༄#། །རྒྱ་གར་སྐད་དུ། བཛྲ་ཌཱ་ཀ་ནཱ་མ་ཨུཏྟ་ར་ཏནྟྲ། བོད་སྐད་དུ། རྡོ་རྗེ་མཁའ་འགྲོ་ཞེས་བྱ་བའི་རྒྱུད་ཕྱི་མ། འཇིག་རྟེན་དབང་ཕྱུག་ལ་ཕྱག་འཚལ་ལོ། །གསང་དང་མཆོག་དང་དགྱེས་པ་དང ། །ཐམས་ཅད་བདག་ཉིད་ལ་རྟག་བཞུགས། །མཁའ་འགྲོ་ཀུན་དངོས་སེམས་དཔའ་སྟེ། །རྡོ་རྗེ་མཁའ་འགྲོ་བདེ་བའི་མཆོག་།འདི་ནི་རང་བྱུང་བཅོམ་ལྡན་འདས། །འདི་ཉིད་གཅིག་པུ་ལྷག་པའི་ལྷ། །འབྱུང་གནས་སྒྲ་གཟུགས་ལས་ངེས་འབྱུང ། །དམ་ཚིག་སྤྱོད་ཡུལ་བཅོམ་ལྡན་རྣམས། །ཐོག་མཐའ་དབུས་མཐར་ཡང་དག་གནས། །འཇིག་རྟེན་གསུམ་རྣམས་ན་རྙེད་དཀའ། །འདོད་ཆགས་མ་ཡིན་ཆགས་བྲལ་མིན། །དབུ་མར་ཡང་ནི་དམིག་པ་མེད། །སྒྱུ་མའི་ཕྱག་རྒྱ་བུད་མེད་ཀུན། །གཉིས་མེད་ཡེ་ཤེས་དམ་པ་ཡིན། །སྤྱོད་ནམ་ཡང་འགྲུབ་འགྱུར་ཏེ། །བདེ་དང་སྤྲོ་བས་ཐམས་ཅད་འཐོབ། །ནམ་མཁའ་ཀུན་ཏུ་སྤྱོད་འགྲུབ་པ། །མཁའ་འགྲོ་མ་ཞེས་རབ་ཏུ་གྲགས། །སྣ་ཚོགས་ཕྱག་རྒྱ་ཐམས་ཅད་དང ། །ཀུན་ནས་སྣ་ཚོགས་སྡོམ་པ་ནི། །མཁའ་འགྲོ་མ་ཀུན་མཉམ་སྦྱོར་བས། །རྡོ་རྗེ་མཁའ་འགྲོར་རབ་ཏུ་གྲགས། །སོ་སོའི་ལྷ་ལ་དམིགས་པ་ནི། །དེ་ཉིད་བསམ་བྲལ་རྣལ་འབྱོར་ཏེ། །དབང་བསྐུར་བ་ལས་ངེས་ 519b པར་སྐྱེ། །གཟུགས་བརྙན་རང་བཞིན་རྣལ་འབྱོར་ཏེ། །རྣལ་འབྱོར་ཆེན་པོ་བྱང་ཆུབ་སེམས། །རྣལ་འབྱོར་དབང་ཕྱུག་བདག་པོ་རང ། །བྱང་ཆུབ་སེམས་ནི་རྡོ་རྗེ་སྟེ། །སངས་རྒྱས་ཀུན་གྱི་རང་བཞིན་ཕྱིར། །དེ་ཕྱིར་ཀུན་ནས་འབད་པ་ཡིས། །སྣ་ཚོགས་རང་བཞིན་ལ་མཆོད་བྱ། །གཉིས་གཉིས་འཁྱུད་པའི་རང་བཞིན་གྱིས། །སྣ་ཚོགས་འགྲོ་བ་ཁྱབ་པར་གནས། །སངས་རྒྱས་ཉིད་དང་བདག་དང་ནི། །སེམས་ཅན་དང་ནི་ནུས་ལྡན་རྣམས། །རང་གི་ལྷ་ཡི་རྣལ་འབྱོར་པས། །བསྒྲུབ་བྱའི་བདག་ཉིད་དེ་ཡི་ཕྱིར། །འདི་ཡིས་སངས་རྒྱས་ཐམས་ཅད་དང ། །ནུས་ལྡན་ཀུན་གྱི་དེ་ཉིད་ནི། །ཐམས་ཅད་རྡོ་རྗེ་འཛིན་ཉིད་དུ། །སྐྱེ་བ་འདིར་ནི་འགྲུབ་པར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔའ་དེ་བཞིན་གཤེགས་པས་བཀའ་སྩལ་ཏོ། །རྡོ་རྗེ་མཁའ་འགྲོ་བདེ་བའི་མཆོག་།མཁའ་འགྲོ་ཐམས་ཅད་མཉམ་སྦྱོར་ཏེ། །ཁམས་གསུམ་པོ་ནི་མ་ལུས་པ། །ནམ་མཁའ་པ་ཡི་མཚན་ཉིད་དུ། །ཐམས་ཅད་ནམ་མཁའི་མཚན་ཉིད་དང ། །ཐམས་ཅད་སྒྱུ་མ་ལྟ་བུའོ། །མཐོང་བ་དང་ནི་རེག་པ་རྣམས། །ཐམས་ཅད་སྒྱུ་མ་ཇི་བཞིན་དུ། །འགྲོ་བ་ཀུན་ཏུ་གནས་པ་རྣམས། །འགའ་ཡང་དམིགས་པ་མ་ཡིན་ནོ། །རྣལ་འབྱོར་པ་ཡི་ཕྱག་རྒྱ་འདིས། །འཇིག་རྟེན་གསུམ་དུ་རྒྱུ་བར་བྱེད། ། 520a ༄#། །རྨོངས་པ་གང་གིས་འཆིང་འགྱུར་བ། །མཁས་པས་དེ་ཡི་རོལ་བས་གྲོལ། །ཚོགས་གནས་གང་བའི་སེམས་ཅན་རྣམས། །གཞན་དང་གཞན་དུ་གསལ་སྐྱེ་ཞིང ། །གཟུགས་ནི་སངས་རྒྱས་རྣམ་སྣང་མཛད། །ཚོར་བ་རྡོ་རྗེ་ཉི་མ་ཡིན། །འདུ་ཤེས་པདྨ་གར་དབང་ཕྱུག་།དེ་བཞིན་འདུ་བྱེད་རྡོ་རྗེ་རྒྱལ། །རྣམ་ཤེས་རྡོ་རྗེ་སེམས་དཔའ་སྟེ། །དངོས་པོ་ཀུན་གྱི་རང་བཞིན་ལ། །རྡོ་རྗེ་མཁའ་འགྲོར་རབ་ཏུ་གྲགས། །དེ་དག་འབྱུང་ཆེན་གཅིག་པུ་སྟེ། །ཐམས་ཅད་བདེ་བ་སྩོལ་བའོ། ། རྡུལ་དང་རྡུལ་མེད་དུ་བརྗོད་པ། །སྒྱུ་མ་ཆེན་མོའི་རང་བཞིན་ཉིད། །ས་ནི་ལྟུང་བར་བྱེད་མ་སྟེ། །ཆུ་ཁམས་གསོད་པར་བྱེད་མའོ། །མེ་ཡི་ཁམས་ནི་འགུགས་བྱེད་མ། །གར་དབང་ཕྱུག་མ་དེ་བཞིན་རླུང ། །ནམ་མཁའི་ཁམས་ཀྱི་རང་བཞིན་ནི། །སྒྱུ་མ་ཆེན་མོའི་རང་བཞིན་ནོ། །འབྱུང་བ་ལྔ་ཡི་རང་བཞིན་གྱིས། །གཙོ་བོ་རྡོ་རྗེ་དེ་བཞུགས་སོ། །འབྱུང་བ་ཀུན་དང་མཉམ་སྦྱོར་བས། །མཁའ་འགྲོ་མ་མཆོག་འབར་མའོ། །མིག་ལ་གཏི་མུག་རྡོ་རྗེར་བཤད། །ཐོས་བྱེད་ཞེ་སྡང་རྡོ་རྗེར་བཤད། །སེར་སྣ་རྡོ་རྗེ་དེ་བཞིན་སྣ། །ཁ་ལ་འདོད་ཆགས་རྡོ་རྗེར་བརྗོད། །རེག་ལ་ཕྲག་དོག་རྡོ་རྗེ་སྟེ། །སྐྱེ་མཆེད་ཐམས་ཅད་མཉམ་སྦྱོར་བ། །རྡོ་རྗེ་མཁའ་འགྲོ་བདེ་བའི་མཆོག། 520b མིག་གིས་མཐོང་སོགས་སྟོང་བས་ན། །འདི་ཀུན་སྟོང་པའི་རང་བཞིན་གྱིས། །རྣམ་པར་རྟོག་མེད་མཐོང་བ་ཡིས། །དེ་ནི་ཐོགས་པ་མེད་པར་འགྱུར། །འདི་དག་ནམ་མཁའི་རང་བཞིན་ཏེ། །ཐམས་ཅད་ནམ་མཁའི་རང་བཞིན་སེམས། །སྒོམ་པ་ཐོགས་མེད་དང་ལྡན་ན། །རྣམ་པར་མི་ཐོག་རབ་ཏུ་སྐྱེ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །དེ་བཞིན་གཤེགས་པ་ཐམས་ཅད་ཀྱི་ཐོགས་པ་མེད་པ་དོན་ཡོད་པའི་བདེ་བ་ཆེན་པོའི་དམ་ཚིག་ཅེས་བྱ་བའི་ཏིང་ངེ་འཛིན་གྱི་རིམ་པར་བྱ་བ་གསུངས་པ། །ཇི་སྲིད་འཁོར་བའི་གནས་ན་མཁྱེན་པ་མཆོག་དང་ལྡན་པ་བཞུགས་པར་གྱུར་པ་དེ་སྲིད་དུ་སེམས་ཅན་གྱི་དོན་ཐམས་ཅད་ནུས་པ་མཚུངས་པ་མེད་པར་མི་ལྡོག་སྟེ། འདི་ཉིད་ཀྱིས་ན་སེམས་ཅན་དམ་པ་དེ་སྲིད་པའི་ཞགས་པ་ནི། རྟག་ཏུ་མི་འཇིགས་པ་དང ། བརྩོན་འགྲུས་ཀྱིས་སེམས་ཅན་གྱི་དོན་མི་འདོར་བར་རྟག་ཏུ་མྱུར་བར་བྱེད་པ་དང ། སྨོན་ལམ་དག་པའི་ཕྱིར་ན་ནམ་མཁའི་གནས་གཞི་ཇི་ཙམ་དུ་གྱུར་པ་དང ། །སྲིད་པ་དག་ཕྱིར་སེམས་ཅན་གྱི་དོན་སེམས་ཀྱིས་འདོད་པའི་ནུས་པ་ཅན་ཏེ། །དེ་དག་ནི། །ལྷའི་བུ་རྣམས་རྟག་ཏུ་ཆགས་པའི་དགའ་བ་ཅན་རྣམས་དང ། གཞན་ཡང་འདོད་ཆགས་ཅན་རྣམས་ 521a ༄#། །ཀྱི་དོན་དུ་ཆགས་པ་རྣམ་པར་དག་པའི་ཕྱིར་ན་བསྐལ་པར་ཡང་མི་ཟད་པའི་བདེ་བ་ཆེན་པོ་རྣམ་པར་དག་པ་སྦྱིན་པར་བྱ་བའི་ཕྱིར་ཏེ། གདོད་མ་ནས་གནས་གཞི་མེད་པ་བསྐལ་པ་ལ་སོགས་པ་ཐམས་ཅད་དུ་བསྟན་པ་མངོན་དུ་གདོད་མ་ནས་བྱུང་བ། བསྐལ་པ་ཐོག་མ་ནས་བདེ་བ་ཆེན་པོ་རྡོ་རྗེ་སེམས་དཔའང་དེར་ལྷག་པའི་ལྷ་གཅིག་པུར་ཡོད་དེ། སེམས་ཅན་ཐམས་ཅད་སྐྱེད་པར་བྱེད་པ། འཇིག་རྟེན་གྱི་ཁམས་ཅད་ཀྱི་རྩེ་མོ་སྟེ། གླུ་དང་དབྱངས་སོགས་རོལ་མོ་དང ། །དངོས་པོ་ཀུན་བདག་དེ་ཡི་ཕྱིར། །ང་ནི་ཀུན་ཏུ་བདེ་བར་བཞུགས། །སེམས་དཔའ་ཐམས་ཅད་བསྐྱེད་པ་ཡིན། །འདོད་ལ་ཆགས་པ་རྣམ་བྲལ་བ། །དེར་བྱུང་བ་ཡི་སེམས་དཔའ་རྣམས། །གདུལ་བྱ་དེ་རྣམས་མཁྱེན་པ་སྟེ། །ཡི་གེ་ལས་བྱུང་རྣམ་པར་སྤངས། །ཡེ་ཤེས་འདི་དེ་མཆོད་པར་བྱ། །དེ་ཡོངས་མཆོད་ན་མཆོད་པར་བྱ། །དེ་ཡོངས་མཆོད་དང་སྲིད་པ་ཟད། །འོ་ན་ཡེ་ཤེས་ལས་སྲིད་བྱུང ། །རང་བཞིན་དངོས་པོ་བེམ་པོ་མིན། །དེ་ལྟར་ན་ང་ཚོར་བ་སྟེ།། འགྲོ་བ་རྣམ་ཤེས་ཙམ་དུ་བརྗོད། །རང་རིག་པས་ན་གང་འདི་དག་།ཡེ་ཤེས་བདག་ཉིད་ལ་ལས་གཞན་མེད། །ཚངས་པའི་སྒོང་བརྗོད་རང་བཞིན་མེད། །ནམ་མཁའ་ 521b དང་མཉམ་བདག་མེད་དེ། །སེམས་ཅན་མང་ཡང་འགའ་ཡིས་ཀྱང ། །སེམས་ཅན་དོན་གང་ཡོད་མིན་ལ། །བླ་མེད་སངས་རྒྱས་དོན་ཡང་མེད། །བདག་དོན་དང་ནི་གཞན་དོན་དང ། །དེ་ལས་གཞན་པའི་ནུས་པ་མེད། །སྟོང་པ་ཉིད་ལ་རྟག་གནས་ན། །དེ་ལས་འགྲོ་བའི་དོན་དུའོང ། །དེ་མེད་སེམས་ཅན་དོན་ཀུན་མེད། །དམྱལ་བར་ཡང་ནི་འགྲོ་འགྱུར་ཏེ། །དེ་ནས་གཞན་ཡང་འཇིག་རྟེན་གྱི། །ཁམས་རྣམས་ཀུན་ན་བཞུགས་པ་ཡི། །སངས་རྒྱས་ཐམས་ཅད་འདུས་ནས་ནི། །ང་ལ་མྱུར་དུ་བསྐུལ་བར་བྱས། །མ་ཧཱ་སུ་ཁ་བཛྲ་སཏྭ་ཛ་ཧཱུཾ་བཾ་ཧོ་སུ་ར་ཏ་སྟྭཾ། ང་ལ་འདི་ཡིས་བསྐུལ་མ་ཐག་།ཀུན་ལ་བདེ་བ་སྩོལ་བའོ། །འདོད་པ་དག་པ་དོན་གྲུབ་པ། །འགྲོ་བ་ཐམས་ཅད་བདེ་བ་སྐྱེད། །ང་ནི་འདོད་པ་མཆོག་གི་གཟུགས། །སངས་རྒྱས་ཀུན་གྱིས་བྱིན་བརླབས་པ། །ང་ཡང་ཆོས་ཀྱི་འདོད་པ་ཅན། །སངས་རྒྱས་ཀུན་གྱི་བདག་པོ་སྟེ།། སངས་རྒྱས་ཀུན་གྱི་འདོད་ཆགས་ཆེ། །སངས་རྒྱས་ཀུན་གྱི་བདེ་ཆེན་པོ། །སངས་རྒྱས་ཀུན་གྱི་སྐུ་ཆེ་བ། །སངས་རྒྱས་ཀུན་གྱི་གསུང་དབྱངས་ཡིན། །སངས་རྒྱས་ཀུན་གྱི་སེམས་ཆེན་པོ། །སངས་རྒྱས་ཀུན་གྱི་རྒྱལ་པོ་ཆེ། །རྡོ་རྗེ་འཛིན་པ་ཀུན་གྱི་བདག་།འཇིག་རྟེན་དབང་ཕྱུག་ཀུན་གྱི་བདག་།རིན་ཆེན་ཀུན་བདག་དབང་ཕྱུག་སྟེ།། 522a ༄#། །མཁའ་འགྲོ་མ་ནི་ཐམས་ཅད་དང ། །མཉམ་པ་ཉིད་དུ་རབ་སྦྱོར་ཕྱིར། །སངས་རྒྱས་ཀུན་ཀྱང་མཉམ་སྦྱོར་ཡིན། །སངས་རྒྱས་ཀུན་དང་མཉམ་པའི་ཕྱིར། །རྡོ་རྗེ་མཁའ་འགྲོར་རབ་ཏུ་བརྗོད། །དེ་ནས་དཀྱིལ་འཁོར་ཆེན་པོའི་སྦྱོར་བ་དཀྱིལ་འཁོར་ཐམས་ཅད་བྲི་བར་བྱ་སྟེ། དེ་དབུས་ཇི་ལྟའི་ཚུལ་དུ་ནི། །རྡོ་རྗེ་སེམས་དཔའ་རྣམ་དགོད་དེ། །ཟླ་བའི་མདོག་ལ་འཛུམ་བག་ཅན། །དེ་བཞིན་འོད་ཟེར་དམར་པོ་འཁྲིགས། །སངས་རྒྱས་ཕྲེང་བས་རྣམ་པར་མཛེས། །རྒྱན་རྣམས་ཀུན་གྱིས་རྣམ་པར་བརྒྱན། །ཞལ་བཞི་པ་ལ་ཕྱག་བཞི་པ། །སྤྱན་གསུམ་རལ་བའི་ཐོར་ཚུགས་ཅན། །རིག་མ་བཞི་དང་མཉམ་པར་ལྡན། །སངས་རྒྱས་གཟུགས་ཀྱིས་ཉེ་བར་མཛེས། །གཡས་ཞལ་ཞི་བ་དཀར་པོ་ཡིན། །དེ་བཞིན་གཡོན་པ་དམར་པོ་མཆོག་།ནུབ་ཀྱི་ཡང་ནི་སེར་པོར་མཚུངས། །ཐོད་པ་ལ་བཞུགས་གར་དང་ལྡན། །ལྷ་རྣམས་འཇིགས་པར་མཛད་པ་པོ། །རྡོ་རྗེ་དང་ནི་ཁ་ཊྭཱཾ་འཛིན། །དྲིལ་བུ་ཐོད་པ་དེ་བཞིན་ནོ། །མཁའ་འགྲོ་མ་རྣམས་དང་མཉམ་ལྡན། །རྒྱ་ཆེན་པོར་ནི་བྲི་བར་བྱ། །མཁའ་འགྲོ་མ་རྣམས་དང་མཉམ་མོ། །རྡོ་རྗེ་མཁའ་འགྲོ་བདེ་བའི་མཆོག་།བཅོམ་ལྡན་ 522b འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །མ་དང་ཆ་བླངས་མ་ཉིད་དང ། །གཉེན་པོ་དེ་བཞིན་བཞོ་བྱས་ལ།། གཉིས་གཉིས་སྦྱོར་བས་འདོད་སྤྱད་ནས། །དངོས་གྲུབ་ཐམས་ཅད་རབ་ཏུ་སྟེར། །བ་ལང་ཤ་དང་རྟ་ཤ་སོགས། །ཐོགས་པ་མེད་པར་བཟའ་བར་བྱ། །འཇིག་རྟེན་ལ་རྟག་གཡོན་ལ་སྤྱད། །འབད་དེ་གཡོན་པས་བསྙེན་བཀུར་བྱ། །བརྟན་དང་གཡོ་ལ་སོགས་པ་ཡི། །འགྲོ་ཀུན་གཡོན་ལས་བྱུང་བས་ན། །ཕོ་ཉ་མོ་ལ་ཆགས་བྲལ་བས།། གྲོལ་བ་ཉིད་དུ་འགྲོ་བ་མིན། །རྟག་ཏུ་ཕོ་ཉ་མོར་ཆགས་གྲོལ། །འདི་ལ་ཐེ་ཚོམ་ཡོད་མ་ཡིན། །སྒྲུབ་པོས་དེ་ལ་འབད་བྱས་ན། །བརྟུལ་ཞུགས་མེད་ནའང་བརྟུལ་ཞུགས་རྫོགས། །དམ་ཚིག་གཞུང་ལུགས་ལ་སྤྱོད་ཅིང ། །ཟས་གཅིག་ཏུ་ནི་མཛེས་པར་བཟའ། །རིགས་གཅིག་གི་ནི་མཚན་ཉིད་ཕྱིར། །རིགས་ལྔ་ལ་ནི་མཉམ་པར་སྤྱོད། །སྦྲང་རྩི་མཚལ་དང་ག་བུར་བཅས། །ཙནྡན་དམར་པོ་དང་སྦྱར་ཏེ། །རྡོ་རྗེ་ལས་བྱུང་མཉམ་ལྡན་པ། །འདི་དག་བདུད་རྩི་ལྔ་ཡིན་ཏེ། །དངོས་གྲུབ་ཀུན་ནི་རབ་སྩོལ་མཛད། །སྦོམ་པོ་མཐའ་ལྟག་ཁ་སྦྱར་བས། །རྟག་ཏུ་རྣལ་འབྱོར་བཞིན་བླངས་ཏེ། །ཞི་བའི་བཏུང་བ་བཞིན་མྱངས་ན། །དངོས་གྲུབ་རྟག་པར་འཐོབ་པར་ 523a ༄#། །འགྱུར། །མཆོག་གི་དམ་ཚིག་འདི་རྣམས་ནི། །ཞལ་བཟང་མོ་ཁྱོད་ལ་བཤད་ཡིན། །ཐབས་དང་བཅས་པའི་ལས་རྣམས་ཀུན། །ཐོགས་ཆགས་མེད་པར་རྟག་ཏུ་སྤྱོད། །རྣམ་པར་རྟོག་མེད་བསྒོམས་པ་ཡིས། །བརྟུལ་ཞུགས་རྣམས་ཀྱི་མཆོག་གི་མཆོག་།རྣམ་པར་རྟོག་མེད་བསྒོམས་པ་ཡིས།། ལས་རྣམས་ཐམས་ཅད་རྟག་ཏུ་བྱ། །ཐོགས་པ་མེད་པས་སྤྱོད་པ་ནི། །དེ་བཞིན་བཀའ་ཐུབ་རྣམས་ཀྱི་མཆོག་།ཐོགས་པ་མེད་པའི་སེམས་ཀྱིས་ནི། །སྐྲ་ཤད་འཇིངས་པ་འདྲ་བར་ནི། །ཡིད་ལ་ཡུལ་རྣམས་རྟེན་བྱེད་པ། །དེ་ནི་འདའ་དཀའི་དཀའ་ཐུབ་ཡིན། །གང་ཞིག་ལས་རྣམས་ཐམས་ཅད་ལ། །ཤེས་རབ་ཀྱིས་ནི་ངེས་པར་སྤྱད།། སྟོང་པའི་མན་ངག་ཅན་དེ་ནི། །བདག་ཉིད་ཆེན་པོའི་དཀའ་ཐུབ་འདིའོ། །ཤེས་རབ་གཟུགས་བརྙན་ལྟ་བུ་ལ། །རྣམ་རྟོག་མེད་པའི་སེམས་ཀྱིས་ནི། །དོན་ལ་ཐོགས་པ་མེད་སྤྱོད་མ། །དེ་ཡི་བཀའ་ཐུབ་བདག་ཉིད་ཡིན། །ཤེས་རབ་ཐབས་ལས་གཞན་པ་མིན། །གང་གིས་སེམས་ནི་གནས་མི་བྱ། །དེ་འདྲར་ཡང་དག་གནས་བྱས་ན། །བྱང་ཆུབ་ཆེན་པོ་ཉེ་བར་སྟེར། །རྣམ་པར་མི་རྟོག་རྗེར་གནས་པའི། །རྣལ་འབྱོར་བ་ལ་མངོན་ལྡན་ན། །དེ་རྣམས་ཀྱི་ནི་འབྱུང་བ་ཀུན། །ཤེས་ 523b རབ་ཕ་རོལ་ཕྱིན་པར་ངེས། །ཤེས་རབ་མེ་ལོང་གཟུགས་བརྙན་བཞིན། །འདུས་བྱས་དངོས་པོ་དེ་འདྲ་བར། །ཤེས་རབ་བློ་ཡིས་དྲན་པར་བྱ། །དེ་ཡི་རྣམ་རྟོག་མེད་སེམས་ནི། །མེ་ལོང་ནང་གི་གཟུགས་བརྙན་དང ། །རྨི་ལམ་སྒྱུ་མ་ཆུ་བུར་བཞིན། །མིག་འཕྲུལ་ལྟ་བུར་བལྟ་བ་ནི། །དེ་ནི་གཙོ་བོ་ཡིན་པར་བཤད། །གློག་དང་དྲི་ཟའི་གྲོང་ཁྱེར་བཞིན། །འདུས་བྱས་འདི་དག་རྣམ་པར་སྨིན། །འདི་ལྟར་དངོས་རྣམས་རབ་གསལ་བར། །གང་དེའི་རྣམ་གྲངས་རྩེ་མོ་མཆོག་།དེས་ན་སེམས་ནི་གང་ཞིག་ཏུ། །གནས་པ་ཡོད་པར་གཞག་པ་མིན། །འདི་དག་ལྟ་བུར་ཀུན་དུ་བྱུང་བའི་དངོས་པོ་རྣམས་ཀྱང་སྒྱུ་མ་ཁྱད་པར་ཅན་རྣམས་ཡང་དག་པར་རྫོགས་པར་ལོངས་སྤྱོད་པ་བསྐྱེད་དེ། །བདེ་བས་ཡོངས་སུ་བཞུ་བས་ཁྱད་པར་ཅན་འགའ་ཞིག་ཏུ་རྫོགས་པར་ལོངས་སྤྱོད་པ་སྐྱེའོ། །བཟང་པོ་ཡོངས་སུ་གྱུར་པས་ནི། །འབྲས་བུ་ཁྱད་པར་ཅན་འགའ་འཐོབ་བོ། །དེས་ནི། །བརྟན་པ་དང་གཡོ་བའི་དངོས་པོ་རྣམས་གྲིབ་མ་ལྟ་བུ་ལས་གཞན་འགའ་ཅི་ཡང་མ་མཐོང་ངོ ། །གང་ཡང་ཁྱད་པར་འདི་དག་བསྒོམ་པ་གོམས་པའི་སྟོབས་ལས་བདེ་བ་མཆོག་ཏུ་ཞི་བ་ལ་སོགས་པའི་ཁྱད་པར་ཅན་གྱི་དགོས་པ་བསྐྱེད་ན་བླ་ན་མེད་པའི་འབྲས་བུ་མངོན་དུ་ཐོབ་པར་བྱེད་ 524a ༄#། །པའི་རྒྱུའི་དངོས་པོར་འགྱུར་བ་དེའི་ཚེ་བཅོམ་ལྡན་འདས་སྐྱོན་འགའ་ཡང་མ་མཆིས་སོ། །དེའི་ཕྱིར་འབད་པ་ཐམས་ཅད་ཀྱིས། །རབ་ཏུ་མཆོད་པར་ཀུན་ཏུ་གནས། །དཀའ་ཐུབ་སྡུག་བསྔལ་དྲག་པོས་ཡིས། །རྨོངས་པ་བསྐམས་ཤིང་སྡུག་བསྔལ་ཏེ། །སྡུག་བསྔལ་གྱིས་ནི་སེམས་གཡེངས་པ། །གཡེངས་པ་ཡིས་ནི་དངོས་གྲུབ་མེད། །བདེ་བ་ཀུན་ཏུ་བརྟན་འགྱུར་བ། །སེམས་ཀྱི་རང་བཞིན་བརྟན་འགྱུར་གྱི། །སྡུག་བསྔལ་གྱིས་ནི་སེམས་གཡོ་ཞིང ། །འགོག་པར་ཡང་ནི་ལྷག་པར་འགྲོ། །ལུས་དང་ངག་དང་སེམས་རྣམས་ནི། །བདེ་བར་གནས་ན་བྱང་ཆུབ་འཐོབ། །གཞན་དུ་དུས་མིན་འཆི་བ་དང ། །དམྱལ་བར་ངེས་པར་ལྟུང་བར་འགྱུར།། བཅོམ་ལྡན་འདས་རྡོ་རྗེ་འཛིན་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །མཁའ་འགྲོ་མ་ཐམས་ཅད་དང་མཉམ་པར་སྦྱོར་བ་རྡོ་རྗེ་མཁའ་འགྲོ་བདེ་བའི་མཆོག་རྡོ་རྗེ་མཁའ་འགྲོའི་རྒྱུད་ཆེན་པོ་ལས། །མཆོག་གི་དེ་ཁོ་ན་ཉིད་སྣང་བར་བྱེད་པ་དང ། །ཡུལ་ལ་ཤེས་པ་འཇུག་པའི་ལེའུ་སྟེ་དང་པའོ།། །།དེ་ནས་བཅོམ་ལྡན་འདས་ལ་ཡང་ལྷ་མོས་མཆོད་པ་བྱས་ནས་ཕྱག་འཚལ་ཏེ་འདི་སྐད་ཅེས་གསོལ་ཏོ། །སྙིང་པོ་གང་གིས་གདུག་པ་ཅན་རབ་ 524b ཏུ་འདུལ་བ་སྟེ། །དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་སྨོད་པའི་གདུག་པ་ཅན་ཐམས་ཅད་འདུལ་བ་དང ། ལྷ་གདུག་པ་ཅན་ལ་སོགས་པའི་སེམས་ཅན་ཐམས་ཅད་གདུལ་ཞིང་ཞི་བའི་གནས་ལ་བཏུལ་ཏེ། བྱང་ཆུབ་ཀྱི་སྙིང་པོའི་བར་དུ་གདུག་པར་བྱེད་པར་མི་འགྱུར་བར་གནས་པ་བཅོམ་ལྡན་འདས་ཀྱིས་གསུང་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་པོས་འདི་གླུར་བླངས་ཏེ་བཀའ་སྩལ་ཏོ། །དང་པོར་རྣམ་པ་སྣང་མཛད་གཞག་།དེ་རྗེས་ཅེས་ཐ་མ་སྟེ། །རྒྱུ་བ་དེར་ལྷུང་བ་ཡིས་མཐོང ། །སྙིང་པོའི་སྤྱི་བོར་གསུམ་པས་བརྒྱན། །ལ་ཡི་མཐའ་ན་གནས་པ་ལ། །སྟེང་དུ་ཡི་གེ་ས་དང་ལྡན། །གཉིས་པ་ཡིས་ནི་གཉེས་བྱ་སྟེ། །སྙིང་པོ་དེ་ལ་ཨ་ཡིག་ལྡན། །ས་མཐའ་ཀུན་དངོས་དེ་ཉིད་དོ། །རྗོད་བྱེད་དང་ནི་རྗོད་བྱེད་དེ། །རྗོད་བྱེད་ལྔ་པས་གདན་དུ་བྱས། །ཟླ་ཕྱེད་ཐིག་ལེས་བརྒྱན་པ་ཅན། །དབུས་གནས་པ་ལས་ཞ་བོར་ལྡན། །སྲེག་པའི་མཐའ་ཡིས་ཡོངས་སུ་བརྒྱན། །ས་ཡི་དེ་མ་ཐག་གནས་པ། །རླུང་གཟུགས་སུ་གནས་འོག་ཏུ་སྦྱར། །དེ་འོག་ཧུཾ་ཧུཾ་ཐུང་དུ་གཉིས། །ཡི་གེ་ཕཊ་དང་བཅས་རྫོགས་པ། །ཾ་དངོས་ཡི་གེར་རྫོགས་པར་ལྡན། །ལྔ་པའི་དབུས་ན་གནས་དེ་ལ། །གཞན་པའི་ཨི་ཡིས་སྟེང་དུ་བརྒྱན།། 525a ༄#། །དེ་ནས་རྗོད་བྱེད་ར་ལ་ཞོན། །སྤྱི་གཙུག་ཏུ་གནས་དབང་ཕྱུག་དང ། །རྗོད་བྱེད་པ་ཡི་འཁོར་འགྱུར་བ། །ཡང་དང་ཡང་དུ་གཞག་པར་བྱ། ། རྗོད་བྱེད་ར་ལ་སྐྱོན་པ་དང ། །ེ་ཡིག་རྣ་བ་དག་ལ་བརྒྱན། །དེ་ནས་རྗོད་བྱེད་ར་ཉིད་ནི་།ཡང་ནི་ལྔ་པ་དག་ལ་བསྐྱོན། །འདི་ཡང་ཐམས་ཅད་པ་ཉིད་དེ། །རྗོད་བྱེད་མགོ་བོར་ཟླ་ཕྱེད་བརྒྱན། །ལྔ་པ་དང་ལྡན་ཉིས་འགྱུར་བྱ། །ཀུན་གྱི་མགོན་པོ་དེ་ཉིད་མཆོག་།ཕཊ་དང་རིན་ཆེན་དག་གིས་བརྒྱན། །ཧ་ནི་མཇུག་ཐོགས་ཉིད་དུའོ། །རྣམ་པར་སྣང་མཛད་ཀྱི་ཚོགས་ཀུན་ལ་ཡོངས་སུ་མཉེས་པར་བྱའོ། །བཅོམ་ལྡན་འདས་རྡོ་རྗེ་སེམས་དཔའ་དེ་བཞིན་གཤེགས་པས་དཔའ་བོ་དྲུག་དང་མཉམ་པར་སྦྱོར་བའི་མཁའ་འགྲོ་མ་དྲ་བའི་སྡོམ་པས་དེ་སྐད་ཅེས་བཀའ་སྩལ་ཏོ། །ཡང་འདིར་ཧཱུཾ་ཡིག་ལས་བྱུང་བར། །སྣ་ཚོགས་པདྨ་ཉིད་དཀྱིལ་འཁོར།། ལས་ཀྱི་རྡོ་རྗེ་དབུས་གནས་པར། །དེ་ཉིད་ཧཱུཾ་ནི་རྣམ་བསྒོམས་ཏེ། །འོད་ཕྲེང་དུ་མ་ལྡན་པ་ཡི། །མཁའ་འགྲོ་ཡི་ནི་འཁོར་ལོ་སྤྲོ། །ཞལ་གཅིག་ཕྱག་གཉིས་སྤྱན་གསུམ་མ། །ཁ་དོག་དམར་མོ་འཇིགས་ཆེན་མོ། །འཇིགས་པའི་དངོས་པོའི་ང་རོ་ཅན། །སྤྱན་གསུམ་དབུ་སྐྲ་ཁམ་སེར་གྱེན། །ན་སོ་གཞོན་བྱེད་ཕུན་ཚོགས་མ།། 525b སྟག་གི་པགས་པའི་སྨད་དཀྲིས་ཅན། །འཇིགས་བྱེད་ཆེན་པོ་ལྗགས་འདྲིལ་མ། །འཇིགས་པ་ཡང་ནི་འཇིགས་མཛད་མ། །མཁའ་འགྲོ་མ་ཀུན་དང་མཉམ་སྦྱོར། །རྡོ་རྗེ་མཁའ་འགྲོར་རབ་གྲུབ་པའོ། །བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །སྔོན་གྱི་རིམ་པ་ཇི་བཞིན་དང་།། མེ་དང་མཉམ་པ་གཉིས་བརྗོད་དང ། །ཀ་ར་ཀ་ར་བདུན་པ་སྦྱར། །བནྡྷ་དེ་བཞིན་དགྲ་སྙིང་སྟེ། །འདི་ཡང་ལན་གཉིས་རྗོད་པར་བྱེད། །ས་སྡེ་ལ་ནི་མ་དང་བཅས། །འཇིག་རྟེན་གཟུགས་བྲལ་གྱི་མཐར་གནས། །རང་བཞིན་འདི་ཡང་གཉིས་སུ་བརྗོད། །གཞན་དང་གཞན་དང་ལྡན་པར་བྱ། །བྷ་ཛ་དག་དང་ཉེར་གནས་པ། །དེ་ནི་ལན་གཉིས་དག་ཏུ་བརྗོད། །རྗོད་བྱེད་ལ་ནི་གསུམ་པ་དང ། །ཁོང་ན་གནས་པས་ལྡན་པར་བྱ། །དེ་ནས་ཟླ་བ་གཞོན་ནུ་ཕྱེད། །ཡེངས་སུ་གང་བས་བརྒྱན་པར་བྱ། །དེ་དག་ཡང་དང་ཡང་དུ་བརྗོད། །ཉིན་མོར་ཕྱེད་པའི་རང་བཞིན་དང ། །ཡོངས་སུ་ལྡན་པ་ཉིད་དུ་བྱ། །རྗོད་བྱེད་དང་ནི་གཤེགས་གསོལ་གནས། །ལྔ་པར་ལྡན་པ་ཉིད་འགྱུར་རོ། །ཕེ་ཡིག་དྲག་ཅིང་མྱུར་བ་ལ། །ཟླ་བ་གཞོན་ནུ་དང་ལྡན་པ། །ཡང་གཅིག་ཀྱང་ནི་བརྗོད་པར་བྱ། །དྲག་མྱུར་བརྗོད་པ་ཕཌ་གཉིས་སོ། །རྣམ་རྟོག་ཀུན་གྱི་བུད་ཤིང་ནི། །བསྲེག་པས་ད་ཧ་ད་ཧ་ 526a ༄#། །སྟེ། །དེ་སྐད་ཅེས་པ་འབོད་པའི་སྔགས། །ལྔ་པའི་ཉེ་ཚེར་གཉིས་པར་སྦྱར། ། ཉི་དང་ཡང་ཡང་དག་ལྡན། །རྗོད་བྱེད་གཙོ་དང་ཡང་ལྡན་པ། །ཡང་དང་ཡང་དུ་བརྗོད་པར་བྱ། །བྷཀྵ་བྷཀྵ་ཞེས་རྗེས་སུ། །བ་ས་རུ་དྷི་ར་དང་ནི། །ནྟྲ་མཱ་ལཱ་བ་ལ་སྨི་ནེ། །གྲྀཧྞ་གྲྀཧྞ་དག་དང་ནི། །སཔྟ་བཱ་ཏཱ་ལ་ཀ་ཏ་སྦྱར། །བྷུ་ཛངྒ་དང་སརྦྦམྦཱ། །ཏརྫ་ཡ་ནི་གཉིས་བརྗོད་དོ། །ཀ་ཡིག་སྡེ་ལས་ག་ཉིད་ལ། །གཉིས་པ་དང་ནི་བཞི་པ་སྦྱར། །རླུང་གི་ངོ་བོར་གནས་པའོ། །ི་མཐའ་ས་མཐའ་ཞེས་བརྗོད་ལ། །ཉི་མ་བདུན་གྱིས་གནས་པར་བརྒྱན། །རྗོད་བྱེད་ལ་ནི་བཞི་པས་བརྒྱན། །ཡང་དང་ཡང་དུ་བརྗོད་པར་བྱ། །ཀ་ཤ་ཨོ་དང་པ་སྡེ་དང ། །དེ་འོག་དང་པོ་དང་ལྡན་གཞག་།ར་དང་ཧར་སྤྲེལ་གཉིས་དག་ལ། །ཐིག་ལེ་གཉིས་གཉིས་རབ་ཏུ་སྦྱར། ། དང་སྡེ་ཚན་ས་བོན་བརྗོད། །སྡེ་ཚན་གྱི་ནི་བཞི་པ་དང ། །དང་པོ་རུ་ནི་ལྡན་པར་བྱ། །གསུམ་པས་ཀྱང་ནི་དང་པོ་སྦྱར། །གསུམ་པ་ལ་ཡང་དེས་མཉེས་བྱ། །རྗོད་བྱེད་ཀྱང་ནི་རྗོད་བྱེད་ནི། །ི་ཡི་སྟན་དུ་ལྡན་པར་བྱ། །ས་སྡེ་ལ་ཨེ་ར་ཡིས་བརྒྱན། །ཟླ་དུམ་དང་ནི་ཐིག་ལེར་ལྡན། །དེ་ནི་ཡང་ཡང་བརྗོད་པར་བྱ། །དེ་ཉིད་ཨེ་ཕྱོགས་བཞི་པར་ལྡན། །དེ་ནས་ཡང་དང་ཡང་དུ་བཟླས། །རྗོད་བྱེད་དང་ནི་བཞི་ 526b བ་སྦྱར། །མཐའ་རུ་ལ་གཅིག་ཨི་དང་སྦྱར། །དེ་ཡང་ཡང་དང་ཡང་དུ་བཟླས། །རྗོད་བྱེད་ཡི་གེ་ཧ་ཡང་སྦྱར། །དེ་སྟེང་ཟླ་དུམ་ཐིག་ལེས་བསྐྱོན། །ལྔ་པ་ཡང་ནི་མཉེས་པར་བྱ། །དེ་ཡང་ཡང་དང་ཡང་དུ་བཟླས། །རྣམ་མང་མཐའ་ཡས་རབ་བསྒྲུབ་ཅིང ། །དགེ་བའི་མེ་ཏོག་མང་སྤུད་པ། །འདི་ནི་ལྷ་མོ་སྒྱུ་ཆེན་མོ། །དངོས་གྲུབ་ཀུན་རབ་སྩོལ་བའོ།། འདིར་ནི་གསུངས་མ་ཐག་ཏུ་ཡང ། །འཇིག་རྟེན་ཁམས་ནི་ཐམས་ཅད་གཡོས། །དེ་བཞིན་གཤེགས་པ་ཀུན་ཀྱང་སྐྲག་།སླར་ཡང་དེ་བཞིན་གཤེགས་པ་ཀུན། །མངོན་པར་བྱང་ཆུབ་རྫོགས་སངས་རྒྱས། །རི་བོ་ཀུན་ཡང་གཡོ་ཤིང་འགས། །གདུག་པ་ཀུན་འདུལ་དུལ་ཞིང་ཞི། །དཀྱིལ་འཁོར་དུ་ནི་བཀུག་ནས་བཅུག་།དམ་ཚིག་གིས་བཅིངས་དབང་དུ་འདུས། །མ་མོའི་ཚོགས་དང་འབྱུང་པོའི་ཚོགས། །གཟའ་དང་རིམས་ནད་ཐམས་ཅད་དང ། །གནོད་སྦྱིན་སྲིན་པོ་ལོག་འདྲེན་དང ། །སྡིག་པ་ཅན་དང་དམྱལ་བ་ཀུན། །བཀས་ཤིང་བསྒྱེལ་ཏེ་རྣམ་པར་བཤིག་།བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པ་མཁའ་འགྲོ་མ་ཐམས་ཅད་མཉམ་པར་སྦྱོར་བའི་རྡོ་རྗེ་མཁའ་འགྲོ་བདེ་བའི་མཆོག་གིས་དེ་སྐད་ཅེས་བཀའ་སྩལ་ཏོ། །གྲུ་བཞི་པ་ལ་སྒོ་བཞི་པ། །སྒོ་སྐྱོང་རྣམས་དང་ཡང་དག་ལྡན། །དེ་ཡི་ 527a ༄#། །དབུས་སུ་རྡོ་རྗེ་བྲི། ཁ་དོག་དམར་པོ་འོད་ཆེན་པོ། །ཕྱི་རོལ་རི་མོ་ཟླུམ་པོས་བསྐོར། །དེ་ཡི་དབུས་སུ་བཅོམ་ལྡན་འདས། ཁྲོ་བོ་ཆེན་པོ་ཞལ་བཞིས་མཛེས། །ཅུང་ཟད་མཆེ་གཙིགས་འཇིགས་བག་ཅན། །ཅུང་ཟད་འཛུམ་ཞིང་བཞད་པའི་ཞལ། །གཡས་པ་དཀར་པོ་ཞི་བ་སྟེ། །གཞོན་པ་དམར་པོ་འཇིགས་པ་ཆེ། །ནུབ་ཀྱི་ཞལ་ནི་མདངས་སེར་པོ། །ལྷ་མོ་བཞི་དང་མཉམ་ལྡན་ཞིང ། །ཕྱག་བཞི་ཡིས་ནི་རྣམ་པར་མཛེས། །འཇིགས་པའི་བདུད་བཞི་མནན་པ་པོ། །སངས་རྒྱས་གཟུགས་ཀྱིས་ཉེ་བར་མཛེས། །དཔའ་བོ་གཡས་ན་ཁ་ཊྭཱཾ་ག། །ཐོད་པ་ཡང་ནི་གཡོན་ནའོ། །གཡས་ན་རྡོ་རྗེ་འབར་བ་བྲི། །ཐོད་པ་ཡི་ནི་ཁྱད་པར་རོ། །དཔའ་བོ་གཞུ་དང་མདའ་འཛིན་ཅིང ། །ཤེས་རབ་དགའ་མས་རབ་ཏུ་མཛེས། །འབར་བ་དམར་པོའི་དཀྱིལ་འཁོར་གསལ། །སེམས་དཔའ་འབར་བ་འཁྱིལ་བར་ལྡན། །འཇིགས་པ་ཆེན་པོའི་དུས་དང་ནི། །དུར་ཁྲོད་ཀྱི་ནི་མེ་བཞིན་འབར། །དབུ་སྐྲ་འབར་བ་ཆེན་པོ་གསལ། །དབུ་རྒྱན་ཐོད་པས་རྣམ་པར་ཕྱེ། །རོལ་པ་ཐམས་ཅད་འཚོགས་པ་ན། །ཧེ་རུ་ཀ་ནི་གར་ལ་སྤྱོད། །མ་མོའི་འཁོར་ལོའི་གནས་མཆོག་ཏུ། །ས་རྣམས་ཀྱི་ནི་དབང་ཕྱུག་ཉིད། །ཀུན་ནས་ཀུན་ཏུ་ཐམས་ཅད་པ། །རང་ཉིད་རྟག་ཏུ་ཐམས་ཅད་ཀུན། །མཁའ་ 527b འགྲོ་ཀུན་ཀྱང་མཉམ་སྦྱོར་བའོ། །རྡོ་རྗེ་མཁའ་འགྲོ་བདེ་བའི་མཆོག་།བཟླས་དང་བསྒོམ་པའི་རབ་སྦྱོར་གྱིས། །འགྲུབ་པ་འདི་ལ་ཐེ་ཚོམ་མེད། །ཐུན་མཚམས་ནས་ནི་རབ་སྦྱོར་བས། །མཆོག་གི་སྡོམ་པ་བསྒོམ་པར་བྱ། །འབུམ་རྫོགས་ནས་ནི་རྡོ་རྗེ་ཆེ། ཁྲོ་བོའི་རྒྱལ་པོ་དང་མཉམ་འགྱུར། །རྡོ་རྗེ་འཛིན་པ་ཆེན་པོ་ཡི། །ཚེ་དང་མདོག་དང་ན་སོ་དང ། །གཟུགས་དང་སྟོབས་དང་བརྩོན་འགྲུས་དང ། །རྫུ་འཕྲུལ་གྲུབ་པ་ཆེན་པོར་ལྡན། །སེམས་ཅན་དོན་བྱེད་ནུས་པར་འགྱུར། །ཡང་ན་གསང་སྔགས་ཏིང་འཛིན་གྱིས། །ཅུང་ཟད་ཙམ་ཞིག་བཟླས་པ་བྱ། །ལས་ནི་བརྒྱ་ཙམ་བྱེད་པར་འགྱུར། །འདི་ལྟ་སྟེ། བརྟན་པ་དང་གཡོ་བ་ཐམས་ཅད་ངེས་པར་མནོན་པ་དང ། ལྟུང་བར་བྱེད་པ་དང ། འཇིག་པར་བྱེད་པ་དང ། རྒྱས་འདེབས་པ་དང ། ལྐུགས་པར་བྱེད་པ་དང ། རེངས་པར་བྱེད་པ་དང ། དབུགས་འབྱིན་པར་བྱེད་པ་དང ། རྨོངས་པར་བྱེད་པ་དང ། འཆིང་བ་དང ། འགྱེས་པ་དང ། དབང་དུ་བྱེད་པ་དང ། རྣམ་པར་སྒྱུར་བར་བྱེད་པ་དང ། སྨྱོ་བར་བྱེད་པ་དང ། རྣམ་པར་འགྱུར་ཞིང་སྐྲོད་པར་བྱེད་པ་དང ། སྡང་བ་དང ། ནོར་རྫས་འཇོམས་ཤིང་འཇིགས་པར་བྱེད་པ་དང ། དུད་མོ་བྱེད་དུ་འཇུག་པ་དང ། སྡིགས་པར་བྱེད་པ་དང ། བདག་ཉིད་བཅིངས་ནས་འཚོར་བ་དང ། བརྡུང་བ་དང ། ལོང་བར་བྱེད་པ་ 528a ༄#། །དང ། ས་བོན་འཇོམས་པར་བྱེད་པ་དང ། རིམས་དང ། ཁོང་ནད་དང ། དུག་གིས་འཛིན་པ་དང ། རང་གིས་བརྐོས་ནས་འཇུག་པ་དང་དམྱལ་བར་ལྟུང་བར་བྱེད་པ་དང ། དུད་འགྲོའི་གནས་ཡོངས་སུ་སྒྱུར་བར་བྱེད་པ་དང ། སྐྱེས་པ་བུད་མེད་དུ་བྱེད་པ་དང ། བུ་ཆུང་ལྟོ་ནས་ལྷུང་བར་བྱེད་པ་དང ། བྷ་ག་འཆིང་བ་དང ། མ་ནིང་དུ་བྱེད་པ་དང ། འདོད་པ་ལ་ཆགས་ལ་སྙོམས་པར་བྱེད་པ་དང ། རྒོད་ཅིང་འཆིང་བ་དང ། གཞན་གྱིས་རང་གསོད་དུ་འཇུག་པ་དང ། མཚོན་རྡུག་པར་བྱེད་པ་དང ། དགོས་རྒུ་བྱེད་པ་དང ། ཡུད་ཀྱིས་སྐྲོད་པ་དང ། གཅེར་བུར་བྱེད་པ་དང ། བྷ་ག་དང་བཤང་ལམ་སྒྲོག་པར་བྱེད་པ་དང ། བྷ་ག་དང་བཤང་ལམ་རང་ལུག་ཏུ་བྱེད་པ་དང ། ཁུ་བ་ཁྲག་ཏུ་བྱེད་པ་དང ། ནད་རྣམས་མྱུར་དུ་སེལ་བར་བྱེད་པ་དང ། ཁྲག་ལས་གྱུར་པའི་མཛེ་ནད་ལ་སོགས་པ་སུད་པར་བྱེད་པ་དང ། མྱ་ངན་དང་སྡུག་བསྔལ་གྱིས་བཅིངས་ཤིང་གཟིར་བར་བྱེད་པ་དང ། དུམ་བུ་དུམ་བུར་བྱེད་པ་དང ། ལུས་ཅན་ཐམས་ཅད་ཕྱེ་མར་བྱེད་ཅིང་གསད་པ་དང ། ཐམས་ཅད་རྗེས་སུ་ཆགས་པས་དགུག་པ་དང ། གཞུག་པ་དང ། གཡོ་བ་དང ། འདར་བ་དང ། དགོད་པ་དང ། སེམས་ཅན་ཐམས་ཅད་ལ་ 528b རྒྱུན་དུ་ཅ་བླར་སྨྲ་བ་དང ། སྔོན་གྱི་གནས་སོ་སོར་ཐོབ་པ་ལྟར་སྟོན་པ་དང ། དབང་དུ་བྱེད་པའི་ལས་ཐམས་ཅད་ལ་རབ་ཏུ་སྦྱོར་བ་དང ། བྲན་དུ་བྱེད་པ་དང ། ལྷ་དང ། ཀླུ་དང ། གནོད་སྦྱིན་དང ། སྲིན་པོ་དང ། ལོག་འདྲེན་དང ། འབྱུང་པོ་དང ། མ་མོ་དང ། མཁའ་འགྲོ་མ་ཐམས་ཅད་འདུལ་བར་བྱེད་པ་དང ། ནོར་སྦྱིན་པ་དང ། ས་དང ། ཆུ་དང ། མེ་དང ། རླུང་དང ། ནམ་མཁའ་ཐམས་ཅད་ལ་བཀའ་བསྒོ་བར་བྱེད་པ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དག་ལས་རྣམ་པར་རྒྱལ་བར་འགྱུར་བ་དང ། ཆགས་པ་ཐམས་ཅད་འཇིག་པར་བྱེད་པ་དང ། རིམས་དང ། ཡམས་དང ། དུག་དང ། མཁའ་འགྲོ་མ་ཐམས་ཅད་ལས་གྲོལ་བར་བྱེད་པ་དང ། དེ་བཞིན་གཤེགས་པ་ཐམས་ཅད་ཆགས་པ་དང་བྲལ་བ་འབིགས་པར་བྱེད་པ་དང ། བྱང་ཆུབ་སེམས་དཔའ་ཐམས་ཅད་འཁོར་བ་ལ་སྐྱོ་བ་འཇིག་པར་བྱེད་པ་སྟེ། དེ་ལྟ་བུར་འདི་དག་ནི། ལྷ་མོ་ཐམས་ཅད་གྲུབ་པར་བྱེད་པར་བརྗོད་པ་སྟེ། སྔགས་ཀྱི་རྒྱལ་པོ་འདི་དག་ཉིད་ནི། མ་བྱུང་འབྱུང་བར་མི་འགྱུར་རོ། །བཅོམ་ལྡན་འདས་རྡོ་རྗེ་འཛིན་པ་སྟེ། རྡོ་རྗེ་སེམས་དཔའ་དེ་བཞིན་གཤེགས་པས་མཁའ་འགྲོ་མའི་སྒྱུ་མ་ཐམས་ཅད་དང་མཉམ་པར་སྦྱོར་བའི་རབ་ཏུ་འགྲུབ་པ་དེ་སྐད་ཅེས་བཀའ་སྩལ་ 529a ༄#། །ཏོ། །འདི་དག་ནི། རྡོ་རྗེ་མཁའ་འགྲོའི་རྒྱུད་ཆེན་པོ་ལས། །ལས་ཀྱི་ཚོགས་ཐམས་ཅད་ཀྱི་ཆོ་ག་དང ། སྒྱུ་འཕྲུལ་ཆེན་མོའི་རྣམ་པར་འཕྲུལ་པའི་སྔགས་ཀྱི་ཆོ་གའི་ལེའུ་སྟེ་གཉིས་པའོ།། །།དེ་ནས་གསང་བ་བརྗོད་པར་བྱ། །མདོར་བསྡུས་ཕྱིར་ན་རྒྱས་པར་མིན། །ཐམས་ཅད་སྒྱུ་མར་མཉམ་སྦྱོར་ན། །ལས་རྣམས་ཐམས་ཅད་མཉམ་པར་བྱེད། །དངོས་གྲུབ་ཆེན་པོ་སྒྱུ་མ་ཀུན། །དབང་ཕྱུག་ཐམས་ཅད་རབ་གྲུབ་པའོ། །རིག་པ་རྣམ་པར་འཕྲོ་བྱེད་པ། །འབྱུང་པོའི་གདོན་རྣམས་འགུགས་པར་བྱེད། །ཧི་མ་བནྟ་སྱེ་ཨུཏྟ་རེ་ཎ་བྷ་པ་ཙྪི་བོ་ན་མ། མ་ཧཱ་མ་སོ། སོ་བ་ཨི་ཨ་དྷ་མ་སི་ཧཾ་བི་ཧི་མ་སེ་ཧི་མ་སེ་ཧི་བ་ཏི་བུ་ཛྫ་ཨི། ཨི་སོ། ནི་དོ། མ་ཧི། ནཱི་ཏོ། ཀུམྦྷ་ཀཎྜ། སིནྣ་དོ། སཱ་ག་རས་སཏྱ་པ་ཌ་པེ་སིནྣ་སིནྣ་དཾ། བནྡྷ་མི། ཀུ་རུ་ར་སསས་པི་ཌ་ལས། ཏུཎྜ་བནྡྷཱ་མེ། ཛཱ་བ་སུ་ར་ཨུ་ད་ནི། ཇ་བ་ར་བི་བ་བྷ་ཨ་དྷི་ཨ་ཧ་ཏོ་བཎྞ་ཨ་ནུ་བ་དེ་ན་སཱ་དྷུ་ན། མ་མ་རི་ཨ་སརྦྦ་སི་དྷ་ན་སཝཱཧཱ། བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །འདིས་ལན་བདུན་དུ་མངོན་པར་བརྗོད་པས་བསྔགས་པ་བྱས་ཏེ་ཁྱིམ་གྱི་ཐོག་ཏུ་བཞག་ན། རྗོད་པར་བྱེད་པར་འགྱུར་རོ། །བས་ཧ་ཏོ་ 529b ལ་ཨི་མི་ཛྙ་ཨ། བ་ས་བ་ཛ་ན་མོ་ཧི་ཨ། ཨེ་ས་བིཛྫ་ཙ་ཧ་ཨི་ན་མནྟ་ཨི་ཨིནྡྷ་ན། ཧ་ཨ་བཱ་ཨི་ཛ་བེ་ན་དིཎྞ་ཎི། དྷ་ཏམྦྷ་ཧི་མཧཱ་སཝ་བ་ཨ་ན་ནོ་བཱ་དྷོ་སི། རཱཾ་ཛ་ཀུ་ལ་ཁཎྜ། ཌ་ཎི་ཌ།་ཛེ་བཱ་ཨི་བ་དྷ། ཏ་དྷི་ཎ་ཏ་ཎ། ན་མ་སིདྷ་ན། ན་མ་བུ་པ་ཇ་ཛ་པཱ་ད་ན། མ་ས་ཝ་རཱ་ཎེ། ཏདྱ་ད་རེ་མ་ཧཱ་ད་ཎྜེ་ད་ཧ་ཧེ་དུ་ན་ཧེ་ཧེ་སཝཱཧཱ། འདིས་བྱེ་མ་ལ་ལན་བདུན་དུ་བསྔགས་པ་བྱས་ཏེ་འབྲུ་རྣམས་ལ་བཏབ་ན། ཅེ་སྦྱང་ལ་སོགས་པའི་སྲོག་ཆགས་རྣམས་ཀྱིས་མི་ཟ་ཞིང་སྤྲིན་རྣམ་པར་ཟློག་པར་བྱེད། རཏྣ་ར་ཏི། ཨོཾ་ཨ་ལ་ལ་བར་ཙུ་ལི་ལ་ཙོར་བགྒྷ་ཀ་ན་ད་ས་བཱ་མུ་ཧ་བནྡྷཱ་མི་སཝཱཧཱ། ཤིང་བུ་སོར་བཞི་པ་ལ་ལན་བདུན་དུ་བཟླས་ཏེ་རྣ་བ་གཡས་པ་ལ་བཏགས་ན། ཆོམ་རྐུན་རྣམས་རེངས་པར་བྱེད་དོ། །ི་ད་སི། ཨ་ཏི་ཎི་ཛ་ཧ་ཨ་ཀ་ལི་ལོ་ཧི་དི། བིངྒ་ལེ། མ་མེ་ག་བྷ་ན་ཨི། ཧ་ཨཾ་སི་ལ་ཨུ་ས་རི་མི་ཨ་བ་ར་བྷ་ཎ་ཨི། ཨ་ཧཾ་བཱ་ད་ཨུ་སཱ་ར་མི་ཨ་བ་ར་བྷ་ཎ་མི་ཨ་ཧམ་དུ་ཧ་མི་བྷི་ཏོ་བཛྫ་བ། མི་ལོ་ལི་ཀ་ལི། ལོ་ཧི་དི་པངྒ་ལི་ཧཱུཾ་ཕཊ། གླང་གི་རཝས་བྲུས་པའི་ས་དབུས་མ་བླངས་ལ་སྔགས་འདིས་ལན་བདུན་དུ་མངོན་པར་བཏབ་ན། ནགས་ཁྲོད་དང ། འཇིགས་པའི་ལམ་དང ། རྒྱལ་པོས་བཀྲབས་པ་ལ་སོགས་པ་ཐམས་ཅད་ཀྱིས་གནོད་པ་བྱེད་པར་མི་འགྱུར་ཏེ། བ་ལང་གི་གདོང་པ་ཅན་དུ་བྱས་ནས་ཆོ་ག་འདི་ལྟ་སྟེ། ས་དེ་ལག་པར་བཞག་ལ་སེར་ 530a ༄#། །བ་འབབ་པ་ལ་སོགས་པ་ལ་བཏབ་ན། ལྡོག་པར་འགྱུར་ཏེ། འདིའི་ཆོ་ག་འདིའོ། །ོཾ་ཛཾ་བི་ལི་ཨ་བ་ཨ་བི་ཛྫི་སུ་ཏི་ཐ་ད་སི། ཨི་སུ་བྷ་དེ་སུ་བྷ་དེ་ཨོ། སོ་ཎ་ཨོ་ས་ཙ་ལ་ཧི་སུཎྞ་པ་ད་ནེ། ཨི་སི་ལ་བ་ད་བ་ར་ཥ་བཛྫ་ཧི་སཝཱཧཱ། སྣོད་བཟང་པོར་ཆུ་བླུགས་ཏེ་རྗེས་སུ་མཐུན་པའི་གནས་སུ་འདུག་སྟེ་ལན་བདུན་དུ་བསྔགས་ནས་ཆུ་དེ་ནམ་མཁའ་ལ་གཏོར་ན། སེར་བ་དང་རླུང་འབབ་པ་ལ་སོགས་པ་རེངས་པར་བྱེད་དོ། །ན་ཨ་མོ་དྷེ། བྷ་ག་པ་ཏི། ཀི་བྷི་ཀུ་རེ་ཎ་ཤ་ཏྲ་ཡ། ཐ་མ་ཀེ་ཧ་ཐ་ཀ་ར་ལ་པཱ་ཀེ ། ནི་ཏ་སཾ་རུ་བི་ཏི་བྷ་ཏུ་ཡ། རུ་ཛ་རིཌ་ར་མཌ་ཀུ་ཀེ་ཏོ་ལིཌ་ལུ་ཡ། །ལུ་ཊཾ་ཧིཥྛ་ལེ་ཀ་སི་ར་ལེ་ལོ་ཏི་གྲ་ལེ་བྷི་ཥི་ཥ་ལེ་ན་སི་མུ་ལ་ཁ་ཨ་ཡ་ཐེ་སརྦྦ་ཧ་དེ་སྲན་བྷུ་ཛ་ཀུ་བྷ་ན་སུ་ཐེར་ཥ་ཡ་ན་བ་ཡ་ར་ཏི་ཥུ་དྷ་ཡ་ན་ཤོ་པ་དྱ་ཏི་ཏ་ཀ་སུ་ས་ལ་ཀ་ཁ་སེ་སིདྡྷ་པ་ཧཱ་ལ་ས་ཧི་པ་ཎ་སཝཱཧཱ། ཆུ་ལ་ལན་བདུན་བསྔགས་ནས་ཁ་གདོང་བཀྲུས་ན། ཐམས་ཅད་འགྲུབ་པར་བྱེད་དོ། །རིམ་པ་བཞིན་དུ་ཧེ་རུ་ཀ་དང་འདབ་མ་རྣམས་ལ་མཁའ་འགྲོ་མ་རྣམས་བཀོད་དེ། དབུགས་མི་འབྱུང་བར་སྦྱར་བ་ལས། །འགྲུབ་པ་འདི་ལ་ཐེ་ཚོམ་མེད། །ཡང་ནི་རྣལ་འབྱོར་པ་རྣམས་འདིར། །པདྨ་ལ་ནི་རབ་བསམས་ཏེ། །ཡིད་ནི་རླབས་མེད་པར་བྱས་ཏེ། །སྔགས་ནི་ཕོ་ཉ་མོར་སྦྱར་ན། །དེ་ཡིས་རྟག་ཏུ་འགྲུབ་འགྱུར་བ། །འདི་ལ་སྔགས་པ་ 530b ཐེ་ཚོམ་མེད། །དཔལ་རྡོ་རྗེ་མཁའ་འགྲོ་མའི་རྒྱུད་ཆེན་པོ་ལས་ལེའུ་གསུམ་པའོ།། །།དེ་ནས་གཞན་ཡང་བཤད་བྱ་བ། །རབ་ཏུ་རྟོགས་བྱའི་དཔའ་བོ་དྲུག ། དཔའ་མོ་དྲུག་དང་མཉམ་སྦྱོར་ཕྱིར། །གནས་རྣམས་རེ་རེ་ཡི་གེ་སྟེ། །དང་པོ་སྙིང་ག་ཉིད་དུའོ། །མགོ་བོ་ལ་ནི་གཉིས་པར་བརྗོད། །སྤྱི་གཙུག་ལ་ནི་གསུམ་པ་སྦྱིན། །དཔུང་བ་གོ་ཆ་བཞི་བ་ཉིད། །མིག་དག་ལ་ནི་ལྔ་པ་ཡིན། །དྲུག་པ་ཐམས་ཅད་ལ་ནི་བརྗོད། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཞི་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོ་མ་རྣམས་ཉེར་འདུས་མཆོག་།གང་དུ་མཉེས་པར་འགྱུར་བ་ཡི། །མཁའ་འགྲོ་མ་ཀུན་རབ་སྡོམ་པའོ། །ཡི་དྭགས་གནས་བཞིར་རབ་སྦྱར་རམ། །ཡང་ན་རྒྱ་མཚོའི་འགྲམ་དུའམ། །ལམ་གྱི་བཞི་མདོར་རབ་བསྒྲུབ་ཅིང ། །མཆོག་རྣམས་ཐམས་ཅད་བསྒྲུབ་པར་བྱ། །རི་བོ་ཕུག་དང་ནགས་ཚལ་དང་།། དེ་བཞིན་ཤིང་གཅིག་ཏུ་བརྗོད་པར། །མཚན་མོ་འཇིགས་པའི་གཟུགས་ཀྱིས་རབ་བསྒྲུབས་ནས། །རྣལ་འབྱོར་བླ་ན་མེད་པ་སྐྱེ་བར་འགྱུར། །དེར་ནི་རྟག་ཏུ་མཁའ་འགྲོ་མ་རྣམས་དང ། །ལྷན་ཅིག་འདུག་པར་སྒྲུབ་པོ་ཐེ་ཚོམ་མེད། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་ལྔ་པའོ།། །།སྔར་སྤྱོད་ཆོ་གའི་རིམ་ 531a ༄#། །པ་རྣམས། །རབ་ཏུ་བཤད་ཀྱི་ལྷ་མོ་ཉོན། །དཀའ་ཐུབ་རྣལ་འབྱོར་པས་མི་བྱ། །གཞན་པ་ཀུན་དང་གནས་མི་བྱ། །ལུས་ལ་མཆོག་ཏུའང་མཆོད་མི་བྱ། །བརྙས་པ་ཉིད་དུའང་མི་བྱ་སྟེ། །སྣ་ཚོགས་རང་བཞིན་མེད་མཉམ་ལྟ། །གསེག་མ་སོལ་བས་བསྒོས་བྱ་ཞིང ། །ཐལ་བས་འབད་དེ་བརྒྱན་པར་བྱ། །བཟའ་དང་བཟའ་མིན་ལ་སོགས་ལ། །སྔགས་པས་ཀུན་ཏུ་རྟོག་མི་བྱ། །མེ་ཏོག་རྙེད་རྙེད་ཐམས་ཅད་ཀྱིས། །རྟག་ཏུ་ཕྲེང་བ་ཉིད་དུ་བྱ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་དྲུག་པའོ།། །།དེ་ནས་གོ་ཆ་རྣམས་ཀྱི་ནི། །ལས་ཀྱི་ཚོགས་རྣམས་བཤད་བྱ་བ། ། འཇིག་རྟེན་གསུམ་ན་བཅུད་ཡོད་གང ། །སྨྱོ་བྱེད་འབྲས་སྐྱེས་ལ་བསྲེས་ན། །དེ་ལ་སྐད་ཅིག་གིས་ཀུན་གྲུབ། །གོ་ཆ་བཟླས་བཞིན་འགྲོ་བྱེད་ན། །ལྷ་རྣམས་ཀྱིས་ཀྱང་མི་མཐོང་ཞིང ། །ཆོམ་རྐུན་སྟག་སོགས་ཀྱིས་མི་འཇིགས། །གོ་ཆ་བཟློས་བཞིན་དུ་རྒྱལ་པོའི་གྲོང་དུ་བྱིན་གྱིས་བརླབས་ཏེ་ཞུགས་ན། མི་མཐོང་པར་ཡང་འདོད་པ་དེ་བླངས་ནས་སླར་ཡོད་པ་དང ། གོ་ཆ་བཟློས་བཞིན་བཟླས་པས་གང་ལ་རེག་ན་དེ་མདུང་བཞིན་དུ་རེངས་པར་འགྱུར་རོ། །སུམ་ཅུ་རྩ་གསུམ་ 531b པས་ཀྱང་མི་གཡོའོ། །སྔགས་བཟླས་པའི་རྐང་པས་བསྣུན་ན་ནི། སླར་གྲོལ་བར་འགྱུར་རོ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བདུན་པའོ།། །། དེ་ནས་རྩ་བའི་སྔགས་ཀྱི་ལས་བཤད་དེ། ཤ་ལྔ་ལས་གཟུགས་བརྙན་གྱི་རབ་ཏུ་སྦྱོར་བ་ལས་ལས་ཐམས་ཅད་བྱེད་པ་ཡིན་ཏེ། ལྷ་དང ། ལྷ་མ་ཡིན་དང ། ཀླུ་དང ། གནོད་སྦྱིན་ཐམས་ཅད་དང ། དྲི་ཟ་ཐམས་ཅད་དང ། ལྷའི་སྐྱེ་གནས་ཐམས་ཅད་དྲན་པ་ཉིད་ཀྱིས་མཆིའོ། །སྤྲིན་རྣམས་སྐྲག་པར་བྱེད་པ་དང ། ཆར་འབེབས་པར་བྱེད་པ་དང ། ཟློག་པར་བྱེད་པ་དང ། རྒྱ་མཚོ་སྐེམ་པར་བྱེད་པ་དང ། ཆུ་བོ་རྒྱུན་ཕྱོགས་ལས་ཟློག་པར་བྱེད་པ་དང ། དབང་པོ་ཟློག་པར་བྱེད་པ་དང ། དབང་པོ་ཟློག་པར་བྱེད་པས་དུར་ཁྲོད་ཀྱི་སོལ་བ་ལ་ཇི་ཙམ་འདོད་པ་བཟླས་ནས་གང་ལ་བསྣུན་ན། དེ་དེའི་སྐད་ཅིག་མ་ཉིད་ལ་ལྟུང་ངོ ། །དུར་ཁྲོད་ཀྱི་སོལ་བ་ལ་ཡོངས་སུ་བཟླས་ཏེ་གང་ལ་བསྣུན་ན། དེ་དེའི་སྐད་ཅིག་ཉིད་ལ་ཤ་ཟས་འཛིན་ནོ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །མཁའ་འགྲོ་མ་ཡི་སྤྱོད་པ་སྟེ། །དཔའ་བོའི་དཔའ་དང་ཆ་བླངས་མ། །གང་གིས་ཕོ་ཉར་ཤེས་བྱས་ཏེ། །དཔའ་བོས་མཛེས་མ་ 532a ༄#། །སྤྱད་པར་བྱ། །ས་ནི་རྟེན་དུ་བྱས་ནས་ནི། །དམ་པའི་སྤྱོད་པའི་བཟླས་བརྗོད་བྱ། །རིམ་ལས་ལྡོག་པའི་ལྡང་ཚུལ་དང ། །ཁ་ཡི་རང་བཞིན་འཇིགས་བག་ཅན། །རྟག་ཏུ་སྨྱོན་མ་བསུས་པའི་གདོང ། །ཆོས་ཀྱི་རིམ་པ་མྱུར་ཤེས་པ། །མཁའ་འགྲོ་མ་ཡི་རྣམ་སྤྱོད་ཡིན། །རི་མོ་གསུམ་པོ་ཡོངས་ཟླུམ་པོར། ། རིམ་དང་རིམ་ལྡོག་ཇི་བཞིན་ཤེས། །འགྲོ་དང་འོང་བས་མཁའ་འགྲོ་མའི། །མཚན་མ་ཀུན་གྱི་མཚན་ཉིད་དོ། །དགྲོལ་ལས་བཞིན་གྱི་གཉེར་མ་ཅན། །ཅི་ཞིག་གིས་ནི་སླར་ལྡོག་བྱེད། །དེ་ལས་རྡོ་རྗེའི་དགུག་པ་གསལ། །དེ་དབྱངས་ཀོ་ཀ་ལ་ཡི་སྐད། །རྣལ་འབྱོར་དམ་པ་དེ་ལྟའི་དངོས། །ཤེས་པར་བྱས་ན་དངོས་གྲུབ་སྟེར། །དེ་ལ་མཚན་ཉིད་བསམ་བྱས་ན། །དེ་ཡིས་དེ་ཡི་དངོས་པོར་འགྱུར། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་དགུ་པའོ།། །།དངོས་གྲུབ་ཀུན་ནི་རབ་སྟེར་བ། །ང་ཡིས་བཤད་ཀྱི་ལྷ་མོ་ཉོན། །ལུས་ངག་སེམས་ལ་རྟག་ཏུ་ནི། །ཡིད་ཀྱི་རྡུལ་དང་བྲལ་བར་བྱ། །མཁའ་འགྲོ་ཀུན་དང་མཉམ་སྦྱོར་བའི། ། ལུས་ཀྱི་དཀྱིལ་འཁོར་རྣམ་བསམ་པར། །གང་དུའང་ཕོ་ཉ་མོ་གནས་མིན། །ཡོངས་སུ་བསྒོམས་པས་འོང་མིན་གྱི། །དད་པ་ཙམ་གྱིས་གཟུང་བྱ་སྟེ། །མིག་དང་ལག་ 532b པས་མ་ཡིན་ནོ། །གསང་བ་འདི་གསལ་མི་བྱ་ཞིང ། །རབ་ཏུ་འབད་དེ་སྦ་བར་བྱ། །རྣལ་འབྱོར་མ་རྣམས་ཀུན་བསྡུས་བལྟ། །དེ་ཕྱིར་ལུས་ཉིད་དུ་མི་བལྟ། །དཔལ་རྡོ་རྗེ་མཁའ་འགྲོ་འགྲོའི་རྒྱུད་ཆེན་པོ་ལས་ལེའུ་བཅུ་པའོ།། །།དེ་ནས་གཞན་ཡང་བཤད་བྱ་བ། །དམ་ཚིག་སྤྱོད་པའི་སྤྱོད་ཡུལ་ཏེ། །དམ་ཚིག་རབ་བསྲུངས་རབ་འགྲུབ་སྟེ། ། དམ་ཚིག་ལས་ནི་སྔགས་པར་གནས། །རྟག་ཏུ་འབྲས་སྐྱེས་སྟོབས་བརྟེན་ཅིང ། །རྣལ་འབྱོར་མ་རྣམས་སྨད་མི་བྱ། །རྗེས་སུ་འཇུག་རྣམས་མི་བཟློག་གོ་།དམ་ཅན་མི་རྣམས་ལ་མི་སྨད། །བརྩོན་ལྡན་རྣམས་ལ་གནོད་མི་བྱ། །འདི་རྣམས་དང་ལྡན་ཅི་བདེར་བྱ། །གྲོལ་བར་འདོད་པ་དེ་དོན་དུ། །དམ་ཚིག་རྣམས་ནི་སྤྱད་པར་བྱ། །སངས་རྒྱས་རྣམས་ཀྱིས་གསུངས་པ་ལ། །ཅུང་ཟད་ཙམ་ཡང་སྨད་མི་བྱ། །ཁྲོས་ཏེ་རབ་སྦྱོར་འགའ་མི་བྱ། །སྔགས་ལ་སྦྱར་བར་མི་བྱའོ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་གཅིག་པའོ།། །།རྡོ་རྗེ་མཁའ་འགྲོ་སྒྲུབ་པའི་ཐབས། །ང་ཡིས་བཤད་ཀྱི་ལྷ་མོ་ཉོན། །དང་པོར་བསྒོམ་བྱ་རོ་ཉིད་དོ། །ཆོས་དབྱིངས་དག་ཏུ་རིག་པར་བྱ།། དེ་ཡི་སྟེང་ནུས་རྣལ་འབྱོར་པ། །གོ་འཕང་མཆོག་ནི་བསྒོམས་བྱས་ཏེ། །དེ་ཉིད་དུ་ནི་རྣམ་པར་དགོད། །རང་གི་སྙིང་གའི་ཟླ་དབུས་སུ། །འོད་ལས་ལྷ་མོ་ཀུན་ཕྱུང་བ། ། 533a ༄#། །ཕྱག་འཚལ་མཆོད་སོགས་འདི་ལྟར་གསུངས། །དང་པོར་སྙིང་གར་ཟླ་དབུས་སུ། །ཡི་གེ་ཨ་ཡིས་ཟླ་དཀྱིལ་འཁོར། །རྣམ་པར་བསམས་ལ་དེ་སྟེང་དུ། །ཡི་གེ་ཧཱུཾ་ནི་རྣམ་པར་བསྒོམ། །དེ་ནས་བྱམས་པའི་སེམས་བྱས་ཏེ། །དེ་ནས་རེ་ཞིག་དཀྱིལ་འཁོར་བྲི། །གྲུ་བཞི་པ་ལ་སྒོ་བཞི་པ། །ཁ་ཁྱེར་རྡོ་རྗེས་ངེས་པར་མཚན། །སྐུད་པ་བཞི་དང་ཡང་དག་ལྡན། །འཕན་གྱི་ཕྲེང་བ་ཤིན་ཏུ་མཛེས། །དཀྱིལ་འཁོར་ཀུན་གྱི་གྲཝ་རྣམས་དང ། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་པོ་ཆེས་མཚན་པར། །དཀྱིལ་འཁོར་ཕྱི་རིམ་ཐིག་གདབ་བོ། །ཤེས་རབ་ཅན་གྱིས་ཐིག་གདབ་བོ། །འཁོར་ལོའི་ཕྲེང་བས་རྣམ་པར་མཛེས། །དེ་ནང་དུ་ཡང་པདྨ་ནི། །མདོག་དཀར་རབ་ཏུ་མཛེས་པ་བྲི། །གཞན་ཡང་དེ་ཡི་སྟེང་དུ་ནི། །མདོག་དམར་པདྨ་འོད་དང་ལྡན། །པདྨའི་ཕྲེང་བས་བསྐོར་བས་སོ། །སྔགས་པ་དེ་ཡི་ནང་དུ་ཡང ། །རྡོ་རྗེ་ཕྲེང་བ་འཁྲིགས་པར་བྲི། །ཡང་ན་པད་ཆེན་འདབ་བརྒྱད་པ། །ིནྡྲ་ནཱི་ལའི་འོད་མཉམ་པའོ། །དེ་དབུས་དཀྱིལ་འཁོར་ལྔས་བརྒྱན་པར། །གཡས་ན་རྡོ་རྗེ་གཙོ་བོར་བཞུགས། །རི་རབ་རེ་ཡི་སྟེང་དུ་ནི། །སྣ་ཚོགས་གཟུགས་ཅན་ཡིད་འོང་བ། །སངས་རྒྱས་བྱང་ཆུབ་ 533b སེམས་དཔའ་རྣམས། །ཐམས་ཅད་བདག་ལ་དགོངས་སུ་གསོལ། །བདག་མིང་ཆེ་གེ་མོ་ཞེས་པ། །དུས་འདི་ནས་ནི་བཟུང་ནས་ནི། །ཇི་སྲིད་བྱང་ཆུབ་མ་ཐོབ་པར། ། ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བླ་ན་མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང ། །དགེ་བའི་ཆོས་ནི་སྡུད་པ་དང ། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་སོ་སོར་གཟུང ། །སངས་རྒྱས་རྣལ་འབྱོར་སྡོམ་པ་ལ། །སངས་རྒྱས་ཆོས་དང་དགེ་འདུན་ལ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་དག་།ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་རྣལ་འབྱོར་ལ། །དམ་ཚིག་ཡིད་དུ་འོང་བ་ནི། །ཉིན་རེ་ཞིང་ནི་ཡང་དང་ཡང ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་དང་གསང་བ་ཐེག་པ་གསུམ། །དམ་པའི་ཆོས་རྣམས་སོ་སོར་གཟུང ། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ 534a ༄#། །ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། ། དམ་པ་བདག་གིས་བསྐྱེད་པར་བགྱི། །སེམས་ཅན་ཀུན་གྱི་དོན་གྱི་ཕྱིར། །སྡོམ་པ་ཐམས་ཅད་གཟུང་བགྱི་ཞིང ། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་བདག་གིས་དབྱུང ། །སེམས་ཅན་མྱ་ངན་འདས་ལ་དགོང ། །ོཾ་སཝ་བྷཱ་ཝ། ཤུདྡྷཱཿ སརྦྦ་དྷརྨཱཿ སཝ་བྷཱ་བ་ཤུདྡྷོཉཧཾ། དེ་ནས་ཐམས་ཅད་བདག་མེད་པ་གནས་གཞི་དང་ངན་པར་བྲལ་བར་བལྟས་ཏེ། དེ་ཉིད་བཅོམ་ལྡན་རྡོ་རྗེ་ཅན། །རྡོ་རྗེ་སེམས་དཔའ་དེ་བཞིན་གཤེགས། ཁ་དོག་སྔོན་པོ་དྲག་པོ་ཆེ། །ཐོད་པའི་ཕྲེང་བས་རྣམ་པར་བརྒྱན། །ཕྱག་བཞི་པ་ལ་ཞལ་བཞི་པ། །སྤྱན་གསུམ་གྱིས་ནི་རྣམ་པར་མཛེས། །ཡི་དྭགས་ཆེན་པོ་གདན་དུ་མཛད། །ཉི་མ་ལ་བཞུགས་གར་བཅས་མཛད། །ཐོད་པ་དང་ནི་ཁ་ཊྭཱཾ་ག་།གཞུ་དང་དེ་བཞིན་གཞན་མདའ་འོ། །དེ་ལྟའི་ཆོ་གའི་རིམ་པ་འདི། །ཡེ་ཤེས་ཀྱི་ནི་རྣམ་པར་བསྒོམ། །ཤར་དུ་དཀར་པོ་སྡོ་མདངས་ 534b ཅན། །གཡོན་ན་ཁ་ཊྭཱཾ་ག་དྲིལ་བུ། །རྡོ་རྗེ་ཐོད་པ་དེ་བཞིན་གཞན། །བྱང་ན་དམར་པོའམ་ཅུང་ཟད་སེར། །གཡོན་ན་ཁ་ཊྭཱཾ་ག་ཞགས་པ། །ཕྱག་གཡས་ཅང་ཏེའུ་ཐོད་པ་ཉིད། །ནུབ་ན་དམར་བའམ་ཅུང་ཟད་སེར། །འབད་བས་མདའ་དང་གཞུ་འཛིན་ཅིང ། །ཐོད་པ་སྣ་ཚོགས་པདྨ་དག་།གཡས་དང་གཡོན་གྱི་ཕྱག་ནའོ། །ལྷོ་ན་དཀར་བའམ་སེར་བའམ། །གཡོན་ཕྱག་རྩེ་གསུམ་རིན་པོ་ཆེ། །གཡས་ན་དེ་བཞིན་ཐོད་པའོ། །གླང་པོ་དང་ནི་ཅེ་སྤྱང་དང ། །མི་དང་བ་ལང་ཉིད་དག་ནི། །ཐོད་པ་རྣམས་ན་ཆོ་ག་བཞིན། །དང་པོར་ལྟུང་བར་བྱེད་མ་ཉིད། །གཉིས་པ་གསོད་པར་བྱེད་མ་སྟེ། །གསུམ་པ་འགུགས་པར་བྱེད་མའོ། །བཞི་པ་གར་གྱི་དབང་ཕྱུག་མའོ། །རིག་མ་དེ་དག་དབུ་སྐྲ་ནི། །གྱེན་དུ་འབར་ཞིང་རྒྱན་རྣམས་ཀྱིས། །བརྒྱན་ནས་གར་མཛད་བཞུགས་བའོ། །མཚམས་བཞིར་གནས་པའི་ཐོད་པར་ནི། །སངས་རྒྱས་གཟུགས་ལྔས་ཉེ་བར་བརྒྱན། །བཏུང་བ་མཆོག་དང་ཡང་དག་ལྡན། །དང་པོར་ཡི་གེར་ཡང་དག་ལྡན། །སྐད་ཅིག་ལས་ནི་འབར་བར་བསམ། །ལྷ་མོ་དེ་ལྟར་བསྒོམས་བྱས་ནས། །འབྲས་བུ་ནོར་ 535a ༄#། །གྱི་དངོས་གྲུབ་འཐོབ། །རིག་པ་ཆེན་པོ་སྦྱོར་འགྲུབ་པ། །ཡང་དག་མངོན་སུམ་རབ་ཏུ་བསྒོམ། །མི་སྣང་བར་གནས་ཐམས་ཅད་བདག་།རྣལ་འབྱོར་པས་ནི་ཡུད་ཀྱིས་མཐོང ། །ལྷ་མཆོག་ལས་སྐྱེས་བུ་མོ་རྣམས། །སངས་རྒྱས་ཀུན་ལ་འཕྲོག་ནས་སྤྱོད། །རྡོ་རྗེ་གསུམ་གྱི་གནས་བཞུགས་པའི། །སངས་རྒྱས་གངྒའི་བྱེ་མཉམ་རྣམས། །རང་ལག་སྐྱུ་རུ་ར་བཞག་བཞིན། །རྡོ་རྗེ་མིག་གིས་མཐོང་བར་འགྱུར། །གངྒཱའི་བྱ་མཉམ་སངས་རྒྱས་ཞིང ། །སྐུ་གསུང་ཐུགས་རྣམས་ཀྱིས་མཚན་པའི། །སེམས་དངོས་གར་མཁན་དངོས་པོ་ནི། །ཐམས་ཅད་བདག་ཉིད་དུ་མཐོང་འགྱུར། །རྒྱུད་དང་སྔགས་རྣམས་རྣམ་བསྒོམས་པ། །ཡི་གེ་ཕྱིན་ཅི་ལོག་ཏུ་སྦྱར། ། མཆོག་ཏུ་གསང་བ་འདི་དག་ནི། །ཁྱོད་ལ་ལེགས་པར་བཤད་པ་ཡིན། །མཁའ་འགྲོ་མ་ཀུན་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག་།རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེས་དེ་སྐད་གསུངས། །འདི་དག་ནི། རྡོ་རྗེ་མཁའ་འགྲོའི་རྒྱུད་ཆེན་པོ་ལས་རྡོ་རྗེ་མཁའ་འགྲོ་ཆེན་པོ་བཞེངས་པའི་ལེའུ་སྟེ་བཅུ་གཉིས་པའོ།། །།དེ་ནས་དངོས་གྲུབ་ཀུན་སྟེར་བ། །གང་གིས་དངོས་གྲུབ་མྱུར་བྱེད་ཅིང ། །ཐེ་ཚོམ་མེད་པར་སྐྱེད་པ་ཡི། །མཁའ་འགྲོ་ 535b མ་ཡི་སྙིང་པོ་བཤད། །མཚན་མ་གཉིས་ལ་སྔགས་མཉམ་སྦྱར། །དཔའ་བོ་མཁའ་འགྲོ་མ་གཉིས་མེད། །རབ་ཏུ་སྦྱོར་བའི་དོན་འདི་དག་།རྣལ་འབྱོར་མ་ལ་རབ་ཏུ་བསྒྲུབ་དེ་ལས་འགྲུབ་པར་རབ་ཏུ་གྲགས། །ལྷ་དང་ལྷ་མིན་མིར་བཅས་རྣམས། །བསྒྲུབ་བྱ་རྣམས་ནི་མྱུར་བར་འདིས། །ཇི་བཞིན་རྟག་ཏུ་ཉེ་བ་དང ། །རིང་ཡང་དེ་བཞིན་མྱུར་བསྐྱེད་དེ། །འདི་དག་ཉེ་བར་འགྱུར་བ་ནི། །དེ་ཡི་གཟུགས་སྐུ་འགུགས་པར་བྱེད། །པདྨའི་ལྟེ་བར་རབ་གནས་ལ། །དབུགས་ཀྱི་བརྡ་ཡིས་བསྒོམ་པར་བྱ། །དེར་ནི་སྣ་ཚོགས་སྐུ་བསམས་ཏེ། །སྣ་ཚོགས་སྐུ་ལ་མཆོད་བྱ་ཞིང ། །བྱང་ཆུབ་སེམས་ནི་རྟོགས་བྱས་ནས། །བདག་ཉིད་རབ་ཏུ་སྦྱར་བར་བྱ། །མཁའ་འགྲོ་མ་དང་མཉམ་སྦྱོར་བ། །དེ་ལ་མཁའ་བཞིན་གནས་པར་བྱ། །འབྱུང་གནས་ཐམས་ཅད་དེ་ལྟ་ཉིད། །དེར་ནི་མཁའ་འགྲོ་མ་ཀུན་ནོ། །གནས་སོགས་འབྱུང་གནས་མཁའ་འགྲོ་མ། །ཡུལ་རྣམས་ཀུན་ལ་གནས་པ་ཡིན། །ཡུལ་ཡུལ་དུ་ནི་སྐྱེས་ལྡན་མ། །རང་སྐྱེའི་གནས་སུ་ཡང་དག་བཤད། །དཀྱིལ་འཁོར་ལ་ཞུགས་མཁའ་འགྲོ་མ། །དེ་ནས་མཚན་མོ་ཤར་ནས་བཟའ། །དེ་ཡིས་མཉམ་པར་རབ་སྦྱར་ནས། །སྔགས་པས་རྟག་ཏུ་རབ་བསྒྲུབ་བྱ། །དེར་ནི་རོལ་པ་ཆེན་སྤྱོད་ཅིང ། །ཐམས་ཅད་སྒྱུ་མ་ལྟ་བུར་བསྒྲུབ། །དམ་ཚིག་རང་ 536a ༄#། །བཞིན་དུ་བྱས་ནས། །དེ་ལ་སྡོམ་པར་རབ་སྐྱེ་བ། །སྣང་མེད་དགའ་བར་རང་རིག་པའོ། །དེ་དག་ནི། དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་གསུམ་པའོ།། །།དེ་ནས་ཡང་དག་བཤད་བྱ་བ། །མ་མོའི་དཀྱིལ་འཁོར་དགེ་བ་དང ། །ལྷ་རྣམས་ཀུན་གྱི་སྒྲུབ་ཐབས་ཀུན། །\?\་ཉ་རྣམས་ཀྱི་ཁྱད་པར་དང ། །འབྱུང་པོ་གདོན་དང་རིག་པ་ཆེ། །ལུས་སྲུལ་པོ་ནི་གང་ཞིག་དང ། །དེ་བཞིན་སྔགས་ཀྱི་ཕྲེང་བ་དང ། །དེ་ལྟར་བཤད་ཀྱི་ལྷ་མོ་ཉོན། །གྲུ་བཞི་པ་ལ་སྒོ་བཞི་པ། །སྒོ་སྐྱོང་རྣམས་དང་ཡང་དག་ལྡན། །དངོས་གྲུབ་ཡོན་ཏན་ཀུན་གྱི་གཞི། །དཀྱིལ་འཁོར་མཛེས་པར་བྲི་བར་བྱ། །འདོད་པའི་ཡོན་ཏན་ལྔ་དང་ལྡན། །ཉེ་བར་སྤྱོད་པ་ལྔ་ཡིས་བརྒྱན། །རི་མོ་མཁན་ནི་དམ་ཚིག་ཅན། །སྒྲུབ་པོ་མཆོག་གིས་འབྲི་རུ་གཞུག་།རོ་ལ་དཀྲིས་པའི་རས་དག་གམ། །ཡང་ན་མཚོན་གྱིས་བཏབ་པའི་ཟས། །འབྱུང་པོ་དག་གི་རས་དག་ནི། །བ་ལང་ཀོ་བ་ཙམ་ཞིག་ལ། །ནག་པོའི་བརྒྱད་དམ་བཅུ་བཞི་ལ། །འབྱུང་པོ་རྣམས་ཀྱི་དཀྱིལ་འཁོར་བསྒྲུབ། །དེ་ནས་འབུམ་གཅིག་བཟླས་བྱིན་ན། །མདུན་དུ་མངོན་སུམ་ཉིད་དུ་འགྱུར། །ཚངས་པ་མོ་དང་ཤིས་བྱེད་མ། །གཞོན་ནུ་མ་དང་ཕག་ 536b མོ་དང ། །དབང་པོ་མ་དང་རྒན་བྱེད་མ། །ཚོགས་ཀྱི་དབང་ཕྱུག་མ་དང་ནི། །བྱིན་ཟ་ཡི་ནི་བདག་ཅན་མའོ། །རིམ་པ་གཉིས་པ་དག་ལ་ནི། །ཚངས་དང་གཤིན་རྗེ་ཆུ་ལྷ་དང ། །ནོར་སྦྱིན་དང་ནི་ཡི་དྭགས་དང ། །བྱིན་ཟ་དང་ནི་དབང་ལྡན་དང ། །བདེན་བྲལ་དེ་བཞིན་རླུང་ལྷའོ། །རིམ་པ་གསུམ་པ་དག་ལ་ནི། །ཉི་མ་དང་ནི་ཟླ་བ་དང ། །མིག་དམར་དང་ནི་གཟའ་ལག་དང ། །ཕུར་བུ་དང་ནི་པ་བ་སངས། །སྤེན་པ་སྒྲ་གཅན་འཛིན་དག་གོ་།ཁྱིམ་པ་བཞི་ལ་སྒོ་བཞིར་ནི། །ཚངས་དང་ཁྱབ་འཇུག་དེ་བཞིན་དུ། ། དྲག་པོ་དང་ནི་ཀརྟི་ཀ་།ས་དང་ཆུ་དང་མེ་དང་རླུང ། །འབྱུང་བ་ཆེན་པོ་བཞི་རྣམས་སོ། །རིམ་པ་དང་པོའི་དབུས་ཉིད་ཀྱི། །ཕྱོགས་བཞི་དང་པོར་མཁའ་འགྲོ་མ། །མར་མེ་མ་དང་མཛེས་པ་མོ། །འཇིགས་བྱེད་མ་དང་དེ་བཞིན་དུ། །དབུས་སུ་ཁྱབ་བདག་ཉིད་གནས་སོ། །ཡང་དག་མཐའ་ལས་མཐར་འགྱུར་བའི། །རང་བཞིན་གྱིས་ནི་ཆོ་ག་བཞིན། ། རྣལ་འབྱོར་པས་ནི་བསྒྲུབ་པར་བྱ། །དཀྱིལ་འཁོར་ཆེན་པོའི་སྦྱོར་བ་ཡིས། །ཕྱི་ཡི་དཀྱིལ་འཁོར་དེ་བཞིན་བྲི། །དབུས་སུ་ཡོངས་སུ་ཟླུམ་པོ་རུ། །རི་མོ་ཤིན་ཏུ་མཛེས་པས་\?\་བསྐོར། །ལྟེ་བ་སྦས་པའི་སྤྱོད་ཡུལ་ཅན། །པདྨ་འདབ་བརྒྱད་བྲི་བར་བྱ། །དེ་དབུས་ཁྲོ་བོ་ཆེན་པོ་ནི། །ཞལ་གཅིག་པ་ལ་ཕྱག་བཞི་པ། །མཆེ་བ་ཅུང་ཟད་གཙིགས་པ་ 537a ༄#། །ཅན། །ཅུང་ཟད་བཞད་པའི་ཞལ་དང་ལྡན། །ཁ་དོག་སྔོན་པོ་གཙིགས་པ་ཆེ། །ཐོད་པའི་ཕྲེང་བས་རྣམ་པར་བརྒྱན། །རོ་གཅིག་གར་ལྡན་ཉི་མར་བཞུགས། །ལྷ་རྣམས་འཇིགས་པར་མཛད་པ་པོ། །སྟག་གི་པགས་པའི་སྨད་དཀྲིས་ཅན། །སྤྱན་གསུམ་གཟིགས་མཆོག་དང་ལྡན་པ། །རྡོ་རྗེ་འབར་བ་ཕྱག་གཡས་ན། །འཕན་ལྕེ་གསུམ་པ་གཡོན་ན་འོ། །མདའ་གཞུ་དེ་བཞིན་གཡས་གཡོན་ཕྱག་།མཁའ་འགྲོ་མ་ནི་ཤར་དུ་བྲི། །ལྷོ་རུ་འཇིགས་བྱེད་མ་ཉིད་དེ། །ནུབ་ཏུ་ལྷ་མོ་མཛེས་མའོ། །བྱང་དུ་མར་མེ་མ་དགོད་དེ། །ཡི་གེ་ཧཱུཾ་ལས་བྱུང་བ་ཡི། །ཕག་མོ་ཞལ་གཅིག་ཕྱག་བཞི་མ། །མདའ་གཞུ་དང་ནི་དེ་བཞིན་དུ། །རྒྱལ་མཚན་དང་ནི་ཐོད་པ་ཉིད། །ཁ་དོག་སྔོན་མོ་འཇིགས་ཆེན་མོ། །ཕག་གི་གདོང་བས་འཇིགས་པར་མཛད། །ཡི་གེ་ཕཊ་ལས་ཤིས་བྱེད་མ། །ཁ་དོག་དམར་མོ་ཕྱག་བཞི་མ། །ཐོད་པ་དང་ནི་ལྕགས་ཀྱུ་ཉིད། །དེ་བཞིན་ཁ་ཊྭཱཾ་གཅང་ཏེའུ། །ཡི་གེ་ཧ་ལས་གཞོན་ནུ་མ། །ཁ་དོག་སེར་མོ་ཕྱག་བཞི་མ། །རྩེ་གསུམ་དང་ནི་འཕན་ལྕེ་གསུམ། །དེ་བཞིན་གཞུ་དང་མདའ་ཉིད་དོ། །ཧོ་ཡིག་ལས་ནི་རྒན་བྱད་མ། །ཁ་དོག་ནག་མོ་ཕྱག་བཞི་མ། །ཁ་ཊྭཱཾ་ག་དང་ཐོད་པ་ཉིད། །དེ་བཞིན་ 537b རལ་གྲི་ཅང་ཏེའུ། །བཾ་ཡིག་ལས་བྱུང་ཚངས་པ་མོ། །ཁ་དོག་དཀར་མོ་ཕྱག་བཞི་མ། །པདྨ་དང་ནི་ཐོད་པ་ཉིད། །དེ་བཞིན་གཞན་ན་གཞུ་དང་མདའ། །གྷ་ཡིག་ལས་བྱུང་ཚོགས་དབང་མོ། །སྔོ་བསངས་མདོག་ལ་ཕྱག་བཞི་མ། །རྩེ་གསུམ་དེ་བཞིན་ཐོད་པ་དང ། །བགྲང་ཕྲེང་དང་ནི་ལ་དུའོ། །བཾ་ཡིག་ལས་ནི་ཁྱབ་འཇུག་མ། །ཁ་དོག་སྔོན་མོ་ཕྱག་བཞི་མ། །དབྱུག་ཏོ་དང་ནི་ཐོད་པ་འཛིན། །དེ་བཞིན་ཞགས་པ་རལ་གྲི་བཞིན། །ཡི་གེ་ལས་བྱུང་དབང་པོ་མ། །ཁ་དོག་སེར་མོ་ཕྱག་བཞི་མ། །རྡོ་རྗེ་གསལ་ཤིང་ཐོད་པ་དང ། །སྡིགས་མཛུབ་དང་ནི་ཞགས་པའོ། །ཀུན་ཀྱང་དབུ་སྐྲ་གྱེན་དུ་འབར། །སྣ་ཚོགས་རྒྱན་གྱིས་རྣམ་པར་བརྒྱན། །སྤྱན་གསུམ་དང་ནི་རོ་ལ་ཞོན། །སྟག་གི་པགས་པའི་སྨད་དཀྲིས་ཅན། །ཤར་གྱི་སྒོ་ནི་ཚངས་བ་བྲི། །ཁ་དོག་དཀར་པོ་ཞལ་བཞི་པ། །ཐོད་པ་དང་ནི་བགྲང་ཕྲེང་དང ། །གནྡྷ་དང་\?\་ནི་པདྨའོ། །བྱང་དུ་དེ་བཞིན་ཁྱབ་འཇུག་སྟེ། །ཁ་དོག་ནག་པོ་ལག་བཞི་པ། །རལ་གྲི་དེ་བཞིན་འཁོར་ལོ་དང ། །ཐོད་པ་དང་ནི་དབྱུག་པའོ། །ལྷོ་རུ་དྲག་མོ་བྲི་བྱ་སྟེ། །དུ་བའི་མདོག་ལ་ལག་བཞི་པ། །རྩེ་གསུམ་ཉིད་དང་ཀ་པཱ་ལ། །དེ་བཞིན་ཞགས་པ་བགྲང་ཕྲེང་འཛིན། །ནུབ་ཏུ་ཀརྟི་ཀ་བྲི་སྟེ། །ཁ་དོག་ 538a ༄#། །སེར་པོ་ལག་བཞི་པ། །དཔའ་བོ་གསལ་ཤིང་དབྱུག་པ་དང ། །དེ་བཞིན་ཐོད་པ་བགྲང་ཕྲེང་འཛིན། །དབང་ལྡན་ཁྱུ་མཆོག་ལ་ཞོན་པ། །ཁ་དོག་དཀར་པོ་ལག་བཞི་པ། །ཐོད་པ་དང་ནི་རྩེ་གསུམ་འཛིན། །དེ་བཞིན་གཞན་ནི་ཐལ་མོ་སྦྱར། །གླང་པོ་ཞོན་པ་དབང་པོ་སྟེ། །ཁ་དོག་སེར་པོ་ལག་བཞི་པ། །རྡོ་རྗེ་དང་ནི་ཐོད་པ་འཛིན། །གཞན་ནི་ཐལ་མོ་ཁ་སྦྱར་བྱེད། །ར་སྐྱེས་ཞོན་པ་མེ་ཕྱོགས་འཛིན། །ཁ་དོག་དམར་པོ་ལག་བཞི་པ། །མེ་\?\་དང་མི་\?\་འདོད་\?\་པར་ལྡན། །སྐྲག་ནས་གཞན་ནི་ཐལ་མོ་སྦྱར། །གཤིན་རྗེ་མ་ཧེ་ལ་ཞོན་པ། །ཁ་དོག་ནག་པོ་ལག་བཞི་པ། །དབྱུག་པ་དང་ནི་ཐོད་པ་འཛིན། །དེ་བཞིན་སྐྲག་ནས་ཐལ་མོ་བྱེད། །བདེན་བྲལ་དང་ནི་ཁྱི་ལ་ཞོན། །ཁ་དོག་ལྗང་གུ་ལག་བཞི་པ། །རལ་གྲི་ཉིད་དང་ཐོད་པ་འཛིན། །སྐྲག་ནས་གཞན་དག་ཐལ་མོ་སྦྱོར། །ཆུ་ཡི་ཕྱོགས་ནི་ཆུ་སྲིན་ཞོན། །ཁ་དོག་དཀར་པོ་ལག་བཞི་པ། །ཞགས་པ་དང་ནི་ཐོད་པར་ལྡན། །གཞན་དག་ཐལ་མོ་ཁ་སྦྱོར་བྱེད། ། རླུང་ནི་རི་དྭགས་ཞོན་པ་སྟེ། །དུ་བའི་མདོག་ཅན་ལག་བཞི་པ། །བ་དན་དང་ནི་ཐོད་པར་ལྡན། །དེ་བཞིན་གཞན་ནི་ཐལ་མོ་སྦྱོར། །ནོར་སྦྱིན་ན་ནི་གཏེར་ལ་ 538b ཞོན། །ཁ་དོག་སེར་པོ་ལག་བཞི་པ། །རིན་པོ་ཆེ་དང་ཐོད་པར་ལྡན། །གཞན་དག་ཐལ་མོ་སྦྱར་བའོ། །གཟའ་དང་རྒྱུ་སྐར་ཐམས་ཅད་ནི། །སོ་སོའི་དཀྱིལ་འཁོར་ལ་བསམ་བྱ། །རང་གི་དམ་ཚིག་ལས་བྱུང་བ། །སྟོབས་པོ་ཆེ་ལ་རྫུ་འཕྲུལ་ལྡན། །མ་མོ་ཀུན་གྱི་ཡང་མ་མོ། །དེ་བཞིན་རིག་པར་གྱུར་པའི་མཆོག ། ཉོན་ཅིག་ལྷ་མོ་ཆེ་ཆེན་མོ། །གཏོར་མ་རེ་རེས་གཟུང་བར་བྱ། །དངོས་གྲུབ་ཐམས་ཅད་རབ་སྟེར་བའི། །རྟག་ཏུ་རྣལ་འབྱོར་གར་སྤྱོད་ན། །དེ་ལ་འབད་པས་ཁུར་བྱེད་པའི། །ཕོ་ཉའི་སྒྲུབ་ཐབས་རབ་བཤད་པ། །རྒྱུད་རྣམས་ཀུན་ནས་རྙེད་དཀའ་བའི། །དེ་ཡིས་ལྡན་བྱས་དངོས་གྲུབ་འགྱུར། །རྣལ་འབྱོར་གཅིག་པས་རྟག་གནས་པས། །འཁོར་བའི་སྐྱོན་དང་ངེས་པར་གྲོལ། །ཕོ་ཉ་མོར་ཆགས་རྟག་པར་གྲོལ། །མཆོག་གི་རིམ་པས་སྤྱད་པར་བྱ། །བསྙེན་བཀུར་ཙམ་ཆིབ་མིན་གྱི། སྐྱེ་གནས་དམན་པའང་དགའ་བདེའི་གནས། །མ་དང་སྲིང་མོ་བུ་མོ་དང ། །ཆུང་མ་ཡང་ནི་ཕོ་ཉར་གནས། །འཇིག་རྟེན་ལ་རྟག་གཡོན་པས་སྤྱོད། །རྐང་པ་གཡོན་བ་སྔོན་དུ་འདོར། །ལག་པ་གཡོན་པས་ཡོངས་སུ་བསྒྱུར། །གཡོན་པ་དང་པོར་མཆོད་པར་བྱ། །གཡོན་པ་ཕྱོགས་ཀྱིས་བསྐྱུར་བྱ་ཞིང ། །གཡོན་པས་འབད་པས་ 539a ༄#། །ཚིམ་པར་བྱེད། །དཔལ་རྡོ་རྗེ་མཁའ་འགྲོའི་སྙིང་པོའི་རྒྱུད་ཆེན་པོ་ལས་ལེའུ་བཅུ་བཞི་པའོ།། །།དཔལ་རྡོ་རྗེ་མཁའ་འགྲོའི་རྒྱུད་ཕྱི་མ་སྙིང་པོ་བསྡུས་པ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་མཆོག་གི་དབང་ཕྱུག་གི་ཞལ་སྔ་ནས་དང ། བོད་ཀྱི་དགེ་སློང་ཤཱཀྱ་བརྩོམ་\?\་རུ་ལག་རྒྱང་བུའི་ལྷ་རི་མོའི་མགུལ་གྱི་དབེན་གནས་སུ་བསྒྱུར་བའོ།། ་ |