།།རྒྱ་གར་སྐད་དུ། ཤྲཱི་བྷ་ག་ཝཱན་ཨེ་ཀ་ཛ་ཊ་མ་ཧཱ་ཀལྤ་ཏནྟྲ་རཱ་ཛ་ན་མ། བོད་སྐད་དུ།་དཔལ་བཅོམ་ལྡན་འདས་རལ་པ་གཅིག་པའི་བརྟག་པའི་རྒྱུད་ཀྱི་རྒྱལ་པོ་ཆེན་པོ་ཞེས་བྱ་བ། བཅོམ་ལྡན་འདས་རལ་པ་གཅིག་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཅང་ལོ་ཅན་གྱི་གནས་རྡོ་རྗེའི་རི་བོའི་ཟོམ་ན་བཞུགས་ཏེ། བྱང་ཆུབ་སེམས་དཔའ་ཕྱག་ན་རྡོ་རྗེ་དང ། འཇིགས་བྱེད་རྒྱལ་པོ་དང ། ཀླུའི་དབང་པོ་དང ། ཉི་མ་དང་ཟླ་བའི་གདོང་ཅན་དང ། ཡེ་ཤེས་བཀོད་པའི་ཕྱག་རྒྱ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་གསང་བའི་དེ་ཁོ་ན་ཉིད་ཤིན་ཏུ་སྦས་པའི་མཛོད་ལ་མངའ་བརྙེས་པ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་ཡང་དག་པར་ངེས་པ། རིགས་དང་ཚོགས་དང་དམ་ཚིག་དང་བརྟུལ་ཞུགས་ཆེན་པོ་ཕྱག་རྒྱ་རྒྱ་མཚོ་ལྟ་བུའི་ཚུལ་ལ་གནས་པ། གསང་བ་བས་ཀྱང་ཆེས་གསང་བའི་བདེ་བ་ཆེན་པོ་ལ་རྣམ་པར་རོལ་པ། ཐབས་དང་ཤེས་རབ་བླ་ན་མེད་པའི་ཁ་སྦྱོར་ལས་ངེས་པར་འབྱུང་བའི་ཡེ་ཤེས་ཅན། འགྲོ་བ་ཐམས་ཅད་ཀྱི་ཀུན་ནས་སྡང་བ་དང་བག་ལ་ཉལ་འཇོམས་པ་ལ་མཁས་པ་དཔག་ 516b ཏུ་མེད་པ་དང་ཐབས་ཅིག་ཏུ་བཞུགས་སོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་སྟན་ལས་ལངས་ཏེ། པུས་མོ་གཡས་བའི་ལྷ་ང་ས་ལ་བཙུགས་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །རྡོ་རྗེ་དབང་ཕྱུག་རྡོ་རྗེ་ཆེ། །རྡོ་རྗེའི་རྒྱལ་པོ་ཀུན་བདག་པོ། །སངས་རྒྱས་ཐམས་ཅད་སྐྱེད་མཛད་ཡབ། །བདེ་ཆེན་འཁོར་ལོ་བདག་ལ་གསུངས། །སྲིད་གསུམ་ཐིབས་པོ་སེལ་མཛད་ཅིང ། །མྱ་ངན་འདས་ལ་མི་གནས་པ། །ལུས་ཅན་ཀུན་སྐྱོབ་བརྩེ་ཆེན་པོ། །འདྲེན་པ་ཁྱོད་ལམ་བསྟན་དུ་གསོལ། །བློ་གྲོས་སྙིང་རྗེ་བརྟན་ལྡན་པས། །ཐབས་ནི་གང་ཞིག་མངོན་བསྒོམས་ན། །སྐུ་ལྔ་ཕྱག་རྒྱ་འགྲུབ་འགྱུར་བ། །གཙོ་བོ་དེ་ནི་འདིར་བཤད་གསོལ། །རྡོ་རྗེ་དཀྱིལ་འཁོར་ཆེར་འབྱུང་བ། །འབུམ་ཕྲག་རྒྱུད་ཆེན་ལས་གསུངས་པ། །རལ་པ་གཅིག་ཕྲེང་དཀྱིལ་འཁོར་གཙོ། །སྦས་པ་གང་ལགས་བརྩེ་བས་གསུངས། །ཞེས་གསོལ་པ་དང།་བཅོམ་ལྡན་འདས་རྡོ་རྗེ་དཀྱིལ་འཁོར་མ་ལུས་པའི་བདག་པོ་རབ་ཏུ་དགྱེས་པས་འཛུམ་པ་མཛད་དོ། །ཞལ་གྱི་སྒོ་ནས་འོད་ཟེར་བ་དོག་ལྔ་ཕྱུང་སྟེ་འཇིག་རྟེན་གྱི་ཁམས་ཐམས་ཅད་སྣང་བ་བྱས་ཏེ་སླར་འདུས་པས་འཁོར་གྱི་དཀྱིལ་འཁོར་ཡོངས་སུ་སྦྱངས་ཏེ་བཅོམ་ལྡན་འདས་ཉིད་ལ་བསྐོར་བ་ལན་གསུམ་བྱས་ནས་སྤྱི་གཙུག་ 517a ༄#། །ཏུ་ནུབ་པར་གྱུར་ཏོ། །དེ་ནས་ཡང་དབུའི་གཙུག་ཏོར་གྱི་ནོར་བུ་ལས་ཟླ་བ་དང་ཀུན་དེ་ལྟ་བུའི་འོད་ཟེར་དཀར་པོ་བྱུང་སྟེ་དབུའི་སྟེང་དུ་དཀྱིལ་འཁོར་ཆེན་པོ་མངོན་པར་འབྱུང་བའི་རྣམས་པར་བཀོད་པ་མངོན་སུམ་དུ་གསལ་བར་མཛད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །སྙིང་རྗེ་ཆེན་པོ་ཁྱོད་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་མངོན་པར་འབྱུང་བའི་མཛོད། རྡོ་རྗེ་སྒེག་པ་ཆེན་པོ་རལ་པ་གཅིག་པའི་གསང་བ་མཆོག་ཞུས་པ་ལེགས་སོ་ལེགས་སོ། །རྡོ་རྗེ་འཆང ། འདི་ནི། ཁྱོད་ཀྱི་དུས་ཡིན་ཞིང ། འདི་ནི། ཁྱོད་ཀྱི་སྣང་བར་བྱེད་པ་ཡིན་ནོ། །ང་ཡང་སྔོན་རྡོ་རྗེ་རི་བོའི་ཟོམ་འདི་ཉིད་དུ་བྱང་ཆུབ་སེམས་དཔའ་སྐར་མ་ལ་དགའ་བ་ཞེས་བྱ་བར་གྱུར་པ་ན་དེ་བཞིན་གཤེགས་པ་ཐམས་ཅད་དང་ཡེ་ཤེས་རལ་པ་གཅིག་པའི་གསང་བ་ལྷན་ཅིག་ཏུ་རྣམ་པར་རོལ་པས་སེམས་ཅན་དཔག་ཏུ་མེད་པ་སྨིན་པར་བྱས་པ་རྗེས་སུ་དྲན་ནོ། །དེ་བས་ན་ཁྱོད་ཀྱིས་སྙིང་རྗེ་ཆེན་པོ་དང་ཐབས་ལ་མཁས་པས་གསང་སྔགས་ཀྱི་ངེས་པར་འབྱུང་བའི་རྟོགས་པ་འདི་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །བྱང་ཆུབ་སེམས་དཔའ་ཕྱག་ན་རྡོ་རྗེ་བཅོམ་ལྡན་འདས་ཀྱི་ལྟར་ཉན་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཨཱཿ ་ཧཱུཾ་ཨོཾ་ཨཱཿ ་ཧྲཱིཾ་ཏྲཱཾ་ 517b ཧཱུཾཿ ་ཨོཾ་ཨཱཿ ་སརྦ་ཏ་ཐ་ག་ཏོ་གརྦྷེ་བཛྲ་ཏ་ཏྭ་སརྦ་ཛྙཱ་ན་ཧཱུཾ་ཕཊ་སཝཱཧཱ། ཨོཾ་ཨཱཿ སརྦ་ཏ་ཐཱ་ག་ཏོ་མཱ་ཏྲི་བཛྲ་ཏ་ཏྭ་བཱ་ཡ་ས་ར་བཾ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ཛྙཱ་ན་ཧཱུཾ་ཕཊ། ཨོཾ་ཨཱཿ ་བཛྲ་པཱ་ཡ་ཧཱུཾ་ཕཊ། ཨོཾ་ཨཱཿ བཛྲ་ཙཀྲ་ཨཱ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་རཏྣ་ཨི་ཧཱུཾ་ཕཊ་སཝཱཧཱ། ཨོཾ་ཨཱཿ བཛྲ་པདྨ་ཨུ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་བི་ཤཝ་ཨེ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་མོ་ཧ་ཨཾ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ཝརྞྞ་ཨཱི་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་རཱ་ག་ཨུ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་དྭེ་ཥ་ཨཻ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲཿ ་སྠཱི་ར་ཨཽ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ཡོ་ག་ཨཾ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ཛྭ་ལ་ཨ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་བ་ལ་ཨཱ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་རཱུ་པ་ཎི་ཀ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ཤབད་ཙ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་གནྡྷ་ཊ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ར་ས་ཏ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་སྤཪྴེ་པ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་དྷརྨྨ་ཡ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ཀྵེ་ཏྲ་ཤ་ཧཱུཾ་ཕཊ་སཝཱཧཱ། ཨོཾ་ཨཱཿ བཛྲ་ཨཱ་ལོ་ཀ་ཀྵ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་ཨཾ་ཀུ་ཤ་རྀ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་པཱ་ཤ་རཱྀ་ཧཱུཾ་ཕཊ་སཝཱཧཱ། ཨོཾ་ཨཱཿ ་བཛྲ་བཾ་དྷི་ལྀ་ཧཱུཾ་ཕཊ་སཝཱཧཱ། ཨོཾ་ཨཱཿ བཛྲ་གྷཎྜ་ལྀ་ཧཱུཾ་ཕཊ་སཝཱཧཱ། ཨོཾ་སཝ་བྷཱ་ཝ་ཤུདྡྷ་སརྦ་དྷརྨཱ་བྷ་བ་ཤུདྡྷོཉཧཾ། ཨོཾ་བཛྲ་ཤུདྡྷཿ ་སརྦྦ་དྷརྨཿ ་བཛྲ་ཤུདྡྷོཉཧཾ། ཨོཾ་ཡོ་གེ་ཤུདྡྷཿ ་སརྦ་དྷརྨཱ་ཡོ་ག་ 518a ༄#། །ཤུདྡྷོཉཧཾ། རྡོ་རྗེ་མི་བསྐྱོད་རལ་པ་གཅིག་།མི་བསྐྱོད་པ་ནི་བྱང་སེམས་བཅས། །རྡོ་རྗེ་སྒྲོན་མ་རྡོ་རྗེ་དང ། །རྡོ་རྗེ་ཞགས་པ་རྣམ་པར་བསྒོམ། ། གཏི་མུག་བག་ཆགས་འདོད་ཆགས་དང ། །ཞེ་སྡང་རྡོ་རྗེ་འཁོར་ལོར་གནས། །རི་རབ་ཉི་ཟླ་བ་དན་ལས། །འབྱུང་བཞིའི་རྡོ་རྗེ་དེ་བཞིན་ནོ། །ཁྱམས་བཞིར་མེ་ལོང་པི་ཝང་དང ། །དྲི་མཆོག་ཞལ་ཟས་ལས་བྱུང་བ། །གཟུགས་སྒྲ་དྲི་རོ་རྡོ་རྗེ་མོ། །མཁས་པས་རྟག་ཏུ་མཉམ་པར་གཞག་།ཕྱོགས་བྲལ་ན་བཟའ་ཆོས་འབྱུང་དང་།། མཎྜལ་མར་མེ་ལས་སྐྱེས་པ། །རེག་ཆོས་ཞིང་དང་སྣང་བ་ཡིས། །སྒོ་བཞི་ལྕགས་ཀྱུ་ཞགས་པ་དང ། །ལྕགས་སྒྲོག་དྲིལ་བུ་ཡོངས་གྱུར་པས། །རྡོ་རྗེ་ལྕགས་ཀྱུ་ལ་སོགས་བསྒོམ། །རང་མཚན་ཀ་པཱ་ལས་རབ་མཛེས། །གཏུམ་དྲག་ཚང་ཚིང་འཁྲིགས་པ་དང ། །འུར་འུར་འབར་བས་ཁྱབ་པ་དང ། །ཀེང་རུས་འཇིགས་རུང་ཤར་སོགས་ཀྱི། །ཕྱོགས་སུ་གཡོན་བསྐོར་གྱིས་ལེགས་གནས། །ཧ་ཧར་དགོད་པ་དབང་ལྡན་དུ། །བྱིན་ཟར་དཔལ་གྱི་ནགས་ཚལ་ལོ། །མུན་པ་མི་བཟད་བདེན་བྲལ་དུ། །རླུང་དུ་ཀི་ལི་ཀི་ལིར་སྒྲོག་།མི་མཉམ་མེད་པ་ཟུར་བཞི་ཡིན། །དྲན་དང་དབང་པོ་སྒོ་བཞི་སྟེ། །བསམ་གཏན་བཞི་ནི་རྟ་བབས་བཞི། །རྣམ་ 518b ཐར་བརྒྱད་ཕྱིར་ཀ་བ་བརྒྱད། །བྱང་ཆུབ་ཡན་ལག་བདུན་དག་ཕྱིར། །དྲ་བ་དང་ནི་དྲ་བ་ཕྱེད། །ཕྱོགས་བཞིར་ཚད་མེད་བཞི་ཡིན་ཏེ། །པདྨ་འཁོར་ལོ་ཤེས་རབ་ཐབས།། རྣམ་པར་ཤེས་བརྒྱད་ཡོངས་དག་པ། །དེ་ནི་དུར་ཁྲོད་ཆེན་པོ་བརྒྱད། །ཟླ་བ་མེ་ལོང་ཉི་མཉམ་ཉིད། །ས་བོན་མཚན་མ་ཀུན་ཏུ་རྟོག་།ཡོངས་གྱུར་བྱ་བ་གྲུབ་པ་སྟེ། ། ཉེར་རྫོགས་ཆོས་དབྱིངས་ཡེ་ཤེས་ཡིན། །ལྔ་ཕུང་དང་ནི་དྲི་མ་བཞིན། །ཆེན་པོ་བཞི་དང་སྤྱོད་ཡུལ་བརྒྱད། །རྣམ་བཞི་ཚོར་བ་རྣམ་དག་ལྷ། །ཡེ་ཤེས་བདག་ཉིད་འཁོར་ལོ་འོ། དགོད་དང་ཕྲད་འཁྱུད་འཁྲིག་པ་དག་།པུ་ཛ་ཨོ་ཨ་གོ་ར་དེ་མ། ཀ་ཨོ་ཏྲི་ཀོ་ཀ་ལ་ཀ་ཧི། པྲེ་གྲྀ་སཽ་སུ་ན་སི་མ་ཀུ། ཧ་ཧི་ཧུ་ཧེ་ཧོ་ཧཾ། ཨ་ཨི་ཨུ་ཨེ་ཨོ་ཨཾ། རྣམ་པ་སྣ་ཚོགས་རྣམ་པར་སྨིན། །རྣམ་པར་འཇོམས་དང་རྣམ་མཚན་བྲལ། །དགའ་དང་མཆོག་དགའ་དགའ་བྲལ་དང ། །ལྷན་ཅིག་སྐྱེས་དགའི་མཚན་ཉིད་དོ། །དགོད་དང་ཕྲད་འཁྱུད་འཁྲིག་པ་དང ། །བདེ་ཆེན་དག་ཕྱིར་བུམ་པ་དང ། །གསང་བ་ཤེས་རབ་བདེ་བ་ཆེ། །དབང་བཞི་རྒྱལ་པོ་ཐོབ་པར་འགྱུར། །ཛཿ ་ཧཱུཾ་བཾ་ཧོཿ ་དམིགས་པས་དུབ་དང་གཞན་གོམས་འདོད། །རྣམ་པར་མི་རྟོག་དེ་ཉིད་བསྒོམ། །རྨི་ལམ་ནམ་མཁའི་སྦྱོར་བ་ནི། །ཉིན་མཚན་རྟག་ཏུ་རྣམ་པར་གཞག་།སྤྱི་ 519a ༄#། །བོ་སྙིང་ག་ལྟེ་བར་ནི། །ཟླ་བ་པདྨ་ཉི་སྟེང་དུ། །ཧཾ་དང་ཧཱུཾ་དང་ཨ་ཞེས་པ། །ཡི་གེ་བདེ་གསལ་མི་རྟོག་རྒྱུད། །སྙིང་པོ་འཕོ་དང་ཐིམ་དང་གནས། ། འགྱུར་དང་འགུལ་དང་འཕར་བ་དང ། །མདའ་བསྣུན་བསྡུ་དང་འགྲོ་འོངས་སྦྱར། །ལུས་མེད་སེམས་ཅན་ཅི་བདེར་འགྲོ། །བསྟིམས་ནས་འཕྲོ་ཞིང་འབར་བར་བྱེད། ། དབང་དུ་བྱེད་དང་ཁ་སྦྱར་བསྒོམ། །འདུན་པས་སྒྲུབ་དང་ས་བོན་བསྒྱུར། །འཕེན་དྲན་བར་དོར་དོན་སྒྲུབ་འགྱུར། །ཚེ་འདི་ཡི་ནི་དེ་བཞིན་དུ། །ཉིང་མཚམས་སྦྱོར་དང་སྲིད་མཚམས་ཡང ། །རྣལ་འབྱོར་རྒྱལ་པོ་ཐབས་ལྡན་པས། །བདེ་ཆེན་ས་གསུམ་བདེ་བླག་འགྲོ། །སྲིད་བཞི་དག་དང་ངེས་པ་དང ། །རྟེན་འབྲེལ་འབྱུང་དང་ལྡོག་དང་བསད། །ཞི་རྒྱས་དབང་དང་ཞི་ལ་སོགས། །འདི་ལ་ཐེ་ཚོམ་མི་བྱ་འོ། །གཉིས་སྦྱོར་རྒྱུན་མི་འཆད་བདེ་དང ། །ཀུན་ནས་འོད་གསལ་ལྷན་ཅིག་སྐྱེས།། བུང་བས་མེ་ཏོག་རྩི་ལྟར་ནི། །རྣམ་པ་ཀུན་ཏུ་སྒྲུབ་པ་འོ། །ོཾ་ཨ་ཀཱ་རོ་མུ་ཁཾ་སརྦ་དྷརྨྨ་ཎཱཾ་ཨ་དྱ་ནུཏྤནྣ་ཏྭཏ་སརྦྦ་ནི་སཝ་བྷཱ་བ་ཧཱུཾ། བཅོམ་ལྡན་འདས་ཀྱིས་དེ་སྐད་བཀའ་སྩལ་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལཾ་སོགས་པ་འཁོར་དེ་དག་ཐམས་ཅད་རབ་ཏུ་ཡི་རང་སྟེ་ཚིགས་སུ་བཅད་པ་ 519b འདི་དག་གིས་མངོན་པར་བསྟོད་ཅིང་མཆོད་པ་བསམ་གྱིས་མི་ཁྱབ་པ་ཐམས་ཅད་ཀྱིས་མཆོད་པ་ལ་བརྩོན་པར་གྱུར་ཏོ། །འཇིག་རྟེན་མགོན་པོ་བཅོམ་ལྡན་ལེགས། །འགྲོ་བ་ཉོན་མོངས་བསྐྱབ་སླད་དུ། །སྟོང་པའི་ཏིང་འཛིན་སྤངས་ནས་ནི། །ཁྱོད་ཀྱིས་བྱམས་ཆེན་སྐུར་བསྟན་མཛད། །ཐུགས་རྗེ་ཆེན་པོ་བཅོམ་ལྡན་ལེགས། །སེམས་ཅན་སྡུག་བསྔལ་བསྒྲལ་སླད་དུ། །ཞི་བའི་མཐའ་ལ་མི་གནས་པར། །བརྩེ་ཆེན་རྣམ་པར་འཕྲུལ་བར་མཛད། །བདེ་ཆེན་རྒྱལ་པོ་བཅོམ་ལྡན་ལེགས། །ལུས་ཅན་བདེ་དོན་བསྒྲུབ་སླད་དུ། །ཟག་མེད་དབྱིངས་ཐུགས་མ་གཞོལ་བར། ། དགྱེས་ཆེན་ཀུན་ཏུ་སྣང་མཛད་ལེགས། །གཙོ་བོ་རྡོ་རྗེ་རྒྱལ་པོ་ལེགས། །སྐྱེ་བོ་དུབ་པ་ངལ་བསོའི་ཕྱིར། །མཐའ་གཅིག་རྒྱུན་ཆད་མི་བཞུགས་པར། །མ་ལུས་འཚལ་བ་སྒྲུབ་པ་རྨད། ། དེ་ནས་འཁོར་གྱི་ཚོགས་ཕལ་པོ་ཆེ་དེ་དག་དང ། རྡོ་རྗེའི་རིགས་ཀྱི་བྱང་ཆུབ་སེམས་དཔའ་ཆེན་པོ་དེ་དག་ཐམས་ཅད་ཀྱང་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་པའི་ངེས་པར་གྱུར་པ་ཐབས་དང་ཤེས་རབ་བསམ་གྱིས་མི་ཁྱབ་ཅིང་གཞལ་དུ་མེད་པའི་ཏིང་ངེ་འཛིན་ལ་གནས་བཞིན་དུ་ཐམས་ཅད་བྱིན་གྱི་རླབས་ཀྱིས་སེམས་ཅན་ཐམས་ཅད་ལ་ཕན་གདགས་པའི་དོན་དུ་ཆོ་འཕྲུལ་ཆེན་པོ་དུ་མ་བསྟན་ཏོ། །བཅོམ་ལྡན་འདས་ཀྱིས་ཡང་བཀའ་སྩལ་པ། གང་ལ་ལ་ཞིག་བཅོམ་ལྡན་འདས་རྡོ་རྗེ་མི་བསྐྱོད་པའི་གསང་བ་ཆེན་པོ་རྒྱུད་ཀྱི་རྒྱལ་པོ་ཉན་པ་དང ། 520a ༄#། །འཛིན་པ་དང ། འཆང་བ་ལ་སོགས་པ་དེ་དག་ནི་ང་དང་རྒྱལ་བ་ཐམས་ཅད་ཀྱིས་དགོངས་པར་འགྱུར་རོ། །རྡོ་རྗེ་འཆར་བ་ཁྲག་འཐུང་གི་དཀྱིལ་འཁོར་ལྷ་བྱེ་བ་ཁྲག་ཁྲིག་མང་པོ་ཡང་དེའི་ཕྱི་བཞིན་དུ་འབྲང་བར་འགྱུར་རོ། །དྲན་པ་ཙམ་གྱིས་ཚེ་རབས་ཐམས་ཅད་དུ་ཡི་དམ་བྱེད་པར་འགྱུར་རོ། །མིའམ་མི་མ་ཡིན་པ་ལ་སོགས་པའི་གནོད་པ་ཐམས་ཅད་དང ། འཚེ་བ་དང ། ཡང་བ་དང ། བཀྲ་མི་ཤིས་པ་ཐམས་ཅད་འབྱུང་བར་མི་འགྱུར་རོ། །གང་གི་ཁྱིམ་ན་གནས་པ་དེ་ཡང་མཆོད་རྟེན་དུ་བྱ་བར་འགྱུར་རོ། །རིག་པ་དང་དངོས་གྲུབ་ཐམས་ཅད་ཀྱི་གཏེར་ཚད་མེད་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། བྱང་ཆུབ་སེམས་དཔའ་དེ་དག་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།དཔལ་བཅོམ་ལྡན་འདས་རལ་པ་གཅིག་པའི་བརྟག་པ་རྡོ་རྗེའི་རྒྱུད་ཆེན་པོ་བླ་ན་མེད་པ་རྫོགས་སོ།། །།རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛྲ་ག་ཏ་མི་ཏྲ་ཨཱ་ནནདའི་བཀའ་དྲིན་ལ་བརྟེན་ནས་རྒྱ་གར་གྱི་པཎྜི་ཏ་ཆེན་པོ་བཛྲ་ཤྲཱི་ཁ་ལ་རུ་ཏྲ་དང ། བོད་ཀྱི་ལོཙྪ་བ་དགེ་སློང་བྱམས་པའི་དཔལ་གྱིས་བསྒྱུར་བའོ། ། ་ |