ཅ༄#། །འཕགས་པ་རིག་སྔགས་ཀྱི་ རྒྱལ་པོ་དབུགས་ཆེན་པོ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ལ་གླིང་བཞི་པའི་དབང་ཕྱུག་འབྱུང་པོའི་བདག་པོ་ཆེན་པོ་མཆེ་བ་གཙིགས་པ་སེར་སྐྱ་ཞེས་བྱ་བས་འདི་སྐད་ཅེས་གསོལ་ཏོ། །བཅོམ་ལྡན་ འདས་བདག་ནི་འབྱུང་པོ་ཐམས་ཅད་ཀྱི་བདག་པོ་ལགས་ཏེ། བདག་གིས་གླིང་བཞི་བའི་འཇིག་རྟེན་གྱི་ཁམས་ན་མཆིས་པའི་འབྱུང་པོ་ཐམས་ཅད་ལ་འཚེ་བར་བགྱིད་རྡེག་པར་བགྱིད་འཆིང་བར་བགྱིད་འཇིག་རྟེན་གྱི་ཁམས་འདི་ནས་འཇིག་རྟེན་གྱི་ཁམས་གཞན་དུ་འཕེན་པར་ བགྱིད་ཡན་ལག་དང་ཉིང་ལག་རྣམས་རྣམ་པར་གཅོད་པར་བགྱིད་ལགས་སོ། །བཅོམ་ལྡན་འདས་གང་གི་ཚེ་བདག་བཀྲེས་པར་གྱུར་པ་ན་དབུགས་གཏོང་སྟེ། དབུགས་དེས་གླིང་བཞི་བའི་འཇིག་རྟེན་གྱི་ཁམས་ཀུན་དུ་འགེངས་པར་བགྱིད་ཅིང ། བཅོམ་ལྡན་འདས་བདག་མི་ དང་མི་མ་ལགས་པ་ཐམས་ཅད་ཀྱི་གཟི་བྱིན་འཕྲོག་པར་བགྱིད་ལགས་ཏེ། དབུགས་ཆེན་པོས་སེམས་ཅན་རྣམས་ལ་རེག་མ་ཐག་ཏུ་བྲོ་ནད་སྣ་ཚོགས་དག་འབྱུང་ལགས་སོ། །བཅོམ་ལྡན་འདས་གང་ན་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བགྱི་བ་འདི་སྤྱོད་པ་དེར་བདག་གི་ 102-1-86a དབུགས་ཀྱིས་མི་ཚུགས་པ་དང ། འབྱུང་པོ་རྣམས་འཚེ་བར་མི་འགྱུར་བ་དང ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས། སངས་རྒྱས་དང ། ཆོས་དང ། དགེ་འདུན་རྣམས་ལ་ཕྱག་བགྱིས་ནས། མགོའམ། མགུལ་དུ་ བཏགས་ཏེ་འཆང་བ་དེར་རླུང་ལས་གྱུར་པ་དང ། མཁྲིས་པ་ལས་གྱུར་པ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པའི་བྲོ་ནད་རྣམས་འབྱུང་བར་མི་འགྱུར་བར་བདག་དེང་སླན་ཆད་དེ་བཞིན་གཤེགས་པའི་སྤྱན་སྔར་ཡི་དམ་འཚལ་ལགས་སོ། །ཏདྱ་ཐཱ། ཌ་ར་ཌ་ར། ཌ་ཌ་ར། ཌ་ཌ་ར། ཐ་ར་ཐ་ར། ཐ་ཐ་ར། ཐ་ཐ་ར། མ་ར་མ་ར། མ་མ་ར། མ་མ་ར། དྷུ་ཧུ་དྷུ་ཧུ། ཧ་ཧ་ཧ། ས་ར་ས་ར་ས་ར།ཙུ་ཙུ་ཙུ། བུ་བུ་བུ། ཀི་ལི་ཀི་ལི་ཀི་ལི། སརྦ་བྷཱ་ཏ་ཨ་དྷི་པ་ཏི། དྲ་དྲ་དྲ། བྲ་བྲ་བྲ། གུ་གུ་གུ། ཀྲ་ཀྲ་ཀྲ། ཡ་ས་ཡ་ ས་ཡ་ས། པཱཎྜ་རེ། པཱཎྜ་རེ། ཧུ་ལུ་ཧུ་ལུ་ཧུ་ལུ། ཧུ་ཧུ་ཧུ། བདག་ལ་སྲུངས་ཤིག་།སྲུངས་ཤིག་།ཙི་ལི་ཙི་ལི་ཙི་ལི། མི་ལི་མི་ལི་མི་ལི། ཁྴོ་ཁྴོ་ཁྴོ། གཽ་རི་གཽ་རི་གཽ་རི་བདག་གི་ནད་ཐམས་ཅད་རབ་ཏུ་ཞི་བར་གྱུར་ཅིག་སཝཱ་ཧཱ། མ་ཧཱ་ཤཝཱ་སཱ་ཡ་སཝཱ་ཧཱ། མ་ཧཱ་བྷཱུ་ཏ་ ་དྷི་བ་ཏ་ཡེ་སཝཱ་ཧཱ། གཽ་རི་ཡེ་སཝཱ་ཧཱ། ཨུ་གྲཱ་ཡ་སཝཱ་ཧཱ། བདག་བདེ་ལེགས་སུ་གྱུར་ཅིག་དཾཥྚཱི་ཀ་རཱ་ལ་བིང་ག་ལ་ཨཱཛྙཱ་བ་ཡ་ཏི་སཝཱ་ཧཱ། འཕགས་པ་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་པྲཛྙཱ་བ་ར་མ་དང ། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། ་་ |