རྒྱ་གར་སྐད་དུ། ཨཱརྱ་ལོ་ཧ་དུཎྜ་ནཱམ་དྷཱ་ར་ཎཱི། བོད་སྐད་དུ། འཕགས་པ་ལྕགས་མཆུ་ཞེས་བྱ་བའི་གཟུངས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་ཡུལ་མ་ག་དྷ་ན་རྒྱུ་ཞིང་ཨ་མྲའི་ཚལ་དུ་གཤེགས་ཏེ་བྱོན་ནས་ཨ་མྲའི་ཚལ་དུ་ལུས་འཕགས་རིའི་དབང་པོའི་བྲག་ཕུག་ན་བཞུགས་སོ། །དེ་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས། ལྷ་མ་ཡིན་རྣམས་དང ། མི་རྣམས་ནི། བསྟན་པ་ལ་གནོད་པར་བགྱིད་པ་སྟེ། བཅོམ་ལྡན་འདས། ལྷ་མ་ཡིན་དང ། འཁོར་དུ་མི་གཏོགས་པའི་བསྟན་པ་ལ་ཡུན་རིང་བར་གནོད་པའི་ཕྱིར་རྒོལ་བའི་དགྲ་ལགས་ན། དེ་ལ་བཅོམ་ལྡན་འདས་ཀྱིས་ཞི་བས་མི་འདུལ་ན། བདག་ལ་དྲག་པོས་འདུལ་བའི་ཆོས་བསྟན་དུ་གསོལ། ཐེག་པའི་ཆོས་དགྲ་སྲུང་དུ་གསོལ།་དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ལྷའི་དབང་པོ། ཁྱོད་ཀྱིས་ཐམས་ཅད་ལ་མི་འཇིགས་པ་སྦྱིན་བའི་ 381a ༄#། །ལྕགས་མཆུའི་གཟུངས་མ་རུངས་པ་འཇོམས་པ། དོན་ཐམས་ཅད་བྱེད་པ། དམ་བའི་ཆོས་སྲུང་བ། འཇིགས་པ་ཐམས་ཅད་རབ་ཏུ་ཞི་བར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། དུག་ཐམས་ཅད་འཇིལ་བ། མཚོན་ཐམས་ཅད་རེངས་བར་བྱེད་བ། ཐེག་བའི་ཆོས་དགྲ་སྲུང་པ། རྐང་མེད་དང ། རྐང་གཉིས་དང ། རྐང་བཞི་ཐམས་ཅད་རེངས་པར་བྱེད་པ། རྐང་གཉིས་ཐམས་ཅད་སྐྲག་ཏུ་འཇུག་པ། དགྲ་ཐམས་ཅད་ཕུང་བར་བྱེད་པ། ལྷ་མ་ཡིན་དང ། ནམ་མཁའ་ལྡིང་དང ། སྦྱིན་བྱེད་མའི་བུ་དང ། ཤ་ཟ་དང ། བརྗེད་བྱེད་དང ། སྨྱོ་བྱེད་དང ། བྲམ་ཟེའི་སྲིན་པོ་དང ། འབྱུང་པོ་དང ། རོ་ལངས་དང ། བྱའི་གདོན་དང ། སྲུལ་པོ་དང ། ནམ་གྲུ་དང ། གནོན་པོའི་གདོན་དང ། གནོན་པོ་དང ། བརྗེད་བྱེད་ཀྱི་གདོན་དང ། ལྷའི་གདོན་དང ། ཀླུའི་གདོན་དང ། གནོད་སྦྱིན་གྱི་གདོན་དང ། དྲི་ཟའི་གདོན་དང ། མིའམ་ཅིའི་གདོན་དང ། ལོག་འདྲེན་གྱི་གདོན་དང ། མ་མོའི་གདོན་ཕུང་བར་བྱེད་པ། ཟས་ཀྱི་རིགས་མི་མཐུན་པ་ཟ་བ་ཕུང་བར་བྱེད་བ། རིམས་ནད་ཐམས་ཅད་དང ། རླུང་ལས་གྱུར་པ་དང ། མཁྲིས་པ་ལས་གྱུར་པ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པ་དང ། འགྲོ་བ་དྲག་ཤུལ་དུ་སྤྱོད་པ་ཕུང་བར་བྱེད་པ། འཐབ་པ་དང ། རྩོད་བ་དང ། འཚང་འབྲུ་བ་ཐམས་ཅད་རབ་ཏུ་ཞི་བར་བྱེད་པ་ལྕགས་ཀྱི་མཆུའི་གཟུངས་ 381b ནམ་མཁའ་ལྡིང་དྲག་པོའི་གཟུངས་འདི་ཟུངས་ཤིག་།བསྟན་པ་ལ་གནོད་པ་སྐྲག་པར་བྱེད་པ། ཆར་དྲག་པོ་དང ། སེར་བ་དྲག་བོ་འབེབས་པར་བྱེད་པའི་གཟུངས་བརྗོད་པར་བྱའོ། །ཏདྱ་ཐཱ། ཨེ་ཧེ་མེ་ཏེ། པྲ་མེ་ཏ་ཏྲ། གོ་ལེ་བོ་ལེ་ལེ་བོས་སོ། མོཏྟེ་པ་ད་ཏེ། ཁཱ་རཏྟེ། ཁཱ་ར་ཎེ། གཱ་ནཱ་གཱ་ནེ། ནཱ་ག་པུ་ག་ཎེ། མོ་ནེ་པྲ་ཧཱི་མོ་ནེ། ཀཱ་ལི་པྲ་ཀཱ་ལི་ཙཎྜེ། མཧཱ་ཙཎྜེ། པྲ་ཏི་ཙཎྜེ། བེ་གེ་སོ་ན། གོ་ནཱ་མོ་ཧཱ། པྲ་མོ་ཧཱ། མཧཱ་མོ་ཊཱ། པྲ་མོ་ཧཱ། ནཱ་ཤ་ནི། པྲ་ནཱ་ཤ་ནཱ་དྷི་པྲ་ཏི། བལ་གཱ་ནི། པྲ་བ་ལ་གཱ་ཎི། ནིད་དྱ་ཎི། པཱ་ཎི་ཋཱ་ནི། ཀྲོ་དྷ་ནི། པྲ་ཏི་ཀྲོ་དྷ་ནི། ཧ་ན་ཧ་ན། བི་ཧ་ན་བི་ཧ་ན། སརྦ་དུཥྤྲ་པྲ་དུཥྚཱན། ནཱ་ཤ་ཡ་སརྦ་ཨ་བྷ་ཡ་པྲ་དེ་ཧཱུཾ་ཕཊ། སྔགས་འདི་བརྗོད་པ་ཙམ་གྱིས་ཕྱོགས་བཅུ་ཀུན་ཏུ་གཡོས། ཀུན་ཏུ་རབ་ཏུ་གཡོས། འགུལ། རབ་ཏུ་འགུལ་ལོ། །གནོད་པ་ཐམས་ཅད་ཁ་བུབ་ཏུ་བརྒྱལ་ལོ། །སྐེ་ཚེ་དང ། ཉུངས་ནག་ཏུ་བསྲེས་ལ་ཆུ་བོ་དང ། རྒྱ་མཚོ་དང ། རི་བོ་ལ་གཏོར་རོ། །དེ་ཕྱིན་ཆད་ཆར་འབེབས་པར་བྱེད་དོ། །ཡང་ཆུ་བོ་དང ། རྒྱ་མཚོ་དང ། ཆུ་མིག་དང ། རྫིང་བུ། ལུ་མ། འབབ་ཆུ་གཉན་རྒུར་བུ་རམ། སྦྲང ། ཤིང་མངར། ཤ་ཀ་ར། ཀླུ་སྨན་སྣ་ཚོགས་འོ་མ་ལ་བསྔགས་ལ་གཏོར་རོ། །དེའི་ཕྱིར་སེར་བ་ཆེན་པོ་འབེབས་སོ། ། ཡིད་ཟློས་བགྱིས་ཏེ་སྤྲིན་ལ་བལྟས་ལ་ལྷ་ཕྱག་བྱ་ཞིང་བཟླས་ན། ཇི་ལྟར་འདོད་པའི་སེར་བ་ཆེན་པོ་འབབ་པར་འགྱུར་རོ། །ཤེས་རབ་ཅན་གྱིས་འཕགས་པ་ལྕགས་ཀྱི་མཆུའི་གཟུངས་ 382a ༄#། །འདི་ཟུངས་ཤིག་།ཆོངས་ཤིག་།རྗོད་ཅིག་།གཞན་ལ་མ་སྤེལ་ཅིག། སྦོས་ཤིག་།ཐུན་མོང་དུ་མིན་ནོ། །རྒྱ་མཚོའི་ཆུ་རྔོ་བཞིན་མི་མངོན་པར་སྦོས་ཤིག ། གཞན་གྱིས་མི་ཐུབ་པའི་དྲག་པོའི་གཟུངས་འཐབ་པའམ། རྩོད་པའམ། འགྱེད་པའམ། གང་དུ་འགྲོ་ཡང་རུང་སྟེ། ཐམས་ཅད་དུ་རྒྱལ་བར་འགྱུར་རོ། །རྒྱལ་མཚན་གྱི་རྩེ་མོ་ལ་བྱང་བུ་གཟུགས་སོ། །སྔགས་པ་རིགས་ཀྱི་བུའམ། རིགས་ཀྱི་བུ་མོ་གང་དང་གང་གིས་ཡིད་རྩེ་གཅིག་ཏུ་བྱའོ། །དགེ་སློང་ཕ་དང ། དགེ་སློང་མ་དང ། དགེ་ཚུལ་ཕ་དང ། དགེ་ཚུལ་མའམ། དགེ་བསྙེན་ཕའམ། དགེ་བསྙེན་མ་གང་ཡང་རུང་བ་བསྟན་པ་ལ་གནོད་པ་བཟློག་པའི་ཕྱིར་ཡིད་ལ་ཟུངས་ཤིག་།ཆོངས་ཤིག་།དེ་སྐད་ཅེས་བཅོམ་ལྡན་འདས་ཀྱིས་བཀའ་སྩལ་པ་དང ། ལྷའི་དབང་པོ་བརྒྱ་བྱིན་དང ། ལྷ་མ་ཡིན་དང ། དྲི་ཟར་བཅས་པའི་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ལྕགས་མཆུ་ཞེས་བྱ་བའི་གཟུངས་རྫོགས་སོ།། །། |