rKTs


D670

(e-text produced by ADARSHA)

see text in transliteration
91-1-202b
༄#། །རྒྱ་གར་སྐད་དུ། དེ་བཱི་མ་ཧཱ་ཀཱ་ལཱི་ནཱ་མ་དྷཱ་ར་ཎཱི། བོད་སྐད་དུ། ལྷ་མོ་ནག་མོ་ཆེན་མོའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མངོན་པར་ རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན་བྱང་ཆུབ་ཀྱི་ཤིང་དྲུང་ན་བཞུགས་སོ། །དེ་ནས་འདོད་པའི་ཁམས་ཀྱི་དབང་ཕྱུག་མ། བདུད་ཀྱི་ཡུམ། གཤིན་རྗེའི་ལྕམ་མོ། ལྷ་མོ་ནག་མོ་ཆེན་མོས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་ གཅིག་ཏུ་འདུག་གོ། །དེ་ནས་བཅོམ་ལྡན་འདས་ལ་ལྷ་མོ་ནག་མོ་ཆེན་མོས་གསོལ་པ། བཙུན་པ་བཅོམ་ལྡན་འདས་ཀྱི་ཞབས་ལ་ཕྱག་འཚལ་བའི་རིག་པ་འབུལ་ན། བདག་གི་དེ་བཅོམ་ལྡན་འདས་ཀྱིས་བཞེས་སུ་གསོལ། དེ་ནས་བཅོམ་ལྡན་ཀྱིས་བཀའ་སྩལ་ པ། བདུད་ཀྱི་ཡུམ་གཤིན་རྗེའི་ལྕམ་མོ་ལྷ་མོ་ནག་མོ་ཆེན་མོས་སྟེང་དུ་ནི་གཞན་འཕྲུལ་དབང་བྱེད་ལ་ཐུག་པ་མན་ཆད་བཅིང་བར་བྱའོ། །འོག་ཏུ་ནི་སེམས་ཅན་དམྱལ་བ་ལ་ཐུག་པ་ཡན་ཆད་བཅིང་བར་བྱའོ། །ཐད་ཀ་ཁོ་ར་ཁོར་ཡུག་ཏུ་ནི་རི་ལ་ཐུག་པ་ཚུན་ཆད་ བཅིང་བར་བྱའོ། །དེའི་སྔགས་འདི་དག་ཀྱང་བཟླས་པར་བྱ་སྟེ། ཏདྱ་ཐཱ། ཨོཾ་རུ་རུ་བི་ཏིཥྛ་བ་དྷོཏྶི་རུ་རུ་རོ་རུ་བི་ཏིཥྛ་བ་དྷོཏྶི་སཝཱ་ཧཱ། འདི་བཏོན་པས་རིམས་དང ། ནད་དང ། མི་ངས་དང ། ཉེས་པ་ཐམས་ཅད་དང ། མཛེ་དང ། ཕོལ་མིག་དང ། གཡན་ པ་ལ་སོགས་པའི་ནད་ཐམས་ཅད་ཞི་བར་འགྱུར་རོ་སཝཱ་ཧཱ། ལྷ་མོ་ནག་མོ་ཆེན་མོའི་གཟུངས་རྫོགས་སོ།། ་་