rKTs


D765

(e-text produced by ADARSHA)

see text in transliteration
96-1-56b
༄##། །རྒྱ་གར་སྐད་དུ། མ་ཎི་བྷ་དྲཱ་ཡ་ཡཀྵ་སེ་ན་ཀལྤ། བོད་སྐད་དུ། གནོད་སྦྱིན་ནོར་བུ་བཟང་པོའི་རྟོག་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ན་མོ་ར་ཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡ་ཀྵ་སེ་ནཱ་པ་ཏ་ཡེ། ས་མ་ཡ་མ་ནུ་སྨ་ར། མ་ཎི་བྷ་དྲཱ་ཡ། བྷ་ག་བ་ཏཱ། བཱ་ཙ་ཏ་སྟྭཾ། དྷ་མ་དྷ་མ། དྷུ་རུ་དྷུ་རུ། མ་ ཅི་ར་མ་ཧཱ་ཡཀྵ་ས་ནཱ་པ་ཏ་ཡེ། ཏུ་ལུ་ཏུ་ལུ། མ་ཎི་བྷ་དྲ། ཏུ་རུ་ཏུ་རུ། མ་ཎི་བྷ་དྲ། ཏུ་ཊི་ཏུ་ཊི། མ་ཎི་བྷ་དྲ། ཙུ་ཊི་ཙུ་ཊི། མ་ཎི་བྷ་དྲ། ནི་ཊི་ནི་ཊི། མ་ཎི་བྷ་དྲ་སཝཱ་ཧཱ། ཚེས་གྲངས་མེད་ཅིང་རྒྱུ་སྐར་མེད། །སྨྱུང་བའི་ཆོ་ག་ཡོད་མ་ཡིན། །རྒ་དང་ནི་ནི་མ་པ་གཉིས། །གང་ རུང་བ་ཡི་ཤིང་དག་ལས། །ནོར་བུ་བཟང་པོའི་གཟུགས་བྱས་ལ། །དེ་ཡི་མདུན་དུ་གནས་བྱས་ཏེ། །མེ་ཏོག་ལ་སོགས་པ་རྒྱ་ཆེ་བ་ཐམས་ཅད་ཀྱིས་མཆོད་པ་བྱས་ཤིང་གནས་ལ། ཉི་མ་གུང་གི་དུས་སུ་ཡུངས་ཀར་དང་ཚ་བའི་མར་གྱིས་བསྣོས་ལ། ནོར་བུ་བཟང་པོའི་གསུས་པ་ ལ་བྱུག་པར་བྱ་ཞིང ། རིག་པ་སྟོང་ཕྲག་བརྒྱ་བཟླས་ན། གསེར་གྱི་དོང་ཙེ་བརྒྱ་རྙེད་པར་འགྱུར་ཏེ། དེ་ཡང་གཏང་བར་བྱའོ། །ན་མོ་ར་ཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། དུ་ཧུ་ཀུ་ཙུ། ཙུ་རུ་ཙུ་རུ། ཤ་བ་རི་ཀ་།མ་ཎི་བྷ་དྲ་སཝཱ་ཧཱ། བྱ་རོག་ གི་སྐད་མི་གྲག་པར་ཕྱུགས་ཀྱི་ཀོ་བ་ཙམ་གྱི་མཎྜལ་བྱས་ལ། ལན་ཅིག་བཟླས་པས་མེ་ཏོག་བརྒྱད་བརྒྱ་དབུལ་བར་བྱའོ། །ཟླ་བ་གཅིག་ན་གསེར་སྲང་གཅིག་རྙེད་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཏདྱ་ཐཱ། བྷ་མ་རི་བྷྲ་མ་རི།
96-1-57a
སུ་ཥྞུ་སུ་ཥྞུ། ཡཀྵཾ་མ་བྷ་དྲཱཾ། སཝི་ཌ་ཡ་སྩིབཡ། ཨཱ་བཱ་ཧ་ཡ། ཨཱ་བཱ་ཧ་ཡ། ཨུ་བ་ད་རྵ་ཡ་སཝཱ་ཧཱ། ནག་པོ་ཕྱོགས་ཀྱི་ཚེས་གཅིག་ནས་བཟུང་སྟེ། ཅི་སྙེད་དཀར་པོ་ཕྱོགས་ཀྱི་ཚེས་གཅིག་གི་བར་དུ་བྱས་ཏེ། ཉི་མ་ཤར་བའི་བར་དུ་ལན་ཉི་ཤུ་རྩ་ལྔ་བརྗོད་ན། གསེར་གྱི་དོང་ཙེ་སྟེར་རོ། །ན་མོ་རཏྣ་ཏྲ་ཡཱ་ཡ། ན་མོ་བཻ་ཤྲ་མ་ཎཱ་ཡ། རཏྣ་མེ་བྷ་པཱ་ཧ་ཡཾ་སཝཱ་ཧཱ། ཉི་མ་རེ་རེ་ཞིང་སྔ་བར་ལངས་ལ། ལན་ཉི་ཤུ་རྩ་གཅིག་བཟླས་ན། ཟླ་བ་གཅིག་ན་དོང་ཙེ་གསུམ་སྟེར་བར་བྱེད་དོ། །ན་མོ་བྷ་ག་བ་ཏེ། །ཱ་དི་ཏྱཱ་ཡ། ཨ་པི་མ་སཝི་ཀ་སི་ལུ་བ་ ཏོ་སི་སཝཱ་ཧཱ། བུད་མེད་དང་སྐྱེས་པའི་གཟུགས་བྱས་ལ་ཀུ་ཤའི་མཚོན་གྱིས་བཅད་ན། སྐྱུགས་པའི་ནད་ཞི་བར་བྱེད་དོ། །ན་མ་སྟེ་བི་རི། །ཙཻ་ཏྱ་ཀུ་ན་ཛ་ལ་སྱ་ཏི་མི་གི་ལི་ཕུ། སྐུད་པ་དམར་པོ་ལ་ལན་ཉི་ཤུ་རྩ་གཅིག་ཏུ་བསྔགས་ཏེ། མདུད་པ་ཉི་ཤུ་རྩ་གཅིག་བྱས་ལ་རྐེད་པ་ལ་ བཅིངས་ན་རྡེའུ་མེད་པར་བྱེད་དོ། །ན་མོ་རཏྣ་ཏྲ་ཡཱ་ཡ། བ་ལེ་ཀ་ཧ་ལེ། མ་ཧཱ་ལེ་སཝཱ་ཧཱ། བུད་མེད་གང་ལ་ཁྲག་རྒྱུན་མི་འཆད་པར་འབབ་ན། ཁྲག་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ། །རྐེད་པ་ལ་བཅིངས་ན་ཁྲག་འཆད་པར་འགྱུར་རོ། །ིཊྚ་བྷུ་ཏེ་བི་དྱེ་སཝཱ་ཧཱ། ཏ་ལའི་ལོ་མ་ལ་ཡོངས་སུ་བསྔགས་ཏེ། ནུབ་མོའི་གནས་སྐབས་སུ་བཞག་ལ། སྔ་བར་དཀྱིལ་འཁོར་བྱས་ཏེ་ཉེ་བར་བཞག་ལ། གང་ལ་དགོས་པ་ཡོད་པ་ཐམས་ཅད་ཀྱི་མིང་བྲིས་ཏེ། ཏ་ལའི་ལོ་མ་ལ་ལན་གསུམ་དུ་བཟླས་ལ། ཏ་ལའི་ལོ་མ་གཞན་གྱིས་དཀྲིས་ ཏེ། བསྲེགས་ལ་ལག་པ་ལ་དེའི་ཐལ་བ་མཉེས་ན། རྐུན་མས་མི་མཐོང་བར་འགྱུར་རོ། །གནས་སྐབས་ཀྱིས་གཞན་གྱི་ལས་ཀྱང་ཅུང་ཟད་བརྗོད་པར་བྱ་སྟེ། ཧཱུཾ་ཡིག་ལས་བྱས་རྡོ་རྗེ་ཅན། །དུར་ཁྲོད་གནས་སུ་ཞུགས་པར་བྱ། །ལེགས་པར་བཟླས་པ་ཤེས་བྱས་ལ། ནུབ་མོ་རྒྱུད་རྣམས་དངོས་འགྲུབ་ལ། །འདིར་ནི་གྲོགས་སུ་གསོལ་བ་བཏབ་བོ། །དེས་དུར་ཁྲོད་ཀྱི་རས་བླངས་ལ་ཁྲོ་ཞིང་མིག་དམར་བས། དྲི་ཞིམ་པོས་ལུས་ལ་བྱུགས་ལ། དུར་ཁྲོད་ཀྱི་སོལ་བ་བླངས་ཏེ་བསྒྲུབ་བྱ་བྲི་བར་བྱའོ། །ཐལ་བ་དང་སོལ་བས་ཡན་ལག་
96-1-57b
ཡང་དག་པར་བཀང་སྟེ། ཡན་ལག་བཀུག་ལ་བཅུག་སྟེ། བསྒྲུབ་བྱའི་གཟུགས་བརྙན་གྱི་ལུས་ཀྱི་སྙིང་གའི་པདྨ་དཀར་པོ་ལ་གཞག་པར་བྱའོ། །འཕྲལ་དུ་བྱུང་བའི་མིའི་ཁྲག་དང ། དུག་དང་བསྲེས་ཏེ། འབྲས་ཀྱི་ཁ་ཚོས་ཀྱི་ཁུ་བ་དང་བཅས་པས་མཛེས་པར་བྱས་ལ། ལུས་པོའམ་རུས་པ་དང་བསྲེས་ཏེ། ཡང་དག་པར་གཏོར་ལ་བསྡུས་ཏེ་དྲིལ་ལ་སྐུད་པ་ཕྲ་མོ་ནག་པོས་མིག་བཀབ་ལ་དཀྲི་བར་བྱའོ། །སོལ་བས་ཕྱི་རོལ་བྱུགས་ལ་དུར་ཁྲོད་དུ་བརྐོས་ཏེ་བཅུག་ལ་བདག་གིས་བསད་དོ་ཞེས་བྱའོ། །བརྐོས་པ་བཀང་བའི་སྟེང་དུ་ལག་པས་ རྡོ་རྗེའི་མཚན་མ་བྱས་ལ་ཐལ་བར་བྱའོ་ཞེས་སྔགས་ཀྱི་བཟླས་པ་བྱའོ། །ཧཱུཾ་སུཾ་བྷ་ནི་སུཾ་བྷ། ཧཱུཾ་གྲྀ་ཧྞ་གྲྀ་ཧྞ། ཧཱུཾ་གྲྀ་ཧྞཱ་པ་ཡ། ཧཱུཾ་ཨཱུ་ན་ཡ་ཧོ། བྷ་ག་བན། ཆེ་གེ་མོ་ཧཱུཾ་ཕཊ། ཧཱུཾ་ཧཱུཾ་ཧཱུཾ་ཕཊ། ཨོཾ་སུཾ་བྷ་ནི་སུཾ་བྷ། ཧཱུཾ་གྲྀ་ཧྞ་གྲྀ་ཧྞ། ཧཱུཾ་གྲྀ་ཧྞཱ་པ་ཡ། ཧཱུཾ་གྲྀ་ ཧྷཱ་པཡ། ཧཱུཾ་མཱ་ར་ཡ་ཆེ་གེ་མོ་ཧཱུཾ་ཕཊ། རིགས་ཀྱི་མིང་བརྗོད་ན་ཉམས་པ་ཉིད་དུ་འགྱུར་རོ། །གལ་ཏེ་མ་གྱུར་ན་ཕྱུང་འདིའི་ཕྱིར་དུམ་བུ་དུམ་བུར་བྱས་ཏེ། དུག་ལ་སོགས་པ་དང་ལྡན་པའི་སྐེ་ཚེ་དང་བཅས་པས། སྦྱིན་སྲེག་བྱས་ཏེ། བློ་དང་ལྡན་པས་དགྲ་བོ་ཉམས་པར་ འགྱུར་བའི་ཆེད་དུའོ། །དོན་ཡོད་ཞགས་པའི་གཟུངས་ནི་ཡོངས་སུ་བསམ་བྱ་སྟེ། །བནྡུ་ཀ་ཡི་མདོག་འདྲ་ཞགས་པ་བསྣམས་པ་ཡི། །ཡང་དག་ཁྲོས་པས་སྔགས་ཀྱི་མངོན་དུ་རབ་བྱས་ལ། །བྱ་རོག་གཤོག་པ་དག་ལས་དེ་དུས་བྱ་བ་ནི། །གཡོན་པའི་ལག་པ་ལ་ནི་ཕ་ ཡིག་རྣམ་པར་དགོད། །གཡས་པའི་སོར་མོ་ལ་ནི་ཏ་ཡི་ཡི་གེ་དགོད། །ཞགས་པས་བཅིངས་ལ་ཐག་ནི་རིང་པོ་རུ། །མི་འདོད་བཞིན་དུ་ཁྱེར་ལ་སྔགས་ཀྱི་བཟླས་པ་བྱ། །ཕ་ནི་ཞགས་པའོ། ཏའི་སེ་གོལ་གྱིས་འདི་རུ་ཁྱེད་ཀྱིས་ཡོང་བར་མི་བྱའོ། །ཞེས་བྱ་བའི་ངག་གིས་བཟླས་ པར་བྱའོ། །བཟླས་པ་རྫོགས་ནས་བྱ་རོག་ནག་པོའི་སྒྲོ་ནི་བསྒྲུབ་བྱ་ཕྱོགས་ན་ཡོད་པའི་ས་རུ་བཟླས་ལ་བསྐུར་རོ། །སྔགས་ནི་ཕཊ་ཧྲཱི་ཧ་ཧཱུཾ་ཕཊ་ཆེ་གེ་མོ་སྐྲོད་ཅིག་ཕཊ། གཡོན་པའི་ལག་པ་ལ་ལན་ཉི་ཤུ་རྩ་གཅིག་ཏུ་བཟླས་ལ། ལྕི་ཏིལ་གྱི་ཐལ་བ་ཁུ་ཚུར་གྱིས་བཟུང་སྟེ་
96-1-58a
བརྒྱ་ཕྲག་བརྒྱད་ཀྱི་བར་དུ་བཟླས་ལ། དགྲ་བོའི་ཁྱིམ་དུ་བསྐྱུར་ནས། །ཕྱི་མིག་མི་ལྟ་བར་སོང་ལ། དེ་མ་ཐག་ཉིད་དུ་སྐྲོད་པར་བྱེད་དོ། །ོཾ་ན་མ་ཀུ་ལི་ནི་ཀུ་ལི་ནི། ཀི་ལི་ཀི་ལི། གྲྀ་ཧྞ་གྲྀ་ཧྞ། ཨུ་ཙྪ་ཊ་ཨུ་ཙྩ་ཊ། ཨུཙྪ་ཊ་ཡ་ཨུཙྪ་ཊ་ཡ་ཧཱུཾ། སྐྱེས་བུའི་ ངར་གདོང་གཡོན་པའི་རུས་པ་ལ། མཐེབ་ཆེན་གྱི་ཚོན་གང་གི་ཚད་ལ་ཕྱག་བཞི་པ། མཚོན་ཆ་ཐམས་ཅད་དང་ལྡན་པར་བྱས་པའི་བགེགས་ཀྱི་བདག་པོ་བྱའོ། །མཚོན་ཆའི་མིང་ནི་གཡས་ཀྱི་ཕྱག་ན་དགྲ་སྟ་དང་ཞགས་པའོ། །གཡོན་གྱི་ཕྱག་ན་ཐོབ་དང་རྩེ་གསུམ་མོ། ། དུག་དང་རྒྱ་མ་ཚ་དང་སྐེ་ཚེ་ལ་སོགས་པས་བྲི་བ་ནི། ཏ་ལའི་ལོ་མ་ལ་སྔགས་བྲིས་ཏེ་དཀྲི་བ་ནི་ཁ་ཐུར་དུ་བསྟན་ཏེ་སྦ་བའམ། ཡང་སྒོའི་ཕྱོགས་སུ་བརྐོས་ལ་སྦས་ཏེ། ཞག་བདུན་དུ་བྱས་ན་དེ་མ་ཐག་ཏུ་སྐྲོད་པར་འགྱུར་རོ། །ཕྱུང་ན་ཐར་བར་འགྱུར་རོ། །དེ་ཉིད་ཀྱི་སྔགས་ནི། ན་མོ་རཏྣ་ཏྲ་ཡཱ་ཡ། ན་མཿ ཙཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་ཀྲོ་དྷཱ་ཡ། དཾ་ཥྚོ་ཏྐ་ཊ་བྷཻ་ར་བཱ་ཡ། ཏ་ཏྱ་ཐཱ། ཨོཾ་ཨ་མྲྀ་ཏ་ཀུཎྜ་ལི་ཁ་ཁ་ཁཱ་ཧི་ཁཱ་ཧི། བན་དྷ་བན་དྷ། ཧ་ན་ཧ་ན། ག་རྫ་ག་རྫ། བི་སྥོ་ཊ་ཡ་བི་སྥོ་ཊ་ཡ། སརྦ་བི་གྷྣན་བི་ནཱ་ཡ་ཀཱ་ནཱཾ། མ་ཧཱ་ག་ཎ་པ་ཏི་ཛཱི་པི་ཏ་ཨཱནྟ་ཀ་རཱ་ཡ་སཝཱ་ཧཱ། དེ་ལྟར་སྔགས་ཏ་ལའི་གྲོ་ག་ལ་བྲིས་ཏེ་བརྐོས་ལ་སྦ་བར་བྱའོ། །ོཾ་ཀཱ་ཀེ་ཀ་ར་བ། ཀ་ཀ་ཀི་ཀཱ་པི་ཎྜོ་པ་ཧཱ་རི་ཎི་ཆེ་གེ་མོའི་ཧྲྀ་ད་ཡཾ་གྲི་ཧྱ་གཙྪ། ཀཱ་ཀི་ཡ་ཐཱ་སུ་ཁཾ་ཨུར་ངྷཾ་མུ་ཁི་སཝཱ་ཧཱ། སེ་ཧ་ར་དང་སྒྲན་ཤིང་ལ་བརྒྱ་ཕྲག་བརྒྱད་ཀྱི་བར་ དུ་བཟླས་ཏེ། སྒོ་རུ་བརྐོས་ཏེ་སྦས་ན། གང་གི་མིང་བྱས་པ་བྱ་རོག་བཞིན་དུ་རྒྱུ་ཞིང་སྐྲོད་པར་འགྱུར་རོ། །ོཾ་ན་མཿ ཀྲྀཥྞ་ཤ་བ་རི་ཡཻ་མཱཾ་ས། ཤོ་ཎི་ཏ། བྷོ་ཛ་ནཱི་ཡེ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཆེ་གེ་མོ་ཛྭ་རེ་ཎ་གྲོ་ཧྣཱ་པ་ཡ་ཨ་ཤུ་ཧཱུཾ་ཕཊ། རིམས་ཀྱི་ཕག་མོའི་གཟའ་ མིག་དམར་གྱི་དུས་སུ། ཤིང་ནི་མ་པའི་ལྷོ་ཕྱོགས་ཀྱི་རྩ་བ་ལ་སྐུ་གཟུགས་བྱས་ལ། ཚ་བ་གསུམ་གྱི་བདུག་པས་བདུགས་ན་འཛིན་པར་འགྱུར་རོ། །གུ་གུལ་གྱིས་བདུགས་ན་གྲོལ་བར་འགྱུར་རོ། །ོཾ་དྷུ་ནི་ཙཎྜ་སཝཱ་ཧཱ། མིའི་མགོ་བོའི་སྐྲ་བཟུང་ལ་གཏུམ་པོ་དབང་ཕྱུག་
96-1-58b
གི་རྐང་པ་ལ་དྲུད་ན་ཉི་མ་ཁ་ཅིག་ལ་རིམས་སྐྱེད་དོ། །སྙིང་གར་ཟླ་བའི་དཀྱིལ་འཁོར་བསམས་ལ། དེའི་སྟེང་དུ་ཡི་གེ་པཾ་དཀར་པོ་ལས་ཆར་འབབ་པར་བསམས་ན། སྙིང་གར་ཟུག་གཟེར་བྱུང་བ་མེད་པར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱ་རYཱ་པ་ལོ་ཀི་ཏེ་ཤཝ་རཱ་ཡ། བོ་དྷི་སཏཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨོཾ་ཀ་ཊེ། བི་ཀ་ཊེ། ཀ་ཊཾ་ཀ་ཊེ། ཀ་རོ་ཊེ། བཱི་རྱེ་སཝཱ་ཧཱ། འཕགས་པ་སྤྱན་རས་གཟིགས་ཀྱི་དབང་ཕྱུག་བླ་མ་སེང་གེ་སྒྲའི་སྔགས་འདིས། འཕགས་པ་སྤྱན་རས་གཟིགས་དབང་གི་མདུན་དུ་ལྕི་བས་དཀྱིལ་འཁོར་ བརྒྱད་བྱས་ཏེ། དེའི་ལྕི་བའི་ལྷག་མ་ལ་ལན་བདུན་དུ་བསྔགས་ལ། ལུས་ལ་ནད་ཡོད་པའི་སར་བྱུག་པར་བྱའོ། །ཞག་བདུན་ན་ནད་ཞི་བར་འགྱུར་རོ། །གལ་ཏེ་ཞི་བར་མ་གྱུར་ན་དེའི་ཚེ་སངས་རྒྱས་བཅོམ་ལྡན་འདས་བདག་གིས་དགོངས་པར་གྱུར་པ་ཡིན་ནོ་ཞེས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་ཕྱུག་སྨྲའོ། །ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། སོ་བྷ་སོ་ཀྲི་ནཱི་ཡ། སོ་རོ་ཏི་སཝཱ་ཧཱ། གནོད་གནས་ཀྱི་སྙིང་པོ་མཆོག་ཏུ་གྲུབ་པ་འདི་ཉིད་པུས་མོའི་ བར་ཙམ་ཆུའི་ནང་དུ་བཅུག་སྟེ་གནས་ལ་འབུམ་ཕྲག་གཅིག་བཟླས་པ་བྱས་ན་ནོར་སྟེར་རོ། །ནི་མ་པའི་ཤིང་གི་རང་བཞིན་ལ། སོར་བཞི་པའི་ནོར་བུ་བཟང་པོའི་སྐུ་གཟུགས་བྱས་ཏེ། གསོ་སྦྱོང་དང་ལྡན་པའི་ལྷ་བཟོས་ཚོན་རྩིས་བྱུག་པར་བྱའོ། །མཆོད་པ་དང ། གཏོར་མའི་ཉེ་བར་སྤྱོད་པ་བྱས་ལ། དུ་བ་མེད་པའི་སོལ་བའི་མེ་ལ་ཐུན་མཚམས་གསུམ་དུ་སྤོས་ཀྱི་སྦྱིན་སྲེག་སྟོང་ཕྲག་བརྒྱད་བྱས་ན། ཕྱུག་པོ་ཆེན་པོ་དབང་དུ་འགྱུར་རོ། །ན་མཿ ཀ་པཱ་ལེ་ཤཝ་རཱ་ཡ་ཛོ་ཧུ་ཏུ་རུ་རུཾ་མུ་ཧི་རི་ཡེ་སཝཱ་ཧཱ། སྔོན་དུ་བསྙེན་པ་ཁྲི་བྱས་ལ། དེ་ནས་འབྲས་ སོ་བའི་ཁང་པར་ཡོངས་སུ་བཟླས་པ་ཙམ་དང ། ཐོད་པ་བཅུག་པ་ཙམ་གྱིས་འབྲས་ཀྱི་སོ་བ་འཕེལ་བར་བྱེད་དོ། །གི་ཝང་གིས་གོ་ག་ལ་ནོར་རྒྱུན་མའི་གཟུངས་མངོན་པར་བྲིས་ཏེ། དྲི་ཞིམ་པོས་བྱུགས་པའི་བུམ་པའི་ནང་དུ་བཅུག་སྟེ། མཆོད་པ་དང་བསྙེན་བཀུར་
96-1-59a
བྱས་ལ། བང་མཛོད་ཀྱི་ཁང་པའི་དབུས་སུ་བཞག་ལ། སྟེང་དུ་འབྲས་སོ་བ་རྣམས་བླུགས་ན་ཟད་པ་མེད་པར་འགྱུར་རོ། །མིའི་ལུས་པོ་འཕྲལ་དུ་བསྲེས་པའི་སྔགས་པས་དེའི་ཐལ་བ་མངོན་པར་བསྔགས་ནས། ཐལ་བ་བླངས་ཏེ་གང་དུ་བླུགས་པའི་ཁྱིམ་ བདག་ཡུལ་གཞན་དུ་འགྲོ་བར་འགྱུར། སྔགས་ནི་ཀ་ཏ་ལི་ཀ་ཏ་ལི་ཀི་བི་དི་ཙེ་ལེ། ན་མོ་བྷ་ག་བ་ཏེ། བི་ཀ་ཊེ་བི་ཀ་ཊེ། མ་ཧཱ་བི་ཀ་ཊེ། ཙུ་ཌ་ཙུ་ཌ་སཝཱ་ཧཱ། འདིའི་ཡང་ཆོ་ག་ནི་འདི་ཉིད་དོ། །ན་མོ་བྷ་ག་བ་ཏེ། རུ་དྲ་ཡཱ། གྲྀཧྞ་ཀརྞི། བི་དུ་པཱཀྵི་ལམ་པ། སྟ་ནི་མ་ཧོ་ད་རི། ཧ་ན། ཤ་ ཏྲཱཾ་ཏྲི་ཤཱུ་ལེ་ན། ཀྲུ་དྡྷ་ཤྱ་པི་པ་ཤོ་ཎ་ཏིཾ། ཧ་ན་དཧ་མཱ་ར་ཡ། ཨུ་ཏ་སཱ་ད་ཡ། ནཱ་ཤ་ཡ་ཕཊ་ཕཊ་ཕཊ། ཨུ་དུམ་བཱ་རའི་ཤིང་གི་ཕུར་བུ་རྩེ་གསུམ་པ་ལ་སྐུད་པ་དམར་པོ་དཀྲིས་ཏེ། ལིང་ག་མདུན་དུ་བྱས་ལ་ཕུར་བུ་ལག་ཏུ་བཞག་ལ་སྟོང་ཕྲག་གཅིག་བཟླས་ཏེ། དགྲ་བོའི་ སྒོར་སྦས་ན་སྐྲོད་པར་འགྱུར་རོ། །སྔོན་དུ་བསྙེན་པ་ནི་ཁྲི་ཚོ་གཅིག་བྱའོ། །ོཾ་ཨེ་མེ་དྲུ་དི་རུ་སེ། ཀཱ་ཤྱ་ཨ་གྲྀ་ཧྞ་ཀྲ་ཚན་དུ་སར་ཤ་པ། ཙ་ཏུ་རྞ། མསྟ་ཀེ་ཛ་ཏ་ས་ཧ་ཤྱ་ན་གུ་ལ་ཤྱ། ཙཀྲི་ཥྞ་སར་བ་ཤྱ། ཛི་བྷ་ཡཱཾ། བི་ཏཱ་ལ་ཤྱ་ཙ། མསྟ་ཀེ། ཧ་ན་ཧ་ན། ད་ཧ་ད་ཧ། པ་ ཙ་པ་ཙ། ཆེ་གེ་མོ་དང་ཆེ་གེ་མོ་ཕྱེ་ཅིག་།མ་མ། བ་ཤ་མ་ག་ཏུ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་ལ་མིང་གིས་གཟུགས་བརྙན་བྱས་ཏེ། སྐེ་ཚེའམ། ཡུངས་ཀར་གྱིས་གང་གི་མིང་ནས་བཟུང་སྟེ་སྦྱིན་སྲེག་བྱས་ན། དེ་འབྱེད་པར་བྱེད་དོ། །ོཾ་ཙ་མུཎྜེ་ནི་མ་བྷེ་ད་བཱ་སོ་ ཉ་པ་སོ། །ས་ཤྱ་ནིི་མ་པ་ཤྱ། མ་ཧཱ་ཨཱཏྨྱཾ་པྲ་ཏྱཀྵཾ་བྷཎ་ཌཱ་པ་ནཾ། ཆེ་གེ་མོ་དང་ཆེ་གེ་མོ་མཱ་ག་དཱ་ཙྪེ་ད་པྲི་ཏིར་བྷ་བ་ཏུ་ར་ཏྲོ་ཙྪེ་ད། ཀ་ལ་ཧོ་བྷ་བ་ཏུ། བི་ཁཱ་ཙེ་ད་ཨ་ས་མ་ག་མ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་དམ། །ཚེས་བཅུ་བཞི་ལ་བརྩམས་ཏེ། ནིམ་པའི་ཡམ་ཤིང་གིས་ནུབ་ བདུན་གྱི་ཐུན་མཚམས་སུ་སྦྱིན་སྲེག་བྱས་ན་ཞག་གསུམ་ན་འབྱེད་པར་འགྱུར་རོ། །ཕ་མེས་ཀྱི་ནགས་ཀྱི་ཤིང་དང ། རུས་གོང་ལ་གཟུགས་བརྙན་བྱས་ཏེ། རང་གི་མིང་གཉིས་དུག་དང་ཁྲག་དང་སྐེ་ཚེ་དང་ནི་མ་པའི་ལོ་མས་བྱུགས་ལ། རྒྱབ་དང་རྒྱབ་ཏུ་སྤྲད་དེ་མི་རོའི་
96-1-59b
སྐྲས་བཅིངས་ན། སྐྱེ་འགྲོ་ཐམས་ཅད་ཀྱང་འབྱེད་པར་བྱེད་ན། ཕལ་པའི་མི་ལྟ་སྨོས་ཀྱང་ཅི་དགོས། ཨོཾ་སྨ་སཱ་ན་བི་ཤཱ་ཙ་བི་དྭཱེ་ཥཱ་ཡ་ཧཱུཾ་ཕཊ། མི་རོའི་སྐྲ་ལ་ལན་བརྒྱ་རུ་བཟླས་ལ་བཅིང་བར་བྱའོ། །ན་མོ་རཏྣ་ཏྲ་ཡཱ་ཡཱ། ན་མ་ཤྩ་ཎྜ་བཛྲ་པཱ་ཎ་ཡོ། མ་ཧཱ་ཡཀྵ་སེ་ནཱ་པ་ཏ་ཡེ། ོཾ་བྷ་རུ་ཎྜཱ་ཡ་ཧཱུཾ་ཕཊ། འདི་ཡིས་སྔོན་དུ་བསྙེན་པ་ནི་སྟོང་ཕྲག་བཅུ་གཉིས་བྱ་སྟེ། དེ་ནས་ཕྱིས་ནི་ཨརྒའི་ཤིང་གི་ལྷོ་ཕྱོགས་ཀྱི་ཡལ་ག་ལ་བཟུང་སྟེ་ཁ་སྦྱོར་དུ་བྱས་ལ། དེ་ལ་སྔགས་འདི་ཡིས་བསྲུང་བར་བྱའོ། །ོཾ་མ་ཧཱ་བ་ལ་ཨོཾ་ཙ་ལ། བྷན་དྷ་བྷན་དྷ། པཱི་ཌ་ཡེ་པཱི་ཌ་ཡ། ཏི་ ལ་ཀཱ་མརཱུ་པ་ཧཱུཾ་ཕཊ། རྒྱལ་རིགས་རྗེའུ་རིགས་བྲམ་ཟེའི་རིགས་དམངས་རིགས་སྨན་པའི་རིགས། ཡིག་མཁན་གྱི་རིགས། །ཚོང་པའི་རིགས་སོ། །རིགས་བདུན་པོ་ཡང ། ལྷོ་ཕྱོགས་སུ་གཏོགས་པའི་ཤིང ། རོ་བསྲེགས་པའི་ས་རུ་དུར་ཁྲོད་ཀྱི་མེས་བསྲེགས་ཏེ། བོང་བུའི་ཁྲག་གིས་བསད་ལ། དེའི་སོལ་བ་ལ་བསྲུང་བ་བྱས་ཏེ། སྔགས་འདི་ཡིས་ལན་བརྒྱད་བརྒྱ་རུ་བཟླས་ཏེ། ཨོཾ་ན་མོ་བྷ་གཱ་ར་ཏི་ཏེ། ཨཱ་ན་ཡ་ཏྱཾ་གི་ཧཱུཾ་ཕཊ། ཕྱིས་ནི་རྩ་བའི་སྔགས་ཀྱིས་བརྒྱ་ཕྲག་བརྒྱད་ཀྱིས་མངོན་པར་བསྔགས་ཏེ། གང་གི་མིང་བྲིས་པ་དེ་ཤ་ཟས་ བཟུང་བར་འགྱུར་རོ། །ཅི་སྙེད་ཀྱི་སྔགས་མཁན་ཁ་ཅིག་གིས་གྲོལ་བར་བྱེད་འདོད་པ་ཐམས་ཅད་ཀྱིས་ཀྱང་གྲོལ་བར་བྱེད་མི་ནུས་སོ། །དེའི་མིང་ཕྱིས་ན་གྲོལ་བར་འགྱུར་རོ། །ནི་མ་པ་ལ་གནས་པའི་བྱ་རོག་ནག་པོའི་ཚང་ལ་ཉི་མ་གུང་ལ་མར་ནག་གིས་བྱུགས་ཏེ། རྩཝ་ སྐམ་པོ་དེས་དེ་ལ་མར་ནག་བྱུགས་པ་རྣམས་དུར་ཁྲོད་ཀྱི་མེ་ལ་ལེགས་པར་བསྲེགས་ཏེ་བསྡུས་ན། དེའི་ཐལ་བ་ཐུམ་པོ་བྱས་ལ་ཁང་པའི་ཐོག་གི་འོག་ཏུ་བཞག་པར་བྱས་ན། དེའི་ཁྱིམ་ལ་རྡོའི་ཆར་པ་འབབ་པར་འགྱུར་རོ། །ོཾ་ཨ་ན་ལ་བི་ཤཱི་ཙ་པ་ཡུ་བ་ག་མ་ཧཱ་པི་ ཤཱ་ཙ་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བཟླས་ལ། དེ་ནས་ཨུ་དུམ་བཱ་རའི་ཡམ་ཤིང་ལ་སྟོང་ཕྲག་གཅིག་སྦྱིན་སྲེག་བྱས་ཏེ། ཅེ་སྤྱང་གི་ཁྲག་གིས་བསད་དེ། དེའི་སོལ་བས་གང་གི་མིང་བྲིས་པ་དེ་ཤ་ཟས་བཟུང་བར་འགྱུར་རོ། །ཕྱིས་ན་ནི་གྲོལ་བར་
96-1-60a
འགྱུར་རོ། །དུར་ཁྲོད་ཀྱི་སོལ་བའི་མེ་ལ་ཝའི་ཁྲག་གིས་བསད་ལ། ཝའི་ཁྲག་དང་བསྲེས་ཏེ། བསྣོས་ལ་དེ་ཡིས་གང་གི་མིང་བྲིས་པ་དེ། དེ་མ་ཐག་ཉིད་དུ་སྨྱོ་བར་འགྱུར་རོ། །ཕྱིས་ན་ནི་གྲོལ་བར་འགྱུར་རོ། །ོཾ་ཏྲི་ནེ་ཏྲ་སི་ཤཱ་ཙ་བྷོ་ཀྲི་ཏ། དཾ་ཥྚྲ་བི་ཀྲྀ་ ཏ་མུ་ཁ་ཆེ་གེ་མོ་མུ་ཙྪ་ཏ་ཡ་བྷཱ་མ་ཧཱུཾ་ཕཊ། བྱ་རོག་གི་སྒྲ་མི་གྲག་པར་ཚོད་མ་ཐམས་ཅད་དང་ལྡན་པའི་ཟན་གྱི་ཆང་བུ་སྦྱིན་པར་བྱས་ན། ཞག་བདུན་གྱིས་སྐྲོད་པར་འགྱུར་རོ། །ོཾ་ཀཱ་ཀི་ཀྵི་ཀཱ་རུ་དི་ཀེ། ཀཱ་ཀ་པི་ཎ་ཌཱ་ནུ་བྷོ་ཛ་ནི་ཆེ་གེ་མོ་ཧྲྀ་ད་ཡཾ་གྲྀ་ཧྱ་ག་ཙྪ་ཀཱ་ཀཱི་ཡ། ཛ་ཐཱ་སུ་ཁཾ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་དམ། བཅུ་བཞི་ལ་བྱ་རོག་ནག་པོའི་ཚང་གི་ཤིང་ལ། ཙཎྜ་ལའི་མེས་སྟོང་ཕྲག་བརྒྱད་སྦྱིན་སྲེག་བྱས་ན། ཕུད་ཀྱི་ཆང་བུ་ལ་ལན་བདུན་བསྔགས་ཏེ། དགྲའི་ཁང་པར་བསྐྱུར་ཏེ། ཕྱི་མིག་མི་ལྟ་བར་བྱས་ན། ཞག་བདུན་ཕྲག་གསུམ་ན། ངེས་ པར་སྐྲོད་ཅིང་དེ་མ་ཐག་ཏུ་སྐྲོད་པར་བྱེད་དོ། །ཕྱིས་ན་ནི་དྲོ་བར་འགྱུར་རོ། །ཡ་མ་རཱ་ཛ། ས་དོ་མེ་ཡ། ཡ་མེ་དོ་རུ། ཎ་ཡོ་ད་ཡ། ཡ་ད་ཡོ་ནི། ར་ཡཀྵེ་ཡ། ཡཀྵེ་ཡཙྪ་ནི་རཱ་མ་ཡ། དབུས་སུ་ཡའོ། །ཀྵེ་དང་མ་མེ་ད་ནི་ནང་གི་འཁོར་ལོ་ལའོ། །ཡཙྪི་ནི་རཱ་ཛ་ས་ དོ་རུ་ཎ་ཡོ་ནི་ར་ཞེས་བྱ་བ་ནི་གཉིས་པའི་ཕྱིའི་འཁོར་ལོའི་རེའུ་མིག་ལའོ། །རོ་བསྲེགས་པའི་ཤིང་གི་རང་བཞིན་ལས་ཁ་སྦྱོར་བྱས་ལ། དེའི་ཤིང་ལས་བྱས་པའི་སྨྱུ་གུས་བྲི་བར་བྱའོ། །དབྱངས་པའི་རོའི་སྟེང་ཕྱོགས་ཀྱི་ཐག་པ་བླངས་ཏེ། དུ་བ་ཕྱིར་མི་དབྱུང་བར་བསེགས་ ལ། དེའི་ཐལ་བ་དང་བོང་བུའི་ཆུ་བསྲེས་ཤིང་བསྣོས་ལ་སྣག་ཚ་བྱའོ། །ཁ་སྦྱོར་དེ་ལ་གང་གི་མིང་བྲིས་པ་དེ་རིམས་ཆེན་པོས་འཛིན་པར་འགྱུར་རོ། །འོ་མས་བཀྲུས་ན་གྲོལ་ལོ། །ོཾ་ཙི་ལི་ཙི་ཙྪེ། །ཙི་ལི་ཙི་ལི་ཙི་ཙྪི་སཝཱ་ཧཱ། ཟངས་མའི་ཁབ་ཀྱིས་ཕུག་པའི་ཀར་ བཱི་ར་དམར་པོ་ནི། ཡུངས་ཀར་གྱི་མར་གྱིས་སྦར་བའི་མར་མེ་རྩེ་མོ་ལ་བརྒྱ་ཕྲག་བརྒྱད་དུས་གསུམ་དུ་བསྲེག་པར་བྱའོ། །ཞག་བདུན་གྱིས་སྔོན་མ་མཐོང་བའི་བུད་མེད་ཀྱང་འགུགས་པར་བྱེད་དོ། །ོཾ་བྷ་དྲ་བ་ཏི་བི་ན་རི་ཀེ་སཝཱ་ཧཱ། རྒྱལ་པོའི་ཆུང་མ་ཆེན་མོ་ཡང་
96-1-60b
བརྫུན་མིན་པར་བཟླས་པ་ཙམ་གྱིས་དབང་དུ་འགྱུར་རོ། །ཀརྞྞ་མོ་ཊི་ཧཱུཾ་ཕཊ། ཙ་མུཎྜ་འདི་འབུམ་ཕྲག་བཞི་བཟླས་ལ། ཞག་གཅིག་ཏུ་ཐུན་གསུམ་དུ་སྐེ་ཚེའི་སྦྱིན་སྲེག་བྱས་ན་འགུགས་པར་བྱེད་དོ། །ོཾ་ར་ག་ཏེ། ར་ག་ཏི་ནི་སཝཱ་ཧཱ། འབུམ་ཕྲག་གཅིག་བཟླས་ལ་པདྨའི་སྐུད་པ་ དང ། ཚིལ་ཆེན་པོས་ཐོད་པ་རུ་དུ་བ་བསྒྲུབ་པར་བྱ་བ། ཐོད་པ་ཁ་བརྒྱད་ཀྱི་ཆོགས་ཐོད་པ་གང་དུ་དུད་པ་བསགས་པ་དེ་སྟེང་དུ་བཞག་ལ་ཆང་གིས་དགང་བར་བྱའོ། །དེ་ཡིས་མིག་ལ་བསྐུས་ན་འཇིག་རྟེན་དབང་དུ་བྱེད་དོ། །དུད་པ་ལ་སྟོབས་པོ་ཆེ་ལ་སོགས་པ་བསྲུང་བར་བྱའོ། ། གཞན་དུ་བསྲུང་བ་མ་བྱས་ན་ཤ་ཟས་ཁྱེར་རོ། །ོཾ་ཙཎྜ་མུ་ཁི་ཀཱ་ལི་བཟླས་ནས་གསུམ་གྱི་དཀྱིལ་འཁོར་དབང་དུ་བྱེད་དོ། །ོཾ་ཀ་ར་དརྛ་ཡ་དརྠ་ཡ། །ན་ཡ་ན་ན་མ་ནོ་ཧ་རི་སཝཱ་ཧཱ། །ཀར་ཧ་རའི་རྩ་བ་ལ་སྡོང་བུ་བྱས་ཏེ། ཕྱུགས་སེར་སྐྱའི་མར་གྱི་དུ་བ་བསགས་ལ། དེའི་མིག་ ལ་བྱུགས་ན་དབང་དུ་བྱེད་དོ། །ོཾ་ཀཱ་མེ་ཤཝ་རི་སཝཱ་ཧཱ། སྦྲུལ་ནག་པོའི་མགོ་བོ་དང ། སོ་ཛཱ་ནའི་དུད་པ་ལ་ལན་བདུན་དུ་ལེགས་པར་བཟླས་ཏེ། དེ་ཡིས་མིག་ལ་བསྐུས་ན་དབང་དུ་བྱེད་དོ། །དབང་ཕྱུག་ཆེན་པོའི་རྟགས་ཀྱི་ལྷོ་ཕྱོགས་ཀྱི་གདོང་གི་ཐད་དུ་འདུག་པར་བྱས་ནས། ཁྲི་ ཕྲག་གཅིག་སྔོན་དུ་བསྙེན་པ་བྱས་པའི་སྔགས་པ་དེས། མེ་ཏོག་དམར་པོས་བཅོས་པའི་གོས་དམར་པོ་གྱོན་ལ། མཚན་མོ་ཀུན་དུ་འཇིགས་པ་དང་བཅས་པས་བཟླས་པར་བྱའོ། །རེངས་པའི་ཕྱག་རྒྱ་བཅིངས་ལ་དེའི་སྔགས་བཟླས་པར་བྱ་སྟེ། ཁྱད་པར་དུ་གཟའ་དང་ གཟས་བཟུང་བའི་དུས་སུ་སྟོབས་པོ་ཆེའི་སྔགས་བཟླས་པ་བྱའོ། །ལག་པ་གཡས་པའི་ཁུ་ཚུར་དུ་མཐེ་བོ་གཞུག་པར་བྱའོ། །རེངས་པར་བྱེད་པ་ལ་གདུག་པ་ཅན་རྣམས་ཀྱི་མདུན་དུ་བྱས་ན་རེངས་པར་འགྱུར་རོ། །སྔགས་ནི། ད་ར་ཎ་བཛྲ་ར་ཏི། ཨོཾ་བཛྲ་ཀྲོ་དྷ་མ་ཧཱ་བ་ལ། སརྦ་དུཥྚཱ་ན། སྟཾ་བྷ་ཡ་སྟཾ་བྷ་ཡ། མོ་ཧ་ཡ་མོ་ཧ་ཡ། ཧཱུཾཕཊ། རེངས་པའི་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་སྟ་སྨཻ་ཙཎྜ་བཛྲ་པཱ་ཎ་ཡེ། ཀཱ་ཀཻ་ཀཱ་ཀཱི་ནི། བྷྲ་མ་རི། བྷྲ་མ་རི། ཧ་ན་ཧ་ན། ཏྲཱ་ས་ཡ་ཏྲཱ་ས་ཡ། བི་དྷཱཾ་ས་ཡ། བིདྷཱཾ་ས་ཡ། བར་སེ་ནྱཾ་ཙཀྲི་བཛྲ་པཱ་ཎི། ཨ་
96-1-61a
གཙྪ་སཝ་པ་ཐེ་ན། ན་རཱ་ཙེ་ན་མཱ་ར་ཡ་སཝཱ་ཧཱ། མཆོད་པ་རྒྱ་ཆེན་པོ་བྱས་ལ་ཉི་མ་རེ་རེ་དུར་ཁྲོད་ཀྱི་མེ་རབ་ཏུ་སྦར་བའམ། །གཙུབ་ཤིང་ལས་བྱུང་བའི་མེ་དང་རས་བླངས་ཏེ། ཁྲག་དང་ཕྱེ་དང་ཡུངས་ཀ་ར་བསྲེས་པས། སིམ་པ་ལའི་རས་བལ་གྱིས་སྟོང་ཕྲག་བརྒྱད་སྦྱིན་ སྲེག་བྱས་ན། ནམ་ཕྱེད་ཀྱི་དུས་སུ་གཡུལ་ཐམས་ཅད་ཉམས་པར་བྱེད་དོ། །ོཾ་མ་ཧཱ་ཏེ་ཛ་མ་ཎི་བྷ་དྲ། སཾ་བྷ་ར་སཾ་བྷ་ར་སཝཱ་ཧཱ། འབུམ་བཟླས་ན་དངུལ་འབུམ་རྙེད་པར་འགྱུར་ཏེ། མཐོང་བའི་ཆོས་ལ་ཡིད་ཆེས་པར་འགྱུར་རོ། །ོཾ་ཛྭ་ལ་ཛྭ་ལ་ཨག་ན་ཡེ་སཝཱ་ཧཱ། ཡུངས་ ཀར་དང་ཐལ་བ་ལ་སོགས་པས་ཁོར་ཡུག་བཅིངས་ན། འབྱུང་པོ་ལ་སོགས་པ་དང ། མཆེ་བ་ཅན་ལ་སོགས་པ་ཡང་མི་འོང་བར་འགྱུར་རོ། །མཐོང་བའི་ཆོས་ལ་ཡིད་ཆེས་པའོ། །རྡོག་པ་དྲག་པོས་བརྒྱབ་པའི་བུམ་པ་བཅག་པའི་དུམ་བུ་བླངས་ནས་སྣོད་ཀྱི་ཐོག་ཏུ་འདུག་ ཁང་སྟེང་དུ། མེས་ཚིག་དུས་སུ་སྔགས་མཾ་བརྗོད་དེ་གནས་པས་དབྱུག་པ་བཟུང་ནས། མཾ་ཡིག་བརྗོད་པས་བུམ་པ་བཅག་པར་བྱ། །མཾ་ཡིག་མེ་ཉིད་སོད་པར་གྱུར་ནས་སུ། །སྦྱོར་བ་འདི་ནི་མེ་མཆེད་པ་ལའོ། །དཱུར་བ་དང་བཅས་འབྲས་ཀྱི་སོ་ལ་བཟླས། །སློབ་མའི་དུམ་བུ་སྣོད་ དུ་མེ་ཡིས་སུ། །མཆོད་ཡོན་སྔགས་ཀྱིས་སྦྱིན་བྱ་དེ་ནས་ནི། །མེ་ནི་མཆེད་པར་གྱུར་པ་ཞི་བ་ཡིན། །ད་ཐི་བ་དཀྵོ་བ་དུ་ཎཱ། ཨ་ཐོ་པ་དད་ཏམ་པ་པཉྩ་ནཱ་མཱ་དཱ་ཡི། དཱ་བི་ཎཱཾ་ཁ་ན་ཏྭཱཾ་ཛ་ཏ་བེ། ཨ་ཏི་ཀྲཱ་མ། ན་མོ་ན་ན་དི་མ་ཧཱ་ནན་དི། བི་དཱ་པི་ལི་པི་ལི། སིད་དྷི་སིད་དྷི་སཝཱ་ཧཱ། མཆོད་ཡོན་གྱི་སྔགས་སོ། ། ཛྫི་ངྷ་མྨ་དན་ཏེ་བར་ཨཚྪ་ཨཱི་ཛྷ་ཏུ་ཨ་ཏི་ཧཱུཾ། ཀ་ན་ཙོ། ཨ་ཀུ་རེ། ཨེ་བི་ཨུ། ཨ་དེ་སརྦེ་སརྦཱ་ཧེ། ཊྚ་ཎེ་པཊྚ། ཧུ་པཱ་བ་ཨུ། མེས་ཚིག་པའི་དུས་སུ་ཆུ་ལ་ཡོངས་སུ་བཟླས་ཏེ། ལན་ཁ་ཅིག་ཏུ་ཨརྒྷ་སྤྱིན་ནོ། །ཆུ་ལ་ལན་ཉི་ཤུ་རྩ་གཅིག་གི་ བར་དུ་ཡོངས་སུ་བཟླས་ཏེ། ཁང་བ་ལ་ཡོངས་སུ་གཏོར་ན་མེས་མི་ཚིག་གོ། །ོཾ་ཀི་རི་ཀི་རི། རྀ་ཥ་བྷཱ་ཡ་སཝཱ་ཧཱ། བསྙེན་པ་ཁྲི་ཚོ་གཅིག་བྱའོ། །དེ་ནས་དཔུང་པ་ལ་ལན་ཉི་ཤུ་རྩ་གཅིག་ཏུ་བཟླས་ཏེ་སྦྱར་བར་བྱའོ། །གང་གི་ཚེ་མདུན་ཕྱོགས་སུ་འགྲོའམ། སྟེང་དུ་འགྲོ་ན་དེའི་ཚེ་
96-1-61b
དགོས་པ་འགྲུབ་པ་ཡིན་ནོ། །ཡང་ཕྱིན་ཕྱོགས་སུ་འགྲོ་ན་དགོས་པ་མི་འགྲུབ་བོ།། །།འདི་ནི་ནུབ་མོ་ཁང་པའི་ནང་དུ་གཅེར་བུས་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཤྩ་ཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ན་པ་ཏ་ཡེ། ཏ་དྱ་ཐཱ། གྷྲི་ཎི་གྷྲི་ཎི། གྷ་ཎྜ། ཀ་རྞ་སཝ་པ་ན། མཱ་དརྴ་ཡ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་དམ། ནག་པོའི་ཕྱོགས་ཀྱི་ཚེས་བཅུ་བཞི་ལ། ཚ་བའི་མར་ནག་གིས་རྐང་པ་ལ་བྱུགས་ཏེ་ཉལ་ན། རྨི་ལམ་ན་དགོས་པ་སྟོན་པར་བྱེད་དོ། །ོཾ་གྷུ་ཎ་ཌེ་ཤྲ་བ་ཎ་པི་ཤཱ་ཙི་སཝཱ་ཧཱ། སྟོང་ཕྲག་གཅིག་སྔོན་དུ་བསྙེན་པ་དང་ལྡན་པས། ཉལ་བའི་དུས་ སུ་རུ་རྟའི་ལྡེ་གུ་ལ་ལན་ཉི་ཤུ་རྩ་གཅིག་མངོན་པར་བསྔགས་ཏེ། ལག་པ་དང་རྐང་པ་ལ་བྱུགས་ལ། མངོན་པར་འདོད་པའི་དགོས་པ་ཡིད་ལ་བྱ་ཞིང ། གཙང་བའི་ས་ཕྱོགས་སུ་ཉལ་ན། དགེ་བ་དང་མི་དགེ་བ་སྟོན་པར་བྱེད་དོ། །ན་མོ་རཏྣ་ཏྲ་ཡཱ་ཡ། ཨོཾ་ཨ་ར་ཏེ་སཝཱ་ཧཱ། སྔོན་ དུ་བསྙེན་པ་ཁྲི་ཚོ་གཅིག་བྱས་ལ། འབྲས་ཁུར་གྱི་རང་བཞིན་ལས་རི་ཁྲོད་མའི་གཟུགས་གཅེར་བུ་གསུམ་བྱའོ། །ཉི་ཟླ་གཟས་བཟུང་བའི་དུས་སུ་ལག་པར་བཞག་ལ། ཅི་སྲིད་མ་གྲོལ་བ་དེ་སྲིད་དུ་བཟླས་པ་བྱའོ། །དེ་ནས་སྲོད་ཀྱི་བྱིས་པའི་མཐོང་བའི་ལམ་གྱི་སྤྱོད་ཡུལ་དུ་ འགྱུར་རོ། །མེ་ལོང་ལ་སོགས་པ་ལ་དཔའ་མོ་ཆེན་མོས་བདེན་པར་སྟོན་ཏོ། །ད་མནྣ་ཧི་ཀྲ་མ་པད་ས་པ་ཏྱད། ཏ་ད་བྷུ་ཏཾ། ཡ་ད་བྷ་བྱོཾ། ཡ་དགྲ་ཏཾ། ཡ་དགྲ་ཏཾ། ཡ་དགྲ་ཏཾ། བི་ད་རྴ་ཡ་ཏ་སཝཱ་ཧཱ། བུ་རམ་དང་ཕྱེ་ཡིས་རྡོ་རྗེ་བྱས་ལ་བྱིན་ཏེ། སྔགས་ཁྲི་ཚོ་གཅིག་བཟླའོ། །མཐེ་ བོ་ལ་རྒྱ་སྐྱེགས་ཀྱིས་བསྐུས་ན་འབེབས་པར་བྱེད་དོ། །ན་མོཏྣ་ཏྲ་ཡཱ་ཡ། རག་ཏེ། རག་ཏ་ཨཾ་གུ་ཥྚེ། ཡད་ཀིན་ཙི་ད་སཝཱཾ་པྲ་ཏཾ་ག་ཏཾ། བྷ་བྱཾ་ཏ་ཏ་སརྦ་དརྴ་ཡ་སཝཱ་ཧཱ། ཁྲི་ཚོ་གཅིག་ནི་བསྙེན་པ་བྱས་ལ། མཐེ་བོ་ལ་པྲ་སེན་དབང་བོ། །ོཾ་ཨ་ལུ་ཀེ། པཱ་ལུ་ཀེ་།གྲྀ་ཧྞ་པི་ཧྜཻ། པི་ ཤཱ་ཙི་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བཟླས་ལ། དེ་ནས་བསྒྲུབ་པར་བྱ་སྟེ། ཕུད་ཀྱི་ཟན་ཆངས་ལ་ལན་བདུན་དུ་བསྔགས་ལ་རྒྱབ་ཏུ་བསྐྱུར་བར་བྱའོ། །ཞག་བདུན་ན་རྣམ་པར་སྟོན་པར་བྱེད་དོ། །ཞག་དང་པོ་ལ་མ་བསྟན་ན་ཡི་ཆད་པར་མི་བྱའོ། །གཉིས་པ་དང་གསུམ་པ་རུ་
96-1-62a
བསྒྲུབས་ན་བྲམ་ཟེ་གསོད་པ་ཡང་འགྲུབ་བོ། །གལ་ཏེ་མ་གྲུབ་ན་སྤྱི་བོ་གས་ནས་འཆིའོ། །ཕྱག་ན་རྡོ་རྗེའི་བཀའ་ཅི་བཞིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཨ་མ་ལ་བི་ཀྲཱན་ཏ། ཏེ་ཛི་ནི། ཨ་ར་ཛེ་སཝཱ་ཧཱ། དེ་བཞིན་གཤེགས་པ་འབྱུང་བའི་ཕྱག་རྒྱ་ཉེ་བར་ གནས་ལ། མཆོད་ཡོན་ལ་སོགས་པ་ཐམས་ཅད་བྱའོ། །ས་གཞི་འདི་ཙམ་གྱི་ཚད་དུ་བདག་གིས་འགྲོ་བར་བྱའོ་ཞེས་ཡིད་ལ་བྱས་ལ། ཕྱག་རྒྱ་བཅིངས་ལ་སྔགས་ཉི་ཤུ་རྩ་གཅིག་ཏུ་བརྗོད་པར་བྱས་ན། དེ་སྙེད་ཀྱི་ལམ་དུ་འཇིགས་པ་མེད་པར་འགྲོའོ། །ཁུ་ཚུར་གཉིས་གཅིག་ ཏུ་བྱས་ལ། མཐེའུ་ཆུང་གཉིས་ཁ་ཕྱེ་བ་ནི། དེ་བཞིན་གཤེགས་པ་འབྱུང་བའི་ཕྱག་རྒྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརYཱ་བ་ལོ་ཀི་ཏེ་ཤཝ་རཱ་ཡ། བོ་དྷི་ས་ཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨོཾ་ཀུ་རུ་ཀུལླེ་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བྱས་ལ། དེ་ནས་བ་ ལང་ལྕི་བས་དཀྱིལ་འཁོར་བྱས་ལ། དེའི་དབུས་སུ་མདའ་དང་བཅས་པའི་གཞུ་བྲིས་ལ། མདའི་སྒྲོལ་བཅོམ་ལྡན་འདས་མའི་རང་གི་མིང་གི་ཡི་གེ་དང་པོ་བཀོད་ལ། བཅོམ་ལྡན་འདས་མ་ལ་མཆོད་ཡོན་གྱིས་བཀུག་སྟེ། དྲི་དང་མེ་ཏོག་དང ། བདུག་པ་དང ། མར་མེ་དང ། གཏོར་མ་ལ་སོགས་པས་མཆོད་ལ། གསོལ་བ་གདབ་པར་བྱའོ། །ཆེ་གེ་མོའི་ཡུལ་དུ་འགྲོ་ཞིང་འོང་བར་བཅོམ་ལྡན་འདས་ལ་འདིར་གཤེགས་པ་དང་ལྷན་ཅིག་ཏུ་དེ་རུ་སོང་སྟེ། །འོངས་ནས་བཅོམ་ལྡན་འདས་མ་ལ་བཟོད་པར་གསོལ་ཏེ་བསྡུ་བར་བྱའོ། །ལམ་དུ་འགྲོ་ན་ཁྲི་ ཕྲག་གཅིག་བཟླས་པ་བྱས་ཏེ། ཆོ་ག་བྱས་ནས་དཀྱིལ་འཁོར་ཉེ་བར་བྱུགས་ལ། གཞུ་དང་བཅས་པའི་མདའ་ཤར་ཕྱོགས་སུ་ཁ་བལྟས་པ་མངོན་པར་བྲིས་ལ། དེའི་སྟེང་དུ་བཅོམ་ལྡན་འདས་མ་སྔོན་བཞིན་དུ་མཆོད་པ་དྲི་དང་མེ་ཏོག་ལ་སོགས་པས་མཆོད་ལ། བརྒྱ་ཕྲག་ བརྒྱད་བཟླས་ལ་འགྲོ་བར་བྱའོ། །དེ་ནས་འགྲོ་བར་འགྱུར་རོ། །སོང་ནས་ཕྱིར་འོངས་ན་དེ་ལ་གཞུ་མདའ་དང་བཅས་པ་ཁ་རྒྱབ་ཏུ་བལྟས་པ་དེ་བཞིན་དུ་བྲིས་པར་གྱུར་པའི། བཅོམ་ལྡན་འདས་མ་སྔོན་བཞིན་དུ་མཆོད་ལ་གཤེགས་སུ་གསོལ་བར་བྱའོ། །ན་མོ་རཏྣ་ཏྲ་ཡཱ་ཡ།
96-1-62b
ནམ་ཨཱ་རྱཱ་བ་ལོ་ཀི་ཏེ་སཝཱ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏཏྱ་ཐཱ། རི་ཛུ་དྷརྨི། ནི་ར་ཡ་ཏེ། ཏཱ་ར་ཏཱ་ར་ཨ་བྷ་ག་བ་ཏི། ཏུཏ་ཏཱ་རེ། བྷ་བ་བྷ་ཡ། མོ་ཙ་ནི་ཏུ་རེ་སཝཱ་ཧཱ། འཇིགས་པ་ལས་ཐར་བར་བྱེད་པ་འདི་ནི། །བ་ཅིག་ཏུ་འཇིགས་པ་ཆེན་པོ་མིན་ན། ཆུ་བོ་དང་ འབྲོག་དགོན་པ་ཆེན་པོར ། །སེང་གེ་དང ། སྟག་དང ། དོམ་དང ། མ་ཧཱི་ཥ་དང ། རྒྱལ་པོ་དང ། སྲིན་པོ་དང ། ཤ་ཟ་ལ་སོགས་པ་རྣམས་སུ་སྔགས་འདི་དྲན་པར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་མཉྫཤྲི་ཡེ། ཀུ་མཱ་ར་བྷུ་ཏཱ་ཡ། ཨོཾ་ཧི་རི་ཏི་ཥྛ། ཏ་སྐར་བད་དྷོ་སི། བཾ་ནཱ་ག་ མཱ་ཙ་ལ་སཝཱ་ཧཱ། སྤྲུལ་རྣམས་ཀྱི་ཁ་འཆིང་ངོ ། །རྐུན་མ་དང་དགྲ་བོ་ལ་སོགས་པ་ཡང་ཁྱད་པར་དུ་འཆིང་ངོ ། །མི་མཆེད་པར་བྱེད་པ་དང ། འདི་རྣམས་འཆིང་བྱེད་ཆོ་གའོ། །ུཏྤ་ལའི་ཕྱག་རྒྱ་དང་བཅས་པས་སོ། །ལག་པ་གཉིས་ཐལ་མོ་སྦྱར་ལ། མཐེབ་མཛུབ་གཉིས་བསྐུམ་ སྟེ་མཐེབ་ཆེན་གཉིས་གཞུག་པར་བྱའོ། །གུང་མོ་གཉིས་ཀྱི་སྟེང་ནས་སྲིན་ལག་གཉིས་དཀྲི་བར་བྱའོ། །དེ་ནི་ཨུཏྤ་ལའི་ཕྱག་རྒྱའོ། །ནམཿ ས་མནྟ་བུད་དྷཱ་ནཱཾ། ཨོཾ་ཧཱུཾ་བ་རཱ་ཧཱ་ཎཱཾ། ཨོཾ་ཧཱུཾ་བར་ད་བཛྲཱ་ཡ་ཧཱུཾ། མཆོག་སྦྱིན་པའི་རྡོ་རྗེ་འཕགས་པ་འཇམ་དཔལ་རྡོ་རྗེ་དཀྱིལ་འཁོར་ལ་ གནས་པ་ཐམས་ཅད་ཀྱི་ཁ་རུ་གསེར་གྱི་མདོག་ཏུ་བསམས་ན། ཕྱོགས་བཞི་རུ་ཁའི་དྲི་ཞིམ་པོར་བྱེད་དོ། །ུཏྤ་ལའི་ཕྱག་དང་བཅས་པས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱ་རྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ ཀ་ཙེ་བི་ཀ་ཙེ། སྟཾ་བྷ་ནི། ཛཾ་བྷ་ནི། མོ་ཧ་ནི། སརྦ་རོ་ཥ། པྲ་ཤ་མ་ནི་སཝཱ་ཧཱ། ལག་པ་ལ་ལན་ཉི་ཤུ་རྩ་གཅིག་ཏུ་བཟླས་ཏེ། རང་གི་ཁ་ཡོངས་སུ་མཉེ་བར་བྱ་ཞིང་གོས་ལ་ཡང་མདུད་པ་བྱའོ། །དེ་ནས་རྒྱལ་པོའི་རིགས་ཀྱི་ནང་དུ་ཞུགས་ན། ཁྲོས་པ་ཞི་ནས་དད་པར་འགྱུར་རོ། ། ་ཨཱི་དི་བི། ཨོཾ་སྣི་ཛ་དྷ། ཛ་ལ་མཱ་ཎ། བཱ་ད་ཛ་དྷ། གྷུ་ལ་མཱ་ན། ཀིཾ་ཙ་ཧ་སི། པི་ཊ་ཨན་ཏ་རེ་ཎ། ཨ་ཌེ་མི་ཏོ། ད་ནྟ་ཨ་ན་ཏ་རེ་ཎ་སཝཱ་ཧཱ། ཤིང་བུ་བག་ཙམ་ཅིག་ལ་ཡོངས་སུ་བཟླས་ལ། སོའི་བར་དུ་བཅུག་སྟེ་བཟླས་ན། ཁྲོས་པ་དད་པར་འགྱུར་རོ། །ཱ་ཨཱི་དེ་
96-1-63a
སི། ཨ་ས་ཎཾ། ཧི་བ་ཨཱི། སྤ་མ་ཧུ་ད་ན། ས་ནཾ་ཧི། ཨ་ཧཱུ་ཏོ། ཨུ་ཏྟ་རཾ། དེ་མོ་ཏུ་མྨོ། ཨུ་པ་རི་ཎི། ཨུ་ཏྟ་རཾ། ཧོ་ཧི། འདིའི་ཉེ་བར་སྤྱོད་པ་ནི། འོག་གི་གོས་ཀྱི་ནང་དུ། ཤིང་ལོས་སྟན་བྱས་ལ། ལན་བདུན་དུ་མངོན་པར་བསྔགས་ཤིང་ཁྲོས་པ་ལ་བྱིན་ན་ ཅུང་ཟད་ཀྱང་བཟློག་པར་མི་ནུས་སོ། །མུ་ཧ་དོ། བ་དུ་ནོར། ཨ་ཙཀྵུ་ན་དོ། ཙཎྜ་ཨཱི། ཙ་ཨུ་ཧུ་ཨ་ས་ན། ས་མཱ་ཛི་ཧཝཱ། ཀོ་མེ་ཀི་ཙི་བྷ་ཎཱ་དི། ན་མོ་པཎྞ་ཏཱི་ཨེ་ཙུ་ལི་པཱ་ཤ་ཎི་སཝཱ་ཧཱ། ལག་པ་གཡས་པ་མངོན་པར་བསྔགས་པ་བྱས་ལ། རང་གི་ཁ་མཉེ་བར་བྱའོ། །ཁ་སྐྱེངས་པའི་ སྔགས་ཏེ་ཡུངས་ཀར་ལ་ལན་བརྒྱད་བཟླས་ཏེ། གཏོར་ན་གཉིད་འཐུག་པོར་བྱེད་དོ། །ོཾ་སཝ་བ་ནཱི་ཡཾ་པྲ་ཙཀྵུ་མི། སིད་དྷཾ་ཤ་བར་བྷཱ་ཥི་ཏཾ་པར་ཙཀྲ། མ་ཧཱ་ནི་སིད་དྷཾ། བ་ཏ་ལི་ཀེ། ས་ཧཱ་ན་རི་ཙཎྜ་ལི་མཱ་ཏཾ་གི་སཝཱ་ཧཱ། ཡུངས་ཀར་ལ་བརྒྱ་ཕྲག་བརྒྱད་ཀྱིས་མངོན་པར་བསྔགས་ པ་བྱས་ལ། གང་དུ་བསྐྱུར་བ་དེ་རུ་གཉིད་འཐུག་པོར་བྱེད་དོ། །ན་མོ་ར་ཏྣ་ཏྲ་ཡཱ་ཡ། ན་མོ་བྷྲཱ་མ་ར་ཀེ་ཤི། བྷྲཱ་མ་ར་མཱ་ཏེ། བྷྲ་མ་བི་བྷྲ་མ། མུ་ཧྱ་མོ་ཧ་ཡ་སཝཱ་ཧཱ། ཡུངས་ཀར་ལ་འབུམ་ཕྲག་གཅིག་བཟླས་ཏེ། ས་ལ་མ་རེག་པར་བར་སྣང་གི་ཁང་པ་ལ་གཞག་པར་བྱའོ། །ཁང་ ས་དང་རྡོ་སྟེགས་ལ་རབ་ཏུ་གཏོར་ན་དུས་མ་ཡིན་པའི་གཉིད་འཐུག་པོ་སྐྱེད་པར་བྱེད་དོ། །གྲོང་ངམ་གྲོང་ཁྱེར་གྱི་དབུས་སུ་གནས་ཏེ་ཡུངས་ཀར་གྱིས་ཕྱོགས་དང་མཚམས་སུ་གཏོར་ན་སེམས་ཅན་ཀུན་ཤི་བ་དང་འདྲ་བར་གཉིད་ལོག་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ ཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏཱ་རེཏཱ་རེ་ཏྭ་རཱ་ཡ། བྷ་ག་བ་ཏི་སཝཱ་ཧཱ། བན་དྷ་མོ་ཙ་ནི་ཆེ་གེ་མོ་བན་དྷ་མོ་ཀྵཾ་ཀུ་རུ་སཝཱ་ཧཱ། །བདེན་པའི་བྱིན་གྱིས་བརླབས་ཀྱང་དང་པོ་ཉིད་དུ་སྦྱར་བར་བྱའོ། །བཅོམ་ལྡན་འདས་མས་འཁོར་བ་ ཐམས་ཅད་གྲོལ་བར་གྱིས་ཤིག་།གང་གིས་བཅིངས་པ་གྲོལ་བའི་བདེན་པ་དེའི་བདེན་པ་ཡིས་ཆེ་གེ་མོ་བཅིངས་པ་ལས་གྲོལ་བ་དག་ཏུ་གྱིས་ཤིག་བཟླས་པས་བཅིངས་པ་གྲོལ་བར་བྱེད་དོ། །བཟླས་པའི་དུས་སུ་སྤྱན་རས་གཟིགས་དབང་ཕྱུག་གིས་གྲོལ་བར་བྱེད་ཅིང་།
96-1-63b
བཅོམ་ལྡན་འདས་མས་ཀྱང་གྲོལ་བར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོདྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ལམྦེ། པྲ་ལམྦེ། ལམྦི་བི་དེ་མ་མ་མོ་ཀྵ་ཡཾ་སཝཱ་ཧཱ། འདི་བཟླས་ན་བཅིངས་པས་ལས་གྲོལ་བར་བྱེད་དོ། །ཡང་ ནག་ཙང་སྦྲ་དང་ལྡན་པར་གྱུར་པས་མཚན་ཐོག་ཐག་ཏུ་བཟླས་ན་བཅིངས་པ་ལས་གྲོལ་བར་བྱེད་དོ། །ན་མོ་དེ་བཱི་མ་ཧཱ་དེ་བི། །པྲཏྱཾ་གི་རེ་སཝཱ་ཧཱ། །ཏ་ལའི་གྲོ་ག་ལ་མངོན་བར་བྲིས་ཏེ་སྲིན་བུ་ཀ་ཀ་རུའི་ཁུང་བུར་བཅུག་ལ་དེའི་ས་ཡིས་ཁ་བཀབ་ཅིང་མིང་ནས་བཟུང་བར་བྱས་ན་དེ་བཅིངས་ བ་ལས་གྲོལ་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ནམ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏཏྱ་ཐཱ། ཀུ་ཊེ་བི་ཀུ་ཊེ། ཀུ་ཊེ་སཝ་ཧ། མར་གྱིས་ལྕགསལ་བྱུགས་ན་འཆག་གོ། །ནམཿ སརྦ་བུདྡྷ་བོ་དྷི་ས་ཏྭེ་བྷྱཿ ། ཀུ་རུ་ཊྚ་ཀུ་རུཊྚ། ཀརྐ་ ཀུ་ཏུ་རུ་ཊུ་སཝཱ་ཧཱ། ཕྱོགས་གང་ན་བཅིངས་པའམ་བསྐོར་ཁང་ཅིག་གནས་ན། དེ་ལ་རྡུལ་ལ་བརྒྱ་ཕྲག་བཟླས་ཏེ་གཏོར་ན། དཔག་ཚད་བརྒྱན་ཡོད་པ་འགྲོལ་ལོ། །སྔོན་དུ་བསྙེན་པ་ཁྲི་ཚོ་གཅིག་བཟླས་སོ། ། ཏི་མུག་ཏའི་ཡམ་ཤིང་ལ་བརྒྱ་ཕྲག་བརྒྱད་ཀྱི་སྦྱིན་སྲེག་བྱའོ། །དེ་ ནས་དེ་ཉིད་ཀྱི་ཐལ་བས་སྦྱར་བར་བྱའོ། །རྡོ་རྗེའི་ཤིང་གི་ཡམ་ཤིང་གི་མེ་ལ་མར་གྱིས་སྦྱིན་སྲེག་བྱས་ན། ལྕགས་སྒྲོག་འཆག་ཅིང་གྲོལ་བར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། །མ་ཧཱ་ས་ཏྭཱ་ཡ། མ་འ་ཀཱ་རུ་ཎི་ཀ་ཡ། །ཏདྱ་ཐཱ། ཏཱ་ རེ་ཏཱ་རེ། ཏཱ་རཱ་ཡ། ཛ་ཡེ་ཛ་ཡེ། ཏུ་ཏྟཱ་རེ། ཛ་ཡ་བ་ཉེ་ཏུ་རེ་སཝཱ་ཧཱ། ཡུལ་ཆོས་ཀྱི་རྩོད་པ་ལ་ལན་ལྡོན་པའི་ལས་གཞན་ལས་རྒྱལ་བར་བྱེད་པ་ལ་སྒྲོལ་མ་སྦྱར་བར་བྱའོ། །མུ་ནི་ཀ་ས་ཨི། མུ་ནི་མཾ་དྷ་ཨཱི་མུ་ནི་ལཾ་ག་ལེ་ཧི། ཕ་ལེ། ཨཱི་ཥ་ད། པི་ལི་བ་དན་ཏོ། ཆེ་གེ་མོ་སྱ་མུ་ཧི། བགྒ་ཎེ་ནི་ཧཾ་པི་བཻ་མི་སཝཱ་ཧཱ། དབང་དུ་བྱ་བ་དང་དབྱེ་བ་དང་སྐྲོད་པ་དང་ཁ་བཅིང་བ་རྣམས་ནི་རྫ་མཁན་གྱི་འཁོར་ལོ་འཁོར་བཞིན་པའི་ས་དང ། ལོགས་བཞིའི་ས་དང་དབུས་ཀྱིས་དང་འཁོར་ལོའི་སྲོག་ཤིང་གི་ས་དང་ལག་པའི་ས་དང་སྣོད་ཀྱིས་རྣམས་བླངས་ཏེ། གཟུགས་བརྙན་གཉིས་
96-1-64a
བྱས་ཏེ། ཁ་སྤྲད་དེ་བཞག་ནས་སྐུད་པ་དམར་པོ་ཡིས་བར་མཚམས་མེད་པར་དཀྲིས་ལ་ཁམ་ཀྱོང་མ་བསྲེགས་པ་ཁ་སྦྱར་གྱི་དབུས་སུ་བཞག་ལ། ཆེ་གེ་མོ་ཆེ་གེ་མོའི་དབང་དུ་གྱུར་ཅིག་ཅེས་བྱ་བའི་ཚིག་བརྒྱ་ཕྲག་བརྒྱད་བཟླས་པར་བྱའོ། །དྷ་དུ་རའི་འབྲས་ བུ་བྱི་བའི་ཁུང་བུར་བཅུག་ལ། བུད་མེད་གཅེར་བུས་གཏུན་ཤིང་གིས་བརྡུངས་ན་ཆེ་གེ་མོ་དང་ཆེ་གེ་མོ་གཉིས་འབྱེ་བར་འགྱུར་རོ། །རྨུག་པའི་བུ་མོའི་རྒྱབ་ཀྱི་རུས་པ་ལ་མིང་དང་སྔགས་སུ་སྤེལ་བ་མངོན་པར་བྲིས་ཏེ། རུས་པ་དེ་ཡང་ལམ་གྱི་བཞི་མདོར་རྐེད་པ་ནུབ་པ་ཙམ་བརྐོས་ པའི་ཁུང་བུར་བཅུག་ལ་སས་གཡོགས་ན་སྐྲོད་པར་བྱེད་དོ། །ཚ་བའི་རང་བཞིན་གྱིས་གཟུགས་བརྙན་བྱས་ལ་སྔགས་བརྗོད་བཞིན་པས། གཟུགས་བརྙན་ལ་རའི་པགས་པ་ཡིས་ཁ་དགབ་པར་བྱས་ན། ཁ་བཅིངས་པ་བྱས་པ་ཡིན་ནོ། །གཟུགས་བརྙན་དེ་ཡང་ དབེན་པའི་ས་ཕྱོགས་སུ་གཞག་པར་བྱ་སྟེ། དུར་ཁྲོད་ཀྱི་སོལ་བས་དགྲ་བོའི་མིང་དང་སྤེལ་བ་བྱི་བའི་ཁུང་བུར་བཅུག་ལ་རའི་པགས་པ་ཡིས་ཁ་བཀབ་སྟེ། བུད་མེད་གཅེར་བུས་གཏུན་ཤིང་ལག་པས་གཟུང་བས་ལན་བདུན་དུ་མངོན་པར་བསྔགས་ཏེ། ནུབ་མོ་ཆེ་གེ་མོའི་ཁ་ ཆིངས་ཤིག་ཅེས་བརྡུང་བར་བྱའོ། །དེ་ལྟར་ཞག་བདུན་དུ་བརྡུངས་ན་འཆིང་བར་འགྱུར་རོ། །རྩེ་མོ་བདུན་ལ་བྱུང་བའི་ས་བླངས་ཤིང་རྫ་མཁན་གྱི་ལག་པའི་ས་ལས་སའི་ཁུང་བུ་གཅིག་བྱས་ལ། སྔགས་དེ་ཏ་ལའི་ལོ་མ་ལ་མངོན་པར་བྲིས་ཏེ་ཁུང་བུའི་ནང་དུ་བཅུག་ ལ་བྱི་ཁུང་དུ་བཞག་སྟེ། ས་ལ་མ་ལྷུང་བའི་བ་ལང་གི་ལྕི་བས་ཁ་བཅད་ལ་རྡུལ་གྱིས་དེའི་སྟེང་དུ་གཡོགས་ན་ཁ་འཆིང་བར་འགྱུར་རོ། །ོཾ་བྷུ་རི་ཧྱ་མ་ན། ས་ཀ་ཏུ་བྲ་སྠོ་ཨེ་ཨཾ་ཆེ་གེ་མོ་བཾ་དྷ་མཱ་ར་ཡ་ཧཱུཾ་ཕཊ། མིང་གི་ཡི་གེ་དང་སྔགས་ཀྱི་ཡི་གེ་བར་བར་དུ་སྤེལ་ལ་ རྒྷའི་ལོ་མ་ལ་སོལ་བས་བྲིས་ཏེ་དཀྲིས་ལ། ཚེར་མ་མང་པོ་བཙུགས་ལ་ཁང་པའི་ནང་གི་སྟེང་གི་དབུས་སུ་སྔགས་བརྒྱ་ཕྲག་བརྒྱད་བཟླས་ཏེ་བརྐོས་ལ་སྦས་ན་ཁ་འཆིང་བར་བྱེད་དོ། །དེ་ལྟར་མང་པོ་ཡང་སོ་སོར་བྱའོ། །ན་མོ་རཏྣ་ཏྲ་ཡཱ་ཡ། ནམཿ ཙཎྜ་བཛྲ་བཱ་ཎ་
96-1-64b
ཡེ། མ་ཧཱ་ཡཀྵ་སེ་ནཱ་པ་ཏ་ཡེ། །བཱ་རཱ་ཡཱ་ས་ནཱི་ནཱ་ས་ནི་སཝཱ་ཧཱ། །ཁམ་ཀྱོང་དུ་ཕྱུགས་ཀྱི་ལྕི་བས་གཟུགས་བརྙན་བྱས་ལ། རིག་པ་བཟླ་ཞིང་འགྲོན་བུ་དགུས་བརྒྱན་ཏེ། མིག་གཉིས་དང་ཁ་དང་རྣ་བ་གཉིས་དང་ལྟེ་བ་དང་ལག་པ་གཉིས་དང་བཤང་བའི་ལམ་དུ་བརྒྱན་ནོ། །དགྲ་ བོའི་ཁ་རུ་ཞག་ལོན་པའི་ཕྱི་ས་བཅུག་ལ་རིག་པ་འདི་ཡང་ལན་བརྒྱད་བརྒྱ་རུ་བཟླས་ཏེ། ཁམ་ཀྱོང་གཉིས་པས་ཁ་བཀབ་ལ་གཙང་བའི་གནས་སུ་བཞག་ན་ཡུལ་ཆོས་ལས་གཞན་ལས་རྒྱལ་བར་འགྱུར་རོ། །བསྙེན་པ་ཁྲི་ཚོ་གཅིག་གོ། །ོཾ་ཤར་ཁ་ཀཎ་ཋ་ཙ་ཏུ:པ་ད་ཁ་ ཧི། མཱ་ནུ་ཥ་ཀོ་གཱུ་ཐ་ཀཾ་ཏ་ཤྱ་ཨ་ཐ་བི་གཱུ་ཐེ་ན། ཆེ་གེ་མོ་མུ་ཁཾ་བན་དྷ་མི། མུ་ཙུ་ཀྲཱ་མཱ་ཙུ་ཀྲཱ་ཕུ་སཝཱ་ཧཱ། བོང་བུའི་སྤངས་དང་དང་པོ་བྲེགས་མ་ཐོག་གི་བྱིས་པའི་སྐྲ་དང ། ཚེར་མ་རྣོན་པོ་ལ་བརྒྱད་བརྒྱ་མངོན་པར་བཟླས་ཏེ། བྱི་བའི་ཁུང་བུར་བཅུག་ལ་རྡུལ་གྱིས་བཀང་ན་ཁ་ འཆིང་བར་འགྱུར་རོ། །ཧ་ཧཱུཾ་ཧ་ལག་པ་ལ་བཀོད་ན་དུར་ཁྲོད་ཀྱི་བསྲུང་པའོ། །ཧཱུཾ་ཧ་རིག་པ་བཟླས་ཏེ་འཕྲལ་དུ་རོ་བསྲེགས་པའི་ཐལ་བ་ཆང་པར་བཟུང་ལ་ཡང་ན་དེ་བཟླས་པས་གཡོན་པ་ཧཱུཾ་གི་ཕྱག་རྒྱ་བཅིངས་ཏེ། ཐལ་བ་དེ་དང་གུ་གུལ་གཉིས་ཀྱིས་རིལ་བུ་བྱས་ལ་བརྒྱ་ཕྲག་ བརྒྱད་བཟླས་པ་བྱས་ལ་དཔྲལ་བརཟིག་ལེ་བྱས་ན་བཅིངས་པ་ལས་གྲོལ་བར་འགྱུར་རོ། །ཧཱུཾ་ཧེ་ཧོ་ཧེ་ཧ། བཅིངས་པ་ལས་བཟླས་ན་གྲོལ་བར་འགྱུར་རོ།།དི་ཨོཾ་བྲཱི་ཛཾ་པྲཱི་ཏེ་བྲཱི་ཧེ་བྲཱི། །བཟླས་པས་བཅིངས་པ་ལས་གྲོལ་བར་འགྱུར་རོ། །ན་མོ་བཱ་ཙཱ་ཏ་ཤྱ་མ་ཧཱ་ཤྲ་མ་ཎ་ཤྱ་ཀི་ཏི་བི་ཏི་ བཱ་ཏྲཾ་བུ་ར་ཡ་སཝཱ་ཧཱ། ལན་བདུན་དུ་མངོན་པར་བསྔགས་པ་བྱས་པའི་ལྷུང་བཟེད་བསོད་སྙོམས་ལ་ཞུགས་ན། སྟེར་བར་མི་འདོད་པ་རྣམས་ཀྱིས་ཀྱང་སྟེར་བར་འདོད་པར་འགྱུར་ཏེ། མྱུར་དུ་ལྷུང་བཟེད་གང་བར་འགྱུར་རོ། །ཀ་ར་བཱི་རའི་མེ་ཏོག་དཀར་པོའི་ཤིང་གིས་དེ་བཞིན་ དུ་སོ་ཤིང་བྱས་ན་མ་བླངས་པར་རྙེད་པར་འགྱུར་རོ། །འཇམ་དཔལ་གྱི་ས་བོན་གྱིས་ལན་བདུན་དུ་བཟླས་པས་དེ་མ་ཐག་ཏུའོ། །མཾ་ན་མོ་རཏྣ་ཏྲ་ཡཱ་ཡ། །ན་མ་ཨཱརྱཱ་ཙེ་ཏྱ་ཀུན་ཛར་ཤྱ། ཧི་མ་ཙ་ཏ་ཨུད་ཏ་རེ་ཎ། བཱ་ར་ཤེ་སུ་བརྞ་ཨཀྵི། ན་མ་བཱ་ན་རི་སཱ་མེ། ། ན་ནཾ་ཅེ་ཕ་
96-1-65a
ནཾ་ཙ། དཱ་ད་དུསརྦ་ཀ་མི་ཀཾ། ཨ་མོ་ཊ་ཙི། ཨ་མོ་ཏི་བྚ་རྞ་དྲ་ཛ་སེ་སཝཱ་ཧཱ། བྱ་རོག་གི་སྒྲ་མི་གྲག་པར་ལན་ཉི་ཤུ་རྩ་གཅིག་ཏུ་སྔགས་བཟླས་པར་བྱས་ན། མ་བསླངས་པར་ཟན་རྙེད་པར་འགྱུར་རོ། །ོཾ་དྷ་ན་དཱ་ཡ་སཝཱ་ཧཱ། བཟའ་བ་ཐམས་ཅད་དང་ ཚོད་མ་ཀུན་ལ་ནོར་སྦྱིན་གྱི་གཟུགས་བྱས་ལ། བརྒྱ་ཕྲག་བརྒྱད་ཀྱིས་མངོན་པར་བསྔགས་ལ། ཟས་བཙོས་པའི་དབུས་སུ་བཞག་པར་བྱས་ན་ཟད་པ་མེད་པར་འགྱུར་རོ། །ཟན་བཙོས་པའི་སྣོད་དུ་བཞག་པ་དེ་རང་གི་གནས་ནས་གཞན་དུ་འགུལ་བར་མི་ བྱའོ། ། རཾ་ཛ་རེ་ཀ་རཾ་ཛ་རེ་བི་ཥཾ་ཛ་རེ་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བྱས་ལ་གཟས་ཟིན་པའི་དུས་སུ་སྲན་མ་ཤཱ་ལ་སོགས་པས་བསྒྲུབས་ནས་ཟོས་ན་འཛིན་བློ་རྣོ་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་ས་ཏྭཱ་ ཡ། མ་ཧཱ་ས་ཏྭཱ་ཡ། ན་མ་སྐྲི་ཏྭ། ཨི་མཱཾ་དྷ་ར་ཎཱི། བྲ་ཡུན་ཛ་མི། ཨི་ཡ་མེ། དྷ་ར་ཎཱི། ས་རྨི་དྷྱ་ན་ཏུ། ཏདྱ་ཐཱ། ཏྲི་སྲི་ཁི་ཏྲི་ཤཱུ་ལི། དི་ལི་དི་ལི། མི་ལི་མི་ལི། ཙི་ལི་ཙི་ལི། ཨ་བ་ལོ་ཀི་ཏེ། སཝ་རོ་བྷཱི་ཛྙཱ་ཕ་ཡ་ཏེ་དྷཱ་ར་ཏཱི། ཨི་ཡཾ་མ་ས་མྲྀ་ དྷྱ་ཏུ་སཝཱ་ཧཱ། དེ་ལི་འདིའི་ཉེ་བར་སྤྱོད་པ་ནི་སྔོན་དུ་བསྙེན་པ་སྟོང་ཕྲག་བཅུ་ཐམ་པ་བྱས་ལ་དེ་ལ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ཆུ་སྲང་བཞི་ལ། བརྒྱ་ཕྲག་བརྒྱད་ཀྱིས་མངོན་པར་བསྔགས་ཏེ་བཞག་ལ་འཐུངས་ན། ཞག་བདུན་གྱི་བར་དུ་ཉི་ མ་གུང་གུང་ལ་འོ་མར་བཙོས་པའི་འབྲས་བཟའ་བར་བྱའོ། །ཞག་བདུན་དུ་སྨྲ་བཅད་བྱས་ན། གཞུང་བརྒྱ་ཕྲག་གསུམ་འཛིན་པར་འགྱུར་རོ། །མཆོག་ཏུ་གྲུབ་པའི་གཟུངས་ནི་འདི་ཡིན་ནོ། །ཱ་རྐཱ་རི། མཀྐ་རི། །ཙཎྟྲ་ལི་བི་ན། བ་ཡོ་དྷ་རེ། ཨརྐྐ་ ཎྜ་ཙཎྜཱ་ལི་ཆེ་གེ་མོ་མེ་བ་ཤ་མཱ་ནཱ་ཡ་སཝཱ་ཧཱ། ཨརྒྷའི་ལོ་མ་ལ་མིང་བྲིས་ཏེ། མེ་རུ་སྦྱིན་སྲེག་བྱས་ན་འགུགས་པར་བྱེད་དོ། །ོཾ་ཙ་མུཎྜེ། མ་ཏ་ང་གེ། ཨུར་དྷ་ཀེ་ཤི། ཆེ་གེ་མོ་བ་ཤ་མཱ་ནཱ་ཡ་སཝཱ་ཧཱ། མར་ནག་གིས་ཆོས་འབྱུང་ལ་བསྐུས་ལ། བདག་པོའི་དབང་ཕྱུག་
96-1-65b
ཆེན་པོ་དང་སྦྱོར་བ་བྱས་ན་བདག་པོ་ཁོལ་པོ་དང་འདྲ་བར་བྱེད་དོ། །བརྒྱ་ཕྲག་བརྒྱད་མངོན་པར་བསྔགས་པས་བྱའོ། ཨོཾ་ཏཱ་རེ་ཧཱུཾ་ཧ་ར་སཝཱ་ཧཱ། འདིས་གླང་བུའི་རཱ་གཡས་པས་བླངས་པའི་ས་བླངས་ཏེ། དེ་དཔྲལ་བར་ཐིག་ལེ་བྱས་ན་གང་ལ་བལྟས་པ་དེ་དབང་དུ་བྱེད་དོ། ། ནམཿ ཀྲྀཥྞ་ཤ་བ་རཝ་ཎཱཾ། གི་རི་གི་རི། ཀུ་མཱ་རི། བི་ཥཾ། བྷཀྵ་ཡ་ཧ་ར་བིཥཾ། ཀྲྀཥྞ་ཤ་བ་རོ་ཛྙཱ་བ་ཡ་ཏི་སཝཱ་ཧཱ། སྦྲང་པུ་མཆུ་སྨྱུང་ཐམས་ཅད་ཀྱིས་ཟོས་པའི་དུག་མེད་པར་བྱས་ལ་རབ་ཏུ་སྦྱར་རོ། །ོཾ་ཤ་པར་ཤོ་བྷ་ན་ཧ་རེ་སཝཱ་ཧཱ། སྔགས་འདིས་གོས་ལ་ལན་བདུན་དུ་བསྔགས་ པར་བྱས་ཏེ་གང་ལ་སྦྱིན་པ་དེ་དབང་དུ་འགྱུར་རོ། །དོན་འདོད་པ་ལ་སྦྲང་དང་བཅས། །མི་རོའི་མེ་ཏོག་དང་ཡང་ནི། འདི་དེ་ཕྱེ་མར་བྱས་སྦྱར་བས། །མི་དང་མི་མོ་དབང་དུ་བྱེད། །ན་མོ་བུད་དྷཱ་ཡ། ཧ་ར་ཧ་ར་སཝཱ་ཧཱ། ན་མོ་རུ་དྲཱ་ཡ། ཨགྒི་བགྒི་ནགྒི་སཝཱ་ཧཱ། ཡུངས་ཀར་ལ་ལན་དྲུག་ ཅུར་ཡོངས་སུ་བཟླས་ཏེ་བུད་མེད་དང་སྐྱེས་པ་ལ་བརྡེག་པར་བྱས་ན། འགྱིང་བག་དང་བཅས་པའི་བུད་མེད་དམ་འགིའུ་རི་ཡང་འོང་བར་འགྱུར་རོ། །ོཾ་ཙ་མུཎྜེ། དྷུ་མཱ་ཀེ་ཤཱི། བི་དྷྱུ་དེ་ཛི་བྷེ་ཧ་ན་ད་ཧ་པ་ཙ་ཆེ་གེ་མོ་མེ་བ་ཤ་མཱ་གཙྪ་ཏུ་སཝཱ་ཧཱ། ཉེ་བར་སྤྱོད་པའི་ཕྱོགས་ཀྱི་སོར་ མོ་ལ་ཤར་དུ་མངོན་པར་འདུག་སྟེ། ལན་བདུན་དུ་བསྔགས་ལ་བསྟན་པར་བྱས་ན། དབང་དུ་འགྱུར་རོ། །ོཾ་ན་མོ་བི་མ་ལ་ཀཱི་རྟ་ཡེམ། །བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། ཏདྱ་ཐཱ། བི་མ་ལ་ཕུཿ ། བི་མ་ལ་ཀ་ར་ཕུཿ ། བི་མ་ལས་མུ་ད་དྷ་རེ་ཕུཿ སཝཱ་ཧཱ། ཆུ་ལ་ལན་བདུན་དུ་བསྔགས་ ཏེ་བྱིན་ན་མིག་གི་ནད་མེད་པར་བྱེད་དོ། །ོཾ་ན་མོ་བྷ་ག་བ་ཏེ། སུ་ད་རྴ་ནཱ་ཡ། སུ་རུ་སུ་རུ། ཕུ་རུ་ཕུ་རུ། གཙྪ་གཙྪ། ཨཀྵི་རོ་ག་མ་ཏིཥྛ་ཆེ་གེ་མོ་སཝཱ་ཧཱ། སྐུད་པ་དཀར་པོ་རྣ་བ་ལ་བཅིང་བར་བྱའོ། །ཐང་ཆུ་དང་ཐང་ཤིང་དང་པྲི་ཡཾ་ཀུ་དང་རུ་རྟ་དང་བྱི་བའི་བྲུན་དང་ཕྱུགས་ཀྱི་ རཝ་དང་སྨྱུག་མའི་ཤུན་པ་དང་ལ་ཆ་དང་རའི་ཆུ་ངན་དང ། གཞིབས་ལ་གྲིབ་མ་ལ་བསྐམ་པར་བྱའོ། །བདུག་པ་འདི་ནི་མཆོག་གི་གཙོ། །གཟའ་རྣམས་ཀུན་ལས་གྲོལ་བར་བྱེད། །དེ་རུ་སྦྲུལ་ནི་མི་གནས་ཤིང ། །གང་གཞན་གདུག་ཅན་གཟའ་ལ་སོགས། །གཙོ་བོ་འདི་ཡིས་
96-1-66a
ནད་རྣམས་འཇོམས། །བརྟན་པར་ཉིན་བཞི་རིམས་དང་ནི། །ཐོག་གི་སྡོང་བུ་ཅི་བཞིན་དུ། །བརྗེད་བྱེད་ཀྱང་འདིས་ཉམས་པར་བྱེད། །སྐལ་བ་ངན་པའི་བུད་མེད་གང ། །རང་བྱུང་མེ་ཏོག་མེད་གྱུར་ཅིང ། །ཁྱིམ་ཐབ་དང་ནི་འབྱེ་བ་ཡང ། །བདུག་སྤོས་འདི་ཡི་ཡན་ལག་ གིས། །མྱོས་ཤིང་རབ་ཏུ་གདུངས་ནས་ནི། །སྐལ་བ་བཟང་པོ་བསྐྱེད་པའི་མཆོག་།བདུག་སྤོས་བྲམ་ཟེ་གསང་ཞེས་པ། །ལས་ཀུན་བྱེད་ཅིང་ཤིས་པའོ། །དེ་ལ་བདུག་པའི་སྔགས་ནི། །ོཾ་སུ་བྷི་ར་ཎ་ཏཱ་ཡེ་སཝཱ་ཧཱ། མིའི་ཐོད་པར་དབྱངས་ཡིག་བྲིས་ལ། བུད་མེད་དང་དོམ་ཕྱུགས་ ཀྱི་བྱེ་བྲག་དང་བཅས་པ་བྲིས་ལ་གང་ལས་སྔགས་པས་ལྕགས་ཀྱུས་བཀུག་ན་བུད་མེད་དབང་དུ་བྱེད་དོ། །གཙང་མའི་ས་ཕྱོགས་སུ་ལྕགས་ཀྱུའི་རྣལ་འབྱོར་གྱིས་བཟླས་ན། དཔག་ཚད་གཅིག་ཙམ་ནས་སེམས་དག་པ་ཡང ། དེ་ལ་བག་ཙམ་གཅིག་གིས་འདོད་པས་མྱོས་ནས་འོང་ བར་འགྱུར་རོ། །འགུགས་པའི་ཡི་གེ་མེ་དང ། རླུང་གིས་བསྐོར་བའི་དབྱངས་ཡིག་དང་ལྡན་པས་མྱུར་དུ་དབྱངས་ཡིག་གི་ཡན་ལག་བཞག་སྟེ་བུད་མེད་འདོད་པ་ལ་དགའ་བར་བྱེད་དོ། །ོཾ་ཀཱ་མ་དེ་བ་ཙནྡྲ་བྷ་དྲཱ་ཡ། བྷ་ག་བཱ་ན་ཧཱུཾ་ཕཊ་སཝཱ་ཧཱ། འདི་ནི་རྩ་བའི་སྔགས་ཏེ་འདི་གྲུབ་ པས་གསང་སྔགས་ཐམས་ཅད་གྲུབ་པ་ཡིན་ནོ། །སྔོན་དུ་བསྙེན་པ་སྟོང་ཕྲག་བཅུ་བཟླས་པ་བྱས་ཏེ། དེ་ནས་མེ་སྦར་ལ་ཏིལ་མར་དང་སྦྲང་རྩིའི་ནང་དུ་སྨྱུགས་ལ་བརྒྱ་ཕྲག་བརྒྱད་སྦྱིན་སྲེག་བྱས་ན་དེ་ནས་འགྲུབ་པར་འགྱུར་རོ། །ོཾ་ཀཱ་མ་ད་བ་ཧསྟ་མ་སྤྲི་ཤ། ཨུད་མ་ཏྲི་ཀུ་རུ་ སཝཱ་ཧཱ། ལག་པ་ལ་ལན་བདུན་དུ་མངོན་པར་བསྔགས་ལ་གཞན་གང་ལ་ཡང་རེག་ན། འདོད་པའི་ལྷ་བརྒྱ་བྱིན་ཡང་དབང་དུ་འགྱུར་རོ། ཨོཾ་ཀཱ་མ་དེ་བ་ནི་རི་ཀྵ་ཡ་སཝཱ་ཧཱ། སྔགས་འདི་མིག་ལ་ཡོངས་སུ་བཟླས་ཏེ། གང་ལ་བལྟས་པ་དེ་དབང་དུ་འགྱུར་རོ། ཨོཾ་ཀཱ་མ་དེ་བི་བསྟྲ་ སཝཱ་ཧཱ། སྔགས་འདིས་གོས་ལ་ལན་བདུན་དུ་མངོན་པར་བསྔགས་ཏེ་གང་ལ་རེག་པ་དེ་དབང་དུ་འགྱུར་རོ། །ོཾ་ཀཱ་མ་དེ་བ་སེ་བ་མུད་མ་ཡ་སཝཱ་ཧཱ། སྔགས་འདིས་རང་གི་དབང་པོ་ལ་ཡོངས་སུ་བཟླས་ནས་གང་ལ་རེག་པ་དེ་དབང་དུ་འགྱུར་རོ། །ོཾ་ཀཱ་མ་ཤི་རི་ཧཱུཾ་ཕཊ། རྒྱ་སྐྱེགས་
96-1-66b
ཀྱི་ཤིང་གིས་མེ་སྤར་ཏེ་ཡུངས་ཀར་སྟོང་ཕྲག་བརྒྱད་ཀྱི་སྦྱིན་སྲེག་བྱས་ན་རྒྱལ་པོའམ་རྒྱལ་པོའི་བུ་དབང་དུ་འགྱུར་རོ། །འདི་ཡིས་བུད་མེད་ཀྱི་སྤྱི་བོར་རེག་ན་དབང་དུ་འགྱུར་རོ། །ོཾ་ཀཱ་མ་དེ་བ་ཨ་མུ་ཀཾ་མེ་བ་ཤ་མ་ནཱ་ཡ་སཝཱ་ཧཱ། འདི་ཡིས་མེ་ཏོག་གམ་འབྲས་བུ་ལ་ཡོངས་སུ་བཟླས་ཏེ་ གང་ལ་བྱིན་པ་དེ་དབང་དུ་འགྱུར་རོ། །ཤུ་ཤུ་ཥེ་མུ། ཁང་པ་སྟོང་པར་ཉའི་ཕྱེ་མ་བསྲེགས་ཤིང་སྟོང་ཕྲག་བཅུ་བཟླའོ། །དེ་ནས་ཉའི་ཕྱེ་མ་བདུག་པ་བསྲེག་པར་བྱས་ན་སྣ་ཚོགས་པ་བུད་མེད་འོང་བར་འགྱུར་རོ། །ོཾ་ན་མོ་ར་ཏྣ་ཏྲ་ཡཱ་ཡ། ཨོཾ་པྲ་དཱ་ཙ་ལ་ནེ། ཙ་ལ་ཙ་ལ་སཝཱ་ཧཱ། སྔགས་འདིས་སྦྱངས་ནས་ཤི་བའི་རྐང་མཐིལ་གྱི་པགས་པ་ལ་རེག་ནས་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ལ་བླང་བར་བྱའོ། །བླངས་ནས་ཕྱི་མིག་མི་བལྟ་བར་རང་གི་གནས་སུ་ཁྱེར་ལ་དེ་ནས་ཕྱིས་ནི་བརྒྱ་རྩ་བརྒྱད་མངོན་པར་བསྔགས་ཏེ་ཚ་བའི་མར་ནག་ཏུ་བཅུག་ལ་ བཙོ་བར་བྱའོ། །དེ་ནས་བླངས་ལ་ལན་བདུན་དུ་བསྔགས་ཏེ་རྐང་པ་ལ་བསྐུས་ན་དཔག་ཚད་སྟོང་དུ་ཕྱིན་ཡང་མི་འཆད་དོ། །ན་མོ་བུད་དྷཱ་ཡ། ན་མོ་དྷ་རྨཱ་ཡ། །ན་མ:སང་གྷཱ་ཡ། །ན་མ་ཨཱ་རYཱ་བ་ལོ་ཀི་ཏེ་ཤཝ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏ་དྱ་ཐཱ། དྷ་ར་ཎི། དྷ་ར་ཎི། དྷ་ར་དྷ་ར། དྷ་རེ་སུ་བྷ་དྲ་སཝཱ་ཧཱ། ཁྲི་ཚོ་གཅིག་སྔོན་དུ་བསྙེན་པ་བྱས་ལ། ཉི་མ་གཟས་བཟུང་བའམ། ཟླ་བ་གཟས་བཟུང་བའི་དུས་སུ། སྲན་མ་མ་ཤཱ་ཁར་བཅུག་ལ། ཅི་སྙེད་མ་གྲོལ་གྱི་བར་དེ་སྙེད་དུ་བཟླས་པ་བྱས་ན། དེ་ནས་སྲན་མ་མ་ཤཱ་མྱུ་གུ་སྐྱེ་ བར་འགྱུར་རོ། །དེ་ཟོས་ན་ཐོས་པ་འཛིན་པར་འགྱུར། དེ་ལྟར་མི་བྱེད་ན་ཕྱེ་མ་ཞིབ་མོར་བྱས་ཏེ་དེ་གང་ལ་བྱིན་པ་དེ་དབང་དུ་འགྱུར་རོ། །ོཾ་གུ་ལུ་གུ་ལ། བཛྲ་དྷ་ར་ཨ་ནུ་ཙ་རཱ་ཡ་སཝཱ་ཧཱ། སྡིགས་མཛུབ་ལ་མངོན་པར་བསྔགས་ན། སྤྲིན་རྣམས་གཏོར་བར་བྱེད་དོ། །མ་ བསྲེགས་པའི་རྫ་བུམ་ལ་ཕྱོགས་བཞིར་མཉམ་པའི་ཕྱག་རྒྱ་ཅན། འཕགས་པ་རབ་འབྱོར་ཚོན་སྣ་མ་ལུས་པས་བྲི་བར་བྱའོ། །རབ་འབྱོར་གྱི་གཡས་གཡོན་གཉིས་སུ། ཀླུ་གཞོན་ནུ་གཉིས་སྦྲུལ་མགོ་བདུན་བདུན་ཡོད་པ་ཕྱག་འཚལ་བ་བྲི་བར་བྱ་སྟེ། དེའི་སྦྲུལ་མགོ་
96-1-67a
སོ་སོ་ལ་ཕུའི་ཡི་གེ་བྲི་བར་བྱ་སྟེ། འཕགས་པ་རབ་འབྱོར་གྱི་ཐུགས་ཀར་བྲུཾ་བྲིས་ལ། མེ་ཏོག་སྣ་ཚོགས་པས་མཆོད་ལ། སྟེང་ཁབ་མེད་པའི་གནས་སུ་བཞག་པར་བྱས་ནས་གཞི་ཐམས་ཅད་ཆུའི་དཀྱིལ་འཁོར་ཆེན་པོར་འགྱུར་རོ། སོ་མ་བཏང་བའི་ཁམ་ ཀྱོང་ལ་ཚོགས་ཀྱི་བདག་པོ་བྲིས་ལ་དུག་དང་ཁྲག་དང་སྐེ་ཚེ་དང་ལྡན་པས་ཚོགས་བདག་གི་སྙིང་གར་དགོད་པར་བྱའོ། །ཧཱུཾ་ཀ་རའི་ནང་དུ་བྲིས་ལ་ཕྱི་རོལ་དུ་སྟོབས་པོ་ཆེའི་སྔགས་ཀྱིས་དཀྲི་བར་བྱའོ། །སེང་ལྡེང་གི་ཤིང་གི་མེ་ལ་གདུངས་ན་ཚར་གཅོད་པར་བྱེད་དོ། །ོཾ་བཛྲ་ཀྲོ་དྷ་མ་ཧཱ་ བ་ལ། །ཧ་ན་ད་ཧ་པ་ཙ་བི་དྷཱན་ས་ཡ། །ུཙྪུ་ཥྨ་ཀྲོ་དྷ་ཧཱུཾ་ཕཊ། མཐོང་བའི་ཆོས་ལ་ཡིད་ཆེས་པ་ཡིན་ཏེ། མཚོན་གྱིས་བཅད་པའི་བྲམ་ཟེའི་བརླ་གཡོན་པའི་རྐང་སྦུབས་ཀྱིས་དཔལ་ཧེ་རུ་ཀ་མགོན་པོ་ཀླུས་བསྐོར་བ། ཀླུའི་རྒྱན་དང་ལྡན་པ། ཕྱག་གཉིས་པ་གཡོན་ན་ཐོད་པ། གཡས་པ་ན་རྩེ་གསུམ་པའི་བ་དན། མི་བསྐྱོད་པ་དབུ་རྒྱན་ལ་བཞུགས་པ། ཕྱི་རོལ་དུ་སྔགས་བྲི་བར་བྱ་སྟེ། ཨོཾ་ཧེ་རུ་ཀ་བཛྲ་ས་མ་ཡ་ཧཱི། །སརྦ་དུ་ཥྚ། ས་མ་ཡ། མུ་དྲཱ་བྲ་བྷ་ཛ་ཀ། བར་ཥ་བར་ཥ། བར་ཥཱ་པ་ཡ། །བར་ཥཱ་པ་ཡ་ཧཱུཾ་ཕཊ། ཆང་ཟངས་མའི་ནང་དུ་གཟུགས་ བརྙན་ཁ་ཐུར་དུ་བསྟན་ཏེ་བཞག་ལ་སྔགས་བཟླས་ན་དེ་མ་ཐག་ཏུ་འབེབས་སོ། །གལ་ཏེ་ཞི་བར་འདོད་ན་གཟུགས་བརྙན་འོ་མས་བཀྲུས་ན་མེད་པར་བྱེད་དོ། །ནམཿ ཤ་རེ་ཤ་རེ། བི་ཤ་རེ་བི་ཤ་རེ། སརྦ་བི་ཤ་གྷཱ་ཏ་ནི་སཝཱ་ཧཱ། །ལན་གསུམ་དུ་རྣམ་པར་བཟླས་པ་བྱས་ན། ཤི་ བ་སློང་བར་བྱེད་པའི་དུག་སེལ་མའི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མོ་མཉྫུ་ཤྲི་ཡེ། ཀུ་མཱ་ར་བྷཱུ་ཏཱ་ཡ། བོ་དྷི་སཏྭ་ཡ། མ་ཧཱ་སཏྭཱ་ཡ། བྷ་ག་བཱ་ན། མཉྫུ་ཤྲཱི་ཀུ་མཱ་ར་བྷཱུ་ཏ། སརྦ་ཏ་ཐཱ་ག་ཏཱ་ཡ། བ་ལ་བི་དྷི་ཛྙཱ། སརྦ་ཏ་ཐཱ་ག་ཏཱ་ནཾ། ན་ཁེ་སྟི་ཏ། སརྦ་ས་ཏྭཱ་ ནཱཾ་ཙ་ཤཱིནྟཾ་ཀུ་རུ་སཝཱ་ཧཱ། འབྲུམ་བུའི་ཉེ་བར་འཚེ་བའི་དུས་སུ། འབྲུམ་བུ་འབྱུང་བ་ཅི་སྙེད་པ་དེ་སྙེད་ཀྱི་གྲངས་ལ་ཙནྡན་གྱི་ཆུ་ལ་ལན་ཉི་ཤུ་རྩ་གཅིག་བསྔགས་ཤིང ། ནད་པ་དེ་ལ་བླུད་ཅིང་ཡན་ལག་ལ་བྱུགས་ན་ཉེ་བར་ཞི་བར་འགྱུར་རོ། །ོཾ་སཝཔྷ་ཏཱ་རེ། སཝཔྣ་ཨ་བ་ལོ་ཀི་ཏེ་
96-1-67b
ཏུཏྟཱ་རེ། ཏྲཻ་ལོ་ཀྱ་བི་ཙཱ་རི་ཎི། བ་ཤྱ་བ་ཤྱ། ནི་དཪྴ་ཡ། རཏྣ་ཏྲ་ཡ་ས་ཏྱེ་ན་ཏུ་རེ་སཝཱ་ཧཱ། ཕྱི་དྲོའི་དུས་སུ་སྔས་ཀྱི་ཕྱོགས་སུ་དཀྱིལ་འཁོར་གྲཝ་བཞི་པ་བྱས་ལ། སྔགས་བཟླས་ནས་ཉལ་ན་དགེ་བའམ་མི་དགེ་བ་སྟོན་པར་འགྱུར་རོ། །ོཾ་ན་མོ་བུད་དྷཱ་ཡ། ཀ་ཀཱ་རི། ཀུ་མཱ་རི། ུད་པ་ཏི། མེ་དཪྴ་ཡ་སཝཱ་ཧཱ། དབྱར་ཟླ་འབྲིང་པོའི་ཉ་ལ་རྗེ་བཙུན་གདུང་དང་བཅས་པ་ལ་ཅི་ལྟར་འབྱོར་བའི་མཆོད་པ་བྱས་པ་ལ། མེ་ཏོག་དཀར་པོ་དྲི་ཞིམ་པོ་འབུམ་ཕྲག་གཅིག་བླངས་ཏེ། རེ་རེ་ཞིང་སྔགས་བརྗོད་ཅིང་རྗེ་བཙུན་གྱི་ཞབས་ལ་བསྣུན་པར་བྱ་སྟེ། དེའི་མདུན་ དུ་ཀུ་ཤའི་གདན་བཏིང་བ་ལ་ཉལ་བར་བྱས་ན། སྔོན་གང་དུ་སྐྱེས་པའི་སྐྱེ་བ་རྨི་ལམ་ན་མཐོང་བར་འགྱུར་རོ། །ོཾ་སྟཾ་བྷེ་སྟཾ་དྷཱ་མི། ཨོཾ་ཛཾ་བྷེ་ཛཾ་བྷ་མི། ཨོཾ་ཨན་དྷེ་ཨན་དྷཱ་མི། ཨོཾ་མོ་ཧེ་མོ་ཧཱ་མི། ལྷ་སྦྱིན་སྟཾ་བྷ་ཡ། ཛཾ་བྷ་ཡ། ཨ་ན་བྷ་ཡ། མོ་ཧ་ཡ་སཝཱ་ཧ། སྔགས་ འདི་ཧ་ལའི་ལོ་མ་ལ་བྲིས་ནས། ཁམ་ཀྱོང་དུ་བཞག་ལ་ཁམ་ཀྱོང་མི་གཙང་བས་བཀང་ལ་བརྐོས་ཏེ་སྦས་ན། དགྲ་ཐམས་ཅད་རེངས་པར་འགྱུར་རོ། །ོཾ་ནམཿ ཙཎྜ་བཛྲ་ཀྲོ་དྷཱ་ཡ། ཏདྱ་ཐཱ། ཨོཾ་ཕཊ་ཕཊ། ཧུ་ལུ་ཧུ་ལུ། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན། ད་ཧ་ ད་ཧ། ཨ་མྲྀ་ཏེ་ཧཱུཾ་ཧཱུཾ་ཕཊ་ཕཊ་སཝཱ་ཧཱ། སྔགས་འདིས་བཟའ་བ་ལ་ལན་བདུན་དུ་བསྔགས་ཏེ་ཟོས་ན། ནད་ཐམས་ཅད་མེད་ཅིང་བདུད་རྩིར་འགྱུར་རོ། །ཀཱ་ལ་ཨགྣི་རུ་དྲ་ཧཱ་ས་སྲ་ཛི་ཧཝ་ཋ་ཀ་རཾ་ཋ་མེ། རེངས་པར་བྱེད་པའི་སྔགས་སོ། །ཀྵཱི་ཀྵི་ཀྵ་ས་མཱ་ཀྵི་ཡེ་སཝཱ་ཧཱ། ཚེར་ནད་ཀྱི་སྔགས་ སོ། ཨོཾ་ད་ཧ་ཀྵཾ་ཀྵ་སཝཱ་ཧཱ། སྡིག་པས་བཟུང་བའི་དུག་མེད་པར་བྱེད་པའི་སྔགས་སོ། །ོཾ་ཕཊ་ཕཊ་ཧཱཾ་ཧ་སཝཱ་ཧཱ། རིམས་ཐམས་ཅད་མེད་པར་བྱེད་པའི་སྔགས་སོ། །ོཾ་ཀྲི་ཀྵ་སཝཱ་ཧཱ། མགོ་བོའི་ནད་མེད་པར་བྱེད་པའི་སྔགས་སོ། །ོཾ་ཧེ་ཧེ་སུ་སཝཱ་ཧཱ། ཨོཾ་ཀྵུ་ཧེ་ཀ་ཀྵ་སཝཱ་ཧཱ། ས་གསུམ་ པའི་ཟུག་གཟེར་མེད་པར་བྱེད་པའི་སྔགས་སོ། །ོཾ་ཀྵ་མ་ཧཱ་སཝཱ་ཧཱ། མ་ཞུ་བ་མེད་བར་བྱེད་པའི་སྔགས་སོ། །ོཾ་ཀྵཱི་ཀྵཱི་ས་མཱ་ཀྵི་ཡ་སཝཱ་ཧཱ། མིག་གི་ནད་མེད་པར་བྱེད་པའི་སྔགས་སོ། །ོཾ་ཀྵ་པ་ཡ་ཀྵ་པ་མ་ཀྵ་སཝཱ་ཧཱ། ནད་ཐམས་ཅད་མེད་པར་བྱེད་པའི་སྔགས་སོ། །ོཾ་ཀྵ་ཀྵ་སཝཱ་ཧཱ།
96-1-68a
རྣ་བའི་ནད་མེད་པར་བྱེད་པའི་སྔགས་སོ། །སཾ་ཀྵི་བ་ཧ་པྲ་ཀྵི་བ་ས་སཾ་ཀྵི་བ་ཧ་པྲ་ཀྵི་ས་པ་ཡ། དུག་ཐམས་ཅད་མེད་པར་བྱེད་པའི་སྔགས་སོ། །ོཾ་ཧ་སྟི་ཀི་རྞི་ཙུ་ལུ་ཙུ་ལུ་སཝཱ་ཧཱ། སྲོག་ཆགས་ལྕགས་ཕྱེ་མེད་པར་བྱེད་པའི་སྔགས་སོ། །སྔགས་འདིས་ཁ་བཤལ་ བའི་ཆུ་དེ་ཞག་གཅིག་ཏུ་བཞག་ལ་གཏོར་ན་མེད་དོ། །ཧི་ཧ་ཧཱུཾ་ཧ། མཁའ་འགྲོ་མ་འཆང་བར་བྱེད་པའི་སྔགས་སོ། །ཧཱུཾ་ཧ་ར་ཧཾ་ཧ། ཡུངས་ཀར་ལ་བསྔགས་ཏེ་བརྒྱབ་ན། མཁའ་འགྲོ་མ་རྣམས་འབྲོས་པར་འགྱུར་རོ། །ོཾ་ཀྵུ་སུ་ཀྵུ་ཧ། མ་ཞུ་བ་མེད་པར་བྱེད་པའི་སྔགས་ སོ། །ོཾ་ཀྵ་ཀྵ་ཀྵ། རྣ་བའི་ཟུག་གཟེར་མེད་པར་བྱེད་པའི་སྔགས་སོ། །འདི་ཡིས་མར་ནག་ལ་མངོན་པར་བསྔགས་ཏེ་རྣ་བའི་བུ་ག་དགང་བར་བྱའོ། །ོཾ་ཀྵཾ་ཀྵེ་ཧ་ས། མགོ་བོའི་ནད་མེད་པར་བྱེད་པའི་སྔགས་སོ། །ོཾ་ཧཱུཾ་ཧཱུཾ་ཧཱུཾ། ར་ཀྵ་ས་ཧ་སརྩ་ཀི་ཧོ་ནཱ་ཤ་ཡ་སཝཱ་ཧཱ། གསུས་པའི་འབུ་ མེད་པར་བྱེད་པའི་སྔགས་སོ། །ཱ་ཨཱི་ཧུཾ་ཙེ་ཧུཾ། ད་ཧ་ད་ཧ། ཛ་ལན་ཏཾ། ཧ་རུ་སེ་ག་རུ་ཌི། ཏཾ་སེ་པཎ་གཱ། ཨ་དཱ་སཱ་ས། མུ་དྷ་ཕུ་ཏ་ཎྜི་རེ་བི་ཤ་མ་ཙ་ལ། མ་ཀ་མ་ཨ་བཱ་ས་ཐཱ། མུ་ཧ་བ་ས་ཨི། ས་རཱ་ས་ཧི། སི་ཁཾ་བ་ས་ཨཱི། བན་བྷ་བད་དྷ་སི་རེ་བ་ཤ་ཨུ་སྤ་ར་གི། སི་རི་ ཧ་ར། ད་ཨཱི་ཛ་སོ། ཨ་ཀི་ལ་ནཱི། ཀེ་ལེ་རེ། བི་ཤམ་ཨ་བཱ་ས་ཐཱ། གཞན་སྦྲུལ་གྱིས་བཟུང་བའི་དུག་བཅིང་བའི་སྔགས་སོ། ། ཧ་བི་ཧི་མ་ཨི་པུ་རུ། ཀ་རི་ཨུ། སུ་བ་དུ་གྲ། མ་བྷ་ཎན་ཏ། ཀ་ཨ་བུ་ཏཱ། ཨེ་ཀ་ཀ་རཱ། བི་ཤ་བྷན་དྷི། ག་རུ་ཌ་ཧུ་དེ་ཧཾ། ཨཱ་ཧོ་ག་རུ་ ཌ། ཨེ་ཨཾ་བི་ཤཾ་བ་ཁ་ལཱ་ཨི། ཨུ་ཨཱུ། ཨ་ཨཱ། རེ་བི་ཤ་ཙ་ལ། མ་ཀ་མ། ཨ་བཱས་ཐཱ། བདག་ཉིད་སྦྲུལ་གྱིས་བཟུང་བའི་དུག་བཅིང་བའི་སྔགས་སོ། །ོཾ་མ་ཧཱ་དེ་བ་ནི་ཀ་བ་ཀ་ཎྞ། །ེ་ཨཾ་གི་ཤཾ། བྷ་ཀྵ་བྷ་ཀྵ། ཧ་ར་ཧ་ར། ཧཱུཾཀྵ་ས་ཧ་རེ་བི་ཥ།སཝ་སྠ་ནཾ་ཛ་ཛ་ཛ་ སཝཱ་ཧཱ། དུག་གིས་བཅིངས་པ་གྲོལ་བར་བྱེད་པའི་སྔགས་སོ། །ོཾ་མ་ཧཱ་དེ་བར་མེ། ཤ་ར་ནི་པ་ལ་ཀ་ནྠ། ། ཧ་ར་ཧ་ར་ཧཱུཾ། གཟའ་ལ་སོགས་པ་དང་བ་པའི་སྔགས་སོ། །ོཾ་ནམ་ཤི་ཤཱ་ཡ། མ་ཧཱ་དེ་བ། མ་ཧཱ་བ་ལ་དེ་བ། ཡཀྵ་རཱ་ཀྵ་ས་བྷཱུ་ཏ། པྲེ་ཏ་བི་ཤཱ་ཙ། སིད་
96-1-68b
དྷ་ཡོ་ག་ཌཱ་ཀི་ཎཱི། ཨཱ་ཀརྵ་ཨཱ་ཀརྵ། བུ་ཥྤཾ་དྷུ་བཾ་པ་ལི། གྲྀཧྞ་བཀྵ་སཝཱ་ཧཱ། ཡིད་དགས་ལ་སོགས་པ་གཏོར་མའི་སྔགས་སོ། །ོཾ་ཙ་མུཎྜེ་བཛྲ་གྷོ་ཎེ་ཧཱུཾ་ཕཊ། སྔགས་འདིས་གཞན་གྱི་སྔགས་ཐམས་ཅད་མེད་པར་བྱེད་དོ། །ཆང་ཚོང་མའི་ཆང་ཉམས་པར་བྱེད་དོ། །ཉ་ བའི་ཉ་རྒྱ་འཆིང་བར་བྱེད་དོ། །མར་ནག་འཚམ་པའི་ཆ་སྤྱད་ཉམས་པར་བྱེད་དོ། །ཕྱུགས་རྫི་རྣམས་ཀྱི་འོ་མ་མེད་པར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱ་རྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཏུ་རུ་ཏུ་རུ། སུ་རུ་སུ་རུ། བི་སུ་རུ་བི་སུ་རུ། ཆེ་གེ་མོའི་སརྦ་རོ་ག་ཤོ་ཥ་ཎི། བི་ཤོ་ཤ་ནི། མཱ་ཤ་བ་ཏུ་མཱ་ཤུ་ལཱ་ཡ་ཏུ། མ་བ་ཙྱ་ཏུ། མ་དུ་ཁ། མཱ་སྟུ་ཏི་བྷ་བ་ཏུ། ཨ་ཏྲེ་བ་པ་རི་ཤུ་ཥྱ་ཏུ་སཝཱ་ཧཱ། གྲོག་མཁར་གྱི་ས་ལ་སྔགས་འདིས་ལན་ཉི་ཤུ་རྩི་གཅིག་བཟླས་ཏེ། འབྲས་དང་ཁྱི་རྔོ་ལ་སོགས་པ་ལ་བྱུགས་ ན་སེས་པར་འགྱུར་རོ། །ན་མོ་མུཉྩ་མུཉྩ་ཨཱརྱ་བ་ལོ་ཀི་ཏེ་ཤཝ་རཱ་ཡ། བི་ཛྙཱ་པ་ཡ་ཏི་སཝཱ་ཧཱ། གྲོ་ག་ལ་གོ་རོ་ཙ་ནས་བྲིས་ལ་སྐུད་པ་དམར་པོས་ལག་པ་ལ་བཅིངས་ན། རིམས་ཐམས་ཅད་མེད་པར་བྱེད་དོ། །སེར་པོའི་རྫས་ཀྱིས་ཨའི་ཡི་གེ་བྲིས་ལ། དེའི་ནང་དུ་གང་ཡིན་པའི་མིང་ བྲིས་ཏེ། སྟེང་དུ་སངས་རྒྱས་ཀྱི་སྐུ་གཟུགས་གཞག་པར་བྱའོ། །དེས་ནི་ལྷ་བདེ་བྱེད་ཡིན་ཡང་རེངས་པར་བྱེད་དོ། །ོཾ་ཛ་ག་སེ་ལི་ཡེ། བཱ་ཛྫེ་སུ་ན་ཐི་དཱ་སི་དཱ་སོ། །སུ་བྷ་དྲེ་སུ་བྷ་དྲེ། །སཱ་ཎཾ་སཱཾ་ཎཾ། ཨ་བ་ལཱ་ཧི། །སུཎྞ་ཎ་དཱི་སུནྣ་བཏྟ་རེ། ཧི་ཤི་ལཱ། ཨ་པ་རི་ས་ཛ་ཧོ་སཝཱ་ཧཱ། ཟངས་ མའི་སྣོད་དུ་ཆུ་བླུགས་ལ་ལན་བདུན་དུ་མངོན་པར་བསྔགས་ཏེ། རླུང་དང་རྗེས་སུ་མཐུན་པར་ནམ་མཁའ་ལ་གཏོར་ཏེ། སེར་བ་དང་རླུང་དང་ཆར་བ་དབབ་པ་ལ་སོགས་པ་མེད་པར་བྱེད་དོ། །ིན་དེ་ཎ་ཧ་ཏ་བོ་ཨཱ། ཛ་མེ་ཎ། ཨུ་སྤཱ་ཌ་ཨ་ཛི་ཧཱ། ད་ཨ་བ་མ་ཧཱ་ད་ཎ་ཌ་ཎ། ཏཛྫ་ ཱ་སཱུ་ཧ་རེ་ཎ། ཨོཾ་ཛཾ་བྷི་ཛཾ་བྷི། ཛཾ་བྷེ་ཧི། ཛཾ་བྷེ་ཧི། ཨོཾ་སྟཾ་བྷེ་ནི་སྟཾ་བྷེ་ཧི། ཨོཾ་མོ་ཧི་ནི། མོ་ཧེ་ཧི། ཨེ་ཧྱེ་ཧི། ཨེ་ཧེ་ནི། ཨོཾ་སྟཾ་བྷ་སྟཾ་བྷ། མ་ཧཱ་སྟཾ་བྷ། ཆེ་གེ་མོ་སྟཾ་བྷ་ཡ་སཝཱ་ཧཱ། གང་ལ་ཡི་གེ་ཕྲེང་བ་གཉིས་བྲིས་ཏེ། འོག་གི་སྔགས་ཀྱི་ཡི་གེ་བར་བར་དུ་བསྒྲུབ་
96-1-69a
བྱའི་མིང་དང་སྤེལ་ཏེ་བྲིས་ལ་བཅིང ། ཁམ་ཀྱོང་དུ་བཞག་ལ་དེའི་སྟེང་དུ་རང་གི་ཕྱིས་བཏང་སྟེ། དེའི་སྟེང་དུ་ཉལ་ཉིལ་གྱི་ཐལ་བས་བཀང་སྟེ། ཁམ་ཀྱོང་གཞན་གྱིས་ཁ་བཀབ་སྟེ། དགང་བའི་རླུང་གི་སྦྱོར་བས་བརྐོས་ལ་སྦས་ན་རེངས་པར་བྱེད་དོ། །ོཾ་ ཅུཀྐ་བི་ཙུཀྐ། ཙི་ཙི་ཀྵ། བི་གི་ར་ཎི་པི་ཏི་ཏི་སཝཱ་ཧཱ། གསུས་པའི་འབུ་ལ་སོགས་པ་གཅོད་པའི་སྔགས་སོ། །བེའུ་ཤི་བ་གང་ཡིན་པ་ལ་ཁྲུས་བྱས་ཏེ། གཞན་གྱི་བེའུ་ལ་ཁྲུས་བྱས་པའི་ཆུ་ལ་ལན་བདུན་དུ་བསྔགས་ཤིང ། ཚ་ནག་པོ་ལ་ཡང་ལན་བདུན་བསྔགས་ཏེ། རྒྱབ་ ཏུ་ཅུང་ཞིག་བླུག་ཅིང་སྔགས་བྲི་བར་བྱའོ། །དེ་སྣ་རུ་ཡང་བླུག་པར་བྱའོ། །ན་མོ་བྷ་ག་བ་ཏེ། །རུདྲཱ་ཡ། །བཉྩ་གཱ་བོ་ཨི་མཾ་ཧྨ་བ་ཊ་བི་མཎྜ་ལི། ཀ་ཏ་མ་བ་ན་ཙ། ན་ན་དྲཱི་བི་ཤ་ལཱ་བ་དུ་པ་ཙ་ཏུ་ར་ཐཱ་ཀ་ལུ་ཤོ་དཱ་རཱི། བན་ཙ་མི་གཱ་ཛ་སཱཾ་ས་མཱ་རྠ། བྷན་ཛི་ཀ། ཡ་ཐཱ་ལ་ཐཱ་ན་ཀ་ ཤྱ་ཨི་ཨཱཾ་ཛཱ། བ་སུ་དེ་བ་ཤྱ། ས་གྲ་ཏོ། །ས་མུ་དྲེ་ས་མུ་དྲེ། ག་ཧ་མ་ནྱ་ཧི། ཀཱ་ཏི་ཀཱ་ཀ་ཏཱ་ས་མ་ཡོ། སཏྭོ་ཛོ། ཨེ་ཀི་ཧཾ་བད་ཚ་ཀོ། སཾཏྠཱ། སཾ་ཤོ་བད་ཚ་ཀོ། ཨི་མིད་ཏྭཱཾ། ལ་བ་ཎཾ་མ་ཧི་ཏཾ་ཨ་ཡཾ། སོརྟྞ་མ་ཡོ་དཱ་མོ་ཨ་ཡཾ། ཆེ་གེ་མོའི་གཱ་བི་ཨ་མུ་བཙྪ་གེ་བ། བ་ཎ་ཨུ་སཾ་ བ་ཏུ། ས་མཱ་ག་ཚ་ཏུ་མཱཾ་གོ། ཨ་ཀོཾ་གོ་ཙཎ་ཌཱ་ལཱི་བྷ་བིཥྱ་ཏི་སཝཱ་ཧཱ། ཚ་དང་བསྲེས་པའི་ཆུས་གསེར་གྱི་དོང་ཙེ་ལ་ལན་ཉི་ཤུ་རྩ་གཅིག་ཏུ་བསྔགས་ལ་བེའུའི་མགུལ་བར་གདགས་ཤིང ། དེའི་ཆུས་བེའུ་ལ་གཏོར་ནེ་འགྲུབ་པར་འགྱུར་རོ། །ནོར་བུ་བཟང་པོའི་རྟོག་པ། ཡང་དག་ པར་རྫོགས་པའི་སངས་རྒྱས་ཀྱིས་གསུངས་པ་ཇི་སྙེད་ཚད་ཀྱི་སྔགས་ཀྱི་ཆོ་ག་ཞིབ་མོའི་རྟོག་པ་རྫོགས་སྷོ།། །།རྒྱ་གར་གྱི་མཁན་པོ་བཎྜི་ཏ་མནྫུ་ཤྲཱི་དང ། བོད་ཀྱི་ལོཙྪ་བ་དགེ་སློང་བ་རིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ་་