།།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོ་ལ་སོགས་པས་ཡང་མཆོད་པ་བྱས་ནས་ཕྱག་འཚལ་ཏེ་འདི་སྐད་ཅེས་གསོལ་ཏོ། །ཐིག་ལེར་ཐིག་ལེ་དག་གིས་དོན། །གཏན་ཕབ་ཡང་དག་གསལ་གསུངས་ནས། །བདག་གི་དབུས་སུ་རང་བྱུང་བས། །དེས་ན་རང་བྱུང་བརྗོད་པར་བྱ། །རང་བྱུང་ཞེས་བྱ་ 482b བྱང་\?\་ཆེན་གྱི། །དོན་ནི་རྗེས་སུ་དཔག་བྱའི་ཕྱིར། །འདི་ནི་རང་བྱུང་བཅོམ་ལྡན་འདས། །གཅིག་པུ་ཉིད་ནི་ལྷག་པའི་ལྷ། །ལྷག་པའི་ལྷ་ཞེས་བྱ་བ་ནི། །གོང་དུ་གསུངས་པའི་ཁམས་\?\་སོ། །དེ་རྣམས་དབུས་སུ་ཕུལ་བྱུང་ཆེའི། །ཞེས་བྱ་གཙོ་བོའི་གཟུགས་ཀྱིས་ནི། །གསང་བ་མཆོག་ཏུ་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །ཇི་ལྟ་བུར་ནི་བཅོམ་ལྡན་འདས། །སངས་རྒྱས་ཀུན་དང་མཉམ་སྦྱོར་བ། །མཁའ་འགྲོ་མ་ཡི་དྲ་བ་སྡོམ། །གཞན་དུ་ཇི་ལྟར་རྣམ་པ་འདིས། །སྡོམ་པ་མཆོག་ཏུ་ཕན་པ་ལས། །གསང་བའི་སྒྲས་ནི་ཡོན་ཏན་ཅན། །གསང་བའང་ཡོན་ཏན་དུ་ནི་གྲགས། །རྡོ་རྗེ་ཅན་ནི་ཡོན་ཏན་ཅན། །འཇིག་རྟེན་མཆོག་དགྱེས་སྨོད་པ་སྤངས། །གསང་བའི་སྒྲ་ནི་ཀླ་ཀློའི་སྐད། །ཕྱི་རོལ་རྗེས་སུ་བཙལ་བས་ཀྱང ། །འདི་ནི་མངོན་སུམ་ཤེས་པར་བྱ། །རྗེས་དཔག་ཡོན་ཏན་ཅན་གྱི་སྒྲས། །གང་ཚེ་སེམས་ནི་མི་མཐོང་སྟེ། །སེམས་ཞེས་བྱ་བ་འདི་ཡང་ནི། །ཡོན་ཏན་ཅན་དང་ཡོན་ཏན་གསུངས། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །གསང་བ་འདི་ལ་ཆོས་ཉིད་གནས། །དེ་ལ་ཐམས་ཅད་བདག་ཉིད་ནི། །དེ་ནི་ཐམས་ཅད་རྣམ་པར་གནས། །དེ་གང་སྟོང་པའི་རྡོ་རྗེ་ཅན། །སྡུག་དང་ལྷན་ཅིག་དགའ་བའོ། །གང་ཚེ་སེམས་ཀྱི་གཟུགས་ཀྱིས་ནི། །སྔོ་སོགས་མིག་གིས་མི་མཐོང་ཞིང ། །སྒྲ་སོགས་ཐོས་པར་ 483a ༄#། །མི་འགྱུར་བ། །དེ་ཆེ་སེམས་ནི་ཇི་ལྟ་བུར། །དེ་ཚེ་རྗེས་དཔག་ཇི་ལྟར་ལགས། །འདི་ནི་སྣ་ཡིས་མི་དམིགས་ན། །དྲི་བཟང་དབུས་སུ་གནས་སམ་ཅི། །སེམས་ནི་ཕྱི་རོལ་མི་དམིགས་ཤིང ། །དེ་བཞིན་ཉེ་བའི་ལོངས་སྤྱོད་མེད། །རོ་ནི་མངར་དང་ཁ་ལ་མིན། །དེ་བཞིན་དུ་ནི་རེག་བྱ་ཉིད། །གསང་བ་མཆོག་གི་དགྱེས་པ་ན།། ཐམས་ཅད་བདག་ཉིད་རྟག་ཏུ་བཞུགས། །གསང་བ་འདི་ནི་ཇི་ལྟ་བུར། །རྗེས་སུ་དཔག་པས་བསམ་པར་བྱ། །ཇི་ལྟར་ཡི་གེའི་དབྱིབས་སུ་ནི། །ཕྱིན་པ་ཡི་ནི་ཡེ་ཤེས་ཉིད། །གཞན་དུ་བཅོམ་ལྡན་སྒྲ་ཇི་ལྟར། །ལྷ་ཞེས་བྱ་བ་ཇི་ལྟར་ལགས། །སངས་རྒྱས་ཀུན་གྱི་ངེས་དོན་ཅི། །མཉམ་པར་སྦྱོར་བ་ཅི་ཞེས་བགྱི། །མཁའ་འགྲོ་མ་ནི་གང་གི་མིང ། །དྲ་བ་ཇི་ལྟ་བུ་ཞིག་ལགས།། སྡོམ་པ་ཞེས་བྱ་ཅི་ཞིག་བཤད། །དེ་བཞིན་སྤྱད་པར་དཀའ་བ་ཉིད། །ཁྱོད་ཀྱིས་འདོད་ཆགས་མེད་གསུངས་ཅི། །ཆགས་བྲལ་མེད་པ་དེ་བཞིན་གཞན། །དབུ་མ་ཞེས་བྱ་གང་གི་མིང་།། བུད་མེད་ཀུན་གྱི་སྒྱུ་མ་ཅི། །སྟོང་ཉིད་གཟུགས་ཁམས་ལ་སོགས་པ། །ཅི་ཞིག་བཤད་ཅིང་མཉམ་ཉིད་སྦྱོར། །དང་པོ་རྣམ་པ་དྲུག་འགྱུར་དང ། །སྣ་ཚོགས་པདྨར་བྲིས་སྐུ་དང ། ། ཨཱ་ལི་ཀཱ་ལི་ཕྱག་རྒྱ་ཆེ། །དེ་ཉིད་མེད་སེམས་རྣལ་འབྱོར་དང ། །དེ་ཉིད་བཟང་པོ་ཇི་ལྟར་ལགས། །རྣལ་འབྱོར་ཉིད་ལ་མཉམ་གཞག་དང ། །ཕྱི་རོལ་དག་ཀྱང་ཡང་དག་བཤད། །ཟླ་ 483b བ་ཉི་མ་རྫོགས་སངས་རྒྱས། །འབྱུང་བ་ཇི་ལྟ་བུ་ཞིག་ལགས། །བྲིས་པ་དང་ནི་མ་བྲིས་པའི། །དཀྱིལ་འཁོར་ཇི་ལྟར་བཞག་པར་བ་གྱི། །དེ་བཞིན་སྔགས་དང་རྒྱུད་ཉིད་དང ། །གསང་བའི་གནས་ནི་མི་འཚལ་ཞིང ། །པདྨ་བཞིན་ནི་ཁྱད་པར་དུ། །བདག་དང་བདག་གི་ཇི་ལྟར་ལགས། །དེ་བཞིན་སེམས་དང་སེམས་བྱུང་ཉིད། །སེམས་ཀྱི་ངོ་བོ་ཡེ་ཤེས་གསུངས། །དེ་བཞིན་རྣམ་པར་ཤེས་པ་ཉིད། །རྒྱུ་དང་འབྲས་བུའི་དངོས་པོ་དང ། །དེ་བཞིན་ཆོས་དང་ཆོས་ཅན་ཉིད། །ཆུ་བོའི་རྒྱུན་ནི་ཅི་ཞེས་བཤད། །རྒྱ་མཚོ་ཡང་ནི་ཁྱད་པར་དུའོ། །སྣ་ཚོགས་ཉིད་ནི་ཁྱོད་གསུངས་ན། །མང་པོ་ཇི་ལྟར་འཐོབ་མི་འགྱུར། །རྣམ་ཤེས་ཡེ་ཤེས་ཁྱོད་ཀྱིས་གསུངས། །དེ་བཞིན་བཅུད་ཀྱི་ལེན་ཉིད་དང ། །གཡོན་བརྐྱང་ལ་སོགས་ཅི་ལགས་དང ། །གཞུ་ཡིས་རྣམ་རྒྱལ་དེ་བཞིན་གཞན། །གཅོ་དང་གཙོ་མིན་སྒྲ་ཅི་ལགས། །བརྟག་པ་ཡང་ནི་ཅི་ཞིག་གསུངས། །བྱང་ཆུབ་ཆེན་པོའི་ཆོས་རྣམས་ནི། །སུམ་ཅུ་རྩ་བདུན་ནང་གི་དང ། །སྐུ་ལ་སོགས་པ་དེ་བཞིན་གཞན། །ཉན་ཐོས་རྣམས་ཀྱིས་ཁྱོད་གསུངས་དང ། །དེས་ཀྱང་དགོས་པ་ཅི་ཞིག་མཆིས། །རྡོ་རྗེ་སེམས་དཔའ་བདེ་བ་ཆེའི། །རྣམ་པའི་རྣལ་འབྱོར་གྱིས་ནི་ཅི། །ཚངས་པ་དབང་ཕྱུག་ཁྱབ་འཇུག་ཀྱང ། །དེ་བཞིན་གསོལ་བ་ཅི་ཡི་དོན། །འདོད་པའི་ལྷ་ནི་ཆུང་མར་བཅས། །ལྷ་མོ་དཀའ་བཟློག་གཟུགས་བཟང་མ། །གོང་དུ་སྐྱབས་སུ་སོང་ 484a ༄#། །བ་ཉིད། །གཉིས་གཉིས་སྦྱོར་བ་འདོད་མཛད་པ། །འདི་ལྟར་སྦྱོར་བའི་འཐབ་མོ་དང ། །དེ་ལ་གསང་བ་ཇི་ལྟ་བུ། །རྡོ་རྗེ་ཅན་གྱིས་རྫུན་པ་ཡི། །ཕྱིས་ནི་ཚིག་ཏུ་སྨྲ་བར་མཛད། །སངས་རྒྱས་རྡོ་རྗེ་སེམས་དཔའ་ཡང ། །ཚངས་པ་ཁྱབ་འཇུག་དབང་ཕྱུག་དང ། །ཟླ་བ་སྔར་གསུངས་གཞན་དུ་ནི། །ཐམས་ཅད་བདག་ཉིད་རྟག་ཏུ་བཞུགས།། འདི་ལྟར་རྡོ་རྗེ་ཅན་ཞི་བས། །ཁྲོ་བོའི་གཟུགས་ཅན་ཇི་ལྟར་ལགས། །ཆོས་ཀྱི་སྐུ་ནི་ཇི་ལྟར་ལགས། །ལོངས་སྤྱོད་རྫོགས་པ་ཅི་ཞིག་ལགས། །སྤྲུལ་པ་རྡོ་རྗེ་ཉིད་འབྱུང་དང ། ། ཧེ་རུ་ཀ་ནི་ཇི་ལྟར་གསུངས། །པདྨ་གར་དབང་ཇི་ལྟར་ལགས། །གཤིན་རྗེ་ཡི་ནི་གཟུགས་སུ་འགྱུར། །དེ་བཞིན་དུ་ནི་རྟ་མཆོག་ཉིད། །ཇི་ལྟར་ཆོ་གས་ཅི་གསུངས་དང ། །ལྷ་མོ་དེ་བཞིན་ཁྲོ་བོ་ཉིད། །ཀླ་ཀློ་ཁྱོད་ཀྱིས་བཤད་པ་ནི། །དེས་ཀྱང་དགོས་པ་ཅི་ཞིག་མཆིས། །རེ་ཞིག་ལྷ་མོ་རྣམས་ཀྱི་ཚིག་།བཏུ་བར་བྱས་པ་ཇི་ལྟར་ལགས། །སྔགས་ཀྱི་སྨྲ་འོས་འདི་དག་ནི། །ཇི་ལྟར་རྡོ་རྗེ་སེམས་ཁྱོད་ཀྱིས། །ཐམས་ཅད་ཡང་དག་རྣམ་པར་ཤོད། །བཅོམ་ལྡན་འདས་ཀྱིས་བཀའ་སྩལ་པ། །འདི་སྐད་བདག་གིས་ཞེས་བྱ་བ་ལ་སོགས་པ་ནས་བཟུང་སྟེ་དང་པོར་བརྩམ་པར་བྱས་ནས་འདིར་ཡང་རྗེས་སུ་འབྱུང་སྟེ། རིགས་ཀྱི་བུ། ཡང་བརྗོད་པར་བྱའོ། །གསང་བའི་སྒྲས་ནི་བདུན་གྱི་རྣམ་པ་སྟེ་ 484b བདུན་པ་ཞེས་བྱ་བའི་དོན་ཏོ། །བརྒྱད་པ་ནི་བརྗོད་དུ་མེད་པའི་མཚན་ཉིད་དོ། །གསང་བ་ཞེས་བྱ་བའི་སྒྲས་ནི་སེམས་དང ། སེམས་ལས་བྱུང་བ་གཉིས་སུ་མེད་པ་སྟེ་དེ་བཞིན་གཤེགས་པ་ཉིད་དུ་གསུངས་སོ། །དེ་བཞིན་ཉིད་དུ་རོ་གཅིག་པ་ཉིད་ངོ་བོ་གཅིག་པས་དེར་གསང་བར་བྱུང་བའི་ཕྱིར་གསང་བ་སྟེ་ནམ་མཁའ་ཐམས་ཅད་དུ་ཁྱབ་པར་འགྲོ་བ་ནི་བཅོམ་ལྡན་འདས་ཀྱི་ཚད་དེ་དཔལ་རྡོ་རྗེ་སེམས་དཔའི་ཡེ་ཤེས་ཀྱི་ཕྱག་རྒྱ་ལ་སོགས་པ་དང ། །རྡོ་རྗེའི་ལྷ་མོ་དང་ལྡན་པ་ནི་གནས་སོ། །ཀྱེ།་བཅོམ་ལྡན་འདས། ཁྱད་པར་དུ་འཕགས་པའི་གནས་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། མཆོག་ཅེས་བྱ་བ་ནི་ཁྱད་པར་དུ་འཕགས་པ་སྟེ། ཡེ་ཤེས་དམ་པའི་ཡུལ་ལོ། །དགྱེས་པ་ན་ཞེས་བྱ་བ་ནི་ཉམས་དགའ་བ་ན་སྟེ་དཔེ་ཐམས་ཅད་དང་བྲལ་བའོ། །སྤྱན་ལ་སོགས་པ་དང་ཡང་དག་པར་སྦྱོར་བས་དགའ་བར་བྱེད་པས་ཉམས་དགའ་བར་བྱེད་པའི་ཕྱིར་དགྱེས་པ་ནའོ། ། དཔལ་རྡོ་རྗེ་སེམས་དཔའི་སྦྱོར་བ་དང ། ལྷ་མོ་ཐམས་ཅད་དང་མཉམ་པར་འགྲོ་བས་ནམ་མཁའི་ཁམས་ཀྱི་མཐས་གཏུགས་པར་ལྷ་མོ་ཐམས་ཅད་ཀྱི་བདེ་བ་ཆེན་པོར་སྦྱོར་བ་ཐམས་ཅད་ཀྱི་བདེ་བ་དང་ལྡན་པ་འདི་ལས་བྱུང་བའི་སྟོབས་ནི་གཞལ་དུ་མེད་པ་སྟ་ཕན་ཚུན་དུ་རབ་ཏུ་རངས་ལས་དགའ་བར་བྱེད་ཅིང་སྐྱེས་བུ་རྣམས་དང་དེ་རྣམས་ཀྱི་དགའ་བ་ནི་ 485a ༄#། །དགྱེས་པ་ནའོ། །ཐམས་ཅད་བདག་ཉིད་ཅེས་བྱ་བ་ནི་ཐམས་ཅད་ཀྱི་བདག་ཉིད་དེ། རིགས་ཀྱི་བུ། དེ་ལྟར་བཅོམ་ལྡན་འདས་ཀྱིས་གནས་གང་སྔར་གསུངས་པའོ། །དེའི་ཕྱིར་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དུ་གསུངས་ཏེ། ཐམས་ཅད་བདག་ཉིད་ཀྱིས་ནི་དེ་དག་གསུངས་སོ། །དེ་ལྟར་གྱུར་པས་ཐམས་ཅད་བདག་ཉིད་ཅེས་བྱ་བ་འདིས་གནས་ཕུན་སུམ་ཚོགས་པ་གསུངས་སོ། །ཇི་ལྟར་གསུངས་པའི་གནས་སུ་སོ་སོ་བསྐྱེད་པའི་རང་བཞིན་གྱིས་ཇི་སྙེད་བཙུན་མོའི་འཁོར་གྱི་དབུས་སུ་རྟག་ཏུ་བཞུགས་སོ་ཞེས་གསུངས་སོ། །སངས་རྒྱས་དང་ཀུན་འདི་ནི་སངས་རྒྱས་ཀུན་ཏེ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་དང་མཉམ་པའོ། །རྟག་པ་ལ་སོགས་པ་དེ་བཞིན་གཤེགས་པ་རྣམས་ཀྱིས་བྱས་པའི་ཕྱིར་རམ། །རང་བཞིན་གྱི་ཕྱིར་གནས་ནི་སངས་རྒྱས་ཀུན་དངོས་ཞེས་བྱ་བ་སྟེ། རྒྱུའམ། རང་བཞིན་ལ་དངོས་པོའོ། ། སེམས་དཔའ་ནི་སེམས་ཅན་གྱི་དོན་ལ་ནུས་པའི་ཕྱིར་རོ། །རྡོ་རྗེ་ནི་ཐབས་དང ། ཤེས་རབ་ཀྱི་ཡེ་ཤེས་ཀྱི་རང་བཞིན་གྱི་ཕྱིར་རོ། །སེམས་དཔའ་ནི་རྣམ་པར་རྟོག་པ་ཐམས་ཅད་ཀྱིས་མི་བསྐྱོད་པའི་ཕྱིར་རོ། །བདེ་བ་ནི་སྔར་གསུངས་པའི་དགའ་བའི་སྦྱོར་བ་ལས་ཤིན་ཏུ་ལྡན་པར་ཞི་བའི་ཡིད་ཀྱི་རང་བཞིན་གྱི་ཕྱིར་རོ། །མཆོག་ནི་ཁྱད་པར་དུ་ 485b འཕགས་པ་སྟེ་བདེ་བའི་གོ་འཕང་འདི་རྣམས་ཀྱི་སེམས་དཔའ་འདི་རྣམས་ཀྱི་དོན་དམ་པའི་ཕུན་སུམ་ཚོགས་པ་གསུངས་སོ། །འོན་ཀྱང ། སངས་རྒྱས་ཀུན་དང་མཉམ་སྦྱོར་བ། །མཁའ་འགྲོ་མ་ཡི་དྲ་བའི་སྡོམ། །ཞེས་བྱ་བ་མི་འདོད་པའི་ཕྱིར་རོ། །འོན་ཀྱང་གཞན་ཉིད་དུ་བརྗོད་པར་བྱ་ཞེ་ན། དོགས་པ་བསུ་ནས་བཀའ་སྩལ་པ། འདི་ནི་ཞེས་བྱ་བ་ནི་གང་དེ་སྐད་དུ་རིགས་ཀྱི་བུ་དེ་ནི་གསུངས་པ་དེ་ཉིད་སངས་རྒྱས་ཀུན་དང་མཉམ་སྦྱོར་བ། མཁའ་འགྲོ་མའི་དྲ་བའི་སྡོམ་པ་ཞེས་བྱ་བའི་དོན་ཏོ། །ལྷ་མོ་ཐམས་ཅད་ཀྱིས་ཡོངས་སུ་བསྐོར་ཅིང་དཔལ་རྡོ་རྗེ་སེམས་དཔའི་བདག་ཉིད་ཀྱི་རྣལ་འབྱོར་རྫོགས་པ་ནི་སྐལ་བ་བཟང་བ་སྟེ། རང་གི་བདག་ཉིད་ཀྱི་སྒྲུབ་པ་ཤིན་ཏུ་སྦྱོར་བ་དེ་ཉིད་མཆོག་ཏུ་འདོད་ཆགས་པ་དང་ལྡན་པའོ། །སྐྱེས་བུ་མེད་པའི་གར་མཁན་རང་གི་བཙུན་མོའི་འཁོར་གྱི་ནང་དུ་གནས་པའི་ཤིན་ཏུ་དོན་ལ་རྣམ་པར་མི་གཡེང་བས་ལྷ་མོ་རྣམས་དང་ཡང་དག་པར་སྦྱོར་བའི་བདེ་བ་མྱང་བར་བྱའོ། །ཡང་དག་པར་སྦྱོར་བ་ནི་རྣལ་འབྱོར་ཏེ་ཞེས་པའོ། །བརྟན་པ། རྟག་པ། མཆོག་ཏུ་ཡང ། ཡིད་སྲུབ་པའོ། །ཡང་ན་བརྟན་པ་ནི་རྣམ་པར་རྟོག་པའི་རླུང་གིས་མི་གཡོ་བའི་ཕྱིར་རོ། །གཞན་ཡང ། མཐའི་མཐའ་ཇི་སྲིད་གནས་པའི་ཕྱིར་རྟག་པའོ། །མཆོག་ཏུ་ཉིད་སྲུབ་པ་ནི་ལྷ་མོ་ཐམས་ཅད་ཀྱི་བདེ་བ་རྗེས་སུ་མྱོང་བའི་ཕྱིར་རོ། །བརྟན་པ་ 486a ༄#། །དང།་རྟག་པ་དང ། མཆོག་ཏུ་ཡིད་སྲུབ་པ་འདི་ནི་བརྟན་པ་དང ། རྟག་པ་དང ། མཆོག་ཏུ་ཡིད་སྲུབ་པའོ། །སངས་རྒྱས་ཀུན་ཞེས་བྱ་བ་ནི་གཟུགས་དང།་སྒྲ་དང།་དྲི་དང ། རོ་དང ། རེག་བྱ་སྟེ། ཡུལ་གྱི་རང་བཞིན་རྣམས་སོ། །རང་གི་བསོད་ནམས་ཀྱི་ཚོགས་ཀྱི་རྒྱུ་མཐུན་པས་ཅི་ཞིག་བྱེད་ཅེན། འདི་ནི་རང་གི་ལོངས་སྤྱོད་དང་དེ་རྣམས་ཟ་བར་བྱེད་དོ། །གཞན་དུ་ན་ནི་ཐ་དད་པའི་དངོས་པོ་ལ་རང་གི་ཉེ་བར་ལོངས་སྤྱོད་པ་ཉིད་མ་ཡིན་ནོ། །ཡེ་ཤེས་ཀྱི་རང་བཞིན་སོ་སོར་སྐྱེས་པ་ནི་རྒྱལ་བ་རྣམས་ཀྱིས་ཀྱང་ཤིན་ཏུ་མི་སྤོང་སྟེ། རྣམ་པ་སྣ་ཚོགས་པའི་རིམ་པའི་སྦྱོང་པའི་འདོད་ཆགས་ཀྱི་སྤྱོད་པ་ལ་སོགས་པའི་རང་བཞིན་ལས་གང་ཞིག་འདོད་ཆགས་ལ་སྤྱོད་པ་དེ་རྣམས་རྡོ་རྗེ་སེམས་དཔའི་ཆོ་ག་འདོད་པའོ། །གང་ཞིག་རང་བཞིན་བཟང་པོ་དེ་རྣམས་ནི་རྣམ་པར་སྣང་མཛད་ཀྱི་དངོས་གྲུབ་འདོད་པའོ། །དེ་ལྟར་ཞེ་སྡང་དང ། འདོད་ཆགས་དང ། སེར་སྣ་དང ། ལེ་ལོ་ལ་སྤྱོད་པ་རྣམས་ཀྱིས་ཧེ་རུ་ཀ་དང ། པདྨ་གར་གྱི་དབང་ཕྱུག་དང ། རྡོ་རྗེ་ཉི་མ་དང ། རྟ་མཆོག་གི་ཆོ་ག་འདོད་པར་འགྱུར་རོ། །རིགས་ཀྱི་བུ། དེ་ལྟ་ད་ལྟར་འདོད་ཆགས་ལ་སྤྱོད་པ་ལ་སོགས་པ་མི་མཐུན་པའི་ཕྱོགས་ཀྱིས་ཇི་ལྟར་དཔལ་རྡོ་རྗེ་སེམས་དཔའ་ལ་སོགས་པ་བསྐྱེད་པར་འགྱུར་བ་དེ་བསྐྱེད་ནས་ཚོགས་ཀྱི་དཀྱིལ་འཁོར་རྣལ་འབྱོར་ 486b ལས་བསྐྱེད་དེ་རྣལ་འབྱོར་གྱི་གཏམ་གྱིས་སློབ་མ་འདུལ་བར་བྱེད་དོ། །གཏམ་ནི་བརྗོད་པའོ། །བཅོམ་ལྡན་འདས། གཏམ་ཇི་ལྟ་བུ་ལགས། །བཅོམ་ལྡན་འདས་ཀྱིས་བཀའ་སྩལ་བ། གསང་བ་ཞེས་བྱ་བ་ལ་སོགས་པའི་གཏམ་བརྗོད་པ་སྟེ། ཀུན་རྫོབ་ཀྱི་བདེན་པའི་རང་བཞིན་དུ་བྱས་པའོ། །དཔལ་རྡོ་རྗེ་སེམས་དཔའི་ཆོས་ཀྱི་སྐུའི་རྒྱུ་མཐུན་པ་ཉིད་ཀྱི་ངོ་བོ་ཉིད་ཀྱི་སྐུའི་རང་བཞིན་ལ་ཉེ་བར་སྤྱོད་པའི་ཕྱིར་དཔལ་རྡོ་རྗེ་སེམས་དཔའ་ལ་སོགས་པ་བསྐྱེད་པའོ། །རང་བཞིན་བརྗོད་པར་བྱ་སྟེ་བརྟན་པ་ཞེས་བྱ་བ་ནི་ཆོས་རི་རབ་ལྟར་བརྟན་པའོ། །དཔེར་ན། རི་རབ་རླུང་གིས་བཟློག་པ་དཀའ་ཞིང་རབ་ཏུ་གཏུམ་པས་ཀྱང་བསྐྱོད་པར་མི་ནུས་སོ། །དེ་བཞིན་དུ། བཅོམ་ལྡན་འདས། དཔལ་རྡོ་རྗེ་སེམས་དཔའ་འདི་ནི་འདོད་ཆགས་ལ་སོགས་པའི་ཉོན་མོངས་པ་དང ། ཉེ་བའི་ཉོན་མོངས་པ་དང ། མུ་སྟེགས་ཅན་ངན་པའི་རྒོལ་བ་རབ་ཏུ་གཏུམ་ཞིང་རབ་ཏུ་འཇོམས་པས་རང་ལྷག་པར་འགྲོ་ཞིང་བསྐྱོད་པར་མི་ནུས་སོ། །དུར་ཁྲོད་དུ་བཞུགས་པས་ཀྱང་སེམས་ཅན་ཐམས་ཅད་ཀྱི་རྒྱུད་དུ་རྒྱུ་ཞིང་རྣམ་པར་དག་པའི་སེམས་ཆོས་ཀྱི་སྒོ་དུ་མར་རྗེས་སུ་འཁོར་ཞིང ། ལྷན་ཅག་ཏུ་བཅོམ་ལྡན་འདས་འཁོར་བར་བཞུགས་པའོ། །བརྟན་པ་ཞེས་བྱ་བ་ནི་གནས་པའི་ཕྱོགས་སོ། །གཡོ་བ་ཞེས་བྱ་བ་འདི་ནི་སེམས་ཅན་གྱི་རྒྱུད་ལས་གཟུང་སྟེ། དེ་རྣམས་ནི་བཅོམ་ལྡན་ 487a ༄#། །འདས་ཀྱིས་ཤེས་པར་བྱའོ། །ཇི་ལྟར་རྣམ་པར་དག་པའི་བདག་ཉིད་དེ་རྣམས་ཉིད་དེ་གཞན་དང་རྣམ་པ་གཅིག་པའི་ངོ་བོས་སྟེ། དེ་བཞིན་ཉིད་ཀྱི་ཕྱིར་བཅོམ་ལྡན་འདས། འདི་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་རྣམས་ལ་བཞུགས་སོ། །སེམས་ཅན་ཉིད་ཀྱང་དེ་བཞིན་གཤེགས་པ་ཐམས་ཅད་དེ། དངོས་པོའི་དོན་དམ་པ་ལ་གནས་པས་དེ་བཞིན་གཤེགས་པ་ཞེས་གསུངས་སོ། །གཡོ་བ་ནི་སྤྲེའུ་སྟེ། གང་ཞིག་སེམས་ཅན་ཐམས་ཅད་ཀྱི་སེམས་བརྟན་པའི་ཕྱིར་སེམས་དཔའ་ཞེས་གསུངས་སོ། །འཛིན་པའི་ཕྱིར་ཏིང་ངེ་འཛིན་ཏེ། ངེས་པར་འབྱེད་པས་རྡོ་རྗེ་ཉིད་དུ་འགྱུར་རོ། །དེའི་ཕྱིར་སེམས་ཁོ་ན་གཡོ་བ་ཉིད་དུ་གསུངས་ཤིང་ཕྱི་རོལ་ལ་སོགས་པས་མ་ཡིན་ཏེ། དེ་རྣམས་ནི་གཅིག་དང་དུ་མས་དངོས་པོ་མེད་པའི་ཕྱིར་རོ། །ཐམས་ཅད་ཅེས་བྱ་བ་ནི་མ་ལུས་པའོ། །དངོས་པོ་ཞེས་བྱ་བ་ནི་གནས་ཀྱི་དོན་ཏོ། །སྲིད་པ་ཞེས་བྱ་བ་ནི་སྐྱེ་བའོ། ། བརྟན་པ་དང ། གཡོ་བ་ཞེས་བྱ་བ་ནི་བརྟན་པ་དང ། གཡོ་བའོ། །དངོས་པོ་དང་ཐམས་ཅད་འདི་ནི་དངོས་པོ་ཐམས་ཅད་དེ། དེ་ནི་བརྟན་པ་དང ། གཡོ་བ་དང ། གཡོ་བ་ཐམས་ཅད་དངོས་པོ་དང ། སྲིད་པའོ། །བརྟན་པ་དང ། གཡོ་བའི་དངོས་པོ་ཐམས་ཅད་ཀྱི་རང་བཞིན་ནི་གང་གི་ཐམས་ཅད་ཀྱི་བདག་ཉིད་ཀྱི་རང་བཞིན་འདི་ནི་བརྟན་པ་དང ། གཡོ་བའི་དངོས་ 487b པོ་ཐམས་ཅད་ཀྱི་བདག་ཉིད་ཅན་དེ། དེ་ཉིད་ཀྱི་ཕྱིར་བཅོམ་ལྡན་འདས་རྡོ་རྗེ་ཅན་གྱིས་རྡོ་རྗེ་འདི་བཀའ་སྩལ་ཏོ། །རྡོ་རྗེ་སེམས་དཔའི་ཐུགས་ཀྱི་ཆོས་ཉིད་ཀྱིས་བརྟན་པ་དང ། གཡོ་བའི་དངོས་པོ་ཐམས་ཅད་ཀྱི་བདག་ཉིད་དེ། འདི་དག་བརྗོད་པར་འགྱུར་བའི་ཆོས་ཀྱི་དབྱིངས་རྣམ་པར་དག་པ་དང ། མེ་ལོང་ལྟ་བུ་ལ་སོགས་པས་བསྡུས་པར་འགྱུར་བ་རྟག་པ་དང ། མི་བསྐྱོད་པ་ལ་སོགས་པའི་སངས་རྒྱས་ལྔ་པོ་ཐམས་ཅད་ཀྱི་ཕུན་སུམ་ཚོགས་པ་བསྡུས་པར་གྱུར་པའོ། །ཀུན་གྱི་སྒྲས་ནི་ཡོངས་སུ་ཞེས་བྱ་བར་བཟུང་ངོ ། །མཉམ་པར་སྦྱོར་བ་ནི་འདུ་བའོ། །གང་དུ་ཞེ་ན། གསང་བར་ཏེ། ཐམས་ཅད་ཀྱི་ཆོས་ཀྱི་འབྱུང་གནས་ཀྱི་བདག་ཉིད་དུ་ཡིན་གྱི་གཞན་དུ་ནི་མ་ཡིན་ནོ། །གང་དང་ལྷན་ཅིག་ཅེ་ན། བཅོམ་ལྡན་འདས་རྡོ་རྗེ་སེམས་དཔའ་དང་སྟེ། དེ་དང་ཡང་དག་པའི་རང་གི་ངོ་བོས་སྤྲུལ་པ་ལ་སོགས་པའི་ཡན་ལག་དགུ་ཡིས་སོ། །འོན་ཀྱང་ལོངས་སྤྱོད་རྫོགས་པ་ཅན་དུ་མཛད་པའི་སྐུ་གཅིག་གིས་ཐམས་ཅད་ནས་དེའི་བདག་ཉིད་ཀྱི་ཆུ་དང ། འོ་མ་ལྟ་བུར་འོང་བ་ཡོངས་སུ་འཛིན་ཏོ། །དེ་ནས་དཀྱིལ་འཁོར་ཆེན་པོའི་རྣལ་འབྱོར་གྱིས་ཕྱི་དང ། ནང་གི་དངོས་པོ་ཐམས་ཅད་ཀྱི་ནང་དུ་དེ་ཁོ་ན་སྐད་ཅིག་གིས་ཇི་ལྟར་སངས་རྒྱས་ཐམས་ཅད་ཀྱིས་མཛད་པ་ལྟར་རྟོགས་ཤིང་ཤེས་སོ། །དེ་བས་ན་སངས་རྒྱས་ཐམས་ཅད་དང ། དེ་ལས་ 488a ༄#། །གཞན་པ་རྣམས་ཀྱི་ལྷན་ཅིག་ཡང་དག་པར་སྦྱོར་བ་ནི་སངས་རྒྱས་ཐམས་ཅད་དང་མཉམ་པར་སྦྱོར་བའོ། །མཉམ་པའི་དུས་ནི་དབྱེར་མེད་པའི་དུས་ཏེ། སྦྱོར་བའི་གནས་ཀྱིས་ཐམས་ཅད་ཀྱིས་དེས་སེམས་ཙམ་དུ་སྙོམས་པར་ཞུགས་པས་གཅིག་ཏུ་གྱུར་པའི་དངོས་པོས་ཕན་ཚུན་དུ་བསྡུས་པས་དངོས་པོ་ཐམས་ཅད་ཀྱི་རང་བཞིན་གྱིས་ཐམས་ཅད་དུ་འགྲོ་བའི་ཕྱིར་སངས་རྒྱས་ཐམས་ཅད་དང་མཉམ་པར་སྦྱོར་བ་ཞེས་གསུངས་སོ། །དེ་བས་ན་སངས་རྒྱས་ཐམས་ཅད་དང་མཉམ་པར་སྦྱོར་བས་ནི་ཕྱོགས་བཅུའི་ནམ་མཁར་འགྲོ་བ་ཡང་དག་པར་མཐོང་བ་འདི་ནི་སངས་རྒྱས་ཐམས་ཅད་དང་མཉམ་པར་སྦྱོར་བའི་མཁའ་འགྲོ་མར་གསུངས་སོ། །དྲ་བའི་སྒྲས་ཀྱང་སྒྱུ་མའི་རྣམ་གྲངས་སུ་བལྟ་སྟེ། ཤིང་ལ་སོགས་པ་རྣམས་ལས་སྒྱུ་མའི་རྣམ་པར་སྤྲུལ་པའི་གླང་པོ་ཆེ་ལ་སོགས་པ་ལྟར་མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་ལས་བུད་མེད་ཀྱིས་འདུལ་བའི་སེམས་ཅན་མི་སྤང་པའི་ཕྱིར་རོ། །དཀར་མོ་ལ་སོགས་པའི་རྡོ་རྗེ་ལྷ་མོའི་གཟུགས་ལ་རེག་པའི་ཕྱིར་འདི་ཉིད་གྱུར་པས་སངས་རྒྱས་ཐམས་ཅད་དང་མཉམ་པར་སྦྱོར་བའི་སྒྱུ་མའི་མཚན་ཉིད་ཀྱིས་གང་ཞིག་ཟག་པ་མེད་པའི་བདེ་བས་ཡིད་ཞི་བའི་དེ་བཞིན་གཤེགས་པ་མང་པོར་འགྱུར་རོ། །དེ་ནས་སྡོམ་པའི་སྒྲས་བརྗོད་པར་ 488b བྱ་སྟེ། སམ་ཞེས་བྱ་བ་ནི་བདེ་བའོ། །བར་ཞེས་བྱ་བ་ནི་ཁྱད་པར་དུ་འཕགས་པ་ཞེས་བྱ་བའི་དོན་ཏོ། །བུད་མེད་ཀུན་ནི་གོང་དུ་གསུངས་སོ། །སྒྱུ་མའང་ཇི་སྐད་དུ་གསུངས་པ་སྟེ། སྒྱུ་མས་སྒྱུ་མའི་རང་བཞིན་ཞེས་བྱ་བའི་དོན་ཏོ། །དེ་ཡང་རང་བཞིན་གྱིས་གྲུབ་སྟེ་སྒྲུབ་པ་རྫོགས་པའོ། །ཇི་ལྟར་རང་གི་ངོ་བོ་ཡོངས་སུ་གྱུར་པ་ཞེ་ན། རང་རྣམས་དང་དེ་རྣམས་ཀྱི་གཟུགས་ཅན་ནི་རང་གི་གཟུགས་ཅན་ཏེ། ཀུན་གཞི་དང ། ཉོན་མོངས་པ་ཅན་དང ། ཡིད་དང ། མིག་དང ། རྣ་བ་དང ། སྣ་དང ། ལྕེ་དང ། ལུས་ཀྱི་རྣམ་པར་ཤེས་པ་དེ་རྣམས་ཡོངས་སུ་གྱུར་པ་ནི་རང་གི་ངོ་བོ་ཡོངས་སུ་གྱུར་པའོ། །བདག་མེད་པའི་ཏིང་ངེ་འཛིན་གྱི་སྒོམ་པས་མེ་ལོང་ལྟ་བུ་དང ། མཉམ་པ་ཉིད་དང ། སོ་སོར་རྟོག་པ་དང ། བྱ་བ་ནན་ཏན་གྱི་རང་བཞིན་ལ་གནས་ནས་ལྡོག་པར་འགྱུར་བ་ཞེས་བྱ་བའི་དོན་ཏོ། །གང་གི་ཕྱིར་རང་གི་ངོ་བོ་ཡོངས་སུ་གྱུར་པས་བུད་མེད་ཐམས་ཅད་ཀྱི་སྒྱུ་མའི་རང་བཞིན་གྱི་དངོས་གྲུབ་ཡིན་ཏེ། དེའི་ཕྱིར་རྙེད་པ་ཀུན་གྱི་བདེ་སྤྲོ་བས། བུད་མེད་ཐམས་ཅད་འགྲུབ་པར་འགྱུར། །ཞེས་བྱ་བ་ཡིན་ནོ། །སྣ་ཚོགས་དང ། སྒྱུ་མ་ནི་སྣ་ཚོགས་སྒྱུ་མ་སྟེ། ཁ་དོག་དང ། དབྱིབས་སྣ་ཚོགས་པ་ལས་ལྷ་མོ་ཐམས་ཅད་ལ་སོགས་པའི་གཟུགས་ཅན་ནོ། །དེའི་སྣ་ཚོགས་སྒྱུ་མའི་ཕྱག་རྒྱ་འདི་བཟུང་ནས་བློ་ལ་བཞག་པར་བྱས་ནས་འདི་སྐད་བཀའ་སྩལ་པ། ནམ་མཁའ་འགྲོ་མ་བཅོམ་ལྡན་འདས་རྡོ་རྗེ་སེམས་ 489a ༄#། །དཔའ་ཉིད་ཀྱི་བཙུན་མོའི་འཁོར་གྱི་ནང་དུ་སོན་པའི་ཕྱོགས་བཅུའི་ནམ་མཁའ་གང་ཞིག་འགྲོ་བ་འདི་ནི་སྒྱུ་མ་སྣ་ཚོགས་ཀྱི་ཕྱག་རྒྱ་ཞེས་བྱ་བའི་དོན་ཏོ། ། འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ཀྱི་བསྟན་བཅོས་ཀྱི་ནང་དུ་རབ་ཏུ་གྲགས་པ་མི་གསལ་བའི་སྐད་ཀྱིས་རང་གི་བརྡར་བྱས་པ་ཞེས་བྱ་བའི་དོན་ཏོ། །མཁའ་འགྲོ་མ་ལ་སོགས་པ་འདི་ནི་མདོར་བསྡུས་ནས་གསུངས་པ་ཡིན་ནོ། །གང་གི་ཕྱིར་བུད་མེད་ཐམས་ཅད་ནི་བཅོམ་ལྡན་འདས་ཀྱི་རྡོ་རྗེ་ལྷ་མོའོ། །འཁོར་བར་བྱེད་པའི་ཀུན་གཞི་རྣམ་པར་ཤེས་པ་ལ་སོགས་པ་རྣམ་པ་བརྒྱད་ལ་གནས་ནས་ལྡོག་པའི་མཚན་ཉིད་ཀྱིས་མེ་ལོང་ལྟ་བུ་དང ། མཉམ་པ་ཉིད་དང ། སོ་སོར་རྟོག་པ་དང ། བྱ་བ་ནན་ཏན་གྱི་ཡེ་ཤེས་ཀྱི་སྒྱུ་མའི་རང་བཞིན་གྱི་གྲུབ་པའོ། །དེའི་མེ་ལོང་ལྟ་བུའི་ཡེ་ཤེས་ལ་སོགས་པའི་སྣ་ཚོགས་སྒྱུ་མའི་རང་གི་ངོ་བོ་སྟེ། དེ་རྣམས་ཀྱི་སྒྱུ་མས་ནམ་མཁར་འགྲོ་བའི་བྱ་བ་དེ་ནི་གཟུགས་སྣ་ཚོགས་སུ་གྱུར་ཏེ། དེའི་ཕྱིར་སྣ་ཚོགས་སྒྱུ་མའི་ཕྱག་རྒྱ་འདི་ནི་མཁའ་འགྲོ་མ་ཞེས་བྱ་བར་བརྗོད་པར་བྱའོ། །ཀླ་ཀློས་དེ་རྣམས་ཀྱི་ནམ་མཁར་འགྲོ་མ་འབའ་ཞིག་གིས་བྱ་བ་ནི་མཁའ་འགྲོ་མར་བརྗོད་པ་མ་ཡིན་ཏེ། འདི་སྐད་དུ། ནམ་མཁའ་ཀུན་ཏུ་སྤྱོད་གྲུབ་པ། །མཁར་འགྲོ་མ་ཞེས་རབ་ཏུ་གྲགས། །ཞེས་དེའི་ཕྱིར་བཤད་དོ། །ཀུན་ལས་ཞེས་བྱ་བ་ནི་ཕྱོགས་ 489b བཅུའོ། །སྣ་ཚོགས་དང ། དེའི་ཕྱག་རྒྱ་ནི་སྣ་ཚོགས་ཕྱག་རྒྱ་སྟེ། སྤྱན་ལ་སོགས་པའི་ཕྱག་རྒྱའོ། །གཟུགས་བརྙན་གྱི་རྣལ་འབྱོར་གྱིས་སེམས་ཅན་གྱི་ཁམས་ལ་ཕྱག་རྒྱས་འདེབས་པའི་ཕྱིར་དེས་ན་ཕྱག་རྒྱ་ཞེས་བརྗོད་དོ། །སྣ་ཚོགས་ཞེས་བྱ་བ་ནི་ཐམས་ཅད་ཀྱི་རང་བཞིན་ནམ། དཔལ་རྡོ་རྗེ་སེམས་དཔའ་ཐམས་ཅད་དང ། ཕྱག་རྒྱ་ནི་སྣ་ཚོགས་ཀྱི་ཕྱག་རྒྱའོ། །ཀུན་ལས་སྣ་ཚོགས་སྡོམ་པ་ཡི། ཞེས་བྱ་བ་ནི་རྣམ་པ་སྣ་ཚོགས་པ་སྟེ་བདེ་བའི་མཆོག་གིས་ནམ་མཁའ་ཀུན་ཏུ་འགྲོ་བའི་ངོ་བོ་ནི་མཁའ་འགྲོ་མའོ། །སངས་རྒྱས་སྐད་དབྱིངས་ཞེས་བྱ་བ་ནི་སངས་རྒྱས་དཔལ་རྣམ་པར་སྣང་མཛད་ལ་གནས་ནས་མངོན་པར་ལྡོག་པའི་རྒྱུ་རྣམས་ནི་དེའི་རང་ཁམས་རྣམས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་ཀྱི་རང་བཞིན་གྱི་ཁམས་རྣམས་ནི་སངས་རྒྱས་ཀྱི་སྐད་ཀྱི་དབྱིངས་ཀྱི་སྒྲས་བརྗོད་དེ། ཇི་ལྟར་དཔལ་རྡོ་རྗེ་སེམས་དཔའ་ལ་གནས་ན་མངོན་པར་ལྡོག་པའི་རྒྱུ་རྣམས་ནི་དེའི་རང་བཞིན་གྱིས་ཁམས་རྣམས་ཏེ། མཁའ་འགྲོ་མའི་སྒྲས་ནམ་མཁའ་ལ་འགྲོ་བའི་རང་བཞིན་དུ་བསྟན་ཏོ། །དེ་བཞིན་དུ་རྣམ་པར་སྣང་མཛད་དང ། མི་བསྐྱོད་པ་དང ། རིན་ཆེན་བདག་པོ་དང ། འོད་དཔག་ཏུ་མེད་པ་དང ། དོན་ཡོད་གྲུབ་པའི་ཁམས་རྣམས་བལྟ་བར་བྱའོ། །སངས་རྒྱས་ཀུན་གྱི་མཁའ་འགྲོ་མ་ཞེས་བྱ་བ་ནི་བཅོམ་ལྡན་འདས་རྡོ་རྗེ་སེམས་ 490a ༄#། །དཔའ་ལ་སྤྱན་ལ་སོགས་པས་ཡོངས་སུ་བསྐོར་བའི་ནམ་མཁའ་ལ་འགྲོ་བ་ཐམས་ཅད་རྡོ་རྗེ་སེམས་དཔའི་བདག་ཉིད་ཀྱི་མཁའ་འགྲོ་མ་དང ། དེ་སྐད་དུ་དཔལ་ཧེ་རུ་ཀ་ལ་དཀར་མོ་ལ་སོགས་པས་ཡོངས་སུ་བསྐོར་བའི་ནམ་མཁའ་ལ་འགྲོ་བ་ཐམས་ཅད་ཧེ་རུ་ཀའི་བདག་ཉིད་ཀྱི་མཁའ་འགྲོ་མ་དང ། དེ་སྐད་དུ་བདག་མེད་མའི་རྣལ་འབྱོར་དང་ལྡན་པ་ལ་རྡོ་རྗེ་མ་ལ་སོགས་པས་ཡོངས་སུ་བསྐོར་བའི་ནམ་མཁའ་ལ་འགྲོ་བ་ཐམས་ཅད་བདག་མེད་མའི་བདག་ཉིད་ཀྱི་མཁའ་འགྲོ་མ་དང ། དེ་སྐད་དུ་ཡེ་ཤེས་དང་ལྡན་པ་ལ་རྡོ་རྗེ་མཁའ་འགྲོ་མ་ལ་སོགས་པས་ཡོངས་སུ་བསྐོར་བའི་ནམ་མཁའ་ལ་འགྲོ་བ་ཐམས་ཅད་ཡེ་ཤེས་ཀྱི་བདག་ཉིད་ཅན་གྱི་མཁའ་འགྲོ་མ་དང ། དེ་ལྟར་སྒྲོལ་མ་དང་ལྷན་ཅིག་པདྨ་ཅན་དང ། པདྨའི་འཁོར་ལོ་དང ། གཤིན་རྗེའི་རྒྱལ་པོ་དང ། དེ་སྐད་དུ་རྟ་མཆོག་དང ། དེ་བཞིན་དུ་འཇིག་རྟེན་གསུམ་ལས་རྣམ་པར་རྒྱལ་བ་ཉིད་དང ། གཞན་ཡང་ཡིད་ལ་འདོད་པའང་རིགས་ཀྱི་རབ་ཏུ་དབྱེ་བས་ཕྱེ་བ་ལ་མཁའ་འགྲོ་མས་དེ་བཞིན་དུ་ཡོངས་སུ་བསྐོར་བ་ཉིད་དུ་བརྗོད་དོ། །དེ་སྐད་དུ་སངས་རྒྱས་ཀུན་གྱི་མཁའ་འགྲོ་མ་རྣམས་བསྟན་ནས། སྡོམ་པ་བཤད་པར་བྱ་བའི་ཕྱིར་བདེ་བ་ཞེས་བྱ་བ་ནི་གང་ཞིག་བཅོམ་ལྡན་འདས་དཔལ་རྡོ་རྗེ་སེམས་དཔའི་ཡེ་ཤེས་ཀྱི་ཕྱག་རྒྱ་ 490b དང་ལྷན་ཅིག་མཉམ་པར་སྦྱོར་བས་གང་ཞིག་ཤིན་ཏུ་བདེ་བ་དང་ལྡན་པར་སྐྱེད་པར་བྱེད་དོ། །དེ་ལས་ཅིར་འགྱུར་ཞེ་ན། མཆོག་ནི་ཁྱད་པར་དུ་འཕགས་པ་སྟེ། བདེ་བ་ཐམས་ཅད་ཀྱི་ཐབས་ཕུལ་དུ་བྱུང་བའི་ཕྱིར་རོ། །དེ་ཉིད་ཀྱི་ཕྱིར་སྒྱུ་མ་ཐམས་ཅད་ཀྱི་རབ་ཏུ་སྦྱོར་བ་སྟེ། དེ་འང་གཞན་ཉན་ཐོས་དང ། རང་སངས་རྒྱས་དང་མཉམ་པར་སྦྱོར་བས་ནི་མ་ཡིན་ནོ་ཞེས་བྱ་བའི་དོན་ཏོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མའི་དྲ་བའི་རབ་ཏུ་སྦྱོར་བ་ཉིད་ཀྱིས་གང་ཞིག་བདེ་བ་བསྐྱེད་པ་དེ་ཉིད་ཀྱི་ཕྱིར་སཾ་གྱི་སྒྲས་བརྗོད་དོ། །དེའི་ཕྱིར་དེའི་རྒྱུས་གང་ཞིག་བདེ་བ་མཆོག་ཁྱད་པར་དུ་འཕགས་པ་སྐྱེད་པར་བྱེད་པ་དེ་ཉན་ཐོས་དང ། རང་སངས་རྒྱས་ཀྱིས་ཡོངས་སུ་མྱ་ངན་ལས་འདས་པ་དེའི་རྣམ་པར་དག་པ་སྒྱུ་མ་ལྟ་བུའི་ཆོས་རྣམས་ཐམས་ཅད་རྟོགས་པར་སྙིང་རྗེ་ཆེན་པོ་སྐྱེའོ། །སྟོང་མིན་ཞེས་བྱ་བ་ནི་ཁམས་གསུམ་དང ། འདོད་པ་ཀུན་ཏུ་སྤྱོད་པའི་ཡང་དག་པ་མ་ཡིན་པར་ཀུན་བརྟགས་པའི་དངོས་པོ་ཡིན་པའི་ཕྱིར་དེར་ཡང་དག་པ་མ་ཡིན་པར་ཀུན་བརྟགས་པ་སྟོང་པ་ཡིན་པས་དངོས་པོ་ཡིན་པའི་ཕྱིར་རོ། །སྟོང་པ་མིན་པའང་མིན་ཞེས་བྱ་བ་ནི་དོན་དམ་པར་གཟུང་བ་དང ། འཛིན་པའི་རྣམ་པར་རྟོག་པའི་དངོས་པོ་མེད་པ་སྟེ། གང་གི་ཡེ་ཤེས་ཀྱིས་གཟུང་བ་དང ། འཛིན་པའི་དངོས་པོ་མེད་པ་མངོན་སུམ་དུ་བྱ་ 491a ༄#། །པ་སྟེ་དེའི་ཡེ་ཤེས་ཀྱང་རྣམ་པར་རྟོག་པའི་སྤྱོད་ཡུལ་མ་ཡིན་པའི་ཕྱིར་དམིགས་པར་མི་འགྱུར་ཏེ། དེ་ཉིད་ཀྱི་ཕྱིར་དེ་སྐད་དུ་ཡང་དག་པའི་ཡེ་ཤེས་ཀྱི་དབུ་མར་རྟོགས་པར་བྱའོ་ཞེས་བྱ་བའི་དོན་ཏོ། །དེ་ཡང ། ཤེས་རབ་ཕ་རོལ་ཕྱིན་སྦྱོར་པ། ཞེས་གསུངས་ཏེ། དེ་ཉིད་ཀྱི་ཐབས་ཏེ། སྙིང་རྗེ་ཆེན་པོ་དང་ལྡན་པའི་ཕྱིར་རོ། །སངས་རྒྱས་བཅོམ་ལྡན་འདས་ཀྱི་སྙིང་རྗེའི་བདག་ཉིད་ཀྱི་དམིགས་པ་ནི་སྙིང་རྗེའི་རང་བཞིན་ཏེ། དེ་ནས་མཛེས་པའི་སྙིང་རྗེ་ཐབས་ཞེས་བྱ་བ་ནི་ཤིན་ཏུ་སྙིང་རྗེའང་མཛེས་པའི་སྙིང་རྗེ་སྟེ། བཏང་སྙོམས་ཀྱིས་དམིགས་པ་མེད་པའི་སྙིང་རྗེ་ཆེན་པོའོ། །དེ་ཉིད་ཐབས་ཏེ། གང་ཤིན་ཏུ་སྙིང་རྗེ་དང་ལྡན་པའི་ཐབས་འདི་ནི་མི་གནས་པའི་མྱ་ངན་ལས་འདས་པའི་རང་བཞིན་ཏེ། དཔལ་རྣམ་པར་སྣང་མཛད་དོ། །ཅིར་གྱུར་པས་ཞེ་ན། ཆོས་དག་བྱུང་ཞེས་བྱ་བར་སྦྱོར་རོ། །ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པར་ཡང་དག་གས་ལ་ཞེ་ན། ཤེས་རབ་ཅེས་བྱ་བ་ནི་ཆོས་རྣམས་སྒྱུ་མ་ལྟ་བུར་རབ་ཏུ་རྣམ་པར་འབྱེད་པའི་རྣམ་པར་བརྟག་པར་བྱ་སྟེ། དེ་ཉིད་བདག་གི་ཕུན་སུམ་ཚོགས་པའོ། །ཕ་རོལ་ཏུ་ཕྱིན་པ་ཞེས་བྱ་བ་ནི་སོན་པ་སྟོན་པ་སྟེ། ཤེས་རབ་ཕ་རོལ་ཕྱིན་གསལ་བ། ཞེའོ། །གང་གིས་ཞེ་ན། རྣམ་རྟོག་མེད་པར་ལྷག་མོས་པས་ཞེས་སོ། །ཅི་མཛད་ཅེ་ན། བརྟགས་པར་ནི་སྔོན་དུ་ 491b བདག་པོའི་ནུས་པ་ལས་ཞེས་བྱ་བར་དགོངས་པའོ། །ཅི་བརྟགས་ཞེ་ན། བརྟགས་པ་ཀུན་གྱིས་ཞེས་བྱ་བ་ནི་གཟུགས་ལ་སོགས་པ་རང་དབང་དུ་སྒྱུ་མ་ལྟ་བུའི་ངོ་བོའོ། །ཅིའི་མཚན་ཉིད་རྣམས་ལས་ཞེ་ན། རྣམ་རྟོག་མེད་པའི་ཆོས་རྣམས་ལ། །སེམས་ཅན་དོན་ནི་ཡོངས་སུ་བརྟགས། །ཞེས་པ་ནི་སྙིང་རྗེའི་དབང་གིས་སེམས་ཅན་གྱི་དོན་གྱི་དོན་རྒྱུར་བརྟགས་པའོ། །དེ་བརྟགས་པས་ཅིར་འགྱུར་ཞེ་ན། སྒྲ་བརྙན་ལྟ་བུར་མཉམ་པ་ཉིད་ཅེས་བྱ་བ་ལ། སྒྲ་བརྙན་ཞེས་བྱ་བ་ནི་བྲག་ཅའི་སྒྲའོ། །དེས་དབྱངས་མཆོག་དང ། མཉམ་ཞིང་མཉམ་པར་དབྱངས་ཀྱི་རྗེས་སུ་འགྲོ་བ་དང ། སྒྲ་རྣམ་པར་རྟོག་པའི་ངོ་བོ་དང ། ཤེས་རབ་ཀྱི་ཕ་རོལ་ཏུ་ཕྱིན་པས་དེ་སྒྲ་བརྙན་ལྟ་བུར་མཉམ་ཞིང་དེ་དེ་ལྟར་གྱུར་པས་བརྟག་གོ་།དེ་ཅི་ཞེ་ན།་དེ་ནས་འདི་ནི་ཆོས་ངག་བྱུང ། ཞེས་བྱ་བ་ནི་དེ་ནས་དེའི་ཕྱིར་ཆོས་ལས་ཆོས་ཀྱི་དོན་གྱི་ངེས་པའི་ཚིག་སོ་སོར་སྣང་བ་སོ་སོར་རིག་པ་ནི་བརྟགས་པའི་ངོ་བོ་སྟེ། དེ་ཉིད་ཕྱིར་འདི་ནི་དཔལ་རྣམ་པར་སྣང་མཛད་ལ་སོགས་པའི་དམ་ཚིག་གསུམ་གསལ་བར་བྱེད་པའོ། །ངག་གི་ཆོས་ནི་ངག་གི་དབྱངས་ཞེས་བྱ་བའི་དོན་ཏོ། །དེ་དེ་ལྟར་གྱུར་པ་ནི་ངག་འབྱེད་པ་སྟེ། ངག་གི་འདི་ནི་དེའི་དེ་བཞིན་དུ་བརྗོད་དོ། །དེ་ཡང་དག་པ་མ་ཡིན་པ་ལས་གྲུབ་པ་ནི་ཆོས་ངག་ལས་གྲུབ་པའི་ཕྱིར་རོ། །ཐེག་པ་དང ། ཆེན་པོ་དེ་ནི་ཐེག་པ་ཆེན་པོ་ 492a ༄#། །སྟེ།་བྱང་ཆུབ་སེམས་དཔའི་ལམ་འབྲས་བུ་དང་བཅས་པའོ། །ཆེན་པོ་རྣམ་པ་བདུན་དུ་སྦྱོར་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པའི་མདོ་སྡེ་དག་ཏུ་གྲུབ་བོ། །དེའི་ཕྱིར་ཆེས་ཁྱད་པར་དུ་འཕགས་པ་རྡོ་རྗེའི་ཐེག་པ་ཐེག་པ་ཆེན་པོ་ནི་སྐྱེ་བ་འདིར་སངས་རྒྱས་ལ་སོགས་པ་རབ་ཏུ་བསྒྲུབ་པའི་ཕྱིར་དེའི་ཡོན་ཏན་དམ་པར་གྱུར་པ་སྟོབས་དང ། མི་འཇིགས་པ་ལ་སོགས་པ་སྟེ། དེ་རྣམས་ཀྱི་ཚོགས་ནི་རྒྱས་པ་སྟེ། དེ་རྣམས་ཡོན་ཏན་དམ་པར་གྱུར་པས་སོ། །དུས་གསུམ་ནི་འདས་པ་དང ། མ་འོངས་པ་དང ། ད་ལྟར་རོ། །དམ་ཚིག་གསུམ་ཞེས་བྱ་བ་ནི་སྐུ་དང ། གསུང་དང ། ཐུགས་ཀྱི་རང་བཞིན་ཐམས་ཅད་དོ། །དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ལ་སོགས་པའོ། །བསྟོད་པ་ཇི་ལྟ་བུ་ཞེ་ན། རྣམ་པར་རྟོག་པ་མེད་པའི་རྣམ་པར་གྲོལ་བས་གཟུགས་བརྙན་ལ་སོགས་པའི་རིག་པས་དེ་བཞིན་གཤེགས་པ་ཐམས་ཅད་ཀྱིས་བསྟོད་དོ། །གང་གི་ཕྱིར་བརྟན་པ་དང ། གཡོ་བ་ལ་སོགས་པ་མ་ལུས་པ་ལ་སྟོང་པ་ཉིད་ཀྱི་རང་བཞིན་གྱིས་ཁྱབ་ཅིང་བརྟན་པ་དང ། གཡོ་བ་ལ་སོགས་པ་དེས་ཁྱབ་པས་ཁམས་གསུམ་རྣམ་པར་རིག་པ་ཙམ་སྟེ། དེའི་ཕྱིར་སྡོམ་པ་ལ་སོགས་པ་རྣམས་ལ་ལྷའི་རྣལ་འབྱོར་དུ་གསུངས་སོ། །བཅོམ་ལྡན་ 492b འདས། གལ་ཏེ་ཅིའི་སླད་དུ་དེའི་རང་བཞིན་ཐམས་ཅད་དེའི་རྣམ་པས་འཇིག་རྟེན་པས་དེ་རྟོགས་པར་མི་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། གང་གི་ཕྱིར་ཞེས་བྱ་བ་ནི་གཏན་ཚིགས་སོ། །ཐམས་ཅད་བདག་ཉིད་ཅེས་བྱ་བ་ནི་ཐམས་ཅད་ཀྱི་དངོས་པོས་སོ། །བདག་ཉིད་ཀྱི་ཞེས་བྱ་བ་ནི་རང་གིའོ། །རྣམ་ཤེས་ཕུང་པོར་ཞེས་བྱ་བ་ནི་གང་ཞིག་རྣམ་པར་ཤེས་པའི་ལུས་ལའོ། །གནས་པ་ནི་རང་རིག་པའི་སེམས་ཀྱི་ངོ་བོ་སྟེ། དེའི་ཕྱིར་རྨོངས་པ་ནི་གཏི་མུག་གོ་།སྐྱེས་བུ་ཐ་མ་ནི་རིགས་པ་ཅན་ལ་སོགས་པའོ། ། རྟོགས་མི་ནུས་ཞེས་བྱ་བ་ནི་རྨོངས་པ་དང་བཅས་པས་མི་ཤེས་སོ། །བཅོམ་ལྡན་འདས། གལ་ཏེ་དེ་མི་འཚལ་ན་ཇི་ལྟར་དེ་རྣམས་ཀྱི་དེ་ཁོ་ན་འཚལ་བ་ལགས། །བཀའ་སྩལ་པ། སེམས་དང་སེམས་བྱུང་སེམས་ཚུལ་བདག་།ཅེས་བྱ་བ་ནི་སེམས་ཅན་གྱི་སེམས་ཀྱི་ངོ་བོའོ། །སེམས་ཞེས་བྱ་བ་ནི་ཐམས་ཅད་དུ་དངོས་པོའི་རང་བཞིན་དགེ་བའི་ཕུང་པོ་ལ་སོགས་པ་རིག་པར་བྱེད་པའི་བདག་ཉིད་ཅན་གྱི་འཚོ་བའོ། །ཡེ་ཤེས་ཀྱི་བདག་ཉིད་ཅེས་བྱ་བ་ནི་ཐམས་ཅད་དུ་འགྲོ་བ་སྟེ། དེ་ལ་ཁྱབ་འཇུག་གི་ཡེ་ཤེས་ཀྱི་བདག་ཉིད་སྐྱེས་བུའོ། །ཤེས་བྱའི་རང་བཞིན་ཅན་ཞེས་བྱ་བ་ནི་ཤེད་བུ་དང ། ཤེད་ལས་སྐྱེས་པ་དང ། ཚོར་བ་པོ་དང ། བྱེད་པ་པོ་དང ། གནས་ཀྱི་དོན་དང ། རང་གི་ངོ་བོ་ཅན་དང ། 493a ༄#། །བྱེད་པ་པོ་ཉིད་དོ། །དབང་ཕྱུག་ཏུ་སྨྲ་བ་རྣམས་ནི་ཆོས་རྣམས་ཀྱི་བྱེད་པར་དབང་ཕྱུག་འདོད་དོ་ཞེས་ཟེར་རོ། །ཆོས་ཅན་དངོས་པོ་དེ་ཉིད་ཅེས་བྱ་བ་ནི་བདག་ཉིད་ཅན་དེ་ཉིད་གྲུབ་པའི་མཐའ་ལས་བསོད་ནམས་ལ་སོགས་པའི་ཆོས་རྣམས་བྱེད་པ་པོའམ། ཆོས་ཀྱི་ངོ་བོར་དབང་ཕྱུག་ཆེན་པོ་འདོད་དེ། དེ་རབ་ཏུ་བསྟན་པའི་དོན་དུ་འདིས་རྗེས་སུ་འགྲོ་བ་དང་ལྡོག་པར་གསུངས་པ་དང ། གཅིག་དང་དུ་མ་དག་དང ། བསྒྲུབ་པར་བྱ་བ་དག་དང ། ཆོས་ཅན་དག་དང ། གཏན་ཚིགས་དང ། དཔེ་དག་བཀའ་སྩལ་པ། ཆོས་རྣམས་ཀྱི་ཞེས་བྱ་བ་ལ་སོགས་པ་དང ། དུ་མས་ཞེས་བྱ་བ་ནི་གལ་ཏེ་དུ་མ་ཉིད་བསྒྲུབ་པར་བྱ་བའི་རྒྱུར་བརྗོད་ན་དུ་མ་ཉིད་མི་སྐྱེད་པའི་ཕྱིར་རོ། ། འདིས་གཅིག་པ་ཉིད་བསྒྲུབ་པར་བྱ་བའི་ཕྱིར་བརྗོད་པས་ཆུ་བོ་དང ། རྒྱ་མཚོའི་གནས་ཀྱིས་གཉིས་ཀྱིའང་དཔེ་བརྗོད་དོ། །འདིས་གཅིག་དང་དུ་མ་དག་གིས་སྒྲུབ་པའི་ཕྱིར་དཔེར་བརྗོད་པར་བྱ་སྟེ། རེ་ལ་རེ་ཞིག་དུ་མའི་ཆོས་རྣམས་ཀྱི་མཐར་བརྗོད་པའི་སེམས་ལ་སོགས་པའི་དངོས་པོ་དུ་མ་ནི་མང་པོ་ཉིད་དེ། གང་གི་ཕྱིར་གཅིག་ལས་ལོག་པ་རྣམ་པ་སྣ་ཚོགས་པའི་རིམ་པ་འདིས་ཆོས་ནི་དུ་མས་ནི་ཞེས་པ་ནི་རྒྱུས་ཐམས་ཅད་མུ་སྟེགས་པའི་སེམས་ལ་སོགས་པའི་རྣམ་པ་དུ་མར་འདོད་དོ། །ཅི་བཅོམ་ 493b ལྡན་འདས། དམིགས་ལགས་སམ། བཀའ་སྩལ་པ། ཆུ་བོའི་རྒྱུན་ནི་ཞེས་བྱ་བའི་སྒྲས་ནི་ཉན་ཐོས་སོ། །རྒྱ་མཚོ་ཞེས་བྱ་བ་ནི་རོལ་མཚོ་ལས་ཕྱི་རོལ་དུ་ཇི་ལྟ་བུ་ཆུ་བོ་ཤཱི་ཏ་དང།་སིནྡྷུ་དང ། གང་གཱ་ལ་སོགས་པའི་ཆུ་བོའི་རྒྱུན་འབབ་ཅིང་རབ་ཏུ་འཁོར་བ་འདི་ནི་སིནྡྷུའི་ཆུ་བོའོ། །འདི་ནི་གང་གཱའི་ཆུ་བོ་ཞེས་སྣ་ཚོགས་ཉིད་དུ་དམིགས་པར་མི་འགྱུར་རོ། །དེ་བཞིན་དུ་ཟབ་ཅིང་གཏིང་དཔག་དཀའ་བའི་ཆོས་ཀྱི་དབྱིངས་ལས་ཕྱི་རོལ་ཏུ་གྱུར་པའི་མུ་སྟེགས་ཅན་རྣམས་ཀྱི་བདག་དང ། འཚོ་བ་དང ། སྐྱེས་བུ་དང ། གང་ཟག་ཅེས་བྱ་བ་སྣ་ཚོགས་ཉིད་དོ། །བཅོམ་ལྡན་འདས། ཅི། འདིར་དེ་ཁོ་ན་ཉིད་དུ་མའི་རྣམ་པ་ཉིད་ལགས་སམ། བཀའ་སྩལ་པ། མ་ཡིན་ནོ། །གང་ཞིག་འདིར་དེ་ཁོ་ན་ནི་གཅིག་ཏུ་མངོན་པར་འདོད་དེ། དེ་ཁོ་ན་ཉིད་དེའི་ངོ་བོ་གཅིག་པར་གསུངས་པ་ཉིད་དོ། །གང་གི་ཕྱིར་གཅིག་དང ། མང་པོ་ཉིད་དོ་ཞེས་བྱ་བ་ལ་སོགས་པ་ལས་མང་པོ་ཉིད་ཅེས་བྱ་བ་ནི་དེ་རྣམས་ཀྱི་སེམས་ལ་སོགས་པ་གང་ཞིག་དུ་མ་རྣམ་པ་སྣ་ཚོགས་པ་དེ་ནི་དམ་པས་དམིགས་པར་མི་འགྱུར་ཞིང་རིགས་པས་རྟོགས་པར་མི་འགྱུར་རོ། །གང་གི་ཕྱིར་དུ་མ་ཉིད་ནི་གཅིག་ལ་འཇུག་པ་སྟེ། དཔེར་ན། ཆུ་བོ་རྣམས་ཀྱི་དུ་མ་ཉིད་རྒྱ་མཚོར་འཇུག་པ་ལྟར། སེམས་དང ། བདག་ལ་སོགས་པ་ཡོད་དོ་ཞེས་བྱ་བར་རིགས་པས་རྟོགས་ 494a ༄#། །པར་མི་འགྱུར་ཞིང ། རིགས་པ་ཡོད་པ་དང་ལྷན་དུ་ཟིན་ཀྱང་སེམས་ལ་སོགས་པ་གང་གི་ཚེ་ཆོས་ཐམས་ཅད་བདག་མེད་པར་ཞུགས་པ་དེའི་ཚེའང ། དེ་རྣམས་ཀྱི་སྣ་ཚོགས་ཉིད་མི་འདོད་དོ། །དཔེར་ན། རྒྱ་མཚོ་ལ་ཆུ་བོ་དུ་མ་ཉིད་ཞུགས་པའི་སོ་སོར་སྣང་བའི་དངོས་པོ་མེད་དོ། །དེ་བཞིན་དུ་དུ་མ་ཉིད་ཀྱི་དངོས་པོ་མེད་པའི་ཕྱིར། དེ་ཁོ་ན་ཉིད་གཅིག་པའི་རྣམ་པ་ཉིད་དུ་རྟོགས་པའི་ཕྱིར་རོ། །དེ་དེ་ལྟ་བུའི་རྣམ་པས་གང་ལས་དེ་ཁོ་ན་ཉིད་རྙེད་པར་འགྱུར་བ་ལགས། །བཀའ་སྩལ་པ། བླ་མའི་ཞལ་ལས་ཞེས་བྱ་བ་ལ་བླ་མ་ནི་སྔགས་དང ། རྒྱུད་དང ། མན་ངག་ཅན་ཏེ། གང་ཞིག་ཚིག་གིས་མན་ངག་རྙེད་པར་འགྱུར་རོ། །དེའི་མན་ངག་ངེས་པར་བསྟན་པ་བཀའ་སྩལ་པ། ནང་གི་ཞེས་བྱ་བ་ནི་རྩ་མཛེས་པའི་སྤྱི་བོར་ཇི་ལྟ་བུའི་གཟུགས་ཀྱིས་རྣམ་པར་གནས་པ་དང ། ནམ་མཁའ་ལྔ་ཡིས་བརྒྱན་པར་བྱས་པའོ། །གསང་བའི་པདྨ་ནི་གསང་བའི་གནས་ཞེས་གསུངས་ཏེ། པདྨའི་ལྟེ་བར་རྩ་མཛེས་པའི་སྤྱི་བོའི་ཕྱོགས་སུ་ཁྲག་དང ། ཁུ་བ་དང ། གཅི་བ་འཛིན་པའི་རྩ་ལྔ་ཡིས་མཛེས་པའི་ཕྱིར་སྤྱི་བོའི་ནམ་མཁའི་གནས་སུའོ།། ཡང་ན་ཆུ་དང ། མེ་དང ། དབང་ཆེན་དང ། རླུང་དང ། བསིལ་བ་དང ། ཚ་བ་དང ། གཉིས་ཀྱིས་ཚ་བའི་མཚན་ཉིད་དང ། འདོད་ཆགས་ཀྱི་དཀྱིལ་འཁོར་གྱི་ནང་དུ་ཞུགས་པས་ 494b ནམ་མཁའ་ལྔ་པོ་འདི་རྣམས་ཀྱི་བརྒྱན་པར་བྱས་པ་སྟེ། པདྨ་འབའ་ཞིག་གིས་བརྒྱན་པ་ནི་མ་ཡིན་ནོ་ཞེས་བཀའ་སྩལ་ཏོ། །གསང་བ་ཞེས་བྱ་བ་ནི་དོན་རྣམ་པ་བདུན་ཏེ། བརྒྱད་པ་ནི་བརྗོད་དུ་མེད་པའི་མཚན་ཉིད་དོ། །གསང་བ་ཞེས་བྱ་བ་ནི་མི་གསལ་བའོ། །དེར་གསང་བ་དེ་ཉིད་ཕྱོགས་ཡིན་ཏེ། དེ་ཁོ་ན་ཉིད་མདོར་བསྟན་པའོ། །གསང་བ་ནི་ས་བོན་ལྔའོ། །གསང་བ་ནི་དམ་པའི་དངོས་པོ་སྦས་པའོ། །གསང་བ་ནི་གསང་བའི་པདྨའོ། །གསང་བ་ནི་ལྟེ་བའི་དགའ་བའོ། །གསང་བ་ནི་ཐམས་ཅད་དུ་འགྲོ་བོའོ། །གསང་བ་ནི་བདེ་བ་ཐམས་ཅད་མཐའ་ཡས་པ་སྟེ། །རྒྱུད་ཀྱི་གཞུང་གིས་བཤད་དོ། །གསང་བ་ཡང་ནི་བྱང་ཆུབ་སེམས། །གཉིས་པ་ཐབས་དང་ཤེས་རབ་ཉིད། །གསུམ་པ་ཡང་ནི་སྙིང་རྗེ་སྟེ། །བཞི་པ་སྙིང་པོ་དམ་པ་ཉིད། །ལྔ་པ་མཉམ་པ་ཉིད་དུ་གསུངས། །དྲུག་པ་ལ་ནི་བྱམས་པ་ཉིད། །བདུན་པ་ཆོས་ཉིད་ཡེ་ཤེས་ཏེ། །འདི་རྣམས་གནས་སུ་ཀུན་ཏུ་བཞུགས། །བྱང་ཆུབ་སེམས་ནི་མ་སྐྱེས་པ། །ཏིང་འཛིན་རྣམ་པ་སྣ་ཚོགས་མཆོག་།མིང་ནི་མཛེས་ཕྱིར་རྣམ་པར་བཤད། །རྡོ་རྗེ་སེམས་དཔའི་དགའ་མ་དེ། །མང་པོའི་གནས་སུ་གཅིག་པུ་སྟེ། །དེ་ནི་ཤེས་རབ་ཕ་རོལ་ཕྱིན། ། ཀུན་མཁྱེན་ཀུན་འགྲོ་ཐམས་ཅད་པ། །ཕྲ་སྙིང་གསང་བའི་མཁའ་འགྲོར་འགྲོ་།སྒྱུ་མའི་གཟུགས་བརྒྱ་རིག་པའི་ཕྱིར། །སངས་རྒྱས་ཀུན་གྱིས་འཆད་པར་བྱེད། །མེ་ལོང་ལ་ 495a ༄#། །སོགས་སྒོམ་པ་ཡིས། །སྔགས་ནི་ལྔ་པོ་ཡང་དག་བཤད། །ཤེས་རབ་ཕ་རོལ་ཕྱིན་པར་གསུངས། །ཡི་གེ་དང་པོ་གཅིག་གྱུར་པ། །མེ་ལོང་ལ་སོགས་བདེར་གཤེགས་ལྔ། །དྲུག་པ་དཔལ་ལྡན་བདེ་ཆེན་པོ། །དེ་ཡི་ཡང་ནི་ཡེ་ཤེས་གཞན། །དག་པ་སྟེང་དུ་གྲགས་པ་མེད། །རྒྱུད་ནི་འབུམ་ཕྲག་ཚད་དུ་ནི། །དྲུག་པ་ཡོད་པར་མ་གསུངས་སོ། །རྡོ་རྗེ་སེམས་དཔའ་ལྟ་བུ་ཉིད། །མི་ཡི་འཇིག་རྟེན་ཡོད་མ་ཡིན། །དེ་ཕྱིར་ང་ཡིས་ཁྱོད་ལ་བཤད། །འདི་ཉིད་ཀྱི་ནི་ནང་སོན་པས། །གཉིས་མེད་མཉམ་པ་ཉིད་དུ་གང ། །སྔོན་དང་ཕྱི་མར་བཅོམ་ལྡན་འདས། །དཔལ་ལྡན་རྡོ་རྗེ་སེམས་དཔས་གསུངས། །འདི་ལ་སློབ་དཔོན་གྱིས་ཐམས་ཅད་དུ་འགྲོ་བའི་ཡེ་ཤེས་ཇི་ལྟ་བུ་ལགས། ཐམས་ཅད་བདག་ཉིད་རྟག་ཏུ་བཞུགས། གནས་ནི་རྣམ་པ་བཞི་རུ་གསུངས། །བཞི་ནི་ཆ་དང་ཡང་དག་ལྡན། །པདྨ་བཞི་ལ་རྣམ་པར་གནས། །སྤྱི་བོ་མེད་སྙིང་པདྨར་གནས། །ཁ་ཡི་པདྨའི་སྤྱི་བོར་གནས། །ལྟེ་བའི་པདྨར་གནས་པའི་སྒྲ། །སྒྲ་མཐར་གསང་བའི་པདྨར་ནི། །འགྲོ་དང་རྗེས་སུ་འོང་བར་བྱེད། །ཐིག་ལེའི་སྦྱོར་བས་རབ་ཏུ་བསྐོར། །ཁ་དོག་གནག་དང་དམར་བ་དང ། །མདོག་དཀར་དེ་བཞིན་སེར་བ་ཉིད། །ཆ་ནི་བཅོམ་ལྡན་ཐིག་ལེའི་གཟུགས། །ཆ་ནི་ཤེས་རབ་ཆ་ཞེས་གསུངས། །ལྷ་མོ་སྒྲ་ནི་རྣམ་ 495b ངེས་བསྟན། །གང་དེ་རིག་མ་སྒྱུ་མ་ཆེ། །སྣ་ཚོགས་གཟུགས་ཅན་མཐའ་ཡས་མ། །འབྱིན་ཅིང་སྡུག་དང་འཇིགས་དང་ཆགས། །ཐིག་ལེའི་སྒྲ་ནི་ཡོངས་སུ་བསྐོར། །ཆོས་ཀྱི་ཕུང་པོ་བརྒྱད་ཁྲི་དང ། །བཞི་སྟོང་གི་ནི་ཆོ་གས་ནི། །ལུས་ཀྱི་དེ་ཉིད་མི་ཤེས་པས། །དེ་དག་ཐམས་ཅད་འབྲས་བུ་མེད། །ཡིག་འབྲུ་རྣམས་ཀྱི་དང་པོ་ཨ། །བརྟན་དང་གཡོ་བ་རྣམས་ལ་གནས། །སྙིང་རྗེ་ཆེན་པོ་རེག་འབྱུང ། །ཁ་ནི་འོག་ཏུ་ནམ་མཁའི་འབྱེད། །ཐོག་མ་ཐ་མ་མེད་པའི་ལྷ། །དེ་ཡི་སྤྱི་བོ་ངེས་པར་བསྟན། །མཆོག་གི་དེ་ཉིད་འད་དག་ནི། །ལྷ་མོ་ང་ཡིས་རབ་ཏུ་ཕྱེ། ། འདི་ཉིད་ལས་ནི་ཐམས་ཅད་འབྱུང ། །ཆོས་ཀྱི་དབྱིངས་ནི་བྲུཾ་དུ་བརྗོད། །སྐྱེ་གནས་དབུས་སུ་རྣམ་པར་གནས། །མཐར་ནི་སཝཱཧཱ་ཞེས་བྱའི་ཕྱིར། །བསྡུས་ནས་ཞེས་ནི་རྣམ་པར་བརྗོད། །རུས་པ་རྐང་དང་ཁུ་བ་ཉིད། །ཕ་ལས་སྐྱེས་པ་གསུམ་དུ་གསུངས། །པགས་པ་དང་ནི་ཤ་དང་ཁྲག་།མ་ལས་སྐྱེས་པ་གསུམ་དུ་གྲགས། །འདི་དག་ཙམ་དུ་གསུངས་པ་རྣམས། །གོང་བུ་རྣམས་ནི་བསྡུས་པ་ཉིད། །གཟུགས་དང་ཚོར་བ་འདུ་ཤེས་དང ། །འདུ་བྱེད་དང་ནི་རྣམ་ཤེས་ཉིད། །སངས་རྒྱས་ལྔ་ཡི་གཟུགས་བརྙན་དངོས། །ཕུང་པོ་དག་ཅེས་བསྒྲགས་པར་བྱ། །གཟུགས་དང་སྒྲ་དང་དྲི་དང་ནི། །རོ་དང་ཡང་ནི་རེག་བྱ་ཉིད། །ཆོས་ཀྱི་ཁམས་ཞེས་རྣམ་པར་བཤད། །ཁམས་རྣམས་དང་ནི་སྐྱེ་མཆེད་རྣམས། །འདི་ 496a ༄#། །རྣམས་ལས་ནི་བྱུང་བ་ཡི། །ཁུ་བ་ལས་ནི་གོང་བུ་སྐྱེ། །གོང་བུ་ལས་ནི་མི་རྣམས་འབྱུང ། །ཡིད་ནི་ནམ་མཁའི་ཁམས་ཀུན་ཏུ། །སྐྱེ་མཆེད་དང་ནི་ཁམས་རྣམས་དང ། །དབང་པོ་ཕུང་པོ་འབྱུང་བ་དང ། །ཁམས་རྣམས་ལས་ནི་བྱུང་བ་ཡི། །དཀྱིལ་འཁོར་ལུས་སུ་གསུངས་པ་སྟེ། །དཀྱིལ་འཁོར་བྷ་གར་བརྗོད་པ་ཉིད། །དཀྱིལ་འཁོར་ཡང་ནི་བྱང་ཆུབ་སེམས། །དཀྱིལ་འཁོར་གསུམ་ནི་བརྟག་པར་བྱ། །གང་ལ་གཙོ་བོ་ཀུན་སྤྱོད་པ། །བརྟག་པ་དུ་མར་ཀུན་དུ་གྱུར། །ཕུང་པོ་རྣམ་པ་གཉིས་སུ་གསུངས། ། འབྱུང་བ་རིག་པར་རྟག་ཏུ་བརྟག་།མྱོས་བྱེད་དང་ནི་ལྕགས་ཀྱུ་ཉིད། །ཞགས་པ་པདྨ་གཞུག་བྱེད་དང ། །བཅིང་བ་ལྕགས་སྒྲོག་དྲིལ་བུ་ཡང ། །ངེས་པར་བྱེད་པ་རུ་ནི་གསུངས། ། བཤད་པ་དཀར་པོ་ཞེས་བྱར་གསུངས། །པདྨ་ཞེས་བྱ་ཁྲག་ཏུ་གསུངས། །ཤ་ཞེས་བྱ་བ་མར་མེ་ཉིད། །ཁུ་པ་ནམ་མཁའ་ཉིད་དུ་བརྗོད། །ཐིམ་པའི་ཕྱིར་ན་ལིང་གར་གསུངས། །མེ་ཏོག་སྙིམ་པ་བྷ་གར་བརྗོད། །གླུ་ནི་ལངས་པ་ཉིད་ཀྱི་གླུ། །གར་ནི་མཉམ་པར་སྦྱོར་བ་ཉིད། །རོ་ནི་ཤི་བར་བརྗོད་པ་ཉིད། །ཁ་ནི་ཞལ་དང་བུག་པ་ཉིད། ། སྙིང་པོ་རོ་བསྲེག་དུར་ཁྲོད་དོ། །མེ་ནི་བྱིན་ཟ་གསལ་བ་དང ། །དེ་བཞིན་དུ་ནི་འབར་བའོ། །གུར་ནི་གུ་གུལ་དུ་བརྗོད་པའོ། །ནག་པོའི་འབྱུང་པོའི་ཉི་མ་ནི། །མར་གྱི་ངོ་ཡི་ 496b བཅུ་བཞི་པའོ། །གསེར་ཤིང་ནི་ད་དུ་རའོ། ། ལཾ་ཀ་ནི་ལྡོང་རོས་སོ། །མ་རུ་ལུང་ག་ས་བོན་གང་བའོ། །ཙི་ཏྲ་ཀ་ནི་ཙི་ཏྲ་ཀའོ། །བ་ཙ་ནི་ཚིག་ཉིད་དོ། །ཁྱིམ་བྱའི་སྒོ་ང་ཐམས་ཅད་ནི་ཁྱིམ་བྱའི་སྒོ་ངའི་དུམ་བུའོ། །སྐྱ་བོ་ནི་དཀར་པོའོ། །རྟ་གསོད་པ་ནི་ཀ་ར་བི་རའོ། །ཉི་མའི་ལྗོན་ཤིང་ནི་ཨརྒའི་ཤིང་ངོ ། །བེ་ཆག་པ་ནི་ཆག་པ་དང་སྲོག་ཆགས་ཞེས་བྱ་བའི་དོན་ཏོ། ། སྡིག་པ་ནི་སྦྲུལ་ལོ། ། ལཾ་ནི་རྔ་མའོ། །ཀ་ལ་པ་ནི་ཆའོ། །ཉིན་ཕྱེད་ཀྱི་འོ་མས་བྱུག་ཅིང་ཞེས་བྱ་བ་ནི་ཡང་བསྒོས་པའོ། །བ་ན་རི་ནི་ཀ་པིའོ། །ཡུལ་ནི་ཀ་ཙྪུར་བརྗོད་དོ། །དེའི་བདག་ཉིད་ནི་ཐོད་ལེ་སྐོར་དང ། སྤྲེའུ་དང ། ཁ་ཊི་ཀ་ཉིན་ཕྱེད་ཀྱི་འོ་མའི་ནང་དུ་ཉི་མ་བདུན་དུ་བཞག་པར་བྱའོ། །དེ་དག་དང ། ཉིན་ཕྱེད་ཀྱིའོ་མ་དག་དང་སྦྱར་བས་མགོ་བོའི་དབང་པོ་དྲི་བར་བྱའོ། །དུག་སྦྱིན་པར་འགྱུར་རོ་ཞེས་བྱ་བ་ནི་རེག་པ་ལས་སྐྱེ་བར་བྱེད་པའི་དོན་ཏོ། །མ་ལ་ཡ་ལས་བྱུང་བ་ནི་ཙནྡན་ནོ། །ནཱ་ག་གེ་སར་ནི་ནཱ་གའོ། །ནད་ཀྱི་དབང་པོ་ནི་རུ་རྟའོ། །མྱོས་བྱེད་ཀྱི་འབྲས་བུ་ནི་ཚེར་མའི་འབྲས་བུའོ། །ཛ་གུའི་ཡུལ་ནི་མྱོས་བྱེད་ཀྱི་སྤྲོ་བར་རྟོགས་པར་བྱའོ། །ཏ་ཀ་ར་ནི་དྲིའི་ཏ་ཀ་རའོ། །ལྡན་པ་ནི་སྦྱོར་བའོ། །འབྲས་ཀྱི་ཆུ་ནི་ཀོ་ཤའོ། །ཇི་སྙེད་པའི་དྲུག་སྣ་ཚོགས་ནི་དུ་མའི་རྣམ་པའོ། །འཇིག་པར་བྱེད་དོ་ཞེས་བྱ་བ་ནི་ཟད་པར་བྱེད་དོ་ཞེས་བྱ་བའི་དོན་ཏོ། །དེའི་ཉིན་པར་སྐྱེས་པ་ནི་དེའི་ཉིན་ 497a ༄#། །པར་ཤི་བའོ་ཞེས་བྱ་བའི་དོན་ཏོ། །བྱིས་པ་ནི་བུ་ཆུང་ངོ ། །རོ་ཙ་ནི་བཤང་བའོ། །ཏ་ཀ་ར་ནི་ཀླུའི་ཤིང་ངོ ། །སྙིང་པོའི་གནས་ནི་བཅུག་པར་བྱས་བྱའོ། །སྦལ་པ་ནི་སྙིང་པོ་ཅན་ནོ། །སྦྲུལ་མགོ་གཉིས་པ་ནི་ལྟོ་འཕྱེ་མགོ་གཉིས་པའོ། །ཁྲག་དང ། ཚིལ་བུ་སྐོལ་བ་ནི་སྣུམ་དུ་བརྗོད་དོ། །བ་རུ་རའི་ཤིང་ནི་དེའི་འབྲས་བུའོ། ། ལག་པ་ནི་ཕྱག་གོ་།དུག་གིས་ཟིན་པ་འཇིག་པར་བྱེད་དོ་ཞེས་བྱ་བ་ནི་ཟིན་པ་འཕྲོག་པར་བྱེད་དོ་ཞེས་བྱ་བའི་དོན་ཏོ། །བ་ལང་གི་མར་ནི་བའི་མར་རོ། །རྡོ་རྗེ་ཅན་ནི་སྣུ་ཧའི་འོ་མའོ། །བ་ཧྲཱི་ནི་རྨ་བྱའོ། །ཁྲག་ནི་རྨ་སྐྱེས་སོ། །སྦྲུལ་མགོ་གཉིས་པའི་ཤ་ནི་ཤའོ། །བ་ལ་ཀའི་རྩ་བ་ཆ་བདུན་པ་ནི་བདུན་གྱི་དུམ་བུའོ། །ོཾ་བཛྲ་ཀ་ར་ཧཱུཾ་ཕཊ། འབྱུང་པོ་འདུས་པའི་སྒྲས་འབྱུང་པོ་མཐར་བྱེད་པ་ནི་འབྱུང་པོ་ཉིད་དུ་རབ་ཏུ་གྲགས་སོ། །ལག་པ་གཡས་པར་བཏགས་ན་གདོན་ལས་ཐར་བར་བྱེད་དེ། །གཞན་དུ་ན་མ་ཡིན་ནོ། །ལྟོ་འ་ཕྱེའི་དབང་པོ་ནི་སྦྲུལ་གྱི་རྒྱལ་པོའོ། །ཤུན་པ་ནི་བཤུས་པའོ། །ལྟོ་འཕྱེའི་དགྲ་ནི་རྨ་བྱ་སྟེ་དེའི་གཤོག་པའོ། །ཁཝ་གཉིས་ནི་ཁཝའོ། །ཉིན་མོ་འཇིགས་པ་ནི་འུག་པའོ། །རྟ་ནི་འགྲོ་མགྱོགས་སོ། །རྨིག་པ་ནི་རྐང་པའོ། །ཁུང་བུ་ནི་བུག་པའོ། །བཞག་པ་ནི་བཅུག་པའོ། །སྦྲུལ་ནི་ལྟོ་འཕྱེའོ། །གནོད་སྦྱིན་ནི་ཁྱིའོ། །ཐོད་པ་ནི་རྨོད་བྱེད་དོ། །ཕག་ནི་ཕག་ 497b པའོ། །མགོ་སྐྱེས་ནི་སྐྲའོ། །མགྲིན་རིང་ནི་རྔ་མོའོ། །དམར་པོ་ནི་ཁྲག་གོ་།བྷ་ལ་ཏ་ཀ་ཉིད་དང ། སྟར་བུ་ནི་ཨཾ་ལ་བེ་ཏ་ཉིད་དོ། །ལག་སྐྱེས་ནི་སེན་མོའོ། །ཁ་སྦྱོར་གྱི་མེ་ནི་ཁ་སྦྱར་གྱི་འཚེད་པའོ། །བསྲེགས་པ་ནི་ཐལ་པར་བྱས་པའོ། །ཾ་ཀོ་ཊ་ནི་ཨཾ་ཀོ་ཊའི་ཤིང་ངོ ། །དྲི་ཞིམ་པ་ནི་བ་གླང་ངོ ། །ཾ་ཀོ་ཊའི་ས་བོན་བཏུས་པའི་མར་ཁུ་དེས་གྲུབ་པའི་མིག་སྨན་འོ་མ་དང་བསྲེས་པས་མིག་སྨན་དེས་མིག་བྱུགས་པར་བྱའོ། །རྒྱལ་ནི་སྐར་མ་རྒྱལ་ལོ། །ཾ་ཀོ་ཊའི་མར་ཁུའི་རྩིགས་མ་དང ། ཏ་ཀ་རའི་འབྲས་བུ་དང ། ཾ་ཀོ་ཊའི་ས་བོན་གྱི་མར་ཁུ་དང ། གང་ཞིག་གཉིས་ཀའི་རྩིགས་མ་དག་གིས་མིག་བྱུགས་ན་ལྷའི་གཟུགས་སུ་འགྱུར་རོ། །ཏ་ཀ་རའི་འབྲས་བུའི་མིག་སྨན་གྱིས་བྱུགས་ན་སྔར་གྱི་རང་བཞིན་དུ་འགྱུར་ཏེ། རང་གི་ངོ་བོ་ཉིད་ཅན་དུ་མཐོང་ངོ ། །རི་བོང་ཅན་གྱི་ཆུ་ནི་སེ་བ་ལའོ། །ཛ་ལུ་ཀ་ནི་པདྨ་ཉིད་དོ། །སྦལ་པའི་མཱར་ཁུ་ནི་སྙིང་པོ་ཅན་གྱི་མར་ཁུའོ། །པ་ཊ་ལའི་རྩ་བ་དང་ལྷན་ཅིག་གོ་།དགེ་སྦྱོང་ནི་སྐྲ་བྲེགས་པའོ། །ཟླ་བ་ལས་བྱུང་བ་ནི་སེ་བ་ལས་བྱུང་བའོ། །དུན་དྷུ་བྷ་ནི་སྤྲུལ་གདོང་གཉིས་པའོ། །ཁྲག་ནི་གཟུགས་འཛིན་པའོ། །གོས་ཀྱི་ནང་དུ་གཞུག་པར་བྱས་ནས་ཁར་གཞུག་གོ་།སྱེ་ན་ཀ་ཞེས་བྱ་བའི་ཤིང་ངོ ། །མར་སར་ནི་མར་དཀར་ཉིད་དོ། །དམར་པོའི་བཙག་ནི་གསེར་ཀྱི་བཙག་གོ་།དྲི་ངན་པ་ཞེས་བྱ་བ་ནི་སྨན་ 498a ༄#། །ནོ། །མི་ན་ནི་ཉའོ། །སྲིན་བུ་ནི་ཤིང་གི་རྗེས་སུ་རྒྱུ་བའི་འབུ་སྲིན་ནོ། །ཀོ་ཀི་ལ་ནི་སྦྲང་བུའོ། །བུ་རམ་ནི་གུ་ཊ་ཉིད་དོ། ། རན་ལ་ནི་སིངས་པོའོ། ། སྐྱེ་བ་གཉིས་པ་ནི་བྲམ་ཟེའོ། །བྱི་ལ་ནི་རྟུག་པ་སྦེད་པའོ། །སྤྲེའུ་ནི་བ་ར་ནའོ། །རང་འཆོད་པ་ནི་གཡུང་པོའོ། །ཁཝའི་དགྲ་ནི་འུག་པའོ། །ན་གུ་ལེ་ནི་སྲེ་མོང་ཉིད་དོ། །རྩ་ར་མ་ནི་བྱི་ལའོ། །འདི་དག་གི་ཕྱེ་མའོ། །བ་གླང་འཚེ་ནི་ལྕེ་སྦྱང་ངོ ། །མ་དུ་ལུང་ག་ནི་ས་བོན་གང་བའོ། །ཕུག་རོན་ནི་ཀ་པོ་ཏའོ། །ཟངས་ཀྱི་གཙུག་པུད་ཅན་ནི་ཁྱིམ་བྱའོ། ། འདི་དག་གི་རྟུག་པ་བསྡུ་བར་བྱའོ། །སྐྲའི་ལས་ཀྱི་མཐའ་ཞེས་བྱ་བ་ནི་མགོ་རེག་གོ་།པི་ཙུ་མྲྡ་ནི་ནི་མ་པའོ། །གཏོར་ཟན་ནི་ཁཝའོ། །དགའ་བ་དང་བཅས་པའི་དཀར་མོ་ནི་ཁྱི་མོ་དཀར་མོའོ། །ནུས་པ་ནི་འབྱར་བའོ། །མདའི་རྨ་ནི་སྤྲང་བུའོ། །བསྣུན་པ་ནི་བརྡུངས་པའོ། །རང་གི་ས་བོན་ནི་བདག་གི་རྫས་སོ། །རྒྱལ་ནི་སྐར་མ་རྒྱལ་ལོ། །སྐྱེས་མ་ནི་བུད་མེད་དོ། །སྐལ་བ་ངན་པ་བཟུང་བ་ནི་བླངས་པའོ། །སྐྱེས་པའི་ཤིང་ནི་ཨ་མྲ་ལ་སོགས་པའོ། །ཤིང་གི་ཡལ་ག་ནི་འདབ་མའོ། །པི་ལུ་ནི་གླང་པོའོ། །སྟེང་དུ་འདྲེན་པ་ནི་ལག་པས་འཛིན་པའོ། །སྐྱེས་བུའི་མྱོས་བྱེད་ནི་རྫས་སོ། །ཀྲནྟ་ནི་ཁྱབ་འཇུག་གནོན་པའོ། །སྲ་བན་ཏི་ནི་དུ་པའོ། ། བན་ཏ་ཛ་ཏི་ཀ་ནི་ཐལ་མོ་སྦྱར་བའོ། །ཤི་ཁ་ནི་རྨ་བྱའི་ 498b གཙུག་ཕུད་དོ། །མཁའ་འགྲོའི་བདག་པོ་ནི་ནམ་མཁའ་ལྡིང་གི་བདག་པོའོ། །ལྷའི་བདག་པོའི་སྦས་པ་ནི་དབང་པོ་སྦས་པའོ། །བ་བླ་ནི་མན་ཤི་ལའོ། །ལྡོང་རོས་ནི་ལྡོང་རོས་ལྗང་གུའོ། །ུ་ཀྲ་ནི་བ་ཙཱའོ། །བཙད་ནས་སྐྱེས་པ་ནི་དུར་བའོ། །བཀྲ་ཤིས་ནི་རོ་ཙ་ནའོ། །བཾ་ས་ཞེས་བྱ་བ་ནི་ལྟེ་བ་མངོན་པར་སར་པའོ། །དབང་པོའི་ནས་ནི་ཀུ་ཊ་ཛའི་ས་བོན་ཏེ། ལ་ལ་དག་གི་ཀུ་ཊ་ཛའི་ས་བོན་ནོ། །དཔལ་ཐམས་ཅད་ནི་མཛེས་པ་དང་ལྡན་པའོ། ། རུ་ཎཱ་ནི་ཙནྡན་དམར་པོའོ། །དྲང་སྲོང་གི་བུ་ནི་ནམ་མཁའ་ལ་འགྲོ་བ་དང ། ནམ་མཁའ་སྐྱེད་པའོ། །རིའི་སྙིང་པོ་ནི་གཞན་གྱིས་མི་ཐུབ་པའོ། །སྤོ་ད་ནི་རྣ་བའི་མིག་སྨན་ནོ། །རི་བོང་གིས་མཚན་པའི་ཚེར་མ་ནི་སེ་པ་ལའི་ཚེ་མའོ། །སྦྲང་རྩི་ནི་སྦྲང་མའིའོ། །སྦྲང་རྩི་ནི་ཡཥྚའི་སྦྲང་རྩིའོ། །དང་པོའི་མེ་ཏོག་ནི་དང་པོའི་ཟླ་མཚན་གྱི་ཁྲག་གོ་།ལྕགས་གསུམ་ཞེས་བྱ་བ་ནི་གསེར་དང ། དངུལ་དང ། ཟངས་སོ། །སྔོན་པོ་ཉིད་ཀྱིས་ཉེ་བར་མཚོན་ཅིང་སྦྱར་བའི་ཨ་ཤོ་ཀའི་ཤིང་ནི་ཨ་ཤོ་ཀ་སྔོན་པོའོ། །དེ་ལས་བྱུང་བའི་མྱུ་གུ་ནི་ཨ་ཤོ་ཀ་སྔོན་པོ་ལས་བྱུང་བའི་མྱུ་གུའོ། །ཉི་མ་ནི་ཟངས་ཏེ་ཤིན་ཏུ་དམར་བའོ། །ཟླ་བ་ནི་དངུལ་ལོ། །མེ་ནི་གསེར་རོ། ། བ་གླང་གི་གི་ཝང་ནི་བ་གླང་གི་གི་ཝང་ངོ ། །ིང་གུ་དིའི་ཤིང་གི་མེ་ཏོག་ནི་ཨིང་གུ་དིའི་ལྗོན་ཤིང་གི་ཀུ་སུ་མ་སྟེ། ལྗོན་ཤིང་གི་མེ་ཏོག་ཀུན་བསྡུས་པའོ། །འགེགས་པ་ནི་སྐྱེས་པ་ 499a ༄#། །ཤི་བ་སྟེ། དེའི་མིག་དང ། སྤུ་རྣམས་སོ། །ཀ་གཉིས་པས་ཟོས་པ་དང་ལྡན་པ་ནི་ཁྲས་ཟོས་པ་སྐྱུགས་པ་དང་ལྷག་མ་མ་ཟོས་པའོ། །ཕའི་སྐྱེད་མོས་ཚལ་ནི་དུར་ཁྲོད་དོ། །དེར་མཉེས་པའི་ཟླ་མཚན་གྱིས་མྱོས་པའི་བུ་མོའི་རྫས་བླངས་པའོ། ། ཤོ་ཀའང་ཡིན་ལ་སྔོན་པོའང་ཡིན་པ་དེ་ནི་ཨ་ཤོ་ཀ་སྔོན་པོའོ། །དེའི་བྱང་ཕྱོགས་ཀྱི་ཁཝའི་ཚང་ནི་ཁཝའི་གནས་སོ། །དེ་ལས་གང་ཞིག་བྱུང་བའི་མྱུ་གུ་དེ་ནི་ཨ་ཤོ་ཀ་སྔོན་པོའི་བྱང་ཕྱོགས་ཀྱི་ཁཝའི་ཚང་གི་མྱུ་གུའོ། །ཕུག་རོན་གྱི་ཁོང་པར་སྲོ་ཏ་ཨཾ་ཛ་ན་བཙུག་ལ་འོན་ཀྱང་ཙི་ཏའི་མེས་བསྲེག་པར་བྱ་སྟེ་དེ་ནས་མིག་སྨན་འགྲུབ་པར་འགྱུར་རོ། །བྱི་ལ་དཀར་པོ་མ་ཡིན་པས་བསད་པ་ནི་བྱི་ལ་ནག་པོའི་ཁྲག་གིས་མི་སྣང་བར་བྱས་ཏེ་སྦེད་པ་སྐྱེད་པར་བྱང་པའོ། །ཏྲི་ནའི་མྱུ་གུ་སར་པའི་ཚོགས་དེ་རྣམས་ནི་ཏྲི་ནའི་མྱུ་གུ་སར་བའི་ཚོགས་རྣམས་སོ། །དེས་བཏེག་པའི་ས་ནི་ཏ་ལའི་མྱུ་གུ་སར་པའི་ཚོགས་ཀྱིས་བཏེག་པའི་སའོ། །དེའི་སྟེང་དུ་གནས་པའི་ས་དང ། མདའི་རྨ་དང ། ཏ་ལ་དང་ལྡན་པའོ། །མདའི་རྨ་ནི་སྦྲང་བུའོ། །ཏ་ལ་ནི་སྡོང་རོས་སོ། །དེ་དག་དང་ཡང་དག་པར་ལྡན་པ་ནི་བཅས་པ་སྟེ། ས་ར་ག་དང ། ཏ་ལ་དང་ལྡན་པའོ། །རྒྱལ་ལ་ཞེས་པ་ནི་རྒྱལ་གྱི་ཉི་མ་ལའོ། །མིག་སྨན་ནི་གོང་དུ་གསུངས་པའོ། །གང་ཞིག་ 499b སྔགས་དང་སྨན་གྱི་སྦྱོར་བས་ལེགས་པར་བྱས་ན་དེའི་སྦྱོར་བས་འགྲུབ་པར་འགྱུར་རོ། །འདི་དག་ནི་རྣལ་འབྱོར་གྱི་རྒྱུད་ལས་འོངས་པ་སྟེ། དེ་ནས་བྷ་ག་དབུས་སུ་བསྒྲུབ་པར་བྱའོ་ཞེས་གསུངས་སོ། །དང་པོར་ཕྱག་རྒྱ་བྱིན་གྱིས་བརླབས་ནས། ཕྱི་ནས་མིག་སྨན་གྱི་སྒྲུབ་པ་བཅུག་ཅིང་སྦྱོར་བས་ཇི་སྲིད་དངོས་གྲུབ་གྱི་མཚན་མ་མ་སྐྱེས་ཀྱི་བར་དུ་བསྒོམ་པར་བྱའོ། །གང་ཞིག་སྔགས་ཀྱི་སྒྲུབ་པ་དང་བྲལ་བའི་མིག་སྨན་འདི་འབའ་ཞིག་གིས་ཞི་བའི་ལས་ལ་སོགས་པའང་བྱེད་དོ། །ཞེས་གསུངས་སོ། །མིག་མིག་སྨན་གྱིས་བྱུགས་ནས་ཞི་བ་ལ་སོགས་པའི་ལྟ་སྟངས་ཀྱི་བལྟས་ན་ཞི་བ་ལ་སོགས་པར་འགྱུར་རོ། །མིག་མིག་སྨན་གྱིས་བྱུགས་ནས་རྒྱལ་པོ་ལ་བལྟས་ན་རྒྱལ་པོ་མཆོད་པ་རྙེད་པར་འགྱུར་རོ། །མིག་མིག་སྨན་གྱིས་བྱུགས་ནས་ཁྲོ་བོའི་ལྟ་བས་དགྲ་ལ་བལྟས་ན་དགྲ་ཟ་བར་འགྱུར་རོ། །དེ་བཞིན་དུ་བགེགས་ཐམས་ཅད་ལ་ངེས་པར་བལྟས་ན། གདོན་ལ་སོགས་པའི་བགེགས་ཐམས་ཅད་ཡང་དག་པར་སྐྲོད་པར་བྱེད་དོ། །འཆད་པར་འགྱུར་བའི་སྔགས་ཀྱིས་མངོན་པར་བསྔགས་ཤིང་བཟླ་བར་བྱའོ་ཞེས་གསུངས་སོ། །བུད་མེད་ཀྱི་བྷ་གར་གུར་གུམ་བཅུག་ནས་ཕྱི་ནས་རང་གི་སྒྲུབ་པ་གཞུག་པར་བྱ་ཞིང་མཉམ་པར་སྦྱོར་བས་སྔགས་བཟླས་ཏེ་ཕྱད་པར་དུའང་བསྒྲུབ་པར་བྱའོ། །དེའི་སྔགས་བརྗོད་པ་བཀའ་སྩལ་པ། ཨོཾ་པྲ་སནྣ་ཏཱ་རེ། 500a ༄#། ། མྲྀ་ཏ་མུ་ཁི། ཨ་མྲི་ཏ་ལོ་ཙ་ནེ། སརྦ་ཨརྠ་སཱ་དྷ་ནི། སརྦ་སཏྭ། བ་ཤཾ་ཀ་རི་ཧཱུཾ་ཕཊ་ཧཾ་སཝཱཧཱ། ཨོཾ་ཏི་མུ་ཁེ་ཥྚོ་བྷུ་ཛེ། དེ་བི་མཱ་མ་ཀཱི་རཽ་དྲྀ་རཱུ་པི་ཎཱི་ཧྲཱིཾ་ཧྲཱིཾ་ཧཱུཾ་ཧཱུཾ་ཨཱཾ་ཨཱཾ་ཧཱ་ཧཱ། སཝཱཧཱ། སྔོན་གྱི་བསྙེན་པ་འབུམ་ཕྲག་གཅིག་བཟླས་ནས། ཕྱི་ནས་མིག་སྨན་དང ། གུར་གུམ་ཡང་བསྒྲུབ་པར་བྱའོ། །ཞེས་གསུངས་པ་ཡིན་ནོ། །གུར་གུམ་དེས་དཔྲལ་བར་ཐིག་ལེ་བྱའོ་ཞེས་གསུངས་སོ། །བུད་མེད་སྐལ་པ་བཟང་པོར་བྱེད་པ་བཀའ་སྩལ་པ། བྷ་ག་ཙནྡན་གྱིས་བྱུགས་པའི་སྟེང་དུ་བ་གླང་གི་གི་ཧང་གིས་བྲུཾ་བྲིས་ནས།་བདག་པོ་དང་ལྷན་ཅིག་སྦྱོར་བས་ཇི་སྲིད་མྱོས་བྱེད་མ་འོངས་ཀྱི་བར་དུའོ། །དེ་ནས་བདག་པོ་དེ་བྲན་བཞིན་དུ་འགྱུར་རོ། །ནརི་བ་ནི་བུང་བའི་རྒྱལ་པོའོ། །ཙི་ཊི་ནི་འདབ་མ་སྟོང་པའོ། ། མཚན་མོ་ནི་ཡུང་བའོ། །བ་ཀུ་ཙི་ནི་ཨ་བ་གུ་ཙའོ། །ུཏྤ་ལའི་སྙིང་པོ་ནི་ཨུཏྤ་ལ་ཁ་མ་བྱེ་བའོ། །ལྕགས་ཀྱི་དྲི་མ་ནི་ལྕགས་ཀྱི་བཤད་པའོ། །དྲི་ལ་སོགས་པ་ནི་གུ་གུལ་དང ། ས་ཛ་ར་སའོ། །ཁྲག་སིལ་བ་ནི་ལས་ཀྱི་ཁ་དོག་གོ་།གསེར་གྱི་ཤིང་ནི་གསེར་གྱི་ལྗོན་ཤིང་ངོ ། །ཌཱི་དྷ་པྲ་རོ་ཧ་ནི་པ་ལའོ། །སིནྡྷུ་བར་ནི་ནིར་ཀུཎྜའོ། །ཤྲ་མཱ་ནི་པྲི་ཡཾ་ཀུའོ། །ཀེ་ཤ་རི་ནི་ནཱ་ག་གེ་སར་རོ། །རིག་པ་འཛིན་པ་ནི་ཅམ་པ་ཀའོ། །ནཱ་ག་ནི་བུ་ན་ན་གའོ། །འཁོར་ལོ་འཐག་པ་ནི་ཨ་དི་ཙའོ། །མཚན་མོ་སྤྱོད་པ་ནི་ཡུང་བའོ། །ཤི་ཁི་ནི་རྨ་བྱའི་གཙུག་ཕུད་དོ། 500b པྲ་བ་ར་ནི་བཱ་ལཱ་ཀའོ། །འབྱུང་པོའི་དགྲ་བོ་ནི་ནི་ར་ཀུ་ཏའོ། །བ་ར་ཧྲི་ད་ནི་བ་ལླ་བྷི་ད་རྐུན་མའི་མེ་ཏོག་ཏུ་བརྗོད་དོ། །ཀ་རཱ་ཀར་ནི་ཀ་ར་ན་ཛའོ། །མན་ཛ་རི་ནི་འདུལ་བར་བྱེད་པའོ། །གསེར་གྱི་ཤིང་གི་ཤུན་པ་ནི་པགས་པའོ། །གྷ་ན་ནི་མུ་སྟ་ཀའོ། །མཚན་མོའི་ཤིང་ནི་སྐྱེར་བའི་ཤིང་ངོ ། །ནད་ཀྱི་དབང་པོ་ནི་ཀུནདའོ། །སྲིད་པའི་རྡུལ་ནི་ཁྱིམ་གྱི་མེ་ཏོག་གོ། །རྐུན་མ་ནི་རྒན་པོ་གཞོན་པར་བྱེད་པའོ། །ཀེཾ་སུ་ནི་དེའི་ཡོངས་སུ་སྨིན་པའི་འབྲས་བུའོ། །དཀྱིལ་འཁོར་ལ་སོགས་པའི་སྒྲུབ་པ་དང་རབ་ཏུ་ལྡན་པ་ལ། ལྷའི་བུའི་བདུད་ལ་སོགས་པ་ཁ་ཅིག་འབྱུང་བ་ཚར་བཅད་པའི་ཕྱིར། མཚོན་ཆ་ཀུན་གྱི་ཕྱག་རྒྱ་ཆེ། །འཁྲུལ་འཁོར་འཕངས་དང་མ་འཕངས་དང ། །དེ་བཞིན་ལག་པས་འཕངས་པ་ཉིད། །འཕངས་པ་འཛིན་པར་བཅས་པ་དང ། །ལག་པའི་འཐབ་མོ་ལྔ་པ་ཉིད། །གཞུ་ཡི་རིག་བྱེད་རང་གྱུར་པས། །ཕྱག་རྒྱ་རབ་ཏུ་གནས་པར་བྱ། །དེ་ལ་སྦྱོར་འཕངས་མདའ་ལ་སོགས། །མ་འཕངས་པ་ནི་རལ་གྲི་སོགས། ལག་པས་གྲོལ་བ་འཁོར་ལོ་སོགས། །གྲོལ་བ་འཛིན་བཅས་ཞགས་པ་སོགས། །མཚོན་ཆ་ཐམས་ཅད་ཡོངས་སྤངས་ནས། །ལག་པའི་འཐབ་མོས་དགྲ་འདྲལ་སོགས། །དེ་བཞིན་བཅིང་བ་ཡང་དག་ལྡན། །དཔལ་ལྡན་རྡོ་རྗེ་སེམས་དཔའ་ཡི། །མཚོན་ཆའི་མཆོག་ནི་སྣ་ཚོགས་པའི། །གནས་དག་དབྱིབས་ནི་རབ་བཤད་བྱ། །རྣལ་འབྱོར་སྒྲུབ་ཐབས་ཤིན་ཏུ་ 501a ༄#། །མཛེས། །སྦྱོར་དང་མྱུར་བར་གསོར་བ་དང ། །དགུག་པ་དང་ནི་འཛིན་པ་ཉིད། །གསལ་བ་རུ་ནི་གཏོང་བ་སྟེ། །ས་ལ་མཉམ་སྟབས་ཕྱག་རྒྱས་གདབ། །བཻ་ཤ་ཁ་གསར་ཕྱག་རྒྱས་གདབ། །དཀྱིལ་འཁོར་དེ་ཉིད་ཕྱག་རྒྱས་གདབ། །གནས་ནི་གསུམ་དུ་གཡས་པས་བརྐྱང ། །དབྱིབས་ཀྱི་ཕྱག་རྒྱ་བཀའ་སྩལ་པ། །མཐེ་བོང་དང་ནི་སོར་མོ་རྣམས། །ལོང་བུའི་ནང་དུ་སྦྱར་བ་ཡིན། །གང་ཞིག་བརྟན་པར་སྦྱར་བ་ནི། །མཉམ་པའི་རྐང་སྟབས་གནས་སུ་གསུངས། །རྐང་པའི་སོར་མོ་ཕྱིར་བཞག་ནས། །པུས་མོ་གཉིས་ནི་བསྲང་སྟེ་གཡོ། །སོར་ནི་ཉི་ཤུ་རྩ་དྲུག་ཚད། །གནས་ནི་བཻ་ཤ་ཁ་རུ་བརྗོད། །ངང་པའི་གཤོག་པའི་དབྱིབས་སུ་ནི། །པུས་མོ་གཉིས་ནི་མཉམ་སྦྱར་བ། །བར་དུ་ཡང་ནི་ཁྲུ་གཉིས་ཉིད། །དེ་ནི་དཀྱིལ་འཁོར་རྐང་ཐབས་གསུངས། །གང་ཡང་གཤོལ་གྱི་དབྱིབས་མཉམ་པར། །པུས་མོ་བརླ་ཡི་གཡས་བསྲུངས་ན། །གཡོན་ནི་བྱོལ་སོང་འགྲོ་བ་ཡིན། །འཁྱུད་ནས་བརླ་དང་བྲང་དུ་གནས། །མཐོ་ལྔ་རྣམ་པར་རྒྱས་པར་ནི། །གཡས་བརྐྱང་བར་ནི་དེ་རབ་གྲགས། །དེ་ཉིད་རྣམ་པར་བཟློག་པ་ནི། །དེ་ནི་གཡོན་བརྐྱང་བ་རུ་བརྗོད། །ལྷོད་མིན་པ་དང་མཁྲང་བ་ཉིད། །མཉེན་ཞིང་ཡན་ལག་བརྟན་པ་ཉིད། །གང་ལས་སྐྱེ་མཆེད་རྣམ་པར་དག་།རང་གི་སྐུ་ཡི་ཕྱག་རྒྱ་ཆེས། །རིམས་ཀྱི་ནད་ 501b དང་དུག་གི་ནད། །མཁའ་འགྲོའི་འཚེ་བ་གདོན་དག་ནི། །འདིས་ནི་ཡན་ལག་ཀུན་བརྒྱན་པ། །ཐམས་ཅད་དུ་ནི་ཟིལ་གྱིས་གནོན། །གང་བའི་སྐྱེ་མཆེད་ཀྱི་ཕྱག་རྒྱའོ། །རང་སྙིང་འགུགས་པའི་རྣལ་འབྱོར་གྱིས། །ཤིན་ཏུ་མཛེས་པས་གཞུ་ཉིད་གཟུང ། །གཡས་སུ་རབ་ཏུ་བསྒྱུར་བ་དང ། །མདའ་ནི་བཅུག་ན་འགྲུབ་པར་འགྱུར། །མངོན་དུ་ལག་པ་མཉམ་བྱས་ནས། །རྒྱབ་ཏུ་བཀུག་ནས་རིམ་པར་ནི། །གང་ཞིག་དལ་གྱིས་དགུག་བྱ་ཞིང ། །འགྲོ་བ་ཐམས་ཅད་དགུག་པར་བྱ། །ཐམས་ཅད་དགུག་པའི་ཕྱག་རྒྱའོ། །རྣ་བའི་སྐྱེ་མཆེད་དཀྱིལ་འཁོར་དུ། ། བཅུག་ནས་རིམ་པ་ཇི་ལྟ་བར། །ོཾ་ནི་ཇི་སྲིད་རང་འཛིན་པ། །ཇི་སྲིད་དུས་སུ་ཨོཾ་ཟློས་འགྱུར། །དེ་སྲིད་དུས་སུ་གཟུང་བར་བྱ། །འཛིན་པའི་ཕྱག་རྒྱའོ། །རིམ་པ་ཇི་ལྟར་མཉམ་བཀུག་ནས། །ཆོ་ག་ཇི་བཞིན་གཟུང་བར་བྱ། །དེ་ལ་ཅུང་ཟད་དྲང་བྱ་ཞིང ། །ཡོངས་སུ་བཀང་ན་འགྲུབ་པར་འགྱུར། །དགང་བའི་ཕྱག་རྒྱའོ། །འཛུམ་ཞིང་མིག་གིས་བལྟ་བ་དང ། །འབེན་ལ་ཁུ་ཚུར་གདབ་པར་བྱ། །སྟ་སྟངས་ཁུ་ཚུར་བཅུག་ནས་ནི། །རབ་ཏུ་བཏུང་ནས་མཆོག་འགྲུབ་འགྱུར། །གཞུ་ཡིས་རྣམ་པར་རྒྱལ་པའི་ཕྱག་རྒྱའོ། །གྲུ་བཞི་རྣོན་པོ་ཟླུམ་པོ་དང ། ། དེ་བཞིན་མཆོག་ཏུ་བསྐོར་བ་ཉིད། །གང་དུ་གཡས་ནས་བསྐོད་བྱ་ཞིང ། །དེ་བཞིན་འོག་དང་སྟེང་དུ་འགྲོ་།རིམ་པས་མནན་ཅིང་དྲག་མནན་པས། །ཆོ་ག་བཅུས་མཆོག་ཕྱག་ 502a ༄#། །རྒྱ་ཡིས། །ཁམས་གསུམ་རྒྱལ་པོ་ཆེན་པོ་དང ། །རྒྱལ་བའི་བདེ་བ་ཉེ་བར་སྤྱོད། །དད་ལྡན་འཇིག་རྟེན་གསུམ་རྒྱལ་ནི། །ཕྱག་རྒྱ་བཅུག་ཅིང་མཉམ་བཅུག་དང ། །དེ་བཞིན་གློག་ལྟར་བཅུག་པ་ཉིད། །ཕྱག་རྒྱ་བཀུག་པའི་ཏིང་འཛིན་གྱིས། །དེ་བཞིན་གློག་ལྟར་བསྐོར་བ་ཉིད། །འོག་ཏུ་མཉམ་པ་དེ་བཞིན་དུ། །སྟེང་གི་ཕྱོགས་སུ་འགྲོ་བ་ཉིད། །དེ་བཞིན་གཤེགས་འཛིན་ཕྱག་རྒྱ་ནི། །གནས་གསུམ་དག་ཏུ་བསྒོམ་པར་བྱ། །རྒྱན་ཐམས་ཅད་ཀྱི་ཕྱག་རྒྱའོ། །ཀུན་ཏུ་ཀུན་ནས་ཐམས་ཅད་དང ། ། རྣམ་ཀུན་དུས་ཀུན་རང་གི་ནི། །གཞུ་ཡི་རིག་བྱེད་ཕྱག་རྒྱ་འཛིན། །ཡི་གེ་མཆོག་ནི་འགྲུབ་པར་འགྱུར། །མཚོན་ཆ་ཐམས་ཅད་ཀྱི་ཕྱག་རྒྱའོ། །སངས་རྒྱས་རྡོ་རྗེ་ཞེས་བྱ་བ་ནི་རྣམ་པར་སྣང་མཛད་དེ། སྤྱན་གྱི་གཟུགས་སུ་གྱུར་པ་དང ། རྣམ་པར་སྣང་མཛད་ཀྱི་རྣལ་འབྱོར་དང་ལྡན་པས་སྔགས་ཀྱི་ཡི་གེ་ལས་སྤྱན་ཕྱུང་སྟེ། ཟླ་བ་གང་བ་དང ། བུམ་པའི་ལག་པ་མའི་མ་མོ་འདོད་པར་བྱ་བ་དང ། དབང་བསྐུར་བར་བསམས་ན་ཞི་བ་སྐྱེད་པར་བྱེད་པ་ཡིན་ཏེ། ཤི་བ་རྣམས་ལ་སྲོག་སྦྱིན་པར་བྱེད་ཅིང་གྲུབ་པར་འདོད་པ་ལ་དངོས་པོ་སྦྱིན་པར་བྱེད་དོ། །རྡོ་རྗེ་ཞེས་བྱ་བ་ལ་སོགས་པ་ལ་རྡོ་རྗེའི་དམ་ཚིག་ལ་སྐུལ་བར་བྱེད་པ་ནི་རྡོ་རྗེའི་དམ་ཚིག་སྐུལ་བར་བྱེད་པའོ། །ཐུགས་ཀྱི་རྡོ་ 502b རྗེའི་སྐུ་གསུམ་འབར་བའི་མཆོག་གི་དམ་ཚིག་ནི་མཱ་མ་ཀིའི་མཚན་ཉིད་དེ། གང་དུ་ཏིང་ངེ་འཛིན་ལ་དེ་ནི་དེ་བཞིན་དུ་བརྗོད་དོ། །རྡོ་རྗེའི་རིགས་ཀྱི་སྔགས་ཀྱི་ཡི་གེ་དཀར་པོ་ཕྱུང་ནས།་དེའི་ཚེ་བསྒྲུབ་བྱའི་ལུས་ལ་གང་བར་བསྒོམ་པར་བྱས་ན་སྡིག་པ་འཇིག་པར་བྱེད་པ་ཡིན་ནོ། །ཞི་བ་ལ་མ་མོ་སྤྱན་དང་ལྡན་པ་ལྟ་བུར་བྱ་བ་དང ། རྒྱས་པ་ལ་ནི་རིན་པོ་ཆེའི་བུམ་པ་ནས་རིན་པོ་ཆེའི་ཆར་བ་འབྱིན་པར་བསམ་པར་བྱའོ། །འདོད་ཆགས་ཆེན་པོ་ལ་འོད་དཔག་ཏུ་མེད་པའི་གང་གི་པདྨས་གཙེས་པ་དེའི་གར་གྱིས་ཕྱེ་བ་སྟེ། དེ་ལྟར་གྱུར་པའི་ཀུན་བྱེད་པ་ནི་རིགས་ཀུན་གྱི་བདག་པོ་ཉིད་ཅན། གང་གི་ཀུན་བྱེད་པ་ནི་ཐམས་ཅད་དོ། །འདིས་ནི་བྱས་པ་དེའི་དམིགས་པས་ཏིང་ངེ་འཛིན་ལ་རྡོ་རྗེ་དམིགས་པར་དེ་བཞིན་དུ་བརྗོད་དོ། །རྡོ་རྗེ་ནི་རྣམ་པར་སྣང་མཛད་དོ། །པདྨ་ནི་འོད་དཔག་ཏུ་མེད་པ་སྟེ། སྔགས་ཀྱི་ཡི་གེ་གསེར་གྱི་ཁ་དོག་ལྟ་བུ་ཕྱུང་ནས་སྒྲུབ་པོ་ལ་མངོན་པར་དབང་བསྐུར་བྱེད་ན་རྒྱལ་པོ་ཆེན་པོ་སྐྱེད་པར་བྱེད་དོ། །དེ་རྣམས་ཀྱི་སྤྲོ་བ་དང་བསྡུ་བར་བྱེད་པ་དག་སྒོམ་པར་བྱེད་ན་ཆོས་ཀྱི་མཛོད་འཕེལ་བར་བྱེད་དོ། །རང་གི་སྙིང་གའི་པདྨའི་སྙིང་པོར་ནང་དུ་གནས་པར་བསྒྲུབ་བྱ་སྔགས་ཀྱི་ཡི་གེའི་ཕྲེང་བས་བྱིན་གྱིས་བརླབས་ཏེ། སྣ་ཚོགས་རྡོ་རྗེས་སྤྱི་བོར་བྱས་ནས་ཇི་ལྟ་བ་བཞིན་དུ་སྙོམས་པར་འཇུག་པར་བྱེད་ན་སྲུང་བ་ཆེན་པོ་བྱེད་པར་ 503a ༄#། །འགྱུར་རོ། །ཐམས་ཅད་དབང་དུ་གྱུར་པས་རྣམ་པར་རྟོག་པ་མེད་པ་དང ། དབང་དུ་གྱུར་པ་ལ་སོགས་དེ་རྣམས་རྟོག་པར་བྱེད་པ་དང ། སྐྱེད་པར་བྱེད་པ་དེ་ནི་དོན་ཡོད་རྡོ་རྗེ་ཅན་ཏེ། དེ་ཉིད་རྡོ་རྗེ་གསུང་མཉམ་པ་ཉིད་ཀྱིས་དགའ་བར་བྱེད་པའོ། །རྡོ་རྗེ་ནི་མི་ཕྱེད་པ་སྟེ། གང་དུ་ཏིང་ངེ་འཛིན་ལ་སྙོམས་པར་ཞུགས་པས་སྔགས་ཀྱི་ཡི་གེ་དམར་པོ་ཕྱུག་སྟེ། དེས་བསྒྲུབ་པར་བྱ་བ་དག་པར་བྱ་ཞིང་བཟླས་པ་བྱེད་ན་མངག་གཞུག་པར་བྱེད་དོ། །ཡེ་ཤེས་ཀྱིས་ཀུན་སྒྲོལ་བས་སྒྲོལ་མ་ཞས་བྱ་བ་ནི་ཡེ་ཤེས་འཇུག་པར་བྱེད་མ་ཅན་ནོ། །དེའི་ཚེ་དམིགས་པའི་ཕྱིར་དེ་དེ་བཞིན་དུ་གསུངས་སོ། །ཡེ་ཤེས་སྣ་ཚོགས་ནི་འཇིག་རྟེན་ལས་འདས་པའི་ཡེ་ཤེས་སྣ་ཚོགས་ཏེ། རྡོ་རྗེ་གཤིན་རྗེ་མཐར་བྱེད་ལ་སོགས་པའི་ཁྲོ་བོ་རྣམས་དེ་དག་ཉིད་ཀྱིས་གདུག་པ་རྣམས་འདུལ་བའི་དོན་དུ་སྟེ། དེ་རྣམས་ནི་གུར་ཉིད་དོ། །མཛེས་པ་ནི་ཡན་ལག་དང ། ཉིང་ལག་དམན་པ་མ་ཡིན་པའོ། །སྲུབས་མེད་པ་ནི་དུམ་བུ་གཅིག་པའོ། །སྲུབས་གཉིས་པ་ནི་དུམ་བུ་གཉིས་པ་སྟེ། འདི་དག་ཉིད་ཀྱི་སྐབས་ཡིན་པའི་ཕྱིར་རོ། །རྐང་པའི་རྗེས་ཀྱི་རྡུལ་གྱི་ཆོ་ག་ཞེས་བྱ་བ་ནི་དེ་བརྗོད་པ་ཡིན་ཏེ། གཤིན་རྗེ་མཐར་བྱེད་ཀྱི་རྣལ་འབྱོར་པ་ལྷ་མོ་བཞིའི་རྣལ་འབྱོར་དང་ལྡན་ཞིང ། དེ་བཞིན་གཤེགས་པ་ལྔས་བྱིན་གྱིས་ 503b བརླབས་པས་བསྒྲུབ་པར་བྱ་བའི་རྐང་རྗེས་ཀྱི་རྡུལ་གྱིས་དེའི་གཟུགས་བརྙན་བྱས་ནས་ཐོད་པའི་ནང་དུ་གཞུག་པར་བྱ་སྟེ། དེ་ཉིད་ལ་གཞུག་པ་དང ། བཅིང་པ་བྱས་ནས་རྐང་པ་གཡོན་པས་དེ་མནན་ཏེ། ཇི་སྲིད་ཁུགས་པར་གྱུར་པ་དེ་སྲིད་དུ་བསྐུལ་བ་དང་བཅས་པར་བཟླ་བར་བྱའོ། །སྐུ་གསུམ་མི་ཕྱེད་སྒོམ་པ་ཡིས། ཞེས་བྱ་བས་ནི་རང་གི་ལྷའི་ང་རྒྱལ་བརྟན་པས་བསྒོམས་པས་སོ། །གཏི་མུག་ཆེན་པོའི་མཆོག་ནི་དོན་ཡོད་རྡོ་རྗེ་ཅན་ཏེ། དེའི་ཡེ་ཤེས་ནི་རྡོ་རྗེ་རྩེ་མོ་ལས་སྐྱེས་པའི་བྱང་ཆུབ་ཀྱི་སེམས་ཏེ། དེའི་ཕྱིར་བདུད་རྩིའི་ཁྲོ་བོ་ནི་གང་དུ་ཏིང་ངེ་འཛིན་ལ་དེ་དེ་བཞིན་དུ་བརྗོད་དོ། །ཚོགས་ཀྱི་བདག་པོར་རྐང་པར་བཅུག་པ་ཞེས་བྱ་བ་ནི་བདུད་རྩི་ཐབ་སྦྱོར་གྱི་རྣལ་འབྱོར་དང་ལྡན་པས་བསྒྲུབ་པར་བྱ་བའི་རྐང་རྗེས་ཀྱི་རྡུལ་དེའི་གཟུགས་བརྙན་བོང་བུའི་གཅིན་གྱིས་བྱས་ནས་མི་དགེ་བའི་ཕྱག་རྒྱ་བྱས་ནས་རླུང་གི་དཀྱིལ་འཁོར་གྱི་འདབ་མ་ལས་སཱ་ལུ་བཏགས་པར་བྱས་པ་དང ། དུར་ཁྲོད་ཀྱི་སོལ་བས་བསྒྲུབ་བྱའི་མིང་ཁྲོ་བོའི་ནང་དུ་ཆུད་པར་མངོན་པར་བྲིས་ཤིང་གཟུགས་བརྙན་ལྔ་རྒྱབ་ཏུ་བཞག་ནས་རྡོ་རྗེ་ལོག་པར་འདྲེན་པ་བཀུག་ནས་མཆོད་དེ། དེའི་རྐང་པ་དག་ཏུ་གཞུག་པར་བྱའོ། །དེ་བྱའོ་ཞེས་བྱ་བ་ནི་དེ་སྲིད་དུ་སྔགས་ཀྱི་མཐར་ཧཱུཾ་བརྗོད་པར་བྱའོ། །གང་གི་ཚེ་རླུང་གིས་བར་ཆད་དུ་གྱུར་པ་དེའི་ཚེ་གོང་དུ་གསུངས་ 504a ༄#། །པའི་རིམ་པས་སྟོང་པ་ཉིད་དམིགས་ནས་བདག་ཉིད་དཔལ་རྣམ་པར་སྣང་མཛད་ཀྱི་གཟུགས་སུ་བསྐྱེད་པ་བཀའ་སྩལ་པ། རླུང་གིས་ཕྱོགས་སུ་དྲི་ནག་པོས་དཀྱིལ་འཁོར་གྲུ་བཞི་བར་ཐིག་ལེ་བདུན་ཡ་ཡིག་སོ་སོའི་ནང་དུ་བྱས་པ་ནི་དེའི་དབུས་སུ་ཐིག་ལེ་བདུན་པོ་སྟེ། ཐིག་ལེ་བདུན་པོ་འདི་རྣམས་ལས་རླུང་ལྷ་བདུན་རི་དྭགས་ལས་ཞོན་ཞིང་མདོག་ནག་པའོ། །དེ་ལ་རང་གི་ས་བོན་ལས་བྱུང་བ་ནི་དེས་རང་གི་སྙིང་ག་ལས་བཏོན་པ་སྟེ། །འཕགས་པ་མི་གཡོ་མགོན་ནམ། འདོད་པའི་རྒྱལ་པོས་བཀུག་ནས་ཞགས་པས་བཅིང་བར་བསམ་པར་བྱའོ། །དེ་ནས་ཁམ་ཕོར་གྱིས་ཞེས་བྱ་བ་ནི་ཧཱུཾ་སུཾ་ཧཱུཾ་ཞེས་བྱ་བ་ལས་རི་རབ་ཀྱི་གཟུགས་རཝ་བརྒྱད་དང་ལྡན་པ་བསྐྱེད་ནས། ཁ་འོག་ཏུ་ཕུག་ནས་བཞག་པ་ནི་རྡོ་རྗེ་འཆིང་བ་ཆེན་པོ་ཡིན་ནོ། །རང་གི་སྔགས་བཟླས་པ་ནི་དེའི་ཐིག་ལེ་བདུན་སྔགས་ཀྱིས་སྦས་ནས་དབུགས་ཀྱིས་གནས་པར་བྱའོ། །དེའི་སྟེང་དུའང་ལམ་གྱིས་དབང་ཆེན་གྱི་དཀྱིལ་འཁོར་གྲུ་བཞི་པ་ཁ་དོག་སེར་པོའོ། །དེར་ཡང་རྩེ་ལྔ་པ་ཆེན་པོ་ལས་མཐའ་ཡས་པའི་འོད་ཟེར་ལས་ཁྲོ་བོ་འཇིགས་པ་སྤྲོ་བར་བྱ་ཞིང ། ཁྲོ་བོ་རྡོ་རྗེས་མནན་པར་བསྒོམ་པར་བྱའོ། །དེའི་སྟེང་དུ་རྐང་པ་གཡོན་པ་བཞག་ནས། འཕགས་པ་མི་གཡོ་མགོན་གྱི་སྔགས་བརྒྱ་རྩ་བརྒྱད་དུ་བཟླ་བར་བྱའོ། །རྡོ་རྗེའི་སྟེང་དུ་བཅོམ་ལྡན་འདས་ 504b རྣམ་པར་སྣང་མཛད་དང ། འཕགས་པ་མི་གཡོ་མགོན་ཞབས་གཡས་བརྐྱང་བས་ཐམས་ཅད་གནོན་ཅིང་བཅོམ་ལྡན་འདས་ཀྱི་མངོན་དུ་ལག་ན་རལ་གྲི་དང ། ཞགས་པས་རླུང་བསྡིགས་པར་བསམ་པར་བྱ་སྟེ། དེ་སྐད་དུ་འཇིགས་པའི་དུས་ཀྱི་རླུང་ཐམས་ཅད་ཀྱང་བཅིང་བ་བྱས་པར་འགྱུར་རོ། །ཆར་འབབ་པའི་དོན་དུ་སྟོབས་པོ་ཆེ་ཞེས་བྱ་བ་ལ་སོགས་པ་ནི་པདྨ་འདབ་མ་བརྒྱད་པ་བྲིས་ནས་དེའི་འདབ་མ་བརྒྱད་ལ་མཐའ་ཡས་དང ། རིགས་ལྡན་དང ། ནོར་རྒྱས་ཀྱི་བུ་དང ། དུང་སྐྱོང་དང ། འཇོག་པོ་དང ། པདྨ་ཆེན་པོ་དང ། སྟོབས་ཀྱི་རྒྱུ་དང ། པདྨ་ཞེས་བྱ་བ་ནི་བདག་ཉིད་ཀྱི་རིམ་པ་ལས་སེར་པོ་དང ། དཀར་པོ་གཉིས་ཤ་ཥ་ས་ཧཱ་སཝཾ་སཝཱ་སཾ་སཝ་རང་གི་ས་བོན་གྱིས་བྱིན་གྱིས་བརླབས་པའི་ཀླུ་བརྒྱད་པོ་རྣམས་སྙིང་པོ་བརྒྱད་ཀྱི་ནང་དུ་གནས་པའི་རྔ་མ་ལ་བཀུག་ནས་མཆོད་དེ། འདི་བཞུགས་པའི་ཁྲོ་བོའི་ཚོགས་སྐུ་འབར་བའི་ཚོགས་ཀྱི་བདག་ཉིད་ཧཱུཾ་ནི་ཧཱུཾ་ཞེས་མཆོག་ཏུ་བཟླས་པས་ཞབས་ཀྱི་འོག་ཏུ་ཀླུ་རྣམས་གཟིར་བར་སྒོམ་པར་བྱེད་ན་ཆར་མཆོག་ཏུ་རབ་ཏུ་འབེབས་པར་འགྱུར་རོ། །ཆར་བཟློག་པའི་དོན་བཀའ་སྩལ་པ། བདག་ཉིད་ཁྲོ་བོའི་གཟུགས་ཉི་མའི་མདོག་གི་འོད་ལྟར་ཤིན་ཏུ་དམར་བ་བསམས་ནས་རང་གི་ཁ་རུ་ཧཱུཾ་འབར་བའི་ལྕེ་ནམ་མཁའི་ཚད་འདིས་དྲལ་ཞིང་ཡོངས་སུ་གང་བ་ལས་སྤྲིན་སྙིང་གའི་སྦུབས་ཀྱིས་དབུགས་ཀྱིས་འགུགས་ཤིང་ 505a ༄#། །དབུགས་ཕྱིན་པས་རས་བལ་གྱིས་བུར་མ་ལྟར་གཏོར་བར་བྱེད་དོ། །ཡང་ན་རང་གི་ཕྱག་རྒྱའི་ཚོགས་འབར་བར་བཏོན་པས་དྲལ་ཞིང་བཅད་ནས་ཧཱུཾ་གིས་མཆོག་ཏུ་བསྡིགས་པར་བྱའོ། །དེ་གཞིག་པའི་དོན་བཀའ་སྩལ་པ། མེའི་དཀྱིལ་འཁོར་ཞེས་བྱ་བ་ལ་སོགས་པ་ནི་རྟག་པའི་རྣལ་འབྱོར་དང་ལྡན་པས་རང་གི་དཔྲལ་བ་ནས་འཕགས་པ་མི་གཡོ་མགོན་རཾ་ལས་བྱུང་བ་བཏོན་ནས་མེ་ལ་གནས་པ་ཕྱག་དྲུག་པ་གཡོན་ཀྵིཾ་ལས་སྡིགས་མཛུབ་དང ། ཞགས་པ་ཧཱུཾ་གི་ནང་དུ་བཅུག་པ་དང ། དེ་ཡིས་གཞུ་འོ། ། གཡས་པ་ན་ཁཾ་ལས་རལ་གྲི་དང ། ཧོ་ལས་མདའ་དང ། ཧཱུཾ་གིས་རྡོ་རྗེ་འཛིན་པར་བསམས་ནས། དེ་ཉིད་ཀྱི་འོད་ཟེར་གྱི་ཁྲོ་བོ་དང་ལྷན་ཅིག་པས་བགེགས་ཐམས་ཅད་ཧཱུཾ་གི་སྒྲ་བསྒྲགས་པས་འབར་བའི་རལ་གྲི་ལ་སོགས་པས་བསྣུན་པ་ལ་སོགས་པ་དང ། མདའ་འཕངས་པས་ཕིགས་པས་སྐྱེས་པའི་བགེགས་གཞོམ་པར་བྱའོ། །སྐྱེས་པའི་ཁྲག་ཆེན་པོ་ལ་སོགས་པ་ནི་རྐང་རྗེས་ཀྱི་རྡུལ་དང ། སྐྱེས་པའི་ཁྲག་གིས་བསྒྲུབ་པར་བྱ་བའི་གཟུགས་བརྙན་བྱས་ནས། སྐྱེས་པའི་རུས་པའི་ཕུར་བུ་དག་ལ་འོད་ཟེར་ཅན་གྱི་སྔགས་ཉི་ཤུས་མངོན་པར་བསྔགས་ཏེ། མིག་ལ་ཕུར་བས་བཏབ་ནས་ཚོགས་ཀྱི་བདག་པོའི་ཁར་གཞུག་གོ་།ོཾ་སུམྦྷ་རྡོ་རྗེ་གཏུན་ཤིང་དང་ཐོ་བས་དང་པོ་ཁ་དང ། གཏུན་ཤིང་གིས་རྒྱབ་ 505b ཏུ་བརྡུང་བར་བསམ་པར་བྱའོ། །འབར་བ་གཞོམ་པའི་དོན་དུ་མིང ། སྨན་གྱི་ཁ་དོག་ཅེས་བྱ་བ་ལ་སོགས་པས་ནི་ནམ་མཁའི་གནས་སུ་ཧཱུཾ་གཿ ཧཱུཾ་ཞེས་ནང་དུ་གཞུག་པར་བྱའོ། །ཕུཿ འི་ཡིག་འབྲུ་ལས་སྐྱེས་བ་ཀླུ་ནག་པོ་སྟོང་ཕྲག་གིས་བསྐོར་བའི་ནམ་མཁའ་ལྡིང་གིས་བཀའ་སྩལ་པར་བྱའོ། །ཇི་ལྟ་བ་བཞིན་དུ་བསྒོམས་ཏེ། ཨོཾ་བཛྲ་ནཱ་ར་ཡེ་ཎ་ཞེས་བྱ་བ་ལ་སོགས་པ་ནི་དང་བོར་བསྐུལ་ཏེ། དེས་བརྒྱ་བྱིན་ཡང་བསྐུལ་བར་བྱའོ། །འདི་ཡང་དེ་ཆར་གྱི་སྤྲིན་ལ་ཆར་གྱི་དོན་དུ་བཀའ་སྩལ་བར་བྱ་སྟེ། བཀའ་ཐོས་ན་ཡང་ཆར་འབེབས་པས་སྤྲིན་ཕྱིར་བཟློག་པ་ནི་ཡིད་ཀྱིས་བསམ་པར་བྱེད་ན་ནམ་མཁའ་ལྡིང་གི་གཤོག་པས་ཟློག་པར་བྱེད་ཅིང་མཆུས་བསྣུན་པས་ཆུ་བོའི་མཚམས་བྱེད་དོ། །རྡོ་རྗེ་ཕྱིར་བཟློག་པའི་དོན་བཀའ་སྩལ་ཏོ། །སྦྱིན་སྲེག་ཅེས་བྱ་བ་ལ་སོགས་པས་ནི་དགེ་བ་བྱེད་པའི་ཕྱིར་ཞི་བ་དང ། རྒྱས་པ་དང ། དབང་དུ་བྱེད་པའི་མཚན་ཉིད་ལ་ནི་གཙུབས་པ་ལས་བྱུང་བའི་མེས་བྱའོ། །མངོན་སྤྱོད་ལ་ནི་དུར་ཁྲོད་ཀྱི་མེས་བྱའོ། །ཐབ་ཁུང་ཞེས་བྱ་བ་ནི་ཟླུམ་པོ་དང ། གྲུ་བཞི་དང ། ཟླ་བ་ཕྱེད་པ་དང ། གྲུ་གསུམ་མོ། །དེ་ལྟར་ཐབ་ཁུང་གི་མཐའ་མར་དཀར་པོ་དང ། སེར་པོ་དང ། དམར་པོ་དང ། ནག་པོ་དང ། པདྨ་རྣམས་ཀྱང་གཞག་པར་བྱའོ། །དེ་ནས་དེའི་མདོག་ལྟར་གཙུག་གཏོར་དང ། ཆུ་སྐྱེས་དང ། རིན་པོ་ཆེ་དང ། རྡོ་རྗེ་འབར་བ་རྣམས་བྱའོ་ཞེས་བྱ་བའི་དོན་ཏོ། ། 506a ༄#། །ལས་ཀུན་བྱེད་པ་བཟླས་པས་ནི་ཞེས་བྱ་བ་ནི་ཧཱུཾ་གིས་མངོན་པར་བསྔགས་པའོ། །གཡོན་པའི་རྡོ་རྗེས་བྱ་བ་ནི་ལག་པ་གཡོན་པ་རྡོ་རྗེ་རྩེ་གསུམ་པ་ཅན་དུ་བྱས་པའོ། །ལས་ཀྱི་འོད་ཀྱིས་རྣམ་པར་བརྒྱན་པ་ཞེས་བྱ་བ་ནི་ཞི་བ་ལ་སོགས་པའི་ལས་ཀྱི་ཅི་རིགས་པར་འོད་ཀྱིས་རྣམ་པར་སྤྲས་པའོ། །འབར་བའི་རྣམ་པས་ཡོངས་སུ་ཐིམ་པར་བྱས་པའོ་ཞེས་པ་ལ། །འབར་བ་ནི་ལྷའམ། འབར་བ་ནི་གཙིགས་པའི་གཟུགས་ཀྱིས་ཏེ། དེ་བཞིན་དུ་ཡེ་ཤེས་ཀྱི་རང་བཞིན་གྱི་ཆོ་ག་བསྒོམ་པར་བྱ་ཞིང ། ོཾ་དང་པོ་དང ། མཐར་སཝཱཧཱ་ལས་མཆོག་ཏུ་གནས་ནས་ཞི་བ་དང ། རྒྱས་པ་དང ། དབང་དང ། མངོན་སྤྱོད་ལ་ཁྲོ་བོའི་ཚོགས་ཀྱིས་ཧཱུཾ་དང་བཅས་པའི་ཕཊ་ཀྱིས་སྔགས་བཟླ་བར་བྱའོ། །ཐོག་མ་དང་ཐ་མར་སྲེག་བླུགས་གང་བར་དབུལ། ཁ་དགང་བ་ཞེས་བྱ་བའི་ཚིག་གིས་ནི་ལྷའི་ཞལ་གྱི་པདྨར་སྦྱིན་སྲེག་བྱའོ། །བཤད་གཅི་ལ་སོགས་པའི་སྲེག་བླུགས་ལ་སྡིག་པ་ལ་སོགས་པའི་དོགས་པ་མི་བྱ་སྟེ། གང་གི་ཕྱིར་དོན་དམ་པར་རང་བཞིན་རྣམ་པར་དག་པའི་ཕྱིར་ཐམས་ཅད་རྣམ་པར་རྟོག་པ་ཙམ་མོ། །དེ་བཞིན་དུ་དབང་པོ་གཉིས་སྙོམས་པར་ཞུགས་པས་ཀྱང་ལྷའི་ང་རྒྱལ་སྔོན་དུ་བྱ་བ་དང ། ཐབས་དང ། ཤེས་རབ་རོ་གཅིག་པ་མངོན་དུ་བྱེད་ཅིང་ཟག་པ་མེད་པའི་ཡེ་ཤེས་སྐྱེད་པར་བྱེད་པའོ། །སྐུ་ལ་སོགས་པ་ཡང་དག་པར་བསྟན་ 506b བར་བྱ་བ་བཀའ་སྩལ་པ། བུད་མེད་དང་ནི་སྐྱེས་བའི་ལུས། ལས་ནི་དུ་མས་བསྐྱེད་པ་ཞེས་བྱ་བ་ལ་སོགས་པ་རྣམ་པར་བསྟན་པ་ཞེས་བྱ་བས་ནི་དགེ་བ་དང ། མི་དགེ་བའི་ལས་ཀྱི་མཚན་ཉིད་ཤེས་པའི་སྐྱེས་བུའོ། །ཤ་དང་རྐང་ལ་སོགས་པ་དག་ནི་རྣམ་པར་སྣང་མཛད་དང ། མི་བསྐྱོད་པ་ལ་སོགས་པའི་རང་བཞིན་ཏེ། འདིའི་ཕྱིར་བསྟེན་པའོ། །གང་ཞིག་འདོད་ཆགས་ཞེ་སྡང་ཞེས་བྱ་བ་ལ་སོགས་པའི་འདུ་བྱེད་འཕེལ་བ་བཤད་བ་དང་གཅི་བ་ལ་སོགས་པ་ལྔ་ཡོངས་སུ་འཛག་པ་ནི་ས་ལ་སོགས་པ་འབྱུང་བ་བཞིའི་རང་བཞིན་རྫོགས་པའོ། །བསྒོམས་པ་ལས་ཞེས་བྱ་བ་ནི་བརྟགས་པ་དང་བྲལ་བའི་བློ་གྲོས་ཀྱིས་སོ། །དེ་ནས་མཆོག་ཏུ་རབ་བཤད་བྱ། །ཐམས་ཅད་ལས་ནི་སྣ་ཚོགས་མཆོག་།ཅེས་བྱ་བ་ཇི་སྙེད་དུ་གྲུ་བཞི་དང ། སྒོ་བཞི་པ་དང ། སྒོའི་སྐྱོང་བ་དང་ཡང་དག་པར་ལྡན་པའོ། །ཚོགས་ཀྱི་དཀྱིལ་འཁོར་བརྟག་པར་བྱ། ཞེས་བྱ་བ་ནི་ཕྱི་རོལ་གྱི་དཀྱིལ་འཁོར་ཞེས་གསུངས་སོ། །ད་ནི་ནང་གི་དཀྱིལ་འཁོར་བསྟན་པར་བྱ་སྟེ། ཀུན་ལས་སྣ་ཚོགས་ཕྱག་རྒྱ་ཞེས་པ་ལ་སོགས་པ་ནི་དཔལ་སངས་རྒྱས་སྤྱན་ལ་སོགས་པའི་ལྷ་མོ་རྣམས་དང་ལྡན་པའོ། །ཀུན་ལས་སྣ་ཚོགས་འཁོར་ལོ་ཅན་ཞེས་བྱ་བ་ནི་དཔལ་རྡོ་རྗེ་སེམས་དཔའི་གང་དུ་གསུངས་པའི་གནས་སུ་བཀོད་ནས་དེའི་རྗེས་སུ་མཚམས་བཞི་པོ་རྣམས་སུ་དྲག་མོ་ལ་སོགས་པའི་སྔགས་དང་ཕྱག་རྒྱས་བྱིན་གྱིས་ 507a ༄#། །བརླབས་ནས། སེང་ལྡེང་གི་ཕུར་བ་སོར་བརྒྱད་པ་དང ། རྡོ་རྗེ་ཐོ་བས་དེའི་སྔགས་བཟླས་ནས་བརྡུང་ཞིང་ལྟེ་བ་དང ། དྲག་མོ་ལ་སོགས་པའི་མཚམས་རྣམས་སུ་རིམ་པས་མཐའ་ཡས་དང ། རྣམ་པར་རྒྱལ་མ་ཞེས་བྱ་བ་ལ་སོགས་པའི་ཕུར་བས་བཏབ་སྟེ། དཀྱིལ་འཁོར་བ་སྟ་གོན་ལ་གནས་པར་བྱའོ། །དྲི་ལ་སོགས་པས་དཀྱིལ་འཁོར་གྱི་གནས་ཀྱི་ལྷ་ཐམས་ཅད་ཀྱི་གནས་སུ་རང་གི་ཧཱུཾ་དང ། དེའི་མཚན་དང་པོར་བཟླས་ནས་མངོན་པར་གཏོར་ཞིང ། དེ་ནས་སྔོན་དུ་ཚོགས་ཀྱི་དཀྱིལ་འཁོར་རང་གི་ལྷའི་འཁོར་ལོ་བཏོན་ཏེ་གནས་ཇི་ལྟ་བར་བཞུགས་སུ་གསོལ་ནས་གསུངས་པའི་དགུག་པ་ལ་སོགས་པའི་བྱིན་གྱིས་བརླབས་པ་དང་པོར་བྱ་བ་དང ། རང་གི་སྔགས་དང ། ཕྱག་རྒྱ་དང ། ལྷན་ཅིག་ཏུ་ཉེ་བར་བལྟས་ནས་དབང་བསྐུར་བ་དང ། མཆོད་པ་དང ། བསྟོད་པ་དང ། ཕྱག་འཚལ་ནས་ཉོན་མོངས་པ་ཅན་གྱི་ཡིད་ཞི་བར་བྱ་བའི་ཕྱིར་སྦྱིན་སྲེག་བྱས་ནས་ཕྱོགས་སུ་གཏོར་མ་སྦྱིན་པར་བྱའོ། །ཇི་ལྟར་རེ་ཞིག་རྩ་བའི་བུམ་པ་ལ་སོགས་པའི་ལྷག་པར་གནས་པར་བྱས་ནས་སློམ་མ་སྟ་གོན་ལ་གནས་པར་བྱའོ། །ཧཱུཾ་བཟླས་པའི་ཆུས་དང་པོར་སྙིང་གར་གཏོར་ནས། དེ་ཉིད་ཀྱིས་རྡོ་རྗེ་དང་བཅས་པའི་ལག་པ་གཞག་པར་བྱ་ཞིང ། སྙིང་གར་རྡོ་རྗེ་རྩེ་ལྔ་པ་དང ། ཇི་སྲིད་སྤྱི་བོར་སྣ་ཚོགས་རྡོ་རྗེ་བསམ་པར་བྱའོ། །གསུམ་ 507b ལ་སྐྱབས་སུ་འགྲོ་བ་ལ་སོགས་པ་བྱས་ཏེ། ཧཱུཾ་གིས་མངོན་པར་བསྔགས་པའི་སྲད་བུས་དཔུང་བ་བཅིངས་ནས་སོ་ཤིང་ལ་སོགས་པ་དང ། དྲི་ལ་སོགས་པ་སྦྱིན་པར་བྱའོ། །དེ་རྣམས་ལ་ཆོས་བསྟན་ཅིང་དཀྱིལ་འཁོར་གྱི་གནས་སུ་གཞུག་པར་བྱ་སྟེ། དེའི་འོད་ཟེར་རྣམས་ཀྱིས་གཤེགས་སུ་གསོལ་བར་བྱའོ། །སྔར་བཞིན་གྱིས་ཡོངས་སུ་གྱུར་པ་ཞེས་བྱ་བ་ནི་མཆོད་པ་ལ་སོགས་པ་བྱེད་པ་སྟེ། ཇི་ལྟར་འདི་སྐད་དུ་ལྷའི་འཁོར་ལོ་སྟོན་པ་དེ་བཞིན་དུ་ལྷའི་འཁོར་ལོ་དེར་ནང་དུ་བསྒོམ་པར་བྱ་ཞེས་བྱ་བ་ཇི་སྙེད་པའོ། །གཞན་ཡང་དང་པོར་རྟོག་པའི་རྣལ་འབྱོར་དང་ལྡན་པས་མི་བསྐྱོད་པ་ལ་སོགས་པ་ཐུགས་ཀ་ནས་བཏོན་ནས་སྔོན་པོ་ལ་སོགས་པའི་ཁ་དོག་གི་སྲད་བུ་ལྔ་པོ་དེའི་བདག་ཉིད་དུ་བྱས་ཏེ། ཧཱུཾ་དལ་གྱིས་བསྒྱུར་ཞིང་ཧཱུཾ་དེ་བརྒྱ་རྩ་བརྒྱད་བཟླས་པར་བྱའོ། །དེ་ལྟར་རྡུལ་ཚོན་ཀྱང་རྣལ་འབྱོར་འདི་ཉིད་དུ་གཞུག་པ་གསུངས་ལ། སངས་རྒྱས་ལྔས་བྱིན་གྱིས་བརླབས་ནས་དཀྱིལ་འཁོར་གྱི་ཕྱོགས་ཇི་ལྟ་བར་ཐིག་གདབ་སྟེ། དང་པོར་སློབ་དཔོན་གྱིས་རྡུལ་ཚོན་བྲི་བར་བྱ་ཞིང ། ཕྱིས་ནི་སློབ་མས་དཀྱིལ་འཁོར་གྱི་ཕྱི་རོལ་དུ་སྔོན་པོ་དང ། དམར་པོ་དང ། དཀར་པོ་དང ། ལྗང་གུ་དང ། སེར་པོའི་རྡུལ་ཚོན་རྣམ་པ་ལྔ་པའོ། །གཉིས་པ་ལ་ནི་སྔོན་པོ་དང ། དམར་པོ་དང ། དཀར་པོ་དང་གསུམ་མོ། །འཁོར་ལོའི་ནི་རྡུལ་ཚོན་དཀར་པོས་འཁོར་ལོའི་ལྟེ་བ་སྣ་ཚོགས་འབར་བ་ཞེས་བྱ་བ་ནི་སྣ་ཚོགས་པདྨར་བཞུགས་པའི་ 508a ༄#། །རྣམ་པར་སྣང་མཛད་ཆེན་པོ་བཞུགས་པར་བྱའོ། །ཤར་ལ་སོགས་པའི་རེའུ་མིག་རྣམས་སུ་ནི་རྟག་པ་ལ་སོགས་པ་སྟེ། ཕྱོགས་སུའོ། །འཁོར་ལོའི་ཤར་ལ་སོགས་པའི་མཚམས་རྣམས་སུ་སྤྱན་ལ་སོགས་པའོ། །འཕར་མ་གཉིས་པའི་ཤར་ལ་སོགས་པའི་ཕྱོགས་སུ་དྲག་མོ་ལ་སོགས་པའི་རྡོ་རྗེ་ལྷ་མོ་རྣམས་སོ། །འཕར་མ་གསུམ་པའི་ཤར་ལ་སོགས་པའི་སྣམ་བུ་ལ་བྱང་ཆུབ་སེམས་དཔའ་བྱམས་པ་ལ་སོགས་པ་བྲི་བར་བྱའོ། །ཤར་གྱི་སྒོར་རྡོ་རྗེ་ལྕགས་ཀྱུ་མ་ལ་སོགས་པའོ། །མཚམས་རྣམས་ནི་མུར་ཛ་ལ་སོགས་པའོ།། དེ་ལྟར་དཀྱིལ་འཁོར་བྲི་བར་བྱའོ། །ཇི་ལྟར་རེ་ཞིག་བུམ་པ་ལེགས་པར་བྱས་ནས་བརྒྱ་རྩ་\?\་རྒྱད་བཟླ་བར་བྱའོ། །རྩ་བའི་བུམ་པ་ལ་ནི་དཀྱིལ་འཁོར་གྱི་བདག་པོའོ། །བཞི་པ་ལ་ནི་སྤྱན་ལ་སོགས་པའི་ལྷ་མོ་བཞི་པོ་རྣམས་ཀྱིས་སོ། །ལྷ་ཐམས་ཅད་ཀྱི་རིགས་ཀྱི་དབྱེ་བས་ནི་བཞིའོ། །དེ་ནས་བུམ་པ་སྒོར་གནས་པ་ལ་ལས་ཐམས་ཅད་པ་བཟླས་པས་བསང་གཏོར་བྱའོ། །དེ་རྣམས་གོས་ལ་སོགས་པས་བརྒྱན་པར་བྱས། བདག་པོའི་རྣལ་འབྱོར་དང་ལྡན་པས་ལེགས་པའི་རྣལ་འབྱོར་གྱིས་ལྷ་ཐམས་ཅད་ཀྱི་འཁོར་ལོ་རང་གི་བདག་ཉིད་ཀྱི་ནང་དུ་བསྒོམ་པར་བྱ་ཞིང ། དེའི་ང་རྒྱལ་དང་ལྡན་བར་བྱའོ། །མཆོད་ཡོན་གྱི་ཉེ་བར་སྤྱོད་པ་ཡོངས་སུ་བཟླས་ནས་སྒོ་མངོན་པར་ཕྱེ་སྟེ། གནས་ཇི་ལྟ་བར་བུམ་པ་ལ་སོགས་པ་ 508b རྣམས་བཞག་ལ། དཀྱིལ་འཁོར་གྱི་ལྷ་རྣམས་སྔ་མ་བཞིན་དུ་ཕྱུང་ནས་རང་གི་གནས་སུ་འཁོར་ལོ་གཞུག་པར་བྱའོ། །རང་གི་ལྷའི་ཕྱག་རྒྱ་རྣམས་ཀྱིས་བྱིན་གྱིས་བརླབ་པའི་ཕྱིར་རང་གི་ཕྱག་རྒྱ་རབ་ཏུ་བསྟན་པས་རང་གི་དབང་གིས་དབང་བསྐུར་བའི་ཏིང་ངེ་འཛིན་ལ་གནས་པར་བསམས་ནས། སྒེག་མོ་ལ་སོགས་པའི་མཆོད་པ་རྣམས་ཀྱིས་མཆོད་པ་དང ། རྔ་དང ། གླིང་བུ་ལ་སོགས་པའི་ཡིད་དུ་འོང་བའི་རང་གི་མཆོད་པའི་ཁྱད་པར་བྱིན་གྱིས་བརླབས་པའི་རིག་མས་ཐལ་མོ་སྦྱར་བས་རྡོ་རྗེའི་གླུ་ལེགས་པར་སྦྱར་བ་གསུམ་དུ་བརྗོད་པས་ཕྱག་འཚལ་ཏེ། ཚིམ་པར་བྱ་བའི་དོན་དུ་གསུངས་པའི་སྦྱིན་སྲེག་བྱས་ནས་དེ་ནས་བཟོད་པ་གསོལ་བར་བྱའོ། །དངོས་གྲུབ་ཐམས་ཅད་ཀྱི་དོན་དུ་རང་གིས་གསོལ་བ་བཏབ་ནས་དང་པོ་ལ་སོགས་པས་བསྐྱེད་པར་བྱ་སྟེ། སློབ་མ་ལ་སྣ་ཚོགས་པས་བརྒྱན་པར་བྱའོ། །ོཾ་ལ་སོགས་པས་སྙིང་གར་སྐུ་ལ་སོགས་པའི་བྱིན་གྱིས་བརླབས་པའི་ཕྱག་རྒྱས་བྱིན་གྱིས་བརླབ་པར་བྱའོ། །ཐལ་མོ་སྦྱར་བ་སྡིགས་མཛུབ་བསྡིགས་པའི་འཁོར་ལོའི་རྣམ་པས་ཧཱུཾ་བརྗོད་ཅིང་གནས་ལྔ་པོ་ཐམས་ཅད་དུ་བྱས་ཏེ། གདོང་གོས་ཀྱིས་བཀབ་ནས་རྡོ་རྗེ་ལྷ་མོ་ལ་སོགས་པའི་ཕྱག་རྒྱས་བཟུང་བའི་མེ་ཏོག་དང ། ཧཱུཾ་ཉིད་ཀྱིས་གཞུག་ཅིང་སྤྱིའི་ཆོ་གས་བྱའོ། །དཔལ་རྡོ་རྗེ་སེམས་དཔའི་རྣལ་འབྱོར་པས་བྱིན་གྱིས་བརླབས་ནས་དྲི་དང ། མེ་ཏོག་ལ་སོགས་པས་བརྒྱན་པར་བྱ་སྟེ། ཇི་ལྟ་བར་བུམ་པ་ཐམས་ཅད་ཀྱིས་དབང་བསྐུར་ 509a ༄#། །བར་བྱའོ། །དེ་བཞིན་གཤེགས་པ་རྣམས་ཀྱིས་མཆོད་ཡོན་དང ། ཕྱག་ན་བུམ་པ་བདུད་རྩི་བཟང་པོས་བ་ཀང་བས་དེ་རྣམས་ཀྱིས་དབང་བསྐུར་བར་བལྟ་བར་བྱའོ། །གཞན་ཡང ། གོས་ལ་སོགས་པ་རྣམས་ཀྱིས་བརྒྱན་ཏེ། རྡོ་རྗེ་ལ་སོགས་པ་རྣམས་ཀྱིས་དབང་བསྐུར་བར་གྱུར་པ་དང ། མི་བསྐྱོད་པ་ལ་སོགས་པ་དུ་མའི་གཟུགས་ཡོངས་སུ་གྱུར་པའི་ཉེ་བར་ཐོད་པ་དང ། ཕྲེང་བ་དང ། རྡོ་རྗེ་དང ། བདག་པོ་དང ། རྡོ་རྗེ་མིང་གིས་དབང་བསྐུར་བ་དང ། གསེར་ལ་སོགས་པའི་ཐུར་མས་མི་ཤེས་པའི་རབ་རིབ་བསལ་བ་དང ། མེ་ལོང་བླངས་ཏེ་རྡོ་རྗེ་སེམས་དཔའི་རང་བཞིན་ཉིད་ཅེས་བྱ་བ་ལ་སོགས་པའི་ཚིགས་བཅད་ཀྱིས་མཚན་ཉིད་རྣམས་བསྒྲག་པར་བྱའོ། །དབྱངས་ཀྱི་དང་པོས་གླེགས་བམ་དང ། དང་པོའི་རྗེས་ཀྱི་དབྱངས་ཀྱིས་རྡོ་རྗེ་དྲིལ་བུ་དང ། བཀའི་གནང་བ་སྦྱིན་པའི་དོན་དུ་རྐང་པ་བྱིན་གྱིས་བརླབ་ཅིང ། ལག་པ་གཡས་པས་རལ་གྲི་སྦྱིན་པར་བྱ་སྟེ། དེ་ནས་བཟུང་སྟེ་འཇིག་རྟེན་ལ་ཆོས་ཀྱི་འཁོར་ལོ་སྐོར་ཅིག་།སྐྱོབ་པ་ཞེས་བྱ་བ་ལ་སོགས་པ་ཡང་དག་པར་དམིགས་པར་བྱའོ། །དེ་རིང་ནས་བཟུང་སྟེ་ཞེས་བྱ་བ་ལ་སོགས་པས་ནི་དམ་ཚིག་ཉེ་བར་བསྟན་ནས། བླ་མས་ཡོན་བླངས་ནས་ཞི་བའི་སྦྱིན་སྲེག་བྱའོ། །མཆོད་པ་དང་བསྟོད་པ་ལ་སོགས་པ་བྱས་ནས་ཧཱུཾ་ཞེས་བརྗོད་པར་བྱའོ། །སྭྟྭ་བཛྲ་མུཿ ་ཞེས་བྱ་བས་ལྷའི་འཁོར་ 509b ོཾ་\?\་གཤེགས་སུ་གསོལ་བར་བྱའོ། །ཕུར་པ་བཏོན་ནས་དེ་བཞིན་དུ་གསང་བའི་དཀྱིལ་འཁོར་ཉིད་གོང་དུ་གསུངས་པའི་ལག་པ་ཉིད་ཀྱིས་གཤེགས་སུ་གསོལ་བར་བྱའོ། །ཛཿ ་ཧཱུཾ་བཾ་ཧོཿ ་ཞེས་བརྗོད་བས་རང་གནས་ཉིད་དུ་ཁྱད་པར་འཕགས་པར་ནང་དུ་བསྒོམ་པར་བྱའོ། །ཧཱུཾ་ཉིད་ཀྱིས་རྡུལ་ཚོན་དབྱེ་བར་བྱ་ཞིང་བསྡུས་ནས་ཆུའི་ནང་དུ་བླུགས་པར་བྱའོ། །ཁྲོ་བོས་ཁྲོ་བོ་གཟུང་བའི་ཕྱིར་དཔལ་ཧེ་རུ་ཀ་འབྱུང་བ་བཀའ་སྩལ་པ། དེ་ཉིད་བཅོམ་ལྡན་རྣལ་འབྱོར་ཏེ་ཞེས་བྱ་བ་ལ་སོགས་པ་ནི་དཔལ་རྡོ་རྗེ་སེམས་དཔའ་དང་པོའི་རྣལ་འབྱོར་ཞེས་བྱ་བ་ནི་རིགས་ཀྱི་བུ་བསྒྲགས་པ་ཡིན་ནོ། །སྲོག་གཅོད་པ་ལ་སོགས་པའི་མི་དགེ་བ་བཅུ་ལ་སྤྱོད་པ་དང ། དམ་ཚིག་ཉམས་པ་དེ་རྣམས་ཀྱིས་རྣམ་པར་དག་པ་བརྗོད་དེ། རྣམ་པར་དག་པ་ཞེས་བྱ་བ་ནི་དག་པའོ། །སྒེག་ཅིང་ཞེས་བྱ་བ་ལ་སོགས་པའི་རོ་དང་ལྡན་པ་དང ། ཞལ་བརྒྱད་པ་ལ་ཞབས་བཞི་པ། ཕྱག་ནི་བཅུ་དྲུག་དག་གིས་བརྒྱན། །སྤྱན་ནི་ཉི་ཤུ་རྩ་བཞི་པར། །བཅོམ་ལྡན་འདས་ཀྱིས་གསུངས་སོ། ། ཡང་དེ་ལྟར་རིམ་པ་དེས་བཅོམ་ལྡན་འདས་ཞལ་བཞི་པ། ཕྱག་བཞི་ཡིས་ནི་རྣམ་པར་སྤྲས་པའོ། །དེ་ལ་ཞལ་དང་པོ་ནི་དྲག་པོའོ། །གཉིས་པ་གཡས་པ་ནི་བདེ་བས་རབ་ཏུ་མྱོས་ཤིང་འཇིགས་པར་མཛད་པའོ། །རྒྱབ་ཏུ་ཞལ་གསུམ་པ་ལ་ནི་རྨད་དུ་བྱུང་བའི་བཟའ་བའོ། །གཡོན་དུ་ཞལ་སྒེག་པས་འོ་མཛད་པའོ། །དེ་བཞིན་དུ་སྟེང་མའི་ཞལ་གཙིགས་པ་ཞེས་བྱ་བ་ནི་རྣམ་པར་ 510a ༄#། །མཛད་པའི་མཆོག་གོ་།ཞལ་གསུམ་ནི་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཡེ་ཤེས་སོ། །མི་བསྐྱོད་པའི་གཟུགས་ཅན་གྱི་རྡོ་རྗེ་ཅན་ནི་དེ་བཞིན་དུ་ཕྱག་དྲུག་པའོ། །རྒྱས་པར་འབྱུང་བ་ནི་ཕྱག་གཉིས་པ་ལ་ཞལ་གཅིག་པར་ཡང་བསྟན་པར་བྱ་ཞིང་གཡོན་པའི་ཕྲག་པར་ནི་མཆོད་ཕྱིར་དག་པའི་སྦྱོར་བས་རྡོ་རྗེ་དང ། དྲིལ་བུ་དང་བཅས་པས་ཁ་ཊྭཱཾ་ག་གནས་པའོ། །དེའི་ཕྱག་གཡས་པ་བ་དན་རྩེ་གསུམ་པ་དང་ལྡན་པ་དང ། རྡོ་རྗེ་སོ་ཙི་ཀ་དང ། འབར་བའི་འཁོར་ལོའོ། །ཕྱག་གཡོན་པ་ལ་ཐོད་པ་སྙིང་རྗེ་ཆེན་པོས་གང་བ་ཡོངས་སུ་འཛིན་པའོ། །ཕྱག་རྒྱ་ཆེན་པོའི་ཕྱེད་ཀྲུང་གིས་ཟ་བ་ཞེས་བྱ་བ་ནི་སྟན་མཐོན་པོ་ལ་འདུག་པ་སྟེ། རྐང་པ་གཡོན་པ་ས་ལ་བཞག་པར་བྱ་སྟེ། དེའི་བརླ་གཡས་པའི་རྐང་པས་སེམས་དཔའི་སྐྱིལ་མོ་ཀྲུང་གིས་སྦྱོར་བས་དགོད་དོ། །དེའི་རྐང་པའི་མཐིལ་གྱིས་ཡང་གཡོན་པའི་བརླ་མཉམ་པར་སྦྱོར་བར་བྱེད་པའི་སྦྱོར་བས་མནན་པར་བྱའོ། །རིགས་ཀྱི་བུ། འདི་ནི་བཅོམ་ལྡན་འདས་ཀྱི་དྲག་པོའི་གདན་ལ་བཞུགས་པའི་སྐྱིལ་མོ་ཀྲུང་གིས་ཕྱག་རྒྱ་འདིས་བསྒྲུབ་པར་བྱ་བ་རབ་ཏུ་ཐོབ་པར་འགྱུར་ཏེ། གཡོན་པའི་བརླ་རྐང་པའི་དགོད་པས་མཉམ་པར་སྦྱོར་བར་བྱེད་པས་ཕྱེ་མར་བྱས་ནས་རབ་ཏུ་རྒྱས་པར་ཁྲོ་བོའི་སྐུ་དེ་ནི་ཞལ་སྟེང་དུ་བསམས་ནས། དེས་བསྒྲུབ་པར་བྱ་བ་བཏུང་བར་བྱའོ། །དེ་ཉིད་བཅོམ་ལྡན་འདས་ཀྱི་ཞལ་སྟེང་དུ་བསྒོམ་པར་བྱ་ཞིང ། 510b ཞབས་གཡས་པས་དེ་བཞིན་དུ་རྡོ་རྗེ་སྐྱིལ་མོ་ཀྲུང་གི་སྦྱོར་བས་བུད་མེད་ཐམས་ཅད་ཇི་ལྟར་འདོད་པར་བླངས་ནས། བརླ་གཡོན་པ་བསྐྱོད་བས་དེ་རྣམས་དང་མཉམ་བར་སྦྱོར་བར་བྱའོ། །ཡང་ན་ཞལ་གྱི་ཕྱག་རྒྱ་བསྒྲགས་པར་བྱ་སྟེ། ཤར་གྱི་རེའུ་མིག་ལ་ནི་དཀར་མོའི་གདོང་ཞི་བའོ། །གཡས་སུ་ཆོམ་རྐུན་མའི་གདོང་ནི་དྲག་མོའོ། །རྒྱབ་ཏུ་རབ་ཏུ་རྨོངས་མའི་ནི་བདེ་བའི་མྱོས་བྱེད་ཀྱིས་རབ་ཏུ་རྨོངས་མའི་གདོང་ངོ ། །གཡོན་དུ་རོ་ལངས་མའི་གདོང་མའོ། །མེའི་རེའུ་མིག་ལ་པུཀྐ་སཱི་ནི་གར་གྱི་གདོང་མའོ། །བདེན་བྲལ་གྱི་རེའུ་མིག་ལ་ནི་གདོལ་པ་མོ་གཞན་གྱི་སྲོག་འཕྲོག་པའི་སྦྱོར་བས་ཐམས་ཅད་དུ་གུས་པ་དང་བཅས་པའི་གདོང་མའོ། །རླུང་དུ་གྷསྨ་རཱི་ཤི་བ་ཟ་བའི་གདོང་མའོ། །དབང་ལྡན་དུ་ཧེ་རུ་ཀ་ལྟ་བུར་བཅོམ་ལྡན་འདས་ཀྱི་གཟུགས་ཅན་མའོ། །དཀར་མོ་ནི་ཞི་པའི་ལྟ་སྟངས་སོ། །ཆོམ་རྐུན་མ་ནི་དྲག་མོའི་ལྟ་སྟངས་སོ། །རབ་ཏུ་རྨོངས་མ་ནི་རབ་ཏུ་རྨོངས་པའི་ལྟ་སྟངས་སོ། །རོ་ལངས་མ་ནི་ཤི་བ་སློང་བའི་ལྟ་སྟངས་སོ། །པུཀྐ་སཱི་ནི་གར་གྱི་ལྟ་སྟངས་སོ། །གདོལ་པ་མོ་ནི་སྟེང་དུ་ལྟ་བའོ། །གྷསྨ་རཱི་ནི་གདན་དུ་ལྟ་བའོ། །མེ་ཏོག་ལ་དཀར་མོའི་གཟུགས་སུ་བསམས་ནས། གང་ལ་བྱིན་པ་དེ་ཕྱག་རྒྱས་འདེབས་པར་འགྱུར་རོ། །བདུག་པ་ལ་ནི་ཆོམ་རྐུན་མའི་གཟུགས་སོ། །ཆང་ལ་ནི་རབ་ཏུ་རྨོངས་མའི་གཟུགས་སོ། །ཆུ་ལ་ནི་རོ་ལངས་མའི་གཟུགས་སོ། །ཤིང་གི་འཁྲིལ་ཤིང་ཟླ་ནི་པུཀྐ་སཱིའོ། །རས་ལ་ནི་གཏུམ་མོའོ། །མེ་ལ་ནི་ 511a ༄#། །གྷསྨ་རཱི་སྟེ། རྩེ་གཅིག་པའི་མཉམ་པར་སྦྱོར་བའི་བསམ་གཏན་གྱི་སྦྱོར་བས་ཀུན་ཏུ་གནས་སོ། །དེ་ནས་དཀར་མོ་དེའི་བསམ་གཏན་གྱིས་ཀྱང་ཕྱག་རྒྱས་གདབ་བར་བྱའོ་ཞེས་སྦྱར་རོ། །དེ་ལྟར་བྱ་བ་ཆོམ་རྐུན་མས་སྙིང་ག་ནས་དྲངས་པའི་བསམ་གཏན་གྱིས་བསྒྲུབ་བྱའི་ལུས་ལ་ཞུགས་ཏེ་སྙིང་ནས་དྲང་ངོ ། །རབ་ཏུ་རྨོངས་པའི་སྦྱོར་བས་བདེ་བས་རྨོངས་ཤིང་བསྒྲུབ་བྱ་རྨོངས་པར་བསམ་པར་བྱ་སྟེ། དེ་ལྟར་བདེ་བ་རབ་ཏུ་སྦྱིན་པས་རབ་ཏུ་རྨོངས་པར་བྱེད་པའོ། །རོ་ལངས་མའི་བསམ་གཏན་གྱིས་བདུད་རྩི་ཆུ་ཡིས་གཏོར་བས་ཤི་བ་སློང་བར་བྱེད་དོ། །པུཀྐ་སཱིའི་རྣལ་འབྱོར་གྱིས་སེ་གོལ་གཏོགས་པས་གར་བྱེད་དོ། །སྟེང་དུ་ཤིན་ཏུ་དབུགས་ཀྱི་བསམ་གཏན་གྱིས་ལྷན་ཅིག་གཅིག་ཏུ་གྱུར་པས་གདོལ་པ་མོས་གསོད་པར་བྱེད་དོ། །གདན་གྱི་བཟའ་བས་གྷསྨ་རཱིའི་བསམ་གཏན་དེས་བཟའ་བར་བྱའོ། །དཀར་མོས་ནི་གཡོན་གྱི་སྟ་སྟངས་ཀྱིས་བསྒྲུབ་བྱ་ལ་བལྟས་པས་ཕྱག་རྒྱས་འདེབས་པར་བྱེད་དོ། །ཡིད་ཀྱིས་བསྒྲུབ་བྱའི་སྙིང་གར་ཞུགས་ཏེ། །དེའི་སྙིང་གི་པདྨ་ལག་པ་གཡོན་པས་འདོན་ཅིང་འགུགས་པར་བྱེད་དོ། །ཆོམ་རྐུན་མས་ནི་སྙིང་ནས་འདྲེན་པར་བྱེད་དོ། །རབ་ཏུ་རྨོངས་མས་ནི་ཡིད་ཀྱིས་སམ་མངོན་སུམ་དུའོ། །བྱེད་པས་བདེ་བས་རབ་ཏུ་རྨོངས་པར་བྱེད་དོ། །རོ་ལངས་མ་ནི་ཡིད་ཀྱིས་སམ། མངོན་སུམ་དུ་འཁྱུད་ནས་འཆི་བ་སློང་བར་བྱེད་དོ།། 511b པུཀྐ་སཱིའི་རྣལ་འབྱོར་གྱིས་གར་བྱེད་པ་ནི་ཡི་ཀྱིས་བསྒྲུབ་བྱ་དང་ལྷན་ཅིག་གཅིག་ཏུ་གྱུར་པས་རང་གིས་གར་བྱེད་དོ། །ཡིད་ཀྱིས་བསྒྲུབ་བྱ་དང་ལྷན་ཅིག་གཅིག་ཏུ་གྱུར་པས་བདེ་བས་རྨོངས་པའི་སྟེང་གི་ལྟ་སྟངས་བྱས་ཏེ། གཏུམ་མོའི་རྣལ་འབྱོར་གྱིས་གསོད་པར་བྱེད་དོ། །གྷསྨ་རཱིའི་རྣལ་འབྱོར་གྱིས་བསྒྲུབ་བྱ་ཁར་བཅུག་སྟེ་བཅའ་ཞིང་བཟའ་བར་བྱའོ། །བཟའ་བར་བྱ་བ་ཞེས་བྱ་བ་ནི་དགྲ་བོ་ཐམས་ཅད་ཤིན་ཏུ་རྟག་ཏུ་ཟོས་པ་ཞེས་བྱ་བར་འགྱུར་རོ་ཞེས་བྱ་བའི་དོན་ཏོ། །རྡོ་རྗེ་ཧཱུཾ་མཛད་ལ་ནི་འཇིག་རྟེན་གསུམ་སྒྲོལ་བ་ཞེས་བྱ་བའི་མིང་རྙེད་པར་འགྱུར་ཏེ། དེ་ནི་རྡོ་རྗེ་སེམས་དཔའ་སྟེ་འཇིག་རྟེན་གསུམ་ལས་རྣམ་པར་རྒྱལ་བ་ཡིན་ནོ། །དེ་ནས་གཞན་དུ་ཞེས་བྱ་བ་ནི་མཛེས་པ་དང ། སྙིང་རྗེའི་སྟོབས་ལ་སོགས་པའི་ཁྲོ་བོ་གཞན་ཐམས་ཅད་ཁྲོ་བོའི་རོ་གཅིག་པར་ཞེན་པའོ། །བཅོམ་ལྡན་འདས། ཁྲོ་བོའི་གཟུགས་ཀྱི་མཚན་ཅི་ལགས། གང་གི་དོན་དུ་གསུངས། ལུས་ལ་དམ་པར་ལྟ་བ་དང ། སྲོག་དང ། གང་ཟག་ལ་སོགས་པ་བདག་ཏུ་འཛིན་པས་སྨྲས་པ་དང ། རྟག་པ་ཐམས་ཅད་ཀྱི་མཐར་བྱེད་པ་གཤིན་རྗེའི་རྒྱལ་པོ་སྟེ། གསུམ་བྱེད་པ་དེ་རྣམས་ཀྱིས་བརྟགས་པའི་འཁོར་ལོ་ལས་རྒྱལ་བ་ནི་བརྟགས་པ་ཐམས་ཅད་ཀྱི་མཆོག་དངོས་གྲུབ་ཀྱི་དབང་ཕྱུག་ཡིན་ནོ། །ཁྲོ་བོའི་རྒྱལ་པོ་གཤིན་རྗེ་འཇིགས་བྱེད་ཅེས་བྱ་བ་བཤད་པར་བྱ་སྟེ། གང་གི་ཕྱིར་ཁྱབ་འཇུག་དང ། དབང་ཕྱུག་ཆེན་པོ་ལ་སོགས་པ་ནས་བཟུང་སྟེ། དེ་ 512a ༄#། །ཐམས་ཅད་རྡོ་རྗེ་འཇིགས་བྱེད་ཀྱིས་ཐལ་བར་བརླག་པར་མཛད་དོ། །འདོད་ཆགས་ཆེན་པོ་ཞེས་བྱ་བ་ལ་འདོད་ཆགས་ཆེན་པོ་ནི་འདོད་ཆགས་རྡོ་རྗེ་སྟེ། དེའི་ངོ་བོ་ཅན་ནི་དེར་བརྗོད་པ་ཡིན་ནོ། །ཡང་རྡོ་རྗེ་སེམས་དཔར་གྱུར་ནས་འདོད་ཆགས་ཅན་གྱི་རྡོ་རྗེར་འགྱུར་པའི་ཕྱིར་དཔྱིད་ལྟ་བུར་མེ་ཏོག་དྲི་ཞིམ་པའི་ཕྲེང་བ་དང ། སྙིང་པོ་ལ་སོགས་པས་བརྒྱན་པར་བྱ་བའི་ཕྱིར་དང ། མེ་ཏོག་གི་གཞུ་དང ། མདའ་དང་ལྡན་པའི་ཕྱིར་ང་ནི་འདོད་པའོ། །སྐུ་གསུམ་གྱི་མདའ་ནི་རྣམ་དགོད་པ་ཞེས་བྱ་བ་ནི་སྤང་ལེབ་ཀྱི་ཕུབ་ཀྱི་དབུས་སུ་ཡུཾ་ཁཾ་དང ། ོཾ་ལ་སོགས་པ་གསུམ་དགོད་པ་དང ། མདའ་དང་ལྷན་ཅིག་བཙུན་མོའི་སྤྱི་བོར་རྫས་འདི་རྣམས་བསམ་པར་བྱ་ཞིང་འཛག་པའི་དོན་དུ་པདྨའི་མཐར་གསུངས་སོ། །གལ་ཏེ་འདོད་པ་ཞུ་བ་ནི་འདོད་པ་ཞུ་བ་ལྟ་བུའོ། །པདྨ་ཞེས་བྱ་བ་ནི་སྙིང་པོ་ཏེ། ཨེ་བཾ་ལྟ་བུར་དབང་དུ་གྱུར་པས་འཛག་པའོ། །འདི་སྐད་ལ་སོགས་མཐའ་ཡས་མཆོག་།སངས་རྒྱས་ཀུན་གྱི་སྡོམ་པ་མཆོག་ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་ཀྱི་རྡོ་རྗེ་དེ་བཞིན་གཤེགས་པས་བཀའ་སྩལ་ཏོ། །དེ་ནས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཉིད་ཀྱི་འབྱུང་བ་ཡང་དག་པར་བཀའ་སྩལ་ལ། ད་ནི་བདག་ལ་བཤད་དུ་ 512b གསོལ། སྣ་ཚོགས་བྲིས་སྐུ་བཀབ་པ་ཞེས་བྱ་བ་ནི་གདན་རྣམས་སུ་བརྗོད་དེ། དེ་རྣམས་ཀྱི་ཡར་འཇུག་པ་ནི་དེའི་དོན་གྱི་རྣལ་འབྱོར་ཏེ། བྲིས་སྐུ་འཇུག་པའི་རྣལ་འབྱོར་རོ། །དེ་བས་ན་རང་འབྱུང་བར་བྱེད་དོ། ཡང་དག་པར་རབ་ཏུ་གསུངས་པ་ཞེས་བྱ་བ་ནི་བསྐྱེད་དོ་ཞེས་བྱ་བའི་དོན་ཏོ། །པདྨའི་སྣོད་ཅེས་བྱ་བ་འདི་ནི་མིའི་ཐོད་པར་ཤེས་པར་བྱའོ། །ང་ནི་ཡང་ཁྱོད་ལ་བཙུན་མོའི་དཀྱིལ་འཁོར་གྱི་དབྱིབས་བཤད་པར་བྱ་སྟེ། དེ་བཞིན་གཤེགས་པའི་ཕོ་བྲང་ནི་ཟླུམ་པོའོ། །ཧེ་རུ་ཀའི་ཟླ་བ་ཕྱེད་པའི་དབྱིབས་ཞེས་བྱ་བ་ནི་རླུང་གི་དཀྱིལ་འཁོར་གྱི་དབྱིབས་ཞེས་བྱ་བའི་དོན་ཏོ། །པདྨའི་རྣམ་པ་དང ། རིན་པོ་ཆེའི་རྣམ་པར་ཤེས་པར་བྱའོ། །ཇི་ལྟར་འདོད་པ་ཞེས་བྱ་བ་ནི་ཇི་ལྟར་འདུན་པའོ། །དེ་ལྟར་དེ་བཞིན་གཤེགས་པ་དང ། རྡོ་རྗེ་དང ། པདྨ་དང ། རིན་པོ་ཆེ་དང ། རལ་གྲིའི་གདན་གྱི་དབུས་སུ་སྒྲུབ་པ་པོ་གང་འདོད་པ་དེ་ཉིད་དེ་བཞིན་གཤེགས་པ་ལ་སོགས་པའི་གཟུགས་བརྙན་ནོ། །ཕྱི་ནས་རྟ་མཆོག་གི་གཟུགས་བརྙན་གཞུག་པར་བྱ་སྟེ། རྟ་མཆོག་གི་དཀྱིལ་འཁོར་དུ་གསུངས་པ་ཡིན་ནོ། །ཇི་ལྟར་ཐོབ་པ་ཞེས་བྱ་བ་ནི་ཇི་ལྟར་རྙེད་པ་ཞེས་བྱ་བའི་དོན་ཏོ། །གང་ཉིད་ཀྱི་དཀྱིལ་འཁོར་གྱི་ཡོ་བྱེད་སྐྱེས་པ་དེ་ཉིད་ཀྱི་ཡོ་བྱད་ཀྱིས་བྲི་བར་བྱའོ། །དུས་ཇི་ལྟ་བར་ཞེས་བྱ་བ་ནི་ཞི་བར་འདོད་པས་དེ་བཞིན་གཤེགས་པའི་དཀྱིལ་འཁོར་གྱི་དབུས་སུ་གདན་དེ་བྲི་བར་བྱའོ། །རྒྱས་པའི་དོན་དུ་རིན་པོ་ཆེའི་དཀྱིལ་འཁོར་ལ་ 513a ༄#། །ཉི་མ་ཤར་ན་བྲི་བར་བྱའོ། །མངོན་སྤྱོད་ཀྱི་ལས་རྣམས་ལ་ཉི་མ་ཕྱེད་དང ། ནམ་ཕྱེད་ན་རྡོ་རྗེའི་དཀྱིལ་འཁོར་ལའོ། །གཞན་པའི་ལས་རྣམས་ལ་པདྨའི་དཀྱིལ་འཁོར་ལ་ཉི་མ་སྨྱུར་ནའོ། །ཇི་ལྟར་བདེ་བ་ཞེས་བྱ་བ་ནི་དམ་ཚིག་དང ། དབང་ལ་དུས་ཀྱི་ངེས་པ་ཡོད་པ་མ་ཡིན་ནོ། །ཤར་དང ། ལྷོ་དང ། བྱང་དང ། ནུབ་ཀྱི་ཕྱོགས་སུ་ཐིག་བཞི་བཏབ་པས་དཀྱིལ་འཁོར་བརྒྱད་དུའོ། །ཡོངས་སུ་གང་བའི་དབང་ཞེས་བྱ་བ་ནི་སློབ་དཔོན་ཐམས་ཅད་དོ། །སློབ་མ་མཆོག་འབྲིང་ཐམ་ཀུན་ཞེས་བྱ་བ་ནི་ཐ་མ་ལ་ནི་དཀྱིལ་འཁོར་གྱི་དབང་དང ། ཉིན་བར་གྱི་ཐིག་ལེའོ། ། འབྲིང་པོ་ལ་ནི་ཉ་ཕྱིས་ཀྱིས་སོ། །གང་ཞིག་མཆོག་དེ་རྣམས་ལ་ནི་སངས་རྒྱས་གཅིག་པུའི་བདག་ཉིད་ཀྱིས་སྦྱིན་པར་བྱའོ། །དུམ་བུ་གཅིག་པའི་མགོ་སྐྱེས་ཞེས་བྱ་བ་ནི་དུམ་བུ་གཅིག་པ་དང ། མགོ་བོའི་རྡོ་རྗེ་ནི་དུམ་བུ་གཅིག་པའི་མགོ་སྐྱེས་སོ། །དུམ་བུ་གཅིག་པ་ནི་ཐོད་པ་དུམ་བུ་གཅིག་པའི་བདག་ཉིད་ཀྱིས་དབང་ཡང་བྱའོ། །མགོ་སྐྱེས་ཞེས་བྱ་བ་ནི་པདྨའི་སྣོད་དོ། །དུམ་བུ་གཅིག་པ་ནི་བུག་པ་གཅིག་པ་སྟེ། མ་གས་པ་དང ། མ་ཆག་པ་ཞེས་བྱ་བ་ཇི་སྙེད་པ་རྟོགས་པར་བྱའོ། །ཀཾ་ནི་ཕུང་པོ་སྐྱོང་བར་བྱེད་པའི་ཕྱིར་ཐོད་པའོ། །དེ་བཞིན་དུ་གསུངས་པ། སངས་རྒྱས་ཀུན་གྱི་བདག་ཉིད་འགྲུབ། །པདྨ་གཅིག་བདག་དེ་བཞིན་ནོ། །བཅོམ་ལྡན་འདས་རྣམ་པར་སྣང་མཛད་ཀྱི་རྡོ་རྗེ་རིན་པོ་ཆེའི་དབང་ངོ ། །དཔལ་ཧེ་རུ་ཀ་ནི་རྡོ་རྗེའི་དབང་ངོ ། །འོད་དཔག་ཏུ་མེད་ 513b པའི་དབང་ནི་ནོར་བུའི་དབང་དང ། དེར་བཟླས་པར་ཡང་བྱའོ། །རིན་པོ་ཆེ་ཕྱེད་པ་ནི་རྡོ་རྗེའི་དབང་ངོ ། །སངས་རྒྱས་ཀུན་གྱི་སྐུ་ནི་ནོར་བུའི་དབང་དུ་ཤེས་པར་བྱའོ། །རྟ་མཆོག་གི་ཡང་ངོ ། །རྒྱུ་དང ། འབྲས་བུའི་རང་བཞིན་གྱིས་མི་བསྐྱོད་པ་ནི་རྡོ་རྗེ་སེམས་དཔར་ཡང་ཤེས་པར་བྱའོ། །ཐོད་པའི་གདན་འདིའི་འབད་པས་བསྒྲུབ་པར་བྱ་བ་གང་ཞེ་ན། རང་བཞིན་ཉིད་དེའི་འགྲུབ་པ་རབ་ཏུ་འབྱུང་བས་རང་བཞིན་ལས་རབ་ཏུ་འབྱུང་བའི་ནུས་པས་གཟུང་བ་དང ། འཛིན་པའི་རྣམ་པར་རྟོག་པ་སྐབས་མེད་པའི་ངོ་བོའི་ཕྱིར་དེ་ཉིད་དུ་གྱུར་པའི་རབ་ཏུ་བྱུང་བས་དེའི་རང་བཞིན་གྱིས་གྲུབ་པའོ། །ཐོད་པའི་ཕྲེང་བའི་རྒྱན་གྱི་གཟུགས་ཀྱི་རང་བཞིན་ལས་ཞེས་བྱ་བ་ནི་གཉིས་སུ་མེད་པའི་ཡེ་ཤེས་ལས་དེ་ལྟར་གསུངས་པ་ཡིན་ནོ། །དཔེར་ན། མེ་ནི་ཚ་བའི་རང་བཞིན་དུ་གྲུབ་པ་སྟེ། དེ་ལྟར་དེའི་ཡང་རབ་ཏུ་འབྱུང་བ་ཉིད་ལས་རང་བཞིན་རྣམ་པར་དག་པའི་ཕྱིར་དེ་ཉིད་ཀྱི་བཟང་པོའི་བསམ་པའི་རྣལ་འབྱོར་བྱས་ན་ཡེ་ཤེས་སེམས་དཔའ་དང་ལྷན་ཅིག་གཅིག་པའི་དངོས་པོས་དེ་ལྟར་གྱུར་པའི་རྣལ་འབྱོར་གྱིས་དེ་བཞིན་གཤེགས་པ་ཐམས་ཅད་ཀྱི་རྟོགས་པར་བྱའོ། །རང་གི་སྙིང་གའི་ཟླ་བར་ཧཱུཾ་བློས་བྲིས་ནས་དེ་བརྗོད་པར་བྱ་སྟེ། བདག་ཉིད་ནམ་མཁའ་དང་མཉམ་པར་བསམ་པར་བྱའོ། །དེ་ཉིད་ཀྱི་ཟླ་བའི་དཀྱིལ་འཁོར་གྱི་རྣམ་པར་ཡང་ཟླ་བའི་དཀྱིལ་འཁོར་ཉིད་དོ། །དེའི་སྟེང་དུ་རྡོ་རྗེ་རྩེ་ལྔ་པར་ཧཱུཾ་ཡང་སྒོམ་མོ། །དེར་དེ་བཞིན་གཤེགས་ 514a ༄#། །པ་ཐམས་ཅད་བཅུག་ཅིང་དེར་ཡང་རྡོ་རྗེ་སེམས་དཔའ་བསྐྱེད་ནས་བཀུག་སྟེ། པདྨའི་གདན་ལ་བཞུགས་སུ་གསོལ་བ་དང ། ཇི་ལྟར་སྤྱན་མ་ལ་སོགས་པའི་སྤྲུལ་པར་ཡང་བཞུགས་པར་བྱའོ། །ཞེས་བྱ་བའི་དོན་ཏོ། །དེ་ལྟར་རྣམ་པར་སྣང་མཛད་ལ་སོགས་པའི་ཡང་རང་གི་རིགས་ཀྱི་འབྱུང་བའི་སྦྱོར་བ་བལྟ་བར་བྱ་སྟེ། འདིས་ནི་ཡང་རབ་ཏུ་སྦྱོར་བས་གང་ཞིག་དེ་རྣམས་སྐྱེ་བ་དེ་ནི་ཉི་མ་དང ། ཟླ་བ་འབྱུང་བ་ལྟ་བུའོ། །ཕྱི་རོལ་དང ། ནང་གི་བདག་ཉིད་ལས་ཡི་གེ་ལྔར་འགྱུར་བའི་ཕྱིར་ལྷ་མོ་ཐམས་ཅད་གཉིས་ལས་སྐྱེས་པ་དང་རྫོགས་པའོ།། ལས་ཐམས་ཅད་རབ་ཏུ་རྒྱས་པར་འབྱུང་བའི་ཆོ་གའོ། །ལ་ལ་ཞེས་བྱ་བ་ནི་མ་མཐོང་བའོ། །རང་གི་སེམས་སོ་སོར་རྟོག་པའི་ཕྱིར་བྱང་ཆུབ་ཀྱི་སེམས་སོ། །བྱང་ཆུབ་ཏུ་བཏབ་པའི་སེམས་དཔའ་ནི་བྱང་ཆུབ་སེམས་དཔའོ། །དེའི་སྤྱོད་པ་ནི་བྱང་ཆུབ་ཀྱི་སྤྱོད་པ་སྟེ། ཇི་ལྟར་སེམས་དཔའ་ཡང་དག་པར་རྙེད་ནས་རྗེས་སུ་འབྲངས་པའི་ཕྱིར་རྗེས་སུ་འགྲོ་བའོ། །རྒྱལ་བར་བྱེད་པ་དང ། སྦྲང་རྩིར་བྱེད་པ་དང ། དོན་ཐམས་ཅད་གྲུབ་པར་བྱེད་པའི་མིང་པོ་གསུམ་གྱི་གཟུགས་ཀྱིས་གནས་པའི་ཚུལ་གྱིས་དང ། སེམས་ཅན་གྱི་དོན་བྱེད་དེ། དེ་ཉིད་སྣ་ཚོགས་ཀྱི་རྣམ་པར་འགྱུར་ཞིང ། རྡུལ་དང ། མུན་པ་དང ། སྙིང་སྟོབས་ཀྱང་སེམས་ཅན་གྱི་དོན་དུ་འགྱུར་ཏེ། གང་ཞིག་རྣམ་པར་དག་པ་དེ་ནི་ཀུན་ཏུ་བཟང་པོའོ། །དེ་བས་ན་བྱང་ཆུབ་ཀྱི་ 514b སྤྱོད་པ་འདི་ནི་ཇི་ལྟར་རྗེས་སུ་འབྲང་བ་ཞེས་བྱ་བ་ནི་གོང་མ་བཞིན་ནོ། །ཁ་བ་ནས་གསལ་བར་འབྱུང་བའམ་ཞེས་བྱ་བ་ནི་སེམས་ཅན་གྱི་དོན་དུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང ། དཔེ་བྱད་བཟང་པོ་བརྒྱད་ཅུ་རྫོགས་པ་སྟེ། བསོད་ནམས་ཀྱི་ཕུང་པོ་དེའི་ཉི་ཟེར་གྱི་རྡུལ་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་རྣམས་སོ། །དེ་རྣམས་ཀྱི་རྡུལ་ནི་དཔེ་བྱད་བཟང་པོ་རྣམས་སོ། ། གསལ་བར་གྱུར་པ་དེ་གང་ཞེ་ན། གསལ་བ་ནི་ཁྱད་པར་དུ་ཡོན་ཏན་ལ་སོགས་པ་འཛིན་སྟེ། བྱང་ཆུབ་ཆེན་པོའི་མཆོད་པ་ནི་དེ་རྣམས་ཀྱི་ཚོགས་ཀྱིས་ཡོངས་སུ་བསྐོར་བའོ། །བདུད་ཀྱི་གཟུགས་ཀྱིས་བྱང་ཆུབ་སེམས་དཔའ་སླུ་བ་ནི་སྐྱེས་པའི་བདུད་དེ། ཉན་ཐོས་དང ། རང་བྱང་ཆུབ་ཀྱི་སེམས་གསོད་པའི་ཕྱིར་བདུད་ནི་འདོད་ཆགས་རྡོ་རྗེའོ། །བདུད་བཞི་བཅོམ་པ་དང་ལྡན་ཞིང་བདུད་ལས་རྒྱལ་བར་ཁ་ཅིག་ཏུ་ཤཱཀྱ་ཐུབ་པར་གྱུར་པས་མངོན་པར་རྫོགས་པར་སངས་རྒྱས་ཏེ། ཆོས་དང ། གང་ཟག་ཏུ་འཛིན་པ་ཚར་བཅད་པའི་ཕྱིར་ཐར་པ་རྣམ་པར་དག་པའོ། །འཇིག་རྟེན་པའི་རྣལ་འབྱོར་པའི་གང་ཟག་ཚར་བཅད་པའི་ཕྱིར་དང ། ཉན་ཐོས་དང ། རང་སངས་རྒྱས་ཀྱི་ཆོས་སུ་འཛིན་པ་ཚར་བཅད་པའི་ཕྱིར་དེ་ལྟར་ཆོས་དང ། གང་ཟག་ལ་བདག་མེད་པར་རྟོགས་ནས་ཇི་ལྟར་གྱུར་པ་ཡོངས་སུ་ཤེས་པའི་ཕྱིར་ཐར་པ་ཐམས་ཅད་རྣམ་པར་དག་པ་ཡིན་ཏེ། འདིའི་དོན་དུ་བཅོམ་ལྡན་འདས་རྣམ་པར་སྣང་མཛད་ཆོས་ཀྱི་འཁོར་ལོ་བསྐོར་བར་མཛད་པའོ། །བདག་ཏུ་ལྟ་ 515a ༄#། །པ། རྣམ་པ་དྲུག་ཅུ་རྩ་གཉིས་དང ། འདོད་ཆགས་རྣམ་པ་ཐམས་ཅད་དང ། དེའི་རྣམ་པར་དག་བ་སྟེ། དེ་ཁོ་ན་ལ་བདག་མི་དམིགས་པས་རང་བཞིན་མེད་པའི་ཕྱིར་དེའི་དོན། དུ་སྤྱན་རས་གཟིགས་ཀྱི་དབང་ཕྱུག་གི་རྒྱལ་པོ་ནི་པདྨ་གར་གྱི་དབང་ཕྱུག་ཡིན་ནོ། །དགའ་ལྡན་གྱི་ལྷ་རྣམས་ཐམས་ཅད་ཀྱི་མཐར་ཐུག་པ་ལ་འཁོར་ལོ་དམ་པའོ། །རྫུ་འཕྲུལ་གྱི་ཚོ་འཕྲུལ་སྣ་ཚོགས་པའི་མཆོག་ནི་ལྷའི་འཁོར་ལོ་དམ་པའོ། །འདི་ལྟ་སྟེ། ཡང་ན་ནི། རིགས་ཀྱི་བུ། སངས་རྒྱས་ཐམས་ཅད་ཀྱི་འདུས་པ་ཞེས་བྱ་བ་ལ་འདུ་བ་ནི་ཚོགས་པའོ། །བདེ་བ་ཅན་ཞེས་བྱ་བ་ནི་མཆོག་གི་དགའ་ལྡན་ཏེ། རིགས་ཀྱི་བུ། བདེ་བ་ཅན་གྱི་འཇིག་རྟེན་གྱི་ཁམས་ལྟ་བུའོ། །དཔེར་ན། བདེ་བ་ཅན་གྱི་འཇིག་རྟེན་གྱི་ཁམས་ནི་དེ་བཞིན་གཤེགས་པ་ཐམས་ཅད་འདུས་པས་བརྒྱན་པའོ། །དེ་བཞིན་དུ་བཅོམ་ལྡན་འདས་པདྨ་གར་གྱི་དབང་ཕྱུག་དང ། དཔལ་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་གཞལ་དུ་མེད་པས་ཀུན་ཏུ་བསྐོར་བས། དེ་ནི་བདེ་བ་ཅན་གྱི་འཇིག་རྟེན་གྱི་ཁམས་ལྟ་བུ་སྟེ། དེའི་དོན་དུ་པདྨ་གར་གྱི་དབང་ཕྱུག་སྒྲོལ་བ་པོ་འབྱུང་བ་ཡིན་ནོ། །སྦྱིན་པ་དང ། སྦྱིན་པ་པོ་དང ། ལེན་པ་པོ་མི་དམིགས་པའི་སྦྱིན་པས་སེར་སྣ་སྤང་བའི་ཕྱིར་དོན་དམ་པར་རྣམ་པར་དག་པ་དེའི་དོན་དུ་སེར་སྣ་ཅན་གྱི་སེམས་ཅན་རྣམས་འཁོར་གསུམ་ཡོངས་སུ་དག་པའི་ཡེ་ཤེས་ཀྱིས་ཤིན་ཏུ་སྦྱིན་པ་ལ་སྦྱོར་བ་ཡིན་ནོ་ཞེས་བྱ་བའི་དོན་ 515b ཏོ། །ཉི་མ་ལྟ་བུའི་ཕྱག་རྒྱ་ཆེན་པོ་ནི་ཉི་མའི་ཕྱག་རྒྱའོ། །ནམ་མཁའི་སྙིང་པོ་ཞེས་བྱ་བ་ནི་ནམ་མཁའ་ལ་མཉམ་པ་ཉིད་ཀྱི་ཡེ་ཤེས་ལས་སྙིང་པོ་བསྐྱེད་པའི་ཕྱིར་གང་གི་འདི་ནི་དེ་དེ་བཞིན་དུ་གསུང་སོ། །དངོས་གྲུབ་ཐམས་ཅད་ཀྱི་དབང་ཕྱུག་བསམ་པ་ཐམས་ཅད་ཡོངས་སུ་སྐོང་བར་བྱེད་པ་ནི་སེམས་ཅན་ཐམས་ཅད་ཀྱི་རྣམ་པ་ཐམས་ཅད་དུ་འཁོར་ལོས་བསྒྱུར་བ་ལ་སོགས་པར་གསོལ་བ་འདེབས་བ་དེ་རྣམས་ཀྱི་བསམ་པ་དེ་རབ་ཏུ་སྦྱིན་པས་ཐམས་ཅད་ཀྱི་བསམ་པ་སྐོང་བར་བྱེད་པ་སྟེ། དེའི་ཕྱིར། བཀའ་སྩལ་པ། ནམ་མཁའ་ལ་གླང་པོ་ལ་སོགས་པ་རིན་པོ་ཆེ་སྣ་བདུན་གྱི་རིན་པོ་ཆེ་ཐམས་ཅད་ཀྱི་ཆར་འབེབས་པ་ཞེས་བྱ་བ་ནི་རིན་པོ་ཆེ་བདུན་གྱི་ཆར་འབབ་པའོ། །དེའི་དོན་དུ་སྒྲོལ་མ་འབྱུང་བ་ནི་འཇིག་རྟེན་གསུམ་ལས་རྣམ་པར་རྒྱལ་བ་ཡིན་ནོ། །ཤིན་ཏུ་བརྩོན་འགྲུས་དམན་པ་ཞེས་པ་དེ་ནི་ལེ་ལོ་ལ་སོགས་པའོ། །སྟོབས་ཀྱི་རྣལ་འབྱོར་ནི་དྲག་པོའི་རྣལ་འབྱོར་རོ། །དེ་བས་ན་སྟོབས་ཀྱི་རྣལ་འབྱོར་གྱིས་རྣམ་པར་དག་པ་ནི་དྲག་ཤུལ་གྱི་རྣལ་འབྱོར་གྱིས་རྣམ་པར་དག་པའོ། །བརྩོན་འགྲུས་ཀྱི་སྦྱོར་བས་ནི་དེའི་དོན་དུ་སྟོབས་ཀྱི་རྣལ་འབྱོར་རྣམ་པར་དག་པས་རྟ་མཆོག་འབྱུང་བ་ཡིན་ཏེ། རྟ་མགྲིན་ཡིན་ནོ་ཞེས་བྱ་བའི་དོན་ཏོ། །དཔུང་པ་བཞི་དང ། ལག་པ་བཞི་ཞེས་བྱ་བ་འདི་ནི་ཕྱག་བརྒྱད་པ་ལྟ་བུའོ། །ཞབས་བཞི་ཞེས་བྱ་བ་ནི་གཡོན་བརྐྱང་བའི་སྦྱོར་བའོ། །དེ་ནས་གཡས་པའི་ཞབས་གཅིག་གིས་ནི་ ་དངོས་གྲུབ་མདང་དཔལ་མོ་མནན་ཏོ། །གཉིས་པས་ནི་ལྷ་མོ་ཤ་ 516a ༄#། །ཅི་དང ། དགའ་མ་མནན་པའོ། །གཡོན་གྱི་དང་པོས་ནི་མིག་གསུམ་པ་དང ། ཁྱབ་འཇུག་གོ་།གཉིས་པས་ནི་ཚངས་པ་དང ། འདོད་ལྷ་མནན་ནས་བཞུགས་སོ། །དངོས་གྲུབ་ཐམས་ཅད་ཀྱི་དབང་ཕྱུག་རྟ་མཆོག་གིས་ནི་འཇིག་རྟེན་གསུམ་པོ་ལྷ་ཆེན་པོ་ལ་སོགས་པ་དེ་རྣམས་བསྡུས་ནས་གསུམ་ལ་སྐྱབས་སུ་འགྲོ་བ་ལ་སོགས་པ་རྣམས་ཀྱིས་རྣམ་པར་བཏུལ་བ་གང་ཞིག་རྡོ་རྗེ་ཧཱུཾ་མཛད་ཀྱིས་འཇིག་རྟེན་གསུམ་པོ་ཐམས་ཅད་བསྒྲལ་ནས། དེའི་དཀྱིལ་འཁོར་དུ་ལྷ་ཆེན་པོས་བླ་མ་ལ་དཀའ་བཟློག་མ་ཡོན་དུ་ཕུལ་ནས་ཕྱུང་བ་ནི་རིམ་པ་ཇི་ལྟ་བར་གྲུ་བཞི་སྒོ་བཞི་བར་ཐིག་གདབ་པར་བྱ་ཞིང་སྒེག་མོ་ལ་སོགས་པས་ཡོངས་སུ་གང་བ་ཞེས་བྱ་བའི་དོན་ཏོ། །དཀྱིལ་འཁོར་གྱི་ཚད་གང་གིས་ཐིག་གདབ་པར་བྱ་ཞེ་ན། ནང་དུ་ཁྲུ་གང་ཞེས་བྱ་བ་ནི་དབུས་སུ་ཁྲུ་གང་སྟེ། ཕྱི་རོལ་དུ་ཁྲུ་གང་ཉིད་དང ། འཕར་མ་གསུམ་པ་ཁྲུ་གཉིས་པ་ཞེས་བྱ་བར་དགོངས་པའོ། །ཟླ་བའི་དཀྱིལ་འཁོར་ལྟ་བུ་ཞེས་བྱ་བ་ནི་དཀྱིལ་འཁོར་གྱི་སྙིང་པོ་ཟླུམ་པོ་ཡིན་ནོ་ཞེས་བྱ་བར་བཅོམ་ལྡན་འདས་འཇིག་རྟེན་གསུམ་པོ་སྒྲོལ་བའི་དཀྱིལ་འཁོར་བཀའ་སྩལ་ཏོ། །ད་ནི་མི་མཐུན་པའི་ཕྱོགས་ཀྱི་སྒོམ་པ་དང ། བྱང་ཆུབ་ཀྱི་ཕྱོགས་ཀྱི་སྒོམ་པར་བཤད་པར་བྱ་སྟེ། དེ་ལ་རེ་ཞིག་དང་པོར་ཚུལ་བཞིན་མ་ཡིན་པ་ཡིད་ལ་བྱེད་པ་ནི་སྲེད་པའི་རྒྱུའི་ཕྱིར་རོ། །རྨོངས་པ་ལས་བདེན་པ་བཞི་ལ་འཇུག་པའི་ཕྱིར་དྲན་པ་ཉེ་བར་གཞག་པ་བསྒོམ་པ་ནི་ 516b ལུས་ལ་ཚུལ་བཞིན་མ་ཡིན་པ་སྒོམ་པ་སྟེ། དེ་ཡོངས་སུ་བརྟགས་པས་གང་ཞིག་སྡུག་བསྔལ་གྱི་བདེན་པ་ལ་འཇུག་པའོ། །དེའི་ཚུལ་བཞིན་མ་ཡིན་པ་ཡིད་ལ་བྱེད་པ་ནི་འདུ་བྱེད་ཀྱི་མཚན་ཉིད་ཀྱི་ཕྱིར་ཚུལ་བཞིན་མ་ཡིན་པ་ཡིད་ལ་བྱེད་པ་ནི་འདུ་བྱེད་ཀྱི་སྡུག་བསྔལ་ཏེ། དེ་དང་ལྷན་ཅིག་ཟག་པ་མེད་པ་དང་བཅས་པའི་གནས་སྐབས་ཀྱི་སྡུག་བསྔལ་གང་ཞིག་ལྟ་བའི་ཕྱིར་ཚོར་བ་ནི་སྲེད་པའི་རྒྱུའི་ཕྱིར་ཏེ་ཡོངས་སུ་བརྟགས་པས་ཀུན་འབྱུང་གི་བདེན་པ་ལ་འཇུག་གོ་།བདག་གི་དངོས་པོ་ལ་མངོན་པར་ཞེན་པ་ནི་སེམས་དེ་ཡོངས་སུ་བརྟགས་པའི་ཕྱིར་འགོག་པའི་བདེན་པ་ལ་འཇུག་གོ་།བདག་ཏུ་ལྟ་བ་གཅོད་པས་རྟོགས་པའི་ཕྱིར་ཆོས་ལ་བརྟགས་པས་གང་ཞིག་ཀུན་ནས་ཉོན་མོངས་པ་དང ། རྣམ་པར་བྱང་བའི་ཆོས་ཐམས་ཅད་ལ་རྨོངས་པ་མེད་པའི་ཕྱིར་ལམ་གྱི་བདེན་པ་ལ་འཇུག་པའོ། །དེ་ལྟར་དང་པོར་བདེན་པ་བཞི་ལ་འཇུག་པའི་ཕྱིར་དྲན་པ་ཉེ་བར་གཞག་པའི་བསྒོམ་པ་རྣམ་པར་བཞག་པར་བྱ་སྟེ། དེ་ནས་ཡང་དག་པར་སྤོང་བའི་སྒོམ་པ་ཡོངས་སུ་ཤེས་ལ།་གང་གི་ཕྱིར་མཐུན་པའི་ཕྱོགས་དང ། མི་མཐུན་པའི་ཕྱོགས་ཀྱི་རྣམ་པ་ཐམས་ཅད་དུ་དེ་རྟོགས་ན་བརྩོན་འགྲུས་རྣམ་པ་བཞི་པོ་འདི་རབ་ཏུ་རྩོམ་མོ། །དྲན་པ་ཉེ་བར་གཞག་པ་བསྒོམས་པས་མཐུན་པའི་ཕྱོགས་དང ། མི་མཐུན་པའི་ཕྱོགས་ཀྱི་རྣམ་པ་ཐམས་ཅད་ཡོངས་སུ་ཤེས་ནས་མཐུན་པའི་ཕྱོགས་ཡོངས་སུ་ཤེས་པར་བྱ་བའི་ཕྱིར་དང ། མི་མཐུན་པའི་ཕྱོགས་ཡོངས་སུ་ཤེས་ 517a ༄#། །པར་བྱ་བའི་ཕྱིར་བརྩོན་འགྲུས་རྣམ་པ་བཞི་ཡང་དག་པར་རབ་ཏུ་རྩོམ་སྟེ། སྡིག་པ་མི་དགེ་བའི་ཆོར་སྐྱེ་\?\་རྣམས་སྤང་བའི་ཕྱིར་ཞེས་རྒྱས་པར་གོང་དུ་གསུངས་སོ། །ལས་ཉིད་ལ་གནས་པ་ཞེས་བྱ་བ་ནི་དེ་ལ་དོན་ཐམས་ཅད་ཡང་དག་པར་རྟོགས་པའི་ཕྱིར། སྐྱོན་ལྔ་སྤང་བ་དང ། འདུ་བྱེད་བརྒྱད་བསྟེན་པས་དེའི་ཕྱིར་ཡོངས་སུ་ཤེས་པས་བརྩོན་འགྲུས་ཀྱི་སྒོམ་པས་སེམས་གནས་པའི་ལས་ཉིད་དོ། །རྫུ་འཕྲུལ་གྱི་རྐང་པ་བཞི་ནི་དོན་ཐམས་ཅད་ཡང་དག་པར་འཕེལ་བའི་རྒྱུའི་ཕྱིར་གནས་པ་ནི་འདིར་སེམས་ཀྱི་ཏིང་ངེ་འཛིན་དུ་རིག་པར་བྱའོ། །དེ་ནས་ཡང་དག་པར་སྤོང་བའི་མཐར་རྫུ་འཕྲུལ་གྱི་རྐང་པ་དེ་ཡང་ལས་ཉིད་དེ། སྐྱོན་ལྔ་སྤང་བ་དང ། འདུ་བྱེད་བརྒྱད་བསྒོམས་པས་རིག་པར་བྱའོ། །སྐྱོན་ལྔ་གང་ལགས། བཅོམ་ལྡན་འདས་ཀྱིས་བཀའ་སྩལ་པ་།དེ་ལ་ལེ་ལོ་དང ། ཤེས་བཞིན་མ་ཡིན་པ་དང ། རྨུགས་པ་དང ། བྱིང་བ་དང ། རྒོད་པ་ཉིད་དོ། །མངོན་པར་འདུས་མ་བྱས་པ་དང ། དེ་ནས་མངོན་པར་འདུ་བྱ་བ་སྐྱོན་ལྔ་སྤང་བར་ལྔ་པོ་འདི་རྣམས་བརྗོད་དོ། །དེ་ལ་བྱིང་བ་དང ། རྒོད་པས་སྐྱོན་གཅིག་བྱེད་དེ། མངོན་པར་འདུས་མ་བྱས་པ་བྱིང་བ་དང ། རྒོད་པ་འཇུག་པའི་དུས་སུ་སྐྱོན་ནོ། །མངོན་པར་འདུས་བྱས་པས་རབ་ཏུ་ཞི་བ་ལ་འདི་རྣམས་སྤང་བའི་ཕྱིར་ཇི་ལྟར་སྤང་ཞིང་འདུ་བྱེད་བརྒྱད་རྣམ་པར་བཞག་ཅེ་ན། བཞི་ཡིས་ལེ་ལོ་སྤང་བའི་ཕྱིར་འདུན་པ་དང་ 517b རྩོལ་བ་དང ། དད་པ་དང ། ཤིན་ཏུ་སྦྱངས་པ་དེ་རྣམས་ཡང་རིམ་པ་ཇི་ལྟ་བར་རིག་པར་བྱའོ། །གནས་དང ། དེ་ནས་གནས་པ་དང ། དེའི་མཚན་མ་དང ། འབྲས་བུ་ཉིད་དེ། གནས་ནི་འདུན་པའོ།། གནས་པ་ནི་རྩོལ་བའོ། །དེའི་གནས་འདུན་པའི་མཚན་མ་ནི་དད་པ་སྟེ། ཡིད་ཆེས་པ་དང ། དང་བ་དང ། འདོད་པའོ། །དེའི་གནས་པ་རྩོལ་བའི་འབྲས་བུ་ནི་ཤིན་ཏུ་སྦྱངས་པ་ཏེ། འདུན་པ་དང་བཅས་པའི་བརྩོན་འགྲུས་ཀྱི་ཏིང་ངེ་འཛིན་གྱིས་ཁྱད་པར་རྟོགས་པར་བྱའོ། །ལྷག་མ་སྤོང་བའི་འདུ་བྱེད་བཞི་ནི་དྲན་པ་དང ། ཤེས་བཞིན་དང ། སེམས་དཔའ་དང ། བཏང་སྙོམས་ཏེ། གྲངས་ཇི་ལྟ་བར་སྐྱོན་བཞིའི་གཉེན་པོའི་ཕྱོགས་སོ། །དེ་ཡང་དྲན་པ་ལ་སོགས་པའི་རིམ་པ་དེ་བཞིན་དུ་རིག་པར་བྱ་སྟེ། དམིགས་པ་ནི་རྨུགས་པ་མེད་པས་བྱིང་བ་དང ། རྒོད་པ་རྗེས་སུ་རྟོགས་པར་བྱ་ཞིང་དེ་ཉིད་ཀྱི་མངོན་པར་འདུ་བྱེད་པ་ཞི་བ་ལ་ཤིན་ཏུ་སྤྱངས་པ་འབྱུང་ངོ ། །དྲན་པ་ནི་དམིགས་པ་ན་རྨུགས་པ་མེད་པས་ཤེས་བཞིན་ཏེ། རྨུགས་པ་མེད་པར་གྱུར་ན་བྱིང་བ་དང ། རྒོད་པ་རྗེས་སུ་རྟོགས་སོ། །མ་རྟོགས་པ་དེ་རྟོགས་པར་བྱ་བའི་དོན་དུ་མངོན་པར་འདུ་བྱེད་པའི་སེམས་ཀྱིས་བྱིང་བ་དང ། རྒོད་པ་ཞི་པ་ལ་དམ་པ་ཤིན་ཏུ་སྦྱངས་པའི་སེམས་ཀྱི་བཏང་སྙོམས་སོ། །རྫུ་འཕྲུལ་གྱི་རྐང་པའི་མཐར་དད་པ་ལ་སོགས་པའི་དབང་པོ་ལྔ་པོ་དེ་རྣམས་ཀྱི་རྣམ་པར་གཞག་པ་ཇི་ལྟར་དགོད་ཅེ་ན། ཐར་པའི་ཆ་དང་ལྡན་པ་གང་ཞིག་འདུན་པའི་རྣལ་འབྱོར་གྱི་བདག་པོ་དང ། 518a ༄#། །དམིགས་པ་ན་རྨུགས་པ་མེད་པས་བརྗེད་པ་མེད་པའི་བདག་པོའོ། །བདག་པོ་ཞེས་བྱ་བ་ནི་བསྒྱུར་བར་བྱེད་པའོ། །རྫུ་འཕྲུལ་གྱི་རྐང་པའི་ལས་ནི་སེམས་ཀྱི་འཇུག་པའོ། །ཐར་པའི་ཆ་དང་ལྡན་པ་ནི་དགེ་བའི་རྩ་བ་ལ་འདུན་པའི་བདག་པོ་དང ། རབ་ཏུ་སྦྱོར་བའི་བདག་པོ་དང ། དམིགས་པ་ན་རྨུགས་པ་མེད་པའི་བདག་པོ་དང ། བརྗེད་པ་མེད་པའི་བདག་པོ་དང ། རྣམ་པར་འབྱེད་པའི་བདག་པོ་སྟེ། གོ་རིམས་ཇི་ལྟ་བ་བཞིན་དུ་དད་པ་ལ་སོགས་པའི་དབང་པོ་ལྔ་པོ་རྣམས་རིག་པར་བྱའོ། །དེ་ལ་ཟ་བ་པོ་དང ། བཟའ་བར་བྱ་བས་སྟོང་པ་བཀའ་སྩལ་པ། ནང་གི་སྐྱེ་མཆེད་རྣམས་ནས་བརྩམས་ཏེ། ཕྱི་རོལ་གྱི་བཟའ་བ་སྟོང་པ་ཉིད་དང ། དེའི་ལུས་ཀྱི་ཟ་བ་པོ་དང ། བཟའ་བ་དག་གང་ཞིག་བྱིན་གྱིས་བརླབས་པའི་ལུས་དེའི་སྟོང་པ་ཉིད་ལའང་ལྟ་ཞིང་སྐྱོ་བས་འདུ་བྱེད་སྤོང་བར་བྱེད་དེ་དགེ་བ་མི་ཟད་པ་དང ། གང་ཡང་ཁྱད་པར་དུ་བལྟས་པས་ནང་དང ། ཕྱི་རོལ་སྟོང་པ་ཉིད་དུ་གསུངས་སོ། །རབ་ཏུ་གནས་པའི་དངོས་པོ་སྣོད་ཀྱི་འཇིག་རྟེན་རྒྱས་པའི་ཕྱིར་དེ་སྟོང་པ་ཉིད་ནི་ཆེན་པོ་སྟོང་པ་ཉིད་ཅེས་གསུངས་སོ། །དེའང་ནང་གི་སྐྱེ་མཆེད་རྣམས་ལ་སོགས་པ་གང་གིས་སྟོང་པ་ཉིད་མཐོང་བ་སྟོང་པ་ཉིད་ཀྱི་ཡེ་ཤེས་ཀྱི་དེའི་སྟོང་པ་ཉིད་ནི་སྟོང་པ་ཉིད་སྟོང་པ་ཉིད་དོ། །ཇི་ལྟར་དོན་ 518b དམ་པའི་རྣམ་པས་མཐོང་བའི་དེའི་སྟོང་པ་ཉིད་ནི་དོན་དམ་པའི་སྟོང་པ་ཉིད་དོ། །དེའི་དོན་དུའང་བྱང་ཆུབ་སེམས་དཔས་རབ་ཏུ་སྤྱོད་དོ། །དེའི་སྟོང་པ་ཉིད་ཀྱི་དོན་ཇི་ལྟར་འཚལ་ཕར་བགྱི། །བཅོམ་ལྡན་འདས་ཀྱིས་བཀའ་སྩལ་པ། དགེ་བ་གཉིས་འཐོབ་པའི་དོན་དུ་དགེ་བའི་འདུས་བྱས་དང ། འདུས་མ་བྱས་དང ། འདུས་མ་བྱས་གཉིས་སོ། །རྟག་ཏུ་སེམས་ཅན་ལ་ཕན་པའི་ཕྱིར་དང།་སེམས་ཅན་ལ་ཤིན་ཏུ་ཕན་པའི་དོན་དུ་འཁོར་བ་མི་སྤང་བའི་ཕྱིར་དེའི་སྟོང་པ་ཉིད་ནི་ཐོག་མ་དང ། ཐ་མ་མེད་པ་སྟོང་པ་ཉིད་དོ། །རྒྱུན་མི་འཆད་པར་འཁོར་བ་སྟོང་པ་ཉིད་དུ་མ་མཐོང་བས་སྐྱོ་སྟེ། འཁོར་བ་ཡོངས་སུ་སྤོང་བར་བྱེད་དོ། །གང་ཡང་དགེ་བ་མི་ཟད་པར་ཁྱད་པར་དུ་ལྟ་བས་མྱ་ངན་ལས་འདས་པར་ཡང་མི་བྱེད་ཅིང་དེའི་སྟོང་པ་ཉིད་སྤོང་བར་ཡང་མི་བྱེད་དེ། འདི་ནི་བླང་བ་དང ། དོར་བ་མེད་པ་སྟོང་པ་ཉིད་དོ། །རིགས་ཀྱང་རྣམ་པར་དག་པའི་ཕྱིར་ཞེས་བྱ་བ་ལ། རིགས་ནི་རང་བཞིན་ཏེ། ངོ་བོ་ཉིད་དོ། །མཚན་དང ། དཔེ་བྱད་ཐོབ་པར་བྱ་བའི་ཕྱིར་ཞེས་བྱ་བ་ལ། སྐྱེས་བུ་ཆེན་པོའི་མཚན་དང ། དཔེ་བྱད་དང་བཅས་པར་ཐོབ་པར་བྱ་བའི་ཕྱིར་དང ། དག་པར་བྱ་བའི་ཕྱིར་སངས་རྒྱས་ཀྱི་ཆོས་རྣམས་ལ་བྱང་ཆུབ་སེམས་དཔའ་རྣམས་རབ་ཏུ་སྤྱོད་དེ། ཁྱད་པར་གྱི་སྟོབས་དང ། མི་འཇིགས་པ་ལ་སོགས་པ་སྦྱང་བའི་ཕྱིར་རེ་ཞིག་སྟོང་པ་ཉིད་བཅུ་བཞིར་རྣམ་པར་གཞག་པར་རིག་པར་བྱའོ། །ཡང་འདིར་སྟོང་པ་ཉིད་གང་ཞེ་ན། ཆོས་ 519a ༄#། །དང།་གང་ཟག་གི་དོན་དངོས་པོ་མེད་པ་སྟོང་པ་ཉིད་དེ། དེའི་ཕྱིར་དེ་ལས་བྱུང་བ་དོན་དམ་པའི་དངོས་པོ་ནི་དེར་དེ་སྟོང་པ་ཉིད་དང ། ཕྱི་རོལ་གྱི་ཆོས་དང ། གང་ཟག་དངོས་པོ་མེད་པ་ཉིད་ལས་བྱུང་བའི་གཅིག་པའི་དངོས་པོའོ། །དེར་ཇི་སྐད་གསུངས་པའི་ཟབ་མོ་ལ་སོགས་པ་སྟོང་པའི་ཕྱིར་སྟོང་པ་ཉིད་བཅུ་དྲུག་ཏུ་མཚན་ཉིད་བཤད་པའི་དོན་དུ་གཞུང་གཉིས་སུ་སྟོང་པ་ཉིད་རྣམ་པར་གཞག་པར་བྱ་སྟེ། དངོས་པོ་མེད་པ་སྟོང་པ་ཉིད་དང ། དངོས་པོ་མེད་པའི་རང་བཞིན་སྟོང་པ་ཉིད་དེ། ཆོས་དག་གང་ཟག་ལ་ཡང་དག་པར་འཇུག་པ་དེའི་སྟོང་པ་ཉིད་ཇི་སྙེད་པ་ཡོངས་སུ་སྤང་བའི་དོན་དུ་རིམ་པ་ཇི་ལྟ་བ་དེ་ལྟར་སྟོང་པ་ཉིད་ཀྱི་རབ་ཏུ་དབྱེ་བར་ཤེས་པར་བྱའོ། །ཇི་ལྟར་སྒྲུབ་པར་རྣམ་པར་ཤེས་པར་བྱ་ཞེ་ན། གལ་ཏེ་འདི་ཀུན་ནས་ཉོན་མོངས་པ་ཅན་དུ་མ་གྱུར་ན་ལུས་ཅན་ཐམས་ཅད་གྲོལ་བར་འགྱུར་རོ། །གལ་ཏེ་འདི་རྣམ་པར་དག་པར་མ་གྱུར་ན་བརྩམས་པ་འབྲས་བུ་མེད་པར་འགྱུར་རོ། །གལ་ཏེ་ཆོས་རྣམས་ཀྱི་སྟོང་པ་ཉིད་གློ་བུར་གྱི་ཀུན་ནས་ཉོན་མོངས་པ་མ་སྐྱེས་པའི་ཕྱིར་མི་མཐུན་པའི་ཕྱོགས་ཀྱིས་ཀུན་ནས་ཉོན་མོངས་པ་ཅན་དུ་མ་གྱུར་ན་ཀུན་ནས་ཉོན་མོངས་པ་དངོས་པོ་མེད་པའི་ཕྱིར་འབད་པ་མེད་པ་ཉིད་དུ་སེམས་ཅན་ཐམས་ཅད་གྲོལ་བར་འགྱུར་རོ། །དེ་ནས་མ་སྐྱེས་པའི་ཡང་ 519b མི་མཐུན་པའི་ཕྱོགས་ཀྱིས་རྣམ་པར་དག་པར་མ་གྱུར་ཏེ། ཐར་པའི་དོན་དུ་རྩོམ་པ་འབྲས་བུ་མེད་པར་འགྱུར་རོ། །དེ་ལྟར་བྱས་ན་ཉོན་མོངས་པ་ཅན་མ་ཡིན་པ་དང ། ཉོན་མོངས་པ་མེད་པ་ཅན་མ་ཡིན་པ་དང ། དག་པ་དང་མ་དག་པ་ཉིད་སེམས་ཀྱི་རང་བཞིན་འོད་གསལ་བའི་ཕྱིར་དེ་ཇི་ལྟར་ན་ཉོན་མོངས་པ་ཡང་མ་ཡིན་ཞིང་མ་དག་པ་ཡང་མ་ཡིན་ནོ། །ཉོན་མོངས་པ་གློ་བུར་གྱི་ཕྱིར་ཇི་ལྟར་ཉོན་མོངས་པ་ཅན་མ་ཡིན་ཞིང་དག་པའང་མ་ཡིན་ནོ། །དེ་ལྟར་སྟོང་པ་ཉིད་ཀྱི་རབ་ཏུ་དབྱེ་བ་གསུངས་སོ། །དེ་ལ་སྟོང་པ་ཉིད་ཀྱི་མདོར་བསྡུས་པའི་དོན་སྒྲུབ་པ་ཡིན་ནོ། །ཡང་གསུངས་པ།་འདོད་ཆགས་ཀྱི་གཉེན་པོར་མི་སྡུག་པ་ལ་སོགས་པ་དང ། ཞེ་སྡང་གི་གཉེན་པོར་བྱམས་པ་དང ། གཏི་མུག་གི་གཉེན་པོར་རྟེན་ཅིང་འབྲེལ་པར་འབྱུང་བའོ། །དེ་ལ་ཇི་ལྟར་འདོད་ཆགས་རྣམ་པར་ལྡོག་ཅེ་ན། གལ་ཏེ་དེ་དང་འགལ་བའི་ཕྱིར་རོ་ཞེ་ན། ཡིན་མོད་ཀྱི་གང་ཞིག་དེ་སྐད་དུ་འདོད་ཆགས་ཀྱི་བདག་ཉིད་དུ་བྱེད་པ་ན་འདོད་ཆགས་དང་བྲལ་བ་ཡིན་ནོ། །དེ་བཞིན་དུ་གསུངས་པ། བཅོམ་ལྡན་འདས་ཀྱིས། རིགས་ཀྱི་བུ། ཨེ་མ་ཧོ། སངས་རྒྱས་ཐམས་ཅད་ཀྱི་འདོད་ཆགས་ཀྱི་ཡེ་ཤེས་ནི་རྙོག་པ་མེད་པ་སྟེ། འདོད་ཆགས་ཀྱིས་འདོད་ཆགས་དང་བྲལ་བ་བཅོམ་ནས་བདེ་བ་ཐམས་ཅད་སྦྱིན་པར་བྱེད་དོ། །འདོད་ཆགས་ལ་སོགས་པ་ནི་རང་བཞིན་གྱིས་ཁ་ན་མ་ཐོ་བ་མེད་པ་དང་བཅས་པ་སྟེ། གཞན་དུ་རྒྱུན་དུ་ཞུགས་ 520a ༄#། །པའི་འདོད་ཆགས་རྙེད་པ་ཡིན་ན་དེའི་འདོད་ཆགས་ལ་སོགས་པ་ཡོངས་སུ་མི་སྤོང་བར་སྤྱོད་ན། འོན་ཏེ་རིམ་པའི་ཁྱད་པར་ལས་ཡོན་ཏན་གྱི་ཁྱད་པར་འབྱུང་བར་འགྱུར་རོ། །དཔེར་ན་ཀེ་ཏ་ཀའི་མེ་ཏོག་དྲིའི་གླང་པོ་ཆེས་ཟོས་ན་གླ་རྩི་ལ་སོགས་པའི་དངོས་པོར་འགྱུར་རོ། །གླང་པོ་ཆེ་ཕལ་པས་ཟོས་ན་ལྕི་བའི་དངོས་པོར་འགྱུར་རོ། །དེ་བས་ན་དེ་ལ་ཀོ་ཏ་ཀའི་མེ་ཏོག་གི་སྐྱོན་མ་ཡིན་ཏེ། དེ་བཞིན་དུ་འདོད་ཆགས་ལ་སོགས་པ་ཡང་རྣམ་པར་དག་པའི་རིམ་པ་ལ་གནས་པས་བསམ་པའི་ཁྱད་པར་གྱི་སྦྱོར་བ་ལས་ཁྱད་པར་དུ་འཕགས་པ་ཉིད་ཀྱི་འབྲས་བུ་སྨིན་པར་འགྱུར་རོ། །དཔེར་ན། འོ་མ་སྤྲུལ་ལ་སོགས་པས་འཐུངས་ན་དུག་གི་དངོས་པོར་འགྱུར་རོ། །གཞན་ཡང ། སྐྱེས་བུས་འཐུངས་ན་བདུད་རྩིའི་དངོས་པོར་སྐྱེ་བར་འགྱུར་རོ། །དེ་ལྟར། རིགས་ཀྱི་བུ། འདོད་ཆགས་ལ་སོགས་པ་བསམ་པའི་ཁྱད་པར་གྱིས་རང་བཞིན་གྱིས་ཁ་ན་མ་ཐོ་བ་མེད་པའི་ཕྱིར་སྦྱོར་བས་དངོས་པོ་ཁྱད་པར་ཅན་གྱི་འབྲས་བུ་འབྱུང་བར་འགྱུར་རོ། །གང་དང ། གང་ཁྱད་པར་དུ་འཕགས་པའི་རྒྱུན་གྱི་དངོས་པོ་དང་ལྡན་པ་དེ་དང ། དེའི་འབྲས་བུ་ཁྱད་དུ་འཕགས་པ་འབྱུང་ངོ ། །དཔེར་ན། ཀེ་ཏ་ཀ་ལ་སོགས་པ་དེ་རྣམས་ཀྱི་ཁྱད་པར་དུ་འཕགས་པའི་རིམ་པ་ལ་གནས་པ། འདོད་ཆགས་ལ་སོགས་པའི་རང་བཞིན་རྣམ་པར་ 520b དག་པའོ། །རྒྱུད་ཀྱི་རྒྱལ་པོ་ཆེན་པོ་དཔལ་ཡང་དག་པར་སྦྱོར་བའི་ཐིག་ལེ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཀཱ་ཡ་སྠ་པ་ག་ཡ་དྷ་རའི་ཞལ་སྔ་ནས་དང ། བོད་ཀྱི་ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། སླད་ནས་ཀྱང་བོད་ཀྱི་ལོཙྪ་བ་གཞན་རྣམས་ཀྱིས་བསྒྱུར་བ་ལ་ཟུར་མི་འདྲ་བར་བཅོས་ནས་རང་གི་མིང་བཅུག་ཅིང ། གཞན་གྱི་མིང་འཕྱི་པ་དེ་དག་དང ། མི་ཤེས་པ་དེ་དག་སུན་དབྱུང་བའི་ཕྱིར་སླད་ནས་བྱང་རྒྱ་གར་གྱི་རྒྱུད་བཞི་དང ། །དགེ་སློང་ཤཱཀྱ་ཡེ་ཤེས་དེ་ཉིད་ཀྱིས་གཏུགས་ནས་བཅོས་ཏེ་གཏན་ལ་ཕབ་པའོ།། |