D502

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D502</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif3.php?id=D502&coll=derge">see text in transliteration</a></table>87-1-181a<br><font size=+2>
༄##། །རྒྱ་གར་སྐད་དུ། ཏྲི་ས་མ་ཡ་བྱཱུ་ཧ་རཱ་ཛཱ་ནཱ་མ་ཏནྟྲ། བོད་སྐད་དུ། དམ་ཚིག་གསུམ་བཀོད་པའི་རྒྱལ་པོ་ཞེས་བྱ་བའི་རྒྱུད།འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཕྱོགས་བཅུའི་འཇིག་རྟེན་གྱི་
ཁམས་མཐའ་ཡས་པ་ན་རྣམ་པར་གནས་པའི་སངས་རྒྱས་དང་བྱང་ཆུབ་སེམས་དཔའ་དང་འཕགས་པའི་དགེ་འདུན་ཐམས་ཅད་ལ་ཕྱག་འཚལ་ལོ། །དབུས་དང་མཐའ་མེད་ཡོན་ཏན་རི་བོ་དཔག་མེད་དང ། །མཆོད་རྟེན་མཐའ་མེད་མཆོད་པ་ཆེན་པོའི་མཆོག་ཏུ་འཁྲུངས། །མཆོད་
ཆེན་འཕགས་པའི་འཕགས་པ་ཆེན་པོའི་བདག་།དུས་གསུམ་འཁྲུངས་པའི་བདེར་གཤེགས་ཚོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པས་བྱིན་གྱིས་བརླབས་པའི་ཆོས་ཀྱི་དབྱིངས་ཀྱི་ཕོ་བྲང་རྡོ་རྗེ་ཆེན་པོའི་ཉེ་འཁོར། རྡོ་རྗེ་འཆང་ཆེན་པོ་ཉེ་བར་འདུ་བ། 
དེ་བཞིན་གཤེགས་པ་ལྷག་པར་དགྱེས་པས་རྣམ་པར་རོལ་པ། དབུས་དང་མཐའ་མེད་པའི་རྡོ་རྗེ་ཆེན་པོའི་རྩེ་མོ་མཐོན་པོ་རིན་པོ་ཆེའི་རྒྱལ་པོ་རྣམ་པ་སྣ་ཚོགས་ཀྱི་རྒྱུ་ལས་གྱུར་པ། རིན་པོ་ཆེའི་རྒྱལ་པོའི་ཕོ་བྲང་ཆེན་པོའི་མཆོག་ན་བྱང་ཆུབ་སེམས་དཔའ་ཆེན་པོའི་ཚོགས་ཀྱིས་བསྐོར་
བའི་སེང་གེའི་ཁྲི་ལ་བཞུགས་སོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡུལ་རྫུ་འཕྲུལ་ཆེན་པོའི་བྱིན་གྱིས་བརླབས་ཀྱིས་རྒྱ་ཆེན་པོར་མཛད་པ། དེ་བཞིན་གཤེགས་པ་སྙིང་པོ་ཐོགས་པ་མེད་པ་དོན་ཡོད་པར་གྲུབ་པ་གསུངས་ཏེ། ན་མ་སྟྲེ་
ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏཱ་བཱ་པྟི། དྷརྨ་ཏཱ་བ་ལི་ནཱཾ། ཨཾ་ཨ། ས་མ་ས་མ་ས་མནྟ་ཏོ། ། ནནྟཱ་བཱ་པྟི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎི། བི་ག་ཏ་རཱ་ག་བུདྡྷ་དྷརྨ་ཏེ། ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ཎ་

</font><hr>87-1-181b<br><font size=+2>

ལ་ཀྵ་ཎེ་ཛྭ་ལ་ཛྭ་ལ་ན། སཱ་ག་རེ་སཝཱ་ཧཱ། དེ་ལ་རིགས་ཀྱི་བུ་དེ་བཞིན་གཤེགས་པའི་སྙིང་པོ་འདི་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ཡིན་ཏེ། བྱང་ཆུབ་སེམས་དཔའ་ཐབས་དང་ཤེས་རབ་དང་ལྡན་པ་སྔགས་ཀྱི་སྒོར་བྱང་ཆུབ་སེམས་དཔའི་སྤྱད་པ་སྤྱོད་པ་
འདིས་ལས་གང་ཞིག་བྱེད་པར་འགྱུར་བ་དེ་ནི་བསྐལ་པ་བརྒྱར་ཡང་དེ་བཞིན་གཤེགས་པས་བསྟན་པར་མི་སྤྱོད་ཀྱི། གཞན་དུ་མདོར་བསྡུས་ནས་གསུངས་པ་ཡིན་ནོ། །འདིས་སྐྱེས་བུ་དམ་པ་དེ་ནི་སྒོ་མཐའ་ཡས་པས་སེམས་ཅན་ཐམས་ཅད་ཀྱི་རྗེས་སུ་འགྲོ་ཞིང་དེ་བཞིན་
གཤེགས་པ་ཐམས་ཅད་ལ་ལྷག་པར་དམིགས་པའི་རྣམ་པར་ཐར་པའི་སྒོ་ལ་སོགས་པ་རྣམ་པར་ཐར་པའི་སྒོ་སྣ་ཚོགས་པའི་རྗེས་སུ་ཞུགས་པ། སེམས་ཅན་འདུལ་བའི་སྦྱོར་བ་རྣམ་པ་སྣ་ཚོགས་པས་གནས་པའི་ཏིང་ངེ་འཛིན་གྱིས་རྣམ་པར་རྩེ་བ། ལས་ཐམས་ཅད་རྗེས་སུ་དྲན་
པའི་ཆོ་ག་ཡང་དག་པར་སྦྱོར་བའི་གཟུངས་ཐོབ་པར་འགྱུར་ཞིང་སེམས་ཅན་གྱི་ཁམས་དང་མོས་པ་དང་རྗེས་སུ་མཐུན་པའི་གཟུགས་སྣ་ཚོགས་པ་མངོན་པར་སྒྲུབ་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་དང་སྟོབས་སྣ་ཚོགས་
མངོན་པར་སྒྲུབ་པར་བྱེད་པའི་སྒོ་སངས་རྒྱས་རྗེས་སུ་དྲན་པའི་མོས་པས་སྙིང་པོ་འདི་བཟླས་ན་གཟུགས་སྣ་ཚོགས་མཐོང་བར་འགྱུར་རོ། །མདོར་བསྡུས་ན་སངས་རྒྱས་འབྱུང་བའི་འཇིག་རྟེན་གྱི་ཁམས་སྣ་ཚོགས་པ་ཡང་མཐོང་བར་འགྱུར་རོ། །དེ་བཞིན་གཤེགས་པའི་གསུང་གི་འཁོར་
ལོའི་དཀྱིལ་འཁོར་ཡང་སྒྲ་འབྱིན་པར་འགྱུར་རོ། །གསེར་དང་ནོར་བུ་དང་མུ་ཏིག་ལ་སོགས་པའི་ཆར་ཡང་མངོན་པར་འབབ་པར་འགྱུར་རོ། །སེམས་ཅན་གྱི་ཁམས་ཐམས་ཅད་དུ་ཡི་དགས་རྣམས་ལ་བཟའ་བ་དང་བཅའ་བ་དང་བཏུང་བ་ཡང་མངོན་པར་རབ་ཏུ་འབབ་པར་འགྱུར་རོ། །དམྱལ་
བ་རྣམས་ཀྱི་གྲང་བ་ལ་དྲོ་བ་ཡང་ཡང་དག་པར་སྐྱེད་པར་བྱེད་དོ། །དུད་འགྲོ་རྣམས་ཀྱི་གཅིག་ལ་གཅིག་ཟ་བའི་སྡུག་བསྔལ་ཡང་རབ་ཏུ་ཞི་བར་བྱེད་དོ། །སེམས་ཅན་མོས་པའི་སྒོ་སྣ་ཚོགས་པའི་ཡུལ་ཅན་གྱི་སེམས་ཅན་གྱི་ཁམས་རྣམ་པར་སྦྱོང་བར་བྱེད་དོ། །བྱིན་གྱིས་རློབ་པར་བྱེད།

</font><hr>87-1-182a<br><font size=+2>

ཡོངས་སུ་འགེངས་པར་བྱེད། ཡོངས་སུ་སྨིན་པར་བྱེད། རྣམ་པར་འདུལ་བར་བྱེད། ངེས་པར་སྦྱོང་བར་བྱེད། ཀུན་དུ་སྦྱོར་བར་བྱེད། རྣམ་པར་འཕེལ་བར་བྱེད། དགའ་བར་བྱེད། སོ་སོར་འགོད་པར་བྱེད། རྣམ་པར་གྲོལ་བར་བྱེད། བྱང་ཆུབ་ཀྱི་ཐེག་པ་ལ་ལྷག་པར་
འཛེག་པར་བྱེད། མྱུར་དུ་ལྷག་པར་འཛེག་པའི་ས་དང་ཕ་རོལ་ཏུ་ཕྱིན་པའི་མན་ངག་ཀྱང་སྟོན་པར་བྱེད། མདོར་ན་མཐར་གྱིས་བྱང་ཆུབ་ལ་གཞོལ་ཞིང་སོ་སོར་འགོད་པར་བྱེད། དགེ་བ་སྒྲུབ་པ་ལ་གནས་པ་སྐྱེད་པར་བྱེད། སྡུག་བསྔལ་དང་ཉོན་མོངས་པ་ཟད་པར་བྱེད། རྣམ་པར་འཇོམས་
པར་བྱེད། རྣམ་པར་སེལ་བར་བྱེད། འདྲེན་པར་བྱེད། འཇོམས་པར་བྱེད། མདོར་ན་རང་གི་སྨོན་ལམ་གྱི་སྟོབས་དང་བསོད་ནམས་དང་ཡེ་ཤེས་ཀྱི་སྟོབས་དང་དེ་བཞིན་གཤེགས་པའི་བྱིན་གྱིས་བརླབས་ཀྱི་སྟོབས་ཀྱིས་སེམས་ཅན་གྱི་ཁམས་ཐམས་ཅད་དུ་དེ་བཞིན་གཤེགས་པའི་མཛད་
པ་ཡང་བྱེད་པར་འགྱུར་རོ། །འདིར་ཡང་སེམས་ཅན་སྡུག་བསྔལ་བ་རྣམས་ཀྱི་དོན་ཡོངས་སུ་མི་ཉམས་པར་བྱ་བའི་ཆོ་ག་བཤད་པར་བྱ་སྟེ། སྔགས་འཛིན་པས་དང་པོར་རེ་ཞིག་བྱང་ཆུབ་ཏུ་སེམས་བསྐྱེད་པའི་རིགས་ཀྱི་བུའམ་རིགས་ཀྱི་བུ་མོ་བྱིས་པ་སོ་སོའི་སྐྱེ་བོའི་ས་ལས་འདས་པ་
དང་དེ་བཞིན་གཤེགས་པའི་བྱིན་གྱི་བརླབས་རྙེད་པ་འདི་ཉིད་ལ་བདག་ཉིད་དད་པར་བྱའོ། །སྒྲུབ་པ་པོའི་རིགས་ཀྱི་བུའམ་རིགས་ཀྱི་བུ་མོས་སྔ་དྲོ་དང་པོ་ལ་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་ཉིད་དབུལ་བར་བྱ་སྟེ། བདག་མིང་ཆེ་གེ་མོ་ཞེས་
བགྱི་བ་ཆོས་ཀྱི་དབྱིངས་སུ་གཏོགས་པའི་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་དབུལ་བར་བགྱིའོ། །ཐུགས་རྗེ་ཆེན་པོ་དང་ལྡན་པ་དེ་རྣམས་ཀྱིས་ཀྱང་བདག་ལ་རྣམ་པ་ཐམས་ཅད་དང་དུས་ཐམས་ཅད་དུ་བྱིན་གྱིས་བརླབ་པ་དང་ཡོངས་སུ་བཟུང་བར་
གྱུར་ཅིག་།བདག་ལ་གྲུབ་པ་དང་མཆོག་སྩོལ་ཅིག་།དེ་ནས་སྡིག་པ་སོ་སོར་བཤགས་པར་བྱ་སྟེ། འདོད་ཆགས་དང་ཞེ་སྡང་དང་གཏི་མུག་ལས་སྐྱེས་པའི་སྡིག་པ་ཐམས་ཅད་སོ་སོར་བཤགས་པར་བགྱིའོ། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཐུགས་བསྐྱེད་

</font><hr>87-1-182b<br><font size=+2>

པ་གང་གིས་བཤགས་པ་མཛད་པའི་སེམས་བསྐྱེད་པ་དེས་བཤགས་པར་བྱ་སྟེ། ཇི་ལྟར་སངས་རྒྱས་བཅོམ་ལྡན་འདས་ཀྱིས་མཁྱེན་པ་ལྟར་དེས་ཀྱང་ཇི་ཙམ་དུ་བཤགས་པར་ནུས་པ་དེ་ཙམ་དུ་བཤགས་པར་བྱའོ། །དེ་ནས་བསོད་ནམས་ལ་རྗེས་སུ་ཡི་རང་བར་བྱ་སྟེ། གང་དུས་གསུམ་
དུ་གཤེགས་པའི་སངས་རྒྱས་དང་བྱང་ཆུབ་སེམས་དཔའ་དང་ཉན་ཐོས་དང་རང་སངས་རྒྱས་དང་སེམས་ཅན་ཐམས་ཅད་ཀྱི་བསོད་ནམས་ཀྱི་ཚོགས་སེམས་ཅན་གྱི་ཁམས་རྣམ་པར་སྦྱོར་བར་བྱེད་པ། སེམས་ཅན་གྱི་ཁམས་ཡོངས་སུ་སྲུང་བར་བྱེད་པ། འཇིག་རྟེན་དང་འཇིག་རྟེན་ལས་
འདས་པ་དེ་དག་ཐམས་ཅད་ལ་རྗེས་སུ་ཡི་རང་བ་བླ་ན་མེད་པས་རྗེས་སུ་ཡི་རང་བར་བྱ་སྟེ། ཇི་ལྟར་སངས་རྒྱས་དང་བྱང་ཆུབ་སེམས་དཔས་མཁྱེན་པ་ལྟར། དེས་ཀྱང་ཇི་ལྟར་རྗེས་སུ་ཡི་རང་བར་ནུས་པ་དེ་ལྟར་རྗེས་སུ་ཡི་རང་བར་བྱའོ། །དེ་ནས་མཆོད་པའི་བྱ་བ་བྱ་སྟེ། སེམས་ཅན་གྱི་
ཁམས་ན་གང་ང་ཡར་མེད་ཅིང་ཡོངས་སུ་གཟུང་བ་མེད་པའི་མཆོད་པའི་ཆོ་ག་དེ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མཆོད་པའི་ཕྲིན་ལས་ཀྱིས་དབུལ་བར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང་བདག་
གི་བསོད་ནམས་ཀྱི་སྟོབས་དང་རིག་པའི་གསང་སྔགས་ཀྱི་སྟོབས་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོག་ཏུ་རྒྱ་ཆེ་བའི་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་མཆོག་རྒྱ་ཆེན་པོའི་གོང་མ་ལས་བླ་མར་མངོན་པར་བསྒྲུབས་པའི་
མཆོད་པའི་སྤྲིན་རབ་ཏུ་འབབ་པ་བསམ་པའམ་བརྗོད་པ། མཆོད་པ་ཆེན་པོར་མངོན་པར་སྒྲུབ་པར་བྱེད་པའི་རིག་པའི་རྒྱལ་མོ་ཆེན་མོ་འདི་ལན་བརྒྱད་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ་སརྦ་ཐཱ། ཨུངྒ་ཏེ་སྥ་ར་ཎ་ཧཾ་མཾ་ག་ག་ན་ཁཾ་སཝཱ་ཧཱ། དེ་ནས་སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ལ་ཇི་ལྟར་མངོན་པར་བསྔོས་པ་ལྟར་དེ་བཞིན་དུ་ངེས་པར་འབྱུང་བར་འགྱུར་རོ། །མཆོད་པ་དེ་དག་ཀྱང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་མཁྱེན་ཏོ། །དེ་ནས་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་ཡོན་ཏན་དུ་བསྔགས་

</font><hr>87-1-183a<br><font size=+2>

པ་དང ། གྲགས་པ་སྣ་ཚོགས་ཀྱི་གླུའི་སྤྲིན་རྒྱ་མཚོ་རབ་འབྱམ་ཚིག་ཏུ་བརྗོད་པའམ་བསམས་ལ། འདི་ལྟ་བུའི་བསྟོད་པ་དཔེ་མེད་པ་ངེས་པར་སྒྲུབ་པར་བྱེད་པའི་རིག་པའི་རྒྱལ་མོ་འདི་ལན་བརྒྱད་བརྗོད་པར་བྱའོ། །ན་མཿ སརྦ་བུདྡྷ་བོདྡྷི་ས་ཏྭཱ་ནཱཾ། སརྦ་ཏྲ་སཾ་ཀུ་སུ་
མི་ཏ་ཨ་བྷི་ཛྙཱ་རཱ་ཤི་ནི་ན་མོ་སྟུ་ཏེ་སཝཱ་ཧཱ། དེ་ནས་དེ་བཞིན་དུ་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཡོན་ཏན་བསྔགས་པ་བརྗོད་པའི་སྤྲིན་གྱི་རྒྱ་མཚོ་རབ་ཏུ་འབྱུང་བར་འགྱུར་བ་དེ་ལྟ་བུར་ཡང་དད་པར་བྱའོ། །དེའི་འོག་ཏུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ལུས་ཀྱི་སྤྲུལ་
པའི་སྤྲིན་སེམས་ཅན་ཐམས་ཅད་ལ་དམིགས་པ་ལས་བྱུང་བ་སེམས་ཅན་གྱི་ཁམས་ཐམས་ཅད་ཀྱི་སྡུག་བསྔལ་ཐམས་ཅད་ཞི་བར་འགྱུར་བ་དང ། བདེ་བ་ཐམས་ཅད་མྱུར་དུ་སྩོལ་ཅིག་པའམ། ཡང་ན་སེམས་ཅན་ཐམས་ཅད་ཀྱི་ཟག་པ་མེད་པའི་དགེ་བ་འབྱུང་བའི་སྦྱོར་བ་ཡང་དག་པར་འབྱུང་
བ་དང་དེ་བཞིན་གཤེགས་པ་རྣམས་ཀྱི་གྲུབ་པའི་མཆོག་དེ་དག་གིས་ཐོབ་པར་གྱུར་ཅིག་ཅེས་དེ་ལྟ་བུ་ལ་སོགས་པ་སེམས་ཅན་ཐམས་ཅད་ལ་ཕན་པའི་བསམ་པ་ཡིད་ལ་བྱེད་པའམ་ངག་ཏུ་བརྗོད་དེ། སངས་རྒྱས་ཐམས་ཅད་ཀྱི་སྤྲུལ་པའི་སྤྲིན་མངོན་པར་བསྒྲུབ་པའི་རྒྱུ་དང་སེམས་ཅན་གྱི་ཁམས་
ཐམས་ཅད་རྣམ་པར་སྦྱོང་བར་བྱེད་པ་དང་སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་བྱེད་པའི་རིག་པའི་རྒྱལ་པོ་ཆེན་པོ་འདི་ལན་བརྒྱད་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ན་མོ་སྟུ་ཏེ་མ་ཧཱ་བརྫ་སརྦ་ས་ཏྭཱ་ཧི་ཏཾ་ཀ་ར། ཏིཥྠ་སརྦ་ཏྲ། སརྦྦེ་ཥཱཾ་དྷརྨྨཱ་ཎཱཾ་ཨ་དྷིཥྠཱ་ཡ་སཝཱ་ཧཱ། རིག་པའི་
རྒྱལ་པོ་འདི་བརྗོད་པ་ཙམ་གྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་ཀྱིས་དེ་དག་གི་སྤྲུལ་པའི་སྤྲིན་རྒྱ་ཆེན་པོ་མོས་པས་མངོན་པར་བསྒྲུབས་ནས། མདོར་ན་སེམས་ཅན་གྱི་ཁམས་སུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཛད་པ་
ཡང་བྱེད་པར་འགྱུར་རོ། །བྱང་ཆུབ་སེམས་དཔའི་ཐེག་པ་ཅན་གྱིས་དེ་དག་ལ་ཡང་དག་པར་དད་པར་བྱའོ། །དེ་དག་ཀྱང་སངས་རྒྱས་དང་བྱང་ཆུབ་སེམས་དཔའ་ཁོ་ནས་མཁྱེན་ཏོ། །དེ་ནས་དེ་དག་ཐམས་ཅད་བླ་ན་མེད་པའི་བསོད་ནམས་དང་ཡེ་ཤེས་ཀྱི་ཚོགས་དང ། རྗེས་སུ་ཡི་རང་བ་ལ་

</font><hr>87-1-183b<br><font size=+2>

སོགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱའོ། །དེའི་འོག་ཏུ་བདག་སྡུག་བསྔལ་བར་གྱུར་པ་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་རྣམ་པ་ཐམས་ཅད་དུ་བྱིན་གྱིས་བརླབ་པ་དང་བདག་ལ་གྲུབ་པའི་མཆོག་སྩོལ་ཅིག་ཅེས་བརྗོད་པར་
བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་བ་དང་།དམིགས་པ་དང ། བཟླས་པ་དང ། ནན་ཏན་དུ་བགྱིས་པ་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བླ་ན་མེད་པའི་བྱང་ཆུབ་ཀྱི་དངོས་གྲུབ་ལ་སོགས་པ་གྲུབ་པ་ཐམས་ཅད་ལ་རྗེས་སུ་ཡི་
རང་བ་དང ། དམིགས་པ་དག་ལ་གོམས་པའི་སེམས་ཀྱིས་བླ་ན་མེད་པའི་སྙིང་པོ་འདི་ཇི་སྲིད་སྐྱོ་བར་མ་གྱུར་པ་དེ་སྲིད་བཟླས་པ་བཟླ་བར་བྱའོ། །དེའི་འོག་ཏུ་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་བྱང་ཆུབ་དང་བླ་ན་མེད་པའི་སེང་གེའི་སྒྲ་སྒྲོགས་པས་ཆོས་ཀྱི་འཁོར་ལོ་བསྐོར་བ་དང ། སེམས་
ཅན་གྱི་དོན་བླ་ན་མེད་པ་བྱེད་པ་དང ། དེ་བཞིན་གཤེགས་པ་ཀུན་དུ་བཟང་པོའི་སྐུ་ཡོངས་སུ་སྒྲུབ་པར་འདོད་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་ལྡང་བར་བྱའོ། །དེ་ནས་བྱང་ཆུབ་སེམས་དཔའི་སྤྱོད་པ་ལ་འཇུག་པ་འཕགས་པ་སྡོང་པོ་བཀོད་པ་ལ་སོགས་
པ་རིག་པ་རྒྱ་ཆེན་པོའི་ཚུལ་གྱི་མདོ་སྡེ་རྣམས་མངོན་པར་མཆོད་ཅིང་ཀློག་པའམ་ཐ་ན་ཕྱག་བྱས་ནས་ཟས་བཟའ་བར་བྱ་སྟེ། དང་པོ་ཟས་ལ་སྔགས་འདིས་ལན་བརྒྱད་མངོན་པར་བསྔགས་པ་བྱས་ནས་ཁམ་གྱི་དང་པོ་ལྷ་ཉིད་ལ་དབུལ་ཞིང་དེའི་འོག་ཏུ་ཟས་བཟའ་བར་བྱའོ། །དེ་ལ་སྔགས་ནི་འདི་
ཡིན་ཏེ། ན་མཿ སརྦ་བུདྷ་བོ་དྷི་ས་ཏྭཱ་ནཱཾ། ཨོཾ་བ་ལིཾ་དཱ་ཏེ། ཏེ་ཛོ་མཱ་ལཱི་ནི་སཝཱ་ཧཱ། ཁ་ཟས་ཀྱིས་དུབ་པ་སྤངས་ནས་ཀྱང་སྔ་དྲོའི་བྱ་བ་གང་ཡིན་པ་དེ་དག་ཐམས་ཅད་ཕྱི་དྲོའི་ཡང་བྱ་བ་ཡིན་ནོ། །ཉལ་ན་ཡང་ཡན་ལག་ཐམས་ཅད་ཀྱིས་དང་པོར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་
ཕྱག་བྱས་ནས་བསྟོད་དེ་མལ་སྟན་ལ་འདུག་ཅིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་པ་དང་བླ་ན་མེད་པའི་དངོས་གྲུབ་ཀྱི་མཆོག་བདག་ལ་སྩོལ་ཅིག་།རྣམ་པར་འཚེ་བ་ཐམས་ཅད་རབ་ཏུ་ཞི་བར་མཛད་དུ་གསོལ་ཞེས་གསོལ་བ་ཡང་གདབ་པར་བྱའོ། །མཚན་གྱི་

</font><hr>87-1-184a<br><font size=+2>

དང་པོ་དང་ཐ་མ་ལ་མི་ཉལ་བའི་སྦྱོར་བས་དམ་པའི་ཆོས་འདོན་པ་ལ་སོགས་པ་བྱའོ། །སྒྲུབ་པ་པོའི་རིགས་ཀྱི་བུའམ་རིགས་ཀྱི་བུ་མོ་དེས་དེ་བཞིན་དུ་ཉི་མ་རེ་རེ་ཞིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དང་པོར་ཕྱག་བྱ་བ་དང་ཉིན་རེ་ཞིང་བདག་དབུལ་བ་དང་དེ་བཞིན་དུ་སྡིག་
པ་སོ་སོར་བཤགས་པ་དང་འདས་པ་དང་མ་བྱོན་པ་དང་ད་ལྟར་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་དང་སེམས་ཅན་ཐམས་ཅད་ལ་རང་གི་བསོད་ནམས་བསྟབ་པ་དང་དམ་པའི་ཆོས་ཀྱི་གླེགས་བམ་ལ་ཕྱག་བྱས་ནས་
བཅང་བ་དང་ཀློག་པའམ་སྒོམ་པ་དང ། ཐ་ན་མཆོད་པ་བྱས་ནས་དད་པས་སྙིང་པོ་འདི་བཟླ་བར་བྱ་བ་ཡིན་ཏེ། རིའམ་ལྷ་ཁང་ངམ་ཁྱིམ་མམ་བྲང་ཁང་ལ་སོགས་པའི་གནས་སུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ལྷག་པར་དམིགས་ཤིང་བཟླས་པས་སེམས་ཅན་
ཐམས་ཅད་ཡོངས་སུ་བསྲུང་བ་དང་ལྡན་པའི་སེམས་ཀྱིས་སྟོབས་བཅུ་མཁྱེན་པའི་ས་དོན་དུ་གཉེར་ཞིང་མངོན་པར་འདོད་པས་འབུམ་བཟླ་བར་བྱའོ། །དེ་ནས་དེ་བཞིན་གཤེགས་པ་དང་བྱང་ཆུབ་སེམས་དཔའ་མཐོང་བར་འགྱུར་ཞིང་དེས་ཏིང་ངེ་འཛིན་དང་གཟུངས་ལ་སོགས་པའམ། ཕྱིར་མི་
ལྡོག་པའི་ས་ལ་ཞུགས་པའི་བར་དུ་འཐོབ་པར་འགྱུར་རོ། །འདི་ནི་བྱང་ཆུབ་སེམས་དཔའི་ཐེག་པའི་ཐབས་དང་ཤེས་རབ་ལ་མཁས་པ་དེ་དག་གི་བཟླས་པའི་ཆོ་ག་ཡིན་ནོ། །གལ་ཏེ་རིག་པ་འཛིན་པར་གྱུར་ཅིག་ཅེས་ཡིད་ལ་བྱེད་ལ་བཟླས་པ་འབུམ་ཡོངས་སུ་རྫོགས་པར་བྱས་
ནས། བཅཝ་ལྔའམ་བཅུ་གསུམ་མམ་བཅུ་བཞིའི་ཉིན་མཚན་ལ་གསོ་སྦྱོང་བྱས་ལ། ཅི་འབྱོར་བའི་མཆོད་པ་བྱས་ནས་མེ་ཏོག་གི་གཅལ་བཀྲམ་པའི་དཀྱིལ་འཁོར་ལ། མཆོད་རྟེན་ནམ་ལུགས་སྐུ་འམ་དམ་པའི་ཆོས་ཀྱི་གླེགས་བམ་མདུན་དུ་བཞག་ལ།ཀུ་ཤའི་ཁྲེས་པོའམ་
གཅལ་དུ་བཀྲམ་པ་ལ་འདུག་པའམ་ལོ་མ་ལ་ཉེ་བར་འདུག་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོག་སློང་བས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱ་བ་དང ། དམིགས་པ་དང་བཟླས་པས་ལྕགས་ཀྱི་འཁོར་ལོ་ལག་པ་ལ་ཐོགས་

</font><hr>87-1-184b<br><font size=+2>

ལ་ཇི་སྲིད་དུ་འབར་བར་མ་གྱུར་པ་དེ་སྲིད་དུ་བཟླས་པ་བྱས་ན་འབར་བར་འགྱུར་ཞིང ། ས་ཆེན་པོ་འགུལ་བར་འགྱུར་ཏེ། རིག་པ་འཛིན་པ་དེ་དག་ཐམས་ཅད་འདུས་ཤིང་དེ་དག་གིས་དབང་བསྐུར་བར་འགྱུར་རོ། །བྱང་ཆུབ་སེམས་དཔའི་རིག་པ་འཛིན་པའི་རིགས་སུ་བསོད་ནམས་
ཇི་ལྟ་བ་དང་རང་གི་སྐལ་བ་ཇི་ལྟ་བའི་གནས་རྙེད་པར་འགྱུར་རོ། །དེ་ཉིད་དུ་ཕྱིར་མི་ལྡོག་པའི་བྱང་ཆུབ་སེམས་དཔའི་སྤྱོད་པ་བསྒྲུབ་པའི་ས་ཐོབ་པར་འགྱུར་ཏེ་དེ་ལ་ལུས་ཉམས་པར་ཡང་མི་འགྱུར་རོ། །ཐབས་མཁས་པ་ཉིད་ཀྱིས་འདོད་པའི་ཡོན་ཏན་ལྔ་ལ་ལོངས་སྤྱད་ཀྱང་གཟི་བརྗིད་
མཚུངས་པ་མེད་པ་ཉིད་དུ་འགྱུར་རོ། །འཁོར་ལོའི་རིམ་པ་ཇི་ལྟ་བ་དེ་བཞིན་དུ་རྡོ་རྗེ་དང་མདུང་དང་རལ་གྲི་དང་རྩེ་གཅིག་པ་དང་གཏུན་ཤིང་དང་དབྱུག་པ་དང་སྟ་རེ་དང་ཁ་ཊྭཱཾ་ག་དང་གྲི་གུག་དང་ཆུ་གྲི་དང་ལྕགས་ཀྱུ་ལ་ཡང་བསྒྲུབ་པར་བྱའོ། །ཐབས་མཁས་པ་དང་ལྡན་ཞིང་སེམས་ཅན་ཡོངས་
སུ་བསྲུང་བའི་བློ་ཅན་ལུས་དང་སྲོག་ལ་ལྟོས་པ་མེད་པ། ཐམས་ཅད་དུ་རྗེས་སུ་འགྲོ་བའི་ཡིད་ལ་བྱེད་པས་ལྕགས་དང ། གསེར་དངུལ་དང་ལྕགས་གསུམ་དང་ཙནྡན་དང་རྡོ་དང་ཐ་ན་ཤིང་དངས་ལས་བྱས་པའམ། ཏ་ལའི་ལོ་མའི་རང་བཞིན་ལས་བྱས་པ་ལ་སྔར་སྨོས་པའི་ཚོགས་
གཅིག་པུ་དབེན་པར་འདུག་སྟེ་འབུམ་བཟླས་པས་བསྒྲུབས་ན་གོང་མ་བཞིན་རིག་པ་འཛིན་པར་འགྱུར་རོ། །ལྡོང་རོས་སམ། མིག་སྨན་ནམ་བ་བླ་འམ་གི་ཝང་ལ་སོགས་པ་ལོ་མའི་བར་རམ། གོས་ཀྱི་བར་རམ་ལྕགས་ཀྱི་སྣོད་ཁ་སྦྱར་དུ་བཅུག་ལ་བསྒྲུབ་པར་བྱ་བའམ། གོས་སམ་
རྒྱལ་མཚན་ནམ་ནོར་བུའམ་མུ་ཏིག་གི་ཕྲེང་བ་ལ་སོགས་པ་རྒྱན་རྣམས་སམ། པདྨ་འམ་ཨུཏྤལ་ལ་སོགས་པ་མེ་ཏོག་གི་ཁྱད་པར་རམ། སྐ་རགས་སམ་ལྷུང་བཟེད་དམ་ཆོས་གོས་སམ་འཁར་གསིལ་ལ་སོགས་པའི་ཡོ་བྱད་ལག་པར་ཆུད་པའམ་ལོ་མའམ་གོས་སམ་ཞགས་པ་ལ་
བསྒྲུབས་ན་འབར་བར་འགྱུར་ཞིང་རིག་པ་འཛིན་པར་འགྱུར་རོ། །ཅི་སྙེད་ཀྱི་གྲོགས་འདོད་པ་དེ་སྙེད་ཀྱི་གྲོགས་དང་ལྷན་ཅིག་འཕུར་ཞིང་འགྲོ་བར་འགྱུར་རོ། །ཐོགས་པ་མེད་པ་དོན་ཡོད་པར་གྲུབ་པའི་སྙིང་པོ་འདི་ཡང་བསོད་ནམས་དང་ལྡན་པའམ། བསོད་ནམས་དང་མི་ལྡན་པས་

</font><hr>87-1-185a<br><font size=+2>

ཀྱང་རུང་འགྲུབ་པར་འགྱུར་རོ། །ཚུལ་ཁྲིམས་དང་ལྡན་པ་ཡང་རུང ། ཚུལ་ཁྲིམས་དང་མི་ལྡན་པས་ཀྱང་འགྲུབ་པར་འགྱུར་རོ། །ཐབས་དང་ལྡན་པའམ་ཐབས་དང་མི་ལྡན་པས་ཀྱང་འགྲུབ་པར་འགྱུར་རོ། །མཁས་ཀྱང་རུང་མི་མཁས་ཀྱང་རུང་ངེས་པར་དོན་ཡོད་
པར་འགྱུར་རོ། །གཞན་དུ་དད་པ་མེད་པ་དང་བྱང་ཆུབ་ཏུ་སེམས་མ་བསྐྱེད་པ་རྣམས་ཀྱིས་མ་ཡིན་ནོ། །བྲིས་སྐུ་མེད་ཀྱང་རུང་མཆོད་ཀྱང་རུང ། མཆོད་པ་མེད་ཀྱང་རུང ། ཁྲུས་ལ་སོགས་པ་མེད་ཀྱང་རུང ། ཕྱིའི་སྤྱོད་པ་གཙང་སྦྲ་ལ་སོགས་པ་མེད་ཀྱང་རུང ། ཉ་ཤ་དང་ཤ་དག་
ལ་སོགས་པ་ཡོངས་སུ་མ་སྤངས་ཀྱང་རུང་འགྲུབ་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་པ་བསྒོམས་པའི་སེམས་ཀྱིས་འགྲུབ་བོ། །གལ་ཏེ་བྲིས་སྐུ་ལ་སྒྲུབ་པར་འདོད་པས་ཐད་ཀ་ལ་བཅོམ་ལྡན་འདས་རིན་པོ་ཆེའི་རི་བོ་ལ་རིན་པོ་ཆེའི་པདྨའི་སྟེང་
ན་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་འཕགས་པ་རྡོ་རྗེ་འཛིན་པུས་མོ་བཙུགས་ནས་པདྨ་ལ་བཞུགས་པ་རྡོ་རྗེ་དང་བཅས་པར་ཐལ་མོ་སྦྱར་བ་ཨུཏྤ་ལའི་ལོ་མའི་མདོག་གམ་པྲི་ཡང་ཀུ་ལྟ་བུར་སྔོ་བསངས་སམ་གསེར་གྱི་མདོག་ཅན་བྲི་བར་བྱའོ། །བཅོམ་
ལྡན་འདས་ཀྱི་གཡས་ལོགས་སུ་རྡོ་རྗེ་འཛིན་པ་ཆེན་པོ་ཞེས་བྱ་བ་རྡོ་རྗེ་འཛིན་གསེར་གྱི་མདོག་ཅན་རལ་པ་དང་ཅོད་པན་ཅན་གོས་སེར་པོ་གྱོན་པ་ལག་པ་གཡོན་གྱིས་ལྕགས་ཀྱུ་ཡོངས་སུ་འཛིན་པ་བྲི་བར་བྱའོ། །དེའི་འོག་ཏུ་མིང་ངམ་མཐའ་མེད་ཅེས་བྱ་བའི་འཁོར་འབར་བའི་སྙིང་པོ་ཅན་ཁྲོས་
ཤིང་འཁྲུགས་པར་གྱུར་པ་ནོར་བུའི་ཟུར་ཕུད་ཀྱིས་བརྒྱན་པ་ཨ་ཤོ་ཀ་དམར་པོའི་མདོག་ཅན་ལག་པ་ན་གྲི་གུག་དང་ཞགས་པ་ཐོགས་པ་བྲི་བར་བྱའོ། །རྡོ་རྗེ་འཛིན་པའི་འོག་ཏུ་གཞོན་ནུ་མ་གཡོན་ན་ཟུར་ཕུད་གཅིག་པ་ནག་པོ་སྔོ་བསངས་རོལ་པར་གྱུར་པས་འཁོར་ལ་དགའ་བ་དང་བཅས་
པས་བལྟ་བ། གོས་སྔོན་པོ་གྱོན་པ་ལག་ན་མེ་ཏོག་གི་ཕྲེང་བ་ཐོགས་པ་མཐའ་མེད་མ་ཞེས་བྱ་བ་ཕོ་ཉ་མོ་བྲི་བར་བྱའོ། །འདིར་ཡང་བྲིས་སྐུ་ལ་གཞན་དུ་ཡང་ལས་དེ་དག་ཉིད་དང་སྒྲུབ་པ་དེ་དག་ཉིད་བྱ་བའམ་རྟོག་པ་ཐམས་ཅད་ཀྱི་ཆོ་གའི་སྦྱོར་བའམ་ཡིད་ལ་འདོད་པའི་ཆོ་ག་སྦྱར་བར་བྱའོ།

</font><hr>87-1-185b<br><font size=+2>

དུར་ཁྲོད་དུ་འབུམ་བཟླས་ན་རྡོ་རྗེ་འཛིན་འོངས་ནས་ལག་པ་ནས་བཟུང་སྟེ་ལྕང་ལོ་ཅན་དུ་འདྲེན་པར་བྱེད་དོ། །དེས་རྡོ་རྗེའི་རིགས་ཀྱི་གཞོན་ནུར་གྱུར་པ་ཐོབ་པར་འགྱུར་རོ། །རིག་པ་འཛིན་པའི་ས་དངོས་པོ་རལ་གྲི་ལ་སོགས་པ་ལ་བསྙེན་པ་བྱས་པ་དེས་རིག་པ་འཛིན་པར་འགྱུར་རོ། །རྒྱ་
མཚོར་ཞུགས་ནས་འབུམ་བཟླས་ན་ཀླུའི་རྒྱལ་པོ་རྒྱ་མཚོའི་གནས་སུ་ཕྱིན་པར་འགྱུར་ཞིང་ཀླུའི་རྒྱལ་པོ་རྒྱ་མཚོ་མཐོང་བར་འགྱུར་རོ། །ཕྱིར་མི་ལྡོག་པའི་བྱང་ཆུབ་སེམས་དཔའི་ལུས་རབ་ཏུ་ཐོབ་པར་འགྱུར་རོ། །ཡིད་བཞིན་གྱི་ནོར་བུའམ་རྡོ་རྗེའམ་རལ་གྲིའམ་འཁོར་ལོའམ་རིན་པོ་ཆེ་ལ་
སོགས་པ་དེ་རྣམས་ཀྱི་རིག་པ་འཛིན་པར་འགྱུར་ཞིང ། སངས་རྒྱས་ཀྱི་ཞིང་མང་པོར་འགྲོ་བ་དང་འོང་ནུས་པར་འགྱུར་རོ། །ཀླུའི་རིགས་ཐམས་ཅད་བློ་མཐུན་པར་འགྱུར་རོ། །ཆར་ཆེན་པོ་རྣམ་པ་སྣ་ཚོགས་པ་མངོན་པར་འབབ་པར་འགྱུར་རོ། །ཀླུའི་མཚེའུ་གང་དུ་འབུམ་བཟླས་ན་
ཀླུའི་གནས་དེར་རབ་ཏུ་འཇུག་པར་འགྱུར་ཞིང ། དེར་གང་འདོད་པ་དེ་རྙེད་པར་འགྱུར་རོ། །གང་གཱར་ཞུགས་ཤིང་འབུམ་བཟླས་ལ་འབུམ་ཡོངས་སུ་རྫོགས་ནས་དེ་ཉིད་དུ་མཆོད་རྟེན་བརྩིགས་ལ་སྦྲང་རྩི་དང་འོ་མ་དང་ཡུངས་ཀར་དང་བཅས་པས་སྦྱིན་སྲེག་བྱས་ན། ཀླུ་ཐམས་ཅད་སྐྲག་པས་
ལྷགས་པར་འགྱུར་ཞིང་གང་སྨྲས་པ་དེ་བྱེད་པར་འགྱུར་རོ། །དུར་ཁྲོད་དུ་ཡུངས་ཀར་གྱིས་སྦྱིན་སྲེག་བྱས་ན་གནོད་སྦྱིན་གོང་མ་བཞིན་བྱེད་པར་འགྱུར་རོ། །རིའི་ལྷ་ལ་འབྲུ་མར་དང་ཙནྡན་གྱི་སྦྱིན་སྲེག་གིས་སམ་ནགས་ཀྱི་གནས་སུ་རིག་པ་འཛིན་པ་ལ་སྦྲང་རྩི་དང་པི་པི་ལིང་གི་སྦྱིན་སྲེག་
བྱས་ན་ཐམས་ཅད་འདུས་པར་འགྱུར་ཞིང་དུས་ཐམས་ཅད་དུ་རྗེས་སུ་དྲན་པ་ཙམ་གྱིས་རང་གི་བཀའ་ལུང་སྒྲུབ་པར་བྱེད་དོ། །ཤིང་གི་གྲིབ་མས་ཤིང་གཞན་ལ་མ་ཕོག་པ་ནི་ཤིང་གཅིག་གོ། །ཤིང་གཅིག་གི་དྲུང་དུ་རྗེས་སུ་དྲན་པས་མཆོད་རྟེན་བྱས་ཤིང་འབུམ་བཟླས་ལ་མདུན་དུ་ཨ་ཤཝཏྠ་
ལས་བྱས་པའི་རྩེ་གསུམ་པ་བྱས་ལ་ཉིན་མཚན་སྨྱུང་བར་འདུག་སྟེ། ཉ་ལ་དྲིས་བསྐུས་ཤིང་ཅི་འབྱོར་པའི་མཆོད་པ་བྱས་ནས་ཇི་སྲིད་འབར་བར་གྱུར་གྱི་བར་དུ་མཚན་རངས་པ་བསྒྲུབ་པ་བྱས་ན་གདུལ་དཀའ་བ་འདུལ་བར་བྱེད་པ་བྱང་ཆུབ་སེམས་དཔའི་སྤྱད་པ་སྤྱོད་པ་དེ་གླིང་བཞི་པའི་ལྷའི་

</font><hr>87-1-186a<br><font size=+2>

ཕུན་སུམ་ཚོགས་པའི་བདག་པོར་འགྱུར་རོ། །སྐུ་གདུང་དང་བཅས་པའི་མཆོད་རྟེན་ལ་བཟླས་པ་འབུམ་བྱས་ལ་ཉ་ལ་འཁོར་ལོའི་ཕྱག་མཚན་ནམ་རྡོ་རྗེའི་ཕྱག་མཚན་ནམ་རྒྱལ་མཚན་བླངས་ནས་ཇི་སྲིད་འཕུར་བ་དེ་སྲིད་བཟླས་ན་དེས་ཀུན་དུ་འགྲོ་བའི་རིག་པ་འཛིན་པར་འགྱུར་
རོ། །ཆུ་བོར་ཞུགས་ཏེ་བཟླས་པ་འབུམ་བྱས་ནས་ས་ལས་བྱས་པའི་མཆོད་རྟེན་གྱི་རྩར་ཉ་ལ་སོགས་པའི་ཉིན་ཞག་ལ་ཇི་སྐད་དུ་བཤད་པའི་གནས་སུ་ཆོ་ག་སྔ་མ་བཞིན་ལག་པས་ནོར་བུ་བླངས་ཏེ་ཇི་སྲིད་འབར་བར་གྱུར་པ་དེ་སྲིད་བཟླས་ན་ཡིད་བཞིན་གྱི་ནོར་བུ་འཆང་བའི་རིག་པ་འཛིན་པར་
འགྱུར་རོ། །ཡང་དེ་ཉིད་ལག་པས་བླངས་ཏེ་བཟླས་པས་ཡིད་བཞིན་གྱི་ནོར་བུར་འགྱུར་རོ། །ཟངས་མའི་བུམ་པ་ལ་ཆོ་ག་འདི་ཉིད་ཀྱིས་བསྒྲུབ་པ་བྱས་ན་བུམ་པ་གང་བར་འགྱུར་རོ། །སློང་མོས་འཚོ་ཞིང་ལྕགས་ཀྱི་རྡོ་རྗེ་ལག་པར་བླངས་ཏེ། ཇི་སྲིད་འདས་པ་དང་མ་འོངས་པ་དང་ད་ལྟར་གྱི་
སྨྲ་བར་བྱ་བ་སྟོན་པར་བྱེད་པ་དེ་སྲིད་བཟླས་པས་ཆོས་གང་ཉན་པར་འདོད་པ་དེ་མངོན་པར་སྟོན་པར་འགྱུར་རོ། །དེའི་སྟེང་དུ་བསྒྲུབས་ན་འབར་བར་འགྱུར་རོ། །འབར་བར་གྱུར་པས་ལག་ན་རྡོ་རྗེ་རྡོ་རྗེའི་རིགས་སུ་འཇུག་པར་འགྱུར་རོ། །རྡོ་རྗེ་ཇི་ལྟ་བ་བཞིན་དུ་རལ་གྲི་དང་འཁོར་ལོ་དང་ལྕགས་
ཀྱུ་དང་གླེགས་བམ་ལག་པས་བླངས་ཏེ་བསྒྲུབས་པས་རྡོ་རྗེའི་རིགས་སུ་འཇུག་པར་འགྱུར་ཞིང་ཐམས་ཅད་དུ་ཐོགས་པ་མེད་པའི་རིག་པ་འཛིན་པར་འགྱུར་རོ། །གཞོན་ནུའམ་གཞོན་ནུ་མ་ལེགས་པར་ཁྲུས་བྱས་ཏེ་རྒྱན་གྱིས་བརྒྱན་པ་ལ་སྔོན་དུ་བསྙེན་པ་བྱས་ལ་ཅི་འབྱོར་པའི་མཆོད་པ་བྱས་ཏེ་
ཉིན་མཚན་སྨྱུང་བས་མཆོད་རྟེན་ནམ་ལུགས་སྐུ་འམ་གླེགས་བམ་མམ་བྲིས་སྐུ་འམ་གཞན་དག་གི་མདུན་དུ་ཀུ་ཤའི་གཅལ་བཀྲམ་པ་ལ་འདུག་ནས། སངས་རྒྱས་དང་བྱང་ཆུབ་སེམས་དཔའ་རྣམས་ལ་ཐལ་མོ་སྦྱར་བ་བྱས་ནས་གསོལ་བ་བཏབ་ལ། དེ་ནས་ཙནྡན་ནམ་ག་བུར་རམ་གུ་
གུལ་ལམ་དུ་རུ་སྐས་དུ་བ་མེད་པའི་མེ་མདག་ལ་སྦྱིན་སྲེག་བྱའོ། །དེ་དག་མེད་ན་སྐྱིལ་མོ་ཀྲུང་གིས་འདུག་སྟེ་ལག་པས་དེ་དག་བཟུང་ལ་ཇི་སྲིད་གཞོན་ནུ་དང་གཞོན་ནུ་མ་འབར་བར་གྱུར་པ་དེ་སྲིད་དུ་བཟླས་པས་རབ་ཏུ་འབར་ཞིང་འཕུར་བར་འགྱུར་རོ། །ལག་པས་བླངས་ན་དེ་དག་དང་བཅས་

</font><hr>87-1-186b<br><font size=+2>

པར་རིག་པ་འཛིན་པར་འགྱུར་རོ། །བུད་མེད་ལེགས་པར་ཁྲུས་བྱས་ཤིང་རྒྱན་གྱིས་བརྒྱན་པ་ལ་ཇི་སྲིད་སྐྱེས་པར་གྱུར་པ་དེ་སྲིད་དུ་བཟླས་པར་བྱའོ། །དུར་ཁྲོད་དུ་བྲིས་པའམ་ཤིང་ངམ་ས་ལས་བྱས་པའི་སེང་གེ་ལ་ཇི་སྲིད་འགྲོ་བར་གྱུར་པ་དེ་སྲིད་བཟླས་པས་དེ་ལ་ཞོན་ཞིང་གང་དུ་
འདོད་པ་དེར་འགྲོ་བར་འགྱུར་རོ། །གལ་ཏེ་ཉིན་རེ་རྟག་ཏུ་བཟླས་ན་གང་དུ་འགྲོ་བའི་ས་ཕྱོགས་དེ་བསྲུང་བ་བྱས་པར་འགྱུར་རོ། །གལ་ཏེ་ཉིན་མཚན་དུ་སྒྲུབ་པ་བྱེད་ན་ཇི་སྲིད་ཞག་ལྔའམ་དྲུག་གམ་བརྒྱད་དམ་ལྷག་མའི་ཟླ་བ་ཕྱེད་ཀྱི་ནང་དུ་ཡར་འཕགས་པར་འགྱུར་ཞིང་ལྷ་རྣམས་ལས་
ཀྱང་རྒྱལ་བར་འགྱུར་རོ། །དེ་ལ་ཞོན་ན་གང་དུ་འདོད་པ་དེར་འགྲོ་བ་དང་འོང་བར་འགྱུར་རོ། །དེ་བཞིན་དུ་རྟའམ་གླང་པོ་ཆེའམ་ཁྱུ་མཆོག་གམ་མ་ཧེའམ་ར་སྐྱེས་སམ་ལུག་གམ་རི་དགས་ལ་བཟླས་ན་དེ་དག་ཐམས་ཅད་ཉིད་གང་དུ་ཇི་སྲིད་འདོད་པ་དེ་སྲིད་དུ་འགྲོ་བ་དང་འོང་བར་འགྱུར་
རོ། །མེ་ཏོག་གིས་རབ་ཏུ་གཏོར་བའི་དཀྱིལ་འཁོར་ལ་དུར་ཁྲོད་ཀྱི་ཤིང་ལ་མེ་སྦར་ལ་མར་དང་ཡུངས་ཀར་གྱིས་སྦྱིན་སྲེག་བྱས་ན་ཟླ་བ་ཕྱེད་ཀྱི་ནང་དུ་ངེས་པར་མཁའ་ལ་འཕུར་བར་འགྱུར་རོ། །དུར་ཁྲོད་ཇི་ལྟ་བ་དེ་བཞིན་དུ་རི་བོ་ལ་སོགས་པ་ལ་ཡང་གཅིག་པུ་དབེན་པར་འདུག་སྟེ་བསྒྲུབ་
པའམ་དད་པ་ལ་སོགས་པ་བྱ་ལ་བསྒྲུབ་པའམ་ཆོ་ག་འདི་ཉིད་ཀྱིས་ཤིང་ཁྲིའམ་མཆིལ་ལྷམ་ལ་སོགས་པ་ལ་ཡང་ཡིད་ལ་འདོད་པས་ཆོ་ག་བཞིན་དུ་བསྒྲུབ་པར་བྱའོ། །ཤིང་མྱ་ངན་མེད་ཀྱི་ཡལ་ག་ལ་འཇུས་ནས་ཇི་སྲིད་ནམ་མཁའ་ལ་འགྲོ་བ་དང་མི་སྣང་བར་འགྱུར་བ་དེ་སྲིད་དུ་བཟླས་
པར་བྱའོ། །དེ་བཞིན་དུ་ཤིང་ཨ་ཤཝཏྠ་དང་ནྱ་གྲོ་དྷ་དང་ནཱ་ག་པུཥྤའི་ཤིང་དང་ཤིང་ཏིལ་ཀ་དང་ཨ་མྲ་དང་དུར་ཁྲོད་ཀྱི་ཤིང་ལ་འཛེགས་ཏེ་ཇི་སྲིད་མི་སྣང་བར་འགྲོ་བ་དེ་སྲིད་དུ་བཟླས་པ་བྱའོ། །དེ་ལྟར་མི་སྣང་བར་གྱུར་པས་ལོ་སྟོང་ཕྲག་བརྒྱར་འཚོ་བར་ཡང་འགྱུར་ཞིང་ཁྲུ་གང་ཙམ་གྱིས་ས་ལ་
མ་རེག་པར་འགྲོ་བར་འགྱུར་རོ། །བསོད་སྙོམས་ཀྱི་འཚོ་བས་དུར་ཁྲོད་དུ་ཇི་སྲིད་དུ་མི་སྣང་བར་གྱུར་པ་དེ་སྲིད་དུ་བཟླས་པ་བྱའོ། །དུར་ཁྲོད་དུ་ཞག་ལྔ་འདུག་སྟེ་བཟླས་པ་བྱས་ནས་ཕྱིས་དེ་ཉིད་དུ་སའི་རང་བཞིན་གྱི་མཆོད་རྟེན་བྱས་ནས་དེར་མེ་ཏོག་གི་དཀྱིལ་འཁོར་བྱས་ཏེ། ཐལ་བ་

</font><hr>87-1-187a<br><font size=+2>

ལག་པའི་ཁ་སྦྱར་དུ་བཅུག་སྟེ། ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་བྱས་ནས་དེས་མཛུབ་རིས་གསུམ་བྱས་པས་མི་སྣང་བར་འགྱུར་རོ། །ཤ་མ་ཏ་ལའི་རྩ་བསྐམ་པོ་ཕྱེ་མར་བྱས་ཏེ་དུར་ཁྲོད་དུ་མེ་ཏོག་གིས་མངོན་པར་གཏོར་བའི་དཀྱིལ་འཁོར་བྱས་ལ་ལག་
པ་ཁ་སྦྱོར་རམ་ཁམ་པོར་ཁ་སྦྱོར་དུ་བཅུག་སྟེ་ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་བྱས་ལ་དེས་མིག་ལ་བསྐུས་ན་མི་མཐོང་བར་འགྱུར་རོ། །དེ་བཞིན་དུ་འགྲོ་ན་པུཥྤ་དད་ཨ་ཏི་པ་ལཱ་དང ། ིནྡྲ་བ་རུ་ནི་རྣམས་ཀྱི་རྩ་བའམ། ཤུ་དག་གམ། ཨ་པ་རཱ་ཙི་ཏ་འམ། ཨ་པ་ར་ཏི་
ནིའམ། པདྨའི་སྡོང་བུའི་རྩ་བའམ། དཎྜོཏྤ་ལའམ། ཨུཏྤ་ལའི་མེ་ཏོག་གམ། མིའི་ཤའམ། རྨ་བྱའི་ཤའམ། ཚ་བ་གསུམ་མམ། ར་ཛ་པ་ཏའམ། སྤོས་དཀར་པོའམ་གཞན་དག་ཕྱེ་མར་བྱས་ཏེ། ཁམ་ཕོར་ཁ་སྦྱར་རམ་ལག་པ་ཁ་སྦྱོར་དུ་བཅུག་སྟེ་ཇི་སྲིད་དུ་བ་འཐུལ་
བ་དེ་སྲིད་དུ་བཟླས་པ་དེས་མིག་ལ་བསྐུས་ན་མི་སྣང་བར་འགྱུར་རོ། །དུར་ཁྲོད་དུ་སྦྲང་རྩི་ལ་ལན་སྟོང་མངོན་པར་བསྔགས་ཏེ་མིག་ལ་བསྐུས་ནམ་མཐོང་བ་ཐམས་ཅད་མཐོང་བར་འགྱུར་རོ། །དགོན་པར་མཆོད་རྟེན་གྱི་ལོགས་ལ་ཤིང་རྟ་བྲིས་ལ་ཇི་སྲིད་ཟླ་བ་ཕྱེད་ཀྱི་ནང་དུ་འགུལ་བར་འགྱུར་
བ་དེ་སྲིད་ཉིན་མཚན་བཟླས་ལ་དེ་ལ་ཞོན་ན་ཀུན་དུ་འགྲོ་བར་འགྱུར་རོ། །བ་བླ་བླངས་ཏེ་དབེན་པའི་མཆོད་རྟེན་ནམ་དགོན་པའམ་རི་ལ་སོགས་བ་ལ་ཇི་སྲིད་དངོས་གྲུབ་གསུམ་གྲུབ་པར་གྱུར་པ་དེ་སྲིད་དུ་བཟླས་པར་བྱའོ། །དེ་བཞིན་དུ་གི་ཝང་དང་མིག་སྨན་ལ་སོགས་པ་ལ་བསྒྲུབ་པར་བྱའོ། །
དགེ་སློང་གིས་རྟག་ཏུ་ལྷུང་བཟེད་དང་ཆོས་གོས་དང་འཁར་གསིལ་ལ་སོགས་པ་བླངས་ལ་བཟླས་པ་བྱ་ཞིང ། འཇོག་པ་ན་བསྲུང་པ་བྱས་ཏེ་གཞག་པར་བྱའོ། །དེ་ལྟ་བུ་ལ་སོགས་པའི་ལས་སུ་བྱ་བ་བྱེད་པ་ན་ཡིད་ལ་འདོད་པའི་ཆོ་གས་བསྒྲུབ་པའམ། དེ་བཞིན་གཤེགས་པ་ཐམས་
ཅད་ཀྱི་རྟོག་པའི་ཆོ་གས་བསྒྲུབས་ན། སངས་རྒྱས་བཅོམ་ལྡན་འདས་ཀྱི་སྙིང་པོ་འདི་འདོད་པ་ཕུན་སུམ་ཚོགས་པར་བྱེད་པར་འགྱུར་རོ། །ཐོགས་པ་མེད་པ་དོན་ཡོད་པའི་ཡིད་ལ་འདོད་པའི་ཆོ་གས་ཇི་ལྟར་འདོད་པ་བཞིན་བསྒྲུབ་པར་བྱའོ། །བྱང་ཆུབ་སེམས་དཔའ་དང་བཅས་པའི་དེ་

</font><hr>87-1-187b<br><font size=+2>

བཞིན་གཤེགས་པ་ཐམས་ཅད་འདི་ལྟར་བདག་པོར་ཁས་བླངས་ནས་ཕྱག་འཚལ་བ་དང ། དམིགས་པ་དང ། བཟླས་པས་སངས་རྒྱས་དང་བྱང་ཆུབ་སེམས་དཔར་བཅས་པ་རྗེས་སུ་དྲན་ཞིང་བཟླས་པ་གོམས་པར་བྱའོ། །གལ་ཏེ་སྐྱིལ་ཀྲུང་མ་བཤིག་པར་མཚན་མོ་གཅིག་པུར་རི་
ལ་སོགས་པ་དྲི་ཞིམ་པ་དབེན་པ་ན་དབེན་པར་འདུག་སྟེ། བཟླས་པ་བྱེད་ན་ཉི་མ་ཤར་བའི་དུས་ཀྱི་ཚེ་བསྙེན་པ་མ་བྱས་པར་ཡང་རིག་པ་འཛིན་པ་ངེས་པར་མཚན་གཅིག་གིས་འགྲུབ་བོ། །ཙོག་པུར་འདུག་ནས་བྱས་ན་གདོན་མི་ཟ་བར་ཟླ་བ་ཕྱེད་ཀྱི་ནང་དུ་ལུས་ཡོངས་སུ་འགྱུར་བར་
བྱེད་དོ། །དཀྱིལ་འཁོར་མེ་ཏོག་ལ་སོགས་པས་མངོན་པར་གཏོར་བར་བྱས་ལ། མཆོད་རྟེན་ལ་མངོན་པར་ཕྱོགས་པའམ། ལུགས་སྐུ་ལ་མངོན་དུ་ཕྱོགས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་འབུལ་ཞིང་སྟོང་ཕྲག་བརྒྱད་བཟླས་ན་དམ་པའི་ཆོས་
སྤོང་བ་དང་འཁོར་བ་ཐོག་མ་མེད་པའི་ལས་ཀྱི་སྒྲིབ་པ་རྣམས་སྤོང་བར་བྱེད་དོ། །ཆུ་བོའི་ངོགས་སུ་མཆོད་རྟེན་བྱས་ལ་ཆུ་བོ་དེ་ཉིད་དུ་སྐེ་བ་ནུབ་ཙམདུ་ཞུགས་ཏེ་བཟླས་ན་ལས་ཀྱི་སྒྲིབ་པ་ཟད་པར་འགྱུར་རོ། །དེ་བཞིན་དུ་མཆོད་རྟེན་ལ་སྐོར་བ་བྱེད་ཅིང་སྟོང་ཕྲག་བརྒྱད་བཟླས་ན་སྡིག་ཕ་ལས་
གྲོལ་བར་འགྱུར་རོ། །དབེན་པར་མིག་བཙུམས་ཏེ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ནས། ཇི་སྲིད་མིག་བཙུམས་པ་དེ་ཁོ་ནས་དེ་བཞིན་གཤེགས་པ་ཡིད་ཀྱིས་མཐོང་བར་འགྱུར་བ་དེ་སྲིད་དུ་བཟླས་པ་བྱས་ན། སྡིག་པའི་ལས་ཀྱི་སྒྲིབ་པ་ལས་རྣམ་པར་གྲོལ་
བར་འགྱུར་རོ། །མི་སྨྲ་བར་སྟོང་ཕྲག་བརྒྱད་བཟླས་པ་བྱས་ན་དཀྱིལ་འཁོར་ཐམས་ཅད་དུ་རབ་ཏུ་ཞུགས་པར་འགྱུར་རོ། །འདིས་དམ་ཚིག་ཐམས་ཅད་ཀྱང་ཤེས་པར་འགྱུར་རོ། །རྣམ་པར་འཚེ་བ་ལ་མར་དང་ཡུངས་ཀར་གྱི་སྦྱིན་སྲེག་བྱའོ། །ནད་པ་རྣམས་ཀྱི་དོན་དུ་ནི་མར་དང་སྦྲང་རྩིས་
སྦྱིན་སྲེག་བྱའོ། །ཁྲོས་པ་རྣམས་ཀྱི་དོན་དུ་སྦྲང་རྩིའོ། །རྒྱལ་པོ་འདྲེན་པར་བྱེད་པ་ལ་ནི་ཡུངས་ཀར་ཏིལ་མར་ལ་སྦགས་ནས་སྦྱིན་སྲེག་བྱའོ། །གཡུལ་འགྱེདཔལ་ནི་འོད་མའི་ཚེར་མའམ་འཆི་བ་ལ་མ་ད་ནའི་ཚེར་མའམ་ཨརྒའི་མེ་ཏོག་གམ་དུ་དུར་གའི་མེ་ཏོག་ཡུངས་ཀར་གྱི་མར་ལ་

</font><hr>87-1-188a<br><font size=+2>

སྦགས་པས་སྦྱིན་སྲེག་བྱས་ན་འཆི་བ་རབ་ཏུ་ཞི་བར་བྱེད་དོ། །མུ་ཙུ་ཀུནྡྷའི་ཕུར་བུ་མ་མོའི་དཀྱིལ་འཁོར་དུ་སྤས་ན་མཁའ་འགྲོ་མ་ཐམས་ཅད་ཀྱི་ཕྱག་རྒྱ་དང་སྔགས་ཕུར་བུས་བཏབ་པར་འགྱུར་རོ། །རིག་པ་འཛིན་པའི་རྒྱལ་པོ་ཐམས་ཅད་བྲིས་ཏེ་ལྕགས་ཀྱི་ཕུར་བུས་
བཏབ་ན་རིག་པ་འཛིན་པ་ཐམས་ཅད་དང་མ་དད་པ་དང་གནོད་པ་བྱེད་པ་ཕུར་བུས་བཏབ་པར་འགྱུར་རོ། ། ཤོ་ཀའི་པུར་བུས་ལམ་པོ་ཆེའི་བཞི་མདོར་བརྐོས་ན་གདོན་ཆེན་པོ་རེངས་པར་བྱེད་པར་འགྱུར་རོ། །ཉིན་གཅིག་པ་ལ་སོགས་པའི་རིམས་ཐམས་ཅད་ལ་སྐུད་པའམ་བདུག་སྤོས་
དྲི་ཞིམ་པོ་རྣམས་ཀྱིས་མགོ་བཏུམས་ལ་རང་ལ་བདུགས་ན་སེལ་བར་བྱེད་ཅིང་ལྷས་བསྟན་ནས་སྨྲ་བར་བྱེད་དོ། །དེ་བཞིན་དུ་སྦྱིན་སྲེག་གང་ཡིན་པ་དེས་ཀྱང་ཀླུ་དང་གནོད་སྦྱིན་ལ་སོགས་པ་མེད་པར་བྱེད་དོ། །ཟླ་བ་གཟས་ཟིན་པ་ན་ཟངས་མའམ་ལྕགས་སམ་གསེར་རམ་དངུལ་གྱི་སྣོད་དུ་བཅུག་
པའི་མར་ལ་ཇི་སྲིད་དངོས་གྲུབ་གསུམ་ཐོབ་པར་གྱུར་པ་དེ་སྲིད་དུ་བཟླས་ལ། དེ་འཐུངས་ན་ཐོས་པ་འཛིན་པའམ་རིག་པ་འཛིན་པར་འགྱུར་རོ། །ཉི་མ་གཟས་ཟིན་པ་ན་བ་བླ་ཤིང་མྱ་ངན་མེད་ཀྱི་ལོ་མ་ལ་བཞག་སྟེ། དགོན་པའི་མཆོད་རྟེན་ནམ་རི་བོའི་མཆོད་རྟེན་གྱི་རྩར་དཀྱིལ་འཁོར་ལ་མེ་
ཏོག་གཏོར་བ་བྱས་ཤིང་ཇི་སྲིད་གྲུབ་པ་གསུམ་ཐོབ་པར་གྱུར་པ་དེ་སྲིད་དུ་བཟླས་ན་འབར་བར་གྱུར་ནས་རིག་པ་འཛིན་པར་འགྱུར་རོ། །བ་བླ་ལ་ཇི་ལྟ་བ་དེ་བཞིན་དུ་ལིག་བུ་མིག་དང་ལྡོང་རོས་ལ་སོགས་པ་ལ་ཟླ་བ་གཟས་ཟིན་པའམ་ཉི་མ་གཟས་ཟིན་པ་ན་བསྒྲུབ་པར་བྱའོ། །གང་ཞིག་སངས་
རྒྱས་དང་བྱང་ཆུབ་སེམས་དཔའ་སྤྱོད་ཡུལ་ལ་འཇུག་པར་འགྱུར་བ་འམ་རྟེན་འཕོ་བར་འདོད་པའམ་རྒལ་བར་འདོད་པའམ་སེམས་ཅན་རྣམས་དང་སྐྱེ་བོ་སྡུག་བསྔལ་བ་རྣམས་འཁོར་བ་ལས་ཡོངས་སུ་སྲུང་བར་བྱེད་འདོད་པའམ་བདག་ཉིད་མཐོང་བའི་ཆོས་ཉིད་ལ་སངས་རྒྱས་ཀྱི་མཛད་པ་ལ་ངེས་
པར་སྦྱོར་བར་འདོད་པའམ་གསལ་པོར་སྣང་བ་ལ་གཞན་དག་ཡང་དག་པར་སྦྱོར་བར་འདོད་པའམ། སངས་རྒྱས་བཅོམ་ལྡན་འདས་རྣམས་ལས་ལེགས་སོ་ཞེས་བྱ་བའི་རྣམ་པ་རབ་ཏུ་བསྒྲགས་པ་མྱུར་དུ་རྙེད་པར་འདོད་པའམ། ཕྱིར་མི་ལྡོག་པའི་ས་ལ་སྐྱེ་བ་རྙེད་པར་འདོད་པས་སྔགས་ཀྱི་

</font><hr>87-1-188b<br><font size=+2>

སྤྱོད་པའི་སྒོ་བྱང་ཆུབ་སེམས་དཔའི་སྤྱོད་པ་འདི་ལ་བསླབ་པར་བྱའོ། །ཐབས་ལ་མཁས་པ་འདིས་ཀྱང་ཡོངས་སུ་ཟིན་པར་བྱ་སྟེ། སྨོན་ལམ་རྒྱ་ཆེན་པོ་བྱ་བ་དང་སྡིག་པ་རྣམས་སོ་སོར་བཤགས་པ་དང་དུས་གསུམ་དུ་འབྱུང་བའི་བསོད་ནམས་དང་ཡེ་ཤེས་ཀྱི་ཚོགས་འཇིག་རྟེན་དང་
འཇིག་རྟེན་ལས་འདས་པ་ལ་རྗེས་སུ་ཡི་རང་བ་དང་རྗེས་སུ་ཡི་རང་བ་ཡང་སེམས་ཅན་གྱི་ཁམས་ཐམས་ཅད་ཀྱི་སངས་རྒྱས་ཀྱི་རྒྱུ་ཉིད་དུ་རབ་ཏུ་སྦྱོར་བར་གྱུར་ཅིག་ཅེས་དེ་ལྟར་བསྔོ་འོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་སེམས་ཅན་གྱི་དོན་འབྱུང་བར་གྱུར་ཅིག་
ཅེས་དང་པོའི་ཚིག་ཏུ་བརྗོད་པའམ། རྗེས་སུ་བསམས་པའམ། དམིགས་ནས་བདག་གི་བསོད་ནམས་ཀྱི་སྟོབས་དང་སྨོན་ལམ་གྱི་སྟོབས་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཅིང་སེམས་ཅན་གྱི་དོན་འདི་འབྱུང་བར་གྱུར་ཅིག་ཅེས་
དང་པོ་ཚིག་ཏུ་བརྗོད་པའམ་རྣམ་པར་བསམས་ཏེ་བཟླས་པ་བྱའོ། །དབེན་པའི་ས་ཕྱོགས་སུ་འཕགས་པ་སྡོང་པོ་བཀོད་པ་ལ་སོགས་པ་ཤིན་ཏུ་རྒྱ་ཆེན་པོའི་མདོ་དང ། བྱང་ཆུབ་སེམས་དཔའི་སྤྱོད་པའི་རྒྱུ་ལ་རབ་ཏུ་འཇུག་པ་ཀློག་པ་ཉིད་དང་སེམས་པ་ཉིད་དང་མཆོད་པ་ཉིད་ཚེས་གཅིག་
ནས་བརྩམས་ཏེ་ཟླ་བ་གཅིག་གི་བར་དུ་བྱའོ། །དེ་ནས་ཉ་ལ་མཆོད་པ་བྱས་ཏེ་མཚན་ཐོག་ཐག་ཏུ་བཟླས་པ་བྱས་ན། དེ་བཞིན་གཤེགས་པ་རྣམས་བྱོན་ཞིང་མགོ་བོ་ལ་ཕྱག་གིས་བྱུགས་ཏེ། འདི་སྐད་དུ་སྐྱེས་བུ་དམ་པ་ལེགས་སོ་ལེགས་སོ་ཞེས་གསུང་བར་འགྱུར་ཏེ། དེ་ལ་སོགས་
པ་མི་བརྗེད་པའི་གཟུངས་རྙེད་པར་འགྱུར་ཞིང་བྱང་ཆུབ་སེམས་དཔའི་སྤྱོད་པ་ལ་རྗེས་སུ་ཞུགས་ནས་མངོན་པར་ཤེས་པ་ལྔ་ཐོབ་པར་འགྱུར་རོ། །ཇི་ལྟར་སེམས་ཅན་རྣམས་འཚང་རྒྱ་པའིབརི་རྒྱུར་གྱུར་ཅིག་ཅེས་རྣམ་པར་བསམས་ལ་བཟླས་པར་བྱའོ། །དེ་བཞིན་དུ་སེམས་ཅན་ཐམས་ཅད་ཀྱི་ནད་
རྣམས་རབ་ཏུ་ཞི་བར་བྱ་བ་དང་སྡུག་བསྔལ་གྱིས་ཉོན་མོངས་པ་ཐམས་ཅད་རབ་ཏུ་ཞི་བར་གྱུར་ཅིག་ཅེས་དེ་ལྟར་བཟླས་པར་བྱའོ། །གྲང་བའི་དམྱལ་བ་རྣམས་ལ་དྲོ་བ་འབྱུང་བར་འགྱུར་བ་དང ། ཚ་བའི་དམྱལ་བ་རྣམས་ལ་གྲང་བ་ཉིད་འབྱུང་བར་གྱུར་ཅིག་ཅེས་བཟླས་པར་བྱའོ། །དུད་འགྲོ་

</font><hr>87-1-189a<br><font size=+2>

རྣམས་གཅིག་ལ་གཅིག་ཟ་བ་རྣམས་མེད་པར་གྱུར་ཅིག་ཅེས་བཟླས་པར་བྱའོ། །སེམས་ཅན་གྱི་ཁམས་ཐམས་ཅད་དུ་སྡུག་བསྔལ་བ་དང་ཡིད་མི་བདེ་བ་ཐམས་ཅད་མེད་པར་གྱུར་ཅིག་།བདེ་བ་དང་ཡིད་བདེ་བ་ཐམས་ཅད་འབྱུང་བར་གྱུར་ཅིག་།ཡི་དགས་
རྣམས་ལ་བཟའ་བ་དང་བཏུང་བ་འབྱུང་བར་གྱུར་ཅིག་ཅེས་དེ་ལྟར་ཟང་ཟིང་མེད་པའི་སེམས་ཅན་ཐམས་ཅད་ལ་ལོངས་སྤྱོད་པ་འབྱུང་བར་གྱུར་ཅིག་།སེམས་ཅན་ཐམས་ཅད་ཀྱི་དགེ་བ་རབ་ཏུ་འཕེལ་བའི་ཤུགས་འབྱུང་བར་གྱུར་ཅིག་།བདེ་བ་དང་ཡིད་བདེ་བ་དེ་དག་རྣམས་ལ་འབྱུང་
བར་གྱུར་ཅིག་།དད་པ་དང་དགའ་བ་དང་རབ་ཏུ་དགའ་བ་ལ་སོགས་པ་དང་རྗེས་སུ་ཡི་རང་བ་ལ་སོགས་པའི་དགེ་བའི་ཤུགས་འབྱུང་བར་གྱུར་ཅིག་།བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་ཡོངས་སུ་རྫོགས་པར་གྱུར་ཅིག་།སྟོབས་བཅུ་མཁྱེན་པའི་ས་ལ་སེམས་ཅན་
སོ་སོར་གནས་པར་གྱུར་ཅིག་ཅེས་བྱ་བ་ལ་སོགས་པ་དང་གཞན་ཡང་སེམས་ཅན་ལ་ཕན་པའི་རྒྱུར་དམིགས་ཏེ་སྔགས་བཟླ་བར་བྱའོ། །མདོར་ན་འཁོར་བར་གྱུར་པའི་ཉོན་མོངས་པ་དང་སྡུག་བསྔལ་བ་ལ་སོགས་པ་རབ་ཏུ་སྤང་བ་དང་བྱང་ཆུབ་སེམས་དཔའི་ཚོགས་ཡོངས་
སུ་རྫོགས་པར་གྱུར་ཅིག་ཅེས་སྔགས་བཟླ་བར་བྱའོ། །དེ་བཞིན་དུ་བཟླས་པས་ཀྱང་དེ་བཞིན་གཤེགས་པའི་བྱིན་གྱིས་བརླབས་དང་སྨོན་ལམ་གྱི་སྟོབས་དང་བསོད་ནམས་དང་ཡེ་ཤེས་ཀྱི་སྟོབས་ཀྱིས་གོ་ར་མིས་ཇི་ལྟ་བཞིན་དུ་སེམས་ཅན་གྱི་ཁམས་སུ་སེམས་ཅན་གྱི་དོན་གྱི་
ཁྱད་པར་ཆུང་ངུ་དང་འབྲིང་དང་ཆེན་པོ་རྣམས་འབྱུང་བར་འགྱུར་རོ། །དེ་དག་ཀྱང་དེ་བཞིན་གཤེགས་པས་མཁྱེན་པར་འགྱུར་ཏེ་མོས་པ་རྒྱ་ཆེ་བ་དང་དད་པས་བྱང་ཆུབ་མངོན་པར་འདོད་པའི་རིགས་ཀྱི་བུ་དེ་ལ་ཡང་དད་པར་བྱའོ། །དེ་ལ་འདིའི་དཔེ་བསྟན་པ་ནི་འདི་ལྟ་སྟེ། ཡང་འདོད་
པའི་ཁམས་ན་དབང་ཕྱུག་ཅེས་བྱ་བ་ཡོད་དེ། འདོད་པ་སྐྱེད་པར་བྱེད་པ་ཞེས་བྱ་བའི་རིག་པས་འདོད་པ་ན་སྤྱོད་པའི་ལྷའི་བུ་འདོད་པས་རྒྱལ་བར་བྱེད་ཅིང་འདོད་པའི་ལོངས་སྤྱོད་ཡོངས་སུ་ལོངས་སྤྱོད་པ་ཡང ། ཡང་དག་པར་སྟོན་པར་བྱེད་དོ། །མེ་ཏོག་རྣམ་པ་སྣ་ཚོགས་པ་

</font><hr>87-1-189b<br><font size=+2>

མང་པོ་དང ། རིན་པོ་ཆེ་དང ། ནོར་བུ་ཡོད་པའི་ས་ཕྱོགས་དང ། ཡོ་བྱད་དང ། ལོངས་སྤྱོད་ཉེ་བར་སྟོབས་པར་བྱེད་དོ། །འདི་ལྟ་སྟེ་ཡང་ལྷའི་བུ་དབང་ཕྱུག་ཅེས་བྱ་བ་ཡོད་དེ་དེས་ཡིད་ལྟར་མགྱོགས་པ་ཞེས་བྱ་བའི་རིག་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
ཀྱི་ལས་སུ་བྱ་བ་བྱེད་ཅིང་ཡོ་བྱད་དང་ལོངས་སྤྱོད་མངོན་པར་སྤྲུལ་ནས་གནས་གཙང་མའི་རིས་ཀྱི་ལྷའི་བུ་རྣམས་ལ་ཡང་ཉེ་བར་སྟོབས་པར་བྱེད་དོ། །འདི་ལྟ་སྟེ་ཡང་རིག་པ་འཛིན་པ་ཞེས་བྱ་བའི་སྔགས་ཀྱིས་གོས་དང ། བཏུང་བ་དང ། གཞལ་ཡས་ཁང་དང ། 
སྐྱེད་མོས་ཚལ་དང ། དྲི་དང ། མེ་ཏོག་དང ། ཕྱེ་མ་དང ། ཕྲེང་བ་ལ་སོགས་པ་མངོན་པར་སྤྲུལ་ནས་ཡོངས་སུ་ལོངས་སྤྱོད་པར་བྱེད་ཅིང་གཞན་དག་ལ་སྟེར་བར་བྱེད་དོ། །འདི་ལྟ་སྟེ་ཡང་མིག་འཕྲུལ་རྣམ་པ་སྣ་ཚོགས་པའི་མིག་འཕྲུལ་མཁན་ཞེས་བྱ་བས་རྣམ་པ་སྣ་ཚོགས་
པའི་མིག་འཕྲུལ་སྟོན་པར་བྱེད་དོ། །འདི་ལྟ་སྟེ་ཡང་ལྷ་མ་ཡིན་རྣམས་སྔགས་ཀྱི་སྒྱུ་མ་བྱེད་པར་འགྱུར་རོ། །འདི་ལྟ་སྟེ་ཡང་སྨན་པས་སྔགས་ཀྱིས་སེམས་ཅན་མང་པོ་རྣམས་ཀྱི་རིམས་སེལ་བར་བྱེད་ཅིང ། ཡི་དགས་དང་དུག་དང་ནད་རྣམས་སེལ་བར་བྱེད་དོ། །འདི་ལྟ་
སྟེ་ཡང་སྔགས་ཀྱིས་མེའི་དྲོ་བ་མེད་པར་བྱེད་ཅིང་གྲང་བ་ཡང་དྲོ་བར་འགྱུར་རོ། །འདི་ལྟ་སྟེ་ཡང་མངོན་པར་གནོད་པར་བྱེད་པས་རིམས་ཀྱིས་འཛིན་པར་བྱེད་དོ། །འདི་ལྟ་སྟེ་ཡང་མ་མོའི་རྟོག་པས་སེམས་ཅན་མང་པོ་རྣམས་ལ་གསོད་པ་དང་རྣམ་པར་འཚེ་བར་བྱེད་དོ། །གཞན་
ཡང་སྡིག་པ་རྣམས་ལ་སྡིག་པའི་སྔགས་ཀྱིས་སྡིག་པ་ལ་སྦྱོར་བར་བྱེད་དོ། །གཞན་ཡང་གནོད་སྦྱིན་གྱི་སེམས་རྣམ་པར་གཡོ་བར་བྱེད་པའི་སྔགས་ཀྱིས་སེམས་དགའ་བ་དང་ཡིད་བདེ་བ་ལ་སོགས་པ་དང་གཞན་དག་ཀྱང་བྱེད་པར་འགྱུར་རོ། །དེ་ལྟ་བུ་ལ་སོགས་པའི་ངེས་
པར་སྟོན་པ་ནི་སྔགས་ཀྱི་སྟོབས་ཡིན་པར་བལྟ་བར་བྱའོ། །གསང་སྔགས་དེའི་སྟོབས་ནི་གསང་སྔགས་ཉིད་ལས་འབྱུང་བ་ཡང་མ་ཡིན། སེམས་ཅན་ལས་འཇུག་པ་ཡང་མ་ཡིན་སྦྱོར་བ་བྱས་པ་ཡང་མི་དམིགས་མོད་ཀྱི་སྔོན་གྱི་བསྙེན་པའི་ཆོ་ག་ལས་གསང་སྔགས་ཀྱི་སྟོབས་ཀྱི་

</font><hr>87-1-190a<br><font size=+2>

སྟོབས་རབ་ཏུ་ཤེས་པར་བྱའོ། །བྱིན་གྱིས་བརླབས་ཀྱི་ཆོས་ཉིད་ལས་བྱུང་བ་ལས་འདས་པ་ཡང་མ་ཡིན། ཆོས་ཐམས་ཅད་ཀྱི་ཆོས་ཉིད་འདི་ཡང་འགྲོ་བ་དང་འོང་བ་ཡང་མ་ཡིན། དམིགས་པ་ཡང་མ་ཡིན། འགྲོ་བར་བྱེད་པ་ཡང་མ་ཡིན། བྱེད་པ་པོ་
ཡང་མ་ཡིན། བྱེད་པ་ཡང་མ་ཡིན། བདེན་པར་གྱུར་པ་མི་སླུ་བ་ཡིན་ཏེ་དེ་བས་ན་དད་པས་སྔགས་འདིས་སེམས་ཅན་ཐམས་ཅད་ཀྱི་དོན་བྱའོ། །ཚེ་འདི་ཉིད་ལ་མཐོང་བའི་ཆོས་ཉིད་ཀྱི་ཡོན་ཏན་འདོད་པ་དང་བྱང་ཆུབ་སེམས་དཔའི་སྤྱོད་པ་ལ་འཇུག་པར་འདོད་པ་དང་བསོད་
ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པར་བྱེད་འདོད་པ་དང་ཡོན་ཏན་རིན་པོ་ཆེ་སོ་སོར་ཐོབ་པར་འདོད་པས་བསྒྲུབ་པར་བྱའོ། །སེམས་ཅན་གྱི་དོན་གྱི་ཕྱིར་མངོན་པར་བརྗོད་པའི་སྦྱོར་བ་འདིས་བསྒྲུབས་ན་མྱུར་བ་ཁོ་ནར་ཇི་ལྟར་འདོད་པའི་རིག་པ་འཛིན་པ་ལ་སོགས་
པ་འགྲུབ་པར་འགྱུར་རོ། །གཞན་ཡང་སེམས་ཅན་རྣམས་ལ་ཕན་པའི་རྒྱུར་གྱུར་པ་ཇི་སྐད་དུ་བཤད་པའི་དངོས་གྲུབ་ཀྱི་གོ་འཕང་གང་ཡིན་པ་རྣམ་པར་བསམས་ལ་བཟླས་པ་འབུམ་བྱས་ན་ངེས་པར་དེ་བཞིན་གཤེགས་པའི་ཞལ་མཐོང་ཞིང་མགོ་ལ་བྱུགས་ཏེ་ཇི་ལྟར་འདོད་པའི་
དངོས་གྲུབ་ཀྱང་མྱུར་དུ་སྩོལ་བར་མཛད་པར་འགྱུར་རོ། །ཡིད་ཀྱི་ལས་སུ་བྱ་བ་ཅི་འདོད་པ་ལ་སྦྱོར་བའང་རུང་རྟོག་པའི་ཆོ་ག་གཞན་ནམ་སྔགས་འདི་ལ་རྟོག་པ་ཐམས་ཅད་ཀྱི་ཆོ་གས་སྦྱར་བར་བྱའོ། །དམ་ཚིག་གསུམ་གྱི་རྒྱལ་པོ་ལས་གསུངས་པའི་ཆོ་ག་ལས། དེ་བཞིན་
གཤེགས་པའི་སྙིང་པོའི་ལེའུ་རྫོགས་སོ།། །།ཡང་དེའི་ཚེ་བཅོམ་ལྡན་འདས་ཐམས་ཅད་ཀྱི་མཆོག་ཏིང་ངེ་འཛིན་གྱི་རྒྱལ་པོ་ཞེས་བྱ་བ་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་སྐུའི་ཡན་ལག་ཐམས་ཅད་ལས་དེ་བཞིན་གཤེགས་པའི་སྤྱོད་
ཡུལ་ཐམས་ཅད་ཀྱི་མཆོག་ཅེས་བྱ་བའི་རིག་པའི་རྒྱལ་པོ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨོཾ་ཨ་མ་ལ་བི་ཀྲཱཾ་ཏ་ཏེ་ཛཱི་ནི་ཨ་ར་ཛེ་སཝཱ་ཧཱ། ལག་ན་རྡོ་རྗེ་འདི་ནི་ཆོས་ཀྱི་སྤྱོད་ཡུལ་མཐའ་དང་དབུས་མེད་པའི་དེ་བཞིན་གཤེགས་པ་རྣམས་ཀྱི་རིག་པ་མཆོག་

</font><hr>87-1-190b<br><font size=+2>

ཐོགས་པ་མེད་པ་དོན་ཡོད་པར་གྲུབ་པའི་རིག་སྔགས་ཆེན་པོ་རྟོག་པའི་སྦྱོར་བ་རབ་འབྱམ་ཡངས་པ་མཐའ་མེད་པ་སྔགས་ཀྱི་སྒོར་ཞུགས་པའི་བྱང་ཆུབ་སེམས་དཔའི་སྤྱད་པ་སྤྱོད་པའི་བྱང་ཆུབ་སེམས་དཔའ་འདིས་ལས་རྣམས་གང་བག་མེད་པའི་སེམས་དང་པོ་བསྐྱེད་པའི་བྱང་ཆུབ་
སེམས་དཔའ་ནི་དེ་བཞིན་གཤེགས་པས་བྱིན་གྱིས་བརླབས་པ་མ་གཏོགས་པར་སྨྱོ་བར་འགྱུར་རོ། །མདོར་བསྟན་ན་བཟླས་པ་ཙམ་གྱིས་སངས་རྒྱས་ཀྱི་མཛད་པ་བྱེད་པར་འགྱུར་རོ། །གསང་སྔགས་ཀྱི་སྤྱོད་པ་རྗེས་སུ་ཐོབ་ནས་རྣམ་པ་སྣ་ཚོགས་པའི་དེ་བཞིན་གཤེགས་པའི་
སྐུ་དང ། བྱང་ཆུབ་སེམས་དཔའི་སྐུ་སེམས་ཅན་གྱི་ཁམས་ཐམས་ཅད་ལ་ཡང་དག་པར་སྟོན་པར་འགྱུར་རོ། །མོས་པ་སྣ་ཚོགས་པ་རྣམས་ལ་འཚམ་པར་འཁོར་བ་ལ་ཟློག་པའི་ཕྱིར་སྒྱུ་མ་མཁན་བཞིན་དུ་ཐམས་ཅད་དུ་སོང་བ་ཐམས་ཅད་ལ་ཐོགས་པ་མེད་པའི་གསང་སྔགས་
ཆེན་པོ་འདིས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལས་བྱུང་བ། མཐའ་དང་དབུས་མེད་པའི་དེ་བཞིན་གཤེགས་པས་བྱིན་གྱིས་བརླབས་པའི་སྟོབས་དང ། དགེ་བས་རྒྱས་པར་བྱས་པའི་སེམས་ཀྱི་འཇུག་པས་
བྱིན་གྱིས་བརླབས་པས་དེ་བཞིན་གཤེགས་པ་རྣམས་ཀྱི་གསུང་གི་འཁོར་ལོ་དང་གཞན་དག་ཀྱང་སེམས་ཅན་གྱི་ཁམས་རྣམས་ལས་འབྱུང་ཞིང་ཐོས་པར་གྱུར་ཅིག་ཅེས་སེམས་ཅན་ཐམས་ཅད་བསྐྱབ་པར་དམིགས་ནས་སྔགས་བཟླས་ནས་དེ་བཞིན་གཤེགས་པ་རྣམས་ཀྱི་
བྱིན་གྱིས་བརླབས་ཀྱི་སྟོབས་ཀྱི་ཤུགས་ལ་དད་པར་བྱའོ། །དེ་ལྟ་བས་ན་བྱང་ཆུབ་སེམས་དཔའི་ཐེག་པ་པས་ཐ་ན་གཟུང་པ་ཙམ་ལ་ཡང་སྦྱར་བར་བྱའོ། །རྟོག་པ་འདིར་སངས་རྒྱས་བཅོམ་ལྡན་འདས་ཀྱི་དོན་ཡོད་པ་ཐོགས་པ་མེད་པ་སྨོན་ལམ་གྱི་སྟོབས་དང ། བྱིན་གྱིས་
བརླབས་ཀྱི་སྟོབས་ཀྱིས་དངོས་གྲུབ་བྱིན་གྱིས་བརླབས་པ་ཡིན་ནོ། །དེ་ལས་འདིར་རིག་པ་འཛིན་པ་འཐོབ་པའི་ཐབས་ཕྱོགས་ཙམ་བརྗོད་པར་བྱའོ། །འདིར་དད་པ་དང་ལྡན་པའི་བྱང་ཆུབ་སེམས་དཔའི་ཐེག་པ་པས་རེ་ཞིག་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་

</font><hr>87-1-191a<br><font size=+2>

སྔ་མ་བཞིན་དུ་བདག་གི་ལུས་དབུལ་བར་བྱའོ། །དེ་ནས་དུས་ཐམས་ཅད་པའི་སྡིག་པ་བཤགས་ཏེ། ལུས་དང ། ངག་དང ། ཡིད་ཀྱི་ཀུན་ནས་ཉོན་མོངས་པ་དང ། ཉེ་བའི་ཉོན་མོངས་པ་ལས་བྱུང་བ་རྣམས་ནུས་པ་ཇི་ལྟ་བ་བཞིན་དུ་བཤགས་པར་བྱའོ། །
དེ་ནས་འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང ། ཡེ་ཤེས་ཀྱི་ཚོགས་ཐམས་ཅད་ལ་རྗེས་སུ་ཡི་རང་བར་བྱ་སྟེ། སེམས་ཅན་ཐམས་ཅད་སྐྱོབ་ཅིང་ཕན་པར་མཛད་པ་ལ་རྗེས་སུ་ཡི་
རང་ངོ ། །དཔག་ཏུ་མེད་པའི་དེ་བཞིན་གཤེགས་པ་སེམས་ཅན་གྱི་དོན་མཛད་པ་དང ། བྱང་ཆུབ་སེམས་དཔའ་རྣམས་སེམས་ཅན་རྣམས་ཀྱི་དོན་མཛད་པ་ཉིད་ལ་ཡང་རྗེས་སུ་ཡི་རང་ངོ ། །དེ་ནས་འདི་ལྟར་ཡང་བསམ་པར་བྱའོ། །དེ་བཞིན་གཤེགས་པ་གཅིག་ཅིག་
གི་བསོད་ནམས་དང་ཡེ་ཤེས་ཀྱི་ཚོགས་ཀྱང་ཚད་མེད་དོ་ཞེས་རྗེས་སུ་ཡི་རངས་ནས་སེམས་ཅན་ཐམས་ཅད་ཀྱི་ཕྱིར་ཡོངས་སུ་བསྔོ་ན་མཐའ་དང་དབུས་མེད་པའི་འབྲས་བུ་རྣམ་པར་སྨིན་པ་རྒྱ་ཆེན་པོ་འབྱུང་བར་འགྱུར་ན་གང་ཡང་སངས་རྒྱས་དང ། བྱང་ཆུབ་སེམས་དཔའ་
མཐའ་ཡས་པ་མཐའ་མི་མཐོང་བ་ཚད་མེད་པ་ཁོང་དུ་ཆུད་པར་བྱས་ནས་རྗེས་སུ་ཡི་རང་བ་ལྟ་ཅི་སྨོས། ཡང་ན་སངས་རྒྱས་བཅོམ་ལྡན་འདས་རྣམས་ཀྱིས་ཅི་ལྟར་མཁྱེན་པ་གང་ཡིན་པ་དེས་རྗེས་སུ་ཡི་རང་ངོ་ཞེས་བརྗོད་དེ། །དེ་ནས་འཇིག་རྟེན་གྱི་ཁམས་ཐམས་ཅད་དུ་
ཡང་དག་པར་བྱུང་བ། བདག་གི་མེད་པ་རྗེས་སུ་མ་བཟུང་བ། ཐང་ལས་སྐྱེས་པ་རིན་པོ་ཆེའི་རི་ལ་སོགས་པ་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པའི་དོན་དུ་བསྔོ་བར་བྱའོ། །དེ་ནས་བདག་གི་བསོད་ནམས་ཀྱི་སྟོབས་ཀྱིས་དེ་བཞིན་
གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་ཆོས་ཀྱི་དབྱིངས་ལས་སྤྲོས་པའི་དམ་པ་རྒྱ་ཆེན་པོའི་མཆོད་པའི་སྤྲིན་སྣ་ཚོགས་པ་དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་དང ། བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་ངེས་པར་བསམས་

</font><hr>87-1-191b<br><font size=+2>

ལ། འདི་སྐད་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། སརྦ་ཐཱ་ཨུངྒ་ཏེ་སྥ་ར་ཎ་ཧཱི་མཱཾ་ག་ག་ན་ཀཾ་ས་མནྟཱ་ཏ་སཝཱ་ཧཱ། །དེའི་རྗེས་ལ་གཞན་མ་ཡིན་པར་དེ་བཞིན་དུ་མཆོད་པ་རྣམས་དེ་བཞིན་གཤེགས་པས་ཅི་ལྟར་མཁྱེན་པ་བཞིན་དུ་འབྱུང་བར་
འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་དང ། བྱང་ཆུབ་སེམས་དཔའ་ཐམས་ཅད་ལ་ཡོན་ཏན་བསྔགས་པ་མཐའ་ཡས་པ་རབ་འབྱམ་རྒྱ་མཚོ་རྣམས་བདག་གི་སྨོན་ལམ་གྱི་སྟོབས་དང ། བསོད་ནམས་ཀྱི་སྟོབས་དང ། དེ་བཞིན་གཤེགས་པ་རྣམས་ཀྱི་བྱིན་
གྱིས་བརླབས་ཀྱིས་འབྱུང་བར་གྱུར་ཅིག་ཅེས་བསམས་ལ་སྔགས་འདི་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། སརྦ་ཏྲཱཾ་སཾ་ཀུ་སུ་མི་ཏཱ་ཨ་བྷི་ཛྙཱ་ན་རཱ་ཤི་ནི་ན་མོ་སྟུ་ཏེ་སཝཱ་ཧཱ། དེ་ནས་བསྟོད་པ་ཡང་དག་པར་བརྗོད་པའི་རྒྱ་མཚོ་རྣམས་དེ་བཞིན་གཤེགས་
པ་རྣམས་ཀྱིས་ཅི་ལྟར་མཁྱེན་པ་བཞིན་དུ་འབྱུང་བར་འགྱུར་རོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཐམས་ཅད་ཏུ་སྡུག་བསྔལ་བར་གྱུར་པ་བདག་ལ་བྱིན་གྱིས་བརླབ་ཏུ་གསོལ། བདག་ལ་དངོས་གྲུབ་དང་མཆོག་སྩལ་དུ་གསོལ་ཞེས་ཚིག་ཏུ་བརྗོད་པར་
བྱའོ། །དེ་ནས་སེམས་ཅན་ཐམས་ཅད་ཀྱིས་དགེ་བའི་རྩ་བའི་ཚོགས་ཟག་པ་མེད་པ་རྣལ་འབྱོར་ལས་ཡང་དག་པར་བྱུང་བ་རབ་ཏུ་ཐོབ་པར་གྱུར་ཅིག་ཅེས་ཀྱང་བརྗོད་དོ། །དེ་བཞིན་དུ་མཐའ་དང་དབུས་མེད་པའི་སེམས་ཅན་ཐམས་ཅད་ལ་ཕན་པ་དང་བདེ་བ་སྦྱིན་པར་ཡིད་ལ་
བྱས་ནས་དེ་ལྟ་བུའི་སྤྲུལ་པའི་སྤྲིན་མངོན་པར་སྒྲུབ་པར་བྱེད་པའི་སྦྱོར་བས་བསྟན་པའི་དེ་བཞིན་གཤེགས་པའི་སྙིང་པོའི་སྔགས་ལན་བརྒྱད་ཀྱི་བར་དུ་བརྗོད་པར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ཞིང་དམིགས་ལ་བཟླས་པ་གོམས་
པར་བྱས་ནས། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྒྲུབ་པར་གྱུར་པ་དང ། སངས་རྒྱས་ཀྱི་ཆོས་ཐམས་ཅད་གྲུབ་པར་གྱུར་པ་དེ་དག་ལ་རྗེས་སུ་ཡི་རང་བ་ལ་དམིགས་པའི་སེམས་ཀྱིས་གོམས་པར་བྱས་

</font><hr>87-1-192a<br><font size=+2>

ཤིང་བཟླས་པར་བྱ་སྟེ། ཅི་སྲིད་སྐྱོ་བར་མ་གྱུར་[(]ཀྱི་[,]གྱི་[)]བར་དུའོ། །དེ་ནས་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བས་བླ་ན་མེད་པའི་སེང་གེའི་སྒྲ་སྒྲོགས་པ་དང ། བླ་ན་མེད་པའི་སེམས་ཅན་གྱི་དོན་མཛད་ཅིང ། དེ་བཞིན་གཤེགས་པ་ཀུན་ཏུ་
བཟང་པོ་ཡེ་ཤེས་ཀྱི་སྐུ་ཡོངས་སུ་རྫོགས་པ་ལ་མངོན་པར་མོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ལངས་ཏེ་འཕགས་པ་སྡོང་པོ་བཀོད་པ་ལ་སོགས་པ་ཡངས་ཤིང་རྒྱ་ཆེ་བའི་མདོ་སྡེ་བཀླག་པའམ་གཞན་ཡང་རུང་ཅི་ལྟར་བསམས་པ་
བཞིན་དུ་སྔ་དྲོའི་དུས་ཀྱི་བར་དུ་གནས་པར་བྱའོ། །དེ་ནས་གླེགས་བམ་ལ་སོགས་པ་མཆོད་པའམ། ཐ་ན་མཆོད་རྟེན་ལ་ཕྱག་བྱས་ནས་ཟས་བཟའ་བར་བྱའོ། །ཟ་བའི་ཚེ་ཁ་ཟས་ལ་སྔགས་འདིས་ལན་བརྒྱད་མངོན་པར་བསྔགས་ལ་དང་པོའི་ཆང་བུ་ལྷ་བཤོས་སུ་ཕུལ་ལ་བཟའ་
བར་བྱའོ། །དེ་ལ་སྔགས་ནི་འདི་ཡིན་ཏེ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ།ོཾ་བ་ལིཾ་ཏཱ་ཏེ། ཏེ་ཛོ་མཱ་ལི་ནི་སཝཱ་ཧཱ། ཟས་ཀྱིས་དུབ་པ་ཅུང་ཞིག་ངལ་བ་སོས་ལ་ཕྱི་དྲོའི་དུས་སུ་ཡང་ཆོ་ག་འདི་བཞིན་དུ་བྱའོ། །ཉལ་བའི་ཚེ་དང་པོར་སངས་རྒྱས་དང་བྱང་ཆུབ་སེམས་དཔའ་ཐམས་
ཅད་ལ་ཡན་ལག་ཐམས་ཅད་ཀྱིས་ཕྱག་འཚལ་ནས་བདག་ཉིད་ཕུལ་ལ་ཕྱི་ནས་མལ་དུ་ཅི་ལྟར་འདོད་པར་གཉིད་ལོག་ལ་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་བྱའོ། །དེ་ལ་ཆོ་ག་ནི་འདི་ཡིན་ནོ། །ཚེས་གཅིག་ནས་བརྩམས་ནས་ཉིན་རེ་ཉིན་རེ་ཞིང་ཟླ་བ་གཅིག་རྫོགས་ཀྱི་བར་
དུ་འདི་བཞིན་དུ་བྱ་བ་ཡིན་ནོ། །གལ་ཏེ་ཆོ་ག་འགའ་ཞིག་མ་བྱས་སམ། བྱ་བ་གཞན་གྱིས་བྲེལ་བས་ཉི་མ་གཅིག་གམ། གཉིས་སམ། གསུམ་ལ་སོགས་པར་ལས་ལས་ཉམས་ན་ཡང་དེས་བརྩོན་འགྲུས་དོར་བར་མི་བྱ་སྟེ། ཟླ་བ་དེ་ཉིད་ཀྱི་ཉ་ལ་ཉིན་མཚན་གཅིག་ཏུ་
བཅོམ་ལྡན་འདས་ཀྱི་མདུན་དུའམ། མཆོད་རྟེན་དང ། སྐུ་གཟུགས་དང ། དམ་པའི་ཆོས་གླེགས་བམ་མམ། གཞན་གྱི་མདུན་དུ་ཡང་རུང ། མཆོད་པ་ཅི་འབྱོར་པ་བྱས་ནས་ཀུ་ཤ་བཀྲམ་པ་ལ་འདུག་སྟེ་བསྲུང་བའི་ཆོ་ག་བྱས་ནས་འཁོར་ལོ་དང ། རྡོ་རྗེ་དང ། རྩེ་གསུམ་

</font><hr>87-1-192b<br><font size=+2>

དང ། མདུང་དང ། ཁ་ཊྭཱཾ་ག་ཡང་རུང ། ལྕགས་ལས་བྱས་པའམ། ས་ལས་བྱས་པ་ཡང་རུང ། དེ་བཞིན་གཤེགས་པའི་སྙིང་པོའི་ལེའུ་ནས་གསུངས་པའི་མཚོན་ཆ་རྣམས་ལས་གང་འདོད་པ་ཞིག་ལག་ཏུ་བླངས་ནས་བསྒྲུབ་པ་བྱས་ན་དེས་ནམ་ཕྱེད་དམ། ཉི་མ་འཆར་ཀར་
ངེས་པར་འབར་བར་འགྱུར་རོ། །དེ་ཉིད་རིག་པ་འཛིན་པར་འགྱུར་ཏེ། སྐད་ཅིག་དེ་ལ་རིག་འཛིན་གྱི་རིགས་ཀུན་ཉེ་བར་འདུས་ནས་དེ་ལ་དབང་བསྐུར་བར་འགྱུར་རོ། །དེ་ནས་བཟུང་ནས་འཇིག་རྟེན་གྱི་ཁམས་ཐམས་ཅད་དུ་ནམ་མཁའ་ལ་རྒྱུ་ཞིང་དེ་བཞིན་གཤེགས་པ་ཐམས་ཅད་ཀྱི་
འཁོར་གྱི་དཀྱིལ་འཁོར་དུ་རྗེས་སུ་འཇུག་ཅིང་མཆོད་པ་ཆེན་པོ་བྱེད་པའི་བྱང་ཆུབ་སེམས་དཔའི་སྤྱོད་པ་ལ་ཞུགས་ནས་བདེ་བ་དང་ལྡན་བཞིན་དུ་ལྷ་དང ། ཀླུ་དང ། གནོད་སྦྱིན་ཐམས་ཅད་ཀྱིས་མཆོད་ཅིང་རིག་པ་འཛིན་པ་ཐམས་ཅད་མངོན་པར་དགའ་བར་བྱེད་པའི་རིག་སྔགས་འཛིན་
པའི་རྒྱལ་པོ་ཆེན་པོར་འགྱུར་རོ། །མཐའ་ཡས་པའི་བུད་མེད་ཀྱི་འཁོར་ལ་སོགས་པ་ལ་ཡོངས་སུ་ལོངས་སྤྱོད་ཀྱང་ཉམས་པར་མི་འགྱུར་ཞིང་ལུས་དེ་ཉིད་མི་འདོར་བར་བདེ་བར་རྗེས་སུ་འཇུག་པར་འགྱུར་རོ། །ཐབས་འདི་ཉིད་ཀྱིས་མཐར་གྱིས་སངས་རྒྱས་དང་བྱང་ཆུབ་སེམས་དཔའ་
རྣམས་ཀྱི་ཡེ་ཤེས་ཀྱི་སྐུའི་བར་དུ་ཡང་འཐོབ་པར་འགྱུར་རོ། །འཁོར་ལོ་ལ་སོགས་པ་མཚོན་ཆ་རྣམས་ལ་ཅི་ལྟ་བ་བཞིན་དུ་ལྡོང་རོས་དང ། མིག་སྨན་དང ། བ་བླ་དང ། གི་ཝང་དང ། གོས་དང ། ཀུ་ཤ་དང ། ནོར་བུ་དང ། རྨ་བྱའི་སྒྲོ་དང ། སྣོད་དང ། མཆིལ་ལྷམ་དང ། 
གདུགས་དང ། རྔ་ཡབ་དང ། རྒྱལ་མཚན་དང ། འཕན་དང ། པདྨ་དང ། ུཏྤ་ལ་དང ། ཏ་ལའི་ལོ་མ་ལས་རལ་གྲི་དང ། ཆུ་གྲི་དང ། གྲི་དང ། ཁ་ཊྭཱཾ་ག་ལ་སོགས་པའི་རྫས་སུ་བྱས་པའམ། ལྷག་མས་ཀྱང་བསྒྲུབ་པར་བྱའོ། །ཡིད་ལ་གང་འདོད་པའམ། རིག་སྔགས་
དང། གསང་སྔགས་དང ། རྟོག་པའི་ཆོ་ག་གཞན་ལ་ཡང་སྦྱར་བའམ། དེ་བཞིན་གཤེགས་པའི་སྙིང་པོ་ནས་གསུངས་པའི་རྫས་རྣམས་སམ། དེ་བཞིན་གཤེགས་པའི་སྙིང་པོ་ནས་གསུངས་པའི་ཆོ་གའམ། ཡིད་ལ་གང་འདོད་པའི་ཆོ་གས་ཀྱང་སྒྲུབ་པ་བྱས་ན་དེ་ཉིད་ཀྱིས་རིག་

</font><hr>87-1-193a<br><font size=+2>

པ་འཛིན་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐད་ནས་དངོས་གྲུབ་བླང་བའི་ཆོ་གའོ། །ཇི་སྐད་བསྟན་པའི་ཕྱོགས་གཅིག་ཏུ་མཆོད་རྟེན་དང ། སྐུ་གཟུགས་དང ། དམ་པའི་ཆོས་ཀྱི་གླེགས་བམ་མམ། གང་ཡང་རུང་བའི་མདུན་
དུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་ལ་ཅི་འབྱོར་བའི་དྲི་དང ། མེ་ཏོག་དང ། ཕྲེང་བ་ལ་སོགས་པའི་མཆོད་པ་བྱས་ཀྱང་རུང་མ་བྱས་ཀྱང་རུང ། ཀུ་ཤའི་ཆང་བུ་ལ་ཉེ་བར་འདུག་ནས་ལག་པའམ་གཞན་དུ་ཡང་རུང ། ལྡོང་རོས་ལ་སོགས་པའི་རྫས་བཟུང་ནས། 
ལོ་མའི་བར་རམ། གོས་ཀྱི་བར་དུའམ། ལྕགས་དང ། དངུལ་དང ། གསེར་གྱི་སྣོད་དུ་བཞག་ལ་ཇི་སྲིད་འབར་བར་འགྱུར་གྱི་བར་དུ་བཟླས་པ་བྱས་ན། དེ་བཞིན་དུ་བསོད་ནམས་ཇི་ལྟ་བ་བཞིན་རིག་པ་འཛིན་པར་འགྱུར་རོ། །གཞན་གྱིས་མི་འཕྲོགས་པ་ཞེས་བྱ་བ་སྟེ། 
འདི་ནི་ཐབས་ལ་མཁས་པའི་བྱང་ཆུབ་སེམས་དཔའི་ཐེག་པ་པའི་ཆོ་ག་ཡིན་ནོ། །ཆོ་ག་འདི་ཉིད་ཀྱིས་དབེན་ཞིང་སྟོང་པའི་རི་དང ། ཆུ་ཀླུང་དང ། མཚེའུ་དང ། ཚལ་ཉམས་དགའ་བའམ། ཤིང་གཅིག་གམ། གཙུག་ལག་གི་གནས་སམ། སྐུ་གདུང་དང་བཅས་
པའི་མཆོད་རྟེན་གྱི་རྩའམ། སྐུ་གཟུགས་བཞུགས་པའམ། གཞན་ཡང་གཙུག་ལག་ཁང་གི་བྲང་ཁང་ལ་སོགས་པ་དབེན་པར་བསྒྲུབ་པར་བྱ་སྟེ། འདུ་འཛི་དང་བྲལ་བའམ། སངས་རྒྱས་རྗེས་སུ་དྲན་པ་ལ་གོམས་པར་བྱས་ལ། སེམས་ཅན་ཐམས་ཅད་ལ་ཕན་པའི་
སེམས་དང་ལྡན་པ། བརྩོན་འགྲུས་དང་ལྡན་པ། དད་པ་དང་ལྡན་པ་སེར་སྣ་མེད་པས་སོམ་ཉི་དང་བྲལ་བའི་སེམས་ཀྱིས་ལུས་དང་སྲོག་ལ་ཡང་ལྟོས་པ་མེད་པར་བྱའོ། །གཞན་ཡང་ཐམས་ཅད་ཀྱི་ཐུན་མོང་གི་ཆོ་ག་ནི་རི་དང་ཆུ་འགྲམ་དང ། འབབ་ཆུའི་ངོས་ལ་སོགས་པའི་
གནས་དབེན་ཞིང་སྟོང་པ་རྣམས་སུ་དམ་པའི་ཆོས་ཀྱི་གླེགས་བམ་དང་གཉིས་སུ་གནས་ལ་དུས་གསུམ་དུ་སྡིག་པ་བཤགས་པ་དང ། བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་བྱས་ནས། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྤྱན་སྔར་གསོལ་བ་འདེབས་

</font><hr>87-1-193b<br><font size=+2>

པས་ཅི་སྲིད་མཚན་མ་བྱུང་བར་གྱུར་གྱི་བར་དུ་བཟླས་པ་བྱའོ། །ཡར་ངོའི་ཉ་ལ་ཆོ་ག་སྔ་མ་བཞིན་དུ་ཉིན་ཞག་གཅིག་སྨྱུང་བར་གནས་ནས་ཇི་སྐད་བསྟན་པའི་རྫས་རྣམས་ལས་གང་ཡང་རུང་བ་བླངས་ལ་ཅི་སྲིད་འབར་བར་གྱུར་གྱི་བར་དུ་བཟླས་ན་དེ་ཉིད་ཀྱིས་རིག་པ་འཛིན་པར་འགྱུར་
རོ། །རིག་པ་མཆོག་དོན་ཡོད་པ་འདི་ནི་རང་བཞིན་གྱིས་གྲུབ་པ། ཐོགས་པ་མེད་པ་ཡིད་ལ་རེ་བའི་ཕུན་སུམ་ཚོགས་པ་སྒྲུབ་པར་བྱེད་པ་སྟེ། ཅི་ལྟ་ཅི་ལྟར་རབ་ཏུ་སྦྱོར་བ་དེ་ལྟ་དེ་ལྟར་འགྲུབ་པར་འགྱུར་རོ། །རང་བཞིན་གྱིས་གྲུབ་པ་བཀླགས་པས་འགྲུབ་པ་ཡིན་པས་བཟླས་པ་ཙམ་
གྱིས་འདོད་པ་ཐམས་ཅད་བྱེད་པ་ཡིན་ནོ། །དོན་ཡོད་པའི་རྟོག་པའི་ཆོ་ག་བཞིན་དུ་སྦྱར་བའམ། ཅི་ལྟར་འདོད་པ་བཞིན་དུ་བསྒྲུབ་པར་བྱའོ། །ཡང་ན་རས་རིས་བསྒྲུབ་པར་འདོད་ན་བཅོམ་ལྡན་འདས་པདྨའི་གདན་ལ་སྐྱིལ་མོ་ཀྲུང་གིས་བཞུགས་པར་བྱའོ། །བཅོམ་ལྡན་འདས་
ཀྱི་གཡས་ཕྱོགས་སུ་འཕགས་པ་ཕྱག་ན་རྡོ་རྗེ་ཀུན་ནས་འབར་བས་བསྐོར་བ། བཅོམ་ལྡན་འདས་ཅོད་པན་ལས་བྱུང་བའི་འོད་ཟེར་གྱིས་མངོན་པར་དབང་བསྐུར་བ་བྲི་བར་བྱའོ། །བཅོམ་ལྡན་འདས་ཀྱི་གཡོན་ཕྱོགས་སུ་རིག་པའི་མཆོག་ཅེས་བྱ་བའི་རྒྱལ་མོ་གསེར་གྱི་མདོག་ཅན་རལ་
པ་དང་བཅས་པ། གོས་གཙང་མ་བགོས་པ་པདྨའི་གདན་ལ་བཞུགས་པ། བཅོམ་ལྡན་འདས་ལ་ཐལ་མོ་སྦྱར་བ། འོད་ཀྱི་ཕྲེང་བས་བརྒྱན་པའོ། །བཅོམ་ལྡན་འདས་མའི་འོག་ཏུ་མཐའ་མེད་ཅེས་བྱ་བའི་འཁོར་རལ་གྲི་དང ། ཞགས་པ་ལག་ན་ཐོགས་པ། མདོག་སྔོ་
བསངས་ཁྲོས་ཤིང་འཁྲུགས་པ། གོས་དམར་སེར་ཟུང་བགོས་པ། ཁྲོ་གཉེར་བསྡུས་པ་བགེགས་ཐམས་ཅད་ཚར་གཅོད་པ། མདག་གཞུག་པ་རིན་པོ་ཆེའི་བྲག་ལ་འདུག་པ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཐལ་མོ་སྦྱར་བ་རིན་པོ་ཆེའི་བྲག་གི་
པདྨའི་སྡོང་བུ་ལ་བཞུགས་པ་མེ་ཏོག་གི་འཁྲི་ཤིང་གིས་ཀུན་ནས་བསྐོར་བ་བྲི་བར་བྱའོ། །དེ་ལྟ་བུའི་རས་རིས་ཀྱི་མདུན་དུ་ཆོ་ག་འདིས་ཅི་ལྟར་འདོད་པར་རམ། རྟོག་པ་གཞན་གྱི་ཆོ་ག་དང་ཡང་སྦྱར་བར་བྱའོ། །རིག་པ་མཆོག་གི་རས་རིས་གཞན་ཡང་ཏིང་ངེ་འཛིན་ལ་སྙོམས་པར་

</font><hr>87-1-194a<br><font size=+2>

ཞུགས་པ་པདྨ་དམར་པོ་ལ་རབ་ཏུ་བཞུགས་པ་བྲི་བར་བྱའོ། །དེའི་འོག་ཏུ་མངག་གཞུག་པ་མཐའ་མེད་ལག་པ་ན་རལ་གྲི་དང ། ཞགས་པ་ཐོགས་པ་དེ་དང་འདྲ་བ་བྲི་བར་བྱའོ། །རས་རིས་འདིར་ཡང་ལས་དེ་དག་ཀུན་བྱའོ། །ཆོ་ག་གཞན་ཡང་རི་ལ་སོགས་པ་
དབེན་ཞིང་དབེན་པའི་ཕྱོགས་གཅིག་ཏུ་སྐྱིལ་མོ་ཀྲུང་བཅས་ནས་བྱང་ཆུབ་སེམས་དཔའ་དང་བཅས་པའི་དེ་བཞིན་གཤེགས་པ་དམིགས་ནས་མཚན་ཐོག་ཐག་སྐྱིལ་མོ་ཀྲུང་མ་བཤིག་པར་བཟླས་པ་བྱས་ན་སྔོན་དུ་བསྙེན་པ་མ་བྱས་ཀྱང་ཐོ་རངས་སམ་ནམ་ཕྱེད་ན་རིག་པ་འཛིན་པར་
འགྱུར་རོ། །མཐུ་མཚུངས་པ་མེད་པ་དང་ལྡན་པས་ཕྱིར་མི་ལྡོག་པའི་རིག་པ་འཛིན་པས་མཆོད་པར་འགྱུར། སེམས་ཅན་ཐམས་ཅད་ཀྱིས་མཆོད་པར་འགྱུར་རོ། །རིག་པའི་མཆོག་འདི་གང་གི་ལག་ཏུ་ཐོབ་པ་དེ་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་
འགྱུར་རོ། །རྡོ་རྗེའི་རིགས་ཐམས་ཅད་ཀྱིས་ཡང་དག་པར་བསྲུངས་པར་འགྱུར་རོ། །སྦྱིན་སྲེག་ལ་སོགས་པའི་སྦྱོར་བས་ལྷ་དང་ཀླུ་ལ་སོགས་པ་དགུག་པ་དང ། གཞན་ཡང་ཡིད་ལ་གང་འདོད་པ་རྟོག་པ་གཞན་གྱི་ཆོ་ག་བཞིན་དུ་བསྒྲུབ་པར་བྱའོ། །དེ་བཞིན་གཤེགས་པའི་
སྙིང་པོའི་ཆོ་ག་གང་ཡིན་པའི་དམ་པ་ཉིས་འགྱུར་དུ་སྦྱར་བར་བྱའོ། །དེ་བཞིན་གཤེགས་པ་ཡང་དག་པར་འབྱུང་བ་ཞེས་བྱ་བ་རིག་པའི་མཆོག་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་རྡོ་རྗེ་ཞེས་བྱ་བ་སངས་རྒྱས་ཐམས་ཅད་ཀྱི་
ཡུལ་ལ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་རྡོ་རྗེ་ཤུགས་ཀྱི་ཡི་གེ་ཞེས་བྱ་བ་བྱུང་བར་གྱུར་ཏོ། །དེ་ལས་ནི་རིག་པའི་མཆོག་གི་རྡོ་རྗེའི་ཚིག་འདི་བྱུང་བར་གྱུར་ཏོ། །ན་མཿ 
སརྦ་བུདྡྷ་བོ་དྷི་ས་ཏྭཱ་ནཱཾ། ཨོཾ་པི་ར་ཛི་བི་ར་ཛི་མ་ཧཱ་བི་ར་ཛི་སཏྭ་ས་ཏྭ། སཱ་ར་ཏེ་སཱ་ར་ཏེ། ཏྲཱ་ཡི་ཏྲཱ་ཡི་བི་དྷ་མ་ཧཱ་ཏཱི་ས་བྟཉྫ་ནི། ཏརྨ་ཏི་སིདྡྷཱ་ཨ་གྲེ་ཏྲཾ་སཝཱ་ཧཱ། །འཁོར་ལོ་རྡོ་རྗེ་ཞེས་བྱ་བའི་རིག་པའི་མཆོག་འདི་ལ་ཡང་རིག་པའི་མཆོག་དང་པོ་མི་མཉམ་པ་དང་མཉམ་པའི་རྟོག་པའི་ཆོ་གར་

</font><hr>87-1-194b<br><font size=+2>

དང་པོར་དེ་བཞིན་གཤེགས་པའི་སྙིང་པོའི་རྟོག་པའི་ཆོ་ག་ཉིས་འགྱུར་དུ་སྦྱོར་བ་གང་ཡིན་པ་ཡང་ཉིས་འགྱུར་དུ་འཇུག་གོ། །འདིའི་རས་རིས་ཀྱི་ཁྱད་པར་ནི་རིན་པོ་ཆེའི་བྲག་ལས་སྐྱེས་པའི་རིན་པོ་ཆེའི་པདྨ་ཆེན་པོ་ལ་སྐྱིལ་མོ་ཀྲུང་གིས་བཞུགས་པ་ཕྱག་གིས་མཆོག་སྩོལ་བའོ། །
བཅོམ་ལྡན་འདས་ཀྱི་གཡོན་ལོགས་སུ་རིག་པའི་མཆོག་ཕྱག་ན་འཁོར་ལོ་བསྣམས་པ། རྒྱན་ཐམས་ཅད་ཀྱིས་བརྒྱན་པ་རིན་པོ་ཆེའི་བྲག་ལ་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་འཁོར་ལོ་རྡོ་རྗེ་ཞེས་བྱ་བའི་རྡོ་རྗེ་འཛིན་ཕྱག་ན་འཁོར་ལོ་
བསྣམས་པ། ཅུང་ཟད་སྔོ་བསངས་རིན་པོ་ཆེའི་བྲག་ལ་བཞུགས་པ་དེ་བཞིན་གཤེགས་པའི་འོད་ཟེར་གྱིས་ཀུན་ནས་བསྐོར་བའོ། །དེའི་འོག་ལོགས་སུ་སྒྲུབ་པ་པོ་ཕྱག་འཚལ་བ་བྲིའོ། །ལྷ་མོའི་འོག་ཏུ་ནི་མཐའ་མེད་ཅེས་བྱ་བ་འཁོར་དེ་ཉིད་བགེགས་ཚར་གཅོད་པ་རལ་
གྲི་དང་ཞགས་པ་ལག་ན་ཐོགས་པ་བྲི་བར་བྱའོ། །རས་རིས་གཉིས་པ་ནི་ལྷ་མོ་གཅིག་པུ་གནས་པ་ཕྱག་ན་འཁོར་ལོ་བསྣམས་པའོ། །དེའི་འོག་ཏུ་ནི་དེ་བཞིན་དུ་མཐའ་མེད་ལག་ན་རལ་གྲི་དང་ཞགས་པ་ཐོགས་པ་ཁྲོ་བོ་གཞོན་ནུའི་གཟུགས་ཅན་ཁྲོ་གཉེར་གཡོ་བ་དང་
བཅས་པའོ། །འདིར་ཡང་ཆོ་ག་ནི་སྔ་མ་ཉིད་ཀྱིས་བྱའོ། །ཅི་ལྟར་ཡིད་ལ་འདོད་པས་སམ། ་་་་རྟོག་པ་གཞན་གྱི་ཆོ་གས་ཀྱང་བྱའོ། །འདིར་ཁྱད་པར་ནི་འདི་ཡིན་ནོ། །བཀླགས་པ་ཙམ་གྱིས་དམ་ཚིག་ཐམས་ཅད་ཤེས་པར་འགྱུར། དཀྱིལ་འཁོར་ཐམས་ཅད་དུ་ཞུགས་
བར་འགྱུར་རོ། །འཁོར་ལོ་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་བདུད་རྩི་རྡོ་རྗེ་ཞེས་བྱ་བའི་རྡོ་རྗེ་འཆང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་ཀྱིས་དམ་ཚིག་གི་རྒྱལ་པོ་ཞེས་བྱ་བའི་ཏིང་ངེ་འཛིན་
ལ་སྙོམས་པར་ཞུགས་སོ། །དེ་ལས་རོལ་པའི་ཡུལ་མཐའ་ཡས་པ་ཞེས་བྱ་བའི་བདེན་པའི་ཚིག་གི་འཁོར་ལོ་རྡོ་རྗེའི་སྒྲ་མངོན་པར་བྱུང་བར་གྱུར་ཏོ། །དེ་ལས་བདུད་རྩིའི་རྡོ་རྗེ་ཞེས་བྱ་བའི་རིག་པ་མཆོག་འདི་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མྲྀ་ཏ་ཨ་མྲྀ་ཏ།

</font><hr>87-1-195a<br><font size=+2>

ཤི་ཁི་ཤི་ཁི། བི་མ་ལ་བིཔི་མ་ལ། བཱི་རཱ་ཛཱི་ནཱི་བཱི་རཱ་ཛཱི་ནཱི། ཧ་ར་ཧ་ར། བི་དཱཾ་མ་ཧཱ་ས་མ་ཡ། བཛྲ་ཨ་གྲེ་སཝཱ་ཧཱ། བདུད་རྩི་རྡོ་རྗེ་འདིའི་ཆོ་ག་ཡང་སྔར་བསྟན་པའི་རིག་པའི་མཆོག་གསུམ་པོ་དེ་ཉིད་ཀྱི་ཡིན་ནོ། །འདིར་འདིའི་རས་རིས་ཀྱི་ཁྱད་པར་ནི་བཅོམ་ལྡན་འདས་རིན་པོ་ཆེའི་རིའི་སྟེང་
ན་རིན་པོ་ཆེའི་པདྨ་ཆེན་པོ་ལ་ཉེ་བར་བཞུགས་པ་ཕྱག་གིས་མཆོག་སྩོལ་བ་དེ་བཞིན་དུ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་ལྷ་མོ་པྲི་ཡང་ཀུ་ལྟར་སྔོ་བསངས་རྒྱན་ཐམས་ཅད་ཀྱིས་བརྒྱན་པ་ཕྱག་ན་ཡིད་བཞིན་གྱི་ནོར་བུའི་རྒྱལ་མཚན་བསྣམས་པ་བྲི་བར་བྱའོ། །བཅོམ་
ལྡན་འདས་ཀྱི་གཡས་ལོགས་སུ་བདུད་རྩི་རྡོ་རྗེ་ཞེས་བྱ་བའི་རྡོ་རྗེ་འཆང་ཏིང་ངེ་འཛིན་ལ་སྙོམས་པར་ཞུགས་པ་རིན་པོ་ཆེའི་པདྨ་ལ་ཉེ་བར་བཞུགས་པ་ཕྱོགས་གཉིས་སུ་རིན་པོ་ཆེའི་བ་དན་གཉིས་ཕྱར་བ། དེ་བཞིན་གཤེགས་པའི་འོད་ཟེར་གྱིས་ཀུན་ནས་བསྐོར་བ་བྲི་བར་བྱའོ། །དེའི་འོག་ཏུ་སྒྲུབ་
པ་པོ་སྔ་མ་བཞིན་དུ་བྲིའོ། །ལྷ་མོའི་འོག་ཏུ་མངག་གཞུག་པ་མཐའ་ཡས་རལ་གྲི་དང་ཞགས་པ་ལག་ན་ཐོགས་པ་གཞོན་ནུའི་ཆ་བྱད་ཅན་ལོག་འདྲེན་ཚར་གཅོད་པ་བྲི་བར་བྱའོ། །རས་རིས་གཉིས་པ་ནི་ལྷ་མོ་ཡིད་བཞིན་གྱི་ནོར་བུ་ཕྱག་ན་བསྣམས་པ་དེ་བཞིན་དུ་བྲིས་ལ་འཁོར་
མཐའ་ཡས་ཀྱང་སྔ་མ་ལྟ་བུའོ། །དེ་བཞིན་དུ་ཐེ་ཚོམ་དང་བྲལ་བས་རྟོག་པ་འདི་ལ་སྦྱར་བར་བྱའོ། །དེ་བཞིན་གཤེགས་པའི་སྙིང་པོའི་རྟོག་པའི་ཆོ་ག་ཡང་འདིར་ཉིས་འགྱུར་དུ་སྦྱར་བར་བྱའོ། །བདུད་རྩི་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་བྱང་ཆུབ་
སེམས་དཔའ་དཔའ་བོའི་རྒྱལ་པོ་ཞེས་བྱ་བ་གསུམ་མཉམ་པའི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་འདི་གསུངས་སོ། །
ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ཧ་ཧ་ཧ། བཱིཾ་བཱིཾ། བྷྲཱ་མ་ཎི། ཏྲི་པ་ལི་ནི་སཝཱ་ཧཱ། རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་གི་སྙིང་པོ་འདིས་ནི་གང་དེ་དག་ཏུ་མངོན་པར་མ་བསྒྲུབས་པ་འགྲུབ་པར་འགྱུར་ཏེ། འདིའི་ཆོ་ག་ནི་དེ་དག་ཉིད་ཡིན་ནོ། །རས་རིས་ཀྱི་ཁྱད་

</font><hr>87-1-195b<br><font size=+2>

པར་ནི་རིག་པའི་མཆོག་གི་གནས་སུ་གཞོན་ནུ་མ་བྲི་བར་བྱ་སྟེ། རྒྱན་ཐམས་ཅད་ཀྱིས་བརྒྱན་པ་ལྕང་ལོ་ཅན་པདྨའི་སྟན་ལ་བཞུགས་པ། བཅོམ་ལྡན་འདས་ལ་ཐལ་མོ་སྦྱར་བར་བྱས་པའོ། །བཅོམ་ལྡན་འདས་ཀྱི་གཡས་ལོགས་སུ་རྡོ་རྗེ་འཛིན་གྱི་གནས་སུ་དེ་བཞིན་
དུ་དཔའ་བོའི་རྒྱལ་པོ་ཞེས་བྱ་བའི་བྱང་ཆུབ་སེམས་དཔའ་གསེར་གྱི་མདོག་ཅན་སྐྱིལ་མོ་ཀྲུང་གིས་པདྨའི་སྟེང་དུ་ཏིང་ངེ་འཛིན་ལ་མཉམ་པར་གཞག་པས་བཞུགས་པ་དེ་བཞིན་དུ་འོད་ཀྱི་ཕྲེང་བས་བསྐོར་བ་བྲི་བར་བྱའོ། །དེའི་འོག་ཏུ་སྒྲུབ་པ་པོའོ། །ལྷ་མོའི་འོག་ཏུ་ནི་དེ་བཞིན་དུ་
མཐའ་མེད་དོ། །རས་རིས་གཉིས་པ་ནི་དེ་བཞིན་དུ་རིན་པོ་ཆེའི་པདྨ་ལ་བཞུགས་པའི་ལྷ་མོ་ལྕང་ལོ་ཅན་གཡོག་དང་བཅས་པ་བྲི་བར་བྱའོ། །རས་རིས་འདི་ལ་ཡང་དེ་བཞིན་གཤེགས་པའི་སྙིང་པོའི་རྟོག་པ་དང་སྦྱར་ནས་དེ་བཞིན་དུ་ལས་ཐམས་ཅད་ཉིས་འགྱུར་དུ་བྱའོ། །
རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་བྱང་ཆུབ་སེམས་དཔའ་མཉམ་པ་ཉིད་ལ་གནས་པ་རྡོ་རྗེ་ཞེས་བྱ་བ་སྟོབས་ཆེན་པོའི་སྤྱོད་ཡུལ་གྱི་མཆོག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་
ཞུགས་ནས་རིག་པ་མཆོག་ཅེས་བྱ་བའི་ཡི་གེ་བརྒྱད་པོ་དོན་ཡོད་པ་མི་འཕྲོགས་པ་ཆོས་ཐམས་ཅད་དུ་དེ་བཞིན་གཤེགས་པའི་བྱིན་གྱིས་བརླབས་ལ་ལྟོས་པ་མེད་པ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ས་ཧཱ་ནཱ་མཱ་ས་མ་ཧཱུཾ། འདི་ནི་རིག་
པ་ཆེན་པོའི་མཆོག་རྒྱལ་པོའི་རྩེ་མོ་བླ་ན་མེད་པ་སྟེ། འདིས་དངོས་གྲུབ་གང་ཅི་ཡང་རུང་བ་མི་སྒྲུབ་པ་མེད་དེ་ཁ་ན་མ་ཐོ་བ་དང་བཅས་པ་ནི་མ་ཡིན་ནོ། །སྔར་བསྟན་པའི་རྟོག་པའི་ཆོ་ག་རྣམས་ཀྱིས་ཀྱང་དེ་བཞིན་དུ་སྦྱར་བར་བྱ་སྟེ། དེ་བཞིན་གཤེགས་པའི་སྙིང་པོའི་སུམ་
འགྱུར་དུ་བྱ་བ་ཉིད་དོ། །རས་རིས་ནི་པདྨ་ལ་བཞུགས་པའི་དེ་བཞིན་གཤེགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་བྱང་ཆུབ་སེམས་དཔའ་མཉམ་པ་ཉིད་ལ་གནས་པའི་ཏིང་ངེ་འཛིན་ལ་མཉམ་པར་བཞག་པ་པདྨའི་སྟེང་ན་བཞུགས་པ་བྲི་བར་བྱའོ། །བཅོམ་

</font><hr>87-1-196a<br><font size=+2>

ལྡན་འདས་ཀྱི་གཡོན་ལོགས་སུ་གཞོན་ནུ་མ་ལྕང་ལོ་ཅན་རྒྱན་ཐམས་ཅད་ཀྱིས་བརྒྱན་པ་པདྨའི་སྟེང་ན་སྐྱིལ་མོ་ཀྲུང་གིས་བཞུགས་པ་འབར་བའི་ཕྲེང་བས་བསྐོར་བ་མཉམ་པར་གཞག་པ་བྲི་བར་བྱའོ། །རིག་པ་མཆོག་གི་འོག་ཏུ་མཐའ་མེད་ཅེས་བྱ་བ་ལག་ན་
རྡོ་རྗེ་ཐོགས་པ་སྔོ་བསངས་ཁྲོས་པ། འབར་བའི་ཕྲེང་བས་བསྐོར་བ། ཁྲོ་གཉེར་བསྡུས་པ་མངག་གཞུག་པ་བགེགས་ཚར་གཅོད་པ་བྲི་བར་བྱའོ། །བྱང་ཆུབ་སེམས་དཔའི་འོག་ཏུ་སྒྲུབ་པ་པོའོ། །རས་རིས་གཉིས་པ་ནི་གཞོན་ནུ་མ་དེ་ལྟ་བུ་ཉིད་འོག་ཏུ་མཐའ་མེད་དང་
བཅས་པའོ། །འདིར་ཡང་ཡིད་ལ་གང་འདོད་པའི་ཆོ་གའམ། རྟོག་པ་གཞན་གྱི་ཆོ་གས་སྔ་མ་བཞིན་དུ་ལས་རྣམས་ལ་སྦྱར་བར་བྱའོ། །མི་བརྗེད་པ་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་དམ་ཚིག་རྡོ་རྗེ་བརྩེགས་པ་ཞེས་བྱ་བའི་རྡོ་རྗེ་
འཆང་གི་སྔགས་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཧཱཾ་ཧཱཾ་ཨ་ས་མ་ཙིནྟ་མ་ཧཱ་བཛྲ་བི་ཤཝ་དྷ་ར་ཨ་ནནྟ་བིཀྲཱ་ནྟ་ཛཱ་སཱཾ་ཧཱུཾ་ཕཊ། འདིའི་ཆོ་ག་ནི་འདི་ཡིན་ཏེ། སྔར་བསྟན་པའི་རྟོག་པའི་ཆོ་ག་རྣམས་སྦྱར་བར་བྱའོ། །དམ་ཚིག་མཆོག་ཅེས་བྱ་བའི་རིག་པའི་མཆོག་
རྫོགས་སོ།། །།རྡོ་རྗེས་ཀཱི་ལི་ཀཱི་ལ་ཞེས་བྱ་བའི་རྡོ་རྗེ་འཛིན་དེ་བཞིན་ཏུ་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེའི་རིགས་གཞོན་ནུ་མ་མཛེས་མ་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཙ་ལ་སམྦ་ར། བི་ཥ་ཡེ་ཧཱུཾ་མ་ཧཱ་
བཛྲེ་ག་ཏེ་ཛེ། ཧཱི་ཧཱི་ཨ་ས་མ་མ་ཧཱ་བི་དྷོ། ཨུདྡྷ་མེ། ཧ་ཧ་སིདྡྷི་སིདྡྷི། བ་ར་ཨཾ་ག་དེ་བ་རཱ་ག་།ཧེ་སྥ་ར། ཛྭ་ལ་ནཱ་མ་སཝཱ་ཧཱ། རྡོ་རྗེ་རིགས་མཛེས་མ་ཞེས་བྱ་བའི་རིག་པའི་མཆོག་ཡིན་ནོ།། །།བྱང་ཆུབ་སེམས་དཔའ་ཀུན་ནས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་
ཞུགས་ནས་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་བཛྲ་མ་ཧཱ་བཛྲ། མ་ཧཱ་བ་ལ་ས་ར་བཱི་རཱ་ཛཱ་ཏེ། ས་མ་ས་མ། ཁུ་རུ་ཁུ་རུ། བིཥ་མོ་དྷ་རི་དྷ་རི། སཱི་རི་སཱི་རི། བ་རེ་སཝཱ་ཧཱ། དཔའ་བོ་མཆོག་ཅེས་བྱ་བའི་རིག་པའི་མཆོག་ཡིན་ནོ།། །།བྱང་

</font><hr>87-1-196b<br><font size=+2>

ཆུབ་སེམས་དཔའ་མི་གཡོ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ས་མནྟ་བཱ་ཏྲི། ཨ་ཙ་ལ་བ་ར་ཨཾ། བི་ལ་སི་ནཱི། ཁེ་ལེ་བ་ར། ཨུཏྟ་མ། ཧཱ་སི་ནི་ཧ་རཱ་ཏེ། གྷ་ན་མ་ཎ་དེ་ནི་ཧཾ། མི་
གཡོ་བ་མཆོག་གི་ལུས་ཞེས་བྱ་བའི་རིག་པའི་མཆོག་ཡིན་ནོ།། །།བྱང་ཆུབ་སེམས་དཔའ་སྙིང་རྗེ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མྲྀ་ཏེ་ཨ་མྲྀ་ཏེ། ཤི་ཁི་ནེ་ཤི་ཁི་ནེ། ས་མ་ཏེ་ས་མ་ཏེ། ཨ་ས་
མེ་ཨ་ས་མེ། ག་ག་ནེ་གག་ནེ། ཏིཥྠ་ཏིཥྠ། ཨ་ས་ཧེ། ཧཱུཾ་ཛྭཱ་ལ་ཛྭཱ་ལ་སཝཱ་ཧཱ། བདུད་རྩི་རྩེ་མོ་ཞེས་བྱ་བའི་རིག་པའི་མཆོག་ཡིན་ནོ།། །།ཤིན་ཏུ་རོལ་པ་རྡོ་རྗེ་ཞེས་བྱ་བའི་གཞོན་ནུ་ཏིང་ངེ་འཛིན་ལ་སྙོམས་པར་ཞུགས་ནས་མཛེས་པ་མི་མཉམ་པ་ཞེས་བྱ་བའི་རིག་པའི་མཆོག་
འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱ་ཏི་ཨཱ་ཏི། བ་ར་བ་ར། པི་རི་པི་རི། ས་མ་ལི་ཥྚི་ཎི། ཏི་རི་ཏི་རི། ཧཱ་ས་ཧཱ་ས། ཨཱ་རཱི་ཎི་བནྡྷ་ཡ། མ་ཧཱ་བྷོ་གི་ནི། ཏ་ཧཱ་ཏ་མ་ཧཱ་བཛྲ་གུ་ཎོངྒ་ཏེ་བཛྲ་ལེ་སཝཱ་ཧཱ། ཀུན་ཏུ་འཇུག་པ་ཞེས་བྱ་བའི་རིག་པའི་མཆོག་ཡིན་ནོ།། །།
བྱང་ཆུབ་སེམས་དཔའ་དེ་བཞིན་གཤེགས་པའི་འོད་ཟེར་རྡོ་རྗེ་ཞེས་བྱ་བས་དེ་བཞིན་གཤེགས་པའི་སྟོབས་ཞེས་བྱ་བའི་རིག་པའི་མཆོག་ཡི་གེ་བརྒྱད་པ་འདི་གསུངས་སོ། །ན་མཿ སརྦ་བུདྡྷ་བོ་དྷོ་སཏྭཱ་ནཱཾ། ཨ་ནནྟ་སཏྭཱ་མཾ་ག་ཧཱུཾ། བྱང་ཆུབ་སེམས་དཔའ་འཁོར་ལོའི་
སྟོབས་ཞེས་བྱ་བ་སྟོབས་ཐམས་ཅད་ཀྱི་རྒྱལ་པོའི་རྩེ་མོའི་སྟོབས་ཀྱི་སྒོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་བྱིན་གྱིས་རློབ་པ་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ས་
མ་མ་ཧཱ་བ་ར་ད་ཡ་གི་ཏི་ཏི་ཏི་ཏི། ཨ་མཱུ་ཨ་མཱུ། ཁཾ་ཁཾ་ཎཱ་ཨ་ས་མ་གུ་ཎཱ། ཨ་ཀཱ་ར་ཏི་ཏི་ཏི་ཏི། ཨ་གྲ་བཱ་ལོ་ཨ་དྷ་ཡེ་ཏཾ་སཝཱ་ཧཱ། བྱང་ཆུབ་སེམས་དཔའ་འཁོར་ལོ་ཀུན་ནས་རྡོ་རྗེ་ཞེས་བྱ་བ་མཆོག་གི་ཡུལ་ལ་རྣམ་པར་གཟིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་

</font><hr>87-1-197a<br><font size=+2>

པར་ཞུགས་ནས་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ཏི་ཨ་ཏི། ས་མ་ས་མ། ཀཱི་ལི་ཀི་ལ། བར་བར། ས་མ་ཡེ་ཧ་ས་ཧ་ས། ཨ་ས་ཏེ། ཏྲ་ཡི་ཏྲ་ཡི། །ག་ནེ། ཀུ་རུ་ཀུ་རུ། ཨ་ཇི་ཏེ་སཝཱ་ཧཱ། རབ་མཆོག་རྡོ་རྗེ་ཞེས་བྱ་
བའི་རིག་པའི་མཆོག་ཡིན་ནོ། །དེ་ནས་བྱང་ཆུབ་སེམས་དཔའ་བྱིན་གྱིས་བརླབས་ཀྱི་རྡོ་རྗེ་ཞེས་བྱ་བ་ཡེ་ཤེས་ཀྱི་སྒོ་ཕྱོགས་བཅུར་སྤྲོ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་རྒྱ་མཚོ་རྣམས་
སུ་ངོ་མཚར་ཆེན་པོ་དམ་པ་རྒྱ་ཆེ་བ་དུ་མ་སྣ་ཚོགས་ཀྱི་ལྟས་རབ་ཏུ་བྱུང་བར་གྱུར་ཏོ། །དེ་ནས་ཕྱོགས་བཅུ་ནས་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་ཡི་གེ་བཅུ་པ་འདི་བྱུང་ཞིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་བཛྲཱ་བི་ཀྲཱནྟ་ཨ་གྲ་ས་ཧཱུཾ། 
ཕྱོགས་བཅུའི་འོད་ཅེས་བྱ་བའི་རིག་པ་མཆོག་ཡིན་ནོ། །བྱང་ཆུབ་སེམས་དཔའ་དེ་བཞིན་གཤེགས་པའི་འོད་ཟེར་རྡོ་རྗེ་ཞེས་བྱ་བས་རིག་པའི་མཆོག་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱརྱ་ཨ་གྲ་ཏེ་ཛྭཱ་ལ་ཛྭཱ་ལ་སཝཱ་ཧཱ། སྤྱན་གསུམ་ཞེས་བྱ་བའི་རིག་པའི་མཆོག་
རྩེ་མོ་བླ་ན་མེད་པའི་ཡུལ་ཅན་ནོ། །དེ་ནས་བཅོམ་ལྡན་འདས་ཀྱིས་ཀུན་ནས་བསྒྲགས་པ་ཞེས་བྱ་བའི་ཡི་གེ་ལྔ་པའི་རིག་པའི་མཆོག་ཕྱུང་ངོ ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་བ་ལ་ཧཱུཾ། དེ་ནས་རྡོ་རྗེ་འཆང་ཉིད་ཀྱི་རྡོ་རྗེ་སངས་རྒྱས་ཐམས་ཅད་ཀྱིས་བྱིན་གྱིས་
བརླབས་ནས། ཉིད་ཀྱི་རིག་པའི་མཆོག་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨོཾ་བཛྲ་ནེ་ཏྲ། ཛྭཱ་ལ་ཛྭཱ་ལ། ཀུ་རུ་བ་ར་ཀུ་རུ་བ་ར། བི་ར་བི་ར། མ་ཧཱ་བ་ལ། ཨ་ཏི་ཧོ། །མ་ཧཱ་ས་མ་ཡ་ཏེ་ཛ་ལན་ཧཱུཾ། དེ་ནས་ལག་ན་རྡོ་རྗེས་ཡང་རྡོ་རྗེ་དེ་ཉིད་བྱིན་གྱིས་བརླབས་པ། 
ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་ཙནྡྲ་ཧཱུཾ། གསང་བའི་མཆོག་ཅེས་བྱ་བའི་རིག་པའི་མཆོག་གོ། །འཕགས་པ་རྡོ་རྗེ་སྡེས་རང་གི་རིག་པའི་མཆོག་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་བཛྲ་ཧཱུཾ། ཡི་གེ་བཞི་པ་རིག་པའི་མཆོག་ཞལ་བཞི་པ་ཞེས་བྱ་

</font><hr>87-1-197b<br><font size=+2>

བའོ། །ཁྲོ་བོ་རྡོ་རྗེ་ཞེས་བྱ་བའི་རྡོ་རྗེ་འཆང་གཟི་བརྗིད་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་གསུངས་པ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་གྲ་ཏེ་ཛོ་བ་ལ་ཧཱུཾ། རཀྵ་རཀྵ། ད་མ་ད་མ། ཛཱ་ལ་ན་མ་ཧཱ། ཧ་ར་ཧ་ར། བི་ཥ་ཎ། ཏ་ར་ཏ་
ར། ན་ད་ན་ད། ཀ་ར་ཀ་ར། ཧཾ་ཧཾ། ཨ་མོ་གྷ། ཨ་པྲ་ཏི་ཧ་ཏ། ཨ་མྲྀ་ཏ་བ་ལ། ཛྭཱ་ལ་ཛྭཱ་ལ་སཝཱ་ཧཱ། གཟི་བརྗིད་ཀྱི་སྟོབས་ཞེས་བྱ་བའི་རིག་པའི་མཆོག་ཡིན་ཏེ། གཏུམ་པོ་སྲུང་བ་པོ་འཆང་བ་པོ་གསོད་པར་བྱེད་པ། སྒྲུབ་པར་བྱེད་པ། ཐོགས་པ་མེད་པ། དོན་ཡོད་པ་སྟེ། 
ལས་མཐའ་ཡས་པ་སྔར་བསྟན་པའི་ཆོ་ག་འདིས་སྒྲུབ་པར་བྱེད་དོ། །དེ་བཞིན་གཤེགས་པའི་སྙིང་པོའི་ཆོ་ག་སུམ་འགྱུར་དུ་སྦྱར་བར་བྱའོ། །རིག་པ་མཆོག་འདི་དག་ནི་སངས་རྒྱས་ཐམས་ཅད་ཀྱི་ཡུལ་ལས་བྱུང་བ་བསམ་གྱིས་མི་ཁྱབ་པ། མཐའ་ཡས་པ། མཐའ་མེད་པ། 
སེམས་ཅན་གྱི་ཁམས་རྣམ་པར་སྦྱོང་བར་བྱེད་པ། སྔར་བསྟན་པའི་ཆོ་གའི་རིམ་པ་འདི་ལ་སྦྱར་བར་བྱའོ། །སྐྱེ་བ་འདི་ཉིད་ལ་ཚེ་དཔག་ཏུ་མེད་པ་ཐོབ་པར་འདོད་པ་དང ། དཔག་ཏུ་མེད་པའི་བདེ་བ་ལ་ལོངས་སྤྱོད་པར་འདོད་པ་དང ། འཕགས་པ་ཕྱིར་མི་ལྡོག་པའི་ས་ལ་འཇུག་
པར་འདོད་པ་དང ། སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པར་འདོད་པ་དང ། མཐོང་བར་འདོད་པས་སོམ་ཉི་སྤངས་ནས་དད་ཅིང་རྟོག་པ་དང་ལྡན་པས་འཕྲོགས་པ་མེད་པ་དོན་ཡོད་པ་འདིས་འགྲུབ་པར་འགྱུར་རོ། །འདི་ནི་རིས་རིས་མེད་ཀྱང་རུང ། མ་བསྒྲུབས་
ཀྱང་རུང ། མཆོད་པ་མེད་པས་ཀྱང་རུང ། ཁྲུས་ལ་སོགས་པ་གཙང་སྦྲ་ཀུན་སྤྱོད་མེད་ཀྱང་རུང ། ཤ་དང་ཉ་ཤ་མ་སྤངས་ཀྱང་རུང ། བསོད་ནམས་དང་ལྡན་ཡང་རུང་བསོད་ནམས་དང་མི་ལྡན་ཡང་རུང་འདིས་འགྲུབ་པར་འགྱུར་རོ། །ཚུལ་ཁྲིམས་དང་ལྡན་ཡང་རུང ། 
ཚུལ་ཁྲིམས་དང་མི་ལྡན་ཡང་རུང ། དམན་པའམ་དམན་པ་མ་ཡིན་པ་ཡང་རུང ། མཁས་པའམ་མཁས་པ་མ་ཡིན་པ་ཡང་རུང ། ཐབས་དང་ལྡན་ཡང་རུང ། ཐབས་དང་མི་ལྡན་ཡང་རུང་ངེས་པར་འགྲུབ་པར་འགྱུར་རོ། །དད་པ་མེད་པ་དང ། བྱང་ཆུབ་ཏུ་སེམས་

</font><hr>87-1-198a<br><font size=+2>

མ་བསྐྱེད་པ་ནི་མ་གཏོགས་སོ། །དེ་ནས་རིག་པ་མཆོག་འདིའི་ཆོ་ག་ཡང་སྔར་བསྟན་པའི་རྟོག་པ་རྣམས་ཀྱི་ཆོ་ག་དང་ཐུན་མོང་ཡིན་ནོ། །ཁྱད་པར་གྱི་ཆོ་ག་ཕྱོགས་ཙམ་ཞིག་བསྡུས་ནས་བརྗོད་པར་བྱའོ། །རིག་པའི་མཆོག་རིག་པ་ཆེན་པོའི་རྒྱལ་པོ་རྩེ་མོ་འདི་
ནི་རང་བཞིན་གྱིས་གྲུབ་པ། བཀླགས་པས་འགྲུབ་པ། བཟླས་པ་ཙམ་གྱིས་འདོད་པའི་དོན་ཕུན་སུམ་ཚོགས་པ་འགྲུབ་པར་བྱེད་པ་འདི་སེམས་ཅན་གྱི་ཁམས་རྣམས་རྣམ་པར་སྦྱང་བར་བྱ་བ་དམིགས་པ་སྔོན་དུ་འགྲོ་བས་བཟླས་པ་བྱས་ན་བསྲུང་བ་དང ། དཀྱིལ་འཁོར་དང ། 
བཅིང་བ་དང ། བརྡེག་པ་དང ། དབབ་པ་དང ། རེངས་པར་བྱ་བ་དང ། བསྐྲད་པར་བྱ་བ་དང ། དགུག་པ་དང ། གདུག་པ་ཚར་གཅད་པ་དང ། བསྲེག་པ་དང ། བཙོ་བ་དང ། མཐུ་བསྟན་པ་དང ། ལྷ་དང་ཀླུ་ལ་སོགས་པ་དགུག་པ་དང ། དབང་དུ་བྱ་བ་དང ། དོན་བསྒྲུབ་པར་
བྱ་བ་དང ། རྒྱལ་པོ་དང་རྒྱལ་པོའི་བུ་མོ་དགུག་ཅིང་བསྒྲུབ་པ་དང ། བསྙེན་པ་འཕེལ་བར་བྱ་བ་དང ། ནད་རྣམ་པར་བསལ་བར་བྱ་བ་དང ། ཀླུ་དང་གནོད་སྦྱིན་ལ་སོགས་པ་དབང་དུ་བྱེད་པ་ལ་སོགས་པ་ལས་རབ་འབྱམ་བསྒྲུབ་པའི་ཁྱད་པར་གྱིས་མངོན་སུམ་དུ་སྦྱར་
བར་བྱའོ། །ལས་གང་དང་གང་དང ། སྦྱིན་སྲེག་གང་དང་གང་གིས་དེ་དང་དེ་འགྲུབ་པའི་ཐབས་གང་ཡིན་པ་དེ་ཐབས་གང་ཡིན་པ་དེ་ཐབས་དེ་དེ་བཞིན་དུ་ལས་ཀྱི་ཆོ་གས་བྱའོ། །ཇི་ལྟར་ནུས་པའི་བརྩོན་འགྲུས་བསྐྱེད་ལ་མིའི་ལུས་ནི་གདུལ་དཀའ་བ་ཡིན་ཞེས་སྨད་ནས་རིའི་གསེབ་ཏུ་
ཞུགས་ཏེ། སྡིག་པ་དུས་གསུམ་དུ་བཤགས་པ་དང ། བསོད་ནམས་ལ་རྗེས་སུ་ཡི་རང་བ་དང ། ཡོངས་སུ་བསྔོ་བ་བྱས་ནས་ནུས་པ་དང་མཐུན་པར་ཅི་སྲིད་མཚན་མ་བྱུང་གི་བར་དུ་བཟླས་པ་བྱའོ། །དེ་ནས་ཟླ་བ་ཉ་བ་ལ་འཁོར་ལོ་དང ། རལ་གྲི་དང ། གསེར་དང ། དངུལ་
དང ། ཟངས་ལས་བྱས་པའམ། ལྕགས་རིན་པོ་ཆེ་ལས་བྱས་པའམ། ཏ་ལའི་ལོ་མ་ལས་བྱས་པ་ཡང་རུང ། ཅི་འབྱོར་པའི་མཆོད་པ་བྱས་པའམ། སྔགས་གང་ཡང་རུང་བས་བསྲུང་བ་བྱས་ཏེ། ཇི་སྲིད་འབར་བར་གྱུར་པའི་བར་དུ་བཟླས་པ་བྱའོ། །དེ་ནས་གང་ལ་མཚོན་

</font><hr>87-1-198b<br><font size=+2>

གྱིས་བརྒྱབ་པ་དེ་ཡང་འཁོར་དང་བཅས་པར་རིག་པ་འཛིན་པར་འགྱུར་རོ། །དེ་ལྟར་འཁོར་ལོ་ལ་སོགས་པ། ཇི་ལྟ་བ་དེ་བཞིན་དུ་མཚོན་ཆ་ཐམས་ཅད་ལ་ཡང་ངོ ། །ཐུན་མོང་གི་ཆོ་གས་བ་བླའམ། ལྡོང་རོས་སམ། ལིག་བུ་མིག་ལ་སོགས་པ་རྫས་ཐམས་ཅད་ལ་བསྒྲུབ་
པར་བྱའོ། །འདིར་སྦྱོར་བ་ནི་རྣམ་པ་གཉིས་ཏེ། ཐབས་དང་བཅས་པ་དང ། ཐབས་དང་བྲལ་བའོ། །དེ་ལ་ཆོ་ག་གང་ཡང་རུང་བས་ནུས་པ་ཅི་ལྟ་བ་བཞིན་དུ་གང་ཡང་རུང་བ་ཞིག་སེམས་ཅན་གྱི་ཁམས་རྣམས་ལ་ཕན་པ་དང ། བདེ་བ་འབྱུང་བའི་རྒྱུར་གྱུར་ཅིག་ཅེས་ཡིད་ལ་
བྱས་ནས་བཟླས་པ་བྱས་ན་མྱུར་དུ་དངོས་གྲུབ་ཐོབ་པར་འགྱུར་རོ། །དེ་བཞིན་དུ་སེམས་ཅན་ཐམས་ཅད་ཀྱི་དངོས་གྲུབ་ཀྱི་རྒྱུར་གྱུར་ཅིག་ཅེས་ཡང་དག་པར་བསམས་ལ་བཟླས་པ་བྱའོ། །དེ་བཞིན་དུ་སེམས་ཅན་གྱི་ཁམས་དགེ་བ་ལ་འཇུག་པར་གྱུར་ཅིག་ཅེས་བྱ་བ་ལ་སོགས་པ་
སེམས་ཅན་རྣམས་ལ་ཕན་པའི་སྦྱོར་བ་བྱས་ལ་མོས་པར་བྱས་ནས་བསྒྲུབ་པར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་འཚལ་ནས་བཟླས་པ་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ས་རྣམས་དོན་དུ་གཉེར་བ་ལ་
འབད་པས་དམིགས་ཤིང་བཟླས་པ་བྱས་ཤིང་སྡིག་པ་རྣམས་བཤགས་པ་དང ། བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་ཡོངས་སུ་རྫོགས་པར་བྱ་བའི་དོན་དུ་གཉེར་བའི་ཕྱིར་བཟླ་བ་དང ། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པའི་སྨོན་ལམ་གྱི་དཀྱིལ་འཁོར་རྫོགས་
པ་དོན་དུ་གཉེར་བར་དམིགས་ནས་བཟླ་བ་དང ། སྟོབས་བཅུ་པའི་ཡེ་ཤེས་ཀྱིས་ནོན་པར་བྱ་བ་དོན་དུ་གཉེར་བར་དམིགས་ནས་བཟླ་བ་དང ། དེ་དག་ལ་རྗེས་སུ་ཡི་རང་བར་བྱས་ནས་གང་ཡང་རུང་བའི་རིག་པ་མཆོག་གིས་བསྒྲུབས་ན་མྱུར་དུ་དངོས་གྲུབ་ཐོབ་པར་འགྱུར་རོ། །རི་བོའི་གསེབ་
ཏུ་འབུམ་བཟླས་པ་བྱས་ན་འཕགས་པ་ཕྱག་ན་རྡོ་རྗེ་ལ་སོགས་པ་གང་ཡང་རུང་བའི་བྱང་ཆུབ་སེམས་དཔའ་མཐོང་བར་འགྱུར་རོ། །གཉིས་ཀྱིས་ནི་སངས་རྒྱས་བཅོམ་ལྡན་འདས་རྣམས་སོ། །གསུམ་གྱིས་ནི་བྱང་ཆུབ་སེམས་དཔའ་རྣམས་དང་སྨྲ་བར་འགྱུར་རོ། །བཞིས་ནི་

</font><hr>87-1-199a<br><font size=+2>

དེ་བཞིན་གཤེགས་པ་རྣམས་ཀྱི་གསུང་ཐོས་པར་འགྱུར་རོ། །ལྔས་ནི་གཟུངས་རྣམས་ཐོབ་པར་འགྱུར་རོ། །དྲུག་གིས་ནམ་མཁའ་ལ་འགྲོ་བར་འགྱུར་རོ། །བདུན་གྱིས་མངོན་པར་ཤེས་པ་ལྔ་རབ་ཏུ་ཐོབ་པར་འགྱུར་རོ། །བརྒྱད་ཀྱིས་སངས་རྒྱས་ཐམས་ཅད་ལ་
མངོན་པར་མཆོད་པར་འགྱུར་རོ། །དགུས་ནི་མྱ་ངན་ལས་འདས་པ་མངོན་པར་སྒྲུབ་པར་བྱེད་དོ། །བཅུས་ནི་འཇིག་རྟེན་གྱི་ཁམས་རྣམས་སུ་རྒྱུ་བར་འགྱུར་རོ། །འདི་དག་ནི་ཐབས་ལ་མཁས་པའི་བཟླས་པའི་ཆོ་ག་སྟེ། མཐའ་ཡས་པའི་འབྲས་བུ་ཐོབ་པའི་རྒྱུར་འགྱུར་བའོ། །ཐབས་
ལ་མི་མཁས་པ་རྣམས་ཀྱིས་ཀྱང་བརྩོན་འགྲུས་རབ་དང་འབྲིང་དང་ཐ་མས་ཅི་ལྟར་བསྙེན་པ་དེ་ལྟར་རབ་ཏུ་སྦྱར་ན་ནུབ་གཅིག་གིས་རིག་པ་འཛིན་པར་འགྱུར་ཏེ་སྔ་མ་བཞིན་ནོ། །རི་འམ་ཕུག་གམ་ཁང་པའི་ཕུག་ལ་སོགས་པ་དབེན་ཞིང་སྟོང་པར་མེ་ཏོག་དྲི་ཞིམ་པོ་སིལ་མ་བཀྲམ་པ། 
དྲི་ཞིམ་པོའི་སྤོས་ཀྱིས་བདུགས་པའི་ས་ཕྱོགས་འགའ་ཞིག་ཏུ་ཉི་མ་ནུབ་པའི་དུས་ན་སྐྱིལ་མོ་ཀྲུང་བཅས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་པས་སྐྱིལ་མོ་ཀྲུང་མ་བཤིག་པར་གང་ཡང་རུང་བའི་རིག་པའི་མཆོག་ནམ་ཕྱེད་དམ། ཉི་མ་ཤར་གྱི་བར་དུ་
བཟླས་པ་བྱས་ན་ལུས་འབར་བར་གྱུར་ནས་གསེར་གྱི་མདོག་ཏུ་འགྱུར། ནམ་མཁའ་ལ་འགྲོ་བ་དང ། ཐམས་ཅད་དུ་འགྲོ་བའི་རིག་པ་འཛིན་པར་འགྱུར་རོ། །གལ་ཏེ་མ་གྲུབ་ན་བར་དུ་ནུབ་གཅིག་ངལ་བསོས་ལ་ནུབ་གསུམ་པ་ལ་ཡང་དེ་བཞིན་དུ་བྱའོ། །ཡང་ནུབ་གཅིག་
གིས་བར་དུ་ཆོད་པའི་ནུབ་ལྔ་པ་ལ་ནི། དམ་པའི་ཆོས་སྤོང་བ་ཡང་ངེས་པར་འགྲུབ་པར་འགྱུར་རོ། །བསྲུང་བའི་ཆོ་ག་བྱས་ནས་འབུམ་བཟླས་ཏེ་རྫས་གང་ལ་བསྒྲུབས་པ་དེ་འགྲུབ་པར་འགྱུར་རོ། །ལྕགས་ལས་བྱས་པའི་འཁོར་ལོ་འམ། རྡོ་རྗེ་དང་རལ་གྲི་ལ་སོགས་པ་
ལག་ཏུ་ཐོགས་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ཏེ། དེ་ཉིད་ཀྱིས་རིག་པ་འཛིན་པར་འགྱུར་རོ། །གལ་ཏེ་འབར་བར་མ་གྱུར་ན་བ་ལང་གི་ལྕི་བའི་ནང་དུ་དེ་བཅུག་ལ་གང་ཡང་རུང་བའི་རིག་པའི་མཆོག་གིས་བསྲུང་བ་བྱས་ཏེ་གཞག་གོ། །དུར་ཁྲོད་དུ་འདུག་ནས་ཅི་

</font><hr>87-1-199b<br><font size=+2>

སྲིད་གནོད་སྦྱིན་དུ་གྱུར་གྱི་བར་དུ་བཟླས་པ་བྱས་ལ་མྱ་ངན་མེད་ཀྱི་ཤིང་གི་རྩ་བར་འདུག་སྟེ་ཇི་སྲིད་གནོད་སྦྱིན་མོ་འོང་བར་གྱུར་གྱི་བར་དུ་བཟླས་པར་བྱའོ། །འོངས་ནས་ཅི་ཞིག་བགྱི་ཞེས་ཟེར་ན། གང་འདོད་པ་སྨྲས་ན་ཐམས་ཅད་བྱེད་པར་འགྱུར་ཞིང་འཁྱུད་ནས་རང་གི་ཁྱིམ་དུ་འཇུག་པར་
འགྱུར་རོ། །པལྐཀྵའི་ཤིང་གི་རྩ་བར་མེ་ཏོག་སིལ་མ་བཀྲམ་པའི་དཀྱིལ་འཁོར་ལ་ལྷའི་བཞོན་པ་བྲིས་ལ། ཇི་སྲིད་འབར་བར་གྱུར་གྱི་བར་དུ་བཟླས་ན་རིག་པ་འཛིན་པར་འགྱུར་རོ། །རིའི་གསེབ་ཏུ་སེང་གེའམ། རྟ་བྲིས་ནས་དེ་ཉིད་དུ་འདུག་སྟེ། ཇི་སྲིད་འབར་བར་གྱུར་གྱི་བར་དུ་བཟླས་
པ་བྱའོ། །དེ་བཞིན་དུ་གླང་པོ་ཆེ་དང ། མ་ཧེ་དང ། ལུག་དང ། ར་དང ། ངང་པ་དང ། རྨ་བྱ་ལ་སོགས་པ་བྲིས་ནས་མེ་ཏོག་སིལ་མས་བརྒྱན་པའི་དཀྱིལ་འཁོར་བྱས་ནས་མཚན་མོ་རངས་པ་བཟླས་པར་བྱའོ། །གལ་ཏེ་མཚན་མོ་དེ་ལ་མ་གྲུབ་ན་ཡང་བསྒྲུབ་པར་བྱ་སྟེ། སངས་
རྒྱས་རྗེས་སུ་དྲན་བཞིན་དུ་ལྷ་ཆེན་པོའི་ཁང་པར་ཞུགས་ནས་ཅི་སྲིད་ལྷ་ཆེན་པོ་རང་གི་གཟུགས་ཀྱིས་འོང་བར་གྱུར་གྱི་བར་དུ་བཟླས་པ་བྱའོ། །དེ་ནས་དེ་ཉིད་དུ་ཉལ་ན་འོངས་ནས་གང་སྨྲས་པ་དེ་བྱེད་པར་འགྱུར་རོ། །སྲེད་མེད་ཀྱི་བུའི་གཟུགས་བརྙན་ལག་ཏུ་ཐོགས་ནས་ཇི་སྲིད་སྲེད་མེད་
ཀྱི་བུ་འོང་གི་བར་དུ་བཟླས་པ་བྱས་ན་འོངས་ནས་གང་སྨྲས་པ་དེ་བྱེད་པར་འགྱུར་རོ། །ལྷ་གང་གི་ཁང་པར་བཟླས་པའི་ལྷ་དེ་ཟླ་བ་ཕྱེད་ཀྱི་ནང་དུ་ངེས་པར་འོང་བར་འགྱུར་བའམ། ཡང་ན་བསྐམས་པར་འགྱུར་རོ། །ཡར་ངོའི་བརྒྱད་དམ་བཅུ་བཞི་ལ་བ་བླ་བླངས་ནས་ལྷ་ཆེན་པོའི་བྱང་
ཕྱོགས་སུ་ཀུ་ཤའི་ཆངས་བུ་ལ་ཉེ་བར་འདུག་ནས་ཅི་སྲིད་འབར་བར་གྱུར་གྱི་བར་དུ་བཟླས་པ་བྱས་ན་དེ་ནས་རིག་པ་འཛིན་པར་འགྱུར་བའམ། མི་སྣང་བར་འགྱུར་རོ། །རྣམ་ཐོས་ཀྱི་བུ་བྲིས་ནས་ཇི་སྲིད་མདུན་དུ་འོངས་ནས་མཆོག་སྩོལ་བར་གྱུར་གྱི་བར་དུ་བཟླས་པ་བྱའོ། །ཀླུའི་
གནས་མཚེ་འུར་ཇི་སྲིད་ཀླུ་རྣམས་གྱེན་དུ་འཕགས་ཀྱི་བར་དུ་བཟླས་པ་བྱའོ། །གལ་ཏེ་ལྡང་བར་མ་གྱུར་ན་ཕུབ་མའི་མེ་ལ་ལྕགས་ཀྱི་སྣོད་དམ་ཟངས་ཀྱི་སྣོད་ཏིལ་མར་གྱིས་བཀང་ནས། ཇི་སྲིད་ཁོལ་བར་གྱུར་གྱི་བར་དུ་བཟླས་པ་བྱས་ནས། དེར་ཀླུའི་ལྕུག་མ་ཚཝ་དང་རང་སྐྱུར་གྱིས་

</font><hr>87-1-200a<br><font size=+2>

བསྐུས་ནས་བསྲེགས་ན་ངེས་པར་ལྡང་བར་འགྱུར་བའམ། དྲི་མ་ཅན་དུ་འགྱུར་རོ། །འཕགས་པ་ཕྱག་ན་རྡོ་རྗེའི་སྐུ་གཟུགས་ལ་བལྟས་ནས་ཇི་སྲིད་སྨྲ་བ་དང ། འགུལ་བ་དང ། འབར་བར་གྱུར་གྱི་བར་དུ་བཟླས་པ་བྱས་ན་དེ་ནས་མཆོག་སྩོལ་བར་འགྱུར་རོ། །རས་
རིས་ཀྱི་མདུན་དུ་མེ་ཏོག་གིས་མངོན་པར་བརྒྱན་པའི་དཀྱིལ་འཁོར་བྱས་ནས་ཇི་སྲིད་དུ་འཕགས་པ་ཕྱག་ན་རྡོ་རྗེ་བྱོན་གྱི་བར་དུ་བཟླས་ན་བྱོན་ནས་མགོ་ལ་རེག་པར་འགྱུར་རོ། །རེག་པ་ཙམ་གྱིས་ལྕང་ལོ་ཅན་དུ་གནས་ནས་གནོད་སྦྱིན་གྱི་གཟུགས་སུ་འགྱུར་རོ། །འཕགས་པ་ཕྱག་ན་
རྡོ་རྗེའི་རྡོ་རྗེ་བླངས་ལ་ཇི་སྲིད་མི་སྣང་བར་གྱུར་གྱི་བར་དུ་བཟླས་པ་བྱའོ། །འབུམ་བཟླས་པས་ལས་ཐམས་ཅད་བྱེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་ཀྱི་ཞབས་ཀྱི་མཐེབ་མོ་ལ་བཟུང་ནས་ཇི་སྲིད་འབར་བ་དང ། འཕྲོ་བ་དང ། ཁྲོ་བ་སྟོན་གྱི་
བར་དུ་བཟླས་པ་བྱས་ན། དེ་ནས་བྱ་བ་ཐམས་ཅད་བྱེད་པར་འགྱུར་ཞིང་གསུང་བར་ཡང་འགྱུར་རོ། །འཕགས་པ་འཇམ་དཔལ་ལ་བལྟ་ཞིང་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ན་མི་སྣང་བར་འགྱུར་བའམ། རིག་པ་འཛིན་པར་འགྱུར་རོ། །འཕགས་པ་ཀུན་དུ་
བཟང་པོ་ལ་བལྟ་ཞིང་ཇི་སྲིད་དགེ་བ་ལ་ངོམས་མི་ཤེས་པ་དང ། འབེབས་པ་དང ། མངོན་པར་འཕར་གྱི་བར་དུ་བཟླས་པ་བྱའོ། །རྒྱུད་འདིར་སྔགས་ཀྱི་སྤྱོད་པ་ལ་ཞུགས་པས་ཟླ་བ་གཟས་ཟིན་པའི་ཚེ་ཟངས་ཀྱི་སྣོད་དུ་མར་བཞག་ནས་དྲི་ཞིམ་པོའི་མེ་ཏོག་གིས་དཀྱིལ་འཁོར་
བྱས་ཏེ། བདུག་སྤོས་དྲི་ཞིམ་པོས་བདུགས་ལ་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ནས་དེ་འཐུངས་ན་ཐོས་པ་འཛིན་པར་འགྱུར་རོ། །ཟླ་བ་དང་ཉི་མ་གཟས་བཟུང་བ་ན་ལྷ་ཆེན་པོའི་ཁང་པར་ཞུགས་ནས་ལྡོང་རོས་སམ། མིག་སྨན་ནམ། བ་བླ་བླངས་ནས་ཨ་
ཤཝ་ཏྠའི་འདབ་མའི་བར་དུ་བཅུག་ནས་ཇི་སྲིད་འབར་བར་གྱུར་གྱི་བར་དུ་བཟླས་ན་དེས་རིག་པ་འཛིན་པར་འགྱུར་པའམ། མི་སྣང་འགྱུར་རོ། །ལྷ་ཆེན་པོའི་སྟེང་དུ་ལག་པ་བཞག་ནས་ཇི་སྲིད་མི་སྣང་བར་གྱུར་གྱི་བར་དུ་བཟླས་པ་བྱའོ། །དུར་ཁྲོད་དུ་གནས་ནས་ཇི་སྲིད་

</font><hr>87-1-200b<br><font size=+2>

མི་སྣང་བར་གྱུར་གྱི་བར་དུ་བཟླས་པ་བྱའོ། །དུར་ཁྲོད་དུ་དཀྱིལ་འཁོར་བྱས་ནས་ཁམ་ཕོར་མ་བསྲེགས་པ་ཁ་སྦྱར་ཐལ་བས་བཀང་ནས་དུ་བ་བྱུང་གི་བར་དུ་བཟླས་པ་བྱས་ལ་དེ་ཆུ་གསུམ་བྱས་ནས་མི་སྣང་བར་འགྱུར་རོ། །བྱང་ཆུབ་སེམས་དཔའ་དགུག་པ་དང ། ལྷ་དང་ཀླུ་དགུག་པ་
ནི་ནུབ་གཅིག་གིས་འགྲུབ་པར་འགྱུར་རོ། །མདོར་བསྡུས་ན་རིག་པ་མཆོག་འདི་དག་གིས་ནི་འདོད་པ་ཕུན་སུམ་ཚོགས་པ་བྱེད་པ་ཡིན་ནོ། །ཡིད་ལ་གང་འདོད་པའི་ཆོ་གས་ཇི་ལྟར་བསྒྲུབས་པ་དེ་དེ་ལྟར་འགྲུབ་པར་འགྱུར་རོ་ཞེས་མཁས་པས་བརྟགས་ལ། འདི་ལ་བྱང་ཆུབ་
སེམས་དཔའི་ཐེག་པ་པས་སོམ་ཉི་མི་བྱའོ། །དེ་ནས་འདིའི་ཐུན་མོང་གི་རས་རིས་བསྟན་པར་བྱ་སྟེ། བཅོམ་ལྡན་འདས་རིན་པོ་ཆེའི་པདྨ་ལ་བཞུགས་པའོ། །གཡས་སུ་ནི་འཕགས་པ་ཕྱག་ན་རྡོ་རྗེའོ། །ལྷ་མོ་རྒྱན་ཐམས་ཅད་ཀྱིས་བརྒྱན་པ་རལ་པ་དང་བཅས་པ་གསེར་
གྱི་མདོག་ཅན་ཐམས་ཅད་རིག་པའི་མཆོག་ཅེས་བྱ་བའམ། དྲི་མ་མེད་པ་རྣམ་པར་གནོན་པའི་གཟི་བརྗིད་ཅེས་བྱ་བ་ཡང་རུང་འདི་ལྟ་བུའི་བཅོམ་ལྡན་འདས་མ་འོད་ཀྱི་ཕྲེང་བ་དང་བཅས་པ་བྲི་བར་བྱ་སྟེ། བྲག་ལ་གནས་པའི་པདྨའི་སྡོང་བུ་ལ་བཞུགས་པའོ། །ལྷ་མོའི་
འོག་ཏུ་ནི་དེ་བཞིན་དུ་བགེགས་ཐམས་ཅད་ཚར་གཅོད་པའི་གཡོག་མོ་མཐའ་ཡས་ཞེས་བྱ་བ་བྲིའོ། །ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །ཡང་ན་རས་རིས་ནི་ཇི་ལྟར་འདོད་པ་དེ་ལྟ་བུ་བྲི་བར་བྱ་སྟེ། སངས་རྒྱས་བཅོམ་ལྡན་འདས་རྣམས་དང ། བྱང་
ཆུབ་སེམས་དཔའ་རྣམས་ཀྱི་གཟུགས་ཀྱི་སྐུ་ནི་མཐའ་ཡས་པ་ཡིན་པའི་ཕྱིར་རོ། །རྟོག་པ་དང་ལྡན་ཞིང་ཐབས་ལ་མཁས་པ་རྣམས་ཀྱིས་ནི་རས་རིས་ཀྱི་ཆོ་ག་མེད་པའམ། མཆོད་པ་མེད་པར་ཡང་འགྲུབ་བོ། །གསང་སྔགས་ཀྱི་སྒོར་སྤྱོད་པའི་བྱང་ཆུབ་སེམས་དཔའི་སྤྱོད་པའི་
རིག་པ་མཆོག་གི་རྒྱལ་པོ་བསྡུས་པའི་ལེའུ་རབ་འབྱམ་རྫོགས་སོ།། །།དེ་ནས་གསང་བ་པའི་བདག་པོ་ལག་ན་རྡོ་རྗེ་བསྟན་པ་དོན་ཡོད་པའི་དངོས་གྲུབ་རབ་ཏུ་འབྱུང་བར་བྱ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་རྒྱ་མཚོ་

</font><hr>87-1-201a<br><font size=+2>

ནམ་མཁའི་སྤྱན་ཞེས་བྱ་བའི་རིག་པའི་རྒྱལ་མོ་རྩེ་མོ་གསོལ་བ་བཏབ་བོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་རྗེས་སུ་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ནམ་མཁའི་སྤྱན་ཞེས་བྱ་བའི་རིག་པའི་རྒྱལ་མོ་
རྩེ་མོ་མཆོག་འདི་སྐུ་ཐམས་ཅད་ལས་གསུངས་སོ། །ན་མཿ སྟྲཻ་ཡ་དྷྭི་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། ཨོཾ་ག་ག་ན་ལོ་ཙ་ནེ། ག་ག་ན་ས་མ། སརྦ་ཐཱ་ཨོཾ་ག་ཏཱ་ཏི་ས་ར་སཾ་བྷ་བཛྲ་ལཱ་ན་མོ་ཨ་མོ་གྷཱ་ནཱཾ་སཝཱ་ཧཱ། ལག་ན་རྡོ་རྗེ་རིག་པའི་རྒྱལ་མོ་རྩེ་མོ་ཆེན་མོ་འདི་ནི་དེ་བཞིན་གཤེགས་པ་ཐམས་
ཅད་ཀྱི་སྤྱོད་ཡུལ་ལས་ཡང་དག་པར་བྱུང་བ། བྱང་ཆུབ་སེམས་དཔའ་ཐམས་ཅད་སྐྱེད་པའི་ཡུམ། མཐའ་ཡས་པ་ཐོགས་པ་མེད་པར་དོན་ཡོད་པར་གྲུབ་པ། སྔགས་ཀྱི་སྤྱོད་པའི་བྱང་ཆུབ་སེམས་དཔའ་རྣམས་ལ་སངས་རྒྱས་ཀྱི་མཛད་པ་ལ་རབ་ཏུ་སྦྱོར་བར་གནས་པའོ། །འདི་
འཛིན་པར་བྱེད་པའི་རིགས་ཀྱི་བུ་ནི་ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །བཟླས་པ་ཉིད་ཀྱི་ཡོན་ཏན་མཐའ་ཡས་པ་མཉམ་པ་མེད་པ་ཐོབ་པར་འགྱུར་རོ། །བསྒྲུབ་པ་བྱས་ན་དེ་བཞིན་གཤེགས་པ་ཐམས་
ཅད་ཀྱིས་བྱིན་གྱིས་བརླབས་པར་འགྱུར་རོ། །བྱང་ཆུབ་སེམས་དཔའི་སྤྱོད་པའི་ས་ལ་འཇུག་པ་ཐོབ་པར་འགྱུར་རོ། །རིག་པ་འཛིན་པ་ལ་སོགས་པའི་དངོས་གྲུབ་རྣམས་ཇི་ལྟར་འདོད་པ་བཞིན་མི་འཕྲོགས་པ་དོན་ཡོད་པ་འདིས་ཚེགས་ཆུང་དུས་ཐོབ་པར་འགྱུར་རོ། །དེ་ནས་
དེ་ནི་རིག་པ་འཛིན་པ་ཐོབ་པའི་རྒྱུར་གྱུར་པའི་རྟོག་པའི་ཆོ་ག་ཕྱོགས་ཙམ་ཞིག་འབྱུང་བར་འགྱུར་རོ། །སེམས་བསྐྱེད་པའི་རིགས་ཀྱི་བུ་བྱང་ཆུབ་སེམས་དཔས་ཚེས་གཅིག་ནས་བརྩམས་ནས། དང་པོ་རེ་ཞིག་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་
ཉིད་དབུལ་བར་བྱའོ། །དབུལ་བའི་ཚིག་འདི་བརྗོད་པར་བྱ་སྟེ། བདག་ཆེ་གེ་མོ་ཞེས་བགྱི་བ་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་དབུལ་བར་བགྱིའོ། །ཐུགས་རྗེ་ཆེན་པོ་དང་ལྡན་པ་དེ་དག་ཐམས་ཅད་ཀྱིས་དུས་ཐམས་ཅད་དུ་

</font><hr>87-1-201b<br><font size=+2>

སྡུག་བསྔལ་བ་བདག་ལ་བྱིན་གྱིས་བརླབ་ཏུ་གསོལ། ཡོངས་སུ་གཟུང་དུ་གསོལ། ཡོངས་སུ་བསྐྱབ་ཏུ་གསོལ་ཞེས་བརྗོད་དོ། །དེ་ནས་སྡིག་པ་བཤགས་པར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཐུགས་བསྐྱེད་པ་གང་གིས་བཤགས་པའི་སེམས་བསྐྱེད་
པ་དེས་དུས་ཐམས་ཅད་པའི་སྡིག་པ་ཐམས་ཅད་བདག་གིས་ཀྱང་སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་བཤགས་པར་བགྱིའོ་ཞེས་བྱ་བའམ། ནུས་པ་ཇི་ལྟ་བ་བཞིན་དུ་བཤགས་པར་བྱའོ། །སེམས་ཅན་ཐམས་ཅད་ལ་ཕན་པ་དང་བདེ་བའི་རྒྱུར་
གྱུར་པ་སེམས་ཅན་ཐམས་ཅད་ཀྱི་ཁམས་རྣམ་པར་སྦྱོང་བར་བྱེད་པའི་དུས་གསུམ་དུ་གཤེགས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བསོད་ནམས་དང་ཡེ་ཤེས་ཀྱི་ཚོགས་རྣམས་ལ་རྗེས་སུ་ཡི་རང་སྟེ། ཅི་ལྟར་སངས་རྒྱས་བཅོམ་ལྡན་འདས་རྣམས་ཀྱིས་མཁྱེན་
པ་དེ་བཞིན་དུ་རྗེས་སུ་ཡི་རང་ཞེས་བྱ་བའམ། ནུས་པ་ཅི་ལྟ་བ་བཞིན་དུ་རྗེས་སུ་ཡི་རང་བར་བྱའོ། །དེ་ནས་འཇིག་རྟེན་གྱི་ཁམས་ཐམས་ཅད་དུ་གཏོགས་པ་ན་བདག་གི་མེད་པ་ཡོངས་སུ་འཛིན་པ་མེད་པ་ཐང་དང་ཆུ་ལས་སྐྱེས་པའི་རིན་པོ་ཆེའི་རི་དང ། རྒྱ་མཚོའི་རིན་པོ་ཆེ་ལ་སོགས་པས་
མཆོད་པའི་ཐབས་ལ་གོམས་པར་བྱས་ལ། སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་དབུལ་ཞིང་ཡོངས་སུ་བསྔོ་བར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་འཁོར་གྱི་དཀྱིལ་འཁོར་ཐམས་ཅད་དུ་རྒྱ་ཆེ་ཞིང་གྱ་ནོམ་པ་མཆོད་
པའི་སྤྲིན་རབ་འབྱམ་རྣམས་བདག་གི་སྨོན་ལམ་དང ། བསོད་ནམས་ཀྱི་སྟོབས་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱིས་སོ་སོར་འབྱུང་བར་གྱུར་ཅིག་ཅེས་བརྗོད་ལ། དེ་ལྟ་བུའི་མཆོད་པ་ཆེན་པོ་མངོན་པར་སྒྲུབ་པར་
བྱེད་པའི་རིག་པའི་རྒྱལ་མོ་ཆེན་མོ་འདི་ཡང་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། སརྦ་ཐཱ་ཨུངྒ་ཏེ་སྥར་ཎ་ཧི་མཾ། ག་ག་ན་ཁཾ་ས་མནྟཱ་ཏ་སཝཱ་ཧཱ། དེ་ནས་གཞན་མ་ཡིན་པར་མཆོད་པ་རྣམས་དེ་བཞིན་དུ་ཡང་དག་པར་འབྱུང་བར་འགྱུར་རོ། །

</font><hr>87-1-202a<br><font size=+2>

དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡོན་ཏན་བསྔགས་པ་རྒྱ་མཚོ་སྒྲོགས་པའི་དབྱངས་རབ་འབྱམ་རྣམས་ཀྱིས་སེམས་ཅན་གྱི་ཁམས་ཐམས་ཅད་དང ། ཆོས་ཀྱི་དབྱིངས་སུ་གྲགས་པ་འཇུག་པར་གྱུར་ཅིག་།དེ་བཞིན་གཤེགས་
པ་ཐམས་ཅད་ཀྱི་ཆོས་ཀྱི་འཁོར་ལོ་རྗེས་སུ་འཇུག་པར་གྱུར་ཅིག་།མདོ་སྡེའི་ཚུལ་རབ་ཏུ་སྒྲོགས་པར་གྱུར་ཅིག་ཅེས་བསམས་ལ། བསྟོད་པ་དང་བསྔགས་པ་སྒྲུབ་པར་བྱེད་པ། ཆོས་ཐམས་ཅད་ཀྱི་སྤྲིན་གྱི་ཆར་འབེབས་པར་བྱེད་པའི་རིག་པ་ཆེན་མོའི་རྒྱལ་མོ་འདི་ཡང་
ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། སརྦ་ཏྲ་སཾ་ཀུ་སུ་མི་ཏཱ། ཨ་བྷི་ཛྙཱ་ན་རཱ་ཤི་ནཱི་ན་མོ་སྟུ་ཏེ་སཝཱ་ཧཱ། དེ་ནས་དེ་བཞིན་དུ་གཞན་མ་ཡིན་པར་བསྟོད་པ་བརྗོད་པ་དང ། ཆོས་བརྗོད་པའི་དབྱངས་རྣམས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་
ཇི་ལྟར་མཁྱེན་པ་བཞིན་དུ་ངེས་པར་གནས་པར་འགྱུར་རོ། །འགྲོ་བ་ཐམས་ཅད་ཀྱི་སྡུག་བསྔལ་ཐམས་ཅད་ཞི་བར་བྱེད་པ། སེམས་ཅན་ཐམས་ཅད་ལ་ཕན་པ་དང ། བདེ་བའི་བསམ་གཏན་ལ་ཆེད་དུ་བྱེད་པའི་དམིགས་པ་ཐམས་ཅད་ཀྱིས་ཏིང་ངེ་འཛིན་སྣ་ཚོགས་ཀྱི་མཚན་
མས་བརྟགས་པའི་སྤྱོད་ལམ་སྟོན་ཅིང ། རྣམ་པ་སྣ་ཚོགས་པའི་སྤྲུལ་པའི་སྤྲིན་འབྱུང་བ་ཆོས་ཀྱི་དབྱིངས་སུ་སྤྲོས་པས་སེམས་ཅན་ཐམས་ཅད་ལ་མངོན་དུ་ཕྱོགས་པས་གནས་པ་དང ། སྟོབས་བཅུའི་ཡེ་ཤེས་ཀྱི་ས་ལ་སེམས་ཅན་རྣམས་རབ་ཏུ་དགོད་པའི་བར་དུ་གྱུར་ཅིག་
ཅེས་ཚིག་ཏུ་བརྗོད་པའམ། བསམས་ལ་དེ་ལྟ་བུའི་སྤྲུལ་པ་ཆེན་པོ་མངོན་པར་སྒྲུབ་པར་བྱེད་པའི་རིག་པའི་རྒྱལ་མོ་ཆེན་མོ་འདི་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ན་མོ་སྟུ་ཏེ། མ་ཧཱ་བཛྲ་སརྦ་སཱ་དྷ་ཧི་ཏཾ་ཀ་ར། ཏིཥྠ་སརྦཱ་ཏྲ་སརྦེ་ཥཱཾ་དྷརྨཱ་ཎཱཾ་ཨ་
དྷིཥྠཱ་ཡ་སཝཱ་ཧཱ། དེ་ནས་ཅི་ལྟར་མངོན་པར་བསྒྲུབས་པ་དེ་དག་ཇི་ལྟར་བཞིན་དུ་གནས་པར་འགྱུར་རོ། །རིག་པ་འདི་ཀུན་ཡང་གོང་དུ་ཅི་ཙམ་འདོད་པའི་བཟླས་པ་བྱས་ན་གསང་སྔགས་ཀྱི་སྤྱོད་པ་ཡང་དག་པར་གྲུབ་པ་རྣམས་ལ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཇི་ལྟ་

</font><hr>87-1-202b<br><font size=+2>

བ་བཞིན་དུ་གཟིགས་པར་འགྱུར་རོ། །དེས་དེ་ལྟར་སེམས་ཅན་གྱི་དོན་དང་དགོས་པ་བདག་གིར་བྱས་ནས་སངས་རྒྱས་དང་བྱང་ཆུབ་སེམས་དཔའ་རྣམས་བྱང་ཆུབ་ཏུ་ཐུགས་བསྐྱེད་པ་ནས་བཟུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་གྱི་སེམས་ཅན་ཐམས་ཅད་ཀྱི་
དོན་བསྒྲུབས་པ་ལ་རྗེས་སུ་ཡི་རང་ཞིང་དམིགས་པ་ལ་གོམས་པར་བྱས་ནས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བའམ། དམིགས་པ་ལ་གོམས་པར་བྱས་ཏེ། འདིར་ཡང་ནམ་མཁའི་སྤྱན་བཟླས་པ་བྱའོ། །ཡང་ན་སེམས་ཅན་རྣམས་ལ་དེ་བཞིན་གཤེགས་པ་
རྣམས་ཀྱི་བྱིན་གྱི་རླབས་ཀྱི་སྟོབས་དང ། བདག་གི་བསོད་ནམས་ཀྱི་སྟོབས་ཀྱིས་དེ་བཞིན་གཤེགས་པ་རྣམས་ཀྱི་སྤྱན་རྣམས་ཅི་ལྟར་རིགས་པ་བཞིན་དུ་དེ་བཞིན་གཤེགས་པས་བྱིན་གྱིས་རློབ་ཅིང་འབྱུང་བར་གྱུར་ཅིག་ཅེས་དང་པོར་ཡིད་ལ་བྱས་ལ་བཟླས་པ་བྱའོ། །ཡང་ན་དེ་བཞིན་
གཤེགས་པས་བསྔགས་པའི་སེམས་ཅན་ཐམས་ཅད་ཀྱི་དོན་དུ་འབྱུང་བའི་དངོས་གྲུབ་ཐོབ་པར་གྱུར་ཅིག་ཅེས་བྱའོ། ཡང་ན་སེམས་ཅན་རྣམས་ལ་དེ་བཞིན་གཤེགས་པའི་ཡེ་ཤེས་ཀྱི་མིག་དང་ལྡན་པར་གྱུར་ཅིག་ཅེས་བྱའོ། །ཡང་ན་དགེ་བ་ལ་འབད་པར་གྱུར་ཅིག་
ཅེས་བྱའོ། །ཡང་ན་དེ་བཞིན་གཤེགས་པའི་ཡེ་ཤེས་ཀྱི་རྒྱུ་འབྱུང་བར་གྱུར་ཅིག་ཅེས་བྱའོ། །ཡང་ན་སྟོབས་བཅུ་ཡོངས་སུ་རྫོགས་པས་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པའམ། དེ་བཞིན་གཤེགས་པའི་ཡེ་ཤེས་ཀྱི་སྐུ་ཡོངས་སུ་རྫོགས་པའམ། 
མཚན་དང་དཔེ་བྱད་དང་ལྡན་པའི་སྐུ་ཡོངས་སུ་རྫོགས་པའམ། ཆོས་ཀྱི་འཁོར་ལོ་ཆེན་པོ་སྐོར་བའི་སྐུ་ཡོངས་སུ་རྫོགས་པ་སེམས་ཅན་ཐམས་ཅད་ཀྱིས་སོ་སོར་ཐོབ་པར་གྱུར་ཅིག་ཅེས་བྱ་བའམ། ཡང་ན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་ཡང་
དག་པར་འགྲོགས་ཤིང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་ཡང་དག་པར་སྒྲུབ་པའམ། བྱང་ཆུབ་སེམས་དཔའ་ཐམས་ཅད་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བའི་ཕྱིར་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་

</font><hr>87-1-203a<br><font size=+2>

རྣམས་རིམ་གྱིས་གནོན་པའི་ཕྱིར་རམ། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པའི་དཀྱིལ་འཁོར་ཐམས་ཅད་དུ་འཇུག་པའམ། གཟུངས་དང ། ཏིང་ངེ་འཛིན་དང ། རྣམ་པར་ཐར་པ་ཐམས་ཅད་དུ་སོ་སོར་འཐོབ་པའམ། མཆོད་པ་ཆེན་པོའི་སྤྲིན་མངོན་
པར་བསྒྲུབ་པ་སྤྲུལ་བའམ། དེ་བཞིན་གཤེགས་པ་ཐམས་ཅད་ཀྱི་སྤྲིན་ལས་ཆོས་ཀྱི་ཆར་གྱི་རྒྱུན་འབབ་པ་རབ་ཏུ་གནས་པར་བྱ་བའམ། དཀོན་མཆོག་གསུམ་གྱི་གདུང་རྒྱུན་མི་བཅད་པའམ། རིག་པ་འཛིན་པའི་དཔལ་ཐོབ་པར་བྱ་བའམ། རྡོ་རྗེ་འཛིན་པ་ཉིད་རབ་ཏུ་འཐོབ་པ་ཡང་
སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བརྗོད་དོ། །ཡང་ན་བསམ་པ་ཅི་ལྟ་བ་དང་མོས་པ་ཅི་ལྟ་བ་བཞིན་དུའམ། སེམས་ཅན་གྱི་ཁམས་ཐམས་ཅད་ལ་ཕན་པ་དང ། བདེ་བ་འབྱུང་བའི་བསམ་པ་དང ། ལྷག་པའི་བསམ་པས་བཟླས་པ་བྱའོ། །ཡང་ན་བླ་ན་མེད་
པའི་དངོས་གྲུབ་ཐམས་ཅད་བདག་གི་སྨོན་ལམ་གྱི་སྟོབས་དང ། དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཀྱིས་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་སམ། ཅི་ལྟར་རིགས་པར་སེམས་ཀྱིས་བསམས་ལ་བཟླས་པ་བྱའོ། །དེ་ལྟར་གོམས་པར་
བཟླས་པ་བྱས་ན་དངོས་གྲུབ་ཐོབ་པར་འགྱུར་རོ། །སྨོན་ལམ་དང་རྗེས་སུ་མཐུན་པ་དང ། བརྩོན་འགྲུས་དང་རྗེས་སུ་མཐུན་པར་བྱང་ཆུབ་སེམས་དཔའི་སྤྱོད་པ་ལ་མངོན་པར་ཕྱོགས་ཤིང་འཇུག་ན་ངེས་པར་འགྲུབ་པར་འགྱུར་རོ། །འདི་དག་ནི་རྟག་ཏུ་བྱ་བའི་ཆོ་ག་ཡིན་ནོ། །ཡང་
ན་སོམ་ཉི་མེད་པའི་དད་པས་ཅི་ལྟར་ནུས་པའི་ཆོ་གས་བྱའོ། །དེ་ནས་འཕགས་པ་སྡོང་པོ་བཀོད་པ་ལ་སོགས་པའི་ཆོས་ཀྱི་གླེགས་བམ་མམ། བྱང་ཆུབ་སེམས་དཔའི་སྤྱོད་པ་རྒྱ་ཆེ་བའི་ལུགས་རྒྱས་པར་བྱེད་པའི་མདོ་སྡེ་གདོན་པར་བྱ། མཆོད་པར་བྱ་བའམ། ཐ་ན་ཕྱག་
བྱས་ནས་སོ། །ཀུན་ནས་ངལ་བར་གྱུར་ནས་ཟས་ཟ་ན། སྔགས་འདིས་ཟས་ལ་ལན་བརྒྱད་མངོན་པར་བཟླས་པ་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨོཾ་བ་ལིཾ་ད་དེ། ཏེ་ཛོ་མཱ་ལི་ནི་སཝཱ་ཧཱ། དེ་ནས་ཟས་ཀྱིས་དུབ་པ་བསལ་ལ་ཕྱི་དྲོའི་དུས་སུ་ཡང་སྔ་དྲོའི་ཆོ་ག་འདི་ཉིད་

</font><hr>87-1-203b<br><font size=+2>

ཀྱིས་བྱའོ། །སྐྱོ་བར་གྱུར་ན་སྔགས་བཟླས་པར་བྱ་སྟེ། ཅི་སྲིད་མི་སྐྱོ་བའི་བར་དུའོ། །དེ་ནས་སྨོན་ལམ་བཏབ་ནས་ལྡང་བར་བྱའོ། །ལངས་ནས་ཟབ་ཅིང་རྒྱ་ཆེ་བའི་མདོ་སྡེ་ཀློག་པ་ལ་སོགས་པ་གཞན་བྱའོ། །ཉལ་བའི་ཚེ་ཡང་ལུས་ཐམས་ཅད་བཏུད་པས་སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ལ་བསམ་པ་ཐག་པས་ཕྱག་བྱས་ལ་ཕྱི་ནས་ཇི་ལྟར་འདོད་པར་གཉིད་ལོག་པར་བྱ་ཞིང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཏུ་གསོལ། བདག་ལ་དངོས་གྲུབ་དང་མཆོག་སྩལ་དུ་གསོལ། གནོད་པ་
ཐམས་ཅད་རབ་ཏུ་ཞི་བར་མཛད་དུ་གསོལ། ཞེས་མཁས་པས་རྟག་ཏུ་བྱའོ། །ཉིན་རེ་ཉིན་རེ་འདི་ལྟ་བུའི་ལས་ཟླ་བ་གཅིག་གི་བར་དུ་བྱའོ། །དེ་ནས་ཟླ་བ་ཉ་ལ་ཉིན་ཞག་གཅིག་སྨྱུང་བར་འདུག་ནས་ཅི་འབྱོར་པས་མཆོད་པ་བྱས་ཏེ། མཆོད་རྟེན་ནམ། སྐུ་གཟུགས་སམ། རས་
རིས་ལ་དབེན་ཞིང་སྟོང་པའི་ས་ཕྱོགས་སུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་པ་ལ་དམ་པའི་ཆོས་ཀྱི་གླེགས་བམ་མདུན་དུ་བཞག་སྟེ། སྤོས་དྲི་ཞིམ་པོས་བདུགས་ནས་སྐྱིལ་མོ་ཀྲུང་བཅས་ཏེ། ལྕགས་ཀྱི་འཁོར་ལོའམ། རྡོ་རྗེའམ། རལ་གྲི་བླངས་ལ་ཀུ་ཤ་
བཀྲམ་པ་ལ་འདུག་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱ་སྟེ། །ནམ་ཕྱེད་དམ་ཉི་མ་ཤར་པའི་དུས་སུ་འབར་བར་འགྱུར་རོ། འབར་བ་ན་ལྟས་ཆེན་པོ་འབྱུང་བར་འགྱུར་ཏེ། ས་གཡོ་བ་དང ། གཞན་ཡང་སངས་རྒྱས་འབྱུང་བ་དང་འདྲ་བའི་ལྟས་ཆེན་པོ་འབྱུང་བར་
འགྱུར་རོ། །སྐད་ཅིག་དེ་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱིས་འཆིང་བ་ཞེས་བྱ་བའི་འོད་ཟེར་རབ་ཏུ་འབྱུང་བར་འགྱུར་རོ། །དེ་ནས་རིག་པ་འཛིན་པ་ཐམས་ཅད་འཁོར་དང་བཅས་པ་དང ། རིག་པ་འཛིན་པའི་བུ་མོ་གྲོགས་དང་བཅས་
པ་དང ། རིག་པ་འཛིན་པའི་རྒྱལ་པོ་ཆེན་པོ་འཁོར་དང་བཅས་པས་དེ་དབང་བསྐུར་བས་ཐམས་ཅད་དུ་ཐོགས་པ་མེད་པ་དང ། ལྷ་ཐམས་ཅད་ཀྱིས་མཆོད་པ་དང ། བསོད་ནམས་ཇི་ལྟར་ཉེ་བར་བསགས་པ་བཞིན་དུ་སངས་རྒྱས་ཀྱི་ཞིང་རྣམས་སུ་འགྲོ་ཞིང ། སངས་རྒྱས་

</font><hr>87-1-204a<br><font size=+2>

དང་བྱང་ཆུབ་སེམས་དཔའ་རྣམས་ལ་མཆོད་པ་དང ། སེམས་ཅན་ཡོངས་སུ་སྨིན་པར་བྱེད་པའི་ནུས་པ་ཡང་རབ་ཏུ་འཐོབ་བོ། །ལུས་དེ་ཉིད་མ་དོར་བར་བྱང་ཆུབ་སེམས་དཔའི་སྤྱོད་པ་ལ་རྗེས་སུ་འཇུག་པ་རབ་ཏུ་འཐོབ་བོ། །སྟོབས་ཅི་ལྟ་བ་དང ། སྣོད་ཇི་ལྟ་བ་
བཞིན་དུ་གོ་རིམས་ཀྱིས་བྱང་ཆུབ་སེམས་དཔའི་ས་རྣམས་གནོན་པར་འགྱུར། ཡང་དག་པར་རྫོགས་པའི་སངས་རྒྱས་ཀྱི་བར་དུ་དེ་ཉིད་ཀྱིས་ཐོབ་པར་འགྱུར་རོ། །འདི་དག་ནི་ཐབས་ལ་མཁས་པའི་བྱང་ཆུབ་སེམས་དཔའི་ཐེག་པ་པའི་གསང་སྔགས་ཀྱི་སྒོར་སྤྱོད་པ་ལ་ཞུགས་པ་
གཙོར་བྱེད་པའི་ཐབས་ལ་མཁས་པའི་ཆོ་ག་ཡིན་ནོ། །རིའམ་འབབ་ཆུའི་འགྲམ་མམ། མཚོའི་གླིང་ངམ། ཤིང་གཅིག་གི་དྲུང་ངམ། ཀུན་དགའ་ར་བའམ། དགོན་པའམ། གཙུག་ལག་ཁང་གི་གནས་སམ། སྐུ་གདུང་དང་བཅས་པའི་མཆོད་རྟེན་ནམ། སྐུ་གཟུགས་
ཀྱི་མདུན་དུའམ། ཐ་ན་གཙུག་ལག་ཁང་ངམ། ཁང་པའམ། ཉེ་བར་སྤྱོད་པའི་སའང་རུང ། སྟོང་ཞིང་དབེན་པར་རས་རིས་ཀྱི་མདུན་དུ་བསྒྲུབ་པར་བྱའོ། །གལ་ཏེ་ནུས་པ་ཡོད་ན་རི་ལ་སོགས་པ་སྟོང་ཞིང་དབེན་པའི་གནས་རྣམས་སུ་འདུ་འཛི་རྣམ་པར་སྤངས་ནས། ཐ་ན་ཁྱིམ་
མམ།བྲང་ཁང་ངམ། ཉེ་བར་སྤྱད་ས་འམ། མཛོད་ཕུགས་སུ་ཡང་རུང ། ཅི་སྲིད་མ་བྱུང་གི་བར་དུ་བཟླས་པ་བྱའོ། །དེ་ནས་སྔ་མ་བཞིན་དུ་འཁོར་ལོའམ། རྡོ་རྗེ་ལ་སོགས་པ་ཅི་ལྟར་འདོད་པ་བཞིན་དུ་བསྒྲུབ་པར་བྱའོ། །འབུམ་བཟླས་པ་བྱས་ནས་ལྡོང་རོས་སམ། 
མིག་སྨན་ལ་སོགས་པའི་རིག་འཛིན་ཐོབ་པར་བྱེད་པའི་རྫས་ཐམས་ཅད་བསྒྲུབ་པར་བྱའོ། །དབང་དུ་བྱ་བ་ལ་སོགས་པའི་ལས་ཐམས་ཅད་བཀླགས་པས་འགྲུབ་པ་འདི་རིའི་གསེབ་ཏུ་ཞུགས་ལ་འབུམ་ཕྲག་གསུམ་བཟླས་ན་དེ་བཞིན་གཤེགས་པ་མཐོང་བར་འགྱུར་རོ། །མཐོང་
ནས་གཟུངས་ལ་སོགས་པ་རབ་ཏུ་ཐོབ་པར་འགྱུར་རོ། །དབེན་ཞིང་སྟོང་པའི་རི་ལ་སོགས་པར་སྐྱིལ་མོ་ཀྲུང་གིས་འདུག་ལ། སྐྱིལ་མོ་ཀྲུང་མ་བཤིག་པར་མཚན་ཐོག་ཐག་དེ་བཞིན་གཤེགས་པ་ལ་དམིགས་ནས་བཟླས་ན། ནམ་ཕྱེད་དམ་ཉི་མ་འཆར་བའི་དུས་སུ་ལུས་

</font><hr>87-1-204b<br><font size=+2>

རབ་ཏུ་འབར་བར་འགྱུར་རོ། །འབར་བར་གྱུར་ནས་ལུས་བརྗེས་ནས་རིག་པ་འཛིན་པར་འགྱུར་རོ། །ལྷའི་བཞོན་པ་བྲིས་ནས་དེའི་སྟེང་དུ་འདུག་སྟེ་མཚན་རངས་པ་བཟླས་ན་ལྷའི་བཞོན་པ་རིན་པོ་ཆེ་ལས་གྲུབ་པར་གྱུར་ནས་ནམ་མཁའ་ལ་གང་འདོད་པ་དེར་འགྲོ་བར་འགྱུར་རོ། །རིག་
པ་འདི་ནི་རང་བཞིན་གྱིས་གྲུབ་པ་ཡིན་པས་སྔོན་དུ་བསྙེན་པ་མ་བྱས་པས་ཀྱང་ཆོ་ག་བཞིན་དུ་བྱའོ། །ཅི་སྐད་གསུངས་པའི་རིག་པ་མཆོག་གི་ཆོ་གས་ཀྱང་བྱ་བའམ། ཐབས་དང་མི་ལྡན་པས་ནི་ཇི་ལྟར་འདོད་པའམ། ་་མོས་པ་ཅི་ལྟ་བ་བཞིན་ལས་ཀྱིས་བསྒྲུབ་པར་བྱའོ། །རྟོག་
པ་འདི་ཆོ་གས་ཡིད་ལ་གང་འདོད་པ་ཅི་རིགས་པར་སྦྱར་བར་བྱའོ། །ཡང་ན་རས་རིས་བསྒྲུབ་པར་འདོད་ན་རས་རིས་དེ་བཞིན་གཤེགས་པའི་སྐུ་གཟུགས་པདྨའི་གདན་ལ་བཞུགས་པ་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་པདྨའི་གདན་ལ་བཞུགས་པ་ཐལ་མོ་
སྦྱར་བ་འོད་ཀྱིས་བསྐོར་བ་བྲི་བར་བྱའོ། །བཅོམ་ལྡན་འདས་ཀྱི་གཡོན་དུ་ནམ་མཁའི་སྤྱན་གསེར་གྱི་མདོག་ཅན་རྒྱན་ཐམས་ཅད་ཀྱིས་བརྒྱན་པ། རལ་པ་དང་བཅས་པ། ཐལ་མོ་སྦྱར་བ་བྱས་པ། པདྨའི་གདན་ལ་བཞུགས་པ་འོད་ཀྱི་ཕྲེང་བ་ཅན་བྲི་བར་བྱའོ། །དེའི་འོག་ཏུ་
ཁྲོས་པ་གནག་ཅིང་ལྗང་བ། རལ་པ་གཅིག་ཡོད་པ། འཇིགས་པ་ཆེན་མོ་ཞེས་བྱ་བ་གཞོན་ནུ་མ་ལག་པ་གཡས་ཀྱིས་རྡོ་རྗེ་འཛིན་ཅིང་འཕྱར་བ། རིན་པོ་ཆེའི་ཕྲེང་བ་ཅན་བྲག་ལ་བཞུགས་པ། འབར་བའི་ཕྲེང་བ་ཅན་ངུར་སྨྲིག་བགོས་པ། མིག་ཅུང་ཟད་དམར་བ། བགེགས་ཚར་གཅོད་
པ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །རས་རིས་འདི་ལ་རྟོག་པ་འདིའི་ཆོ་ག་རྣམས་བྱ་བ་འམ་ཅི་ལྟར་འདོད་པས་བྱའོ། །རས་རིས་གཉིས་པ་ནི་ལྷ་མོ་འཇིགས་པར་བྱེད་པའི་གྲོགས་དང་བཅས་པ། རལ་པ་ཐུར་ལ་འཕྱང་བ། ལུས་
འོད་ཀྱི་ཕྲེང་བ་ཅན་ནོ། །དེ་ལྟ་བུ་ལ་ཡང་འདིར་སྔར་གྱི་ཆོ་ག་རྣམས་སྦྱར་བར་བྱའོ། །ཐབས་དང་ལྡན་ནམ་ཐབས་དང་མི་ལྡན་ཡང་རུང ། ནམ་མཁའི་སྤྱན་འདི་ནི་དོན་ཡོད་པ་ཡིན་ཏེ། བསོད་ནམས་དང་ལྡན་ནམ། བསོད་ནམས་དང་མི་ལྡན་ཡང་རུང་ཞེས་རྒྱ་ཆེར་སྦྱར་ཞིང་གང་གིས་

</font><hr>87-1-205a<br><font size=+2>

ཀྱང་ངེས་པར་འགྲུབ་པར་འགྱུར་ཏེ། འདོད་པའི་དོན་ཕུན་སུམ་ཚོགས་པར་བྱེད་པ་ཡིན་ནོ་ཞེས་མཁས་པས་རིག་པར་བྱའོ། །བྱང་ཆུབ་སེམས་དཔའ་རྣམས་ཀྱི་ཡུམ་ནམ་མཁའི་སྤྱན་ཞེས་བྱ་བའི་རྟོག་པ་རྫོགས་སོ།། །།དེ་ནས་ཡང་བཅོམ་ལྡན་འདས་སངས་རྒྱས་དང་བྱང་ཆུབ་
སེམས་དཔའ་རྣམས་ཀྱི་སྤྱོད་ཡུལ་མངོན་པར་སྤྲོ་བར་བྱེད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། སྡུག་བསྔལ་བར་གྱུར་པའི་སེམས་ཅན་རྣམས་བསྐྱབ་པའི་ཕྱིར་སྔགས་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱརྱ་ཨཱ་གཱ་ཛེ་ཨ་ན་ནྷཱ་བི་ཤཱ་ཡ་ནཱི། ཨ་ར་ཛེ་བི་ར་ཛེ། ཧཱུཾ་
ཏྲཱ་ཀ་ར་སཝཱ་ཧཱ། སངས་རྒྱས་མ་ལུས་ཐམས་ཅད་ཀྱིས། །གསང་སྔགས་འདི་ནི་གསུངས་པ་ན། །ཤིན་ཏུ་རྒྱ་ཆེ་རྣམ་པར་རོལ། །ནམ་མཁའ་ལ་ནི་བྱུང་བར་གྱུར། །བྱང་ཆུབ་སེམས་དཔའ་གསང་སྔགས་ཀྱི་སྒོར་སྤྱད་པ་སྤྱོད་པ་རྣམས་ཀྱི་མདུན་དུ་འདིའི་ལས་ཀྱི་ཆེ་བའི་བདག་ཉིད་གསུངས་པ་ཆོ་ག་
རབ་འབྱམ་མཐའ་ཡས་པའི་རྒྱལ་པོ་སྐད་ཅིག་དེ་ལ་སེམས་ཅན་གྱི་ཁམས་རྣམ་པར་སྦྱོང་བར་བྱེད་པ་ཞེས་བྱ་བའོ། །ཆོ་ག་དེ་དག་ཐམས་ཅད་ཀྱང་འདི་ལ་སྦྱར་བར་བྱ་བའམ། ཡང་ན་ཅི་ལྟར་འདོད་པའི་ཆོ་གས་བྱའོ། །སྙིང་པོ་རྟོག་པའི་ཆོ་གས་ཉིས་འགྱུར་དུ་སྦྱར་པའམ་མཉམ་པས་ཀྱང་རུང་ངོ ། །
དེ་ནས་བྱང་ཆུབ་སེམས་དཔའ་རྡོ་རྗེའི་ལུས་ཞེས་བྱ་བ་ཆགས་པ་མེད་པའི་སྒོའི་གཞི་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོ་ཆེན་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲཱི་ཏྲཱི་ཏྲཱི། ཨ་ཧ་ཧ་བྷི་སྨ་ཡེ། ནམཿ སརྦ་ཏ་ཐཱ་ག་ཏཱ་ནཱཾ། ཨ་ས་དྲྀ་ཤེས་སཱ་
ཧཱ། ཕུན་སུམ་ཚོགས་པ་མཐའ་ཡས་བ་ཞེས་བྱ་བའི་རིག་པའི་རྒྱལ་མོ་ཆེན་མོའི་རྩེ་མོ་འདི་ནི་ཆོ་ག་དེ་དག་ཉིད་ཀྱིས་སྦྱར་བར་བྱའོ་ཞེས་བྱ་བར་རྒྱལ་བ་རྣམས་ཀྱིས་མཁྱེན་པ་ཡིན་ནོ། །དེ་ནས་བྱང་ཆུབ་སེམས་དཔའ་ནམ་མཁའ་དང་མཉམ་པ་ཞེས་བྱ་བ་ཀུན་ནས་ནམ་མཁའ་དང་མཉམ་པའི་ཏིང་ངེ་འཛིན་
ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཧ་ཧ་ཧ། མ་ཧཱ་མུ་ནི་བྷི་སྨ་ཡེ། ཧ་ར་ཧ་ར། ཏྲ་ཡ་ཏྲ་ཡ། བི་ཤོ་དྷ་ཀེ་ནམཿ སརྦ་ཏ་ཏཱ་ག་ཏེ་བྷྱཿ སཝཱ་ཧཱ། དོན་ཡོད་པའི་དོན་ཡོད་པ་ཞེས་བྱ་བ་ངག་གི་དབང་ཕྱུག་མ་ཞེས་བྱ་བའི་རིག་པའི་རྒྱལ་མོའི་

</font><hr>87-1-205b<br><font size=+2>

རྩེ་མོ་ཡངས་ཤིང་རྒྱ་ཆེ་བའི་རྣམ་པར་རོལ་པའི་སྤྱོད་ཡུལ་ཡིན་ཏེ། འདིའི་ཆོ་ག་ཡང་དེ་དག་ཉིད་ཀྱིས་བྱ་བ་འམ། ཡིད་ལ་གང་འདོད་པས་བྱའོ། །དེ་ནས་དེ་བཞིན་གཤེགས་པ་ཀུན་དུ་ཤིན་ཏུ་མཉམ་པར་རྫོགས་པར་གྲུབ་པ་ཞེས་བྱ་བའི་དངོས་གྲུབ་ཀྱི་རྒྱལ་པོའི་རྩེ་མོ་ལ་སྙོམས་པར་ཞུགས་པ་ཞེས་བྱ་
བའི་ཏིང་ངེ་འཛིན་གྱི་རྒྱལ་པོ་ལ་སྙོམས་པར་ཞུགས་སོ། །སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་རྩེ་མོ་ཞེས་བྱ་བའི་རིག་པ་ཆེན་མོའི་རྒྱལ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་བ་ལེ་ཧ་ཧ། ཨ་ས་མ་ས་མནྟ། ག་ག་ན་ག་ག་ན། ས་མ་ས་མ། ཀུ་རུ་ཀུ་རུ། ན་མཿ སརྦ་བུདྡྷ་བོ་དྷི་
ས་ཏྭེ་བྷྱཿ སཝཱ་ཧཱ། སངས་རྒྱས་སྲས་དང་བཅས་རྣམས་ཀྱིས། །ལྷན་ཅིག་འདིར་ནི་གསུངས་པ་ན། །ཆོས་དབྱིངས་ངོ་མཚར་ཆེན་པོ་འདི། །ཐམས་ཅད་ཀུན་དུ་རྨད་དུ་གྱུར། །འདིའི་ཆོ་ག་ཡང་དེ་དག་ཡིན། །འཇིག་རྟེན་ཐམས་ཅད་ཀུན་དུ་ཡང ། །འདི་དང་འདྲ་བ་དེ་ཡོད་མིན། །རས་རིས་ཀྱི་ཁྱད་
པར་ནི་ནམ་མཁའི་སྤྱན་གྱི་གནས་སུ་ལྷ་མོ་ཀུ་མུ་དའི་མདོག་ཅན། རལ་པ་དང་བཅས་པ། རྒྱན་དང་བྲལ་བ། ཏིང་ངེ་འཛིན་ལ་སྙོམས་པར་ཞུགས་པ་བྲི་བར་བྱའོ། །སངས་རྒྱས་བཅོམ་ལྡན་འདས་ནི་དེ་ལྟ་བུ་ཉིད་ཡིན་ནོ། །ལག་ན་རྡོ་རྗེ་ནི་གཏུམ་པའོ། །གཡོན་དུ་ནི་རལ་པ་གཅིག་ཡོད་
པ། གནག་པ། མིག་དམར་བ། བགེགས་མཐར་བྱེད་པ། ཁྲོས་པ། ངུར་སྨྲིག་བགོས་པ། གཞོན་ནུ་ལག་ན་རལ་གྲི་ཐོགས་པ་བྲི་བར་བྱ་སྟེ། འབར་བའི་ཕྲེང་བས་བསྐོར་བ་རིན་པོ་ཆེའི་བྲག་ལ་གནས་པའོ། །ལྷག་མ་ནི་སྔ་མ་བཞིན་ནོ། །རིན་པོ་ཆེའི་བྲག་ལ་གནས་པའི་པདྨའི་སྡོང་བུ་ལ་
གནས་པ་བྲི་བར་བྱའོ། །རིག་པའི་རྒྱལ་མོའི་རྩེ་མོ་འདི་རས་རིས་ལ་རྟོག་པའི་ཆོ་ག་ཐམས་ཅད་སྦྱར་བར་བྱའོ། །དེ་ནས་བྱང་ཆུབ་སེམས་དཔའ་དོན་ཐམས་ཅད་སྒྲུབ་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་དོན་ཡོད་པ་ཞེས་བྱ་བ་འདི་གསུངས་སོ། །
ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཪྠཱ་སིདྡྷ་བིདྱ་ཨུཏྟ་མ་ཨཱ་གྲེ་སཝཱ་ཧཱ། །བྱང་ཆུབ་སེམས་དཔའ་ལོངས་སྤྱོད་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ར་ཛེ་ས་མ་ཡ། སཱ་དྷ་ཡཱི་ཀུ་རུ་ཀུ་རུ།

</font><hr>87-1-206a<br><font size=+2>

སིདྡྷི། ཨ་མོ་གྷ། ཨ་པྲ་ཏི་ཧ་ཏ་སྟེ་སིདྡྷི། ས་ཏ་ཀེ་ཏ། ཨུ་ཐཱ་ཨ་ག་ག་ནཱཾ་སཝཱ་ཧཱ། གཏུམ་པོ་མཉམ་པ་མེད་པ་ཞེས་བྱ་བ་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ས་མ་ས་མ། ཨ་གྲེ་ཨ་གྲེ། དྷ་ར་དྷ་ར། དྷི་རི་དྷི་རི། ཏ་ཡི་ཏ་ཡི། ག་ག་ནཱཾ་སཱ་དྷ་ཡ། སརྦཾ་ན་
མོ་སྟུ་ཨ་པྲ་ཏི་ཧ་ཧ་ཨཱ་གྲཱ་ནཱཾ། ཛྭཱ་ལ་ཛྭཱ་ལ། ཧཱ་ས་ནེ་སཝཱ་ཧཱ། དེ་བཞིན་གཤེགས་པའི་དམ་ཚིག་ཅེས་བྱ་བའི་ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཧྲྀ་ད་ཡཾ། ས་མ་ཡཾ་ས་མ་ཡཾ། ན་དྷི་བིརྱ་ཏེ་སྦྱ་ས་དྷོ། ཥ་མ་ཡཾ། ཏ་ཊི་དནྟ། ན་
མོ་ཨ་གྲ། གུ་ཎཱ་ཨ་ནནྟ། མ་ཡཾ་གུ་རུ་ཏེ། སཉྩ་སརྦཱ། མི་དྷཾ་མ་པི་ཏེ། སྟོབས་གསུམ་པ་ཞེས་བྱ་བ་རིག་པའི་རྒྱལ་མོ་རྩེ་མོ་ཐམས་ཅད་དུ་མི་མཉམ་པ་ཐོགས་པ་མེད་པ་དོན་ཡོད་པར་གྲུབ་པ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མོ་གྷ། ཨ་ཙི། པྲ་བི་ཤ་བ་ར་དེ། ཨ་མ་ལ། 
་མ་ལ། ཛྭཱ་ལ་ན་ཙ་ལོདྡྷ་ཏེ། སྥ་ར་ཎ་སཝཱ་ཧཱ། ་འཇིགས་པ་མེད་པ་དོན་ཡོད་པའི་འོད་ཟེར་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ས་མ། དྷ་ར་དྷ་ར། ས་མ་ས་མ། སཾ་ག་ཏ་སཾ་ག་ཏ། ཏཱི་ཊཱི་ཏཱི་ཊཱི། ཧ་ས་ཧ་ས། ཏཱི་ཏཱི་མ་ཧཱ་མ་ཧཱ། བི་ཤཝ་དྷཱ་གྲ་ཨ་
གྲ། ཧཱུཾ་སྤཱ་ར་སྥཱ་ར་སྥཱ་ར། བི་མ་ལེ་ཀུ་རུ། ཨ་མོ་གྷ་ཨ་པྲ་ཏི་ཧ་ཏ། ཨ་སྠ་སིདྡྷི། ཡཾ་ཨ་དུཿ ་ཁ་ག་ར་སཝཱ་ཧཱ། མཉམ་པ་མེད་པའི་མཆོག་གི་སྟོབས་ཀྱི་རྩེ་མོ་ཞེས་བྱ་བ་རིག་པའི་རྒྱལ་མོའི་རྩེ་མོ་ཡིན་ནོ། །དེ་ནས་མཉམ་པ་མེད་པ་ཐོགས་པ་མེད་པ་དོན་ཡོད་པར་གྲུབ་པ་ཐུན་མོང་མ་ཡིན་པའི་རས་རིས་
འབྱུང་བར་འགྱུར་ཏེ། བཅོམ་ལྡན་འདས་ནི་པདྨའི་གདན་ལ་བཞུགས་པ་འོད་ཟེར་རབ་ཏུ་འཕྲོ་བ་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་བཅོམ་ལྡན་འདས་ལ་ཐལ་མོ་སྦྱར་བའོ། །བཅོམ་ལྡན་འདས་ཀྱི་གཡོན་དུ་ནི་གསེར་གྱི་མདོག་ཅན་རལ་པ་དང་བཅས་པའི་ཅོད་པན་འཛིན་པ། ང་རྒྱལ་
དང་བྲལ་བ་བཅོམ་ལྡན་འདས་ལ་ཐལ་མོ་སྦྱར་བའི་ལྷ་མོའོ། །ལྷ་མོའི་འོག་ཏུ་དྲག་གཏུམ་ཞེས་བྱ་བའི་གཡོག་པོ་གཞོན་ནུ་རལ་པ་ཅན་གནག་ཅིང་སྔོ་བ།གོས་སྔོན་པོ་བགོས་པ། ཁྲོས་པ། མིག་དམར་བ། ལག་ན་རྡོ་རྗེ་ཐོགས་པ། འབར་བས་བསྐོར་བ། བགེགས་ཚར་གཅོད་པ་བྲི་བར་

</font><hr>87-1-206b<br><font size=+2>

བྱའོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །འདི་ལ་ཡང་ལས་དེ་དག་ཐམས་ཅད་སྦྱར་བར་བྱ་བའམ། དེ་བཞིན་གཤེགས་པའི་ཆོ་གས་སམ། རིག་པ་མཆོག་གི་ཆོ་གས་སྦྱར་བའམ། ཇི་ལྟར་མངོན་པར་འདོད་པས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་
པར་བྱ་སྟེ། ཐེ་ཚོམ་དང་བྲལ་བའི་དད་པས་བྱའོ། །ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོ་ཆེན་མོའི་རྩེ་མོ་འདིས་ཁ་ཅིག་ལ་ནི་མཚན་གཅིག་གིས་དངོས་གྲུབ་འབྱུང་བར་འགྱུར་རོ། །ཁ་ཅིག་ལ་ནི་ནུབ་གཉིས་ནའོ། །ཁ་ཅིག་ལ་ནི་ནུབ་གསུམ་ནའོ། །ཁ་ཅིག་ལ་ནི་ཟླ་བ་ཙམ་
གྱིས་ངེས་པར་དངོས་གྲུབ་འབྱུང་བར་འགྱུར་རོ། །འདིར་ཡང་སྔ་མ་བཞིན་དུ་ཕན་ཡོན་ཡོད་པར་ཤེས་པར་བྱའོ། །འདི་ལ་ནི་ཚུལ་ཁྲིམས་དང་ལྡན་ཡང་རུང ། ཚུལ་ཁྲིམས་དང་མི་ལྡན་པ་ཡང་རུང ། བསོད་ནམས་དང་ལྡན་ཡང་རུང ། བསོད་ནམས་དང་མི་ལྡན་ཡང་རུང་འགྲུབ་པར་འགྱུར་ཏེ། 
གཞན་དུ་ན་དད་པ་མེད་པ་དང ། བྱང་ཆུབ་ཏུ་སེམས་མ་བསྐྱེད་པ་ནི་མ་གཏོགས་སོ། །ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོ་རབ་འབྱམ་རིམ་པར་ཕྱེ་བའོ།། །།དེ་ནས་བཅོམ་ལྡན་འདས་འབར་བའི་རྩེ་མོ་ཀུན་དུ་མཐའ་ཡས་པ་ཞེས་བྱ་བའི་གད་མོ་སྤྱི་གཙུག་ནས་གྲགས་པས་མཐར་
ཐུག་པ་མེད་པའི་ཆོས་ཀྱི་དབྱིངས་མཐའ་ཡས་པའི་རྣམ་པར་རོལ་པའི་སྤྱོད་ཡུལ་ཅན། གཙུག་ཏོར་གྱི་ཡང་གཙུག་ཏོར་དཀྱིལ་འཁོར་གྱི་བདག་པོ་རིག་པ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་གྲཱ་ཨ་གྲཱ་བི་ཥ་ཡེ། ས་མ་ས་མ། བར་བར། དེང་ཡཾ་ཀུ་རུ། ཨརྠ་སིདྡྷི། ཛྭཱ་ལ་ན་མཿ ། 
་པྲ་ཏི་ཧ་ཏོ་ཥྞཱི་ཥཱཎཱཾ། ཨ་ཏི་ཨ་ཏི་སཝཱ་ཧཱ། སངས་རྒྱས་ཐམས་ཅད་ཀྱི་གཙུག་ཏོར་དང་གཞན་དག་ལས་ཀྱང་ཐོགས་པ་མེད་པར་གཙུག་ཏོར་གྱི་རྩེ་མོ་ཞེས་བྱ་བ་གསུངས་པ་ན་མཐའ་ཡས་ཤིང་ཡངས་པའི་ངོ་མཚར་བྱུང་བས་ཐམས་ཅད་གཡོས་པར་གྱུར་ཏོ། །དེ་ནས་ཤར་ཕྱོགས་ལགས་ནས་དེ་
བཞིན་གཤེགས་པ་མཐའ་ཡས་པ་དྲི་མ་མེད་པ་ཞེས་བྱ་བས་དེ་བཞིན་དུ་འོད་ཀྱི་སྣང་བར་བྱེད་པ་ཞེས་བྱ་བའི་རིག་སྔགས་འདི་གསུངས་ཤིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་གྲ་བི་མ་ལེ་ན་མཿ ། ཨ་གྲཱ་བི་མནྜ་ལེ་ན་མཿ ། ཨ་གྲི་ཡ་ཨ་གྲ་སཝཱ་དེ་ནཱ་མཿ ། སིདྡྷྱ་ཨ་གྲ་ཡེ་ཀེ་

</font><hr>87-1-207a<br><font size=+2>

ན་མཿ ། ཨ་ཙ་ལ་མ་ཧཱ་བ་ལ་ཨ་གྲེ་ན་མཿ ། ཛྭཱ་ལ་ཛྭཱ་ལ། དྷུ་ན་དྷུ་ན། དོ་ཥ་ཎ་ཇ་ག་ཏ། གྷ་ཏ་གྷ་ཏ། བི་ཥ་ཡཾ་ན་མཿ སྠཱཾ་ཨ་པྲ་ཏི་ཧ་ཏེ་བྷྱཿ སཝཱ་ཧཱ། གཙུག་ཏོར་དྲི་མ་མེད་པའི་གཙུག་གི་རྩེ་མོ་ཞེས་བྱ་བའོ། །སྟེང་གི་ཕྱོགས་ལོགས་ནས་དེ་བཞིན་གཤེགས་པ་བདུད་རྩིའི་
སྙིང་རྗེས་བརྒྱན་པ་ཞེས་བྱ་བས་ཀུན་དུ་བཞད་པའི་རྩེ་མོ་ཞེས་བྱ་བའི་བཞད་པའི་མཆོག་མཛད་ནས་རྩེ་མོ་འདི་གསུངས་ཤིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཧོ་མ་ཧཱ་བི་སྨ་ཡ་ཨ་གྲི། སད་ཨ་གྲཱ་ཎཱཾ། ཨ་ཧོ་ཀཱ་རུ་ཎཱ། ཨ་མྲྀ་ཏ། ཨ་གྲེ་བར་ཏི་ནི། སཱ་དྷ་ཡ་ཨ་མྲྀ་ཏ་དྷརྨཱ་ཎཱཾ། 
ཏདྱ་ཐཱ། ཀཱ་རུ་ཎི་ཀཱ་རུ་ཎི། དྷི་རི་དྷི་རི། ཤཱི་ཁཱི་ཤཱི་ཁཱི། དྷ་རི་དྷ་རི། ཨ་གྲི་ཏ་ར་ཨ་གྲི་ཏ་ར། ན་མོ་ཨ་གྲེ་བྷྱཿ ། ཏ་ཐཱ་ག་ཏེ་བྷྱཿ ། བོ་དྷི་ས་ཏྭེ་བྷྱཿ ། སྥ་ར་ཎ་ག་ག་ན་བ་རེ་སཝཱ་ཧཱ། སྙིང་རྗེ་བདུད་རྩི་རྩེ་མོའི་དམ་ཚིག་ཅེས་བྱ་བའི་གཙུག་ཏོར་རོ། །ཡང་གཙུག་ཏོར་གསུམ་པ་ཞེས་བྱ་བའི་རྡོ་རྗེ་
འཛིན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་གསོལ་བ་འདེབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རིག་པའི་རྩེ་མོའི་རྩེ་མོ་འདི་རབ་ཏུ་ཐོབ་བོ། །རབ་ཏུ་ཐོབ་ནས་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲི་ཤཱི་ཁཱ། ཨ་གྲ་ན་མོ་
སྟུ་ཏེ། ས་མནྟ་ཤ་མནྟཱ། ཨ་གྲི་གུ་ཎ་ཨ་ཙ་ལ་ཨ་གྲ་དྷརྨ་ཏེ། བི་དྷུ་ན་ཧཱི་ཀླེ་ཤཱ་ནཱཾ། དུཿ ཁ་ཛྭཱ་ལཾ་ག་ཛ་ཏེ། སརྦ་དུཿ ཁཾ་ད་ད་ཧི་ཙཾ། ཤཱནྟ་དཾ་ཏྲི་ས་མ་ཡེ་ཀུ་རུ་སཝཱ་ཧཱ། རྩེ་མོའི་རྩེ་མོ་ཆོས་རྩེ་མོ། །སེམས་ཅན་ཀུན་གྱི་དོན་བྱེད་ནི། །ཀུན་ནས་ཡོན་ཏན་མཐའ་ཡས་པ། །སྲས་དང་བཅས་
པས་གསུངས་པར་གྱུར། །དེ་ནས་བླ་ན་མེད་པ་ཐོགས་པ་མེད་པ་དོན་ཡོད་པའི་ཆོས་རྣམས་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཡི་སྟོབས་ཀྱི་སྟོབས་ཅན་རྣམས་ཀྱིས་ཐུན་མོང་གི་ཆོ་ག་ལ་འཇུག་པ་བཤད་པར་བྱའོ། །ཐབས་ལ་མཁས་པ་རྣམས་ཀྱིས་སྔ་མ་བཞིན་དུ་
སངས་རྒྱས་ཐམས་ཅད་ཀྱི་མཛད་པ་རབ་ཏུ་བྱེད་པར་འདོད་པས་ཚེས་གཅིག་ནས་བརྩམས་ནས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་དངོས་པོ་དབུལ་བར་བྱ་བ་དང ། སྔ་མ་བཞིན་དུ་སྡིག་པ་བཤགས་པར་བྱའོ། །ནུས་པ་ཅི་ལྟ་བ་བཞིན་དུ་དུས་གསུམ་

</font><hr>87-1-207b<br><font size=+2>

དུ་གཤེགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་སེམས་ཅན་ཐམས་ཅད་ཡོངས་སུ་སྨིན་པར་མཛད་པ་ལ་རྗེས་སུ་ཡི་རང་བས་རྗེས་སུ་ཡིད་རང་ངོ ། །དེ་བཞིན་དུ་བདག་གི་བསོད་ནམས་ཀྱིས་དེ་བཞིན་གཤེགས་པ་འཁོར་དང་བཅས་པས་
སེམས་ཅན་ཐམས་ཅད་ཡོངས་སུ་སྐྱོབ་པར་མཛད་པ་འབྱུང་བར་འགྱུར་བ་འགྲུབ་པར་གྱུར་ཅིག་ཅེས་ཡོངས་སུ་བསྔོ་བར་བྱ་ཞིང ། བྱིན་གྱིས་བརླབ་ཏུ་གསོལ་ཞེས་བརྗོད་ལ། དབེན་ཞིང་སྟོང་པའི་གནས་རྣམས་སུ་སྔགས་འདི་བཟླས་པ་བྱས་ལ་གོམས་པར་བྱའོ། །ཡིད་སྐྱོ་བར་གྱུར་ན་དམ་
པའི་ཆོས་བཀླག་པར་བྱའོ། །འདུ་འཛི་སྤངས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་འཚལ་ནས་བཟླས་པ་ལ་གོམས་པས་བཟླས་པ་བྱ་བའམ། ནུས་པ་ཇི་ལྟ་བ་བཞིན་དུ་ཚེས་གཅིག་ནས་བརྩམས་ནས་ཟླ་བའི་བར་དུ་བཟླས་ལ་དེ་ནས་ཟླ་བ་ཉ་ལ་མེ་
ཏོག་དྲི་ཞིམ་པོ་བཀྲམ་པའི་དཀྱིལ་འཁོར་བྱས་ནས་མཚན་ཐོག་ཐག་བཟླས་པ་བྱས་ན། དེ་བཞིན་གཤེགས་པ་བྱོན་ནས་མགོ་ལ་ཕྱག་གིས་རེག་ནས་འདོད་པའི་དོན་གསུང་བར་འགྱུར་རོ། །རེག་པ་ཙམ་གྱིས་མངོན་པར་ཤེས་པ་ལྔ་འབྱུང་བར་འགྱུར་རོ། །སྔགས་ཀྱི་སྤྱོད་པ་ལ་འཇུག་པ་ཡང་
རབ་ཏུ་ཐོབ་པར་འགྱུར་རོ། །གལ་ཏེ་དེ་བཞིན་གཤེགས་པའི་གཟུགས་བརྙན་མཐོང་ན་སླར་ཡང་ཟླ་བ་གཅིག་ན་མངོན་པར་ཤེས་པ་ལྔ་འཐོབ་པར་འགྱུར་རོ། །དེ་བཞིན་དུ་དེ་བཞིན་གཤེགས་པའི་སྙིང་པོའི་ལེའུའི་ཆོ་གའམ། རིག་པ་མཆོག་གིའམ། རྟོག་པ་གཞན་གྱི་ཆོ་གའམ། 
ཡིད་ལ་གང་འདོད་པའི་སྒྲུབ་པའི་ཆོ་གས་བསྒྲུབ་པར་བྱའོ། །དེ་བཞིན་གཤེགས་པ་རྣམས་ཀྱིས་བྱིན་གྱིས་རླབས་ཀྱི་སྟོབས་དང ། ཐོགས་པ་མེད་པ་དོན་ཡོད་པར་གྲུབ་པའི་ཆོས་ཉིད་ཀྱིས་བྱིན་གྱིས་བརླབས་ཀྱིས་འདིར་སེམས་ཅན་རྣམས་ལ་ཕན་པའི་རྒྱུར་གྱུར་ཅིག་ཅེས་བསམས་
ནས་བཟླས་ན། དེ་ནས་གཞན་མ་ཡིན་པར་དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་ཀྱི་སྟོབས་ཀྱིས་ཡང་དག་པར་གནས་པར་འགྱུར་ཞིང་དེ་དག་ལ་ཕན་པ་ཡང་འབྱུང་བར་འགྱུར་རོ་ཞེས་དད་པར་ཡང་བྱའོ། །དོན་ཡོད་པ་འདིར་ཡང་ཆུང་ངུ་དང ། འབྲིང་དང ། ཆེན་པོའི་

</font><hr>87-1-208a<br><font size=+2>

དངོས་གྲུབ་ངེས་པར་འབྱུང་བར་འགྱུར་རོ། །དེ་དག་ཀྱང་དེ་བཞིན་གཤེགས་པ་རྣམས་ཀྱིས་ཡང་དག་པར་མཁྱེན་པར་འགྱུར་རོ། །བསོད་ནམས་ཇི་ལྟ་བ་བཞིན་དུ་གང་གིས་རིག་པ་འཛིན་པར་འགྱུར་ཞིང ། ཡོན་ཏན་མཐའ་ཡས་པའི་བདུད་རྩི་དེ་ཁོ་ན་ཉིད་རབ་ཏུ་འཐོབ་ཅིང་ཡོངས་
སུ་སྤྱད་པ་ཐམས་ཅད་ལ་འཕྲོགས་པ་མེད་པའི་གྲོགས་དང་བཅས་པས་འགྲོ་བས་སམ། ཅི་ལྟར་མངོན་པར་འདོད་པའི་ཆོ་གས་བསྒྲུབ་པར་བྱའོ། །མདོར་ན་མཚན་གཅིག་གིས་ཀྱང་རིག་པ་འཛིན་པར་འགྱུར་ཏེ། སྐྱིལ་མོ་ཀྲུང་མ་བཤིག་པར་དེ་བཞིན་གཤེགས་པ་རྗེས་སུ་དྲན་པས་མེ་ཏོག་
དྲི་ཞིམ་པོ་བཀྲམ་པའི་དཀྱིལ་འཁོར་ལ་ཞུགས་པའི་དམ་པའི་ཆོས་ཀྱི་གླེགས་བམ་གྱི་མདུན་དུ་མཚན་ཐོག་ཐག་བཟླས་ན་ངེས་ངེས་པར་ཉི་མ་ཤར་བའི་ཚེ་རིག་པ་འཛིན་པར་འགྱུར་རོ། །ལས་གཞན་ཡང་འབྱུང་བར་འགྱུར་ཏེ། ལྷ་དགུག་པ་ནི་ཡུངས་ཀར་དང་མར་གྱིས་སོ། །ཀླུ་དགུག་པ་ནི་
མར་དང་སྦྲང་རྩི་བསྲེས་པ་དང་ཕོ་བ་རིས་ཀྱིས་སོ། །གནོད་སྦྱིན་དགུག་པ་ནི་སྦྲང་རྩི་ཅན་གྱི་མེ་ཏོག་མར་གྱིས་བསྒོས་པ་དང་ཏིལ་མར་གྱིས་བསྒོས་པའི་སྔགས་མ་རུད་ཀྱིས་སོ། །རིག་པ་འཛིན་པ་ལ་ནི་ཏིལ་མར་གྱིས་བསྒོས་པའི་ཡུངས་ཀར་གྱིས་སོ། །རྒྱལ་པོ་དགུག་པ་ལ་ནི་མར་གྱིས་གང་བའི་
སྦྱིན་སྲེག་གིས་ཏེ། མེ་ཏོག་དང་བཅས་པ་བསྲེག་པར་བྱའོ། །སྐྱེས་པ་དབང་དུ་བྱ་བ་ལ་ནི་མར་གྱི་དཀྱིལ་འཁོར་གྱིས་སོ། །བུད་མེད་དབང་དུ་བྱ་བ་ལ་ནི་པྲི་ཡང་ཀུའི་མེ་ཏོག་སྦྲང་རྩིས་བསྒོས་པ་བསྲེག་པར་བྱའོ། །ཐེ་ཚོམ་དང་བྲལ་བས་ཅི་ལྟར་འདོད་པར་ངེས་པར་བསྒྲུབ་པར་བྱ་སྟེ། ཐུན་མོང་
གི་སྦྱོར་བ་ཡིན་ནོ། །འདིའི་རས་རིས་ཀྱི་ཆོ་ག་ནི་བཅོམ་ལྡན་འདས་གསེར་གྱི་མདོག་ཅན་སྐྱིལ་མོ་ཀྲུང་གིས་བཞུགས་པ། སྤྱི་གཙུག་ནས་བྱུང་བའི་འོད་ཟེར་གྱི་སྟེང་དུ་འོད་ཟེར་གྱི་ཕྲེང་བའི་དཀྱིལ་འཁོར་ཅན་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་བཅོམ་ལྡན་འདས་ལ་ཐལ་མོ་
སྦྱར་བ་པདྨ་ལ་བཞུགས་པ་འོད་ཀྱི་ཕྲེང་བ་ཅན་ནོ། །བཅོམ་ལྡན་འདས་ཀྱི་གཡོན་དུ་ནི་ཀུ་མུ་དའི་མདོག་ཅན་སྒྲོས་དམར་བ། ལག་པ་དང་རྐང་པ་དམར་བ། རལ་པ་དང་བཅས་པ། རྒྱན་དང་བྲལ་བ། ཐལ་མོ་སྦྱར་བ་བྱས་པ། པདྨ་དམར་པོའི་གདན་ལ་བཞུགས་པའི་ལྷ་མོའོ། །དེའི་

</font><hr>87-1-208b<br><font size=+2>

འོག་ཏུ་གཏུམ་པོ་ཆེན་པོ་འདུལ་བ་ཞེས་བྱ་བ་གཞོན་ནུ་མ་ཁྲོས་པ། སྦྲུལ་གྱི་རྒྱན་གྱིས་བརྒྱན་པ། གནག་ཅིང་ལྗང་བ། རལ་པ་གཅིག་ཡོད་པ། མིག་ཅུང་ཞིག་དམར་བ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །འདིར་ཡང་ཆོ་ག་
ནི་དེ་ག་ཉིད་ཡིན་ནོ། །ཡིད་ལ་གང་འདོད་པས་ཀྱང་རུང་ངོ ། །རས་རིས་གཉིས་པ་ནི་ལྷ་མོ་པདྨ་ལ་གནས་པ་རལ་པ་ཐུར་དུ་བཤལ་བའོ། །མངག་གཞུག་པ་གཏུམ་ཆེན་ནི་གཞོན་ནུ་སྐྲ་འགྲེང་བར་བྲི་བར་བྱའོ། །གཙུག་ཏོར་རབ་འབྱམ་གྱི་རིམ་པར་ཕྱེ་བའོ།། །།བཅོམ་ལྡན་འདས་
ཀྱི་དབུའི་སྤྱི་གཙུག་ནས་ཀུན་ནས་རོལ་པ་ཡངས་ཤིང་རྒྱ་ཆེ་བའི་འོད་ཟེར་གྱིས་བརྒྱན་པའི་སྔགས་འདི་ལྟ་བུ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨོཾ་ཤཱི་ཁཱ་ཨནྟ། ཨ་གྲ་ཨ་གྲ་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་ཨ་གྲ་མ་ཡེ་ན་མོསྟ་ཨ་གྲ་ཙཾ་ཨུ་བི་ཥ་ཡེ་ཤི་ཁི་ནཱི་སཝཱ་ཧཱ། 
ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མྲྀ་ཏེ་ཨཱ་དྷ་ར་བི་ཥ་ཡེ། ཨ་གྲ་དྷརྨ་ཏེ། ན་མ་སྟཱིཏྟི། སྟཱིཏྟི་མ་ཧཱ་བཱི་ར་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲི་ས་མ་ཡ། བི་ཥ་ཡེ། ཏྲི་ཤཱ་ཁཱ་ཨ་གྲ་ཏཱ་བྷོ་གི་ནཱི། ཨ་ནུཏྟ་ར་ཨ་གྲ་ཨུཏྟ་རི་མ་ཧཱ་ཤི་ཁེ་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་གྲ་
ུཏྟ་ར་ཨ་གྲི་བི་ཥ་ཡ་ན་མཿ སཝཱ་ཧཱ། སྤྱི་གཙུག་འདི་དག་ཐམས་ཅད་ནི་དེ་བཞིན་གཤེགས་པ་དང་ཀུན་དུ་མཉམ་པ། སངས་རྒྱས་ཀྱི་ཡོན་ཏན་ཐམས་ཅད་ཀྱི་ཞིང་དུ་གྱུར་པ། སེམས་ཅན་གྱི་ཁམས་རྣམས་རྣམ་པར་སྦྱོང་བར་བྱེད་པ་བསྒྲུབ་པར་བྱའོ། །སྔགས་ཆེན་པོའི་བླ་ན་མེད་པའི་
ཡོན་ཏན་ལ་ཡང་དད་པར་བྱས་ནས་བསྒྲུབས་ན་ལས་ཐམས་ཅད་དེ་བཞིན་དུ་བྱེད་པར་འགྱུར་རོ། །རས་རིས་ཀྱི་ཁྱད་པར་ནི་ལྷ་མོ་གསེར་གྱི་མདོག་ཅན་རྒྱན་དང་བྲལ་བ་རལ་པའི་ཅོད་པན་འཛིན་པ་བྲི་བར་བྱའོ། །འོག་ཏུ་སྤྱི་གཙུག་གི་འོད་ཟེར་ཞེས་བྱ་བའི་གཞོན་ནུ་མ་ལག་པ་གཡོན་པ་ན་
ཞགས་པ། གཡས་ཀྱིས་རྡོ་རྗེ་འཕྱར་བ། ཁྲོས་པ། རལ་པ་གཅིག་ཡོད་པ། གནག་ཅིང་ལྗང་བ། མིག་དམར་བ། དེ་བཞིན་དུ་རིན་པོ་ཆེའི་བྲག་ལ་གནས་པ་བགེགས་ཚར་གཅོད་པ་བྲི་བར་བྱའོ། །སྤྱི་གཙུག་རབ་འབྱམ་གྱི་རིམ་པར་ཕྱེ་བའོ།། །།དེ་ནས་ཡང་དེའི་ཚེ་བྱང་

</font><hr>87-1-209a<br><font size=+2>

ཆུབ་སེམས་དཔའ་འོད་ཟེར་གྱི་སྤྲུལ་པ་ཞེས་བྱ་བ་ཀུན་ནས་མ་ལུས་པའི་འོད་ཟེར་གྱི་མཛོད་ཅེས་བྱ་བའི་ཏིང་ངེ་འཛིན་རབ་འབྱམ་ལ་བལྟ་ཞིང་སྔགས་འདི་སྨྲས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཏེ་ཛེ་ས་མ་ས་མ། ཏེ་ཛེ་ནི། ཛྭཱ་ལ་ཡ་ཛྭཱ་ལ་ཡ་ཛྭཱ་ལ་ཡ། མ་ཧཱ་བེ་ག། ས་གྲེ་
ཧེ། དྷ་མ་དྷ་མ། བི་དྷ་མ་བི་དྷ་མ། མུཾ་ཙཱ་ཧི་སརྦ་ཐཱ་ཕྲ་བཾ་སཝཱ་ཧཱ། རིག་པའི་རྒྱལ་མོའི་རྩེ་མོ་གཟི་བརྗིད་མཐའ་ཡས་པའི་སྤྱོད་ཡུལ་ཅན་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏཱི་ཧཱི་ཏཱི་ཧཱི། ཤི་རི་ཤི་རི། དྷ་མ་དྷ་མ། བི་མ་ལེ། དྷུ་ན་དྷུ་ན། ས་མ་ཏེ་ད་ཏུ་ཏ། ནཱ་མཱ་སྟཱཾ་ཙནྟྱ་ནཱཾ་
སྥ་ར་སྥ་ར་ཛྭཱ་ལ་ནཱ་ཨ་མ་ལེ་སཝཱ་ཧཱ། རིག་པ་མཆོག་དྲི་མ་མེད་པ་འབར་བ་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཧི་ཤ་ཡ། ཤྲཱི་ཏེ་ཛོ་མཱ་ལ། ཨ་གྲ་ས་མ་ཡ། ཨ་གྲི་ཎཱི་ལ་ཨུ་ལ་ཨ། བེ་ཤཱི་ནཱི་བེ་ཤཱི་ནཱི། ཏི་ར་ཏི་ར། ཨ་ས་ཧེ་ཨ་ས་ཧེ། ས་མ་ས་མ། བཱ་ར་ཏེ་སཝཱ་ཧཱ། 
རིག་པ་མཆོག་གཟི་བརྗིད་རྩེ་མོ་རྨད་དུ་བྱུང་བ་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏཱི་ཏཱི་ཏཱི་ཏཱི། ཤ་ནི་ཤ་ནི། ཏེ་ཛེ་ཏེ་ཛེ། ཏ་ར་ཏ་ར། ཨ་གྲེ་ཛྭ་ལ་ཡ་ནཱ་མཿ སརྦ་དྷ། ཨ་མ་ལེ་ཤཝ་སཝཱ་ཧཱ། འཇིག་རྟེན་གསུམ་འབར་བར་བྱེད་པ་ཞེས་བྱ་བའོ། །ན་མཿ སརྦ་བུདྡྷ་བོ་དྷི་
སཏྭཱ་ནཱཾ། ཨནྟེ་ས་མནྟ་ཏོ། དྷུ་ན་དྷུ་ན། ལོ་ཀཾ་ཨ་མ་ལ། ཛྭ་ལ་ས་མནྟཱ་ཤཾ་གི་།དྷ་ར་དྷ་ར། ནཱ་མ་སཝཱ་ཧཱ། བསམ་གྱིས་མི་ཁྱབ་པའི་འབར་བ་ཀུན་དུ་མ་ཆགས་པ་ཞེས་བྱ་བའོ། །ད་ནི་བསམ་གྱིས་མི་ཁྱབ་པའི་རྒྱལ་པོའི་རྩེ་མོའི་སྒྲུབ་པའི་ཐབས་ཀྱི་ལས་འབྱུང་བར་འགྱུར་ཏེ། ཅི་སྲིད་དུ་ཉི་
མའི་དཀྱིལ་འཁོར་ལྟ་བུའི་འོད་ཟེར་འོངས་ནས་སྤྱི་བོར་བབས་ནས་ཡིད་ལ་གང་འདོད་པས་སམ། དེས་ངེས་པར་གསེར་གྱི་མདོག་ཅན་གསེར་གྱི་འོད་ཟེར་གྱི་དཀྱིལ་འཁོར་གྱིས་བརྒྱན་པའི་རིག་པ་འཛིན་པར་འགྱུར་རོ། །ཐམས་ཅད་དུ་ཐོགས་པ་མེད་པར་འགྲོ་བ་འདིས་ལས་ཐམས་ཅད་ལ་སྔ་
མ་བཞིན་དུ་དེ་བཞིན་གཤེགས་པའི་སྙིང་པོའི་ལེའུའི་ཆོ་གའམ། ཡིད་ལ་གང་འདོད་པས་སམ། རིག་པ་མཆོག་གི་ཆོ་གས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་པར་བྱའོ། །དོན་ཡོད་པ་མི་ཟད་པ་རྨད་དུ་བྱུང་བ་འདོད་པར་བྱ་བའི་དངོས་གྲུབ་བརྒྱད་ཡངས་ཤིང་མི་ཟད་པ་འཁྲུལ་པ་

</font><hr>87-1-209b<br><font size=+2>

མེད་པའོ། །གཟི་བརྗིད་རབ་འབྱམ་རིམ་པར་ཕྱེ་བའོ།། །།དེ་ནས་བྱང་ཆུབ་སེམས་དཔའ་རྡོ་རྗེའི་ཐིག་ལེ་ཞེས་བྱ་བ་ཀུན་དུ་ནམ་མཁའི་སྤྱོད་ཡུལ་གྱི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་སྨྲས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ག་ག་ནོ་པ་མེ། ན་མ་
སྟམྦྷ་ཡ་ཨ་གྲ་ནཱི་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལེ་ཨ་ནནྟ་མ་དྷེ་ཏྲ་ཧྲཱིཿ ། སརྦ་སཏྭཾ་དུཿ ཁ་ཏྭཾ་ད་མ། ས་མནྡཱ་ནཱཾ། ཨ་ནཱ་ཡ། ཨ་ནནྟ། ཨ་ཙ་ལ་གུ་ཎཱ་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨུ་ཏི་ཨུ་ད་ར། ཨ་གྲ་དྷརྨ་ཏྭཱཾ། བཛྲ་བི་སི་རཱ་ཎཱཾ་སུ་ཁི་ས་ད་ཨ་ས་ཨ་ས་ཡེ་ཡཾ་བྷ་བཾ་
ཧེ་ཧེ་མི་སི་དྷི་ཨ་གྲི་ག་མ་དེ་མ་ནི་མནྟ་པ་ད་ར་ཛ་ཨ་གྲི་བྷ་བནྟ། ས་མ་ས་མ། ཨ་ས་ཧ་ཨ་ས་ཧ། ཏྲཱ་ཡ་ཏྲཱ་ཡ། དྷུ་ན་དྷུ་ན། ཨ་ས་མནྟ། སརྦ་བི་ཥ་ཡེ། ཨ་ཧ་ན་ཨ་ཧ་ན། ཏྱཾ་ཤི་ནི་ཏཱཾ། ས་མ་ཡ་མོ་སྟ་གནྡུ་ནཱཾ་སཝཱ་ཧཱ། སྙིང་པོའི་དཀྱིལ་འཁོར་གསུམ་དང་ལྡན་པ་ཞེས་བྱ་བའི་རིག་པའི་
རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ས་མེ་ཨ་ས་མེ། ཨ་ས་ཧེ་ཨ་ས་ཧེ། ཛྭཱ་ལ་ནི་བི་ཤོ་དྷ་ཡ། ཨ་གྲི་ཏྲི་ལོ་ཀཾ་།ས་མནྟ་ཏོ། ན་མཿ ས་མནྟ། ཨདྷི་ཥྛཱ་ན་ཨ་གྲ་དྷརྨ་ཏེ་སཝཱ་ཏཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཏི་དྷ་ར་ཨ་གྲ་དྷརྨ་ཏེ། ཧ་ཧ་ཧ་མ་ཧཱ་གུ་ཎོ་ཏ་
ར། ཨ་ནནྟ་ས་མནྟ་ཡེ་ཙ་ར་ཙ་ར། མ་ཧཱ་བ་ལེ་སཝཱ་ཧཱ། སྔགས་ཀྱི་སྤྱོད་པས་བསྒོས་པ་ཡི། །རྩེ་མོ་དམ་པ་མཆོག་འདི་ནི། །གསུངས་པ་གཙོ་བོ་ཐམས་ཅད་ཀྱིས། །མ་ལུས་པར་ནི་བྱིན་གྱིས་རློབ། །སྔར་གྱི་ཆོ་ག་རྣམས་ཀྱིས་འདི་ལ་སྦྱར་བར་བྱའོ། །ཡིད་ལ་གང་འདོད་པའི་ཚོགས་
སམ། རྟོག་པ་གཞན་གྱི་ཆོ་གས་ཀྱང་སྦྱར་བར་བྱའོ། །འདིར་ཁྱད་པར་ནི་རི་ལ་སོགས་པ་དབེན་ཞིང་སྟོང་པར་སློང་མོའི་ཁ་ཟས་དང ། དུས་གསུམ་དུ་ཁྲུས་དང་གཙང་སྦྲ་བྱེད་ཅིང་དབེན་པར་ལུས་ཡང་བས་བཟླས་པ་ལ་གོམས་པར་བྱ་སྟེ། ཅི་སྲིད་དུ་རྫུ་འཕྲུལ་གྱི་རྐང་པ་ཐོབ་པ་དང ། 
མངོན་པར་ཤེས་པ་ལྔ་དང་ལྡན་པར་གྱུར་གྱི་བར་དུའོ། །རྒྱ་མཚོའི་ནང་དུ་ཞུགས་ནས་ཅི་སྲིད་མངོན་པར་ཤེས་པ་ལྔ་ཐོབ་ཀྱི་བར་དུ་བཟླས་པ་བྱའོ། །ཀུན་དུ་རབ་འབྱམ་གྱི་རིམ་པར་ཕྱེ་བའོ།། །།དེ་ནས་ལག་ན་རྡོ་རྗེ་དེ་བཞིན་གཤེགས་པའི་བྱིན་གྱི་བརླབས་ཀྱིས་དཀྱིལ་འཁོར་ཆེན་པོའི་

</font><hr>87-1-210a<br><font size=+2>

བཀོད་པའི་བྱིན་གྱིས་བརླབས་ཞེས་བྱ་བ་སངས་རྒྱས་རྣམས་ཀྱི་ཏིང་ངེ་འཛིན་རབ་འབྱམ་གྱི་སྤྱོད་ཡུལ་ལ་རྣམ་པར་ལྟ་ཞིང་དཀྱིལ་འཁོར་ཆེན་པོའི་བཀོད་པ་དང་ལྡན་པ་འདི་སྨྲས་སོ། །དེ་ལ་དམ་ཚིག་གསུམ་ཞེས་བྱ་བའི་དཀྱིལ་འཁོར་ཆེན་པོ་འདི་འདི་ལྟར་འབྱུང་སྟེ། མ་ངེས་པའི་
སེམས་ཅན་གྱི་ཁམས་ཡོངས་སུ་སྐྱོབ་པའི་ཕྱག་རྒྱ་བཅིངས་ལ་ཤིན་ཏུ་རྒྱ་ཆེ་ཞིང་རྨད་དུ་བྱུང་བ་འདྲ་བ་མེད་པ། བླ་ན་མེད་པ་འཕགས་པའི་སྤྱོད་ཡུལ་དེའི་དཀྱིལ་འཁོར་གྱི་ཆོ་ག་ནི་འདི་ཡིན་ནོ། །དེ་ལ་རེ་ཞིག་དང་པོར་གཞན་དག་མོས་པ་བསྐྱེད་པར་བྱ་ཞིང ། བྱང་ཆུབ་སེམས་དཔའི་ལས་ཀྱི་ཕྱིར་
གསོལ་བ་གདབ་པའམ། བདག་ཉིད་ངེས་པར་སྦྱོར་བར་འདོད་པས་བར་ཆད་ཉེ་བར་ཞི་བར་བྱ་བའི་ཕྱིར་དང་པོར་སྔགས་འདི་ལན་ཉི་ཤུ་རྩ་གཅིག་བཟླས་པ་བྱ་ཞིང་སེང་ལྡེང་གི་ཕུར་བུས་བརྐོས་ལ་དཀྱིལ་འཁོར་གྱི་ཉེ་བར་མཁོ་བ་རྣམས་གསོག་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ས་མནྟ་བཛྲཱ་
ཎཱཾ་ཧཱུཾ་ཨ་ཀྲོ་དྷ་ཡཾ། ས་ཧེ་མ་ཧཱ་ཙ་ཎྜ་ལཱི་ཧཱུཾ་ཕཊ་ཕཊ་ཕཊ། སརྦ་ཏྲ་རཀྵ་ཎ་ཏྲཱ་ཏྲ་ཊ་ཏྲ་ཊ། མྲཱ་ཊཱ་མྲཱ་ཊཱ་ཕཊ། དེ་ནས་ཚེས་བཅཝ་ལྔའམ། བཅུ་གསུམ་ལ་དབེན་པའི་ས་ཕྱོགས་སུ་དཀྱིལ་འཁོར་བྲི་བར་བྱ་སྟེ། ཚོན་རྩི་ལྔ་ཡི་ཕྱེ་མས་སམ། དྲི་ཡིས་བསྒོས་པའི་པིར་གྱིས་ཀྱང་རུང ། ཚོན་གཞན་
ཡང་རུང ། ཐ་ན་ཐལ་བས་ཀྱང་བྲི་པར་བྱའོ། །གྲུ་བཞི་པ་སྒོ་བཞི་དང་ལྡན་པའི་ལྷ་རྫས་ཀྱི་དཀྱིལ་འཁོར་ཁྲུ་ལྔ་པ་ནས་ཇི་ཙམ་འདོད་པའི་བར་སྔགས་འདི་ཟློས་ཤིང་བྲི་བར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་ཨ་མ་ལ། ཧ་ར་གྷ་ཨ་ནནྟ། ཤཱ་ཤཱ་ཏ་སརྦ་ཛཱི་ནཱ་ཨ་ཤི་མཱ་ཎཱི་ཥRཱ་བ་ར་
ད་མ་མ་དཾ་དུ། ཨ་ཏི་ཨ་ཏ་རཾ་བ་ར་ཨ་གྷྱཾ་ས་མ་སརྦ་ཏཱ་ཨ་ནཾ་ཏཾ། ཏཏྟྲེ་མེ་བཛྲ་པ་དཱ་ཨ་ར་ར། ཨ་ས་མ་ས་མ། ས་མནྟ། ཨ་ནནྟ། དྷརྨ་ཏེ་ཁ་ཎ་ཁ་ཎ། མ་ཧཱ་བཱི་རཾ། ཨ་ཙ་ལེ་ས་མ་ས་མ། ཨ་ས་ཧ་མཱ་བ་ལེ། ཀ་ཎ་ཀ་ཎ། མ་ཧཱ་ར་ཨ་ར་གྲེ་ཀེ་ཧ་ཧ་ཧ་ཧ། བཛྲ་བཛྲ་ཨཾ་ཀ་མེ། དྷ་ར་དྷ་ར། 
ཧཱུཾ་ཧཱུཾ་སཾ་ད་ལཾ། ས་མ་བཱ་ལ། ཨ་གྲ་བི་ཀྲ་མེ། ཀུ་རུ་ཀུ་རུ། ཏུ་རུ་སརྦ་ཐཱ། སརྦ་ཧི་ཛྭཱ་ལ་ཛྭཱ་ལ། ཨ་གྲེ་ཨ་གྲི་ནི་ཧཱུཾ་ཕཊ་ཕཊ་སཝཱ་ཧཱ། རིག་པའི་རྒྱལ་མོའི་རྩེ་མོ་འདི་ནི་རྩ་བའི་རིག་པ་ཡིན་ནོ། །འདི་བཟུང་བ་ཙམ་མམ། བཟླས་པ་ཙམ་གྱིས་རྟོག་པ་ཐམས་ཅད་ཀྱི་དངོས་གྲུབ་འབྱུང་བར་འགྱུར

</font><hr>87-1-210b<br><font size=+2>

རོ། །རིག་སྔགས་དང་གསང་སྔགས་ཐམས་ཅད་ཀྱི་སྙིང་པོ་འདི་དེ་བཞིན་གཤེགས་པའི་མདུན་དུ་སྟོང་བཟླས་ན་གསང་སྔགས་ཐམས་ཅད་བཟླས་པ་འབུམ་བྱས་པར་འགྱུར་རོ། །ལས་གཞན་ཐམས་ཅད་ཀྱང་དོན་ཡོད་པ་ཐོགས་པ་མེད་པ་འདིས་བྱེད་པར་འགྱུར་རོ། །སྔགས་འདི་བརྗོད་
ཅིང་དཀྱིལ་འཁོར་གྱི་ནུབ་ཀྱི་སྒོར་བྲི་བར་བྱའོ། །དེ་ནས་དཀྱིལ་འཁོར་ལས་ཁྲུ་དོ་ཙམ་གྱི་ཕྱི་རོལ་བྱང་གི་སྒོ་གཉིས་པ་ཕྱིའི་དཀྱིལ་འཁོར་བྲི་བར་བྱའོ། །དེའི་ནང་གི་དཀྱིལ་འཁོར་ལ་ཕྱག་རྒྱ་འབྱུང་བར་འགྱུར་ཏེ། སངས་རྒྱས་ཐམས་ཅད་ཀྱི་གོང་ཤར་ཕྱོགས་སུ་གྲུ་གསུམ་གྱི་གཟུགས་དང ། 
གྲུ་བཞི་པའི་ཕྱག་རྒྱ་པདྨའི་སྟེང་ན་གནས་པ་བྲི་བར་བྱའོ། །ཟླ་བ་དང་ཉི་མ་ནི་དཀྱིལ་དུའོ། །དེ་ལ་སངས་རྒྱས་ཐམས་ཅད་ཀྱི་སྔགས་ནི་འདི་ཡིན་ཏེ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་སརྦ་ཐཱ་སརྦ་ཏྲ་ཎཱ་ཀེ་སཝཱ་ཧཱ། ཟླ་བ་དང་ཉི་མའི་སྔགས་སོ། །ན་མཿ ས་མནྟཱ་བཛྲཱ་ཎཱཾ། ས་མ་ས་མ་མ་ཧཱུཾ། 
ན་མཿ ས་མནྟ་བཛྲཱ་ཎཱཾ། ཨ་ས་ཧ་ཧཾ་མཾ། བཅོམ་ལྡན་འདས་ཀྱི་གཡས་སུ་བྱང་ཆུབ་སེམས་དཔའི་ཕྱག་རྒྱ་བྲི་བར་བྱ་སྟེ། ཡིད་བཞིན་གྱི་ནོར་བུའི་རྒྱལ་མཚན་གྱི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེ་ནས་བྱང་ཆུབ་སེམས་དཔའི་སྔགས་ནི་འདི་ཡིན་ཏེ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་
ཀཱ་རུ་ཎ་ཨ་ཏྱེ་མཎྚ་ལེ་སཝཱ་ཧཱ། ཡིད་བཞིན་གྱི་ནོར་བུའི་ཕྱག་རྒྱ་དང་སྔགས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་ས་མནྟ་ཨ་མྲྀ་ཏེ་ཛྭཱ་ལ་ཛྭཱ་ལ་སཝཱ་ཧཱ། དེའི་རྗེས་ཐོགས་སུ་འཕགས་པ་ཀུན་ཏུ་བཟང་པོའི་དཀྱིལ་འཁོར་རལ་གྲིའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་
རིག་པ་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། བཛྲ་རཱ་ཛ་ཨ་མ་ལ་སཝཱ་ཧཱ། རལ་གྲིའི་ཕྱག་རྒྱ་དང་སྔགས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་བཛྲོ་དཱ་རེ་དཱ་རཱ་ཡ་ཏཱ་ཌཱ། དེ་ནས་དེའི་རྗེས་ཐོགས་ལ་དམ་ཚིག་རྡོ་རྗེའི་མདུང་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་
འདི་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་བི་རཱ་ཨ་ཙ་ལ། སྨ་ར་ཛྭཱ་ལ་ནཱ་ཧཱུཾ། མདུང་གི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱཾ། དྷ་མ་དྷ་མ་བཛྲོདྦྷ་བེ་ཏྲཱཾ། བྱང་ཤར་འཚམས་སུ་རྡོ་རྗེའི་ཕྲེང་བ་དང ། རྡོ་རྗེའི་ཕྲེང་བ་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་

</font><hr>87-1-211a<br><font size=+2>

ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། བཛྲ་མཱ་ལཱ་མཱ་ལཱ། ཨ་ཙེ་ལ། བནྡྷ་བནྡྷ། ན་མ་ཛྭ་སྟྭཾ་སྥཱ་ཊ། ན་མཿ ས་མནྟ་བཛྲཱ་ཎཱཾ། ཏྲི་གུ་ཎེ་བ་ར་བར་སཝཱ་ཧཱ། སངས་རྒྱས་ཐམས་ཅད་ཀྱི་ཕྱག་རྒྱའི་གཡོན་ཕྱོགས་སུ་དམ་པའི་ཆོས་ཀྱི་འཁོར་ལོའི་ཕྱག་རྒྱ་དཀྱིལ་འཁོར་ཆུང་ངུ་ལ་
གནས་པའོ། །དེའི་སྔགས་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ས་མནྟ་མཱ་དྷྱ་ཨ་མཱཾ་ལཾ་གུ་ཎ་ཨ་ཙ་ལ་བི་ཤོ་དྷ་ཀ་ན་མསྟུ་ཏེ། ཏཱ་རཱ་ཏཱ་རཱ། ཀུ་རུ་ཀུ་རུ། དྷ་མ་དྷ་མ། དྷུ་ན་དྷུ་ན། ག་ག་ག་།ཧ་ཧ་ཧ། ཏྲ་ཡ་ཏྲ་ཡ། ཛྭཱ་ལ་ཛྭཱ་ལ་སཝཱ་ཧཱ། ན་མཿ ས་མནྟ་བཛྲཱ་ཎཱཾ། མ་ཧཱ་བ་ལེ་
ཛྭཱ་ལ་སཝཱ་ཧཱ། དེའི་རྗེས་ཐོགས་ལ་རྡོ་རྗེ་འཛིན་ཐམས་ཅད་ཀྱི་རྡོ་རྗེའི་དཀྱིལ་འཁོར་ཆུང་ངུ་ལ་གནས་པ་མི་གཡོ་བ་ཞེས་བྱ་བའོ། །དེ་ལ་སྔགས་ནི་འདི་ཡིན་ནོ། །ན་མཿ ས་མནྟ་པཛྲཱ་ཎཱཾ། མ་ཧཱ་བཛྲ་ཨ་ནནྟ། བ་ལ་ས་མ་ཡེ། ཛྭཱ་ལ་ཛྭཱ་ལ་ཧཱུཾ་ཕཊ། རྡོ་རྗེའི་ཕྱག་རྒྱ་དང་སྔགས་སོ། །ན་མཿ ས་
མནྟ་བཛྲཱ་ཎཱཾ། མ་ཧཱ་བཛྲ་ཨ་ནནྟ་ཏེ་ཛ་སཱ་དྷ་ཡ་ཧཱུཾ། དེའི་རྗེས་ཐོགས་ལ་རྡོ་རྗེའི་རིགས་ཐམས་ཅད་ཅེས་བྱ་བའི་ལྕགས་ཀྱུའི་ཕྱག་རྒྱའི་དཀྱིལ་འཁོར་ཆུང་ངུ་ལ་གནས་པའོ། །དེ་ལ་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མ་ཧཱ་བཛྲ་ཨ་ནནྟ་ཏེ་ཛ་སཱ་དྷ་ཡ་ཧཱུཾ། ཀ་ལ་ཀ་ལ། ས་མནྟ་
་ནནྟ། བི་ཥ་ཡ་ཨདྦྷུ་ཏ། དྷརྨ་ཏེ་ཛྭ་ལ་ནཱ་མ་སཝ་སྠི་དྷ་ནེ་དྷ་ནེ། ཧ་ན་ཧ་ན། མ་ཧཱ་བི་ཀ་མེ་སཝཱ་ཧཱ། ལྕགས་ཀྱུའི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱཾ་ཎཱཾ། མ་ཧཱ་པེ་ག་ཨ་ར་ཏཱི་མེ། ཨན་ཡ་ཨ་ཏྱཾ་གྲྀ་ཧྞ་སཝཱ་ཧཱ། ལྷོ་ཤར་མཚམས་སུ་རྡོ་རྗེའི་རྡོ་རྗེ་ལྟ་བུའོ། །དེའི་སྔགས་ནི་འདི་ཡིན་ནོ། །
ན་མཿ ས་མནྟ་བཛྲཱ་ཎཱཾ། མ་ཧཱ་ཨ་ཙ་ལ་ཨ་ཙ་ལ། ཀུ་རུ་ཀུ་རུ། བནྡྷ་བནྡྷ། བི་དྷ་ཡ་བིདྷ་ཡ། ཏི་ལེ་ཀཾ་ཧཱུཾ་མ་ན་སཝཱ་ཧཱ། རྡོ་རྗེ་ལྟ་བུའི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱཾ། བཛྲ་བ་ལ་ཡེ། ཨ་ནནྟི་ནེ། ཏ་ཏཱི་ཏ་ཏཱི་ཧཱ་ཕཊ། ལྷོ་ཕྱོགས་སུ་དབུས་སུ་བཅོམ་ལྡན་འདས་ཤཱཀྱ་ཐུབ་པའི་
ཕྱག་རྒྱ་གྲུ་བཞི་པ་པདྨ་ལ་གནས་པ། ལྷུང་བཟེད་དང ། ཆོས་གོས་ཀྱི་དབུས་ན་གནས་པའོ། །དེ་ལ་འདི་ནི་བཅོམ་ལྡན་འདས་ཀྱི་སྔགས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་ཨ་མ་ལ། བི་མ་ལ་ཨ་ནནྟ་གོ་ཙ་རཱ་ཡ་ན་མོ་སྟུ་ཏེ། མ་ཧཱ་བཻ་རོ་ཙ་ནཱ་ཡ། ཧ་ར་ཧ་ར། དྷ་ར་དྷ་ར། ཨ་ནནྟ་

</font><hr>87-1-211b<br><font size=+2>

ཏོ། ཨ་ས་མ་ན་ཨ་ས་མ་ན། ཨ་ར་ར་མ་ཧཱ་བི་ཀྲཱནྟཱ། མ་ཧཱ་བི་ར་ཏུ་རུ་ཏུ་རུ་སཝཱ་ཧཱ། ཆོས་གོས་ཀྱི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱཾ། བཻ་རོ་ཙ་ན་མཱ་ལཱ་སཝཱ་ཧཱ། ལྷུང་བཟེད་ཀྱི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། པི་ཐཱ་པི་ཐཱ། དྷཱ་ར་ཡ་དྷཱ་ར་ཡ། པ་ཏྲཱཾ་མ་ཧཱ་བ་ལེ་སཝཱ་ཧཱ། 
ན་མཿ ས་མནྟ་བཛྲཱ་ཎཱཾ། དྷཱ་ར་ཡ་དྷཱ་ར་ཡ། བཾ་དྷ་བཾ་དྷ་སཝཱ་ཧཱ། བཅོམ་ལྡན་འདས་ཀྱི་གཡས་ཕྱོགས་སུ་ལོངས་སྤྱོད་རྡོ་རྗེའི་བྲང་འགྲོའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཙ་ཕེ་ཎཱ་ཨ་གྲ་ས་ཕཊ། ན་མཿ ས་མནྟ་བཛྲཱ་ཎཱཾ། ཏྲི་ནནྟ་ལ་
བ་ཏྭཱ་མ་ཧཱ་བྷོ་ག་།ཏི་ཊི་ཏི་ཊི། ཧཱུཾ་ཧཾ་སཝཱ་ཧཱ། དེའི་རྗེས་ཐོགས་ལ་རྡོ་རྗེ་གཏུམ་པོའི་གྲི་གུག་གི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེ་ལ་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱཾ། མ་ཧཱ་ཙཎྜ་ལ་བཛྲ་ཧཱུཾ། བི་ད་རཱ་ཡ་ཕཊ། རྡོ་རྗེ་གྲི་གུག་གི་ཕྱག་རྒྱ་དང་སྔགས་སོ། །
ན་མཿ ས་མནྟ་བཛྲཱ་ཎཱཾ། མ་ཧཱ་བཛྲཱ་ཀ་ཏཱ་རཱ་ཀཱ་ཎཱཾ་ར་ཎཱཾ། ཙྪིནྡ་ཙྪིནྡ། བྷིནྡ་བྷིནྡ། ཨ་པྲ་ཏི་ཧ་ཏ་ཏ་མ་ཡ་ཏྲ་ཀ་ཀ་ར་ཕཊ། དེའི་རྗེས་ཐོགས་ལ་རྡོ་རྗེ་དགའ་བའི་སོ་ཤིང་དཀྱིལ་འཁོར་ཆུང་ངུ་ལ་གནས་པའོ། དེ་ལ་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱཾ། ཏྲཱ་ཧི་ཏྲཱ་ཧི། མ་ཧཱ་བ་ལཱ། 
ཏྭེ་ཨ་ཏཱ་ཨུ་སུ། ཏཱ་ར་སུ་ཏཱ་ར་སུ་ཏ་ན་མ་སིདྡྷི་ར་སྟུ་སཝཱ་ཧཱ། །ན་མཿ ས་མནྟ་བཛྲཱ་ཎཱཾ། ཏི་ཏི་ཡཾ་ཨ་ཀོ་ནེ་ཧཱུཾ། བཅོམ་ལྡན་འདས་ཀྱི་གཡོན་དུ་སྟ་རེ་དང ། མཆོད་སྦྱིན་རྡོ་རྗེ་ཨུཏྤ་ལའི་སྟེང་དུ་རྡོ་རྗེའི་ཕྱག་རྒྱ་གདན་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་ཡིན་ནོ། །ན་
མཿ ས་མནྟ་བཛྲཱ་ཎཱཾ། བཛྲ་ཨ་ཊ་ཧ་ས་ཧཱུཾ་ན་མཿ སཝཱ་ཧཱ། ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། བར་ད་ཏེ་ཧ་ཧི་ཏྟྱ་མ་བི་ཀེ་སཝཱ་ཧཱ། དེའི་རྗེས་སུ་འཕགས་པ་སྤྱན་རས་གཟིགས་དབང་ཕྱུག་གི་པདྨ་སིལ་མའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། ན་མཿ ས་
མནྟཿ བཛྲཱ་ཎཱཾ། བཻ་རོ་ཙ་ན་མ་ཧཱ་རོ་ཙཱ། ཏཱ་རཱ་ཏཱ་རཱ། མ་ཧཱ་ཏཱ་ར། ཧོ་ཧོ། ད་མ་ད་མ། ཧཱུཾ་ཛྭཱ་ལ་ན་ཕཊ། ན་མཿ ས་མནྟ་བཛྲཱ་ཎཱཾ། ཨཱ་ར་ཨཱ་ར། ཏིཏྟི་ར་རཾ་ས་མ་ཡཾ་སཝཱ་ཧཱ། དེའི་རྗེས་ཐོགས་ལ་གཏུམ་པོ་རྡོ་རྗེའི་དར་དབྱངས་གཉིས་དང་བཅས་པའི་ཕྱག་རྒྱ་གདན་དཀྱིལ་འཁོར་ཆུང་ངུ་

</font><hr>87-1-212a<br><font size=+2>

ལ་གནས་པའོ། །ན་མཿ ས་མནྟ་བཛྲཱ་ཎཱཾ། ན་མཤྩ་ཎྜ་ཨནྟ་ཀ་ཧཱུཾ་བཛྲཱ་ན་ལ་ཧཱུཾ་ཕཊ། ཕྱག་རྒྱའོ། ན་མཿ ས་མནྟ་བཛྲཱ་ཎཱཾ། གྷ་ཊཱ་ན་ཧཾ་ཊ་ཀ་ཕཊ། ལྷོ་ནུབ་ཀྱི་མཚམས་སུ་རོལ་པ་རྡོ་རྗེའི་རྡོ་རྗེ་ཞགས་པའི་ཕྱག་རྒྱ་གདན་དཀྱིལ་འཁོར་ལ་གནས་པའོ། །དེའི་རིག་པ་ནི་འདི་ཡིན་ཏེ། 
ན་མཿ ས་མནྟ་བཛྲཱ་ཎཱཾ། ཁེ་ལ་ཁེ་ལ། ལ་ལཱི་ཏྲཱཾ། ཀཱ་རཱ་པྲཱ་བེ་ཤ་ཡ། པྲཱ་བེ་ཤ་ཡ། བནྡྷ་ཡ་བནྡྷ་ཡ། ཧཱུཾ་ཧཱུཾ་ཏཱ་ཊཱ་ཏཱ་ཊཱ། ཕྱག་རྒྱའིའོ། །ན་མཿ ས་མནྟ་བཛྲཱ་ཎཱཾ། ཏྲི་གུ་ཎ་མ་ཧཱ་བཛྲཱ་ས་མ་ཧཾ་བནྡྷ་ཧཱུཾ་ཕཊ། ནུབ་ཕྱོགས་ཀྱི་སྒོའི་ཕྱི་རོལ་གྱི་དཀྱིལ་འཁོར་ལ་གནས་པར་རྡོ་རྗེ་འཁྱིལ་བའི་
མཚན་མའོ། །སྒོའི་གཡས་སུ་རྡོ་རྗེ་རྒྱ་ཆེན་གྱི་འཁོར་ལོ་དང་བཅས་པའི་དཀྱིལ་འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མ་ཧོ་ད་ར་བཛྲཱ་ཎཱཾ། ཧོ་བཛྲ་ཛྭཱ་ལ་ཡ་མ་ལ་ཧཱུཾ་ཧཱུཾ་ཧཱུཾ། སུ་རུ་སུ་རུ། ཏྲི་བ་ལ་དཾ་ཀུ་རུ་ཀུ་རུ། ན་མཿ སཝ་སྟྱ་སྟུ་སཝཱ་ཧཱ། འཁོར་
ལོའིའོ། །ན་མཿ ས་མནྟ་བཛྲཱ་ཎཱཾ། ཏྲཾ་ཏྲཾ་ག་ག་ཏྲ་ཀ་ར་ཧཱུཾ། དེའི་རྗེས་ཐོགས་སུ་རྡོ་རྗེ་དཔའ་བོ་རྡོ་རྗེ་དར་དཔྱངས་དང་བཅས་པའི་གདན་དཀྱིལ་འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མ་ཧཱ་ཀྲུཏྟཱ་ཨནྟ་ཀ་ཛྭཱ་ལ་ཧཱུཾ་ཕཊ་ཏྲི། བ་ལ་ཨ་ཤེ་ཥ་ས་མཾ་
སཝཱ་ཧཱ། རྡོ་རྗེ་དར་དཔྱངས་ཀྱིའོ། །ན་མཿ ས་མནྟ་བཛྲཱ་ཎཱི། ཏྲི་པ་ཏ་ཀེ་ཏྲི་པ་ཏ་ཀེ་ཧཱ་ཤ་ཧཱ་ཤ། བཛྲ་བ་ལ་ཨ་གྲེ་མཎྜ་ལཱ་ཡ། ཧ་ར་ཧ་ར། དྷ་ར་དྷ་ར། ཧཱུཾ་ཧཱུཾ། དྷ་ནི་དྷ་ནི། ས་མ་ཡེ་སཝཱ་ཧཱ། དེའི་རྗེས་ལ་རྡོ་རྗེ་རྣམ་པར་རྒྱལ་བའི་རྡོ་རྗེ་དཀྱིལ་འཁོར་ཞེས་བྱ་བའི་ཕྱག་རྒྱ་དཀྱིལ་
འཁོར་ཆུང་ངུ་ལ་གནས་པ་བྲི་བར་བྱའོ། །དེའི་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱཾ། མ་ཧཱ་མ་ཧེ་ནྡྲ་གཎ་གཎ། བཱི་ར་བཱི་ར། ཧཱུཾ་ཛྭཱ་ལ་ནཱ་མ་སཝཱ་ཧཱ། ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱཾ། བ་ར་བ་ལི་ནི་བ་ལི་ནི། ནི་ཐི་ནི་ཐི་སཝཱ་ཧཱ། དེའི་རྗེས་ལ་སྒོའི་གཡོན་
དུ་རྡོ་རྗེ་ཡན་ལག་གི་རྩེ་མོ་གསུམ་གྱི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཨ་ཚ་ཊཱ་ནཱ། མ་ཧཱ་ཤཱུ་ལ་ཨ་གྲ་པཱ་ཎི། ཧཱུཾ་དྷ་མ་དྷ་མ། ད་ར་ད་ར། མ་ཧཱ་བཛྲ་ཨཾ་གྷ་དྷ་ན་ཧཱུཾ་ཕཊ། རྩེ་གསུམ་གྱིའོ། །ན་མཿ ས་མནྟ་བཛྲཱ་

</font><hr>87-1-212b<br><font size=+2>

ཎཱཾ། ཨེ་ཧི་མ་ཧཱ་ཏྲི་ཤཱུ་ལ་ཕཊ། བྷིནྡ་མ་ཧཱ་ཙཎྚ་ཨ་སཝཱ་ད་ཀ་།ཏི་ཊ་ཏི་ཊ། ཧཱུཾ་ཏྲ་ཕཊ། རྡོ་རྗེ་ཡན་ལག་གི་ཕྱག་རྒྱ་དང་སྔགས་སོ། །དེའི་རྗེས་ལ་སྟ་རེའི་ཕྱག་རྒྱ་དང་བཅས་པའི་གདན་དཀྱིལ་འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མ་ཧཱ་བེ་གཱ། ཨ་མཱ་མཱ་
ལ་ཨངྒ། ད་ཡ་ད་ཡ། ཧཱུཾ་ས་ཛཱ་ཡ་ཛཱ་ཡ་ན་མ་སཝཱ་ཧཱ། ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱཾ། ཨ་ནནྟ་བ་ལཱ་བི་ཀྲ་མེ། ཏཱི་རི་ཏཱི་རི། གྷོ་རཾ་སྥུ་ཊ་ཡ་ཧཱུཾ་ཕཊ། དེའི་རྗེས་ལ་རྡོ་རྗེ་ཞལ་གྱི་རྡོ་རྗེ་མཆེ་བའི་ཕྱག་རྒྱ་གདན་དཀྱིལ་འཁོར་ཆུང་ངུ་བཅས་པ་བྲི་བར་བྱའོ། །དེའི་སྔགས་ནི་
འདི་ཡིན་ཏེ། །ན་མཿ ས་མནྟ་བཛྲཱ་ཎཱཾ། མ་ཧཱ་ཙཎྜ། ཨ་ཙ་ལ་ཨ་ཙ་ལ་ཧཱུཾ། བིདྱཱ་ཨུཏྟ་མ། བིདྱཱ་ཨུཏྟ་མ། ཨུ་དར་ཨུ་དར། ཛྭཱ་ལ་ཛྭཱ་ལ། བྷཉྫ་བྷཉྫ། མཪྡ་མཪྡ། ཨཱ་བི་ཤ་ཨཱ་བི་ཤ། ཁཱ་ད་ཁཱ་ད་ཧཱུཾ་ཕཊ། ན་མཿ ས་མནྟ་བཛྲཱ་ཎཱཾ། ཧཱཾ་བཛྲཱ་ཨུཙྪ་ཊ་ནི། ཏི་ཤི་ཁི་ནི། ཏཱ་ཊཱ་ཏཱ་ཊཱ། 
ཕཱི་ཊ་ཕཱི་ཊ་ཕཊ། ཕྱག་རྒྱའི་སྔགས་སོ། །བྱང་ཕྱོགས་ཀྱི་ཆར་བཅོམ་ལྡན་འདས་དེ་བཞིན་གཤེགས་པ་དོན་ཡོད་པ་གྲུབ་པའི་ཕྱག་རྒྱ་འོད་ཟེར་འགྱེད་པའི་རྣམ་པ་པདྨ་ལ་གནས་པ་དབུས་སུ་བྲི་བར་བྱའོ། །དེ་ལ་བཅོམ་ལྡན་འདས་ཀྱི་སྔགས་ནི། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏིཥྛ་ཏིཥྛ། 
་པྲ་ཏི་ཧ་ཏ་སྟུ་སིདྡྷི་ཛྭཱ་ལ་ཛྭཱ་ལ། ཏྲི་ཤི་ཁི་ས་མ་ས་མ། ཨ་ས་མེ་ཏ་མ་ཏ་མ། ཨ་ས་ཧེ་དྷ་མ་དྷ་མ། ན་མཿ སཱ་ཨ་མ་ལེ་བྷྱ་སྟཱ་ར་སཝཱ་ཧཱ། འོད་ཀྱི་ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱཾ། ཏྲ་ཡ་ཏྲ་ཡ། ཨ་མ་ལ་ཨ་ཧཱུ་ཏེ། སརྦ་ཐཱ་སརྦ་ཐཱ། སརྦ་མ་ཧཱ་ཏེ་ཛ་མཱ་ལེ། ཏྲི་ཤི་ཁཱི་
ནི། ཛྭཱ་ལ་ཛྭཱ་ལ། ཨ་ཨཱ་ཨ་ཨཱ། ས་མེ་དྷུ་ན་སཝཱ་ཧཱ། བཅོམ་ལྡན་འདས་ཀྱི་གཡས་སུ་རྡོ་རྗེ་ཤུགས་ཀྱི་དབང་ཕྱུག་གི་སྟ་རེ་གདན་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་ནམཿ ས་མནྟ་བཛྲཱ་ཎཱཾ། ཧཱུཾ་ག་ག་ནཱ་ག་ག་ནཱ། བཱ་ཕཱ་མ་ཧཱ་པེ་གཱ་ཀྲ་མ་ཀྲ་མ། 
ཧུ་ལུ་ཧུ་ལུ། ཧཱུཾ་ཕཊ་སཝ་རེ། ན་མཿ ས་མནྟ་བཛྲཱ་ཎཱཾ། ས་མ་ས་མ། བེ་གཱ་ཏྲཱ་དྷི་མ་ཧཱ་བ་ལ་ཧཱུཾ། དེའི་རྗེས་ལ་རྡོ་རྗེ་ཤུགས་ཆེན་པོའི་རྡོ་རྗེ་མཆེ་བ་གདན་གྱི་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཧཱུཾ་ཧཱུཾ་ཧཱུཾ། ཀ་པཱ་ལ་མཱ་ལཱ།

</font><hr>87-1-213a<br><font size=+2>

ཧཱུཾ་ཛྭཱ་ལ་ནཱ་མཱ་ཡ་ཕཊ། རྡོ་རྗེ་མཆེ་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏིཥྛ་ཧེ་ཏྲ་ཊ་ཏྲ་ཊ། མ་ཊ་མ་ཊ། ཛྭ་ལ་ན་ཤི་ཁ་རེ། ་གདན་དཀྱིལ་འཁོར་ཆུང་ངུ་དང་ལྡན་པའི་ཆུ་གྲིའི་ཕྱག་རྒྱ་བྲི་བར་བྱའོ། །དེའི་རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཀ་ཊཱ་ཀ་ཊཱ། མཱ་
རཱ་བཱ་ར་ཏ་ཀ་མཾ། ཏཱི་ཊ་ཏཱི་ཊ། ཨཱ་ལོ་ཀཾ་ཧཱུཾ་ཕཊ། ནུབ་བྱང་མཚམས་སུ་རྡོ་རྗེ་རོལ་པའི་དག་བྱེད་དང་བཅས་པའི་རྡོ་རྗེའི་གདན་དཀྱིལ་འཁོར་དང་བཅས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཨ་ཙ་ལ་ཨ་ཙ་ལ། ན་ཊཱ་ན་ཊཱ། ཨ་མ་བི་ལ་ཤ། སྤུ་ར་སྤུ་ར། ཧཱུཾ་
ཊཱ་ཏཱ་སཝཱ་ཧཱ། དག་བྱེད་ཀྱི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏྲི་ཏ་ཀ་བཛྲཱ་ཧཱུཾ་དྷ་ར་དྷ་ར། ས་མ་ཡཾ་ཧཱཾ། བཅོམ་ལྡན་འདས་ཀྱི་གཡོན་དུ་རྡོ་རྗེ་ཆེན་པོའི་རྡོ་རྗེ་གདན་དཀྱིལ་འཁོར་ཆུང་ངུ་ལ་གནས་པ་གཞག་པར་བྱའོ། །དེའི་སྔགས་ནི་འདི་ཡིན་ནོ། །ནམཿ ས་མནྟ་བཛྲཱ་ཎཱཾ། ཨ་
ས་ཧོ་ད་ཡ། མ་ཧཱ་མ་ཧཱ། བཛྲ་ཏ་ར་ཏ་ར། བྷིནྡ་བྷིནྡ། མཱཾ་ནཱ་མ་སཝཱ་ཧཱ། རྡོ་རྗེའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཨ་བྷྱ་དྷྱ། ཀ་ར་ཀ་ར། ཨ་པྲ་ཏི་ཧ་ཏ། མ་ཏཱ་མ་ཏཱ། ཨ་མོ་གྷ་ཏ་དྷ་ཀ་དྷ་ཀ་།མཱཾ་མཱཾ་ཛཱ། དུས་མཐའི་འབར་བ་འདྲ་བའི་གདན་དཀྱིལ་འཁོར་ཆུང་ངུ་ལ་གནས་
པའི་གཏུན་ཤིང་གི་ཕྱག་རྒྱ་དགོད་པར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཨ་ཏཱི་ཨ་ཏཱི་སཝཱ་ཧཱ། སཾ་བ་ར་ཏཱ། ཨནྟ་ཀ་ཧཱུཾ་ཧཱུཾ། ཨཱ་ས་ཧཱ་ཛྭཱ་ལ་ཏཱ་ཊཱ། མཱ་རཱ་མཱ་རཱ། ཕཊ་ཕཊ། གཏུན་ཤིང་གི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏཱ་ཊཱ་ཏཱ་ཊཱ། ཀུ་ཊཱ་ཀུ་ཊཱ། 
མ་ཧཱ་བ་རི་བི། གྲ་མ་ཨ་ས་དྲི་ཤ་།ཏྲི་ཊཱ་ཏྲི་ཊཱ། དེ་ནས་དེ་དེའི་རྗེས་ལ་དྲི་མ་མེད་པའི་རྡོ་རྗེའི་རྡོ་རྗེ་མྱུ་གུའི་ཕྱག་རྒྱ་གདན་དཀྱིལ་འཁོར་ཆུང་ངུ་དང་བཅས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ག་ག་ནཱཾ་ག་ག་ནཱཾ། ཀུ་རུ་ཀུ་རུ། ཏི་རི་ཏི་རི། ས་
མ་ས་མ། བ་ར་དྷ་ན་མ། རྡོ་རྗེ་དབྱུག་གུའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏཱ་ཊཱ་ཏཱ་ཊཱ། ཧཱུཾ་ཀ་ན་ཀ་ན། རཾ་རཾ་བཱི་ཛཱ་ཡ། ཏི་ས་ཏི་ས། བ་ལ་བ་ལ། ཁ་ཎཱ་ཁ་ཎཱ། ཧཱུཾ་མཾ། དཀྱིལ་འཁོར་གྱི་དབུས་སུ་ནི་འབར་བས་ཀུན་ནས་བསྐོར་བའི་དཀྱིལ་དུ་བྲི་བར་བྱའོ། །དེའི་

</font><hr>87-1-213b<br><font size=+2>

སྔགས་ནི་འདི་ཡིན་ཏེ། གང་ཡང་སྟེང་ནས་རྡོ་རྗེའི་རིགས་རྣམས་ཀྱིས་མགྲིན་གཅིག་ཏུ་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ན་མཿ སརྦ་བཛྲ་གུ་ལཱ་ཎཱཾ། ཨ་ས་མ་ས་མ། ཨ་དྷི་ཥྛཱ་ན། ཨ་ནནྟ། ས་མནྟ་ས་མནྟ། བ་ལཱ་མ་ཧཱ་བཛྲ་རཱ་ཛ། སརྦ་ཏྲ་ས་མཱ་བ་ཏྲཱ། བེ་གི་ན་
ཛྭཱ་ལ་ཛྭཱ་ལ། ཛྭཱ་ལཱ་པ་ཡ་ཨ་ནནྟ་བི་ཀྲ་མ་ཏྲ་ག་ཏྲ་ག་མཱཾ། ཨ་ས་ཧཱ་མ་ཧཱ་ས་མ་ཡོ་ཧཱུཾ་ཏ་ར་ཏ་ར། དྷ་ར་དྷ་ར། ཧཱུཾ་མ་ཧཱ་མ་ཧཱ། སུ་ཙཎྜ་སུ་ཙཎྜ། མཱ་ར་ཡ་མཱ་ར་ཡ། སྥོ་ཊ་ཡ་སྥོ་ཊ་ཡ། ཧཱུཾ་ཧཱུཾ་ཧཱུཾ་བཛྲ་དྷ་ར་ཨ་གྲ་ཧཱུཾ་ཧཱུཾ། བི་དྷཱ་ར་ཡ་བི་དྷཱ་ར་ཡ། ཧཱུཾ་ཙཎྚ་ར་ཨནྟ་ཀ་པཱ་ཏ་ཡ་སཝཱ་ཧཱ། 
དམ་ཚིག་རྩེ་མོའི་རྡོ་རྗེའི་གཟི་བརྗིད་ཀྱི་དམ་ཚིག་ཅེས་བྱ་བའི་རྡོ་རྗེའོ། །ངྒའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏྲི་ལོ་ཙ་ན། ཨེ་ཧི་བ་ར་བ་ལ་ཨ་གྲ། ཨེ་ཧི་སརྦ་བུཾདྡྷ་བོ་དྷི་སཏྭཱ་ནཱཾ། ཨ་དྷིཥྛཱ་ན། ཨ་ཧོ་ཤ་སཱ་ཀ་ཤ་སཱ་ཀ་།མ་ཧཱ་བ་ར་བཛྲཱ་ཧྲཱི་མ་ཧཱ་མ་ཧཱ། 
ས་མཱ་ས་མཱ། ཏྭ་ར་སྟུ་ར། ན་མོ་སྟུ་ཏེ་སཝཱ་ཧཱ། །རྡོ་རྗེའི་མཚན་མ་ནི་ཕྱི་རོལ་གྱི་དཀྱིལ་འཁོར་གྱི་བྱང་ཕྱོགས་ཀྱི་སྒོར་བྲིའོ། །རྡོ་རྗེ་ཀླུའི་སྦྲུལ་གྱི་ཕྱག་རྒྱ་དང ། འདུལ་བྱེད་ཀྱི་སོག་ལེ་ལྟ་བུའི་ཕྱག་རྒྱ་དག་ནི་འགྲམ་གཉིས་སུ་དགོད་པར་བྱའོ། །དེ་དག་གི་སྔགས་ནི་འདི་དག་
གོ། །ན་མཿ ས་མནྟ་བཛྲཱ་ཎཱཾ། ན་མོ་སྟུ་ཏེ་ག་ག་ན་ས་མ་ཨ་ཛ་བཪྟི་དྷ་ར་དྷ་ར་བ་ལ་ད། ཨཱ་ཏཱི་ཨཱ་ཏཱི། བེ་གྲ་པ་ཏི་གཾ་།བཾ་བཾ་མ་ཧཱ་ན། གཾ་ཧཱུཾ་སཱུ་ར་ཨ་གྲ་ཕཊ། རྡོ་རྗེའི་ཀླུ་བྲང་འགྲོའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཨ་ཏི་བི་ཥྚ་ཨ་ཏི་བི་ཥྚ། ཏི་ལི་ཏི་ལི། བ་ལ་བ་ལ། བ་ར་བ་ར། 
ཏ་ཊི་ཏ་ཊི། ཏཱ་ཊཱ་ཏཱ་ཊཱ། ད་ཧ་ད་ཧ། བྷིནྡ་བྷིནྡ། ཙཎྚ་ཙཎྚ། བནྡྷ་བནྡྷ་ཕཊ། འདུལ་བ་པོའི་འོ། །ན་མཿ ས་མནྟ་བཛྲཱ་ཎཱཾ། ཙཎྚ་ཨ་གྲ་ཨ་ནནྟ་ཀ་ཧཱུཾ་ད་མ་ཡ་ཕཊ། སོག་ལེ་ལྟ་བུའོ། །ན་མཿ ས་མནྟ་བཛྲཱ་ཎཱཾ། ཏྲ་གི་ནི་མཎྚི་ནི་ཨ་ས་ཧཱ་བ་ལཱ་ཨ་གེ་ཏཱཾ་ཏཱཾ། བྱང་ཤར་མཚམས་སུ་
རྡོ་རྗེ་རྣལ་འབྱོར་གྱི་དཀྱིལ་འཁོར་ཆུང་ངུ་ལ་གནས་པའི་པི་ཝང་གི་ཕྱག་རྒྱ་བྲི་བར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མ་ཧཱ་ཡོ་གེ་ནྡྲ་བ་རུ་ཎི། ས་མ་ས་མ། ཛྭཱ་ལ་ཛྭཱ་ལ་སཝཱ་ཧཱ། པི་ཝང་གི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏི་ནི་ཏི་ནི། ཏ་ནུ་ཏ་ནུ།

</font><hr>87-1-214a<br><font size=+2>

སུ་གྷོ་ཥཱ་བེ་གེ་།ཧ་རཾ་ཧ་རཾ། ཨེ་ཏི་ཧ་ན་ཧ་ན་སཝཱ་ཧཱ། ལྷོ་ཤར་མཚམས་སུ་རྡོ་རྗེ་མདངས་ཀྱི་ལྕུག་མ་གདན་དཀྱིལ་འཁོར་ཆུང་ངུ་ལ་གནས་པ་དགོད་པར་བྱའོ། །དའི་རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མ་ཧཱ་ཙཎྜ་ཏ་ར་ལེ་ན་མ་ཤོ་བྷི་ནི་ཏེ་ཛེ་ནི་ཛྭཱ་ལ་ཛྭཱ་ལ། 
སིདྡྷི་ཧ་ར་ཧ་ར། བཱི་རེ་སཝཱ་ཧཱ། རྡོ་རྗེ་ལྕུག་མའིའོ། །ན་མཿ ས་མནྟ་བཛྲཱ་ཎཱཾ། ཏཱི་ལི་ཏཱི་ལི། བི་ལི་བི་ལི། བེ་ཀེ་དྷ་རི་ཎི། བཛྲ་དྷ་ར་དྷ་ར། ཏཱཾ་ཏཱཾ། བོ་དྷི་དི་ནི་ཨཾ། ལྷོ་ནུབ་མཚམས་སུ་རྡོ་རྗེ་རྒྱལ་མཚན་གྱི་དྲིལ་བུའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པ་དགོད་པར་བྱའོ། །
དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏྲི་རཱུ་ཙེ། ས་མ་ཡ་བ་ལི་བ་ར་བ་ར། བྷི་རེ་བྷི་རེ།ར་ཎ་ར་ཎ། ར་བེ་མེ། ཙི་ནི་སཝཱ་ཧཱ། དྲིལ་བུའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ར་ཎ་ཛ་ར་ཎ་ཛ། ཏི་ར་ཎེ་ཏི་ར་ཎེ། རཾ་རཾ་དཱནྟ་སཝཱ་ཧཱ། ནུབ་བྱང་མཚམས་སུ་
སྟོབས་མཆོག་གི་ཤུགས་ཀྱི་ཕྲེང་བའི་ཕྱག་རྒྱ་གདན་དཀྱིལ་འཁོར་ཆུང་ངུ་དང་བཅས་པའོ། །དེའི་རིག་པ་ནི་འདི་ཡིན་ནོ། །ན་མཿ སནྟ་བཛྲཱ་ཎཱཾ། ཏི་ཤི་ཡེ་ཏི་ཤི་ཡེ། བཛྲ་ཏི་ཤི་ཧེ་ཏི་ཤི་ཧེ། ཙི་རི་ཙི་རི། བི་རི་བི་རི། ཏྲི་པ་ཏ་ཀྲེ་སཝཱ་ཧཱ། ཕྲེང་བའི་ཕྱག་རྒྱའོ། །ན་མཿ ས་མནྟ་
བཛྲཱ་ཎཱཾ། ཏྲི་བ་ལི་ནཱི། བ་རཱ་མཱ་ལེ་མཱ་ལེ་ནི་བནྡྷ་ཡ། བ་རི་ཎཱི་སུ་ར་བྷི་ཎཱི། བ་ར་ཨ་གྲེ་ས་མ་ས་མ། བནྡྷེ་བནྡྷེ། ཡ་དྷེ་ནི་སཝཱ་ཧཱ། ལྷག་མ་བསྟན་པའི་སྣམ་བུ་གཅིག་ལ་ནི་སེམས་དཔའ་ཆེན་པོ་ཐམས་ཅད་དགོད་པར་བྱའོ། །ཕྱོགས་བཞིའི་ཕྱི་རོལ་གྱི་དཀྱིལ་འཁོར་གྱི་གྲཝ་
བཞིར་ནི་བུམ་པ་གང་བ་སྟེ། ནང་དྲི་ཞིམ་པོའི་ཆུས་བཀང་བ་བཞི་གཞག་པར་བྱའོ། །འདིར་ཡང་སྔར་གསུངས་པའི་རྡོ་རྗེ་རྒྱལ་མོ་ལས་རབ་འབྱམ་མཐའ་ཡས་པ་སྒྲུབ་པར་བྱེད་པ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་
ཧཱ་ས་མནྟ་བཛྲཱ་ཎཱཾ། ཨ་ས་མ་ས་མ་ས་མནྟ། ཨ་ནནྟ་བི་ཀྲ་མཱ། མ་ཧཱ་བཛྲ་རཱ་ཛྙཱ། ཨ་གྲ་ཨ་གྲ་ཡོ་ཧེ་ས་མ་ཡ། མ་ཧཱ་བ་ལཱ་བེ་ག་ཏཱ། མ་ཧཱ་ཛྭ་ལ་ན་ཛྭཱ་ལ་ཛྭཱ་ལ། མཱ་མཱ་མཱ། སརྦ་ཐཱ་བཱ་རཱུ་བཱ་རཱུ། ས་མཱ་ས་མཱ། ཏྲ་ཏྲ་ཏྲ་ཏྲ། བ་ར་བ་ར། བིདྱཱ་ཨུཏྟ་མ་ཨ་གྲ་ཨ་གྲ། ཧཱུཾ་ཧཱུཾ།

</font><hr>87-1-214b<br><font size=+2>

ཛྭ་ལ་ཡ་སརྦ་མ་ཧཱ་མ་ཧཱ། སིདྡྷི་སིདྡྷི། ཨ་གྲ་ཨ་གྲ་དྷ་ན་ཧཱུཾ་ཧཱུཾ། མཾ་ཕཊ་ཕཊ། སརྦ་ཐཱ་ཨུདྡྷ་མེ་སཝཱ་ཧཱ། དེ་ནས་ནང་གི་དཀྱིལ་འཁོར་ལ་དེ་བཞིན་གཤེགས་པའི་སྙིང་པོ་ལན་བདུན་གྱི་བར་དུ་བརྗོད་ལ་ཐལ་མོ་བརྡབ་པར་བྱའོ། །ཕྱི་རོལ་གྱི་དཀྱིལ་འཁོར་ལ་བྱང་ཆུབ་སེམས་དཔའ་
རྣམས་ཀྱི་སྙིང་པོ་ལན་བདུན་གྱི་བར་དུ་བརྗོད་ལ་སྔ་མ་བཞིན་དུ་ཐལ་མོ་ཡང་བརྡབ་པར་བྱའོ། །དེ་ལ་སྙིང་པོ་ནི་འདི་ཡིན་ནོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་ཏྲ་ཨ་པྲ་ཏི་ཧ་ཏཱ་བཱ་པྟི། དྷརྨ་ཏཱ་བཱ་ལི་ནཱཾ། ཨཾ་ཨ། ས་མ་ས་མ། ས་མནྟ་ཏོ། ཨ་ནནྟ་ཏོ། བཱཔྟི། ཤཱ་ས་ནི་ཧ་ར་
ཧ་ར། སྨ་ར་སྨ་ར་ཎེ། བི་ག་ཏ་རཱ་ག།བུདྡྷ་དྷརྨ་ཏེ། ས་ར་ས་ར། ས་མ་བ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལཀྵ་ཎེ། ཛྭཱ་ལ་ཛྭཱ་ལ་ན་སཱ་ག་རེ་སཝཱ་ཧཱ། འདི་ནི་དེ་བཞིན་གཤེགས་པའི་སྙིང་པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། པ་ར་བ་ར། སརྦཾ་སརྦཾ། 
ས་མ་ས་མ། ཀཱ་རུ་ཎཾ་ཀཱ་རུ་ཎཾ། ཏཱ་རཱ་ཏཱ་རཱ། སཱ་ར་སཱ་ར། ཨ་ཏཱི་ཨ་ཏཱི། ཨ་མཱི་ཏཱཾ། ཨ་མཱི་ཏཱཾ། ཨ་ཏཱི་ཨ་ཏཱི། བྷི་རཾ་བྷི་རཾ། ཨ་ཏཱི་ཨ་ཏཱི། ཤཱུ་རཾ་ཤཱུཾ་རཾ། ཧ་ཧ་ཧ་ཧ། མ་ཧཱ་ས་མ་ཡ། ན་མོ་སྟྭ་ཨ་མ་ལ། སིདྡྷི་ད་ཡ་ཀེ་བྷྱཿ ། སརྦ་བུདྡྷ་བོ་དྷི་ས་ཏྭེ་བྷྱཿ ། སརྦ་ཨ་ནནྟ་མ་དྷྱེ་
བྷྱཿ ། མ་ཧཱ་ཀཱ་རུ་ཎ། མཱ་ལཱི་ནཱི། ཏྲི་ས་མ་ཡེ་ཛྭ་ལ་སཝཱ་ཧཱ། །བྱང་ཆུབ་སེམས་དཔའི་སྙིང་པོ་སྟེ། །འདི་དང་འདྲ་བ་གཞན་མེད་དོ། །དེ་ནས་རྡོ་རྗེ་དཀྱིལ་འཁོར་གྱི་དབུས་སུ་པུས་མོ་གཡས་པའི་ལྷ་ང་ས་ལ་བཙུགས་ནས་ལག་པར་མེ་ཏོག་བླངས་ནས་དེ་བཞིན་གཤེགས་པའི་
ལྕགས་ཀྱུ་ལན་ཉི་ཤུ་རྩ་གཅིག་གི་བར་དུ་བརྗོད་པར་བྱའོ། །དེ་བརྗོད་པ་ཙམ་གྱིས་རྡོ་རྗེའི་རིགས་ཐམས་ཅད་ཉེ་བར་ལྷགས་ནས་དགའ་པ་ལ་སོགས་པའི་ལྟས་སམ། གསལ་བའམ། སྒྲ་ཐོས་པའམ། དྲི་ཞིམ་པོ་འམ། འོད་དམ། སེར་བུའི་བསིལ་བའམ། བཞོན་པའམ། 
གཞན་ཡང་རུང་ལྟས་ཅུང་ཟད་ཞིག་འབྱུང་བར་འགྱུར་རོ། །དེ་ལ་ཀུན་ཏུ་ཐོགས་པ་མེད་པར་གྲུབ་པ་རིག་པའི་རྒྱལ་མོ་ཆེན་མོ་དེ་བཞིན་གཤེགས་པ་རྣམས་ཀྱི་ལྕགས་ཀྱུ་ཞེས་བྱ་བ་འདི་ཡིན་ཏེ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བྱིན་གྱིས་བརླབས་པ་སྟོབས་ཀྱི་སྙིང་

</font><hr>87-1-215a<br><font size=+2>

པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ས་མནྟ་ཨ་མོ་གྷ་ཨ་པྲ་ཏི་ཧ་ཏཱ་བཛྲཱ་ཎཱཾ། ཨ་གྲ་ཨ་གྲ། ཨཱ་ཀཪྵ་ཎི་ཧཱུཾ། བེ་གཱི་བེ་གཱི་མ་ཧཱ་བེ་གཱི་ནཱི། སརྦཾ་བཛྲཱ་ཀུ་ལཱ་ནཱཾ། ཨཱ་ཀརྵ་ཡ་ཧཱུཾ། སརྦ་མུ་དྲཱ་ག་ཎཱ་ནཱཾ། ཏཱིཀྟེ་ཏཱིཀྟེ། ཏི་ཏི་ཏི་ཏི། ཏ་ཐ་ཏ་ཐ། ཨ་ཨ་ནཱ་པྲྀ་ཏེ། ཨ་པྲ་ཏི་
ཧ་ཏ། ཨ་མོ་གྷ་བི་ཀྲ་མེ། ས་མ་ས་མ། ཨ་མཱ་ལ་མ་ཧཱ་མེ། ཨ་ཏི་ཨ་ཏི། བྷེ་གྷ་པ་ཏཱ་གེ། ས་མ་ཡ་མཾ། དཾ་ཀ་རུ་ཤྲཱི་ཏྲཱི་ན་ཡ་ཏ་ཏྭཱ་ཨངྒི་ནི། ཨཱ་ན་ཡ་ཤཱི་གྷྲཾ་ཏ་ཐཱ་ག་ཏཱཾ་ཀུ་ཤི་སཝཱ་ཧཱ། དེ་ནས་ཅི་འབྱོར་པའི་མཆོད་པ་བྱས་ནས་སྔགས་འདི་ལན་བརྒྱད་བརྗོད་པར་བྱའོ། །ན་མཿ སརྦ་ཏ་ཐཱ་
ག་ཏཱ་ནཱཾ། སརྦ་ཨུཏྒ་ཏེ་སྥ་ར་ཎ་ཧི་མཱཾ་ག་ག་ན་ཁཾ་ས་མནྟཱ་ཏ་སཝཱ་ཧཱ།དེ་ནས་སྔགས་འདིས་གཏོར་མ་བྱིན་གྱིས་བརླབས་ལ་དཀྱིལ་འཁོར་གྱི་ཕྱི་རོལ་དུ་སྦྱིན་པར་བྱའོ། །ན་མཿ སརྦ་ཏ་ཐཱ་ག་ཏཱ་ནཱཾ། བ་ལ་བ་ཏི་བ་ལིཾ་དེ་སཝཱ་ཧཱ། དེ་ནས་སྔ་མ་བཞིན་དུ་བྱང་ཆུབ་ཏུ་སེམས་བསྐྱེད་པས་སངས་རྒྱས་དང་བྱང་ཆུབ་
སེམས་དཔའ་རྣམས་ལ་ཕྱག་བྱས་ལ་གཙང་སྦྲ་བྱས་ནས་གཡས་སུ་མེ་ཏོག་ཐོགས་ཏེ། གདོང་གཡོགས་པ་གཞུག་པར་བྱའོ། །མེ་ཏོག་དང་བཅས་པའི་ཐལ་མོ་སྦྱར་ནས་གཅིག་གཉིས་གསུམ་བཞིའམ་ལྔ་ཡང་གཞུག་པར་བྱ་ཞིང་སྡོམ་པ་འདི་ལྟར་གཟུང་བར་བྱའོ། །དེ་ལ་དམ་ཚིག་
དང་སྡོམ་པ་བླང་བ་ནི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་ཆེ་གེ་མོ་ཞེས་བགྱི་བ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་འབུལ་གྱིས་ཐམས་ཅད་ཀྱིས་དུས་ཐམས་ཅད་དུ་བདག་ལ་རབ་ཏུ་གཟུང་དུ་གསོལ། །སངས་
རྒྱས་དང་བྱང་ཆུབ་སེམས་དཔའ་རྣམས་ཀྱིས་བདག་བྱིན་གྱིས་བརླབ་ཏུ་གསོལ། ཐུགས་རྗེ་ཆེན་པོ་དང་ལྡན་པ་སེམས་ཅན་གྱི་ཁམས་ཐམས་ཅད་ཡོངས་སུ་སྐྱོབ་པར་མཛད་པ་རྣམས་ཀྱིས་བདག་ཡོངས་སུ་བསྐྱབ་ཏུ་གསོལ། །ལས་ཐམས་ཅད་གྲུབ་པར་བྱ་བའི་ཕྱིར་དམ་ཚིག་ཆེན་པོ་བདག་
ལ་སྩལ་དུ་གསོལ་ཞེས་དེ་ལྟར་ལན་གསུམ་གྱི་བར་དུ་བརྗོད་པར་བྱའོ། །དེ་ནས་ལན་རེ་རེ་རྣ་བར་འདི་བརྗོད་པར་བྱའོ། །ནམ་མཁའ་མཐའ་ཡས་དང་མཉམ་རྒྱལ་དབང་པོ། །སྲས་བཅས་མ་ལུས་ཀུན་གྱི་དམ་ཚིག་སྩོལ། །འཆི་བ་མེད་ཅིང་གསད་མེད་སེམས་ཅན་བསྐྱབ་པ་མེད། །ཤིན་

</font><hr>87-1-215b<br><font size=+2>

ཏུ་བརྟན་པས་འདི་ལྟར་བྱ་བ་ཉིད། །དེ་ནས་མེ་ཏོག་འཕང་བར་བྱའོ། །མེ་ཏོག་གང་ལ་བབ་པ་དེ་ནི་དེའི་རིགས་ཀྱི་ལྷ་ཡིན་ནོ། །དེ་ནས་གདོང་གཡོགས་བཀྲོལ་ལ་དེ་བཞིན་གཤེགས་པ་ལ་སོགས་པ་རྣམས་ཀྱི་ཕྱག་རྒྱ་བསྟན་པར་བྱའོ། །སྤྱི་བོར་མཐེ་བོང་བཞག་ལ་གཙུག་ཏོར་གྱི་ཕྱག་རྒྱ་
བྱ་ཞིང་སྔགས་འདི་བརྗོད་དོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲི་ཤི་ཁཱ་ཨ་གྲི་ན་ན་མོ་སྟུ་ཏེ། ས་མནྟ། ཨ་ད་ས་མནྟཱ་ཨ་གྲི་ཀུ་ཎ་ཨ་ཙ་ལ་ཨ་གྲི་དྷི་ར་མེ། བཱི་དུ་ནཱ་ཧི་ཀླེ་ཤ་དུཿ ཁཛྭ་ལ་ན་ཛ་ག་ཏ། སརྦ་སུ་ཁཾ་ད་དྷ་ཧཱི་ཙ་ཤུ་ཏཱ་ཏྲེ་དྷཾ་ཏྲི་ས་མ་ཡེ་ཀུ་རུ་སཝཱ་ཧཱ། ཕྱག་རྒྱ་འདི་འཆང་པར་བྱེད་
པ་དེ་ལ་གཙུག་ཏོར་གྱི་མཚན་མ་འབྱུང་བར་འགྱུར་ཞིང་བར་དུ་ཉམས་པར་ཡང་མི་འགྱུར་ལ་ཡོན་ཏན་མཐའ་ཡས་པའི་སྒོར་འཇུག་པ་ཡང་རབ་ཏུ་ཐོབ་པར་འགྱུར་རོ། །ངེས་པར་རྒལ་ནས་སོ་སོར་སྤྱོད་པའི་དམ་ཚིག་འདི་རྣམ་པར་བསྟན་པར་བྱའོ། །ཡང་ཡང་འཆི་བར་མི་འགྱུར་
ཞིང ། །ངན་འགྲོར་མི་འགྲོ་འཆི་འཕོ་མེད། །ཁྱོད་ཀྱིས་བྱང་ཆུབ་སེམས་དཔའ་ཡི། །ཐེག་པ་འདི་ལ་དམ་ཚིག་བསྲུངས། །དམ་པའི་ཆོས་ཀྱང་སྤང་མི་བྱ། །སངས་རྒྱས་བྱང་ཆུབ་སེམས་དཔའ་ལ། །མི་གུས་མི་བྱ་སྤང་མི་བྱ། །སྲོག་ཆགས་གསད་པར་མི་བྱ་ཞིང ། །བླ་
མ་ལ་ཡང་བརྙས་མི་བྱ། །སྔགས་དང་ཕྱག་རྒྱ་སྤང་མི་བྱ། །ཉམས་པར་མི་བྱ་བདག་གིས་མིན། །རྡོ་རྗེ་འདྲ་བ་འགོམ་མི་བྱ། །བཟའ་བར་མི་བྱ་སེར་སྣ་མིན། །འདི་སྤྱོད་པ་ཡི་རྒྱལ་པོ་ཡི། །གསང་སྔགས་སྒོ་ཡི་སྤྱད་པ་སྤྱོད། །བྱང་ཆུབ་སེམས་དཔས་ཚུལ་ཁྲིམས་དང ། །ལྡན་
ལ་མངོན་སྤྱོད་མི་བྱའོ། །གནོད་བྱེད་ལ་ཡང་མི་བྱའོ། །སྡིག་པའི་ལས་ཀྱང་མི་བྱ་ཞིང ། །བྱིས་པའི་ཆོས་ཀྱང་མི་བྱའོ། །བླ་མ་ལ་ནི་ལྷ་བཞིན་བྱ། །མདོར་ན་བདག་དང་གཞན་དག་ལ། །གནོད་པར་འགྱུར་བ་དེ་མི་བྱ། །སྲིད་པའི་སྡུག་བསྔལ་རྒྱ་མཚོ་ལས། །འདིས་ནི་
ངེས་པར་འདའ་བར་བྱེད། །སྟོན་པའི་བསྟན་པ་བདུད་རྩི་ཉིད། །ཐུགས་རྗེ་ཆེན་པོའི་བསྟན་པ་ལས། །སླར་ཡང་ཉམས་པར་མི་འགྱུར་ཞིང ། །སྡུག་བསྔལ་མི་འགྱུར་ངན་འགྲོར་མིན། །མྱུར་དུ་ཞི་བར་འགྱུར་བ་མིན། །འདི་ལྟར་གསང་སྔགས་སྤྱོད་པ་ཡི། །དམ་ཚིག་འདི་ནི་

</font><hr>87-1-216a<br><font size=+2>

སངས་རྒྱས་རྣམས། །སྲས་དང་བཅས་པས་ཁྱོད་ལ་གསུངས། །གང་ཞིག་རྣམ་པ་འདི་ལྟ་བུས། །ལུས་དང་མཐུན་པའི་ཡོན་ཏན་འབྱུང ། །དད་མེད་ངན་འགྲོ་བ་མི་བྱ། །སངས་རྒྱས་སྲས་བཅས་ཡོངས་རྣམས་ཀྱིས། །སྨོན་ལམ་ལ་ཡང་སྤྱད་པར་བྱ། །ཀུན་རྫོབ་ཏུ་ནི་
མི་ལྡོག་པར། །རྒྱལ་བའི་བདག་ཉིད་སྐྱེས་པས་མཐོང ། །རིང་དུ་མི་བྱེད་ཆེས་དྲག་པས། །སེམས་ཅན་དོན་དུ་སྨོན་པར་བྱེད། །ཅེས་བརྗོད་ལ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཐལ་མོ་སྦྱར་བས་ཕྱག་འཚལ་བ་དེ་ནི་དམ་ཚིག་གི་ཐལ་མོ་ཞེས་བྱ་བ་སྟེ་རྩ་
བའི་ཕྱག་རྒྱ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། །སུ་སིདྡྷི་སཱ་དྷ་ནི་ཨ་གྲ་ཀཱ་རུ་ཎ། བཱ་རེ་དྷེ། ཏྲཱ་ཏི་ཏྲཱ་ཡི། ཨཱ་ཏཱི་བ་ལ་ན་མོ་སྟུ། བ་རཱ་དྷ་ཡི། གྷེ་བྷྱོ་མ་ཧཱ་ཀྲྀ་པེ་བྷྱཿ སཝཱ་ཧཱ། འདི་ནི་རྩ་བའི་ཕྱག་རྒྱའི་སྔགས་ཡིན་ནོ། །ཕྱག་རྒྱ་གང་ཡང་རུང་བ་བཅིངས་ལ་བྱ་བ་འམ། 
དེ་བཞིན་དུ་གང་ཡང་རུང་བའི་སྔགས་དང་ཕྱག་རྒྱ་ལ་བསླབ་པར་བྱའོ། །སེར་སྣ་དང་བྲལ་བས་འདིར་གང་ལས་དངོས་གྲུབ་འབྱུང་བའི་དམ་ཚིག་ལ་གོམས་པར་བྱས་ནས་མདངས་དང་ལྡན་པས་འདིར་དངོས་གྲུབ་ཀྱི་དམ་ཚིག་ལ་ཞུགས་ན་མྱུར་དུ་དེ་བཞིན་གཤེགས་པས་བསྔགས་
པའི་དངོས་གྲུབ་འབྱུང་བར་འགྱུར་རོ། །སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བསམས་ནས་ཕྱག་རྒྱ་བཅིངས་ནས་སྔགས་བཟླས་ན་དངོས་གྲུབ་བརྒྱད་འབྱུང་བར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ནས་ཕྱག་
བྱས་ལ་བཟླས་པ་བྱའི། འདིར་གཉིས་ལ་བསླབ་པར་མི་བྱ་སྟེ། དེ་བཞིན་གཤེགས་པ་གཅིག་ལ་ཕྱག་མི་བྱ་བ་དང ། སེམས་ཅན་གཅིག་གི་དོན་བསྒྲུབ་པར་མི་བྱའོ། །གཞན་དུ་ན་མ་ལུས་པ་ལ་སྤྲོས་པའི་སེམས་བསྐྱེད་པའི་ཆེ་བ་ལ་གོམས་པར་བྱའོ། །ཐམས་ཅད་དུ་
གཉིས་པོ་འདི་དག་སྤང་བར་བྱ་སྟེ། འགྱོད་པ་དང་ཞུམ་པའི་སེམས་སོ། །གཞན་ཡང་གཉིས་པོ་འདི་དག་ནི་བྱ་བ་སྟེ། སྡིག་པ་ཐམས་ཅད་བཤགས་པ་དང ། བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་རྒྱུན་མི་བཅད་པའོ། །འདིར་གཉིས་པོ་འདི་སྤང་བར་

</font><hr>87-1-216b<br><font size=+2>

བྱ་སྟེ། བསླབ་པ་ལ་མི་སྦྱོར་བ་དང་སྒྲུབ་པ་མི་བྱེད་པའོ། །འགྲུབ་པར་མི་འགྱུར་བ་ནི་གཉིས་ཏེ། དད་པ་མེད་པ་དང ། བྱང་ཆུབ་ཏུ་སེམས་མ་བསྐྱེད་པའོ། །བསྲུང་བར་བྱ་བའི་དམ་ཚིག་ནི་གཉིས་ཏེ། དུས་མ་ཡིན་པར་བྱ་བ་བྱེད་པ་དང ། བརྟག་པ་མེད་པའོ། །སྔགས་ཀྱི་སྤྱོད་པ་
ལ་རྗེས་སུ་ཞུགས་པའི་ཆོས་ནི་གཉིས་ཏེ། སངས་རྒྱས་རྗེས་སུ་དྲན་པ་བསྐྱེད་པ་དང ། ཐམས་ཅད་དུ་དངོས་གྲུབ་ཕུན་སུམ་ཚོགས་པ་ལ་གཞོལ་བའོ། །དེ་ནས་འདི་ལྟར་རྡོ་རྗེ་འཛིན་ཐམས་ཅད་ཀྱི་སྙིང་པོ་རྣམས་དང ། དཀྱིལ་འཁོར་པ་ཐམས་ཅད་ཀྱི་ཕྱག་རྒྱ་དང ། སྔགས་རྣམས་
ཀྱི་རྟོག་པ་འབྱུང་བར་འགྱུར་རོ། །མར་དང་བཅས་པའི་གུ་གུལ་གྱི་བདུག་སྤོས་ཀྱིས་ནི་རིམས་དང ། གདོན་དང ། འབྱུང་པོ་དང ། ཤ་ཟ་རྣམས་ལ་མི་ན་བ་དང ། ན་བས་ཀྱང་རུང་རས་རིས་དང ། རི་མོ་དང ། སྐུ་གཟུགས་དང ། ཤིང་དང ། ལོ་མ་དང ། རལ་གྲི་དང ། མེ་
ལོང་ལ་སོགས་པ་ལ་འབེབས་པར་བྱེད་དོ། །གང་ཡང་རུང་བའི་བསྲུང་བའི་དཀྱིལ་འཁོར་གྱིས་ནི་བཅིང་བ་དང ། བཙིར་བ་དང ། བརྡབ་པ་དང ། བསྣུན་པ་དང ། གསད་པ་དང ། གཅད་པ་དང ། དབབ་པ་དང ། རྣམ་པར་སྦྱང་བ་དང ། བསྒྲུབ་པ་དང ། དགུག་པ་དང ། དབང་
དུ་བྱ་བ་ལ་སོགས་པའི་ལས་ཐམས་ཅད་བསྒྲུབ་པར་བྱ་བ་ནི་བཀླགས་པས་འགྲུབ་པ་འདི་ཉིད་ཀྱིས་བྱེད་པར་འགྱུར་རོ། །མཆོག་སྒྲུབ་པ་ལ་སོགས་པ་ལས་ཐམས་ཅད་ནི་དེ་བཞིན་དུ་དེ་བཞིན་གཤེགས་པའི་སྙིང་པོའི་རིམ་པར་ཕྱེ་བ་རབ་འབྱམ་གྱི་ཆོ་གའམ། རིག་པ་མཆོག་ལ་
སོགས་པའི་ཆོ་གས་སྦྱར་བར་བྱ་བ་དེ་དག་ཀྱང་ཐོགས་པ་མེད་པ་དོན་ཡོད་པར་གྲུབ་པ་འདིས་ཀྱང་བྱའོ། །འདི་དག་གི་ཐུན་མོང་གི་རས་རིས་འབྱུང་བར་འགྱུར་རོ། །སངས་རྒྱས་བཅོམ་ལྡན་འདས་ནི་བྲག་གི་ཕུག་ན་པདྨའི་གདན་ལ་བཞུགས་པ། གསེར་གྱི་མདོག་ཅན་འོད་ཀྱི་ཕྲེང་
བས་བསྐོར་བར་བྲི་བར་བྱའོ། །གཡས་སུ་རྡོ་རྗེ་འཛིན་གང་ཡང་རུང་བ་ཞིག་རང་གི་མཚན་མས་ཕྱག་བྲེལ་བ་འོད་ཀྱིས་བསྐོར་བའི་པདྨའི་གདན་ལ་བཞུགས་པ་བྲི་བར་བྱའོ། །གསང་བ་པའི་བདག་པོ་རྡོ་རྗེ་འཛིན་ནི་བཅོམ་ལྡན་འདས་ཀྱི་གཡོན་དུ་པདྨའི་གདན་ལ་བཞུགས་པ་བྲི་

</font><hr>87-1-217a<br><font size=+2>

བར་བྱའོ། །བགེགས་རྣམས་གསོད་པའི་གཡོག་པོ་མཐའ་ཡས་གང་ཡང་རུང་བ་གནག་ཅིང་ལྡང་བ། གཞོན་ནུ་རལ་པ་ཅན། མིག་ཅུང་ཞིག་དམར་བ། ཁྲོས་པ། རིན་པོ་ཆེའི་བྲག་ལ་བཞུགས་པ་བྲི་བར་བྱའོ། །འོག་ཏུ་ནི་སྒྲུབ་པ་པོའོ། །འདིར་ཡང་རྡོ་རྗེ་
འཛིན་གང་ཡང་རུང་བའི་སྙིང་པོ་དང་བསྒྲུབ་པར་བྱའོ། །དེ་བཞིན་དུ་སྔར་བསྟན་པའི་ཆོ་གའམ། དེ་བཞིན་གཤེགས་པ་རྣམས་ཀྱི་སྔགས་སམ། དེ་བཞིན་གཤེགས་པའི་སྙིང་པོའི་ཆོ་ག་བཞིན་དུ་རྡོ་རྗེ་འཛིན་ལ་ཡང་དེ་བཞིན་གཤེགས་པའི་ཆོ་གས་བསྒྲུབ་པར་བྱའོ། །གྲུབ་པར་གྱུར་ན་
རྡོ་རྗེ་འཛིན་དུ་འགྱུར་རོ། །བྱང་ཆུབ་སེམས་དཔའ་རྣམས་ཀྱི་སྙིང་པོའི་སྔགས་བླ་ན་མེད་པའི་ནོར་བུའི་རྒྱ་མཚོ་ཐོགས་པ་མེད་པ་དོན་ཡོད་པར་གྲུབ་པར་བྱེད་པ་ལ་ཡང་དེ་བཞིན་དུ་སྦྱར་བར་བྱའོ། །རྟོག་པ་ཐམས་ཅད་ཀྱི་ཆོ་གས་སམ། ཡིད་ལ་གང་འདོད་པའི་ཆོ་གས་སྦྱར་རོ། །དེ་
བཞིན་གཤེགས་པའི་ལྕགས་ཀྱུ་དཔེ་མེད་པ་དེ་བཞིན་གཤེགས་པའི་ཡོན་ཏན་གྱི་མཛོད་ལས་ཡང་དག་པར་བྱུང་བ་སྙིང་པོའི་མཐུས་ཀྱང་དེ་བཞིན་དུ་བསྒྲུབ་པར་བྱའོ། །འདིར་ནི་བར་ཆད་མི་འབྱུང་ཞིང ། །རྨོངས་པར་མི་འགྱུར་ཆགས་མི་འགྱུར། །འདིར་ནི་སངས་རྒྱས་ཀུན་གྱི་ནོར། །
རྟག་ཏུ་བྱིན་གྱིས་བརླབས་ནས་གནས། །ཐུན་མོང་གི་ཕྱག་རྒྱ་སྒྲུབ་པ་འབྱུང་བར་འགྱུར་རོ། །འདི་ལ་ཕྱག་རྒྱ་གང་ཡང་རུང་བ་རྩིག་ངོས་སམ། རས་སམ། སྤང་ལེབ་བམ། ལོ་མའམ། གཙང་མའི་ས་ཕྱོགས་སུ་ཚོན་རྩིའམ། དྲིས་བསྒོས་པའི་པིར་རམ། ཐ་ན་ཐལ་བས་
ཀྱང་རུང་བྲིས་ལ་དྲི་དང་མེ་ཏོག་གིས་མཆོད་པ་བྱས་ཏེ། བདག་གི་དོན་འདི་མཛད་དུ་གསོལ། །བདག་ལ་མཆོག་འདི་སྩལ་དུ་གསོལ། །བདག་གི་འདི་ནི་བསྒྲུབ་ཏུ་གསོལ། །བདག་གི་དགོས་པ་འདི་དག་གཞན་དུ་མ་གྱུར་པ་དེ་བཞིན་དུ་གྱུར་ཅིག་ཅེས་ཡང་དག་པར་བསམས་ནས་
ཕྱག་རྒྱའི་སྔགས་བཟླས་པ་བྱས་ན་དགོས་པ་འགྲུབ་པར་འགྱུར་བའམ། ལྷ་ལ་སོགས་པའམ་མི་ལ་སོགས་པ་ངས་འོང་བར་བྱས་སོ་ཞེས་བྱ་བ་ལ་སོགས་པ་དེ་དང་དེ་སྨྲ་བར་འགྱུར་རོ། །དེ་ལྟ་བུའི་དགོས་པ་ཡང་སྨྲ་བར་བྱེད། སྟོན་ཅིག་ཅེའམ། རྒྱོབ་ཅིག་ཅེའམ། ཆོད་ཅིག་།སོད་

</font><hr>87-1-217b<br><font size=+2>

ཅིག་།རྒྱས་ཐོབ་ཅིག་།ཚིར་ཅིག་།ཕུག་ཅིག་།སྨོད་ཅིག་ཅེས་སམ། སྡིག་པ་ཅན། གདུག་པ་ཅན། གནོད་པ་བྱེད་པའི་ལྷ་དང ། ཀླུ་ལ་སོགས་པ་གཞོམ་པའམ། གང་ཡང་རུང་བ་བསམས་ལ་རང་གི་ཁྲག་གིས་བྲིས་ཏེ། ཁྲོས་པས་འདུག་ལ་བཟླས་པ་བྱས་ན་གང་གི་
དོན་དུ་བྱས་པའི་ལྷའམ། ཀླུའམ། རིག་པ་འཛིན་པའང་རུང་སྟེ། ངེས་པར་འཆི་བར་འགྱུར་རོ། །གང་གི་ཚེ་མཆོག་བསྒྲུབ་པར་འདོད་ན་དེས་ལྕགས་ལས་ཕྱག་མཚན་བྱས་ལ་བཟླས་པ་བྱས་ནས་ལག་པར་བཟུང་སྟེ། གང་ཡང་རུང་བས་དབེན་པར་ཅི་སྲིད་འབར་བར་གྱུར་གྱི་བར་དུ་
བསྒྲུབས་ན་དེ་ཟླ་བ་གཅིག་གི་ནང་ངམ། ཟླ་བ་གསུམ་གྱི་ནང་དུ་རིག་པ་འཛིན་པར་འགྱུར་རོ། །གང་གི་ཆོ་ཟས་ཟ་བ་ན་ཡང་དེ་ལག་པ་ནས་མ་བོར་བར་བཟའོ། །སློང་དུ་འགྲོ་ན་ཡང་དེ་བཞིན་དུ་ལག་ཏུ་ཐོགས་ལ་སློང་དུ་འགྲོ་བར་བྱའོ། །ཉལ་བའི་ཚེ་ཡང་བསྲུང་བ་བྱས་ནས་
སྔས་སུ་གཞག་པར་བྱའོ། །མི་སྣང་བ་ལ་སོགས་པ་ལས་ཐམས་ཅད་ཀྱང་ཕྱག་རྒྱ་འདིས་བསྒྲུབ་པར་བྱའོ། །བྱང་ཆུབ་སེམས་དཔས་ཕྱག་རྒྱ་འདིས་སྙིགས་མ་དང་ལྡན་པའི་འཇིག་རྟེན་གྱི་ཁམས་རྣམ་པར་སྦྱང་བའི་བར་དུ་ཡང་བྱའོ། །ཐུགས་ཀྱི་བདག་ཉིད་སྡིག་པ་རྣམ་པར་
འཇིག་པར་བྱེད་པའོ། །སངས་རྒྱས་ཀུན་གྱི་ཕྱག་རྒྱ་འདི། །ཀུན་དུ་མཆོག་རྣམས་སྲས་བཅས་པས། །དཔག་མེད་ཅེས་བྱའི་སེམས་ཅན་ཁམས། །རྣམ་པར་སྦྱང་ཕྱིར་བྱིན་གྱིས་བརླབས། །ཕྱག་རྒྱ་སྤྱོད་པའི་རྒྱལ་ས་རུ། །གཙོ་བོ་གང་ཞིག་ཞུགས་གྱུར་པ། །འབད་པ་
ཆུང་ངུས་སེམས་ཅན་དོན། །དེ་ཡིས་མ་བསམས་པར་ཡང་བྱེད། །དམ་ཚིག་གསུམ་གྱི་ཕྱག་རྒྱ་ཆེན་པོའི་རྒྱལ་མོ་འདི་དག་ན་ས་ཡ་གྲངས་མེད་པ་བཅུའི་ནང་ན་རྩེ་མོར་གྱུར་པ་དོན་སྣ་ཚོགས་སྒྲུབ་པ་ཡིན་ནོ། །ན་མཿ ས་མནྟ་བཛྲཱ་ཎཱཾ། ཧཱུཾ་ཏྲི་ས་མ་ཡཾ་ཀུ་རུ་ཀུ་རུ། ཏཾ་ཏཾ། ས་མ་ས་
མ། ཨ་མ་ལེ། ཏ་ར་ཏ་ར། ཨ་གྲེ་ཎ་སཝཱ་ཧཱ། རྩེ་མོ་ཞེས་བྱ་བ་ཕྱག་རྒྱའི་རྒྱལ་མོ་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏི་བ་ལེ་ཨ་མ་ལེ། ཨ་ས་མནྟ་ས་ཏི་ནི་བཛྲེ་བཛྲེ། ཏི་མི་ཏི་མི། སིདྡྷི་སིདྡྷི། ཀུ་རུ་ཀུ་རུ། ས་མ་ས་མ། ལ་བ་ཏེ་ལ་བ་ཏེ། ཨ་ཡཏྟི་ནི། ཛྭཱ་ལ་ན་མ་

</font><hr>87-1-218a<br><font size=+2>

སརྦ་ཨུཏྟཱ་མ་ནཾ་སཝཱ་ཧཱ། སྟོབས་མི་མཉམ་པ་ཞེས་བྱ་བ་ཕྱག་རྒྱའི་རྒྱལ་མོ་ཡིན་ནོ། །ན་མཿ ས་མནྟ་བཛྲཱ་ཎཱཾ། ཧཱུཾ་སཱ་དྷ་ཡ་ས་མ་ཡཾ་བཛྲ་ས་མ་ཡཾ། བཛྲ་ས་མ་ཡེ། ཏི་ཊི་ཏི་ཊི། སརྦཾ་ཏྲི་ཤི་ཁ། རཀྵ་རཀྵ་མཱཾ་བ་རེ་བྷྱཿ ། ས་ཀ་ལ་ཏི་སཝ་ཏི་ཀི། ཛྭཱ་ལ་ཛྭཱ་ལ། ཏི་པ་ཏ་ཡི། བི་རེ་ཛེ་
སཝཱ་ཧཱ། ཁ་དོག་མེད་པ་ཞེས་བྱ་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏྲཱཾ་གི་ནི་ཏྲཱཾ་གི་ནི། ཨ་ཏཱཾ་ས་ཡི་ནི་ཨ་ཏཱཾ་ས་ཡི་ནི། ཏཱི་བ་རཱི་ཎཱི་ཏཱི་བ་རཱི་ཎཱི། ཏྲི་བ་ར་ཏྲི་བ་ར། ཨ་མ་ལེ་ཧཱུཾ་སིདྡྷྱནྟུ་སརྦ་ཨུཏྟ་ར་ཏྭ་ཏྲེ་དྷྱཾ་དྷྱཾ་བི་ཀྲེ་སཝཱ་ཧཱ། གསུམ་ལྡན་ཞེས་བྱ་བའི་ཕྱག་རྒྱའོ། །ན་མཿ ས་མནྟ་
བཛྲཱ་ཎཱཾ། ཨ་ཏི་བ་ར་བཛྲ་ས་མནྟི་ནི་ཧཱུཾ་ཏྲི་པྲྀ་ཏི། ཀུ་རུ་ཀུ་རུ། ཏ་ར་ཏ་ར། ཏཱ་རེ་ཏཱ་རེ། ཨ་ས་མ་མ་ཧཱ་བ་ལི་ས་མ་ཡེ། དྷུ་ན་དྷུ་ན། ཧ་ར་ཧ་ར། ཨ་མྲྀ་ཏེ་སཝཱ་ཧཱ། ཡན་ལག་གི་སྟོབས་ཞེས་བྱ་བའི་ཕྱག་རྒྱའི་རྒྱལ་མོ་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏྲཱཾ་ཏྲཱཾ་ཏྲྱཱཾ་ཏྲྱཱཾ། གི་ནི་ཙྪིནྡྷ་
མ་ཧཱ་ཨཱ་ཏྨེ་ཏ་ར་ཏ་ར་ཤོ་དྷ་ནི། སརྦ་པ་རི་ཏྲཱཾ། ཀུ་རུ་ཀུ་རུ། ཨ་ས་ཧ་བ་ལ། ཨ་པྲ་ཏི་ཧ་ཏ་བེ་ག། ཏྲཱཾ་ཏྲཱཾ་ཧཱུཾ་ཧཱུཾ། གི་ནི་ཏྲཱཾ་ཏྲཱཾ། ཡན་ལག་མཐའ་ཡས་པ་ཞེས་བྱ་བ་རལ་གྲིའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཨ་མ་ལེ་ཨ་མ་ལེ། ས་མ་ཡེ་ས་མ་ཡེ། ཨ་གྲེ་ཨ་གྲེ། 
མོ་ཙ་ནི་མོ་ཙ་ནི། ཨ་ས་ཧེ་ཨ་ས་ཧེ། ཏེ་ཛེ་ནི་བཛྲཱི། ཨ་ཏི་ཨ་ཏི། ཨ་གྲཱ་མཱ་ཏཱི། ་ཨ་གྲཱ་མཱ་ཏཱི། མུ་ཡ་མུ་ཡ། ཏྲི་ས་མ་ཡེ་ཏྲི་ས་མ་ཡེ། ཧཱུཾ་ཛྭཱ་ལ། ཨ་ནཱཾ་སཝཱ་ཧཱ། ན་མཿ ས་མནྟ་བཛྲཱ་ཎཱཾ། ཏ་ར་མ་ཏི་ཏ་ར་མ་ཏི། ས་རེ་ས་རེ། དྷི་ནི་དྷི་ནི། དྷི་རི་དྷི་རི། ཏི་རི་མེ་ཏི་རི་མེ། ཧཱུཾ་བི་
ཤོ་དྷ་ཡ་བི་ཤོ་དྷ་ཡ། ཤོ་དྷ་ཡ་ཤོ་དྷ་ཡ། ཏྲི་བ་ལི་ནི་ཏ་ར་ཨངྒ་ནི་ཨ་ནོ་པ་མེ་སཝཱ་ཧཱ། ཁ་དོག་གི་སྟོབས་ཞེས་བྱ་བའི་ཕྱག་རྒྱ་ཡིན་ནོ། །ན་མཿ སེ་མནྟ་བཛྲཱ་ཎཱཾ། ཨ་ཧེ་ཨ་ཧེ། ཨ་ཏཱི་ཨ་ཏཱི། ཏ་ར་མཱ་ཏ་ར་མཱ། ཏཱ་ཡ་ཏཱ་ཡ། ས་མ་ཡེ་ཏྲ་ཏ་རི། ཨ་མ་ལེ། ན་མོ་སྟུ་ཏེ་ཨ་
ས་ཏྲི་ཤེ་བྷྱཿ སཝཱ་ཧཱ། ཤིན་ཏུ་ངོ་མཚར་དུ་གྱུར་པ་ཞེས་བྱ་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཧཱུཾ་བ་ར་བ་ར། བ་ར་དེ་བ་ར་དེ། ཏྲི་ཏ་ཡི་ཏྲི་ཏ་ཡི། སརྦ་སརྦ། ཏ་བི་ན་ཡཾ་ཀ་རོ་ཏི། མ་ཧཱ་བ་ལེ་བྷྱཿ སཝཱ་ཧཱ། ལོག་འདྲེན་གྱི་མཆོག་ཅེས་བྱ་བའི་ཕྱག་རྒྱའི་རྒྱལ་མོའི་རྩེ་མོའོ།

</font><hr>87-1-218b<br><font size=+2>

བཅུ་པོ་འདི་དག་ནི་ཕྱག་རྒྱའི་རྒྱལ་མོའི་རྩེ་མོ་མཉམ་པ་མེད་པ་སྟེ། ཐམས་ཅད་དུ་ཐོགས་པ་མེད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ། བྱང་ཆུབ་སེམས་དཔའ་རྣམས་སྐྱེད་པར་མཛད་པ་ཞེས་བྱའོ། །ཕྱག་རྒྱའི་སྔགས་ཀྱི་
སྒྲུབ་པ་པོས་འདི་ལ་དད་པས་སྤྱད་པར་བྱའོ། །ཕྱག་རྒྱའི་རྒྱལ་མོ་བརྩོན་འགྲུས་ཆེན་མོ་མཉམ་པ་མེད་པ། ཐམས་ཅད་དུ་དྲི་མ་མེད་པ་བྱིན་གྱིས་བརླབས་པ་མེད་པ། འདོད་པ་ཐམས་ཅད་ལ་དེར་གཏད་པ། དེ་ངེས་པར་བསྒྲུབ་པར་བྱ་སྟེ། དོན་ཡོད་པར་རབ་ཏུ་གྲུབ་པར་འགྱུར་
རོ། །དམ་ཚིག་གསུམ་ལས་དེ་བཞིན་གཤེགས་པའི་གསང་བའི་དཀྱིལ་འཁོར་ཆེན་པོ་ཐོགས་པ་མེད་པ་དོན་ཡོད་པ་གྲུབ་པ་ལས་གསང་སྔགས་ཀྱི་སྒོར་སྤྱོད་པའི་དངོས་གྲུབ་ཀྱི་རྒྱལ་པོའི་རྟོག་པའི་རིམ་པར་ཕྱེ་བའི་རབ་འབྱམ་རྫོགས་སོ།། །།ན་མཿ ས་མནྟ་བཛྲཱ་ཎཱཾ། ཨ་ས་མ་
ཡེ། ཏྲི་ས་མ་ཡེ། ས་མ་ཡེ་སཝཱ་ཧཱ། དེ་ནས་བཅོམ་ལྡན་འདས་སངས་རྒྱས་ཐམས་ཅད་སྟོབས་ཀྱི་ཤུགས་གཅིག་པ་ཞེས་བྱ་བའི་ཏིང་ངེ་འཛིན་ལ་སངས་རྒྱས་ཐམས་ཅད་དང་ལྷན་ཅིག་སྙོམས་པར་ཞུགས་སོ། །སྙོམས་པར་ཞུགས་ནས་སངས་རྒྱས་ཀྱི་ཞིང་ཐམས་ཅད་ཀྱི་དེ་
བཞིན་གཤེགས་པ་རྣམས་ཀྱི་ཏིང་ངེ་འཛིན་དང ། རྣམ་པར་གྲོལ་བ་དང ། རྣམ་པར་ཐར་བ་རྨད་དུ་བྱུང་བ། རྒྱས་པ་སྔ་ན་མེད་པ། གཞན་གྱི་བྱིན་གྱི་རླབས་ཀྱིས་སངས་རྒྱས་དང་བྱང་ཆུབ་སེམས་དཔའ་མ་ལུས་པ་ཐམས་ཅད་ཀྱིས་དམ་ཚིག་གི་སྤྱོད་ཡུལ་བྱིན་གྱིས་བརླབ་པ་བྱས་
ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དུས་གསུམ་མཉམ་པ་ཉིད་ཅེས་བྱ་བའི་སྙིང་པོ་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་བཱི་ར་ཧཱུཾ་ཁཾ། སྲས་བཅས་སངས་རྒྱས་ཐམས་ཅད་ཀྱི། །མཐའ་དང་དབུས་མེད་ཆོས་རྣམས་ལས། །
མཚུངས་པ་མེད་པའི་གཏེར་ཀུན་གྱི། །སྙིང་པོ་འདི་ནི་སྟོབས་པོ་ཆེ། །འདི་ཡིས་རྒྱལ་བའི་སྲས་རྣམས་ཀྱིས། །སངས་རྒྱས་མཛད་པ་བྱེད་པར་གསུངས། །མ་བསམས་པ་ར་ཡང་སེམས་ཅན་དོན། །མཁས་པས་འདི་ཡིས་སྦྱོར་བར་འགྱུར། །འགྲོ་བ་དྲུག་འགྲེལ་བདག་

</font><hr>87-1-219a<br><font size=+2>

ཉིད་ཡི་གེ་ལྔ། །ཐུགས་རྗེའི་བདག་ཉིད་ཀུན་གྱི་ཡབ་གཅིག་པུ། །འཇིག་རྟེན་གསུམ་པོ་སྐྱོབ་པའི་སྒོར་ཞུགས་ནས། །ཞིང་རྣམས་རྒྱ་མཚོ་སྦྱོང་ཞིང་རྣམ་པར་གནས། །ཐུགས་རྗེའི་བདག་ཉིད་དད་པས་ཟིན་པའི་ཡུལ། །སེམས་ཅན་དོན་མཆོག་ཉེ་བར་
སྒྲུབ་པར་བྱེད། །གཅིག་ཏུ་སྡུག་བསྔལ་མཐར་ཐུག་འགྲོ་བ་རྣམས། །བྱང་ཆུབ་སེམས་དཔའ་གཙོ་མཆོག་དེ་སྦྱོང་བྱེད། །དེ་ཕྱིར་གཙོ་མཆོག་དྲི་མེད་འདི་སྒྲུབ་པ། །རྨད་བྱུང་ཆེ་མཆོག་ཆོས་ཅན་སྙིང་པོ་འདིའོ། །མཐའ་ཡས་བདེ་བར་གཤེགས་ལ་མངོན་དད་པས། །
བརྩོན་འགྲུས་རྡོ་རྗེ་བླ་མེད་བསྒྲུབ་པར་བྱ། །འདིའི་སྒྲུབ་པ་ནི་དེ་བཞིན་གཤེགས་པའི་སྙིང་པོ་ཅི་ལྟ་བ་དང ། རིག་པ་མཆོག་རབ་འབྱམ་ལ་སོགས་པའི་ཆོ་ག་ཇི་ལྟ་བ་བཞིན་དུ་བྱའོ། །དེ་ནས་འདིར་རས་རིས་ཀྱི་ཁྱད་པར་འབྱུང་བར་འགྱུར་རོ། །རས་རིས་ནི་བཅོམ་ལྡན་འདས་
རིན་པོ་ཆེའི་བྲག་ཕུག་ན་པདྨ་ལ་ཏིང་ངེ་འཛིན་ལ་སྙོམས་པར་ཞུགས་པས་བཞུགས་པ་འོད་ཀྱིས་བསྐོར་བ་བྲི་བར་བྱའོ། །བཅོམ་ལྡན་འདས་ཀྱི་གཡས་སུ་བྱང་ཆུབ་སེམས་དཔའ་ནམ་མཁའ་དྲི་མ་མེད་པ་ཞེས་བྱ་བ་པྲི་ཡང་ཀུ་ལྟར་ལྗང་གུ་བཅོམ་ལྡན་འདས་ལ་ཐལ་མོ་སྦྱར་བས་
པདྨ་ལ་གནས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་དུ་འཕགས་པ་རྡོ་རྗེ་འཛིན་ཨུཏྤ་ལ་སྔོན་པོའི་འདབ་མའི་མདོག་ཅན་ནམ། གསེར་གྱི་མདོག་ཅན་འོད་ཀྱི་ཕྲེང་བས་བསྐོར་བ། ལག་ན་རྡོ་རྗེ་ཐོགས་པ་རིན་པོ་ཆེའི་པདྨ་ལ་བཞུགས་པའོ། །དེའི་འོག་ཏུ་མི་གཡོ་བ་མིག་
གཅིག་པ་ཞེས་བྱ་བ་བགེགས་ཚར་གཅོད་པ། རིན་པོ་ཆེའི་བྲག་ལ་བཞུགས་པ་མིག་དམར་པོ་གཅིག་ཡོད་པ། ཀུན་ནས་འབར་བས་བསྐོར་བག་ནག་ཅིང་ལྗང་བ། ཁྲོས་ཤིང་འཁྲུགས་པ། གཞོན་ནུ་རལ་པ་གཅིག་ཡོད་པ། ལག་པ་ན་རལ་གྲི་དང ། ཞགས་པ་ཐོགས་
པ་བྲི་བར་བྱའོ། །སྒྲུབ་པ་པོ་ནི་ཐལ་མོ་སྦྱར་བའོ། །རས་རིས་གཉིས་པ་ནི་བཅོམ་ལྡན་འདས་དེ་བཞིན་དུ་ཏིང་ངེ་འཛིན་ལ་སྙོམས་པར་ཞུགས་པ་དང ། མི་གཡོ་བ་མིག་གཅིག་པ་བྲི་བར་བྱའོ། །དེ་བཞིན་དུ་ཆོ་ག་ཐམས་ཅད་ཀྱིས་སྦྱར་བར་བྱ་ཞིང ། རི་ལ་སོགས་པ་དབེན་པར་འདུ་

</font><hr>87-1-219b<br><font size=+2>

འཛི་སྤངས་ནས་རས་རིས་མེད་པར་ཡང་བསྒྲུབ་པའམ། ཐ་ན་གཙུག་ལག་ཁང་གི་བྲང་ཁང་ལ་སོགས་པ་དང ། ཀུན་དགའ་ར་བ་ལ་སོགས་པའི་གནས་སུ་སེམས་ཅན་གྱི་ཁམས་རྣམ་པར་དག་པའི་ཕྱིར་དངོས་གྲུབ་ལ་ཉེ་བར་དམིགས་པ་ཉིད་ཀྱིས་འབུམ་ཕྲག་གསུམ་བཟླས་ན། དེ་
བཞིན་གཤེགས་པ་བྱོན་ནས་མགོ་ལ་རེག་སྟེ་ལེགས་སོ་ཞེས་བྱ་བ་བྱིན་ཞིང་ཀུན་ནས་རེག་པར་གྱུར་པས་མངོན་པར་ཤེས་པ་རྣམས་འབྱུང་བར་འགྱུར་ཞིང་གཟུངས་རྣམས་ཀྱང་སོ་སོར་ཐོབ་པར་འགྱུར་རོ། །འབུམ་ཕྲག་གསུམ་བཟླས་ན་རྫས་གང་དང་གང་བསྒྲུབས་པ་དེ་དང་དེས་
རིག་པ་འཛིན་པའི་རྒྱལ་པོར་འགྱུར་རོ། །འཕགས་པ་བྱམས་པའི་སྤྱན་སྔར་འབུམ་ཕྲག་གསུམ་བཟླས་ན་འཕགས་པ་བྱམས་པ་མཐོང་བར་འགྱུར་རོ། །འཕགས་པ་ཕྱག་ན་རྡོ་རྗེ་ལ་རྣམ་པར་བལྟ་ཞིང་གནས་པས་འབུམ་ཕྲག་གསུམ་བཟླས་ན་ལག་པ་ནས་བཟུང་ནས་ལྕང་
ལོ་ཅན་དུ་འཇུག་པར་འགྱུར་རོ། །དེ་བཞིན་དུ་འཕགས་པ་ཀུན་དུ་བཟང་པོ་ལ་སོགས་པའི་བྱང་ཆུབ་སེམས་དཔའ་གང་དག་གི་མདུན་དུ་བཟླས་པ་བྱས་པ་དེ་ངེས་པར་མཐོང་བ་སྩོལ་བར་འགྱུར་རོ། །ཁྱད་པར་དུ་འགྲོ་བ་ལ་ཡང་འཇོག་པར་འགྱུར་རོ། །སྐྱིལ་མོ་ཀྲུང་གིས་
འདུག་ནས་མཚན་རངས་པར་དེ་བཞིན་གཤེགས་པ་ལ་དམིགས་ནས་བཟླས་ན་མངོན་པར་ཤེས་པ་ལྔ་ཐོབ་པར་འགྱུར་རོ། །རི་ལ་སློང་མོ་སྤྱོད་ཅིང་འབུམ་ཕྲག་གསུམ་བཟླས་ན་རྫུ་འཕྲུལ་གྱི་རྐང་པ་འཐོབ་ཅིང་ཅི་སྲིད་འདོད་པར་གནས་པར་འགྱུར་རོ། །སྙིང་པོ་འདི་ནི་རང་བཞིན་
གྱིས་གྲུབ་པ། ཆགས་པ་མེད་པ་དོན་ཡོད་པར་གྲུབ་པའོ། །མྱུར་དུ་འགྲུབ་པ་སྒྲིབ་པ་མེད་པར་འགྲུབ་པ་ཞེས་བྱའོ། །གང་དེ་བཞིན་གཤེགས་པའི་སྤྱོད་ཡུལ་གྱི་ཆོ་ག་གང་ཡིན་པ་དེ་རྟོག་པ་འདིའི་ཡིན་ནོ། །མདོར་ན་གང་འདོད་པ་དེ་སྒྲུབ་པར་བྱེད་པ་ནི་དུས་གསུམ་མཉམ་པ་ཉིད་
ཀྱི་དམ་ཚིག་ཅེས་བྱ་བ་ཡི་གེ་ལྔ་པོ་ཡིན་ནོ་ཞེས་བྱའོ། །དེ་ནས་བྱང་ཆུབ་སེམས་དཔའ་ནམ་མཁའི་དམ་ཚིག་ཅེས་བྱ་བ་གང་མཆོག་ཏུ་མཚུངས་པ་མེད་པ་ཕ་རོལ་གྱི་ཡང་ཕ་རོལ་ཏུ་གྱུར་པ་དཔའ་བོ་དྲི་མ་མེད་པ་ཐམས་ཅད་དང་གཅིག་ཏུ་ཉེ་བར་འདུག་ནས་སངས་རྒྱས་དང་བྱང་

</font><hr>87-1-220a<br><font size=+2>

ཆུབ་སེམས་དཔའ་ཐམས་ཅད་ཡང་དག་པར་སྐྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་ཉེ་བར་བསྡུས་པ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ཧཱ་མ་ཧཱ། ཨ་ར་ཡ་ཨ་ར་ཡ། ཤོ་དྷ་ཡ་
ཤོ་དྷ་ཡ། ཨ་མཱ་ལཱ་ཨ་མཱ་ལཱ། ཏྲ་ཧ་ཏྲ་ཧ། མ་ཧཱ་ཀཱ་རུ་ཎཾ། ས་མ་ཡ་ཏྲ་ཀ་ར་ཏྲ་ཀ་ར། ཏྲ་ཡ་ཏྲ་ཡ་སཝཱ་ཧཱ། ཡང་བཅོམ་ལྡན་འདས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བྱ་བ་ལ་སྒྲིབ་པ་མེད་པ། སྔོན་གྱི་ཆོས་ཀྱི་དབྱིངས་ཀྱི་མཐར་ཐུག་པར་བྱས་པ་དེ་བཞིན་གཤེགས་པ་
ཐམས་ཅད་ཀྱིས་ལྷན་ཅིག་ཏུ་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། བ་ར་བ་ར། སརྦཾ་སརྦཾ། ས་མ་ས་མ། ཀུ་རུ་ཎཱཾ་ཀུ་རུ་ཎཱཾ། ཏཱ་རཱ་ཏཱ་རཱ། སཱ་རཱ་སཱ་རཱ། ཨཱ་ཏཱི་ཨཱ་ཏཱི། ཨ་མཱི་ཏཱཾ་ཨ་མཱི་ཏཱཾ། ཨ་ཏི་ཨ་ཏི། བཱི་རཾ་བཱི་རཾ། ཨ་ཏཱི་ཨ་ཏཱི། ཤུ་རཾ་ཤུ་རཾ། ཧ་ཧ་ཧ་ཧ། མ་ཧཱ་ས་མ་ཡ། 
ན་མཿ ཏྲ་ཨ་མ་ལ་སིདྡྷི་དཱ་ཡ་ཀེ་བྷྱཿ ། སརྦ་བུདྡྷ་བོ་དྷི་སཏྭེ་བྷྱཿ ། སརྦ་ཨ་ནནྟ་མེ་དྷྱེ་བྷྱཿ ། མ་ཧཱ་ཀཱ་རུ་ཎཱཾ། ཨ་མ་ལི་ཎཱཾ། ཨ་ས་ཧེ་ཛཱ་ལ་སཝཱ་ཧཱ། འདི་གསུམ་བསམ་གྱིས་མི་ཁྱབ་སྟེ། །སངས་རྒྱས་རྣམས་ཀྱིས་གྲོལ་བ་དང ། །མཆོག་ཏུ་རྣམ་དག་སེམས་ཅན་རྣམས། །བྱེད་པའང་
བསམ་གྱིས་མི་ཁྱབ་པ། །དཔའ་བོ་ཀུན་གྱིས་འདིར་ཐམས་ཅད། །འདི་ཡི་སྟོབས་ཀྱིས་དོན་ཐམས་ཅད། །བྱིན་གྱི་རླབས་ཀྱིས་བྱིན་གྱིས་བརླབས། །གསང་བ་བདག་ཉིད་ཆེན་པོ་འདི། །དཔག་མེད་ཅེས་བྱའི་ཐུགས་རྗེའི་བདག་།ཀུན་གྱི་སྤྱོད་ཡུལ་འདི་ཡིན་ཏེ། །དེ་ཕྱིར་འདི་དང་
འདྲ་བ་མེད། །བློ་ལྡན་དད་པས་སྙིང་པོ་འདི། །འགྲོ་ཀུན་འདུལ་བར་འདོད་པ་ཡིས། །ཡང་དག་ཉིད་དུ་བསྒྲུབ་པར་བྱ། །འདི་ནི་བྱང་ཆུབ་སེམས་དཔའ་གསང་སྔགས་ཀྱི་སྒོར་སྤྱད་པ་སྤྱོད་པ་བསྡུས་པའི་རྒྱལ་པོའི་ཕྱོགས་གཅིག་གི་བླ་ན་མེད་པའི་སྙིང་པོ་རིམ་པར་ཕྱེ་བ་རམ་འབྱམ་གྱི་
ཕྱོགས་གཅིག་ཡིན་ནོ། །འཕགས་པ་ཀུན་དུ་བཟང་པོས་ཀྱང་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། སུ་མ་ཏཱི་སུ་མ་ཏཱི། ས་མ་ཡ་ས་མ་ཡ། ས་མ་ས་མ། ཨ་ཏཱི་ཨ་ཏཱི། རོ་ཙ་ནཱ་རོ་ཙ་ནཱ། མ་ཧཱ་བ་ལེ་བེ་གེ་དྱེ་ཧི་མ་ཧཱ་ས་མནྟ་བྷ་དྲ། ཨ་ཙི་ཏ་བ་ལ་བེ་ག་ན་མཿ སྟུ་ཏེ་སཝཱ་ཧཱ། དེ་

</font><hr>87-1-220b<br><font size=+2>

བཞིན་གཤེགས་པའི་སྙིང་པོའི་ཆོ་གས་ཉིས་འགྱུར་དུ་སྦྱར་བར་བྱའོ། །རིག་པ་མཆོག་རབ་འབྱམ་ལ་སོགས་པའི་ཆོ་གས་ཀྱང་སྦྱར་བར་བྱའོ། །རས་རིས་ནི་སངས་རྒྱས་བཅོམ་ལྡན་འདས་འཕགས་པ་ཀུན་དུ་བཟང་པོ་དང ། འཕགས་པ་སྟོབས་པོ་ཆེ་ཞེས་བྱ་བ་ཕྱག་ན་རྡོ་རྗེ་རྣམས་སྔ་མ་
བཞིན་དུ་ཅི་རིགས་པར་བྲི་བར་བྱའོ། །ཕྱག་ན་རྡོ་རྗེའི་འོག་ཏུ་ནི་འཕགས་པ་རྡོ་རྗེའི་སྟོབས་ཞེས་བྱ་བ་གཞོན་ནུ་རིན་པོ་ཆེའི་བྲག་ལ་འདུག་པ། གནག་ཅིང་ལྗང་པ། མིག་དམར་བ། ངུར་སྨྲིག་གྱོན་པ། ལག་ན་རལ་གྲི་ཐོགས་པ། ཁྲོས་པ། ་ཐུར་དུ་ལྟ་བ། བགེགས་རྣམས་འཇོམས་
པ་བྲི་བར་བྱའོ། །འོག་ཏུ་ནི་སྒྲུབ་པ་པོའོ། །རས་རིས་གཉིས་པ་ནི་འཕགས་པ་ཀུན་དུ་བཟང་པོ་དང ། གཡོས་པོ་དེ་བཞིན་དུ་གནས་པ་བྲི་བར་བྱའོ། །འདིར་ཡང་ལས་ཐམས་ཅད་སྔ་མ་བཞིན་དུ་བསྒྲུབ་པར་བྱ་སྟེ། ཅི་ལྟར་མོས་པ་བཞིན་དུ་འཕགས་པ་ཀུན་དུ་བཟང་པའི་སྨོན་ལམ་གྱིས་འགྱུར་
རོ། །འཕགས་པ་བློ་གྲོས་ཆེན་པོས་རང་གི་སྙིང་པེ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཏྲཱ་ཨ་ཏྲཱ། སརྦ་སརྦ། ས་མ་ས་མ། ས་པཾ། ཨ་ཙ་ལཱི་ནཱི། ཨ་ཙ་ལཱི་ནཱི། ཨ་མ་ལཱི་ནཱི། ཨ་མ་ལཱི་ནཱི། མ་ཧཱ་ཨ་གྲ་ཡེ་སཝཱ་ཧཱ། མཆོག་ལ་ལྟ་བ་ཞེས་བྱ་བས་སྙིང་པོ་སྨྲས་པ། ན་མཿ སརྦ་
བུདྦྷ་བོ་དྷི་སཏྭཱ་ནཱཾ། ཨ་ནནྟ་མ་ཧཱ་བ་ཁེ་ནཱ་སྟི་ཨ་གྲ་སཏྭ་ན་མོ་སྟུ་ཏེ། སརྦ་ཏྲ་ཨ་པྲ་ཏི་ཧ་ཏ་གྲཱ་ཏེ་ན་མཱ་སརྦ་ཛི། ཨཾ་བེ་ཏད་ཨེ་ཏཾ། ཨ་ཏྲ་ཨ་ཏྲ། བ་ར་བ་ར། བི་རི་ཡ་བི་རི་ཡ་སཝཱ་ཧཱ། དྲི་མ་མེད་པའི་ཤུགས་ཀྱི་འོད་ཀྱིས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏ་ར་ཏ་ར། བ་ར་བ་ར། 
བི་རི་བི་རི། དྷ་མ་དྷ་མ། ཨ་ས་མ་ཛྭཱ་ལ་སཝཱ་ཧཱ། རྡོ་རྗེ་དཔའ་བོས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་གྲ་ཏ་སྟ་ར་མ་ན་ཧཱ་མ་ཏི་ཧཱུཾ་ཧཱུཾ། ཨེ་ཧྱེ་ཧི། ཨ་ཏི་ཨ་ཏི། ཨ་མ་ལཱ། བ་ར་བ་ར། བི་རི་བི་རི། བཛྲ་བཛྲ། བ་ལ་ཨཾ་གི། ཏི་བི་ཏི་བི། ཧཱུཾ་ཛྭཱ་ལཱ་ནཱ་མ་སཝཱ་ཧཱ། 
རྡོ་རྗེ་དཔའ་བོས་སྨས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ག་ག་ནཱ་ག་ག་ནཱ། ག་ག་ནཱ་དྷ་ནོངྒ་ཏེ་དྷི་དྷ་ནཱཾ་མེ། ཏི་སི་ཏི་སི། ཧ་ས་ཧ་ས། བཛྲ་བ་ལཱ་ཨུ་ད་ཡ་སཝཱ་ཧཱ། ནམ་མཁའ་ཤར་བས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཏི་ཨ་ཏི། གརྦྷ་གརྦྷ། ཏུ་རཱུ་ཏུ་རཱུ། བཛྲ་

</font><hr>87-1-221a<br><font size=+2>

བཛྲ། ཀུ་རུ་ཀུ་རུ། ཧཱུཾ་སཝཱ་ཧཱ། དེ་བཞིན་གཤེགས་པའི་ཐུགས་ཀྱི་སྙིང་པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲཱ་ཊ་ཏྲཱ་ཊ། ཏཱ་ཊཱ་ཏཱ་ཊཱ། ་་་་་་ཧ་ར་ཧ་ར། མ་ཧཱ་བཛྲ་གརྦྷ་ཧཱུཾ་ཧཱུཾ། ཏཱ་ཊི་ཏཱ་ཊི། བནྡྷ་བནྡྷ། བཛྲ་བཛྲ། གུ་ཎཱ་གུ་ཎཱ། ས་རཱི་ཧཱུཾ་ཛྭ་ལ་ན་མཿ སྟེ་སཝཱ་ཧཱ། རྡོ་རྗེ་སྙིང་པོའིའོ། །
ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཀཱ་རུ་ཎཱཾ། ས་མ་ཡཾ། ཀུ་རུ་ཀུ་རུ། ཨ་ནནྟ་མ་ཧཱ་བ་ལཱ་བཛྲ་ཧེ་ཧེ་ཤཱི་གྷྲཾ་ཤཱི་གྷྲཾ། ཨཱ་བི་ཤ་ཨཱ་བི་ཤ། ཏཀྟྭི་ཏི་བི་ཏི་བི། བཛྲ་མཱ་ལ་སཝཱ་ཧཱ། རྡོ་རྗེ་མཐའ་ཡས་ཀྱིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་ཤཱི། ས་མནྟ་ས་མ་ཡ། ཧི་རི་ཧི་རི། ཧཱུཾ་ཧཱུཾ། བཛྲ་
བཛྲ། ཏིཥྛ་ཏིཥྛ། ཛ་ར་ཛ་ར། བཛྲ་ཡ་ས་ནི་ནཱ་མ་སཝཱ་ཧཱ། རྡོ་རྗེ་དཔལ་གྱི་སྙིང་པོའི་འོ། །འཕགས་པ་སྤྱན་རས་གཟིགས་དབང་ཕྱུག་པདྨ་ལས་ངེས་པར་བྱུང་བ་ཞེས་བྱ་བས་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱ་ཡ་ཧཱི་ཤཱི་གྷྲཾ་སུ་ག་ཏ། ཛ་བེ་གྲ་ཏ་པྲ་ཎ་མི་ཏཾ་ཏེ་བ་ར། ས་ཏྲ་
མེ་ཀྲ་མཱ་ཀཱ་རོ་ཧཱི། སརྦ་པ་ར་ད་མ་མ་ཧཱ་བ་ལ། ཨ་ཙཎྜ་ཀ་སཏྭཱ་བི་ཤུདྡྷི། ཀ་ར་ཀ་ར་ཀ་ཏྲ་ཏྲེ་དཾ་ཏྲི་ཏ་ཡཾ། བི་ར་ཡཾ་བི་ར་ཡཾ། བིར་ཡཾ། ཨ་ར་ར་ཀྲི་མཱ་བ་ཡ་སཝཱ་ཧཱ། པདྨ་ལས་ངེས་པར་བྱུང་བ་སྤྱན་རས་གཟིགས་དབང་ཕྱུག་གི་སྙིང་པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། བ་ར་ད་བཛྲ་ཨུ་
ད་ཡ་ཧཱུཾ་ཧཱུཾ། ཧེ་ཧེ་སཱ་དྷ་ཡ་སཝཱ་ཧཱ།རྡོ་རྗེ་དཔའ་བོའིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་རུ་ཎཱཾ་ཨ་རུ་ཎཱཾ། ས་མ་ཏེ་ས་མ་ཏེ། བ་ར་དེ་བ་ར་དེ། སཱ་རཱ་ཐེ་སཱ་རཱ་ཐེ། ན་མོ་ཨ་ཙིནྟྱ་བི་ཥ་ཡེ་བྷྱཿ སཝཱ་ཧཱ། བདེ་བར་གཤེགས་པ་ལས་བྱུང་བའི་སྙིང་པོའོ། །འཕགས་པ་བྱམས་པས་
རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏཱིཏྟཱི་ཡ་ཏཱི་ཏྟཱི་ཡ། བྷི་དྷི་ཡ་བྷི་དྷི་ཡ། མ་ཧཱ་ཡོ་གཱི་ཤཝ་ར། དརྴ་ཡ་དཪྴ་ཡ། ས་མ་ཡཾ་ཛྭཱ་ལ་ཡ་སརྦ་ཨ་མོ་གྷ་སིདྡྷི་སཝཱ་ཧཱ། མྱ་ངན་མེད་བཟང་པོས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། སཱ་མ་ཏེ་སཱ་མ་ཏེ། སུ་རཱ་ཏེ་སུ་རཱ་ཏེ། 
ཤོ་བྷི་ནི་ཤོ་བྷི་ནི། བྷ་དྲེ་བྷ་དྲེ། བྷ་ར་བྷ་ར། བི་ར་བི་ར། ཙ་ལ་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཏྲཱི་ཀ་ས་མ་ཧཱ་ན་ནྟི་མནྟི། ཀ་ར་ཀ་ར། བཱི་ར་བཱི་ར། ཏ་ར་ཏ་ར། ཏཱི་ཡཱ་ཏཱི་ཡཱ། མཉྫུ་ཤྲི་ཡཱ། ཀ་རི་ཀ་རི། ཀ་ར་ཀ་ར། ཏ་ར་ཏ་ར། ཧ་ར་ཧ་ར། བཛྲ་མ་ཡ། ཧཱུཾ་ཧཱུཾ། ཛ་ལ་ཀུ་མཱ་ར་ཀ་སཝཱ་ཧཱ།

</font><hr>87-1-221b<br><font size=+2>

འཕགས་པ་འཇམ་དཔལ་གྱི་སྙིང་པོའོ། །འཕགས་པ་པདྨ་རྡོ་རྗེས་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱརྱ་གཱི་ཏེ་ན་མོ་སྟུ་ཏེ། ཀཱ་རུ་ཎ་མཎྜ་ལཱ་མ་ལ་ཛྭཱ་ལཱ་མེ་དྷོ་མ་ནི་ས་ཧ་ཏེ་ཙ་གུ་ཎ་རཱ་ཛཱ་ཨ་གྲ་བྷཱུ་ཥ་ཎ་ཏཱ་ཏྲ། ཨེ་དཾ་ཏི་དྭ་ཡ་ཏྲི་དྭ་ཡ་ཏྲི། སུ་མ་ཏི་སུ་མ་ཏི། ཏེ་ར་ཏཱི་ཏེ་ར་ཏཱི། གུ་ཎ་
གུ་ཎ། ཛྭཱ་ལ་ཡ་ཨ་མོ་གྷ་ཨ་པྲ་ཏི་ཧ་ཏ་སཝཱ་ཧཱ། འཕགས་པ་རྡོ་རྗེ་རང་བཞིན་གྱིས་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། བཛྲ་མཱ་ཡཱ་ཏྲི་ཤི་ཁཱ་བ་ར་ཧཱུཾ། བར་བོ་ག་གུ་ཎཱཾ་མ་ལ་བནྡྷ་པེ་ཀི་ནི་སཝཱ་ཧཱ། འཕགས་པ་རྡོ་རྗེ་རྩེ་མོས་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཧ་ཧ་
ཧ་ཧ། ས་མ་ས་མ། ཏྲི་ཤཱི་ཁ་ར་ཏྲི་ཤཱི་ཁ་ར། ཏྲྱམྦ་ཏྲྱམྦ། ཨ་ས་དྲྀ་ཤྱ་སཝཱ་ཧཱ། རྡོ་རྗེ་ཡན་ལག་བྱིན་གྱིས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲཱ་ག་ཏྲཱ་ག། ཧཱུཾ་ཧཱུཾ། ཙཾ་ཙཾ་ཏུ་ཏེ་སུ་ཁ་ཡ་ཧཱི་སཝཱ་ཧཱ། རྡོ་རྗེ་མི་གཡོ་བས་རང་གི་སྙིང་པོ་སྨྲས་བ། ན་མཿ སརྦ་བུདྡྷ་བོ་དྷི་སཏྭཱ་
ནཱཾ། སརྦ་ཏྲ་གྷུ་ཎཱཾ། ཀུ་རུ་ཀུ་རུ། ས་མ་ཏཱ། ཧཱ་རཱ་ཧཱ་རཱ། ཧཱུཾ་ཧཱུཾ། བཛྲ་ཨ་ཙ་ལ་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཧ་ན་ཧ་ན། ཏ་ན་ཏ་ན། མ་ཧཱ་བཛྲ་བ་ལོ་ད་ཡ། ཏ་ཏ་ཏ་ཏ། ན་མ་ན་མ། ཏ་ཨ་ཏ། ས་ཏ་ས་ཏ། གུ་ཎཱ་གུ་ཎཱ། ཏ་ན་ཏ་ན། མ་ན་མ་ན། ཛྭཱ་ལ་ཡ་ཛྭཱ་ལ་ཡ། 
བེ་ག་ཨ་ཙ་ལ་ཨ་ཙ་ལ། ཧཱུཾ་ཧཱུཾ། ཨ་ཏི་ཛྭཱ་ལ་ཡ་ན་མ་སཝཱ་ཧཱ། གསང་བའི་བདག་པོ་རྡོ་རྗེ་འཆང་གི་རྡོ་རྗེ་སོས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། རཀྟཱ་རཀྟཱ། སཀྟཱ་སཀྟཱ། མནྟཱ་མནྟཱ། བྷ་དྲཱ་བྷ་དྲཱ། མོ་ཊཱ་མོ་ཊཱ། ཏ་ཊ་ཏ་ཊ། ཧཱུཾ་ཧཱུཾ་བཛྲ་ཨ་ཏི་བ་ལ། ཛ་ཧ་ལེ་ཛ་ཧ་
ལེ། ཏིཏྟི་ཏིཏྟི། ཏི་ཙི་ཏི་ཙི། ཤ་ཏ་ཤ་ཏ། ཙ་ཙ་ཨཱཛྙཱ་ཀ་ར་སཝཱ་ཧཱ། དྲི་མ་མེད་པའི་མདངས་ཀྱིས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱརྱ་ཨ་མ་ལེ། ས་ད་ཡ་སརྦཾ། ཏི་ཙི་ཏི་ཙི། མ་ཏི་མ་ཏི། གཱ་ནྟེ་སཝཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏ་ར་ཏི་ཏ་ར་ཏི། བ་ར་ཏི་བ་
ར་ཏི། མ་ཧཱ་བ་ར་ཏི། མ་ཧཱ་བ་ར་ཏི། ས་མནྟེ་ཛྭཱ་ལཱ་ཡ། བཛྲ་ཏཱ་ཧ་རི་ཧཱུཾ་ག་ར་ས་མ་ཡ་སཝཱ་ཧཱ། དམ་ཚིག་གཟི་བརྗིད་ཅེས་བྱ་བའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲི་ཤི་ཁཱི། བ་ར་དེ་བ་ར་དེ། ཤ་ར་ཤ་ར། ཤཱ་རེ་ཤཱ་རེ། བ་ར་བ་ར། ཏེ་ཛེ་ཧཱུཾ་ཧཱུཾ། ཁ་ནཱི། སིདྡྷི་སཝཱ་ཧཱ། རྡོ་རྗེ་ཤུགས་ཀྱིའོ། །

</font><hr>87-1-222a<br><font size=+2>

ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཊྚ་ཨཊྚ་ཙཎྜེ་ཙཎྜེ། བྷཱི་ཥ་ཎཱི་བྷཱི་ཥ་ཎཱི། ཏ་ཊ་ཏ་ཊ། བཛྲ་བེ་གེ་ནཱི་ཀནྟྲི་ཤོ་བྷི་ནཱི་ཏྲཱཾ་ཏྲཱཾ། ཨཱ་ཀརྵ་ཡ་སིདྡྷི། ཏྲཱཾ་བི་ནི་བཛྲེ་བཻ་རོ་ཙོ། ཨ་ན་ཐ་ཨ་ན་ཐ། བ་ལ་བ་ལ་ཧཱུཾ་ཧཱུཾ། ཡ་མ་ལི་ནི། ཨ་སྟ་ཀ་རོ་ཧི་སརྦ་ཐཱ་སཱ་དྷ་ནི་སཝཱ་ཧཱ། འཕགས་པ་རྡོ་རྗེ་
ལྕགས་ཀྱུའིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏིཀྟྭེ་ཏིཀྟྭེ། མུཀྟྭེ་མུཀྟྭེ། དེ་ཧི་བ་ར་རཾ། ཏོ་ཥ་ཡེ། ཏོ་ཥ་ཡེ། ཧ་ས་ཀ་རེ་ཏཾ་རེ་ཏཾ། ཏི་ལི་ཏི་ལི། ཏི་ནི་ཏི་ནི། མུ་ནི་མུ་ནི། མ་ཧཱ་ཀཱ་རུ་ཎཱཾ་མཾ་ཏྲ་ཡི་གེ་སཝཱ་ཧཱ། རྡོ་རྗེ་མའིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏི་ཊྱ་ཏི་ཊྱ། ཏོ་ཏྲ་ཏོ་ཏྲ། མེ་ལ་མཱ་
ལ། ཧཱ་ཧཱ་ལེ་ཁེ་མ་མ་ཙོ་རེ་ཧཱུཾ་ཧཱུཾ། བཛྲ་ཨངྒེ་ཀེ་ཀྵི་ཏ་ཀྵི་ཏ། ཀེ་ཀ་རེ་སཝཱ་ཧཱ། རྡོ་རྗེ་གདན་གྱིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་པཱི་ནཱི་ཨ་པཱི་ནཱི། ཨཱརྱ་མཱ་ལ་ནི། བེ་གེ་ཛྭཱ་ལཱ་ཡ་སཝཱ་ཧཱ། རྡོ་རྗེ་ནག་པོའིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མ་ག་ཏ་སྟྲི་ཧི་ར་ཡ་སྱ་ཏ་སྱ་ཏ་གེ་ན་མོ་བུདྡྷ་མ་ཧཱ་
ཡོ་ག་བ་ལ་ཨ་གྲ་ཡ་བཛྲ་བཱི་ར་ཡ་ཏ་ཡི་ནི་ཏྲེ་དཱཾ། ཨ་མ་བི་ཏི་ཨ་མ་བི་ཏི། བ་ལ་བ་ཏི་བ་ལ་བ་ཏི། ཤོ་དྷ་ནེ་སཝཱ་ཧཱ། རྡོ་རྗེ་དཔའ་བོའིའོ། །རྟོག་པ་འདི་དག་ཐམས་ཅད་དུ་སྔ་མ་བཞིན་དུ་སྦྱར་བར་བྱའོ། །དེ་བཞིན་དུ་རས་རིས་ཀྱང་ཇི་ལྟར་རིགས་པར་བྲི་བར་བྱའོ། །འདི་དག་ནི་བསྒྲིབས་པ་མེད་པར་རབ་ཏུ་གྲུབ་
པ། དོན་ཡོད་པར་གྲུབ་པ། རང་བཞིན་གྱིས་གྲུབ་པ། བཀླགས་པས་གྲུབ་པ། ཐོགས་པ་མེད་པར་རབ་ཏུ་གྲུབ་པའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པའོ། །འདོད་པའི་དོན་ཕུན་སུམ་ཚོགས་པར་བྱེད་པའོ། །སེམས་ཅན་ཐམས་
ཅད་ཀྱི་དོན་བྱེད་པའོ། །མཐོང་བའི་ཆོས་ལ་བདུད་རྩིའི་སྤྱོད་ཡུལ་དུ་འགྱུར་ཞིང་ཡོན་ཏན་གྱི་འབྱུང་གནས་རབ་ཏུ་ཐོབ་པར་འདོད་པས་འབད་པ་ཐམས་ཅད་ཀྱིས་བསྒྲུབ་པར་བྱའོ། །འདིས་མི་འགྲུབ་པ་གང་ཡང་མེད་དོ། །སྒྲུབ་པ་འདིས་བསྒྲུབས་པ་ལ་ཉམས་པ་མེད་དོ། །བར་ཆད་
མི་འབྱུང་ངོ ། །ལོག་འདྲེན་མི་འབྱུང་ངོ ། །གནོད་པ་མི་འབྱུང་ངོ ། །ནད་མི་འབྱུང་ངོ ། །ཅི་ལྟར་འདོད་པས་ཅི་ལྟར་མོས་པ་བཞིན་དུ་དད་པར་བྱས་ནས་དེ་བཞིན་གཤེགས་པ་རྗེས་སུ་བྲན་བཞིན་དུ་ལས་རྣམས་བསྒྲུབ་པར་བྱའོ། །རྟོག་པ་འདིར་ཐེ་ཚོམ་མེད་པར་བྱ་སྟེ། དམ་

</font><hr>87-1-222b<br><font size=+2>

ཚིག་འདིས་འགྲུབ་པར་འགྱུར་རོ། །སྙིང་པོ་རབ་འབྱམ་གྱི་རིམ་པར་ཕྱེ་བའོ།། །།དེ་ནས་འདིར་གཏུམ་པོ་མཐར་བྱེད་ལ་སོགས་པ་ཕོ་ཉར་བྱེད་པ་ས་ཡ་བསམ་གྱིས་མི་ཁྱབ་པའི་གཙོ་བོ་བཅུའི་སྙིང་པོ་བཅུ་འབྱུང་བར་འགྱུར་རོ། །ན་མཿ ས་མནྟ་བཛྲཱ་ཎཱཾ། ཨ་ཏི་བི་ཥ་ཡ། 
གྲྀ་ཧྞ་ཡ་ཙཎྜ། ཨུཏྟ་ཙྩ་ཀ་མ་ཧཱ་གོ་རཱ་ཀ་རཱ། ཧཱུཾ་ཧཱུཾ་ཧཱུཾ། བཛྲ་ཀཱ་ར་ལ། ཛྭཱ་ལ་ཛྭཱ་ལ། ཧཾ་ཧཾ་ཧཱུཾ་ཧཱུཾ། ཕཊ་ཕཊ་སཝཱ་ཧཱ། ན་མཿ ས་མནྟ་བཛྲཱ་ཎཱཾ། ཧཱུཾ་མ་ཧཱ་བ་ལ་ཨ་གྲ་ཨ་ཙ་ལ། གྲྀ་ཧྞ་གྲྀ་ཧྞ། བནྡྷ་བནྡྷ། པཱ་ཏཱ་ཡ་པཱ་ཏཱ་ཡ། ཨཱ་བི་ཤ་ཨཱ་བི་ཤ། ཨ་མོ་གྷ་ཨ་པྲ་ཏི་ཧ་ཏ་བ་ར་
བི་ཤཝ་མཱཾ་ཧཱུཾ་ཧཱུཾ། ཏ་བཱི་ཏ་བཱི་ར་ཨ་ཙ་ལ་སཝཱ་ཧཱ། ན་མཿ ས་མནྟ་བཛྲཱ་ཎཱཾ། ཨ་ཙི་ཏ་ཨུདྡ་ར་གུ་ཎ་བརྞཱ་བ་ར་བ་ར། ཀ་ར་ཀ་ར།བྷ་ར་བྷ་ར། ཨ་ཏཱི་བ་ལཱ། ཁ་ཎ་ཁ་ཎ། ཁུནྟ་ཁུནྟ། ཏ་ནི་ཏ་ནི། མ་ཧཱ་ཛྭཱ་ལཱ་མནྡ་ཡ་ས་ཀ་སཝཱ་ཧཱ། ཤིན་ཏུ་སྟོབས་ཀྱི་རྡོ་རྗེའིའོ། །ན་མཿ ས་མནྟ་བཛྲཱ་
ཎཱཾ། ཏྲི་པ་ལི་ཨ་ཙ་ལཱི། ཨ་མ་ལཱི། ཀ་མ་ལཱི། མ་ཧཱ་མ་ཧཱ། ས་ད་བ་ལ། ས་མ་ཏི། ག་བ་རཱ། ཏི་ཛཱ་ཏྲེ་དཾ། ཏཾ་བ་ཏཾ་བ། ཏྲ་ཊ་ཏྲ་ཊ། ཏ་ཊ་ཏ་ཊ། ཨ་ཏི་བཛྲ་བི་ཥ་ཎ་ཧཱུཾ། སྥོ་ཊ་ཡ། སཱ་དྷ་ཨཱ་ཛྙཱ་ཀ་ར་སཝཱ་ཧཱ། མཆོད་ཆེན་མཆོག་གིའོ། །ན་མཿ ས་མནྟ་བཛྲཱ་ཎཱཾ། ཏིཥྛ་ཏིཥྛ། 
མ་ཧཱ་དུ་ཏ་ཨ་མོ་གྷ། ཨ་པྲ་ཏི་ཧ་ཏ། ཨ་ཙ་ལཱ་ཀུ་རུ་ཀཱ་མཾ། མ་ཧཱ་ཏེ་ཛ་ཨ་གྲ་བ་ནཱ་ཏོ་ཨ་སྨི་བྷ་བ་ཨུཏྟ་མ། ཏ་ཏེ་དཾ། ཏ་ཏ་ཏ་ཏ། མ་ཏ་མ་ཏ། ཨ་ཏི་ཨ་ཏི། བཛྲ་ས་ད་ཡ་ས་ད་ཡ། སརྦཾ། བ་ར་བ་ར། ན་མ་སཝཱ་ཧཱ། ཤིན་ཏུ་རྡོ་རྗེའིའོ། །ན་མཿ ས་མནྟ་བཛྲཱ་ཎཱཾ། ཨ་ཏཱི་ཨ་ཏཱི་
་ཏཱི། ཏེ་ཛོ་ཨ་ཏཱི། བཛྲ་ཀ་ར་ཀ་ར། བཛྲ་མ་ཏ་མ་ཏ། ཏཱི་བཱ་རཱ་ཏཱི་བཱ་རཱ་ཏཱི། མ་ཧཱ་མ་ལཱ། ཨ་གྲ་ཨ་ཙ་ལི་ཏ་ས་ལ་ལི་ཏ་ག་ཏི་མཾ་ཀུ་རུ་ཀུ་རུ་སརྦཾ། ས་མ་ཡ་མ་ས་ཡ། བ་ལ་ཨ་གྲ། ཏ་ཊ་ཏ་ཊ། ར་ཊ་ར་ཊ། བི་ར་ཛ་ན་མ་སྟེ་སཱུ་སཝཱ་ཧཱ། ན་མཿ ས་མནྟ་བཛྲཱ་ཎཱཾ། ཨེ་ཧི་མ་
ཧཱ་ཙཎྜ་ཨ་ཙ་ལ་བཛྲ། ཨ་ཏི་བི་ཥ་མ་བཛྲ། ཨ་ཏི་སྠི་ར་བཛྲ། ཨ་ཏི་སུ་ར་བཛྲ། ཨ་ཙ་ལི་བི་ཏ་བཛྲ། མཱ་ལཱ་ཨ་ས་ཧ་ཨ་ས་ཧ། མ་ཧཱ་ཀྲོ་དྷ་ན་མ་ཧཱུཾ་ཧཱུཾ། ཧཱ་ཧཱ། ཧོ་ཧོ། ཨ་མོ་གྷ་ཨ་པྲ་ཏི་ཧ་ཏ། མ་ཧཱཾ་ཕཊ་ཕཊ། བཛྲ་ཨངྒི་ཧཱུཾ་ཧཱུཾ་ཛྭཱ་ལ་སཝཱ་ཧཱ། གཏུམ་པོ་ཆེན་པོ་མི་

</font><hr>87-1-223a<br><font size=+2>

གཡོ་བ་ཁྲོ་བོ་མེ་དཔུང་གིའོ། །ན་མཿ ས་མནྟ་བཛྲཱ་ཎཱཾ། ་ཨ་ཡཱ་ཧཱི་མ་ཧཱ་ཙ་ཎྜ་ལ། ཀ་ར་ཀ་ར། བ་ར་བ་ར། ཏྲ་ཡ་ཏྲ་ཡ། ཏྲཾ་མ་ཧཱ་བ་ལ་བཛྲ་ས་མ་ཡ་བཛྲ་ས་མ་ཡཾ། བྷཾ་དྷ་ར་དྷ་ར། མ་ཧཱ་བཛྲ་ཧ་ས་ཧ་ས། ཨ་ཏི་ཨ་ཏི། རོ་ཥ་ཎ་ཧཱུཾ་ཧཱུཾ་ཕཊ་ཕཊ་སཝཱ་ཧཱ། རྡོ་རྗེ་དམ་
ཚིག་གིའོ། །ན་མཿ ས་མནྟ་བཛྲཱ་ཎཱཾ། ཨ་ར་ཏི་ཨ་ར་ཏི། ཧ་ས་ཏཱི་ཧ་ས་ཏྲི། ཙ་རཱ་ཏཱི་ཙ་རཱ་ཏཱི། ཀ་རཱ་ཏཱི་ཀ་རཱ་ཏཱི། ཏཱི་ཡ་ཏཱི་ཡ། ཏཱི་སི་ཡ་ཏཱི་སི་ཡ། ཏཱི་རཱ་ཡ་ཏཱི་རཱ་ཡ། ཏིཏྟཱི་ཡ་ཏིཏྟཱི་ཡ། ཨེ་ཧི་སུ་སིདྡྷི་མ་ཧཱ་བཛྲ། ཨུངྒ་ཏ། ཏིཥྛ་ས་མ་ཡ་ས་མ་ཡ། ཨཱ་སཱ་དྲཱི་སཝཱ་ཧཱ། རྡོ་རྗེ་ཆེན་
པོ་མཐོང་བ་ཞེས་བྱ་བའི་ཕོ་ཉའོ། །སྨོན་ལམ་དྲི་མེད་རྒྱལ་སྲིད་ཀྱིས། །དཔའ་བོ་ཆེན་པོ་བྱིན་བརླབས་ནས། །སེམས་ཅན་ཁམས་རྣམས་རྣམ་སྦྱོང་བའི། །དཔའ་བོ་འདི་དག་དང་འདྲ་མེད། །དམ་པའི་ཆོས་དང་སྲས་བཅས་པའི། །སངས་རྒྱས་ཀུན་གྱི་ཅི་བགྱི་ལགས། །བཀའ་
བཞིན་བྱེད་པས་གནས་པའི་ཕ། །འདི་དག་རྟག་ཏུ་དམ་པ་མཆོག་།འཇིག་རྟེན་གསུམ་པོ་གང་ན་ཡང ། །འདི་དག་དང་འདྲ་ཡོད་མ་ཡིན། །དུས་གསུམ་བདག་པོའི་སྟོབས་རྣམས་ཀྱིས། །མཐར་བྱེད་འདི་དག་སྟོབས་ཅན་བྱས། །སྔར་བསྟན་པའི་ཆོ་ག་ཐམས་ཅད་ཀྱིས་བསྒྲུབ་
པའམ། ཡིད་ལ་གང་འདོད་པས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་པར་བྱ་སྟེ། དོན་གང་གི་ཆེད་དུ་བྱས་ནས་བཟླས་པ་བྱས་པ་དེ་ཡང་དག་པར་སྒྲུབ་པར་བྱེད་དོ། །རིག་འཛིན་སྒྲུབ་པར་བྱེད་པའི་རྫས་རྣམས་ལ་དེ་བཞིན་བསྒྲུབས་ན། མ་བསམས་པར་ཡང་འདི་དག་
ཐམས་ཅད་འབད་པ་ཆུང་ངུས་འགྲུབ་པར་འགྱུར་རོ། །ལྷ་རྣམས་ཀྱང་བཅིངས་ནས་འགུགས་པར་བྱེད་དོ། །ཀླུ་ལ་སོགས་པ་ཡང་འགུགས་པར་བྱེད་དོ། །མདོར་ན་སངས་རྒྱས་དང་བྱང་ཆུབ་སེམས་དཔའ་རྣམས་ཀྱང་འགུགས་པར་བྱེད། རྟེན་པར་བྱེད་པའི་སའི་ཁམས་ཀྱང་
གཡོ་བར་བྱེད་དོ། །སེམས་ཅན་གྱི་ཁམས་རྣམས་མཐའ་ཡས་ཤིང་རྒྱ་ཆེན་པོའི་ངོ་མཚར་རྣམས་ཀྱང་ཡང་དག་པར་སྟོན་པར་བྱེད་དོ། །སྐྱེད་པར་བྱེད་དོ། །ཁྲོ་བོའི་འཁོར་ལོ་ཐམས་ཅད་ཀྱི་གདུག་པ་གདུལ་དཀའ་བ་རྣམས་འདུལ་བར་བྱེད། གསོད་པར་ཡང་བྱེད་དོ། །ཀུན་ནས་

</font><hr>87-1-223b<br><font size=+2>

ཉོན་མོངས་པ་ཅན་གྱི་འཇིག་རྟེན་གྱི་ཁམས་རྣམས་རྣམ་པར་སྦྱོང་བར་ཡང་བྱེད་དོ། །དེ་ནས་གསང་བའི་དཀྱིལ་འཁོར་འདིར་ཁྲོས་པ་མཆོག་ལ་སོགས་པ་ཁྲག་ཁྲིག་བསམ་གྱིས་མི་ཁྱབ་པ་ཕྲག་བཅུའི་ཕོ་ཉ་མོའི་གཙོ་མོ་རྣམས་འབྱུང་བར་འགྱུར་རོ། །ཧེ་ཧི་མ་རོ་ཥ་ད་རི་ནི་ཌདྷ་རི་ཎཱཾ། 
ཏཱ་རི་ཎཱི་ཏཱ་རི་ཎཱི། ས་ཏི་ས་ཏི། སུ་མེ་ཏྲེ། ཨ་ནནྟི་ན་མཾ་མཾ། ས་ད་ཡ་ས་ད་ཡཾ། ཨ་ཛི་ཏེ་ཏོ་ཥ་ཡ། ཏོ་ཥ་ཡ། སུ་ག་ཏཾ། ཏཱ་ཡཱི་ཏཱ་ཡཱི། བཱི་རེ་བཱི་རེ། བཱི་ར་པ་ཏཱ་ཀེ། ཨེ་ཧི་ས་མ་ཨངྒེ་སཱ་མ་ས་ནཱི་ཧཱུཾ་ཧཱུཾ་ཧཱུཾ། ཛྭཱ་ལ་ནཱ་མཱ་ཡཱ། ཨ་གྲེ་ཏྲཾ་བི་ནཱི་སཝཱ་ཧཱ། ཁྲོས་པ་ཆེན་པོའི་འོ།།
ན་མཿ ས་མནྟ་བཛྲཱ་ཎཱཾ།ཏྲ་ཏཱ་རི་མ་ཏཱ་རི། བཛྲཱ་པ་ཏཱ་ཀེ། བོ་དྷ་ཡ་ཏོ་ཥཱ་ཎཱཾ། བཛྲ་དྷ་ར་ཨ་གྲེ་ཏཏྟེ་ཏཏྟེ། མཏྟེ་མཏྟེ། མ་ཧཱ་པྲ་ཙཎྜ། བེ་གེ་ཎཱི་སཝཱ་ཧཱ། རབ་གཏུམ་ཆེན་མོ་ཞེས་བྱ་བའི་ཕོ་ཉ་མོའི་ཡིན་ནོ། །ན་མཿ ས་མནྟ་བཛྲཱ་ཎཱཾ། ས་མ་ཏཾ། ས་མ་ཏཾ། ཏི་མི་ཏཾ། ་མ་ཏི་
ཏཾ་མ་ཏི་ཏཾ། མ་ནི་ཏཾ་མ་ནི་ཏཾ། ཁེ་ལ་ཁེ་ལ་སངྡེ་སངྡེ། མངྡེ་མངྡེ། རཏྟེ་རཏྟེ། བིདྡེ་བིདྡེ། གུདྡེ་གུདྡེ། ཨ་གྲེ་བ་ར་དྷེ། མོ་སིདྡྷེ་མོ་སིདྡྷེ། ན་མོ་ཨ་མོ་གྷ་ཨ་པྲ་ཏི་ཧ་ཏེ་བྷྱཿ སཝཱ་ཧཱ། མཐའ་ཡས་རྡོ་རྗེ་ཞེས་པའི་ཕོ་ཉ་མོའི་འོ། །ན་མཿ ས་མནྟ་བཛྲཱ་ཎཱཾ། ཁེ་ལ་ནི་ཏི་ཡ། ཨེ་
བྷ་ཨ་བྷ་རོ་ཙ་ནེ་ཤཱ་ས་ཏེ་ཏོ་ཥ་ཏེ་ཏི་ཤི་ར་ཀཱ་ར་ཏེ། ཏི་རི་སཝཱ་ཧི་སིདྡྷ་ཡ་ཧི་ཨ་ཛ་ལེ་ཨ་ཛ་ལེ་ཡཱ་སཾ། མ་ལི་ཨེ་ཏ་ཏྲེ། ཨེ་དཾ་མ་ལ་ཏི་མ་ལ་བ་ཏི། ཀུ་སུ་མི་ཏི་ཀུ་སུ་མི་ཏི། ཏཱི་ཏཱི། ཏིཏྟ་ཡ། ཏིཏྟ་ཡ། ཏིཥྛ་ཏིཥྛ། མཱ་ལི་ཀི་སཝཱ་ཧཱ། ཕྲེང་བ་མ་ཞེས་བྱ་བའི་ཕོ་ཉ་མོའིའོ། །ན་མཿ ས་མནྟ་བཛྲཱ་ཎཱཾ། 
་ཙ་ལཱ་ཙཎྜེ། ཨ་གྲ་བནྡྷ་ནི། ཨ་མ་ལ་ཨ་ཙ་ལ་ཨ་གྲེ། ས་ཏྱཾ་གི་ནི་ཏྱཾ་གི་ནི། སཾ་ཀ་རི་སཾ་ཀ་རི། དྷཏྟེ་དྷཏྟེ། ཨཏྟེ་ཨཏྟེ། ར་ཏི་ར་ཏི། རཏྟེ་རཏྟེ། ཏ་ར་ཏ་ར། ཏཏྟེ་ཏཏྟེ། ས་མཱ་ས་མཱ། སཏྟེ་སཏྟེ། ས་ཧེ་ས་ཧེ། སུ་ཁ་སུ་ཁ། ཨ་ས་ཧ་བ་ར་ཨུངྒ་ཏི། དུ་རི་བི་དུ་རི་
བི་དུ་རི། སཱ་དྷ་ཡ་སཱ་དྷ་ཡ། སིདྡྷི་ཛྭཱ་ལཱ་ཡ། ན་མ་སཝཱ་ཧཱ། རྡོ་རྗེ་ཐམས་ཅད་པ་ཞེས་བྱ་བའི་ཕོ་ཉ་མོའོ། །ན་མཿ ས་མནྟ་བཛྲཱ་ཎཱཾ། ཨ་ཏཱི་ས་ཡེ་ན་བྷོ་ཏི་ནཾ་ས་མ་ཏེ། ཏྲྱཱཾ་གི་ནཱི་ཀ་རུ་དེ་བཱི་ཨ་གྲེ་ཏེ་ཨ་གྲེ་ཏེ། མཱ་ཧི་ཏཾ་ཙི་ཡེ། ཏོ་ཥ་ཡ་ཧི་ནཱ་ཡ་ཀཱ་ན། ཏྲ་ཏྲ་ཨེ་དཾ། ཏ་ར་ཏི་ཏ་ར་ཏི། བ་ར་ཏི་བ་

</font><hr>87-1-224a<br><font size=+2>

ར་ཏི། མ་ཧཱ་ཏཱི་མ་ཧཱ་ཏཱི། ཧ་ར་ཏི་ཧ་ར་ཏི། མ་ཧཱི་བི་ཥ་ཎེ་ཛྭཱ་ལ་ན་མ་སཝཱ་ཧཱ། ན་མཿ ས་མནྟ་བཛྲཱ་ཎཱཾ། སརྦ་ཏྲཱ་བ་ར་ཛི་ཏི། ཨེ་ཧི་མ་ཧཱ་མ་ཧེ་ཨེ་ཧི། ཨ་མ་ལ་མ་ལེ། ཨེ་ཧི་ཏྲི་གུ་ཏེ་ཧི་ས་ཧ་ཏེ། ཨ་ཧ་ཏེ་ཧཱ་རཱ་ཏེ། ཏ་ར་ཏེ་ཏྲཱི་སྠ། ཏྲཱིསྠ། སརྦ་ཐཱ་ན་མོ་སྟུ་མ་ཧཱ་ཀྲི་བེ་བྷྱཿ སཝཱ་ཧཱ། ཤིན་
ཏུ་རྡོ་རྗེ་དང ། རྡོ་རྗེ་མི་ཕམ་པའི་འོ། །ན་མཿ ས་མནྟ་བཛྲཱ་ཎཱཾ། ཨ་ཤོ་ཀ་ཏི། ཨ་མ་ལེ་བ་ལ་བ་ཏི། བ་ལེ་ས་མ་ས་མ། ས་མ་ཡེ་ཨ་ཏི་བ་ལ་བི་ཤ་ཡཱ། ཏ་ན་ཏ་ན། བ་ར་ཏཾ། ཀི་རི། ཀུ་རུ་ཀུ་རུ། ས་མི་ཏཱཾ་ས་མི་ཏཱཾ། སུ་སཾ་སྟི་ཏེ། ཛྭཱ་ལ་ཡ་སཝཱ་ཀེ་སཝཱ་ཧཱ། ཡང་དག་པར་རབ་ཏུ་
གནས་པ་ཞེས་བྱ་བའི་ཕོ་ཉ་མོའོ། །ན་མཿ ས་མནྟ་བཛྲཱ་ཎཱཾ། ཨ་ཏཱི་ཨུཏྶེད་སྟྱཾ། ཀུ་ཤི་ཨ་ནཱ་ཡ་ཨ་ནཱ་ཡ། ཨ་ས་མ་བ་ཏཱ་ཀེ་ཧ་རི་ཎཱཾ། ཤཱི་གྷྲཾ། ཨ་མི་ཏཱ་མ་ཧཱ་བ་ལ་བེ་གེ། ཏཱ་ཡི་ཏཱ་ཡི། དྷ་ཡི་དྷ་ཡི། ཏཱི་སཱི་ཏཱི་སཱི། ས་མི་ཡེ་ས་མི་ཡེ། ཧཱུཾ་ཧཱུཾ་ཧཱུཾ་ཧཱུཾ། བཱི་ར་པ་ཏཱ་ཀེ་ཨཱ་ཀརྵ་ཡ་སཝཱ་ཧཱ། 
མཉམ་པ་མེད་པའི་གདན་གྱི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཨ་ཏཱི་ཨ་ཏཱི། ཙཎྜ་ཤཱི་གྷྲཾ། མ་ཀྲི་ཥ་བནྡྷ་ཡ། ་ཏ་ཌི་ཏ་ཌི། སཱ་དྷ་ཡ། སཱ་དྷ་ཡ། ཏཱ་ལཱི་ཏཱི། ཏཱ་ལཱི་ཏཱི། ལེ་ཏེ་ལེ་ཏེ་ལེ། ཏོ་ཥ་ཡ། ཏྲི་བ་ལ་ཨངྒི། ཛྭཱ་ལ་ཛྭཱ་ལཱ་ཡ། ཨ་ཙ་ལེ་སཝཱ་ཧཱ། སྟོབས་གསུམ་གྱི་ཡན་
ལག་ཅེས་བྱ་བའི་ཕོ་ཉ་མོའི་འོ། །ན་མཿ ས་མནྟ་བཛྲཱ་ཎཱཾ། ཏྲཱི་རཱུ་ཙི་ཏྲཱི་རཱ་ཙི། ད་ཡེ་ད་ཡེ། ཏྲི་དྷ་ཡེ་ཏྲི་དྷ་ཡེ། སརྦ་ཏི་སརྦ་ཏི། སརྦ་ཏ་སརྦ་ཏ། གུ་ཎི་གུ་ཎི། ཏྲི་ས་མ་ཡེ་ཏྲི་ས་མ་ཡེ། ཏྲི་ཁེ་ཏྲི་ཁེ། མཱཾ་གེ་མཱཾ་གེ། ཁ་དྟཱི་ཤི་ཁེ་ཁ་དྟཱི་ཤི་ཁེ། ས་མནྟཱ་ཏཱི་ས་མནྟཱ་ཏཱི། ཨེ་ཧྱེ་ཧི་
བ་ལ་བ་ཏི། ཏཱི་ཏྟཱི་རེ་ཏཱིཏྟཱི་རེ། ཏྲཱི་ཤེ་ཁེ་ཏྲཱི་ཤེ་ཁེ། བཛྲ་མཎྜ་ཎེ་ཨ་ཙེ་ལི་ཀི། ན་མོ་སྟཱ་ཨ་མོ་གྷཱ་ནཱཾ་མ་ཧཱ་ས་མ་ཡ། སིདྡྷེ་ཛྭཱ་ལཱ་ཡཱ་པྲ་ཏི་ཧ་ཏ་ཨ་གྲཱ་ས་ནེ་སཝཱ་ཧཱ། རྡོ་རྗེ་ཡན་ལག་ཅེས་བྱ་བའི་ཕོ་ཉ་མོའི་འོ། །མཐའ་ཡས་རྟོག་པ་འདི་དག་ཀུན། །སངས་རྒྱས་སྤྱོད་ཡུལ་མཉམ་ཉིད་ལས། །
བསྒྲིབས་མེད་དཔའ་བོས་ཐམས་ཅད་དུ། །མ་ལུས་པ་རྣམས་བྱིན་གྱིས་བརླབས། །དམ་པའི་ཆོས་ཀྱི་སྲས་བཅས་པ། །དུས་གསུམ་སངས་རྒྱས་ཕོ་ཉ་མོ། །གཡོ་བ་མེད་པའི་སྨོན་ལམ་རྣམས། །བསྒྲུབ་པར་བྱ་བའི་དོན་དུ་གནས། །བརྩེ་ཆེན་རྣམས་ཀྱི་སྦྱིན་པ་འདི། །བདག་

</font><hr>87-1-224b<br><font size=+2>

ཉིད་ཆེ་བའི་ཡོན་ཏན་འདི། །བསྟན་པའི་སྙིང་པོར་གྱུར་པ་འདི། །མཁས་པས་གསང་བའང་འདི་ལས་མེད། །སྔོན་གྱི་མཐའ་འདི་གཤེགས་པ་ཡི། །དེ་བཞིན་གཤེགས་པའང་འདིས་ཐོབ་སྟེ། །བར་མཚམས་མེད་པའི་ལྗོན་པའི་ཤིང ། །འདི་ཡིས་རྒྱས་པར་བྱས་
པ་ཡིས། །བདེ་གཤེགས་རྣམས་ཀྱིས་སངས་རྒྱས་གཟུགས། །མི་ཁོམ་བརྒྱད་པོ་རྣམ་སྦྱོང་བ། །སེམས་ཅན་རྣམས་ལ་ཕན་དོན་དུ། །གཅིག་ཉིད་མང་པོ་བྱེད་ཚུལ་ཕྱིར། །ཕོ་ཉ་མ་འདི་དག་བསྒྲུབ་བྱ། །སེམས་ཅན་ཀུན་གྱི་དོན་གྱི་ཕྱིར། །སངས་རྒྱས་མ་ལུས་ཀུན་
དམིགས་ན། །བྱ་བའི་བདག་ཉིད་ཅན་གྱིས་འགྲུབ། །ཕོ་ཉ་མོ་རབ་འབྱམ་གྱི་རིམ་པར་ཕྱེ་བའོ།། །།དེ་ནས་དཀྱིལ་འཁོར་བཀའ་ཉན་བསམ་གྱིས་མི་ཁྱབ་པ་འབྱུང་བར་འགྱུར་ཏེ། ན་མཤྩ་ཎྜ་ཨནྟ་ཀཱ་ནཱཾ། ས་མ་ས་མ་མཱ་ཧཱི་ཏ། ཨ་ཙ་ལ་མ་ཧཱ་བ་རཱ་ཙེཊྚ་ཀ་གཱ་ཏ་ཡ་བཱི་ར་སྤ་ཊ་
ཡ། སུ་ར་མཱ་ར་ཡ་མཱ་ར་ཡ། ར་ཎ་ཧཱུཾ་ཧཱུཾ། མཱ་ཊཱ་མཱ་ཊཱ། ཕཊ་ཕཊ། མི་གཡོ་བ་ཤུགས་ཀྱིའོ། །ན་མཿ ས་མནྟ་བཛྲཱ་ཎཱཾ། ཀ་ཎ་ཀ་ཎ། ཁ་ཎ་ཁ་ཎ། མ་ན་མ་ན། ཤུ་ར་ཏཱི་ཤུ་ར་ཏཱི། ར་མཱ་ཎཱ། ཀྲྀཥྞ་ཀ་རཱ་ལ། མ་ཧཱ་བ་ར་གརྦྷ། ཙཎྜ་སུ་བྷཱི་ཥ་ཎ་ཁ་ཧི་སུ་རོ་ཥཱ། ཀ་ཏཱ་ཀ་ཏཱ། 
མཱ་ཏཱ་མཱ་ཏཱ། ར་ཏཱ་ར་ཏཱ། སཝཱ་རཱ་ན་ཏྲ་ས་ཀ་ར་ཧཱུཾ་ཧཱུཾ་ཀ་ར་ཧཱུཾ་ཀ་ར་ཧཱུཾ་ཀ་ར། མཾ་ཏེ་མཾ་ཏེ་ཧཱུཾ་ཕཊ། སྟོབས་ཆེན་ཤུགས་ཀྱིའོ། །ན་མཿ ས་མནྟ་བཛྲཱ་ཎཱཾ། ཏྲཱི་ཤི་ར་ཏྲཱི་ཛ་ཏ། ཏྲི་ཤི་ཁ། ཏྲཱི་ནཱ་ཡ་ན་ཨུཏྨ་ཊ་ཏཱ། ཨུངྒི་ཧཱ་ཁཱ་ཧི་ཨ་ཙ་ལ། ཁ་ར་ཁ་ར། ཁཾ་ཁ་ར་ཁཾ་ཁ་ར། ཙཎྜ་མ་ཧཱ་མ་ཧཱ། བྷཱི་
ཥ་ཎ། ས་ར་མ་ཧཱ། བ་ར་ད་ཡ་ཀ་ཧེ་ཧེ་ཙེཊྚ། ཤྲི་ཎོ་ཧི་མ་མཱ་ཨ་ན་ལ་བི་ཥི་ཏྲཾ་སཝཱ་ཧཱ། བཀའ་ཉན་མེ་དཔུང་གིའོ། །ན་མཿ ས་མནྟ་བཛྲཱ་ཎཱཾ། ཨ་གྲ་པ་ལ་ཨ་ཙ་ལ། ཨེ་ཧི་ཨེ་ཧི། ཏི་ཏི་ས་མཱ་ས་མཱ། རཾ་ག་རཾ་ག། ཏ་ཊ་ཏ་ཊ། ཏ་མཱ་ཏ་མཱ། ཏི་སི་ཡ་ཏི་སི་ཡ། སི་མི་ཡ་སི་མི་ཡ། 
ཁེ་ལ་ནཱ་ཁེ་ལ་ནཱ། ཨ་ཙ་ལེ་སཝཱ་ཧཱ། ཁ་དོག་ཅན་ནོ། །ན་མཿ ས་མནྟ་བཛྲཱ་ཎཱཾ། ཨ་ཏི་ཨ་ཏི། ཏྲཱི་བྷྲཱ་ཧ་ར་ཏྲཱི་བྷྲཱ་ཧ་ར། ཨ་ཏི་ཨ་ཏི། ཤཱུ་ར་བ་ཤཱུ་ར་བ། ཨ་ཏི་ཨ་ཏི། བི་ར་ཀུ་རུ་ཀུ་རུ།ཤཱནྟ་ཏི་ཤཱནྟ་ཏི། བི་ཥ་མ་ཨ་ཙ་ལ་བཱ་རཱ་ཙ་ཊཱ་མ་ཧཱ་ཏེ་ཛ་ཀ་རོ་ཧི་མེ་ཨ་ཐཱ་ར་སཝཱ་ཧཱ། གདུག་པ་

</font><hr>87-1-225a<br><font size=+2>

མི་གཡོ་བའོ། །ན་མཿ ས་མནྟ་བཛྲཱ་ཎཱཾ། ཨོཾ་ཛ་ན་གི་རི་སྱཱ་མ། ཨེ་ཧི་མ་ཧཱ་ས་མ་ཡ་ཙེ་ཏ་ག་ཏི་ག་ཏི། ར་ཏི་ར་ཏི། ཨ་ས་ཧཱ་ཨ་ས་ཧཱ། ་་ཨ་ཙ་ལ་ཨ་ཙ་ལ། ཧཱུཾ་ཀ་ར། ཨ་ཐ་ར་ས་མ་ཨུ་ནན་ཏ་སཝཱ་ཧཱ། དམ་ཚིག་ཅན་ཞེས་བྱ་བའི་བཀའ་ཉན་ནོ། །ན་མཿ ས་མནྟ་བཛྲཱ་
ཎཱཾ། སུབྷྲ་ཊ་སུ་བྷྲ་ཊ། ཏ་ར་ཏ་ར། བ་ར་བ་ར། ཛ་ཡ་ཛ་ཡ། ཨ་ཛི་ཏ་ཀ་ར་ཀ་ར། མ་ཧི་ཏ་ས་མཱ་ས་མཱ། གུ་ཎི་ཏ། དུ་ན་དུ་ན། དུ་ར་དུ་ར། ཨ་ཙ་ལ། ཏ་ཊ་ཏ་ཊ། ཏི་ཊཱ་ཏི་ཊཱ། ཙ་ཊཱ་ཙ་ཊཱ། ཧཱུཾ། ཀུ་རུ་ཀུ་རུ། སརྦཾ་ཏྲི་ས་མ་ཡ་སཝཱ་ཧཱ། མི་ཕམ་པའི་སྟོབས་ཞེས་པའི་བཀའ་ཉན་
ནོ། །ན་མཿ ས་མནྟ་བཛྲཱ་ཎཱཾ། གརྦྷི་ཏཱ་གརྦྷི་ཏཱ། ཏྲི་ལོ་ཙ་ན་ཏྲི་ལོ་ཙ་ན། མ་ཧཱ་མ་ཏཱི་པྲ་ཙཎྜ་ཤཱུ་ར་མ་ཧཱ་ཏེ་ཛ་མ་ཧཱ་བ་ལ་ཨཱདྨོ་ཏྲ་ཡ་ཏྲ་ཡ། ཨ་མི་ཏ། ས་མ་ས་མ། མི་ཧཱི་ཏཱ། ཀུ་རུ་ཀུ་རུ། སརྦཾ་ཏི་ཛ་ཏི་ཛ། ས་མ་ཏཾ་ས་མ་ཏཾ། ཧེ་ཧེ་ཀ་རཾ་ཀ་རཾ། ཧོ་ཧོ། ཏ་ར་ཏ་ར། མ་མ་ས་རཾ་ས་རཾ། ཨ་ས་
མ་པ་ལ། ཨུཏྟ་ག་ཏ། མ་ཧཱ་ཏྲོ་ཤོ་ཎཱཾ། ཛྭཱ་ལ་ཨཱ། སཱ་དྷ་ཡ་ཧཱུཾ། ན་མཿ སརྦ་ཏ་ཐཱ་ག་ཏེ་བྷྱཿ ། ཨ་ནནྟ་མ་དྷྱ་དྷ་རྨེ་བྷྱཿ སཝཱ་ཧཱ། སྟོབས་མཉམ་པ་མེད་པས་མཐོང་བ་ཞེས་བྱ་བའི་བཀའ་ཉན་ནོ། །ན་མཿ ས་མནྟ་བཛྲཱ་ཎཱཾ། ཏྲཱ་སརྦ་ཏྲ་ག་སུ་ཙེ་ཏ་མ་ཧཱ་བ་ལ། བི་ཤོ་ན། ཨ་ཏི་ཨ་ཏི། ཨུ་
གྲ་ཨ་ཏི་ཨ་ཏི། ཨ་གྲ་ས་མ་ས་མ་ས་མ་ཡ། དྷ་ར་དྷ་ར། ཀ་ར་ཀ་ར། བ་ར་ད། ཀུ་རུ་ཀུ་རུ། ཕེཾ་ག་ལ་ན་ཡ་ན་ཡ། ཏམྦྷི་ཨ། དྷུ་ན་དྷུ་ན། ཏ་ར་ཨངྒ་ཡཱ་ཧཱུཾ། མཏྟཾ་མཏྟཾ། གཱ་མི་ན་སཝཱ་ཧཱ། མ་ཏང་ག་མྱོས་འགྲོ་ཞེས་བྱའོ། །ན་མཿ ས་མནྟ་བཛྲཱ་ཎཱཾ། ཏ་ཏ་ཏ་ཏ། ས་ཏ་ས་ཏ། 
སུ་ར་བྷི་ན་སུ་ར་བྷི་ན། ན་ཊ་ན་ཊ། ཏངྒི་ཡ་ཏངྒི་ཡ། མ་ཧཱ་བ་ལཱ། ཛ་ཛ་ཨ་གྲ། མ་ཧཱ་ཛེ་ཏ་ན་ལ་ཧཱུཾ། བི་ན་ཛ་པ་ཡ། ས་ར་ས་ར། དྷ་ར་དྷ་ར། ཏ་ར་ཏ་ར། ཧ་ར་ཧ་ར། ཏི་ཨུ་ཏི་ཨུ། ས་ར་དྷ་ཡ་ན་མ་ཨ་ནནྟ་བཛྲ་ཨ་ཙ་ལ་སཝཱ་ཧཱ། མཐའ་ཡས་རྡོ་རྗེ་མི་གཡོ་བ་ཞེས་བྱའོ། །ན་མཿ 
ས་མནྟ་བཛྲཱ་ཎཱཾ། ཨ་ཏི་ཤ་ཡ་ཨ་གྲ་མ་ཧཱ་གྷཱུ་ཪྞཱཾ། པཎྜི་ཏ་པྲ་བ་ར་ཙེ་ཏ་ས་དྷ་ས་མ་ཧཱ་ཨ་ཙ་ལཱ་ཨ་ཏི་ཨ་ས་ཀྵ་ཏྲི་ཡཏྟྭཱ་ཛ་ཀ་ཛི་ན་ཏེ་ས་མ་བྷ་བནྟི། སུ་དྷ་ར། ཙེ་ཏ་ཀ་ཡ་ན་མ་སཝཱ་ཧཱ། མཐར་བྱེད་ཅེས་བྱ་བའི་བཀའ་ཉན་ནོ། །ན་མཿ ས་མནྟ་བཛྲཱ་ཎཱཾ། ཨ་ཏི་ཀུ་ནཱཾ་སྨ་ཧྷ་མཱཾ་ཨཱུ་ཏི་མོ་ལི། ཀེ་ས་

</font><hr>87-1-225b<br><font size=+2>

མ་ཡ། ཙེ་ཏི་བ་ར་ཨུངྒ་ཏི། མ་ལཱི་ཌ་ཏེ་ཨ་ཙ་ལི། ཏ་མ་ལེ་དེ་ཧི་བ་རཾ་བ་རི་ཏྲི་བ་ལེ་ཀ་ན་ཏི། ས་མ་ནཱ་ཡ་ཎཽ་ཛྭ་ལེ། མཐའ་ཡས་པའི་འོ། །ན་མཿ ས་མནྟ་བཛྲཱ་ཎཱཾ། ཨ་ནནྟ་ཏྲི་ས་མ་ཡ། ཨ་གྲོ་ཏ་ར་ཏེ་ཨ་ཙ་ལ་ཙེ་ཏཱི། ཨ་མ་ལཱ། ཏེ་ཛེ་ཏེ་ཛེ། ཧ་ས་ཧ་ས། ཏི་ཤི་ཏི་ཤི། ཧེ་
ཧེ། ཨ་ན་ཡཱ་བཛྲ་མ་ཧཱ་བ་ལ་བེ་ག། ཏྲཾ་བི་ནི་ཏྲཾ་རཱུ་ཙེ་ནི། ཏྲི་རཱུ་ཙེ་ནི། གྷོ་རེ་གྷོ་རེ། གྷཱ་ཏ་ཡ་གྷཱ་ཏ་ཡ། ཏྲ་ཀི་ཏྲ་ཀི། བཛྲ་བཛྲ། བ་ར་ཨངྒ་ག། ཀ་ར་ཀ་ར། ཨ་གྲ་གུ་ཎེ། ས་མ་ཡ་ས་མ་ཡ། ཏྲ་ཡི་ཎཱཾ་ཏྲ་ཡི་ཎཱཾ། ས་མི་རྞཾ་ས་མི་རྞཾ། ཏྲ་ཏ་ཏྲི་མེ་ཏྲཱཾ་མེ་ཏྲཱཾ་མ་ཏྲཱི། ཨ་ས་ཧཱ་
ཡི་གེ། ཧཱུཾ་ཧཱུཾ་ཧཱུཾ། སརྦ་ཏྲ་བི་ཀྲཱནྟ་བ་ལ་ནི་སྥུ་ཊ་ཡ། ཧཱུཾ་ཧཱུཾ་ཧཱུཾ། ན་མཿ སརྦ་ཏྲ་ཨ་པྲ་ཏི་ཧ་ཏ་ཤཱ་ས་ནེ་བྷྱཿ ། མ་ཧཱ་བ་ལེ་བྷྱཿ སཝཱ་ཧཱ། རྡོ་རྗེ་ཡན་ལག་ཅེས་བྱ་བའི་བཀའ་ཉན་མོའིའོ། །ན་མས་མནྟ་བཛྲཱ་ཎཱཾ། ཏྲི་པ་ཏཱཾ་ཧཱུཾ་བཛྲ་མ་ཧཱ་ཨ་མྲྀ་ཏ་ཏེ་ཛོ་ཧཱུཾ། ཨ་ཙ་ལ་ནི་ཧཱུཾ། ཏི་ཊི་མ་ཧཱ་ཨཱཏྨེ། 
ཏྲི་བ་ཏྲི་བ། ཏྲིངྒི་ཏྲིདྒི། ཨ་ཙི་ཏེ་ས་མ་ར་ཏི། ཤཱ་ས་ནི་མོ་དྷེ་མོ་དྷེ། བ་ར་དེ་བ་ར་དེ། ཨ་མ་ལི་ནི། ཀཱ་རུ་ཎེ་སརྦ་མ་ཧཱ་བ་དཱ་ཏི་བུ་སྲི་ཎུ་སྲི་ཎུ། དྷ་ར་དྷ་ར། དྷ་ནི་གུ་ཎི་གུ་ཎི། ན་མཿ སརྦ་ཏྲ་ཨ་པྲ་ཏི་ཧ་ཏ་ཤཱ་ས་ནེ་བྷྱོ་མ་ཧཱ་བེ་བྷྱོ་སཝཱ་ཧཱ། ད་ར་དཔྱངས་པ་ཞེས་བྱ་བའི་བཀའ་ཉན་མའོ། །ན་མཿ 
ས་མནྟ་བཛྲཱ་ཎཱཾ། ཨ་གྲ་དྷེ་བི་ཤཱ་ཡ། སརྦ་ཨ་མོ་གྷ་སཱ་དྷ་ནི་སིདྡྷི་ནི་ཛྭཱ་ལ་ཡ། ཨ་པ་མཱ་ལ་བཱི་རེ། ཨ་ཙ་ལེ་སུ་དྷ་ར་དYཱི་ཀེ། ཏིཏྟ་ཀེ་ཧནྟ་རི་ཀེ། སནྡྷ་ནི་ཨ་ས་མཾ་གུ་ནེ་ཏདྟི་ཀེ། སཱ་དྷུ་སཱ་དྷུ། མ་ཧཱ་བ་ལ་བེ་གེ། ཨ་ཏི་ཨ་ཏི། ས་མ་ས་མ། ཏེ་ཛེ་ན་མ་སརྦ་ཏྲ་སིདྡྷི་བྷྱཿ སཝཱ་ཧཱ། གྲུབ་
པ་མོ་ཞེས་བྱ་བའི་བཀའ་ཉན་མོའི་འོ། །ན་མཿ ས་མནྟ་བཛྲཱ་ཎཱཾ། ཨ་ཙེ་ལ་ཙེ་ཏི་ཀེ་ཧཱུཾ་ཨ་ན་ཡ་ཏཾ། ཡདྨེ་ཧྲི་དྷི་མི་ཎཱི་ཤི་ཏཾ། དྷ་བ་དྷ་བ། ཨ་ས་ལ་ཡི་གེ་ཙཎྜེ་སརྦ་ཏྭཾ། སརྦ་ཨ་པྲ་ཏི་ཧ་ཏ་ཤཱ་ས་ནི་ཧཱུཾ་མ་ཧཱ་ཏཱི་བྲེ་སཝཱ་ཧཱ། ན་མཿ ས་མནྟ་བཛྲཱ་ཎཱཾ། ཨ་མནྟ་བཛྲཱ་ཎཱཾ། ཨ་ནནྟ་ཀེ་ཨ་ཙ་ལ་ཀ་ནི་རོ་ཥ་ཎེ་ཧཱུཾ་ཧཱུཾ་བནྡྷ་ཨ་ན་ཡ། 
ཤཱ་ས་ཡ། ཤཱ་ས་ནེ། མ་ཧཱ་ཨ་གྲེ་ཙེ་ཊ། ཀ་ཊཱ་ཀ་ཊཱ། མ་ཏཱ་མ་ཏཱ། བྷཉྫ་བྷཉྫ། ཨ་མ་ལི་ཀེ་སྤོ་ཊཱ་ཡ་སཝཱ་ཧཱ། ཤུགས་ཤིན་ཏུ་མཐའ་ཡས་པ་ཞེས་བྱ་བའི་བཀའ་ཉན་མོའི་འོ། །ན་མཿ ས་མནྟ་བཛྲཱ་ཎཱཾ། ཨ་ལོ་ཀི་ཏྲི་ཤི། སཏྭ་ཧི་ཏསྠ་པཱི་ཏཱ་སི་ས་སཱ་དྷ་ཨ་ཙ་ལ་ཨ་མ་ལཱ། ཤ་གུ་ཎཱཾ།

</font><hr>87-1-226a<br><font size=+2>

་གྲ་བཱི་རི་བཛྲ་མ་ཧཱ་མ་ཧཱ་མ་ཡི་སརྦི་ཡེ་སརྦི་ཡེ། སནྟི་ཡེ་སནྟི་ཡེ། ཏནྟི་ཡེ་ཏནྟི་ཡེ། དུཏྟི་ཡེ་དུཏྟི་ཡེ། ཡོཏྟི་ཏི་ཡེ་ཡོཏྟི་ཏི་ཡེ། ཛ་ཏི་ཨ་ས་མནྟི་ཡེ་སཝཱ་ཧཱ། དེ་དང་པོ་ན་མ་ཞེས་བྱ་བའི་བཀའ་ཉན་མོའི་འོ། །ན་མཿ སརྦ་བུདྡྷ་བོདྷི་སཏྭཱ་ནཱཾ། ཨཱརྱ་ཨདྒི་ནི། མ་ཏཱ་བཛྲ་
་ལཱི་ཨ་མ་ལཱི་ནཱི། ཀཱ་རུ་ཎ་ས་མ་ཡོ་ག་ག་ཎེ། ཨ་ས་མེ། བ་ར་དེ་བི་ར་ཛེས་གུ་ཎེ། ཨཱཛྙཱ་ག་རི། མ་ཧཱ་མ་དྷ་མཏྟི་ཀེ་ཛྭཱ་ལ་ཛྭཱ་ལ་ཡ། ཏི་དྷི་ཏི་དྷི། ཙེ་ཏི་ཙེ་ཏི་ཀེ། ཀུ་རུ་ཀུ་རུ། སརྦཾ་མ་ཧཱ་མ་ཧཱ། མ་ད་ཡ་ནྟི་ཀེ་སཝཱ་ཧཱ། མྱོས་འགྲོ་མ་ཞེས་བྱ་བའི་བཀའ་ཉན་མོའོ། །ན་མཿ 
ས་མནྟ་བཛྲཱ་ཎཱཾ། ཨརཱ་མི་ཏི་ཨ་རཱ་མི་ཏི། ཤོ་བཱ་ཏི་ཤོ་བཱ་ཏི། ཀྵ་བྷ་ཏི་ཀྵ་བྷ་ཏི། ཙེ་ཏི་མ་ཧཱ་ཤྲི། ཨརྩ་ཏི་ཨརྩ་ཏི། ནརི་ཏ་ཡ་ཏི་ནརི་ཏ་ཡ་ཏི། ཁེ་ལ་ཏི་ཁེ་ལ་ཏི། གུ་ཡྱ་གུ་ཡྱ། གྲི་ཏ་ཏ་རཱི། མ་ཏ་རི་མ་ཏ་རི། ས་ཏ་རི་ས་ཏ་རི། མཎྜ་རི་མཎྜ་རི། ས་མ་ཏི་ཨ་ཙ་ལི་ནི། བཛྲ་
་མ་ལི་ནི། ཤཱནྟི་ཨ་ས་ཧ་མ་ཧཱ་བཱ་རཱ་ས་མ་ཡ། ཨ་མ་ཧཱ་བ་ཙྪིནྡ་ནི་ཨ་བ་རཾ་དཱ་ད་ཏུ། ན་མཿ སརྦ་བུདྡྷ་བོ་དྷི་སཏྭེ་བྷྱཿ སཝཱ་ཧཱ། འཕགས་པ་བསམ་གྱིས་མི་ཁྱབ་པའི་དཔའ་བོ་ཞེས་བྱ་བའི་བཀའ་ཉན་མའིའོ། །ན་མཿ ས་མནྟ་བཛྲཱ་ཎཱཾ། ཨ་ཏི་བ་ལ། ཨ་ཙ་ལེ་སཱ་དྷ་ཡ་ཏཱི་ཏི་རེ་སཝ་མ་
ཡཾ་སཝཱ་ཧཱ། དཀར་མོ་ཆོས་ཅན་ཞེས་བྱ་བ་སྟེ། འདི་ནི་བཀའ་ཉན་རྣམས་ཀྱི་མཆོག་གོ། །ན་མཿ ས་མནྟ་བཛྲཱ་ཎཱཾ། ཏྲི་དྷ་ནི་ཏྲི་དྷ་ནི། ཏྲི་ཛཱ་ཊོ་ཏྲིཛཱ་ཊོ། ཏ་མཱ་ཡེ་ཏ་མཱ་ཡེ། ཏཾ་སུ་ནི་ཏཾ་སུ་ནི། མཱ་ཏཱི་མཱ་ཏཱི། ས་མ་ཡཾ་ཏྲི་ཧཱུཾ་ཛྭཱ་ལ་ནེ་སཝཱ་ཧཱ། རལ་པ་གསུམ་པ་ཞེས་བྱ་བའི་བཀའ་ཉན་མོའིའོ།།
ན་མཿ ས་མནྟ་བཛྲཱ་ཎཱཾ། ཨ་ཙ་ལ་ཀཱ་ཎ་ནཊྚ་ནཊྚ། མོཊྚ་མོཊྚ། ཤཊྚ་ཤཊྚ། ཏཱཊྚ་ཏཱཊྚ། ཏིཥྛ་ཏིཥྛ། ཨཱ་བི་ཤ་ཨཱ་བི་ཤ། ཨ་མ་ཧཱ་མནྟ་བ་ལི་ཀཱ་དུ་ཎཱ་དུ་ཎཱ། ཏི་ཎི་ཏི་ཎི། ཁཱ་ད་ཁཱ་ད། བྷ་གི་ཨ་ནཾ། མཱ་ར་མཱ་ར། ན་སྠ་རཀྵ་རཀྵ། སརྦཱཾ་ཀུ་རུ་ཀུ་རུ། ཀི་རི་ཀི་རི། མ་ཧཱ་བི་ཥ་མ་
བཛྲ་སྥོ་ཊ་ཡ། ཧཱུཾ་ཧཱུཾ་ཧཱུཾ། ཏྲི་བ་ལི་ཏཱ་རཱཾ་གཱ་ན་ར་ཏཱ་ཀ་ཧཾ་ཧཾ་ཧཾ། ཨ་ཙ་ལ་ཙེ་ཊ་ཕཊ་ཡ་ཧཱུཾ། ཨ་ས་མཱནྟ་ཀ། ཏྲ་ཊ་མ་ཏ་བ་ལ་ཤཝ་ཏ་ཡ་ས་མ་ན་ཡ་ཏཾ། མཾ་ཧཱཾ་ཏུ་ཛི་ན་མོ་སྟུ་ཨ་པྲ་ཏི་ཧ་ཏཱ་བ་ལེ་བྷྱྷཿ ། ཛྭཱ་ལཱ་ཏྲ་ཊཱ་ཨ་ས་ཧཱ་ན་མཿ སཝཱ་ཧཱ། མི་གཡོ་བ་ལོང་བ་པ་ཞེས་བྱ་བའི་བཀའ་མཉན་གདུག་པ་

</font><hr>87-1-226b<br><font size=+2>

ཐམས་ཅད་གསོད་པ་སྟེ། སྒྲུབ་པ་པོས་ངེས་པར་དྲན་པར་བྱ་བ་ནི་བགེགས་ཐམས་ཅད་གཞོམ་པར་བྱ་བའི་སྙིང་པོ་དོན་ཡོད་པ་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏ་ཊ་ཨ་མོ་གྷ་ཙཎྜ་མ་ཧཱ་རོ་ཥ་ཎ་སྥོ་ཊ་མྱཾ། ག་ཏྲ་མ་ཡེ་ཏྲ་མ་ཡེ། ཧཱུཾ་ཏྲ་མཱ་ཡཱ་ཏྲ་མཱ་ཡཱ། ཧཱུཾ་ཕཊ་ཧཱཾ་མཱཾ། སརྦ་བིགྷྣཾ་སྛ་
བྱིནྟུ་ལོ་ག་སྟུ་ཥ་ཏི་ཞུཙྪིཥྚ་པིཎྜེ་ནནྟུ་ཤ་ཏེ། ལྷག་མའི་ཆང་བུ་ལ་ལན་ཅིག་བཟླས་ནས་བྱིན་ན་དངོས་གྲུབ་བརྒྱད་རབ་ཏུ་འཐོབ་བོ། །རྟག་ཏུ་རྗེས་སུ་འབྲང་བས་ཕན་པས་ཉེ་བར་བསྡུས་པ་སྒྲུབ་པར་བྱེད་དོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ལུས་བྱིན་གྱིས་རློབ་པར་
ཡང་འགྱུར་རོ། །བཀའ་ཉན་མོ་རྣམས་རྫོགས་སོ།། །།དེ་ནས་ཕོ་ཉ་མོ་དང ། བཀའ་ཉན་ཕོ་མོ་དེ་དག་གི་ཐུན་མོང་གི་སྒྲུབ་པའི་ཕྱོགས་ཙམ་མདོར་བསྟན་པའི་རྟོག་པ་འབྱུང་བར་འགྱུར་རོ། །འདི་དག་ནི་བཀླགས་པས་འགྲུབ་པའོ། །ལས་ཐམས་ཅད་དོན་ཡོད་པར་
བྱེད་པ། ངོ་བོ་ཉིད་ཀྱིས་བསྲུང་བ་ལ་སོགས་པ་གྲུབ་པའོ། །གང་ཡང་བྱང་ཆུབ་སེམས་དཔའི་རིག་སྔགས་ཀྱི་སྤྱོད་པ་ལ་ལྷག་པར་མོས་པ་རྣམས་ལ་ཡིད་བཞིན་གྱི་ནོར་བུ་དང་འདྲ་བར་ཐོགས་པ་མེད་པར་དོན་ཡོད་པར་གྲུབ་པ་ཡིན་ཏེ། འཁོར་གྱི་ནང་དུ་ཉེ་བར་འོངས་ནས་འདུག་པར་ཡང་
བྱེད་དོ། །མཐོང་བར་ཡང་སྟོན་པར་བྱེད་དོ། །དེ་ལ་དགུག་པ་ལ་སོགས་པ་རྣམས་ལ་དམ་ཚིག་གསུམ་ཞེས་བྱ་བའི་ལྕགས་ཀྱུ་ཡིན་ནོ། །ན་མཿ ས་མནྟ་ཨ་མོ་གྷ་ཨ་པྲ་ཏི་ཧ་ཏ་བཛྲཱ་ཎཱཾ། ཨ་པྲ་ཏི་ཧ་ཏ་ཨཾ་ཀུ་ཤི་ཨཱ་ན་ཡ་ཧཱུཾ། ཨ་མོ་གྷ་མ་ཧཱ་བ་ལ་ཨཾ་ཀུ་ཤི་ཨཱ་ན་ཡ་ཧཱུཾ། མ་ཧཱ་ཏྲི་
ས་མ་ཡཾ། ཨཾ་ཀུ་ཤི་ཨཱ་ན་ཡ་ཧཱུཾ། ཡཾ་ས་ཧཱུཾ། ས་མཱཾ་ཀི་ནི་ཧཱུཾ་ཧཱུཾ། ཏ་ཊ་ཏ་ཊ། བཛྲེ་བཛྲེ་ཏ། བཛྲེ་ཀ་ཊ་ཀ་ཊ། བཛྲེ་ཏ་ཊི་ཏ་ཊི། ཏཾ་ཀུ་རུ་ཀུ་རུ། ས་མ་ཡཾ་བཛྲ་མ་ཧཱ་བ་རཱ། བི་ཀྲ་མེ་ཨཱ་ན་ཡ་ཤཱིཤི་གྷྲཾ། སྟཾ་བྷ་ཡ་ས་ཏ་ན་བ་དྷ་ཡ་སཝཱ་རེ། ཏྲི་བ་ལི་ནི་མོ་ཙི་ནི་མོ་ཙ་ཡ། བནྡྷ་ན་ད་ཨ་ནནྟ་མ་
ཏི་ནི་ཨ་ས་མ་ཨདྒེ་ཏྲི་ས་མཱ་ཡེ། མ་ཧཱ་བཱ་ལཾ། ཨདྐུ་ཤི་ཨ་ས་ཧ་ས་མ་ཨཾ་ནཱུཾ་ཧཱུཾ། ཧ་ར་ཧ་ར། ས་མེ་ཏྲཱ་ཧི་ཏྲཱ་ཧི། མ་ཧཱ་བ་ལ་ཨདྐུ་ཀུ་ཤི་ཧཱུཾ། ཨ་ཀརྵ་ས་ས། ས་མནཱི་ནི་སཝཱ་ཧཱ། དམ་ཚིག་གསུམ་གྱི་ལྕགས་ཀྱུ་ཞེས་བྱ་བའོ། །འདིས་ས་བཅུ་ལ་རབ་ཏུ་གནས་པའི་བྱང་ཆུབ་སེམས་

</font><hr>87-1-227a<br><font size=+2>

དཔའ་རྣམས་ཀྱང་འགུགས་པར་བྱེད་ན། ཕོ་ཉ་ཕོ་མོའི་རིགས་དང ། བཀའ་ཉན་ཕོ་མོའི་རིགས་རྣམས་འགུགས་པ་ལྟ་སྨོས་ཀྱང་ཅི་དགོས་ཏེ། མི་འགུགས་པ་གང་ཡང་མེད་དོ། །སྟོབས་ཆེན་པོའི་ལྕགས་ཀྱུ་འདིས་སྔར་གྱི་དཀྱིལ་འཁོར་གྱི་སྙིང་པོ་དེ་དག་ཐམས་
ཅད་ཀྱི་སྙིང་པོར་གྱུར་པ་འདི་ཡིན་ནོ། །ནམཿ ས་མནྟ་བཛྲ་ཎཾ། སིདྡྷི་ད་སིདྡྷི་ད། སརྦ་ཐ་ཨེ་དུ་མེ། ཨ་མ་ལི་ན་ཤོ་དྷི་ཀ། སིདྡྷི་ཀ། སརྦ་ཐཱ་སརྦ་ཧི། སཾ་གྷ་ཏ་ཨ་མ་ལཱི་ནོ། ཁཱི་ལཱི་ཀཱ། ཨ་ནནྟི་ཀ་ཏ་ཏྲི་དྷ་ཨ་ནནྟ་བེ་བེ། ཤ་ར་ཎེ་ཏྲི་ས་ཧཱ་ཎེ། ་ས་ཧཱ་ནེ་ས་ཧཱ་ནེ། ཏྲ་ས་ཏྲ་ས། ཏྲི་
ས་ཧཱ་ཎེ་ཏྲི་ས་ཧཱ་ཎེ། མཎྜི་ནི་མཎྜི་ནི། ཧ་ས་ཧ་ས། ཨ་ས་མ་བ་ལ། ཨཱཏྨེ་ཏྲི་ས་མ་ཡ་ཏེ་ཛེ། ཤོ་དྷ་ཡ་ཤོ་དྷ་ཡ། རཱ་ཛ་ཡ་ཧཱུཾ། ཏྲི་ས་མ་ཡ་ཨགྣི་སཝཱ་ཧཱ། འདི་བཟླས་པས་ཕོ་ཉ་དང ། ཕོ་ཉ་མོ་དང ། བཀའ་ཉན་མོ་ཐམས་ཅད་ལེགས་པར་བཟླས་པར་འགྱུར་རོ། །བསྒྲུབ་པ་བྱས་
ན་ལེགས་པར་སྒྲུབ་པར་འགྱུར་རོ། །རྟོག་པའི་ཆོ་ག་འདི་དག་གིས་དེ་བཞིན་གཤེགས་པའི་མཛོད་ཀྱི་སྙིང་པོ་རབ་འབྱམ་གྱི་དངོས་གྲུབ་སྒྲུབ་པར་འགྱུར་རོ། །དངོས་གྲུབ་མཆོག་ལ་སོགས་པའི་དངོས་གྲུབ་བརྒྱད་རབ་ཏུ་ཐོབ་པར་འདོད་པ་དང ། མི་ལུས་ཐོབ་པ་དོན་ཡོད་པར་བྱ་བར་འདོད་
པ་དང ། བདེ་བའི་མཐར་ཕྱིན་པར་འགྲོ་བར་འདོད་པས་དད་པས་བྱང་ཆུབ་ཀྱི་སེམས་ཀྱིས་ཡོངས་སུ་ཟིན་པའི་སེམས་ཅན་གྱི་དོན་ལ་མངོན་པར་མོས་པས་བརྩོན་འགྲུས་དང་ལྡན་པའི་སྐྱེས་བུ་དམ་པས་དོན་ཡོད་པར་གྲུབ་པ་འདིས་འབད་པར་བསྒྲུབ་པར་བྱའོ། །དེ་ནས་འདི་དག་གི་ཐུན་མོང་
གི་རས་རིས་འབྱུང་བར་འགྱུར་རོ། །ངུར་སྨྲིག་གི་གོས་ལ་ཕོ་ཉ་རིན་པོ་ཆེའི་བྲག་ལ་གནས་པ་སྔོ་བསངས་རྒྱན་ཐམས་ཅད་ཀྱིས་བརྒྱན་པ། བཅོམ་ལྡན་འདས་ལ་ཐལ་མོ་སྦྱར་བས་ཕྱག་འཚལ་བའི་ལུས་ཅུང་ཞིག་འདུད་པ་བྲི་བར་བྱའོ། །ཕོ་ཉའི་མིང་གི་ཁྱད་པར་གྱིས་རས་རིས་ཀྱང་དེ་དང་
འདྲ་སྟེ། དེ་བཞིན་དུ་རྒྱན་ཐམས་ཅད་ཀྱིས་བརྒྱན་པ་འོད་ཀྱི་ཕྲེང་བ་ཅན། ལག་པ་གཡས་པ་ན་རྡོ་རྗེ་ཐོགས་པ། གཡོན་ན་རིན་པོ་ཆེ་ཐོགས་པ། ཅུང་ཞིག་ལུས་འདུད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བཀའ་སྒྲུབ་པར་བྱེད་པ་མདོག་སྔོ་བསངས་བྲི་བར་བྱའོ། །

</font><hr>87-1-227b<br><font size=+2>

དེ་བཞིན་དུ་ངུར་སྨྲིག་གི་གོས་ལ་བཀའ་ཉན་ཁྲོས་པ་ནག་ལྗང་གཞོན་ནུའི་གཟུགས་ཅན་ལག་ན་རྡོ་རྗེའམ། རལ་གྲིའམ། ཞགས་པའམ། མདུང་དང ། གྲི་གུག་ཐོགས་པ་བྲི་བར་བྱ་ཞིང ། མིག་དམར་བ་ཁྲོས་པ་འབར་བས་བསྐོར་བ། བྲག་གི་སྟེང་ན་གནས་པ། གོས་
སེར་པོའམ། དམར་པོའམ། སྔོན་པོ་གྱོན་པ་བྲི་བར་བྱའོ། །བཀའ་ཉན་མོ་རྣམས་ཀྱང་དེ་བཞིན་དུ་ཁྲོས་པ་གཞོན་ནུའི་ལུས་ཅན་རྒྱན་དང་བྲལ་བ། ནག་ལྗང་ཤིང་གྱོན་པ། མེ་ཏོག་གི་ཕྲེང་བ་ལག་ན་ཐོགས་པའམ། སྐ་རགས་སམ། དར་དཔྱངས་སམ། སྡོང་བུ་འམ། 
ཀུ་ཤའམ། རལ་གྲིའམ། ཞིབ་མའམ། ཕྱག་ཤིང་ངམ། མཇུག་སྒྲོ་ལག་ན་ཐོགས་པར་བྱའོ། མངག་གཞུག་པ་རྣམས་གང་འདོད་པ་གཅིག་བྲིས་ལ། རང་འདོད་པའི་སྔགས་གཅིག་བཟུང་ནས་རས་རིས་དེ་ལ་བསྒྲུབ་པར་བྱ་སྟེ། རྡོ་རྗེ་དང ། འཁོར་ལོ་དང ། ཁ་ཊྭཱཾ་
ག་དང ། ལྕགས་ཀྱུ་དང ། མདུང་ལ་སོགས་པ་དང ། ལྡོང་རོས་ལ་སོགས་པའི་རྫས་ཐམས་ཅད་ལ་སྔར་བསྟན་པའི་ཆོ་གའམ། ཡིད་ལ་གང་འདོད་པའི་ཆོ་ག་བསྒྲུབ་པར་བྱ་སྟེ། མི་སྣང་བའི་དངོས་གྲུབ་ལ་སོགས་པའམ། ནོར་བསྒྲུབ་པའམ། དབང་དུ་བྱ་བ་ལ་སོགས་
པ་གང་ཡང་རུང་བ་བསྒྲུབ་པར་བྱའོ། །རབ་ཏུ་སྟོང་ཞིང་དབེན་པར་རས་རིས་མེད་པར་ཡང་ཐམས་ཅད་བསྒྲུབ་པར་བྱ་སྟེ། ཐ་ན་གཙུག་ལག་ཁང་ངམ། བྲང་ཁང་གི་ཕུགས་ལ་སོགས་པའི་གནས་རྣམས་སུ་བསྒྲུབ་པར་བྱའོ། །གང་དག་རིམས་ཀྱིས་ཟིན་པ་དེ་ལ་དབབ་པར་འདོད་ན་
མེ་ལོང་དང་རལ་གྲི་ལ་སོགས་པ་དང ། རི་མོ་དང ། ལུགས་མ་ལ་སོགས་པ་རྣམས་ལ་གཞོན་ནུའམ། གཞོན་ནུ་མ་མེ་ཏོག་བཀྲམ་པའི་དཀྱིལ་འཁོར་གྱི་དབུས་སུ་བཞག་ན་ནུབ་མོ་འབེབས་པར་ཡང་བྱེད། སྨྲ་བར་ཡང་བྱེད་དོ། །ལྷ་དང་ཀླུ་ལ་སོགས་པ་འགུགས་པར་ཡང་བྱེད་དོ། །
འཆིང་བར་བྱེད། ལྟུང་བར་བྱེད། གསོད་པར་བྱེད། གཏུམ་པོས་འཚེ་བར་བྱེད་དོ། །དེ་ནས་བགྱི་བ་ཅི་མཆིས་པ་བདག་གིས་བགྱི་ཞེས་སྒྲུབ་པར་བྱེད་དོ། །དེའི་ཕྱིར་བཀའ་ཉན་ཕོ་མོ་དེ་དག་བསྒྲུབ་པར་བྱ་སྟེ། ཚེས་གཅིག་ནས་བརྩམས་ནས་སྔ་དྲོའི་ཐུན་ལ་རས་རིས་ཀྱི་མདུན་

</font><hr>87-1-228a<br><font size=+2>

དུ་མེ་ཏོག་གིས་མངོན་པར་བརྒྱན་པའི་དཀྱིལ་འཁོར་བྱས་ནས་ལན་བརྒྱའི་བར་དུ་རྗེས་སུ་བརྗོད་པར་བྱའོ། །ཟས་ཟོས་པའི་རྗེས་ལ་ཡང་ལན་བརྒྱ་མངོན་པར་བརྗོད་པར་བྱའོ། །ཕྱི་དྲོའི་དུས་སུ་ཡང་ལན་བརྒྱ་བརྗོད་ལ་དེ་ཉིད་དུ་སངས་རྒྱས་དང་བྱང་ཆུབ་སེམས་
དཔའ་རྣམས་ལ་ཕྱག་བྱས་ནས་གཉིད་ལོག་པར་བྱའོ། །དེ་ལྟར་ཉིན་རེ་ཞིང་ཟླ་བ་ཉའི་བར་དུ་ཟླ་བ་གཅིག་ཏུ་ཆོ་ག་བཞིན་དུ་བྱའོ། །ཟླ་བ་ཉ་ལ་ཅི་ལྟར་འབྱོར་པ་བཞིན་དུ་མཆོད་པ་བྱས་ལ། ནིམ་པའི་ཤིང་ལས་མེ་སྦར་ལ། ཨར་ཀའི་ཡམ་ཤིང་དང་བཅས་པའི་ཡུངས་ཀར་
རེ་རེ་བསྲེགས་ན་སྲོད་ནས་བཟུང་ནས་ནམ་ཕྱེད་དམ་ཉི་མ་ཤར་ཀར་ངེས་པར་འོང་བར་འགྱུར་རོ། །གལ་ཏེ་འོང་བར་མ་གྱུར་ན་འཆི་བར་འགྱུར་རོ། །འོངས་ནས་བདག་ལ་བཀའ་སྩོལ་ཅིག་ཅེས་ཟེར་ན་དེ་དང་དེ་བརྗོད་པར་བྱའོ། །བདག་ནི་ཅི་ཡང་བགྱིད་དོ་ཞེས་ཟེར་ན་དེ་ནས་བཟུང་སྟེ་རྗེས་སུ་
འབྲེལ་བར་འགྱུར་རོ། །ཅི་བཀའ་སྩལ་པ་བྱེད་པར་འགྱུར་རོ། །ལྷའི་འཇིག་རྟེན་རྣམས་ཀྱང་འབྲི་ཞིང་སྨྲ་བར་བྱེད་དོ། །སྟེང་གི་མཚམས་སུ་ཡང་ཁྲིད་པར་བྱེད་དོ། །བྱ་བ་ཐམས་ཅད་ཀྱང་བྱེད་དོ། །ཇི་སྲིད་སྨྲ་བར་འདོད་པ་དེ་སྲིད་དུ་འདྲི་བར་བྱེད་དོ། །འདིས་གང་སྨྲས་པ་དེ་དེ་བཞིན་
དུ་འགྱུར་གྱི་གཞན་དུ་མི་འགྱུར་རོ། །རིའི་གསེབ་ཏུ་འབུམ་བཟླས་ནས་རལ་གྲི་བླངས་ཏེ་མཚན་རངས་པ་སྦྱིན་སྲེག་བྱེད་ཅིང་འདི་ཉིད་ཀྱིས་གང་འདོད་པའི་ཆོ་ག་དེས་བསྒྲུབས་ན་རིག་པ་འཛིན་པར་འགྱུར་རོ། །དུར་ཁྲོད་དུ་འདུག་ནས་མེ་ཏོག་གིས་མངོན་པར་བརྒྱན་པའི་དཀྱིལ་འཁོར་
ལ་འཁོར་ལོ་བཞག་ནས་ཇི་སྲིད་ཉི་མ་ཤར་གྱི་བར་དུ་བཟླས་ན་ཐོགས་ན་ཡང་མཚན་བདུན་གྱི་ནང་དུ་མི་སྣང་བར་འགྱུར་རོ། །དཀྱིལ་འཁོར་དེ་ཉིད་ལ་བ་བླ་བླངས་ལ་ཅི་སྲིད་དུ་བ་འབྱུང་གི་བར་དུ་བཟླས་ན་ཞག་བདུན་གྱི་ནང་དུ་ངེས་པར་འགྲུབ་པར་འགྱུར་རོ། །ཐལ་བས་ཚུད་གསུམ་བྱས་ན་མི་སྣང་བར་
འགྱུར་རོ། །དམ་ཚིག་གསུམ་བཀོད་པའི་རྟོག་པའི་རྒྱལ་པོ་ཆེན་པོ་ལས་ཕོ་ཉ་དང ། ཕོ་ཉ་མོ་དང ། བཀའ་ཉན་ཕོ་མོའི་རིམ་པར་ཕྱེ་བའི་ཕྱོགས་གཅིག་བསྟན་པའོ།། །།དེ་ནས་དེ་བཞིན་གཤེགས་པ་དོན་ཡོད་པར་གྲུབ་པ་ཡུལ་མཐའ་ཡས་པ་མཉམ་པ་ཉིད་དུ་དོན་ཡོད་

</font><hr>87-1-228b<br><font size=+2>

པར་གྲུབ་པས་མ་ལུས་པ་དུས་གསུམ་མཉམ་པ་ཉིད་ཐོབ་པའི་སྒོ། བདེ་བ་ནམ་མཁའ་ཐམས་ཅད་ཀྱི་རྒྱལ་པོ་མི་མཉམ་པ་དང་མཉམ་པ་རྨད་དུ་བྱུང་བ་འཇིག་རྟེན་གྱི་སྒོ་གཅིག་པུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་གཤེགས་པ། ལྷག་མ་མེད་པའི་མཐུ་འགྲུབ་པ་
ལ་སོགས་པ། དངོས་གྲུབ་ཐམས་ཅད་ཡང་དག་པར་ལེགས་པར་ཐོབ་པ། བྱིན་གྱི་རླབས་ཀྱི་རྒྱལ་པོ་ལ་སོགས་པ་ཞེས་བྱ་བ་ཐམས་ཅད་དུ་མཐའ་དང་དབུས་མེད་པའི་ཏིང་ངེ་འཛིན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིག་པ་ཐམས་ཅད་ཀྱི་སྙིང་པོ་
མཆོག་བླ་ན་མེད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་སྟབས་གཅིག་ཏུ་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱ་སཾ་མ་ཨདྦྷུ་ཏ་ཨ་ནནྟ་སིདྡྷི། ཏྲ་ཨ་ཤེ་ཥ་དྷརྨ་ཏཱཾ། 
་ས་མནྟོ་ག་ག་ནཱ་ཏཱ་མུ་ཁཾ་ས་མུ་པེ་ཏཱི་ཡེ་ཥུ་ས་ཏྭ། ཏཾ་ས་མནྟ་ཏཱ་སུ་ཁཾ་སིདྡྷི་དྷ་ན་གུ་ཎ་ཛ་ས་མ་ཨ་གྷི་ནི། ས་གྲིད་པྱ་ཧོ་གུ་ཎ་ས་མ་བ་ཏཱི། ཤ་སཱ་ཏ་ཏ་ཏྲེ་དཾ། ཏྲྱཏྟྭ། སིདྡྷི་ནེ་ས་རཱ་ཡ། སུ་སཱ་མཱ་པ་ཏི། ཏེ་ཨ་མ་ལི་ནི་སཱ་དྷ་ཡ། ཀ་རུ་ཎ་མ་ཡེ་སརྦ་ཏཱ་ཤཱ་ས་ནི་སཱ་དྷ་ཡ། ཏྲ་ཡ་ས་མནྟུ།
སཱ་དྷ་ཡ་སཱ་དྷ་ཡ། ཏྲི་ཏཱ་ཡེ་ཏྲི་ཏཱ་ཡེ། ས་མ་ཡེ་ས་མ་ཡེ། སརྦ་ཐཱ་སུ་མ་བཱ་ཏེ། སིདྷ་ཡ་སིདྡྷེ། ཨ་མ་ལེ། ཤ་ཡི་ཡེ། སཱ་སཝཱི་ཀེ་སཝཱ་ཧཱ། གསང་སྔགས་འདི་ནི་གསུངས་པ་ན། །རྣམ་པར་དག་པའི་ཞིང་ཀུན་དུ། །སྐད་ཅིག་དེ་ལ་སངས་རྒྱས་ཀུན། །རྨད་བྱུང་གད་མོ་
ཆེན་པོ་མཛད། །རིག་པ་ཐམས་ཅད་ཀྱི་སྙིང་པོ་འདི་ནི་རིག་པའི་རྒྱལ་པོ་མཆོག་གི་རྟོག་པ་མཐའ་ཡས་ཤིང་ཆགས་པ་མེད་པ་སྒྲུབ་པའི་མཆོག་དྲི་མ་མེད་པ་དངོས་གྲུབ་མཐའ་ཡས་པ་མཚུངས་པ་མེད་པའོ། །འདི་བཟླས་པ་བྱས་པས་དམ་ཚིག་གསུམ་བཀོད་པའི་རྟོག་པའི་རྒྱལ་པོ་འདི་
ལེགས་པར་བཟླས་པ་བྱས་པར་འགྱུར་རོ། །བསྒྲུབས་ན་འགྲུབ་པར་འགྱུར་རོ། །ཆགས་པ་མེད་པས་རིག་སྔགས་ཀྱི་སྤྱད་པ་སྤྱོད་པའི་དངོས་གྲུབ་ཀྱི་རྒྱལ་པོའི་དངོས་གྲུབ་ཐོབ་པར་འདོད་པས་འདི་བཟླས་པར་བྱའོ། །ཐ་ན་གཟུང་བར་ཡང་བྱ་སྟེ། འདི་ལ་ཐམས་ཅད་རབ་ཏུ་གནས་

</font><hr>87-1-229a<br><font size=+2>

པ་ཡིན་ནོ། །དེ་ནས་སྟོན་པ་རྡོ་རྗེ་འཛིན་བསྟན་པ་དོན་ཡོད་པའི་མཐུ་དང་ལྡན་པར་བྱ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ལ་རྗེས་སུ་དྲན་བཞིན་དུ་སྔགས་པས་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱིས་ཐམས་ཅད་གཅིག་
ཏུ་རྗེས་སུ་འགྲོ་བར་མཛད་ནས་རིག་པའི་རྒྱལ་པོ་མཆོག་འདི་གསུངས་སོ། །ན་མ་སྟྲཻ་ཡང་དྷྭི་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། ཨོཾ་ག་ག་ན་ལོ་ཙ་ནེ། ག་ག་ན་ས་མ་སརྦ་ཐཱ་ཨུདྒ་ཏཱ་ཏཱི། སཱ་ར་སཾ་བྷ་པེ་ཛྭཱ་ལ་ནཱ་མ་ཨདྷི་ནཱི་སཝཱ་ཧཱ། ལག་ན་རྡོ་རྗེ་རང་གི་རིག་པའི་རྒྱལ་པོ་མཆོག་འདི་ནི་དེ་བཞིན་
གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །འདི་བརྩམས་པ་ཙམ་གྱིས་འདིའི་ཡོན་ཏན་མཐའ་མེད་པ་མཉམ་པ་མེད་པར་འགྱུར་རོ། །བཟུང་ན་དེ་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་བཟུང་བ་ཐོབ་པར་འགྱུར་རོ། །བཟླས་པ་བྱས་ན་དེ་བཞིན་གཤེགས་པ་
ཐམས་ཅད་ཀྱི་རྒྱུད་དུ་སྐྱེ་བར་འགྱུར་རོ། །བསྒྲུབ་པ་བྱས་ན་འདིས་སྒྲུབ་པ་པོ་དད་པའི་ནོར་ཅན་དུ་འགྱུར་རོ། །དེ་ནས་རེ་ཞིག་དང་པོར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་དངོས་པོ་ཐམས་ཅད་དབུལ་བར་བྱ་སྟེ། བདག་སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་བདག་ཉིད་དབུལ་བར་བགྱི་ཡིས་ཐུགས་རྗེ་ཆེན་པོ་དང་ལྡན་པ་ཐམས་ཅད་དུས་ཐམས་ཅད་དུ་སྡུག་བསྔལ་བར་གྱུར་པ་བདག་ལ་བྱིན་གྱིས་བརླབ་ཏུ་གསོལ་ཞེས་བརྗོད་པར་བྱའོ། །དེ་ནས་ཐུགས་བསྐྱེད་པ་གང་གིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་སྡིག་
པ་རྣམས་བཤགས་པར་མཛད་པའི་སེམས་བསྐྱེད་པ་དེས་བདག་གི་སྡིག་པ་ཐམས་ཅད་དུས་ཐམས་ཅད་དུ་བཤགས་པར་བགྱི་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུའམ། ནུས་པ་ཇི་ལྟ་བ་བཞིན་དུ་བཤགས་པར་བགྱིའོ། །སངས་རྒྱས་དང་བྱང་
ཆུབ་སེམས་དཔའ་ཐམས་ཅད་དང ། ཉན་ཐོས་ལ་སོགས་པ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་ངོ ། །འཇིག་རྟེན་གྱི་ཁམས་ཐམས་ཅད་ཀྱི་ཁམས་སུ་གཏོགས་པའི་མཆོད་པའི་སྤྲིན་རྣམས་བསྒོམས་ལ་བསྔོ་བར་བྱ་སྟེ། ན་མ་སྟྭཻ་ཡ་དྷྭི་ཀཱ་ནཱཾ། ཏ་ཐཱ་

</font><hr>87-1-229b<br><font size=+2>

ག་ཏཱ་ནཱཾ། སརྦ་ཐཱ་ཨུདྒ་ཏེ་སྥ་ར་ཎ་ཧི་མངྒ་ག་ན་ཁཾ་སཝཱ་ཧཱ། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོད་པའི་མཆོག་རྒྱ་ཆེན་པོ་སྣ་ཚོགས་པའི་སྤྲིན་གྱི་རབ་འབྱམ་རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་དང ། བདག་གི་སྨོན་ལམ་གྱི་
སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ་སྔགས་འདི་བཟླ་བར་བྱའོ། །དེ་ནས་གཞན་མ་ཡིན་པར་ཡང་དག་པར་གནས་པར་འགྱུར་ཞིང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་གཟིགས་པར་འགྱུར་རོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་
ཏྲ་སཾ་ཀུ་སུ་མི་ཏཱི་རཱ་ཤཱི་ནི་ན་མོ་སྟུ་ཏེ་སཝཱ་ཧཱ། འདིས་ཀྱང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱིས་བསྔགས་པ་རྒྱ་མཚོ་རབ་འབྱམ་རྣམས་སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དུ་བདག་གི་
སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ། དེ་བཞིན་གཤེགས་པ་རྣམས་ལ་དམིགས་ནས་སྔགས་བཟླས་པར་བྱའོ། །དེ་ནས་གཞན་མ་ཡིན་པར་བསྟོད་པའི་དབྱངས་རྣམས་རབ་ཏུ་གནས་པར་འགྱུར་རོ། །དེ་ནས་སྨོན་ལམ་བཏབ་པ་བྱས་ནས་སངས་
རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་རྣམ་པ་ཐམས་ཅད་ཀྱིས་རྫོགས་པའི་བྱང་ཆུབ་གྲུབ་པ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བར་བྱས་ནས་དེ་བཞིན་གཤེགས་པ་ཐམས་ཅད་ལ་མངོན་དུ་ཕྱོགས་པས་ཕྱག་འཚལ་ཏེ། ཇི་སྲིད་སྐྱོ་བར་མ་གྱུར་གྱི་བར་དུ་སྔགས་
བཟླས་པར་བྱའོ། །དེ་ནས་རྒྱ་ཆེ་བའི་ཚུལ་ལ་འཇུག་པའི་མདོ་སྡེ་ཐམས་ཅད་ཀྱི་རྗེས་སུ་འཇུག་པ་སེམས་ལ་བྱས་ལ་སངས་རྒྱས་ཀྱི་སྙིང་པོ་བརྗོད་ཅིང ། ལྷ་ལ་སོགས་པ་ཀུན་ཉོན་ཅིག་ཅེས་བྱ་བའི་དམ་ཚིག་བརྗོད་ཅིང་བསམས་ལ་བསྒོམ་པར་བྱའོ། །སྔ་དྲོའི་ཐུན་ལ་དེ་ལྟར་བྱས་ནས་
ཟས་ཟ་བ་ན་སྟོབས་ཆེན་པོ་དང ། སྨན་གྱི་རྒྱལ་པོ་ཆེན་པོར་བྱིན་གྱིས་རློབ་པའི་སྔགས་འདི་བཟླས་པ་བྱ་སྟེ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བྷུ་ཛ་ལི་ཏེ་སཝཱ་ཧཱ། དེ་ནས་ངལ་སོས་ལ་ཕྱི་ནས་གླེགས་བམ་བཀླག་པ་ལ་སོགས་པ་བྱས་ཏེ། སྔ་མ་བཞིན་དུ་ཕྱི་དྲོའི་ཐུན་ལ་ཡང་ལས་

</font><hr>87-1-230a<br><font size=+2>

རྣམས་བྱས་ནས་བཟླས་པ་བྱའོ། །སྲོད་ཀྱི་དུས་སུ་སྨོན་ལམ་བཏབ་ལ་ཡན་ལག་ཐམས་ཅད་བཏུད་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་རྩཝ་བཏིང་བ་ལ་དང་པོར་ཉལ་ལ་གཉིད་ལོག་པར་བྱའོ། །ཚེས་གཅིག་ནས་བརྩམས་ནས་ཉིན་རེ་ཞིང་ཟླ་
བ་གཅིག་གི་བར་དུ་ལས་འདི་ལྟར་བྱ་ཞིང་ཉའི་ནུབ་མོ་དྲིའི་དཀྱིལ་འཁོར་གྱི་སྟེང་དུ་དམ་པའི་ཆོས་ཀྱི་གླེགས་བམ་བཞག་པའམ། སྐུ་གདུང་དང་བཅས་པའི་མཆོད་རྟེན་ནམ། བཞུགས་གནས་ཀྱི་མཆོད་རྟེན་ནམ། སྐུ་གཟུགས་ཀྱི་མདུན་དུའམ། གཞན་ཡང་དབེན་པར་སྐྱིལ་མོ་ཀྲུང་བཅས་
ནས་སྐྱིལ་མོ་ཀྲུང་མ་བཤིག་པར་དེ་བཞིན་གཤེགས་པ་ལ་དམིགས་ནས་བཟླས་པ་བྱ་སྟེ། ཅི་སྲིད་འོད་ཟེར་བྱུང་ནས་ལུས་ལ་ཕོག་གི་བར་དུ་བྱས་ནས་དེ་ནས་ལུས་འབར་བར་འགྱུར་རོ། །དེའི་རྗེས་ལ་ལུས་འདི་ཡོངས་སུ་གྱུར་ནས་རིག་འཛིན་གྱི་རིགས་རྣམས་ཉེ་བར་ལྷགས་ཏེ། དེ་ལ་དབང་
བསྐུར་བས་བསོད་ནམས་ཇི་ལྟ་བ་བཞིན་དུ་བྱང་ཆུབ་སེམས་དཔའ་རིག་འཛིན་གྱི་རིགས་སུ་གྱུར་ནས་སྐལ་བ་ཇི་ལྟ་བ་བཞིན་དུ་རང་གི་གནས་ཐོབ་པར་འགྱུར་རོ། །དེར་ཡང་ཤེས་རབ་དང་ཐབས་དང་ལྡན་པས་ཕ་རོལ་ཏུ་ཕྱིན་པ་ལ་མངོན་པར་སྦྱོར་བ་ཡང་ཐོབ་པར་འགྱུར་རོ། །རྣམ་པར་རོལ་པ་སྣ་ཚོགས་
པས་རྗེས་སུ་འཇུག་པར་ཡང་འགྱུར་རོ། །དེ་བཞིན་གཤེགས་པ་རྣམས་ལ་མཆོད་པར་ཡང་འགྱུར་རོ། །བྱང་ཆུབ་སེམས་དཔའི་དགེ་འདུན་དང་ནམ་ཡང་འབྲལ་བར་མི་འགྱུར་རོ། །ཐབས་ལ་མཁས་པས་འདོད་པ་ལ་ཡོངས་སུ་སྤྱད་ཀྱང་ཉམས་པར་མི་འགྱུར་རོ། །ལུས་དེ་ཉིད་ཀྱིས་ས་ནོན་པར་
འགྱུར་ཞིང་བསོད་ནམས་ཇི་ལྟ་བ་བཞིན་དུ་དེ་བཞིན་དུ་དེ་བཞིན་གཤེགས་པའི་འཁོར་གྱི་དཀྱིལ་འཁོར་དུ་ཉེ་བར་འགྲོ་བ་དང ། རྗེས་སུ་སྤྱོད་པ་ཡང་མཐར་གྱིས་སོགས་ཤིང་སོ་སོར་ཐོབ་པར་འགྱུར་རོ། །གལ་ཏེ་རིག་པ་འཛིན་པ་ཐོབ་པར་མ་གྱུར་ན་ཡང་དེ་བཞིན་གཤེགས་པའི་སྐུ་མཐོང་བའམ། འོད་
ཀྱིས་སྣང་བར་བྱ་བའམ། གསུང་ཐོས་པར་འགྱུར་ཞིང་དེའི་བསམ་པ་རྣམ་པར་དག་པ་ཡང་སྐྱེ་བར་འགྱུར་རོ། །གཟུངས་ཀྱང་རབ་ཏུ་ཐོབ་པར་འགྱུར་རོ། །གཞན་དག་གིས་ཀྱང་བསྒྲུབ་པར་བྱ་སྟེ། རི་དང ། ཆུ་ཀླུང་དང ། མཚེའུ་དང ། ཆུ་གླིང་དང ། ཁང་ཕུགས་དང ། གཙུག་

</font><hr>87-1-230b<br><font size=+2>

ལག་ཁང་གི་གནས་འདི་ལྟ་བུ་དབེན་པ་རྣམས་སུ་སྐུ་གདུང་དང་བཅས་པའི་མཆོད་རྟེན་ནམ། སྐུ་གཟུགས་སམ། རས་རིས་ལ་ཐ་ན། གཙུག་ལག་ཁང་དབེན་པར་འདུ་འཛི་སྤངས་ལ་དམ་པའི་ཆོས་ལ་བླ་མར་བྱེད་པས་འཁོར་ལོ་དང ། རྡོ་རྗེ་དང ། རལ་གྲི་ལ་སོགས་པའི་ཁྱད་པར་
རང་གིས་བླངས་ལ་མཚན་རངས་པ་གཅིག་སྐྱིལ་ཀྲུང་མ་བཤིག་པའམ། ཙོག་ཙོག་པོར་རྩཝ་བཏིང་བ་ལ་ཉེ་བར་འདུག་ལ་ཇི་སྲིད་འབར་བར་གྱུར་གྱི་བར་དུ་བཟླས་པར་བྱའོ། །དེ་བཞིན་དུ་ལྡོང་རོས་ལ་སོགས་པའི་རྫས་རྣམས་དྲིའི་དཀྱིལ་འཁོར་རམ། ལོ་མའི་སྣོད་དུ་བཞག་ནས་བསྒྲུབ་
པར་བྱའོ། །འདི་ནི་སྦྱོར་བ་དང་ལྡན་པའི་བྱང་ཆུབ་སེམས་དཔའ་ཐབས་ལ་མཁས་པ་རྣམས་ཀྱི་རབ་ཏུ་མི་དམིགས་པའི་སྒྲུབ་པའི་ཐབས་སོ། །དབེན་པར་མཆོད་རྟེན་ལ་སོགས་པའི་མདུན་དུ་དེ་བཞིན་གཤེགས་པ་རྗེས་སུ་དྲན་པ་ལ་གོམས་པར་བྱས་ནས་ཅི་སྲིད་མཚན་མ་བྱུང་གི་བར་དུ་བཟླས་
པ་བྱའོ། །ཟླ་བ་ཉ་བ་ལ་མཚན་རངས་པ་སྐྱིལ་མོ་ཀྲུང་བཅས་ནས་བཟླས་པ་བྱའོ། །གཉིད་སྤངས་ནས་ཉིན་ཞག་གཅིག་ཏུ་དེ་བཞིན་དུ་འཁོར་ལོ་ལ་སོགས་པའི་རྫས་རྣམས་ཡོངས་སུ་བཟུང་ནས་བསྒྲུབས་ན་ཕྱིར་ལྡོག་པ་མེད་པའི་རིག་པ་འཛིན་པར་འགྱུར་རོ། །འདི་གཟི་བརྗིད་གང་དང་ཡང་
མཉམ་པ་མེད་པར་འགྱུར་རོ། །བསོད་ནམས་དང་མི་ལྡན་པས་ཀྱང་ཚེ་འདི་ཉིད་ལ་ངེས་པར་འགྲུབ་པར་འགྱུར་རོ། །རས་རིས་མེད་ཀྱང་རུང། མཆོད་པ་མེད་ཀྱང་རུང། ངེས་པར་འགྲུབ་པར་འགྱུར་རོ། །དེ་ནས་རས་རིས་བསྒྲུབ་པར་འདོད་ན་རས་རིས་ལ་དེ་བཞིན་གཤེགས་པའི་གཟུགས་ནི་
པདྨ་ལ་བཞུགས་པའོ། །གཡས་སུ་ནི་འཕགས་པ་རྡོ་རྗེ་འཛིན་པའོ། །གཡོན་དུ་ནི་ནམ་མཁའི་སྤྱན་ཏེ། འོད་ཟེར་སྣ་ཚོགས་ཉེ་བར་འཕྲོ་བ་ཐལ་མོ་སྦྱར་ནས་འདུག་པའོ། །དེ་དག་ལ་རྡོ་རྗེ་འཛིན་ནི་ཨུཏྤལ་སྔོན་པོའི་མདོག་ཅན་ནོ། །ནམ་མཁའི་སྤྱན་ནི་སྔོ་བསངས་སོ། །སྒྲུབ་པ་པོ་
ནི་འོག་ཏུ་ལྷ་མོ་ལ་མངོན་དུ་ཕྱོགས་པར་བྱ་སྟེ། རས་རིས་འདི་ལ་ཡང་ཆོ་ག་སྔ་མ་ཉིད་ཀྱིས་ཟླ་བ་ཉའི་བར་དུ་ཟླ་བ་གཅིག་གིས་བསྒྲུབ་པར་བྱའོ། ། པ་ར་ཙི་ཏ་སྔོན་པོའི་སྦྱིན་སྲེག་གིས་རྒྱལ་པོ་དགུག་པར་བྱ་སྟེ། རྟོག་པ་ཐམས་ཅད་ཀྱི་ཚོགས་སྦྱར་ན་ཐམས་ཅད་དུ་འགྲུབ་པར་འགྱུར་རོ། །

</font><hr>87-1-231a<br><font size=+2>

རས་རིས་གཉིས་པ་ནི་ལྷ་མོ་གཅིག་པུ་གནས་པ་གསེར་གྱི་མདོག་ཅན་ཟར་མའི་མེ་ཏོག་ལྟ་བུའི་འོད་འབར་བ་པདྨ་ལ་རབ་ཏུ་གནས་པ་དང ། རལ་པ་དང་བཅས་པའི་སྒྲུབ་པ་པོ་བྲི་བར་བྱའོ། །དེ་དག་ལ་ཡང་ཆོ་ག་སྔ་མ་ཉིད་ཀྱིས་བྱའོ། །ཇི་ལྟར་འདོད་པའི་རལ་གྲི་དང ། 
ལྡོང་རོས་ལ་སོགས་པ་ལ་བསྒྲུབ་པར་བྱའོ། །ཐམས་ཅད་དུ་ཡིད་མི་བདེ་བ་དང་བྲལ་བས་དམ་པའི་ཆོས་ཀྱི་གླེགས་བམ་བཀླག་པར་བྱ་ཞིང་དམིགས་པ་དང་བཅས་པས་སྐྱིལ་མོ་ཀྲུང་མ་བཤིག་པར་ཟླ་བ་ཉ་ལ་བཟླས་པ་བྱས་ན་མཚན་གཅིག་གིས་ཀྱང་འགྲུབ་པར་འགྱུར་རོ། །དབེན་པ་ལ་
མངོན་པར་དགའ་བས་དམ་པའི་ཆོས་ཀྱི་གླེགས་བམ་ཀློག་པ་ཉིད་དང ། འདུ་འཛི་མི་བྱེད་པ་ཉིད་དོན་ཡོད་པར་ལས་རྣམས་ངེས་པར་འགྱུར་རོ། །འཕགས་པ་ཀུན་དུ་བཟང་པོས་དེ་བཞིན་གཤེགས་པ་རྗེས་སུ་དྲན་ཞིང་གསང་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། 
ོཾ་ཨ་སྟ་བ་ར་བྷོ་གི་སཝཱ་ཧཱ། འདི་བཀླགས་པས་འཕགས་པ་ཀུན་ཏུ་བཟང་པོའི་སྤྱོད་པ་ལས་ཕྱིར་མི་ལྡོག་པར་བྱིན་གྱིས་རློབ་པའི་ཡོན་ཏན་ལ་འཇུག་པ་རབ་ཏུ་འཐོབ་བོ། །དེ་བཞིན་གཤེགས་པར་བྱིན་གྱིས་བརླབས་པར་གཏོགས་པ་འདིས་ཡང་ཆོ་ག་ནི་ནམ་མཁའི་སྤྱན་གྱི་ཆོ་ག་ཉིད་ཀྱིས་
ངེས་པར་འགྲུབ་པར་འགྱུར་རོ། །རས་རིས་ཀྱི་ཁྱད་པར་ནི་བཅོམ་ལྡན་འདས་ཀྱི་གཡས་སུ་འཕགས་པ་ཀུན་ཏུ་བཟང་པོའོ། །གཡོན་དུ་རྟ་མཆོག་གི་ཤུགས་ཅན་མ་ཞེས་བྱ་བ་པྲི་ཡང་ཀུ་ལྟར་ལྗང་བ་ཐལ་མོ་སྦྱར་བ་བྱས་པ་དང ། འཕགས་པ་རྡོ་རྗེ་འཛིན་ཐལ་མོ་སྦྱར་བའོ། །འཕགས་
པ་ཀུན་ཏུ་བཟང་པོའི་འོག་ཏུ་ནི་སྒྲུབ་པ་པོ་བྲི་བར་བྱ་སྟེ། ལྷ་མོ་ལ་མངོན་དུ་ཕྱོགས་པའོ། །རས་རིས་གཉིས་པ་ནི་འཕགས་པ་ཀུན་དུ་བཟང་པོ་རིན་པོ་ཆེའི་པདྨ་ལ་བཞུགས་པ། འོད་ཟེར་སྣ་ཚོགས་སུ་སྤྲོ་བ། རལ་པ་ཐུར་དུ་འཁྱིལ་པ། རལ་གྲི་འཛིན་པ། གསེར་གྱི་མདོག་
ཅན་དང ། སྒྲུབ་པ་པོའོ། །རས་རིས་འདིའི་ཆོ་ག་ཡང་དེ་དག་ཉིད་ཡིན་ཏེ། རིག་པ་འཛིན་པ་ལས་མི་ལྡོག་ཅིང་མཉམ་པ་མེད་པར་འགྱུར་རོ། །ཀུན་ཏུ་བཟང་པོའི་སྤྱོད་པ་དང ། རིག་པའི་རྒྱལ་པོའི་སྟོབས་མཉམ་པ་མེད་པས་ལུས་དེ་ཉིད་ཀྱིས་མཐར་གྱིས་དགེ་བའི་རྩ་བ་ཉེ་བར་

</font><hr>87-1-231b<br><font size=+2>

བསགས་པ་ཉིད་ཀྱིས་འཕགས་པ་ཀུན་ཏུ་བཟང་པོ་མཐོང་བར་འགྱུར་ཞིང ། ཡང་ཉམས་པར་ཡང་མི་འགྱུར་རོ། །སྔགས་གཞན་ཡང ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ས་མནྟ་གཱ་མ་ནཱ་ན། ཨུ་ཛྭ་ལཱ་ཡ་སཝཱ་ཧཱ། འདིས་ནི་འཕགས་པ་ཀུན་ཏུ་བཟང་པོ་མངོན་དུ་ཕྱོགས་
པར་འགྱུར་རོ། །སྒྱུ་མ་ལྟ་བུའི་ཏིང་ངེ་འཛིན་མཐོང་བ་ཡང་འགྲུབ་པར་བྱེད་དོ། །རྣམ་པར་སྦྱོང་བར་བྱེད་དོ། །ངེས་པར་རྫོགས་པར་བྱེད་དོ། །རིམ་གྱིས་འདི་ཉིད་ཀྱིས་རིག་པ་འཛིན་པར་ཡང་འགྱུར་རོ། །འདིའི་ཆོ་ག་ཡང་སྔ་མ་རྣམས་ཉིད་ཡིན་ནོ། །གཞན་ཡང་མཆོད་པ་
སྤྲུལ་པའི་རིག་པ་ནི། ན་མཿ སརྦ་ཏ་ཐཱ་ག་ཏཱ་ནཱཾ། སརྦ་ཐཱ་ཨུདྒ་ཏེ། སྥ་ར་ཎ་ཧི་མཾ་ག་ག་ན་ཁཾ་སཝཱ་ཧཱ། ཞེས་བྱ་སྟེ། མཆོད་པ་རྣམ་པར་བསམས་ལ། དེ་མ་ཐག་ཏུ་སྐྱོ་བར་མ་གྱུར་གྱི་བར་དུ་བརྗོད་ན་ངེས་པར་ཚེ་འདི་ཉིད་ལ་འགྲུབ་པར་འགྱུར་རོ། །རིག་པའི་རྒྱལ་པོའི་རྩེ་མོ་
དོན་ཡོད་པ་འདི་རྟོག་པའི་ཆོ་ག་ཐམས་ཅད་དང་སྦྱར་བར་བྱའོ། །དེ་བཞིན་དུ་འདི་བསྒྲུབས་ན་དགེ་བའི་རྒྱུན་ལས་ཕྱིར་ལྡོག་པར་མི་འགྱུར་རོ། །བྱང་ཆུབ་སེམས་དཔའ་ཚེ་འདི་ཉིད་ལ་སྣང་བ་རྒྱ་ཆེན་པོ་ཐོབ་པར་འགྲོ་བར་འདོད་པ་དང ། སྨོན་ལམ་ཆེན་པོའི་རྒྱ་མཚོ་མངོན་པར་བསྒྲུབ་པར་
འདོད་པས་སངས་རྒྱས་དང་བྱང་ཆུབ་སེམས་དཔས་དེ་བཞིན་གཤེགས་པ་ལ་དམིགས་ནས་སྐྱིལ་མོ་ཀྲུང་མ་བཤིག་པར་མཚན་གཅིག་གིས་དོན་ཡོད་པར་འགྲུབ་པར་འགྱུར་རོ། །འཕགས་པ་འཇམ་དཔལ་གྱིས་དེ་བཞིན་གཤེགས་པ་ལ་གསོལ་བ་བཏབ་ནས་སྔགས་སྨྲས་པ། ན་མ་སྟྲཻ་ཡ་དྷྭི་
ཀཱ་ནཱཾ། ཏ་ཐཱ་ག་ཏཱ་ནཱཾ། ཧོ་ཧེ་རཾ་ཧེ་རཾ། སུ་ག་ཏཱ་སུ་ག་ཏཱ། བཛྲ་ཤི་ཁ་ར། ན་མོ་སྟུ་ཏེ་ཀུ་མཱ་ར། སྨ་ར་སྨ་ར་སཝཱ་ཧཱ། འདིའི་ཆོ་གཡང་དེ་དག་ཉིད་ཡིན་ནོ། །རས་རིས་མེད་ཀྱང་རུང ། ལྷ་མེད་ཀྱང་རུང་འགྲུབ་པར་འགྱུར་རོ། །རས་རིས་ཀྱི་ཁྱད་པར་ནི་འཕགས་པ་འཇམ་དཔལ་ཅུང་
ཟད་གཞོན་ནུ་ལས་འདས་པ་རྒྱན་ཐམས་ཅད་ཀྱིས་འབར་བའོ། །བཅོམ་ལྡན་འདས་ཀྱི་གཡས་སུ་རྡོ་རྗེ་འཛིན་པདྨ་ལ་པུས་མོའི་ལྷ་ང་བཙུགས་པ་བྲི་བར་བྱའོ། །སྒྲུབ་པ་པོ་ནི་ཐལ་མོ་སྦྱར་བའོ། །རས་རིས་གཉིས་པ་ནི་གཅིག་པུ་པདྨ་ལ་གནས་པ་སྒྲུབ་པ་པོ་མདུན་དུ་གནས་པ་ལ་གཟིགས་

</font><hr>87-1-232a<br><font size=+2>

པ་ལྟ་བུར་བྲིས་ན་གང་འདོད་པ་དེ་སྒྲུབ་པར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་སཽ་མྱ་ར། བཛྲ་ཛྭ་ལ་སམྦྷ་རཱ་ཛཱ་ཡ། ན་མཿ སཝཱ་ཧཱ། རས་རིས་ནི་འཕགས་པ་ཀུན་ཏུ་བཟང་
པོ་ལྷའི་གཞལ་ཡས་ཁང་ན་བཞུགས་པའོ། །རྡོ་རྗེ་གཞོན་ནུ་ནི་གནག་ཅིང་ལྗང་བ་པདྨ་ལ་བཞུགས་པ་བྲི་བར་བྱ་སྟེ། དེ་བཞིན་གཤེགས་པའི་འོད་ཀྱིས་བསྐོར་བའོ། །འཕགས་པ་སྤྱན་རས་གཟིགས་དབང་ཕྱུག་དང ། ཀུན་ཏུ་བཟང་པོའི་གནས་སུ་རྡོ་རྗེ་འཛིན་ཏེ། གཞོན་ནུའི་སྟེང་
དུ་བྲི་བར་བྱ་སྟེ། འདི་ནི་རས་རིས་ཀྱི་ཁྱད་པར་རོ། །འཕགས་པ་རྡོ་རྗེ་འཛིན་གྱིས་རྡོ་རྗེའི་རིགས་ཐམས་ཅད་ལ་རྣམ་པར་གཟིགས་ནས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་བཛྲ་དྷྭ་རཱ་ཎཱཾ། ཨོཾ་ཙཎྜ་ལཱ་ཙཎྜ་ལཱ། ཙ་ལ་ཙ་ལ། བཛྲ་བཛྲ། ཤཱནྟ་ནཱ་ཤཱནྟ་ནཱ། ཕ་ལ་
ན་ཕ་ལ་ན། ཏ་ར་ཏ་ར། མཱ་ར་མཱ་ར་བཛྲ་ད་ལ། སྥོ་ཊ་ལཱ། སྥོ་ཊ་ལཱ། ལི་ཤེ་ཁ་རས་མནྟ། བཛྲ་ཎཱི་ཛྭཱ་ལ་ནེ་ཛྭཱ་ལ་ནེ། སམ་སྠ་ཨ་གྲེ། ཨ་གྲ་ཤ་ས་ཀ་ནཱཾ། ར་ཎཱ་ར་ཎ། ཧཱུཾ་ཕཊ་བཛྲ་ཨུཏྟ་མེ་སཝཱ་ཧཱ། འདི་ནི་བཀླགས་པ་ཙམ་གྱིས་ལྷ་དང ། ལྷ་མ་ཡིན་དང ། གནོད་
སྦྱིན་ལ་སོགས་པས་འཚེ་བར་མི་འགྱུར་ཞིང ། ལོག་འདྲེན་ལ་སོགས་པ་ཡང་ཉེ་བར་འོང་བར་མི་འགྱུར་རོ། །འདིའི་ཆོ་ག་ཡང་དེ་དག་ཉིད་ཡིན་ནོ། །རྡོ་རྗེའི་རིགས་ཐམས་ཅད་ཀྱི་ཆོ་གས་ཀྱང་དོན་ཡོད་པའི་ལས་རྣམས་ཀྱིས་རིག་པ་འཛིན་པར་འགྱུར་རོ། །རྡོ་རྗེའི་རིགས་ཀྱི་གནས་དེར་
ཡང་དེ་བཞིན་གཤེགས་པའི་གཟི་བརྗིད་དང་ལྡན་པས་འདུག་ནས་གཉིད་སྤངས་ཏེ་མཚན་རངས་པ་བཟླས་པ་བྱས་ན་དེའི་རྗེས་ལ་གྲུབ་པའི་མཚན་མ་འབྱུང་བར་འགྱུར་རོ། །དེ་ནས་ལྡོང་རོས་ལ་སོགས་པའམ། རྡོ་རྗེ་དང་རལ་གྲི་ལ་སོགས་པ་གང་འདོད་པ་གཟུང་ལ་བསྒྲུབ་པར་བྱའོ། །ཟླ་
བ་ཉའི་ཐུན་དང་པོ་ལ་ངེས་པར་འགྲུབ་པར་འགྱུར་རོ། །རིག་པ་འཛིན་པ་ལས་ཀྱང་ཉམས་པར་མི་འགྱུར་རོ། །བྱང་ཆུབ་སེམས་དཔའི་སྤྱོད་པ་ལ་ཡང་འཇུག་པར་འགྱུར་ཞིང་ཉམས་པར་ཡང་མི་འགྱུར་རོ། །འདི་ཡིད་ལ་གང་འདོད་པའི་ཆོ་གས་བསྒྲུབ་པ་བྱས་ན་ངེས་པར་མྱུར་དུ་འགྲུབ་པར་

</font><hr>87-1-232b<br><font size=+2>

འགྱུར་རོ། །རས་རིས་ཀྱི་ལས་མེད་ཀྱང་རུང ། ཁྲུས་མེད་ཀྱང་རུང ། མཆོད་པ་མེད་ཀྱང་རུང་སྟེ། བཟླས་པ་ཙམ་གྱིས་དེ་བཞིན་གཤེགས་པའི་སྐུ་མཐོང་བ་ལ་སོགས་པའི་ངོ་མཚར་འབྱུང་བར་འགྱུར་རོ། །རིག་པ་འཛིན་པའི་རིམ་པར་ཕྱེ་བ་འདི་ནི་དོན་ཡོད་པར་གྲུབ་པར་བྱ་བའི་
ཕྱིར་དང ། བསྟན་པའི་མཐུ་ཡང་དག་པར་བསྟན་པའི་ཕྱིར་གསུངས་པ་ཡིན་ནོ། །སེམས་ཅན་རྣམས་དད་པ་དང་སྤྲོ་བ་མཐའ་ཡས་པ་བསྐྱེད་པའི་ཕྱིར་མཚན་གཅིག་ཙམ་ཞིག་ཀྱང་བརྟག་པར་བྱའོ། །གང་དག་གསང་སྔགས་འདི་དག་ཀློག་པ་དེ་དག་ནི་སངས་རྒྱས་ཐམས་ཅད་ཀྱིས་
བྱིན་གྱིས་བརླབས་པའོ། །རྡོ་རྗེ་འཛིན་གྱིས་ཡང་དག་པར་བསྲུངས་པའོ། །ནམ་མཁའི་སྤྱན་གྱི་ཆོ་གས་འདི་དག་ཐམས་ཅད་བསྒྲུབ་པར་བྱའོ། །གལ་ཏེ་ནུས་པ་ཡོད་ན་བརྩོན་འགྲུས་དང་ལྡན་པས་མཚན་རངས་པར་སྐྱིལ་མོ་ཀྲུང་བཅས་པས་ཡིད་ལ་གང་འདོད་པའི་ཆོ་ག་དང ། འདིས་
བསྒྲུབ་པར་བྱའོ། །སྔགས་འདིས་བསྲུང་བར་བྱའོ། །གང་ཡང་མང་དུ་ནི་གཙུག་ཏོར་དང ། རྨ་བྱ་ཆེན་མོ་དང ། རྡོ་རྗེ་མཆོག་ལ་སོགས་པ་རྣམས་ཀྱིས་སོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏ་བཱ་པྟི་དྷརྨ་ཏཱ་བ་ལི་ནཱཾ། ཨཾ་ཨ། ས་མ་ས་མ་ས་མནྟ་ཏོ། ཨ་ནནྟ་
ཏོ་བཱ་པྟི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎ་བི་ག་ཏ་རཱ་ག་བུདྡྷ་དྷརྨ་ཏེ། ས་ར་ས་ར། ས་མ་བ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལཀྵ་ཎི་ཛྭཱ་ལ་ཛྭཱ་ལ་ན་སཱ་ག་རེ་སཝཱ་ཧཱ། དེ་བཞིན་གཤེགས་པ་ཐམས་ཅད་ཀྱི་སྙིང་པོའོ། །རིག་པ་འཛིན་པའི་རིམ་པར་ཕྱེ་བའོ།། །།དེ་ནས་
རིམ་པར་ཕྱེ་བ་རབ་འབྱམ་ཐམས་ཅད་ཀྱི་ཐུན་མོང་གི་རྟོག་པའི་ཆོ་ག་ཞིབ་མོ་ཐམས་ཅད་བསྟན་པར་བྱའོ། །འདིར་བྱང་ཆུབ་སེམས་དཔའ་སྤྱོད་པའི་རྒྱལ་པོ་གསང་སྔགས་ཀྱི་སྒོར་སྤྱོད་པའི་ཆོ་ག་ནི་རྣམ་པ་གཉིས་ཏེ། ཐབས་དང་བཅས་པ་དང ། ཐབས་དང་བཅས་པ་མ་ཡིན་པའོ། །སྔོན་དུ་
བྱ་བའི་བསྙེན་པ་ནི་རྣམ་པ་གཉིས་ཏེ། སྔོན་གྱི་དུས་སུ་གོམས་པ་དང ། རྒྱུན་མ་ཆད་པར་ཟླ་བ་ལ་སོགས་པར་འབུམ་བཟླས་པས་ལྷ་མཐོང་བའམ། ངག་ཐོས་པ་འམ། འོད་ཟེར་ལུས་ལ་ཕོག་པའམ། དེ་བཞིན་གཤེགས་པའི་སྐུ་མཐོང་བའོ། །གནས་ནི་རྣམ་པ་གཉིས་ཏེ། རང་

</font><hr>87-1-233a<br><font size=+2>

བཞིན་གྱིས་དབེན་པའི་རི་ལ་སོགས་པ་དང ། རང་བཞིན་གྱིས་སྟོང་པའི་འདུ་འཛི་དང་བྲལ་བའི་གཙུག་ལག་ཁང་གི་བྲང་ཁང་ལ་སོགས་པའོ། །སྔོན་དུ་འགྲོ་བ་ནི་རྣམ་པ་གཉིས་ཏེ། དུས་གསུམ་དུ་སྡིག་པ་བཤགས་པ་དང ། བསོད་ནམས་དང་ཡེ་ཤེས་ལ་རྗེས་སུ་
ཡི་རང་བའོ། །གོམས་པར་བྱ་བ་ནི་རྣམ་པ་གཉིས་ཏེ། ལེགས་པ་ལ་སྦྱོར་བ་དང ། སངས་རྒྱས་དང་བྱང་ཆུབ་སེམས་དཔའ་རྗེས་སུ་དྲན་པ་ལ་སོགས་པའི་སྒོམ་པ་གོམས་པའོ། །གཙང་སྦྲ་ནི་གཉིས་ཏེ། ལྷག་པའི་བསམ་པ་ཕུན་སུམ་ཚོགས་པས་སེམས་ཅན་དད་པ་ཅན་ལ་
ཕན་པ་ཡང་དག་པར་སྟོན་པ་དང ། འཁོར་བའི་ཆོས་རྣམས་ལ་མངོན་པར་མི་དགའ་བས་སྡིག་པ་ཀུན་དུ་མི་སྤྱོད་པའི་གཙང་སྦྲའོ། །མྱུར་དུ་འགྲུབ་པར་བྱེད་པའི་ཆོས་ནི་གཉིས་ཏེ། སེམས་ཅན་གྱི་ཁམས་མ་ལུས་པ་འཁོར་བ་ལས་རྣམ་པར་གྲོལ་བར་བསྒྲུབ་པ་དང ། བྱང་ཆུབ་ཀྱི་
སེམས་བསྐྱེད་པ་ལ་སོགས་པ་ནི་དངོས་གྲུབ་ཐོབ་པར་འགྱུར་རོ། །ཞེས་ཡང་དག་པར་བསམས་ནས་བཟླས་པ་བྱ་བའམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་པས་བཟླས་པ་བྱ་བའོ། །གཉིས་ལ་ནི་དངོས་གྲུབ་རིང་བར་འགྱུར་ཏེ། མ་དད་པ་དང ། 
བྱང་ཆུབ་ཏུ་སེམས་མ་བསྐྱེད་པ་ལའོ། །སྟོབས་རྣམ་པ་གཉིས་ཀྱིས་སེམས་ཅན་གྱི་ཁམས་དམན་པ་དང ། བར་མ་དང ། མཆོག་རྣམས་ཀྱི་དོན་འབྱུང་བར་འགྱུར་ཏེ། རང་གི་སྨོན་ལམ་དང ། བསོད་ནམས་དང་ཡེ་ཤེས་ཀྱི་སྟོབས་དང ། སངས་རྒྱས་དང་བྱང་ཆུབ་སེམས་དཔའ་
རྣམས་ཀྱི་བྱིན་གྱིས་བརླབས་ཀྱི་སྟོབས་སོ། །བསྒྲུབ་པར་བྱ་བ་ནི་གཉིས་ཏེ། བདག་གི་དོན་དང ། གཞན་གྱི་དོན་ནོ། །དངོས་གྲུབ་ནི་གཉིས་ཏེ། རིག་འཛིན་ཐོབ་པར་བྱ་བ་ལ་སོགས་པ་དང ། སྤྱོད་པ་ལ་རྗེས་སུ་ཞུགས་པའོ། །འདིར་སྦྱོར་བ་ནི་རྣམ་པ་གཉིས་ཏེ། ཚད་
མེད་པའི་སེམས་བསྐྱེད་པའི་སྦྱོར་བ་དང ། སྒྱིད་ལུག་པ་མེད་པའི་སྦྱོར་བའོ། །བྱ་བ་ནི་གཉིས་ཏེ། ཐབས་དང་ཤེས་རབ་ཀྱི་སྒོར་འཇུག་པའོ། །མི་བྱ་བ་ནི་གཉིས་ཏེ། སོམ་ཉི་དང ། སེམས་ཅན་ལ་ཉེ་བར་འཚེ་བའི་ལས་སོ། །ལུས་འདིའི་ཡོན་ཏན་ནི་གཉིས་ཏེ། དོན་ཡོད་

</font><hr>87-1-233b<br><font size=+2>

པར་མྱུར་དུ་འགྲུབ་པ་དང ། བགེགས་མེད་པའོ། །འདིར་སྤང་བར་བྱ་བ་ནི་གཉིས་ཏེ། གསང་སྔགས་ལ་སོགས་པ་སྤོང་བ་དང ། མི་གུས་པའོ། །གོམས་པར་བྱ་བ་ནི་གཉིས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་རྗེས་སུ་དྲན་པའི་སྦྱོར་བ་དང ། སེམས་
ཅན་གྱི་དོན་བྱ་བའོ། །འདིར་རྨད་དུ་བྱུང་བ་ནི་གཉིས་ཏེ། ཇི་ལྟ་ཇི་ལྟར་སྔགས་རྣམས་བསྒྲུབ་པར་བྱས་པ་དེ་ལྟ་དེ་ལྟར་རྗེས་སུ་མཐུན་པར་འགྱུར་བ་དང ། ཆོ་ག་གང་དང་གང་གིས་གང་ལ་སྦྱར་བ་དེ་བསྒྲུབས་ན་འགྲུབ་པར་འགྱུར་བའོ། །མ་མཐོང་བའི་ཆོས་ཀྱི་ཡོན་ཏན་ནི་གཉིས་ཏེ། 
གང་དུ་སྐྱེས་པར་བྱང་ཆུབ་སེམས་དཔའ་དང་འགྲོགས་ཤིང་ཀུན་ནས་ཉོན་མོངས་པ་མེད་པ་དང ། རྒྱ་ཆེ་བ་ལ་འཇུག་པར་འགྱུར་བའོ། །བཟླས་པ་བྱས་ན་གཉིས་ལས་མི་གཡོ་བར་འགྱུར་ཏེ། ཆོས་ཉིད་ལས་བྱུང་བ་དང ། དེ་བཞིན་གཤེགས་པའི་བྱིན་གྱིས་བརླབས་ལས་མི་ཉམས་
པའོ། །རས་རིས་ནི་གཉིས་ཏེ། དེ་བཞིན་གཤེགས་པ་དང་བཅས་པ་དང ། རིག་པ་གཅིག་པུ་ཉིད་དོ། །འདིར་སྤྱད་པར་མི་བྱ་བའི་དམ་ཚིག་ནི་གཉིས་ཏེ། མྱོས་པར་འགྱུར་བའི་བཏུང་བ་དང ། ཁྲི་ལ་ཉལ་བའོ། འདིར་མི་བྱ་བ་ནི་གཉིས་ཏེ། གསང་སྔགས་ལ་སེར་སྣ་
མི་བྱ་བ་དང ། དོན་ཆུང་ངུའི་ལས་མི་བྱ་བའོ། །འདིར་འབྱུང་བར་མི་འགྱུར་བ་ནི་གཉིས་ཏེ། སྐྱོན་དུ་འགྱུར་བའི་ལས་ཐམས་ཅད་དང ། དོན་མེད་པ་ལ་འདོད་པའོ། །འདིར་ངེས་པ་ནི་གཉིས་ཏེ། རྨད་དུ་བྱུང་བའི་ཆོས་འབྱུང་བ་དང ། དེ་བཞིན་གཤེགས་པའི་རིགས་སུ་འཇུག་
པའོ། །འདིར་བྱིན་གྱི་རླབས་འབྱུང་བ་ནི་གཉིས་ཏེ།ཐམས་ཅད་དུ་ལྷག་མ་ལུས་པར་མི་བྱེད་པ་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་འགྲོགས་པར་འདོད་པའོ། །དེ་དག་ལ་སོགས་པ་སྔགས་ཀྱི་སྤྱོད་པ་ལ་ཞུགས་པ་རྣམས་ལ་ཐབས་མང་དུ་འབྱུང་
བར་འགྱུར་རོ། །དེ་ནས་སྒྲུབ་པ་པོ་རྣམས་ཀྱི་ཐུན་མོང་གི་སྔོན་དུ་བསྙེན་པའི་ཆོ་ག་བཤད་པར་བྱའོ། །དང་པོ་རེ་ཞིག་སྔགས་གང་ཡང་རུང་བ་བླངས་ནས་བདེན་པའི་བྱིན་གྱི་རླབས་ཀྱིས་གང་ལ་ལྷག་པར་མོས་པ་ཉེ་བར་བཟུང་ལ་སྔ་དྲོའི་ཐུན་ལ་སྐུ་གཟུགས་ཀྱི་མདུན་དུ་འམ། རས་རིས་ཀྱི་མདུན་

</font><hr>87-1-234a<br><font size=+2>

དུའམ། །དམ་པའི་ཆོས་ཀྱི་གླེགས་བམ་གྱི་མདུན་དུ་མཚན་མ་བཞག་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡན་ལག་ཐམས་ཅད་ཀྱིས་ཕྱག་བྱས་ལ་འདི་སྐད་ཅེས་བརྗོད་པར་བྱའོ། །བདག་མིང་འདི་ཞེས་བགྱི་བ། སངས་རྒྱས་དང་བྱང་
ཆུབ་སེམས་དཔའ་ཐམས་ཅད་ལ་བདག་ཉིད་འབུལ་གྱིས། ཐམས་ཅད་དུབ་དག་རབ་ཏུ་གཟུང་དུ་གསོལ། །ཐུགས་རྗེ་ཆེན་པོ་དང་ལྡན་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཏུ་གསོལ་ཞེས་ལན་གསུམ་གྱི་བར་དུ་བརྗོད་པར་བྱའོ། །
དེ་ནས་སྡིག་པ་བྱས་པ་བཤགས་པར་བྱ་སྟེ། འདིར་འདོད་ཆགས་དང ། ཞེ་སྡང་དང ། གཏི་མུག་ལས་སྐྱེས་པའི་སྡིག་པ་མ་ལུས་པ་ཐམས་ཅད་བཤགས་པར་བགྱི་སྟེ། ཐུགས་བསྐྱེད་པ་གང་གིས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བཤགས་པ་དེས་བདག་གིས་
ཀྱང་བཤགས་པར་བགྱི་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་བཞིན་དུའོ་ཞེས་བྱ་བ་འམ། ཡང་ན་ནུས་པ་ཅི་ལྟ་བའི་བཤགས་པས་བཤགས་པར་བྱའོ། །དེ་ནས་འདི་སྐད་ཀྱང་བརྗོད་པར་བྱའོ། །དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཡང་དག་པར་བྱུང་བའི་བསོད་ནམས་དང་ཡེ་ཤེས་ཀྱི་ཚོགས་ཚད་མེད་པ་མཉམ་པ་ཉིད་ལ་རྗེས་སུ་ཡི་རང་སྟེ། ཆོས་ཀྱི་དབྱིངས་མཐའ་དང་དབུས་མེད་པའི་རྗེས་སུ་ཡི་རང་བས་རྗེས་སུ་ཡི་རང་སྟེ། ཐམས་ཅད་དུ་ཐམས་ཅད་ཡོངས་སུ་སྐྱོབ་པ་ཉིད་དང ། ལུས་དང་ངག་དང་
ཡིད་ཀྱིས་ལེགས་པར་སྤྱོད་པ་དུས་གསུམ་དུ་གཏོགས་པའི་སེམས་ཅན་ཐམས་ཅད་ཀྱི་དགེ་བ་ལ་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་རྗེས་སུ་ཡི་རང་བ་མཆོག་གིས་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཇི་ལྟར་
མཁྱེན་པས་རྗེས་སུ་ཡི་རང་བར་མཛད་པ་དེ་བཞིན་དུ་རྗེས་སུ་ཡི་རང་ངོ་ཞེས་བརྗོད་པར་བྱ་ཞིང ། ནུས་པ་ཅི་ལྟ་བ་བཞིན་དུ་རྗེས་སུ་ཡི་རང་བར་བྱའོ། །དེ་ནས་མཆོད་པའི་ཉེ་བར་མཁོ་བའི་དངོས་པོ་ཇི་སྙེད་ཡོད་པ་འདི་ལྟ་སྟེ། ཐབ་ལས་སྐྱེས་པ་དང ། ཆུ་ལས་སྐྱེས་པའི་རིན་པོ་ཆེའི་རི་ལ་

</font><hr>87-1-234b<br><font size=+2>

སོགས་པ་དང ། རྒྱ་མཚོའི་རིན་པོ་ཆེ་ལ་སོགས་པ་ཉམས་དགའ་བ། བདག་པོ་མེད་ཅིང་ཡོངས་སུ་བཟུང་བ་མེད་པ་མ་ལུས་པ་དེ་དག་དང ། སེམས་ཅན་གྱི་ཁམས་ན་ཡོད་པ་དེ་དག་དུས་ཐམས་ཅད་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡོངས་སུ་བསྔོ་བར་བྱའོ། །
ཡོངས་སུ་བསྔོས་ནས་བདག་གི་བསོད་ནམས་ཀྱི་སྟོབས་དང ། དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས། མཆོད་པའི་སྤྲིན་རབ་འབྱམ་མཆོག་ཏུ་རྒྱ་ཆེ་བ། ཆོས་ཀྱི་དབྱིངས་རྒྱས་པར་འགེངས་པ་རྣམས་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་
རབ་ཏུ་འབྱུང་བར་གྱུར་ཅིག་ཅེས་བརྗོད་ལ། དེ་ལྟ་བུའི་མཆོད་པའི་སྤྲིན་འབྱུང་བར་བྱེད་པའི་རིག་པའི་རྒྱལ་མོ་འདི་ཡང་བརྗོད་པར་བྱ་སྟེ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། སརྦ་ཏ་ཐཱ་ག་ཏེ་ཨདྷི་ཥྛི་ཏེ། ག་ག་ན་ཁཾ་བྷོ་སྥ་ར་ས་མནྟེ་ན་སཝཱ་ཧཱ། ཞེས་ལན་བརྒྱད་ཀྱི་བར་དུ་བརྗོད་པར་བྱའོ། །
ལྷག་མ་ཡང་ཅི་ཙམ་འདོད་པ་བརྗོད་པར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་མཆོད་པ་ཅི་ལྟ་བ་བཞིན་དུ་ཡང་དག་པར་གནས་པར་འགྱུར་ཞིང་བྱིན་གྱིས་རློབ་ལ་མཁྱེན་པར་ཡང་འགྱུར་རོ། །དེ་ནས་བདག་གི་བསོད་ནམས་ཀྱི་སྟོབས་ཀྱིས་སངས་རྒྱས་དང་བྱང་
བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པའི་རྒྱ་མཚོ་གླུ་དབྱངས་མཆོག་རྒྱ་ཆེ་བ་རབ་འབྱམ་རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་འབྱུང་བར་གྱུར་ཅིག་ཅེས་བརྗོད་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པ་དང ། 
ཆོས་སྒྲོགས་པའི་དབྱངས་འབྱུང་བར་བྱེད་པའི་རིག་པའི་རྒྱལ་མོ་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། སརྦ་ཏྲ་སཾ་ཀུ་སུ་མི་ཏ་ཨ་བྷི་ཛྙཱ་ཏ་རཱ་ཤི་ནི། ན་མོ་སྟུ་ཏེ་སཝཱ་ཧཱ། དེ་ལྟར་དོན་ཡོད་པ་འདི་ལ་མངོན་པར་དད་པར་བྱས་ནས་བསྒྲུབས་ན་དེ་བཞིན་དུ་འདིར་
འབྱུང་བར་འགྱུར་རོ། །དེ་ནས་བླ་ན་མེད་པའི་བསོད་ནམས་དང་ཡེ་ཤེས་ཀྱི་ཚོགས་དེ་དག་ཐམས་ཅད་ཡང་དག་པར་རྫོགས་པའི་བྱང་ཆུབ་ཏུ་བསྔོ་བར་བྱའོ། །དེ་ནས་ཚད་མེད་པའི་སེམས་བསྐྱེད་པ་གང་ཡང་རུང་བའི་ལྷག་པའི་བསམ་པས་སེམས་བསྐྱེད་ལ་སྔགས་བཟླས་ཤིང ། དེ་སྔ་

</font><hr>87-1-235a<br><font size=+2>

རེ་ཞིག་བདག་གི་སེམས་བསྐྱེད་པ་དང་བོས་བདག་གི་སྨོན་ལམ་དང ། བསོད་ནམས་དང ། ཡེ་ཤེས་ཀྱི་སྟོབས་ཀྱིས་འདིར་སེམས་ཅན་གྱི་ཁམས་ཐམས་ཅད་སེམས་བསྐྱེད་པ་གྲུབ་པར་གྱུར་ཅིག་།དེ་བཞིན་གཤེགས་པའི་བྱིན་གྱི་རླབས་ཀྱང་འབྱུང་བར་གྱུར་
ཅིག་ཅེས་བྱའོ། །ཡང་ན་བྱང་ཆུབ་སེམས་དཔའི་སྤྱོད་པ་ལ་འཇུག་པ་གྲུབ་པར་གྱུར་ཅིག་།འབྱུང་བར་གྱུར་ཅིག་ཅེས་བརྗོད་དོ། །ཡང་ན་བླ་ན་མེད་པའི་ཡེ་ཤེས་ཀྱི་ཚོགས་རྒྱ་མཚོ་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བྱ་བའམ། ཡང་ན་དངོས་གྲུབ་གང་སངས་
རྒྱས་བཅོམ་ལྡན་འདས་རྣམས་ཀྱིས་མཁྱེན་པ་དེ་བདག་གི་བསོད་ནམས་དང ། ཡེ་ཤེས་ཀྱི་སྟོབས་དང ། དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས་སེམས་ཅན་ཐམས་ཅད་ཀྱི་དངོས་གྲུབ་འབྱུང་བར་གྱུར་ཅིག་ཅེས་བསམས་ལ། སྔགས་ཀྱི་རྒྱལ་པོ་ལན་བརྒྱད་ཀྱི་
བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ན་མོ་སྟུ་ཏེ་མ་ཧཱ་བཛྲ་སརྦ་སྟཱ་ཧི་ཏཾ་ཀ་ར་ཏིཥྛ་སརྦ་ཏྲ་སརྦ་ཥ་ཊ་དྷ་རྨཱ་ཎཱ་མ་དྷིཥྛཱ་ཡ་སཝཱ་ཧཱ། དེའི་རྗེས་ལ་འདིར་སེམས་ཅན་གྱི་ཁམས་རྣམས་ལ་ཇི་ལྟར་བསམས་པ་བཞིན་དུ་སེམས་ཅན་རྣམས་ལ་ཕན་པའི་རྣམ་པ་ཐམས་ཅད་འབྱུང་བར་
འགྱུར་རོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་བྱས་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡང་དག་པར་རྫོགས་པའི་བྱང་ཆུབ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བ་ལ་དམིགས་ནས་ཇི་སྲིད་སྐྱོ་བར་
མ་གྱུར་གྱི་བར་དུ་བཟླ་བར་བྱའོ། །དེ་ནས་གླེགས་བམ་བཀླགས་ལ་ཟས་ལ་སྤྱད་ཅིང་ཟས་ཀྱིས་དུབ་ན་བསྟིས་ནས་སྔ་དྲོའི་ཆོ་ག་དེ་ཉིད་ཀྱིས་ཕྱི་དྲོའི་ཡང་བྱའོ། །ཉལ་བ་ན་དང་པོ་ཡན་ལག་ཐམས་ཅད་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ཁྲི་མ་ཡིན་
པ་ལ་ཉལ་བར་བྱའོ། །ཆོ་ག་འདི་ཉིད་ཀྱིས་ནུས་པ་ཅི་ལྟ་བ་དང ། སྟོབས་ཅི་ལྟ་བ་བཞིན་ཉིན་རེ་ཞིང་ཡར་ངོའི་ཉའི་བརཟླ་བ་གཅིག་གི་བར་དུ་བྱའོ། །དེ་ནས་ཐབས་དང་མི་ལྡན་པའི་ཆོ་ག་ཡང་ཇི་སྐད་གསུངས་པ་བཞིན་ནུས་པ་ཅི་ལྟ་བ་བཞིན་བསྒྲུབ་པར་བྱའི། བདག་གིས་ནུས་པ་མ་ཡིན་ནོ་

</font><hr>87-1-235b<br><font size=+2>

ཞེས་སྒྱིད་ལུག་པར་མི་བྱ་སྟེ། ལས་ཅི་ལྟ་བ་འབྲས་བུ་ཡང་དེ་ལྟ་བུའོ་ཞེས་བྱ་བས་དངོས་གྲུབ་ཀྱི་འབྲས་བུ་འགྲུབ་པར་འགྱུར་རོ་ཞེས་བསམས་ལ་རི་ལ་སོགས་པའི་གནས་རབ་ཏུ་དབེན་པའམ། གཙུག་ལག་ཁང་ལ་སོགས་པའི་ཁང་པ་སྟོང་པའམ། བླ་གབ་མེད་པར་འདུ་འཛི་རྣམ་
པར་སྤངས་ལ་སེམས་ཅན་ལ་གནོད་པ་མེད་པས་ཆོ་ག་འདི་བཞིན་དུ་བྱའོ། །ཁྲུས་ལ་སོགས་པ་མེད་ཀྱང་རུང ། རས་རིས་མེད་ཀྱང་རུང ། ཚུལ་ཁྲིམས་འཆལ་བ་ཡིན་ཡང་རུང ། དམན་པ་ཡིན་ཡང་རུང ། བསོད་ནམས་དང་མི་ལྡན་ཡང་རུང་སྟེ། གང་ཡང་མང་དུ་སྒྲུབ་པ་ལ་
གོམས་པར་བྱའོ། །མུན་པ་ཆེན་པོ་ནས་སྣང་བར་འཇུག་པར་འདོད་པ་དང ། འཁོར་བར་ལྟུང་བ་རྣམས་བྱང་ཆུབ་སེམས་དཔའི་ཐེག་པ་ལ་བསྐྱོན་པར་འདོད་པ་དང ། གང་ཡང་མང་དུ་འབད་པས་ལོག་པར་ལྟུང་བ་རྣམས་རབ་ཏུ་གཟུང་ཞིང་སྣང་བར་བྱེད་པ་རབ་ཏུ་ཐོབ་པར་འདོད་པས་ཆོ་ག་
བཞིན་ཉིན་རེ་ཞིང་ཟླ་བ་གཅིག་གི་བར་དུ་བྱས་ལ། མཐར་ཡར་ངོའི་བཅཝ་ལྔ་ལ་ཇི་ལྟར་མངོན་པར་འབྱོར་བའི་མཆོད་པ་བྱས་ནས་མཆོད་རྟེན་དང ། སྐུ་གཟུགས་དང ། རས་རིས་དང ། དམ་པའི་ཆོས་ཀྱི་གླེགས་བམ་མམ། གང་ཡང་རུང་བའི་མདུན་དུ་མེ་ཏོག་སིལ་མས་བཀྲམ་པའི་
དཀྱིལ་འཁོར་བྱས་ལ། ལོ་མ་བཏིང་བ་ལ་འདུག་སྟེ། བསྲུང་བའི་ཆོ་ག་ལ་སོགས་པ་སྔ་མ་བཞིན་བསམས་ལ། ལན་གསུམ་གྱི་བར་དུ་སྔགས་བརྗོད་པར་བྱའོ། །དེ་ནས་ལྕགས་ཀྱི་འཁོར་ལོ་འམ། རྡོ་རྗེའམ། རལ་གྲིའམ། མདུང་ངམ། ལྕགས་ཀྱུའམ། ཆུ་
གྲི་ཟླ་ཕྱེད་ཀྱི་བར་དུ་བ་ལང་གི་ལྕི་བའི་ནང་དུ་བཅུག་ནས་བཏོན་ལ། ལག་ཏུ་བཟུང་ནས་སྲོད་དང་པོ་ནས་བརྩམས་ནས་མཚན་རངས་པར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་བསྒྲུབ་པར་བྱའོ། །ཡང་ན་རྡོ་རྗེ་ལས་བྱས་པ་རའི་འོ་མའི་ནང་དུ་བཅུག་པས་སོ། །
ཡང་ན་དངུལ་དང ། ཟངས་དང ། གསེར་ལས་བྱས་པ་ཟླ་བ་ཕྱེད་དུ་ཆུའི་ནང་དུ་བཅུག་པའམ། མིག་སྨན་བའི་འོ་མའི་བུམ་པར་བཅུག་པའམ། བསྲེགས་པའམ། ལྡོང་རོས་དང ། བ་བླ་དང ། གི་ཝང་ངམ། རང་བཞིན་གྱིས་གནས་པ་ལོ་མའམ། གོས་ཀྱི་

</font><hr>87-1-236a<br><font size=+2>

བར་དུ་ལག་ཏུ་བཟུང་ལ་བསྒྲུབ་པར་བྱའོ། །ཡང་ན་ནོར་བུའམ། ཡང་ན་ཕྲེང་བ་འམ། ཡང་ན་ལྷུང་བཟེད་བཀྲུས་པའམ། གོས་སམ། གནས་སམ། གདུགས་སམ། རི་མོ་ལག་ཏུ་བཟུང་བས་སམ། ཏ་ལའི་ལོ་མ་ལས་བྱས་པའི་རལ་གྲི་ལ་སོགས་
པ་རིག་པ་འཛིན་པ་འགྲུབ་པའི་རྫས་རྣམས་དང་མཚན་རངས་པར་བསྒྲུབས་ན་ནམ་ཕྱེད་དམ་ཉི་མ་ཤར་བའི་ཚེ་འབར་བར་གྱུར་ནས་གལ་ཏེ་གྲུབ་ན་ངོ་མཚར་ཆེན་པོ་གློ་བུར་དུ་འབྱུང་བར་འགྱུར་ཏེ། ནམ་མཁའ་ལ་མེ་ཏོག་གི་ཆར་འབབ་པ་དང ། སངས་རྒྱས་ཀྱི་ཞིང་རབ་ཏུ་གཡོ་བ་དང ། 
སྣང་བ་ཆེན་པོ་གློ་བུར་དུ་འབྱུང་བ་དང ། གཞན་ཡང་ངོ་མཚར་ཆེན་པོ་རྣམ་པ་སྣ་ཚོགས་འབྱུང་བར་འགྱུར་ཞིང ། རིག་པ་འཛིན་པའི་རིགས་ཐམས་ཅད་ཉེ་བར་འདུས་ནས་དེ་ལ་བསོད་ནམས་ཅི་ལྟ་བ་བཞིན་དུ་སྔགས་ཀྱི་མཐུ་ཁྱད་པར་ཅན་གྱིས་དབང་སྐུར་བར་བྱེད། ཡོངས་སུ་འཛིན་པར་བྱེད་
དོ། །ད་ནས་རིག་པ་འཛིན་པའི་རྒྱལ་པོ་རིག་འཛིན་གྱི་སྡེ་དཔོན་ཚོགས་ན་སྤྱོད་པར་འགྱུར་རོ། །འདི་རང་གི་སྐལ་བ་ཇི་ལྟ་བ་བཞིན་དུ་འཇུག་པར་འགྱུར་ཞིང་བྱང་ཆུབ་སེམས་དཔའི་རིག་འཛིན་གྱི་སྡེ་བའི་རྒྱལ་པོ་ཉིད་སྡུག་བསྔལ་མེད་པར་འཐོབ་པར་འགྱུར་ཞིང ། དེ་ཉིད་དུ་ས་ལ་བཞུགས་
ནས་རྡོ་རྗེ་འཛིན་གྱི་གཙོ་བོ་ཆེན་པོ་ཞེས་བྱ་བའི་འཁོར་ལོས་སྒྱུར་བ་རབ་འབྱམ་མཐའ་ཡས་པའི་འཕགས་པའི་ཆོས་ཀྱི་སྤྱོད་ཡུལ་འཕྲོགས་པ་མེད་པར་སོང་བ། རྣམ་པར་རོལ་པ་མཐའ་ཡས་བས་མཛེས་པ། དེ་བཞིན་གཤེགས་པའི་རིག་པ་འཛིན་པར་བྱུང་ནས་ཡང་ཉམས་པར་མི་འགྱུར་བ་
ཐོབ་པས་སྲེག་པའི་བསྐལ་པའི་དུས་སུ་ཡང་འཇིག་རྟེན་གྱི་ཁམས་གཞན་དུ་འགྲོ་བར་འགྱུར་ཞིང་བླ་ན་མེད་པའི་བདེ་བའི་བདུད་རྩི་ལས་ཀྱང་མི་ཉམས་ལ། འདོད་པའི་ཡོན་ཏན་ལྔ་ལོངས་སྤྱོད་པ་ལས་མི་ཉམས་ཤིང་བུད་མེད་མང་པོའི་ཚོགས་ཀྱིས་ཡོངས་སུ་བསྐོར་བར་ཡང་འགྱུར་རོ། །ཤེས་རབ་
དང་ཐབས་སོ་སོ་འཐོབ་ཅིང་སྟོབས་ཆེན་པོ་དང་ལྡན་པར་འགྱུར་ཞིང་སེམས་ཅན་ལ་གནོད་པར་ཡང་མི་བྱེད་དོ། །འཇིག་རྟེན་གྱི་རིག་འཛིན་གྱི་རྒྱལ་པོ་རྣམས་ཀྱང་དེའི་བདེ་བའི་བདུད་རྩིའི་ལོངས་སྤྱོད་མང་པོ་ལ་ལྟོས་ན་ཟད་པ་དང ། དམན་པ་ལྟ་བུ་ཡིན་པས་འཇིག་རྟེན་པའི་རིག་འཛིན་དེ་དག་

</font><hr>87-1-236b<br><font size=+2>

གི་མཆོག་ཏུ་འགྱུར་ཞིང་སྙིང་རྗེ་བར་སེམས་པར་འགྱུར་རོ། །འདིའི་ཤུགས་ཀྱིས་འགྲོ་བ་ལ་ལྟོས་ན་ལྷའི་འཇིག་རྟེན་པའི་རིག་པ་འཛིན་པ་རྣམས་ཀྱང་རྐང་གིས་འགྲོ་བ་ལྟ་བུར་སེམས་སོ། །གང་འཇིག་རྟེན་པའི་རིག་འཛིན་གྲུབ་པ་དེ་དང ། འདིའི་ཁྱད་པར་ཡང་རྩཝ་དང་རི་རབ་ཀྱི་ཁྱད་པར་
ལྟ་བུར་འགྱུར་རོ། །འདི་ལྟ་བུའི་ཐབས་དང་ལྡན་པའི་ཆོ་གའོ། །ཐབས་དང་མི་ལྡན་པས་ནི་ཇི་ལྟར་མོས་པ་བཞིན་དུ་དེ་བཞིན་གཤེགས་པའི་སྙིང་པོའི་ཆོ་ག་ཞིབ་མོ་རིམ་པར་ཕྱེ་བ་རབ་འབྱམ་གྱི་ཆོ་གའོ། །སྔར་གྱི་རྟོག་པའི་ཆོ་ག་ཐམས་ཅད་ཀྱིས་བསྒྲུབ་པར་བྱ་ཞིང་སྔར་གྱི་རྟོག་པའི་ཆོ་
ག་ཐམས་ཅད་ཀྱིས་སྦྱར་བར་བྱའོ། །མངོན་པར་ཤེས་པ་ལྔ་སྒྲུབ་པའི་ཐབས་ནི་རྣམ་པ་གཉིས་ཏེ། རབ་ཏུ་དབེན་པར་སངས་རྒྱས་དང་བྱང་ཆུབ་སེམས་དཔའ་ལ་སོགས་པས་དམིགས་པ་རྟག་ཏུ་ཟློས་པ་དང ། ལྷ་མཉེས་པར་བྱེད་པས་མངོན་པར་ཤེས་པ་ལྔ་བསྒྲུབ་པ་སྟེ། ཆོ་གའི་ཐབས་
དེ་དག་གིས་རྟག་ཏུ་གོམས་པར་བྱས་ནས་མངོན་པར་ཤེས་པ་ལྔ་ཉེ་བར་འབྱུང་བར་འགྱུར་རོ། །ལས་རྣམ་པ་གཉིས་ཀྱིས་རྫུ་འཕྲུལ་གྱི་རྐང་པ་རྣམས་ཐོབ་པར་འགྱུར་ཏེ། ལུས་ཡང་བ་དང་སེམས་ཡང་བ་ཉིད་ལ་གོམས་པར་བྱེད་ཅིང་ཟློས་པ་དང ། དབེན་པར་འདུག་ནས་བཟླས་པ་ལ་གོམས་
པར་བྱེད་པའོ། །མི་སྣང་བའི་ཆོ་ག་ནི་གསུམ་སྟེ། ཉིན་གཅིག་ཏུ་སྒྲུབ་པའམ། ཉིན་མཚན་གཅིག་སྦྱོར་བས་སྒྲུབ་པ་དང ། དུར་ཁྲོད་དུ་ས་ལས་བྱས་པའི་མཆོད་རྟེན་བྱས་པའི་མདུན་དུ་དཀྱིལ་འཁོར་བྱས་པ་ལ་མེ་ཏོག་སིལ་མས་བཀྲམ་པ་ལ་འདུག་ནས་བ་བླའམ། གི་ཝང་ངམ། 
་ཤཝཏྠའི་ལོ་མ་འམ། བྱང་ཆུབ་ཀྱི་ཤིང་གཞན་ཡང་རུང ། མྱ་ངན་མེད་པ་ལ་སོགས་པ་བཀྲ་ཤིས་ཀྱི་ཤིང་གི་ལོ་མ་ལ་བཞག་ནས་སྒྲུབ་པ་པོས་ཐོ་རངས་ཀྱི་དུས་ནས་སྲོད་ཀྱི་བར་དུ་ཉིན་རངས་བསྒྲུབ་པར་བྱའོ། །དེ་ལས་དུ་བ་བྱུང་ན་མི་སྣང་བར་འགྱུར་རོ། །གལ་ཏེ་ཉི་མ་དེ་ལ་མ་གྲུབ་
ན་ཉི་མ་གསུམ་གྱི་བར་དུ་བསྒྲུབ་པར་བྱའོ། །དེ་ལྟ་ན་ཡང་མ་གྲུབ་ན་ཉི་མ་བཞི་པ་ལ་ཉི་མ་རངས་པར་དུར་ཁྲོད་དུ་འཆག་ཅིང་སྒྲུབ་པ་བྱས་ན་ངེས་པར་འགྲུབ་པར་འགྱུར་ཏེ། མི་སྣང་བར་འགྱུར་ཞིང་འདོད་པའི་གཟུགས་ཅན་དུ་འགྱུར་ལ་རི་རབ་ཀྱི་ངོས་ཀྱི་བར་དུ་འགྲོ་བར་འགྱུར་རོ། །ཡང་ན་

</font><hr>87-1-237a<br><font size=+2>

དེ་ཉིད་དུ་མཆོད་རྟེན་གྱི་མདུན་དུ་ཚེས་བཅུ་གསུམ་གྱི་ཉི་མ་ནུབ་ནས་ཉི་མ་ཤར་གྱི་བར་དུ་མཆོད་པ་བྱས་ནས་ཤིང་ལོ་ལ་འདུག་སྟེ། བ་བླའམ། གི་ཝང་ལོ་མའི་བར་དུ་བཞག་ནས་ཉི་མ་ནུབ་པའི་དུས་ནས་བརྩམས་ཏེ། མཚན་རངས་པ་བཟླས་ནས་དུ་བ་བྱུང་བས་ཚུད་
གསུམ་བྱས་ན་མི་སྣང་བར་འགྱུར་རོ། །ཡང་ན་དུར་ཁྲོད་དེ་ཉིད་དུ་ཁྲག་གིས་ཐིག་ལེ་བྱས་ནས་ལག་ཏུ་རལ་གྲི་ཐོགས་ནས་འདུག་ལ་མཚན་རངས་པ་བཟླས་པ་བྱས་ན་ཉི་མ་ཤར་བའི་དུས་སུ་མི་སྣང་བར་འགྱུར་རོ། །རོ་ལ་རྐང་པས་མནན་ནས་ལག་པར་རལ་གྲི་ཐོགས་ཏེ་ཇི་སྲིད་མི་སྣང་བར་
འགྱུར་གྱི་བར་དུ་བཟླས་པ་བྱའོ། །ལག་ཏུ་རལ་གྲི་བཟུང་ནས་ཉི་མ་གང་ཡང་རུང་བ་ལ་རོ་བསྲེགས་པའི་ཐལ་བ་ལ་ཁྲག་གིས་བསངས་པའི་ཡུངས་ཀར་གྱི་སྦྱིན་སྲེག་མཚན་རངས་པ་བྱས་ན་ཐོ་རངས་མི་སྣང་བར་འགྱུར་རོ། །མདོར་ན་རྟོག་པ་ཐམས་ཅད་ཀྱི་ཆོ་ག་གང་ཡང་རུང་བ་དེ་དག་དུར་ཁྲོད་
དུ་བྱ་ཞིང་སྦྱར་རོ། །ཡང་ན་ཉི་མ་རངས་པ་རི་ལ་སོགས་པའམ། ཁྱིམ་སྟོང་དང ། ལྷའི་ཁང་པ་དང ། ཤིང་གཅིག་དང ། དགོན་པའི་མཆོད་རྟེན་དང ། མཚན་མ་གཅིག་པ་དང ། དུར་ཁྲོད་ལ་སོགས་པའི་གནས་སུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་པ་ལ། ཤིང་
རྟ་དང ། ལྷའི་བཞོན་པ་དང ། སེང་གེ་དང ། རྟ་དང ། གླང་པོ་ཆེ་དང ། མ་ཧེ་དང ། གླང་དང ། རི་དགས་དང ། ར་འམ། ལུག་གམ། ཁྱིམ་བྱ་ཡང་རུང་བྲིས་པའི་མདུན་དུ་མཚན་རངས་པ་མར་དང ། སྦྲང་རྩི་དང ། མིའི་རུས་པ་ཕྱེ་མའི་སྦྱིན་སྲེག་བྱས་ན་ནམ་ཕྱེད་དམ། 
ཉི་མ་འཆར་ཀར་འབར་བར་འགྱུར་རོ། །དེ་ནས་གང་དུ་འདོད་པར་འགྲོ་ཞིང་མི་སྣང་བར་ཡང་འགྱུར་རོ། །འདོད་ན་ཡང་སླར་འོང་བར་འགྱུར་ཞིང་ཡང་འགྲོ་བར་ཡང་འགྱུར་རོ། །དེ་ལ་སྦྱོར་བ་འདིས་རིལ་བུ་བསྒྲུབ་པར་བྱ་སྟེ། ཨ་ཏི་པ་ལའི་རྩ་བ་དང ། ཏྲི་བར་ཎའི་རྩ་བ་ལ་གོད་པ་རི་ཞེས་བྱ་བ་
དང ། མ་ཧཱ་བེ་གེའི་རྩ་བ་ལ་ཡང་ཏྲཻ་ལ་བཪྞེ་ཞེས་ཀྱང་བྱ་བ་དང ། ཤིང་ཆེན་གྱི་རྩ་བ་དང ། ཤུན་པ་དང ། འདི་དག་ཆ་མཉམ་པར་ཕྱེ་མ་ཞིབ་མོར་བྱས་ནས་རང་གི་ཁྲག་དང་རིལ་བུ་གསུམ་བྱས་ནས་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་མྱ་ངན་མེད་ཀྱི་མེ་ཏོག་དང ། མ་དུ་ལུང་

</font><hr>87-1-237b<br><font size=+2>

གའི་རྩ་བ་དང ། ཏ་ར་བ་ར་རྟའི་རྩ་བ་དང ། ཟར་མའི་ཤུན་པ་རྣམས་ཆ་མཉམ་པ་གཅིག་ཏུ་བྱས་ནས་ཕྱེ་མ་ཞིབ་མོར་བྱས་ལ་རང་གི་ཁྲག་དང ། རིལ་བུ་སྲན་མ་ཙམ་གསུམ་བྱས་ཏེ་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་ཏིལ་གྱི་རྩ་བ་དང ། ཏྲ་བུ་ཤའི་ས་བོན་དང ། མ་
ལ་ཏའི་རྩ་བ་དང ། ཏ་མ་ལའི་ལོ་མ་རྣམས་ཆ་མཉམ་གཅིག་ཏུ་བྱས་པའི་ཕྱེ་མ་ཞིབ་མོ་དང་རང་གི་ཁྲག་གིས་རིལ་བུ་གསུམ་བྱས་ལ་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་ཡུངས་ཀར་དང ། ཏིལ་དང། བོང་དང ། ་རུ་རའི་ཤུན་པ་འདི་རྣམས་ཆ་མཉམ་པའི་ཕྱེ་མ་
ཞིབ་མོ་སྦྲང་རྩི་དང་རང་གི་ཁྲག་གིས་སྦྲུས་ནས་རིལ་བུ་གསུམ་བྱས་ལ་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་ཨ་རུ་ར་དང ། བི་བྷི་ཁའི་འབྲས་བུའི་རྐང་པ་དང ། ནཱ་ག་གེ་སར་དང ། སྤངས་མ་དང ། ཛཱ་ཏིའི་མེ་ཏོག་རྣམས་ཆ་མཉམ་པའི་ཕྱེ་མ་ཞིབ་མོར་བྱས་ལ་རང་གི་ཁྲག་
དང ། ཏིལ་མར་བསྲེས་པ་དང ། རིལ་བུ་གསུམ་བྱས་ལ་ཟངས་ཀྱིས་བཏུམ་པར་བྱའོ། །དེ་ནས་རིལ་བུ་དེ་དག་སྒྲུབ་པའི་ཐབས་འབྱུང་བར་འགྱུར་རོ། །སྔགས་གང་ཡང་རུང་བ་སྟོང་ཕྲག་གཅིག་བཟླས་པ་བྱས་ལ་དུར་ཁྲོད་དུ་དཀྱིལ་འཁོར་བྱས་ནས་དབུས་སུ་མཆོད་རྟེན་ནམ། 
དམ་པའི་ཆོས་ཀྱི་གླེགས་བམ་བཞག་ནས་ཚེས་བཅུ་གསུམ་གྱི་ཉིན་མཚན་རངས་པ་ལོ་འདབ་བཏིང་བ་ལ་མྱུར་བར་འདུག་ལ་ལག་པ་གཡས་པར་རལ་གྲི་ཐོགས་ནས་གཡོན་དུ་རིལ་བུ་གང་ཡང་རུང་བ་བཟུང་ལ་སྲོད་ནས་བརྩམས་ནས་ཇི་སྲིད་དུ་བ་འབྱུང་བ་དང ། རབ་ཏུ་གཡོ་བར་འགྱུར་གྱི་
བར་དུ་བསྒྲུབ་པ་བྱས་ན་དེ་ནས་རིལ་བུ་གཅིག་ཁར་བཅུག་ན་ཉི་མའི་འོད་ལྟ་བུར་འགྱུར་རོ། །ཁྲུ་གང་ཙམ་གྱིས་ལ་མ་རེག་པར་འགྱུར་རོ། །གལ་ཏེ་དེའི་ནུབ་མོ་མ་གྲུབ་ན་སླར་ཡང་དུར་ཁྲོད་དུ་སྲོད་ནས་བརྩམས་ནས་ཇི་སྲིད་ཉི་མ་ཤར་གྱི་བར་དུ་འཆག་ཅིང་བཟླས་པ་བྱའོ། །ཡང་ན་དབང་
ཕྱུག་ཆེན་པོ་གྲུབ་པའི་ཁང་པར་མཚན་མའི་སྟེང་དུ་བཞག་ནས་ཁ་བྱང་དུ་བལྟས་ཏེ་འདུག་པས་ལག་ཏུ་རལ་གྲི་ཐོགས་ཏེ། སྲོད་དུས་ནས་བརྩམས་ནས་ཉི་མ་ཤར་གྱི་བར་དེ་བཞིན་དུ་ཁར་བཅུག་ནས་བསྒྲུབས་ན་ཉི་མའི་མདོག་ཏུ་འགྱུར་རོ། །ཡང་ན་དགོན་པའི་མཆོད་རྟེན་ནམ། ཡང་

</font><hr>87-1-238a<br><font size=+2>

ན་བྱང་ཆུབ་ཀྱི་ཤིང་བདུན་པོ་གང་ཡང་རུང་བའི་རྩར་ཉེ་བར་འདུག་ལ་རིལ་བུ་གང་ཡང་རུང་བ་གསུམ་ལག་ཏུ་བཟུང་ནས་སྔ་མ་བཞིན་དུ་བྱའོ། །ཡང་ན་དབེན་པར་འཕགས་པ་ཕྱག་ཏུ་བཞག་ནས་མཆོད་པ་བྱས་ལ་བསྒྲུབ་པར་བྱའོ། །ཡང་ན་ཅི་སྐད་
བསྟན་པའི་གནས་སུ་ཟླ་བ་དང ། ཉི་མ་གཟས་ཟིན་པའི་ཚེ་བསྒྲུབ་པར་བྱ་སྟེ་སྔ་མ་བཞིན་ནོ། །དེ་ནས་མིག་སྨན་འབྱུང་བར་འགྱུར་ཏེ། སྤངས་མ་དང ། མཐིང་ཤུན་དང ། ཟངས་ཕྱེ་མ་རྣམས་ཆ་མཉམ་པར་བྱས་ལ་རང་གི་ཁྲག་དང་སྦྲང་རྩིས་རིལ་བུ་བྱས་ནས་ཁམ་ཕོར་མ་
བསྲེགས་པ་ཁ་སྦྱར་དུ་བཞག་ལ། དུར་ཁྲོད་ལ་སོགས་པའི་གནས་རྣམས་སུ་དེ་བཞིན་དུ་ལག་ཏུ་རལ་གྲི་ཐོགས་ཏེ་རིལ་བུ་བཞིན་དུ་བསྒྲུབ་པར་བྱའོ། །དེ་བཞིན་དུ་བ་བླ་བྱང་ཆུབ་ཀྱི་ཤིང་གི་ལོ་མའི་བར་དུ་བཞག་ནས་ལག་ཏུ་རལ་གྲི་བཟུང་ནས་སྔ་མ་བཞིན་དུ་བསྒྲུབ་བོ། །དགོན་པའི་
མཆོད་རྟེན་ནམ། བྱང་ཆུབ་ཀྱི་ཤིང་གང་ཡང་རུང་བའི་རྩ་བའམ། དབང་ཕྱུག་ཆེན་པོའི་གནས་སུ་འཕགས་པ་རྡོ་རྗེ་འཛིན་གྱི་ཕྱག་ཏུ་བཞག་ནས་ཚེས་བཅུ་གསུམ་གྱི་ཉིན་ཞག་སྨྱུང་བར་འདུག་ནས་བསྒྲུབ་པའམ། ཟླ་བ་ཉི་མ་གཟས་ཟིན་པའི་ཚེ་སྲོད་ནས་བརྩམས་ནས་བསྒྲུབ་པར་
བྱའོ། །གྲུབ་ན་ཐིག་ལེ་བྱས་ན་མི་སྣང་བར་འགྱུར་རོ། །གལ་ཏེ་དེའི་ནུབ་མོ་མ་གྲུབ་ན་དེ་བཞིན་དུ་དེ་ཉིད་དུ་འཆག་ཅིང་ཉི་མ་འཆར་ཀ་ནས་བརྩམས་ནས་སྲོད་ཀྱི་བར་དུ་བསྒྲུབ་པར་བྱའོ། །གྲུབ་པར་གྱུར་ན་བར་གྱི་བསྐལ་པར་གནས་ཤིང་གསེར་གྱི་མདོག་ཅན་འདོད་པའི་གཟུགས་ཅན་
དུ་འགྱུར་རོ། །བ་བླ་ལ་ཇི་ལྟ་བ་བཞིན་དུ་གི་ཝང་དང་ལྡོང་རོས་ལ་སོགས་པ་ལ་ཡང་བརྩོན་འགྲུས་དང་ལྡན་པས་སྔ་མ་བཞིན་དུ་བསྒྲུབ་པར་བྱའོ། །བུད་མེད་ཀྱི་མཚན་མ་གཞན་དུ་གྱུར་པ་དང ། སྔོན་གྱི་རྟེན་གཞན་དུ་གྱུར་པ་གཞོན་ནུ་དང ། གཞོན་ནུ་མའི་སྒྲུབ་པ་འབྱུང་བར་
འགྱུར་རོ། །སྔགས་གང་ཡང་རུང་བ་བཟུང་ལ་རི་གསེབ་ཏུ་ཞུགས་ཏེ་འབུམ་བཟླས་ལ། དེ་ནས་གཞོན་ནུ་མ་ལེགས་པར་ཁྲུས་བྱས་ཏེ་རྒྱན་གྱིས་བརྒྱན་པར་བྱས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དབུལ་བར་བྱ་ཞིང་ཚོགས་བསགས་པ་དང ། བྱང་ཆུབ་ཀྱི་

</font><hr>87-1-238b<br><font size=+2>

སེམས་ཡོངས་སུ་གཟུང་བ་བྱས་ལ་སྔ་མ་བཞིན་དུ་མཆོད་རྟེན་དང ། སྐུ་གཟུགས་དང ། རས་རིས་སམ། དམ་པའི་ཆོས་ཀྱི་གླེགས་བམ་གྱི་མདུན་དུ་ཇི་ལྟར་ནུས་པས་མཆོད་པ་བྱས་ལ། འཁོར་ལོའམ། རལ་གྲིའམ། རྡོ་རྗེའམ། ལྕགས་ཀྱུའམ། དམ་པའི་ཆོས་ཀྱི་གླེགས་
བམ་ལག་པ་ལ་བཅིངས་ནས་སམ། རྫས་དེ་དག་ལས་གང་ཡང་རུང་བ་ཉིད་དམ། མེད་པར་ཡང་གཞོན་ནུ་དཀྱིལ་འཁོར་དུ་བཅུག་ཅིང་ཤིང་མངར་པོ་ལ་མེ་སྦར་ལ། ཤིང་དང་ཚཝ་ཕྱེ་དང་བཅས་པའི་རང་གི་ཁྲག་གིས་བསྒོས་པ་ཉི་མ་ནུབ་ནས་བརྩམས་ནས་འབར་བར་གྱུར་གྱི་བར་དུ་དེ་
ལག་པ་ནས་བཟུང་ནས་བསྒྲུབས་ན། དེ་དང་བཅས་པར་ཐོགས་པ་མེད་པའི་རིག་པ་འཛིན་པར་འགྱུར་རོ། །དུར་ཁྲོད་དུ་ལྕགས་ཀྱི་རྡོ་རྗེ་ལག་ཏུ་བཟུང་ནས་སློང་མོ་ལ་སྤྱོད་ཅིང་ཇི་སྲིད་བདག་ཉིད་གནོད་སྦྱིན་དུ་གྱུར་གྱི་བར་དུ་བཟླས་ན་བདག་ཉིད་ལྕང་ལོ་ཅན་དུ་ཞུགས་པར་མཐོང་བར་འགྱུར་རོ། །
དེར་འཕགས་པ་ཕྱག་ན་རྡོ་རྗེའི་རིགས་སུ་རང་གི་གནས་ཐོབ་པར་འགྱུར་རོ། །བྱོན་ནས་སྡིག་པ་ཆེན་པོ་བྱས་པ་ཡང་ལག་པ་ནས་བཟུང་ནས་ངེས་པར་ལྕང་ལོ་ཅན་དུ་ཁྲིད་པར་བྱེད་དོ། །ཉལ་བའི་ཚེ་རྡོ་རྗེ་དེ་བསྲུང་བ་བྱས་ལ་སྔས་སུ་གཞག་པར་བྱའོ། །ཟས་ཟ་བའི་ཚེ་ཡང་དེ་ལག་ཏུ་
བཟུང་ནས་བཟའ་བར་བྱའོ། །ཙནྡན་དམར་པོ་ལས་བྱས་པའི་རྡོ་རྗེ་ལག་ཏུ་ཐོགས་ནས་རྟག་ཏུ་བསོད་སྙོམས་ལ་སྤྱོད་པས་རི་ལ་འཛེགས་ནས་བཟླས་པ་བྱས་ན་ཟླ་བ་ལྔའི་ནང་དུ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐལ་བ་ཅི་ལྟ་བ་བཞིན་དུ་གནས་རབ་ཏུ་ཐོབ་པར་འགྱུར་རོ། །རི་ལ་སློང་མོ་
སྤྱོད་ཅིང་རལ་གྲི་མ་བོར་པར་རྟག་ཏུ་བཟླས་པ་བྱས་ལ་ཟས་ཟ་ན་བཟུང་ནས་བཟླའོ། །ཉལ་བ་ན་ཡང་བསྲུང་བ་བྱས་ཏེ་ཤུབས་སུ་བཅུག་སྟེ་སྔས་སུ་བཞག་ན་ཟླ་བ་གསུམ་གྱི་ནང་དུ་རིག་པ་འཛིན་པར་འགྱུར་རོ། །འཁོར་ལོ་ལ་ཡང་ཆོ་ག་འདི་ཉིད་ཡིན་ནོ། །ལྕགས་སམ་ས་ལས་ལྕགས་
ཀྱུ་བྱས་ལ་དུར་ཁྲོད་དུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་ལ་དཀྱིལ་འཁོར་གྱི་དབུས་སུ་དུར་ཁྲོད་ཀྱི་ཤིང་ལས་མེ་སྦར་ལ་ལག་པ་གཡས་པར་ལྕགས་ཀྱུ་ཐོགས་ནས་སྐེ་ཚེའི་སྦྱིན་སྲེག་བྱ་སྟེ། དུར་ཁྲོད་ན་གཉུག་མར་གནས་པ་རྣམས་འོང་གི་བར་དུ་བྱའོ། །འོངས་ནས་བདག་

</font><hr>87-1-239a<br><font size=+2>

གིས་བགྱི་བ་ཅི་མཆིས་བཀའ་སྩོལ་ཅིག་ཅེས་ཟེར་ན། དེ་བཀའ་བཞིན་གྱིས་ཤིག་ཅེས་བརྗོད་དོ། །དེ་ནས་བཟུང་ནས་དྲན་པ་ཙམ་གྱིས་བཀའ་བཞིན་བྱེད་པར་འགྱུར་རོ། །དེ་བཞིན་དུ་ཤིང་ཆེན་པོའི་རྩ་བར་དེ་བཟུང་ནས་སློང་མོ་སྤྱོད་བཞིན་དུ་བཟླས་པ་བྱས་
ན་གནོད་སྦྱིན་འོངས་ནས་ཅི་ཞིག་བགྱི་ཞེས་སྨྲ་ཞིང་གང་དོན་དུ་གཉེར་བའི་དོན་དེ་སྒྲུབ་པར་བྱེད་དོ། །མྱ་ངན་མེད་ཀྱི་ཤིང་གི་རྩ་བར་སློང་མོ་སྤྱོད་པས་ལྕགས་ཀྱུ་དེ་ཉིད་བཟུང་ནས་བཟླས་ན་གནོད་སྦྱིན་མོ་འོངས་ནས་ཅི་ལྟར་མངོན་པར་འདོད་པ་བཞིན་དུ་ཉེ་བར་གནས་པར་འགྱུར་རོ། །རི་ལ་
འཛེགས་ནས་ལྕགས་ཀྱུ་དེ་བཟུང་ནས་བཟླས་པ་བྱེད་ཅིང་རིག་པ་འཛིན་པ་གྲུབ་པར་བྱེད་པ་རྫས་གང་འདོད་པས་དེ་བཞིན་དུ་བྱས་ན་དེ་དག་གི་རིག་པ་འཛིན་པར་འགྱུར་རོ། །ལྕགས་ཀྱུ་དེ་དང་ཀླུའི་གནས་ཀྱི་སྟེང་དུ་བཟླས་པ་བྱས་ན། དེའི་རྗེས་ལ་ཀླུ་སྟེང་དུ་ལངས་ནས་གང་སྨྲས་པ་དེ་
བྱེད་དོ། །ལྕགས་ཀྱུ་ལ་ཇི་ལྟ་བ་དེ་བཞིན་དུ་ལྕགས་ལས་བྱས་པའི་རལ་གྲི་དང ། འཁོར་ལོ་དང ། རྡོ་རྗེའི་སྦྱོར་བས་ཀྱང་སྦྱར་བར་བྱའོ། །དོན་ཡོད་པ་འདིས་འདིར་ནི་མ་པ་ལས་བྱས་པའི་རྡོ་རྗེ་ལག་ཏུ་ཐོགས་ནས་བླཀྴའི་ཤིང་གི་རྩ་བར་སློང་མོ་སྤྱོད་ཅིང་བཟླས་ན། ལྷ་རྣམས་
འོངས་ནས་ཡིད་ལ་གང་འདོད་པའི་དོན་རྗེས་སུ་སྒྲུབ་པར་བྱེད་ཅིང་ཟླ་བ་གཅིག་གི་ནང་དུ་འོང་བར་འགྱུར་རོ། །ཐམས་ཅད་འོང་བར་མ་གྱུར་པར་དེ་བཞིན་དུ་སྦྱིན་སྲེག་བྱ་སྟེ། གོང་མའི་ཡམ་ཤིང་གིས་མེ་སྦར་ལ་མར་དང་སྐེ་ཚེ་སྦྱིན་སྲེག་བྱས་ན་ངེས་པར་རིམ་གྱིས་ཟིན་པར་བརྙེས་ཤིང་
བརྡུངས་ལ་ཆང་བུར་བཅངས་པའི་ལུས་ཀྱིས་འོང་བར་འགྱུར་རོ། །ཐམས་ཅད་ཀྱི་ཐུན་མོང་གི་སྦྱིན་སྲེག་ཡིན་ནོ། །འདིར་སྦྱིན་སྲེག་གི་ཆོ་ག་འདི་ཡིན་ཏེ། རྫས་ཀྱི་ཆེད་དུ་ནི་ཤིང་ཆེན་དང ། མ་དུ་ཀ་དང ། ་མྲ་ལ་སོགས་པས་སོ། །དེ་བཞིན་དུ་འབྲས་བུ་དང་བཅས་པའི་ཚེར་མ་
ཅན་གྱི་ཤིང་གི་ཡམ་ཤིང་གིས་ཀྱང་སྦྱིན་སྲེག་བྱའོ། །ཞོ་དང ། སྦྲང་རྩི་དང ། སཱ་ལུའི་ཟན་གྱི་ཆང་བུའམ། སྦྲང་རྩི་དང ། མར་དང ། འབྲས་སམ། སྦྲང་དང ། མར་ལ་སོགས་པས་སྦྱིན་སྲེག་བྱའོ། །བྱང་ཆུབ་ཀྱི་ཤིང་དྲུང་དུ་མཆོད་རྟེན་དང ། རས་རིས་དང ། སྐུ་གཟུགས་ཀྱི་

</font><hr>87-1-239b<br><font size=+2>

མདུན་དུ་དབང་དུ་བྱ་བའི་སྦྱིན་སྲེག་གི་ཆོ་ག་ནི་པྲི་ཡང་ཀུའི་བསྲེག་རྫས་ལ་སོགས་པའམ། མེ་ཏོག་དྲི་ཞིམ་པོའི་ཤིང་ལ་སོགས་པའི་ཡམ་ཤིང་གིས་ཀྱང་དེར་སྦྱིན་སྲེག་བྱའོ། ། ཏི་མུཀྟའི་བསྲེག་རྫས་ནི་ཞོ་ལ་བསྟེགས་པས་སོ། །པྲི་ཡང་ཀུའི་བསྲེག་རྫས་ནི་ཞོ་དང་མར་ལ་
བཏགས་པས་སོ། །ཚཝ་དང་ཏིལ་གྱི་ཆང་བུའམ། ཚཝ་དང་མར་གྱི་ཆང་བུའམ། ཚཝ་དང་ཁྲག་གི་ཆང་བུས་ཀྱང་བྱ་སྟེ། གལ་ཏེ་དབང་དུ་མ་གྱུར་ན་དེ་དག་གིས་སྦྱིན་སྲེག་བྱའོ། །མ་དུ་རི་ཀ་དང་ཏིལ་བསྲེས་པའི་སྦྱིན་སྲེག་གིས་ནི་དགའ་བ་ཆེན་པོར་བྱེད་པའོ། །སོ་བ་དང་མར་
བསྲེས་པ་དང ། ཚ་བའི་མར་དང་སྤགས་པའི་པོ་སོ་འཆའི་ཚེ་ར་མས་ནི་ཤ་ཟ་ལ་སོགས་པ་གདུག་པ་ཅན་རྣམས་ལའོ། །ཀླུའི་འོ་མ་དང་སྐེ་ཚེས་ནི་གནོད་སྦྱིན་དགུག་པ་ལའོ། །འབྲས་བུ་བསྲེགས་པས་ཀྱང་རུང་ངོ ། །སྐྱེད་མོས་ཚལ་ལ་སོགས་པ་གནས་དབེན་ཞིང་ཉམས་
དགའ་བར་མེ་ཏོག་གི་བསྲེག་རྫས་ཀྱིས་ཏེ་འོན་ཀྱང་རླུང་གི་རྒྱུན་ལ་དབུལ་བར་བྱའོ། །དེ་ལ་དོན་འདོད་པས་ནི་ཆུ་ཀླུང་གི་ནང་དུ་འདུག་ལ་ཨུཏྤལ་དང ། ཀུ་མུ་ད་དང ། པདྨ་དང ། པུཎྜ་རི་ཀ་དང ། ཀ་ར་བཱི་ད་དང ། ་ཤོ་ཀ་དང ། ཙམ་པ་ཀ་ལ་སོགས་པའི་མེ་ཏོག་གསུམ་ནས་བརྩམས་
ནས་ཅི་ཙམ་འབྱོར་པ་ཀླུང་གི་ཆུའི་ནང་དུ་འདུག་ནས་ཉི་མ་གསུམ་ཡན་ཆད་ཅི་ཙམ་འདོད་པར་རང་གི་འབྱོར་པ་དང་མཐུན་པར་རམ། བརྩོན་འགྲུས་དང་རྗེས་སུ་མཐུན་པར་འབྲས་བུ་དོན་ཡོད་པར་འབྱུང་བར་འགྱུར་རོ། །མཆོད་རྟེན་དང ། སྐུ་གཟུགས་དང ། རས་རིས་དང ། དམ་པའི་
ཆོས་ཀྱི་གླེགས་བམ་ལ་སོགས་པའམ། གཞན་ཡང་རུང་རྫས་ཀྱི་དོན་དུ་མེ་ཏོག་ལ་སོགས་པ་དབུལ་བར་བྱའོ། །དབང་དུ་བྱ་བའི་ཕྱིར་ནི་མ་ད་ཡན་ཏི་ཀ་དཱ་ཛ་ཏི་དང ། མ་ལི་ཀ་དང ། པྲི་ཡང་ཀུ་ལ་སོགས་པའི་ཆུའི་ནང་དུ་འདུག་ནས་བརྒྱ་ཡན་ཆད་ཉི་མ་ལྔ་ཡན་ཆད་བྱ་ཞིང་དབུལ་བར་
བྱའོ། །དེ་བཞིན་དུ་མཆོད་རྟེན་དང ། སྐུ་གཟུགས་དང ། རས་རིས་དང ། གླེགས་བམ་ཡང་རུང་ཕུལ་ན་རྒྱལ་པོ་ལ་སོགས་པ་ངེས་པར་དབང་དུ་འགྱུར་རོ། །ནད་ཀྱི་དོན་དུ་བྱ་བའི་སྦྱིན་སྲེག་ནི་འདི་ལྟ་སྟེ། སྨན་གྱི་ཤིང་གི་ཡམ་ཤིང་དང ། སྐྱུ་རུ་ར་ལ་སོགས་པ་དང ། འབྲས་བུ་ཁ་བོ་དང་།

</font><hr>87-1-240a<br><font size=+2>

ནི་མ་པ་ལ་སོགས་པ་བླ་གབ་མེད་པའི་གནས་སུ་མཆོད་རྟེན་ལ་སོགས་པ་ལ་ཆུའི་མེ་ཏོག་དང ། ལོ་མ་དང ། དགོན་པའི་མེ་ཏོག་དབུལ་བར་བྱའོ། །དེ་བཞིན་དུ་མཆོད་རྟེན་ལ་སོགས་པ་ལ་ཉིན་བདུན་ཡན་ཆད་ཅི་ཙམ་ནུས་པ་བྱས་ན། ངེས་པར་ནད་མེད་པ་དང ། དབང་དུ་བྱ་བ་
དང་བཅས་པ་བྱེད་པར་འགྱུར་རོ། །གདོན་ལ་ནི་ཏིལ་མར་དང ། རང་སྐྱུར་ལ་མུ་སྟེགས་པའི་རྒྱལ་པོའི་ཡུངས་ཀར་སྦྱིན་སྲེག་གིས་སོ། །འབྱུང་པོ་དང ། ཤ་ཟ་དང ། སྲིན་པོ་ལ་སོགས་པ་ལ་ཐལ་བ་ལ་སོགས་པས་བྲིས་པས་འབྲོས་པར་འགྱུར་ཞིང ། བརྡེག་པ་དང ། གཅད་པ་དང ། 
བཅིང་བ་ཡང་མེད་དོ། །བདག་བསྲུང་བ་ལ་ནི་ལན་གསུམ་བརྗོད་པས་སོ། །གཞན་བསྲུང་བ་ལ་ནི་ལན་ལྔ་བྱས་པས་འདུག་པར་འགྱུར་རོ། །གང་དག་ལ་མདུད་པ་བཅིངས་པ་དང ། ཆུ་དང ། ཡུངས་ཀར་དང ། ས་དང ། ཚོན་དང ། ཕྱག་རྒྱས་སམ། ཡིད་ཀྱི་དཀྱིལ་འཁོར་གྱིས་
ཀྱང་འཆི་བར་བྱེད་དོ། །ཐལ་མོ་བརྡབས་པའམ། མདུད་པ་བཅིངས་པས་སམ། འདོད་པས་ཀྱང་དབང་དུ་བྱེད་ཅིང་འགུགས་སོ། །ཕུར་བུ་དང ། སྔགས་མདུད་དང ། ཆུས་ཀྱང་ཐམས་ཅད་བྱེད་དོ། །མདོར་ན་ཡིད་ལ་བསམས་ནས་བཟླས་པ་བྱས་ན་ཐམས་ཅད་དོན་
ཡོད་པར་བྱེད་དོ། །རང་བཞིན་དུ་གནས་པ་ལ་འབེབས་པར་བྱེད་ན་ཙནྡན་དང ། ་ག་རུའི་བདུག་སྤོས་ལ་སོགས་པས་དཀྱིལ་འཁོར་མེ་ཏོག་སིལ་མ་བཀྲམ་པ་བྱས་པ་ལའོ། །གདོན་གྱིས་ཟིན་པ་ལ་འབེབས་པར་བྱེད་ན། ཨུ་ཤི་ར་དང ། མར་གྱི་བདུག་སྤོས་ཀྱིས་སོ། །བདུག་
སྤོས་ཐམས་ཅད་ཀྱང་མར་དང་བཅས་པར་བྱའོ། །དཔལ་པི་སྠ་ཀ་ལ་སོགས་པ་ལ་ཡང་སྦྱར་བར་བྱའོ། །མར་དང་བཅས་པས་ཉིན་བཞི་པ་ལ་སོགས་པའི་རིམས་ཞི་བར་བྱེད་དོ། །ཏིལ་མར་དང་བསྲེས་པའི་ཀུན་དུ་རུ་ཀ་ལ་སོགས་པའི་བདུག་སྤོས་ཐམས་ཅད་ཀྱིས་སོ། །ལྕགས་
ལས་བྱས་པའི་ཕུར་བུས་གདུག་པ་ཅན་སྲིན་པོ་དང ། ལྷ་མ་ཡིན་ལ་སོགས་པ་ཕུར་བུས་འདེབས་སོ། །གནོད་སྦྱིན་ལ་ནི་འོ་མ་ཅན་གྱི་ཕུར་བུས་སོ། །ཀླུ་ལ་ནི་ནིམ་པའི་ཤིང་ལས་བྱས་པས་སོ། །རིག་པ་འཛིན་པ་ལ་ནི་ཤྲི་ཁནྡ་ལས་བྱས་པས་སོ། །ལྷ་ལ་ཙནྡན་དམར་པོ་

</font><hr>87-1-240b<br><font size=+2>

ལས་བྱས་པའི་ཕུར་བུས་སམ། ཅི་ལྟར་འདོད་པས་ལན་ཉི་ཤུ་རྩ་གཅིག་གི་བར་དུ་བཟླས་ལ་གཟུགས་བརྙན་གྱི་གནས་གང་ཡིན་པ་དེར་གདབ་པར་བྱའོ། །བཏབ་ནས་ཁྲོས་པས་གནས་དེ་ཉིད་དུ་མཚན་མ་ཅུང་ཞིག་བྱུང་བར་གྱུར་གྱི་བར་དུ་བཟླས་པ་བྱ་ཞིང ། སྲེད་པ་མེད་པའི་དྲག་
ཏུ་ཁྲོས་པས་ཕ་རོལ་ཀུན་ཕུར་བུས་གདབ་བོ། །བསྟན་པ་ལ་སྡང་བའི་སེམས་ཅན་དང ། སེམས་ཅན་རྣམས་ལ་སྡང་བ་ཡང་ཕུར་བུས་གདབ་བོ། །དཔལ་ཕུར་བུས་རྒྱལ་པོ་གདུག་པ་ཅན་གྱི་དཔུང་ཕུར་བུས་གདབ་པར་འགྱུར་རོ། །རྒྱལ་པོ་ཕུར་བུས་གདབ་པ་ལ་ནི་
ཙམ་པའི་ཤིང་ལས་བྱས་པས་རྒྱལ་པོ་ཕུར་བུས་གདབ་པར་འགྱུར་རོ། །མིའི་རུས་པའི་ཕུང་བུས་ནི་བགེགས་ཕུར་བུས་གདབ་བོ། །རུས་པ་ལས་བྱས་པ་དང ། ལྕགས་ལས་བྱས་པ་དང ། སེང་ལྡེང་ལས་བྱས་པ་དང ། འོད་མ་ལས་བྱས་པས་གདུག་པའི་ཕུར་
བུས་ཐམས་ཅད་ལ་སྦྱར་བར་བྱའོ། །ཐ་ན་སྟོང་པར་གདབ་པ་ལྟར་བྱས་པས་ཀྱང་རྡོ་རྗེའི་རང་བཞིན་གྱིས་ཕུར་བུས་བཏབ་པར་འགྱུར་རོ། །བཅིང་བ་ལ་ནི་རྩཝའི་འདབ་མ་ལ་ལན་གསུམ་བརྗོད་པས་ཀྱང་བརྒྱ་བྱིན་ཡང་འཆིང་བར་བྱེད་དོ། །བཅད་པས་གྲོལ་བར་འགྱུར་རོ། །གལ་ཏེ་
རབ་ཏུ་སྦྱར་ན་ཚངས་པ་ལ་སོགས་པ་རང་ཉིད་ཀྱང་ལག་ན་རྡོ་རྗེ་སྟོབས་པོ་ཆེས་བཅིངས་པར་བསམས་ན་བཅིངས་པར་འགྱུར་རོ། །གྲོལ་བར་གྱུར་ཅིག་ཅེས་བསམས་ན་གྲོལ་བར་འགྱུར་རོ། །དེ་ལྟ་ན་ཡང་འདིར་སེམས་ལ་དབང་བ་ཡང་འགྲུབ་པར་འགྱུར་ཞིང་དམ་ཚིག་ལ་དབང་བར་
ཡང་འགྱུར་རོ། །དེ་ལ་འདིར་ཐོགས་པ་མེད་པ་དོན་ཡོད་པའི་འཆིང་བའི་སྦྱོར་བ་ནི་ཡུངས་ཀར་དང་འབྲས་བཏགས་པ་ལ་ཏིག་ཏ་དང་ཚཝ་བསྲེས་ལ། ལྕགས་སྒྲོག་གམ། རྡོ་རྗེའམ། མདུང་ངམ། རྡོ་རྗེའི་དཀྱིལ་འཁོར་རམ། རྡོ་རྗེ་ཞགས་པའི་ཕྱག་རྒྱ་བྱས་ནས་དུར་ཁྲོད་དུ་
སྦྱིན་སྲེག་བྱས་ན་འཆིང་བ་ཆེན་པོས་བཅིངས་པར་འགྱུར་རོ། །ཡང་ན་ནིམ་པའི་ལོ་མ་དང ། ནི་པི་ན་ལྷན་ཅིག་བཏགས་ནས་སྦྱིན་སྲེག་བྱས་ན་དེ་བཞིན་དུ་འཆིང་ངོ ། །མོན་སྲན་གྲེའུ་དང ། སྐེ་ཚེ་དང་སྐྱུ་རུ་ར་དང་ལྷན་ཅིག་བཏགས་ནས་ཕྱག་རྒྱ་བྱས་ལ་དུར་ཁྲོད་དུ་སྦྱིན་སྲེག་བྱས་

</font><hr>87-1-241a<br><font size=+2>

ན་འཆིང་བར་འགྱུར་རོ། །མངོན་སྤྱོད་ནི་འདི་ལྟར་འབྱུང་སྟེ། དུར་ཁྲོད་ཀྱི་ཤིང་ཏིག་ཏ་དང་བཅས་པ་དང ། ཚཝ་དང་བཅས་པའི་ཡམ་ཤིང་གིས་དུར་ཁྲོད་དམ། ཁང་པ་སྟོང་པ་དང ། སྐྱེད་མོས་ཚལ་རྙིང་པ་དང ། ས་སྒྲེན་གྱི་ཕྱོགས་སུ་ཁྲོས་པས་ནིམ་
པ་ལས་རྡོ་རྗེའི་རྣམ་པ་ལྟ་བུར་བྱས་ལ། དེ་ནས་རུས་པའི་ཕྱེ་མ་རང་གི་ཁྲག་དང་བསྒྲེས་པས་སྦྱིན་སྲེག་བྱས་ན་ཉི་མ་དགུས་ངེས་པར་འཆི་བར་འགྱུར་རོ། །ཡང་ན་ཤ་ཆེན་པོ་མར་དང་བཅས་པས་སྦྱིན་སྲེག་བྱའོ། །ཡང་ན་ཉའི་ཞག་དང་བསྒོས་པའི་སྦྱིན་སྲེག་བྱའོ། །ཡང་ན་ཏིལ་
མར་ལས་བསྟེགས་པའི་བ་ལང་གི་ཤས་སོ། །ཡང་ན་ཀེ་ཤ་ལི་ཐལ་བ་དང ། རྟའི་ཁྲག་དང་སྐེ་ཚེས་སོ། །ཡང་ན་ཁཝའི་སྒྲོ་ལ་སོགས་པ་ཏིལ་མར་ལ་བསྟེགས་པའི་སྒྲོ་ཐམས་ཅད་ཀྱིས་སོ། །ཡང་ན་རང་གི་ཁྲག་དང་བསྲེས་པའི་ཐལ་བས་སོ། །ཡང་ན་ཨར་ཀའི་འབྲས་བུ་
མར་ལ་བསྟེགས་པས་སོ། །ཡང་ན་དུག་དང་ཁྲག་གིས་སོ། །ཡང་ན་ཚཝ་དང་ཁྲག་གིས་སོ། །ཡང་ན་ཡུངས་ཀར་དང་ཁྲག་གིས་སོ། །ཡང་ན་བ་ལང་གི་ཤ་དང ། ཚཝ་དང ། ཁྲག་གིས་བསྒོས་པའི་སྦྱིན་སྲེག་ཁྲོ་བ་དང་བཅས་པས་ཉི་མ་དགུ་བྱས་པས་ངེས་པར་འཆི་བར་
འགྱུར་རོ། །ཡང་ན་དུར་ཁྲོད་དུ་ཟངས་ལས་བྱས་པའམ། ལྕགས་ལས་བྱས་པའི་སྣོད་ཏིལ་མར་གྱིས་བཀང་ནས་བསྒོས་པ་ལ་སྔར་གྱི་རྫས་དེ་དག་ཉིད་དང ། རང་སྐྱུར་ལ་བསྟེགས་པའམ། མར་དང ། ཏིལ་མར་དང ། འགྱུར་བྱེད་ལ་བསྟེགས་པ་བཙོ་བར་བྱ་ཞིང་གང་
སྔར་གྱི་ཚོས་པ་རྣམས་བསལ་ལ་གཞན་བཙོ་བར་བྱ་སྟེ། བརྒྱ་ཡན་ཆད་ཅི་ཙམ་འདོད་པ་སྦྱིན་སྲེག་བྱའོ། །ཁཝའི་སྒྲོ་དང་ཐལ་བ་བཙོས་པ་ཁྲག་དང་བསྲེས་པས་སྲེག་བླུགས་བྱའོ། །ཤིན་ཏུ་དྲག་པོའི་སྦྱིན་སྲེག་གི་ཆོ་གའོ། །མར་གྱི་སྲེག་བླུགས་ཀྱིས་ཞི་བར་འགྱུར་རོ། །ཁྲུས་
བྱས་པས་སམ། སྐུད་པ་བཅིངས་པས་ཀྱང་ངོ ། །གདུག་པ་ཚར་གཅད་པའི་ལས་འདི་དག་གིས་ངེས་པར་གདུག་པ་ཅན་འཆིང་བར་འགྱུར་རོ། །གང་ཡང་ཀླུ་གདུག་པ་ཅན་ཞི་བར་བྱ་བའི་ཕྱིར་ཀླུའི་གནས་ཀྱི་རྩ་བར་དེ་ལྟར་བྱས་ན་དེ་ཉིད་དུ་ཞུགས་ནས་འཆི་བར་འགྱུར་རོ། །གང་

</font><hr>87-1-241b<br><font size=+2>

ལྷ་གདུག་པ་ཅན་བསྟན་པ་ལ་གནོད་པ་བྱེད་པའམ། སེམས་ཅན་མང་པོ་ལ་གནོད་པ་བྱེད་པ་དང ། རིག་འཛིན་གདུག་པ་ཅན་རྫས་འཕྲོག་པར་བྱེད་པའམ། གང་ཡང་གནོད་སྦྱིན་གདུག་པ་ཅན་དང ། གང་ཡང་སྲིན་པོ་གདུག་པ་ཅན་ནམ། རྒྱལ་པོའམ། རྒྱལ་པོའི་
བློན་པོ་ཆེན་པོའམ། རྒྱལ་པོའི་སྐྱེས་བུའམ། ཁམས་ཀྱི་རྒྱལ་པོའམ།ཕན་པ་མ་ཡིན་པ་བྱེད་པ་དེ་རྣམས་ཞི་བར་བྱ་བའི་ཕྱིར་ཁྲོ་བ་དང་བཅས་པས་མངོན་སྤྱོད་བྱ་ཞིང ། བསྟན་པ་ལ་ཕན་པར་བྱ་བའི་དོན་དང ། སེམས་ཅན་མང་པོའི་དོན་མཐོང་ན་དོན་ཡོད་པར་གྲུབ་པ་
འདིས་སྦྱར་བར་བྱ་སྟེ། དཀྱིལ་འཁོར་གྱི་སྔོན་དུ་བསྟན་པའི་སྔགས་རྣམས་ཀྱིས་ནི་མངོན་སྤྱོད་ཀྱི་ལས་མི་བྱའོ། །དོན་ཆུང་ངུ་ལ་ཡང་མི་བྱའོ། །མི་ངས་ལ་ནི་ཞོ་དང ། སྦྲང་རྩི་དང ། མར་ལ་བསྟེགས་པའི་ཤ་ཆེན་དབང་ཕྱུག་ཆེན་པོའི་གནས་སུ་ནིམ་པའི་ཤིང་བཙོས་པའི་སྦྱིན་
སྲེག་བྱ་བའམ། དེ་བཞིན་དུ་བསྲུང་བའི་ཆོ་ག་བྱས་ནས་ཕུར་བུས་གཟུགས་བརྙན་ལ་གདབ་ཅིང་ཞག་བདུན་དུ་གནས་ཀྱི་ཟས་བཟའ་སྟེ། དབང་ཕྱུག་ཆེན་པོའི་གཡས་ཕྱོགས་སུ་སྟེང་ནས་ཕུར་བུས་གདབ་ཅིང་བརྒྱ་བཟླས་པར་བྱའོ། །ཡང་ན་ལམ་གྱི་བཞི་མདོར་ལྕགས་ཀྱི་རྡོ་རྗེ་བཟུང་ནས་
བཟླས་པ་བྱས་ན་མི་ངས་རབ་ཏུ་ཞི་བར་འགྱུར་རོ། །ཆར་མི་འབབ་པ་ལ་ནི་ཀླུང་གི་རྒྱུན་འབབ་པ་ལ་མེ་ཏོག་གིས་བྱས་ན་ཆར་འབེབས་པར་བྱེད་དོ། །དྲག་པོའི་ལས་རྫོགས་སོ།། །།དམ་ཚིག་གསུམ་བཀོད་པའི་རྟོག་པ་ཆེན་པོའི་རྒྱལ་པོའི་གསང་སྔགས་ཀྱི་སྒོའི་སྤྱོད་པའི་
ཚུལ་འདི་ལ་ནི་ཁྲུས་མ་བྱས་ཀྱང་སྐྱོན་ཡོད་པར་མི་འགྱུར་རོ། །ཤ་ཟ་བ་ཡང་དགག་པ་མེད་དོ། །ལ་ཕུག་དང ། ལ་དུ་ལ་སོགས་པ་ལ་སྤྱོད་ཀྱང་སྐྱོན་མེད་དོ། །ལྷག་མ་ལ་ཡང་སྐྱོན་མེད་དོ། །འོན་ཀྱང་གང་ཞིག་དད་པ་དང་ལྡན་པ་དང ། བྱང་ཆུབ་ཏུ་སེམས་བསྐྱེད་པ་དང ། 
སངས་རྒྱས་དང་བྱང་ཆུབ་སེམས་དཔའ་རྣམས་ལ་ཇོ་བོ་བཞིན་དུ་གུས་པ་དང ། སངས་རྒྱས་ཀྱི་བསྟན་པ་ལ་ཆེད་ཆེར་བྱེད་པ། འདུ་འཛི་སྤོང་བ་ལ་དགའ་བ་དེ་དག་ནི་མྱུར་དུ་འགྲུབ་པར་འགྱུར་རོ། །འདིར་ལོག་འདྲེན་ཉེ་བར་འབྱུང་བར་ཡང་མི་འགྱུར་རོ། །འདི་ལ་བགེགས་འབྱུང་བར་

</font><hr>87-1-242a<br><font size=+2>

ཡང་མི་འགྱུར་རོ། །འདི་འབད་པ་ཆུང་ངུས་དོན་ཡོད་པར་འགྲུབ་པའོ། །འདི་ནི་ལས་ཐོགས་པ་མེད་པའོ། །རྟོག་པ་འདི་ནི་ཆགས་པ་མེད་པའི་སེམས་བསྐྱེད་པ་མངོན་པར་བསྒྲུབས་པས་སྒྲུབ་པའི་ཐབས་ཀྱིས་འདིར་རྗེས་སུ་འཇུག་པར་བྱའོ། །འཇིག་
རྟེན་གྱི་ཁམས་ཐམས་ཅད་དུ་སྤྲོ་བར་བྱེད་པའི་སྒྲུབ་པའི་ཐབས་དོན་ཡོད་པ་འདི་གོམས་པར་ཡང་བྱའོ། །སེམས་ཅན་མ་ལུས་པ་ཐམས་ཅད་ཀྱི་དོན་གྱི་དངོས་གྲུབ་འབྱུང་བར་འགྱུར་བ་འདི་ལ་སོམ་ཉི་མེད་པར་སྒྲུབ་པའི་ཐབས་ལ་སྦྱར་བར་བྱའོ། །ལུས་དང ། ངག་དང ། 
ཡིད་ཀྱིས་འཇིག་རྟེན་གྱི་ཁམས་ཐམས་ཅད་དུ་སྤྲོ་བར་བྱེད་པ་འདིའི་སྦྱོར་བ་ལ་གོམས་པར་བྱའོ། །འདིར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་རྟེན་ལ་གསོལ་བ་གདབ་པ་དང ། མཁྱེན་པར་བྱ་བ་དང ། སངས་རྒྱས་དང་བྱང་ཆུབ་སེམས་དཔའ་ཐམས་
ཅད་ཀྱི་དགོས་པ་སྔགས་འདིས་བསྒྲུབ་པར་བྱའོ། །འདིར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བཀའ་བཞིན་བསྒྲུབ་པར་བྱའོ། །དེ་བཞིན་གཤེགས་པ་རྣམས་ཀྱི་ཐད་ནས་ལེགས་སོ་ཞེས་བྱ་བ་དང ། བྱིན་གྱིས་བརླབ་པ་སོ་སོར་ཐོབ་པར་བྱ་བའི་ཕྱིར་སྔགས་
བསྒྲུབ་པར་བྱའོ། །མྱུར་དུ་རྟེན་གནས་གྱུར་ནས་བདེ་བའི་བདུད་རྩི་རབ་ཏུ་ཐོབ་པར་བྱ་བའི་ཕྱིར་གང་ཡང་ཆགས་པ་མེད་པའི་བདག་ཉིད་ཅན་གྱི་རྟོག་པའི་རྒྱལ་པོ་འདིའི་སྔགས་ཀྱིས་བསྒྲུབ་པར་བྱའོ། །འདིར་བརྩོན་འགྲུས་ཆེན་པོ་དང་ལྡན་པའི་བྱང་ཆུབ་སེམས་དཔའ་རྣམས་ཀྱིས་
གསང་སྔགས་བཟླས་སམ། སེམས་ཅན་གྱི་ཁམས་རྣམས་ཀྱི་དོན་དུ་སྔགས་བཟླས་ན། སངས་རྒྱས་དང་བྱང་ཆུབ་སེམས་དཔའ་རྣམས་སེམས་རྒྱ་ཆེན་པོས་མཆོད་པ་ཆེན་པོའི་སྤྲིན་སེམས་ཅན་གྱི་ཁམས་རྣམས་ལ་བདེ་བ་ཡང་དག་པར་སྐྱེད་པས་མངོན་པར་མཆོད་པས་
མཆོད་པར་འགྱུར་རོ། །སྐད་ཅིག་སྐད་ཅིག་ལ་ཁྱད་པར་དུ་འགྲོ་བ་དང ། གོང་ནས་གོང་དུ་འགྲོ་བ་སོ་སོར་ཐོབ་པར་འགྱུར་རོ། །མདོར་བསྡུས་ན་སྔགས་བཟླས་པ་བྱས་པས་སངས་རྒྱས་འབྱུང་བ་རྣམས་ཀྱིས་བྱིན་གྱིས་རློབ་པར་འགྱུར་རོ། །ཆོས་ཀྱི་འཁོར་ལོ་བསྐོར་བར་

</font><hr>87-1-242b<br><font size=+2>

ཡང་འགྱུར་རོ། །འདི་ལ་གསང་སྔགས་ཀྱི་སྒོར་ཞུགས་ནས་སྤྱོད་པ་དད་པ་ཅན་བག་ཡོད་པས་སོམ་ཉི་མེད་པར་བྱའོ། །བརྩོན་འགྲུས་དང་བཅས་པའི་སྙིང་རྗེས་སྨོན་ལམ་ཆེན་པོ་མངོན་པར་བསྒྲུབས་པས་འདི་ལ་གུས་པར་བྱས་ནས་གཙང་སྦྲས་གསང་སྔགས་ཀྱི་སྤྱོད་པ་འདི་ཉིད་
དང ། བསླབ་པ་འདི་ཉིད་ལ་དམིགས་པ་ཡོངས་སུ་མ་བཏང་བས་དབེན་པའི་གནས་སུ་འདུ་འཛི་དང་བྲལ་བར་བྱས་ལ་སེམས་བསྐྱེད་པ་ཐམས་ཅད་དུ་ཚད་མེད་པ་ལ་གོམས་པར་བྱ་བ་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་རབ་ཏུ་དད་པས་དམིགས་པར་རྗེས་
སུ་འགྲོ་བ་དང ། སེམས་ཅན་ཐམས་ཅད་ཀྱི་དོན་གྱི་ལས་དང་རབ་ཏུ་ལྡན་པའི་ལུས་དང ། ངག་དང་ཡིད་ཀྱི་ལས་ཐམས་ཅད་ཡང་དག་པར་རྩོམ་པ་སྟེ། སྔགས་ཀྱི་སྒོའི་སྤྱོད་པ་ལ་ཞུགས་པས་ཆོས་དེ་དག་ལ་སྤྱད་པར་བྱའོ། །དེ་ལ་འདི་དག་ནི་རྟོག་པའི་རྒྱལ་པོ་ཆེན་པོ་
འདིར་བར་དུ་གཅོད་པར་འགྱུར་བ་ཡིན་ཏེ། ལེ་ལོ་དང ། འདོད་པ་མེད་པ་དང ། མངོན་པར་མི་སྦྱོར་བ་དང ། འདུ་འཛི་ལ་དགའ་བ་དང ། ཕན་པ་མ་ཡིན་པ་ལ་ཞུགས་པ་དང ། ཡིད་གཉིས་དང ། བདག་གི་བསོད་ནམས་དང་མི་ལྡན་པ་དང ། ཚུལ་ཁྲིམས་
འཆལ་པ་ཡིན་པ་དང ། དམན་པར་གྱུར་པ་ཡིན་པས་འདི་འགྲུབ་པར་མི་འགྱུར་རོ་ཞེས་ཟེར་ནས་ཡོངས་སུ་སྤོང་བ་དང ། ཀུན་ཏུ་འཚོ་བའི་དྲི་མ་དང ། མཐོང་བའི་ཆོས་འདི་ཉིད་ལ་བདག་གི་དོན་དང ། གཞན་གྱི་དོན་བསམ་གྱིས་མི་ཁྱབ་ཅིང་ཚད་མེད་པ་ལ་སྦྱོར་བའི་འདོད་
པ་མེད་པ་དང ། གསང་སྔགས་ལ་བརྟག་པ་མེད་པ་དང ། འཇིག་རྟེན་པའི་སྔགས་ཀྱི་བསྟན་བཅོས་ལ་མངོན་པར་དགའ་བ་དང ། བདག་ཉིད་ལ་ང་རྒྱལ་བྱེད་པ་དང ། གཞན་ལ་མི་བསྔགས་པ་བརྗོད་པ་དང ། མངོན་པར་མི་བརྩོན་པ་སྤོང་བར་མི་བྱེད་པ་དང ། ཡོ་
བྱད་མང་པོ་ཉེ་བར་སྡུད་པ་དང ། ལུས་དང་སྲོག་ལ་ཆགས་པ་དང ། དེ་དག་ལ་སོགས་པ་གཞན་ཡང་བར་དུ་གཅོད་པའི་ཆོས་རྣམས་རྟོགས་པར་བྱའོ། །འདི་ལ་སེར་སྣ་ཡང་མི་བྱའོ། །གཞན་དག་སྔགས་ཀྱི་སྤྱོད་པ་ལ་གཞུག་པར་བྱའོ། །བསླབ་པར་བྱ། ཡང་དག་

</font><hr>87-1-243a<br><font size=+2>

པར་གཟུང་བར་བྱ་སྟེ། དེ་ལྟར་བྱེད་ན་བསྟན་པའི་དོན་བྱས་པ་ཡང་ཡིན་ནོ། །དམ་པའི་ཆོས་འཛིན་པ་ཡང་ཡིན་ནོ། །གཞན་དག་ཀྱང་ཡང་དག་པར་འཛུད་པར་འགྱུར་རོ། །བསྐུལ་བར་ཡང་འགྱུར་རོ། །དེས་ནི་འདས་པ་དང ། མ་བྱོན་པ་དང ། ད་
ལྟར་བྱུང་བའི་དེ་བཞིན་གཤེགས་པ་རྣམས་ཀྱི་དམ་པའི་ཆོས་བཟུང་བར་ཡང་འགྱུར་རོ། །བཀླགས་པ་དང ། བཅངས་པར་ཡང་འགྱུར་རོ། །དེ་ནི་སངས་རྒྱས་ཐམས་ཅད་བཟུང་བས་ཐམས་ཅད་དུ་མཉམ་པ་མེད་པའི་རིག་པ་འཛིན་པར་འགྱུར་རོ། །སྡང་མིག་བལྟས་པ་ཙམ་གྱིས་
ལྟུང་བར་འགྱུར་རོ། །སྦྱིན་སྲེག་གིས་ལོག་འདྲེན་ལ་སོགས་པ་འཆི་བར་འགྱུར་རོ། །རས་རིས་ཀྱི་ཆོ་ག་ནི་ནམ་མཁའི་སྤྱན་གྱི་གནས་སུ་ནི་རྡོ་རྗེའི་མཆོག་ཅེས་བྱ་བ་རིག་པའི་རྒྱལ་མོའི་མཆོག་བྱ་སྟེ། ཀུན་ནས་འབར་བ། གནག་ཅིང་ལྗང་བ། རབ་ཏུ་འབར་བའི་རྡོ་རྗེ་ལག་ན་
ཐོགས་པའོ། །འཕགས་པ་རྡོ་རྗེ་འཛིན་ནི་བཅོམ་ལྡན་འདས་ལ་ཐལ་མོ་སྦྱར་བའོ། །རས་རིས་གཞན་ཡང་ཅུང་ཞིག་སྔོ་བ། གཞོན་ནུ་ཁྲོས་པ། རྡོ་རྗེ་འབར་བ་གསོར་བའོ། །ཁྲོ་བ་དང་བཅས་པ། འགྱིང་བ། འགྱིང་བག་གིས་རི་མོ་རྣམས་ཅུང་ཞིག་བསྐུལ་སྐུམ་ཞིང་འདར་
བ་བྲི་བར་བྱའོ། །འཕགས་པ་རྡོ་རྗེ་ལྕགས་ཀྱུས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བཛྲ་ཛྭཱ་ལ་ཨཾ་གི་མྱ་ཨཱ་ཀཪྵ་ཡ་སཝཱ་ཧཱ། འདིས་ནི་རིག་པ་འཛིན་པར་འགྱུར་ཞིང ། ཐོགས་པ་མེད་པ་དོན་ཡོད་པར་གྲུབ་པ་འདིས་བདེ་སོགས་བཀུག་ནས་ཡོངས་སུ་
སྤྱོད་པ་ཡང་སྟོན་པར་བྱེད་དོ། །སྔར་བསྟན་པའི་ཆོ་གས་རེངས་པར་བྱེད་དོ། །རིག་པ་འཛིན་པ་ཐམས་ཅད་དང་མཉམ་པ་མེད་པར་འགྱུར་རོ། །ལྷ་ལ་སོགས་པའི་རིགས་འགུགས་པར་བྱེད་དོ། །གཡོ་བར་བྱེད། ཕུར་བུས་འདེབས་པར་བྱེད་དོ། །དེ་ནས་རས་རིས་ཀྱི་ཆོ་ག་ནི་
བཅོམ་ལྡན་འདས་ཀྱི་གཡས་ལོགས་སུ་འཕགས་པ་ཕྱག་ན་རྡོ་རྗེ་ལག་ན་རྔ་ཡབ་དང་རྡོ་རྗེ་ཐོགས་པའོ། །གཡོན་ལོགས་སུ་ནི་ལྷ་མོ་དང་བཅས་པ་གཞོན་ནུའི་གཟུགས་ཅན་རྡོ་རྗེ་གཞོན་ནུ་མ་ཅུང་ཞིག་སྔོ་བསངས་སོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ལྷ་མོ་ལ་མངོན་དུ་ཕྱོགས་པའོ། །ལྷ་མོའི་

</font><hr>87-1-243b<br><font size=+2>

འོག་ཏུ་ནི་གཞོན་ནུ་མ་བྲི་བར་བྱའོ། །རས་རིས་གཉིས་པ་ནི་གཞོན་ནུ་མ་ཅུང་ཞིག་སྔོ་བསངས་ལག་ན་རལ་གྲི་ཐོགས་པ་འབར་བའི་ལུས་ཅན་ཞེས་བྱ་བ་རྡོ་རྗེ་གཞོན་ནུ་མ་བྲི་བར་བྱའོ། །དེ་ནས་ཡང་འཕགས་པ་རྡོ་རྗེ་སྡེས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། 
ོཾ་སཽ་མྱ་བ་ར་བཛྲཱ་ཡ་ན་མཿ སཝཱ་ཧཱ། དེ་བཞིན་དུ་འཕགས་པ་ལག་བཟངས་ཀྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བཛྲ་གརྦྷ་ཕཊ་བི་རི་ནི་སཝཱ་ཧཱ། འཕགས་པ་མཐོར་འཕགས་ཀྱིས་སྔགས་སྨྲས་པ།ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། བཛྲ་བ་
ལ་ཡེ་སཝཱ་ཧཱ། ལོག་འདྲེན་ལ་སོགས་པ་འཆིང་བར་བྱེད་དོ། །འཕགས་པ་རྡོ་རྗེ་ལྕགས་སྒྲོག་གིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཨ་ན་ལ་སམྦྷ་བེ་སཝཱ་ཧཱ། དེ་བཞིན་གཤེགས་པ་བྱིན་གྱིས་བརླབས་པའི་རྡོ་རྗེ་ཞེས་བྱ་བའོ། །རྡོ་རྗེ་འཛིན་གྱིས་
སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་སརྦ་ས་ཨུཏྟ་མ་བནྡྷ་བཛྲ་ཤི་ཁ་རེ། ཀ་མ་ལཱ་ཀ་མ་ལཱ། མ་པ་ལཱ་ཨ་དྷིཥྛཱ་ན་བཛྲ་བཛྲ་ཤི་ཁི་ཤི་ཁི། ན་མོ་ཨ་མ་ལཱ་ནཱ། སཱ་རཱ་སཱ་རཱ། ཛྭཱ་ལ་ཛྭཱ་ལ། བི་མ་ལེ་སཝཱ་ཧཱ། ཤིན་ཏུ་གནོད་མཛེས་རྡོ་རྗེ་ཞེས་
བྱ་བའི་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། དྷུ་བ་རེ་དྷུ་བ་རེ། ཛྭཱ་ལ་ཛྭཱ་ལ་ཛྭཱ་ལ། བཛྲ་སཱ་ག་རེ་སཝཱ་ཧཱ། རྣམ་པར་སེལ་བ་རྡོ་རྗེ་ཞེས་བྱ་བའི་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཙ་ར་བ་ན་ཙ་ར་
བ་ན། ཧ་ར་ཧ་ར། བི་སྐམྦྷ་ཡ། སཱ་ར་ཨུ་སཱ་ར་ཨུ། གོ་པ་གོ་པ། བཱ་བཱ་ཏྭ་ར་ཏྭ་ར། ཁ་ཧི་ཀྲུ་ར་བཛྲི་ཎི་སཝཱ་ཧཱ། མཉམ་པ་རྡོ་རྗེ་ཞེས་བྱ་བ་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཀཱ་རུ་ཎ་ཀཱ་རུ་ཎ། ས་ར་ས་ར། བི་དྷ་མ་ན། 
ཧྲྀ་ད་ཡ། ས་ཏྭཱཾ་བི་དྷ་ཨུཏྟ་མ། ཛྭཱ་ལ་ན་ཏྭཱཾ་སཝཱ་ཧཱ། འཕགས་པ་རྡོ་རྗེ་ཟུག་རྔུས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཏཱ་ག་ཏཱ་ནཱཾ། ཨོཾ་ཀྲོ་དྷ་ཛྭཱ་ལ་ཨུ་ཏ་ཧ་སི་ནི་སཝཱ་ཧཱ། མཐའ་ཡས་རྡོ་རྗེས་སྔགས་སྨྲས་པ། ན་མཿ ས་མནྟཱ་ནཱཾ། སརྦ་ཏ་ཐཱ་ག་ཏཱ་ནཱཾ། ཨོཾ་ཨ།

</font><hr>87-1-244a<br><font size=+2>

ས་མཱ་ག་ག་ནེ་སཝཱ་ཧཱ། ཨོཾ་ཨ་ན་མ་ལ་སམྦྷཱ་ནྟུ་ཏ་རི་ཎི། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ས་མནྟཱ་གུ་ཎ་ཨུཏྟ་མ་དེ་ཧི་བི་རཾ། ག་ག་ན་ཨ་ནནྟཱ་ག་ཏི། ཛྭཱ་ལ་ཏ་ཛྭཱ་ལ་ཏ། ས་མ་ཏ་ས་མ་ཏ། བྷི་བཱི་ཏ་ཧྲྀ་དཱ་ཡེ། ཤ་ཁ་ལཱ་བ་ལེ་བེ། སྥ་ར་ཧེ་སྥ་ར་
ཧེ། དྷྲུ་བ་དྷྲུ་བ་སཝཱ་ཧཱ། དེ་བཞིན་གཤེགས་པའི་སྙིང་པོའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། མ་ཧཱ་བ་ར་ཙི་ཏཱ། ཨ་གྲ་ཤི་ཁ་རེ་སཝཱ་ཧཱ། ན་མ་སྟྲཻ་ཡ་དྷྭི་ཀཱ་ནཱཾ།ཏ་ཐཱ་ག་ཏཱ་ནཱཾ། ཨོཾ་བྷུ་དྷ་ཀེ་བྷུ་དྷ་བ་ལཱ་ཏི་བ་ལཱ་ནི་སཝཱ་ཧཱ། གཙུག་ཏོར་དང་རྨ་བྱ་ཆེན་མོའི་ཡིན་ནོ། །
ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཨ་ན་མ་ལ་སཾ་བྷཱནྡུ་ཏ་རི་ཎི། ཨོཾ་བ་ར་སཾ་བནྡྷུ་དྷུ་སཝཱ་ཧཱ། རྡོ་རྗེ་མེ་དང་རྡོ་རྗེ་མི་གཡོ་བའི་སྟེ། ཉེ་བར་འཚེ་བ་ཡང་དག་པར་ཟློག་པར་བྱེད་དོ། །ོཾ་བཛྲ་བ་ལ་ཨནྟུ་ཤ་ཏྲི་ཤོ་སརྦ་དཱ་བེ་གི་ནེ་ཧནྟུ་ན་ཏཱཾ། ཨོཾ་ཨ་ས་དྲྀ་ཤེ་སཝཱ་ཧཱ། དཔེ་མེད་
རྡོ་རྗེའི་རིགས་དང་མི་གཡོ་བ་ཉིད་ཀྱི་ཡིན་ནོ། །ོཾ་ཨ་ས་མ་ས་མ། ཨ་ནནྟ་ཨ་ནནྟུ་ཡ་སཝཱ་ཧཱ། རྡོ་རྗེ་འདོད་པ་མའིའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཏ་ཐཱ་ག་ཏ་མ་ཧཱ་བེ་ག་སཾ་བྷ་བེ་སཾ་བྷ་བེ། ན་མོ་སྟུ་ཏེ་སཾ་གྷ་ནི་ལ་སནྟི་ས་ར་བྷུ་བེ་སཝཱ་ཧཱ། རྡོ་རྗེ་སྔོ་བསངས་
རྩེ་མོ་ཞེས་བྱ་བའོ། །ོཾ་ཤི་ཁི་ཤི་ཁི་སཝཱ་ཧཱ། ཤི་ཁེ་རེ་སཝཱ་ཧཱ། སྤྱི་གཙུག་རྣམ་གསུམ་གྱིའོ། །ོཾ་ཧུཾ་བནྡྷ་བཛྲ་མཎྜ་ལེ་སཝཱ་ཧཱ། ཨོཾ་དྷ་རི་དྷ་རི། དྷ་རེ་དྷ་རེ། དྷ་རེ་ཎ་དུ་ཡེ་ན་མོ་ཨ་པྲ་ཏི་ཧ་ཏ་ཨུཥྞཱི་ཥཱ་ཡ་སཝཱ་ཧཱ། དྷ་རི་དྷ་རི། དྷ་ན་ཏི་ཡེ་སཝཱ་ཧཱ། གཙུག་ཏོར་སོ་སོ་སོ་སོ་
ལ་དུས་གསུམ་གྱི་གྱི་དེ་བཞིན་གཤེགས་པ་རྣམས་ལ་ཕྱག་འཚལ་ལོ་ཞེས་བྱ་བ་དང ། དུས་གསུམ་གྱི་དེ་བཞིན་གཤེགས་པ་རྣམས་ལ་ཕྱག་འཚལ་ལོ་ཞེས་བྱ་བའི་ཕྱག་འཚལ་བ་ནི་ཐམས་ཅད་དུ་སོ་སོར་བརྗོད་པར་བྱའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཧུ་
ལུ་ཧུ་ལུ། ཙཎྜ་ལ་སརྦ་དེ་བ་ནཱ་ག་ཡཀྵཱ་ཎ་ཨཱ་ཀཪྵ་ཡ་སཝཱ་ཧཱ། ན་མ་སྟྲེ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཧཱུཾ་སྥཱཊ་ཡ་མ་རུ་དྷི་ར། ཨངྒ ། ཧཱུཾ་ཙཎྜ་ལཱ་མཱ་དྷི་པ་ཏ་ཡེ་ཧཱུཾ་ཕཊ་ཕཊ། བཛྲ་ས་མ་དྷ་ན་ཧཱ་ར་ག་ཏཱ། སརྦ་ཏ་ཐཱ་ག་ཏཱ་ཨ་དྷིཥྛ་ཏཱ་ཡ། ཨ་ལེ་ཧི་མཾ་ཛྭ་ལེ་ཧཱུཾ་ཧ་ན་

</font><hr>87-1-244b<br><font size=+2>

ཧཱ་ན། ཊཱ་ཏ་ཨཱ་ཀཪྵ་དེ་བ་ཨ་ཏི་ནཱཾ། ཏཱ་ར་ས་རུ་དྷི་ར་ཨཿ གེ་ར་མ་ཧཱ་ཙཎྜ་ཙ་ལ། ཨོཾ་དྷ་ཤ་དུཪྡྷ་མ། ཛྭཱ་ལ་ཛྭཱ་ལ་ན་མཿ སཝ་སྟི་སཝཱ་ཧཱ། རྡོ་རྗེ་འབིགས་པའོ། །ོཾ་བྷུ་ར་ཛྭ་ལ་ཨ་གྲ་ཡེ་སཝཱ་ཧཱ། རྡོ་རྗེ་གཟི་བརྗིད་ཀྱིའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ་
ོཾ་ཨ་ལ་ཀནྟི་ཏི་ཛ་ནི་སཝཱ་ཧཱ། སྔགས་ཐམས་ཅད་ལ་འདི་བཞིན་དུ་རེ་རེ་ཞིང་ཕྱག་འཚལ་བ་བརྗོད་པར་བྱའོ། །སྔགས་འདི་དག་ཐམས་ཅད་ལ་ཡང་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་པ་དང ། དེ་བཞིན་གཤེགས་པ་རྣམས་ཀྱིས་རྗེས་སུ་ཡི་རང་བ་ལ་
སོགས་པ་རྒྱས་པར་སྦྱར་ཏེ། བྱང་ཆུབ་སེམས་དཔའ་ཆེན་པོ་རྣམས་ཀྱིས་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ནས། རིག་པའི་རྒྱལ་མོ་མཆོག་བྱང་ཆུབ་སེམས་དཔའ་སྔགས་ཀྱི་སྒོར་སྤྱོད་པ་ཉིད་ཀྱིས་ངེས་པར་དོན་ཡོད་པར་གྲུབ་པར་རིག་འཛིན་
རིམ་པར་ཕྱེ་བ་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཏཱཾ་ཏཱཾ་ཏཱཾ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཧཾ་ཧཾ་ཧཾ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། བཾ་བཾ་བཾ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཙཾ་ཙཾ་ཙཾ། དང་པོས་ནི་སངས་
རྒྱས་ཀྱི་ཞིང་རྣམས་གཡོ་བར་བྱེད་དོ། །གཉིས་པས་ནི་གཟུགས་རྣམས་སོ། །གསུམ་པས་ནི་འཆིང་བར་བྱེད་དོ། །བཞི་པས་ནི་ཐར་པ་དང་གཟི་བརྗིད་སྒྲུབ་པར་བྱེད་དོ། །ལྔ་པས་ནི་གཅོད་པར་བྱེད་དོ། །དྲུག་པས་ནི་རེངས་པར་བྱེད་དོ། །འདི་དག་ནི་ཕྱག་
འཚལ་བ་རེ་རེའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ས་མ་བེ་ག་བེ་ཨེ་ལཱ་ཨ་དྷིཥྛཱ་ནཱཾ། ཨུཏྟ་ར་ག་ག་ན་ས་མ་སུ་སྠི་ཏཱ། ཤྲཱི་ཀ་ར་ཤཱ་བ་ནཱ་ཏོ་ཁེ་ལ་ནཱ་ཏོ་ཤཱ་ནཱ་རཱ་གཱ་ན་ཤི་ཤནྟུ། ཨ་ནནྟཱ་ཏཱཾ། སཱ་ར་སཱ་ར། ཀ་མཱ་ལ། ཀ་མཱ་ལ། བ་ར་ཤ་ར་ཎཱ། ན་
མོ་སྟུ། སརྦ་ཏྲ་ཤ་ར་ཎཱ། བྷྲ་མ་བྷྲ་མ་སཝཱ་ཧཱ། ན་མཿ སརྦ་ཏ་ཐཱ་ག་ཏཱ་ནཱཾ། ཨ་ནནྟཱ་ཡ་སཝཱ་ཧཱ། རྡོ་རྗེ་གདན་གྱིའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་བཛྲ་དྷ་རཱ་ཎཱཾ། བཛྲེ་ནི་ལེ་ནི་ལ་གྷཾ་ཧཱུཾ་སྥཱ་ཊ་ཧཱུཾ། རྡོ་རྗེ་དཀྱིལ་འཁོར་ཞེས་བྱའོ། །དེ་ནས་རྡོ་རྗེ་གཟི་

</font><hr>87-1-245a<br><font size=+2>

བརྗིད་ཅེས་བྱ་བའི་ཏིང་ངེ་འཛིན་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ནས། མགྲིན་གཅིག་ཏུ་རིག་པ་འཛིན་པའི་རིམ་པར་ཕྱེ་བ་འདིར་ངོ་མཚར་དུ་གྱུར་པའི་ཆོས་རྡོ་རྗེ་འདི་སྨྲས་སོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨ་
མ་ལཱ་བེ་ག་སམྦྷ་བ་ཨ་དྷིཥྛཱ་ན། བཛྲ་བ་ལ་བེ་ག་ས་མནྟཱ་ག་མི། བྷྲ་མཾ་བྷྲ་མཾ། བི་དྷ་ར་ཎ་བི་དྷ་ར་ཎ། ན་མོ་སྟུ་ཏེ་ཛྭཱ་ལཱ་ན་ལཱ་བི་མ་ལ་ལོ་ཙ་ན། སརྦ་ཏ་པྲ་ས་ར་ཎ་བི་ས་ར་ཎ་བ་ར་པྲ་བ་ལ་དྲུ་བ་ར་ཤ་ར་ཎ་ཧཱུཾ་སཝཱ་ཧཱ། དེ་ལ་འདི་ནི་དེ་བཞིན་གཤེགས་པའི་བསྟན་པ་
སྲུང་བར་བྱེད་པ་རྡོ་རྗེ་རྒྱལ་པོའོ། །དེ་བཞིན་གཤེགས་པའི་སྤྱན་གྱི་ཆོ་གས་རྡོ་རྗེ་སྒྲུབ་ན་རིག་པ་འཛིན་པར་འགྱུར་རོ། །བཀླགས་པ་ཙམ་གྱིས་འདིར་ལག་པའི་རྡོ་རྗེ་མི་སྣང་བར་འགྱུར་རོ། །རི་ལ་འདུག་ནས་སྔར་བསྟན་པའི་ཆོ་གས་ཇི་སྲིད་མཚན་མ་བྱུང་གི་བར་དུ་བཟླས་
པ་བྱས་ན། དེ་ནས་ཟླ་བ་ཉ་ལ་སྐྱིལ་མོ་ཀྲུང་བཅས་ནས་མཚན་རངས་པ་བཟླས་པ་བྱས་ན་འབར་བར་འགྱུར་ཞིང ། འཇིག་རྟེན་གྱི་ཁམས་ཐམས་ཅད་གཡོས་པར་གྱུར་ནས་རིག་པའི་རྒྱལ་པོ་རྡོ་རྗེ་འཆང་དུ་འགྱུར་རོ། །གསང་སྔགས་འདི་དག་ཐམས་ཅད་ནམ་མཁའི་སྤྱན་
གྱི་ཆོ་གས་དེ་བཞིན་གཤེགས་པ་ཐམས་ཅད་ལ་རྡོ་རྗེ་འཆང་གིས་གསོལ་བ་བཏབ་ཅིང་ཞུས་པ་སྟེ། རིག་པའི་མཆོག་གི་རྒྱལ་པོ་འདི་ནི་མཐུ་མཚུངས་པ་མེད་པའོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པའོ། །བྱང་ཆུབ་
སེམས་དཔའ་ཐམས་ཅད་ཀྱིས་བསྔགས་པ་སྒྲུབ་པ་ངེས་པ་མེད་པའོ། །སྔགས་དང ། ཕྱག་རྒྱ་དང ། སྤྱོད་པ་ཐམས་ཅད་ཀྱི་སྙིང་པོ་བསྡུས་པ་རིག་པ་འཛིན་པའི་རིམ་པར་ཕྱེ་བ་འདི་ལྷ་དང ། ཀླུ་དང ། གནོད་སྦྱིན་ལ་སོགས་པ་ཡོངས་སུ་འཛིན་ཅིང ། དེ་བཞིན་
གཤེགས་པའི་མཐུ་ཡང་དག་པར་སྟོན་པར་བྱེད་པ། མཐོང་བའི་ཆོས་འདི་ཉིད་ལ་རྨད་དུ་བྱུང་བའི་མཐུ་མཐོང་བར་འདོད་པས། སྔགས་འདི་དག་ལས་གང་ཡང་རུང་བ་བཟུང་ནས་བསྒྲུབ་པར་བྱའོ། །འདི་ལ་རས་རིས་མེད་ཀྱང་རུང ། མ་བསྒྲུབས་ཀྱང་རུང་།

</font><hr>87-1-245b<br><font size=+2>

མཆོད་པ་མེད་ཀྱང་རུང ། ཁྲུས་མེད་ཀྱང་རུང ། ཤ་ལ་སོགས་པ་མ་སྤངས་ཀྱང་རུང་སྟེ། རིག་པ་འཛིན་པའི་རིམ་པར་ཕྱེ་བའི་སྒྲུབ་པ་འདིར་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་རབ་ཏུ་དང་བ་བསྐྱེད་ནས། བྱང་ཆུབ་ཀྱི་སེམས་ཀྱིས་
ཡོངས་སུ་བཟུང་བ་དེའི་ངེས་པར་འགྲུབ་པར་འགྱུར་རོ། །འདིར་འདིའི་དམ་ཚིག་ནི་འདི་ཡིན་ཏེ། སེམས་ཅན་ཐམས་ཅད་ལ་སྙིང་རྗེ་བསྐྱེད་ནས་བྱང་ཆུབ་ཀྱི་སེམས་ཡོངས་སུ་བཟུང་ནས། དེ་བཞིན་གཤེགས་པའི་སྙིང་པོའི་མཆོད་རྟེན་གྱི་དྲུང་དུ་སྐྱིལ་མོ་ཀྲུང་བཅས་
པས་འདུག་ལ། བརྒྱ་རྩ་བརྒྱད་བཟླས་བརྗོད་བྱས་ལ་དུས་ཐམས་ཅད་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་དབུལ་བར་བྱའོ། །ཡན་ལག་ཐམས་ཅད་ས་ལ་ཕབ་ལ་འདི་སྐད་དུ་སངས་རྒྱས་དང ། བྱང་ཆུབ་སེམས་དཔའ་ཐུགས་རྗེ་
ཆེན་པོ་དང་ལྡན་པ་ཐམས་ཅད་ཀྱིས་སྡུག་བསྔལ་བར་གྱུར་པ་བདག་ཡོངས་སུ་གཟུང་དུ་གསོལ། བདག་ལ་བྱིན་གྱིས་བརླབ་ཏུ་གསོལ་ཞེས་བྱ་བའི་ངག་ཀྱང་བརྗོད་པར་བྱའོ། །དེ་ནས་སྤྱི་བོར་ཐལ་མོ་སྦྱར་བའི་ཕྱག་རྒྱ་བཅིངས་ལ། ན་མཿ སརྦ་ཏ་ཐཱ་ག་ཏཱ་ནཱཾ། ག་
ག་ནེ་ག་ག་ནེ། སྔགས་དང ། ཕྱག་རྒྱ་འདི་དག་གིས་རིག་པ་འཛིན་པའི་དམ་ཚིག་ལ་གནས་པར་འགྱུར་རོ། །དམ་ཚིག་འདི་དག་གང་ཡང་རུང་བ་མཉམས་པར་བྱའོ། །ཆོ་ག་འདི་དག་གིས་རིག་པ་འཛིན་པར་འགྱུར་ཞིང ། ཆོ་ག་འདི་ཉིད་ཀྱིས་དཀྱིལ་འཁོར་
ཐམས་ཅད་མཐོང་བར་འགྱུར་རོ། །དེ་ལ་འདི་དག་ནི་སྤང་བར་བྱ་བ་སྟེ། སེམས་ཅན་འདུལ་བར་བྱེད་པ་ལ་གནོད་པར་བྱེད་པ་དང ། སྐྱོན་ཐོགས་པར་འགྱུར་བའི་ལས་བྱེད་པ་དང ། བསྟན་པ་ལ་གནོད་པར་སྒྲུབ་པར་བྱེད་པ་དང ། དམ་པའི་ཆོས་སྤོང་བར་
བྱེད་པ་དང ། ཚུལ་ཁྲིམས་དང་ལྡན་པའི་ཁྱིམ་པ་དང ། རབ་ཏུ་བྱུང་བ་ལ་མངོན་སྤྱོད་ཀྱི་ལས་བྱེད་པ་དང ། མི་སྨྲ་བའི་སྦྱོར་བས་ཕྱག་རྒྱ་སྦྱོར་བར་བྱེད་པ་དང ། གཞན་བསོད་ནམས་མ་ཡིན་པ་ལ་སྦྱར་བར་མི་བྱ་བར་གསོལ་བ་གདབ་པར་བྱའོ། །རིག་པ་འཛིན་

</font><hr>87-1-246a<br><font size=+2>

པའི་རིམ་པར་ཕྱེ་བ་འདིར་འདི་དག་དམ་ཚིག་ཡང་དག་པར་བསྲུངས་པར་འགྱུར་ཞིང ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང ། སྔགས་ཀྱི་སྦྱོར་བས་བྱང་ཆུབ་སེམས་དཔའི་སྤྱོད་པའི་སྒོར་འཇུག་པ་དོན་ཡོད་
པར་གྲུབ་པ། འཇིག་རྟེན་ལས་འདས་པའི་ལམ་འདྲེན་པར་བྱེད་པའོ། །རྡོ་རྗེ་འཆང་གིས་གསོལ་བ་བཏབ་པ་རྡོ་རྗེའི་རིགས་ཀྱི་རྟོག་པའི་སྙིང་པོར་འགྱུར་བའོ། །དད་པ་ཅན་བརྩོན་འགྲུས་དང་ལྡན་པས་ངེས་པར་འགྲུབ་པར་འགྱུར་རོ། །ཚེ་འདི་ཉིད་ལ་ཁྱད་
པR་ཐོབ་པར་འདོད་པ་དང ། བྱང་ཆུབ་སེམས་དཔའི་སྐུ་ཐོབ་པར་འདོད་པ་དང ། བྱང་ཆུབ་སེམས་དཔའི་སྐུ་ངེས་པར་བསྒྲུབ་པར་འདོད་པས་དབེན་ཞིང་སྟོང་པའི་གནས་སུ་སངས་རྒྱས་དང་བྱང་ཆུབ་སེམས་དཔའ་རྣམས་ལ་དམིགས་པའི་སྦྱོར་བ་བྱས་ནས་སྔགས་
གང་ཡང་རུང་བ་བཟླས་པ་བྱའོ། །དབེན་པར་དམ་པའི་ཆོས་གདོན་པ་དང ། སེམས་པ་ཡང་རུང ། ནུས་པ་ཅི་ལྟ་བ་བཞིན་ཕྱག་འཚལ་བ་ཡང་བྱས་ལ་མཆོད་རྟེན་ནམ། སྐུ་གཟུགས་ཀྱི་མདུན་དུ་རི་དང ། ཆུ་ཀླུང་དང ། མཚོ་དང ། གླིང་དང ། ཀུན་དགའ་
ར་བ་དང ། ཉེ་བའི་ཚལ་ལ་སོགས་པ་རྣམས་སུ་འམ། གཙུག་ལག་ཁང་གི་གནས་དང ། སྐུ་གདུང་དང་བཅས་པའི་སའམ། ལམ་གྱི་མདོའམ། ཐ་ན་གཙུག་ལག་ཁང་གི་བྲང་ཁང་དུའང་རུང ། དམ་པའི་ཆོས་ཀྱི་གླེགས་བམ་གྱི་མདུན་དུ་འམ། 
སངས་རྒྱས་ལ་དམིགས་པས་འདུ་འཛི་སྤངས་ལ། སྙོམ་ལས་དང་བྲལ་བས་དམ་པའི་ཆོས་ལ་བླ་མར་བྱེད་པས་བསྒྲུབ་པ་བྱས་ན། མཚན་གཅིག་གིས་རིག་པ་འཛིན་པར་འགྱུར་རོ། །བཅཝ་ལྔ་པ་ལ་སྐྱིལ་མོ་ཀྲུང་མ་བཤིག་པར་མངོན་པར་བསྔགས་ཤིང་ལེགས་སོ་
ཞེས་བྱ་བ་ཡང་གསོལ་བར་མཛད་དོ། །ཁ་ཅིག་གིས་ནི་མཐོང་བ་ཡང་གསོལ་བར་མཛད་དོ། །ཁ་ཅིག་གིས་ནི་དགེ་བའི་རྩ་བ་ཚད་མེད་པ་འཕེལ་བར་བྱེད་ཅིང་འབེབས་པར་ཡང་བྱེད་དོ། །བྱིན་གྱིས་རློབ་པར་འགྱུར། བྱིན་གྱིས་རློབ་པ་མཛད་པར་འགྱུར། ཚད་

</font><hr>87-1-246b<br><font size=+2>

མེད་པའི་ཡོན་ཏན་ཉིད་ལ་ཡང་རབ་ཏུ་འཇོག་པར་འགྱུར་རོ། དེ་བཞིན་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཐའ་ཡས་ཤིང་མཐོང་བ་མེད་པའི་ཆོས་རྣམས་ཀྱིས་ཡོན་ཏན་རྣམས་ཀྱང་རབ་ཏུ་ཐོབ་པར་འགྱུར་རོ། །མཐུ་ཆེན་པོ་ཡང་རབ་ཏུ་ཐོབ་པར་འགྱུར་
རོ། །དེ་ལྟར་འདི་ནི་དེའི་འཇིག་རྟེན་གྱི་ཆོས་ཀྱི་ཐ་མ་ཡིན་ནོ་ཞེས་བྱའོ། །དེ་ལྟར་ན་ཡང་སྔགས་ཀྱི་སྤྱོད་པ་མཐའ་དང་དབུས་མེད་པར་རབ་འབྱམ་རྒྱ་ཆེ་བ། དེ་བཞིན་གཤེགས་པ་དཔག་ཏུ་མེད་ཅིང་ཚད་མེད་པས། མདོ་སྡེའི་དབང་པོའི་རྒྱལ་པོ་ཆོག་པ་མེད་པ་དམ་
ཚིག་ཆེན་པོ་གསུམ་གྱི་རྡོ་རྗེ་ཞེས་བྱ་བ། དེ་བཞིན་གཤེགས་པའི་ཐུགས་གསང་བའི་དཀྱིལ་འཁོར་དམ་ཚིག་གསུམ་རྡོ་རྗེའི་སྒོ་ཉིད་ཀྱི་སྙིང་པོ་བསྡུས་པ་རྟོག་པ་ཆེན་པོའི་རྒྱལ་པོ་ཞེས་བྱ་བ། གསང་བ་པའི་བདག་པོ་གང་ཡིན་པས་རྡོ་རྗེ་འཆང་ལས་གསང་བའི་སྙིང་
པོ་ཡང་དག་པར་བཟུང་བ་ཉིད་ནི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་དཀོར་གྱི་སྙིང་པོ་འདི་སེམས་ཅན་གྱི་ཁམས་མ་ལུས་པ་ཡང་དག་པར་སྦྱང་བའི་ཕྱིར་དང ། བསྟན་པ་བསྲུང་བའི་ཕྱིར་ཏེ། འདི་གཉིས་ནི་སྔགས་དང ། ཕྱག་རྒྱ་
ལ་སྤྱོད་པ་རྣམས་ལ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བཀའ་བཞིན་བྱེད་པའོ། །དེ་བཞིན་གཤེགས་པའི་ནོར་བུ་ཆེན་པོའི་རྒྱ་མཚོའི་མཆོད་པའི་མཆོག་བཀའ་བཞིན་བྱེད་པ་ཞེས་གསུངས་སོ། །སྔགས་དང ། ཕྱག་རྒྱ་སྤྱོད་པ་
ཞེས་ཀྱང་གསུངས་སོ། །གཡོ་བ་མེད་པའི་ནོར་བུ་ཞེས་ཀྱང་གསུངས་སོ། །ཡོན་ཏན་མཐའ་ཡས་པ་ཞེས་ཀྱང་གསུངས་སོ། །དམ་ཚིག་སྲུང་བ་པོ་ཞེས་ཀྱང་གསུངས་སོ། །བསམ་གྱིས་མི་ཁྱབ་པའི་སྨོན་ལམ་འཛིན་པ་པོ་ཞེས་ཀྱང་གསུངས་སོ། །བསྟན་
པ་སྲུང་བ་པོ་ཞེས་ཀྱང་གསུངས་སོ། །སྟོབས་ཆེན་པོ་ཞེས་ཀྱང་གསུངས་སོ། །དོན་ཡོད་པ་འདི་ལ་སོམ་ཉི་དང་བྲལ་བས་བསམ་གྱིས་མི་ཁྱབ་པའི་དངོས་གྲུབ་སྒྲུབ་པ་ལ་དད་པས་ནན་ཏན་དུ་བྱའོ། །འདིར་དེ་ལྟ་བུའི་བསྟོད་པ་རྨད་དུ་བྱུང་བ་གང་བདག་གིས་སྔོན་

</font><hr>87-1-247a<br><font size=+2>

དབྱངས་སུ་བླངས་པ་དེ་དབྱངས་སུ་བརྗོད་པས་དེ་དང་མཐུན་པའི་དངོས་གྲུབ་རྗེས་སུ་ཐོབ་པར་འགྱུར་རོ། །ན་མ་སྟྲཻ་ཡ་དྷྭི་ཀཱ་ནཱཾ། མ་ཧཱ་ཀྲྀ་པེ་བྷྱཿ ། ཨ་ས་མ་ཨ་ཙ་ལཱ། ས་མ་ཏཱ་སཱ་ར། དྷརྨ་ཎ་ཀཱ་རུ་ཎ་ཨཱཏྨ་ག་ཛ་གཱ་ཏཱི་དུཿ ཁ་ཧཱ་རི་ཎཱ། ཨ་
སི་མནྡྷ། སརྦ་གུ་ཎཱ་སིདྡྷི་དྷ་ཡི་ནོ། ས་མ་ལཱ་ཨ་ཙ་ལཱ། ས་མ་བ་ར་ཨ་གྲ། དྷརྨ་ཎི་ག་ག་ན་ས་མོ་པ་མ་ག་ཏན་བཱིརྱ་ཏེ། གུ་ཎ་ལ་ཤ་རེ་ཎ་ཏུ་ཀ་ཏི་ཀེ་པྱ། ཤི་མེ་ཀེ་སཱ་དྷ་སརྦ་དྷཱ་ཏུ་བ་ར། སིདྡྷི་ད་ཡཥྚི་བི་ག་ཏོ། ཨུ་པཱ་མེ་ཥུ། ཨ་ས་མནྟ། སིདྡྷི་ཤུ་ས་ཏ་ཏཱ། ཨ་
མ་ལ་ཀཱ་རུ་ཎ་བེ་ག་ཏོ་ཨུ་ཏྠི་ཏ་པྲ་ཎི་དྷ་ནཱ་སིདྡྷི་ར་ནི་རོ་དྷ་དྷརྨ་ཏཱ།ཛ་ག་ཏོ་ཨརྠཱ་སཱ་དྷ་ན་པ་ར། ཨ་ས་མ་ནྟཱི་ནཱི། ཤ་ཏ་ཏཱཾ་བི་རོ་ཙི་ཏ་མ་ཧཱ་ཀྲཱྀ་པ་ཨཱཏྨ་ནཱཾ། ན་ནི་རོ་དྷ་ཏྭཱཾ་ཀཱ་རུ་ཎཱ་ཙཱ་ར་ཀ། ཨ་ཙ་ལ་པྲ་ཛ་ཏེ་ཏྲི་ལོ་ཀི། དྷ་ར་སིདྡྷི་དྷ་ཡི་ཀ། ཨ་མཱི་ཏཱ་ཨ་མཱི་ཏེ་ཥུ་སུ་ས་མ་པཱ་ཏི་ཏཱཾ། ག་ཏི་ཤཝ་
བི། ཨ་ཧོ་སུ་དྷརྨ་ཏཱ། ཏྲི་ས་མ་ཡེ་ཨ་གྲཱ། སིདྡྷི་བ་ར་དྷ་ནྟེ། མེ་བ་ར་དྷ། ན་ཏ་ཨ་གྲ་ཏི་ཏི་ཏི་ཏཾ། སཱ་དྷ་ས་ཀ་ལཱ་ཏྲི་ལོ་ཀི་བ་ར་དྷ་ཨ་གྲ། ས་དྷ་ནཱ་ནཱ་ཨརྠཱ། སྟྲཻ་ཡ་དྷྭི་ཀཱ་ཏཱི་ཀཱ། ཨཱ་ནཱ་པྲི་ཏཱ། ན་མཿ ས་མནྟ་བཛྲཱ་ཎཱཾ། ཨ་མོ་གྷ་ཨེ་ཧི། ཨ་པྲ་ཏི་ཧཱ་ཏ། ཨེ་ཧི་ཨ་ཙ་ལཱ། ཙེ་ཊཱ་
་ནནྟཱ་ཀཱ་ཎ་ཏིཥྛ། ཙ་རུ་ཙ་རུ། ཏ་ཊི་ཏ་ཊི། ཏཱ་ཊ་ཏཱ་ཊ། བིགྷྣཱ་ན་གྷ་ཏ་ཡ། མཱ་ར་ཡ་ཁཱ་ད་ཡ། སྥོ་ཊ་ཡ། ཤ་ཏཱ་ཏཱཾ་ཙ་མེ། ཨ་ནུ་བནྡྷ་ཨཱ་ཛྙཱ་ཀུ་རུ། ཨ་ས་ཧ་དྷ་ན་ཨ་གྲ། ཀ་ཊཱ་ཀ་ཊཱ། ཧེ་ཧཾ། ཨ་ཏི་བཱ་ལཱ། ཨེ་ཧོ་མ་ཧཱ་གུ་ཎ་བི་ཥ་ཎཱ། ན་ཊཱ་ན་ཊཱ། ཨཱ་བི་ཤ་ཨཱ་བི་
ཤ་། ཙ་ལ་ཙེ་ཊ་སརྦ་ཏྲ་ཨ་ནུཏྟཱ་ར་ཨེ་ཀ་ཙ་ཏཱ་ཊ་ཏཱ་ཊ། ད་མཱ་ད་མཱ། ཕཊ་ཕཊ་སཝཱ་ཧཱ། ཁྲོ་བོ་མི་གཡོ་བའི་སྙིང་པོའོ། །དམ་ཚིག་གསུམ་བཀོད་པའི་རྒྱལ་པོ་ཆེན་པོ་ལས་ཐུན་མོང་གི་ཆོ་ག་རྫོགས་སྷོ།། །།དམ་ཚིག་གསུམ་བཀོད་པའི་རྒྱལ་པོའི་རྒྱུད་རྟོག་པའི་རྒྱལ་པོ་
ཆེན་པོ་ལས་ཐུན་མོང་གི་ཆོ་ག་རྫོགས་སོ།། །།རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང ། ལོ་ཙྪ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།

</font><hr>

</table>