ཏུ་རྒྱུ་གཞན་རྣམས་རབ་ཏུ་དབྱུང་བར་མི་བྱ། བསྙེན་པར་</font><hr>Da438b<br><font size=+2>


རྫོགས་པར་མི་བྱའོ། །ཉེ་དུ་ཤཱཀྱ་རྣམས་མུ་སྟེགས་ཀྱི་རྒྱལ་མཚན་ཐོགས་ཏེ་འོངས་ནས། གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་ཏེ། དགེ་སློང་གི་དངོས་པོ་ཐོབ་པར་འདོད་ན། དགེ་སློང་རྣམས་ཀྱིས་དེ་རབ་ཏུ་དབྱུང་བར་བྱ། བསྙེན་པར་རྫོགས་པར་བྱའོ། །དེ་ཅིའི་ཕྱིར་ཞེ་ན། དགེ་སློང་དག་དེ་ནི་བདག་ཅག་གི་ཉེ་དུ་རྣམས་ལ་ཉེ་དུའི་གནང་བ་ཡིན་པའི་ཕྱིར་རོ། །མུ་སྟེགས་ཀུན་ཏུ་རྒྱུ་གཞན་དག་འོངས་ནས། གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་ཏེ། དགེ་སློང་གི་དངོས་པོ་ཐོབ་པར་འདོད་ན། དེ་ལ་དགེ་སློང་རྣམས་ཀྱིས་མཁན་པོས་གོས་སྦྱིན་ཞིང ། ཟླ་བ་བཞིའི་བར་དུ་གཞག་པར་བྱའོ། །དེ་བསྙེན་བཀུར་བྱེད་ཅིང ། དགེ་སློང་རྣམས་ཀྱིས་སེམས་མགུ་བར་བྱེད་ནུས་ན། དགེ་སློང་རྣམས་ཀྱིས་རབ་ཏུ་དབྱུང་ཞིང་བསྙེན་པར་རྫོགས་པར་བྱའོ། །དགེ་སློང་དག་མེ་པ་རལ་པ་ཅན་ཡང་རབ་ཏུ་དབྱུང་ཞིང་བསྙེན་པར་རྫོགས་པར་བྱའོ། །དགེ་སློང་དག་དེ་ཅིའི་ཕྱིར་ཞེ་ན། མེ་པ་རལ་པ་ཅན་ནི་ལས་སུ་སྨྲས་པ་ཡིན་ནོ། །དགེ་སློང་དག་མེ་པ་རལ་པ་ཅན་ནི་བྱེད་པར་སྨྲ་བ། རྒྱུར་སྨྲ་བ། བརྩོན་འགྲུས་སུ་སྨྲ་བ་ཡིན་ནོ། །དེ་ལྟ་བས་ན་དགེ་སློང་དག་གིས་འདི་ལྟར་བསླབ་པར་བྱ་སྟེ། གང་ལས་སུ་སྨྲ་བ་དང ། བྱེད་པར་སྨྲ་བ་དང ། རྒྱུར་སྨྲ་བ་དང ། བརྩོན་འགྲུས་སུ་སྨྲ་བར་འགྱུར་བ་དེ་ལྟར་དགེ་སློང་ཁྱེད་ཀྱིས་ཀྱང་བསླབ་པར་བྱའོ། ། </font><hr>Da439a<br><font size=+2>


༄#། །དེ་ལྟ་བས་ན་དགེ་སློང་ཁྱེད་ཀྱིས་ཆོས་གང་ཞིག་མཐོང་བའི་ཆོས་འདི་ལ་ཕན་པ་དང ། བདེ་བར་འགྱུར་བ་དང ། ཚེ་རབས་གཞན་དུ་ཕན་པ་དང ། བདེ་བར་འགྱུར་བ་དེ་དགེ་སློང་རྣམས་ཀྱིས་གཟུང་བར་བྱ། ཀུན་ཆུབ་པར་བྱའོ། །ཇི་ལྟ་ཇི་ལྟར་བཟུང་ཞིང་བཅང་བ་དང ། བཀླག་པ་དེ་ལྟར་ཚངས་པར་སྤྱོད་པ་ཡུན་རིང་དུ་གནས་པར་འགྱུར་ཞིང་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། ལྷ་དང་མི་རྣམས་ལ་ཕན་པ་དང ། བདེ་བའི་དོན་དུ་འགྱུར་རོ། །འདི་ལྟ་སྟེ། མདོའི་སྡེ་དང ། དབྱངས་ཀྱིས་བསྙད་པའི་སྡེ་དང ། ལུང་དུ་བསྟན་པའི་སྡེ་དང ། ཚིགས་སུ་བཅད་པའི་སྡེ་དང ། ཆེད་དུ་བརྗོད་པའི་སྡེ་དང ། གླེང་གཞིའི་སྡེ་དང ། རྟོགས་པ་བརྗོད་པའི་སྡེ་དང ། དེ་ལྟ་བུ་བྱུང་བའི་སྡེ་དང ། སྐྱེས་པའི་རབས་ཀྱི་སྡེ་དང ། ཤིན་ཏུ་རྒྱས་པའི་སྡེ་དང ། རྨད་དུ་བྱུང་བའི་ཆོས་ཀྱི་སྡེ་དང ། གཏན་ལ་ཕབ་པར་བསྟན་པའི་སྡེ་འདི་དག་ནི། དགེ་སློང་དག་མཐོང་བའི་ཆོས་འདི་ལ་ཕན་པ་དང ། མཐོང་བའི་ཆོས་འདི་ལ་བདེ་བར་འགྱུར་བ་དང ། ཚེ་རབས་གཞན་དུ་ཕན་པ་དང ། བདེ་བར་འགྱུར་བ་དག་སྟེ། དགེ་སློང་དག་གིས་གཟུང་བར་བྱ། ཀུན་ཆུབ་པར་བྱའོ། །ཇི་ལྟ་ཇི་ལྟར་བཟུང་ཞིང་བཅངས་པ་དང ། བཀླགས་པ་དེ་ལྟ་དེ་ལྟར་ཚངས་པར་སྤྱོད་པ་ཡུན་རིང་དུ་གནས་པར་འགྱུར་ཞིང ། སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་</font><hr>Da439b<br><font size=+2>


རྟེན་ལ་སྙིང་བརྩེ་བ་དང ། ལྷ་དང་མི་རྣམས་ལ་ཕན་པ་དང ། བདེ་བའི་དོན་དུ་འགྱུར་རོ། །དགེ་སློང་དག་།ཁྱེད་ཀྱིས་སྟོན་པ་ང་ཡོངས་སུ་མྱ་ངན་ལས་འདས་ཏེ། མེད་པའི་འོག་ཏུ་བདག་ཅག་གི་སྟོན་པ་དང ། སྟོན་པ་མེད་དོ། །སྙམ་དུ་དེ་ལྟར་བལྟ་བར་མི་བྱ་སྟེ། གང་གི་ཕྱིར་ངས་ཟླ་བ་ཕྱེད་ཅིང་སོ་སོར་ཐར་པའི་མདོ་གདོན་པར་བསྟན་པ་དེ། དེང་ཕྱིན་ཆད་ཁྱེད་ཀྱི་སྟོན་པ་དང ། སྟོན་པ་ཡིན་ནོ། །དགེ་སློང་དག་བསླབ་པའི་གཞི་ཕྲ་མོ་དང ། ཕྲན་ཚེགས་གང་ཡིན་པ་དེ་དག་ནི་དགེ་འདུན་ཚོགས་ནས་སྐབས་དབྱེ་ཞིང་བདེ་བ་ལ་རེག་པར་གནས་པར་བྱའོ། །དགེ་སློང་དག་དེ་ལྟ་བས་ན་དེང་ཕྱིན་ཆད། དགེ་སློང་གསར་བུ་དག་གིས་དགེ་སློང་རྒན་རབས་རྣམས་ལ་མིང་ནས་བོད་པར་མི་བྱ། རུས་ནས་བོད་པར་མི་བྱ་སྟེ། བཙུན་པ་ཞེས་བརྗོད་པ་དང ། ཚེ་དང་ལྡན་པ་ཞེས་བརྗོད་པ་མ་གཏོགས་པར་ཀུན་ཏུ་སྤྱད་པར་མི་བྱའོ། །དགེ་སློང་རྒན་རབས་རྣམས་ཀྱིས། དགེ་སློང་གསར་བུ་རྣམས་ལ་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དག་གིས་བསྡུ་བར་བྱ། ཉེ་བར་གནས་པར་བྱ། བཀླག་པ་དང ། ཁ་ཏོན་དང ། ལུང་བསྒོ་ནས་རྣལ་འབྱོར་ཡིད་ལ་བྱེད་དུ་གཞུག་པར་བྱའོ། །དགེ་སློང་དག་གིས་ས་ཕྱོགས་འདི་བཞི་རིགས་ཀྱི་བུའམ། རིགས་ཀྱི་བུ་མོ་དད་པ་ཅན་རྣམས་ཀྱིས་ཇི་སྲིད་འཚོའི་བར་དུ་རྗེས་སུ་དྲན་པར་འགྱུར་བར་བྱའོ། །བཞི་གང་ཞེ་ན། བཅོམ་ལྡན་འདས་འདིར་ནི་འཁྲུངས་སོ། །བཅོམ་</font><hr>Da440a<br><font size=+2>


༄#། །ལྡན་འདས་འདིར་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །བཅོམ་ལྡན་འདས་ཀྱིས་འདིར་ནི་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ཏོ། །བཅོམ་ལྡན་འདས་འདིར་ནི་ཕུང་པོ་ལྷག་མ་མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་སྟེ། དགེ་སློང་དག་ང་འདས་པའི་འོག་ཏུ་འདིར་མཆོད་རྟེན་བསྐོར་བ་དང ། མཆོད་རྟེན་ལ་ཕྱག་འཚལ་བ་འོང་གི། དེ་དག་ལ་འདི་སྐད་ཅེས་བརྗོད་པར་བྱའོ། །བཅོམ་ལྡན་འདས་འདིར་ནི་འཁྲུངས་སོ། །བཅོམ་ལྡན་འདས་འདིར་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །བཅོམ་ལྡན་འདས་ཀྱིས་འདིར་ནི་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ཏོ། །བཅོམ་ལྡན་འདས་འདིར་ནི་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །ཞེས་བྱ་བའི་བར་དག་ཡིན་ཏེ། ཁ་ཅིག་ང་ལ་སེམས་དད་པས་དུས་བྱས་པ་དེ་ཐམས་ཅད་མཐོ་རིས་སུ་འགྲོའོ། །ཁ་ཅིག་ནི་ཕུང་པོ་ལྷག་མ་དང་བཅས་པར་རོ། །དགེ་སློང་དག་།ས་ཕྱོགས་འདི་བཞི་རིགས་ཀྱི་བུའམ། རིགས་ཀྱི་བུ་མོ་དད་པ་ཅན་རྣམས་ཀྱིས་ཇི་སྲིད་འཚོའི་བར་དུ་འགྲོ་བར་འགྱུར་བར་བྱའོ། །བཞི་གང་ཞེ་ན། བཅོམ་ལྡན་འདས་འདིར་ནི་</font><hr>Da440b<br><font size=+2>


འཁྲུངས་སོ། །བཅོམ་ལྡན་འདས་འདིར་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །བཅོམ་ལྡན་འདས་ཀྱིས་འདིར་ནི་ལན་གསུམ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ཏོ། །བཅོམ་ལྡན་འདས་འདིར་ནི་ཕུང་པོ་ལྷག་མ་མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་སྟེ། དགེ་སློང་དག་།ང་འདས་པའི་འོག་ཏུ་མཆོད་རྟེན་བསྐོར་བ་དང ། མཆོད་རྟེན་ལ་ཕྱག་འཚལ་དུ་འོངས་པ་རྣམས་ལ་འདི་སྐད་ཅེས་བརྗོད་པར་བྱའོ། །བཅོམ་ལྡན་འདས་འདིར་ནི་འཁྲུངས་སོ། །བཅོམ་ལྡན་འདས་འདིར་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །བཅོམ་ལྡན་འདས་ཀྱིས་འདིར་ནི་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ཏོ། །བཅོམ་ལྡན་འདས་འདིར་ནི་ཕུང་པོ་ལྷག་མ་མ་ལུས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །ཞེས་བྱ་བའི་བར་དག་ཡིན་ཏེ། ཁ་ཅིག་ནི་ང་ལ་སེམས་དད་པས་དུས་བྱས་པ་དེ་ཐམས་ཅད་མཐོ་རིས་སུ་འགྲོའོ། །ཁ་ཅིག་ནི་ཕུང་པོ་ལྷག་མ་དང་བཅས་པར་རོ། །ཇི་ལྟར་མངོན་དུ་འགྲོ་བར་བྱ་བ་དེ་ལྟར་རྗེས་སུ་དྲན་པར་བྱའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་།སངས་རྒྱས་དང ། ཆོས་དང ། དགེ་</font><hr>Da441a<br><font size=+2>


༄#། །འདུན་དང ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་རྣམས་ལ་གང་སོམ་ཉི་དང ། ཡིད་གཉིས་ཡོད་པ་མ་དགག་པར་ཞུས་ཤིག་དང ། དྲིས་པ་དེ་ངས་ལུང་བསྟན་པར་བྱའོ། །ཁྱེད་ཀྱིས་འདི་ཇི་ལྟར་བདག་ཅག་གི་སྟོན་པའི་སྤྱན་སྔར་མངོན་སུམ་དུ་ལན་གདབ་པར་ནི་མི་སྤོབས་སོ། །སྙམ་དུ་བལྟ་བར་མི་བྱ་སྟེ། དགེ་སློང་དག་གིས་དགེ་སློང་དག་ལ། རོགས་དག་གིས་རོགས་དག་ལ་སྨྲ་བར་བྱ་ཞིང ། དྲིས་ན་དེ་ལུང་བསྟན་པར་བྱའོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འདི་ལྟར་བཙུན་པ་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན། དགེ་སློང་གི་འཁོར་ཇི་སྙེད་འདུས་ཤིང་མཆིས་པ་འདི་རྣམས་ལས་གང་དགེ་སློང་དག་གཅིག་ལ་ཡང་སངས་རྒྱས་དང ། ཆོས་དང ། དགེ་འདུན་དང ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་རྣམས་ལ་གང་སོམ་ཉི་དང་ཡིད་གཉིས་སུ་གྱུར་པ་མ་མཆིས་ལགས་སོ། །ཀུན་དགའ་བོ་ལེགས་སོ་ལེགས་སོ། །ཀུན་དགའ་བོ་ཁྱོད་ནི་དད་པས་འདི་སྐད་སྨྲ་མོད་ཀྱི། དེ་བཞིན་གཤེགས་པའི་ཡེ་ཤེས་ཀྱིས་གཟིགས་པ་ནི་བླ་ན་མེད་པར་འཇུག་པ་ཡིན་ཏེ། དགེ་སློང་གི་འཁོར་ཇི་སྙེད་འདུས་ཤིང་འཁོད་པ་རྣམས་ལ་ནི། གང་དགེ་སློང་གཅིག་ལ་ཡང་སྡུག་བསྔལ་དང ། ཀུན་འབྱུང་དང ། འགོག་</font><hr>Da441b<br><font size=+2>


པ་དང ། ལམ་རྣམས་ལ་སོམ་ཉི་དང ། ཡིད་གཉིས་མེད་མོད་ཀྱི། འོན་ཀྱང་འདིའི་དགོས་པ་ནི། དུས་ཕྱི་མའི་སེམས་ཅན་རྣམས་ལ་དེ་བཞིན་གཤེགས་པ་ཐུགས་བརྩེ་བའི་ཕྱིར་རོ། ། དེ་ནས་བཅོམ་ལྡན་འདས་ཀྱིས་རང་གི་སྐུ་ལས་སྟོད་གཡོགས་བསལ་ཏེ། དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་བཞིན་གཤེགས་པའི་སྐུ་ལ་ལྟོས་ཤིག་།དགེ་སློང་དག ། དེ་བཞིན་གཤེགས་པའི་སྐུལ་རྣམ་པར་ལྟོས་ཤིག་།དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བལྟ་བ་ནི་རྙེད་པར་དཀའ་སྟེ། དཔེར་ན་མེ་ཏོག་ཨུ་དུམ་ཝཱ་ར་བཞིན་ནོ། །དགེ་སློང་དག་རེ་ཞིག་ཅང་མ་སྨྲ་ཞིག་དང ། འདི་ལྟར་འདུས་བྱས་ཐམས་ཅད་ནི་འཇིག་པའི་ཆོས་ཅན་ཡིན་ཏེ། དེ་ལ་འདི་ནི་དེ་བཞིན་གཤེགས་པའི་གསུང་ཐ་མའོ། །ཞེས་གསུངས་ནས། བཅོམ་ལྡན་འདས་བསམ་གཏན་དང་པོ་ལ་སྙོམས་པར་ཞུགས་སོ། །བསམ་གཏན་དང་པོ་ལས་བཞེངས་ནས་བསམ་གཏན་གཉིས་པ་ལ་སྙོམས་པར་ཞུགས་སོ། །བསམ་གཏན་གཉིས་པ་ལས་བཞེངས་ནས་བསམ་གཏན་གསུམ་པ་ལ་སྙོམས་པར་ཞུགས་སོ། །བསམ་གཏན་གསུམ་པ་ལས་བཞེངས་ནས་བསམ་གཏན་བཞི་པ་ལ་སྙོམས་པར་ཞུགས་སོ། །བསམ་གཏན་བཞི་པ་ལས་བཞེངས་ནས་ནམ་མཁའ་མཐའ་ཡས་སྐྱེ་མཆེད་ལ་སྙོམས་པར་ཞུགས་སོ། །ནམ་མཁའ་མཐའ་ཡས་སྐྱེ་མཆེད་ལས་བཞེངས་ནས་</font><hr>Da442a<br><font size=+2>


༄#། །རྣམ་ཤེས་མཐའ་ཡས་སྐྱེ་མཆེད་ལ་སྙོམས་པར་བཞུགས་སོ། །རྣམ་ཤེས་མཐའ་ཡས་སྐྱེ་མཆེད་ལས་བཞེངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་སོ། །ཅི་ཡང་མེད་པའི་སྐྱེ་མཆེད་ལས་བཞེངས་ནས་འདུ་ཤེས་མེད། འདུ་ཤེས་མེད་མིན་སྐྱེ་མཆེད་ལ་སྙོམས་པར་ཞུགས་སོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་བཞེངས་ནས་འདུ་ཤེས་དང་ཚོར་བ་འགོག་པ་ལ་སྙོམས་པར་ཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོས། ཚེ་དང་ལྡན་པ་མ་འགགས་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མ་འགགས་པ། བཅོམ་ལྡན་འདས་ཡོངས་སུ་མྱ་ངན་ལས་འདས་སམ། ཚེ་དང་ལྡན་པ་ཀུན་དགའ་བོ་མ་ཡིན་ཏེ། སངས་རྒྱས་བཅོམ་ལྡན་འདས་ནི་འདུ་ཤེས་དང་ཚོར་བ་འགོག་པ་ལ་སྙོམས་པར་ཞུགས་སོ། །ཚེ་དང་ལྡན་པ་མ་འགགས་པ། སངས་རྒྱས་བཅོམ་ལྡན་འདས་ནི་བསམ་གཏན་བཞི་བ་ལ་སྙོམས་པར་ཞུགས་ཏེ། ཞི་བ་མི་གཡོ་བའི་སྤྱན་དང་ལྡན་པ་བརྙེས་ནས་ཡོངས་སུ་མྱ་ངན་ལས་འདའོ། །ཞེས་བདག་གིས་བཅོམ་ལྡན་འདས་ལས་མངོན་སུམ་དུ་ཐོས་ཤིང ། མངོན་དུ་བཟུང་ངོ ། །དེ་ནས་བཅོམ་ལྡན་འདས་འདུ་ཤེས་དང་ཚོར་བ་འགོག་པ་ལས་བཞེངས་ཏེ། འདུ་ཤེས་མེད། འདུ་ཤེས་མེད་མིན་སྐྱེ་མཆེད་ལ་སྙོམས་པར་ཞུགས་སོ། །འདུ་ཤེས་མེད། འདུ་ཤེས་མེད་མིན་སྐྱེ་མཆེད་</font><hr>Da442b<br><font size=+2>


ལས་བཞེངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་སོ། །ཅི་ཡང་མེད་པའི་སྐྱེ་མཆེད་ལས་བཞེངས་ནས་རྣམ་ཤེས་མཐའ་ཡས་སྐྱེ་མཆེ་ད་ལ་སྙོམས་པར་ཞུགས་སོ། ། རྣམ་ཤེས་མཐའ་ཡས་སྐྱེ་མཆེད་ལས་བཞེངས་ནས་ནམ་མཁའ་མཐའ་ཡས་སྐྱེ་མཆེད་ལ་སྙོམས་པར་ཞུགས་སོ། །ནམ་མཁའ་མཐའ་ཡས་སྐྱེ་མཆེད་ལས་བཞེངས་ནས་བསམ་གཏན་བཞི་པ་ལ་སྙོམས་པར་ཞུགས་སོ། །བསམ་གཏན་བཞི་པ་ལས་བཞེངས་ནས་བསམ་གཏན་གསུམ་པ་ལ་སྙོམས་པར་ཞུགས་སོ། །བསམ་གཏན་གསུམ་པ་ལས་བཞེངས་ནས་བསམ་གཏན་གཉིས་པ་ལ་སྙོམས་པར་ཞུགས་སོ། །བསམ་གཏན་གཉིས་པ་ལས་བཞེངས་ནས་བསམ་གཏན་དང་པོ་ལ་སྙོམས་པར་ཞུགས་སོ། །བསམ་གཏན་དང་པོ་ལས་བཞེངས་ནས་བསམ་གཏན་གཉིས་པ་ལ་སྙོམས་པར་ཞུགས་སོ། །བསམ་གཏན་གཉིས་པ་ལས་བཞེངས་ནས་བསམ་གཏན་གསུམ་པ་ལ་སྙོམས་པར་ཞུགས་སོ། །བསམ་གཏན་གསུམ་པ་ལས་བཞེངས་ནས་བསམ་གཏན་བཞི་བ་ལ་སྙོམས་པར་ཞུགས་ཏེ། སངས་རྒྱས་བཅོམ་ལྡན་འདས་ཀྱིས་བསམ་གཏན་བཞི་པ་ལ་སྙོམས་པར་ཞུགས་ནས། ཞི་བ་མི་གཡོ་བའི་སྤྱན་དང་ལྡན་པ་བརྙེས་ཏེ་ཡོངས་སུ་མྱ་ངན་ལས་འདས་སོ། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་མ་ཐག་ཏུ་ས་ཆེན་པོ་ཡང་གཡོས་པར་གྱུར། སྐར་</font><hr>Da443a<br><font size=+2>


༄#། །མདའ་ཡང་ལྷུང ། ཕྱོགས་ཀྱང་ཚིག་།བར་སྣང་ལས་ལྷ་དག་གིས་རྔའི་སྒྲ་ཡང་བསྒྲགས་སོ། །དེའི་ཚེ་ཚེ་དང་ལྡན་པ་འོད་སྲུང་ཆེན་པོ། རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་འདུག་པ་དེ། ས་གཡོས་པས་སད་དེ་འདི་ཅི་ཞིག་།ཅེས་བསམས་ན། བཅོམ་ལྡན་འདས་ཡོངས་སུ་མྱ་ངན་ལས་འདས་པར་མཐོང་ངོ ། །དེས་འདུས་བྱས་ཀྱི་ཆོས་ཐམས་ཅད་ནི་དེ་འདྲའོ། །ཞེས་ཆོས་ཉིད་ལ་བརྟེན་ནས། དེས་བསམས་པ། འདི་ལྟར་ལུས་འཕགས་མའི་བུ་རྒྱལ་པོ་མ་སྐྱེས་དགྲ་རྩ་བ་མེད་པའི་དད་པ་དང་ལྡན་པ་དེས། བཅོམ་ལྡན་འདས་ཡོངས་སུ་མྱ་ངན་ལས་འདས་པ་དེ་ཐོས་པར་གྱུར་ན། ཁྲག་དྲོན་པོར་སྐྱུགས་ནས་འཆི་བའི་དུས་བྱེད་པའི་གནས་སུ་འགྱུར་བར་རིག་ནས། དེ་ལ་ཐབས་ཤིག་བསྒྲུབ་པར་བྱའོ། །སྙམ་དུ་བསམ་ནས། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་འདི་སྐད་ཅེས་སྨྲས་སོ། །དབྱར་བྱེད་ཤེས་པར་གྱིས་ཤིག་།བཅོམ་ལྡན་འདས་ནི་ཡོངས་སུ་མྱ་ངན་ལས་འདས་པར་གྱུར་ཏེ། གལ་ཏེ་ལུས་འཕགས་མའི་བུ་རྒྱལ་པོ་མ་སྐྱེས་དགྲ་རྩ་བ་མེད་པའི་དད་པ་དང་ལྡན་པ་དེས། བཅོམ་ལྡན་འདས་ཡོངས་སུ་མྱ་ངན་ལས་འདས་པ་ཐོས་ན། དེ་ཁྲག་དྲོན་པོ་སྐྱུགས་ནས་འཆི་བའི་དུས་བྱེད་པར་འགྱུར་ན། དེ་ལ་ཁྱོད་ཀྱིས་ཐབས་བསྒྲུབ་པར་རིག་པར་གྱིས་ཤིག་།དེས་སྨྲས་པ། འཕགས་</font><hr>Da443b<br><font size=+2>


པ་ཐབས་གང་ལགས་པ་རིམ་བཞིན་དུ་གསུངས་ཤིག་།དེས་སྨྲས་པ། དབྱར་བྱེད་ཚུར་ཤོག་།ཁྱོད་མྱུར་བ་མྱུར་བར་རྒྱལ་པོའི་སྐྱེད་མོས་ཚལ་དུ་སོང་ལ། ཇི་ལྟར་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་ཤིང ། གཟིགས་པ་ལྔས་གཟིགས་ཏེ། འདོད་པ་ན་སྤྱོད་པའི་ལྷ་དྲུག་ལ་ལན་གསུམ་དུ་སྦྱང་བ་མཛད་ནས། གླང་པོ་ཆེ་ལྟར་བསྟན་ཏེ་ཡུམ་གྱི་ལྷུམས་སུ་གཤེགས་པ་དང ། གཤེགས་ནས་ཇི་ལྟར་བྱང་ཆུབ་ཀྱི་ཤིང་དྲུང་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དང ། ཇི་ལྟར་བཅོམ་ལྡན་འདས་ཡུལ་ཝཱ་ར་ཎཱ་སིར་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་བ་དང ། ཇི་ལྟར་མཉན་ཡོད་དུ་ཆོས་འཕྲུལ་ཆེན་པོ་བསྟན་པ་དང ། ཇི་ལྟར་སུམ་ཅུ་རྩ་གསུམ་ལྷའི་གནས་སུ་སྐྲུན་པའི་ཡུམ་གྱི་ཐད་དུ་གཤེགས་ནས་ཆོས་བཤད་དེ། གྲོང་ཁྱེར་སྒྲ་ཅན་དུ་བབ་པ་དང ། ཇི་ལྟར་ཕྱོགས་གང་དང་གང་ན་དུལ་བ་དེ་དང་དེ་དག་བ་ཏུལ་ནས་སངས་རྒྱས་ཀྱི་མཛད་པ་མཐར་ཕྱིན་ཏེ། གྲོང་ཁྱེར་རྩཝ་ཅན་དུ་ཐ་མའི་གཟིམས་མལ་དུ་གཤེགས་པ་དེ་ལྟ་བུའི་རི་མོ་དག་དྲི་བར་བྱ་ཞིང ། ཁྱོད་ཀྱིས་གཞོང་རིངས་བདུན་ནི་མར་གྱི་མར་སར་གྱིས། བརྒྱད་པ་ནི་ཙནྡན་གོ་ཤིར་ཤས་བཀང་སྟེ། སྐྱེད་མོས་ཚལ་གྱི་ཕྱོགས་དེར་བཞག་གོ་།ཇི་ཙམ་ན་རྒྱལ་པོ་སྒོར་བྱུང་བར་གྱུར་པ་དང ། དེ་ལ་ལྷ་རེ་ཞིག་སྐྱེད་མོས་ཚལ་གཟིགས་</font><hr>Da444a<br><font size=+2>


༄#། །སུ་གསོལ། ཞེས་སྨྲས་ནས། གལ་ཏེ་རི་མོ་མཐོང་ནས། དབྱར་བྱེད་འདི་ཅི་ཡིན། ཞེས་འདྲི་བ་དང ། རྒྱ་ཆེར་བཤད་པར་བྱ་སྟེ། ལྷ་འདི་ནི་གྲོང་ཁྱེར་སེར་སྐྱ་ཅན་ལགས་ཏེ། ཕྱོགས་འདིར་ནི་བཅོམ་ལྡན་འདས་འཁྲུངས་སོ། །འདི་ནི་ཆུ་བོ་ན་རཉྫ་ནའི་འགྲམ་ལགས་ཏེ། ཕྱོགས་འདིར་ནི་བཅོམ་ལྡན་འདས་རྡོ་རྗེའི་གདན་ལ་བཞུགས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །འདི་ནི་ཡུལ་ཝཱ་ར་ཎཱ་སིའི་གྲོང་ཁྱེར་ལགས་ཏེ། ཕྱོགས་འདིར་ནི་བཅོམ་ལྡན་འདས་ཀྱིས་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ཏོ། །འདི་ནི་མཉན་ཡོད་ཀྱི་གྲོང་ཁྱེར་ལགས་ཏེ། ཕྱོགས་འདིར་ནི་བཅོམ་ལྡན་འདས་ཀྱིས་ཆོ་འཕྲུལ་ཆེན་པོ་བསྟན་ཏོ། །འདི་ནི་གྲོང་ཁྱེར་སྒྲ་ཅན་ལགས་ཏེ། ཕྱོགས་འདིར་ནི་བཅོམ་ལྡན་འདས་སུམ་ཅུ་རྩ་གསུམ་གྱི་ལྷ་རྣམས་ཀྱི་གནས་ནས་བབས་སོ། །འདི་ནི་གྲོང་ཁྱེར་རྩཝ་ཅན་ལགས་ཏེ། ཕྱོགས་འདིར་ནི་ཕྱོགས་གང་དང་གང་ན་འདུལ་བ་དེ་དང་དེ་དག་བཏུལ་ནས། སངས་རྒྱས་ཀྱི་མཛད་པ་མཐར་ཕྱིན་ཏེ། ཐ་མའི་གཟིམས་མལ་དུ་གཤེགས་སོ། །ཞེས་གྱིས་དང ། ཐོས་ནས་ཐོས་མ་ཐག་ཏུ་ལྷ་རྒྱལ་ཏེ། ས་ལ་ལྟུང་བར་འགྱུར་གྱི། དེ་ལ་ཁྱོད་ཀྱིས་གཞོང་རིངས་མར་སར་གྱིས་བཀང་བའི་ནང་དུ་གཞུག་པར་བྱའོ། །གང་གི་ཚེ་མར་སར་དེ་ཞུ་བར་གྱུར་པ་དང ། དེ་གཉིས་པ་</font><hr>Da444b<br><font size=+2>


ནས་བདུན་པའི་བར་དུ་གཞུག་པར་བྱའོ། །དེ་ནས་ཕྱུང་སྟེ། ཙནྡན་གོ་ཤིར་ཤས་བཀང་བའི་གཞོང་རིངས་སུ་ཆུ་གཅིག་དང ། དེ་སོས་པར་འགྱུར་རོ། །ཞེས་སྨྲས་ནས། ཚེ་དང་ལྡན་པ་འོད་སྲུང་ཆེན་པོ་གྲོང་ཁྱེར་རྩཝ་ཅན་དུ་སོང་ངོ ། །དབྱར་བྱེད་ཀྱང་མྱུར་བ་མྱུར་བར་རི་མོའི་ལས་ཐམས་ཅད་རྒྱ་ཆེར་བྲིས་ཏེ། བྲིས་ནས་རྒྱལ་པོ་ཕྱི་རོལ་ཏུ་བྱུང་བ་དང ། ལྷ་སྐྱེད་མོས་ཚལ་དུ་གཤེགས་ཞེས་སྨྲས་ཏེ། དེ་སྐྱེད་མོས་ཚལ་དུ་ཞུགས་པ་དང ། རི་མོ་དག་མཐོང་ནས། དབྱར་བྱེད་འདི་ཅི་ཡིན། ཞེས་དྲིས་ཏེ། དེས་འདི་ནི་གྲོང་ཁྱེར་རྩཝ་ཅན་ལགས་ཏེ། ཕྱོགས་འདིར་ནི་བཅོམ་ལྡན་འདས་ཐ་མའི་གཟིམས་མལ་དུ་གཤེགས་སོ། །ཞེས་བྱ་བའི་བར་སྔ་མ་བཞིན་དུ་རྒྱས་པར་བཤད་དོ། །དེས་སྨྲས་པ། དབྱར་བྱེད་ཅི་ཟེར། ཅི་བཅོམ་ལྡན་འདས་ཡོངས་སུ་མྱ་ངན་ལས་འདས་སམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ་།དེ་ནས་རྒྱལ་པོ་མ་སྐྱེས་དགྲ་བརྒྱལ་ཏེ་ས་ལ་ལྷུང་བ་དང ། དབྱར་བྱེད་ཀྱིས་གཞོང་རིངས་མར་གྱིས་བཀང་བའི་ནང་དུ་ལན་བདུན་གྱི་བར་དུ་བཅུག་ནས། དེ་ནས་ཕྱུང་སྟེ། ཙནྡན་གོ་ཤིར་ཤས་བཀང་བའི་གཞོང་རིངས་ཀྱི་ནང་དུ་བཅུག་པ་དང ། དེ་སོང་པར་གྱུར་ཏེ། །སངས་རྒྱས་བཅོམ་ལྡན་འདས་མྱ་ངན་ལས་འདས་མ་ཐག་ཏུ་ཤིང་སཱ་ལ་ཟུང་གཉིས་ཀྱི་ཚལ་སཱ་ལའི་ལྗོན་ཤིང་མཆོག་ལས་མེ་ཏོག་འཐོར་བའི་དྲུང་དུ། བཅོམ་ལྡན་འདས་སེངྒེ་ལྟ་བུ་གཟིམས་</font><hr>Da445a<br><font size=+2>


༄#། །པ་དང ། དེའི་ཚེ་དགེ་སློང་གཞན་ཞིག་གིས་ཚིགས་སུ་བཅད་དེ་སྨྲས་པ། སཱ་ལ་ཟུང་ནི་རབ་མཛེས་པའི། །ལྗོན་ཤིང་མཆོག་གི་ཚལ་བུ་འདིར། །སྟོན་པ་མྱ་ངན་འདས་པ་ལ། །མེ་ཏོག་དག་གིས་རབ་ཏུ་གཏོར། །སངས་རྒྱས་བཅོམ་ལྡན་འདས་མྱ་ངན་ལས་འདས་མ་ཐག་ཏུ། ལྷའི་དབང་པོ་བརྒྱ་བྱིན་གྱིས་ཚིགས་སུ་བཅད་དེ་སྨྲས་པ།་ཀྱེ་མ་འདུ་བྱེད་མི་རྟག་སྟེ། །སྐྱེ་ཞིང་འཇིག་པའི་ཆོས་ཅན་ཡིན། །སྐྱེས་ནས་འཇིག་པར་འགྱུར་བ་སྟེ། །དེ་དག་ཉེ་བར་ཞི་བ་བདེ། །སངས་རྒྱས་བཅོམ་ལྡན་འདས་མྱ་ངན་ལས་འདས་མ་ཐག་ཏུ། མི་མཇེད་ཀྱི་བདག་པོ་ཚངས་པས་ཚིགས་སུ་བཅད་དེ་སྨྲས་པ། འབྱུང་པོ་ཀུན་གྱིས་འཇིག་རྟེན་འདིར་ནི་བསགས་པའི་མཐའ། །འདོར་འགྱུར་འཇིག་རྟེན་འདིར་ནི་གང་ཟག་ཟླ་མེད་ཅིང ། །དེ་བཞིན་གཤེགས་པ་སྟོབས་རྣམས་བརྙེས་པ་སྤྱན་ལྡན་པ། །སྟོན་པ་འདི་ལྟ་བུ་ཡང་ཡོངས་སུ་མྱ་ངན་འདས། །སངས་རྒྱས་བཅོམ་ལྡན་འདས་ཡོད་སུ་མྱ་ངན་ལས་འདས་མ་ཐག་ཏུ། ཚེ་དང་ལྡན་པ་མ་འགགས་པས་ཚིགས་སུ་བཅད་དེ་སྨྲས་པ། བརྟན་པའི་ཐུགས་ཀྱིས་སྐྱོབ་མཛད་ཅིང ། །མི་གཡོ་ཞི་བ་བརྙེས་གྱུར་པ། །དབུགས་དབྱུང་བ་དང་རྔུབ་འགགས་ནས། །སྤྱན་ལྡན་ཡོངས་སུ་མྱ་ངན་འདས། །རྣམ་པ་ཐམས་ཅད་མཆོག་ལྡན་པ། །གང་ཚེ་སྟོན་པ་དུས་མཛད་དེ། །དེ་ཚེ་རབ་ཏུ་སྡངས་གྱུར་ཅིང ། །དེ་ཚེ་སྤུ་</font><hr>Da445b<br><font size=+2>


ཡང་ལངས་པར་གྱུར། །ཞུམ་པ་མེ་དཔའི་ཐུགས་ཀྱིས་ནི། །ཚོར་བ་དག་ལས་ལྷག་པར་གནས། །དེ་ཡི་ཐུགས་ནི་རྣམ་འགྲོལ་བ། །སྒྲོན་མ་དེ་འདྲ་མྱ་ངན་འདས། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་མ་ཐག་ཏུ་དགེ་སློང་ཁ་ཅིག་ནི་ས་ལ་འགྲེ་ལྡོག་།ཁ་ཅིག་ནི་དཔུང་བ་ལ་བཟུང་ནས་ཀུ་ཅོ་འདོན། ཁ་ཅིག་ནི་སྡུག་བསྔལ་གྱིས་སེམས་གཟིར་ཅིང་འདུག ། ཁ་ཅིག་ནི་ཆོས་ཉིད་ལ་བརྟེན་ནས་གང་འདི་ལྟར་བདག་ཅག་ལ་བཅོམ་ལྡན་འདས་ཀྱིས་ཞིབ་ཏུ་སྟོན་ཏོ། །ཐམས་ཅད་ཀྱི་སྙིང་དུ་སྡུག་ཅིང ། ཕངས་ལ་དགའ་བ་ཡིད་དུ་འོང་བ་དང་བྲལ་ནས། མེད་པ་དང ། ཞིག་པ་དང ། བྱེ་བར་གྱུར་ཏོ། །དེ་ནས་ཚེ་དང་ལྡན་པ་མ་འགགས་པས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཀྱེ་ཚེ་དང་ལྡན་པ་ཀུན་དགའ་བོ། དགེ་སློང་རྣམས་རིམ་གྱིས་དལ་བུ་དལ་བུས་ཟིལ་གྱིས་མ་མནན་ན། ཚེ་བསྐལ་པ་བརྒྱ་ཕྲག་མང་པོ་ཐུབ་པའི་ལྷ་རྣམས་འདི་ལྟར་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བའི་དགེ་སློང་རྣམས་སོ་སོར་མི་རྟོག་པར་མང་དུ་གནས་སོ། །ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དོ། །ཚེ་དང་ལྡན་པ་མ་འགགས་པ་ལ། ལྷ་ཇི་སྙེད་ཡོད་པ་ཤེས་སམ། ཞེས་དྲིས་པ་དང ། ཀུན་དགའ་བོ། ཇི་ཙམ་གྲོང་ཁྱེར་རྩཝ་ཅན་གྱི་བར་ནས་ཆུ་བོ་དབྱིག་ལྡན་གྱི་བར་དང ། ཇི་ཙམ་ཤིང་སཱ་ལ་ཟུང་གཉིས་ཀྱི་ཚལ་གྱི་བར་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་</font><hr>Da446a<br><font size=+2>


༄#། །གཉིས་ཁོ་ར་ཁོར་ཡུག་ཏུ། དབང་ཆེ་བ་དབང་ཆེ་བར་གྲགས་པའི་ལྷ་རྣམས་ཀྱིས་མ་ཁྱབ་ཅིང་མ་གང་བ་ཅུང་ཟད་ཀྱང་མེད་དེ། ཆུང་དུ་ན་འཁར་བ་གཟུགས་པའི་ཁྱོན་ཙམ་ཡང་མེད་པར་ལྷ་ཁ་ཅིག་ནི་ས་ལ་འགྲེ་ལྡོག་།ཁ་ཅིག་ནི་དཔུང་པ་ནས་བཟུང་ནས་ཀུ་ཅོ་འདོན། ཁ་ཅིག་ནི་སྡུག་བསྔལ་གྱིས་སེམས་གཟིར་ཅིང་འདུག་།ཁ་ཅིག་ནི་ཆོས་ཉིད་ལ་བརྟེན་ནས་གང་འདི་ལྟར་བདག་ཅག་ལ་བཅོམ་ལྡན་འདས་ཀྱིས་རྣམ་གྲངས་དུ་མར་ཀུན་ཏུ་བསྟན་ཏེ། ཐམས་ཅད་ཀྱི་སྙིང་དུ་སྡུག་ཅིང་ཕངས་པ། དགའ་བ་ཡིད་དུ་འོང་བ་དང་བྲལ་ནས། མེད་པ་དང ། ཞིག་པ་དང ། གྱེས་པར་གྱུར་ཏོ། །དེའི་ནུབ་མོ་ཚེ་དང་ལྡན་པ་མ་འགགས་པས། ཚེ་དང་ལྡན་པ་ཀུན་དགའ་བོ་ལ་རྣམ་པར་ངེས་པའི་ཆོས་ཀྱི་གཏམ་སྨྲས་ནས། འཕགས་པའི་ངོ་བོར་ཅང་མི་སྨྲ་བར་འདུག་གོ་།དེ་ནས་དེའི་མཚན་མོ་ནམ་ནངས་ནས། ཚེ་དང་ལྡན་པ་མ་འགགས་པས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་སོང་ལ། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས། གནས་འཇོག་དག་།དེང་གི་མཚན་མོའི་གུང་ཐུན་ལ། སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ཀྱི། ཁྱེད་ཀྱི་བྱ་བ་དང ། སྒྲུབ་པ་དག་དེར་བྱོས་ལ། ད་ཕྱིན་ཆད་འདི་སྐད་ཅེས་གྲོང་གི་ཉེ་འཁོར་</font><hr>Da446b<br><font size=+2>


བདག་བདག་ཅག་གི་སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ཏེ། བདག་ཅག་གིས་དེ་ལ་མཆོད་པར་བྱ་ཞིང་བརྩོན་པར་བྱ་མ་ནུས་སོ། །ཞེས་ཡིད་ལ་གཅགས་པར་མ་བྱེད་ཅིག་།ཅེས་སྨྲོས་ཤིག་།ཚེ་དང་ལྡན་པ་མ་འགགས་པས་དེ་སྐད་སྨྲས་ནས། ཚེ་དང་ལྡན་པ་ཀུན་དགའ་བོས། ཚེ་དང་ལྡན་པ་མ་འགགས་པའི་ལྟར་མཉན་ནས་སྣམ་སྦྱར་བླངས་ཏེ། དགེ་སློང་གཞན་དག་དང ། ཕྱི་བཞིན་འབྲང་བའི་དགེ་སྦྱོང་དག་དང ། གྲོང་ཁྱེར་རྩཝ་ཅན་གྱི་གྱད་རྣམས་ཀྱི་འདུན་ཁང་ག་ལ་བར་སོང་སྟེ་ཕྱིན་པ་དང ། དེའི་ཚེ་གྲོང་ཁྱེར་རྩཝ་ཅན་གྱི་གྱད་རྣམས་ཀྱི་འདུན་ཁང་ན་གྱད་ལྔ་བརྒྱ་ཙམ་ཞིག་བྱ་བ་དག་ཅིག་གི་ཕྱིར་འདུས་ཤིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་གནས་འཇོག་དག་ཉོན་ཅིག་།དེང་གི་མཚན་མོའི་གྲུང་ཐུན་ལ་སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ཀྱི། གང་ཁྱེད་ཀྱིས་བྱ་བ་དང ། སྒྲུབ་པ་དག་དེར་བྱོས་ལ། ཕྱིན་ཆད་འདི་སྐད་ཅེས་གྲོང་གི་ཉེ་འཁོར་བ་དག་།བདག་ཅག་གི་སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ཏེ། བདག་ཅག་གིས་དེ་ལ་མཆོད་ཅིང་</font><hr>Da447a<br><font size=+2>


༄#། །བརྩོན་པར་བྱེད་མ་ནུས་སོ། །ཞེས་ཡིད་ལ་གཅགས་པར་མ་བྱེད་ཅིག་།ཅེས་སྨྲས་ནས། གྲོང་ཁྱེར་རྩཝ་ཅན་གྱི་གྱད་ཁ་ཅིག་ནིས་ལ་འགྲེ་ལྡོག་།ཁ་ཅིག་ནི་དཔུང་པ་ནས་བཟུང་སྟེ་ཀུ་ཅོ་འདོན། ཁ་ཅིག་ནི་སྡུག་བསྔལ་གྱིས་སེམས་གཟིར་ཅིང་འདུག་།ཁ་ཅིག་ནི་ཆོས་ཉིད་ལ་བརྟེན་ནས་གང་འདི་ལྟར་བདག་ཅག་ལ་བཅོམ་ལྡན་འདས་ཀྱིས་རྣམ་གྲངས་དུ་མར་ཀུན་ཏུ་བསྟན་ཏེ། ཐམས་ཅད་ཀྱི་སྙིང་དུ་སྡུག་ཅིང་ཕངས་པ། དགའ་བ་དང ། ཡིད་དུ་འོང་བ་དང་བྲལ་ནས་མེད་པ་དང ། ཞིག་པ་དང ། བྱེ་བར་གྱུར་ཏོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཇི་ཙམ་དུ་གྲོང་ཁྱེར་རྩཝ་ཅན་ནས་མེ་ཏོག་དང ། ཕྲེང་བ་དང ། བདུག་སྤོས་དང ། ཕྱེ་མ་དང ། རོལ་མོའི་ཆ་བྱད་དག་ཐོགས་ཏེ། དེ་དག་གི་བུ་དང ། ཆུང་མ་དང ། བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དང ། དེ་དག་གི་མཛའ་བཤེས་དང ། ཉེ་དུ་དང ། བློན་པོ་དང ། སྣག་གི་གཉེན་མཚམས་རྣམས་གྲོང་ཁྱེར་རྩཝ་ཅན་ནས་བྱུང་སྟེ། ཤིང་སཱ་ལ་ཟུང་གཉིས་ཀྱི་ཚལ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་སེངྒེ་ལྟ་བུར་གཟིམས་པ་ལ། དྲི་དང ། ཕྲེང་བ་དང ། བདུག་སྤོས་དང ། ཕྱེ་མ་དང ། རོལ་མོས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་སོ། །དེ་ནས་གཞན་ཡང་གྲོང་ཁྱེར་རྩཝ་ཅན་གྱི་གྱད་གཙོ་བོ་གཙོ་བོ་རྣམས་ཀྱིས། ཚེ་དང་ལྡན་པ་ཀུན་དགའ་བོ་</font><hr>Da447b<br><font size=+2>


ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ། བཅོམ་ལྡན་འདས་ཀྱི་སྐུ་གདུང་ལ་བདག་ཅག་རྣམས་ཀྱིས་མཆོད་པར་བགྱི་བ་དང ། བཙུན་པ་ཇི་ལྟ་བུར་བསྒྲུབ་པར་བགྱི་ལགས། གནས་འཇོག་དག་།འདི་ལྟ་སྟེ། འཁོར་ལོས་སྒྱུར་བའི་རྒྱལ་པོ་ལ་བྱ་བ་བཞིན་ནོ། །བཙུན་པ་ཀུན་དགའ་བོ། འཁོར་ལོས་སྒྱུར་བའི་རྒྱལ་པོ་ལ་ཇི་ལྟར་བགྱིད་ལགས། གནས་འཇོག་དག། འཁོར་ལོས་སྒྱུར་བའི་རྒྱལ་པོ་ལ་ནི། ལུས་ཤིང་བལ་གྱི་འདའ་བས་དཀྲི་ཞིང ། ཤིང་བལ་གྱི་འདའ་བས་དཀྲིས་ནས་རས་ཟུང་ལྔ་བརྒྱས་བཀྲི་བར་བྱའོ། །རས་ཟུང་ལྔ་བརྒྱས་དཀྲིས་ནས་ལྕགས་ཀྱི་སྒྲོམ་དུ་བཅུག་སྟེ། འབྲུ་མར་གྱིས་བཀང་སྟེ་སྟེང་ནས་ལྕགས་ཀྱི་ཁ་གབ་གཉིས་ཀྱིས་བཀབ་སྟེ། དྲི་ཞིམ་པོའི་ཤིང་ཐམས་ཅད་སྤུངས་ཏེ། དེས་བསྲེགས་ནས་མེ་དེ་དག་འོ་མས་བསད་དེ། དེའི་རུས་པ་གསེར་གྱི་བུམ་པའི་ནང་དུ་བཅུག་ནས། ལམ་པོ་ཆེའི་བཞི་མདོར་རུས་པའི་མཆོད་རྟེན་བརྩིགས་ནས། གདུགས་དང ། རྒྱལ་མཚན་དང ། བ་ད་ན་བཙུགས་ཏེ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང ། དུས་སྟོན་ཆེན་པོ་ཡང་བྱེད་དོ། །གནས་འཇོག་དག་།འཁོར་ལོས་སྒྱུར་བའི་རྒྱལ་པོ་ལ་བྱ་བ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དེ་བས་ཀྱང་ལྷག་</font><hr>Da448a<br><font size=+2>


༄#། །པར་བྱའོ། །བཙུན་པ་ཀུན་དགའ་བོས་གསུངས་པའི་དོན་བདག་ཅག་གིས་འཚལ་བ་ལྟར་ན། གང་གི་ཕྱིར་བདག་ཅག་གིས་གདུགས་གཅིག་གམ། གཉིས་སམ། གསུམ་གྱིས་མི་ཚོགས་ཏེ། སྦྱར་བར་དཀའ་ན་ཞག་བདུན་ཚུན་ཆད་ཀྱིས་བདག་ཅག་གིས་དེ་བཞིན་དུ་སྦྱར་ཏེ། བཅོམ་ལྡན་འདས་སེངྒེའི་ཁྲི་ལ་གཟིམས་པ་ལ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བགྱི། བླ་མར་བགྱི། རི་མོར་བགྱི། མཆོད་པར་བགྱིའོ། །དེ་བཞིན་དུ་གྱིས་ཤིག་།ཅེས་ཚེ་དང་ལྡན་པ་ཀུན་དགའ་བོ་ལས་ཐོས་ནས། གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་ཉི་མ་བདུན་པ་ཉིད་ལ་ཤིང་བལ་གྱི་འདའ་བ་དག་བསགས་ཏེ། ཤིང་བལ་གྱི་འདའ་བ་དག་བསགས་ནས་རས་ཟུང་ལྔ་བརྒྱ་ཡང་བསགས། རས་ཟུང་ལྔ་བརྒྱ་ཡང་བསགས་ནས་ལྕགས་ཀྱི་སྒྲོམ་ཡང་བཤམས། ལྕགས་ཀྱི་སྒྲོམ་བཤམས་ནས་དྲི་ཞིམ་པོའི་ཤིང་ཐམས་ཅད་ཀྱང་སྤུངས། དྲི་ཞིམ་པོའི་ཤིང་ཐམས་ཅད་སྤུངས་ནས་གསེར་གྱི་བུམ་པ་ཡང་སྟ་གོན་བྱས། གསེར་གྱི་བུམ་པ་སྟ་གོན་བྱས་ནས་གསེར་གྱི་ཁྱོགས་དག་ཀྱང་བཤམས་ཏེ། གསེར་གྱི་ཁྱོགས་བཤམས་ནས། གྲོང་ཁྱེར་རྩཝ་ཅན་ནས་ཆུ་བོ་དབྱིག་ལྡན་གྱི་བར་དང ། ཤིང་སཱ་ལ་ཟུང་གི་ཚལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་གཉིས་ཐོག་ཐག་ཇི་ཙམ་དྲི་དང ། ཕྲེང་བ་དང ། བདུག་</font><hr>Da448b<br><font size=+2>


པ་དང ། ཕྱེ་མ་དང ། རོལ་མོའི་ཆ་བྱད་དག་ཐོགས་ནས། གྲོང་ཁྱེར་རྩཝ་ཅན་ནས་བྱུང་སྟེ། ཤིང་སཱ་ལ་ཟུང་གི་ཚལ་ག་ལ་བར་སོང་སྟེ་ཕྱིན་པ་དང ། སེངྒེའི་ཁྲི་ལ་གཟིམས་པ་ལ་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་སོ། །གཞན་ཡང་གྲོང་ཁྱེར་རྩཝ་ཅན་གྱི་གྱད་གཙོ་བོ་གཙོ་བོ་དག་གིས། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ། ཤེས་ལྡན་གནས་འཇོག་དག་ཉོན་ཅིག་།གྱད་ཀྱི་ཆུང་མ་དང ། གྱད་ཀྱི་བུ་མོ་དག་གིས་ནི། བཅོམ་ལྡན་འདས་ལ་གོས་ཀྱི་བླ་རོ་དག་བྲེས་ཤིག་།གྱད་ཀྱི་ཆུང་མ་དང ། གྱད་གཞོན་ནུ་དག་གིས་ནི། བཅོམ་ལྡན་འདས་ཀྱི་ཁྱོགས་ཟུང་ཞིག་།ངེད་ཅག་གིས་ནི་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱ་སྟེ། གྲོང་ཁྱེར་རྩཝ་ཅན་གྱི་ནུབ་སྒོ་ནས། དབུས་ཐོག་ཐག་ཏུ་ཞུགས་ནས་གྲོང་ཁྱེར་རྩཝ་ཅན་གྱི་ཤར་སྒོར་བྱུང་སྟེ། ཆུ་བོ་དབྱིག་ལྡན་རྒལ་ནས། གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ། ཞུགས་ལ་བཞེན་པར་བྱའོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱི་དེ་བཞིན་དུ་བགྱིའོ། །ཞེས་མཉན་ནས། གྱད་ཀྱི་ཆུང་མ་དང ། གྱད་ཀྱི་བུ་མོ་དག་གིས་ནི་བཅོམ་ལྡན་འདས་ལ་གོས་ཀྱི་གདུགས་དག་བྲེས། </font><hr>Da449a<br><font size=+2>


༄#། །གྱད་ཀྱི་ཆུང་མ་དང ། གྱད་གཞོན་ནུ་དག་གིས་ནི་བཅོམ་ལྡན་འདས་ཀྱི་ཁྱོགས་གདེག་པར་འདོད་ན། བཅོམ་ལྡན་འདས་ཀྱི་ཁྱོགས་གདེག་པར་མ་ནུས་པ་དང ། ཚེ་དང་ལྡན་པ་མ་འགགས་པས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ། གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་བཅོམ་ལྡན་འདས་ཀྱི་ཁྱོགས་གདེག་པར་མ་ནུས་སོ། །དེ་ཅིའི་ཕྱིར་ཞེ་ན། ལྷ་རྣམས་ཀྱིས་བསམས་པ་ཡིན་ནོ། །ཚེ་དང་ལྡན་པ་མ་འགགས་པ། ལྷ་རྣམས་ཀྱིས་བསམས་པ་ཇི་ལྟར་བུ་ཡིན། ལྷ་རྣམས་ཀྱིས་ནི་གྱད་ཀྱི་ཆུང་མ་དང ། གྱད་ཀྱི་བུ་མོ་དག་གིས་ནི་བཅོམ་ལྡན་འདས་ལ་གོས་ཀྱི་བླ་རེ་བྲེ་ཞིང ། གྱད་རྣམས་དང ། གྱད་གཞོན་ནུ་དག་གིས་ནི་བཅོམ་ལྡན་འདས་ཀྱི་ཁྱོགས་ལ་བཟུང་ནས། བདག་ཅག་གིས་ལྷའི་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱས་ཏེ། གྲོང་ཁྱེར་རྩཝ་ཅན་གྱི་ནུབ་ཕྱོགས་ཀྱི་སྒོ་ནས་དབུས་ཐོག་ཐག་ཏུ་ཞུགས་ལ། གྲོང་ཁྱེར་རྩཝ་ཅན་གྱི་ཤར་སྒོ་ནས་བྱུང་སྟེ། ཆུ་བོ་དབྱིག་ལྡན་རྒལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ། ཞུགས་ལ་བཞེན་པར་བྱའོ། །ཞེས་བསམས་སོ། །ཚེ་དང་ལྡན་པ་མ་འགགས་པ། ལྷ་རྣམས་ཀྱིས་ཇི་ལྟར་བསམས་པ་དེ་བཞིན་དུ་བྱའོ། །དེ་ནས་</font><hr>Da449b<br><font size=+2>


ཚེ་དང་ལྡན་པ་ཀུན་དགའ་བོས། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་གནས་འཇོག་དག་།བཅོམ་ལྡན་འདས་ཀྱིས་ཁྱོགས་འདེགས་མ་ནུས་པ་དེ་ཅིའི་ཕྱིར་ཞེ་ན། ལྷ་རྣམས་ཀྱིས་བསམས་པ་ཡིན་ནོ། །བཙུན་པ་ཀུན་དགའ་བོ། ལྷ་རྣམས་ཀྱིས་ཇི་ལྟར་བསམས་ལགས། ལྷ་རྣམས་ཀྱིས་ནི་གྱད་ཀྱི་ཆུང་མ་དང ། གྱད་ཀྱི་བུ་མོ་དག་གིས་བཅོམ་ལྡན་འདས་ལ་གོས་ཀྱི་བླ་རེ་བྲེ་ཞིང ། གྱད་རྣམས་དང ། གྱད་གཞོན་ནུ་དག་གིས་ནི་བཅོམ་ལྡན་འདས་ཀྱི་ཁྱོགས་བཏེག་སྟེ། བདག་ཅག་གིས་ལྷའི་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱས་ནས། གྲོང་ཁྱེར་རྩཝ་ཅན་གྱི་ནུབ་ཕྱོགས་ཀྱི་སྒོ་ནས་དབུས་ཐོག་ཐག་ཞུགས་ལ། གྲོང་ཁྱེར་རྩཝ་ཅན་གྱི་ཤར་སྒོར་བྱུང་སྟེ། ཆུ་བོ་དབྱིག་ལྡན་རྒལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ། ཞུགས་ལ་བཞེན་པར་བྱའོ། །ཞེས་སེམས་སོ། །བཙུན་པ་ཀུན་དགའ་བོ། ཇི་ལྟར་ལྷ་རྣམས་ཀྱིས་བསམས་པ་དེ་བཞིན་དུ་བགྱིའོ། །དེ་ནས་གྱད་ཀྱི་ཆུང་མ་དང ། གྱད་ཀྱི་བུ་མོ་དག་གིས་ནི། བཅོམ་ལྡན་འདས་ལ་གོས་ཀྱི་བླ་རེ་བྲེས། གྱད་རྣམས་དང ། གྱད་གཞོན་ནུ་དག་གིས་ནི། བཅོམ་ལྡན་འདས་ཀྱི་ཁྱོགས་བཏག་སྟེ། ཁྱོགས་བཏེག་མ་ཐག་ཏུ་བར་སྣང་ལ་གནས་པའི་ལྷ་དག་གིས། ལྷའི་མེ་ཏོག་ཨུཏྤ་ལ་དང ། པདྨ་དང ། པདྨ་</font><hr>Da450a<br><font size=+2>


༄#། །དཀར་པོ་དང ། ཀུ་མུ་ད་དང ། ་ཀ་རུའི་ཕྱེ་མ་དང ། ཏ་མ་ལའི་ཕྱེ་མ་དང ། ལྷའི་མེ་ཏོག་མན་ད་ར་བ་ལ་སོགས་པ་དག་གིས་ནི་གཏོར། ལྷའི་རོལ་མོའི་སྒྲ་དག་ནི་བླངས། །གོས་མང་པོ་དག་ནི་བོར་རོ། །གཞན་ཡང་གྲོང་ཁྱེར་རྩཝ་ཅན་གྱི་གྱད་གཙོ་བོ་གཙོ་བོ་དག་གིས། །གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་གནས་འཇོག་དག། བདག་ཅག་གི་མིའི་རོལ་མོའི་སྒྲའི་ཆ་བྱད་དག་བོར་ལ། བདག་ཅག་གིས་ལྷའི་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱས་ལ། གྲོང་ཁྱེར་རྩཝ་ཅན་གྱི་ནུབ་ཕྱོགས་ཀྱི་སྒོ་ནས་གྲོང་ཁྱེར་རྩཝ་ཅན་གྱི་ཤར་སྒོར་བྱུང་ལ། ཆུ་བོ་དབྱིག་ལྡན་རྒལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ། ཞུགས་ལ་བཞེན་པར་བྱའོ། །ཞེས་སྨྲས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་དྲུག་པ། དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་མིའི་རོལ་མོའི་ཆ་བྱད་དག་བོར་ཏེ། ལྷའི་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་ཏེ། གྲོང་ཁྱེར་རྩཝ་ཅན་གྱི་ནུབ་སྒོ་ནས་དབུས་ཐོག་ཐག་ཏུ་ཞུགས་ཏེ། གྲོང་ཁྱེར་རྩཝ་ཅན་གྱི་ཤར་སྒོར་བྱུང་ནས་ཆུ་བོ་དབྱིག་ལྡན་རྒལ་ཏེ། གྱད་ཀྱིས་དབུ་རྒྱན་བཏགས་པའི་</font><hr>Da450b<br><font size=+2>


མཆོད་རྟེན་གྱི་དྲུང་དུ་བཞུགས་སུ་གསོལ་ལོ། །དེའི་ཚེ་གྲོང་ཁྱེར་རྩཝ་ཅན་དུ་ལྷའི་མེ་ཏོག་མན་ད་ར་བ་མང་པོ་པུས་མོ་ནུབ་ཙམ་དུ་བབ་པར་གྱུར་ཏོ། །དེའི་ཚེ་འཚོ་བ་ཅན་གཞན་ཞིག་གིས་ལྷའི་མེ་ཏོག་མན་ད་ར་བ་དེ་ལས་མང་དུ་བླངས་ཏེ། ཡུལ་སྡིག་པ་ཅན་དུ་བྱ་བ་ཞིག་གི་ཆེད་དུ་སོང་བ་དང ། དེའི་ཚེ་དང་ལྡན་པ་འོད་སྲུང་ཆེན་པོ་འཁོར་ལྔ་བརྒྱ་དང་ཆས་ཏེ། ཡུལ་སྡིག་ཅན་གྱི་བར་ནས་གྲོང་ཁྱེར་རྩཝ་ཅན་གྱི་བར་དུ་ལམ་དུ་ཞུགས་ཏེ། བཅོམ་ལྡན་འདས་ཀྱི་སྐུ་གདུང་མ་ཉམས་པ་ལ་ཕྱག་འཚལ་བར་འདོད་པ་དང ། ཚེ་དང་ལྡན་པ་འོད་སྲུང་ཆེན་པོས་འཚོ་བ་ཅན་དེ་ལམ་ཀར་མཐོང་ངོ ། །མཐོང་ནས་འཚོ་བ་ཅན་དེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འཚོ་བ་ཅན་ཁྱོད་གང་ནས་འདིར་འོངས། གང་དུ་འགྲོ། བཙུན་པ་འོད་སྲུང་ཆེན་པོ། བདག་ནི་གྲོང་ཁྱེར་རྩཝ་ཅན་ནས་འདིར་མཆིས་ཏེ། བགྱི་བ་ཞིག་གི་ཆེད་ལ་ཡུལ་སྡིག་པ་ཅན་དུ་མཆིའོ། །ཚེ་དང་ལྡན་པ་འཚོ་བ་ཅན་ཁྱོད་ཀྱིས་ངའི་སྟོན་པ་ཤེས་སམ། འཕགས་པ་འཚལ་ལགས་ཏེ། དགེ་སྦྱོང་གོའུ་ཏ་མ་ལགས་སོ། །འཕགས་པ་འོད་སྲུང་ཆེན་པོ་སྟོན་པ་དེ་ཡོངས་སུ་མྱ་ངན་ལས་འདས་ནས། དེང་དུ་དགུང་བདུན་ལགས་ཏེ། དེའི་སྐུ་གདུང་ལ་མཆོད་པ་བགྱིས་པའི་ལྷའི་མེ་ཏོག་མན་ད་ར་བ་བདག་གིས་བླངས་པ་འདི་ལགས་སོ། །དེའི་ཚེ་རྒན་ཞུགས་གཞན་ཞིག་ཚུལ་མ་ཡིན་པའི་ཚིག་འདི་སྐད་དུ་སྨྲ་སྟེ། འདི་ལྟར་བདག་ནི་འགྱོད་པ་</font><hr>Da451a<br><font size=+2>


༄#། །དང ། རྒན་ཞུགས་ཀྱིས་འདི་ལྟར། ཀྱེ་དགེ་སློང་དག་འདི་ནི་བྱ་བའོ། །འདི་ནི་བྱ་བ་མ་ཡིན་པའོ། །ཞེས་སྨྲ་བ་ལས་ཐར་བར་གྱུར་ཏོ། །ད་ནི་བདག་ཅག་གིས་གང་ནུས་པ་དེ་ནི་བྱ། གང་མི་ནུས་པ་དེ་ནི་མི་བྱའོ། །ཞེས་དེ་སྐད་དུ་མི་རིག་པར་སྨྲ་བ་དང ། བར་སྣང་ལ་གནས་པའི་ལྷ་དག་གིས་བསྒྲིབས་ཏེ། ཇི་ལྟར་ཚེ་དང་ལྡན་པ་འོད་སྲུང་ཆེན་པོ་མ་གཏོགས་པ། དགེ་སློང་གི་འཁོར་དེ་གཅིག་གིས་ཀྱང་ཐོས་པར་མ་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚུལ་མ་ཡིན་པའི་ཚིག་དེ་ལྟ་བུ་སྨྲ་བ་གདུལ་བའི་དོན་དུ་ལམ་ལས་གྱུར་ཏེ། དགེ་སློང་གི་དགེ་འདུན་གྱི་གུང་ལ་སྟན་བཤམས་པ་ཉིད་ལ་འདུག་གོ་།འདུག་ནས་ཚེ་དང་ལྡན་པ་འོད་སྲུང་ཆེན་པོས་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག། འདུས་བྱས་ཐམས་ཅད་ནི་མི་རྟག་པ། མི་བརྟན་པ། ཡིད་བརྟན་དུ་མི་རུང་བ། འགྱུར་བའི་ཆོས་ཅན་ཡིན་ཏེ། ཇི་སྲིད་དུ་འདི་ལྟར་འདུས་བྱས་ཀྱི་ཆོས་ཐམས་ཅད་ལ་ཡིད་འབྱུང་བར་བྱ། རྣམ་པར་གྲོལ་བར་བྱའོ། །ཀྱེ་ཚེ་དང་ལྡན་པ་དག་།བདག་ནི་བཅོམ་ལྡན་འདས་ཀྱི་སྐུ་གདུང་མ་ཉམས་པ་བལྟ་བར་རིངས་པ་རིངས་པར་འགྲོའོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས། བཅོམ་ལྡན་འདས་ཀྱི་སྐུ་གདུང་ཤིང་བལ་གྱི་འདའ་བས་དཀྲིས་སོ། །ཤིང་བལ་གྱི་འདའ་བས་དཀྲིས་ནས་རས་ཟུང་ལྔ་བརྒྱས་དཀྲིས་སོ། །རས་ཟུང་ལྔ་བརྒྱས་དཀྲིས་ནས་ལྕགས་ཀྱི་</font><hr>Da451b<br><font size=+2>


སྒྲོམ་དུ་བཅུག་སྟེ། འབྲུ་མར་གྱིས་བཀང་ངོ ། །ལྕགས་ཀྱི་སྒྲོམ་དུ་བཅུག་སྟེ། འབྲུ་མར་གྱིས་བཀང་ནས་སྟེང་ནས་ལྕགས་ཀྱི་ཁ་གབ་གཉིས་ཀྱིས་བཀབ་སྟེ། དྲི་ཞིམ་པོའི་ཤིང་ཐམས་ཅད་སྤུངས་ནས། ཞུགས་ལ་བཞེན་པར་འདོད་ན། མེ་སྦར་བར་མི་ནུས་སོ། །དེ་ནས་ཚེ་དང་ལྡན་པ་མ་འགགས་པས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ། གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་བཅོམ་ལྡན་འདས་ཀྱི་སྐུ་གདུང་ཞུགས་ལ་བཞེན་པར་མི་ནུས་སོ། །དེ་ཅིའི་ཕྱིར་ཞེ་ན། ལྷ་རྣམས་ཀྱིས་བསམས་པ་ཡིན་ནོ། །ཚེ་དང་ལྡན་པ་མ་འགགས་པ་ལྷ་རྣམས་ཀྱིས་ཇི་ལྟར་བསམས་པ་འདི་ལྟར་ཚེ་དང་ལྡན་པ་འོད་སྲུང་ཆེན་པོ་འཁོར་ལྔ་བརྒྱ་དང་ཆས་ཏེ། ཡུལ་སྡིག་པ་ཅན་གྱི་བར་ནས་གྲོང་ཁྱེར་རྩཝ་ཅན་གྱི་བར་དུ་ལམ་དུ་ཞུགས་ཏེ། བཅོམ་ལྡན་འདས་ཀྱི་སྐུ་གདུང་མ་ཉམས་པ་ལ་ཕྱག་འཚལ་བར་འདོད་པ་ཡིན་ནོ། །ཚེ་དང་ལྡན་པ་མ་འགགས་པ་ཇི་ལྟར་ལྷ་རྣམས་ཀྱིས་བསམས་པ་དེ་བཞིན་དུ་བྱའོ། །དེ་ནས་ཚེ་དང་ལྡན་པ་ཀུན་དགའ་བོས། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ། ཤེས་ལྡན་གནས་འཇོག་དག་ཉོན་ཅིག་།བཅོམ་ལྡན་འདས་ཀྱི་སྐུ་གདུང་ཞུགས་ལ་བཞེན་པར་མ་ནུས་པ་དེ་ཅིའི་ཕྱིར་ཞེ་ན། ལྷ་རྣམས་ཀྱིས་བསམས་པ་ཡིན་ནོ། །ཚེ་དང་ལྡན་པ་ཀུན་དགའ་བོ། ལྷ་རྣམས་ཀྱིས་ཇི་ལྟར་བསམས་ལགས། དེ་</font><hr>Da452a<br><font size=+2>


༄#། །ནི་ཚེ་དང་ལྡན་པ་འོད་སྲུང་ཆེན་པོ་འཁོར་ལྔ་བརྒྱ་དང་ཆས་ཏེ། ཡུལ་སྡིག་ཅན་གྱི་བར་ནས། གྲོང་ཁྱེར་རྩཝ་ཅན་གྱི་བར་དུ་ལམ་དུ་ཞུགས་ཏེ། བཅོམ་ལྡན་འདས་ཀྱི་སྐུ་གདུང་མ་ཉམས་པ་ལ་ཕྱག་འཚལ་བར་འདོད་པ་ཡིན་ནོ། །དེ་དག་གིས་སྨྲས་པ། བཙུན་པ་ཀུན་དགའ་བོ། ཇི་ལྟར་ལྷ་རྣམས་ཀྱིས་བསམས་པ་དེ་བཞིན་དུ་བགྱིའོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་གྲོང་ཁྱེར་རྩཝ་ཅན་དུ་ཕྱིན་པ་དང ། འཁོར་དག་གིས་ཚེ་དང་ལྡན་པ་འོད་སྲུང་ཆེན་པོ་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་ཆ་བྱད་དག་ཐོགས་ཏེ། ཚེ་དང་ལྡན་པ་འོད་སྲུང་ཆེན་པོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་འོད་སྲུང་ཆེན་པོའི་རྐང་པ་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་འོད་སྲུང་ཆེན་པོའི་ཕྱི་བཞིན་དུ་རྗེས་སུ་འབྲང་ཞིང་སོང་ངོ ། །དེ་ནས་ཚེ་དང་ལྡན་པ་འོད་སྲུང་ཆེན་པོ་འཁོར་བརྒྱ་ཕྲག་དུ་མ་དང ། འཁོར་སྟོང་ཕྲག་དུ་མ་དང ། འཁོར་བརྒྱ་སྟོང་ཕྲག་དུ་མ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། དྲི་ཞིམ་པོའི་ཤིང་ཐམས་ཅད་བསལ་ཏོ། །དྲི་ཞིམ་པོའི་ཤིང་ཐམས་ཅད་བསལ་ནས། ལྕགས་ཀྱི་སྒྲོམ་ཁ་ཕྱེའོ། ། ལྕགས་ཀྱི་སྒྲོམ་ཁ་ཕྱེ་ནས། རས་ཟུང་ལྔ་བརྒྱ་བཤུས་སོ། །རས་ཟུང་ལྔ་བརྒྱ་བཤུས་ནས། ཤིང་བལ་གྱི་འདའ་བ་ཡང་བཤུས་སོ། །ཤིང་བལ་གྱི་འདའ་བ་ཡང་བཤུས་ནས། བཅོམ་</font><hr>Da452b<br><font size=+2>


ལྡན་འདས་ཀྱི་སྐུ་གདུང་མ་ཉམས་པ་ལ་ཕྱག་བྱས་སོ། །དེའི་ཚེ་ན་ས་ཆེན་པོ་འདིའི་སྟེང་ན་ཉན་ཐོས་ཆེན་པོ་བཞི་ཡོད་དོ། །ཚེ་དང་ལྡན་པ་ཀུན་ཤེས་ཀོའུ་དི་ནྱ་དང ། ཚེ་དང་ལྡན་པ་སྐུལ་བྱེད་ཆེན་པོ་དང ། ཚེ་དང་ལྡན་པ་སྟོབས་བཅུ་འོད་སྲུང་དང ། ཚེ་དང་ལྡན་པ་འོད་སྲུང་ཆེན་པོའོ། །དེ་དག་གི་ནང་ན་ཚེ་དང་ལྡན་པ་འོད་སྲུང་ཆེན་པོ་ཡེ་ཤེས་དང་ལྡན་པ། བསོད་ནམས་ཆེ་བ། ཆོས་གོས་དང ། བསོད་སྙོམས་དང ། མལ་སྟན་དང ། ན་བའི་རྐྱེན་སྨན་དང ། ཡོ་བྱད་དག་རྙེད་པ་ཡིན་ནོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་དེ་འདི་སྙམ་དུ་སེམས་ཏེ། མ་ལ་བདག་ཉིད་ཀྱིས་བཅོམ་ལྡན་འདས་ལ་མཆོད་པའི་ལས་བྱའོ། །སྙམ་དུ་སྤྲོ་བ་བསྐྱེད་ནས། ཚེ་དང་ལྡན་པ་འོད་སྲུང་ཆེན་པོས། ཤིང་བལ་གྱི་འདའ་བ་གཞན་དག་སྟ་གོན་བྱས་ཏེ། ཤིང་བལ་གྱི་འདའ་བ་གཞན་དག་སྟ་གོན་བྱས་ནས། གཞན་ཡང་རས་ཟུང་ལྔ་བརྒྱ་སྟ་གོན་བྱས་སོ། །རས་ཟུང་ལྔ་བརྒྱ་གཞན་དག་སྟ་གོན་བྱས་ནས། བཅོམ་ལྡན་འདས་ཀྱི་སྐུ་གདུང་ལ་ཤིང་བལ་གྱི་འདའ་བས་དཀྲིས་སོ། །ཤིང་བལ་གྱི་འདའ་བས་དཀྲིས་ནས། རས་ཟུང་ལྔ་བརྒྱས་དཀྲིས་སོ། །རས་ཟུང་ལྔ་བརྒྱས་དཀྲིས་ནས། ལྕགས་ཀྱི་སྒྲོམ་དུ་བཅུག་སྟེ། འབྲུ་མར་གྱིས་བཀང་ངོ ། །ལྕགས་ཀྱི་སྒྲོམ་དུ་བཅུག་སྟེ། འབྲུ་མར་གྱིས་བཀང་ནས་སྟེང་དུ་ལྕགས་ཀྱི་ཁ་གབ་གཉིས་ཀྱིས་བཀབ་སྟེ། ཤིང་དྲི་ཞིམ་པོ་ཐམས་ཅད་སྤུངས་སོ། །སྤུངས་ནས་ཕྱོགས་གཅིག་ཏུ་</font><hr>Da453a<br><font size=+2>


༄#། །སོང་བ་དང ། ཇི་ལྟར་དེ་སངས་རྒྱས་རྣམས་ཀྱིས་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་དེ་རང་འབར་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ། །བཅོམ་ལྡན་འདས་ཀྱི་སྐུ་གདུང་སྤུངས་པ་དེ་དག་ལ་བསྐོར་བ་བྱས་ནས། དེའི་ཚེ་ཚིགས་སུ་བཅད་དེ་སྨྲས་པ། རྣམ་པར་འདྲེན་པ་རིན་ཆེན་སྐུ་མངའ་བ། །རྫུ་འཕྲུལ་ཆེན་པོ་ཚངས་པའི་འཇིག་རྟེན་གཤེགས། །སངས་རྒྱས་སྐུ་ལ་རས་ཟུང་ལྔ་བརྒྱ་དང ། །ཆོས་གོས་སྟོང་སྙེད་ཀུན་ཏུ་དཀྲིས་གྱུར་པ། །ཉིད་ཀྱི་གཟི་བརྗིད་ཀྱིས་ནི་སྐུ་གདུང་དང ། །ཤིན་ཏུ་དཀྲིས་པ་རབ་ཏུ་ཚིག་པར་གྱུར། །དེ་ལ་ཆོས་གོས་གཉིས་ནི་མ་ཚིག་པ། །ནང་རིམ་དང་ནི་ཕྱི་རིམ་འདི་རྣམ་གཉིས། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་མེ་དེ་དག་འོ་མས་བསད་པ་དང ། དེ་ནས་འོ་མ་ལས་ཤིང་བཞི་སྐྱེས་པར་གྱུར་ཏེ། འདི་ལྟ་སྟེ། གསེར་ཅན་དང ། སེར་སྐྱ་དང ། རྟ་དོན་དང ། ུ་དུམ་ཝཱ་ར་ཞེས་བྱ་བ་ཡིན་ནོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས། དེའི་སྐུ་གདུང་གསེར་གྱི་བུམ་པའི་ནང་དུ་བཅུག་སྟེ། གསེར་ལས་བྱས་པའི་ཁྱོགས་ཀྱི་སྟེང་དུ་བཞག་ནས་དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་ཏེ། གྲོང་ཁྱེར་རྩཝ་ཅན་དུ་ཕྱིན་ནས། དེར་གྲོང་ཁྱེར་མཆོག་གི་དབུས་སུ་བཞུགས་སུ་གསོལ་ནས་དྲི་དང ། ཕྲེང་བ་དང ། </font><hr>Da453b<br><font size=+2>


བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་སོ། །དེ་ནས་ཡུལ་སྡིག་པ་ཅན་གྱི་གྱད་རྣམས་ཀྱིས་གྲོང་ཁྱེར་རྩཝ་ཅན་དུ་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་དེང་དུ་ཞག་བདུན་ལོན་ནས། སྐུ་གདུང་ལ་སྐུ་གདུང་གི་མཆོད་པ་བྱེད་དོ། །ཞེས་ཐོས་སོ། །ཐོས་ནས་ཀྱང་དཔུང་གི་ཚོགས་ཡན་ལག་བཞི་པ། གླང་པོ་ཆེའི་ཚོགས་དང ། རྟའི་ཚོགས་དང ། ཤིང་རྟའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། གྲོང་ཁྱེར་རྩཝ་ཅན་གྱི་གྱད་གལ་བ་དེར་སོང་སྟེ་ཕྱིན་ནས། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ། ཤེས་ལྡན་དག་ཉོན་ཅིག་།བཅོམ་ལྡན་འདས་ནི་ངེད་ལ་ཡུན་རིང་པོ་ནས་ཕངས་ཤིང་སྡུག་པ་ཡིན་ཏེ། དེ་ཁྱོད་ཀྱི་གྲོང་གི་ཉེ་འཁོར་དུ་རྟེན་པ་ལས་ཡོངས་སུ་མྱ་ངན་ལས་འདས་ན། བཅོམ་ལྡན་འདས་དེའི་སྐུ་གདུང་ཤ་རི་རམ་གྱི་སྐལ་བ་ངེད་ལ་བྱིན་ཅིག་དང ། དེ་ངེད་ཀྱིས་ཡུལ་སྡིག་པ་ཅན་དུ་བཅོམ་ལྡན་འདས་དེའི་སྐུ་གདུང་གི་མཆོད་རྟེན་བརྩིགས་ལ། གདུགས་དང ། རྒྱལ་མཚན་དང ། བ་དན་གཟུགས་ཤིང ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱ་སྟེ། མཆོད་པར་བྱས་ནས་དུས་སྟོན་ཆེན་པོ་ཡང་བྱའོ། །གནས་འཇོག་དག་།བཅོམ་ལྡན་འདས་</font><hr>Da454a<br><font size=+2>


༄#། །དེ་ནི་ངེད་ལ་ཡང་ཕངས་ཤིང་སྡུག་པ་ཡིན་ལ། ངེད་ཀྱི་གྲོང་གི་ཉེ་འཁོར་དུ་རྟེན་པ་ལས་ཡོངས་སུ་མྱ་ངན་ལས་འདས་པར་གྱུར་པས། བཅོམ་ལྡན་འདས་དེའི་སྐུ་གདུང་ཤ་རི་རམ་གྱི་སྐལ་བ་ངེད་ཀྱིས་སྦྱིན་པར་མི་བྱའོ། །གལ་ཏེ་བྱིན་ན་དེ་ལྟ་ན་ནི་ལེགས། ཇི་སྟེ་མ་བྱིན་པར་གྱུར་ན། དམག་གིས་ད་བྲོག་གོ་།གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་དེ་བཞིན་དུ་བྱའོ། །ཞེས་མཉན་ཏོ། །ཡུལ་རྟོག་པ་གཡོ་བ་ན་གནས་པའི་རྒྱལ་རིགས་བུ་ལུ་ཀ་དང ། གྲོང་ཁྱེར་སྒྲ་སྒྲོགས་ན་གནས་པའི་རྒྱལ་རིགས་ཀྲོད་ཊྱ་དང ། ཁྱབ་འཇུག་གླིང་ན་གནས་པའི་བྲམ་ཟེ་དང ། གྲོང་ཁྱེར་སེར་སྐྱ་ན་གནས་པའི་རྒྱལ་རིགས་ཤཱཀྱ་དང ། ཡུལ་ཡངས་པ་ཅན་ན་གནས་པའི་རྒྱལ་རིགས་ལི་ཙ་བྱི་རྣམས་ཀྱིས་ཀྱང་ཐོས་ཏེ། ཡུལ་མ་ག་དྷའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས་ཀྱང ། བཅོམ་ལྡན་འདས་ཡོངས་སུ་མྱ་ངན་ལས་འདས་ཏེ། ཡུལ་སྡིག་པ་ཅན་གྱི་གྱད་རྣམས་དང ། ཡུལ་རྟོག་པ་གཡོ་བའི་རྒྱལ་རིགས་བུ་ལུ་ཀ་དང ། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་དང ། ཁྱབ་འཇུག་གླིང་གི་བྲམ་ཟེ་དང ། ཡུལ་སེར་སྐྱ་ན་གནས་པའི་རྒྱལ་རིགས་ཤཱཀྱ་དང ། ཡུལ་ཡངས་པ་ཅན་གྱི་རྒྱལ་རིགས་ལི་ཙ་བྱི་རྣམས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གྲོང་ཁྱེར་རྩཝ་ཅན་དུ་སྐུ་གདུང་ལ་མཆོད་པ་བྱེད་ཅིང ། དེར་སྐུ་གདུང་གི་སྐལ་བ་ལེན་དུ་སོང་ངོ་།། </font><hr>Da454b<br><font size=+2>


ཞེས་ཐོས་སོ། །ཐོས་ནས་ཀྱང་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་འདི་སྐད་ཅེས་སྨྲས་སོ། །དབྱར་བྱེད་ངས་ནི་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་སྡིག་པ་ཅན་གྱི་གྱད་རྣམས་དང ། ཡུལ་རྟོག་པ་གཡོ་བའི་རྒྱལ་རིགས་བུ་ལུ་ཀ་དང ། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་དང ། ཁྱབ་འཇུག་གླིང་གི་བྲམ་ཟེ་དང ། ཡུལ་སེར་སྐྱ་ན་གནས་པའི་རྒྱལ་རིགས་ཤཱཀྱ་དང ། ཡུལ་ཡངས་པ་ཅན་གྱི་རྒྱལ་རིགས་ལི་ཙ་བྱི་རྣམས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གྲོང་ཁྱེར་རྩཝ་ཅན་དུ་སྐུ་གདུང་ལ་མཆོད་པ་བྱེད་ཅིང ། དེར་སྐུ་གདུང་གི་སྐལ་བ་ལེན་དུ་སོང་ངོ ། །ཞེས་ཐོས་ན། ཁྱོད་ཀྱིས་ཤེས་སམ། དེ་བས་ན་བདག་ཅག་ཀྱང་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། བཅོམ་ལྡན་འདས་ཀྱི་སྐུ་གདུང་གི་སྒལ་བ་བླང་བར་བྱའོ། །དེས་ལྷ་དེ་བཞིན་དུ་གོ་བསྐོན་པར་བགྱིའོ། །ཞེས་སྨྲས་ནས། དེས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། རྒྱལ་པོ་མ་སྐྱེས་དགྲ་ཡང་གླང་པོ་ཆེ་ལ་ཞོན་པ་དང ། དེས་བཅོམ་ལྡན་འདས་ཀྱིས་ཡོན་ཏན་རྗེས་སུ་དྲན་པས་བརྒྱལ་བར་གྱུར་ཏོ། །དེ་ནས་གླང་པོ་ཆེ་ལས་ཕབ་སྟེ། རྟ་ལ་བསྐྱོན་པ་དང ། དེར་ཡང་བརྒྱལ་བར་གྱུར་ཏེ། དེས་སྨྲས་པ། དབྱར་བྱེད་ངས་ནི་མི་ནུས་ཀྱི། ཁྱོད་ཉིད་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་སོང་ལ། གྲོང་ཁྱེར་རྩཝ་ཅན་གྱི་གྱད་རྣམས་ལ་ངའི་</font><hr>Da455a<br><font size=+2>


༄#། །བཀས། གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཞེས་ནད་དྲིས་ལ་འདི་སྐད་ཅེས། ཤེས་ལྡན་དག་།བཅོམ་ལྡན་འདས་ནི་ང་ལ་ཡུན་རིང་པོ་ནས་ཕངས་ཤིང་སྡུག་པ། བླ་མར་གྱུར་པ་ཡིན་ཏེ། དེ་ཁྱོད་ཀྱི་གྲོང་གི་ཉེ་འཁོར་དུ་ཡོངས་སུ་མྱ་ངན་ལས་འདས་པར་གྱུར་ན། ཤེས་ལྡན་དག་།བཅོམ་ལྡན་འདས་དེའི་སྐུ་གདུང་ཤ་རི་རམ་གྱི་སྐལ་བ་ང་ལ་བྱིན་ཅིག་དང ། དེས་ན་ངས་རྒྱལ་པོའི་ཁབ་ཏུ་བཅོམ་ལྡན་འདས་དེའི་སྐུ་གདུང་གི་མཆོད་རྟེན་བརྩིགས་ལ། གདུགས་དང ། རྒྱལ་མཚན་དང ། བ་དན་གཟུགས་ཤིང ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱ་སྟེ། མཆོད་པར་བྱས་ནས་དུས་སྟོན་ཆེན་པོ་ཡང་བྱའོ། །ཞེས་བསྒོ་ཞིག་།ལྷ་དེ་བཞིན་དུ་བགྱིའོ། །ཞེས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས། རྒྱལ་པོ་མ་སྐྱེས་དགྲ་ལ་མཉན་ནས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གྲོང་ཁྱེར་རྩཝ་ཅན་ག་ལ་བ་དེར་སོང་སྟེ་ཕྱིན་པ་དང ། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ། ཤེས་ལྡན་དག་ཉོན་ཅིག་།ཤེས་ལྡན་དག་ལ་ཡུལ་</font><hr>Da455b<br><font size=+2>


མ་ག་དྷའི་རྒྱལ་པོ་ལུས་འཕགས་མའི་བུ། རྒྱལ་པོ་མ་སྐྱེས་དགྲ་གནོད་པ་ཆུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ་ཞེས་ནད་འདྲི་ཞིང ། འདི་སྐད་ཅེས་ཤེས་ལྡན་དག་།བཅོམ་ལྡན་འདས་དེ་ནི་ང་ལ་ཡུན་རིང་པོ་ནས་ཕངས་ཤིང་སྡུག་པ། བླ་མར་གྱུར་པ་ཡིན་ཏེ། དེ་ཁྱེད་ཀྱི་གྲོང་གི་ཉེ་འཁོར་དུ་ཡོངས་སུ་མྱ་ངན་ལས་འདས་ན། བཅོམ་ལྡན་འདས་དེའི་སྐུ་གདུང་ཤིར་རམ་གྱི་སྐལ་བ་ངལ་བྱིན་ཅིག་དང ། དེས་ན་ངས་རྒྱལ་པོའི་ཁབ་ཏུ་བཅོམ་ལྡན་འདས་དེའི་སྐུ་གདུང་གི་མཆོད་རྟེན་བརྩིགས་ལ། གདུགས་དང ། རྒྱལ་མཚན་དང ། བ་དན་གཟུགས་ཤིང ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ་མཆོད་པར་བྱའོ། །མཆོད་པར་བྱས་ནས་དུས་སྟོན་ཆེན་པོ་ཡང་བྱའོ། །ཞེས་བཀའ་སྩལ་ཏོ། །དབྱར་བྱེད་བཅོམ་ལྡན་འདས་དེ་ནི་ངེད་ལ་ཡང་ཡུན་རིང་པོ་ནས་ཕངས་ཤིང་སྡུག་པ། བླ་མར་གྱུར་པ་ཡིན་ཏེ། དེ་ངེད་ཀྱི་གྲོང་གི་ཉེ་འཁོར་དུ་ཡོངས་སུ་མྱ་ངན་ལས་འདས་པས་ངེད་ཀྱིས་དེའི་སྐུ་གདུང་ཤ་རི་རམ་གྱི་སྐལ་བ་སྦྱིན་པར་མི་བྱའོ། །དེ་ནས་ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གལ་ཏེ་བྱིན་ན་དེ་ལྟ་ན་ལེགས། ཇི་སྟེ་མ་བྱིན་པར་གྱུར་ན་དམག་གིས་དབྲོག་པར་</font><hr>Da456a<br><font size=+2>


༄#། །བྱའོ། །གྲོང་ཁྱེར་རྩཝ་ཅན་གྱི་གྱད་རྣམས་ཀྱི་དེ་བཞིན་དུ་བྱའོ། །ཞེས་མཉན་ནས་དེ་དག་གིས་རྒྱལ་པོའི་འཁོར་མང་པོ་འདུས་པ་མཐོང་ནས་གྱད་ཀྱི་ཆུང་མ་དང ། གྱད་གཞོན་ནུ་དག་ཀྱང་མདའ་འཕོང་བསླབས་སོ། །ཇི་ཙམ་ན་ཡུལ་སྡིག་པ་ཅན་གྱི་གྱད་རྣམས་དང ། ཡུལ་རྟོག་པ་གཡོ་བའི་རྒྱལ་རིགས་བུ་ལུ་ཀ་དང ། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་དང ། ཁྱབ་འཇུག་གླིང་གི་བྲམ་ཟེ་དང ། ཡུལ་སེར་སྐྱ་ན་གནས་པའི་རྒྱལ་རིགས་ཤཱཀྱ་དང ། ཡུལ་ཡངས་པ་ཅན་གྱི་རྒྱལ་རིགས་ལི་ཙ་བྱི་དང ། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་རྣམས་ཀྱིས་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང ། རྟའི་ཚོགས་དང ། ཤིང་རྟའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། གྲོང་ཁྱེར་རྩཝ་ཅན་གྱི་གྱད་རྣམས་ཀྱི་དྲུང་དུ་དམག་བརྒལ་བའི་ཕྱིར་ལྷགས་སོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་གྱད་ཀྱི་ཆུང་མ་དང ། གྱད་གཞོན་ནུ་དག་གྲོང་ཁྱེར་གྱི་ཕྱིར་བཀོད་དེ། དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཕ་རོལ་པོའི་དམག་གི་ཚོགས་བདུན་པོ་དག་གི་དྲུང་དུ་དམག་བརྒལ་བའི་ཕྱིར་བྱུང་ངོ ། །དེའི་ཚེ་བྲམ་ཟེའི་རིགས་བྲེ་བོ་དང་མཉམ་པ་འཁོར་འདུས་པ་དེ་ཉིད་དུ་འོངས་ཏེ། དེ་ནས་</font><hr>Da456b<br><font size=+2>


བྲམ་ཟེའི་རིགས་བྲེ་བོ་དང་མཉམ་པ། ཕན་ཚུན་གཉིས་ཀ་ནས་གཡུལ་མང་པོ་བཤམས་པ་འཐབས་པར་གྱུར་ན། རིང་པོར་མི་ཐོགས་པར་གཅིག་ལ་གཅིག་འཆི་བར་འགྱུར་བར་རིག་ནས་གཡང་གཞི་བསྐོར་ཏེ། གྲོང་ཁྱེར་རྩཝ་ཅན་གྱི་གྱད་ག་ལ་བ་དེར་སོང་སྟེ་ཕྱིན་ནས། གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་དག་ཉོན་ཅིག་།བཅོམ་ལྡན་འདས་གོའུ་ཏ་མ་དེ་ནི་ཡུན་རིང་པོ་ནས་བཟོད་པ་དང་ལྡན་པ། བཟོད་པའི་བསྔགས་པ་བརྗོད་པ་ཡིན་ནོ། །ཤེས་ལྡན་དག་།བཅོམ་ལྡན་འདས་གོའུ་ཏ་མ་དེ་བཟོད་པ་དང་ལྡན་ཞིང ། བཟོད་པའི་བསྔགས་པ་བརྗོད་པ་ཡིན་ན། སྐུ་གདུང་གི་ཕྱིར་ཕན་ཚུན་གཅིག་ལ་གཅིག་གསོད་པར་བྱེད་པ་མི་རིགས་པར། ཁོ་བོས་བཅོམ་ལྡན་འདས་གོའུ་ཏ་མའི་སྐུ་གདུང་ཆ་བརྒྱད་དུ་བགོ་བར་སྤྲོ་བར་བྱས། གང་གི་ཕྱིར་བུམ་པར་སྐུ་གདུང་བཅུག་པའི་བུམ་པ་དེ་ཁོ་བོ་ལ་བྱིན་ཅིག་དང ། དེས་ན་ཁོ་བོས་བྲེ་བོའི་གྲོང་ཁྱེར་དུ་བཅོམ་ལྡན་འདས་གོའུ་ཏ་མ་དེའི་སྐུ་གདུང་གི་མཆོད་རྟེན་ནེ་བརྩིགས་ལ། གདུགས་དང ། རྒྱལ་མཚན་དང ། བ་དན་གཟུགས་ཤིང ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱའོ། བླ་མར་བྱའོ། །རི་མོར་བྱའོ། །མཆོད་པར་བྱའོ། །མཆོད་པར་བྱས་ནས་དུས་སྟོན་ཆེན་པོ་ཡང་བྱའོ། །གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་བྲམ་ཟེའི་རིགས་</font><hr>Da457a<br><font size=+2>


༄#། །བྲེ་བོ་དང་མཉམ་པ་ལ་དེ་བཞིན་དུ་བྱའོ། །ཞེས་མཉན་ཏོ། །དེ་ནས་བྲམ་ཟེའི་རིགས་བྲེ་བོ་དང་མཉམ་པ། ཡུལ་སྡིག་པ་ཅན་གྱི་གྱད་རྣམས་དང ། ཡུལ་རྟོག་པ་གཡོ་བའི་རྒྱལ་རིགས་བུ་ལུ་ཀ་དང ། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་དང ། ཁྱབ་འཇུག་གླིང་གི་བྲམ་ཟེ་དང ། ཡུལ་སེར་སྐྱ་ན་གནས་པའི་རྒྱལ་རིགས་ཤཱཀྱ་དང ། ཡུལ་ཡངས་པ་ཅན་གྱི་རྒྱལ་རིགས་ལི་ཙ་བྱི་དང ། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ག་ལ་བ་དེར་སོང་སྟེ་ཕྱིན་ནས། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་འདི་སྐད་ཅེས་སྨྲས་སོ། །དབྱར་བྱེད་ཤེས་པར་གྱིས་ཤིག་།བཅོམ་ལྡན་འདས་གོའུ་ཏ་མ་དེ་ནི་ཡུན་རིང་པོ་ནས་བཟོད་པ་དང ། ལྡན་ཞིང ། བཟོད་པའི་བསྔགས་པ་བརྗོད་པ་ཡིན་ནོ། །བཅོམ་ལྡན་འདས་གོའུ་ཏ་མ་དེ་བཟོད་པ་དང་ལྡན་ཞིང ། བཟོད་པའི་བསྔགས་པ་བརྗོད་པ་ཡིན་ན། ཤེས་ལྡན་དབྱར་བྱེད། ཁྱོད་སྐུ་གདུང་གི་ཕྱིར། ཕན་ཚུན་གཅིག་ལ་གཅིག་གསོད་པར་བྱེད་པ་ནི་མི་རིགས་པས། ཁོ་བོས་བཅོམ་ལྡན་འདས་གོའུ་ཏ་མ་དེའི་སྐུ་གདུང་དེ་ཆ་བརྒྱད་དུ་བགོ་བར་སྤྲོ་བར་བྱས། གང་གི་ཕྱིར་བུམ་པར་སྐུ་གདུང་བཅུག་པའི་བུམ་པ་དེ་ཁོ་བོ་ལ་བྱིན་ཅིག་དང ། དེས་ན་ཁོ་བོའི་གྲོང་ཁྱེར་དུ་བཅོམ་ལྡན་འདས་གོའུ་ཏ་མ་དེའི་སྐུ་གདུང་གི་མཆོད་རྟེན་</font><hr>Da457b<br><font size=+2>


བརྩིགས་ལ། གདུགས་དང ། རྒྱལ་མཚན་དང ། བ་དན་གཟུགས་ཤིང ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །མཆོད་པར་བྱས་ནས་དུས་སྟོན་ཆེན་པོ་ཡང་བྱའོ། །ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་སོགས་པས་བྲམ་ཟེའི་རིགས་བྲེ་བོ་དང་མཉམ་པ་ལ་དེ་བཞིན་དུ་བྱའོ། །ཞེས་མཉན་ཏོ། །དེ་ནས་བྲམ་ཟེའི་རིགས་བྲེ་བོ་དང་མཉམ་པས། བཅོམ་ལྡན་འདས་ཀྱི་སྐུ་གདུང་ཆ་བརྒྱད་དུ་བགོས་ཏེ། ཆ་གཅིག་གྲོང་ཁྱེར་རྩཝ་ཅན་གྱི་གྱད་རྣམས་ལ་བྱིན་ནོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས། བཅོམ་ལྡན་འདས་ཀྱི་སྐུ་གདུང་གི་མཆོད་རྟེན་བརྩིགས་ནས་གདུགས་དང ། རྒྱལ་མཚན་དང ། བ་དན་བཙུགས་ནས། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་ཏེ། དུས་སྟོན་ཆེན་པོ་ཡང་བྱས་སོ། །ཆ་གཉིས་པ་ནི། ཡུལ་སྡིག་པ་ཅན་གྱི་གྱད་རྣམས་ལ། ཆ་གསུམ་པ་ནི། ཡུལ་རྟོག་པ་གཡོ་བའི་རྒྱལ་རིགས་བུ་ལུ་ཀ་ལ། ཆ་བཞི་པ་ནི། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་ལ། ཆ་ལྔ་པ་ནི། ཁྱབ་འཇུག་གླིང་གི་བྲམ་ཟེ་ལ། ཆ་དྲུག་པ་ནི། ཡུལ་སེར་སྐྱ་ན་གནས་པའི་རྒྱལ་རིགས་ཤཱཀྱ་རྣམས་ལ། ཆ་བདུན་</font><hr>Da458a<br><font size=+2>


༄#། །པ་ནི། ཡུལ་ཡངས་པ་ཅན་ན་གནས་པའི་རྒྱལ་རིགས་ལི་ཙ་བྱི་རྣམས་ལ། ཆ་བརྒྱད་པ་ནི། ཡུལ་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་བྱིན་ཏེ། དེས་ན་ཡུལ་མ་ག་དྷའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས། བཅོམ་ལྡན་འདས་ཀྱི་སྐུ་གདུང་གི་མཆོད་རྟེན་བརྩིགས་ཏེ། གདུགས་དང ། རྒྱལ་མཚན་དང ། བ་དན་བཙུགས་ནས། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། དུས་སྟོན་ཆེན་པོ་ཡང་བྱས་སོ། །དེ་ནས་གྲོང་ཁྱེར་རྩཝ་ཅན་གྱི་གྱད་རྣམས་ཀྱིས་གང་གི་ཕྱིར། བུམ་པར་སྐུ་གདུང་བཅུག་པའི་བུམ་པ་དེ་བྲམ་ཟེའི་རིགས་བྲེ་བོ་དང་མཉམ་པ་ལ་བྱིན་ནོ། །དེ་ནས་བྲམ་ཟེའི་རིགས་བྲེ་བོས། བྲེ་བོ་དང་མཉམ་པའི་གྲོང་ཁྱེར་དུ་བཅོམ་ལྡན་འདས་ཀྱི་སྐུ་གདུང་གི་མཆོད་རྟེན་བརྩིགས་ཏེ། གདུགས་དང ། རྒྱལ་མཚན་དང ། བ་དན་བཙུགས་ནས། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། དུས་སྟོན་ཆེན་པོ་ཡང་བྱས་སོ། །དེ་ནས་དེའི་ཚེ་བྲམ་ཟེའི་ཁྱེའུ་ནྱ་གྲོ་དྷ་སྐྱེས་འཁོར་འདུས་པ་དེ་ཉིད་དུ་འོངས་ཏེ། དེ་ནས་བྲམ་ཟེའི་ཁྱེའུ་ནྱ་གྲོ་དྷས་གྲོང་ཁྱེར་རྩཝ་ཅན་གྱི་གྱད་རྣམས་ལ་འདི་སྐད་ཅེས་སྨྲས་</font><hr>Da458b<br><font size=+2>


སོ། །གྲོང་ཁྱེར་རྩཝ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་དག་ཉོན་ཅིག་།བཅོམ་ལྡན་འདས་གོའུ་ཏ་མ་དེ་ནི་རིང་བོ་ནས་བདག་ལ་ཕངས་ཤིང་སྡུག་པ་ཡིན་ཏེ། དེ་ཁྱེད་ཀྱི་གྲོང་ཁྱེར་དུ་ཡོངས་སུ་མྱ་ངན་ལས་འདས་ན། ཤེས་ལྡན་དག་།བཅོམ་ལྡན་འདས་དེའི་སྐུ་གདུང་ཞུགས་ལ་བཞེན་པའི་སོལ་བ་དེ་བདག་ལ་བྱིན་ཅིག་དང ། དེས་ན་བདག་གིས་ཡུལ་ནྱ་གྲོ་དྷ་ཅན་དུ། བཅོམ་ལྡན་འདས་གོའུ་ཏ་མ་དེའི་སོལ་བའི་མཆོད་རྟེན་བརྩིགས་ལ། གདུགས་དང ། རྒྱལ་མཚན་དང ། བ་དན་གཟུགས་ཤིང ། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །དུས་སྟོན་ཆེན་པོ་ཡང་བྱའོ། །གྲོང་ཁྱེར་རྩཝ་ཅན་གྱི་གྱད་རྣམས་ཀྱིས། བྲམ་ཟེའི་ཁྱེའུ་ནྱ་གྲོ་དྷ་ལ་སྐུ་གདུང་གི་སོལ་བ་བྱིན་ཏེ། བྲམ་ཟེའི་ཁྱེའུ་ནྱ་གྲོ་དྷས་ཡུལ་ནྱ་གྲོ་དྷ་ཅན་དུ་བཅོམ་ལྡན་འདས་ཀྱི་སོལ་བའི་མཆོད་རྟེན་བརྩིགས་ཏེ། གདུགས་དང ། རྒྱལ་མཚན་དང ། བ་དན་བཙུགས་ནས། དྲི་དང ། ཕྲེང་བ་དང ། བདུག་པ་དང ། ཕྱེ་མ་དང ། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་ཏེ། དུས་སྟེན་ཆེན་པོ་ཡང་བྱས་སོ། །དེའི་ཚེ་འཛམ་བུའི་གླིང་དུ་བཅོམ་ལྡན་འདས་ཀྱི་སྐུ་གདུང་གི་མཆོད་རྟེན་བརྒྱད་དང ། བུམ་པའི་མཆོད་རྟེན་དང་དགུ་།སོལ་བའི་མཆོད་རྟེན་དང་བཅུར་གྱུར་ཏོ། །སྤྱན་ལྡན་སྐུ་</font><hr>Da459a<br><font size=+2>


༄#། །གདུང་བྲེ་བོ་བརྒྱད་དག་ལས། །བདུན་ནི་འཛམ་བུའི་གླིང་པའི་མཆོད་པར་ཐོབ། །སྐྱེས་བུ་མཆོག་དེའི་བྲེ་བོ་གང་ཞིག་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །སྐྱེས་མཆོག་དེ་ཡི་མཆེ་བ་བཞི་དག་ལས། །མཆེ་བ་གཅིག་ནི་རྩ་གསུམ་འཇིག་རྟེན་མཆོག། །གཉིས་པ་ཚིག་འཛིན་གྲོང་ཁྱེར་ཡིད་འོད་ན། །གསུམ་པ་ཀ་ལིང་རྒྱལ་པོའི་ཡུལ་ན་སྟེ། །སྐྱེས་མཆོག་དེ་ཡི་མཆེ་བ་བཞི་པ་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །མྱ་ངན་མེད་རྒྱལ་སྐྱ་སྣར་བུ་གནས་པས། །མཆོད་རྟེན་བདུན་པོ་རྒྱ་ཆེར་སྤེལ་བྱས་ཏེ། །དེ་ཡི་མཐུ་ཡིས་དབྱིག་འཛིན་འདིར་ཡང་ནི། །སྨོན་ལམ་དངོས་པོས་མངོན་པར་བརྒྱན་གྱུར་ཏེ། །འདི་ལྟར་སྤྱན་ལྡན་སྐུ་གདུང་དེ་ལ་ནི། །ལྷ་དབང་ཀླུ་དབང་མི་ཡི་དབང་པོ་དང ། །མི་དང་ཀླུ་དང་གནོད་སྦྱིན་བདག་པོ་ཡིས། །རབ་ཏུ་བཀུར་ནས་བཀུར་སྟི་མཆོད་པ་བྱས། །རབ་མཁྱེན་ཐུགས་རྗེར་ལྡན་པ་སྟོབས་མངའ་བ། །ཤཱཀྱ་འཁྲུངས་མ་ག་དྷར་ནི་བྱང་ཆུབ་སྟེ། །ཀ་ཤིར་ཆོས་ཀྱི་འཁོར་ལོ་བསྐོར་གྱུར་ནས། །གྲོང་ཁྱེར་རྩཝ་ཅན་བརྟེན་ནས་མྱ་ངན་འདས། །གང་གི་ཚེ་ཚེ་དང་ལྡན་པ་ཤཱ་རིའི་བུ་ཡོངས་སུ་མྱ་ངན་ལས་འདས་པའི་ཚེ། དགེ་སློང་བརྒྱད་ཁྲི་ཡོངས་སུ་མྱ་ངན་ལས་འདས་སོ། །གང་གི་ཚེ་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ཡོངས་སུ་མྱ་ངན་ལས་འདས་པ་དེའི་ཚེ། དགེ་སློང་</font><hr>Da459b<br><font size=+2>


བདུན་ཁྲི་ཡོངས་སུ་མྱ་ངན་ལས་འདས་སོ། །གང་གི་ཚེ་བཅོམ་ལྡན་འདས་ཡོངས་སུ་མྱ་ངན་ལས་འདས་པ་དེའི་ཚེ། དགེ་སློང་ཁྲི་བརྒྱད་སྟོང་ཡོངས་སུ་མྱ་ངན་ལས་འདས་ཏེ། ལྷའི་བུ་ཚེ་བསྐལ་བ་བརྒྱ་ཕྲག་མང་པོ་ཐུབ་པ་དག་།ཅི་བཅོམ་ལྡན་འདས་ཀྱི་གསུང་རབ་ནི་དུད་པ་ཙམ་དུ་གྱུར་ཏེ། དགེ་སློང་དབང་ཡོད་པ་དག་ཀྱང་ཡོངས་སུ་མྱ་ངན་ལས་འདས་ནས། བཅོམ་ལྡན་འདས་ཀྱི་མདོ་སྡེ་དང ། འདུལ་བ་དང ། མ་མོ་དག་མི་སྒྲོགས་སོ། །ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་ཤེས་པར་གྱིས་ཤིག་།ཚེ་དང་ལྡན་པ་ཤཱ་རིའི་བུ་ཡོངས་སུ་མྱ་ངན་ལས་འདས་པའི་ཚེ་དགེ་སློང་བརྒྱད་ཁྲི་ཡོངས་སུ་མྱ་ངན་ལས་འདས་སོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོ་ཡོངས་སུ་མྱ་ངན་ལས་འདས་པའི་ཚེ་དགེ་སློང་བདུན་ཁྲི་ཡོངས་སུ་མྱ་ངན་ལས་འདས་སོ། །ད་འདིར་བཅོམ་ལྡན་འདས་ཡོངས་སུ་མྱ་ངན་ལས་འདས་པའི་ཚེ་ཡང ། དགེ་སློང་ཁྲི་བརྒྱད་སྟོང་ཡོངས་སུ་མྱ་ངན་ལས་འདས་ཏེ། དགེ་སློང་དེ་སྙེད་ཅིག་ཡོངས་སུ་མྱ་ངན་ལས་འདས་པས། ལྷའི་བུ་ཚེ་བསྐལ་པ་བརྒྱ་ཕྲག་མང་པོ་ཐུབ་པ་དག་།ཅི་བཅོམ་ལྡན་འདས་ཀྱི་གསུང་རབ་ནི་དུད་པ་ཙམ་དུ་གྱུར་ཏེ། དགེ་སློང་དབང་ཡོད་པ་དག་ཀྱང་ཡོངས་སུ་མྱ་ངན་ལས་འདས་ནས། བཅོམ་ལྡན་འདས་ཀྱི་མདོ་སྡེ་</font><hr>Da460a<br><font size=+2>


༄#། །དང ། འདུལ་བ་དང ། མ་མོ་དག་ཀྱང་མི་སྒྲོགས་སོ། །ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པས་དེ་ལྟ་བས་ན། འདིར་ཤོག་ལ་འདུས་ཤིག་།དགེ་སློང་དག་གིས་ལེགས་ཀྱི། དེ་བཞིན་དུ་བགྱིའོ། །ཞེས་སྨྲས་སོ། །དགེ་འདུན་གྱི་དགེ་སྐོས་གང་ཡིན། ཚེ་དང་ལྡན་པ་གང་པོ་ལགས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ་ཚུར་ཤོག་།ཁྱོད་ཀྱིས་གཎྜཱི་བརྡུངས་ལ། དགེ་སློང་གི་དགེ་འདུན་དག་སྡུས་ཤིག་།ཚེ་དང་ལྡན་པ་འོད་སྲུང་ཆེན་པོས་དེ་སྐད་བསྒོ་བ་དང ། ཚེ་དང་ལྡན་པ་གང་པོས་ཚེ་དང་ལྡན་པ་འོད་སྲུང་གི་ལྟར་མཉན་ནས། རབ་ཀྱི་མཐར་ཕྱིན་པའི་བསམ་གཏན་བཞི་ལ་སྙོམས་པར་ཞུགས་ནས། ཇི་ཙམ་ཡེ་ཤེས་མཐོང་བ་ལ་ཞུགས་པ་དེ་ཙམ་དུ་རྣམ་པར་བལྟས་ནས། དེ་ནས་ཏིང་ངེ་འཛིན་དེ་ལས་ལངས་ནས་གཎྜཱི་བརྡུང་བར་བརྩམས་སོ། །དེས་གཎྜཱི་བརྡུངས་པ་དང ། གཅིག་མ་གཏོགས་པ་ཡུལ་ཐ་དད་ན་གནས་པའི་དགེ་སློང་གི་དགེ་འདུན་དགྲ་བཅོམ་པ་ལྔ་བརྒྱ་འདུས་ནས། དགེ་སློང་འདུས་ཤིང་འདུག་པ་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་སྨྲས་སོ། །ཚེ་དང་ལྡན་པ་དག་།དགེ་སློང་གི་དགེ་འདུན་འདུས་པ་ལས། གང་དག་སུ་མ་འོངས་པ་རྟོགས་ཤིག་།དགེ་སློང་དག་གིས་</font><hr>Da460b<br><font size=+2>


ཡུལ་ཐ་དད་པ་ན་གནས་པའི་དགེ་སློང་དག་ལ་ཕན་ཚུན་རྣམ་པར་བལྟས་ནས། ཚེ་དང་ལྡན་པ་འོད་སྲུང་ཆེན་པོ་ལ། ཚེ་དང་ལྡན་པ་བ་ལང་བདག་མ་གཏོགས་པ་དགེ་སློང་མང་པོ་ཐམས་ཅད་འདུས་ཤིང་མཆིས་ལགས་སོ། །ཞེས་སྨྲས་སོ། །དེའི་ཚེ་ན་ཚེ་དང་ལྡན་པ་བ་ལང་བདག་ཤིང་ཤི་རི་ཤ་ཀའི་གཞལ་མེད་ཁང་སྟོང་བ་ན་འདུག་གོ་།དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ་ཚུར་ཤོག་།ཚེ་དང་ལྡན་པ་བ་ལང་བདག་ག་ལ་བ་དེར་སོང་ལ། ཕྱིན་ནས་ཚེ་དང་ལྡན་པ་བ་ལང་བདག་ལ་འདི་སྐད་ཅེས་སྨྲོས་ཤིག་།འོད་སྲུང་ལ་སོགས་པ་དགེ་སློང་གི་དགེ་འདུན་རྣམས་འདི་སྐད་དུ་ནད་མེད་པར་གྱུར་ཅིག་།དགེ་འདུན་གྱི་བྱ་བ་ཅུང་ཟད་ཅིག་ཡོད་པས་མྱུར་དུ་བོས་ཤིག་ཅེས་བྱོས་ཤིག་ཚེ་དང་ལྡན་པ་འོད་སྲུང་གིས་དེ་སྐད་སྨྲས་པ་དང ། ཚེ་དང་ལྡན་པ་གང་པོས་ཚེ་དང་ལྡན་པ་འོད་སྲུང་ལས་མཉན་ནས། ཇི་ལྟར་སེམས་མཉམ་པར་བཞག་ན། གྲོང་ཁྱེར་རྩཝ་ཅན་ནས་མི་སྣང་ཞིང ། ཤིང་ཤི་རི་ཤ་ཀའི་གཞལ་མེད་ཁང་སྟོང་པ་ན་འདུག་པ་དེ་ལྟ་བུའི་ཏིང་ངེ་འཛིན་ལ་སྙོམས་བར་ཞུགས་སོ། །དེ་ནས་ཚེ་དང་ལྡན་པ་གང་པོ་ཚེ་དང་ལྡན་པ་བ་ལང་བདག་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་བ་ལང་བདག་གི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་བ་ལང་བདག་ལ་འདི་སྐད་ཅེས་སྨྲས་སོ། །འོད་སྲུང་ལ་སོགས་པ་དགེ་</font><hr>Da461a<br><font size=+2>


༄#། །སློང་གི་དགེ་འདུན་རྣམས། ཚེ་དང་ལྡན་པ་བ་ལང་བདག་ནད་མེད་པར་གྱུར་ཅིག་།དགེ་འདུན་གྱི་བྱ་བ་ཅུང་ཟད་ཡོད་ཀྱི། མྱུར་དུ་བོས་ཤིག་།ཅེས་དེ་སྐད་ཟེར་རོ། །དེ་འདོད་ཆགས་དང་བྲལ་བ་ཡིན་ཡང ། བྱམས་པའི་བག་ཆགས་ཀྱིས་བསྒོས་པས། ཚེ་དང་ལྡན་པ་གང་པོ། བཅོམ་ལྡན་འདས་གདུལ་བའི་དོན་དུ་འཇིག་རྟེན་གཞན་དུ་མ་གཤེགས་སམ། དགེ་སློང་གི་དགེ་འདུན་འཐབ་པ་དང ། རྩོད་པ་དང ། འགྱེད་པ་དང ། མཚང་མི་འདྲུའམ། དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་བ་མུ་སྟེགས་ཀྱིས་ཀུན་ཏུ་མ་བཟློག་གམ། དེ་དག་འདུས་ནས་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ལ་གནོད་པ་མ་བྱས་སམ། དེ་བཞིན་གཤེགས་པ་ཉི་མ་དང་འདྲ་བ་ལ། ཉོན་མོངས་པས་དཀྲིས་པའི་དབང་དུ་གྱུར་པ། དགེ་སྦྱོང་དང ། བྲམ་ཟེ་དང ། སྤྱོད་པ་དང ། ཀུན་ཏུ་རྒྱུ་དག་གིས་བརྙས་པར་མ་གྱུར་ཏམ། མ་རིག་པའི་མུན་པས་ཡོག་པའི་བློ་གྲོས་ཅན་དག་གིས་དགེ་འདུན་འདུས་པའི་དབྱེན་མ་བྱས་སམ། གང་དེ་བཞིན་གཤེགས་པས་གསུངས་པའི་ཆོས་དང ། འདུལ་བ་ལ། ཆོས་དང་འདྲ་བའི་ཚིག་དང ། ཡི་གེ་དང ། ལྟ་བའི་དྲ་བ་མ་བྱུང་ངམ། ཚངས་པ་མཚུངས་པར་སྤྱོད་པ་དག། ཀློག་པ་དང ། འདོན་པ་དང ། ཡིད་ལ་བྱེད་པ་དག་ལ་བློ་བསྒྱུར་ནས་འདུས་ཤིང་བྲེ་མོའི་གཏམ་བྱེད་པར་མ་གྱུར་ཏམ། གང་ཐེ་ཚོམ་དང ། </font><hr>Da461b<br><font size=+2>


ཡིད་གཉིས་ལ་ཞུགས་པའི་སེམས་ཀྱིས། ཆོས་མ་ཡིན་པ་ལ་ནི་ཆོས་སུ། ཆོས་ལ་ནི་ཆོས་མ་ཡིན་པར། འདུལ་བ་མ་ཡིན་པ་ལ་ནི་འདུལ་བར། འདུལ་བ་ལ་ནི་འདུལ་བ་མ་ཡིན་པར་མ་བཤད་དམ། དགེ་སློང་དག། སེར་སྣའི་དྲི་མས་ཡོག་པས་ཚངས་པ་མཚུངས་པ་གློ་བུར་དུ་འོངས་པ་རྣམས་ལ། ཀུན་ཏུ་དགའ་བར་བྱ་བའི་ཆོས་དྲུག་ལ་སོགས་པ་མི་བྱེད་ཅིང ། ཁྱད་དུ་གསོད་པར་མི་བྱེད་དམ། གང་རབ་ཏུ་བྱུང་བ་ངན་པ་དག་གིས། བྲམ་ཟེ་དང ། ཁྱིམ་བདག་དད་པ་ཅན་དག་བསྟན་པ་ལ་མ་དད་པར་བྱས་ནས། མུ་སྟེགས་ཅན་ལ་རྟེན་པར་མ་གྱུར་ཏམ། གང་དག་ལོག་པར་འཚོ་བ་ཀུན་ཏུ་སྤྱོད་པ་ཞིང་རྨོ་བ་དང ། ཉོ་ཚོང་བྱེད་པ་དང ། རྒྱལ་པོ་ལ་རྟེན་ཅིང་འཚོ་བ་ལྟོས་པར་མ་གྱུར་ཏམ། གང་དག་སྦྱངས་པའི་ཡོན་ཏན་ཡང་དག་པར་བླངས་ནས་བས་མཐའི་གནས་མལ་དུ་རྟེན་པ་ལས། སྦྱངས་པའི་ཡོན་ཏན་དེ་དག་བོར་བར་མ་གྱུར་ཏམ། དགེ་སྦྱོང་མ་ཡིན་པ་དགེ་སྦྱོང་དུ་ཁས་འཆེས་ནས་ཚངས་པ་མཚུངས་པར་སྤྱོད་པ་འཁྲུག་པར་མི་བྱེད་དམ། དེ་ལྟར་མོད་ཀྱི། ཇོ་ཅོ་གང་པོ། སངས་རྒྱས་ལ་སོགས་པ་དགེ་སློང་གི་དགེ་འདུན་ཞེས་སྨྲ་བའི་རིགས་ན། འོད་སྲུང་ལ་སོགས་པ་ཞེས་སྨྲའམ། ཐུགས་རྗེ་ཆེན་པོ་ལ་གོམས་པར་གནས་པ། ཀུན་ཏུ་སྤྱོད་པ་ལ་ཞུགས་པའི་སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་ལ་མ་ཞུགས་</font><hr>Da462a<br><font size=+2>


༄#། །སམ། འགྲོ་བའི་རུ་སྐྱ་འཛིན་བ་མེད་ནས་འཇིག་རྟེན་འཁྲུགས་པར་མ་གྱུར་ཏམ། སྟོབས་བཅུ་དང་ལྡན་པ་མི་རྟག་པའི་སྟོབས་ཀྱིས་ནོན་པར་མ་གྱུར་ཏམ། སེམས་ཅན་ཐམས་ཅད་ཀྱི་སྟོན་པ་བདག་ཅག་སད་པར་བྱེད་པའི་མགོན་པོ་མ་གཟིམས་སམ། སངས་རྒྱས་ཉིན་བྱེད་མ་ནུབ་བམ། ཐུབ་པའི་དབང་པོའི་ཟླ་བ་སྒྲ་གཅན་གྱིས་བཅོམ་ནས་སྣང་བ་མེད་པར་མ་གྱུར་ཏམ། སུམ་ཅུ་རྩ་གསུམ་ན་དབང་ཕྱུག་དཔག་བསམ་གྱི་ཤིང་དྲི་ཞིམ་པོ། བྱང་ཆུབ་ཀྱི་ཡན་ལག་གི་མེ་ཏོག་གིས་མཛེས་པར་བྱས་པ། དགེ་སྦྱོང་གི་འབྲས་བུ་བཟང་པོ་བཞི་དང་ལྡན་པ། མི་རྟག་པའི་གླང་པོ་ཆེ་སྨྱོན་པས་མ་བཅོམ་མམ། ཡེ་ཤེས་ཀྱི་སྒྲོན་མ་མི་རྟག་པའི་རླུང་གིས་བདས་ནས་ཡོངས་སུ་མྱ་ངན་ལས་མ་འདས་སམ། ཞེས་སྨྲས་སོ། །དེ་ནས་དེའི་ཚེ་ཚེ་དང་ལྡན་པ་གང་པོས་ཚིགས་སུ་བཅད་དེ་སྨྲས་པ། བློ་ལྡན་བསྟན་པ་གནས་བྱའི་ཕྱིར། །ཉན་ཐོས་དགེ་འདུན་ཚོགས་ནས་ནི།། དེ་དག་དེར་ནི་འདུས་གྱུར་ཏེ། །ཁྱོད་ལ་སྡོད་ཅིང་དེ་བརྩོན་བྱེད། །གྲུ་ཆེན་རྐྱལ་པ་དེ་ཞིག་སྟེ། །ཡེ་ཤེས་རི་ཡང་རྣམ་པར་རྙིལ། །བསྟན་པ་རབ་མཆོག་ལྡན་པ་ཡི། །དགེ་སློང་མང་པོ་རྣམ་པར་ཞི། །གྱི་ན་མ་ལགས་ལེགས་པར་ནི། །བདག་ནི་ཕོ་ཉར་འདིར་འོངས་ན། །བསྟན་པ་གནས་པར་བྱ་བའི་ཕྱིར། །དེ་བས་ཁྱོད་ནི་ངེས་པར་བཞུད། །དེ་ནས་ཚེ་དང་ལྡན་པ་བ་ལང་བདག་</font><hr>Da462b<br><font size=+2>


གིས། ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ་ཆོག་གི་།དེ་སྐད་མ་སྨྲ་ཞིག་།འགྲོ་བའི་དུས་མ་ཡིན་ནོ། །འོན་ཀྱང་ཇོ་ཅོ་གང་པོ། འགྲོ་བའི་སྒྲོན་མ་མགོན་པོ་བཞུགས་ན་དེར། །བདག་ནི་འགྲོ་བར་བྱ་བའི་བློ་ཡོད་ཀྱང ། །དེ་ནས་ཕ་རོལ་རབ་ཞི་གཤེགས་གྱུར་ན། །བློ་ལྡན་གང་ཞིག་འཇིག་རྟེན་དེ་དག་འགྲོ་།ལྷུང་བཟེད་ཆོས་གོས་རྣམ་གསུམ་མཆོག་འདི་དག་།ཁྱོད་ཀྱིས་དགེ་འདུན་དག་ལ་དབུལ་བར་གྱིས། །བདག་ནི་ཞི་བ་ཡང་སྲིད་མེད་པར་འགྲོའི། །བདག་གིས་བསམས་པ་འཕགས་ལ་བཟོད་པར་གསོལ། །དེ་ནས་ཚེ་དང་ལྡན་པ་བ་ལང་བདག་གིས་སྦར་བ་དང ། དྲོ་བ་དང ། ཆར་དབབ་པ་དང ། གསལ་བ་མཆོག་དག་གི་ཆོ་འཕྲུལ་ཆེན་པོ་བསྟན་ཏེ། ཕུང་པོ་ལྷག་མ་མེད་པའི་དབྱིངས་སུ་ཡོངས་སུ་མྱ་ངན་ལས་འདས་སོ།། དེའི་ལུས་རང་ལས་བྱུང་བའི་མེའི་ཁམས་ཀྱིས་རྣམ་པར་ཚིག་སྟེ། དེ་ལས་ཆུའི་རྒྱུན་རྣམ་པ་བཞི་བབ་བོ། །ཆུའི་རྒྱུན་གཅིག་ལས་སྒྲ་བསྒྲགས་པའི་དབྱངས་ཀྱིས་རྗེས་སུ་བསྟན་པ།་ད་ལྟར་དུས་རྣམས་ངན་གྱུར་ཏེ། །སེམས་ཅན་རང་གི་ལས་ལ་རྟེན། །འགྲོ་བའི་སྒྲོན་མ་དེ་འདས་པས། །ཐམས་ཅད་འགྲོ་བར་འཇུག་པར་རྟོགས། །གཉིས་པས་སྨྲས་པ། འདུས་བྱས་བསགས་པ་སྐད་ཅིག་འཇིག་འགྱུར་ཏེ། །སྐྱེ་ལ་སོགས་པ་སྡུག་བསྔལ་ཉོན་མོངས་ལྡན། །སོ་སོའི་སྐྱེ་བོ་བདག་ཏུ་ང་རྒྱལ་ཏེ། །དེ་དག་བྱེད་པ་མེད་པར་རིག་པར་བྱ། །གསུམ་</font><hr>Da463a<br><font size=+2>


༄#། །པས་སྨྲས་པ། མཁས་པས་རྟག་ཏུ་དགོངས་པ་བག་ཡོད་ཅིང ། །བསོད་ནམས་ཡིད་ལ་བྱ་བ་དེ་བརྩོན་བྱ། །འབྱུང་པོའི་ཚོགས་ཀུན་སོང་ཞིང་འཇིག་འགྱུར་ཏེ། །སྲོག་དང་བཅས་པའི་དཔལ་ནི་གཡོ་བར་གྱུར། །བཞི་པས་སྨྲས་བ། ཐུབ་པ་དེ་ལ་སློབ་མཆོག་ཡང་དག་བཏུད། །རང་གི་དགོས་པ་མ་ལུས་ཐམས་ཅད་བྱས། །གུས་ཤིང་རབ་ཏུ་དད་པས་བླ་མ་དེའི། །ཕྱི་བཞིན་པ་ལང་བདག་ཀྱང་དེ་ལྟར་སོང ། །དེ་ནས་ཚེ་དང་ལྡན་པ་གང་པོས། ཚེ་དང་ལྡན་པ་བ་ལང་བདག་གི་རུས་པ་ལ། རུས་པའི་མཆོད་པ་བྱས་ནས་ལྷུང་བཟེད་དང་ཆོས་གོས་བླངས་ཏེ། ཇི་ལྟར་སེམས་མཉམ་པར་བཞག་ན། ཤིང་ཤ་རི་ཤ་ཀའི་གཞལ་མེད་ཁང་ནས་མི་སྣང་ཞིང ། གྲོང་ཁྱེར་རྩཝ་ཅན་གྱི་གྱད་རྣམས་ཉེ་བར་རྟེན་པ་དང ། ཤིང་སཱ་ལ་ཟུང་གི་ཚལ་དུ་གནས་པར་བྱ་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཚེ་དང་ལྡན་པ་གང་པོ་འོད་སྲུང་ལ་སོགས་པ་དགེ་སློང་ལྔ་བརྒྱ་ག་ལ་བ་དེར་སོང་སྟེ་ཕྱིན་ནས། ཇི་ལྟར་རྒན་རིམས་ལ་ཕྱག་འཚལ་ཏེ། ལྷུང་བཟེད་དང་ཆོས་གོས་རྒན་པ་ལ་བྱིན་ནས་འདི་སྐད་ཅེས་སྨྲས་སོ། །མགོན་པོའི་སྐུ་ནི་མེད་པར་དེས་ཐོས་ནས། །བསོད་ནམས་ལས་ཀྱིས་རབ་ཏུ་ཞི་བར་སོང ། །དེ་ཡི་ལྷུང་བཟེད་ཆོས་གོས་འདི་ཡིན་ཏེ། །དེས་བསམས་དགེ་འདུན་དག་ལ་བཟོད་པར་གསོལ། །དེ་ནས་ཚེ་དང་ལྡན་པ་འོད་སྲུང་ཆེན་པོས་དགེ་</font><hr>Da463b<br><font size=+2>


སློང་དག་ལ་འདི་སྐད་ཅེས་སྨྲས་སོ། །ཀྱེ་ཚངས་པ་མཚུངས་པར་སྤྱོད་པ་དག་ཉོན་ཅིག་།ཇི་ལྟར་དེ་ནི་འཕགས་པའི་ཚུལ་གྱིས་འདས། །གཞན་གྱིས་དེ་བཞིན་རབ་ཞིར་འགྲོ་མི་བྱ། །དེ་བས་ཇི་སྲིད་དགོས་པའི་དོན་བྱ་ཞིང ། །དབང་ཅན་ཚོགས་ནས་དེ་སྲིད་འགྲོ་བར་བྱ། །དེ་ནས་ཡང་ཚེ་དང་ལྡན་པ་འོད་སྲུང་ཆེན་པོས། དགེ་སློང་དེ་དག་བརྟན་པར་བྱ་བའི་ཕྱིར་སྨྲས་པ། ཇི་ལྟར་བསོད་ནམས་ལས་ཀྱིས་ཞི་གྱུར་པ། །ཤི་རི་ཤ་ཀའི་སེམས་མཆོག་བ་ལང་བདག་།དེ་ལྟར་ཁྱེད་ཀྱིས་དེ་བཞིན་མི་བསམ་སྟེ། །འགྲོ་དོན་དགོས་ཕྱིར་ཚོགས་ནས་བློ་གྲོས་བྱ། །དེ་ནས་ཚེ་དང་ལྡན་པ་འོད་སྲུང་ཆེན་པོས། དགེ་སློང་ལྔ་བརྒྱ་པོ་དེ་དག་ལ་ཁྲིམས་སུ་བཅས་ནས་སྨྲས་པ། ཚེ་དང་ལྡན་པ་དག་།བདག་ཇི་སྐད་སྨྲ་བ་གསོན་ཅིག་།ཇི་ལྟར་བདག་ཅག་གིས་ཆོས་ཀྱི་ཚུལ་ཇི་ལྟ་བ་བཞིན་བཤད་དང ། དེ་བཞིན་གཤེགས་པ་དང་རྣམ་པར་བྲལ་བའི་སྡུག་བསྔལ་ཅན་གྱི་དགེ་སློང་ཕྱོགས་དང་ལྗོངས་གང་དང་གང་ན་གནས་པ་དེ་དང་དེ་དག་གིས་ཐོས་ནས་འདིར་འོངས་ཏེ། དེ་དག་གིས་བདག་ཅག་གི་སེམས་གཡེང་བར་བྱེད་མོད་ཀྱི། འོན་ཀྱང་བཅོམ་ལྡན་འདས་ཀྱིས་ཡུལ་མ་ག་དྷར་བྱང་ཆུབ་ཅིང ། གང་དུ་བཅོམ་ལྡན་འདས་ཀྱིས་ཆོས་ཀྱི་སྐུ་བརྙེས་པ་དེར་ཆོས་ཀྱི་ཚུལ་བགྲོ་བར་བྱའོ། །དེ་ན་དགེ་སློང་གཅིག་གི་ལེགས་ཀྱི། དེ་བཞིན་དུ་བགྱིའོ། །ཞེས་སྨྲས་སོ། །གཞན་ཞིག་གིས་ཀྱང་ཚེ་དང་ལྡན་པ་ཅི་བྱང་ཆུབ་ཀྱི་ཤིང་དྲུང་དུ་</font><hr>Da464a<br><font size=+2>


༄#། །འདོང་ངམ། ཚེ་དང་ལྡན་པ་འོད་སྲུང་ཆེན་པོས་སྨྲས་པ། ཚེ་དང་ལྡན་པ་ཡུལ་མ་ག་དྷའི་རྒྱལ་པོ་ལུས་འཕགས་མའི་བུ་མ་སྐྱེས་དགྲ་རྩ་བ་མེད་པའི་དད་པ་དང་ལྡན་པ་དེ་དགེ་སློང་གི་དགེ་འདུན་གྱི་འཚོ་བའི་ཡོ་བྱད་དང ། ཆོས་ཀྱི་ཚུལ་རབ་ཏུ་སྦྱོར་བར་བྱེད་ཅིང ། ཞལ་ཏ་ཡང་བྱེད་པས་རྒྱལ་པོའི་ཁབ་ཏུ་འདོང་ངོ ། །དེ་དག་གིས་སྨྲས་པ། ལེགས་ཀྱི་དེ་བཞིན་དུ་བགྱི་ན། དེ་ལྟ་ན་ཡང་ཚེ་དང་ལྡན་པ་ཀུན་དགའ་བོ་ནི་སློབ་པའི་བྱ་བ་དང་བཅས་པ་ཡང་ཡིན་ན། བཅོམ་ལྡན་འདས་ཀྱིས་ཀྱང་མདོ་སྡེ་འདི་མཐའ་དག་གཏད་ན།་དེ་ལ་ཇི་ལྟར་བསྒྲུབ་པར་བགྱི། དེ་ནས་ཚེ་དང་ལྡན་པ་འོད་སྲུང་ཆེན་པོས་སྨྲས་པ། ཚེ་དང་ལྡན་པ་དག་།གལ་ཏེ་དེ་ལྟ་ན་སློབ་པའི་བྱ་བ་དང་བཅས་པའི་དགེ་སློང་གཞན་འཁོད་པ་དེ་དག་ཀྱང་འཁྲུག་པར་འགྱུར་པས། དེ་ལ་ཐབས་ཀྱི་རྣམ་པ་ཞིག་བྱས་ལ། འདི་ཆུའི་ཞལ་ཏ་པར་བསྐོ་བའི་སྤྲོ་བས་བསྐོས་ལ། ལྷག་མ་ནི་བཟློག་པར་བགྱིའོ། །དེ་དག་གིས་སྨྲས་པ། ལེགས་ཀྱི་དེ་བཞིན་དུ་བགྱིའོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད། དགེ་སློང་གི་དགེ་འདུན་གྱི་ཆུའི་ཞལ་ཏ་བྱེད་པར་སྤྲོའམ། དེས་སྨྲས་པ། ཚེ་དང་ལྡན་པ་འོད་སྲུང་ཆེན་པོ་སྤྲོའོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་གསོལ་</font><hr>Da464b<br><font size=+2>


བ་དང་གཉིས་ཀྱི་ལས་བྱ་བར་བརྩམས་ནས། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་ཀུན་དགའ་བོ་འདི། བཅོམ་ལྡན་འདས་ཀྱི་ཞལ་ཏ་པ་བཅོམ་ལྡན་འདས་ཀྱི་ཉེ་བ་ན་འདུག་ཅིང ། དེ་ལ་བཅོམ་ལྡན་འདས་ཀྱིས་ཀྱང་མདོ་སྡེ་མཐའ་དག་གཏད་དེ། དེ་ལྟ་བས་ན་ཚེ་དང་ལྡན་པ་ཀུན་དགའ་བོ་དགེ་འདུན་གྱི་ཆུའི་ཞལ་ཏ་པར་བསྐོ་ཏེ། ཚེ་དང་ལྡན་པ་ཀུན་དགའ་བོ་ཆུའི་ཞལ་ཏ་པར་བསྐོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་སློང་ཀུན་དགའ་བོ་ཆུའི་ཞལ་ཏ་བ་ཆུ་འབྲིམ་པར་བསྐོ་སྟེ། དགེ་སློང་ཀུན་དགའ་བོ་ཆུའི་ཞལ་ཏ་བ་ཆུ་འབྲིམ་པར་འགྱུར་རོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་ཀུན་དགའ་བོ་ནི་བཅོམ་ལྡན་འདས་ཀྱི་ཞལ་ཏ་པ་བཅོམ་ལྡན་འདས་ཀྱི་ཉེ་བ་ན་འདུག་ཅིང ། དེ་ལ་བཅོམ་ལྡན་འདས་ཀྱིས་མདོ་སྡེ་མཐའ་དག་གཏད་དེ། དེ་ལྟ་བས་ན་ཚེ་དང་ལྡན་པ་ཀུན་དགའ་བོ་དགེ་འདུན་གྱིས་དགེ་འདུན་ལ་ཆུ་འབྲིམ་པར་བསྐོ་སྟེ། ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་ན། ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་པར་བསྐོ་ཞིང ། ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་པར་ཚེ་དང་ལྡན་པ་གང་དག་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག ། </font><hr>Da465a<br><font size=+2>


༄#། །དགེ་འདུན་གྱིས་བཟོད་ཅིང་གནང་ནས་ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་པར་བསྐོས་ལགས་ཏེ། འདི་ལྟར་མི་གསུང་བས་དེ་དེ་བཞིན་དུ་འཛིན་ཏོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་བདུན་པ། དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཀུན་དགའ་བོ་ཁྱོད་ཚུར་ཤོག་།དགེ་སློང་གི་དགེ་འདུན་དང་ལྷན་ཅིག་ཅི་དགའ་བར་ལྗོངས་རྒྱུས་ལ་རྒྱལ་པོའི་ཁབ་ཏུ་སོང་ཞིག་།ང་ནི་ལམ་དྲང་པོ་ནས་འགྲོའོ། །བཙུན་པ་དེ་བཞིན་བགྱིའོ། །ཞེས་ཚེ་དང་ལྡན་པ་ཀུན་དགའ་བོ་དགེ་སློང་གི་དགེ་འདུན་དང་ཅི་དགའ་བར་ལྗོངས་རྒྱུ་ཞིང་སོང་ངོ ། །ཚེ་དང་ལྡན་པ་འོད་སྲུང་ཆེན་པོ་ཡང་སྔ་མ་བཞིན་ལམ་དྲང་པོ་ནས་རྒྱལ་པོའི་ཁབ་ཏུ་སོང་ངོ ། །ཡུལ་མ་ག་དྷའི་རྒྱལ་པོ་ལུས་འཕགས་མའི་བུ་མ་སྐྱེས་དགྲའི་སྤྱོད་པ་ནི་གང་དུ་གླང་པོ་ཆེ་ལ་ཞོན་ཏེ། བཅོམ་ལྡན་འདས་མཐོང་ན་དེ་མ་ཐག་ཏུ་རང་ལྷུང་ནས། དེ་བཅོམ་ལྡན་འདས་ཀྱི་མཐུས་མ་ཉམས་པར་ས་ལ་འཇོག་གོ་།ཡུལ་མ་ག་དྷའི་རྒྱལ་པོ་མ་སྐྱེས་དགྲས་ཚེ་དང་ལྡན་པ་འོད་སྲུང་ཆེན་པོ་མཐོང་སྟེ། མཐོང་ནས་བཅོམ་ལྡན་འདས་རྗེས་སུ་དྲན་པས། དེ་བཞིན་དུ་རང་ས་ལ་ལྷུང་བ་དང ། དེ་ཚེ་དང་ལྡན་པ་འོད་སྲུང་ཆེན་པོའི་རྫུ་འཕྲུལ་གྱིས་བཟུང་ནས་སྨྲས་པ། རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་དག་</font><hr>Da465b<br><font size=+2>


ནི་རྟག་ཏུ་མཉམ་པར་བཞག་པ་ལགས་ལ། ཉན་ཐོས་དག་ནི་མཉམ་པར་མ་བཞག་པར་ཡེ་ཤེས་མཐོང་བ་མི་འཇུག་སྟེ། དེ་རེས་འགའ་ནི་དེ་བཞིན་དུ་མཉམ་པར་བཞག་ནས་གནས། རེས་འགའ་ནི་མཉམ་པར་མ་བཞག་པར་གནས་པས་དེ་ཕྱིན་ཆད་ཁྱོད་ཀྱིས་བཅོམ་ལྡན་འདས་ཀྱི་ཉན་ཐོས་མཐོང་ན། གླང་པོ་ཆེ་དང ། རྟ་ལས་རང་ལྷུང་བར་མ་བྱེད་ཅིག་།ཅེས་དེར་ཁྲིམས་བཅས་སོ། །དེས་སྨྲས་པ། འཕགས་པ་ཇི་སྐད་བཀའ་སྩལ་པ་དེ་བཞིན་དུ་བགྱིའོ། །འཕགས་པ་འོན་ཀྱང་གང་གི་ཚེ་བཅོམ་ལྡན་འདས་བཞུགས་པ་དེའི་ཚེ། བདག་བཅོམ་ལྡན་འདས་ལ་བཀུར་སྟིར་བགྱིད་ན། འདི་ལྟར་བཅོམ་ལྡན་འདས་ནི་ཡོངས་སུ་མྱ་ངན་ལས་འདས་ནས། ད་བདག་གིས་གང་ཞིག་ལ་བཀུར་སྟི་བགྱི་ལགས། དེ་ལྟ་བས་ན་བདག་ལ་བཅོམ་ལྡན་འདས་ཉིད་ཀྱིས་བཅོམ་ལྡན་འདས་ཀྱི་བསྟན་པ་གཏད་དོ། །ཞེས་སྨྲས་ནས། བློན་པོ་ལ་ཤེས་ལྡན་འཕགས་པ་འོད་སྲུང་ཆེན་པོའི་དགོས་པ་ཐམས་ཅད་སྦྱོར་ཅིག་།ཅེས་བསྒོའོ། ། ཚེ་དང་ལྡན་པ་འོད་སྲུང་ཆེན་པོས་སྨྲས་པ། རྒྱལ་པོ་ཆེན་པོ། བཅོམ་ལྡན་འདས་ནི་ཡུལ་མ་ག་དྷར་བྱང་ཆུབ་སྟེ། དེར་བཅོམ་ལྡན་འདས་ཀྱི་ཆོས་ཀྱི་སྐུ་བརྙེས་པས་དགེ་སློང་གི་དགེ་འདུན་རྣམས་ལམ་དུ་ཞུགས་ཏེ། ལྷའི་གནས་འདིར་ཆོས་ཀྱི་ཚུལ་འདི་བགྲོ་བར་འཚལ་ལགས་སོ། །དེས་སྨྲས་པ། འཕགས་པ་ལེགས་ཀྱི། བདག་གིས་དགེ་སློང་གི་དགེ་འདུན་ལ་</font><hr>Da466a<br><font size=+2>


༄#། །ཡོ་བྱད་ཐམས་ཅད་བསྟབ་པར་བགྱིའོ། །དེ་ནས་ཚེ་དང་ལྡན་པ་འོད་སྲུང་ལ་སོགས་པ་དགྲ་བཅོམ་པ་ལྔ་བརྒྱ་པོ་རྣམས་མདོ་སྡེ་དང ། འདུལ་བ་དང ། ཆོས་མངོན་པ་བསྡུ་བར་བྱ་བའི་ཕྱིར། རྒྱལ་པོའི་ཁབ་ཏུ་ཕྱིན་པ་དང ། ཡུལ་མ་ག་དྷའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས་དགྲ་བཅོམ་པ་ལྔ་བརྒྱ་རྒྱལ་པོའི་ཁབ་ཏུ་ཕྱིན་པར་ཐོས་སོ། །ཐོས་ནས་ཀྱང་གྲོང་ཁྱེར་དག་བྱི་དོར་བྱས་ཏེ། ལམ་དག་བསྟར་ནས་བཙུན་མོ་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་རྣམས་ཀྱིས་བསུའོ། །དེ་ནས་སྐྱེས་བུ་བཟང་པོ་སྟོང་གིས་ཞབས་འབྲིང་བྱས་ནས་རབ་ཏུ་མཛེས་པར་བྱས་ཏེ། དགེ་སློང་གི་དགེ་འདུན་རྣམས་གྲོང་ཁྱེར་དུ་ཕྱིན་ནས། ཡོ་བྱད་ཐམས་ཅད་ཀྱིས་བསྟབས་སོ། །དེ་ནས་རྒན་རིམ་ཀྱིས་འདུག་པ་དང ། ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་ཕྱོགས་གང་དུ་བགྲོ་བར་བགྱི། དེས་སྨྲས་པ། རྒྱལ་པོ་ཆེན་པོ་འོད་མའི་ཚལ་བྱ་ཀ་ལན་ད་ཀ་གནས་པ་འདིར་ཡང་དགེ་སློང་དག་དེ་བཞིན་གཤེགས་པ་དང་བྲལ་ཏེ། སྡུག་བསྔལ་སྐྱེས་པས་ཕྱོགས་དང་ལྗོངས་གང་དང་གང་ན་གནས་པ་དེ་དང་དེ་དག་འདིར་མཆིས་ཏེ། དེས་བདག་ཅག་གི་སེམས་གཡེང་བའི་སྐྱོན་མཆིས་སོ། །བྱ་རྒོད་ཀྱི་ཕུང་པོའི་རི་ལ་ཡང་དེ་བཞིན་དུ་ཉེས་དམིགས་མཆིས་ཏེ། ཤིང་ནྱ་གྲོ་དྷའི་ཕུག་འདི་ནི་རབ་ཏུ་དབེན་མོད་ཀྱི། འོན་ཀྱང་མལ་སྟན་མ་མཆིས་ལགས་སོ། །རྒྱལ་པོས་སྨྲས་པ། འཕགས་པ་</font><hr>Da466b<br><font size=+2>


ཁྱོད་ཀྱིས་སེམས་བསྐྱེད་ཅིག་དང ། མལ་སྟན་མཆིས་སོ། །ཚེ་དང་ལྡན་པ་འོད་སྲུང་ཆེན་པོས་སྨྲས་པ། ཚེ་དང་ལྡན་པ་དག་།རྒྱལ་པོ་ནི་འདི་སྐད་ཅེས་ཤིང་ནྱ་གྲོ་དྷའི་ཕུག་འདིར་བགྲོ་བར་བྱའོ། ། ཞེས་ཟེར་རོ། །དགྲ་བཅོམ་པ་ལྔ་བརྒྱ་པོ་རྣམས་ཀྱང་ཅང་མི་གསུང་བས་གནང་ངོ ། །རྒྱལ་པོས་སྨྲས་པ། འཕགས་པ་འོད་སྲུང་ཆེན་པོ་བཅོམ་ལྡན་འདས་ཀྱིས་ཀྱང ། བདག་ལ་མ་སྦྲན་པ་ཁོ་ནར་ཡོངས་སུ་མྱ་ངན་ལས་འདས་སོ། །ཁྱོད་ཀྱིས་ཀྱང་མ་བརྟགས་པར་ཡོངས་སུ་མྱ་ངན་ལས་འདའ་བར་མ་མཛད་ཅིག་།ཚེ་དང་ལྡན་པ་འོད་སྲུང་ཆེན་པོས་ཀྱང་དེ་བཞིན་དུ་གནང་ངོ ། །དེ་ནས་ཚེ་དང་ལྡན་པ་འོད་སྲུང་ཆེན་པོས། ཇེ་དང་པོར་དབྱར་སྦྱོར་བ་རལ་བ་དང ། འདྲུམས་པ་དག་བཅོས་ནས་ཕྱིར་དབྱར་གནས་པར་ཁས་བླངས་ཏེ། ཆོས་བགྲོ་བར་བྱའོ་སྙམ་དུ་བསམས་ནས། དེས་དང་པོར་དབྱར་སྦྱོར་བ་རལ་བ་དང ། འདྲུམས་པ་དག་བཅོས་ནས། ཕྱིས་དབྱར་གནས་པར་ཁས་བླངས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་ཀུན་དགའ་བོའི་སེམས་ལ་ཀུན་ཏུ་བལྟས་ནས། ཚེ་དང་ལྡན་པ་མ་འགགས་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མ་འགགས་པ་དགོངས་ཤིག་།འཁོར་འདི་དེ་བཞིན་གཤེགས་པས་རབ་ཏུ་བསྔགས་པའི་ནང་ན། དགེ་སློང་འདོད་ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པ། སྲེད་པ་དང་བཅས་པ། ལེན་པ་དང་བཅས་པ་སློབ་པ་དག་ཡོད་དོ།། </font><hr>Da467a<br><font size=+2>


༄#། །དེ་ནས་ཚེ་དང་ལྡན་པ་མ་འགགས་པས་བསམ་གཏན་བཞི་ལ་སྙོམས་པར་ཞུགས་ཏེ་རྣམ་པར་བརྟགས་ན། ཚེ་དང་ལྡན་པ་ཀུན་དགའ་བོ་གཅིག་པུ་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྲེད་པ་དང་བཅས། ལེན་པ་དང་བཅས་ཏེ་སློབ་པ་ཡིན་པར་མཐོང་ངོ ། །མཐོང་ནས་ཀྱང་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོད་སྲུང་ཆེན་པོ་མཁྱེན་པར་མཛོད་ཅིག་།དགེ་སློང་གི་དགེ་འདུན་རྣམས་ནི་སྙིང་པོ་མེད་པ་དང་བྲལ། དག་པ་གཙང་བ། སྙིང་པོ་ཅན། བླ་ན་མེད་པ། བསོད་ནམས་ཀྱི་ཞིང་འཇིག་རྟེན་གྱི་སྦྱིན་གནས་ཡིན་མོད་ཀྱི། ཚེ་དང་ལྡན་པ་ཀུན་དགའ་བོ་ནི་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྲེད་པ་དང་བཅས། ལེན་པ་དང་བཅས་པ་ཡིན་ཏེ། སློབ་པ་ཡིན་ནོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་ཀུན་དགའ་བོ་ལ་ཅི་སྤྲོ་བ་བྱས་པས་འདུལ་བར་འགྱུར་རམ། འོན་ཏེ་སྤྱོ་བས་འདུལ་བར་འགྱུར་བ་རྣམ་པར་བརྟགས་ན། ཇི་ཙམ་སྤྱོས་ནས་འདུལ་བར་མཐོང་ནས། དེས་དེ་ལ་ངེད་ནི་འདུས་པའི་མཆོག་ཡིན་ལ། ཀུན་དགའ་བོ་ཁྱོད་དང་ངེད་ལྷན་ཅིག་ཆོས་བགྲོ་བར་མི་བྱས། ཁྱོད་སོང་ཞིག་།ཅེས་སྨྲས་པ་དང ། དེ་གནད་དུ་ཕོག་པ་བཞིན་དུ་རབ་ཏུ་གཡོས་ནས་སྨྲས་པ། ཚེ་དང་ལྡན་པ་འོད་སྲུང་ཆེན་པོ་ཆོག་གོ་།བདག་གིས་</font><hr>Da467b<br><font size=+2>


ཚུལ་ཁྲིམས་ཉམས་པར་མ་བྱས། ལྟ་བ་ཉམས་པར་མ་བྱས། སྤྱོད་པ་ཉམས་པར་མ་བྱས། འཚོ་བ་ཉམས་པར་མ་བྱས་ཏེ། བདག་གིས་ཅུང་ཟད་ཀྱང་དགེ་འདུན་ལ་ཉེས་པ་མ་བྱས་མོད་ཀྱི།་བཙུན་པ་འོད་སྲུང་ཆེན་པོ་བཟོད་པ་མཛོད་ཅིག་།དེས་ཚེ་དང་ལྡན་པ་ཀུན་དགའ་བོ་ཁྱོད་ཀྱིས། བཅོམ་ལྡན་འདས་ཀྱི་ཞབས་འབྲིང་ཉེ་བ་ན་འདུག་འདུག་པས། ཚུལ་ཁྲིམས་ཉམས་པར་མ་བྱས་པ་དང ། ལྟ་བ་ཉམས་པར་མ་བྱས་པ་དང ། སྤྱོད་པ་ཉམས་པར་མ་བྱས་པ་དང ། འཚོ་བ་ཉམས་པར་མ་བྱས་བལྟ་ངོ་མཚར་ཅི་ཆེ། ངས་དགེ་འདུན་ལ་ཉེས་པ་ཅུང་ཟད་ཀྱང་མ་བྱས་སོ། །ཞེས་སྨྲ་བར་བྱེད་དམ། ལོངས་ལ་ཚུལ་ཤིང་ཟུང་ཞིག་དང ། ཁྱོད་ཀྱི་ཉེས་པ་བསྟན་པར་བྱའོ། །ཞེས་སྨྲས་པ་དང ། ཚེ་དང་ལྡན་པ་ཀུན་དགའ་བོ་ལངས་སོ། །དེ་ལངས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལན་གསུམ་དུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། འགུལ། རབ་ཏུ་འགུལ། ཀུན་ཏུ་རབ་ཏུ་འགུལ་ཏེ། ནམ་མཁའ་ལ་གནས་པའི་ལྷ་དག་ངོ་མཚར་དུ་གྱུར་ནས། མིག་ཕྱེ་སྟེ་ཨ་ལ་ལ། ཞེས་སྨྲས་ནས། ཀྱེ་མ་འཕགས་པ་འོད་སྲུང་ཆེན་པོ་ནི་བདེན་པར་སྨྲ་བ། ཕན་པར་སྨྲ་བ་ཡིན་ན། ད་ལྟར་ཐུབ་པ་ལུས་འཕགས་ཀྱི་གནས་འདི་ན། འཕགས་པ་ཀུན་དགའ་བོ་ལ་རབ་ཏུ་དྲག་པས་སྤྱོ་བས་སྤྱོ་བར་བྱེད་དོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་ཀུན་</font><hr>Da468a<br><font size=+2>


༄#། །དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་ན་རེ། ངས་དགེ་འདུན་ལ་གནོད་པ་ཅི་ཡང་མ་བྱས་སོ། །ཞེས་ཟེར་ན། ཇི་ལྟར་ཁྱོད་ཀྱིས་དགེ་འདུན་ལ་གནོད་པ་མ་བྱས་པ་ཡིན། བཅོམ་ལྡན་འདས་ནི་བུད་མེད་རྣམས་གནས་ངན་ལེན་ཀུན་ཏུ་སྤྱོད་པས་རབ་ཏུ་དབྱུང་བར་མི་བཞེད་ན་ཁྱོད་ཀྱིས་གསོལ་བ་བཏབ་སྟེ། བཅོམ་ལྡན་འདས་ཀྱིས་ཀུན་དགའ་བོ་བུད་མེད་རབ་ཏུ་དབྱུང་ཞིང་བསྙེན་པར་རྫོགས་ཏེ། དགེ་སློང་མའི་དངོས་པོ་ཐོབ་པར་འགྱུར་བ་ང་ལ་མ་སྨྲ་ཞིག་།དེ་ཅིའི་ཕྱིར་ཞེ་ན།་ཀུན་དགའ་བོ། ཆོས་འདུལ་བ་ལ་བུད་མེད་རབ་ཏུ་ཕྱུང་ན། འདི་ལྟར་ཆོས་འདུལ་བ་ཡུན་རིང་དུ་གནས་པར་མི་འགྱུར་ཏེ། དཔེར་ན། འབྲས་སཱ་ལུ་ཕུན་སུམ་ཚོགས་པའི་ཞིང་ལ་སེར་བ་བབ་ན་འབྲས་སཱ་ལུ་གང་ཡིན་པ་དེ་བརླག་ཅིང་མེད་པར་འགྱུར་བ་དེ་བཞིན་དུ། ཆོས་འདུལ་བ་འདི་ལ་བུད་མེད་རབ་ཏུ་ཕྱུང་ན། ཆོས་འདུལ་བ་ཡུན་རིང་དུ་གནས་པར་མི་འགྱུར་རོ། །ཞེས་མ་གསུངས་སམ། བཙུན་པ་འོད་སྲུང་ཆེན་པོ་ཆོག་གི་།བཟོད་པ་མཛོད་ཅིག་།ངོ་ཚ་མེད་པ་དང ། འཛེམ་མེད་པ་ནི་མ་ལགས་མོད་ཀྱི། འོན་ཀྱང་བཅོམ་ལྡན་འདས་ཀྱི་སྲུ་སྐྱེ་དགུའི་བདག་མོ་ཆེན་མོ་གོའུ་ཏ་མིས་དཀའ་བ་སྤྱད་དེ། གང་བཅོམ་ལྡན་འདས་ཀྱི་ཡུམ་ནི་དུས་ལས་འདས་ཏེ། རང་གི་ནུ་མ་བསྣུན་ནས་</font><hr>Da468b<br><font size=+2>


གསོས་ཤིང་བསྐྱེད་པ་དང ། གཞན་ཡང་སྔོན་གྱི་དུས་ན་ཡང་དག་པར་རྫོགས་པའི་སངས་རྒྱས་རྣམས་ལ་འཁོར་བཞི་ཡོད་པ་དེ་བཞིན་དུ། གང་བཅོམ་ལྡན་འདས་འདི་ལ་ཡང་དེ་བཞིན་དུ་འགྱུར་རོ། །སྙམ་པ་དང ། བདག་གིས་བྱས་པ་གཟོ་བ་དང ། ཉེ་དུ་དང་གཉེན་པས་བུད་མེད་རབ་ཏུ་དབྱུང་བར་གསོལ་བ་བགྱིས་ཏེ། དེ་གཅིག་པུ་ནོངས་པ་ནི་བཟོད་པར་གསོལ་ལོ། ། ཀུན་དགའ་བོ་ཁྱོད་ཀྱིས་དེ་ལྟར་བྱས་པ་གཟོ་བ་ནི། ཆོས་ཀྱི་སྐུ་ལ་གནོད་པ་བྱེད་པ་ཡིན་ཏེ། ཇི་ལྟར་ཁྱོད་ཀྱིས་སངས་རྒྱས་ཀྱི་ཞིང་ཕུན་སུམ་ཚོགས་པ་ལ། སེར་བ་བབ་པས་ལོ་སྟོང་ཚང་པར་གནས་པའི་ཡུན་ཐུང་ངུར་ལྷག་མ་ཙམ་དུ་བྱས་ན། ཇི་ལྟར་ཉེ་དུ་དང ། གཉེན་གྱི་ཕྱིར་ཞེས་སྨྲ། གཉེན་གྱི་ཕྱིར་རབ་ཏུ་ཕུང་བ་ནི་ཚུལ་མ་ཡིན་ཞིང ། ལེགས་པ་མ་ཡིན་ཏེ། ཉེས་པ་ཡིན་ནོ། །ཇི་ལྟར་སྔོན་གྱིས་དུས་ན་ཡང་དག་པར་རྫོགས་པའི་སངས་རྒྱས་ལ་འཁོར་བཞི་ཡོད་པ་ངས་ཐོས་ཏེ། གང་བཅོམ་ལྡན་འདས་འདི་ལ་ཡང་དེ་བཞིན་དུ་འགྱུར་རོ། །ཞེས་སྨྲ་བ་ཡང ། དེ་སྔོན་གྱི་དུས་ན་མི་རྣམས་ནི་འདོད་པ་ཆུང་བ། ཉེས་པ་ཆུང་བ། འདོད་ཆགས་ཆུང་བ། ཞེ་སྡང་ཆུང་བ། གཏི་མུག་ཆུང་བ། ཀུན་ཏུ་སྦྱོར་བ་སྲབ་པ་ཡིན་ཏེ། དེ་དག་ནི་དེ་ལྟར་རིགས་ཀྱི། འདི་ནི་རིགས་པ་མ་ཡིན་ཏེ། འདི་ལྟར་བཅོམ་ལྡན་འདས་མི་བཞེད་བཞིན་དུ། ཇི་ལྟ་ཇི་ལྟར་ཁྱོད་ཀྱིས་གསོལ་བ་བཏབ་པ་དེ་བཞིན་དུ་གྲུབ་པར་གྱུར་ཏོ། །དེ་བས་ན་འདི་ནི་ཉེས་པ་དང་པོ་</font><hr>Da469a<br><font size=+2>


༄#། །ཡིན་ཏེ། ཚུལ་ཤིང་ཞོག་ཅིག་།ཁྱོད་ལ་ཉེས་པ་གཞན་ཡང་ཡོད་དེ། གང་བཅོམ་ལྡན་འདས་ཀྱིས་ཀུན་དགའ་བོ་གང་དང་གང་དུ་རྫུ་འཕྲུལ་གྱི་རྐང་པ་བཞི་པོ་ལ་བསྟེན་ཅིང་བསྒོམ་ཏེ། ལན་གྲངས་མང་དུ་བྱས་ན་འདོད་ན་བསྐལ་པའམ། བསྐལ་པ་ལས་ལྷག་པར་ཡང་གནས་པར་འགྱུར་རོ། །ཞེས་གསུངས་ན། འདི་ལྟར་ཁྱོད་ཀྱིས་བཅོམ་ལྡན་འདས་ལ། བཅོམ་ལྡན་འདས་འཇིག་རྟེན་ལ་ཕན་པར་བགྱི་བའི་སླད་དུ་བསྐལ་པའི་བར་དུ་བཞུགས་སུ་གསོལ། བདེ་བར་གཤེགས་པ་བསྐལ་པ་བས་ལྷག་པར་བཞུགས་སུ་གསོལ། ཞེས་གསོལ་བ་མ་བཏབ་བོ། །དེས་སྨྲས་པ། བཙུན་པ་འོད་སྲུང་ཆེན་པོ་ངོ་ཚ་མེད་པ་དང ། རབ་ཏུ་འཛེམ་པ་མེད་པ་ནི་མ་ལགས་མོད་ཀྱི། འོན་ཀྱང་བདག་དེའི་ཚེ་བདུད་སྡིག་ཅན་གྱིས་ཁྱབ་པར་གྱུར་ཏོ། །དེ་ལྟར་དེ་ཉིད་ཁྱོད་ཀྱི་ཉེས་པ་ཆེན་པོ་ཡིན་ཏེ། སྟོན་པ་ནི་དྲི་ང་བ་སྤངས་པ། བདུད་ཀྱི་སྟོབས་ཟིལ་གྱིས་གནོན་པ་ཡིན་ན། ཇི་ལྟར་ཁྱོད་བདུད་སྡིག་ཅན་གྱིས་ཁྱབ་པར་གྱུར། དེ་ལྟར་འདི་ནི་ཁྱོད་ཀྱི་ཉེས་པ་གཉིས་པ་ཡིན་ནོ། །གཞན་ཡང་ཁྱོད་ལ་ཉེས་པ་འདི་དག་ཡོད་དེ། བཅོམ་ལྡན་འདས་ཀྱིས་བཀའ་ཕབ་ནས། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་འདི་ལྟ་བུའི་ཞེས་བཀའ་སྩལ་ཏེ། གཞན་རྨས་པ་ན་ལན་གཞན་དུ་འདེབས་ཏེ། དེ་ལྟར་འདི་</font><hr>Da469b<br><font size=+2>


ཡང་ཁྱོད་ཀྱི་ཉེས་པ་གཞན་གསུམ་པ་ཡིན་ནོ། །གཞན་ཡང་ཁྱོད་ལ་ཉེས་པ་འདི་དག་ཡོད་དེ། བཅོམ་ལྡན་འདས་ཀྱི་ན་བཟའ་གསེར་གྱི་ཁ་དོག་ཅན་ཕྲུགས་གཅིག་ལ་རྐང་བས་བརྫིས་སོ། །བཙུན་པ་འོད་སྲུང་ཆེན་པོ་དག་དེས་ངོ་ཚ་མེད་པའམ། རབ་ཏུ་ངོ་ཚ་བ་ནི་མེད་པ་མ་ལགས་མོད་ཀྱི། དེའི་ཚེ་ན་གཡས་གཡོན་ནས་དགེ་སློང་གྲོགས་བྱེད་པ་མེད་དོ། །ཞེས་སྨྲས་པ་དང ། དེ་ཁྱོད་ཀྱིས་ནམ་མཁའ་ལ་ཅི་ཉེས་ཏེ་མི་དོར། འོན་ཀྱང་ལྷ་རྣམས་ཀྱིས་གཟུང་བར་འགྱུར་ན་ཞེས་སྨྲས་པ་འདི་ནི་ཁྱོད་ཀྱི་ཉེས་པ་བཞི་པའོ། །གཞན་ཡང་ཁྱོད་ཀྱི་ཉེས་པ་འདི་དག་ཡོད་དེ། བཅོམ་ལྡན་འདས་མྱ་ངན་ལས་འདའ་བར་ཞུགས་ཏེ། ཤིང་སཱ་ལ་ཟུང་གི་དྲུང་དུ་སྐྱེ་མས་པ་དང ། ཆུ་རྙོག་མ་ཅན་གསོལ་ཏོ། །བཙུན་པ་འོད་སྲུང་ཆེན་པོ་ངོ་ཚ་མེད་པའམ། རབ་ཏུ་ངོ་ཚ་བ་མེད་པ་ནི་མ་ལགས་མོད་ཀྱི། དེའི་ཚེ་ན་ཤིང་རྟ་ལྔ་བརྒྱ་ཙམ་ཞིག་ཆུ་བོ་ཀ་ཀུས་སྟ་རྒལ་བས་རྙོག་པ་ཅན་དུ་གྱུར་ཏོ། །དེའི་ཕྱིར་ཁྱོད་ཀྱིས་ཉེས་པ་ཡིན་ན། དེ་ན་ཁྱོད་ཀྱིས་ལྷུང་བཟེད་ནམ་མཁའ་ལ་ཅི་སྟེ་མ་བཟུང ། ལྷ་དག་གིས་ཆུ་ཡན་ལག་བརྒྱད་དང་ལྡན་པ་དག་གིས་བཀང་བར་འགྱུར་བ་འདི་ཡང་ཁྱོད་ཀྱི་ཉེས་པ་ལྔ་པའོ། །གཞན་ཡང་ཁྱོད་ལ་ཉེས་པ་འདི་དག་ཡོད་དེ། བཅོམ་ལྡན་འདས་ཀྱིས་གསུངས་པ་ང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་འདོན་པ་དེའི་ཚེ། གང་གིས་ཚུལ་ཁྲིམས་ཕྲ་མོ་དང ། ཕྲན་ཚེགས་དག་</font><hr>Da470a<br><font size=+2>


༄#། །འདོན་ན། དགེ་སློང་གི་དགེ་འདུན་གྱིས་ཕྱིར་གློད་ལ་བདེ་བའི་རེག་པ་ལ་གནོས་ཤིག་།ཅེས་བྱུང་ན། དེའི་ཚེ་ཁྱོད་ཀྱིས་ཚུལ་ཁྲིམས་བསླབ་པ་ཕྲ་མོ་དང།་ཕྲན་ཚེགས་གང་ལགས། ཞེས་མ་ཞུས་པའི་ཕྱིར་རོ། །དེ་འདིར་བདག་གིས་སྨྲ་བ་ནི་ཕས་ཕམ་པར་འགྱུར་བའི་ཆོས་བཞི་དང ། དགེ་འདུན་གྱི་ལྷག་མ་བཅུ་གསུམ་གྱི་ཆོས་དང།་མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་རྣམས་ལས་ལྷག་མ་རྣམས་ནི་ཕྲ་མོ་དང ། ཕྲན་ཚེགས་རྣམས་སོ། །གཞན་ཡང་འདི་སྐད་ཟེར་ཏེ། ཕས་ཕམ་པར་འགྱུར་བའི་ཆོས་བཞི་དང ། སྔ་མ་བཞིན་དུ་སོ་སོར་བཤགས་པར་བྱ་བའི་ཆོས་བཞིའི་བར་དང ། དེ་ལས་ལྷག་མ་རྣམས་ནི་ཕྲ་མོ་དང ། ཕྲན་ཚེགས་རྣམས་སོ། །གཞན་ཡང་འདི་སྐད་ཟེར་ཏེ། ཕས་ཕམ་པར་འགྱུར་བའི་ཆོས་བཞི་དང ། དགེ་འདུན་གྱི་ལྷག་མ་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་རྣམས་དང ། ལྟུང་བྱེད་ཀྱི་ཆོས་དགུ་བཅུ་རྣམས་ལས་ལྷག་མ་ནི་ཕྲ་མོ་དང ། ཕྲན་ཚོགས་རྣམས་སོ། །གཞན་ཡང་འདི་སྐད་ཟེར་ཏེ། ཕས་ཕམ་པར་འགྱུར་བའི་ཆོས་བཞི་དང ། དགེ་འདུན་གྱི་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་</font><hr>Da470b<br><font size=+2>


གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་རྣམས་ལ་མ་གཏོགས་པ་ལྷག་མ་རྣམས་ནི་ཕྲ་མོ་དང ། ཕྲན་ཚེགས་རྣམས་སོ། །གཞན་ཡང་འདི་སྐད་ཟེར་ཏེ། ཕས་ཕམ་པར་འགྱུར་བའི་ཆོས་བཞི་དང ། དགེ་འདུན་གྱི་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་གཉིས་ལས་ལྷག་མ་རྣམས་ནི་ཕྲ་མོ་དང ། ཕྲན་ཚེགས་རྣམས་ཞེས་བྱའོ། །དེ་ལྟར་དགེ་སློང་གིས་ཁོང་དུ་ཆུད་པ་ན། ཕས་ཕམ་པར་འགྱུར་བ་བཞི་ལ་གནས་ཤིང ། ཁ་ཅིག་ནི་དགེ་འདུན་གྱི་ལྷག་མའི་ཆོས་བཅུ་གསུམ་ལ་གནས་པ། མུ་སྟེགས་ཅན་གྱིས་སྐབས་རྙེད་དེ། དགེ་སྦྱོང་གོའུ་ཏ་མའི་ཆོས་ནི་དུད་པ་བཞིན་དུ་གྱུར་ཏེ། །དགེ་སྦྱོང་གོའུ་ཏ་མ་བཞུགས་པའི་ཚེ་ནི། ཉན་ཐོས་ཀྱི་བསླབ་པ་ཡང་དག་པར་སྡོམ་ཞིང ། ད་ལྟར་ནི་ཅི་དགའ་བར་སྤྱོད་ཅིང་ལྷོད་པར་གྱུར་ཏེ། འདོད་ན་ནི་དེ་བཞིན་དུ་བྱེད། མི་འདོད་ན་ནི་མི་བྱེད་དོ། །དེ་བས་ན་ཁྱོད་ཀྱིས་མ་འོངས་པའི་སྐྱེ་བོ་རྣམས་ལ་ཕན་པར་བྱ་བའི་ཕྱིར་བཅོམ་ལྡན་འདས་ལ་མ་ཞུས་པ་ཉེས་སོ། །བཙུན་པ་འོད་སྲུང་ཆེན་པོ། ངོ་ཚ་མེད་པའམ། རབ་ཏུ་ངོ་ཚ་མེད་པ་ནི་མ་ལགས་མོད་ཀྱི། བདག་དེའི་ཚེ་ན། དེ་བཞིན་གཤེགས་པ་དང་བྲལ་བའི་མྱ་ངན་དྲན་པའི་སྡུག་བསྔལ་གྱིས་གཟིར་ཏོ། ། དེ་ཡང་ཁྱོད་ཀྱི་ཉེས་པར་གྱུར་ཏོ། །དེ་བཞིན་གཤེགས་པའི་ཞབས་འབྲིང་བྱེད་ལ། འདུས་བྱས་ཐམས་ཅད་ནི་མི་རྟག་ཡིན་ན། ཁྱོད་ཀྱིས་མྱ་ངན་བྱས་པ་དེ་ཡང་ཉེས་སོ། །གཞན་ཡང་ཉེས་</font><hr>Da471a<br><font size=+2>


༄#། །པ་འདི་དག་ཡོད་དེ། ཁྱིམ་པའི་འཁོར་དང ། བུད་མེད་སྤྱོད་པ་ངན་པ་རྣམས་ལ་དེ་བཞིན་གཤེགས་པའི་འདོམས་ཀྱི་སྦ་བ་སྦུབས་སུ་ནུབ་པ་བསྟན་ཏོ། ། བཙུན་པ་འོད་སྲུང ། ངོ་ཚ་བ་མེད་པའམ། རབ་ཏུ་ངོ་ཚ་མེད་པ་ནི་མ་ལགས་མོད་ཀྱི། བདག་གིས་འདི་སྙམ་དུ་བསམས་སོ། །བུད་མེད་ནི་རང་བཞིན་གྱིས་འདོད་ཆགས་ཆེ་བས། བཅོམ་ལྡན་འདས་ཀྱི་འདོམས་ཀྱི་སྦ་བ་སྦུབས་སུ་ནུབ་པ་མཐོང་ན། མོ་མཚན་དང་བྲལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་བོ་ཁྱོད་དེ་ལྟ་བུའི་ཡེ་ཤེས་ཕུན་སུམ་ཚོགས་པ་ག་ལས་བྱུང ། འདོམས་ཀྱི་སྦ་བ་སྦུབས་སུ་ནུབ་པ་བསྟན་ན། བུད་མེད་དག་བུད་མེད་ཀྱི་མོ་མཚན་ཇི་ལྟར་སྤོང་བར་འགྱུར་བ་ནི་ཉེས་པ་རྣམ་པ་བདུན་ནོ། །གཞན་ཡང་ཁྱོད་ལ་ཉེས་པ་འདི་དག་ཡོད་དེ། བཅོམ་ལྡན་འདས་ཀྱི་སྐུ་གསེར་གྱི་ཁ་དོག་ལྟར་སེར་བ་བུད་མེད་དག་ལ་བསྟན་པས་དེ་ལ་མཆི་མས་དྲི་མ་ཅན་དུ་གྱུར་པའོ། །བཙུན་པ་འོད་སྲུང་ཆེན་པོ་ངོ་ཚ་མེད་པའམ། རབ་ཏུ་ངོ་ཚ་མེད་པ་ནི་མ་ལགས་མོད་ཀྱི། བདག་གི་བློ་སྐྱེས་པ། བཅོམ་ལྡན་འདས་འདི་ལྟ་བུའི་ཁ་དོག་དང་ལྡན་པ་མཐོང་ན། སེམས་ཅན་མང་པོ་དག་ཁ་དོག་དང་ལྡན་པར་སེམས་ཀྱིས་སྨོན་ལམ་སྐྱེད་པར་འགྱུར་ཏེ། ཀུན་དགའ་བོ་ཁྱོད་གཅིག་ཏུ་ཤེས་པ་མ་ཡིན་ཞིང ། གཞན་གྱི་སེམས་ཤེས་པ་མ་ཡིན་པ་འདི་དང་ཉེས་པ་བརྒྱད་</font><hr>Da471b<br><font size=+2>


དོ། །ཁྱོད་འདོད་ཆགས་ཅུང་ཟད་དང་ལྡན་པས། འདོད་ཆགས་དང་བྲལ་བ་མཆོག་འདུས་པའི་ནང་དུ་མ་འདུག་པར་ད་ལོངས་ཏེ་སོང་ཞིག་།ཁྱོད་དང་ལྷན་ཅིག་ཡང་དག་པའི་བཟླས་པ་མི་བྱའོ། །དེ་ལྟར་ཚེ་དང་ལྡན་པ་ཀུན་དགའ་བོ་ལ། ཚེ་དང་ལྡན་པ་འོད་སྲུང་ཆེན་པོས་ཉེས་པ་བྱས་པ་རྣམ་པར་བརྒྱད་གླེངས་པ་དང ། ཕྱོགས་བཞིར་བལྟས་ཏེ་སྙིང་རྗེ་བ་དང ། སྡུག་བསྔལ་བའི་ཚིག་གིས་དལ་བུས་སྨྲས་པ། ཀྱེ་མའོ། །ངའི་དུས་ནི་འདི་འདྲ་བར་གྱུར་ཏེ། བདག་དེ་བཞིན་གཤེགས་པས་ནི་སྤངས། མགོན་དང་སྐྱབས་བྱེད་པ་ནི་མེད། སྣང་བ་ཡང་མེད་ན་སུ་ལ་བརྟེན་པར་བྱ། དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་ཀུན་དགའ་བོའི་ཉེས་པ་རྣམ་པ་བརྒྱད་གླེངས་པ་དང ། དེ་ནས་ནམ་མཁའི་ངོས་ལ་གནས་པའི་ལྷ་དག་གིས། ཨ་ལ་ལ་ཞེས་སྨྲས་ནས། ཀྱེ་ད་ལྟར་ལྷ་རྣམས་ཀྱི་ལུས་ནི་རྒྱས་པར་འགྱུར། ལྷ་མ་ཡིན་གྱི་ལུས་རྣམས་ནི་སྨས་པར་འགྱུར། བཅོམ་ལྡན་འདས་ཀྱི་བསྟན་པ་ནི་རྒྱས་པར་འགྱུར་ཏེ། ད་ལྟར་སྟོན་པ་དང་འདྲ་བའི་ཉན་ཐོས་ཆེན་པོས་སྟོན་པ་དང་འདྲ་བའི་ཉན་ཐོས་ཆེན་པོ་ལ་ཉེས་པ་རྣམ་པར་བརྒྱད་གླེངས་པས་སོ། །དེ་ནས་ཡང་ཚེ་དང་ལྡན་པ་འོད་སྲུང་ཆེན་པོ་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་སྨྲས་སོ། །བཙུན་པ་འོད་སྲུང་ཆེན་པོ་དེ་ལྟར་ལགས་པས་བཟོད་པ་མཛོད་ཅིག་།ཇི་ལྟར་ཆོས་བཞིན་</font><hr>Da472a<br><font size=+2>


༄#། །དུ་བགྱིད་ཅིང་སླན་ཆད་ཀྱང་མི་བགྱིད་མོད་ཀྱི། བཅོམ་ལྡན་འདས་ཀྱིས་ནི་བདག་ཁྱོད་ལ་གཏད་དོ། །བཅོམ་ལྡན་འདས་ཡོངས་སུ་མྱ་ངན་ལས་འདས་པ་དེའི་ཚེ་དེའི་དུས་ན་ཀུན་དགའ་བོ་ཁྱོད་མྱ་ངན་དང ། ཡི་སློང་བ་དང ། སྨྲེ་སྔགས་འདོན་བར་མ་བྱེད་ཅིག་།ཁྱོད་དགེ་སློང་འོད་སྲུང་ཆེན་པོ་ལ་གཏད་དོ། །ཁྱོད་ཉེས་པ་ཆུང་ངུ་ལ་མི་བཟོད་པ་མེད་པར་བཀའ་བཞིན་བྱོས་ལ་བཟོད་པར་གྱིས་ཤིག་།ཀུན་དགའ་བོ་ཁྱོད་མ་ངུ་བར་ཁྱོད་ཀྱིས་དགེ་བའི་ཆོས་དག་འཕེལ་ཏེ། འབྲི་བར་མི་འགྱུར་རོ། ། ངས་ནི་བསྟན་པ་ལ་བརྩོན་པར་བྱ་བའི་ཕྱིར་མཆོག་འདུས་པའི་ནང་ནས་ལོངས་ཏེ་སོང་ཞིག་།ཁྱོད་དང་ལྷན་ཅིག་ཡང་དག་པའི་བཟླས་པ་མི་བྱའོ། །ཞེས་ཆད་པས་བཅད་པ་བྱས་སོ། །དེ་ནས་ཚེ་དང་ལྡན་པ་མ་འགགས་པས། ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོད་སྲུང་ཆེན་པོ་ཇི་ལྟར་ཚེ་དང་ལྡན་པ་ཀུན་དགའ་བོ་མེད་ན་བདག་ཅག་གིས་ཡང་དག་པར་ཇི་ལྟར་བཤད་པར་བགྱི། དེས་སྨྲས་པ། ཚེ་དང་ལྡན་པ་དགེ་སློང་ཀུན་དགའ་བོ་ཡོན་ཏན་དང་ལྡན་དུ་ཟིན་ཀྱང ། དེ་དང་ལྷན་ཅིག་མི་གནས་སོ། །དེ་ནི་འདོད་ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པས་བསླབ་དགོས་ཏེ། ཁྱོད་དང་ཡང་དག་པར་བཟླས་པ་མི་</font><hr>Da472b<br><font size=+2>


བྱའོ། །ཞེས་སྨྲས་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་ལོངས་ལ་སོང་ཞིག་།ཁྱོད་ཀྱིས་རབ་ཏུ་བརྩོན་པས་བྱ་བ་བྱས་ཏེ།་དགྲ་བཅོམ་པར་གྱུར་ན་ལྷན་ཅིག་ཏུ་ཡང་དག་པར་བཟླས་པར་བྱའོ། །དེ་ནས་ཚེ་དང་ལྡན་པ་ཀུན་དགའ་བོ་མིག་མཆི་མས་གང་བར་གྱུར་ཏེ། སྟོན་པ་དང་བྲལ་བ་དྲན་པས་ཡིད་མི་དགའ་སྟེ། དེ་ནས་མཆོག་འདུས་པའི་ནང་ནས་བྱུང་སྟེ། ཡུལ་བྲི་ཛིའི་གྲོང་ཁྱེར་དུ་སོང་ནས་དབྱར་དེར་ཚུལ་དུ་ཞུགས་སོ། །དེ་ནས་ཀུན་དགའ་བོའི་གཡོག་ཚེ་དང་ལྡན་པ་བྲི་ཛིའི་བུས་བྱས་པ་དེའི་ཚེ་དེའི་དུས་ན། ཚེ་དང་ལྡན་པ་ཀུན་དགའ་བོས་ཤིན་ཏུ་བརྩོན་པས་འཁོར་བཞི་ལ་ཆོས་འཆད་དོ། །དེ་ནས་ཚེ་དང་ལྡན་པ་བྲི་ཛིའི་བུས་འདི་སྙམ་དུ་བསམས་སོ། །བདག་གི་མཁན་པོ་འདོད་པའི་འདོད་ཆགས་དང་བྲལ་ཏེ་སློབ་བམ། འོན་ཏེ་འདོད་པའི་འདོད་ཆགས་དང་མ་བྲལ་བར་སློབ་པ་བདག་གིས་ཏིང་ངེ་འཛིན་འདི་ལྟ་བུ་ལ་སྙོམས་པར་ཞུགས་ལ། དེ་ལྟར་སྙོམས་པར་ཞུགས་པའི་སེམས་ཀྱིས་མཁན་པོའི་སེམས་བལྟའོ། །སྙམ་ནས། ཚེ་དང་ལྡན་པ་བྲི་ཛིའི་བུས་རྣམ་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། དེ་ལྟར་སྙོམས་པར་ཞུགས་པའི་སེམས་ཀྱིས་ཚེ་དང་ཀུན་དགའ་བོའི་སེམས་བལྟས་པས། ཚེ་དང་ལྡན་པ་བྲི་ཛིའི་བུས། ཚེ་དང་ལྡན་པ་ཀུན་དགའ་</font><hr>Da473a<br><font size=+2>


༄#། །བོའི་སེམས་ཤེས་ཏེ། ཚེ་དང་ལྡན་པ་ཀུན་དགའ་བོ་འདོད་པའི་འདོད་ཆགས་དང་མ་བྲལ་བའི་སློབ་པར་མཐོང་བ་དང ། དེ་ནས་ཏིང་ངེ་འཛིན་ལས་ལངས་ཏེ། ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་ནས་ཕྱིན་ཏེ། ཚེ་དང་ལྡན་པ་ཀུན་དགའ་བོའི་མདུན་དུ་འདུག་ནས། ཚིགས་སུ་བཅད་དེ་སྨྲས་པ། གོའུ་ཏམ་ཁྱོད་ནི་བག་མེད་མ་མཛད་པ། །ཤིང་དྲུང་ཐིབས་པོར་བརྟེན་ནས་མྱ་ངན་འདའ། །ཐུགས་ལ་བཞག་སྟེ་བསམ་གཏན་མཛོད་ཅིག་དང ། །རིང་པོར་མི་ཐོགས་ཞི་བའི་གནས་ཐོབ་འགྱུར། །དེ་ནས་ཚེ་དང་ལྡན་པ་ཀུན་དགའ་བོ། ཚེ་དང་ལྡན་པ་སྤོང་བྱེད་ཀྱི་བུས་གདམས་ངག་འདིས་བཏམས་ནས་ཉིན་བར་གྱི་འཆག་པ་དང ། འདུག་པས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་བར་བྱེད་དེ། དེ་ཉིན་བར་གྱི་འཆག་པ་དང ། འདུག་པས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་ངོ ། །མཚན་གྱི་ཐུན་དང་པོ་ལ་འཆག་པ་དང ། འདུག་པས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་བར་བྱེད་དེ། དེ་མཚན་གྱི་ཐུན་དང་པོ་ལ་འཆག་པ་དང ། འདུག་པས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་ངོ ། །མཚན་གྱི་གུང་ཐུན་ལ་གཙུག་ལག་ཁང་གི་ཕྱི་རོལ་ཏུ་རྐང་པ་བཀྲུས་ནས། གཙུག་ལག་ཁང་གི་ནང་དུ་ཞུགས་ཏེ། གློ་</font><hr>Da473b<br><font size=+2>


གཡས་པས་ཕབ་ནས་རྐང་པའི་སྟེང་དུ་རྐང་པ་བཞག་སྟེ། སྣང་བའི་འདུ་ཤེས་དང ། དྲན་པ་དང ། ཤེས་བཞིན་དང་ལྡན་པའི་འདུ་ཤེས་ཁོ་ན་ཡིད་ལ་བྱེད་ཅིང་ཉལ་བར་བྱེད་དོ། །ཚེ་དང་ལྡན་པ་ཀུན་དགའ་བོས་སྔས་ནང་ཚངས་ཅན་ལ་མགོ་མ་བཞག་པ་ཁོ་ནར། འདི་ལྟར་ཡང་ཚེ་དང་ལྡན་པ་ཀུན་དགའ་བོས་ལེན་པ་མེད་པར་ཟག་བ་རྣམས་ལས་སེམས་རྣམ་པར་གྲོལ་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་དགའ་བ་དང་བདེ་བ་སོ་སོར་མྱོང་ནས་རྣམ་པར་གྲོལ་ཏེ། དགྲ་བཅོམ་པ་ཉིད་ཐོབ་ནས་རྒྱལ་པོའི་ཁབ་ཏུ་ཕྱིན་ཏེ། འོད་སྲུང་ལ་སོགས་པ་དགྲ་བཅོམ་པ་ལྔ་བརྒྱ་པོ་ཤིང་ནྱ་གྲོ་དྷའི་ཕུག་ན། ཆོས་སྡུད་ཅིང་འདུས་པ་ག་ལ་བར་ཕྱིན་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་མ་འོངས་པའི་དུས་ན། དགེ་སློང་རྣམས་བརྗེད་ངས་པ་དང ། ལུས་ཉམ་ཆུང་བས་མདོའི་ཚིགས་སུ་བཅད་པ་མ་ཡིན་པར་མདོ་སྡེ་དང ། འདུལ་བ་དང ། ཆོས་མངོན་པར་འཛིན་པར་མ་ནུས་པས། དེ་བས་ན་སྔ་དྲོའི་དུས་སུ་མདོའི་ཚིགས་སུ་བཅད་པས་བརྗོད་པར་བྱའོ། །ཕྱི་དྲོ་ནི་མདོ་སྡེ་དང ། འདུལ་བ་དང ། མ་མོ་བགྲོ་བར་བྱའོ། །ཞེས་ཚེ་དང་ལྡན་པ་འོད་སྲུང་ཆེན་པོས་དེ་སྐད་ཅེས་སྨྲས་པ། དགེ་སློང་དེ་དག་གིས་ཚེ་དང་ལྡན་པ་འོད་སྲུང་ཆེན་པོ་ལས་ཐོས་ནས། དགེ་སློང་དེ་དག་གིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་</font><hr>Da474a<br><font size=+2>


༄#། །པ་འོད་སྲུང་ཆེན་པོ་མདོ་སྡེ་དང ། འདུལ་བ་དང ། མ་མོ་དག་ལས་གང་སྔར་བགྲོ་བར་བགྱི། དེས་སྨྲས་པ། ཚེ་དང་ལྡན་པ་དག་།ཇེ་རེ་ཞིག་མདོ་སྡེ་སྔར་བགྲོ་བར་བྱའོ། །དེ་བཞིན་དུ་བགྱིའོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་ལ་དགྲ་བཅོམ་པ་ལྔ་བརྒྱས་ཆོས་བསྡུ་བར་གསོལ་བ་བཏབ་ནས། སེངྒེའི་ཁྲི་ལ་འདུག་སྟེ། ཚེ་དང་ལྡན་པ་ཀུན་དགའ་བོ་ལ་སྤྲོ་བར་བྱས་པ། ཚེ་དང་ལྡན་པ་ཀུན་དགའ་བོ་ཁྱོད་ནི་སྒྲུབ་པ་ཡིན་ན། དེ་བཞིན་གཤེགས་པའི་མདོ་སྡེ་བསྡུ་བར་སྤྲོའམ། སྤྲོའོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་གསོལ་བ་དང ། གཉིས་ཀྱི་ལས་བྱ་བར་བརྩམས་ཏེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་ཀུན་དགའ་བོ་འདི་བཅོམ་ལྡན་འདས་ཀྱི་མདོ་སྡེ་བསྡུ་བ་བསྒྲུབ་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། འདི་ལྟར་དགེ་འདུན་གྱིས་ཚེ་དང་ལྡན་པ་ཀུན་དགའ་བོ་མདོ་སྡེ་བསྡུ་བ་བསྒྲུབ་པར་སྐོ་སྟེ། ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱི་མདོ་སྡེ་སྡུད་པ་བསྒྲུབ་བོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་ཀུན་དགའ་བོ་འདི་བཅོམ་ལྡན་འདས་ཀྱི་མདོ་སྡེ་བསྡུ་བ་བསྒྲུབ་པར་སྤྲོ་སྟེ། ཚེ་དང་ལྡན་པ་ཀུན་དགའ་བོ་བསྒྲུབ་པར་བསྐོས་ནས། </font><hr>Da474b<br><font size=+2>


ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་མདོ་སྡེ་བསྡུ་བར་བསྒྲུབ་སྟེ། ཚེ་དང་ལྡན་པ་ཀུན་དགའ་བོ་བསྒྲུབ་པར་བསྐོས་ནས། ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་མདོ་སྡེ་བསྡུ་བ་བསྒྲུབ་པར་ཚེ་དང་ལྡན་པ་གང་དག་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་ཚེ་དང་ལྡན་པ་ཀུན་དགའ་བོ་འདི། བཅོམ་ལྡན་འདས་ཀྱི་མདོ་སྡེ་བསྡུ་བ་བསྒྲུབ་པར་བསྐོ་སྟེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ཚེ་དང་ལྡན་པ་ཀུན་དགའ་པོ་ཆོས་སྨྲ་བའི་སེངྒེའི་ཁྲིའི་སྟེང་དུ་དགྲ་བཅོམ་པ་ལྔ་བརྒྱས་སྣམ་སྦྱར་ལྔ་བརྒྱ་བཏིང་ངོ ། །དེ་ནས་ཚེ་དང་ལྡན་པ་ཀུན་དགའ་བོ་ཕྱོགས་བཞིར་རྣམ་པར་བལྟས་ནས། སེམས་ཅན་རྣམས་ལ་སྙིང་རྗེའི་སེམས་ཉེ་བར་བཞག་།ཆོས་ལ་ནི་གུས་པ་བསྐྱེད། ཚངས་པ་མཚུངས་པར་སྤྱོད་པ་ལ་ནི་ཞེ་སར་དམིགས་ནས། སེངྒེའི་ཁྲིའི་གཡས་ཕྱོགས་སུ་བསྐོར་ཏེ། མགོ་བོས་གཏུགས་ནས་རྒན་རིམས་སུ་ཇི་ལྟར་འོས་པར་ཕྱག་བྱས་ནས། མི་རྟག་པ་ཡིད་ལ་བྱས་ཏེ་སེངྒེའི་ཁྲི་ཟིལ་གྱིས་མནན་ནས་འདུག་གོ། དེ་ནས་རྒྱ་མཚོ་ལྟར་ཟབ་པའི་འཁོར་མི་གཡོ་བ་ལ་བལྟས་ནས། གལ་ཏེ་ཇི་ལྟར་བཅོམ་ལྡན་འདས་ཀྱིས་མདོ་སྡེ་མ་ལུས་པར་གསུངས་པ་བདག་གིས་བཟུང་པ་ནི། བཅོམ་ལྡན་འདས་ཀྱིས་མདོ་སྡེ་གང་དག་ཀླུའི་གནས་སུ་བཤད་པ་དག་ཀྱང་ཡོད། གང་དག་</font><hr>Da475a<br><font size=+2>


༄#། །ལྷའི་གནས་སུ་བཤད་པ་དག་ཀྱང་ཡོད། གང་དག་བདག་ལ་མངོན་སུམ་དུ་བཤད་པ་དག་ཀྱང་ཡོད་དེ། གཅིག་ནས་གཅིག་ཏུ་བརྒྱུད་དེ་འོངས་པ་གང་དག་དེ་བཞིན་དུ་ཐོས་ནས་བཟུང་བ་དང ། འདི་ལྟར་ཐོས་པ་ཐམས་ཅད་བཤད་པར་བྱའོ། །སྙམ་དུ་བསམས་པ་དང ། ལྷ་དག་གི་ཤེས་པ་དང་མཐོང་བ་ནི་འོག་ཏུ་འཇུག་པ་ཡིན་ཏེ།་གཅིག་ལ་གཅིག་ཀྱེ་མ་ལུས་འཕགས་མའི་ཐུབ་པ་འཕགས་པ་ཀུན་དགའ་བོ་ནི། དེ་བཞིན་གཤེགས་པས་གསུངས་པའི་ཆོས་འཆད་པས། སེམས་རྩེ་གཅིག་ཏུ་བྱས་ནས་མཉན་ཏོ། །ཞེས་སྨྲའོ། །དེ་ནས་དེའི་ཚེ་ལྷའི་བུ་གཞན་ཞིག་གིས་ཚིགས་སུ་བཅད་དེ་སྨྲས་པ། གང་ལ་ཆོས་རྣམས་རབ་གནས་པ། །འཇིག་རྟེན་གསུམ་པོས་རྟག་ཏུ་མཆོད། ། འཕགས་པ་འདི་ནི་དོགས་མེད་པས། །སེངྒེ་བཞིན་དུ་ཆོས་རྣམས་སྒྲོགས། །ཀྱེ་མ་ཞི་བ་དེ་བཤད་ལ། །ཁྱེད་རྣམས་བདེ་བར་འདོད་པ་ཡིས། །ངེས་པར་སྙིང་པོ་སྙིང་པོའི་མཆོག། དེ་དག་ལ་ནི་གུས་པར་ཉོན། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །སྟོན་པ་འཇིག་རྟེན་ཕན་བཞེད་པ། །རྒྱལ་བས་གསུངས་པའི་ཆོས་རྣམས་ཀྱི། །རྣམ་པ་མཆོག་ནི་གར་བཤད་པ། །ཚེ་དང་ལྡན་པས་མདོ་སྡེ་གསུངས། །སྟོན་པས་གང་དག་ཡོངས་སུ་བསྒྲགས་པ་ལས། སངས་རྒྱས་རྗེས་སུ་</font><hr>Da475b<br><font size=+2>


དྲན་པ་རབ་ཏུ་རྟོགས་པ་ཡིད་ལ་བཞག་ནས། བཅོམ་ལྡན་འདས་ཕྱོགས་གང་དུ་རབ་ཏུ་ཞི་ཞིང་ཐུགས་སུ་ཆུད་པ་དེར། མངོན་པར་བལྟས་ཏེ་འདུག་ནས་ཐལ་མོ་སྦྱར་ཏེ་སྒྲས་ཁྱབ་པར་བྱས་ནས་སྨྲས་པ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཝཱ་ར་ཎཱ་སིར་དྲང་སྲོང་སྨྲ་བ་རི་དྭགས་ཀྱི་ཚལ་ན་བཞུགས་སོ། །ཞེས་ཚིག་གིས་རབ་ཏུ་བརྗོད་པ་དེའི་ཚེ། དེ་མ་ཐག་ཁོ་ནར་ནམ་མཁའི་དཀྱིལ་དང ། གཞལ་མེད་ཁང་ན་གནས་པའི་ལྷ་དག་དང ། འདོད་ཆགས་དང་མ་བྲལ་བའི་དགེ་སློང་ལ་སོགས་པ་རྣམ་པ་མང་པོ་སྟོང་དག་གིས་གནོད་པས་བཙིར་ཅིང་གནད་དུ་ཕབ་སྟེ། སྡུག་བསྔལ་ཚོར་བཞིན་དུ་ཨ་ལ་ལ་ཞེས་ཚིག་ཏུ་བརྗོད་ཅིང་སྨྲ་བ་ནི། ཀྱེ་མ་འཇིག་རྟེན་འདི་དག་ཏུ། །མི་རྟག་པར་ནི་ཁྱད་པར་མེད། །གང་གིས་རིན་ཆེན་གཏེར་དེ་ཡི། །ཡོན་ཏན་རྒྱ་མཚོ་དག་ཀྱང་བསྐམས། །གང་ལས་བདག་གིས་མངོན་ཐོས་པ། །ཆོས་ནི་ཐར་པའི་བདེ་བ་བྱེད། །འདི་སྐད་ཐོས་ཤེས་རབ་སྦྱར་ཏེ། །དེ་ཡང་དེ་རིང་བསྒྲགས་པ་ཡིན། །དེ་ནས་བཅོམ་ལྡན་འདས་ཀྱིས་དགེ་སློང་ལྔ་པོ་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་།སྔོན་མ་ཐོས་པའི་ཆོས་འདི་ནི་འཕགས་པའི་སྡུག་བསྔལ་བདེན་པའོ། །ཞེས་ཆོས་ཀྱི་འཁོར་ལོ་རྒྱ་ཆེར་བསྐོར་ནས་མདོ་སྡེ་བཤད་དོ། །དེ་ནས་ཚེ་དང་ལྡན་པ་ཀུན་ཤེས་ཀོའུ་དི་ནྱས། ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་</font><hr>Da476a<br><font size=+2>


༄#། །ལྡན་པ་འོད་སྲུང་ཆེན་པོ་བདག་གིས་ཆོས་ཀྱི་རྣམ་གྲངས་འདི་མངོན་སུམ་དུ་ཐོས་ཏེ། བདག་གི་དོན་དུ་མདོ་སྡེ་འདི་བཤད་ཅིང་རྗེས་སུ་བསྟན་པས། བདག་གི་ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་ལས་ནི་རྒལ། ངན་སོང་གི་སྒོ་ནི་བཅད། མཐོ་རིས་དང་ཐར་པའི་སྒོ་ནི་ཕྱེ་སྟེ། མདོ་སྡེ་རིན་པོ་ཆེ་འདི་བཤད་པས་བདག་དང་ལྷ་སྟོང་ཕྲག་བརྒྱད་ཅུས་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་རིང་འདིར་འདི་སྐད་ཐོས་ནས་བཤད་དེ། ཀྱེ་མ་ཐམས་ཅད་མི་རྟག་པར་ཁྱད་པར་མེད་དོ། །ཞེས་སྨྲས་ནས་སྟན་ལས་བབས་ཏེ་ས་ལ་འདུག་ནས། ཚེ་དང་ལྡན་པ་ཀུན་དགའ་བོ་དེ་བལྟ་བའི་ཕྱིར། དགྲ་བཅོམ་པ་དེ་དག་ཐམས་ཅད་སྡུག་པའི་བག་ཆགས་ཀྱིས་བསྒོས་པའི་ཡིད་ཀྱིས་རང་རང་གི་སྟན་ལས་བབས་ནས་ས་ལ་འདུག་སྟེ་འདི་སྐད་ཅེས་སྨྲས་སོ། །ཀྱེ་མ་ཇི་ལྟར་བདག་ཅག་གིས་ཆོས་འཆད་པ་མངོན་སུམ་དུ་མཐོང་བ་ལས། མི་རྟག་པའི་སྟོབས་ཀྱིས་བཅོམ་ལྡན་འདས་དེ་ཡང་ད་ནི་ཐོས་པའི་ལམ་དུ་གཤེགས་པར་གྱུར་ཏོ། །སྨྲས་པ། ལྷ་དང་མི་དང་ལྷ་མིན་ཀླུ་རྣམས་ཀྱི་རྒྱལ་ཞིང་གཤེགས་ན། །ཁྱེད་ཅག་ཅིའི་ཕྱིར་འཚོ་ཞིང་ཞི་བའི་གནས་སུ་འཇུག་མི་བྱེད། །སྐྱེ་བོའི་ནང་ན་ཐམས་ཅད་མཁྱེན་པས་སྟོངས་པར་མངོན་མཐོང་ན། །དགེ་བའི་བློ་གྲོས་གང་དག་སྲོག་</font><hr>Da476b<br><font size=+2>


ལ་ཆགས་ཤིང་དམ་པོར་བྱེད། དེ་ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་བས་མཐའི་གནས་མལ་དུ་བསམ་གཏན་བཞི་ལ་སྙོམས་པར་ཞུགས་ནས། སྨོན་ལམ་གྱི་ཤེས་པས་རྣམ་པར་བལྟས་ཏེ།་དགའ་བའི་ཡིད་ཀྱིས་འདི་ལྟར་ཏིང་ངེ་འཛིན་ལས་ལངས་ཏེ། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་ཀྱི་ལུང་དེ་ཡིན་ནམ། ཚེ་དང་ལྡན་པ་དག ། བདག་གི་ལུང་དེ་ལགས་སོ། །ཚེ་དང་ལྡན་པ་དག་གི་ལུང་དེ་ལྟ་བུ་ལགས་སམ། ཚེ་དང་ལྡན་པ་ཀུན་དགའ་བོ་དེ་ཁོ་ནའོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་དེ་འདི་སྙམ་དུ། བདག་གིས་བཅོམ་ལྡན་འདས་ཀྱི་མདོ་སྡེ་དང་པོ་བསྡུས་ན། ཚངས་པར་སྤྱོད་པ་གང་གིས་ཀྱང་མ་བཟློག་ཅིང་གཤེ་བར་མ་གྱུར་ཏོ། །དེ་ལྟ་བས་ན་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ། །སྙམ་དུ་ཤེས་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱིས་མདོ་སྡེ་གཉིས་པ་གང་དུ་བཤད། དེས་གསལ་བར་ཡུལ་ཝཱ་ར་ཎཱ་སི་ཁོ་ནར་དགེ་སློང་ལྔ་པོའི་ཆེད་དུ་སྟེ། དེ་ཡང་གང་ཞེ་ན། འདི་སྐད་བདག་གིས་ཐོས་པ་གཅིག་ན་བཅོམ་ལྡན་འདས་ཡུལ་ཝཱ་ར་ཎཱ་སི་དྲང་སྲོང་སྨྲ་བ་རི་དྭགས་ཀྱི་ཚལ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ནི་འཕགས་པའི་བདེན་པ་བཞི་སྟེ། སྡུག་བསྔལ་འཕགས་པའི་བདེན་པ་དང ། སྡུག་བསྔལ་ཀུན་འབྱུང་བ་དང ། སྡུག་</font><hr>Da477a<br><font size=+2>


༄#། །བསྔལ་འགོག་པ་དང ། སྡུག་བསྔལ་འགོག་པར་འགྲོ་བའི་ལམ་སྟེ། འཕགས་པའི་བདེན་པ་བཞིའོ། །སྡུག་བསྔལ་འཕགས་པའི་བདེན་པ་གང་ཞེ་ན། སྐྱེ་བའི་སྡུག་བསྔལ་དང ། རྒ་བའི་སྡུག་བསྔལ་དང ། ན་བའི་སྡུག་བསྔལ་དང ། འཆི་བའི་སྡུག་བསྔལ་དང ། སྡུག་པ་དང་བྲལ་བའི་སྡུག་བསྔལ་དང ། མི་སྡུག་པ་དང་ཕྲད་པའི་སྡུག་བསྔལ་དང ། གང་འདོད་པ་བཙལ་ཏེ་མི་རྙེད་པའི་སྡུག་བསྔལ་དང ། མདོར་ན་ཉེ་བར་ལེན་པའི་ཕུང་པོ་ལྔ་ནི་སྡུག་བསྔལ་བ་སྟེ། འདི་ནི་སྡུག་བསྔལ་འཕགས་པའི་བདེན་པ་ཞེས་བྱའོ། །སྡུག་བསྔལ་ཀུན་འབྱུང་བ་འཕགས་པའི་བདེན་པ་གང་ཞེ་ན། ཡང་འབྱུང་བའི་སྲེད་པ་དང ། དགའ་བའི་འདོད་ཆགས་ཀྱི་མོད་ལས་སྐྱེས་པ་དེ་དང་དེ་དག་ལ་མངོན་པར་དགའ་བ་སྟེ། འདི་ནི་སྡུག་བསྔལ་ཀུན་འབྱུང་བ་འཕགས་པའི་བདེན་པ་ཞེས་བྱའོ། །སྡུག་བསྔལ་འགོག་པ་འཕགས་པའི་བདེན་པ་གང་ཞེ་ན། ཡང་འབྱུང་བའི་སྲེད་པ་དང ། དགའ་བའི་འདོད་ཆགས་ཀྱི་མོད་ལས་སྐྱེས་པ་དེ་དང་དེ་དག་ལ་མངོན་པར་དགའ་བ་ལྷག་མ་མ་ལུས་པར་ཡོངས་སུ་སྤོང་བ་དང ། རབ་ཏུ་འདོར་བ་དང ། མཐའ་མེད་པར་བྱེད་པ་དང ། ཟད་པ་དང ། འདོད་ཆགས་དང་བྲལ་བ་དང ། འགོག་པ་དང ། ཉེ་བར་ཞི་བ་དང ། ནུབ་པ་དང ། མྱ་ངན་ལས་འདས་པ་སྟེ། འདི་ནི་སྡུག་བསྔལ་འགོག་པ་འཕགས་པའི་བདེན་པ་ཞེས་བྱའོ། །སྡུག་</font><hr>Da477b<br><font size=+2>


བསྔལ་འགོག་པར་འགྲོ་བའི་ལ་མ་འཕགས་པའི་བདེན་པ་གང་ཞེ་ན། འཕགས་པའི་ལམ་ཡན་ལག་བརྒྱད་དེ། འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་རྟོག་པ་དང ། ཡང་དག་པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་འཚོ་བ་དང ། ཡང་དག་པའི་རྩོལ་བ་དང ། ཡང་དག་པའི་དྲན་པ་དང ། ཡང་དག་པའི་ཏིང་ངེ་འཛིན་ཏེ། འདི་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱའོ། །ཆོས་ཀྱི་རྣམ་གྲངས་འདི་བཤད་པ་དེའི་ཚེ། ཚེ་དང་ལྡན་པ་ཀུན་ཤེས་ཀོའུ་དི་ནྱ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ། །ལྷག་མ་དགེ་སློང་ལྔ་པོ་ཡང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །ཞེས་སྨྲས་སོ། །དེའི་ཚེ་ཚེ་དང་ལྡན་པ་ཀུན་ཤེས་ཀོའུ་དི་ནྱས། ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོད་སྲུང་ཆེན་པོ་བདག་གིས་ཆོས་ཀྱི་རྣམ་གྲངས་འདི་མངོན་སུམ་དུ་ཐོས་ཏེ། ཆོས་ཀྱི་རྣམ་གྲངས་འདི་བཤད་པ་དེའི་ཚེ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ། །ལྷག་མ་དགེ་སློང་བཞི་པོ་ཡང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་གཅིག་གིས་མ་ཚང་བ་ཞེས་བྱ་བ་ནས་བདག་གིས་བཅོམ་ལྡན་འདས་ཀྱི་མདོ་སྡེ་གཉིས་པ་བསྡུས་ན་ཚངས་པར་སྤྱོད་པ་གང་གིས་ཀྱང་མ་བཟློག་ཅིང་གཤེ་བར་མ་གྱུར་ཏེ། ཞེས་བྱ་བའི་བར་སྔ་མ་བཞིན་ནོ། །དེ་ལྟ་བས་ན་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟེན་པས་</font><hr>Da478a<br><font size=+2>


༄#། །བསྟན་པའོ། །སྙམ་དུ་ཤེས་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱིས་མདོ་སྡེ་གསུམ་པ་གང་དུ་བཤད། དེས་གསལ་བར་ཡུལ་ཝཱ་ར་ཎཱ་སི་ཁོ་ནར་དགེ་སློང་ལྔ་པོའི་ཆེད་དུ་སྟེ། དེ་ཡང་གང་ཞེ་ན། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཝཱ་ར་ཎཱ་སི་དྲང་སོང་སྨྲ་པ་རི་དྭགས་ཀྱི་ཚལ་ན་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་དགེ་སློང་ལྷག་མ་བཞི་པོ་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་གཟུགས་ནི་བདག་མ་ཡིན་ནོ། །དགེ་སློང་དག་གལ་ཏེ་གཟུགས་བདག་ཡིན་པར་གྱུར་ཏུ་ཟིན་ན། གཟུགས་ལ་གནོད་པའམ། སྡུག་བསྔལ་བར་མི་འགྱུར་ཞིང ། གཟུགས་འདི་ལྟ་བུ་དང ། འདི་ལྟ་བུར་ནི་གྱུར་ཅིག་།འདི་ལྟ་བུར་ནི་མ་གྱུར་ཅིག་།ཅེས་བྱ་བར་ཡང་འགྱུར་རོ། །དགེ་སློང་དག་གང་གི་ཕྱིར་གཟུགས་བདག་མ་ཡིན་པ་དེའི་ཕྱིར། གཟུགས་ལ་གནོད་པའམ། སྡུག་བསྔལ་བར་འགྱུར་ཞིང ། གཟུགས་འདི་ལྟ་བུ་དང ། འདི་ལྟ་བུར་ནི་གྱུར་ཅིག་།འདི་ལྟ་བུར་ནི་མ་གྱུར་ཅིག་།ཅེས་བྱ་བར་ཡང་མི་འགྱུར་རོ། །དགེ་སློང་དག་ཚོར་བ་དང ། འདུ་ཤེས་དང ། འདུ་བྱེད་ནི་བདག་མ་ཡིན་ཏེ། དགེ་སློང་དག་གལ་ཏེ་འདུ་ཤེས་ལ་སོགས་པ་བདག་ཡིན་པར་གྱུར་ཏུ་ཟིན་ན་ཞེས་བྱ་བ་སྔ་མ་བཞིན་ཏེ། རྣམ་པར་ཤེས་པ་འདི་ལྟ་བུར་གྱུར་ཅིག་།ཅེས་བྱ་བར་ཡང་མི་འགྱུར་རོ། །དགེ་</font><hr>Da478b<br><font size=+2>


སློང་དག་འདི་ཇི་སྙམ་དུ་སེམས། གཟུགས་རྟག་པའམ། མི་རྟག་པ་ཞིག་ཡིན། བཙུན་པ་འདི་ནི་མི་རྟག་པ་ལགས་སོ། །གཞན་ཡང་དེ་མི་རྟག་ན། སྡུག་བསྔལ་བའམ། སྡུག་བསྔལ་བ་མ་ཡིན། བཙུན་པ་འདི་ནི་སྡུག་བསྔལ་བ་ལགས་སོ། །གཞན་ཡང་འདི་མི་རྟག་པ་དང ། སྡུག་བསྔལ་བ་དང ། ཡོངས་སུ་འགྱུར་བའི་ཆོས་ཅན་ཡིན་མོད་ཀྱི། འོན་ཀྱང་དེ་ཐོས་པ་དང་ལྡན་པའི་འཕགས་པའི་ཉན་ཐོས་བདག་ཏུ་ཁས་ལེན་ཅིང ། འདི་ནི་བདག་གོ་།འདི་ནི་བདག་གིའོ། །བདག་གི་ནི་འདིའོ་ཞེས་ཟེར་རམ། བཙུན་པ་དེ་ལྟ་མ་ལགས་སོ། །དགེ་སློང་དག་འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་བདག་ཅེས་བྱ་བ་སྔ་མ་བཞིན་དུ། འདི་ནི་བདག་གོ་།འདི་ནི་བདག་གིའོ། །བདག་གི་ནི་འདིའོ། །ཞེས་ཟེར་རམ། བཙུན་པ་དེ་ལྟ་མ་ལགས་སོ། །དགེ་སློང་དག་དེ་ལྟ་བས་ན་གཟུགས་གང་ཡིན་པ་ཅི་ཡང་རུང་སྟེ། འདས་པ་དང ། མ་འོངས་པ་དང ། ད་ལྟར་བྱུང་བའམ། ནང་གིའམ། ཕྱི་རོལ་གྱིའམ། རགས་པའམ། ཕྲ་བའམ། ངན་པའམ། གྱ་ནོམ་པ་དང ། གང་རྒྱང་རིང་བའམ། ཉེ་བ་དེ་དག་ཐམས་ཅད་འདི་ནི་བདག་གོ་།འདི་ནི་བདག་གིའོ། །བདག་གི་ནི་འདིའོ། །ཞེས་བྱ་བ་འདི་ལྟར་ཡང་དག་པ་ཇི་ལྟ་བ་བཞིན་དུ་ཤེས་རབ་ཀྱིས་བལྟ་བར་བྱའོ། །དེ་ལྟར་དེ་བཞིན་དུ་གང་དག་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་གང་ཡིན་པ་ཅི་ཡང་རུང་སྟེ། འདས་པ་དང ། མ་འོངས་པ་དང ། ད་ལྟར་བྱུང་</font><hr>Da479a<br><font size=+2>


༄#། །བ་ཞེས་བྱ་བའི་བར་སང་མ་བཞིན་དུ་ཡང་དག་པའི་ཤེས་རབ་ཀྱིས་བལྟ་བར་བྱའོ། །དགེ་སློང་དག་གང་གི་ཕྱི་ཐོས་པ་དང་ལྡན་པའི་འཕགས་པའི་ཉན་ཐོས་རྣམས་ཀྱིས་ཉེ་བར་ལེན་པའི་ལུང་པོ་ལྔ་པོ་དག་ལ། བདག་དང་བདག་གི་མེད་པར་ཡང་དག་པ་ཇི་ལྟ་བ་བཞིན་དུ་མཐོང་སྟེ། དེས་དེ་ལྟར་ཡང་དག་པ་ཇི་ལྟ་བ་བཞིན་དུ་མཐོང་བས། འཇིག་རྟེན་ལ་ཅུང་ཟད་ཙམ་ཡང་ཉེ་བར་ལེན་པ་མེད་དེ། ཉེ་བར་མ་བླངས་པས་ཡོངས་སུ་གདུང་བ་མེད་པས། རང་ཉིད་ཀྱིས་ཡོངས་སུ་མྱ་ངན་ལས་འདས་ཏེ། བདག་གི་སྐྱེ་བ་ནི་ཟད། ཚངས་པར་སྤྱོད་བ་ནི་སྤྱད། བྱ་བ་ནི་བྱས་ཏེ། འདི་ལས་སྲིད་པ་གཞན་མེད་དོ། །ཞེས་རབ་ཏུ་ཤེས་སོ། །ཆོས་ཀྱི་རྣམ་གྲངས་འདི་བཤད་པ་ན་དགེ་སློང་ལྷག་མ་བཞི་པོ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ། །དགྲ་བཅོམ་པ་གཅིག་གིས་མ་ཚང་བ་ཞེས་བྱ་བ་ནས། བཅོམ་ལྡན་འདས་ཀྱི་མདོ་སྡེ་གསུམ་པ་བསྡུས་ན་ཚངས་པ་མཚུངས་པར་སྤྱོད་པ་གང་གིས་ཀྱང་མ་བཟློག་ཅིང་གཤེ་བར་མ་གྱུར་ཏོ། །ཞེས་བྱ་བའི་བར་སྔ་མ་བཞིན་ནོ། །དེ་ལྟ་བས་ན་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ། །སྙམ་དུ་ཤེས་ནས། བཅོམ་ལྡན་འདས་ཀྱིས་མདོ་སྡེ་གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་གང་དང་གང་དུ་བཤད་པ་དེ་དང་དེ། ཚེ་དང་ལྡན་པ་ཀུན་དགའ་བོས་བཟླས་ནས། དགྲ་བཅོམ་པ་ལྔ་</font><hr>Da479b<br><font size=+2>


བརྒྱར་གཅིག་གིས་མ་ཚང་བས་མདོ་སྡེ་བྱས་ཏེ། དེ་ཚེ་གང་ཕུང་པོ་དང་རབ་ཏུ་ལྡན་པའི་མདོ་སྔ་ནི། དེ་ཕུང་པོར་བསྡུས་ཏེ་བཞག་གོ་།གང་སྐྱེ་མཆེད་དང་ཡང་དག་པར་རབ་ཏུ་ལྡན་པ་ནི་སྐྱེ་མཆེད་དྲུག་ཏུ་བསྡུས་སོ། །རྟེན་ཅིང་འབྲེལ་བར་འབྱུང་བ་འཕགས་པའི་བདེན་པས་རིག་པ་དང་ཡང་དག་པར་རབ་ཏུ་ལྡན་པ་ནི་དེ་གླེང་གཞི་དང་ཡང་དག་པར་རབ་ཏུ་ལྡན་པར་བསྡུས་སོ། །གང་ཉན་ཐོས་ཀྱི་བཤད་པ་མང་པ་ནི། དེ་ཉན་ཐོས་ཀྱིས་བཤད་པར་བསྡུས་སོ། །གང་སངས་རྒྱས་ཀྱི་བཤད་པ་མང་བ་དེ་ནི་སངས་རྒྱས་ཀྱིས་བཤད་པར་བསྡུས་སོ། །གང་དྲན་པ་ཉེ་བར་གཞག་པ་དང ། ཡང་དག་པར་སྤོང་བ་དང ། རྫུ་འཕྲུལ་གྱི་རྐང་བ་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་དང ། ལམ་གྱི་ཡན་ལག་དེ་དག་དང་ཡང་དག་པར་རབ་ཏུ་ལྡན་པ་ནི། དེ་ལམ་གྱི་ཡན་ལག་ཏུ་བསྡུས་སོ། །གང་ཡང་དག་པར་བརྗོད་པ་མང་བའི་མདོ་སྡེ་ནི། དེ་ཡང་དག་པར་བརྗོད་པའི་སྡེར་བསྡུས་སོ། །ཚིགས་སུ་བཅད་པ་དང་བཅས་པར་ཡང་དག་པར་ལྡན་པ་ནི། ཡང་དག་པར་ལྡན་པའི་ལུང་ཞེས་བསྡུས་སོ། །གང་མདོ་སྡེ་རིང་པོ་ནི་དེ་ལུང་རིང་པོར་བཞག་གོ་།གང་བར་མ་བར་མའི་མདོ་སྡེ་དེ་དག་ནི་དེ་ལུང་བར་མར་བཞག་གོ་།གང་ཚིག་གཅིག་དང ། ཚིག་གཉིས་ཞེས་བྱ་བ་ནས། ཚིག་བཅུ་ཞེས་བྱ་བའི་བར་ནི་གཅིག་ལས་འཕྲོས་པའི་ལུང་ཞེས་བྱའོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་ཀུན་</font><hr>Da480a<br><font size=+2>


༄#། །དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་ཀྱི་ལུང་དེ་སྙེད་གཅིག་གམ། ཚེ་དང་ལྡན་པ་འོད་སྲུང་ཆེན་པོ་དེ་སྙེད་ཅིག་ལགས་ཏེ། འདི་ལས་ལྷག་པ་མེད་དོ། །ཞེས་སྨྲས་ནས་སེངྒེའི་ཁྲི་ལས་བབས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱི་མདོ་སྡེ་ནི་མ་ལུས་པར་བསྡུས་ཟིན་པས། ད་ནི་འདུལ་བ་བགྲོ་བར་བྱའོ། །དེ་བཞིན་དུ་བགྱིའོ། །དེ་ནས་ཡང་དེའི་ཚེ། ཚེ་དང་ལྡན་པ་ཉེ་བར་འཁོར་མཁས་པར་གྱུར་པ་འདུལ་བའི་གླེང་གཞི་དང ། བྱུང་བ་ལ་མཁས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་སེངྒེའི་ཁྲི་ལ་འདུག་སྟེ། སྨྲས་པ།ཚེ་དང་ལྡན་པ་དག་ཚེ་དང་ལྡན་པ་ཉེ་བར་འཁོར་ནི་མཁས་པ། འདུལ་བའི་གླེང་གཞི་དང ། བྱུང་བ་ལ་མཁས་ཏེ། བཅོམ་ལྡན་འདས་ཀྱིས་ཀྱང་འདུལ་བ་འཛིན་པའི་མཆོག་ཏུ་ལུང་བསྟན་ན། དེ་བས་ན་སྤྲོ་བར་བྱས་ནས་འདུལ་བ་སྡུད་པར་བསྐོའོ། །དེ་བཞིན་དུ་བགྱིའོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་བར་འཁོར་ཁྱོད་ནི་སྒྲུབ་པ་ཡིན་ན། དེ་བཞིན་གཤེགས་པའི་འདུལ་བ་མ་ལུས་པ་དག་བསྡུ་བར་སྤྲོའམ། སྤྲོའོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་གསོལ་བ་དང་གཉིས་ཀྱི་ལས་བྱ་བར་བརྩམས་ཏེ། དགེ་འདུན་བཙུན་པ་རྣམས་གསན་དུ་གསོལ། ཚེ་</font><hr>Da480b<br><font size=+2>


དང་ལྡན་པ་ཉེ་བར་འཁོར་འདི། བཅོམ་ལྡན་འདས་ཀྱི་འདུལ་བ་མ་ལུས་པ་དག་བསྡུ་བར་བསྒྲུབ་ཅིང་སྤྲོན་\?\ཞེས་བྱ་བ་ནས། ཅང་མི་གསུང་བས་དེ་དེ་བཞིན་དུ་འཛིན་ཏོ། །ཞེས་བྱ་བའི་བར་སྔ་མ་བཞིན་ནོ། །ཚེ་དང་ལྡན་པ་འོད་སྲུང་ཆེན་པོ་སེངྒེའི་ཁྲི་ལས་བབས་ནས། ཚེ་དང་ལྡན་པ་ཉེ་བར་འཁོར་སེངྒེའི་ཁྲི་ལ་འདུག་སྟེ། དེ་ནས་ཚེ་དང་ལྡན་པ་འོད་སྲུང་ཆེན་པོས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་སྨྲས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་བརྒྱད་པ། ཚེ་དང་ལྡན་པ་ཉེ་བར་འཁོར། གང་དུ་བཅོམ་ལྡན་འདས་ཀྱི་དང་པོར་བསླབ་པའི་གཞི་བཅས། དེས་གསལ་བར་སྨྲས་པ། ཡུལ་ཝཱ་ར་ཎཱ་སིར་རོ། །གང་གི་དོན་དུ་དགེ་སློང་ལྔའི་ཆེད་དུ་སྟེ། གང་གི་ཕྱིར་འདི་ལྟ་སྟེ། ཤམ་ཐབས་ཟླུམ་པོར་བགོ་བར་བྱའོ། ། ཞེས་བསླབ་པ་བཅའ་བ་མཛད་དོ། །དེ་ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་རྣམས། རབ་ཀྱི་མཐར་ཕྱིན་པའི་བསམ་གཏན་བཞི་ལ་སྙོམས་པར་ཞུགས་ནས། སྨོན་པའི་ཤེས་པས་བལྟས་ན། ཞེས་བྱ་བ་ནས། ཚེ་དང་ལྡན་པ་འོད་སྲུང་ཆེན་པོས་འདི་སྙམ་དུ་བསམས་ཏེ། ཞེས་བྱ་བའི་བར་སྔ་མ་བཞིན་ཏེ། བཅོམ་ལྡན་འདས་ཀྱི་བསླབ་བའི་གཞི་དང་པོ་དེ་ལྟར་ཡང་དག་པར་བསྡུས་ན། ཚངས་པ་མཚུངས་པར་སྤྱོད་པ་གང་གིས་ཀྱང་མ་བཟློག་ཅིང་གཤེ་བར་མ་གྱུར་ཏེ། དེ་ལྟ་བས་ན་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ། །སྙམ་</font><hr>Da481a<br><font size=+2>


༄#། །དུ་རིག་ནས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་བར་འཁོར། གང་དུ་བཅོམ་ལྡན་འདས་ཀྱིས་བསླབ་པའི་གཞི་གཉིས་པ་བཅས་པ་གསུངས་ཤིག་།དེས་གསལ་བར་སྨྲས་པ། ཡུལ་ཝཱ་ར་ཎཱ་སིར་རོ། །གང་གི་ཆེད་དུ་དགེ་སློང་ལྔ་པོའི་དོན་དུ་སྟེ། གང་གི་ཚེ། འདི་ལྟར་དེ་ཆོས་གོས་ཟླུམ་པོར་བགོ་བར་བྱའོ། །ཞེས་བསླབ་པ་བཅའ་བ་མཛད་དོ། །དེ་ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་རྣམས་རབ་ཀྱི་མཐར་ཕྱིན་པ། ཞེས་བྱ་བ་ནས། བསླབ་པའི་གཞི་གཉིས་པ་ཞེས་བྱ་བ་སྔ་མ་བཞིན་ཏེ། ཚངས་པ་མཚུངས་པར་སྤྱོད་པ་གང་གིས་ཀྱང་མ་བཟློག་ཅིང་གཤེ་བར་མ་གྱུར་ཏེ། དེ་ལྟ་བས་ན་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ། །སྙམ་དུ་རིག་ནས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་བར་འཁོར། གང་དུ་བཅོམ་ལྡན་འདས་ཀྱིས་བསླབ་པའི་གཞི་གསུམ་པ་བཅས་པ་གསུངས་ཤིག་།དེས་གསལ་བར་སྨྲས་པ། ཀ་ལན་ད་ཀའི་གྲོང་དུའོ། །གང་གི་ཆེད་དུ་ཀ་ལན་ད་ཀའི་བུ་བཟང་སྦྱིན་གྱི་ཆེད་དུ་སྟེ། གང་གི་ཕྱིར་འདི་ལྟར་ཡང་དགེ་སློང་གང་དགེ་སློང་རྣམས་དང་ལྷན་ཅིག་བསླབ་པ་མཚུངས་ཤིང་མཉམ་པ་ལས། བསླབ་པ་མ་ཕུལ། བསླབ་པ་ཉམས་པར་མ་བྱས་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་པས་ཐ་ན་བྱོལ་སོང་གི་སྐྱེ་གནས་སུ་སྐྱེས་པ་ལ་ཡང་རུང་སྟེ། དགེ་</font><hr>Da481b<br><font size=+2>


སློང་དེ་ཕས་ཕམ་པར་གྱུར་པ་ཡིན་པས་གནས་པར་མི་བྱའོ། །དེ་ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་རྣམས། རབ་ཀྱི་མཐར་ཕྱིན་པ་ཞེས་བྱ་བ་ནས། འདི་ནི་སྟོན་པས་བསྟན་པའོ། །ཞེས་བྱ་བའི་བར་སྔ་མ་བཞིན་ནོ། །བཅོམ་ལྡན་འདས་ཀྱིས་བསླབ་པའི་གཞི་ལྷག་མ་གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དང་དང་གང་དུ་བཤད་པ་དེ་དང་དེ་དགེ་སློང་རྣམས་ལ། ཚེ་དང་ལྡན་པ་ཉེ་བར་འཁོར་གྱིས་བཟླས་ནས། དགྲ་བཅོམ་པ་ལྔ་བརྒྱར་གཅིག་གིས་མ་ཚང་བས་གཞུང་དུ་བྱས་སོ། །འདི་དག་ནི་ཕས་ཕམ་པ་རྣམས་སོ། ། འདི་དག་ནི་དགེ་འདུན་ལྷག་མ་རྣམས་སོ། །འདི་དག་ནི་མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་དགུ་བཅུའི་ཆོས་དང ། སོ་སོར་བཤགས་པར་བྱ་བ་བཞིའི་ཆོས་དང ། བསླབ་པ་མང་པོའི་ཆོས་དང ། རྩོད་པ་ཞི་བར་བྱ་བའི་ཆོས་བདུན་དང ། འདི་ནི་བཅས་པའོ། །འདི་ནི་རྗེས་སུ་བཅས་པའོ། །འདི་ནི་སོ་སོར་སྤང་བའོ། །འདི་ནི་གནང་བའོ། །རབ་ཏུ་བྱུང་ནས་བསྙེན་པར་རྫོགས་པ་ནི་འདི་ལྟར་བྱའོ། །གསོལ་བ་དང་ལས་ནི་འདི་ལྟར་བྱའོ། །གསོལ་པ་དང་གཉིས་དང ། གསོལ་བ་དང་བཞིའི་ལས་ནི་འདི་ལྟར་བྱའོ། །འདི་འདྲ་བ་ནི་རབ་ཏུ་དབྱུང་ངོ ། །འདི་འདྲ་བ་ནི་རབ་ཏུ་མི་དབྱུང་ངོ ། །གསོ་སྦྱོང་ནི་འདི་ལྟར་བྱའོ། །དགག་དབྱེ་ནི་འདི་ལྟར་བྱ་སྟེ། ཚུལ་འདི་འདྲ་བ་ནས་ཕྲ་མོ་ནི་འདི། གླེང་གཞི་ནི་འདི། མོས་པ་ནི་འདིའོ། །ཞེས་དེ་དེ་བཞིན་དུ་འདུལ་བ་ཡང་དག་</font><hr>Da482a<br><font size=+2>


༄#། །པར་བསྡུས་ནས། ཚེ་དང་ལྡན་པ་ཉེ་བར་འཁོར་སེངྒེའི་ཁྲི་ལས་བབས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། མ་འོངས་པའི་དུས་ན་མི་རྣམས་ཤེས་རབ་ཞན་པ་ཡི་གེ་ཙམ་གྱིས་རྗེས་སུ་འབྲང་ལ། ཟབ་མོའི་དོན་ལ་མོས་པར་གྱུར་པ་དེ་རྣམས་ལ། མ་ལ་བདག་ཁོ་ནས་མདོ་སྡེ་དང་འདུལ་བའི་དོན་སྲུང་བར་གསུངས་པ་མ་མོ་བཤད་པར་བྱའོ། །སྙམ་དུ་བསམས་ནས། དོན་དུ་གཉེར་བའི་གསོལ་བ་དང་གཉིས་ཀྱི་ལས་བྱས་ཏེ། སེངྒེའི་ཁྲི་ལ་འདུག་ནས་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་།མ་མོ་ལྟ་བུ་མ་མོ་ལྟ་བུ་ཞེས་བྱ་བ་དེ་བདག་ཁོ་ནས་སྨྲ་བར་བྱ་སྟེ། མ་མོ་ལྟ་བུ་ནི་ཤེས་བྱའི་མཚན་ཉིད་རབ་ཏུ་གསལ་བར་བྱེད་པ་ཡིན་ཏེ། འདི་ལྟར་དྲན་པ་ཉེ་བར་གཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་དང ། སོ་སོ་ཡང་དག་པར་རིག་པ་བཞི་དང ། དགེ་སྦྱོང་གི་འབྲས་བུ་བཞི་དང ། ཆོས་ཀྱི་ཚིག་བཞི་དང ། ཉོན་མོངས་པ་མེད་པ་དང ། སྨོན་ནས་ཤེས་པ་དང ། རབ་ཀྱི་མཐར་ཕྱིན་པ་དང ། སྟོང་པ་ཉིད་སྟོང་པ་ཉིད་དང ། མཚན་མ་མེད་པ་ཉིད་མཚན་མ་མེད་པ་དང ། འདྲེས་པ་བསྒོམས་པའི་བསམ་གཏན་དང ། མངོན་པར་རྟོགས་པའི་མཐའ་ལས་བྱུང་བ་དང ། ཀུན་རྫོབ་ཤེས་པ་དང ། ཞི་གནས་དང ། ལྷག་མཐོང་</font><hr>Da482b<br><font size=+2>


དང ། ཆོས་ཀྱི་རྣམ་གྲངས་ཀྱི་ཕུང་པོ་ཡང་དག་པར་བསྡུས་པ་དང་བརྟགས་པ་སྟེ། འདི་དག་ནི་མ་མོ་ལྟ་བུ་ཞེས་བྱའོ། །དེ་ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་རྣམས་རབ་ཀྱི་མཐར་ཕྱིན་པ་ཞེས་བྱ་བ་ནས། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ། །ཞེས་བྱ་བའི་བར་སྔ་མ་བཞིན་ནོ། །དེ་ནས་ས་བླའི་གནོད་སྦྱིན་དག་གིས་མདོ་སྡེ་དང ། འདུལ་བ་དང ། ཆོས་མངོན་པ་དག་ཡང་དག་པར་བསྡུས་པ་ན་སྒྲ་ཕྱུང་སྟེ། དབྱངས་ཀྱིས་རབ་ཏུ་བསྒྲགས་པ། ཀྱེ་མ་འཕགས་པ་འོད་སྲུང་ལ་སོགས་པ་དགྲ་བཅོམ་པ་ལྔ་བརྒྱས་བདེ་བར་གཤེགས་པའི་སྡེ་སྣོད་གསུམ་ཡང་དག་པར་བསྡུས་པས། ལྷ་རྣམས་ཀྱི་ལུས་ནི་མངོན་པར་འཕེལ་བར་གྱུར། ལྷ་མ་ཡིན་གྱི་ལུས་རྣམས་ནི་ཡོངས་སུ་འགྲིབ་པར་གྱུར་ཏོ། །ཞེས་སྨྲས་ཏེ། ས་བླའི་གནོད་སྦྱིན་དག་གི་སྒྲ་བར་སྣང་ལ་རྒྱུ་བའི་གནོད་སྦྱིན་དག་གིས་ཐོས་ནས། རྒྱལ་ཆེ་ན་རིས་བཞི་དང ། སུམ་ཅུ་རྩ་གསུམ་པའི་ལྷ་རྣམས་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་དང ། ཚངས་རིས་ཀྱི་ལྷ་རྣམས་དང ། ཚངས་པའི་མདུན་ན་འདོན་དང ། ཚངས་པ་ཆེན་པོ་དང ། འོད་ཆུང་དང ། ཚད་མེད་འོད་དང ། འོད་གསལ་བ་དང ། དགེ་ཆུང་དང ། ཚང་མེད་དགེ་བ་དང ། དགེ་རྒྱས་དང ། སྤྲིན་མེད་དང ། བསོད་ནམས་སྐྱེས་དང ། འབྲས་བུ་ཆེ་དང ། མི་ཆེ་བ་དང ། མི་གདུང་བ་དང ། ཤིན་ཏུ་མཐོང་བ་དང ། གྱ་ནོམ་སྣང་བ་དག་གིས་སྐད་ཅིག་དེ་</font><hr>Da483a<br><font size=+2>


༄#། །དང ། ཐང་ཅིག་དེ་དང ། ཡུད་ཙམ་དེ་དང ། སྐད་ཅིག་དང ། ཐང་ཅིག་དང ། ཡུད་ཙམ་དེ་ལ་འོག་མིན་གྱི་གནས་ཀྱི་བར་དུ་སྒྲ་བསྒྲགས་ཏེ། འོག་མིན་གྱི་ལྷ་རྣམས་ཀྱིས་ཀྱང་སྒྲ་བསྒྲགས་པ་ནས། ལྷ་མ་ཡིན་གྱི་ལུས་ཡོངས་སུ་འགྲིབ་པར་གྱུར་ཏོ། །ཞེས་བྱ་བའི་བར་སྔ་མ་བཞིན་ཏེ། དགྲ་བཅོམ་པ་ལྔ་བརྒྱས་ཡང་དག་པར་བསྡུས་པས། ལྔ་བརྒྱས་ཡང་དག་པར་བསྡུས་པ། ལྔ་བརྒྱས་ཡང་དག་པར་བསྡུས་པ་ཞེས་བྱ་བའི་མིང་དུ་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཡང་དག་པར་བསྡུ་བ་བྱས་ནས་སྨྲས་པ། ཀྱེ་མ་སྟོབས་བཅུ་མངའ་བའི་གསུང་ནི་ཚད་མེད་པ། །འགྲོ་ལ་ཕན་ཕྱིར་ཆོས་ཀྱི་བསྟན་བཅོས་འདི་བསྡུས་པས། །གང་ན་འཇིག་རྟེན་བློ་ངན་མུན་བྱེད་ཆུད་ཟོས་པ། །བློ་གྲོས་རབ་རིབ་བསལ་བས་སྒྲོན་མར་ཡང་དག་ལྡན། །ཚེ་དང་ལྡན་པ་འོད་སྲུང་ཆེན་པོས་འདི་སྙམ་དུ་སྡེ་སྣོད་གསུམ་ཡང་དག་པར་བསྡུས་ཏེ། སྨོན་པའི་ཤེས་པས་བརྟགས་ནས་ཇི་ཙམ་བཞག་པས། བཅོམ་ལྡན་འདས་ཀྱིས་བསྟན་པ་གནས་པར་འགྱུར་རོ། །ཞེས་ཇི་སྐད་གསུངས་པ་དག་ཀྱང་བདག་གིས་རྣམ་པ་ཐམས་ཅད་དུ་བྱས། བཅོམ་ལྡན་འདས་དེས་བཀའ་སྩལ་ཅིང ། ལུང་བསྟན་པ་ཅི་ནུས་སུ་བྱས། བཅོམ་ལྡན་འདས་ཆོས་ཉིད་ཆོས་ཀྱི་རྗེ་ལ་བདག་གིས་མཛའ་བོ་བཞིན་དུ་བྱས་ཤིང་བལྟས་ཏེ། བྱས་པ་གཟོ་བར་བྱས་ཤིང་ཕྱིར་ཕན་གདགས་པ་ཡང་ཅུང་ཟད་ཙམ་བྱས་པས། འཇིག་རྟེན་གྱི་</font><hr>Da483b<br><font size=+2>


མགོན་པོ་དེ་ལ་མ་ལུས་པར་ལན་དུ་ཕན་འདོགས་པར་ནི་གང་ཞིག་གིས་ནུས་ཏེ། ཆོས་དང་ལྡན་པ་ལ་ཚངས་པར་སྤྱོད་པ་ནི་ཀུན་ཏུ་སྤྱད། འཇིག་རྟེན་རྣམས་ལ་ནི་ཕན་བཏགས་ཏེ། ཡུན་རིང་པོ་ནས་བླ་མས་བསྐོས་པས། ཕུང་པོའི་ཁུར་དང ། ལུས་རྣག་ཅན་འདིས་ཡོངས་སུ་སྐྱོབས། བདག་ནི་ཡོངས་སུ་མྱ་ངན་ལས་འདའ་བའི་དུས་ལ་བབ་སྟེ། འགྲོ་བར་བྱའོ། །སྙམ་དུ་བསམས་ནས་སྨྲས་པ།་བདག་གིས་ཐུབ་པའི་མདོ་སྡེ་ནི། །ཡང་དག་བསྡུས་ནས་ཆོས་ལམ་བཞག་།གཅིག་ནས་གཅིག་ཏུ་ཡུན་རིང་བར། །སྟོན་པའི་གསུང་རབ་འདི་གནས་འགྱུར། །ངོ་ཚ་མེད་རྣམས་ཆད་པས་བཅད། །ངོ་ཚ་བྱེད་ནི་ཡོངས་སུ་བཟུང ། །བདག་གིས་ཕན་དང་དགེ་བྱས་པས། །བདག་ནི་མྱ་ངན་འདས་དུས་བབ། །དེ་ནས་ཚེ་དང་ལྡན་པ་འོད་སྲུང་ཆེན་པོ། ཚེ་དང་ལྡན་པ་ཀུན་དགའ་བོའི་དྲུང་དུ་ཉེ་བར་འོངས་ནས། ཚེ་དང་ལྡན་པ་ཀུན་དགའ་བོ་ཤེས་པར་གྱིས་ཤིག་།བཅོམ་ལྡན་འདས་ཀྱིས་བདག་ལ་བསྟན་པ་ལག་ཏུ་གཏད་དེ། ཡོངས་སུ་མྱ་ངན་ལས་འདས་སོ། །ད་ནི་བདག་ཀྱང་ཡོངས་སུ་མྱ་ངན་ལས་འདའ་བས། བསྟན་པ་ཁྱོད་ཀྱིས་ཡོངས་སུ་སྐྱོངས་ཤིག་དང ། རྒྱལ་པོའི་ཁབ་ཏུ་དེད་དཔོན་གཞན་གྱི་བུ་ཞིག་སྐྱེ་བར་འགྱུར་ཏེ། དེ་ཤ་ནའི་གོས་ཀྱིས་གཡོགས་པས། དེའི་མིང་ཤ་ནའི་གོས་ཅན་ཞེས་འདོགས་སོ། །དེས་རྒྱ་མཚོ་ཆེན་པོ་བརྒལ་ནས་སླར་འོངས་ཏེ། བཅོམ་ལྡན་འདས་ཀྱིས་བསྟན་པ་ལ་ལོ་ལྔའི་དུས་སྟོན་བྱེད་པར་འགྱུར་</font><hr>Da484a<br><font size=+2>


༄#། །བས། དེ་རབ་ཏུ་ཕྱུང་ལ་དེ་ལ་བསྟན་པ་ཡོངས་སུ་གཏོད་ཅིག་།ཅེས་སྨྲས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་འདི་སྙམ་དུ། མལ་བདག་གིས་བཅོམ་ལྡན་འདས་ཐུགས་རྗེ་ཆེན་པོས་དཀའ་བ་མཛད་པ། དགེ་བའི་བཤེས་གཉེན་ཡོན་ཏན་མཐའ་ཡས་པས་ཡོངས་སུ་བསྒོས་བ་དེའི་སྐུ་གདུང་ཤ་རི་རམ་གང་དང་གང་ན་བར་མཆོད་ལ།་རབ་ཏུ་ཞི་བར་འགྲོའོ། །སྙམ་དུ་བསམས་སོ། །དེ་ནས་མཆོད་རྟེན་ཆེན་པོ་བཞིའི་དྲུང་དུ་སོང་ནས། སྐུ་གདུང་གི་མཆོད་རྟེན་བརྒྱད་ལ་བསྙེན་བཀུར་གྱིས་རབ་ཏུ་མཆོད་ནས་ཀླུའི་གནས་སུ་སོང་སྟེ། བཅོམ་ལྡན་འདས་ཀྱི་མཆེ་བ་ལ་མཆོད་ནས། ནམ་མཁའ་ལ་གྱེན་དུ་འཕགས་ཏེ་སུམ་ཅུ་རྩ་གསུམ་གྱི་གནས་སུ་ཕྱིན་ཏོ། །དེ་བརྒྱ་བྱིན་ལྷའི་དབང་པོ་དང ། ལྷ་གཞན་དག་མངོན་པར་དགའ་ནས་མཆོད་པ་བྱས་ཏེ། ཅིའི་སླད་དུ་གཤེགས། བཞེད་པ་མཆིས་ན་བཀའ་སྩོལ་ཅིག་ཅེས་སྨྲས་སོ། །ཀོའུ་ཤི་ཀ་།ཁོ་བོ་ནི་བཅོམ་ལྡན་འདས་ཀྱིས་མཆེ་བ་ལ་སོགས་པ་མཚན་མ་རྣམས་ཐ་མར་མཆོད་པར་འདོད་དེ་འོངས་སོ། །དེ་ནས་བརྒྱ་བྱིན་ལྷའི་དབང་པོ་དང ། ལྷ་གཞན་དག་གིས་ཐ་མ་ཞེས་ཐོས་པས་ཡིད་མི་དགའ་བར་གྱུར་ཏེ། ཞེས་བསྐྱེད་ནས་ཅུང་ཟད་ཀྱང་མི་སྨྲ་བར་དེ་དག་གིས་དེ་ཕྱུང་བ་དང ། དེ་ནས་གནས་བརྟན་འོད་སྲུང་ཆེན་པོས། མཆེ་བ་དེ་ལག་པ་ས་བཟུང་ནས་མིག་མི་འཛུམ་པར་བལྟས་ཏེ་སྤྱི་བོ་ལ་བཞག་</font><hr>Da484b<br><font size=+2>


ནས། མེ་ཏོག་མན་ད་ར་དང ། ཀུ་ཤེ་ཤ་ཡ་དང ། ཙནྡན་སྦྲུལ་གྱི་སྙིང་པོའི་ཕྱེ་མས་རབ་ཏུ་གཏོར་ནས། བརྒྱ་བྱིན་ལ་སོགས་པ་ལྷ་བརྒྱ་སྟོང་མང་པོ་རྣམས་ལ་བག་ཡོད་པར་བྱོས་ཤིག་།ཅེས་མདོར་བསྡུས་ཏེ་ཆོས་བཤད་པ་བྱས་ནས། རི་རབ་ཀྱི་སྟེང་ནས་མི་སྣང་བར་གྱུར་ཏེ་རྒྱལ་པོའི་ཁབ་ཏུ་ཕྱིན་པ་དང ། དེས་འདི་སྙམ་དུ་བདག་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ། རྒྱལ་པོ་མ་སྐྱེས་དགྲ་ལ་སྦྲན་པར་བྱའོ། །སྙམ་ནས། དེ་རྒྱལ་པོའི་ཕོ་བྲང་དུ་སོང་སྟེ། ཆབ་སྒོ་བའི་མི་ལ་འདི་སྐད་ཅེས་ཀཝའི་སྐྱེས་བུ་ཁྱོད་སོང་ལ། རྒྱལ་པོ་མ་སྐྱེས་དགྲ་ལ་འོད་སྲུང་ནི་སྒོ་ན་སྡོད་དེ། ལྷ་བལྟ་བར་འཚལ་གྱི་མཁྱེན་པར་མཛོད་ཅིག་།ཅེས་སྨྲས་སོ། །དེ་ནང་དུ་ཞུགས་པ་དང ། ཇི་ཙམ་རྒྱལ་པོ་ཉལ་ཏེ་ཆ་བ་སྒོ་བས་སྨྲས་པ། འཕགས་པ་ལྷ་ནི་གཟིམས་སོ། །གནས་བརྟན་གྱིས་སྨྲས་པ། སོང་ལ་སློངས་ཞིག་།ཆབ་སྒོ་བས་སྨྲས་པ། འཕགས་པ་རྒྱལ་པོ་ནི་གཏུམ་བ་ཞིག་བས་ཆད་པས་གཅོད་དུ་མཆིའོ། །འོ་ན་ནམ་གཉིད་སད་པར་གྱུར་པའི་ཚེ་འོད་སྲུང་ནི་ཡོངས་སུ་མྱ་ངན་ལས་འདའ་བར་སྦྲོན་ཏོ། །ཞེས་སྨྲོས་ཤིག་།ཇི་ཙམ་ན་ཚེ་དང་ལྡན་པ་འོད་སྲུང་ཆེན་པོ་ལྷོ་ཕྱོགས་ཀྱི་རི་བོ་བྱ་གག་རྐང་གི་རི་ལ་འཛེགས་ཏེ། རི་གསུམ་གྱི་དབུས་སུ་རྩཝ་གདིང་བ་བྱས་ནས་བསམས་པ། མ་ལ་བདག་ལ་བཅོམ་ལྡན་འདས་ཀྱིས་ཕྱག་དར་ཁྲོད་པ་བྱིན་པ་འདི་ལུས་ལ་བགོས་ལ། བྱམས་པའི་གསུང་རབ་རྒྱས་ཀྱི་བར་དུ་བྱིན་གྱིས་བརླབས་ཏེ། གང་བཅོམ་ལྡན་འདས་ཀྱིས་སློབ་མའི་</font><hr>Da485a<br><font size=+2>


༄#། །ཚོགས་སེམས་ཅན་གྱི་མཆོག་དེ་དང་ཀུན་ཏུ་སྐྱོ་བར་བྱས་ལ། ཇི་ཙམ་ཏིང་ངེ་འཛིན་དེ་ལྟ་བུ་བསྐྱེད་དེ། བདག་གི་ལུས་འདི་རིགས་གསུམ་གྱིས་གཡོགས་པའི་ཁང་པའི་ནང་འདིར་འདུག་ལ། བྱམས་པའི་བསྟན་པ་རྒྱས་ཀྱི་བར་དུ་མ་ཉམས་པར་བྱས་ཏེ། གང་གི་ཚེ་རྒྱལ་པོ་མ་སྐྱེས་དགྲ་འོངས་ན་སྒོ་བྱེ་བར་གྱུར་ཏེ། གལ་ཏེ་དེས་བདག་གི་ལུས་མ་མཐོང་ན། ཁྲག་དྲོན་མོར་སྐྱུགས་ནས་དུས་བྱེད་པའི་གནས་སུ་འགྱུར་བར་རིག་ཅིང ། ཇི་ཙམ་ན་ཚེའི་འདུ་བྱེད་ཀྱང་སྤངས། ཚེའི་འདུ་བྱེད་སྤངས་མ་ཐག་ཏུ་ས་ཡང་རྣམ་པ་དྲུག་ཏུ་གཡོས། སྐར་མདའ་ཡང་ལྷུང ། ཕྱོགས་ཀྱང་ཚིག་།བར་སྣང་ལ་ལྷ་དག་རྔ་ཡང་རྡུང་བར་འགྱུར་རོ། །སྙམ་མོ། །དེ་ནས་ཚེ་དང་ལྡན་པ་འོད་སྲུང་ཆེན་པོས། སྦར་བ་དང ། བསྲེག་པ་དང ། གློག་དབྱུང་བ་དང ། ཆོ་འཕྲུལ་ཆེན་པོ་རྣམ་པ་སྣ་ཚོགས་བྱས་ནས། རང་གི་ལུས་བྱིན་གྱིས་བརླབས་ནས་གློ་གཡས་པས་ཕབ་སྟེ། རྐང་པའི་སྟེང་དུ་རྐང་པ་བཞག་ནས་ཉལ་ཏེ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་ནས་བརྒྱ་བྱིན་དང ། ཚངས་པ་ལ་སོགས་པ་རྣམས་འདི་སྙམ་དུ་ཅིའི་ཕྱིར། བདག་ཅག་གི་ས་འདི་གཡོས་པར་གྱུར། ཅེས་བསམས་པ་དང ། ཇི་ཙམ་ན་ཚེ་དང་ལྡན་པ་འོད་སྲུང་ཆེན་པོ་ཡོངས་སུ་མྱ་ངན་ལས་འདས་པ་ཤེས་ནས། ཡང་བརྒྱ་བྱིན་དང ། ཚངས་པ་</font><hr>Da485b<br><font size=+2>


ལ་སོགས་པ་ལྷ་རྣམས་དང ། ལྷ་བརྒྱ་སྟོང་དུ་མས་མེ་ཏོག་ཨུཏྤ་ལ་དང ། པདྨ་དང ། པུཎྜ་རི་ཀ་ལ་སོགས་པ་དང ། ཙནྡན་ས་མཆོག་དང ། ་ཀ་རུའི་ཕྱེ་མ་ཐོགས་ཏེ། ཚེ་དང་ལྡན་པ་འོད་སྲུང་ཆེན་པོའི་སྐུ་གདུང་ག་ལ་བ་དེར་སོང་སྟེ་ཕྱིན་ནས། གནས་བརྟན་གྱི་སྐུ་ལ་མེ་ཏོག་ཨུཏྤ་ལ་དང ། པདྨ་དང ། ཀུ་མུད་དང ། པདྨ་དཀར་པོ་བཟང་པོ་དག་དང ། ཙནྡན་ས་མཆོག་དང ། ་ཀ་རུའི་ཕྱེ་མ་དག་གིས་མཆོད་ཅིང་གཏོར་ནས། རི་གསུམ་སྦྱར་ནས་བཀབ་བོ། །དེ་ནས་ལྷ་རྣམས་གནས་བརྟན་དང་བྲལ་བས་མྱ་ངན་སྐྱེས་ཏེ། ད་ལྟར་བདག་ཅག་བཅོམ་ལྡན་འདས་དང་བྲལ་བའི་མྱ་ངན་སྐྱེས་པ་ཡང་མ་བྱང་བར་འདིར་ཤིང་ནྱ་གྲོ་དྷའི་ཕུག་འདི་ན་གནས་པའི་ལྷ་རྣམས་དགེ་བའི་ཆོས་ཀྱི་བར་ཆད་ཀྱང་བྱུང་བར་གྱུར། ཡུལ་མ་ག་དྷའི་རྒྱལ་པོའི་ཡུལ་ཡང་སྟོང་ནས་སྣང་བ་མེད་པར་གྱུར། ད་ནི་བཀྲེན་པ་དང ། དབུལ་པོ་དང ། མགོན་མེད་པའི་སྲང་དུ་བྱམས་ཤིང་ཕན་འདོགས་པའི་མགོན་ཡང་མེད། སྐྱེ་བོ་རྣམས་དགེ་བས་དབུལ་པོར་གྱུར་ཏེ། ད་ནི་བཅོམ་ལྡན་འདས་གཉིས་ཁོ་ན་ཡོངས་སུ་མྱ་ངན་ལས་འདས་སོ། །སྙམ་དུ་སེམས་ཏེ། ད་ནི་དམ་པའི་ཆོས་ཀྱི་རིའི་རྩེ་མོ་ཡང་ལྷུང ། ད་ནི་དམ་པའི་ཆོས་ཀྱི་གྲུ་ཡང་རབ་ཏུ་གཡོས། ད་ནི་དམ་པའི་ཆོས་ཀྱི་སྣང་བ་ཡང་ནུབ། ད་ནི་དམ་པའི་ཆོས་ཀྱི་རྒྱ་མཚོ་ཡང་འཁྲུགས། ད་ནི་སྟོན་པ་ཕན་འདོགས་པ་མི་སྣང་བར་གྱུར་པས། བདུད་དག་ཀྱང་དགའ་བར་གྱུར་ཏེ། ཞེས་བྱ་བ་ལ་སོགས་པ་སྨྲེ་སྔགས་རྣམ་པ་མང་</font><hr>Da486a<br><font size=+2>


༄#། །པོ་བཏོན་ནས། ཕྱག་བྱས་ཏེ་མི་སྣང་བར་གྱུར་ཏོ། །ཇི་ཙམ་ན་རྒྱལ་པོ་མ་སྐྱེས་དགྲའི་རྨི་ལམ་དུ་རྒྱལ་རིགས་ཀྱི་ཞང་པོའི་རྒྱུད་ཆད་པར་མཐོང་ངོ ། །མཐོང་ནས་ཀྱང་སྐྲག་ནས་སད་པ་དང ། སྒོ་སྲུང་གིས་གནས་བརྟན་འོད་སྲུང་ཆེན་པོ་ནི་ཡོངས་སུ་མྱ་ངན་ལས་འདའ་བར་སྦྲོན་ཏོ། །ཞེས་སྨྲས་པ་ཐོས་སོ། །ཐོས་ནས་རྒྱལ་པོ་བརྒྱལ་ཏེས་ལ་འགྱེལ་བ་དང ། ཇི་ཙམ་ན་ཆུས་གཏོར་ནས་བསླང་སྟེ། འོད་མའི་ཚལ་དུ་སོང་ནས། ཚེ་དང་ལྡན་པ་ཀུན་དགའ་བོའི་རྐང་པ་ལ་ལུས་ཐམས་ཅད་ཀྱིས་གཏུགས་ནས་དུས་ཏེ། བདག་གིས་དེ་རིང་གནས་བརྟན་འོད་སྲུང་ཆེན་པོ་ཡོངས་སུ་མྱ་ངན་ལས་འདས་པར་ཐོས་སོ། །ཞེས་སྨྲས་པ་དང ། ཇི་ཙམ་ན་ཚེ་དང་ལྡན་པ་ཀུན་དགའ་བོས། རྒྱལ་པོ་མ་སྐྱེས་དགྲ་ཁྲིད་ནས་རི་བྱ་གག་རྐང་ལ་འཛེགས་པ་དང ། ཇི་ཙམ་ན་གནོད་སྦྱིན་དག་གིས་རི་ཕྱེ་བ་དང ། རྒྱལ་པོ་མ་སྐྱེས་དགྲས། དེའི་སྐུ་མེ་ཏོག་མན་ད་ར་བ་དང ། ཀུ་ཤེ་ཤ་ཡ་དང ། ཙནྡན་ས་མཆོག་གི་ཕྱེ་མས་གཡོགས་པ་མཐོང་ངོ ། །མཐོང་ནས་ལག་པ་བསྒྲེང་སྟེ། ཤིང་དྲུང་པ་ནས་བཅད་པ་བཞིན་དུ་དེའི་རྐང་པ་ལ་ལུས་ཐམས་ཅད་ཀྱིས་གཏུགས་ནས་ལངས་ཏེ། བསྲེག་ཅིང་བསམ་པར་བརྩམས་པ་དང ། གནས་བརྟན་ཀུན་དགའ་བོས་སྨྲས་པ། རྒྱལ་པོ་ཆེན་པོ་ཅི་ཞིག་རྩོམ། རྒྱལ་པོས་སྨྲས་པ། གནས་བརྟན་གྱི་སྐུ་ཞུགས་ལ་བཞེན་པར་བགྱིའོ། །གནས་བརྟན་གྱིས་སྨྲས་པ། རྒྱལ་པོ་</font><hr>Da486b<br><font size=+2>


ཆེན་པོ་འདི་ནི་བྱམས་པའི་གསུང་རབ་འབྱུང་གི་བར་དུ་བྱིན་གྱིས་བརླབས་པ་ཡིན་ཏེ། བྱང་ཆུབ་སེམས་དཔའ་བྱམས་པ་ཉན་ཐོས་བྱེ་བ་ཕྲག་དྲུག་ཅུ་རྩ་དགུས་བསྐོར་བ་ཕྱོགས་འདིར་བྱོན་ནས། གནས་བརྟན་འོད་སྲུང་ཆེན་པོའི་ལུས་འདི་བཟུང་སྟེ། འདི་ནི་འོད་སྲུང་ཞེས་བྱ་བ་བཅོམ་ལྡན་འདས་ཤཱཀྱ་ཐུབ་པ་དེའི་ཉན་ཐོས་འདོད་པ་ཆུང་བ། ཆོག་ཤེས་པ་སྦྱངས་པའི་ཡོན་ཏན་འཆང་བའི་མཆོག་ཏུ་གྱུར་ནས། དེས་བཅོམ་ལྡན་འདས་ཤཱཀྱ་ཐུབ་པ་དེའི་དམ་པའི་ཆོས་ཀྱི་ཚུལ་ཡང་དག་པར་བསྡུས་སོ། །ཞེས་ཉན་ཐོས་རྣམས་ལ་བསྟན་པ་དང ། ཇི་ཙམ་ན་དེ་དག་འདི་སྙམ་དུ་དེའི་དུས་ཀྱི་མི་རྣམས་ནི་ལུས་ཆུང་བར་གྱུར་ཏེ། ངེས་པར་བཅོམ་ལྡན་འདས་ཤཱཀྱ་ཐུབ་པའི་སྐུ་ནི་ཆེན་པོར་གྱུར་པ་ཞིག་ཡིན་ནོ། །སྙམ་མོ། །དེ་ནས་བཅོམ་ལྡན་འདས་དེས་དེའི་ལུས་ལས་སྣམ་སྦྱར་བླངས་ནས། འདི་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་དེའི་སྣམ་སྦྱར་ཡིན་ནོ། །ཞེས་ཉན་ཐོས་རྣམས་ལ་བསྟན་པ་དང ། དེ་དག་གིས་དེ་ཐོས་ནས། དེ་ཉིད་ཀྱིས་དགེ་སྦྱོང་བྱེ་བ་དྲུག་ཅུ་རྩ་དགུས་སྦྱངས་པའི་ཡོན་ཏན་ཡང་དག་པར་བླངས་ནས་ཅི་ནུས་ཀྱི་བྱས་ཤིང་བསྒྲུབས་ནས། དགྲ་བཅོམ་པ་མངོན་སུམ་དུ་བྱེད་པར་དེས་བྱིན་གྱིས་བརླབས་པས་ལུས་འདི་མེ་ལ་བསྲེག་པར་མི་ནུས་མོད་ཀྱི། འོན་ཀྱང་འདིའི་སྟེང་དུ་མཆོད་རྟེན་བརྩིག་པར་བྱའོ། །ཇི་ཙམ་ན་རྒྱལ་པོ་སྒོར་བྱུང་བ་དང ། རི་འབྱར་ཅིང་དེའི་ལུས་བཀབ་པར་གྱུར་</font><hr>Da487a<br><font size=+2>


༄#། །ཏོ། །དེའི་འོག་ཏུ་རྒྱལ་པོས་སྟེང་དུ་མཆོད་རྟེན་བརྩིགས་ནས་མཆོད་པ་ཡང་བྱས་སོ། །དེ་ནས་རྒྱལ་པོ་མ་སྐྱེས་དགྲས། ཚེ་དང་ལྡན་པ་ཀུན་དགའ་བོའི་རྐང་པ་ལ་གཏུགས་ནས་སྨྲས་པ། གནས་བརྟན་བདག་གིས་བཅོམ་ལྡན་འདས་ཡོངས་སུ་མྱ་ངན་ལས་འདས་པ་ཡང་མ་མཐོང ། གནས་བརྟན་འོད་སྲུང་ཆེན་པོ་ཡང་མ་མཐོང་སྟེ། འདི་ལྟར་གནས་བརྟན་ཡོངས་སུ་མྱ་ངན་ལས་འདའ་བ་བལྟ་བར་བགྱིའོ། །དེ་བཞིན་དུ་བགྱིའོ། །ཞེས་གནས་བརྟན་གྱིས་ཁས་བླངས་སོ། །ཇི་ཙམ་ན་ཤ་ནའི་གོས་ཅན་རྒྱ་མཚོ་ཆེན་པོ་ནས་བདེ་ཞིང་ལེགས་པར་འོངས་ཏེ། དེས་ནོར་རྣམས་གཏེར་དུ་སྦས་ཏེ། འོད་མའི་ཚལ་དུ་འོངས་པ་དང ། ཚེ་དང་ལྡན་པ་ཀུན་དགའ་བོ་དྲི་གཙང་ཁང་གི་སྒོ་ན་འཆག་པ་ལ་ཕྱག་བྱས་ནས། བཙུན་པ་མཁྱེན་པར་མཛོད་ཅིག་།བདག་ནི་ལོ་ལྔའི་དུས་སྟོན་བགྱིད་དེ། བདག་གིས་རྒྱ་མཚོ་ཆེན་པོ་བརྒལ་ནས། བདེ་ཞིང་ལེགས་པར་མཆིས་ཏེ། དེ་བས་ན་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་ལ་ལོ་ལྔའི་དུས་སྟོན་བགྱི་བར་འཚལ་ན། བཅོམ་ལྡན་འདས་གང་ན་བཞུགས། གནས་བརྟན་གྱིས་བུ་བཅོམ་ལྡན་འདས་ཡོངས་སུ་མྱ་ངན་ལས་འདས་སོ། །ཞེས་སྨྲས་པ་ཤ་ནའི་གོས་ཅན་གྱིས་ཐོས་ནས་བརྒྱལ་ཏེ་ས་ལ་འགྱེལ་ཏོ། །ཇི་ཙམ་ན་ཆུས་གཏོར་ནས་བསླང་བ་དང ། དེས་སེམས་ཀྱི་འདུ་ཤེས་སླར་རྙེད་ནས་སྨྲས་པ། </font><hr>Da487b<br><font size=+2>


གནས་བརྟན་ཤཱ་རིའི་བུ་གང་ན་དེ་ཡོངས་སུ་མྱ་ངན་ལས་འདས་ཏེ། མོའུ་དགལ་གྱི་བུ་ཆེན་པོ་དང ། འོད་སྲུང་ཆེན་པོ་ཡང་དེ་བཞིན་ནོ། །དེ་ཤིན་ཏུ་མི་དགའ་བ་སྐྱེས་ནས། དད་པས་ལོ་ལྔའི་དུས་སྟོན་བྱས་ཏེ་མཇུག་ཏུ་ཕྱིན་པ་དང ། གནས་བརྟན་གྱིས་བུ་ཁྱོད་ཀྱིས་བཅོམ་ལྡན་འདས་ཀྱིས་བསྟན་པ་ལ་ཟབ་ཟིང་གི་བསྡུ་བ་ནི་བྱས་ཟིན་ན། ད་ནི་ཆོས་ཀྱི་བསྡུ་བ་བྱོས་ཤིག ། ཅེས་སྨྲས་པ་དང ། ཤ་ནའི་གོས་ཅན་གྱིས་གནས་བརྟན་ཅི་ཞིག་བཀའ་སྩལ། ཇི་ཙམ་ན་གནས་བརྟན་ཀུན་དགའ་བོས། བུ་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ཞིག་།ཅེས་སྨྲས་པ་དང ། དེས་དེ་བཞིན་དུ་བགྱིའོ། །ཞེས་སྨྲས་ནས། ཇི་ཙམ་ན་ཚེ་དང་ལྡན་པ་ཀུན་དགའ་བོས་རབ་ཏུ་ཕྱུང་སྟེ། གསོལ་བ་དང་བཞིའི་ལས་ཀྱིས་བསྙེན་པར་རྫོགས་པ་ཟིན་པར་བྱས་ནས། ཇི་སྲིད་འཚོའི་བར་དུ་ཤ་ནའི་གོས་གྱོན་ཞིང་འཆང་བར་ཡང་དག་པར་ལེན་དུ་བཅུག་གོ་།དེ་ཐོས་པ་འཛིན་པ་ཞིག་སྟེ། ཇི་ཙམ་ན་བཅོམ་ལྡན་འདས་ལས་དགེ་སློང་སྡེ་གཉིས་དང ། ཚེ་དང་ལྡན་པ་ཀུན་དགའ་བོས་ཐོས་ཤིང་བཟུང་བ་ཐམས་ཅད་ཚེ་དང་ལྡན་པ་ཤ་ནའི་གོས་ཅན་གྱིས་ཀྱང་བཟུང་སྟེ། རིག་པ་གསུམ་དང ། སྡེ་སྣོད་གསུམ་རྒྱས་པར་བྱས་སོ། །ཇི་ཙམ་ན་གནས་བརྟན་ཀུན་དགའ་བོ་འོད་མའི་ཚལ་ན་འདུག་པ་དང ། དགེ་སློང་ཞིག་གིས་ཚིགས་སུ་བཅད་དེ་སྨྲས་པ། གང་ན་ལོ་བརྒྱ་འཚོ་བ་ནི། །ངེས་པར་ཆུ་ལ་བྱ་གར་བཞིན། །ཆུ་ལ་བྱ་གར་མཐོང་བ་ལྟར། ། </font><hr>Da488a<br><font size=+2>


༄#། །བདག་ཉིད་གཅིག་པུའི་འཚོ་བ་དགེ་།ཇི་ཙམ་ན་ཚེ་དང་ལྡན་པ་ཀུན་དགའ་བོས་དེ་སྐད་ཐོས་ནས། དེ་ག་ལ་བར་སོང་སྟེ་སྨྲས་པ། བུ་བཅོམ་ལྡན་འདས་ཀྱིས་ནི་དེ་སྐད་མ་གསུངས་མོད་ཀྱི། འོན་ཀྱང ། གང་ན་ལོ་བརྒྱ་འཚོ་བ་ནི། །ངེས་པར་སྐྱེ་དང་འཇིག་པ་ཡིན། །གང་ཟག་གཉིས་ལ་སྟོན་པ་ཡིས། །ས་འདིར་རྟག་པར་བཤད་པ་ནི། ། མ་དད་ཞེ་སྡང་བློ་ཅན་དང ། །དད་ལ་ཕྱིན་ཅི་ལོག་གྱུར་པའོ། །མདོ་སྡེ་ལོག་པར་བཟུང་གྱུར་པས། །བ་ལང་འདམ་དུ་སོང་བ་བཞིན། །དེ་ནི་ཉེ་བར་འཇིག་འགྱུར་ཏེ། །རང་གི་འཆི་བློས་བློ་མེད་པ། །ཐོས་པ་མི་ཤེས་འབྲས་བུ་མེད། །ལོག་པར་ཤེས་པ་དུག་དང་འདྲ། །ཐོས་པ་ཡང་དག་ཉིད་ཤེས་པ། །བྲལ་བ་འབྲས་བུ་བློ་ལྡན་ཡིན། །དེས་དེའི་མཁན་པོ་ལ་སྨྲས་པ། ཀུན་དགའ་བོ་ཡང་རྒས་གྱུར་ཏེ། །དེ་ཡི་དྲན་པའང་ཉམས་པར་གྱུར། །སྨྲས་པ། རྒ་བ་དག་གིས་གཟིར་གྱུར་པ། །ལུས་ཅན་དེ་ནི་དྲན་པ་ཉམས། །ཡང་དག་རྗེས་སུ་མི་དྲན་པ། ། དེ་ཡི་བློ་ནི་རྒས་པས་གནོན། །ཁྱོད་སོང་ལ་དེ་སྐད་སྨྲོས་ཤིག་།ཅེས་བྱས་པ་དང ། གནས་བརྟན་ཀུན་དགའ་བོ་སླ་ར་ལོག་སྟེ། དགེ་སློང་དེ་ཡང་དེ་སྐད་འདོན་པ་དང ། གནས་བརྟན་གྱིས་སྨྲས་པ། བུ་བཅོམ་ལྡན་འདས་ཀྱིས་དེ་སྐད་མ་གསུངས་སོ། །ཞེས་ངས་མ་སྨྲས་སམ། དགེ་སློང་དེས་མཁན་པོའི་ཚིག་བཞིན་སྨྲས་པ་དང ། ཇི་ཙམ་ན་གནས་བརྟན་ཀུན་དགའ་</font><hr>Da488b<br><font size=+2>


བོས། གལ་ཏེ་བདག་ཉིད་ཀྱིས་དགེ་སློང་ལ་སྨྲས་ན་ནི། འཐབ་མོར་འགྱུར། དེ་ནི་དྲུང་དུ་འོང་དུ་མི་བཏུབ་།དེའི་དྲུང་དུ་ནི་བདག་འགྲོ་བའི་ཆ་མ་ཡིན་ནོ། །སྙམ་དུ་བརྟགས་ནས། དེས་བསམས་པ།་འདི་ལྟར་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་དང ། འོད་སྲུང་ལ་སོགས་པ་ཆེན་པོ་དེ་དག་ཀྱང་འདས་ཟིན་ན། མ་ལ་བདག་ཀྱང་ཡོངས་སུ་མྱ་ངན་ལས་འདའ་སྟེ། བཅོམ་ལྡན་འདས་ཀྱི་དམ་པའི་ཆོས་ཀྱི་ཚུལ་ལོ་སྟོང་དུ་གནས་པར་འགྱུར་རོ། །སྙམ་དུ་བསམས་ནས་སྨྲས་པ། རྙིང་པ་གང་དག་སྔར་འདས་ཏེ། །གསར་བུ་དེ་དང་བདག་མི་མཐུན། །བདག་ནི་གཅིག་པུ་བསམ་གཏན་ལ། །སྒོ་ང་ལས་སྐྱེས་བཞིན་དུ་གནས། །བདག་གི་གྲོགས་དང་མཛའ་བོ་ཀུན། །སྔོན་དུ་འདས་ཤིང་སོང་བར་གྱུར། །ཇི་ལྟར་བསམ་གཏན་གནས་དྲན་པ། །དེ་འདྲའི་བཤེས་གཉེན་འདི་ན་མེད། །དྲི་མ་བྱང་ནས་ཞིར་སོང་འགྲོ་བའི་སྒྲོན་མ་སྟེ། །བདག་ཉིད་ཆེན་པོའི་གཏི་མུག་མུན་ནག་རབ་རིབ་བསལ། །དེ་དག་གིས་ནི་གདུལ་བ་ཚད་མེད་བཏུལ་གྱུར་ནས། །གཅིག་པུ་དགོན་པ་མཆོད་རྟེན་ཚལ་ཤིང་ལྷག་མ་འདྲ། །དེ་ནས་ཤ་ནའི་གོས་ཅན་ལ། བུ་བཅོམ་ལྡན་འདས་ཀྱིས་འོད་སྲུང་ཆེན་པོ་ལ་བསྟན་པ་གཏད་ནས་ཡོངས་སུ་མྱ་ངན་ལས་འདས་སོ། །དེས་ཀྱང་ང་ལ་གཏད་དེ། ད་ནི་ངས་བསྟན་པ་ཁྱོད་ལ་གཏད་ནས་ང་ཡོངས་སུ་མྱ་ངན་ལས་འདས། དེ་ཁྱོད་ཀྱིས་ཀུན་ཏུ་སྐྱོངས་ཤིག་དང ། གྲོང་ཁྱེར་བཅོམ་བརླག་རི་མུ་རུན་དྷ་ཞེས་བྱ་བ་དེར་ཡུལ་</font><hr>Da489a<br><font size=+2>


༄#། །བཅོམ་བརླག་གི་ཚོང་དཔོན་གྱི་བུ་ན་ཏ་དང ། ཕ་ཏ་ཞེས་བྱ་བས་གཙུག་ལག་ཁང་བརྩིགས་ནས། གཙུག་ལག་ཁང་གི་ཡོན་བདག་ཏུ་འགྱུར་བར་བཅོམ་ལྡན་འདས་ཀྱིས་ལུང་བསྟན་ཏེ། རི་མུ་རུན་དར་གཙུག་ལག་ཁང་བརྩིགས་ཟིན་ནས། ཡུལ་བཅོམ་བརླག་ན་སྤོས་ཚོང་སྦས་པ་ཞེས་བྱ་བ་དེའི་བུ་ཉེར་སྦས། ཞེས་བྱ་བ་ཞིག་ཡོད་པར་འགྱུར་ཏེ། དེ་རབ་ཏུ་ཕྱུང་ཤིག་དང ། དེ་ནི་བཅོམ་ལྡན་འདས་ཀྱི་སང་མྱ་ངན་ལས་འདས་ནས་ལོ་བརྒྱ་ལོན་པ་དང ། མཚན་མེད་པའི་སངས་རྒྱས་སུ་འགྱུར་ཏེ། དེས་སངས་རྒྱས་ཀྱི་བྱ་བ་ཐམས་ཅད་བྱེད་པར་འགྱུར་རོ། །ཞེས་ལུང་བསྟན་ཏོ། །ཤ་ནའི་གོས་ཅན་གྱིས་མཁན་པོས་ཇི་སྐད་བཀའ་སྩལ་པ་བཞིན་བྱའོ། །ཞེས་སྨྲས་པ་དང ། ཅི་ཙམ་ན་ཚེ་དང་ལྡན་པ་ཀུན་དགའ་བོས་ང་ནི་ཡོངས་སུ་མྱ་ངན་ལས་འདའ་སྟེ། ཁྱོད་ལ་སྦྲོན་ཏོ། །ཞེས་སྨྲས་སོ། །དེ་ནས་གནས་བརྟན་ཀུན་དགའ་བོས་བསམས་པ། བདག་འདིར་ཡོངས་སུ་མྱ་ངན་ལས་འདས་ན། རྒྱལ་པོ་མ་སྐྱེས་དགྲ་དང ། ཡུལ་སྤོང་བྱེད་པ་གཉིས་པོ་ཕན་ཚུན་རྩོད་པར་འགྱུར་ཏེ། ཡུལ་ཡངས་པ་ཅན་པ་དག་ལ་ཡང་ཤ་རི་རམ་གྱི་སྐལ་པ་མ་བྱིན། གལ་ཏེ་ཡངས་པ་ཅན་དུ་མྱ་ངན་ལས་འདས་ན་ནི། དེ་དག་གིས་ཀྱང་མི་བྱིན་ཏེ། མ་ལ་བདག་ནི་ཆུ་བོ་གངྒཱའི་དབུས་སུ་མྱ་ངན་ལས་འདའ་བར་བྱའོ། །སྙམ་ནས་དེ་དེར་སོང་ངོ ། །དེ་ནས་ཡང་རྒྱལ་པོ་མ་སྐྱེས་དགྲའི་རྨི་ལམ་དུ། རྒྱལ་པོའི་སྟེང་དུ་</font><hr>Da489b<br><font size=+2>


གདུགས་འཛིན་པ་དེའི་ཡུ་བ་ཆག་པར་མཐོང་ངོ ། །མཐོང་ནས་སྐྲག་སྟེ་སད་པ་དང ། སྒོ་སྲུང་གིས། ལྷ་གནས་བརྟན་ཀུན་དགའ་བོས་ནི་ཡོངས་སུ་མྱ་ངན་ལས་འདའ་བར་སྦྲན་ཏོ། །ཞེས་སྨྲས་སོ། །དེ་ཐོས་ནས་རྒྱལ་པོ་བརྒྱལ་ཏེ་འགྱེལ་བ་དང ། ཇི་ཙམ་ན་ཆུས་གཏོར་ཏེ་བསླང་ནས་སེམས་ཀྱི་འདུ་ཤེས་རྙེད་པ་དང ། རྒྱལ་པོས་སྨྲས་པ། ཚེ་དང་ལྡན་པ་ཀུན་དགའ་བོ་གང་དུ་ཡོངས་སུ་མྱ་ངན་ལས་འདས། ཚེ་དང་ལྡན་པ་ཤ་ནའི་གོས་ཅན་གྱིས་སྨྲས་པ། རྒྱལ་པོ་ཆེན་པོ་འདི་ནི་བཅོམ་ལྡན་འདས་ཀྱི་རྗེས་སོང་སྲས་སུ་མངོན་འཁྲུངས་ནས། །དམ་པའི་ཆོས་ཀྱི་མཛོད་ནི་ཡོངས་སུ་བསྲུངས་ངོས་པའི་བདག་ཉིད་ཅན། །སྲིད་པ་འགོག་པར་མཛད་པ་རྣམ་པར་དག་པའི་བློ་གྲོས་ནི། །གྲོང་ཁྱེར་ཡངས་པ་ཅན་དུ་མངོན་པར་རབ་ཏུ་གཤེགས་པར་གྱུར། །ཇི་ཙམ་ན་རྒྱལ་པོ་མ་སྐྱེས་དགྲས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། ཆུ་བོ་གངྒཱའི་འགྲམ་དུ་ཆས་ཏེ་སོང་བ་དང ། ཡངས་པ་ཅན་བདག་ལ་ལྷ་དག་གིས་སྨྲས་པ། འཕགས་པ་ཀུན་དགའ་བོ་འགྲོ་བའི་སྒྲོན་མ་ནི། །སྐྱེ་བོ་ཕལ་པོ་ཆེ་ལ་ཐུགས་རྗེ་མཛད། །ཐུབ་པ་འདིས་ནི་མྱ་ངན་མུན་བསལ་ནས། །རབ་ཞི་བརྟན་པར་ཡངས་པ་ཅན་དུ་གཤེགས། །ཇི་ཙམ་ན་ཡངས་པ་ཅན་གྱི་ལི་ཙ་བྱི་རྣམས་ཀྱིས་ཀྱང་དཔུང་གི་ཚོགས་ཡན་ལག་བཞི་པོ་གོ་བསྐོན་ཏེ། ཆུ་བོ་གངྒཱའི་འགྲམ་དུ་འོངས་པ་དང ། གནས་བརྟན་ཀུན་དགའ་བོ་ཡང་གྲུར་ཞུགས་ནས་ཆུ་བོ་གངྒཱའི་དབུས་སུ་འདུག་གོ་།དེ་ནས་</font><hr>Da490a<br><font size=+2>


༄#། །རྒྱལ་པོ་མ་སྐྱེས་དགྲས་གནས་བརྟན་ཀུན་དགའ་བོའི་རྐང་པ་ལ་མགོ་བོས་ཕྱག་འཚལ་ནས་སྨྲས་པ། འདབ་མ་བརྒྱ་པ་ལྟ་བུར་ཁ་བྱེ་སངས་རྒྱས་ཡངས་པའི་སྤྱན། །སྲིད་པ་གསུམ་གྱི་སྒྲོན་མར་གྱུར་པ་ཞི་བར་གཤེགས་གྱུར་པས། །བདག་ཅག་ཁྱོད་ལ་སྐྱབས་འོངས་གལ་ཏེ་ཞི་བར་གཤེགས་གྱུར་ན། །བདག་ཅག་དོན་དུ་ཚུར་གཤེགས་ཁྱོད་ཀྱི་སྐུ་རི་འདིར་འོང་ཅིག་།ཇི་ཙམ་ན་ཡངས་པ་ཅན་པ་དག་གིས་ཀྱང་དེ་སྐད་སྨྲས་པ་དང ། ཚེ་དང་ལྡན་པ་ཀུན་དགའ་བོས་ཀྱང་འདི་ལྟར་བསམ་པ་བསྐྱེད་དེ། གལ་ཏེ་མ་ག་དྷ་ཡི་གྲོང་དུ་བདག་གི་ལུས་བོར་ན། །ལི་ཙ་བྱི་རྣམས་གདོན་མི་ཟ་བར་སྡུག་བསྔལ་འགྱུར། །གལ་ཏེ་གྲོང་ཁྱེར་སྤོང་བྱེད་དག་ཏུ་བདག་གི་ལུས་བོར་ན། །མ་ག་དྷ་ཡི་བདག་པོ་ངེས་པར་མི་དགའ་བས། །དེ་བས་ལུས་ཕྱེད་མི་ཡི་དབང་པོ་ལ། །ལུས་ཀྱི་ཕྱེད་ནི་ཚོགས་ལ་བྱིན་བྱས་ན། །འདི་ལྟར་དེ་དག་གཉི་ཀས་ཡང་དག་པར། །རྟག་པ་ཁོ་ནར་མཆོད་པ་ཉིད་དུ་འགྱུར། །ཇི་ཙམ་ན་གནས་བརྟན་ཀུན་དགའ་བོ་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ། ས་ཆེན་པོ་འདི་རྣམ་པ་དྲུག་ཏུ་གཡོས་སོ། །དེའི་ཚེ་དྲང་སྲོང་གཞན་ཞིག་འཁོར་ལྔ་བརྒྱས་བསྐོར་ནས། ཚེ་དང་ལྡན་པ་ཀུན་དགའ་བོ་ག་ལ་བ་དེར་རྫུ་འཕྲུལ་གྱིས་འོངས་ཏེ། ཐལ་མོ་སྦྱར་ནས་གནས་བརྟན་ཀུན་དགའ་བོ་ལ་བདག་ཅག་ནི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་</font><hr>Da490b<br><font size=+2>


དབྱུང་ཞིང་བསྙེན་པར་རྫོགས་ཏེ། དགེ་སློང་གི་དངོས་པོ་གསོལ་ལོ། །ཞེས་སྨྲས་པ་དང ། ཇི་ཙམ་ན་གནས་བརྟན་ཀུན་དགའ་བོས་སློབ་མ་རྣམས་ལྷན་ཅིག་ཏུ་བདག་གི་དྲུང་དུ་ཚུར་ཤོག་།ཅེས་བསམ་པ་བསྐྱེད་ནས། དེས་བསམ་པ་དེ་བསྐྱེད་མ་ཐག་ཏུ་དེ་བཞིན་དུ་སློབ་མ་ལྔ་བརྒྱ་དེར་འོངས་སོ། །གནས་བརྟན་ཀུན་དགའ་བོས་ཆུའི་དབུས་ས་གཞིར་སྤྲུལ་ནས་ལམ་མེད་པར་བྱས་སོ། །ཇི་ཙམ་ན་དྲང་སྲོང་འཁོར་ལྔ་བརྒྱ་པོ་རབ་ཏུ་བྱུང་ནས་བསྙེན་པར་རྫོགས་པར་གསོལ་བ་བྱས་པ་དང ། འཁོར་ལྔ་བརྒྱ་པོས་ཕྱིར་མི་འོང་བའི་འབྲས་བུ་ཐོབ་བོ། །ལས་གསུམ་པ་བརྗོད་པ་དང ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་ཀྱི་འབྲས་བུ་ཐོབ་སྟེ། དེ་དག་ཆུ་བོ་གངྒཱའི་དབུས་དང ། ཉི་མའི་གུང་ལ་རབ་ཏུ་བྱུང་བས། ཁ་ཅིག་ནི་ཆུ་དབུས། ཁ་ཅིག་ནི་ཉི་མའི་གུང་ཞེས་བྱ་བར་ཀུན་ཏུ་གྲགས་ཏེ། དེ་དག་གིས་བྱ་བ་བྱས་ནས་ཚེ་དང་ལྡན་པ་ཀུན་དགའ་བོའི་རྐང་པ་ལ་མགོ་བོས་ཕྱག་བྱས་ཏེ་སྨྲས་པ། བཅོམ་ལྡན་འདས་ཀྱིས་རབ་བཟང་ཐམས་ཅད་ཀྱི་ཐ་མར་རབ་ཏུ་ཕྱུང་ན། དང་པོར་ཡོངས་སུ་མྱ་ངན་ལས་འདས་པས། མཁན་པོས་བཀའ་སྩོལ་ཅིག་དང ། བདག་ཅག་ནི་སྔར་ཡོངས་སུ་མྱ་ངན་ལས་འདའ་སྟེ། མཁན་པོ་ཡོངས་སུ་མྱ་ངན་ལས་འདའ་བ་ལྟ་བར་ནི་བདག་ཅག་མི་འཚལ་ལོ། །གནས་བརྟན་གྱིས་སྨྲས་པ། བུ་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་བསྟན་པ་གཏད་ནས་ཡོངས་སུ་མྱ་ངན་ལས་འདས། གནས་བརྟན་འོད་སྲུང་</font><hr>Da491a<br><font size=+2>


༄#། །ཆེན་པོས་ཀྱང་ང་ལ་གཏད་དེ། ད་ང་ནི་ཡོངས་སུ་མྱ་ངན་ལས་འདའ་བས། བསྟན་པ་འདི་ཁྱོད་ཀྱིས་ཡོངས་སུ་སྲུངས་ཤིག་།བཅོམ་ལྡན་འདས་ཀྱིས་ཁ་ཆེའི་ཡུལ་ནི་བསམ་གཏན་དང་མཐུན་པ་དང ། གནས་མལ་གྱི་མཆོག་གོ། །ཞེས་འདི་ལྟར་ཁ་ཆེའི་ཡུལ་ལུང་བསྟན་པ་དང ། བཅོམ་ལྡན་འདས་ཀྱིས་ཡོངས་སུ་མྱ་ངན་ལས་འདས་ནས་ལོ་བརྒྱ་ལོན་པ་དང ། དགེ་སློང་ཉི་མའི་གུང་ཞེས་བྱ་བ་ཞིག་འབྱུང་བར་འགྱུར་ཏེ། དེས་འདིར་བསྟན་པ་ལ་འཇུག་པར་འགྱུར་རོ། །ཞེས་ལུང་བསྟན་ཏོ། །དེ་བས་ན་བུ་ཁྱོད་ཀྱིས་བསྟན་པ་ལ་འཇུག་པར་བྱོས་ཤིག་།དེས་དེ་བཞིན་དུ་བགྱིའོ། །ཞེས་སྨྲས་སོ། །དེ་ནས་ཚེ་དང་ལྡན་པ་ཀུན་དགའ་བོས་ཆོ་འཕྲུལ་རྣམ་པ་སྣ་ཚོགས་བསྟན་པར་བརྩམས་པ་དང ། མ་ག་དྷ་པ་སྙིང་རྗེས་ངུ་ཞིང་མགོན་པོ་ཚུར་གཤེགས་ཤེས། །སྤོང་བྱེད་པ་ཡང་སྙིང་རྗེས་ངུ་ཞིང་མགོན་པོ་ཚུར་གཤེགས་འབོད། །ཆུ་འགྲམ་དག་ན་སྐྱེ་བོ་གཉིས་ཀྱིས་ཚིག་བརྗོད་པ། །གསན་ནས་བློ་གྲོས་ཅན་གྱི་སྔོན་གྱི་སྐུ་ནི་སོ་སོར་བྱས། །དེ་ནས་ཚེ་དང་ལྡན་པ་ཀུན་དགའ་བོས་ལུས་བྱིན་གྱིས་བརླབས་ནས་ཆོ་འཕྲུལ་རྣམ་པ་སྣ་ཚོགས་བསྟན་ཏེ། མེ་ལ་ཆུས་གཏོར་བ་བཞིན་དུ་ཡོངས་སུ་མྱ་ངན་ལས་འདས་ནས་ལུས་ཕྱེད་ནི་ཡངས་པ་ཅན་པས། ལུས་ཕྱེད་ནི་རྒྱལ་པོ་མ་སྐྱེས་དགྲས་ཐོབ་ནས་སྨྲས་པ། ཡེ་ཤེས་རྡོ་རྗེ་རྣོན་པོ་ཡིས། །རང་གི་ལུས་ཀྱི་རི་བཅོམ་སྟེ། ཕྱེད་</font><hr>Da491b<br><font size=+2>


ནི་མི་ཡི་དབང་པོ་བྱིན། ཁྱེད་ནི་ཐུབ་པས་ཚོགས་རྣམས་བྱིན། །དེ་ནས་ལི་ཙ་བྱི་རྣམས་ཀྱིས་ཡངས་པ་ཅན་དུ་མཆོད་རྟེན་བརྩིགས་ནས་བཞག་གོ་།རྒྱལ་པོ་མ་སྐྱེས་དགྲས་ཀྱང་གྲོང་ཁྱེར་སྐྱ་སྣར་ཅན་གྱི་བུར་མཆོད་རྟེན་བརྩིགས་ནས་བཞག་གོ་།དེ་ནས་ཉི་མའི་གུང་གིས་བསམ་པ་སྐྱེས་པ། བདག་གི་མཁན་པོས་ཀྱང་ཁ་ཆེ་ཡུལ་དུ་བསྟན་པ་ཞོག་།ཅེས་བསྒོའོ། །བཅོམ་ལྡན་འདས་ཀྱིས་ཀྱང་དགེ་སློང་ཉི་མའི་གུང་ཞེས་བྱ་བ་ཞིག་འབྱུང་བར་འགྱུར་ཏེ། དེས་ཁ་ཆེའི་ཡུལ་དུ་ཀླུ་མི་སྲུན་པ་ཧུ་ལུན་ཏ་བཏུལ་ནས། བསྟན་པ་འཇོག་པར་འགྱུར། ཞེས་ལུང་བསྟན་པས། མ་ལ་བདག་གིས་སྟོན་པའི་དགོངས་པ་ཡོངས་སུ་བསྒྲུབ་པར་བྱའོ། །སྙམ་ནས། ཚེ་དང་ལྡན་པ་ཉི་མའི་གུང་གིས་ཁ་ཆེའི་ཡུལ་དུ་སོང་སྟེ། སྐྱིལ་མོ་ཀྲུང་བཅས་ནས་འདུག་གོ་།དེ་ནས་ཉི་མའི་གུང་གིས་ཁ་ཆེའི་ཡུལ་གྱི་ཀླུ་འདི་ཟིལ་གྱིས་མནན་ལ། ཀླུ་དེ་དག་འཁྲུགས་པར་བྱས་ན་འདུལ་བར་འགྱུར་རོ། །སྙམ་དུ་བསམས་ནས། དེ་ལྟ་བུའི་ཏིང་འཛིན་ལ་སྙོམས་པར་ཞུགས་པ་དང ། འདི་ལྟར་ཁ་ཆེའི་ཡུལ་རྣམ་པ་དྲུག་ཏུ་གཡོས་ཏེ། ཀླུ་དེ་དག་ཀྱང་འཁྲུགས་ཤིང་རབ་ཏུ་རྔམ་ནས། རྫི་ཆར་དྲག་པོ་དག་བབ་སྟེ། གནས་བརྟན་ལ་གནོད་པ་བྱ་བར་ཆས་པ་དང ། གནས་བརྟན་གྱིས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་པས། ཀླུ་དེ་དག་གིས་གནས་བརྟན་གྱི་ཆོས་གོས་ཀྱི་མཐའ་མ་ཡང་གཡོ་བར་མ་ནུས་སོ། །དེ་ནས་ཀླུ་དེ་དག་གིས་མདའི་</font><hr>Da492a<br><font size=+2>


༄#། །ཆར་ཕབ་པ་དང ། གནས་བརྟན་གྱིས་ཀུན་ཏུ་གསལ་བའི་མེ་ཏོག་ཨུཏྤལ་དང ། པད་མ་དང ། ཀུ་མུ་དང ། པད་མ་དཀར་པོར་ཕབ་བོ། །ཀླུ་དེ་དག་གིས་རྡོ་རྗེ་རྩེ་གཅིག་དང ། མདའ་བོ་ཆེ་དང ། མཚོན་རྩེ་གཅིག་པ་དང ། དགྲ་སྟ་དག་འཕང་བར་བརྩམས་པ་དང ། གནས་བརྟན་གྱི་སྟེང་དུ་མེ་ཏོག་ཀུ་སུ་མའི་ཆར་བབ་ནས་སྨྲས་པ། གངས་རིའི་རྩེ་མོ་དེ་ནི་ཉི་མའི་འོད་ཀྱིས་རབ་ཏུ་བཞུས་པ་ན། རི་བོའི་རྩེ་མོ་དེ་དག་ཀུན་ནི་མེད་པར་སོང་གྱུར་མཐོང་བ་ལྟར། ཕྱག་དར་ཆར་ཕབ་ཀུ་སུ་མ་ཡི་ཆར་བ་སྣ་ཚོགས་བབ་པར་བྱས། །གནམ་ལས་མདའ་ཡི་ཆར་ཕབ་མེ་ཏོག་ཕྲེང་བ་ཀུན་ཏུ་གནས་པར་གྱུར། །དེ་ནས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་པས། ལུས་ལ་མེས་མ་ཚིག་།མཚོན་གྱིས་མ་ཚུགས་།དུག་གིས་མ་ཚུགས་ཏེ། ཀླུ་རྣམས་ངོ་མཚར་སྐྱེས་སོ། །དེ་ནས་ཀླུ་དེ་དག་གནས་བརྟན་གྱི་དྲུང་དུ་སྟོང་སྟེ། འཕགས་པ་བཀའ་ཅི་སྩལ། ཅེས་སྨྲས་པ་དང ། གནས་བརྟན་གྱིས་སྨྲས་པ། གནས་འདི་ང་ལ་བྱིན་ཅིག་།ཀླུ་དག་གིས་སྨྲས་པ། དབུལ་བར་རྔོ་མི་ཐོག་གོ། གནས་བརྟན་གྱིས། གནས་འདི་ནི་བཅོམ་ལྡན་འདས་ཀྱིས་ངའི་གནས་སུ་ལུང་བསྟན་ཏེ། གང་ཁ་ཆེའི་ཡུལ་འདི་བསམ་གཏན་དང་མཐུན་པའི་གནས་མལ་ཡིན་པས། དེང་ཕན་ཆད་ངའི་ཡིན་ནོ། །ཞེས་སྨྲས་པ་དང ། ཀླུ་རྣམས་ཀྱིས་སྨྲས་པ། གནས་བརྟན་བཅོམ་ལྡན་འདས་</font><hr>Da492b<br><font size=+2>


ཀྱིས་བཀའ་སྩལ་ཏམ། གནས་བརྟན་གྱིས་སྨྲས་པ། བཅོམ་ལྡན་འདས་ཀྱིས་བཀའ་སྩལ་ཏོ། །ཀླུ་རྣམས་ཀྱིས་སྨྲས་པ། གནས་བརྟན། ཇི་ཙམ་ཞིག་དབུལ་བར་བགྱི། གནས་བརྟན་གྱིས་སྨྲས་པ། སྐྱིལ་མོ་ཀྲུང་བཅས་པ་ཙམ་མོ། །ཀླུ་རྣམས་ཀྱིས་བཙུན་པ་དབུལ་བར་བགྱིའོ། །ཞེས་སྨྲས་པ་དང ། གནས་བརྟན་གྱིས་སྐྱིལ་མོ་ཀྲུང་བཅས་པས་ལུང་པ་དགུའི་མདོ་སྐྱིལ་མོ་ཀྲུང་གིས་ནོན་པ་དང ། ཀླུ་རྣམས་ཀྱིས་གནས་བརྟན་འཁོར་ཇི་སྙེད་ཅིག་མངའ། ཞེས་སྨྲས་པ་དང ། གནས་བརྟན་གྱིས་དགེ་སློང་ཇི་སྙེད་ཅིག་འདུ་བར་འགྱུར་སྙམ་དུ་བསམས་པ་དང ། ཇི་ཙམ་ན་དགྲ་བཅོམ་པ་ལྔ་བརྒྱའོ། །སྙམ་དུ་གནས་བརྟན་གྱིས་བསམས་ནས། དགྲ་བཅོམ་པ་ལྔ་བརྒྱའོ། །ཞེས་སྨྲས་པ་དང ། ཀླུ་རྣམས་ཀྱིས་དེ་བཞིན་དུ་གྱུར་ཅིག་།གལ་ཏེ་དགྲ་བཅོམ་པ་གཅིག་ཅིག་གིས་མ་ཚང་ན། དེའི་ཚེ་ཁ་ཆེའི་ཡུལ་བདག་ཅག་གིས་དབྲོག་པར་བགྱིའོ། །ཞེས་སྨྲས་པ་དང ། གནས་བརྟན་ཉི་མའི་གུང་གིས་ཁ་ཆེ་ཡུལ་གྱི་ཀླུ་རྣམས་ལ་སྨྲས་པ། དེ་ཡིན་མོད་ཀྱི་འོན་ཀྱང་གང་ན་སྦྱིན་བདག་གནས་པ་དེ་ན་ལེན་པ་ཡོད་པས། ངས་ཁྱིམ་བདག་ཀྱང་འཇུག་པར་བྱའོ། །ཀླུ་རྣམས་ཀྱིས་དེ་བཞིན་དུ་གྱུར་ཅིག་།ཅེས་སྨྲས་པ་དང ། ཇི་ཙམ་ན་གནས་བརྟན་གྱིས་རང་ཉིད་ཀྱིས་གྲོང་དང ། གྲོང་ཁྱེར་དང ། ཡུལ་འཁོར་དག་བྱས་ཏེ། སྐྱེ་བོའི་ཚོགས་དག་ཞུགས་པ་དང ། དེ་དག་གིས་གནས་བརྟན་ཇི་ལྟར་བདག་ཅག་འཕེལ་བར་འགྱུར། །ཞེས་</font><hr>Da493a<br><font size=+2>


༄#། །སྨྲས་པ་དང ། ཇི་ཙམ་ན་གནས་བརྟན་གིས་སྐྱེ་བོའི་ཚོགས་དག་ཁྲིད་ནས། རི་སྤོས་ཀྱིས་ངད་ལྡང་དུ་ཕྱིན་ནས་གུར་གུམ་དག་ཐོན་ཅིག་ཅེས་སྨྲས་པ་དང ། ཇི་ཙམ་ན་རི་སྤོས་ཀྱི་ངད་ལྡང་གི་ཀླུ་རྣམས་འཁྲུགས་པ་དང ། དེ་དག་ཀྱང་གནས་བརྟན་གྱིས་བཏུལ་ནས། དེ་དག་གིས་སྨྲས་པ། བཅོམ་ལྡན་འདས་ཀྱི་བསྟན་པ་ཇི་སྲིད་ཅིག་གནས་པར་འགྱུར། གནས་བརྟན་གྱིས་སྨྲས་པ། ལོ་སྟོང་ངོ ། །དེ་དག་གིས་བཅོམ་ལྡན་འདས་ཀྱི་བསྟན་པ་ཇི་སྲིད་དུ་གནས་པ་དེ་སྲིད་དུ་གནང་བར་བྱའོ། །ཞེ་དམ་ཚིགས་བྱས་པ་དང ། གནས་བརྟན་གྱིས་དེ་བཞིན་དུ་གྱུར་ཅིག་།ཅེས་སྨྲས་ནས། ཇི་ཙམ་ན་གནས་བརྟན་གྱིས་ཁ་ཆེ་ཡུལ་དུ་གུར་གུམ་བཞག་པར་བྱིན་གྱིས་བརླབས་སོ། །ཇི་ཙམ་ན་གནས་བརྟན་ཉི་མའི་གུང་གིས་བཅོམ་ལྡན་འདས་ཀྱི་བསྟན་པ་ཁ་ཆེ་ཡུལ་དུ་བཞག་ཅིང ། རྒྱ་ཆེར་བྱས་ནས་ཆོ་འཕྲུལ་རྣམ་པ་སྣ་ཚོགས་ཀྱིས་སྦྱིན་པ་པོ་དང ། ཚངས་པ་མཚུངས་པར་སྤྱོད་པའི་ཡིད་དགའ་བར་བྱས་ནས། མེ་ལ་ཆུས་བཏབ་པ་བཞིན་དུ་མྱ་ངན་ལས་འདས་པར་སོང་ནས། དེའི་ལུས་ཙནྡན་ས་མཆོག་དང ། ་ཀ་རུ་ལ་སོགས་པའི་ཤིང་གིས་བསྲེགས་ནས། མཆོད་རྟེན་བརྩིགས་ཏེ་བཞག་གོ་།དེ་ནས་ཚེ་དང་ལྡན་པ་ཤ་ནའི་གོས་ཅན་གྱིས་ཀྱང ། ཚེ་དང་ལྡན་པ་ཉེ་སྦས་རབ་ཏུ་ཕྱུང་ནས། དེས་བསྟན་པ་རྒྱ་ཆེར་བྱས་ཏེ། ཚེ་དང་ལྡན་པ་ཉེ་སྦས་ལ་འདི་སྐད་ཅེས་</font><hr>Da493b<br><font size=+2>


སྨྲས་སོ། །ཚེ་དང་ལྡན་པ་ཉེ་སྦས། ཤེས་པར་བྱོས་ཤིག་།བཅོམ་ལྡན་འདས་ཀྱིས་ནི་ཚེ་དང་ལྡན་བ་འོད་སྲུང་ཆེན་པོ་ལ་བསྟན་པ་གཏད་ནས། ཡོངས་སུ་མྱ་ངན་ལས་འདས། ཚེ་དང་ལྡན་པ་འོད་སྲུང་ཆེན་པོས་ནི་མཁན་པོ་ལ། མཁན་པོས་ནི་ང་ལ་བསྟན་པ་གཏད་ནས་ཡོངས་སུ་མྱ་ངན་ལས་འདས་སོ། །བུ། ང་ཡང་ཡོངས་སུ་མྱ་ངན་ལས་འདའ་སྟེ། ད་ནི་ཁྱོད་ཀྱིས་བསྟན་པ་ཡོངས་སུ་བསྐྱང་ཞིང ། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་ཐམས་ཅད་ལ་ཁྱོད་ཀྱིས་ནན་ཏན་བྱོས་ཤིག་།དེ་ནས་ཚེ་དང་ལྡན་པ་ཤ་ནའི་གོས་ཅན་གྱིས་སྦྱིན་པ་པོ་དང ། ཚངས་པ་མཚུངས་པར་སྤྱོད་པའི་ཡིད་དགའ་བར་བྱས་ནས། སྦར་བ་དང ། བསྲེག་པ་དང ། ཆར་དབབ་པ་དང ། གློག་དབྱུང་བའི་ཆོ་འཕྲུལ་རྣམ་པ་སྣ་ཚོགས་བྱས་ནས། ཕུང་པོ་ལྷག་མ་མེད་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །གནས་བརྟན་ཉེ་སྦས་ཀྱིས་ཀྱང་ཚེ་དང་ལྡན་པ་དྷི་ཏི་ཀ་ལ། ཚེ་དང་ལྡན་པ་དྷི་ཏི་ཀས་བསྟན་པའི་དགོས་པ་བྱས་ནས། ཚེ་དང་ལྡན་པ་ནག་པོ་ལ། ཚེ་དང་ལྡན་པ་ནག་པོས་ཚེ་དང་ལྡན་པ་ལེགས་མཐོང་ལ་སྟེ། དེ་ལྟར་གླང་པོ་ཆེན་པོ་དག་ཡོངས་སུ་མྱ་ངན་ལས་འདས་སོ། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ལོ་བརྒྱ་དང་བཅུ་ལོན་ཏེ། རྒྱལ་བའི་ཉི་མ་ནུབ་པ་དང ། ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པའི་གཞི་བཅུ་པོ་མདོ་སྡེ་ལས་འདས། འདུལ་</font><hr>Da494a<br><font size=+2>


༄#། །བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་བ་ཕྱུང་སྟེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་པ་མ་ཡིན་པ་ལ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དེ། བཅུ་གང་ཞེ་ན། ཡངས་པ་ཅན་གྱི་དགེ་སློང་རྣམས་ཀྱིས་ཨ་ལ་ལ་ཞེས་བྱ་བ་ནི་རུང་བར་བྱས་ནས། མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱེད་དེ། འདི་ནི་གཞི་དང་པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པར་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས། ཚེ་དང་ལྡན་པ་དག་རྗེས་སུ་ཡི་རང་བས་རྗེས་སུ་ཡི་རང་བར་བྱོས་ཤིག་།ཅེས་ཉེ་འཁོར་གྱི་དགེ་སློང་རྣམས་རྗེས་སུ་ཡི་རང་བྱེད་དུ་འཇུག་ཅིང ། རྗེས་སུ་ཡི་རང་བ་རུང་བར་བྱས་ནས། མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱས་ཏེ། འདི་ནི་གཞི་གཉིས་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་བ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་</font><hr>Da494b<br><font size=+2>


སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་ལ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས་རང་གི་ལག་གིས་ས་རྐོ་ཞིང ། རྐོར་འཇུག་པར་སྤྱོད་པ་རུང་བར་བྱེད་པ་སྟེ། འདི་ནི་གཞི་གསུམ་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་ལ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས་ཇི་སྲིད་འཚོའི་བར་དུ་བྱིན་གྱིས་བརླབས་པའི་ཚཝ་དུས་སུ་རུང་བ་དང་ལྷན་ཅིག་བསྲེས་ནས་ཀུན་ཏུ་སྤྱོད་ཅིང ། ཚཝ་རུང་བའོ། །ཞེས་བྱེད་པ་སྟེ། འདི་ནི་གཞི་བཞི་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་ལ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས་དཔག་ཚད་དང ། དཔག་ཚད་ཕྱེད་དུ་སོང་སྟེ། འདུས་ཤིང་ཟས་ཟོས་ནས་ལམ་གྱིས་རུང་བར་བྱེད་དེ། འདི་ནི་གཞི་ལྔ་པ་མདོ་སྡེ་ལས་འདས། འདུལ་</font><hr>Da495a<br><font size=+2>


༄#། །བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་ལ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས་ལྷག་མར་མ་བྱས་པའི་བཟའ་བ་དང ། བཅའ་བ་སོར་མོ་གཉིས་ཀྱིས་རུང་བར་བྱས་ཏེ་ཟོས་ནས། སོར་མོ་གཉིས་ཀྱིས་རུང་བར་བྱེད་དེ། འདི་ནི་གཞི་དྲུག་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་ལ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས་སྲིན་བུ་པད་པ་བཞིན་དུ་ཆང་བཞིབས་ཏེ་འཐུངས་ནས་ནད་པས་རུང་བར་བྱེད་དེ། འདི་ནི་གཞི་བདུན་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད་།རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས། འོ་མ་བྲེ་གང་</font><hr>Da495b<br><font size=+2>


དང ། ཞོ་དེ་གང་དཀྲུགས་ནས་དུས་མ་ཡིན་པར་ཟ་ཞིང ། བསྲེས་པས་རུང་བར་བྱེད་དེ། འདི་ནི་གཞི་བརྒྱད་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་གྲོང་ཁྱེར་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་བར་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས་གདིང་བ་རྙིད་པ་བདེ་བར་གཤེགས་པའི་མཐོ་གང་གིས་འཁོར་བས་གདིང་བ་གསར་པ་ལ་མ་གླན་པར་ཡོངས་སུ་ལོངས་སྤྱོད་པར་བྱེད་ཅིང ། གདིང་བས་རུང་བར་བྱེད་དེ། འདི་ནི་གཞི་དགུ་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས། རུང་བ་མ་ཡིན་པ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །གཞན་ཡང་ཡངས་པ་ཅན་གྱི་དགེ་སློང་རྣམས་ཀྱིས་ལྷུང་བཟེད་གང་དག་ཟླུམ་པོ་དག་པ། སྤྱད་པར་འོས་པ་དེ་དག་དྲིས་བསྐུས་ནས། བདུག་པ་ཞིམ་པོས་བདུགས་ཏེ། མེ་ཏོག་དྲི་ཞིམ་པོ་སྣ་ཚོགས་ཀྱིས་མཛེས་པར་བྱས་པ། དགེ་སྦྱོང་གི་མགོ་བོ་ལ་ཁྲེའུ་སྟན་དང་བཅས་པའི་སྟེང་དུ་བཞག་ནས་ལམ་བོ་ཆེ་དང ། སྲང་དང ། གཞི་མདོ་དག་བསྐོར་ནས། འདི་སྐད་ཅེས་བསྒྲགས་སོ། །གྲོང་</font><hr>Da496a<br><font size=+2>


༄#། །ཁྱེར་དང་ཡུལ་སྣ་ཚོགས་ནས་འོངས་པའི་སྐྱེ་བོ་མང་པོ་ཡངས་པ་ཅན་ན་གནས་པའི་ཤེས་ལྡན་དག་ཉོན་ཅིག་།ལྷུང་བཟེད་འདི་ནི་ལྷུང་བཟེད་བཟང་པོ་ཡིན་ཏེ། འདིར་བྱིན་ཞིང་ཤིན་ཏུ་བྱིན་ནས། གང་གིས་འདིར་བླུགས་པ་བྱས་ན་དེ་དག་གིས་བླུགས་པ་བྱས་པས་འབྲས་བུ་ཆེ་བ་དང ། ཕན་ཡོན་ཆེ་བ་དང ། བརྩོན་པ་ཆེ་བ་དང ། རྒྱ་ཆེ་བར་འགྱུར་རོ། །ཞེས་པ་དང ། དེར་དབྱིག་དང ། གསེར་དང ། རིན་པོ་ཆེ་གཞན་དེ་དག་ཀྱང་རྙེད་ཅིང་ཐོབ་ནས་དེ་ལ་ལོངས་སྤྱོད་ཅིང ། གསེར་དངུལ་གྱིས་རུང་བར་བྱེད་དེ། འདི་ནི་གཞི་བཅུ་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་མི་རུང་བ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་དོ། །དེ་ནས་དེའི་ཚེ་ཡངས་པ་ཅན་ན། ཚེ་དང་ལྡན་པ་ཀུན་དགའ་བོ་དང་ལྷན་ཅིག་གནས་པ། གནས་བརྟན་ཐམས་ཅད་འདོད་པ། ཞེས་བྱ་བ་དེ་དགྲ་བཅོམ་པ་རྣམ་པར་ཐར་པ་བརྒྱད་བསྒོམ་པ་ཞེས་བྱ་བ་སྙིང་ལས་ཆུང་བར་གནས་པ་ཞིག་འདུག་གོ་།གྲོང་ཁྱེར་ནོར་ཅན་ན། དེ་དང་ལྷན་ཅིག་གནས་པའི་གནས་བརྟན་གྲགས་པ་ཞེས་བྱ་བ་ཞིག་ཡོད་དེ། དེ་ཡང་དགྲ་བཅོམ་པ་རྣམ་པར་ཐར་པ་བརྒྱད་བསྒོམ་པ་ཞིག་སྟེ། དེ་འཁོར་ལྔ་བརྒྱ་དང་ལྗོངས་</font><hr>Da496b<br><font size=+2>


རྒྱུ་ཞིང ། གྲོང་ཁྱེར་ཡངས་པ་ཅན་དུ་འོངས་སོ། །ཇི་ཙམ་ན་རྙེད་པ་དག་འགོད་དེ། དེ་དེར་འོངས་པ་དང ། དགེ་སྐོས་ཀྱིས་གནས་བརྟན་དགེ་འདུན་གྱིས་རྙེད་པ་འགོད་ཀྱི་ལོང་ཞིག་།ཅེས་སྨྲས་པ་དང ། དེས་ཚེ་དང་ལྡན་པ་རྙེད་པ་ཕྱུང་བ་ཅི་ཞིག་།སུས་བྱིན། ཞེས་སྨྲས་སོ། །དེས་རྒྱས་པར་བརྗོད་པ་དང ། དེས་ཆུ་བུར་འདི་གཅིག་བུ་བྱུང་བར་ཟད་དམ། གཞན་ཡང་ཡོད་སྙམ་དུ་བརྟགས་པ་དང ། ཇི་ཙམ་ན་བསླབ་པ་ལྷོད་ཅིང་རུང་བ་མ་ཡིན་པའི་དངོས་པོ་བཅུ་ཀུན་ཏུ་སྤྱོད་པ་འཕེལ་བར་མཐོང་ནས། དེས་བསྟན་པ་གནས་པར་བྱ་བའི་ཕྱིར། ཚེ་དང་ལྡན་པ་ཐམས་ཅད་འདོད་པ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཐམས་ཅད་འདོད་པའི་རྐང་པ་ལ་མགོ་བོས་ཕྱག་བྱས་ནས། ཚེ་དང་ལྡན་པ་ཐམས་ཅད་འདོད་པ་ལ་འདི་སྐད་ཅེས་སྨྲས་སོ། །གནས་བརྟན་ཨ་ལ་ལ་ཞེས་རུང་བར་བགྱིད་པ་རུང་ངམ། ཚེ་དང་ལྡན་པ་ཨ་ལ་ལ་ཞེས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱེད་དེ། ཨ་ལ་ལ་ཞེས་བྱ་བ་རུང་བར་བྱེད་དོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ང་དགུ་པ་སྟེ་ཐ་མ། ཚེ་དང་ལྡན་པ་རུང་བ་མ་ཡིན་ནོ། །གནས་བརྟན་གང་དུ་བཅས། གྲོང་ཁྱེར་ཙམ་པར་རོ། །གང་ལས་རྟེན་ཏེ། དགེ་སློང་དྲུག་སྡེ་ལས་སོ། །ལྟུང་བ་ཅིར་འགྱུར་ཉེས་བྱས་སོ། ། </font><hr>Da497a<br><font size=+2>


༄#། །གནས་བརྟན་འདི་ནི་གཞི་དང་པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་གྲོང་ཁྱེར་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་དག་ཁྱོད་ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ་།དེས་སྨྲས་པ། གནས་བརྟན་དེ་ནི་དེ་བས་ན་འདི་ཞུ་བར་བགྱི་སྟེ། རྗེས་སུ་ཡི་རང་བས་རུང་བར་བགྱིད་པ་འདི་རུང་ངམ། ཚེ་དང་ལྡན་པ་རྗེས་སུ་ཡི་རང་བས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱེད་དེ། ཚེ་དང་ལྡན་པ་དག་རྗེས་སུ་ཡི་རང་བས་རྗེས་སུ་ཡི་རང་བར་བྱོས་ཤིག་།ཅེས་ཉེ་འཁོར་གྱི་དགེ་སློང་རྣམས་རྗེས་སུ་ཡི་རང་བར་བྱེད་དུ་འཇུག་ཅིང ། རྗེས་སུ་ཡི་རང་བས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གནས་བརྟན་གང་དུ་བཅས། གྲོང་ཁྱེར་ཙམ་པར་རོ། །གང་ལས་བརྟེན་ཏེ། དགེ་སློང་དྲུག་སྡེ་དག་ལས་སོ། །ལྟུང་བ་ཅིར་འགྱུར། ཉེས་བྱས་སོ། །གནས་བརྟན་འདི་ནི་གཞི་གཉིས་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ་མདོ་སྡེ་</font><hr>Da497b<br><font size=+2>


ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན།་དེ་དག་ཁྱོད་ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ། དེས་སྨྲས་པ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ། ཀུན་ཏུ་སྤྱོད་པས་རུང་བར་བགྱིད་པ་རུང་ངམ། ཚེ་དང་ལྡན་པ་ཀུན་ཏུ་སྤྱོད་པས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་རང་གི་ལག་གིས་ས་རྐོས་ཞིང ། བརྐོས་ནས་ཀུན་ཏུ་སྤྱོད་པས་རུང་བ་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། མཉན་ཡོད་དུའོ། །གང་ལས་བརྟེན། དགེ་སློང་དྲུག་སྡེ་དག་ལས་སོ། །ལྟུང་བ་ཅིར་འགྱུར། ལྟུང་བྱེད་དོ། །གནས་བརྟན་འདི་ནི་གཞི་གསུམ་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ།་དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ་།དེས་སྨྲས་པ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ། ཚཝ་རུང་བར་བགྱིད་པ་རུང་ངམ། ཚེ་དང་ལྡན་པ་ཚཝ་རུང་བ་ཞེས་བྱ་བ་ཅི་ཡིན། གནས་</font><hr>Da498a<br><font size=+2>


༄#། །བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་ཇི་སྲིད་འཚོའི་བར་དུ་ཚཝ་དུས་སུ་རུང་བ་དང་ལྷན་ཅིག་བསྲེས་ནས་ཡོངས་སུ་སྤྱོད་ཅིང་ཚཝ་དུས་སུ་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། རྒྱལ་པོའི་ཁབ་ཏུའོ། །གང་ལས་བརྟེན། ཚེ་དང་ལྡན་པ་ཤཱ་རིའི་བུ་ལས་སོ། །ལྟུང་བ་ཅིར་འགྱུར། ལྟུང་བྱེད་དོ། །གནས་བརྟན་འདི་ནི་གཞི་བཞི་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་ངོ་ཞེས་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ། །དེས་སྨྲས་པ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ། ལམ་གྱིས་རུང་བར་བགྱིད་པ་རུང་ངམ། ཚེ་དང་ལྡན་པ་ལམ་གྱིས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་དཔག་ཚད་དང ། དཔག་ཚད་ཕྱེད་དུ་སོང་སྟེ། འདུས་ཤིང་ཟན་ཟོས་ནས། ལམ་གྱིས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། རྒྱལ་པོའི་ཁབ་ཏུའོ། །གང་ལས་བརྟེན། ལྷས་བྱིན་ལས་སོ། །ལྟུང་བ་ཅིར་འགྱུར། ལྟུང་བྱེད་དོ། ། </font><hr>Da498b<br><font size=+2>


གནས་བརྟན་འདི་ནི་གཞི་ལྔ་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་ངོ་ཞེས་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ་།དེས་སྨྲས་པ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ། སོར་མོ་གཉིས་ཀྱིས་རུང་བར་བགྱིད་པ་རུང་ངམ། ཚེ་དང་ལྡན་པ་སོར་མོ་གཉིས་ཀྱིས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་ལྷག་མར་མ་བྱས་པའི་བཟའ་བ་དང ། བཅའ་བ་སོར་མོ་གཉིས་ཀྱིས་རུང་བར་བྱས་ཏེ་ཟོས་ནས། སོར་མོ་གཉིས་ཀྱིས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། མཉན་ཡོད་དུའོ། །གང་ལས་བརྟེན། དགེ་སློང་མང་པོ་ལས་སོ། །ལྟུང་བ་ཅིར་འགྱུར། ལྟུང་བྱེད་དོ། །གནས་བརྟན་འདི་ནི་གཞི་དྲུག་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པར་རུང་ངོ་ཞེས་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་</font><hr>Da499a<br><font size=+2>


༄#། །ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ་།དེས་སྨྲས་པ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ།་ནད་པས་རུང་བར་བགྱིད་པ་རུང་ངམ། ཚེ་དང་ལྡན་པ་ནད་པས་རུང་བ་ཞེས་བྱ་བ་ཅི་ཡིན། གནས་བརྟན་ཡངས་པ་ཅན་གྱི་དགེ་སློང་རྣམས་ཀྱིས། སྲིན་བུ་པད་པ་བཞིན་དུ་ཆང་བཞིབས་ཏེ་འཐུངས་ནས། ནད་པས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། མཉན་ཡོད་དུའོ། །གང་ལས་བརྟེན། ཚེ་དང་ལྡན་པ་ལེགས་འོངས་ལས་སོ། །ལྟུང་བ་ཅིར་འགྱུར། ལྟུང་བྱེད་དོ། །གནས་བརྟན་འདི་ནི་གཞི་བདུན་པ་ཞེས་བྱ་བ་སྔ་མ་བཞིན་ནོ། །དེ་ནི་དེར་བས་ན་འདི་ཞུ་བར་བགྱི་སྟེ། བསྲེས་པས་རུང་བར་བགྱིད་པ་རུང་ངམ། ཚེ་དང་ལྡན་པ་བསྲེས་པས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་འོ་མ་བྲེ་གང་དང་ཞོ་བྲེ་གང་དཀྲུགས་ནས་དུས་མ་ཡིན་པར་ཟ་ཞིང ། དཀྲུགས་པས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། མཉན་ཡོད་དུའོ། །གང་ལས་བརྟེན། དགེ་སློང་མང་པོ་ལས་སོ། །ལྟུང་བ་ཅིར་འགྱུར། ལྟུང་བྱེད་དོ། །གནས་བརྟན་འདི་ནི་གཞི་བརྒྱད་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་</font><hr>Da499b<br><font size=+2>


ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་ངོ་ཞེས་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ་།དེས་སྨྲས་པ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ། གདིང་བས་རུང་བར་བགྱིད་པ་རུང་ངམ། ཚེ་དང་ལྡན་པ་གདིང་བས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་གདིང་བ་རྙིང་པ་བདེ་བར་གཤེགས་པའི་མཐོ་གང་གིས་འཁོར་བས། གདིང་བ་སར་པ་ལ་མ་གླན་པར་ལོངས་སྤྱོད་པར་བྱེད་ཅིང ། གདིང་བས་རུང་བར་བྱེད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། མཉན་ཡོད་དུའོ། །གང་ལས་བརྟེན། དགེ་སློང་མང་པོ་ལས་སོ། །ལྟུང་བ་ཅིར་འགྱུར། ལྟུང་བྱེད་དོ། །གནས་བརྟན་འདི་ནི་གཞི་དགུ་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་ངོ་ཞེས་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། ཞེས་སྨྲས་པ་དང ། དེ་ཅང་མི་སྨྲ་བར་འདུག་གོ། །དེས་སྨྲས་པ། གནས་བརྟན་དེ་ནི་དེར་བས་ན། འདི་</font><hr>Da500a<br><font size=+2>


༄#། །ཞུ་བར་བགྱི་སྟེ། གསེར་དངུལ་གྱིས་རུང་བར་བགྱིད་པ་རུང་ངམ། གསེར་དངུལ་གྱིས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་སློང་རྣམས་ཀྱིས་ལྷུང་བཟེད་གང་དག་ཟླུམ་པོ་དག་པ་སྤྱད་པར་འོས་པ་དེ་དག་དྲིས་བསྐུས་ནས། བདུག་པ་དྲི་ཞིམ་པོས་བདུགས་ཏེ། མེ་ཏོག་དྲི་ཞིམ་པོ་སྣ་ཚོགས་ཀྱིས་མཛེས་པར་བྱས་པ། དགེ་སྦྱོང་གི་མགོ་བོ་ལ་ཁྲིའུ་སྟན་དང་ཆས་པའི་སྟེང་དུ་བཞག་ནས། ལམ་པོ་ཆེ་དང ། སྲང་དང ། བཞི་མདོ་དག་བསྐོར་ནས་འདི་སྐད་ཅེས་བསྒྲགས་སོ། །གྲོང་ཁྱེར་དང ། ཡུལ་སྣ་ཚོགས་ནས་འོངས་པའི་སྐྱེ་བོ་མང་པོ་ཡངས་པ་ཅན་ན་གནས་པའི་ཤེས་ལྡན་དག་ཉོན་ཅིག་།ལྷུང་བཟེད་འདི་ནི་ལྷུང་བཟེད་བཟང་པོ་ཡིན་ཏེ། འདིར་བྱིན་ནམ། ཤིན་ཏུ་བྱིན་ནམ། གང་གིས་འདིར་བླུགས་པ་བྱས་པས་འབྲས་བུ་ཆེ་བ་དང ། ཕན་ཡོན་ཆེ་བ་དང ། བརྩོན་པ་ཆེ་བ་དང ། རྒྱ་ཆེ་བར་འགྱུར་རོ་ཞེས་བྱས་པ་དང ། དེར་དབྱིག་དང ། གསེར་དང ། རིན་པོ་ཆེ་གཞན་དེ་དག་ཀྱང་རྙེད་ཅིང་ཐོབ་ནས་དེ་ལ་ལོངས་སྤྱོད་ཅིང ། གསེར་དངུལ་གྱིས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། འདུལ་བ་ལས་ཏེ། སྤང་བའི་ལྟུང་བྱེད་དང ། ཡང་དག་པར་ལྡན་པའི་ལུང་དང ། སངས་རྒྱས་ཀྱིས་བཤད་པར་གཏོགས་པ་དང ། གཙུག་ན་ནོར་བུའི་མདོ་སྡེ་དང ། ལུང་རིང་པོ་དང ། ཚུལ་</font><hr>Da500b<br><font size=+2>


ཁྲིམས་ཀྱི་ཕུང་པོར་གཏོགས་པ་དང ། ལུང་བར་མ་དང ། ཟུང་དུ་གཏོགས་པ་དང ། སྲ་བརྐྱང་གི་མདོ་སྡེ་དང ། གཅིག་ལས་འཕྲོས་པའི་ལུང་དང ། བཞི་པ་དང ། ལྔ་པར་གཏོགས་པ་དེ་དག་ལས་སོ། །གང་ལས་བརྟེན། དྲུག་སྡེ་དང ། དགེ་སློང་གཞན་དག་དང ། ཁྱིམ་ན་གནས་པ་དག་ལས་ཏེ། གནས་བརྟན་འདི་ནི་གཞི་བཅུ་པ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་ངོ་ཞེས་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། དེས་ཚེ་དང་ལྡན་པ་ད་སོང་ལ་ཕྱོགས་ཚོལ་ཅིག་དང ། ངས་ཆོས་བཞིན་དུ་གྲོགས་བྱའོ། །ཞེས་སྨྲས་པ་དང ། གནས་བརྟན་དེ་བཞིན་དུ་བགྱིའོ། །ཞེས་ཚེ་དང་ལྡན་པ་གྲགས་པས། གནས་བརྟན་ཐམས་ཅད་འདོད་པ་ལས་མཉན་ནས། རབ་ཀྱི་མཐར་ཕྱིན་པའི་བསམ་གཏན་ལ་སྙོམས་པར་ཞུགས་ནས་རབ་ཏུ་གནས་སོ། །དེའི་ཚེ་གྲོང་ཁྱེར་ནོར་ཅན་ན་ཚེ་དང་ལྡན་པ་གནས་བརྟན་གཡོ་ལྡན། ཚེ་དང་ལྡན་པ་ཀུན་དགའ་བོ་དང་ལྷན་ཅིག་གནས་གནས་པ་དགྲ་བཅོམ་པ་རྣམ་པར་ཐར་པ་བརྒྱད་བསྒོམ་པ་ཞིག་གནས་ཏེ། དེ་ནས་ཚེ་དང་ལྡན་པ་གྲགས་པས་གནས་བརྟན་གཡོ་ལྡན་གང་ན་བར་</font><hr>Da501a<br><font size=+2>


༄#། །སོང་སྟེ་ཕྱིན་ནས། ཚེ་དང་ལྡན་པ་གཡོ་ལྡན་གྱི་རྐང་པ་གཉིས་ལ་མགོ་བོས་ཕྱག་བྱས་ནས། ཚེ་དང་ལྡན་པ་གཡོ་ལྡན་ལ་འདི་སྐད་ཅེས་སྨྲས་སོ། །གནས་བརྟན་ཨ་ལ་ལ་ཞེས་རུང་བར་བགྱིད་པ་རུང་ངམ། ཚེ་དང་ལྡན་པ་ཨ་ལ་ལ་རུང་བར་བྱེད་པ་ཞེས་བྱ་བ་ཅི་ཡིན། གནས་བརྟན་ཡངས་པ་ཅན་ན། ཡངས་པ་ཅན་གྱི་དགེ་སློང་རྣམས་མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱས་ཏེ། ཨ་ལ་ལ་ཞེས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། ཙམ་པར་རོ། །གང་ལས་བརྟེན། དགེ་སློང་དྲུག་སྡེ་དག་ལས་སོ། །ལྟུང་བ་ཅིར་འགྱུར། ཉེས་བྱས་སོ། །གནས་བརྟན་འདི་ནི་གཞི་དང་པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་ངོ་ཞེས་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ། རྗེས་སུ་ཡི་རང་བར་བགྱིད་བ་རུང་ངམ། ཚེ་དང་ལྡན་པ་རྗེས་སུ་ཡི་རང་བ་ཞེས་བྱ་བ་ཅི་ཡིན་ཞེས་བྱ་བ་སྔ་མ་བཞིན་ཏེ། གཞི་བཅུ་པོ་དེ་དག་རྒྱས་པར་བརྗོད་པ་དང ། </font><hr>Da501b<br><font size=+2>


དེས་ཚེ་དང་ལྡན་པ་ཕྱོགས་ཚོལ་ཅིག་དང ། ངས་ཆོས་བཞིན་དུ་ཕྱོགས་བྱའོ། །ཞེས་སྨྲས་སོ། །དེ་ནས་ཚེ་དང་ལྡན་པ་གྲགས་པས། ཚེ་དང་ལྡན་པ་གཡོ་ལྡན་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ། གྲོང་ཁྱེར་སང་ཀཱ་ཤ་ཞེས་བྱ་བར་སོང་ངོ ། །དེའི་ཚེ་གྲོང་ཁྱེར་སང་ཀཱ་ཤ་ཞེས་བྱ་བ་ན། ཚེ་དང་ལྡན་པ་གནས་བརྟན་ནོར་ཅན། ཚེ་དང་ལྡན་པ་ཀུན་དགའ་བོ་དང་ལྷན་ཅིག་གནས་པ་དགྲ་བཅོམ་པ་རྣམ་པར་ཐར་པ་བརྒྱད་སྒོམ་པ་ཞིག་གནས་སོ། །དེ་ནས་ཚེ་དང་ལྡན་པ་གྲགས་པས། ཚེ་དང་ལྡན་པ་ནོར་ཅན་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་ནོར་ཅན་ལ་འདི་སྐད་ཅེས་སྨྲས་སོ། །གནས་བརྟན་ཨ་ལ་ལ་ཞེས་རུང་བར་བགྱིད་པ་རུང་ངམ། ཚེ་དང་ལྡན་པ་ཨ་ལ་ལ་ཞེས་རུང་བ་ཅི་ཡིན། གནས་བརྟན་གྲོང་ཁྱེར་ཡངས་པ་ཅན་ན་ཡངས་པ་ཅན་གྱི་དགེ་སློང་རྣམས་མི་མཐུན་བས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱེད་དེ། ཨ་ལ་ལ་ཞེས་བྱ་བ་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། ཙམ་པར་རོ། །གང་ལས་བརྟེན། དགེ་སློང་དྲུག་སྡེ་དག་ལས་སོ། །ལྟུང་བ་ཅིར་འགྱུར། ཉེས་བྱས་སོ། །གནས་བརྟན་གཞི་འདི་ནི་དང་པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་</font><hr>Da502a<br><font size=+2>


༄#། །ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། གནས་བརྟན་དེ་ནི་དེར་བས་ན་འདི་ཞུ་བར་བགྱི་སྟེ། རྗེས་སུ་ཡི་རང་བས་རུང་བར་བགྱིད་པ་རུང་ངམ། ཚེ་དང་ལྡན་པ་རྗེས་སུ་ཡི་རང་བར་བྱེད་པ་ཞེས་བྱ་བ་ཅི་ཡིན། སྔ་མ་བཞིན་ཏེ། གཞི་བཅུ་པོ་དེ་དག་རྒྱས་པར་བརྗོད་པ་དང ། དེས་སོང་ལ་ཕྱོགས་ཚོལ་ཅིག་དང ། ངས་ཆོས་བཞིན་དུ་ཕྱོགས་བྱའོ། །ཞེས་སྨྲས་སོ། །དེ་ནས་ཚེ་དང་ལྡན་པ་གྲགས་པས། ཚེ་དང་ལྡན་པ་ནོར་ཅན་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ། སོང་ནས་གྲོང་ཁྱེར་དམར་བུ་ཅན་དུ་འོངས་སོ། །དེའི་ཚེ་གྲོང་ཁྱེར་དམར་བུ་ཅན་ན། ཚེ་དང་ལྡན་པ་ཡིད་དགའ་དང ། ཚེ་དང་ལྡན་པ་ཟླ་རྒུར་གནས་ཏེ། དེ་དག་དེའི་ཚེ་འགོག་པའི་ཏིང་འཛིན་ལ་སྙོམས་པར་ཞུགས་ནས། དེ་ནས་ཚེ་དང་ལྡན་པ་ཡིད་དགའ་ལ་གཞི་བཅུ་པོ་རྒྱ་ཆེར་བརྗོད་ནས། ཚེ་དང་ལྡན་པ་ཡིད་དགའི་རྐང་པ་གཉིས་ལ་མགོ་བོས་ཕྱག་འཚལ་ཏེ། སོང་ནས་སྲུག་ནར་སོན་པ་དང ། དེའི་ཚེ་སྲུག་ན་ན་ཚེ་དང་ལྡན་པ་མ་ཕམ་པ་གནས་ཏེ། དེས་གཞི་བཅུ་པོ་རྒྱས་བར་བརྗོད་ནས་དེའི་རྐང་པ་གཉིས་ལ་ཡང་མགོ་བོས་ཕྱག་འཚལ་ཏེ། སོང་ནས་དེ་མ་ཧེ་ལྡན་དུ་སོང་བ་དང ། དེའི་ཚེ་མ་ཧེ་ལྡན་ན། ཚེ་དང་ལྡན་པ་ཡང་དག་</font><hr>Da502b<br><font size=+2>


སྐྱེས་གནས་ཏེ། དེས་དེ་ལ་ཡང་གཞི་བཅུ་པོ་རྒྱས་བར་བརྗོད་ནས། དེའི་རྐང་པ་གཉིས་ལ་ཡང་མགོ་བོས་ཕྱག་འཚལ་ཏེ་སོང་ནས། ལྷན་ཅིག་སྐྱེས་སུ་སོན་པ་དང ། དེའི་ཚེ་ལྷན་ཅིག་སྐྱེས་ན། ཚེ་དང་ལྡན་པ་ནམ་གྲུ་གནས་ཏེ། དེས་དེའི་རྐང་པ་གཉིས་ལ་ཡང་མགོ་བོས་ཕྱག་འཚལ་ཏེ་སྨྲས་པ། གནས་བརྟན་ཨ་ལ་ལ་ཞེས་བྱ་བ་རུང་བར་བགྱིད་པ་རུང་ངམ། ཚེ་དང་ལྡན་པ་ཨ་ལ་ལ་ཞེས་རུང་བར་བྱེད་པ་ཅི་ཡིན། གནས་བརྟན་ཡངས་པ་ཅན་ན་ཡངས་པ་ཅན་གྱི་དགེ་སློང་རྣམས་མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱེད་ཏེ། ཨ་ལ་ལ་ཞེས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། ཙམ་པར་རོ། །གང་ལས་བརྟེན། དྲུག་སྡེ་ལས་སོ། །ལྟུང་བ་ཅིར་འགྱུར། ཉེས་བྱས་སོ། །གནས་བརྟན་འདི་ནི་གཞི་དང་པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པ་རུང་བར་ཡོངས་སུ་སྟོན་ཅིང ། ཀུན་ཏུ་སྤྱོད། རབ་ཏུ་སྤྱོད་ན། དེ་ཁྱོད་ཀྱིས་བཏང་སྙོམས་སུ་གཞག་གམ། གནས་བརྟན་དེ་ནི་དེར་བས་ན། འདི་ཞུ་བར་བགྱི་སྟེ། རྗེས་སུ་ཡི་རང་བས་རུང་བར་བགྱིད་པ་རུང་ངམ། ཚེ་དང་ལྡན་པ་རྗེས་སུ་ཡི་རང་བས་རུང་</font><hr>Da503a<br><font size=+2>


༄#། །བ་ཞེས་བྱ་བ་ཅི་ཡིན། ཞེས་བྱ་བ་སྔ་མ་བཞིན་དུ་གཞི་བཅུ་པོ་རྒྱས་པར་བརྗོད་པ་དང ། ཚེ་དང་ལྡན་པ་ནམ་གྲུས་ཅི་ཚེ་དང་ལྡན་པ་འདི་དང་པོར་བདག་གི་དྲུང་དུ་འོངས་སམ་སྙམ་དུ་བསམས་པ་དང ། ཇི་ཙམ་ན་གཞན་དུ་ཡང་སོང་བར་མཐོང་ནས་བསམས་པ། ཚེ་དང་ལྡན་པ་དེ་ལམ་རིང་པོ་ནས་འོངས་པས། ངལ་བསོ་ཞིང་དེ་འདུག་ཏུ་བཅུག་ལ། བདག་ཕྱོགས་ཚོལ་དུ་འགྲོའོ། །སྙམ་དུ་རིག་ནས། ཚེ་དང་ལྡན་པ་གྲགས་པ་ལ་འདི་སྐད་ཅེས་ཚེ་དང་ལྡན་པ་གྲགས་པ་ཁྱོད་ལམ་རིང་པོ་ནས་འོངས་པས་ཁྱོད་ངལ་བསོ་ལ། ངས་ཕྱོགས་བཙལ་བར་བྱའོ། །ཞེས་སྨྲས་ནས་དེ་ངལ་བསོར་བཅུག་སྟེ། ཚེ་དང་ལྡན་པ་ནམ་གྲུ་ཕྱོགས་ཚོལ་ཞིང་སོང་ངོ ། །དེ་ནས་ཡངས་པ་ཅན་གྱི་དགེ་སློང་རྣམས། ཚེ་དང་ལྡན་པ་གྲགས་པ་དང་ལྷན་ཅིག་གནས་པའི་ཉེ་གནས་དགེ་སློང་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཚེ་དང་ལྡན་པའི་མཁན་པོ་གར་སོང ། ཞེས་དྲིས་སོ། །དེས་སྨྲས་པ། ཚེ་དང་ལྡན་པ་དེ་ཕྱོགས་ཚོལ་དུ་སོང་ངོ ། །ཚེ་དང་ལྡན་པ་དེ་ཅིའི་ཕྱིར། ཕྱོགས་ཚོལ་དུ་སོང ། ཚེ་དང་ལྡན་པ་དག་།གནས་ནས་དབྱུང་བའི་ལས་བྱ་བའི་ཕྱིར་རོ། །ཚེ་དང་ལྡན་པ་ངེད་ཀྱིས་ཅི་ཞིག་བྱས་ན། དེས་ངེད་རྣམས་གནས་ནས་དབྱུང་བའི་ལས་བྱ། དེས་རྒྱས་བར་བཟླས་པ་དང ། དེ་དག་གིས་སྨྲས་པ། ཚེ་དང་ལྡན་པ་དེ་ལེགས་</font><hr>Da503b<br><font size=+2>


པ་མ་ཡིན་པ་ཞིག་བྱེད་དེ། སྟོན་པ་འདས་པ་དེའི་གསུང་རབ་ལ་རྣམ་པ་དེ་དང་དེ་དག་གིས་འཚོལ་བར་རུང་ན། ངེད་རྣམས་ཅིའི་ཕྱིར་མཐོ་བཙམ། དེ་དག་ལས་གཞན་ཞིག་གིས་དྲང་པོའི་སེམས་དང ། ཕན་པའི་བརླང་ཚིག་གིས་དེ་དག་ལ་སྨྲས་པ། ཚེ་དང་ལྡན་པ་དག་།ཁྱེད་ནི་རྗེས་སུ་མཐུན་པ་མ་ཡིན་པ་དང ། རུང་བ་མ་ཡིན་པ་དང ། དགེ་སྦྱོང་གི་ཚུལ་མ་ཡིན་པས་སྤྱོད་དེ། ངེད་ཀྱིས་བཅོམ་ལྡན་འདས་ཀྱི་བསྟན་པ་ལོ་སྟོང་དུ་གནས་པར་འགྱུར་རོ། །ཞེས་སྔོན་ཐོས་ནས། ཁྱོད་ཀྱིས་ནི་མ་འོངས་པའི་བསྟན་པ་ཉིད་ཀྱང་མི་སྣང་པར་བྱེད་པ་ལ་ཞུགས་པ་དང ། ཇི་ལྟར་གཞན་དག་ཀྱང་གང་དག་བསླབ་པ་ལྷོད་པར་ཞུགས་ཤིང ། ཆུ་བུར་གྱི་རྣམ་པར་འདི་ལྟ་བུ་བསྐྱེད་པས། དེ་བས་ན་བསྟན་པ་གནས་པར་བྱ་བའི་ཕྱིར། ཁྱེད་རྣམས་ངེས་པར་གནས་ནས་དབྱུང་བའི་ལས་བྱེད་དོ། །ཞེས་སྨྲས་པ་དང ། དེ་དག་སྐྲག་ནས་སྤོབས་པ་མེད་དེ། ཅང་མི་སྨྲ་བར་འདུག་གོ་།དེ་ནས་གཅིག་ནས་གཅིག་ཏུ་སོང་སྟེ་གཏམ་བརྗོད་པར་བརྩམས་པ། ཚེ་དང་ལྡན་པ་གྲགས་པ་ཕྱོགས་ཚོལ་དུ་སོང་ནས། བདག་ཅག་གནས་ནས་དབྱུང་བའི་ལས་བྱེད་ན་ཅིའི་ཕྱིར་སེམས་ལས་ཆུང་ངུར་འདུག་།ཇི་ལྟར་བསྒྲུབ་པར་བྱ་བ་སྨྲོས་ཤིག་།དེ་ནས་གཅིག་གཅིག་གིས་སྨྲས་པ། ཅི་ཞིག་བསྒྲུབ་ཏུ་ཡོད། བསྒྲུབ་ཏུ་ཡོད། གང་དེ་ཕྱོགས་ཚོལ་དུ་སོང་ན། བདག་</font><hr>Da504a<br><font size=+2>


༄#། །ཅག་གིས་ཀྱང་ཕྱོགས་བཙལ་མོད། ཅིའི་ཕྱིར་བདག་ཅག་ཉིད་ཀྱིས་བདག་ཅག་མི་གནས་པར་བྱ། གཞན་ཞིག་གིས་སྨྲས་པ། ཚེ་དང་ལྡན་པ་དེ་དང་བདག་ཅག་རྩོད་པར་འགྱུར་བས་བྲོས་ཏེ་འགྲོ་བར་བྱའོ། །གཞན་ཞིག་གིས་སྨྲས་པ། བདག་ཅག་གང་དུ་འགྲོ་སྟེ། གང་དུ་སོང་བ་དེར་ཡང་དེ་བཞིན་དུ་ཉེས་དམིགས་སུ་འགྱུར་བས་བཟོད་པར་གསོལ་བར་བྱའོ། །གཞན་ཞིག་གིས་སྨྲས་པ། བདག་ཅག་གིས་བཟོད་པ་གསོལ་མི་ནུས་ཀྱི། དཀྲིས་བཞིན་དུ་འདུག་གོ་།གཞན་ཞིག་གིས་སྨྲས་པ། དེ་འདི་ལྟར་དེ་དང་ལྷན་ཅིག་གནས་པའི་ཉེ་གནས་མང་པོ་དེ་དག་།ཇེ་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དག་གིས་བསྡུས་ལ། ཕྱིས་གར་རིགས་པར་བྱའོ། ། གཞན་ཞིག་གིས་བཟུང་སྟེ་དེ་བཞིན་དུ་བྱའོ། །ཞེས་སྨྲས་ནས། དེ་རྣམས་ཀྱིས་དེ་དག་ལ་ཁ་ཅིག་ལ་ནི་སྣམ་སྦྱར་བྱིན། ཁ་ཅིག་ལ་ནི་བླ་གོས་བྱིན། ཁ་ཅིག་ལ་ནི་མཐང་གོས་བྱིན། ཁ་ཅིག་ལ་ནི་རྡུལ་ཟན་བྱིན། ཁ་ཅིག་ལ་ནི་གདིང་བ་བྱིན། ཁ་ཅིག་ལ་ནི་ལྷུང་བཟེད་བྱིན། ཁ་ཅིག་ལ་ནི་ཆུ་ཚགས་བྱིན་ཏེ། དེ་བཞིན་དུ་དེ་དག་ཐམས་ཅད་བསྡུས་ནས། དེ་དག་བར་ན་གནས་པར་གྱུར་ཏོ། །ཇི་ཙམ་ན་ཚེ་དང་ལྡན་པ་གྲགས་པ་རིམ་གྱིས་ཕྱོགས་བཙལ་ནས། ཡངས་པ་ཅན་དུ་འོངས་པ་དང ། དེ་དང་ལྷན་ཅིག་གནས་པའི་ཉེ་གནས་</font><hr>Da504b<br><font size=+2>


དག་འོངས་ནས། ཡངས་པ་ཅན་དག་གི་གྲོང་དུ་མ་སོང་བར་དེར་ལམ་གྱི་ངལ་བསོ་བ་དང ། ལྷན་ཅིག་གནས་པའི་ཉེ་གནས་དག་གིས་སྨྲས་པ། མཁན་པོ་ཕྱོགས་དེ་དག་བཙལ་ཏམ། བུ་ཕྱོགས་དེ་དག་རིང་པོར་མི་ཐོགས་པར་འོང་ངོ ། །མཁན་པོ་འཚལ་ཏོ། །ཐུགས་དེ་ལྟ་བུ་ཀུན་བཟློག་པའི་རིགས་ཏེ། སྟོན་པ་འདས་པ་དེའི་གསུང་རབ་ལ་རྣམ་པ་དེ་དང་དེ་དག་གིས་འཚོ་བར་རུང་ན། ཅིའི་སླད་དུ་དེ་དག་ལ་གནོད་པ་བགྱི། དེས་བསམས་པ། འདི་དག་སྔོན་མ་བྱུང་བའི་ཚིག་ཅིག་སྨྲ་སྟེ། ངེས་པར་འདི་དག་གིས་དེ་དག་ལས་རང་གིར་བྱ་བ་བླངས་པར་རིག་ནས། ཚེ་དང་ལྡན་པ་དག་སྔོན་མ་བྱུང་བའི་ཚིག་སྨྲ་སྟེ། ཚེ་དང་ལྡན་པ་དག་གིས་དེ་དག་ལས་རང་གིར་བྱ་བ་བླངས་སོ། །ཞེས་སྨྲས་པ་དང ། དེ་དག་ཅང་མི་སྨྲ་བར་འདུག་གོ་།དེ་ནས་ཚེ་དང་ལྡན་པ་གྲགས་པས། ཇི་ལྟར་གྲོས་བྱས་པ་དེ་དག་ལ་སྨྲས་པ། བསླབ་པ་ལྷོད་པའི་ཕྱོགས་དག་འཕེལ་བས་རིངས་པར་འོང་བའི་རིགས་པས། བསྟན་པའི་དགོས་པ་ལ་བཤོལ་བར་མ་བྱེད་ཅིག་།ཅེས་ཚིགས་སུ་བཅད་པས་སྨྲས་པ། གང་གིས་བཤོལ་བར་བྱ་བ་རིངས་བྱེད་རིངས་པ་ཤོལ་བྱེད་པ། །ཚུལ་བཞིན་བྱ་བ་རབ་སྤངས་བྱིས་པ་དེ་ནི་སྡུག་བསྔལ་འགྲོ་།དེ་ནི་གྲགས་པ་མེད་པའི་སྐལ་ལྡན་གྲོགས་ཀྱིས་རྣམ་པར་སྤངས། །དེ་ཡི་དོན་ནི་མི་འཕེལ་མར་གྱི་ངོ་ཡི་ཟླ་བ་བཞིན། །གང་གིས་དགོས་པ་དེ་བཞིན་རིངས་བྱེད་བློ་ལྡན་མི་ཤོལ་བ། །ཚུལ་</font><hr>Da505a<br><font size=+2>


༄#། །བཞིན་མ་ཡིན་རབ་སྤངས་མཁས་པ་དེ་ནི་བདེ་བ་ཐོབ། །དེ་ནི་གྲགས་པ་སྐལ་ལྡན་གྲོགས་པོ་རྣམས་ཀྱིས་སྤངས་མི་འགྱུར། །དེ་ཡི་དོན་ནི་འཕེལ་བ་ཡར་གྱི་ངོ་ཡི་ཟླ་བ་བཞིན། །དེ་ནས་ཚེ་དང་ལྡན་པ་གྲགས་པ་འཁོར་གྱི་ཁྱམས་སུ་ཞུགས་ཏེ། རབ་ཀྱི་མཐར་ཕྱིན་པའི་བསམ་གཏན་བཞི་ལ་སྙོམས་པར་ཞུགས་ནས་སྨོན་ནས་ཤེས་པས་བརྟགས་ཏེ། གཎྜཱི་བརྡུངས་པ་དང ། དགྲ་བཅོམ་པ་བདུན་བརྒྱར་གཅིག་གིས་མ་ཚང་བ་དེ་དག་ཐམས་ཅད་ཀྱང ། ཚེ་དང་ལྡན་པ་ཀུན་དགའ་བོ་དང་ལྷན་ཅིག་གནས་པ་དག་འདུས་སོ། །དེའི་ཚེ་ཚེ་དང་ལྡན་པ་ཟླ་སྒུར་འགོག་པའི་ཏིང་ངེ་འཛིན་ལ་སྙོམས་པར་ཞུགས་ནས་གཎྜཱིའི་སྒྲ་མ་ཐོས་སོ། །དེའི་ཚེ་དགེ་སློང་གི་དགེ་འདུན་རྣམས་འདུས་ཤིང་ཚོགས་པ་དང ། ཚེ་དང་ལྡན་པ་གྲགས་པས་དེ་དག་གི་མིང་ནས་ཕྱུང་སྟེ་བརྗོད་ན་ནི། འཁྲུག་པ་ཆེན་པོར་འགྱུར་བས། མ་ལ་བདག་གིས་མིང་ནས་མི་དབྱུང་བར་བརྗོད་པར་བྱའོ། །སྙམ་དུ་བསམས་ནས། དེས་ཇི་ལྟར་རྒན་རིམས་སུ་འདུད་པ་བྱས་ནས། རྒན་པའི་མཐའ་ལོགས་སུ་ཐལ་མོ་སྦྱར་བ་བྱས་ནས་སྟན་ལ་འདུག་གོ་།དགྲ་བཅོམ་པ་བདུན་བརྒྱར་གཅིག་གིས་མ་ཚང་བས་དོན་དུ་གཉེར་བར་འདོད་པ་དང ། དེའི་ཚེ་ཚེ་དང་ལྡན་པ་ཟླ་སྒུར་ཡང་འགོག་པའི་སྙོམས་པར་འཇུག་པ་ལས་ལངས་ཏེ། དེ་ལ་ལྷ་ཞིག་གིས་འཕགས་པ་ཟླ་སྒུར་ཅིའི་ཕྱིར་ཐུགས་ལས་ཆུང་ངུར་བཞུགས། ཁྱོད་</font><hr>Da505b<br><font size=+2>


དང་མཁན་པོ་གཅིག་པ་དགྲ་བཅོམ་པ་བདུན་བརྒྱར་གཅིག་གིས་མ་ཚང་བ་ནི། ཡངས་པ་ཅན་ན་བསྟན་པ་གནས་པར་བྱ་བའི་ཕྱིར་ཡང་དག་པར་སྡུད་པར་བྱེད་པས། རིངས་པར་བཞུད་ཅིག་།ཅེས་སྨྲས་པ་དང ། དེས་རྫུ་འཕྲུལ་གྱིས་གྲོང་ཁྱེར་དམར་བུ་ཅན་ནས་མི་སྣང་བར་གྱུར་ཏེ། ཡངས་པ་ཅན་དུ་ཕྱིན་ནས་འཁོར་གྱི་ཁྱམས་ཀྱི་སྒོར་འདུག་སྟེ། སྒོ་ལ་བརྡུངས་པ་དང ། དགེ་སློང་དག་གིས་ཁྱོད་སུ་ཡིན། ཞེས་དྲིས་སོ། །དེས་ཚིགས་སུ་བཅད་དེ་སྨྲས་པ། གང་དག་དམར་བུ་ཅན་ན་གནས་པ་ཡི། །དགེ་སྦྱོང་མང་དུ་ཐོས་པ་འདུལ་བ་འཛིན། དེ་དག་ལས་ནི་གཞན་ཞིག་འདིར་འོངས་ཏེ། །དབང་པོ་དུལ་ཞེས་བྱ་བ་སྒོ་ན་འདུག་།དགེ་སློང་དག་གིས་སྨྲས་པ། དབང་པོ་དུལ་བ་ནི་གཞན་དག་ཀྱང་ཡོད་ན། ཁྱོད་སུ་ཡིན་སྨྲོས་ཤིག་།དེས་ཡང་ཚིགས་སུ་བཅད་དེ་སྨྲས་པ། གང་དག་དམར་བུ་ཅན་ན་གནས་པ་ཡི། །དགེ་སྦྱོང་མང་དུ་ཐོས་པ་འདུལ་བ་འཛིན། །དེ་དག་ལས་ནི་གཞན་ཞིག་འདིར་འོངས་ཏེ། །ཐེ་ཚོམ་བཅད་ཅེས་བྱ་བ་སྒོ་ན་འདུག ། དགེ་སློང་དག་གིས་ཐེ་ཚོམ་བཅད་པ་ནི་གཞན་དག་ཀྱང་ཡོད་དོ། །ཞེས་སྨྲས་པ་དང ། དེས་ཡང་ཚིགས་སུ་བཅད་དེ་སྨྲས་པ། གང་དག་དམར་བུ་ཅན་ན་གནས་པ་ཡི། །དགེ་སྦྱོང་མང་དུ་ཐོས་པ་འདུལ་བ་འཛིན། །དེ་དག་ལས་ནི་གཞན་ཞིག་འདིར་འོངས་ཏེ། །འགྱོད་པ་མེད་ཅེས་བྱ་བ་སྒོ་ན་འདུག་།དགེ་སློང་དག་གིས་འགྱོད་པ་མེད་པ་ནི་གཞན་དག་ཀྱང་ཡོད་ན། སུ་ཡིན་ཞེས་སྨྲས་པ་</font><hr>Da506a<br><font size=+2>


༄#། །དང ། དེས་ཡང་ཚིགས་སུ་བཅད་དེ་སྨྲས་པ། གང་དག་དམར་བུ་ཅན་ན་གནས་པ་ཡི། །དགེ་སྦྱོང་མང་དུ་ཐོས་པ་འདུལ་བ་འཛིན། །དེ་དག་ལས་ནི་གཞན་ཞིག་འདིར་འོངས་ཏེ། །ཟླ་སྒུར་ཞེས་ནི་བྱ་བ་སྒོ་ན་འདུག་།དགེ་སློང་རྣམས་ཀྱིས་ལེགས་པར་འོངས་སམ། ལེགས་པར་འོངས་སམ། ནང་དུ་ཞུགས་ཤིག་།ཅེས་སྨྲས་པ་དང ། དེ་ནང་དུ་ཞུགས་སོ། །དེ་ནས་དགེ་སློང་རྣམས་འཁོར་གྱི་ཁྱམས་ནས་བྱུང་ནས། ཚེ་དང་ལྡན་པ་ཟླ་སྒུར་དོན་དུ་གཉེར་བར་བསྒོས་ཏེ། དེའི་འོག་ཏུ་འཁོར་གྱི་ཁྱམས་སུ་ཞུགས་ནས། འདི་ལྟར་རང་རང་གི་སྟན་ལ་འདུག་གོ་།ཚེ་དང་ལྡན་པ་གྲགས་པས། དེ་བཞིན་རྒན་རིམས་སུ་འདུག་པ་ལ་དངོས་པོ་བཅུ་བཟླས་པར་ཞུགས་ཏེ། ཚེ་དང་ལྡན་པ་དག་། ལ་ལ་ཞེས་རུང་བར་བྱེད་པ་རུང་ངམ། ཚེ་དང་ལྡན་པ་ཨ་ལ་ལ་ཞེས་རུང་བ་ཞེས་བྱ་བ་ཅི་ཡིན། ཚེ་དང་ལྡན་པ་དག་།འདི་ལྟར་དགེ་སློང་ཁ་ཅིག་གིས་མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱས་ཏེ། ཨ་ལ་ལ་ཞེས་རུང་བར་བགྱིད་དོ། །ཚེ་དང་ལྡན་པ། རུང་བ་མ་ཡིན་ནོ། །གང་དུ་བཅས། ཙམ་པར་རོ། །གང་ལས་བརྟེན། དགེ་སློང་དྲུག་སྡེ་དག་ལས་སོ། །ལྟུང་བ་ཅིར་འགྱུར། ཉེས་བྱས་སོ། །ཚེ་དང་ལྡན་པ་དག་།འདི་ནི་གཞི་དང་པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་བ་དང་བྲལ་ཏེ། མདོ་</font><hr>Da506b<br><font size=+2>


སྡེ་ལ་མི་འཇུག་།འདུལ་བ་ལ་མི་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱིས་དགེ་སློང་འདི་རྣམས་ཀྱིས་རུང་བ་མ་ཡིན་པ་རུང་ངོ ། །ཞེས་ཡོངས་སུ་བསྒྲགས་ནས་ཀུན་ཏུ་སྤྱོད། རབ་ཏུ་སྤྱོད་དེ། དེ་དག་བདག་ཅག་གིས་དོར་བར་བགྱིའོ། །ཚེ་དང་ལྡན་པ་དག་།དེ་ནི་དེར་བས་ན། གཞན་དག་ཞུ་བར་བགྱིའོ། །རྗེས་སུ་ཡི་རང་བས་རུང་བར་བགྱིད་པ་རུང་ངམ། ཚེ་དང་ལྡན་པ་རྗེས་སུ་ཡི་རང་བས་རུང་བར་བྱེད་པ་ཅི་ཡིན། ཞེས་བྱ་བའི་བར་སྔ་མ་བཞིན་དུ་གཞི་བཅུ་པོ་རྒྱས་པར་བརྗོད་དོ། །དེ་དག་གིས་ཡང་དག་པར་བརྗོད་ནས། འཁོར་གྱི་ཁྱམས་ནས་བྱུང་སྟེ། ཡང་གཎྜཱི་བརྡུངས་ནས། ཡངས་པ་ཅན་ན་གནས་པའི་དགེ་སློང་དག་དྲིས་པའི་ཚིག་གིས་བསྡུས་ནས། དེ་དག་དང་ལྷན་ཅིག་ཏུ་འདུག་པ་དང ། ཚེ་དང་ལྡན་པ་གྲགས་པས། དེ་ལྟར་རྒན་རིམས་སུ་འདུག་པ་ལ་གཞི་བཅུ་པོ་མིང་ནས་ཕྱུང་སྟེ། བཟླས་པ་བྱ་བར་ཞུགས་ཏེ། ཚེ་དང་ལྡན་པ་དག་། ལ་ལ་ཞེས་རུང་བར་བྱེད་པ་རུང་ངམ། ཚེ་དང་ལྡན་པ། ཨ་ལ་ལ་ཞེས་རུང་བར་བྱེད་པ་ཞེས་བྱ་བ་ཅི་ཡིན། ཚེ་དང་ལྡན་པ་དག་།ཡངས་པ་ཅན་གྱི་དགེ་སློང་འདི་རྣམས་ཀྱིས་མི་མཐུན་པས་ཆོས་མ་ཡིན་པ་དང ། མཐུན་པས་ཆོས་མ་ཡིན་པ་དང ། མི་མཐུན་པས་ཆོས་ཀྱི་ལས་བྱས་ཏེ། ཨ་ལ་ལ་ཞེས་བྱ་བ་རུང་བར་བགྱིད་དོ། །ཚེ་དང་ལྡན་པ། རུང་བ་མ་ཡིན་ནོ། །གང་དུ་བཅས། ཙམ་པར་རོ། །གང་ལས་བརྟེན། དགེ་སློང་དྲུག་སྡེ་དག་ལས་སོ། ། </font><hr>Da507a<br><font size=+2>


༄#། །ལྟུང་བ་ཅིར་འགྱུར། ཉེས་བྱས་སོ། །ཚེ་དང་ལྡན་པ། འདི་ནི་གཞི་དང་པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག་།འདུལ་བ་ལ་མ་སྣང ། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་འདི་རྣམས་ཀྱིས། རུང་བ་མ་ཡིན་པ་རུང་ངོ ། །ཞེས་ཡོངས་སུ་བསྒྲགས་ནས་ཀུན་ཏུ་སྤྱོད། རབ་ཏུ་སྤྱོད་དེ། དེ་དག་བདག་ཅག་གིས་དོར་བར་བགྱིའོ། །ཚེ་དང་ལྡན་པ་དག་།དེ་ནི་དེར་བས་ན། འདི་ཞུ་བར་བགྱིའོ། །ཚེ་དང་ལྡན་པ་དག་།རྗེས་སུ་ཡི་རང་བས་རུང་བར་བྱེད་པ་རུང་ངམ། ཚེ་དང་ལྡན་པ། རྗེས་སུ་ཡི་རང་བས་རུང་བར་བྱེད་པ་ཅི་ཡིན། ཞེས་བྱ་བའི་བར་སྔ་མ་བཞིན་དུ་གཞི་བཅུ་པོ་རྒྱས་པར་བརྗོད་དེ། དེ་དག་བདག་ཅག་གིས་དོར་བར་བྱའོ། །ཞེས་དགྲ་བཅོམ་པ་བདུན་བརྒྱས་ཡང་དག་པར་བརྗོད་པས། བདུན་བརྒྱས་ཡང་དག་པར་བརྗོད་པ། བདུན་བརྒྱས་ཡང་དག་པར་བརྗོད་པ་ཞེས་བྱ་བའི་མིང་དུ་གྱུར་ཏོ། ། སྡོམ་ནི། ཨ་ལ་ལ་དང་རྗེས་སུ་ཡི་རང་སྤྱོད་པ་དང ། །བརྟགས་བ་དང་ནི་ལན་ཚཝ་དག་དང་ལམ་དང་ནི། །སོར་མོ་གཉིས་ཀྱིས་རུང་དང་དཀྲུགས་དང་གདིང་བ་དང ། །གསེར་དངུལ་བྱས་པ་འདི་ནི་བར་སྡོམ་ཡང་དག་བསྡུས། །གྲོང་ཁྱེར་ཡངས་པ་ཅན་དང་ནོར་ཅན་དང ། །ལྷ་ལས་བབས་དང་དེ་བཞིན་དམར་བུ་ཅན། །སྲུག་ན་དང་ནི་མ་ཧེ་ལྡན་པ་དང ། །ལྷན་ཅིག་སྐྱེས་གྱུར་</font><hr>Da507b<br><font size=+2>


པ་ནི་ཕྱི་མ་ཡིན། །ཐམས་ཅད་འདོད་དང་གྲགས་དང་གཡོ་ལྡན་དང ། །ནོར་ཅན་དང་ནི་ཡིད་དགའ་དག་དང་ཡང ། །ཟླ་སྒུར་དང་ནི་དེ་བཞིན་མ་ཕམ་པ། །ཡང་དག་འབྱུང་དང་ནམ་གྲུ་ལ་སོགས་པའོ། །འདིར་འགྲེལ་པ་ལས་སྒོ་བརྒྱད་པའོ་ཞེས་སྒོ་བརྒྱད་ཅར་ཚང་པར་བྱས་སོ། །འདུལ་བ་ཕྲན་ཚེགས་ཀྱི་གཞི་རྫོགས་སོ།། །།རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང ། དྷརྨ་ཤྲཱི་པྲ་བྷ་དང ། ལོ་ཙྪ་བ་བན་དེ་དཔལ་འབྱོར་གྱིས་བསྒྱུར། ཞུས་དག་ལེགས་པར་བྱས་སོ། །ཕྲན་ཚེགས་འདི་ལ་དཔེ་དཔང་ལའང ། ཡིད་བརྟན་ཐུབ་པ་གཅིག་ཀྱང་མེད། །འགྱུར་ཡང་ཅུང་ཟད་མི་བདེ་ཞིང ། །ཚིག་བྲུལ་བརྡ་རྙིང་མང་བ་དང ། །གླེགས་བམ་ཐ་མར་ཉེ་བ་ཡིས། །ཞུ་དག་མཁན་པོ་རྣམས་ཀྱིས་ཀྱང ། །སེམས་དུབ་སྐྱོ་བའི་དབང་གིས་ནི། །ཕལ་ཆེར་བཏང་སྙོམས་བཞག་པར་མངོན། །བཀླག་མི་བདེ་ཞིང་བྲིར་མི་བདེ། །ཅུང་ཟད་བཅོས་སུའང་མི་བདེ་ཞིང ། །ཐམས་ཅད་ཐེ་ཚོམ་གཞིར་གྱུར་པས། །ཁོ་བོའི་སེམས་ཀྱང་ཅུང་ཟད་དུབ། །འོན་ཀྱང་བརྣག་པར་མ་དོར་བར། །སྤྲོ་དང་འདུན་པའི་སེམས་ཀྱིས་ནི། །དམ་པའི་ཐུགས་དགོངས་མཐར་ཕྱིན་ཅིང ། །བསྟན་པའི་རྒྱུན་ལའང་ཕན་བསམས་ནས། །དུས་ནི་ཅུང་ཟད་འགོར་ན་ཡང ། །ལོང་མེད་རིངས་ཚུལ་མ་བྱས་པར། །འོལ་ཚོད་རང་བཟོ་སྤངས་ནས་ནི། །ལེགས་བརྟགས་ལེགས་པར་རབ་དཔྱད་ནས། །ཤིན་ཏུ་ངེས་པའི་ཚུལ་གྱིས་ནི། །ཐེ་ཚོམ་ཟ་རྣམས་ཟེར་མཆན་བཀོད། །གདོན་མི་</font><hr>Da508a<br><font size=+2>


༄#། །ཟ་རྣམས་ལེགས་པར་བཅོས། །ཚུལ་འདི་མཁས་པའི་གཙུག་རྒྱན་དུ། །ཕྱི་མཐའི་བར་དུ་འགྱུར་པར་ཤོག་།འདི་ནི་ཕྱི་མོ་ལ་གཏུགས་པ་དང ། སྣར་ཐང་གི་དཔེ་ལ་གཏུགས་པའི་ཞུས་དག་གཉིས་ཀྱི་རྗེས་ལ་སོག་ཚུལ་ཁྲིམས་བླ་མའི་ཕྱག་དཔེ་ལ་གཏུགས་པའི་ཞུས་དག་ནན་ཅན་ལན་གཉིས་ཏེ་བཞི་ཚར་བའི་རྗེས་སུ། སློབ་དཔོན་ཚུལ་ཁྲིམས་བསྐྱངས་ཀྱི་འགྲེལ་པ་དང་བསྟུན་ཅིང ། མདོ་རྩའི་འགྲེལ་ཆེན་རྣམས་སུ་ལུང་དྲངས་པ་དང་ཡང་བསྒྲིགས། ཆོ་ག་རྣམས་ལས་བརྒྱ་རྩ་གཅིག་གི་གཞུང་དང་ཡང་བསྟུན། ཚིག་འདྲ་ལ་འདྲ་མེན་རྣམས་ཀྱང་དོན་ལ་ལེགས་པར་དཔྱད་ནས་དག་པར་བྱས། འདི་ལ་ད་རུང་ཆད་པ་འགའ་རེ་ཡོད་པས་རྒྱ་དཔེ་རྙེད་ན་གཏུག་དགོས་སོ། །ཐམས་ཅད་མཁྱེན་པ་ལ་ཕྱག་འཚལ་ལོ། །སྔོན་བསྟན་པ་སྔ་དར་བ་ལ་ལུང་ཕྲན་ཚེགས་ཀྱི་གཞི་འདི་བསྒྱུར་བའི་དུས་སུ་ལོ་ཙྪ་བ་དུ་མས་དུམ་བུ་དུམ་བུ་མང་པོར་དགོས་ཏེ་སོ་སོར་ཐ་དད་དུ་བསྒྱུར་བས་གླེགས་བམ་གཅིག་ཏུ་སྡོམ་པའི་ཚེ་ན། གནས་ཐ་དད་དུ་འཐོར་ནས་མ་ཚང་བཞིན་དུ་བསྡེབས་ཤིང ། ལོ་ཙྪ་བ་ཆེན་པོ་དཔལ་འབྱོར་གྱིས་རྫོགས་པར་ཞུ་ཆེན་མ་གྲུབ་པས། འཁྲུགས་ཆད་ཅན་དུ་ཕྲན་ཚེགས་ཕལ་ཆེར་བཞུགས་པ་ལ། དུས་ཕྱིས་གནས་བརྟན་དར་མ་སེངྒེས་ལ་སྟོད་འོལ་རྒོད་ཀྱི་གཙུག་ལག་ཁང་དུ་ལུང་སྡེ་བཞི་བཞེངས་པའི་ཚེ། ཞིང་མོ་ཆེ་པ་འདུལ་འཛིན་བྱང་ཆུབ་སེངྒེས་དབུས་གཙང་གི་གཙུག་ལག་ཁང་རྣམས་སུ་བཞུགས་པ་དང ། ཁྱད་པར་བསམ་ཡས་</font><hr>Da508b<br><font size=+2>


མཆིམས་ཕུ་ན་དགས་ཆུང་པ་དང ། ཚུལ་ཁྲིམས་ཡོན་ཏན་གྱིས་རྙེད་པའི་ལུང་དག་པ་ལ་དཔེ་ཡོན་ཕུལ་ནས་འབད་པས་དག་པར་བགྱིས་པ་ལ། བམ་པོ་སུམ་ཅུ་རྩ་གསུམ་པའི་མགོར། སྨན་ཆེན་པོའི་གཏམ་གྱི་སྐབས་སུ། སྨན་ཆེན་པོས་སྨྲས་པ། གལ་ཏེ་དེ་ལྟ་ན་སྐྱུགས་ཤིག་དང ། བདེན་ནམ་རྫུན་བལྟའོ། །ཞེས་པ་ནས། བམ་པོ་སུམ་ཅུ་རྩ་བཞི་པའི་དབུར། ཇི་ཙམ་ན་དེ་གྲོང་ཁྱེར་ནས་བྱུང་བ་དང ། བྲམ་ཟེ་མོང་རྟུལ་ཞེས་བྱ་བས་གོས་ཀྱི་མཐའ་ནས་འཇུས། ཞེས་པའི་བར་བམ་པོ་གཅིག་བསབས། སྡོམ་ནི། ང་ཡང་སྨན་གྱིས་དེ་བཞིན་ནོ། །ཞེས་པའི་འོག་ཏུ་ཡིག་ཚར་གཅིག་བསྐངས། བམ་པོ་སུམ་ཅུ་རྩ་བཞི་པའི་སྨད་ནེ་ཚོ་སྤྱོད་གསལ་གྱི་སྐབས་རྫོགས་པར། ཨེ་མའོ་འདི་ལྟར་ཁྱོད་མཁས་པ་ཤ་སྟག་དང་ཕྲད་པ་ནི་བསོད་ནམས་དང་ལྡན་ནོ། །ཞེས་པ་ནས། བམ་པོ་བཞི་བཅུ་རྩ་གསུམ་པའི་སྟོད་དུ། སྤྱིའི་སྡོམ་ནི། དགེ་སློང་མའི་བཀུར་སྟི་བྲི། ཞེས་པའི་བར་བམ་པོ་དགུ་ཆད་པ་བསབས། དེའི་འོག་ཏུ་སྡོམ་ཚིག་ཡིག་ཚར་གཅིག་ཆད་པ་བསྐངས། བམ་པོ་བཞི་བཅུ་རྩ་དྲུག་པའི་མཇུག་།བྲམ་ཟེའི་ཁྱེའུ་མ་སྡུག་གི་གཏམ་འཕྲོར། དགེ་སྦྱོང་རྣམས་ཀྱི་ཡོན་པོའི་སྤྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །ཞེས་པ་ནས། བམ་པོ་བཞི་བཅུ་རྩ་བརྒྱད་པའི་དབུར་དེའི་ཚེ་བྲམ་ཟེ་པད་མའི་སྙིང་པོ་ཁྱིམ་མཆོག་གི་ས་མཐོན་པོ་ཞིག་ན་ཤས་ཆེ་བའི་བྲམ་ཟེ་རྒན་རབས་རྣམས་དང་ལྷན་ཅིག་འདུས་ཤིང་འཁོད་དོ། །ཞེས་པའི་བར་བམ་པོ་བཞི་བཅུ་རྩ་བདུན་པ་བསབས་</font><hr>Da509a<br><font size=+2>


༄#། །དེ་ནས་བམ་པོ་ལྔ་བཅུ་པའི་མཇུག་།ཀུན་དགའ་བོ་ལ་གདམས་པར། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང ། སྐྱབས་གཞན་གྱིས་ནི་མ་ཡིན་ནོ། །ཞེས་པ་ནས། བམ་པོ་ང་གཉིས་པའི་སྟོད་དུ། བར་སྡོམ་ནི། ཙ་པ་ལ་དང་ཚེའི་འདུ་བྱེད་མཛད། ཀྱི་བར་བམ་པོ་གཅིག་བསྐངས་ཏེ། སྤྱིར་བསྡོམས་ན་བམ་པོ་བཅུ་གཉིས་དང ། སྡོམ་ཚིག་ཡིག་ཚར་གཉིས་ཚད་པ་བསྐངས་པ་གང་ཡིན་པ་དེ་ཉིད། གངས་ཅན་གྱི་རྒྱུད་ཀྱི་གནས་བརྟན་ཆེན་པོ་སྡོམ་བརྩོན་མཁས་པ་རྣམས་ཀྱི་གཙུག་གི་ནོར་བུར་གྱུར་ཅིང ། འདུལ་བ་དང ། མདོ་སྡེ་དང ། སྡེ་སྣོད་ཀྱི་མ་མོ་འཛིན་པ་ཤཱཀྱའི་དགེ་སློང་ཤེས་བྱའི་ནམ་མཁའ་ལ་མཁྱེན་པའི་དཀྱིལ་འཁོར་རྒྱས་ཤིང ། སྙན་གྲགས་ཀྱི་འོད་ཟེར་གྱིས་ཕྱོགས་ཀུན་ཏུ་ཁྱབ་པར་གྱུར་པ་མཆིམས་ཐམས་ཅད་མཁྱེན་པས་ལ་སྟོད་འོལ་རྒོད་ཀྱི་གཙུག་ལག་ཁང་ནས་དཔེ་ཕྱི་གདན་དྲངས་ནས། བསྟན་པའི་འབྱུང་གནས་དཔལ་སྣར་ཐང་གི་གཙུག་ལག་ཁང་དུ་ལུང་སྡེ་བཞི་ཚང་ལ་དག་པར་བཞེངས་པའི་དཔེ་ལ་གཏུགས་ཏེ་ཞུས་དག་བགྱིས་སོ། །ལོ་རྒྱུས་འདི་ལུང་ཕྲན་ཚེགས་ཀྱི་གླེགས་བམ་ལ་ཤིན་ཏུ་གཅེས་པས་སུས་ཀྱང་མི་འདོར་བར་ཐུགས་ཚིས་མཛད་པར་ཞུ།། །། </font><hr>

</table>