༄#། །རྒྱ་གར་སྐད་དུ། ཀརྨ་པྲད་ཏཱ་པ་ཏི། བོད་སྐད་དུ། ལས་གདགས་པ། དཀོན་མཆོག་གསུམ་ལ་ཕྱག་འཚལ་ལོ། །སྡོམ་ནི། ཆེད་དུ་བྱས་དང་སེམས་པ་དང ། །འདས་པ་དང་ནི་དགེ་བ་དང ། །དམིགས་པ་དང་ནི་འདོད་པའི་ཁམས། །ཚིགས་སུ་བཅད་དང་ལས་བསྡུ་བ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ང་ནི། ཆེད་དུ་བྱས་ཤིང་བསགས་པའི་རྣམ་པར་སྨིན་པ་ཉམས་སུ་སྟོན་ཏེ། དེ་ཡང་ཚེ་འདི་དང ། སྐྱེས་པའི་འོག་དང ། ལན་གྲངས་གཞན་ལ་མྱོང་བར་འགྱུར་རོ། ། དགེ་སློང་དག་།དེ་ལ་ལུས་ཀྱིས་ཆེད་དུ་བྱས་པའི་ལས་བྱས་ཤིང་བསགས་པ། མི་དགེ་བ། སྡུག་བསྔལ་སྐྱེད་པ། རྣམ་པར་སྨིན་པ་སྡུག་བསྔལ་པ་ནི། རྣམ་པ་གསུམ་མོ། ། ངག་གི་ནི། རྣམ་པ་བཞིའོ། །ཡིད་ཀྱི་ནི། རྣམ་པ་གསུམ་མོ། །དགེ་སློང་དག་།ལུས་ཀྱིས་ཆེད་དུ་བྱས་པའི་ལས་བྱས་ཤིང་བསགས་པ། མི་དགེ་བ། སྡུག་བསྔལ་སྐྱེད་པ། རྣམ་པར་སྨིན་པ་སྡུག་བསྔལ་བ་རྣམ་པ་གསུམ་ཇི་ལྟ་བུ་ཞེ་ན། སྲོག་གཅོད་པ་ནི། དྲག་ཅིང་ལག་དམར་བ། བསད་པ་དང་རབ་ཏུ་བསད་པ་ལ་ཞེན། ངོ་ཚ་མེད་པ། སེམས་ཅན་སྲོག་ཆགས་སུ་གྱུར་པ་ 356b ཐམས་ཅད་ལ་ཐ་ན་སྲོག་ཆགས་གྲོགས་སྦུར་ཡན་ཆད་ལ་སྙིང་རྗེ་མེད་པ་ཡིན་ཏེ། དེ་ནི། སྲོག་གཅོག་པ་མ་སྤངས་པ་ཡིན་ནོ། །མ་བྱིན་པར་ལེན་པ་ནི། དེས་གྲོང་ངམ། དགོན་པ་ནས་མ་བྱིན་པར་རྐུ་ཐབས་སུ་བླངས་པ་ཡིན་ཏེ། མ་བྱིན་པར་ལེན་པ་མ་སྤངས་པ་ཡིན་ནོ། །འདོད་པ་ལ་ལོག་པར་གཡེམ་པ་ནི། གཞན་གྱི་བུད་མེད་གཞན་གྱི་ཆུང་མ་གཞན་གྱིས་ཡོངས་སུ་བཟུང་བ་འདི་ལྟ་སྟེ།་མས་བསྲུངས་པའམ། ཕས་བསྲུངས་པའམ། མིང་པོས་བསྲུངས་པའམ། ཕུ་ནུ་མོས་བསྲུངས་པའམ། སྒྱུག་མོས་བསྲུངས་པའམ། གྱོས་པོས་བསྲུངས་པའམ། རིགས་གཅིག་པས་བསྲུངས་པའམ། གཉེན་གྱིས་བསྲུངས་པའམ། རུས་གཅིག་པས་བསྲུངས་པའམ། ཆང་པ་ཡོད་པའམ། བགེགས་ཡོད་པ་གང་ཡིན་པ་དེ་དག་དང ། ཐ་ན་མེ་ཏོག་གི་ཕྲེང་བ་བཏགས་པ་ཡང་རུང་སྟེ། དེ་ལྟ་བུའི་འདོད་པའི་ཉེ་བར་ཉོན་མོངས་པ་རྣམས་ཀྱིས་སྤྱོད་པ་ལ་འཇུག་པ་ཡིན་ཏེ། དེ་ནི། འདོད་པ་ལ་ལོག་པར་གཡེམ་པ་མ་སྤངས་པ་ཡིན་ནོ། །དགེ་སློང་དག་།དེ་ལྟར་ན། ཆེད་དུ་བྱས་པའི་ལས་རྣམ་པ་གསུམ་བྱས་ཤིང་བསགས་པ། མི་དགེ་བ། སྡུག་བསྔལ་སྐྱེད་པ། རྣམ་པར་སྨིན་པ་སྡུག་བསྔལ་བ་ཡིན་ནོ། །དགེ་སློང་དག་།ངག་གིས་ཆེད་དུ་བྱས་པའི་ལས་རྣམ་པ་བཞི་བྱས་ཤིང་བསགས་པ། མི་དགེ་བ། སྡུག་བསྔལ་སྐྱེད་པ། རྣམ་པར་སྨིན་པ་སྡུག་བསྔལ་བ་ཇི་ལྟ་ཞེ་ན། བརྫུན་དུ་སྨྲ་བ་ནི། དེ་ཚོགས་པའི་ནང་ན་ 357a ༄#། །འདུག་ཀྱང་རུང ། འཁོར་གྱི་ནང་ན་འདུག་ཀྱང་རུང ། རྒྱལ་པོའི་ཕོ་བྲང་གི་ནང་ན་འདུག་ཀྱང་རུང ། གཉེན་གྱི་ཁྱིམ་གྱི་ནང་ན་འདུག་ཀྱང་རུང ། ཆེ་བཞིར་དྲིས་ཏེ།་ཀྱེ་མི་ཁྱོད་གང་ཤེས་པ་དེ་ནི། སྨྲོས་ཤིག་།གང་མི་ཤེས་པ་ནི། མ་སྨྲ་ཞིག་།གང་མཐོང་བ་དེ་ནི། སྨྲོས་ཤིག་།གང་མ་མཐོང་བ་དེ་ནི། མ་སྨྲ་ཞིག་ཅེས་བྱས་ན། དེ་མི་ཤེས་བཞིན་དུ་ནི། ཤེས་སོ། །ཞེས་ཟེར། ཤེས་བཞིན་དུ་ནི། མི་ཤེས་སོ། །ཞེས་ཟེར། མ་མཐོང་བཞིན་དུ་ནི། མཐོང་ངོ ། །ཞེས་ཟེར། མཐོང་བཞིན་དུ་ནི། མ་མཐོང་ཞེས་ཟེར་ཏ། དེ་བདག་གི་ཕྱིར་རམ། གཞན་གྱི་ཕྱིར་རམ། ཟང་ཟིང་ཅུང་ཟད་ཙམ་གྱི་ཕྱིར་ཤེས་བཞིན་དུ་བརྫུན་དུ་སྨྲ་བ་མ་སྤངས་པ་ཡིན་ནོ། །ཕྲ་མ་ཟེར་བ་ནི། ཚུ་རོལ་པ་རྣམས་ཀྱིས་ཐོས་ནས་དེ་དག་དབྱེ་བའི་ཕྱིར་ཕ་རོལ་པོ་རྣམས་ཀྱི་ཐད་དུ་སོང་སྟེ་བསྙད་ལ། དེ་དག་གིས་ཐོས་ན་ཡང་ཚུ་རོལ་པ་རྣམས་དབྱེ་བའི་ཕྱིར་ཚུ་རོལ་པ་རྣམས་ཀྱི་ཐད་དུ་སོང་སྟེ་བསྙད་པར་བྱེད་དེ། དེ་ལྟར་འདུམ་པ་རྣམས་དབྱེ་བ་དང ། བྱེ་བ་རྣམས་ལ་རྗེས་སུ་ཕྱོགས་ལ་མི་མཐུན་པར་འདོད་ཅིང ། མི་མཐུན་པར་དགའ་སྟེ། མི་མཐུན་པར་འགྱུར་བའི་ཚིག་སྨྲ་བ་ནི། ཕྲ་མ་མ་སྤངས་པ་ཡིན་ནོ། །ཚིག་རྩུབ་མོར་སྨྲ་བ་ནི། དེས་ཚིག་འཇམ་ཞིང་རྣར་སྙན་ལ། ཡིད་དུ་འོང་བ་དང ། སྙན་པ་དང ། འདོད་པར་བྱ་བ་དང ། 357b ཕོ་བྲང་འཁོར་གྱི་སྐད་དང ། སྙན་ཅིང་འཇེབས་པ་དང ། ཟུར་ཕྱིན་པ་དང ། བརྡ་ཕྲད་པ་དང ། རྣར་འོང་བ་དང ། སྐྱེ་བོ་མང་པོའི་སྙིང་དུ་སྡུག་པ་དང ། སྐྱེ་བོ་མང་པོས་གཅེས་པར་བྱ་བ་དང ། སྐྱེ་བོ་མང་པོས་དགའ་བ་དང ། སྐྱེ་བོ་མང་པོའི་ཡིད་དུ་འོང་བ་དང ། མཉམ་པར་བཞག་པ་དང ། ཏིང་ངེ་འཛིན་དུ་འགྱུར་བ་གང་ཡིན་པ་དེ་དག་དང ། དེ་ལྟ་བུའི་ཚིག་བོར་ཏེ་ཚིག་ཀུན་ཏུ་བཟུང་བ་དང ། རྩུབ་པ་དང ། གཞན་གྱིས་མི་བཟོད་པ་དང ། གཞན་གྱི་ཞེར་འདེབས་པ་དང ། སྐྱེ་བོ་མང་པོའི་སྙིང་དུ་མི་སྡུག་པ་དང ། སྐྱེ་བོ་མང་པོས་གཅེས་པར་མི་བྱ་བ་དང ། སྐྱེ་བོ་མང་པོ་མི་དགའ་བ་དང ། སྐྱེ་བོ་མང་པོའི་ཡིད་དུ་མི་འོང་བ་དང ། མཉམ་པར་བཞག་པ་མ་ཡིན་པ་དང ། ཏིང་ངེ་འཛིན་དུ་གྱུར་པ་མ་ཡིན་པ་གང་ཡིན་པ་རྣམས་ཏེ། དེ་ལྟ་བུའི་ཚིག་རྣམས་སྨྲས་ན་ཚིག་རྩུབ་པོ་མ་སྤངས་པ་ཡིན་ནོ། །ཚིག་ཁྱལ་བ་ནི། དེ་དུས་མ་ཡིན་པར་སྨྲ་བ་དང ། ཡང་དག་པ་མ་ཡིན་པར་སྨྲ་བ་དང ། མི་བདེན་པ་སྨྲ་བ་དང ། ཕན་པ་མ་ཡིན་པ་སྨྲ་བ་དང ། སྐུར་པ་སྨྲ་བ་དང ། ཆོས་མ་ཡིན་པ་སྨྲ་བ་དང ། གྱ་ཚོམ་དུ་སྨྲ་ཞིང་བབ་ཅོལ་གྱི་ཚིག་སྨྲ་བ་དང ། གཏན་ཚིགས་མེད་པ་དང ། སྙད་མེད་པ་དང ། དོན་དང་མི་ལྡན་པ་དང ། འཆལ་པ་རྣམས་ནི། ཚིག་ཀྱལ་པ་མ་སྤངས་པ་ཡིན་ནོ། །དགེ་སློང་དག་།དེ་ལྟར་ན། ངག་གིས་ཆེད་དུ་བྱས་པའི་ལས་རྣམ་པ་བཞི་བྱས་ཤིང་ 358a ༄#། །བསགས་པ། མི་དགེ་བ། སྡུག་བསྔལ་སྐྱེད་ལ་རྣམ་པར་སྨིན་པ་སྡུག་བསྔལ་བ་ཡིན་ནོ། །དགེ་སློང་དག་།ཡིད་ཀྱིས་ཆེད་དུ་བྱས་པའི་ལས་རྣམ་པ་གསུམ་བྱས་ཤིང་བསགས་པ། མི་དགེ་བ། སྡུག་བསྔལ་སྐྱེད་པ། རྣམ་པར་སྨིན་པ་སྡུག་བསྔལ་བ་ཇི་ལྟ་བུ་ཞེ་ན། བརྣབ་སེམས་ནི། ཕ་རོལ་གྱི་རྫས་རྣམས་དང ། ཕ་རོལ་གྱི་ནོར་རྣམས་དང ། ཕ་རོལ་གྱི་ཡོ་བྱད་རྣམས་མཐོང་ན་བརྣབ་སེམས་སྐྱེད་པར་བྱེད་དེ། ཀྱེ་མ་འདི་དག་བདག་ལ་ཡོད་ཀྱང་ཇི་མ་རུང་སྙམ་སྟེ། བརྣབ་སེམས་མ་སྤངས་པ་ཡིན་ནོ། །གནོད་སེམས་ཀྱིས་སྡང་བར་བྱེད་པ་ནི། ཀྱེ་མ་སེམས་ཅན་འདི་དག་བརྒྱབ་ཀྱང་རུང་ངོ ། །བསད་ཀྱང་རུང་ངོ ། །ཉམས་པར་བྱས་ཀྱང་རུང་ངོ ། །མི་རིགས་པར་ཉོན་མོངས་པར་བྱས་ཀྱང་རུང་ངོ་སྙམ་པ་ནི། གནོད་སེམས་ཀྱི་སྡང་བ་མ་སྤངས་པ་ཡིན་ནོ། །ལོག་པར་ལྟ་བ་ནི། ཕྱིན་ཅི་ལོག་ཏུ་ལྟ་ཞིང་འདི་ལྟར་ལྟ་ལ་འདི་སྐད་དུ་སྨྲ་སྟེ། སྦྱིན་པ་མེད་དོ། །མཆོད་སྦྱིན་མེད་དོ། །སྦྱིན་སྲེག་མེད་དོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ། །ལེགས་པར་སྤྱད་པ་དང་ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་དོ། །འཇིག་རྟེན་འདི་མེད་དོ། །འཇིག་རྟེན་ཕ་རོལ་མེད་དོ། །ཕ་མེད་དོ། །མ་མེད་དོ། །སེམས་ཅན་སྐྱེ་བ་མེད་དོ། །འཇིག་རྟེན་ན་དགྲ་བཅོམ་པ་ཡང་དག་པར་སོང་བ་ཡང་ 358b དག་པར་ཞུགས་པ་གང་འཇིག་རྟེན་འདི་དང་འཇིག་རྟེན་ཕ་རོལ་ཚེ་འདི་ཉིད་ལ་བདག་ཉིད་ཀྱིས་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་ཁོང་དུ་ཆུད་དེ་བདག་ཅག་གི་སྐྱེ་བ་ཟད་དོ། །ཚངས་པར་སྤྱད་པ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ་སྙམ་དུ་སེམས་པ་མེད་དོ། །ཞེས་བྱ་བ་ནི། ལོག་པར་ལྟ་བ་མ་སྤངས་པ་ཡིན་ནོ། ། དགེ་སློང་དག་།དེ་ལྟར་ན། ཡིད་ཀྱིས་ཆེད་དུ་བྱས་པའི་ལས་རྣམ་པ་གསུམ་བྱས་ཤིང་བསགས་པ། མི་དགེ་བ། སྡུག་བསྔལ་སྐྱེད་པ། རྣམ་པར་སྨིན་པ་སྡུག་བསྔལ་བ་ཡིན་ནོ། །དགེ་སློང་དག་།དེ་ལ་ཐོས་པ་དང་ལྡན་པའི་འཕགས་པ་ཉན་ཐོས་ནི། ལུས་ཀྱི་ལས་མི་དགེ་བ་སྤངས་ནས་ལུས་ཀྱི་ལས་དགེ་བ་སྒོམ་པར་བྱེད་དོ། །ངག་གི་ལས་མི་དགེ་བ་སྤངས་ནས་ངག་གི་ལས་དགེ་བ་སྒོམ་པར་བྱེད་དོ། །ཡིད་ཀྱི་ལས་མི་དགེ་བ་སྤངས་ནས་ཡིད་ཀྱི་ལས་དགེ་བ་སྒོམ་པར་བྱེད་དོ། །དེ་བྱམས་པ་དང་ལྡན་པའི་སེམས་ཁོ་ན་མེད་པ། གཅུགས་མེད་པ། གནོད་པ་མེད་པ། རྒྱ་ཆེ་བ། ཆེན་པོར་གྱུར་པ། ཚད་མེད་པས་ཕྱོགས་གཅིག་ཏུ་མོས་པར་བྱས་ཏེ་ཁྱབ་པར་བྱས་ནས་བསྒྲུབས་ཏེ་གནས་སོ། །ཕྱོགས་གཉིས་པ་ཡང་དེ་བཞིན་ནོ། ། གསུམ་པ་ཡང་དེ་བཞིན་ནོ། །བཞི་པ་ཡང་དེ་བཞིན་ནོ། །སྟེང་དང་འོག་དང་ཐད་ཀ་ཐམས་ཅད་དུ་ཡང་དེ་བཞིན་ཏེ། འཇིག་རྟེན་འདི་ཐམས་ཅད་བྱམས་པ་དང་ལྡན་པའི་སེམས་ཀྱིས་ 359a ༄#། །མོས་པར་བྱས་ཏེ་ཁྱབ་པར་བྱས་ནས་བསྒྲུབས་ཏེ་གནས་སོ། །དེ་འདི་སྙམ་དུ་སེམས་ཏེ། བདག་གི་སེམས་འདི་སྔོན་ནི། ཆུང་ངུར་གྱུར་པ་ལས་མ་བསྒོམས་ད་ནི།་བདག་གིས་སེམས་འདི་ཚད་མེད་ཅིང་རྒྱ་ཆེ་བ་ལ་བསྒོམས་པ་ཡིན་ནོ་སྙམ་མོ། །དགེ་སློང་དག་།འཕགས་པའི་ཉན་ཐོས་ཀྱི་སེམས་ནི། ཚད་མེད་ཅིང་རྒྱ་ཆེ་ལ་ཤིན་ཏུ་བསྒོམས་པ་ཡིན་ཏེ། དེ་ནི། སྔོན་ཚད་ཡོད་པར་གྱུར་པ་གང་ཡིན་པ་དེས་དེ་བཀྲི་བར་མི་འགྱུར་རོ། །དེ་དེར་གནས་པར་ཡང་མི་འགྱུར་རོ། །དེ་དེར་བགྲང་བར་ཡང་མི་འགྱུར་རོ། །དགེ་སློང་དག་།གལ་ཏེ་བྱིས་པ་གཞོན་ནུའམ། གཞོན་ནུ་མ་ཡང་རུང་སྟེ། ཐོག་མ་ནས་བྱམས་པའི་སེམས་ཀྱི་ཏིང་ངེ་འཛིན་བསྒོམས་ན་ཡང་ཅི་ལུས་སམ། ངག་གམ། ཡིད་ཀྱིས་སྡིག་པའི་ལས་བྱེད་པར་འགྱུར་རམ། བཙུན་པ། དེ་ནི། མ་ལགས་སོ། །དགེ་སློང་དག་།ལེགས་སོ་ལེགས་སོ། །བྱམས་པའི་སེམས་ཀྱིས་ཏིང་ངེ་འཛིན་ནི། སྐྱེས་པ་ཡང་རུང ། བུད་མེད་ཀྱང་རུང ། ཁྱིམ་པ་ཡང་རུང ། རབ་ཏུ་འབྱུང་བ་ཡང་རུང་བས་བསྒོམ་པར་བྱའོ། །དེ་ཅིའི་ཕྱིར་ཞེ་ན། སྐྱེས་པ་ཡང་རུང ། བུད་མེད་ཀྱང་རུང ། ཁྱིམ་པ་ཡང་རུང ། རབ་ཏུ་ཏུ་བྱུང་བ་ཡང་རུང་བས་ནི། ལུས་འདི་ཁྱེར་ཏེ་འགྲོ་བར་མི་འགྱུར་བའི་ཕྱིར་རོ། །དགེ་སློང་དག་།མི་ནི། སེམས་ཀྱི་རྒྱུ་ལས་འབྱུང་བ་ཡིན་ཏེ། སེམས་ལ་རྟེན་ཅིང་སེམས་ 359b ལ་རག་ལས་ལ། སེམས་ལ་བརྟེན་ནས་དབང་བྱེད་དོ། །ལུས་འདིས་སྔོན་སྡིག་པ་མི་དགེ་བའི་ལས་བྱས་ཤིང་བསགས་པ་མི་དགེ་བ། སྡུག་བསྔལ་སྐྱེད་པ། རྣམ་པར་སྨིན་པ་སྡུག་བསྔལ་བ་གང་ཡིན་པ་དེ་དག་ཐམས་ཅད་འདིར་མྱོང་བར་འགྱུར་ཏེ། ཚེ་འདི་ཉིད་ལ་མྱོང་བར་འགྱུར་གྱི། སྐྱེས་པའི་འོག་དང་ལྡན་གྲངས་གཞན་ལ་མ་ཡིན་ནོ། །དགེ་སློང་དག། དེ་ལྟར་བྱམས་པའི་ཏིང་ངེ་འཛིན་སྒོམ་པ་ནི། གལ་ཏེ་གོང་དུ་རྟོགས་པར་མ་བྱས་ན་ཡང་ཕྱིར་མི་འོང་བར་གནས་པར་འགྱུར་རོ། །དགེ་སློང་དག་།གཞན་ཡང་ཐོས་པ་དང་ལྡན་པའི་འཕགས་པ་ཉན་ཐོས་ནི། ལུས་ཀྱི་ལས་མི་དགེ་བ་སྤངས་ནས་ཞེས་བྱ་བ་ནས་རྒྱས་པར་སྙིང་རྗེ་དང་ལྡན་པ་དང ། དགའ་བ་དང་ལྡན་པ་དང ། བཏང་སྙོམས་དང་ལྡན་པ་ཡང་དེ་བཞིན་དུ་བརྗོད་པར་བྱ། དེ་སྐད་ཅེས་བཀའ་སྩལ་ཏོ། །ཆེད་དུ་བྱ་བ་དེ་ལ་སེམས་པའི་ལས་དང ། བསམས་པའི་ལས་དང་གཉིས་ཡོད་དེ། སེམས་པའི་ལས་གང་ཞེ་ན། སྨྲས་པ། སེམས་པ་དང ། མངོན་པར་སེམས་པ་དང ། སེམས་པར་གྱུར་པ་དང ། སེམས་པར་གཏོགས་པ་དང ། སེམས་མངོན་པར་འདུ་བྱེད་པ་དང ། ཡིད་ཀྱི་ལས་གང་ཡིན་པ་འདི་ནི། སེམས་པའི་ལས་ཞེས་བྱའོ། །བསམ་པའི་ལས་གང་ཞེ་ན། སྨྲས་པ། བསམ་པའི་ལུས་ཀྱི་ལས་དང ། བསམ་པའི་ངག་གི་ལས་འདི་ནི། བསམ་པའི་ལས་ཞེས་བྱའོ། །དེ་ལ་སེམས་པའི་ 360a ༄#། །ལས་ནི།་འདས་པ་ཡང་ཡོད་དོ། །མ་འོངས་པ་ཡང་ཡོད་དོ། །ད་ལྟར་བྱུང་བ་ཡང་ཡོད་དོ། །སེམས་པའི་ལས་འདས་པ་གང་ཞེ་ན། སྨྲས་པ། སེམས་པ་གང་སྐྱེས་པ་དང ། ཡང་དག་པར་སྐྱེས་པ་དང ། བྱུང་བ་དང ། གྲུབ་པ་དང ། མངོན་པར་གྲུབ་པ་དང ། ཡང་དག་པར་གྲུབ་པ་དང ། བྱུང་བར་གྱུར་ནས་མངོན་པར་འདས་པ་དང ། ཟད་པ་དང ། འགགས་པ་དང ། བྲལ་བ་དང ། རྣམ་པར་གྱུར་པ་དང ། འདས་པ་དང ། འདས་པའི་ཆར་གཏོགས་པ་དང ། འདས་པའི་དུས་ཀྱིས་བསྡུས་པ་འདི་ནི། སེམས་པའི་ལས་འདས་པའོ། །སེམས་པའི་ལས་མ་འོངས་པ་གང་ཞེ་ན། སྨྲས་པ། སེམས་པའི་ལས་གང་མ་སྐྱེས་པ་དང ། ཡང་དག་པར་མ་སྐྱེས་པ་དང ། མ་བྱུང་བ་དང ། ཡང་དག་པར་མ་བྱུང་བ་དང ། ད་དུང་མ་ཕྱིན་པ་དང ། མངོན་པར་མ་གྲུབ་པ་དང ། མ་བྱུང་བ་དང ། མ་འོངས་པ་དང ། མ་འོངས་པའི་ཆར་གཏོགས་པ་དང ། མ་འོངས་པའི་དུས་ཀྱིས་བསྡུས་པ་འདི་ནི། སེམས་པའི་ལས་མ་འོངས་པའོ། །སེམས་པའི་ལས་ད་ལྟར་བྱུང་བ་གང་ཞེ་ན། སྨྲས་པ། སེམས་པ་གང་སྐྱེས་པ་དང ། ཡང་དག་པར་སྐྱེས་པ་དང ། བྱུང་བ་དང ། ཡང་དག་པར་བྱུང་བ་དང ། ཕྱིན་ཟིན་པ་དང ། བྱུང་བར་གྱུར་པ་དང ། གནས་པ་དང ། རྣམ་པར་མ་གྱུར་པ་དང ། ད་ལྟར་འདུག་པ་ནས་རྒྱས་པར་སྦྱར་ཏེ། 360b འདི་ནི།་སེམས་པའི་ལས་ད་ལྟར་བྱུང་བའོ། །དེ་ལ་སེམས་པའི་ལས་ནི། དགེ་བ་ཡང་ཡོད། མི་དགེ་བ་ཡང་ཡོད། ལུང་དུ་མ་བསྟན་པ་ཡང་ཡོད་དོ། །སེམས་པའི་ལས་དགེ་བ་གང་ཞེ་ན། སྨྲས་པ། དགེ་བའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། ཇི་ལྟ་ཞེ་ན།་འདི་ལྟ་སྟེ། ཆགས་པ་མེད་པ་དང ། སྡང་བ་མེད་པ་དང ། རྨོངས་པ་མེད་པས་ཚུལ་བཞིན་སོ་སོར་བརྟགས་ནས་མིག་གིས་གཟུགས་རྣམས་མཐོང་བ་དང ། རྣ་བས་སྒྲ་རྣམས་ཐོས་པ་དང ། སྣས་དྲི་རྣམས་བསྣམས་པ་དང ། ལྕེས་རོ་རྣམས་མྱོང་བ་དང ། ལུས་ཀྱིས་རེག་བྱ་རྣམས་རེག་པ་དང ། ཡིད་ཀྱིས་ཆོས་རྣམས་རྣམ་པར་ཤེས་པའི་སེམས་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ཞེས་བྱའོ། །གཞན་ཡང་ཡོངས་སུ་ཟིན་པ་མ་ཡིན་པས་བསམ་གཏན་བཞི་དང ། གཟུགས་མེད་པ་བཞི་སྒོམ་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ཞེས་བྱའོ། །གཞན་ཡང་སྲོག་གཅོད་པ་སྤངས་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། 361a ༄#། །ཕྲ་མ་དང ། ཚིག་རྩུབ་པ་དང ། ཚིག་ཀྱལ་པ་དང ། བརྣབ་སེམས་དང ། གནོད་སེམས་སྤངས་པ་དང ། ཡང་དག་པའི་ལྟ་བ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ཞེས་བྱའོ། གཞན་ཡང་ཁྲོ་བ་མེད་པ་དང ། འཁོན་དུ་འཛིན་པ་མེད་པ་དང ། འཆབ་པ་མེད་པ་དང ། འཚིག་པ་མེད་པ་དང ། ཕྲག་དོག་མེད་པ་དང ། སེར་སྣ་མེད་པ་དང ། སྒྱུ་མེད་པ་དང ། གཡོ་མེད་པ་དང ། ངོ་ཚ་ཤེས་པ་དང ། ཁྲེལ་ཡོད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ཞེས་བྱའོ། །གཞན་ཡང་གསོང་པོར་སྨྲ་བ་དང ། ཕྱག་འཚལ་བ་དང ། སྔོན་དུ་ལྡང་བ་དང ། ཐལ་མོ་སྦྱར་བ་དང ། འདུད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ཞེས་བྱའོ། །གཞན་ཡང་སྦྱིན་བདག་སྦྱིན་པའམ། བསོད་ནམས་དག་བྱེད་པའམ། གསོ་སྦྱོང་ལ་ཉེ་བར་གནས་པའམ། ཚུལ་ཁྲིམས་ཡང་དག་པར་ 361b བླངས་ཏེ་འདུག་པའམ། དད་པའི་སེམས་ཀྱི་རང་གི་ལག་བདར་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ཞེས་བྱའོ། །གཞན་ཡང་དགེ་བའི་ཡིད་ལ་བྱེད་པས་སྡུག་བསྔལ་བར་ཡིད་ལ་བྱེད་པའམ། ཀུན་འབྱུང་བ་ལ་ཀུན་འབྱུང་བའམ། འགོག་པ་ལ་འགོག་པའམ། ལམ་ལ་ལམ་དུ་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ཞེས་བྱའོ། །མི་དགེ་བའི་སེམས་པ་གང་ཞེ་ན། སྨྲས་པ། མི་དགེ་བའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་ཞེས་བྱ་སྟེ། ཇི་ལྟར་ཞེ་ན། འདི་ལྟར་ཆགས་པའམ། སྡང་བའམ། རྨོངས་པས་ཚུལ་གཞན་མ་ཡིན་པ་དང ། སོ་སོར་མ་བཏགས་པར་མིག་གིས་གཟུགས་རྣམས་མཐོང་ནས་ཡིད་ཀྱིས་ཆོས་རྣམས་རྣམ་པར་ཤེས་པའི་བར་གྱི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་ཞེས་བྱའོ། །གཞན་ཡང་སྲོག་གཅོད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་ 362a ༄#། །དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩོབ་པོ་དང ། ཚིག་ཁྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་ཞེས་བྱའོ།། གཞན་ཡང་ཁྲོ་བ་དང ། འཁོན་དུ་འཛིན་པ་དང ། འཆབ་པ་དང ། འཚིག་པ་དང ། ཕྲག་དོག་དང ། སེར་སྣ་དང ། སྒྱུ་དང ། གཡོ་དང ། ངོ་ཚ་མི་ཤེས་པ་དང ། ཁྲེལ་མེད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་ཞེས་བྱའོ། །གཞན་ཡང་ལག་པ་དང ། ཁུ་ཚུར་དང ། ཐལ་ལྕག་གིས་བསྣུན་པ་དང ། ཡལ་ག་དང ། ལྕུག་མས་གནོད་པར་བྱ་བ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་ཞེས་བྱའོ། །གཞན་ཡང་མི་དགེ་བའི་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཉེ་བའི་ཉོན་མོངས་པ་དང ། ཀུན་ནས་དཀྲིས་པ་རྣམས་དང་མཚུངས་པར་ལྡན་པའི་སེམས་པ་གང་ཡིན་པ་ནས་ 362b སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་ཞེས་བྱའོ། །ལུང་དུ་མ་བསྟན་པའི་སེམས་པ་གང་ཞེ་ན། སྨྲས་པ། ལུང་དུ་མ་བསྟན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་ཞེས་བྱའོ། །ཇི་ལྟ་ཞེ་ན། འདི་ལྟ་སྟེ། དགེ་བའི་སེམས་ཀྱང་མ་ཡིན། ཉོན་མོངས་པ་ཅན་གྱི་སེམས་ཀྱང་མ་ཡིན་པ་རང་བཞིན་དུ་གནས་པ། སྤྱོད་ལམ་ལ་ཞུགས་པས་མིག་གིས་གཟུགས་རྣམས་མཐོང་བ་ནས་ཡིད་ཀྱིས་ཆོས་རྣམས་རྣམ་པར་ཤེས་པའི་བར་གྱི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་ཞེས་བྱའོ། །གཞན་ཡང་ཡོངས་སུ་ཟིན་པའི་སེམས་ཀྱིས་བསམ་གཏན་བཞི་དང ། གཟུགས་མེད་པ་བཞི་སྒོམ་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་ཞེས་བྱའོ། །གཞན་ཡང་ལུང་དུ་མ་བསྟན་པའི་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཉེ་བའི་ཉོན་མོངས་པ་དང ། ཀུན་ཏུ་དཀྲིས་པ་རྣམས་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་ 363a ༄#། །མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་ཞེས་བྱའོ། །དགེ་བའི་སེམས་པ་དགེ་བ་ལ་དམིགས་པ་དང ། མི་དགེ་བ་ལ་དམིགས་པ་དང ། ལུང་དུ་མ་བསྟན་པ་ལ་དམིགས་པ་ཡང་ཡོད་དམ། སྨྲས་པ། དགེ་བ་ལ་དམིགས་པ་ཡང་ཡོད་དོ། །མི་དགེ་བ་ལ་དམིགས་པ་ཡང་ཡོད་དོ། །ལུང་དུ་མ་བསྟན་པ་ལ་དམིགས་པ་ཡང་ཡོད་དོ། །དགེ་བ་དང་མི་དགེ་བ་ལ་དམིགས་པ་ཡང་ཡོད་དོ། །དགེ་བ་དང་ལུང་དུ་མ་བསྟན་པ་ལ་དམིགས་པ་ཡང་ཡོད་དོ། །དགེ་བ་དང་མི་དགེ་བ་དང་ལུང་དུ་མ་བསྟན་པ་ལ་དམིགས་པ་ཡང་ཡོད་དོ། །དགེ་བ་ཇི་ལྟ་བ་བཞིན་དུ་མི་དགེ་བ་དང ། ལུང་དུ་མ་བསྟན་པ་ལ་དམིགས་པ་ཡང་དེ་དང་འདྲ་བར་ཡོད་པར་བརྗོད་པར་བྱའོ། །དགེ་བའི་སེམས་པ་དགེ་བ་ལ་དམིགས་པ་གང་ཞེ་ན། སྨྲས་པ། དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བའི་སེམས་དང ། སེམས་ལས་བྱུང་བའི་ཆོས་རྣམས་དང ། དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་དང་བཅས་པ་ལས་བྱུང་བ།་འབྲས་བུ་ཡོད་པ་རྣམ་པར་སྨིན་པ་དང་བཅས་པ་ཡིན་ནོ་སྙམ་དུ་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ 363b ཀྱི་བར་དུ་སྦྱར་བ་དང ། ཡང་ན་ཆོས་དེ་དག་གི་ཕན་ཡོན་དང་ལྡན་པའི་ཡིད་ལ་བྱེད་པས་ཡིད་ལ་བྱེད་ཅིང་ཆོས་འདི་དག་ནི། དགེ་བ་སྟེ། སྐྱེས་བུ་དམ་པས་རང་གིས་རྟོགས་པ། སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་རྣམས་དང་དམ་པ་རྣམས་དང ། སྐྱེས་བུ་དམ་པ་རྣམས་ཀྱིས་བསྔགས་པ་སྟེ། ཟིན་ཅིང་ཡང་དག་པར་ཟིན་ན་བདག་ལ་གནོད་པར་མི་འགྱུར་ཞིང ། གཞན་ལ་ཡང་གནོད་པར་མི་འགྱུར་ལ། གཉིས་ག་ལ་ཡང་གནོད་པར་མི་འགྱུར་ཏེ། ཤེས་རབ་སྐྱེ་བར་འགྱུར་བ་དང ། ཕོངས་པར་འགྱུར་བའི་ཕྱོགས་དང་མཐུན་པ་མ་ཡིན་པ་དང ། མྱ་ངན་ལས་འདའ་པ་འགྱུར་བ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་དགེ་བ་ལ་དམིགས་པའོ། །དགེ་བའི་སེམས་པ་མི་དགེ་བ་ལ་དམིགས་པ་གང་ཞེ་ན། སྨྲས་པ། མི་དགེ་བའི་ལུས་ཀྱི་ལས་དང ། ངག་གི་ལས་དང ། མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་དང་བཅས་པ་ལས་བྱུང་བའི་འབྲས་བུ་ཡོད་པ་རྣམ་པར་སྨིན་པ་དང་བཅས་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ 364a ༄#། །ཀྱི་བར་དུ་སྦྱར་བ་དང ། ཡང་ན་ཆོས་དེ་དག་གི་ཉེས་དམིགས་དང་ལྡན་པ་ཡིད་ལ་བྱེད་ཅིང་ཆོས་འདི་དག་ནི། མི་དགེ་བ་ཡིན་ཏེ། སྐྱེས་བུ་དམ་པ་ཡིན་པས་རང་གིས་རྟོགས་པ། སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་རྣམས་དང ། དམ་པ་རྣམས་དང ། སྐྱེས་བུ་དམ་པ་རྣམས་ཀྱིས་སྨད་པ་སྟེ། ཟིན་ཅིང་ཡང་དག་པར་ཟིན་ན་བདག་ལ་ཡང་གནོད་པར་འགྱུར་ཞིང ། གཞན་ལ་ཡང་གནོད་པར་འགྱུར་ལ། གཉི་ག་ལ་ཡང་གནོད་པར་འགྱུར་ཏེ། ཤེས་རབ་འགག་པར་འགྱུར་བ་དང ། ཕོངས་པར་འགྱུར་བའི་ཕྱོགས་དང་མཐུན་པ། མྱ་ངན་ལས་འདའ་བར་མི་འགྱུར་བ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་མི་དགེ་བ་ལ་དམིགས་པའོ། །དགེ་བའི་སེམས་པ་ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ། རྣམ་པར་སྨིན་པ་མེད་པ་ཡིན་ནོ། །སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་ 364b འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་ལུང་དུ་མ་བསྟན་པ་ལ་དམིགས་པའོ། །དགེ་བའི་སེམས་པ་དགེ་བ་དང་མི་དགེ་བ་དམིགས་པ་གང་ཞེ་ན། སྨྲས་པ།་དགེ་བ་དང་མི་དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བ་དང་མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བ་དང་མི་དགེ་བའི་སེམས་དང་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་ལས་བྱུང་བ། འབྲས་བུ་ཡོད་པ། རྣམ་པར་སྨིན་པ་དང་བཅས་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་དགེ་བ་དང་མི་དགེ་བ་ལ་དམིགས་པའོ། །དགེ་བའི་སེམས་པ་དགེ་བ་དང ། ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་ལས་བྱུང་བ། འབྲས་བུ་ཡོད་པ། རྣམ་པར་སྨིན་པ་དང་བཅས་པ་ཡིན་ནོ་སྙམ་དུ་ 365a ༄#། །དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་དགེ་བ་དང་ལུང་དུ་མ་བསྟན་པ་ལ་དམིགས་པའོ། །དགེ་བའི་སེམས་པ་མི་དགེ་བ་དང་ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། མི་དགེ་བའི་ལུས་ཀྱི་ལས་དང ། ངག་གི་ལས་དང ། མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི།་རྒྱུ་ལས་བྱུང་བ། འབྲས་བུ་ཡོད་པ། རྣམ་པར་སྨིན་པ་དང་བཅས་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་མི་དགེ་བ་དང་ལུང་དུ་མ་བསྟན་པ་ལ་དམིགས་པའོ། །དགེ་བའི་སེམས་པ་དགེ་བ་དང ། མི་དགེ་བ་དང ། ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། དགེ་བ་དང་མི་དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བ་དང་མི་དགེ་བའི་སེམས་དང་སེམས་ 365b ལས་བྱུང་བའི་ཆོས་རྣམས་དང ། དགེ་བ་དང་མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་ལས་བྱུང་བ། འབྲས་བུ་ཡོད་པ། རྣམ་པར་སྨིན་པ་དང་བཅས་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། དགེ་བའི་སེམས་པ་དགེ་བ་དང ། མི་དགེ་བ་དང ། ལུང་དུ་མ་བསྟན་པ་ལ་དམིགས་པའོ། །མི་དགེ་བའི་སེམས་པ་དགེ་བ་ལ་དམིགས་པ་གང་ཞེ་ན། སྨྲས་པ། མི་དགེ་བའི་ལུས་ཀྱི་ལས་དང་ངག་གི་ལས་དང ། མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ། རྣམ་པར་སྨིན་པ་མེད་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་པ་དང ། ཡང་ན་ཆོས་དེ་དག་གི་ཕན་ཡོན་དང་ལྡན་པའི་ཡིད་ལ་བྱེད་པས་ཡིད་ལ་བྱེད་ཅིང ། ཆོས་འདི་དག་ནི། དགེ་བ་ཡིན་ཏེ། སྐྱེས་བུ་དམ་པས་རང་གིས་རྟོགས་པ། 366a ༄#། །སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་རྣམས་ཀྱིས་བསྔགས་པ་ནས་རྒྱས་པར་གཉི་ག་ལ་ཡང་གནོད་པར་མི་འགྱུར་བའི་བར་དུ་སྦྱར་ཏེ།་ཤེས་རབ་སྐྱེ་བར་འགྱུར་བ་དང ། ཕོངས་པར་འགྱུར་བའི་ཕྱོགས་དང་མཐུན་པ་མ་ཡིན་པ་དང ། མྱ་ངན་ལས་འདའ་བར་འགྱུར་བ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་དགེ་བ་ལ་དམིགས་པའོ། །མི་དགེ་བའི་སེམས་པ་མི་དགེ་བ་ལ་དམིགས་པ་གང་ཞེ་ན། སྨྲས་པ། མི་དགེ་བའི་ལུས་ཀྱི་ལས་དང ། ངག་གི་ལས་དང ། མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ་རྣམ་པར་སྨིན་པ་མེད་པ་ཡིན་ནོ་སྙམ་དུ་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་བ་དང ། ཡང་ན་ཆོས་དེ་དག་གི་ཉེས་དམིགས་དང་ལྡན་པའི་ཡིད་ལ་བྱེད་པས་ཡིད་ལ་བྱེད་ཅིང ། ཆོས་འདི་དག་ནི། སྐྱེས་བུ་དམ་པ་མ་ཡིན་པས་རང་གིས་རྟོགས་པ། སངས་རྒྱས་རྣམས་དང ། སངས་རྒྱས་ 366b ཀྱི་ཉན་ཐོས་རྣམས་དང ། དམ་པ་རྣམས་དང ། སྐྱེས་བུ་དམ་པ་རྣམས་ཀྱིས་སྨད་པ་སྟེ། ཟིན་ཅིང་ཡང་དག་ཟིན་ན་བདག་ལ་གནོད་པར་འགྱུར་ཞིང ། གཞན་ལ་ཡང་གནོད་པ་འགྱུར་ལ། གཉི་ག་ལ་ཡང་གནོད་པར་འགྱུར་ཏེ། ཤེས་རབ་འགག་པར་འགྱུར་བ་དང ། ཕོངས་པར་འགྱུར་པའི་ཕྱོགས་དང་མཐུན་པ་དང ། མྱ་ངན་ལས་འདའ་བར་མི་འགྱུར་བ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་མི་དགེ་བ་ལ་དམིགས་པའོ། །མི་དགེ་བའི་སེམས་པ་ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ། རྣམ་པར་སྨིན་པ་མེད་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི།་མི་དགེ་བའི་སེམས་པ་ལུང་དུ་མ་བསྟན་པ་ལ་དམིགས་པའོ། །མི་དགེ་བའི་སེམས་པ་དགེ་བ་དང་མི་དགེ་བ་ལ་དམིགས་པ་གང་ཞེ་ན། སྨྲས་པ། དགེ་བ་དང་མི་དགེ་ 367a ༄#། །བའི་ལུས་ཀྱི་ལས་དང ། ངག་གི་ལས་དང ། དགེ་བ་དང་མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བ་དང་མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ། རྣམ་པར་སྨིན་པ་མེད་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་དགེ་བ་དང་མི་དགེ་བ་ལ་དམིགས་པའོ། །མི་དགེ་བའི་སེམས་པ་དགེ་བ་དང་ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ།་རྣམ་པར་སྨིན་པ་མེད་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང་ཡིད་ཀྱི་ལས་ཀྱི་བར་དུ་སྦྱར་ཏེ། འདི་ 367b ནི།་མི་དགེ་བའི་སེམས་པ་དགེ་བ་དང་ལུང་དུ་མ་བསྟན་པ་ལ་དམིགས་པའོ། །མི་དགེ་བའི་སེམས་པ་མི་དགེ་བ་དང ། ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། མི་དགེ་བའི་ལུས་ཀྱི་ལས་དང ། ངག་གི་ལས་དང ། མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ། རྣམ་པར་སྨིན་པ་མེད་པ་ཡིན་ནོ་སྙམ་དུ་དེ་ལྟར་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་མི་དགེ་བ་དང་ལུང་དུ་མ་བསྟན་པ་ལ་དམིགས་པའོ། །མི་དགེ་བའི་སེམས་པ་དགེ་བ་དང་མི་དགེ་བ་དང ། ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། དགེ་བ་དང་མི་དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བ་དང་མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བ་དང་མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་ 368a ༄#། །སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། ཆོས་འདི་དག་ནི། རྒྱུ་མེད་པ་ལས་བྱུང་བ། འབྲས་བུ་མེད་པ། རྣམ་པར་སྨིན་པ་མེད་པ་ཡིན་ནོ་སྙམ་དུ་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། མི་དགེ་བའི་སེམས་པ་དགེ་བ་དང ། མི་དགེ་བ་དང ། ལུང་དུ་མ་བསྟན་པ་ལ་དམིགས་པའོ། །ལུང་དུ་མ་བསྟན་པའི་སེམས་པ་ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། དམིགས་པ་འདི་དག་ལས་བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་ཡང་རུང་སྟེ། ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་ལུང་དུ་མ་བསྟན་པ་ལ་དམིགས་པའོ། །ལུང་དུ་མ་བསྟན་པའི་སེམས་པ་དགེ་བ་ལ་དམིགས་པ་གང་ཞེ་ན། སྨྲས་པ། དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བའི་སེམས་དང་སེམས་ལས་བྱུང་ 368b བའི་ཆོས་རྣམས་དང ། དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། དམིགས་པ་འདི་དག་ལས་བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་ལ་ཡང་རུང་སྟེ། ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་དགེ་བ་ལ་དམིགས་པའོ། །ལུང་དུ་མ་བསྟན་པའི་སེམས་པ་མི་དགེ་བ་ལ་དམིགས་པ་གང་ཞེ་ན། སྨྲས་པ། མི་དགེ་བའི་ལུས་ཀྱི་ལས་དང ། ངག་གི་ལས་དང ། མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། དམིགས་པ་འདི་དག་ལས་བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་ཡང་རུང་སྟེ། ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་མི་དགེ་བ་ལ་དམིགས་པའོ། །ལུང་དུ་མ་བསྟན་པའི་སེམས་པ་དགེ་བ་དང་མི་དགེ་བ་ལ་དམིགས་པ་གང་ཞེ་ན། སྨྲས་པ། དགེ་བ་དང་མི་དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བ་དང་མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བ་དང་མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་ 369a ༄#། །དང ། དམིགས་པ་འདི་དག་ལས་བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་ཡང་རུང་སྟེ། ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང་ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་དགེ་བ་དང ། མི་དགེ་བ་ལ་དམིགས་པའོ། །ལུང་དུ་མ་བསྟན་པའི་སེམས་པ་དགེ་བ་དང ། ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང ། སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། དམིགས་པ་འདི་དག་ལས་བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་ཡང་རུང་སྟེ། ཡིད་ལ་བྱེད་པའི་སེམས་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་དགེ་བ་དང ། ལུང་དུ་མ་བསྟན་པ་ལ་དམིགས་པའོ། །ལུང་དུ་མ་བསྟན་པའི་སེམས་པ་མི་དགེ་བ་ 369b དང་ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། མི་དགེ་བའི་ལུས་ཀྱི་ལས་དང ། ངག་གི་ལས་དང ། མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་པའི་འདུ་བྱེད་རྣམས་དང ། དམིགས་པ་འདི་དག་ལས་བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་ཡང་རུང་སྟེ། ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་མི་དགེ་བ་དང ། ལུང་དུ་མ་བསྟན་པ་ལ་དམིགས་པའོ། །ལུང་དུ་མ་བསྟན་པའི་སེམས་པ་དགེ་བ་དང ། མི་དགེ་བ་དང ། ལུང་དུ་མ་བསྟན་པ་ལ་དམིགས་པ་གང་ཞེ་ན། སྨྲས་པ། དགེ་བ་དང་མི་དགེ་བའི་ལུས་ཀྱི་ལས་དང ། ངག་གི་ལས་དང ། དགེ་བ་དང་མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་དང ། དགེ་བ་དང་མི་དགེ་བའི་སེམས་དང་མི་ལྡན་པའི་འདུ་བྱེད་རྣམས་དང ། ལུང་དུ་མ་བསྟན་པའི་གཟུགས་དང ། ལུང་དུ་མ་བསྟན་པའི་སེམས་དང་སེམས་ལས་བྱུང་བའི་ཆོས་རྣམས་དང ། ལུང་དུ་མ་བསྟན་པའི་སེམས་དང་མི་ལྡན་ 370a ༄#། །པའི་འདུ་བྱེད་རྣམས་དང ། དམིགས་པ་འདི་དག་ལས་བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་ཡང་རུང་སྟེ། ཡིད་ལ་བྱེད་པའི་སེམས་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། ལུང་དུ་མ་བསྟན་པའི་སེམས་པ་དག་པ་དང ། མི་དགེ་བ་དང་ལུང་དུ་མ་བསྟན་པ་ལ་དམིགས་པའོ། །དེ་ལ་སེམས་པའི་ལས་ནི། འདོད་པ་དང་ལྡན་པ་ཡང་ཡོད། གཟུགས་དང་ལྡན་པ་ཡང་ཡོད། གཟུགས་མེད་པ་དང་ལྡན་པ་ཡང་ཡོད་དོ། །སེམས་པའི་ལས་འདོད་པ་དང་ལྡན་པ་གང་ཞེ་ན། སྨྲས་པ། འདོད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། སེམས་པའི་ལས་འདོད་པ་དང་ལྡན་པའོ། །སེམས་པའི་ལས་གཟུགས་དང་ལྡན་པ་གང་ཞེ་ན། སྨྲས་པ།་གཟུགས་དང་ལྡན་པའི་ཡིད་ལ་བྱེད་པ་དང ། མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང་ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི།་སེམས་པའི་ལས་གཟུགས་དང་ལྡན་པའོ། །སེམས་པའི་ལས་གཟུགས་མེད་པ་དང་ལྡན་པ་གང་ཞེ་ན། སྨྲས་པ། གཟུགས་མེད་པ་དང་ལྡན་པའི་ཡིད་ལ་བྱེད་པ་དང་ 370b མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། སེམས་པའི་ལས་གཟུགས་མེད་པ་དང་ལྡན་པའོ།། དེ་ལ་འདོད་པ་དང་ལྡན་པའི་སེམས་པ་ནི། དགེ་བ་ཡང་ཡོད། མི་དགེ་བ་ཡང་ཡོད། ལུང་དུ་མ་བསྟན་པ་ཡོད་དོ། །འདོད་པ་དང་ལྡན་པའི་སེམས་པ་དགེ་བ་གང་ཞེ་ན། སྨྲས་པ། འདོད་པ་དང་ལྡན་པའི་དགེ་བ་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གནག་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་དགེ་བ་སྟེ། ཇི་ལྟ་ཞེ་ན། འདི་ལྟར་ཆགས་པ་མེད་པས་ཚུལ་བཞིན་སོ་སོར་བརྟགས་ནས་མིག་གིས་གཟུགས་རྣམས་མཐོང་བ་དང ། རྣ་བས་སྒྲ་རྣམས་ཐོས་པ་དང ། སྣས་དྲི་རྣམས་ཚོར་བ་དང ། ལྕེས་རོ་རྣམས་མྱོང་བ་དང ། ལུས་ཀྱིས་རེག་བྱ་རྣམས་རེག་པ་དང ། ཡིད་ཀྱིས་ཆོས་རྣམས་རྣམ་པར་ཤེས་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་དགེ་བའོ། །གཞན་ཡང་སྲོག་གཅོད་པ་སྤངས་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། རྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་དང ། 371a ༄#། །བརྣབ་སེམས་དང ། གནོད་སེམས་སྤངས་པ་དང་ལྡན་པ་དང ། ཡང་དག་པའི་ལྟ་བ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་དགེ་བའོ། །གཞན་ཡང་ཁྲོ་བ་མེད་པ་དང་འཁོན་དུ་འཛིན་པ་མེད་པ་དང ། འཆབ་པ་མེད་པ་དང ། འཚིག་པ་མེད་པ་དང ། ཕྲག་དོག་མེད་པ་དང ། སེར་སྣ་མེད་པ་དང ། སྒྱུ་མེད་པ་དང ། གཡོ་མེད་པ་དང ། ངོ་ཚ་ཤེས་པ་དང ། ཁྲེལ་ཡོད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི།་འདོད་པ་དང་ལྡན་པའི་སེམས་པ་དགེ་བའོ། །གཞན་ཡང་འདོད་པ་དང་ལྡན་པའི་གསོང་པོར་སྨྲ་བ་དང ། ཕྱག་འཚལ་བ་དང ། མངོན་དུ་ལྡང་བ་དང ། ཐལ་མོ་སྦྱོར་བ་དང ། འདུད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི།་འདོད་པ་དང་ལྡན་པའི་སེམས་པ་དགེ་བའོ། །གཞན་ཡང་སྦྱིན་པ་དག་སྦྱིན་པའམ། གནོད་སེམས་དག་མི་བྱེད་པའམ། ཚུལ་ཁྲིམས་ཡང་དག་པར་བླངས་ཏེ་འདུག་ 371b པའམ།་གསོ་སྦྱོང་ལ་གནས་པའམ། སེམས་དད་པས་རང་གི་ལག་བདར་ཏེ་ལས་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ།་འདི་ནི། འདོད་པ་དང་ལྡན་པའི་སེམས་པ་དགེ་བའོ། །གཞན་ཡང་འདོད་པ་དང་ལྡན་པའི་དགེ་བའི་ཡིད་ལ་བྱེད་པས་སྡུག་བསྔལ་ལ་སྡུག་བསྔལ་བར་ཡིད་ལ་བྱེད་པའམ། ཀུན་འབྱུང་བ་ལ་ཀུན་འབྱུང་བའམ། འགོག་པ་ལ་འགོག་པའམ། ལམ་ལ་ལམ་དུ་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་དགེ་བའོ། །འདོད་པ་དང་ལྡན་པའི་སེམས་པ་མི་དགེ་བ་གང་ཞེ་ན། སྨྲས་པ། མི་དགེ་བའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་མི་དགེ་བའོ། ། ཇི་ལྟ་ཞེ་ན། འདི་ལྟར་ཆགས་པའམ། སྡང་བའམ། རྨོངས་པས་ཚུལ་བཞིན་མ་ཡིན་པ་དང ། སོ་སོར་མ་བརྟགས་པར་མིག་གིས་གཟུགས་རྣམས་མཐོང་བ་ནས་ཡིད་ཀྱིས་ཆོས་རྣམས་རྣམ་པར་ཤེས་པའི་བར་གྱི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་མི་དགེ་ 372a ༄#། །བའོ། །གཞན་ཡང་སྲོག་གཅོད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་ཡིད་ལ་བྱེད་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་མི་དགེ་བའོ། །གཞན་ཡང་ཁྲོ་བ་དང ། འཁོན་དུ་འཛིན་པ་དང ། འཆབ་པ་དང ། འཚིག་པ་དང ། ཕྲག་དོག་དང ། སེར་སྣ་དང ། སྒྱུ་དང ། གཡོ་དང ། ངོ་ཚ་མི་ཤེས་པ་དང ། ཁྲེལ་མེད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་མི་དགེ་བའོ། །གཞན་ཡང་ལག་པ་དང ། ཁུ་ཚུར་དང ། ཐལ་ལྕག་བསྣུན་པ་དང ། ཡལ་ག་དང་ལྕུག་མས་གནོད་པར་བྱེད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་མི་ 372b དགེ་བའོ། །གཞན་ཡང་མི་དགེ་བ་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཀུན་ནས་དཀྲིས་པ་རྣམས་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་མི་དགེ་བའོ། །འདོད་པ་དང་ལྡན་པའི་སེམས་པ་ལུང་དུ་མ་བསྟན་པ་གང་ཞེ་ན།་སྨྲས་པ། འདོད་པ་དང་ལྡན་པ་ལུང་དུ་མ་བསྟན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་ལུང་དུ་མ་བསྟན་པའོ། །ཇི་ལྟ་ཞེ་ན། འདི་ལྟར་དགེ་བའི་སེམས་ཀྱང་མ་ཡིན་ཉོན་མོངས་པ་ཅན་གྱི་སེམས་ཀྱང་མ་ཡིན་པ། རང་བཞིན་དུ་གནས་པ་སྤྱོད་ལམ་ལ་ཞུགས་པས། མིག་གིས་གཟུགས་རྣམས་མཐོང་བ་ནས་ཡིད་ཀྱིས་ཆོས་རྣམས་རྣམ་པར་ཤེས་པའི་བར་གྱི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་ལུང་དུ་མ་བསྟན་པའོ། །གཞན་ཡང་འདོད་པ་དང་ལྡན་པའི་ལུང་དུ་མ་བསྟན་པའི་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཉེ་བའི་ཉོན་མོངས་པ་དང ། ཀུན་ནས་དཀྲིས་པ་རྣམས་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་ 373a ༄#། །མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། འདོད་པ་དང་ལྡན་པའི་སེམས་པ་ལུང་དུ་མ་བསྟན་པའོ། །དེ་ལ་གཟུགས་དང་ལྡན་པའི་སེམས་པ་ནི། དགེ་བ་ཡང་ཡོད། ལུང་དུ་མ་བསྟན་པ་ཡང་ཡོད། གཟུགས་དང་ལྡན་པའི་སེམས་པ་དགེ་བ་གང་ཞེ་ན། སྨྲས་པ། གཟུགས་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་དགེ་བའོ། །ཇི་ལྟ་ཞེ་ན། འདི་ལྟར་ཆགས་པ་མེད་པའམ། སྡང་བ་མེད་པའམ། རྨོངས་པ་མེད་པས་ཚུལ་བཞིན་དུ་སོ་སོར་བརྟགས་ནས་མིག་གིས་གཟུགས་རྣམས་མཐོང་བ་དང་རྣ་བས་སྒྲ་རྣམས་ཐོས་པ་དང ། སྣས་དྲི་རྣམས་ཚོར་བ་དང ། ལྕེས་རོ་རྣམས་མྱོང་བ་དང ། ལུས་ཀྱིས་རེག་བྱ་རྣམས་རེག་པ་དང ། ཡིད་ཀྱིས་ཆོས་རྣམས་རྣམ་པར་ཤེས་པའི་བར་གྱི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་དགེ་བའོ། །གཞན་ཡང་ཡོངས་སུ་མ་ཟིན་པའི་བསམ་གཏན་བཞི་སྒོམ་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ 373b ལྡན་པའི་སེམས་པ་དགེ་བའོ། །གཞན་ཡང་གཟུགས་དང་ལྡན་པའི་གསོང་པོར་སྨྲ་བ་དང ། ཕྱག་འཚལ་བ་དང ། སྔོན་དུ་ལྡང་བ་དང ། ཐལ་མོ་སྦྱར་བ་དང ། འདུད་པ་དང་ལྡན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་དགེ་བའོ། །གཞན་ཡང་གཟུགས་དང་ལྡན་པའི་ཡིད་ལ་བྱེད་པས་སྡུག་བསྔལ་བ་ལ་སྡུག་བསྔལ་བར་ཡིད་ལ་བྱེད་པའམ། ཀུན་འབྱུང་བ་ལ་ཀུན་འབྱུང་བར་ཡིད་ལ་བྱེད་པའམ།་འགོག་པ་ལ་འགོག་པར་ཡིད་ལ་བྱེད་པའམ། ལམ་ལ་ལམ་དུ་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་དགེ་བའོ། །གཟུགས་དང་ལྡན་པའི་སེམས་པ་ལུང་དུ་མ་བསྟན་པ་གང་ཞེ་ན། སྨྲས་པ། གཟུགས་དང་ལྡན་པའི་ལུང་དུ་མ་བསྟན་པའི་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་ལུང་དུ་མ་བསྟན་པའོ། །ཇི་ལྟ་ཞེ་ན། འདི་ལྟར་དགེ་བའི་སེམས་ཀྱང་མ་ཡིན། ཉོན་མོངས་པ་ཅན་གྱི་སེམས་ཀྱང་མ་ཡིན་པ། རང་བཞིན་དུ་གནས་པ་སྤྱོད་ 374a ༄#། །ལམ་ལ་ཞུགས་པས་མིག་གིས་གཟུགས་རྣམས་མཐོང་བ་དང ། རྣ་བས་སྒྲ་རྣམས་ཐོས་པ་དང ། སྣས་དྲི་རྣམས་བསྣམས་པ་དང ། ལྕེས་རོ་རྣམས་མྱོང་བ་དང ། ལུས་ཀྱིས་རེག་བྱ་རྣམས་རེག་པ་དང ། ཡིད་ཀྱིས་ཆོས་རྣམས་རྣམ་པར་ཤེས་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་ལུང་དུ་མ་བསྟན་པའོ། །གཞན་ཡང་ཡོངས་སུ་ཟིན་པའི་སེམས་ཀྱིས་བསམ་གཏན་བཞི་སྒོམ་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་ལུང་དུ་མ་བསྟན་པའོ། །གཞན་ཡང་གཟུགས་དང་ལྡན་པའི་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཉེ་བའི་ཉོན་མོངས་པ་དང ། ཀུན་ནས་དཀྲིས་པ་རྣམས་དང་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་དང་ལྡན་པའི་སེམས་པ་ལུང་དུ་མ་བསྟན་པའོ། །དེ་ལ་གཟུགས་མེད་པ་དང་ལྡན་པའི་སེམས་པ་ནི། དགེ་བ་ཡང་ཡོད། ལུང་དུ་མ་བསྟན་པ་ཡང་ཡོད་དོ། །གཟུགས་མེད་པ་དང་ལྡན་པའི་སེམས་པ་དགེ་བ་གང་ཞེ་ན། སྨྲས་པ། གཟུགས་མེད་པ་དང་ 374b ལྡན་པའི་དགེ་བ་ཡིད་ལ་བྱེད་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་མེད་པ་དང་ལྡན་པའི་སེམས་པ་དགེ་བའོ། །ཇི་ལྟ་ཞེ་ན། འདི་ལྟར་ཆགས་པ་མེད་པའམ། སྡང་བ་མེད་པའམ། རྨོངས་པ་མེད་པས་ཚུལ་བཞིན་དུ་སོ་སོར་བརྟགས་ནས་ཡིད་ཀྱིས་ཆོས་རྣམས་རྣམ་པར་ཤེས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་མེད་པ་དང་ལྡན་པའི་སེམས་པ་དགེ་བའོ། །གཞན་ཡང་ཡོངས་སུ་མ་ཟིན་པའི་སེམས་ཀྱིས་གཟུགས་མེད་པ་བཞི་སྒོམ་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་མེད་པ་དང་ལྡན་པའི་སེམས་པ་དགེ་བའོ། །གཞན་ཡང་གཟུགས་མེད་པ་དང་ལྡན་པའི་ཡིད་ལ་བྱེད་པས་སྡུག་བསྔལ་བ་ལ་སྡུག་བསྔལ་བར་ཡིད་ལ་བྱེད་པའམ། ཀུན་འབྱུང་བ་ལ་ཀུན་ཏུ་འབྱུང་བའམ། འགོག་པ་ལ་འགོག་པའམ། ལམ་ལ་ལམ་དུ་ཡིད་ལ་བྱེད་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ།་འདི་ནི། གཟུགས་མེད་པ་དང་ལྡན་པའི་སེམས་པ་དགེ་བའོ། །གཟུགས་མེད་པ་དང་ལྡན་པའི་སེམས་པ་ལུང་དུ་མ་བསྟན་པ་གང་ཞེ་ན། སྨྲས་པ། གཟུགས་མེད་པའི་ཡིད་ 375a ༄#། །ལ་བྱེད་པ་ལུང་དུ་མ་བསྟན་པ་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ།་འདི་ནི། གཟུགས་མེད་པ་དང་ལྡན་པའི་སེམས་པ་ལུང་དུ་མ་བསྟན་པའོ། །ཇི་ལྟ་ཞེ་ན། འདི་ལྟར་དགེ་བའི་སེམས་ཀྱང་མ་ཡིན། ཉོན་མོངས་པ་ཅན་གྱི་སེམས་ཀྱང་མ་ཡིན་པ།་རང་བཞིན་དུ་གནས་པའི་ཡིད་ཀྱིས་ཆོས་རྣམས་རྣམ་པར་ཤེས་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་མེད་པ་དང་ལྡན་པའི་སེམས་པ་ལུང་དུ་མ་བསྟན་པའོ། །གཞན་ཡང་ཡོངས་སུ་ཟིན་པའི་སེམས་ཀྱིས་གཟུགས་མེད་པ་བཞི་སྒོམ་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་མེད་པ་དང་ལྡན་པའི་སེམས་པ་ལུང་དུ་མ་བསྟན་པའོ། །གཞན་ཡང་གཟུགས་མེད་པ་དང་ལྡན་པའི་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཉེ་བའི་ཉོན་མོངས་པ་དང ། ཀུན་ནས་དཀྲིས་པ་རྣམས་དང་མཚུངས་པར་ལྡན་པའི་སེམས་པ་གང་ཡིན་པ་ནས་སེམས་མངོན་པར་འདུ་བྱེད་པ་དང ། ཡིད་ཀྱི་ལས་ཀྱི་བར་དུ་སྦྱར་ཏེ། འདི་ནི། གཟུགས་མེད་པ་དང་ལྡན་པའི་སེམས་པ་ལུང་དུ་མ་བསྟན་པའོ། །འདུལ་མཆོག་ཁ་ལོ་སྒྱུར་བ་ 375b ཚངས་པའི་གསུང་དང་ལྡན། །སྐུ་མདོག་གསེར་འདྲ་ཁ་ལོ་སྒྱུར་བ་རྣམས་ཀྱི་མཆོག་།རྣམ་པར་འདྲེན་པར་མཛད་པ་བྱུང་བ་གང་ཡིན་དེ། འཇིགས་པ་མེད་པར་ལུས་རྣམས་ཐ་དད་སྟོན་པར་མཛད། །རྒྱུ་གཅིག་གིས་ལས་རྣམས་བསྡུས་ཏེ། ལས་ཞེས་བྱ་བའི་ཕྱིར་རོ། །རྒྱུ་གཉིས་ཀྱིས་ལས་རྣམས་བསྡུས་ཏེ། སེམས་པའི་ལས་དང ། ཆེད་དུ་བསམ་པའི་ལས་སོ། །རྒྱུ་གསུམ་གྱིས་ལས་རྣམས་བསྡུས་ཏེ། ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་སོ། །རྒྱུ་བཞིས་ལས་རྣམས་བསྡུས་ཏེ། འདོད་པ་དང་ལྡན་པ་དང ། གཟུགས་དང་ལྡན་པ་དང ། གཟུགས་མེད་པ་དང་ལྡན་པ་དང ། མི་ལྡན་པའི་ལས་སོ། །རྒྱུ་ལྔས་ལས་རྣམས་བསྡུས་ཏེ། མཐོང་བས་སྤང་པར་བྱ་བ་ལུང་དུ་བསྟན་པ་དང ། ལུང་དུ་མ་བསྟན་པ་དང ། སྒོམ་པས་སྤང་བར་བྱ་བ་ལུང་དུ་བསྟན་པ་དང ། ལུང་དུ་མ་བསྟན་པ་དང ། སྤང་བར་བྱ་བ་མ་ཡིན་པའི་ལས་སོ། །རྒྱུ་དྲུག་གིས་ལས་རྣམས་བསྡུས་ཏེ། སྡུག་བསྔལ་མཐོང་བས་སྤང་བར་བྱ་བ་དང ། ཀུན་འབྱུང་བ་དང ། འགོག་པ་དང ། ལམ་མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བ་དང ། སྤང་བར་བྱ་བ་མ་ཡིན་པའོ། །རྒྱུ་བདུན་གྱིས་ལས་རྣམས་བསྡུས་ཏེ།་འདོད་པ་དང་ལྡན་པ་མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བ་དང ། གཟུགས་དང་ལྡན་པ་མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བ་དང ། གཟུགས་ 376a ༄#། །མེད་པ་དང་ལྡན་པ་མཐོང་བས་སྤང་པར་བྱ་བ་དང ། སྒོམ་པས་སྤང་པར་བྱ་བ་དང ། སྤང་པར་བྱ་བ་མ་ཡིན་པའོ། །རྒྱུ་བརྒྱད་ཀྱིས་ལས་རྣམས་བསྡུས་ཏེ། འདོད་པ་དང་ལྡན་པའི་དགེ་བ་དང ། མི་དགེ་བ་དང ། ལུང་དུ་མ་བསྟན་པ་དང ། གཟུགས་དང་ལྡན་པའི་དགེ་བ་དང ། ལུང་དུ་མ་བསྟན་པ་དང ། གཟུགས་མེད་པ་དང་ལྡན་པའི་དགེ་བ་དང ། ལུང་དུ་མ་བསྟན་པ་དང ། ལྡན་པ་མ་ཡིན་པའི་ལས་སོ། །རྒྱུ་དགུས་ལས་རྣམས་བསྡུས་ཏེ། ལུས་ཀྱི་ལས་དགེ་བ་དང ། མི་དགེ་བ་དང ། ལུང་དུ་མ་བསྟན་པ་དང ། ངག་གི་ལས་དགེ་བ་དང ། མི་དགེ་བ་དང ། ལུང་དུ་མ་བསྟན་པ་དང ། ཡིད་ཀྱི་ལས་དགེ་བ་དང ། མི་དགེ་བ་དང ། ལུང་དུ་མ་བསྟན་པའོ། །རྒྱུ་བཅུས་ལས་རྣམས་བསྡུས་ཏེ། ལུས་ཀྱི་ལས་དགེ་བ་ཟག་པ་དང་བཅས་པ་དང ། མི་དགེ་བ་དང ། ལུང་དུ་མ་བསྟན་པ་དང ། ངག་གི་ལས་དགེ་བ་ཟག་པ་དང་བཅས་པ་དང ། མི་དགེ་བ་དང་ལུང་དུ་བསྟན་པ་དང ། ཡིད་ཀྱི་ལས་དགེ་བ་ཟག་པ་དང་བཅས་པ་དང་མི་དགེ་བ་དང ། ལུང་དུ་མ་བསྟན་པ་དང ། ཟག་པ་མེད་པའི་ལས་སོ། །རྒྱུ་བཅུ་གཅིག་གིས་ལས་རྣམས་བསྡུས་ཏེ། འདོད་པ་དང་ལྡན་པའི་དགེ་བ་དང ། མི་དགེ་བ་དང ། བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་དང ། གཟུགས་དང་ལྡན་པའི་དགེ་བ་དང ། བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་དང ། གཟུགས་ 376b མེད་པ་དང་ལྡན་པའི་དགེ་བ་དང ། བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་དང ། ལྡན་པ་མ་ཡིན་པའི་ལས་སོ། །རྒྱུ་བཅུ་གཉིས་ཀྱིས་ལས་རྣམས་བསྡུས་ཏེ། ལུས་ཀྱི་ལས་ཀྱི་དགེ་བ་དང ། མི་དགེ་བ་དང ། བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་དང ། ངག་གི་ལས་དགེ་བ་དང ། མི་དགེ་བ་དང ། བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པ་དང ། ཡིད་ཀྱི་ལས་དགེ་བ་དང ། མི་དགེ་བ་དང ། བསྒྲིབས་ལ་ལུང་དུ་མ་བསྟན་པ་དང ། མ་བསྒྲིབས་ལ་ལུང་དུ་མ་བསྟན་པའོ། །བསྟན་ཆོས་ཆེན་པོ་ཆོས་མངོན་པ་ལས། ལས་གདགས་པ་ཚིགས་དང་པོའོ།། །།སྡོམ་ནི། རྩ་བ་གསུམ་དང་དབྱེ་བ་དང ། །མི་དགེའི་ལས་ལམ་བཅུ་པོ་དང ། །ཡང་ན་ལས་རྣམས་བཅུ་ཡི་རྒྱུ། །མི་དགེ་བ་ནི་གསུམ་པོ་ཡིན། །མི་དགེ་བའི་རྩ་བ་གསུམ་པོ་གང་ཞེ་ན། གསུམ་ནི། ཆགས་པ་མི་དགེ་བའི་རྩ་བ་དང ། ཞེ་སྡང་མི་དགེ་བའི་རྩ་བ་དང ། གཏི་མུག་མི་དགེ་བའི་རྩ་བའོ། །དེ་ལ་ཆགས་པ་མི་དགེ་བའི་རྩ་བ་གང་ཞེ་ན། སྨྲས་པ། འདོད་ཆགས་པ་དང ། ཀུན་ཏུ་འདོད་ཆགས་པ་དང ། ཀུན་ཏུ་ཞེན་པ་དང ། ཆུམས་པ་དང ། ལྷག་པར་ཞེན་པ་དང ། སྲེད་པ་དང ། ཚོལ་བ་དང ། འདོད་པ་དང ། རྒྱལ་བ་དང ། ཞེན་པ་དང ། ཡོངས་སུ་ཞེན་པ་དང ། ནང་གི་འཆིང་བ་དང ། དོན་དུ་ 377a ༄#། །སྒྲུབ་པ་དང ། བརྣབ་སེམས་དང ། སྡུག་བསྔལ་དང ། །ཀུན་འབྱུང་བ་ལ་ཆགས་པ་དང ། ཆགས་པ་ལས་བྱུང་བ་གང་ཡིན་པ་འདི་ནི། ཆགས་པ་ཞེས་བྱའོ། །མི་དགེ་བའི་རྩ་བ་ཞེས་བྱ་བ་གང་ཞེ་ན། སྨྲས་པ། ཆོས་དེ་མི་དགེ་བ་ཡིན། དེ་ནི། མི་དགེ་བའི་ཆོས་མང་པོའི་རྩ་བ་ཡང་ཡིན་པས་ན། དེའི་ཕྱིར་དེ་ནི། ནད་ཀྱི་རྩ་བ་དང ། འབྲས་ཀྱི་རྩ་བ་དང ། ཟུག་རྔུའི་རྩ་བ་དང ། སྡིག་པའི་རྩ་བ་དང ། རྣམ་པར་མ་དག་པའི་རྩ་བ་དང ། ཀུན་ནས་ཉོན་མོངས་པའི་རྩ་བ་དང ། རྣམ་པར་བྱང་བ་མ་ཡིན་པའི་རྩ་བ་དང ། ཡོངས་སུ་བྱང་བ་མ་ཡིན་པའི་རྩ་བ་ཡིན་ཏེ། དེ་བས་ན། ཆགས་པ་མི་དགེ་བའི་རྩ་བ་ཞེས་བྱའོ། །ཞེ་སྡང་མི་དགེ་བའི་རྩ་བ་ཞེས་བྱ་བ་ལ། ཞེ་སྡང་གང་ཞེ་ན། སྨྲས་པ།་སེམས་ཅན་རྣམས་ལ་ཀུན་ནས་མནར་སེམས་དང ། ཐ་བ་དང ། ཁོང་ཁྲོ་བ་དང ། གནོད་སེམས་དང ། གནོད་སེམས་བྱེད་པ་དང ། གནོད་སེམས་སུ་གྱུར་པ་དང ། སྡང་བ་དང ། རབ་ཏུ་སྡང་བ་དང ། སེམས་ཀྱིས་སྡང་བ་གང་ཡིན་པ་དང ། སེམས་ཅན་རྣམས་ལ་མི་མཐུན་པར་བྱེད་པ་དང ། སྡང་བ་དང ། སྡང་བར་བྱེད་པ་དང ། སྡང་བར་གྱུར་པ་གང་ཡིན་པ་འདི་ནི། ཞེ་སྡང་བ་ཞེས་བྱའོ། །མི་དགེ་བའི་རྩ་བ་ཞེས་བྱ་བ་གང་ཞེ་ན། སྨྲས་པ། ཆོས་དེ་མི་དགེ་བ་ཡིན་པ་ནས་རྒྱས་པར་ཡོངས་སུ་བྱང་བ་མ་ཡིན་པའི་རྩ་བ་ཞེས་བྱ་ 377b བའི་བར་དུ་སྦྱར་ཏེ། དེ་བས་ན། ཞེ་སྡང་མི་དགེ་བའི་རྩ་བ་ཞེས་བྱའོ། །གཏི་མུག་མི་དགེ་བའི་རྩ་བ་ཞེས་བྱ་བ་ལ། གཏི་མུག་གང་ཞེ་ན། སྨྲས་པ། སྔོན་གྱི་མཐའ་མི་ཤེས་པ་དང ། ཕྱི་མའི་མཐའ་མི་ཤེས་པ་དང ། དབུས་མི་ཤེས་པ་དང ། ནང་མི་ཤེས་པ་དང ། ཕྱི་རོལ་མི་ཤེས་པ་དང ། ནང་དང་ཕྱི་རོལ་མི་ཤེས་པ་དང ། ལས་མི་ཤེས་པ་དང ། རྣམ་པར་སྨིན་པ་མི་ཤེས་པ་དང ། ལས་དང་རྣམ་པར་སྨིན་པ་མི་ཤེས་པ་དང ། ལས་ལེགས་པར་བྱས་པ་མི་ཤེས་པ་དང ། ལས་ཉེས་པར་བྱས་པ་མི་ཤེས་པ་དང ། ལས་ལེགས་པར་བྱས་པ་དང་ཉེས་པར་བྱས་པ་མི་ཤེས་པ་དང ། རྒྱུ་མི་ཤེས་པ་དང ། རྒྱུ་ལས་སྐྱེས་པའི་ཆོས་རྣམས་མི་ཤེས་པ་དང ། ཁ་ན་མ་ཐོ་བ་དང་བཅས་པ་དང ། ཁ་ན་མ་ཐོ་བ་མེད་པ་དང ། ངན་པ་དང ། བཟང་པོ་དང ། ནག་པ་དང ། དཀར་བ་དང ། རྟེན་ཅིང་འབྲེལ་པར་འབྱུང་བའི་ཆོས་རྣམས་རབ་ཏུ་དབྱེ་བ་དང་བཅས་པ་མི་ཤེས་པ་དང ། རེག་པའི་སྐྱེ་མཆེད་དྲུག་ཡང་དག་པར་ཇི་ལྟ་བ་བཞིན་དུ་མ་ཤེས་མི་མཐོང་བ་དང ། མུན་པ་དང ། རྨོངས་པ་དང ། མ་རིག་པའི་མུན་པ་དང ། གླེན་པ་དང ། རྙོག་པ་ཅན་དང ། བསྒྲིབས་པ་དང ། ཆོད་པ་དང ། ལོང་བར་བྱེད་པ་དང ། མིག་མེད་པར་བྱེད་པ་དང ། ཤེས་རབ་དང་མི་མཐུན་པ་དང ། ཕོངས་པའི་ཕྱོགས་དང་མཐུན་པ་དང ། མྱ་ངན་ལས་འདའ་བར་མི་འགྱུར་བ་དང ། མ་རིག་པ་དང ། མ་རིག་པའི་ཆུ་བོ་དང ། མ་རིག་པའི་དུག་གི་རྩ་བ་དང ། མ་རིག་པའི་ 378a ༄#། །དུག་གི་སྡོང་པོ་དང ། མ་རིག་པའི་དུག་གི་ལོ་མ་དང ། མ་རིག་པའི་དུག་གི་མེ་ཏོག་དང ། མ་རིག་པའི་དུག་གི་འབྲས་བུ་དང ། རྨོངས་པ་དང ། ཀུན་ཏུ་རྨོངས་པ་དང ། རབ་ཏུ་རྨོངས་པ་དང ། གཏི་མུག་དང ། གཏི་མུག་ལས་བྱུང་བ་གང་ཡིན་པ་འདི་ནི། གཏི་མུག་ཅེས་བྱའོ། །མི་དགེ་བའི་རྩ་བ་ཞེས་བྱ་བ་གང་ཞེ་ན། སྨྲས་པ། ཆོས་དེ་མི་དགེ་བ་ཡིན་ལ། དེ་ནི། མི་དགེ་བའི་ཆོས་མང་པོའི་རྩ་བ་ཡང་ཡིན་པས་ན། དེའི་ཕྱིར་དེ་ནི། ནད་ཀྱི་རྩ་བ་ནས་ཡོངས་སུ་བྱུང་བ་མ་ཡིན་པའི་བར་དུ་སྦྱར་ཏེ། དེ་བས་ན། གཏི་མུག་མི་དགེ་བའི་རྩ་བ་ཞེས་བྱའོ། །མི་དགེ་བ་བཅུའི་ལས་ཀྱི་ལམ་ནི། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པ་དང ། ཚིག་ཀྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་སྟེ། མི་དགེ་བའི་རྩ་བ་གསུམ་པོ་དེ་དག་ནི། མི་དགེ་བའི་ལས་ཀྱི་ལམ་འདི་དག་གི་རྒྱུ་དང ། རྩ་བ་དང ། འཇུག་པར་བྱེད་པ་དང ། གཞི་དང ། བྱེད་རྒྱུ་དང ། སྐྱེད་པ་དང ། རྐྱེན་དང ། ཀུན་ནས་སློང་བའོ། །ལས་གདགས་པ་ཚིགས་གཉིས་པའོ།། །།སྡོམ་ནི། རྒྱུ་གང་རྣམ་རིག་བྱེད་མིན་གཟུགས། །ཐོགས་བཅས་དང་ནི་སེམས་ལས་བྱུང ། །ཆགས་པ་དང་ནི་ཞེ་སྡང་གསུམ། །རྣམ་པ་ 378b གསུམ་དུ་སྐྱེ་བ་ཡིན། །མི་དགེ་བ་བཅུའི་ལས་ཀྱི་ལམ་ནི། སྲོག་གཅོད་པ་ནས་ལོག་པར་ལྟ་བའི་བར་དག་གོ། སྲོག་གཅོད་པའི་རྒྱུ་གང་ཞེ་ན། སྨྲས་པ། མི་དགེ་བའི་རྩ་བ་དང ། ཚུལ་བཞིན་མ་ཡིན་པ་ཡིད་ལ་བྱེད་པ་ནི། སྲོག་གཅོད་པའི་རྒྱུའོ། །སྲོག་གཅོད་པ་གང་གི་རྒྱུ་ཞེ་ན། སྨྲས་པ། སྲོག་གཅོད་པ་ནི། སྲོག་གཅོད་པའི་རྣམ་པར་སྨིན་པའི་རྒྱུའོ། །སྲོག་གཅོད་པ་ནི། ཅི་ལས་བྱུང ། ཀུན་འབྱུང་བ་ནི། གང ། ཀུན་ནས་སློང་བ་ནི། གང་ཞེ་ན། སྨྲས་པ། མི་དགེ་བའི་རྩ་བ་དང ། ཚུལ་བཞིན་མ་ཡིན་པ་ཡིད་ལ་བྱེད་པ་ནི། སྲོག་གཅོད་པ་ཀུན་ནས་སློང་བའོ། །སྲོག་གཅོད་པ་གང་གིས་ཀུན་ནས་བསླང་པར་བྱ་བ་ཡིན་ཞེ་ན། སྨྲས་པ། སྲོག་གཅོད་པ་ཀུན་ནས་སློང་བར་བྱེད་པའི་སེམས་དང་སེམས་ལས་བྱུང་བའི་ཆོས་རྣམས་ཀྱིས་སོ། །སྲོག་གཅོད་པ་ཅི་ལ་དམིགས་ཤེ་ན། སྨྲས་པ། སེམས་ཅན་ལ་དམིགས་སོ། །སྲོག་གཅོད་པ་གང་གི་དམིགས་པ་ཡིན་ཞེ་ན། སྨྲས་པ། སྲོག་གཅོད་པ་ཀུན་ནས་སློང་བར་བྱེད་པའི་སེམས་དང་སེམས་ལས་བྱུང་བའི་ཆོས་རྣམས་ཀྱིའོ། །སྲོག་གཅོད་པའི་འབྲས་བུ་ཅི་ཞེ་ན། སྨྲས་པ། མི་སྡུག་པའི་འབྲས་བུ་དང ། མི་གཅེས་པའི་འབྲས་བུ་དང ། མི་དགེ་བའི་འབྲས་བུ་དང ། ཡིད་དུ་མི་འོང་བའི་འབྲས་བུ་དང ། ཡིད་དུ་མི་འཐད་པའི་འབྲས་བུ་དང ། མི་འདོད་པའི་འབྲས་བུའོ། །སྲོག་གཅོད་པ་གང་གི་འབྲས་བུ་ཡིན་ཞེ་ན། སྨྲས་ 379a ༄#། །པ།་སྲོག་གཅོད་པ་ཀུན་ནས་སློང་བར་བྱེད་པའི་སེམས་དང་སེམས་ལས་བྱུང་བའི་ཆོས་རྣམས་ཀྱིའོ། །སྲོག་གཅོད་པའི་རྣམ་པར་སྨིན་པ་ཅི་ཞེ་ན། སྨྲས་པ།་མི་སྡུག་པའི་རྣམ་པར་སྨིན་པ་དང ། མི་གཅེས་པའི་རྣམ་པར་སྨིན་པ་དང ། མི་དགེ་བའི་རྣམ་པར་སྨིན་པ་དང ། ཡིད་དུ་མི་འོང་བའི་རྣམ་པར་སྨིན་པ་དང ། ཡིད་དང་མི་འཐད་པའི་རྣམ་པར་སྨིན་པ་དང ། མི་འདོད་པའི་རྣམ་པར་སྨིན་པའོ། །སྲོག་གཅོད་པ་གང་གི་རྣམ་པར་སྨིན་པ་གང་ཞེ་ན། སྨྲས་པ། སྲོག་གཅོད་པ་ཀུན་ནས་སློང་བར་བྱེད་པའི་སེམས་དང་སེམས་ལས་བྱུང་བའི་ཆོས་རྣམས་ཀྱིའོ། །སྲོག་གཅོད་པའི་ཉེས་དམིགས་ཅི་ཡིན་ཞེ་ན། སྨྲས་པ། ཉེས་དམིགས་ལྔ་སྟེ། དེ་བདག་ཉིད་ཀྱིས་སྨད་པར་འགྱུར་བ་དང ། དེ་གཞན་གྱིས་སྨད་པར་འགྱུར་བ་དང ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་དྲིས་ན་ཆོས་བཞིན་དུ་སྨད་པར་འགྱུར་བ་དང ། ཕྱོགས་དང་ཕྱོགས་མཚམས་རྣམས་སུ་སྡིག་ཅན་དང ། བསྔགས་པ་མ་ཡིན་པ་དང ། སྙན་པ་མ་ཡིན་པ་དང ། དགེ་བ་མ་ཡིན་པའི་སྒྲ་དང་ཚིགས་སུ་བཅད་པ་གྲགས་པར་འགྱུར་བ་དང ། ལུས་དང་བྲལ་བ་ཤི་བའི་འོག་ཏུ་ངན་སོང་ངན་འགྲོ་ལོགས་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །སྲོག་གཅོད་པ་སུ་ལ་ཉེས་དམིགས་སུ་འགྱུར་ཞེ་ན། སྨྲས་པ། གཉི་ག་ 379b ལ་ཉེས་དམིགས་སུ་འགྱུར་ཏེ། སྲོག་ཆགས་སྲོག་དང་བྲལ་བར་བྱེད་པ་གང་ཡིན་པ་དང ། སྲོག་ཆགས་གང་སྲོག་དང་བྲལ་བར་བྱ་བ་ལའོ། །མ་བྱིན་པར་ལེན་པའི་རྒྱུ་གང་ཞེ་ན། སྨྲས་པ།་མི་དགེ་བའི་རྩ་བ་དང ། ཚུལ་བཞིན་མ་ཡིན་ལ་ཡིད་ལ་བྱེད་པ་ནི། མ་བྱིན་པར་ལེན་པའི་རྒྱུ་སྟེ། སྲོག་གཅོད་པ་ཇི་ལྟ་བ་བཞིན་དུ་རྒྱས་པར་བརྗོད་པར་བྱའོ། །དེ་ལ་ཁྱད་པར་ནི་འདི་ཡིན་ཏེ།་མ་བྱིན་པར་ལེན་པ་ནི། ཡོ་བྱད་ལ་དམིགས་སོ། །གཉི་ག་ལ་ཉེས་དམིགས་སུ་འགྱུར་ཏེ། མ་བྱིན་པར་ལེན་པ་གང་ཡིན་པ་དང ། གང་གི་མ་བྱིན་པར་ལེན་པའི། །འདོད་པ་ལ་ལོག་པར་གཡེམ་པ་གང་ལ་དམིགས་ཤེ་ན། སེམས་ཅན་ལ་དམིགས་སོ། །གཉི་ག་ལ་ཉས་དམིགས་སུ་འགྱུར་ཏེ། འདོད་པ་རྣམས་ལ་ལོག་པར་གཡེམ་པ་གང་ཡིན་པ་དང ། འདོད་པ་ལ་ལོག་པར་གཡེམ་པས་གང་ལ་ཀུན་ཏུ་སྤྱོད་པའོ། །བརྫུན་དུ་སྨྲ་བ་ནི། མིང་ལ་དམིགས་སོ། །གཉི་ག་ལ་ཉེས་དམིགས་སུ་འགྱུར་ཏེ། བརྫུན་དུ་སྨྲ་བ་གང་ཡིན་པ་དང ། བརྫུན་དུ་སྨྲ་བས་བསླུ་བར་བྱ་བ་གང་ཡིན་པའོ། །ཕྲ་མ་ཡང་མིང་ལ་དམིགས་སོ། །གསུམ་ལ་ཉེས་དམིགས་སུ་འགྱུར་ཏེ། མཛའ་བོ་འབྱེད་པ་གང་ཡིན་པ་དང ། མཛའ་བོ་གང་ལས་ཕྱེ་བ་དང ། གང་གི་མཛའ་བོ་ཕྱེ་བའོ། །ཚིག་རྩུབ་པོ་ཡང་མིང་ལ་དམིགས་སོ། །གཉི་ག་ལ་ཉེས་དམིགས་སུ་འགྱུར་ཏེ། ཚིག་རྩུབ་པོ་སྨྲ་བ་གང་ཡིན་པ་དང ། ཚིག་རྩུབ་པོས་གང་ལ་ཀུན་ཏུ་སྤྱོ་བའོ།། 380a ༄#། །ཚིག་ཀྱལ་པ་ཡང་མིང་ལ་དམིགས་སོ། །གཉི་ག་ལ་ཉེས་དམིགས་སུ་འགྱུར་ཏེ། ཚིག་ཀྱལ་པ་སྨྲ་བ་གང་ཡིན་པ་དང ། ཚིག་ཀྱལ་པས་གང་ལ་བསླུ་བའོ། །བརྣབ་སེམས་ནི། ཡོ་བྱད་ལ་དམིགས་སོ། །གཉི་ག་ལ་ཉེས་དམིགས་སུ་འགྱུར་ཏེ། བརྣབ་སེམས་བསྐྱེད་པ་གང་ཡིན་པ་དང ། གང་གི་དངོས་པོ་ལ་བརྣབ་སེམས་སྐྱེད་པའོ། །གནོད་སེམས་ནི། སེམས་ཅན་ལ་དམིགས་སོ། །གཉི་ག་ལ་ཉེས་དམིགས་སུ་འགྱུར་ཏེ། གནོད་སེམས་བྱེད་པ་གང་ཡིན་པ་དང ། གང་གི་རྒྱུད་ལ་གནོད་སེམས་བསྐྱེད་པའོ། །ལོག་པར་ལྟ་བའི་རྒྱུ་གང་ཞེ་ན། སྨྲས་པ། མི་དགེ་བའི་རྩ་བ་དང ། ཚུལ་བཞིན་མ་ཡིན་པ་ཡིད་ལ་བྱེད་པ་ནི། ལོག་པར་ལྟ་བའི་རྒྱུའོ། །ལོག་པར་ལྟ་བའི་རྣམ་པར་སྨིན་པའི་རྒྱུ་གང་ཞེ་ན། སྨྲས་པ། ལོག་པར་ལྟ་བ་ནི། ལོག་པར་ལྟ་བའི་རྣམ་པར་སྨིན་པའི་རྒྱུའོ། །ལོག་པར་ལྟ་བ་ཅི་ལས་འབྱུང ། ཀུན་འབྱུང་བ་ནི། གང ། ཀུན་ནས་སློང་བ་ནི།་གང་ཞེ་ན། སྨྲས་པ། མི་དགེ་བའི་རྩ་བ་དང ། ཚུལ་བཞིན་མ་ཡིན་པའི་ཡིད་ལ་བྱེད་པ་ནི། ལོག་པར་ལྟ་བས་ཀུན་ནས་སློང་བའོ། །ལོག་པར་ལྟ་བ་གང་གི་ཀུན་ནས་བསླང་བར་བྱ་བ་ཡིན་ཞེ་ན། སྨྲས་པ། ལོག་པར་ལྟ་བ་ཀུན་ནས་སློང་བར་བྱེད་པའི་སེམས་དང་སེམས་ལས་བྱུང་བའི་ཆོས་རྣམས་ཀྱིའོ། །ལོག་པར་ལྟ་བ་ཅི་ལ་དམིགས་ཤེ་ན། 380b སྨྲས་པ།་མིང་དང ། གཟུགས་ལ་དམིགས་སོ། །ལོག་པར་ལྟ་བ་གང་གི་དམིགས་པ་ཡིན་ཞེ་ན། སྨྲས་པ། ལོག་པར་ལྟ་བ་ཀུན་ནས་སློང་བར་བྱེད་པའི་སེམས་དང་སེམས་ལས་བྱུང་བའི་ཆོས་རྣམས་ཀྱིའོ། །ལོག་པར་ལྟ་བའི་འབྲས་བུ་ཅི་ཞེ་ན། སྨྲས་པ། མི་སྡུག་པའི་འབྲས་བུ་དང ། མི་གཅེས་པའི་འབྲས་བུ་དང ། མི་དགེ་བའི་འབྲས་བུ་དང ། ཡིད་དུ་མི་འོང་བའི་འབྲས་བུ་དང ། ཡིད་དུ་མི་འཐད་པའི་འབྲས་བུ་དང ། མི་འདོད་པའི་འབྲས་བུའོ། །ལོག་པར་ལྟ་བ་གང་གི་འབྲས་བུ་ཡིན་ཞེ་ན། སྨྲས་པ། ལོག་པར་ལྟ་བ་ཀུན་ནས་སློང་བར་བྱེད་པའི་སེམས་དང་སེམས་ལས་བྱུང་བའི་ཆོས་རྣམས་ཀྱིའོ། །ལོག་པར་ལྟ་བའི་རྣམ་པར་སྨིན་པ་ཅི་ཞེ་ན། སྨྲས་པ། མི་སྡུག་པའི་རྣམ་པར་སྨིན་པ་དང ། མི་གཅེས་པའི་རྣམ་པར་སྨིན་པ་དང ། མི་དགེ་བའི་རྣམས་པར་སྨིན་པ་དང ། ཡིད་དུ་མི་འོང་བའི་རྣམ་པར་སྨིན་པ་དང ། ཡིད་དུ་མི་འཐད་པའི་རྣམ་པར་སྨིན་པ་དང ། མི་འདོད་པའི་རྣམ་པར་སྨིན་པའོ། ། ལོག་པར་ལྟ་བ་གང་གི་རྣམ་པར་སྨིན་པ་ཡིན་ཞེ་ན། སྨྲས་པ། ལོག་པར་ལྟ་བ་ཀུན་ནས་སློང་བར་བྱེད་པའི་སེམས་དང་སེམས་ལས་ ་བའི་ཆོས་རྣམས་ཀྱིའོ། །ལོག་པར་ལྟ་བའི་ཉེས་དམིགས་ཅི་ཡིན་ཞེ་ན། སྨྲས་པ། ཉེས་དམིགས་ལྔ་སྟེ། དེ་བདག་ཉིད་ཀྱིས་སྨད་པར་འགྱུར་བ་དང ། དེ་གཞན་གྱིས་སྨད་པར་འགྱུར་བ་བདང ། ཚངས་པ་མཚུངས་པར་སྤྱོད་པ་མཁས་ 381a ༄#། །པ་རྣམས་ཀྱིས་དྲིས་ན་ཆོས་བཞིན་དུ་སྨད་པར་འགྱུར་པ་དང ། ཕྱོགས་དང་ཕྱོགས་མཚམས་སུ་སྡིག་པ་ཅན་དང ། བསྔགས་པ་མ་ཡིན་པ་དང ། སྙན་པ་མ་ཡིན་པ་དང ། དགེ་བ་མ་ཡིན་པའི་སྒྲ་དང་ཚིགས་སུ་བཅད་པ་གྲག་པར་འགྱུར་བ་དང ། ལུས་དང་བྲལ་ཏེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །ལོག་པར་ལྟ་བ་སུ་ལ་ཉེས་དམིགས་སུ་འགྱུར་ཞེ་ན། སྨྲས་པ། གཉི་ག་ལ་ཉེས་དམིགས་སུ་འགྱུར་ཏེ། ལོག་པར་རྟོག་པ་གང་ཡིན་པ་དང ། གང་དང་ལོག་པར་རྟོག་པའོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། སྲོག་གཅོད་པ་རྣམ་པར་རིག་བྱེད་ཅེས་བྱའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ལ་ལ་ཞིག་འདི་སྐད་དུ། སྲོག་ཆགས་ཀྱི་སྲོག་ཆོད་ཅིག་ཅེས་བསྒོ་ལ། དེས་ཀྱང་གཅད་པར་བྱའོ། །ཞེས་སྨྲས་ཀྱང་རུང ། མ་གཅོད་ཅིག་ཅེས་བསྒོ་བཞིན་དུ་གཅོད་དོ། །ཞེས་སྨྲས་ཀྱང་རུང་བ་ལས། ཕར་སོང་སྟེ་སྲོག་ཆགས་ཀྱི་སྲོག་གཅོད་ཀྱང་རུང ། ཕྱིར་འོངས་ཏེ་སྲོག་ཆགས་ཀྱི་སྲོག་གཅོད་ཀྱང་རུང་སྟེ། གང་གི་ཚེ་སྲོག་ཆགས་ཀྱི་ 381b སྲོག་གཅོད་པ་དེའི་ཚེ་ལུས་ཀྱི་ལས་གང་ཡིན་པ་དེ་ནི། རྣམ་པར་རིག་བྱེད་ཅེས་བྱའོ། །རྣམ་པར་རིག་བྱེད་མ་ཡིན་པ་གང་ཞེ་ན། སྨྲས་པ། སྲོག་གཅོད་པ་ལས་ཕྱིར་མ་ལོག་ཅིང་ཕྱིར་མ་ནུར་ལ། མ་བཏང་མ་སྤངས་པས་ཅི་སྟེ་ན་ལུས་ཀྱིས་ཀྱང་རྣམ་པར་རིག་པར་མི་བྱེད་པ་འདི་ནི། རྣམ་པར་རིག་བྱེད་མ་ཡིན་པ་ཞེས་བྱའོ། །མ་བྱིན་པར་ལེན་པ་རྣམ་པར་རིག་བྱེད་ཅེས་བྱའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན།་སྨྲས་པ། ཇི་ལྟར་འདི་ན་ཁ་ཅིག་ལ་ལ་ཞིག་འདི་སྐད་དུ་གཞན་དག་ལས་མ་བྱིན་པར་ལོངས་ཤིག་ཅེས་བསྒོ་ལ། དེས་ཀྱང་བླང་ངོ ། །ཞེས་སྨྲས་ཀྱང་རུང ། མ་ལེན་ཅིག་ཅེས་བསྒོ་བཞིན་དུ་བླང་ངོ ། །ཞེས་སྨྲས་ཀྱང་རུང་བ་ལས། ཕར་སོང་སྟེ་གཞན་དག་ལས་མ་བྱིན་པར་ལེན་ཀྱང་རུང ། ཕྱིར་འོངས་ཏེ་གཞན་དག་ལས་མ་བྱིན་པར་ལེན་ཀྱང་རུང་སྟེ། གང་གི་ཚེ་གཞན་དག་ལས་མ་བྱིན་པར་ལེན་པ་དེའི་ཚེ་ལུས་ཀྱི་ལས་གང་ཡིན་པ་དེ་ནི། རྣམ་པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཡིན་ཞེ་ན། སྨྲས་པ། མ་བྱིན་པར་ལེན་པ་ལས་ཕྱིར་མ་ལོག་ཅིང་ཕྱིར་མ་ནུར་ལ་མ་བཏང་མ་སྤངས་པས་ཅི་སྟེན་ལུས་ཀྱིས་ཀྱང་རྣམ་པར་རིག་པར་མི་བྱེད་པ་འདི་ནི། རྣམ་པར་རིག་བྱེད་མ་ཡིན་པའོ། །འདོད་པ་ལ་ལོག་པར་ 382a ༄#། །གཡེམ་པ་རྣམ་པར་རིག་བྱེད་ཅེས་བྱའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ལ་ལ་ཞིག་ལ་འདི་སྐད་དུ། གཞན་དག་གི་འདོད་པ་རྣམས་ལ་ལོག་པར་སྤྱོད་ཅིག་ཅེས་བསྒོ་ལ།་དེས་ཀྱང་སྤྱད་པར་བྱའོ། །ཞེས་སྨྲས་ཀྱང་རུང ། མ་སྤྱོད་ཅེས་ཅེས་བསྒོ་བཞིན་དུ་སྤྱད་དོ། །ཞེས་སྨྲས་ཀྱང་རུང་བ་ལས། ཕར་སོང་སྟེ་གཞན་དག་གི་འདོད་པ་རྣམས་ལ་ལོག་པར་སྤྱོད་ཀྱང་རུང ། ཕྱིར་འོངས་ཏེ་གཞན་དག་གི་འདོད་པ་རྣམས་ལ་ལོག་པར་སྤྱོད་ཀྱང་རུང་སྟེ། གང་གི་ཚེ་གཞན་དག་གི་འདོད་པ་རྣམས་ལ་ལོག་པར་སྤྱོད་པ་དེའི་ཚེ་ལུས་ཀྱི་ལས་གང་ཡིན་པ་དེ་ནི། རྣམ་པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཞེ་ན། སྨྲས་པ། འདོད་པ་རྣམས་ལ་ལོག་པར་སྤྱོད་པ་ལས་ཕྱིར་མ་ལོག་ཅིང ། ཕྱིར་མནུར་ལ་མ་བཏང་མ་སྤངས་པས་ཅི་སྟེ་ན་ལུས་ཀྱིས་ཀྱང་རྣམ་པར་རིག་པར་མི་བྱེད་པ་འདི་ནི། རྣམ་པར་རིག་བྱེད་མ་ཡིན་པའོ། །བརྫུན་དུ་སྨྲ་བ་རྣམ་པར་རིག་བྱེད་ཅེས་བྱའམ། ཉོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། སྨྲས་པ། 382b ཇི་ལྟར་འདི་ན་ཁ་ཅིག་ལ་ལ་ཞིག་འདི་སྐད་དུ། གཞན་དག་ལ་བརྫུན་དུ་སྨྲོས་ཤིག་ཅེས་བསྒོ་ལ། དེས་ཀྱང་སྨྲ་བར་བྱའོ། །ཞེས་སྨྲས་ཀྱང་རུང ། མ་སྨྲ་ཞིག་ཅེས་བསྒོ་བཞིན་དུ་སྨྲ་བར་བྱའོ། །ཞེས་སྨྲས་ཀྱང་རུང་བ་ལས། ཕར་སོང་སྟེ་གཞན་དག་ལ་བརྫུན་དུ་སྨྲ་བ་ཡང་རུང ། ཕྱིར་འོངས་ཏེ་གཞན་དག་ལ་བརྫུན་དུ་སྨྲས་ཀྱང་རུང་སྟེ། གང་གི་ཚེ་གཞན་དག་ལ་བརྫུན་དུ་སྨྲ་བ་དེའི་ཚེ་ངག་གི་ལས་གང་ཡིན་པ་དེ་ནི། རྣམ་པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཞེ་ན། སྨྲས་པ། བརྫུན་དུ་སྨྲ་བ་ལས་ཕྱིར་མ་ལོག་ཅིང་ཕྱིར་མནུར་ལ་མ་བཏང་མ་སྤངས་པས་ཅི་སྟེན་ཚིག་གིས་ཀྱང་རྣམ་པར་རིག་པར་མི་བྱེད་པ་འདི་ནི། རྣམ་པར་རིག་བྱེད་མ་ཡིན་པའོ། །ཕྲ་མ་རྣམ་པར་རིག་བྱེད་ཅེས་བྱའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན།་སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ལ་ལ་ཞིག་ལ་འདི་སྐད་དུ། གཞན་དག་གི་མཛའ་བོ་ཕྱེ་ཞིག་ཅེས་བསྒོ་ལ། དེས་ཀྱང་དབྱེའོ། །ཞེས་སྨྲས་ཀྱང་རུང ། མ་དབྱེ་ཞིག་ཅེས་བསྒོ་བཞིན་དུ་དབྱེའོ། །ཞེས་སྨྲས་ཀྱང་རུང་བ་ལས། ཕར་སོང་སྟེ་གཞན་དག་གི་མཛའ་བོ་འབྱེད་ཀྱང་རུང།་ཕྱིར་འོངས་ཏེ་གཞན་དག་གི་མཛའ་བོ་འབྱེད་ཀྱང་རུང་སྟེ། གང་གི་ཚེ་གཞན་དག་གི་མཛའ་བོ་འབྱེད་པ་དེའི་ཚེ་དག་གི་ལས་གང་ཡིན་པ་དེ་ནི། རྣམ་ 383a ༄#། །པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཞེ་ན། སྨྲས་པ། ཕྲ་མ་ལས་ཕྱིར་མི་ལོག་ཅིང་ཕྱིར་མ་ནུར་ལ་མ་བཏང་མ་སྤངས་པས་།ཅི་སྟེན་ཚིག་གིས་ཀྱང་རྣམ་པར་རིག་པར་མི་བྱེད་པ་འདི་ནི། རྣམ་པར་རིག་བྱེད་མ་ཡིན་པའོ། །ཚིག་རྩུབ་པོ་རྣམ་པར་རིག་བྱེད་ཅེས་བྱའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན།་སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། ཇི་ལྟར་འདི་ན་ཁ་ཅིག་ལ་ལ་ཞིག་ལ་འདི་སྐད་དུ། གཞན་དག་ལ་ཚིག་རྩུབ་པོ་སྨྲོས་ཤིག་ཅེས་བསྒོ་ལ། དེས་ཀྱང་སྨྲ་བར་བྱའོ། །ཞེས་སྨྲས་ཀྱང་རུང་མ་སྨྲ་ཞིག་ཅེས་བསྒོ་བཞིན་དུ་སྨྲ་བར་བྱའོ། །ཞེས་སྨྲས་ཀྱང་རུང་བ་ལས། ཕར་སོང་སྟེ་གཞན་དག་ལ་ཚིག་རྩུབ་པོ་སྨྲས་ཀྱང་རུང ། ཕྱིར་འོངས་ཏེ་གཞན་དག་ལ་ཚིག་རྩུབ་པོ་སྨྲ་ཡང་རུང་སྟེ། གང་གི་ཚེ་གཞན་དག་ལ་ཚིག་རྩུབ་པོ་སྨྲ་བ་དེའི་ཚ་ངག་གི་ལས། གང་ཡིན་པ་དེ་ནི། རྣམ་པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཞེ་ན། སྨྲས་པ། ཚིག་རྩུབ་པོ་ལས་ཕྱིར་མ་ནུར་ལ་མ་བཏང་མ་སྤངས་ལ། ཅི་སྟེ་ན་ཚིག་གིས་ཀྱང་རྣམ་པར་རིག་པར་མི་བྱེད་པ་འདི་ནི། རྣམ་པར་རིག་བྱེད་མ་ཡིན་པའོ། །ཚིག་ཀྱལ་པ་རྣམ་པར་རིག་བྱེད་ཅེས་བྱ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། 383b སྨྲས་པ།་རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ལ་ལ་ཞིག་ལ་འདི་སྐད་དུ། གཞན་དག་ལ་ཚིག་ཀྱལ་པ་སྨྲོས་ཤིག་ཅེས་བསྒོ་ལ། དེས་ཀྱང་སྨྲ་བར་བྱའོ། །ཞེས་སྨྲས་ཀྱང་རུང ། མ་སྨྲ་ཞིག་ཅེས་བསྒོ་བཞིན་དུ་སྨྲ་བར་བྱའོ། །ཞེས་སྨྲས་ཀྱང་རུང་བ་ལས། ཕར་སོང་སྟེ་གཞན་དག་ལ་ཚིག་ཀྱལ་པ་སྨྲ་བ་ཡང་རུང ། ཕྱིར་འོངས་ཏེ་གཞན་དག་ལ་ཚིག་ཀྱལ་པ་སྨྲ་ཡང་རུང་སྟེ། གང་གི་ཚེ་གཞན་དག་ལ་ཚིག་ཀྱལ་པ་སྨྲ་བ་དེའི་ཚེ་ངག་གི་ལས་གང་ཡིན་པ་འདི་ནི། རྣམ་པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཞེ་ན། སྨྲས་པ། ཚིག་ཀྱལ་པ་ལས་ཕྱིར་མ་ལོག་ཅིང ། ཕྱིར་མ་ནུར་ལ་མ་བཏང་མ་སྤངས་པས་ཅི་སྟེ་ན་ཚིག་གིས་ཀྱང་རྣམ་པར་རིག་པར་མི་བྱེད་པ་འདི་ནི། རྣམ་པར་རིག་བྱེད་མ་ཡིན་པའོ། །བརྣབ་སེམས་དང ། གནོད་སེམས་དང ། ལོག་པར་ལྟ་བ་རྣམ་པར་རིག་བྱེད་ཅེས་བྱའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། སྨྲས་པ། རྣམ་པར་རིག་བྱེད་ཀྱང་མ་ཡིན། རྣམ་པར་རིག་བྱེད་མ་ཡིན་པ་ཡང་མ་ཡིན་ནོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། སྲོག་གཅོད་པ་གཟུགས་ཅེས་བྱ་བའམ། འོན་ཏེ་གཟུགས་ཅན་མ་ཡིན་པ་ཞེས་བྱ་ཞེ་ན། སྨྲས་པ། གཟུགས་ཅན་ཞེས་བྱའོ། །དེ་བཞིན་དུ་མ་བྱིན་པར་ལེན་པ་དང ། 384a ༄#། །འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་ཀྱལ་པ་གཟུགས་ཅན་ཞེས་བྱའམ། འོན་ཏེ་གཟུགས་ཅན་མ་ཡིན་པ་ཞེས་བྱ་ཞེ་ན།་སྨྲས་པ། གཟུགས་ཅན་ཞེས་བྱའོ། །བརྣབ་སེམས་དང ། གནོད་སེམས་དང ། ལོག་པར་ལྟ་བ་གཟུགས་ཅན་ཞེས་བྱའམ། འོན་ཏེ་གཟུགས་ཅན་མ་ཡིན་པ་ཞེས་བྱ་ཞེ་ན། སྨྲས་པ།་གཟུགས་ཅན་མ་ཡིན་པ་ཞེས་བྱའོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། སྲོག་གཅོད་པ་ཐོགས་པ་དང་བཅས་པ་ཞེས་བྱའམ། འོན་ཏེ་ཐོགས་པ་མེད་པ་ཞེས་བྱ་ཞེ་ན། སྨྲས་པ། ཐོགས་པ་དང་བཅས་པ་ཡང་ཡོད། ཐོགས་པ་མེད་པ་ཡང་ཡོད་དོ། །ཐོགས་པ་དང་བཅས་པ་གང་ཞེ་ན། སྨྲས་པ། རྣམ་པར་རིག་བྱེད་གང་ཡིན་པའོ། ། ཐོགས་པ་མེད་པ་གང་ཞེ་ན། སྨྲས་པ། རྣམ་པར་རིག་བྱེད་མ་ཡིན་པ་གང་ཡིན་པའོ། །སྲོག་གཅོད་པ་ཇི་ལྟ་བ་བཞིན་དུ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ཡང་དེ་དང་འདྲའོ། །བརྣབ་སེམས་དང ། གནོད་སེམས་དང ། ལོག་པར་ལྟ་བ་ཐོགས་པ་དང་བཅས་པ་ཞེས་བྱའམ།་འོན་ཏེ་ཐོགས་པ་ཞེས་བྱ་ཞེ་ན། སྨྲས་པ། ཐོགས་པ་མེད་པ་ཞེས་བྱའོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། སྲོག་གཅོད་པ་སེམས་ལས་བྱུང་ 384b བ་ཞེས་བྱའམ། འོན་ཏེ་སེམས་ལས་བྱུང་བ་མ་ཡིན་པ་ཞེས་བྱ་ཞེ་ན། སྨྲས་པ། སེམས་ལས་བྱུང་བ་མ་ཡིན་པ་ཞེས་བྱའོ། །སྲོག་གཅོད་པ་ཇི་ལྟ་བ་བཞིན་དུ་མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཁྱལ་པ་ཡང་དེ་དང་འདྲའོ། །བརྣབ་སེམས་དང ། གནོད་སེམས་དང ། ལོག་པར་ལྟ་བ་སེམས་ལས་བྱུང་བ་ཞེས་བྱའམ། འོན་ཏེ་སེམས་ལས་བྱུང་བ་མ་ཡིན་པ་ཞེས་བྱ་ཞེ་ན། སྨྲས་པ། སེམས་ལས་བྱུང་བ་ཞེས་བྱའོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། སྲོག་གཅོད་པ་ནི། རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བ་དང ། སྲོག་གཅོད་པ་ཆགས་པ་ལས་བྱུང་བ་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་སྲོག་ཆགས་གང་གི་ཤའམ། པགས་པའམ། རཝའམ། སོའམ། རུས་པའམ། རྒྱུས་པའམ། མཇུག་མ་འདོད་དེ། དེའི་རྒྱུ་དེའི་རྐྱེན་གྱིས་སྲོག་ཆགས་ཀྱི་སྲོག་གཅོད་པར་བྱེད་དོ། །དེ་མ་ཡིན་ཏེ། བདག་ཉིད་མི་འདོད་དུ་ཟིན་ཀྱང་དེ་འདི་སྙམ་དུ་སེམས་ཏེ། སེམས་ཅན་བདག་ལ་སྡུག་པ་དང ། གཅེས་པ་དང ། ཡིད་དུ་འོང་བ་གང་ཡིན་པ་དེ་དག་ལ་མཁོ་བ་དང་ལོངས་སྤྱོད་དུ་འགྱུར་རོ་སྙམ་ནས་དེ་དག་གི་དོན་དུ་སྲོག་ཆགས་ཀྱི་སྲོག་གཅོད་པར་བྱེད་དོ། །ཡང་ན་གཞན་གྱིས་དེ་ལ་འདི་སྐད་དུ་ཁྱོད་ཚུར་ཤོག་ལ་ 385a ༄#། །སྲོག་ཆགས་འདི་ལྟ་བུ་ཞིག་གི་སྲོག་ཆོད་ཅིག་དང ། ངས་ཁྱོད་ལ་འདི་དང་འདི་ལྟ་བུ་ཞིག་སྦྱིན་ནོ། །འདི་དང་འདི་ལྟ་བུ་ཞིག་བྱའོ། །ཞེས་བསྒོས་ནས་དེས་ལོངས་སྤྱོད་དེ་དག་འདོད་ནས་སྲོག་ཆགས་ཀྱི་སྲོག་གཅོད་པར་བྱེད་དོ། དཔེར་ན། རྒྱལ་པོ་གཉིས་ཕན་ཚུན་མི་མཐུན་པ་དེར་རས་སམ། དོང་ཙེའམ། དོང་ཙེ་སྟོང་གི་ཕྱིར་མགོ་ཁྱེར་ཏེ་འོང་བར་བྱེད་ཅིང ། དེས་ལོངས་སྤྱོད་དེ་དག་འདོད་ནས་སྲོག་ཆགས་ཀྱི་སྲོག་གཅོད་པར་བྱེད་པ་དེ་ལྟ་བུ་ནི། ཆགས་པ་ལས་བྱུང་བ་ཡིན་ནོ། །ཞེ་སྡང་ལས་བྱུང་བ་ཇི་ལྟ་བུ་ཞེ་ན། སྨྲས་པ།་ཇི་ལྟར་འདི་ན་ཁ་ཅིག་གང་ལ་ཀུན་ནས་མནར་སེམས་དང ། གསོད་པའི་སེམས་ཡོད་པའི་ཕྱིར་སྲོག་ཆགས་དེའི་སྲོག་གཅོད་པར་བྱེད་དོ། །དེ་མ་ཡིན་ཏེ། དེ་ལ་ཀུན་ནས་མནར་སེམས་དང ། གསོད་པའི་སེམས་མེད་དུ་ཟིན་ཀྱང ། གང་གི་སྲོག་ཆགས་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་དེ་དག་ལ་ཀུན་ནས་མནར་སེམས་དང ། གསོད་པའི་སེམས་ཡོད་པའི་ཕྱིར་དེ་འདི་སྙམ་དུ་སེམས་ཏེ། དེ་དག་ཡུན་རིང་པོར་མི་བཟོད་ཅིང་མི་བདེ་ལ་སེམས་མངོན་པར་མི་དགའ་བར་འགྱུར་བར་བྱའོ་སྙམ་ནས་སྲོག་ཆགས་དེའི་སྲོག་གཅོད་པར་བྱེད་པ་དེ་ལྟ་བུ་ནི། ཞེ་སྡང་ལས་བྱུང་བ་ཡིན་ནོ། །གཏི་མུག་ལས་བྱུང་བ་ཇི་ལྟ་བུ་ཞེ་ན། དཔེར་ན། བྲམ་ཟེ་དག་འདི་སྐད་དུ་སྦྲུལ་དང ། སྡིག་པ་དང ། སྲོག་ཆགས་ 385b ཏྲེ་ལ་ཏ་དང ། ཏྲེ་མ་བུ་ཀ་དང ། སྲིན་གྱི་མེད་ལ་སོགས་པ་འདི་དག་ནི། གསད་པར་བྱའོ། །དེ་ཅིའི་ཕྱིར་ཞེ་ན། སྨྲས་པ། འདི་དག་ནི། མི་རྣམས་ཀྱི་དགྲ་དང ། ཕྱིར་རྒོལ་བ་ཡིན་པའི་ཕྱིར་རོ། །གླང་པོ་ཆེ་དང ། རྟ་དང ། རྔ་མོ་དང ། བ་ལང་དང ། བོང་བུ་ལ་སོགས་པ་འདི་དག་ཀྱང་གསད་པར་བྱའོ། །དེ་ཅིའི་ཕྱིར་ཞེ་ན། སྨྲས་པ། འདི་དག་ནི། མི་རྣམས་ཀྱི་ལོངས་སྤྱོད་ཡིན་པའི་ཕྱིར་རོ། །ཞེས་ཟེར་བ་ལྟ་བུ་དང ། ནུབ་ཕྱོགས་ན་བྲམ་ཟེ་མཆུ་སྐྱེས་ཞེས་བྱ་བ་དག་ཡོད་དེ། དེ་དག་ནི། འདི་སྐད་དུ་གང་ཕའམ། མའམ། ཕུ་ནུ་བོའམ། སྲིང་མོའམ། མཛའ་བོའམ། གཉེན་དང ། རྒན་རབས་གང་ཡང་རུང་བ་ནད་ཀྱིས་ཐབས་ཏེ་སྡུག་བསྔལ་ཞིང་ནད་ཚབས་ཆེ་བའི་སྲོག་གཅོད་པ་ལ་ནི། བསོད་ནམས་མང་པོ་འཕེལ་བར་འགྱུར་རོ། །དེ་ཅིའི་ཕྱིར་ཞེ་ན། སྨྲས་པ།་དེ་ཇི་སྲིད་ཀྱི་བར་དུ་གསོན་ཞིང་འདུག་ལ་སྡོད་ཅིང་འཚོ་བ་དེ་སྲིད་ཀྱི་བར་དུ་སྡུག་བསྔལ་ཞིང་ཡིད་དུ་མི་འོང་བས་གནས་ལ། ལུས་དང་བྲལ་ན་ནི། དེ་ལྟ་མ་ཡིན་པའི་ཕྱིར་རོ། ། ཞེས་ཟེར་ཏེ། ལས་དེ་ལ་ཅིའང་མི་འོང་བར་ལྟ་ཞིང་འབྲས་བུ་མེད་པར་ལྟ་ལ་འདི་ལྟར་ལྟ་ཞིང་འདི་སྐད་དུ་སྨྲ་སྟེ། ལས་འདི་མེད་དོ། །ལས་འདིའི་འབྲས་བུ་རྣམ་པར་སྨིན་པ་མེད་དོ། ། ཞེས་ཟེར་བ་དེ་ལྟ་བུ་ནི། གཏི་མུག་ལས་བྱུང་བ་ཡིན་ནོ། །མ་བྱིན་པར་ལེན་པ་ནི། རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ།། 386a ༄#། །མ་བྱིན་པར་ལེན་པ་ཆགས་པ་ལས་བྱུང་བ་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ཡོ་བྱད་གང་འདོད་པ་དེ་དེས་གཞན་དག་ལ་མ་བྱིན་པར་ལེན་པར་བྱེད་དོ།། དེ་མ་ཡིན་ཏེ། བདག་ཉིད་མི་འདོད་དུ་ཟིན་ཀྱང་དེ་འདི་སྙམ་དུ་སེམས་ཏེ། སེམས་ཅན་བདག་ལ་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་དེ་དག་ལ་མཁོ་བ་དང ། འཆང་བ་དང ། ལོངས་སྤྱོད་དུ་འགྱུར་རོ་སྙམ་ནས་དེ་དག་གི་དོན་དུ་གཞན་དག་ལས་མ་བྱིན་པར་ལེན་པར་བྱེད་དོ། །ཡང་ན་གཞན་དག་དེ་ལ་འདི་སྐད་དུ་ཁྱོད་ཚུར་ཤོག་ལ་མིང་འདི་ཞེས་བྱ་བ་ལས་མ་བྱིན་པར་ལོངས་ཤིག་དང ། ངས་ཁྱོད་ལ་འདི་དང་འདི་ལྟ་བུ་ཞིག་སྦྱིན་ནོ། །འདི་དང་འདི་ལྟ་བུ་ཞིག་བྱའོ། །ཞེས་བསྒོས་ནས་དེས་ལོངས་སྤྱོད་དེ་དག་འདོད་ནས་གཞན་དག་ལས་མ་བྱིན་པར་ལེན་པར་བྱེད་པ་དེ་ལྟ་བུ་ནི། ཆགས་པ་ལས་བྱུང་བ་ཡིན་ནོ། །ཞེ་སྡང་ལས་བྱུང་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གང་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་ལས་མ་བྱིན་པར་ལེན་པར་བྱེད་དོ། །དེ་མ་ཡིན་ཏེ། དེ་ལ་ཀུན་ནས་མནར་སེམས་དང ། ཁྲོ་བའི་སེམས་མེད་དུ་ཟིན་ཀྱང་དེ་དག་གི་ཡོ་བྱད་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་དེ་རྣམས་དེ་དག་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་འདི་ 386b སྙམ་དུ་སེམས་ཏེ། དེ་དག་ཡུན་རིང་པོར་མི་བཟོད་ཅིང་བདེ་ལ་སེམས་མངོན་པར་མི་དགའ་བར་འགྱུར་བར་བྱའོ་སྙམ་ནས་དེས་དངོས་པོ་དེ་མ་བྱིན་པར་ལེན་པར་བྱེད་པ་དེ་ལྟ་བུ་ནི། ཞེ་སྡང་ལས་བྱུང་བ་ཡིན་ནོ། །གཏི་མུག་ལས་བྱུང་བ་ཇི་ལྟ་བུ་ཞེ་ན། སྨྲས་པ། བྲམ་ཟེ་དག་འདི་སྐད་དུ་འདི་དག་ཐམས་ཅད་ནི། བྲམ་ཟེ་རྣམས་དབང་མོད་ཀྱི། འོན་ཀྱང་མཐུ་ཆུང་བས་ན་དམངས་རྣམས་ཀྱང་སྤྱོད་དོ། །ཞེས་ཟེར་ཏེ། དེ་དག་ལ་ཕ་རོལ་གྱིས་ཡོངས་སུ་བཟུང་པའི་འདུ་ཤེས་མེད་པ་མ་ཡིན་ནོ། །ལས་དེ་ལ་ཅི་ཡང་མི་འོང་བར་ལྟ་ཞིང་འབྲས་བུ་མེད་པར་ལྟ་ལ་འདི་ལྟར་ལྟ་ཞིང་འདི་སྐད་དུ་སྨྲ་སྟེ། ལས་འདི་མེད་དོ། །ལས་འདིའི་འབྲས་བུ་རྣམ་པར་སྨིན་པ་མེད་དོ། །ཞེས་ཟེར་བ་དེ་ལྟ་བུ་ནི། གཏི་མུག་ལས་བྱུང་བ་ཡིན་ནོ། །འདོད་པ་ལ་ལོག་པར་གཡེམ་པ་ནི།་རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །འདོད་པ་ལ་ལོག་པར་གཡེམ་པ་ཆགས་པ་ལས་བྱུང་བ་གང་ཞེ་ན། སྨྲས་པ།་ཇི་ལྟར་འདི་ན་ཁ་ཅིག་གང་ལ་ལྟ་ཞིང་སེམས་ཆགས་པ་དེ་ལ་འདོད་པ་ལ་ལོག་པར་གཡེམ་པ་ཀུན་ཏུ་སྤྱོད་པར་བྱེད་དོ། །དེ་མ་ཡིན་ཏེ། བདག་ཉིད་ལྟ་བ་དང་ལྡན་ཞིང་སེམས་ཆགས་པ་མེད་དུ་ཟིན་ཀྱང་དེ་འདི་སྙམ་དུ་སེམས་ཏེ། སེམས་ཅན་བདག་ལ་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་གང་ཡིན་པ་དེ་དག་ལ་མཁོ་བ་དང ། འཆང་བ་དང ། 387a ༄#། །ལོངས་སྤྱོད་དུ་འགྱུར་རོ་སྙམ་ནས་དེ་དག་གི་དོན་དུ་གཞན་དག་ལ་འདོད་པ་ལ་ལོག་པར་གཡེམ་པ་ཀུན་ཏུ་སྤྱོད་པར་བྱེད་དོ། །ཡང་ན་གཞན་དག་དེ་ལ་འདི་སྐད་དུ་ཁྱོད་ཚུར་ཤོག་ལ་མིང་འདི་ཞེས་བྱ་བ་ལ་འདོད་པ་ལ་ལོག་པར་གཡེམ་པ་ཀུན་ཏུ་སྤྱོད་ཅིག་དང ། ངས་ཁྱོད་ལ་འདི་དང་འདི་ལྟ་བུ་ཞིག་སྦྱིན་ནོ། །འདི་དང་འདི་ལྟ་བུ་ཞིག་བྱའོ། ། ཞེས་བསྒོས་ནས་དེས་ལོངས་སྤྱོད་དེ་དག་འདོད་ནས་གཞན་གྱི་དོན་དུ་འདོད་པ་ལ་ལོག་པར་གཡེམ་པ་ཀུན་ཏུ་སྤྱོད་པར་བྱེད་པ་དེ་ལྟ་བུ་ནི། ཆགས་པ་ལས་བྱུང་བ་ཡིན་ནོ། །ཞེ་སྡང་ལས་བྱུང་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གང་ཟག་གང་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་ལ་འདོད་པ་ལ་ལོག་པར་གཡེམ་པ་ཀུན་ཏུ་སྤྱོད་པར་བྱེད་དོ། །དེ་མ་ཡིན་ཏེ། དེ་ལ་ཀུན་ནས་མནར་སེམས་དང ། ཁྲོ་བའི་སེམས་མེད་དུ་ཟིན་ཀྱང་གང་ཟག་དེའི་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་གང་ཡིན་པ་དེ་དག་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་འདི་སྙམ་དུ་སེམས་ཏེ། དེ་དག་ཡུན་རིང་པོར་མི་བཟོད་ཅིང་མི་བདེ་ལ་སེམས་མངོན་པར་མི་དགའ་བར་འགྱུར་བར་བྱའོ་སྙམ་ནས་གང་ཟག་དེ་ལ་འདོད་པ་ལ་ལོག་པར་གཡེམ་པ་ཀུན་ཏུ་སྤྱོད་པ་དེ་ལྟ་བུ་ནི། ཞེ་སྡང་ལས་བྱུང་བ་ཡིན་ནོ། །གཏི་མུག་ལས་བྱུང་ 387b པ་ཇི་ལྟ་བུ་ཞེ་ན། སྨྲས་པ། དཔེར་ན། བྲམ་ཟེ་དག་འདི་སྐད་དུ་བྲམ་ཟེའི་ཆུང་མ་ནི། བཞི་སྟེ། བྲམ་ཟེ་མོ་དང ། རྒྱལ་རིགས་མོ་དང ། རྗེའུ་རིགས་མོ་དང ། དམངས་རིགས་མོའོ། །རྒྱལ་རིགས་ཀྱི་ནི། གསུམ་སྟེ། རྒྱལ་རིགས་མོ་དང ། རྗེའུ་རིགས་མོ་དང ། དམངས་རིགས་མོའོ། །རྗེའུ་རིགས་ཀྱི་ནི། གཉིས་ཏེ། རྗེའུ་རིགས་མོ་དང ། དམངས་རིགས་མོའོ། །དམངས་རིགས་ཀྱི་ནི། གཅིག་སྟེ། དམངས་རིགས་མོའོ། །ཞེས་ཟེར་བ་ལྟ་བུ་དང ། ནུབ་ཕྱོགས་ན་བྲམ་ཟེ་མཆུ་སྐྱེས་ཞེས་པ་དག་ཡོད་དེ། དེ་དག་ནི། འདི་སྐད་དུ་གང་ཕའམ། མའམ། བུ་མོའམ།་སྲིང་མོའམ། ཡང་ན་མཛའ་བོ་དང ། གཉེན་དང ། རྒན་རབས་ཀྱི་འདོད་པ་ལ་ལོག་པར་གཡེམ་པ་ཀུན་ཏུ་སྤྱོད་པ་དེ་ལ་ནི། གཞི་དེ་ལས་སྡིག་པར་འགྱུར་བ་མེད་དོ། །ཅིའི་ཕྱིར་ཞེ་ན།་སྨྲས་པ། བུད་མེད་ནི། འབྲས་ཆན་བཙོས་པ་དང་འདྲ་སྟེ། དཔེར་ན། འབྲས་ཆན་བཙོས་པ་ནི། འདི་ལྟ་སྟེ། ལོངས་སྤྱད་པར་བྱ་བའི་རྒྱུ་ཡིན་པ་དེ་བཞིན་དུ་བུད་མེད་ཀྱང་འདི་ལྟ་སྟེ། འཁྲིག་པར་བྱ་བའི་རྒྱུ་ཡིན་ནོ། །བུད་མེད་ནི། གཏུན་དང་འདྲ་སྟེ། དཔེར་ན། གཏུན་ནི། འདི་ལྟ་སྟེ། དྲུ་བའི་རྒྱུ་ཡིན་པ་དེ་བཞིན་དུ། བུད་མེད་ནི། འདི་ལྟ་སྟེ། འཁྲིག་པར་བྱ་བའི་རྒྱུ་ཡིན་ནོ། །བུད་མེད་ནི། ལམ་དང་འདྲ་སྟེ། དཔེར་ན། ལམ་ནི། འདི་ལྟ་སྟེ། འོང་བ་དང་འགྲོ་བར་བྱ་བའི་རྒྱུ་ཡིན་པ་དེ་བཞིན་དུ་བུད་མེད་ནི། འདི་ལྟ་སྟེ། འཁྲིག་པར་བྱ་བའི་རྒྱུ་ཡིན་ནོ། ། 388a ༄#། །བུད་མེད་ནི། ཆུ་ཀླུང་གི་ཆུ་རྐ་དང་འདྲ་སྟེ། དཔེར་ན། ཆུ་རྒ་ནི། འདི་ལྟ་སྟེ། ཁྲུས་ལ་སོགས་པ་བྱ་བའི་རྒྱུ་ཡིན་པ་དེ་བཞིན་དུ་བུད་མེད་ནི། འདི་ལྟ་སྟེ། འཁྲིག་པར་བྱ་བའི་རྒྱུ་ཡིན་ནོ། །བུད་མེད་ནི། མེ་ཏོག་དང་འབྲས་བུ་དང་འདྲ་སྟེ། དཔེར་ན། མེ་ཏོག་དང་འབྲས་བུ་ནི། འདི་ལྟ་སྟེ། ལོངས་སྤྱོད་པར་བྱ་བའི་རྒྱུ་ཡིན་པ་དེ་བཞིན་དུ་བུད་མེད་ནི། འདི་ལྟ་སྟེ། འཁྲིག་པར་བྱ་བའི་རྒྱུ་ཡིན་ནོ། །ཞེས་ཟེར་བ་ལྟ་བུ་དང ། འདི་སྐད་ཅེས་ཟེར་བ་ཡང་ཡོད་དེ། མི་རྣམས་ལ་འདོད་པ་ལ་ལོག་པར་གཡེམ་པར་འགྱུར་བ་མེད་དེ། ཅིའི་ཕྱིར་ཞེ་ན།་སྨྲས་པ། མི་རྣམས་ལས་ཐ་དད་པའི་མི་མེད་པའི་ཕྱིར་རོ། །ཞེས་ཟེར་ཏེ། ལས་དེ་ལ་ཅིའང་མི་འོང་བར་ལྟ་ཞིང་འབྲས་བུ་མེད་པར་ལྟ་ལ་འདི་ལྟར་ལྟ་ཞིང་འདི་སྐད་དུ་སྨྲ་སྟེ། ལས་འདི་མེད་དོ། །ལས་འདིའི་འབྲས་བུ་རྣམ་པར་སྨིན་པ་མེད་དོ། །ཞེས་ཟེར་བ་དེ་ལྟ་བུ་ནི། འདོད་པ་ལ་ལོག་པར་གཡེམ་པ་གཏི་མུག་ལས་བྱུང་བ་ཡིན་ནོ། །བརྫུན་དུ་སྨྲ་བ་ནི། རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །བརྫུན་དུ་སྨྲ་བ་ཆགས་པ་ལས་བྱུང་བ་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ཡོ་བྱད་གང་འདོད་པ་དེ་སྒྲུབ་པར་བྱེད་པ་ན། དེ་གཞན་ལ་བརྫུན་དུ་སྨྲ་བས་འདྲིད་པར་བྱེད་དོ། །དེ་མ་ཡིན་ཏེ། བདག་ཉིད་མི་འདོད་དུ་ཟིན་ཀྱང་དེ་འདི་སྙམ་དུ་སེམས་ཏེ། 388b སེམས་ཅན་བདག་ལ་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་གང་ཡིན་པ་དེ་དག་ལ་མཁོ་བ་དང ། འཆང་བ་དང ། ལོངས་སྤྱོད་དུ་འགྱུར་རོ་སྙམ་ནས་དེ་དག་གི་དོན་དུ་གཞན་དག་ལ་ཤེས་བཞིན་དུ་བརྫུན་དུ་སྨྲ་བས་འདྲིད་པར་བྱེད་དོ། །ཡང་ན་གཞན་དག་དེ་ལ་འདི་སྐད་དུ་ཁྱོད་ཚུར་ཤོག་ལ་མིང་འདི་ཞེས་བྱ་བ་ལ་ཤེས་བཞིན་དུ་བརྫུན་དུ་སྨྲ་བས་བྲིད་ཅིག་དང ། ངས་ཁྱོད་ལ་འདི་དང་འདི་ལྟ་བུ་ཞིག་སྦྱིན་ནོ། །འདི་དང་འདི་ལྟ་བུ་ཞིག་བྱའོ། །ཞེས་བསྒོས་ནས་དེ་ལོངས་སྤྱོད་དེ་དག་འདོད་ནས་གཞན་དག་ལ་ཤེས་བཞིན་དུ་བརྫུན་དུ་སྨྲ་བས་འདྲིད་པར་བྱེད་པ་དེ་ལྟ་བུ་ནི། ཆགས་པ་ལས་བྱུང་བ་ཡིན་ནོ། །ཞེ་སྡང་ལས་བྱུང་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གང་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་ལ་ཤེས་བཞིན་དུ་བརྫུན་དུ་སྨྲས་པས་འདྲིད་པར་བྱེད་དོ། །དེ་མ་ཡིན་ཏེ། དེ་ལ་ཀུན་ནས་མནར་སེམས་དང ། ཁྲོ་བའི་སེམས་མེད་དུ་ཟིན་ཀྱང་དེའི་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་གང་ཡིན་པ་དེ་དག་ལ་ཀུན་ནས་མནར་སེམས་དང་ཁྲོ་བའི་སེམས་ཡོད་པའི་ཕྱིར་དེ་འདི་སྙམ་དུ་སེམས་ཏེ། དེ་དག་ཡུན་རིང་པོར་མི་བཟོད་ཅིང་བདེ་ལ་སེམས་མངོན་པར་མི་དགའ་བར་འགྱུར་བར་བྱའོ་སྙམ་ནས་དེ་ལ་ཤེས་བཞིན་དུ་བརྫུན་དུ་སྨྲ་བས་འདྲིད་པར་བྱེད་པ་དེ་ལྟ་བུ་ནི། ཞེ་སྡང་ལས་བྱུང་བ་ཡིན་ནོ། །གཏི་མུག་ལས་བྱུང་བ་ 389a ༄#། །ཇི་ལྟ་བུ་ཞེ་ན། དཔེར་ན། དགོན་པའི་རི་དྭགས་མཐོང་ལ་རྔོན་པས་དེ་ལ་དྲིས་ཏེ། ཁྱོད་ཀྱིས་རི་དྭགས་མཐོང་ངམ་ཞེས་བྱས་ན། དེ་འདི་སྙམ་དུ་སེམས་ཏེ། རྔོན་པས་རི་དྭགས་གསད་ན་མི་རུང་ངོ་སྙམ་ནས་དེ་ལ་མ་མཐོང་ངོ ། །ཞེས་ཟེར་བ་ལྟ་བུ་དང ། དཔེར་ན། མི་རྒོད་ཀྱི་དཔུང་མཐོང་ལ་རྒྱལ་པོའི་དཔུང་གིས་དེ་ལ་དྲིས་ཏེ། ཅི་ཁྱོད་ཀྱིས་མི་རྒོད་ཀྱི་དཔུང་མཐོང་དམ་ཞེས་བྱས་ན། དེ་འདི་སྙམ་དུ་སེམས་ཏེ། རྒྱལ་པོའི་དཔུང་གིས་མི་རྒོད་ཀྱི་དཔུང་གསད་ན་མི་རུང་ངོ་སྙམ་ནས་བདག་གིས་མ་མཐོང་ངོ ། །ཞེས་ཟེར་པ་ལྟ་བུ་དང ། དཔེར་ན། རྒྱལ་པོའི་དཔུང་མཐོང་ལ་ཅི་ཁྱོད་ཀྱིས་རྒྱལ་པོའི་དཔུང་མཐོང་ངམ་ཞེས་དེ་ལ་དྲིས་ན། དེ་འདི་སྙམ་དུ་སེམས་ཏེ། མི་རྒོད་ཀྱི་དཔུང་གིས་རྒྱལ་པོའི་དཔུང་གསད་ན་མི་རུང་སྙམ་ནས་བདག་གིས་མ་མཐོང་ངོ ། །ཞེས་ཟེར་བ་ལྟ་བུ་སྟེ། ལས་དེ་ལ་ཅིའང་མི་འོང་བར་ལྟ་ཞིང་འབྲས་བུ་མེད་པར་ལྟ་ལ་འདི་ལྟར་ལྟ་ཞིང་འདི་སྐད་དུ་སྨྲ་སྟེ། ལས་འདི་མེད་དོ། །ལས་འདིའི་འབྲས་བུ་རྣམ་པར་སྨིན་པ་མེད་དོ། །ཞེས་གཏི་མུག་ལས་བྱུང་བའི་བརྫུན་དུ་སྨྲ་བར་བྱེད་པ་དེ་ལྟ་བུ་ནི། གཏི་མུག་ལས་བྱུང་བ་ཡིན་ནོ། །ཕྲ་མོ་ནི། རྣམ་པ་གསུམ་སྟེ།་ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །ཕྲ་མ་ཆགས་པ་ལས་བྱུང་བ་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ཡོ་བྱད་གང་འདོད་ 389b པ་དེའི་རྒྱུ་དང་དེའི་རྐྱེན་གྱིས་དེ་གཞན་དག་གི་མཛའ་བོ་འབྱེད་པར་བྱེད་དོ། །དེ་མ་ཡིན་ཏེ། བདག་ཉིད་མི་འདོད་དུ་ཟིན་ཀྱང་དེ་འདི་སྙམ་དུ་སེམས་ཏེ། སེམས་ཅན་བདག་ལས་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་གང་ཡིན་པ་དེ་དག་ལ་མཁོ་བ་དང ། འཆང་བ་དང ། ལོངས་སྤྱོད་དུ་འགྱུར་རོ་སྙམ་ནས་དེ་དག་གི་དོན་དུ་གཞན་དག་གི་མཛའ་བ་འབྱེད་པར་བྱེད་དོ། །ཡང་ན་གཞན་གྱིས་དེ་ལ་འདི་སྐད་དུ་ཁྱོད་ཚུར་ཤོག་ལ་མིང་འདི་ཞེས་བྱ་བའི་མཛའ་བོ་ཕྱེ་ཞིག་དང ། ངས་ཁྱོད་ལ་འདི་དང་འདི་ལྟ་བུ་ཞིག་སྦྱིན་ནོ། །འདི་དང་འདི་ལྟ་བུ་ཞིག་བྱའོ།། ཞེས་བསྒོས་ནས་དེས་ལོངས་སྤྱོད་དེ་དག་འདོད་ནས་གཞན་དག་གི་མཛའ་བོ་འབྱེད་པར་བྱེད་དོ། །དཔེར་ན། བྲམ་ཟེའི་བསོད་སྙོམས་སྟེར་པའི་ཁྱིམ་ནོར་མ་བགོས་པ་དེ་དག་ལས་དེའི་ལྷུང་བཟེད་གཅིག་དང ། གོས་གཅིག་དང ། ཟན་གཅིག་པུ་འོང་བ་ལ་དེ་འདི་སྙམ་དུ་སེམས་ཏེ། ཇི་སྲིད་དུ་འདི་དག་ལྷན་ཅིག་ན་འཁོད་ཅིང་མཐུན་པ་དེ་སྲིད་དུ་འདི་དག་ལས་བདག་གི་ལྷུང་བཟེད་གཅིག་དང ། གོས་གཅིག་དང ། ཟན་གཅིག་པུ་འོང་གི་།བདག་གིས་འདི་དག་དབྱེ་བའི་ཐབས་ཤིག་བྱ་གོར་མ་ཆག་སྙམ་ནས་དེ་དག་འབྱེད་པའི་ཐབས་བྱེད་པ་ལྟ་བུ་དང ། དཔེར་ན།་རྒྱལ་པོ་གཉིས་ཕན་ཚུན་མི་མཐུན་ཏེ། ནང་ན་འཁོད་པ་རྣམས་ནི། ཕྱི་རོལ་གྱི་ལོངས་སྤྱོད་འདོད་ནས་ཕྱི་རོལ་པ་རྣམས་དབྱེ་བའི་ཐབས་བྱེད་ལ། ཕྱི་རོལ་པ་རྣམས་ནི། ནང་གི་ལོངས་ 390a ༄#། །སྤྱོད་འདོད་ནས་ནང་ན་འཁོད་པ་རྣམས་དབྱེ་བའི་ཐབས་བྱེད་པ་དེ་ལྟ་བུ་ནི། ཆགས་པ་ལས་བྱུང་བ་ཡིན་ནོ། །ཞེ་སྡང་ལས་བྱུང་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གང་ལ་ཀུན་ནས་མནར་སེམས་དང་ཁྲོ་བའི་སེམས་ཡོད་པའི་ཕྱིར་དེའི་མཛའ་བོ་འབྱེད་པར་བྱེད་དོ། །དེ་མ་ཡིན་ཏེ། དེ་ལ་ཀུན་ནས་མནར་སེམས་དང ། ཁྲོ་བའི་སེམས་མེད་དུ་ཟིན་ཀྱང་སེམས་ཅན་དེ་དག་གི་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་དེ་དག་ལ་ཀུན་ནས་མནར་སེམས་དང་ཁྲོ་བའི་སེམས་ཡོད་པའི་ཕྱིར་དེ་འདི་སྙམ་དུ་སེམས་ཏེ། དེ་དག་ཡུན་རིང་པོར་མི་བཟོད་ཅིང་མི་བདེ་ལ་སེམས་མངོན་པར་མི་དགའ་བར་འགྱུར་བར་བྱའོ་སྙམ་ནས་དེ་དག་གི་མཛའ་བོ་དེ་འབྱེད་པར་བྱེད་པ་དེ་ལྟ་བུ་ནི། ཞེ་སྡང་ལས་བྱུང་བ་ཡིན་ནོ། །གཏི་མུག་ལས་བྱུང་བ་ཇི་ལྟ་བུ་ཞེ་ན། བྲམ་ཟེ་དག་འདི་སྐད་དུ་ལུག་གསོད་པ་དང ། བྱ་གག་གསོད་པ་དང ། ཕག་གསོད་པ་དང ། བྱ་བ་དང ། རྔོན་པ་དང ། ཆོམ་རྐུན་དང ། གཤེད་མ་དང ། བཙོན་རྫི་དང ། ཁྱི་ཤ་ཅན་དང ། རི་བོང་རྒྱས་འཆོར་བ་དེ་དག་ནི། དབྱེ་བར་བྱའོ། །ཅིའི་ཕྱིར་ཞེ་ན། ཇི་སྲིད་དུ་འདི་དག་ལྷན་ཅིག་འཁོད་ཅིང་མཐུན་པ་དེ་སྲིད་དུ་བསོད་ནམས་མ་ཡིན་པ་མང་དུ་འཕེལ་བར་འགྱུར་ལ། ཕྱི་ན་ནི། དེ་ལྟར་མི་འགྱུར་རོ། །ཞེས་ཟེར་ཏེ། ལས་དེ་ལ་ཅིའང་མི་འོང་བར་ལྟ་ཞིང་འབྲས་བུ་མེད་པར་ 390b ལྟ་ལ་འདི་ལྟར་ལྟ་ཞིང་འདི་སྐད་དུ་སྨྲས་ཏེ། ལས་འདི་མེད་དོ། །ལས་འདིའི་འབྲས་བུ་རྣམ་པར་སྨིན་པ་མེད་དོ། །ཞེས་ཟེར་ཏེ་གཏི་མུག་ལས་བྱུང་བའི་ཕྲ་མ་ཟེར་བ་དེ་ལྟ་བུ་ནི། གཏི་མུག་ལས་བྱུང་བ་ཡིན་ནོ། །ཚིག་རྩུབ་པོ་ནི། རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །ཚིག་རྩུབ་པོ་ཆགས་པ་ལས་བྱུང་བ་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ཡོ་བྱད་གང་འདོད་པ་དེའི་རྒྱུ་དང ། རྐྱེན་གྱིས་གཞན་ལ་ཚིག་རྩུབ་པོས་ཀུན་ཏུ་སྤྱོ་བར་བྱེད་དོ། །དེ་མ་ཡིན་ཏེ། བདག་ཉིད་མི་འདོད་དུ་ཟིན་ཀྱང་དེ་འདི་སྙམ་དུ་སེམས་ཏེ། སེམས་ཅན་བདག་ལ་སྡུག་པ་དང ། གཙེས་པ་དང ། དགའ་བ་དང ། ཡིད་དུ་འོང་བ་དེ་དག་ལ་མཁོ་བ་དང ། འཆང་བ་དང ། ལོངས་སྤྱོད་དུ་འགྱུར་རོ་སྙམ་ནས་དེ་དག་གི་དོན་དུ་གཞན་ལ་ཚིག་རྩུབ་པོས་ཀུན་ཏུ་སྤྱོ་བར་བྱེད་དེ། དཔེར་ན། ཡི་གེའམ། རྩིས་སམ། བགྲང་བའམ། ལག་རྩིས་སམ། བཟོའི་གནས་སམ། ལས་ཀྱི་གནས་གང་ཡང་རུང་བའི་སྒོ་ནས་གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་དེ་དང་དེ་དག་ཏུ་བསྒོས་ན། དེས་ལོངས་སྤྱོད་དེ་དག་འདོད་ནས་གཞན་ལ་ཚིག་རྩུབ་པོས་ཀུན་ཏུ་སྤྱོ་བར་བྱེད་དོ། །ཡང་ན་གཞན་གྱིས་དེ་ལ་འདི་སྐད་དུ། ཁྱོད་ཚུར་ཤོག་ལ་མིང་འདི་ཞེས་བྱ་བ་ལ་ཚིག་རྩུབ་པོས་ཀུན་ཏུ་སྤྱོས་ཤིག་དང ། ངས་ཁྱོད་ལ་འདི་དང་འདི་ལྟ་བུ་ཞིག་སྦྱིན་ 391a ༄#། །ནོ། །འདི་དང་འདི་ལྟ་བུ་ཞིག་བྱའོ། །ཞེས་བསྒོས་ནས་དེ་ལོངས་སྤྱོད་དེ་དག་འདོད་ནས་གཞན་ལ་ཚིག་རྩུབ་པོས་ཀུན་ཏུ་སྤྱོ་བར་བྱེད་པ་དེ་ལྟ་བུ་ནི། ཆགས་པ་ལས་བྱུང་བ་ཡིན་ནོ། །ཞེ་སྡང་ལས་བྱུང་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གང་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་ལ་ཚིག་རྩུབ་པོས་ཀུན་ཏུ་སྤྱོ་བར་བྱེད་དོ། །དེ་མ་ཡིན་ཏེ། དེ་ལ་ཀུན་ནས་མནར་སེམས་དང ། ཁྲོ་བའི་སེམས་མེད་དུ་ཟིན་ཀྱང་གང་དག་གི་སེམས་ཅན་སྡུག་བསྔལ་བ་དང ། གཅེས་པ་དང ། དགའ་བ་དང ། ཡིད་དུ་འོང་བ་དེ་དག་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་འདི་སྙམ་དུ་སེམས་ཏེ། དེ་དག་ཡུན་རིང་པོར་མི་བཟོད་ཅིང་མི་བདེ་ལ་སེམས་མངོན་པར་མི་དགའ་བར་བྱའོ་སྙམ་ནས་སེམས་ཅན་དེ་ལ་ཚིག་རྩུབ་པོས་ཀུན་ཏུ་སྤྱོ་བར་བྱེད་པ་དེ་ལྟ་བུ་ནི། ཞེ་སྡང་ལས་བྱུང་བ་ཡིན་ནོ། །གཏི་མུག་ལས་བྱུང་བ་ཇི་ལྟ་བུ་ཞེ་ན། སྨྲས་པ། དཔེར་ན། མེའི་ལས་སྤྱོད་པ་དང ། རལ་པ་ཅན་དག་ནི། ཕལ་ཆེར་ཚིག་རྩུབ་པོ་སྨྲ་བ་ཡིན་ཏེ། དེ་དག་གི་སློབ་མ་ཁྱིམ་པ་གོས་དཀར་པོ་ཅན་གང་ཡིན་པ་དེ་དག་འདི་སྙམ་དུ་སེམས་ཏེ།་བདག་ཅག་གི་སྟོན་པ་ནི། ཤེས་པས་ཤེས་ཤིང ། མཐོང་བས་མཐོང་ལ། དེ་ལ་ཚིག་རྩུབ་པོ་སྨྲ་བས་ན། འདི་ལྟ་སྟེ། ཚིག་རྩུབ་པོ་འདི་ནི། ལེགས་པ་ཞིག་ཡིན་གོར་མ་ཆག་ 391b གོ། འདི་ནི། ཤིན་ཏུ་བཟང་བ་ཞིག་ཡིན་གོར་མ་ཆག་གོ་སྙམ་སྟེ། ལས་དེ་ལ་ཅིའང་མི་འོང་བར་ལྟ་ཞིང་འབྲས་བུ་མེད་པར་ལྟ་ལ་འདི་སྐད་དུ་སྨྲ་སྟེ། ལས་འདི་མེད་དོ། །ལས་འདིའི་འབྲས་བུ་རྣམ་པར་སྨིན་པ་མེད་དོ། །ཞེས་ཟེར་ཏེ། གཏི་མུག་ལས་བྱུང་བའི་ཚིག་རྩུབ་པོ་སྨྲ་བ་དེ་ལྟ་བུ་ནི། གཏི་མུག་ལས་བྱུང་བ་ཡིན་ནོ། །ཚིག་ཀྱལ་པ་ནི། རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །ཚིག་ཀྱལ་པ་ཆགས་པ་ལས་བྱུང་བ་གང་ཞེ་ན། སྨྲས་པ། ཇི་ལྟར་འདི་ན་ཁ་ཅིག་ཡོ་བྱད་གང་འདོད་པ་དེའི་རྒྱུ་དང ། དེའི་རྐྱེན་གྱིས་གཞན་དག་ལ་ཚིག་ཀྱལ་པས་འདྲིད་པར་བྱེད་དོ། །དེ་མ་ཡིན་ཏེ། བདག་ཉིད་མི་འདོད་དུ་ཟིན་ཀྱང་དེ་འདི་སྙམ་དུ་སེམས་ཏེ། སེམས་ཅན་བདག་ལ་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་དེ་དག་ལ་མཁོ་པ་དང ། འཆང་བ་དང ། དེ་དག་གི་ལོངས་སྤྱོད་དུ་འགྱུར་རོ་སྙམ་ནས་དེ་དག་གི་དོན་དུ་གཞན་ལ་ཚིག་ཀྱལ་པས་འདྲིད་པར་བྱེད་དོ། ། ཡང་ན་གཞན་གྱིས་དེ་ལ་འདི་སྐད་དུ་ཁྱོད་ཚུར་ཤོག་ལ་མིང་འདི་ཞེས་བྱ་བ་ལ་ཚིག་ཀྱལ་པས་བྲིད་ཅིག་དང ། ངས་ཁྱོད་ལ་འདི་དང་འདི་ལྟ་བུ་ཞིག་སྦྱིན་ནོ། །འདི་དང་འདི་ལྟ་བུ་ཞིག་བྱའོ། ། ཞེས་བསྒོས་ནས་དེ་ལོངས་སྤྱོད་དེ་དག་འདོད་ནས་གཞན་དག་ལ་ཚིག་ཀྱལ་པས་འབྲིད་པར་བྱེད་དེ། དཔེར་ན། བུད་མེད་སྐྱེས་པ་ལ་རག་ལས་ན་ཚིག་ཀྱལ་པ་མང་དུ་སྨྲ་བ་དང ། སྐྱེས་བ་བུད་ 392a ༄#། །མེད་ལ་རག་ལས་ན། ཚིག་ཀྱལ་པ་མང་དུ་སྨྲ་བ་ལྟ་བུ་དང ། དཔེར་ན། ཟློས་གར་མཁན་དང ། གར་མཁན་དང ། བཞད་གད་དང ། སྒེག་པ་དང ། སྨད་ཚོང་མ་དང ། སྨད་ཚོང་མའི་གཙོ་མོ་དང ། སྒྱུ་རྩལ་བྱེད་པ་རྣམས་ཀྱིས་གཞན་དག་གི་ལོངས་སྤྱོད་དག་འདོད་ནས་གཞན་དག་ལ་ཚིག་ཀྱལ་པ་སྨྲ་བར་བྱེད་པ་ལྟ་བུའམ། ཡང་ན་སངས་རྒྱས་ཀྱིས་གསུངས་པ་དབྱངས་དང་སྦྱོར་བ་ལ་ཆགས་ཏེ། ཆགས་པ་ལས་བྱུང་བའི་ཚིག་ཀྱལ་པ་སྨྲ་བ་དེ་ལྟ་བུ་ནི། ཆགས་པ་ལས་བྱུང་བ་ཡིན་ནོ། །ཚིག་ཀྱལ་པ་ཞེ་སྡང་ལས་བྱུང་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གང་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་ལ་ཚིག་ཀྱལ་པས་འདྲིད་པར་བྱེད་དོ། །དེ་མ་ཡིན་ཏེ། དེ་ལ་ཀུན་ནས་མནར་སེམས་དང ། ཁྲོ་བའི་སེམས་མེད་དུ་ཟིན་ཀྱང་དེ་དེ་དག་གི་སེམས་ཅན་སྡུག་པ་དང ། གཅེས་པ་དང ། དགའ་བ་དང ། ཡིད་དུ་འོང་བ་དེ་དག་ལ་ཀུན་ནས་མནར་སེམས་དང ། ཁྲོ་བའི་སེམས་ཡོད་པའི་ཕྱིར་དེ་འདི་སྙམ་དུ་སེམས་ཏེ། དེ་དག་ཡུན་རིང་པོར་མི་བཟོད་ཅིང་མི་བདེ་ལ་སེམས་མངོན་པར་མི་དགའ་བར་འགྱུར་བར་བྱའོ་སྙམ་ནས་དེ་དག་ལ་ཚིག་ཀྱལ་པས་འདྲིད་པར་བྱེད་པ་དེ་ལྟ་བུ་ནི། ཞེ་སྡང་ལས་བྱུང་བ་ཡིན་ནོ། །ཚིག་ཀྱལ་པ་གཏི་མུག་ལས་བྱུང་བ་ཇི་ལྟ་བུ་ཞེ་ན། སྨྲས་པ། བྲམ་ཟེ་དག་འདི་སྐད་དུ། མི་ནི། 392b མེས་དག་པར་འགྱུར་རོ། །གྲོལ་བར་འགྱུར་རོ། །ངེས་པར་འབྱུང་བར་འགྱུར་རོ། །བདེ་བ་དང་སྡུག་བསྔལ་བ་ལས་འདའ་བར་འགྱུར་རོ། །བདེ་བ་དང་སྡུག་བསྔལ་བ་ལས་འདས་པ་ཡང་ཐོབ་པར་འགྱུར་རོ། །དེ་བཞིན་དུ་མཆོད་སྦྱིན་དང ། དཀའ་ཐུབ་ངན་པ་རྣམ་པ་སྣ་ཚོགས་ཀྱང་དེ་དང་འདྲའོ། །ཞེས་ཟེར་ཏེ། ལས་དེ་ལ་ཅིའང་མི་འོང་བར་ལྟ་ཞིང་འབྲས་བུ་མེད་པར་ལྟ་ལ། འདི་ལྟར་ལྟ་ཞིང་འདི་སྐད་དུ་སྨྲ་སྟེ། ལས་འདི་མེད་དོ། །ལས་འདིའི་འབྲས་བུ་རྣམ་པར་སྨིན་པ་མེད་དོ། །ཞེས་ཟེར་ཏེ། གཏི་མུག་ལས་བྱུང་བའི་ཚིག་ཀྱལ་པ་སྨྲ་བ་དེ་ལྟ་བུ་ནི། གཏི་མུག་ལས་བྱུང་བ་ཡིན་ནོ། །བརྣབ་སེམས་ནི། རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །བརྣབ་སེམས་ཆགས་པ་ལས་བྱུང་བ་ཇི་ལྟ་བུ་ཞེ་ན། སྨྲས་པ། དཔེར་ན། ཆགས་པའི་ཀུན་ནས་དཀྲིས་པའི་རྗེས་ཐོགས་སུ་བརྣབ་སེམས་ཀྱི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི། བརྣབ་སེམས་ཆགས་པ་ལས་བྱུང་བ་ཡིན་ནོ། །བརྣབ་སེམས་ཞེ་སྡང་ལས་བྱུང་བ་གང་ཞེ་ན། སྨྲས་པ། དཔེར་ན། ཞེ་སྡང་གི་ཀུན་ནས་དཀྲིས་པའི་རྗེས་ཐོགས་སུ་བརྣབ་སེམས་ཀྱི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ།་འདི་ནི། བརྣབ་སེམས་ཞེ་སྡང་ལས་བྱུང་བ་ཡིན་ནོ། །བརྣབ་སེམས་གཏི་མུག་ལས་བྱུང་བ་གང་ཞེ་ན། སྨྲས་པ། དཔེར་ན། གཏི་མུག་གི་ཀུན་ནས་དཀྲིས་པའི་རྗེས་ཐོགས་སུ་བརྣབ་སེམས་ 393a ༄#། །ཀྱི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི། གཏི་མུག་ལས་བྱུང་བ་ཡིན་ནོ། །གནོད་སེམས་ནི། རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །གནོད་སེམས་ཆགས་པ་ལས་བྱུང་བ་གང་ཞེ་ན། སྨྲས་པ། དཔེར་ན། ཆགས་པའི་ཀུན་ནས་དཀྲིས་པའི་རྗེས་ཐོགས་སུ་གནོད་སེམས་ཀྱི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི། ཆགས་པ་ལས་བྱུང་བའོ། །གནོད་སེམས་ཞེ་སྡང་ལས་བྱུང་བ་གང་ཞེ་ན། སྨྲས་པ། དཔེར་ན། ཞེ་སྡང་གི་ཀུན་ནས་དཀྲིས་པའི་རྗེས་ཐོགས་སུ་གནོད་སེམས་ཀྱི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི། ཞེ་སྡང་ལས་བྱུང་བ་ཡིན་ནོ། །གནོད་སེམས་གཏི་མུག་ལས་བྱུང་བ་གང་ཞེ་ན། སྨྲས་པ།་དཔེར་ན། གཏི་མུག་གི་ཀུན་ནས་དཀྲིས་པའི་རྗེས་ཐོགས་སུ་གནོད་སེམས་ཀྱི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི། གཏི་མུག་ལས་བྱུང་བའོ། །ལོག་པར་ལྟ་བ་ནི།་རྣམ་པ་གསུམ་སྟེ། ཆགས་པ་ལས་བྱུང་བ་དང ། ཞེ་སྡང་ལས་བྱུང་བ་དང ། གཏི་མུག་ལས་བྱུང་བའོ། །ལོག་པར་ལྟ་བ་ཆགས་པ་ལས་བྱུང་བ་གང་ཞེ་ན། སྨྲས་པ། དཔེར་ན། ཆགས་པ་ཀུན་ནས་དཀྲིས་པའི་རྗེས་ཐོགས་སུ་ལོག་པར་ལྟ་བའི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི། ཆགས་པ་ལས་བྱུང་བའོ། །ལོག་པར་ལྟ་བ་ཞེ་སྡང་ལས་བྱུང་ 393b བ་ཇི་ལྟ་བུ་ཞེ་ན། སྨྲས་པ། དཔེར་ན། ཞེ་སྡང་གི་ཀུན་ནས་དཀྲིས་པའི་རྗེས་ཐོགས་སུ་ལོག་པར་ལྟ་བའི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི། ཞེ་སྡང་ལས་བྱུང་བ་ཡིན་ནོ། ། ལོག་པར་ལྟ་བ་གཏི་མུག་ལས་བྱུང་བ་ཇི་ལྟ་བུ་ཞེ་ན། སྨྲས་པ། དཔེར་ན། གཏི་མུག་གི་ཀུན་ནས་དཀྲིས་པའི་རྗེས་ཐོགས་སུ་ལོག་པར་ལྟ་བའི་ཀུན་ནས་དཀྲིས་པ་སྐྱེད་པར་བྱེད་པ་ལྟ་བུ་སྟེ། འདི་ནི།་གཏི་མུག་ལས་བྱུང་བའོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། སྲོག་གཅོད་པ་ནི། རྣམ་པ་གསུམ་སྟེ། ཆུང་ངུ་དང ། འབྲིང་དང ། ཆེན་པོའོ། །སྲོག་གཅོད་པ་ཆེན་པོ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི། ལུས་དང་བྲལ་ཏེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །སྲོག་གཅོད་པ་འབྲིང་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི། ལུས་དང་བྲལ་ཏེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་དུད་འགྲོ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ། །སྲོག་གཅོད་པ་ཆུང་ངུ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི། ལུས་དང་བྲལ་ཏེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་ཡི་དྭགས་རྣམས་དང་སྐལ་པ་མཉམ་པར་སྐྱེ་བར་འགྱུར་རོ། །ཇི་ལྟར་སྲོག་གཅོད་པ་རྣམ་པ་གསུམ་ཡོད་པ་དེ་བཞིན་དུ་མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་ 394a ༄#། །སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་བ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་ལ་ཡང་ཆུང་ངུ་དང ། འབྲིང་དང ། ཆེན་པོ་ཡོད་དེ། ལོག་པར་ལྟ་བ་ཆེན་པོ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །ལོག་པར་ལྟ་བ་འབྲིང་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི། ལུས་དང་བྲལ་ཏེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་དུད་འགྲོ་རྣམས་དང་སྐལ་པ་མཉམ་པར་སྐྱེ་བར་འགྱུར་རོ། །ལོག་པར་ལྟ་བ་ཆུང་ངུ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི། ལུས་དང་བྲལ་ཏེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་ཡི་དྭགས་ཁམས་དང་སྐལ་པ་མཉམ་པར་སྐྱེ་བར་འགྱུར་རོ། །ལས་གདགས་པ་ཚིགས་གསུམ་པའོ།། །།སྡོམ་ནི། ཆུང་དང་འབྲིང་དང་ཆེན་པོ་དང ། ། ཆ་ཤས་ཇི་ལྟར་གསེ་བ་དང ། །ཉེས་པར་སྤྱོད་པས་བསྡུས་པ་དང ། །ཆོས་གསུམ་དག་དང་ལྡན་ཅིག་འབྱུང ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ་སྲོག་གཅོད་པ་ནི། རྣམ་པ་གསུམ་སྟེ། ཆུང་ངུ་དང ། འབྲིང་དང ། ཆེན་པོའོ། །སྲོག་གཅོད་པ་ཆུང་ངུ་དང ། འབྲིང་དང ། ཆེན་པོར་ཇི་ལྟར་ཤེས་པར་བྱ་ཞེ་ན། སྨྲས་པ། སོ་སོའི་རྒྱུ་ལས་སྲོག་ 394b གཅོད་པ་ཆུང་ངུ་དང ། འབྲིང་དང ། ཆེན་པོར་ཤེས་པར་བྱའོ། །ཇི་ལྟ་ཞེ་ན། སྨྲས་པ། ཀུན་ནས་དཀྲིས་པ་ཆུང་ངུས་ཀུན་ནས་དཀྲིས་ཏེ་སྲོག་ཆགས་ཀྱི་སྲོག་གཅོད་པར་བྱེད་ན་ནི། རྣམ་པར་སྨིན་པ་ཆུང་ངུར་འགྱུར་རོ། །ཀུན་ནས་དཀྲིས་པ་འབྲིང་དང ། ཆེན་པོས་ཀུན་ནས་དཀྲིས་ཏེ་སྲོག་ཆགས་ཀྱི་སྲོག་གཅོད་པར་བྱེད་ན་ནི། རྣམ་པར་སྨིན་པ་འབྲིང་དང ། ཆེན་པོར་འགྱུར་ཏེ། དཔེར་ན། དགེ་བའི་རྩ་བ་ཆད་པ་གཉིས་ཤིག་སྲོག་ཆགས་ཀྱི་སྲོག་གཅོད་པར་བྱེད་ལ། དེ་གཉི་ག་ཡང་ཕ་ཡང་མ་ཡིན། མ་ཡང་མ་ཡིན་ན། གང་ཁ་ན་མ་ཐོ་བ་ཆེན་པོ་འགྱུར་ཞེ་ན། སྨྲས་པ། གང་ཀུན་ནས་དཀྲིས་པ་ཆེས་ཆེ་བས་ཀུན་ནས་དཀྲིས་ཏེ་སྲོག་གཅོད་པར་བྱེད་པའོ། །ཀུན་ནས་དཀྲིས་པ་མཉམ་པའི་ནི། རྣམ་པར་སྨིན་པ་ཡང་མཉམ་མོ། ། གཅིག་ནི། ཕའམ། མ་ཡིན་ན། གང་ཁ་ན་མ་ཐོ་བ་ཆེས་ཆེ་བར་འགྱུར་ཞེ་ན། སྨྲས་པ། ཕའམ། མ་གང་ཡིན་པའོ། །གཉི་ག་ཕའམ། མ་ཡིན་ན། གང་ཁ་ན་མ་ཐོ་བ་ཆེས་ཆེ་བར་འགྱུར་ཞེ་ན། སྨྲས་པ། གང་ཀུན་ནས་དཀྲིས་པ་ཆེས་ཆེ་བས་ཀུན་ནས་དཀྲིས་ཏེ་སྲོག་གཅོད་པར་བྱེད་པའོ། །ཀུན་ནས་དཀྲིས་པ་མཉམ་པའི་ནི། རྣམ་པར་སྨིན་པ་ཡང་མཉམ་པ་ལྟ་བུའོ། དཔེར་ན། དགེ་བའི་རྩ་བ་ཆད་པ་མ་ཡིན་པ་གཉིས་ཤིག་སྲོག་ཆགས་ཀྱི་སྲོག་གཅོད་པར་བྱེད་ལ་དེ་གཉི་ག་ཕ་ཡང་མ་ཡིན་མ་ཡང་མ་ཡིན་ན། གང་ཁ་ན་མ་ཐོ་བ་ཆེས་ཆེ་བར་འགྱུར་ཞེ་ 395a ༄#། །ན།་སྨྲས་པ། གང་ཆེས་དགེ་བའི་ཆོས་ཅན་ཡིན་པའོ། །གཉི་ག་ཆོས་ཅན་དུ་མཉམ་ན་གང་ཆེས་ཁ་ན་མ་ཐོ་བ་ཆེན་པོར་འགྱུར་ཞེ་ན། སྨྲས་པ། གང་ཀུན་ནས་དཀྲིས་པ་ཆེན་པོས་ཀུན་ནས་དཀྲིས་ཏེ་སྲོག་གཅོད་པར་བྱེད་པའོ། །ཀུན་ནས་དཀྲིས་པ་མཉམ་པའི་ནི། རྣམ་པར་སྨིན་པ་ཡང་མཉམ་མོ། །གཅིག་ནི། ཕའམ་མ་ཡིན་ན། གང་ཁ་ན་མ་ཐོ་བ་ཆེས་ཆེ་བར་འགྱུར་ཞེ་ན། སྨྲས་པ། ཕའམ་མ་གང་ཡིན་པའོ། །གཉི་ག་ཕའམ་མ་ཡིན་ན། གང་ཁ་ན་མ་ཐོ་བ་ཆེས་ཆེ་བར་འགྱུར་ཞེ་ན། སྨྲས་པ། གང་ཆེས་དགེ་བའི་ཆོས་ཅན་ཡིན་པའོ། །གཉི་ག་ཆོས་ཅན་དུ་མཉམ་ན། གང་ཆེས་ཁ་ན་མ་ཐོ་བ་ཆེན་པོར་འགྱུར་ཞེ་ན། སྨྲས་པ། གང་ཀུན་ནས་དཀྲིས་པ་ཆེན་པོས་ཀུན་ནས་དཀྲིས་ཏེ་སྲོག་གཅོད་པར་བྱེད་པའོ། །ཀུན་ནས་དཀྲིས་པ་མཉམ་པའི་ནི། རྣམ་པར་སྨིན་པ་ཡང་མཉམ་པ་ལྟ་བུའོ། །སྲོག་གཅོད་པ་ཇི་ལྟ་བ་བཞིན་དུ་མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་བ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་རྣམས་ཀྱང་དེ་བཞིན་དུ་སྦྱར་རོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། ཉེས་པར་སྤྱོད་པ་ནི། རྣམ་པ་གསུམ་སྟེ། ལུས་ཀྱིས་ཉེས་པར་སྤྱོད་པ་དང ། ངག་གིས་ཉེས་པར་སྤྱོད་པ་དང ། 395b ཡིད་ཀྱིས་ཉེས་པར་སྤྱོད་པ་དང ། ཅི་མི་དགེ་བ་བཅུའི་ལས་རྣམས་ཀྱིས་ཉེས་པར་སྤྱོད་པ་གསུམ་བསྡུས་སམ། འོན་ཏེ་གསུམ་གྱིས་བཅུ་བསྡུས་ཤེ་ན། སྨྲས་པ། གསུམ་གྱིས་བཅུ་བསྡུས་ཀྱི། བཅུས་ནི། གསུམ་མ་བསྡུས་སོ། །གང་མ་བསྡུས་ཤེ་ན། སྨྲས་པ། ལུས་ཀྱིས་ཉེས་པར་སྤྱོད་པ་དང ། ངག་གིས་ཉེས་པར་སྤྱོད་པ་དང ། ཡིད་ཀྱིས་ཉེས་པར་སྤྱོད་པ་མ་བསྡུས་སོ། །ལུས་ཀྱིས་ཉེས་པར་སྤྱོད་པ་ནི། རྣམ་པ་གསུམ་སྟེ། སྲོག་ཆགས་གསོད་པ་དང ། མ་བྱིན་པ་ལེན་པ་དང ། འདོད་པ་ལ་ལོག་པར་གཡེམ་པའོ། །ཅི་ལུས་ཀྱི་ཉེས་པར་སྤྱོད་པ་རྣམ་པ་གསུམ་གྱིས་ལུས་ཀྱི་ཉེས་པར་སྤྱོད་པ་ཐམས་ཅད་བསྡུས་སམ། འོན་ཏེ་ཐམས་ཅད་ཀྱིས་རྣམ་པ་གསུམ་བསྡུས་ཤེ་ན། སྨྲས་པ། ལུས་ཀྱིས་ཉེས་པར་སྤྱོད་པ་ཐམས་ཅད་ཀྱིས་ལུས་ཀྱི་ཉེས་པར་སྤྱོད་པ་རྣམ་པ་གསུམ་བསྡུས་ཀྱི། རྣམ་པ་གསུམ་གྱིས་ནི། ཐམས་ཅད་མ་བསྡུས་སོ། །གང་མ་བསྡུས་ཤེ་ན། སྨྲས་པ། ལག་པ་དང ། ཁུ་ཚུར་དང ། ཐལ་ལྕག་གིས་བསྣུན་པ་དང ། ཡལ་ག་དང་ལྕུག་མས་གནོད་པར་བྱ་བ་དང་ལྡན་པའི་ལུས་ཀྱི་ལས་དང ། འབྲུའི་ཆང་དང་འབྲས་བུའི་ཆང་འཐུང་བ་དང ། བརྐུ་བའི་སེམས་ཀྱིས་རང་གི་རྫས་ཁྱེར་བ་དང ། བརྗེད་ངས་པ་དང་ཤེས་བཞིན་མེད་པས་ཁ་ཟས་ཟ་བའི་ལུས་ཀྱི་ལས་གང་ཡིན་པ་དང ། བདག་གི་ཆུང་མ་ལ་ལོག་པར་འཇུག་པ་དང ། ཕྱོགས་གང་ན་ཚུལ་ཁྲིམས་འཆལ་ 396a ༄#། །བའི་སྐྱེས་བུ་གང་ཟག་རྣམས་འཁོད་པ་དེ་ཡོངས་སུ་མ་སྤངས་པ་དང་ལྡན་པའི་ལུས་ཀྱི་ལས་སོ། །ངག་གི་ཉེས་པར་སྤྱོད་པ་ནི། རྣམ་པ་བཞི་སྟེ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པའོ། །ཅི་ངག་གིས་ཉེས་པར་སྤྱོད་པ་རྣམ་པ་བཞིས་ངག་གི་ཉེས་པར་སྤྱོད་པ་ཐམས་ཅད་བསྡུས་སམ། འོན་ཏེ་ཐམས་ཅད་ཀྱིས་རྣམ་པ་བཞི་བསྡུས་ཤེ་ན། སྨྲས་པ། ངག་གི་ཉེས་པར་སྤྱོད་པ་ཐམས་ཅད་ཀྱིས་ངག་གི་ཉེས་པར་སྤྱོད་པ་བཞི་བསྡུས་ཀྱི། རྣམ་པ་བཞིས་ནི། ཐམས་ཅད་མ་བསྡུས་སོ། །གང་མ་བསྡུས་ཤེ་ན། སྨྲས་པ། འདི་ལྟར་གཅིག་པུ་དབེན་པ་ན་གནས་ཤིང་ཚིག་ཏུ་སྨྲས་ཏེ། སྦྱིན་པ་མེད་དོ། །མཆོད་སྦྱིན་མེད་དོ། །སྦྱིན་སྲེག་མེད་དོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ། །ལེགས་པར་སྤྱད་པ་དང ། ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་དོ། །འཇིག་རྟེན་འདི་མེད་དོ། །འཇིག་རྟེན་ཕ་རོལ་མེད་དོ། །ཕ་མེད་དོ། །མ་མེད་དོ། །སེམས་ཅན་སྐྱེ་བ་མེད་དོ། །འཇིག་རྟེན་ན་དགྲ་བཅོམ་པ་ཡང་དག་པར་སོང་བ། ཡང་དག་པར་ཞུགས་པ་གང་འཇིག་རྟེན་འདི་དང་འཇིག་རྟེན་ཕ་རོལ་ཚེ་འདི་ཉིད་ལ་བདག་ཉིད་ཀྱི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་ཁོང་དུ་ཆུད་དེ་བདག་ཅག་གི་སྐྱེ་བ་ཟད་དོ། །ཚངས་པར་སྤྱད་པ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་ 396b གཞན་མི་ཤེས་སོ་སྙམ་དུ་སེམས་པ་མེད་དོ། །ཞེས་ཟེར་བའོ། །ཡིད་ཀྱི་ཉེས་པར་སྤྱོད་པ་ནི། རྣམ་པ་གསུམ་སྟེ། བརྣབ་སེམས་དང ། གནོད་སེམས་དང ། ལོག་པར་ལྟ་བའོ། །ཅི་ཡིད་ཀྱི་ཉེས་པར་སྤྱོད་པ་རྣམ་པ་གསུམ་གྱིས་ཡིད་ཀྱི་ཉེས་པར་སྤྱོད་པ་ཐམས་ཅད་བསྡུས་སམ། འོན་ཏེ་ཐམས་ཅད་ཀྱིས་རྣམ་པ་གསུམ་བསྡུས་ཤེ་ན། སྨྲས་པ། ཡིད་ཀྱི་ཉེས་པར་སྤྱོད་པ་ཐམས་ཅད་ཀྱིས་ཡིད་ཀྱི་ཉེས་པར་སྤྱོད་པ་རྣམ་པ་གསུམ་བསྡུས་ཀྱི། རྣམ་པ་གསུམ་གྱིས་ནི། ཐམས་ཅད་མ་བསྡུས་སོ། །གང་མ་བསྡུས་ཤེ་ན། སྨྲས་པ། བརྣབ་སེམས་དང ། གནོད་སེམས་དང ། ལོག་པར་ལྟ་བ་དང་ལྡན་པའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པའོ། །ལྷན་ཅིག་འབྱུང་བའི་ཆོས་ནི། གསུམ་ཡོད་དོ། །ཆགས་པ་དང་ལྷན་ཅིག་འབྱུང་བའི་ཆོས་རྣམས་དང ། ཞེ་སྡང་དང་ལྷན་ཅིག་འབྱུང་བའི་ཆོས་རྣམས་དང ། གཏི་མུག་དང་ལྷན་ཅིག་འབྱུང་བའི་ཆོས་རྣམས་སོ། །ཆགས་པ་དང་ལྷན་ཅིག་འབྱུང་བའི་ཆོས་རྣམས་གང་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་དང ། ཆགས་པ་དང་མཚུངས་པར་ལྡན་པའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་དག་ནི། ཆགས་པ་དང་ལྷན་ཅིག་འབྱུང་བའི་ཆོས་རྣམས་ཞེས་བྱའོ། །ཞེ་སྡང་དང་ལྷན་ཅིག་འབྱུང་བ་དང ། གཏི་ 397a ༄#། །མུག་དང་ལྷན་ཅིག་འབྱུང་བའི་ཆོས་རྣམས་གང་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་དང ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་དག་ནི། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཆོས་རྣམས་ཞེས་བྱའོ། །ལས་གདགས་པ་ཚིགས་བཞི་པའོ།། །།སྡོམ་ནི། ལས་དང་རྣམ་རིག་མ་ཡིན་གཟུགས། །ཐོགས་པ་དང་ནི་སེམས་ལས་བྱུང ། །དུ་ཞིག་ལས་དང་ལས་མ་ཡིན། །ཡང་དག་མ་བསྡམས་སྡོམ་པ་བཅུ། །ཆོས་གསུམ་ཡོད་དེ། ཆགས་པ་དང་ལྷན་ཅིག་འབྱུང་བའི་ཆོས་དང ། ཞེ་སྡང་དང་ལྷན་ཅིག་འབྱུང་བའི་ཆོས་དང ། གཏི་མུག་དང་ལྷན་ཅིག་འབྱུང་བའི་ཆོས་སོ། །ཆགས་པ་དང་ལྷན་ཅིག་འབྱུང་བའི་ཆོས་རྣམས་ལས་ཞེས་བྱའམ། འོན་ཏེ་ལས་མ་ཡིན་ཞེས་བྱ་ཞེ་ན། སྨྲས་པ། ལས་ཀྱང་ཡོད། ལས་མ་ཡིན་པ་ཡང་ཡོད་དོ། །ལས་གང་ཞེ་ན། སྨྲས་པ།་ཆགས་པ་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་དང ། སེམས་པ་སྟེ། འདི་ནི། ལས་ཡིན་ནོ། །ལས་མ་ཡིན་པ་གང་ཞེ་ན། སྨྲས་པ། ཆགས་པ་དང་ 397b ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་ནི། ལས་མ་ཡིན་པའོ། །ཞེ་སྡང་དང་ལྷན་ཅིག་འབྱུང་བའི་ཆོས་རྣམས་དང ། གཏི་མུག་དང་ལྷན་ཅིག་འབྱུང་བའི་ཆོས་རྣམས་ལས་ཞེས་བྱའམ། ལས་མ་ཡིན་ཞེས་བྱ་ཞེ་ན། སྨྲས་པ། ལས་ཀྱང་ཡོད། ལས་མ་ཡིན་པ་ཡང་ཡོད་དོ། །ལས་གང་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་དང ། སེམས་པ་སྟེ། འདི་ནི། ལས་ཡིན་ནོ། །ལས་མ་ཡིན་པ་གང་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་ནི། ལས་མ་ཡིན་པའོ། །ཆགས་པ་དང་ལྷན་ཅིག་འབྱུང་བའི་ཆོས་རྣམས་རྣམ་པར་རིག་བྱེད་ཅེས་བྱ་བའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ལུས་ཀྱི་རྣམ་པར་རིག་བྱེད་དང ། ངག་གི་རྣམ་པར་རིག་བྱེད་དེ། འདི་ནི། རྣམ་པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཞེ་ན། ལུས་ཀྱི་རྣམ་པར་རིག་བྱེད་མ་ཡིན་པ་དང ། ངག་གི་རྣམ་པར་རིག་བྱེད་མ་ཡིན་པ་དང ། ཆགས་ 398a ༄#། །པ་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་ནི། རྣམ་པར་རིག་བྱེད་མ་ཡིན་པའོ། །ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཆོས་རྣམས་རྣམ་པར་རིག་བྱེད་ཅེས་བྱའམ། འོན་ཏེ་རྣམ་པར་རིག་བྱེད་མ་ཡིན་པ་ཞེས་བྱ་ཞེ་ན། སྨྲས་པ། རྣམ་པར་རིག་བྱེད་ཀྱང་ཡོད། རྣམ་པར་རིག་བྱེད་མ་ཡིན་པ་ཡང་ཡོད་དོ། །རྣམ་པར་རིག་བྱེད་གང་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ལུས་ཀྱི་རྣམ་པར་རིག་བྱེད་དང ། ངག་གི་རྣམ་པར་རིག་བྱེད་དེ། འདི་ནི། རྣམ་པར་རིག་བྱེད་དོ། །རྣམ་པར་རིག་བྱེད་མ་ཡིན་པ་གང་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ལུས་ཀྱི་རྣམ་པར་རིག་བྱེད་མ་ཡིན་པ་དང ། ངག་གི་རྣམ་པར་རིག་བྱེད་མ་ཡིན་པ་དང ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་ནི། རྣམ་པར་རིག་བྱེད་མ་ཡིན་པའོ། །ཆགས་པ་དང་ལྷན་ཅིག་འབྱུང་བའི་ཆོས་རྣམས་གཟུགས་ཅན་ཞེས་བྱའམ། འོན་ཏེ་གཟུགས་ཅན་མ་ཡིན་པ་ཞེས་བྱ་ཞེ་ན། སྨྲས་པ། གཟུགས་ཅན་ཡང་ཡོད། 398b གཟུགས་ཅན་མ་ཡིན་པ་ཡང་ཡོད་དོ། །གཟུགས་ཅན་གང་དག་ཡིན་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་ཏེ། འདི་དག་ནི། གཟུགས་ཅན་ནོ། །གཟུགས་ཅན་མ་ཡིན་པ་གང་དག་ཡིན་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་དག་ནི། གཟུགས་ཅན་མ་ཡིན་པའོ། །ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཆོས་རྣམས་གཟུགས་ཅན་ཞེས་བྱའམ། འོན་ཏེ་གཟུགས་ཅན་མ་ཡིན་པ་ཞེས་བྱ་ཞེ་ན། སྨྲས་པ། གཟུགས་ཅན་ཡང་ཡོད། གཟུགས་ཅན་མ་ཡིན་པ་ཡང་ཡོད་དོ། །གཟུགས་ཅན་གང་དག་ཡིན་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་ཏེ། འདི་དག་ནི། གཟུགས་ཅན་ནོ། །གཟུགས་ཅན་མ་ཡིན་པ་གང་དག་ཡིན་ཞེ་ན།་སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་དག་ནི། གཟུགས་ཅན་མ་ཡིན་པའོ། །ཆགས་པ་དང་ལྷན་ཅིག་འབྱུང་བའི་ཆོས་རྣམས་ཐོགས་པ་དང་བཅས་པ་ཞེས་བྱའམ། འོན་ཏེ་ཐོགས་པ་མེད་པ་ཞེས་བྱ་ཞེ་ 399a ༄#། །ན།་སྨྲས་པ། ཐོགས་པ་དང་བཅས་པ་ཡང་ཡོད། ཐོགས་པ་མེད་པ་ཡང་ཡོད་དོ། །ཐོགས་པ་དང་བཅས་པ་གང་དག་ཡིན་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ལུས་ཀྱི་རྣམ་པར་རིག་བྱེད་དང ། ངག་གི་རྣམ་པར་རིག་བྱེད་དེ། འདི་དག་ནི། ཐོགས་པ་དང་བཅས་པའོ། །ཐོགས་པ་མེད་པ་གང་དག་ཡིན་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ལུས་ཀྱི་རྣམ་པར་རིག་བྱེད་མ་ཡིན་པ་དང ། ངག་གི་རྣམ་པར་རིག་བྱེད་མ་ཡིན་པ་དང ། ཆགས་པ་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་དག་ནི། ཐོགས་པ་མེད་པའོ། །ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཆོས་རྣམས་ཐོགས་པ་དང་བཅས་པ་ཞེས་བྱའམ། འོན་ཏེ་ཐོགས་པ་མེད་པ་ཞེས་བྱ་ཞེ་ན། སྨྲས་པ། ཐོགས་པ་དང་བཅས་པ་ཡང་ཡོད། ཐོགས་པ་མེད་པ་ཡོད་དོ། །ཐོགས་པ་དང་བཅས་པ་གང་དག་ཡིན་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ལུས་ཀྱིས་རྣམ་པར་རིག་བྱེད་དང ། ངག་གི་རྣམ་པར་རིག་བྱེད་དེ། འདི་དག་ནི། ཐོགས་པ་དང་བཅས་པའོ། །ཐོགས་པ་མེད་པ་གང་དག་ཡིན་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་ 399b འབྱུང་བའི་ལུས་ཀྱི་རྣམ་པར་རིག་བྱེད་མ་ཡིན་པ་དང ། ངག་གི་རྣམ་པར་རིག་བྱེད་མ་ཡིན་པ་དང ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་དང ། རྣམ་པར་ཤེས་པ་སྟེ། འདི་དག་ནི། ཐོགས་པ་མེད་པའོ། །ཆགས་པ་དང་ལྷན་ཅིག་འབྱུང་བའི་ཆོས་རྣམས་སེམས་བྱུང་བ་ཞེས་བྱའམ། འོན་ཏེ་སེམས་ལས་བྱུང་བ་མ་ཡིན་པ་ཞེས་བྱ་ཞེ་ན། སྨྲས་པ། སེམས་ལས་བྱུང་བ་ཡང་ཡོད། སེམས་ལས་བྱུང་བ་མ་ཡིན་པ་ཡང་ཡོད་དོ། །སེམས་ལས་བྱུང་བ་གང་དག་ཡིན་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་སྟེ། འདི་དག་ནི། སེམས་ལས་བྱུང་བའོ། །སེམས་ལས་བྱུང་བ་མ་ཡིན་པ་གང་དག་ཡིན་ཞེ་ན། སྨྲས་པ། ཆགས་པ་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་དང ། སེམས་པ་སྟེ། འདི་དག་ནི།་སེམས་ལས་བྱུང་བ་མ་ཡིན་པའོ། །ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཆོས་རྣམས་སེམས་ལས་བྱུང་བ་ཞེས་བྱའམ། འོན་ཏེ་སེམས་ལས་བྱུང་བ་མ་ཡིན་པ་ཞེས་བྱ་ཞེ་ན། སྨྲས་པ། སེམས་ལས་བྱུང་བ་ཡང་ཡོད། སེམས་ལས་བྱུང་བ་མ་ཡིན་པ་ཡང་ཡོད་དོ། །སེམས་ལས་བྱུང་བ་གང་དག་ཡིན་ཞེ་ན། སྨྲས་པ། ཞེ་ 400a ༄#། །སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ཚོར་བ་དང ། འདུ་ཤེས་དང ། སེམས་པ་དང ། རེག་པ་དང ། ཡིད་ལ་བྱེད་པ་སྟེ། འདི་དག་ནི། སེམས་ལས་བྱུང་བའོ། །སེམས་ལས་བྱུང་བ་མ་ཡིན་པ་གང་དག་ཡིན་ཞེ་ན། སྨྲས་པ། ཞེ་སྡང་དང་ལྷན་ཅིག་འབྱུང་བ་དང ། གཏི་མུག་དང་ལྷན་ཅིག་འབྱུང་བའི་ལུས་ཀྱི་ལས་དང ། ངག་གི་ལས་དང ། སེམས་ཏེ། འདི་དག་ནི། སེམས་ལས་བྱུང་བ་མ་ཡིན་པའོ། །མི་དགེ་བ་བཅུའི་ལས་ཀྱི་ལམ་ཞེས་བྱ་བ་ནས་རྒྱས་པར་སྦྱར་ཏེ། མི་དགེ་བ་བཅུའི་ལས་ཀྱི་ལམ་གང་ཡིན་པ་དེ་དག་ལས། དུ་ཞིག་ལས་ཀྱང་ཡིན་ལ། ལས་ཀྱི་ལམ་ཡང་ཡིན། དུ་ཞིག་ལས་ཀྱི་ལམ་ནི། ཡིན་ལ། ལས་ནི། མ་ཡིན་ཞེ་ན་སྨྲས་པ། བདུན་ནི། ལས་ཀྱང་ཡིན་ལ། ལས་ཀྱི་ལམ་ཡང་ཡིན་ཏེ། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་རྣམས་སོ། །གསུམ་ནི། ལས་ཀྱི་ལམ་ཡིན་ལ། ལས་ནི། མ་ཡིན་ཏེ། བརྣབ་སེམས་དང ། གནོད་སེམས་དང ། ལོག་པར་ལྟ་བ་རྣམས་སོ། །ཅིའི་ཕྱིར་ལས་ཀྱང་ཡིན་ལ། ལས་ཀྱི་ལམ་ཡང་ཡིན་ཞེ་ན། སྨྲས་པ། སྲོག་གཅོད་པའི་ལས་ནི། ད་ལྟར་དེ་བྱེད་པ་ཡང་ཡིན་ལ། སྲོག་གཅོད་པས་ཀུན་ནས་བསླང་བའི་སེམས་ 400b པ་རྣམས་ཀྱི་ལམ་དང ། བགྲོད་པ་དང ། སྲང་ཡང་ཡིན་ཏེ། རྒྱུ་དེས་ན་སྲོག་གཅོད་པ་ལས་ཀྱང་ཡིན་ལ། ལས་ཀྱི་ལམ་ཡང་ཡིན་ནོ། །སྲོག་གཅོད་པ་ཇི་ལྟ་བ་བཞིན་དུ་མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ཡང་དེ་དང་འདྲའོ། །ཅིའི་ཕྱིར་བརྣབ་སེམས་དང ། གནོད་སེམས་དང ། ལོག་པར་ལྟ་བ་ལས་ཀྱི་ལམ་ཡིན་ལ། ལས་མ་ཡིན་ཞེ་ན། སྨྲས་པ། བརྣབ་སེམས་དང ། གནོད་སེམས་དང ། ལོག་པར་ལྟ་བ་ནི། ལས་ཀྱང་མ་ཡིན། བྱེད་པ་ཡང་མ་ཡིན་གྱི།་བརྣབ་སེམས་དང ། གནོད་སེམས་དང ། ལོག་པར་ལྟ་བས་ཀུན་ནས་བསླང་བའི་སེམས་ལས་བྱུང་བ་རྣམས་ཀྱི་ལམ་དང ། བགྲོད་པ་དང ། སྲང་ཡིན་ཏེ། རྒྱུ་དེས་ན་བརྣབ་སེམས་དང ། གནོད་སེམས་དང ། ལོག་པར་ལྟ་བ་ལས་ཀྱི་ལམ་ཡིན་ལ། ལས་མ་ཡིན་ནོ། །ཡང་དག་པར་མ་བསྡམས་པའི་སྡོམ་པ་བཅུ་གང་ཞེ་ན། བཅུ་ནི། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་རྣམས་སོ། །དེའི་ཕྱིར་སྲོག་གཅོད་པ་ཡང་དག་པར་མ་བསྡམས་པའི་སྡོམ་པ་ཡིན་ཞེ་ན། སྨྲས་པ། རྣམ་པར་རིག་བྱེད་ཀྱིས་དམིགས་པ་ལས་ཡང་དག་པར་མ་བསྡམས་པའི་ཕྱིར་ཏེ། 401a ༄#། །མ་སྤངས་པས་ན། འདོད་པའི་ཁམས་ཐམས་ཅད་ཡང་དག་པར་མ་བསྡམས་པ་ཞེས་བརྗོད་པར་བྱའོ། །སྲོག་གཅོད་པ་ཇི་ལྟ་བ་བཞིན་དུ་མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་རྣམས་ཀྱང་དེ་དང་འདྲའོ། །ཅིའི་ཕྱིར་བརྣབ་སེམས་དང ། གནོད་སེམས་དང ། ལོག་པར་ལྟ་བ་ཡང་དག་པར་མ་བསྡམས་པའི་སྡོམ་པ་ཡིན་ཞེ་ན། སྨྲས་པ། ཀུན་ནས་དཀྲིས་པས་དམིགས་པ་རྣམས་ལ་ཡང་དག་པར་མ་བསྡམས་པའི་ཕྱིར་ཏེ།་མ་སྤངས་པས་ན་ཐམས་ཅད་དུ་ཡང་དག་པར་མ་བསྡམས་པ་ཞེས་བརྗོད་པར་བྱའོ། །ལས་གདགས་པའི་ཚིགས་ལྔ་པའོ།། །།སྡོམ་ནི། ཡང་དག་མ་བསྡམས་བཅུ་བསྟན་དང ། །དེ་ཡི་སྒོ་ནས་རྣམ་ལྔར་བཅད། །ཡང་དག་མ་བསྡམས་སྡོམ་མིན་བཅུ། །སྡོམ་པ་མ་ཡིན་གསུམ་པོ་དང ། །དེ་ཡི་སྒོ་ནས་རྣམ་པ་ལྔ། །སྲོག་གཅོད་པ་ནས་ལོག་པར་ལྟ་བའི་བར་དུ་སྡོམ་པ་མ་ཡིན་པ་ཡང་ཡིན་ལ། ལས་ཀྱང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པའོ། །སྡོམ་པ་མ་ཡིན་པ་ཡིན་ལ། ལས་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། 401b བརྣབ་སེམས་དང ། གནོད་སེམས་དང ། ལོག་པར་ལྟ་བའོ། །སྡོམ་པ་མ་ཡིན་པ་ཡང་ཡིན་ལ། རྣམ་པར་རིག་བྱེད་ཀྱང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་ལས་བྱུང་བའི་རྣམ་པར་རིག་བྱེད་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ལས་བྱུང་བའི་རྣམ་པར་རིག་བྱེད་དོ། །སྡོམ་པ་མ་ཡིན་པ་ཡིན་ལ། རྣམ་པར་རིག་བྱེད་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་ལས་བྱུང་བའི་རྣམ་པར་རིག་བྱེད་མ་ཡིན་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ལས་བྱུང་བའི་རྣམ་པར་རིག་བྱེད་མ་ཡིན་པའོ། ། བརྣབ་སེམས་དང ། གནོད་སེམས་དང ། ལོག་པར་ལྟ་བ་ཡང་དེ་དང་འདྲའོ། །སྡོམ་པ་མ་ཡིན་པ་ཡང་ཡོད་ལ། གཟུགས་ཀྱང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པའོ། །སྡོམ་པ་མ་ཡིན་པ་ཡིན་ལ། གཟུགས་ནི།་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། བརྣབ་སེམས་དང ། གནོད་སེམས་དང ། ལོག་པར་ལྟ་བའོ། །སྡོམ་པ་མ་ཡིན་པ་ཡང་ཡིན་ལ། ཐོགས་པ་དང་བཅས་པ་ཡང་ཡིན་ 402a ༄#། །པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་ལས་བྱུང་བའི་རྣམ་པར་རིག་བྱེད་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ལས་བྱུང་བའི་རྣམ་པར་རིག་བྱེད་དོ། །སྡོམ་པ་མ་ཡིན་པ་ཡང་ཡིན་ལ། ཐོགས་པ་ཡང་མེད་པ་ཡོད་དམ་ཞེ་ན།་སྨྲས་པ་ཡོད་དེ། བརྣབ་སེམས་དང ། གནོད་སེམས་དང ། ལོག་པར་ལྟ་བའོ། །སྡོམ་པ་མ་ཡིན་པ་ཡང་ཡིན་ལ། སེམས་ལས་བྱུང་བ་ཡང་ཡིན་པ་ཡོད་དམ་ཞེ་ན། སྨྲས་པ།་ཡོད་དེ། བརྣབ་སེམས་དང ། གནོད་སེམས་དང ། ལོག་པར་ལྟ་བའོ། །སྡོམ་པ་མ་ཡིན་པ་ཡིན་ལ། སེམས་ལས་བྱུང་བ་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པ་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པའོ། །ལུས་ཀྱི་སྡོམ་པ་མ་ཡིན་པ་ནི། རྣམ་པ་གསུམ་སྟེ། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པའོ། །ལུས་ཀྱི་སྡོམ་པ་མ་ཡིན་པ་ཡང་ཡིན་ལ། ལས་ཀྱང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ལུས་ཀྱི་སྡོམ་པ་མ་ཡིན་པ་ཡིན་ལ། ལས་ནི། མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །ལུས་ཀྱི་སྡོམ་པ་ཡང་ཡིན་ལ། 402b རྣམ་པར་རིག་བྱེད་ཀྱང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་ལས་བྱུང་བའི་རྣམ་པར་རིག་བྱེད་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་ལས་བྱུང་བའི་རྣམ་པར་རིག་བྱེད་དོ། །ལུས་ཀྱི་སྡོམ་པ་མ་ཡིན་ལ། རྣམ་པར་རིག་བྱེད་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་ལས་བྱུང་བའི་རྣམ་པར་རིག་བྱེད་མ་ཡིན་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་ལས་བྱུང་བའི་རྣམ་པར་རིག་བྱེད་མ་ཡིན་པའོ། །ལུས་ཀྱི་སྡོམ་པ་མ་ཡིན་པ་ཡང་ཡིན་ལ། གཟུགས་ཀྱང་མ་ཡིན་པ་ཡོད་དམ། སྨྲས་པ། ཡོད་དེ། ཐམས་ཅད་དོ། །ལུས་ཀྱི་སྡོམ་པ་མ་ཡིན་ལ། གཟུགས་མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །ལུས་ཀྱི་སྡོམ་པ་མ་ཡིན་པ་ཡང་ཡིན་ལ། ཐོགས་པ་དང་བཅས་པ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་ལས་བྱུང་བའི་རྣམ་པར་རིག་བྱེད་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་ལས་བྱུང་བའི་རྣམ་པར་རིག་བྱེད་དོ། །ལུས་ཀྱི་སྡོམ་པ་མ་ཡིན་པ་ཡིན་ལ། ཐོགས་པ་མེད་པ་ཡོད་དམ་ཞེ་ན། སྨྲས་པ། ཡོད་དེ། སྲོག་གཅོད་པ་ལས་བྱུང་བའི་རྣམ་པར་རིག་བྱེད་མ་ཡིན་པ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་ལས་བྱུང་བའི་རྣམ་པར་རིག་བྱེད་མ་ཡིན་པའོ། །ལུས་ཀྱི་སྡོམ་པ་མ་ཡིན་པ་ཡང་ཡིན་ལ། སེམས་ལས་བྱུང་བ་ཡང་ 403a ༄#། །ཡིན་པ་ཡོད་དམ་ཞེ་ན། སྨྲས་པ། མེད་དོ། །ལུས་ཀྱི་སྡོམ་པ་མ་ཡིན་ལ། སེམས་ལས་བྱུང་བ་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ངག་གི་སྡོམ་པ་མ་ཡིན་པ་ནི། རྣམ་པ་བཞི་སྟེ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པའོ། །ངག་གི་སྡོམ་པ་མ་ཡིན་པ་ཡང་ཡིན་ལ། ལས་ཀྱང་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ངག་གི་སྡོམ་པ་མ་ཡིན་པ་ཡིན་ལ། ལས་ནི། མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །ངག་གི་སྡོམ་པ་མ་ཡིན་པ་ཡང་ཡིན་ལ། རྣམ་པར་རིག་བྱེད་ཀྱང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། བརྫུན་དུ་སྨྲ་བ་ལས་བྱུང་བའི་རྣམ་པར་རིག་བྱེད་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ལས་བྱུང་བའི་རྣམ་པར་རིག་བྱེད་དོ། །ངག་གི་སྡོམ་པ་མ་ཡིན་པ་ཡིན་ལ། རྣམ་པར་རིག་བྱེད་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། བརྫུན་དུ་སྨྲ་བ་ལས་བྱུང་བའི་རྣམ་པར་རིག་བྱེད་མ་ཡིན་པ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ལས་བྱུང་བའི་རྣམ་པར་རིག་བྱེད་མ་ཡིན་པའོ། །ངག་གི་སྡོམ་པ་མ་ཡིན་པ་ཡང་ཡིན་ལ། གཟུགས་ཀྱང་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ངག་གི་སྡོམ་པ་མ་ཡིན་པ་ཡིན་ལ། གཟུགས་ནི། མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །ངག་གི་སྡོམ་པ་ 403b མ་ཡིན་པ་ཡང་ཡིན་ལ། ཐོགས་པ་དང་བཅས་པ་ཡང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། བརྫུན་དུ་སྨྲ་བ་ལས་བྱུང་བའི་རྣམ་པར་རིག་བྱེད་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ལས་བྱུང་བའི་རྣམ་པར་རིག་བྱེད་དོ། །ངག་གི་སྡོམ་པ་མ་ཡིན་པ་ཡིན་ལ་ཐོགས་པ་ནི། མེད་པ་ཡོད་དམ་ཞེ་ན། སྨྲས་པ། ཡོད་དོ། །བརྫུན་དུ་སྨྲ་བ་ལས་བྱུང་བའི་རྣམ་པར་རིག་བྱེད་མ་ཡིན་པ་དང ། ཕྲ་མ་དང ། ཚིག་རྩུབ་པོ་དང ། ཚིག་ཀྱལ་པ་ལས་བྱུང་བའི་རྣམ་པར་རིག་བྱེད་མ་ཡིན་པའོ། །ངག་གི་རྣམ་པར་རིག་བྱེད་མ་ཡིན་པ་ཡང་ཡིན་ལ། སེམས་ལས་བྱུང་བ་ཡང་ཡིན་པ་ཡོད་དམ་ཞེ་ན། སྨྲས་པ། མེད་དོ། །ངག་གི་སྡོམ་པ་མ་ཡིན་པ་ཡང་ཡིན་ལ། སེམས་ལས་བྱུང་བ་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ།། ཡིད་ཀྱི་སྡོམ་པ་མ་ཡིན་པ་ནི། རྣམ་པ་གསུམ་སྟེ། བརྣབ་སེམས་དང ། གནོད་སེམས་དང ། ལོག་པར་ལྟ་བའོ། །ཡིད་ཀྱི་སྡོམ་པ་མ་ཡིན་པ་ཡང་ཡིན་ལ། ལས་ཀྱང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ཡིད་ཀྱི་སྡོམ་པ་མ་ཡིན་པ་ཡིན་ལ། ལས་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ཡིད་ཀྱི་སྡོམ་པ་མ་ཡིན་པ་ཡང་ཡིན་ལ། རྣམ་པར་རིག་བྱེད་ཀྱང་ཡིན་པ་ཡོད་དམ་ཞེ་ན། སྨྲས་པ། མེད་དོ། །ཡིད་ཀྱི་སྡོམ་པ་མ་ཡིན་པ་ཡིན་ལ། རྣམ་པར་རིག་བྱེད་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་ 404a ༄#། །དེ།་ཐམས་ཅད་དོ། །ཡིད་ཀྱི་སྡོམ་པ་མ་ཡིན་པ་ཡང་ཡིན་ལ། གཟུགས་ཀྱང་ཡིན་པ་ཡོད་དམ་ཞེ་ན། སྨྲས་པ། མེད་དོ། །ཡིད་ཀྱི་སྡོམ་པ་མ་ཡིན་པ་ཡིན་ལ།་གཟུགས་ནི། མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ཡིད་ཀྱི་སྡོམ་པ་མ་ཡིན་པ་ཡང་ཡིན་ལ། ཐོགས་པ་དང་བཅས་པ་ཡང་ཡོད་དམ་ཞེ་ན། སྨྲས་པ། མེད་དོ། །ཡིད་ཀྱི་སྡོམ་པ་མ་ཡིན་པ་ཡིན་ལ། ཐོགས་པ་ནི། མེད་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ཡིད་ཀྱི་སྡོམ་པ་མ་ཡིན་པ་ཡང་ཡིན་ལ། སེམས་ལས་བྱུང་བ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ཡིད་ཀྱི་སྡོམ་པ་མ་ཡིན་པ་ཡིན་ལ། སེམས་ལས་བྱུང་བ་ནི། མ་ཡིན་པ་ཡོད་དམ་ཞེ་ན། སྨྲས་པ། མེད་དོ། ། ལས་གདགས་པ་ཚིགས་དྲུག་པའོ།། །།སྡོམ་ནི། སྡོམ་པ་མ་ཡིན་ལྔ་ཚན་བཞི། །དྲུག་ཚན་དག་ཀྱང་རབ་ལྔར་བཅད། །སྡོམ་མིན་རྣམས་ནི་ལྔ་དང་དགུ་།བཅོ་ལྔ་དང་ནི་དགུ་བཅུ་བརྒྱད། །ཡང་དག་པར་མ་བསྡམས་པའི་སྡོམ་པ་མ་ཡིན་པ་ནི། ལྔ་ཡོད་དེ། ལྔ་གང་ཞེ་ན། སྨྲས་པ། ལུས་ཀྱི་སྒོ་ནས་རྣམ་པར་རིག་བྱེད་དང ། རྣམ་པར་རིག་བྱེད་མ་ཡིན་པ་དང ། ངག་གི་སྒོ་ནས་རྣམ་པར་རིག་བྱེད་དང ། རྣམ་པར་རིག་བྱེད་མ་ཡིན་པ་དང ། ཡིད་ཀྱི་སྒོ་ནས་རྣམ་པར་རིག་བྱེད་མ་ཡིན་པའོ། །གཞན་ཡང་ཡང་དག་པར་མ་ 404b བསྡམས་པའི་སྡོམ་པ་ལྔ་ཡོད་དེ། ལུས་ཀྱི་སྒོ་ནས་ཐོགས་པ་དང་བཅས་པ་དང ། ཐོགས་པ་མེད་པ་དང ། ངག་གི་སྒོ་ནས་ཐོགས་པ་དང་བཅས་པ་དང ། ཐོགས་པ་མེད་པ་དང ། ཡིད་ཀྱི་སྒོ་ནས་ཐོགས་པ་མེད་དོ། །གཞན་ཡང་ཡང་དག་པར་མ་བསྡམས་པའི་སྡོམ་པ་མ་ཡིན་པ་ལྔ་ཡོད་དེ། འདོད་པ་དང་མཚུངས་པར་ལྡན་པའི་ཐོགས་པ་དང་བཅས་པ་དང ། ཐོགས་པ་མེད་པ་དང ། གཟུགས་དང་མཚུངས་པར་ལྡན་པའི་ཐོགས་པ་དང་བཅས་པ་དང ། ཐོགས་པ་མེད་པ་དང ། གཟུགས་མེད་པ་དང་མཚུངས་པར་ལྡན་པའི་ཐོགས་པ་མེད་པའོ། །གཞན་ཡང་ཡང་དག་པར་མ་བསྡམས་པའི་སྡོམ་པ་མ་ཡིན་པ་ལྔ་ཡོད་དེ། འདོད་པ་དང་མཚུངས་པར་ལྡན་པའི་རྣམ་པར་རིག་བྱེད་དང ། རྣམ་པར་རིག་བྱེད་མ་ཡིན་པ་དང ། གཟུགས་དང་མཚུངས་པར་ལྡན་པའི་རྣམ་པར་རིག་བྱེད་དང ། རྣམ་པར་རིག་བྱེད་མ་ཡིན་པ་དང ། གཟུགས་མེད་པ་དང་མཚུངས་པར་ལྡན་པའི་རྣམ་པར་རིག་བྱེད་མ་ཡིན་པའོ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་ནི། དྲུག་ཡོད་དེ། འདོད་པ་དང་མཚུངས་པར་ལྡན་པའི་སེམས་ལས་བྱུང་བ་དང ། སེམས་ལས་བྱུང་བ་མ་ཡིན་པ་དང ། གཟུགས་དང་མཚུངས་པར་ལྡན་པའི་སེམས་ལས་བྱུང་བ་དང ། སེམས་ལས་བྱུང་བ་མ་ཡིན་པ་དང ། གཟུགས་མེད་པ་དང་མཚུངས་པར་ལྡན་པའི་སེམས་ལས་བྱུང་བ་དང ། སེམས་ལས་བྱུང་བ་མ་ཡིན་པའོ། །གཞན་ཡང་ 405a ༄#། །ཡང་དག་པར་མ་བསྡམས་པའི་སྡོམ་པ་མ་ཡིན་པ་དྲུག་ཡོད་དེ། འདོད་པ་དང་མཚུངས་པར་ལྡན་པའི་སེམས་དང་ལྡན་པ་དང ། སེམས་དང་མི་ལྡན་པ་དང ། གཟུགས་དང་མཚུངས་པར་ལྡན་པའི་སེམས་དང་ལྡན་པ་དང ། སེམས་དང་མི་ལྡན་པ་དང ། གཟུགས་མེད་པ་དང་མཚུངས་པར་ལྡན་པའི་སེམས་དང་ལྡན་པ་དང ། སེམས་དང་མི་ལྡན་པའོ། །གཞན་ཡང་ཡང་དག་པར་མ་བསྡམས་པའི་སྡོམ་པ་མ་ཡིན་པ་དྲུག་ཡོད་དེ། འདོད་པ་དང་མཚུངས་པར་ལྡན་པའི་དམིགས་པ་དང་བཅས་པ་དང ། དམིགས་པ་མེད་པ་དང ། གཟུགས་དང་མཚུངས་པར་ལྡན་པའི་དམིགས་པ་དང་བཅས་པ་དང ། དམིགས་པ་མེད་པ་དང ། གཟུགས་མེད་པ་དང་མཚུངས་པར་ལྡན་པའི་དམིགས་པ་དང་བཅས་པ་དང ། དམིགས་པ་མེད་པའོ། །གཞན་ཡང་ཡང་དག་པར་མ་བསྡམས་པའི་སྡོམ་པ་མ་ཡིན་པ་དྲུག་ཡོད་དེ། འདོད་པ་དང་མཚུངས་པར་ལྡན་པའི་མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བ་དང ། གཟུགས་དང་མཚུངས་པར་ལྡན་པའི་མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བ་དང ། གཟུགས་མེད་པ་དང་མཚུངས་པར་ལྡན་པའི་མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱའོ། །གཞན་ཡང་ཡང་དག་པར་མ་བསྡམས་པའི་སྡོམ་པ་མ་ཡིན་པ་དྲུག་ཡོད་དེ། མིག་གི་སྡོམ་པ་མ་ཡིན་པ་དང ། 405b རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་སྡོམ་པ་མ་ཡིན་པའོ། །གང་མིག་གི་སྡོམ་པ་མ་ཡིན་པ་དང་ལྡན་པ་དེ་རྣ་བའི་སྡོམ་པ་མ་ཡིན་པ་དང་ཡང་ལྡན་ནམ་ཞེ་ན། སྨྲས་པ། དེ་ཡིན་ནོ། །གང་རྣ་བའི་སྡོམ་པ་མ་ཡིན་པ་དང་ལྡན་པ་དེ་མིག་གི་སྡོམ་པ་མ་ཡིན་པ་དང་ལྡན་ནམ་ཞེ་ན། སྨྲས་པ། དེ་ཡིན་ནོ། །མིག་གི་སྡོམ་པ་མ་ཡིན་པ་དང ། རྣ་བའི་སྡོམ་པ་མ་ཡིན་པ་ཇི་ལྟ་བ་བཞིན་དུ་ལུས་ཀྱི་སྡོམ་པ་མ་ཡིན་པ་ཡང་དེ་དང་འདྲའོ། །གང་མིག་གི་སྡོམ་པ་མ་ཡིན་པ་དང་ལྡན་པ་དེ་སྣའི་སྡོམ་པ་མ་ཡིན་པ་དང་ཡང་ལྡན་ནམ་ཞེ་ན། སྨྲས་པ། གང་སྣའི་སྡོམ་པ་མ་ཡིན་པ་དང་ལྡན་པ་དེ་ནི། མིག་གི་སྡོམ་པ་མ་ཡིན་པ་དང་ལྡན་ནོ། །མིག་གི་སྡོམ་པ་མ་ཡིན་པ་དང་ལྡན་ལ་སྣའི་སྡོམ་པ་མ་ཡིན་པ་དང་ནི་མི་ལྡན་པ་ཡོད་དམ་ཞེ་ན། སྨྲས་པ། ཡོད་དེ།་དཔེར་ན། འདོད་པ་རྣམས་ལས་འདོད་ཆགས་དང་བྲལ་ལ། ཚངས་པའི་འཇིག་རྟེན་ལས་ནི། འདོད་ཆགས་དང་མ་བྲལ་བ་ལྟ་བུའོ། །མིག་གི་སྡོམ་པ་མ་ཡིན་པ་དང ། སྣའི་སྡོམ་པ་མ་ཡིན་པ་ཇི་ལྟ་བ་བཞིན་དུ་ལྕེའི་སྡོམ་པ་མ་ཡིན་པ་ཡང་དེ་དང་འདྲའོ། །གང་མིག་གི་སྡོམ་པ་མ་ཡིན་པ་དང་ལྡན་པ་དེ་ཡིད་ཀྱི་སྡོམ་པ་མ་ཡིན་པ་དང་ཡང་ལྡན་ནམ་ཞེ་ན། སྨྲས་པ།་གང་མིག་གི་སྡོམ་པ་མ་ཡིན་པ་དང་ལྡན་པ་དེ་ནི། ཡིད་ཀྱི་སྡོམ་པ་མ་ཡིན་པ་དང་ཡང་ལྡན་ནོ། །ཡིད་ཀྱི་སྡོམ་པ་མ་ཡིན་པ་དང་ལྡན་ལ། མིག་གི་སྡོམ་པ་མ་ཡིན་པ་དང་ནི་མི་ 406a ༄#། །ལྡན་པ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། ཚངས་པའི་འཇིག་རྟེན་ལས་འདོད་ཆགས་དང་བྲལ་ལ། གོང་མའི་འདོད་ཆགས་དང་ནི་མ་བྲལ་བ་ལྟ་བུའོ། །ཇི་ལྟར་མིག་གི་སྡོམ་པ་མ་ཡིན་པ་དང་སྔ་མ་བཞིན་དུ་སྦྱར་བ་དེ་བཞིན་དུ་རྣ་བ་དང ། ལུས་ཀྱི་སྡོམ་པ་མ་ཡིན་པ་ཡང་སྔ་མ་བཞིན་དུ་སྦྱར་རོ། །གང་སྣའི་སྡོམ་པ་མ་ཡིན་པ་དང་ལྡན་པ་དེ་ལྕེའི་སྡོམ་པ་མ་ཡིན་པ་དང་ཡང་ལྡན་ནམ་ཞེ་ན། སྨྲས་པ། དེ་ཡིན་ནོ། །གང་ལྕེའི་སྡོམ་པ་མ་ཡིན་པ་དང་ལྡན་པ་དེ་སྣའི་སྡོམ་པ་མ་ཡིན་པ་དང་ཡང་ལྡན་ནམ་ཞེ་ན། སྨྲས་པ། དེ་ཡིན་ནོ། །གང་སྣའི་སྡོམ་པ་མ་ཡིན་པ་དང་ལྡན་པ་དེ་ཡིད་ཀྱི་སྡོམ་པ་མ་ཡིན་པ་དང་ལྡན་ནམ་ཞེ་ན། སྨྲས་པ། གང་སྣའི་སྡོམ་པ་མ་ཡིན་པ་དང་ལྡན་པ་དེ་ནི།་ཡིད་ཀྱི་སྡོམ་པ་མ་ཡིན་པ་དང་ཡང་ལྡན་ནོ། །ཡིད་ཀྱི་སྡོམ་པ་མ་ཡིན་པ་དང་ལྡན་པ་དེ་སྣའི་སྡོམ་པ་མ་ཡིན་པ་དང་མི་ལྡན་པ་ཡོད་དམ་ཞེ་ན། སྨྲས་པ། ཡོད་དེ། དཔེར་ན།་འདོད་པ་རྣམས་ལ་འདོད་ཆགས་དང་བྲལ་ལ། གཟུགས་རྣམས་ལས་ནི། འདོད་ཆགས་དང་མ་བྲལ་བ་ལྟ་བུའོ། །ཇི་ལྟར་སྣའི་སྡོམ་པ་མ་ཡིན་པ་སྔ་མ་བཞིན་དུ་སྦྱར་བ་དེ་བཞིན་དུ་ལྕེའི་སྡོམ་པ་མ་ཡིན་པ་ཡང་སྔ་མ་བཞིན་དུ་སྦྱར་རོ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་ནི། ལྔ་སྟེ། ལྔ་གང་ཞེ་ན། སྨྲས་པ། སྡུག་བསྔལ་མཐོང་བས་ 406b སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་དང ། ཀུན་འབྱུང་བ་དང ། འགོག་པ་དང ། ལམ་མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པའོ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་ནི། དགུ་སྟེ། དགུ་གང་ཞེ་ན། སྨྲས་པ། སྡུག་བསྔལ་ལ་ཆོས་ཤེས་པས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་དང ། སྡུག་བསྔལ་ལ་རྗེས་སུ་ཤེས་པས་སྤང་བར་བྱ་བ་དང ། ཀུན་འབྱུང་བ་ལ་ཆོས་ཤེས་པས་སྤང་བར་བྱ་བ་དང ། ཀུན་འབྱུང་བ་ལ་རྗེས་སུ་ཤེས་པས་སྤང་བར་བྱ་བ་དང ། འགོག་པ་ལ་ཆོས་ཤེས་པས་སྤང་བར་བྱ་བ་དང ། འགོག་པ་ལ་རྗེས་སུ་ཤེས་པས་སྤང་བར་བྱ་བ་དང ། ལམ་ལ་ཆོས་ཤེས་པས་སྤང་བར་བྱ་བ་དང ། ལམ་ལ་རྗེས་སུ་ཤེས་པས་སྤང་བར་བྱ་བ་དང ། སྒོམ་པས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པའོ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་ནི། བཅོ་ལྔ་སྟེ། བཅོ་ལྔ་གང་ཞེ་ན། སྨྲས་པ། འདོད་པ་དང་མཚུངས་པར་ལྡན་པ་ལྔ་དང ། གཟུགས་དང་མཚུངས་པར་ལྡན་པ་ལྔ་དང ། གཟུགས་མེད་པ་དང་མཚུངས་པར་ལྡན་པ་ལྔའོ། །འདོད་པ་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ལྔ་གང་ཞེ་ན། སྨྲས་པ། འདོད་པ་དང་མཚུངས་པར་ལྡན་པ་སྡུག་ 407a ༄#། །བསྔལ་མཐོང་བས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་དང ། འདོད་པ་དང་མཚུངས་པར་ལྡན་པ་ཀུན་འབྱུང་བ་དང ། འགོག་པ་དང ། ལམ་མཐོང་བ་དང ། སྒོམ་པས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པའོ། །འདོད་པ་དང་མཚུངས་པར་ལྡན་པ་ཇི་ལྟ་བ་བཞིན་དུ་གཟུགས་དང ། གཟུགས་མེད་པ་དང་མཚུངས་པར་ལྡན་པ་ཡང་དེ་དང་འདྲའོ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་ནི། དགུ་བཅུ་རྩ་བརྒྱད་དེ། དགུ་བཅུ་རྩ་བརྒྱད་གང་ཞེ་ན། འདོད་པ་དང་མཚུངས་པར་ལྡན་པ་སུམ་ཅུ་རྩ་དྲུག་དང ། གཟུགས་དང་མཚུངས་པར་ལྡན་པ་སུམ་ཅུ་རྩ་གཅིག་དང ། གཟུགས་མེད་པ་དང་མཚུངས་པར་ལྡན་པ་སུམ་ཅུ་རྩ་གཅིག་གོ། འདོད་པ་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་སུམ་ཅུ་རྩ་དྲུག་གང་ཞེ་ན། སྨྲས་པ། སྡུག་བསྔལ་མཐོང་བས་སྤང་བར་བྱ་བ་བཅུ་དང ། ཀུན་འབྱུང་བ་མཐོང་བས་སྤང་བར་བྱ་བ་བདུན་དང ། འགོག་པ་མཐོང་བས་སྤང་བར་བྱ་བ་བདུན་དང ། ལམ་མཐོང་བས་སྤང་བར་བྱ་བ་བརྒྱད་དང ། སྒོམ་པས་སྤང་བར་བྱ་བ་བཞིའོ། །གཟུགས་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་སུམ་ཅུ་རྩ་གཅིག་གང་ཞེ་ན། སྨྲས་པ། སྡུག་བསྔལ་མཐོང་བས་སྤང་བར་ 407b བྱ་བ་དགུ་དང ། ཀུན་འབྱུང་མཐོང་བས་སྤང་བར་བྱ་བ་དྲུག་དང ། འགོག་པ་མཐོང་བས་སྤང་བར་བྱ་བ་དྲུག་དང ། ལམ་མཐོང་བས་སྤང་བར་བྱ་བ་བདུན་དང ། སྒོམ་པས་སྤང་བར་བྱ་བ་གསུམ་མོ། །གཟུགས་དང་མཚུངས་པར་ལྡན་པ་རྣམས་ཇི་ལྟ་བ་བཞིན་དུ་གཟུགས་མེད་པ་དང་མཚུངས་པར་ལྡན་པ་རྣམས་ཀྱང་དེ་དང་འདྲའོ། །འདོད་པ་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བཅུ་གང་ཞེ་ན། སྨྲས་པ། འདོད་པ་དང་མཚུངས་པར་ལྡན་པ་སྡུག་བསྔལ་མཐོང་བས་སྤང་བར་བྱ་བའི་འཇིག་ཚོགས་ལ་ལྟ་བ་དང ། མཐར་འཛིན་པར་ལྟ་བ་དང ། ལོག་པར་ལྟ་བ་དང ། ལྟ་བ་མཆོག་ཏུ་འཛིན་པ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང ། ཐེ་ཚོམ་དང ། འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། །འདོད་པ་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བདུན་གང་ཞེ་ན། སྨྲས་པ། འདོད་པ་དང་མཚུངས་པར་ལྡན་པ་ཀུན་འབྱུང་བ་མཐོང་བས་སྤང་བར་བྱ་བའི་ལོག་པར་ལྟ་བ་དང ། ལྟ་བ་མཆོག་ཏུ་འཛིན་པ་དང ། ཐེ་ཚོམ་དང ། འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། །འདོད་པ་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བདུན་གང་ཞེ་ན། སྨྲས་པ། འདོད་ཆགས་དང་མཚུངས་པར་ལྡན་པའི་འགོག་པ་མཐོང་བས་སྤང་བར་ 408a ༄#། །བྱ་བའི་ལོག་པར་ལྟ་བ་དང ། ལྟ་བ་མཆོག་ཏུ་འཛིན་པ་དང ། ཐེ་ཚོམ་དང ། འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། །འདོད་པ་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བརྒྱད་གང་ཞེ་ན། འདོད་པ་དང་མཚུངས་པར་ལྡན་པ་ལ་མ་མཐོང་བས་སྤང་བར་བྱ་བའི་ལོག་པར་ལྟ་བ་དང ། ལྟ་བ་མཆོག་ཏུ་འཛིན་པ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང ། ཐེ་ཚོམ་དང ། འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། །འདོད་པ་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བཞི་གང་ཞེ་ན། སྨྲས་པ། འདོད་པ་དང་མཚུངས་པར་ལྡན་པ་སྒོམ་པས་སྤང་བར་བྱ་བའི་འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། །འདོད་པ་དང་མཚུངས་པར་ལྡན་པ་ཇི་ལྟ་བ་བཞིན་དུ་གཟུགས་དང་གཟུགས་མེད་པ་དང་མཚུངས་པར་ལྡན་པ་ཡང་དེ་དང་འདྲ་སྟེ། ཁོང་ཁྲོ་བ་ནི། མ་གཏོགས་སོ། །ཅིའི་ཕྱིར་འདོད་པ་དང་མཚུངས་པར་ལྡན་པའི་འཇིག་ཚོགས་ལ་ལྟ་བ་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་འདོད་པའི་ཁམས་ཐམས་ཅད་ལ་ཡང་ 408b དག་པར་མ་བསྡམས་པ་ཞེས་བྱའོ། །འཇིག་ཚོགས་ལ་ལྟ་བ་ཇི་ལྟ་བ་བཞིན་དུ་མཐར་འཛིན་པར་ལྟ་བ་དང ། སྡུག་བསྔལ་མཐོང་བས་སྤང་བར་བྱ་བའི་ལོག་པར་ལྟ་བ་དང ། ལྟ་བ་མཆོག་ཏུ་འཛིན་པ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང ། ཐེ་ཚོམ་དང ། མ་རིག་པ་ཀུན་ཏུ་འགྲོ་བ་རྣམས་ཀྱང་དེ་དང་འདྲའོ། །ཅིའི་ཕྱིར་འདོད་པ་དང་མཚུངས་པར་ལྡན་པ་སྡུག་བསྔལ་མཐོང་བས་སྤང་བར་བྱ་བའི་འདོད་ཆགས་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་འདོད་པ་དང་མཚུངས་པར་ལྡན་པའི་སྡུག་བསྔལ་མཐོང་བས་སྤང་བར་བྱ་བའི་ཆོས་རྣམས་ཡང་དག་པར་མ་བསྡམས་པ་ཞེས་བྱའོ། །འདོད་པ་དང་མཚུངས་པར་ལྡན་པ་སྡུག་བསྔལ་མཐོང་བས་སྤང་བར་བྱ་བའི་འདོད་ཆགས་ཇི་ལྟ་བ་བཞིན་དུ་ཁོང་ཁྲོ་བ་དང ། ང་རྒྱལ་དང ། མ་རིག་པ་རྣམས་ཀྱང་དེ་དང་འདྲའོ། །ཐམས་ཅད་དུ་འགྲོ་བ་ནི། སྡུག་བསྔལ་མཐོང་བས་སྤང་བར་བྱ་བ་རྣམས་ཇི་ལྟ་བ་བཞིན་དུ་ཀུན་འབྱུང་བ་མཐོང་བས་སྤང་བར་བྱ་བ་རྣམས་ཀྱང་དེ་དང་འདྲ་སྟེ། འཇིག་ཚོགས་ལ་ལྟ་བ་དང ། མཐར་འཛིན་པར་ལྟ་བ་ནི། མ་གཏོགས་སོ། །ཅིའི་ཕྱིར་འདོད་པ་དང་མཚུངས་པར་ལྡན་པ་འགོག་པ་མཐོང་བས་སྤང་བར་བྱ་བའི་ལོག་པར་ལྟ་བ་ཡང་དག་པར་མ་ 409a ༄#། །བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལས་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་དེ་དང་མཚུངས་པར་ལྡན་པའི་ཆོས་རྣམས་ཀྱིས་ཡང་དག་པར་མ་བསྡམས་པ་ཞེས་བྱའོ། །འདོད་པ་དང་མཚུངས་པར་ལྡན་པ་འགོག་པ་མཐོང་བས་སྤང་བར་བྱ་བའི་ལོག་པར་ལྟ་བ་ཇི་ལྟ་བ་བཞིན་དུ་ཐེ་ཚོམ་དང ། མ་རིག་པ་ཟག་པ་མེད་པ་ལ་དམིགས་པ་ཡང་དེ་དང་འདྲའོ། །ཅིའི་ཕྱིར་འདོད་པ་དང་མཚུངས་པར་ལྡན་པ་འགོག་པ་མཐོང་བས་སྤང་བར་བྱ་བའི་ལྟ་བ་མཆོག་ཏུ་འཛིན་པ་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་འདོད་པ་དང་མཚུངས་པར་ལྡན་པ་འགོག་པ་མཐོང་བས་སྤང་བར་བྱ་བའི་ཆོས་རྣམས་ཀྱིས་ཡང་དག་པར་མ་བསྡམས་པ་ཞེས་བྱའོ། །འདོད་པ་དང་མཚུངས་པར་ལྡན་པའི་འགོག་པ་མཐོང་བས་སྤང་བར་བྱ་བའི་ལྟ་བ་མཆོག་ཏུ་འཛིན་པ་ཇི་ལྟ་བ་བཞིན་དུ་འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པ་ཟག་པ་དང་བཅས་པ་ལ་དམིགས་པ་རྣམས་ཀྱང་དེ་དང་འདྲའོ། །འགོག་པ་མཐོང་བས་སྤང་བར་བྱ་བ་རྣམས་ཇི་ལྟ་བ་བཞིན་དུ་ལམ་མཐོང་བས་སྤང་བར་བྱ་ 409b པ་རྣམས་ཀྱང་དེ་དང་འདྲ་སྟེ། ཚུལ་ཁྲིམས་དང ། བརྟུལ་ཞུགས་མཆོག་ཏུ་འཛིན་པར་བསྟན་པར་བྱའོ། །ཅིའི་ཕྱིར་འདོད་པ་དང་མཚུངས་པར་ལྡན་པ་སྒོམ་པས་སྤང་བར་བྱ་བའི་འདོད་ཆགས་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་འདོད་པ་དང་མཚུངས་པར་ལྡན་པ་སྒོམ་པས་སྤང་པར་བྱ་བའི་ཆོས་རྣམས་ཀྱིས་ཡང་དག་པར་མ་བསྡམས་པ་ཞེས་བྱའོ། །འདོད་པ་དང་མཚུངས་པར་ལྡན་པ་སྒོམ་པས་སྤང་བར་བྱ་བའི་འདོད་ཆགས་ཇི་ལྟ་བ་བཞིན་དུ་ཁོང་ཁྲོ་བ་དང ། ང་རྒྱལ་དང ། མ་རིག་པ་ཡང་དེ་དང་འདྲའོ། །འདོད་པ་དང་མཚུངས་པར་ལྡན་པ་རྣམས་ཇི་ལྟ་བ་བཞིན་དུ་གཟུགས་དང ། གཟུགས་མེད་པ་དང་མཚུངས་པར་ལྡན་པ་རྣམས་ཀྱང་དེ་དང་འདྲ་བར་བརྗོད་པར་བྱའོ། །ལས་གདགས་པ་ཚིགས་བདུན་པའོ།། །།སྡོམ་ནི། ཡང་དག་མ་བསྡམས་སྡོམ་མིན་ནི། །སུམ་ཅུ་རྩ་དྲུག་བསྟན་པ་སྟེ། །ཁམས་ཀྱི་སྒོ་ནས་སྡོམ་མིན་གསུམ། །སེམས་དང་མི་ལྡན་དྲུག་པོ་ལས། །སྡོམ་པ་མ་ཡིན་ཐ་མ་རྣམས། །དེ་བཞིན་དཀར་པོའི་ཕྱོགས་ལ་ཡང ། །རྒྱས་པ་དག་ཏུ་སྦྱར་བར་བྱ། །རྩ་བ་གསུམ་ལས་བཟུང་ནས་ཀྱང ། །དེ་ཡི་རྗེས་ལ་དྲི་བར་བྱ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་སུམ་ཅུ་རྩ་ 410a ༄#། །དྲུག་གང་ཞེ་ན། སྨྲས་པ། སྡུག་བསྔལ་མཐོང་བས་སྤང་བར་བྱ་བ་བཅུ་དང ། ཀུན་འབྱུང་བ་མཐོང་བས་སྤང་བར་བྱ་བ་བདུན་དང ། འགོག་པ་མཐོང་བས་སྤང་བར་བྱ་བ་བདུན་དང ། ལམ་མཐོང་བས་སྤང་བར་བྱ་བ་བརྒྱད་དང ། སྒོམ་པས་སྤང་བར་བྱ་བ་བཞིའོ། །སྡུག་བསྔལ་མཐོང་བས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བཅུ་གང་ཞེ་ན། སྨྲས་པ། འཇིག་ཚོགས་ལ་ལྟ་བ་དང ། མཐར་འཛིན་པར་ལྟ་བ་དང ། སྡུག་བསྔལ་མཐོང་བས་སྤང་བར་བྱ་བའི་ལོག་པར་ལྟ་བ་དང ། ལྟ་བ་མཆོག་ཏུ་འཛིན་པ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང ། ཐེ་ཚོམ་དང ། འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ།། ཀུན་འབྱུང་བ་མཐོང་བས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བདུན་གང་ཞེ་ན། སྨྲས་པ། ཀུན་འབྱུང་བ་མཐོང་བས་སྤང་བར་བྱ་བའི་ལོག་པར་ལྟ་བ་དང ། ལྟ་བ་མཆོག་ཏུ་འཛིན་པ་དང ། ཐེ་ཚོམ་དང ། འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། །འགོག་པ་མཐོང་བས་སྤང་བར་བྱ་བ་རྣམས་ཀྱང་དེ་དང་འདྲའོ། །ལམ་མཐོང་བས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བརྒྱད་གང་ཞེ་ན། སྨྲས་པ། ལམ་མཐོང་བས་སྤང་བར་བྱ་བའི་ལོག་པར་ལྟ་བ་ 410b དང ། ལྟ་བ་མཆོག་ཏུ་འཛིན་པ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང ། ཐེ་ཚོམ་དང ། འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། ། སྒོམ་པས་སྤང་བར་བྱ་བའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་བཞི་གང་ཞེ་ན། སྨྲས་པ། སྒོམ་པས་སྤང་བར་བྱ་བའི་འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པའོ། །ཅིའི་ཕྱིར་འཇིག་ཚོགས་ལ་ལྟ་བ་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་འདོད་པའི་ཁམས་ཐམས་ཅད་དུ་ཡང་དག་པར་མ་བསྡམས་པ་ཞེས་བྱའོ། །འཇིག་ཚོགས་ལ་ལྟ་བ་ཇི་ལྟ་བ་བཞིན་དུ་མཐར་འཛིན་པར་ལྟ་བ་དང ། སྡུག་བསྔལ་མཐོང་བས་སྤང་བར་བྱ་བའི་ལྡོག་པར་ལྟ་བ་དང ། ལྟ་བ་མཆོག་ཏུ་འཛིན་པ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང ། ཐེ་ཚོམ་དང་མ་རིག་པ་ཀུན་ཏུ་འགྲོ་བ་ཡང་དེ་དང་འདྲའོ། །ཅིའི་ཕྱིར་སྡུག་བསྔལ་མཐོང་བས་སྤང་བར་བྱ་བའི་འདོད་ཆགས་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན།་སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་སྡུག་བསྔལ་མཐོང་བས་སྤང་བར་བྱ་བའི་ཆོས་རྣམས་ཡང་དག་པར་ 411a ༄#། །མ་བསྡམས་པ་ཞེས་བྱའོ། །སྡུག་བསྔལ་མཐོང་བས་སྤང་བར་བྱ་བའི་འདོད་ཆགས་ཇི་ལྟ་བ་བཞིན་དུ། ཁོང་ཁྲོ་བ་དང ། ང་རྒྱལ་དང ། མ་རིག་པ་ཀུན་ཏུ་འགྲོ་བ་མ་ཡིན་པ་དེ་དང་འདྲའོ། །སྡུག་བསྔལ་མཐོང་བས་སྤང་བར་བྱ་བ་རྣམས་ཇི་ལྟ་བ་བཞིན་དུ་ཀུན་འབྱུང་བ་མཐོང་བས་སྤང་བར་བྱ་བ་རྣམས་ཀྱང་དེ་དང་འདྲ་སྟེ། འཇིག་ཚོགས་ལ་ལྟ་བ་དང ། མཐར་འཛིན་པར་ལྟ་བ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ནི། མ་གཏོགས་སོ། །ཅིའི་ཕྱིར་འགོག་པ་མཐོང་བས་སྤང་བར་བྱ་བའི་ལོག་པར་ལྟ་བ་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ།་མ་སྤངས་པའི་ཕྱིར་ནི་དེ་དང་མཚུངས་པར་ལྡན་པའི་ཆོས་རྣམས་ཀྱིས་ཡང་དག་པར་མ་བསྡམས་པ་ཞེས་བྱའོ། །འགོག་པ་མཐོང་བས་སྤང་བར་བྱ་བའི་ལོག་པར་ལྟ་བ་ཇི་ལྟ་བ་བཞིན་དུ་ཐེ་ཚོམ་དང ། མ་རིག་པ་ཟག་པ་མེད་པ་ལ་དམིགས་པ་ཡང་དེ་དང་འདྲའོ། །ཅིའི་ཕྱིར་འགོག་པ་མཐོང་བས་སྤང་བར་བྱ་བའི་ལྟ་བ་མཆོག་ཏུ་འཛིན་པ་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། སྨྲས་པ། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་འགོག་ 411b པ་མཐོང་བས་སྤང་བར་བྱ་བའི་ཆོས་རྣམས་ཀྱིས་ཡང་དག་པར་མ་བསྡམས་པ་ཞེས་བྱའོ། །འགོག་པ་མཐོང་བས་སྤང་བར་བྱ་བའི་ལྟ་བ་མཆོག་ཏུ་འཛིན་པ་ཇི་ལྟ་བ་བཞིན་དུ་འདོད་ཆགས་དང ། ཁོང་ཁྲོ་བ་དང ། ང་རྒྱལ་དང ། མ་རིག་པ་ཟག་པ་དང་བཅས་པ་ལ་དམིགས་པ་ཡང་དེ་དང་འདྲའོ། །འགོག་པ་མཐོང་བས་སྤང་བར་བྱ་བ་རྣམས་ཇི་ལྟ་བ་བཞིན་དུ་ལམ་མཐོང་བས་སྤང་བར་བྱ་བ་རྣམས་ཀྱང་དེ་དང་འདྲ་སྟེ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་བསྟན་པར་བྱའོ། །ཅིའི་ཕྱིར་སྒོམ་པས་སྤང་བར་བྱ་བའི་འདོད་ཆགས་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཞེས་བྱ་ཞེ་ན། ཀུན་ནས་དཀྲིས་པའི་ཕྱིར་ནི་དམིགས་པ་ལ་ཡང་དག་པར་མ་བསྡམས་ལ། མ་སྤངས་པའི་ཕྱིར་ནི་སྒོམ་པས་སྤང་བར་བྱ་བ་ཆོས་རྣམས་ཀྱིས་ཡང་དག་པར་མ་བསྡམས་པ་ཞེས་བྱའོ། །སྒོམ་པས་སྤང་བར་བྱ་བའི་འདོད་ཆགས་ཇི་ལྟ་བ་བཞིན་དུ་ཁོང་ཁྲོ་བ་དང ། ང་རྒྱལ་དང ། མ་རིག་པ་ཡང་དེ་དང་འདྲའོ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་གསུམ་ཡོད་དེ། འདོད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་དང ། གཟུགས་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་དང ། གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པའོ། །གང་གི་འདོད་པ་ 412a ༄#། །དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་དེའི་ནི། གཟུགས་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་མ་སྤངས་ཤིང་ཡོངས་སུ་མ་ཤེས་པ་ཡིན་ནམ། གཟུགས་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་གང་ཡིན་པ་དེའི་ནི། འདོད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་མ་སྤངས་ཤིང་ཡོངས་སུ་མ་ཤེས་པ་མ་ཡིན་ནམ་ཞེ་ན། སྨྲས་པ། གང་གི་འདོད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་དེའི་ནི། གཟུགས་དང་ལྡན་པའི་ཡང་དག་པར་མ་སྤངས་པའི་སྡོམ་པ་མ་ཡིན་པ་དང་ཡོངས་སུ་མ་སྤངས་ཤིང་ཡོངས་སུ་མ་ཤེས་པ་ཡིན་ནོ། གཟུགས་དང་ལྡན་པའི་ཡིན་ལ་འདོད་པ་དང་ལྡན་པ་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ།་དཔེར་ན། འདོད་པ་རྣམས་ལས་འདོད་ཆགས་དང་བྲལ་ལ། གཟུགས་རྣམས་ལ་འདོད་ཆགས་དང་བྲལ་བ་ལྟ་བུའོ། །གང་གི་འདོད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་དེའི་ནི། གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་མ་སྤངས་ 412b ཤིང་ཡོངས་སུ་མ་ཤེས་པ་ཡིན་ནམ། གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་གང་ཡིན་པ་དེའི་ནི། འདོད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་མ་སྤངས་ཤིང་ཡོངས་སུ་མ་ཤེས་པ་ཡིན་ནམ་ཞེ་ན། སྨྲས་པ། གང་གི་འདོད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་དེའི་ནི། གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་མ་སྤངས་ཤིང་ཡོངས་སུ་མ་ཤེས་པ་ཡིན་ནོ། །གཟུགས་མེད་པ་དང་ལྡན་ལ་འདོད་པ་དང་མི་ལྡན་པ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། འདོད་པ་རྣམས་ལས་འདོད་ཆགས་དང་བྲལ་བ་ལྟ་བུའོ། །གང་གི་གཟུགས་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་གང་ཡིན་པ་དེའི་ནི། གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་མ་སྤངས་ཤིང་ཡོངས་སུ་ཤེས་པ་ཡིན་ནམ། གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་དེའི་ནི། གཟུགས་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་སྤངས་ཤིང་ཡོངས་སུ་མ་ཤེས་པ་ 413a ༄#། །ཡིན་ནམ་ཞེ་ན། སྨྲས་པ། གང་གི་གཟུགས་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང་ཡོངས་སུ་མ་ཤེས་པ་དེའི་ནི། གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་ཡང་མ་སྤངས་ཤིང་ཡོངས་སུ་མ་ཤེས་པ་ཡིན་ནོ། །གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མ་སྤངས་ཤིང ། ཡོངས་སུ་མ་ཤེས་ལ། གཟུགས་དང་ལྡན་པའི་ནི། མ་སྤངས་ཤིང་ཡོངས་སུ་མ་ཤེས་པ་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ།་དཔེར་ན། གཟུགས་རྣམས་ལས་འདོད་ཆགས་དང་བྲལ་ལ། གཟུགས་མེད་པ་རྣམས་ལས་ནི། འདོད་ཆགས་དང་མ་བྲལ་བ་ལྟ་བུའོ། །ཡང་དག་པར་མ་བསྡམས་པའི་སྡོམ་པ་མ་ཡིན་པ་དྲུག་ཡོད་དེ། དྲུག་གང་ཞེ་ན། འདོད་པ་དང་ལྡན་པའི་སེམས་དང་མཚུངས་པར་ལྡན་པ་དང ། སེམས་དང་མི་ལྡན་པ་དང ། གཟུགས་དང་ལྡན་པའི་སེམས་དང་མཚུངས་པར་ལྡན་པ་དང ། སེམས་དང་མི་ལྡན་པ་དང ། གཟུགས་མེད་པ་དང་ལྡན་པའི་སེམས་དང་མཚུངས་པར་ལྡན་པ་དང ། སེམས་དང་མི་ལྡན་པའོ། །འདོད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མངོན་སུམ་དུ་བྱེད་པ་དང ། སྡོམ་པ་མ་ཡིན་པ་དུ་ཞིག་གིས་མ་བསྡམས་ཞེས་བྱ། གཟུགས་དང་ལྡན་པ་དང ། 413b གཟུགས་མེད་པ་དང་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མངོན་སུམ་དུ་བྱེད་པ་ན། སྡོམ་པ་མ་ཡིན་པ་དུ་ཞིག་གིས་མ་བསྡམས་ཞེས་བྱ་ཞེ་ན། སྨྲས་པ། འདོད་པ་དང་ལྡན་པའི་སེམས་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མངོན་སུམ་དུ་བྱེད་པ་ན་ནི། སྡོམ་པ་མ་ཡིན་པ་བཞིས་མ་བསྡམས་པ་ཞེས་བྱ་སྟེ། འདོད་པ་དང་ལྡན་པའི་སེམས་དང་མཚུངས་པར་ལྡན་པ་དང ། སེམས་དང་མི་ལྡན་པ་དང ། གཟུགས་དང་ལྡན་པའི་སེམས་དང་མི་ལྡན་པ་དང ། གཟུགས་མེད་པ་དང་ལྡན་པའི་སེམས་དང་མི་ལྡན་པས་སོ། །གཟུགས་དང་ལྡན་པའི་སེམས་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མངོན་སུམ་དུ་བྱེད་པ་ན་ནི།་སྡོམ་པ་མ་ཡིན་པ་གསུམ་གྱིས་མ་བསྡམས་པ་ཞེས་བྱ་སྟེ། གཟུགས་དང་ལྡན་པའི་སེམས་དང་མཚུངས་པར་ལྡན་པ་དང ། སེམས་དང་མི་ལྡན་པ་དང ། གཟུགས་མེད་པ་དང་ལྡན་པའི་སེམས་དང་མི་ལྡན་པས་སོ། །གཟུགས་མེད་པ་དང་ལྡན་པའི་སེམས་དང་མཚུངས་པར་ལྡན་པའི་ཡང་དག་པར་མ་བསྡམས་པའི་སྡོམ་པ་མ་ཡིན་པ་མངོན་སུམ་དུ་བྱེད་པ་ན་ནི། སྡོམ་པ་མ་ཡིན་པ་གཉིས་ཀྱིས་མ་བསྡམས་པ་ཞེས་བྱ་སྟེ། གཟུགས་མེད་པ་དང་ལྡན་པའི་སེམས་དང་མཚུངས་པར་ལྡན་པ་དང ། སེམས་དང་མི་ལྡན་པས་སོ། །ཇི་ 414a ༄#། །ལྟར་ཚིགས་བདུན་པ་ལས་ནག་པོའི་ཕྱོགས་ཀྱི་སྒོ་ནས་བསྟན་པ་དེ་བཞིན་དུ་དཀར་པོའི་ཕྱོགས་ལ་ཡང་དགེ་བའི་རྩ་བ་གསུམ་ལས་བཟུང་སྟེ་ཐམས་ཅད་བརྗོད་པར་བྱའོ། །ལས་གདགས་པ་ཚིགས་བརྒྱད་པའོ།། །།སྡོམ་ནི། འདས་པ་འདས་པའི་རྒྱུ་ལས་བྱུང ། །འདྲེས་པའི་དྲི་བ་དེ་དང་གཉིས། །ཆོས་གང་དགེ་བའི་རྒྱུ་ལས་བྱུང ། །རྣམ་པར་སྨིན་ལ་གནས་བཞི་ཡོད། །འདས་པའི་སེམས་པ་འདས་པའི་རྒྱུ་ལས་བྱུང་བ་ཡིན་ལ། མ་འོངས་པའི་རྒྱུ་ལས་བྱུང་བ་ཡང་མ་ཡིན། ད་ལྟར་བྱུང་བའི་རྒྱུ་ལས་བྱུང་བ་མ་ཡིན་པ་ཡོད་དམ། འདས་པའི་སེམས་པ་མ་འོངས་པའི་རྒྱུ་ལས་བྱུང་བ་ཡིན་ལ། འདས་པའི་རྒྱུ་ལས་བྱུང་བ་ཡང་མ་ཡིན། ད་ལྟར་བྱུང་བའི་རྒྱུ་ལས་བྱུང་བ་ཡང་མ་ཡིན་པ་ཡོད་དམ། འདས་པའི་སེམས་པ་ད་ལྟར་བྱུང་བའི་རྒྱུ་ལས་བྱུང་བ་ཡིན་ལ། འདས་པའི་རྒྱུ་ལས་བྱུང་བ་ཡང་མ་ཡིན།་མ་འོངས་པའི་རྒྱུ་ལས་བྱུང་བ་མ་ཡིན་པ་ཡོད་དམ། འདས་པའི་སེམས་པ་འདས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡིན་ལ། མ་འོངས་པའི་རྒྱུ་ལས་བྱུང་བ་མ་ཡིན་པ་ཡོད་དམ། འདས་པའི་སེམས་པ་མ་འོངས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡིན་ལ། འདས་པའི་རྒྱུ་ལས་བྱུང་བ་མ་ཡིན་པ་ཡོད་དམ། འདས་པའི་སེམས་པ་ 414b འདས་པ་དང ། མ་འོངས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡོད་དམ། འདས་པ་ཇི་ལྟ་བ་བཞིན་དུ་མ་འོངས་པ་དང ། ད་ལྟར་བྱུང་བའི་ཡང་དེ་དང་འདྲ་བར་སྦྱར་ཏེ། དེ་ལས་འདས་པའི་སེམས་པ་ཐམས་ཅད་ནི། འདས་པའི་རྒྱུ་ལས་བྱུང་བ་ཡིན་ནོ། །མུ་ལྷག་མ་རྣམས་ནི། མེད་དོ། །མ་འོངས་པའི་སེམས་པ་འདས་པའི་རྒྱུ་ལས་བྱུང་བ་ཡིན་ལ། མ་འོངས་པའི་རྒྱུ་ལས་བྱུང་བ་ཡང་མ་ཡིན། །ད་ལྟར་བྱུང་བའི་རྒྱུ་ལས་བྱུང་བ་ཡང་མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །མ་འོངས་པའི་སེམས་པ་མ་འོངས་པའི་རྒྱུ་ལས་བྱུང་བ་ཡིན་ལ། འདས་པའི་རྒྱུ་ལས་བྱུང་བ་ཡང་མ་ཡིན་།ད་ལྟར་བྱུང་བའི་རྒྱུ་ལས་བྱུང་བ་ཡང་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཡང་དག་པའི་ངེས་པ་ལ་ཞུགས་པའི་གང་ཟག་གོ་།མ་འོངས་པའི་ཟག་པ་མེད་པའི་སེམས་པ་གང་ཡིན་པའོ། །དེའི་མ་འོངས་པའི་རྒྱུ་གང་ཞེ་ན། སྨྲས་པ། ལྷན་ཅིག་འབྱུང་བ་དང་མཚུངས་པར་ལྡན་པའི་ཆོས་རྣམས་སོ། །མ་འོངས་པའི་སེམས་པ་འདས་པའི་རྒྱུ་ལས་བྱུང་བ་ཡིན་ལ། མ་འོངས་པའི་རྒྱུ་ལས་བྱུང་བ་ཡང་མ་ཡིན། ད་ལྟར་བྱུང་བའི་རྒྱུ་ལས་བྱུང་བ་ཡང་མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །མ་འོངས་པའི་སེམས་པ་དེ་ལྟར་བྱུང་བའི་རྒྱུ་ལས་བྱུང་བ་ཡིན་ལ། འདས་པའི་རྒྱུ་ལས་བྱུང་བ་ཡང་མ་ཡིན། མ་འོངས་པའི་རྒྱུ་ལས་བྱུང་བ་ཡང་མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །མ་ 415a ༄#། །འོངས་པའི་སེམས་པ་མ་འོངས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡིན་ལ། འདས་པའི་རྒྱུ་ལས་བྱུང་བ་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ།་སྡུག་བསྔལ་ལ་ཆོས་ཤེས་པའི་བཟོད་པ་མངོན་སུམ་དུ་གྱུར་པ་ན། དེ་ལས་གཞན་པའི་མ་འོངས་པའི་སེམས་པ་གང་ཡིན་པའོ། །དེའི་མ་འོངས་པའི་རྒྱུ་གང་ཞེ་ན། སྨྲས་པ། ལྷན་ཅིག་འབྱུང་བ་དང་མཚུངས་པར་ལྡན་པའི་ཆོས་རྣམས་སོ། །དེའི་ད་ལྟར་བྱུང་བའི་རྒྱུ་གང་ཞེ་ན། སྨྲས་པ། སྡུག་བསྔལ་ལ་ཆོས་ཤེས་པའི་བཟོད་པ་དང་མཚུངས་པར་ལྡན་པའི་ཆོས་རྣམས་སོ། །མ་འོངས་པའི་སེམས་པ་འདས་པ་དང ། མ་འོངས་པའི་རྒྱུ་ལས་བྱུང་བ་ཡིན་ལ། ད་ལྟར་བྱུང་བའི་རྒྱུ་ལས་བྱུང་བ་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། དེའི་མ་འོངས་པའི་རྒྱུ་གང་ཞེ་ན། སྨྲས་པ། ལྷན་ཅིག་འབྱུང་བ་དང་མཚུངས་པར་ལྡན་པའི་ཆོས་རྣམས་སོ། །དེའི་འདས་པའི་རྒྱུ་གང་ཞེ་ན། སྨྲས་པ། འདས་པའི་ཆོས་གང་ཡིན་པ་རྣམས་ཀྱིས་ནི། སེམས་པ་དེ་དང་འདྲ་བའམ། རྣམ་པར་སྨིན་པ་ཡིན་གྱི་།ད་ལྟར་བྱུང་བའི་ཆོས་རྣམས་ཀྱིས་ནི། སེམས་པ་དེ་དང་འདྲ་བའམ།་རྣམ་པར་སྨིན་པ་མ་ཡིན་ནོ། །མ་འོངས་པའི་སེམས་པ་འདས་པ་དང ། མ་འོངས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ། 415b དེའི་མ་འོངས་པའི་རྒྱུ་གང་ཞེ་ན། སྨྲས་པ། ལྷན་ཅིག་འབྱུང་བ་དང་མཚུངས་པར་ལྡན་པའི་ཆོས་རྣམས་སོ། །དེའི་འདས་པ་དང ། ད་ལྟར་བྱུང་བའི་རྒྱུ་གང་ཞེ་ན། སྨྲས་པ། འདས་པ་དང ། ད་ལྟར་བྱུང་བའི་ཆོས་གང་ཡིན་པ་རྣམས་ཀྱིས་ནི། སེམས་པ་དེ་དང་འདྲ་བའམ། རྣམ་པར་སྨིན་པ་ཡིན་ནོ། །ད་ལྟར་བྱུང་བའི་སེམས་པ་ད་ལྟར་བྱུང་བའི་རྒྱུ་ལས་བྱུང་བ་ཡིན་ལ།་མ་འོངས་པའི་རྒྱུ་ལས་བྱུང་བ་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། སྡུག་བསྔལ་ལ་ཆོས་ཤེས་པ་བཟོད་པ་མངོན་སུམ་དུ་གྱུར་པ་དང་མཚུངས་པར་ལྡན་པའི་སེམས་པའོ། །དེའི་ད་ལྟར་བྱུང་བའི་རྒྱུ་གང་ཞེ་ན། སྨྲས་པ། ལྷན་ཅིག་འབྱུང་བ་དང་མཚུངས་པར་ལྡན་པའི་ཆོས་རྣམས་སོ། །ད་ལྟར་བྱུང་བའི་སེམས་པ་འདས་པའི་རྒྱུ་ལས་བྱུང་བ་ཡིན་ལ། མ་འོངས་པའི་རྒྱུ་ལས་བྱུང་བ་ཡང་མ་ཡིན། ད་ལྟར་བྱུང་བའི་རྒྱུ་ལས་བྱུང་བ་མ་ཡིན་པ་ཡོད་དམ་ཞེ་ན། སྨྲས་པ་མེད་དོ། །ད་ལྟར་བྱུང་བའི་སེམས་པ་མ་འོངས་པའི་རྒྱུ་ལས་བྱུང་བ་ཡིན་ལ། འདས་པའི་རྒྱུས་ལས་བྱུང་བ་མ་ཡང་མ་ཡིན། ད་ལྟར་བྱུང་བ་ཡང་མ་ཡིན་པ་ཡོད་དམ་ཞེ་ན། སྨྲས་པ། མེད་དོ། །ད་ལྟར་བྱུང་བའི་སེམས་པ་འདས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡིན་ལ། མ་འོངས་པའི་རྒྱུ་ལས་བྱུང་བ་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། དེའི་ད་ལྟར་བྱུང་བའི་རྒྱུ་གང་ཞེ་ན། སྨྲས་པ། ལྷན་ཅིག་ 416a ༄#། །འབྱུང་བ་དང་མཚུངས་པར་ལྡན་པའི་ཆོས་རྣམས་སོ། །དེའི་འདས་པའི་རྒྱུ་གང་ཞེ་ན། སྨྲས་པ། འདས་པའི་རྒྱུ་གང་ཡིན་པ་རྣམས་ཀྱི་ནི། སེམས་པ་དེ་འདྲ་བའམ།་རྣམ་པར་སྨིན་པ་ཡིན་ནོ། །ད་ལྟར་བྱུང་བའི་སེམས་པ་མ་འོངས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡོད་དམ། སྨྲས་པ། མེད་དོ། །འདས་པ་དང ། མ་འོངས་པའི་རྒྱུ་ལས་བྱུང་བ་ཡང་མེད་དོ། །འདས་པ་དང ། མ་འོངས་པ་དང ། ད་ལྟར་བྱུང་བའི་རྒྱུ་ལས་བྱུང་བ་ཡང་མེད་དོ། །ཆོས་གསུམ་ཡོད་དེ། དགེ་བ་དང ། མི་དགེ་བ་དང ། ལུང་དུ་མ་བསྟན་པ་རྣམས་སོ། །དགེ་བའི་ཆོས་རྣམས་དགེ་བའི་རྒྱུ་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ། དགེ་བ་འདུས་བྱས་ཀྱི་ཆོས་རྣམས་སོ། །དགེ་བའི་ཆོས་རྣམས་མི་དགེ་བའི་རྒྱུ་ལས་བྱུང་བ་ཡོད་དམ་ཞེ་ན། སྨྲས་པ། མེད་དོ། །དགེ་བའི་ཆོས་རྣམས་ལུང་དུ་མ་བསྟན་པའི་རྒྱུ་ལས་བྱུང་བ་ཡོད་དམ། སྨྲས་པ། མེད་དོ། །མི་དགེ་བའི་ཆོས་རྣམས་མི་དགེ་བའི་རྒྱུ་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །མི་དགེ་བའི་ཆོས་རྣམས་དགེ་བའི་རྒྱུ་ལས་བྱུང་བ་ཡོད་དམ་ཞེ་ན། སྨྲས་པ། མེད་དོ། །མི་དགེ་བའི་ཆོས་རྣམས་ལུང་དུ་མ་བསྟན་པའི་རྒྱུ་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ། ཐམས་ཅད་དོ། །ལུང་དུ་མ་བསྟན་པའི་ཆོས་རྣམས་ལུང་དུ་མ་བསྟན་པའི་རྒྱུ་ལས་བྱུང་བ་ཡོད་དམ་ 416b ཞེ་ན།་སྨྲས་པ། ཡོད་དེ། ལུང་དུ་མ་བསྟན་པ་འདུས་བྱས་ཀྱི་ཆོས་རྣམས་སོ། །ལུང་དུ་མ་བསྟན་པའི་ཆོས་རྣམས་དགེ་བའི་རྒྱུ་ལ་བྱུང་བ་ཡོད་དམ་ཞེ་ན། སྨྲས་པ། ཡོད་དེ། དགེ་བའི་རྣམ་པར་སྨིན་པ་ལས་བྱུང་བའི་ཆོས་རྣམས་སོ། །ལུང་དུ་མ་བསྟན་པའི་ཆོས་རྣམས་མི་དགེ་བའི་རྒྱུ་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ། མི་དགེ་བའི་རྣམ་པར་སྨིན་པ་ལས་བྱུང་བའི་ཆོས་རྣམས་དང ། འདོད་པ་དང་ལྡན་པའི་འཇིག་ཚོགས་ལ་ལྟ་བ་དང ། མཐར་འཛིན་པར་ལྟ་བ་དང་མཚུངས་པར་ལྡན་པའི་ཆོས་རྣམས་སོ། །ཆོས་གསུམ་ཡོད་དེ། དགེ་བའི་ཆོས་རྣམས་དང ། མི་དགེ་བའི་ཆོས་རྣམས་དང ། ལུང་དུ་མ་བསྟན་པའི་ཆོས་རྣམས་སོ། །དགེ་བའི་ཆོས་རྣམས་དགེ་བའི་རྒྱུ་འབའ་ཞིག་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ།་བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་སེམས་པའོ། །དགེ་བའི་ཆོས་རྣམས་མི་དགེ་བའི་རྒྱུ་འབའ་ཞིག་ལས་བྱུང་བ་ཡོད་དམ་ཞེ་ན། སྨྲས་པ། མེད་དོ། །ལུང་དུ་མ་བསྟན་པའི་རྒྱུ་འབའ་ཞིག་ལས་བྱུང་བ་ཡང་མེད་དོ། །མི་དགེ་བའི་ཆོས་རྣམས་མི་དགེ་བའི་རྒྱུ་འབའ་ཞིག་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ། འདོད་པའི་འདོད་ཆགས་དང་བྲལ་བའི་འཕགས་པའི་གང་ཟག་འདོད་པའི་འདོད་ཆགས་དང་བྲལ་བ་དེ་ལས་ཡོངས་སུ་ཉམས་པར་གྱུར་ན། ཉོན་མོངས་པ་ཅན་གྱི་སེམས་དང་པོ་མངོན་སུམ་དུ་བྱེད་པ་གང་ཡིན་ 417a ༄#། །པའོ། །མི་དགེ་བའི་ཆོས་རྣམས་དགེ་བའི་རྒྱུ་འབའ་ཞིག་ལས་བྱུང་བ་ཡོད་དམ་ཞེ་ན། སྨྲས་པ། མེད་དོ། །ལུང་དུ་མ་བསྟན་པའི་རྒྱུ་འབའ་ཞིག་ལས་བྱུང་བ་ཡང་མེད་དོ། །ལུང་དུ་བསྟན་པའི་ཆོས་རྣམས་ལུང་དུ་མ་བསྟན་པའི་རྒྱུ་འབའ་ཞིག་ལས་བྱུང་བ་ཡོད་དམ་ཞེ་ན། སྨྲས་པ། ཡོད་དེ། སྤྱོད་ལམ་ལས་བྱུང་བ་རྣམས་བཟོའི་གནས་ལས་བྱུང་བ་རྣམས་དང ། གཟུགས་དང ། གཟུགས་མེད་པ་དང་ལྡན་པའི་ཉོན་མོངས་པ་ཅན་རྣམས་སོ། །ལུང་དུ་མ་བསྟན་པའི་ཆོས་རྣམས་དགེ་བའི་རྒྱུ་འབའ་ཞིག་ལས་བྱུང་བ་ཡོད་དམ་ཞེ་ན། སྨྲས་པ། མེད་དོ། །མི་དགེ་བའི་རྒྱུ་འབའ་ཞིག་ལས་བྱུང་བ་ཡང་མེད་དོ། །ཆོས་གསུམ་ཡོད་དེ། དགེ་བའི་ཆོས་རྣམས་དང ། མི་དགེ་བའི་ཆོས་རྣམས་དང ། ལུང་དུ་མ་བསྟན་པའི་ཆོས་རྣམས་སོ། །ཆོས་གང་དག་དགེ་བ་ཡང་ཡིན་ལ། ཆོས་དེ་དག་དགེ་བའི་རྒྱུ་ལས་བྱུང་བ་ཡང་ཡིན་པ་ཡོད་དམ་ཞེ་ན། སྨྲས་པ། ཆོས་རྣམས་ལ་དགེ་བ་ཡིན་ལ།་ཆོས་དེ་དག་དགེ་བའི་རྒྱུ་ལས་བྱུང་བ་ནི། མ་ཡིན་པ་ཡང་ཡོད་དོ། །ཆོས་རྣམས་ལ་དགེ་བའི་རྒྱུ་ལས་བྱུང་བ་ཡིན་ལ། དགེ་བ་ནི། མ་ཡིན་པ་དག་ཀྱང་ཡོད་དོ། །ཆོས་རྣམས་ལ་དགེ་བ་ཡང་ཡིན་ལ། ཆོས་དེ་དག་དགེ་བའི་རྒྱུ་ལས་བྱུང་བ་ཡང་ཡོད་དོ། །ཆོས་རྣམས་ལ་དགེ་བ་ཡང་མ་ཡིན་ལ་ཆོས་དེ་དག་དགེ་བའི་རྒྱུ་ལས་བྱུང་བ་མ་ཡིན་པ་ཡང་ཡོད་དོ།། 417b ཆོས་རྣམས་ལ་དགེ་བ་ཡིན་ལ། ཆོས་དེ་དག་དགེ་བའི་རྒྱུ་ལས་བྱུང་བ་ནི། མ་ཡིན་པ་དེ་དག་གང་ཞེ་ན། སྨྲས་པ། སོ་སོར་བརྟགས་ཏེ་འགོག་པ་སྟེ། ཆོས་དེ་དག་ནི། དགེ་བ་ཡིན་ལ།་ཆོས་དེ་དག་ནི། དགེ་བའི་རྒྱུ་ལས་བྱུང་བ་མ་ཡིན་ནོ། །ཆོས་རྣམས་ལ་དགེ་བའི་རྒྱུ་ལས་བྱུང་བ་ཡིན་ལ། ཆོས་དེ་དག་དགེ་བ་ནི། མ་ཡིན་པ་གང་ཡིན་ཞེ་ན། སྨྲས་པ། དགེ་བའི་རྣམ་པར་སྨིན་པ་ལས་བྱུང་བའི་ཆོས་རྣམས་ཏེ། ཆོས་དེ་དག་ནི། དགེ་བའི་རྒྱུ་ལས་བྱུང་བ་ཡིན་ལ། དགེ་བ་མ་ཡིན་ནོ། །ཆོས་རྣམས་ལ་དགེ་བ་ཡང་ཡིན་ལ། དགེ་བའི་རྒྱུ་ལས་བྱུང་བ་ཡང་ཡིན་པ་རྣམས་གང་ཞེ་ན། སྨྲས་པ། དགེ་བ་འདུས་བྱས་ཀྱི་ཆོས་རྣམས་ཏེ། ཆོས་དེ་དག་ནི། དགེ་བ་ཡང་ཡིན་ལ། དགེ་བའི་རྒྱུ་ལས་བྱུང་བ་ཡང་ཡིན་ནོ། །ཆོས་རྣམས་ལ་དགེ་བ་ཡང་མ་ཡིན། དགེ་བའི་རྒྱུ་ལས་བྱུང་བ་ཡང་མ་ཡིན་པ་གང་ཞེ་ན། སྨྲས་པ། དགེ་བའི་རྣམ་པར་སྨིན་པ་ལུང་དུ་མ་བསྟན་པའི་ཆོས་རྣམས་མ་གཏོགས་པ་དེ་མ་ཡིན་པའི་ལུང་དུ་མ་བསྟན་པའི་ཆོས་རྣམས་དང ། མི་དགེ་བ་རྣམས་ཏེ། ཆོས་དེ་དག་ནི། དགེ་བ་ཡང་མ་ཡིན། དགེ་བའི་རྒྱུ་ལས་བྱུང་བ་ཡང་མ་ཡིན་ནོ། །ཆོས་གང་དག་མི་དགེ་བ་ཡིན་ལ། ཆོས་དེ་དག་མི་དགེ་བའི་རྒྱུ་ལས་བྱུང་བ་ཡང་ཡིན་པ་ཡོད་དམ་ཞེ་ན། སྨྲས་པ། ཡོད་དེ། ཆོས་གང་དག་མི་དགེ་བ་ཡིན་པའི་ཆོས་དེ་དག་ནི། མི་དགེ་བའི་རྒྱུ་ལས་བྱུང་བ་ 418a ༄#། །ཡང་ཡིན་ནོ། །ཆོས་རྣམས་ལ་མི་དགེ་བའི་རྒྱུ་ལས་བྱུང་བ་ཡིན་ལ། ཆོས་དེ་དག་གི་མི་དགེ་བ་ཡང་མ་ཡིན་པ་ཡོད་དམ་ཞེ་ན། སྨྲས་པ། ཡོད་དེ། མི་དགེ་བའི་རྣམ་པར་སྨིན་པ་ལས་བྱུང་བའི་ཆོས་རྣམས་དང ། འདོད་པ་དང་ལྡན་པའི་འཇིག་ཚོགས་ལ་ལྟ་བ་དང ། མཐར་འཛིན་པ་ལྟ་བ་དང་མཚུངས་པར་ལྡན་པའི་ཆོས་རྣམས་སོ། །ཆོས་གང་དག་ལུང་དུ་མ་བསྟན་པ་ཡང་ཡིན་ལ། ཆོས་དེ་དག་ལུང་དུ་མ་བསྟན་པའི་རྒྱུ་ལས་བྱུང་བ་ཡང་ཡིན་པ་ཡོད་དམ་ཞེ་ན། སྨྲས་པ། ཆོས་རྣམས་ལ་ལུང་དུ་མ་བསྟན་པ་ཡང་ཡོད་ལ། ལུང་དུ་མ་བསྟན་པའི་རྒྱུ་ལས་བྱུང་བ་ཡང་ཡིན་པ་དག་ཀྱང་ཡོད་དོ། །ལུང་དུ་མ་བསྟན་པའི་རྒྱུ་ལས་བྱུང་བ་ཡིན་ལ། ལུང་དུ་མ་བསྟན་པ་མ་ཡིན་པ་དག་ཀྱང་ཡོད་དོ། །ལུང་དུ་མ་བསྟན་པ་ཡང་ཡོད་ལ། ལུང་དུ་མ་བསྟན་པའི་རྒྱུ་ལས་བྱུང་བ་ཡང་མ་ཡིན་པ་དག་ཀྱང་ཡོད་དོ། །ཆོས་རྣམས་ལ་ལུང་དུ་མ་བསྟན་པ་ཡང་ཡིན་ལ། ལུང་དུ་མ་བསྟན་པའི་རྒྱུ་ལས་བྱུང་བ་ཡང་མ་ཡིན་པ་དག་ཀྱང་ཡོད་དོ། །ཆོས་རྣམས་ལ་ལུང་དུ་མ་བསྟན་པ་ཡང་ཡིན་ལ། ཆོས་དེ་དག་ལུང་དུ་མ་བསྟན་པའི་རྒྱུ་ལས་བྱུང་བ་མ་ཡིན་པ་རྣམས་གང་ཞེ་ན། སྨྲས་པ། ནམ་མཁའ་དང ། སོ་སོར་བརྟགས་ཏེ་འགོག་པ་མ་ཡིན་པ་སྟེ། ཆོས་དེ་དག་ནི། ལུང་དུ་མ་བསྟན་པ་ནི། ཡིན་ལ། ཆོས་དེ་དག་ལུང་དུ་མ་བསྟན་པའི་རྒྱུ་ 418b ལས་བྱུང་བ་ནི། མ་ཡིན་ནོ། །ཆོས་རྣམས་ལ་ལུང་དུ་མ་བསྟན་པའི་རྒྱུ་ལས་བྱུང་བ་ཡང་ཡིན་ལ། ལུང་དུ་མ་བསྟན་པ་ནི། མ་ཡིན་པ་རྣམས་གང་ཞེ་ན། སྨྲས་པ། མི་དགེ་བའི་ཆོས་རྣམས་ཏེ། ཆོས་དེ་དག་ནི། ལུང་དུ་བསྟན་པའི་རྒྱུ་ལས་བྱུང་བ་ཡིན་ལ། ཆོས་དེ་དག་ལུང་དུ་མ་བསྟན་པ་ནི། ཡིན་ནོ། །ཆོས་རྣམས་ལ་ལུང་དུ་མ་བསྟན་པ་ཡང་ཡིན་ལ། ལུང་དུ་མ་བསྟན་པའི་རྒྱུ་ལས་བྱུང་བ་ཡིན་པ་རྣམས་གང་ཞེ་ན། སྨྲས་པ། ལུང་དུ་མ་བསྟན་པ་འདུས་བྱས་ཀྱི་ཆོས་རྣམས་ཏེ། ཆོས་དེ་དག་ནི། ལུང་དུ་མ་བསྟན་པའི་རྒྱུ་ལས་བྱུང་བ་ཡང་ཡིན་ནོ། །ཆོས་རྣམས་ལ་ལུང་དུ་མ་བསྟན་པ་ཡང་མ་ཡིན། ལུང་དུ་མ་བསྟན་པའི་རྒྱུ་ལས་བྱུང་བ་ཡང་མ་ཡིན་པ་གང་ཞེ་ན། སྨྲས་པ། དགེ་བའི་ཆོས་རྣམས་ཏེ། ཆོས་དེ་དག་ནི། ལུང་དུ་མ་བསྟན་པ་ཡང་མ་ཡིན། ལུང་དུ་མ་བསྟན་པར་རྒྱུ་ལས་བྱུང་བ་མ་ཡིན་ནོ། །དགེ་བའི་ལས་ཀྱི་རྣམ་པར་སྨིན་པ་དགེ་བའི་སེམས་སམ། མི་དགེ་བའི་སེམས་སམ། ལུང་དུ་མ་བསྟན་པའི་སེམས་ཀྱིས་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། དགེ་བའི་ལས་ཀྱི་རྣམ་པར་སྨིན་པས། ཚེ་རིང་བ་དང ། མདོག་བཟང་བ་དང ། རིགས་མཐོ་བ་དང ། ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚིག་བཙན་པ་ཐོབ་པ་ན། དེ་གལ་ཏེ་དགེ་བའི་སེམས་དང་ལྡན་པར་གྱུར་ན་ནི། དགེ་བའི་སེམས་ཀྱིས་རྣམ་པར་སྨིན་པ་ 419a ༄#། །ཉམས་སུ་མྱོང་ངོ ། །དེ་སྟེ་མི་དགེ་བའི་སེམས་དང་ལྡན་པར་གྱུར་ན་ནི། མི་དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་ལུང་དུ་མ་བསྟན་པའི་སེམས་དང་ལྡན་པར་གྱུར་ན་ནི། ལུང་དུ་མ་བསྟན་པའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །མི་དགེ་བའི་ལས་ཀྱི་རྣམ་པར་སྨིན་པ་དགེ་བའི་སེམས་སམ། མི་དགེ་བའི་སེམས་སམ། ལུང་དུ་མ་བསྟན་པའི་སེམས་ཀྱིས་ཉམས་སུ་མྱོང་བས་ཡོད་དམ་ཞེ་ན། སྨྲས་པ། ཡོད་དེ། དཔེར་ན། མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་དང ། ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་པ་ན། དེ་གལ་ཏེ་དགེ་བའི་སེམས་དང་ལྡན་པར་གྱུར་ན་ནི། དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་མི་དགེ་བའི་སེམས་དང་ལྡན་པར་གྱུར་ན་ནི། མི་དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་ལུང་དུ་མ་བསྟན་པའི་སེམས་དང་ལྡན་པར་གྱུར་ན་ནི། ལུང་དུ་མ་བསྟན་པའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དགེ་བ་དང་མི་དགེ་བའི་ལས་ཀྱི་རྣམ་པར་སྨིན་པ་དགེ་བའི་སེམས་སམ། མི་དགེ་བའི་སེམས་སམ། ལུང་དུ་མ་བསྟན་པའི་སེམས་ཀྱིས་ཉམས་སུ་མྱོང་བ་ཡོད་དམ་ 419b ཞེ་ན།་སྨྲས་པ། ཡོད་དེ། དཔེར་ན། དགེ་བའི་ལས་ཀྱི་རྣམ་པར་སྨིན་པས་ཚེ་རིང་བ་དང ། མདོག་བཟང་བ་དང ། རིགས་མཐོ་བ་ཐོབ་པར་གྱུར་ལ། མི་དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་ཏམ། ཡང་ན་མི་དགེ་བའི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་ཐོབ་པར་གྱུར་ལ། དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚིག་བཙན་པ་ཐོབ་པར་གྱུར་པ་ན། དེ་གལ་ཏེ་དགེ་བའི་སེམས་དང་ལྡན་པར་གྱུར་པ་ནི། དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་མི་དགེ་བའི་སེམས་དང་ལྡན་པར་གྱུར་ན་ནི། མི་དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་ལུང་དུ་མ་བསྟན་པའི་སེམས་དང་ལྡན་པར་གྱུར་པ་ནི། ལུང་དུ་མ་བསྟན་པའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དགེ་བའི་རྣམ་པར་སྨིན་པ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པ་དང ། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པ་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། དགེ་བའི་ལས་ཀྱི་རྣམ་པར་སྨིན་པས་ཚེ་རིང་བ་དང ། མདོག་བཟང་བ་དང ། རིགས་མཐོ་བ་དང ། ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚིག་བཙན་པ་ 420a ༄#། །ཐོབ་པར་གྱུར་ལ། དེ་གལ་ཏེ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། དེ་མཐོང་བས་སྤང་བར་བྱ་བའི་ཀུན་ནས་དཀྲིས་པས། ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། དེས་སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །མི་དགེ་བའི་ལས་ཀྱི་རྣམ་པར་སྨིན་པ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པ་དང ། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་དང ། ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་པ་ན། དེ་གལ་ཏེ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། དེ་སྒོམ་པས་སྤང་བར་བྱ་བའི་ཀུན་ནས་ 420b དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །དགེ་བ་དང་མི་དགེ་བའི་ལས་ཀྱི་རྣམ་པར་སྨིན་པ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པ་དང ། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། དགེ་བའི་ལས་ཀྱི་རྣམ་པར་སྨིན་པས་ཚེ་རིང་བ་དང ། མདོག་བཟང་བ་དང ། རིགས་མཐོ་བ་ཐོབ་པར་གྱུར་ལ། མི་དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་ཏམ། ཡང་ན་མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་ཐོབ་པར་གྱུར་ལ། དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚིག་བཙན་པ་ཐོབ་པར་གྱུར་པ་ན། དེ་གལ་ཏེ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །མཐོང་ 421a ༄#། །བས་སྤང་བར་བྱ་བའི་ལས་ཀྱི་རྣམ་པར་སྨིན་པ་དགེ་བའི་སེམས་སམ། མི་དགེ་བའི་སེམས་སམ། ལུང་དུ་མ་བསྟན་པའི་སེམས་ཀྱིས་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། མཐོང་བས་སྤང་བར་བྱ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་དང ། ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པ་ན། དེ་གལ་ཏེ་དགེ་བའི་སེམས་དང་ལྡན་པར་གྱུར་ན་ནི། དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་མི་དགེ་བའི་སེམས་དང་ལྡན་པར་གྱུར་ན་ནི། མི་དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་ལུང་དུ་མ་བསྟན་པའི་སེམས་དང་ལྡན་པར་གྱུར་ན་ནི། ལུང་དུ་མ་བསྟན་པའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །སྒོམ་པས་སྤང་བར་བྱ་བའི་ལས་ཀྱི་རྣམ་པར་སྨིན་པ་དགེ་བའི་སེམས་སམ། མི་དགེ་བའི་སེམས་སམ། ལུང་དུ་མ་བསྟན་པའི་སེམས་ཀྱིས་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། སྒོམ་པས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་ཐོབ་པར་གྱུར་ལ། དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆེ་བ་དང ། ཆེ་བར་གྲགས་ 421b པ་དང ། ཚིག་བཙན་པ་ཐོབ་པར་གྱུར་ཏམ། ཡང་ན་དགེ་བའི་ལས་ཀྱི་རྣམ་པར་སྨིན་པས། ཚེ་རིང་བ་དང ། མདོག་བཟང་བ་དང ། རིགས་མཐོ་བ་ཐོབ་པར་གྱུར་པ། སྒོམ་པས་སྤང་བར་བྱ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་པ་ན། དེ་གལ་ཏེ་དགེ་བའི་སེམས་དང་ལྡན་པར་གྱུར་པ་ནི།་དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་མི་དགེ་བའི་སེམས་དང་ལྡན་པར་གྱུར་པ་ནི། མི་དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། ། དེ་སྟེ་ལུང་དུ་མ་བསྟན་པའི་སེམས་དང་ལྡན་པར་གྱུར་ན་ནི། ལུང་དུ་མ་བསྟན་པའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བའི་ལས་ཀྱི་རྣམ་པར་སྨིན་པ་དགེ་བའི་སེམས་སམ། མི་དགེ་བའི་སེམས་སམ། ལུང་དུ་མ་བསྟན་པའི་སེམས་ཀྱིས་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཡོད་དེ།་དཔེར་ན། མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་ཐོབ་པར་གྱུར་ལ།་དེ་དག་པའི་ལས་ཀྱི་རྣམ་པར་སྨིན་པས་ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚིག་བཙན་པ་ཐོབ་པར་གྱུར་ཏམ། ཡང་ན་དགེ་བའི་ལས་ཀྱི་རྣམ་པར་སྨིན་པས་ཚེ་རིང་ 422a ༄#། །བ་དང ། མདོག་བཟང་བ་དང ། རིགས་མཐོ་བ་ཐོབ་པར་གྱུར་ལ། མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་པ་ན། དེ་གལ་ཏེ་དགེ་བའི་སེམས་དང་ལྡན་པར་གྱུར་པ་ནི། དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་མི་དགེ་བའི་སེམས་དང་ལྡན་པར་གྱུར་པ་ནི། མི་དགེ་བའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་ལུང་དུ་མ་བསྟན་པའི་སེམས་དང་ལྡན་པར་གྱུར་ན་ནི། ལུང་དུ་མ་བསྟན་པའི་སེམས་ཀྱིས་རྣམ་པར་སྨིན་པ་ཉམས་སུ་མྱོང་ངོ ། །མཐོང་བས་སྤང་བར་བྱ་བའི་ལས་ཀྱི་རྣམ་པར་སྨིན་པ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པ་དང ། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་ཉམས་སུ་མྱོང་བ་ཡོད་དམ་ཞེ་ན།་སྨྲས་པ། ཡོད་དེ། དཔེར་ན། མཐོང་བས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་དང ། ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་པ་ན། དེ་གལ་ཏེ་མཐོང་བས་སྤང་བར་བྱ་བའི་ཀུན་ནས་དཀྲིས་པྶ་ཀུན་ནས་དཀྲིས་པར་གྱུར་ 422b ན་ནི།་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །སྒོམ་པས་སྤང་བར་བྱ་བའི་ལས་ཀྱི་རྣམ་པར་སྨིན་པ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པ་དང ། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་ཉམས་སུ་མྱོང་བ་ཡོད་དམ་ཞེ་ན། སྨྲས་པ།་ཡོད་དེ། དཔེར་ན། སྒོམ་པས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བར་གྱུར་ལ། དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚིག་བཙན་པ་ཐོབ་པར་གྱུར་ཏམ། ཡང་ན་དགེ་བའི་ལས་ཀྱི་རྣམ་པར་སྨིན་པས་ཚེ་རིང་བ་དང ། མདོག་བཟང་བ་དང ། རིགས་མཐོ་བ་ཐོབ་པར་གྱུར་ལ། སྒོམ་པས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་གྱུར་པ་ན། དེ་གལ་ཏེ་མཐོང་བས་སྤང་བར་བྱ་བའི་ཀུན་ནས་དཀྲིས་བས་ཀུན་ནས་དཀྲིས་པར་གྱུར་ན་ནི། མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་ 423a ༄#། །དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་ན་ནི། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །མཐོང་བས་སྤང་བར་བྱ་བ་དང ། སྒོམ་པར་སྤང་བར་བྱ་བའི་ལས་ཀྱི་རྣམ་པར་སྨིན་པ་མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པ་དང ། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཡོད་དེ། དཔེར་ན། མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་ཐོབ་པར་གྱུར་ལ། དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚིག་བཙན་པ་ཐོབ་པར་གྱུར་ཏམ། ཡང་ན་དགེ་བའི་ལས་ཀྱི་རྣམ་པར་སྨིན་པས་ཚེ་རིང་བ་དང ། མདོག་བཟང་བ་དང ། རིགས་མཐོ་བ་ཐོབ་པར་གྱུར་ལ། མཐོང་བས་སྤང་བར་བྱ་བ་དང ། སྒོམ་པས་སྤང་བར་བྱ་བའི་མི་དགེ་བའི་ལས་ཀྱི་རྣམ་པར་སྨིན་པས་ལོངས་སྤྱོད་ཆུང་བ་དང ། ཆེ་ཐུང་བ་དང ། ཚིག་མི་བཙན་པ་ཐོབ་པར་གྱུར་པ་ལ། དེ་གལ་ཏེ་མཐོང་བས་སྤང་བར་བྱ་བའི་ཀུན་ནས་ 423b དཀྲིས་པས་ཀུན་ནས་དཀྲིས་པར་གྱུར་ན་ནི། མཐོང་བས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །དེ་སྟེ་སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པར་གྱུར་པ་ནི། སྒོམ་པས་སྤང་བར་བྱ་བའི་ཀུན་ནས་དཀྲིས་པས་ཀུན་ནས་དཀྲིས་པས་རྣམ་པར་སྨིན་པ་ཉམས་སུ་མྱོང་ངོ ། །ལས་གདགས་པ་ཚིགས་དགུ་པའོ།། །།སྡོམ་ནི། རྩ་བ་ཟད་དང་ཟག་བཅས་དང ། །ཁ་ན་མ་ཐོ་བཅས་དང་ནག་།ཆོས་ཀྱི་སྒོ་ནས་གསུམ་དུ་བྱས། །སྐྱེ་བ་ལས་ནི་གཉིས་སུ་བྱ། །ལས་རྩ་བ་ཟད་པས་ཟད་པར་གྱུར་ལ། རྣམ་པར་སྨིན་པ་ཟད་པས་ཟད་པར་མི་འགྱུར་པ་ཡོད་དམ། རྣམ་པར་སྨིན་པ་ཟད་པས་ཟད་པར་གྱུར་ལ། རྩ་བ་ཟད་པས་ཟད་པར་མི་འགྱུར་པ་ཡོད་དམ། རྩ་བ་ཡང་ཟད་ལ་རྣམ་པར་སྨིན་པ་ཡང་ཟད་པས་ཟད་པར་འགྱུར་བ་ཡོད་དམ། ལས་རྩ་བ་ཡང་ཟད་ལ་རྣམ་པར་སྨིན་པ་ཡང་ཟད་པས་ཀྱང་ཟད་པར་མི་འགྱུར་བ་ཡོད་དམ་ཞེ་ན། སྨྲས་པ། ཡོད་དེ། ལས་རྩ་བ་ཟད་པས་ཟད་པར་འགྱུར་ལ། རྣམ་པར་སྨིན་པ་ཟད་པས་ཟད་པར་མི་འགྱུར་བ་གང་ཞེ་ན། སྨྲས་པ། དགེ་བའི་རྩ་བ་ཆད་པའི་གང་ཟག་གི་ལས་དོག་པ་ཟག་པ་དང་བཅས་པ། རྣམ་པར་སྨིན་པ་མ་སྨིན་པ་གང་ཡིན་པ་དང ། དགེ་བའི་རྩ་བ་ཆད་པའི་གང་ཟག་གི་ལས་མི་དགེ་བ་རྣམ་པར་སྨིན་པ་མ་ 424a ༄#། །སྨིན་པ་གང་ཡིན་པ་སྟེ།་འདི་ནི། ལས་རྩ་བ་ཟད་པས་ཟད་བར་འགྱུར་ལ། རྣམ་པར་སྨིན་པ་ཟད་པས་ཟད་པར་མི་འགྱུར་བའོ། །ལས་རྣམ་པར་སྨིན་པ་ཟད་པར་འགྱུར་ལ། རྩ་བ་ཟད་པས་ཟད་པར་མི་འགྱུར་བ་གང་ཞེ་ན། སྨྲས་པ། དགེ་བའི་རྩ་བ་མ་ཆད་པའི་གང་ཟག་གི་ལས་མི་དགེ་བ་རྣམ་པར་སྨིན་པ་སྨིན་ཟིན་པ་གང་ཡིན་པ་དང ། དགེ་བའི་རྩ་བ་མ་ཆད་པའི་གང་ཟག་གི་ལས་དགེ་བ་ཟག་པ་དང་བཅས་པ་རྣམ་པར་སྨིན་པ་སྨིན་ཟིན་པ་གང་ཡིན་པ་སྟེ། འདི་ནི། ལས་རྣམ་པར་སྨིན་པ་ཟད་པས་ཟད་པར་འགྱུར་ལ། རྩ་བ་ཟད་པས་ཟད་པར་མི་འགྱུར་བའོ། །ལས་རྩ་བ་ཡང་ཟད་ལ། རྣམ་པར་སྨིན་པ་ཡང་ཟད་པས་ཟད་པར་འགྱུར་བ་གང་ཞེ་ན། སྨྲས་པ། དགེ་བའི་རྩ་བ་ཆད་པའི་གང་ཟག་གི་ལས་དགེ་བ་ཟག་པ་དང་བཅས་པ་རྣམ་པར་སྨིན་པ་སྨིན་ཟིན་པ་གང་ཡིན་པ་དང ། དགེ་བའི་རྩ་བ་ཆད་པའི་གང་ཟག་གི་ལས་མི་དགེ་བའི་རྣམ་པར་སྨིན་པ་སྨིན་ཟིན་པ་གང་ཡིན་པ་སྟེ། འདི་ནི། ལས་རྩ་བ་ཡང་ཟད་ལ། རྣམ་པར་སྨིན་པ་ཡང་ཟད་པས་ཟད་པར་འགྱུར་བའོ། །ལས་རྩ་བ་ཡང་ཟད་ལ། རྣམ་པར་སྨིན་པ་ཟད་པས་ཀྱང་ཟད་པར་མི་འགྱུར་བ་གང་ཞེ་ན། སྨྲས་པ། དགེ་བའི་རྩ་བ་ཆད་པའི་གང་ཟག་གི་ལས་མི་དགེ་བ་རྣམ་པར་སྨིན་པ་མ་སྨིན་པ་གང་ཡིན་པ་དང ། དགེ་ 424b བའི་རྩ་བ་ཆད་པའི་གང་ཟག་གི་ལས་དགེ་བ་རྣམ་པར་སྨིན་པ་མ་སྨིན་པ་གང་ཡིན་པ་སྟེ། འདི་ནི། ལས་རྩ་བ་ཡང་ཟད་ལ། རྣམ་པར་སྨིན་པ་ཡང་ཟད་པས་ཀྱང་ཟད་པར་མི་འགྱུར་བའོ། །ལས་ཡོངས་སུ་ཤེས་པས་ཟད་པར་འགྱུར་ལ། རྣམ་པར་སྨིན་པ་ཟད་པས་ཟད་པར་མི་འགྱུར་བ་ཡོད་དམ། རྣམ་པར་སྨིན་པ་ཟད་པས་ཟད་པར་འགྱུར་ལ། ཡོངས་སུ་ཤེས་པས་ཟད་པར་མི་འགྱུར་བ་ཡོད་དམ། ཡོངས་སུ་ཤེས་ལ་རྣམ་པར་སྨིན་པ་ཡང་ཟད་པས་ཟད་པར་འགྱུར་བ་ཡོད་དམ། ལས་ཡོངས་སུ་ཤེས་ལ་རྣམ་པར་སྨིན་པ་ཡང་ཟད་པས་ཀྱང་ཟད་པར་མི་འགྱུར་བ་ཡོད་དམ་ཞེ་ན། སྨྲས་པ། ཡོད་དེ། ལས་ཡོངས་སུ་ཤེས་པས་ཟད་པར་འགྱུར་ལ། རྣམ་པར་སྨིན་པ་ཟད་པས་ཟད་པར་མི་འགྱུར་བ་གང་ཞེ་ན། སྨྲས་པ། དགྲ་བཅོམ་པ་དང ། ཕྱིར་མི་འོང་བའི་ལས་མི་དགེ་བ་དང ། དགེ་བ་ཟག་པ་དང་བཅས་པ་རྣམ་པར་སྨིན་པ་མ་སྨིན་པ་གང་ཡིན་པ་སྟེ། འདི་ནི། ལས་ཡོངས་སུ་ཤེས་པས་ཟད་པར་འགྱུར་ལ། རྣམ་པར་སྨིན་པ་ཟད་པས་ཟད་པར་མི་འགྱུར་བའོ། །ལས་རྣམ་པར་སྨིན་པ་ཟད་པས་ཟད་པར་འགྱུར་ལ། ཡོངས་སུ་ཤེས་པས་ཟད་པར་མི་འགྱུར་བ་གང་ཞེ་ན། སྨྲས་པ། འཆིང་བ་ཐམས་ཅད་དང་ལྡན་པའི་གང་ཟག་གི་ལས་མི་དགེ་བ་དང ། དགེ་བ་ཟག་པ་དང་བཅས་པ་རྣམ་པར་སྨིན་པ་སྨིན་ཟིན་པ་གང་ཡིན་པ་སྟེ། འདི་ནི། ལས་རྣམ་པར་སྨིན་པ་ 425a ༄#། །ཟད་པས་ཟད་པར་འགྱུར་ལ། ཡོངས་སུ་ཤེས་པས་ཟད་པར་མི་འགྱུར་བའོ། །ལས་ཡོངས་སུ་ཤེས་ལ་རྣམ་པར་སྨིན་པ་ཡང་ཟད་པས་ཟད་པར་འགྱུར་པ་གང་ཞེ་ན། སྨྲས་པ། དགྲ་བཅོམ་པ་དང ། ཕྱིར་མི་འོང་བའི་ལས་མི་དགེ་བ་དང ། དགེ་བ་ཟག་པ་དང་བཅས་པ་རྣམ་པར་སྨིན་པ་སྨིན་ཟིན་པ་གང་ཡིན་པ་སྟེ། འདི་ནི། ལས་ཡོངས་སུ་ཤེས་ལ། རྣམ་པར་སྨིན་པ་ཡང་ཟད་པས་ཟད་པར་འགྱུར་བའོ། །ལས་ཡོངས་སུ་ཤེས་ལ་རྣམ་པར་སྨིན་པ་ཡང་ཟད་པས་ཀྱང་ཟད་པར་མི་འགྱུར་བ་གང་ཞེ་ན།་སྨྲས་པ། འཆིང་བ་ཐམས་ཅད་དང་ལྡན་པའི་གང་ཟག་གི་ལས་མི་དགེ་བ་དང ། དགེ་བ་ཟག་པ་དང་བཅས་པ་རྣམ་པར་སྨིན་པ་མ་སྨིན་པ་གང་ཡིན་པ་སྟེ། འདི་ནི། ལས་ཡོངས་སུ་ཤེས་ལ། རྣམ་པར་སྨིན་པ་ཡང་ཟད་པས་ཀྱང་ཟད་པར་མི་འགྱུར་བའོ། །ཟག་པ་དང་བཅས་པའི་ལས་ཀྱི་ཟག་པ་དང་བཅས་པའི་འབྲས་བུ་ཡོད་དམ་ཞེ་ན། སྨྲས་པ།་ཡོད་དེ། རྒྱུ་དང་མཐུན་པའི་འབྲས་བུ་དང ། རྣམ་པར་སྨིན་པའི་འབྲས་བུའོ། །ཟག་པ་དང་བཅས་པའི་ལས་ཀྱི་ཟག་པ་མེད་པའི་འབྲས་བུ་ཡོད་དམ་ཞེ་ན། སྨྲས་པ། ཡོད་དེ།་བྲལ་བའི་འབྲས་བུའོ། །ཟག་པ་དང་བཅས་པའི་ལས་ཀྱི་ཟག་པ་དང་བཅས་པ་དང ། ཟག་པ་མེད་པའི་འབྲས་བུ་ཡོད་དམ་ཞེ་ན། སྨྲས་པ། ཡོད་དེ། རྒྱུ་དང་མཐུན་ 425b པའི་འབྲས་བུ་དང ། རྣམ་པར་སྨིན་པའི་འབྲས་བུ་དང་བྲལ་བའི་འབྲས་བུའོ། །ཟག་པ་མེད་པའི་ལས་ཀྱི་ཟག་པ་མེད་པའི་འབྲས་བུ་ཡོད་དམ་ཞེ་ན། སྨྲས་པ། ཡོད་དེ། རྒྱུ་དང་མཐུན་པའི་འབྲས་བུ་དང་བྲལ་བའི་འབྲས་བུའོ། །ཟག་པ་མེད་པའི་ལས་ཀྱི་ཟག་པ་དང་བཅས་པའི་འབྲས་བུ་ཡོད་དམ་ཞེ་ན། སྨྲས་པ། མེད་དོ། །ཟག་པ་དང་བཅས་པའི་ལས་ཀྱི་ཟག་པ་དང་བཅས་པ་དང ། ཟག་པ་མེད་པའི་འབྲས་བུ་ཡོད་དམ་ཞེ་ན། སྨྲས་པ། མེད་དོ། །ཟག་པ་དང་བཅས་པ་དང ། ཟག་པ་མེད་པའི་ལས་ཀྱི་ཟག་པ་དང་བཅས་པའི་ལས་ཀྱི་འབྲས་བུ་ཡོད་དམ་ཞེ་ན། སྨྲས་པ། མེད་དོ། །ཟག་པ་དང་བཅས་པ་དང ། ཟག་པ་མེད་པའི་ལས་ཀྱི་ཟག་པ་མེད་པའི་འབྲས་བུ་ཡོད་དམ་ཞེ་ན། སྨྲས་པ། ཡོད་དེ། བྲལ་བའི་འབྲས་བུའོ། ། ཁ་ན་མ་ཐོ་བ་དང་བཅས་པའི་ལས་ཀྱིས་སྐྱེས་ལ་ཁ་ན་མ་ཐོ་བ་དང་བཅས་པ་ཉིད་ཀྱི་རྣམ་པར་སྨིན་པ་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བ་ཡོད་དེ། གླང་པོ་ཆེའི་རྒྱལ་པོ་ས་སྲུང་གི་བུ་དང ། གླང་པོ་ཆེའི་རྒྱལ་པོ་རབ་བརྟན་དང ། རྒྱལ་པོ་གཤིན་རྗེ་ལྟ་བུའོ། །ཁ་ན་མ་ཐོ་བ་དང་བཅས་པའི་ལས་ཀྱིས་སྐྱེས་ལ། གནོད་པ་དང་བཅས་པ་དང ། གནོད་པ་མེད་པའི་ལས་ཀྱི་རྣམ་པར་སྨིན་པ་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བ་ཡོད་དེ། གླང་པོ་ཆེ་ཅང་ཤེས་སྐྱིད་དེ་བར་འདུག་པ་དང ། རྟ་ 426a ༄#། །ཅང་ཤེས་སྐྱིད་དེ་བར་འདུག་པ་ལས་དང་པོ་ཁ་ལྕགས་ལ་སོགས་པའི་གནོད་པས་གནོད་པར་བྱ་བ་གང་ཡིན་པ་དེ་ནི། གནོད་པ་དང་བཅས་པའི་ལས་ཀྱི་འབྲས་བུའོ། །ཕྱིས་དུལ་ཞིང་བྱང་བར་གྱུར་ནས་གླང་པོ་ཆེའི་རྒྱན་རྣམས་དང ། རྟའི་རྒྱན་རྣམས་དང ། བཟའ་བ་དང ། བཏུང་བ་དང ། ཆས་ལ་སོགས་པ་ཐོབ་པ་གང་ཡིན་པ་དེ་ནི།་གནོད་པ་མེད་པའི་ལས་ཀྱི་འབྲས་བུའོ། །གནོད་པ་མེད་པའི་ལས་ཀྱིས་སྐྱེས་ལ་གནོད་པ་མེད་པ་ཉིད་ཀྱི་ལས་རྣམ་པར་སྨིན་པ་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བ་ཡོད་དེ། གཟུགས་དང ། གཟུགས་མེད་པ་ན་སྤྱོད་པའི་ལྷ་ཐམས་ཅད་དང་མི་ཁ་ཅིག་དང ། འདོད་པ་ན་སྤྱོད་པའི་ལྷ་ཁ་ཅིག་གོ་།གནོད་སེམས་མེད་པའི་ལས་ཀྱིས་སྐྱེས་ལ་གནོད་པ་དང་བཅས་པའི་ལས་ཀྱི་རྣམ་པར་སྨིན་པ་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བ་ཡོད་དེ། དཔེར་ན། མི་ཁ་ཅིག་དང ། འདོད་པ་ན་སྤྱོད་པའི་ལྷ་ཁ་ཅིག་གནོད་པ་དང་བཅས་པའི་ལས་ཀྱི་རྣམ་པར་སྨིན་པས་ཚེ་ཐུང་བ་དང ། མདོག་ངན་པ་དང ། རིགས་དམའ་བ་དང ། ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་པ་ཐོབ་པར་འགྱུར་བ་ལྟ་བུའོ། །གནོད་པ་མེད་པའི་ལས་ཀྱིས་སྐྱེས་ལ། གནོད་པ་དང་བཅས་པ་དང ། གནོད་པ་མེད་པའི་ལས་ཀྱི་རྣམ་པར་སྨིན་ 426b པ་ཉམས་སུ་མྱོང་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བ་ཡོད་དེ། དཔེར་ན། མི་ཁ་ཅིག་དང ། འདོད་པ་ན་སྤྱོད་པའི་ལྷ་ཁ་ཅིག་གནོད་པ་དང་བཅས་པའི་ལས་ཀྱི་རྣམ་པར་སྨིན་པ་ཚེ་ཐུང་བ་དང ། མདོག་ངན་པ་དང ། རིགས་དམའ་བ་ཐོབ་པར་གྱུར་ལ། ཁ་ན་མ་ཐོ་བ་མེད་པའི་ལས་ཀྱི་རྣམ་པར་སྨིན་པས་ལོངས་སྤྱོད་ཆེ་བ་དང ། ཆེ་བར་གྲགས་པ་དང ། ཚེག་བཙན་པ་ཐོབ་པར་གྱུར་ཏམ། ཡང་ན་གནོད་པ་མེད་པའི་ལས་ཀྱི་རྣམ་པར་སྨིན་པས་ཚེ་རིང་བ་དང ། མདོག་བཟང་བ་དང ། རིགས་མཐོ་བ་ཐོབ་པར་གྱུར་ལ། ཁ་ན་མ་ཐོ་བ་དང་བཅས་པའི་ལས་ཀྱི་རྣམ་པར་སྨིན་པས་ལོངས་སྤྱོད་ཆུང་བ་དང ། ཆུང་བར་གྲགས་པ་དང ། ཚིག་མི་བཙན་བ་ཐོབ་པར་གྱུར་བ་ལྟ་བུའོ།། །།གླེང་གཞི་ནི། མཉན་དུ་ཡོད་པ་ན་བཞུགས་སོ། །ལས་ནི་བཞི་སྟེ།་བཞི་གང་ཞེ་ན། ལས་ཀྱང་ནག་ལ་རྣམ་པར་སྨིན་པ་ཡང་ནག་པ་ཡང་ཡོད་དོ། །ལས་ཀྱང་དཀར་ལ་རྣམ་པར་སྨིན་པ་ཡང་དཀར་བ་ཡང་ཡོད་དོ། །ལས་ཀྱང་དཀར་ནག་འདྲེས་ལ་རྣམ་པར་སྨིན་པ་ཡང་དཀར་ནག་འདྲེས་པ་ཡང་ཡོད་དོ། །ལས་ནག་པ་ཡང་མ་ཡིན། དཀར་བ་ཡང་མ་ཡིན་རྣམ་པར་སྨིན་པ་ཡང་མེད་པ་ཡང་ཡོད་དོ། །ལས་ཐམས་ཅད་ཟད་པར་འགྱུར་ཞེས་བྱ་བ་ནས་རྒྱས་པར་ཡང་དག་པར་འགྲོ་བའི་རྣམ་གྲངས་ལས་ཇི་སྐད་འབྱུང་བ་བཞིན་དུ་བརྗོད་པར་བྱའོ། །ཆོས་ཡང་དག་པར་བླང་བ་ནི། བཞི་སྟེ། བཞི་གང་ཞེ་ན། ཆོས་ 427a ༄#། །ཡང་དག་པར་བླང་བ་ད་ལྟར་བྱུང་བ་དེ་ལ། ཕྱི་མ་ལ་རྣམ་པར་སྨིན་པ་སྡུག་བསྔལ་བ་ཞེས་བྱ་བ་ནས་རྒྱས་པར་ཡང་དག་པར་འགྲོ་བའི་རྣམ་གྲངས་ལས་ཇི་སྐད་འབྱུང་བ་བཞིན་དུ་སྦྱར་རོ། །གཞན་ཡང་ཆོས་ཡང་དག་པར་བླང་བ་བཞི་སྟེ། བཞི་གང་ཞེ་ན། ཆོས་ཡང་དག་པར་བླང་བ་ཡིད་དུ་འོང་བ་དཀར་བས་དཀར་ལ། རྣམ་པར་སྨིན་པ་དཀར་བས་དཀར་བ་མ་ཡིན་པ་ཡང་ཡོད་དོ། །ཆོས་ཡང་དག་པར་བླང་བ་རྣམ་པར་སྨིན་པ་དཀར་བས་དཀར་བ་ཡིད་དུ་འོང་བ་དཀར་བས་དཀར་བ་མ་ཡིན་པ་ཡང་ཡོད་དོ།། ལས་ཡང་དག་པར་བླང་བ་ཡིད་དུ་འོང་བ་དཀར་བས་ཀྱང་དཀར་ལ། རྣམ་པར་སྨིན་པ་དཀར་བས་ཀྱང་དཀར་བ་ཡང་ཡོད་དོ། །ཆོས་ཡང་དག་པར་བླང་བ་ཡིད་དུ་འོང་བ་དཀར་བས་ཀྱང་དཀར་བ་མ་ཡིན་ལ། རྣམ་པར་སྨིན་པ་དཀར་བས་ཀྱང་དཀར་བ་མ་ཡིན་པ་ཡང་ཡོད་དོ། །ཆོས་ཡང་དག་པར་བླང་བ་ཡིད་དུ་འོང་བ་དཀར་བས་དཀར་ལ། རྣམ་པར་སྨིན་པ་དཀར་བས་དཀར་བ་མ་ཡིན་པ་གང་ཞེ་ན། སྨྲས་པ། ཆོས་ཡང་དག་པར་བླང་བ་དང་པོ་སྟེ། འདི་ནི། ཆོས་ཡང་དག་པར་བླང་བ་ཡིད་དུ་འོང་བ་དཀར་བས་དཀར་ལ། རྣམ་པར་སྨིན་པ་དཀར་བས་དཀར་བ་མ་ཡིན་པའོ། །ཆོས་ཡང་དག་པར་བླང་བ་རྣམ་པར་སྨིན་པ་དཀར་ལ། དཀར་བས་ཡིད་དུ་འོང་བ་དཀར་བས་དཀར་བ་མ་ཡིན་པ་གང་ཞེ་ན། སྨྲས་པ། 427b ཆོས་ཡང་དག་པར་བླང་བ་གཉིས་པ་སྟེ། འདི་ནི། ཆོས་ཡང་དག་པར་བླང་བ་རྣམ་པར་སྨིན་པ་དཀར་བས་དཀར་ལ། ཡིད་དུ་འོང་བ་དཀར་བས་དཀར་བ་མ་ཡིན་པའོ། །ཆོས་ཡང་དག་པར་བླང་བ་ཡིད་དུ་འོང་བ་དཀར་བས་ཀྱང་དཀར་ལ། རྣམ་པར་སྨིན་པ་དཀར་བས་ཀྱང་དཀར་བ་གང་ཞེ་ན། སྨྲས་པ། ཆོས་ཡང་དག་པར་བླང་བ་གསུམ་པ་སྟེ། འདི་ནི། ཆོས་ཡང་དག་པར་བླང་བ་ཡིད་དུ་འོང་བ་དཀར་བས་ཀྱང་དཀར་ལ། རྣམ་པར་སྨིན་པ་དཀར་བས་ཀྱང་དཀར་བའོ། །ཆོས་ཡང་དག་པར་བླང་བ་ཡིད་དུ་འོང་བ་དཀར་བས་ཀྱང་དཀར་བ་མ་ཡིན་ལ། རྣམ་པར་སྨིན་པ་དཀར་བས་ཀྱང་དཀར་བ་མ་ཡིན་པ་གང་ཞེ་ན། སྨྲས་པ། ཆོས་ཡང་དག་པར་བླང་བ་བཞི་པ་སྟེ། འདི་ནི། ཡིད་དུ་འོང་བ་དཀར་བས་ཀྱང་དཀར་བ་མ་ཡིན་ལ། རྣམ་པར་སྨིན་པ་དཀར་བས་ཀྱང་དཀར་བ་མ་ཡིན་པའོ། །གཞན་ཡང་ཆོས་ཡང་དག་པར་བླང་བ་ནི། བཞི་སྟེ། བཞི་གང་ཞེ་ན། ཆོས་ཡང་དག་པར་བླང་བ་ཡིད་དུ་འོང་བ་ནག་པས་ནག་ལ། རྣམ་པར་སྨིན་པ་ནག་པས་ནག་པ་མ་ཡིན་པ་ཡོད་དོ། །ཆོས་ཡང་དག་པར་བླང་བ་རྣམ་པར་སྨིན་པ་ནག་པས་ནག་ལ། ཡིད་དུ་འོང་བ་ནག་པས་ནག་པ་མ་ཡིན་པ་ཡང་ཡོད་དོ། །ཆོས་ཡང་དག་པར་བླང་བ་ཡིད་དུ་འོང་བ་ནག་པས་ཀྱང་ནག་ལ། རྣམ་པར་སྨིན་པ་ནག་པས་ཀྱང་ནག་པ་ཡོད་དོ། །ཆོས་ཡང་དག་པར་བླང་བ་ཡིད་དུ་འོང་བ་ནག་པས་ཀྱང་ནག་པ་མ་ཡིན་ལ། 428a ༄#། །རྣམ་པར་སྨིན་པ་ནག་པས་ཀྱང་ནག་པ་མ་ཡིན་པ་ཡང་ཡོད་དོ། །ཆོས་ཡང་དག་པར་བླང་བ་ཡིད་དུ་འོང་བ་ནག་པས་ནག་ལ། རྣམ་པར་སྨིན་པ་ནག་པས་ནག་པ་མ་ཡིན་པ་གང་ཞེ་ན། སྨྲས་པ། ཆོས་ཡང་དག་པར་བླང་བ་གཉིས་པ་སྟེ། འདི་ནི། ཆོས་ཡང་དག་པར་བླང་བ་ཡིད་དུ་འོང་བ་ནག་པས་ནག་ལ། རྣམ་པར་སྨིན་པ་ནག་པས་ནག་པ་མ་ཡིན་པའོ། །ཆོས་ཡང་དག་པར་བླང་བ་རྣམ་པར་སྨིན་པ་ནག་པས་ནག་ལ། ཡིད་དུ་འོང་བ་ནག་པས་ནག་པ་མ་ཡིན་པ་གང་ཞེ་ན། སྨྲས་པ། ཆོས་ཡང་དག་པར་བླང་བ་དང་པོ་སྟེ། འདི་ནི། ཆོས་ཡང་དག་པར་བླང་བ་རྣམ་པར་སྨིན་པ་ནག་པས་ནག་ལ། ཡིད་དུ་འོང་བ་ནག་པས་ནག་པ་མ་ཡིན་པའོ། །ཆོས་ཡང་དག་པར་བླང་བ་ཡིད་དུ་འོང་བ་ནག་པས་ཀྱང་ནག་ལ། རྣམ་པར་སྨིན་པ་ནག་པས་ཀྱང་ནག་པ་གང་ཞེ་ན། སྨྲས་པ། ཆོས་ཡང་དག་པར་བླང་བ་གསུམ་པ་སྟེ། འདི་ནི། ཆོས་ཡང་དག་པར་བླང་བ་ཡིད་དུ་འོང་བ་ནག་པས་ཀྱང་ནག་ལ། རྣམ་པར་སྨིན་པ་ནག་པས་ཀྱང་ནག་པའོ། །ཆོས་ཡང་དག་པར་བླང་བ་ཡིད་དུ་འོང་བ་ནག་པས་ནག་པ་མ་ཡིན་ལ། རྣམ་པར་སྨིན་པ་ནག་པས་ཀྱང་ནག་པ་མ་ཡིན་པ་གང་ཞེ་ན། སྨྲས་པ། ཆོས་ཡང་དག་པར་བླང་བ་བཞི་སྟེ། འདི་ནི། ཆོས་ཡང་དག་པ་བླང་བ་ཡིད་དུ་འོང་བ་ནག་པས་ཀྱང་ནག་པ་མ་ཡིན་ལ། རྣམ་པར་ 428b སྨིན་པ་ནག་པས་ཀྱང་ནག་པ་མ་ཡིན་པའོ། །ལས་ནི། བཞི་སྟེ། བཞི་གང་ཞེ་ན། མངོན་པར་འགྲུབ་པའི་རྣམ་པར་སྨིན་པ་ཡིན་ལ། སྐྱེ་བའི་རྣམ་པར་སྨིན་པ་ཡང་ཡིན་པའི་ལས་ཀྱང་ཡོད་དོ། །སྐྱེ་བའི་རྣམ་པར་སྨིན་པ་ཡིན་ལ། མངོན་པར་འགྲུབ་པའི་རྣམ་པར་སྨིན་པ་མ་ཡིན་པའི་ལས་ཀྱང་ཡོད་དོ། །མངོན་པར་འགྲུབ་པའི་རྣམ་པར་སྨིན་པ་ཡང་ཡིན་ལ། སྐྱེ་བའི་རྣམ་པར་སྨིན་པ་ཡང་ཡིན་པའི་ལས་ཀྱང་ཡོད་དོ། །མངོན་པར་འགྲུབ་པའི་རྣམ་པར་སྨིན་པ་ཡང་མ་ཡིན་ལ། སྐྱ་བའི་རྣམ་པར་སྨིན་པ་ཡང་མ་ཡིན་པའི་ལས་ཀྱང་ཡོད་དོ། །མངོན་པར་འགྲུབ་པའི་རྣམ་པར་སྨིན་པ་ཡིན་ལ། སྐྱེ་བའི་རྣམ་པར་སྨིན་པ་མ་ཡིན་པའི་ལས་གང་ཞེ་ན། སྨྲས་པ། ལས་གང་གི་རྣམ་པར་སྨིན་པས་བར་མ་དོའི་སྲིད་པ་མངོན་པར་འགྲུབ་ལ་ལས་དེའི་རྣམ་པར་སྨིན་པས་སྐྱེ་བའི་སྲིད་པར་ཉིང་མཚམས་སྦྱོར་བར་མི་བྱེད་པ་སྟེ། འདི་ནི། མངོན་པར་འགྲུབ་པའི་རྣམ་པར་སྨིན་པ་ཡིན་ལ། སྐྱེ་བའི་རྣམ་པར་སྨིན་པ་མ་ཡིན་པའི་ལས་སོ། །སྐྱེ་བའི་རྣམ་པར་སྨིན་པ་ཡིན་ལ། མངོན་པར་འགྱུར་པའི་རྣམ་པར་སྨིན་པ་མ་ཡིན་པའི་ལས་གང་ཞེ་ན། སྨྲས་པ། ལས་གང་གི་རྣམ་པར་སྨིན་པས་སྐྱེ་བའི་སྲིད་པ་ཉིང་མཚམས་སྦྱོར་ལ། ལས་དེའི་རྣམ་པར་སྨིན་པས་བར་མ་དོའི་སྲིད་པར་ཉིང་མཚམས་སྦྱོར་བར་མི་འགྱུར་བ་སྟེ། འདི་ནི། སྐྱེ་བའི་རྣམ་པར་སྨིན་པ་ཡིན་ལ། མངོན་པར་འགྱུར་པའི་ 429a ༄#། །རྣམ་པར་སྨིན་པ་མ་ཡིན་པའི་ལས་སོ། །མངོན་པར་འགྲུབ་པའི་རྣམ་པར་སྨིན་པ་ཡང་ཡིན་ལ་སྐྱེ་བའི་རྣམ་པར་སྨིན་པ་ཡང་ཡིན་པའི་ལས་གང་ཞེ་ན། སྨྲས་པ།་ལས་གང་གི་རྣམ་པར་སྨིན་པས་བར་མ་དོའི་སྲིད་པ་ཡང་མངོན་པར་འགྲུབ་ལ། ལས་དེའི་རྣམ་པར་སྨིན་པས་སྐྱེ་བའི་སྲིད་པར་ཡང་ཉིང་མཚམས་སྦྱོར་བ་སྟེ། འདི་ནི། མངོན་པར་འགྲུབ་པའི་རྣམ་པར་སྨིན་པ་ཡང་ཡིན་ལ། སྐྱེ་བའི་རྣམ་པར་སྨིན་པ་ཡང་ཡིན་པའི་ལས་སོ། །མངོན་པར་འགྲུབ་པའི་རྣམ་པར་སྨིན་པ་ཡང་མ་ཡིན་ལ། སྐྱེ་བའི་རྣམ་པར་སྨིན་པ་ཡང་མ་ཡིན་པའི་ལས་གང་ཞེ་ན། སྨྲས་པ། ལས་གང་གི་རྣམ་པར་སྨིན་པས་བར་མ་དོའི་སྲིད་པ་ཡང་མངོན་པར་འགྲུབ་པར་མི་འགྱུར་ལ། སྐྱེ་བའི་སྲིད་པར་ཡང་ཉིང་མཚམས་སྦྱོར་བར་མི་འགྱུར་བ་སྟེ། འདི་ནི། མངོན་པར་འགྲུབ་པའི་རྣམ་པར་སྨིན་པ་ཡང་མ་ཡིན་ལ། སྐྱེ་བའི་རྣམ་པར་སྨིན་པ་ཡང་མ་ཡིན་པའི་ལས་སོ། །གཞན་ཡང་ལས་ནི། བཞི་སྟེ། བཞི་གང་ཞེ་ན། སྐྱེ་བའི་རྣམ་པར་སྨིན་པ་ཡིན་ལ། སྐྱེས་ནས་རྣམ་པར་སྨིན་པ་མ་ཡིན་པའི་ལས་ཀྱང་ཡོད་དོ། །སྐྱེས་ནས་རྣམ་པར་སྨིན་པ་ཡིན་ལ། སྐྱེ་བའི་རྣམ་པར་སྨིན་པ་མ་ཡིན་པའི་ལས་ཀྱང་ཡོད་དོ། །སྐྱེ་བའི་རྣམ་པར་སྨིན་པ་ཡང་ཡིན་ལ། སྐྱེས་ནས་རྣམ་པར་སྨིན་པ་ཡང་ཡིན་པའི་ལས་ཀྱང་ཡོད་དོ། །སྐྱེ་བའི་རྣམ་པར་སྨིན་པ་ཡང་མ་ཡིན་ལ། སྐྱེས་ 429b ནས་རྣམ་པར་སྨིན་པ་ཡང་མ་ཡིན་པའི་ལས་ཀྱང་ཡོད་དོ། །སྐྱེ་བའི་རྣམ་པར་སྨིན་པ་ཡིན་ལ། སྐྱེས་ནས་རྣམ་པར་སྨིན་པ་མ་ཡིན་པའི་ལས་གང་ཞེ་ན། སྨྲས་པ། ལས་གང་གི་རྣམ་པར་སྨིན་པས་སྐྱེ་བའི་སྲིད་པར་ཉིང་མཚམས་སྦྱོར་ལ། སྐྱེས་པའི་འོག་ཏུ་ལས་དེའི་རྣམ་པར་སྨིན་པ་ཉམས་སུ་མྱོང་བར་མི་འགྱུར་བ་སྟེ། འདི་ནི། སྐྱེ་བའི་རྣམ་པར་སྨིན་པ་ཡིན་ལ། སྐྱེས་ནས་རྣམ་པར་སྨིན་པ་མ་ཡིན་པའི་ལས་སོ། །སྐྱེས་ནས་རྣམ་པར་སྨིན་པ་ཡིན་ལ། སྐྱེ་བའི་རྣམ་པར་སྨིན་པ་མ་ཡིན་པའི་ལས་གང་ཞེ་ན། སྨྲས་པ། སྐྱེས་པའི་འོག་ཏུ་ལས་གང་གི་རྣམ་པར་སྨིན་པ་ཉམས་སུ་མྱོང་བར་འགྱུར་ལ། ལས་དེའི་རྣམ་པར་སྨིན་པས་སྐྱེ་བའི་སྲིད་པ་ཉིང་མཚམས་སྦྱོར་བ་ནི། མི་བྱེད་པ་སྟེ། འདི་ནི། སྐྱེས་ནས་རྣམ་པར་སྨིན་པ་ཡིན་ལ། སྐྱེ་བའི་རྣམ་པར་སྨིན་པ་མ་ཡིན་པའི་ལས་སོ། །སྐྱེ་བའི་རྣམ་པར་སྨིན་པ་ཡང་ཡིན་ལ། སྐྱེས་ནས་རྣམ་པར་སྨིན་པ་ཡང་ཡིན་པའི་ལས་གང་ཞེ་ན། སྨྲས་པ། ལས་གང་གིས་རྣམ་པར་སྨིན་པ་སྐྱེ་བའི་སྲིད་པར་ཡང་ཉིང་མཚམས་སྦྱོར་བར་བྱེད་ལ། སྐྱེས་པའི་འོག་ཏུ་ལས་དེའི་རྣམ་པར་སྨིན་པ་ཉམས་སུ་མྱོང་བར་འགྱུར་བ་སྟེ། འདི་ནི། སྐྱེ་བའི་རྣམ་པར་སྨིན་པ་ཡང་ཡིན་ལ། སྐྱེས་ནས་རྣམ་པར་སྨིན་པ་ཡང་ཡིན་པའི་ལས་སོ། །སྐྱེ་བའི་རྣམ་པར་སྨིན་པ་ཡང་མ་ཡིན་ལ། སྐྱེས་ནས་རྣམ་པར་སྨིན་པ་ཡང་མ་ཡིན་པའི་ལས་གང་ཞེ་ན། སྨྲས་པ། ལས་གང་གི་ 430a ༄#། །རྣམ་པར་སྨིན་པས་སྐྱེ་བའི་སྲིད་པ་ཡང་ཉིང་མཚམས་སྦྱོར་བར་མི་བྱེད་ལ། སྐྱེས་པའི་འོག་ཏུ་ལས་དེའི་རྣམ་པར་སྨིན་པ་ཡང་ཉམས་སུ་མྱོང་བར་མི་འགྱུར་བ་སྟེ། འདི་ནི། སྐྱེ་བའི་རྣམ་པར་སྨིན་པ་ཡང་མ་ཡིན། སྐྱེས་ནས་རྣམ་པར་སྨིན་པ་ཡང་མ་ཡིན་པའི་ལས་སོ། །ལས་གདགས་པའི་ཚིགས་བཅུ་པའོ།། །། སྡོམ་ནི།་ཚེ་ཟད་པ་དང་འོད་སྲུང་དང ། །བདེ་བ་སྡུག་བསྔལ་ལུས་བཞི་དང ། །སྦྱིན་པ་བཞི་དང་བརྒྱད་ཚན་གསུམ། །ལས་གསུམ་གྱི་ནི་སྡེ་ཚན་གསུམ། །གཅེར་བུ་རྣམས་ནི་སྔོན་བྱས་དང ། མཚམས་མེད་པ་ནི་ཐ་མ་ཡིན། །ཚེ་ཟད་པས་ཤི་འཕེས་ལ་བསོད་ནམས་ཟད་པས་ཤི་འཕོས་པ་མ་ཡིན་པ་མ་ཡིན་པ་ཞེས་བྱ་བ་ཡོད་དོ། །བསོད་ནམས་ཟད་པས་ཤི་འཕོས་ལ། ཚེ་ཟད་པས་ཤི་འཕོས་པ་མ་ཡིན་པ་ཡང་ཡོད་དོ། །ཚེ་ཡང་ཟད་ལ་བསོད་ནམས་ཀྱང་ཟད་པས་ཤི་འཕོས་པ་ཡང་ཡོད་དོ། །ཚེ་ཡང་མ་ཟད་བསོད་ནམས་ཀྱང་མ་ཟད་པར་ཤི་འཕོས་པ་ཞེས་བྱ་བ་ཡང་ཡོད་དོ། །ཚེ་ཟད་པས་ཤི་འཕོས་ལ་བསོད་ནམས་ཟད་པས་ཤི་འཕོས་པ་མ་ཡིན་པ་ཞེས་བྱ་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གིས། ཚེའི་རྣམ་པར་སྨིན་པའི་ལས་ཆུང་དུ་བྱས་ཤིང་བསགས་ལ། ལོངས་སྤྱོད་ཀྱི་རྣམ་པར་སྨིན་པའི་ལས་རྒྱ་ཆེན་པོ་བྱས་ཤིང་བསགས་པས། དེའི་ཚེ་གཏུགས་པར་བྱེད་ཀྱི་ལོངས་སྤྱོད་ 430b རྣམས་གཏུགས་པར་མི་བྱེད་དེ། དེ་ནི། ཚེ་གཏུགས་པས་འཆི་བའི་དུས་བྱེད་ཀྱི་ལོངས་སྤྱོད་གཏུགས་པས་ནི། མ་ཡིན་ཏེ། དེ་ལྟར་ན་ཚེ་ཟད་པས་ཤི་འཕོས་ལ། བསོད་ནམས་ཟད་པས་ཤི་འཕོས་པ་མ་ཡིན་པ་ཞེས་བྱའོ། །བསོད་ནམས་ཟད་པས་ཤི་འཕོས་ལ། ཚེ་ཟད་པས་ཤི་འཕོས་པ་མ་ཡིན་པ་ཞེས་བྱ་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གིས་ལོངས་སྤྱོད་ཀྱི་རྣམ་པར་སྨིན་པའི་ལས་ཆུང་དུ་བྱས་ཤིང་བསགས་ལ། ཚེའི་རྣམ་པར་སྨིན་པའི་ལས་རྒྱ་ཆེན་པོ་བྱས་ཤིང་བསགས་པས་དེའི་ལོངས་སྤྱོད་རྣམས་གཏུགས་པར་བྱེད་ཀྱི་ཚེ་གཏུགས་པར་མི་བྱེད་དོ། །དེ་ནི། ལོངས་སྤྱོད་གཏུགས་པས་འཆི་བའི་དུས་ཀྱི་ཚེ་གཏུགས་པས་ནི། མ་ཡིན་ཏེ། དེ་ལྟར་ན། ལོངས་སྤྱོད་ཟད་པས་ཤི་འཕོས་ལ། ཚེ་ཟད་པས་ཤི་འཕོས་པ་མ་ཡིན་པ་ཞེས་བྱའོ། །ཚེ་ཡང་ཟད་ལ་ལོངས་སྤྱོད་ཀྱང་ཟད་པས་ཤི་འཕོས་པ་ཞེས་བྱ་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གིས་ཚེའི་རྣམ་པར་སྨིན་པའི་ལས་ཀྱང་ཆུང་དུ་བྱས་ཤིང་བསགས་ལ་ལོངས་སྤྱོད་ཀྱི་རྣམ་པར་སྨིན་པའི་ལས་ཆུང་དུ་བྱས་ཤིང་བསགས་པས། དེའི་ཚེ་ཡང་གཏུགས་པར་བྱེད་ལ། ལོངས་སྤྱོད་ཀྱང་གཏུགས་པར་བྱེད་དེ། དེ་ནི། ཚེ་ཡང་གཏུགས་ལ་ལོངས་སྤྱོད་ཀྱང་གཏུགས་པས་འཆི་བའི་དུས་བྱེད་དེ། དེ་ལྟར་ན་ཚེ་ཡང་ཟད་ལ་ལོངས་སྤྱོད་ཀྱང་ཟད་པས་ཤི་འཕོས་ལ་ཞེས་བྱའོ། །ཚེ་ཡང་མ་ཟད་ལ་བསོད་ནམས་ཀྱང་མ་ཟད་པར་ཤི་འཕོས་པ་ 431a ༄#། །ཞེས་བྱ་བ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གིས་ཚེའི་རྣམ་པར་སྨིན་པའི་ལས་ཀྱང་རྒྱ་ཆེན་པོ་བྱས་ཤིང་བསགས་ལ། ལོངས་སྤྱོད་ཀྱི་རྣམ་པར་སྨིན་པའི་ལས་ཀྱང་རྒྱ་ཆེན་པོ་བྱས་ཤིང་བསགས་པས་དེའི་ཚེ་ཡང་གཏུགས་པར་མི་བྱེད་ལ། ལོངས་སྤྱོད་ཀྱང་གཏུགས་པར་མི་བྱེད་དེ། དེ་ནི། ཚེ་གཏུགས་པ་དང ། ལོངས་སྤྱོད་གཏུགས་པས་ཀྱང་འཆི་བའི་དུས་མི་བྱེད་མོད་ཀྱི། འོན་ཀྱང་མི་མཐུན་པ་མ་སྤངས་པ་གང་ཡང་རུང་བ་འགའ་ཞིག་གིས་འཆི་བའི་དུས་བྱེད་དེ། དེ་ལྟར་ན་ཚེ་ཡང་མི་ཟད་ལ། བསོད་ནམས་ཀྱང་མ་ཟད་པར་ཤི་འཕོས་པ་ཞེས་བྱའོ། །བཅོམ་ལྡན་འདས་རྒྱལ་པོའི་ཁབ་ཀྱི་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོ་སྨད་གཡོགས་དང་ཆོས་གོས་བསྣམས་ཏེ་ལྷུང་བཟེད་བསྣམས་ནས་རྒྱལ་པོའི་ཁབ་ཏུ་བསོད་སྙོམས་ལ་གཤེགས་སོ། །དེའི་ཚེ་འོད་སྲུང་གི་རིགས་གོས་མེད་ཀྱང་རྒྱལ་པོའི་ཁབ་ཏུ་སྤྱོད་ཡུལ་ལ་ཞུགས་ཏེ། འོད་སྲུང་གི་རིགས་གོས་མེད་ཀྱིས་བཅོམ་ལྡན་འདས་ཐག་རིང་པོ་ཁོ་ན་ཞིག་ནས་མཐོང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དང་ལྷན་ཅིག་མངོན་སུམ་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་ཀྱིས་འདིས་ནས་བཅོམ་ལྡན་འདས་ལ་འདི་ 431b སྐད་ཅེས་གསོལ་ཏོ། །གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན། བཅོམ་ལྡན་འདས་གོའུ་ཏ་མ་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་འོད་སྲུང་གི་རིགས་གོས་མེད་ལ་འདི་སྐད་ཅེས་བཀའ་སྩལ་ཏོ། །འོད་སྲུང ། བསོད་སྙོམས་ལ་ཁྱིམ་གྱི་ནང་དུ་ཞུགས་པས། རེ་ཞིག་དྲི་བ་ལུང་བསྟན་པའི་དུས་ལ་མ་བབས་ཀྱི།་ཕྱི་རོལ་གྱི་ཀུན་དགའ་ར་བར་དྲིས་ཤིག་དང ། དེར་ཁྱོད་ཀྱིས་དྲི་བ་ལུང་བསྟན་པའི་དུས་ལ་བབ་བོ། །ཀྱེ་གོའུ་ཏ་མ། བདག་ལ་ཡང་བར་ཆད་འགའ་ཞིག་འབྱུང་བར་གདའ་ལ། གོའུ་ཏ་མ་ཁྱོད་ཀྱང་གཞན་དུ་འགྱུར་གདའ་བས། གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན། འདི་ཉིད་དུ་བཅོམ་ལྡན་འདས་གོའུ་ཏ་མ་ལ་བདག་ཕྱོགས་འགའ་ཞིག་ཞུའོ། །ལན་གཉིས་ལན་གསུམ་གྱི་བར་དུ་བཅོམ་ལྡན་འདས་ལ་འོད་སྲུང་གི་རིགས་གོས་མེད་ཀྱིས་འདི་སྐད་ཅེས་གསོལ་ཏོ། །གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན། བཅོམ་ལྡན་འདས་གོའུ་ཏ་མ་ལ་བདག་ཕྱོགས་འགའ་ཞིག་ཞུའོ། །བཅོམ་ལྡན་འདས་ཀྱིས་ཀྱང་ལན་གཉིས་ལན་གསུམ་གྱི་བར་དུ་འོད་སྲུང་གི་རིགས་གོས་མེད་ལ་འདི་སྐད་ཅེས་བཀའ་སྩལ་ཏོ། ། འོད་སྲུང ། ང་བསོད་སྙོམས་ལ་ཁྱིམ་གྱི་ནང་དུ་ཞུགས་པས་རེ་ཞིག་དྲི་བ་ལུང་བསྟན་པའི་དུས་ལ་མ་བབས་ཀྱི། ཕྱི་རོལ་གྱི་ཀུན་དགའ་ར་བར་དྲིས་ཤིག་དང ། དེར་ཁྱོད་ཀྱི་དྲི་བ་ལུང་ 432a ༄#། །བསྟན་པའི་དུས་ལ་བབ་བོ། །ཀྱེ་གོའུ་ཏ་མ། བདག་ལ་ཡང་བར་ཆད་འགའ་ཞིག་འབྱུང་བར་འགྱུར་གདའ་ལ། གོའུ་ཏ་མ་ཁྱོད་ཀྱང་གཞན་དུ་འགྱུར་གདའ་བས། གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན། འདི་ཉིད་དུ་བཅོམ་ལྡན་འདས་གོའུ་ཏ་མ་ལ་བདག་ཕྱོགས་འགའ་ཞིག་ཞུའོ། །འོད་སྲུང ། ལན་གསུམ་གྱི་བར་དུ་སྐབས་མ་ཐོབ་པར་ངེས་ཀྱི། དེའི་ཕྱིར་འོད་སྲུང ། ཁྱོད་ཅི་དང་ཅི་འདོད་པ་དྲིས་ཤིག་།ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ལགས་སམ། འོད་སྲུང ། འདི་ལྟ་སྟེ། སྡུག་བསྔལ་རང་གིས་བྱས་པ་འདི་ནི། ངས་ལུང་མ་བསྟན་ཏོ། །ཀྱེ་གོའུ་ཏ་མ། ཅི་ལགས། སྡུག་བསྔལ་གཞན་གྱིས་བགྱིས་པ་ལགས་སམ། འོད་སྲུང ། འདི་ལྟ་སྟེ། སྡུག་བསྔལ་གཞན་གྱིས་བྱས་པ་འདི་ཡང་ངས་ལུང་མ་བསྟན་ཏོ། །ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ཡང་ལགས་ལ། གཞན་གྱིས་བགྱིས་པ་ཡང་ལགས་སམ། རང་གིས་བགྱིས་པ་ཡང་མ་ལགས་ལ། གཞན་གྱིས་བགྱིས་པ་ཡང་མ་ལགས་ཏེ། རྒྱུ་མ་མཆིས་པ་ལས་བྱུང་བ་ལགས་སམ། འོད་སྲུང ། འདི་ལྟ་སྟེ། སྡུག་བསྔལ་རང་གིས་བྱས་པ་ཡང་ཡིན་ལ། གཞན་གྱིས་བྱས་པ་ཡང་ཡིན་པ་དང ། རང་གིས་བྱས་པ་ཡང་མ་ཡིན་ལ། གཞན་གྱིས་བྱས་པ་ཡང་མ་ཡིན་ཏེ། རྒྱུ་མེད་པ་ལས་བྱུང་བ་འདི་ཡང་ངས་ལུང་མ་ 432b བསྟན་ཏོ། །ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་སམ་ཞེས་ཞུས་ན་ཡང་ལུང་མ་བསྟན་ཅེས་གསུང་ངམ། ཀྱེ་གོའུ་ཏ་མ། ཅི་ལགས། སྡུག་བསྔལ་གཞན་གྱིས་བགྱིས་སམ་ཞེས་ཞུས་ན་ཡང་ལུང་མ་བསྟན་ཅེས་གསུང་ངམ། ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ཡང་ལགས་ལ། གཞན་གྱིས་བགྱིས་པ་ཡང་ལགས་སམ།་རང་གིས་བགྱིས་པ་ཡང་མ་ལགས་ལ། གཞན་གྱིས་བགྱིས་པ་ཡང་མ་ལགས་ཏེ། རྒྱུ་མ་མཆིས་པ་ལས་བྱུང་བ་ལགས་སམ་ཞེས་ཞུས་ན་ཡང་ལུང་མ་བསྟན་ཅེས་གསུང་ངམ།་ཀྱེ་གོའུ་ཏ་མ། ཅི་ལགས། སྡུག་བསྔལ་མ་མཆིས་སམ། འོད་སྲུང ། ང་ནི། སྡུག་བསྔལ་མེད་དོ། །ཞེས་མི་ཟེར་གྱི།་འོད་སྲུང ། སྡུག་བསྔལ་ནི། ཡོད་པ་ཁོ་ནའོ། །ཀྱེ་གོའུ་ཏ་མ། ཅི་ནས་བདག་གིས་སྡུག་བསྔལ་རྟོགས་པར་འགྱུར་བ་དང ། སྡུག་བསྔལ་མཐོང་བར་འགྱུར་བ་དེ་ལྟ་བུའི་ཆོས་བདག་ལ་བཀའ་སྩལ་ན་ལེགས་ལེགས་སོ། །འོད་སྲུང ། དེའི་ཕྱིར་ལེགས་པར་ཉོན་ལ་ཤིན་ཏུ་ཡིད་ལ་གྱིས་ཤིག་དང་ངས་བསྟན་ཏོ། །འོད་སྲུང ། ཚོར་བར་བྱེད་པ་དེ་ཉིད་མྱོང་བར་བྱེད་པ་ཡིན་ན་ནི། དེ་ལྟ་ན་དེའི་སྡུག་བསྔལ་རང་གིས་བྱས་པར་འགྱུར་ཏེ། འོད་སྲུང།་ང་ནི། དེ་སྐད་མི་ཟེར་རོ། །འོད་སྲུང ། གཞན་ཞིག་གིས་ཚོར་བ་གཞན་མྱོང་ན་ནི། དེ་ལྟ་ན་དེའི་སྡུག་བསྔལ་གཞན་གྱིས་བྱས་པར་འགྱུར་ཏེ། འོད་སྲུང ། 433a ༄#། །ང་ནི།་དེ་སྐད་ཀྱང་མི་ཟེར་རོ། །བདག་ཚོར་བས་ཟིལ་གྱིས་ནོན་ལ། གཞན་ཞིག་སྡུག་བསྔལ་སྒྲུབ་པར་བྱེད་ན་ཡང་དེའི་སྡུག་བསྔལ་རང་གིས་བྱས་པ་ཡང་ཡིན་ལ། གཞན་གྱིས་བྱས་པ་ཡང་ཡིན་པར་འགྱུར་ཏེ། འོད་སྲུང ། ང་ནི། དེ་སྐད་ཀྱང་མི་ཟེར་རོ། །རྐྱེན་རྣམས་མེད་པ་ལས་སྡུག་བསྔལ་སྐྱེས་སོ། །ཞེས་བྱས་ན་ཡང ། དེ་ལྟ་ན་དེའི་སྡུག་བསྔལ་རང་གིས་བྱས་པ་ཡང་མ་ཡིན་ལ། གཞན་གྱི་བྱས་པ་ཡང་མ་ཡིན་ཏེ། རྒྱུ་མེད་པ་ལས་སྐྱེས་པར་འགྱུར་ན། འོད་སྲུང ། ང་ནི། དེ་སྐད་ཀྱང་མི་ཟེར་རོ། །འོད་སྲུང ། དེ་བཞིན་གཤེགས་པ་ནི། མཐའ་འདི་གཉིས་ཁས་མི་ལེན་པར་དབུ་མའི་ལམ་གྱི་ཆོས་སྟོན་ཏེ། འདི་ལྟ་སྟེ། འདི་ཡོད་ན་འདི་འབྱུང་ལ། འདི་སྐྱེས་པས་འདི་སྐྱེ་ཞེས་བྱ་བ་སྟེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང་སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་བར་འགྱུར་ 433b ཏེ།་དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འདི་འབའ་ཞིག་ཀྱང་འབྱུང་བར་འགྱུར་རོ། །འདི་ལྟ་སྟེ། འདི་མེད་ན་འདི་མི་འབྱུང་ལ། འདི་འགགས་པས་འདི་འགག་པར་འགྱུར་ཏེ། འདི་ལྟ་སྟེ། མ་རིག་པ་འགགས་པས་འདུ་བྱེད་འགག་།འདུ་བྱེད་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་ལག་\?\་ག་།མིང་དང་གཟུགས་འགགས་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགགས་པས་རེག་པ་འགག་པ་རེག་པ་འགགས་པས་ཚོར་བ་འགག་།ཚོར་བ་འགགས་པས་སྲེད་པ་འགག་།སྲེད་པ་འགགས་པས་ལེན་པ་འགག་།ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་པར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་འདི་འབའ་ཞིག་ཀྱང་འགག་པར་འགྱུར་རོ། །ཆོས་ཀྱི་རྣམ་གྲངས་འདི་བསྟན་པ་ན།་འོད་སྲུང་གི་རིགས་གོས་མེད་རྡུལ་མེད་ཅིང་དྲི་མ་དང་བྲལ་ཏེ་ཆོས་རྣམས་ལ་ཆོས་ཀྱི་མིག་སྐྱེས་སོ། །དེ་ནས་འོད་སྲུང་གི་རིགས་གོས་མེད་ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་ 434a ༄#། །བསྟན་པའི་ཆོས་རྣམས་ལ་མི་འཇིགས་པ་ཐོབ་པ་དང ། འབྲས་བུ་ལ་གནས་པར་གྱུར་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་ནི། ཞུགས་ལགས་སོ། །བཙུན་པ་བདེ་བར་གཤེགས་པ། བདག་ནི། ཞུགས་སོ། །བདག་ནི། བཙུན་པ་བཅོམ་ལྡན་འདས་ལ་སྐྱབས་སུ་མཆིའོ། །ཆོས་དང་དགེ་སློང་གི་དགེ་འདུན་ལ་ཡང་སྐྱབས་སུ་མཆིའོ། །བཅོམ་ལྡན་འདས། བདག་དེང་སླན་ཆད་ཇི་སྲིད་འཚོའི་བར་དུ་སྲོག་གཅོད་པ་ལ་སོགས་པ་སྤངས་པ་དང ། སྐྱབས་སུ་མཆིས་པ་དང ། མངོན་པར་དགའ་བར་གྱུར་པའི་དགེ་བསྙེན་ལགས་པར་གཟུང་དུ་གསོལ། དེ་ནས་བཅོམ་ལྡན་འདས་ཀྱིས་འོད་སྲུང་གི་རིགས་གོས་མེད་ལ་ཆོས་ཀྱི་གཏམ་རྣམ་གྲངས་དུ་མས་ཡང་དག་པར་བསྟན་ཅིང ། ཡང་དག་པར་འཛིན་དུ་བཅུག་ལ་ཡང་དག་པར་གཟེངས་བསྟོད་དེ། ཡང་དག་པར་དགའ་བར་མཛད་ནས་གཤེགས་སོ། །དེ་ནས་འོད་སྲུང་གི་རིགས་གོས་མེད་ཐ་གི་ཟད་ཙམ་གྱི་བར་དུ་བཅོམ་ལྡན་འདས་ཀྱི་སླད་བཞིན་དུ་ཞམ་རིང་བས་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་ཐད་ནས་སོང་ངོ ། །དེ་ནས་བཅོམ་ལྡན་འདས་ཀྱི་ཐད་ནས་སོང་ནས་རིང་པོ་མ་ལོན་པར་བ་དྲུས་མ་ཞིག་གིས་ 434b བསད་དེ། འཆི་བའི་དུས་ཀྱི་ཚེ་དབང་པོ་རྣམས་ནི། རྣམ་པར་དད་པར་གྱུར། བཞིན་གྱི་མདོག་ནི། ཡོངས་སུ་དག་པར་གྱུར། པགས་པའི་མདོག་ནི། ཡོངས་སུ་གསལ་བར་གྱུར་ཏོ། །དེ་ནས་དགེ་སློང་མང་པོ་དག་།སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཁྱེར་ནས་རྒྱལ་པོའི་ཁབ་ཏུ་བསོད་སྙོམས་ལ་དེང་ངོ ། །དེ་ནས་དགེ་སློང་མང་པོས་རྒྱལ་པོའི་ཁབ་ཏུ་བསོད་སྙོམས་རྒྱུ་བ་དག་གིས་འོད་སྲུང་གི་རིགས་གོས་མེད་ངེས་བཅོམ་ལྡན་འདས་ལ་སྡུག་བསྔལ་གྱི་ཆོས་ལས་ཞུ་བ་ཞུས་ཏེ། ཞུས་ནས་དེ་བཅོམ་ལྡན་འདས་ཀྱི་ཐད་ནས་སོང་ནས་རིང་པོ་མ་ལོན་པར་བ་དྲུས་མ་ཞིག་གིས་བསད་དེ། དེ་འཆི་བའི་དུས་ཀྱི་ཚེ་དབང་པོ་རྣམས་ནི། རྣམ་པར་དང་བར་གྱུར། བཞིན་གྱི་མདོག་ནི། ཡོངས་སུ་དག་པར་གྱུར། པགས་པའི་མདོག་ནི། ཡོངས་སུ་གསལ་བར་གྱུར་ཏོ། །ཞེས་ཐོས་སོ། །ཐོས་ནས་ཀྱང་དགེ་སློང་མང་པོ་རྣམས་ཀྱིས་རྒྱལ་པོའི་ཁབ་ཏུ་བསོད་སྙོམས་བསྐོར་ནས་ཁ་ཟས་ཀྱི་བྱ་བ་བྱས་ཏེ། ཁ་ཟས་ཕྱིས་ཟ་བ་སྤངས་ནས་ལྷུང་བཟེད་དང་ཆོས་གོས་གནས་སུ་བཞག་སྟེ་རྐང་པ་བཀྲུས་ནས་ནང་དུ་ཡང་དག་འཇོག་པའི་ཕྱིར་གཙུག་ལག་ཁང་དུ་ཞུགས་སོ། །དེ་ནས་དགེ་སློང་མང་པོ་དག་ཕྱེམ་རེད་ཀྱི་དུས་ཀྱི་ཚེ་ནང་དུ་ཡང་དག་འཇོག་ལས་ལངས་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། 435a ༄#། །ཕྱོགས་གཅིག་ཏུ་འཁོད་ནས་དགེ་སློང་མང་པོ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། འདར་བདག་ཅག་དགེ་སློང་མང་པོ་སྔ་དྲོ་ཤམ་ཐབས་དང་ཆོས་གོས་བགོས་ཏེ་ལྷུང་བཟེད་འཚལ་ནས་རྒྱལ་པོའི་ཁབ་ཏུ་བསོད་སྙོམས་ལ་མཆིས་ན་བདག་ཅག་གིས་ཐོས་པ། བཅོམ་ལྡན་འདས་རྒྱལ་པོའི་ཁབ་ཏུ་བསོད་སྙོམས་ལ་གཤེགས་པ་ན་འོད་སྲུང་གི་རིགས་གོས་མེད་དེ། བཅོམ་ལྡན་འདས་ལས་སྡུག་བསྔལ་གྱི་ཆོས་ལས་ཞུ་བཞུས་ནས་དེ་ནས་བཅོམ་ལྡན་འདས་ཀྱི་ཐད་ནས་མཆིས་ནས་རིང་བོ་མ་ལགས་པར་བ་དྲུས་མ་ཞིག་གིས་བཀུམ་སྟེ་དེ་འགུམ་པའི་དུས་ཀྱི་ཚེ་དབང་པོ་རྣམས་ནི། རྣམ་པར་དང་བར་གྱུར། བཞིན་གྱི་མདོག་ནི། ཡོངས་སུ་དག་བར་གྱུར། པགས་པའི་མདོག་ནི། ཡོངས་སུ་གསལ་བར་གྱུར་ཅེས་ཐོས་ལགས་ན། བཙུན་པ། དེའི་འགྲོ་བ་ནི། གང་ལགས། གང་དུ་ནི། སྐྱེ་ལགས། འཇིག་རྟེན་ཕ་རོལ་ནི། གང་ལགས། དགེ་སློང་དག། རིགས་ཀྱི་བུ་དེ་ནི། ནོར་དུ་གྱུར་ཏེ། ཆོས་ཀྱི་རྗེས་སུ་མཐུན་པའི་ཆོས་མངོན་པར་རྟོགས་སོ། །ཆོས་ཀྱི་སྐབས་ནས་ང་ལ་ཅུང་ཟད་ཀྱང་མཐོ་བརྩམས་པ་མེད་དོ། །དགེ་སློང་དག་།རིགས་ཀྱི་བུ་དེ་ནི། ཡོངས་སུ་མྱ་ངན་ལས་འདས་ཀྱི། དེའི་ལུས་ལ་ལུས་ཀྱི་མཆོད་པར་གྱིས་ཤིག་ཅེས་དེར་བཅོམ་ལྡན་འདས་ཀྱིས་ 435b འོད་སྲུང་གི་རིགས་གོས་མེད། དགེ་སློང་གི་དགེ་འདུན་གྱི་མདུན་དུ་མཆོག་ཏུ་ལུང་བསྟན་ཏེ་དེ་སྐད་ཅེས་བཀའ་སྩལ་ཏོ། །ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ལགས་སམ་ཞེས་སྨྲས་པ་ནི། ཀྱེ་གོའུ་ཏམ། ཅི་ལགས། རང་གི་བདག་སྡུག་བསྔལ་གྱི་རྒྱུ་དང ། རྩ་བ་དང ། སྐྱེད་པ་དང ། གཞི་དང ། བྱེད་རྒྱུ་དང ། འབྱིན་པ་དང ། རྐྱེན་དང ། ཀུན་འབྱུང་བ་དང ། སློང་བ་ལགས་སམ་ཞེས་བྱ་བའི་དོན་ཏེ། དེ་བས་ན་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ལགས་སམ་ཞེས་སྨྲས་སོ། །ཀྱེ་གོའུ་ཏ་མ། ཅི་ལགས། སྡུག་བསྔལ་གཞན་གྱིས་བགྱིས་པ་ལགས་སམ་ཞེས་སྨྲས་པ་ནི། ཀྱེ་གོའུ་ཏ་མ། ཅི་ལགས། གཞན་དག་གི་སྡུག་བསྔལ་གྱི་རྒྱུ་དང ། རྩ་བ་དང ། སྐྱེད་པ་དང ། གཞི་དང ། བྱེད་རྒྱུ་དང ། འབྱིན་པ་དང ། རྐྱེན་དང་ཀུན་འབྱུང་བ་དང ། སློང་བ་ལགས་སམ་ཞེས་བྱ་བའི་དོན་ཏེ། དེ་བས་ན། གོའུ་ཏམ། ཅི་ལགས། སྡུག་བསྔལ་གཞན་གྱིས་བགྱིས་པ་ལགས་སམ་ཞེས་སྨྲས་སོ། །ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ཡང་ལགས་ལ། གཞན་གྱིས་བགྱིས་པ་ཡང་ལགས་སམ་ཞེས་སྨྲས་པ་ནི། ཀྱེ་གོའུ་ཏ་མ། ཅི་ལགས། རང་གི་བདག་དང་གཞན་གྱི་བདག་ཀྱང་སྡུག་བསྔལ་གྱི་རྒྱུ་དང ། རྩ་བ་དང ། སྐྱེད་པ་དང ། གཞི་དང ། བྱེད་རྒྱུ་དང ། འབྱིན་པ་དང ། རྐྱེན་དང ། ཀུན་འབྱུང་བ་དང ། སློང་བ་ལགས་སམ་ཞེས་བྱ་བའི་དོན་ཏེ། དེ་བས་ན། ཀྱེ་གོའུ་ཏ་མ། 436a ༄#། །ཅི་ལགས། སྡུག་བསྔལ་རང་གིས་བགྱིས་པ་ཡང་ལགས་ལ། གཞན་གྱིས་བགྱིས་པ་ཡང་ལགས་སམ་ཞེས་སྨྲས་སོ། །ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ཡང་མ་ལགས་ལ། གཞན་གྱིས་བགྱིས་པ་ཡང་མ་ལགས་ཏེ། རྒྱུ་མ་མཆིས་པ་ལས་བྱུང་བ་ལགས་སམ་ཞེས་སྨྲས་པ་ནི། ཀྱེ་གོའུ་ཏ་མ། ཅི་ལགས། སྡུག་བསྔལ་རྒྱུ་མེད་པ་ལགས་སམ་ཞེས་བྱ་བའི་དོན་ཏེ། དེ་བས་ན་ཀྱེ་གོའུ་ཏ་མ། ཅི་ལགས། སྡུག་བསྔལ་རང་གིས་བགྱིས་པ་ཡང་མ་ལགས་ལ། གཞན་གྱིས་བགྱིས་པ་ཡང་མ་ལགས་ཏེ། རྒྱུ་མ་མཆིས་པ་ལས་བྱུང་བ་ལགས་སམ་ཞེས་སྨྲས་སོ། །དེ་ལ་ནི། འདི་སྐད་ཅེས་བྱ་སྟེ། འོད་སྲུང ། རང་གི་བདག་སྡུག་བསྔལ་གྱི་རྒྱུ་དང ། རྩ་བ་དང ། སྐྱེད་པ་དང ། གཞི་དང ། བྱེད་རྒྱུ་དང ། འབྱིན་པ་དང ། རྐྱེན་དང ། ཀུན་འབྱུང་བ་དང ། སློང་བ་ཡིན་དུ་ཟིན་ན། དེ་ལྟ་ན་ནི་རང་གི་བདག་མ་ཆད་ཀྱི་བར་དུ་སྡུག་བསྔལ་ཡང་དག་པར་ཟད་པ་དང ། སྡུག་བསྔལ་མཐར་བྱེད་པ་མེད་པར་འོང་ངོ ། །འོད་སྲུང ། གཞན་གྱི་བདག་སྡུག་བསྔལ་གྱི་རྒྱུ་དང ། རྩ་བ་དང་སྐྱེད་པ་དང ། གཞི་དང ། བྱེད་རྒྱུ་དང ། འབྱིན་པ་དང ། རྐྱེན་དང ། ཀུན་འབྱུང་བ་དང ། སློང་བ་ཡིན་དུ་ཟིན་ན། དེ་ལྟ་ན་ཡང་གཞན་གྱི་བདག་མ་ཆད་ཀྱི་བར་དུ་སྡུག་བསྔལ་ཡང་དག་པ་ 436b ཟད་\?\་པ་དང ། སྡུག་བསྔལ་མཐར་བྱེད་པ་མེད་པར་འོད་ངོ ། །འོད་སྲུང ། རང་གི་བདག་དང་གཞན་གྱི་བདག་སྡུག་བསྔལ་གྱི་རྒྱུ་དང ། རྩ་བ་དང ། སྐྱེད་པ་དང ། གཞི་དང ། བྱེད་རྒྱུ་དང ། འབྱིན་བ་དང ། རྐྱེན་དང ། ཀུན་འབྱུང་བ་དང ། སློང་བ་ཡིན་དུ་ཟིན་ན། དེ་ལྟ་ན་ཡང་རང་གི་བདག་དང་གཞན་གྱི་བདག་མ་ཆད་ཀྱི་བར་དུ་སྡུག་བསྔལ་ཡང་དག་པར་ཟད་པ་དང ། སྡུག་བསྔལ་མཐར་བྱེད་པ་མེད་པར་འོང་ངོ ། །འོད་སྲུང ། སྡུག་བསྔལ་རྒྱུ་མེད་པ་ལས་བྱུང་བ་ཡིན་དུ་ཟིན་ན། དེ་ལྟར་ན་ཡང་དེ་ནི། རྒྱུ་གང་ཟད་པར་བྱས་པས་སྡུག་བསྔལ་ཡང་དག་པར་ཟད་པ་དང ། སྡུག་བསྔལ་མཐར་བྱེད་པར་འགྱུར་བའི་རྒྱུ་དེ་མེད་པར་འོང་ངོ ། །འོད་སྲུང ། དེ་བས་ན་རང་གིས་བྱས་པ་དང ། གཞན་གྱིས་བྱས་པ་དང ། རང་གིས་ཀྱང་བྱས་ལ་གཞན་གྱིས་ཀྱང་བྱས་པ་དང ། རང་གིས་ཀྱང་མ་བྱས་ལ། གཞན་གྱིས་ཀྱང་མ་བྱས་ཏེ། རྒྱ་མེད་པ་ཡང་མ་ཡིན་པ་ནི། འདི་ལྟར་ཁས་བླང་བར་བྱས་ཏེ། རང་གིས་བྱས་པ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་རང་གིས་རང་གི་སྐྲ་འབལ་བའམ། ཁ་སྤུ་འབལ་བའམ། སྐྲ་དང་ཁ་སྤུ་འབལ་བའམ། ལྕག་གིས་འཇུ་བའམ། ལྕུག་མས་འཇུ་བའམ། འབྲེང་པས་འཛུ་བའམ། ལག་པ་གཅོད་པ་བའམ།་རྐང་བ་གཅོད་པའམ། རྣ་བ་གཅོད་པའམ། སྣ་གཅོད་པའམ། གཏན་འཆི་བར་བྱེད་པའམ། གྲངས་ནས་གྲང་བར་འགྲོ་བའམ། ཚ་བའི་ས་ནས་ཚ་བའི་སར་འགྲོ་བར་བྱེད་ལ། དེའི་ 437a ༄#། །རྐྱེན་གྱིས་ཀྱང་དེའི་སྡུག་བསྔལ་སྐྱེ་བར་འགྱུར་བ་ལྟ་བུ་སྟེ། དེ་ལྟར་ན་རང་གིས་བྱས་པ་ཡིན་ནོ། །གཞན་གྱིས་བྱས་པ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་གཞན་གྱིས་དེའི་སྐྲ་འབལ་བའམ། ཁ་སྤུ་འབལ་བའམ། སྐྲ་དང་ཁ་སྦུ་འབལ་བའམ། ལྕག་གིས་འཇུ་བའམ། ལྕུག་མས་འཇུ་བའམ། འབྲེང་བས་འཇུ་བའམ། ལག་པ་གཅོད་པའམ། རྐང་པ་གཅོད་པའམ། རྣ་བ་གཅོད་པའམ། སྣ་གཅོད་པའམ། གཏན་འཆི་བར་བྱེད་པའམ། གྲངས་ནས་གྲང་བར་གཏོང་བའམ། ཚ་བའི་ས་ནས་ཚ་བའི་ས་ར་གཏོང་བར་བྱེད་ལ། དེའི་རྐྱེན་གྱིས་ཀྱང་དེའི་སྡུག་བསྔལ་སྐྱེ་བར་འགྱུར་བ་ལྟ་བུ་སྟེ། དེ་ལྟར་ན་གཞན་གྱིས་བྱས་པ་ཡིན་ནོ། །གཉི་གས་བྱས་པ་ཇི་ལྟ་བུ་ཞེ་ན། སྨྲས་པ། ཇི་ལྟར་འདི་ན་ཁ་ཅིག་བདག་ཉིད་དམ། གཞན་གྱིས་དེའི་སྐྲ་འབལ་བའམ། ཁ་སྤུ་འབལ་བའམ། སྐྲ་དང་ཁ་སྤུ་འབལ་བའམ། ལྕག་གིས་འཇུ་བའམ། ལྕུག་མས་འཇུ་བའམ། འབྲེང་པས་འཇུ་བའམ། ལག་པ་གཅོད་པའམ། རྐང་བ་གཅོད་པའམ། རྣ་བ་གཅོད་པའམ། སྣ་གཅོད་པའམ། གཏན་འཆི་བར་བྱེད་པའམ། གྲང་ས་ནས་གྲང་བར་གཏོང་བའམ། ཚ་བའི་ས་ནས་ཚ་བའི་སར་གཏོང་བར་བྱེད་ལ། དེའི་རྐྱེན་གྱིས་ཀྱང་དེའི་སྡུག་བསྔལ་སྐྱེ་བར་འགྱུར་བ་ལྟ་བུ་སྟེ། དེ་ལྟར་ན་རང་གིས་བྱས་པ་ཡང་ཡིན་ལ། གཞན་གྱིས་བྱས་པ་ཡང་ 437b ཡིན་ནོ། །རང་གིས་ཀྱང་མ་བྱས་གཞན་གྱིས་ཀྱང་མ་བྱས་ལ། རྒྱུ་མེད་པ་ལས་བྱུང་བ་ནི། མ་ཡིན་པ་ཇི་ལྟ་བུ་ཞེ་ན། སྨྲས་པ། དཔེར་ན། རླུང་ལྡང་བ་དང ། ཆར་བ་འབབ་པ་དང ། ཐོག་འབབ་པ་ན།་ཁྱིམ་རྣམས་རྡིབ་པར་བྱེད་པའམ། ཤིང་རྣམས་གཅོག་པར་བྱེད་པའམ། བྲག་གི་རྩེ་མོ་རྣམས་འཇོམས་པར་བྱེད་དེ། དེས་ན་ཁ་ཅིག་གི་ནི། ལག་པ་གཅོད་པར་བྱེད། ཁ་ཅིག་གི་ནི། རྐང་པ་གཅོད་པར་བྱེད། ཁ་ཅིག་གིས་ནི། རྣ་བའམ། སྣ་གཅོད་པར་བྱེད་དེ། ཁ་ཅིག་ནི། གཏན་འཆི་བར་བྱེད་པ་ལྟ་བུ་སྟེ། རླུང་དེ་དང ། ཆར་པ་དེ་དང ། ཐོག་ཐོག་དེ་ནི། ཁྱིམ་དེ་དག་རྡིབ་པར་བྱེད་པ་དང ། ཤིང་རྣམས་ཆགས་བར་བྱེད་པ་དང ། བྲག་གི་རྩེ་མོ་རྣམས་འཇོམས་པར་བྱེད་པའི་རྒྱུ་ཁོ་ན་ཡིན་ཏེ། དེ་ལྟར་ན་རང་གིས་ཀྱང་མ་བྱས། གཞན་གྱིས་ཀྱང་མ་བྱས་པའི་རིགས་དང ། རྒྱུ་ལས་བྱུང་བ་ཡིན་ནོ། །འོད་སྲུང་སེམས་ཅན་རྣམས་ཀྱི་བདེ་བ་དང ། སྡུག་བསྔལ་སྐྱེ་བ་ཅི་ཡང་རུང་བ་དེ་དག་ཐམས་ཅད་ནི། རང་གིས་བྱས་པ་དང ། གཞན་གྱིས་བྱས་པ་དང ། གཉི་གས་བྱས་པ་དང ། དུས་ཚིགས་འགྱུར་བའི་རྐྱེན་བཞེས་སྐྱེ་བར་འགྱུར་རོ། །བདག་གིས་བྱས་པ་ཇི་ལྟ་བུ་ཞེ་ན། སྨྲས་པ། འདི་ན་ཁ་ཅིག་རང་གིས་རང་གི་སྐྲ་འབལ་བའམ། ཁ་སྤུ་འབལ་བའམ། སྐྲ་དང་ཁ་སྤུ་འབལ་བའམ། ལྕག་གིས་འཇུ་བའམ། ལྕུག་མས་འཇུ་བའམ། འབྲེང་བས་འཇུ་བའམ། ལག་པ་གཅོད་པའམ། རྐང་པ་གཅོད་པའམ། རྣ་བ་གཅོད་པ་ 438a ༄#། །པའམ། སྣ་གཅོད་པའམ། གཏན་འཆི་བར་བྱེད་པའམ། གྲངས་ནས་གྲངས་པར་འགྲོ་བའམ། ཚ་བའི་ནས་ཚ་བའི་སར་འགྲོ་བའམ། ལུས་སྣུན་གྱིས་བསྐུ་ཞིང་དྲིལ་བ་དང ། ཁྲུས་བྱེད་པ་དང ། མཉེས་བར་བྱེད་ལ། དེའི་རྐྱེན་གྱིས་ཀྱང་དེའི་བདེ་བ་དང་སྡུག་བསྔལ་སྐྱེ་བར་འགྱུར་བ་ལྟ་བུ་སྟེ། དེ་ལྟར་ན་བདག་གིས་བྱས་པ་ཡིན་ནོ། ། གཞན་གྱིས་བྱས་པ་ཇི་ལྟ་བུ་ཞེ་ན། སྨྲས་པ། དཔེར་ན། འདི་ན་ཁ་ཅིག་གཞན་གྱིས་དེའི་སྐྲ་འབལ་བ་ནས་གཏན་འཆི་བའི་བར་དུ་བྱེད་པ་དང ། གྲངས་ནས་གྲང་སར་གཏོང་བའམ། ཚ་བའི་ས་ནས་ཚ་བའི་སར་གཏོང་བའམ། ལུས་སྣུམ་གྱིས་བསྐུ་ཞིང་དྲིལ་བ་དང ། ཁྲུས་བྱེད་པ་དང ། ལུས་མཉེས་པར་བྱེད་ལ། དེའི་རྐྱེན་གྱིས་ཀྱང་དེའི་བདེ་བ་དང་སྡུག་བསྔལ་སྐྱེ་བར་འགྱུར་བ་ལྟ་བུ་སྟེ། དེ་ལྟར་ན་གཞན་གྱིས་བྱས་པ་ཡིན་ནོ། །གཉི་གས་བྱས་པ་ཇི་ལྟ་བུ་ཞེ་ན། སྨྲས་པ། དཔེར་ན། འདི་ན་ཁ་ཅིག་བདག་ཉིད་དང ། གཞན་གྱིས་དེའི་སྐྲ་འབལ་བ་ནས་གཏན་འཆི་བའི་བར་དུ་བྱེད་པའམ། གྲང་ས་ནས་གྲང་སར་གཏོང་བའམ། ཚ་བའི་ས་ནས་ཚ་བའི་སར་གཏོང་བའམ། ལུས་སྣུམ་གྱིས་བསྐུ་ཞིང་དྲིལ་བ་དང ། ཁྲུས་བྱེད་པ་དང་མཉེས་པར་བྱེད་ལ། དེའི་རྐྱེན་གྱིས་ཀྱང་དེའི་བདེ་བ་དང ། སྡུག་བསྔལ་སྐྱེ་བར་འགྱུར་བ་ལྟ་བུ་སྟེ། དེ་ལྟར་ན་གཉི་གས་བྱས་པ་ཡིན་ནོ། །དུས་ཚིགས་འགྱུར་པ་ཇི་ལྟ་བུ་ཞེ་ན། སྨྲས་པ། དཔེར་ 438b ན།་རྒྱལ་པོ་དགུན་གཅིག་ཏུ་ངེས་པར་གྲང་བ་དང ། དབྱར་གཅིག་ཏུ་ངེས་པར་ཚ་བ་དང ། སོས་ཀའི་གྲང་བ་དང ། ཚ་བ་དེ་གཉི་ག་ལས་བདེ་བ་དང ། སྡུག་བསྔལ་སྐྱེ་བར་འགྱུར་བ་ལྟ་བུ་སྟེ་དེ་ལྟར་ན་དུས་ཚིགས་འགྱུར་བ་ལས་གྱུར་བ་ཡིན་ནོ། །ལས་ཐོབ་པ་ནི། རྣམ་པ་བཞི་སྟེ། རྒྱས་པར་ཡང་དག་པར་བགྲོ་བའི་རྣམ་གྲངས་ལས་ཇི་སྐད་འབྱུང་བ་བཞིན་དུ་བརྗོད་པར་བྱའོ། ། སྦྱིན་པ་ནི། བཞི་སྟེ། བཞི་གང་ཞེ་ན། སྦྱིན་པ་པོ་རྣམ་པར་དག་ལ། ལེན་པ་པོ་རྣམ་པར་མ་དག་པ་ཡང་ཡོད་དོ། །ཞེས་བྱ་བ་ནས་རྒྱས་པར་ཡང་དག་པར་བགྲོ་བའི་རྣམ་གྲངས་ལས་ཇི་སྐད་འབྱུང་བ་བཞིན་དུ་བརྗོད་པར་བྱའོ། །སྦྱིན་པ་ནི། བརྒྱད་དེ། བརྒྱད་གང་ཞེ་ན། ཉེ་བར་གྱུར་པ་ལ་སྦྱིན་པ་ཞེས་བྱ་བ་ནས་རྒྱས་པར་ཡང་དག་པར་བགྲོ་བའི་རྣམ་གྲངས་ལས་ཇི་སྐད་འབྱུང་བ་བཞིན་དུ་བརྗོད་པར་བྱའོ། །གཞན་ཡང་སྦྱིན་པ་ནི། བརྒྱད་དེ། བརྒྱད་གང་ཞེ་ན། གང་ཟག་དད་པ་ཆུང་དུས་སྦྱིན་པ་ཆུང་དུ་བྱིན་ལ། ཚུལ་ཁྲིམས་འཆལ་བ་རྣམས་ལ་བྱིན་ཏེ། ཡུན་རིང་དུ་ཐུབ་པ་མ་ཡིན་པ་དང ། གང་ཟག་དད་པ་ཆུང་དུས་སྦྱན་པ་ཆེན་པོ་བྱིན་ལ། ཚུལ་ཁྲིམས་འཆལ་པ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་བྱིན་པ་དང ། གང་ཟག་དད་པ་ཆུང་དུས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་བྱིན་པ་དང ། གང་ཟག་དད་པ་ཆུང་དུས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ 439a ༄#། །ལ་བྱིན་ཏེ། ཡུན་རིང་དུ་ཐུབ་པ་བྱིན་པ་དང ། གང་ཟག་དད་པ་ཆེན་པོས་སྦྱིན་པ་ཆུང་དུ་བྱིན་ལ། ཚུལ་ཁྲིམས་འཆལ་བ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་བྱིན་པ་དང ། གང་ཟག་དད་པ་ཆེན་པོས་སྦྱིན་པ་ཆེན་པོ་བྱིན་ལ། ཚུལ་ཁྲིམས་འཆལ་བ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་བྱིན་པ་དང ། གང་ཟག་དད་པ་ཆེན་པོས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ལ། ཡུན་རིང་དུ་མི་ཐུབ་པ་བྱིན་པ་དང ། གང་ཟག་དད་པ་ཆེན་པོས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ཏེ། ཡུན་རིང་དུ་ཐུབ་པ་བྱིན་པའོ། །དེ་ལ་གང་ཟག་དད་པ་ཆུང་དུས་སྦྱིན་པ་ཆུང་དུ་བྱིན་ལ། ཚུལ་ཁྲིམས་འཆལ་བ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་བྱིན་པ་གང་ཡིན་བའི་སྦྱིན་པ་འདི་ནི། སྦྱིན་པ་དེ་རྣམས་ཀྱི་ནང་ནས་ཆུང་དུ་ཞེས་བརྗོད་དོ། །དེ་ལ་གང་ཟག་དད་པ་ཆུང་དུས་སྦྱིན་པ་ཆེན་པོ་བྱིན་ལ། ཚུལ་ཁྲིམས་འཆལ་པ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་བྱིན་པའི་སྦྱིན་པ་གང་ཡིན་པ་དེ་ནི། སྦྱིན་པ་དེ་བས་ཆེ་བར་བརྗོད་དོ། །དེ་ལ་གང་ཟག་དད་པ་ཆུང་དུས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་གང་ཡིན་པའི་སྦྱིན་པ་འདི་ནི། དེ་གཉིས་པས་ཆེ་བར་བརྗོད་དོ། །དེ་ལ་གང་ཟག་དད་པ་ཆུང་དུས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ཏེ། 439b ཡུན་རིང་དུ་ཐུབ་པ་གང་ཡིན་པའི་སྦྱིན་པ་དེ་ནི། སྦྱིན་པ་དེ་དག་པས་ཆེ་བར་བརྗོད་དོ། །དེ་ལ་གང་ཟག་དད་པ་ཆེན་པོས་སྦྱིན་པ་ཆུང་དུ་བྱིན་ལ། ཚུལ་ཁྲིམས་འཆལ་པ་རྣམས་ལ་བྱིན་ཏེ། ཡུན་རིང་དུ་མི་ཐུབ་པ་གང་ཡིན་པའི་སྦྱིན་པ་འདི་ནི། སྦྱིན་པ་དེ་དག་པས་ཆེ་བར་བརྗོད་དོ། །དེ་ལ་གང་ཟག་དད་པ་ཆེན་པོས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ཏེ་ཡུན་རིང་དུ་མི་ཐུབ་པ་གང་ཡིན་པའི་སྦྱིན་པ་དེ་ནི། སྦྱིན་པ་དེ་དག་བས་ཆེ་བར་བརྗོད་དོ། །དེ་ལ་གང་ཟག་དད་པ་ཆེན་པོས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ཏེ། ཡུན་རིང་དུ་ཐུབ་པ་གང་ཡིན་པའི་སྦྱིན་པ་འདི་ནི། སྦྱིན་པ་དེ་དག་པས་ཆེ་བ་དང ། མཆོག་ཏུ་བརྗོད་པ་དང ། གཙོ་བོ་དང ། ཁྱད་པར་དུ་འཕགས་པ་དང ། བླ་ན་མེད་པར་བརྗོད་པ་དེ། དཔེར་ན། པ་བས་ནི། འོ་མ། འོ་མ་བས་ནི། ཞོ། ཞོ་བས་ནི། མར་གསར། མར་གསར་བས་ནི། ཞུན་མར། ཞུན་མར་བས་ནི། མར་གྱི་སྙིང་ཁུ་ཆེ་བ་དང ། མཆོག་ཏུ་བརྗོད་པ་དང ། གཙོ་བོ་དང ། ཁྱད་པར་དུ་འཕགས་པ་དང ། བླ་ན་མེད་པར་བརྗོད་པ་དེ་བཞིན་དུ་གང་ཟག་དད་པ་ཆེན་པོས་སྦྱིན་པ་ཆེན་པོ་བྱིན་ལ། ཚུལ་ཁྲིམས་དང་ལྡན་པ་རྣམས་ལ་བྱིན་ཏེ། ཡུན་རིང་དུ་ཐུབ་པར་བྱིན་པ་གང་ཡིན་པའི་སྦྱིན་པ་འདི་ནི། སྦྱིན་པ་དེ་དག་པས་ཆེ་བ་དང ། མཆོག་ཏུ་བརྗོད་པ་དང ། གཙོ་བོ་དང ། ཁྱད་པར་དུ་འཕགས་པ་དང ། བླ་ན་མེད་པར་བརྗོད་དོ། །ལས་ནི། བརྒྱད་དེ། བརྒྱད་གང་ཞེ་ན། བདེ་བ་ 440a ༄#། །མྱོང་བར་འགྱུར་བ་དང ། སྡུག་བསྔལ་མྱོང་བར་འགྱུར་བ་དང ། ཚེ་འདི་ལ་མྱོང་བར་འགྱུར་བ་དང ། ལན་གྲངས་གཞན་དུ་མྱོང་བར་འགྱུར་བ་དང ། ཆུང་དུ་མྱོང་བར་འགྱུར་བ་དང ། རྒྱ་ཆེན་པོ་མྱོང་བར་འགྱུར་བ་དང ། ལས་ཡོངས་སུམ་སྨིན་པ་དང ། ལས་ཡོངས་སུ་སྨིན་པའོ། ལས་བདེ་བ་མྱོང་བར་འགྱུར་བ་དེ། བརྩལ་བའི་རྒྱུའམ། བརྩོན་པའི་རྒྱུས་སྡུག་བསྔལ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་གནམ། འོན་ཏེ་གནས་དེ་ལྟ་བུར་སྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་མི་རུང་ངོ ། །ལས་གང་སྡུག་བསྔལ་མྱོང་བར་འགྱུར་བ་དེ། བརྩལ་བའི་རྒྱུའམ། བརྩོན་པའི་རྒྱུས་བདེ་བ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་མི་རུང་ངོ ། །ལས་གང་ཚེ་འདི་ལ་མྱོང་བར་འགྱུར་བ་དེ། བརྩལ་བའི་རྒྱུའམ། བརྩོན་པའི་རྒྱུས་ལན་གྲངས་གཞན་ལ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། ཡོན་ཏེ་གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་རུང་ངོ ། །ལས་གང་ལན་གྲངས་གཞན་ལ་མྱོང་བར་འགྱུར་བ་དེ། བརྩལ་བའི་རྒྱུའམ། བརྩོན་པའི་རྒྱུ་ས་ཚེ་འདི་ལ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་གནས་དེ་ལྟ་བུར་ 440b བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་རུང་ངོ ། །ལས་གང་ཆུང་དུ་མྱོང་བར་འགྱུར་བ་དེ་བརྩལ་བའི་རྒྱུའམ། བརྩོན་བའི་རྒྱུས་རྒྱ་ཆེ་བ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་དེ་ལྟ་བུའི་གནས་སུ་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་རུང་ངོ ། །ལས་གང་རྒྱ་ཆེན་པོ་མྱོང་བར་འགྱུར་བ་དེ་བརྩལ་བའི་རྒྱ་དང ། བརྩོན་པའི་རྒྱས་ཆུང་དུ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་ཀྱང་རུང་ངམ། འོན་ཏེ་གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་རུང་ངོ ། །ལས་གང་ཡོངས་སུ་མ་སྨིན་པ་དེ་བརྩལ་བའི་རྒྱའམ། །བརྩོན་བའི་རྒྱུས་ཡོངས་སུ་སྨིན་པར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་མི་རུང་བ་ཡང་ཡོད། བསྒྱུར་དུ་རུང་བ་ཡང་ཡོད་དེ། དཔེར་ན། འདི་ན་ཁ་ཅིག་ཡོངས་སུ་མ་སྨིན་པའི་ལས་ཡོངས་སུ་སྨིན་པར་བྱའོ་སྙམ་ནས་རལ་བ་འཆང་བའམ། སྐྲ་འབལ་བའམ། \?\་སྤུ་འབལ་བའམ། སྐྲ་དང་ཁ་སྤུ་འབལ་བའམ། ལམ་ངན་པའམ། དཀའ་ཐུབ་ངན་པ་རྣམ་པ་སྣ་ཚོགས་ཀྱིས་བདག་ཉིད་ཀུན་ཏུ་གདུང་བར་བྱེད་པ་འདི་ནི། བསྒྱུར་དུ་མི་རུང་བའོ། །བསྒྱུར་བ་གང་ཞེ་ན། སྨྲས་པ། དཔེར་ན། འདི་ན་ཁ་ཅིག་ཡོངས་སུ་མ་སྨིན་པའི་ལས་ཡོངས་སུ་སྨིན་པར་བྱའོ་སྙམ་ནས་སྦྱོར་བ་དང ། རྩོལ་བ་ 441a ༄#། །དང ། འབད་པ་བྱས་ན་རྒྱུན་དུ་ཞུགས་པའི་འབྲས་བུ་ཐོབ་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། འབྲས་བུའི་མཆོག་དགྲ་བཅོམ་པ་ཉིད་ཐོབ་བ་འདི་ནི། བསྒྱུར་དུ་རང་བའོ། །གང་ལས་ཡོངས་སུ་སྨིན་ཟིན་པ་དེ། བརྩལ་བའི་རྒྱུའམ། བརྩོན་པའི་རྒྱུས་གཞན་དུ་བསྒྱུར་དུ་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་མི་རུང་ངོ ། །ལས་ནི། གསུམ་སྟེ་གསུམ་གང་ཞེ་ན། ཚེ་འདི་ལ་མྱོང་བར་འགྱུར་བ་དང ། སྐྱེས་ནས་མྱོང་བར་འགྱུར་བ་དང ། ལན་གྲངས་གཞན་ལ་མྱོང་བར་འགྱུར་བའོ། །ཚེ་འདི་ལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་སྐྱེས་ནས་མྱོང་བར་འགྱུར་བ་དང ། ལན་གྲངས་གཞན་ལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དོ། །དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་བའི་ཕྱིར་རོ། །སྐྱེས་ནས་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མ་མྱོང་བར་ཚེ་འདི་ལ་མྱོང་བར་འགྱུར་བ་དང ། ལན་གྲངས་གཞན་ལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དེ། 441b དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང ། འོང་བར་འགྱུར་བའི་ཕྱིར་རོ། །ལན་གྲངས་གཞན་ལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་མ་མྱོང་བར་ཚེ་འདི་ལ་མྱོང་བར་འགྱུར་བ་དང ། སྐྱེས་ནས་མྱོང་བར་འགྱུར་བའི་ལས་རྣམ་པར་སྨིན་པ་མྱོང་བར་འགྱུར་བ་ཡོད་དམ་ཞེ་ན། ཉམས་སུ་མྱོང་བར་འགྱུར་བ་ཡོད་དེ། དེ་ཡང་དགྲ་བཅོམ་པ། འདི་ཐོབ་པ་ནི། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་བའི་ཕྱིར་རོ། །གཞན་ཡང་ས་འདི་གསུམ་སྟེ། གསུམ་གང་ཞེ་ན། བདེ་བ་མྱོང་བར་འགྱུར་བ་དང ། སྡུག་བསྔལ་མྱོང་བར་འགྱུར་བ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་མྱོང་བར་འགྱུར་བའོ། །བདེ་བ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མ་མྱོང་བར་སྡུག་བསྔལ་མྱོང་བར་འགྱུར་བ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་བ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དེ། དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་པའི་ཕྱིར་རོ། །སྡུག་བསྔལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མ་མྱོང་བར་བདེར་མྱོང་བར་འགྱུར་བ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་ 442a ༄#། །མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་སྤྱོང་བར་འགྱུར་བ་ཡོད་དེ། དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་བའི་ཕྱིར་རོ། །སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པའི་ལས་ཀྱི་རྣམ་པ་ཉམས་སུ་མ་མྱོང་བར་བདེ་བ་མྱོང་བར་འགྱུར་བ་དང ། སྡུག་བསྔལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དེ། དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་བའི་ཕྱིར་རོ། །གཞན་ཡང་ལས་ནི། གསུམ་སྟེ། གསུམ་གང་ཞེ་ན། འདོད་པ་དང་ལྡན་པའི་ལས་དང ། གཟུགས་དང་ལྡན་པའི་ལས་དང ། གཟུགས་མེད་པ་དང་ལྡན་པའི་ལས་སོ། །འདོད་པ་དང་ལྡན་པའི་ལས་ཀྱི་རྣམ་པར་སྨིན་པ་མ་མྱོང་བར་གཟུགས་དང་ལྡན་པའི་ལས་དང ། གཟུགས་མེད་པ་དང་ལྡན་པའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དེ། དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་བའི་ཕྱིར་རོ། །གཟུགས་དང་ལྡན་པའི་ལས་ཀྱི་རྣམ་པར་སྨིན་པ་མ་མྱོང་བར་འདོད་པ་དང་ལྡན་པའི་ལས་དང ། གཟུགས་མེད་པ་དང་ལྡན་པའི་ལས་ 442b ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དེ། དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འབྱུང་ཞིང་འོང་བར་འགྱུར་བའི་ཕྱིར་རོ། །གཟུགས་མེད་པ་དང་ལྡན་པའི་ལས་ཀྱི་རྣམ་པར་སྨིན་པ་ཉམས་སུ་མ་མྱོང་བར་འདོད་པ་དང་ལྡན་པའི་ལས་དང ། གཟུགས་དང་ལྡན་པའི་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་བ་ཡོད་དམ་ཞེ་ན། སྨྲས་པ། ཉམས་སུ་མྱོང་བར་འགྱུར་བ་ཡོད་དེ། དེ་ཡང་དགྲ་བཅོམ་པ་ཉིད་ཐོབ་པ་ན། ལས་དེའི་རྣམ་པར་སྨིན་པ་མངོན་དུ་འགྱུར་ཞིང་འོང་བར་འགྱུར་བའི་ཕྱིར་རོ། །གཅེར་བུ་པ་རྣམས་ནི། འདི་སྐད་དུ་སྐྱེས་བུ་གང་ཟག་འདིས་ཉམས་སུ་མྱོང་བ་ཅི་ཡང་རུང་བ་དེ་དག་ཐམས་ཅད་ནི། སྔོན་བྱས་པའི་རྒྱུ་ལས་བྱུང་བ་ཡིན་ནོ། ། ཞེས་ཟེར་ཏེ། དེ་དག་ལ་ནི། འདི་སྐད་དུ་གཅེར་བུ་པ་ཁྱོད་རྣམས་ཅིའི་ཕྱིར་དཀའ་ཐུབ་སྤྱོད་པར་བྱེད་ཅེས་བྱའོ། །དེ་དག་འདི་སྐད་དུ་བདག་ཅག་ནི། ཚེ་འདི་ལ་བརྩལ་བའི་ཕྱིར་དཀའ་ཐུབ་སྤྱོད་པར་བྱེད་དོ། །ཞེས་ཟེར་ན། དེ་དག་ལ་འདི་སྐད་ཅེས་བྱ་སྟེ། གཅེར་བུ་པ་རྣམས་ཉོན་ཅིག་།དེ་ལྟ་ན་སྐྱེས་བུ་གང་ཟག་འདིས་ཉམས་སུ་མྱོང་བ་ཅི་ཡང་རུང་བ་དེ་དག་ཐམས་ཅད་ནི། སྔོན་བྱས་པའི་རྒྱུ་ལས་བྱུང་བ་ཡིན་ཏེ། བདག་ཅག་ནི། ཚེ་འདི་ལ་བརྩལ་བའི་ཕྱིར་དཀའ་ཐུབ་སྤྱོད་པར་བྱེད་དོ། །ཞེས་མ་ཟེར་ཅིག་།དེ་སྟེ་ཁྱེད་ད་ལྟར་བདག་ཅག་གི་ཚེ་འདི་ལ་བརྩལ་བའི་ཕྱིར་དཀའ་ཐུབ་ 443a ༄#། །སྤྱོད་པར་བྱེད་དོ། །ཞེས་ཟེར་ན་ནི། སྐྱེས་བུ་གང་ཟག་འདིས་ཉམས་སུ་མྱོང་བ་ཅི་ཡང་རུང་བ་དེ་དག་ཐམས་ཅད་སྔོན་བྱས་པའི་རྒྱུ་ལས་བྱུང་བ་ཡིན་ནོ། །ཞེས་མ་ཟེར་ཅིག་།སྐྱེས་བུ་གང་ཟག་འདིས་ཉམས་སུ་མྱོང་བ་ཅི་ཡང་རུང་བ་དེ་དག་ཐམས་ཅད་ནི། སྔོན་བྱས་པའི་རྒྱུ་ལས་བྱུང་བ་ཡིན་ཏེ། བདག་ཅག་ཚེ་འདི་ལ་བརྩལ་བའི་ཕྱིར་དཀའ་ཐུབ་སྤྱོད་པར་བྱེད་དོ། །ཞེས་བྱར་ནི། མི་རུང་ངོ ། །དེ་དག་འདི་སྐད་དུ། བདག་ཅག་གི་རྣམ་པར་སྨིན་པའི་ཡང་རྣམ་པར་སྨིན་པ་ཉམས་སུ་མྱོང་བར་བྱེད་དོ། །ཞེས་ཟེར་ན་ཡང ། དེ་དག་ལ་འདི་སྐད་དུ་ཅི་གཅེར་བུ་པ་ཁྱེད་ལ་དག་པར་འགྱུར་བ་ཡོད་དམ། གྲོལ་པར་འགྱུར་བ་ཡོད་དམ། མྱ་ངན་ལས་འདའ་བར་འགྱུར་བ་ཡོད་དམ་ཞེས་བྱའོ། །དེ་དག་འདི་སྐད་དུ་ཚེ་དང་ལྡན་པ་བདག་ཅག་ལ་དག་པར་འགྱུར་བ་ཡང་ཡོད། གྲོལ་བར་འགྱུར་བ་ཡང་ཡོད། མྱ་ངན་ལས་འདའ་བར་འགྱུར་བ་ཡང་ཡོད་དོ། །ཞེས་ཟེར་ན་ནི། དེ་དག་ལ་འདི་སྐད་ཅེས་བྱ་སྟེ། གཅེར་བུ་པ་རྣམས་ཉོན་ཅིག་།དེ་ལྟ་ན་བདག་ཅག་ནི། རྣམ་པར་སྨིན་པའི་ཡང་རྣམ་པར་སྨིན་པ་ཉམས་སུ་མྱོང་བར་བྱེད་དེ། བདག་ཅག་ལ་དག་པར་འགྱུར་བ་ཡང་ཡོད། གྲོལ་བར་འགྱུར་བ་ཡང་ཡོད། མྱ་ངན་ལས་འདའ་བར་འགྱུར་བ་ཡང་ཡོད་དོ། །ཞེས་མ་ཟེར་ཅིག་།དེ་སྐྱེ་ཁྱེད་ད་ལྟར་བདག་ཅག་ལ་དག་པར་འགྱུར་བ་ཡང་ཡོད། གྲོལ་བར་འགྱུར་བ་ཡང་ཡོད། མྱ་ 443b ངན་ལས་འདའ་བར་འགྱུར་བ་ཡང་ཡོད་དོ། །ཞེས་ཟེར་ན་ནི། བདག་ཅག་ནི། རྣམ་པར་སྨིན་པའི་ཡང་རྣམ་པར་སྨིན་པ་ཉམས་སུ་མྱོང་བར་བྱེད་དོ། །ཞེས་མ་ཟེར་ཅིག་།བདག་ཅག་ནི། རྣམ་པར་སྨིན་པའི་ཡང་རྣམ་པར་སྨིན་པ་ཉམས་སུ་མྱོང་བར་བྱེད་དེ། བདག་ཅག་ལ་དག་པར་འགྱུར་པ་ཡང་ཡོད། གྲོལ་བར་འགྱུར་བ་ཡང་ཡོད། མྱ་ངན་ལས་འདའ་བར་འགྱུར་བ་ཡང་ཡོད་དོ། ། ཞེས་ཕྱིར་ནི། མི་རུང་ངོ ། །སྤུན་དྲུང་གིས་སྤུན་དྲུང་བཏང་སྟེ། སོད་ལམ་གསོད་ཅིག་།བདག་ཉིད་ཀྱིས་སོད་ལ། གཞན་གསད་དུ་མ་གཞུག་ཅིག་ཅེས་བྱས་ན། དེ་གཉི་ག་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་གཅིག་ལྡན་པར་འགྱུར་ཞེ་ན། སྨྲས་པ། གལ་ཏེ་བདག་ཉིད་ཀྱིས་བསད་ན་ནི། གཉི་ག་མཚམས་མེད་པའི་ལས་དང་ལྡན་པར་འགྱུར་རོ། །དེ་སྟེ་གཞན་གསོད་དུ་བཅུག་སྟེ། བདག་ཉིད་ཀྱིས་མ་བསད་ན་ནི། ཕྱི་མ་ཤོས་མཚམས་མེད་པའི་ལས་དང་ལྡན་པར་འགྱུར་གྱི། སྔ་མ་ཤོས་ནི། མ་ཡིན་ནོ། །དེ་སྟེ་བདག་དང་གཞན་གཉི་གས་བསད་ན་ཡང་ཕྱི་མ་ཤོས་ཉི་ཚེ་མཚམས་མེད་པའི་ལས་དང་ལྡན་པར་འགྱུར་གྱི། སྔ་མ་ཤོས་ནི། མ་ཡིན་ནོ། །སྤུན་དྲུང་གིས་སྤུན་དྲུང་བཏང་སྟེ། སོད་ལ་མ་གསོད་ཅིག་།གཞན་གསོད་དུ་བཅུག་ལ་བདག་ཉིད་ཀྱིས་མ་གསོད་ཅིག་།ཅེས་བྱས་ན། དེ་ཅི་གཉི་ག་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་གཅིག་ལྡན་པར་འགྱུར་ཞེ་ན། སྨྲས་པ། གལ་ཏེ་གཞན་གསོད་དུ་བཅུག་ 444a ༄#། །སྟེ།་བདག་ཉིད་ཀྱིས་མ་བསད་ན་ནི། གཉིག་མཚམས་མེད་པའི་ལས་དང་ལྡན་པར་འགྱུར་རོ། །དེ་སྟེ་བདག་ཉིད་ཀྱིས་བསད་དེ། གཞན་གསོད་དུ་མ་བཅུག་ན་ནི། ཕྱི་མ་ཤོས་མཚམས་མེད་པའི་ལས་དང་ལྡན་པར་འགྱུར་གྱི། སྔ་མ་ཤོས་ནི། མ་ཡིན་ནོ། །གལ་ཏེ་བདག་དང་གཞན་གཉི་གས་བསད་ན་ཡང་ཕྱི་མ་ཤོས་མཚམས་མེད་པའི་ལས་དང་ལྡན་བར་འགྱུར་གྱི། སྔ་མ་ཤོས་ནི། མ་ཡིན་ནོ། །སྤུན་དྲུང་གིས་སྤུན་དྲུང་བཏང་སྟེ་སོང་ལ་མ་གསོད་ཅིག་།བདག་དང་གཞན་གཉི་གས་སོད་ཅིག་ཅེས་བྱས་ན། དེ་གཉི་ག་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། གལ་ཏེ་བདག་དང་གཞན་གཉི་གས་བསད་ན་ནི། གཉི་ག་མཚམས་མེད་པའི་ལས་དང་ལྡན་པར་འགྱུར་རོ། །དེ་སྟེ་བདག་ཉིད་ཀྱིས་བསད་དེ་གཞན་གྱིས་མ་བསད་ན་ནི། ཕྱི་མ་ཤོས་མཚམས་མེད་པའི་ལས་དང་ལྡན་པར་འགྱུར་གྱི། སྔ་མ་ཤོས་ནི། མ་ཡིན་ནོ། །དེ་སྟེ་གཞན་གྱིས་བསད་དེ་བདག་ཉིད་ཀྱིས་མ་བསད་ན་ནི། ཕྱི་མ་ཤོས་མཚམས་མེད་པའི་ལས་དང་ལྡན་པར་འགྱུར་གྱི། སྔ་མ་ཤོས་ནི། མ་ཡིན་ནོ། །དེ་བཞིན་དུ་མཚོན་ཆ་དང ། མེ་དང ། དུག་དང ། དབྱུག་པས་བསྣུན་པ་ལ་སོགས་པ་ཐབས་རྣམ་པ་སྣ་ཚོགས་ཀྱིས་བསད་པ་ཡང་དེ་དང་འདྲ་བར་བརྗོད་པར་བྱའོ། །སྤུན་དྲུང་གིས་སྤུན་དྲུང་ལ་ཇི་ལྟ་བ་དེ་བཞིན་དུ་མིང་པོས་སྲིང་མོ་ལ་བསྒོ་བ་དང ། སྲིང་མོས་མིང་པོ་ལ་བསྒོ་བ་དང ། སྤུན་དྲུང་མོས་སྤུན་དྲུང་མ་ 444b ལ་བསྒོ་བ་ཡང་དེ་འདྲའོ། །ཇི་ལྟ་བ་དེ་བཞིན་དུ་ཕ་ཡང་དེ་དང་འདྲའོ། །མར་འདུ་ཤེས་པས་མ་གསད་པར་བྱའོ་སྙམ་སྟེ། ཉེ་དུ་མ་ཡིན་པའི་བུད་མེད་བསད་ན་དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། ལྡན་པར་ནི། མི་འགྱུར་རོ། །ཉེ་དུ་མ་ཡིན་པའི་བུད་མེད་དུ་འདུ་ཤེས་པས། ཉེ་དུ་མ་ཡིན་པའི་བུད་མེད་གསད་པར་བྱའོ་སྙམ་པ་ལས་མ་བསད་པར་གྱུར་ན། དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་ལྡན་པར་མི་འགྱུར་ཞེ་ན། སྨྲས་པ། ལྡན་པར་མི་འགྱུར་རོམ། །ཉེ་དུ་མ་ཡིན་པའི་བུད་མེད་མ་ཡིན་པར་འདུ་ཤེས་པས་ཉེ་དུ་མ་ཡིན་པའི་བུད་མེད་བསད་ན། དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། གལ་ཏེ་དགྲ་བཅོམ་མ་བསད་པར་གྱུར་ན་ནི། དེ་ལྡན་པར་འགྱུར་རོ། །དེ་ལྟ་མ་ཡིན་པ་ནི། མི་འགྱུར་རོ། །མར་འདུ་ཤེས་པས་མ་ཉིད་བསད་ན། དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། མཚམས་མེད་པའི་ལས་དང་ལྡན་པར་འགྱུར་རོ། །མ་ཇི་ལྟ་བ་བཞིན་དུ་པ་ཡང་དེ་དང་འདྲའོ། །སྤྱི་སྡོམ་ནི། ཆེད་དུ་བྱས་དང་རྩ་བ་དང ། །རྒྱུ་མེད་པ་དང་ཆུང་ངུ་དང ། །ལས་དང་ཡང་དག་མ་བསྣམས་པ། །དེ་ཡི་གཞི་དང་སུམ་ཅུ་དྲུག་།འདས་པའི་རྒྱུ་ལས་བྱུང་བ་དང ། །རྩ་བ་ཟད་དང་ཚེ་ཟད་པའོ། །ཆོས་མངོན་པ་ལས་གདགས་པ་བཤད་པ་ཚིགས་བཅུ་གཅིག་པ་སྟེ། ལས་གདགས་པ་བཤད་པ་གསུམ་པ་རྫོགས་སོ།། །། |