༄##། །རྒྱ་གར་སྐད་དུ། ཨཱརྱ་ཨཱ་པ་ར་ཎ་བི་སྐཾ་བྷི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྒྲིབ་པ་རྣམ་པར་སེལ་བ་ཞེས་བྱ་བའི་གཟུངས། སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །དེ་རྣམས་ལ་ ཕྱག་འཚལ་ནས་འཕགས་པ་སྒྲིབ་པ་རྣམ་པར་སེལ་བའི་གཟུངས་འདི་བརྗོད་པར་བྱའོ། །འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲིབ་པ་རྣམ་པར་སེལ་བའི་སྙིང་པོ་འདི་ལན་བདུན་བརྗོད་ན། ལུས་བརྒྱུད་པའི་ སྡིག་པ་ཐམས་ཅད་འབྱང་ཞིང་འཆི་བའི་དུས་སུ་བདེ་བ་ཉིད་དུ་དུས་བྱེད་པར་འགྱུར་རོ། །ོཾ་ཤཝེ་ཏ་ཝ་ར་བི་ཛ་ལི་ནེ་སཝཱ་ཧཱ། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་རྣམ་པར་སེལ་བའི་སྙིང་པོ་འདི་ཉིན་ལན་བདུན་མཚན་ལན་བདུན་བརྗོད་ན་ལས་བརྒྱུད་མར་བསགས་པའི་ 101-1-166b སྡིག་པ་ཐམས་ཅད་འབྱང་ཞིང་འཆི་བའི་དུས་སུ་གནད་གཅོད་པའི་སྡུག་བསྔལ་དྲག་པོ་མི་འབྱུང་ངོ ། །བདེ་བ་ཉིད་དུ་དུས་བྱེད་པར་འགྱུར་རོ། །ོཾ་སརྦ་ཨཱ་བ་ར་ཎ་བི་སྐཾ་བྷི་ནེ་སཝཱ་ཧཱ། སངས་རྒྱས་སྲས་དང་བཅས་པ་དེ་དག་རྣམས་ལ་བཤོས་གཙང་ལ་སོགས་པའི་མཆོད་པས་ ཡང་དག་པར་མཆོད་ན་ཡང་གང་ཟག་དེ་འཆི་བའི་དུས་སུ་ནད་དང་ཟུག་རྔུ་དང་བྲལ་ཏེ། བདེ་བ་ཉིད་དུ་དུས་བྱེད་ཅིང ། ཚེ་འཕོས་ནས་ཀྱང་སུམ་ཅུ་རྩ་གསུམ་མམ། འཐབ་བྲལ་ལམ། དགའ་ལྡན་གྱི་ལྷའི་ནང་དུ་སྐྱེ་ཞིང ། བདེ་བ་ཉིད་དུ་འཚོ་བར་འགྱུར་རོ། །དགེ་སློང་ ཕ་དང་དགེ་སློང་མ། །དགེ་བསྙེན་ཕ་དང་དགེ་བསྙེན་མས། །དུས་ཚིགས་གཟའ་སྐར་མ་བརྩིས་ཤིང ། །ཁྲུས་དང་གཙང་སྦྲ་མ་བྱས་ཀྱང ། །རིག་པ་ལ་ནི་གནས་པས་འགྲུབ། །གང་དག་མོས་པ་མེད་འགྱུར་བས། །འགྲུབ་ཉིད་དུ་ནི་ཡོང་མི་འགྱུར། །དེ་བས་ཤིན་ཏུ་ མོས་གུས་བྱའོ། །འཕགས་པ་སྒྲིབ་པ་རྣམ་པར་སེལ་བའི་གཟུངས་རྫོགས་སོ།། ་་ |