rKTs


H102

(e-text produced by ACIP)

see text in transliteration
1b
༄##། །རྒྱ་གར་སྐད་དུ། ཨཱརྱ་ནིཥྛ་ཏན་བྷ་ག་ཝཱན་ཛྙཱ་ན་བཻ་པུ་ལྱན་སཱུ་ཏྲ་རཏྣ་ཨ་ནནྟ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་བཅོམ་ལྡན་འདས་ཀྱི་ཡེ་ཤེས་རྒྱས་པའི་མདོ་སྡེ་རིན་པོ་ཆེ་མཐའ་ཡས་པ་མཐར་ཕྱིན་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་
2a
༄#། །སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་སྟོང་ཉིས་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་སོ། །དེའི་ཚེ་གྲོང་ཁྱེར་ཆེན་པོ་དགེ་བའི་ཕ་རོལ་འགྲོ་ཞེས་བྱ་བར་ཁྱིམ་བདག་ཕྱཝ་མཁན་ཞིག་གིས་བཅོམ་ལྡན་འདས་ཁོ་ནའི་ཕྱིར་བཅོམ་
2b
ལྡན་འདས་ཁོ་ན་ལ་དམིགས་ཏེ། བཅོམ་ལྡན་འདས་ཁོ་ནའི་ཆེད་དུ་ཚེ་དང་ལྡན་པ་གང་པོ་ལག་གི་བླ་བྱེད་དུ་བཅུག་ནས། ཁང་བཟང་ཙནྡན་གྱི་ཁྱམས་དང་ལྡན་པ་ཞིག་རིང་པོར་མ་ཐོགས་པར་བྱས་ཏེ། རིང་པོར་མ་ཐོགས་པར་ཟིན་ནོ། །དེ་ནས་ཁྱིམ་བདག་ཕྱཝ་མཁན་གྱིས་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ། ཁང་བཟང་ཙནྡན་གྱི་ཁྱམས་དང་ལྡན་པ་འདི་ནི། བཅོམ་ལྡན་འདས་ཁོ་ནའི་ཕྱིར་བྱས། བཅོམ་ལྡན་འདས་ཁོ་ན་ལ་དམིགས་ཏེ། བཅོམ་ལྡན་འདས་ཀྱི་ཆེད་དུ་བྱས་པ་ཡིན་ན། གཞན་སུ་ཞིག་ཁང་བཟང་ཙནྡན་གྱི་ཁྱམས་དང་ལྡན་པ་འདི་ལོངས་སྤྱོད་པར་བྱེད་ཀྱི། ཅི་ནས་བདག་གི་སྦྱིན་པ་འདི་འབྲས་
3a
༄#། །བུ་ཆེ་བར་འགྱུར་བ་དང ། ཅི་ནས་བདག་གི་འབད་པ་འདི་དོན་ཡོད་པར་འགྱུར་བ་དང ། ཅི་ནས་བདག་གི་སྦྱིན་པ་འདི་ལོངས་སྤྱོད་པར་འགྱུར་བ་དེ་ལྟ་དེ་ལྟར་སྦྱིན་པ་འདི་བཏང་བ་དང ། ལོངས་སྤྱོད་ན་ཤིན་ཏུ་དགའ་བ་དང ། རབ་ཏུ་དགའ་བ་མང་བར་འགྱུར་རོ། །དེ་སྐད་ཅེས་སྨྲས་པ་དང ། ལག་གི་བླ་ཚེ་དང་ལྡན་པ་གང་པོས་ཁྱིམ་བདག་ཕྱཝ་མཁན་ལ་འདི་སྐད་ཅེས་སྨྲས་སོ། །ཁྱིམ་བདག་།ཁང་བཟང་ཙནྡན་གྱི་ཁྱམས་དང་ལྡན་པ་དེ། བཅོམ་ལྡན་འདས་ཁོ་ནའི་ཕྱིར་བྱས། བཅོམ་ལྡན་འདས་ཁོ་ན་ལ་དམིགས་ཏེ་བཅོམ་ལྡན་འདས་ཁོ་ནའི་ཆེད་དུ་བྱས་པ་འདི། དགེ་སྦྱོང་ངམ། བྲམ་ཟེ་གང་གིས་ཀྱང་ལོངས་སྤྱོད་པར་ནུས་པ་མེད་དོ།།
3b
དེ་ཅིའི་ཕྱིར་ཞེ་ན། ཁྱིམ་བདག། དེ་བཞིན་གཤེགས་པའི་ལྷུང་བཟེད་དམ། ཆོས་གོས་སམ། གདིང་བའམ། བགོ་བའམ། ཀུན་དགའ་ར་བའམ། འཆག་སའམ།་སྟན་ནམ། གཙུག་ལག་ཁང་དེ་དག་ནི། ལྷ་དང་བཅས་པ་དང ། བདུད་དང་བཅས་པ་དང ། ཚངས་པ་དང་བཅས་པ་དང ། དགེ་སྦྱོང་དང་བྲམ་ཟེར་བཅས་པའི་སྐྱེ་རྒུ་དང ། ལྷ་དང་མིར་བཅས་པའི་མཆོད་རྟེན་དུ་གྱུར་པ་ཡིན་ཏེ། དེ་ནི། གཞན་སུས་ཀྱང་ལོངས་སྤྱོད་པར་མི་ནུས་སོ། །དེ་ཅིའི་ཕྱིར་ཞེ་ན། ཡོན་ཏན་དེ་ལྟ་བུ་དང་ལྡན་པའི་དགེ་སྦྱོང་ངམ། བྲམ་ཟེ་དེ་གང་ཡང་མེད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཡོན་ཏན་ཅི་འདྲ་བ་དེ་ལྟ་བུ་དང་ལྡན་པའི་དགེ་སྦྱོང་ངམ། བྲམ་ཟེ་དེ་གང་ཡང་མེད་དོ། །འདི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ནི། ཡོན་ཏན་ཚད་མེད་པ་དང་ལྡན་པ་ཡིན་ཏེ། ཁྱིམ་བདག། བཅོམ་ལྡན་འདས་དེ་ནི། ཡོན་ཏན་གྲངས་མེད་པ་དང་ལྡན། ཡོན་ཏན་བསམ་གྱིས་མི་ཁྱབ་པ་དང་ལྡན། ཡོན་ཏན་གཞལ་དུ་མེད་པ་དང་ལྡན། ཡོན་ཏན་དཔག་ཏུ་མེད་པ་དང་ལྡན། ཡོན་ཏན་བརྗོད་ཀྱིས་མི་ལང་བ་དང་ལྡན།
4a
༄#། །པའོ། །ཁྱིམ་བདག། བཅོམ་ལྡན་འདས་དེ་ནི། མཁྱེན་པ་ཚད་མེད་པ་དང་ལྡན། མཁྱེན་པ་གྲངས་མེད་པ་དང་ལྡན། མཁྱེན་པ་བསམ་གྱིས་མི་ཁྱབ་པ་དང་ལྡན། མཁྱེན་པ་གཞལ་དུ་མེད་པ་དང་ལྡན། མཁྱེན་པ་དཔག་ཏུ་མེད་པ་དང་ལྡན། མཁྱེན་པ་བརྗོད་ཀྱིས་མི་ལང་བ་དང་ལྡན་པའོ། །ཁྱིམ་བདག། དེ་བཞིན་གཤེགས་པ་དེ་ནི། གནས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གནས་ཤེས་པ་ཀུན་འབྱུང་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན།་གནས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །གནས་མ་ཡིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་དང ། གནས་མ་ཡིན་པ་ཤེས་པ་འགོག་པ་ཤེས་པ་དང ། གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འདས་པ་ཤེས་པ་ཡང་དག་པ་ཇི་ལྟ་བཞིན་རབ་ཏུ་མཁྱེན་ཏེ། འདས་པ་ཤེས་པ་ཀུན་འབྱུང་བ་ཤེས་པ་དང ། འདས་པ་ཤེས་པ་འགོག་པ་ཤེས་པ་དང ། འདས་པ་ཤེས་པ་འགོག་པར་
4b
འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མ་འོངས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མ་འོངས་པ་ཤེས་པ་ཀུན་འབྱུང་བ་ཤེས་པ་དང ། མ་འོངས་པ་ཤེས་པ་འགོག་པ་ཤེས་པ་དང ། མ་འོངས་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ད་ལྟར་བྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ད་ལྟར་བྱུང་བ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན།་ད་ལྟར་བྱུང་བ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ད་ལྟར་བྱུང་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ལས་ཤེས་པ་ཀུན་འབྱུང་བ་ཤེས་པ་དང ། ལས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ལས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཡང་དག་པར་བླང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཡང་དག་པར་བླང་བ་ཤེས་པ་ཀུན་འབྱུང་བ་ཤེས་པ་དང ། ཡང་དག་པར་བླང་བ་ཤེས་པ་འགོག་པ་ཤེས་
5a
༄#། །པ་དང ། ཡང་དག་པར་བླང་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །གནས་ཀྱི་བསམ་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གནས་ཀྱི་བསམ་པ་ཤེས་པ་ཀུན་འབྱུང་བ་ཤེས་པ་དང ། གནས་ཀྱི་བསམ་པ་ཤེས་པ་འགོག་པ་ཤེས་པ་དང ། གནས་ཀྱི་བསམ་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྒྱུའི་བསམ་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། རྒྱུའི་བསམ་པ་ཤེས་པ་ཀུན་འབྱུང་བ་ཤེས་པ་དང ། རྒྱུའི་བསམ་པ་ཤེས་པ་འགོག་པ་ཤེས་པ་དང ། རྒྱུའི་བསམ་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་སྨིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། རྣམ་པར་སྨིན་པ་ཤེས་པ་ཀུན་འབྱུང་བ་ཤེས་པ་དང ། རྣམ་པར་སྨིན་པ་ཤེས་པ་འགོག་པ་ཤེས་པ་དང ། རྣམ་པར་སྨིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། །ཐམས་ཅད་དུ་འགྲོ་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཐམས་ཅད་དུ་འགྲོ་
5b
བའི་ལམ་ཤེས་པ་ཀུན་འབྱུང་བ་ཤེས་པ་དང ། ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས་པ་དང ། ཐམས་ཅད་དུ་འགྲོ་བའི་ལམ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁམས་དུ་མ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁམས་དུ་མ་ཤེས་པ་ཀུན་འབྱུང་བ་ཤེས་པ་དང ། ཁམས་དུ་མ་ཤེས་པ་འགོག་པ་ཤེས་པ་དང ། ཁམས་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁམས་སྣ་ཚོགས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁམས་སྣ་ཚོགས་ཤེས་པ་ཀུན་འབྱུང་བ་ཤེས་པ་དང ། ཁམས་སྣ་ཚོགས་ཤེས་པ་འགོག་པ་ཤེས་པ་དང ། ཁམས་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། འཇིག་རྟེན་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འཇིག་རྟེན་ཤེས་པ་ཀུན་འབྱུང་བ་ཤེས་པ་དང ། འཇིག་རྟེན་ཤེས་པ་འགོག་པ་ཤེས་པ་དང ། འཇིག་རྟེན་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མོས་པ་དུ་མ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་
6a
༄#། །མཁྱེན་ཏེ། མོས་པ་དུ་མ་ཤེས་པ་ཀུན་འབྱུང་བ་ཤེས་པ་དང ། མོས་པ་དུ་མ་ཤེས་པ་འགོག་པ་ཤེས་པ་དང ། མོས་པ་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མོས་པ་སྣ་ཚོགས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མོས་པ་སྣ་ཚོགས་ཤེས་པ་ཀུན་འབྱུང་བ་ཤེས་པ་དང ། མོས་པ་སྣ་ཚོགས་ཤེས་པ་འགོག་པ་ཤེས་པ་དང ། མོས་པ་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དབང་པོ་ཤེས་པ་ཀུན་འབྱུང་པ་ཤེས་པ་དང ། དབང་པོ་ཤེས་པ་འགོག་པ་ཤེས་པ་དང ། དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྟོབས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྟོབས་ཤེས་པ་ཀུན་འབྱུང་བ་ཤེས་པ་དང ། སྟོབས་ཤེས་པ་འགོག་པ་ཤེས་པ་དང ། སྟོབས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། །བརྩོན་འགྲུས་ཤེས་པ་ཡང་དག་པ་ཇི་ལྟ་བ་
6b
བཞིན་རབ་ཏུ་མཁྱེན་ཏེ། བརྩོན་འགྲུས་ཤེས་པ་ཀུན་འབྱུང་བ་ཤེས་པ་དང ། བརྩོན་འགྲུས་ཤེས་པ་འགོག་པ་ཤེས་པ་དང ། བརྩོན་འགྲུས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རིམ་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། རིམ་པ་ཤེས་པ་ཀུན་འབྱུང་བ་ཤེས་པ་དང ། རིམ་པ་ཤེས་པ་འགོག་པ་ཤེས་པ་དང ། རིམ་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །བསམ་གཏན་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། བསམ་གཏན་ཤེས་པ་ཀུན་འབྱུང་བ་ཤེས་པ་དང ། བསམ་གཏན་ཤེས་པ་འགོག་པ་ཤེས་པ་དང ། བསམ་གཏན་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་ཐར་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།་རྣམ་པར་ཐར་པ་ཤེས་པ་ཀུན་འབྱུང་བ་ཤེས་པ་དང ། རྣམ་པར་ཐར་པ་ཤེས་པ་འགོག་པ་ཤེས་པ་དང ། རྣམ་པར་ཐར་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཏིང་ངེ་འཛིན་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཏིང་ངེ་འཛིན་ཤེས་པ་ཀུན་འབྱུང་བ་ཤེས་
7a
༄#། །པ་དང ། ཏིང་ངེ་འཛིན་ཤེས་པ་འགོག་པ་ཤེས་པ་དང ། ཏིང་ངེ་འཛིན་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྙོམས་པར་འཇུག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྙོམས་པར་འཇུག་པ་ཤེས་པ་ཀུན་འབྱུང་བ་ཤེས་པ་དང ། སྙོམས་པར་འཇུག་པ་ཤེས་པ་འགོག་པ་ཤེས་པ་དང ། སྙོམས་པར་འཇུག་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཀུན་ནས་ཉོན་མོངས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཀུན་ནས་ཉོན་མོངས་པ་ཤེས་པ་ཀུན་འབྱུང་བ་ཤེས་པ་དང ། ཀུན་ནས་ཉོན་མོངས་པ་ཤེས་པ་འགོག་པ་ཤེས་པ་དང ། ཀུན་ནས་ཉོན་མོངས་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་བྱང་བ་ཤེས་པ་ཇི་ལྟ་བ་བཞིན་རབ་ཏུ་མཁྱེན་ཏེ། རྣམ་པར་བྱང་བ་ཤེས་པ་ཀུན་འབྱུང་བ་ཤེས་པ་དང ། རྣམ་པར་བྱང་བ་ཤེས་པ་འགོག་པ་ཤེས་པ་དང ། རྣམ་པར་བྱང་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་གཞག་པ་ཤེས་པ་ཡང་
7b
དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། རྣམ་པར་གཞག་པ་ཤེས་པ་ཀུན་འབྱུང་བ་ཤེས་པ་དང ། རྣམ་པར་གཞག་པ་ཤེས་པ་འགོག་པ་ཤེས་པ་དང ། རྣམ་པར་གཞག་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྔོན་གྱི་མཐའ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྔོན་གྱི་མཐའ་ཤེས་པ་ཀུན་འབྱུང་བ་ཤེས་པ་དང ། སྔོན་གྱི་མཐའ་ཤེས་པ་འགོག་པ་ཤེས་པ་དང ། སྔོན་གྱི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྔོན་གྱི་གནས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྔོན་གྱི་གནས་ཤེས་པ་ཀུན་འབྱུང་བ་ཤེས་པ་དང ། སྔོན་གྱི་གནས་ཤེས་པ་འགོག་པ་ཤེས་པ་དང ། སྔོན་གྱི་གནས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། ཕྱི་མའི་མཐའ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཕྱི་མའི་མཐའ་ཤེས་པ་ཀུན་འབྱུང་བ་ཤེས་པ་དང ། ཕྱི་མའི་མཐའ་ཤེས་པ་འགོག་པ་ཤེས་པ་དང ། ཕྱི་མའི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ལྷའི་མིག་ཤེས་པ་ཡང་དག་པ་ཇི་ལྟ་བ་བཞིན་རབ་
8a
༄#། །ཏུ་མཁྱེན་ཏེ། ལྷའི་མིག་ཤེས་པ་ཀུན་འབྱུང་བ་ཤེས་པ་དང ། ལྷའི་མིག་ཤེས་པ་འགོག་པ་ཤེས་པ་དང ། ལྷའི་མིག་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འཆི་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འཆི་བ་ཤེས་པ་ཀུན་འབྱུང་བ་ཤེས་པ་དང ། འཆི་བ་ཤེས་པ་འགོག་པ་ཤེས་པ་དང ། འཆི་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྐྱེ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྐྱེ་བ་ཤེས་པ་ཀུན་འབྱུང་བ་ཤེས་པ་དང ། སྐྱེ་བ་ཤེས་པ་འགོག་པ་ཤེས་པ་དང ། སྐྱེ་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འདོད་པའི་ཟག་པ་ཤེས་པ་ཡང་དང་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདོད་པའི་ཟག་པ་ཤེས་པ་ཀུན་འབྱུང་བ་ཤེས་པ་དང ། འདོད་པའི་ཟག་པ་ཤེས་པ་འགོག་པ་ཤེས་པ་དང ། འདོད་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྲིད་པའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྲིད་པའི་ཟག་པ་ཤེས་པ་ཀུན་འབྱུང་བ་
8b
ཤེས་པ་དང ། སྲིད་པའི་ཟག་པ་ཤེས་པ་འགོག་པ་ཤེས་པ་དང ། སྲིད་པའི་ཟག་པར་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ལྟ་བའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ལྟ་བའི་ཟག་པ་ཤེས་པ་ཀུན་འབྱུང་བ་ཤེས་པ་དང ། ལྟ་བའི་ཟག་པ་ཤེས་པ་འགོག་པ་ཤེས་པ་དང ། ལྟ་བའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མ་རིག་པའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མ་རིག་པའི་ཟག་པ་ཤེས་པ་ཀུན་འབྱུང་བ་ཤེས་པ་དང ། མ་རིག་པའི་ཟག་པ་ཤེས་པ་འགོག་པ་ཤེས་པ་དང ། མ་རིག་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཟད་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཟད་པ་ཤེས་པ་ཀུན་འབྱུང་བཤེས་པ་དང ། ཟག་པ་ཤེས་པ་འགོག་པ་ཤེས་པ་དང ། ཟད་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མི་སྐྱེ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མི་སྐྱེ་བ་ཤེས་པ་ཀུན་འབྱུང་བ་ཤེས་པ་དང ། མི་སྐྱེ་བ་ཤེས་པ་འགོག་པ་ཤེས་པ་དང །
9a
༄#། །མི་སྐྱེ་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མི་འཇིགས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མི་འཇིགས་པ་ཤེས་པ་ཀུན་འབྱུང་བ་ཤེས་པ་དང ། མི་འཇིགས་པ་ཤེས་པ་འགོག་པ་ཤེས་པ་དང ། མི་འཇིགས་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སོ་སོ་ཡང་དག་པར་རིག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སོ་སོ་ཡང་དག་པར་རིག་པ་ཤེས་པ་ཀུན་འབྱུང་བ་ཤེས་པ་དང ། སོ་སོ་ཡང་དག་པར་རིག་པ་ཤེས་པ་འགོག་པ་ཤེས་པ་དང ། སོ་སོ་ཡང་དག་པར་རིག་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པའི་སྟོབས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པའི་སྟོབས་ཤེས་པ་ཀུན་འབྱུང་བ་ཤེས་པ་དང ། དེ་བཞིན་གཤེགས་པའི་སྟོབས་ཤེས་པ་འགོག་པ་ཤེས་པ་དང ། དེ་བཞིན་གཤེགས་པའི་སྟོབས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་
9b
བའི་ཡེ་ཤེས་ཀྱི་མཚན་ཉིད་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པའི་ཡེ་ཤེས་ཀྱི་མཚན་ཉིད་ཤེས་པ་ཀུན་འབྱུང་བ་ཤེས་པ་དང ། དེ་བཞིན་གཤེགས་བའི་ཡེ་ཤེས་ཀྱི་མཚན་ཉིད་ཤེས་པ་འགོག་པ་ཤེས་པ་དང ། དེ་བཞིན་གཤེགས་པའི་ཡེ་ཤེས་ཀྱི་མཚན་ཉིད་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པའི་གནས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པའི་གནས་པ་ཤེས་པ་ཀུན་འབྱུང་བ་ཤེས་པ་དང ། དེ་བཞིན་གཤེགས་པའི་གནས་པ་ཤེས་པ་འགོག་པ་ཤེས་པ་དང ། དེ་བཞིན་གཤེགས་པའི་གནས་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པའི་དབང་པོ་ཤེས་པ་ཀུན་འབྱུང་བ་ཤེས་པ་དང ། དེ་བཞིན་གཤེགས་པའི་དབང་པོ་ཤེས་པ་འགོག་པ་ཤེས་པ་དང ། དེ་བཞིན་གཤེགས་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ལུས་ཀྱི་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ལུས་ཀྱི་ལས་ཤེས་པ་ཀུན་འབྱུང་བ་ཤེས་པ་དང ། ལུས་ཀྱི་ལས་ཤེས་པ་
10a
༄#། །འགོག་པ་ཤེས་པ་དང ། ལུས་ཀྱི་ལས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ངག་གི་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ངག་གི་ལས་ཤེས་པ་ཀུན་འབྱུང་བ་ཤེས་པ་དང ། ངག་གི་ལས་ཤེས་པ་འགོག་པ་ཤེས་པ་དང ། ངག་གི་ལས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཡིད་ཀྱི་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཡིད་ཀྱི་ལས་ཤེས་པ་ཀུན་འབྱུང་བ་ཤེས་པ་དང ། ཡིད་ཀྱི་ལས་ཤེས་པ་འགོག་པ་ཤེས་པ་དང ། ཡིད་ཀྱི་ལས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྔོན་དུ་འགྲོ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྔོན་དུ་འགྲོ་བ་ཤེས་པ་ཀུན་འབྱུང་བ་ཤེས་པ་དང ། སྔོན་དུ་འགྲོ་བ་ཤེས་པ་འགོག་པ་ཤེས་པ་དང ། སྔོན་དུ་འགྲོ་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྗེས་སུ་འབྲང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། རྗེས་སུ་འབྲང་བ་ཤེས་པ་ཀུན་འབྱུང་བ་ཤེས་པ་དང ། རྗེས་སུ་འབྲང་བ་ཤེས་པ་འགོག་པ་ཤེས་པ་དང ། རྗེས་སུ་
10b
འབྲང་བ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྗེས་སུ་ཉམ་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།་རྗེས་སུ་ཉམས་པ་ཤེས་པ་ཀུན་འབྱུང་བ་ཤེས་པ་དང ། རྗེས་སུ་ཉམས་པ་ཤེས་པ་འགོག་པ་ཤེས་པ་དང ། རྗེས་སུ་ཉམས་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཐམས་ཅད་མཁྱེན་པ་ཉིད་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཐམས་ཅད་མཁྱེན་པ་ཉིད་ཤེས་པ་ཀུན་འབྱུང་བ་ཤེས་པ་དང ། ཐམས་ཅད་མཁྱེན་པ་ཉིད་ཤེས་པ་འགོག་པ་ཤེས་པ་དང ། ཐམས་ཅད་མཁྱེན་པ་ཉིད་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།དེ་ནི། བཅོམ་ལྡན་འདས་ཀྱི་ཡེ་ཤེས་རྒྱས་པ་བསྟན་པ་དང་པོ་སྟེ། དེའི་བཤད་པ་ཉོན་ཅིག་།ཁྱིམ་བདག་།ཇི་ལྟར་ན།་དེ་བཞིན་གཤེགས་པས་གནས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་ལུས་ཀྱིས་ཉེས་པར་སྤྱད་པའི་རྣམ་པར་སྨིན་པ་མི་འདོད་པ། མི་སྡུག་པ། ཡིད་དུ་མི་འོང་བ་འགྲུབ་པ་གང་ཡིན་པ་དེ་ནི། གནས་ཡིན་ཞིང་སྐབས་ཡིན་ནོ། །ངག་
11a
༄#། །གིས་ཉེས་པར་སྤྱད་པ་དང ། ཡིད་ཀྱིས་ཉེས་པར་སྤྱད་པའི་རྣམ་པར་སྨིན་པ་མི་འདོད་པ། མི་སྡུག་པ། ཡིད་དུ་མི་འོང་བ་འགྲུབ་པ་གང་ཡིན་པའང་གནས་ཡིན་ཞིང་སྐབས་ཡིན་ནོ། །ལུས་ཀྱིས་ཉེས་པར་སྤྱད་པས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །ངག་གིས་ཉེས་པར་སྤྱད་པ་དང ། ཡིད་ཀྱིས་ཉེས་པར་སྤྱད་པའི་རྣམ་པར་སྨིན་པས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། ། ལུས་ཀྱིས་ལེགས་པར་སྤྱད་པའི་རྣམ་པར་སྨིན་པ་འདོད་པ། སྡུག་པ། ཡིད་དུ་འོང་བ་འགྲུབ་པ་གང་ཡིན་པ་འང་གནས་ཡིན་ཞིང་སྐབས་ཡིན་ནོ། །ངག་གིས་ལེགས་པར་སྤྱད་པ་དང ། ཡིད་ཀྱིས་ལེགས་པར་སྤྱད་པའི་རྣམ་པར་སྨིན་པ་འདོད་པ། སྡུག་པ། ཡིད་དུ་འོང་བ་མངོན་པར་འགྲུབ་པ་གང་ཡིན་པའང་གནས་ཡིན་ཞིང་སྐབས་ཡིན་ནོ། །ལུས་ཀྱིས་ལེགས་པར་སྤྱད་པའི་རྣམ་པར་སྨིན་པས་ལུས་ཞིག་གནས་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་བ་གང་ཡིན་པའང་
11b
གནས་ཡིན་ཞིང་སྐབས་ཡིན་ནོ། །ངག་གིས་ལེགས་པར་སྤྱད་པ་དང ། ཡིད་ཀྱིས་ལེགས་པར་སྤྱད་པའི་རྣམ་པར་སྨིན་པས་ལུས་ཞིག་ནས་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སོ་སོའི་སྐྱེ་བོ་ལ་ལས་བསམ་བཞིན་དུ་མ་སྲོག་དང་ཕྲལ་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སོ་སོའི་སྐྱེ་བོ་ལ་ལས་བསམ་བཞིན་དུ་ཕ་སྲོག་དང་ཕྲལ་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སོ་སོའི་སྐྱེ་བོ་ལ་ལས་བསམ་བཞིན་དུ་དེ་བཞིན་གཤེགས་པའི་ཉན་ཐོས་དགྲ་བཅོམ་པ་སྲོག་དང་ཕྲལ་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སོ་སོའི་སྐྱེ་བོ་ལ་ལས་ཉན་ཐོས་ཀྱི་དགེ་འདུན་མཐུན་པ་ཕྱེ་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སོ་སོའི་སྐྱེ་བོ་ལ་ལས་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སོ་སོའི་སྐྱེ་བོ་ལ་ལས་སྟོན་པ་གཞན་གྱིས་བསྟན་པ་དང ། འདི་ལས་ཕྱི་རོལ་པ་གཞན་གྱི་ཡང་དག་པའི་ལྟ་བ་འཆའ་ཞིང་བཅས་པ་དང ། སྦྱངས་པ་གཞན་ཡང་དག་པར་ལེན་དུ་འཇུག་པ་དང ། དགེ་སྦྱོང་དང་བྲམ་ཟེ་གང་ཡང་རུང་བ་
12a
༄#། །ལ་ལ་དག་གི་དགེ་མཚན་དང ། བཀྲ་ཤིས་མང་པོ་སོ་སོའི་བདེན་པ་དེ་དག་གིས་དག་པ་ཡོངས་སུ་ཚོལ་བ་དང ། དགེ་སྦྱོང་དང་བྲམ་ཟེ་གཞན་དག་གིས་བཤད་པ་ལ་ཕྱོགས་ཤིང ། ཚེ་དང་ལྡན་པ་ཤེས་པར་བྱ་བ་འདི་ནི། ཤེས་པར་བྱ། བལྟ་བར་བྱ་བ་འདི་ནི། མཐོང་བར་བྱའོ། །ཞེས་བྱ་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ནི་སོ་སོའི་སྐྱེ་བོ་ལ་ལ་མིའི་སྲིད་པ་བརྒྱད་མངོན་པར་འགྲུབ་པ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སྐྱེས་བུ་གང་ཟག་ལ་ལ་ཚངས་པ་ཉིད་སྒྲུབ་པའམ། བདུད་དམ། བྲམ་ཟེ་སྒྲུབ་པ་གང་ཡིན་པའང་གནས་ཡིན་ཞིང་སྐབས་ཡིན་ནོ། ། འདི་ན་སྐྱེས་བུ་གང་ཟག་ལ་ལ་འཁོར་ལོས་བསྒྱུར་བའི་རྒྱལ་པོར་འགྱུར་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འདི་ན་སྐྱེས་བུ་གང་ཟག་ལ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །འཇིག་རྟེན་གྱི་ཁམས་གཅིག་ཏུ་དེ་བཞིན་གཤེགས་པ་གཅིག་བྱུང་བ་གང་ཡིན་པའང་གནས་ཡིན་ཞིང་སྐབས་ཡིན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་
12b
གནས་ཤེས་པ་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་གནས་ཐོབ་པའི་གང་ཟག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གང་ཟག་འདི་ནི།་སངས་རྒྱས་ཀྱི་ཆོས་རྣམས་ཀྱི་སྣོད་ཡིན་ནོ། །གང་ཟག་འདི་ནི། རང་སངས་རྒྱས་ཀྱི་ཆོས་རྣམས་ཀྱི་སྣོད་ཡིན་ནོ། །གང་ཟག་འདི་ནི། ཉན་ཐོས་ཀྱི་ཆོས་རྣམས་ཀྱི་སྣོད་ཡིན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་གནས་ཤེས་པ་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་གནས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་སྟེ། བསྐལ་པ་བརྒྱའམ། བསྐལ་པ་སྟོང་ངམ། བསྐལ་པ་འབུམ་མམ། བསྐལ་བ་བྱེ་བའམ། བསྐལ་པ་ས་ཡའམ། བསྐལ་པ་གཏམས་སམ། བསྐལ་པ་དཀྲིགས་སམ། བསྐལ་པ་དཔག་ཏུ་མེད་པར་ལན་གསུང་ངོ ། །བསྐལ་པ་གྲངས་མེད་པ་དང ། བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། དཔག་ཏུ་མེད་པ་དང ། བརྗོད་ཀྱིས་མི་ལང་བར་ལན་གསུང་ངོ ། །བསྐལ་པ་དཔག་ཏུ་མེད་པའི་ཡང་དཔག་ཏུ་མེད་པ་དང ། གྲངས་མེད་པའི་དཔག་ཏུ་མེད་པ་དང ། བསམ་གྱིས་མི་ཁྱབ་པའི་དཔག་ཏུ་མེད་པ་དང ། གཞལ་དུ་མེད་པའི་དཔག་ཏུ་མེད་པ་དང ། གཞལ་གྱིས་མི་ལང་བའི་དཔག་ཏུ་མེད་པ་དང ། བརྗོད་དུ་མེད་
13a
༄#། །པའི་དཔག་ཏུ་མེད་པའི་བསྐལ་པར་ལན་གསུང་ངོ ། །བསྐལ་བ་གྲངས་མེད་པའི་དཔག་ཏུ་མེད་ཅིང་གྲངས་མེད་པའི་དཔག་ཏུ་མེད་པ་དང ། གྲངས་མེད་པའི་གྲངས་མེད་པ་དང ། གྲངས་མེད་པའི་བསམ་གྱིས་མི་ཁྱབ་པ་དང ། གྲངས་མེད་པའི་གཞལ་དུ་མེད་པ་དང ། གྲངས་མེད་པའི་གཞལ་གྱིས་མི་ལང་བ་དང ། གྲངས་མེད་པའི་བརྗོད་དུ་མེད་པ་དང ། བསམ་གྱིས་མི་ཁྱབ་པའི་དཔག་ཏུ་མེད་པ་དང ། བསམ་གྱིས་མི་ཁྱབ་པའི་གྲངས་མེད་པ་དང ། བསམ་གྱིས་མི་ཁྱབ་ཅིང་བསམ་གྱིས་མི་ཁྱབ་པའི་གཞལ་དུ་མེད་པ་དང ། བསམ་གྱིས་མི་ཁྱབ་པའི་གཞལ་གྱིས་མི་ལང་བ་དང ། གཞལ་དུ་མེད་པའི་དཔག་ཏུ་མེད་པ་དང ། གཞལ་དུ་མེད་པའི་གྲངས་མེད་པ་དང ། གཞལ་དུ་མེད་པའི་བསམ་གྱིས་མི་ཁྱབ་པ་དང ། གཞལ་དུ་མེད་པའི་གཞལ་དུ་མེད་པ་དང ། གཞལ་དུ་མེད་པའི་གཞལ་གྱིས་མི་ལང་བ་དང ། གཞལ་དུ་མེད་པའི་བརྗོད་དུ་མེད་པ་དང ། གཞལ་གྱིས་མི་ལང་བའི་དཔག་ཏུ་མེད་པ་དང ། གཞལ་གྱིས་མི་ལང་བའི་གྲངས་མེད་པ་དང ། གཞལ་གྱིས་མི་ལང་བའི་བསམ་དུ་མེད་པ་དང ། གཞལ་གྱིས་མི་ལང་བའི་གཞལ་གྱིས་མི་ལང་བ་དང ། གཞལ་གྱིས་མི་ལང་བའི་བརྗོད་དུ་མེད་པ་དང ། གྲངས་མེད་པའི་བརྗོད་དུ་
13b
མེད་པ་དང ། བསམ་གྱིས་མི་ཁྱབ་པའི་བརྗོད་དུ་མེད་པ་དང ། གཞལ་དུ་མེད་པའི་བརྗོད་དུ་མེད་པ་དང ། གཞལ་གྱིས་མི་ལང་བའི་བརྗོད་དུ་མེད་པའི་བརྗོད་དུ་མེད་པར་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག་།དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་དེ། ཐུགས་སུ་ཆུད་པའི་གནས་གང་ལ་ཞུ་བ་ཞུས་པའི་སྤོབས་པ་མི་ཟད་དོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་གནས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་སྡུག་བསྔལ་བར་རྗེས་སུ་བལྟ་བར་གནས་པའམ། གལ་ཏེ་ནང་དུ་རྗེས་སུ་བལྟ་བའམ། གལ་ཏེ་འབྲས་སུ་རྗེས་སུ་བལྟ་བའམ། གལ་ཏེ་ཟུག་རྔུར་རྗེས་སུ་བལྟ་བའམ། གལ་ཏེ་སྡིག་པར་རྗེས་སུ་
14a
༄#། །བལྟ་བའམ། གལ་ཏེ་གནོད་པར་རྗེས་སུ་བལྟ་བའམ། གལ་ཏེ་ཆུང་དུར་རྗེས་སུ་བལྟ་བའམ། གལ་ཏེ་འཇིག་པར་རྗེས་སུ་བལྟ་བའམ། གལ་ཏེ་གཡོ་བ་ཉིད་དུ་རྗེས་སུ་བལྟ་བའམ། གལ་ཏེ་རབ་ཏུ་འཇིག་པར་རྗེས་སུ་བལྟ་བའམ། གལ་ཏེ་འགོ་པའི་ནད་དུ་རྗེས་སུ་བལྟ་བའམ། གལ་ཏེ་སྟོང་པ་ཉིད་དུ་རྗེས་སུ་བལྟ་བའམ། གལ་ཏེ་བདག་མེད་པར་རྗེས་སུ་བལྟ་བའམ། གལ་ཏེ་དབུགས་དབྱུང་བ་མེད་པར་རྗེས་སུ་བལྟ་བའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ནི། གནས་ཤེས་པ་ཀུན་འབྱུང་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། གང་ཟག་འདི་ནི། དེ་བཞིན་གཤེགས་པ་ཁྲག་ཁྲིག་དེ་དག་ལ་དགེ་བའི་རྩ་བ་བསྐྱེད་ནས་གནས་ཤེས་པ་ལ་ངེས་པར་འབྱུང་བ་ཞེས་བྱ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་གནས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་
14b
གཤེགས་པ་གནས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག་།དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་པར་མཛད་དེ། གང་ཐུགས་སུ་ཆུད་པའི་དེ་བཞིན་གཤེགས་པ་གནས་ཤེས་པ་ཀུན་འབྱུང་བ་ཤེས་པ་ལ་ཞུ་བ་ཞུས་པའི་སྤོབས་པ་མི་ཟད་དོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང ། དོན་མ་ཡིན་པ་བཟློག་ལ་སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། གནས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་
15a
༄#། །རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཚོགས་པ་བྲལ་བས་འགགས་ཤིང་ཚོགས་པ་སྦྱོར་བས་གནས་ཤེས་པ་སྐྱེས་ལ་དེའང་གཟོད་མ་ནས་མ་སྐྱེས་པའི་ཆོས་ཅན་ཏེ། ཁྱིམ་བདག། དེ་ལྟར་ན། དེ་བཞིན་གཤེགས་པས་གནས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག་།དེ་ཅིའི་ཕྱིར་ཞེ་ན།་འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་དེ། གང་ཐུགས་སུ་ཆུད་པའི་དེ་བཞིན་གཤེགས་པ་གནས་ཤེས་པ་འགོག་པ་ཤེས་པ་ལ་ཞུ་བ་ཞུས་པའི་སྤོབས་པ་མི་ཟད་དོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི་ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནས་ཤེས་པ་འགོག་པར་འགྱུར་
15b
བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་གནས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས་པ་ཁོང་དུ་ཆུད། མངོན་སུམ་དུ་བྱས་པའི་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ།་གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འདི་ནི། གནས་ཤེས་པ་འགོག་པར་འགྱུར་བའི་ལམ་ཤེས་པ་ཞེས་བྱ་སྟེ། དེ་བཞིན་གཤེགས་པ་གནས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ།་དེའི་སྤོབས་པ་ཟད་མི་ཤེས་སོ། །ཁྱིམ་བདག་།དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་དེ། གང་ཐུགས་སུ་ཆུད་པའི་དེ་བཞིན་གཤེགས་པ་གནས་ཤེས་པ་འགོག་པར་འགྱུར་བའི་ལམ་ཤེས་པ་ལ་ཞུ་བ་ཞུས་པའི་སྤོབས་པ་མི་ཟད་དོ། །དེ་ལྟ་བས་ན།
16a
༄#། །འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།གཞན་ཡང་ཇི་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ལུས་ཀྱིས་ཉེས་པར་སྤྱད་པའི་རྣམ་པར་སྨིན་པ་འདོད་པ། སྡུག་པ། ཡིད་དུ་འོང་བ་འགྲུབ་པ་གང་ཡིན་པ་དེ་ནི། གནས་མ་ཡིན་ཞིང་སྐབས་མ་ཡིན་ནོ། །ངག་གིས་ཉེས་པར་སྤྱད་པ་དང ། ཡིད་ཀྱིས་ཉེས་པར་སྤྱད་པའི་རྣམ་པར་སྨིན་པ་འདོད་པ། སྡུག་པ། ཡིད་དུ་འོང་བ་འགྲུབ་པ་གང་ཡིན་པ་དེ་ནི། གནས་མ་ཡིན་ཞིང་སྐབས་མ་ཡིན་ནོ། །ལུས་ཀྱིས་ཉེས་པར་སྤྱད་པ་དང ། ངག་གིས་ཉེས་པར་སྤྱད་པ་དང ། ཡིད་ཀྱིས་ཉེས་པར་སྤྱད་པའི་རྣམ་པར་སྨིན་པས་ལུས་ཞིག་ནས་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བ་གང་ཡིན་པ་དེ་ནི། གནས་མ་ཡིན་ཞིང་སྐབས་མ་ཡིན་ནོ། ། ངག་གིས་ཉེས་པར་སྤྱད་པ་དང ། ཡིད་ཀྱིས་ཉེས་པར་སྤྱད་པའི་ཡང་དེ་བཞིན་ནོ། །ལུས་ཀྱིས་ལེགས་པར་སྤྱད་པའི་རྣམ་པར་སྨིན་པ་མི་འདོད་པ། མི་སྡུག་པ། ཡིད་
16b
དུ་མི་འོང་བ་མངོན་པར་འགྲུབ་པ་གང་ཡིན་པ་དེ་ནི། གནས་མ་ཡིན་ཞིང་སྐབས་མ་ཡིན་ནོ། །ངག་གིས་ལེགས་པར་སྤྱད་པ་དང ། ཡིད་ཀྱིས་ལེགས་པར་སྤྱད་པའང་དེ་བཞིན་ནོ། །ལུས་ཀྱིས་ལེགས་པར་སྤྱད་པའི་རྣམ་པར་སྨིན་པས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བ་གང་ཡིན་པ་དང ། དེ་བཞིན་དུ་ངག་གིས་ལེགས་པར་སྤྱད་པ་དང ། ཡིད་ཀྱིས་ལེགས་པར་སྤྱད་པའི་རྣམ་པར་སྨིན་པས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བ་ནི། གནས་མ་ཡིན་ཞིང་སྐབས་མ་ཡིན་ནོ། །ལྟ་བ་ཕུན་སུམ་ཚོགས་པའི་གང་ཟག་གིས་བསམ་བཞིན་དུ་མ་སྲོག་དང་ཕྲལ་བ་དང ། དེ་བཞིན་དུ་ཕ་དང ། དེ་བཞིན་དུ་དགྲ་བཅོམ་པ་དང ། དེ་བཞིན་དུ་དགེ་འདུན་ཕྱེ་བ་དང ། དེ་བཞིན་དུ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་གང་ཡིན་པ་དེ་ནི། གནས་མ་ཡིན་ཞིང་སྐབས་མ་ཡིན་ནོ། །ལྟ་བ་ཕུན་སུམ་ཚོགས་པ་དང་ལྡན་པའི་གང་ཟག་གིས་སྟོན་པ་གཞན་རྣམ་པར་བསྟེན་པ་དང ། དེ་བཞིན་དུ་འདི་ལས་ཕྱི་རོལ་པ་གཞན་གྱིས་ཡང་དག་པའི་ལྟ་བ་འཆའ་ཞིང་བཅས་པ་དང ། སྦྱངས་པ་གཞན་ཡང་དག་པར་ལེན་དུ་འཇུག་པ་དང ། དགེ་སྦྱོང་དང་བྲམ་ཟེ་གང་ཡང་རུང་བ་ལ་ལ་དག་
17a
༄#། །གིས་དགེ་མཚན་དང ། བཀྲ་ཤིས་མང་པོ་སོ་སོའི་བདེན་པ་དེ་དག་གིས་ཡང་དག་པར་འདོད་པ་དང ། དགེ་སྦྱོང་དང་བྲམ་ཟེ་གཞན་དག་གིས་བཤད་པ་ལ་ཕྱོགས་ཤིང ། ཚེ་དང་ལྡན་པ་ཤེས་པར་བྱ་བ་འདི་ནི། ཤེས་པར་བྱ། བལྟ་བར་བྱ་བ་འདི་ནི། མཐོང་བར་བྱ་བ་གང་ཡིན་པའང་གནས་མ་ཡིན་ཞིང་སྐབས་མ་ཡིན་ནོ། །ལྟ་བ་ཕུན་སུམ་ཚོགས་པའི་གང་ཟག་གིས་མིའི་སྲིད་པ་བརྒྱད་མངོན་པར་འགྲུབ་པ་གང་ཡིན་པ་ནི། གནས་མ་ཡིན་ཞིང་སྐབས་མ་ཡིན་ནོ། །བུད་མེད་བདག་གི་དངོས་པོ་དེ་ཉིད་ཀྱིས་བརྒྱ་བྱིན་ནམ། བདུད་དམ། ཚངས་པ་སྒྲུབ་པ་གང་ཡིན་པ་ནི། གནས་མ་ཡིན་ཞིང་སྐབས་མ་ཡིན་ནོ། །བུད་མེད་བདག་གི་དངོས་པོ་དེ་ཉིད་ཀྱིས་འཁོར་ལོས་བསྒྱུར་བའི་རྒྱལ་པོར་འགྱུར་བ་གང་ཡིན་པ་དེ་ནི། གནས་མ་ཡིན་ཞིང་སྐབས་མ་ཡིན་ནོ། །བུད་མེད་བདག་གི་དངོས་པོ་དེ་ཉིད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བ་གང་ཡིན་པ་དེ་ནི། གནས་མ་ཡིན་ཞིང་སྐབས་མ་ཡིན་ནོ། །འཇིག་རྟེན་གྱི་ཁམས་གཅིག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཉིས་འཇིག་རྟེན་དུ་འབྱུང་བ་གང་ཡིན་
17b
པའང་གནས་མ་ཡིན་ཞིང་སྐབས་མ་ཡིན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་གནས་མ་ཡིན་པ་ཐོབ་པའི་གང་ཟག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གང་ཟག་འདིས་སངས་རྒྱས་ཁྲག་ཁྲིག་འདི་སྙེད་ཅིག་ཐུགས་བྱུང་བར་བྱས་པས། དེ་སངས་རྒྱས་ཀྱི་ཆོས་རྣམས་དང ། རང་སངས་རྒྱས་ཀྱི་ཆོས་རྣམས་དང ། ཉན་ཐོས་ཀྱི་ཆོས་རྣམས་ཀྱི་སྣོད་མ་ཡིན་པ་དེ་ལྟར་དེ་བཞིན་གཤེགས་པས་གནས་མ་ཡིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནས་མ་ཡིན་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།གཞན་ཡང་ཇི་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།
18a
༄#། །ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རྟག་པར་རྗེས་སུ་བལྟ་བར་གནས་པའམ། གལ་ཏེ་སྡུག་བསྔལ་མ་ཡིན་པར་རྗེས་སུ་བལྟ་བའམ། གལ་ཏེ་ནད་མ་ཡིན་པར་རྗེས་སུ་བལྟ་བའམ། གལ་ཏེ་འབྲས་མ་ཡིན་པར་རྗེས་སུ་བལྟ་བའམ། གལ་ཏེ་ཟུག་རྔུ་མ་ཡིན་པར་རྗེས་སུ་བལྟ་བའམ། གལ་ཏེ་སྡིག་པ་མ་ཡིན་པར་རྗེས་སུ་བལྟ་བའམ། གལ་ཏེ་གཞན་མ་ཡིན་པར་རྗེས་སུ་བལྟ་བའམ། གལ་ཏེ་འཇིག་པ་མ་ཡིན་པར་རྗེས་སུ་བལྟ་བའམ།་གལ་ཏེ་གཡོ་བ་མ་ཡིན་པར་རྗེས་སུ་བལྟ་བའམ། གལ་ཏེ་རབ་ཏུ་འཇིག་པ་མ་ཡིན་པར་རྗེས་སུ་བལྟ་བའམ། གལ་ཏེ་འགོ་བའི་ནད་མ་ཡིན་པར་རྗེས་སུ་བལྟ་བའམ། གལ་ཏེ་མི་སྟོང་བར་རྗེས་སུ་བལྟ་བའམ། གལ་ཏེ་བདག་ཡོད་པར་རྗེས་སུ་བལྟ་བའམ། གལ་ཏེ་དབུགས་འབྱུང་བ་མེད་པར་རྗེས་སུ་བལྟ་བའམ།་གལ་ཏེ་ཉེས་དམིགས་མེད་པར་རྗེས་སུ་བལྟ་བའམ། གལ་ཏེ་གནོད་པ་མེད་པར་རྗེས་སུ་བལྟ་བའམ། གལ་ཏེ་ཕྱིར་རྒོལ་བ་མ་ཡིན་པར་རྗེས་སུ་བལྟ་
18b
བར་གནས་པ་མ་ཡིན་པ་ཤེས་པ་ཀུན་འབྱུང་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་མཁྱེན། ཐུགས་སུ་ཆུད། མངོན་སུམ་དུ་མཛད་དོ། །དེ་ལྟ་བས་ན། དེ་བཞིན་གཤེགས་པའི་ཡེ་ཤེས་གང་གིས་གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ནི། གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་ཞེས་བྱའོ། །དེ་བཞིན་གཤེགས་པ་གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག། དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་པར་མཛད་ཅིང ། གང་ཐུགས་སུ་ཆུད་པའི་དེ་བཞིན་གཤེགས་པ་གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་
19a
༄#། །སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། དེ་བཞིན་གཤེགས་པ་ལ་མ་བརྟེན་པའི་སེམས་ཅན་རྣམས་གནས་མ་ཡིན་པ་ཤེས་པ་ཀུན་འབྱུང་བ་ཤེས་པར་གྱུར་ཅིང ། དེ་དེ་བཞིན་གཤེགས་པ་ལ་བརྟེན་ན་བྲལ་ཏེ། ཁྱིམ་བདག། དེ་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང ། དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། གནས་མ་ཡིན་པ་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་
19b
མཁྱེན་ཏོ། །དེ་བཞིན་གཤེགས་པ་གནས་མ་ཡིན་པ་ཤེས་པ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང།་ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤིན་ཏུ་རྨོངས་པ་གང་གིས་གནས་མ་ཡིན་པ་སྟོན་པ་ལ་མི་ཤེས་པ་བྱུང་བའི་ཤིན་ཏུ་རྨོངས་པ་དེ་ནི། ངོ་བོ་ཉིད་དང་བྲལ་བ་སྟེ། དེས་ན། ཤིན་ཏུ་རྨོངས་པའི་ཆོས་མེད་དེ། ཆོས་ཐམས་ཅད་ངོ་བོ་ཉིད་དང་བྲལ་བའི་ཕྱིར་རོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པ་ཤེས་པ་གང་གིས་གནས་མ་ཡིན་པ་ཤེས་པ་ཡོངས་སུ་ཤེས་པའི་འགོག་པ་ཤེས་
20a
༄#། །བ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་མེད་པར་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བ་མེད་པར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། དེ་བཞིན་གཤེགས་པ་གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པར་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་ཅིང ། གང་ཐུགས་སུ་ཆུད་པའི་དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེ་ལྟ་བས་ན་འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི་ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་གཞན་ཡང་ཇི་ལྟར་ན། དེ་བཞིན་གཤེགས་པས་
20b
འདས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདས་པའི་བསྐལ་བ་དཔག་ཏུ་མེད་པའི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏེ། འདས་པའི་བསྐལ་བ་གྲངས་མེད་པ་དང ། བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། གཞལ་གྱིས་མི་ལང་བ་དང ། བརྗོད་དུ་མེད་པའི་བར་དག་གི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏོ། །འདས་པའི་བསྐལ་བ་དཔག་ཏུ་མེད་པའི་ཡང་དཔག་ཏུ་མེད་པ་དང ། དཔག་ཏུ་མེད་པའི་གྲངས་མེད་པ་དང ། དཔག་ཏུ་མེད་པའི་བསམ་གྱིས་མི་ཁྱབ་པ་དང ། དཔག་ཏུ་མེད་པའི་གཞལ་དུ་མེད་པ་དང ། དཔག་ཏུ་མེད་པའི་བརྗོད་དུ་མེད་པའི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏོ། །དེ་བཞིན་དུ་སྦྱར་ཏེ་འདས་པའི་བསྐལ་བ་བརྗོད་དུ་མེད་པའི་དཔག་ཏུ་མེད་པ་དང ། བརྗོད་དུ་མེད་པའི་གྲངས་མེད་པ་དང ། བརྗོད་དུ་མེད་པའི་བསམ་གྱིས་མི་ཁྱབ་པ་དང ། བརྗོད་དུ་མེད་པའི་གཞལ་དུ་མེད་པ་དང ། བརྗོད་དུ་མེད་པའི་གཞལ་གྱིས་མི་ལང་བ་དང ། བརྗོད་དུ་མེད་པའི་ཡང་བརྗོད་དུ་མེད་པའི་བར་དག་གི་སངས་རྒྱས་དང ། སངས་
21a
༄#། །རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང།་ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འདས་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདས་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ་ཡོངས་སུ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་སྔར་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་མ་འོངས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་མ་འོངས་པའི་བསྐལ་པ་དཔག་ཏུ་མེད་པའི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏེ། མ་འོངས་པའི་བསྐལ་བ་གྲངས་མེད་པ་དང ། བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། བརྗོད་དུ་མེད་པའི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏོ། །མ་འོངས་པའི་བསྐལ་བ་དཔག་ཏུ་མེད་པའི་
21b
ཡང་དཔག་ཏུ་མེད་པ་དང ། དཔག་ཏུ་མེད་པའི་གྲངས་མེད་པ་དང ། དཔག་ཏུ་མེད་པའི་བསམ་གྱིས་མི་ཁྱབ་པ་དང ། དཔག་ཏུ་མེད་པའི་གཞལ་དུ་མེད་པ་དང ། ། དཔག་ཏུ་མེད་པའི་གཞལ་གྱིས་མི་ལང་བ་དང ། དཔག་ཏུ་མེད་པའི་བརྗོད་དུ་མེད་པའི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་པ་ནས་མ་འོངས་པའི་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་གི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། མ་འོངས་པ་ཤེས་པ་ཞེས་བྱ་སྟེ། དེ་བཞིན་གཤེགས་པ་མ་འོངས་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། གཞན་ཡང་ཇི་ལྟར་ན། དེ་བཞིན་གཤེགས་
22a
༄#། །པས་ད་ལྟར་བྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ད་ལྟར་བྱུང་བའི་ཤར་ཕྱོགས་ཀྱི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་དཔག་ཏུ་མེད་པ་རྣམས་རབ་ཏུ་མཁྱེན་ཏེ། ད་ལྟར་བྱུང་བ་གྲངས་མེད་པ་དང ། བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། གཞལ་གྱིས་མི་ལང་བ་དང ། བརྗོད་དུ་མེད་པའི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་པ་ནས་དེ་བཞིན་དུ་སྦྱར་ཏེ། ད་ལྟར་བྱུང་བའི་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་གི་སངས་རྒྱས་དང ། སངས་རྒྱས་ཀྱི་ཞིང་དང ། སེམས་ཅན་རྣམས་རབ་ཏུ་མཁྱེན་ཏེ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ད་ལྟར་བྱུང་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ད་ལྟར་བྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་པ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་
22b
པ་ཟད་མི་ཤེས་སོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། གཞན་ཡང་ཇི་ལྟར་ན། དེ་བཞིན་གཤེགས་པས་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཡང་དག་པར་ལེན་པའི་ལས་བཞི་རབ་ཏུ་མཁྱེན་ཏེ། བཞི་གང་ཞེ་ན། ཚེ་འདི་ལ་མྱོང་བར་འགྱུར་བའི་ལས་དང ། སྐྱེས་ནས་མྱོང་བར་འགྱུར་བ་དང ། ལན་གྲངས་གཞན་ལ་མྱོང་བར་འགྱུར་བ་དང ། མྱོང་བར་མི་འགྱུར་བའི་ལས་སོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ལས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལས་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། ལོངས་སྤྱོད་པའི་བར་དུ་འགྱུར་རོ། །བམ་པོ་གཉིས་པ། ཁྱིམ་བདག་།ཇི་ལྟར་
23a
༄#། །ན།་དེ་བཞིན་གཤེགས་པས་ལས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་ལས་དང་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པའི་དོན་བྱས་ཤིང་དོན་མ་ཡིན་པ་བཟློག་ལ།་སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ལས་ཤེས་པ་
23b
འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་ལས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་ལས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།ད་ལྟར་ན། དེ་བཞིན་གཤེགས་པས་ལས་ཤེས་པ་
24a
༄#། །འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་ཞིང་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པར་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཡང་དག་པར་ལེན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཡང་དག་པར་ལེན་པའི་ལས་བཞི་པོ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། བཞི་གང་ཞེ་ན། ད་ལྟར་བྱུང་བ་ནའང་སྡུག་བསྔལ་ལ། ཕྱི་མ་ལའང་རྣམ་པར་སྨིན་པ་སྡུག་བསྔལ་བ་ཡང་དག་པར་ལེན་པའི་ལས་ཡོད་པ་དང ། ད་ལྟར་བྱུང་བ་ན་བདེ་ལ་ཕྱི་མ་ལ་རྣམ་པར་སྨིན་པ་སྡུག་བསྔལ་བ་ཡང་དག་པར་ལེན་པའི་ལས་ཡོད་པ་དང ། ད་ལྟར་བྱུང་བ་ན་སྡུག་བསྔལ་ལ་ཕྱི་མ་ལ་རྣམ་པར་སྨིན་པ་བདེ་བ་ཡང་དག་པར་ལེན་པའི་ལས་ཡོད་པ་དང ། ད་ལྟར་བྱུང་བ་ནའང་བདེ་ལ་ཕྱི་མ་ལའང་རྣམ་པར་སྨིན་པ་བདེ་བ་ཡང་
24b
དག་པར་ལེན་པའི་ལས་ཡོད་དོ། །ད་ལྟར་བྱུང་བ་ནའང་སྡུག་བསྔལ་ལ་ཕྱི་མ་ལའང་རྣམ་པར་སྨིན་པ་སྡུག་བསྔལ་བ་ཡང་དག་པར་ལེན་པའི་ལས་གང་ཞེ་ན། ཡང་དག་པར་ལེན་པའི་ལས་གང་དགེ་སྦྱོང་དང་བྲམ་ཟེ་མཁས་པ་རྣམས་ཀྱིས་སྨད་པ་འདི་ལྟ་སྟེ། མི་དགེ་བ་བཅུའི་ལས་ཀྱི་ལམ་རྣམས་ཡང་དག་པར་ལེན་པ་ཡིན་ཏེ། དེའང་འདོད་ཆགས་དྲག་པོ་དང ། ཞེ་སྡང་དྲག་པོ་དང ། གཏི་མུག་དྲག་པོས་ཡང་དག་པར་བླངས་པ་ནི། དབུལ་བའི་སྡུག་བསྔལ་ཡང་དག་པར་བླངས་པ་ཡིན་ལ། དེའང་ཚེ་འདི་ཉིད་ལ་མཁས་པ་རྣམས་ཀྱིས་སྨད་པར་བྱ་བ་ཡིན་ཞིང ། ཕྱི་མ་ལའང་རྣམ་པར་སྨིན་པ་མི་འདོད་པ་ཡིན་ཏེ། ཡང་དག་པར་ལེན་པའི་ལས་འདི་ནི། ད་ལྟར་བྱུང་བ་ནའང་སྡུག་བསྔལ་ལ། ཕྱི་མ་ལའང་རྣམ་པར་སྨིན་པ་སྡུག་བསྔལ་བ་ཡིན་ནོ། །ད་ལྟར་བྱུང་བ་ན་བདེ་ལ། ཕྱི་མ་ལ་རྣམ་པར་སྨིན་པ་སྡུག་བསྔལ་བ་ཡང་དག་པར་ལེན་པའི་ལས་གང་ཞེ་ན། འདོད་ཆགས་དྲག་པོ་དང ། ཞེ་སྡང་དྲག་པོ་དང ། གཏི་མུག་དྲག་པོ་དང ། དབང་ཕྱུག་གི་དབང་གིས་ཡང་དག་པར་བླངས་པ་ཡིན་ཏེ། འདི་ལྟ་སྟེ།་མི་དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་པ་ཡིན་ལ། དེ་ཚེ་འདི་ཉིད་ལ་ལོངས་སྤྱོད་ཀྱི་གྲངས་སུ་འགྱུར་ཞིང ། བྱིས་པ་རྣམས་ཀྱིས་ཀྱང་བསྔགས་ལ།
25a
༄#། །མཁས་པ་རྣམས་ཀྱིས་ནི། སྨད་ལ། ཕྱི་མ་ལའང་མི་འདོད་པ། མི་སྡུག་པ་དག་ཏུ་འགྱུར་ཏེ། བྱིས་པ་རྣམས་ཀྱིས་བསྔགས་ལ། མཁས་པ་རྣམས་ཀྱིས་སྨད་པ་ཡང་དག་པར་ལེན་པའི་ལས་འདི་ནི། ད་ལྟར་བྱུང་བ་ན་བདེ་ལ། ཕྱི་མ་ལ་རྣམ་པར་སྨིན་པ་སྡུག་བསྔལ་བ་ཡིན་ནོ། །ད་ལྟར་བྱུང་བ་ནའང་སྡུག་བསྔལ་ལ།་ཕྱི་མ་ལ་རྣམ་པར་སྨིན་པ་བདེ་བ་ཡང་དག་པར་ལེན་པའི་ལས་གང་ཞེ་ན། འདོད་ཆགས་དྲག་པོ་དང ། ཞེ་སྡང་དྲག་པོ་དང ། གཏི་མུག་དྲག་པོ་གང་དག་སོ་སོར་རྟོག་པ་འདིས་ལས་ཀྱི་རོ་མྱང་བ་ལ་ཞུགས་ལ། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་ཏེ་དབུལ་བ་ཟིལ་གྱིས་མནན་ནས་ཚུལ་བཞིན་དུ་སོ་སོར་རྟོག་པ།་མཁས་པ་རྣམས་ཀྱིས་བཟུང་བ། །སྡུག་བསྔལ་ལ་བཟོད་པ། ཡིད་མི་བདེ་བ་ལ་བཟོད་པ། དགེ་བའི་ཕྱོགས་ཡང་དག་པར་ལེན་པ། འཕགས་པའི་ཆོས་ཡང་དག་པར་ལེན་པ་སྟེ། ཡང་དག་པར་ལེན་པའི་ལས་འདི་ནི། ད་ལྟར་བྱུང་བ་ན་སྡུག་བསྔལ་ལ། ཕྱི་མ་ལ་རྣམ་པར་སྨིན་པ་བདེ་བ་ཡིན་ནོ། །ད་ལྟར་བྱུང་བ་ནའང་བདེ་ལ། ཕྱི་མ་ལའང་རྣམ་པར་སྨིན་པ་བདེ་བ་ཡང་དག་པར་ལེན་པའི་ལས་གང་ཞེ་ན། འདོད་ཆགས་ཆུང་བ་དང ། ཞེ་སྡང་ཆུང་བ་དང ། གཏི་མུག་ཆུང་བ་དང །
25b
ཤེས་པ་གསལ་བ་གང་དག་གིས་ཚུལ་བཞིན་སོ་སོར་རྟོག་པ་སྟེ། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་ཤིང་ཡོ་བྱད་ཕུན་སུམ་ཚོགས་ཀྱང་དབང་ཕྱུག་དང ། རྒྱགས་པ་ཟིལ་གྱིས་མནན་ནས་དགེ་བའི་ཕྱོགས་ཀྱི་གཞི་ལ་གནས་པའོ། །དེ་ཚེ་འདི་ལའང་བདེ་ལ་ཡོ་བྱད་བདེ་བ་ཉམས་སུ་མྱོང་ཞིང་མཁས་པ་རྣམས་ཀྱིས་ཀྱང་བསྟོད་པ་ཡིན་ལ། ཕྱི་མ་ལའང་དེའི་འདོད་པ་དང ། སྡུག་པ་དང ། ཡིད་དུ་འོང་བར་འགྱུར་བ་ཡིན་ཏེ། ཡང་དག་པར་ལེན་པའི་ལས་འདི་ནི། ཚེ་འདི་ལའང་བདེ་ལ།་ཕྱི་མ་ལའང་རྣམ་པར་སྨིན་པ་བདེ་བ་ཡིན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཡང་དག་པར་ལེན་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡང་དག་པར་ལེན་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག།
26a
༄#། །ཇི་ལྟར་ན། དེ་བཞིན་གཤེགས་པས་ཆོས་ཡང་དག་པར་ལེན་པ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་རྒྱུ་གང་དང ། རྐྱེན་གང་གིས་ཡང་དག་པར་ལེན་པ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡང་དག་པར་ལེན་པ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡང་དག་པར་ལེན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་
26b
མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཡང་དག་པར་ལེན་པ་ཤེས་པ་འགོག་པ་ཤེས་པ་སྟེ། དེ་ཡང་གཟོད་མ་ནས་མ་སྐྱེས་བའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་ཡང་དག་པར་ལེན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། དེ་བཞིན་གཤེགས་པ་ཡང་དག་པར་ལེན་པ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་བར་དག་ཏུ་ལན་གསུང་ལ། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཡང་དག་པར་ལེན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་ཡང་དག་པར་ལེན་པ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་
27a
༄#། །པའི་འགོག་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ།་གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡང་དག་པར་ལེན་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་གནས་དང་གནས་ཀྱི་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ལས་འདི་ལྟ་བུ་ནི་སེམས་ཅན་དམྱལ་བའི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་དུད་འགྲོའི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་གཤིན་རྗེའི་གནས་སུ་
27b
རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་ལྷམ་ཡིན་གྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་མིའི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་རྒྱལ་ཆེན་བཞིའི་རིས་ཀྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་སུམ་ཅུ་རྩ་གསུམ་གྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་འཐབ་བྲལ་གྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་འཕྲུལ་དགའི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་གཞན་འཕྲུལ་དབང་བྱེད་ཀྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་ཚངས་པའི་གནས་སུ་རྣམ་པར་སྨིན་པར་འགྱུར་རོ། །ཚངས་རིས་ཀྱི་གནས་དང ། ཚངས་པའི་མདུན་ན་འདོན་གྱི་གནས་དང ། ཚངས་པ་ཆེན་པོའི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་འོད་དང ། འོད་ཆུང་དང ། ཚད་མེད་འོད་དང ། འོད་གསལ་གྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་དགེ་བ་དང ། ཆུང་དགེ་དང ། ཚད་མེད་དགེ་བ་དང ། དགེ་རྒྱས་ཀྱི་གནས་སུ་རྣམ་པར་སྨིན་པར་འགྱུར་རོ། ། ལས་འདི་ལྟ་བུ་ནི་ཆེ་བ་དང ། ཆུང་ཆེ་དང ། ཚད་མེད་ཆེ་བ་དང ། འབྲས་བུ་ཆེ་བའི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི་མི་ཆེ་བ་
28a
༄#། །དང ། མི་གདུང་བ་དང ། གྱ་ནོམ་སྣང་བ་དང ། ཤིན་ཏུ་མཐོང་བ་དང ། འོག་མིན་གྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི། འདུ་ཤེས་མེད་པའི་གནས་སུ་རྣམ་པར་སྨིན་པར་འགྱུར་རོ། །ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅིའང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི། འཁོར་བའི་གནས་སུ་རྣམ་པར་སྨིན་པར་འགྱུར་རོ། །ལས་འདི་ལྟ་བུ་ནི། མྱ་ངན་ལས་འདའ་བར་ཞུགས་པའི་རྣམ་པར་སྨིན་པར་འགྱུར་རོ། །ཞེས་ཁྱིམ་བདག་།དེ་ལྟར་ན།་དེ་བཞིན་གཤེགས་པས་གནས་དང་གནས་ཀྱི་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནས་དང་གནས་ཀྱི་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནས་དང་གནས་ཀྱི་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག།
28b
འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་གནས་དང་གནས་ཀྱི་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནས་དང་གནས་ཀྱི་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། གནས་དང་གནས་ཀྱི་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་
29a
༄#། །བདག་།དེ་ལྟར་ན། དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནས་དང་གནས་ཀྱི་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པ་ཤེས་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་གནས་དང་གནས་ཀྱི་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི་
29b
ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྒྱུ་ཡང་དག་པ་ཇི་ལྟ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དང ། དམིགས་པ་གང་དག་གིས་སེམས་ཅན་དག་སེམས་ཅན་དམྱལ་བའི་ལས་ཀྱི་རྣམ་པར་སྨིན་པ་མངོན་དུ་ཡང་དག་པར་བྱེད་པའི་རྒྱུ་དེ་དང ། རྐྱེན་དེ་དང ། དམིགས་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ནི།་དུད་འགྲོའི་རྣམ་པར་སྨིན་པ། གཤིན་རྗེའི་རྣམ་པར་སྨིན་པ། ལྷ་མ་ཡིན་གྱི་རྣམ་པར་སྨིན་པ། མིའི་རྣམ་པར་སྨིན་པ། རྒྱལ་ཆེན་བཞིའི་རིས་ཀྱི་རྣམ་པར་སྨིན་པ།་སུམ་ཅུ་རྩ་གསུམ་གྱི་རྣམ་པར་སྨིན་པ། འཐབ་བྲལ་གྱི་རྣམ་པར་སྨིན་པ། དགའ་ལྡན་གྱི་རྣམ་པར་སྨིན་པ། འཕྲུལ་དགའི་རྣམ་པར་སྨིན་པ། གཞན་འཕྲུལ་དབང་བྱེད་ཀྱི་རྣམ་པར་སྨིན་པ། ཚངས་རིས་དང ། ཚངས་པའི་མདུན་ན་འདོན་དང ། ཚངས་འཁོར་དང ། ཚངས་པ་ཆེན་པོའི་རྣམ་པར་སྨིན་པ། འོད་དང ། འོད་ཆུང་དང ། ཚད་མེད་འོད་དང ། འོད་གསལ་གྱི་རྣམ་པར་སྨིན་པ། དགེ་བ་དང ། ཆུང་དགེ་དང ། ཚད་མེད་དགེ་བ་དང ། དགེ་རྒྱས་ཀྱི་རྣམ་པར་སྨིན་པ། ཆེ་བ་དང ། ཆུང་ཆེ་
30a
༄#། །དང ། ཚད་མེད་ཆེ་བ་དང ། འབྲས་བུ་ཆེ་བའི་རྣམ་པར་སྨིན་པ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་རྣམ་པར་སྨིན་པ། འདུ་ཤེས་མེད་པའི་སེམས་ཅན་གྱི་རྣམ་པར་སྨིན་པའི་རྒྱུ་གང་དང ། རྐྱེན་གང་དང ། དམིགས་པ་གང་དག་གིས་ལས་ཀྱི་རྣམ་པར་སྨིན་པ་མངོན་དུ་ཡང་དག་པར་བྱེད་པའི་རྒྱུ་དེ་དང ། རྐྱེན་དེ་དང ། དམིགས་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དང ། དམིགས་པ་གང་དག་གིས་ལས་ཀྱི་རྣམ་པར་སྨིན་པ་མངོན་དུ་ཡང་དག་པར་བྱེད་པའི་རྒྱུ་དེ་དང ། རྐྱེན་དེ་དང ། དམིགས་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག། དེ་ལྟར་ན། དེ་བཞིན་གཤེགས་པས་རྒྱུ་མཁྱེན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྒྱུ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་སེམས་ཅན་རྣམས་ཀྱི་རྒྱུ་ཤེས་པ་ཀུན་འབྱུང་བ་
30b
ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་རྒྱུ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། །དེ་བཞིན་གཤེགས་པ་རྒྱུ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རྒྱུ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། རྒྱུ་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་
31a
༄#། །སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་རྒྱུ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྒྱུ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྒྱུ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་རྒྱུ་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བའམ། གལ་ཏེ་ངེས་པར་འབྱུང་བར་བལྟ་བར་གནས་པ་སྟེ། ཁྱིམ་བདག། དེ་ལྟར་ན། དེ་བཞིན་གཤེགས་པ་རྒྱུ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།རྒྱུ་ཤེས་པ་འགོག་པར་འགྱུར་བའི་
31b
ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོངས་པ་ཟད་མི་ཤེས་སོ། །དེ་བཞིན་དུ་སྦྱར་ཏེ་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣམ་པར་སྨིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ལས་ཀྱི་རྣམ་པར་སྨིན་པ་འདི་ལྟ་བུ་ནི། སེམས་ཅན་དམྱལ་བ་རྣམས་ཀྱི་གནས་སུ་རྣམ་པར་སྨིན་པར་འགྱུར་རོ། །ལས་ཀྱི་རྣམ་པར་སྨིན་པ་འདི་ལྟ་བུ་ནི། དུད་འགྲོའི་སྐྱེ་གནས་སུ་རྣམ་པར་སྨིན་པར་འགྱུར་རོ། །ལས་ཀྱི་རྣམ་པར་སྨིན་པ་འདི་ལྟ་བུ་ནི། གཤིན་རྗེའི་འཇིག་རྟེན་དུ་རྣམ་པར་སྨིན་པར་འགྱུར་བ་ནས། ལས་ཀྱི་རྣམ་པར་སྨིན་པ་འདི་ལྟ་བུ་ནི་འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྣམས་སུ་རྣམ་པར་སྨིན་པའི་བར་དུ་འགྱུར་རོ། །ལས་ཀྱི་རྣམ་པར་སྨིན་པ་འདི་ལྟ་བུ་ནི། རྣམ་པར་སྨིན་པར་མི་འགྱུར་ཏེ། ལས་དེའི་བྱེད་པ་པོའང་མེད་ལ། ལས་དེའི་རྣམ་པར་སྨིན་པ་སོ་སོར་མྱོང་བའང་མེད་དེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་
32a
༄#། །བདག་།དེ་ལྟར་ན། དེ་བཞིན་གཤེགས་པས་རྣམ་པར་སྨིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་སྨིན་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣམ་པར་སྨིན་པ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་པའི་རྣམ་པར་སྨིན་པ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་རྣམ་པར་སྨིན་པ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་གིས་ཡང་དག་པ་ཇི་ལྟ་
32b
བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་སྨིན་པ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣམ་པར་སྨིན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། རྣམ་པར་སྨིན་པ་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་རྣམ་པར་སྨིན་པ་ཤེས་པ་
33a
༄#། །འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་སྨིན་པ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣམ་པར་སྨིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་གང་གིས་རྣམ་པར་སྨིན་པ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པ་རྣམ་པར་སྨིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་
33b
བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་སྨིན་པ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པ་ཐམས་ཅད་དུ་འགྲོ་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། འདི་ལྟར་ཞུགས་པ་ནི། གཤིན་རྗེའི་འཇིག་རྟེན་དུ་སྐྱེའོ། །འདི་ལྟར་ཞུགས་པ་ནི། ལྷ་མ་ཡིན་དུ་སྐྱེའོ། །འདི་ལྟར་ཞུགས་པ་ནི། མིར་སྐྱེའོ་ཞེས་བྱ་བ་ནས་འདི་ལྟར་ཞུགས་པ་ནི། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་དུ་སྐྱེའོ། །འདི་ལྟར་ཞུགས་པ་ནི། ལྷར་སྐྱེའོ། །འདི་ནི། མིར་སྐྱེའོ། །ཞེས་ཁྱིམ་བདག་།དེ་ལྟར་ན། དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཐམས་ཅད་དུ་འགྲོ་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་
34a
༄#། །མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་རྒྱུ་གང་དང ། རྐྱེན་གང་དག་གིས་ཐམས་ཅད་དུ་འགྲོ་བའི་ལམ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཐམས་ཅད་དུ་འགྲོ་བའི་ལམ་ཤེས་པ་དེ་ལའང་ཞུ་བ་ཞུས་
34b
པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་རྒྱུ་གང་དང ། རྐྱེན་གང་དག་གིས་ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་པ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན།་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་ཤེས་པ་གང་གིས་ཐམས་ཅད་དུ་འགྲོ་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་
35a
༄#། །རབ་ཏུ་མཁྱེན་ཏོ། །གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་རྣམ་པར་སྨིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་མིག་གི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མིག་གི་ཁམས་ཤེས་པ་ཀུན་འབྱུང་བ་ཤེས་པ། མིག་གི་ཁམས་ཤེས་པ་འགོག་པ་ཤེས་པ། མིག་གི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །གཟུགས་ཀྱི་ཁམས་ཤེས་ཏེ་གཟུགས་ཀྱི་ཁམས་ཤེས་པ་ཀུན་འབྱུང་བ་ཤེས། གཟུགས་
35b
ཀྱི་ཁམས་ཤེས་པ་འགོག་པ་ཤེས་པ། གཟུགས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མིག་གི་རྣམ་པར་ཤེས་པའི་ཁམས་ཤེས་ཏེ། མིག་གི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས། མིག་གི་རྣམ་པར་ཤེས་པའི་ཁམས་ཤེས་པ་འགོག་པ་ཤེས། མིག་གི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་དུ་སྦྱར་ཏེ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་ཤེས་སོ། །ཡིད་ཀྱི་ཁམས་ཤེས་ཏེ། ཡིད་ཀྱི་ཁམས་ཤེས་པ་ཀུན་འབྱུང་བ་ཤེས། ཡིད་ཀྱི་ཁམས་ཤེས་པ་འགོག་པ་ཤེས། ཡིད་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་སོ། །ཆོས་ཀྱི་ཁམས་ཤེས་ཏེ། ཆོས་ཀྱི་ཁམས་ཤེས་པ་ཀུན་འབྱུང་བ་ཤེས། ཆོས་ཀྱི་ཁམས་ཤེས་པ་འགོག་པ་ཤེས། ཆོས་ཀྱི་ཁམས་ཤེས་པ་འགོག་པར་འགྱུར་
36a
༄#། །བའི་ལམ་ཤེས་སོ། །ཡིད་ཀྱི་རྣམ་པར་ཤེས་པའི་ཁམས་ཤེས་ཏེ། ཡིད་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས། ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་ཤེས། ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་རྣམ་པར་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཟིན་པའི་འབྱུང་བ་ཆེན་པོའི་རྒྱུར་བྱས་པ་དང་བ་གང་ཡིན་པ་ནི། མིག་གི་རྣམ་པར་སྨིན་པ་སྟེ།་གང་གི་མིག་ལ་གཟུགས་སུ་སྣང་བར་འགྱུར་ཞིང ། གཟུགས་ཀྱང་ཐོགས་པ་དང ། མིག་གཟུགས་རྣམས་ལ་ཐོགས་པ་གང་ཡིན་པ་དང ། གང་དུ་མིག་ཀྱང་གཟུགས་ལ་ཐོགས་པ་དང ། མིག་གང་གིས་གཟུགས་མཐོང་བ་དང ། ལྟ་བ་དང ། ལྟ་བར་འགྱུར་བ་དང ། གཟུགས་མཐོང་བར་བྱ་བའི་ཕྱིར་རྟག་ཏུ་ཐ་མི་དད་པར་རུང་བའི་མིག་གང་ཡིན་པ་དང ། ཁམས་བཅོ་བརྒྱད་དག་ལས་མིག་གི་ཁམས་གང་ཡིན་པ་དང ། སྐྱེ་མཆེད་བཅུ་གཉིས་དག་ལས་མིག་གི་སྐྱེ་མཆེད་
36b
གང་ཡིན་པ་དང ། དབང་པོ་ཉི་ཤུ་རྩ་གཉིས་དག་ལས་མིག་གི་དབང་པོ་གང་ཡིན་པ་སྟེ། དེ་ནི། མིག་ཀྱང་ཡིན། དེ་ནི། མིག་གི་ཁམས་ཀྱང་ཡིན། དེ་ནི། མིག་གི་སྐྱེ་མཆེད་ཀྱང་ཡིན། དེ་ནི། མིག་གི་དབང་པོའང་ཡིན། དེ་ནི། སྒོ་ཡང་ཡིན། དེ་ནི། དཀར་བ་ཡང་ཡིན། དེ་ནི། རྒྱུན་ཀྱང་ཡིན། དེ་ནི། མཚོའང་ཡིན། དེ་ནི་རྒྱ་མཚོའང་ཡིན། དེ་ནི། ཀློང་ཡང་ཡིན། དེ་ནི། སྣང་བའང་ཡིན། དེ་ནི། ཆུ་འབྱུང་ཡང་ཡིན། དེ་ནི། ཁྲིད་བྱེད་ཀྱང་ཡིན། དེ་ནི། འདྲེན་བྱེད་ཀྱང་ཡིན། དེ་ནི།་གཞིའང་ཡིན། དེ་ནི། སྦུབས་ཀྱང་ཡིན། དེ་ནི། གསང་བའང་ཡིན། དེ་ནི། ཕ་རོལ་གྱི་འགྲམ་མ་ཡིན་པའང་ཡིན། དེ་ནི། བདུད་ཀྱི་སྣོད་ཀྱང་ཡིན། དེ་ནི།་བདག་གི་དངོས་པོར་འཇུག་པའང་ཡིན། དེ་ནི། གྲོང་སྟོང་པར་འཇུག་པའང་ཡིན། དེ་ནི། མངོན་པར་ཤེས་པར་བྱ་བའང་ཡིན། དེ་ནི། ཡོངས་སུ་ཤེས་པར་བྱ་བའང་ཡིན། དེ་ནི། སྤང་བར་བྱ་བའང་ཡིན་ཏེ། འདི་ནི། མིག་གི་ཁམས་ཤེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། མིག་གི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་
37a
༄#། །བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག་།དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་པར་མཛད་ཅིང ། གང་ཐུགས་སུ་ཆུད་པའི་དེ་བཞིན་གཤེགས་པ་མིག་གི་ཁམས་ཤེས་པ་དེ་ལའང་ཞུ་བ་ཞུས་པ་ན་སྤོབས་པ་ཟད་མི་ཤེས་སོ། །ཁྱིམ་བདག་།དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་མིག་གི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་མིག་གི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་
37b
བར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་མིག་གི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་ངང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། དེ་བཞིན་གཤེགས་པ་མིག་གི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ལ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་
38a
༄#། །བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི་མིག་གི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་མིག་གི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་བཞིན་དུ་སྦྱར་ཏེ་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་མིག་གི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་
38b
དམིགས་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གཟུགས་ཀྱི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་གཟུགས་ཀྱི་ཁ་དོག་དང ། དབྱིབས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ལྟ་སྟེ། ཁ་དོག་བཟང་པོ་དང ། ཁ་དོག་ངན་པ་དང ། དབྱིབས་ལེགས་པ་དང ། དབྱིབས་མ་ལེགས་པ་དང ། མདོག་བཟང་བ་དང ། མདོག་ངན་པ་དང ། ཁ་དོག་ངན་པ་དང ། ཁ་དོག་བཟང་པོའི་མདོག་དང ། མདོག་ནག་པོ་དང ། སེར་པོ་དང ། སོ་མདོག་ལྟ་བུ་དང ། དམར་པོ་དང ། དཀར་པོ་དང ། བཙོད་ཀ་དང ། ཤེལ་མདོག་དང ། གྲུ་བཞི་དང ། ཆ་དྲུག་པ་དང ། ཆ་བརྒྱད་པ་དང ། ཆ་བཅུ་དྲུག་པ་དང ། ཟུར་གསུམ་པ་དང ། དམའ་བ་དང ། མཐོ་བ་དང ། མཉམ་པ་དང ། མི་མཉམ་པ་དང ། གྲིབ་
39a
༄#། །མ་དང ། ཉི་མ་དང ། སྤྲིན་དང ། སྤྲིན་མེད་པ་དང ། དུ་བ་དང ། རྡུལ་དང ། སྒྱུ་མ་དང ། སྨིག་རྒྱུ་དང ། སྣང་བ་དང ། མུན་པ་དང ། མཚན་མ་སྣང་བ་འདི་ནི། གཟུགས་ཀྱི་ཁམས་ཞེས་བྱ་སྟེ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། གཟུགས་ཀྱི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གཟུགས་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གཟུགས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་གཟུགས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་
39b
བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་གཟུགས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གཟུགས་ཀྱི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གཟུགས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་
40a
༄#། །སུ་ཐར་པར་བྱས་ནས་བདེ་བ་ལ་བཙུད་པ་ནི། གཟུགས་ཀྱི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་གཟུགས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གཟུགས་ཀྱི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གཟུགས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་གཟུགས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་ལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་འདི་ནི། གཟུགས་ཀྱི་ཁམས་ཤེས་པ་འགོག་པར་འགྱུར་བའི་ལམ་
40b
ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གཟུགས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་རྣམ་པར་ཤེས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། མིག་དང་གཟུགས་ལ་བརྟེན་ནས་མིག་གི་རྣམ་པར་ཤེས་པ་སྐྱེ་སྟེ། དངོས་པོ་སོ་སོར་རྣམ་པར་རིག་པའི་མཚན་ཉིད་དེ་སྐྱེ་བ་ན་ནང་གི་མིག་ལས་ཀྱང་མ་བྱུང ། ཕྱི་རོལ་གྱི་གཟུགས་ལས་ཀྱང་མ་འོངས། བར་དུ་རྣམ་པར་བཟུང་སྟེ་ཡང་མི་གནས་མོད་ཀྱི། འོན་ཀྱང་མིག་དང་གཟུགས་ལ་བརྟེན་ནས་མིག་གི་རྣམ་པར་ཤེས་པ་སྐྱེ་སྟེ།་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་རྣམ་པར་ཤེས་པའི་ཁམས་ཤེས་པ་དེ་ལའང་ཞུ་བ་
41a
༄#། །ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་མིག་གི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་མིག་གི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་མིག་གི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་
41b
པ་མིག་གི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་པར་དག་ཏུ་ལན་གསུང་སྟེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་རྣམ་པར་ཤེས་པའི་ཁམས་ཤེས་པ། འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་མཛད་ནས་བདེ་བ་ལ་བཙུད་པ་ནི། མིག་གི་རྣམ་པར་ཤེས་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་མིག་གི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་
42a
༄#། །ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་པ་གང་གིས་མིག་གི་རྣམ་པར་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣ་བའི་ཁམས་ཤེས་པ་ཡང་
42b
དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཟིན་པའི་འབྱུང་བ་ཆེན་པོའི་རྒྱུར་བྱས་པ་གང་ཡིན་པ་དང་བ་གང་ཡིན་པ་ནི། རྣ་བའི་རྣམ་པར་སྨིན་པ་སྟེ། གང་གི་རྣ་བ་ལ་སྒྲར་སྣང་བར་འགྱུར་ཞིང ། རྣ་བ་གང་སྒྲ་ལ་ཐོགས་པ་དང ། རྣ་བ་གང་ལ་སྒྲ་ཐོགས་པ་དང ། རྣ་བ་གང་གིས་སྒྲ་ཐོས་པར་གྱུར་བ་དང ། ཐོས་པ་དང ། ཐོས་པར་འགྱུར་བ་དང ། སྒྲ་དག་ཐོས་པར་བྱ་བའི་ཕྱིར་ཡང་རྟག་ཏུ་ཐ་མི་དད་ཅིང་རུང་བའི་རྣ་བ་གང་ཡིན་པ་དང ། ཁམས་བཅོ་བརྒྱད་དག་ལས་རྣ་བའི་ཁམས་གང་ཡིན་པ་དང ། སྐྱེ་མཆེད་བཅུ་གཉིས་དག་ལས་རྣ་བའི་སྐྱེ་མཆེད་གང་ཡིན་པ་དང ། དབང་པོ་ཉི་ཤུ་རྩ་གཉིས་དག་ལས་རྣ་བའི་དབང་པོ་གང་ཡིན་པ་སྟེ། དེ་ནི། རྣ་བའང་ཡིན། དེ་ནི། ཁམས་ཀྱང་ཡིན། དེ་ནི། རྣ་བའི་སྐྱེ་མཆེད་ཀྱང་ཡིན། དེ་ནི། རྣ་བའི་དབང་པོའང་ཡིན། དེ་ནི། སྒོའང་ཡིན། དེ་ནི། དཀར་བའང་ཡིན། དེ་ནི། རྒྱུན་ཀྱང་ཡིན། དེ་ནི་མཚོའང་ཡིན། དེ་ནི་རྒྱ་མཚོའང་ཡིན། དེ་ནི་ཀློང་ཡང་ཡིན། དེ་ནི་སྣང་བའང་ཡིན།་དེ་ནི། ཆུ་འབྱུང་ཡང་ཡིན། དེ་ནི། ཁྲིད་བྱེད་ཀྱང་ཡིན། །དེ་ནི། འདྲེན་བྱེད་ཀྱང་ཡིན། དེ་ནི། སྦུབས་ཀྱང་ཡིན། དེ་ནི། གསང་བའང་ཡིན། དེ་ནི། ཞིང་
43a
༄#། །ཡང་ཡིན། དེ་ནི། གཞིའང་ཡིན། དེ་ནི། ཕ་རོལ་གྱི་འགྲམ་མ་ཡིན་པའང་ཡིན། དེ་ནི། བདུད་ཀྱི་སྣོད་ཀྱང་ཡིན། དེ་ནི། གྲོང་སྟོང་པར་འཇུག་པའང་ཡིན། དེ་ནི། བདག་གི་དངོས་པོར་འཇུག་པའང་ཡིན། དེ་ནི། མངོན་པར་ཤེས་པར་བྱ་བའང་ཡིན། དེ་ནི། ཡོངས་སུ་ཤེས་པར་བྱ་བའང་ཡིན། དེ་ནི། སྤང་བར་བྱ་བའང་ཡིན། འདི་ནི། རྣ་བའི་ཁམས་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། རྣ་བའི་ཁམས་ཤེས་པ་ཞེས་བྱ་བ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་ཁམས་ཤེས་པ་དེ་ལའང་ཞུ་བཞུས་པ་ན་བསྐལ་པར་ལུང་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །བམ་པོ་གསུམ་པ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣ་བའི་ཁམས་ཤེས་པ་
43b
ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་རྣ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག། གཞན་ཡང་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་རྣ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པར་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་དེ་བཞིན་དུ་སྦྱར་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣ་བའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་དེ་ལ་དེ་བཞིན་གཤེགས་པས་སེམས་
44a
༄#། །ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། རྣ་བའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ།། ཁྱིམ་བདག་དེ་ལྟར་ན་དེ་བཞིན་གཤེགས་པས་རྣ་བའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེའི་སྤོབས་པ་ཟད་མི་ཤེས་སོ། །དེ་ནི་ཙནྡན་གྱི་ཁྱམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་རྣ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པ་ཤེས་པ་གང་དག་གིས་རྣ་བའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་
44b
རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་བར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་སྒྲའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འབྱུང་བ་ཆེན་པོ་ལ་ཤིན་ཏུ་བརྟེན་པའི་སྒྲའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ལྟ་སྟེ། སྒྲ་སྙན་པ་ཉིད་དང ། སྒྲ་མི་སྙན་པ་ཉིད་དང ། སྒྲ་སྙན་ཅིང་འཇེབས་པ་ཉིད་དང ། སྒྲ་སྙན་ཅིང་འཇེབས་པ་མ་ཡིན་པ་ཉིད་དང ། སྒྲ་ཡིད་དུ་འོང་བ་ཉིད་དང ། སྒྲ་ཡིད་དུ་མི་འོང་བ་ཉིད་དང ། སྒྲ་ཉན་པར་འོས་པ་ཉིད་དང ། སྒྲ་དགའ་བར་བྱེད་པ་ཉིད་དང ། སྒྲ་མི་མཐུན་པ་ཉིད་དང ། སྒྲ་མཐུན་པ་མ་ཡིན་པ་ཉིད་དང ། དུང་གི་སྒྲ་དང ། རྔ་བོ་ཆེའི་སྒྲ་དང ། རྫ་རྔའི་སྒྲ་དང །
45a
༄#། །འཁར་རྔའི་སྒྲ་དང ། ཆུ་སྒྲ་རྣམ་པར་གོ་བར་བྱེད་པའི་སྒྲ་དང ། མེའི་སྒྲ་དང ། ཆུའི་སྒྲ་དང ། རླུང་གི་སྒྲ་དང ། འབྲུག་གི་སྒྲ་འུར་འུར་བ་དང ། གློག་ལས་བྱུང་བའི་སྒྲ་དང ། སེར་བ་འབབ་པའི་སྒྲ་དང ། ཟིན་པ་དང་མ་ཟིན་པ་དག་གི་འབྱུང་བ་ཆེན་པོ་འདུས་པའི་སྒྲ་འདི་ནི། སྒྲའི་ཁམས་ཞེས་བྱ་སྟེ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་བ་དང ། མཁས་པ་གང་ཡིན་པ་འདི་ནི། སྒྲའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྒྲའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། ། དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་སྒྲའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་
45b
ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་སྒྲའི་ཁམས་ཤེས་པ་ཡང་དག་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང་རྐྱེན་གང་དག་གིས་སྒྲའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་བར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྒྲའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། ། ཁྱིམ་བདག། ཇི་ལྟར་ན། དེ་བཞིན་གཤེགས་པས་སྒྲའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། །འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་
46a
༄#། །ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། སྒྲའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནི། །ཁྱིམ་བདག་།དེ་ལྟར་ན། དེ་བཞིན་གཤེགས་པས་སྒྲའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྒྲའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྒྲའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན་ཁྱིམ་བདག་།འདི་ལ་དེ་བཞིན་གཤེགས་པས་ཤེས་པ་གང་གིས་སྒྲའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་
46b
པའམ།་གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་སྒྲའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣ་བའི་རྣམ་པར་ཤེས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏོ། །རྣ་བ་དང་སྒྲ་ལ་བརྟེན་ནས་རྣ་བའི་རྣམ་པར་ཤེས་པ་སྐྱེ་སྟེ།་དངོས་པོ་སོ་སོར་རྣམ་པར་རིག་པའི་མཚན་ཉིད་སྐྱེ་བ་ན་རྣ་བའི་ནང་ནས་ཀྱང་མ་བྱུང ། ཕྱི་རོལ་གྱི་སྒྲ་དག་ལས་ཀྱང་མ་འོངས། བར་དུ་རྣམ་པར་བཟུང་སྟེའང་མི་གནས་མོད་ཀྱི། འོན་ཀྱང་ཚོགས་པའི་དབང་གིས་རྣ་བའི་རྣམ་པར་ཤེས་པ་སྐྱེས་ལ། དེའི་འོང་བ་མེད་ཅིང་འགྲོ་བ་མེད་ལ། སྟོང་ཞིང་ངོ་བོ་ཉིད་དང་བྲལ་བ་ཡིན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་
47a
༄#། །པ་འདི་ནི། རྣ་བའི་རྣམ་པར་ཤེས་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་རྣམ་པར་ཤེས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་ཞིང ། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རྣ་བའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་རྣ་བའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་རྣ་བའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་
47b
འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རྣ་བའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། རྣ་བའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་རྣ་བའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་
48a
༄#། །བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན།་དེ་བཞིན་གཤེགས་པས་རྣ་བའི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་རྣ་བའི་རྣམ་པར་ཤེས་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་ནས་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་
48b
གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སྣའི་ཡུལ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཟིན་པའི་འབྱུང་བ་ཆེན་པོའི་རྒྱུར་བྱས་པ་དང་བ་གང་ཡིན་པ་ནི། སྣའི་རྣམ་པར་སྨིན་པ་སྟེ། གང་གི་སྣ་ལ་དྲི་སྣང་བར་འགྱུར་ཞིང་དྲིའང་ཐོགས་པ་དང ། སྣ་གང་དྲི་དག་ལ་ཐོགས་པ་དང ། སྣ་གང་ལ་དྲི་ཐོགས་པ་དང ། སྣ་གང་གིས་དྲི་བསྣམས་པ་དང ། སྣོམ་པ་དང ། སྣོམ་པར་འགྱུར་བ་དང ། དྲི་དག་བསྣམ་པའི་ཕྱིར་ཡང་ཐ་མི་དད་ཅིང་རུང་བའི་སྣ་གང་ཡིན་པ་དང ། ཁམས་བཅོ་བརྒྱད་དག་ལས་སྣའི་ཁམས་གང་ཡིན་པ་དང ། སྐྱེ་མཆེད་བཅུ་གཉིས་དག་ལས་སྣའི་སྐྱེ་མཆེད་གང་ཡིན་པ་དང ། དབང་པོ་ཉི་ཤུ་རྩ་གཉིས་དག་ལས་སྣའི་དབང་པོ་གང་ཡིན་པ་སྟེ། དེ་ནི། སྣའང་ཡིན། དེ་ནི། སྣའི་ཁམས་ཀྱང་ཡིན། དེ་ནི། སྣའི་སྐྱེ་མཆེད་ཀྱང་ཡིན། དེ་ནི། སྣའི་དབང་པོའང་ཡིན།་དེ་ནི། སྒོའང་ཡིན། དེ་ནི། དཀར་བའང་ཡིན། དེ་ནི། རྒྱུན་ཀྱང་ཡིན། དེ་ནི། མཚོའང་ཡིན། དེ་ནི། རྒྱ་མཚོའང་ཡིན། དེ་ནི། ཀློང་ཡང་ཡིན། དེ་ནི།
49a
༄#། །སྣང་བའང་ཡིན། དེ་ནི་གསང་བའང་ཡིན། དེ་ནི་འབྱུང་བའང་ཡིན། དེ་ནི་ཁྲིད་བྱེད་ཀྱང་ཡིན། དེ་ནི་འདྲེན་བྱེད་ཀྱང་ཡིན། དེ་ནི། ཞིང་ཡང་ཡིན། དེ་ནི།་ཆུ་འབྱུང་ཡང་ཡིན། དེ་ནི། དངོས་པོའང་ཡིན། དེ་ནི། སྦུབས་ཀྱང་ཡིན། དེ་ནི། གསང་བའང་ཡིན། དེ་ནི། ཕ་རོལ་གྱི་འགྲམ་མ་ཡིན་པའང་ཡིན། དེ་ནི། བདུད་ཀྱི་སྣོད་ཀྱང་ཡིན། དེ་ནི། གྲོང་སྟོང་བར་འཇུག་པའང་ཡིན། དེ་ནི། མངོན་པར་ཤེས་པར་བྱ་བའང་ཡིན། དེ་ནི། ཡོངས་སུ་ཤེས་པར་བྱ་བའང་ཡིན། དེ་ནི།་སྤང་བར་བྱ་བའང་ཡིན་ཏེ། འདི་ནི། སྣའི་ཁམས་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། ཁམས་གང་ཡིན་པ་འདི་ནི། སྣའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་
49b
འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏོ། །སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་རྣ་བསྐྱེད་ནས་སྣའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་སྣའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པ་
50a
༄#། །འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སེམས་ཅན་དཔག་ཏུ་མེད་པ་རྣམས་ཀྱི་དོན་མཛད་ཅིང་དོན་མ་ཡིན་པ་བཟློག་ལ། སྣང་བ་མཛད་ཅིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་བར་མཛད་ནས་བདེ་བ་ལ་བཙུད་པ་ནི། སྣའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་སྣའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་
50b
བཞིན་གཤེགས་པ་ཤེས་པ་གང་གིས་ཡོངས་སུ་ཤེས། ཁོང་དུ་ཆུད། མངོན་སུམ་དུ་མཛད་པའི་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲིའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སྣའི་ཡུལ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ལྟ་སྟེ། དྲི་ཞིམ་པ་དང ། དྲི་ང་བ་དང ། དྲོ་འདོད་པ་དང ། དྲི་སྡུག་པ་དང ། དྲི་མི་སྡུག་པ་དང ། དྲི་ཡིད་དུ་འོང་པ་དང ། དྲི་ཡིད་དུ་མི་འོང་བ་དང ། དྲི་ཡིད་དུ་འཐད་པ་དང ། དྲི་ཡིད་དུ་མི་འཐད་པ་དང ། དྲིའི་ངོ་བོ་དགའ་བ་དང ། དྲིའི་ངོ་བོ་མི་དགའ་བ་དང ། དྲིའི་ངོ་བོ་ལེགས་
51a
༄#། །པ་དང ། དྲིའི་ངོ་བོ་མི་ལེགས་པ་དང ། སྣོད་ན་ཡོད་པ་དང ། རྩ་བ་ལ་ཡོད་པ་དང ། སྙིང་པོ་ལ་ཡོད་པ་དང ། སྙིང་པོ་མེད་པ་ལ་ཡོད་པ་དང ། ཤུན་པ་ལ་ཡོད་པ་དང ། ངར་བ་ལ་ཡོད་པ་དང ། ལོ་མ་ལ་ཡོད་པ་དང ། མེ་ཏོག་ལ་ཡོད་པ་དང ། འབྲས་བུ་ལ་ཡོད་པའི་དྲི་གང་ཡིན་པ་འདི་ནི། དྲིའི་ཁམས་ཞེས་བྱ་ཞིང ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། དྲིའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དྲིའི་ཁམས་ཤེས་པ་དེ་ལའང་ཞུ་བ་ཞུས་པ་ནས་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲིའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་
51b
བ་བསྐྱེད་ནས་དྲིའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག་།གཞན་ཡང་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་དྲིའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དྲིའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་བའི་བར་དུའོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲིའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་
52a
༄#། །བདེ་བ་ལ་བཙུད་པ་ནི། དྲིའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་དྲིའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དྲིའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲིའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་དྲིའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་དེ་ལའང་ཞེས་བྱ་བ་ནས་གལ་ཏེ་རོ་བྲོ་བ་མེད་པར་རྗེས་སུ་བལྟ་བར་གནས་
52b
པའམ།་གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་པར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དྲིའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་རྣམ་པར་ཤེས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སྣ་དང་དྲི་ལ་བརྟེན་ནས་སྣའི་རྣམ་པར་ཤེས་པ་སྐྱེ་སྟེ། དངོས་པོ་སོ་སོར་རྣམ་པར་རིག་པའི་མཚན་ཉིད་དེ་སྐྱེ་བ་ན་ནང་གི་སྣ་ལས་ཀྱང་མ་བྱུང ། ཕྱི་རོལ་གྱི་དྲི་དག་ལས་ཀྱང་མ་འོངས། བར་དུ་རྣམ་པར་བཟུང་སྟེའང་མི་གནས། འོང་བ་མེད་ཅིང་འགྲོ་བ་མེད་ལ། སྟོང་ཞིང་ངོ་བོ་ཉིད་དང་བྲལ་བ་ཡིན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། སྣའི་རྣམ་པར་ཤེས་པའི་ཁམས་
53a
༄#། །ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་རྣམ་པར་ཤེས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་བའི་བར་དུའོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་སྣའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། སྐྱེན་གང་དག་གིས་སྣའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་
53b
སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་བའི་བར་དུའོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། སྣའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་སྣའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་རྣམ་པར་ཤེས་པའི་ཁམས་ཤེས་
54a
༄#། །པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྣའི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་སྣའི་རྣམ་པར་ཤེས་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྣའི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ།།
54b
ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལྕེའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཟིན་པའི་འབྱུང་བ་ཆེན་པོ་རྒྱུར་བྱས་པའི་དང་བ་གང་ཡིན་པ་ནི། ལྕེའི་རྣམ་པར་སྨིན་པ་སྟེ། ལྕེའི་སྐྱེ་མཆེད་གང་ལ་རོ་སྣང་བར་འགྱུར་བ་དང ། རོའང་ཐོགས་པ་དང ། ལྕེ་གང་རོ་དག་ལ་ཐོགས་པ་དང ། ལྕེ་གང་ལའང་རོ་ཐོགས་པ་དང ། རོ་མྱངས་པ་དང ། ལྕེ་གང་རོ་མྱོང་བ་དང ། རོ་མྱོང་བར་འགྱུར་བ་དང ། རོ་དག་མྱང་བར་བྱ་བའི་ཕྱིར་རྟག་ཏུ་ཐ་མི་དད་ཅིང་རུང་བའི་ལྕེ་གང་ཡིན་པ་དང ། ཁམས་བཅོ་བརྒྱད་དག་ལས་ལྕེའི་ཁམས་གང་ཡིན་པ་དང ། སྐྱེ་མཆེད་བཅུ་གཉིས་དག་ལས་ལྕེའི་སྐྱེ་མཆེད་གང་ཡིན་པ་དང ། དབང་པོ་ཉི་ཤུ་རྩ་གཉིས་དག་ལས་ལྕེའི་དབང་པོ་གང་ཡིན་པ་སྟེ། དེ་ནི། ལྕེའང་ཡིན། དེ་ནི།་ལྕེའི་ཁམས་ཀྱང་ཡིན། དེ་ནི། ལྕེའི་སྐྱེ་མཆེད་ཀྱང་ཡིན། དེ་ནི། ལྕེའི་དབང་པོའང་ཡིན། དེ་ནི། སྒོའང་ཡིན། དེ་ནི། དཀར་བའང་ཡིན། དེ་ནི། རྒྱུན་ཀྱང་ཡིན། དེ་ནི། མཚོའང་ཡིན། དེ་ནི། རྒྱ་མཚོའང་ཡིན། དེ་ནི། ཀློང་ཡང་ཡིན། དེ་ནི། སྣང་བའང་ཡིན། དེ་ནི། ཆུ་འབྱུང་ཡང་ཡིན། དེ་ནི། ཁྲིད་
55a
༄#། །བྱེད་ཀྱང་ཡིན། དེ་ནི། འདྲེན་བྱེད་ཀྱང་ཡིན། དེ་ནི། ཞིང་ཡང་ཡིན། དེ་ནི། དངོས་པོ་འང་ཡིན། དེ་ནི། སྦུབས་ཀྱང་ཡིན། དེ་ནི། གསང་བའང་ཡིན། དེ་ནི། ཕ་རོལ་གྱི་འགྲམ་མ་ཡིན་པའང་ཡིན། དེ་ནི། བདུད་ཀྱི་སྣོད་ཀྱང་ཡིན། དེ་ནི། བདག་གི་དངོས་པོར་འཇུག་པའང་ཡིན། དེ་ནི། གྲོང་སྟོང་པར་འཇུག་པའང་ཡིན། དེ་ནི། མངོན་པར་ཤེས་པར་བྱ་བའང་ཡིན། དེ་ནི། ཡོངས་སུ་ཤེས་པར་བྱ་བ་ཡིན། དེ་ནི། སྤང་བར་བྱ་བའང་ཡིན་ཏེ། དེ་ནི།་ལྕེའི་ཁམས་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ལྕེའི་ཁམས་ཤེས་པ་ཞེས་བྱའོ། །དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་བའི་བར་དུའོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལྕེའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་
55b
ཅེ་ན།་ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ལྕེའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱ་གང་དང ། རྐྱེན་གང་དག་གིས་ལྕེའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་བའི་བར་དུའོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལྕེའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་
56a
༄#། །ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ།་སྣང་བ་བྱས་ཤིང་མུན་པ་བསལ་ནས་སེམས་ཅན་དཔག་ཏུ་མེད་པ་རྣམས་སྡུག་བསྔལ་གྱི་རྒྱ་མཚོ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི།་ལྕེའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་ལྕེའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན། དེ་བཞིན་གཤེགས་པར་ལྕེའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་ལྕེའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་དེ་དེ་བཞིན་གཤེགས་
56b
པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་ཞིང་དེའི་སྤོབས་པ་ཟད་མི་ཤེས་སོ། །དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རོའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལྕེའི་ཁམས་ཀྱི་སྤྱོད་ཡུལ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ལྟ་སྟེ། རོ་ཞིམ་པ་ཉིད་དང ། རོ་མི་ཞིམ་པ་ཉིད་དང ། རོ་འདོད་པ་ཉིད་དང ། རོ་མི་འདོད་པ་ཉིད་དང ། རོ་ཡི་གར་འོང་བ་ཉིད་དང ། རོ་ཡི་གར་མི་འོང་བ་ཉིད་དང ། རོ་ཡིད་དུ་འོང་བ་ཉིད་དང ། རོ་ཡིད་དུ་མི་འོང་བ་ཉིད་དང ། རོའི་ངོ་བོ་དགའ་བ་ཉིད་དང ། རོའི་ངོ་བོ་མི་དགའ་བ་ཉིད་དང ། རོའི་ངོ་བོ་ལེགས་པ་ཉིད་དང ། རོའི་ངོ་བོ་མ་ལེགས་པ་
57a
༄#། །ཉིད་དང ། ཁ་བ་འཛིན་པ་དང ། ཚ་བ་འཛིན་པ་དང ། སྐྱུར་བ་འཛིན་པ་དང ། མངར་བ་འཛིན་པ་དང ། རོ་བ་ཚཝ་ཅན་ཉིད་ནས་རོ་བསྐ་བ་ཉིད་དང ། ལན་ཚཝའི་རོ་དང ། རོ་གང་དག་སྣོད་ན་ཡོད་པ་དང ། རྩ་བ་ལ་ཡོད་པ་དང ། སྙིང་པོ་ལ་ཡོད་པ་དང ། སྙིང་པོ་མེད་པ་ལ་ཡོད་པ་དང ། ཤུན་པ་ལ་ཡོད་པ་དང ། ངར་བ་ལ་ཡོད་པ་དང ། ལོ་མ་ལ་ཡོད་པ་དང ། མེ་ཏོག་ལ་ཡོད་པ་དང ། འབྲས་བུ་ལ་ཡོད་པའི་བར་གྱི་རོ་གང་དག་ཡོད་པ་འདི་ནི་རོའི་ཁམས་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རོའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་ཞིང་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རོའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་རོའི་ཁམས་ཤེས་པ་ཀུན་འབྱུང་བ་
57b
ཤེས་པ་ཡང་དག་པར་འགྲུབ་པ་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་རོའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་དེ་བཞིན་དུ་སྦྱར་ཏེ། ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལ་རོའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རོའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་
58a
༄#། །སུ་ཐར་པར་བྱས་ནས་བདེ་བ་ལ་བཙུད་པ་ནི། རོའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་རོའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རོའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རོའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་གང་གིས་རོའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རོའི་ཁམས་
58b
ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། །བདེ་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལྕེའི་རྣམ་པར་ཤེས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ལྕེ་དང་རོ་ལ་བརྟེན་ནས་ལྕེའི་རྣམ་པར་ཤེས་པ་སྐྱེ་སྟེ། དངོས་པོ་སོ་སོར་རྣམ་པར་རིག་པའི་མཚན་ཉིད་དེ་སྐྱེ་བ་ན་ནང་གི་ལྕེ་ལས་ཀྱང་མ་བྱུང ། ཕྱི་རོལ་གྱི་རོ་དག་ལས་ཀྱང་མ་འོངས། བར་དུ་རྣམ་པར་བཟུང་སྟེའང་མི་གནས། འོང་བ་མེད་ཅིང་འགྲོ་བ་མེད་ལ། སྟོང་ཞིང་ངོ་བོ་ཉིད་དང་བྲལ་བ་ཡིན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ལྕེའི་རྣམ་པར་ཤེས་པའི་ཁམས་ཤེས་པ་ཞེས་བྱ་སྟེ། ད་ད་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་རྣམ་པར་ཤེས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་
59a
༄#། །ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ལྕེའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ལྕེའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ལྕེའི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་རྣམ་པར་
59b
ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ལྕེའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ལྕེའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་དེ་ལྟར་ན་དེ་བཞིན་གཤེགས་པས་ལྕེའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་
60a
༄#། །བདག། ཇི་ལྟར་ན། དེ་བཞིན་གཤེགས་པས་ལྕེའི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་ལྕེའི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་དེ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྕེའི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལུས་ཀྱི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཟིན་
60b
པའི་འབྱུང་བ་ཆེན་པོའི་རྒྱུར་བྱས་པ་དང་བ་གང་ཡིན་པ་ནི། ལུས་ཀྱི་རྣམ་པར་སྨིན་པ་སྟེ། ལུས་གང་གི་རེག་བྱ་སྣང་བར་འགྱུར་ཞིང ། རེག་བྱའང་ཐོགས་པ་དང ། ལུས་གང་རེག་བྱ་ལ་ཐོགས་པ་དང ། ལུས་གང་ལ་རེག་བྱའང་ཐོགས་པ་དང ། ལུས་གང་གིས་རེག་བྱ་ལ་རེག་པར་གྱུར་པ་དང ། རེག་པ་དང ། རེག་པར་འགྱུར་བ་དང ། རེག་བྱ་ལ་རེག་པར་བྱ་བའི་ཕྱིར་རྟག་ཏུ་ཐ་མི་དད་ཅིང་རུང་བའི་ལུས་གང་ཡིན་པ་དང ། ཁམས་བཅོ་བརྒྱད་དག་ལས་ལུས་ཀྱི་ཁམས་གང་ཡིན་པ་དང ། སྐྱེ་མཆེད་བཅུ་གཉིས་དག་ལས་ལུས་ཀྱི་སྐྱེ་མཆེད་གང་ཡིན་པ་དང ། དབང་པོ་ཉི་ཤུ་རྩ་གཉིས་དག་ལས་ལུས་ཀྱི་དབང་པོ་གང་ཡིན་པ་སྟེ། དེ་ནི། ལུས་ཀྱང་ཡིན། དེ་ནི། ལུས་ཀྱི་ཁམས་ཀྱང་ཡིན། དེ་ནི། ལུས་ཀྱི་སྐྱེ་མཆེད་ཀྱང་ཡིན། དེ་ནི། ལུས་ཀྱི་དབང་པོའང་ཡིན། དེ་ནི། སྒོའང་ཡིན། དེ་ནི། དཀར་བའང་ཡིན། དེ་ནི། རྒྱུན་ཀྱང་ཡིན།་དེ་ནི། མཚོའང་ཡིན། དེ་ནི། རྒྱ་མཚོའང་ཡིན། དེ་ནི། ཀློང་ཡང་ཡིན། དེ་ནི། སྣང་བའང་ཡིན། དེ་ནི། ཆུ་འབྱུང་ཡང་ཡིན། དེ་ནི། ཁྲིད་བྱེད་ཀྱང་ཡིན།་དེ་ནི། འདྲེན་བྱེད་ཀྱང་ཡིན། དེ་ནི། ཞིང་ཡང་ཡིན། དེ་ནི། དངོས་པོའང་ཡིན། དེ་ནི། སྦུབས་ཀྱང་ཡིན། དེ་ནི། གསང་བའང་ཡིན། དེ་ནི། ཕ་རོལ་
61a
༄#། །གྱི་འགྲམ་མ་ཡིན་པའང་ཡིན། དེ་ནི། བདུད་ཀྱི་སྣོད་ཀྱང་ཡིན། དེ་ནི། བདག་གི་དངོས་པོར་འཇུག་པའང་ཡིན། དེ་ནི། གྲོང་སྟོང་པར་འཇུག་པའང་ཡིན། དེ་ནི། མངོན་པར་ཤེས་པར་བྱ་བའང་ཡིན། དེ་ནི། ཡོངས་སུ་ཤེས་པར་བྱ་བའང་ཡིན། དེ་ནི། སྤང་བར་བྱ་བའང་ཡིན་ཏེ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ལུས་ཀྱི་ཁམས་ཤེས་པའོ། །དེ་བཞིན་གཤེགས་པ་ལུས་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལུས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ལུས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་
61b
བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ལུས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དང་དམིགས་པ་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལུས་ཀྱི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལུས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ནས་དེ་བཞིན་དུ་སྦྱར་ཏེ་བདེ་བ་ལ་བཙུད་པའི་བར་ནི། ལུས་ཀྱི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་
62a
༄#། །སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་ལུས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལུས་ཀྱི་ཁམས་ཤེས་པ་འགོག་པར་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལུས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་གང་གིས་ལུས་ཀྱི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའི་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལུས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་
62b
གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རེག་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ལུས་ཀྱི་ཁམས་ཀྱི་སྤྱོད་ཡུལ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ལྟ་སྟེ། མིག་གི་རེག་པ་དང ། རྣ་བའི་རེག་པ་དང ། སྣའི་རེག་པ་དང ། ལྕེའི་རེག་པ་དང ། ལུས་ཀྱི་རེག་པ་དང ། ཡིད་ཀྱི་རེག་པ་དང ། བདེ་བའི་ཚོར་བར་རེག་པ་དང ། སྡུག་བསྔལ་གྱི་ཚོར་བར་རེག་པ་དང ། སྡུག་བསྔལ་ཡང་མ་ཡིན། བདེ་བའང་མ་ཡིན་པའི་ཚོར་བར་རེག་པ་དང ། ཟག་པ་དང་བཅས་པའི་རེག་པ་དང ། ཟག་པ་མེད་པའི་རེག་པ་དང ། འཇིག་རྟེན་པའི་རེག་པ་དང ། འཇིག་རྟེན་ལས་འདས་པའི་རེག་པ་འདི་ནི། རེག་པའི་ཁམས་ཞེས་བྱ་སྟེ། དེ་ལ་ཤེས་པ་ནས་མཁས་པ་གང་ཡིན་པའི་བར་འདི་ནི། རེག་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རེག་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རེག་པའི་ཁམས་ཤེས་པ་ཀུན་འབྱུང་
63a
༄#། །བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་རེག་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང་རྐྱེན་གང་དག་གིས་རེག་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་ལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་ལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་རེག་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རེག་པའི་ཁམས་ཤེས་པ་
63b
འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། རེག་པའི་ཁམས་ཤེས་པ་འགོག་པ་ཤེས་པ་དེའང་གཟོད་མ་ནས་མ་སྐྱེས་པའི་ཆོས་ཅན་ཏེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རེག་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན། དེ་བཞིན་གཤེགས་པས་རེག་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་གང་གིས་རེག་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་
64a
༄#། །པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་རེག་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །བམ་པོ་བཞི་པ། ཁྱིམ་བདག་ཇི་ལྟར་ན་དེ་བཞིན་གཤེགས་པ་ལུས་ཀྱི་རྣམ་པར་ཤེས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ལུས་དང་རེག་པ་ལ་བརྟེན་ནས་ལུས་ཀྱི་རྣམ་པར་ཤེས་པ་སྐྱེ་སྟེ། དེ་སྐྱེ་བ་ན་ནང་གི་ལུས་ལས་ཀྱང་མ་བྱུང ། ཕྱི་རོལ་གྱི་རེག་པ་ལས་ཀྱང་མ་འོངས། བར་དུ་རྣམ་པར་བཟུང་སྟེ་འང་མི་གནས་མོད་ཀྱི། འོན་ཀྱང་ཚོགས་པའི་དབང་གིས་སྐྱེ་ཞིང་འོད་བ་མེད་ལ་འགྲོ་བ་མེད་པ་དང ། སྟོང་ཞིང་ངོ་བོ་ཉིད་དང་བྲལ་བ་ཡིན་ནོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི་ལུས་ཀྱི་རྣམ་པར་ཤེས་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་དུ་སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས། ལུས་ཀྱི་
64b
རྣམ་པར་ཤེས་པས་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ཁྱིམ་བདག་གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང་རྐྱེན་གང་དག་གིས་ལུས་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུའི་དང་རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་ལྟ་བར་གནས་པ་ནས། དེ་བཞིན་དུ་སྦྱར་ཏེ་གལ་ཏེ་ཕྱིར་རྒོལ་བར་རྗེས་སུ་ལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལུས་ཀྱི་རྣམ་པར་ཤེས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ལུས་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། དེ་བཞིན་དུ་སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ལུས་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་པ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་
65a
༄#། །གང་དག་གིས་ལུས་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་བར་རྗེ་སུ་བལྟ་བར་གནས་པ་ནས་དེ་བཞིན་དུ་སྦྱར་ཏེ། ཕྱིར་རྒོལ་པར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལུས་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ལུས་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་བ་བསལ་ནས་དེ་བཞིན་དུ་སྦྱར་ཏེ་བདེ་བ་ལ་བཙུད་པའི་བར་དུ་ལུས་ཀྱི་རྣམ་པར་ཤེས་པའི་ཁམས་ཤེས་པ་འགག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི་ལུས་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་
65b
བཞིན་གཤེགས་པ་ལུས་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ལུས་ཀྱི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་པའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པ་ཤེས་པ་གང་གིས་ལུས་ཀྱི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་དེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་སྟེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལུས་ཀྱི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་
66a
༄#། །རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཡིད་ཀྱི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྣམ་པར་ཤེས་པའི་ཚོགས་དྲུག་པོ་དག་འདས་མ་ཐག་པའི་ཡིད་དང་པོ་ཉིད་དུ་བྱུང་བ་གང་ཡིན་པ་འདི་ནི། ཡིད་ཀྱི་ཁམས་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཡིད་ཀྱི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཡིད་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་
66b
ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཡིད་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་གཞན་ཡང་དེ་བཞིན་གཤེགས་པ་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཡིད་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡིད་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་གྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་
67a
༄#། །ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཡིད་ཀྱི་ཁམས་ཤེས་པ་འགོག་པ་སྟེ།་དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཡིད་ཀྱི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡིད་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་ཡིད་ཀྱི་ཁམས་ཤེས་པ་ཡོངས་སུ་ཤེས། ཁོང་དུ་ཆུད།་མངོན་སུམ་བྱས་པའི་འགོག་པ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་
67b
ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཆོས་ཀྱི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཡིད་ཀྱི་ཁམས་ཀྱི་སྤྱོད་ཡུལ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ལྟ་སྟེ། རྣམ་པར་ཤེས་པ་ཚོགས་དྲུག་དག་གིས་འདི་ནི་ཆོས་ཀྱི་ཁམས་ཞེས་བྱའོ། །ཁྱིམ་བདག། གཞན་ཡང་དེ་བཞིན་གཤེགས་པས་ཆོས་ཀྱི་ཁམས་ཐམས་ཅད་ཅེས་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཆོས་ཀྱི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཆོས་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་
68a
༄#། །ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཆོས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཆོས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཆོས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཆོས་ཀྱི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་
68b
གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཆོས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཆོས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པར་འགྲུབ་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཆོས་ཀྱི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཆོས་ཀྱི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་
69a
༄#། །རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཆོས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་ཆོས་ཀྱི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་པར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཆོས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཡིད་ཀྱི་རྣམ་པར་ཤེས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཡིད་
69b
རྣམ་པར་རྒྱུ་བ་དང་པོར་བྱུང་བའི་རྗེས་སུ་འབྲང་བ་འཇལ་བ་དང ། དཔྱོད་པ་གང་ཡིན་པ་འདི་ནི། ཡིད་ཀྱི་རྣམ་པར་ཤེས་པའི་ཁམས་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཡིད་ཀྱི་རྣམ་པར་ཤེས་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་རྣམ་པར་ཤེས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཡིད་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་པ་ནས་ཡིད་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་
70a
༄#། །མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཡིད་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་རྣམ་པར་ཤེས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། །ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་
70b
རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅན། ཁྱིམ་བདག། འདི་ལ་དེ་བཞིན་གཤེགས་པ་གང་གིས་ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ་གལ་
71a
༄#། །ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་དེ་ངེས་པར་འབྱུང་བར་རྗེས་སུ་ལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་རྣམ་པར་ཤེས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་དེ་ལྟར་ན་དེ་བཞིན་གཤེགས་པས་ཁམས་དུ་མ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པས་ཁམས་དུ་མ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་བ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། ། དེ་ནི་ཙན་དན་གྱི་ཁྱམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པ་ཁམས་སྣ་ཚོགས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདོད་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་
71b
མཁྱེན་ཏེ། འདོད་པའི་ཁམས་ཤེས་པ་ཀུན་འབྱུང་བ་ཤེས་པ། འདོད་པའི་ཁམས་ཤེས་པ་འགོག་པ་ཤེས་པ། འདོད་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་དུ་སྦྱར་ཏེ། དེ་ལྟར་ན་གནོད་སེམས་ཀྱི་ཁམས་ཤེས་པ་དང ། རྣམ་པར་འཚེ་བའི་ཁམས་དང ། ངེས་པར་འབྱུང་བའི་ཁམས་དང ། གནོད་སེམས་མེད་བའི་ཁམས་དང ། རྣམ་པར་མི་འཚེ་བའི་ཁམས་དང ། ལོག་པར་ལྟ་བའི་ཁམས་དང ། འདས་པའི་ཁམས་དང ། མ་འོངས་པའི་ཁམས་དང།་ད་ལྟར་བྱུང་བའི་ཁམས་དང ། དགེ་བའི་ཁམས་དང ། མི་དགེ་བའི་ཁམས་དང ། ལུང་དུ་མ་བསྟན་པའི་ཁམས་དང ། ཟག་པ་དང་བཅས་པའི་ཁམས་དང།་ཟག་པ་མེད་པའི་ཁམས་དང ། ཟང་ཟིང་དང་བཅས་པའི་ཁམས་དང ། ཟང་ཟིང་མེད་པའི་ཁམས་དང ། འཕགས་པའི་ཁམས་དང ། འཕགས་པ་མ་ཡིན་པའི་ཁམས་དང ། འཇིག་རྟེན་པའི་ཁམས་དང ། འཇིག་རྟེན་ལས་འདས་པའི་ཁམས་དང ། འདུས་བྱས་ཀྱི་ཁམས་དང ། འདུས་མ་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ། འདུས་མ་བྱས་ཀྱི་ཁམས་ཤེས་པ་འགོག་པ་ཤེས་པ། འདུས་མ་བྱས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་
72a
༄#། །པ་བཞིན་རབ་ཏུ་མཁྱེན་ཏོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འདོད་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་སྲེད་པའི་རྣམ་པར་སྤྱོད་པ་སུམ་ཅུ་རྩ་དྲུག་གིས་ཀུན་ནས་ཉོན་མོངས་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འདོད་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདོད་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག། དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་ཤིན་ཏུ་ཐུགས་སུ་ཆུད་པར་མཛད་དེ། ཐུགས་སུ་ཆུད་པའི་དེ་བཞིན་གཤེགས་པ་གང་འདོད་པའི་ཁམས་ཤེས་པ་ལ་ཞུ་བ་ཞུས་པའི་སྤོབས་པ་ཟད་མི་ཤེས་སོ། །ཁྱིམ་བདག། དེ་ལྟ་བས་ན། འདིར་གང་
72b
གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འདོད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འདོད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འདོད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་འདོད་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་
73a
༄#། །རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདོད་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། འདོད་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འདོད་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདོད་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདོད་
73b
པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་པ་གང་གིས་འདོད་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདོད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་སྤོབས་པ་ཟང་མི་ཤེས་པ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནོད་སེམས་ཀྱི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཀུན་ནས་མནར་སེམས་ཀྱི་དངོས་པོ་དགུ་དག་གིས་ཀུན་ནས་ཉོན་མོངས་པའི་ཁམས་རབ་ཏུ་མཁྱེན་ཏེ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་
74a
༄#། །པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། གནོད་སེམས་ཀྱི་ཁམས་ཤེས་པ་ཞེས་བྱའོ། །དེ་བཞིན་གཤེགས་པ་གནོད་སེམས་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་པར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་གནོད་སེམས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་གནོད་སེམས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་གནོད་སེམས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་
74b
བས་གནོད་སེམས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། གནོད་སེམས་ཀྱི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན། དེ་བཞིན་གཤེགས་པས་གནོད་སེམས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནོད་སེམས་ཀྱི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་གནོད་སེམས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་པ་གང་གིས་གནོད་
75a
༄#། །སེམས་ཀྱི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་དེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནོད་སེམས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན།་དེ་བཞིན་གཤེགས་པས་རྣམ་པར་འཚེ་བའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལྟ་བར་གྱུར་པ་དྲུག་ཅུ་རྩ་གཉིས་དག་གིས་ཀུན་ནས་ཉོན་མོངས་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག། དེ་ལྟར་ན། དེ་བཞིན་གཤེགས་པས་རྣམ་པར་འཚེ་བའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་འཚེ་བའི་ཁམས་ཤེས་
75b
པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། ། ཁྱིམ་བདག། ཇི་ལྟར་ན། དེ་བཞིན་གཤེགས་པས་རྣམ་པར་འཚེ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་རྣམ་པར་འཚེ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་རྣམ་པར་འཚེ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་འཚེ་བའི་ཁམས་ཤེས་པ་ཀུན་འབྱུང་
76a
༄#། །བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་པར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རྣམ་པར་འཚེ་བའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་མཛད་ནས་བདེ་བ་ལ་བཙུད་པ་ནི་རྣམ་པར་འཚེ་བའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་རྣམ་པར་འཚེ་བའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་འཚེ་བའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །
76b
ཁྱིམ་བདག། ཇི་ལྟར་ན། དེ་བཞིན་གཤེགས་པས་རྣམ་པར་འཚེ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཤེས་པ་གང་གིས་རྣམ་པར་འཚེ་བའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ།་གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་འཚེ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ངེས་པར་འགྱུར་བའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སྲིད་པའི་རྣམ་པར་སྤྱོད་པ་སུམ་ཅུ་རྩ་དྲུག་གིས་ཀུན་ནས་ཉོན་མོངས་པ་མེད་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པ་ངེས་པར་འབྱུང་བའི་ཁམས་ཤེས་པ་དེ་ལའང་ཞུ་བ་ཞུས་པ་ན་
77a
༄#། །བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ངེས་པར་འབྱུང་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ངེས་པར་འབྱུང་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ངེས་པར་འབྱུང་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་
77b
པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ངེས་པར་འབྱིན་པའི་ཁམས་ཤེས་པ་ཀུན་འབྱུང་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ངེས་པར་འབྱུང་བའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ངེས་པར་འབྱུང་བའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ངེས་པར་འབྱུང་བའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །འདི་ནི། ངེས་པར་འབྱུང་བའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ངེས་པར་འབྱུང་བའི་ཁམས་
78a
༄#། །ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ངེས་པར་འབྱུང་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཤེས་པ་གང་གིས་ངེས་པར་འབྱུང་བའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའི་ཤེས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འདི་ནི། ངེས་པར་འབྱུང་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ངེས་པར་འབྱུང་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་
78b
ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་གནོད་སེམས་མེད་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཀུན་ནས་མནར་སེམས་ཀྱི་དངོས་པོ་དགུ་དག་གིས་ཀུན་ནས་ཉོན་མོངས་པ་མེད་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང།་གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། གནོད་སེམས་མེད་པའི་ཁམས་ཤེས་པ་ཞེས་བྱ་སྟེ།་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནོད་སེམས་མེད་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་གནོད་སེམས་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་
79a
༄#། །ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་གནོད་སེམས་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་གནོད་སེམས་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། གནོད་སེམས་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཞེས་བྱ་སྟེ།་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནོད་སེམས་མེད་པའི་ཁམས་ཤེས་པ་ཀུན་འབྱུང་བ་ཤེས་
79b
པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། ། ཁྱིམ་བདག། ཇི་ལྟར་ན། དེ་བཞིན་གཤེགས་པས་གནོད་སེམས་མེད་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། གནོད་སེམས་མེད་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག། དེ་ལྟར་ན། དེ་བཞིན་གཤེགས་པས་གནོད་སེམས་མེད་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནོད་སེམས་མེད་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་
80a
༄#། །པས་གནོད་སེམས་མེད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་པ་གང་གིས་གནོད་སེམས་མེད་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་ལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་འདི་ནི། གནོད་སེམས་མེད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་གནོད་སེམས་མེད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་པ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རྣམ་པར་མི་འཚེ་བའི་ཁམས་ཤེས་པ་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་
80b
གཤེགས་པས་ལྟ་བར་གྱུར་པ་དྲུག་ཅུ་རྩ་གཉིས་དག་གིས་ཀུན་ནས་ཉོན་མོངས་པ་མེད་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། རྣམ་པར་མི་འཚེ་བའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་མི་འཚེ་བའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང།་འགོག་པ་དང ། ལམ་ཡང་སྔར་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལོག་པར་ལྟ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ལོག་པར་ལྟ་བ་ལ་ལོག་པར་ལྟ་བ་ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་འདིའི་ལྟ་བ་ཡང་དག་པ་ཡིན་ཞེ་ན། དེ་ལྟར་དེ་བཞིན་གཤེགས་པས་ལོག་པར་ལྟ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་དུ་སྦྱར་ཏེ། དེ་
81a
༄#། །ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལོག་པར་ལྟ་བ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ལོག་པར་ལྟ་བ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ལོག་པར་ལྟ་བ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་དེ་བཞིན་དུ་སྦྱར་ཏེ་ཐམས་ཅད་ལའང་བྱའོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདས་པའི་ཁམས་སུ་གྱུར་པ་བྱུང་བ་དང ། སྐྱེས་པ་དང ། ཀུན་ནས་སྐྱེས་པ་དང ། ཤིན་ཏུ་བྱུང་བ་དང ། རབ་ཏུ་བྱུང་བ་
81b
དང ། འདས་པའི་ཆར་གྱུར་པ་དང ། འདས་པའི་རྒྱུད་མ་ཆད་པ་དང ། འདས་པའི་དུས་ཀྱིས་བཟུང་བ་གང་ཡིན་པ་འདི་ནི། འདས་པའི་ཁམས་ཞེས་བྱ་སྟེ། དེ་དེ་བཞིན་གཤེགས་པས་རབ་ཏུ་མཁྱེན་ཏོ། །དེ་བཞིན་གཤེགས་པ་འདས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་བར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འདས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འདས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དང ། ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འདས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པ་རྗེས་སུ་བལྟ་བར་གནས་པ་ནས་དེ་བཞིན་དུ་སྦྱར་ཏེ་ཐམས་ཅད་ལའང་བྱའོ། །ཁྱིམ་བདག་།ཇི་ལྟར་
82a
༄#། །ན།་དེ་བཞིན་གཤེགས་པས་མ་འོངས་པའི་ཁམས་ཤེས་པ་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཁམས་མ་སྐྱེས་པ་དང ། ཀུན་ནས་མ་སྐྱེས་པ་དང ། མ་བྱུང་བ་དང ། ཀུན་ནས་མ་བྱུང་བ་དང ། རབ་ཏུ་མ་བྱུང་བ་དང ། ཤིན་ཏུ་མ་བྱུང་བ་དང ། མ་འོངས་པར་གྱུར་པ་དང ། མ་འོངས་པའི་རྒྱུད་དུ་གྱུར་པ་དང ། མ་འོངས་པའི་རྒྱུད་མ་ཆད་པ་དང ། མ་འོངས་པའི་དུས་ཀྱིས་བཟུང་བ་དང ། མ་འོངས་པའི་དུས་མ་ཆད་པ་གང་ཡིན་པ་འདི་ནི། མ་འོངས་པའི་ཁམས་ཤེས་པ་ཞེས་བྱ་སྟེ། ཀུན་འབྱུང་བ་དང ། འགོག་པ་དང ། ལམ་ཡང་སྔར་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ད་ལྟར་བྱུང་བའི་ཁམས་ཤེས་པ་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཁམས་སྐྱེས་པ་དང ། ཀུན་ནས་སྐྱེས་པ་དང ། བྱུང་བ་དང ། ཀུན་ནས་བྱུང་བ་དང ། རབ་ཏུ་བྱུང་བ་དང ། ད་ལྟར་བྱུང་བ་དང ། ད་ལྟར་བྱུང་བའི་རྒྱུད་དུ་གྱུར་པ་དང ། ད་ལྟར་བྱུང་བའི་དུས་ཀྱིས་བཟུང་བ་དང ། ད་ལྟར་བྱུང་བའི་རྒྱུད་མ་ཆད་པ་གང་ཡིན་པ་འདི་ནི། ད་ལྟར་བྱུང་བའི་ཁམས་ཞེས་བྱ་སྟེ། དེ་དེ་བཞིན་གཤེགས་
82b
པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྔར་ཇི་སྐད་བསྟན་པ་བཞིན་ནས་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ད་ལྟར་བྱུང་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ད་ལྟར་བྱུང་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ད་ལྟར་བྱུང་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ད་ལྟར་བྱུང་བའི་
83a
༄#། །ཁམས་ཤེས་པ་ཀུན་འབྱུང་བ་ཤེས་བ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ད་ལྟར་བྱུང་བའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་སྔར་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན།་དེ་བཞིན་གཤེགས་པས་དགེ་བའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་པ་དག། འདི་ལ་དེ་བཞིན་གཤེགས་པས་དགེ་བ་བཅུའི་ལས་ཀྱི་ལམ་དང་ཡང་དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། དགེ་བའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དགེ་བའི་ཁམས་ཤེས་པ་དེ་ལའང་ཞུ་བ་ཞུས་བ་ན་བསྐལ་བར་ལན་གསུམ་བ་ནས་དེ་བཞིན་དུ་སྦྱར་
83b
ཏེ།་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དགེ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་དགེ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་དགེ་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གསལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དགེ་བའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་
84a
༄#། །བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་དགེ་བའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། དགེ་བའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། དགེ་བའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དགེ་བའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་
84b
སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དགེ་བའི་ཁམས་ཤེས་པ་འགོག་པར་འགྱུར་བའི་ལ་མ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་དགེ་བའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་འདི་ནི། དགེ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དགེ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་པ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །བམ་པོ་ལྔ་པ། ཁྱིམ་བདག། ཇི་ལྟར་ན། དེ་བཞིན་གཤེགས་པས་མི་དགེ་བའི་ཁམས་ཤེས་པ་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་མི་དགེ་བ་བཅུའི་ལས་ཀྱི་ལམ་རྣམས་དང་ཡང་
85a
༄#། །དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། མི་དགེ་བའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མི་དགེ་བའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་མི་དགེ་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་མི་དགེ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།
85b
རྒྱུ་གང་དང ། རྐྱེན་གང་དག་གིས་མི་དགེ་བའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།་གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི་མི་དགེ་བའི་ཁམས་ཤེས་པ་ཀུན་འབྱུང་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མི་དགེ་བའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མི་དགེ་བའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་
86a
༄#། །པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། མི་དགེ་བའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། མི་དགེ་བའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མི་དགེ་བའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་མི་དགེ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་གང་གིས་མི་དགེ་བའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་པར་སུམ་དུ་བྱས་པའི་འགོག་པ། གལ་ཏེ་རོ་མྱང་བ་མེད་པར་
86b
རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་འདི་ནི། མི་དགེ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མི་དགེ་བའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལུང་དུ་མ་བསྟན་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལས་ཀྱི་རྣམ་པར་སྨིན་པ་མངོན་པར་འགྲུབ་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁམས་གང་ཡང་དག་པར་ཡོངས་སུ་སྤྱད་པ་དང ། གང་མི་མཐུན་པར་ཡོངས་སུ་སྤྱད་པ་དང ། གང་དུས་ཚིགས་སུ་ཡོངས་སུ་སྤྱད་པ་དང ། གང་སྤྱོད་ལམ་པའི་ཁམས་ཤེས་པ་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་
87a
༄#། །པ་འདི་ནི། ལུང་དུ་མ་བསྟན་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། དེ་བཞིན་གཤེགས་པ་ལུང་དུ་མ་བསྟན་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་པ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལུང་དུ་མ་བསྟན་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ལུང་དུ་མ་བསྟན་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་པར་རྗེས་སུ་བལྟ་བར་གནས་པའི་བར་འདི་ནི། ལུང་དུ་མ་བསྟན་པའི་ཁམས་ཤེས་པ་ཀུན་འབྱུང་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་
87b
པ་ལུང་དུ་མ་བསྟན་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ལུང་དུ་མ་བསྟན་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ། སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ལུང་དུ་མ་བསྟན་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ལུང་དུ་མ་བསྟན་པའི་ཁམས་ཤེས་པ་འགོག་པའོ། །དེ་བཞིན་གཤེགས་པ་ལུང་དུ་མ་བསྟན་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་
88a
༄#། །ན།་དེ་བཞིན་གཤེགས་པས་ལུང་དུ་མ་བསྟན་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་ལུང་དུ་མ་བསྟན་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའོ། །དེ་བཞིན་གཤེགས་པ་ལུང་དུ་མ་བསྟན་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟག་པ་དང་བཅས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག། འདི་ལ་དེ་བཞིན་གཤེགས་པས་འདོད་པའི་ཟག་པ་དང་ཡང་དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྲིད་
88b
པའི་ཟག་པ་དང་ཡང་དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ལྟ་བའི་ཟག་པ་དང་ཡང་དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། མ་རིག་པའི་ཟག་པ་དང་ཡང་དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཟག་པ་དང་བཅས་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟག་པ་དང་བཅས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པ་ཟག་པ་དང་བཅས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཟག་པ་དང་བཅས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་
89a
༄#། །པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཟག་པ་དང་བཅས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་དེ་བཞིན་དུ་སྦྱར་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟག་པ་དང་བཅས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་
89b
ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཟག་པ་དང་བཅས་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ཟག་པ་དང་བཅས་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པ་ཟག་པ་དང་བཅས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟག་པ་དང་བཅས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་ཟག་པ་དང་བཅས་པའི་ཁམས་ཤེས་པ་ཡོངས་སུ་ཤེས།་ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་
90a
༄#། །གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའི་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟག་པ་དང་བཅས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟག་པ་མེད་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདོད་པའི་ཟག་པ་དང་མི་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྲིད་པའི་ཟག་པ་དང ། ལྟ་བའི་ཟག་པ་དང ། མ་རིག་པའི་ཟག་པ་དང་མི་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་ནས་མཁས་པའི་བར་གང་ཡིན་པ་འདི་ནི། ཟག་པ་མེད་པའི་ཁམས་ཤེས་པ་ཞེས་བྱ་སྟེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་
90b
གཤེགས་པ་ཟག་པ་མེད་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཟག་པ་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཟག་པ་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཟག་པ་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟག་པ་མེད་པའི་ཁམས་
91a
༄#། །ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟག་པ་མེད་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཟག་པ་མེད་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ཟག་པ་མེད་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟག་པ་མེད་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ།
91b
དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟག་པ་མེད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་ཟག་པ་མེད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའི་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟག་པ་མེད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟང་ཟིང་དང་བཅས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདོད་པའི་ཡོན་ཏན་ལྔ་དང་ཡང་
92a
༄#། །དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ཟང་ཟིང་དང་བཅས་པའི་ཁམས་ཤེས་པ་ཤེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟང་ཟིང་དང་བཅས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པ་ཟང་ཟིང་དང་བཅས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཟང་ཟིང་དང་བཅས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་ཟང་ཟིང་དང་བཅས་པའི་ཁམས་
92b
ཤེས་པ་ཀུན་འབྱུང་བ་ཤེས་པ་ཡང་དག་བར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དུའོ། །དེ་བཞིན་གཤེགས་པ་ཟང་ཟིང་དང་བཅས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟང་ཟིང་དང་བཅས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཟང་ཟིང་དང་བཅས་པའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་
93a
༄#། །པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཟང་ཟིང་དང་བཅས་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟང་ཟིང་དང་བཅས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཟང་ཟིང་དང་བཅས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་ཟང་ཟིང་དང་བཅས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་བར་འབྱུང་བར་རྗེས་སུ་བལྟ་བར་གནས་པའི་ཤེས་པ་དེ་
93b
ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟང་ཟིང་དང་བཅས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན།་དེ་བཞིན་གཤེགས་པས་ཟང་ཟིང་མེད་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདོད་པའི་ཡོན་ཏན་ལྔ་དག་དང་མི་ལྡན་པའི་ཟང་ཟིང་མེད་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ཟང་ཟིང་མེད་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟང་ཟིང་མེད་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཟང་ཟིང་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་
94a
༄#། །བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཟང་ཟིང་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཟང་ཟིང་མེད་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟང་ཟིང་མེད་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟང་ཟིང་མེད་པའི་ཁམས་ཤེས་པ་འགོག་པ་ཤེས་པ་ཡང་དག་
94b
པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་པ་ནས་དེ་བཞིན་དུ་སྦྱར་ཏེ་བདེ་བ་ལ་བཙུད་པ་འདི་ནི། ཟང་ཟིང་མེད་པའི་ཁམས་ཤེས་པ་འགོག་པ་ཤེས་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཟང་ཟིང་མེད་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟང་ཟིང་མེད་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་ཟང་ཟིང་མེད་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་ཟང་ཟིང་མེད་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་
95a
༄#། །པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཟང་ཟིང་མེད་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག། དེ་བཞིན་གཤེགས་པས་འཕགས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཆགས་པ་དང་མི་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཞེ་སྡང་དང་མི་ལྡན་པ་དང ། གཏི་མུག་དང་མི་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། འཕགས་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་
95b
ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཕགས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འཕགས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འཕགས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཕགས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག།
96a
༄#། །འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ།་སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། འཕགས་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་ནས་མཁས་པའི་བར་གང་ཡིན་པ་འདི་ནི། འཕགས་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཕགས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་འཕགས་བའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་
96b
དུ་བྱས་པའི་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་པ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཕགས་པ་མ་ཡིན་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཆགས་པ་དང་ཡང་དག་པར་ལྡན་པ་དང ། ཞེ་སྡང་དང་ཡང་དག་པར་ལྡན་པ་དང ། གཏི་མུག་དང་ཡང་དག་པར་ལྡན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་ནས་མཁས་པའི་བར་གང་ཡིན་པ་འདི་ནི། འཕགས་པ་མ་ཡིན་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པ་མ་ཡིན་པའི་ཁམས་ཤེས་པ་དེ་ལའང་ཞུ་བ་
97a
༄#། །ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཕགས་པ་མ་ཡིན་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འཕགས་པ་མ་ཡིན་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འཕགས་པ་མ་ཡིན་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པ་
97b
མ་ཡིན་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཕགས་པ་མ་ཡིན་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི་འཕགས་པ་མ་ཡིན་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི་འཕགས་པ་མ་ཡིན་པའི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པ་མ་ཡིན་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་པ་ནས་དེ་ནི་
98a
༄#། །ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་བར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འཕགས་པ་མ་ཡིན་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཤེས་པ་གང་གིས་འཕགས་པ་མ་ཡིན་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ་།གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཕགས་པ་མ་ཡིན་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འཇིག་རྟེན་པའི་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།
98b
ཁྱིམ་བདག། འདི་ལ་དེ་བཞིན་གཤེགས་པས་འཇིག་རྟེན་པའི་ཀུན་ཏུ་སྤྱོད་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་འཇིག་རྟེན་པའི་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་པའི་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འཇིག་རྟེན་པའི་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འཇིག་རྟེན་པའི་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་རྒྱུ་གང་དང ། རྐྱེན་གང་དག་གིས་འཇིག་རྟེན་པའི་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུད་དང ། རྐྱེན་དེ་དག་ཡང་དག་པ་ཇི་ལྟར་བཞིན་
99a
༄#། །རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་པའི་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་པའི་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། འཇིག་རྟེན་པའི་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འཇིག་རྟེན་པའི་ཁམས་ཤེས་པ་
99b
འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་པའི་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འཇིག་རྟེན་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་ཤེས་པ་གང་གིས་འཇིག་རྟེན་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་
100a
༄#། །སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་ལས་འདས་པའི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འཁོར་བ་འགོག་པའི་རྗེས་སུ་མཐུན་པའི་ཁམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། འཇིག་རྟེན་ལས་འདས་པའི་ཁམས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་ལས་འདས་པའི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུངས་པ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་ལས་འདས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འཇིག་རྟེན་ལས་འདས་པའི་ཁམས་
100b
ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འཇིག་རྟེན་ལས་འདས་པའི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པ་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་ལས་འདས་པའི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་ལས་འདས་པའི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་
101a
༄#། །ཏེ།་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། འཇིག་རྟེན་ལས་འདས་པའི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་ལས་འདས་པའི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་ལས་འདས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་གང་འཇིག་རྟེན་ལས་འདས་པའི་ཁམས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་ལས་འདས་པའི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི།
101b
ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདུས་བྱས་ཀྱི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཉེ་བར་ལེན་པའི་ཕུང་པོ་ལྔ་རྣམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདུས་བྱས་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདུས་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འདུས་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འདུས་བྱས་ཀྱི་ཁམས་
102a
༄#། །ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདུས་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདུས་བྱས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། འདུས་བྱས་ཀྱི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་དེ་བཞིན་གཤེགས་པས་ཡང་དག་པ་ཇི་ལྟ་བ་
102b
བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི།་འདུས་བྱས་ཀྱི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། །དེ་བཞིན་གཤེགས་པ་འདུས་བྱས་ཀྱི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདུས་བྱས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་པ་གང་གིས་འདུས་བྱས་ཀྱི་ཁམས་ཤེས་པ་ཡོངས་སུ་ཤེས། ཁོང་དུ་ཆུད།་མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། འདུས་བྱས་ཀྱི་ཁམས་ཤེས་པ་འགོག་
103a
༄#། །པར་འགྱུར་བའི་ལམ་ཤེས་པའོ། །དེ་བཞིན་གཤེགས་པ་འདུས་བྱས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །བམ་པོ་དྲུག་པ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདུས་མ་བྱས་ཀྱི་ཁམས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སོ་སོར་བརྟགས་པས་འགོག་པ་དང ། ནམ་མཁའ་དང ། མྱ་ངན་ལས་འདས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འདུས་མ་བྱས་ཀྱི་ཁམས་ཀྱི་ཤེས་པ་ཞེས་བྱ་སྟེ། དེ་བཞིན་གཤེགས་པ་འདུས་མ་བྱས་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདུས་མ་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་
103b
པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་འདུས་མ་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏོ། །ཁྱིམ་བདག་གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འདུས་མ་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདུས་མ་བྱས་ཀྱི་ཁམས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འདུས་མ་བྱས་ཀྱི་ཁམས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་
104a
༄#། །འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། འདུས་མ་བྱས་ཀྱི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འདུས་མ་བྱས་ཀྱི་ཁམས་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། ། དེ་བཞིན་གཤེགས་པ་འདུས་མ་བྱས་ཀྱི་ཁམས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འདུས་མ་བྱས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཤེས་པ་གང་གིས་འདུས་མ་བྱས་ཀྱི་ཁམས་ཤེས་པ་ཡོངས་སུ་ཤེས།
104b
ཁོང་དུ་ཆུད། མངོན་སུམ་དུ་བྱས་པའི་ལམ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པའོ། །དེ་བཞིན་གཤེགས་པ་འདུས་མ་བྱས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་པར་དག་ཏུ་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག་།དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་དེ། གང་ཐུགས་སུ་ཆུད་པའི་དེ་བཞིན་གཤེགས་པ་འདུས་མ་བྱས་ཀྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་བཞུ་བ་ཞུས་པའི་སྤོབས་པ་ཟད་མི་ཤེས་སོ།། དེ་ལྟ་བས་ན། འདིར་གང་གིས་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཉི་མ་དང་ཟླ་བ་ཡོངས་སུ་རྒྱུ་བས་ཕྱོགས་གསལ་ཞིང་
105a
༄#། །སྣང་བར་བྱེད་པའི་ཟླ་བ་སྟོང་དང ། ཉི་མ་སྟོང་དང ། ཛམྦུའི་གླིང་སྟོང་དང ། གླིང་ཆེན་པོ་དང ། ཤར་གྱི་ལུས་འཕགས་སྟོང་དང ། བྱང་གི་སྒྲ་མི་སྙན་སྟོང་དང ། ནུབ་ཀྱི་བ་ལང་སྤྱོད་སྟོང་དང ། རྒྱལ་ཆེན་བཞིའི་རིས་སྟོང་དང ། སུམ་ཅུ་རྩ་གསུམ་གྱི་གནས་སྟོང་དང ། འཐབ་བྲལ་གྱི་གནས་སྟོང་དང ། དགའ་ལྡན་གྱི་གནས་སྟོང་དང ། འཕྲུལ་དགའི་གནས་སྟོང་དང ། གཞན་འཕྲུལ་དབང་ཕྱེད་ཀྱི་གནས་སྟོང་དང ། ཚངས་པའི་འཇིག་རྟེན་སྟོང་ཇི་སྙེད་པ་འདི་ནི། སྟོང་སྤྱི་ཕུད་དང ། ཆུང་དུ་དང ། ཐ་མའི་འཇིག་རྟེན་གྱི་ཁམས་ཞེས་བྱ་སྟེ། ཚུལ་དེ་ལྟ་བུའི་སྤྱི་ཕུད་ཀྱི་འཇིག་རྟེན་གྱི་ཁམས་སྟོང་གང་ཡིན་པ་འདི་ནི། སྟོང་གཉིས་པ་བར་མའི་འཇིག་རྟེན་གྱི་ཁམས་ཞེས་བྱའོ། །ཚུལ་དེ་ལྟ་བུའི་སྟོང་གཉིས་པ་བར་མའི་འཇིག་རྟེན་གྱི་ཁམས་སྟོང་གང་ཡིན་པ་འདི་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ། འདྲ་བར་འཇིག་།འདྲ་བར་ཆགས། འདྲ་བར་ཞིག་ནས་གནས། འདྲ་བར་ཆགས་ནས་གནས་སོ། །ཚུལ་དེ་ལྟ་བུའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཤར་ཕྱོགས་སུ་འཇིག་རྟེན་གྱི་ཁམས་གཞན་དག་ནི། འཇིག་།གཞན་དག་ནི། ཆགས། གཞན་དག་ཞིག་ནས་གནས།
105b
གཞན་དག་ཆགས་ནས་གནས་ཏེ། ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་དང ། ཤར་ལྷོ་དང ། ལྷོ་ནུབ་དང ། ནུབ་བྱང་དང ། བྱང་ཤར་དང ། འོག་དང ། སྟེང་གི་འཇིག་རྟེན་གྱི་ཁམས་དཔག་ཏུ་མེད་པ་གཞན་དག་ནི། འཇིག་།གཞན་དག་ནི། ཆགས། གཞན་དག་ཞིག་ནས་གནས། གཞན་དག་ཆགས་ནས་གནས་སོ། ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འཇིག་རྟེན་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་པའི་རྩ་བ་བསྐྱེད་ནས་འཇིག་རྟེན་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་
106a
༄#། །བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་འཇིག་རྟེན་གྱི་ཁམས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ།་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འཇིག་རྟེན་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་
106b
བ་ལ་བཙུད་པ་ནི། འཇིག་རྟེན་གྱི་ཁམས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་གྱི་ཁམས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་འཇིག་རྟེན་གྱི་ཁམས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་ཤེས་པ་གང་གིས་འཇིག་རྟེན་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཇིག་རྟེན་ཤེས་པ་འགོག་པར་འགྱུར་བའི་ལམ་ཤེས་
107a
༄#། །པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་དུ་མ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་འདི་དག་ནི། གཟུགས་ལ་མོས་སོ། །སེམས་ཅན་འདི་དག་ནི། སྒྲ་ལ་མོས་སོ། ། སེམས་ཅན་འདི་དག་ནི། དྲི་ལ་མོས་སོ། །སེམས་ཅན་འདི་དག་ནི། རོ་ལ་མོས་སོ། །སེམས་ཅན་འདི་དག་ནི། རེག་བྱ་ལ་མོས་སོ། །ཞེས་ཁྱིམ་བདག་།དེ་ལྟར་ན།་དེ་བཞིན་གཤེགས་པས་མོས་པ་དུ་མ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་དུ་མ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་དུ་མ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།
107b
སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་མོས་པ་དུ་མ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་མོས་བ་དུ་མ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་དུ་མ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་དུ་མ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་
108a
༄#། །ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། མོས་པ་དུ་མ་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། མོས་པ་དུ་མ་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་དུ་མ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཤེས་པ་གང་གིས་མོས་པ་དུ་མ་ཤེས་པ་འགོག་པ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་ལ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་
108b
རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་བའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་པ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་སྣ་ཚོགས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་འདི་དག་ནི། སྔོན་པོ་ལ་མོས་སོ། །སེམས་ཅན་འདི་དག་ནི། སེར་པོ་ལ་མོས་སོ། །སེམས་ཅན་འདི་དག་ནི། དམར་པོ་ལ་མོས་སོ། །སེམས་ཅན་འདི་དང་ནི། དཀར་པོ་ལ་མོས་སོ། །སེམས་ཅན་འདི་དག་ནི། སྣ་ཚོགས་ལ་མོས་སོ། །ཞེས་ཁྱིམ་བདག་།དེ་ལྟར་ན། དེ་བཞིན་གཤེགས་པས་མོས་པ་སྣ་ཚོགས་ཤེས་པ་ཡང་དག་པ་ཇི་ལྟར་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་སྣ་ཚོགས་ཤེས་པ་དེ་ལའང་ཞུ་པ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་
109a
༄#། །བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་སྣ་ཚོགས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་མོས་པ་སྣ་ཚོགས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་མོས་པ་སྣ་ཚོགས་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་སྣ་ཚོགས་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ།
109b
དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་སྣ་ཚོགས་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། མོས་པ་སྣ་ཚོགས་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་སྣ་ཚོགས་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། བདེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོས་པ་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་
110a
༄#། །གཤེགས་པ་ཤེས་པ་གང་གིས་མོས་པ་སྣ་ཚོགས་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ།་གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོས་པ་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་མིག་གི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མིག་གི་དབང་པོ་ཤེས་པ་ཀུན་འབྱུང་བ་ཤེས། མིག་གི་དབང་པོ་ཤེས་པ་འགོག་པ་ཤེས། མིག་གི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་
110b
བཞིན་རབ་ཏུ་མཁྱེན་ཏོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་དབང་པོ་ཤེས་པ་ཀུན་འབྱུང་བ་ཤེས། ཡིད་ཀྱི་དབང་པོ་ཤེས་པ་འགོག་པ་ཤེས།་ཡིད་ཀྱི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་དང ། མོའི་དབང་པོ་ཤེས་པ་དང ། ཕོའི་དབང་པོ་ཤེས་པ་དང ། ལམ་ཤེས་པ་དང ། སྲོག་གི་དབང་པོ་ཤེས་པ་དང ། བདེ་བའི་དབང་པོ་ཤེས་པ་དང ། སྡུག་བསྔལ་གྱི་དབང་པོ་ཤེས་པ་དང ། ཡིད་བདེ་བའི་དབང་པོ་ཤེས་པ་དང ། ཡིད་མི་བདེ་བའི་དབང་པོ་ཤེས་པ་དང ། བཏང་སྙོམས་ཀྱི་དབང་པོ་ཤེས་པ་དང ། དད་པའི་དབང་པོ་ཤེས་པ་དང ། བརྩོན་འགྲུས་ཀྱི་དབང་པོ་ཤེས་པ་དང ། དྲན་པའི་དབང་པོ་ཤེས་པ་དང ། ཏིང་ངེ་འཛིན་གྱི་དབང་པོ་ཤེས་པ་དང ། ཤེས་རབ་ཀྱི་དབང་པོ་ཤེས་པ་དང ། མི་ཤེས་པ་ཀུན་ཤེས་པའི་དབང་པོ་ཤེས་པ་དང ། ཀུན་ཤེས་པའི་དབང་པོ་ཤེས་པ་དང ། ཀུན་ཤེས་པར་བྱེད་པའི་དབང་པོ་ཤེས་པ་ཀུན་འབྱུང་བ་ཤེས། ཀུན་ཤེས་པར་བྱེད་པའི་དབང་པོ་ཤེས་པ་འགོག་པ་ཤེས། ཀུན་ཤེས་པར་བྱེད་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པའི་བར་ཡང་དག་བ་ཇི་ལྟ་བ་བཞིན་རབ་ཏུ་མཁྱེན་ཏེ། ཐམས་ཅད་ལའང་རྒྱས་པར་བྱ་ཞིང་མདོ་དང་པོ་ཇི་ལྟ་བ་བཞིན་ནོ། །ཁྱིམ་བདག་
111a
༄#། །ཇི་ལྟར་ན། དེ་བཞིན་གཤེགས་པས་མིག་གི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། འབྱུང་བ་ཆེན་པོ་བཞི་དག་གི་དང་བ་ནི། མིག་གི་དབང་པོ་ཡིན་ཏེ། སའི་ཁམས་དང་བ་དང ། ཆུའི་ཁམས་དང་བ་དང ། མེའི་ཁམས་དང་བ་དང ། རླུང་གི་ཁམས་དང་བ་ཡིན་ཏེ། དེ་ལ་སའི་ཁམས་དང་བའང་ཚིག་མ་ཡིན་ལ། སའི་ཁམས་དང་བ་ལས་གཞན་པའང་མིག་མ་ཡིན། ཆུའི་ཁམས་དང་བའང་མིག་མ་ཡིན་ལ། ཆུའི་ཁམས་དང་བ་ལས་གཞན་པའང་མིག་མ་ཡིན། མེའི་ཁམས་དང་བའང་མིག་མ་ཡིན་ལ། མེའི་ཁམས་དང་བ་ལས་གཞན་པའང་མིག་མ་ཡིན། རླུང་གི་ཁམས་དང་བའང་མིག་མ་ཡིན། རླུང་གི་ཁམས་དང་བ་ལས་གཞན་པའང་མིག་མ་ཡིན་མོད་ཀྱི། ཁྱིམ་བདག་།འོན་ཀྱང་ལས་ཀྱི་རྣམ་པར་སྨིན་པས་མིག་ཡོངས་སུ་གྲུབ་པ་ཡིན་ཏེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། མིག་གི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་དབང་པོ་ཤེས་པ་དེ་ལའང་ཞུ་བ་ཞུས་པ་
111b
ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་མིག་གི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་མིག་གི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།་གལ་ཏེ་མི་རྟག་པར་རྗེས་སུ་བལྟ་བར་ངས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་དབང་པོ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་
112a
༄#། །གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། མིག་གི་དབང་པོ་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་དབང་པོ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ།་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མིག་གི་དབང་པོ་
112b
ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་མིག་གི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མིག་གི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རྣ་བའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། འབྱུང་བ་ཆེན་པོ་བཞི་དང་བ་ནི། རྣ་བའི་དབང་པོ་ཡིན་ཏེ། སའི་ཁམས་དང་བ་དང ། ཆུའི་ཁམས་དང་བ་དང ། མེའི་ཁམས་དང་བ་དང ། རླུང་གི་ཁམས་དང་བ་ཡིན་ཏེ། དེ་ལ་སའི་ཁམས་དང་བའང་རྣ་བའི་དབང་པོ་མ་ཡིན་ལ། སའི་ཁམས་དང་བ་ལས་གཞན་པའང་
113a
༄#། །རྣ་བའི་དབང་པོ་མ་ཡིན་ཞིང ། རླུང་གི་ཁམས་དང་བ་ལས་གཞན་པའང་རྣ་བའི་དབང་པོ་མ་ཡིན་མོད་ཀྱི། འོན་ཀྱང་ལས་ཀྱི་རྣམ་པར་སྨིན་པས་རྣ་བའི་དབང་པོ་མངོན་པར་གྲུབ་པ་ཡིན་ནོ། །དེ་ལ་ཤེས་པ་དང ། མཐོང་བ་ནམ་མཁས་པའི་བར་གང་ཡིན་པ་འདི་ནི། རྣ་བའི་དབང་པོ་ཤེས་པ་ཞེས་བྱ་སྟེ།་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣ་བའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །སྣ་དང ། ལྕེ་དང ། ལུས་ཀྱང་དེ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡིད་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཡིད་ཀྱི་དབང་པོ་ནི། དབང་པོ་ལྔ་དག་གི་གཙོ་བོ་ཡིན་ནོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཡིད་ཀྱི་དབང་པོ་ནི། དབང་པོ་ལྔ་དག་གི་སྤྱོད་ཡུལ་ལ་སྤྱོད་པ་དང ། ཡིད་ཀྱི་དབང་པོ་ནི། དབང་པོ་ལྔའི་ཞིང་ཡིན་ནོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་
113b
ཡིད་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མོའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། མོའི་སྒྲ་དང ། མོའི་དབྱིབས་དང ། མོའི་ལྦ་བ་དང ། མོའི་ཚུལ་དང ། མོའི་ཀུན་ཏུ་སྤྱོད་པ་གང་ཡིན་པ་འདི་ནི། མོའི་དབང་པོའོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། མོའི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མོའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཕོའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་
114a
༄#། །མཁྱེན་ཅེ་ན། ཕོའི་སྒྲ་དང ། ཕོའི་ཆ་བྱད་དང ། ཕོའི་ལྦ་བ་དང ། ཕོའི་ཚུལ་དང ། ཕོའི་ཀུན་ཏུ་སྤྱོད་པ་གང་ཡིན་པ་འདི་ནི། ཕོའི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཕོའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཚེའི་དབང་པོ་ཤེས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།སེམས་ཅན་གང་དག་དུད་འགྲོའི་སྐྱེ་གནས་སུ་སོང་བའི་ཚེའི་ཚད་ཉིན་ཞག་གཅིག་ཡོད་དེ། དུས་མ་ཡིན་པར་འཆི་བའང་ཡོད། སེམས་ཅན་གང་དག་དུད་འགྲོའི་སྐྱེ་གནས་སུ་སོང་བའི་ཚེའི་ཚད་ལྔ་བརྒྱ་པའང་ཡོད་ལ། དུས་མ་ཡིན་པར་འཆི་བའང་ཡོད། སེམས་ཅན་གང་དག་དུད་འགྲོའི་སྐྱེ་གནས་སུ་སོང་བའི་ཚེའི་ཚད་བསྐལ་པར་གནས་པའང་ཡོད་ལ། དུས་མ་ཡིན་པར་འཆི་བའང་ཡོད། ཛམྦུའི་གླིང་གི་མི་རྣམས་ཀྱི་ཚེའི་ཚད་ནི། ལོ་བརྒྱ་པ་སྟེ། དུས་མ་ཡིན་པར་འཆི་བའང་ཡོད།
114b
ནུབ་ཀྱི་བ་ལང་སྤྱོད་ཀྱི་མི་རྣམས་ཀྱི་ཚེའི་ཚད་ནི། ལོ་ཉིས་བརྒྱ་ལྔ་བཅུ་པ་སྟེ། དུས་མ་ཡིན་པར་འཆི་བའང་ཡོད། ཤར་གྱི་ལུས་འཕགས་ཀྱི་མི་རྣམས་ཀྱི་ཚེའི་ཚད་ནི། ལོ་ལྔ་བརྒྱ་པ་སྟེ། དུས་མ་ཡིན་པར་འཆི་བའང་ཡོད། བྱང་གི་སྒྲ་མི་སྙན་གྱི་མི་རྣམས་ཀྱི་ཚེའི་ཚད་ནི། ལོ་སྟོང་སྟེ། དུས་མ་ཡིན་པར་འཆི་བའང་ཡོད། མི་རྣམས་ཀྱི་ལོ་ལྔ་བཅུ་གང་ཡིན་པ་དེ་དང་དེ་ནི། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་གི་ཚད་ནི། དེས་ཉི་མ་བཅོ་ལྔ་ལ་ཟླ་བ་ཕྱེད་དོ། །ཉི་མ་སུམ་ཅུ་ལ་ཟླ་བ་གཅིག་གོ་།ཟླ་བ་བཅུ་གཉིས་ལ་ལོ་གཅིག་གོ་།རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ཚེའི་ཚད་ནི། ལོ་ལྔ་བརྒྱ་སྟེ། དུས་མ་ཡིན་པར་འཆི་བའང་ཡོད། མི་རྣམས་ཀྱི་ལོ་བརྒྱ་པ་དེ་ནི།་སུམ་ཅུ་རྩ་གསུམ་གྱི་ལྷ་རྣམས་ཀྱི་ཉིན་ཞག་གཅིག་སྟེ། ཉིན་ཞག་གི་ཚད་དེས་ཟླ་བ་བཅུ་གཉིས་ལ་ལོ་གཅིག་གོ་།སུམ་ཅུ་རྩ་གསུམ་གྱི་ལྷ་རྣམས་ཀྱི་ཚེའི་ཚད་ནི། ལོ་སྟོང་སྟེ།་དུས་མ་ཡིན་པར་མཆི་བའང་ཡོད། མི་རྣམས་ཀྱི་ལོ་ཉིས་བརྒྱ་གང་ཡིན་པ་དེ་ནི། འཐབ་བྲལ་གྱི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་གི་ཚད་དེས་ཞག་སུམ་ཅུ་ལ་ཟླ་བ་གཅིག་གོ་།ཟླ་བ་བཅུ་གཉིས་ལ་ལོ་གཅིག་གོ་།འཐབ་བྲལ་གྱི་ལྷ་རྣམས་ཀྱི་ཚད་མེད་ནི། །ལོ་ཉིས་སྟོང་སྟེ། དུས་མ་ཡིན་པར་འཆི་བའང་ཡོད། མི་རྣམས་
115a
༄#། །ཀྱི་ལོ་བཞི་བརྒྱ་གང་ཡིན་པ་དེ་ནི། དགའ་ལྡན་གྱི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་གི་ཚད་དེས་ཞེས་བྱ་བ་ནས་ཟླ་བ་བཅུ་གཉིས་དང་ལོའི་བར་དུའོ། །དགའ་ལྡན་གྱི་ལྷ་རྣམས་ཀྱི་ཚེའི་ཚད་ནི། ལོ་བཞི་སྟོང་སྟེ། དུས་མ་ཡིན་པར་འཆི་བའང་ཡོད། མི་རྣམས་ཀྱི་ལོ་བརྒྱད་བརྒྱ་གང་ཡིན་པ་ནི། འཕྲུལ་དགའི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་གི་ཚད་དེས་ཞེས་བྱ་བ་ནས་ལོའི་བར་དུའོ། །འཕྲུལ་དགའི་ལྷ་རྣམས་ཀྱི་ཚེའི་ཚད་ནི། ལོ་བརྒྱད་སྟོང་སྟེ། དུས་མ་ཡིན་པར་འཆི་བའང་ཡོད། མི་རྣམས་ཀྱི་ལ་སྟོང་དྲུག་བརྒྱ་གང་ཡིན་པ་ནི། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་གི་ཚད་དེས་ཞེས་བྱ་བ་ནས་ལོའི་བར་དུའོ། །གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཚེའི་ཚད་ནི། ལོ་ཁྲི་དྲུག་སྟོང་སྟེ། དུས་མ་ཡིན་པར་འཆི་བའང་ཡོད། ཚངས་པ་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་འཁོར་དང ། ཚངས་པ་ཆེན་པོ་རྣམས་ཀྱི་ཚེའི་ཚད་ནི། བསྐལ་པ་ཏེ། དུས་མ་ཡིན་པར་འཆི་བའང་ཡོད། འོད་དང ། འོད་ཆུང་དང ། ཚད་མེད་འོད་དང ། འོད་གསལ་གྱི་ལྷ་རྣམས་ཀྱི་ཚེའི་ཚད་ནི། བསྐལ་པ་གཉིས་ཏེ། དུས་མ་ཡིན་པར་འཆི་བའང་ཡོད། དགེ་བ་དང །
115b
ཆུང་དགེ་དང ། ཚད་མེད་དགེ་དང ། དགེ་རྒྱས་ཀྱི་ལྷ་རྣམས་ཀྱི་ཚེའི་ཚད་ནི། བསྐལ་པ་བཞི་སྟེ། དུས་མ་ཡིན་པར་འཆི་བའང་ཡོད། ཆེ་བ་དང ། ཆུང་ཆེ་དང ། ཚད་མེད་ཆེ་དང ། འབྲས་བུ་ཆེ་བའི་ལྷ་རྣམས་ཀྱི་ཚེའི་ཚད་ནི། བསྐལ་པ་བརྒྱད་དེ། དུས་མ་ཡིན་པར་འཆི་བའང་ཡོད། འདུ་ཤེས་མེད་པའི་སེམས་ཅན་གྱི་ལྷ་རྣམས་ཀྱི་ཚེའི་ཚད་ནི།་བསྐལ་པ་ལྔ་བརྒྱའོ། །མི་ཆེ་བ་རྣམས་ཀྱི་ནི། བསྐལ་པ་སྟོང་ངོ ། །མི་གདུང་བ་རྣམས་ཀྱི་ནི། བསྐལ་པ་ཉིས་སྟོང་ངོ ། །གྱ་ནོམ་སྣང་བ་རྣམས་ཀྱི་ཚེའི་ཚད་ནི། བསྐལ་པ་བཞི་སྟོང་སྟེ། དུས་མ་ཡིན་པར་འཆི་བའང་ཡོད། ཤིན་ཏུ་མཐོང་གི་ལྷ་རྣམས་ཀྱི་ཚེའི་ཚད་ནི། བསྐལ་པ་བརྒྱད་སྟོང་སྟེ། དུས་མ་ཡིན་པར་འཆི་བའང་ཡོད། འོག་མིན་གྱི་ལྷ་རྣམས་ཀྱི་ཚེའི་ཚད་ནི། བསྐལ་པ་ཁྲི་དྲུག་སྟོང་སྟེ། དུས་མ་ཡིན་པར་འཆི་བའང་ཡོད་དེ། ཚིག་ཐམས་ཅད་ལའང་སྦྱར་རོ། །ནམ་མཁའ་མཐའ་ཡས་སྐྱེ་མཆེད་ཀྱི་ལྷ་རྣམས་ཀྱི་ཚེའི་ཚད་ནི། བསྐལ་པ་ཉི་ཁྲི་ཆིག་སྟོང་སྟེ། དུས་མ་ཡིན་པར་འཆི་བའང་ཡོད། རྣམ་ཤེས་མཐའ་ཡས་སྐྱེ་མཆེད་ཀྱི་ལྷ་རྣམས་ཀྱི་ཚེའི་ཚད་ནི། བསྐལ་པ་བཞི་ཁྲི་ཉིས་སྟོང་སྟེ། དུས་མ་ཡིན་པར་འཆི་བའང་ཡོད། ཅིའང་མེད་པའི་སྐྱེ་མཆེད་ཀྱི་ལྷ་རྣམས་ཀྱི་ཚེའི་ཚད་ནི། བསྐལ་བ་དྲུག་ཁྲི་སུམ་སྟོང་སྟེ། དུས་མ་ཡིན་པར་འཆི་
116a
༄#། །བའང་ཡོད། འདུ་ཤེས་མེད་འདུ་ཤེས་མེད་མིན་ལྷ་རྣམས་ཀྱི་ཚེའི་ཚད་ནི། བསྐལ་པ་བརྒྱད་ཁྲི་བཞི་སྟོང་སྟེ། དུས་མ་ཡིན་པར་འཆི་བའང་ཡོད་དོ། །རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ཚེའི་ཚད་གང་ཡིན་པ་དེ་ནི། སེམས་ཅན་དམྱལ་བ་ཆེན་པོ་ཡང་སོས་ཀྱི་ཉིན་ཞག་གཅིག་གོ། ཉིན་ཞག་གི་ཚེའི་ཚད་དེས་ཞེས་བྱ་བ་ནས་ལོའི་བར་དུའོ། །སེམས་ཅན་དམྱལ་བ་ཆེན་པོ་ཡང་སོས་ཀྱི་ཚེའི་ཚད་ནི། ལོ་ལྔ་བརྒྱ་སྟེ། དུས་མ་ཡིན་པར་འཆི་བའང་ཡོད། སུམ་ཅུ་རྩ་གསུམ་གྱི་ལྷ་རྣམས་ཀྱི་ཚེའི་ཚད་གང་ཡིན་པ་དེ་ནི། སེམས་ཅན་དམྱལ་བ་ཆེན་པོ་ཐིག་ནག་གི་ཉིན་ཞག་གཅིག་གོ། ཉིན་ཞག་དེས་ཞེས་བྱ་བ་ནས་ལོའི་བར་དུའོ། །སེམས་ཅན་དམྱལ་བ་ཆེན་པོ་ཐིག་ནག་གི་ཚེའི་ཚད་ནི། ལོ་སྟོང་སྟེ། དུས་མ་ཡིན་པར་འཆི་བའང་ཡོད། འཐབ་བྲལ་གྱི་ལྷ་རྣམས་ཀྱི་ཚེའི་ཚད་གང་ཡིན་པ་ནི། སེམས་ཅན་དམྱལ་བ་ཆེན་པོ་དུ་འབོད་ཀྱི་ཉིན་ཞག་གཅིག་གོ་།ཉིན་ཞག་གི་ཚད་དེས་ཞེས་བྱ་བ་ནས་ལོའི་བར་དུའོ། །སེམས་ཅན་དམྱལ་བ་ཆེན་པོ་དུ་འབོད་ཀྱི་ཚེའི་ཚད་ནི། ལོ་ཉིས་སྟོང་ངོ ། །དགའ་ལྡན་གྱི་ལྷ་རྣམས་ཀྱི་ཚེའི་ཚད་གང་ཡིན་པ་དེ་ནི། དུ་འབོད་གཏུམ་པོའི་ཉིན་ཞག་གཅིག་གོ་།ཉིན་ཞག་དེས་ཞེས་བྱ་བ་ནས་ལོའི་བར་དུ་སྟེ། ཚེའི་
116b
ཚད་ལོ་བཞི་སྟོང་ངོ ། །འཕྲུལ་དགའི་ལྷ་རྣམས་ཀྱི་ཚེའི་ཆད་གང་ཡིན་པ་དེ་ནི། སེམས་ཅན་དམྱལ་བ་ཆེན་བོ་ཚ་བའི་ཉིན་ཞག་གཅིག་གོ། ཉིན་ཞག་གི་ཚད་དེས་ཞེས་བྱ་བ་ནས་ལོའི་བར་དུའོ། །སེམས་ཅན་དམྱལ་བ་ཆེན་པོ་ཚ་བ་རྣམས་ཀྱི་ཚེའི་ཚད་ནི། ལོ་བརྒྱད་སྟོང་ངོ ། །གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཚེའི་ཚད་གང་ཡིན་པ་དེ་ནི།་སེམས་ཅན་དམྱལ་བ་ཆེན་པོ་རབ་ཏུ་ཚ་བའི་ཉིན་ཞག་གཅིག་གོ། ཉིན་ཞག་གི་ཚད་དེས་ཞེས་བྱ་བ་ནས་ལོའི་བར་དུའོ། །སེམས་ཅན་དམྱལ་བ་ཆེན་པོ་རབ་ཏུ་ཚ་བའི་ཚེའི་ཚད་ནི། ལོ་ཁྲི་དྲུག་སྟོང་ངོ ། །སེམས་ཅན་དམྱལ་བ་ཆེན་པོ་བསྡུས་གཞོམ་གྱི་ཚེའི་ཚད་ནི། བསྐལ་པ་ཕྱེད་དེ། དུས་མ་ཡིན་པར་འཆི་བའང་ཡོད། སེམས་ཅན་དམྱལ་བ་ཆེན་པོ་མནར་མེད་པའི་ཚེའི་ཚད་ནི། བསྐལ་པ་སྟེ། དུས་མ་ཡིན་པར་འཆི་བའང་ཡོད། འདི་ལྟ་སྟེ། དཔེར་ན། ཡུལ་མ་ག་དྷའི་ཁལ་གསུམ་བྲེ་བཞིའི་ཕྲག་ཉི་ཤུ་ལ་ཏིལ་ཁལ་དྲུག་ཅུ་རྩ་བཞི་སྟེ། དེ་ལས་ལོ་བརྒྱ་འདས་ཤིང་མིས་ཏིལ་འབྲུ་གཅིག་བོར་ཏེ། རྣམ་གྲངས་དང་ཐབས་དེ་ལྟ་བུས་ཡུལ་མ་ག་དྷའི་ཁལ་དྲུག་ཅུ་རྩ་བཞི་ལས་ཟད་པར་གྱུར་ཀྱང་སེམས་ཅན་དམྱལ་བ་ཆེན་པོ་ཆུ་བུར་ཅན་གྱི་ཚེའི་ཚད་ནི། དེ་ལྟར་མི་ཟད་དོ། །སེམས་ཅན་དམྱལ་བ་ཆེན་པོ་ཆུ་བུར་ཅན་གྱི་ཚེའི་ཚད་ཉི་ཤུ་གང་ཡིན་
117a
༄#། །པ་དེ་ནི་སེམས་ཅན་དམྱལ་བ་ཆེན་པོ་ཆུ་བུར་རྡོལ་གྱི་ཚེའི་ཚད་གཅིག་ཡིན་ནོ། །སེམས་ཅན་དམྱལ་བ་ཆེན་པོ་ཆུ་བུར་རྡོལ་གྱི་ཚེའི་ཚད་ཉི་ཤུ་གང་ཡིན་པ་དེ་ནི་སེམས་ཅན་དམྱལ་བ་ཆེན་པོ་སོ་ཐམ་ཐམ་གྱི་ཚེའི་ཚད་གཅིག་ཡིན་ནོ། །སེམས་ཅན་དམྱལ་བ་ཆེན་པོ་སོ་ཐམ་ཐམ་གྱི་ཚེའི་ཚད་ཉི་ཤུ་གང་ཡིན་པ་དེ་ནི་ཀྱི་ཧུད་ཟེར་གྱི་ཚེའི་ཚད་གཅིག་གོ། ཀྱི་ཧུད་ཟེར་གྱི་ཉི་ཤུ་གང་ཡིན་པ་དེ་ནི་ཨ་ཆུ་ཟེར་གྱི་གཅིག་གོ། ཨ་ར་ཌེའི་ཉི་ཤུ་གང་ཡིན་པ་དེ་ནི་མེ་ཏོག་དྲི་ཞིམ་ལྟར་གས་པའི་གཅིག་གོ། མེ་ཏོག་དྲི་ཞིམ་ལྟར་གས་པའི་ཉི་ཤུ་གང་ཡིན་པ་དེ་ནི་མེ་ཏོག་དྲི་ངད་འཇམ་ལྟར་གས་པའི་གཅིག་གོ། མེ་ཏོག་དྲི་ངད་འཇམ་ལྟར་གས་པའི་ཉི་ཤུ་གང་ཡིན་པ་དེ་ནི་ཨུད་པ་ལ་ལྟར་གས་པའི་གཅིག་གོ། ཨུད་པ་ལ་ལྟར་གས་པའི་ཉི་ཤུ་གང་ཡིན་པ་དེ་ནི་ཀུ་མུ་ད་ལྟར་གས་པའི་གཅིག་གོ། ཀུ་མུད་ད་ལྟར་གས་པའི་ཉི་ཤུ་གང་ཡིན་པ་དེ་ནི་པདྨ་དཀར་པོ་ལྟར་གས་པའི་གཅིག་གོ། པདྨ་དཀར་པོ་ལྟར་གས་པའི་ཉི་ཤུ་གང་ཡིན་པ་དེ་ནི་སེམས་ཅན་དམྱལ་བ་ཆེན་པོ་པདྨ་ལྟར་གས་པའི་ཚེའི་ཚད་གཅིག་ཡིན་ནོ། །ཁྱིམ་བདག་དེ་ལ་ཤེས་པ་དང ། མཐོང་བ་དང ། གསལ་པ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི་ཚེའི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་
117b
ཏོ། །དེ་བཞིན་གཤེགས་པ་ཚེའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི་ཙནྡན་གྱི་ཁྱམས་དང་ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་ཚེའི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སངས་རྒྱས་བཅོམ་ལྡན་འདས་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་ནས་ཚེའི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཚེའི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་བར་རྗེས་སུ་བལྟ་བར་གནས་པ་ནས་གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཚེའི་དབང་པོ་ཤེས་པ་ཀུན་འབྱུང་བ་ཤེས་
118a
༄#། །པ་དེ་ལའང་ཞུ་བ་ཞུས་བ་ན་བསྐལ་བར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་བར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཚེའི་དབང་པོ་ཤེས་པས་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཚེའི་དབང་པོ་ཤེས་པ་འགོག་པ་སྟེ།་དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །འདི་ནི། ཚེའི་དབང་པོ་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཚེའི་དབང་པོ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཚེའི་དབང་པོ་ཤེས་པ་འགོག་པར་འགྱུར་
118b
བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པ་ཤེས་པ་གང་གིས་ཚེའི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཚེའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་བདེ་བའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལུས་ཀྱི་བདེ་བའི་ཚོར་བའམ། ཚོར་བའི་རྣམ་པ་བདེ་བ་གང་ཅུང་ཟད་ཡོད་པ་ཡང་དག་པར་ཡོངས་སུ་སྤྱད་པའམ། མི་མཐུན་པར་ཡོངས་སུ་སྤྱད་པའམ། སྤྱོད་ལམ་པའམ། དུས་ཚིགས་ཀྱིས་ཡོངས་སུ་བསྒྱུར་བ་འདི་ནི་བདེ་བའི་དབང་པོ་
119a
༄#། །ཤེས་བ་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་འདི་ནི། བདེ་བའི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བདེ་བའི་དབང་པོ་ཤེས་པ་དེ་ལའང་ཞུ་བ་ཞུས་བ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྡུག་བསྔལ་གྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལུས་ཀྱི་སྡུག་བསྔལ་གྱི་ཚོར་བའམ། ཚོར་བའི་རྣམ་པ་གང་ཅུང་ཟད་ཡང་དག་པར་ཡོངས་སུ་བསྒྱུར་བའམ། མི་མཐུན་བར་ཡོངས་སུ་བསྒྱུར་བའམ། དུས་ཚིགས་ཀྱིས་ཡོངས་སུ་བསྒྱུར་བའམ། སྤྱོད་ལམ་བ་འདི་ནི། སྡུག་བསྔལ་གྱི་དབང་པོ་ཞེས་བྱ་སྟེ། དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་
119b
གང་ཡིན་པ་འདི་ནི། སྡུག་བསྔལ་གྱི་དབང་པོ་ཤེས་པ་ཞེས་བྱའོ། །དེ་བཞིན་གཤེགས་པ་སྡུག་བསྔལ་གྱི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡིད་བདེ་བའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སེམས་ལས་བྱུང་བའི་བདེ་བའི་ཚོར་བའམ། ཚོར་བའི་རྣམ་པ་བདེ་བ་གང་ཅུང་ཟད་ཡང་དག་པར་ཡོངས་སུ་བསྒྱུར་བའམ་མི་མཐུན་པར་ཡོངས་སུ་བསྒྱུར་བའམ་དུས་ཚིགས་ཀྱིས་ཡོངས་སུ་བསྒྱུར་བའམ། སྤྱོད་ལམ་འདི་ནི། ཡིད་བདེ་བའི་དབང་པོ་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཡིད་བདེ་བའི་དབང་པོ་ཤེས་པ་ཞེས་པ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་བདེ་བའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་
120a
༄#། །གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡིད་མི་བདེ་བའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་སེམས་ལས་བྱུང་བ་སྡུག་བསྔལ་གྱི་ཚོར་བའམ། ཚོར་བའི་རྣམ་པ་མི་བདེ་བ་གང་ཅུང་ཟད་ཡང་དག་པར་ཡོངས་སུ་བསྒྱུར་བའམ།་མི་མཐུན་པར་ཡོངས་སུ་བསྒྱུར་བའམ། དུས་ཚིགས་ཀྱིས་ཡོངས་སུ་བསྒྱུར་བའམ། སྤྱོད་ལམ་པ་འདི་ནི། ཡིད་མི་བདེ་བའི་དབང་པོ་ཞེས་བྱའོ། ། དེ་ལ་ཤེས་པ་དང ། མཐོང་བ་དང ། གསལ་བ་དང ། མ་འོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཡིད་མི་བདེ་བའི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་མི་བདེ་བའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་
120b
རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་རྒྱ་ཆེར་བྱའོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་བཏང་སྙོམས་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལུས་ཀྱིའམ། སེམས་ལས་བྱུང་བའི་ཚོར་བའམ། ཚོར་བའི་རྣམ་པ་བདེ་བ་ཉིད་མ་ཡིན་པའམ། མི་བདེ་བ་ཉིད་མ་ཡིན་པ་གང་ཅུང་ཟད་ཡང་དག་པར་ཡོངས་སུ་བསྒྱུར་བའམ། མི་མཐུན་པར་ཡོངས་སུ་བསྒྱུར་བའམ། དུས་ཚིགས་ཀྱིས་ཡོངས་སུ་བསྒྱུར་བའམ། སྤྱོད་ལམ་པ་འདི་ནི། བཏང་སྙོམས་ཀྱི་དབང་པོ་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། བཏང་སྙོམས་ཀྱི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བཏང་སྙོམས་ཀྱི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁམས་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་
121a
༄#། །ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དད་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་དགེ་བའི་ཆོས་རྣམས་ལ་དོན་དུ་གཉེར་བ་ཉིད་དང ། འདུན་པ་དང ། འདོད་པ་དང ། བྱང་ཆུབ་ཀྱི་ཕྱོགས་ཀྱི་ཆོས་རྣམས་ལ་ངེས་པར་རྟོགས་པ་དང ། མངོན་པར་རྟོགས་པ་དང ། དང་བ་དང ། ཤིན་ཏུ་དང་བ་དང ། སེམས་རྙོག་པ་མེད་པ་དང ། དད་པའི་དབང་པོ་དང ། དད་པའི་སྟོབས་གང་ཡིན་པ་འདི་ནི། དད་པའི་དབང་པོའོ། །དེ་ལ་ཤེས་པ་དང ། མཐོང་བ་དང ། གསལ་བ་ནས་མཁས་པའི་བར་གང་ཡིན་པ་འདི་ནི།་དད་པའི་དབང་པོ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དད་པའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་དད་པའི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།
121b
ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་དད་པའི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དད་པའི་དབང་པོ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དད་པའི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ།་རྒྱུ་གང་དག་ཡོད་ན་དད་པའི་དབང་པོ་སྐྱེ་སྟེ། རྒྱུ་དེ་དག་འགོག་པ་ནི། དད་པའི་དབང་པོ་འགོག་པ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དད་པའི་དབང་པོ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག། འདི་ལ་ཇི་ལྟར་ན། དེ་བཞིན་གཤེགས་པས་དད་པའི་དབང་པོ་ཤེས་
122a
༄#། །པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཤེས་པ་གང་གིས་དད་པའི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དད་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །བམ་པོ་བདུན་པ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་བརྩོན་འགྲུས་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལུས་ཀྱིའམ། སེམས་ལས་བྱུང་བའི་བརྩོན་འགྲུས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེའང་མཁྱེན་པ་གང་གིས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅིང ། ཟག་པ་མེད་པའི་མཁྱེན་པ་དང ། འཇིག་རྟེན་ལས་འདས་པའི་མཁྱེན་པས་རབ་ཏུ་མཁྱེན་ཏེ། བརྩོན་འགྲུས་འདི་ནི། རྒྱུན་དུ་ཞུགས་པའི་འབྲས་བུ་ལ་གནས་པར་འགྱུར།
122b
བརྩོན་འགྲུས་འདི་ནི། ལན་གཅིག་ཕྱིར་འོང་བའི་འབྲས་བུ་ལ་གནས་པར་འགྱུར། བརྩོན་འགྲུས་འདི་ནི། ཕྱིར་མི་འོང་བའི་འབྲས་བུ་ལ་གནས་པར་འགྱུར། བརྩོན་འགྲུས་འདི་ནི། དགྲ་བཅོམ་ལ་གནས་པར་འགྱུར། བརྩོན་འགྲུས་འདི་ནི། རང་སངས་རྒྱས་ལ་གནས་པར་འགྱུར་རོ། །ཞེས་ཁྱིམ་བདག་།དེ་ལྟར་ན། དེ་བཞིན་གཤེགས་པས་བརྩོན་འགྲུས་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བརྩོན་འགྲུས་ཀྱི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་བརྩོན་འགྲུས་ཀྱི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་བརྩོན་འགྲུས་ཀྱི་དབང་པོ་སྐྱེ་བར་འགྱུར་བ། གལ་ཏེ་དགེ་བའི་བཤེས་གཉེན་ལ་བརྟེན་པའམ། གལ་ཏེ་མལ་སྟན་ལ་གནས་པའམ།་གལ་ཏེ་ཡུལ་ལ་གནས་པའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བརྩོན་འགྲུས་ཀྱི་དབང་པོ་ཤེས་པ་ཀུན་
123a
༄#། །འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་བརྩོན་འགྲུས་ཀྱི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ། མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་བརྩོན་འགྲུས་ཀྱི་དབང་པོ་སྐྱེས་ཏེ་རྒྱུ་དེ་དག་འགོག་པའི་བརྩོན་འགྲུས་ཀྱི་འགོག་པ་རབ་ཏུ་མཁྱེན་ཏོ། །དེ་བཞིན་གཤེགས་པ་བརྩོན་འགྲུས་ཀྱི་དབང་པོ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་བརྩོན་འགྲུས་ཀྱི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཤེས་པ་གང་གིས་བརྩོན་འགྲུས་ཀྱི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་དེ་
123b
བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བརྩོན་འགྲུས་ཀྱི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲན་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་མངོན་པར་བརྗོད་པའི་མཚན་ཉིད་ནི། དྲན་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དྲན་པ་སོ་སོ་ཉེ་བར་གཞག་པ་ནི། དྲན་པའི་དབང་པོའོ། ། ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཐམས་ཅད་དུ་འགྲོ་བ་ནི། དྲན་པའི་དབང་པོའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དྲན་པའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲན་པའི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་
124a
༄#། །རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་དྲན་པའི་དབང་པོ་སྐྱེ་བའི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་སྟོང་གྱི་མཐའ་རྗེས་སུ་དྲན་པའམ། གལ་ཏེ་ཕྱི་མའི་མཐའ་ལས་བརྩམས་པའམ། གལ་ཏེ་ད་ལྟར་བྱུང་བའི་དུས་ལས་བརྩམས་པའམ། གལ་ཏེ་ལུས་ལ་དམིགས་པའམ། གལ་ཏེ་ཚོར་བ་ལ་དམིགས་པའམ། གལ་ཏེ་སེམས་ལ་དམིགས་པའམ། གལ་ཏེ་ཆོས་ལ་དམིགས་པའམ། གལ་ཏེ་འདོད་པ་ལ་དམིགས་པའམ། གལ་ཏེ་གནོད་སེམས་ལ་དམིགས་པའམ། གལ་ཏེ་རྣམ་པར་འཚེ་བ་ལ་དམིགས་པའམ། གལ་ཏེ་ངེས་པར་འབྱུང་བ་ལ་དམིགས་པའམ། གལ་ཏེ་གནོད་སེམས་མེད་པ་ལ་དམིགས་པའམ། གལ་ཏེ་རྣམ་པར་མི་འཚེ་བ་ལ་དམིགས་པའམ། གལ་ཏེ་སངས་རྒྱས་ལ་དམིགས་པའམ།་གལ་ཏེ་ཆོས་ལ་དམིགས་པའམ། གལ་ཏེ་དགེ་འདུན་ལ་དམིགས་པའམ། ཚུལ་ཁྲིམས་ལ་དམིགས་པའམ། ཏིང་ངེ་འཛིན་ལ་དམིགས་པའམ། ཤེས་རབ་ལ་དམིགས་པའམ། རྣམ་པར་གྲོལ་བ་ལ་དམིགས་པའམ། རྣམ་པར་གྲོལ་བའི་ཡེ་ཤེས་མཐོང་བ་ལ་དམིགས་པའམ། གལ་ཏེ་ཟད་པ་ལ་དམིགས་
124b
པའམ།་གལ་ཏེ་མི་སྐྱེ་བ་ལ་དམིགས་པ་དེ་དེ་བཞིན་གཤེགས་པས་ཡང་དག་པ་དེ་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དེ་ལའང་ཞུ་བ་ཞུས་པ་ན་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲན་པའི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་དྲན་པའི་དབང་པོ་སྐྱེས་པའི་རྒྱུ་དེ་དག་འགོག་པ་ལས་དྲན་པའི་དབང་པོ་འགོག་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དེ་ལའང་ཞེས་བྱ་བ་ནས་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དྲན་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་པ་གང་གིས་དྲན་པའི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དྲན་པའི་དབང་
125a
༄#། །པོ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཏིང་ངེ་འཛིན་གྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སེམས་རྩེ་གཅིག་པ་ཉིད་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།་གལ་ཏེ་བསམ་གཏན་དང་པོའམ། གལ་ཏེ་བསམ་གཏན་གཉིས་པའམ། གལ་ཏེ་བསམ་གཏན་གསུམ་པའམ། གལ་ཏེ་བསམ་གཏན་བཞི་པའམ། གལ་ཏེ་བྱམས་པའམ། གལ་ཏེ་སྙིང་རྗེ་འམ། གལ་ཏེ་དགའ་པའམ། གལ་ཏེ་བཏང་སྙོམས་སམ། གལ་ཏེ་ནམ་མཁའ་མཐའ་ཡས་སྐྱེ་མཆེད་ལ་སྙོམས་པར་འཇུག་པའམ། གལ་ཏེ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་འཇུག་པའི་བར་རམ། གལ་ཏེ་རྣམ་པར་ཐར་པའམ། གལ་ཏེ་ཟད་པར་གྱི་སྐྱེ་མཆེད་དམ། གལ་ཏེ་ཟིལ་གྱིས་གནོན་པའི་སྐྱེ་མཆེད་དེ་དག་གིས་ཇི་ལྟར་སེམས་རྩེ་གཅིག་པར་མངོན་དུ་གྱུར་པ་དེ། དེ་བཞིན་གཤེགས་པས་ཡང་དག་པ་ཇི་
125b
ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སེམས་རྩེ་གཅིག་པ་དེ་དག་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཏིང་ངེ་འཛིན་གྱི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་སེམས་རྩེ་གཅིག་ཏུ་འགྱུར་བ། གལ་ཏེ་མི་གཙང་བའི་འདུ་ཤེས་ཀྱིས་སམ། གལ་ཏེ་རྣམ་པར་སྔོས་པའི་འདུ་ཤེས་ཀྱིས་སམ། གལ་ཏེ་རྣམ་པར་རུལ་བའི་འདུ་ཤེས་ཀྱིས་སམ། གལ་ཏེ་རྣམ་པར་ཟོས་པའི་འདུ་ཤེས་ཀྱིས་སམ། གལ་ཏེ་རྣམ་པར་ཚིག་པའི་འདུ་ཤེས་ཀྱིས་སམ། གལ་ཏེ་རུས་གོང་གི་འདུ་ཤེས་ཀྱིས་སམ། གལ་ཏེ་རྣམ་པར་འཐོར་བའི་འདུ་ཤེས་ཀྱིས་སམ། གལ་ཏེ་རྣམ་པར་མི་ལྡན་པའི་འདུ་ཤེས་ཀྱིས་སམ། གལ་ཏེ་ངེས་པར་འབྱུང་བའི་འདུ་ཤེས་ཀྱིས་སམ། གལ་ཏེ་གནོད་སེམས་མེད་པའི་འདུ་ཤེས་ཀྱིས་སམ། གལ་ཏེ་རྣམ་པར་མི་འཚེ་བའི་འདུ་ཤེས་ཀྱིས་སམ། གལ་ཏེ་སེམས་ཅན་གྱི་འདུ་ཤེས་ཀྱིས་སམ། གལ་ཏེ་ཆོས་ཀྱི་འདུ་ཤེས་ཀྱིས་ཏེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་
126a
༄#། །ཏིང་ངེ་འཛིན་གྱི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཏིང་ངེ་འཛིན་གྱི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་ཏིང་ངེ་འཛིན་གྱི་དབང་པོ་སྐྱེ་བའི་རྒྱུ་དེ་དང ། རྐྱེན་དེ་དག་འགོག་པ་ལས་ཏིང་ངེ་འཛིན་གྱི་དབང་པོ་འགགས་ཏེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན།་དེ་བཞིན་གཤེགས་པས་ཏིང་ངེ་འཛིན་གྱི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པ་གང་གིས་ཏིང་ངེ་འཛིན་གྱི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་
126b
ཇི་ལྟ་བ་བཞིན་རབ་ཏུ་མཁྱེན་པ་ནས་དེ་བཞིན་དུ་སྦྱར་ཏེ། ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཤེས་རབ་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སྡུག་བསྔལ་གྱི་ཕུང་པོ་དཔག་ཏུ་མེད་པ་མཐར་བྱེད་པའི་ཤེས་རབ་ཀྱི་དབང་པོ་དང ། འཁོར་བ་དཔག་ཏུ་མེད་པའི་མཐར་བྱེད་པ་དང ། ཕུང་པོ་དག་གི་རིམ་པ་དཔག་ཏུ་མེད་པའི་མཐར་བྱེད་པ་དང ། མི་སྡུག་པ་དང་ཕྲད་པ་དཔག་ཏུ་མེད་པའི་མཐར་བྱེད་པ་དང ། སྡུག་པ་དང་བྲལ་བ་དཔག་ཏུ་མེད་པའི་མཐར་བྱེད་པ་དང ། སྡུག་བསྔལ་གྱི་སྡུག་བསྔལ་དཔག་ཏུ་མེད་པའི་མཐར་བྱེད་པ་དང ། འགྱུར་བའི་སྡུག་བསྔལ་དཔག་ཏུ་མེད་པའི་མཐར་བྱེད་པ་དང ། འདུ་བྱེད་པའི་སྡུག་བསྔལ་དཔག་ཏུ་མེད་པའི་མཐར་བྱེད་པ་འདི་ནི། ཤེས་རབ་ཀྱི་དབང་པོ་སྟེ། དྲན་པ་ཉེ་བར་གཞག་པ་བཞི་བསྐྱེད་པ། ཡང་དག་པར་སྤོང་བ་བཞི་བསྐྱེད་པ། རྫུ་འཕྲུལ་གྱི་རྐང་པ་བཞི་བསྐྱེད་པ། དབང་པོ་ལྔ་བསྐྱེད་པ། སྟོབས་ལྔ་བསྐྱེད་པ། རྗེས་སུ་དྲན་པ་དྲུག་བསྐྱེད་པ། བྱང་ཆུབ་ཀྱི་ཡན་ལག་བདུན་བསྐྱེད་པ། འཕགས་པའི་ལམ་ཡན་ལག་བརྒྱད་པ་བསྐྱེད་པ། ཞི་གནས་དང་ལྷག་མཐོང་
127a
༄#། །བསྐྱེད་པ། རིག་པ་བསྐྱེད་པ། རྣམ་པར་གྲོལ་བ་བསྐྱེད་པ། རྣམ་པར་གྲོལ་བའི་ཡེ་ཤེས་མཐོང་བ་བསྐྱེད་པ། རྣམ་པར་ཐར་པའི་སྒོའི་མཆོག་།སྒྲིབ་པ་མེད་པའི་མིག་།འཁོར་བའི་སྐྱོན་ཡང་དག་པར་སྟོན་པ། མྱ་ངན་ལས་འདས་པའི་ཡོན་ཏན་ཤིན་ཏུ་བརྗོད་པ། འདས་པའི་དེ་བཞིན་གཤེགས་པ་རྣམས་ཀྱིས་མཆོག་ཏུ་བྱ་བ་བྱས་པ། མ་འོངས་པའི་དེ་བཞིན་གཤེགས་པ་རྣམས་ཀྱིས་ཀྱང་མཆོག་ཏུ་བྱེད་པར་འགྱུར་བ། ད་ལྟར་གྱི་འཇིག་རྟེན་གྱི་ཁམས་དཔག་ཏུ་མེད་པ་དག་ན་སངས་རྒྱས་བཅོམ་ལྡན་འདས་བཞུགས་ཤིང་གཞེས་པ་དེ་དག་གིས་ཀྱང་ཤེས་རབ་ཀྱི་དབང་པོ་འདི་མཆོག་ཏུ་མཛད་པ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པའམ། བླ་ན་མེད་པའི་སངས་རྒྱས་ཀྱི་ཡེ་ཤེས་ཀྱི་ཤེས་རབ་ཀྱི་དབང་པོའི་ཐོག་མ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་ཤེས་རབ་ཀྱི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པ་ཤེས་རབ་ཀྱི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཤེས་
127b
རབ་ཀྱི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རྒྱུ་གང་དང ། རྐྱེན་གང་དག་གིས་ཤེས་རབ་ཀྱི་དབང་པོ་ཤེས་པ་ཡང་དག་པར་འགྲུབ་པ་གལ་ཏེ་མི་རྟག་པའི་རྣམ་པས་སམ། དེ་བཞིན་དུ་སྦྱར་ཏེ་ཕྱིར་རྒོལ་བའི་རྣམ་པས་སམ།་གལ་ཏེ་མུན་པའི་རྣམ་པས་སམ། གལ་ཏེ་མི་རྟག་པ་དང་རྗེས་སུ་འབྲེལ་པའི་རྣམ་པས་སམ། གལ་ཏེ་དབུས་སུ་སྤྱོད་པས་སམ། གལ་ཏེ་མཛའ་བའི་རྣམ་པས་སམ། གལ་ཏེ་མི་མཛའ་བ་ལ་མཛའ་བཤེས་ལྟ་བུའི་རྣམ་པས་སམ། གལ་ཏེ་སྐྱོན་དུ་ལྟ་བའི་རྣམ་པས་སམ། གལ་ཏེ་སྒྱིད་ལུག་པའི་རྣམ་པས་སམ། གལ་ཏེ་ཡིད་བརྟན་དུ་མི་རུང་བའི་རྣམ་པས་སམ། གལ་ཏེ་ཆུའི་སྲིན་པོའི་རྣམ་པས་ཏེ། རྣམ་པ་དེ་ལྟ་བུ་དཔག་ཏུ་མེད་པ་འབུམ་དེ་དག་གིས་ཤེས་རབ་ཀྱི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཤེས་རབ་ཀྱི་དབང་པོ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན། བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན་
128a
༄#། །དེ་བཞིན་གཤེགས་པས་ཤེས་རབ་ཀྱི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་རབ་ཀྱི་དབང་པོ་ནི། བསྐྱེད་པའི་ཆོས་ཅན་ཡིན་ལ། བསྐྱེད་པའི་ཆོས་ཅན་གང་ཡིན་པ་དེ་ནི། འགོག་པའི་ཆོས་ཅན་ཏེ། ཤེས་རབ་དེའང་སེམས་ཅན་དཔག་ཏུ་མེད་པ་རྣམས་ཀྱི་དོན་གྱི་ཕྱིར་སྐྱེས་ཤིང་སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ནས་འགགས། སེམས་ཅན་དཔག་ཏུ་མེད་པ་རྣམས་ཀྱི་དོན་མ་ཡིན་པ་བཟློག་ནས་འགགས། སེམས་ཅན་དཔག་ཏུ་མེད་པ་རྣམས་ཀྱི་སྡུག་བསྔལ་ལས་ཡོངས་སུ་ཐར་པར་མཛད་ནས་འགགས། སེམས་ཅན་དཔག་ཏུ་མེད་པ་རྣམས་བདེ་བ་ལ་བཙུད་ནས་འགགས་ཏེ། ཤེས་རབ་ཀྱི་དབང་པོ་རྗེས་སུ་དྲན་པ་ནའང་སེམས་ཅན་དཔག་ཏུ་མེད་པ་རྣམས་ཀྱི་དོན་བྱེད་པར་འགྱུར། སེམས་ཅན་དཔག་ཏུ་མེད་པ་རྣམས་ཀྱི་དོན་མ་ཡིན་པ་བཟློག་པར་འགྱུར་ཞིང་འགགས། ཤེས་རབ་ཀྱི་དབང་པོ་རྗེས་སུ་དྲན་པ་ནའང་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱེད་པར་འགྱུར། སེམས་ཅན་དཔག་ཏུ་མེད་པ་རྣམས་བདེ་བ་ལ་བཙུད་པར་འགྱུར་ཞིང་འགགས།
128b
ཤེས་རབ་ཀྱི་དབང་པོ་རྗེས་སུ་དྲན་པ་ནའང་སེམས་ཅན་དཔག་ཏུ་མེད་པ་རྣམས་ཀྱི་མུན་པ་སེལ་བར་འགྱུར། སེམས་ཅན་དཔག་ཏུ་མེད་པ་རྣམས་ཀྱི་སྣང་བར་འགྱུར་ཞིང་འགགས། ཤེས་རབ་ཀྱི་དབང་པོ་རྗེས་སུ་དྲན་པ་ནའང་ལམ་གོལ་བ་འགོག་པར་འགྱུར་ཞིང་ལམ་འབྱེད་པར་འགྱུར་ཏེ། འདི་ནི། ཤེས་རབ་ཀྱི་དབང་པོ་ཤེས་པ་འགོག་པ་ཤེས་པ་ཞེས་བྱའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི་ཤེས་རབ་ཀྱི་དབང་པོ་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་ཤེས་རབ་ཀྱི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཤེས་རབ་ཀྱི་དབང་པོ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཤེས་རབ་ཀྱི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་
129a
༄#། །རབ་ཏུ་མཁྱེན་ཅེ་ན། ཁྱིམ་བདག། །འདི་ལ་དེ་བཞིན་གཤེགས་པས་ཤེས་པ་གང་གིས་ཤེས་རབ་ཀྱི་དབང་པོ་ཤེས་པ་ཡོངས་སུ་ཤེས།་ཁོང་དུ་ཆུད། མངོན་སུམ་དུ་བྱས་པའི་འགོག་པ་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མངོན་པར་ཤེས་པའི་ཤེས་པས་སམ།་གལ་ཏེ་ཡོངས་སུ་ཤེས་པའི་ཤེས་པས་སམ། གལ་ཏེ་སྤོང་བའི་ཤེས་པས་སམ། གལ་ཏེ་སྒོམ་པའི་ཤེས་པས་སམ། གལ་ཏེ་མངོན་སུམ་དུ་བྱས་པའི་ཤེས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཤེས་པ་གང་གིས་ཤེས་རབ་ཀྱི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་ནས་འགོག་པ་ཤེས་པ་དེ་ཉན་ཐོས་དང ། རང་སངས་རྒྱས་ཐམས་ཅད་དང་ཐུན་མོང་མ་ཡིན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཤེས་རབ་ཀྱི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་ཞིང་བསྐལ་པ་བརྒྱའམ། བསྐལ་པ་སྟོང་ངམ། བསྐལ་པ་བྱེ་བའམ། བསྐལ་པ་ཕྲག་འབུམ་མམ། བསྐལ་པ་ཁྲག་ཁྲིག་གམ། བསྐལ་པ་གཏམས་སམ།
129b
བསྐལ་པ་དཀྲིགས་སམ། བསྐལ་པ་ཁྱད་ཕྱིན་ནམ། བསྐལ་པ་དཔག་ཏུ་མེད་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མི་ཤེས་པ་ཀུན་ཤེས་པར་བྱེད་པའི་དབང་པོ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་གནས་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན།་གནས་ཤེས་པ་ཀུན་འབྱུང་བ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནས་ཤེས་པ་འགོག་པ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནས་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །གནས་པ་མ་ཡིན་པ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན།
130a
༄#། །གནས་མ་ཡིན་པ་ཤེས་པ་འགོག་པ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འདས་པ་ཤེས་ཏེ།་འདས་པ་ཤེས་པ་ཀུན་འབྱུང་བ་ཤེས། འདས་པ་ཤེས་པ་འགོག་པ་ཤེས། འདས་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མ་འོངས་པ་ཤེས་པ་ལ་མི་ཤེས་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མ་འོངས་པ་ཤེས་པ་ཀུན་འབྱུང་བ་ཤེས། མ་འོངས་པ་ཤེས་པ་འགོག་པ་ཤེས། མ་འོངས་པ་ཤེས་པ་འགོག་པར་འགྱུར་བའི་ལམ་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ད་ལྟར་བྱུང་བ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ད་ལྟར་བྱུང་བ་ཤེས་པ་ཀུན་འབྱུང་བ་ཤེས། ད་ལྟར་བྱུང་བ་ཤེས་པ་འགོག་པ་ཤེས། ད་ལྟར་བྱུང་བ་ཤེས་པ་འགོག་པར་འགྱུར་བའི་ལམ་ཤེས་པ་
130b
ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ལས་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ལས་ཤེས་པ་ཀུན་འབྱུང་བ་ཤེས་པ་ལ་མི་ཤེས་པ་དག་དང ། ལས་ཤེས་པ་འགོག་པ་ཤེས་པ་ལ་མི་ཤེས་པ་དག་དང ། ལས་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཡང་དག་པར་བླང་བ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཡང་དག་པར་བླང་བ་ཤེས་པ་ཀུན་འབྱུང་བ་ཤེས། ཡང་དག་པར་བླང་བ་ཤེས་པ་འགོག་པ་ཤེས། ཡང་དག་པར་བླང་བ་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །གནས་དང་གནས་ཀྱི་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གནས་དང་གནས་ཀྱི་ཤེས་པ་ཀུན་འབྱུང་བ་ཤེས། གནས་དང་གནས་ཀྱི་ཤེས་པ་འགོག་པ་ཤེས། གནས་དང་གནས་ཀྱི་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྒྱུ་དང་རྒྱུའི་ཤེས་པ་ལ་མི་ཤེས་
131a
༄#། །པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཀུན་འབྱུང་བ་དང ། འགོག་པ་དང ། འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་སྨིན་པ་ཤེས་པ་ཀུན་འབྱུང་བ་ཤེས། རྣམ་པར་སྨིན་པ་ཤེས་པ་འགོག་པ་ཤེས།་རྣམ་པར་སྨིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཐམས་ཅད་དུ་འགྲོ་བའི་ལམ་ཤེས་པ་ཀུན་འབྱུང་བ་ཤེས། ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས། ཐམས་ཅད་དུ་འགྲོ་བའི་ལམ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁམས་དུ་མ་ཤེས་ཏེ། ཁམས་དུ་མ་ཤེས་པ་ཀུན་འབྱུང་བ་ཤེས། ཁམས་དུ་མ་ཤེས་པ་འགོག་པ་ཤེས། ཁམས་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁམས་སྣ་ཚོགས་ཤེས་ཏེ། ཁམས་སྣ་ཚོགས་ཤེས་པ་ཀུན་འབྱུང་བ་ཤེས། ཁམས་སྣ་ཚོགས་ཤེས་པ་འགོག་པ་
131b
ཤེས།་ཁམས་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འཇིག་རྟེན་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འཇིག་རྟེན་ཤེས་པ་ཀུན་འབྱུང་བ་ཤེས། འཇིག་རྟེན་ཤེས་པ་འགོག་པ་ཤེས། འཇིག་རྟེན་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མོས་པ་དུ་མ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མོས་པ་དུ་མ་ཤེས་པ་ཀུན་འབྱུང་བ་ཤེས། མོས་པ་དུ་མ་ཤེས་པ་འགོག་པ་ཤེས། མོས་པ་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མོས་པ་སྣ་ཚོགས་ཤེས་པ་ལ་མི་ཤེས་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། མོས་པ་སྣ་ཚོགས་ཤེས་པ་ཀུན་འབྱུང་བ་ཤེས། མོས་པ་སྣ་ཚོགས་ཤེས་པ་འགོག་པ་ཤེས། མོས་པ་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དབང་པོ་ཤེས་པ་ལ་མི་ཤེས་པ་དག་ཀུན་ཤེས་ཏེ། དབང་
132a
༄#། །པོ་ཤེས་པ་ཀུན་འབྱུང་བ་ཤེས། དབང་པོ་ཤེས་པ་འགོག་པ་ཤེས། དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྟོབས་ཤེས་པ་ཀུན་འབྱུང་བ་ཤེས། སྟོབས་ཤེས་པ་འགོག་པ་ཤེས། སྟོབས་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །བརྩོན་འགྲུས་ཤེས་ཏེ། བརྩོན་འགྲུས་ཤེས་པ་ཀུན་འབྱུང་བ་ཤེས། བརྩོན་འགྲུས་ཤེས་པ་འགོག་པ་ཤེས། བརྩོན་འགྲུས་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རིམ་པ་ཤེས་པ་ཀུན་འབྱུང་བ་ཤེས། རིམ་པ་ཤེས་པ་འགོག་པ་ཤེས། རིམ་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །བསམ་གཏན་ཤེས་ཏེ། བསམ་གཏན་ཤེས་པ་ཀུན་འབྱུང་བ་ཤེས།་བསམ་གཏན་ཤེས་པ་འགོག་པ་ཤེས། བསམ་གཏན་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་
132b
དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་ཐར་པ་ཤེས་ཏེ། རྣམ་པར་ཐར་པ་ཤེས་པ་ཀུན་འབྱུང་བ་ཤེས། རྣམ་པར་ཐར་པ་ཤེས་པ་འགོག་པ་ཤེས། རྣམ་པར་ཐར་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཏིང་ངེ་འཛིན་ཤེས་ཏེ། ཏིང་ངེ་འཛིན་ཤེས་པ་ཀུན་འབྱུང་བ་ཤེས། ཏིང་ངེ་འཛིན་ཤེས་པ་འགོག་པ་ཤེས། ཏིང་ངེ་འཛིན་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྙོམས་པར་འཇུག་པ་ཤེས་ཏེ། སྙོམས་པར་འཇུག་པ་ཤེས་པ་ཀུན་འབྱུང་བ་ཤེས། སྙོམས་པར་འཇུག་པ་ཤེས་པ་འགོག་པ་ཤེས། སྙོམས་པར་འཇུག་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཀུན་ནས་ཉོན་མོངས་པ་ཤེས་ཏེ། ཀུན་ནས་ཉོན་མོངས་པ་ཤེས་པ་ཀུན་འབྱུང་བ་ཤེས། ཀུན་ནས་ཉོན་མོངས་པ་ཤེས་པ་འགོག་པ་ཤེས། ཀུན་ནས་ཉོན་མོངས་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་
133a
༄#། །བྱང་བ་ཤེས་ཏེ། རྣམ་པར་བྱང་བ་ཤེས་པ་ཀུན་འབྱུང་བ་ཤེས། རྣམ་པར་བྱང་བ་ཤེས་པ་འགོག་པ་ཤེས། རྣམ་པར་བྱང་བ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྣམ་པར་གཞག་པ་ཤེས་ཏེ། རྣམ་པར་གཞག་པ་ཤེས་པ་ཀུན་འབྱུང་བ་ཤེས། རྣམ་པར་གཞག་པ་ཤེས་པ་འགོག་པ་ཤེས། རྣམ་པར་གཞག་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྔོན་གྱི་མཐའ་ཤེས་ཏེ། སྔོན་གྱི་མཐའ་ཤེས་པ་ཀུན་འབྱུང་བ་ཤེས། སྔོན་གྱི་མཐའ་ཤེས་པ་འགོག་པ་ཤེས། སྔོན་གྱི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྔོན་གྱི་གནས་ཤེས་ཏེ། སྔོན་གྱི་གནས་ཤེས་པ་ཀུན་འབྱུང་བ་ཤེས། སྔོན་གྱི་གནས་ཤེས་པ་འགོག་པ་ཤེས། སྔོན་གྱི་གནས་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཕྱི་མའི་མཐའ་ཤེས་ཏེ།
133b
ཕྱི་མའི་མཐའ་ཤེས་པ་ཀུན་འབྱུང་བ་ཤེས། ཕྱི་མའི་མཐའ་ཤེས་པ་འགོག་པ་ཤེས། ཕྱི་མའི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འཆི་བ་ཤེས་ཏེ། འཆི་བ་ཤེས་པ་ཀུན་འབྱུང་བ་ཤེས། འཆི་བ་ཤེས་པ་འགོག་པ་ཤེས། འཆི་བ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྐྱེ་བ་ཤེས་ཏེ། །སྐྱེ་བ་ཤེས་པ་ཀུན་འབྱུང་བ་ཤེས། སྐྱེ་བ་ཤེས་པ་འགོག་པ་ཤེས། སྐྱེ་བ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འདོད་པའི་ཟག་པ་ཤེས་ཏེ། འདོད་པའི་ཟག་པ་ཤེས་པ་ཀུན་འབྱུང་བ་ཤེས། འདོད་པའི་ཟག་པ་ཤེས་པ་འགོག་པ་ཤེས། འདོད་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྲིད་པའི་ཟག་པ་ཤེས་ཏེ།་སྲིད་པའི་ཟག་པ་ཤེས་པ་ཀུན་འབྱུང་བ་ཤེས། སྲིད་པའི་ཟག་པ་ཤེས་པ་འགོག་པ་ཤེས། སྲིད་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་
134a
༄#། །ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ལྟ་བའི་ཟག་པ་ཤེས་ཏེ། ལྟ་བའི་ཟག་པ་ཤེས་པ་ཀུན་འབྱུང་བ་ཤེས། ལྟ་བའི་ཟག་པ་ཤེས་པ་འགོག་པ་ཤེས། ལྟ་བའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མ་རིག་པའི་ཟག་པ་ཤེས་ཏེ། མ་རིག་པའི་ཟག་པ་ཤེས་པ་ཀུན་འབྱུང་བ་ཤེས། མ་རིག་པའི་ཟག་པ་ཤེས་པ་འགོག་པ་ཤེས། མ་རིག་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཟད་པ་ཤེས་ཏེ། ཟད་པ་ཤེས་པ་ཀུན་འབྱུང་བ་ཤེས། ཟད་པ་ཤེས་པ་འགོག་པ་ཤེས། ཟད་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །མི་སྐྱེ་བ་ཤེས་ཏེ། མི་སྐྱེ་བ་ཤེས་པ་ཀུན་འབྱུང་བ་ཤེས། མི་སྐྱེ་བ་ཤེས་པ་འགོག་པ་ཤེས། མི་སྐྱེ་བ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་
134b
མཁྱེན་ཏོ། །མི་འཇིགས་པ་ཤེས་ཏེ། མི་འཇིགས་པ་ཤེས་པ་ཀུན་འབྱུང་བ་ཤེས། མི་འཇིགས་པ་ཤེས་པ་འགོག་པ་ཤེས། མི་འཇིགས་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་དུ་དེ་བཞིན་གཤེགས་པའི་བྱང་ཆུབ་ཀྱི་མཚན་ཉིད་ལའང་བྱ་ཞིང ། དེ་བཞིན་དུ་སོ་སོ་ཡང་དག་པར་རིག་པ་ལའང་བྱའོ། །དེ་བཞིན་གཤེགས་པའི་མཚན་ཉིད་ཤེས་ཏེ། དེ་བཞིན་གཤེགས་པའི་མཚན་ཉིད་ཤེས་པ་ཀུན་འབྱུང་བ་ཤེས། དེ་བཞིན་གཤེགས་པའི་མཚན་ཉིད་ཤེས་པ་འགོག་པ་ཤེས། དེ་བཞིན་གཤེགས་པའི་མཚན་ཉིད་ཤེས་པ་འགོག་པར་འགྱུར་པའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པའི་གནས་པ་ཤེས་ཏེ། དེ་བཞིན་གཤེགས་པའི་གནས་པ་ཤེས་པ་ཀུན་འབྱུང་བ་ཤེས། དེ་བཞིན་གཤེགས་པའི་གནས་པ་ཤེས་པ་འགོག་པ་ཤེས། དེ་བཞིན་གཤེགས་པའི་གནས་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་དུ་དེ་བཞིན་གཤེགས་པའི་དབང་པོ་
135a
༄#། །ལའང་བྱའོ། །ལུས་ཀྱི་ལས་ཤེས་པ་དང ། ངག་གི་ལས་ཤེས་པ་དང ། ཡིད་ཀྱི་ལས་མཐའ་ཡས་པ་ཤེས་ཏེ། ཡིད་ཀྱི་ལས་ཤེས་པ་ཀུན་འབྱུང་བ་ཤེས། ཡིད་ཀྱི་ལས་ཤེས་པ་འགོག་པ་ཤེས། ཡིད་ཀྱི་ལས་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། ། ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །སྔོན་དུ་འགྲོ་བ་མཐའ་ཡས་པ་ཤེས་ཏེ། སྔོན་དུ་འགྲོ་བ་ཤེས་པ་ཀུན་འབྱུང་བ་ཤེས། སྔོན་དུ་འགྲོ་བ་ཤེས་པ་འགོག་པ་ཤེས། སྔོན་དུ་འགྲོ་བ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །རྗེས་སུ་འབྲང་བ་མཐའ་ཡས་པ་ཤེས་ཏེ། རྗེས་སུ་འབྲང་བ་ཤེས་པ་ཀུན་འབྱུང་བ་ཤེས། རྗེས་སུ་འབྲང་བ་ཤེས་པ་འགོག་པ་ཤེས། རྗེས་སུ་འབྲང་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཡོངས་སུ་ཉམས་པ་ཤེས་ཏེ།་ཡོངས་སུ་ཉམས་པ་ཤེས་པ་ཀུན་འབྱུང་བ་ཤེས། ཡོངས་སུ་ཉམས་པ་ཤེས་པ་འགོག་པ་ཤེས། ཡོངས་སུ་ཉམས་པ་ཤེས་པ་འགོག་པར་འགྱུར་བའི་ལམ་ཤེས་
135b
པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཐམས་ཅད་མཁྱེན་པ་ཤེས་ཏེ། ཐམས་ཅད་མཁྱེན་པ་ཤེས་པ་ཀུན་འབྱུང་བ་ཤེས། ཐམས་ཅད་མཁྱེན་པ་ཤེས་པ་འགོག་པ་ཤེས། ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་ལ་མི་ཤེས་པ་དག་ཀུན་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །འདི་ནི། མི་ཤེས་པ་ཀུན་ཤེས་པར་བྱེད་པའི་དབང་པོ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མི་ཤེས་པ་ཀུན་ཤེས་པར་བྱེད་པའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ།་དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཀུན་ཤེས་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ཀུན་ཤེས་པའི་དབང་པོའི་གནས་ཤེས་པས་མེ་ལོང་ལྟ་བུར་གྱུར་པའི་དཀྱིལ་འཁོར་རབ་ཏུ་མཁྱེན་ཏོ། །ཁྱིམ་བདག་།འདི་ལྟ་སྟེ།
136a
༄#། །དཔེར་ན། སྐྱེས་བུའི་ལག་པས་མེ་ལོང་གི་དཀྱིལ་འཁོར་བཟུང་བར་གཟུགས་ཐམས་ཅད་སྣང་ངོ ། །དེ་བཞིན་དུ་དེ་བཞིན་གཤེགས་པས་ཀུན་ཤེས་པའི་དབང་པོའི་གནས་ཤེས་པ་དེས་སེམས་ཅན་ཐམས་ཅད་ཀྱི་བསམ་པ་རབ་ཏུ་མཁྱེན་ཅིང ། སེམས་ཅན་ཐམས་ཅད་ཀྱི་དབང་པོ་རབ་ཏུ་མཁྱེན་ཏེ། སེམས་ཅན་འདི་དག་གི་དབང་པོ་ནི།་རྣོའོ། །སེམས་ཅན་འདི་དག་གི་དབང་པོ་ནི། འབྲིང་ངོ ། །སེམས་ཅན་འདི་དག་གི་དབང་པོ་ནི། རྟུལ་ལོ། །སེམས་ཅན་འདི་དག་གི་དབང་པོ་ནི། མཆོག་ཏུ་རྣོ་བའོ། །སེམས་ཅན་འདི་དག་གི་དབང་པོ་ནི། མཆོག་གི་འབྲིང་ངོ ། །སེམས་ཅན་འདི་དག་གི་དབང་པོ་ནི། མཆོག་གི་རྟུལ་བའོ། །སེམས་ཅན་འདི་དག་གི་དབང་པོ་ནི། འབྲིང་གི་རྣོ་བའོ། །སེམས་ཅན་འདི་དག་གི་དབང་པོ་ནི། འབྲིང་གི་འབྲིང་ངོ ། །སེམས་ཅན་འདི་དག་གི་དབང་པོ་ནི། འབྲིང་གི་རྟུལ་བའོ། །སེམས་ཅན་འདི་དག་གི་དབང་པོ་ནི། རྟུལ་བའི་རྣོ་བའོ། །སེམས་ཅན་འདི་དག་གི་དབང་པོ་ནི། རྟུལ་པོའི་འབྲིང་ངོ ། །སེམས་ཅན་འདི་དག་གི་དབང་པོ་ནི། རྟུལ་བའི་རྟུལ་བའོ། །སེམས་ཅན་འདི་དག་གི་དབང་པོ་ནི། འདོད་ཆགས་ཀྱིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། ཞེ་
136b
སྡང་གིས་ཉེར་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། གཏི་མུག་གིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། འདོད་ཆགས་དང་ཞེ་སྡང་གིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། འདོད་ཆགས་དང་གཏི་མུག་གིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི།་ཞེ་སྡང་དང་འདོད་ཆགས་ཀྱིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། ཞེ་སྡང་དང་གཏི་མུག་གིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། གཏི་མུག་དང་འདོད་ཆགས་ཀྱིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། གཏི་མུག་དང་ཞེ་སྡང་གིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། འདོད་ཆགས་དང་ཞེ་སྡང་དང་གཏི་མུག་གིས་ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། ཉེ་བར་ཉོན་མོངས་པའོ། །སེམས་ཅན་འདི་དག་གི་དབང་པོ་ནི། ཉེ་བར་ཉོན་མོངས་པ་མེད་པའོ། །སེམས་ཅན་འདི་དག་གི་དབང་པོ་ནི། ཞི་བའོ། །སེམས་ཅན་འདི་དག་གི་དབང་པོ་ནི། མ་ཞི་བའོ། །སེམས་ཅན་འདི་དག་གི་དབང་པོ་ནི། རབ་ཏུ་ཞི་བའོ། །སེམས་ཅན་འདི་དག་གི་དབང་པོ་ནི། རབ་ཏུ་མ་ཞི་བའོ། །སེམས་ཅན་འདི་དག་གི་
137a
༄#། །དབང་པོ་ནི། རྙོག་པ་ཅན་ནོ། །སེམས་ཅན་འདི་དག་གི་དབང་པོ་ནི། རྙོག་པ་མེད་པའོ། །སེམས་ཅན་འདི་དག་གི་དབང་པོ་ནི། དཀྲུགས་པའོ། ། སེམས་ཅན་འདི་དག་གི་དབང་པོ་ནི། མ་དཀྲུགས་པའོ། །འདི་དག་གི་དབང་པོ་ནི། གསལ་བའོ། །འདི་དག་གི་དབང་པོ་ནི། མི་གསལ་བའོ། །འདི་དག་གི་དབང་པོ་ནི།་གྲོལ་བའོ། །འདི་དག་གི་དབང་པོ་ནི། མ་གྲོལ་བའོ། །འདི་དག་གི་དབང་པོ་ནི། རབ་ཏུ་གྲོལ་བའོ། །འདི་དག་གི་དབང་པོ་ནི། རབ་ཏུ་མ་གྲོལ་བའོ། །འདི་དག་གི་དབང་པོ་ནི། བདེ་བའོ། །འདི་དག་གི་དབང་པོ་ནི། མི་བདེ་བའོ། །འདི་དག་གི་དབང་པོ་ནི། མ་ཚང་བའོ། །འདི་དག་གི་དབང་པོ་ནི། མ་ཚང་བ་མེད་པའོ། །འདི་དག་གི་དབང་པོ་ནི། དྲུག་ཆར་ཡོངས་སུ་ཚང་བའོ། །འདི་དག་གི་དབང་པོ་ནི། དྲུག་ཆར་ཡོངས་སུ་མ་ཚང་བའོ། །སེམས་ཅན་འདི་དག་གི་དབང་པོ་ནི། ངེས་པའོ། ། སེམས་ཅན་འདི་དག་གི་དབང་པོ་ནི། མ་ངེས་པའོ། །སེམས་ཅན་འདི་དག་ནི། ཉན་ཐོས་ཀྱི་དབང་པོ་དང་ལྡན་པའོ། །སེམས་ཅན་འདི་དག་ནི། རང་སངས་རྒྱས་ཀྱི་དབང་པོ་དང་ལྡན་པའོ། །སེམས་ཅན་འདི་དག་ནི། དེ་བཞིན་གཤེགས་པའི་དབང་པོ་དང་ལྡན་པའོ། །སེམས་ཅན་འདི་དག་གི་དབང་པོ་ནི། འཁོར་བའི་སྤྱོད་པ་དང་ལྡན་
137b
པའོ། །སེམས་ཅན་འདི་དག་གི་དབང་པོ་ནི། མྱ་ངན་ལས་འདའ་བའི་སྤྱོད་པ་དང་ལྡན་པའོ། །སེམས་ཅན་འདི་དག་གི་དབང་པོ་ནི། ཐུན་མོང་བའོ། །སེམས་ཅན་འདི་དག་གི་དབང་པོ་ནི། ཐུན་མོང་མ་ཡིན་པའོ། །སེམས་ཅན་འདི་དག་གི་དབང་པོ་ནི། ཤིན་ཏུ་མགུ་བའོ། །སེམས་ཅན་འདི་དག་གི་དབང་པོ་ནི། ཤིན་ཏུ་མ་མགུ་བའོ། །སེམས་ཅན་འདི་དག་གི་དབང་པོ་ནི། ཚིམ་པའོ། །སེམས་ཅན་འདི་དག་གི་དབང་པོ་ནི། ཚིམ་པའོ། །སེམས་ཅན་འདི་དག་གི་དབང་པོ་ནི། འཁྲུལ་པའོ། །སེམས་ཅན་འདི་དག་གི་དབང་པོ་ནི། མ་འཁྲུལ་པའོ། །འདི་དག་གི་དབང་པོ་ནི། འཕྱར་བའོ། །འདི་དག་གི་དབང་པོ་ནི། མ་འཕྱར་བའོ། །འདི་དག་གི་དབང་པོ་ནི། རྒྱས་པའོ། །འདི་དག་གི་དབང་པོ་ནི། མ་རྒྱས་པའོ། །སེམས་ཅན་འདི་དག་གི་དབང་པོ་ནི། གཡེངས་པའོ། །སེམས་ཅན་འདི་དག་གི་དབང་པོ་ནི། མ་གཡེངས་པའོ། །སེམས་ཅན་འདི་དག་གི་དབང་པོ་ནི། ཡངས་པའོ། །སེམས་ཅན་འདི་དག་གི་དབང་པོ་ནི། ཡངས་པ་མ་ཡིན་པའོ། །སེམས་ཅན་འདི་དག་གི་དབང་པོ་ནི། དབུགས་འབྱིན་པའོ། །སེམས་ཅན་འདི་དག་གི་དབང་པོ་ནི། དབུགས་འབྱིན་པ་མ་ཡིན་པའོ། །འདི་དག་གི་དབང་པོ་ནི། མགྱོགས་པའོ། །འདི་དག་གི་དབང་པོ་ནི། མི་མགྱོགས་པའོ། །སེམས་ཅན་
138a
༄#། །འདི་དག་གི་དབང་པོ་ནི། མྱུར་བའོ། །སེམས་ཅན་འདི་དག་གི་དབང་པོ་ནི། མྱུར་བ་མ་ཡིན་པའོ། །སེམས་ཅན་འདི་དག་གི་དབང་པོ་ནི། རྒྱ་ཆེ་བའོ། །སེམས་ཅན་འདི་དག་གི་དབང་པོ་ནི། རྒྱ་ཆེ་བ་མ་ཡིན་པའོ། །སེམས་ཅན་འདི་དག་གི་དབང་པོ་ནི། ངེས་པར་འབྱུང་བའོ། །སེམས་ཅན་འདི་དག་གི་དབང་པོ་ནི། ངེས་པར་འབྱུང་བ་མ་ཡིན་པའོ། །སེམས་ཅན་འདི་དག་གི་དབང་པོ་ནི། ངེས་པར་འབྱེད་པའོ། །སེམས་ཅན་འདི་དག་གི་དབང་པོ་ནི། ངེས་པར་འབྱེད་པ་མ་ཡིན་པ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་ཀུན་ཤེས་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཀུན་ཤེས་པའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཀུན་ཤེས་པའི་དབང་པོ་ཞེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་དུད་ཤེས་པའི་དབང་པོ་ཤེས་པ་ཀུན་འབྱུང་བ་ཤེས་པ་ཡང་དག་པར་འགྲུབ་པ། གལ་
138b
ཏེ་མི་རྟག་བར་རྗེས་སུ་བལྟ་བར་གནས་པའམ། གལ་ཏེ་སྡུག་བསྔལ་བར་རྗེས་སུ་དེ་ལྟ་བར་གནས་པ་ནས་དེ་བཞིན་དུ་སྦྱར་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་གྱི་རྒྱུད་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཀུན་ཤེས་པའི་དབང་པོ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་ཞིང་བསྐལ་པ་བརྒྱ་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ། དེ་བཞིན་དུ་སྦྱར་ཏེ། དེ་ནི།་ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཀུན་ཤེས་པའི་དབང་པོ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཀུན་ཤེས་པའི་དབང་པོ་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །དེ་ལ་
139a
༄#། །ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། ཀུན་ཤེས་པའི་དབང་པོ་ཤེས་པ་འགོག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཀུན་ཤེས་པའི་དབང་པོ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པ་ཀུན་ཤེས་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་ཀུན་ཤེས་པའི་དབང་པོ་ཤེས་པ་ཡོངས་སུ་ཤེས། ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་
139b
རབ་ཏུ་མཁྱེན་ཏོ། །དེ་བཞིན་གཤེགས་པ་ཀུན་ཤེས་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཀུན་ཤེས་པ་དང་ལྡན་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཕྱོགས་བཅུའི་འཇིག་རྟེན་དུ་ཉན་ཐོས་དང ། རང་སངས་རྒྱས་དང ། དེ་བཞིན་གཤེགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་རྣམས་ཀྱི་མཛད་པ་དག་མཛད་པས་དད་པ་དང ། བརྩོན་འགྲུས་དང ། དྲན་པ་དང ། ཏིང་ངེ་འཛིན་དང ། ཤེས་རབ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་ནས་མཁས་པའི་བར་གང་ཡིན་པ་འདི་ནི། ཀུན་ཤེས་པ་དང་ལྡན་པའི་དབང་པོ་ཞེས་བྱའོ། །ཁྱིམ་བདག་།གཞན་ཡང་དེ་བཞིན་གཤེགས་པས་རྒྱུན་དུ་ཞུགས་པའི་ཀུན་ཏུ་སྦྱོར་བ་གསུམ་སྤངས་པ་ལ་བྱ་བ་ཅིའང་མེད་དོ། །ཞེས་རབ་ཏུ་མཁྱེན་ཏོ། །ལན་གཅིག་ཕྱིར་འོང་བའི་
140a
༄#། །འདོད་ཆགས་དང་གནོད་སེམས་བསྲབས་པ་ལ་བྱ་བ་ཅིའང་མེད་དོ། །ཞེས་རབ་ཏུ་མཁྱེན་ཏོ། །ཕྱིར་མི་འོང་བའི་ཀུན་ཏུ་སྦྱོར་བ་ཐ་མའི་ཆ་དང་མཐུན་པ་ལྔ་དག་སྤངས་པ་ལ་བྱ་བ་ཅིའང་མེད་དོ། །ཞེས་རབ་ཏུ་མཁྱེན་ཏོ། །དགྲ་བཅོམ་པའི་ཀུན་ཏུ་སྦྱོར་བ་ཐམས་ཅད་སྤངས་པ་ལ་བྱ་བ་ཅིའང་མེད་དེ། །ཞེས་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཀུན་ཤེས་པ་དང་ལྡན་པའི་དབང་པོ་ནི་བྱས་པ་སོ་སོར་རྟོགས་ཤིང་མི་སྐྱེ་བ་སོ་སོར་རྟོགས་པ་རབ་ཏུ་མཁྱེན་ཏོ། །དེ་བཞིན་གཤེགས་པ་ཀུན་ཤེས་པ་དང་ལྡན་པའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ། ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །སྟོན་པ་མིག་དང་ལྡན་པས་བྱས་པ་ནད་འདྲར་མཁྱེན། །ཉོན་མོངས་ཐམས་ཅད་སྤངས་པས་དེ་ཡི་བསླབ་བྱ་མེད། །བསླབ་པ་ཀུན་ལ་བསླབས་པས་དེ་ཡི་བསླབ་བྱ་མེད། །བྱ་བ་བྱས་པ་དེས་མཁྱེན་འདི་ལྟར་རྨོངས་པ་མེད། །སྦྲུལ་གྱི་མཆེ་བ་བཅད་ཅིང་དུག་ཀུན་རྣམ་བཅོམ་པས། །སེམས་ཅན་གནོད་བྱར་མི་རུང་དུག་སོ་དངོས་མེད་པ། །དེ་ལྟར་ཉོན་མོངས་སྤངས་པ་རློམ་སེམས་མི་དམིགས་ཏེ། །ཤིན་ཏུ་
140b
སྒྲོམ་བུ་སྦས་པའི་སོས་གཟུགས་མི་རུང་བ། །དེ་ཡི་སྡིག་མཐོང་སེམས་ཅན་ཁྱད་པར་མེད་པ་ལྟར། །དེ་ལྟར་ཉོན་མོངས་པ་དག་སྤངས་ཤིང་འདས་པ་མེད། །སྔོན་གྱི་ལས་མངོན་འདུ་བྱེད་སྡུག་བསྔལ་འཁོར་ལོ་སྡིག་།གང་གིས་ཚེ་གཞན་དག་ཏུ་ཕྱིར་ཞིང་སྡུག་བསྔལ་བཟློག་།ཁྱིམ་བདག་།ཇི་ལྟར་ན། དེ་བཞིན་གཤེགས་པས་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྟོབས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག་།འདི་ལ་དེ་བཞིན་གཤེགས་པས་སེམས་ཅན་རྣམས་ཀྱི་སྟོབས་དང་སྟོབས་མ་ཡིན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གང་ཟག་འདི་ནི།་དད་པའི་སྟོབས་འདི་ཙམ་དང་ལྡན། གང་ཟག་འདི་ནི། བརྩོན་འགྲུས་ཀྱི་སྟོབས་འདི་ཙམ་དང་ལྡན། དྲན་པའི་སྟོབས་འདི་ཙམ་དང་ལྡན། ཏིང་ངེ་འཛིན་གྱི་སྟོབས་འདི་ཙམ་དང་ལྡན། གང་ཟག་འདི་ནི། ཤེས་རབ་ཀྱི་སྟོབས་འདི་ཙམ་དང་ལྡན། གང་ཟག་འདི་ནི། ཐབས་ལ་མཁས་པའི་སྟོབས་འདི་ཙམ་དང་ལྡན། གང་ཟག་འདི་
141a
༄#། །ནི།་མོས་པའི་སྟོབས་འདི་ཙམ་དང་ལྡན་ནོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། སྟོབས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྟོབས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། ། འདིར་ཆོས་ཉིད་འདི་ལ་འདི་སྐད་ཅེས་བརྗོད་པར་བྱ་སྟེ། བདག་ཉིད་ཆེན་པོས་དུས་རིང་དག་ནས་སྟོབས་ཤེས་བསྟེན། །སངས་རྒྱས་དཔག་མེད་དག་ལ་མ་ལུས་ཡོངས་སུ་ཞུས། །འཇིག་རྟེན་གསལ་མཛད་དབང་པོ་སྟོབས་དང་སྟོབས་མིན་གསུང ། །སེམས་ཅན་ཀུན་གྱི་ཤེས་གང་མི་མཆོག་རབ་ཏུ་མཁྱེན། །སེམས་ཅན་དག་གི་དད་བརྩོན་དྲན་ཤེས་ཤེས་རབ་མཁྱེན། །གང་ཞིག་ཆོས་འདི་ལ་འཇུག་འབྱོར་བ་ཅི་འདྲ་བ། །དེ་ཞུས་དེ་བཞིན་གཤེགས་པས་མཁྱེན་པས་ལུད་སྟོན་མཛད། །རྫོགས་སངས་སྟོབས་ཤེས་དེ་ལ་ཡང་དང་ཡང་བསླབ་པས། །འདིར་ནི་ཞུས་ན་དེ་ཡིས་ཐོགས་མེད་ལུང་སྟོན་མཛད། །རྣམ་འདྲེན་དེ་ནི་ཁང་མཆོག་འདི་ལ་ལོངས་སྤྱོད་
141b
འགྱུར། །བམ་པོ་བརྒྱད་པ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་བརྩོན་འགྲུས་ཀྱི་སྟོབས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། བརྩོན་འགྲུས་བརྩམས་པས་དོན་དག་འགྲུས་ཅིང ། ལེ་ལོ་དག་གིས་ནི། མ་ཡིན།་བརྩོན་འགྲུས་དག་བརྩམས་པས་གནས་ཤེས་པ་རྟོགས་པར་འགྱུར་ཞིང ། ལེ་ལོ་དག་གིས་ནི། མ་ཡིན། དེ་བཞིན་དུ་བརྩོན་འགྲུས་དག་བརྩམས་པས་གནས་ཤེས་པས་ཀུན་འབྱུང་བ་ཤེས་པ་རྟོགས་པར་འགྱུར་ཞིང ། ལེ་ལོ་དག་གིས་ནི། མ་ཡིན། བརྩོན་འགྲུས་དག་བརྩམས་པས་གནས་ཤེས་པ་རྟོགས་པར་འགྱུར་ཞིང ། ལེ་ལོ་དག་གིས་ནི། མ་ཡིན། བརྩོན་འགྲུས་དག་བརྩམས་པས་གནས་ཤེས་པ་འགོག་པར་འགྱུར་བའི་ལམ་ཤེས་པ་རྟོགས་པར་འགྱུར་ཞིང ། ལེ་ལོ་དག་གིས་ནི། མ་ཡིན། དེ་བཞིན་དུ་སྦྱར་ཏེ་སྟོབས་བཅུའི་བར་དག་ལའང་བྱའོ། །བརྩོན་འགྲུས་དག་བརྩམས་པས་ཐམས་ཅད་མཁྱེན་པའི་ཤེས་པ་འགོག་པར་འགྱུར་བའི་ལམ་ཤེས་པ་རྟོགས་པར་འགྱུར་ཞིང ། ལེ་ལོ་དག་གིས་ནི། མ་ཡིན་ནོ། །དེ་ལ་འདི་སྐད་ཅེས་བྱ་སྟེ། ལུས་དང་བགས་པ་རྒྱུས་པ་རུས་པ་བསྐམས་གྱུར་ཅིང ། །
142a
༄#། །བདག་གི་ལུས་དང་ཁྲག་བཅས་ཐམས་ཅད་ཡོངས་བསྐམས་ཀྱང ། །ཐམས་ཅད་ཤེས་པ་རྟོགས་པར་མ་བྱས་པར་དུ་ནི། །བརྩོན་འགྲུས་གཏོང་པ་དག་ཏུ་བྱེད་པར་མི་འགྱུར་རོ། །དེ་ལྟར་ན། བརྩོན་འགྲུས་བརྩམས་པས་གནས་ཤེས་པ་རྟོགས་པར་འགྱུར་ཞིང ། ལེ་ལོ་དག་གིས་མ་ཡིན་ཏེ། བརྩོན་འགྲུས་བརྩམས་པས་དོན་དག་སྒྲུབ་པར་འགྱུར་ཞིང ། ལེ་ལོ་དག་གིས་ནི། མ་ཡིན། ཐམས་ཅད་མཁྱེན་པའི་ཤེས་པ་འགོག་པར་འགྱུར་བའི་ལམ་ཤེས་པའི་བར་དུ་འགྱུར་ཞིང ། ལེ་ལོ་དག་གིས་ནི། མ་ཡིན་ནོ། །དེ་ལྟར་ན། དེ་བཞིན་གཤེགས་པས་བརྩོན་འགྲུས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བརྩོན་འགྲུས་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་རིམ་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག་།འདི་ལ་དེ་བཞིན་གཤེགས་པས་སེམས་ཅན་ཐམས་ཅད་ཀྱི་བརྩོན་འགྲུས་ཀྱི་རིམ་པ་ལུས་ཀྱི་དང ། སེམས་ལས་བྱུང་བའི་བརྩོན་འགྲུས་ཡང་
142b
དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སེམས་ཅན་ཁ་ཅིག་ལུས་ཀྱི་བརྩོན་འགྲུས་དང་ལྡན་ལ། སེམས་ལས་བྱུང་བས་ནི། མ་ཡིན། སེམས་ཅན་ཁ་ཅིག་སེམས་ལས་བྱུང་བའི་བརྩོན་འགྲུས་དང་ལྡན་ལ། ལུས་ཀྱིས་ནི། མ་ཡིན་ཏེ། དེ་ལ་སེམས་ཅན་གང་དག་བརྩོན་འགྲུས་ཀྱི་ལུས་དང་ལྡན་ལ། སེམས་ལས་བྱུང་བས་ནི། མ་ཡིན་པ་དེ།་ལུས་ཉམས་ཆུང་བ་ལས་སྨོད་པར་བྱེད། ལུས་ཉམས་ཆུང་བ་ལས་རྣམ་པར་བྱང་བ་མེད་པར་འཇིག་ཅིང་སྨོད་ལ་སྤྲོ་བ་མི་སྐྱོད་དོ། །གང་དག་སེམས་ལས་བྱུང་བའི་བརྩོན་འགྲུས་དང་ལྡན་ལ། ལུས་ཀྱིས་ནི་མ་ཡིན་པ་དེ་ནི། སེམས་ཀྱི་དབང་གིས་སྨོད་པར་བྱེད་ཅིང་འཕྱར་བར་འགྱུར་རོ། །གང་དག་ལུས་ཀྱི་དང་སེམས་ལས་བྱུང་བའི་བརྩོན་འགྲུས་དང་ལྡན་པ་དེ་དག་ནི། ཟུང་དུ་མཉམ་ཞིང་ལྡན་པ་ནི། སྨོད་པར་མི་བྱེད་ཅིང་འཕྱར་བར་མི་བྱེད་ལ། བརྩོན་འགྲུས་བར་མའི་ཤེས་པ་དང་ལྡན་པས་ཚོགས་སྒྲུབ་ཅིང་བྱ་བ་མཐར་བྱེད་ལ། བྱ་བ་ཡང་དག་པར་སྒྲུབ། བདུད་ཀྱི་ཞགས་པ་གཅོད། བདུད་ཕམ་པར་བྱེད། བདུད་ཕྱིར་ཕྱོགས་པར་བྱེད། བདུད་ཀྱི་རིས་དག་སྐྲག་པར་བྱེད། སངས་རྒྱས་ཀྱི་རྒྱུད་འཕེལ་བར་བྱེད། ལམ་སྦྱོང་བར་བྱེད། མུ་སྟེན་པར་བྱེད། ཟམ་པ་འདོགས་པར་བྱེད། སྟེགས་འཆའ་བར་བྱེད། ཡེ་ཤེས་ཀྱི་སྒྲོན་མ་འབར་པར་
143a
༄#། །བྱེད།་སྣང་བར་བྱེད། མུན་པ་སེལ་བར་བྱེད། ལམ་སྟོན་པར་བྱེད། ཡང་དག་པར་བླང་བའི་བརྩོན་འགྲུས་ལ་ཤིན་ཏུ་གནས་ཤིང་ཡོངས་སུ་མི་ཉམ་པར་བྱེད་དོ། །གང་དག་ལུས་ཀྱིའམ། སེམས་ལས་བྱུང་བའི་བརྩོན་འགྲུས་དེ་དག་ནི། ཤིང་ཀ་ཏ་ཀའི་འབྲས་བུ་ལྟར་དེ་དག་ཡོངས་སུ་ཉམས་པར་འགྱུར་རོ། །དེ་ལྟར་ན། དེ་བཞིན་གཤེགས་པས་བརྩོན་འགྲུས་ཀྱི་རིམ་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བརྩོན་འགྲུས་ཀྱི་རིམ་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ། དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་བསམ་གཏན་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཉམས་པའི་ཆ་དང་མཐུན་པའི་བསམ་གཏན་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནས་པའི་ཆ་དང་མཐུན་པའི་བསམ་གཏན་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཁྱད་པར་གྱི་ཆ་དང་མཐུན་པའི་བསམ་གཏན་
143b
ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ངེས་པར་འབྱེད་པའི་ཆ་དང་མཐུན་པའི་བསམ་གཏན་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་བསམ་གཏན་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པས་རྒྱུ་གང་དང ། རྐྱེན་དེ་དག་གིས་ཡོངས་སུ་ཉམས་པའི་བསམ་གཏན་དེ་དག་གི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། རྒྱུ་གང་དང ། རྐྱེན་གང་དག་གིས་གནས་པའི་ཆ་དང་མཐུན་པར་གྱུར་པ་དེ་དག་གི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། རྒྱུ་གང་དང ། རྐྱེན་གང་དག་གིས་ཁྱད་པར་གྱི་ཆ་དང་མཐུན་པར་གྱུར་པའི་བསམ་གཏན་དེ་དག་གི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། རྒྱུ་གང་དང ། རྐྱེན་གང་དག་གིས་ངེས་པར་འབྱེད་པའི་ཆ་དང་མཐུན་པར་གྱུར་པའི་བསམ་གཏན་དེ་དག་གི་རྒྱུ་དེ་དང ། རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་ལྟར་ན་དེ་བཞིན་གཤེགས་པས་བསམ་གཏན་ཤེས་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་བསམ་གཏན་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་
144a
༄#། །ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རྣམ་པར་ཐར་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་རྣམ་པར་ཐར་པ་བརྒྱད་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། བརྒྱད་གང་ཞེ་ན། གཟུགས་ཅན་གཟུགས་རྣམས་ལ་ལྟ་བ་འདི་ནི། རྣམ་པར་ཐར་པ་དང་པོའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་ལྟ་བ་འདི་ནི། རྣམ་པར་ཐར་པ་གཉིས་པའོ། །གཙང་བ་ཉིད་ལ་མོས་པ་འདི་ནི། རྣམ་པར་ཐར་པ་གསུམ་པ་ཡིན་ནོ། །ནམ་མཁའ་མཐའ་ཡས་སྐྱེ་མཆེད་ལ་སྙོམས་པར་འཇུག་པའི་རྣམ་པར་ཐར་པ་དང ། རྣམ་ཤེས་མཐའ་ཡས་སྐྱེ་མཆེད་ལ་སྙོམས་པར་འཇུག་པའི་རྣམ་པར་ཐར་པ་དང ། ཅིའང་མེད་པའི་སྐྱེ་མཆེད་ལ་སྙོམས་པར་འཇུག་པའི་རྣམ་པར་ཐར་པ་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་འཇུག་པའི་རྣམ་པར་ཐར་པ་དང ། འདུ་ཤེས་དང་ཚོར་བ་འགོག་པའི་རྣམ་པར་ཐར་པ་བརྒྱད་པ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་
144b
བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་ཐར་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཏིང་ངེ་འཛིན་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག་།འདི་ལ་དེ་བཞིན་གཤེགས་པས་ཏིང་ངེ་འཛིན་བཞི་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། བཞི་གང་ཞེ་ན། འདི་ལྟ་སྟེ།་ཤུགས་ལྡན་ཞེས་བྱ་བའི་ཏིང་ངེ་འཛིན་དང ། སེངྒེ་ཞེས་བྱ་བའི་ཏིང་ངེ་འཛིན་དང ། ཞི་བ་ཞེས་བྱ་བའི་ཏིང་ངེ་འཛིན་དང ། ཆོས་ཐམས་ཅད་ཀྱི་རྒྱུད་དང་ལྡན་པ་ཞེས་བྱ་བའི་ཏིང་ངེ་འཛིན་ཏེ། དེ་ལྟར་ན། དེ་བཞིན་གཤེགས་པས་ཏིང་ངེ་འཛིན་ཤེས་པ་ཡང་དག་པ་ཇི་ལྟ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཏིང་ངེ་འཛིན་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྙོམས་པར་འཇུག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་
145a
༄#། །གཤེགས་པས་བསམ་གཏན་ལ་མངོན་པར་གནས་པ་དང ། དོན་རྟོགས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གང་དག་བསམ་གཏན་དང་པོ་ལ་བརྟེན་ནས་ཟག་པ་ཟད་ཅིང་དོན་རྟོགས་པའི་སྙོམས་པར་འཇུག་པ་དང ། བསམ་གཏན་དང་པོ་ལ་བརྟེན་ནས་མི་རྟག་པ་ཡིད་ལ་བྱེད་པའི་སྙོམས་པར་འཇུག་པ་དང ། བསམ་གཏན་དང་པོ་ལ་བརྟེན་ནས་སྡུག་བསྔལ་ཡིད་ལ་བྱེད་པའི་སྙོམས་པར་འཇུག་པ་ནས་དེ་བཞིན་དུ་སྦྱར་ཏེ་ཕྱིར་རྒོལ་བ་ཡིད་ལ་བྱེད་པའི་བར་གྱི་སྙོམས་པར་འཇུག་པ་དང ། བསམ་གཏན་དང་པོ་ལ་བརྟེན་ནས་མཚན་མ་དང་བྲལ་བའི་སྙོམས་པར་འཇུག་པ་དང ། བསམ་གཏན་དང་པོ་ལ་བརྟེན་ནས་བདག་མེད་པ་དང་བྲལ་བའི་སྙོམས་པར་འཇུག་པ་དང ། བསམ་གཏན་དང་པོ་ལ་བརྟེན་ནས་སྨོན་ལམ་དང་བྲལ་བའི་སྙོམས་པར་འཇུག་པ་དང ། བསམ་གཏན་དང་པོ་ལ་བརྟེན་ནས་རྒྱུན་དུ་འཇུག་པའི་འབྲས་བུ་མངོན་སུམ་དུ་བྱ་བའི་སྙོམས་པར་འཇུག་པ་དང ། བསམ་གཏན་དང་པོ་ལ་བརྟེན་ནས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་བར་ལ་སྙོམས་པར་འཇུག་པ་སྟེ། དེ་བཞིན་དུ་བསམ་གཏན་གཉིས་པ་ལ་བརྟེན་པ་ནས་བསམ་གཏན་བཞི་
145b
པ་ལ་བརྟེན་པ་དང ། འདུ་ཤེས་མེད་པའི་སྙོམས་པར་འཇུག་པ་དང ། ནམ་མཁའ་མཐའ་ཡས་སྐྱེ་མཆེད་ལ་སྙོམས་པར་འཇུག་པ་དང ། རྣམ་ཤེས་མཐའ་ཡས་སྐྱེ་མཆེད་ལ་སྙོམས་པར་འཇུག་པ་དང ། ཅུང་ཟད་མེད་པའི་སྐྱེ་མཆེད་ལ་སྙོམས་པར་འཇུག་པ་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་འཇུག་པ་དང ། འདུ་ཤེས་དང་ཚོར་བ་འགོག་པའི་སྙོམས་པར་འཇུག་པའི་བར་ལའང་རྒྱ་ཆར་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྙོམས་པར་འཇུག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདོད་ཆགས་ཀྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། འདོད་ཆགས་དང་ཞེ་སྡང་གིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདོད་ཆགས་དང་གཏི་མུག་གིས་
146a
༄#། །ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཞེ་སྡང་དང་འདོད་ཆགས་ཀྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཞེ་སྡང་དང་གཏི་མུག་གིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གཏི་མུག་དང་འདོད་ཆགས་ཀྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཆ་མཉམ་པར་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཁྲོ་བས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། འཁོར་དང ། ཡོངས་སུ་གདུང་བ་དང ། ཕྲག་དོག་དང ། སེར་སྣ་དང ། གཡོ་དང ། སྒྱུ་དང ། ངོ་ཚ་མེད་པ་དང ། ཁྲེལ་མེད་པ་དང ། ཁེངས་པ་དང ། ཉེས་རྩོམ་དང ། རྒྱགས་པ་དང ། བག་མེད་པ་དང ། ང་རྒྱལ་ལས་ཀྱང་ལྷག་པའི་ང་རྒྱལ་གྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ང་རྒྱལ་གྱིའང་ང་རྒྱལ་གྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ལོག་པའི་ང་རྒྱལ་གྱིས་ཀུན་ནས་ཉོན་མོངས་པ་དང ། མངོན་པའི་ང་རྒྱལ་གྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ལྷག་པའི་ང་
146b
རྒྱལ་གྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཅུང་ཟད་སྙམ་པའི་ང་རྒྱལ་གྱིས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཁ་གསག་དང ། གཞོགས་སློང་དང ། ཐོབ་ཀྱིས་འཇལ་བས་ཀུན་ནས་ཉོན་མོངས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། རྙེད་པས་རྙེད་པར་བྱེད་འདོད་པས་ཀུན་ནས་ཉོན་མོངས་པ་དང ། སྡིག་འདོད་པས་ཀུན་ནས་ཉོན་མོངས་པ་དང ། འདོད་ཆེན་དང ། འདོད་པ་དང ། དྲན་པས་ཀུན་ནས་ཉོན་མོངས་པ་དང ། སྤྱོད་པ་མ་ཡིན་པས་ཀུན་ནས་ཉོན་མོངས་པ་དང ། མི་སྙན་པར་སྨྲ་བ་ཉིད་ཀྱིས་ཀུན་ནས་ཉོན་མོངས་པ་དང ། མི་བཟོད་པས་ཀུན་ནས་ཉོན་མོངས་པ་དང ། སྦེད་པས་ཀུན་ནས་ཉོན་མོངས་པ་དང ། ཡོངས་སུ་སྦེད་པས་ཀུན་ནས་ཉོན་མོངས་པ་དང ། ཆོས་མ་ཡིན་པའི་འདོད་ཆགས་ཀྱིས་ཀུན་ནས་ཉོན་མོངས་པ་དང ། ཆགས་པ་དང་མི་མཐུན་པར་ཆགས་པས་ཀུན་ནས་ཉོན་མོངས་པ་དང ། འཇིག་ཚོགས་ལ་ལྟ་བས་ཀུན་ནས་ཉོན་མོངས་པ་དང ། ཐེ་ཚོམ་གྱིས་ཀུན་ནས་ཉོན་མོངས་པ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པས་ཀུན་ནས་ཉོན་མོངས་པ་དང ། འདོད་པ་ལ་འདུན་པས་ཀུན་ནས་ཉོན་མོངས་པ་དང ། གནོད་སེམས་ཀྱིས་ཀུན་ནས་ཉོན་མོངས་པ་
147a
༄#། །དང ། རྨུགས་པ་དང་གཉིད་ཀྱིས་ཀུན་ནས་ཉོན་མོངས་པ་དང ། རྒོད་པ་དང ། འགྱོད་པ་དང ། ཡིད་གཉིས་ཀྱིས་ཀུན་ནས་ཉོན་མོངས་པ་དང ། མི་དགའ་བས་ཀུན་ནས་ཉོན་མོངས་པ་དང ། དགའ་བས་ཀུན་ནས་ཉོན་མོངས་པ་དང ། གླལ་བས་ཀུན་ནས་ཉོན་མོངས་པ་དང ། བཟའ་བ་མ་བསྡམས་པས་ཀུན་ནས་ཉོན་མོངས་པ་དང ། སེམས་ལས་བྱུང་བ་ཀུན་ནས་ཉོན་མོངས་པ་དང ། སེམས་ཀུན་ནས་ཉོན་མོངས་པ་དང ། འདུ་ཤེས་ནས་ཚོགས་ཀྱིས་ཀུན་ནས་ཉོན་མོངས་པ་དང ། བདག་ལ་དབང་མེད་པས་ཀུན་ནས་ཉོན་མོངས་པ་དང ། ལུས་ཀྱི་གནས་ངན་ལེན་གྱིས་ཀུན་ནས་ཉོན་མོངས་པ་དང ། ཐོགས་པས་ཀུན་ནས་ཉོན་མོངས་པ་དང ། ཆོག་མི་ཤེས་པས་ཀུན་ནས་ཉོན་མོངས་པ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཀུན་ནས་ཉོན་མོངས་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་
147b
པས་རྣམ་པར་བྱང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདོད་པ་ལ་འདུན་པའི་གཉེན་པོ་ནི། མི་གཙང་བའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གནོད་སེམས་ཀྱི་གཉེན་པོ་ནི། བྱམས་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། རྨུགས་པ་དང་གཉིད་ཀྱི་གཉེན་པོ་ནི། བརྩོན་འགྲུས་རྩོམ་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། རྒོད་པའི་གཉེན་པོ་ནི། ཞི་ནས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། འགྱོད་པའི་གཉེན་པོ་ནི། ཤེས་རབ་ཚོར་བའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཐེ་ཚོམ་གྱི་གཉེན་པོ་ནི། ཆོས་རྣམས་ལ་རྣམ་པར་ངེས་པ་ཁོང་དུ་ཆུད་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། མི་དགའ་བའི་གཉེན་པོ་ནི། ཕན་ཡོན་སྟོན་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དགའ་བའི་གཉེན་པོ་ནི། བདག་བསྡུས་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གླལ་བའི་གཉེན་པོ་ནི། བརྩོན་འགྲུས་རྩོམ་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། བཟའ་བ་མ་བསྡམས་པའི་གཉེན་པོ་ནི། ཟས་ལ་མི་མཐུན་པའི་འདུ་ཤེས་སོ། །ཞེས་ཡང་དག་པ་ཇི་ལྟ་
148a
༄#། །བ་བཞིན་རབ་ཏུ་མཁྱེན། ཀུན་ནས་ཉོན་མོངས་པའི་གཉེན་པོ་ནི། སེམས་རབ་ཏུ་བསྡུས་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། འདུ་ཤེས་སྣ་ཚོགས་ཀྱི་གཉེན་པོ་ནི། མཚན་མ་མེད་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཡིད་ལ་མི་བྱེད་པའི་གཉེན་པོ་ནི། ཆོས་རྣམས་ལ་དོན་དུ་བྱེད་པ་ཉིད་དོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ལུས་ཀྱི་གནས་ངན་ལེན་གྱི་གཉེན་པོ་ནི། སྡོམ་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཆགས་པའི་གཉེན་པོ་ནི། དགེ་བའི་བཤེས་གཉེན་ལ་བརྟེན་པའོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། མུ་སྟེགས་ཀྱི་ཤེས་པ་ཉིད་དག་ལ་ཆགས་པའི་གཉེན་པོ་ནི། མི་མཐུན་པའི་འདུ་ཤེས་སོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་རྣམ་པར་བྱང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་བྱང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག།
148b
ཇི་ལྟར་ན། དེ་བཞིན་གཤེགས་པས་རྣམ་པར་གཞག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། འདི་ལྟར་བསམ་གཏན་དང་པོ་ལས་ལྡང་བར་བྱ་ཞིང ། བསམ་གཏན་དང་པོ་ལས་ལངས་ནས་ཆོས་འདི་དག་ལ་ཡང་དག་པར་སྤྱོད་པ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། བསམ་གཏན་དང་པོ་ལས་ལངས་པའི་སེམས་དབེན་པ་ལ་གཞོལ་བར་གྱུར་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། བསམ་གཏན་དང་པོ་ལས་ལངས་པའི་སེམས་དགའ་བར་བྱེད་པའི་ཆོས་གང་ཡིན་པ་དང ། བསམ་གཏན་དང་པོ་ལས་ལངས་པའི་མངོན་པར་རྗོད་པར་བྱེད་པའི་ཆོས་གང་ཡིན་པ་དང ། དེ་དང་པོའི་ཆོས་གང་ཡིན་པ་ཡང་དག་པར་སྤྱོད་པའི་ཆོས་དེ་དག་རབ་ཏུ་མཁྱེན། སེམས་གང་གཞོལ་བར་གྱུར་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཆོས་གང་དག་ལ་དགའ་བའི་ཆོས་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། གང་དག་ལ་མི་དགའ་བའི་ཆོས་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། ཆོས་གང་ཡིད་ལ་བྱས་ཤིང་ལྡང་བ་དེ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་དུ་བསམ་གཏན་གཉིས་པ་དང ། གསུམ་པ་དང ། བསམ་གཏན་བཞི་པ་དང །
149a
༄#། །དེ་བཞིན་དུ་རྣམ་པར་ཐར་པ་རྣམས་དང ། དེ་བཞིན་དུ་ཏིང་ངེ་འཛིན་རྣམས་དང ། དེ་བཞིན་དུ་སྙོམས་པར་འཇུག་པ་རྣམས་ཀྱི་སྟེ། དེ་ལྟར་ན།་དེ་བཞིན་གཤེགས་པས་རྣམ་པར་ལྡང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྣམ་པར་ལྡང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་རྒྱ་ཆེར་བྱ་སྟེ། ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྔོན་གྱི་མཐའ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སྔོན་གྱི་བསྐལ་པ་རབ་ཏུ་མཁྱེན་ཏེ། བསྐལ་པ་གང་དུ་མིང་དུ་བཏགས་པར་གྱུར་པ་དེ། རྐྱེན་གང་དག་གིས་མིང་དུ་བཏགས་ནས་ཡང་དག་པར་གནས་པའི་བསྐལ་པ་དེ་དག་ནི། འདི་ལྟ་སྟེ། དཔེར་ན། བསྐལ་པ་བཟང་པོ་འདིའི་མིང་བསྐལ་པ་པདྨ་སྟོང་མཐོང་ཞེས་བཏགས་པ་དེ་བཞིན་དུ་བསྐལ་པ་དེ་དག་གི་སོ་སོ་རབ་ཏུ་མཁྱེན། སངས་རྒྱས་བཅོམ་ལྡན་འདས་དེ་དག་གི་མཚན་བཙུན་པར་བཏགས་པའང་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། འདིར་ཤཱཀྱའི་རིགས་
149b
ལས་ཐུབ་པ་འཁྲུངས་པ་ལ་ཤཱཀྱ་ཐུབ་པ་ཞེས་མཚན་བཏགས་པ་དེ་བཞིན་དུ། དེ་བཞིན་གཤེགས་པས་བསྐལ་པ་དེ་དག་དང ། སངས་རྒྱས་དེ་དག་གི་མཚན་བཏགས་པ་རབ་ཏུ་མཁྱེན། དེ་བཞིན་གཤེགས་པས་དེར་ཡང་སེམས་ཅན་ཐམས་ཅད་ཀྱི་མིང་དུ་བཏགས་པ་རབ་ཏུ་མཁྱེན་ཏོ། །དེ་བཞིན་གཤེགས་པ་སྔོན་གྱི་མཐའ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། ། ཁྱིམ་བདག་།ཇི་ལྟར་ན། དེ་བཞིན་གཤེགས་པ་སྔོན་གྱི་གནས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་དག་རབ་ཏུ་མཁྱེན་ཏེ། གང་དུ་བདག་ཡུན་རིང་པོར་གནས་ཤིང ། དེ་ནས་ཀྱང་སྔོན་གྱི་གནས་གང་ལ་ཕྱིར་ཞིང་གནས་པ། གལ་ཏེ་སེམས་ཅན་དམྱལ་བའམ། གལ་ཏེ་དུད་འགྲོའི་སྐྱེ་གནས་སུའམ། གལ་ཏེ་གཤིན་རྗེའི་འཇིག་རྟེན་དུའམ། གལ་ཏེ་མིར་རམ། གལ་ཏེ་ལྷར་རམ།་གལ་ཏེ་ཡི་དྭགས་སུའམ། གལ་ཏེ་སེངྒེར་རམ། གལ་ཏེ་སྟག་ཏུའམ། གལ་ཏེ་གཟིག་ཏུའམ། གལ་ཏེ་ནམ་མཁའ་ལ་རྒྱུ་བའམ། གལ་ཏེ་བྱའི་ཚོགས་སུའམ།
150a
༄#། །གལ་ཏེ་སྦྲུལ་གདུག་པའི་ཚོགས་སུའམ། གལ་ཏེ་སྦྲུལ་གྱི་ཚོགས་སུའམ། གལ་ཏེ་སེར་མོའི་ཚོགས་སུའམ། གལ་ཏེ་ས་ལ་རྒྱུ་བར་རམ།་གལ་ཏེ་བར་སྣང་ལ་རྒྱུ་བར་རམ། གལ་ཏེ་རྐང་མེད་དུའམ། གལ་ཏེ་རྐང་གཉིས་པར་རམ། གལ་ཏེ་རྐང་བཞི་པར་རམ། གལ་ཏེ་རྐང་མང་དུའམ། གལ་ཏེ་ཆུ་ལ་རྒྱུ་བར་རམ། གལ་ཏེ་སྐམ་ས་ལ་རྒྱུ་བར་རམ། གལ་ཏེ་གནོད་སྦྱིན་གྱི་ཚོགས་སུའམ། གལ་ཏེ་ཤ་ཟའི་ཚོགས་སུའམ། གལ་ཏེ་སྲིན་པོའི་ཚོགས་སུའམ། གལ་ཏེ་འབྱུང་པོའི་ཚུགས་སུའམ། གལ་ཏེ་ལྷ་མ་ཡིན་གྱི་ཚོགས་སུའམ། གལ་ཏེ་ནམ་མཁའ་ལྡིང་གི་ཚོགས་སུའམ། གལ་ཏེ་མིའམ་ཅིའི་ཚོགས་སུའམ། གལ་ཏེ་ལྟོ་འཕྱེ་ཆེན་པོའི་ཚོགས་སུའམ། གལ་ཏེ་མི་མ་ཡིན་པའི་ཚོགས་སུའམ། གལ་ཏེ་ཕྲེང་བ་འཆང་བའི་ཚོགས་སུའམ། གལ་ཏེ་ལག་ན་གཞོང་ཐོགས་ཀྱི་ལྷར་རམ། གལ་ཏེ་རྟག་ཏུ་མྱོས་པའི་ལྷར་རམ། གལ་ཏེ་ལུས་རྒྱན་ཐོགས་པའི་ལྷར་རམ། གལ་ཏེ་རྒྱལ་ཆེན་བཞིའི་རིས་ཀྱི་ལྷར་རམ། གལ་ཏེ་སུམ་ཅུ་རྩ་གསུམ་གྱི་ལྷར་རམ། གལ་ཏེ་འཐབ་བྲལ་གྱི་ལྷ་ནས་དེ་བཞིན་དུ་སྦྱར་ཏེ། དགའ་ལྡན་དུའམ། གལ་ཏེ་འཕྲུལ་དགར་རམ། གལ་ཏེ་གཞན་འཕྲུལ་དབང་
150b
བྱེད་དམ། གལ་ཏེ་ཚངས་པར་རམ། གལ་ཏེ་ཚངས་རིས་སུའམ། གལ་ཏེ་ཚངས་པ་མདུན་ན་འདོན་དུའམ། གལ་ཏེ་ཚངས་པ་ཀུན་འཁོར་དུའམ། གལ་ཏེ་ཚངས་པ་ཆེན་པོར་རམ། གལ་ཏེ་འོད་དུའམ། གལ་ཏེ་འོད་ཆུང་དུའམ། གལ་ཏེ་ཚད་མེད་འོད་དུའམ། གལ་ཏེ་འོད་གསལ་དུའམ། གལ་ཏེ་དགེ་བར་རམ། ཆུང་དགེར་རམ། ཚད་མེད་དགེར་རམ། དགེ་རྒྱས་སུའམ། ཆེ་བར་རམ། ཆུང་ཆེར་རམ། ཚད་མེད་ཅེར་རམ། འབྲས་བུ་ཆེ་བར་རམ། འདུ་ཤེས་མེད་པའི་སེམས་ཅན་དུའམ། གལ་ཏེ་ནམ་མཁའ་མཐའ་ཡས་སྐྱེ་མཆེད་དུའམ། གལ་ཏེ་རྣམ་ཤེས་མཐའ་ཡས་སྐྱེ་མཆེད་དུའམ། གལ་ཏེ་ཅིའང་མེད་པའི་སྐྱེ་མཆེད་དུའམ། གལ་ཏེ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་འདས་པའི་དུས་ཀྱི་དགེ་བའི་རྩ་བ་གང་དག་མངོན་པར་འདུས་བྱས་པ། གལ་ཏེ་སྦྱིན་པའི་ཕ་རོལ་ཏུ་ཕྱིན་པ་དང་སོ་སོ་ཡང་དག་པར་ལྡན་པའམ། གལ་ཏེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་སོ་སོ་ཡང་དག་པར་ལྡན་པའམ། གལ་ཏེ་བཟོད་པའི་ཕ་རོལ་ཏུ་ཕྱིན་པ་དང་སོ་སོ་ཡང་དག་པར་ལྡན་པའམ། གལ་ཏེ་བརྩོན་འགྲུས་ཀྱི་ཕ་
151a
༄#། །རོལ་ཏུ་ཕྱིན་པ་དང་སོ་སོ་ཡང་དག་པར་ལྡན་པའམ། གལ་ཏེ་བསམ་གཏན་གྱི་ཕ་རོལ་ཏུ་ཕྱིན་པ་དང་སོ་སོ་ཡང་དག་པར་ལྡན་པའམ། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་དང་སོ་སོ་ཡང་དག་པར་ལྡན་པ་དེ་དག་ཐམས་ཅད་རབ་ཏུ་མཁྱེན། དེ་བཞིན་གཤེགས་པས་འདས་པའི་དུས་སུ་འཁོར་བ་གང་དག་ལ་གནས་ནས་གང་དུ་སངས་རྒྱས་བཅོས་ལྡན་འདས་དེས་པར་གནས་པ་དེ་དག་ལ་བསྙེན་བཀུར་བྱས་ཤིང ། ཡོངས་སུ་ཞུས་ནས་མཁྱེན་པ་གང་དག་བསྒྲུབས་པ་འདི་ལྟ་སྟེ།་ཐབས་ལ་མཁས་པ་དང ། བཟོའི་ཤེས་པ་དང ། སྙོམས་པར་འཇུག་པ་ཤེས་པ་བསྒྲུབས་པ་དེ་དང ། དེ་དག་ཐམས་ཅད་རབ་ཏུ་མཁྱེན་ཏོ། །ཟག་པ་ཟད་པ་ཤེས་པ་མ་གཏོགས་པར་བཟོའམ། བཟོ་ཤེས་པའམ། ལས་སམ། ལས་ཤེས་པ་གང་དག་དེ་བཞིན་གཤེགས་པས་སྔོན་མ་བསྐྱེད་པ་མེད་དེ། སྔོན་མངོན་པར་འདུས་མ་བྱས་པ་གང་ཡང་མེད་དོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་
151b
པས་ཕྱི་མའི་མཐའ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་མ་འོངས་པའི་བསྐལ་པའི་སངས་རྒྱས་རྣམས་དང ། སེམས་ཅན་རྣམས་ཀྱི་མིང་དུ་བཏགས་པ་རབ་ཏུ་མཁྱེན། རྒྱུ་གང་དང་རྐྱེན་གང་དག་གིས་སངས་རྒྱས་བཅོམ་ལྡན་འདས་རྣམས་དང ། སེམས་ཅན་དེ་རྣམས་ཀྱི་མིང་དུ་བཏགས་པར་འགྱུར་བ་དེ་ཐམས་ཅད་དེ་བཞིན་གཤེགས་པས་རབ་ཏུ་མཁྱེན་ཏོ། །དེ་བཞིན་གཤེགས་པ་ཕྱི་མའི་མཐའ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འཆི་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་གང་དག་སྐྱེས་ནས་འཆི་བར་འགྱུར་བ། འཆི་བ་དང ། འཆི་འཕོ་དང ། འཆི་བར་བྱེད་པ་དང ། གསོད་པ་དང ། དུས་བྱེད་པ་དང ། ཕུང་པོ་འཇིག་པ་དང ། ལུས་འདོར་བ་དང ། སྲོག་གི་དབང་པོ་ཡང་དག་པར་གཅོད་པ་དང ། །རིས་ལྷན་ཅིག་མཐུན་པ་བྱེད་པ། དེ་བཞིན་གཤེགས་པས་ཡང་དག་པ་ཇི་ལྟ་བ་
152a
༄#། །བཞིན་རབ་ཏུ་མཁྱེན་ཏེ། སེམས་ཅན་འདི་དག་ནི་ཚེའི་ཚད་ཡོངས་སུ་མ་རྫོགས་པར་འཆི་བར་འགྱུར། སེམས་ཅན་འདི་དག་ནི། ཕ་རོལ་གྱི་གནོད་པས་འཆི་བར་འགྱུར། སེམས་ཅན་འདི་དག་ནི། ཡང་དག་པར་སྤངས་པས་འཆི་བར་འགྱུར། སེམས་ཅན་འདི་དག་ནི། ཡང་བ་མ་སྤངས་པས་འཆི་བར་འགྱུར། སེམས་ཅན་འདི་དག་ནི། དུས་ཚིགས་ཀྱིས་བསྒྱུར་ནས་འཆི་བར་འགྱུར། སེམས་ཅན་འདི་དག་ནི། བསོད་ནམས་ཟད་པས་འཆི་བར་འགྱུར། ཞེས་དེ་ལྟར་དེ་བཞིན་གཤེགས་པས་འཆི་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འཆི་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྐྱེ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། རིགས་ཀྱི་བུའམ། རིགས་ཀྱི་བུ་མོ་འཆི་བ་ན་སྐྱེ་བའི་མཚན་མ་འདི་དག་འབྱུང་བར་འགྱུར་ཏེ། གང་དུས་འདིས་སྐྱེ་བར་བྱེད་པ་སེམས་ཅན་དམྱལ་བའི་མཚན་མ་དག་མཐོང་བ་ནི། སེམས་ཅན་དམྱལ་བར་འགྲོའོ།།
152b
དུད་འགྲོའི་མཚན་མ་དག་མཐོང་བ་ནི། དུད་འགྲོའི་སྐྱེ་གནས་སུ་འགྲོའོ། །གཤིན་རྗེའི་འཇིག་རྟེན་གྱི་མཚན་མ་དག་མཐོང་བ་ནི། གཤིན་རྗེའི་འཇིག་རྟེན་དུ་འགྲོའོ། །མིའི་མཚན་མ་དག་མཐོང་བ་ནི། མིའི་འཇིག་རྟེན་དུ་འགྲོའོ། །ལྷའི་མཚན་མ་དག་མཐོང་བ་ནི། མཐོ་རིས་སུ་འགྲོའོ། །མིར་སྐྱེ་བའི་མཚན་མ་དག་མཐོང་བ་ནི། མྱ་ངན་ལས་འདས་པར་འགྲོའོ་ཞེས། ཁྱིམ་བདག་།དེ་ལྟར་ན། དེ་བཞིན་གཤེགས་པས་སྐྱེ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྐྱེ་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་འདོད་པའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། འདོད་པའི་ཟག་པ་ནི། ཡོངས་སུ་རྟོག་པ་ལས་བྱུང་བའི་ངོ་བོ་ཉིད་དང་བྲལ་བ། ཡང་དག་པ་མ་ཡིན་པ། སོ་སོ་ཉེ་བར་གཞོག་པ། དགེ་བའི་རྩ་བ་རྣམ་པར་འཇིག་པར་བྱེད་པ། བཅིངས་པ་ལྷོད་ཀྱང་རབ་ཏུ་ཐར་པར་དཀའ་བ། མི་བཤེས་ཀྱང་བཤེས་
153a
༄#། །པ་ལྟར་སྣང་བ། བར་དུ་གཅོད་པར་བྱེད་པ། མི་མཐུན་པ་རྣམ་པ་དུ་མ་དག་ཏུ་མཚུངས་པའོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པ་གང་ཡིན་པ་འདི་ནི། འདོད་པའི་ཟག་པ་ཤེས་པ་ཞེས་བྱ་སྟེ། ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་འདོད་པའི་ཟག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྲིད་པའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སྲིད་པ་ལ་སྲེད་པ་དང ། སྲིད་པ་ལ་རྟག་ཏུ་མངོན་པར་དགའ་བ་དང ། སྲིད་པའི་བྱ་བ་ལ་ཆགས་པ་དང ། སྲིད་པ་ལ་རོ་མྱང་བར་བལྟས་པ་དང ། སྲིད་པ་གང་གི་དབང་གིས་སྔོན་གྱི་མཐའ་མ་ཤེས་ཏེ། སྡུག་བསྔལ་ཉམས་སུ་མྱོང་ལ་སྲིད་པ་དེའི་སྡུག་བསྔལ་ལ་ཆགས་ཤིང་རབ་ཏུ་མི་ཤེས། སྡུག་བསྔལ་སྤང་བ་རབ་ཏུ་མི་ཤེས་པའོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་
153b
ཡིན་པ་འདི་ནི། སྲིད་པའི་ཟག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྲིད་པའི་ཟག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལྟ་བའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ལམ་གོལ་བར་ཞུགས་པ་ནི། འདི་དག་ཡིན་ཏེ། འདི་ལྟ་སྟེ། ཆད་པར་ལྟ་བ་དང ། རྟག་པར་ལྟ་བའོ། །དེ་ཅིའི་ཕྱིར་ཞེ་ན། གང་ཆད་པའི་ཆོས་དེ་གང་ཡང་མེད་ཅིང ། གང་འཇིག་རྟེན་འདི་ནས་འཇིག་རྟེན་ཕ་རོལ་ཏུ་འཕོ་བའི་ཆོས་དེའང་མི་དམིགས་ཏེ། གཞན་དུ་ན་ལས་ཚོགས་པ་དག་གིས་སྐྱེ་སྟེ། ཁྱིམ་བདག་།འདི་ལྟ་སྟེ།་དཔེར་ན། ཆུ་ཆེན་པོ་འབབ་པ་ན་སྒྲ་འབྱུང་ལ། དེའི་སྒྲ་འབྱུང་བ་ལ་བྱེད་པ་པོ་སུའང་མེད་དེ། གཞན་དུ་ན་ཚོགས་པའི་སྦྱོར་བས་འབྱུང་ངོ ། །ཁྱིམ་བདག་།དེ་བཞིན་དུ་རྐྱེན་ཡོད་ན། འཁོར་བའི་རྒྱུན་དུ་འཇུག་སྟེ། ཉོན་མོངས་པ་དག་ཡོད་ན། ལས་བྱེད་ལ། ལས་ཡོད་ན། རྣམ་པར་སྨིན་པ་མངོན་པར་འགྲུབ་ཅིང་འདིར་སོ་སོ་མྱོང་བར་
154a
༄#། །མངོན་པར་འདུ་བྱེད་པ་གང་ཡང་མེད་དེ། གཞན་དུ་ན་རྐྱེན་དེ་དག་ཡོད་ཅིང་ཚོགས་པས་འགྲུབ་བོ། །དེ་ལ་བུས་པ་ཐོས་པ་དང་མི་ལྡན་པ་སོ་སོའི་སྐྱེ་བོ་དག་འདི་སྙམ་དུ་སེམས་ཏེ། ངས་ལས་འདི་མངོན་པར་འདུ་བྱས་པ་གང་ངའི་རྣམ་པར་སྨིན་པ། སོ་སོ་ཡང་དག་པར་མྱོང་བར་བྱའོ། །ཞེས་དེ་ལྟར་ང་རྒྱལ་ལ་མངོན་པར་ཞེན་པ་ཡོད་པས་འཁོར་བའི་རྒྱུན་མི་འཆད་དོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ལྟ་བའི་ཟག་པ་ཤེས་པ་ཞེས་བྱ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་ལྟ་བའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལྟ་བའི་ཟག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་མ་རིག་པའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། མ་རིག་པ་ནི། ཇི་ལྟ་བ་བཞིན་དུ་མཐོང་བ་ལ་སྒྲིབ་པ་དང ། ཆད་
154b
པ་དང ། མུན་པ་དང ། མིག་མ་ཡིན་པར་བྱེད་པ་དང ། ཤེས་རབ་འགོག་པ་དང ། ཕོངས་པའི་ཕྱོགས་དང ། མྱ་ངན་ལས་འདས་པར་ཡང་དག་པར་འཇུག་པར་མི་བྱེད་པའོ། ། དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། མ་རིག་པའི་ཟག་པ་ཤེས་བྱ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་མ་རིག་པའི་ཟག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མ་རིག་པའི་ཟག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཟད་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། གང་ཉོན་མོངས་པ་ཟད་པ་དེ་ཟག་པ་ཟད་པའོ། །གང་ཟག་པ་ཟད་པ་དེ་ཉོན་མོངས་པ་ཟད་ཅིང་དེ་སྡུག་བསྔལ་ཟད་པའོ། །གང་སྡུག་བསྔལ་ཟད་པ་དེ་མྱ་ངན་ལས་འདས་པ་ཞེས་བྱ་སྟེ། འཁོར་བའི་ལམ་དུ་མི་འཇུག་གོ་།དེ་ལྟར་ན། དེ་བཞིན་གཤེགས་པས་ཟད་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་ནས་མཁས་པའི་བར་གང་ཡིན་པ་འདི་ནི། ཟད་པ་ཤེས་པ་ཞེས་བྱའོ། །དེ་
155a
༄#། །བཞིན་གཤེགས་པ་ཟད་པ་ཤེས་པ་དེའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་མི་སྐྱེ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སྲེད་པའི་རྐྱེན་གྱིས་སྡུག་བསྔལ་འགྲུབ་ལ། ཤེས་པའི་དབང་གིས་དེའི་སྤོང་བ་འགྲུབ་སྟེ། དེ་ལྟར་ན། དེ་བཞིན་གཤེགས་པས་མི་སྐྱེ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།གཞན་ཡང་དེ་བཞིན་གཤེགས་པ་ཤེས་པ་གང་གིས་ཉོན་མོངས་པ་སྤོང་བ་ཡོངས་སུ་མཁྱེན་ཏེ། དེ་ནི། མི་སྐྱེ་བ་ཤེས་པའོ། །དེ་ལ་ཤེས་པ་ནས་མཁས་པའི་བར་གང་ཡིན་པ་འདི་ནི།་མི་སྐྱེ་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་མི་སྐྱེ་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག།
155b
ཇི་ལྟར་ན། དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཆོས་ཐམས་ཅད་ལ་གཞན་ལ་རག་མ་ལུས་པའི་ཤེས་པ་ལ་དམིགས་ནས་ངས་མངོན་པར་རྫོགས་པར་སངས་མ་རྒྱས་པའི་ཆོས་གང་ཡང་མེད་དེ། གང་ཕ་རོལ་དག་གིས་དེ་ཆོས་འདི་དག་ལ་མངོན་པར་རྫོགས་པར་སངས་མ་རྒྱས་སོ། །ཞེས་རྒོལ་བ་ལ་བསྙེངས་པ་མི་མངའོ། །དེ་ལྟར་དེ་བཞིན་གཤེགས་པ་མ་ལུས་པར་ཐུགས་སུ་ཆུད་པ་ལ་བཞུགས་སོ། །དེ་བཞིན་གཤེགས་པ་མ་ལུས་པར་ཐུགས་སུ་ཆུད་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་དོན་སོ་སོ་ཡང་དག་པར་རིག་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་དོན་སོ་སོ་ཡང་དག་པར་རིག་པ་ཤེས་པ་འདི་ལྟར་རབ་ཏུ་མཁྱེན་ཏེ། ཡི་གེ་འདི་ནི། དོན་སྟོན་ཏེ། འདི་ལྟ་སྟེ། ཆོས་ཀྱི་དོན་དང ། སེམས་ཅན་གྱི་དོན་དང ། སྲོག་མེད་པའི་དོན་དང ། གང་ཟག་མེད་པའི་དོན་དང ། སྟོང་པ་ཉིད་ཡོངས་སུ་བསྟན་པའི་དོན་དང ། མཚན་
156a
༄#། །མ་དང་བྲལ་བའི་དོན་དང ། སྨོན་ལམ་དང་བྲལ་བ་སྟེ། དེའང་འདིར་བརྗོད་པར་བྱ་ཞིང་འདི་ལྟར་མངོན་དུ་དཔྱད་པར་བྱ་སྟེ། འདི་ལྟ་སྟེ། མི་རྟག་པ་ཞེའམ། སྡུག་བསྔལ་བ་ཞེའམ། བདག་མེད་པ་ཞེའམ། མཚན་མ་དང་བྲལ་བ་ཞེའམ། སྨོན་པ་དང་བྲལ་བ་ཞེའམ། ཞི་བ་ཞེའམ། རློམ་སེམས་མེད་པ་ཞེའམ།་བདག་འདུལ་བ་ཞེའམ། མངོན་པར་འདུ་མི་བྱེད་པ་ཞེའམ། སྤྲོས་པ་མེད་པ་ཞེས་བྱའོ། །ཡི་གེ་འདི་དག་ནི། དུས་དང་ལྡན་པར་སོ་སོར་བརྗོད་པར་བྱ་སྟེ། བདག་ཏུ་མངོན་པར་ཆགས་པ་དག་གི་དུས་སུ་ནི། སྟོང་པ་ཉིད་དོ། །མཚན་མ་ལ་མངོན་པར་ཆགས་པ་དག་གི་དུས་སུ་ནི། མཚན་མ་མེད་པའོ། །སྨོན་ལམ་ལ་མངོན་པར་ཆགས་པ་དག་གི་དུས་སུ་ནི། སྨོན་པ་མེད་པའོ། །བསམ་པ་རྣམ་པར་སྤྱོད་པ་དག་ལ་ནི། སྤོབས་པ་སོ་སོ་ཡང་དག་པར་རིག་པའོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། སོ་སོ་ཡང་དག་པར་རིག་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པར་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སོ་སོ་ཡང་དག་པར་རིག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་
156b
སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དེ་བཞིན་གཤེགས་པའི་མཚན་ཉིད་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་དེ་བཞིན་གཤེགས་པའི་མཚན་ཉིད་བཞི་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། འདི་ལྟ་སྟེ། གླང་པོ་ཆེ་ལྟར་གཟིགས་པ་ཉིད་དང ། སེངྒེ་ལྟར་རྣམ་པར་བསྒྱིངས་པ་ཉིད་དང ། སེམས་ཅན་ཐམས་ཅད་ཀྱི་བསམ་པ་ལ་འཇུག་པ་ཉིད་དང ། སེམས་ཅན་ཐམས་ཅད་ཀྱི་ལམ་དང་རྗེས་སུ་མཐུན་པ་ཉིད་དོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི།་དེ་བཞིན་གཤེགས་པའི་མཚན་ཉིད་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དེ་བཞིན་གཤེགས་པ་མཚན་ཉིད་ཤེས་པ་དེ་ལའང་ཞུ་བ་ཞུས་པ་ན་བསྐལ་བར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དེ་བཞིན་གཤེགས་པའི་གནས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་
157a
༄#། །པས་སེམས་ཅན་ཐམས་ཅད་ཀྱི་དོན་དུ་བྱམས་པ་སྒོམ་པར་མཛད་དེ། ངས་སེམས་ཅན་འདི་དག་ནི། སྐྱེ་བའི་འཇིགས་པ་ལས་བསྐྱབ་པར་བྱ། རྒ་བའི་འཇིགས་པ་དང ། ནད་ཀྱི་འཇིགས་པ་དང ། འཆི་བའི་འཇིགས་པ་ལས་བསྐྱལ་པར་བྱ། སེམས་ཅན་ཐམས་ཅད་ལ་ཕན་པ་དང ། བདེ་བའི་ཕྱིར་བྱམས་པ་སྒོམ་པ་འདི་ནི། དེ་བཞིན་གཤེགས་པའི་གནས་པ་དང་པོའོ། །ཀྱེ་ཨེ་མ་སེམས་ཅན་འདི་དག་ནི། སྡུག་བསྔལ་བ་སྟེ། དེ་དག་གི་སྡུག་བསྔལ་བསལ་བའི་དོན་དུ་ཆོས་བསྟན་པར་བྱའོ། །གཞན་མ་ཡིན་པ་འཕགས་པའི་ལམ་གྱིས་ཐར་པར་བྱའོ། །ཞེས་ཐུགས་རྗེ་བསྐྱེད་པར་མཛད་དོ། །གཞན་མ་ཡིན་པའི་ལམ་འདི་ནི། དེ་བཞིན་དུ་སྡུག་བསྔལ་ལས་ཡོངས་སུ་ཐར་པར་བྱེད་པའོ། །ཞེས་དགྱེས་པ་བསྐྱེད་པར་མཛད་དོ། །དགྱེས་པ་དེ་སྡུག་བསྔལ་ཐམས་ཅད་ལས་བཏང་སྙོམས་སུ་མཛད་ཅིང ། སེམས་དཔའ་མེད་པའི་བཏང་སྙོམས་བསྐྱེད་པར་མཛད་དོ། འདི་དག་ནི། དེ་བཞིན་གཤེགས་པའི་གནས་པ་བཞི་པའོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། དེ་བཞིན་གཤེགས་པའི་གནས་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་
157b
པ་དེ་བཞིན་གཤེགས་པའི་གནས་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན།་ཁྱིམ་བདག་།འདི་ལ་དེ་བཞིན་གཤེགས་པས་བསྐལ་པ་བྱེ་བ་དཔག་ཏུ་མེད་པར་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡང་དག་པར་སྒྲུབ་པ་ལ་དོན་དུ་གཉེར་བ་ཉིད་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། དང་པའི་སེམས་དང ། རྙོག་པ་མེད་པའི་སེམས་དང ། དཀྲུགས་པ་མེད་པའི་སེམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །བྱང་ཆུབ་ཀྱི་སེམས་ལ་གཞོལ་བ་དང ། སེམས་རབ་ཏུ་བསྡུས་པ་དང ། སེམས་ཀྱི་རྒྱུན་བརྗེད་པ་མེད་པ་དང ། སེམས་ཀྱི་རྒྱུན་མ་གཡེངས་པ་དང ། ཉོན་མོངས་པ་མེད་པར་གྱུར་པའི་ཤེས་རབ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་དང ། གསལ་བ་དང ། མངོན་པར་རྟོགས་པ་དང ། ཡང་དག་པར་ཁོང་དུ་ཆུད་པ་དང ། མཁས་པའི་བར་གང་ཡིན་པ་འདི་ནི། དེ་བཞིན་གཤེགས་པའི་དབང་པོ་ཤེས་པ་ཞེས་བྱ་སྟེ། ཁྱིམ་བདག་།དེ་ལྟར་ན།
158a
༄#། །དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་དེ་བཞིན་གཤེགས་པའི་དབང་པོ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལུས་ཀྱི་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་ལུས་ཀྱི་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སྲོག་གཅོད་པ་སྤོང་བ་དང ། མ་བྱིན་པར་ལེན་པ་སྤོང་བ་དང ། འདོད་པས་ལོག་པར་གཡེམ་པ་སྤོང་བ་སྟེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་ལུས་ཀྱི་ལས་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལུས་ཀྱི་ལས་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། འདི་ལ་སྲོག་གཅོད་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཁྱིམ་བདག་།དེ་ལྟར་ན། དེ་བཞིན་གཤེགས་པས་
158b
ལུས་ཀྱི་ལས་མི་དགེ་བ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ལུས་ཀྱི་ལས་ལུང་དུ་མ་བསྟན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། འདི་ལ་དེ་བཞིན་གཤེགས་པས་ལུས་ཀྱི་ལས་བསམ་པ་ལས་བྱུང་བའི་རྣམ་པར་སྨིན་པ་མ་ཡིན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ལུས་ཀྱི་ལས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ལུས་ཀྱི་ལས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །བམ་པོ་དགུ་པ། ཁྱིམ་བདག་།ཇི་ལྟར་ན། དེ་བཞིན་གཤེགས་པས་ངག་གི་ལས་སེམས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ངག་གི་ལས་དགེ་བ་རྣམ་པ་བཞི་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། བརྫུན་དུ་སྨྲ་བ་སྤངས་པ་དང ། ཕྲ་མ་སྨྲ་བ་སྤངས་པ་དང ། ངག་རྩུབ་པོ་སྤངས་པ་དང ། ཚིག་ཀྱལ་པ་སྤངས་པ་སྟེ། ངག་གི་ལས་ཀྱི་དགེ་བ་རྣམ་པ་བཞི་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །བརྫུན་དུ་སྨྲ་བ་
159a
༄#། །དང ། ཕྲ་མ་དང ། ངག་རྩུབ་པོ་དང ། ཚིག་ཀྱལ་པ་སྟེ། ཁྱིམ་བདག། དེ་ལྟར་ན། དེ་བཞིན་གཤེགས་པས་ངག་གི་ལས་མི་དགེ་བ་རྣམ་པ་བཞི་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ངག་གི་ལས་ལུང་དུ་མ་བསྟན་པ་རྣམ་པ་བཞི་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཡང་དག་པར་ཡོངས་སུ་སྤྱད་པ་དང ། མི་མཐུན་པར་ཡོངས་སུ་སྤྱད་པ་དང ། དུས་ཚིགས་ཀྱིས་རྣམ་པར་བསྒྱུར་བ་དང ། སྤྱོད་ལམ་ལས་བྱུང་བའི་ངག་གི་ལས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ལ་ཤེས་པ་ནས་མཁས་པའི་བར་གང་ཡིན་པ་འདི་ནི། ངག་གི་ལས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ངག་གི་ལས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞི་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡིད་ཀྱི་ལས་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་
159b
མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ཡིད་ཀྱི་ལས་དགེ་བ་རྣམ་པ་གསུམ་རབ་ཏུ་མཁྱེན་ཏེ། བརྣབ་སེམས་མེད་པ་དང ། གནོད་སེམས་མེད་པ་དང ། ཡང་དག་པའི་ལྟ་བའོ། ། ཡིད་ཀྱི་ལས་མི་དགེ་བ་རྣམ་པ་གསུམ་རབ་ཏུ་མཁྱེན་ཏེ། བརྣབ་སེམས་དང ། གནོད་སེམས་དང ། ལོག་པར་ལྟ་བའོ། །ཡིད་ཀྱི་ལས་ལུང་དུ་མ་བསྟན་པ་རྣམ་པ་གསུམ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། ཡང་དག་པར་ཡོངས་སུ་སྤྱད་པ་དང ། མི་མཐུན་པར་ཡོངས་སུ་སྤྱད་པ་དང ། སྤྱོད་ལམ་ལས་བྱུང་བ་དང ། དུས་ཚིགས་ཀྱིས་རྣམ་པར་བསྒྱུར་བའོ། །དེ་ལ་ཤེས་པ་ནས་མཁས་པའི་བར་གང་ཡིན་པ་འདི་ནི། ཡིད་ཀྱི་ལས་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཡིད་ཀྱི་ལས་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་སྔོན་དུ་འགྲོ་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པའི་སྟོབས་བཅུ་ཤེས་པ་སྔོན་དུ་འགྲོ་བར་བྱས་ནས་ལུས་ཀྱི་ལས་རྩོམ། ངག་གི་ལས་རྩོམ། ཡིད་
160a
༄#། །ཀྱི་ལས་རྩོམ་མོ། །ཁྱིམ་བདག། གཞན་ཡང་དེ་བཞིན་གཤེགས་པས་གལ་ཏེ་ཟད་པ་ཤེས་པའམ། གལ་ཏེ་མི་སྐྱེ་བ་ཤེས་པའམ། གལ་ཏེ་འཁོར་བ་ཤེས་པའམ། གལ་ཏེ་མྱ་ངན་ལས་འདས་པ་ཤེས་པ་སྔོན་དུ་འགྲོ་བར་བྱས་པ་ནས་ཡིད་ཀྱི་ལས་རྩོམ་པའི་བར་དུའོ། །དེ་ལ་ཤེས་པ་ནས་མཁས་པའི་བར་གང་ཡིན་པ་འདི་ནི། སྔོན་དུ་འགྲོ་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་སྔོན་དུ་འགྲོ་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག། ཇི་ལྟར་ན། དེ་བཞིན་གཤེགས་པས་རྗེས་སུ་འཇུག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་ལུས་ཀྱི་ལས་ཐམས་ཅད་དེ་བཞིན་གཤེགས་པའི་སྟོབས་བཅུའི་རྗེས་སུ་འཇུག་པ་ཡིན་ནོ། །ཞེས་རབ་ཏུ་མཁྱེན་ཏེ། ལུས་ཀྱི་ལས་གང་དེ་བཞིན་གཤེགས་པའི་སྟོབས་བཅུ་དག་གིས་ཡོངས་སུ་ཤེས་པ་མ་བསྐྱེད་པའམ་།མི་གནས་པའམ། མི་འགག་པ་དེ་
160b
མེད་དེ།་དེ་བཞིན་དུ་ངག་གི་ལས་དང ། ཡིད་ཀྱི་ལས་ལའང་བྱའོ། །དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། རྗེས་སུ་འཇུག་པ་ཤེས་པ་ཞེས་བྱའོ། །ཁྱིམ་བདག་།གཞན་ཡང་དེ་བཞིན་གཤེགས་པས་གང་དམིགས་པར་མཛད་པའི་མཁྱེན་པ་དེས་རྣམ་པར་དཔྱོད་པར་མཛད་དེ། བྱམས་པ་དང་ལྡན་པའི་ཐུགས་ཀྱིས་སེམས་ཅན་ལ་དམིགས་པ་གནོད་པ་མེད་པར་འཇིག་རྟེན་གནས་པ་ལ་གཟིགས་པ་ན་ལམ་གོལ་བར་རབ་ཏུ་ཞུགས་པ་སྲིད་པ་དང ། འགྲོ་བ་ཐམས་ཅད་གནོད་པ་དང ། རྒ་བ་དང ། ན་བ་དང ། འཆི་བ་ཡོད་པ་དག་གིས་ཉེན་པར་ཐུགས་སུ་ཆུད་ནས་ཐམས་ཅད་དུ་མཁྱེན་པས་དཔྱོད་པར་མཛད་པ་ནི། ཕུང་པོ་ཀུན་སྤངས་པ་མ་གཏོགས་པར་གཞན་དུ་ཅུང་ཟད་ཀྱང་གནོད་པ་མེད་པར་མ་གཟིགས་ཏེ། དེའི་མཁྱེན་པ་དེས་ཐམས་ཅད་ཀྱི་རྗེས་སུ་འཇུག་གོ་།གནོད་པ་ཡང་གང་ཀུན་ནས་མནར་སེམས་དང ། གནོད་པ་སྤོང་བའི་ཕྱིར་གནོད་པ་མེད་པ་ཡོངས་སུ་མཁྱེན་ཏོ། །དེ་ལྟར་ན། དེ་བཞིན་གཤེགས་པས་རྗེས་སུ་འཇུག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་རྗེས་སུ་འཇུག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཀུན་འབྱུང་བ་
161a
༄#། །དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཡོངས་སུ་མི་ཉམ་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དག་ལས་ཡོངས་སུ་མི་ཉམ་མོ། །ཁྱིམ་བདག་།གཞན་ཡང་དེ་བཞིན་གཤེགས་པས་ཤེས་པ་གང་ཐུགས་སུ་ཆུད་པ་དེ་ལས་ཡོངས་སུ་མི་ཉམ་སྟེ། འདི་ལྟ་སྟེ། འདོད་ཆགས་སྤང་བ་ཤེས་པ་དང ། ཞེ་སྡང་སྤང་བ་ཤེས་པ་དང ། གཏི་མུག་སྤང་བ་ཤེས་པ་དེ་ལས་ཀྱང་ཡོངས་སུ་མི་ཉམ་མོ། །ཤེས་པ་གང་ཐུགས་སུ་ཆུད་པ་དེ་ནི། དྲན་པ་ཉེ་བར་གཞག་པ་ཤེས་པ་ནས་དེ་བཞིན་དུ་སྦྱར་ཏེ་ལམ་ཤེས་པ་དང ། རྗེས་སུ་དྲན་པ་ཤེས་པ་དང ། ཞི་གནས་ཤེས་པ་དང ། ལྷག་མཐོང་ཤེས་པ་དང ། རིག་པ་ཤེས་པ་དང ། རྣམ་པར་གྲོལ་བ་ཤེས་པ་དང ། ཟད་པ་ཤེས་པ་དང ། མི་སྐྱེ་བ་ཤེས་པ་དང ། ཡོངས་སུ་ཤེས་པ་དང ། སྤང་བ་ཤེས་པ་དང ། བསྒོམ་པ་ཤེས་པ་དང ། མངོན་སུམ་དུ་བྱ་བ་ཤེས་པ་དང ། རྫུ་འཕྲུལ་གྱི་རྣམ་པ་ཤེས་པ་དང ། ལྷའི་མིག་ཤེས་པ་དང ། ལྷའི་རྣ་བ་ཤེས་པ་དང ། ཕ་རོལ་གྱི་སེམས་ཤེས་པ་དང ། སྔོན་གྱི་གནས་ཤེས་པ་དང ། ཟག་པ་ཟད་པ་ཤེས་པ་དང །
161b
རྒྱུ་ཤེས་པ་དང ། འབྲས་བུ་ཤེས་པ་དང ། འཇུག་པ་ཤེས་པ་དང ། ལྡོག་པ་ཤེས་པ་དང ། ཕུང་པོ་ཤེས་པ་དང ། ཁམས་ཤེས་པ་དང ། སྐྱེ་མཆེད་ཤེས་པ་དང ། རྟེན་ཅིང་འབྲེལ་པར་འབྱུང་བ་ཤེས་པ་དང ། དབང་པོ་ཤེས་པ་དང ། སྟོབས་ཤེས་པ་དང ། བདེན་པ་ཤེས་པ་དང ། འཁོར་བ་ཤེས་པ་དང ། མྱ་ངན་ལས་འདས་པ་ཤེས་པ་དང།་དུས་ཤེས་པ་དང ། དུས་མ་ཡིན་པ་ཤེས་པ་དང ། རིགས་པ་ཤེས་པ་དང ། མངོན་སུམ་པ་ཤེས་པ་དང ། བཟོད་པ་ཤེས་པ་དང ། རིང་བ་ཤེས་པ་དང ། ཉེ་བ་ཤེས་པ་དང ། འབྱུང་བ་ཤེས་པ་དང ། མི་འབྱུང་བ་ཤེས་པ་དང ། བསྒོམས་པ་ཤེས་པ་དང ། མ་བསྒོམས་པ་ཤེས་པ་དང ། ཟད་པ་ཤེས་པ་དང ། ཀུན་ནས་མནར་སེམས་ཤེས་པ་དང ། ཀུན་རྫོབ་ཤེས་པ་དང ། དོན་དམ་པ་ཤེས་པའི་བར་ཏེ། དེ་ལྟར་ན། སངས་རྒྱས་ནི། ཤེས་པ་མཐའ་ཡས་པ་དེ་ལས་ཡོངས་སུ་མི་ཉམ་མོ། ། དེ་ལ་ཤེས་པ་དང ། མཐོང་བ་ནས་མཁས་པའི་བར་གང་ཡིན་པ་འདི་ནི། ཡོངས་སུ་མི་ཉམ་པ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་ཡོངས་སུ་མི་ཉམ་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །
162a
༄#། །ཀུན་འབྱུང་བ་དང ། འགོག་པ་དང ། ལམ་ཡང་ཇི་སྐད་བསྟན་པ་བཞིན་ནོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཐམས་ཅད་མཁྱེན་པ་ཉིད་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་གཞན་ལས་མ་གསན་པར་ཆོས་ཐམས་ཅད་བདག་ཉིད་ཀྱིས་མངོན་པར་རྫོགས་པར་སངས་རྒྱས་ཏེ། དེ་ལ་དེ་བཞིན་གཤེགས་པ་ཡང་དག་པར་རྟོགས་པ་ལ་མཁས་པས་ཆོས་ཉན་པ་པོའི་དབང་གིས་དུས་དང་དུས་མ་ཡིན་པ་ལ་མཁས། སེམས་ཅན་དག་གི་བསམ་པ་ལ་མཁས་པས་དུས་ལས་མི་འདའ་བ་ལ་མཁས། ཡོངས་སུ་སྨིན་པར་བྱ་བ་ལ་མཁས་པས་སྣོད་ལ་མཁས།་ཆོས་སྟོན་པས་ཆོས་ཉན་པ་པོ་དག་གི་ཐབས་དང ། ཆོས་ཡང་དག་པར་ཐོབ་པར་བྱ་བ་ལ་མཁས་པ་སྟེ། དེ་ལྟར་ན། དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག། གཞན་ཡང་དེ་བཞིན་གཤེགས་པས་སེམས་ཅན་ཐམས་ཅད་ཀྱི་དབང་པོ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སེམས་ཅན་འདི་དག་ནི། འདོད་ཆགས་ཀྱི་བསམ་པ་ཅན་ནོ། །སེམས་ཅན་འདི་དག་ནི། ཞེ་སྡང་གི་བསམ་པ་ཅན་ནོ། །
162b
སེམས་ཅན་འདི་དག་ནི། གཏི་མུག་གི་བསམ་པ་ཅན་ནོ། །སེམས་ཅན་འདི་དག་ནི། འདོད་ཆགས་དང་ཞེ་སྡང་གི་བསམ་པ་ཅན་ནོ། །སེམས་ཅན་འདི་དག་ནི། འདོད་ཆགས་དང་གཏི་མུག་གི་བསམ་པ་ཅན་ནོ། །སེམས་ཅན་འདི་དག་ནི། ཞེ་སྡང་དང་གཏི་མུག་གི་བསམ་པ་ཅན་ནོ། །སེམས་ཅན་འདི་དག་ནི། གཏི་མུག་དང་འདོད་ཆགས་ཀྱི་བསམ་པ་ཅན་ནོ། །སེམས་ཅན་འདི་དག་ནི། གཏི་མུག་དང་ཞེ་སྡང་གི་བསམ་པ་ཅན་ནོ། །སེམས་ཅན་འདི་དག་ནི། འདོད་ཆགས་དང་ཞེ་སྡང་དང་གཏི་མུག་གི་བསམ་པ་ཅན་ནོ། །སེམས་ཅན་འདི་དག་ནི། བསམ་པ་དགེ་ལ་སྦྱོར་བ་ནག་གོ་།སེམས་ཅན་འདི་དག་ནི། བསམ་པ་ནག་ལ་སྦྱོར་བ་དགེ་བའོ། །སེམས་ཅན་འདི་དག་ནི།་བསམ་པ་ནག་ལ་སྦྱོར་བའང་ནག་པའོ། །སེམས་ཅན་འདི་དག་ནི། བསམ་པ་དགེ་ལ་སྦྱོར་བའང་དགེའོ། །སེམས་ཅན་འདི་དག་ནི། ཟང་ཟིང་ལ་གདུ་ལ་ཆོས་ལ་མི་གདུ་བའོ། །སེམས་ཅན་འདི་དག་ནི། ཆོས་ལ་གདུ་ལ་ཟང་ཟིང་ལ་མི་གདུ་བའོ། །གང་ཟག་འདིས་ནི། དགེ་བའི་རྩ་བ་འདི་ལྟ་བུ་ཞིག་མངོན་པར་འདུས་བྱས།་སེམས་འདི་དག་གིས་ནི། དགེ་བའི་རྩ་བ་འདི་ལྟ་བུ་ཞིག་མངོན་པར་འདུས་བྱས། གང་ཟག་འདི་ནི། ལམ་འདི་ལྟ་བུ་ཞིག་གིས་ཀུན་ནས་ཉོན་མོངས་པར་འགྱུར།
163a
༄#། །གང་ཟག་འདི་ནི། ལམ་འདི་ལྟ་བུ་ཞིག་གིས་རྣམ་པར་དག་པར་འགྱུར། གང་ཟག་འདི་ནི། བྱམས་པ་འདི་ལྟ་བུ་ཞིག་གིས་ཀུན་ནས་ཉོན་མོངས་པར་འགྱུར། གང་ཟག་འདི་ནི། བྱམས་པ་འདི་ལྟ་བུ་ཞིག་གིས་རྣམ་པར་དག་པར་འགྱུར་རོ། །ཞེས་དེ་ལྟར་ན། དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཐམས་ཅད་མཁྱེན་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་རྒྱུ་གང་དང ། རྐྱེན་གང་དག་གིས་ཐམས་ཅད་མཁྱེན་པ་ཤེས་པ་ཡང་དག་པར་འགྲུབ་བ་གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་སྡུག་བསྔལ་བར་རྗེས་སུ་བལྟ་བར་གནས་པའམ། གལ་ཏེ་ནད་དུ་རྗེས་སུ་བལྟ་བར་གནས་པའམ། གལ་ཏེ་འབྲས་སུ་རྗེས་སུ་བལྟ་བར་པའམ།་གལ་ཏེ་ཟུག་རྔུར་རྗེས་སུ་བལྟ་བར་གནས་པའམ། གལ་ཏེ་སྡིག་པར་རྗེས་སུ་བལྟ་བར་གནས་པ་ནས་ཉམས་པར་རྗེས་སུ་བལྟ་བར་གནས་པའམ། གལ་ཏེ་
163b
གཡོ་བར་རྗེས་སུ་བལྟ་བར་གནས་པའམ། རབ་ཏུ་འཇིག་པར་རམ། ཉེས་པར་རམ། འགོ་བའི་ནད་དུའམ། སྟོང་པ་ཉིད་དུའམ། བདག་མེད་པར་རམ། གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་གནོད་པར་རྗེས་སུ་བལྟ་བར་གནས་པའམ། གལ་ཏེ་ཕྱིར་རྒོལ་བར་རྗེས་སུ་བལྟ་བར་གནས་པའི་བར་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། དེ་བཞིན་གཤེགས་པ་ཐམས་ཅད་མཁྱེན་པ་ཤེས་པ་ཀུན་འབྱུང་བ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག། འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་དཔག་ཏུ་མེད་པ་རྣམས་ཀྱི་དོན་བྱས་ཤིང་དོན་མ་ཡིན་པ་བཟློག་ལ། སྣང་བ་བྱས་ཤིང་མུན་པ་བསལ་ཏེ་སེམས་ཅན་དཔག་ཏུ་མེད་པ་རྣམས་སྡུག་བསྔལ་ལས་ཡོངས་སུ་ཐར་པར་བྱས་ནས་བདེ་བ་ལ་བཙུད་པ་ནི། ཐམས་ཅད་མཁྱེན་པ་ཤེས་པ་འགོག་པ་སྟེ། དེའང་གཟོད་མ་ནས་མ་སྐྱེས་པའི་ཆོས་ཅན་ནོ། །ཁྱིམ་བདག་།དེ་ལྟར་ན།
164a
༄#། །དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཐམས་ཅད་མཁྱེན་པ་ཤེས་པ་འགོག་པ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་དེ་བཞིན་དུ་སྦྱར་ཏེ་ལོངས་སྤྱོད་པའི་བར་དུ་འགྱུར་རོ། །ཁྱིམ་བདག་།ཇི་ལྟར་ན། དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅེ་ན། ཁྱིམ་བདག་།འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། ཤེས་པ་གང་གིས་ཐམས་ཅད་མཁྱེན་པ་ཤེས་པ་ཡོངས་སུ་ཤེས།་ཁོང་དུ་ཆུད། མངོན་སུམ་དུ་བྱས་པའི་འགོག་པ་གལ་ཏེ་རོ་མྱང་བ་མེད་པར་རྗེས་སུ་བལྟ་བར་གནས་པའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པ་ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་དེ་ལའང་ཞུ་བ་ཞུས་པ་ན་བསྐལ་པར་ལན་གསུང་བ་ནས་བསྐལ་པ་བརྒྱའམ། བསྐལ་པ་སྟོང་
164b
ངམ།་བསྐལ་པ་ཁྲིའམ། བསྐལ་པ་བྱེ་བའམ། བསྐལ་པ་ཐེར་འབུམ་མམ། བསྐལ་པ་གཏམས་སམ། བསྐལ་པ་དཀྲིགས་སམ། བསྐལ་པ་ཡིད་ཡལ་ལམ། བསྐལ་པ་ཁྱད་ཕྱིན་ནམ། བསྐལ་པ་དཔག་ཏུ་མེད་པར་ལན་གསུང་ངོ ། །བསྐལ་པ་གྲངས་མེད་པ་དང ། བསྐལ་པ་བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། གཞལ་གྱིས་མི་ལང་བར་ལན་གསུང་ངོ ། །བསྐལ་པ་བརྗོད་དུ་མེད་པར་ལན་གསུང་ངོ ། །བསྐལ་པ་དཔག་ཏུ་མེད་པའི་ཡང་དཔག་ཏུ་མེད་པར་ལན་གསུང་སྟེ། བསྐལ་པ་དཔག་ཏུ་མེད་པའི་གྲངས་མེད་པ་དང ། དཔག་ཏུ་མེད་པའི་བསམ་གྱིས་མི་ཁྱབ་པ་དང ། དཔག་ཏུ་མེད་པའི་གཞལ་དུ་མེད་པ་དང ། དཔག་ཏུ་མེད་པའི་གཞལ་གྱིས་མི་ལང་བ་དང ། དཔག་ཏུ་མེད་པའི་ཡང་བརྗོད་དུ་མེད་པར་ལན་གསུང་ངོ ། །བསྐལ་པ་དཔག་ཏུ་མེད་པའི་གྲངས་མེད་པ་དང ། གྲངས་མེད་པའི་གྲངས་མེད་པ་དང ། གྲངས་མེད་པའི་བསམ་གྱིས་མི་ཁྱབ་པ་དང ། གྲངས་མེད་པའི་གཞལ་དུ་མེད་པ་དང ། གྲངས་མེད་པའི་གཞལ་གྱིས་མི་ལང་བ་དང ། གྲངས་མེད་པའི་བརྗོད་དུ་མེད་པ་དང ། བསམ་གྱིས་མི་ཁྱབ་པའི་གྲངས་མེད་པ་དང ། བསམ་གྱིས་མི་ཁྱབ་པའི་གཞལ་དུ་མེད་པ་དང ། བསམ་གྱིས་མི་ཁྱབ་པའི་གཞལ་གྱིས་མི་ལང་བ་དང ། བསམ་གྱིས་
165a
༄#། །མི་ཁྱབ་པའི་བརྗོད་དུ་མེད་པ་དང ། གཞལ་དུ་མེད་པའི་དཔག་ཏུ་མེད་པ་དང ། གཞལ་དུ་མེད་པའི་གྲངས་མེད་པ་དང ། གཞལ་དུ་མེད་པའི་བསམ་གྱིས་མི་ཁྱབ་པ་དང ། གཞལ་དུ་མེད་པའི་གཞལ་དུ་མེད་པ་དང ། གཞལ་དུ་མེད་པའི་གཞལ་གྱིས་མི་ལང་བ་དང ། གཞལ་དུ་མེད་པའི་བརྗོད་དུ་མེད་པ་དང ། གཞལ་གྱིས་མི་ལང་བའི་དཔག་ཏུ་མེད་པ་དང ། གཞལ་གྱིས་མི་ལང་བའི་གྲངས་མེད་པ་དང ། གཞལ་གྱིས་མི་ལང་བའི་བསམ་གྱིས་མི་ཁྱབ་པ་དང ། གཞལ་གྱིས་མི་ལང་བའི་གཞལ་གྱིས་མི་ལང་བ་དང ། གཞལ་གྱིས་མི་ལང་བའི་བརྗོད་དུ་མེད་པ་དང ། བརྗོད་དུ་མེད་པའི་དཔག་ཏུ་མེད་པ་དང ། བརྗོད་དུ་མེད་པའི་གྲངས་མེད་པ་དང ། བརྗོད་དུ་མེད་པའི་བསམ་གྱིས་མི་ཁྱབ་པ་དང ། བརྗོད་དུ་མེད་པའི་གཞལ་དུ་མེད་པ་དང ། བརྗོད་དུ་མེད་པའི་གཞལ་གྱིས་མི་ལང་བ་དང ། བརྗོད་དུ་མེད་པའི་བརྗོད་དུ་མེད་པར་ལན་གསུང་སྟེ། དེའི་སྤོབས་པ་ཟད་མི་ཤེས་སོ། །ཁྱིམ་བདག་།དེ་ཅིའི་ཕྱིར་ཞེ་ན། དེ་བཞིན་གཤེགས་པ་དེས་ཆོས་ཀྱི་དབྱིངས་བླ་ན་མེད་པ་མཁྱེན་རབ་ཀྱིས་ཤིན་ཏུ་ཐུགས་སུ་ཆུད་དེ། གང་ཐུགས་སུ་ཆུད་པའི་དེ་བཞིན་གཤེགས་པ་ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་
165b
དེ་ལའང་ཞུ་བ་ཞུས་པ་ན་བསྐལ་པར་ལན་གསུང་སྟེ། སྤོབས་པ་མི་ཟད་དོ། །དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི། ཙནྡན་གྱི་ཁྱམས་དང ། ཁང་བཟང་གི་པར་འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ།་དཔེར་ན། ནམ་མཁའི་བྱ་རྗེས་ཇི་སྙེད་པ་ཉིད་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། བུད་མེད་གཞོན་ནུ་དག་ག་རྨི་ལམ་ན་བུ་བཙས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། བུད་མེད་གཞོན་ནུ་དག་གི་རྨི་ལམ་ན་བུ་ཤི་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་
166a
༄#། །ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། བུད་མེད་གཞོན་ནུ་དག་གི་རྨི་ལམ་ན་བུའི་མྱ་ངན་བྱེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་མ་ཡིན་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། ནམ་མཁའ་ལ་རི་མོ་བྲིས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་མ་ཡིན་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་ཚོན་སྦྱོར་བ་ཇི་སྙེད་པ་ཉིད་ནི། མིང་ཙམ་སྟེ། ཁྱིམ་བདག་།དེ་བཞིན་དུ་དེ་བཞིན་གཤེགས་པས་གནས་མ་ཡིན་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏེ། ཁྱིམ་བདག། དེ་ལ་དེ་བཞིན་གཤེགས་པས་
166b
གནས་མ་ཡིན་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་རི་མོ་འབྲི་བའི་བྱེ་བྲག་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་རི་མོ་མཁན་ཇི་སྙེད་པ་ཉིད་ནི། མིང་ཙམ་སྟེ།་དེ་བཞིན་དུ་དེ་བཞིན་གཤེགས་པས་གནས་མ་ཡིན་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ།། ཁྱིམ་བདག་།དེ་ལ་དེ་བཞིན་གཤེགས་པས་འདས་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་འདོད་པའི་དགའ་བ་ཇི་སྙེད་པ་ཉིད་ནི། མིང་ཙམ་སྟེ།་དེ་བཞིན་དུ་དེ་བཞིན་གཤེགས་པས་འདས་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འདས་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་འདོད་ཆགས་ཀྱི་དགའ་བ་ལ་འདུན་པ་ཇི་སྙེད་པ་ཉིད་ནི། མིང་ཙམ་
167a
༄#། །སྟེ།་དེ་བཞིན་དུ་དེ་བཞིན་གཤེགས་པས་འདས་པ་ཤེས་པ་ཀུན་འབྱུང་བ་ཤེས་པ་གང་ཡིན་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། ། ཁྱིམ་བདག་།དེ་ལ་དེ་བཞིན་གཤེགས་པས་འདས་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་དགའ་བ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འདས་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འདས་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་དགའ་བ་དང་བྲལ་བའི་བརྗོད་པ་ཇི་སྙེད་པ་ཉིད་ནི། མིང་ཙམ་མོ། །ཁྱིམ་བདག་།དེ་ལ་དེ་བཞིན་གཤེགས་པས་མ་འོངས་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།་རྨི་ལམ་ན་ཡུལ་དུ་འཇུག་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མ་འོངས་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མ་འོངས་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྐོམ་
167b
འདོད་པ་དེ་བཞིན་དུ་དེ་བཞིན་གཤེགས་པས་མ་འོངས་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མ་འོངས་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་ཡུལ་དག་མ་ཐོབ་པར་ཞིག་པ་ཇི་སྙེད་པ་ཉིད་ནི། མིང་ཙམ་སྟེ་དེ་བཞིན་དུ་དེ་བཞིན་གཤེགས་པས་མ་འོངས་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མ་འོངས་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་མ་འོངས་པའི་ཡུལ་ཚོལ་བ་ཇི་སྙེད་པ་ཉིད་ནི། མིང་ཙམ་སྟེ།་དེ་བཞིན་དུ་དེ་བཞིན་གཤེགས་པས་མ་འོངས་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ད་ལྟར་བྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྡུག་པ་དང་ཕྲད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ད་ལྟར་བྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ད་ལྟར་བྱུང་བ་ཤེས་པ་ཀུན་
168a
༄#། །འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྐྱེ་བོ་སྡུག་པ་དང་ཕྲད་པར་ཚོལ་བ་ཇི་སྙེད་པ་ཉིད་ནི། མིང་ཙམ་སྟེ།་དེ་བཞིན་དུ་དེ་བཞིན་གཤེགས་པས་ད་ལྟར་བྱུང་བ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ད་ལྟར་བྱུང་བ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྡུག་པ་ཤི་བ་ཇི་སྙེད་པ་ཉིད་ནི།་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ད་ལྟར་བྱུང་བ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ད་ལྟར་བྱུང་བ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྡུག་པ་དང་འགྲོགས་པའི་དགའ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ད་ལྟར་བྱུང་བ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན་།སྒྱུ་མའི་
168b
སྐྱེས་བུའི་རྨི་ལམ་ན་བསྐྱོད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་ནོར་ཚོལ་བ་ཇི་སྙེད་པ་ཉིད་ནི།་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ནོར་ཆུད་ཟོས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལས་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་འགྱོད་པ་བསལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་
169a
༄#། །མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡང་དག་པར་བླང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མདུན་ཁང་བྱེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡང་དག་པར་བླང་བ་ཤེས་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡང་དག་པར་བླང་བ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་གཏེར་རྙེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡང་དག་པར་བླང་བ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡང་དག་པར་བླང་བ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།་སྒྱུ་མའི་སྐྱེས་བུའི་རྨི་ལམ་ན་ནོར་ཟད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡང་དག་པར་བླང་བ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡང་དག་པར་བླང་བ་ཤེས་པ་འགོག་པར་འགྱུར་བའི་ལམ་ཤེས་པ་
169b
འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ནོར་རབ་ཏུ་གཏོང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡང་དག་པར་བླང་བ་ཤེས་པ་འགོག་པར་འགྱུར་པའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་གནས་དང་གནས་ཀྱི་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་གནས་བྱེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་དང་གནས་ཀྱི་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་དང་གནས་ཀྱི་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྡུག་པ་དང་ཕྲད་པར་དགའ་བ་ཇི་སྙེད་པ་ཉིད་ནི། མིང་ཙམ་པ་ནས་ཇི་སྙེད་པ་ཉིད་ཀྱང་མིང་ཙམ་གྱི་བར་དུ་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།་སྒྱུ་མའི་སྐྱེས་བུའི་རྨི་ལམ་ན་སྡུག་པ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། ཁྱིམ་བདག་།དེ་བཞིན་དུ་དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པ་ཤེས་
170a
༄#། །པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་གཏེར་རྙེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་གནས་དང་གནས་ཀྱི་ཤེས་པ་འགོག་པར་འགྱུར་བའི་ལམ་ཤེས་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྒྱུ་དང་རྒྱུའི་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆུང་མ་ལ་བྱམས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྒྱུ་དང་རྒྱུའི་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྒྱུ་དང་རྒྱུའི་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཁྱེའུ་ཚོལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ་ཚིག་ཐམས་ཅད་ལའང་རྒྱ་ཆེར་བྱའོ། །ཁྱིམ་བདག་།དེ་ལ་དེ་བཞིན་གཤེགས་པས་རྒྱུ་དང་རྒྱུའི་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་
170b
མའི་སྐྱེས་བུའི་རྨི་ལམ་ན་ཁྱེའུ་ཤི་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྒྱུ་དང་རྒྱུའི་ཤེས་པ་འགོག་པ་ཤེས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་རྒྱུ་དང་རྒྱུའི་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཁྱེའུ་ཤི་བ་ལས་སྨྲེ་སྔགས་འདོན་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་མིང་ཙམ་གྱི་བར་དུ་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་རྣམ་པར་སྨིན་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྨིག་རྒྱུ་མཐོང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་སྨིན་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་སྨིན་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྨིག་རྒྱུ་དག་ལ་ཆུའི་ལྟེང་ཀའི་འདུ་ཤེས་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་སྨིན་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་
171a
༄#། །པས་རྣམ་པར་སྨིན་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆུའི་ལྟེང་ཀ་སྐམ་པའི་འདུ་ཤེས་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་སྨིན་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་སྨིན་པ་ཤེས་པ་འཐོབ་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྨིག་རྒྱུའི་ཆུ་དང་བྲལ་བའི་འདུ་ཤེས་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་མིང་ཙམ་གྱི་བར་དུ་དེ་བཞིན་དུ་སྦྱར་རོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ལམ་སྟོན་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་
171b
མའི་སྐྱེས་བུའི་རྨི་ལམ་ན་དོན་ལ་བརྩོན་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་གཞན་དུ་འགྲོར་མེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཕྱོགས་དུ་མར་དོན་གྲུབ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཁམས་དུ་མ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཁམས་དུ་མ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་
172a
༄#། །གཤེགས་པས་ཁམས་དུ་མ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཁམས་དུ་མ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཚོན་རྩིའི་ཁ་དོག་སྣ་ཚོགས་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་ཁམས་དུ་མ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཁ་དོག་དུ་མའི་བྱེ་བྲག་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། ཁྱིམ་བདག་།དེ་བཞིན་དུ་དེ་བཞིན་གཤེགས་པས་ཁམས་དུ་མ་ཤེས་པ་འགོག་པ་ཤེས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་ཁམས་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཚོན་རྩི་མཐོང་བའི་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཁམས་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཁམས་
172b
སྣ་ཚོགས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཟ་མ་ཏོག་གི་ནང་ནས་གཟུགས་རྣམ་པ་སྣ་ཚོགས་དག་འབྱིན་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཁམས་སྣ་ཚོགས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །དེ་ལ་དེ་བཞིན་གཤེགས་པས་ཁམས་སྣ་ཚོགས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྒྱུ་མ་མཁན་རྣམ་པ་སྣ་ཚོགས་སུ་རྩེ་བས་སྐྱེ་བོའི་ཚོགས་དགའ་བར་བྱེད་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཁམས་སྣ་ཚོགས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཁམས་སྣ་ཚོགས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་འཆི་བ་སྟོན་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་ཁམས་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ནད་པ་ཤི་བ་ལ་ཐུག་པ་ལ་སྨན་གྱི་རྣམ་པ་སྦྱིན་པ་ཇི་སྙེད་པ་ཉིད་ནི་མིང་ཙམ་
173a
༄#། །སྟེ།་དེ་བཞིན་དུ་དེ་བཞིན་གཤེགས་པས་ཁམས་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །དེ་ལ་དེ་བཞིན་གཤེགས་པས་འཇིག་རྟེན་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བད་ཀན་བྱུང་བ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་འཇིག་རྟེན་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དཔྱིད་ཀྱི་དུས་སུ་རྒྱན་གྱི་རྣམ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འཇིག་རྟེན་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འཇིག་རྟེན་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དཔྱིད་ཀྱི་དུས་སུ་མེ་ཏོག་གི་ཤིང་གཅོད་པ་ཇི་སྙེད་པ་ཉིད་ནི་མིང་ཙམ་སྟེ།་དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་འཇིག་རྟེན་ཤེས་པ་འགོག་པར་འགྱུར་
173b
བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡོ་བྱད་ཀྱི་རྣམ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འཇིག་རྟེན་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་དུ་མ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བྲོ་མཁན་མཐོང་བ་དེ་བཞིན་དུ་དེ་བཞིན་གཤེགས་པས་མོས་པ་དུ་མ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་དུ་མ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡོ་བྱད་ཀྱི་ཟ་མ་ཏོག་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མོས་པ་དུ་མ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་དུ་མ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡོ་བྱད་ཀྱི་ཟ་མ་ཏོག་ཆག་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མོས་པ་དུ་མ་ཤེས་པ་འགོག་པ་ཤེས་པ་
174a
༄#། །ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡོ་བྱད་ཀྱི་རྣམ་པ་བསྡུས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མོས་པ་དུ་མ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་སྣ་ཚོགས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མིག་འཕྲུལ་ཆེན་པོ་མཐོང་བ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་སྣ་ཚོགས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་མཁྱེན་ཏོ། །འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྐྱེ་བོ་ཕལ་པོ་ཆེའི་ཚོགས་ཀྱི་རྒྱན་གྱི་རྣམ་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མོས་པ་སྣ་ཚོགས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་སྣ་
174b
ཚོགས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྐྱེ་བོ་ཕལ་པོ་ཆེའི་ཚོགས་ཞིག་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་ཞེས་བྱ་བ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་མོས་པ་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྐྱེ་བོ་ཕལ་པོ་ཆེའི་ཚོགས་ཀྱི་དབུགས་འབྱིན་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མོས་པ་སྣ་ཚོགས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དབང་པོ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཀུན་རྫོབ་ཀྱི་རྣམ་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དབང་པོ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དབང་པོ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཚིག་ལ་སྤྱོད་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་
175a
༄#། །གཤེགས་པས་དབང་པོ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དབང་པོ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཚིག་འགལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དབང་པོ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཀུན་རྫོབ་ཐོབ་པ་དེ་བཞིན་དུ་དེ་བཞིན་གཤེགས་པས་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྟོབས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྒྱུ་མ་ཤེས་པའི་དཔུང་གི་སྦྱོར་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པའི་སྟོབས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་
175b
བཞིན་གཤེགས་པའི་སྟོབས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྒྱུ་མ་ཀུན་ཏུ་སྤྱོད་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་ཞེས་བྱ་བ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་སྟོབས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྒྱུ་མ་ཞིག་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྟོབས་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྟོབས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྒྱུ་མ་ཤེས་པ་ཁོང་དུ་ཆུད་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྟོབས་ཤེས་པ་འགོག་པར་འགྱུར་བའི་ལམ་ཤེས་པ་གང་ཡིན་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་བརྩོན་འགྲུས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བརྩོན་འགྲུས་རྩོམ་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་
176a
༄#། །བརྩོན་འགྲུས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་བརྩོན་འགྲུས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དོན་མངོན་པར་བརྗོད་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་བརྩོན་འགྲུས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་བརྩོན་འགྲུས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བརྩོན་འགྲུས་ཉམས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་ཞེས་བྱ་བ་ནས་དེ་བཞིན་དུ་སྦྱར་རོ། །ཁྱིམ་བདག། དེ་ལ་དེ་བཞིན་གཤེགས་པས་བརྩོན་འགྲུས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྙེད་པ་ཐོབ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་བརྩོན་འགྲུས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རིམ་པ་ཤེས་
176b
པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བྱེ་བྲག་ཏུ་ཁོང་དུ་ཆུད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རིམ་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་རིམ་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སློབ་དཔོན་གྱི་ལུང་འབོགས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རིམ་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་རིམ་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ།་དཔེར་ན། སྒྱུ་མའི་སྐྱེས་བུའི་རྨི་ལམ་ན་སློབ་དཔོན་ཤི་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རིམ་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རིམ་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བཟོ་བཙལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རིམ་པ་ཤེས་པ་འགོག་པར་
177a
༄#། །འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་དེ་ལྟར་རབ་ཏུ་མཁྱེན་ཏོ། །བམ་པོ་བཅུ་པ། །ཁྱིམ་བདག། དེ་ལ་དེ་བཞིན་གཤེགས་པས་བསམ་གཏན་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། གསེར་མགར་གྱི་རྨི་ལམ་ན་གསེར་ལ་དཔྱོད་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་བསམ་གཏན་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་བསམ་གཏན་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། །འདི་ལྟ་སྟེ། དཔེར་ན། རྨི་ལམ་ན་གསེར་མགར་གྱི་ཤེས་པ་སློབ་པ་ཇི་སྙེད་པ་ཉིད་ནི།་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་བསམ་གཏན་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། ། ཁྱིམ་བདག་།དེ་ལ་དེ་བཞིན་གཤེགས་པས་བསམ་གཏན་ཤེས་པ་འགོག་པ་ཤེས་པ་འདི་ལྟར་བར་ཏུ་མཁྱེན་ཏེ། །འདི་ལྟ་སྟེ། དཔེར་ན། རྨི་ལམ་ན་གསེར་མགར་གྱི་མིག་འགོག་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་ཞེས་བྱ་བ་ནས་དེ་བཞིན་དུ་སྦྱར་ཏེ། མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་
177b
གཤེགས་པས་བསམ་གཏན་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་གསེར་མགར་གྱི་མིག་ཉམས་པས་གསེར་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་བསམ་གཏན་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་ཐར་པ་ཤེས་པ་འདི་ལྟར་རབ་ཏུ་མཁྱེན་ཏོ། །འདི་ལྟ་སྟེ། དཔེར་ན། རྨི་ལམ་ན་སྐྱེད་མོས་ཚལ་ཇི་སྙེད་པ་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་ཐར་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་ཐར་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྒྱུ་མའི་སྐྱེས་བུ་སྐྱེས་མོས་ཚལ་དུ་རྩེ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་ཐར་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། ། ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་ཐར་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏོ། །འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་རྩེ་བ་དང་
178a
༄#། །བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་ཐར་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་ཐར་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། །འདི་ལྟ་སྟེ། དཔེར་ན། རྨི་ལམ་ན་སྒྱུ་མའི་སྐྱེད་བུ་སྐྱེས་མོས་ཚལ་དུ་འགྲོ་བའི་འབྲས་བུ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་ཐར་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཏིང་ངེ་འཛིན་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་གོས་དག་གི་སྣམ་བུ་བལྟབ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཏིང་ངེ་འཛིན་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཏིང་ངེ་འཛིན་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་གོས་དག་གི་སྣམ་བུ་བལྟ་བ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཏིང་ངེ་འཛིན་ཤེས་པ་ཀུན་འབྱུང་བ་ཤེས་
178b
པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཏིང་ངེ་འཛིན་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་གོས་དག་གི་སྣམ་བུ་བརྐྱང་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཏིང་ངེ་འཛིན་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཏིང་ངེ་འཛིན་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ།་དཔེར་ན། རྨི་ལམ་ན་གོས་དག་གི་སྣམ་བུའི་རིན་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཏིང་ངེ་འཛིན་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ།་དཔེར་ན། རྨི་ལམ་ན་སྨན་པས་ནད་པའི་ཁམས་མཉམ་པ་ཤེས་ཤིང་རབ་ཏུ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་ཀུན་འབྱུང་བ་ཤེས་པ་
179a
༄#། །འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྨན་པས་ནད་པའི་སྨན་གྱི་རྣམ་པ་ཤེས་པར་བྱ་བ་རབ་ཏུ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ།་དེ་བཞིན་དུ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ། དཔེར་ན། རྨི་ལམ་ན་སྨན་པས་ནད་པ་ནང་དང་བྲལ་བར་རབ་ཏུ་ཤེས་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།་རྨི་ལམ་ན་སྨན་པས་ནད་པ་གསོ་བའི་དཔྱད་ཡང་དག་པར་རབ་ཏུ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྙོམས་པར་འཇུག་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་
179b
པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་སྤྲིན་གྱི་དྲ་བ་བྱུང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་མཚན་མོ་གྲང་བའི་ནང་པར་གྱི་དུས་ཀྱི་ཚེ་ཉི་མའི་གུང་བྱུང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་མཚན་མོའི་མུན་པ་དང་བྲལ་བ་ཇི་སྙེད་པ་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ། དཔེར་ན། རྨི་ལམ་ན་མཚན་མོའི་མུན་པ་མུན་ནག་ལ་སྣང་བ་བྱུང་བ་ཇི་སྙེད་པ་ཉིད།
180a
༄#། །ནི།་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཀུན་ནས་ཉོན་མོངས་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་བྱང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་དམུས་ལོང་གིས་གཟུགས་མཐོང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་བྱང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་བྱང་བ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་དམུས་ལོང་གི་མིག་གསོ་བའི་དཔྱད་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་བྱང་བ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་བྱང་བ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་གློག་བྱུང་ནས་མེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་བྱང་བ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་
180b
དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་བྱང་བ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ།་དཔེར་ན། རླུང་ཡོད་པའི་རྨི་ལམ་ན་སྤྲིན་དང་བྲལ་བའི་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་བྱང་བ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་གནས་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་རྒྱལ་པོའི་བུ་གཞོན་ནུ་དབང་བསྐུར་བ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་གནས་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་གནས་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་རྒྱལ་པོའི་བུ་གཞོན་ནུ་དབང་བསྐུར་པའི་ཡི་བྱད་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་གནས་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་གནས་པ་ཤེས་
181a
༄#། །པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་རྒྱལ་པོ་རྒྱལ་རིགས་ཀྱི་སྤྱི་བོ་ནས་དབང་བསྐུར་བའི་བུ་གཞོན་ནུ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་གནས་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྣམ་པར་གནས་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྒྱལ་པོ་རྒྱལ་རིགས་ཀྱི་སྤྱི་བོ་ནས་དབང་བསྐུར་བའི་རྨི་ལམ་ན་དབང་བསྐུར་བ་གྲུབ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྣམ་པར་གནས་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྔོན་གྱི་མཐའ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བགད་པ་དང ། དགའ་བ་དང ། རྩེས་པ་དང ། ཡོངས་སུ་སྤྱད་པ་དག་རྗེས་སུ་དྲན་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་གྱི་མཐའ་ཤེས་པ་ཇི་སྙེད་པ་ཉིད་ནི། མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་
181b
གཤེགས་པས་སྔོན་གྱི་མཐའ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བྲོ་མཁན་འདུས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་གྱི་མཐའ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྔོན་གྱི་མཐའ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཉེ་དུ་དང་བྲལ་བ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་སྔོན་གྱི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཉེ་དུ་དང་མི་ལྡན་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་གྱི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེག་པས་སྔོན་གྱི་གནས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།་སྒྱུ་མའི་སྐྱེས་བུའི་རྨི་ལམ་ན་ལྷའི་གནས་རྗེས་སུ་དྲན་པ་དང ། སྐྱེ་བའི་རིགས་རྗེས་སུ་དྲན་པ་
182a
༄#། །དང ། ལོངས་སྤྱོད་རྗེས་སུ་དྲན་པ་དང ། མཛའ་བཤེས་དང་ཕྲད་པ་རྗེས་སུ་དྲན་པ་དང ། མི་མཛའ་བ་དང་ཕྲད་པ་རྗེས་སུ་དྲན་པ་དང ། མཚོ་དང་འབྲེལ་བ་རྗེས་སུ་དྲན་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་གྱི་གནས་ཀྱི་ཁམས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྔོན་གྱི་གནས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་ན་གནས་པའི་རྒྱུ་དང ། རིགས་ལ་གནས་པའི་རྒྱུ་དང ། མཛའ་བཤེས་དང་ཕྲད་པའི་རྒྱུ་དང ། མི་མཛའ་བ་དང་ཕྲད་པའི་རྒྱུ་དང ། ཆུ་དང་འབྲལ་བའི་རྒྱུ་ཇི་སྙེད་པ་ཉིད་ནི། མིང་ཙམ་སྟེ།་དེ་བཞིན་དུ་དེ་བཞིན་གཤེགས་པས་སྔོན་གྱི་གནས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྔོན་གྱི་གནས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་ན་གནས་པའི་རྒྱུ་དང་བྲལ་བ་དང ། རིགས་ལ་གནས་པའི་རྒྱུ་དང་བྲལ་བ་དང ། མཛའ་བཤེས་ལ་གནས་པའི་རྒྱུ་དང་བྲལ་བ་དང ། མི་མཛའ་བ་ལ་གནས་པའི་རྒྱུ་དང་བྲལ་བ་དང ། མཚོ་ལ་གནས་
182b
པའི་རྒྱུ་དང་བྲལ་བ་ཇི་སྙེད་པ་ཉིད་ཀྱང་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་གྱི་གནས་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ།། ཁྱིམ་བདག་།དེ་ལ་དེ་བཞིན་གཤེགས་པས་སྔོན་གྱི་གནས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཐབས་ལ་མཁས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་གྱི་གནས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཕྱི་མའི་མཐའ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྐྱེ་བའི་རིགས་ལ་འཇུག་པ་དང ། སྐྱེ་བའི་ཡུལ་དུ་འཇུག་པ་དང ། མཛའ་བཤེས་དང་ཕྲད་པར་འཇུག་པ་དང ། མི་མཛའ་བ་དང་ཕྲད་པར་འཇུག་པ་དང ། མཚོ་ཡོངས་སུ་ཤེས་པར་འཇུག་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཕྱི་མའི་མཐའ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཕྱི་མའི་མཐའ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན་།སྒྱུ་མའི་སྐྱེས་བུའི་རྨི་ལམ་ན་ཡུལ་དུ་གནས་པར་འཇུག་
183a
༄#། །པའི་རྒྱུ་ཤེས་པ་དང ། སྐྱེ་བའི་རིགས་ལ་འཇུག་པའི་རྒྱུ་ཤེས་པ་དང ། མཛའ་བཤེས་དང་ཕྲད་པའི་འཇུག་པའི་རྒྱུ་ཤེས་པ་དང ། མི་མཛའ་བ་དང་ཕྲད་པར་འཇུག་པའི་རྒྱུ་ཤེས་པ་དང ། མཚོ་ཡོངས་སུ་ཤེས་པར་འཇུག་པའི་རྒྱུ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཕྱི་མའི་མཐའ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཕྱི་མའི་མཐའ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་འཇུག་པའི་རྒྱུ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཕྱི་མའི་མཐའ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཕྱི་མའི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་ན་གནས་པའི་ཏིང་ངེ་འཛིན་ཤེས་པ་དང ། སྐྱེ་བའི་རིགས་ཡང་དག་པར་གྲུབ་པ་ཤེས་པ་དང ། མཛའ་བཤེས་དང་ཕྲད་པ་ཡང་དག་པར་གྲུབ་པ་ཤེས་པ་དང ། མི་མཛའ་བ་དང་བྲལ་བ་ཡང་དག་པར་གྲུབ་པ་ཤེས་པ་
183b
དང ། མཚོ་ཡོངས་སུ་ཤེས་པ་ཡང་དག་པར་གྲུབ་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཕྱི་མའི་མཐའ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འཆི་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་ན་འཆི་བ་ཤེས་པ་དང ། མཛའ་བཤེས་དང་བྲལ་བ་ཤེས་པ་དང ། མི་མཛའ་བ་དང་བྲལ་བ་ཤེས་པ་དང ། མཚོ་དང་བྲལ་བ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འཆི་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འཆི་བ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་འཆི་བ་ཤེས་པ་བསགས་པའི་རྒྱུ་དང ། ཡུལ་ན་གནས་པ་བསགས་པའི་རྒྱུ་དང ། ཡུལ་ངན་པར་གནས་པ་བསགས་པའི་རྒྱུ་དང ། མཛའ་བཤེས་དང་ཕྲད་པ་བསགས་པའི་རྒྱུ་དང ། མི་མཛའ་བ་དང་ཕྲད་པ་བསགས་པའི་རྒྱུ་དང ། མཚོ་ཡོངས་སུ་ཤེས་པ་བསགས་པའི་རྒྱུ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འཆི་བ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་
184a
༄#། །ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འཆི་བ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་ན་གནས་པའི་རྒྱུ་དང་བྲལ་བ་དང ། །མཛའ་བཤེས་ལ་གནས་པའི་རྒྱུ་དང་བྲལ་བ་དང ། མི་མཛའ་བ་ལ་གནས་པའི་རྒྱུ་དང་བྲལ་བ་དང ། མཚོ་ཡོངས་སུ་ཤེས་པའི་རྒྱུ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འཆི་བ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འཆི་བ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཡུལ་ན་གནས་པ་ཡིད་ལ་བྱུང་བ་དང ། མཛའ་བཤེས་དང་ཕྲད་པ་ཡིད་ལ་བྱུང་བ་དང ། མི་མཛའ་བ་དང་ཕྲད་པ་ཡིད་ལ་བྱུང་བ་དང ། མཚོ་ལ་གནས་པ་ཡིད་ལ་བྱུང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འཆི་བ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྐྱེ་བ་ཞེས་བ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་
184b
ན།་སྒྱུ་མའི་སྐྱེས་བུའི་རྨི་ལམ་ན་མར་མེ་དང་མར་མེ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྐྱེ་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྐྱེ་བ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མར་མེ་དང་མར་མེའི་བྱ་བ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྐྱེ་བ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྐྱེ་བ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མར་མེའི་བྱ་བ་ཉམས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྐྱེ་བ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྐྱེ་བ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བྱ་བ་ཤེས་པ་འགོག་པའི་ཐབས་ལ་མཁས་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྐྱེ་བ་ཤེས་པ་འགོག་པར་འགྱུར་
185a
༄#། །བའི་ལམ་ཤེས་པ་ཇི་སྙེད་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འདོད་པའི་ཟག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆུ་བོ་ཆེན་པོ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འདོད་པའི་ཟག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འདོད་པའི་ཟག་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆར་ཆེན་པོ་འབབ་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འདོད་པའི་ཟག་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འདོད་པའི་ཟག་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆུ་བོ་ཆེན་པོ་རྣམ་པར་བསྐམས་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འདོད་པའི་ཟག་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་
185b
ཏོ། །ཁྱིམ་བདག་།དེ་ལ་དེ་བཞིན་གཤེགས་པས་འདོད་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆུ་བོ་ཆེན་པོ་རྣམ་པར་སྐམས་པ་ཤེས་ཤིང་མཁས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་འདོད་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྲིད་པའི་ཟག་པ་ཤེས་པ་འདི་ལྟར་རབ་ཏུ་མཁྱེན་ཏེ།་འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་རྒྱལ་སྲིད་ཐོབ་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྲིད་པའི་ཟག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྲིད་པའི་ཟག་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་རྒྱལ་སྲིད་ཐོབ་པའི་སྲིད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྲིད་པའི་ཟག་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྲིད་པའི་ཟག་པ་ཤེས་པ་འགོག་པ་ཤེས་པ་
186a
༄#། །འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་རྒྱལ་སྲིད་ཉམས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྲིད་པའི་ཟག་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྲིད་པའི་ཟག་པ་ཤས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་པ་ནས་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་ལྟ་བའི་ཟག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མཚན་མོ་མུན་པ་མུན་ནག་གི་ནང་ན་སྤྲུལ་གདུག་པའི་ཟ་མ་ཏོག་རྙེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལྟ་བའི་ཟག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལྟ་བའི་ཟག་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྤྲུལ་གདུག་པའི་ཟ་མ་ཏོག་ལ་དགའ་བའི་འདུན་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལྟ་བའི་ཟག་པ་ཤེས་པ་ཀུན་འབྱུང་
186b
བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལྟ་བའི་ཟག་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ།་འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྦྲུལ་གདུག་པའི་ཟ་མ་ཏོག་ཆག་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལྟ་བའི་ཟག་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལྟ་བའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་པ་ནས་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།་དམུས་ལོང་གི་རྨི་ལམ་ན་གཟུགས་མཐོང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། དམུས་ལོང་གི་རྨི་ལམ་ན་ཆུའི་སྒྲ་སྐད་གྲག་པ་ཇི་སྙེད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་ཀུན་འབྱུང་པ་ཤེས་པ་ཇི་སྙེད་པ་ཉིད་
187a
༄#། །ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། དམུས་ལོང་སྐོམ་པའི་རྨི་ལམ་ན་བཏུང་བ་རྣམ་པར་བསྐམས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། དམུས་ལོང་གི་རྨི་ལམ་ན་མུན་པ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མ་རིག་པའི་ཟག་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཟད་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་འདོད་ཆགས་ཞེ་སྡང་གཏི་མུག་སྤང་བ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཟད་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་
187b
གཤེགས་པས་ཟད་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དགེ་བའི་བཤེས་གཉེན་གྱི་གདམས་ངག་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཟད་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་ཟད་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། དམུས་ལོང་གི་རྨི་ལམ་ན་ནོར་ཆུད་གཟན་པ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཟད་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཟད་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ། དཔེར་ན། དམུས་ལོང་གི་རྨི་ལམ་ན་སྣང་བ་ཐོབ་བ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཟད་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མི་སྐྱེ་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མི་
188a
༄#། །སྐྱེ་བ་ཤེས་པ་དེ་བཞིན་དུ་དེ་བཞིན་གཤེགས་པས་མི་སྐྱེ་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་མི་སྐྱེ་བ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཟད་པ་དང ། མི་སྐྱེ་བ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མི་སྐྱེ་བ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་མི་སྐྱེ་བ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏོ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ནོར་མ་རྙེད་པའི་རྙེད་པ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མི་སྐྱེ་བ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་མི་སྐྱེ་བ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ནོར་རབ་ཏུ་ཉམས་པའི་མི་སྐྱེ་བ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མི་སྐྱེ་བ་ཤེས་པ་
188b
འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་ད་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་དེ་བཞིན་གཤེགས་པའི་མི་འཇིགས་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཤེས་པ་ཐམས་ཅད་ཁོང་དུ་ཆུད་པས་མི་འཇིགས་པ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མི་འཇིགས་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་མི་འཇིགས་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆོས་ཡོངས་སུ་དྲིས་པ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མི་འཇིགས་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་མི་འཇིགས་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཆོས་ཇི་ལྟར་བཟུང་བ་རྣམས་ཀྱི་རབ་ཏུ་འཇིགས་པ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མི་འཇིགས་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་
189a
༄#། །མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མི་འཇིགས་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་འགོག་པའི་ཆོས་རྗེས་སུ་དྲན་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མི་འཇིགས་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སོ་སོ་ཡང་དག་པར་རིག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་བྲག་ཅའི་སྒྲ་བརྙན་གྱི་སྤོབས་པ་དོན་རྣམ་པར་རིག་པར་བྱེད་པ་ཉིད་ཀྱི་སྒྲ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སོ་སོ་ཡང་དག་པར་རིག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་སོ་སོ་ཡང་དག་པར་རིག་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། རྨི་ལམ་ན་བྲག་ཅའི་དོན་ཤེས་ཏེ།་དོན་ཤེས་པ་ཀུན་འབྱུང་བ་ཤེས། དོན་ཤེས་པ་འགོག་པ་ཤེས། དོན་ཤེས་པ་འགོག་པར་འགྱུར་བའི་ལམ་ཤེས། ཆོས་ཤེས་ཏེ་ཆོས་ཤེས་པ་ཀུན་
189b
འབྱུང་བ་ཤེས། ཆོས་ཤེས་པ་འགོག་པ་ཤེས། ཆོས་ཤེས་པ་འགོག་པར་འགྱུར་བའི་ལམ་ཤེས། ངེས་པའི་ཚིག་ཤེས་ཏེ། ངེས་པའི་ཚིག་ཤེས་པ་ཀུན་འབྱུང་བ་ཤེས། ངེས་པའི་ཚིག་ཤེས་པ་འགོག་པ་ཤེས། ངེས་པའི་ཚིག་ཤེས་པ་འགོག་པར་འགྱུར་བའི་ལམ་ཤེས། སྤོབས་པ་སོ་སོ་ཡང་དག་པར་རིག་པ་ཤེས་ཏེ། སྤོབས་པ་སོ་སོ་ཡང་དག་པར་རིག་པ་ཤེས་པ་ཀུན་འབྱུང་བ་ཤེས། སྤོབས་པ་སོ་སོ་ཡང་དག་པར་རིག་པ་ཤེས་པ་འགོག་པ་ཤེས། སྤོབས་པ་སོ་སོ་ཡང་དག་པར་རིག་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སོ་སོ་ཡང་དག་པར་རིག་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སོ་སོ་ཡང་དག་པར་རིག་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མཚན་མོ་མུན་པ་མུན་ནག་དག་ནས་སྣང་བ་དང་བྲལ་བའི་བར་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སོ་སོ་ཡང་དག་པར་རིག་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སོ་སོ་ཡང་དག་
190a
༄#། །པར་རིག་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྣང་བ་དང་བྲལ་བའི་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སོ་སོ་ཡང་དག་པར་རིག་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མཚན་ཉིད་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཀུན་བརྗོད་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མཚན་ཉིད་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མཚན་ཉིད་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། དེ་བཞིན་གཤེགས་པས་སྤྲུལ་བ་མངོན་པར་འདུ་བྱེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མཚན་ཉིད་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མཚན་ཉིད་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་
190b
སྟེ།་དཔེར་ན། དེ་བཞིན་གཤེགས་པའི་སྤྲུལ་པ་ཤེས་པ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མཚན་ཉིད་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་མཚན་ཉིད་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། དེ་བཞིན་གཤེགས་པའི་སྤྲུལ་པ་ཐབས་མཁས་ཤིང་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་མཚན་ཉིད་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དེ་བཞིན་གཤེགས་པའི་གནས་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བྱམས་པ་ལ་གནས་པ་ཤེས་པ་དང ། སྙིང་རྗེ་ལ་གནས་པ་ཤེས་པ་དང ། དགའ་བ་ལ་གནས་པ་ཤེས་པ་དང ། བཏང་སྙོམས་ལ་གནས་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དེ་བཞིན་གཤེགས་པའི་གནས་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་གནས་པ་ཤེས་པ་ཀུན་འབྱུང་བ་ཤེས་པ་འདི་
191a
༄#། །ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བྱམས་པ་ལ་གནས་པའི་ཤེས་པ་རྟོགས་པ་དང ། སྙིང་རྗེ་ལ་གནས་པའི་ཤེས་པ་རྟོགས་པ་དང ། དགའ་བ་ལ་གནས་པའི་ཤེས་པ་རྟོགས་པ་དང ། བཏང་སྙོམས་ལ་གནས་པའི་ཤེས་པ་རྟོགས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དེ་བཞིན་གཤེགས་པས་གནས་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དེ་བཞིན་གཤེགས་པའི་གནས་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཤེས་པ་འགོག་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དེ་བཞིན་གཤེགས་པའི་གནས་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དེ་བཞིན་གཤེགས་པའི་གནས་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཐབས་མཁས་པའི་ཤེས་པ་ཁོང་དུ་ཆུད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་
191b
དུ་དེ་བཞིན་གཤེགས་པས་དེ་བཞིན་གཤེགས་པའི་གནས་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག། དེ་ལ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དད་པའི་དབང་པོ་དང་བྲལ་བ་དང ། བརྩོན་འགྲུས་དང ། དྲན་པ་དང ། ཏིང་ངེ་འཛིན་དང ། ཤེས་རབ་ཀྱི་དབང་པོ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ང་རྒྱལ་གྱི་ཤེས་པ་ལ་འཇུག་པ་ཇི་སྙེད་པ་ཉིད་ནི།་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།
192a
༄#། །སྒྱུ་མའི་སྐྱེས་བུའི་རྨི་ལམ་ན་ང་རྒྱལ་ལ་དབང་བྱེད་པ་དང་བྲལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ལམ་རྙེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་དེ་བཞིན་གཤེགས་པའི་དབང་པོ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལུས་ཀྱི་ལས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ལུས་བསྐྱོད་པ་ཤེས་པ་དེ་བཞིན་དུ་དེ་བཞིན་གཤེགས་པས་ལུས་ཀྱི་ལས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལུས་ཀྱི་ལས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་བྱ་བ་ལ་འཇུག་པ་ཇི་སྙེད་པ་ཉིད་ནི། མིང་
192b
ཙམ་སྟེ།་དེ་བཞིན་དུ་དེ་བཞིན་གཤེགས་པས་ལུས་ཀྱི་ལས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལུས་ཀྱི་ལས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཏིལ་མར་གྱི་མར་མེ་བུས་པ་ཟད་ཅིང་ཞི་བ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལུས་ཀྱི་ལས་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ལུས་ཀྱི་ལས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ལུས་ཀྱི་ལས་ཡོངས་སུ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ལུས་ཀྱི་ལས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་དག་གི་ལས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ།་དཔེར་ན། སྒྱུ་མའི་སྐྱེས་བུའི་རྨི་ལམ་ན་བརྫུན་དུ་སྨྲ་བའམ། བརྫུན་དུ་སྨྲ་བ་ལས་ལྡོག་པའམ། ཕྲ་མའི་ངག་གམ། ཕྲ་མའི་ངག་ལས་ལྡོག་པའམ། ཚིག་རྩུབ་པོའི་
193a
༄#། །ངག་གམ། ཚིག་རྩུབ་པོའི་ངག་ལས་ལྡོག་པའམ། ཚིག་ཀྱལ་བའམ། ཚིག་ཀྱལ་པ་ལས་ལྡོག་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ངག་གི་ལས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ངག་གི་ལས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཚད་མ་བསྟན་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ངག་གི་ལས་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ངག་གི་ལས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ངག་གི་ལས་ཤེས་པ་འགོག་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ངག་གི་ལས་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ངག་གི་ལས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་
193b
སྐྱེས་བུའི་རྨི་ལམ་ན་ཟོས་པ་དང ། མ་ཟོས་པ་ཡོངས་སུ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ངག་གི་ལས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡིད་ཀྱི་ལས་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ།་དཔེར་ན། སྒྱུ་མའི་སྐྱེས་བུའི་རྨི་ལམ་ན་བར་སྣང་ལ་རི་མོ་འབྲི་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡིད་ཀྱི་ལས་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡིད་ཀྱི་ལས་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་རི་མོ་འབྲི་བའི་བཟོ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ། མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་ཡིད་ཀྱི་ལས་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་རི་མོ་འབྲི་བའི་བསྐལ་བ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་
194a
༄#། །པས་ཡིད་ཀྱི་ལས་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སློབ་དཔོན་གྱིས་བསྟན་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡིད་ཀྱི་ལས་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །བམ་པོ་བཅུ་གཅིག་པ། ཁྱིམ་བདག་།དེ་ལ་དེ་བཞིན་གཤེགས་པས་སྔོན་དུ་འགྲོ་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྔོན་དུ་མགྱོགས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་དུ་འགྲོ་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྔོན་དུ་འགྲོ་བ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཕྱོགས་དག་ཏུ་དོན་གྱི་བསམ་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་དུ་འགྲོ་བ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་
194b
སྔོན་དུ་འགྲོ་བ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྔོན་དུ་མགྱོགས་པ་ཤི་བ་ཇི་སྙེད་པ་ཉིད་ནི། མིང་ཙམ་སྟེ།་དེ་བཞིན་དུ་དེ་བཞིན་གཤེགས་པས་སྔོན་དུ་འགྲོ་བ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་སྔོན་དུ་འགྲོ་བ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ཕྱོགས་དག་ཏུ་དོན་གྲུབ་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་སྔོན་དུ་འགྲོ་བ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྗེས་སུ་འཇུག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན།་རྨི་ལམ་ན་རྣམ་པར་སད་པར་བྱེད་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྗེས་སུ་འཇུག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྗེས་སུ་འཇུག་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་
195a
༄#། །ན།་སྒྱུ་མའི་སྐྱེས་བུའི་རྨི་ལམ་ན་རྣམ་པར་སད་པ་ཤེས་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྗེས་སུ་འཇུག་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྗེས་སུ་འཇུག་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ནམ་ཤི་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་རྗེས་སུ་འཇུག་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་རྗེས་སུ་འཇུག་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་མི་མཐུན་པའི་རྩ་བ་ཡང་དག་པར་གཅོད་པ་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པ་ནས་དེ་བཞིན་དུ་སྦྱར་ཏེ་མིང་ཙམ་གྱི་བར་དུའོ། །ཁྱིམ་བདག་།དེ་ལ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དུག་འཐུངས་པའི་རྩི་སྨན་མ་ལུས་པར་བྱེད་པ་ཇི་སྙེད་པ་ཉིད་ནི། མིང་ཙམ་སྟེ།
195b
དེ་བཞིན་དུ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དུག་བྱིན་པ་ལ་དུག་བསལ་བ་ཚོལ་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དུག་ཡང་མི་འབྱུང་བ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་འགོག་པ་ཤེས་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་དུག་བྱིན་པ་ལ་ཡང་དག་པར་གསོ་བའི་དཔྱད་བྱེད་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་
196a
༄#། །དུ་དེ་བཞིན་གཤེགས་པས་ཡོངས་སུ་མི་ཉམས་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་རྩི་སྨན་མཁན་ནད་ལ་མཁས་པ་དང ། ནད་ཀུན་ནས་ལྡང་བ་ལ་མཁས་པ་དང ། ནད་པའི་ཁམས་ལ་མཁས་པ་དང ། སྨན་སྦྱོར་བ་ལ་མཁས་པ་དང ། ཁ་ཟས་ཀྱི་ཆོ་ག་ལ་མཁས་བ་དང ། ཁྲུས་ཀྱི་ཆོ་ག་ལ་མཁས་པ་དང ། སྐུ་མཉེའི་ཆོ་ག་ལ་མཁས་པ་དང ། །རྐང་པ་མཉེ་བའི་ཆོ་ག་ལ་མཁས་པ་དང ། ལག་པས་མཉེ་བའི་ཆོ་ག་ལ་མཁས་པ་དང ། ཉལ་བའི་ཆོ་ག་ལ་མཁས་པ་དང ། སད་པའི་ཆོ་ག་ལ་མཁས་པ་དང ། ལོངས་སྤྱོད་ཀྱི་ཆོ་ག་ལ་མཁས་པ་དང ། དཔྱད་ཀྱི་སྦྱོར་བ་འདུག་པ་ལ་མཁས་པ་དང ། དུས་ཤེས། ཚོད་ཤེས། དུས་མིན་ཤེས་ཤིང་སྒྱུ་མའི་སྐྱེས་བུའི་རྨི་ལམ་ན་རྩི་སྨན་དག་གིས་ནད་ཐམས་ཅད་འཇོམས་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་མཁྱེན་པ་
196b
ཤེས་པ་ཀུན་འབྱུང་བ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་སྤྲུལ་བའི་གསོ་བའི་དཔྱད་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་ཀུན་འབྱུང་བ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་ནད་ཐམས་ཅད་རབ་ཏུ་ཞི་བར་བྱེད་པ་ཤེས་པ་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ།་འདི་ལྟ་སྟེ། དཔེར་ན། སྒྱུ་མའི་སྐྱེས་བུའི་རྨི་ལམ་ན་གསོ་བའི་དཔྱད་ཇི་སྙེད་པ་ཉིད་ནི། མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་།དེ་ལྟ་བས་ན། འདིར་གང་གི་ཡེ་ཤེས་མཐོང་བ་ཐོགས་
197a
༄#། །པ་མེད་པར་འཇུག་པ་གཞན་གྱིས་མ་བསྟན་ཅིང ། གཞན་ལ་རག་མ་ལས་པའི་ཤེས་པས་སེམས་ཅན་རྣམས་ལ་ཕན་གདགས་པའི་དོན་དུ་བདག་ཉིད་མངོན་པར་རྫོགས་པར་སངས་རྒྱས་པ་དེ་ནི། ཙནྡན་གྱི་ཁྱམས་དང ། ཁང་བཟང་གི་བར་འདི་ལ་ལོངས་སྤྱོད་པར་འགྱུར་རོ། །དེ་སྐད་ཅེས་སྨྲས་པ་དང ། ཁྱིམ་བདག་ཕྱཝ་མཁན་གྱིས་ལག་གི་བླ་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ། བཅོམ་ལྡན་འདས་དེ་ད་ལྟར་གང་ན་བཞུགས། དེ་སྐད་ཅེས་སྨྲས་པ་དང ། ལག་གི་བླ་གང་པོས་ཁྱིམ་བདག་ཕྱཝ་མཁན་ལ་འདི་སྐད་ཅེས་སྨྲས་སོ། །ཁྱིམ་བདག་།བྱང་ཕྱོགས་ལོགས་ན་ཀོ་ས་ལ་ཞེས་བྱ་བའི་ཡུལ་གྱི་ལྗོངས་ཡོད་དེ། གངས་རིའི་རྒྱལ་པོའི་དྲུང་ན་མཉན་ཡོད་ཅེས་བྱ་བ་གྲོང་ཁྱེར་ཆེན་པོ་དེ་ན་རྒྱལ་པོའི་བུ་གཞོན་ནུ་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཅོམ་ལྡན་འདས་དེ་ད་ལྟར་བཞུགས་སོ། །དེ་སྐད་ཅེས་སྨྲས་པ་དང ། ཁྱིམ་བདག་ཕྱཝ་མཁན་གྱིས་ལག་གི་བླ་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ། མཉན་ཡོད་ཀྱི་གྲོང་ཁྱེར་ཆེན་པོ་འདི་ནས་རིང་ཁྱད་ཅི་ཙམ། སྨྲས་པ། ཁྱིམ་བདག་།དེ་དཔག་ཚད་སུམ་སྟོང་དྲུག་ཅུ་རྩ་བཞི་ཡོད་དོ། །དེ་སྐད་ཅེས་ཅེས་སྨྲས་པ་དང ། ཁྱིམ་བདག་ཕྱཝ་མཁན་གྱིས་
197b
ལག་གི་བླ་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ། རིང་བ་དེ་ནས་བཅོམ་ལྡན་འདས་དེ་ཇི་སྲིད་ཅིག་གིས་འདིར་བྱོན། སྨྲས་པ། ཁྱིམ་བདག་།དེ་བཞིན་གཤེགས་པ་ལ་ནི།་རིང་བའམ་ཉེ་བ་མེད་དེ། ཁྱིམ་བདག་།བཅོམ་ལྡན་འདས་དེ་བཞེད་ན། སེམས་ཅན་ཡོངས་སུ་སྨིན་པར་བྱ་བའི་ཕྱིར་གྲངས་མེད་པའི་གངྒཱའི་ཀླུང་གི་བྱེ་མ་སྙེད་ལས་ལྷག་པའི་འཇིག་རྟེན་གྱི་ཁམས་ཁྲག་ཁྲིག་དག་ཏུ་གཤེགས་སོ། །ཁྱིམ་བདག་།དེ་ལ་དེ་བཞིན་གཤེགས་པས་སེམས་ཅན་ཐམས་ཅད་ཀྱི་སེམས་དང་སྤྱོད་པ་དག་མཁྱེན། ཤིན་ཏུ་མཁྱེན། ཤིན་ཏུ་གཟིགས། ཤིན་ཏུ་ཐུགས་སུ་ཆུད། ཤིན་ཏུ་མངོན་སུམ་དུ་མཛད་དེ། མིག་བཙུམས་པ་ཙམ་གྱིས་སེམས་ཅན་ཐམས་ཅད་ཀྱི་སེམས་དང་སྤྱོད་པ་དག་རབ་ཏུ་མཁྱེན་ཏོ། །ཁྱིམ་བདག་།དེ་བཞིན་གཤེགས་པས་དེ་བཞེད་ན། སེམས་ཅན་ཐམས་ཅད་ལ་ཕན་གདགས་པའི་བློ་ཉེ་བར་བཞག་ནས་འཇིག་རྟེན་གྱི་ཁམས་ཁྲག་ཁྲིག་དག་ཏུ་གཤེགས་སོ། །གང་པོ། བདག་གི་དགེ་བའི་རྩ་བ་ཡོངས་སུ་གཟུང་བའི་ཕྱིར་དེ་བཞིན་གཤེགས་པ་དེ་ཞལ་ཟས་བཟང་པོ་ལ་ཉེ་བར་སྤྱན་དྲངས་ན་གཤེགས་སམ། ཁྱིམ་བདག་།གལ་ཏེ་ཅུང་ཟད་ཡོངས་སུ་གཏོང་བ་ལྟ་ན། དེ་བཞིན་གཤེགས་པ་དེ་ཞལ་ཟས་གཙང་མ་ལ་སྤྱན་དྲོངས་ཤིག་དང ། ཁྱོད་ཀྱི་དགེ་བའི་རྩ་བ་ཡོངས་སུ་གཟུང་བའི་ཕྱིར་
198a
༄#། །བཅོམ་ལྡན་འདས་དེ་ཉན་ཐོས་ཀྱི་དགེ་འདུན་དང་བཅས་པར་གཤེགས་སོ། །དེ་ནས་ཁྱིམ་བདག་ཕྱཝ་མཁན་གྱི་ཚེ་དང་ལྡན་པ་གང་པོའི་ལྟར་མཉན་ནས་མེ་ཏོག་དང ། ཕྲེང་བ་དང ། བདུག་པ་དག་བླངས་ཏེ་ཙནྡན་གྱི་ཁྱམས་དང ། ཁང་བཟང་གི་སྟེང་དུ་འཛེགས་ནས་མེ་ཏོག་གིས་བརྒྱན། སྤོས་ཀྱིས་བྱུགས་ནས་བཅོམ་ལྡན་འདས་དེ་ཕྱོགས་གང་ལོགས་ན་བཞུགས་པར་དེ་ཕྱོགས་ནས་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་ཐུགས་བརྩེ་བ་ཉེ་བར་དགོངས་ཏེ། ཞལ་ཟས་བཟང་པོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་སློང་གི་དགེ་འདུན་དང་ཐབས་ཅིག་ཏུ་གཤེགས་པར་ཅི་གནང ། བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་ན་བཞུགས་པ། མི་ལས་འདས་པ། ལྷའི་སྙན་རྣམ་པར་དག་པས་ཁམས་ཀྱི་ཁྱིམ་བདག་ཕྱཝ་མཁན་གྱི་སྤྱན་དྲངས་པ་གསན་ནས་གཤེགས་པར་གནང་ངོ ། །དེ་ནས་ཁྱིམ་བདག་ཕྱཝ་མཁན་གྱིས་བཅོམ་ལྡན་འདས་མངོན་པར་སྤྱན་དྲངས་ཏེ། བྲན་དང ། ལས་བྱེད་པ་དང ། ཞོ་ཤས་འཚོ་བ་དང ། མཛའ་བཤེས་དང ། ཉེ་དུ་དང ། སྣག་གི་གཉེན་མཚམས་དག་ལ་འདི་སྐད་ཅེས་སྨྲས་སོ། །ཁྱེད་ཅག་ཉོན་ཅིག་
198b
ངས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཉན་ཐོས་ཀྱི་དགེ་འདུན་དང་བཅས་པར་ཞལ་ཟས་བཟང་པོ་ལ་སྤྱན་དྲངས་ཀྱི། དེ་ལ་ཁྱེད་ནུས་པ་ཅི་ཡོད་པ་དང ། མཐུ་ཅི་ཡོད་པའི་ལུས་ཀྱིས་ཞལ་ཏ་བྱ་བ་ལ་བརྩོན་པ་དང་ལྡན་པར་གྱིས་ཤིག་།ཁྱིམ་བདག་ཕྱཝ་མཁན་གྱིས་དེ་སྐད་ཅེས་སྨྲས་པ་དང ། མཛའ་བཤེས་དང ། ཉེ་དུ་དང ། སྣག་གི་གཉེན་མཚམས་དང ། བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དག་གིས་ཁྱིམ་བདག་ཕྱཝ་མཁན་ལ་འདི་སྐད་ཅེས་སྨྲས་སོ། །ཁྱིམ་བདག་།སྨྱོས་སོ། །ཁྱིམ་བདག་།གཡེངས་སོ། །གང་བཅོམ་ལྡན་འདས་དེ་མ་མཐོང་བར་ཞལ་ཟས་བཟང་པོ་ལ་སྤ