༄#། །ལྷ་མོ་ནམ་གྲུ་ལ་བསྟོད་པ། དཀོན་མཆོག་གསུམ་ལ་ཕྱག་འཚལ་ལོ། །འཕགས་པ་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །ལྷ་མོ་ཆེན་མོ་རེ་མ་ཏི་ལ་ཕྱག་འཚལ་ལོ། །ནམ་གྲུ་དག་གི་ཆོ་འབྲང་དང ། །མཚན་ཉིད་དག་ནི་བཤད་བྱ་ན། ། ནོར་བུའི་རང་བཞིན་ཁྱོད་ཀྱི་ལུས། རྒྱབ་ནི་འཛམ་བུ་ཆུ་བོའི་གསེར། །ཁྱོད་ཀྱི་གདོང་ནི་དངུལ་ཡིན་ཏེ། །ལྟོ་བའི་ངོས་ནི་རྡོ་རྗེས་བལྟམ། །མིང་པོ་མཛོད་དང་མཛོད་བདག་པོ། །ཁྱོད་ཀྱི་མ་ནི་ཀུན་འགྲོ་མ། །ཁྱོད་ཀྱི་ཕ་ནི་རླུང་ཞེས་བྱ། །སྐལ་ལྡན་ 102-1-256a ཤིང་རྟ་ཁྱོད་ཀྱི་རུས། །ལྷ་ཡུལ་དག་ཏུ་གྲགས་པ་ཡིན། །ན་མོ་བཛྲ་པཱ་ཎི་སྱ། ཙི་ལི་ཙི་ལི། །བྷིནྡི་བྷིནྡི། །མུཉྩ་མུཉྩ་མུཉྩ་ཧ་བ་ལ་ཀ་ན་སཝཱ་ཧཱ། བཛྲ་བཱ་ཎི་རཱ་ཛྙཱ་པ་ཡ་ཏི་སཝཱ་ཧཱ། །དེ་བ་ས་མཱ་ཛྙཱ་པ་ཡ་ཏི་སཝཱ་ཧཱ། །རྀ་ཥ་ཡཿ ས་མཱཛྙཱ་པ་ཡ་ ཏི་སཝཱ་ཧཱ། །ན་མོ་རཏྣ་ཏྲ་ཡཱ་ཡ། །ཏབྱཐཱ། །རུ་རུ་བི་ཥིཥྠ་བདྷོཏྶི་སཝཱ་ཧཱ། །འདོད་པ་ཁམས་ཀྱི་དབང་ཕྱུག་མ། བདུད་ཀྱི་ཡུམ་ཆེན་མོ། །ལྷ་མོ་ཆེན་མོ་རེ་མ་ཏིའི་གཟུངས་རྫོགས་སྷོ།། །། ་་ |