།།རྒྱ་གར་སྐད་་དུ།་མ་ཧཱ་མཾ་ག་ལ་སྟ ་ཏ། བོད་སྐད་དུ། བཀྲ་ཤིས་ཆེན་པོའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་་ 442a ༄#། །པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ལྷ་དུ་མ་རྣམས་མཚན་་མོ་ཁ་དོག་སྣ་ཚོགས་པ་དང་ལྡན་པའི་འོད་རྣམས་ཀྱིས་དུས་གཅིག་ལ་རྒྱལ་བྱེད་ཚལ་འོད་ཀྱིས་སྣང་བར་བྱས་ནས་བཅོམ་ལྡན་འདས་གང་ན་བཞུགས་པ་དེར་ལྷགས་ཏེ་ལྷགས་་ནས།་བཅོམ་ལྡན་འདས་ལ་ཕྱག་བྱས་ནས་ཕྱོགས་གཅིག་ཏུ་འཁོད་དེ། ཕྱོགས་གཅིག་ཏུ་འཁོད་ནས། ལྷ་དེ་རྣམས་ཀྱིས་བཅོམ་ལྡན་འདས་ལ་ཚིགས་སུ་བཅད་པ་མང་དུ་་ཞུས་སོ། །ལྷ་དང་མི་རྣམས་མང་པོ་ཡིས། །བཀྲ་ཤིས་པས་ནི་བསམ་གྱུར་པ། །བཀྲ་ཤིས་པ་ལ་ཐེ་ཚོམ་སྐྱེས། །བཀྲ་ཤིས་མཆོག་ནི་གསུང་དུ་གསོལ། །ལྷའི་ཡང་ལྷ་ཡིས་་བཀའ་སྩལ་པ། །སྡིག་པ་ཐམས་ཅད་རྣམ་པར་འཇོམས། །འཇིག་རྟེན་ཀུན་ལ་ཕན་པའི་དོན། །བཀྲ་ཤིས་དེ་རྣམས་ཁྱེད་ལ་བཤད། །བྱིས་པ་རྣམས་ལ་བསྙེན་མི་བྱ། །མཁས་་པ་རྣམས་ལ་བསྙེན་པར་བྱ། །མཆོད་ལ་མཆོད་པའི་ལན་བྱ་བ། །འདི་ནི་མཆོག་གི་བཀྲ་ཤིས་སོ། །སྔར་བྱས་པ་ཡི་བསོད་ནམས་ཀྱིས། །མཐུན་པའི་ཡུལ་དུ་གནས་པ་དང་།། བདག་ཉིད་མཆོག་གི་སྨོན་ལམ་བྱ། །འདི་ནི་མཆོག་གི་བཀྲ་ཤིས་སོ། །བདེན་དང་ལག་པའི་བཟོ་དང་ནི། །འདུལ་བའི་སྦྱོར་བས་ལེགས་པར་བསླབས། །གང་གིས་ལེགས་་ 442b པར་བཤད་པའི་ཚིག་།འདི་ནི་མཆོག་གི་བཀྲ་ཤིས་སོ། །ཕ་དང་མ་ལ་བསྙེན་བཀུར་བྱ། །བུ་དང་ཆུང་མ་རྗེས་སུ་བཟུང ། །མི་མཐུན་པ་ཡི་ལས་མི་བྱ། །འདི་ནི་མཆོག་གི་བཀྲ་ཤིས་སོ།། སྦྱིན་པ་ཆོས་ཀྱི་སྤྱོད་པ་དང ། །གཉེན་འདུན་རྣམས་ནི་རྗེས་སུ་བཟུང ། །ཁ་ན་མ་ཐོའི་ལས་མི་བྱ། །འདི་ནི་མཆོག་གི་བཀྲ་ཤིས་སོ། །སྡིག་ལ་དགའ་བ་སྤང་བར་བྱ། །ཆང་གི་བཏུང་བ་་རྣམ་པར་སྤང ། །གང་ཞིག་ཆོས་ལ་བག་ཡོད་པ། །འདི་ནི་མཆོག་གི་བཀྲ་ཤིས་སོ། །གློ་བུར་བླ་མ་གུས་པར་བྱ། །བྱས་པ་ཤེས་ཤིང་གུས་པར་བྱ། །དུས་སུ་ཆོས་ནི་མཉན་པར་བྱ། ། འདི་ནི་མཆོག་གི་བཀྲ་ཤིས་སོ། །ཚིག་ངན་པ་ནི་བཟོད་པར་བྱ། །དགེ་སྦྱོང་རྣམས་ནི་མཐོང་བར་བྱ། །དུས་སུ་ཆོས་ཀྱི་འབེལ་གཏམ་བྱ། །འདི་ནི་མཆོག་གི་བཀྲ་ཤིས་སོ། །དཀའ་ཐུབ་་དང་ནི་ཚངས་སྤྱོད་བྱ། །འཕགས་པའི་བདེན་པ་མཐོང་བར་བྱ། །མྱ་ངན་འདས་པ་མངོན་སུམ་བྱ། །འདི་ནི་མཆོག་གི་བཀྲ་ཤིས་སོ། །འཇིག་རྟེན་ཆོས་ལ་དྲིས་པ་ན། །གང་ཞིག་་སེམས་ནི་གཡོ་མི་བྱ། །མྱ་ངན་མི་དགའ་མེད་བཟོད་བྱ། །འདི་ནི་མཆོག་གི་བཀྲ་ཤིས་སོ། །དེ་ལྟར་བཤད་པར་བྱས་པ་རྣམས། །ཐམས་ཅད་དུ་ནི་རྒྱལ་བ་དང ། །ཐམས་ཅད་དུ་ནི་་ཞི་བར་འགྲོ། དེ་རྣམས་དེ་ལ་མཆོག་བཀྲ་ཤིས། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷ་དེ་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་་ 443a ༄#། །དོ། །བཀྲ་ཤིས་ཆེན་པོའི་མདོ་རྫོགས་སོ།། །།པཎྜི་ཏ་ཆེན་པོ་ཨཱ་ནནད་ཤྲཱིའི་ཞལ་སྔ་ནས། མང་དུ་ཐོས་པའི་ལོ་ཙྪ་བ་ཤཱཀྱའི་དགེ་་སློང་ཉི་མ་རྒྱལ་མཚན་དཔལ་བཟང་པོས་སྐད་གཉིས་སྨྲ་བ་རྣམས་ཀྱི་གདན་ས། གཙུག་ལག་ཁང་ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། སའི་སྟེང་དུ་ཉི་མ་དང ། ཟླ་བ་ལྟར་གྱུར་ཅིག། །། |