༄##། །རྒྱ་གར་སྐད་དུ། ཨཱརྱ་མ་ཡཱུ་ར་བིདྱཱ་གརྦྷེ་ནཱ་མ། བོད་སྐད་དུ། འཕགས་པ་རིག་སྔགས་ཀྱི་རྒྱལ་མོ་རྨ་བྱའི་ཡང་སྙིང་ཞེས་བྱ་བ། བཅོམ་ལྡན་འདས་རྨ་བྱ་ཆེན་མོ་ལ་ ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །དགྲ་ཡིས་འཇིགས་པའམ། འཐབ་རྩོད་ཀྱིས་འཇིགས་པའམ། བགེགས་ཀྱིས་འཇིགས་པའམ། དུས་མ་ཡིན་པར་འཆི་བས་འཇིགས་པའམ། སྦྲུལ་ གྱིས་འཇིགས་པའམ། གཅན་གཟན་གྱིས་འཇིགས་པའམ། དུག་གིས་འཇིགས་པའམ། མེས་འཇིགས་པའམ།ཆུས་འཇིགས་པའམ། རླུང་གིས་འཇིགས་པའམ། འཇིགས་པ་ཐམས་ཅད་ཀྱི་ནང་ན་འདུག་ན་འདི་ཡིད་ལ་བྱའོ། །རླུང་ལས་གྱུར་པའམ། མཁྲིས་པ་ལས་གྱུར་ 90-1-116b པའམ། བད་ཀན་ལས་གྱུར་པའམ། འདུས་པ་ལས་གྱུར་པའམ། གདོན་གྱིས་ཟིན་ཏམ། རིམས་ཀྱིས་བཏབ་པའམ། དུག་འཐུངས་སམ། ནད་ཐམས་ཅད་ཀྱི་ནང་ན་འདུག་ན་འདི་ཡིད་ལ་བྱའོ། །ན་མོ་བྷ་ག་བ་ཏེ། ཨིཊྚིཊྚཱ་ཡ། ཨིནྡྲ་གོ་མི་སི་ཀཱ་ཡ། ཨཱ་ཤ་ནེ། པཱ་ཤ་ནེ། པཱ་པ་ནི་ཀཱུ་ལེ། ཀ་པི་ལ་མིཏྟེ། ཨི་ལེ་མིཏྟེ་སཝཱ་ཧཱ། གསང་སྔགས་ཀྱི་གཞི་རྣམས་གྲུབ་པར་གྱུར་ཅིག་།ནཱ་རཱ་ཡ་ཎི། པཱ་རཱ་ཡ་ཎི། ཧ་རི་ཏ། ཏཱ་ལི། ཀུན་ཏཱ་ལི། ཨི་ལི་མི་སྟི། ཀི་ལི་ཏི་ལི་མི་སྟི་སཝཱ་ཧཱ། རིག་སྔགས་ཀྱི་གཞི་རྣམས་གྲུབ་པར་གྱུར་ཅིག་།ཧ་ཧ། ཧི་ཧི། ཧུ་ཧུ། ཁ་རཱ། མ་རཱ། ཁ་ཧི། ཁ་ཧི། ཧཱུཾ་ཧཱུཾ། ཕཊ་ཕཊ་སཝཱ་ཧཱ། བདག་ལ་སྲུངས་ཤིག་།སྲུངས་ཤིག་།ལོ་བརྒྱ་འཚོ་བར་གྱུར་ཅིག་།སྟོན་བརྒྱ་མཐོང་བར་ཤོག་ཤིག་།ལན་ཉི་ཤུ་རྩ་གཅིག་བརྫོད་དེ་གཏོར་མ་རི་མཐོན་པོ་ལ་གཏང་བར་བྱའོ། །དེས་ཐམས་ཅད་ཞི་ཞིང་ཕྱིར་ བཟློག་པར་འགྱུར་རོ། །རྨ་བྱའི་སྙིང་པོ་རིག་པ་དང་བཅས་པ་རྫོགས་སོ།། ་་ |