rKTs


H235

(e-text produced by ACIP)

see text in transliteration
386a
རྒྱ་གར་སྐད་དུ། ཨཱརྱ་མ་ཧཱ་མེ་གྷ་བཱ་ཡུ་མཎྜ་ལ་པ་རི་བརྟ་སརྦ་ནཱ་ག་ཧྲྀ་ད་ཡ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱ་མཚོ་ཆེན་པོ་ན་ནོར་བུ་རིན་པོ་ཆེའི་རྩེ་མོ་ཅན་གྱི་ཁང་པ་བརྩེགས་པ་ན་ཀླུ་སྟོང་དུ་ཚང་བའི་ཀླུའི་ཚོགས་ཆེན་པོ་ཀླུ་ཐམས་ཅད་ཀྱང་རྫུ་འཕྲུལ་ཆེ་ཞིང་ཀླུའི་འཁོར་ཆེན་པོ་དང་ལྡན་པ་ཤ་སྟག་ལ་འདི་ལྟ་སྟེ། ཀླུའི་རྒྱལ་པོ་དགའ་བོ་དང ། ཀླུའི་རྒྱལ་པོ་ཉེ་དགའ་དང ། ཀླུའི་རྒྱལ་པོ་ཡང་དག་སྒུལ་དང ། ཀླུའི་རྒྱལ་པོ་གློག་ཕྲེང་ཅན་དང ། ཀླུའི་རྒྱལ་པོ་གཟི་ཅན་དང ། ཀླུའི་རྒྱལ་པོ་གཟི་ཅན་ཆེན་པོ་དང ། ཀླུའི་རྒྱལ་པོ་བཏང་བཟུང་དང ། ཀླུའི་རྒྱལ་པོ་དུང་དང ། ཀླུའི་
386b
རྒྱལ་པོ་ཨེ་ལའི་འདབ་མ་དང ། ཀླུའི་རྒྱལ་པོ་མཚམས་བཟང་དང ། ཀླུའི་རྒྱལ་པོ་སྟབས་ཀྱིས་རྒྱུ་དང ། ཀླུའི་རྒྱལ་པོ་གློག་འབྱུང་དང ། ཀླུའི་རྒྱལ་པོ་སྣོད་ལྡན་གཙུག་ཕུད་ཅན་དང ། ཀླུའི་རྒྱལ་པོ་སྤྲིན་ཆེན་རྣམ་པར་འཕྲུལ་དང ། ཀླུའི་རྒྱལ་པོ་སྤྲིན་ཆེན་རྒྱས་བྱེད་དང ། ཀླུའི་རྒྱལ་པོ་འབྲུག་སྒྲོག་དང ། ཀླུའི་རྒྱལ་པོ་ཆར་འབྱུང་དང ། ཀླུའི་རྒྱལ་པོ་སྐར་མདའ་སྟོང་དང ། ཀླུའི་རྒྱལ་པོ་དུས་མིན་སྒྲོག་དང ། ཀླུའི་རྒྱལ་པོ་འབྲུག་སྐད་དང ། ཀླུའི་རྒྱལ་པོ་གློག་རབ་ཏུ་གཏོང་དང ། ཀླུའི་རྒྱལ་པོ་ས་འཛིན་དང ། ཀླུའི་རྒྱལ་པོ་སོག་མ་མེད་དང ། ཀླུའི་རྒྱལ་པོ་ལེགས་མཐོང་དང ། ཀླུའི་རྒྱལ་པོ་རྣམ་པར་སྣང་དང ། ཀླུའི་རྒྱལ་པོ་འབྲུག་ཆེན་སྒྲོག་དང ། ཀླུའི་རྒྱལ་པོ་འོད་ཆེན་ལམ་ལམ་དང ། ཀླུའི་རྒྱལ་པོ་དཔལ་གྱི་གཟི་བརྗིད་དང ། ཀླུའི་རྒྱལ་པོ་མཐའ་ཡས་དང ། ཀླུའི་རྒྱལ་པོ་མདོངས་བུ་དང ། ཀླུའི་རྒྱལ་པོ་དཔལ་འཛིན་དང ། ཀླུའི་རྒྱལ་པོ་རྔ་སྒྲ་དང ། ཀླུའི་རྒྱལ་པོ་རྔ་སྒྲ་རྣམ་པར་སྒྲོག་པའི་སྐད་དང ། ཀླུའི་རྒྱལ་པོ་ལ་བ་དང ། ཀླུའི་རྒྱལ་པོ་འདྲེན་བྱེད་དང ། ཀླུའི་རྒྱལ་པོ་དཔལ་མགྲིན་དང ། ཀླུའི་རྒྱལ་པོ་དཔལ་བཟང་དང ། ཀླུའི་རྒྱལ་པོ་ཤ་ཤོ་སྒྲ་ཆེན་དང ། ཀླུའི་རྒྱལ་པོ་དིང་དིང་སྒྲ་དང ། ཀླུའི་རྒྱལ་པོ་རབ་འཇོམས་དང ། ཀླུའི་རྒྱལ་པོ་ཆར་འབྱུང་དང ། ཀླུའི་རྒྱལ་པོ་རླུང་ཆེན་རྣམ་པར་འཕྲུལ་དང ། ཀླུའི་རྒྱལ་པོ་རླུང་རབ་ཏུ་གཏོང་དང ། ཀླུའི་རྒྱལ་པོ་འཇོག་པོ་དང ། ཀླུའི་རྒྱལ་པོ་དཔལ་ལྡན་དང ། ཀླུའི་རྒྱལ་པོ་སྨད་དཀྲིས་བཟང་དང ། ཀླུའི་རྒྱལ་པོ་བཀྲ་ཤིས་དང ། ཀླུའི་
387a
༄#། །རྒྱལ་པོ་སྤྲིན་རྒྱས་དང ། ཀླུའི་རྒྱལ་པོ་སྤྲིན་གྱིས་དགའ་བྱེད་དང ། ཀླུའི་རྒྱལ་པོ་སྤྲིན་གྱིས་འགེབས་པའི་རིགས་དང ། ཀླུའི་རྒྱལ་པོ་ལེགས་པར་འགེབས་དང ། ཀླུའི་རྒྱལ་པོ་རྣམ་པར་རྩེ་དང ། ཀླུའི་རྒྱལ་པོ་ནོར་རྒྱས་ཀྱི་བུ་དང ། ཀླུའི་རྒྱལ་པོ་མ་དྲོས་པ་དང ། ཀླུའི་རྒྱལ་པོ་འོད་བཟང་དང ། ཀླུའི་རྒྱལ་པོ་མཐོང་དགའ་དང ། ཀླུའི་རྒྱལ་པོ་དོན་ཡོད་དགའ་དང ། ཀླུའི་རྒྱལ་པོ་སྤྲིན་གྱི་དཀྱིལ་འཁོར་གྱིས་ལེགས་པར་འགེབས་དང ། ཀླུའི་རྒྱལ་པོ་གཞན་གྱིས་མི་ཐུབ་པ་དང ། ཀླུའི་རྒྱལ་པོ་སྤྲིན་ལས་ཆུ་འབྱིན་དང ། ཀླུའི་རྒྱལ་པོ་བདེ་མཐོང་དང ། ཀླུའི་རྒྱལ་པོ་རླུང་འབྱུང་དང ། ཀླུའི་རྒྱལ་པོ་རླུང་འཁྲུག་པར་བྱེད་དང ། ཀླུའི་རྒྱལ་པོ་གཙུག་ན་ནོར་བུ་དང ། ཀླུའི་རྒྱལ་པོ་ཆེན་པོ་དེ་དག་དང ། གཞན་ཡང་ཀླུའི་རྒྱལ་པོ་ཆེན་པོ་སྟོང་དང་ཐབས་གཅིག་ཏུ་བཞུགས་ཏེ།་དེ་དག་ཐམས་ཅད་ཀྱང་ཀླུའི་རྫུ་འཕྲུལ་ཆེན་པོ་དང ། ཀླུའི་རྣམ་པར་འཕྲུལ་པ་ཆེན་པོས་ནམ་མཁའ་ལ་དི་རི་རིར་སྒྲོག་ཅིང ། རྫི་ཆར་ཆེན་པོ་རབ་ཏུ་འབེབས་ཏེ་བཅོམ་ལྡན་འདས་ལ་སྲི་ཞུ་བྱ་བ་དང ། ཆོས་མཉན་པའི་ཕྱིར་ལྷགས་སོ། །ཀྱེ་ཀླུ་ཆེན་པོ་དང་ཀླུ་དག་ཚུར་ཤེག་།མུ་ལུ་མུ་ལུ། ཙ་ཏ་ཙ་ཏ། པ་ཌ་པ་ཌ། མ་ཊ་མ་ཊ། ཧཱ་ཧཱ། གློག་འབར་བ་རབ་ཏུ་ཕྱུང་ཞིང་རྫི་ཆར་ཆེན་པོའི་རྒྱུན་ཐོང་ལ་ཆར་ཕོབ་ཅིག་།ཀྱེ་ཀྱེ་ཀླུ་ཆེན་པོ་དག་།སངས་རྒྱས་ཀྱི་བདེན་པ་དང ། ཆོས་ཀྱི་བདེན་པ་དང ། དགེ་འདུན་གྱི་བདེན་པ་དྲན་པར་གྱིས་ཤིག་།ཀྱེ་ཀླུ་ཆེན་པོ་དག་།ཚུར་ཚུར། ཚུར་ཤེག་ཚུར་ཤེག །
387b
ཛམྦུའི་གླིང་དུ་ཆར་རབ་ཏུ་ཕོབ་ཅིག་།གུ་ཊུ་གུ་ཊུ། མུ་ཊུ་མུ་ཊུ། ཧི་ཧི་ཧི་ཧི། ཙུ་ཊ་ཙུ་ཊ། མ་ཧཱ་ནཱ་གཱ་ཧྲྀ་ད་ཡ། སརྦ་ནཱ་གཱ་ན། ཨཱ་ག་ད་ཌྷ། སན་ཙོ་ད་ཡ། ཤི་གྲཱ་ན་ད་ར་སཝཱཧཱ། སྤྲིན་ཆེན་པོ་རྣམ་པར་འཕྲུལ་པའི་རྒྱན་བཀོད་པ་དག་གསེར་སྣམ་གྱི་མཐའ་རིན་པོ་ཆེ་ཐམས་ཅད་ཚོན་གྱི་ལྔ་ལྡི་མཛེས་པ། མུ་ཏིག་གི་རྒྱན་ཕྲེང་རབ་ཏུ་འཕྱང་བ། རྒྱ་མཚོ་ཆེན་པོའི་སྤྲིན་དག་དང ། ལྷའི་རིན་པོ་ཆེས་མཛེས་པར་བྱས་པའི་གཞལ་མེད་ཁང་མེ་ཏོག་རབ་ཏུ་འཕྱང་བ། རྒྱ་མཚོ་ཆེན་པོའི་སྤྲིན་དག་གིས་ནམ་མཁའི་དཀྱིལ་འཁོར་ཀུན་ཏུ་ཁེབས་པར་བྱིན་གྱིས་རློབས་ལ་རིན་པོ་ཆེའི་སྤྲིན་རབ་ཏུ་འཕྱང་ཞིང་ལྷའི་རས་བཅོས་བུ་མང་པོ་དང ། མུ་ཏིག་གི་རྒྱན་ཕྲེང་རྒྱ་མཚོ་ཆེན་པོའི་སྤྲིན་དག་དང ། སངས་རྒྱས་ཀྱི་རྣམ་པར་འཕྲུལ་པ་ཟབ་མོ་སྣ་ཚོགས་ཀྱི་བྱིན་གྱི་རླབས་ཀྱི་སྒྲ་སྒྲོག་པ་རྒྱ་མཚོའི་སྤྲིན་དག་དང ། དེ་བཞིན་གཤེགས་པའི་ཡོན་ཏན་གྱི་རྒྱན་བཀོད་པ་བསམ་གྱིས་མི་ཁྱབ་པ་རྣམ་པ་སྣ་ཚོགས་ཡང་དག་པར་སྟོན་པའི་རིན་པོ་ཆེ་བཀོད་པ་ཆེན་པོ་རྒྱ་མཚོའི་སྤྲིན་དག་གིས་ནམ་མཁའི་དཀྱིལ་ཀུན་ཏུ་ཁེབས་པར་བྱིན་གྱིས་བརླབས་ཏེ་སྤྲིན་ཆེན་པོ་རྣམ་པར་འཕྲུལ་པའི་སྒྲ་སྒྲོག་པ་རྒྱ་མཚོའི་སྤྲིན་དག་དང ། རིན་པོ་ཆེ་སྣ་ཚོགས་ཀྱི་ལྷའི་བླ་བྲེ་དྲིལ་བུའི་སྒྲ་སྙན་པ་སྒྲོག་པ་རྒྱ་མཚོའི་སྤྲིན་དག་དང ། བྱའི་ཚོགས་ཐམས་ཅད་སྐད་འབྱིན་ཅིང་མེ་ཏོག་གི་ཆར་ཆེན་པོ་རབ་ཏུ་འབེབས་པ་རྒྱ་མཚོ་ཆེན་པོའི་སྤྲིན་དག་དང ། རྒྱ་མཚོ་སྤྲིན་ཆེན་པོས་སྒྲ་ཆེར་སྒྲོག་ཅིང་ལྷའི་རིན་པོ་ཆེ་རབ་ཏུ་འཕྱང་ལ། མུ་ཏིག་གི་ལྔ་ལྡི་རྣམ་
388a
༄#། །པ་སྣ་ཚོགས་རབ་ཏུ་འཕྱང་བ་རྒྱ་མཚོའི་སྤྲིན་དག་དང ། གསེར་སྐུད་ཀྱིས་བརྒྱན་པའི་སྣང་བ་ཆེན་པོ་ཅན་གྱི་རྩེ་མོས་ནམ་མཁའ་ཀུན་ཏུ་ཁེབས་པར་བྱེད་པ་རྒྱ་མཚོ་ཆེན་པོའི་སྤྲིན་དག་དང ། རིན་པོ་ཆེ་སྣ་ཚོགས་ཀྱི་ཕྲེང་བའི་འོད་ཀྱི་དཀྱིལ་འཁོར་གྱིས་ནམ་མཁའ་ཀུན་ཏུ་ཁེབས་པར་བྱེད་པ་ལ་མཁས་པ་རྒྱ་མཚོའི་སྤྲིན་དག་དང ། སྣང་བ་དང་ལྡན་པའི་རྒྱ་མཚོ་ཆེན་པོའི་སྒྲས་ཀུན་ཏུ་ཁེབས་པའི་རྒྱ་མཚོ་ཆེན་པོའི་སྤྲིན་དག་གིས་ནམ་མཁའ་མངོན་པར་ཁེབས་པར་གྱིས་ཤིག་།ཀླུ་དང་ཀླུའི་རྒྱལ་པོ་ཐམས་ཅད་ཚུར་ཤོག་།སའི་སྟེང་འདིར་འབྲུག་སྒྲ་སྒྲོགས་ཤིག་།ཆར་ཕོབ་ཅིག་།ཆར་རབ་ཏུ་ཕོབ་ཅིག་།ཆར་ཀུན་ཏུ་རབ་ཏུ་ཕོབ་ཅིག་།དི་རི་རིར་སྒྲོགས་ཤིག་།གློག་ཆེན་པོ་སྣང་བ་རབ་ཏུ་ཕྱུང་ཞིག་།འདུ་ཞིང་ཀུན་ཏུ་འདུ་ལ་ཏོག་ཡར་དིར་དིར་ཞིང་འདུག་སྟེ། ཀླུའི་སྐད་ཆེན་པོ་ཡིད་དུ་འོང་བའི་སྒྲ་ཆེན་པོ་འབྱིན་ཅིང་དབྱངས་ཆེན་པོ་རབ་ཏུ་སྒྲོག་པ་དག་ཛམྦུའི་གླིང་དུ་ཆར་རབ་ཏུ་ཕོབ་ཅིག་།གྷ་ཌ་གྷ་ཌ། གྷི་ཌི་གྷི་ཌི། ཧུ་ཌུ་ཧུ་ཌུ། གུ་ཌུ་གུ་ཌུ། ག་ཌ་ག་ཌ། གི་ཌི་གི་ཌི། མ་ཊ་མ་ཊ། ཙ་ཊ་ཅ་ཊ། པ་ཊ་པ་ཊ། ཀྱེ་ཀྱེ་ཀླུ་དང་ཀླུ་ཆེན་པོ་དག་།ཚུར་ཚུར། ཚུར་ཤེག་ཚུར་ཤེག་།དྷུ་དྷུ་དྷུ་དྷུ། ཧཱ་ཧཱ་ཧཱ་ཧཱ། ཧཱི་ཧཱི། ཧཱུ་ཧཱུ། ཧཱུཾ་ཧཱུཾ། འབྲུག་སྒྲ་ཆེན་པོ་སྒྲོག་ཅིང་རླུང་ཆེན་པོ་རབ་ཏུ་གཏོང་བ་དག་སངས་རྒྱས་ཀྱི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀྱེ་ཀྱེ་ཀླུ་དང་ཀླུའི་རྒྱལ་པོ་དག་།ཀླུ་ཐམས་ཅད་ལ་ཡང་དག་པར་
388b
བསྐུལ་གྱི། ཛམྦུའི་གླིང་དུ་ཆར་ཕོབ་ཅིག་།གྷུ་ཌུ་གྷུ་ཌུ། ཕ་ཌ་ཕ་ཊ། ཧཱ་ཧཱ། ཧེ་ཧེ། ཀླུ་ཆེན་པོ་དག་།འདུས་ཤིག་།སའི་སྟེང་དུ་ཆར་རབ་ཏུ་ཕོབ་ཅིག་།གུ་རུ་གྷུ་རུ། ཀི་རི་ཀི་རི། ཙི་རི་ཙི་རི། མི་ཙི་མི་ཙི།་དི་རི་དི་རི། ཀི་ལི་ཀི་ལི། ཞིང་ཐམས་ཅད་ཡོངས་སུ་གང་བར་གྱིས་ཤིག་།འབྲུ་དང ། ཤིང་ལྗོན་པ་དང ། རྩཝ་དང ། ཤིང་གེལ་པ་དང ། སྨན་ཐམས་ཅད་རབ་ཏུ་སྐྱེ་བར་གྱིས་ཤིག་།བྱམས་པའི་སེམས་ཀྱིས་ཚུར་ཤེག་།སངས་རྒྱས་ཀྱི་བདེན་པ་དང ། ཆོས་ཀྱི་བདེན་པ་དང ། དགེ་འདུན་གྱི་བདེན་པ་དང ། ལག་ན་རྡོ་རྗེའི་བདེན་པ་དང ། ཀླུ་ཐམས་ཅད་ཀྱི་བདེན་པས་ཀླུ་ཆེན་པོ་དག་ཚུར་ཤོག། ཚུར་ཤེག་།ཀླུའི་རྒྱལ་པོ་མདོངས་བུ་ལ་ཡང་དག་པར་བསྐུལ་ལོ། །སངས་རྒྱས་ཀྱི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་དཔལ་གྱི་གཟི་བརྗིད་ལ་ཡང་དག་པར་བསྐུལ་ལོ།། ཆོས་ཀྱི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་མཐའ་ཡས་ལ་ཡང་དག་པར་བསྐུལ་ལོ། །དགེ་འདུན་གྱི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་ནོར་རྒྱས་ཀྱི་བུ་ལ་ཡང་དག་པར་བསྐུལ་ལོ། །ལག་ན་རྡོ་རྗེའི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་འཇོག་པོ་ལ་ཡང་དག་པར་བསྐུལ་ལོ། །ཚངས་པའི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་དཔལ་མགྲིན་ལ་ཡང་དག་པར་བསྐུལ་ལོ། །དབང་པོའི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་
389a
༄#། །རྒྱལ་པོ་ས་སྲུང་གི་བུ་ལ་ཡང་དག་པར་བསྐུལ་ལོ། །ཁྱབ་འཇུག་གི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་ཕྲེང་བ་ཅན་ལ་ཡང་དག་པར་བསྐུལ་ལོ། །དྲག་པོའི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་གཟི་ཅན་ལ་ཡང་དག་པར་བསྐུལ་ལོ། །དྲང་སྲོང་གི་བདེན་བས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་སྐྲག་འབྲོས་བྱེད་ལ་ཡང་དག་པར་བསྐུལ་ལོ། །ལྷའི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་གཟི་ཅན་ཆེན་པོ་ལ་ཡང་དག་པར་བསྐུལ་ལོ། །ཀླུའི་ཐམས་ཅད་ཀྱི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་རབ་ཏུ་འཇོམས་ལ་ཡང་དག་པར་བསྐུལ་ལོ། །གནོད་སྦྱིན་གྱི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུའི་རྒྱལ་པོ་ཐམས་ཅད་ལ་ཡང་དག་པར་བསྐུལ་ལོ། །སྲིན་པོའི་བདེན་པས་ཛམྦུའི་གླིང་འདིར་ཆར་རབ་ཏུ་ཕོབ་ཅིག་སཝཱཧཱ། ཀླུ་གོང་མ་གོང་མ་ཐམས་ཅད་ཀྱི་བདེན་པས་ཆར་ཕོབ་ཅིག་།ཆར་ཕོབ་ཅིག་།མ་འཕྱི་བར་ཚུར་ཤེག་།ཀྱེ་ཀྱེ་ཀླུ་ཆེན་པོ་དག་།ཀླུ་ཐམས་ཅད་ཀྱི་སྙིང་པོ་ལ་ཡང་དག་པར་བསྐུལ་ལོ། །ཀུན་ནས་དྲང་ངོ ། །ས་ར་ས་ར། ཧཱ་ཧཱ། དྷུ་མ་དྷུ་མ། ཧཱ་ཧཱ་ཧཱ་ཧཱ།་ཧི་ཧི་ཧི་ཧི། ཨེ་ཧྱེ་ཧི། ཐ་ཐ་ཐ། ཙ་ཙ་ཙ་ར་ཏ། ཞིང་ཐམས་ཅད་ཀུན་ཏུ་གང་བར་གྱིས་ཤིག་།འབྲུ་ཐམས་ཅད་ཀྱི་ཆར་ཕོབ་ཅིག་།རླུང་ཆེན་པོ་རབ་ཏུ་ཐོང་ཞིག་།དྲཱུ་མ་དྲཱུ་མ། གྷཱུ་ང་གྷཱུ་ང །
389b
བཱུ་མ་བཱུ་མ། ཊ་ཊ་ཊ་ཊ། ནི་བཱ་ར་ཎི། སྟམྦྷ་ནི། མོ་ཧ་ནི། ཛཱཾ་གཱུ་ལི། བུཀྐ་སི། བྲ་ཧཱ་ནེ། མ་ཏིངྒ། ཇ་ཡེ་བི་ཛ་ཡེ། ཧཱ་ཧཱ་སཝཱཧཱ། དེ་བཞིན་གཤེགས་པ་སྤྲིན་ཆེན་སྙིང་པོ་དཔལ་གྱི་གཟི་བརྗིད་དང ། དེ་བཞིན་གཤེགས་པ་སྤྲིན་ཆེན་རབ་འཇོམས་དང ། དེ་བཞིན་གཤེགས་པ་སྤྲིན་འབྱུང་དང ། དེ་བཞིན་གཤེགས་པ་སྤྲིན་ཆེན་སྙིང་པོ་དང ། དེ་བཞིན་གཤེགས་པ་སྤྲིན་ཆེན་ཀུན་ཏུ་འགེབས་དང ། དེ་བཞིན་གཤེགས་པ་འབྲུག་ཆེན་སྒྲོག་དང ། དེ་བཞིན་གཤེགས་པ་སྤྲིན་ཆེན་རྒྱས་མཛད་དང ། དེ་བཞིན་གཤེགས་པ་འབྲུག་ཆེན་རྣམ་པར་སྒྲོག་པའི་སྒྲའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་འཇིག་མཛད་དང ། དེ་བཞིན་གཤེགས་པ་སྤྲིན་ཆེན་སྲུང་དང ། དེ་བཞིན་གཤེགས་པ་སྤྲིན་ཆེན་རྔ་སྒྲ་དང ། དེ་བཞིན་གཤེགས་པ་འབྲུག་ཆེན་སྒྲ་དང ། དེ་བཞིན་གཤེགས་པ་སྤྲིན་ཆེན་དཔལ་གྱི་གཟི་བརྗིད་དང ། དེ་བཞིན་གཤེགས་པ་སྤྲིན་ཆེན་དབྱངས་སྙན་དང ། དེ་བཞིན་གཤེགས་པ་སྤྲིན་ཆེན་སྐར་མའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་འཚུབ་མའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་ཤིན་ཏུ་བརྟན་པའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་བརྟན་པའི་དགའ་བར་མཛད་པ་དང ། དེ་བཞིན་གཤེགས་པ་སྤྲིན་ཆེན་འུར་འུར་སྒྲ་དང ། དེ་བཞིན་གཤེགས་པ་སྤྲིན་ཆེན་འཇིགས་པའི་འཇིགས་མཛད་དང ། དེ་བཞིན་གཤེགས་པ་སྤྲིན་ཆེན་ཐོག་ཏོག་རབ་འབེབས་དང ། དེ་བཞིན་གཤེགས་པ་སྤྲིན་ཆེན་
390a
༄#། །རྣམ་པར་འཕྲུལ་པའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་བཀྲ་ཤིས་ཀྱི་ཚད་དང ། སངས་རྒྱས་ཐམས་ཅད་ཀྱི་བྱིན་གྱི་རླབས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱི་རླབས་ཀྱི་ཕྱིར་དེ་བཞིན་གཤེགས་པ་སྤྲིན་ཆེན་པོ་སྤྲིན་ཆེན་སྙིང་པོ་ཐམས་ཅད་ལ་ཡང་དག་པར་བསྐུལ་ལོ། །ཀླུ་ཐམས་ཅད་ཀྱི་བདེན་པས་ཀླུ་ཐམས་ཅད་ཀྱི་སྙིང་པོ་ལ་ཡང་དག་པར་བསྐུལ་ལོ། །དཀོན་མཆོག་གསུམ་གྱི་བཀའ་ལུང་གིས་མྱུར་དུ་ཤོག་ཅིག་།ཀྱེ་ཀྱེ་ཀླུ་དང་ཀླུ་ཆེན་པོ་དག་།ཚུར་ཤེག་ཚུར་ཤེག་།ཧུ་ལུ་ཧུ་ལུ། སུ་རུ་སུ་རུ། དྷ་བ་དྷ་བ། གྷ་ར་གྷ་ར། བྷུ་རུ་བྷུ་རུ། མ་འཕྱི་བར་སངས་རྒྱས་ཀྱི་བདེན་པས་ཚུར་ཤེག་།ཆོས་ཀྱི་བདེན་པས་ཚུར་ཤོག་།དགེ་འདུན་གྱི་བདེན་པས་ཚུར་ཤེག་།ཀླུ་ཐམས་ཅད་དང ། ཀླུ་ཆེན་པོ་གོང་མ་གོང་མ་དག་གི་བདེན་པས་འཛམ་གླིང་དུ་ཆར་ཕོབ་ཅིག་། ལ་ལ་ཞེས་གར་བྱེད་ཅིང ། ་ལ་ལ་ཞེས་གླུ་ལེན་པ་དང ། ་ལ་ལ་ཞེས་ཀླུའི་རྣམ་པར་འཕྲུལ་པ་ཆེན་པོ་བྱེད་ཅིང་འདུལ་ཆར་གྱི་རྒྱུན་ཆེན་པོ་འབེབས་པར་བྱེད། ཀླུ་ཆེན་པོ་རྣམས་ཀྱི་ཆོས་ཀྱི་སྒྲ་ཡིད་དུ་འོང་བ་སྟོན་པ་གང ། གུ་ལུ་གུ་ལུ། ནཱ་གེ་ནཱ་གེ་།སྟེ་ཙ་ན་ཏ་ནཱ་ག་ནི། ཧ་ཧ་ཌི་ཤི་།ནཱ་ག་ན་གི་ནི་ནཱ་གེ་།སརྦ་ནཱ་ག་བ་ཤྚ་མ་བྷ་ནེ།་མ་ར་ཎ་ཊ་ར་ན་ཊཱ་རེ། ཊཱ་ར་ཊ་ར། ཊཱ་རེ་ཀ་བི་ལ། ཀེ་ཥི། བི་ཀ་ཏེ་དིཥྚ། བྷ་ཡ་ནཱ་ཡེ། ཨ་ཀདྜྷ། ཨ་ཀདྜྷ། བ་བི་ལམྦ་ཐ། བི་ཊུ་ད་རེ། གོ་ར་རེ་བི་ནི། ཀ་ལི་ཨ་ཀ་ལེ། གརྫི་ཏེ། སརྦ་མེ་
390b
གྷ་བི་ཀུརྦ་ཎི། སཾ་ཙོད་ན། སརྦ་ཀྵེ་ཏྲ་ཨ་པུ་ར་ཎི། ཙཀྲི་།ཙཀྲ་བརྟེ། ཧེ་རུ་ཧེ་རུ། བི་གི་བ་བི། སྨ་ར་སྨ་ར། ཀཱ་ལི་ཀཱ་ལི། མ་ཧཱ་ཀཱ་ལི། ཧྲྀ་ད་ཡ། པྲ་བ་ཐ། ཨ་ད་ཏེ། མ་ད་ཏེ། སརྦ་ནཱ་ག་།ཱ་ཀཪྵ་ནི། བཱུ་ར་ཡ་བཱུ་ར་ཡ། ཧཱུ་མ་ཧཱུ་མ། རདྣ་ཏྲ་ཡ་བི་ཀུ་ཏེ། བཛྲི་ཎི། བཛྲི་ཎི། བཛྲ་བཛྲ་བཱ་ནི། ཀཱ་ལ་ཤོ་དཱ་རེ། ནཱ་ག་རཱུ་བི་ནི། སུ་རཱུ་བེ། བྷོ་གི་བྷི་གི་།མ་ཧཱ་བྷོ་གི་།བྷོ་ག་རཱུ་བ་ཏ་ཡ། བ་ལ། བཪྵ་ནི། སརྦ་ནཱ་ག་སཉྩོ་ད་ནི་སཝཱཧཱ།་ན་མོ་རཏྣ་ཏྲ་ཡཱ་ཡ། ན་མ་ཤ་ཙནྜ་བཛྲ་པཱ་ཎ་ཡེ། བནྡྷ་བནྡྷ། སུ་རཱུ་པེ། ཀ་ལི་རཱུ་པ་ནི་སཝཱཧཱ། ཆོས་སྨྲ་བས་ཐོག་མ་ཁོ་ནར་སྲུང་བའི་ཆོ་ག་བྱས་ལ་ཆོས་གོས་ཀྱི་གྲར་ལན་བདུན་བཟླས་བརྗོད་བྱས་ཏེ་མདུད་པ་བོར་ནས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་འདི། ཞག་ཉི་ཤུ་རྩ་གཅིག་གི་བར་དུ་རྒྱུན་མ་ཆད་པར་བཀླག་པར་བྱའོ། །ཤར་ཕྱོགས་སུ་ནི། བ་ལང་གི་ལྕིབས་ཀླུའི་རྒྱལ་པོ་མགོ་གསུམ་པ་ཞེས་བྱ་བ་འཁོར་དང་བཅས་ཏེ་བྲི་བར་བྱའོ། །ལྷོ་ཕྱོགས་སུ་ནི། ཀླུའི་རྒྱལ་པོ་རབ་ཏུ་རྒྱས་བྱེད་ཅེས་བྱ་བ་མགོ་ལྔ་བ་འཁོར་དང་བཅས་ཏེ་བྲི་བར་བྱའོ། །ནུབ་ཕྱོགས་སུ་ནི། ཀླུའི་རྒྱལ་པོ་སྣང་ལྡན་གཙུག་ཕུད་ཅན་ཞེས་བྱ་བ་མགོ་བདུན་པ་འཁོར་དང་བཅས་ཏེ་བྲི་བར་བྱའོ། །བྱང་ཕྱོགས་སུ་ནི། ཀླུའི་རྒྱལ་པོ་སྤྲིན་སྐུལ་ཞེས་བྱ་བ་མགོ་དགུ་པ་འཁོར་དང་བཅས་ཏེ་བྲི་བར་བྱའོ། །བླ་བྲེ་དང ། གོས་སྔོན་པོ་དང ། རྒྱལ་མཚན་སྔོན་པོ་དང ། ལྷ་བཤོས་ཐམས་ཅད་ཀྱང་སྔོན་པོར་བྱའོ། །ཀླུ་རྣམས་ལ་དབབ་པ་ནི། མངར་གསུམ་གྱིས་བྱའོ། །མངར་གསུམ་གྱི་དགང་
391a
༄#། །བླུགས་བདུན་ཡང་ཀླུའི་སྙིང་པོས་སྦྱིན་སྲེག་བྱའོ། །སྤྲིན་གྱི་རྒྱལ་པོ་རྣམས་ཀྱང་བྲིས་ཏེ་ཆར་གྱི་རྒྱུན་འབེབས་ལ་ཕན་ཚུན་ཐུག་ཅིང་མཐར་གློག་འགྱུ་བར་བྱའོ། ། འདིར་དབབ་པ་ནི། ཁུར་བ་བཀྲ་ཤིས་ལྡན་དང ། བེན་ཙེ་དང ། ཤ་དང ། ཉ་ཤ་དང ། སྦྲང་རྩི་ལས་བྱས་པའི་ཟས་མཆོག་རྒྱས་པར་བྱའོ། །དེ་ནས་ཆོས་སྨྲ་བ་གཙང་ཞིང་གོས་གཙང་མ་བགོས་ནས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་བཀླག་པར་བྱའོ། །དེ་ནས་ཀླུ་རྣམས་དང་པོའི་ཉིན་མོ་ནས་བརྩམས་ཏེ་དི་རི་རིར་སྒྲ་སྒྲོག་པར་བྱེད་ཅིང་སྒྲ་ཡིད་དུ་འོང་བ་དག་འབྱིན་པར་འགྱུར་ཏེ། ལེའུ་འདི་ལ་ཐེ་ཚོམ་དང་བརྙས་པར་མི་བྱའོ། །གལ་ཏེ་རྒྱ་མཚོ་དུས་ཚོད་ལས་ཡོལ་ན། འདིའང་ཆར་ལས་ཡོལ་བར་འགྱུར་རོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་སྒྲ་སྒྲོག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་བདལ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་སྒྲོག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་
391b
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ཀུན་ཏུ་སྟོན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་རྣམ་པར་རྒྱས་མཛད་ལ་ཕྱག་འཚལ་ལོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཡན་ལག་མཛེས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ལྟ་བུའི་ན་བཟའ་མནབས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱིས་འབྲུ་སྐྲུན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཕྲེང་བ་ཅན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཐོར་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་དབང་ཕྱུག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
392a
༄#། །སྤྲིན་འཛིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱིས་བྱིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་རྣམ་པར་སྒྲོག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཆུ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་སྡུད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་ངེས་པར་བསྒྲགས་ལ་ཕྱག་འཚལ་ལོ། །སངས་རྒྱས་ཐམས་ཅད་ལ་ཕྱག་འཚལ་ལོ། །སེམས་ཅན་ཐམས་ཅད་ལ་བདེ་ལེགས་སུ་གྱུར་ཅིག་།འབྱུང་པོ་ཐམས་ཅད་ལ་བྱམས་པར་གྱུར་ཅིག་།དུད་འགྲོར་གྱུར་པ་ཐམས་ཅད་འཇིགས་པ་མེད་པར་གྱུར་ཅིག ། ངན་འགྲོ་ཐམས་ཅད་ཞི་བར་གྱུར་ཅིག་།སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་ཆོ་ག་།སངས་རྒྱས་ཐམས་ཅད་ཀྱིས་གཟིགས་
392b
པའི་ཆོ་ག་འདི་གྲུབ་པར་གྱུར་ཅིག་།ཏདྱ་ཐཱ། སྦུ་ཏ་སྤུ་ཏ། སྤུ་ཊ་སྥུ་ཊ་སྥུ་ཊ་སཝཱཧཱ། ཆར་མི་འབབ་པའི་ཚེ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་གིས་མགོ་བཀྲུས་ཏེ་གོས་གཙང་མ་བགོས་ལ་བྱམས་པའི་སེམས་དང་ལྡན་པས་དེ་བཞིན་གཤེགས་པའི་མཚན་འདི་དག་ཡི་གེར་བྲིས་ནས་གདན་གཙང་མ་ལ་བཞག་སྟེ་པོག་ཕོར་བདུན་གྱིས་ནམ་མཁའ་ལ་གྱེན་དུ་བདུག་ཅིང ། དེ་བཞིན་གཤེགས་པའི་མཚན་རྣམས་ལན་ལྔ་བཅུའི་བར་དུ་བརྗོད་ལ་མཆོད་པ་ཆེན་པོ་བྱས་ཏེ་ཞག་བདུན་གྱི་བར་དུ་རྒྱུན་མ་ཆད་པར་བྱས་ན་ཆར་འབབ་པར་འགྱུར་རོ། །འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང ། སུ་རེནྡྲ་བོ་དྷི་དང ། ཞུ་ཆེན་གྱི་ལོ་ཙཱ་བ་བནྡྷེ་ཡེ་ཤེས་སྡེས་ཞུས་ཏེ་གཏན་ལ་ཕབ་པ།