rKTs


H377

(e-text produced by ACIP)

see text in transliteration
307a
།།རྒྱ་གར་སྐད་དུ། སརྦ་ཀལྤ་ས་མུཙྪ་ཡ་ནཱ་མ་སརྦ་བུདྡྷ་ས་མ་ཡོ་ག་ཌཱ་ཀི་ནཱི་ཛཱ་ལ་སཾ་ཝ་ར་ཨུཏྟ་རོཏྟ་ར་ཏནྟྲ། བོད་སྐད་དུ། རྟོག་པ་ཐམས་ཅད་འདུས་པ་ཞེས་བྱ་བ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་གི་རྒྱུད་ཕྱི་མའི་ཕྱི་མ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སངས་རྒྱས་ཐམས་ཅད་ཕྱག་འཚལ་ཏེ། །མ་ལུས་ལུས་པ་མེད་པར་འགྲུབ། །རྣམ་རྟོག་མེད་པའི་སེམས་ལ་ནི། །དེ་ཁོ་ན་ཉིད་ངེས་པར་གནས།།
307b
སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བའི་མཆོག་།གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །འདོད་ཆགས་ཆེན་པོ་བདེ་ཆེན་པོ། ། བདེ་ཆེན་རྡོ་རྗེ་ཆེན་པོ་པས། །རྡོ་རྗེ་འཛིན་དང་ལྷན་ཅིག་པའི། །བདེ་གཤེགས་མགོན་མཆོག་རྣམས་ཀྱིས་བཞུགས། །ཐམས་ཅད་མཆོག་འགྱུར་འདོད་ཆེན་གྱིས། །དངོས་གྲུབ་དབང་ཕྱུག་རབ་གྲུབ་ཕྱིར། །སངས་རྒྱས་ཐམས་ཅད་མཉམ་སྦྱོར་ལས། །རྟོག་པ་འདུས་པས་བཀའ་སྩལ་འཚལ། །རྣམ་པར་མི་རྟོག་ཆོས་བདག་ལས། །རྟོག་པའི་དོན་འདི་གང་ལ་གསུངས། །ཅི་ཡི་སླད་དུའང་རྒྱུད་ཕྱི་མ། །དང་པོའི་ས་མཆོག་ཇི་ལྟར་ལགས། །གདོད་མ་ཐ་མ་མེད་ཉིད་ཡང ། །རྡོ་རྗེ་སེམས་དཔའ་དེ་བཞིན་ཏེ། །ཡིག་འབྲུ་ཇི་ལྟར་གསུངས་པ་ལགས། །སྔགས་ཕྱུང་བ་ཡང་ཅི་འདྲ་སྟེ། །ཤིན་ཏུ་དགའ་དང་བཟང་ཉིད་དེ། །རྡོ་རྗེ་སྙིང་པོ་གཙོ་བོ་གཙོ། །སེམས་དང་སེམས་དཔའི་ཏིང་འཛིན་ཡང ། །དེ་བཞིན་རྡོ་རྗེ་རྡོ་རྗེ་འཛིན། །རྡོ་རྗེ་འཛིན་ཉིད་ཆེན་པོ་ཡང ། །བྱང་ཆུབ་སྤྱོད་པ་རྣམས་ཇི་ལྟར། །བདུད་དང་བདུད་ལས་རྒྱལ་བ་ཡང ། །སངས་རྒྱས་བྱང་ཆུབ་ཇི་ལྟར་ལགས། །རྡོ་རྗེ་གཏུམ་མོ་ཐར་བྱེད་དང ། །ཕྱག་རྒྱ་རྡོ་རྗེ་ཡང་ཇི་ལྟར། །དང་པོའི་རིགས་བསྐྱེད་ཇི་ལྟར་ལགས། །འདོད་པའི་ཐར་པ་རྣམ་པ་ཅི། །མགོན་པོ་རྣམ་གསུམ་ཇི་ལྟར་འཚལ། །ཐམས་ཅད་ཡང་ཉིད་ཇི་ལྟར་ལགས། །ཇི་ལྟར་དང་པོ་སྙིང་པོ་འབྱུང ། །ཉེ་བའི་སྙིང་པོ་དེ་ཇི་ལྟར། །བདེ་བ་ཆེན་པོ་རྡོ་རྗེ་ཆེ། །དོན་ཡོད་དམ་ཚིག་ཇི་ལྟར་ལགས། །
308a
༄#། །དཀྱིལ་འཁོར་ཇི་ལྟར་གསུངས་པར་གྱུར། །དེ་ཡི་རྣམ་སྨིན་ཇི་འདྲ་སྟེ། །ཐིག་གདབ་དེ་བཞིན་རྟོག་པ་ཡི། །དངོས་གྲུབ་ཇི་ལྟར་བཤད་པ་ལགས། །གསང་བ་ལྔ་དང་དེ་ཉིད་ཆེ། །གང་ལགས་ཅི་འདྲ་དེ་བཞིན་ཏེ། །དཀྱིལ་འཁོར་གཙོ་བོ་རྣམས་དང་ནི། །རིགས་རྣམས་ཀྱང་ནི་ཇི་ལྟར་ལགས། །ཐམས་ཅད་དབང་བསྐུར་དེ་ཉིད་དང ། །དེ་ཉིད་ཚོགས་ཀྱི་ཕྱག་མཚན་ཡང་།། ཐམས་ཅད་དགུག་དང་མཆོད་ཆེན་དང ། །རང་གི་བྱིན་རླབས་སོགས་གྲུབ་པ། །དེ་རྣམས་དེ་ཉིད་གསང་ཆེན་དང ། །དམ་པ་དང་ནི་དོན་དམ་པ། །དམ་པའི་ཡི་གེ་གྲུབ་དོན་དུ། །ཐམས་ཅད་མི་གསུང་འོས་མ་ལགས། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས། དེ་ཁོ་ན་ཉིད་ཐམས་ཅད་ངེས་ཚིག་གི་རྟོག་པ་སྟེ་བཅོ་བརྒྱད་པའོ། །ད་ནས་སྟོན་པ་རྡོ་རྗེ་འཛིན། །རྟོག་པ་ཀུན་གྱི་གཙོ་ཆེན་པོས། །ཐེ་ཚོམ་ཀུན་གྱི་ཚོགས་གནས་ནས། །དོན་དམ་འཛིན་པ་ཡང་བཀའ་སྩལ། །དེ་ལ་ཇི་ལྟར་རྟོག་པའི་དོན་རྒྱུད་ཡིན་ཞེ་ན། རྣམ་པར་མི་རྟོག་ཆོས་དག་ལས། །སེམས་ཅན་དོན་དུ་ཡོངས་སུ་རྟོག་།དེ་ཕྱིར་རྟོག་པར་ཡང་དག་བཤད། །རྟོག་པ་ཡོངས་སུ་དག་ཕྱིར་རོ། །དེ་ལ་ཇི་ལྟར་རྒྱུད་ཕྱི་མ་ཡིན་ཞེ་ན། རྒྱུད་ནི་རབ་ཏུ་འབྲེལ་བར་བཤད། །ཕྱི་མ་གོང་དུ་ཕྱུང་བ་ཡིན། །དེ་ཉིད་གསང་བ་གསང་ཆེན་རྣམས། །དེ་ཡང་རྒྱུད་ནི་ཕྱི་མར་འདོད། །དེ་ལ་ཇི་ལྟར་དང་པོ་ས་ཉིད་ཀྱི་ཡེ་ཤེས་ཡིན་ཞེ་ན། ནམ་མཁའ་ཀུན་ཏུ་རབ་གནས་
308b
པ། །རྡོ་རྗེ་ཀུན་གྱི་དངོས་པོ་མཆོག། །བདེ་ཆེན་དགྱེས་པ་ཆེན་པོ་དེ། །དམ་པའི་ཡི་གེ་གཞལ་ཡས་ཁང ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ལ་ཇི་ལྟར་གདོད་མ་དང་ཐ་མ་མེད་པའི་རྡོ་རྗེ་སེམས་དཔའ་ཡིན་ཞེ་ན། ཡི་གེ་ཀ་སོགས་དྷ་ཡིག་མཐའ། །ང་ཉ་སྤངས་ནས་འཇུག་པར་བྱ། །ཡི་གེ་དྷ་སོགས་ཥ་ཡི་མཐའ། །ཕྲེང་བ་གཉིས་པ་ཡང་དག་བྲི། །དབུས་གནས་པར་ནི་ཨ་ཡིག་ཕྲེང ། །ཟླ་བའི་དཀྱིལ་འཁོར་ལ་བཀོད་དེ། །ཐིག་ལེ་ཟླ་ཚེས་དང་ལྡན་པར། །ཚེག་དྲག་ཟླ་བ་གཉིས་ཡིན་ཏེ། ། ཡིག་མི་འགྱུར་བསྒོམ་པར་བྱ། །དབུས་སུ་རྡོ་རྗེའི་ངོ་བོར་གནས། །དེ་དབུས་རྟག་ཏུ་སྒོམ་པ་ནི། །འདོད་ཆགས་ཆེན་པོ་བདེ་བ་ཆེ། །འདི་དེ་སངས་རྒྱས་ཐམས་ཅད་ཀྱི། །སངས་རྒྱས་རི་མོ་གྲགས་པ་ཡིན། །དེ་ལས་འགྲོ་བ་གཡོ་མི་གཡོ། །ཐམས་ཅད་ཡང་དག་འབྱུང་བས་ནི། ། ནམ་མཁའ་ལས་བྱུང་མཚན་མའི་ཕྱིར། །གདོད་མ་ཐ་མ་མེད་མཆོག་ཡིན། །རྡོ་རྗེ་ཆེན་པོ་དངོས་སེམས་ནི། །རྡོ་རྗེ་སེམས་དཔའ་ཞེས་འདོད་དོ། །དེ་ལ་བཅོམ་ལྡན་འདས་དེ་གང་ཡིན་ཞེ་ན། དངོས་གྲུབ་ཆེན་པོ་ཀུན་གྱི་མཆོག་།དབང་ཕྱུག་ཆེན་པོ་རིག་པ་ལྷ། །རྒྱལ་པོ་ཆེན་པོ་རྡོ་རྗེ་འཛིན། །དམ་པ་ཡི་གེ་ཤིན་ཏུ་དགའ། །དེ་ལ་ཇི་ལྟར་ཡི་གེ་རྟོག་པ་ཡིན་ཞེ་ན། ཡི་གེ་ཨ་སོགས་ཀྵ་མཐའ་ནི། ཡི་གེར་ཡང་དག་བཤད་པ་སྟེ། །མི་ཟད་དགའ་བའི་རྡོ་རྗེ་ཅན། །དེ་ཉིད་ཀུན་དོན་མཚན་ཉིད་ཕྱིར། །དེ་ལ་ཇི་ལྟར་སྔགས་འབྱུང་བ་ཡིན་ཞེ་ན། རྡོ་རྗེ་སེམས་སོགས་འཁོར་ལོ་ལ། །གང་རྣམས་སྔགས་སུ་
309a
༄#། །ཆེར་བཤད་པ། །དེ་རྣམས་བྱུང་བའི་དོན་དུ་ནི། །རྡོ་རྗེ་ཅན་གྱིས་ཡང་བཀའ་སྩལ། །གུར་གུམ་ལ་སོགས་བྱུག་པ་ལ། །བྲིས་སྐུ་ལ་སོགས་རྣམ་བརྒྱན་ནས། །བླ་རེ་ལ་སོགས་བྲེས་ནས་སུ། །རྟག་ཏུ་རེའུ་མིག་བཞི་བརྩམས་ནས། །གྲུ་བཞི་གཞལ་ཡས་ཁང་བྱས་ཏེ། །རེའུ་མིག་ཕྱོགས་བཞིར་འབར་བར་བྱས། །རེའུ་མིག་སུམ་ཅུ་ཐམ་པ་ལ། །བཅུ་དགུ་དང་ནི་ལྡན་པར་བྱ། །བརྒྱ་ཕྱེད་སྟན་ལ་གནས་པ་ལ། །སྡེ་པ་ལྔ་མཐའ་ཐིག་ལེ་ཡིས། །སྤྱི་བོ་གཙུག་ལ་བརྟག་པ་ཡི། །ཀ་དང་ཤ་ཞེས་བྱ་བ་ནི། །དབུས་ཀྱི་རེའུ་མིག་ལ་བྲིའོ། །དེ་ཡི་ཕྱི་རོལ་གནས་བརྒྱད་དག་།མཚམས་དང་ཕྱོགས་ཀྱི་རེའུ་མིག་ལ། །དབང་ལྡན་ལ་སོགས་རིམ་པ་རུ། །ཡ་དང་ཤ་ཡི་སྡེ་བཀོད་དེ། །མེ་མཚམས་ལ་སོགས་རེའུ་མིག་ལ། །མ་ཡི་ཡིག་འབྲུ་བཞི་པོ་དང ། ། ཡིག་ས་བོན་ལ་བརྟེན་ནས། །ས་བོན་བཅུ་གཉིས་བཀོད་པར་བྱ། །དབང་ལྡན་ལ་སོགས་རེའུ་མིག་ལ། །ཀ་ཡིག་ལ་སོགས་རིམ་པར་དགོད། །དེ་ལྟར་བཞི་ལ་རིམ་པར་ནི། །ཐམས་ཅད་རྣམ་པར་གནས་བྱས་ཏེ། །ཀ་སོགས་རེའུ་མིག་བཟུང་ནས་སུ། །ཡིག་འབྲུ་དམ་པ་ཕྱུང་བར་བྱ། །ཤིན་ཏུ་དགའ་ཆེན་རྒྱལ་པོ་ནི། །སྤྱོར་བ་ཐམས་ཅད་དབང་ཕྱུག་གཙོ། །རེའུ་མིག་ཉི་ཤུ་རྩ་བཞི་ལ། །གནས་པ་ཟླ་ཕྱེད་གཙུག་ཕུད་ཞལ། །དེ་འོག་སུམ་ཅུ་རྩ་གཉིས་ནི། །དགའ་བ་རྡོ་རྗེ་ཅན་གྱིས་ཕྱུང ། །རེའུ་མིག་བཅུ་བཞི་ཞེས་པ་ལ། །གནས་པ་ཚེག་དྲག་དང་ལྡན་པ། །རེའུ་
309b
མིག་ཉི་ཤུ་རྩ་བཞིར་གནས། །སུམ་ཅུ་རྩ་བཞི་ཟླ་དང་ལྡན། །རེའུ་མིག་སུམ་ཅུ་རྩ་གཅིག་ལ། །གནས་པ་ང་རོ་ཐིག་ལེ་ལྡན། །རེའུ་མིག་ཉི་ཤུ་རྩ་བཞི་ལ། །གནས་པ་ཚེག་དྲག་སྦྱོར་བ་བྱ། །སུམ་ཅུ་རྩ་བརྒྱད་སྦྱོར་བ་ཡིས། །དེ་ནི་བཞི་བར་རྣམ་པར་བཤད། །བདེ་བ་ཆེན་པོ་རྒྱལ་ཆེན་པོ། །ལྷ་མོ་དམ་པ་རྟག་པའོ། །རེའུ་མིག་བཅུ་གཅིག་ལ་གནས་པ། །ཐིག་ལེ་ང་རོར་ཡང་དག་ལྡན། །རེའུ་མིག་བརྒྱད་པ་ལ་གནས་པ། །བཅུ་དགུ་དང་ནི་ལྡན་པ་སྟེ། །དེ་འོག་སུམ་ཅུ་རྩ་བཞི་དང ། །ཐིག་ལེ་ང་རོ་བརྒྱན་པ་འོ། །རེའུ་མིག་ཉི་ཤུ་རྩ་བཞི་ལ། །གནས་པ་ཚེག་དྲག་སྦྱོར་བ་འོ། །རེའུ་མིག་གཉིས་པ་ལ་བཀོད་པའོ། །ཐིག་ལེ་ང་རོ་ལྡན་པ་འོ། །གླིང་བུ་མ་ལ་སོགས་བཏུས་པའི། །སྔགས་ཕྱུང་བ་ནི་མཆོག་ཡིན་ཏེ། །རེའུ་མིག་སུམ་ཅུ་རྩ་བརྒྱད་ལ། །གནས་པའི་ཐིག་ལེ་ང་རོ་ལྡན། །དབུས་ན་ཉི་ཤུ་རྩ་གཅིག་ལ། །དབུས་ནས་བཅོ་ལྔ་ཟླ་བ་ཅན། །རེའུ་མིག་སུམ་ཅུ་རྩ་གཅིག་གནས། །དབུས་ནས་བཅོ་ལྔ་ཟླ་བ་ཅན། །རེའུ་མིག་ཉི་ཤུ་རྩ་གཅིག་གནས། །བཅུ་གཅིག་ཟླ་བ་དང་ལྡན་ཏེ། །ལྷ་མོ་གླིང་བུ་མ་སོགས་ཀྱི། །སྔགས་ཕྱུང་རྨད་དུ་བྱུང་བའོ། །རེའུ་མིག་བཅུ་པ་ལ་གནས་དང ། །བཅུ་གཅིག་པ་ཡང་དེ་བཞིན་ཏེ། །རེའུ་མིག་སུམ་ཅུ་རྩ་གསུམ་གནས། །བཅུ་དྲུག་པ་ཡང་དེ་བཞིན་ཏེ། །མེ་ཏོག་ལ་སོགས་བསྡུས་པ་ཡི། །འདི་ནི་སྔགས་ཕྱུང་མཆོག་ཡིན་ནོ། །རྟ་མགྲིན་འཕང་མཐོ་ལྕགས་ཀྱུ་སོགས། །དང་པོ་འབྱུང་བའི་ས་བོན་ཉིད། །རྡོ་རྗེ་སེམས་དཔའི་དཀྱིལ་འཁོར་གྱི། །སྒོ་ལ་ནན་
310a
༄#། །ཏན་གྱིས་སྦྱོར་རོ། །ཞེས་དཔལ་རྡོ་རྗེ་སེམས་དཔས་གསུངས་ཏེ། དཔལ་རྡོ་རྗེ་སེམས་དཔའི་དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཞེས་པའོ། །རེའུ་མིག་གཉིས་པ་ཅན་ཁོ་ན། །ཟླ་ཚེས་གཙུག་དང་ལྡན་པའི་ཞལ། །རྣམ་པར་སྣང་མཛད་རྒྱལ་ཆེན་པོ། །ཀུན་མཆོག་ས་ཡི་དབང་ཕྱུག་ཡིན། །རེའུ་མིག་བཅོ་ལྔ་གནས་པ་ལ། །ཐིག་ལེ་ང་རོ་ལྡན་པ་འོ། །རེའུ་མིག་བཅུ་དགུ་ལ་གནས་པ། །ཐིག་ལེ་ང་རོས་བརྒྱན་པ་འོ། །རེའུ་མིག་ཉི་ཤུ་རྩ་ལྔར་ལྡན། །ཐིག་ལེ་ང་རོས་བརྒྱན་པའོ། །དབུས་ནས་ཉི་ཤུ་པ་ཉིད་ལ། །ཐིག་ལེ་ང་རོས་བརྒྱན་པ་འོ། །ཆོས་གོས་མ་ཚོགས་བཞི་དག་གི་།ས་བོན་འབྱུང་བ་མཆོག་འདི་ཡིན། །རེའུ་མིག་ཉི་ཤུ་རྩ་བཞིར་གནས་།ཐིག་ལེ་ང་རོས་བརྒྱན་པ་འོ། །རེའུ་མིག་བདུན་པ་དེ་བཞིན་ཡང ། །དབུས་ནས་བཅོ་ལྔ་པ་དང་ལྡན། །ཐིག་ལེ་ང་རོ་ལྡན་པ་ནི། །བྱང་དུ་སིལ་སྙན་ཆ་ལང་ངོ ། །དབུས་གནས་ཉི་ཤུ་རྩ་གཅིག་ལ། །གནས་པ་བཅུ་དགུ་དང་ལྡན་པ། །ཐིག་ལེ་ང་རོ་ལྡན་པ་ནི། །རྡོ་རྗེ་རིན་ཆེན་ཆེར་བརྗོད་དོ། །དབུས་ནས་བཅོ་བརྒྱད་པ་དག་ཉིད། །ཐིག་ལེ་ང་རོས་བརྒྱན་པ་སྟེ། །སངས་རྒྱས་ཀུན་གྱི་དཀྱིལ་འཁོར་ལ། །ཆོས་ཀྱི་དུང་གི་ཕྱག་རྒྱ་ཆེ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་པ་རྣམ་པར་སྣང་མཛད་ཀྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །ཉི་ཤུ་རྩ་བཞི་རེའུ་མིག་ལ། །གནས་པ་ཉི་ཤུ་པ་ལྡན་ནི། །ཁྲག་འཐུང་ཞེས་པའི་
310b
རྒྱལ་པོ་ཆེ། །ཚིག་དྲག་ལྷག་ཆད་གྱུར་པའོ། །རེའུ་མིག་ཉི་ཤུ་རྩ་བཞི་ལ། །གནས་པ་འོག་ན་བཅུ་དགུར་ལྡན། །རེའུ་མིག་ཉི་ཤུ་གནས་པ་དང ། །སྦྱོར་བ་ཆོག་དྲག་ལྡན་པའོ། །ཚེག་དྲག་དང་ནི་རྩ་བཞི་ལ། །གནས་པ་དབུས་གནས་བཅུ་གཅིག་ལྡན། །རེའུ་མིག་བཅུ་གཉིས་པ་སྦྱོར་བའི། །ཚེག་དྲག་ལྡན་པར་འདོད་པའོ། །རེའུ་མིག་བཅུ་བཞི་ལ་གནས་པ། །འོག་གི་འདྲེན་པ་ཉི་ཤུ་གཅིག་།བཅུ་གཉིས་པ་དང་ཚེག་དྲག་ཅན། །གསུམ་པ་ཅན་དེ་བཤད་པའོ། །རེའུ་མིག་བཅུ་བཞི་ལ་གནས་པ། །བཅུ་གཉིས་པ་དང་ལྡན་པ་ལ། །ཚེག་དྲག་དང་ནི་མཉམ་སྦྱོར་བ། །ལྷ་མོ་སྣོད་ཆེན་མ་ཡི་འདོད། །རེའུ་མིག་ཉི་ཤུ་རྩ་བཞི་ལ། །གནས་པ་དབུས་ནས་གཉིས་པ་ཅན། །དེ་བཞིན་ཐིག་ལེ་ང་རོར་ལྡན། །ཐིག་ལེ་འབྱུང་གནས་གསུམ་པ་ལ། །དབུས་ནས་བཅུ་པ་གང་ཡིན་པ། ། རྟག་ཏུ་ཚེ་ག་དྲག་ལྡན་པ་ནི། །དམར་ཆེན་སོགས་པའི་ལྷ་མོ་ཡི། །བཞི་པོ་དག་ནི་ཕྱུང་བ་འོ། །རེའུ་མིག་ཉི་ཤུ་རྩ་ལྔ་པ། །གནས་པའི་ཐིག་ལེ་བཅས་པ་འོ། །དབུས་ལས་དྲུག་པ་གང་ཡིན་པ། །ཐེག་ལེ་ང་རོ་ལྡན་པ་འོ། །རེའུ་མིག་དེ་བཞིན་བཅུ་བདུན་པ། །ཐིག་ལེ་ང་རོས་བརྒྱན་པ་འོ། །རེའུ་མིག་བཅུ་དགུ་ལ་གནས་པ། །ཐིག་ལེ་ང་རོས་བརྒྱན་པ་འོ། །ལྷ་མོ་མདའ་རྣོན་འཛིན་སོགས་ཀྱི། །ས་བོན་བྱུང་བ་དེ་ངོ་མཚར། །ལྷ་མོ་མེ་ཏོག་མ་སོགས་ཀྱི། །ས་བོན་བྱུང་བ་སྔོན་བསྟན་ཡིན། །གང་དག་སྒོ་སྲུང་བསྟན་པ་ཡང ། །གཟུགས་མི་མཐུན་པ་ཁོ་ནའོ། །ཞེས་བཅོམ་ལྡན་འདས་དཔལ་རྡོ་རྗེ་
311a
༄#། །སེམས་དཔས་དེ་སྐད་གསུངས་སོ། །མཁའ་འགྲོ་སྒྱུ་མའི་དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །རེའུ་མིག་ཉི་ཤུ་རྩ་བཞི་ལ། །གནས་པ་བཅུ་དགུའི་གདན་ལ་གནས། །ཉི་ཤུ་ཚེག་དྲག་སྦྱོར་བ་ནི། །པདྨོ་གར་གྱི་དབང་ཕྱུག་ཡིན། །རེའུ་མིག་བཅུ་བཞི་ལ་གནས་པའི། །ཚིག་གཉིས་ལྕི་བདེ་དེ་བཞིན་ནོ། །རེའུ་མིག་ཉི་ཤུ་རྩ་བཞི་ལ།། གནས་ནས་དབུས་ནས་དགུ་པ་ལྡན། །རྟག་པར་ཐིག་ལེ་དང་ལྡན་ནི། །གཉིས་པ་ཡི་ནི་ཡོངས་གྲགས་པ། །རེའུ་མིག་སུམ་ཅུ་རྩ་གཅིག་ལ། །གནས་པར་ང་རོ་ཐིག་ལེས་བརྒྱན། །རེའུ་མིག་ཉི་ཤུ་རྩ་བཞི་ལ། །གནས་པ་དབུས་ནས་བཅུ་གསུམ་ལྡན། །ཚེག་དྲག་ཅན་ནི་བཞི་པ་ཡི། །ཁྲོ་གཉེར་མ་ཡི་རྒྱུད་ལས་གྲགས། །རེའུ་མིག་ཉི་ཤུ་རྩ་བཞིར་ལྡན། །དབུས་ནས་དགུ་པའི་ཐིག་ལེར་བཅས། །རེའུ་མིག་ཉི་ཤུ་རྩ་བཞིར་གནས། །དབུས་ནས་བཅོ་ལྔ་དང་ལྡན་ནོ། །རེའུ་མིག་བཅུ་གཅིག་ལ་གནས་པ། །ཚེག་དྲག་གིས་ནི་སྦྱོར་བའོ། །རེའུ་མིག་ཉི་ཤུ་རྩ་བཞིར་གནས།། སུམ་ཅུ་རྩ་བརྒྱད་པ་དང་ལྡན། །ཚེག་དྲག་མཉམ་པར་སྦྱོར་བ་ནི། །པདྨ་གར་དབང་མཆོག་ཡིན་ནོ། །ལྷ་མོ་གླིང་བུ་མ་སོགས་ཉིད། །དེ་བཞིན་ལྷ་མོ་མེ་ཏོག་སོགས། །ལྷ་མོ་ལྕགས་ཀྱུ་མ་སོགས་ཀྱང ། །རྡོ་རྗེ་སེམས་དཔའ་ལ་སོགས་པའི། །དཀྱིལ་འཁོར་ལ་ནི་བསྐྱེད་པ་ཡིན། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་ཏེ། པདྨ་གར་གྱི་དབང་ཕྱུག་གི་
311b
དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །དབུས་ནས་ཉི་ཤུ་རྩ་གཅིག་པ། །བཅུ་གཅིག་པ་དང་ལྡན་པ་སྟེ། །བཅུ་དགུ་ཟླ་བ་གཙུག་ལྔ་ནི། །རྡོ་རྗེ་ཉི་མ་འབྱུང་བ་ཡིན། ། དབུས་ནས་བཅུ་གསུམ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །རེའུ་མིག་ཉི་ཤུ་རྩ་བཞི་ལ། །གནས་པ་བཅུ་དགུ་དང་ལྡན་པ། །རེའུ་མིག་ཉི་ཤུ་གནས་དང་སྦྱོར། །ཚེག་དྲག་ལྡན་པས་གཉིས་པ་འོ། །རེའུ་མིག་ཉི་ཤུ་རྩ་བཞིར་གནས། །དབུས་ནས་བཅུ་གསུམ་པ་དང་ལྡན། །ཚེག་དྲག་ལྷན་ཅིག་ཅན་དེ་ནི། །གསུམ་པ་ཡི་ནི་གྲགས་པ་ཡིན། །རེའུ་མིག་ཉི་ཤུ་རྩ་བཞིར་གནས།། བཅུ་གཅིག་དང་ནི་ཐིག་ལེ་ལྡན། །རེའུ་མིག་བཅུ་བཞི་ལ་གནས་པ། །ཚེག་དྲག་ལྡན་པར་འདོད་པའོ། །རེའུ་མིག་ཉི་ཤུ་རྩ་བཞིར་གནས། །དབུས་ནས་དགུ་དང་ཟླ་བ་འོ། །རེའུ་མིག་སུམ་ཅུ་རྩ་གཅིག་གནས། །ཐིག་ལེ་ང་རོས་བརྒྱན་པ་འོ། །རེའུ་མིག་ཉི་ཤུ་རྩ་བཞིར་གནས། །དབུས་ནས་བཅུ་གསུམ་པ་དང་ལྡན། །ཚེག་དྲག་མཉམ་པར་ལྡན་པ་ནི། །རྡོ་རྗེ་ཉི་མའི་ལྷ་དག་ཡིན། །ལྷ་མོ་གླིང་བུ་མ་སོགས་ཀུན། །རྩ་བའི་དཀྱིལ་འཁོར་སྦྱོར་སྐྱེས་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་ཏེ། རྡོ་རྗེ་ཉི་མའི་དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །རེའུ་མིག་ཉི་ཤུ་རྩ་བཞིར་གནས། །ཉི་ཤུ་རྩ་བདུན་སྦྱོར་བ་སྟེ། །ཟླ་ཚེས་ཐིག་ལེ་གཙུག་ཅན་ནི། །ཡུལ་འཁོར་ཐམས་ཅད་འདུས་པའོ། །རེའུ་མིག་བཅུ་བཞི་ལ་གནས་པ། །བཅུ་
312a
༄#། །དགུ་པ་དང་ལྡན་པ་སྟེ། །ཉི་ཤུ་ཚེག་དྲག་སྦྱོར་བ་སྟེ། །སྣ་ཚོགས་པ་ཡི་བརྗོད་པ་ཡིན། །རེའུ་མིག་ཉི་ཤུ་རྩ་བཞིར་གནས། །གནས་པ་ཚེག་དྲག་ལྡན་པ་འདོད།། རྟ་ཡི་རྒྱལ་པོའི་དཀྱིལ་འཁོར་ལ། །རྡོ་རྗེ་རྒྱ་གྲམ་ཞེས་གྲགས་སོ། །ཞེས་བཅོམ་ལྡན་འདས་དཔལ་རྡོ་རྗེ་བདེ་བ་ཆེན་པོ་རྡོ་རྗེ་སེམས་དཔས་གསུངས་ཏེ། རྟ་མཆོག་གི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས། ཆོས་ཀྱི་ཡི་གེ་འབྱུང་བའི་རྟོག་པ་སྟེ་བཅུ་དགུ་པའོ།། །། རི་མོ་གཉིས་ཀྱི་དཀྱིལ་འཁོར་གྱི། །ཕྱི་རོལ་པདྨ་འདབ་བརྒྱད་བྲི། །དེ་ཡི་ནང་དུ་རྣལ་འབྱོར་པས། ། ཡིག་ཚོགས་ཀྱང་བྲི་བར་བྱ། །ཤར་ཕྱོགས་འདབ་མར་ཀ་ཡི་སྡེ། །ལྷོ་ཕྱོགས་འདབ་མར་ཙ་ཡི་སྡེ། །ནུབ་ཕྱོགས་འདབ་མར་ཊ་ཡི་སྡེ། །ཏ་ཡི་སྡེ་ནི་དེ་བཞིན་བྱང ། །སྡེ་པ་ལྔ་ཡི་དབུས་སུ་ནི། །ཡི་གེ་ཀྵ་དང་ལྷན་ཅིག་འདོད། །དབང་ལྡན་འདབ་མ་ནས་བརྩམས་ཏེ། །ཡ་ར་ལ་ཝ་རྣམ་པར་གཞག་།དབང་ལྡན་འདབ་མའི་ཕྱི་རོལ་ཏུ། །ཡི་གེ་ཥ་ནི་འཇུག་པར་བྱ། །མེ་མཚམས་འདབ་མའི་ཕྱི་རོལ་ཏུ། །ཡི་གེ་ཤ་ནི་འཇུག་པར་བྱ། །བདེན་བྲལ་འདབ་མའི་ཕྱི་རོལ་ཏུ། །ཡི་གེ་ས་ནི་འཇུག་པར་བྱ། །རླུང་མཚམས་འདབ་མའི་ཕྱི་རོལ་ཏུ། །ཡི་གེ་ཧ་ནི་འཇུག་པར་བྱ། །ཞེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་
312b
སོ། །དབུས་ཀྱི་མཐའ་རུ་གང་ཡིན་པ། །ཐིག་ལེ་དང་ལྡན་ཡི་གེ་ཨོཾ། །རླུང་མཚམས་ཕྱི་རོལ་གནས་པ་གང ། །སྒྲ་ཡིག་ཨ་ནི་སྦྱོར་བར་བྱ། །བདེན་བྲལ་ཕྱི་རོལ་གནས་པ་ལ། །འོག་ཏུ་སྒྲ་ཡིག་ཨུ་སྦྱོར་རོ། །ཤར་གྱི་འདབ་མ་གཉིས་པ་ནི། །དབུས་ལས་དབུ་མ་དེ་བཞིན་ནོ། །ལྷོ་ནས་དེ་བཞིན་དབུ་མ་ལ། །མེ་མཚམས་འདབ་མ་དང་ལྡན་ནོ། །བདེན་བྲལ་ཕྱི་རོལ་གནས་པ་གང ། །དེ་ནས་བྱང་གི་དང་པོ་འོ། །དབུས་ནས་དབུ་མའི་སྦྱིན་གནས་སུ། །དེ་ཚེ་འོད་ཀྱི་གོང་བུར་འགྱུར། །ོ་ཡིག་ཚེག་དྲག་དང་ལྡན་པ། །དེ་ཡི་མཐའ་རུ་དེ་ཚེར་འགྱུར། །ལྷོ་ནས་དབུས་མ་གང་ཡིན་པ། །ཚེག་དྲག་དང་ནི་ལྡན་པ་འོ། །རླུང་མཚམས་ཕྱི་རོལ་གང་ཡིན་པ། །ུ་ཡིག་ཐིག་ལེ་སྦྱོར་བར་བྱ། །དབུས་ཀྱི་དབུ་མ་གང་ཡིན་པ། །ཐིག་ལེས་མགོ་ནས་མནན་པ་དང ། །རླུང་མཚམས་ཕྱི་རོལ་གང་ཡིན་པ་ཨོ་ཡིག་ཚེག་དྲག་སྦྱོར་བར་བྱ། །བདེན་བྲལ་མཚམས་ཀྱི་ཕྱི་རོལ་ཏུ། །སྒྲ་ཡིག་ཨུ་ནི་སྦྱོར་བ་སྟེ། །མེ་མཚམས་འདབ་མར་གང་ཡིན་པ། །བྱང་གི་དང་པོར་དེ་བཞིན་ཡང ། །བདེན་བྲལ་ཕྱི་རོལ་བ་བཟུང་ནས། །བྱང་གི་དང་པོ་བ་ཡང་ཡིན། །དབུས་ནས་དབུ་མ་བཟུང་ནས་སུ། །འོད་ཀྱི་གོང་བུ་མཐའ་རུ་འགྱུར། །དེ་ནས་ཐིག་ལེ་སྦྱིན་བྱས་ནས། །རྡོ་རྗེ་སེམས་དཔའ་འགྲུབ་པར་འགྱུར། །ཞེས་བཅོམ་ལྡན་འདས་ཆགས་པ་ཆེན་པོ་རྡོ་རྗེ་སེམས་དཔས་གསུངས་སོ། །ལྷོ་ནས་དབུ་མ་གང་ཡིན་པ། །ཚག་དྲག་དང་ནི་ལྡན་པར་བྱ། །དབུས་ནས་དབུས་མ་དེ་བཞིན་དུ། །ལྷོ་ནས་དབུ་མ་ཡང་ཡིན་
313a
༄#། །ནོ། །མེ་མཚམས་འདབ་མ་དང་ལྡན་པ། །རྟག་ཏུ་བརྗོད་པར་འགྱུར་མ་ཡིན། །བྱང་ནས་དབུ་མ་བཟུང་ནས་སུ། །མེ་མཚམས་དང་ནི་ཤིན་ཏུ་སྦྱོར། །སྒྲ་ཡིག་ཨ་དང་སྦྱར་ནས་སུ། །རྟག་པར་ཞི་བར་འགྱུར་བ་ཡིན། །མེ་མཚམས་ཕྱི་རོལ་བཟུང་ནས་སུ། །ནུབ་ཀྱི་དང་པོ་ལྡན་པར་བྱ། །སྒྲ་ཡིག་ཨི་དང་སྦྱར་ནས་སུ། །འོད་ཀྱི་གོང་བུ་ལྔ་པ་ཡིན། །བདེན་བྲལ་ཕྱི་རོལ་གནས་པ་ལ། །སྒྲ་ཡིག་ཨ་དང་ལྡན་པར་བྱ། །དེ་བཞིན་དབང་ལྡན་འདབ་མ་དང ། །སྒྲ་ཡིག་ཨི་ནི་སྦྱོར་བ་འོ། །ཤར་གྱི་དང་པོ་བ་དང་ནི། །དེ་ནས་དབུ་མའི་ཐ་མ་དང ། །ནུབ་ཀྱི་དང་པོ་པ་བཟུང་ནས། ། མེད་རྟག་ཏུ་འགྱུར་བར་བྱ། །དེ་དག་བཟླས་པ་བྱས་པ་ཡིས། །མདའ་རུ་རབ་ཏུ་གྲུབ་པ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨུ་ནི་སྦྱོར་བར་བྱ། །ཐིག་ལེ་ང་རོ་མནན་ནས་སུ། །དེ་ནས་དབུས་ནས་དབུ་མ་འོ། །ལྷོ་ནས་དབུ་མ་བཟུང་ནས་སུ། །མེ་མཚམས་པ་དང་སྦྱོར་བར་བྱ། །ཤར་ནས་དང་པོ་བཟུང་ནས་སུ། །སྒྲ་ཡིག་ཨེ་དང་ལྡན་པར་བྱ། །བདེན་བྲལ་འདབ་མར་གནས་པ་གང ། །སྒྲ་ཡིག་ཨེ་ནི་སྦྱོར་བར་བྱ། །ཤར་གྱི་དང་པོ་བཟུང་ནས་སུ། །སྒྲ་ཡིག་ཨེ་ནི་སྦྱོར་བ་འོ། ། བདེན་བྲལ་འདབ་མར་གནས་པ་ལ། །སྒྲ་ཡིག་ཨེ་ནི་སྦྱོར་བ་འོ། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨུ་ནི་སྦྱོར་བར་བྱ། །ཐིག་ལེ་ང་རོས་མཉམ་སྦྱོར་ན། །སྐལ་བཟང་སྐལ་
313b
བཟང་འགྱུར་བ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་བཞིན་གཉིས་པ་དཔའ་བོ་མ། །ཀུན་ཏུ་བཟང་མོ་གསུམ་པ་སྟེ། །བཞི་པ་ཟད་མེད་སྣོན་མ་འོ། །དཔལ་མོ་སངས་རྒྱས་སྐུ་ལྡན་མ། །དེ་བཞིན་གཟུགས་མ་ཞལ་མཛེས་མ། །སྤྲིན་ཆེན་མ་ནི་བདུན་པ་སྟེ། །བརྒྱད་པ་ནམ་མཁའི་སྤྱན་མ་འོ། །གླིང་བུ་ལ་སོགས་བསྡུས་པ་དང ། །སྒོ་སྲུང་མ་སོགས་ཡང་བསྡུས་ཏེ། །མེ་ཏོག་མ་སོགས་བསྡུས་པ་ནི། །དང་པོའི་དཀྱིལ་འཁོར་ལ་བསྐྱེད་འདོད། །ཅེས་བཅོམ་ལྡན་འདས་འདོད་ཆགས་ཆེན་པོ་དཔལ་རྡོ་རྗེ་སེམས་དཔས་གསུངས་ཏེ། དེ་བཞིན་གཤེགས་པའི་དཀྱིལ་འཁོར་ལ་སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ོ་ཡིག་ཐིག་ལེ་དང་ལྡན་པ། །ཡི་གེ་ཨེ་ཡིས་ལྡན་པ་ཡི། །རླུང་མཚམས་ཕྱི་རོལ་གནས་པ་དང ། །མེ་མཚམས་འདབ་མར་གནས་པ་ཉིད། །སྒྲ་ཡིག་ཨུ་དང་སྦྱོར་བར་བྱ། །ཤར་ལས་དང་པོ་དེ་བཞིན་དུ། །དབུས་ལས་དབུ་མ་ཡང་ཡིན་ཏེ། །མེ་མཚམས་འདབ་མ་དང་ལྡན་པའི། །ལྷོ་ལས་དབུ་མ་འགྱུར་བྱས་ཏེ། ། བདེན་བྲལ་ཕྱི་རོལ་བ་བཟུང་ནས། །དབུས་ལས་ཐམ་པ་ཡང་བཟུང ། །དབང་ལྡན་འདབ་མར་གནས་པ་ཉིད། །ཡི་གེ་ཨེ་དང་མཉམ་ལྡན་པའི། །རླུང་མཚམས་ཕྱི་རོལ་གནས་པ་ལ། །ཚེག་དྲག་གིས་ནི་མཉམ་པར་ལྡན། །དེ་ནི་བཅུ་པར་ཡོངས་གྲགས་ཏེ། །བདེན་བྲལ་ཕྱི་རོལ་གནས་པ་ལ། །མེ་མཚམས་འདབ་མ་ཅན་དང་ལྡན། །དབུས་ལས་དབུ་མ་འགྱུར་ནས་སུ། །བྱང་ལས་དབུ་མ་དེ་བཞིན་ཏེ། །
314a
༄#། །སྒྲ་ཡིག་ཨུ་ནི་སྦྱོར་བར་བྱ། །མི་མཚམས་ཕྱི་རོལ་པ་དེ་བཞིན། །ནུབ་ལས་དང་པོ་པ་དང་ལྡན། །བདེན་བྲལ་ཕྱི་རོལ་པ་ལ་ཡང ། །དབུ་མའི་ཐ་མ་ཡང་ཡིན་ཏེ། །དབང་ལྡན་འདབ་མར་གནས་པ་ཉིད། །ཡི་གེ་ཨུ་དང་མཉམ་ལྡན་པའི། །དབུས་ལས་ཐམ་པ་འགྱུར་ནས། །མེ་མཚམས་འདབ་མ་དང་ལྡན་པ། །བྱང་ལས་དབུ་མ་འགྱུར་བྱས་ཏེ། །འདྲེན་པ་ཨ་ཡིག་དང་ལྷན་ཅིག་།དབུས་ལས་དང་པོ་བཟུང་ནས་སུ། །མེ་མཚམས་སྟན་དང་ལྡན་པར་བྱ། །དབུས་ལས་བཞི་པ་གང་ཡིན་པ། །ཐིག་ལེ་དང་ནི་ཡང་དག་ལྡན། །ལྷོ་ལས་དབུ་མ་དེ་བཞིན་དུ། །ཤར་ལས་དང་པོ་པ་ཡང་ཡིན། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་ལྡན་པར་བྱ། །དབུས་ལས་གཉིས་པ་གང་ཡིན་པ། །ནུབ་ཀྱི་དང་པོ་ཨ་མེད་པར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་བཟུང་ནས་སུ། །ཐིག་ལེ་ཨུ་ཡིག་དང་ལྡན་ཏེ། །དབུས་ལས་དབུ་མ་དེ་བཞིན་དུ། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མ་བ་འགྱུར་ཏེ། །ཤར་ལས་གསུངས་པ་གང་ཡིན་པ། །སྒྲ་ཡིག་ཨུ་དང་ལྡན་པར་བྱ། །རླུང་མཚམས་ཕྱི་རོལ་གནས་པ་ལ། །སྒྲ་ཡིག་ཨེ་ཡིས་བརྒྱན་པ་སྟེ། །དབང་ལྡན་འདབ་མའི་གདན་ཅན་ནི། །ལྔ་པར་ཡོངས་སུ་གྲགས་པ་སྟེ། །བདེན་བྲལ་ཕྱི་རོལ་གནས་པ་ལ། །སྒྲ་ཡིག་ཨི་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །སྒྲ་ཡིག་ཨི་དང་སྦྱོར་བར་
314b
བྱ། །དབུས་ལས་དང་པོ་བཟུང་ནས་སུ། །མེ་མཚམས་འདབ་མ་ཅན་དང་འདྲ། །དབུས་ལས་ཐ་མ་ཡང་ཡིན་ཏེ། །དབང་ལྡན་འདབ་མར་གནས་པ་ལ། །སྒྲ་ཡིག་ཨོ་ནི་སྦྱོར་བར་བྱ། །ཤར་ལས་གསུམ་པ་གང་ཡིན་པ། །སྒྲ་ཡིག་ཨོ་ནི་སྦྱོར་བར་བྱ། །དབང་ལྡན་ཕྱི་རོལ་གནས་པ་གང ། །དབུས་ལས་དབུ་མ་དང་ལྡན་ཏེ། །མེ་མཚམས་འདབ་མར་གནས་པ་ལ། །སྒྲ་ཡིག་ཨི་ནི་སྦྱོར་བར་བྱ། །རླུང་མཚམས་ཕྱི་རོལ་གནས་པ་ནི། །མེ་མཚམས་གདན་དང་ལྡན་པ་སྟེ། །ཚེག་དྲག་ཡི་གེ་ཨི་ལྡན་པ། །དང་པོ་ཡོངས་སུ་གྲགས་པ་འོ། །རླུང་མཚམས་ཕྱི་རོལ་གནས་པ་ལ། །ཐིག་ལེ་ཡི་གེ་ཨུ་སྦྱོར་ཏེ། །མཁས་པས་ལན་གཉིས་བརྗོད་པར་བྱ། །དབུས་ལས་དབུ་མ་ཡང་བཟུང་སྟེ། །ལྷོ་ལས་དབུ་མ་དེ་བཞིན་ལ། །མེ་མཚམས་འདབ་མ་ཅན་དང་ལྡན། །ལྷོ་ལས་དང་པོ་བཟུང་ནས་སུ། །ཐིག་ལེ་དང་ནི་མཉམ་པོར་ལྡན། །ནུབ་ནས་དབུ་མ་བཟུང་ནས་སུ། །ཡི་གེ་ཨེ་དང་མཉམ་ལྡན་བྱ། །དབང་ལྡན་ཕྱི་རོལ་གང་ཡིན་པ། །དབུས་ལས་དབུ་མ་དང་ལྡན་ཏེ། །མེ་མཚམས་འདབ་མར་གནས་པ་ལ། །སྒྲ་ཡིག་ཨི་ནི་སྦྱོར་བར་བྱ། །ཤར་ལས་གཉིས་པ་གང་ཡིན་པ། །ནུབ་ལས་དང་པོ་བཟུང་ནས་སུ། །དབུས་ནས་དབུ་མ་ལྡན་པ་སྟེ། །ཐིག་ལེ་ཨ་ཡིག་ལྡན་པར་བྱ། །བཅུ་པར་ཡོངས་སུ་གྲགས་པ་སྟེ། །ཤར་ལས་གསུམ་པ་གང་ཡིན་པ། །སྒྲ་ཡིག་ཨི་དང་སྦྱོར་བར་བྱ། །དབུས་ལས་ཐ་མར་བཟུང་ནས་སུ། །རླུང་མཚམས་ཕྱི་རོལ་པ་ལ་ཡང ། །ཡི་གེ་ཨ་དང་ལྡན་པར་བྱ། །དབུས་
315a
༄#། །ལས་དབུ་མ་བཟུང་ནས་སུ། །ལྷོ་ལས་གསུམ་པ་འགྱུར་བྱས་ཏེ། །མེ་མཚམས་གདན་ནི་སྦྱོར་བྱས་ནས། །ཤར་ནས་དང་པོ་བཟུང་ནས་སུ། །ཡི་གེ་ཨ་ཡིག་ལྡན་པ་ཡི། ། དབུས་ལས་དང་པོ་འགྱུར་བྱས་ཏེ། །བདེན་བྲལ་འདབ་མར་གནས་པ་ལ། །སྒྲ་ཡིག་ཨེ་དང་སྦྱོར་པ་ཡི། །དབུས་ལས་ཐ་མ་ཡང་ཡིན་ཏེ། །ཤར་ནས་དང་པོ་བཟུང་ནས་སུ། །སྒྲ་ཡིག་ཨུ་ཡིས་སྦྱོར་བར་བྱ། །མེ་མཚམས་འདབ་མར་གནས་པ་ལ། །སྒྲ་ཡིག་ཨུ་དང་སྦྱོར་བ་སྟེ། །བདེན་བྲལ་འདབ་མར་གནས་པ་དང ། །སྒྲ་ཡིག་ཨུ་ཡིས་བརྒྱན་བྱས་ཏེ། །མེ་མཚམས་འདབ་མར་གནས་པ་ཡང ། །སྒྲ་ཡིག་ཨུ་དང་སྦྱོར་བར་བྱ། །བདེན་བྲལ་འདབ་མར་གནས་པ་ལ། །སྒྲ་ཡིག་ཨུ་ཡིས་བརྒྱན་པ་སྟེ། །བདེན་བྲལ་འདབ་མར་གནས་པ་ནི། །གཉིས་བརྩེགས་ཡི་གེ་ཨུ་དང་ལྡན། ། རླུང་མཚམས་ཕྱི་རོལ་གནས་པ་ལ། །བྱང་ལས་ཐ་མ་ལྡན་བྱས་ཏེ། །ཚེག་དྲག་མཉམ་པོར་ལྡན་པ་ལ། །སྒྲ་ཡིག་ཨི་དང་སྦྱོར་བར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིས་སྦྱོར་བར་བྱ། །དབུས་ལས་དབུ་མ་བཟུང་བ་དང ། །མོ་མཚམས་སྟན་དང་ལྡན་པ་ཡི། །ལྷོ་ནས་དབུ་མར་འགྱུར་བར་བྱ། ། བྱང་ལས་ཐ་མ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །མེ་མཚམས་འདབ་མར་གནས་པ་ལ། །སྒྲ་ཡིག་ཨ་ཡིས་བརྒྱན་པར་བྱ། །དབང་ལྡན་འདབ་མར་གནས་པ་ལ། །སྒྲ་ཡིག་ཨི་དང་
315b
ལྡན་པ་ཡི། །ནུབ་ཀྱི་ཐ་མར་འགྱུར་བར་བྱ། །ལྷོ་ཡི་དབུ་མར་དེ་བཞིན་དུ། །ལྷོ་ལས་བཞི་པ་གང་ཡིན་འབྱོར། །ཚེག་དྲག་ཡི་གེ་ཨི་ལྡན་པ། །འདུས་པ་གསུངས་པ་ཡིན་པའོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་དབུ་མ་དེ་བཞིན་ཡང ། །མེ་མཚམས་སྟན་དང་ལྡན་པ་ཡི། །ལྷོ་ཡི་དབུ་མ་འགྱུར་བར་བྱ། །དབུས་ལས་དང་པོ་བཟུང་ནས་སུ། །སྒྲ་ཡིག་གཉིས་དང་ལྡན་པ་ཡི། །བྱང་གི་དང་པོ་ཡང་ཡིན་ཏེ། །ཤར་ལས་དང་པོ་བཟུང་བ་ལ། །སྒྲ་ཡིག་ཨེ་ནི་སྦྱོར་བར་བྱ། །ལྷོ་ལས་དབུ་མ་དེ་བཞིན་དུ། །ཚེག་དྲག་ཡི་གེར་ལྡན་པའོ། །ཞེས་རྡོ་རྗེ་རྣལ་འབྱོར་མ་རྣམས་ཀྱིའོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བྱས་ཏེ། །དབུས་ལས་དབུ་མ་བཟུང་བ་དང ། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མ་འགྱུར་བར་བྱ། །དབུས་ལས་དང་པོ་བཟུང་བ་ལ། །མེ་མཚམས་སྟན་དང་ལྡན་པར་བྱ། །རླུང་མཚམས་ཕྱི་རོལ་པ་བཟུང་ནས། །དེ་འོག་མེ་མཚམས་པ་ཡིན་ཏེ། །ནུབ་ཀྱི་ཐ་མ་དེ་བཞིན་དུ། །སྒྲ་ཡིག་ཨི་དང་སྦྱོར་པར་བྱ། །དབུས་ལས་ཐ་མ་ཡང་ཡིན་ཏེ། །ནུབ་ལས་དང་པོ་བཟུང་ནས་སུ། ། ཡིག་མེད་པར་གྱུར་པ་འོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིས་སྦྱོར་བར་བྱ། ། དབུས་ལས་དབུ་མ་དེ་བཞིན་ཏེ། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མར་འགྱུར་བར་བྱ། །དབུས་ནས་དབུ་མ་བཟུང་ནས་སུ། །ཐིག་ལེ་ཡིས་ནི་བརྒྱན་པར་བྱ། །དེ་བཞིན་དབུས་ན་
316a
༄#། །དབུ་མ་ཡང ། །ལྷོ་ནས་དབུ་མ་དེ་བཞིན་ཏེ། །མེ་ཡི་མཚམས་པ་མཉམ་པར་ལྡན། །ཡི་གེ་ཨ་ཡི་བསྡུ་བར་བྱ། །ནུབ་ནས་ཐ་མ་བཟུང་ནས་སུ། །སྒྲ་ཡིག་ཨོ་ནི་སྦྱོར་བར་བྱ། །བདེན་བྲལ་ཕྱི་རོལ་པ་བཟུང་ནས། །དབུ་མའི་ཐ་མ་དང་ལྡན་པར། །མེ་མཚམས་ལན་གཉིས་བརྗོད་ནས་སུ། །ནུབ་ནས་དང་པོར་ལྡན་འགྱུར་བྱ། །རྟག་ཏུ་ཨ་མེད་བརྒྱད་པ་ནི། ། རྡོ་རྗེ་ཁ་ཊྭཱཾ་འཛིན་མ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །ཚེག་དྲག་ཨོ་ནི་སྦྱར་བར་བྱ། །དབུས་ནས་དབུ་མ་དེ་བཞིན་དུ། །མེ་མཚམས་པས་ནི་ལྡན་པ་ཡིན། །ལྷོ་ནས་དབུ་མར་འགྱུར་བ་འོ། །ཤར་ནས་དང་པོ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །དབུས་ནས་ཐ་མར་བཟུང་ནས་སུ། །སྒྲ་ཡིག་ཨེ་ནི་སྦྱོར་བར་བྱ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་གཟུང་བར་བྱ། །མེ་མཚམས་འདབ་མ་ལ་གནས་པ། །སྒྲ་ཡིག་ཨི་ནི་སྦྱོར་བར་བྱ། །བྱང་ནས་དང་པོ་བཟུང་ནས་སུ། ། ཡི་གེ་ཨ་དང་ལྡན་པར་བྱ། །མེ་མཚམས་འདབ་མ་སྦྱོར་ནས་སུ། །ཐིག་ལེ་ང་རོས་བསྡུ་བར་བྱ། །སྣ་ཚོགས་པདྨ་ལྷ་མོ་ཆེ། །རྡོ་རྗེ་སེམས་སོགས་ལྷ་ཡི་ཡིན། །ཞེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །རྡོ་རྗེ་མཚོན་ཆ་དང ། །རྡོ་རྗེ་རོལ་མ་དང ། རྡོ་རྗེ་དྲན་མ་དང ། རྡོ་རྗེ་སྙིང་པོ་མ་དང ། རྡོ་རྗེ་སེམས་དཔའ་ལ་སོགས་པའི་ལྷ་མོ་བཞི་ཡིན་ནོ། །
316b
ོ་ཡིག་ཐིག་ལེ་དང་ལྡན་པར། ། ཡིག་ཐིག་ལེ་ཡང་དག་ལྡན། །དབུས་ལ་ཐ་མ་གཟུང་བ་དང ། །ཡི་གེ་ཨུ་དང་ལྡན་པར་བྱ། །བྱང་ནས་དེ་བཞིན་བཞི་པ་འོ། །དབུས་ནས་དབུ་མ་བཟུང་ནས་སུ། །ལྷོ་ནས་དབུ་མ་དེ་བཞིན་དུ། །མེ་མཚམས་འདབ་མ་དང་སྦྱར་ནས། །སྒྲ་ཡིག་ཨི་དང་ཨ་བསྡུ་བྱའོ། །ཤར་ནས་བཞི་པ་གང་ཡིན་པ། །ཐིག་ལེ་ཨུ་དང་ལྡན་བྱ་སྟེ། །ནན་ཏན་དུ་ནི་ལན་གཉིས་བཟླ། །རྟག་ཏུ་དང་པོའི་འགྱུར་བ་ཡིན། །ོ་ཡིག་ཐིག་ལེ་དང་ལྡན་པ། །དབུ་མ་ལས་ནི་དབུ་མ་ཡང ། །མེ་མཚམས་འདབ་མ་དང་ལྡན་པའི། །ལྷོ་ནས་དབུ་མར་འགྱུར་བར་བྱའོ། །དབུས་ནས་ཐ་མ་བཟུང་བྱས་ཏེ། །སྒྲ་ཡིག་ཨེ་དང་སྦྱོར་བར་བྱ། །ཤར་ལས་བཞི་པ་གང་ཡིན་པ། །སྒྲ་ཡིག་ཨུ་དང་སྦྱོར་བ་འོ། །བདེན་བྲལ་འདབ་མ་ལ་གནས་པ། །སྒྲ་ཡིག་ཨུ་དང་སྦྱོར་བ་སྟེ། །ནན་ཏན་ལན་གཉིས་བཟླས་པ་འོ། །དབུས་ལས་བཞི་པ་གང་ཡིན་པ། །ུ་ཡིག་མེ་མཚམས་པ་དང་ལྡན། །ཐིག་ལེ་ང་རོ་གཉིས་པ་འོ། །ོ་ཡིག་ཐིག་ལེ་དང་ལྡན་པ། །རླུང་མཚམས་ཕྱི་རོལ་ལ་གནས་པ། །ཚེག་དྲག་དང་ནི་མཉམ་པོར་ལྡན། །དབང་ལྡན་ཕྱི་རོལ་ལ་གནས་དང ། །མེ་མཚམས་འདབ་མ་ཅན་དེ་བཞིན། །བྱང་ནས་གསུམ་པ་གང་ཡིན་པ། །དབུས་ལས་དབུ་མར་གྱུར་པ་བྱ། །ལྷོ་ནས་དབུ་མ་པ་ལ་ཡང ། མེ་མཚམས་འདབ་མ་ཅན་དང་ལྡན། །སྒྲ་ཡིག་ཨི་དང་ལྡན་སྦྱོར་བ། །ི་ཡིག་ཐིག་ལེ་དང་ལྡན་པ། །ལན་གཉིས་གསུམ་ནི་བརྗོད་བྱས་ཏེ། །ལྷ་མོ་གསུམ་པོའི་ཁོ་ན་འོ། །སྔགས་འབྱུང་བར་ནི་
317a
༄#། །གྲགས་པ་ཡིན། །ོ་ཡིག་ཐིག་ལེ་དང་ལྡན་པར། །ཤར་ནས་གཉིས་པ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །དབུས་ནས་དབུ་མ་དེ་བཞིན་དུ། །ལྷོ་ནས་དབུ་མ་པ་ལ་ཡང ། །མེ་མཚམས་འདབ་མ་ཅན་སྦྱོར་དང ། །དུས་རྣམས་ཐམས་ཅད་སྦྱོར་བར་བྱ། །དབང་ལྡན་ཕྱི་རོལ་པ་དེ་བཞིན། །སྒྲ་ཡིག་ཨེ་ནི་སྦྱོར་བར་བྱ། །དེ་ཉིད་ཕྱི་རོལ་པ་བཟུང་ནས། །སྒྲ་ཡིག་ཨི་དང་ལྡན་བྱས་ཏེ། །མེ་མཚམས་འདབ་མ་གནས་པ་ཡི། །སྒྲ་ཡིག་ཨི་ཡིས་བརྒྱན་པར་བྱ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བྱས་ཏེ། ། ལན་གཉིས་གསུམ་དུ་བརྗོད་བྱ་འོ། །དེ་ནས་དཔག་བསམ་ཤིང་སོགས་ལྷ། །རྡོ་རྗེ་སྙིང་པོ་མ་དང ། རྡོ་རྗེ་སྲེད་མེད་ཀྱི་བུ་མོ་དང ། རྡོ་རྗེ་གར་གྱི་དབང་ཕྱུག་མ་དང ། འདོད་པའི་ལྷ་མོ་རྣམས་ཞེས་པ་ལྷ་མོ་བཞི་ཡིན་ནོ། །ོ་ཡིག་ཐིག་ལེ་དང་ལྡན་པ། །ཡི་གེ་ཨེ་ཡི་སྦྱོར་བར་བྱ། །རླུང་མཚམས་ཕྱི་རོལ་ལ་གནས་པ། །མེ་མཚམས་འདབ་མ་ཅན་དེ་བཞིན། །ཡི་གེ་ཨེ་ཡི་མཉམ་ལྡན་པའི། །བྱང་ནས་དང་པོར་འགྱུར་བྱས་ཏེ། །དབུས་ལས་དབུ་མ་དེ་བཞིན་དུ། །མེ་མཚམས་འདབ་མ་ཅན་འབྱོར་བའི། །ལྷོ་ཡི་དབུ་མ་པ་ཡང་དེ། །ཡི་གེ་ཨེ་ཡིས་མཉམ་ལྡན་བྱ། ། དབུས་ལས་དབུ་མ་ལྡན་འགྱུར་དང ། །བདེན་བྲལ་འདབ་མ་ལ་གནས་པ། །སྒྲ་ཡིག་ཨི་ནི་སྦྱོར་བྱས་ཏེ། །བདེན་བྲལ་ཕྱི་རོལ་ལ་གནས་པ། །སྒྲ་ཡིག་ཨི་ནི་སྦྱོར་བྱས་ཏེ། །བྱང་ནས་ཐ་མ་
317b
གང་ཡིན་པ། །སྒྲ་ཡིག་ཨ་ནི་སྦྱོར་བར་བྱ། །བྱང་ནས་དང་པོ་གང་ཡིན་པ། །མེ་མཚམས་པ་ཡི་གདན་དང་ལྡན། །ནུབ་ནས་དང་པོ་གང་ཡིན་པ། །རྟག་པར་ཨ་མེད་འགྱུར་བར་བྱ། །གདོད་མ་ཐ་མ་མེད་པའི་མཆོག་།ལྷ་མོ་རྡོ་རྗེ་པི་ཝང་མའོ། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨེ་ནི་སྦྱོར་བར་བྱ། །མེ་མཚམས་འདབ་མ་གནས་པ་ཉིད། །སྒྲ་ཡིག་ཨི་དང་ལྡན་བྱས་ཏེ། །བྱང་ནས་དང་པོ་འགྱུར་བར་བྱ། །དབུས་ནས་དབུ་མ་བཟུང་ནས་སུ། །ལྷོ་ནས་དབུ་མ་གཟུང་བར་བྱ། །མེ་མཚམས་འདབ་མ་དང་སྦྱོར་ནས། །བསྡུ་བར་བྱ་བ་ཡང་ཡིན་ཏེ། །ཤར་ནས་གསུམ་པ་གང་ཡིན་པ། །སྒྲ་ཡིག་ཨེ་ནི་སྦྱོར་བར་བྱ། །བྱང་ནས་དང་པོར་བཟུང་ནས་སུ། །སྒྲ་ཡིག་ཨེ་ནི་སྦྱོར་བྱས་ཏེ། །ང་རོ་བཞི་པ་དང་ལྡན་པ། །རྟག་པར་ལྡན་གསུམ་བརྗོད་བྱའོ། །རླུང་མཚམས་ཕྱི་རོལ་བ་བཟུང་ནས། །སྒྲ་ཡིག་ཨེ་ནི་སྦྱར་བར་བྱ། །མེ་མཚམས་འདབ་མ་པ་ལ་ཡང ། །སྒྲ་ཡིག་ཨེ་ནི་སྦྱོར་བར་བྱ། །བྱང་ནས་དང་པོ་འགྱུར་བར་བྱ། །དབུས་ནས་དབུ་མ་བཟུང་ནས་སུ། །མེ་མཚམས་འདབ་མ་ཅན་ལྷན་ཅིག་།ལྷོ་ནས་དབུ་མ་འགྱུར་བྱས་ཏེ། །རླུང་མཚམས་ཕྱི་རོལ་ལ་གནས་པ། །སྒྲ་ཡིག་ཨ་ནི་སྦྱོར་བར་བྱ། །དེ་བཞིན་བདེན་བྲལ་ཕྱི་པ་ལ། །སྒྲ་ཡིག་ཨི་ནི་སྦྱོར་བའི་ཕྱིར། །རླུང་མཚམས་ཕྱི་རོལ་པ་ཉིད་ནི། །ལན་གཉིས་ཆེད་དུ་བརྗོད་པར་བྱ། །དབུས་ནས་དབུ་མ་བཟུང་ནས་སུ། །ཐིག་ལེ་ཨེ་ཡིག་སྦྱོར་བར་བྱ། །མཁའ་འགྲོ་སྒྱུ་མ་བདེ་མཆོག་ལ། །རྔ་ཆེན་ལྷ་མོར་གྲགས་པ་ཡིན། །རླུང་
318a
༄#། །མཚམས་ཕྱི་རོལ་པ་བཟུང་ནས། །སྒྲ་ཡིག་ཨི་ནི་སྦྱོར་བར་བྱ། །མེ་མཚམས་འདབ་མར་གནས་པ་ཡང ། །བྱང་ནས་དང་པོ་པ་བཟུང་སྟེ། །སྒྲ་ཡིག་ཨི་ནི་ལྡན་པར་བྱ། །དབུས་ལས་དབུ་མ་དེ་བཞིན་དུ། །མེ་མཚམས་འདབ་མ་དང་སྦྱོར་བའི། །ལྷོ་ནས་དབུ་མ་པ་དང་ཡང ། །བྱང་ནས་མཐའ་མ་བཟུང་བྱས་ཏེ། །མེ་མཚམས་འདབ་མ་ལྡན་བྱས་ནས། །སྒྲ་ཡིག་ཨི་ནི་སྦྱོར་བར་བྱ། །བྱང་ནས་དང་པོར་བཟུང་བྱས་ཏེ། །དབང་ལྡན་འདབ་མ་ཅན་སྦྱོར་ནས། །དེ་ཚེ་དེ་ནི་ཡང་བརྗོད་དེ། །དེ་བཞིན་དབུས་ལས་དབུ་མ་ཡང ། །སྒྲ་ཡིག་ཨེ་ནི་སྦྱོར་བར་བྱ། །དབུས་ལས་དང་པོ་དེ་བཞིན་དུ། །དེ་ནི་ལན་གཉིས་བརྗོད་པར་བྱ། །ལྷོ་ནས་བཞི་པ་བཟུང་ནས་སུ། །ང་རོ་ཨ་ཡིག་ལྡན་པར་བྱ། །རྡོ་རྗེ་སེམས་དཔའི་དཀྱིལ་འཁོར་ལ། །རྫ་རྔ་མ་ཞེས་གྲགས་པ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །གླིང་བུ་མ་དང་པི་ཝང་ཀུན། །རྔ་ཆེན་དེ་བཞིན་རྫ་རྔ་ཀུན། །རྡོ་རྗེ་སེམས་དཔའི་དཀྱིལ་འཁོར་ལ། །གྲ་ཡི་ལྷ་མོས་མཆོད་འགྲུབ་པའོ། ། ཡིག་དང་པོ་བྱས་ནས་སུ། །དབུས་ནས་དབུ་མ་པ་ལ་ཡང ། །མེ་མཚམས་འདབ་མ་ཅན་ལྡན་པར། །ལྷོ་ནས་དབུ་མ་འགྱུར་བར་བྱ། །དབུས་ལས་དང་པོ་དེ་བཞིན་དུ། །སྒྲ་ཡིག་ཨུ་ནི་སྦྱོར་བར་བྱ། །མེ་མཚམས་ཕྱི་རོལ་པ་བཟུང་ནས། །དབུས་ལས་དང་པོ་ཡང་ཡིན་ཏེ། །ེ་ཡིག་དང་ནི་མཉམ་པོར་ལྡན། །དབུས་ནས་མེ་ཏོག་མ་ཕྱུང་ངོ ། ། ཡིག་དང་པོ་བྱས་ནས་སུ། །དབུས་ལས་དབུ་མ་པ་
318b
ཡང་སྟེ། །མེ་མཚམས་འདབ་མ་དང་ལྡན་པའི། །ལྷོ་ནས་དབུ་མ་ཡང་ཡིན་ཏེ། །བྱང་ལས་བཞི་པ་གང་ཡིན་པ། །སྒྲ་ཡིག་ཨུ་དང་སྦྱོར་བར་བྱས། །དབུས་ལས་དང་པོ་བཟུང་ནས་སུ། །རྡོ་རྗེ་སྤོས་མེ་རྣམས་གྲགས་སོ། ། ཡིག་དང་པོ་བྱས་ནས་སུ། །དབུས་ལས་དབུ་མ་པ་ཡང་སྟེ། །མེ་མཚམས་འདབ་མ་ཅན་ལྡན་པའི། །ལྷོ་ལས་དབུ་མར་འགྱུར་བར་བྱ། །ཡི་གེ་ཨ་ལས་མཉམ་ལྡན་ཏེ། །བདེན་བྲལ་འདབ་མར་གནས་པ་ལ། །སྒྲ་ཡིག་ཨོ་ནི་སྦྱོར་བར་བྱ། །ཤེར་གྱི་དང་པོ་དེ་བཞིན་དུ། །ེ་ཡིག་ལྡན་པར་གསུངས་པ་འོ། ། ཡིག་དང་པོ་བྱང་ནས་སུ། །དབུས་ལས་དབུ་མ་དེ་བཞིན་ཡང ། །མེ་མཚམས་འདབ་མ་དང་ལྡན་པར། །ལྷོ་ལས་དབུ་མ་འགྱུར་བྱས་ཏེ། །ཤར་ལས་གསུམ་པ་དེ་ལ་ཡང ། །ཐིག་ལེ་དང་ནི་སྦྱོར་བར་བྱ། །བྱང་ནས་བཞི་པ་གང་ཡིན་པ། །ཡི་གེ་ཨེ་ཡིག་ལྷན་ཅིག་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་རྡོ་རྗེ་མེ་ཏོག་མ་དང ། རྡོ་རྗེ་སྤོས་མ་དང ། རྡོ་རྗེ་མར་མེ་མ་དང ། རྡོ་རྗེ་དྲི་ཆབ་མ་ཞེས་བྱ་བ་ཕྱིའི་ལྷ་མོ་བཞི་གསུངས་སོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་པ་ཡང་སྟེ། །མེ་མཚམས་འདབ་མ་དང་ལྷན་ཅིག་།ལྷོ་ལས་དབུ་མ་འགྱུར་བ་སྟེ། ། ཡིག་ཐིག་ལེ་མཉམ་གནོན་པར། །རྟག་པར་བརྗོད་པར་བྱ་བ་སྟེ། །ཤར་ལས་དང་པོ་བཟུང་ནས་སུ། །སྒྲ་ཡིག་ཨུ་ནི་སྦྱོར་བར་བྱ། །དབང་ལྡན་ཕྱི་རོལ་པ་བཟུང་ནས། །སྒྲ་ཡིག་ཨི་ནི་སྦྱོར་བར་བྱ། །ཚེག་དྲག་མཉམ་པོར་ལྡན་པ་ནི། །ལྷོ་ལས་དབུ།
319a
༄#། །མར་འགྱུར་པ་འོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་འགྱུར་བྱས་ཏེ། ། མེ་མཚམས་པ་དང་མཉམ་ལྡན་པའི། །ལྷོ་ལས་དབུ་མ་པ་ཡང་སྟེ། །དབུས་ལས་དང་པོ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །དབང་ལྡན་ཕྱི་རོལ་པ་བཟུང་ནས། །སྒྲ་ཡིག་ཨ་ནི་སྦྱོར་བར་བྱ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བ་འོ། །ཞེས་བཅོམ་ལྡན་འདས་དཔལ་དོན་ཡོད་ཤིན་ཏུ་དགའ་བའི་སེམས་དཔས་གསུངས་སོ། །ུ་ཡིག་ཐིག་ལེ་དང་ལྡན་པར། །དབུས་ལས་དབུ་མ་འགྱུར་བྱས་ཏེ། །མེ་མཚམས་འདབ་མ་ཅན་ལྡན་ཞིང ། །ལྷོ་ལས་དབུ་མ་འགྱུར་བར་བྱ། །དབང་ལྡན་ཕྱི་རོལ་པ་བཟུང་ནས། །ཐིག་ལེ་ང་རོས་བརྒྱན་བྱས་ཏེ། །ཤར་གྱི་དང་པོ་བཟུང་ནས་སུ། །སྒྲ་ཡིག་ཨེ་དང་མཉམ་ལྡན་ཞིང ། །བདེན་བྲལ་འདབ་མ་ཅན་དུ་འགྱུར། །དཔྲལ་བར་ཐིག་ལེས་བརྒྱན་པ་འོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་པ་ཡིན་ཏེ། །མེ་མཚམས་འདབ་མ་ཅན་ལྷན་ཅིག་།ལྷོ་ནས་དབུ་མ་འགྱུར་བར་བྱ། །ཤར་ལས་བཞི་པ་གང་ཡིན་པ། །ཐིག་ལེ་ང་རོས་རྣམ་པར་བརྒྱན། །ནུབ་ལས་དང་པོ་བཟུང་ནས་སུ། །སྒྲ་ཡིག་ཨེ་ནི་སྦྱོར་བར་བྱ། །རླུང་མཚམས་ཕྱི་རོལ་པ་བཟུང་ནས། །ཚེག་དྲག་དང་ནི་
319b
མཉམ་ལྡན་ཞིང ། །ོ་ཡིག་ལྷན་ཅིག་འགྱུར་བའོ། །ཞེས་བཅོམ་ལྡན་འདས་བདེ་བ་ཆེན་པོ་དཔལ་རྡོ་རྗེ་སེམས་དཔས་གསུངས་སོ། །རྟ་མགྲིན་འཕང་མཐོའི་ལྕགས་ཀྱུ་མ་དང ། ཕག་མགོ་མཆེ་ཞགས་མ་དང ། ཉི་ཟླ་ལྕགས་སྒྲོག་མ་དང ། ཤི་པ་གསོ་བའི་དྲིལ་བུ་མ་ཞེས་བྱ་བ་སྒོ་སྲུང་མ་བཞི་གསུངས་པ་སྟེ། དཔལ་རྡོ་རྗེ་སེམས་དཔའི་དཀྱིལ་འཁོར་ལ་སྔགས་ཀྱི་ཚོགས་ཀྱི་ཕྱག་རྒྱ་ཤེས་པའོ། །ོ་ཡིག་ཐིག་ལེ་དང་ལྡན་པར། །དབུས་ལས་བཞི་པ་གང་ཡིན་པ། །ཚེག་དྲག་ཨུ་ཡིག་ལྡན་པ་སྟེ། །ཤར་ལས་གཉིས་པ་ཅན་ལ་ཡང ། །ཐིག་ལེ་ང་རོ་གནོན་པ་ནི། །ཐུབ་ཆེན་རྣམ་སྣང་མཛད་ཀྱི་འོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་ཡང་ཡིན་ཏེ། །མེ་མཚམས་འདབ་མ་དང་ལྡན་པའི། །ལྷོ་ལས་དབུ་མ་འགྱུར་བྱས་ཏེ། །བདེན་བྲལ་ཕྱི་རོལ་པ་བཟུང་ནས། །བྱང་ནས་དང་པོ་པ་ཡང་སྟེ། །དབུས་ནས་དབུ་མ་པ་ལྡན་པ། །དབང་ལྡན་ཕྱི་རོལ་ལ་གནས་པ། །ཐིག་ལེ་ང་རོ་ལྡན་པ་འོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་ཡང་ཡིན་ཏེ། །མེ་མཚམས་འདབ་མ་དང་ལྷན་ཅིག་།ལྷོ་ལས་དབུ་མ་འགྱུར་བྱས་ཏེ། །མེ་མཚམས་འདབ་མ་ཅན་དེ་བཞིན། །བྱང་ལས་དང་པོ་འགྱུར་བྱས་ཏེ། །བྱང་ལས་ཐ་མ་དང་ལྡན་པ། །མཇུག་ཏུ་མེ་མཚམས་འདབ་མ་ཅན། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་
320a
༄#། །སོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་པར་འགྱུར་ཏེ། །མེ་མཚམས་འདབ་མ་ཅན་ལྷན་ཅིག་།ལྷོ་ལས་དབུ་མ་ཡང་ཡིན་ཏེ། །བྱང་ནས་བཞི་པ་གང་ཡིན་པ། །དབུས་ལས་དབུ་མ་པ་ཡང་སྟེ། །མེ་མཚམས་པ་ཡི་མགོ་གནོན་བྱ། །དབུས་ལས་ཐ་མ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་འགྱུར་བྱས་ཏེ། །མེ་མཚམས་འདབ་མ་དང་ལྡན་པའི། །ལྷོ་ལས་དབུ་མ་འགྱུར་བྱས་ཏེ། །ཤར་ལས་དང་པོར་བཟུང་ནས་སུ། །མེ་མཚམས་ཅན་གྱི་གནོན་པ་ཡི། །དབུས་ལས་དབུ་མ་པ་ཡང་འདོད། །བྱང་ལས་གཉིས་པ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་སྟེ། །ཐིག་ལེ་ང་རོ་ལྡན་པར་བྱའོ། །བདེན་བྲལ་ཕྱི་རོལ་པ་བཟུང་སྟེ། །དབུས་ལས་དབུ་མ་དང་ལྡན་པའི། །བྱང་ལས་དང་པོ་འགྱུར་བར་བྱ། །དབུས་ལས་དབུ་མ་དེ་བཞིན་དུ། །ེ་ཡིག་མེ་མཚམས་ལྡན་པ་སྟེ། །ལྷོ་ལས་དབུ་མ་འགྱུར་བར་བྱའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ལྷོ་ལས་གཉིས་པ་གང་ཡིན་པ། །ཐིག་ལེ་ཨེ་ཡི་སྦྱོར་བར་བྱ། །དབུས་ལས་དབུ་མ་དེ་བཞིན་དུ། །མེ་མཚམས་འདབ་མ་དང་ལྡན་པའི། །ལྷོ་ལས་དབུ་མ་འགྱུར་བྱས་ཤིང ། །མེ་མཚམས་འདབ་
320b
མར་གནས་པ་ཉིད། །བྱང་ལས་དང་པོ་དེ་བཞིན་དུ། །བྱང་ལས་ཐ་མ་དང་སྦྱོར་བ། །སྒྲ་ཡིག་ཨེ་དང་སྦྱོར་བའོ། །ཞེས་བཅོམ་ལྡན་འདས་དཔལ་དོན་ཡོད་ཤིན་ཏུ་དགའ་བའི་རྡོ་རྗེ་སེམས་དཔས་གསུངས་སོ། །བྱང་ནས་དང་པོ་བཟུང་ནས་སུ། །ཐིག་ལེ་མེ་མཚམས་ཡང་དག་ལྡན། །དབུས་ལས་དབུ་མ་དེ་བཞིན་དུ། །མེ་མཚམས་པ་དང་ལྡན་པ་ལ། །ལྷོ་ལས་དབུ་མ་འགྱུར་བར་བྱ། ། དབུས་ལས་དང་པོ་བཟུང་ནས་སུ། །བྱང་ནས་དབུ་མ་ཡང་ཡིན་ཏེ། །དབུས་ལས་ཐ་མ་དང་ལྡན་ལ། །ཡི་གེ་ལྷན་ཅིག་འགྱུར་བའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །བྱང་ལས་བཞི་པ་གང་ཡིན་པ། །ཐིག་ལེ་ང་རོ་ལྡན་པར་བྱ། །དབུས་ལས་དབུ་མ་དེ་བཞིན་དུ། །སྒྲ་ཡིག་ཨི་ནི་སྦྱར་བྱས་ཏེ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་པ་དང་ལྡན། །དེ་བཞིན་དབུས་ལས་དབུ་མ་ཡང ། །ེ་ཡིག་མེ་མཚམས་དང་ལྡན་པའི། །ལྷོ་ལས་དབུ་མ་པ་འགྱུར་རོ། །ཞེས་བཅོམ་ལྡན་འདས་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། ། དང་པོ་སངས་རྒྱས་དབྱངས་མ་དང ། །དབང་ལྡན་ཕྱི་རོལ་ཅན་ཉིད་ལ། །སྒྲ་ཡིག་ཨུ་དང་སྦྱོར་བར་བྱ། །བདེན་བྲལ་འདབ་མར་གནས་པ་ཡང ། །སྒྲ་ཡིག་ཨ་ནི་སྦྱོར་བར་བྱ། །ཤར་ལས་གསུམ་པ་གང་ཡིན་པ། །ེ་ཡིག་མེ་མཚམས་པ་དང་ལྡན། །དབུས་ལས་བཞི་པ་གང་ཡིན་པ། །ཐིག་ལེ་ཨི་ཡིག་ལྡན་པར་བྱ། །བྱང་ལས་དབུ་མ་ཕུལ་ནས་སུ། །དེ་ནས་དབུས་ནས་ཐ་མ་སྟེ། །ནུབ་ཀྱི་དང་
321a
༄#། །པོ་རྟག་ཏུ་ནི། ། ཡིག་\?\་མེད་པར་བརྗོད་པར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་དབུ་མ་དེ་བཞིན་དུ། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མ་འགྱུར་བར་བྱ། །ཤར་ལས་དང་པོ་གང་ཡིན་པ། །སྒྲ་ཡིག་ཨེ་ཡིས་བརྒྱན་པ་སྟེ། ། དབང་ལྡན་ཕྱི་རོལ་གང་ཡིན་པ། །སྒྲ་ཡིག་ཨེ་ནི་སྦྱོར་བར་བྱ། །ལྷོ་ལས་དང་པོ་གང་ཡིན་པ། །གཉིས་པ་རུ་ནི་སྦྱོར་བྱས་ལས། །ཐིག་ལེ་ཨེ་ཡིག་ལྡན་པར་བྱ། །དེ་ཡང་དྲུག་པར་འགྱུར་བ་སྟེ།། བྱང་ལས་དབུ་མ་དེ་བཞིན་དུ། །དབུ་མའི་ཐ་མ་ཡང་ཡིན་ཏེ། །ནུབ་ལས་དང་པོ་རྟག་ཏུ་ནི། ། ཡིག་མེད་པར་འགྱུར་བ་འོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། ། རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨེ་ཡིག་ལྡན་པར་བྱ། །དབུས་ལས་དབུ་མ་བཟུང་བ་དང ། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མ་འགྱུར་བྱས་ཏེ། །ཡི་གེ་ཨ་དང་ལྡན་པར་བྱ། །དབུས་ལས་ཐ་མ་བཟུང་ནས་སུ། །བདེན་བྲལ་འདབ་མར་གནས་པ་ཡང ། །དབུས་ལས་དང་པོ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །དབང་ལྡན་ཕྱི་རོལ་པ་ཉིད་ལ། །སྒྲ་ཡིག་ཨེ་དང་སྦྱོར་བར་བྱ། །དབུས་ལས་ཐ་མ་བཟུང་ནས་སུ། །ནུབ་ལས་དང་པོ་ཡང་བཟུང་སྟེ། ། ཡིག་མེད་པར་བྱས་པ་ནི། །མཁའ་འགྲོ་མ་ཡི་གྲགས་པ་འོ། །གཽ་རཱི་
321b
ཙོ་རཱི་པྲ་མོ་ཧཱ། །བཻ་ཏ་ལཱི་ཞེས་བྱ་བ་བཞི། །རྡོ་རྗེ་རྣལ་འབྱོར་མ་དག་ཡིན། །པུཀྐ་སཱ་དང་ཙཎྜ་ལི། །གྷསྨ་ཁྲག་འཐུང་འདྲ་བ་བཞི། །རྡོ་རྗེ་མཁའ་འགྲོ་མ་དག་ཡིན། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨེ་དང་ལྡན་པར་བྱ། །དབུས་ལས་དབུ་མ་དེ་བཞིན་དུ། །མེ་མཚམས་འདབ་མ་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །མེ་མཚམས་འདབ་མར་གནས་པ་ཉིད། །སྒྲ་ཡིག་ཨི་དང་ལྡན་པ་ཡི། །བྱང་ལས་དང་པོ་འགྱུར་བར་བྱ། །དབུས་ལས་དང་པོ་དེ་བཞིན་དུ། །ཐིག་ལེ་ཡང་དག་ལྡན་པ་འོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །དབུས་ལས་དབུ་མ་དེ་བཞིན་དུ། །ཐིག་ལེ་ང་རོ་ཡང་དག་ལྡན། །དབུས་ལས་ཐ་མ་བཟུང་བ་དང ། །ཡི་གེ་ཨ་དང་ལྡན་པ་ཡིས། །རླུང་མཚམས་ཕྱི་རོལ་གནས་པར་འགྱུར། །མེ་མཚམས་འདབ་མར་གནས་པ་ཉིད། །བྱང་ལས་དང་པོ་ཡང་ཡིན་ཏེ། །དབུས་ལས་དབུ་མ་པ་ཡང་གཟུང ། །ེ་ཡིག་མེ་མཚམས་དང་ལྡན་པའི། །ལྷོ་ལས་དབུ་མ་འགྱུར་བར་བྱ། །རླུང་མཚམས་ཕྱི་རོལ་པ་བཟུང་ནས་ཚེག་དྲག་ཨོ་ཡིག་སྦྱོར་བས་སོ། །ཞེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པའི། །དབུས་ལ་དབུ་མ་ཡང་ཡིན་ཏེ། །མེ་མཚམས་འདབ་མ་ཅན་ལྡན་པའི། །དབུས་ལས་དབུ་མ་འགྱུར་བ་འོ། །ོ་ཡིག་དང་ནི་ལྡན་པ་ཡི། །བདེན་བྲལ་འདབ་མར་གནས་དེ་བཞིན། །ལྷོ་ལས་དང་པོ་དེ་བཞིན་དུ། །ཡི་གེ་ཨེ་ཡིག་ལྡན་པ་ཡི། །
322a
༄#། །བྱང་ལས་ཐ་མ་ཡང་ཡིན་ཏེ། །དབང་ལྡན་འདབ་མར་གནས་པ་ལ། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་ཐོགས་པ་མེད་པའི་ཤིན་ཏུ་དགའ་བའི་རྡོ་རྗེ་སེམས་དཔས་གསུངས་སོ། །མེ་མཚམས་འདབ་མར་གནས་པ་ལ། །ཟླ་ཚེས་ཐིག་ལེ་གཙུག་གི་ཞལ། །དབུས་ལས་ཐ་མ་ཡང་དེ་བཞིན། །སྒྲ་ཡིག་ཨ་དང་སྦྱོར་བ་ཡིས། ། རླུང་མཚམས་ཕྱི་རོལ་པར་འགྱུར་ཏེ། །དབང་ལྡན་ཕྱི་རོལ་གནས་ཉིད་ལ། །མེ་མཚམས་སྟན་དང་ལྡན་པ་སྟེ། །སྒྲ་ཡིག་ཨོ་དང་སྦྱར་བར་བྱ། །བཞི་པར་ཡོངས་སུ་གྲགས་པ་ཡིན། །དབུས་ལས་དབུ་མ་ཉིད་དང་ནི། །མེ་མཚམས་སྟན་དང་ལྡན་པ་ཡི། །སྒྲ་ཡིག་ཨི་དང་སྦྱར་ནས་སུ། །ལྷོ་ལས་དབུ་མ་འགྱུར་བར་བྱ། །རླུང་མཚམས་ཕྱི་རོལ་གནས་པ་ཡང ། །སྒྲ་ཡིག་ཨི་དང་སྦྱོར་བྱས་ཏེ། །ཚེག་དྲག་ལྷན་ཅིག་འདོད་པ་འོ། །དེ་དག་མདའ་རྣོན་འཛིན་མ་ལ་སོགས་པ། །གྲཝ་ཡི་སྲིན་མོ་ལ་སོགས་བཞི་རྣམས་ཀྱིའོ། །མེ་ཏོག་མ་སོགས་འདུས་པ་དང ། །སྒོ་སྲུང་མ་སོགས་འདུས་པ་སྟེ། །རྩ་བའི་དཀྱིལ་འཁོར་ཚུལ་གྱིས་ནི། །ཇི་བཞིན་ཡང་དག་འབྱུང་བ་འོ། །ཞེས་བཅོམ་ལྡན་འདས་དཔལ་ཐོགས་པ་མེད་པའི་ཤིན་ཏུ་དགའ་བའི་རྒྱལ་པོ་རྡོ་རྗེ་སེམས་དཔས་གསུངས་ཏེ། རྡོ་རྗེ་མཁའ་འགྲོ་མའི་དཀྱིལ་འཁོར་ལ་སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་བཟུང་
322b
བྱས་ཏེ། །བདེན་བྲལ་ཕྱི་རོལ་པ་ལ་སོགས། །དབུས་ལས་བཞི་པ་གང་ཡིན་པ། །སྒྲ་ཡིག་ཨ་དང་སྦྱོར་བར་བྱ། །དབུས་ལས་དབུ་མ་བཟུང་པ་དང ། །དབང་ལྡན་ཕྱི་རོལ་གནས་པ་ལ། །སྒྲ་ཡིག་ཨུ་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །བརྩེགས་མར་དེ་བཞིན་ལྕི་བར་འདོད། །དབུས་ལས་དང་པོ་བཟུང་བ་དང ། །བྱང་ནས་དབུ་མ་ཡང་ཡིན་ཏེ། །དབུས་ལས་ཐ་མ་དང་སྦྱོར་བ།། བརྒྱད་པར་ཡོངས་སུ་གྲགས་པ་ཡིན། །བྱང་ནས་ཐ་མར་དེ་བཞིན་དུ། །ོ་ཡིག་མེ་མཚམས་དང་ལྡན་པ། །བྱང་ནས་དང་པོ་ཡང་ཡིན་ཏེ། །དབུས་ལས་དབུ་མ་དང་སྦྱར་ཏེ། །དབང་ལྡན་ཕྱི་རོལ་གནས་པ་ཡང ། །མེ་མཚམས་འདབ་མ་བཟུང་ནས་སུ། །རླུང་མཚམས་ཕྱི་རོལ་གནས་པ་ལ། །མེ་མཚམས་པ་དང་སྟན་ལྡན་བྱས། །ཚེག་དྲག་ཨི་ཡིས་སྦྱོར་བས་སོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པར། །བདེན་བྲལ་ཕྱི་རོལ་གནས་པ་ཡང ། །མེ་མཚམས་པ་ཡི་གནོན་པ་ཡི། །དབུས་ལས་དབུ་མ་འགྱུར་བར་བྱ།། བྱང་ལས་དང་པོ་བཟུང་ནས་སུ། །སྒྲ་ཡིག་ཨ་དང་ལྡན་པ་ཡི། །བྱང་ནས་གཉིས་པ་གང་ཡིན་པ། །ཤར་ལས་གསུམ་པ་གང་ཡིན་དང ། །བྱང་ནས་དང་པོ་ཡང་ཡིན་ཏེ། །དབུས་ལས་དང་པོ་བཟུང་ནས་སུ། །བྱང་ནས་དབུ་མ་པ་ལ་ཡང ། །དབུས་ལས་ཐ་མ་དང་སྦྱར་ཏེ། །ཡི་གེ་ཨི་དང་གཅིག་པར་འདོད། །ལྷོ་ལས་དབུ་མ་བཟུང་ནས་སུ། །ཚེག་དྲག་ལྕི་བ་ཁོ་ན་འོ། །ཞེས་བཅོམ་ལྡན་འདས་
323a
༄#། །དཔལ་རྡོ་རྗེ་འཛིན་པས་གསུངས་སོ། །རླུང་མཚམས་ཕྱི་རེལ་བཟུང་བ་ནས། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་དབུ་མ་པ་བཟུང་བ། །མེ་མཚམས་པ་སྟན་ལྡན་པ་ཡི། །ལྷོ་ལས་དབུ་མ་འགྱུར་བར་བྱ། །དབུས་ལས་དང་པོ་བཟུང་ནས་སུ། །བྱང་ནས་དབུ་མ་པ་ལ་ཡང ། །དབུས་ལས་ཐ་མ་དང་སྦྱོར་ལ། །སྒྲ་ཡིག་ཨི་དང་ལྡན་པར་བྱའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨེ་དང་སྦྱོར་བར་བྱ། །དབུས་ལས་དང་པོ་བཟུང་བ་དང ། །བྱང་ནས་དབུ་མ་པ་ལ་ཡང ། །དབུས་ལས་ཐ་མ་པ་སྦྱོར་ལ། །སྒྲ་ཡིག་ཨི་དང་ལྡན་པར་བྱ། །དེ་ནི་ལན་གཉིས་བརྗོད་བྱས་ཏེ། །དབུས་ལས་དབུ་མ་འགྱུར་བ་ལ། །ཐིག་ལེ་ང་རོ་ལྡན་བྱས་ལ། །དེ་ནི་དྲུག་པོར་ཡོངས་གྲགས་སོ། ། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །ཚེག་དྲག་ཨོ་ཡིག་སྦྱོར་བར་བྱ། །དབུས་ལས་དང་པོ་བཟུང་ནས་ནི། །བྱང་ལས་དབུ་མ་དང་ལྡན་པའི། །དབུས་ཀྱི་ཐ་མ་བཟུང་པ་དང ། །ནུབ་ལས་ཐ་མ་བཟུང་བ་ལ། །སྒྲ་ཡིག་ཨེ་ནི་སྦྱོར་བར་བྱ། །མེ་ཡི་འདབ་མར་གནས་པ་ལ། །སྒྲ་ཡིག་ཨ་དང་སྦྱོར་བར་བྱ། །ལྷོ་ལས་དབུ་མ་བཟུང་ནས་སུ། །ཐིག་ལེ་ང་རོ་ལྡན་པར་བྱ། །ཞེས་བཅོམ་ལྡན་འདས་ཤིན་ཏུ་དགའ་བའི་རྡོ་རྗེ་སེམས་དཔས་རྣམ་པར་གཟིགས་མ་དང ། སྒྲོལ་མ་དང ། ས་འཛིན་མ་དང ། ཁྲོ་གཉེར་
323b
མ་ཞེས་པའི་པདྨའི་གཙོ་མོའི་ལྷ་མོ་བཞི་གསུངས་པའོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་དང་པོ་བཟུང་བ་དང ། །བྱང་ནས་དབུ་མ་གང་ཡིན་པ། །དབུས་ལས་ཐ་མ་དང་སྦྱར་ཏེ། །དེ་ནི་རྟག་པར་ལྕི་བར་འགྱུར། །ལྷོ་ལས་དང་པོ་བཟུང་ནས་སུ། །ཐིག་ལེ་དང་ནི་མཉམ་པོར་ལྡན། །ནུབ་ནས་དབུ་མ་པ་ཉིད་ལ། །ི་ཡིག་དང་ནི་ལྡན་པར་བྱ། དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་དང་སྦྱོར་བྱ། །མེ་མཚམས་འདབ་མར་གནས་པ་ཉིད། །སྒྲ་ཡིག་ཨུ་ཡིས་རྣམ་པར་བརྒྱན། །རླུང་མཚམས་ཕྱི་རོལ་པ་ལ་ཡང ། །ཡི་གེ་ཨུ་དང་མཉམ་ལྡན་ལ། །ཐིག་ལེ་ང་རོ་ཡང་དག་ལྡན། །དབུས་ལས་གཉིས་པ་གང་ཡིན་པ། ། མེད་ནུབ་ཀྱི་དང་པོ་འོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨེ་ནི་སྦྱོར་བར་བྱ། །དབུས་ལས་ཐ་མ་བཟུང་བ་དང ། །སྒྲ་ཡིག་ཨེ་དང་ལྡན་པ་ཡིས། །རླུང་མཚམས་ཕྱི་རོལ་བ་འགྱུར་ཏེ། །དབུས་ལ་དབུ་མ་པ་ཉིད་ལ། །སྒྲ་ཡིག་ཨི་ནི་སྦྱོར་བར་བྱ། །དབང་ལྔན་ཕྱི་རོལ་པ་ལ་ཡང ། །དབུས་ལས་དབུ་མ་དང་ལྡན་བྱ། །དབུས་ལས་དང་པོ་བཟུང་བ་དང ། །བྱང་ནས་དབུ་མ་པ་ལ་ཡང ། །དབུས་ལས་ཐ་མ་དང་སྦྱོར་ཏེ། །དེ་ནི་རྟག་ལྕི་ལ་གྱུར་པ། །དེ་བཞིན་དབུས་ལས་ཐ་མ་ཡང ། །སྒྲ་ཡིག་ཨུ་དང་སྦྱོར་བར་བྱ། །ེ་ཡིག་མེ་མཚམས་ཅན་ལྡན་པའི། །བྱང་ལས་དང་པོ་འགྱུར་བར་བྱ། །བདེན་བྲལ་ཕྱི་རོལ་བ་བཟུང་ལ། །སྒྲ་ཡིག་
324a
༄#། །ི་ནི་སྦྱོར་བར་བྱ། །བྱང་ལས་བཞི་པོ་གང་ཡིན་པ། །དབང་ལྡན་འདབ་མ་ཅན་གྱི་སྟན། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུ་མའི་གཉིས་པ་གང་ཡིན་པ། །ནུབ་ཀྱི་དང་པོ་འགྱུར་བར་བྱ། །དེ་ལ་ཨ་ཡིག་མེད་ཅེས་པ། །བདག་གིས་ཐམས་ཅད་དུ་ནི་བཤད། །ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །མེ་མཚམས་པ་ཡི་སྟན་པ་དང ། །ཚེག་དྲག་ཨི་ཡིག་ལྡན་པ་ནི། །དང་པོ་པར་ནི་ཡོངས་སུ་གྲགས། །དབུས་ལས་དང་པོ་བཟུང་བ་དང་།། བྱང་ནས་དབུ་མ་ཡང་ཡིན་ལ། །དབུས་ལས་ཐ་མ་དང་སྦྱོར་ཏེ། །སྒྲ་ཡིག་ཨི་དང་སྦྱོར་བ་ཡི། །མཁས་པས་ལན་གཉིས་བརྗོད་པར་བྱ། །རླུང་མཚམས་ཕྱི་རོལ་པ་ལ་ཡང ། །ཐིག་ལེ་ཨུ་ཡིག་གིས་བརྒྱན་ཏེ། །ཐ་མར་ཡི་གེ་ཨ་ལ་ཡང ། །ཐིག་ལེ་དང་ནི་ལྡན་པར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །ཚེག་དྲག་ཨོ་ཡིག་སྦྱོར་བར་བྱ། །དབུས་ལས་དང་པོ་བཟུང་བ་དང ། །བྱང་ལས་དབུ་མ་པ་ལ་ཡང ། །དབུས་ལས་ཐ་མ་དང་སྦྱར་ཏེ། །སྒྲ་ཡིག་ཨ་ཡིས་བརྒྱན་པར་བྱ། །དབུས་ལས་དབུ་མ་པ་ཉིད་ལ།། སྒྲ་ཡིག་ཨི་དང་སྦྱོར་བར་བྱ། །དབུས་ལས་དབུ་མ་པ་ཉིད་ལ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་དང་སྦྱར་ཏེ། །སྒྲ་ཡིག་ཨ་དང་ལྡན་པ་ནི། །རྟག་པར་ལྕི་བར་གྱུར་པ་
324b
ཡིན། །ཤར་ལས་དང་པོ་བཟུང་ནས་ནི། །མེ་མཚམས་པ་ཡི་གདན་དང་ལྡན། །དབུས་ལས་ཐ་མ་བཟུང་བ་ལ། །སྒྲ་ཡིག་ཨ་དང་སྦྱོར་བར་བྱ། །ཤར་ལས་དང་པོ་བཟུང་ནས་སུ། །མེ་མཚམས་པ་ཡི་གདན་དང་ལྡན། །དབུས་ལས་ཐ་མ་པ་ཡང་ཡིན། །རླུང་མཚམས་ཕྱི་རོལ་པ་བཟུང་ལ། །ཐིག་ལེ་ཨུ་ཡིག་སྦྱོར་བར་བྱ། །ལྷོ་ལས་དབུ་མ་དེ་བཞིན་དུ། །ཚེག་དྲག་ལྕི་བ་ཅན་ལྡན་ནོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་པདྨའི་ན་བཟའ་དང ། རྡོ་རྗེ་པདྨའི་དབང་ཕྱུག་མ་དང ། །པདྨ་གར་གྱི་དབང་ཕྱུག་མ་དང ། སྣ་ཚོགས་པདྨ་ཞེས་བྱ་བ་པདྨ་རིགས་ཀྱི་ལྷ་མོ་བཞི་གསུངས་སོ། །གླིང་བུ་མ་ཚོགས་འདུས་པ་དང ། །སྒོ་སྲུང་མཚོགས་འདུས་པ་སྟེ། །མེ་ཏོག་མ་ཚོགས་འདུས་པ་ཡང ། །པདྨས་མཚན་མ་འཛིན་པར་ཟད། །དང་པོའི་དཀྱིལ་འཁོར་ཚུལ་གྱིས་ནི། །ཇི་བཞིན་ཡང་དག་འབྱུང་བའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་ཏེ། དཔལ་པདྨ་གར་གྱི་དབང་ཕྱུག་གི་དཀྱིལ་འཁོར་ལ་སྔགས་བྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ོ་ཡིག་ཐིག་ལེ་དང་ལྡན་པར། །སྒྲ་ཡིག་ཨི་དང་ལྡན་པའོ། །བདེན་བྲལ་ཕྱི་རོལ་པ་ལ་ཡང ། །བྱང་ལས་བཞི་པ་བང་\?\་ཡིན་པ། །དབང་ལྡན་འདབ་མ་ཅན་དང་ལྡན། །དབུས་ལས་བཞི་པ་གང་ཡིན་པ། །ཚེག་དྲག་ཨུ་ཡིག་སྦྱོར་བར་བྱ། །བདེན་བྲལ་ཕྱི་རོལ་པ་བཟུང་ནས། །སྒྲ་ཡིག་ཨི་ཡིས་བརྒྱན་པ་སྟེ། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་དང་ལྡན། །དབུས་ལས་བཞི་པ་གང་ཡིན་པ། །སྒྲ་ཡིག་
325a
༄#། །ུ་དང་སྦྱོར་བར་བྱ། །དེ་བཞིན་དབུས་ལས་དབུ་མ་ལ། །ཚེག་དྲག་དང་ནི་མཉམ་པོར་ལྡན། །བདེན་བྲལ་ཕྱི་རོལ་པ་བཟུང་ནས། །སྒྲ་ཡིག་ཨི་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་དང་ལྡན། །བདེན་བྲལ་ཕྱི་རོལ་པ་བཟུང་ནས། །ཚེག་དྲག་མཉམ་པོར་ལྡན་པ་ཡིས། །དབུས་ལས་ཐ་མ་པ་དང་ལྡན། །དེ་བཞིན་བདེན་བྲལ་ཕྱི་རོལ་པ། །སྒྲ་ཡིག་ཨི་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་དང་ལྡན། །དབུས་ལས་བཞི་པ་གང་ཡིན་པ། །ཡི་གེ་ཨ་དང་མཉམ་ལྡན་པའི། །རླུང་མཚམས་ཕྱི་རོལ་པ་འགྱུར་བྱ། །དེ་བཞིན་དབུས་ལས་དབུ་མ་ཡང ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །མེ་མཚམས་འདབ་མ་དེ་བཞིན་དུ། །བྱང་ལས་དང་པོ་སྦྱོར་བ་ཡི། །བྱང་ལས་ཐ་མ་འགྱུར་བར་བྱ། །དབུས་ལས་དབུ་མ་དེ་བཞིན་དུ། །ལན་གཉིས་པར་ནི་བརྗོད་པར་བྱ། །དེ་བཞིན་ནུབ་ཀྱི་དང་པོ་ཡང ། །ལན་གཉིས་པར་ནི་བརྗོད་པར་བྱ། །མེ་མཚམས་པ་ཡི་སྟན་ལྡན་པ། །བྱང་ལས་དང་པོ་འགྱུར་བར་བྱ། །ཐིག་ལེ་ཨ་ཡིག་ལྡན་པ་ཡི། །ནོར་ཆེན་རྡོ་རྗེ་ཉི་མ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །དབུས་ལས་དབུ་མ་བཟུང་ནས་སུ། །མེ་མཚམས་འདབ་མའི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །བདེན་བྲལ་ཕྱི་རོལ་གནས་པ་དང ། །དབུས་ལས་དབུ་མ་སྦྱོར་བ་དང ། །ཚེག་དྲག་
325b
མཉམ་པོར་སྦྱོར་ལྡན་པའི། །ལྷེ་\?\་ལས་དབུ་མ་འགྱུར་བར་བྱ། །མེ་མཚམས་འདབ་མ་ཅན་དེ་བཞིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དབུས་ལས་དབུ་མ་དེ་\?\་བཞིན་དུ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །མེ་མཚམས་འདབ་མ་ཅན་དེ་བཞིན། །བྱང་ལས་དང་པོ་སྦྱོར་བ་ཡི། །བྱང་ལས་ཐ་མར་འགྱུར་བར་བྱ། །རླུང་མཚམས་ཕྱི་རོལ་པ་བཟུང་ལ། །ཐིག་ལེ་ཨུ་ཡིག་སྦྱོར་བ་འོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དབུས་ལས་དབུ་མ་བཟུང་བ་དང ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །བྱང་ལས་བཞི་པ་གང་ཡིན་པ། །མེ་མཚམས་འོག་ཏུ་ལྡན་པ་ཡི། །དབུས་ལས་ཐ་མ་འགྱུར་བར་བྱ། །དབུས་ལས་ཐ་མ་དེ་བཞིན་དུ། །ཐིག་ལེ་དང་ནི་མཉམ་ལྡན་ནོ།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དབུས་ལས་དབུ་མ་དེ་བཞིན་དུ། །མེ་མཚམས་པ་ཡི་གདན་སྦྱོར་བའི། །ལྷོ་ལས་དབུ་མ་འགྱུར་བར་བྱ། །ཤར་ལས་དང་པོ་བཟུང་བ་དང ། །མེ་མཚམས་པ་ཡི་མགོར་སྦྱོར་བའི། །དབུས་ལས་ཐ་མ་འགྱུར་བར་བྱ། །རླུང་མཚམས་ཕྱི་རོལ་པ་བཟུང་ནས། །ཚེག་དྲག་ཨེ་ཡིག་སྦྱོར་བ་འོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་དབང་བསྐུར་མ་དང ། མཛོད་གཏོར་མ་དང ། རྒྱལ་མཚན་མཆོག་མ་དང ། མཆོག་ཆེན་མོ་ཞེས་བྱ་བ་ལྷ་མོ་བཞི་གསུངས་སོ། །ོ་ཡིག་ཐིག་ལེ་དང་ལྡན་པ། །ི་ཡིག་
326a
༄#། །མེ་མཚམས་ཅན་ལྡན་པའི། །དབུས་ལས་དང་པོ་འགྱུར་བར་བྱ། །ཡི་གེ་ཨེ་དང་མཉམ་ལྡན་པའི། །བྱང་ལས་དང་པོ་ཡང་ཡིན་ཏེ། །དབུས་ལས་དབུ་མ་དེ་བཞིན་དང ། །ེ་ཡིག་མེ་མཚམས་ཅན་ལྡན་པའི། །ལྷོ་ལས་དབུ་མ་འགྱུར་བར་བྱ། །ནུབ་ལས་ཐ་མ་བཟུང་ནས་སུ། །སྒྲ་ཡིག་ཨི་དང་སྦྱར་བར་བྱ། །དབུས་ལས་ཐ་མ་བཟུང་ནས་སུ། །ནུབ་ཀྱི་དང་པོ་དེ་བཞིན་ཏེ། །རྟག་པར་ཨ་མེད་འགྱུར་བའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །ོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་ཡང་ཡིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །ེ་ཡིག་མེ་མཚམས་པ་ལྡན་པའི། །དབུས་ལས་དང་པོར་འགྱུར་བར་བྱ། །ཡི་གེ་ཨེ་དང་མཉམ་ལྡན་པའི། །བྱང་ལས་དང་པོ་ཡང་ཡིན་ཏེ། །མེ་མཚམས་པ་ཡི་སྟན་ལྡན་པའི། །རླུང་མཚམས་ཕྱི་རོལ་ལ་གནས་པ། །ཚེག་དྲག་ཡི་གེ་ཨི་དང་སྦྱར། །དེ་ནི་འགྱུར་བར་ཐེ་ཚོམ་མེད། །ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་དང ། །ཐིག་ལེ་ཨེ་ཡིག་ལྡན་པ་ཡི། །ལྷོ་ལས་དང་བོར་འགྱུར་བར་བྱ། །ཡི་གེ་ཨ་དང་མཉམ་ལྡན་པའི། །དེ་ནས་བྱང་གི་དང་པོ་སྟེ། ། དབུས་ལས་ཐ་མ་དེ་བཞིན་དུ། །ི་ཡིག་དང་ནི་སྦྱོར་བ་ཡི། །ནུབ་ཀྱི་ཐ་མ་འགྱུར་བར་བྱ། །ཚེག་དྲག་ཨོ་ཡིག་དང་ལྡན་པའི། །རླུང་མཚམས་ཕྱི་རོལ་པར་གྱུར་པའོ། །ཞེས་བཅོམ་ལྡན་
326b
འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པ། །དབུས་ལས་དབུ་མ་ཡང་ཡིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །དབུས་ལས་ཐ་མ་དེ་བཞིན་དུ། །ཡི་གེ་ཨེ་དང་མཉམ་སྦྱོར་བའི། །མེ་མཚམས་ཕྱི་རོལ་པར་འགྱུར་ཏེ། །དེ་བཞིན་དབུས་ནས་ཐ་མ་དང ། །ཡི་གེ་ཨ་དང་མཉམ་ལྡན་པའི། །རླུང་མཚམས་ཕྱི་རོལ་འགྱུར་བར་བྱ། །ཐིག་ལེ་ཨུ་ཡིག་དང་ལྡན་པའི། །མེ་མཚམས་ཕྱི་རོལ་པར་འགྱུར་རོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་མདའ་གཞུ་འཛིན་པ་དང ། །རྡོ་རྗེ་ཁ་ཊྭཱཾ་མ་དང ། རྡོ་རྗེ་ཉི་མ་མོ་དང ། རྡོ་རྗེ་བསྲེག་བྱ་ཟ་བ་མོ་ཞེས་བྱ་བའི་རྡོ་རྗེ་ཉི་མའི་ལྷ་མོ་བཞི་གསུངས་སོ། །གླིང་བུ་མ་སོགས་འདུས་པ་དང ། །སྒོ་སྲུང་མ་སོགས་འདུས་པ་སྟ། །མེ་ཏོག་མ་སོགས་འདུས་ནས་ཀྱང ། །རྩ་བའི་དཀྱིལ་འཁོར་ལ་བསྐྱེད་འདོད། །ཅེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །རྡོ་རྗེ་ཉི་མའི་དཀྱིལ་འཁོར་སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ོ་ཡིག་ཐིག་ལེ་དང་ལྡན་པ། །དེ་བཞིན་བདེན་བྲལ་ཕྱི་རོལ་པ། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་བཞི་པ་གང་ཡིན་དང ། །ཡི་གེ་ཨི་དང་མཉམ་ལྡན་པའི། །བྱང་གི་ཐ་མར་འགྱུར་བར་བྱ། །ཡི་གེ་ཨུ་ཡིག་དང་ལྡན་པའི། །བདེན་བྲལ་ཕྱི་རོལ་པ་ཡིན་ཏེ། །དབུས་ལས་བཞི་པ་གང་ཡིན་དང ། །ཐིག་ལེ་ཨུ་ཡིག་དང་ལྡན་པའི། །རླུང་མཚམས་
327a
༄#། །ཕྱི་རོལ་པ་འགྱུར་ཏེ། །རྟ་མཆོག་རྒྱལ་པོ་ཆེན་པོ་ཡི། །ཐམས་ཅད་དུས་སུ་བཟླ་བར་བྱ། །ལས་རྣམས་ཐམས་ཅད་འགྲུབ་པ་ནི། །འཇོམས་པ་ལས་གྲུབ་དྲན་ལས་དགའ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པར། །དེ་བཞིན་དབུས་ལས་དབུ་མ་པ། །སྒྲ་ཡིག་ཨི་དང་སྦྱོར་བར་བྱ། །དབང་ལྡན་ཕྱི་རོལ་དེ་བཞིན་ཏེ། །དབུས་ལས་དབུ་མ་དང་ལྡན་བྱ། །དབུས་ལས་དབུ་མ་དེ་བཞིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་ཡང་ཡིན་ཏེ། །བྱང་ལས་བཞི་པ་གང་ཡིན་དང ། །མེ་མཚམས་པ་ཡི་མཉམ་གནོན་པའི། །དབུས་ལས་ཐ་མ་འགྱུར་ལྡན་བྱ། །ལྷོ་ལས་དབུ་མ་ཡང་ཡིན་ཏེ། །ཚེག་དྲག་ཨེ་ཡིག་ལྡན་པ་ནི། །སྣ་ཚོགས་པདྨོ་ཞེས་སུ་གྲགས།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ོ་ཡིག་ཐིག་ལེ་དང་ལྡན་པར། །ི་ཡིག་དང་ནི་མཉམ་ལྡན་པའི། །དབུས་ལས་དབུ་མ་ཡང་ཡིན་ཏེ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་ལྡན་པར་བྱ། །དབུས་ལས་དབུ་མ་དེ་བཞིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །བདེན་བྲལ་ཕྱི་རོལ་བཟུང་བ་དང ། །དབུས་ལས་དབུ་མ་ལྡན་པ་ཡི། །བྱང་ལས་དང་པོ་འགྱུར་པར་བྱ། །ཚེག་དྲག་དང་ནི་མཉམ་ལྡན་པའི། །རླུང་མཚམས་ཕྱི་རོལ་པ་ཡང་ཡིན། །རྟ་ཡི་རྒྱལ་པོའི་དཀྱིལ་འཁོར་ལ། །
327b
སྣ་ཚོགས་རྡོ་རྗེ་ཞེས་གྲགས་སོ། །གང་དང་གང་གི་དབུས་ལ་ནི། །རྟ་མཆོག་འདི་ནི་གཞག་བྱ་ན། །དེ་ཉིད་དེ་ནི་དཀྱིལ་འཁོར་ཡིན། །ཡུལ་འཁོར་ཐམས་ཅད་འདུལ་བའོ། །ཞེས་བཅོམ་ལྡན་འདས་ཐོགས་མེད་ཤིན་ཏུ་དགའ་བ་དཔལ་རྡོ་རྗེ་སེམས་དཔས་གསུངས་ཏེ། རྟ་མཆོག་གི་དཀྱིལ་འཁོར་ལ་སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས། སྔགས་འབྱུང་བའི་རྟོག་པ་སྟེ་ཉི་ཤུ་པའོ།། །།དེ་ལ་ཇི་ལྟར་ཤིན་ཏུ་དགའ་བ་ཉིད་ཡིན་ཞེ་ན། སྐྱོན་མེད་རྟག་པ་གཏན་དུ་ནི། །འདོད་ཆགས་ཐམས་ཅད་རྗེས་ཆགས་ཕྱིར། །དེ་ཉིད་གསང་བ་བཅོམ་ལྡན་འདས། །འདོད་ཆགས་ཆེན་པོ་དགའ་བ་ཆེ། །ཞེས་སོ། །ཇི་ལྟར་བཅོམ་ལྡན་འདས་ཀུན་ཏུ་བཟང་པོ་ཡིན་ཞེ་ན། གཏན་དུ་དགའ་བ་ཀུན་གྱི་མཆོག་།གདོད་ནས་གྲོལ་བ་དེ་བཞིན་གཤེགས། །ཀུན་ཏུ་བཟང་པོ་ཀུན་གྱི་བདག་།བྱང་ཆུབ་སེམས་མཆོག་ཆོ་གའོ། །དེ་ཇི་ལྟར་བཅོམ་ལྡན་འདས་དཔལ་རྡོ་རྗེ་སེམས་དཔའི་གཙོ་བོ་ཡིན་ཞེ་ན། དངོས་གྲུབ་ཆེན་པོ་ཀུན་གྱི་མཆོག་།དབང་ཕྱུག་ཆེ་མཆོག་ཕྱག་རྒྱ་ཡིས། །རྡོ་རྗེ་དབང་ཆེན་ཐུགས་ཀར་བསྒྱུར། །རྡོ་རྗེ་སྙིང་པོ་གཙོ་བོའི་གཙོ། །དམ་པའི་དང་བོ་སྐྱེས་བུའོ། །དེ་ལ་ཇི་ལྟར་བཅོམ་ལྡན་འདས་ཐམས་ཅད་ཀྱི་སེམས་ཉིད་ཡིན་ཞེ་ན། བསམ་མེད་རྒྱ་ཆེན་ཟབ་པ་ནི། །དངོས་གྲུབ་ཐམས་ཅད་ཟད་མེད་བདེ། །ཀུན་གྱི་དྲི་མ་མེད་པ་ནི། །བྱང་ཆུབ་སེམས་བདག་བརྟན་པ།
328a
༄#། །ཡིན། །དེ་ནས་དེའི་ཡོངས་སུ་ལས་ཀྱི་ཁྱད་པར་ནི། སེམས་བརྟན་ཉིད་ཀྱིས་སེམས་དཔའ་སྟེ། །ཏིང་འཛིན་སེམས་དཔའ་སྒོམ་པ་འོ། །རྣམ་པར་ཤེས་པ་སེམས་དཔའ་སྟེ། །རྡོ་རྗེ་ཉིད་ཡིན་རྡོ་རྗེ་ལས། །རྡོ་རྗེ་འཛིན་པ་འབྱུང་བའོ། །རྡོ་རྗེ་རྡོ་རྗེ་ཞེས་གསུངས་ནི། །ཉོན་ཅིག་རྡོ་རྗེ་གང་གསུངས་པ། །ཟླ་བ་འདྲ་བར་ཡང་དག་བློ། །རྡོ་རྗེ་ཞེས་སུ་རྣམ་པར་བཤད། །དེ་ལ་ཇི་ལྟར་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཡིན་ཞེ་ན། ཏིང་འཛིན་ལ་སོགས་རྣམ་བཞི་ཡིས། །གང་གི་བསྐྱེད་པ་ཡོད་བསྒོམས་ན། །བསྒོམས་ན་ཐམས་ཅད་བདག་ཉིད་དུ། །ཚེ་འདི་ཉིད་ལ་འགྲུབ་པར་འགྱུར།། སེམས་དཔའི་བྱིན་གྱིས་བརླབས་སྦྱོར་ཡང ། །རང་བྱིན་བརླབ་འདི་གྲུབ་མཆོག་སྟེ། །དེ་ཉིད་ཉིན་རེ་གྲུབ་པ་ནི། །རྡོ་རྗེ་སེམས་དཔའ་ཉིད་འཐོབ་བོ། །དེ་ལ་ཇི་ལྟར་བཅོམ་ལྡན་འདས་ཀུན་ཏུ་བཟང་པོའི་སྤྱོད་པ་ཡིན་ཞེ་ན། གསུངས་པ། སྙིང་སྟོབས་རྡུལ་དང་མུན་པ་ཡང ། །ཅི་ཕྱིར་སེམས་ཅན་དོན་དུ་འགྱུར། །དེ་ཕྱིར་ཀུན་ཏུ་བཟང་པོ་ཡི། །ཇི་བཞིན་བྱང་སེམས་སྤྱོད་ཅེས་འགྲོ། །དེ་ལ་ཇི་ལྟར་བཅོམ་ལྡན་འདས་བདུད་དང་བདུད་ལས་རྒྱལ་པ་ཡིན་ཞེ་ན། སེམས་དེ་ཁོ་ན་བདུད་ཡིན་ཏེ། །སེམས་དེ་ཁོ་ན་དེ་བཞིན་གཤེགས། །རང་སེམས་འདུལ་བའི་དོན་དུ་ནི། །བདག་གི་བདུག་ཉིད་ཉེ་བར་འགྲོ།། དེ་ལ་ཇི་ལྟར་བཅོམ་ལྡན་འདས་མངོན་པར་བྱང་ཆུབ་དང་སངས་རྒྱས་ཡིན་ཞེ་ན། རང་སེམས་སོ་སོར་འབིགས་པ་ནི། །བྱང་ཆུབ་སེམས་མཆོག་རྡོ་རྗེ་ཉིད། །དེ་ཉིད་དེ་ལས་དེ་སངས་རྒྱས། །རང་བྱིན་
328b
བརླབ་མཆོག་བསྒོམས་ཕྱིར་རོ། །དེ་ལ་ཇི་ལྟར་བཅོམ་ལྡན་འདས་རྡོ་རྗེ་གཏུམ་མོ་མཐར་བྱེད་དང ། ཕྱག་ན་རྡོ་རྗེ་ཡིན་ཞེ་ན། །དབྱེར་མེད་སོ་སོར་འབིགས་པ་ནི། །སྡང་བ་ཐམས་ཅད་ངེས་པར་གནོན།། སངས་རྒྱས་ཀུན་དངོས་རྡོ་རྗེ་ནི། །བྱང་ཆུབ་སེམས་རྣམས་བསྟན་པ་ཡིན། །བརྟན་པ་ཐམས་ཅད་འགྲུབ་དོན་དུ། །རྒྱལ་བ་བདག་གིས་ཀུན་བཟང་གིས། །ཕྱག་ལ་ཕྱག་མཚན་དེ་བྱིན་ཏེ། །དེས་ནི་ཕྱག་ན་རྡོ་རྗེ་ཡིན། །དེ་ལ་ཇི་ལྟར་དང་པོའི་རིགས་འབྱུང་བ་ཡིན་ཞེ་ན། མ་ནི་ཤེས་རབ་ཕ་རོལ་ཕྱིན། །ཕ་ནི་ཐབས་ལ་མཁས་པ་སྟེ། །འདུལ་ཕྱིར་རྡོ་རྗེ་སེམས་དཔའ་ནི། །སྐྱེ་བ་བདག་ནི་རིགས་ཡིན་ནོ། །དེ་ལ་ཇི་ལྟར་བཅོམ་ལྡན་འདས་འདོད་པའི་ཐར་པ་ཡིན་ཞེ་ན། དངོས་གྲུབ་ཐམས་ཅད་རྗེས་ཆགས་ཕྱིར། །འདོད་ཆགས་ཆེན་པོ་བཅོམ་ལྡན་འདས། །ཀུན་གྲུབ་ཟད་མེད་བདེ་བ་ཡིན། །བདེ་བ་ཆེན་པོ་ཞེས་འདོད་དོ། །གསང་བ་ཁྲག་འཐུང་ཞེས་བྱ་སྟེ། །ཕྱག་རྒྱ་ཆེན་པོ་འགྲུབ་པའི་ཕྱིར། །མཆོག་ནི་པདྨ་འཛིན་རྒྱལ་པོ། །དམ་ཚིག་དམ་པ་ཤེས་ལྡན་ཕྱིར། །དགྱེས་པ་དམ་པ་ཉི་མ་སྟེ། །སྦྱིན་པ་ལ་སོགས་མཆོག་གྲུབ་ཕྱིར། །ཐམས་ཅད་བདག་ཉིད་རྟག་ཏུ་བཞུགས། །རྡོ་རྗེ་རྟ་མཆོག་ལས་ཉིད་ཕྱིར། །སངས་རྒྱས་ཀུན་དངོས་སེམས་དཔའ་སྟེ། །རྫོགས་སངས་རྒྱས་ཕྱིར་རྣམ་སྣང་མཛད། །རྡོ་རྗེ་སེམས་དཔའ་རྒྱལ་ཆེན་པོ། །ཡེ་ཤེས་རྡོ་རྗེ་འཛིན་མཆོག་ཕྱིར། །དེ་ལ་ཇི་ལྟར་བཅོམ་ལྡན་འདས་རྣམ་པ་གསུམ་ཉིད་ཡིན་ཞེ་ན། །འཇིག་རྟེན་གསུམ་དག་མཐའ་ཡས་ཕྱིར། །འདུལ་ཕྱིར་སྲིད་
329a
༄#། །གསུམ་མཆོག་གསུམ་བདག་།ཐམས་ཅད་ཉིད་ཕྱིར་དཀོན་མཆོག་གསུམ། །འཇིག་རྟེན་གསུམ་བདག་ཁམས་གསུམ་ཡིན། །དེ་ལ་ཇི་ལྟར་བཅོམ་ལྡན་འདས་ཐམས་ཅད་ཉིད་ཡིན་ཞེ་ན། སེམས་ཅན་བསོད་ནམས་ཆེར་འཕགས་ཕྱིར། །མི་གཡོ་ཐམས་ཅད་ཁོ་ན་བདག་།སེམས་འདུ་འབྲལ་ཕྱིར་གཡོ་བ་སྟེ། །ཀུན་བྱེད་ཐམས་ཅད་ཁོ་ནའི་ཕྱིར། །མཁའ་འགྲོ་མ་བདག་ལྷ་མོར་གསུངས། །ཐམས་ཅད་མཛད་པས་སྐལ་བ་བཟང ། །རྣམ་པར་རྟོག་པས་སྐལ་ངན་པར། །བརྡ་ཡི་མཚན་མར་གསུངས་པའོ། །དེ་ལ་ཇི་ལྟར་བཅོམ་ལྡན་འདས་དང་པོའི་སྙིང་པོ་དབྱངས་འབྱུང་བའི་ཡེ་ཤེས་ཀྱི་རྒྱུད་ཡིན་ཞེ་ན། གཏན་དུ་སྲིད་པ་ཡང་དག་འགྲུབ། །དབང་ཕྱུག་ཆེན་པོ་འགྲུབ་བ་དོན་དུ། །དཔའ་བོའི་དངོས་གྲུབ་ཀུན་དོན་དུ། །བསྐལ་པའི་དང་པོ་བཅོམ་ལྡན་གསུངས། །འདོད་ཆགས་ཆེན་པོའི་ཕྱིར་བཅོམ་ལྡན། །དམ་པ་ཟད་མེད་ཤིན་ཏུ་དགའ། །གསང་ཉིད་ཕྱིར་ནི་སྙིང་པོའི་དབྱངས། །ཧཱུཾ་ཡིག་དམ་པ་ཟད་མེད་པའོ། །དེ་ལ་ཇི་ལྟར་ཉེ་བའི་སྙིང་པོ་དེ་ཉིད་ཀྱི་ཡེ་ཤེས་ཡིན་ཞེ་ན། དཀྱིལ་འཁོར་དག་ནི་དམན་པ་དང ། །དམ་ཚིག་དག་ནི་སྤངས་པ་དང ། །དེ་ཉིད་གསང་བ་མི་ཤེས་པས། །རྡོ་རྗེ་སེམས་དཔའ་འགྲུབ་པ་མིན། །འདོད་པ་བཅོམ་ལྡན་སེམས་དཔའ་སྟེ། །དེ་ཁོ་ན་ནི་འདོད་ཆགས་ཡང ། །རྡོ་རྗེ་ཕྱག་ན་རྡོ་རྗེ་ནི། །ཆགས་བྲལ་དེ་དང་འགྲུབ་བ་མིན། །ལིངྒ་འགྲེང་བར་རང་བྱུང་སྟེ། །བརླ་ཡི་སྟེང་དུ་བཞུགས་བྱས་ནས། །ལིངྒ་
329b
མཆོད་རྟེན་བྱིན་བརླབས་ཏེ། །རྡོ་རྗེ་དབྱིངས་ནི་རང་བདག་འགྱུར། །ལིངྒ་འགྲེང་བར་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིངྒ་རྡོ་རྗེར་བྱིན་བརླབས་ཏེ། ཁྲག་འཐུང་ཞེས་བདག་སྔོན་སྐྱེའོ། །ལིངྒ་འགྲེང་པར་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིངྒ་པདྨར་བྱིན་བརླབས་ཏེ། །དག་པའི་ཆོས་བདག་སྔོན་སྐྱེའོ། །ལིངྒ་འགྲེང་བར་རང་བྱུང་སྟེ། །བརླ་ཡི་སྟང་དུ་བཞུགས་ནས་སུ། །ལིངྒ་རིན་ཆེན་བྱིན་བརླབས་ཏེ། །རྡོ་རྗེ་ཉི་མར་བདག་སྔོན་བསྐྱེད། །ལིངྒ་འགྲེང་བར་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིངྒ་སྣ་ཚོགས་བྱིན་བརླབས་ཏེ། །རྟ་མཆོག་དག་ནི་སྔོན་སྐྱེ་འོ། །བྷ་གར་ལིངྒ་བཅུག་བྱས་ཏེ། །དེར་ནི་ཁཾ་ཡིག་བསྒོམ་པར་བྱ། །རྣམ་པར་སྣང་མཛད་གཟུགས་དག་འོད། །སྐུ་གཉིས་ལྡན་པ་སྤྲོ་བར་བྱ། །བྷ་གར་ལིངྒ་བཅུག་ནས་ནི། །དེ་ལ་ཧཱུཾ་ཡིག་བསྒོམ་པར་བྱ། །ཤིན་ཏུ་དགའ་འདྲའི་གཟུགས་དག་ནི། །སྐུ་གཉིས་ལྡན་པའི་སྤྲོ་བྱའོ། །བྷ་གར་ལིངྒ་བཙུག་ནས་སུ། །དེ་ལ་ཧྲཱི་ཡིག་བསྒོམ་པར་བྱ། །ཁྲག་འཐུང་འདྲ་བའི་གཟུགས་དག་ནི། །སྐུ་གཉིས་ལྡན་པར་སྤྲོ་བྱ་འོ། །བྷ་གར་ལིངྒ་བཅུག་ནས་སུ། །དེ་ལ་བྷ་ཡིག་བསྒོམ་པར་བྱ། །པདྨ་འཛིན་འདྲའི་གཟུགས་དག་ནི། །སྐུ་གཉིས་ལྡན་པར་སྤྲོ་བྱ་འོ། །བྷ་གར་ལིངྒ་བཅུ་གནས་སུ། །དེ་ལ་ཏྲཾ་ཡིག་བསྒོམ་པར་བྱ། །ཉི་མ་འདྲ་བའི་གཟུགས་དག་ཡོད། །སྐུ་གཉིས་ལྡན་པར་སྤྲོ་བྱའོ། །བྷ་གར་ལིངྒ་བཅུག་ནས་སུ། །དེ་ལ་ཧཱུཾ་ཡིག་བསྒོམ་པར་བྱ། །ཧཱུཾ་མཛད་འདྲ་བའི་གཟུགས་དག་ནི། །སྐུ་གཉིས་ལྡན་
330a
༄#། །པར་སྤྲོ་བྱའོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ཉིད་གསང་བ་གསང་ཆེན་ཡང ། །སྙིང་པོ་ཡོངས་སུ་གྲགས་ལ་ཡིན། །སྙིང་པོས་རྗེས་སུ་འགྲུབ་པ་ནི། །ཉེ་བའི་སྙིང་པོར་ཡོངས་གྲགས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས། གསང་བ་སྒྲུབ་པའི་རྟོག་པ་སྟེ་ཉི་ཤུ་རྩ་གཅིག་པའོ།། །།དེ་ལ་ཇི་ལྟར་བཅོམ་ལྡན་འདས་བདེ་བ་ཆེན་པོ་དང ། རྡོ་རྗེ་དོན་ཡོད་པའི་དམ་ཚིག་གི་རྒྱུད་ཡིན་ཞེ་ན། ཀུན་འགྲུབ་ཟད་མེད་བདེ་བ་ནི། །དེ་ནི་རྡོ་རྗེ་འགྲུབ་པ་སྟེ། །དོན་ཡོད་དམ་ཚིག་འདའ་དཀའ་ཡིན། །དེ་ལ་ཇི་ལྟར་བཅོམ་ལྡན་འདས་དཀྱིལ་འཁོར་གྱི་དོན་ཡིན་ཞེ་ན། ཇི་ལྟར་གནས་སུ་གང་འཁོར་ལོ། །དེ་ལྟར་སྔེ་དང་འགྲོ་བ་བཞིན། །འཁོར་དང་ཡང་དག་འཇུག་འགྱུར་བ། །དེ་འདྲའི་དཀྱིལ་འཁོར་བསྐྱེད་མཆོག་ཡིན། །དེ་ལ་ཇི་ལྟར་བཅོམ་ལྡན་འདས་རྣམ་སྨིན་གྱི་རྒྱུ་ཡིན་ཞེ་ན། རྡོ་རྗེ་སེམས་དཔའ་སོགས་ལྷ་ཡི། །དཀྱིལ་འཁོར་མངོན་སུམ་མཐོད་བ་ལས། །ཇི་འདྲ་རྟག་པའི་བསོད་ནམས་སུ། །ཕྱི་ནི་དེ་བཞིན་བྲི་བྱའོ། །དེ་ལ་ཇི་ལྟར་ཐིག་གདབ་པའི་ཆོ་ག་ཤེས་པ་ཡིན་ཞེན། མཁས་པས་དཀྱིལ་འཁོར་བྲི་བྱ་ན། །མཚམས་ཀུན་མཉམ་པོར་འདྲེན་པར་བྱ།། ཤར་དང་ནུབ་དང་བྱང་སོགས་ཕྱོགས། །ཐིག་སྐུད་བཞི་བ་རེའུ་མིག་བརྒྱད། །དཀྱིལ་འཁོར་ཟླུམ་པོ་སངས་རྒྱས་ཀྱི། །རྡོ་རྗེ་ཅན་གྱི་ཟླ་གམ་བཞིན། །པདྨ་པདྨའི་ཚུལ་ཡིན་ཏེ། །རིན་ཆེན་ཚུལ་ནི་རིན་
330b
ཆེན་གྱི། །སྣ་ཚོགས་གྱི་ནི་ཟླུམ་པོར་གསུངས། །ཇི་ལྟར་འདོད་པ་ཅི་བདེ་བས། །ནང་གི་དཀྱིལ་འཁོར་དང་ལྡན་པ། །རེའུ་མིག་བརྒྱད་པར་འདོད་པའོ། །ཕྱི་ཡི་དཀྱིལ་འཁོར་དབུས་གནས་པར། །ནང་གི་དཀྱིལ་འཁོར་དུ་ནི་འདོད། །རེའུ་མིག་བརྒྱད་ཀྱི་དབུས་གནས་པས། །གཙོ་བོའི་དཀྱིལ་འཁོར་འདོད་པ་ཡིན། །ཞེས་དཔལ་རྡོ་རྗེ་སེམས་དཔས་གསུངས་སོ། །དེ་ལ་ཇི་ལྟར་རྟོག་པའི་དངོས་གྲུབ་དམ་པ་ཡིན་ཞེ་ན། ཇི་ལྟར་བདེན་པར་དཀྱིལ་འཁོར་བདག་།གང་གིས་རྟོགས་པར་ནུས་པ་ནི། །གང་གིས་ཡི་དམ་ལྷར་སྦྱོར་པས། །གྲུབ་པའི་དཀྱིལ་འཁོར་ལྡོག་པ་ཡིན། །བྲིས་སྐུ་བྲིས་པའི་སྦྱོར་བ་ཡི། །རང་སེམས་བྲིས་པར་སྦྱོར་པ་ཡིན། །ལྷག་ཆད་ཆོ་གར་གྱུར་ན་ཡང ། །བསྒྲུབ་སྟེ་སྐྱོན་དུ་མི་འགྱུར་རོ། །དེ་ལ་ཇི་ལྟར་གསང་བ་ལྔའི་དེ་ཉིད་ཡིན་ཞེ་ན། སེམས་དཔའ་དང་པོ་གདོད་མ་མེད། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་གྱི་བདག་།རྡོ་རྗེ་སྙིང་པོ་གཙོ་བའི་གཙོ། །གདོད་མ་ཐ་མ་མེད་ཕྱིར་ཡང ། །དམ་པའི་དང་པོ་ཞེས་འདོད་དོ། །འཁོར་ལོ་ཀུན་གྱི་གཙོ་ཕྱིར་ནི། །དམ་པ་དམ་པའི་དབང་ཕྱུག་ཡིན། །དེ་ལ་ཇི་ལྟར་བཅོམ་ལྡན་འདས་གང་ལགས། ཅི་འདྲ་བ་ཡིན་ཞེ་ན། འདོད་པ་ཆེན་པོ་ཀུན་གྱི་མཆོག་།འདི་བདེ་བས་ན་འཛུམ་པ་ཆེ། །རྟག་པར་འཛུམ་པའི་བདེ་བ་དེས། །དམ་པ་བཅོམ་ལྡན་འགྱུར་བ་ཡིན། །དེ་ནས་དེ་ཡི་ཟླ་མདོག་ནི། །དམ་པ་ཡིག་འབྲུ་གྲུབ་ཉིད་ཕྱིར། །ཆོས་རྣམས་ཐམས་ཅད་དག་ཕྱིར་དང ། །གསང་བ་དེ་ཉིད་རྣམ་དག་ཕྱིར། །རྡོ་རྗེ་འཛིན་དེ་ཟླ་བའི་མདོག་།དེ་ནས་དེའི་སྣ་
331a
༄#། །ཚོགས་དམར་བའི་འོད་འབར་བ་ནི། ཅིའི་ཕྱིར་བཅོམ་ལྡན་འདོད་ཆགས་ཆེ། །འདོད་ཆགས་ཀུན་ལ་རྗེས་ཆགས་ཕྱིར། །རྡོ་རྗེ་སེམས་དཔའ་དེ་ཉིད་ཀྱང ། །སྣ་ཚོགས་དམར་པོ་འབར་བའི་འོད། །དེ་ལ་ཇི་ལྟར་དབང་བསྐུར་བའི་ཤེས་པ་ཡིན་ཞེ་ན། ཐོད་ཕྲེང་དབུ་རྒྱན་ལས་གཞན་ནི། །ཁམས་གསུམ་ལ་ནི་དབུ་རྒྱན་མེད། །ཐོད་པའི་ཕྲེང་བའི་དབུ་རྒྱན་ནི། །རྡོ་རྗེ་སེམས་དཔའ་བདག་མངོན་བསྐྱེད། །ཁམས་གསུམ་ལས་ནི་རིན་ཆེན་གཞན། །སངས་རྒྱས་རིན་ཆེན་འདྲ་བ་མེད། །སངས་རྒྱས་ཐམས་ཅད་རིན་ཆེན་ཅེས། །དབུ་རྒྱན་དེ་ཡིས་རྡོ་རྗེ་འཛིན། དེ་ནས་ཇི་ལྟར་སེམས་དཔའི་སྐྱིལ་མོ་ཀྲུང་ཡིན་ཞེ་ན། ཡན་ལག་གཡས་པས་མཉམ་གནོན་པས། །གཡོན་པའི་ཡན་ལག་གཟིར་ནས་སུ། །དེ་ཡི་སེམས་དཔའི་སྐྱིལ་ཀྲུང་བཅས། །རྡོ་རྗེ་སྙིང་པོ་གཙོ་ཡི་གཙོ། །དེ་ནས་ཇི་ལྟར་རྡོ་རྗེ་སེམས་དཔའི་ལྷ་མོ་ལ་སོགས་པའི་དེ་བཞིན་ཉིད་ཀྱི་ཤེས་པ་ཡིན་ཞེ་ན། ཀུན་མཆོག་ཤིན་ཏུ་འབིགས་པས་ན། །དངོས་གྲུབ་ཐམས་ཅད་བདེ་བའི་མཆོག་།ཀུན་མཆོག་རྣམ་རྒྱལ་བཀྲ་ཤིས་པས། །ཐམས་ཅད་དབང་ཕྱུག་ཆེ་རུ་འཕགས། །འགྲུབ་རྣམས་དེ་བཞིན་ཕུན་སུམ་ཚོགས། །དགའ་བ་དེ་བཞིན་གཙོ་མོ་བདག་།རྡོ་རྗེ་ལྷ་མོ་ཚོགས་ཕྱག་རྒྱ། །རྡོ་རྗེ་སེམས་དཔའ་མཆོག་གཟུགས་ཡིན། །དེ་ནས་ཇི་ལྟར་དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོའི་དེ་ཉིད་ལྔ་ཡིན་ཞེ་ན། མེ་ལོང་ཁྲག་འཐུང་ཞེས་བྱ་
331b
རྣམས། །མཉམ་པ་ཉིད་ལ་གར་དབང་མཆོག་།སོ་སོར་རྟོག་ལ་ཉི་མ་སྟེ། །བྱ་བ་ལ་ནི་རྟ་མཆོག་དང ། །ཆོས་ཀྱི་དབྱིངས་ལ་སངས་རྒྱས་ནི། །ཐུབ་ཆེན་རྣམ་པར་སྣང་མཛད་དོ། །ཡེ་ཤེས་ལྔ་ཡི་བདག་ཉིད་ནི། །འདོད་ཆགས་ཆེན་པོ་བདེ་བ་ཆེ། །གཟུགས་དང་སྒྲ་དང་དེ་བཞིན་དྲི། །རོ་དང་རེག་དང་དེ་བཞིན་ཡང ། །རྡོ་རྗེ་སེམས་དཔའ་འདྲ་བར་ནི། །དེ་རྣམས་དེ་བཞིན་ཉིད་ཀྱིས་བསྙེན། །ཆོས་ཀྱི་དབྱིངས་ལ་འབྱུང་བ་ཡིས། །རྒྱ་ཆེར་དངོས་གྲུབ་སྟེར་བར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ནས་ཇི་ལྟར་ཕྱག་རྒྱ་དང ། ཕྱག་རྒྱའི་ཡན་ལག་གི་ཤེས་པ་ཡིན་ཞེ་ན། འཕྲོག་བྱེད་མ་དང་འཛིན་བྱེད་མ། །གཟུང་ཐར་མ་དང་ཚེ་སྦྱིན་མ། །ནམ་མཁར་འགྲོ་དང་ལྷ་མོ་དག་།མཁའ་འགྲོ་མ་དྲུག་རབ་ཏུ་གྲགས། །གང་གིས་སྐྲ་ནི་བསྟན་འགྱུར་ན། །དེ་ལ་དཔྲལ་བ་བསྟན་པར་བྱ། །མིག་ལ་སྟོན་པ་གང་ཡིན་པ། །དེ་ལ་ལྟེ་བ་བསྟན་པར་བྱ། །གང་གིས་ལྟེ་བ་བསྟན་པ་ན། །དེ་ལ་མཐུ་ནི་རབ་ཏུ་བསྟན། །གང་གིས་མ་མཆུ་རབ་བསྟན་ན། །དེ་ལ་སོ་ནི་རབ་ཏུ་བསྟན། །གང་གིས་ལྕེ་ནི་བསྟན་འགྱུར་ན། །དེ་ལ་གསུས་པ་བསྟན་པར་འགྱུར། །གང་གིས་བྷ་ག་བསྟན་གྱུར་ན། །དེ་ལ་ལིངྒ་བསྟན་པར་བྱ། །གང་གིས་རྗེ་ངར་བསྟན་ན། །དེ་ལ་བྲལ་ནི་བསྟན་པར་བྱ། །གང་གིས་བྲལ་ནི་བསྟན་གྱུར་ན། །དེ་ལ་རྐང་མཐིལ་བསྟན་པར་བྱ། །གང་གིས་རྐང་མཐིལ་བསྟན་ན་ནི། །དེ་ལ་སེན་མོ་བསྟན་པར་བྱ། །གང་གིས་མཚན་ཁུང་བསྟན་གྱུར་ན། །དེ་ལ་སྨིན་མ་བསྟན་པར་བྱ། །གང་གིས་
332a
༄#། །སྒྲ་སྒྲོག་བྱེད་གྱུར་ན། །དེ་ལ་ཚོ་ངེ་བྱ་བ་འོ། །གང་གིས་ཁ་ཡང་བསྟན་ན་ནི། །དེ་ལ་ཞགས་པ་བསྟན་པར་བྱ། །གང་གིས་གསལ་ཤིང་བསྟན་གྱུར་ན། །དེ་ལ་མདུང་ཐུང་བསྟན་པར་བྱ། །གང་གིས་སན་མོ་བསྟན་ན་ནི། །དེ་ལ་ནུ་མ་རབ་ཏུ་བསྟན། །གང་གིས་ཁུ་ཚུར་བསྟན་ན་ནི། །དེ་ལ་མཚམས་སུ་བསྟན་པར་བྱ། །གང་གིས་ལྕེ་ནི་བསྟན་གྱུར་ན། །དེ་ལ་བཤང་གཅིག་བསྟན་པར་བྱ། །གང་གིས་མི་སྡུག་གཟུགས་བྱེད་ན། །དེ་ལ་མཛེས་པའི་གཟུགས་བྱ་འོ། །གང་གིས་ཧེ་སྐད་བྱེད་འགྱུར་ན། །དེ་ལ་ལག་པ་བསྟན་པར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ནས་ཇི་ལྟར་མཁའ་འགྲོ་མ་རྣམས་ཀྱི་མཚན་མ་ཡིན་ཞེ་ན། ནད་པའི་མིག་གི་འབྲས་འདྲ་བ། །དཔྲལ་པར་ཏྲི་ཤུལ་དེ་མདུང་ཐུང ། །ཕྱིན་ལོག་མིག་དང་ཁྲོ་གཉེར་ཅན། །ནུམ་དག་ནི་མི་སྡུག་པ། །སྣ་ནི་རྣམ་པ་གཉིས་ཡིན་ཏེ། །གཙུག་གིས་བསྐོར་བ་ཤེས་བྱས་ཏེ། །རི་མོ་གསུམ་གྱིས་ཡོངས་སུ་བསྐོར། །དེ་ཡི་ཁྱིམ་གྱི་མཚན་མ་ནི། །ཏྲི་ཤུལ་ཆུང་དུ་མེ་ལོང་དང ། །རལ་གྲི་ཚུལ་དང་རྒྱལ་མཚན་དང ། །རྩེ་གཅིག་ཁྱིམ་གྱི་མཚན་མར་བསྟན། །འགྲོ་བར་གྱུར་ན་མཁའ་འགྲོ་མ། །འདི་འདྲའི་མཚན་མ་བསྟན་པར་བྱ། །གློ་བུར་མི་དགའ་བྱ་བ་དང ། །དོན་མེད་པར་ཡང་འཇུག་པའོ། །གང་པ་ལ་ཡང་རལ་གྲི་འགྱུར། །ཏྲི་ཤཱུ་ལ་དང་འདྲ་བའི་ཚུལ། །སྐད་དང་བྱ་རོག་འདྲ་བ་ཡིས། །དེ་ནི་རྟག་པར་འགྱུར་བའོ། །མཚན་ཉིད་དེ་དག་དང་
332b
ལྡན་པ། །དམ་པའི་མཁའ་འགྲོ་མ་ཞེས་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ལ་ཇི་ལྟར་ཐམས་ཅད་འགུགས་པའི་རྒྱུ་ཡིན་ཞེ་ན། རྟོགས་པ་ཐམས་ཅད་གསང་ཆེན་པོ། །རྡོ་རྗེ་ལྕགས་ཀྱུ་དྲིལ་བཅས་པས་བཀུག་ནས་དེ་ནས་བྱ་བ་ནི། །དྲིལ་བུ་རྗེས་སུ་དཀྲོལ་བ་འོ། །དེ་ལ་ཇི་ལྟར་མཆོད་པ་ཆེན་པོ་ཐམས་ཅད་ཀྱི་ཆོ་ག་ཡིན་ཞེ་ན། རྟོག་པ་ཐམས་ཅད་གསང་ཆེན་གྱི། །གང་གིས་དགའ་ནས་མཆོད་པ་ནི། །རྗེས་སུ་མཆོད་པ་དང་གཞན་ཡང ། །དབྱངས་དང་སིལ་སྙན་གར་གྱི་ཡིན། །དེ་ལ་ཇི་ལྟར་རང་གི་རིག་པའི་ལྷ་ཐམས་ཅད་སྒྲུབ་པ་ཆེན་པོའི་རྒྱུ་ཡིན་ཞེ་ན། རྟོག་པ་ཀུན་ལས་བསྒྲུབ་བྱ་ཀུན། །གཡོ་དང་མི་གཡོ་འགྱུར་བ་སྟེ། །རང་གི་ཡི་དམ་ལྷ་སྦྱོར་ནས། །ཐམས་ཅད་དེ་ནི་འགྲུབ་པར་བྱ། །དེ་ནས་ཇི་ལྟར་ཐམས་ཅད་རྗེས་སུ་འགྲུབ་པའི་རྒྱུ་ཡིན་ཞེ་ན། རྡོ་རྗེ་དྲིལ་བུ་འཛིན་གྱུར་ནས། །བཟླས་པའི་དྲིལ་བུ་དཀྲོལ་བར་བྱ། །རྟོག་པ་ཐམས་ཅད་རྗེས་གྲུབ་པས། །མཆོག་གི་དང་པོ་འགྲུབ་པ་འོ། །དེ་ལ་ཇི་ལྟར་རྗེས་སུ་སྦྱོར་བ་དང་ལྡན་པའི་སྒྲུབ་པ་ཐམས་ཅད་ཀྱི་རྒྱུ་ཡིན་ཞེ་ན། ཨོ་ཡིག་ཐིག་ལེ་དང་ལྡན་པའི། །ནུབ་ལས་དང་པོ་ཡང་ཡིན་ཏེ། །ཤར་ལས་དང་པོ་བཟུང་ནས་སུ། །ལྕི་བར་ཨི་ཡིག་ལྡན་པར་བྱ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །ལྷོ་ལས་དབུ་མ་བཟུང་པ་ལ། །ཚེག་དྲག་ཡང་དག་ལྡན་པར་བྱ། །ཐེ་ཚོམ་མེད་པར་དེ་ལས་འདིས། །རྗེས་སུ་སྦྱོར་བར་ལྡན་པར་འགྱུར། །ལྷོ་ལས་དང་
333a
༄#། །པོར་བཟུང་ནས་སུ། །གཉིས་པ་ལ་ནི་ལྡན་པར་བྱ། །ནན་ཏན་གྱིས་ནི་ཨི་ཡིག་སྦྱོར། །སྐད་ཅིག་མ་ལས་གཅོད་འགྱུར་རོ། །དེ་ཉིད་ཐིག་ལེ་དང་ལྡན་བས། །བྱང་ལས་དབུ་མ་ཡང་ཡིན་ཏེ། །དེ་ཉིད་ལན་གཉིས་བརྗོད་པར་བྱ། །རླུང་མཚམས་ཕྱི་རོལ་པ་ལ་ཡང ། །ཐིག་ལེ་ཨུ་ཡིག་ལྡན་པར་ནི། །དྲུག་པར་ཡོངས་སུ་གྲགས་པ་ཡིན། །དབུས་ལས་གཉིས་པ་གང་ཡིན་པ། །ནུབ་ལས་དང་པོ་ཡང་ཡིན་ཏེ། །དེ་ནི་ཨ་མེད་ཤེས་བྱ་སྟེ། །སྐད་ཅིག་མས་ནི་བདུད་རྩི་འགྲུབ། །ོ་ཡིག་ཐིག་ལེ་དང་ལྡན་པར། །ཡི་གེ་ཨུ་ཡིག་མཉམ་ལྡན་བའི། །དབང་ལྡན་ཕྱི་རོལ་པ་ཡང་བྱ། །མེ་མཚམས་ཕྱི་རོལ་པ་བཟུང་ནས། །ཡི་གེ་ཨེ་དང་མཉམ་ལྡན་པ། །ཤར་གྱི་དང་པོ་ལྡན་པར་བྱ། །ཚེག་དྲག་ཨུ་ཡིག་ལྡན་པ་ཡི། །དབུས་ཀྱི་ཐ་མ་ལྡན་པར་བྱ། །ཐམས་ཅད་ཀྱི་ནི་སྒྲུབ་བྱེད་པ། །ཁྲག་འཐུང་ཞེས་པ་འབྱུང་བ་འོ། །ཇི་ལྟར་འདོད་པ་བསྒྲུབ་བྱ་འགྲུབ། །དེ་ནས་ཕྱི་ན་ཅི་འདོད་པར། །ཅི་འདོད་འདོད་པ་བྱ་བ་ཡིས། །ཀུན་བཟང་ཀུན་བྱེད་དེ་བཞིན་ཏེ། ། ལངས་པ་འམ་ནི་འདུག་པ་འམ། །འགྲོ་བ་ཡིས་སམ་འགྲེང་བ་འམ། །བཞད་པ་དང་ནི་སྨྲ་བ་ལ། །གང་དང་དེ་རུ་ཅི་དེ་བཞིན། །གང་དང་དབང་པོའི་ལས་ཉིད་པས། །གང་གང་དེ་དེའི་རང་བཞིན་དུ། །རང་གི་མཉམ་གཞག་མེད་སྦྱོར་བས། །རང་གི་རིག་པའི་ལྷ་འདྲེན་ནོ། །དེ་ཉིད་སྦྱོར་བ་དེ་ཡིས་ནི། །ཐམས་ཅད་ཁོ་ན་འགྲུབ་པ་འོ། །སངས་རྒྱས་ཀུན་དངོས་ཐམས་ཅད་ནི། །རྟག་ཏུ་མཐོང་
333b
ན་རབ་ཏུ་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །མཁས་པ་གང་ཞིག་དད་པས་ཀློག་།དེ་ནི་ཉེས་པ་རྣམ་གྲོལ་ཏེ། །དངོས་གྲུབ་ཐམས་ཅད་དབང་ཕྱུག་འགྱུར། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས་རྗེས་སུ་སྦྱོར་བ་དང་ལྡན་པ་སྒྲུབ་པའི་རྟོག་པ་སྟེ་ཉི་ཤུ་རྩ་གཉིས་པའོ།། །།དེ་ལྟར་སྣ་ཚོགས་རྗེས་སུ་ཆགས་པའོ། དགའ་བ་པདྨ་རྣམ་དག་ཆེ་བ་ཡིས། །གསལ་བར་རྗེས་སུ་གཙང་བ་དམ་པ་རྟག་པར་སྦྱིན་པ་ཡིས་།དམ་པ་བདེ་བའི་དངོས་པོས་དམ་ཚིག་བདག་ལ་བདེ་བ་རྗེས་སུ་སྒྲུབ། །དམ་པའི་དགའ་བ་ཤིན་ཏུ་སྦྱོར་བ་སྐལ་བཟང་དམ་པ་ཤིན་ཏུ་དགའ། །རང་བཞིན་གྱིས་ནི་རང་བཞིན་དག་པ་རྟག་ཏུ་རྗེས་སུ་འགྲུབ་པའི་རང་བཞིན་དངོས། །དམ་པ་དགའ་བ་ལ་སོགས་སྦྱོར་བའི་སྐལ་བཟང་དམ་པ་ཤིན་ཏུ་དགའ་བའི་རང་བཞིན་འགྲུབ་པ་འོ། །དག་པ་རྗེས་སུ་འགྲུབ་པའི་རང་བཞིན་ཁོ་ན་སོ་སོ་རྗེས་སུ་གྲུབ་པ་བདེ་བ་ལས། དམ་པའི་གསང་ཆེན་རྒྱུད་ཕྱི་མའི་ཕྱི་མ་འདི་ཡོངས་སུ་རྫོགས་སོ།། །། བདག་གི་འདི་ནི་དང་བའི་སྙིང་པོ་མཆོག་།བདེ་བ་ཆེན་པོ་མཆོག་གི་མཆོག་འགྱུར་མཐུ་ཆེན་པོ། །ཀུན་མཆོག་འབྱུང་བའི་སེམས་ཅན་རྟག་པ་ཅི་ཡི་ཕྱིར། །ཀུན་མཆོག་ས་ཡི་དབང་པོ་ཉིད་ནི་སྦྱོར་བ་པོ། །མཐའ་ཡས་ཐོབ་མེད་ཐོགས་པ་མེད་པའི་ཕྱིར། །ཚུལ་ཆེན་པོ་ཡི་ཆེན་པོ་ཐམས་ཅད་ཀྱི། །མཁའ་དང་འདྲ་བའི་མཆོག་གི་དངོས་གྲུབ་འཕེལ་བ་སྦྱིན། །ག་དོད་མ་ཐ་མ་མེད་གང་གིས། །རྫོགས་
334a
༄#། །བྱེད་མེད་པ་ནུས་མ་ཡིན། །སེམས་ཅན་ལེ་ལོ་ཅན་དང་ཉུང་ཙམ་འདོད་པ་དང ། །མི་དད་པ་དང་ལྐོག་སྨྲ་བ་དང་མ་དག་པ། །རྟ་ཏུ་རྗེས་སུ་ཆགས་དང་ཆགས་བྲལ་དགའ་བ་དང ། །དེ་རྣམས་ཕན་པའི་དོན་རྫོགས་པའི་དོན་འདི་ཡིན་ནོ། །གང་གི་ཁྱིམ་དུ་བཟུང་བ་གང་གིས་གྱུར་པ་དང ། །བདག་གིས་ཇི་ལྟར་སྟོན་པ་སྒྲུབ་པར་བྱེད་བའམ། །མཐུ་ཡིས་ཐམས་ཅད་སོ་སོར་མངོན་དུ་གྱུར་པ་སྟེ། །དངོས་གྲུབ་མཆོག་གིས་རྒྱུས་པའི་ལས་དག་མི་འགྲུབ་པ་འོ། །གང་གིས་གྲུབ་པ་རྡོ་རྗེ་འཛིན་ཞེས་སོགས་པ་དང ། །གཟུགས་སོགས་ཐམས་ཅད་འདི་ལ་ཇི་ལྟར་མོས་པ་བཞིན། །ཡི་གེ་ཧཱུཾ་ཡང་ཇི་ལྟར་རབ་ཏུ་འདོད་པར་བྲིས་བྱས་ན། །དེས་ནི་འདོད་པ་དངོས་གྲུབ་ཆོ་ག་བཞིན་དུ་འཐོབ། །སེམས་ཅན་དོན་དུ་ལས་དག་བྱེད་པ་མ་ཡིན་པས། །རྒྱལ་བ་དག་གིས་རྣམ་པར་དག་འདི་ལ། །བགེགས་མེད་དེ་བཞིན་བདུད་ཀྱང་མེད་པ་སྟེ། །རྟོག་པ་ཡིས་ཀྱང་དངོས་གྲུབ་འཕེལ་སྟོབས་བྱིན་གྱིས་རློབས། །གང་གི་རྟོག་པ་མཆོག་ཆེན་འདི་སྒྲུབ་བྱེད་པ་ལ། །བདུད་ཉིད་དུ་ནི་མི་འགྲོ་མི་བརྟན་ཉིད་ཀྱང་མིན། །བརྟན་པའི་རྒྱུ་ནི་བདག་གིས་སྟོན་པར་མི་བྱེད་དེ། །མྱུར་བར་མཆོག་གི་མཆོག་ཉིད་འགྲུབ་ཕྱིར་བསྟན་པར་འགྱུར་བྱེད་དོ། །གང་གིས་བདག་གི་སྙིང་པོས་བདག་ལ་རྟག་ཏུ་གྲུབ་བྱེད་ནི། །མཆོག་ཆེན་དངོས་གྲུབ་དང་ནི་རྟག་པར་བདེ་ཆེན་དང ། །ཆགས་དང་ཤིན་ཏུ་དགའ་དང་བརྟན་དང་རྒྱས་པ་དང ། །ཡིག་ཆེན་ཡང་ནི་རྟག་
334b
པར་བདག་གིས་འགྲུབ་པར་བྱེད། །དེ་ནས་མཆོག་སྐྱེས་རྒྱལ་བ་ཐམས་ཅད་དགའ་ནས་སུ། །འཛུམ་པ་ཆེན་ཇོ་ཐམས་ཅད་ཁྱབ་པར་རྣམ་པར་འབྱེད། །ཀུན་བདག་དབྱིངས་ཀྱི་རྡུལ་ཕྲ་མཆོག་ཆེན་གཟུགས་དག་གིས། །ཀུན་ནས་དེ་ལ་ལེགས་པའི་སྒྲ་ནི་དབུལ་བར་བྱེད། །བདག་གིས་དབྱིངས་ཀུན་རྗེས་སུ་ཆེ་མཆོག་གཟུགས་ཀྱིས་སུ། །ཕན་མཆོག་གྱུར་པ་སངས་རྒྱས་ཀུན་གྱིས་ལེགས་སེ་ལེགས། །མཆོག་གི་རྡོ་རྗེ་ལས་བྱུང་ཁྱོད་ནི་ལེགས་སོ་ལེགས། །དམ་པའི་ཆོས་ཉིད་ཆོས་ཀྱི་བདག་ཉིད་ལེགས་སོ་ལེགས། །དམ་པའི་ལས་ཅན་མཆོད་པའི་བདག་ཉིད་ལེགས་སོ་ལེགས། །རྟོགས་པའི་བྱིན་རླབས་མཛོད་ཅིག་མཉམ་པར་བྱིན་རླབས་ཀྱིས། །དོན་ཡོད་དངོས་གྲུབ་རྟག་ཏུ་ཡིག་འབྲུ་ཆེན་པོ་ཡི། །གྲུབ་པས་ཕྱི་ན་མི་འདུལ་བ་ཡི་དུས་སུ་ནི། །དེ་དག་གི་ཡང་ཇི་ལྟར་དམ་པའི་བདེར་འགྱུར་ཕྱིར། །དེ་ལྟར་ངག་ཆེན་ཞུས་ནས་སུ། །སྲས་བཅས་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའ་ཆེན་པོ་ཡིས། །གསུངས་པ་ལ་ནི་མངོན་པར་བསྟོད། །སངས་རྒྱས་ཐམས་ཅད་དང་མཉམ་པར་སྤྱོར་བའི་མཁའ་འགྲོ་མ་སྒྱུ་མ་བདེ་པའི་མཆོག་ཅེས་བྱ་བ་ཁྲི་བརྒྱད་སྟོང་པ་ལས། །རྟོག་པ་ཐམས་ཅད་ཀྱི་རྒྱལ་པོ་བརྒྱ་བཅུ་བདུན་པ་རྫོགས་སོ།། །།རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀིརྟི་ཉིད་ཀྱིས་བསྒྱུར། ཡོན་བདག་བོད་ཀྱི་མཁན་པོ་གཞོན་ནུ་གྲགས་པས་ཞུས་ཏེ་བཤད་ནས་གཏན་ལ་ཕབ་པ།