rKTs


D901

(e-text produced by ADARSHA)

see text in transliteration
101-1-217b
༄#། །རྒྱ་གར་སྐད་དུ། ཨཱརྱཱ་མོ་གྷ་པཱ་ཤ་ཧྲྀ་ད་ཡཾ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། འཕགས་པ་དོན་ཡོད་ཞགས་པ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཐུགས་རྗེ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་པོ་ཊ་ལ་ཀའི་རིའི་རྩེ་མོ་འཕགས་པ་སྤྱན་རས་གཟིགས་དབང་ཕྱུག་གི་གནས་ས་མ་ལ་དང ། ཏ་མ་ལ་དང ། ཙམ་པ་ཀ་དང ། མྱ་ངན་མེད་པ་དང ། ་ཏི་མུག་ཏ་ཀ་ལ་སོགས་པ་མང་པོ་དང ། སྣ་ཚོགས་པའི་རིན་པོ་ཆེའི་སྡོང་པོས་ཡང་དག་ པར་བརྒྱན་པར། དགེ་སློང་གི་དགེ་འདུན་ཆེན་པོ་སྟོང་ཕྲག་བཅཝ་བརྒྱད་དང ། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་དང ། གནས་གཙང་མའི་ལྷའི་བུ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བྱས་ནས་མང་པོ་དང་ཐབས་ ཅིག་ཏུ་བཞུགས་སོ། །དབང་ཕྱུག་དང ། དབང་ཕྱུག་ཆེན་པོ་དང ། ཚངས་རིས་ཀྱི་ལྷའི་བུ་རྣམས་གཙོར་བྱས་ནས་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ནས་བླ་གོས་ ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ཏེ། གང་བཅོམ་ལྡན་འདས་ལ་དེ་ཡིས་ཐལ་མོ་སྦྱར་ཞིང་ཕྱག་འཚལ་ནས་ཞལ་འཛུམ་པར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་
101-1-218a
ལ་དོན་ཡོད་ཞགས་པའི་སྙིང་པོ་ཞེས་བྱ་བ་ཡོད་དེ། གང་སྔོན་བསྐལ་པ་དགུ་བཅུ་རྩ་གཅིག་ན་འཇིག་རྟེན་རྣམ་པར་གཟིགས་པ་ཞེས་བྱ་བའི་འཇིག་རྟེན་གྱི་ཁམས་སུ། འཇིག་རྟེན་གྱི་དབང་པོ་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་ དག་པར་རྫོགས་པའི་སངས་རྒྱས་ལས་བདག་གིས་བླངས་ཏེ། གང་ཡང་བདག་གིས་དབང་ཕྱུག་དང་དབང་ཕྱུག་ཆེན་པོ་གཙོར་བྱས་པའི་གནས་གཙང་མའི་རིས་ཀྱི་ལྷའི་བུ་བརྒྱ་སྟོང་མང་པོ་ཡང་འདུས་སོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་ ཡོད་ཞགས་པའི་ཡེ་ཤེས་ཀྱི་གཙོ་བོའི་ཏིང་ངེ་འཛིན་བཅུ་པ་བརྒྱ་སྟོང་བདག་གིས་རབ་ཏུ་རྙེད་དོ། །གཞན་ཡང་གང་གི་ཚེ་བཅོམ་ལྡན་འདས་ས་གཞིའི་ཕྱོགས་གཅིག་ཏུ་རབ་ཏུ་སྤྱོད་པ་ལས་རྟོགས་པར་བྱ་སྟེ། བཅོམ་ལྡན་འདས་དེའི་ཚེ་ས་ཕྱོགས་དེ་དབང་ཕྱུག་དང ། དབང་ ཕྱུག་ཆེན་པོ་དང ། ཚངས་རིས་གཙོར་བྱས་པའི་ལྷའི་བུ་སྟོང་ཕྲག་བཅུ་གཉིས་ཀྱིས་བསྲུང་བ་དང ། བསྐྱབ་པ་དང་སྦེདཔའི་དོན་དུ་གནས་པར་འགྱུར་རོ། །གང་འདིར་དོན་ཡོད་ཞགས་པའི་སྙིང་པོ་རབ་ཏུ་སྤྱོད་ན་བཅོམ་ལྡན་འདས་སའི་ཕྱོགས་གཅིག་པོ་དེ་མཆོད་ རྟེན་དུ་འགྱུར་རོ། །སེམས་ཅན་གང་དག་དོན་ཡོད་ཞགས་པའི་སྙིང་པོ་ཉན་པ་དེ་དག་ནི་སངས་རྒྱས་མང་པོ་བྱེ་བ་ཁྲག་ཁྲིག་བརྒྱ་སྟོང་ལ་མཆོད་པར་འགྱུར་རོ། །དེ་བཅོམ་ལྡན་འདས་བྱང་ཆུབ་སེམས་དཔའ་གང་འདིར་དོན་ཡོད་ཞགས་པའི་སྙིང་པོ་ཐོས་པས་བདག་གི་དགེ་བའི་ རྩ་བ་བསྐྱེད་པར་འགྱུར་རོ། །གང་ཁ་ཅིག་བཅོམ་ལྡན་འདས་སྡིག་པའི་སྐྱོན་བྱེད་པ། སྡིག་པའི་ཆོས་ཐམས་ཅད་ལ་ཡང་དག་པར་སྤྱོད་པ། འཕགས་པ་ལ་སྐུར་པ་འདེབས་པ། དམ་པའི་ཆོས་ལ་སྨོད་པ། མནར་མེད་པ་ལ་གཞོལ་བ། སངས་རྒྱས་དང་ བྱང་ཆུབ་སེམས་དཔའ་ཐམས་ཅད་དང ། འཕགས་པ་ཉན་ཐོས་དང ། རང་སངས་རྒྱས་ལ་སྨོད་པ་པོ་དེ། གལ་ཏེ་འགྱོད་པར་གྱུར་ཅིང་སླན་ཆད་གཅོད་ཅིང་སྡོམ་པར་གྱུར་ན། བཅོམ་ལྡན་འདས་དེས་རེ་ཞིག་དེ་ཉིད་སྨྱུང་བར་གནས་པ་གཅིག་གིས་དེ་བཟླས་ན་དེའི་
101-1-218b
སྐྱེ་བ་འདིའི་ལས་ཡོངས་སུ་དག་ཅིང་ཡོངས་སུ་ཟད་པར་འགྱུར་རོ། །ཕྱིར་བཟློག་པར་འགྱུར་རོ། །རིམས་ཉིན་གཅིག་པའམ། ཉིན་གཉིས་པའམ། ཉིན་གསུམ་པའམ། ཉིན་བཞི་པའམ། དེའི་ཕྱིར་ཁྲག་ཏུ་འཁྲུ་བའམ། ཚད་བའམ། ལག་པ་ན་པའམ། རྐང་པ་ན་བའམ། མགོ་ན་བའམ། ཧ་ལ་ཧ་ལ་ཡིས་བཏགས་པའམ། མཛེའམ། རྐང་ཤུའམ།འབྲུམ་བུ་ཕྲ་མོའམ། ལྷོག་པའམ། འབྲས་སམ། བྱེའུ་འབྲས་སམ། གཡན་པའམ། མཚན་མ་རྡོལ་ བའམ། འབྲུམ་བུའམ། བརྗེད་བྱེད་དམ། ཁྱབ་པར་ན་བའམ། གསོད་པའམ། འཆིང་བའམ། རྡེག་པའམ། བསྡིགས་པའམ། མི་སྙན་པར་བརྗོད་པའམ། མདོར་བསྡུ་ན་བཅོམ་ལྡན་འདས་ལུས་ཀྱི་ན་ཚའམ། སེམས་ཀྱི་སྡུག་ བསྔལ་ལམ། རྨི་ལམ་ངན་པ་མཐོང་བས་དེའི་ལས་ཡོངས་སུ་དག་ཅིང་ཟད་པར་འགྱུར་རོ། །སྔར་ཉིད་ནས་དག་པའི་སེམས་ཅན་དད་ཅིང་ལྷག་པར་མོས་པ་རྣམས་ཤིན་ཏུ་ཡོངས་སུ་བྱང་བར་འགྱུར་རོ། །གལ་ཏེ་བཅོམ་ལྡན་འདས་འཁོར་བཞི་པོ་དང ། རིགས་བཞི་པོས་ཇི་སྙེད་དུ་བདག་ལ་སྒྱུ་དང་གཡོས་ཀྱང་མཆོད་པར་བྱེད། གང་འདིར་དོན་ཡོད་ཞགས་པའི་སྙིང་པོ་ཉན་པར་བྱེད་པ་དང ། དོན་འཛིན་པར་བྱེད་པ། འཆང་བར་བྱེད་པ། ཀློག་པར་བྱེད་པ། འདྲི་བར་བྱེད་པ། འདྲིརའཇུག་པར་བྱེད་པ། ཀུན་ཆུབ་པར་བྱེད་པ། སེམས་ཅན་གཞན་རྣམས་ཉན་དུ་འཇུག་པར་བྱེད་པའམ་ཐ་ན་དུད་འགྲོའི་སྐྱེ་གནས་སུ་གཏོགས་པའི་རྣ་བུག་ཏུ་གཏུགས་ཏེ་ཟློས་པར་བྱེད། སྔགས་ཀྱི་ཚིག་འདི་སེམས་པར་བྱེད་པ་དང ། དོར་བ་མེད་པ། གཟུགས་མེད་པ། རྣམ་པར་མི་རྟོག་པ། ཡང་ དག་པར་འབྱུང་བ་མེད་པ། ཡུན་རིང་དུ་འབྱུང་བ་མེད་པ། སྒྱུ་མེད་པ། གོས་པ་མེད་པ། མཉམ་པའི་སེམས་གཡེང་བ་མེད་པ། ཕུང་པོ་ལྔ་དང་བྲལ་བའི་སྦྱོར་བ་འདིས་ནི་སངས་རྒྱས་རྗེས་སུ་དྲན་པར་བྱའོ། །དེ་དག་ལ་ཕྱོགས་བཅུའི་སངས་རྒྱས་
101-1-219a
བརྒྱ་སྟོང་གིས་ཞལ་སྟོན་པར་འགྱུར་རོ། །ཁྱོད་ཀྱིས་བཟླས་པས་སྡིག་པ་བཤགས་པར་འགྱུར་རོ། །ཇི་སྙེད་པོ་ཏིར་བྲི་བ་བྱས་ནས་ཁྱིམ་དུ་བཞུགས་སུ་གསོལ་བར་བྱའོ། །བཅོམ་ལྡན་འདས་མང་པོས་ཅི་བྱ་སྟེ། ཕན་ཚུན་འགྲན་པས་ཉན་པའམ་ རྗེ་དཔོན་གྱིས་འཇིགས་པས་སམ། གཞན་གྱི་རྗེས་སུ་འཇུག་པས་སམ། གཞན་སྨད་པར་བྱ་བའི་ཆེད་དུ་ཉན་པ་ནི་འཕགས་པ་སྤྱན་རས་གཟིགས་དབང་ཕྱུག་གི་བྱིན་གྱིས་བརླབས་སུ་མཁས་པས་ཤེས་པར་བྱའོ། །དེ་དག་གི་རྣ་བུག་ཏུ་དེའི་སྒྲ་གྲག་པར་འགྱུར་རོ། ། བཅོམ་ལྡན་འདས་འདི་ལྟ་སྟེ། གང་ལ་ལའི་སྐྱེས་བུས་ཙནྡན་ནམ། ག་པུར་རམ། གུར་གུམ་མམ། གླ་རྩི་གནུར་ཞིང་བརྒྱད་ཅིང་རྡོ་བའམ་ས་ལ་གཞིབས་ནས་བདག་ཉིད་ལ་བྱུགས་ན་དེ་ལ་ཙནྡན་ནམ། ག་པུར་རམ། གུར་གུམ་མམ། གླ་རྩི་གནུར་བའམ་ བརྒྱད་པས་དེ་ལྟར་དྲི་འཕོ་བར་མི་འགྱུར་རོ། །ཡང་དྲི་ཞིམ་པོའང་དེ་ཉིད་དོ། །བཅོམ་ལྡན་འདས་དེ་ལྟར་ཁོ་ནར་བདག་གི་དོན་ཡོད་ཞགས་པའི་སྙིང་པོ་འདི་ལ་ཡང་གང་ལ་ལ་ཞིག་གིས་འཕྱ་ཞིང་སྨོད་པ་དང ། སྔ་མ་ལྟར་ཇི་སྙེད་བདག་ལ་སྒྱུ་དང་གཡོས་མཆོད་པ་བྱེད་ པ་དེ་དག་ནི་བཅོམ་ལྡན་འདས་དམུ་རྒོད་ཀྱི་སེམས་ཅན་དེ་དག་གི་དགེ་བའི་རྩ་བ་བསྐྱེད་པར་འགྱུར་རོ། །འདོད་པས་དཀའ་བར་འཛིན་པར་བརྗོད་དེ་ཕྱི་མ་ལའང་ངོ ། །གང་དང་གང་དུ་སྐྱེས་པ་དེ་དང་དེ་རུ་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང ། བསོད་ ནམས་ཀྱི་ཚོགས་ཀྱི་དྲི་དང་མི་འབྲལ་བར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོ་ཉིད་དུ་བྱེད་དོ། །གང་ཡང་བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་ མའམ། དེ་ལས་གཞན་པ་ཁ་ཅིག་དོན་ཡོད་ཞགས་པའི་སྙིང་པོ་ཆེད་དུ་བྱས་ནས་དཀར་པོའི་ཕྱོགས་ཀྱི་ཚེས་བརྒྱད་ལ་སྨྱུང་བར་གནས་པར་བྱས་ཏེ། ལན་བདུན་དུ་དོན་ཡོད་ཞགས་པའི་སྙིང་པོ་ཚིག་ཏུ་མི་བརྗོད་པར་ཡོངས་སུ་བཟླས་ན། དེ་ལ་བཅོམ་
101-1-219b
ལྡན་འདས་མཐོང་བའི་ཆོས་ཉིད་ལ་ཕན་ཡོན་ཉི་ཤུ་ཐམ་པ་སོ་སོར་འདོད་པར་བྱའོ། །ཉི་ཤུ་པོ་གང་ཞེ་ན། གང་དེའི་ལུས་ལ་ནད་མི་འབྱུང་བ་དང ། ལས་ཀྱི་དབང་གིས་ནད་བྱུང་བ་ཡང་མྱུར་དུ་ཞི་བར་འགྱུར་རོ། །སྣུམ་ཞིང་ཡིད་དུ་འོང་བའི་ལུས་ དཀར་བར་འགྱུར་རོ། །སྐྱེ་བོ་མང་པོའི་ཡིད་དུ་འོང་བར་འགྱུར་རོ། །དབང་པོ་སྦུབས་སུ་ནུབ་པ་དང ། ནོར་རྙེད་པར་ཡང་འགྱུར་རོ། །ནོར་ཡོད་པ་ཡང་རྐུན་པོས་ཁྱེར་བར་མི་ནུས་སོ། །མེས་མི་འཚིག་གོ། །ཆུས་མི་ཁྱེར་རོ། །རྒྱལ་པོའི་ ཡིད་ཀྱིས་ཀྱང་འཕྲོག་པར་མི་ནུས་སོ། །དེའི་ལས་ཀྱི་མཐའ་རྒྱས་པར་འགྱུར་རོ། །དེའི་ལུས་ལ་ཆུའི་འཇིགས་པ་འབྱུང་བར་མི་འགྱུར་རོ། །རླུང་དང་ཆར་པའི་འཇིགས་པ་འབྱུང་བར་མི་འགྱུར་རོ། །ལན་བདུན་དུ་དོན་ཡོད་ཞགས་པའི་སྙིང་པོ་ ཆུའམ་ཐལ་བ་ལ་ཡོངས་སུ་བསྔགས་ཏེ། ཕྱོགས་དང་མཚམས་དང་སྟེང་དང་འོག་གི་ཞིང་ལ་བཅིང་བ་བྱས་ན་ཉེ་བར་འཚེ་བ་ཐམས་ཅད་ཉེ་བར་ཞི་བར་འགྱུར་རོ། །མདངས་ཟ་བས་མདངས་འཕྲོག་པར་མི་ནུས་སོ། །སེམས་ཅན་ཐམས་ཅད་དགའ་བར་ འགྱུར་རོ། །དགྲ་ཡིས་འཇིགས་པ་བྱུང་བ་ཡང་མྱུར་དུ་ཞི་བར་འགྱུར་རོ། །མེ་ཡིས་འཇིགས་པར་མི་འགྱུར་རོ། །ཁྱབ་པར་ན་བའི་འཇིགས་པ་དང ། མཁའ་འགྲོ་མའི་འཇིགས་པ་འབྱུང་བར་མི་འགྱུར་རོ། །ཉོན་མོངས་པ་དྲག་པོའང་ འབྱུང་བར་མི་འགྱུར་རོ། །མེ་དང་ཆུ་དང་མཚོན་གྱིས་འཆི་བའི་དུས་བྱེད་པར་མི་འགྱུར་རོ། །ལྷས་ཀྱང་རྒྱུན་དུ་ཉེ་བར་བསྲུང་བ་དང ། སྐྱོབ་པ་དང ། སྦེད་པར་བྱེད་པར་འགྱུར་རོ། །གང་དང་གང་དུ་སྐྱེས་པ་དེ་དང་དེ་རུ་བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང་འབྲལ་བར་མི་འགྱུར་རོ། །ཕན་ཡོན་ཉི་ཤུ་པོ་འདི་དག་སོ་སོར་འདོད་པར་བྱའོ། །གཞན་ཡང་ཆོས་བརྒྱད་སོ་སོར་འཐོབ་སྟེ། བརྒྱད་པོ་གང་ཞེ་ན། འཆི་བའི་དུས་སུ་འཕགས་པ་སྤྱན་རས་གཟིགས་དབང་ཕྱུག་དགེ་
101-1-220a
སློང་གི་གཟུགས་ཀྱིས་ཞལ་ཡང་དག་པར་སྟོན་པར་འགྱུར་རོ། །བདེ་བར་ཚེའི་དུས་བྱེད་པར་འགྱུར་རོ། །མཐོང་བ་འཁྲུལ་བ་མེད་དོ། །ལག་པ་གཡོབ་པ་མེད་དོ། །བཤང་བ་མེད་དོ། །གཅི་བ་མེད་དོ། །རླུང་གི་རྣམ་པ་མེད་ དོ། །ཤིན་ཏུ་ལེགས་པར་གནས་ཤིང་དྲན་པ་དང་ལྡན་པར་འགྱུར་རོ། །ཁ་འོག་ཏུ་བལྟས་ནས་ཚེའི་དུས་བྱེད་པར་མི་འགྱུར་རོ། །འཆི་བའི་དུས་སུ་ཉོན་མོངས་པ་མེད་པར་རབ་ཏུ་བརྗོད་པར་འགྱུར་རོ། །སངས་རྒྱས་ཀྱི་ཞིང་གང་དང་གང་དུ་སྨོན་ལམ་བཏབ་པ་དེ་ དང་དེ་རུ་སྐྱེ་བར་འགྱུར་རོ། །དགེ་བའི་བཤེས་གཉེན་དང་འབྲལ་བར་མི་འགྱུར་རོ། །ཉིན་རེ་ཞིང་དུས་གསུམ་དུ་ལན་གསུམ་དུ་བཀླག་པར་བྱའོ། །ཆང་དང ། ཤ་དང ། བཙོང་དང ། སྒོག་སྐྱ་དང ། བདེ་བྱེད་ལ་བྱིན་པའི་ལྷག་མ་ཁྱད་པར་དུ་བསྲུང་བར་འདོད་པས་ དེ་རྣམས་སྤང་བར་བྱའོ། །དོན་ཡོད་ཞགས་པའི་སྙིང་པོ་ཞེས་བྱ་བའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་ནུས་སམ་མི་ནུས་ཤེས་པར་བྱས་ལ་ཉན་དུ་གཞུག་པར་བྱའོ། །སློབ་དཔོན་གྱིས་སེར་སྣ་མི་བྱ་སྟེ། གང་གི་ཕྱིར་ཕྲག་དོག་དང ། སེར་སྣའི་དྲི་མ་སྤངས་པ་ནི་ བྱང་ཆུབ་སེམས་དཔའ་ཡིན་ནོ། །སེམས་ཅན་གྱི་དོན་གྱི་ཆེད་དུ་སངས་རྒྱས་ཀྱི་བྱང་ཆུབ་ཐོབ་པར་བྱེད་པའི་ཕྱིར་བྱང་ཆུབ་སེམས་དཔའི་དགེ་འདུན་དུ་ཡང་འགྱུར་རོ། །ཤེས་རབ་ནི་བྱང་ཆུབ་ཏུ་བརྗོད་ལ་སེམས་དཔའ་ནི་ཐབས་ཏེ། དེ་གཉིས་དག་གིས་སེམས་ཅན་གྱི་དོན་ ཉིད་ཐོབ་པར་འགྱུར་རོ། །བཅོམ་ལྡན་འདས་གལ་ཏེ་ཆོས་འདི་རྗེས་སུ་ཟློས་ཤིང་སྙིང་པོ་འདི་དེ་བཞིན་གཤེགས་པའི་མདུན་དུ་རྗོད་པར་བྱེད་པ་ནི་འཁོར་བཞི་པོ་རྣམས་ལ་ཕན་པ་དང་བདེ་བའི་དོན་གྱི་ཕྱིར་དང ། སྡིག་པ་བྱེད་པ་གཞན་རྣམས་ཀྱི་ཡང་ཕྱིར་རོ། །དེ་ ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། གང་འདི་དག་པའི་སེམས་ཅན་ལ་ཁྱོད་ཀྱིས་བསྟན་པའི་དུས་ལ་བབ་སྟེ་དེ་བཞིན་གཤེགས་པས་ཀྱང་རྗེས་སུ་ཡི་རང་ངོ ། །
101-1-220b
ཕྱི་མའི་ཚེ་ཕྱི་མའི་དུས་ན་བྱང་ཆུབ་སེམས་དཔའ་རྣམས་ཀྱི་ཕའི་བྱ་བ་བྱེད་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྤྱན་མི་འཛུམས་པར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་གསོན་ཅིག་།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པའི་རྣམ་པར་ཐར་པའི་དཀྱིལ་འཁོར་འདི་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་རྗེས་སུ་བརྩེ་བ་དང ། སྐྱེ་དགུའི་ ཚོགས་ཆེན་པོ་ལ་ཕན་པ་དང་བདེ་བ་དང ། རྣམ་པར་ཐར་བའི་དོན་གྱི་ཕྱིར་ཡང་ངོ ། །ན་མ་སྟྲེེ་ཡ་དྷྭཱ་ནུ་ག་ཏ་པྲ་ཏིཥྛི་ཏེ་བྷྱཿ ། སརྦ་བུདྡྷ་བོ་དྷི་ས་ཏྭེ་བྷྱཿ ། ན་མཿ པྲ་ཏྱེ་ཀ་བུདྡྷཱརྱ་ཤྲཱ་བ་ཀ་སཾ་གྷེ་བྷྱོ\ུ0f85ཏཱི་ཏཱ་ནཱ་ག་ཏ་པྲ་ཏྱུཏྤ་ནྣེ་བྷྱཿ ། ན་མཿ སཾ་མྱཀྒ་ཏཱ་ནཱཾ། ན་མཿ སཾ་ མྱཀྤྲ་ཏྱུཏྤནྣཱ་ནཱཾ། ན་མཿ ཤཱ་ར་དྭ་ཏཱི་པུ་ཏྲཱ་ཡ་མ་ཧཱ་མ་ཏ་ཡེ། ན་མ་ཨཱརྱ་མེེ་ཏྲེ་ཡ་པྲ་མུ་ཁེ་བྷྱོ། མ་ཧཱ་བོ་དྷི་ས་ཏྭ་སཾ་གྷེ་བྷྱཿ ། ན་མཿ སུ་པྲ་ཏིཥྛི་ཏ་ཤི་ལེནྡྲ་རཱ་ཛ་པྲ་མུ་ཁེ་བྷྱཿ ། སརྦ་ཏ་ཐཱ་ག་ཏེ་བྷྱོ\ུ0f85ཪྷདྦྷྱཿ ། སཾ་མྱཀྶཾ་བུདྡྷེ་བྷྱོ་བྷ་ག་བདྦྷྱཿ ། ན་མཿ སུ་བརྞྞ་བརྞྞ་སུ་པྲ་ཏི་བྷཱ་ས་ བི་ན་རྡི་ཏེ་ཤཝ་ར་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿ སིཾ་ཧ་བི་ཀྲཱི་ཌི་ཏ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿ ་མི་ཏཱ་བྷཱ་ཡ་ཏ་ཐཱ་ག་ཏཱ་ཡ། ན་མཿ སུ་པྲ་ཏིཥྠི་ཏེ་མ་ཎི་ཀཱུ་ཊ་རཱ་ཛཱ་ཡ། ཏ་ཐཱ་ག་ཏཱ་ཡ། ན་མཿ ས་མནྟ་རསྨྱུཏྒ་ཏ་ཤྲཱི་ཀཱུ་ཊ་རཱ་ཛཱ་ཡ། ཏ་ཐཱ་ག་ཏཱ་ཡ། ན་མོ་བི་བ་ཤྱི་ནེ་ཏ་ཐཱ་ ག་ཏཱ་ཡ། ན་མཿ ཤི་ཁི་ནེ་ཏ་ཐཱ་ག་ཏཱ་ཡ། ན་མོ་བི་ཤཝ་བྷུ་ཛེ་ཏ་ཐཱ་ག་ཏཱ་ཡ། ན་མཿ ཀྲ་ཀུཙྪཱ་ན་དཱ་ཡ། ཏ་ཐཱ་ག་ཏཱ་ཡ། ན་མཿ ཀ་ན་ཀ་མུ་ན་ཡེ་ཏ་ཐཱ་ག་ཏཱ་ཡ། ན་མཿ ཀཱ་ཤྱ་པཱ་ཡ་ཏ་ཐཱ་ག་ཏཱ་ཡ། ན་མཿ ཤཱཀྱ་མུ་ན་ཡེ་ཏ་ཐཱ་ག་ཏཱ་ཡཱཪྷ་ཏེ་སཾ་མྱཀྶཾ་བུདྡྷ་ ཡ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སཝཱ་ཧཱ། ཨོཾ་ཤ་མེ་ཤ་མེ་མ་ཧཱ་ཤ་མེ་རཀྵ་རཀྵ་མཾ་སརྦ་ས་ཏྭཱཾཤྩ་སརྦ་པཱ་པཾ་པྲ་ཤ་མ་ནེ་སཝཱ་ཧཱ། ན་མཿ སུ་པ་རི་ཀཱིརྟི་ཏ་ནཱ་མདྷེ་ཡཱ་ཡ་ཤྲི་ཡེ། ཏ་ཐཱ་ག་ཏཱ་ཡ། ན་མཿ ས་མནྟྲ་ཝ་བྷཱ་ས་བི་ཛི་ཏ་སཾ་གྲཱ་མ་ཤྲི་ཡེ་ཏ་ཐཱ་ག་ཏཱ་ཡ།
101-1-221a
ན་མཿ ིནྡྲ་ཀེ་ཏུ་དྷྭ་ཛ་ཤྲི་ཡེ་ཏ་ཐཱ་ག་ཏཱ་ཡ། ན་མོ་རཏྣ་པྲ་བྷཱ་སེ་ཤཝ་ར་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་\ུ0f85པྲ་ཏི་ཧ་ཏ་བྷེེ་ཥ་ཛྱ་རཱ་ཛཱ་ཡ། ཏ་ཐཱ་ག་ཏཱ་ཡ། ན་མོ་བི་ཀྲཱནྟ་གཱ་མི་ནེ་ཏ་ཐཱ་ག་ཏཱ་ཡ། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿ སཾ་གྷཱ་ཡ། ན་མོ་\ུ0f85ཏཱི་ཏཱ་ནཱ་ག་ཏ་པྲ་ཏྱུཏྤནྣེ་བྷོ་བུདྡྷེ་བྷྱོ་བྷ་ག་བདྦྷྱཿ ། ཏདྱ་ཐཱ། སྨྲྀ་ཏི་བཪྡྷ་ནི། མ་ཏི་བཪྡྷ་ནི། ག་ཏི་བཪྡྷ་ནི། དྷྲྀ་ཏི་བཪྡྷ་ནི། པྲཛྙཱ་བཪྡྷ་ནི། པྲ་ཏི་བྷཱ་ན་བཪྡྷ་ནི། དྷྱཱ་ན་བཪྡྷ་ནི། ཤཱ་མསྠཱ་བཪྡྷ་ནི། པི་པ་ཤྱ་ན་བཪྡྷ་ནི། སརྦ་བོ་དྷི་པཀྵ་དྷརྨ་བཪྡྷ་ནི། ས་ ཀ་ལ་བུདྡྷ་དྷརྨ་པ་རི་པཱུ་ར་ཎཱེ་ཡ་སཝཱ་ཧཱ། ན་མོ་རཏྣ་ཏྲ་ཡཱ་ཡ། ན་མོ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་མ་ཧཱསྠཱ་མ་བྲཱཔྟཱ་ཡ་བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨེ་བྷྱོ་ནམ་སྐྲི་ཏྭཱ། ཨི་ད་མཱརྱཱ་བ་ལོ་ ཀི་ཏེ་ཤཝ་ར་མུ་ཁོཏྒིརྞྞ། ཨ་མོ་གྷ་པཱ་ཤ་རཱ་ཛ་ནཱ་མ་ཧྲི་ད་ཡཾ་ཏ་ཐཱ་ག་ཏཱ་སཾ་མུ་ཁཾ་བྷུ་ཥི་ཏཾ། མ་ཧ་ཏཱཾ་པཪྵནྨདྷྱེ་ཨ་ཧ་མི་དཱ་ནཱི་མཱ་བཪྟ་ཡིཥྱཱ་མི་སིདྡྷྱནྟུ་མེ་མནྟྲ་པ་དཱཿ སརྦ་ཀཱརྱཱ་ཎི། སརྦ་བྷ་ཡེ་བྷྱོ་མ་མ་སརྦ་སཏྭཱ་ནཱཉྩ་རཀྵ་བྷ་བ་ཏུ། ཏདྱ་ཐཱ། ཨོཾ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་ རུ། མ་ར་མ་ར། མི་རི་མི་རི།མུ་རུ་མུ་རུ། མ་ཧཱ་ཀཱ་རུ་ཎི་ཀ་།ས་ར་ས་ར། སི་རི་སི་རི། སུ་རུ་སུ་རུ། ཙུ་རུ་ཙུ་རུ། ཙི་རི་ཙི་རི། བི་རི་བི་རི། པི་རི་པི་རི། མི་རི་མི་རི། མ་ཧཱ་པདྨ་ཧསྟ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ ཀུ་ལུ་སཝཱ་ཧཱ། མ་ཧཱ་ཤུདྡྷ་སཏྭཱ་ཡ་སཝཱ་ཧཱ། བུདྷྱ་བུདྷྱ། བོདྷ་བོདྷ། བོ་དྷི་བོ་དྷི། བོ་དྷ་ཡ་བོ་དྷ་ཡ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུདྡྷ་སཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་སྠ་མ་པྲཔྟ། ཙ་ལ་ཙ་ལ། སཉྩ་ལ་སཉྩ་ལ། བི་ཙ་ལ་བི་ཙ་ལ། པྲ་ཙ་ལ་པྲ་ཙ་ལ། ཨེ་ཊ་ཊ་ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཏ་ར་ཏ་ར། ཏི་རི་ཏི་རི། ཏུ་རུ་ཏུ་རུ། ཨེཧྱེ་ཧི་མ་ཧཱ་ཀཱ་རུ་ཎི་ཀཱ། མ་ཧཱ་པ་ཤུ་པ་ཏི་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ།
101-1-221b
ཏ་ར་ཏ་ར། ས་ར་ས་ར། ཙ་ར་ཙ་ར། པ་ར་པ་ར། བ་ར་བ་ར། མ་ར་མ་ར། ལ་ར་ལ་ར། ཧ་ར་ཧ་ར། ཧཱ་ཧཱ་ཧཱི་ཧཱི་ཧཱུ་ཧཱུ། ཨོཾ་ཀཱ་ར་པྲཧྨ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། ཙ་ར་ཙ་ར། ན་ར་ན་ར། བ་ར་བ་ར། ཧ་ར་ཧ་ར། ར་སྨི་ཤ་ཏ་ས་ཧ་སྲ་པྲ་ཏི་མཎྜི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། བྷཱ་ཥ་བྷཱ་ཥ། བྷྲ་མ་བྷྲ་མ། བྷ་ག་ཝཱནྶོོ་མ། ཨཱ་དི་ཏྱ། ཡ་མ། བ་རུ་ཎ། ཀུ་བེ་ར། པྲ་ཧྨནྡྲ། བཱ་ཡུ། ཨ་གྣི། དྷ་ན་དཱ། དེ་བ། རྀ་ཥི་གཎཱ་བྷྱརྩྩི་ཏ་ཙ་ར་ཎ། སུ་ རུ་སུ་རུ། ཙུ་རུ་ཙུ་རུ། མུ་རུ་མུ་རུ། གྷུ་རུ་གྷུ་རུ། སནཏྐུ་མཱ་ར། རུ་དྲ། བཱ་ས་བ། བིཥྞུ། དྷ་ན་དཱ། བཱ་ཡུ། ཨགྣི་རྀ་ཤི། ནཱ་ཡ་ཀ་།བི་ནཱ་ཡ་ཀ་པ་ཧུ་བི་བིདྷ་བེ་ཥ་དྷ་ར། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། པ་ར་པ་ར། ས་ར་ས་ར། བ་ར་བ་ར། བ་ར་དཱ་ཡ་ཀ་།ས་མསནྟ་ཨ་བ་ལོ་ཀི་ཏ། བི་ལོ་ཀི་ཏ། ལོ་ཀི་ཤཝ་ར། མ་ཧེ་ཤཝ་ར། ཏྲི་བྷུ་བ་ནེ་ཤཝ་ར། སརྦ་གུ་ཎ་ས་མཱ་ལཾ་ཀྲྀ་ཏ། ཨ་བ་ལོ་ཀི་ཏེ་ཤཝ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། རཀྵ་རཀྵ་མཱཾ་སརྦ་སཏྭཱཾཤྩ། སརྦ་བྷ་ཡེ་བྷྱཿ ། སརྦོ་པ་དྲ་བེ་བྷྱཿ ། སརྦོ་པ་སརྒེ་བྷྱཿ ། སརྦོ་གྲ་ཧེ་བྷྱཿ ། སརྦ་བྱཱ་དྷི་བྷྱཿ ། སརྦ་པི་ཥེ་བྷྱཿ ། སརྦ་ཛྭ་ར་བྷྱཿ ། ཨེ་བཾ། བཾ་དྷ་བནྡྷ་ན། ཏཱ་ཌ་ན། ཏ་རྫ་ན། རཱ་ཛ། ཏ་སྐ་ར། ཨགྣི། ཨུ་ད་ཀ་།བི་ཥ། ཤསྟྲ་པ་རི་མོ་ཙ་ཀ་།ཀ་ཎ་ཀ་ཎ།ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། ཨིནྡྲི་མ། བ་ལ། བོ་དྷྱཾ་ག་།ཙ་ཏུ་རཱརྱ་སཏྱ་སཾ་པྲ་ཀཱ་ཤ་ཀ་།ཏ་པ་ཏ་པ། ཏ་མ་ཏ་མ། ད་མ་ད་མ། ཤ་མ་ཤ་མ། མ་ས་མ་ས། དྷ་མ་དྷ་མ། མ་ཧཱ་ཀཱ་རུ་ཎི་ཀ་།མ་ཧཱ་ཧ་མོ\ུ0f85ནྡྷ་ཀཱ་ར་བི་དྷ་མན། ཥཊྤཱ་ར་མི་ཏཱ་པ་རི་པཱུ་ར་ཀ་།མ་ལ་མ་ལ། མི་ལི་མི་ལི། མུ་ལུ་མུ་ལུ། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་
101-1-222a
ཊུ་ཊུ། ཋི་ཋི་ཋི་ཋི། ཋུ་ཋུ་ཋུ་ཋུ། ཨེ་ནེ་ཡ་ཙཪྨྨ་ཀྲྀ་ཏ་པ་རི་ཀ་ར། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ་།ཱི་ཤཝ་ར། མ་ཧེ་ཤཝ་ར། མ་ཧཱ་བྷཱུ་ཏ་ག་ཎ་སཾ་བྷཉྫ་ཀ་།ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། པ་ར་པ་ར། ཧ་ར་ཧ་ར། བ་ར་བ་ར། ས་ར་ས་ར། མ་ར་མ་ར། ཀ་ར་ཀ་ར། ཀ་ཊ་ཀ་ཊ། ཀི་ཊི་ཀི་ཊི། ཀུ་ཊུ་ཀུ་ཊུ། མ་ཊ་མ་ཊ། མ་ཧཱ་བི་ཤུདྡྷ་བི་ཥ་ཡ་ནི་བཱ་སི་ཏ། མ་ཧཱ་ཀཱ་རུ་ཎི་ཀ་ཤཝེ་ཏེ་ཡ་ཛྙཱོ་པ་བཱི་ཊ། རཏྣ་མུ་ཀུ་ཊ། མཱ་ལཱ་དྷ་ར། སརྦ་ཛྙ་ཤི་ར་སི་ཀྲྀ་ཏ་ཛ་ཊཱ་མུ་ཀུ་ཊ། མ་ཧཱ་ཨདྡྷུ་ ཏ། ཀ་མ་ལ་ཨ་ལཾ་ཀྲྀ་ཏ་ཀ་ར་ཏ་ལ། དྷྱཱ་ན། ས་མཱ་དྷི། བི་མོཀྵཱ་པྲ་ཀམྦྱ། བ་ཧུ་སཏྭ་སནྟ་ཏི་པ་རི་པཱ་ཙ་ཀ་།མ་ཧཱ་ཀཱ་རུ་ཎི་ཀ་སརྦ་ཀརྨཱ་ཝ་ར་ཎ་བི་ཤོ་དྷ་ཀ་།སརྦ་ཛྙ་ཛྙཱ་ན་པ་རི་བཱུ་ར་ཀ་།སརྦ་བྱཱ་དྷི་པ་རི་མོ་ཙ་ཀ་།སརྦ་སཏྭ་ཨཱ་ཤཱ་པ་རི་པཱུ་ར་ཀ་།སརྦ་ སཏྭ་ས་མཱ་ཤཝཱ་ས་ན་ཀ་ར་ན་མཿ སྟུ་ཏེ་སཝཱ་ཧཱ། ཨ་མོ་གྷཱ་ཡ་སཝཱ་ཧཱ། ཨ་མོ་གྷ་པཱ་ཤཱ་ཡ་སཝཱ་ཧཱ། ཨ་ཛི་ཏཱ་ཡ་སཝཱ་ཧཱ། ཨ་པ་རཱ་ཛི་ཏཱ་ཡ་སཝཱ་ཧཱ། ཨ་མི་ཏཱ་བྷཱ་ཡ་སཝཱ་ཧཱ། ཨི་མི་ཏཱ་བྷཱ་སུ་ཏཱ་ཡ་སཝཱ་ཧཱ། མཱ་ར་སེེ་ནེ་ཡ་པྲ་མརྡ་ནཱ་ཡ་སཝཱ་ཧཱ། ཨ་བྷ་ཡཱ་ཡ་སཝཱ་ཧཱ། ཨ་བྷ་ཡ་ པྲ་དཱ་ཡ་སཝཱ་ཧཱ། ཛ་ཡཱ་ཡ་སཝཱ་ཧཱ། བི་ཛ་ཡཱ་ཡ་སཝཱ་ཧཱ། ཛ་ཡ་བི་ཛ་ཡཱ་ཡ་སཝཱ་ཧཱ། བ་ར་དཱ་ཡ་སཝཱ་ཧཱ། བ་ར་པྲ་དཱ་ཡ་སཝཱ་ཧཱ། ཨ་ཀཱ་ལ་མྲི་ཏྱུ་པྲ་ཤ་མ་ནཱ་ཡ་སཝཱ་ཧཱ། ཨི་དཉྩ་མེ་ཀརྨ་ཀུ་རུ་ན་མཿ སྟུ་ཏེ་སཝཱ་ཧཱ། ཨོཾ་ར་ཎ་ར་ཎ་ཧཱུཾ་ཕཊ་སཝཱ་ཧཱ། ཨོཾ་ཛ་ཡེ་ཧཱུཾ་ཕཊ་སཝཱ་ཧཱ། ོཾ་ཛྲ་ཛྲིཾ་ཛུཾ་སཝཱ་ཧཱ། ཨོཾ་ཧཱུཾ་ཛ་ཡ་སཝཱ་ཧཱ། ཨོཾ་ཧྲཱིཿ ཏྲེེ་ལོ་ཀྱ་བི་ཛ་ཡ་ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲཱིཿ ཧཿ ཧཱུཾ་ཕཊ་སཝཱ་ཧཱ། ཨོཾ་པ་སུ་པ་ཏི་སཝཱ་ཧཱ། ཨོཾ་ཨཱ་རོ་ལི་ཀ་སཝཱ་ཧཱ། ཨོཾ་བ་ཧུ་ལེ་བ་ཧུ་ལེ་སཝཱ་ཧཱ། ཨོཾ་ཨཱ་རོ་ལི་ཀ་ཧྲཱིཿ ཧྲཱིཿ ཧཱུཾ་ཕཊ་སཝཱ་ཧཱ། ནི་ཡ་ཏཱ་ནི་ཡ་ཏ་བེ་ད་ནཱི་ཡཱ་ཤུ་ བྷ་སྱ་མེ་བྷ་ག་ཝཱ་ན་ཀརྨ་ཎོ\ུ0f85ཤེ་ཥ་ཏཱཿ ཀྵ་ཡཾ་ཀུ་རུ་སཝཱ་ཧཱ། ཨོཾ་པདྨ་ཧ་སྟཱ་ཡ་སཝཱ་ཧཱ། ཨཾ་བུདྡྷ་དྷརྨ་སཾ་གྷཱ་ཡ་སཝཱ་ཧཱ། བཀླགས་པས་ལས་ཐམས་ཅད་འགྲུབ་པ་ཡིན་ནོ། །དུས་གསུམ་དུ་བཟླས་ན་མཚམས་མེད་པ་ལྔ་རྣམ་པར་དག་པར་འགྱུར་རོ། །ལས་
101-1-222b
ཀྱི་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། ། ག་རུའི་བདུག་སྤོས་དང ། ཐལ་བ་དང ། ཆུ་དང ། ཡུངས་ཀར་དང ། སེང་ལྡེང་གི་ཕུར་བུ་ལ་སོགས་པས་མཚམས་བཅིང་ངོ ། །རིམས་ནད་ཐམས་ཅད་ལ་སྲུང་སྐུད་བཅིང་བར་བྱའོ། ། ནད་ཐམས་ཅད་ལ་མར་རམ། མར་ནག་གམ། ཆུ་ལ་ཡོངས་སུ་བཟླས་ཏེ་སྦྱིན་པར་བྱའོ། །ལུས་ལ་ཁྱབ་པའི་ནད་ལ་མཚོན་ཆས་གཅད་ཅིང་སྲུང་སྐུད་ཀྱང་བྱའོ། །ལྟོ་བ་ན་བ་ལ་ཚཝ་ཆུས་ཉམས་པར་བྱེད་པའམ། འཇིམ་བག་གམ། ཆུས་ཀྱང་བྱའོ། མིག་གི་ནད་ལ་སྐུད་པ་དཀར་པོ་རྣ་བ་ལ་བཅིང་བར་བྱའོ། །སོའི་ནད་ལ་ཀ་ར་བཱི་རའི་སོ་ཤིང་གིས་སོ། །མཚམས་བཅིང་བ་ལ་ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ནས་སེང་ལྡེང་གི་ཕུར་བུ་བཞི་ལ་བཅིངས་ཏེ་ཕྱོགས་བཞིར་གདབ་པ་ བྱས་ན་མཚམས་བཅིངས་པ་ཡིན་ནོ། །ཐམས་ཅད་དུ་སྲུང་སྐུད་དམ། ཆུའམ། ཐལ་བས་བྱའོ། །གཟའ་ཐམས་ཅད་ལ་ཚོན་སྣ་ལྔའི་སྐུད་པས་བྱའོ། །རིམས་ཐམས་ཅད་ལ་སྐུད་པ་དཀར་པོས་བྱའོ། །སྦྲུལ་དང ། སྲིན་བུ་དང ། བ་ སྤུ་བྱི་བ་དང ། ལྷོག་པ་དང ། གྲེ་བ་འགགས་པ་རྣམས་ལ་སྦྲང་རྩི་པི་པི་ལིང་དང་ལྡན་པས་བྱའོ། །མིག་གི་ནད་ལ་དྲི་ཞིམ་པོའི་ཆུའམ། རྒྱ་སྐྱེགས་ཀྱི་ཆུའམ། སྦྲང་རྩིའམ། ཤིང་མངར་གྱིས་བྱའོ། །རྩོད་པའི་དུས་ཐམས་ཅད་ དུ་རྩོད་པ་དང ། མི་སྙན་པར་བརྗོད་པ་ལ་ཆུ་ལ་ཡོངས་སུ་བཟླས་ཏེ་གདོང་བཀྲུ་བར་བྱའོ། །ཡུལ་གཞན་གྱི་རྒྱལ་པོའི་འཚེ་བ་ལ་ཡུལ་འཁོར་དུ་བུམ་པ་གང་བ་ཡང་དག་པར་བཞག་ནས་གཙང་མས་གོས་གཙང་མ་གྱོན་ཏེ་མཆོད་པ་ཆེན་པོ་བྱས་ཤིང་ བཀླགས་ན་ཞི་བ་ཆེན་པོར་འགྱུར་རོ། །དེའི་ཆུས་ཀྱང་གཏོར་བར་བྱས་ན་སེམས་ཅན་ཐམས་ཅད་བསྲུང་བ་ཡིན་ནོ། །ཉེ་བར་འཚེ་བ་ཐམས་ཅད་དང ། ཡམས་རྣམས་ཞི་བ་ཡིན་ནོ། །ཕྱག་རྒྱ་ཙནྡན་གྱི་ཐིག་ལེ་ལ་ལན་ཉི་ཤུ་རྩ་གཅིག་གི་བར་
101-1-223a
དུ་ཡོངས་སུ་བཟླས་ན་མཚམས་མེད་པ་ཐམས་ཅད་ཟད་པར་བྱེད་དོ། །རྟག་ཏུ་བཟླས་ན་ཁྱིམ་བསྲུང་པའོ། །པདྨའི་སྦྱིན་སྲེག་གིས་སེམས་ཅན་ཐམས་ཅད་ཀྱི་བསྲུང་བའོ། །ཙནྡན་གྱི་སྦྱིན་སྲེག་གིས་གཟའ་དང ། །འབྱུང་པོ་ དང ། རྒྱུ་སྐར་ཐམས་ཅད་ལས་བསྲུང་བའོ། །རྒྱལ་བ་དང ། རྣམ་པར་རྒྱལ་བ་དང ། གཞན་གྱིས་མི་ཐུབ་པ་དང ། ན་གུ་ལི་དང ། དྲིའི་ན་གུ་ལི་དང ། དྷ་ར་ནི་དང ། མི་འཇིགས་པའི་ལག་པ་དང ། དབང་པོའི་ལག་པ་དང ། དྲིའི་པྲི་ཡང་ཀུ་དང ། ཏ་ཀ་ར་དང ། འཁོར་ལོ་དང ། འཁོར་ལོ་ཆེན་པོ་དང ། རྣམ་པར་གནོན་པ་དང ། སོ་མ་རཱ་ཛི་དང ། སུ་ནཏྟ་ཞེས་བྱ་བ་སྟེ། དེ་དག་གང་ཡང་རུང་བ་ལ་བརྒྱ་རྩ་བརྒྱད་ཀྱི་བར་དུ་ཡོངས་སུ་བཟླས་ནས་ནོར་བུ་ལྟ་བུར་བྱས་ནས་ མགོ་བོ་དང་དཔུང་པ་ལ་བཅིང་བར་བྱའོ། །བྱིས་པ་རྣམས་ཀྱི་ནི་མགུལ་དུའོ། །བུད་མེད་རྣམས་ཀྱི་མདོམས་སུ་བཅངས་ན་རང་ཉིད་མཆོག་ཏུ་སྐལ་བ་དང་ལྡན་པར་བྱེད་དོ། །གཡང་མེད་པ་ཉམས་ནས་བུ་ཡང་སྟེར་རོ། །ནོར་བུ་འདི་བཅངས་པས་ཐམས་ ཅད་དུ་བསྲུང་བ་བྱས་པ་ཡིན་ནོ། །དུག་དང་མེས་མི་ཚུགས་སོ། །དུག་གིས་བྱས་པ་ཡང་སྐྱེ་བར་མི་འགྱུར་རོ། །ནད་བྱུང་བ་ཡང་མི་སྐྱེ་ཞིང་མྱུར་དུ་ཞི་བར་འགྱུར་རོ། །གཟའ་རབ་ཏུ་ཞི་བར་འགྱུར་རོ། །རླུང་དང ། སྤྲིན་དང ། ཐོག་ནི་ཆུས་ རེངས་པར་བྱེད་དོ། །ཀ་ར་པཱི་རའི་ལྕུག་མས་ནི་ལས་ཐམས་ཅད་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་མཆོག་ཏུ་གྲུབ་པ་འདིས་མ་བསྒྲུབས་པར་ཡང་ལས་འདི་རྣམས་བྱེད་དོ། །དེ་ནས་སྒྲུབ་པར་འདོད་ན་ཐང་སྐུའི་ཆོ་ག་ནི་ཚོན་སྣ་མ་ལུས་ པས་སངས་རྒྱས་ཀྱི་སྐུ་གཟུགས་མཉམ་པར་བྲི་བར་བྱ་སྟེ། འཕགས་པ་སྤྱན་རས་གཟིགས་དབང་ཕྱུག་རལ་པའི་ཅོད་པན་འཆང་བ་རི་དགས་ཀྱི་པགས་པས་སྨད་དཀྲིས་བྱས་ཤིང་ཕྱུགས་བདག་གི་ཆ་ལུགས་འཆང་བ་རྒྱན་ཐམས་ཅད་ཀྱིས་བརྒྱན་པ་བྱའོ། །
101-1-223b
ལྷ་བཟོ་མཁན་གསོ་སྦྱོང་དང་ལྡན་པས་རི་མོ་བྲི་བར་བྱའོ། །དེ་ནས་སྒྲུབ་པ་པོས་སྐུ་གཟུགས་དེའི་མདུན་དུ་བ་ལང་གི་ལྕི་བས་དཀྱིལ་འཁོར་བྱས་ལ་མེ་ཏོག་དཀར་པོ་བཀྲམ་སྟེ། དྲི་ཞིམ་པོའི་ཆུས་བཀང་བའི་བུམ་པ་བརྒྱད་གཞག་པར་བྱའོ། །ཉེ་བར་སྤྱོད་པ་བརྒྱད་ དང། ཉེ་བར་མཁོ་བ་དྲུག་ཅུ་རྩ་བཞི་དང ། ཁྲག་མེད་པའི་གཏོར་མ་ཤ་དང་བཅས་པ་བྱའོ། ། ཀ་རུའི་བདུག་སྤོས་བསྲེགས་ལ་རིག་པ་སྟོང་ཕྲག་བརྒྱད་བཟླས་པར་བྱའོ། །ཉིན་ཞག་གཅིག་ཏུ་སྨྱུང་བར་གནས་པའམ། དཀར་གསུམ་ཟ་ཞིང ། དུས་གསུམ་དུ་ ཁྲུས་བྱས་ནས་གོས་གཙང་མ་གྱོན་པར་གྱུར་པས་བཟླས་པ་བྱའོ། །དེ་ནས་སྐུ་གཟུགས་ཀྱི་མདུན་དུ་རང་ཉིད་བྲིས་པ་བལྟས་ཏེ་དེ་མཐོང་བས་དགའ་བར་འགྱུར་རོ། །ཇི་སྲིད་དུ་འཕགས་པ་སྤྱན་རས་གཟིགས་དབང་ཕྱུག་བྱོན་ཏེ་བསམ་པ་ཐམས་ཅད་ཡོངས་སུ་རྫོགས་ པར་བྱེད་དོ། །ལྡོང་རོས་སམ་མིག་སྨན་ལ་ཡོངས་སུ་བཟླས་ཏེ་མིག་ལ་བསྐུས་ན་དེ་ནས་མི་སྣང་བར་འགྱུར་ཞིང་ནམ་མཁའ་ལ་འགྲོ་བར་འགྱུར་རོ། །ཡང་དག་པར་རྨོངས་པ་མེད་པའི་ཚོགས་ཞེས་བྱ་བའི་ཏིང་ངེ་འཛིན་རབ་ཏུ་འཐོབ་བོ། །སྒྲུབ་པ་པོ་གང་འདོད་པ་དེ་ འདིས་བྱེད་དོ་ཞེས་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང ། དགེ་སློང་དེ་དག་དང ། བྱང་ཆུབ་སེམས་དཔའ་དེ་དག་དང ། གནས་གཙང་མའི་ རིས་ཀྱི་ལྷའི་བུ་དེ་དག་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ་ རྫོགས་སོ།། །།རྒྱ་གར་གྱི་མཁན་པོ་ཨ་མོ་གྷ་བཛྲ་དང ། བོད་ཀྱི་ལོཙྪ་བ་བ་རི་རིན་ཆེན་གྲགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། ་་