༄#། །རྒྱ་གར་སྐད་དུ། ས་མཱ་ཛ་པ་ར་སཱ་རྠ་སརྦ་ཀ་རྨོད་ཡ་ནཱ་མ་ཧཱ་རཱ་ལོ་གི་ནཱི་ཏནྡྲ་རཱ་ཛ། བོད་སྐད་དུ། ཕྲིན་ལས་ཐམས་ཅད་འབྱུང་བའི་སྒྲོལ་མང་འདུས་པ་དོན་དམ་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ། སྒྲོལ་མ་ལ་ཕྱག་འཚལ་ལོ། །དེ་ནས་དངོས་གྲུབ་ ཐམས་ཅད་ནི། །རབ་ཏུ་སྒྲུབ་བྱེད་བཤད་པར་བྱ། །བུད་མེད་བྱེ་བ་ཕྲག་བརྒྱ་ཡང ། །བདག་ལ་དད་པས་འདུད་པར་བྱེད། །ལྷ་དང་ལྷ་མིན་རིག་འཛིན་དང ། །མི་ཡི་གཙོ་བོ་དབང་དུ་བྱེད། །ཉི་མ་ཟླ་བ་དང་མཚུངས་ཤིང ། །མཁའ་ལྡིང་རྒྱལ་པོས་རྣམ་པར་འདུད། །ཀླུ་རྣམས་སྡིགས་ པར་བྱེད་པ་དང ། །མིད་ང་མི་མིན་གང་གི་ཡང ། །བུ་མོ་ཐམས་ཅད་འཛག་བྱེད་པ། །སྐྱེས་པ་གཅིག་གིས་འདོད་ཆེན་གྱིས། །མི་ཡི་བུ་མོ་ཁྲི་ཕྲག་དང ། །ཉིན་རེ་ལྷ་དང་ལྷ་མིན་མོ། །བུད་མེད་འབུམ་ཕྲག་ཟིལ་གནོན་པ། །ཁུ་བར་རེངས་བའི་བྱེད་པ་ལས། །གཅིག་གིས་ ཐམས་ཅད་འདོད་སྤྱོད་པ། །རྡོ་རྗེར་བྱེད་པ་རབ་ཏུ་བཤད། །འཇིགས་པ་ཀུན་ལས་ཐར་པ་དང ། །བསྐལ་བ་ཆེན་པོར་ཚེ་ཡང་གནས། །མཁའ་ལ་འགྲོ་དང་མི་སྣང་དང ། །རི་ལུ་ལ་སོགས་རིག་འཛིན་དང ། །བཅུད་ཀྱི་ལེན་དང་གནོན་སྦྱིན་མོ། །རབ་ཏུ་སྒྲུབ་བྱེད་སྔགས་ཆེན་པོ། ། ཁག་ཁྲིག་བཅུ་གཉིས་འཁའ་འགྲོ་མ། །འབྱུང་པོ་བྱེ་བ་མཐུ་ཆེན་དང ། །གྲོང་འཁྱེར་གསུམ་འཛོམས་ཚངས་སོགས་ལྷ། །མངག་གཞུག་ཉིད་དུ་བྱེད་པར་འགྱུར། །འདས་པའི་དུས་ན་རྡོ་རྗེ་ཅན། །སངས་རྒྱས་དབུགས་དབྱུང་དཀྱིལ་འཁོར་སྤྲུལ། །བདེ་མཆོག་བདེ་མཆོག་ དགོས་རྡོ་རྗེ། །ཡིད་བདེ་ཐིགས་ལེ་ལ་སོགས་བསྟན། །འབུམ་ཕྲག་བརྒྱ་བ་སྒྲོལ་མ་ཡི། །སྔགས་ཀྱི་རྒྱལ་པོ་སྔོན་བཤད་པ། །རྫོགས་ལྡན་དུས་སུ་མི་རྣམས་སྤྱོད། །དེ་ནས་འབུམ་ཕྲག་དྲུག་པ་བཤད། །དེ་ཡང་ནུབ་ནས་ཁྲི་གཉིས་སྤྱོད། །ཕྱི་མའི་དུས་སུ་བཤད་པ་ ཡིན། །དེ་ཡི་སྙིང་པོ་རྩོད་དུས་འདིར། །གཡོན་པས་སྤྱོད་པས་རྣམས་སྤྱོད་པས། །ངེས་བརྗོད་འབུམ་གྱི་རྗེས་འབྲང་བ། །སླར་ཡང་རྒྱུད་འདི་སྣང་བ་འགྱུར། །ངེས་པ་འདོད་ཆགས་ཆགས་ཆེན་འདིས། །འདོད་ལྡན་རྣམས་ལ་བྱང་ཆུབ་སྟེར། །སངས་རྒྱས་ཕྲིན་ 81-1-287a ལས་ཐམས་ཅད་འབྱུང ། །དམ་ཚིག་སྒྲོལ་མ་ཞེས་བྱའི་སྔགས། །འཁའ་འགྲོ་མ་ཀུན་འདུས་པ་ལས། །དམ་པའི་དོན་ཡང་འགྲུབ་པའོ། །དེ་ནས་བཅོམ་ལྡན་འདས་མ་དམ་ཚིག་སྒྲོན་མས་རིག་སྔགས་ཀྱི་རྒྱལ་མོ་འདི་གསུངས་སོ། །ོཾ་ཏཱ་རེ་ ཏུཏྟཱ་རེ་ཏུ་རེ་སཝཱ་ཧཱ། འདི་ནི་དངོས་གྲུབ་ཐམས་ཅད་བྱེད་པའོ། །ོཾ་ཀུ་རུ་ཀུ་ལླེ་ཧྲཱིུཿ སཝཱཧཱ། ཀུ་རུ་ཀུ་ལླེའོ། །ོཾ་ཏཱ་རེ་ཏུཏྟཱ་རེ་ཏུ་རེ་ཧཱུཾ་ཕཊ། སྙིང་པོའོ། །ོཾ་ཏཱ་རེ་སཝཱ་ཧཱ། གསུང་སྐུལ་བ་མྱེད་པའོ། །ོཾ་ཨཱཿ ཏཾ་ཧཱུཾ། ཐུགས་སྤྲུལ་བ་བྱེད་པའོ། །ན་མོ་རཏྣ་ཏྲ་ཡཱ་ཡ། ་ན་མོ་ ཱ་རླ་ཨཱ་བ་ལོ་ཀི་ཏེ་ཤྲ་རུ་ཡ། པོ་དྷི་སརྦཱ་ཡ། མ་ཧཱ་སཝཱ་ཏྭ་ཡ། མ་ཧཱ་ཀ་རུ་ཎཱི་ཀཱ་ཡ། ཏ་ངྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྚཾ། པྲ་དུཥྚཾ། མ་མ་ཀྲྀ་ཏེ། ཛམྦྷ་ཡ། སྟཾ་བྷ་ཡ། མོ་ཧཱ་ཡ། བནྡྷ་ཡ། ཧཱུཾ་ཧཱུཾ་ཧྱཾ། ཕཊ་ཕཊཕཊ། སརྦ་དུཥྚཾ་སྟཾ་བྷ་ནི་ཏཱ་རེ་སཝཱ་ཧཱ། འདི་ནི་ལས་ ཐམས་ཅད་བྱེད་པའོ། །མཾ་མཾ་པཾ་ཏཾ་ཧཱུཾ། ལྷ་མོ་ལྔའིའོ། །ོཾ་ཨཱ་ར་ལླྀ་བྷྱོ་བྷྱོ་ཧ་ཧ་ཧ་ཧ་སི་སི་སི་སི། ཞེས་པ་ནི་ཧེ་རུ་ཀའི་སྔགས་སོ། །ོཾ་ཨཱ་རལླྀར་གི་ཕེཾ་ཕེཾ་ཕེཾ་བྷྱོ་སཝཱ་ཧཱ། ཞེས་པ་ནི་སྔགས་གཉིས་པའོ། །ོཾ་བཛྲ་པཱ་རཱ་ཧཱི་ཨཱ་བེ་ཤ་ཡ་སརྦ་ཛྭ་ར་ཎ་ཧྲཱིཿ སཝཱ་ཧཱ། རྡོ་རྗེ་ཕག་མོའོ། ། ོཾ་མ་རི་ཙྱེ་མ་སཝཱ་ཧཱ། འོད་ཟེར་ཅན་མའིའོ། །ོཾ་ཧྲིཾ་ཏྲཱིཾ་ཧཱུཾ་ཕཊ། རལ་པ་གཅིག་མའིའོ། །ོཾ་སཝཱ་ཧཱ། ་ཞི་བར་བྱེད་པའོ། །ོཾ་ཨོཾ། རྒྱས་པར་བྱེད་པའོ། །ོཾ་བཱ་ཥ་ཊ་ཧོ། དབང་དུ་བྱེད་པའོ། །ོཾ་ཕཊ། གསོད་པ་བྱེད་པའོ། །སཝཱ་ཧཱ། ལཾ། ལཾ། ལཾ། ཧྲཱིཿ ་ཛཿ ཕཊ། ཕཊ། ཅེས་པ་ནི་ལས་བརྒྱད་བྱེད་པའོ། ཛཿ ཧཱུཾ་[(]བཾ་[,]བཾ[)]ཧོཿ ། འགུགས་པ་བྱེད་པའོ། །ོཾ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སཝཱ་ཧཱ། སྲུང་བའིའོ། །སྤ་ར་ཎ་ཕཊ། སྤྲོ་བའིའོ།། ཨོཾ་ཨ་ཀྲོདྷཻ་ཀ་ཡ་མཱནྟཱ་ཀ་ཧཱུཾ། གཤིན་རྗེ་གཤིན་ཀྱིའོ། །ོཾ་ན་མོ་ཨ་ཙ་ལ་ཀཱ་ན་ཙེཊྚཱ་ཙེཊྚཱ་ཙེཊྚཱ་ཙེ་ཊྚཱ་ ཏུཊྚ་ཏུཊྚ་གྷ་གྷ་གྷཱ་ཏ་ཡ་ཧཱུཾ་ཕཊ། གཏམ་པོའིའོ།། ཨོཾ་པདྨཱནྡ་ཀྲྀཏ་བཛྲ་ཀྲོ་དྷ་བྷ་ཧ་ཡ་གྲཱི་བ་ཧཱུཾ་ཧུ་ལུ་ཧུ་ལུ་ཧཱུཾ་ཕཊ། རྟ་མགྲིན་གྱིའོ།། ན་མཿ སམནྟ་བུངྡྷེ་བྷོ། ན་མོ་མཱ་ཧཱ་བཛྲ་ཀྲོདྷཱ་ཡ། མ་ཧཱ་བྷྲོ་ཏཱ་ཊ་བྷེེ་ར་དཱ་བཱ་ཡ། བཛྲ་སནྡོ་ཏད་ངྷ་ཡ། ཨོཾ་ཨ་མྲྀ་ཏ་ཀུཎྜ་ལི་ཧཱུཾ་ཕཊ།) 81-1-287b བདུད་རྩི་འཁྱིལ་པའི་འོ།། ཨོཾ་ཧཱུཾ་ཤྲི་ཡ་དེ་བཱི་ཀཱ་ལཱི་ཀཱ་ལཱི་མཱ་ཧཱ་ཀཱ་ལཱི་ཧཱུཾ་བྷྱོ། ་ཨོཾ་མཱ་ཧཱ་ཀཱ་ལཱི་ཀ་ར་ལཱི་བིཀྲནྡ་ཀཱ་ལ་རཱ་ཏཱི་ཅནྜ་རུ་པིཎཱི་ཧཱུཾ་ཕཊ། ལྷ་མོ་ནག་མོའི་སྔགས་སོ། །ོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷཱནཱ་མྟ་ཧཱུཾ་ཕཊ། ་ཕུར་བུས་གདབ་པའི་འོ། །སྔགས་ཀྱི་ལེའུ་སྟེ་ དང་པོའོ།། །།དེ་ནས་བཅོམ་ལྡན་འདས་མའི་ཐུགས་ཀ་ནས་ཞགས་པ་དང་ལྕགས་དཀྱུའི་ཚོགས་སྤྲོས་ཏེ། ན་མཿ སནྟ་ཀཱ་ཡ་པཱ་ཀྩིཊྚ་བཛྲཱཎཱཾ་ཨོཾ་ཊཀྐི་ཧཱུཾ་ཛཿ ་ཞེས་པའི་སྔགས་འདི་ཕྱུང་ངོ། །གདུག་པ་ཐམས་ཅད་བཀུག་ནས་ཀྱང ། །ནམ་མཁའི་དབྱིངས་ སུ་སྐྱེལ་ནས་ནི། །རྡོ་རྗེ་ཕུར་བའི་ཚོགས་སྤྲོས་ནས། །གནས་ལྔ་དག་ཏུ་ཕུར་བུས་བཏབ། །བདུད་རྩི་འཁྱིལ་བ་ཁྲོ་བོ་ཆེ། །རྡོ་རྗེ་ཕུར་བུ་སྐུལ་བར་མཛོད། །སྟོང་གསུམ་དག་གི་ཁོར་ཡུག་ལ། །བགེགས་རྣམས་ཐམས་ཅད་འཆིང་བར་མཛད། །ོཾ་ལཾ་སྟྭ་མྦྷ་ཡ་ལཾ། གྲོག་མཁར་ས་ལ་གཟིགས་བྱས་ནས། །རྐང་པ་གཡས་པས་མནན་བུས་\ུ0f7\ུ0f9ལ། །མི་རུས་ལས་སྐྱེས་ཕུར་བུ་ཡིས། །བཏབ་ན་དེ་ཡི་མོད་ལ་འཆི། །སྦྲུལ་དང་སེངྒེ་གླང་པོ་དང ། །རྐུན་པོའི་ཡན་ལག་དག་ལ་གདབ། །འདི་ཡི་གདུག་ཅིང་སྡང་སེམས་ལྡན། །ལོག་ འདྲེན་དག་ལ་གདབ་པར་བྱ། །ཡེ་ཤེས་པདྨ་ཁ་ཕྱེ་ནས། །རྡོ་རྗེ་ཕུར་བུའི་ཁ་སྦྱོར་བས། །རང་རང་རིགས་ཀྱི་མགོ་བོ་བཅས། །རྡོ་རྗེ་སེམས་སོགས་སྔགས་ལ་གདབ། །འདི་ཡིས་རྡོ་རྗེ་འགྲུབ་པར་འགྱུར། །རྡོ་རྗེ་ཕུར་བུས་བཏབ་པ་ན། །ཕུང་པོ་རབ་ཏུ་འཇིག་པ་དང ། ། རྡོ་རྗེ་གནས་ཀྱང་ཐོབ་པར་འགྱུར། །ཞེས་གསུངས་སོ། །དེ་ལ་འདི་ནི་རྣལ་འབྱོར་ཆེན་པོའི་དམ་ཚིག་གོ། །ཟླ་བ་ཉི་མའི་རླུང་གི་དབུས། །རང་སྔགས་ས་བོན་བསྒོམ་པར་བྱ། །ལྷ་ཡི་དེ་ཉིད་དམིགས་གྱུར་ན། །བཅུ་དྲུག་པ་ལ་དེ་འགྲུབ་འགྱུར། །སེམས་ནི་ནམ་ མཁའ་གྱུར་པ་ལ། །ཟླ་བ་ཉི་མ་ནུབ་པ་དང ། །མིན་པའི་ཡེ་ཤེས་ཐིམ་པ་ན། །རྡོ་རྗེ་ལྷ་ནི་འགྲུབ་པར་འགྱུར། །ཡང་ན་རྡོ་རྗེའི་རྟུལ་ཞུགས་ཀྱིས། །ལུས་ཀྱི་དྲི་མ་རབ་སྦྱངས་ནས། །ཡེ་ཤེས་ཆེན་པོ་རང་སྔགས་ལྷ། །ཟླ་བ་ཉ་ལ་འགྲུབ་པར་འགྱུར། །རང་ 81-1-288a སྔགས་ས་བོན་འོད་ཟེར་གྱིས། །རྡོ་རྗེ་གུར་སོགས་བརྟག་པར་བྱ། །འཇིགས་པ་བརྒྱད་ལས་བསྲུང་པ་དང ། །ལུས་མེད་རྣམས་ཀྱིས་ཀྱང་མི་མཐོང ། །སྤུ་ལས་ནད་རྣམས་སྤྲེའུ་འམ། །ཁྱི་དང་འདྲ་བར་རབ་ཏུ་དབྱུང ། །ཡེ་ཤེས་སེམས་དཔའི་ དམ་ཚིག་འདིས། །རྡོ་རྗེས་མཚོན་ཆས་བསྣུན་པར་བྱ། །ནམ་མཁའི་དབྱིངས་ཀྱི་དབུས་སུ་ནི། །ཡེ་ཤེས་མེ་དཔུང་དཀར་པོ་བསམ། །སེམས་ཅན་ཁམས་ནི་མ་ལུས་པའི། །གནས་ལས་མེ་ནི་འབར་བ་བསྒྲུབས། །མཚམས་མེད་ལྔ་དག་བྱེད་པ་ཡང ། །གཙང་མའི་ གནས་སུ་འགྲོཔ་བར་བྱ། །སྡིག་པ་རྡོ་རྗེའི་ཡེ་ཤེས་འདིས། །སྐད་ཅིག་གིས་ནི་དཔལ་ལྡན་འགྱུར། །ལྟེ་བའི་དབུས་སུ་རེག་པ་སམ། ། ནི་མཆོག་ཏུ་ཕྲ་བ་སྟེ། །མི་འགྱུར་ཉམས་དགའ་བདེ་བའི་གནས། །མི་ཤིགས་ཚངས་པ་འགྲུབ་པའི་འགྱུར། །རང་སྔགས་ ཧཱུཾ་དང་ཡི་གེ་ཨོཾ། །རྡོ་རྗེ་ཨཱཿ ཡིག་བསམ་པར་བྱ། །རླུང་གི་དེ་ཉིད་རབ་གྲུབ་ནས། །མི་འགྲོ་དྲག་པོའི་ངག་ཏུ་འགྱུར། །འོད་ཟེར་རྣམ་ལྔ་སྙིང་གར་གནས། །པདྨས་རྡོ་རྗེར་བྱེད་པ་སྟེ། །ཡེ་ཤེས་ཁྱབ་འཇུག་རྒྱལ་པོར་འགྱུར། །དེ་ནས་ རྡོ་རྗེ་སྙིང་པོ་ལ་སོགས་པ་རྣལ་འབྱོར་གྱི་དབང་ཕྱུག་རྣམས་ཀྱིས་གསོལ་བ། བཅོམ་ལྡན་འདས་མ་འདི་ཅི་ཞིག་ལགས། ལྟེ་བ་ལས་ནི་རླུང་ཁམས་འབྱུང ། །ཅི་ཕྱིར་ལུས་ཀྱི་ཆོས་སུ་འགྱུར། །བདུད་ལས་འདས་པའི་ལམ་བསྒོམས་པས། །ཇི་ལྟར་ཚངས་པ་ལ་སོགས་འགྱུར། ། པདྨས་རྡོ་རྗེ་འབྱེད་བྱེད་ཅི། །འདི་དག་ཅི་ཕྱིར་འགལ་མི་འགྱུར། །དམ་ཚིག་དེ་ཉིད་མཁྱེན་པས་གསུངས། །ཉོན་ཅིག་རྡོ་རྗེ་ཇི་བཞིན་ཉོན། །ལུས་ནི་གཞན་དག་ཡོད་མ་ཡིན། །སེམས་ཀྱི་རང་བཞིན་རྣམ་གཡོ་བ། །དེ་ལས་འཁྲུལ་བའི་ལུས་པོ་འབྱུང ། །ལྟེ་བ་སྤུ་ཞེས་བཤད་པ་སྟེ། །དེ་དག་དེ་ལས་བྱུང་བ་ ཡིན། །བྲམ་ཟེ་མོ་ལ་འདོད་སྤྱོད་པ། །རྡོ་རྗེ་སྐུ་རུ་འགྱུར་བའོ། །རླུང་གིས་སྨྲ་བར་བྱེད་པའི་ཕྱིར། །རྡོ་རྗེ་ངག་སྟེ་དེ་ཉིད་བརྗོད། །དབྱངས་མཁན་བུ་མོས་དམ་ཚིག་གིས། །རྡོ་རྗེའི་གསུངས་དུ་འགྱུར་བ་ཡིན། །འཁྲུལ་པས་གཉིས་སུ་རྟོག་པའི་སེམས། །ཐིག་ལེ་འདི་ལས་འགྱུར་བའི་ཕྱིར། ། 81-1-288b མིག་མཛེས་གཡུང་མོའི་དམ་ཚིག་གིས། །རྡོ་རྗེ་ཐུགས་སུ་འགྱུར་པའོ། །ང་ནི་འགྲོ་བས་མི་ཤེས་ཏེ། །ཚངས་པ་ཁྱབ་འཇུག་དབང་ཕྱུག་ཆེ། །འཕྲུལ་ལྡན་ལྷ་ཞེས་འཇིག་རྟེན་རྟོག་།སྐུ་དང་གསུང་ཐུགས་རྡོ་རྗེ་སྟེ། །ཐམས་ཅད་ང་ཡི་རྣམ་པར་འཕྲུལ། །སྐུ་ ཡི་རྡོ་རྗེ་ཚངས་པར་འགྱུར། །གསུང་གི་རྡོ་རྗེ་དབང་ཕྱུག་ཆེ། །འཇུག་སེལ་ཐུགས་ཀྱི་རྡོ་རྗེའོ། །འདི་ནི་ཡང་དག་རྫོགས་སངས་རྒྱས། །སེམས་ཅན་ཁམས་ལ་དབྱེར་མེད་དེ། །དེ་དག་རྣམས་ཀྱི་ལུས་ངག་ཡིད། །མཉམ་གྱུར་ཚངས་ལ་སོགས་པར་སྣང ། །ལུས་ ནི་སྤྲུལ་བའི་འཁོར་ལོ་གནས། །མགྲིན་པ་དེ་བཞིན་རྨི་ལམ་མོ། །གཉིད་ཀྱི་རྣལ་འབྱོར་སྙིང་གར་དགོད། །བདེ་བར་སྤྱི་བོར་མངོན་པར་བརྗོད། །གཞན་ཡང་རྩ་ལྷུག་བརྗོད་པ་དང ། །རི་བོང་སྟག་སོགས་ཆུ་བོ་དང ། །ཉིན་མཚན་ལ་སོགས་དངོས་ཀུན་ཏུ། །སངས་ རྒྱས་གར་མཁན་ཟློས་དར་མཛད། །གཉིད་ལ་རྡོ་རྗེས་རྣམ་སྒོམ་པ། །ཚངས་པའི་དམ་ཚིག་གཏི་མུག་སྤོར། །གཞན་གྱིས་གཉིད་དག་སྤོང་བར་དཀའ། །བུད་མེད་བྲལ་ལ་སྡོམ་བརྩོན་མེད། །འདོད་ལྡན་ཚངས་སྤྱོད་ཆེན་པོ་ནི། །ཞི་བའི་དམ་ཚིག་འདོད་ཆགས་ སྤོང། །ཞེ་སྡང་རྡོ་རྗེར་རྣམ་སྒོམ་ན། །རྨོངས་སེལ་ཁྱབ་འཇུག་དམ་ཚིག་གོ། །གཞན་ལ་བྱམས་པས་སྤོང་བར་དཀའ། །རྣམ་པ་འདི་གསུམ་གསང་ཆེན་པོ། །ལྷ་ཡི་བདེ་བ་སེར་སྣར་བཅས། །བརྩོན་འགྲུས་ཕྲག་དོག་དམ་ཚིག་སྟེ། །གཡོ་སྒྱུས་བདུད་རྣམས་ འདུལ་བྱེད་པ། །དམ་ཚིག་ཤིན་ཏུ་འདའ་བར་དཀའ། །པདྨའི་སྙིང་པོ་བདེ་བ་ཅན། །ཇི་སྲིད་མ་རྙེད་འབྲས་བུ་མེད། །རྡོར་དབྱིངས་དབང་ཕྱུག་རྩ་འདི་ཡིས། །རྡོ་རྗེ་གཉིས་སྤང་འབྱེད་པར་བྱེད། །ཤེས་རབ་རྟོགས་པ་བྱེད་པ་ཐབས། །ཤེས་བར་མེད་པས་ཐབས་ མཁས་མེད། །རྡོ་རྗེས་པདྨ་རྒྱས་བྱེད་ཀྱི། །པདྨས་རྡོ་རྗེ་འབྱེད་པར་བྱེད། །སྤྲུལ་པ་བདེ་ཆེན་འཁོར་ལོས་ཀྱང ། །ཆོས་དང་ལོངས་སྤྱོད་རྣམ་པར་འབྱེད། །དེ་ལྟས་འདི་ནི་གསང་ཆེན་སྟེ། །རྒྱུད་གཞན་དུ་ནི་འབད་པས་སྦས། །དེ་ལ་འདི་ནི་སྐུ་གསུམ་རྡོ་རྗེའི་: 81-1-289a གསང་བའོ། །སེམས་མེད་གནས་དང་འཁྲུལ་སྐྱེད་དང ། །སྔོན་གནས་རྣམ་པར་གསལ་བ་ཡི། །འཇིག་རྟེན་འདི་ལ་སྐུ་གསུམ་གནས། །ཆོས་དང་ལོངས་སྤྱོད་རྫོགས་སྤྲུལ་པའོ། །རང་བྱུང་ངོ་བོ་བརྗོད་མེད་པ། །ཆོས་ཀུན་རང་བཞིན་ཞི་ བ་བརྙེས། །རྐྱེན་ནི་རྣམ་པར་བཀྲ་བ་མཁྱེན། །རྡོ་རྗེ་ཅན་གྱི་ཆོས་སྐུའོ། །མེ་ལོང་གཟུགས་བརྙན་ལྟར་སེམས་འདི། །ཕྲ་ཞིང་ལུས་ནི་རྔུལ་མེད་པ། །སྐད་ཀྱང་སྒྲ་བརྙན་ལྟ་བུ་སྟེ། །དག་པའི་དཀྱིལ་འཁོར་སྣང་བའོ། །སེམས་ཅན་བསམ་པ་ཇི་བཞིན་དུ། ། སྤྲུལ་པ་ཐ་དད་སྣ་ཚོགས་འཇུག་།ལོངས་སྤྱོད་རྫོགས་དང་སྤྲུལ་པ་སྟེ། །གཅིག་གྱུར་འདྲེན་པ་བདེ་བ་ཆེ། །རྩ་ཡི་དྲ་བ་ལྷ་མོ་སྟེ། །དེ་བཞིན་ཁམས་དང་ཉེར་བཅས་པའི། །བུད་མེད་རྣལ་འབྱོར་མའི་དཀྱིལ་འཁོར། །སྤངས་ནས་རི་མོ་སུ་ཞིག་ལེན། །དེ་ལ་ འདི་ནི་རྗེས་སུ་རྣལ་འབྱོར་གྱི་དམ་ཚིག་གོ། །དྲི་མས་སེམས་ནི་མངོན་བསྒོས་པས། །རྣམ་ཤེས་ཡེ་ཤེས་བདག་མི་འགྱུར། །ཐེག་པ་མཆོག་གི་བགྲོད་པའི་གནས། །ཡེ་ཤེས་དབང་མོ་ཉན་པར་མའཚལ། །ཉོན་ཅིག་ཇི་བཞིན་རྡོ་རྗེ་ཉོན། །དངོས་པོ་བདེན་རྫུནརྣམ་ དཔྱད་ན། །རྫུན་པའི་རྡོ་རྗེ་ཡང་དག་མཐོང ། །རང་བཞིན་དག་པའི་དེ་ཁོ་ན། ། ཞེས་བྱ་བ་ནི་མ་སྐྱེས་པའི་གཟུངས་ཀྱི་སྒོའོ། །ཧཱུཾ་ཞེས་བྱ་བ་ནི་ཡེ་ཤེས་དང་ལྡན་པའི་གཟུངས་ཀྱི་སྒོའོ། །ཕཊ་ཀྱི་བྱ་བ་ནི་གདགས་པར་བྱེད་པའི་གཟུངས་ཀྱི་སྒོའོ། །ཏྲཾ་ཞེས་བྱ་བ་ནི་ཉི་མའི་ གཟུངས་ཀྱི་སྒོའོ། །ཱཿ ཞེས་བྱ་བ་ནི་སྨྲ་བ་ཐམས་ཅད་ཀྱི་གཟུངས་ཀྱི་སྒོའོ། །ཧ་ཞེས་བྱ་བ་ནི་འཆི་བ་མེད་པའི་གཟུངས་ཀྱི་སྒོའོ། །ཧྲཱིུ་ཞེས་བྱ་བ་ནི་རྗེས་སུ་ཆགས་པའི་གཟུངས་ཀྱི་སྒོའོ། །ོཾ་ཞེས་བྱ་བ་ནི་འཇིགས་པར་བྱེད་པའི་གཟུངས་ཀྱི་སྒོའོ། །ཁཾ་ཞེས་བྱ་ བ་ནི་ནམ་མཁའ་ལྟ་བུའི་གཟུངས་ཀྱི་སྒོའོ། །ོཾ་ཞེས་བྱ་བ་ནི་བདེ་བ་ཆེན་པོའི་གཟུངས་ཀྱི་སྒོའོ། །ཀྵ་ཞེས་བྱ་བ་ནི་རབ་ཏུ་མི་གནས་པའི་གཟུངས་ཀྱི་སྒོའོ། །ཿ ཞེས་བྱ་བ་ནི་གཉིས་སུ་མེད་པའི་གཟུངས་ཀྱི་སྒོའོ། །ཡ་ཞེས་བྱ་བ་ནི་རྡི་རྗེ་རླུང་སྟེ་གཟུངས་ཀྱི་སྒོའོ། ། 81-1-289b ར་ཞེས་བྱ་བ་ནི་རྡོ་རྗེ་མེ་སྟེ་གཟུངས་ཀྱི་སྒོའོ། །ཝ་ཞེས་བྱ་བ་ནི་རྡོ་རྗེ་ཆུ་སྟེ་གཟུངས་ཀྱི་སྒོའོ། །ལ་ཞེས་བྱ་བ་ནི་རྡོ་རྗེ་ས་སྟེ་གཟུངས་ཀྱི་སྒོའོ། །ཏཾ་ཞེས་བྱ་བ་ནི་རྡོ་རྗེ་སེམས་སྟེ་གཟུངས་ཀྱི་སྒོའོ། །ིཾ་ཞེས་བྱ་བ་ནི་རྡོ་རྗེ་དཔའ་བོ་རྣམས་ཏེ་གཟུངས་ཀྱི་སྒོའོ། །བི་ ཞེས་བྱ་བ་ནི་ནམ་མཁའི་ཁམས་སུ་བྱེད་པ་སྟེ་གཟུངས་ཀྱི་སྒོའོ། ། ཞེས་བྱ་བ་ནི་ཆོས་ཐམས་ཅད་ཀྱི་གཟུངས་ཀྱི་སྒོའོ། །རྣམ་ཤེས་ཡེ་ཤེས་རྣལ་འབྱོར་ཏེ། །དེ་དག་རྡོ་རྗེ་རབ་སྦྱོར་བས། །རྣལ་འབྱོར་ལ་ནི་རྣལ་འབྱོར་བསྒོམ། །རྗེས་ཀྱི་རྣལ་འབྱོར་ཞེས་བྱའོ། ། དེ་ལ་འདི་ནི་ཤིན་ཏུ་རྣལ་འབྱོར་གྱི་དམ་ཚིག་གོ། །སྤྲེའུ་དང་གློག་ལྟར་མི་གནས་པ། །རབ་ཏུ་གཟུངས་པར་དཀའ་བའི་སེམས། །འདོད་པའི་རྡོ་རྗེ་རྣམ་དཔྱད་པ། །ཡེ་ཤེས་དབང་མོ་མཉན་པར་འཚལ། །ཉོན་ཅིག་ཇི་བཞིན་རྡོ་རྗེ་ཉོན། །གསེར་ཁམས་རྡོ་ལ་སྣུམ་ གནས་པ། །མངོན་པར་ཞི་བ་ཡོད་མ་ཡིན། །སྲེག་དང་དབྱེ་བའི་ཐབས་ཀྱི་ནི། །ཉི་མ་བཞིན་དུ་རྣམ་པར་གསལ། །ལྕགས་བཞིན་མེ་ལ་རྣམ་བཟོད་ན། །གཞན་དག་ཅི་ཕྱིར་མི་བཟོད་བྱེད། །དེ་ཕྱིར་ཡེ་ཤེས་རྣམ་ཤེས་དག་།ཆ་གཉིས་རྣམ་པར་རྟོག་ མི་བྱ། །ཆ་གཉིས་ལས་ནི་སྡིག་པ་འབྱུང ། །སྡིག་པས་བསོད་ནམས་ཟད་པར་འགྱུར། །སྡུག་བསྔལ་སྡིག་པ་ཞེས་བརྗོད་དེ། །བླ་མེད་བདེ་བ་བསོད་ནམས་སོ། །བདེ་དང་སྡུག་བསྔལ་མཉམ་གྱུར་བ། །བསོད་ནམས་སྡིག་མེད་རྣམ་པར་ཐར། །སྡུག་ བསྔལ་གྱིས་ནི་སེམས་གཡེངས་ཏེ། །དགེ་དང་སྡིག་པ་རྣམ་པར་འབྱེད། །བུ་མོའི་ལོངས་སྤྱོད་བདེ་བ་ཡིས། །རྣམ་པར་མི་རྟོག་གཉིས་མེད་འགྲུབ། །རི་བོ་ཉམས་ནི་དགའ་བ་དང ། །ནགས་ཚལ་དབེན་པའི་ས་ཕྱོགས་སུ། །མིག་བཟང་བརྟན་པའོ་བློ་ལྡན་ བཟུང ། །དང་པོ་འདུས་པར་བྱས་ནས་ནི། །རྡོ་རྗེ་ཆོ་ག་རབ་ཏུ་བསྒྲུབ། །དེ་བཞིན་གཤེགས་པའི་བཙུན་མོའོ་མཆོག་།དམ་ཚིག་ཆེན་པོ་བྱིན་གྱིས་བརླབ། །ཁྱོགས་དང་བརླ་ཞེས་བྱ་བ་དང ། །དེ་བཞིན་ཤིན་ཏུ་རྒྱོང་བ་དང ། །ཁབ་དང་གྲུ་མོའི་མཚན་ཉིད་བྱ། ། 81-1-290a བུང་བ་ལྟ་བུར་ཨི་ཡི་སྒྲ། །ངེས་པར་བློ་དང་ལྡན་པས་བསྐུལ། །སྒེག་ཆོས་སྟབས་ཀྱིས་འཁྲུད་ནས་ནི། །མགོ་ཡི་སྐྲ་བཟུང་ལྐོག་མ་གཟིར། །མ་མཆུའི་སྤྲང་རྩི་གཞིབ་པར་བྱ། །རྡོ་རྗེ་འཁྱུད་པས་འཁྱུད་པ་དང ། །རྡོ་རྗེ་འོ་ ཡིས་འོ་གདབ་ཅིང ། །སོ་དང་སེན་མོས་བསྣུན་པར་བྱ། །རྡོ་རྗེ་པདྨར་རབ་འཇུག་ཅིང ། །སཝི་ཏ་ཀྱི་སྒྲ་རྣམས་བྱེད་པ་དང ། །ནུ་མ་འཚིར་དང་སྐྱེས་པའི་ཚུལ། །སྦྱོར་བ་ཐམས་ཅད་བྱ་བར་བྱ། །ནུ་མ་སོར་མོ་རྐེ་དང་མ་མཆུ་དང ། །རྣ་བ་མིག་དང་སྤྱི་བོ་བྷ་གར་ ཡང ། །འོ་བྱ་རྣ་བ་མཆན་ཁུང་རྐེ་དང་རྟགས། །སེན་མོས་གདབ་བྱུ་ནུ་མ་མཆན་ཁུང་དང ། །མཁུར་ཚོས་འགྲམ་དང་རྐང་ལག་མཐིལ་དག་ཏུ། །ཉེད་པར་བྱ་ཞིང་འཁྱུད་པའི་སྟབས་བརྒྱད་བྱ། །སོར་མོ་ལིང་ག་ལྕེ་དང་ལྕེས་བསྐྱོད་ནས། །པདྨ་བསྐུལ་ཞིང་རྩ་མཆོག་ སད་པར་བྱ། །ཟབ་ཆེ་བ་དང ། ཤིན་ཏུ་ཆུང་བ་དང ། ལྷོད་པ་དང ། རྩུབ་པ་དང ། རྟག་ཏུ་འཛག་པ་དང ། དྲོད་དང་གཤེར་དང་བྲལ་བའི་བྷ་ག་ནི་སྤང་ངོ ། །དཔངས་མཐོ་བ་དང ། འཇམ་པ་དང ། སྟེང་མཉམ་པ་དང ། བརྒྱས་ཤིང་དམ་པ་དང ། ཁྲག་ དང་ཁུ་བར་ལྡན་པ་དང ། སྤུ་ཉུང་བ་དང ། དུས་མ་ཡིན་པར་མི་འཛག་པ་དང ། རིང་ཞིང་སྙིང་པོ་ཟླུམ་པ་ནི་སྐལ་བ་བཟང་མོའོ། །དེ་ཡོངས་སུ་བསྐུལ་བས་ཇི་སྲིད་དུ་ཁོང་ནས་སཱིཏ་ཀྱི་སྒྲ་འབྱུང་བ་དེ་སྲིད་དུའོ། །ཧཿ ཞེས་བྱ་བས་མཆོག་ཏུ་དགའ་བའི་ཚེ་བཅིང་བར་བྱའོ། །ཡང་ ན། ཧཱུཾ་ཞེས་བྱ་བ་སྙིང་ག་ལ་གནས་པའི་སྒྲ་ཡིས་སོ། །ཡང་ན་ཧྲིཾ་ཧ་ཞེས་བྱ་བ་མགྲིན་པ་ལ་གནས་པའི་སྒྲ་ཡིས་སོ། །ཧཱུཾ་དང་ཕཊཿ ཀྱི་བྱ་བ་དང ། མདའ་བོ་ཆེའི་སྦྱོང་བ་བྱས་ལ་ཁུ་བ་བཅིང་བར་བྱའོ། །གཞན་ཡང་ཆ་བཞི་བའི་ཕྱེད་ཀྱི་མཚམས་སུ་ལྷན་ཅིག་སྐྱེས་པ་ བསྒོམས་པར་བྱ་སྟེ། གལ་ཏེ་བྷ་གའི་ཟེའུ་འབྲུ་ལ་གནས་པའི་ཐིག་ལེ་ཡང་རྡོ་རྗེའི་ཁས་བཏུང་བར་བྱའོ། །སྐོར་བ་ལ་སོགས་པའི་སྦྱར་བ་དང ། རླུང་གིས་སྦྱོར་བས་མཉམ་པར་བྱའོ། །འདི་ལ་དགང་བ་དང ། གཞིལ་བ་དང ། རེངས་པ་དང ། བུམ་པ་ཅན་གྱི་སྦྱོར་བས་དག 81-1-290b པར་བྱས་ནས། མི་མོ་རྣམས་ཀྱི་སྦྱོར་བ་ལ་འཇུག་སྟེ། ། ལུས་འདི་ཉིད་ཀྱི་དངོས་གྲུབ་ཐོབ་པར་བྱའོ། །དེ་ལས་དགའ་བ་བཞིའི་དབྱེ་བས་སྒྲུབ་པ་པོ་ལ་རེངས་པ་དང ། རྔུལ་བ་དང ། བ་སྤུ་ལྡང་བ་དང ། དབུགས་འགྱུར་བ་དང ། འདར་བ་དང ། ཁ་དོག་ལོག་པ་དང ། མཆི་མ་འབྱུང་བ་དང ། ཐིམ་པ་ཞེས་བྱ་བ་སྙིང་སྟོབས་བརྒྱད་འབྱུང་ངོ། །བུ་མོས་ཡེ་ཤེས་ཐོབ་པ་ནི། །སྙིང་ནི་འགུལ་ཞིང་ཐོབ་པ་དང ། །འདར་དང་དྲན་པ་ཉམས་པ་དང ། །སྐྲ་གྲོལ་གཅེར་བུ་གཤེར་བས་ཁྱབ། །མདོག་དམར་རབ་ཏུ་ཕྲ་བའི་མིག་།ཡེ་ཤེས་ ལྔ་ཡི་རྣམ་པར་འཕྲུལ། །བུད་མེད་ཤེས་བར་ཡེ་ཤེས་ཏེ། །དེ་ལས་ཡེ་ཤེས་ལྔ་ཐོབ་འགྱུར། །རྡོ་རྗེ་ཆུ་སྐྱེས་སྦྱོར་ལྡན་པ། །སྐུ་ཡི་རྡོ་རྗེ་སྙན་པར་བརྗོད། །རླུང་ནི་མཉམ་པར་གྱུར་བ་དང ། །སཱིཏ་ཀྱི་སྒྲ་དང་སྐད་འགྱུར་པ། །གསུང་ནི་ཉེ་བར་སྒྲུབ་པ་པོ། །སྐྱོབ་པ་ ལས་ནི་རབ་ཞུ་བ། །ནོར་བུ་བཅུ་དྲུག་ཆ་བབས་ཏེ། །ཡིད་ཀྱི་བདེ་བས་གཉིས་འགག་པས། །ཐུགས་ཀྱི་དེ་ཉིད་སྒྲུབ་པར་མཛོད། །གཞུ་ཡི་གཟུགས་ཅན་རབ་སྦྱོར་བས། །དུང་དང་ཀུནྡ་ལྟར་ཐིག་ལེ། །སྡོམ་བརྩོན་བདེ་བས་གཟུང་བར་བྱ། །རང་གི་རིག་པའི་ ཡེ་ཤེས་མཆོག་།གྲུབ་པ་ཆེན་པོ་དེ་ཉིད་དེ། །རྣམ་ཤེས་ཡེ་ཤེས་དག་པར་བྱེད། །འདི་ཡིས་རྡོ་རྗེ་བདག་ཉིད་ཆེ། །སྐུ་གསུམ་མི་ཕྱེད་ལས་བྱུང་བའི། །ཡེ་ཤེས་རྒྱ་མཚོ་འགྲུབ་པར་འགྱུར། །ཡེ་ཤེས་ཆེན་པོ་རབ་སྦྱོར་བས། །ཤིན་ཏུ་རྣལ་འབྱོར་མཁས་པས་ བསྟོད། །བུད་མེད་སྒྱུ་མའི་ཕྱག་རྒྱ་འདི། །དམ་ཚིག་རྣམས་ཀྱི་མཆོག་གི་མཆོག་།ངན་ཟོས་ངན་སྤྱད་ཐམས་ཅད་ཀྱིས། །སྒྲིབ་པ་དག་ཏུ་ཡོངས་མི་འགྱུར། །དེ་སྐད་ཅེས་གསུངས་སོ། །དེ་ལ་འདི་ནི་རྣལ་འབྱོར་དང་པོའི་དམ་ཚིག་གོ། ཨུ་ཏྤལ་མི་འཇིགས་ ཕྱག་རྒྱ་ཅན། །ཕྱག་གཉིས་རྣལ་འབྱོར་བསྒོམས་བྱས་ལ། །ནམ་མཁའི་དབྱིངས་ཀྱི་དབུས་གནས་པར། །དཀྱིལ་འཁོར་གྲུ་བཞི་སྒོ་བཞི་བ། །དབུས་སུ་ཀུན་ནས་ཟླུམ་པོ་སྟེ། །ལས་ཀྱི་སྣམ་བུ་ལྔ་དང་ལྡན། །ུཏྤལ་དམར་པོ་སིལ་མར་དགྲམ། །ཟླ་བ་ཉི་མའི་སྦྱོར་ 81-1-291a བ་ལས། །དམ་ཚིག་སྒྲོལ་མ་བསམ་པར་བྱ། །ལྗང་སྔོན་འོད་ཟེར་དམར་པོ་འཁྱིལ། །མཆེ་བ་གཙིགས་པ་མེ་སྟག་འབར། །མཆོད་སྦྱིན་གྲི་གུག་ཌ་མ་རུ། །མདའ་དང་ཨུཏྤལ་སྡོང་པོ་དང ། །ཐོད་པ་ཁྲག་ཅན་རྩ་གསུམ་དང ། །བཞི་བ་མེ་ ཏོག་གཞུ་འཛིན་པའོ། །དུར་ཁྲོད་རྒྱན་དང་ཨུཏྤལ་རྒྱན། །གཡས་བརྐྱང་རོལ་བའི་སྐྱིལ་ཀྲུང་ཅན། །རང་རང་སྔགས་ལས་ལྷ་མོའོ་ཚོགས། །སྙིང་གའི་དབུས་ནས་སྤྲོ་བར་བྱ། །ོཾ་ཏཱ་རེ་སཝཱ་ཧཱ། མིག་ལའོ། །ོཾ་ཏུཏྟཱ་རེ་སཝཱ་ཧཱ། རྣ་བ་ལའོ། །ོཾ་ཏུ་སཝཱ་ཧཱ། ལྕེ་ལའོ། །ོཾ་རེ་སཝཱ་ཧཱ། སྙིང་ག་ལའོ། །ོཾ་ཏཱ་རེ་ཎི་སཝཱ་ཧཱ། སྤྱི་བོ་ལའོ། །སྔགས་ཀྱི་བདག་པོས་བྱིན་རླབས་དང ། །ཡེ་ཤེས་དམ་ཚིག་མཉམ་པར་བྱ། །དབང་གི་དོན་ནི་བསྒོམས་བྱས་ལ། །རང་ལྷར་སེམས་ནི་བརྟན་བྱའོ། །རྣལ་འབྱོར་ཆེན་པོའི་ལེའུ་སྟེ་ གཉིས་པའོ།། །།དེ་ནས་སྒྲོལ་མས་བཀའ་སྩལ་པ། །ོཾ་ལཱཾ་མཱཾ་པཱཾ་ཏཱཾ། ཧཱུཾ་བཛྲ་ཨ་བྷི་ཥིཉྩ་ཧཱུཾ། རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། ཨོཾ་ཧུཾ་བཛྲ་ཨ་བྷི་ཥིཉྩ་ཧཱུཾ། ཨོཾ་ཧཱུཾ་ཏཱཾ་ཧཱུཾ་བཛྲ་ཨ་ངྷི་བ་ཏི་སྟཱཾ་ཨ་བྷི་ཥིཉྩ་ཧཱུཾ། ཨོཾ་ཛཿ ཧཱུཾ་བོ་ཧོཿ བཛྲ་ས་ཏྭ་སྟཾ་བཛྲ་ནཱ་མ་ཨ་བྷི་ཥིཉྩ་ཧཱུཾ། དབང་བསྐུར་བའི་སྔགས་སོ། །རྡོ་རྗེའི་དཀྱིལ་འཁོར་བྲི་བར་བྱ། །ཀ་བ་བརྒྱད་ཀྱི་ཉེ་བར་མཛེས། །ཐིག་བཞི་དང་ནི་ཡང་དག་ལྡན། །ཕྱི་རོལ་རཝ་བ་མེ་རིར་བཅས། །དུར་ཁྲོད་དག་ཀྱང་བྲི་བར་བྱ། །དབུས་སུ་ཨུ་ཏྤལ་ མཐིང་ག་དགོད། །ཤར་ཏུ་ཞི་བའི་ཨུ་ཏྤལ་དང ། །བྱང་དུ་བུམ་པ་བྲི་བར་བྱ། །ནུབ་ཏུ་ལྕགས་ཀྱུ་འབར་བ་སྟེ། །རལ་གྲི་ལྷོ་རུ་དགོད་པར་བྱ། ཞི་དང་རྒྱས་དང་དབང་དང་ནི། །གསོད་བྱེད་རྣམས་ཀྱི་མཚན་མའོ། །གྲཝ་བཞིར་རིགས་ཀྱི་ལྷ་མོ་སྟེ། །ུཏྤལ་ མཛེས་པ་རེ་རེ་བྲི། །ལྕགས་ཀྱུ་ལ་སོགས་སྒོ་རུ་དགོད། །སྟོབས་ཆེན་ཕ་རོལ་གནོད་པ་ཡི། ཁྲོ་བོ་རྣམས་ཀྱང་གྲཝར་དགོད་དོ། །ལས་རྣམས་བྱེད་པའི་ལྷ་མོའི་ཚོགས། །ཕྱི་རོལ་དག་ཏུ་བྲི་བར་བྱ། །དབུས་སུ་བདག་ཉིད་གནས་བྱས་ནས། །རྡོ་རྗེ་མཚན་མའི་ 81-1-291b ཚོགས་སྤྲོས་པས། །སེམས་ཅན་ཁམས་རྣམས་སྦྱང་བར་བྱ། །མཆོད་པའི་སྤྲིན་གྱིས་ནམ་མཁའི་ཁམས། །མཆོག་ཏུ་གང་བ་སྤྲོ་བར་བྱ། །མེ་ཏོག་གང་ཏུ་མ་ཉམས་པ། །བྷ་ག་མཆོག་ལས་ཡང་དག་བླངས། །རྣལ་འབྱོར་མ་ཡི་འཁོར་ལོ་མཆོད། ། ཡང་གསུངས་པ། སྒོ་དགུ་ངེས་པ་བཀག་བྱས་ནས། །རྒྱས་པར་ལྔ་ཡི་མཆོད་རྟེན་ལས། །སྲོག་གི་རྩེ་མོར་རང་གི་སེམས། །མདའ་གཞིའི་སྦྱོར་བས་འཕོ་བར་བྱ། །མཚམས་མེད་ལྔ་པོ་བྱེད་པ་ཡང ། །འདི་ཡིས་གྲོལ་འགྱུར་ཐེ་ཚོམ་མེད། །རིག་པའི་ བརྟུལ་ཞུགས་སྤྱད་བྱ་སྟེ། །མི་ལྤགས་རས་རྙིང་བགོ་བའམ། །གཅེར་བུའི་བརྟུལ་ཞུགས་བྱས་ནས་ནི། །དོགས་པའི་སེམས་ནི་ཀུན་སྤངས་ནས། །ཇི་ལྟ་བུར་ན་སྣང་བ་འདི། །འདོད་སྤྱོད་བདེ་བ་ལ་བསྡུས་ནས། །ངན་ཟོས་ངན་སྤྱོད་ཐམས་ཅད་ཀྱིས། །བླ་ མེད་བྱང་ཆུབ་བསྒྲུབ་པར་བྱ། །དེ་ལ་འདི་ནི་དམ་ཚིག་རྡོ་རྗེའོ། །གང་ལས་སློབ་དཔོན་དབང་བསྐུར་བ། །སློབ་དཔོན་གཅིག་ཏུ་གྱུར་བ་ཡི། །སྲིང་མོ་སྒྲོལ་མ་དང་མཉམ་བརྟག་།རྡོ་རྗེ་སློབ་དཔོན་དེ་བཞིན་དུ། །རིག་མའམ་བདག་གི་རིག་མ་ཡང ། །སློབ་དཔོན་ མཆོག་ཏུ་ཡོངས་སུ་བརྗོད། །བླ་མ་སངས་རྒྱས་ཀུན་མཉམ་པས། །དེ་ཡི་གྲིབ་མའང་འགོང་མི་བྱ། །འོན་ཀྱང་དགའ་མ་དགེས་དབང་མོ། །གཉིས་ཀྱི་སྒོ་དགུ་ལས་བྱུང་བ། །མི་རྟོག་སྣོད་གཅིག་བཟའ་བ་དང ། །གཙང་སྦྲའི་སེམས་ཀྱིས་ཙུམྷ་དབུལ། །ལྷན་ཅིག་ མལ་བསྟན་ལོངས་བསྟན་ནས། །ལག་གིས་རྡོ་རྗེ་བཟུང་གསོར་ཏེ། །ཡོ་ནིར་སོར་བྱ་དམ་འཁྱུད་ནས། །ཚིག་དང་ཡི་གེས་དགེས་བསྐུལ་བས། །སོ་དང་སེན་རིས་འདྲུད་པ་དང ། །འཇིབ་དང་སྒོ་ཡིས་ཟས་འབུལ་བ། །གུས་དང་ཆགས་བཅས་བག་རྐྱོང་བས། །འགོང་ བ་འདི་ལ་ཉེས་མེད་དེ། །སློབ་དཔོན་དགེས་ལས་དངོས་གྲུབ་ཀུན། །བཟང་མོ་དེ་ཡི་རྟག་ཏུ་ཐོབ། །ཡུ་ཛ་གུས་པས་གཞིབ་པ་དང ། །ཕྱག་རྒྱ་གལ་ཏེ་སེམས་ལྷུངས་གྱུར། །འདབ་ལྡན་ལས་ཕྱུང་བཟའ་བར་བྱ། །ཡོ་ནིས་ཙཱ་རུ་དབུལ་བ་དང ། འཁྲིག་ཐབས་འཕྲུལ་ 81-1-292a འཁོར་ཉེས་མེད་དེ། །གང་དེས་དེ་ཉིད་མཉེས་བྱེད་པའོ། །དེ་ནས་ལས་སྣ་ཚོགས་པ་རྣམ་པ་གཙུངས་པ། ཕྱོགས་བཞི་དང་གྲཝ་བཞིར་ཨུཏྤལའི་གཟུགས་བྱ། རེ་རེ་ཡང་ཏཱཾ་གསུམ་གྱི་མཚན་པ། ལྟེ་བ་ཀུན་ནས་ཟླུམ་པོ་ལ། ཨོཾ་པྲ་ སནྣ་ཏཱ་རེ་ཨམྲྀཏ་མུ་ཁཱི་ཏ་ལོ་ཙ་ནཱེ་སརྦ་ཨརྠ་སཝངྷ་ནི་སརྦ་ཨརྠསཱ་ངྷ་ནི་སརྦ་ས་ཏྭ་བཱ་ཤཾ་ཀ་རི། སཱི་བཱ་པུ་རུ་ཥོ་སཱ་རཝ་ནི་བཱ་བ་ཤྱི་ཀུ་རུ་ཏཱཾ་སཝཱ་ཧཝ། ཞེས་པ་ལྟེ་བར་བཀོད་ལ། འཁོར་ལོ་རྩིབས་བཅུ་བར་པདྨ་ལ་ཡི་གེ་བཅུ་བའོ། །ཧྲིཿ གཉིས་ཀྱི་ནང་དུ་མིང་ཆུད་པར་བྱས་ན་དབང་དུ་བྱེད་དོ། །ཡང་ ན་རྩིབས་བརྒྱད་པ་ཡི་གེ་ཡང་བརྒྱད་པ་སྟེ་དབུས་སུ་ཟླ་བ་ལ་ཏཱཾ་ཡིག་གོ། །འཁོར་ལོ་ཁ་སྦྱོར་དུ་བྱས་ན། ཉི་མ་བདུན་ན་ངེས་པ་དབང་དུ་འགྱུར་རོ། །ཡང་ན་རྩིབས་དྲུག་ན་ཡི་གེ་དྲུག་པའོ། །དབུས་སུ་ཧཱཱིཿ བཱ་ཤཾ་ཀུ་རུ་ཧྲཱིཿ སཝཱ་ཧཱ། གོ་རོ་ཙ་ན་དང ། ་ཙནྡནཱ་ དམར་པོ་དང ། རྒྱ་སྐྱེགས་དང ། ཁྲག་གིས་བྷོ་ཛ་པ་ཏྲ་ལ་བྲི་བར་བྱ་སྟེ། སྲིད་པ་གསུམ་ཡང་དབང་དུ་བྱེད་དོ། །གུར་ཀུམ་ལ་སོགས་འཁོར་ལོ་ནི། །རྩིབས་བརྒྱད་མར་དང་སྤྲང་རྩིར་བཅས། །ཁ་སྦྱོར་སྦྱོར་བས་དབང་དུ་བྱེད། །ོཾ་སརྦ་མ་ཧཱ་ནི་ཏཱ་རེ་ཏུ་ཏྟཱ་རེས་ དཥྚཱཾ་མོ་ཧཱ་ཡ་བྷ་ག་བ་ཏི་སརྦ་དུཥྚཱ་ནཱཾ་བནྔྷ་བནྔྷ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སཝཱ་ཧཱ། གོས་ཀྱི་མཐའ་ནི་འདུད་བྱས་ནས། །ཆོམ་རྐུན་འཆིང་བར་བྱེད་པའི་མཆོག་།ུཏྤལ་ལ་མངོན་བསྔགས་པས། །གང་ལ་སྦྱིན་པ་དེ་དབང་གྱུར། །ུཏྤལ་ལས་མཚན་འཁོར་ལོའོ། །ཆུ་ དབུས་སྣ་ཚོགས་རྡོ་རྗེའི་ལྟེར། །ཐོད་ལེས་མིང་མཐར་ཧྲཱིཿ བྲིས་ལ། །ཁམ་ཕོར་དབུས་སུ་བཞག་ན་རེངས། །འདབ་བརྒྱད་པདྨར་ག་ཡི་ནང ། །ཆུད་ཅིང་ལྟེ་བར་ག་བརྒྱད་བྲིས། །ཡུངས་བས་རྡོ་ལེབ་དག་ལ་སྟེ། །ཁ་ཕུབ་བཞག་ན་ཤིན་ཏུ་རེངས། །འཁོར་ལོ་དེ་ནི་ དུག་དང་བྲལ། །སྐེ་ཚེ་མི་རུས་བཏགས་པའི་ཆུས། །ཐོད་པར་ཧཱུཾ་ཕཊ་མཚན་པ་བྲི། །འདི་ཡིས་ངེས་པར་གསོད་པར་བྱེད། །གྲོ་གར་གུར་གུམ་གྱིས་བྲིས་ལ། །ོཾ་བཅས་མེ་ཏོག་སེར་པོས་མཆོད། །ཡང་ན་སཝཱ་ཧཱར་ཆུད་པ་བྲིས། །རྒྱས་དང་སྲུང་བ་བྱེད་པའི་མཆོག་། 81-1-292b རྩིབས་གསུམ་ཨ་ཡིག་ནང་ཆུད་པ། །ཙནྡན་ཆུས་བྲི་བམ་ཕོར་བཅས། །མེ་ཏོག་དྲི་བཟང་གིས་མཆོད་ན། །ཤིན་ཏུ་ཞི་བའི་ལས་ལ་མཆོག་།བྷ་ག་ལིངྒ་ཧྲཱིཿ ཡིག་གིས། །བསྐོར་བ་མིང་དང་སྐུལ་སྔགས་བཅས། །འདི་ཡིས་བསྒྲུབ་བྱ་འགུགས་པར་འགྱུར། །པདྨ་ འདབ་མ་ཉི་ཤུ་བཞིར། །རེ་ཁཱ་གསུམ་བསྐོར་ཨོཾ་ཧྲཱིཾ་ཀྵལིཾ། །རྒྱལ་ལ་བྲིས་ནས་རེག་བྱས་ན། །བྲན་ཕོ་བྲན་མོ་ལྟར་ལས་བྱེད། །འཁྲུལ་འཁོར་གྲུ་བཞི་སྒོ་བཞི་པ། །སྣ་ཚོགས་རྡོ་རྗེ་སྟེགས་བུས་བརྒྱན། །ཐོ་བར་དབྱུག་ཏོ་པདྨ་དང ། །རལ་གྲི་སྒོ་དང་ཨུཏྤལ ། །ཐོད་ བཅས་ལྕགས་ཀྱུ་མཚམས་སུའོ། །དེ་དབུས་པདྨ་བཅུ་བ་བྲི། །ོཾ་པྲ་སནྣ་ཏཱ་རེ་ཨ་མྲྀ་ཏ་མུ་ཁཱི་ཨ་མྲྀ་ཏ་ལོ་ཙ་ནེ་སརྦ་ཨརྠ་སཝ་ངྷ་ནི་སཝཱ་ཧཱ། དབང་དུ་བྱེད་པི་སྔགས་སོ། །དེ་ནས་བཀའ་བསྩལ་བ། ཨོཾ་སརྦ་མོ་ཧཱ་ནི་ཏཱ་རེ་ཏུ་ཏྟཱ་རེ་སརྦ་དུཥྚཱ་ནི་མོ་ཧཱ་ཡ་བྷ་ག་བ་ཏཱི་སརྦ་དུཥྚཱ་ ནི་བནྡྷ་བནྡྷ་ཧཱུཾ་ཧཱུཾ་ཕཊ་ཕཊ་སཝཱ་ཧཱ། དེ་དབུས་ཟླ་བ་ཏཱཾ་ཡིག་བཅས། །དབུས་རྩིབས་དྲུག་ལ་ཀུ་རི་ཀུལླེ། །སྔགས་ནི་ཧྲཱི་གཉིས་དབུས་ཆུད་པའི། །མིང་དང་སྐུལ་བས་ལས་ཀུན་བྱེད། །འབུམ་ཕྲག་བཟླས་པས་ས་གཡོ་ཞིང ། །རྒྱ་མཚོ་བདུན་སྙོམ་དུག་ཞིར་བྱེད། ། གྱོ་མོའི་སྦྱོར་བས་འབྱུང་པོ་ཀུན། །བཅིངས་ནས་ཀླུ་དང་མཁའ་འགྲོ་མའི། །སྦྱོར་བ་འཕྲོག་ཅིང་ཆར་འབེབས་དང ། །མཚོན་ཆས་མི་གནོན་ལུས་སུ་འགྱུར། །དཔྱིད་ཟླ་ར་བར་བུ་མོ་མཛེས། །རྡུལ་ལྡན་གྱིས་ནི་རས་བཏགས་ལ། །ཟླ་མཚན་གྱིས་ནི་བསྒོས་དེ་ལ་ནི། ། རི་མོར་དམ་ཚིག་ལྡན་པས་བྲིས། །སྒྲོལ་མ་འོད་ཟེར་ཅན་མ་དང ། །ཕག་མོའི་གཟུགས་མངོན་མཆོད་ན། །གང་གང་འདོད་པའི་ལས་ཐམས་ཅད། །ཐོགས་པ་མེད་པར་འགྲུབ་པར་འགྱུར། །གཞན་ཡང་རྩ་བའི་གཟུངས་ཀྱི་མཐུ་གསུངས་པ། གོས་མཐའ་ སྐྲ་ལ་མངོན་བསྔགས་བཅིངས། །འབྲོག་དགོན་དག་ཏུ་འཇིགས་མེད་འགྱུར། །ཏྤལ་སྦྱིན་སྲེག་བརྒྱ་རྩ་ཡིས། །ངེས་པར་དབང་དུ་བྱེད་པ་ཡིན། །ོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཾ་མེ་བཱ་ཤ་མན་ཡེ་སཝཱ་ཧཱ། བྱ་རོག་གཤོག་པ་བསྔགས་ནས་ནི། །དགྲ་བོའི་ཁྱིམ་དུ་སྦས་ 81-1-293a ན་སྐྲོད། །ོཾ་ཏཱ་རེ་ཏུཏྟཱ་རེ་ཏུ་རེ་ཙ་ལ་སྲ་ཙ་ལ་ཤཱི་ཧཱུཾ་ག་མི་ནི། དེ་བ་དཏྟ་ཨུ་ཊཱ་ཡ་ཧཱུཾ་ཕཊ། བོ་སོ་ཆ་དང་ཡུངས་ཀར་དང ། །ཐང་ཕྲོམ་ཨ་ཤོ་ཀའི་མེ་ཏོག་།འདབ་བཅས་སྦྱིན་སྲེག་བྱེད་པའམ། །ཡང་ན་མངར་གསུམ་བསྲེགས་བྱས་ནས། །ཉིན་ བདུན་བུ་མོ་མཆོག་ཐོབ་འགྱུར། །ོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཱ་བྷི་དྷ་ནཱཾ། ཀུ་མཱ་རི། མ་ཧེ་མུདྡ་ཏེ་ན་ཏ་སྱཿ ་པཱི་ཏ་པྲ་ཡ་ཙྪ་ཏུ་སཝཱ་ཧཱ། ཟླ་མཚན་རས་ལ་སྒྲོལ་མ་ནི། །ུཏྤལ་ཞགས་པ་བསྣམས་པ་བྲི། །མཆོད་ཅིང་སྔགས་སྟོང་བཟླས་ནས་ནི། །ཞགས་པ་ལྕགས་ ཀྱུའི་སྦྱོར་སྦྱོར་བས་སྤྱད། །ོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཱི་མ་མེ་བསི་ཏཾ། སྲཔྣ་ཀརྣ་ཀ་ཐཱ་ཡ་ཧཱུཾ་ཕཊ། རག་ཕྲུག་ཚེར་མ་ཟླ་མཚན་བཅས། །སྲེག་བླུགས་སྟོང་ཕྲག་གཅིག་གིས་ནི། །མི་བདག་བུ་མོ་མཆོག་ཀྱང་འགུགས། །ོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཱ་བྷི་དྷ་ནཱཾ་སཝ་སྠྭ་ནཱ་དཱ་ ཀརྵ་ཡ་མ་མཱནྟི་ཀེ་ཛཿ ་ཟླ་བ་གཟས་བཟུང་འཇིག་རྟེན་དབང ། །དུང་དང་བཏགས་ཏེ་འདོད་མར་སྦྱིན། །ཡང་ན་སྤྲུལ་མགོ་གཉིས་པའི་ཤ། ། རྐའི་བལ་ལ་དྲིལ་བྱས་ལ། །པད་མ་མར་ཁུས་མིག་སྨན་བྱ། །རྡོ་རྗེ་ཆོས་དང་ཉི་མ་དང ། །རྟ་རྒྱལ་མཆོག་གི་སྤོས་བདུག་ ནས། །བལྟས་པས་པདྨ་གར་དབང་འབབ། །ཧ་ལ་ཧ་ལའི་མཇུག་མ་དང ། །འཇམ་འབྲས་རྩང་པའི་མཇུག་མ་དང ། །མགྲོན་བུར་ངོར་བཅས་ཁུ་བ་འཛིན། །སྡིག་པའམ་སྦལ་བ་ཞག་གིས་སམ། །འོ་མ་རྣམ་གསུམ་སྦྱར་བ་དང ། ། ཕུ་མཚར་དང་སྦྱར་བ་ནི། ། གུ་གུལ་བཅས་པའི་རི་ལུས་ཀྱང ། །རྟག་ཏུ་ཁུ་བ་རེངས་པར་འགྱུར། །ོཾ་ཏཱ་རེ་ཏུཏྟཱ་རེ་ཏུ་རེ་སནྟཱ་ར་ཎི་ཧྲཱིཿ དེ་བ་དཏྟ་ཝཱ་ཤཾ་ཀུ་རུ་ཧོཿ ་པདྨ་ལྕགས་ཀྱུར་བཅས་པ་ཡི། །སཱུ་ཏྟ་ལིངྒས་དགུག་པར་བྱ། །ཞགས་པ་ལྕགས་ཀྱུ་བསྣམས་པ་ཡི། །ལྷ་མོས་འགུགས་པར་ བྱེད་པ་ཡིན། །ོཾ་ཙ་ཏུ་རྒྷུཛ། ཥཊྚུ་ཁ་བི་ཀྲི་ཏཱ་ན་ན་ཀརྞ་པི་ཤཱ་ཙི་ཧཱུཾ་ཕཊ། གཤིན་རྗེ་གཤེད་ཀྱི་བྲིས་སྐུའི་མདུན་དུ་ཞག་བདུན་བཟླས་ན། རྣ་བར་སྒྲོག་པ་སྒྲུབ་པོ། །ོཾ་བུདྡྷ་ཙུ་རུ་མཱ་ཙུ་རུ་ཀེ་སཝཱ་ཧཱ། །མཆོད་རྟེན་གྱི་དྲུང་དུ་གཙང་སྦྲ་དང་བཅས་པས་བཟླས་ན། བདག་ཉིད་གང་ 81-1-293b དུ་སྐྱེ་པར་འགྱུར་པ་དང ། ཚེ་ཟད་པ་དང ། རིང་དུ་འཚོ་བ་ཡང་ཤེས་བར་འགྱུར་རོ། །སྦྲུལ་གྱིས་སྦལ་བ་བཟུང་བ་ན། །དེ་དག་དུད་མེད་ཐལ་པར་བྱ། །སྦྲང་རྩི་སྦྱར་བ་མཆན་ཁུང་དུ། །ཐིག་ལེ་བྱས་ན་འགུགས་པར་འགྱུར། །མི་ཚིལ་མི་ཡི་ཐོད་པར་བཞག་།ན་རྨའི་ བལ་གྱིས་སྡོང་བུར་བྱས། །གཟུགས་འཚོ་ཐོད་པ་དག་ལས་ནི། །སྣག་ཚ་བླངས་ཏེ་བུ་མོ་ལ། །ཐིག་ལེ་བྱས་ན་འགུགས་པར་འགྱུར། །ོཾ་བཛྲ་ཏཱིཀྵྞ་ཡ་ཧཱུཾ་སཝཱ་ཧཱ། འོ་མ་ལ་ལན་བདུན་མངོན་པར་བསྔགས་ནས་བཀྲུས་ན་མིག་གི་རབ་རིབ་སེལ་བར་འགྱུར་རོ། །མིའི་ རྟིང་བའི་ཤ་དང ། བྱི་ལ་ནག་མོའི་མཆིན་པའི་བདུག་པས་གནས་དང་རྫས་ཀྱི་འབྱུང་པོ་སྐྲོད་པར་འགྱུར་རོ། །ནི་རྒུཌ་དང་མུཎྜཱི་དང་བྷངྒང་ནག་པོ་དང ། ་བྷངྒ་དང་ནི་ནིམྦ་རྣམས་གྲིབ་མ་ལ་སྐམ་པ་དང ། བེེ་ལ་ཝ་དང་ཛ་དལི་ཧ་རི་ཏ་ཀི་རྣམས་པུ་རམ་ལ་སྦྱར་ནས་དང་པོ་ལྔ་དང ། ཕྱི་ནས་ཆུ་ཚོད་གཅིག་ནས་ལྷག་མ་ཡང་སོར་མོ་གསུམ་གྱི་ཚད་དུ་ཟོས་ན་ཟླ་བ་དྲུག་ནས་རྒན་པོ་ཡང་གཞོན་ནུར་བྱེད་པ་ལ་ཐེ་ཚོམ་མེད་དོ། །ན་མོ་བི་ག་ཏ་རཱ་ག་མེ་ཏྲི་ཡ་སི་ཧ་ལོ་ཙ་ནི་སཝཱ་ཧཱ། ཞེས་པས་ཀྱང་རབ་རིབ་སེལ་བར་བྱེད་དོ། །ཟླུམ་པོ་མཚམས་སུ་རྡོ་རྗེས་བརྒྱན། །ཧཱུཾ་ བཞིས་རྡོ་རྗེས་ལེགས་པར་བརྒྱན། །ོཾ་པད་ཀྲ་མ་སཱི། པར་ཀྲ་མ་སཱི། ཨུད་ཡ་མ་སཱི། ནི་རྨ་མ་སཱི། ཨ་རྐ་ན་སཱི། མརྒ་མ་སཱི། ཨུ་ཏྨ་མ་སཱི། བ་ན་མ་སཱི། གུལྨ་མ་སཱི། ཙཱི་བ་ར་མ་སཱི། མ་ཧཱ་ཙཱི་བར་མ་སཱི། ཨནྟ་ངྷན་མ་སཱི་སཝཱ་ཧཱ། ལྟེ་བར་བྲི་སྟེ་ཨོཾ་ནི་ ཐམས་ཅད་དུའོ། །དབུས་སུ་རྡོ་རྗེའི་གཡས་གཡོན་དུ། །ོཾ་བཏྟཱ་ལཱི་ཨོཾ་པཱ་རཱ་ཧ་མུ་ཁཱི། ཞེས་བྲིའོ། །མཚམས་སུ་ཡང ། ོཾ་མ་རི་ཙྱེེ། ཞེས་བྲིའོ། །དབུས་སུ། ཨོཾ་བཱ་རཱ་ལཱི། ཨོཾ་བཱ་ཏཱ་ལཱི། ཨོཾ་བཱ་རཱ་ཧ་མུ་ཁཱི་སརྦ་དུཥྞཱ་པྲ་དུཥྞཱཾ་ཀཱ་ཡ་མཱ་ཝཱ་ཀྩིཏྟ་ མུ་ཁཾ་ཛམྦྷ་ཡ། སྟྭཾ་བྷ་ཡ། ཞེས་སོ། །དབུས་སུ་མཾ་ཡིག་གོ། །དེའི་ནང་དུ་དེ་བདཏྟ་རཀྵ་རཀྵའོ། །འདི་ནི་གྲོགས་ལ་གུར་གུམ་གྱིས་བྲིས་ན་ཐམས་ཅད་དུ་སྲུང་བ་སྟེ། འོད་ཟེར་ཅན་མའི་འཁོར་ལོའོ། །ཡང་གསུངས་པ། དབུས་སུ་ལྷ་མོ་གསེར་མཚུངས་པ། ། 81-1-294a གསེར་གྱི་རྣ་ཆ་གཡོ་བ་ཅན། །ཞལ་བཞི་ཕྱག་བརྒྱད་འདོད་པའི་གཟུགས། །རྡོ་རྗེ་འཛིན་མའི་དཀྱིལ་འཁོར་བསྒོམ། །རྣལ་འབྱོར་མ་ནི་བཅུ་དང་བཅས། །གྲཝ་བཞིར་འབྱུང་བ་བཞི་ཡང་དགོད། །དཀྱིལ་འཁོར་འཆོག་འདི་སྐུ་ཡི་ནི། །གསང་ བའི་ཡེ་ཤེས་བླ་མེད་པའོ། །དེ་ནས་གསུང་གི་དཀྱིལ་འཁོར་ནི། །བྷ་གའི་དབུས་སུ་ཟླ་བ་བསྒོམ། །དམར་པོ་བཅུ་གཉིས་ལོ་ཡི་ཚུལ། །ཕྱག་རྒྱ་ལྔ་དང་ཐོད་པས་བརྒྱན། །ཞབས་བཞི་གཡས་བརྐྱང་རོལ་བར་མཛད། །བདུད་བཞི་མཉམ་པར་མནོན་པའོ། །སྤྱི་བོར་ ུཏྤལ་ཕྲེང་བ་བཅིངས། །གཡས་པ་སེར་པོ་ནག་པོ་དང ། །སྣ་ཚོགས་འབར་བས་རྣམ་པར་འཕྲོ། །དཀར་པོ་ལྗང་གུ་སྔོན་པོ་ནི། །གཡོན་གྱི་ཞལ་ལ་རིམ་པས་སོ། །སྟེང་ཞལ་དུད་ཀ་བུང་བུས་གཟུགས། །རལ་གྲི་ཨུཏྤལ་མདའ་བོ་ཆེ། །རྡོ་རྗེ་ཐོད་པ་དབྱུག་ པ་དང ། །ཟངས་གྲི་མི་འཇིགས་ཕྱག་རྒྱའོ། །ཐོད་པ་སྡིག་མཛུབ་འདི་ལས་གཞན། །གཞུ་དང་ཁ་ཊྭཾ་ཞགས་པ་དང ། །མགོ་བོ་ནོར་བུ་བུམ་པར་བཅས། །མཆེ་གཙིགས་འདོད་པའི་གཟུགས་ཅན་མ། །ཧེ་རུ་ཀ་ཡི་སྒྲོལ་མའོ། །ཏཱཾ་ལས་ལྗང་གུ་ཞལ་གཅིག་མ། ། མཆོག་སྦྱིན་ཨུཏྤལ་བསྣམས་པ་ཡི། །འདོད་པ་ཐམས་ཅད་སྦྱིན་པར་བྱ། །མི་འཇིགས་སྦྱིན་པའི་ཕྱག་རྒྱ་ཅན། །འཇིགས་པ་བརྒྱད་ལས་སྐྱོབ་པ་སྟེ། །ཡི་གེ་བརྒྱད་བཟླས་ངེས་འགྲུབ་འགྱུར། །རྡོ་རྗེ་གདོང་ལྡན་ཕྱག་གཉིས་དམར། །ཧེ་རུ་ཀ་དཔལ་ ཡུམ་གྱུར་པའམ། །འཁོར་ལོ་བདེ་ཆེན་རིམ་པ་ལས། །ཡང་ན་ཧེ་རུ་ཀ་སྦྱོར་བས། །གང་ལ་དགའ་བ་དེ་འགྲུབ་འགྱུར། །ཐོད་པ་རྡོ་རྗེ་ཁྲག་འཐུང་དང ། །གྲི་གུག་ཕག་མོས་བསྣམ་པའོ། །བདུད་བཞི་པོ་ནི་རྣམ་པར་མནན། །ཐལ་བ་འཚོ་བྱེད་ཊྭཱཾ་ བཅས། །བྷ་ག་ལིངྒ་ལྡོག་པར་བྱ། །རྡོ་རྗེས་བསྣུན་ནས་ཁྲག་འཐུངས་པས། །སྐད་ཅིག་གཅིག་གིས་གསོད་པར་བྱེད། །ཞགས་པ་ལྕགས་ཀྱུའི་སྦྱོར་བ་ཡིས། །བུ་མོ་ཐམས་ཅད་འགུགས་པར་འགྱུར། །ཁུ་བ་ཁྲག་དང་ཆང་དང་ནི། །གོར་གུ་ལ་སོགས་ 81-1-294b དགུག་པར་བྱ། །ོཾ་སུམྦྷ་ནི་སུམྦྷ་ནི་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞ་བཱ་ཡ་གྲྀཧྞ་བཱ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱ་ཙྪིངྱརཱ་ཛ་ཧཱུཾ་ཕཊ། ཧཱུཾ་གི་ཡི་གེ་ལས་བྱུང་བ། །རྡོ་རྗེ་སུམྦྷ་རབ་ཏུ་གནས། །རྡོ་རྗེ་འབར་བ་དུང་དམར་དག་།གཏུན་ཤིང་སྤྲུལ་གྱི་ཞགས་པ་ བསྣམས། །ཁྲོ་བོའི་རྒྱལ་བོ་རྟ་མགྲིན་ནི། །བསྐལ་བའི་མེ་བཞིན་གཟི་བརྗིད་འབར། །མདའ་གཞུ་དབྱུག་ཏོ་འཛིན་པའི་མཆོག་།རྡོ་རྗེ་ཞགས་པ་སྡིགས་མཛུབ་ཅན། །སྤྱན་གསུམ་གཡོན་བརྐྱང་སྟབས་བསྒོམ་བྱ། །ལས་རྣམས་ཐམས་ཅད་བྱེད་པ་ ཡི། །ལྷ་ཡི་རྒྱལ་པོ་འདི་དག་གོ། །ལྷ་མོ་ནག་མོ་རྣམ་པར་བསྒོམ། །རལ་གྲི་དང་ནི་ཐོད་པའི་ལས། །ལྷ་མིན་འཇོམས་པ་དགྲ་བོ་ཡི། །མགོ་གཅོད་ཏྲི་ཤཱུ་ལ་འཆང་མ། །བྱ་རྒོད་ཅེ་སྤྱང་ཙཱི་ལ་སྤྲོ། །རྒྱུ་མ་མི་མགོའི་མེ་ཏོག་ཅན། །མ་མོ་བརྒྱད་ཀྱིས་ཡོངས་ སུ་བསྐོར། །རོ་ལ་ཞོན་པ་རྣམ་པར་བསྒོམ། །ཡང་ན་སྟག་མོ་ལ་གནས་པ། །དྲག་ཤུལ་སྤྱོད་པས་བསྒོམ་པར་བྱ། །ཁུ་བ་རྡོ་རྗེར་བྱས་པ་ལས། །རང་གི་སེམས་ནི་རྡོ་རྗེར་འགྱུར། །རྣམ་རྟོག་མེད་ཅིང་སྤྲོས་དང་བྲལ། །མཁའ་ལྟར་རང་བཞིན་གོས་པ་མེད། ། རང་རིགས་བདེ་བ་ཆེན་པོ་སྟེ། །དབང་བསྐུར་མཆོག་ནི་འདི་དག་གོ། །མེ་ལོང་གཟུགས་བརྙན་འདྲ་སེམས་གྱིས། །ཐིག་ལེ་རྡོ་རྗེར་དཔྱད་པར་འགྱུར། །སྲོག་དང་ཐུར་སེལ་སྒོ་དབྱེ་བས། །བཙན་ཐབས་སྦྱར་བས་དབུགས་བཀག་ན། །ཁུ་བ་མི་འགྱུར་ཐོབ་པ་སྟེ། ། ཐིག་ལེ་ནོར་བུར་བཀག་ཏེ་བསྒོམ། །ལྷ་མོའི་གཟུགས་བརྙན་བསྒྱུར་བ་བྱ། །སྒྲོལ་མ་སྒྲོལ་མ་ཅན་འགྲུབ་འགྱུར། །ཡང་ན་ཐོག་མེད་གཟུགས་ཅན་ཏེ། །སྐྱེས་པ་བུད་མེད་ངེས་འགྲུབ་འགྱུར། །ལས་རབ་འབྱམས་ཀྱི་ལེའུ་སྟེ་གསུམ་པའོ། ། དེ་ནས་དེ་བཞིན་གཤེགས་པ་ཐམས་ཅད་ཀྱིས། །དམ་ཚིག་མཆོད་པའི་སྤྲིན་ཕུང་རབ་འབྱམས་དང ། །བསྟོད་དབྱངས་རྒྱ་མཚོའི་མངོན་པར་བསྟོད་བྱས་ནས། །ལག་ན་རྡོ་རྗེ་འཆང་ལ་རྒྱུད་འདི་གཏད། །ཕྲིན་ལས་ཐམས་ཅད་འབྱུང་བའི་སྒྲོལ་མ་འདུས་པ་དོན་དམ་པ་ 81-1-295a ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ་ལས་ཇི་སྙེད་པ་རྩ་བའི་རྟོག་པ་རྫོགས་སོ།། །།རྒྱ་གར་ལྷོ་ཕྱོགས་སུ་སྐུ་འཁྲུངས་པ་གྲུབ་ཆེན་བུངྡྷ་ནཱ་ཐའི་ཞབས་ནས་མནོས་ནས། སླར་རྒྱ་གར་གྱི་མཁན་པོ་ནི་རྒཱ་ཎ་ཤྲཱིའི་ཞལ་སྔ་ནས་དང ། རྒྱལ་ཁམས་པ་ཏཱ་ར་ནཱ་ཐས་ཕྱིས་བྱུང་བའི་པཎྜིཏ་མིའི་ཉི་མའི་བཀའ་འགྲེལ་དང་བསྟུན་ཏེ་གཡར་ཁྲལ་དུ་བསྒྱུར་བའོ། །ཡང་སླད་ཀྱིས་བྷང་ག་ལར་འཁྲུངས་པའི་པཎྜི་ཏ་པཱུརྞ་བཛྲའི་དྲུང་དུ། སློབ་དཔོན་ཆེན་པོས་མར་མེ་མཛད་པ་ལ་ཡེ་ཤེས་ཀྱིས་མཛད་པའི་རྒྱས་འགྲེལ་ ཆེན་པོ་དང་བསྟུན་ནས་ཅུང་ཟད་བཅོས་ཤིང ། ཐམས་ཅད་དུ་གྲུབ་ཆེན་ཞི་བའི་ཞབས་ཀྱི་ཞལ་ལུང་གི་རེག་ཟིག་སོ་སོ་རྣམས་དང་ཁྱད་པར་གུ་རུ་ལྷོ་ཕྱོགས་པ་ཆེན་པོའི་མན་ངག་དང་བསྟུན་ནས་ལེགས་པར་བཅོས་ཏེ་དག་པར་བགྱིས་པའོ།། །། ་་ |