rKTs


H267

(e-text produced by ACIP)

see text in transliteration
506a
།།རྒྱ་ནག་གི་འགྱུར་ཤླཽ་ཀ་བདུན་བརྒྱ་རྩ་བཅུ་གཉིས་ཏེ། བམ་པོ་གཉིས་དང ། ཤོ་ལོ་ཀ་བརྒྱ་བཅུ་གཉིས། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ། བམ་པོ་དང་པོ། ཕྱག་འཚལ་བའི་ཆོ་ག་དང ། མཚན་ནས་བརྗོད་པའི་ཡོན་ཏན་གྱི་གླེང་གཞི་དང ། དུས་གསུམ་གྱི་དེ་བཞིན་གཤེགས་པ་རྣམས་ཀྱི་མཚན་དང ། མདོ་སྡེ་བཅུ་གཉིས་དང ། བྱང་ཆུབ་སེམས་དཔའ་རྣམས་ཀྱི་མཚན་ནས་བརྗོད་ཅིང་ཕྱག་འཚལ་བ་དང ། བཤགས་པའི་ལེའུ་རྣམས་འབྱུང་བ་ཉི་ཚེ་བཅོས་ཤིང་བསྒྱུར་བ། དེ་ནས་ཕྱོགས་བཅུ་ནས་ལྷག་པའི་བྱང་ཆུབ་སེམས་དཔའ་རྣམས་ཀྱིས་ལྷན་ཅིག་ཏུ་ཐལ་མོ་སྦྱར་ཏེ་བཅོམ་ལྡན་འདས་ལ་གསོལ་པ།
506b
བཅོམ་ལྡན་འདས། བདག་ཅག་རྣམས་ཕྱོགས་བཅུའི་སངས་རྒྱས་དེ་དག་གི་མཐུ་དང་བྱིན་གྱི་རླབས་ཀྱིས་འཇིག་རྟེན་གྱི་ཁམས་འདིར་མཆིས་ཏེ་བཅོམ་ལྡན་འདས་ཀྱི་ཞལ་མཐོང་ལ། ཐེག་པ་ཆེན་པོའི་ཆོས་ཐོས་ནས་བདག་ཅག་དང ། ལྷ་དང་མིས་མདོ་སྡེ་གསུང་རབ་འདི་ལན་གཅིག་འཛིན་པ་དང ། འཆང་བར་གསོལ་ཏེ་གནང་བར་འཚལ་ན། བཅོམ་ལྡན་འདས་ཡོངས་སུ་མྱ་ངན་ལས་འདས་པའི་སླད་ན་ཡུལ་ཁམས་འདི་དང ། ཕྱོགས་གཞན་དུ་རི་དང ། ཚལ་དང ། ཤིང་དྲུང་གི་རིག་སྔས་འཆང་བའི་གནས་དང ། གྲོང་དང ། གྲོང་ཁྱེར་དང་གནས་དང ། ཁྱིམ་དང ། དགོན་པའི་གནས་དང ། དུར་ཁྲོད་དང ། ཤིང་དྲུང་དང ། བླ་གབ་མེད་པ་དང ། མཆོད་རྟེན་དང ། གཙུག་ལག་ཁང་དང ། དགེ་འདུན་གྱི་ཀུན་དགའ་ར་བ་དང ། མི་མང་པོ་འདུ་བའི་ཆོས་བཤད་པའི་གནས་དང ། མི་ཕལ་གྱི་གནས་དང ། མིར་གྱུར་པ་ཐམས་ཅད་ལ་རྒྱ་ཆེར་ཁྱབ་པར་བསྟན་ཏེ་རྒྱུན་མི་འཆད་པར་བགྱིའོ། །དེ་ཅིའི་སླད་དུ་ཞེ་ན། དམ་པའི་ཆོས་ཡུན་རིང་དུ་གནས་ན་ངན་འགྲོ་རྣམས་གཏན་དུ་བཀག་པའི་སླད་དུའོ། །ཇི་ལྟ་ཞེ་ན། བཅོམ་ལྡན་འདས་ཀྱི་བསྟན་བས་སེམས་ཅན་དམྱལ་བའི་སྒོ་བཀུམ་ཞེས་ཐོས་ཏེ། ཆོས་ཀྱི་གཞུང་འདི་ལས་ཚིག་འབྲུ་གཅིག་ཙམ་ཁ་ཏོན་དུ་བཏོན་ན། ལྷ་རྣམས་ཀྱང་དགའ་ཞིང་མགུ་སྟེ་རྟག་ཏུ་བསྙེན་ཞིང་མཆིས་ནས་རང་ཡང་དགེ་བ་སྤྱོད་པར་བགྱིད་ལགས་སོ། །མི་ལ་ལ་དག་ཀྱང་རྟོགས་པ་ཆེན་
507a
༄#། །པོས་ཡོངས་སུ་རྒྱས་པའི་ཆོས་ཀྱི་གཞུང་འདི་ཐོས་ནས་དགའ་ཞིང་མགུ་ལ་མོས་ཤིང་གུས་ཏེ་ཡི་གེར་འབྲི་ལ་འདོན་ཅིང་ཀློག་པ་དང ། འཛིན་ཅིང་འཆང་ལ་ཕྱག་འཚལ་ཏེ་ཆོས་ཀྱི་གཞུང་འདི་ལས་བསྟན་པའི་དེ་བཞིན་གཤེགས་པ་འགའི་མཚན་དང ། བྱང་ཆུབ་སེམས་དཔལ་འགའི་མིང་ནས་བརྗོད་ནའང་མི་དེས་ད་ལྟར་གྱི་ཚེ་འདི་ལ་བདེ་ཞིང་སྐྱིད་པ་དང ། སྡིག་པ་མི་དགེ་བ་མི་འབྱུང་ལ། ནམ་འགུམ་པའི་ཚེ་ནའང་བདག་ཅག་བྱང་ཆུབ་སེམས་དཔའ་དང ། ལྟ་རྣམས་ཀྱིས་དེའི་མདོན་དུ་ཤུལ་འདྲེན་ཅིང་སངས་རྒྱས་ཀྱི་ཞིང་ཡོངས་སུ་དག་པ་དག་མཐོང་ལ། དད་ནས་གནས་གཅིག་ཏུ་སྐྱེ་བར་འགྱུར་རོ། དེ་ཅིའི་སླད་དུ་ཞེ་ན། ཆོས་ཀྱི་གཞུང་འདི་ལེན་ཅིང་ཡོངས་སུ་བཟུང་བའི་སླད་དུའོ། །མདོ་སྡེ་འདི་ལེན་ཅིང་ཡོངས་སུ་འཛིན་པ་ནི། སངས་རྒྱས་ཀྱི་སྐུ་ཡོངས་སུ་འཛིན་པ་ལགས་སོ། །དེ་བཞིན་གཤེགས་པའི་སྐུ་ཡོངས་སུ་འཛིན་པ་དེ་ནི། བྱང་ཆུབ་སེམས་དཔའ་ལགས་ཏེ། དེ་བས་ན།་བདག་ཅག་དང་བསླབ་པ་གཅིག་སྟེ། རྒྱུ་དེའི་སླད་དུ་ཆོས་ཀྱི་གཞུང་འདི་ཡོངས་སུ་བཟུང་བས་གནས་གཅིག་ཏུ་སྐྱེ་ཞིང་གཅིག་གིས་གཅིག་མི་སྤོང་ཞིང་མི་འབྲལ་བས་སྨོན་ལམ་གཅིག་པ་ལགས་སོ། །དེ་ནས་ཡང་ལྷ་མ་སྲིན་རྣམས་ཀྱི་རྒྱལ་པོ་དང ། ཚངས་པ་ཆེན་པོའི་རྒྱལ་པོ་དང ། སུམ་ཅུ་རྩ་གསུམ་གྱི་ལྷ་རྣམས་དང ། འཇིག་རྟེན་སྐྱོང་བ་ཕྱོགས་བཞིའི་
507b
རྒྱལ་པོ་ཆེན་པོ་བཞི་དང ། ཕྱག་བརྙན་ལག་ན་རྡོ་རྗེ་དག་དང ། སྡེ་དཔོན་ཆེན་པོ་ལ་སོགས་པ་དང ། ཀླུའི་རྒྱལ་པོ་དགའ་བོ་དང་བསྙེན་དགའ་བོ་དང ། ལྷ་མ་ཡིན་གྱི་རྒྱལ་པོ་དང ། ནམ་མཁའ་ལྡིང་གི་རྒྱལ་པོ་དང ། མི་འམ་ཅིའི་རྒྱལ་པོ་དང ། བུ་དགུ་མའི་ལྷ་དང ། རིའི་ལྷ་དང ། ཤིང་གི་ལྷ་དང ། འབབ་ཆུའི་ལྷ་དང ། མཚོའི་ལྷ་དང ། སའི་ལྷ་དང ། ཆུའི་ལྷ་དང ། མེའི་ལྷ་དང ། རླུང་གི་ལྷ་ལ་སོགས་པའི་རྒྱལ་པོ་དང ། དེ་དག་ལ་སོགས་པ་ཚད་མེད་གྲངས་མེད་པ་དག་དང ། ལྷ་ཆེན་པོ་རྣམས་དང་འཁོད་པ་ལས་ལངས་ཏེ་གདོང་དང་སྤྱི་བོས་ཕྱག་བཙལ་ནས་ཐལ་མོ་སྦྱར་ཏེ་རྗེས་དང་གུས་པར་བཅས་པས་བཅོམ་ལྡན་འདས་ལ་གསོལ་པ། བཅོམ་ལྡན་འདས། བདག་ཅག་ལ་སོགས་པས་སླན་ཆད་རྟག་ཏུ་བཅོམ་ལྡན་འདས་ཀྱིས་གསུངས་པའི་རྟོགས་པ་ཆེན་པོས་ཡོངས་སུ་རྒྱས་པའི་ཆོས་ཀྱི་གཞུང་འདི་ཡོངས་སུ་བཟུང་སྟེ། མདོ་སྡེ་འདི་གང་ན་གནས་པར་བདག་ཅག་ལྷའི་རྒྱལ་པོ་རྣམས་རྟག་ཏུ་དེའི་མདུན་དུ་མཆིས་ཏེ་གཙང་ཞིང་དག་པར་བགྱིས་ལ། མཆོད་རྟེན་གྱི་ནད་ངམ། མི་ཕལ་གྱི་གནས་སམ། དབེན་པའི་ཕྱོགས་ན་གནས་སམ། ཡང་ན་མདོ་སྡེ་འདི་ལ་གཙང་སྦྲ་མ་ཕྱེད་པའི་ཡན་ལག་གིས་འཛིན་ཀྱང་རུང ། བདག་ཅག་གིས་མི་དེ་ལ་མི་རིགས་པའི་གནོད་པས་མི་ཚུགས་པར་བགྱིའོ། །དེ་མཆིས་པའི་གནས་ཁྱིམ་གྱི་རིམ་གྲོའང་བགྱིའོ། །བདག་ཅག་ལྷའི་རྒྱལ་པོ་ལ་སོགས་པ་ཐམས་ཅད་ཀྱིས་དེ་ཕན་ཚུན་མཆི་ནའང་དེའི་མདུན་དུ་འདྲེན་ཅིང་
508a
༄#། །ཤུལ་སེལ་བ་དང ། ཅི་འཚལ་བ་བསྒྲུབ་པར་བགྱིའོ། །དེ་ཕྱོགས་བཞི་དག་ཏུ་མཆིས་ནའང་སྒྲིབ་ཅིང་ཆགས་པ་མ་མཆིས་ལ། རྟག་ཏུ་དགའ་བའི་ཆོས་མཐོང་ཞིང་ཚེ་བརྗེས་ན་ལྷའི་ནང་དུ་སྐྱེ་བ་དང ། དེའི་བསོད་ནམས་ཀྱིས་སངས་རྒྱས་འབྱུང་བ་དང་མཇལ་ཞིང་ཐེག་པ་ཆེན་པོ་ལས་མི་ཉམས་པར་བགྱིད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང ། ལྷ་མ་སྲིན་རྣམས་ཀྱི་རྒྱལ་པོ་ལ་སོགས་པ་དག་ལ་བཀའ་སྩལ་པ། དེ་དེ་བཞིན་ཏེ། །དེ་དེ་བཞིན་ཏེ། ཁྱོད་ཀྱིས་སྨྲས་པ་དེ་བཞིན་ཏེ། ཆོས་ཀྱི་གཞུང་འདི་ལྟ་བུ་འདི་ཐོས་པར་ཡང་དཀའ་ན་རྟོགས་པར་ལྟ་སྨོས་ཀྱི་དགོས། ཆོས་ཀྱི་གཞུང་འདི་ལེན་ཅིང་འཛིན་ལ། འདོན་ཅིང་ཀློག་པར་བྱེད་ན། གཙང་སྦྲ་དང ། ཁྲུས་ཀྱིས་དག་ཅིང་དད་པར་བྱས་ལ་གོས་གཙང་མ་བགོས་ཏེ། གནས་གཙང་མར་བྱས་ལ་དར་གྱི་བླ་བྲེ་དང ། བ་དན་ལ་སོགས་པས་གནས་ཀྱི་ནང་བཟང་བར་བྱས་ཏེ་བརྒྱན་ལ། སྤོས་མཆོག་ཏུ་དྲི་ཞིམ་པ་ཙནྡན་དང ། ཕྱེ་མ་དག་གི་བྱུག་པ་དང ། སྤོས་རྣམ་པ་མང་པོ་བསྲེགས་ནས་ཕྱག་འཚལ་ཏེ་ཉིན་ཞག་གཅིག་ལ་ཉིན་ལན་གསུམ་མཚན་ལན་གསུམ་དུ་དེ་ལྟ་བུར་ཉིན་ཞག་བདུན་གྱི་བར་དུ་ཆོས་ཀྱི་གཞུང་འདི་ཀློག་ཅིང་འདོན་ཏེ་སེམས་དང་ཡིད་མི་གཡེང་བ་དང ། དྲན་པ་མི་གཡེལ་ཞིང་གཅིག་ཏུ་བརྟན་པ་དང ། བསམ་པ་དྲང་བ་དང ། དྲན་པ་ཉེ་བར་བཞག་ཅིང་འགྲོ་བ་དང་ལེན་ཅིང་འཛིན་
508b
པ་མ་འཁྲུལ་བ་དང ། སྤྱོད་ལམ་བརྟན་པ་དང ། འདོན་ཅིང་ཟློས་པ་ཕྱིན་ཅི་མ་ལོག་པ་དེ་ལྟ་བུའི་ཚུལ་དུ་མདོ་སྡེ་འདི་ལས་བསྟན་པའི་དེ་བཞིན་གཤེགས་པ་རྣམས་དང ། མདོ་སྡེ་བཅུ་གཉིས་དང ། བྱང་ཆུབ་སེམས་དཔའ་རྣམས་ཀྱི་མཚན་ནས་བརྗོད་ཅིང་བཀླགས་ལ་མོས་ཤིང་གུས་པས་དེ་ལྟར་ཕྱག་འཚལ་ཞིང་འཆད་བ་ནི། མདོ་སྡེ་འདི་ལས་བཤད་པ་བཞིན་དུ་སྡིག་ལྕེ་བ་ཐམས་ཅད་ཡང་དག་པར་བསལ་བར་འགྱུར་རོ། །དེ་ཅིའི་ཕྱིར་ཞེ་ན། རྟོགས་པ་ཆེན་པོས་ཡོངས་སུ་རྒྱས་པའི་ཆོས་ཀྱི་གཞུང་འདི་ནི། ཕྱོགས་བཅུའི་སངས་རྒྱས་ཐམས་ཅད་ཀྱིས་ཀྱང་སྤྱད་ཅིང་སྦྱངས་ལ་བྱིན་གྱིས་བརླབས་ནས་ཡོངས་སུ་བཟུང་བ་སྟེ། སངས་རྒྱས་ཐམས་ཅད་ཀྱི་ནི། ཡུམ་མོ། །མདོ་སྡེ་རྣམས་ཀྱི་ནི། རྒྱལ་པོའོ། །མཆོག་གི་གཞུང་གི་ནི། མཛོད་དོ། །བྱང་ཆུབ་སེམས་དཔའ་རྣམས་ཀྱི་ནི། ལམ་མོ། །རྟོགས་པ་ཆེན་པོས་ཡོངས་སུ་རྒྱས་པ་འདི་མཆོག་ཏུ་ཟབ་པའི་ཆོས་ཀྱི་གཞུང་གི་སྙིང་པོའོ། །གཅིག་ཏུ་དཔེར་ན། འཇིག་རྟེན་ན་ཆེན་པོ་བཞི་ལ་སོགས་པ་རྣམ་པ་དྲུག་དང་མཚུངས་ཤིང་བསམ་གྱིས་མི་ཁྱབ་སྟེ། དྲུག་གང་ཞེ་ན། ས་ཆེན་པོ་དང ། ཆུ་ཆེན་པོ་དང ། མ་ཆེན་པོ་དང ། རླུང་ཆེན་པོ་སྟེ། ཆེན་པོ་བཞི་དང ། ཉི་མ་དང ། སྟོང་པ་སྟེ། དྲུག་གོ་།དེ་ལ་མདོ་སྡེ་འདི་ནི། དཔེར་ན། ས་ཆེན་པོ་དང་འདྲ་བར་གཙང་སྨེ་དང ། བཟང་ངན་ཆེ་ཆུང་ཐམས་ཅད་ཐེག་པ་ཡིན་ནོ། །ཡང་མདོ་སྡེ་འདི་ནི། དཔེར་ན། ཆུ་ཆེན་པོ་དང་འདྲ་བར་མི་གཙང་བའི་ལྗན་ལྗིན་དང ། དྲི་མ་
509a
༄#། །ཐམས་ཅད་ཡང་དག་པར་འཁྲུ་བ་ཡིན་ནོ། །ཡང་མདོ་སྡེ་འདི་ནི། དཔེར་ན། མེ་ཆེན་པོ་དང་འདྲ་བར་ལས་དང་ཉོན་མོངས་པའི་དྲི་མ་མི་གཙང་བའི་སྦར་སྦུར་ཐམས་ཅད་སྲེག་པ་ཡིན་ནོ། །ཡང་མདོ་སྡེ་འདི་ནི། དཔེར་ན། རླུང་ཆེན་པོ་དང་འདྲ་བར་ལས་དང་ཉོན་མོངས་པའི་དྲི་མ་མི་གཙང་བའི་ཕྱག་དར་ཐམས་ཅད་འཐོར་ཞིང་འབུད་པ་ཡིན་ནོ། །ཡང་མདོ་སྡེ་འདི་ནི།་དཔེར་ན། ཉི་མ་དང་འདྲ་བར་མ་རིག་པའི་མུན་ནག་ཐམས་ཅད་ཀུན་ཏུ་སྣང་བར་བྱེད་པ་ཡིན་ནོ། །ཡང་མདོ་སྡེ་འདི་ནི། དཔེར་ན། ནམ་མཁའ་སྟོང་པ་དང་འདྲ་བར་དངོས་པོ་མ་ལུས་པ་ཐམས་ཅད་གོ་འབྱེད་ཅིང་ཤོང་བར་བྱེད་དོ། །ཐེག་པ་ཆེན་པོའི་མདོ་སྡེ་རྟོགས་པ་ཆེན་པོས་ཡོངས་སུ་རྒྱས་པའི་མདོ་འདི་རྒྱ་ཆེ་བ་ནི། ཟླ་མེད་པ་ཡིན་ཏེ། བྱང་ཆུབ་སེམས་དཔའ་མན་ཆད་ཉན་ཐོས་དང ། འདོད་པ་དང ། གཟུགས་དང ། གཟུགས་མེད་པ་ལ་ཐུག་པ་ཐམས་ཅད་ཤོང་བར་བྱེད་དོ། །དེ་བས་ན་ཁྱེད་ཀྱིས་མདོ་སྡེ་འདི་ལོངས་ལ་ཡོངས་སུ་བཟུང་བ་དང ། རྒྱ་ཆེར་སྤེལ་ཞིང་ཁྱབ་པར་གྱིས་ཤིག་།མདོ་སྡེ་འདི་ལ་མོས་ཤིང་གུས་པར་གྱིས་ཏེ། ཁྱེད་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་རྟག་པར་སངས་རྒྱས་ཀྱི་ཡེ་ཤེས་ཁོང་དུ་ཆུད་ལ། དེ་བཞིན་གཤེགས་པའི་ངོ་བོ་ཉིད་མཐོང་བར་གྱིས་ཤིག། ཁྱེད་ལྷའི་རྒྱལ་པོ་དག་མདོས་དེ་འདི་ལེན་ཅིང་ཡོངས་སུ་འཛིན་པ་རྣམས་ཀྱིས་རྟག་ཏུ་བ་དང་མ་བྱོན་པའི་
509b
སངས་རྒྱས་ཐམས་ཅད་མངོན་པར་རྫོགས་པར་བྱང་ཆུབ་སྟེ་ཆོས་ཀྱི་འཁོར་ལོ་ཆེན་པོ་བསྐོར་བ་མཐོང་བར་གྱིས་ཤིག་།དེ་ནས་འཁོར་མང་པོ་འདུས་པའི་ནང་ནས་བྱང་ཆུབ་སེམས་དཔའ་མོས་པའི་མཚན་ཞེས་བྱ་བ་སྟན་ལས་ལངས་ཏེ་གོས་ལེགས་པར་བགོས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་བཙལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས།་བདག་ཅག་ལ་སོགས་པས་སྐྱེ་བོ་མང་པོ་ལ་སྨན་པ་དང་བདེ་བའི་སླད་དུ་གསོལ་ཞིང་ཞུ་ན་གནང་བའི་སྐབས་དབྱེ་བར་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མོས་པའི་མཚན་ལ་བཀའ་སྩལ་པ། མོས་པའི་མཚན། ཁྱོད་ཀྱིས་སྐྱེ་བོ་མང་པོ་ལ་ཕན་པ་དང་བདེ་བའི་ཕྱིར་ཞུ་བ་ཞུས་པ་ལེགས་སོ་ལེགས་སོ། །ཁྱོད་ཀྱིས་ཅི་དང་ཅི་ཞུས་པ་ཉོན་ཅིག་དང་ངས་ཁྱོད་ལ་བཤད་པར་བྱའོ། །ཁྱོད་ཀྱིས་ཞུས་པའང་དཔག་ཏུ་མེད་པའི་སྐྱེ་བོ་ལ་ཕན་པ་དང་བདེ་བའི་ཕྱིར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མོས་པའི་མཚན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་དྲན་པ་སྔོན་འདས་པའི་དུས་ན་བཅོམ་ལྡན་འདས་ཀྱི་མཚན་རིན་ཆེན་གཙུག་ཏོར་ཅན་ཞེས་བགྱི་བ་དེའི་མཚན་ལན་གཅིག་ཐོས་པ་ཙམ་གྱིས་ཀྱང་ལྷར་སྐྱེ་བ་ཐོབ་བོ། །སླད་ཀྱིས་ཡུན་མི་རིང་བ་ཞིག་ན་རྒྱལ་པོ་ལྷའི་དབང་ཕྱུག་འོད་ཅེས་བགྱི་བའི་ཡུལ་ཁམས་དགོན་པའི་ནང་ཞིག་ལ་ལུ་མ་ཆེན་པོ་ཞིག་མཆིས་པའི་ཆབ་བསྐམས་
510a
༄#། །ཏེ་དེའི་ནང་ན་ཆབ་ཉ་སྟོང་ཕྲག་བཅུ་ཞིག་གདུགས་ཀྱིས་གདུངས་ནས་འགུམ་དུ་ཉེ་བ་ཞིག་མཆིས་པ་ལ། ཚོང་དཔོན་གྱི་བུ་ཆུ་འབེབས་ཞེས་བགྱི་བ་ཞིག་གིས་ཆབ་ཉ་དེ་དག་མཐོང་བ་དང ། སྙིང་རྗེ་བའི་སེམས་སྐྱེས་ཏེ་ཆབ་དང་ཟས་ཀྱི་སྦྱིན་པ་སྩལ་ནས་དགུང་མང་པོ་མི་ཐུབ་ཅིང་འཚོ་བ་ཡུན་མི་རིང་བར་འཚལ་ཏེ། དེ་ནས་ཚོང་དཔོན་གྱི་བུ་ཆུ་འབེབས་ཀྱིས་བཅོམ་ལྡན་འདས་རིན་ཆེན་གཙུག་ཏོར་ཅན་གྱི་མཚན་ལན་གསུམ་བརྗོད་པས་ཉ་དེ་རྣམས་ཀྱིས་ཐོས་པས་ཚེ་འཕོས་མ་ཐག་ཏུ་སུམ་ཅུ་རྩ་གསུམ་གནམ་གྱི་ལྷར་སྐྱེས་སོ། །དེ་ལྟ་བས་ན་བཅོམ་ལྡན་འདས། འཁོར་འདི་དག་དང ། མ་འོངས་པའི་སྐྱེ་བོ་རྣམས་ལ་སྨན་པའི་སླད་དུ་བཅོམ་ལྡན་འདས་རྣམས་ཀྱི་མཚན་བསྟན་ཅིང་བསྒྲག་པར་གསོལ།་བཅོམ་ལྡན་འདས་ཤཱཀྱ་ཐུབ་པའི་མཚན་ཀྱང་ཐོས་ན། དཔག་ཏུ་མཆིས་ཤིང ། བརྗོད་དུ་མ་མཆིས་པའི་སྐྱེ་བོ་མང་པོ་ལ་སྨན་པ་དང ། བདེ་བ་ཐོབ་ཅིང་རྟག་ཏུ་ལོངས་སྤྱོད་ཕུན་སུམ་ཚོགས་པ་དང་ལྡན་པ་དང ། དཔག་ཏུ་མ་མཆིས་པའི་བསོད་ནམས་ཀྱི་གཏེར་རྙེད་ཅིང་དེ་བཞིན་གཤེགས་པའི་བདག་ཉིད་ཀྱང་མངོན་སུམ་དུ་རྟོགས་པར་འགྱུར་བའི་སླད་དུ་གསོལ་པ་དང ། ཚུལ་ཁྲིམས་ཀྱི་རྩ་བ་ཉམས་ཤིང་ཉོན་མོངས་པས་འཁྲུལ་བའི་སེམས་ཅན་རྣམས་ཡོངས་སུ་ཐར་པར་འགྱུར་བའི་སླད་དུ་བསྟན་པར་གསོལ། དེ་ནས་
510b
བཅོམ་ལྡན་འདས་ཀྱིས་བྱང་ཆུབ་སེམས་དཔའ་མོས་པའི་མཚན་ལ་བཀའ་སྩལ་པ། རིགས་ཀྱི་བུ། གལ་ཏེ་ཕྱོགས་བཅུའི་སངས་རྒྱས་ཐམས་ཅད་ཀྱི་མཚན་རྫོགས་པར་བསྟན་ན། བསྐལ་པ་ཁྲི་ཕྲག་བརྒྱ་སྟོང་གི་བར་དུ་བསྟན་ཀྱང་རྫོགས་པའི་མཐའ་མེད་དོ། །ཆུ་ཐམས་ཅད་ཀྱི་ཐིགས་པའི་གྲངས་ནི། བགྲང་ཞིང་ཤེས་པར་རུང་གི་།སངས་རྒྱས་ཐམས་ཅད་ཀྱི་མཚན་ནི། བགྲང་ཞིང་ཤེས་པར་མི་ནུས་སོ། །རི་རབ་རྒྱུན་པོ་རྣམས་ཀྱང་སྲང་ལ་གཞལ་ཞིང་བགྲང་བར་རུང་གི་།སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི། བགྲང་ཞིང་ཤེས་པར་མི་ནུས་སོ། ། འཇིག་རྟེན་ཐམས་ཅད་ཀྱི་རྡུལ་ཐམས་ཅད་ནི། བགྲང་ཞིང་ཤེས་བར་རུང་གི་།སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི། བརྗོད་ཅིང་ཤེས་པར་མི་ནུས་སོ། །ནམ་མཁའི་ཁམས་དང་མཐད་ནི། ཤེས་པར་རུང་གི་།སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི། བརྗོད་ཅིང་ཤེས་པར་མི་ནུས་སོ། །དེ་ལྟ་བས་ན། ངས་ཁྱོད་ལ་དུས་གསུམ་གྱི་སངས་རྒྱས་བཅོམ་ལྡན་འདས་རྣམས་ཀྱི་མཚན་མདོ་ཙམ་ཞིག་བསྟན་ཏེ། དེ་གང་ཟག་ལ་ལའི་རྣམ་བར་ལན་གཅིག་ཐོས་ན་མི་དེ་ཚེ་འཕོས་མ་ཐག་ཏུ་ལྷའི་གནས་སུ་སྐྱའོ། །ཐོས་ནས་མོས་པ་དང ། གུས་པ་བྱས་ལ་ཡི་གེར་བྲིས་སམ། མཚན་ནས་བརྗོད་ཅིང་འཕྱག་འཚལ་ན། འཁོར་བ་དཔག་ཏུ་མེད་པའི་སྡིག་ལྕི་བ་འབྱར་སྟེ། བསོད་ནམས་ཚད་མེད་པ་ཐོབ་པས་གང་
511a
༄#། །ཟག་དེ་དུས་ཟད་ནའང་ཕྱོགས་བཅུའི་སངས་རྒྱས་ཀྱི་ཞིང་དུ་ཡིད་ལ་སྨོན་པ་བཞིན་དུ་སྐྱེ་སྟེ། དའང་མཐོང་ལ་མ་འོངས་པའི་བསྐལ་པ་བཟང་པོའི་སངས་རྒྱས་རྣམས་ཀྱང་མཐོང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་འཁོར་མང་པོ་རྣམས་ལ་བཀའ་སྩལ་པ། ཁྱེད་ལ་སོགས་པ་རྣམས་ཆོས་ཐོས་པར་འདོད་ན། ཚུལ་བཞིན་དུ་གོས་ལེགས་པར་བགོས་པ། ལུས་བསྲང་སྟེ་སེམས་མི་གཡེང་ཞིང་དྲན་པ་མི་གཡེལ་བར་ཤིན་ཏུ་ཡིད་ལ་བྱོས་ཏེ་སེམས་རྩེ་གཅིག་ཏུ་བསྡུས་ལ་ཕྱག་འཚལ་ཅིང ། །དེ་བཞིན་གཤེགས་པ་རི་རབ་མར་མེའི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་བ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྔན་བ་མཐའ་ཡས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མང་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་བསྡུས་ཤིང་འཛིན་པ་ལ་གུས་པར་ཕྱག་འཚལ་ལོ། །དཔག་ཅིང་གཞལ་བ་ལས་འདས་པ་ལ་གུས་པར་ཕྱག་འཚལ་ལོ། །ཟླ་དང་དཔེ་མེད་
511b
པ་ལ་གུས་པར་ཕྱག་འཚལ་ལོ། །ཆོས་མུ་མེད་པ་ལ་གུས་པར་ཕྱག་འཚལ་ལོ། །བསམ་དཔག་དཀའ་བ་ལ་གུས་པར་ཕྱག་འཚལ་ལོ། །སྟོབས་ཀྱི་སྟོབས་ལ་གནས་པའི་སྟོབས་ལ་གུས་པར་ཕྱག་འཚལ་ལོ། །སྟོབས་བཅུ་དང་མི་འཇིགས་པ་ལ་གུས་པར་ཕྱག་འཚལ་ལོ། །ཁམས་གསུམ་ན་བཙུན་པ་ལ་གུས་པར་ཕྱག་འཚལ་ལོ། །ཐམས་ཅད་ཀྱི་ལམ་སྟོན་པ་ཆེན་པོ་ལ་གུས་པར་ཕྱག་འཚལ་ལོ། །ཉོན་མོངས་པའི་འཆིང་བ་ཐམས་ཅད་གཅོད་པར་མཁས་པ་ལ་གུས་པར་ཕྱག་འཚལ་ལོ། །ཕ་རོལ་གྱི་མཐར་ཕྱིན་པ་ལ་གུས་པར་ཕྱག་འཚལ་ལོ། །འཇིག་རྟེན་རྣམས་ལས་ཐར་ཅིང་གྲོལ་བ་ལ་གུས་པར་ཕྱག་འཚལ་ལོ། །འཆི་ཕོ་བའི་ལམ་དང་ཡོངས་སུ་བྲལ་བ་ལ་གུས་པར་ཕྱག་འཚལ་ལོ། །ཏིང་ངེ་འཛིན་གྱི་རྣམ་པར་གྲོལ་བ་མངོན་དུ་བརྙེས་པ་ལ་གུས་པར་ཕྱག་འཚལ་ལོ། །ནམ་མཁའ་ལྟར་ཅི་ལའང་མི་གནས་པ་ལ་གུས་པར་ཕྱག་འཚལ་ལོ། །མང་པོའི་ནང་ན་ཆོས་ཀྱི་རྒྱལ་པོ་ཆེན་པོ་ལ་གུས་པར་ཕྱག་འཚལ་ལོ། །བདུད་བཞིའི་ཚོགས་བཅོམ་པ་ལ་གུས་པར་ཕྱག་འཚལ་ལོ། །བུ་གཅིག་པའི་ཕ་ལྟར་བྱམས་པ་ཆེན་པོ་ལ་གུས་པར་ཕྱག་འཚལ་ལོ། །ཚེ་རབས་གར་བྱུང་གར་སྐྱེས་ཀྱང་སངས་རྒྱས་ཐམས་ཅད་མཐོང་ཞིང་དེ་བཞིན་གཤེགས་པའི་རང་བཞིན་མངོན་པར་རྟོགས་པ་མྱ་ངན་ལས་འདས་པ་ཆེན་པོ་ཉིད་དུ་ཕྱིན་པར་སྨོན་ཏོ། དེ་ཅིའི་ཕྱིར་ཞེ་ན། ལུས་ཅན་ཐམས་ཅད་གང་ལའང་དེ་བཞིན་གཤེགས་
512a
༄#། །པའི་སྙིང་པོ་ཡོད་པའི་ཕྱིར་རོ། །དེ་ནས་འཁོར་མང་པོ་རྣམས་སོར་མོ་བཅུའི་ཐལ་མོས་བྱར་ཏེ་སེམས་རྩེ་གཅིག་ཏུ་གུས་པར་མཆོད་ཅིང་ལེགས་པར་ཉོན་མོངས་ལ་ཡིད་ལ་ཟུངས་ཤིག་།ངས་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱི་མཚན་བརྗོད་པས། མཚམས་མེད་ལྔ་པོའི་སྡིག་ལས་ཀྱང ། །རྣམ་པར་གྲོལ་བར་སེམས་སྐྱེད་ཅིག། དགེ་བའི་རྩ་བ་མེད་པ་ཡི། །མི་དེའི་ཕྱིར་ཡང་ངས་བཤད་དེ། །དེ་ཡིས་རྟོགས་པར་མ་ནུས་ཀྱང ། །ས་བོན་ཚིག་པར་རང་འབྱུང་ངོ ། །ཡང་དག་བདེན་པ་འབའ་ཞིག་ཡོད། །ཐེག་པ་ཆུང་ངུའི་མཚན་བསལ་ན། །ཐེག་པ་ཆེན་པོ་དེ་ཉིད་ཡོད། །ཐེག་པ་རྣམ་གཉིས་བསལ་བས་ན། །ཐེག་པ་གཅིག་པུ་ཁོ་ན་ཡོད། །དགེ་བའི་རྩ་བ་མེད་པའི་མིས། །ཚིག་འདི་ཐོས་པར་མི་འགྱུར་ཏེ། །སངས་རྒྱས་གྲངས་མེད་སྔོན་མཆོད་པས། །ད་ལྟར་བཅོམ་ལྡན་འདས་མཚན་ཐོས་སོ། །ལེན་ཅིང་འཛིན་པའི་གང་ཟག་ནི། །ཕྱོགས་ཙམ་ལས་ནི་རྣམ་གྲོལ་ཏེ། །རྣམ་དག་ས་ལའང་བདེ་བར་གནས།། ད་ལྟར་ང་ཡི་ཆོས་འདི་ལ། །ལན་འཛིན་ཀློག་ཅིང་འདོན་པ་དང ། །བཅོམ་ལྡན་མཚན་ལ་ཕྱག་བྱས་ཤིང ། །སངས་རྒྱས་མཛད་ལ་བསྒྲུབས་པ་ཡིས། །བདུད་ཚོགས་ལས་དང་བྲལ་བར་འགྱུར། །ཕས་ཕམ་བཞི་དང་མཚམས་མེད་ལྔ། །འདོད་ཆེན་པོ་ཡང་བྱང་གྱུར་ནས། །མ་འོངས་དུས་ན་མི་དེ་དག་།བྱང་ཆུབ་འཚང་རྒྱ་གདོན་མི་ཟ། །གང་ཞིག་མོས་པར་མི་བྱེད་ན། །ངན་
512b
སོང་གསུམ་དུ་ངེས་པར་ལྟུང ། །ཕྱག་འཚལ་བརྩོན་ཞིང་མོས་བསྐྱེད་ན། །སངས་རྒྱས་གྲངས་མེད་མཐོང་འགྱུར་བས། །རྩེ་གཅིག་སེམས་ཀྱིས་ཕྱག་འཚལ་རིགས། །སྡིག་པ་ཐམས་ཅད་བྱང་འགྱུར་ཏེ། །དེ་བས་གུས་ཤིང་མོས་པར་གྱིས། །དེ་ནས་འཁོར་མང་པོ་རྣམས་ཐལ་མོ་སྦྱར་ཏེ་ལུས་དང་སེམས་ནན་ཏན་དུ་བསྡུས་ཤིང་བཟུང་ནས་མི་གཡོ་ཞིང་མི་འགྱུར་བར་ལུས་ཀྱི་ཡན་ལག་ལྔ་ས་ལ་གཏུགས་ནས་སེམས་རྩེ་གཅིག་གིས་ཤིན་ཏུ་ལེགས་པར་ཉན་ཏོ། །དེ་ནས་བཅོམ་ལྡན་འདས་ཀྱི་མཚན་ནས་བརྗོད་དེ་བཀའ་སྩལ་པ། སྔ་མ་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲངས་མེད་པ་རྣམས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་མར་མེ་སྣང་སྟོང་ཕྲག་ཉི་ཤུ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་སྟོང་ཕྲག་སུམ་ཅུ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་རྟོགས་ཆེན་ཡེ་ཤེས་རྒྱལ་བ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རྒྱལ་བུ་བཅུ་དྲུག་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྟོང་པའི་རྒྱལ་པོ་ལ་གུས་པར་ཕྱག་ འཚལ་ལོ། །དེ་བཞིན་གཤེགས་པ་རིན་ཆེན་མང་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་དབྱངས་ཀྱི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྤྲིན་དབང་མར་མེའི་རྒྱལ་པོ་ལ་ཕྱག་འཚལ་ལོ་
513a
༄#། །དེ་བཞིན་གཤེགས་པ་དགོངས་པ་ཤིན་ཏུ་རྣམ་པར་དག་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་གྲངས་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྦྲུལ་པའི་སྐུ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཉི་ཟླ་ལྟར་དང་ཞིང་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་པདྨོ་རྣམ་དག་ཡོངས་སུ་མཁྱེན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟང་མས་བརྒྱན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲ་སྤྲིན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲ་སྤྲིན་དབྱངས་སྔོན་གྱི་རྒྱལ་པོ་ཡེ་ཤེས་པདྨ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་སཱ་ལའི་རྒྱ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་མཆོག་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་རྣམ་དག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་འོད་འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྒྱང་རིང་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཙནྡན་དྲི་ལ་ཕྱག་འཚལ་ལོ། །
513b
དེ་བཞིན་གཤེགས་པ་དགེ་རི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ལྷའི་དབུ་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་སྣང་མཛད་རི་རབ་ལྷུན་མཉམ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་མདོག་ལ་ཕྱག་འཚལ་ལོ། །དེ་བཞིན་གཤེགས་པ་ཡང་དག་དགོངས་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ཆགས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་ལྷ་ལ་ཕྱག་འཚལ་ལོ། ། དེ་བཞིན་གཤེགས་པ་མི་གཡོ་བའི་ས་ལ་ཕྱག་འཚལ་ལོ། །དེ་བཞིན་གཤེགས་པ་བཻ་ཌཱུརྱ་པདྨ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གསེར་མདོག་ལ་ཕྱག་འཚལ་ལོ། ། དེ་བཞིན་གཤེགས་པ་གསེར་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཕྲོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་འབར་ལ་ཕྱག་འཚལ་ལོ། །དེ་བཞིན་གཤེགས་པ་སའི་གདུང་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་གྲོལ་པདྨ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་རྒྱ་མཚོ་མངོན་པར་མཁྱེན་པ་ལ་ཕྱག་
514a
༄#། །འཚལ་ལོ། །དེ་བཞིན་གཤེགས་པ་ཆུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསུང་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་དང་བྲལ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱོ་ཡིད་སྤངས་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབར་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རྩལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཡོན་ཏན་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླའི་འོད་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་བཻ་ཌཱུརྱའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བཻ་ཌཱུརྱའི་འོད་བླ་ན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་སྣང་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་པདྨའི་མདོག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆུ་ཟླའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཚོམ་རྨུགས་པ་སེལ་ལ་ཕྱག་འཚལ་ལོ། །དེ་བཞིན་གཤེགས་པ་སྡུག་བསྔལ་སྤྱོད་འདུལ་ལ་ཕྱག་འཚལ་ལོ། །དེ་བཞིན་
514b
གཤེགས་པ་མོས་པ་རྣམ་པར་དག་པ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་རིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོངས་སུ་དགེ་ལ་ཕྱག་འཚལ་ལོ། ། དེ་བཞིན་གཤེགས་པ་བྱིན་གྱིས་རློབ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཆོས་ལ་ཕྱག་འཚལ་ལོ། །དེ་བཞིན་གཤེགས་པ་ཀ་ལ་པིངྐའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་ན་བཞུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་དཔག་མེད་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཐའ་ཡས་ལ་ཕྱག་འཚལ་ལོ། ། དེ་བཞིན་གཤེགས་པ་ཐོགས་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟླ་མེད་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཕྲོ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་དག་འོད་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་མི་གཅོད་ལ་ཕྱག་འཚལ་ལོ། །དེ་བཞིན་གཤེགས་པ་དཔག་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་མེད་འོད་ལ་ཕྱག་འཚལ་ལོ། །དེ་བཞིན་གཤེགས་
515a
༄#། །པ་ཉི་ཟླ་འོད་ལས་འདས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་བཟང་གསེར་མདོག་ལ་ཕྱག་འཚལ་ལོ། །དེ་བཞིན་གཤེགས་པ་རིང་དུ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་བྲོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བ་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་སྒྲ་ལ་ཕྱག་འཚལ་ལོ། ། དེ་བཞིན་གཤེགས་པ་དྲི་མ་མེད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རི་ལ་ཕྱག་འཚལ་ལོ། །དེ་བཞིན་གཤེགས་པ་མིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བླ་མེད་པདྨ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་མེད་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་གཟི་བརྗིད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་གསལ་ལ་
515b
ཕྱག་འཚལ་ལོ། །དེ་བཞིན་གཤེགས་པ་བཟང་མདོག་ཙནྡན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཙནྡན་བསུང་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དཀོན་མཆོག་བརྩེགས་རབ་དགའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་བླ་མ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་རྒྱལ་མཚན་མར་མེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་སྒྲོན་མ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོའི་འོད་སྣང་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་སྲ་བརྟན་ལ་ཕྱག་འཚལ་ལོ། །དེ་བཞིན་གཤེགས་པ་གསེར་འོད་ཀུན་ཏུ་འཕྲོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་དཀའི་བརྩོན་འགྲུས་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་རྩལ་ལ་ཕྱག་འཚལ་ལོ། །དེ་བཞིན་གཤེགས་པ་ཐུགས་རྗེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཐུགས་རྗེའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པའི་སྙིང་པོ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཙནྡན་དཔུང་རྒྱན་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོའི་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་བཀོད་པའི་རྒྱལ་པོ་ལ་ཕྱག་
516a
༄#། །འཚལ་ལོ། །དེ་བཞིན་གཤེགས་པ་གསེར་རི་རིན་ཆེན་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་པདྨ་འབར་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་སྒྲོན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཁས་སྣང་མངའ་མཛད་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་པདྨའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་རིན་ཆེན་པདྨའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བཻ་ཌཱུརྱ་བཀོད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་མདོག་ཀུན་ཏུ་སྟོན་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་མི་གཡོ་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་ཀྱི་རྒྱལ་པོ་རྣམས་བཏུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པ་ཤེས་རབ་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པ་འོད་གསལ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་རྣམ་དག་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོངས་སུ་དག་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཞི་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་
516b
པ་མཆོག་བཙུན་ཡེ་ཤེས་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བླ་བྲེ་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་གདུང་བླ་མའི་ཡེ་ཤེས་གཙོ་བོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་འོད་འཕྲོ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་བ་དན་བཀོད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མེད་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་མཚན་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་འོད་འཕྲོ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་འོད་སྣང་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་སྒྲ་དབྱངས་དབང་ཕྱུག་སྲེད་མེད་ཀྱི་བུ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་གསུང་མཆོག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྟག་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་རས་གཟིགས་རྒྱལ་ཐབས་བརྙེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་རྒྱལ་ཐབས་བརྙེས་པའི་ན་བཟའ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མཚན་ཉིད་ཀྱིས་དགོངས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ལ་ཕྱག་འཚལ་ལོ། །
517a
༄#། །དེ་བཞིན་གཤེགས་པ་མེ་ཏོག་སུམ་བན་དའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཨུཏྤལའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་པས་རྒྱལ་བ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རབ་དགའ་འཁྲུགས་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསུང་དབྱངས་ཚད་མེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཁས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་རྒྱ་མཚོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་རི་དབང་རྒྱ་མཚོ་ཐོགས་མེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་ཐོགས་མེད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་ཐོགས་མེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་རྟག་ཏུ་རྒྱས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་པར་རྨོངས་མི་མངའ་ལ་ཕྱག་འཚལ་ལོ། །འདས་པའི་དེ་བཞིན་གཤེགས་པ་སྤྲུལ་བའི་སྐུ་ཐམས་ཅད་ལ་ཕྱག་འཚལ་ལོ། །འདས་པའི་དེ་བཞིན་གཤེགས་པ་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱ་ལ་
517b
ཕྱག་འཚལ་ལོ། །དེ་བཞིན་གཤེགས་པ་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ལ་ཕྱག་འཚལ་ལོ། །དེ་རྣམས་ལ་ཕྱག་བཙལ་ན། བསྐལ་པ་གྲངས་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་རྣམས་བསལ་བར་འགྱུར་རོ། །འདས་པའི་དེ་བཞིན་གཤེགས་པ་འབུམ་ཕྲག་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲི་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲག་ཁྲིག་གངྒཱའི་ཀླུང་གི་བྱེ་མ་སྙེད་དཔག་ཏུ་མེད་ཅིང་བགྲང་བ་ལས་འདས་པ་རྣམས་ལ་ཕྱག་འཚལ་ལོ། །དེ་རྣམས་ལ་ཕྱག་བཙལ་ན། བསྐལ་པ་གྲངས་མེད་པ་ནས་འཁོར་བའི་སྡིག་པ་མི་དགེ་བ་མ་ལུས་པ་འབྱང་བར་འགྱུར་རོ། །གལ་ཏེ་གང་ཟག་ལ་ལས་སྔ་མ་འདས་པ་དཔག་ཏུ་མེད་ཅིང་བགྲང་བ་ལས་འདས་པའི་སངས་རྒྱས་བཅོམ་ལྡན་འདས་རྣམས་ཀྱི་མཚན་ཐོས་ན། མི་དེ་བསྐལ་པ་ཁྲི་ཕྲག་བརྒྱད་ཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ངོ ། །དེ་བས་ན་དེ་གུས་པར་ཕྱག་འཚལ་ལོ། །འདས་པའི་སངས་རྒྱས་དེ་རྣམས་ལ། །གང་ཞིག་གུས་པར་ཕྱག་འཚལ་ན། །སྡིག་འབྱང་སེམས་ཀྱི་རང་བཞིན་ཐོབ། །མི་དགེ་བཅུ་དང་མཚམས་
518a
༄#། །མེད་ལྔ། །ཕྱིན་ཆད་འདི་དག་མི་སྤྱོད་དེ། །ཡང་དག་ཆོས་ཐོས་རྒྱུན་མི་འཆད། །ཐེག་པ་ཆེན་པོའི་ཚུལ་ཁྲིམས་རྫོགས། །དེ་ཕྱིར་ད་ལྟར་གུས་ཕྱག་འཚལ། ། གང་ཟག་གཉིས་ནི་མ་གཏོགས་ཏེ། །གཅིག་ནི་ཕྱོགས་སྙོམས་ཆོས་ལ་སྐུར། །གཉིས་པོ་དེ་ནི་འདོད་ཆེན་པོ། །གལ་ཏེ་ལ་ལ་སེམས་དག་ན། །དེ་ནི་འདོད་ཆེན་མ་ཡིན་ཏེ། །སངས་རྒྱས་གྲངས་མེད་རྟག་ཏུ་མཐོང ། །ལ་ལས་རྩ་བ་བཞི་ཉམས་ཤིང ། །མཚམས་མེད་ལྔ་པོར་བཅས་པ་དག་།མོས་པ་རྣམ་དག་བྱ་ནུས་ན། །དེས་ཀྱང་ཆོས་བཞིན་གནས་པ་རུང ། ། ཀུན་གྱིས་གུས་པར་ཕྱག་བྱས་པས། །མི་དགེ་བཅུ་ཡི་ལས་རྣམས་བསལ། །ཀུན་གྱིས་ཐེག་ཆེན་ཁྲིམས་ཐོབ་སྟེ། །དེ་ཕྱིར་ད་ལྟར་གུས་ཕྱག་འཚལ། །འདས་པའི་སངས་རྒྱས་བཅོམ་ལྡན་འདས་དེ་རྣམས་ཀྱི་མཚན་བསྟན་པའི་ཚེ་བྱང་ཆུབ་སེམས་དཔའ་སྟོང་ཕྲག་བཅུས་མི་སྐྱེ་བའི་ཆོས་ལ་བཟོད་པ་སོ་སོར་ཐོབ་བོ། །ཉན་ཐོས་བརྒྱད་བརྒྱས་ཀྱང་ཐེག་པ་ཆེན་པོའི་སེམས་ཅུང་ཟད་བསྐྱེད་དོ། །དགེ་སློང་ལྔ་སྟོང་གིས་དགྲ་བཅོམ་པའི་འབྲས་བུ་ཐོབ་བོ། །ལྷ་དང་མི་འབུམ་ནི། ཆོས་ལ་ཆོས་ཀྱི་མིག་རྣམ་པར་དག་གོ་།ད་ལྟར་བྱུང་བའི་སངས་རྒྱས་བཅོམ་ལྡན་འདས་དཔག་ཏུ་མེད་པ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་པོ་སྣང་འབུམ་ཕྲག་བཅུ་རྣམས་ལ་ཕྱག་འཚལ་ལོ། །དེ་བཞིན་
518b
གཤེགས་པ་དྲི་མེད་གསེར་ཕྱེ་མདོག་ལ་ཕྱག་འཚལ་ལོ། །དེ་བཞིན་གཤེགས་པ་ཚད་མེད་སྣང་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འཁོར་ལོ་འོད་སྣང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་བརྩེགས་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེ་མཐོང་གའི་མཚན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་འོད་ཡོན་ཏན་རིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་གནས་ཡོན་ཏན་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་པདྨས་བརྒྱན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བར་དཀའ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་གནོན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཀོན་མཆོག་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བརྒྱན་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་ང་རོ་ལ་རྒྱལ་བར་དཀའ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མི་གཡོ་བ་ལ་ཕྱག་འཚལ་ལོ། །དེ་བཞིན་
519a
༄#། །གཤེགས་པ་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཞིང་གི་བཀོད་པ་ལ་ཕྱག་འཚལ་ལོ། །དེ་བཞིན་གཤེགས་པ་མོས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་བླ་བྲེ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་སྐྱོབ་ལ་ཕྱག་འཚལ་ལོ། །དེ་བཞིན་གཤེགས་པ་ལོག་པར་དད་སེལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྲུང་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྙིང་པོ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་འཕྲུལ་སྟོབས་ཆོས་ཆེན་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་ཙནྡན་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཙནྡན་ལོ་མ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལྔ་པ་ཕྱག་འཚལ་ལོ། །དེ་
519b
བཞིན་གཤེགས་པ་རྣམ་པར་གཟིགས་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་འོད་སྣང་ལ་ཕྱག་འཚལ་ལོ། །དེ་བཞིན་གཤེགས་པ་འདི་ལས་ལྷག་མེད་འོད་ལ་ཕྱག་འཚལ་ལོ། ། དེ་བཞིན་གཤེགས་པ་བཀོད་པ་ཕུན་སུམ་ཚོགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་འོད་སྣང་གསལ་བསོད་ནམས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་སྒྲས་བདུད་བཞི་བཅོམ་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་མི་འཇིགས་ལ་ཕྱག་འཚལ་ལོ། །དེ་བཞིན་གཤེགས་པ་བཻ་ཌཱུརྱའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་རྣམ་དག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལེགས་པའི་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་དཔག་མེད་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་ཀྱི་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བར་འགྲོ་པའི་ཏིང་ངེ་འཛིན་ལ་མཉམ་པར་འཇུག་པའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལེགས་པར་གཟིགས་པའི་བསམ་གཏན་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་བླ་ན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་
520a
༄#། །བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་རྫུ་འཕྲུལ་མངའ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་ཀྱི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་མའི་སྤྲོས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲའི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རོའི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རེག་གི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་ལ་མཉམ་པར་འཇུག་པའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་ཤེས་རབ་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཚན་ཉིད་མངའ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་སྡུད་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ལྡན་ཀུན་ཏུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་སྐྱོབ་ལ་ཕྱག་འཚལ་ལོ། །དེ་བཞིན་གཤེགས་པ་ལོག་པར་དད་སེལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྲུང་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མནན་ལ་ཕྱག་འཚལ་
520b
ལོ། །དེ་བཞིན་གཤེགས་ཕ་རོལ་པའི་སྒྲ་བརྙན་སྙན་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁྲུགས་མེད་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་སེངྒེའི་མཚན་ལ་ཕྱག་འཚལ་ལོ།། དེ་བཞིན་གཤེགས་པ་དབང་ཕྱུག་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་རྟག་ཏུ་ཞི་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྡུག་བསྔལ་གྱིས་གདུངས་པའི་འཇིག་རྟེན་ཐམས་ཅད་སྒྲོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟངས་མདོག་ཙནྡན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་སྤྲིན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་ཐམས་ཅད་ཀྱི་འཇིགས་པ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་འབུམ་ཕྲག་བརྒྱ་ལ་ཕྱག་འཚལ་ལོ། །ད་ལྟར་བཞུགས་པའི་དེ་བཞིན་གཤེགས་པ་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱ་ལ་
521a
༄#། །ཕྱག་འཚལ་ལོ། །དེ་བཞིན་གཤེགས་པ་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནི། བསྐལ་པ་དཔག་ཏུ་མེད་པའི་དུས་ན་འཁོར་བ་ན་འཁོར་བའི་ཚེ་སྡིག་ལྕི་བ་བྱས་པའང་བསལ་བར་འགྱུར་རོ། །དེ་བཞིན་གཤེགས་པ་འབུམ་ཕྲག་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲི་ལ་ཕྱག་འཚལ་ལོ། །དེ་བཞིན་གཤེགས་པ་ཁྲག་ཁྲིག་གངྒཱའི་བྱེ་མ་སྙེད་དང་མཉམ་པ་དཔག་ཏུ་མེད་ཅིང་བགྲང་བ་ལས་འདས་པའི་དེ་བཞིན་གཤེགས་པ་རྣམས་ལ་ཕྱག་འཚལ་ལོ། །གལ་ཏེ་གང་ཟག་ལ་ལས་ད་ལྟར་བཞུགས་པའི་སངས་རྒྱས་དཔག་ཏུ་མེད་ཅིང་བགྲང་བ་ལས་འདས་པའི་མཚན་ཐོས་ན། གང་ཟག་དེ་བསྐལ་པ་ཁྲི་ཁྲག་དྲུག་ཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ངོ ། །དེ་བས་ན། ད་ལྟ་གུས་པར་ཕྱག་འཚལ་ལོ། །གང་གིས་ད་ལྟར་ཕྱོགས་བཅུ་ཡི། །བཅོམ་ལྡན་རྣམས་ལ་ཕྱག་འཚལ་ན། ། མི་དགེའི་ལམ་ལས་རྣམ་གྲོལ་ཞིང ། །མཚམས་མེད་ལྔ་ལ་སོགས་པ་འབྱུང ། །རྣམ་དགས་ལ་རྟག་གནས་ཤིང ། །ཤཱཀྱའི་ཆོས་ལ་བདེ་བར་གནས། །ངན་སོང་གསུམ་ནི་ཡོངས་
521b
སུ་སྤངས། །སངས་རྒྱས་བྱམས་པ་མཐོང་བར་འགྱུར། །སངས་རྒྱས་སྟོང་ཡང་མཐོང་གྱུར་ཏེ། །དེ་ཕྱིར་ད་ལྟར་གུས་ཕྱག་འཚལ། །ཕྱོགས་བཅུའི་སངས་རྒྱས་ཀུན་མཐོང་སྟེ། །རྟག་ཏུ་རྣམ་དག་ཞིང་དུ་སྐྱེ། །དམ་པའི་ཆོས་ཀྱང་ཐོས་པ་དང ། །དེ་བཞིན་གཤེགས་པ་རྟག་ཡིན་ཏེ། །ཕྱོགས་བཅུ་ན་ད་ལྟར་བཞུགས་པའི་སངས་རྒྱས་བཅོམ་ལྡན་འདས་དེ་རྣམས་ཀྱི་མཚན་བསྟན་པའི་ཚེ་གངྒཱའི་ཀླུང་གཉིས་ཀྱི་བྱེ་མ་སྙེད་ཀྱི་བྱང་ཆུབ་སེམས་དཔས་གཟུངས་ཀྱི་སྒོར་འཇུག་པ་ཐོབ་བོ། །ལྷ་དང་མི་འབུམ་ཕྲག་བཞི་བཅུ་རྩ་གཉིས་ཀྱིས་བླ་ན་མེད་པའི་བྱང་ཆུབ་ཀྱི་སེམས་སྐྱེས་སོ།། མ་འོངས་པའི་བསྐལ་པ་བཟང་པོའི་དེ་བཞིན་གཤེགས་པ་དཔག་ཏུ་མེད་པ་རྣམས་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པ་ལ་ཕྱག་འཚལ་ལོ། །དེ་བཞིན་གཤེགས་པ་དག་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་པདྨའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་པདྨའི་ཞབས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀུན་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་མིང་དང་མི་མཚན་མ་ལ་ཕྱག་འཚལ་ལོ། །དེ་བཞིན་གཤེགས་པ་འཛམ་གླིང་གསེར་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ནས་
522a
༄#། །མཚན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་རིའི་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ཐོགས་མེད་མངའ་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེས་བུ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱ་མངའ་མཛད་པའི་རྒྱལ་ཐབས་བརྙེས་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཚན་ལ་ཕྱག་འཚལ་ལོ། །དེ་བཞིན་གཤེགས་པ་མཐོང་ན་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཚན་ཁྲི་ཕྲག་གཉིས་ཀྱིས་བརྒྱན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ཕྲག་གསུམ་མཚན་མཐུན་ཀུན་ཏུ་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲ་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཞི་ཁྲི་བརྒྱད་སྟོང་འོད་མི་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མདོག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་དམ་པའི་མཆོག་ལ་ཕྱག་འཚལ་
522b
ལོ། །དེ་བཞིན་གཤེགས་པ་བགེགས་ཀྱི་ཚོགས་ཐམས་ཅད་བཅོམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་སྒྲའི་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་སྟོང་ཕྲག་བཅུའི་འོད་སྣང་བས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱད་ཅུས་བརྒྱན་པའི་འོད་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་པདྨས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཙོ་བོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་མདོག་འོད་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ལུང་བསྟན་པ་ལྔ་བརྒྱ་པདྨའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེ་མི་འཇིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་པདྨ་བཟང་པོས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་ཏིང་ངེ་འཛིན་མངའ་དབང་ལ་ཕྱག་འཚལ་ལོ། །ད་དུང་མ་བྱོན་པའི་དེ་བཞིན་གཤེགས་པ་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ལ་ཕྱག་འཚལ་ལོ། །དེ་རྣམས་ལ་ཕྱག་བཙལ་ན། བསྐལ་པ་དཔག་ཏུ་མེད་པ་ཚུན་ཆད་ཀྱི་
523a
༄#། །འཆི་འཕོའི་སྡིག་ལྕི་བ་ཀུན་བསལ་བར་འགྱུར་རོ། །དེ་བཞིན་གཤེགས་པ་འབུམ་ཕྲག་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲི་ལ་ཕྱག་འཚལ་ལོ། །དེ་བཞིན་གཤེགས་པ་བྱེ་བ་ཁྲག་ཁྲིག་གངྒཱའི་ཀླུང་གི་བྱེ་མ་དང་མཉམ་པ་དཔག་ཏུ་མེད་ཅིང་བགྲང་བ་ལས་འདས་པ་ལ་ཕྱག་འཚལ་ལོ། ། གང་ཟག་ལ་ལ་ཞིག་གིས་ད་དུང་མ་བྱོན་པའི་སངས་རྒྱས་དཔག་ཏུ་མེད་ཅིང་བགྲང་བ་ལས་འདས་པའི་མཚན་འདི་ཐོས་ན། མི་དེ་བསྐལ་པ་ཁྲི་ཕྲག་བཞི་བཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ངོ ། །དེ་བས་ན། ད་ལྟ་གུས་པར་ཕྱག་འཚལ་ལོ། །ཕྱི་མའི་དུས་ཀྱི་སངས་རྒྱས་ལ། །ལ་ལས་གུས་པར་ཕྱག་འཚལ་ན། །སྒྲིབ་པ་གསུམ་དང་མཚམས་མེད་ལྔ། །འདོད་མང་དག་ནི་མ་གཏོགས་པར། །ཀུན་ཀྱང་བསལ་ཅིང་བྱང་བར་འགྱུར། །སངས་རྒྱས་ཆོས་ལའང་བདེ་བར་གནས། །སངས་རྒྱས་ཚད་མེད་ཀུན་ཀྱང་མཐོང་།། ཡང་དག་ཆོས་ཀྱང་རྟག་ཏུ་ཐོས། །དེ་བས་ད་ལྟར་གུས་ཕྱག་འཚལ། །ལ་ལས་ཕྱོགས་བཅུ་དུས་གསུམ་གྱི། །བཅོམ་ལྡན་འདས་ལ་ཕྱག་འཚལ་ན། །འདས་པའི་ཁ་ན་མ་ཐོ་བསལ། །
523b
མ་འོངས་པ་དང་ད་ལྟར་གྱི། །མི་དགེ་བཅུ་ཡི་ལས་བྱས་པའང ། །ད་ལྟར་སྔོན་དུ་བསལ་ཅིང་འབྱང ། །མ་འོངས་པ་ན་ཆོས་ཉིད་མཐོང ། །དེ་བས་ཡང་དག་མོས་པར་བྱ། །འབྲི་ཀློག་ཁ་ཏོན་ཕྱག་འཚལ་ན། །དེ་དག་ཚེ་རབས་གར་སྐྱེས་ཀྱང ། །མི་དགེ་ལོག་པ་མཐོང་མ་འགྱུར། །རྟག་ཏུ་ཡང་དག་རྣམ་གྲོལ་འཐོག་།མཐའ་འཁོབ་ཡུལ་དུ་ཡོང་མི་སྐྱེ། །རྒྱལ་པོ་ངན་པ་ཡོང་མི་མཐོང ། །བསྐལ་པ་འབུམ་ཕྲག་བཞི་ཁྲིར་ཡང ། །དམྱལ་བའི་སྡུག་བསྔལ་མི་ལྟུང་ངོ ། །དེ་བས་ད་ལྟར་གུས་ཕྱག་འཚལ། །མི་དགེ་བཅུ་ཡི་ལས་བྱས་བསལ། །གཟུངས་སུ་འཛིན་པ་ཆེན་པོ་འཐོབ། །ད་དུང་མ་བྱོན་པའི་སངས་རྒྱས་བཅོམ་ལྡན་འདས་དེ་དག་གི་མཚན་དེ་བསྒྲགས་པ་ན་བྱང་ཆུབ་སེམས་དཔའ་སྟོང་ཕྲག་ལྔ་བཅུས་ཕྱིར་མི་ལྡོག་པའི་ས་ལ་གནས་སོ། །དགེ་སློང་མ་བདུན་བརྒྱས་དགྲ་བཅོམ་པའི་འབྲས་བུ་རྙེད་དོ། །ལྷ་དང་མི་འབུམ་ཕྲག་དྲུག་ཅུ་རྩ་གཉིས་ཀྱིས་ཆོས་ལ་ཆོས་ཀྱི་མིག་རྣམ་པར་དག་གོ་།མདོ་སྡེ་གཟུངས་སུ་འཛིན་པ་ཆེན་པོ་གསུང་རབ་ཡན་ལག་བཅུ་གཉིས་ལ་མདོའི་སྡེ་ལ་ཕྱག་འཚལ་ལོ། །ལུང་དུ་བསྟན་པའི་སྡེ་ལ་ཕྱག་འཚལ་ལོ། །ཚིགས་སུ་བཅད་པའི་སྡེ་ལ་ཕྱག་འཚལ་ལོ། །དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། ། ཆེད་དུ་བརྗོད་པའི་སྡེ་ལ་ཕྱག་འཚལ་ལོ། །གླེང་གཞིའི་སྡེ་ལ་ཕྱག་འཚལ་ལོ། །རྟོགས་པ་བརྗོད་པའི་སྡེ་ལ་ཕྱག་འཚལ་ལོ། །ད་ལྟར་དང་འདས་པའི་སྡེ་ལ་ཕྱག་འཚལ་ལོ། །སྐྱེས་པ་
524a
༄#། །རབས་ཀྱི་སྡེ་ལ་ཕྱག་འཚལ་ལོ། །ཤིན་ཏུ་རྒྱས་པའི་སྡེ་ལ་ཕྱག་འཚལ་ལོ། །ཆོས་རྨད་དུ་བྱུང་བའི་སྡེ་ལ་ཕྱག་འཚལ་ལོ། །གཏན་ལ་ཕབ་པར་བསྟན་པའི་སྡེ་ལ་ཕྱག་འཚལ་ལོ། །མཛོད་ཆེན་པོ་བཞུགས་སོ་འཚལ་ལ་ཕྱག་འཚལ་ལོ། །ཕ་རོལ་ཏུ་ཕྱིན་པ་རྣམས་ལ་ཕྱག་འཚལ་ལོ། །མི་གང་ལ་ལས་མདོ་སྡེ་བཅུ་གཉིས་ཀྱི་མཚན་དང ། ཕ་རོལ་ཏུ་ཕྱིན་པ་རྣམས་ཐོས་ནས་ཀློག་པ་དང ། འཆང་བ་དང ། ཁ་ཏོན་དུ་འདོན་ཅིང་ཕྱག་འཚལ་བ་དང ། དད་ཅིང་མོས་པ་དང ། ལེན་ཅིང་འཛིན་པར་བྱེད་ན། མི་དེ་བསྐལ་པ་ཁྲི་ཕྲག་ཉི་ཤུའི་བར་དུ་སེམས་ཙོན་དམྱལ་བའི་སྡུག་བསྔལ་དུ་མི་ལྟུང་ལ། ཚེ་སྔ་མ་དྲན་པ་ཤེས་པའི་ཤེས་རབ་དང་ལྡན་པར་འགྱུར་རོ། །དེ་ལྟ་བས་ན། ད་ལྟ་གུས་པར་ཕྱག་འཚལ་ལོ། །མདོ་སྡེ་བཅུ་གཉིས་ཀྱི་མཚན་དེ་བསྒྲགས་པའི་ཚེ་བྱང་ཆུབ་སེམས་དཔའ་བརྒྱད་ཁྲི་ལྔ་སྟོང་གིས་རྡོ་རྗེ་ལྟ་བུའི་ཏིང་ངེ་འཛིན་ཐོབ་བོ། །ཉན་ཐོས་འབུམ་ཕྲག་བརྒྱད་ཅུས་ཐེག་པ་ཆེན་པོའི་སེམས་ཅུང་ཟད་སྐྱེས་སོ། །དགེ་སློང་ཕ་དང་དགེ་སློང་མ་སྟོང་ཕྲག་བཅུས་དགྲ་བཅོམ་པའི་འབྲས་བུ་ཐོབ་བོ། །ཚད་མེད་པའི་ལྷ་དང་མིས་ཆོས་ལ་ཆོས་ཀྱི་མིག་རྣམ་པར་དག་གོ ། ཕྱོགས་བཅུའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །བྱང་ཆུབ་
524b
སེམས་དཔའ་ཀུན་ཏུ་སྤྱན་རས་གཟིགས་དབང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐུ་ཆེན་ཐོབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་བརྩོན་ལ་ཕྱག་འཚལ་ལོ། ། བྱང་ཆུབ་སེམས་དཔའ་རྒྱུན་མི་གཏོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཕྱག་ན་རིན་ཆེན་ལ་ཕྱག་འཚལ་ལོ། །བྱང་ཆུབ་སེམས་དཔའ་སྨན་གྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐུ་ཆེན་འཕགས་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་རྒྱས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྲེད་མེད་ཀྱི་བུ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོབས་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁམས་གསུམ་འདས་ལ་ཕྱག་འཚལ་ལོ། །བྱང་ཆུབ་སེམས་དཔའ་བཟང་སྐྱོང་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀོན་མཆོག་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ལམ་སྟོན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཤད་པར་མོས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀླུའི་སྡོང་པོ་ལ་ཕྱག་འཚལ་ལོ།། །།བམ་པོ་གཉིས་པ། བྱང་ཆུབ་སེམས་དཔའ་རིན་ཆེན་ཙནྡན་པདྨ་ལ་ཕྱག་འཚལ་ལོ།།
525a
༄#། །བྱང་ཆུབ་སེམས་དཔའ་བླ་མའི་སྤྱོད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་མུ་མེད་སྤྱོད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པར་སྤྱོད་ལ་ཕྱག་འཚལ་ལོ། །བྱང་ཆུབ་སེམས་དཔའ་མཛད་པ་རྣམ་པར་དག་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྡོ་རྗེ་སྟོབས་པོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པར་མི་སྨོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་པར་མི་སྨོད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྔོན་གྱི་རྒྱལ་པོ་ཡེ་ཤེས་པདྨ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐོང་ན་དགའ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབྱངས་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བརྩོན་འགྲུས་ཡོན་ཏན་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་བཤད་པར་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་གྲོས་མི་ཟད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པར་དག་པའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དང་བའི་སྤྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ཏུ་བཟང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པའི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་
525b
བསམ་པ་རྣམ་པར་དག་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོང་པ་མེད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྫུ་འཕྲུལ་པདྨ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་རླབས་པོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡེ་ཤེས་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་དབང་པོ་ཞི་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྨོན་ལམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀོན་མཆོག་རླབས་པོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབུ་མར་གནས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱོད་པ་བཀག་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པར་གྲོལ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་སྡེ་སྣོད་ལ་ཕྱག་འཚལ་ལོ། །བྱང་ཆུབ་སེམས་དཔའ་མཉམ་པར་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་མི་མཉམ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་མཉམ་མི་མཉམ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཏིང་ངེ་འཛིན་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབང་ཕྱུག་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་རྒྱལ་མཚན་རྒྱལ་པོ་
526a
༄#། །ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཀྱི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཀྱིས་བརྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་བཀོད་པ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀོན་མཆོག་བརྩེགས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་ཕྱག་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་ཕྱག་རྒྱའི་ཕྱག་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་པར་ཕྱག་བཏེག་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་པར་ཕྱག་ཕབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་བརྩེ་བ་ཅན་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་བའི་དབང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་བའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོབས་པའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་ནམ་མཁའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་སྒྲོན་མ་འཛིན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་དཔལ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མཐོང་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེན་པའི་དྲ་བ་ལ་ཕྱག་འཚལ་ལོ། །བྱང་ཆུབ་
526b
སེམས་དཔའ་སྣང་བའི་དྲ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་མི་དམིགས་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་བརྩེགས་ལ་ཕྱག་འཚལ་ལོ། ། བྱང་ཆུབ་སེམས་དཔའ་རིན་ཆེན་རྒྱལ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལྷའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་བཅོམ་ལ་ཕྱག་འཚལ་ལོ། །བྱང་ཆུབ་སེམས་དཔའ་གློག་གི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་དབང་ཕྱུག་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བསོད་ནམས་ཀྱི་མཚན་གྱིས་བརྒྱན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེངྒེའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབྲུག་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་རི་བཏང་བཟུང་བསྐྱོད་པའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་གླང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་གླང་པོ་དཀར་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པ་སྐྱེས་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨའི་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཚངས་པའི་དྲ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་ཕྱག་དཀར་ལ་ཕྱག་འཚལ་ལོ། །བྱང་ཆུབ་སེམས་དཔའ་དམིགས་པ་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཞིང་གི་བཀོད་པ་ལ་ཕྱག་
527a
༄#། །འཚལ་ལོ། །བྱང་ཆུབ་སེམས་དཔའ་གསེར་གྱི་གཙུག་ཏོར་ལ་ཕྱག་འཚལ་ལོ། །བྱང་ཆུབ་སེམས་དཔའ་ནོར་བུའི་གཙུག་ཏོར་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་རྒྱན་གཞོན་ནུ་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིག་རྟེན་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀའ་རྒྱལ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་ཤར་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཙནྡན་པདྨོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དེད་དཔོན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་གཙང་དང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་གཙོ་བོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱན་མི་འཛུམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙུག་གི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོངས་སུ་དགེ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་སྤྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པའི་ཕྱག་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བར་སྤྱོད་ལ་ཕྱག་འཚལ་ལོ། །བྱང་ཆུབ་སེམས་
527b
དཔའ་སྐྱེས་བུ་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེངྒེ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེངྒེའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཁྱེན་པ་རྣམ་པར་ངེས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐུ་བོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡིད་དགེ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་མངོན་སུམ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ཏུ་སྲུང་ལ་ཕྱག་འཚལ་ལོ། །བྱང་ཆུབ་སེམས་དཔའ་གློག་གི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐོང་ན་དགའ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བའི་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡིད་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་གྲོས་མི་ཟད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་ཟབ་མོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་མ་ཞི་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐོགས་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔལ་གྱི་ཞིང་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨའི་སྤྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨའི་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་
528a
༄#། །དཔའ་ཟླ་བའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཕྱག་རྒྱའི་ཕྱག་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙུག་ན་ནོར་བུའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེན་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་མར་མེའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟབ་མོའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མདོག་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལེགས་པར་འདྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་ལེགས་པར་ལན་ལྡོན་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་ཉིད་མངོན་དུ་ཆུད་ལ་ཕྱག་འཚལ་ལོ། །བྱང་ཆུབ་སེམས་དཔའ་ངེས་པའི་མཚན་ཉིད་ལ་ཕྱག་འཚལ་ལོ། །བྱང་ཆུབ་སེམས་དཔའ་ངེས་པའི་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་བརྩེགས་པར་ངེས་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་སྐྱེད་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེ་གནས་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་སྐྲག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་
528b
སྐྱབས་གྲོལ་མཛད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་མར་མེ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔའ་བར་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡེ་ཤེས་སྟོན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྨོན་ལམ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཞིས་སྡུད་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོན་པའི་གསུང་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོ་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་དགའ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ལམ་ཁྱད་པར་ཅན་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱང་ཆུབ་ཕྱོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབང་ཕྱུག་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཚངས་པའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུགས་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཙནྡན་ཚལ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེངྒེའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པའི་གསུང་ལ་ཕྱག་འཚལ་ལོ། །བྱང་ཆུབ་སེམས་དཔའ་མདོག་དམ་པའི་དབྱིབས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣ་ཚོགས་བརྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་
529a
༄#། །ཤཱཀྱའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙུག་ནས་བྱུང་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཞི་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་གསུང་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨ་འཚེར་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙོ་བོའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུགས་ཀྱི་སྐུ་ཀུན་ཏུ་བསྟན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྫུ་འཕྲུལ་བྱེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་རྒྱ་མཚོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྐུ་མཐའ་ཡས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྨན་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྲུང་ལ་ཕྱག་འཚལ་ལོ། །བྱང་ཆུབ་སེམས་དཔའ་དྲི་མེད་སྙིང་པོའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐམས་ཅད་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐོ་བཙུན་དཔལ་གྱི་རྒྱལ་པོ་ལ་ཕྱག་འཚལ་ལོ། ། བྱང་ཆུབ་སེམས་དཔའ་བཻ་ཌཱུ་རྱའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིགས་མི་མངའ་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིགས་པའི་རྒྱལ་པོ་ལ་ཕྱག་
529b
འཚལ་ལོ། །བྱང་ཆུབ་སེམས་དཔའ་སེངྒེའི་སྒྲ་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་མོས་པའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་ས་ཆེན་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་བཀོད་པའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྣང་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟོགས་པ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་རི་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པའི་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐུགས་རྗེ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟེན་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟེན་པའི་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་རྟེན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ནས་སྐྱོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ནས་སྡུད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཏིང་ངེ་འཛིན་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ཏུ་སྣང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ཏུ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡང་དག་འོད་ལ་ཕྱག་འཚལ་ལོ། ། བྱང་ཆུབ་སེམས་དཔའ་ལོག་པར་དད་སེལ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལྷའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་རྒྱལ་པོ་ལ་ཕྱག་འཚལ་ལོ། །བྱང་
530a
༄#། །ཆུབ་སེམས་དཔའ་འོད་འཕྲོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་འཕྲོ་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལམ་སྟོན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཟོད་པ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་པདྨ་བརྩེགས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་རྒྱ་མཚོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་བརྟན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤག་གིས་ཕྱག་བྱས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་གྱི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐུགས་རྗེ་རྒྱུན་མི་འཆད་ལ་ཕྱག་འཚལ་ལོ། །བྱང་ཆུབ་སེམས་དཔའ་བླ་མེད་ཆོས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབྱིངས་ལ་ཕྱག་འཚལ་ལོ། །བྱང་ཆུབ་སེམས་དཔའ་རི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་རི་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་གྱི་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་རིའི་ཟོམ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་ཐབས་
530b
ཅན་ལ་ཕྱག་འཚལ་ལོ། །བྱང་ཆུབ་སེམས་དཔའ་རི་རབ་རྩེ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་མཚན་རི་ལ་ཕྱག་འཚལ་ལོ། །བྱང་ཆུབ་སེམས་དཔའ་རིའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་འདུལ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབྲུག་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆར་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབྲུག་གི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་འཁོར་ལོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མཆོག་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མགོན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་སྣང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཏིང་ངེ་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཕྱག་རྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་དཀྱིལ་འཁོར་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བཀོད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བསྟན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་གནོན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བསྟན་ལ་ཕྱག་འཚལ་ལོ། །བྱང་
531a
༄#། །ཆུབ་སེམས་དཔའ་རིན་ཆེན་མཛད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཆོས་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙང་མའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙུག་གི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་གྱི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་དབྱིངས་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་གཙུག་ཏོར་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བསྟན་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྟོང་དམིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བརྟོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དཀྱིལ་འཁོར་ལ་ཕྱག་འཚལ་ལོ། །བྱང་ཆུབ་སེམས་དཔའ་ངོས་གཟར་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་རྟོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་དག་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ཏུ་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ཏུ་སྣང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་བའི་རྒྱལ་མཚན་ཕྱག་འཚལ་ལོ། །བྱང་ཆུབ་སེམས་དཔའ་འཇམ་པའི་དབྱངས་ལ་ཕྱག་འཚལ་ལོ། །བྱང་
531b
ཆུབ་སེམས་དཔའ་ཡོན་ཏན་འབར་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་གྱི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོའི་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་བའི་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དང་བའི་ཤེས་རབ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་འདས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བའི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཉི་མའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྡོ་རྗེ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབར་བའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོ་རྒྱལ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱོད་ཡུལ་དམིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྣང་ལ་ཕྱག་འཚལ་ལོ། །བྱང་ཆུབ་སེམས་དཔའ་བསོད་ནམས་ལ་ཕྱག་འཚལ་ལོ། །བྱང་ཆུབ་སེམས་དཔའ་མངོན་དུ་རྟོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་གསང་བསྟོན་ལ་ཕྱག་འཚལ་ལོ། །བྱང་ཆུབ་སེམས་དཔའ་རབ་ཏུ་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུགས་ཀྱི་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁ་ལོ་སྒྱུར་ལ་
532a
༄#། །ཕྱག་འཚལ་ལོ། །བྱང་ཆུབ་སེམས་དཔའ་གསང་བའི་སྐུ་ལ་ཕྱག་འཚལ་ལོ། །བྱང་ཆུབ་སེམས་དཔའ་གཅིག་ལ་ཕྱག་འཚལ་ལོ། །བྱང་ཆུབ་སེམས་དཔའ་བཅུ་ལ་ཕྱག་འཚལ་ལོ། །བྱང་ཆུབ་སེམས་དཔའ་བརྒྱལ་ཕྱག་འཚལ་ལོ། །བྱང་ཆུབ་སེམས་དཔའ་སྟོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བཅུ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་ཉིས་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་སུམ་བརྒྱལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བཞི་བརྒྱལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་ལྔ་བརྒྱལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་དྲུག་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བདུན་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བརྒྱད་བརྒྱལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་དགུ་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་སྟོང་གི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕྱག་འཚལ་ལོ། །བྱང་ཆུབ་སེམས་དཔའ་དེ་རྣམས་ལ་ཕྱག་འྩལ་ན། བསྐལ་བ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བའང་བསལ་བར་འགྱུར་རོ། །
532b
བྱང་ཆུབ་སེམས་དཔའ་སེམས་དཔའ་ཆེན་པོ་འབུམ་ཕྲག་གཅིག་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་བཅུ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་སྟོང་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་ཁྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་འབུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་ཕྱག་འཚལ་ལོ། བསྐལ་བ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བའང་འབྱང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཁྲག་ཁྲིག་ཕྲག་གཅིག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་བཅུ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་སྟོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་ཁྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་འབུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་ཕྱག་འྩལ་ན། བསྐལ་བ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བའང་བསལ་བར་འགྱུར་རོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གངྒཱ་གཅིག་གི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་གངྒཱ་གཉིས་ཀྱི་བྱེ་མ་སྙེད་ལ་ཕྱག་འཚལ་ལོ། །
533a
༄#། །བྱང་ཆུབ་སེམས་དཔའ་གངྒཱ་གསུམ་གྱི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་བཞིའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་ལྔའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་དྲུག་གི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་བདུན་གྱི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་བརྒྱད་ཀྱི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་དགུའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་བཅུའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་བརྒྱའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་སྟོང་གི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་ཁྲིའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གངྒཱ་འབུམ་ཕྲག་བརྗོད་ཀྱིས་མི་ལང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕྱག་འཚལ་ལོ། །དེ་རྣམས་ལ་ཕྱག་འྩལ་ན། བསྐལ་བ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་ཡང་དག་པར་བསལ་བར་འགྱུར་རོ། །གང་ཟག་ལ་ལས་འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱི་མཚན་ཐོས་ན། མི་དེ་བསྐལ་བ་འབུམ་ཕྲག་བཞི་བཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ཞིང་ཁམས་གསུམ་གྱི་འཁོར་བ་ལམ་གཏོགས་ཏེ།
533b
རྟག་ཏུ་རྣམ་པར་ཐར་པའི་རྒྱལ་པོའི་ཁམས་སུ་གཏོགས་པར་འགྱུར་རོ། །མཐའ་འཁོབ་ཡུལ་དུ་ཡོང་མི་སྐྱེ། །དགེ་མེད་ཡུལ་དུའང་དེ་བཞིན་ཏེ། །ལུས་ངན་ལེན་པར་མི་འགྱུར་ཞིང ། །ལོག་པར་ལྟ་བར་མི་སྐྱེའོ། །མ་རབས་རིགས་སུ་མི་སྐྱེ་སྟེ། །མུ་སྟེགས་ཅན་དུའང་མི་སྐྱེ་ཞིང ། །ལུས་ཀྱི་ཡན་ལག་ཀུན་དང་ལྡན། །དམ་པའི་ཆོས་ནི་རྟག་ཏུ་ཐོས། །དཀའ་ཐུབ་སྡོམ་པ་མ་བླངས་ཀྱང ། །འདི་དག་རྟག་ཏུ་ལྡན་འགྱུར་ཏེ། །ཐེག་པ་ཆེན་པོའི་སྤྱོད་ལམ་མཛེས། །རྟག་པར་སངས་རྒྱས་བདག་ཉིད་མཐོང ། །དེ་ཕྱིར་གུས་པར་ཕྱག་བཙལ་ཏེ། །བཅོམ་ལྡན་འདས་ཆོས་ལ་བདེ་བར་གནས། །མ་འོངས་དུས་ན་སངས་རྒྱས་འགྲུབ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱི་མཚན་བསྒྲགས་པ་ན་རིགས་ཀྱི་བུ་དང ། རིགས་ཀྱི་བུ་མོ་འབུམ་ཕྲག་བརྒྱད་ཅུ་རྩ་བརྒྱད་ཀྱིས་ལན་གཅིག་ཕྱིར་འོང་བའི་འབྲས་བུ་ཐོབ་པར་གྱུར་ཏོ། །ལྷ་དང་མི་འབུམ་ཕྲག་བཞི་བཅུ་བརྩ་དགུས་ཕྱིར་མི་འོང་བའི་འབྲས་བུ་ཐོབ་བོ། །སེམས་སྟོར་བའི་དགེ་སློང་འབུམ་ཕྲག་བདུན་ཅུ་རྩ་བརྒྱད་ཀྱིས་སེམས་ཀྱི་བདག་ཉིད་སླར་རྙེད་དེ་དགྲ་བཅོམ་པའི་འབྲས་བུ་ཐོབ་བོ། །བྱང་ཆུབ་སེམས་དཔའ་སེམས་དཔའ་ཆེན་པོ་འབུམ་ཕྲག་བཅུས་གཟུངས་ཆེན་པོ་རྙེད་ནས་མ་འོངས་པའི་དུས་ན་བྱང་ཆུབ་ཀྱི་སྙིང་པོར་མངོན་པར་རྫོགས་པར་འཚང་རྒྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེངྒེའི་སྒྲས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་
534a
༄#། །འདས་ཀྱིས་བཀའ་སྩལ་པ་ལྟར་ན་ཐེག་པའང་གཅིག་ཏུ་བས་ཏེ། གཉིས་དང ། གསུམ་དུ་མ་མཆིས་སོ། །རྟོགས་པ་ཆེན་པོ་ཡོངས་སུ་རྒྱས་པའི་འགྱོད་ཚངས་ཀྱི་མདོ་འདི་ནི།་སངས་རྒྱས་བཅོམ་ལྡན་འདས་ཐམས་ཅད་ཀྱི་ཡུམ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ནི། ལམ་ཆེན་པོ། །རྣལ་འབྱོར་བ་ཐམས་ཅད་ཀྱི་ནི། མིག་།ལྟ་བ་ལོག་བ་ཐམས་ཅད་ཀྱི་ནི། སྡུད་པ། སེམས་ཉམས་པ་རྣམས་ཀྱི་ནི། སྤྱོད་པ། ངན་འགྲོ་གསུམ་གྱི་སྒོ་ནི། གཅོད་པ། བླ་ན་མེད་པའི་བྱང་ཆུབ་པའི་སྒོ་ནི། འབྱེད་པ། ཉན་ཐོས་རྣམས་ནི། རིམ་གྱིས་ཐེག་པ་ཆེན་པོ་ལ་གཞོལ་བར་འགྱུར་བ་ལགས་ཏེ། ད་བདག་གིས་ཀྱང་གཟུངས་སྔགས་ཆེན་པོ་འདི་གཟུང་ཞིང་བསྐྱབ་པར་བགྱིའོ། །གང་ཟག་ལ་ལས་ཚུལ་ཁྲིམས་ཀྱི་སྡོམ་པ་དང ། མདོ་སྡེ་འདི་ལ་སྒོམ་ཞིང་ཀློག་པར་འབྱེད་ན། དེ་ལའང་དེ་བཞིན་དུ་བསྲུང་ཞིང་བསྐྱབ་པར་བགྱིའོ། །གང་ལ་ལ་ཞིག་མདོ་སྡེ་འདི་ལ་མཆོད་ཅིང་རིམ་གྲོར་བྱེད་པ་དང ། ཞག་བདུན་གྱི་བར་དུ་སྤྱོད་ཅིང་སྒོམ་པར་བྱེད་པ་ལ་བདུད་སྡེ་ཏོ་ཅན་དཀྲུག་པའི་སྐབས་ཚོལ་བ་མཆིས་ནའང་བདུད་དེས་ཀྱང་འཁྲུག་པའི་སྐབས་མི་རྙེད་པར་བགྱིའོ། །བཅོམ་ལྡན་འདས། བདག་གིས་མདོ་སྡེ་འདི་ཡུན་དུ་གནས་པ་དང ། བྱང་ཆུབ་ཀྱི་ངོ་བོ་ཉིད་མཐར་ཐུག་པའི་བར་དུའང་བསྐྱང་བར་བགྱིའོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། མདོ་སྡེ་
534b
འདི་སྲུང་བ་ནི། དཀོན་མཆོག་གསུམ་སྲུང་བ་ཡིན་ནོ། །ཡང་ངའི་བསྟན་པའང་སྲུང་བ་ཡིན་ནོ། །དེ་ནས་བྱང་ཆུབ་སེམས་དཔའ་སེངྒེའི་སྒྲས་བཅོམ་ལྡན་འདས་ཀྱི་སྤྱན་སྔར་གཟུངས་སྔགས་སྨྲས་པ།་ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿ ་སདྒྷཱ་ཡ། ཨ་དནྟེ་དྷ་ར་ནི། ཏདྱ་ཐཱ། ཨཱ་ཀཱ་ཤ་ནི། སཝ་བྷཱ་བ། སརྦ་དྷརྨཱ་ནི་སཝ་བྷཱ་བ། ཨི་ཤཾ་ད། པི་བ་ཤ་ན། བི་མ་ལ་སུ་བ་རི། དྷརྨ་ཨ་ཏི་ཀ་ན་པ་ལ་ནི་ཤྩ། ཡ་ཐ་མ་ལེ། ཙཱ་ལེ་ཙཱ་ལེ། ཧུ་ལུ་ཧུ་ལུ། བི་ཤ་དེ་བི་ཤ་དེ། མནྟ་མཏྣ་སཝཱཧཱ། གཟུངས་སྔགས་འདི་དུས་གཅིག་ལ་ལན་བརྒྱ་རྩ་བརྒྱད་བཟླས་ཤིང་མཆོད་རྟེན་ལ་ལན་བདུན་བདུན་བསྐོར་བ་དང ། དེ་བཞིན་དུ་ཞག་བདུན་གྱི་བར་དུ་མདོ་སྡེ་གཞན་ལ་མི་བསམ་པར་རྟོགས་པ་ཆེན་པོ་ཡོངས་སུ་རྒྱས་པའི་འགྱོད་ཚངས་ཀྱི་མདོ་སྡེ་འདི་ལ་སེམས་རྩེ་གཅིག་ཏུ་བྱའི། གཞན་དུ་མི་གཡེང་པར་བྱའོ། །གཟུངས་སྔགས་འདི་སངས་རྒྱས་འབུམ་ཕྲག་བརྒྱད་བརྒྱས་གསུངས་ཏེ། བདག་གིས་ཀྱང་བཤད་དོ། །གལ་ཏེ་ལ་ལས་གཟུངས་འདི་ལ་སྐུར་ཅིང་སྨོད་པར་བགྱིད་ན། སངས་རྒྱས་དེ་སྙེད་ལ་སྐུར་ཅིང་སྨད་པ་ལགས་སོ། །གཟུངས་སྔགས་འདི་ལ་སྐུར་བའི་གང་ཟག་ནི། ཚེ་རབས་སུའང་སྒྲུབ་པའི་འབྲས་བུ་མི་འགྲུབ་པར་འགྱུར་ཏེ། ཁམས་གསུམ་ལས་ཀྱང་མི་འདའོ། །དེ་ཅིའི་སླད་དུ་གཟུངས་སྔགས་འདི་ནི། སེམས་སྟོང་པ་ལས་སླར་རྙེད་པར་འགྱུར་བ་དང ། གཟུངས་སྔགས་འདི་ལ་རྣ་གཅིག་ཙམ་ཐོས་པའམ། ཐོས་ནས་ཡི་གེར་
535a
༄#། །འབྲི་ཞིང་ཤ་དང ། ཆང་བཅད་དེ་ཟ་གཅིག་པར་བགྱིད་ཅིང ། ཁྲིམས་སྲུང་བ་དང ། བག་མ་མཆིས་པའི་རྩེད་མོ་གཡེང་བ་མི་བགྱིད་པ་དང ། འདུ་འཛིའི་ནང་དུ་མི་འཇུག་པ་དང ། རྟག་ཏུ་བྱམས་པ་ལ་སྒོམ་ཞིང་བསམ་གཏན་ལ་དམ་པར་ལྟ་བའི་གང་ཟག་དེ་ནི། བསྐལ་བ་དཔག་ཏུ་མེད་པ་མཆིས་པ་ནས་གསོག་གསོག་པའི་སྒྲིབ་པ་གསུམ་དང ། སྡིག་ལྕི་བ་ལ་སོགས་པའང་གཟུངས་སྔགས་འདི་ཐོས་ཏེ་སེམས་ཐག་པ་ནས་ཟློས་ཤིང་འཛིན་པ་དང ། ཉིན་གཅིག་བཞིན་ཀློག་ཅིང་ཁ་ཏོན་བགྱིད་པ་དང ། ཡི་དམ་དུ་མི་བརྗེད་པར་བགྱིད་ན། གང་ཟག་དེ་མངོན་པར་བྱང་ཆུབ་བའི་བར་དུ་ངན་སོང་དུ་མི་ལྟུང་ངོ ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེངྒེའི་སྒྲ་ལ་བཀའ་སྩལ་པ། ཁྱོད་དཀོན་མཆོག་གསུམ་སྐྱོབ་པ་དང ། སྐྱེ་བོ་མང་པོ་ལ་ཕན་པར་སེམས་ཤིང ། སྲིད་པ་གསུམ་ལས་བསྒྲལ་ཞིང་གདོན་པ་དང ། སློབ་པ་གྲངས་མེད་པ་ལ་ཕན་པ་ཆེན་པོ་བྱེད་པ་དང་ལོག་པར་ལྟ་བ་ཐམས་ཅད་བཟློག་པའི་ཕྱིར་གཟུངས་སྔགས་ཕྱེ་ཞིང་བསྟན་པ་ལེགས་སོ་ལེགས་སོ། །རིགས་ཀྱི་བུ། ཁྱོད་ཀྱི་མིང་དང ། གཟུངས་སྔགས་ཀྱི་སྒྲ་འདི་སེམས་ཅན་ལ་ལས་ཐོས་ནས་མོས་པ་དག་གུས་པ་བསྐྱེད་དེ་མ་སྐུར་བའི་མི་དེ་ནི། ཚེ་འདི་ལའང་བདེ་བ་ནས་ཤི་འཕོས་ནས་ཀྱང་རྟག་ཏུ་སངས་རྒྱས་མཐོང་ཞིང་ངའང་མཐོང་ལ། ཁྱོད་དང་བྱང་
535b
ཆུབ་སེམས་དཔའ་གཞན་ཡང་མཐོང་བར་འགྱུར་རོ། །དེ་ཐམས་ཅད་ཀྱི་དེ་བཞིན་གཤེགས་པའི་སྙིང་པོ་སོ་སོར་རང་གིས་རིག་པ་མངོན་པར་འཚང་རྒྱ་བ་ཐེ་ཚོམ་མི་ཟ་བར་འགྱུར་རོ། །ཀུན་ནས་ཉོན་མོངས་པ་ཐམས་ཅད་སྤངས་ཤིང་དགེ་བ་ཐམས་ཅད་ཀྱིས་དེ་བཞིན་གཤེགས་པའི་ལམ་སྒྲུབ་པ་ནི། ཀུན་ཀྱང་མོས་པ་དང ། དད་པའི་དབང་གིས་སོ། །ང་འདས་པའི་ཕྱི་ན་རིགས་ཀྱི་བུ་དང ། རིགས་ཀྱི་བུ་མོ་གང་ལ་ལ་ཞིག་གིས་ཉིན་གཅིག་གམ། མཚན་གཅིག་གམ། དུས་གཅིག་གམ། སྐད་ཅིག་ལ་ཕྱོགས་བཅུ་ན་དུས་གསུམ་དུ་གཤེགས་པའི་སངས་རྒྱས་དང ། གསུང་རབ་མདོ་སྡེ་བཅུ་གཉིས་དང ། བྱང་ཆུབ་སེམས་དཔའ་རྣམས་ལ་ཕྱག་འཚལ་ནུས་ཤིང ། ཐེག་པ་ཆེན་པོ་ཚུལ་བཞིན་དུ་ཡིད་ལ་བྱེད་པ་དང ། དོན་དམ་པའི་བདེན་པ་ཇི་བཞིན་བར་ཡིད་ལ་བྱེད་པའི་གང་ཟག་དེ་ནི། ཐང་གཅིག་ཡུད་ཙམ་གཅིག་གིས་མི་དགེ་བ་བཅུ་དང ། མཚམས་མེད་པ་ལྔ་དང ། མཉམ་པ་ཉིད་ལ་སྐུར་བ་དང ། ཀུན་ནས་ཉོན་མོངས་པའི་ལས་ཐམས་ཅད་ཀུན་མ་ལུས་པར་འབྱང་བར་འགྱུར་རོ། །ཡང་དགེ་སློང་ཕའམ། དགེ་སློང་མའམ། བྱང་ཆུབ་སེམས་དཔའ་འམ། དགེ་ཚུལ་ཕའམ། དགེ་ཚུལ་མས་ངོ་བོ་ཉིད་ཀྱི་སེམས་སྟོར་བས་རང་གི་རྩ་བ་བཞི་གཞིག་པ་དང ། སྡོམ་པ་བརྒྱད་ཉམས་པ་དང ། ལྕི་བ་དྲུག་དང ། མི་དགེ་བ་བཅུ་དང ། མཚམས་མེད་པ་ལྔ་བྱས་པ་དང ། མཉམ་པ་ཉིད་ལ་སྐུར་བའང་ཕྱོགས་
536a
༄#། །བཅུ་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱི་མཚན་ལ་མོས་བ་བསྐྱེད་དེ་ཕྱག་འཚལ་ན། དེ་ལྟ་བུའི་ལས་མི་དགེ་བ་ཀུན་མ་ལུས་པར་འབྱང་བར་འགྱུར་རོ། །དེ་སྐད་ཅེས་བཀའ་སྩལ་མ་ཐག་ཏུ་དེ་ནས་སངས་རྒྱས་འོད་ངེས་པ་ཞེས་བྱ་བ་དེའི་དྲུག་ནས་དེའི་ཚེ་རྒྱལ་བུ་དགེ་མཐོང་དང་མི་སུམ་སྟོང་པོ་རྣམས་གློ་བུར་དུ་སྐད་ཅིག་དུས་དེར་ལྷགས་ནས་བཅོམ་ལྡན་འདས་ཀྱི་ཞབས་ལ་སྤྱི་བའོ་སྟུགས་ཏེ་ཕྱག་བཙལ་ནས་མགྲིན་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ལ་སོགས་པས་བསྐལ་བ་དཔག་ཏུ་མ་མཆིས་པ་ནས་མི་དགེ་བ་བཅུའི་ལས་བགྱིས་ཤིང་བསགས་པ་ནི། བརྗོད་ཀྱིས་ཀྱང་མི་རྫོགས་ཏེ། ལ་ལས་ནི། མི་དགེ་བ་བཅུ་བགྱིས། ལ་ལས་ནི། མཚམས་མ་མཆིས་པ་ལྔ་བགྱིས། ལ་ལས་ནི། མཉམ་པ་ཉིད་ཀྱི་ཆོས་ལ་སྐུར་བ་ལ་སོགས་པ་བསམ་གྱིས་མི་ཁྱབ་བརྗོད་ཀྱིས་མི་ལང་བའི་སྡིག་པ་བགྱིས་བ་དེ་དག་དུས་གསུམ་གྱི་དེ་བཞིན་གཤེགས་པ་རྣམས་དང ། གསུང་རབ་ཡན་ལག་བཅུ་གཉིས་ཀྱི་མདོ་སྡེ་ལ་བརྟེན་ནས་བྱང་ཆུབ་སེམས་དཔའ་མང་པོའི་མདུན་དུ་མཐོལ་ཞིང་བཤེགས་པར་འཚལ་ན། དེ་གནང་བར་གསོལ་ལོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། འཇིགས་བའི་སེམས་བསྐྱེད་དཀའ་བ་དང ། དགེ་བའི་སེམས་བསྐྱེད་
536b
དཀའ་བ་ལས་བསྐྱད་པ་ནི། ལེགས་པ་སོ་ལེགས་སོ། །ཁྱོད་ཀྱིས་མི་དགེ་བ་བཅུ་བཤེགས་པ་དང ། མཚམས་མེད་པ་ལྔ་བཤགས་པ་དང ། འདོད་ཆེན་ལ་སོགས་པ་བཤགས་ནས་དེ་བཞིན་གཤེགས་པའི་སྙིང་པོ་དེ་མཐོང་བར་འདོད་པ་དེ་ལེགས་ཀྱི། ཡིད་ལ་སེམས་པ་བཞིན་མཐོལ་ཅིག་།དེ་ནས་རྒྱལ་བུ་དགེ་མཐོང་དང་མི་སུམ་སྟོང་གིས་བཅོམ་ལྡན་འདས་ཀྱི་བྱམས་པའི་གསུང་ཐོས་ནས་ཆོས་གོས་ཚུལ་བཞིན་དུ་བགོས་ནས་ཐལ་མི་སྦྱར་ཏེ་སྤྱི་བོས་བཏུད་ནས་ཕྲག་པ་གཡས་པ་ཆོས་བཞིན་དུ་ཕྱུང ། བུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཅག་ལ་སོགས་པ་ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་བཅུའི་ཆོས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་བཅུའི་དགེ་འདུན་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་ཤར་ཕྱོགས་ཀྱི་དེ་བཞིན་གཤེགས་པ་འཁྲུག་མི་མངའ་ལ་ཕྱག་འཚལ་ཞིང་སྐྱབས་སུ་གསལ་ལོ། །ཡང་ལྷོ་ཕྱོགས་ཀྱི་དེ་བཞིན་གཤེགས་པ་རིན་ཆེན་འབྱུང་ལྡན་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་ནུབ་ཕྱོགས་ཀྱི་དེ་བཞིན་གཤེགས་པ་སྣང་བ་མཐའ་ཡས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་བྱང་ཕྱོགས་ཀྱི་དེ་བཞིན་གཤེགས་པ་གདོན་མི་ཟ་བར་གྲུབ་པ་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་སྟེང་གི་ཕྱོགས་ཀྱི་
537a
༄#། །དེ་བཞིན་གཤེགས་པ་སྤོས་བརྩེགས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་འགོག་གི་ཕྱོགས་ན་དེ་བཞིན་གཤེགས་པ་འབུམ་གཟུགས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཤར་ཕྱོགས་ན་འཕགས་པ་ཀུན་ཏུ་བཟང་པོ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །ལྷོ་ཕྱོགས་ན་འཕགས་པ་འཇིག་རྟེན་གཟུངས་ལའང་ཕྱག་འཚལ་ཞིང་སྐྱབས་སུ་གསོལ་ལོ། །ནུབ་ཕྱོགས་ན་འཕགས་པ་སྤྱན་རས་གཟིགས་དབང་ཕྱུག་ལའང་ཕྱག་འཚལ་ཞིང་སྐྱབས་སུ་གསོལ་ལོ། །བྱང་ཕྱོགས་ན་འཕགས་པ་ཟླ་རྒྱས་ལའང་ཕྱག་འཚལ་ཞིང་སྐྱབས་སུ་གསོལ་ལོ། །སྟེང་གི་ཕྱོགས་ན་འཕགས་པ་ནམ་མཁའི་སྙིང་པོ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །འོག་གི་ཕྱོགས་ན་འཕགས་པ་ཡོན་ཏན་བསྟན་པ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །ཐོག་མའི་སྟོན་པ་བཅོམ་ལྡན་འདས་དེ་བཞིན་གཤེགས་པ་འོད་མི་འགྱུར་བ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །མ་བྱོན་པའི་དེ་བཞིན་གཤེགས་པའི་སྙིང་པོ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །འཇིག་རྟེན་གྱི་ཁམས་གཞན་ན་སྤྲུལ་བའི་སྐུ་སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ད་ལྟར་བདག་ཅག་གི་སྟོན་པ་བཅོམ་ལྡན་འདས་ཤཱཀྱ་ཐུབ་པ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །བཅོམ་ལྡན་འདས་དྲི་
537b
མ་མེད་པར་གྲུགས་པ་དང ། འཇམ་དཔལ་གཞོན་ནུར་གྱུར་པ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །ཀུན་དགའ་བོ་དང་འོད་སྲུང་ལའང་ཕྱག་འཚལ་ཞིང་སྐྱབས་སུ་གསོལ་ལོ། ། འཕགས་པའི་ལམ་བཞིས་མངོན་དུ་བྱུང་བ་རྣམས་ལའང་ཕྱག་འཚལ་ཞིང་སྐྱབས་སུ་གསོལ་ལོ། །སེམས་བསྐྱེད་པ་དད་པོ་པ་རྣམས་ལའང་ཕྱག་འཚལ་ཞིང་སྐྱབས་སུ་གསོལ་ལོ། །མཛོད་ཆེན་པོ་གསུང་རབ་མདོ་སྡེ་བཅུ་གཉིས་དང ། ཡང་དག་པ་མཉམ་པ་ཉིད་ཀྱི་མདོ་སྡེ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །ཆོས་ཀྱི་མདོ་སྡེ་གཞན་ཇི་སྙེད་བཞུགས་པ་ལའང་ཕྱག་འཚལ་ཞིང་སྐྱབས་སུ་གསོལ་ལོ། །སྐུ་གདུང་བརྒྱད་དུ་བགོས་པའི་གཟུགས་རྣམས་ལའང་ཕྱག་འཚལ་ཞིང་སྐྱབས་སུ་གསོལ་ལོ། །ད་ལྟར་བཞུགས་པའི་སངས་རྒྱས་རྣམས་ཀྱི་ཆོས་ཀྱི་དོན་ལའང་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་བཞིའི་རྒྱལ་པོ་ཆེན་པོ་བཞི་དང ། སུམ་ཅུ་རྩ་གསུམ་གནམ་གྱི་ལྷ་དང ། བརྒྱ་བྱིན་དང ། ཚངས་བ་དང ། བར་སྣང་གི་ལྷ་དང ། གནམ་གྱི་སྟེང་དང ། སའི་སྟེང་དང ། སའི་འོག་དང ། རིའི་ལྷ་དང ། ཚལ་གྱི་ལྷ་དང ། ཤིང་དྲུག་གི་ལྷ་དང ། རིགས་སྔགས་འཆང་བ་དང ། རྫུ་འཕྲུལ་གྱི་རྐང་བ་དང་ལྡན་པ་རྣམས་དང ། ལྷའི་མིག་དང་ལྡན་པ་དང ། ལྷའི་རྣ་བ་དང་ལྡན་པ་དེ་དག་ཐམས་ཅད་ཀྱིས་གཟིགས་ཤིང་གསན་ཏེ་ཀུན་གྱིས་དབང་མཛད་པར་གསོལ་ལོ། །བདག་ཅག་ལ་སོགས་པ་སེམས་ཅན་ཐམས་ཅད་ལ་མ་
538a
༄#། །མཐོལ་མ་བཤགས་པ་ཞིག་མཆིས་ནའང་སྡིག་པ་ཐམས་ཅད་བྱང་བར་གྱུར་ཅིག་།བདག་ཅག་ལ་སོགས་པ་སེམས་ཅན་ཐམས་ཅད་འཁོར་བའི་ཁམས་ཚུན་ཆར་ནས་ད་ལྟར་གྱི་ལུས་ངན་པ་འདི་ཐོབ་པའི་བར་དུ་རྨོངས་ཤིང་བསླད་པའི་སེམས་ཀྱིས་ལོག་པར་མཐོང་བ་དཔག་ཏུ་མ་མཆིས་པས་ལས་དང་ཉོན་མོངས་པ་དང ། མི་དགེ་བའི་ལས་བགྱིས་པ་ནི།་བརྗོད་ཀྱིས་མི་རྫོགས་ཏེ། སྡིག་པ་མང་པོ་ཅི་བགྱིས་པ་རྣམས་བདག་ཉིད་ཀྱིས་མ་ཚོར་མ་རིག་པས་མི་དགེ་བའི་སེམས་རབ་ཏུ་རྒྱས་པའི་དབང་གིས་འཇིག་རྟེན་ཕ་རོལ་མ་མཐོང་ཞིང་ཚེ་འདི་འབའ་ཞིག་མཐོང་བ་ལ་གནས་ཏེ་ཉོན་མོངས་པའི་བག་ཆགས་ལ་མོས་པས་དགེ་བའི་རྩ་བ་དང་རིང་དུ་གྱུར་ཅིང་མི་དགེ་བའི་ལས་ཀྱིས་བར་ཆད་དུ་གྱུར་ཅིང་བསྒྲིབས་པའམ།་སྡིག་པའི་གྲོགས་པོ་ལ་བརྟེན་པས་དགེ་སློང་ཕ་དང ། དགེ་སློང་མ་ལ་མི་རིགས་ཤིང་ཚུལ་མ་ལགས་པའི་ལས་བགྱིས་པའམ། ཕ་དང་མ་ལ་མི་རིགས་ཤིང་ཚུལ་མ་ལགས་པའི་ལས་བགྱིས་པའམ། ཡང་རང་ཉམས་ཀྱི་དབང་གིས་ཕྱོགས་བཅུའི་དགེ་འདུན་གྱི་ནོར་དང ། ཡོ་བྱད་ལ་སོགས་པ་སྤྱོད་པ་དང ། དགེ་འདུན་སྡེ་ལྔ་ལའང་མི་རིགས་ཤིང་ཚུལ་མ་ལགས་པའི་ལས་བགྱིས་པའམ། འཇིག་རྟེན་གྱི་ཀུན་ནས་ཉོན་མོངས་པའི་འབྲས་བུ་དཔག་ཏུ་མེད་པ་སྙེད་བཤད་པ་དང ། བྱང་ཆུབ་ཀྱི་དགེ་བའི་རྩ་བའི་སེམས་ཅན་ལའང་ངན་དུ་
538b
སྨད་པ་དང ། ཆོས་ཀྱི་མཁན་པོ་ལ་སྐུར་བའམ། དམ་པའི་ཆོས་ནི། ཆོས་མ་ལགས་པར་བཤད་པའམ། ཆོས་མ་ལགས་པ་ནི། ཆོས་ལགས་པར་བཤད་པའམ། དེ་བཞིན་གཤེགས་པ་མི་རྟག་གོ་།ཞེས་བགྱིས་པའམ། དམ་པའི་ཆོས་ཀྱང་མི་རྟག་གོ་།ཞེས་བགྱིས་པའམ། དགེ་འདུན་དཀོན་མཆོག་ཀྱང་མི་རྟག་གོ་།ཞེས་བགྱིས་པའམ། ཕན་པའི་སྦྱིན་པ་ལ་མ་དད་པའམ། ཆོས་ལོག་པ་ལ་དད་ཅིང་འཛིན་པ་དེ་ལྟ་བུའི་སླད་དུ་ད་འཇིགས་ཤིང་སྐྲག་པ་ནི། དཔག་ཏུ་མ་མཆིས། འཛེམ་ཞིང་གནོད་པ་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་རྣམས་ནི། ཐུགས་རྗེ་དང་བྱམས་པའི་སེམས་མངའ་བ་ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི། དགེ་བའི་བཤེས་གཉེན་ལགས་ན། བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་སྲིད་པ་ན་འཁོར་བའི་ཚེ་སྡིག་ལྕི་བ་བགྱིས་པ་དེ་དག་ཐམས་ཅད་འགྱོད་ཅིང་བཤགས་པས་ཚངས་པ་གནང་བར་གསོལ་ཏེ། སླན་ཆད་མི་བགྱིད་པར་གྱུར་ཅིག་།ཡང་བཅོམ་ལྡན་འདས། བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་མཚམས་མ་མཆིས་པ་ལྔ་བགྱིས་པའམ།་འདས་པ་དང ། མ་བྱོན་པ་དང ། ད་ལྟར་བཞུགས་པའི་སངས་རྒྱས་བཅོམ་ལྡན་འདས་ཀྱི་སྡོམ་པ་དང ། ཚུལ་ཁྲིམས་ཉམས་པའམ། འདོད་ཆེན་པའི་ལས་སྤྱད་པའམ། མི་
539a
༄#། །དགེ་བའི་ཚིག་རྩུབ་པོ་སྨྲས་ནས་དགེ་བའི་ཆོས་ལ་སྐུར་བའི་སྡིག་ལྕི་བའི་ལས་བགྱིས་པའང་སླར་འགྱོད་ཅིང་བཤགས་མ་མྱོང་བ་དང ། ཡིད་ལ་འཛེམ་པ་དང ། ངོ་ཚ་བ་མ་མཆིས་པས་མི་དགེ་བ་བཅུ་དང ། མཚམས་མེད་པ་ལྔའི་དངོས་པོ་སྡིག་ལྕི་བ་ལ་སོགས་པ་བགྱིས་པའམ། ཐོག་མ་ནས་ཡིད་ལ་འཇིགས་ཤིང་འཛེམ་པ་མ་མཆིས་པས་དེ་ལྟ་བུའི་སྡིག་ལྕི་བ་བགྱིས་པ་བདག་ཉིད་ཀྱིས་ངེས་པར་འཚལ་ཀྱང་ནོངས་པ་བཅབས་ཤིང་དད་པས་བྱིན་པ་བླངས་པ་མཐོལ་ཞིང་བཤགས་མ་མྱོང་བའམ། དམ་པའི་ཆོས་ཡུན་རིང་དུ་གནས་པར་བགྱི་ཞིང ། རིམ་གྲོར་མཆོད་པའི་བསམ་པ་མ་མཆིས་ཏེ། དེ་ལ་མི་སྙན་པར་སྨད་ཅིང་ཡང་ལོག་པར་བལྟས་པའམ། ངག་གི་སྒོ་ནས་ཀུན་ནས་ཉོན་མོངས་པའི་ཉེས་པ་མང་པོ་བགྱིས་པའམ། ཡང་འདི་སྐད་ཅེས་ཀྱང་སྨྲས་ཏེ། སངས་རྒྱས་དང ། ཆོས་དང ། དགེ་འདུན་གསུམ་མ་མཆིས་ཞེས་བགྱིས་པ་ལ་སོགས་པ་མི་དགེ་བ་བཅུ་དང ། མཚམས་མེད་པ་ལྷའི་སྡིག་ལྕི་བ་དེ་ལྟ་བུ་བགྱིས་པའི་སླད་དུ་ད་འཇིགས་ཤིང་སྐྲག་པ་ནི། དཔག་ཏུ་མ་མཆིས། འཛེམ་ཞིང་གནོད་པ་ནི། བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་རྣམས་ནི། ཐུགས་རྗེ་དང་བྱམས་པ་མངའ་བས་ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་
539b
སེམས་དཔའ་རྣམས་ནི། དགེ་བའི་བཤེས་གཉེན་ལགས་པས་ན་བདག་ལ་སོགས་པས་འགྱོད་ཅིང་མཐོལ་བཤགས་པས་ཚངས་པ་གནང་བར་གསོལ་ཏེ། བསྐལ་པ་དཔག་ཏུ་མ་མཆིས་པ་ནས་སྲིད་པ་ན་འཁོར་བའི་ཚེ་སྡིག་ལྕི་བ་བགྱིས་པ་རྣམས་བསལ་ཅིང་སླན་ཆད་མི་བགྱིད་པར་གྱུར་ཅིག་།ཡང་བཅོམ་ལྡན་འདས། བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་ལོག་པར་མཐོང་བས་ལྕི་བ་བཞི་ནི། སྦོམ་པོར་བཤད། སྦོམ་པོ་ནི། ལྕི་བ་བཞིར་བཤད་པའམ། ཞིག་པ་ནི། མ་ཞིག་པར་བཤད། མ་ཞིག་པ་ནི། ཞིག་པར་བཤད་པའམ། ལྕི་བ་ནི། ཡང་བར་བཤད། ཡང་བ་ནི། ལྕི་བར་བཤད་པའམ། གཙང་བ་ནི། མི་གཙང་བར་མཐོང ། མི་གཙང་བ་ནི། གཙང་བར་མཐོང་བ་ལ་སོགས་པ་ལོག་པར་མཐོང་བའམ། འཇིག་རྟེན་གྱི་གཙུག་ལག་ནི། བཤད་ཅིང་བསྟོད། སངས་རྒྱས་ཀྱི་བསྟན་པ་ལ་ནི། གུས་པར་མ་བགྱིས་ཤིང་མི་དགེ་བའི་དོན་རྣམས་ལ་གཞུང་བཟུང་ཞིང་བསམ་པ་དང ། མ་བརྟགས་པ་རྣམ་པ་བརྒྱད་འཆང་བའམ། དེ་བཞིན་གཤེགས་པའི་བཀའ་ཡང་དག་པ་ནི། བདུད་ཀྱི་ཚིག་ཅེས་བགྱིས། བདུད་ཀྱི་ཚིག་ཡང་དག་པ་ནི། དེ་བཞིན་གཤེགས་པའི་བཀའ་ཞེས་བགྱིས་པའམ། བར་འགའ་ནི། མུ་སྟེགས་ཀྱི་སྟོན་པ་དྲུག་གིས་རྣམ་པར་བཤད་པ་ལ་མོས་ཤིང་བཟུང་བའམ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་
540a
༄#། །ཞུགས་ཏེ་དཀོན་མཆོག་གསུམ་ལ་རྟག་པ་མ་མཆིས་སྙམ་སེམས་ལ་འཁྲུལ་པ་བྱུང་བ་ལ་སོགས་པ་ལྟ་བ་ལོག་པ་བསམ་གྱིས་མི་ཁྱབ་སྟེ། དེ་ལྟ་བས་ན། ད་འཇིགས་ཤིང་དོགས་པ་དང ། འཛེམ་ཞིང་གནོང་པའང་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་རྣམས་ནི། ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི། དགེ་བའི་བཤེས་གཉེན་ལགས་ཏེ། བདག་ཅག་ལ་སོགས་པས་འགྱོད་ཅིང་མཐོལ་བཤགས་པས་ཚངས་པས་གནང་བར་གསོལ་ཏེ། སླན་ཆད་ཀྱང་མི་བགྱིད་པར་གྱུར་ཅིག་།བཅོམ་ལྡན་འདས་ཀྱིས་བཀའ་སྩལ་པ་ལས། གལ་ཏེ་རྩ་བ་བཞིའམ། མཚམས་མེད་པ་ལྔའམ། ཡང་དག་པའི་ཆོས་ལ་སྐུར་པ་བཏབ་པ་མ་མཐོལ་མ་བཤགས་ན་ངེས་པར་སེམས་ཅན་དམྱལ་བར་ལྟུང་སྟེ། དེ་བཞིན་གཤེགས་པ་རྣམས་དང ། དམ་པའི་ཆོས་དང ། བྱང་ཆུབ་སེམས་དཔའ་རྣམས་དང ། ཉན་ཐོས་རྣམས་དང ། རང་རྒྱལ་བ་རྣམས་ཀྱིས་ཀྱང་དེ་ལ་སྐྱབས་མཛད་པར་མི་སྤྱོད་དོ། །དགེ་འདུན་དང ། ཕ་མ་དང ། ལྷ་རྣམས་དང ། འཇིག་རྟེན་གྱི་མིས་ཀྱང་སྐྱབས་བྱེད་མི་ནུས་སོ། །ཞེས་ཐོས་པས་ནི། དེའི་ཕྱིར་འཇིགས་ཤིང་དོགས་པ་དང ། འཛེམ་ཞིང་གནོང་པའང་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །འདས་པའི་
540b
སངས་རྒྱས་རིན་ཆེན་མང་དང ། མ་གཤེགས་པའི་སངས་རྒྱས་སྟོང་དང ། ད་ལྟར་སྤྲུལ་པའི་སྐུ་ཤཱཀྱ་ཐུབ་པ་རྣམས་དང ། སངས་རྒྱས་བཅོམ་ལྡན་འདས་ཐམས་ཅད་ནི། ཐུགས་རྗེ་དང ། བྱམས་པའི་མངའ་བདག་སྟེ། ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི། དགེ་བའི་བཤེས་གཉེན་ལགས་ན། བདག་ཅག་ལ་སོགས་པས་འགྱོད་ཅིང་མཐོལ་བཤགས་པས་ཚངས་པ་གནང་བར་གསོལ་ཏེ། བསྐལ་པ་དཔག་ཏུ་མ་མཆིས་པ་ནས་ཉོན་མོངས་པའི་སྒྲིབ་པའམ། ལས་ཀྱི་སྒྲིབ་པའམ། རྣམ་པར་སྨིན་པའི་སྒྲིབ་པའམ། ལྕི་བ་བཞི་དང ། མཚམས་མེད་པ་ལྔ་དང ། མི་དགེ་བ་བཅུ་ལ་སོགས་པའི་སྡིག་ལྕི་བ་རྣམས་བསལ་བར་གྱུར་ཅིག་།ཡང་བཅོམ་ལྡན་འདས། བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་སྲིད་པ་ན་འཁོར་བའི་ཚེ་སྡིག་ལྕི་བ་རྣམས་བསལ་ཏེ་སླན་ཆད་མི་བགྱིད་པར་གྱུར་ཅིག་།ཡང་བཅོམ་ལྡན་འདས། བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་ད་ལྟར་གྱི་ཚེ་འདིའི་བར་དུ་དགེ་འདུན་གྱི་སྤྱིའི་ནོར་དང ། ཕྱོགས་བཅུའི་དགེ་འདུན་གྱི་སྤྱི་ནོར་ལ་ཐུགས་ཐུབ་ཏུ་སྤྱད་པའམ། ད་ལྟར་གྱི་དགེ་འདུན་གྱི་ནོར་ལ་ཐུགས་ཐུབ་ཏུ་སྤྱད་པའམ། དག་འདུན་སྡེ་ལྔའི་ནོར་དང ། དགེ་སློང་ངོ་ཅོག་གི་ནོར་ལ་ཐུགས་ཐུབ་ཏུ་སྤྱད་པའམ། ཡོན་བདག་ཐམས་ཅད་ཀྱི་རྫས་ལ་ཐུགས་ཐུབ་ཏུ་སྤྱད་པ་དང ། བདག་གིས་ཡང་དག་པའི་ཆོས་དང །
541a
༄#། །བསམ་གཏན་བཞི་དང ། འབྲས་བུ་བཞི་མ་ཐོབ་པར་ཐོབ་བོ། །ཞེས་སྨྲས་པ་དེ་ལྟ་བུའི་ལས་ངན་པའི་རྒྱུ་དེས་ཀུན་ནས་ཉོན་མོངས་པར་གྱུར་ཏེ། ཁྱིམ་ནས་རབ་ཏུ་བྱུང་ནས་རྩ་བ་བཞིའི་སྡོམ་པ་ཞིག་པ་དང ། ལྕི་བའི་ཆོས་བརྒྱད་དང ། སྡོམ་པ་དྲུག་དང ། དགེ་འདུན་གྱི་ལྷག་མ་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་སུམ་ཅུ་དང ། ལྟུང་བྱེད་དགུ་བཅུ་རྩ་གཅིག་དང ། སོ་སོར་བཤགས་པ་བཞི་དང ། བསླབ་པའི་ཆོས་མང་པོ་རྣམས་དང ། ཤིན་ཏུ་ལྕི་བའི་ཆོས་བདུན་རྣམས་དང ། ནོངས་པ་བགྱིས་ནས་ཕས་ཕམ་པ་བཞི་དང ། མཚམས་མེད་པ་ལྔ་ལ་ཐུག་གི་བར་དུ་རེ་རེ་ནས་བགྱིས་པའམ། ཡང་དག་པའི་ཆོས་ཉིད་དང ། མདོ་སྡེ་ཟབ་མོ་ལ་སྐུར་པའམ། འདོད་ཆེན་པའི་ལས་བགྱིས་པའང་བཅབས་ཤིང་གསང་ནས་ཉིན་ཞག་རེ་རེ་ཞིང་འཕེལ་བར་འགྱུར་བ་དེ་ལ་སོགས་པ་དེ་རིང་སྐྱེ་བོ་མང་པོ་ལ་སྨན་པའི་སླད་དུ་བདག་ཅག་ཉིད་ཀྱིས་ཕྱོགས་བཅུའི་སངས་རྒྱས་ཀྱི་སྤྱན་སྔར་འགྱོད་ཅིང་བཤགས་པར་འཚལ་ལོ། །སོ་སོའི་སྐྱེ་བོ་ཐམས་ཅད་ཀྱིས་བསྐལ་པ་དཔག་ཏུ་མ་མཆིས་པ་ནས་སངས་རྒྱས་དང ། ཕ་མའི་དྲིན་གློ་བར་མ་ཆུད་ཅིང་རྣམ་པར་བྱང་བའི་ཆོས་མ་འཚལ་བས་མི་དགེ་བའི་ལས་སྣ་ཚོགས་བགྱིས་པའམ། བདག་གི་རིགས་སྙེམས་པས་དར་ཅིང་རྒྱགས་པའི་ཚེ་མི་དགེ་བའི་ལས་རྣམས་བསམ་པ་བཞིན་དུ་
541b
བགྱིས་ཀྱང་ནོངས་པ་མ་མཐོང་བས་བྱིས་པ་ལྟ་བུའི་བླུན་པའི་སུག་ལས་བགྱིས་པའམ། མི་དགེ་བའི་བཤེས་གཉེན་གྱི་དྲུང་དུ་ཉེ་བར་མཆིས་ཤིང་ཉོན་མོངས་པས་སེམས་དཀྲུགས་པས་འདོད་པའི་ཡོན་ཏན་ལྔ་ལ་ཆོག་མ་འཚལ་ཏེ། མི་དགེ་བའི་ལས་རྣམས་བགྱིས་པ་དང ། འགྲོ་བ་བཟང་མོས་བསླུས་པའམ། འདོད་ཆགས་དང ། ཞེ་སྡང་དང ། གཏི་མུག་གི་མདུད་པས་སེམས་དཀྲུགས་ཤིང་བསྐྱོད་པ་དང ། ལུས་དང ། ངག་དང ། ཡིད་ལ་སོགས་པས་རྣམ་པར་བསྡུས་པའི་སྡིག་པ་མང་པོ་དེ་རྣམས་འགྱོད་དེ། ད་མ་ལུས་པར་བཤགས་སོ། །ཡང་སངས་རྒྱས་དང ། དམ་པའི་ཆོས་དང ། འཕགས་པའི་དགེ་འདུན་ལ་གུས་པའི་ཚུལ་གྱིས་བསྙེན་བཀུར་མ་བགྱིས་པ་དེ་ལྟ་བུའི་སྡིག་མང་པོ་དེ་དག་ཀུན་འགྱོད་དེ་མཐོལ་ཞིང་སོ་སོར་བཤགས་སོ། ། ཡང་བྱང་ཆུབ་སེམས་དཔའ་དང ། རང་སངས་རྒྱས་རྣམས་ལ་གུས་པའི་ཚུལ་གྱིས་རིམ་གྲོ་མ་བགྱིས་པ་དེ་ལྟ་བུའི་སྡིག་མང་པོ་དེ་དག་ཀུན་འགྱོད་དེ་མཐོལ་ཞིང་སོ་སོར་བཤགས་སོ། །གཏི་མུག་པས་རྨོངས་ཤིང་བསྒྲིབས་ཏེ་དྲེགས་ཤིང་ལེ་ལོ་དང ། རང་ཉམས་ཀྱིས་མི་དགེ་བ་རྣམས་བགྱིས་པ་དེ་ལྟ་བུའི་སྡིག་མང་པོ་ཀུན་འགྱོད་དེ་མཐོལ་ཞིང་སོ་སོར་བཤགས་སོ། །ཕྱོགས་བཅུའི་སངས་རྒྱས་ཐམས་ཅད་ད་བདག་གིས་མཆོད་ནས་སེམས་ཅན་མ་ལུས་པ་ཐམས་ཅད་ས་བཅུ་ལ་གནས་པར་བགྱིས་ཏེ། ཀུན་གྱིས་དེ་བཞིན་གཤེགས་པའི་ཡང་དག་པ་ཉིད་ཐུགས་
542a
༄#། །སུ་ཆུད་པ་དང་ལྡན་པར་བགྱིས་པར་གྱུར་ཅིག་།དེ་ནས་བཅོམ་ལྡན་འདས་ཀྱིས་རྒྱལ་བུ་དགེ་མཐོང་ལ་བཀའ་སྩལ་པ། ལེགས་སོ་ལེགས་སོ། །རྒྱལ་རིགས་དྲ་མ་ཆེན་པོ་རབ་ཏུ་ལེགས་སོ། །རྒྱལ་རིགས་དྲ་མ་ཆེན་པོ་བདག་ཉིད་ཀྱི་དགེ་སྡིག་གི་ལས་ལ་རྟོག་པ་མཁས་ཏེ་འཇིགས་ཤིང་སྐྲག་པ་ཆེན་པོས་འགྱོད་ནས་སྡིག་པའི་ལས་རྣམས་མངོན་པར་བཤགས་ཀྱི་སྟེང་དུ་སེམས་ཅན་ཐམས་ཅད་ཀྱི་ཕྱིར་ཡང་མཐོལ་ཞིང་སོ་སོར་བཤགས་པ་དེ་བས་ན། ཁྱོད་ནི། རྒྱལ་རིགས་དྲ་མ་ཆེན་པོ་ཉིད་ཡིན་ཏེ། བདག་སྡིག་པ་མི་དགེ་བ་དང་བྲལ་གྱི་སྟེང་དུ་སེམས་ཅན་ཐམས་ཅད་ཀྱང་སྡིག་པ་དང་བྲལ་བར་བྱས་པ་དང ། བདག་ཉིད་ཀྱི་ཕྱིར་སྨོན་ལམ་མ་བཏབ་པས་སྔར་སེམས་ཅན་ཐམས་ཅད་ཀྱི་དོན་དུ་སྨོན་ལམ་བཏབ་སྟེ། དེ་བཞིན་གཤེགས་པའི་བཀའ་ཡང་དག་པ་ཉིད་ཐུགས་སུ་ཆུད་པ་དང་ལྡན་པར་བསྔོས་པས་ན། ཁྱོད་ནི། རྒྱལ་རིགས་དྲ་མ་ཆེན་པོ་ཡང་དག་པ་ཡིན་ནོ། །དེ་ནས་རྒྱལ་བུ་དགེ་མཐོང་དང ། མི་སུམ་སྟོང་གིས་མཐོལ་བཤགས་ཟིན་ནས་བཅོམ་ལྡན་འདས་ལ་ཚིགས་སུ་བཅད་པས་བསྟོད་པ། བཅོམ་ལྡན་ཉག་གཅིག་རབ་ཀྱི་མཆོག་།ཁམས་གསུམ་རྒྱན་ལགས་ཡབ་ཡུམ་དང ། ། ཐམས་ཅད་སྙོམས་པའི་ཡེ་ཤེས་ལགས། །ཀུན་ལ་སྙོམས་པའི་དཔེ་མ་མཆིས། །སངས་རྒྱས་དཀོན་ལ་ཕྱག་འཚལ་ལོ། །བྱིས་པས་ཤེས་རབ་བདག་ཕྱིར་སྤྱད། །ནོར་རྫས་བྱིན་ལ་
542b
ལན་འདོད་ཕྱིར། །བྱམས་ཆེན་སངས་རྒྱས་དེ་མིན་ཏེ། །དགྲ་སྡང་ཉེ་བྱམས་སྙོམས་མཛད་པའི། །བརྩོན་འགྲུས་ཆེ་ལ་བདག་སྐྱབས་མཆི། །རྐང་གཉིས་ཀུན་ལ་སངས་རྒྱས་གཙོ། །ཤེས་རབ་སྤྱན་ལྡན་མཁྱེན་གཟིགས་ཁྱབ། །ལྷ་རྣམས་ཤེས་རབ་དེ་མ་འཚལ། །དུས་གསུམ་སངས་རྒྱས་ཐམས་ཅད་ལ། །བདག་ཅག་ཀུན་གྱིས་གུས་ཕྱག་འཚལ། །དེ་བཞིན་སངས་རྒྱས་བདག་སྐྱབས་མཆི། །དུས་གསུམ་སངས་རྒྱས་མཆོད་བྱས་འདྲ། །དེ་ནས་ཕྱོགས་བཅུའི་དེ་བཞིན་གཤེགས་པ་རྣམས་ཀྱིས་རྒྱལ་བུ་དགེ་མཐོང་དང ། མི་སུམ་སྟོང་ལ་ཚིགས་སུ་བཅད་དེ་བཀའ་སྩལ་པ། སངས་རྒྱས་ཆོས་ནི་ཚོལ་འདོད་ན། །ཐོས་པ་མང་པོའི་མི་ཕྱིར་འབྲོངས། །དགེ་བས་མཁན་པོ་བཞིན་དུ་བཀུར། །སངས་རྒྱས་མྱུར་དུ་འགྲུབ་པར་འགྱུར། །ཚུལ་ཁྲིམས་རྣམ་དག་སྲུང་བྱེད་ན། །མིང་ནི་དགེ་སློང་དེས་པ་ཡིན། །སྟོང་ཉིད་གང་གིས་རྟོགས་ནུས་ན། །དེ་མིང་རྣལ་འབྱོར་སྒྲུབ་པ་ཡིན། །བརྩོན་འགྲུས་ལ་ལས་སྒྲུབ་ནུས་ན། །དེ་མིང་འཕགས་ལམ་སྤྱོད་པ་ཡིན། །ལ་ལས་མྱ་ངན་འདས་བསྒྲུབས་ན། ། དེ་མིང་ཡང་དག་བདེ་བ་ཡིན། །ཚུལ་ཁྲིམས་སྡོམ་པའི་དགེ་ཚུལ་དང ། །རྣམ་དག་ཁྲིམས་འཛིན་དགེ་སློང་དག་།ཟླ་བ་ཕྱེད་ཅིང་གསོ་སྦྱོང་བྱ། །ཆོས་གོས་བརྟགས་པ་རྣམས་བགོས་ཏེ། །ལྷུང་བཟེད་འཁར་གསིལ་སོགས་བཀུར་ཞིང ། །དག་པས་བསོད་སྙོམས་གཙང་བླང་བྱ། །ལྷ་རྣམས་ཐམས་ཅད་དགའ་མགུ་སྟེ། །གུས་པས་ཕྱག་འཚལ་ཐལ་སྦྱར་ནས། །ལྷ་རྣམས་ངེད་ཀྱིས་མི་
543a
༄#། །འདི་དག་།དེ་ཡི་མངག་གཞུག་བསྒྲུབ་པར་བྱ། །དཔེར་ན་ལྷ་དབང་བརྒྱ་བྱིན་ལ། །སུམ་ཅུ་རྩ་གསུམ་ལྷ་གཞན་རྣམས། །རིམ་གྲོ་གུས་པ་བྱེད་བཞིན་བྱ། །ཚེ་འདིར་ལེགས་པ་ཉིད་འཐོབ་སྟེ། །ཚེ་རབས་གཞན་གྱིའང་དཔག་མི་ཁྱབ། །རབ་ཏུ་བྱུང་ཞིང་ཚུལ་ཁྲིམས་སྡོམ། །སངས་རྒྱས་བཀའ་དྲིན་ལན་བསྒྲུབས་ཡིན། །རྒྱལ་བུ་དགེ་མཐོང་ད་ཡང་ཉོན། །ང་དང་བྱང་ཆུབ་མ་གཏོགས་པར། །འཇིག་རྟེན་མི་རྣམས་ཐམས་ཅད་ཀྱིས། །མོས་པ་རྣམ་དག་སེམས་བསྐྱེད་དེ། །ཕྱོགས་བཅུའི་སངས་རྒྱས་རྟག་བཞུགས་པར། །མྱ་ངན་འདས་པར་མངོན་པར་ཤེས། །ཆོས་དང་དགེ་འདུན་དེ་བཞིན་ཏེ། །དེ་ལྟ་བུ་ཡི་མི་རྣམས་ནི། །བཅོམ་ལྡན་བཀའ་དྲིན་ལན་བསྒྲུབས་ཡིན། །ད་ཡང་རྒྱལ་བུ་དགེ་མཐོང་ཉོན། །འཇིག་རྟེན་མི་རྣམས་ཐམས་ཅད་ལ།། བྱེ་བྲག་དབྱེ་བའི་སེམས་མེད་པར། །ཐེག་པ་གཅིག་ཆོས་མངོན་ཤེས་ཏེ། །ཕྱོགས་བཅུར་སྔ་མ་འདས་པ་དང ། །ད་ལྟར་མ་འོངས་དུས་རྣམས་ལ། །སངས་རྒྱས་ཐེག་ཆེན་གཅིག་པུ་ལས། །གཉིས་དང་གསུམ་ཞེས་བྱ་མེད་པར། །བྱེ་བྲག་དབྱེ་བའི་སེམས་མེད་དེ། །དེ་ལྟར་མོས་སེམས་བསྐྱེད་ནུས་ན། །དེ་ལྟ་བུ་ཡི་མི་རྣམས་ནི། །སངས་རྒྱས་བཀའ་དྲིན་འཚོབ་པ་ཡིན།། རྒྱལ་བུ་དགེ་མཐོང་ད་ཡང་ཉོན། །ང་ནི་འདས་ཏེ་གཤེགས་ཕྱིན། །མི་ཡི་ནང་ན་ལ་ལ་ཞིག་།སེམས་ཅན་རྣམ་པ་ཐམས་ཅད་ལའང ། །སངས་རྒྱས་སྙིང་པོ་ཉིད་ཡོད་ཅེས། །རྟག་ཏུ་མོས་
543b
བའི་སེམས་བསྐྱེད་ན། །དེ་ལྟ་བུ་ཡི་མི་རྣམས་ནི། །བཅོམ་ལྡན་བཀའ་དྲིན་ལན་བསྒྲུབས་ཡིན། །ལ་ལས་ཐང་གཅིག་དགེ་སྤྱད་དེ། །འབྲས་བུ་སྲིད་པ་མི་སྒྲུབ་ལ། །བླ་མེད་འབྲས་བུར་བསྔོ་བྱེད་ན། །སངས་རྒྱས་བཀའ་དྲིན་འཚོ་བ་པ་ཡིན། །ད་ཡང་རྒྱལ་བུ་དགེ་མཐོང་ཉོན། །ང་ནི་མྱ་ངན་འདས་འོག་ན། །མི་ཡི་ནང་ན་ལ་ལ་དག་།དཀོན་མཆོག་གསུམ་ལ་རིམ་གྲོ་གུས། །སྐད་ཅིག་མདོ་སྡེ་འདི་བཀླགས་ཏེ། །མཁན་ལ་སྲི་ཞུ་ཡོན་ཕུལ་ན། །དེ་ལྟ་བུ་ཡི་མི་རྣམས་ནི། །བདེ་གཤེགས་དྲིན་ལ་ལན་བསྒྲུབས་ཡིན། །ལ་ལས་ནོར་རྫས་སྣ་འགའ་དང ། །གོས་དང་ཁ་ཟས་བདོག་རྣམས་ཀྱིས། །ཀུན་ལ་ཁྱབ་པར་སྦྱིན་བྱས་ན། །བཅོམ་ལྡན་བཀའ་དྲིན་འཚོ་བ་པ་ཡིན། །རྒྱལ་བུ་དགེ་མཐོང་ད་ཡང་ཉོན། །ང་ཡི་ཆོས་འདི་ཐ་མའི་ཚེ། །ལ་ལས་མི་འགའ་གྲོས་བཏབ་ཅིང་།། ཐད་གཅིག་མདོ་སྡེ་འདི་ཉན་ན། །བྱང་ཆུབ་སེམས་དཔའ་འབུམ་བརྒྱ་ལ། །ཡོན་ཕུལ་བས་ནི་འདི་དོན་ཆེ། །ཐེག་མཆོག་མདོ་སྡེ་འདི་ལྟ་བུ། །སངས་རྒྱས་བྱང་ཆུབ་ཡུམ་ཡིན་པས། ། སངས་རྒྱས་བྱང་ཆུབ་དད་བསམ་ཞིང ། །འདི་ལ་རིམ་གྲོ་གུས་བསྐྱེད་ལ། །གཉིས་མེད་ཕན་ཚུན་སེམས་སྙོམས་ན། །སངས་རྒྱས་བཀའ་དྲིན་ལན་བསྒྲུབས་ཡིན། །རྒྱལ་བུ་དགེ་མཐོང་ད་ཡང་ཉོན། །ལ་ལས་ཆོས་འདི་ཐ་མའི་ཚེ། །སངས་རྒྱས་བཀའ་དྲིན་སྒྲུབ་བསམ་སྟེ། །ཐང་གཅིག་སངས་རྒྱས་ཐུན་ཞུགས་ན། །ཁམས་གསུམ་གནས་པའི་སེམས་ཅན་རྣམས། །
544a
༄#། །སྲོག་བྱིན་བས་ནི་འདི་དོན་ཆེ། །དགེ་འདུན་བསམ་གཏན་དཀྲུགས་སྐུར་ན། །ཁམས་གསུམ་གང་བའི་མི་རྣམས་དང ། །སེམས་ཅན་ཐམས་ཅད་བསད་དང་མཚུངས། །བསམ་གཏན་དགེ་འདུན་དཀྲུགས་སྐུར་ན། །དེ་ཡི་སྡིག་ཀྱང་དེ་བཞིན་ནོ། །ལ་ལས་དགེ་བ་སྦྱོད་མཐོང་ནས། །དཔྱས་ཤིང་སྐུར་ཏེ་མ་མོས་ན། །དཀོན་མཆོག་གསུམ་གྱི་རིགས་ཀྱང་གཅོད། །བཅོམ་ལྡན་བཀའ་དྲིན་བསྒྲུབས་པ་མིན། །དེ་ནས་རྒྱལ་བུ་དགེ་མཐོན་དང ། མི་སུམ་སྟོང་ལ་བཅོམ་ལྡན་འདས་ཀྱིས་གནང་བསྟེ་ཆོས་བསྟན་ཟིན་ནས་དགའ་མགུ་ཡི་རང་སྟེ་བཅོམ་ལྡན་འདས་ཀྱི་ཞབས་སྤྱི་བོས་བླངས་སོ། །འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ་ལས་ཕྱག་འཚལ་བའི་ཆོག་དང་འགྱོད་ཚངས་ཀྱི་ལེའུ་ཉི་ཚེ་རྫོགས་སོ།། །།