༄##། །རྒྱ་གར་སྐད་དུ། ཨཱརྱ་མེ་ཁ་ལ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་མེ་ཁ་ལ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱའི་ཡུལ་སེར་སྐྱའི་གནས་ན། ཤིང་ནྱ་གྲོ་ དྷའི་ཀུན་དགའ་ར་བ་ན་བཞུགས་ཏེ། དེའི་ཚེ་གཞོན་ནུ་སྒྲ་གཅན་ཟིན་མལ་ན་ཉལ་བ་ལས་སྲིན་པོ་ཞིག་གིས་དངངས་པར་བྱས་པར་གྱུར་ཏོ། །དེ་ནས་གཞོན་ནུ་སྒྲ་གཅན་ཟིན་དེ་ཉིད་ཀྱི་མཚན་མོ་འདས་ནས་གཞོན་ནུ་མང་པོ་རྣམས་ཀྱིས་མདུན་དུ་བདར་ཅིང་ཡོངས་སུ་བསྐོར་ཏེ་ 101-1-233b སེར་སྐྱའི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། སྤྱན་སྔར་འདུག་ནས་ངུས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གཞོན་ནུ་སྒྲ་གཅན་ཟིན་བསྲུང་བའི་ཕྱིར་མེ་ཁ་ལ་ཞེས་བྱ་བའི་རིག་སྔགས་བཤད་ཀྱིས་ཁྱོད་ཀྱིས་ཟུངས་ཤིག་།ལྷའི་ཚོགས་དང ། ཀླུའི་ཚོགས་དང ། གནོད་སྦྱིན་གྱི་ཚོགས་དང ། སྲིན་པོའི་ཚོགས་དང ། ལྷ་མ་ཡིན་གྱི་ཚོགས་དང ། ནམ་མཁའ་ལྡིང་གི་ ཚོགས་དང ། མིའམ་ཅིའི་ཚོགས་དང ། ལྟོ་འཕྱེ་ཆེན་པོའི་ཚོགས་དང ། ཤ་ཟའི་ཚོགས་དང ། ཡི་དགས་ཀྱི་ཚོགས་དང ། གྲུལ་བུམ་གྱི་ཚོགས་དང ། སྲུལ་པོའི་ཚོགས་དང ། གཟའི་ཚོགས་དང ། རྒྱུ་སྐར་གྱི་ཚོགས་དང ། གནོད་སྦྱིན་ གྱི་སྡེ་དཔོན་ཉི་ཤུ་རྩ་བརྒྱད་དང ། རྒྱལ་པོ་ཆེན་པོ་བཞི་དང ། དྲང་སྲོང་འདོད་ཆགས་དང་བྲལ་བ་རྣམས་དང ། གངས་ལ་གནས་པ་དང ། ཕྱོགས་བཅུ་ན་འབྱུང་པོ་གང་དག་འཁོད་པ་དང ། སྲིང་མོའི་ཚོགས་དང ། བཱ་ལི་དང ། ཀཱ་ཊ་ལི་དི་དང ། བོ་ད་རི་དང ། གྲོང་རྣ་དང ། ཡིད་བཟངས་དང ། འཕྲོག་མ་ཆེན་མོ་དང ། མ་མོའི་ཚོགས་རྣམས་ང་ལ་ཉོན་ཅིག་།རྒྱ་མཚོའི་འཁོར་གྱི་སྲུང་མ་ཤར་ཕྱོགས་ཀྱི་ཕྱོགས་ཆ་ན་སྲིན་མོ་འཕྲོག་མ་ཞེས་བྱ་བ་དང ། ལྷོ་ཕྱོགས་ཀྱི་ཕྱོགས་ཆ་ན་སྲིན་མོ་གླང་སྣ་ མ་ཞེས་བྱ་བ་དང ། ནུབ་ཕྱོགས་ཀྱི་ཕྱོགས་ཆ་ན་སྲིན་མོ་རལ་པ་ཅན་ཞེས་བྱ་བ་དང ། བྱང་ཕྱོགས་ཀྱི་ཕྱོགས་ཆ་ན་སྲིན་མོ་སའི་གཙུག་ཅེས་བྱ་བ་སྟེ། སྲིན་མོ་དྲག་མོ་དེ་དག་རེ་རེ་ལ་ཡང་འཁོར་བྱེ་བ་དྲུག་ཅུས་བསྐོར་བ་མེ་ཁ་ལའི་རིག་སྔགས་ལས་བརྗོད་པ་དེ་དག་ ཐམས་ཅད་ཀྱིས་བསྲུང་བར་གྱིས་ཤིག་།ཏདྱ་ཐཱ། གྷ་ནེ་གྷ་ནེ་གྷ་ནེ་གྷ་ནེ་གྷ་ནེ་གྷ་ནེ་གྷ་ནེ་གྷ་ནེ། བ་ཏི། གྷུ་མེ་གྷུ་མེ་གྷུ་མེ་གྷུ་མེ་གྷུ་མེ་གྷུ་མེ་གྷུ་མེ་གྷུ་མེ། བ་ཏི། གྷ་རེ་གྷ་རེ་གྷ་རེ་གྷ་རེ་གྷ་རེ་གྷ་རེ་གྷ་རེ་གྷ་རེ། གྷི་རི་རི་ནི། གྷ་ར་བ་ཏི། སཝ་ར་བ་ཏི། དྷ་ན་པ་ཏི་ 101-1-234a སུ་ར་བ་ཏི། ཨ་ཧི་མེ། བ་ཏི་མ་ཏི། ཨ་བ་ཏི། སུ་བ་ཏི། བ་ཧུ་བ་ཏི། ཧ་ལ་ཧ་ལ་ཧ་ལ་ཧ་ལ་ཧ་ལ་ཧ་ལ་ཧ་ལ་ཧ་ལ། ཧི་ལི་ཧི་ལི་ཧི་ལི་ཧི་ལི་ཧི་ལི་ཧི་ལི་ཧི་ལི་ཧི་ལི། ཧུ་ལ་ཧུ་ལ་ཧུ་ལ་ཧུ་ལ་ཧུ་ལ་ཧུ་ལ་ཧུ་ལ་ཧུ་ལུ། ཏི་ལི་ཏི་ལི་ཏི་ལི་ ཏི་ལི་ཏི་ལི་ཏི་ལི་ཏི་ལི་ཏི་ལི། ཧི་ལི་ཧི་ལི། མི་ལི་མི་ལི། པེ་ཏ་ཡ་བ་ཨ་མ་ནེ། མ་བི་ས་རེ། ཧ་ཧ་ཧི་ཧི། ས་མནྟྲ་ས་རེ། ཨ་ས་མནྟྲ་ས་རེ། པ་རི་ཁ་ས་མེ། ཨ་བརྟེ་ས་མནྟ་བརྟེ། གྷ་ནེ། མེ་ཁ་ལེ། ཀུན་དགའ་བོ་མེ་ཁ་ལ་ཞེས་བྱ་བ་སྟོབས་ མོ་ཆེ། རྫུ་འཕྲུལ་དང་ལྡན་མ། བརྩོན་འགྲུས་ཆེན་མོ་འདི་ནི་རིག་སྔགས་འཆང་རྣམས་དང ། འབྱུང་པོ་རྣམས་དང ། རོ་ལངས་རྣམས་ལས་གང་དུ་ཡང་བཀག་པ་མེད་དེ་ཀུན་ཏུ་ཐོགས་པ་མེད་པར་འགྲོའོ། །ཀུན་དགའ་བོ་མེ་ཁ་ལ་ཞེས་བྱ་བའི་རིག་སྔགས་ འདི་ནི་སེམས་ཅན་རྣམས་ལ་ཕན་པའི་ཕྱིར་དང ། བདེ་བའི་ཕྱིར་དང ། བསྲུང་ཞིང་སྦ་བའི་བར་དུ་བྱ་བའི་ཕྱིར་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །དྲང་སྲོང་ཆེན་པོ་གཞན་དག་གིས་ཀྱང་སྨྲས་ཏེ། ཀུན་དགའ་བོ་མེ་ཁ་ལའི་ རིག་སྔགས་ནི་སེམས་ཅན་རྣམས་ལ་ཕན་པར་བྱེད་དོ། །གང་སུ་དག་སྡིག་པའི་ལས་དང་ལྡན་པ། གཟི་བརྗིད་འཕྲོག་པ། ས་ལ་གནས་པ་དེ་དག་ཐམས་ཅད་མེ་ཁ་ལའི་རིག་སྔགས་ཐོས་ནས་ཤིན་ཏུ་སྐྲག་སྟེ་ཕྱོགས་དང་ཕྱོགས་མཚམས་རྣམས་སུ་འགྲོའོ། ། ཀུན་དགའ་བོ་མེ་ཁ་ལའི་རིག་སྔགས་ལེགས་པར་བཟུང་བ་བྱས་པ་ལ་ཀུན་ནས་དཔག་ཚད་བཅུ་གཉིས་སུ་བསྲུང་བ་གྱིས་ཤིག་།ཡོངས་སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་འགྱུར་ བར་གྱིས་ཤིག་།སངས་རྒྱས་ལ་ཕྱག་འཚལ་ལོ། །ཆད་པ་སྤང་བར་གྱིས་ཤིག་།མཚོན་ཆ་སྤང་བ་དང ། དུག་གཞིལ་བར་གྱིས་ཤིག་།མི་མཛའ་བཟློག་པར་གྱིས་ཤིག་།མཚམས་གཅད་པར་གྱིས་ཤིག་།སྐུད་པས་བཅིང་བར་གྱིས 101-1-234b ཤིག་།སྡང་བ་ཐམས་ཅད་ཟློག་པར་གྱིས་ཤིག་།མི་དང་མི་མ་ཡིན་པ་སྡིག་པ་བྱེད་པ་རྣམས་འཚེར་མ་གཞུག་ཅིག་།སངས་རྒྱས་ལ་ཕྱག་འཚལ་ལོ། །གསང་སྔགས་ཀྱི་གཞི་རྣམས་གྲུབ་པར་གྱུར་ཅིག་སཝཱ་ཧཱ། དེ་ལ་ཆོ་ག་ནི་དེ་བཞིན་གཤེགས་ པ་ལ་ཕྱག་འཚལ་ཏེ། མེ་ཏོག་དང ། བདུག་པ་དག་གསོལ་ནས་སྐུད་པས་བཅིང་བར་བྱའོ། །བྱ་བ་པ་དང ། མཉེ་བ་དང ། ལེགས་པར་ཁྲུས་བྱའོ། །ཆོ་ག་འདིས་གདོན་ཐམས་ཅད་བཟློག་པ་དང ། ནད་ཐམས་ཅད་རབ་ཏུ་ཞི་བར་བྱའོ། ། ཏདྱ་ཐཱ། ཏི་ལེ་བེ་ལེ། བི་མ་ལེ། ཏ་མ་ལེ། ཧི་ལི། ནི་རི། སི་རི་མ་ས་ར། རིག་སྔགས་འདི་ནི་ཐོས་གྱུར་ནས། །ས་རྣམས་ཐམས་ཅད་གཡོས་པར་གྱུར། །འབྱུང་པོའི་ཚོགས་རྣམས་རབ་ཏུ་གཡོས། །ལྷ་ཚོགས་རྣམས་ཀྱང་ལྷགས་ པར་གྱུར། །ཀླུ་ཡི་རྒྱལ་པོ་རྣམས་ཀྱང་ལྷགས། །འབྱུང་པོའི་རྒྱལ་པོ་རྣམས་ཀྱང་ལྷགས། །བཅོམ་ལྡན་བྱམས་པའང་དེར་ཕྱིན་ཏོ། །ཚངས་པ་དང་ནི་དབང་པོའང་ལྷགས། །དབང་ཕྱུག་ཆེ་དང་གཞོན་ནུ་དང ། །གཉིས་ཀ་དེར་ནི་ལྷགས་པར་གྱུར། ། མེ་ཁ་ལ་ལས་གང་སུ་དག་།བརྗོད་པའི་འབྱུང་པོ་རྣམས་ཀྱང་ལྷགས། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་འདི་ལ་བསྲུང་བ་དང ། ཡོངས་ སུ་བསྐྱབ་པ་དང ། ཡོངས་སུ་གཟུང་བ་དང ། ཞི་བ་དང ། བདེ་ལེགས་སུ་འགྱུར་བ་དང ། ཆད་པ་སྤང་བ་དང ། མཚོན་ཆ་སྤང་བ་དང ། དུག་གཞིལ་བ་དང ། མི་མཛའ་བ་བཟློག་པ་དང ། མཚམས་དགུམ་པ་དང། མེ་ཁ་ལས་ཡོངས་ སུ་བཟློག་པ་སྩལ་བར་བགྱིའོ། །ཏདྱ་ཐཱ། ཨ་བཊྚ་ནི། བཊྚ་ནི། ཨི་བི་བཊྚ་ནི། ཙུ་ལུ་ཙི་ལི། ཨུརྡྷ་དཱནྟེ། ས་མནྟ། དཱནྟེ། ནི་ར་མུཎྜེ། ནི་མི་མུ་ནི། ཞི་བ་དང ། བདེ་ལེགས་སུ་འགྱུར་བར་བགྱིའོ་སཝཱ་ཧཱ། སངས་རྒྱས་ལ་ཕྱག་འཚལ་ལོ། 101-1-235a བདེ་ལེགས་སུ་གྱུར་ཅིག་སཝཱ་ཧཱ། དེ་ནས་དེའི་ཚེ་མི་མཇེད་ཀྱི་བདག་པོ་ཚངས་པས་མེ་ཁ་ལའི་རིག་སྔགས་ཀུན་ནས་འཛིན་པ་འདིའི་འཁོར་གྱི་ཚིག་འདི་ཕུལ་ལོ། །སྱཱད་ཡ་ཐེ་དན། ཨང་གུ་རེ། ཨ་དུ་རེ། དུ་དུ་རེ། ཤི་ཁི་ཤི་ཁི་ཤི་ ཁི་ཤི་ཁི་ཤི་ཁི། བ་རེ། ད་ར་ད་ར་བ་ཏི། མུ་ཙ་མུ་ཙ་བི་མུ་ཙ། ཞི་བ་དང ། བདེ་ལེགས་སུ་འགྱུར་བར་བགྱིའོ་སཝཱ་ཧཱ། དེ་ནས་དེའི་ཚེ་ལྷའི་བུ་རབ་འཐབ་བྲལ་གྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། པྲ་དུཥྚེ། རུ་དྷི་ར་ཀརྞེ། ག་མ་བྷཱི་རེ། དུར་དེ་ཤེ་ན་མུ་ཙེ། མུ་ཙེ། ཤཱཀྱ་རཱ་ཛེ། བདེ་ལེགས་སུ་འགྱུར་བར་བགྱིའོ་སཝཱ་ཧཱ། དེ་ནས་དེའི་ཚེ་ལྷའི་དབང་པོ་བརྒྱ་བྱིན་གྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། སོཌྜེ། བེ་དེ་ཌེ། བྷེ་ད་ཌ་མེ། ད་ན་ཏི་ལི། ཏི་ལི་མི་ལི། བསྲུང་བ་གྱིས་ཤིག་།བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་རྒྱལ་པོ་ཆེན་པོ་ལུས་ངན་གྱིས་མེ་ཁ་ལའི་རིགས་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། གྷུ་མེ་གྷུ་མེ་ གྷུ་མེ་གྷུ་མེ་གྷུ་མེ། ཨུ་ཀེ། མུ་ཀེ། ཛྭ་ལེ། ད་ལེ་མ་ཏི་ཕ་ལེ། སཝཱ་རེ། ས་རེ། ཨ་དྷི་པ་ཏི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་རྒྱལ་པོ་ཆེན་པོ་ཡུལ་འཁོར་སྲུང་ གིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན།དྷ་དྷ་རེ། དྷ་དྷ་རེ། དྷཱ་ར་ཎཱི། དྷཱ་ར་ཎཱི། དྷཱ་རེ། ཨ་ཙུ་ཏེ། མུ་ཙེ། མུ་རུ་མུ་རུ། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་ བར་དུ་རྒྱ་ཆེར་བགྱིའོ་སཝཱ་ཧཱ། དེ་ནས་དེའི་ཚེ་རྒྱལ་པོ་ཆེན་པོ་འཕགས་སྐྱེས་པོས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨཎྜ་རེ། པཎྜ་རེ། ཀ་ར་ཌེ། པ་ར་པ་ཏྲེ། ཀ་རི་རུ་ཧེ། ཀ་རི་བྷ་རེ། ཀ་ན་ཀ་པ་ཊེ། དུ་རུ་མེ། 101-1-235b ཀྵུ་ཀྵུ། ཨཀྵི་མེ། བཀྵི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་རྒྱལ་པོ་ཆེན་པོ་མིག་མི་བཟང་གིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཛ་མ་ལ་ཛ་མ་ ལ། དྷི་རི་དྷི་རི། བྷི་རི་བྷི་རི་བྷི་རི། ས་མནྟ་བྷི་རི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ལྷའི་བུ་ཟླ་བས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ་ལ་ཧེ། ཏེ་ལ་བྷེ། མ་ཌེ། བི་མ་ཌེ། དྷ་ཀེ། དྷ་ར་ཀེ། ས་ཀི་ནི། བ་ཀི་ནི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ལྷའི་བུ་ཉི་མས་མེ་ཁ་ལའི་རིག་སྔགས་ཀྱི་ འཁོར་ཕུལ་བ། སྱཱད་ཡ་ཐེ་དན། ཨོཾ་བཱ་དེ། བི་མ་ལེ། པྲ་བྷཱ་སཝ་རེ། ཤ་ཧ་ར་སྨེ། ཧ་ས་ཧ་སཝ་ར་སྨེ། ཨ་ཏ་སཝ་ར་སི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ ལྷའི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཀུ་རུ་ཀུ་རུ། སུ་རུ་སུ་རུ། མུ་རུ་མུ་རུ། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ རྒྱུ་སྐར་གྱི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཏ་མ་ལ། ཏ་ལེ་ཨ་ཧེ། ད་ཧེ་ཨཱ་ཀཱ་ཤཱ་བི་མ་ལེ། ཞི་བ་དང ། བདེ་ལེགས་སུ་འགྱུར་བའི་བར་དུ་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ཀླུའི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་ད་ན། ཨེ་ལེ་མེ་ལེ། ཙ་ལེ། པ་དྷེ། ཨཱ་ཤུ་བ་དྷེ་མོ་ཀྵེ། ཞི་བ་དང ། བདེ་ལེགས་སུ་འགྱུར་བའི་བར་དུ་བགྱིའོ། །མཚམས་དགུམ་པའི་ 101-1-236a བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ལྷ་མ་ཡིན་གྱི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨ་དྷ་དྷ་རེ། བི་བུ་ཏེ། སམ་པུ་ཏེ། ད་ནྟི། ཞི་བ་དང ། བདེ་ལེགས་སུ་འགྱུར་བར་བགྱིའོ། ། མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཚ་ཚ་པ་ཏི། ཚ་ཚ་པ་ཏི། རུ་རུ་དྲཱ་རཱ། ཨུ་བྷི་ར་བྷ་རཱ། ཞི་བ་དང ། བདེ་ལེགས་སུ་ འགྱུར་བའི་བར་དུ་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ཡི་དགས་དང ། ཤ་ཟ་དང ། གྲུལ་བུམ་གྱི་ཚོགས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། བྷཱུ་ཏི་བི་བྷཱུ་ཏི། ཨ་ཏི་བྷཱུ་ཏི། སརྦ་རྟ་ ན་བྷཱུ་ཏི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་སྲུལ་པོ་དང ། ལུས་སྲུལ་པོའི་ཚོགས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཕ་དུ་མེ། ཀཱ་རཱ་ཌེ། ཨ་དྷི་ཏ། ཙུ་ཏེ། ས་མི་ར་ཎི། ཚུ་ཚུ་བ་ཏི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་མ་མོའི་ཚོགས་ཐམས་ཅད་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་ བ། སྱཱད་ཡ་ཐེ་དན། ཀེ་ལེ་མ་ཀེ་ལེ། ཌ་མ། ཀེ་ལེ་པ་ར་ཌ་རེ། ཌ་མ་རེ་ཌ་ཌ་རེ། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ཕྱོགས་བཞིའི་སྲིན་མོ་ཆེན་མོ་བཞི་པོ་དེ་དག་གིས་ མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨཱ་ན། བ་ནེ། ཁ་ཛེ། ཁ་བ་ཛེ། ཁུ་ཁུ་རི་རི། མི་རི་ཧི་རི། ཞི་བ་དང ། བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སཝཱ་ཧཱ། དེ་ནས་དེའི་ཚེ་ 101-1-236b སྲིན་མོ་ཆེན་མོ་འགྲོ་ལྡིང་བས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ད་ར་ད་རེ། ད་ར་ད་རེ། ཧ་ཧ། ཧི་ཧི། ཧུ་ཧུ་ཧུ་ཧུ། ཤི་ཀིི་ཀླི་བ་ཀླི་བ། མ་ཁུ་མ་ཁུ། ཛུ་ཁ་ཁི། ཊ་པ་ཊ་པི། ཨཊྚྱུ་རཊྚྱུ་ཊྱུ་ར། ཀླ་མ། ཀུ་ཛུ་ཀུ་ཛུ། དྲི་དྲི་དྲི།དཱུ་དཱུ་དཱུ། ཚི་མི་ལི་མི་ལི། ཨ་ཌ་ཀཝ་ཀཝ་ཀཝ་ཀ་སི། དུ་དུ། ཏི་ཐི་ཏི་ཐི། ཏི་མི་ལི་མི་ཏི། ཤི་ཏི། མི་ཏི་ལི། བ་ཏི། པྲེ་ཏྲི་པེ་ཏྲི་ཎེ། དུ་ཧི་ནི། ཨ་ཧཱ་ནི། ལ་ཧེ། བ་ཧེ། ཐ་ཊ་པེེ་ཐ་པེ། བཙུན་པ་འདི་ནི་ འགྲོ་ལྡིང་བའི་རིག་སྔགས་ཏེ། མེ་ཁ་ལའི་གཟུངས་སྔགས་ཀྱི་འཁོར་དུ་ཕུལ་བ་ལགས་སོ། །བསྲུང་བ་དང ། ཡོངས་སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་འགྱུར་བ་དང ། ཆད་ པ་སྤང་བ་དང ། མཚོན་ཆ་སྤང་བ་དང ། དུག་གཞིལ་བ་དང ། མི་མཛའ་བ་བཟློག་པ་དང ། དཔག་ཚད་བཅུ་གཉིས་སུ་མཚམས་དགུམ་པ་དང ། ཡོངས་སུ་བསྐྱང་བར་བགྱིའོ། །ལྷའམ། ཀླུའམ། གནོད་སྦྱིན་ནམ། སྲིན་པོའམ། གྲུལ་བུ་མམ། ཤ་ཟའམ། དྲི་ཟའམ། ཡི་དགས་སམ། སྲུལ་པོའམ། ལུས་སྲུལ་པོའམ། ལྷ་མ་ཡིན་ནམ། ནམ་མཁའ་ལྡིང་ངམ། མིའམ་ཅིའམ། ལྟོ་འཕྱེ་ཆེན་པོའམ། སྐེམ་བྱེད་དམ། བརྗེད་བྱེད་དམ། སྨྱོ་བྱེད་དམ། གཤེད་བྱེད་དམ། བྱད་སྟེམས་སམ། རོ་ལངས་སམ། ཉིན་གཅིག་པའམ། ཉིན་གཉིས་པའམ། ཉིན་གསུམ་པའམ། ཉིན་བཞི་པའམ། མིའམ། མི་མ་ཡིན་པ་གང་གིས་ཀྱང་གནོད་པར་བགྱིད་པར་མ་གྱུར་ཅིག་།ཅོ་འདྲི་བའམ། རྣམ་པར་འཚེ་བའམ། གླགས་ལྟ་བའམ། གླགས་ཚོལ་བས་གླགས་རྙེད་པར་འགྱུར་བ་དེ་ནི་གནས་མ་མཆིས་ཏེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །འཇིགས་པ་ཐམས་ཅད་དང ། མི་མ་ཡིན་པ་ཐམས་ཅད་ལ་རྟག་ཏུ་བདེ་ལེགས་སུ་ 101-1-237a གྱུར་ཅིག་སཝཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་མེ་ཁ་ལའི་རིག་སྔགས་འཁོར་དང་བཅས་པ་ཟུང་ཤིག་།ཀུན་དགའ་བོ་མེ་ཁ་ལའི་རིག་སྔགས་འདི་ནི་སྤྲིན་འཆིང་ བ། རླུང་གནོན་པ། ཚར་གཅོད་པ། བདག་སྲུང་བ། གཞན་སྲུང་བ། གྲོང་དང ། གྲོང་ཁྱེར་སྲུང་བ། མཚམས་གཅོད་པ་སྟེ། ལྷའམ། ཀླུའམ། གནོད་སྦྱིན་ནམ། སྲིན་པོའམ། ཡི་དགས་སམ། གྲུལ་བུམ་མམ། ཤ་ཟའམ། ལུས་སྲུལ་པོའམ། དགེ་སྦྱོང་ངམ། བྲམ་ཟེའམ། སྤྱོད་པ་པའམ། ཀུན་ཏུ་རྒྱུའམ། གཅེར་བུ་པའམ། འཚོ་བ་པའམ། མི་ཐོད་ཅན་ནམ། ལུས་སྐྱའམ།མིའམ། མི་མ་ཡིན་པས་འདའ་བར་བྱ་བ་མ་ཡིན་པའོ། ། ཀུན་དགའ་བོ་མེ་ཁ་ལའི་རིག་སྔགས་འདི་ནི་གཤེད་བྱེད་དང ། བྱད་སྟེམས་དང ། རོ་ལངས་ཐམས་ཅད་འཇིག་པར་བྱེད་པའོ། །གདོན་ཐམས་ཅད་ཟློག་པའོ། །བཀྲ་མི་ཤིས་པ་ཐམས་ཅད་འཇིག་པར་བྱེད་པའོ། །ཀུན་དགའ་བོ་མེ་ཁ་ལའི་རིག་ སྔགས་འདི་ནི་དགེ་སྦྱོང་གིས་བྱས་པ་གཅོད་པར་བྱེད་པའོ། །བྲམ་ཟེས་བྱས་པ་དང ། སྤྱོད་པ་བ་དང ། ཀུན་ཏུ་རྒྱུ་དང ། འཚོ་བ་པས་བྱས་པའི་རིག་སྔགས་གཅོད་པར་བྱེད་པའོ། །དབང་ཕྱུག་ཆེན་པོས་བྱས་པའི་རིག་སྔགས་གཅོད་པར་བྱེད་པའོ། ། ཚངས་བས་བྱས་པ་དང ། བརྒྱ་བྱིན་གྱིས་བྱས་པ་དང ། ལྷའི་དབང་པོས་བྱས་པ་དང ། རྒྱལ་པོ་ཆེན་པོས་བྱས་པ་དང ། ཁྱབ་འཇུག་གིས་བྱས་པ་དང ། འདོད་པའི་དབང་ཕྱུག་གི་རྒྱལ་པོས་བྱས་པའི་རིག་སྔགས་གཅོད་པར་བྱེད་པའོ། །རྒྱལ་ པོ་ཆེན་པོས་བྱས་པ་དང ། གནོད་སྦྱིན་གྱི་སྡེ་དཔོན་གྱིས་བྱས་པ་དང ། ཟླ་བ་དང ། ཉི་མ་དང ། རྒྱུ་སྐར་དང ། གཟས་བྱས་པའི་རིག་སྔགས་གཅོད་པར་བྱེད་པའོ། །ལྷ་དང ། ཀླུ་དང ། གནོད་སྦྱིན་དང ། སྲིན་པོ་དང ། དྲི་ཟ་དང ། ལྷ་མ་ཡིན་དང་། 101-1-237b ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོས་བྱས་པའི་རིག་སྔགས་གཅོད་པར་བྱེད་པའོ། །རྫུ་འཕྲུལ་དང་ལྡན་པས་བྱས་པའི་རིག་སྔགས་གཅོད་པར་བྱེད་པའོ། །ལྷ་ཁང་བས་ཀྱང་བྱས་པའི་རིག་སྔགས་གཅོད་པར་བྱེད་པའོ། །དུར་ ཁྲོད་པས་བྱས་པའི་རིག་སྔགས་གཅོད་པར་བྱེད་པའོ། ཤིང་དྲུང་པས་བྱས་པ་དང ། རི་དྲུང་པས་བྱས་པ་དང ། རི་རྩེབས་བྱས་པ་དང ། ས་པས་བྱས་པ་དང ། ནམ་མཁའ་བས་བྱས་པ་དང ། གནས་ཐམས་ཅད་པས་བྱས་པ་དང ། མིས་བྱས་ པ་དང ། མི་མ་ཡིན་པས་བྱས་པའི་རིག་སྔགས་གཅོད་པར་བྱེད་པའོ། །མེ་ཁ་ལའི་རིག་སྔགས་འདི་ནི་གཅོད་པའོ། །ཕྱིར་གཅོད་པའོ། །ཕྱིས་གཅོད་པའོ། །ཀུན་དགའ་བོ་གང་གིས་མེ་ཁ་ལའི་རིག་སྔགས་འདིས་བསྲུང་བ་དང ། ཡོངས་ སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་འགྱུར་བ་དང ། ཆད་པ་སྤང་བ་དང ། མཚན་ཆ་སྤང་བ་དང ། དུག་གཞིལ་བ་དང ། མི་མཛའ་བ་བཟློག་པ་དང ། དཔག་ཚད་དམ། དཔག་ཚད་གཉིས་སམ། དཔག་ཚད་བཅུ་གཉིས་ཀྱི་བར་དུ་མཚམས་གཅད་པར་བྱས་ན། གང་མེ་ཁ་ལའི་རིག་སྔགས་འདི་ལས་འདའ་བར་བྱེད་པ་ནི་ལྷ་དང་བཅས་པ་དང ། བདུད་དང་བཅས་པ་དང ། ཚངས་པ་དང་བཅས་པ་དང ། དགེ་སྦྱོང་དང་ བྲམ་ཟེར་བཅས་པའི་སྐྱེ་དགུའི་འཇིག་རྟེན་དང ། ལྷ་དང ། མི་དང ། ལྷ་མ་ཡིན་དུ་བཅས་པའི་འཇིག་རྟེན་ན་ངས་མ་མཐོང་སྟེ་དེ་ནི་གནས་མེད་དོ། །ཀུན་དགའ་བོ་སངས་རྒྱས་ཐམས་ཅད་ཀྱི་བདེན་པ་དང ། ཆོས་ཀྱི་བདེན་པ་དང ། དགེ་འདུན་གྱི་བདེན་པ་དང ། བདེན་པར་སྨྲ་བ་ཐམས་ཅད་ཀྱི་བདེན་པ་དང ། དྲང་སྲོང་ཐམས་ཅད་ཀྱི་བདེན་པ་འདི་ལས་སེམས་ཅན་གྱི་ཚོགས་འགལ་བར་མ་བྱེད་ཅིག་།ཀུན་དགའ་བོ་དུས་ལས་འདའ་བར་མི་བྱ་བ་ལྔ་ནི་འདི་ཡིན་ཏེ། སངས་རྒྱས་ཀྱི་བདེན་པ་ལས་འདའ་བར་མི་བྱ་བ་དང་། 101-1-238a ཆོས་ཀྱི་བདེན་པ་ལས་འདའ་བར་མི་བྱ་བ་དང ། དགེ་འདུན་གྱི་བདེན་པ་ལས་འདའ་བར་མི་བྱ་བ་དང ། བདེན་པར་སྨྲ་བ་རྣམས་ཀྱི་བདེན་པ་ལས་འདའ་བར་མི་བྱ་བ་དང ། དྲང་སྲོང་གི་བདེན་པ་ལས་འདའ་བར་མི་བྱ་བ་སྟེ། འབྱུང་ པོ་ཐམས་ཅད་དང ། ནད་ཐམས་ཅད་དང ། མི་ཐམས་ཅད་དང ། མི་མ་ཡིན་པ་ཐམས་ཅད་ཀྱིས་འདའ་བར་བྱ་བ་མ་ཡིན་ནོ། །ནད་ཐམས་ཅད་དང ། འབྱུང་པོ་ཐམས་ཅད་དང ། སྡང་བ་ཐམས་ཅད་དང ། མི་མཛའ་བ་ཐམས་ཅད་ལས་བདེ་ལེགས་སུ་གྱུར་ཅིག་།གང་ཡང་རྣམ་ པར་ཐོ་འཚམ་པར་མ་བྱེད་ཅིག་།འཚེ་བར་མ་བྱེད་ཅིག་།གང་ཡང་རྡེག་པར་མ་བྱེད་ཅིག་སཝཱ་ཧཱ། མེ་ཁ་ལའི་རིག་སྔགས་ཀྱི་ཆོ་ག་བཤད་པར་བྱའོ། །སངས་རྒྱས་ལ་མེ་ཏོག་གི་མཆོད་པ་དང ། བདུག་པ་དང ། སྤོས་དང ། ལྷ་བཤོས་དག་ཕུལ་ནས་ཕྱིས་ བསྲུང་བར་བྱའོ། །གཙང་མས་གོས་གཙང་མ་བགོས་ཏེ། བ་ལང་གི་ལྕི་བས་དཀྱིལ་འཁོར་བྱུགས་ནས་མེ་ཏོག་དག་བཀྲམ་སྟེ། ཅི་འབྱོར་པའི་གཏོར་མའམ། ཕྱེའམ། པདྨ་དང ། བཟའ་བ་དང ། བཏུང་བ་དང ། མེ་ཏོག་བསྲེས་པས་ བུམ་པ་བཀང་བའམ། སྣོད་བཀང་པའི་དབུས་སུ་འདུག་ནས་སྤོས་ཀྱིས་རྒྱུན་མི་འཆད་པར་འདུག་པར་བྱའོ། །རྩཝ་ཀུ་ཤས་ཐམས་ཅད་ལ་བྱབ་པར་བྱའོ། །བདག་བསྲུང་བ་དང ། གཞན་བསྲུང་བར་བྱ་བ་ནི་སྐུད་པས་སོ། །སྤྲིན་བཅིང་བ་ནི་མེ་ཏོག་ སྣ་མའི་ཤིང་དང ། སྣ་མའི་མར་གྱིས་སྦྱིན་སྲེག་བྱའོ། །རླུང་དང ། ཆར་བཟློག་པ་ནི་རྩཝ་མུཉྫའི་ལྷས་མ་ལ་ལན་གསུམ་བཟླས་བརྗོད་བྱས་ཏེ། རྩ་བའི་རིག་སྔགས་ཀྱིས་ལན་བདུན་བཏབ་ནས་མདུད་པ་བདུན་བོར་བར་བྱའོ། །ལམ་གྲུབ་པ་དང ། བདེ་བར་བྱ་ན་ཆོས་གོས་ཀྱི་གྲཝར་ལན་གསུམ་བཟླས་བརྗོད་བྱས་ཏེ་མདུད་པ་གསུམ་བོར་བར་བྱའོ། །ཟས་དཀར་གསུམ་ཟོས་ལ་ཉིན་ཞག་གསུམ་སྨྱུང་བ་བྱས་ནས་པདྨ་དང ། ཡུངས་ཀར་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། གྲོང་དང་། 101-1-238b གྲོང་ཁྱེར་མཚམས་གཅད་པར་བྱའོ། །རིག་སྔགས་ཐམས་ཅད་གཅོད་པར་འདོད་པས་སྣ་ཚོགས་པའི་མཚོན་ཆ་ལ་ལན་བདུན་བཟླས་བརྗོད་བྱས་ཏེ་ཆུ་ལ་གཅད་པར་བྱའོ། །སྣོད་སར་པར་ཆུ་བླུགས་ནས་ལན་བདུན་བཟླས་བརྗོད་བྱས་ཏེ། ཁྲུས་བྱས་ན་ ལོག་འདྲེན་ཐམས་ཅད་བཅིང་བ་བྱས་པར་འགྱུར་རོ། །མེ་ཏོག་དཀར་པོ་དག་ལ་བཟླས་བརྗོད་བྱས་ཏེ་བསྣུན་ན་དུག་མེད་པར་འགྱུར་རོ། །ནད་ཐམས་ཅད་ལ་ཤིང་ཀ་ར་བཱི་རའི་ལྕུག་མས་བྱབ་པར་བྱ་སྟེ། བདག་བསྲུང་བ་བྱས་ན་གང་དུ་གདོན་གྱི་ཕྱིར་ ཡང་ལས་ཐམས་ཅད་བྱའོ། །འཐབ་མོ་དང ། རྩོད་པ་དང ། འགྱེད་པ་དང ། རྒྱལ་པོའི་ཕོ་བྲང་འཁོར་དུ་སྣ་མའི་མེ་ཏོག་གི་འབྲུ་མར་གྱི་ནང་དུ་ཨ་ཏི་མུག་ཏ་ཀ་སྨྱུགས་པའི་ཡམ་སྲེག་ཤིང་ལ་འགྲོ་ལྡིང་བའི་རིག་སྔགས་ཀྱིས་བཏབ་སྟེ་ལན་བཅུ་བཞིར་ སྦྱིན་སྲེག་བྱའོ། །འབྱུང་པོ་དབང་དུ་བྱ་བར་འདོད་པས་རའི་འོ་མ་དང ། རའི་མར་དང ། ཤིང་ཨ་པ་མརྒའི་ཡམ་སྲེག་ཤིང་དག་ལ་འགྲོ་ལྡིང་བའི་རིག་སྔགས་བཏབ་སྟེ་ལན་ལྔར་སྦྱིན་སྲེག་བྱའོ། །འགྲོ་བ་ཐམས་ཅད་ཀྱི་ཆེད་དུ་སྦྱིན་སྲེག་བྱ་བར་ འདོད་པས་འབྲས་ཐུག་པོ་ཆེ་དང ། བའི་འོ་མ་དང ། རུ་རྟ་དང ། རྒྱམ་ཚ་དང ། ཤིང་ཀ་ར་བཱི་ར་དཀར་པོའི་ཡམ་སྲེག་ཤིང་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། སྦྱིན་སྲེག་བྱས་ན་སེམས་ཅན་ཐམས་ཅད་ཀྱི་ཆེད་དུ་སྦྱིན་སྲེག་བྱས་པར་ འགྱུར་རོ། །རྙེད་པར་བྱ་བའི་དོན་དུ་རུ་རྟ་དང ། འབྲུ་མར་ལས་འགྲོ་ལྡིང་བའི་རིག་སྔགས་ཀྱིས་ལན་བདུན་བཟླས་བརྗོད་བྱས་ཏེ་གདོང་ལ་བསྐུས་ནས་སྨྲས་ན་གང་བསླངས་པ་དེ་ཐོབ་པར་འགྱུར་རོ། །ཐམས་ཅད་དུ་ཡང་དེ་བཞིན་གཤེགས་པའམ། དེ་བཞིན་ གཤེགས་པའི་མཆོད་རྟེན་ལ་སྤོས་དང ། ཕྲེང་བ་དང ། བྱུག་པ་དང ། མེ་ཏོག་དང ། བདུག་པ་དང ། ཕྱེ་མ་དང ། བྱུག་པ་རྣམས་ཀྱིས་བྱུག་ཅིང་ཅི་ནུས་ཀྱིས་ལྷ་བཤོས་ཀྱང་དབུལ་བར་བྱ་སྟེ་འདི་དངོས་སུ་གྲུབ་བོ། །བཅོམ་ལྡན་འདས་ཀྱིས་ 101-1-239a དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང ། གཞོན་ནུ་སྒྲ་གཅན་ཟིན་དང ། ཐམས་ཅད་དང་ལྡན་པའི་འཁོར་དེ་དག་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་ རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་མེ་ཁ་ལ་ཞེས་བྱ་བའི་གཟུངས་རྫོགས་སོ། །བསྲུང་བ་དང་བཅས་པ་དང་ཆོ་ག་དང་བཅས་པས་མི་མཇེད་ཀྱི་སེམས་ཅན་ཐམས་ཅད་ལ་བསྲུངས་པར་གྱུར་ ཅིག་སཝཱ་ཧཱ།། །།རྒྱ་གར་གྱི་མཁན་པོ་པྲཛྙཱ་བ་ར་མ་དང ། ཞུ་ཆེན་གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། ་་ |