rKTs


D919

(e-text produced by ADARSHA)

see text in transliteration
101-1-262b
༄#། །རྒྱ་གར་སྐད་དུ། ཨཱརྱ་རུ་ཙི་ར་ཨཾ་ག་ཡཥྛི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ལུས་ཀྱི་དབྱིབས་མཛེས་ཞེས་བྱ་བའི་གཟུངས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ན་མོ་བི་པུ་ལ་ བི་མ་ན་སུ་པྲ་ཏིཥྛི་ཏེ་ཨ་སཾ་ཁེ་ཡ། སཱུརྱ་ཤ་ཏ་ས་ཧ་སྲ་ཨ་ཏི་རེ་ཀ་ཏེ་ཛ། པྲ་བྷ་ཨ་བ་བྷ་སེ་ཏ་མཱུརྟ་ཡེ། མ་ཧཱ་མ་ཎི་མུ་ཀུ་ཊ་ཀུཎྜ་ལ། ཨ་ལཾ་ཀ་ར་དྷཱ་རི་ཎེ་བྷ་ག་བ་ཏེ་པདྨ་པཱ་ཎ་ཡེ། སརྦ་ལོ་ཀ་ཨ་པ་ཡ་ཤ་མ་ནཱ་ཡ། བི་བི་དྷ་ཁུ་ཁ་ས་མ་བཱ་ཤ་ཨ་བིཥྛ། སརྦ་ སཏྭ་པ་རི་མོ་ཙ་ཀཱ་ཡ། ཏདྱ་ཐཱ། ཨོཾ་བྷུ་ར་བྷུ་བ་སཝཱ་ཧཱ། མ་ཧཱ་ཨཱ་ལོ་ཀ་ཀ་རཎ་ཏ་མ་སྟི་མི་ར་པ་ཏ་ལ་བི་ནཱ་ཤ་ཀ། རཱ་ག་དྭེ་ཥ་མ་ཧཱ་མོ་ཧ་ཛྭ་ལ་ཤ་མ་ཀ། ཤ་ས་ཀ་རཀྵ་ཀ། སརྦ་ཨ་པཱ་ཡ་དུརྒ་ཏི་པྲ་ཤ་མ་ཀ། སརྦ་སཏྭ་ས་མཱ་ཤཝཱ་ས་ན་ཀ་ར། སརྦ་ཨཱ་ཤ་ པ་རི་པཱུ་ར་ཀ། སརྦ་ཏ་ཐཱ་ག་ཏ་སཾ་བྷ་ན་ཀ་ར། ཧེ་ཧེ་མ་ཧཱ་བོ་དྷི་སཏྭ། བ་ར་བ་ར་དཱ་ཡ་ཀ། པདྨ་ཨཱ་ལོ་ཀ་སཾ་བྷ་ཏ། མ་ཧཱ་ཀཱ་རུ་ཎི་ཀ། ཛ་ཊཱ་མུ་ཀུ་ཊ། ཨ་ལཾ་ཀྲྀ་ཏ་ཤི་རཱ། མ་ཎི་ཀ་ན་ཀ་རཱ་ཛ། ཤ་ཏ་བཛྲ་བེེཌཱུརྱ་ཨ་ལཾ་ཀྲྀ་ཏ་ཤ་རཱི་ར། ཨ་མི་ཏཱ་བྷ་ཛི་ན་ཀ་མ་ལ་ ་ལཾ་ཀྲྀ་ཏ། པྲ་བྷ་ར་ཎ་རཱ་ཛ་ན་ཤ་ཏ་ས་ཧ་སྲ་ཨ་བྷི་ལ་ཥི་ཏ་ཀཱ་ཡ། མ་ཧཱ་བོ་དྷི་ས་ཏྭ་བར་བི་དྷ་མ་བི་དྷ་མ། བི་ནཱ་ཤ་ཡ། བི་ནཱ་ཤ་ཡ། མ་ཧཱ་ཡཱཾ་ཏྲ་ཀླེ་ཤ་ཀ་བ་ཊཱ་ཨ་བ་བདྡྷ་བི་བོ་དྷི་སཏྭ་སཾ་ས་ར་ཙ་ར་ཀ་པྲ་མ་ཐཱ་ན། པུ་རུ་ཥ་པདྨ། པུ་རུ་ཥ་ནཱ་ག། པུ་རུ་ཥ་སཱ་ག་ ར། པུ་རུ་ཥ་སིཾ་ཧ། བི་ཧ། བི་ར་བི་ར་ཛ། སུ་དཱནྟ་པ་རི་བྲི་ཏ། དྷ་མ་དྷ་མ། ས་མ་ས་མ། དྷུ་རུ་དྷུ་རུ། པྲ་ཤཱ་ས་ཡཱ། པྲ་ཤཱ་ས་ཡཱ། པྲ་དྷྭ་ན་སཱ་ཡ། པྲ་དྷྭན་སཱ་ཡ། གྷི་རི་གྷི་རི། དྷི་རི་དྷི་རི། བི་དྷི་རི་བི་དྷི་རི། བི་རི་བི་རི། བི་བི་རི། བི་བི་རི། ཙི་རི་ཙི་རི། སི་རི་སི་རི། སུ་རུ་སུ་རུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། དྷུ་ན་དྷུ་ན། བི་དྷུ་ན། བི་དྷུ་ན། དྷུ་རུ་དྷུ་རུ། གྷ་ཡ་གྷ་ཡ། གྷཱ་དྷ་ཡ་གྷཱ་དྷ་ཡ། ཧ་ས་ཧ་ས། པྲ་ཧ་ས་པྲ་ཧ་ས། ནཱ་ནཱ་བི་བི་དྷ་ཀླེ་ཤ་བཱ་ས་ནཱ། ཧ་ར་ཧ་ར།
101-1-263a
སཾ་ཉ་ར་སཾ་ཧ་ར། དྷུ་རུ་ཊི། དྷུ་རུ་ཊི། མ་ཧཱ་མཎྜ་ཨ་ལཾ་ཀ་ར་ཎ། ཤ་ཏ་པྲ་སེ་ཀ། ཨ་བ་བཱ་སི་ཏ་མ་ཧཱ་བི་ཥ་ཤ་མ་ཀ། མ་ཧཱ་བོ་དྷི་སཏྭ་བ་ར་ད་སཝཱ་ཧཱ། བཅོམ་ལྡན་འདས་ལག་ན་པདྨའི་ལུས་ཀྱི་དབྱིབས་མཛེས་པ་ཞེས་བྱ་བའི་གཟུངས། བྱང་ ཆུབ་སེམས་དཔའི་ཁང་བཟངས་དམ་པ། རྡོ་རྗེ་ཆེན་པོས་བགེགས་པར་གསུངས་པ། ལྷ་དང ། ཀླུ་དང ། སྦྱིན་བྱེད་མའི་བུ་དང ། མིའམ་ཅི་དང་ལྷ་མ་ཡིན་ཆེན་པོས་བསྟོད་པ། རེ་བ་ཐམས་ཅད་ཕུན་སུམ་ཚོགས་པར་བྱེད་པ་འདི་སྒྲིབ་པ་ཆེན་པོ་མང་པོས་ བསྒྲིབས་པ་གང་ལ་ལ་ཞིག་ཉན་ཏམ། འཆང་ངམ། འདོན་ཏམ། ཀློག་གམ། མཐོང་ནས་ལེགས་པར་རྟོགས་པར་བྱེད་ན། དེའི་ལས་དང་ཉོན་མོངས་པའི་སྒྲིབ་པ་ཐམས་ཅད་ཡོངས་སུ་བྱང་བར་འགྱུར་རོ། །ནང་པར་ལངས་ནས་ལན་ཅིག་འདོན་ན་ལག་ ན་པདྨ་ཕྱི་བཞིན་འབྲང་བར་འགྱུར་རོ། །ཡིད་ལ་གང་དག་འདོད་པའི་དགོས་པ་བསམས་པ་ཙམ་གྱིས་འགྲུབ་པར་འགྱུར་རོ། །གཅིག་པུ་རབ་ཏུ་དབེན་པར་འདུག་སྟེ། སངས་རྒྱས་ཡིད་ལ་བྱ་བ་མངོན་དུ་དམིགས་ནས། བཅོམ་ལྡན་འདས་ལག་ན་པདྨ་རྗེས་ སུ་དྲན་པར་བྱས་ལ། ལན་བདུན་བརྗོད་ན་དམ་པ་ཅི་འདོད་པ་ཐོབ་པར་འགྱུར་རོ། །སེམས་ཅན་ཐམས་ཅད་ཀྱི་ཡིད་དུ་འོང་བར་འགྱུར་རོ། །དེའི་ངན་འགྲོ་ཐམས་ཅད་འགག་པར་འགྱུར་རོ། །ཡུད་ཙམ་ཞིག་འཆག་ཅིང་འདུག་ལ་ཡིད་ལ་བརྗོད་ན་བསྐལ་པ་བྱེ་བ་ འབུམ་ཕྲག་དུ་མར་བསགས་པའི་ལས་བྱང་བར་འགྱུར་རོ། །འཁོར་ལོས་སྒྱུར་བ་སྟོང་གིས་བསགས་པའི་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །ཚེ་རབས་ཚེ་རབས་སུ་ཡང་པདྨའི་རིགས་ཆེན་པོར་སྐྱེ་བར་འགྱུར་རོ། །སྐྱེ་བོ་ཁྱད་དུ་འཕགས་པས་ བཀུར་བར་འགྱུར་རོ། །མེ་ཏོག་དྲི་ཞིམ་པོས་སྙིམ་པ་བཀང་སྟེ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ལན་བདུན་བརྗོད་ན་ཡོན་ཏན་ཆེན་པོ་སྟོང་ཐོབ་པར་འགྱུར་རོ། །སྙིང་རྗེ་ཆེན་པོའི་ཆོས་ཉིད་སྣང་བ་ཡང་དེ་ལ་སྐྱེ་བར་འགྱུར། དམ་པ་ཆེན་པོ་དང་
101-1-263b
ལྡན་པར་འགྱུར་རོ། །དེ་ཉིད་ཀྱི་གདོང་དུ་བལྟས་ཏེ་བཟླས་བརྗོད་བྱས་ན། བཅོམ་ལྡན་འདས་ཞལ་རྟག་ཏུ་བཞད་པ་འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་ཞིང ། ཆོས་སྣང་བའི་གསལ་བ་དང་པོ་དྲི་མ་མེད་པར་བྱེད་པ་ཞེས་བྱ་བ་འཐོབ་ པར་འགྱུར་རོ། །ཚེ་འདི་ཉིད་ལ་སངས་རྒྱས་རྗེས་སུ་དྲན་པ་ཐོབ་པར་འགྱུར་རོ། །སེམས་མཉམ་པར་བཞག་བཞིན་དུ་འཆི་བའི་དུས་བྱེད་པར་འགྱུར། ཚེ་རབས་ཐམས་ཅད་དུ་ཚེ་རབས་དྲན་པར་འགྱུར་རོ། །ཇི་ལྟར་འདོད་པ་བཞིན་དུ་ལས་ཀྱི་སྒྲིབ་པ་ཐམས་ ཅད་ཟད་པར་བྱེད་པར་འདོད་ན། ཚེས་བཅཝ་ལྔའི་ཟླ་བ་ཉ་བ་ལ་སྨྱུང་བ་བྱས་ལ་གོས་དཀར་པོ་བགོས་ཏེ། རིང་བསྲེལ་དང་བཅས་པའི་མཆོད་རྟེན་ནམ། སྐུ་གཟུགས་ཀྱི་སྤྱན་སྔར་ཙནྡན་དཀར་པོས་དཀྱིལ་འཁོར་བསྐུས་ལ། དཀྱིལ་འཁོར་དེ་དང་བཅོམ་ ལྡན་འདས་ལ་མེ་ཏོག་སྣ་ཚོགས་གཏོར་ཏེ། བཅོམ་ལྡན་འདས་དང ། འཕགས་པ་སྤྱན་རས་གཟིགས་དབང་ཕྱུག་ལ་དྲི་ཞིམ་པོའི་བདུག་པ་དང ། མར་མེ་དང ། སྤོས་ཀྱི་བསྟི་སྟང་བྱས་ཏེ་དེ་ཉིད་དུ་འདུག་ལ་ལན་བརྒྱ་རྩ་བརྒྱད་བརྗོད་ན། དེས་ སྡིག་པ་ཐམས་ཅད་དང་བྲལ་བར་འགྱུར་རོ། །མཚམས་མེད་པ་བྱེད་པ་ཡང་སྡིག་པ་བྱང་ཞིང ། ཤིན་ཏུ་ཡོངས་སུ་དག་པའི་སེམས་ཀྱི་རྒྱུད་དང་ལྡན་པ་དང ། ཤིན་ཏུ་ཡོངས་སུ་དག་པའི་ལུས་དང ། ངག་དང ། ཡིད་ཀྱི་སྤྱོད་པ་དང་ལྡན་པར་འགྱུར་རོ། ། དེ་བཞིན་གཤེགས་པ་རྣམས་ཀྱིས་རྟག་པར་རྒྱུན་དུ་ཏིང་ངེ་འཛིན་གྱི་སྟོབས་དང ། དབང་བསྐུར་བའི་སྟོབས་དང ། ས་དང་ཕ་རོལ་དུ་ཕྱིན་པའི་སྟོབས་དང ། ཡེ་ཤེས་ཁྱད་པར་ཅན་གྱི་སྟོབས་སྒྲུབ་པར་མཛད་དོ། །གནམ་ལ་གྱེན་དུ་བལྟས་ཏེ་བཟླས་བརྗོད་བྱས་ ན་ཆར་འབབ་བོ། །ས་ལ་བལྟས་ཏེ་བཟླས་བརྗོད་བྱས་ན་ལོ་ཏོག་ཐམས་ཅད་ལེགས་པར་འགྱུར་རོ། །འབབ་ཆུ་དང ། མཚེའུ་དང ། རྫིང་བུའི་ཤུལ་དུ་བལྟས་ཏེ་བཟླས་བརྗོད་བྱས་ན་ཆུ་འབྱུང་བར་འགྱུར་རོ། །ནད་ཐམས་ཅད་ལ་ལག་པས་བྱབ་ཅིང་བཟླས་བརྗོད་བྱས་
101-1-264a
ན་སོས་པར་འགྱུར་རོ། །དྲན་པ་ཉམས་པའི་མདུན་དུ་བཟླས་བརྗོད་བྱས་ན་དྲན་པ་རྙེད་པར་འགྱུར་རོ། །བཀྲེས་པ་དང་སྐོམ་པའི་གདོང་དུ་བལྟས་ཏེ་བཟླས་བརྗོད་བྱས་ན་ཕྱིད་པར་འགྱུར་རོ། །མི་ངས་ཆེན་པོ་བྱུང་ན་རས་ལ་བྲིས་ཏེ་ རྒྱལ་མཚན་གྱི་རྩེ་མོར་བཏགས་ན་དཔག་ཚད་ཚུན་ཆད་མཚམས་གཅད་པ་དང་བསྲུང་བ་བྱས་པར་འགྱུར་རོ། །འཕགས་པ་ལུས་ཀྱི་དབྱིབས་མཛེས་ཞེས་བྱ་བའི་གཟུངས་རྫོགས་སྷོ།། །།རྒྱ་གར་གྱི་མཁན་པོ་པྲཛྙཱ་བར་མ་དང ། ཞུ་ཆེན་ གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། ་་