rKTs


H501

(e-text produced by ACIP)

see text in transliteration
53b
རྒྱ་གར་སྐད་དུ། ཨཱརྱ་མཉྫུ་ཤྲཱི་མཱུ་ལ་ཏནྟྲ། བོད་སྐད་དུ། འཕགས་པ་འཇམ་དཔལ་གྱི་རྩ་བའི་རྒྱུད། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གནས་གཙང་མའི་སྟེང་གི་ནམ་མཁའི་དཀྱིལ་ན་བྱང་ཆུབ་སེམས་དཔའ་འདུས་པའི་འཁོར་གྱི་ཚོགས་སོ་སོ་ཐ་དད་པ། བསམ་གྱིས་མི་ཁྱབ་པ། ངོ་མཚར་རྨད་དུ་བྱུང་བ། སོ་སོར་རབ་ཏུ་གནས་པ་དང ། ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་གནས་གཙང་མའི་རིས་ཀྱི་ལྷའི་བུ་རྣམས་ལ་བཀའ་སྩལ་པ། ལྷའི་བུ་དག་།ཁྱད་ཅག་ཉོན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པའི་ཆོ་འཕྲུལ་གྱི་སྤྱོད་པ་བསམ་གྱིས་མི་ཁྱབ་པ། ངོ་མཚར་རྨད་དུ་བྱུང་བ། ཏིང་ངེ་འཛིན་གྱི་བྱེ་བྲག་དང ། རྫུ་འཕྲུལ་དང ། རྣམ་པར་ཐར་པའི་དཀྱིལ་འཁོར་བྱང་
54a
༄#། །ཆུབ་སེམས་དཔའི་རྣམ་པར་འཕྲུལ་པ་དང ། བྱང་ཆུབ་སེམས་དཔའ་ཐམས་ཅད་ཀྱི་ཉེ་བར་འཚོ་བ། ཚེ་དང ། ནད་མེད་པ་དང ། དབང་ཕྱུག་དང ། ཡིད་ལ་བསམས་པ་ཡོངས་སུ་རྫོགས་པར་བྱེད་པའི་སྔགས་ཀྱི་གཞི་དག་སེམས་ཅན་རྣམས་ལ་ཕན་པའི་ཕྱིར་བཤད་པར་བྱ་སྟེ། དེ་ཤིན་ཏུ་ལེགས་པར་ཉོན་ལ་ཟུངས་ཤིག་དང་ངས་བཤད་པར་བྱའོ། །དེ་ནས་གནས་གཙང་མའི་རིས་ཀྱི་ལྷའི་བུ་དེ་དག་གིས་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་ལགས་སོ་ཞེས་གསོལ་ཏེ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ཏིང་ངེ་འཛིན་གྱི་ཁྱད་པར་དང ། ས་ཆེན་པོ་ཐོབ་པར་བྱ་བ་དང ། རྡོ་རྗེའི་གདན་གནོན་པ་དང ། བདུད་གདུལ་བ་དང ། ཆོས་ཀྱི་འཁོར་ལོ་བསྐོར་བ་དང ། ཉན་ཐོས་དང ། རང་སངས་རྒྱས་ཐམས་ཅད་ཀྱི་ངེས་པར་འབྱུང་བ་དང ། ལྷ་རྣམས་དང ། མི་རྣམས་སུ་སྐྱེ་བར་བྱ་བ་དང ། སྡུག་བསྔལ་དང ། དབུལ་བ་དང ། ནད་རྣམས་ཞི་བར་བྱེད་པ། ལོངས་སྤྱོད་ཀྱིས་ཕྱུག་པ་འདྲེན་པར་བྱེད་པ། འཇིག་རྟེན་དང ། འཇིག་རྟེན་ལས་འདས་པའི་སྔགས་ཀྱི་སྤྱོད་པས་ཕོངས་པར་མི་བྱེད་པ། རེ་བ་ཐམས་ཅད་ཡོངས་སུ་རྫོགས་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་གསུང་འབྲས་བུ་མེད་པར་བྱེད་པ་མ་ཡིན་པ། བཅོམ་ལྡན་འདས་ཀྱིས་
54b
བྱམས་པའི་ཐུགས་དང ། ཕན་པའི་ཐུགས་དང ། བདག་དང ། སེམས་ཅན་ཐམས་ཅད་ཐུགས་བརྩེ་བ་ཉེ་བར་བཟུང་ནས། བཅོམ་ལྡན་འདས། དེ་བཤད་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་དང ། གནས་གཙང་མའི་གནས་ལ་སངས་རྒྱས་ཀྱི་སྤྱན་གྱིས་གཟིགས་ནས་དག་པའི་ཡུལ་ལ་འོད་རྣམ་པར་སྤྲོས་ཏེ། ཡུལ་རྣམ་པར་འཇིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་མཛོད་སྤུ་ནས་མེ་ཏོག་ཀུན་ཏུ་སྐྱེས་པ་ཞེས་བྱ་བ་དང ། བྱང་ཆུབ་སེམས་དཔའ་ཡང་དག་པར་བསྐུལ་བ་ཞེས་བྱ་བའི་འོད་ཕྱུང་སྟེ། འོད་བྱེ་བ་ཁྲི་ཕྲག་བརྒྱ་སྟོང་དུ་མའི་འཁོར་གྱིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སོང་ནས། བྱང་ཤར་གྱི་ཕྱོགས་སུ་བརྒྱ་སྟོང་གི་གང་གཱའི་ཀླུང་གི་འཇིག་རྟེན་གྱི་ཁམས་འདས་ནས། མེ་ཏོག་དང་ལྡན་པ་ཞེས་བྱ་བའི་འཇིག་རྟེན་གྱི་ཁམས་སུ་རྗེས་སུ་ཞུགས་ཏེ། གང་ན་མེ་ཏོག་ཀུན་ཏུ་སྐྱེས་པའི་རྒྱལ་པོའི་དབང་པོ་ཞེས་བྱ་བའི་དེ་བཞིན་གཤེགས་པ་བཞུགས་པར་རོ། །དེར་ཡང་འཇམ་དཔལ་གཞོན་ནུར་གྱུར་པ་སྔོན་གྱི་སྨོན་ལམ་གྱི་དབང་གིས་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་པ་དང་
55a
༄#། །ལྡན་པ་རྣམས་དང་ལྷན་ཅིག་གནས་པར་གྱུར་ཏོ། །འཇམ་དཔལ་གཞོན་ནུར་གྱུར་པས་འོད་ཟེར་གྱི་སྣང་བ་དེ་མཐོང་ནས་བཞིན་ཅུང་ཟད་འཛུམ་པ་དང་ལྡན་པར་གྱུར་ནས་བྱང་ཆུབ་སེམས་དཔའི་ཚོགས་དེ་དག་ལ་སྨྲས་པ། རྒྱལ་བའི་སྲས་དག། འོད་འདི་ནི་ང་ལ་ཡང་དག་པར་བསྐུལ་བའི་ཕྱིར་འོངས་པ་ཡིན་གྱི། ཁྱེད་ཅག་གཡེང་བ་མེད་པར་གྱིས་ཤིག་ཅེས་སྨྲས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་མིག་མི་འཛུམས་ཤིང་ཁ་བྱེ་བས་འོད་གང་ན་བ་དེ་ལོགས་སུ་མངོན་དུ་བལྟས་ནས་འདུག་གོ་།དེ་ནས་བསྐུལ་བའི་འོད་དེས་མེ་ཏོག་དང་ལྡན་པ་ཞེས་བྱ་བའི་འཇིག་རྟེན་གྱི་ཁམས་སྣང་བ་ཆེན་པོས་སྣང་བར་བྱས་ཏེ། མེ་ཏོག་ཀུན་ཏུ་སྐྱེས་པ་རྒྱལ་པོའི་དབང་པོ་དེ་བཞིན་གཤེགས་པ་ལ་ལན་གསུམ་བསྐོར་བ་བྱས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པའི་སྤྱི་བོར་ནུབ་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བཅོམ་ལྡན་འདས་མེ་ཏོག་ཀུན་ཏུ་ཡང་དག་པར་སྐྱེས་པ་རྒྱལ་པོའི་དབང་པོ་དེ་བཞིན་གཤེགས་པ་ལ་ལན་གསུམ་བསྐོར་བ་བྱས་ཏེ། སྤྱི་བོས་ཕྱག་བཙལ་ནས་པུས་མོ་གམས་པའི་ལྷང་ས་ལ་བཙུགས་ཏེ། བཅོམ་ལྡན་འདས་མེ་ཏོག་ཀུན་ཏུ་སྐྱེས་པ་རྒྱལ་པོའི་དབང་པོ་ལ་འདི་
55b
སྐད་ཅེས་གསོལ་ཏོ། །བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བདག་ལ་དགོངས་ཏེ། བཅོམ་ལྡན་འདས། བདག་ནི་བཅོམ་ལྡན་འདས་ཤཱཀྱ་ཐུབ་པ་ལ་བལྟ་བ་དང ། ཕྱག་བྱ་བ་དང ། བསྙེན་བཀུར་བྱ་བ་དང ། སྔགས་ཐམས་ཅད་ཀྱི་སྤྱོད་པ་དང ། སྒྲུབ་ཐབས་དང ། དཀྱིལ་འཁོར་དང ། ཆོ་ག་དང ། གསང་བ་དང ། ཆོ་ག་ཞིབ་མོ་དང ། ཆོ་གའི་ངོ་བོ་དང ། དེ་བཞིན་གཤེགས་པ་ཐམས་ཅད་ཀྱི་ཐུགས་དང ། གསང་བ་དང ། ཕྱག་རྒྱ་དང ། དབང་བསྐུར་བ་བསྟན་པ་དང ། སེམས་ཅན་ཐམས་ཅད་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་མི་མཇེད་ཀྱི་འཇིག་རྟེན་གྱི་ཁམས་འདི་ནས་མཆི་བར་འཚལ་ལོ། །དེ་སྐད་ཅེས་བཅོམ་ལྡན་འདས་མེ་ཏོག་ཀུན་ཏུ་སྐྱེས་པ་རྒྱལ་པོའི་དབང་པོ་དེ་བཞིན་གཤེགས་པ་ལ་གསོལ་པ་དང ། འཇམ་དཔལ་གཞོན་ནུར་གྱུར་པ་ཏིང་ངེ་འཛིན་གང་ལ་སྙོམས་པར་ཞུགས་པ་ན་ཕྱོགས་བཞི་མཐའ་ཡས་མུ་མེད་པ་སྟེང་དང ། འོག་དང ། ཐད་ཀ་ཐམས་ཅད་དང་ལྡན་པའི་ཕྱོགས་སངས་རྒྱས་བཅོམ་ལྡན་འདས་རྣམས་ཀྱིས་ཡང་དག་པར་གང་བར་གྱུར་ཏོ། ། འཇིག་རྟེན་གྱི་ཁམས་དེ་དང ། བཅོམ་ལྡན་འདས་དང་བཅས་པས། རྒྱལ་བའི་སྲས། ལེགས་སོ། །ལེགས་སོ། །འདི་ལྟ་བུའི་ཏིང་ངེ་འཛིན་གྱི་ཁྱད་པར་ལ་སྙོམས་པར་ཞུགས་པ་
56a
༄#། །ནི་ཉན་ཐོས་དང ། རང་སངས་རྒྱས་ཐམས་ཅད་ཀྱིས་ཀྱང་མི་ནུས། བྱང་ཆུབ་སེམས་དཔའ་སྤྱོད་པ་ལ་ཞུགས་པ་དང ། ས་བཅུ་ལ་གནས་པ་དག་གིས་ཀྱང་སྙོམས་པར་ཞུགས་པར་མི་ནུས་སོ། །དེ་ནས་བཅོམ་ལྡན་འདས་མེ་ཏོག་ཀུན་ཏུ་ཡང་དག་པར་སྐྱེས་པ་རྒྱལ་པོའི་དབང་པོ་དེ་བཞིན་གཤེགས་པ་སངས་རྒྱས་བཅོམ་ལྡན་འདས་དེ་རྣམས་དང་ལྷན་ཅིག་ཏུ་ཡང་དག་པར་བགྲོས་ཏེ། འཇམ་དཔལ་གཞོན་ནུར་གྱུར་པ་འདིའི་སྙིང་པོ་མཆོག་ཏུ་གསང་བ་དོན་ཐམས་ཅད་སྒྲུབ་པའི་སྙིང་པོ་གསུངས་པ་ནི་ཡི་གེ་གཅིག་པ་ཞེས་བྱ་བ་མཆོག་ཏུ་གསང་བ། སེམས་ཅན་ཐམས་ཅད་ཀྱི་ལས་ཐམས་ཅད་བྱེད་པ། སྔགས་ཀྱི་སྤྱོད་པ་ཁྱད་པར་ཅན་བཟང་པོ་ཡང་དག་པར་སྒྲུབ་པར་བྱེད་པའོ། །དེ་ནས་བཅོམ་ལྡན་འདས་མེ་ཏོག་ཡང་དག་པར་སྐྱེས་པ་རྒྱལ་པོའི་དབང་པོ་དེ་བཞིན་གཤེགས་པ་ཡུད་ཙམ་ཞིག་ཅང་མི་གསུང་བར་གྱུར་ཏེ། ཐམས་ཅད་དང་ལྡན་པའི་འཇིག་རྟེན་ཐམས་ཅད་ལ་སངས་རྒྱས་ཀྱི་སྤྱན་གྱིས་གཟིགས་ཏེ། སངས་རྒྱས་བཅོམ་ལྡན་འདས་དེ་དག་ལ་ཡང་དག་པར་དགོངས་ནས་བྱམས་པའི་ཐུགས་ཀྱིས་སྔགས་གསུངས་སོ། །ན་མཿ སརྦ་བུད་དྷཱ་ནཱཾ་ཨཾ་མཾ། འདི་ནི་འཇམ་དཔལ་གྱི་སྙིང་པོ་མཆོག་ཡིན་ཏེ་ལས་ཐམས་ཅད་བྱེད་པའོ། །དེ་ནས་འཇམ་དཔལ་གཞོན་ནུར་གྱུར་པ་ཏིང་ངེ་
56b
འཛིན་དེ་ལས་ལངས་ནས། དཔེར་ན། སྐྱེས་བུ་སྟོབས་དང་ལྡན་པ་ལག་པ་བསྐུམ་པ་ལས་བརྐྱང་བ་དང ། བརྐྱང་བ་ལས་བསྐུམ་པའམ། སེ་གོལ་གཏོགས་པ་ཙམ་མམ། མིག་འབྱེད་འཛུམས་ཙམ་ལ་རྫུ་འཕྲུལ་གྱི་སྟོབས་ཀྱི་ཤུགས་བློ་ཏིང་ངེ་འཛིན་ཅེས་བྱ་བའི་ཏིང་ངེ་འཛིན་གྱི་ཁྱད་པར་རྣམ་པར་འཕྲུལ་པ་ཞེས་བྱ་བ་ལ་སྙོམས་པར་ཞུགས་ཏེ། མི་མཇེད་ཀྱི་འཇིག་རྟེན་གྱི་ཁམས་སུ་ཆས་ཏེ་སྔར་འཁོད་ནས། སྟེང་གི་ནམ་མཁའི་དཀྱིལ་ན་ནོར་བུ་རིན་པོ་ཆེ་རབ་ཏུ་གནས་པའི་གནས་གཙང་མའི་རིས་ཀྱི་ལྷ་རྣམས་གནས་སུ་འདུག་སྟེ། གནས་གཙང་མའི་གནས་དེ་ཐམས་ཅད་འོད་ཆེན་པོའི་སྣང་བས་གསལ་བར་བྱས་ཏེ། འོད་ཀྱི་རིན་པོ་ཆེས་རབ་ཏུ་བརྒྱན་ཅིང་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །འཇམ་དཔལ་གཞོན་ནུར་གྱུར་པ་སྙོམས་པར་ཞུགས་མ་ཐག་ཏུ་རིན་པོ་ཆེ་རྣམ་པ་ཐ་དད་པ་དུ་མའི་ཁང་པ་བརྩེགས་པ་དང ། རིན་པོ་ཆེའི་གདུགས་དང ། དཔག་ཚད་བརྒྱ་སྟོང་ཕྲག་དུ་མ་རྒྱ་ཆེ་བའི་ལྷའི་གོས་དང ། དར་མང་པོའི་ཚོགས་ཀྱིས་ཉེ་བར་མཛེས་པར་བྱས་པའི་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་གཞོན་ནུར་གྱུར་པ། དེའི་དུས་ལ་བབ་པར་ཤེས་ན་སོང་ཞིག་།འོན་ཀྱང་ངའི་བཀས་བཅོམ་ལྡན་འདས་ཤཱཀྱ་ཐུབ་པ་ལ་གནོད་པ་ཉུང་ངམ། ཉམ་ང་བ་ཆུང་ངམ། བསྐྱོད་
57a
༄#། །པ་ཡང་ངམ། བདེ་བ་ལ་རེག་པར་གནས་སམ་ཞེས་ཞུ་བར་བྱའོ། །དེ་ནས་བཅོམ་ལྡན་འདས་མེ་ཏོག་ཡང་དག་པར་སྐྱེས་པ་རྒྱལ་པོའི་དབང་པོ་དེ་བཞིན་གཤེགས་པས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །གཞན་ཡང ། གཞོན་ནུ། གང་གཱའི་ཀླུང་བརྒྱ་སྟོང་གི་བྱེ་མ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཁྱོད་ཀྱི་སྔགས་ཀྱི་སྤྱོད་པ་དང ། དཀྱིལ་འཁོར་དང ། ཆོ་ག་ཞིབ་མོ་དང ། གསང་བ་དང ། དབང་བསྐུར་བ་དང ། ཕྱག་རྒྱའི་ཚོགས་དང ། ཆོ་ག་དང ། སྦྱིན་སྲེག་དང ། བཟླས་པ་དང ། བརྟུལ་ཞུགས་བསམ་པ་ཐམས་ཅད་ཡོངས་སུ་རྫོགས་པར་བྱེད་པ། སེམས་ཅན་ཐམས་ཅད་དགའ་བར་བྱེད་པ། འོད་རིན་པོ་ཆེའི་ཚོགས་ཀྱིས་རབ་འབྱམས། འདས་པ་དང ། ད་ལྟར་བྱུང་བ་དང ། མ་འོངས་པ་ཤེས་པ། རྒྱལ་པོའི་དབང་ཕྱུག་ལུང་སྟོན་པར་བྱེད་པ། སྔགས་བཟླ་བ། ཡུལ་གྱི་མཐར་འགྲོ་བར་བྱེད་པ་མི་སྣང་བར་བྱེད་པ་དང ། དུས་དང ། དམ་ཚིག་རབ་འབྱམས་ཀྱི་ཚོགས་ཐམས་ཅད་དང ། འཇིག་རྟེན་པ་མ་ལུས་པ་དང ། འཇིག་རྟེན་ལས་འདས་པའི་སངས་རྒྱས་དང ། བྱང་ཆུབ་སེམས་དཔའ་དང ། འཕགས་པ་ཉན་ཐོས་དང ། རང་སངས་རྒྱས་ཀྱི་ངེས་པར་འབྱུང་བའི་སྤྱོད་པ་མཐར་ཐུག་
57b
པ་གསུངས་པ་དང ། གསུང་བ་དང ། གསུང་བར་འགྱུར་བ་ཡིན་ཏེ། དེ་ལྟར་རྗེས་སུ་ཡི་རང་བ་ཉིད་དེ། འཇམ་དཔལ་གཞོན་ནུར་གྱུར་པ། དེའི་དུས་ལ་བབ་པར་ཤེས་ན་སོང་ཞིག།་ཤཱཀྱ་ཐུབ་པའི་སྤྱན་སྔར་མངོན་སུམ་དུ་ཆོས་ཀྱི་རྣམ་གྲངས་འདི་ཐོས་པར་གྱུར་ཏེ་ཁྱོད་ཀྱང་སྟོན་པར་འགྱུར་རོ། །འདིར་ཡང་གསུངས་པ། ན་མཿ སརྦ་ཏ་ཐཱ་ག་ཏ་ནཱཾ། ཨ་ཙིན་ཏྱ་ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཨོཾ་སྨ་ར་སྨ་ར་ཨ་པྲ་ཏི་ཧ་ཏ་ཤཱ་ས་ན་ཀུ་མཱ་ར་རཱུ་པ་ཧ་རི་ཎ། ཨོཾ་ཧཱུཾ་ཧཱུཾ་ཕཊ་ཕཊ་སཝཱཧཱ། འདི་ནི་འཇམ་དཔལ་གཞོན་ནུར་གྱུར་པའི་རྩ་བའི་སྔགས་སོ། །དེ་བཞིན་གཤེགས་པ་ཐམས་ཅད་ཀྱི་སྙིང་པོ་སྟེ། དེ་བཞིན་གཤེགས་པ་ཐམས་ཅད་ཀྱིས་གསུངས་པ། གསུང་ཞིང་གསུང་བར་འགྱུར་ལ། ཁྱོད་ཀྱང་མི་མཇེད་ཀྱི་འཇིག་རྟེན་གྱི་ཁམས་སུ་སོང་ནས་དབྱེ་བ་དང ། རྣམ་པར་དབྱེ་བ་རྒྱ་ཆེར་སྟོན་པར་འགྱུར་ཏེ། དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བས་ཀྱང་ལས་ཐམས་ཅད་བྱེད་པ་འདི་རྗེས་སུ་གནང་བར་འགྱུར་རོ། །འདིར་སྙིང་པོ་མཆོག་ཏུ་གྱུར་པ་ནི། ཨོཾ་བཱ་ཀྱེ་དཾ་ན་མཿ འྡིར་ཉེ་བའི་སྙིང་པོ་ནི། བཱ་ཀྱེ་ཧཱུཾ། དེ་ནས་འཇམ་དཔལ་གཞོན་ནུར་གྱུར་པ་བཅོམ་ལྡན་འདས་མེ་ཏོག་ཡང་དག་པར་སྐྱེས་པ་རྒྱལ་པོའི་དབང་པོ་དེ་བཞིན་གཤེགས་པས་གནང་ནས་བཀོད་པ་ཐམས་ཅད་ཀྱི་རྒྱན་བྱང་ཆུབ་སེམས་དཔའི་སྤྱོད་པ་དང ། རྒྱུ་མཐུན་པ། བྱང་ཆུབ་ཀྱི་
58a
༄#། །སྙིང་པོ་ཐོབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཤཱཀྱ་ཐུབ་བ་ལ་མཆོད་པ་བྱ་བའི་ཕྱིར་ལྷའི་མེ་ཏོག་རྣམ་པར་བཀོད་པ་དང ། རྒྱལ་མཚན་དང ། བ་དན་དང ། ཕྲེང་བའི་ཚོགས་དང ། རིན་པོ་ཆེའི་དྲིལ་བུའི་དྲ་བས་འབྲེལ་བ། སྙན་པའི་སྒྲ་སྒྲོགས་པ། ཕྱིར་མི་ལྡོག་པའི་བྱང་ཆུབ་སེམས་དཔའི་ས་ཐོབ་པར་བྱེད་པ། ལྷའི་དྲི་དང ། བྱུག་པ་དང ། ཕྲེང་བ་དང ། ཕྱེ་མའི་ཆར་དབབ་པར་མངོན་པར་སྤྲུལ་ཏོ། །དེ་ནས་གནས་གཙང་མའི་རིས་ཀྱི་ལྷའི་བུ་རྣམས་ཀྱིས་བྱང་ཆུབ་སེམས་དཔའི་ངོ་མཚར་རྨད་དུ་བྱུང་བའི་ཆོ་འཕྲུལ་གྱི་རྣམ་པར་འཕྲུལ་པ་མཐོང་ནས་བ་སྤུ་ལྡང་ཞིང་གནས་གཡོ་བ་མཐོང་ནས་སྙིང་འདར་ཞིང་དངངས་ཏེ། ཅི་བདག་ཅག་གི་འབྱོར་པ་ཉམས་པར་མ་གྱུར་ཏམ་ཞེས་ཕན་ཚུན་དུ་རིངས་པར་འགྲོ་ཞིང་སྐད་མཐོན་པོས་སྨྲ་བ་རྩོམ་པར་བྱེད་དེ། འདི་སྐད་དུ། བཅོམ་ལྡན་འདས། ཡོངས་སུ་བསྐྱབ་ཏུ་གསོལ། ཤཱཀྱ་ཐུབ་པ། ཡོངས་སུ་བསྐྱབ་ཏུ་གསོལ་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་གནས་གཙང་མའི་འཁོར་རྣམས་ལ་བཀའ་སྩལ་པ། གྲོགས་པོ་དག་།མ་འཇིགས་ཤིག་།མ་འཇིགས་ཤིག་།བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་
58b
གྱུར་པ་འདི་ནི་མེ་ཏོག་ཡང་དག་པར་སྐྱེས་པའི་རྒྱལ་པོ་དེ་བཞིན་གཤེགས་པ་དེའི་སྤྱན་སྔ་ནས་ང་ལ་བལྟ་བ་དང ། ཕྱག་བྱ་བ་དང ། བསྙེན་བཀུར་བྱ་བ་དང ། དོན་ཆེན་པོའི་སྤྱོད་པ་དང ། སྔགས་ཀྱི་ཚིག་དང ། རྒྱ་ཆེ་ཞིང་རྨད་དུ་བྱུང་བའི་ཆོས་ཀྱི་ཚིག་སྟོན་པའི་ཕྱིར་འོངས་པ་ཡིན་ནོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ཤཱཀྱ་ཐུབ་པ་ལ་ལན་གསུམ་བསྐོར་བ་བྱས་ཏེ། མིག་མི་འཛུམས་པར་བཅོམ་ལྡན་འདས་ལ་བལྟ་ཞིང་ཞབས་གཉིས་ལ་བཏུད་དེ། ཚིག་འབྲུ་འདི་དག་གིས་བཅོམ་ལྡན་འདས་ལ་བསྟོད་པ། །སྐྱེས་བུ་བསྐྱེད་པ་ཁྱོད་ཕྱག་འཚལ། །སྐྱེས་མཆོག་ཁྱོད་ལ་ཕྱག་འཚལ་ལོ། །སྐྱེས་བུ་གཙོ་བོ་ཁྱོད་ཕྱག་འཚལ། །སྤྱོད་པ་ཐམས་ཅད་དོན་སྒྲུབ་པ། །སྐྱེས་བུ་སེང་གེ་ཁྱོད་ཕྱག་འཚལ། ། ཕུང་ཁྲོལ་ཐམས་ཅད་ཟློག་བྱེད་པ། །དཔའ་པོ་ཆེན་པོ་ཁྱོད་ཕྱག་འཚལ། །ངན་འགྲོ་ཐམས་ཅད་འཇིག་བྱེད་པ། །སྐྱེས་བུ་པད་དཀར་ཁྱོད་ཕྱག་འཚལ། །ཀུན་ནས་བསོད་ནམས་དྲི་ལྡན་བ། །སྐྱེས་བུ་པདྨ་ཁྱོད་ཕྱག་འཚལ། །སྲིད་གསུམ་འདམ་ནི་རྣམ་དག་བྱེད། །རྣམ་གྲོལ་ཁྱེད་ལ་ཕྱག་འཚལ་ལོ། །སྡུག་བསྔལ་མ་ལུས་རྣམ་གྲོལ་བྱེད། །ཞི་གྱུར་ཁྱོད་ལ། ཕྱག་འཚལ་ལོ། །ཐམས་ཅད་ལྡན་པ་ལེགས་འདུལ་བྱེད། །ཐམས་ཅད་གྲུབ་པ་ཁྱོད་ཕྱག་འཚལ། །སྔགས་ཀྱི་སྤྱོད་པའི་དོན་སྒྲུབ་བྱེད། །བཀྲ་ཤིས་ཁྱོད་ལ་ཕྱག་འཚལ་ལོ། །
59a
༄#། །བཀྲ་ཤིས་ཀུན་གྱི་བཀྲ་ཤིས་པ། །སངས་རྒྱས་ཀུན་ལ་ཁྱོད་ཕྱག་འཚལ། །ཆོས་ཀུན་རྣམ་བར་རྟོག་མཛད་པ། །ཆོས་ཐམས་ཅད་ཀྱི་དེ་བཞིན་ཉིད་སྤྲོས་པ་མེད་པའི་ངོ་བོ་ལ་ཡང་དག་པར་རྗེས་སུ་ཞུགས་ཤིང་སྟོན་པར་བྱེད་པའི་དེ་བཞིན་གཤེགས་པ་ཁྱོད་ལ་ཕྱག་འཚལ་ལོ། །ཤེས་པ་དང ། ཤེས་བྱའི་དངོས་པོ་ཐམས་ཅད་དང ། འདུས་བྱས་དང ། འདུས་མ་བྱས་དང ། ཐེག་པ་གསུམ་གྱི་ལམ་དང ། མྱ་ངན་ལས་འདས་པའི་ལམ་ལ་འཇོག་པར་བྱེད་པ་དང ། གནས་པར་བྱེད་པ་ཐམས་ཅད་མཁྱེན་པ་ཁྱོད་ལ་ཕྱག་འཚལ་ལོ་ཞེས་ཚིག་འབྲུ་འདི་དག་བརྗོད་པའི་བསྟོད་པའི་ཚིག་གིས་བཅོམ་ལྡན་འདས་ལ་མངོན་སུམ་དུ་བསྟོད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ནས་གངྒཱའི་ཀླུང་བརྒྱ་ཕྲག་སྟོང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་འདས་ནས་བྱང་ཤར་གྱི་ཕྱོགས་མཚམས་ན་མེ་ཏོག་ཡང་དག་པར་སྐྱེས་པ་ཞེས་བྱ་བའི་སངས་རྒྱས་ཀྱི་ཞིང་མཆིས་ཏེ། དེ་ན་མེ་ཏོག་དང་ལྡན་པ་ཞེས་བྱ་བའི་འཇིག་རྟེན་གྱི་ཁམས་ན་གང་དུ་བཅོམ་ལྡན་འདས་མེ་ཏོག་ཡང་དག་པར་སྐྱེས་པ་དབང་པོའི་རྒྱལ་པོ། དེ་བཞིན་གཤེགས་པ། དགྲ་བཅོམ་པ། ཡང་དག་པར་རྫོགས་པའི་སངས་རྒྱས། རིག་པ་དང ། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།
59b
སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང ། མི་རྣམས་ཀྱི་སྟོན་པ་དེ་ཆོས་སྟོན་ཏེ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ།་ཡོངས་སུ་རྫོགས་པ། ཡོངས་སུ་དག་པ། ཡོངས་སུ་དཀར་བ། ཚངས་པར་སྤྱོད་པ་ཡང་དག་པར་སྟོན་ཏོ། །དེ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །སྔགས་ཀྱི་སྤྱོད་པ་དང ། བྱང་ཆུབ་སེམས་དཔའི་སྡེ་སྣོད་དང ། ལམ་གསུམ་གྱི་སྤྱོད་པའི་ལམ་སྒྲུབ་པར་བྱེད་པ། སྐྱོབ་པ་དང ། གནས་དང ། སྐྱབས་དང ། དཔུང་གཉེན་དང ། བདེ་བ་དང།་ཤིན་ཏུ་མཐར་ཐུག་པ་དང ། ཤིན་ཏུ་ཡོངས་སུ་མཐར་ཕྱིན་པར་བྱེད་པ་སེམས་ཅན་རྣམས་ལ་སྟོན་ཏེ། བཅོམ་ལྡན་འདས་དེ་ཉིད་ཀྱིས་རྗེས་སུ་གནང་ནས་བཅོམ་ལྡན་འདས་ཀྱི་ཞབས་དྲུང་འདིར་མཆིས་སོ། །བཅོམ་ལྡན་འདས་མེ་ཏོག་ཡང་དག་པར་སྐྱེས་པ་རྒྱལ་པོའི་དབང་པོ་དེ་ཡང་བཅོམ་ལྡན་འདས་ལ་གནོད་པ་ཉུང་ངམ། བསྐྱོད་པ་ཡང་ངམ། བདེ་བ་ལ་རེག་པར་གནས་སམ་ཞེས་འདྲིའོ། །འདི་སྐད་ཀྱང་གསུང་སྟེ། གང་དུ་འདི་ལྟ་བུའི་སྙིགས་མ་ལྔའི་དུས་སུ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་འབྱུང་བ་ནི་ངོ་མཚར་ཏོ་ཞེས་སོ། །དེ་ཡང་ལམ་གསུམ་དང ། བྱང་གྲོལ་དང ། མིར་སྐྱེ་བ་ཐོབ་པ་ཉིད་ཀྱི་ཆོས་སྟོན་པར་བྱེད་དོ། །གང་དུ་སེམས་ཅན་གྱི་རིས་སྐལ་བ་མེད་པ་དང ། སྲིད་པ་གསུམ་ཡང་
60a
༄#། །དག་པར་འཇོམས་པར་བྱེད་པའི་ལམ་དང ། གཏན་དུ་གྲུབ་པ་དང ། བདེ་བ་དང ། མཐུན་པའི་མྱ་ངན་ལས་འདས་པ་ལ་སེམས་ཅན་རྣམས་འགོད་པར་བྱེད་པའི་བཅོམ་ལྡན་འདས་ཤཱཀྱ་ཐུབ་པའི་བརྩོན་འགྲུས་ནི་ངོ་མཚར་ཏོ། །བཅོམ་ལྡན་འདས། བསམ་གྱིས་མི་ཁྱབ་བོ། །སངས་རྒྱས་བཅོམ་ལྡན་འདས་ཀྱི་ཐུགས་ནི། སངས་རྒྱས་བཅོམ་ལྡན་འདས་ཀྱིས་མཁྱེན་པར་འགྱུར་གྱི། བདག་གིས་ཅི་ཞིག་འཚལ་བ་རྔོ་ཐོགས། དབང་ཕྱུག་གིས་རྣམ་པར་འཕྲུལ་པ་བསམ་གྱིས་མི་ཁྱབ་པ། རྨད་དུ་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་རྣམ་པར་འཕྲུལ་པ་ཤེས་པར་གྱུར་རམ། འཚལ་བར་རམ། ཐུགས་ཀྱི་སྤྱད་པ་སྤྱོད་པའི་རྗེས་སུ་འཇུག་པའི་སྒྲུབ་པ་དང ། སྤྱོད་པ་འཚལ་བར་རམ། མདོར་ན། བསྐལ་པ་བྱེ་བ་ཁྲི་ཕྲག་བརྒྱ་སྟོང་གི་བར་དུ་འང་བསྟན་པར་མི་ནུས་སོ། །གང་ཡང་དེ་བཞིན་གཤེགས་པ་རྣམས་ཀྱིས་དེ་བཞིན་གཤེགས་པའི་མཛད་པ་བསྡུས་པའམ། ཐ་དད་མ་ལུས་པའི་ངོ་བོ་འདི་ནི་ཆོས་འདུས་མ་བྱས་སུ་བལྟ་བར་བྱ་སྟེ། མཐོང་བས་སྤང་བར་བྱ་བ་ལ་བརྟེན་པ་འམ། ཡོན་ཏན་ནི།་བཅོམ་ལྡན་འདས་དེ་བཞིན་གཤེགས་པ་ཁོ་ནས་མཁྱེན་པ་ཡིན་གྱི། བདག་གིས་ནི་མ་ལགས་སོ། །དེ་ནས་འཇམ་དཔལ་གཞོན་ནུར་གྱུར་པས་རང་གི་རྫུ་འཕྲུལ་གྱི་
60b
རྣམ་པར་འཕྲུལ་པས་རིན་པོ་ཆེའི་པདྨ་སྤྲུལ་པ་ལ་བཅོམ་ལྡན་འདས་ཤཱཀྱ་ཐུབ་པ་ལ་བལྟ་ཞིང་འདུག་གོ་།དེ་ནས་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ། དེ་བཞིན་གཤེགས་པ་དང ། རྗེས་སུ་མཐུན་པའི་གཏམ་རྣམ་པ་སྣ་ཚོགས་སྔོན་དུ་འགྲོ་བ་མཛད་ནས་ཆོས་བསྟན་པ་དང ། རྗེས་སུ་མཐུན་པ་དང ། བྱང་ཆུབ་སེམས་དཔའི་སྤྱོད་པ་སྒྲུབ་པ་དང ། རྗེས་སུ་མཐུན་པས་ཚངས་པའི་དབྱངས་དང ། ཀ་ལ་པིང་ཀའི་སྐད་དང ། འབྲུག་སྒྲ་དང ། རྔ་བོ་ཆེའི་སྒྲ་སྐད་ཀྱི་གསུང་གི་དབྱངས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་གཞོན་ནུར་གྱུར་པ། ཁྱོད་ལེགས་པར་འོངས་སམ། སེམས་དཔའ་ཆེན་པོའི་སྤྱོད་པ་སངས་རྒྱས་ཐམས་ཅད་ཀྱི་བྱིན་གྱིས་བརླབས་པ་བསྒྲུབ་པས་བྱང་ཆུབ་སེམས་དཔའ་ཐམས་ཅད་ཀྱི་དོན་ཐོབ་པར་བྱེད་པ། སྔགས་ཐམས་ཅད་ཀྱི་ཚིག་དང ། གསང་བ་དང་བཅས་པ་དང ། དབང་བསྐུར་བ་དང ། ཕྱག་རྒྱ་དང ། དཀྱིལ་འཁོར་དང ། ཆོ་ག་དང ། དབང་བསྐུར་བ་དང ། ཚེ་དང ། ནད་མེད་པ་དང ། དབང་ཕྱུག་དང ། བསམ་པ་ཐམས་ཅད་ཡོངས་སུ་རྫོགས་པར་བྱེད་པ། སྒྲུབ་པའི་ཐབས་ཐམས་ཅད་དང་ལྡན་པ། རྒྱུད་ཤེས་པ་དང ། ཤེས་བྱ་དང ། དུས་དང ། མི་སྣང་བ་དང ། རྒྱལ་པོའི་ཞིང་དུ་གྱུར་པ་འདས་པ་དང ། མ་འོངས་པ་དང ། ད་ལྟར་བྱུང་བ་ཤེས་
61a
༄#། །པར་བྱེད་པ། མདོར་ན་སེམས་ཅན་ཐམས་ཅད་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱེད་པ། རང་གི་ཡོན་ཏན་དང ། མཐུན་པའི་སྔགས་ཀྱི་སྤྱོད་པ་རྗེས་སུ་འཇུག་པ། སེམས་ཅན་གཞན་དགའ་བར་བྱེད་པ། མི་སྣང་བར་འགྲོ་བ། ནམ་མཁའ་ལ་འགྲོ་བ། ཆུ་ལ་མི་ནུབ་པར་འགྲོ་བ། ཡིད་གཞུངས་པར་བྱེད་པ། འགུགས་པར་བྱེད་པ། ས་འོག་ཏུ་འཇུག་པ། མངོན་དུ་སྤྱོད་པར་བྱེད་པ། འདོད་པ་ཐམས་ཅད་ཐོབ་པར་བྱེད་པ། གནོད་སྦྱིན་དང ། གནོད་སྦྱིན་མོ་ཐམས་ཅད་དང ། མངག་གཞུག་པ་དང ། ཤ་ཟ་དང ། འབྱུང་པོ་ཐམས་ཅད་འགུགས་པར་བྱེད་པ། བྱིས་པ་དང ། རྒན་པོ་དང ། གཞོན་ནུ་གནས་ཇི་ལྟ་བ་བཞིན་འཇོག་པར་བྱེད་པ། མདོར་ན་ལས་ཐམས་ཅད་བྱེད་པ་སྟེ། ཡིད་ལ་རེ་བ་ཐམས་ཅད་རྫོགས་པར་བྱེད་པ། མངོན་སྤྱོད་དང ། རྒྱས་པ་དང ། ཞི་བའི་ལས་དག་རབ་ཏུ་བྱེད་པ། ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་བསྐལ་པ་ཆེན་པོའི་རིན་པོ་ཆེའི་ལེའུ་རབ་འབྱམས་འདི་ངས་ཀྱང་རྗེས་སུ་གནང་ཞིང་སངས་རྒྱས་ཐམས་ཅད་ཀྱིས་ཀྱང་གསུངས་ཏེ། སེམས་ཅན་དག་པའི་རང་གི་སྔགས་སྤྱོད་པའི་དོན་གྱི་ཆོས་ཀྱི་མཛོད། སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། ལྷ་དང ། མི་རྣམས་དང ། སེམས་ཅན་ཐམས་ཅད་ཀྱི་དོན་དུ་
61b
སྟན་པའི་ཕྱིར་རོ། །དེ་ནས་འཇམ་དཔལ་གཞོན་ནུར་གྱུར་པ་སངས་རྒྱས་ཐམས་ཅད་ཀྱི་བྱིན་གྱིས་བརླབས་པའི་འོད་ཀྱི་སྣང་བ་བཀོད་པའི་རྒྱན་ཡང་དག་པར་བསྐུལ་བ་ཞེས་བྱ་བ་བྱང་ཆུབ་སེམས་དཔའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་དག་པའི་སེམས་ཅན་གྱི་འོད་ཀྱི་སྣང་བས་གང་གཱའི་ཀླུང་གི་བྱེ་མ་སྙེད་དུ་མའི་འཇིག་རྟེན་གྱི་ཁམས་ཀྱི་སངས་རྒྱས་ཀྱི་ཞིང་འོག་མིན་གྱི་གནས་ཀྱི་བར་དང ། མནར་མེད་པའི་དམྱལ་བ་ཆེན་པོའི་བར་དུ་ཁྱབ་པར་བྱས་ཏེ། སེམས་ཅན་གང་སུ་དག་ཤིན་ཏུ་སྡུག་བསྔལ་བ་དེ་དག་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་གྱུར་ཏོ། །ཉན་ཐོས་དང ། རང་སངས་རྒྱས་ཐམས་ཅད་དང ། བྱང་ཆུབ་སེམས་དཔའ་དང ། སངས་རྒྱས་བཅོམ་ལྡན་འདས་རྣམས་ཡང་དག་པར་བསྐུལ་ནས། འོད་དེ་ཡང་འཇམ་དཔལ་གཞོན་ནུར་གྱུར་པའི་སྤྱི་བོའི་གཙུག་ཏུ་ནུབ་པར་གྱུར་ཏོ། །འདིར་གང་དག་ཤར་ཕྱོགས་ན་རྣམ་པར་གནས་པའི་སངས་རྒྱས་ཀྱི་ཞིང་དེར་འོད་ཟེར་རླུང་གི་དཀྱིལ་འཁོར་གྱི་རེག་པའི་བྱ་བས་སངས་རྒྱས་བཅོམ་ལྡན་འདས་རྣམས་ཡང་དག་པར་བསྐུལ་ཏེ། དེ་བཞིན་གཤེགས་པ་འོད་ཀྱི་ཟླ་བ་དྲི་སྣང་བའི་དཔལ་ཞེས་བྱ་བ་དང ། དེ་བཞིན་གཤེགས་པ་སྨན་གྱི་བླ་བཻ་ཌཱུརྱའི་འོད་དང ། དེ་བཞིན་གཤེགས་པ་དཔལ་\?\་ཀུན་ཏུ་སྣང་བ་ཞེས་བྱ་བ་དང ། དེ་བཞིན་གཤེགས་པ་རྒྱལ་པོ་ཡང་དག་པར་
62a
༄#། །འཕགས་པ་ཞེས་བྱ་བ་དང ། དེ་བཞིན་གཤེགས་པ་སཱ་ལའི་དབང་པོའི་རྒྱལ་པོ་ཞེས་བྱ་བ་དང ། དེ་བཞིན་གཤེགས་པ་འཇིག་རྟེན་གྱི་དབང་པོའི་རྒྱལ་པོ་ཞེས་བྱ་བ་དང ། དེ་བཞིན་གཤེགས་པ་ཚེ་དཔག་ཏུ་མེད་པ་ཡེ་ཤེས་རྣམ་པར་ངེས་པའི་རྒྱལ་པོ་ཞེས་བྱ་བ་དང ། དེ་བཞིན་གཤེགས་པ་སྣང་བ་མཐའ་ཡས་དབང་པོའི་རྒྱལ་པོ་ཞེས་བྱ་བ་དང ། དེ་བཞིན་གཤེགས་པ་སྣང་བའི་འོད་ཀྱི་རྒྱལ་པོ་ཞེས་བྱ་བ་དང ། དེ་དག་ལ་སོགས་པ་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ། མཐའ་ཡས་མུ་མེད་པའི་འཇིག་རྟེན་གྱི་ཁམས་དག་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འདུས་པ་དག་ལ། མི་མཇེད་ཀྱི་འཇིག་རྟེན་གྱི་ཁམས་ཀྱི་གནས་གཙང་མའི་ཁང་བཟང་ན་དེ་བཞིན་གཤེགས་པ། དགྲ་བཅོམ་པ། ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང ། འཇམ་དཔལ་གཞོན་ནུར་གྱུར་པ་ལྷན་ཅིག་ཏུ་བྱང་ཆུབ་སེམས་དཔའི་སྤྱོད་པ་སྟོན་པ་དང ། སྔགས་ཀྱི་ཚིག་གི་དོན་གྱི་ལེའུ་རབ་འབྱམས་སྟོན་ཏེ། དེ་བཞིན་དུ་ལྷོ་དང ། ནུབ་དང ། བྱང་གི་ཕྱོགས་དང ། ཕྱོགས་མཚམས་དང ། སྟེང་དང ། འོག་དང ། ཐད་ཀ་ཐམས་ཅད་དང་ལྡན་པའི་སངས་རྒྱས་ཀྱི་ཞིང་
62b
སྣང་བར་བྱས་ཏེ། སངས་རྒྱས་ཀྱི་ཞིང་ཐམས་ཅད་དུ་བདུད་ཀྱི་གནས་ཐམས་ཅད་དཔའ་གོང་བར་བྱས་ནས་བྱང་ཆུབ་སེམས་དཔའི་ཚོགས་ཐམས་ཅད་ཀྱིས་ཡོངས་སུ་བསྐོར་ཅིང་ཉན་ཐོས་ཀྱི་དགེ་འདུན་དང་བཅས་པས་མདུན་གྱིས་བལྟས་ཏེ། གནས་གཙང་མའི་གནས་སུ་སངས་རྒྱས་ཀྱི་འཕྲུལ་པ་དང ། བྱང་ཆུབ་སེམས་དཔའི་བདག་ཉིད་ཆེན་པོ་བལྟ་བར་འདོད་པ་དང ། སྔགས་ཀྱི་སྤྱོད་པ་བསྒྲུབ་པ་དང ། ཏིང་ངེ་འཛིན་གྱི་ཁྱད་པར་དང ། ལེའུའི་ཚོགས་དང ། དེ་བཞིན་གཤེགས་པའི་བསྟན་པ་ཐོགས་པ་མེད་པ་གསལ་བར་འདོད་པས་ཆས་པ་ནི། འདི་ལྟ་སྟེ། ལག་བཟང་དང ། རིན་ཆེན་བཟང་པོ་དང ། བརྟུལ་ཞུགས་བཟང་པོ་དང ། སྤྱན་མཛེས་དང ། བཟང་དགའ་དང ། ཆོས་བཟང་དང ། དོན་ཐམས་ཅད་གྲུབ་པ་དང ། ཐམས་ཅད་དུ་འཕགས་པ་དང ། ཆོས་འཕགས་དང ། རིན་ཆེན་འཕགས་དང ། རིན་ཆེན་དཔལ་དང ། ལྷུན་པོའི་དཔལ་དང ། བསམ་གྱིས་མི་ཁྱབ་པའི་དཔལ་དང ། འོད་བྱེད་དཔལ་དང ། འོད་དཔལ་དང ། དོན་ཐམས་ཅད་ཀྱི་དཔལ་དང ། ཐམས་ཅད་ཕྱག་ན་རིན་པོ་ཆེ་དང ། ཕྱག་ན་གཙུག་གི་རིན་པོ་ཆེ་དང ། ཕྱག་ན་ལྷུན་པོའི་རྒྱལ་མཚན་དང ། རྣམ་པར་སྣང་མཛད་སྙིང་པོ་དང ། རིན་ཆེན་སྙིང་པོ་དང ། ཡེ་ཤེས་སྙིང་པོ་དང ། བསམ་གྱིས་མི་ཁྱབ་པའི་དོན་གྱི་སྙིང་པོ་དང ། ཆོས་འཕགས་ཀྱི་སྙིང་པོ་དང ། རྒྱལ་མཚན་གྱི་ཏོག་དང ། ཏོག་བཟང་དང ། མཐའ་ཡས་ཏོག་
63a
༄#། །དང ། དྲི་མ་མེད་པའི་ཏོག་དང ། མཐའ་དག་གི་ཏོག་དང ། ནམ་མཁའི་ཏོག་དང ། རིན་པོ་ཆེའི་ཏོག་དང ། འབྲུག་སྒྲ་དང ། རྔ་བོ་ཆེའི་སྐད་ཀྱི་རྒྱལ་པོ་དང ། མཐའ་ཡས་པར་སྣང་བའི་ཡེ་ཤེས་ཀྱི་རྒྱལ་པོ་དང ། མུན་པ་མུན་ནག་ཐམས་ཅད་འཇོམས་པའི་རྒྱལ་པོ་དང ། གནོད་པ་ཐམས་ཅད་རྣམ་པར་འཇིག་པའི་རྒྱལ་པོ་དང ། སྤྱོད་པ་ཐམས་ཅད་ཀྱི་ཡུལ་ཤེས་པའི་རྒྱལ་པོ་དང ། འཇིག་རྟེན་གྱི་དབང་པོའི་རྒྱལ་པོ་དང ། མངོན་པར་རྟོགས་པའི་དབང་པོའི་རྒྱལ་པོ་དང ། རྣམ་པར་འཇོམས་པར་བྱེད་པའི་རྒྱལ་པོ་དང།་ངེས་པར་གཡོ་བར་བྱེད་པའི་རྒྱལ་པོ་དང ། ཉི་མའི་རྒྱལ་པོ་དང ། དངོས་པོ་མེད་པ་ཡང་དག་པར་འཕགས་པའི་རྒྱལ་པོ་དང ། དངོས་པོ་མེད་པའི་ངོ་བོ་ཉིད་ཡང་དག་པར་འཕགས་པའི་རྒྱལ་པོ་དང ། མི་མཐུན་པའི་ཕྱོགས་མེད་པའི་རྒྱལ་པོ་དང ། རང་བཞིན་གྱི་འོད་དང ། བསོད་ནམས་འོད་དང ། འཇིག་རྟེན་འོད་དང ། དཔག་མེད་འོད་དང ། མཐའ་ཡས་འོད་དང ། སྦྱན་བཟང་འོད་དང ། འབྱུང་མེད་འོད་དང ། དོན་གྱི་འོད་དང ། མི་ཚུགས་པ་དང ། བཟོད་པར་དཀའ་བ་དང ། ལས་མེད་དང ། འོག་མིན་དང ། དྲི་མེད་དང ། མེ་དང།་འོད་དང ། བློ་དང ། རྟོགས་པ་དང ། བདེ་བ་དང ། བདེ་བའི་མུ་ཁྱུད་དང ། མུ་ཁྱུད་ཏོག་དང ། འདོད་པའི་ལྷ་དང ། ལྷ་དང ། ལྷ་ཡུལ་ན་ཡོད་པ་དང ། ལྟེ་བ་དང ། རྒྱས་
63b
པ་དང ། འཇིག་རྟེན་ཞི་བ་དང ། ཉེ་བར་འདོད་པ་དང ། རྔ་བོ་ཆེ་དང ། གྲུབ་པ་དང ། དཀར་བོ་དང ། གྲགས་བཟང་དང ། བཟོད་པར་དཀའ་བ་དང ། རྙེད་པར་དཀའ་བ་དང ། གདུལ་བར་དཀའ་བ་དང ། བསྙེན་པར་དཀའ་བ་དང ། རིང་དུ་སོང་བ་དང ། རིང་བའི་དོན་དང ། རིང་བ་ལ་གནས་པ་དང ། མཐོ་བ་དང ། ཤིན་ཏུ་མཐོ་བ་དང ། སྲིན་བུ་མེ་ཁྱེར་དང ། ཀུན་ཏུ་སྣང་བ་དང ། སྣང་མེད་དང།་ཁྱུ་མཆོག་དང ། ཀུན་ནས་འོད་དང ། ཤིན་ཏུ་ཡིད་དུ་འོང་བ་དང ། ཡིད་བཟང་དང ། ལྷ་ཆེན་པོ་དང ། དྲི་མེད་བཟང་པོ་དང ། དྲི་མ་མཐར་བྱེད་དང ། དུལ་བ་དང ། ཞི་ལྡན་དང ། མཚན་བཟང་དང ། རྒྱལ་མཚན་དཀར་པོ་དང ། ཚད་ལྡན་དང ། ཅི་སྨྲ་དང ། ཐ་ཆུང་དང ། སེལ་བྱེད་དང ། འཚོ་བ་དང ། ལེགས་སྐྱེས་དང ། དུ་བའི་ཏོག་དང ། རྒྱལ་མཚན་ཏོག་དང ། དཀར་བའི་ཏོག་དང ། ཏོག་བཟང་དང ། ནོར་ལྷའི་ཏོག་དང ། ནོར་ལྷའི་བུ་དང ། མེས་པོ་དང ། ཕ་དང ། མཐར་བྱེད་དང ། འཇིག་རྟེན་གྲགས་པ་དང ། ཀུན་ནས་གྲགས་པ་དང ། གྲགས་པ་ཆེན་པོ་དང།་དཔལ་ལྡན་དང ། ཕམ་བྱེད་དང ། འོད་བྱེད་དང ། མངག་གཞུག་པ་དང ། ཞི་བྱེད་དང ། འཇིག་རྟེན་བྱེད་དང ། ལྷ་བྱེད་དང ། མཐོ་རིས་བྱེད་དང ། མར་མེ་མཛད་དང ། འབྱུང་པོ་མཐར་བྱེད་དང ། དོན་ཐམས་ཅད་མཛད་དང ། གྲུབ་མཛད་དང ། གསལ་མཛད་དང ། སྣང་བར་མཛད་པ་དང ། རྔ་བོ་ཆེའི་སྒྲ་དང ། སྐད་ཀྱི་སྒྲ་དང ། སྒྲ་སྙན་དང ། མཐའ་ཡས་པའི་
64a
༄#། །སྒྲ་དང ། ཏོག་གི་སྒྲ་དང ། ངན་སྤོང་གི་བུ་དང ། གསེར་ཐུབ་དང ། འཁོར་བ་འཇིག་དང ། འོད་སྲུང་དང ། གཙུག་ཏོར་ཅན་དང ། ཐམས་ཅད་སྐྱོབ་དང ། རྣམ་པར་གཟིགས་དང ། ཤཱཀྱ་ཐུབ་པ་དང ། འདི་དག་དང ། གཞན་ཡང ། སངས་རྒྱས་བཅོམ་ལྡན་འདས་མང་པོ་དག་གིས་གནས་གཙང་མའི་གཞལ་མེད་ཁང་སྣང་བར་བྱས་ཏེ། པདྨའི་གདན་དག་ལ་བཞུགས་པར་གྱུར་ཏོ། །བྱང་ཆུབ་སེམས་དཔའི་ཚོགས་ཀྱང་དེ་ལྟ་བུའི་ཚུལ་དུ་ལྷགས་པར་གྱུར་ཏེ། འདི་ལྟ་སྟེ། ཕྱག་ན་རིན་ཆེན་དང ། ཕྱག་ན་རྡོ་རྗེ་དང ། མཉམ་པའི་ཕྱག་དང ། ནམ་མཁའི་ཕྱག་དང ། མཐའ་ཡས་ཕྱག་དང ། སའི་ཕྱག་དང ། སྣང་བའི་ཕྱག་དང ། དྲི་མེད་བཟང་པོ་དང ། བཟང་བརྩེགས་དང ། རབ་མང་བརྩེགས་དང ། ནོར་བུ་བརྩེགས་དང ། རིན་ཆེན་བརྩེགས་དང ། རིན་ཆེན་ཕྱག་དང ། ཀུན་ནས་ཕྱག་དང ། དྲི་ལྡན་ཕྱག་དང ། ལེགས་འགྲོ་དང ། དྲི་མེད་འགྲོས་དང ། འཇིག་རྟེན་འགྲོས་དང ། མཛེས་པའི་འགྲོས་དང ། མཐའ་ཡས་འགྲོས་དང ། གྲགས་པ་མཐའ་ཡས་དང ། གྲགས་པ་བཟང་པོ་དང ། གྲགས་པའི་དྲི་མ་བྲལ་དང ། གྲགས་པའི་འགྲོ་བ་དང ། གྲགས་པ་དྲི་མ་མེད་པ་དང ། གྲགས་པ་དང ། གྲགས་པ་འདྲེན་པ་དང ། མགོན་པོ་དང ། མགོན་པོར་གྱུར་པ་དང ། ཀུན་ནས་མགོན་བོ་དང ། རྒྱུན་ཤེས་ཀྱི་བུ་དང ། མཐའ་ཡས་རྒྱུན་ཤེས་ཀྱི་བུ་དང །
64b
ཀུན་ནས་རྒྱུན་ཤེས་ཀྱི་བུ་དང ། བྱམས་མའི་བུ་དང ། བྱམས་པ་བཟང་པོའི་བུ་དང ། བྱམས་པའི་བུ་མ་ཡིན་པ་དང ། དུས་གསུམ་རྒྱུན་ཤེས་གྱི་བུ་དང ། རྒྱུན་ཤེས་ཀྱི་བུ་འབྲས་བུ་དང་བཅས་པ་དང ། རྒྱུན་ཤེས་ཀྱི་བུ་དཀོན་མཆོག་གསུམ་དང ། རྒྱུན་ཤེས་ཀྱི་བུ་སྐྱབས་གསུམ་དང ། རྒྱུན་ཤེས་ཀྱི་བུ་ཐེག་པ་གསུམ་དང ། རྣམ་པར་འཕྲུལ་པ་དང་ལྡན་པ་དང ། ཡིད་འོང་བཟང་པོ་དང ། གསུང་སྙན་ལྡན་དང ། ཆོས་ཀྱི་དབང་ཕྱུག་དང ། དངོས་མེད་དབང་ཕྱུག་དང ། འཇིག་རྟེན་དབང་ཕྱུག་དང ། སྤྱན་རས་གཟིགས་དབང་ཕྱུག་དང ། ལེགས་གཟིགས་དབང་ཕྱུག་དང ། རྣམ་གཟིགས་དབང་ཕྱུག་དང ། འཇིག་རྟེན་མཆོད་འོས་དང ། ལེགས་མཆོད་དང ། སྒྲ་སྒྲོགས་དབང་ཕྱུག་དང ། རྡ་ཆེན་དབང་ཕྱུག་དང ། སྣ་ཚོགས་སྒྲའི་དབང་ཕྱུག་དང ། རྣམ་འཇིག་དབང་ཕྱུག་དང ། མཐོན་ཀ་བཟང་པོ་དང ། སྐུ་མཛེས་དང ། གྲགས་ལྡན་དང ། ཉི་མའི་འོད་དང ། ཁྱབ་འཇུག་བདག་པོ་དང ། བདག་པོའི་ངང་ཚུལ་དང ། ནམ་མཁའ་དང ། ནམ་མཁའི་སྙིང་པོ་དང ། དོན་ཐམས་ཅད་ཀྱི་སྙིང་པོ་དང ། ཐམས་ཅད་འབྱུང་བ་དང ། ངན་སོང་སྤོང་བ་དང ། ཕྱིར་མི་ལྡོག་པ་དང ། ཆོས་མ་ཡིན་པ་གཅོད་པར་བྱེད་པ་དང ། དེ་དག་དང ། གཞན་ཡང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་ལྷན་ཅིག་བཅོམ་ལྡན་འདས་ཤཱཀྱ་ཐུབ་པ་གནས་གཙང་མའི་གཞལ་མེད་ཁང་ན་བཞུགས་སོ། །གཞན་
65a
༄#། །ཡང།་བྱང་ཆུབ་སེམས་དཔའ་སེམས་དཔའ་ཆེན་པོ་བུད་མེད་ཀྱི་གཟུགས་འཆང་བ་རྣམས་ཏེ། སྤྱོད་པ་མཐའ་ཡས་པའི་དོན། འཇིག་རྟེན་སྒྲུབ་པའི་དོན། སེམས་ཅན་ཐམས་ཅད་ཀྱི་བསམ་པ་ཕྱིར་མི་ལྡོག་པའི་ལམ་ལ་དགོད་པས་བསམ་གྱིས་མི་ཁྱབ་པའི་རིག་པའི་ཚིག་དང ། སྔགས་ཀྱི་ཚིག་དང ། གཟུངས་དང ། སྨན་གྱི་ཆ་བྱད་འཛིན་པ་དང ། འདབ་ཆགས་ཀྱི་ཚོགས་རྣམ་པ་སྣ་ཚོགས་དང ། གནོད་སྦྱིན་དང ། སྲིན་པོ་དང ། ནོར་བུ་དང ། སྔགས་དང ། རིན་པོ་ཆེའི་རྒྱལ་པོ་དང ། སེམས་ཅན་ཐམས་ཅད་ཀྱི་ལུས་ཀྱི་གྲངས་སུ་རྗེས་སུ་ཡང་དག་པར་འཇུག་པའི་སྤྱོད་པ་ཐམས་ཅད་ཀྱི་རྗེས་སུ་འཇུག་པ་དང ། སེམས་ཅན་གྱི་བསམ་པ་ཇི་ལྟར་འདུལ་བར་བྱེད་པ་དེ་བཞིན་དུ་བྱེད་པ་རྣམས་དང ། དེ་དང་རྗེས་སུ་མཐུན་པའི་མིང་དང་འབྲེལ་བ་རྣམས་དང ། རིག་པའི་རྒྱལ་པོའི་ཉེ་བར་བསྟན་པ་དང ། ཆོས་ཇི་ལྟ་བ་བཞིན་དུ་རྟོགས་པ་ལས་ངེས་པར་འབྱུང་བ་དང།་དེ་བཞིན་གཤེགས་པ་དང ། པདྨ་དང ། རྡོ་རྗེའི་རིགས་\?\་དང ། འཇིག་རྟེན་དང ། འཇིག་རྟེན་ལས་འདས་པའི་རིགས་ཀྱི་རྗེས་སུ་ཞུགས་པ། དམ་ཚིག་ལས་མི་འདའ་ཞིང་ཚིག་གིས་ལམ་ལ་འཇོག་པར་བྱེད་པ། དཀོན་མཆོག་གསུམ་གྱི་གདུང་རྒྱུན་མི་གཅོད་པར་བྱེད་པ་ཡིན་ཏེ། འདི་ལྟ་སྟེ། གཙུག་ཏོར་དང ། མངོན་པར་འཕགས་པ་དང །
65b
མངོན་པར་མཐོ་བ་དང ། གདུགས་དཀར་པོ་དང ། འདབ་མ་མཐའ་ཡས་དང ། འདབ་མ་བརྒྱ་པ་དང ། རྒྱལ་བའི་གཙུག་ཏོར་དང ། འཇིག་རྟེན་མཐོན་པོ་དང ། རྣམ་པར་རྒྱལ་བའི་གཙུག་ཏོར་དང ། མངོན་པར་འཕགས་པའི་གཙུག་ཏོར་དང ། པདྨའི་འོད་དང ། མེ་ཏོག་པདྨའི་འོད་དང ། མེ་ཏོག་ཀ་ཏ་ཀའི་འོད་དང ། འོད་དཀར་པོ་དང ། བཀོད་པའི་གཙུག་ཏོར་དང ། གསེར་གྱི་ཕུང་པོ་དང ། དཀར་པོའི་ཕུང་པོ་དང ། གཟི་བརྗིད་ཕུང་པོ་དང ། ནོར་བུའི་ཕུང་པོ་དང ། ཀུན་ནས་ཕུང་པོ་དང ། རྣམ་པར་གྲགས་པའི་ཕུང་པོ་དང ། འབྱུང་བའི་ཕུང་པོ་དང ། བདེན་པའི་ཕུང་པོ་དང ། དངོས་པོ་མེད་པའི་ངོ་བོའི་ཕུང་པོ་དང ། དེ་ཁོ་ན་ཉིད་ཀྱི་ཕུང་པོ་དང ། དེ་དག་དང ། གཞན་ཡང ། གཙུག་ཏོར་གྱི་རྒྱལ་པོ་ཆོས་ཀྱི་དབྱིངས་མཐའ་ཡས་པ་ལ་རབ་ཏུ་ཞུགས་པ། སེམས་ཅན་གྱི་བསམ་པ་རབ་ཏུ་རྫོགས་པར་བྱེད་པ། རྒྱལ་བ་ཐམས་ཅད་ཀྱི་སྙིང་བོ་དང་ལྡན་པ། གཙུག་ཏོར་གྱི་རྒྱལ་མོ་བསྐལ་བ་བྱེ་བ་ཁྲི་ཕྲག་བརྒྱ་སྟོང་གི་བར་དུ་ཡང་བགྲང་ཞིང་མཐར་ཐུག་པར་མི་ནུས་སོ། །སྟོབས་དག་ཕ་རོལ་གནོན་པ་བསམ་གྱིས་མི་ཁྱབ་པའི་བདག་ཉིད་ཀྱང་བསྟན་པར་མི་ནུས་སོ། །མདོར་བསྟན་པར་བྱ་སྟེ། བརྗོད་པ་ནི་རིག་པའི་རྒྱལ་མོའི་འདུས་པ་བརྗོད་པར་བྱ་སྟེ། འདི་ལྟ་སྟེ། མཛོད་སྤུ་དང ། སྨིན་མ་དང ། སྤྱན་མ་དང ། རྫི་མ་དང ། རྣ་བ་དང ། མགྲིན་པ་དང ། མི་འཇིགས་པ་དང ། སྙིང་རྗེ་དང ། བྱམས་
66a
༄#། །བ་དང ། བརྩེ་བ་དང ། ཤེས་རབ་དང ། འོད་ཟེར་དང ། སེམས་པ་དང ། འོད་དང ། དྲི་མ་མེད་པ་དང ། སྒྲིབ་པ་དང ། མཆོག་སྦྱིན་ཐམས་ཅད་དང ། དེ་དག་དང ། གཞན་དང ། རིག་པའི་རྒྱལ་མོ་མཐའ་ཡས་མུ་མེད་པ་དག་དེ་བཞིན་གཤེགས་པའི་སྐུ་ལས་སྤྲོས་པ་དག་ནི། འདི་ལྟ་སྟེ། དེ་བཞིན་གཤེགས་པའི་སྣོད་དང ། དེ་བཞིན་གཤེགས་པའི་ཆོས་ཀྱི་འཁོར་ལོ་དང ། དེ་བཞིན་གཤེགས་པའི་གཟིམས་མལ་དང ། དེ་བཞིན་གཤེགས་པའི་སྣང་བ་དང ། དེ་བཞིན་གཤེགས་པའི་གསུང་དང ། དེ་བཞིན་གཤེགས་པའི་ཞལ་དང ། དེ་བཞིན་གཤེགས་པའི་བརླ་དང ། དེ་བཞིན་གཤེགས་པའི་རྒྱལ་མཚན་དང ། དེ་བཞིན་གཤེགས་པའི་ཏོག་དང ། དེ་བཞིན་གཤེགས་པའི་ཕྱག་མཚན་དང ། དེ་དག་དང ། གཞན་ཡང ། དེ་བཞིན་གཤེགས་པའི་སྔགས་བརྗོད་པ་རིག་པའི་རྒྱལ་པོ་དང ། རྒྱལ་མོ་དང ། མདག་གཞུག་པ་དང ། བྲན་ཕོ་དང ། བྲན་མོ་དང ། ཕོ་ཉ་དང ། ཕོ་ཉ་མོ་དང ། གནོད་སྦྱིན་དང ། གནོད་སྦྱིན་མོ་དང ། སེམས་ཅན་དང ། སེམས་ཅན་མ་ཡིན་པ་དང ། ཏིང་ངེ་འཛིན་གྱི་ཁྱད་པར་རྒྱུ་མཐུན་པ་ལས་བྱུང་བའི་རྒྱན་གྱི་ཚོགས་ཀྱི་ཁྱད་པར་དང ། འཁོར་བརྒྱ་སྟོང་བྱེ་བ་ཁྲག་ཁྲིག་དཔག་ཏུ་མེད་པ་དང ། རིག་པའི་རྒྱལ་པོ་རིག་པའི་ཚོགས་ཐམས་ཅད་ཀྱི་གོང་ནས་གོང་དུ་ཡོངས་སུ་གནས་པ་དེ་དག་ཀྱང་གནས་
66b
གཙང་མའི་གཞལ་མེད་ཁང་དེར་གནས་པར་གྱུར་ཏོ། །རིག་པའི་རྒྱལ་པོ་པདྨའི་རིགས་ཀྱང ། འདི་ལྟ་སྟེ། བཅོམ་ལྡན་འདས་ཕྱག་བཅུ་གཉིས་པ་དང ། ཕྱག་དྲུག་པ་དང ། ཕྱག་བཞི་པ་དང ། ཧཱ་ལ་ཧཱ་ལ་དང ། དོན་ཡོད་ཞགས་པ་དང ། རྟ་མགྲིན་དཀར་པོ་དང ། མགྲིན་པ་མཐའ་ཡས་དང ། མགྲིན་སྔོན་དང ། མགྲིན་བཟང་དང ། མགུལ་བཟང་དང ། མགུལ་དཀར་དང ། མགུལ་སྔོན་དང ། འཇིག་རྟེན་མགུལ་པ་དང ། རྣམ་པར་ལྟ་བ་དང ། ལྟ་བ་དང ། ཀུན་ཏུ་ལྟ་བ་དང ། དབང་ཕྱུག་དང ། འོད་ཟེར་སྟོང་ལྡན་དང ། ཡིད་དང ། ཡིད་ལས་བྱུང་བ་དང ། རྣམ་པར་གྲགས་པའི་ཡིད་དང ། པདྨ་དང ། ཕྱག་ན་པདྨ་དང ། ཡིད་ལ་བསམ་པ་དང ། དབུགས་འབྱིན་དང ། རབ་ཏུ་དགོད་བ་དང ། སྐྲ་བཟང་དང ། སྐྲ་མཐར་བྱེད་དང ། རྒྱུ་སྐར་དང།་རྒྱུ་སྐར་གྱི་རྒྱལ་པོ་དང ། ཞི་བ་དང ། སྐལ་བ་བཟང་པོ་དང ། འདུལ་བྱེད་མཆོག་སྟེ། དེ་དག་དང ། གཞན་ཡང ། རིག་པའི་རྒྱལ་པོ་པདྨའི་གཙུག་ཏོར་ལ་སོགས་པ་དང ། སྒྲུབ་པ་མཐའ་ཡས་པའི་ཆོས་ཀྱི་ཚོགས་ཀྱི་རྒྱུ་མཐུན་པའི་ཏིང་ངེ་འཛིན་ཐོབ་པ། རིག་པའི་འཁོར་བྱེ་བ་བརྒྱ་སྟོང་ཕྲག་དུ་མ་དག་དང ། རིག་པའི་རྒྱལ་མོ་དུ་མ་དག་དང ། འཇིག་རྟེན་དབང་ཕྱུག་གི་སྐུའི་ཏིང་ངེ་འཛིན་ལས་བྱུང་བ། འདི་ལྟ་སྟེ། སྒྲོལ་མ་དང ། སྒྲོལ་མ་བཟང་པོ་དང ། གར་མཁན་མ་དང ། ཁྲོ་གཉེར་མ་དང ། འགྲོ་བ་མཐའ་ཡས་དང ། འཇིག་རྟེན་འགྲོ་མ་དང ། ས་ཐོབ་
67a
༄#། །པར་འགྲོ་བ་དང ། དྲི་མ་མེད་པར་འགྲོ་བ་དང ། དཀར་མོ་དང ། དཀར་མོ་མ་དང ། དཀར་མོ་ཆེན་མོ་དང ། གོས་དཀར་མོ་དང ། འཇིག་རྟེན་གནས་པ་དང ། དྲི་མ་མེད་པའི་གནས་མ་དང ། བྱང་ཆུབ་ཀྱི་ལག་གི་གནས་མ་དང ། པདྨ་ལ་གནས་མ་དང ། སྟོབས་བཅུ་ལ་གནས་མ་དང ། གྲགས་ལྡན་མ་དང ། ལོངས་སྤྱོད་ལྡན་མ་དང ། ལོངས་སྤྱོད་ཆེ་ལྡན་མ་དང ། འུག་པ་མ་དང ། འུག་པ་མ་མ་ཡིན་པ་དང ། དྲི་མེད་མཐའ་ཡས་མ་དང ། ཀུན་ནས་མཐར་བྱེད་མ་དང ། སྡུག་བསྔལ་མཐར་བྱེད་མ་དང ། འབྱུང་པོ་མཐར་བྱེད་མ་དང ། དཔལ་བྱེད་མ་དང ། དཔལ་བྱེད་ཆེན་མོ་དང ། མཆོད་དཔལ་དང ། མཐའ་ཡས་དཔལ་དང ། འཇིག་རྟེན་དཔལ་དང ། རྣམ་པར་གྲགས་པའི་དཔལ་དང ། འཇིག་རྟེན་མ་དང ། ཀུན་ཏུ་མ་དང ། སངས་རྒྱས་ཡུམ་དང ། ཆུ་བོ་མ་དང ། ཤིང་རྟ་བཟང་མོ་དང ། ཤིང་རྟ་ལྡན་མ་དང ། གླང་པོ་འདུལ་བྱེད་མ་དང ། འདུལ་བྱེད་མ་དང ། འབྱུང་པོ་ལྡན་མ་དང ། དཔལ་བྱེད་མ་དང ། ཕྲེང་བ་མ་དང ། ལོངས་སྤྱོད་ཕྲེང་མ་དང ། འགུགས་བྱེད་མ་དང ། རྨད་བྱུང་མ་དང ། འོད་ཅན་མ་དང ། རོ་བཟང་མ་དང ། ཆང་ལྡན་མ་དང ། དགའ་ལྡན་མ་དང ། འོད་ལྡན་མ་དང ། དཔའ་མོ་དང ། ཀུན་འགྲོ་མ་དང ། ཟླ་འོད་མ་དང ། ཟླ་བ་མ་དང ། ཟླ་ལྡན་མ་དང ། རྨ་བྱ་མ་དང ། རྨ་བྱ་ཆེན་མོ་དང ། ནོར་ལྡན་མ་དང ། ནོར་སྦྱིན་མ་དང ། ལྷ་ལྡན་མ་དང ། འཇིག་
67b
རྟེན་ལྡན་མ་དང ། མེ་ཆེན་མ་དང ། ཆེན་མོ་ཉིད་དང ། སྐྲ་མཛེས་མ་དང ། དགའ་བཟང་མོ་དང ། ནོར་སྦྱིན་མ་དང ། དཔལ་མོ་དང ། དཔལ་ལྡན་མ་དང ། ནད་མཐའ་བྱེད་མ་དང ། ནད་ཐམས་ཅད་གསོ་བར་བྱེད་མ་དང ། མཉམ་མེད་མ་དང ། ལྷ་མོ་དང ། གྲགས་བྱེད་མ་དང ། དབང་དུ་བྱེད་མ་དང ། མྱུར་དུ་བྱེད་མ་དང ། བདེ་སྦྱིན་མ་དང ། བཀྲ་ཤིས་མ་དང ། བཀྲ་ཤིས་བྱེད་མ་དང ། ཟླ་བ་མ་དང ། ཟླ་མཛེས་མ་དང ། ཟླ་ལྡན་མ་དང ། དེ་དག་དང ། གཞན་ཡང ། རིག་པའི་རྒྱལ་མོ་དག་ལ་རི་ཁྲོད་ལོ་མ་གྱོན་མ་དང ། མྱ་ངན་ལས་སྐྱེས་མ་དང ། ཡིད་ལས་སྐྱེས་མ་ལ་སོགས་པ་གྲུབ་པ་མཐའ་ཡས་པས་ཆོས་ཀྱི་དབྱིངས་ནམ་མཁའ་དང་འདྲ་བའི་ངོ་བོ་དང ། སེམས་ཅན་གྱི་སྤྱོད་པའི་རྣམ་པར་འཕྲུལ་པ་གནས་པ་ལ་བྱུང་བའི་ཡིད་དང ། ཕོ་ཉ་དང ། ཕོ་ཉ་མོ་དང ། བྲན་ཕོ་དང ། བྲན་མོ་དང ། མངག་གཞུག་པ་དང ། མངག་གཞུག་མ་དང ། གནོད་སྦྱིན་དང ། གནོད་སྦྱིན་མོ་དང ། སྲིན་པོ་དང ། སྲིན་མོ་དང ། ཤ་ཟ་དང ། ཤ་ཟ་མོ་དང ། པདྨའི་རིགས་དམ་ཚིག་ལ་རྗེས་སུ་ཞུགས་ཤིང་རྗེས་སུ་སྤྱོད་པ་རྣམས་དང ། གནས་གཙང་མའི་ལྷའི་གཞལ་མེད་ཁང་སེམས་ཅན་དག་པ་གང་ན་འདུག་པ་དེར་ཕྱིན་པར་གྱུར་ཏོ། །ཕྱིན་ནས་ཀྱང་བཅོམ་ལྡན་འདས་ཤཱཀྱ་ཐུབ་བ་ལ་མཆོད་པའི་ལས་ལ་བརྩོན་པའི་ཡིད་ཀྱིས་གནས་པར་གྱུར་ཏོ། །དེར་གནས་པ་ན་བཅོམ་ལྡན་འདས་ཤཱཀྱ་ཐུབ་པའི་ཉེ་བ་
68a
༄#། །ན་གནས་པའི་བྱང་ཆུབ་སེམས་དཔའ་ཕྱག་ན་རྡོ་རྗེས་རང་གི་རིག་པའི་ཚོགས་རྣམས་ལ་སྨྲས་པ། ངའི་རིག་པའི་ཚོགས་ཀྱིས་བསྐོར་བའི་རིག་པའི་རྒྱལ་པོ་དང ། རྒྱལ་མོ་ཁྲོ་བོའི་རྒྱལ་པོ་དང ། ཕོ་ཉ་ཆེན་མོ་དང་བཅས་པ། ཁྱེད་ཅག་འདིར་འདུས་པར་གྱིས་ཤིག་།དྲན་པ་ཙམ་ཉིད་གྱིས་རིག་པའི་ཚོགས་ཐམས་ཅད་འདུས་པར་གྱུར་པ་ནི། འདི་ལྟ་སྟེ།་རིག་པ་མཆོག་དང ། རིག་པ་བཟང་པོ་དང ། གྲུབ་པ་བཟང་པོ་དང ། དཔུང་བཟང་དང ། སྡེ་བཟང་དང ། ལྷ་མཐར་བྱེད་དང ། སོ་བཟང་དང ། གང་བ་བཟང་པོ་དང ། རྡོ་རྗེ་སྡེ་དང།་རྡོ་རྗེ་མཐར་བྱེད་དང ། རྡོ་རྗེ་བྱེད་པ་དང ། རྡོ་རྗེ་དཔུང་པ་དང ། རྡོ་རྗེ་ལག་པ་དང ། རྡོ་རྗེ་རྒྱལ་མཚན་དང ། རྡོ་རྗེ་བ་དན་དང ། རྡོ་རྗེ་རྩེ་མོ་དང ། རྡོ་རྗེ་མཆེ་བ་དང ། དག་པའི་རྡོ་རྗེ་དང ། རྡོ་རྗེ་བ་སྤུ་དང ། རྡོ་རྗེ་མཁྲེགས་པ་དང ། རྡོ་རྗེ་ཞལ་དང ། རྡོ་རྗེ་གོ་ཆ་དང ། རྡོ་རྗེ་མགྲིན་པ་དང ། རྡོ་རྗེ་མཐོན་ཀ་དང ། རྡོ་རྗེ་ལྟེ་བ་དང ། རྡོ་རྗེ་རྩེ་མོ་དང ། རྡོ་རྗེ་དྲ་བ་དང ། རྡོ་རྗེ་ར་བ་དང ། རྡོ་རྗེ་མཚོན་ཆ་དང ། རྡོ་རྗེ་གཞུ་དང ། རྡོ་རྗེ་མདའ་དང ། རྡོ་རྗེ་ལྕགས་མདའ་དང ། རྡོ་རྗེ་ས་མཚོན་པ་དང ། རྡོ་རྗེ་ལྕགས་སྒྲོག་དང ། རྡོ་རྗེ་ས་འོག་དང ། རྡོ་རྗེ་འཇིགས་བྱེད་སྤྱན་དང ། རྡོ་རྗེ་ཁྲོ་བོ་དང ། ཆུ་ནང་སྤྱོད་དང ། འབྱུང་བའི་ནང་སྤྱོད་དང ། འཆིང་བའི་ནང་སྤྱོད་དང ། ཁྲོ་བོ་ཆེན་པོའི་ནང་སྤྱོད་དང ། དབང་ཕྱུག་ཆེན་པོའི་ནང་སྤྱོད་དང ། ལྷ་མ་ཡིན་གྱི་དབང་
68b
པོའི་ནང་སྤྱོད་དང ། རིག་པ་ཐམས་ཅད་ཀྱི་ནང་སྤྱོད་དང ། མི་བཟད་པ་དང ། ཤིན་ཏུ་མི་བཟད་པ་དང ། འཕེན་པ་དང ། ཉེ་བར་འཕེན་པ་དང ། རྐང་པ་འཕེན་པ་དང ། ལོག་འདྲེན་གྱི་ནང་དུ་འཕེན་བ་དང།་ལེགས་པར་རྣམ་པར་འཇོག་པའི་འཕེན་པ་དང ། ཚོལ་བར་འཕེན་པ་དང ། སྟོབས་དང ། སྟོབས་པོ་ཆེ་དང ། ནེ་ཙོ་དང ། བུང་བ་དང ། བྷྲིང་གི་རི་ཏི་དང ། ཁྲོ་བོ་དང ། ཁྲོ་བོ་ཆེན་པོ་དང ། ཁྲོ་བོ་ཐམས་ཅད་དང ། རྒ་བ་མེད་པ་དང ། ཀླུ་ཆེན་པོ་དང ། རིམས་དང ། སྐེམ་བྱེད་དང ། ཀླུ་མཐར་བྱེད་དང ། དབྱུག་པ་དང ། དབྱུག་སྔོན་དང ། དཔུང་རྒྱན་དང ། ལུས་དམར་དང ། རྡོ་རྗེ་དབྱུག་པ་དང།་སྤྲིན་དང ། སྤྲིན་ཆེན་པོ་དང ། དུས་དང ། དུག་དང ། ཤ་ཟ་གུ་དང ། ནད་དང ། འབྱུང་པོ་ཐམས་ཅད་ཡང་དག་པར་འཁྲུག་པར་བྱེད་པ་དང ། གཟེར་ནད་དང ། གཟེར་ནད་ཆེན་པོ་ཉམ་ཐག་པ་དང ། ཉམ་ཐག་པ་ཆེན་པོ་དང ། གཤིན་རྗེ་དང ། ཉི་མའི་བུ་དང ། དུས་མཐར་བྱེད་དང ། ནག་པོའི་ཕྱོགས་དང ། མི་བཟད་པའི་གཟུགས་ཅན་དང ། པ་ཊི་སྱ་དང ། མདའ་བོ་ཆེ་དང ། སྒྲ་རྣམ་པར་འཇོམས་པ་དང ། ཟ་བར་བྱེད་པ་དང ། ཚོགས་དང ། ཉི་མ་དང ། དུས་ཀྱི་མཐའི་ཉི་མ་དང ། སྲོག་འཕྲོག་བྱེད་དང ། སྲོག་འཇོམས་བྱེད་དང ། ཞེ་སྡང་དང ། ཕྲག་དོག་དང ། ཐ་བ་སྦྱོར་ཅན་དང ། ཐབ་སྦྱོར་བཟང་པོ་ཅན་དང ། བདུད་རྩི་ཐབ་སྦྱོར་ཅན་དང ། མཐའ་ཡས་ཐབ་སྦྱོར་ཅན་དང ། ཐབ་སྦྱོར་དམར་པོ་ཅན་དང ། ལག་པ་དང ། ལག་པ་ཆེན་པོ་དང ། ཁྲོ་བ་
69a
༄#། །ཆེན་པོ་དང ། མ་རུངས་པ་དང ། སྦྲུལ་དང ། འགོ་བའི་ནད་དང ། མཛེ་དང ། རྒྱལ་བྱེད་ཤིང་རྟ་དང ། འཇིགས་བྱེད་ཤིང་རྟ་དང ། རྣམ་པར་ཞུ་བྱེད་དང ། ཟ་བྱེད་དང ། མི་ངོམས་པ་དང ། འཆོལ་བ་དང ། བྲན་ཏེ། དེ་དག་དང ། གཞན་ཡང ། རིག་པའི་རྒྱལ་པོ་ཁྲོ་བོ་ཆེན་པོས་སེམས་ཅན་མ་ལུས་པ་མཐའ་དག་འདུལ་བར་བྱེད་པ། བསྐྲད་པ་དང ། གཞིག་པ་དང ། མགོ་འགས་པར་བྱེད་པ་དང ། འཆི་བར་བྱེད་པ་དང ། རྣམ་པར་ཉམས་པར་བྱེད་པ་དང ། གུས་པ་དག་ལ་ནི་མཆོག་སྦྱིན་པར་བྱེད་པ། ཞི་བ་དང ། རྒྱས་པ་དང ། མངོན་སྤྱོད་ཀྱི་ལས་རྣམས་སྟོན་པར་བྱེད་པ། རིག་པའི་རྒྱལ་པོ་བྱེ་བ་ཁྲི་ཕྲག་བརྒྱ་སྟོང་དུ་མས་ཡོངས་སུ་བསྐོར་བ་བཅོམ་ལྡན་འདས་ཤཱཀྱ་ཐུབ་པ་དང ། འཇམ་དཔལ་གཞོན་ནུར་གྱུར་པ་ལ་ངེས་པར་སེམས་ཤིང་བདག་ཉིད་ཀྱི་རིག་པའི་རྒྱལ་པོ་ཕྱག་ན་རྡོ་རྗེ་ལ་ཕྱག་འཚལ་ཞིང་བཀའ་རབ་ཏུ་སྡོད་ཅིང་འདུག་སྟེ། རང་གི་རིགས་དང་མཐུན་པའི་གནས་ལ་འདུག་ཅིང་རང་རང་གི་སྟན་ལ་འདུག་པར་གྱུར་ཏོ། །གང་བཅོམ་ལྡན་འདས་ཕྱག་ན་རྡོ་རྗེ་གང་ཡང་ཕོ་ཉ་མོའི་རིག་པའི་རྒྱལ་པོ་དེ་དག་ཀྱང་འཁོར་བརྒྱ་སྟོང་དུ་མས་བསྐོར་བ་ཡང་རང་གི་ཆོས་ཀྱི་དབྱིངས་ནམ་མཁའི་རང་བཞིན་སྤྲོས་པ་མེད་པ་ལ་དམིགས་ནས་གནས་དེར་འདུས་པ་ལ། འདི་ལྟ་སྟེ། འོག་པག་མ་དང ། འོག་བག་བཟང་མོ་དང ། ལུ་གུ་རྒྱུད་མ་དང ། རྡོ་
69b
རྗེ་འོད་མ་དང ། རྡོ་རྗེ་ལྕེ་མ་དང ། རྡོ་རྗེའི་སྦྱིན་མ་དང ། རྡོ་རྗེའི་སྦྱན་མ་དང ། རྡོ་རྗེའི་ཐལ་གོང་མ་དང ། རྡོ་རྗེ་ཁྲོ་གཉེར་མ་དང ། རྡོ་རྗེ་རྣ་བ་མ་དང ། རྡོ་རྗེ་ཡི་གེ་མ་དང ། རྡོ་རྗེ་ཁབ་མ་དང ། རྡོ་རྗེ་ཁུ་ཚུར་མ་དང།་རྡོ་རྗེ་ལྕགས་ཀྱུ་མ་དང ། རྡོ་རྗེ་རལ་གྲི་མ་དང ། རྡོ་རྗེ་ཐོག་འབབ་མ་དང ། རྡོ་རྗེ་ལུ་གུ་རྒྱུད་མ་དང ། གནས་དང་ལྡན་མ་དང ། གནས་མ་དང ། རྣམ་པར་བརྗོད་མ་དང ། དགའ་བྲལ་མ་དང ། འདོད་ལྡན་མ་དང ། རྡོ་རྗེ་འདོད་ལྡན་མ་དང ། འདོད་པའི་རྡོ་རྗེ་དང་ལྡན་མ་དང ། མཐོང་བྱེད་མ་དང ། མཐོང་ལྡན་མ་དང ། མཐོང་ལྡན་ཆེན་མོ་དང ། རྩེ་མོར་གནས་མ་དང ། སྟུག་པོ་མ་དང།་ཕུག་ལྡན་མ་དང ། ཕུག་གནས་མ་དང ། སྒོར་གནས་མ་དང ། ཡིད་མགྱོགས་མ་དང ། རབ་ཏུ་མགྱོགས་མ་དང ། མྱུར་མགྱོགས་མ་དང ། སྤྱན་མཛེས་མ་དང ། རོ་བཟང་ལྡན་མ་དང ། བུང་བ་མ་དང ། བུང་བའི་བུ་མ་དང ། འགྲོ་མ་དང ། གྲུབ་མ་དང ། རླུང་མ་དང ། རྩེག་མ་དང ། སྐྲ་ཅན་མ་དང ། སྐྲ་བཟང་མ་དང ། བཤུགས་པ་མ་དང ། སྡིགས་མཛུབ་མ་དང ། ཕོ་ཉ་མོ་དང ། ཕོ་ཉ་མོ་བཟང་མོ་དང ། བདག་གི་མ་དང ། མིའུ་ཐུང་མ་དང ། གཟུགས་ལྡན་མ་དང ། གཟུགས་ཅན་མ་དང ། རྒྱལ་མ་དང ། རྣམ་པར་རྒྱལ་མ་དང ། གཞན་གྱིས་མི་ཐུབ་མ་དང ། དཔལ་ལྡན་མ་དང ། བཞད་ལྡན་མ་དང ། རྡོ་རྗེ་བཞད་མ་དང ། འཇིག་རྟེན་ལྡན་མ་དང ། གྲགས་ལྡན་མ་དང ། རྡོ་རྗེ་ལྡན་མ་དང ། སྤྱིན་མེད་མ་དང ། སྲིད་གསུམ་དབང་བྱེད་མ་དང ། དབྱུག་པ་མ་དང ། དབྱུག་
70a
༄#། །པ་ཆེན་མོ་མ་དང ། སྙན་པར་སྨྲ་བ་མ་དང ། སྐད་བཟང་ལྡན་མ་དང ། དོན་ལྡན་མ་དང ། ཐེག་ཆེན་མ་དང ། སྲེག་པ་མ་དང ། སྲེག་བ་དཀར་པོ་མ་དང ། དཀར་མོ་དང ། སྒྲུབ་བྱེད་བཟང་མོ་དང ། དྲི་མེད་བཟང་མོ་དང ། དྲིལ་བུ་མ་དང ། རལ་གྲི་མ་དང ། པཊྚི་ས་དང ། རྒྱལ་བྱེད་མ་དང ། སྒྲ་མེད་མ་དང ། འདུད་མ་དང ། གསང་ལྡན་མ་དང ། དབུགས་འབྱིན་ལྡན་མ་དང ། གཏུམ་མ་དང ། འབྱུང་པོ་ཐམས་ཅད་དབང་དུ་བྱེད་པ་དང ། དེ་དག་དང ། གཞན་ཡང ། ཕོ་ཉ་ཆེན་མོའི་ཚོགས་དུ་མས་ཡོངས་སུ་བསྐོར་བ་དང ། འཁོར་གྱི་དཀྱིལ་འཁོར་དེར་འདུས་པར་གྱུར་ཏོ། །ཏིང་ངེ་འཛིན་གྱི་རྒྱུ་མཐུན་པས་ཡོངས་སུ་བསྒོས་པའི་ཐུགས་ལས་བྱུང་བའི་གཟུངས་ཀྱི་ལྷ་མོ་དུ་མ་རྣམས་སེམས་ཅན་མ་རུངས་པ་ཚར་གཅོད་པ་སྒྲུབ་པར་བྱེད་པ་ལ། འདི་ལྟ་སྟེ། རྡོ་རྗེའི་མེས་རབ་ཏུ་རྨོངས་པར་བྱེད་པའི་གཟུངས་ཀྱི་ལྷ་མོ་དང ། ལྷུན་པོའི་རྩེ་མོའི་ཁང་པ་བརྩེགས་པའི་གཟུངས་དང ། རིན་པོ་ཆེའི་རྩེ་མོའི་ཁང་པ་བརྩེགས་པའི་གཟུངས་དང ། འཛིན་མ་དང ། ལེགས་བརྩེགས་མ་དང ། ལག་བརྩེགས་མ་དང ། མེ་ཏོག་བརྩེགས་མ་དང ། ཆད་པའི་གཟུངས་མ་དང ། ཚར་གཅོད་པའི་གཟུངས་མ་དང ། འགུགས་པར་བྱེད་པའི་གཟུངས་མ་དང ། དཔུང་རྒྱན་མ་དང ། དཔུང་རྒྱན་ལྡན་མ་དང ། རྒྱལ་མཚན་མཆོག་གི་དཔུང་རྒྱན་མ་དང ། རིན་ཆེན་མཆོག་གི་དཔུང་རྒྱན་མ་དང །
70b
འཇིག་རྟེན་མཆོག་གི་དཔུང་རྒྱན་མ་དང ། བ་དན་མཆོག་གི་དཔུང་རྒྱན་མ་དང ། ལེའུ་གསུམ་མ་དང ། འཇིག་རྟེན་འཁྱིལ་མ་དང ། སྟོང་འཁྱིལ་མ་དང ། གཤིན་རྗེ་འཁྱིལ་མ་དང ། འབྱུང་པོ་ཐམས་ཅད་འཁྱིལ་མ་དང ། ཏོག་ལྡན་མ་དང ། རིན་ཆེན་ལྡན་མ་དང ། ནོར་བུ་རིན་པོ་ཆེའི་གཙུག་མ་དང ། བྱང་ཆུབ་ཡན་ལག་མ་དང ། སྟོབས་ལྡན་མ་དང ། མཐའ་ཡས་ཏོག་མ་དང ། ཀུན་ཏུ་ཏོག་མ་དང ། རིན་ཆེན་ཏོག་མ་དང ། རྣམ་གྲགས་ཏོག་མ་དང ། འབྱུང་པོ་ཐམས་ཅད་ཀྱི་ཏོག་མ་དང ། འཁོར་ས་ལྡན་མ་དང ། སྒྲ་སྙན་མ་དང ། དྲི་བྲལ་བཟང་མོ་དང ། གདོང་དྲུག་མ་དང ། དྲི་བྲལ་མ་དང ། འཇིག་རྟེན་གྲགས་པ་མ་དང ། དེ་དག་དང ། གཞན་ཡང ། གཟུངས་ཀྱི་ལྷ་མོ་བརྒྱ་སྟོང་དུ་མས་ཡོངས་སུ་བསྐོར་བ་དང་འཁོར་གྱི་དཀྱིལ་འཁོར་དེར་འདུས་པར་གྱུར་ཏོ། །སངས་རྒྱས་མཐའ་ཡས་པས་བྱིན་གྱིས་བརླབས་པ་དང ། བྱང་ཆུབ་སེམས་དཔའ་ཆེན་པོའི་ཏིང་ངེ་འཛིན་གྱི་བྱིན་གྱིས་བརླབས་པ་དང ། སངས་རྒྱས་ཀྱི་ཞིང་གཞན་གྱི་སངས་རྒྱས་ཡོངས་སུ་སྤངས་པའི་རང་སངས་རྒྱས་བཅོམ་ལྡན་འདས་བ་སེ་རུ་ལྟ་བུ་དང ། ཚོགས་ན་སྤྱོད་པ་རྣམས་སེམས་ཅན་རྣམས་ཀྱི་དོན་མཛད་པ་ནི་ཅང་མི་གསུང་བ་གོམས་པས་ཆོས་ཀྱི་ཚུལ་ཡང་དག་པར་སྟོན་པ་ཡིན་ཏེ། འཁོར་བའི་རྗེས་སུ་འཁོར་བས་རྟག་ཏུ་ཡིད་སྐྱོ་ལ། རྒྱུད་ལ་སྙིང་རྗེ་ཆེན་པོ་སྤངས་ཤིང་སེམས་ལ་བག་ཆགས་བསྒོས་པ་ཁོ་ན་སྔོན་བྱང་ཆུབ་ཏུ་སེམས་བསྐྱེད་པ་ཉིད་ཡོངས་སུ་བསྒོས་པར་སེམས་
71a
༄#། །པ་སྟེ།་ས་གཅིག་དང ། ས་གཉིས་དང ། ས་གསུམ་དང ། བྱང་ཆུབ་སེམས་དཔའི་ས་བརྒྱད་ཀྱི་བར་དུ་འཇུག་པའི་སེམས་དང ། འཁོར་བས་སྐྱོ་ཞིང་འཇིགས་ལ་འཇིགས་པར་བྱེད་པ་དེ་དག་ཀྱང་དཀྱིལ་འཁོར་ཆེན་པོ་དེར་འདུས་པར་གྱུར་ཏོ། །འདི་ལྟ་སྟེ། སྤོས་ཀྱི་ངད་ལྡང་དང ། ཀུན་ནས་སྐྱེ་མཆེད་དང ། ཀུན་ཏུ་འོད་དང ། དགའ་བོ་དང ། དུས་དང ། ཉེ་བའི་དུས་དང ། མུ་ཁྱུད་དང ། ཉེ་བའི་མུ་ཁྱུད་དང ། འདོད་པ་དང ། ཉེ་བའི་འདོད་པ་དང ། ཕ་རོལ་ཕྱིན་རྟ་དང ། ལེགས་པར་ཕ་རོལ་ཕྱིན་རྟ་དང ། རྔ་བོ་ཆེ་དང ། ཉེ་བའི་རྔ་བོ་ཆེ་དང ། འཇིག་རྟེན་རྣམ་པར་འཇིགས་པར་བྱེད་པ་དང ། རྡུལ་མེད་དང ། རྡུལ་དང ། ཉེ་བའི་རྡུལ་དང ། ཆ་ཤས་དང ། ཉེ་བའི་ཆ་ཤས་དང ། ཕྱག་མཚན་དང ། ཕྱག་མཚན་བཟང་པོ་དང ། ཉིན་བྱེད་དང ། བཟང་བྱེད་དང ། འོད་ལྡན་དང ། འོད་བྱེད་དང ། འཇིག་རྟེན་བྱེད་དང ། རྣམ་གྲངས་དང ། ཐོས་མེད་དང ། སྡུག་མཛེས་དང ། དབྱངས་མཛེས་དང ། དུལ་མཛེས་དང ། མཐའ་ཡས་མཐའ་དང ། རྒྱུ་མཐའ་དང ། ཏོག་དཀར་པོ་དང ། ཏོག་གི་ཕྱག་མཚན་དང ། ཏོག་དང ། ཉེ་བའི་ཏོག་དང ། རྒྱལ་དང ། པདྨ་དང ། པདྨ་འབྱུང་བ་དང ། རང་བྱུང་དང ། སྐྱེས་པ་དང ། ཡིད་དུ་འོང་བ་དང ། ཡིད་ལས་བྱུང་དང ། དབང་ཆེན་དང ། བརྩེགས་པའི་མཚན་དང ། རུ་རྟ་དང ། མ་ལུས་སྤྱན་དང ། བདེ་བྱེད་དང ། ཕན་བྱེད་དང ། ཞི་བ་དང ། ཞི་བའི་ཡིད་
71b
དང།་ཆོས་དང ། ཉེ་བའི་ཆོས་དང ། རྣམ་པར་སྣང་མཛད་དང ། མེ་ཏོག་དང ། ལེགས་སྤོ་དང ། དཔལ་ལྡན་དང ། གཉེན་ལས་ཐག་རིང་བྱེད་དང ། བཟོད་བར་དཀའ་བ་དང ། གསེར་དང ། དྲི་མེད་ཏོག་དང།་ཟླ་བ་དང ། ཟླ་བཟང་དང ། སྡེ་བཟང་དང ། བརྟུལ་ཞུགས་ལེགས་སྤྱད་དང ། བརྒྱ་བྱིན་དང ། ཆོས་སྦྱིན་དང ། འདོད་པ་དང ། ཉེ་དབང་ནོར་ལྷ་དང ། དེ་དག་དང ། གཞན་ཡང ། རང་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་བསམ་གྱིས་མི་ཁྱབ་པ། གཞལ་དུ་མེད་པ། སྨོན་པ་མེད་པའི་ཆོས་ཀྱི་དབྱིངས་ནམ་མཁའི་ངོ་བོ་སྤྲོས་པ་མེད་ཅིང་འདུས་མ་བྱས་པ། ཐེག་པ་འབྲིང་ལ་རབ་ཏུ་ཞུགས་ཤིང་ལུང་བསྟན་ཏེ་རབ་ཏུ་གནས་པ། རྗེས་སུ་ཆགས་པ་དང ། ཁོང་ཁྲོ་བ་དག་དང་བྲལ་བ་དག་དང་ཐབས་གཅིག་ཏུ་སངས་རྒྱས་བཅོམ་ལྡན་འདས་བཞུགས་པར་གྱུར་ཏོ། །ཉན་ཐོས་ཀྱི་དགེ་འདུན་ཆེན་པོ་ཉན་ཐོས་བྱེ་བ་ཕྲག་བརྒྱ་སྟོང་དུ་མའི་འཁོར་དང་ལྷན་ཅིག་པ་ལ། འདི་ལྟ་སྟེ། འོད་སྲུང་ཆེན་པོའི་བུ་དང ། ཆུ་ཀླུང་འོད་སྲུང་གི་བུ་དང ། ལྟེང་རྒྱས་འོད་སྲུང་གི་བུ་དང ། བར་དྭ་ཛའི་བུ་དང ། བ་ར་དྭ་ཛ་བསོད་སྙོམས་ལེན་དང ། མཽད་གལ་གྱི་བུ་དང ། མཽད་གལ་གྱི་བུ་ཆེན་པོ་དང ། ཤཱ་རིའི་བུ་དང ། ཤཱ་རིའི་བུ་ཆེན་པོ་དང ། རབ་འབྱོར་དང ། རབ་འབྱོར་ཆེན་པོ་དང ། བ་ལང་བདག་དང ། ཀ་ཏྱཱ་ཡན་དང ། ཀ་ཏྱཱ་ཡན་ཆེན་པོ་དང ། ཉེ་བ་འཁོར་བཟང་པོ་དང ། ག་བིན་དང ། དགའ་བོ་དང ། ཀུན་དགའ་བོ་དང ། མཛེས་དགའ་བོ་དང ། ཉེ་དགའ་བོ་དང ། འཇིག་རྟེན་གྱུར་པ་དང ། མཐའ་
72a
༄#། །ཡས་འཇིག་རྟེན་གྱུར་པ་དང ། སྙན་པ་དང ། ཉེ་བའི་སྙན་པ་དང ། དགའ་ལྡན་དང ། ཉེ་བའི་དགའ་ལྡན་དང ། མ་འགགས་པ་དང ། གང་བ་དང ། ཡོངས་སུ་གང་བ་དང ། ཉེ་བའི་གང་བ་དང ། རྒྱལ་དང ། ནབ་སོ་དང ། རུ་རུ་དང ། དྲག་པོའི་བུ་དང ། རུ་རུའི་བུ་དང ། ཀུ་རུ་དང ། ལྔས་རྩེན་དང ། ཉེ་བའི་ལྔས་རྩེན་དང ། དུས་དང ། དུས་བཟང་དང ། ལྷ་འཛིན་དང།་སྒྲ་གཅན་འཛིན་དང ། ལྗང་སྔོན་དང ། ཉེ་བའི་ལྗང་སྔོན་དང ། བསམ་བྱ་དགའ་དང ། བསམ་བྱེད་དང ། འཆར་བ་དང ། ཉེ་བའི་འཆར་བ་དང ། དཔལ་ལྡན་དང ། རྫས་དང ། གྱད་ཀྱི་བུ་དང ། ཉེ་རྫས་དང ། དུམ་བུ་ལྡན་དང ། རྒྱལ་དང ། ཉེ་རྒྱལ་དང ། རྒྱལ་ཆེན་པོ་དང ། ཀུན་ནས་རྒྱལ་དང ། འབོད་བྱེད་དང ། གྲགས་སྦྱིན་དང ། གྲགས་ལྡན་དང ། ནོར་ཅན་དང ། ཉེ་བའི་ནོར་ཅན་དང ། པི་ལིན་ད་ལ་དང ། འདུན་པ་དང ། པིབ་པ་ལ་དང ། ཀིབ་པ་ལ་དང ། ཉེ་བའི་འབྲས་བུ་དང ། མཐའ་ཡས་འབྲས་བུ་དང ། འབྲས་བུ་དང་བཅས་པ་དང ། གཞོན་ནུ་དང།་གཞོན་ནུ་འོད་སྲུང་གི་བུ་དང ། ཆོས་སྦྱིན་དང ། བཅུ་དྲུག་སྡེ་པའི་དགའ་བྱེད་དང ། ཉེ་དགའ་དང ། ཡོན་པོ་དང ། ལྕེ་ལྡན་དང ། རྒྱལ་བའི་ཞགས་པ་དང ། དབུགས་འབྱིན་ཆེན་པོ་དང ། བེའུའི་བུ་དང ། ཀུ་རུ་ཀུ་ལ་དང ། ཉེ་བའི་ཀུ་རུ་ཀུ་ལ་དང ། གྲོ་བཞིན་སྐྱེས་རྣ་བ་བྱེ་བ་རི་དང ། རྒྱུན་གྱི་ཕ་རོལ་མཐར་བྱེད་དང ། གང་གཱའི་བུ་དང ། རིའི་
72b
རྣ་བ་དང ། བྱེ་བའི་ཟེ་བ་དང ། དབྱར་ཅན་དང ། གཟི་བརྗིད་ཅན་དང ། གཟི་བརྗིད་བཟང་པོ་དང ། དཔའ་སྦས་དང ། འཇིག་རྟེན་སྦས་དང ། བླ་མ་སྦས་དང ། ལྷུར་བྱེད་དང་སྐར་མ་ལ་དགའ་བ་དང ། ཞི་བྱེད་དང ། བྱིས་པ་དང ། ཉེ་བའི་བྱིས་པ་དང ། སོ་གོལ་ཉི་ཤུ་པ་དང ། མགོན་མེད་སྦྱིན་དང ། ཉེ་བར་གནས་དང ། ལྡོག་པར་གནས་དང ། སྨྱོ་བྱེད་དང ། འོད་ལྡན་དང ། ཀུན་ཏུ་ཡོད་དང ། མེ་ཏོག་ཀ་དམ་ལི་དང ། ལེགས་པར་རབ་སད་དང ། ཉེ་བར་འོངས་དང ། འཇིག་རྟེན་འོངས་དང ། སྡུག་བསྔལ་མཐར་བྱེད་དང ། སྐལ་བཟང་ཡོད་དང ། སྐལ་བཟང་ཡོད་ཆེན་པོ་དང ། དོན་སྤྱོད་དང ། མེས་པོ་དང ། འགྲོ་ཡོད་དང ། རྒྱལ་སྐྱོང་དང ། རྒྱལ་དང ། ཡུལ་ཀ་ཤི་ཅན་དང ། ཉེ་བའི་ཀ་ཤི་ཅན་དང ། ཉེ་བའི་ཀ་ཤི་ཅན་དང ། སྨན་ཆེན་པོ་ཅན་དང ། གཟི་བརྗིད་ཆེན་པོ་ཅན་དང ། གཟི་བརྗིད་ཆེན་པོ་དང ། ལྷ་མཚམས་དང ། སྒྲུབ་བྱེད་དང ། ཚོགས་ཅན་དང ། ཚངས་པ་བཟང་པོ་དང ། དགེ་བཟང་དང ། འཇིག་རྟེན་བཟང་པོ་དང ། མཉམ་པ་དང ། མཉམ་བཅས་དང ། དེ་དག་དང ། གཞན་ཡང ། ཆོས་ཀྱི་དབྱིངས་མཐའ་ཡས་པ། རྣམ་པར་གྲོལ་བའི་རོའི་རོ་མྱོང་བ། ཐེག་པ་གསུམ་ལས་ངེས་པར་འབྱུང་བ་ལས་ཐེག་བ་ཆུང་ངུའི་ལམ་ཐོབ་པ། འཁོར་པ་ལས་འཇིགས་པ་དག་དང ། རྣམ་པར་ཐར་བའི་སྒོ་གསུམ་གྱིས་བསམ་གཏན་ལ་བསམ་གཏན་པ་
73a
༄#། །དང ། སྤྱོད་ལམ་བཞིར་ཚངས་པའི་གནས་བཞི་ལ་གནས་པ་དང་ལྡན་ཞིང་ལེགས་པར་མཉམ་པར་གཞག་པ། ལེགས་པ་བསྙེན་པར་རྫོགས་པ། ཐེག་པ་ཆུང་ངུའི་མྱ་ངན་ལས་འདས་པའི་དབྱིངས་ལ་ཞུགས་ཤིང་ངེས་པར་འབྱུང་བ། མཉམ་པ་ཉིད་སྤྲོས་པ་མེད་པ། དེ་དག་དང་ཡང་འཁོར་གྱི་དཀྱིལ་འཁོར་དེར་བཅོམ་ལྡན་འདས་ཤཱཀྱ་ཐུབ་པ་དཀོན་མཆོག་གསུམ་ས་བཅུལ་གནས་པ་དག་དང་ཐབས་གཅིག་ཏུ་བཞུགས་སོ། །ཉན་ཐོས་ཆེན་པོ་ངེས་པར་འབྱུང་བའི་མྱ་ངན་ལས་འདས་པའི་དབྱིངས་ལ་ཡང་དག་པར་རྗེས་སུ་ཞུགས་པ་དུ་མ་དག་དང ། འདུས་མ་བྱས་ཀྱི་ལམ་གྱི་ཐེག་པ་ལ་དམིགས་པ་དང ། དག་ཅིང་འདོད་ཆགས་དང་བྲལ་བ་དང ། ཀུན་ནས་སྣང་བ་ཀུན་ཏུ་ཐོབ་པ་དང ། སྦྱིན་པའི་གནས་སུ་གྱུར་པ། ཡོན་ཏན་གྱི་ཞིང་ཡོན་ཏན་སྐྱེད་པར་བྱེད་ཅིང་ཡོངས་སུ་སྦྱོང་བ་དག་དང ། སེམས་ཅན་གྱི་སྙིང་པོའི་སྙིང་པོར་གྱུར་པ། འཇིག་རྟེན་མཆོག་གི་བདག་པོ། ལྷ་དང ། མི་རྣམས་ཀྱིས་མཆོད་པ། བསོད་ནམས་ཀྱི་ཞིང ། རྐང་གཉིས་དང ། རྐང་བཞི་དང ། རྐང་མང་དང ། སེམས་ཅན་ཐམས་ཅད་ཀྱི་མཆོག་ལ། འདི་ལྟ་སྟེ། གྲགས་འཛིན་མ་དང ། གྲགས་སྦྱིན་མ་དང ། སྐྱེ་དགུའི་བདག་མོ་ཆེན་མོ་དང ། ལེགས་སྐྱེས་མ་དང ། དགའ་མོ་དང །
73b
སྦོམ་དགའ་མོ་དང ། མཛེས་དགའ་མོ་དང ། སྒོམ་པ་མོ་དང ། མཛེས་མ་དང ། མཐའ་ཡས་མ་དང ། ས་ག་མ་དང ། བསམ་པ་མ་དང ། རྒྱལ་ལྡན་མ་དང ། གཙུག་ཕུད་མ་དང ། ཉེ་བའི་གཙུག་ཕུད་མ་དང ། ལྷ་མོ་མ་དང ། ལེགས་ལྷ་མོ་དང ། གནས་མ་དང ། དཔལ་མོ་དང ། རབ་མཆོག་མ་དང ། རབ་དགའ་མ་དང ། སྨྲ་དགའ་མ་དང ། སྣར་མ་མ་དང ། ཡུལ་འཁོར་སྲུང་བ་མ་དང ། སྲུང་མ་དང ། བདག་པོ་མ་དང ། ཕུན་སུམ་ཚོགས་མ་དང ། ལུས་ཅན་མ་དང ། དད་མ་དང ། དགའ་མ་དང ། རལ་པ་མ་དང ། ཉེ་བའི་རལ་པ་མ་དང ། ཀུན་ནས་རལ་པ་མ་དང ། དོན་འབྱུང་མ་དང ། འོད་མ་དང ། ཡིད་མགྱོགས་མ་དང ། སྐྲག་ལྡན་མ་དང ། ཁྱབ་འཇུག་འཛིན་མ་དང ། ཁྱབ་འཇུག་དགའ་མ་དང ། ཡིད་བཟང་མ་དང ། ཡིད་མང་མ་དང ། དཔལ་ལྡན་མ་དང ། ཉམ་ཐག་སྡུག་བསྔལ་མ་དང ། ལས་སྦྱིན་མ་དང ། ལས་འབྲས་མ་དང ། རྣམ་རྒྱལ་ལྡན་མ་དང ། ནོར་བདག་མ་དང ། ནོར་སྦྱིན་མ་དང ། ཆོས་སྦྱིན་མ་དང ། རྩེད་མོ་སྦྱིན་མ་དང ། འདུད་མ་དང ། ལེགས་འདུད་མ་དང ། སྙན་ལྡན་མ་དང ། ཡིད་ལྡན་མ་དང ། རབ་བཞད་མ་དང ། །སྲིད་གསུམ་མཐར་བྱེད་མ་དང ། དྲི་མ་གསུམ་མཐར་བྱེད་མ་དང ། སྡུག་བསྔལ་སྟོན་པར་བྱེད་མ་དང ། ཡིད་འབྱུང་མ་དང ། ཁ་དོག་གསུམ་མ་དང ། པདྨའི་ཁ་དོག་
74a
༄#། །མ་དང ། པདྨ་ལྡན་མ་དང ། པདྨའི་འོད་མ་དང ། དཀའ་ཟློག་རྐང་སྤྱོད་མ་དང ། དཀའ་ཟློག་རྐང་སྤྱོད་ལྡན་མ་དང ། འདབ་གསུམ་མ་དང ། འདབ་བདུན་མ་དང ། ུཏྤ་ལའི་འདབ་མ་དང ། དེ་དག་དང ། གཞན་ཡང ། གནས་བརྟན་མ་ཆེན་མོ། ཉན་ཐོས་ཆེན་མོ་དག་བཅོམ་ལྡན་འདས་ཀྱི་ཞབས་ལ་ཕྱག་འཚལ་བའི་ཕྱིར་ཉེ་བར་ལྷགས་པར་གྱུར་ཏོ། །འཁོར་གྱི་དཀྱིལ་འཁོར་ཆེན་པོ་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པར་འཕྲུལ་པ་མཐོང་བར་འདོད་ནས་འདུས་ཤིང་འཁོད་པར་གྱུར་ཏེ། ཆོས་མཉན་པའི་ཕྱིར་དང ། སྔགས་ཀྱི་སྤྱོད་པ་སྒྲུབ་པ་གསལ་བར་འདོད་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་ལྷག་པའི་བསམ་པ་དག་དང ། དངོས་པོ་མེད་པའི་ངོ་བོ་ཉིད་ནམ་མཁའི་ངོ་བོ་དང ། ཆོས་ཀྱི་དབྱིངས་དུས་གསུམ་ལས་ཡང་དག་པར་འདས་པར་མཁྱེན་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། སེམས་ཅན་གྱི་དོན་སྤྱོད་པ་ལ་ཡང་དག་པར་སོམས་ཤིག་བསམ་པ་ཇི་ལྟ་བ་བཞིན་དུ་མངོན་པར་དགའ་བའི་འདོད་པའི་ལས་ཀྱི་འབྲས་བུ་ལ་དད་པ་དང་ལྡན་པ་ལ་སྔགས་ཀྱི་སྤྱོད་པའི་དོན་ཡང་དག་པར་ཐོབ་པ་ཞེས་བྱ་བའི་ཆོས་ཀྱི་ཚིག་དང ། ལས་ཀྱི་ཚིག་
74b
དང།་ཞི་བའི་ཚིག་དང ། ཐར་པའི་ཚིག་དང ། ཆོ་ག་ཞིབ་མོ་སྒྲུབ་པ་དང ། རྣམ་པར་མི་རྟོག་པའི་མཉམ་པ་ཉིད་ཐོབ་པར་བྱེད་པ་དང ། དེ་བཞིན་གཤེགས་པའི་སྟོབས་བཅུ་ཀུན་གྱི་སྟོབས་དང ། བདུད་ཐམས་ཅད་ཀྱི་སྟོབས་ཟིལ་གྱིས་གནོན་པ་ཞེས་བྱ་བའི་བྱང་ཆུབ་སེམས་དཔའི་ཏིང་ངེ་འཛིན་སྒོམས་ཤིག་ཅེས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་མ་ཐག་ཏུ་འཇམ་དཔལ་གཞོན་ནུར་གྱུར་པ་སྙོམས་པར་ཞུགས་པར་གྱུར་ཏོ། །འཇམ་དཔལ་གཞོན་ནུར་གྱུར་པ་སྙོམས་པར་ཞུགས་མ་ཐག་ཏུ། དེ་ནས་སྟོང་གསུམ་གྱི་སྟོབ་ཆེན་པོ་འདི་དང ། འཇིག་རྟེན་གྱི་ཁམས་བརྒྱ་ཕྲག་སྟོང་དུ་མའི་རྡུ་ཕྲ་རབ་ཀྱི་རྡུལ་དང་མཉམ་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡང་དག་པར་རབ་ཏུ་གཡོས་ཏེ། སྣང་བ་ཆེན་པོས་གསལ་བར་ཡང་བྱས་ནས་རང་གི་རྫུ་འཕྲུལ་གྱི་སྟོབས་སྐྱེད་པ་སྟོན་ཏེ། རང་གི་སྔགས་ཀྱི་ཚིག་ཀྱང་སྟོན་པ་ལ། ན་མཿ ་ས་མནྟ་བུད་དྷཱ་ནཱཾ། ཨ་བྷཱ་བ་སཝ་བྷཱ་བ་མུངྒ་ཏཱ་ནཱཾ། ན་མཿ ་ཕྲ་ཏྱེ་ཀ་བུད་དྷཱ་ནཱཾ། ཨཱརྱ་ཤྲཱ་བ་ཀཱ་ནཱཾ། ན་མོ་བོ་དྷི་ས་ཏྭཱ་ནཱཾ། ད་ཤ་བྷཱུ་མི་པྲ་ཏིཥྛ་ཏེ་ཤཝ་རཱ་ནཱཾ། བོ་དྷི་ས་ཏྭཱ་ནཱཾ། མ་ཧཱ་སཏྭ་ནཱཾ། ཏདྱ་ཐཱ། ཨོཾ་ཁ་ཁ་ཁཱ་ཧི་ཁཱ་ཧི། དུཥྚ་ས་ཏྭ་ད་མ་ཀ་ཨ་སི་མུ་ས་ལ་བར་ཤུ་པཱ་ཤ་ཧ་སྟ། ཙ་ཏུརྦྷུ་ཛ། ཙ་ཏུརྨུ་ཁ། ཥ་ཊ་ཙ་ར་ཎ། གཙྪ་གཙྪ། སརྦ་བིགྷྣ་བིགྷྣནྟ་ཀ་ར། བི་ཀྲྀ་ཏཱ་ན་ན། སརྦ་བྷུ་ཏ་བྷ་ཡཾ་ཀ་ར། ཨཊྚ་ཊྚ་ཧཱ་ས་ནི་ནཱ་དི་
75a
༄#། །ནེ།་བྱ་གྷྲ་ཙརྨ་ཎི་པཱ་ས་ན། ཀུ་རུ་ཀུ་རུ། སརྦ་དྷརྨཱ་ན། ཚིནྡྷ་ཚིནྡྷ། སརྦ་མནྟཱ་ན། བིནྡྷ་བིནྡྷ། པ་ར་མུད་ཏྲཱ་ན། ཨཱ་ཀཪྵ་ཡ། ཨཱ་ཀཪྵ་ཡ། སརྦ་བྷཱུ་ཏཱ་ན། ནིརྨ་ཐ་ནི་རྨ་ཐ། སརྦ་དུཥྚཱ་ན། པྲ་བེ་ཤ་ཡ་པྲ་བེ་ཤ་ཡ། མཎྜ་ལ་མད་དྷྱེ། པཻ་བ་སཏྭ་ཛི་བི་ཏཱནྟ་ཀ་ར། ཀུ་རུ་ཀུ་རུ་མ་མ་སརྦ་ཀཱརྱན། ད་ཧ་ད་ཧ། པ་ཙ་པ་ཙ། མཱ་བི་ལམྦ་མཱ་བི་ལམྦ། ས་མ་ཡ་མ་ནུ་སྨ་ར། ཧཱུཾ་ཧཱུཾ་ཕཊ། སྥོ་ཊ་ཡ་སྥོ་ཊ་ཡ། སརྦ་ཨཱ་ཤ་པ་རི་པཱུ་ར་ཀ་།ཧེ་བྷ་ག་བཱན་ཀཉྩ་\?\་ ་རཱ་ཡ་སི་མ་མ་སརྦཱ་རྠཾ་སཱ་དྷ་ཡ། འདི་ནི། བཅོམ་ལྡན་འདས། འཇམ་དཔལ་གཞོན་ནུར་གྱུར་པའི་ཁྲོ་བོ་ཆེན་པོ་གཤིན་རྗེའི་གཤེད་ཅེས་བྱ་བ་ཡིན་ཏེ། གཤིན་རྗེའི་རྒྱལ་པོ་ཡང་འཇོམས་པ་དང ། འགུགས་པར་བྱེད་པ་ཡིན་ན་སེམས་ཅན་གཞན་ལྟ་སྨོས་ཀྱང་ཅི་དགོས། ཁྲོ་བོའི་རྒྱལ་པོ་ཆེན་པོས་གཟུངས་སྔགས་འདི་སྨྲས་མ་ཐག་ཏུ་སེམས་ཅན་ཐམས་ཅད་བཅོམ་ལྡན་འདས་ཀྱི་སྤྱན་སྔར་ལྷགས་པར་གྱུར་ཏེ། འཇིགས་པ་དང ། ཉམ་ཐག་པ་དང ། དངངས་པ་དང ། ཡིད་སྐྱོ་བ་དང ། སྙིང་འགས་པར་འགྱུར་ཏེ། སངས་རྒྱས་བཅོམ་ལྡན་འདས་དང ། འཇམ་དཔལ་གཞོན་ནུར་གྱུར་པ་མ་གཏོགས་པར་སྐྱབས་གཞན་མེད། སྐྱོབ་པ་གཞན་མེད། དཔུང་གཉེན་གཞན་མེད་པར་གྱུར་ཏེ། དེ་ནས་གང་སུ་དག་ས་ལ་གནས་པ་དང ། ཆུ་ལ་གནས་པ་དང ། ནམ་
75b
མཁའ་ལ་གནས་པ་དང ། བརྟན་པར་གནས་པ་དང ། མི་བརྟན་པར་གནས་པ་དང ། མངལ་ནས་སྐྱེས་པ་དང ། སྒོ་ང་ལས་སྐྱེས་པ་དང ། དྲོད་གཤེར་ལས་སྐྱེས་པ་དང ། རྫུས་ཏེ་སྐྱེས་པའི་སེམས་ཅན་གྱི་གྲངས་སུ་གཏོགས་པ་འཇིག་རྟེན་གྱི་ཁམས་མཐའ་ཡས་པ་དག་ན་རྣམ་པར་གནས་པ་སྟེང་དང ། འོག་དང ། ཐད་ཀ་དང ། ཕྱོགས་དང ། ཕྱོགས་མཚམས་དག་ཏུ་སྐད་ཅིག་དེ་དང ། ཡུད་ཙམ་དེ་ལ་གབ་ཅིང་གནས་པ་དག་སྐད་ཅིག་དེ་ཉིད་ལ་ཁྲོ་བོའི་རྒྱལ་པོ་ཆེན་པོས་འདི་ཉིད་དུ་བཀུག་པར་གྱུར་ཏོ། །ཁྲོ་བོ་རྒྱལ་པོའི་སྔགས་འདི་ནི་འདོད་ཆགས་དང་མ་བྲལ་བ་རྣམས་ཀྱི་མདུན་དུ་བརྗོད་པར་མི་བྱ་སྟེ། ཅིའི་ཕྱིར་ན། དེ་ཡང་འཆི་བར་འགྱུར་བ་འམ། སྐམ་པར་འགྱུར་བའི་ཕྱིར་རོ། །དམ་ཚིག་ལ་དམིགས་པར་བྱས་ནས་སངས་རྒྱས་ཀྱི་སྐུ་གཟུགས་སམ། སྐུ་གདུང་དང་བཅས་པའི་མཆོད་རྟེན་ནམ། འཇམ་དཔལ་གཞོན་ནུར་གྱུར་པའི་སྐུ་གཟུགས་ཀྱི་སྤྱན་སྤང་བཟླས་པར་བྱའོ། །ཡང་ན་ལས་གཞན་གྱི་ཆེད་དུ་བརྗོད་པར་བྱ་སྟེ། གང་དེ་དང ། དེ་དག་ཏུ་ནི་བརྗོད་པར་མི་བྱ་སྟེ། དེ་ཅིའི་ཕྱིར་ཞེ་ན། ལྟས་ངན་ཆེན་པོ་དང ། མྱ་ངན་ཆེན་པོ་དང ། བདག་ཉིད་འཇིགས་པ་ཆེན་པོར་འགྱུར་བའི་ཕྱིར་རོ། །ཐུགས་རྗེ་མཆོག་དང་ལྡན་པའི་སངས་རྒྱས་བཅོམ་ལྡན་འདས་དང ། བྱང་ཆུབ་སེམས་དཔའ་སེམས་
76a
༄#། །དཔའ་ཆེན་པོ་ནི་ཐམས་ཅད་མཁྱེན་པའི་ཡེ་ཤེས་ཁོ་ནའི་སྤྱོད་པ་རྗེས་སུ་བསྒྲུབ་ཅིང་བསྟན་པ་དང ། སེམས་ཅན་ཐམས་ཅད་དབང་དུ་བྱ་བ་དང ། ཆོས་ཀྱི་ཚུལ་ཡང་དག་པར་གནས་པར་བྱ་བ་དང ། སེམས་ཅན་གྱི་ཁམས་མཐའ་དག་མྱ་ངན་ལས་འདས་པ་ཡང་དག་པར་ཐོབ་པར་བྱ་བ་དང ། བསྟན་པ་མེད་པ་དག་ཏུ་བསྟན་པ་དང ། ལམ་གསུམ་ལ་ཡང་དག་པར་སྦྱོར་བ་དང ། དཀོན་མཆོག་གསུམ་གྱི་གདུང་མི་བཅད་པ་དང ། སྔགས་ཀྱི་སྤྱོད་པ་བསྟན་པའི་ཕྱིར་དང ། ཐུགས་རྗེ་ཆེན་པོའི་མཐུའི་རྒྱུ་མཐུན་པའི་ཐུགས་ཀྱིས་བདུད་ཀྱི་སྟོབས་ཟིལ་གྱིས་གནོན་པ་དང ། བགེགས་ཆེན་པོ་རྣམ་པར་གཞིག་པ་དང ། རྒྱལ་པོ་མ་རུངས་པ་རྣམ་པར་གཞོམ་པ་དང ། བདག་གི་སྟོབས་རྣམ་པར་འཕེལ་བར་བྱ་བ་དང ། གཞན་གྱི་སྟོབས་རྣམ་པར་གཞིག་པ་དང ། རེངས་པར་བྱ་བ་དང ། གསད་པ་དང ། མི་སྣང་བར་བྱ་བ་དང ། རབ་ཏུ་བསྟན་པ་དང ། ཉེ་བར་སྒོམ་པ་དང ། དགའ་བར་བྱ་བ་དང ། རང་གི་སྔགས་ཀྱི་སྤྱོད་པ་རབ་ཏུ་བསྟན་པ་དང ། ཚེ་དང ། ནད་མེད་པ་དང ། དབང་ཕྱུག་མངོན་པར་འཕེལ་བར་བྱ་བ་དང ། མྱུར་བའི་ལས་རྗེས་སུ་བསྒྲུབ་པ་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། བཏང་སྙོམས་ཆེན་པོ་དང ། དགའ་བ་ཆེན་པོའི་
76b
ཡང་དག་པར་སྒོམ་པར་གནས་པ་དང ། དེ་དག་གི་རྒྱུ་མཚན་དུ་རྟོགས་པ་དང ། རྣམ་པར་རྟོག་པ་ཐམས་ཅད་དང་བྲལ་བའི་སེམས་ཀྱིས་སྨྲས་སོ། །དེ་ནས་ཀླུ་དང ། ཀླུ་ཆེན་པོ་དེ་དག་དང ། གནོད་སྦྱིན་དང ། གནོད་སྦྱིན་ཆེན་པོ་དང ། སྲིན་པོ་དང ། སྲིན་པོ་ཆེན་པོ་དང ། ཤ་ཟ་དང ། ཤ་ཟ་ཆེན་པོ་དང ། སྲུལ་པོ་དང ། སྲུལ་པོ་ཆེན་པོ་དང ། ལུས་སྲུལ་པོ་དང ། ལུས་སྲུལ་པོ་ཆེན་པོ་དང ། མ་མོ་དང ། མ་མོ་ཆེན་མོ་དང ། གྲུལ་བུམ་དང ། གྲུལ་བུམ་ཆེན་མོ་དང ། གཅན་གཟན་དང ། གཅན་གཟན་ཆེན་པོ་དང ། རོ་ལངས་དང ། རོ་ལངས་ཆེན་པོ་དང ། ཀམྤོ་ཙེའི་མི་དང ། ཀམྤོ་ཙེའི་མི་ཆེན་པོ་དང ། སྲིང་མོ་དང ། སྲིང་མོ་ཆེན་མོ་དང ། མཁའ་འགྲོ་མ་དང ། མཁའ་འགྲོ་མ་ཆེན་མོ་དང ། གཞིབ་པ་དང ། གཞིབ་པ་ཆེན་པོ་དང ། གཡེངས་བྱེད་དང ། གཡེངས་བྱེད་ཆེན་པོ་དང ། བྱིས་པ་དང ། བྱིས་པ་ཆེན་པོ་དང ། བྲན་པ་དང ། བྲན་པ་ཆེན་པོ་དང ། ནད་དང ། ནད་ཆེན་པོ་དང ། བརྗེད་བྱེད་དང ། བརྗེད་བྱེད་ཆེན་པོ་དང ། གདོན་དང ། གདོན་ཆེན་པོ་དང ། ནམ་མཁའི་མ་མོ་དང ། ནམ་མཁའི་མ་མོ་ཆེན་མོ་དང ། གཟུགས་ཅན་མ་དང ། གཟུགས་ཅན་མ་ཆེན་མོ་དང ། ངུ་འབོད་དང ། དུ་འབོད་ཆེན་པོ་དང ། གྲིབ་གནོན་དང ། གྲིབ་གནོན་ཆེན་པོ་དང ། སྦོད་གཏོང་དང ། སྦོད་གཏོང་ཆེན་པོ་དང ། མངག་གཞུག་
77a
༄#། །མ་དང ། མངག་གཞུག་མ་ཆེན་མོ་དང ། གནོད་སྦྱིན་མོ་དང ། གནོད་སྦྱིན་མོ་ཆེན་མོ་དང ། ཤ་ཟ་མོ་དང ། ཤ་ཟ་མོ་ཆེན་མོ་དང ། རིམས་ནད་དང ། རིམས་ནད་ཆེན་པོ་དང ། རིམས་ཉིན་བཞི་པ་དང ། ཉིན་བཞི་པ་ཆེན་པོ་དང ། རྟག་པའི་རིམས་དང ། རིམས་མི་བཟད་པ་དང ། རྟག་པ་ལས་བྱུང་བའི་རིམས་དང ། ཡུད་ཙམ་ལས་བྱུང་བ་དང ། རླུང་ལས་གྱུར་པ་དང ། མཁྲིས་པ་ལས་གྱུར་པ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པ་དང ། གཅོང་ཆེན་པོ་དང ། གྲུབ་པ་དང ། གྲུབ་པ་ཆེན་པོ་དང ། རྣལ་འབྱོར་དང་ལྡན་པ་དང ། རྣལ་འབྱོར་དང་ལྡན་པ་ཆེན་པོ་དང ། དྲང་སྲོང་རྣམས་དང ། དྲང་སྲོང་ཆེན་པོ་རྣམས་དང ། མི་འམ་ཅི་དང ། མི་འམ་ཅི་ཆེན་པོ་དང ། བྲང་འགྲོ་དང ། བྲང་འགྲོ་ཆེན་པོ་དང ། དྲི་ཟ་དང ། དྲི་ཟ་ཆེན་པོ་དང ། ལྷ་དང ། ལྷ་ཆེན་པོ་དང ། མི་དང ། མི་ཆེན་པོ་དང ། ཡུལ་མི་དང ། ཡུལ་མི་ཆེན་པོ་དང།་རྒྱ་མཚོ་དང ། རྒྱ་མཚོ་ཆེན་པོ་དང ། ཆུ་བོ་དང ། ཆུ་བོ་ཆེན་པོ་དང ། རི་དང ། རི་ཆེན་པོ་དང ། གཏེར་དང ། གཏེར་ཆེན་པོ་དང ། ས་དང ། ས་ཆེན་པོ་དང ། ཤིང་དང།་ཤིང་ཆེན་པོ་དང ། འདབ་ཆགས་ཅན་དང ། འདབ་ཆགས་ཅན་ཆེན་པོ་དང ། རྒྱལ་པོ་དང ། རྒྱལ་པོ་ཆེན་པོ་དང ། བརྒྱ་བྱིན་དང ། བརྒྱ་བྱིན་ཆེན་པོ་དང ། ནོར་ལྷའི་
77b
བུ་དང ། དུ་ཞིག་དང ། འབྱུང་པོའི་བདག་པོ་དང ། དབང་ལྡན་དང ། གཤིན་རྗེ་དང ། ཚངས་པ་དང ། ཚངས་པ་ཆེན་པོ་དང ། ལྷ་སྣ་ཚོགས་བཟོ་བོ་དང ། ནོར་སྦྱིན་དང ། ཡུལ་འཁོར་སྐྱོང་དང ། འཕགས་སྐྱེས་པོ་དང ། མིག་མི་བཟང་དང ། ལུས་ངན་པོ་དང ། གང་བ་བཟང་དང ། ནོར་བུ་བཟང་དང ། ལྔས་རྩེན་དང ། ཛམྦྷ་ལ་དང ། སྟམྦྷ་ལ་དང ། ཀུམྦྷ་ལ་དང ། སྔོན་པོ་དང ། སྐྲ་སྔོན་པོ་དང ། སེང་གེ་དང ། འཕྲོག་མ་དང ། སེར་སྐྱ་མ་དང ། དགའ་བྱེད་དང ། ནོར་བྱེད་དང ། ཆུ་དབང་དང ། འཇིག་རྟེན་དབང་པོ་དང ། ཉེ་དབང་དང ། གསང་བ་པ་དང ། གསང་བ་པ་ཆེན་པོ་དང ། གཡོ་བ་དང ། གཡོ་བྱེད་དང ། ཆུ་ན་སྤྱོད་པ་དང ། གཡུང་དྲུང་རི་དང ། ཟླ་བའི་རི་དང ། རི་བོ་ཆེན་པོ་དང ། བརྩེགས་མིག་དང ། མགོ་བོ་གསུམ་པ་སྟེ། དེ་དག་དང ། གཞན་ཡང ། གནོད་སྦྱིན་གྱི་སྡེ་དཔོན་ཆེན་པོ་གནོད་སྦྱིན་བྱེ་བ་ཁྲི་ཕྲག་བརྒྱ་སྟོང་དུ་མའི་འཁོར་དེ་དག་དང ། བྱང་ཆུབ་སེམས་དཔའ་ཆེན་པོས་བྱིན་གྱིས་བརླབས་པའི་གནས་གཙང་མའི་གཞལ་མེད་ཁང་གི་འཁོར་གྱི་དཀྱིལ་འཁོར་ཆེན་པོ་དེར་རྫུ་འཕྲུལ་གྱི་སྟོབས་བསྐྱེད་པས་འདུས་པར་གྱུར་ཏེ། ཆོས་མཉན་པའི་ཕྱིར་འཁོད་དོ། །གང་ཡང་སྲིན་པོའི་རྒྱལ་པོ་ཆེན་པོ་དེ་དག་གནོད་སྦྱིན་བྱེ་བ་ཁྲི་ཕྲག་བརྒྱ་སྟོང་དུ་མའི་འཁོར་དང་ལྡན་པ། ཁྲོ་བོའི་རྒྱལ་པོ་ཆེན་པོས་བཀུག་པ་ལ། འདི་ལྟ་སྟེ། སྒྲ་སྒྲོགས་
78a
༄#། །དང།་ནོར་ལྡན་དང ། རྣམ་པར་འཇུ་བྱེད་དང ། གཟེར་རྣ་དང ། བུམ་རྣ་དང ། ཀུན་ནས་རྣ་བ་དང ། གཤིན་རྗེ་དང ། རྣམ་པར་འཇིགས་བྱེད་དང ། འཇིགས་བྱེད་དང ། མི་བཟད་པ་དང ། སྡིག་ལྡན་དང ། དབང་པོ་རྒྱལ་དང ། འཐབ་པ་དང ། ལེགས་པར་འཐབ་པ་དང ། མདུང་དང ། མདུང་རྩེ་གསུམ་པ་དང ། མགོ་གསུམ་པ་དང ། མགོ་མཐའ་ཡས་པ་ཡང་ཆོས་མཉན་པའི་ཕྱིར་འདུས་པར་གྱུར་ཏོ། །གང་ཡང་ཤ་ཟ་ཆེན་པོ། ཤ་ཟའི་འཁོར་བྱེ་བ་ཁྲི་ཕྲག་བརྒྱ་སྟོང་དུ་མ་དང་ལྡན་པ་དེ་དག་ཀྱང ། འདི་ལྟ་སྟེ། པཱི་ལུ་དང ། ཉེ་བའི་པཱི་ལུ་དང ། པཱི་ལུ་བཟང་པོ་དང ། པཱི་ལུ་མཐའ་ཡས་དང ། བསམ་པ་དང ། བསམ་པ་མ་ཡིན་པ་དང ། གདུང་བ་བཟང་པོ་དང།་ཟ་བྱེད་དང ། གཟི་བརྗིད་བཟང་པོ་དང ། མི་བཟད་པ་དང ། མི་བཟད་པའི་གཟུགས་ཅན་ཡང་ཆོས་མཉན་པའི་ཕྱིར་འདུས་པར་གྱུར་ཏོ། །གང་ཡང་ཀླུའི་རྒྱལ་པོ་ཆེན་པོ་ཀླུ་བྱེ་བ་ཁྲི་ཕྲག་བརྒྱ་སྟོང་དུ་མའི་འཁོར་དང་ལྡན་པ། ཁྲོ་བོའི་རྒྱལ་པོ་ཆེན་པོས་བྱང་ཆུབ་སེམས་དཔའ་ཆེན་པོའི་རྫུ་འཕྲུལ་གྱི་སྟོབས་ཀྱིས་བཀུག་པ་ལ། འདི་ལྟ་སྟེ། དགའ་བོ་དང ། ཉེ་དགའ་བོ་དང ། ལ་བ་དང ། ཉེ་བའི་ལ་བ་དང ། ནོར་ལྡན་དང ། མཐའ་ཡས་དང ། འཇོག་པོ་དང ། པདྨ་དང ། པདྨ་ཆེན་པོ་དང ། འདུས་པ་སྐྱོང་
78b
དང ། དུང་དང ། དུང་སྐྱོང་དང ། ཀརྐོ་ཊ་དང ། རིགས་ལྡན་དང ། རིགས་མེད་ལྡན་དང ། ང་རྒྱལ་ཅན་དང ། བུམ་ཆུ་ཅན་དང ། རྡོ་རྗེ་ཅན་དང ། མེ་ཏོག་ཙམ་པ་ཀ་ལས་བྱུང་བ་དང ། ནོར་ལྡན་ཀླུ་དང ། ང་རྒྱལ་འཇོམས་དང ། མཚོ་དབུས་དང ། ཉེ་བའི་དབུས་དང ། དབྱིག་པ་དང ། དབྱིག་པ་ཆེན་པོ་དང ། དཀར་པོ་དང ། དཀར་པོ་བཟང་དང ། སྔོ་བ་དང ། ཆུ་སྦྱིན་སྔོ་བ་དང ། འོ་མའི་ཆུ་དང ། སོག་མ་མེད་དང ། རྒྱ་མཚོ་དང ། ཉེ་བའི་རྒྱ་མཚོ་སྟེ། དེ་དག་དང ། གཞན་ཡང ། ཀླུའི་རྒྱལ་པོ་བརྒྱ་སྟོང་ཕྲག་དུ་མའི་འཁོར་དང་ལྡན་པ་དེ་དག་ཀྱང་ཆོས་མཉན་པའི་ཕྱིར་འཁོར་གྱི་དཀྱིལ་འཁོར་ཆེན་པོ་དེར་འདུས་ཤིང་འཁོད་པར་གྱུར་ཏོ། །གང་ཡང་དྲང་སྲོང་དང ། དྲང་སྲོང་ཆེན་པོ་དེ་དག་ལ། འདི་ལྟ་སྟེ། རྒྱུན་ཤེས་ཀྱི་བུ་དང ། གནས་འཇོག་དང ། གཽ་ཏ་མ་དང ། བྷ་གོ་ར་ཐ་དང ། ཛཧྣུ་དང ། ང་གི་ར་ས་དང ། ་མ་ཏི་དང ། པུལ་སྟི་དང ། རི་བྱི་དང ། རྒྱས་པ་དང ། ནག་པོ་དང ། གཽ་ཏ་མ་ནག་པོ་དང ། མེ་དང ། མེའི་རྒྱུད་དང ། ཛ་མ་དགྣི་དང ། ཡོད་པ་པ་དང ། ཐུབ་པ་མཆོག་དང ། གོས་ཅན་དང ། བཻ་ཤམ་པཱ་ཡཱ་ན་དང ། རྩིབ་ལོགས་སྐྱེས་དང ། དགྲ་སྟ་དང ། རྣལ་འབྱོར་དབང་ཕྱུག་དང ། ཤིང་པི་པ་ལ་གནས་པ་དང ། ཤིང་པི་པ་ལ་ཟ་བ་དང ། གྲོག་མཁར་སྐྱེས་དང ། ཉི་མའི་རིགས་ཏེ། དེ་དག་དང ། གཞན་ཡང ། དྲང་སྲོང་
79a
༄#། །ཆེན་པོ་བརྒྱ་སྟོང་ཕྲག་དུ་མའི་འཁོར་དང་ལྡན་པ་དེ་དག་ཀྱང་འཁོར་གྱི་དཀྱིལ་འཁོར་དེར་ཉེ་བར་ཕྱིན་ཏེ། བཅོམ་ལྡན་འདས་ཤཱཀྱ་ཐུབ་པ་ལ་ཕྱག་བཙལ་ནས་སྔགས་སྤྱོད་པའི་དོན་བྱང་ཆུབ་སེམས་དཔའི་སྡེ་སྣོད་མཉན་པའི་ཕྱིར་དང ། རྗེས་སུ་ཡི་རང་བའི་དོན་དུ་འཁོད་པར་གྱུར་ཏོ། །གང་ཡང་ལྟོ་འཕྱེ་ཆེན་པོའི་རྒྱལ་པོ་དེ་དག་ཀྱང་འཁོར་གྱི་དཀྱིལ་འཁོར་ཆེན་པོ་དེར་ཆོས་མཉན་པའི་ཕྱིར་རབ་ཏུ་ཞུགས་ཏེ་འཁོད་པ་ལ། འདི་ལྟ་སྟེ། ཨེ་རཎྜ་དང ། ཏེ་རཎྜ་དང ། འོད་ཟེར་གྱི་བུ་དང ། འོད་ཟེར་དང ། སྣང་བ་དང ། སྣང་བ་བཟང་པོའོ། །གང་ཡང་ནམ་མཁའ་ལྡིང་གི་རྒྱལ་པོ་དེ་དག་ཀྱང་ནམ་མཁའ་ལྡིང་བརྒྱ་སྟོང་དུ་མའི་འཁོར་དང་ལྡན་པ་འཁོར་གྱི་དཀྱིལ་འཁོར་དེར་འདུས་པ་ལ། འདི་ལྟ་སྟེ། འོད་བཟང་དང ། འདབ་དཀར་དང ། རྐང་མེད་འགྲོ་དང ། འདབ་འགྲོ་དང ། འདབ་བཟང་སྐྱེས་དང ། འདབ་མེད་སྐྱེས་དང ། ཡིད་ལྟར་མགྱོགས་དང ། ཀླུ་རྣམ་འཇིག་དང ། རྣམ་འདུད་བུ་དང ། བྷ་ར་དྭ་ཛ་དང ། བྱ་དང ། བྱ་ཆེན་པོ་དང ། འདབ་ལྡན་ཚོགས་ཏེ། དེ་དག་ཀྱང་འཁོར་གྱི་དཀྱིལ་འཁོར་དུ་འདུས་པར་གྱུར་ཏོ། །གང་ཡང་མི་འམ་ཅིའི་རྒྱལ་པོ་མི་འམ་ཅིའི་འཁོར་བརྒྱ་སྟོང་ཕྲག་དུ་མ་དང་ལྡན་པ་དེ་དག་ཀྱང་འཁོར་གྱི་དཀྱིལ་འཁོར་དེར་འདུས་པ་ལ། འདི་ལྟ་
79b
སྟེ།་ལྗོན་པ་དང ། ཉེ་བའི་ལྗོན་པ་དང ། ལྗོན་པ་བཟང་པོ་དང ། ལྗོན་པ་མཐའ་ཡས་དང ། འཇིག་རྟེན་ལྗོན་པ་དང ། ལྗོན་པ་བྲལ་དང ། བྲང་རྒྱས་དང ། བྲང་ཆེན་པོ་དང ། གཟི་བརྗིད་ཆེན་པོ་དང ། རྫུ་འཕྲུལ་ཆེན་པོ་དང ། ཁྱད་པར་སྒྲ་དང ། སྐད་སྙན་དང ། ཡིད་དུ་འོང་བའི་སེམས་སྐྱེད་པར་བྱེད་པ་དང ། རིགས་མཐོ་བ་དང ། མཐོ་སྒྲ་དང ། བཏང་སྙོམས་པ་དང ། སྙིང་རྗེ་ལྡན་དང ། ཆུ་ལྷ་དང ། དེ་དག་དང ། གཞན་ཡང ། མི་འམ་ཅིའི་རྒྱལ་པོ་རྫུ་འཕྲུལ་ཆེ་བ་མི་འམ་ཅིའི་འཁོར་བརྒྱ་སྟོང་ཕྲག་དུ་མ་དང་ལྡན་པ་ཆོས་མཉན་པའི་ཕྱིར་འཁོར་གྱི་དཀྱིལ་འཁོར་དེར་འདུས་པར་གྱུར་ཏོ། །དེ་བཞིན་དུ་མི་མཇེད་ཀྱི་བདག་པོ་ཚངས་པ་དང ། ཚངས་པ་ཆེན་པོ་དང ། འོད་གསལ་དང ། འོད་ཀྱི་སྒྲ་དང ། དག་པའི་འོད་དང ། བསོད་ནམས་འོད་དང ། མི་ཆེ་བ་དང ། མི་གདུང་བ་དང ། འོག་མིན་དང ། འོད་བཟང་དང ། ཅི་ཡང་མེད་པ་དང ། ཅི་ཡང་མེད་མིན་དང ། ནམ་མཁའ་མཐའ་ཡས་དང།་ལེགས་ལྡན་དང ། ལེགས་མཐོང་དང ། སྤྲུལ་པ་བཟང་པོ་དང ། ཡོངས་སུ་སྤྲུལ་པ་དང ། གནས་གཙང་མ་དང ། དགའ་ལྡན་དང ། འཐབ་བྲལ་དང ། སུམ་ཅུ་རྩ་གསུམ་དང ། རྒྱལ་པོ་ཆེན་པོ་བཞིའི་རིས་དང ། རྟག་ཏུ་མྱོས་དང ། ཕྲེང་ཐོགས་དང ། གཞོང་ཐོགས་དང ། པི་ཝང་གསུམ་པ་དང ། རི་བོར་གནས་པ་དང ། ཁང་རྩེགས་གནས་
80a
༄#། །པ་དང ། རྩེ་མོར་གནས་པ་དང ། ལྕང་ལོ་ཅན་ན་གནས་པ་དང ། གྲོང་ཁྱེར་ན་གནས་པ་དང ། གཞལ་མེད་ཁང་ན་གནས་པ་དང ། བར་སྣང་ལ་གནས་པ་དང ། ས་ལ་གནས་པ་དང ། ཤིང་ལ་གནས་པ་དང ། ཁྱིམ་ན་གནས་པ་དང ། དེ་བཞིན་དུ་ལྷ་མ་ཡིན་གྱི་དབང་པོ་རབ་ཏུ་ཚིམ་བྱེད་དང ། སྟོབས་ལྡན་དང ། ཐགས་བཟང་རིས་དང ། ཤིན་ཏུ་བཀྲ་དང ། བདེ་བཀྲ་དང ། རིག་བྱེད་བཀྲ་དང ། སྒྲ་གཅན་དང ། ལག་པ་དང ། དེ་དག་ལ་སོགས་པ་ལྷ་མ་ཡིན་བྱེ་བ་ཁྲི་ཕྲག་བརྒྱ་སྟོང་དུ་མའི་འཁོར་དང་ལྡན་པ་འགྲོས་སྣ་ཚོགས་དང ། ནོར་སྣ་ཚོགས་དང ། ལྷ་དང་འཐབ་པའི་ལྷ་མ་ཡིན་དེ་དག་ཀྱང་སངས་རྒྱས་ཀྱི་བྱིན་གྱིས་བརླབས་དང ། བྱང་ཆུབ་སེམས་དཔའི་རྣམ་པར་འཕྲུལ་པ་བལྟ་བ་དང ། ཕྱག་བྱ་བ་དང ། བསྙེན་བཀུར་བྱ་བའི་ཕྱིར་འཁོར་གྱི་དཀྱིལ་འཁོར་དེར་འདུས་པར་གྱུར་ཏོ། །གང་ཡང་གཟའ་དང ། གཟའ་ཆེན་པོ་དེ་དག་འཇིག་རྟེན་གྱི་ཁམས་སུ་སྤྱོད་པ། བར་སྣང་ལ་སྤྱོད་པ་ལ། འདི་ལྟ་སྟེ། ཉི་མ་དང ། ཟླ་བ་དང ། མིག་དམར་དང ། གཟའ་ལྷག་པ་དང ། ཕུར་བུ་དང ། པ་བསངས་དང།་སྤེན་པ་དང ། སྒྲ་གཅན་དང ། ས་འགུལ་དང ། མཇུག་རིང་དང ། གནམ་ལྕགས་འབྱིན་དང ། སྐར་མ་དང ། རྒྱལ་མཚན་དང ། མི་བཟད་དང ། དུད་ལྡན་དང །
80b
དུད་པ་དང ། རྡོ་རྗེ་དང ། འབྱོར་པ་དང ། ཆར་འབེབས་དང ། ཉེ་བའི་ཆར་འབེབས་དང ། ནོར་འཛིན་དང ། མི་སྣང་བྱེད་དང ། རྒོད་ལྡན་དང ། རྟིང་པར་ལྡན་དང ། འདོད་པ་དང ། མ་རུངས་པ་དང ། འཇིག་རྟེན་མཐར་བྱེད་དང ། རྣམ་པར་ལྟུང་བྱེད་དང ། ཀུན་ཏུ་ལྟུང་བྱེད་དང ། རྟོག་པ་དང ། གླ་སྒང་ཅན་དང ། དུས་ཀྱི་མཐའ་དང ། དུར་ཁྲོད་དང ། ཤ་དྲག་ལྡན་དང ། དཀར་པོ་དང ། བྱ་བི་བཞིན་དང ། བྱི་བཞིན་གྱི་བུ་དང ། བྱམས་ལྡན་དང ། གཟེར་བུ་དང ། གཟེར་བུ་གསུམ་དང ། རྔོན་པ་དང ། གསེང་ཕྲོམ་དང ། བརྟན་པ་དང ། འཇིག་བྱེད་དང ། སྟོབས་ལྡན་དང ། མི་བཟད་པ་དང ། སྐྱ་རེངས་དང ། རྣམ་པར་རྒོད་པ་དང ། འཆི་ལྟས་མིན་དང ། སྐེམ་བྱེད་དང ། ཀུན་བགེད་དང ། ཉེ་བའི་ཀུན་བགེད་དང ། གཞོན་ནུ་དང ། རྩེ་མེད་དང ། རྒོད་བྱེད་དང ། རབ་ཏུ་རྒོད་བྱེད་དང ། སེམས་པར་བྱེད་པ་དང ། གར་བྱེད་དང ། འཐེང་པོ་དང ། གཟུགས་ངན་ཏེ། གཟའ་ཆེན་པོ་དེ་དག་ཀྱང་རྒྱུ་སྐར་བརྒྱ་སྟོང་ཕྲག་དུ་མའི་འཁོར་གྱི་དཀྱིལ་འཁོར་དང་ལྡན་པ་ལ། འདི་ལྟ་སྟེ། ཐ་སྐར་དང ། བྲ་ཉེ་དང ། སྨིན་དྲུག་དང ། སྣར་མ་དང ། མགོ་དང ། ལག་དང ། ནབ་སོ་དང ། རྒྱལ་དང ། སྐག་དང ། མཆུ་དང ། གྲེ་དང ། དབོ་དང ། མེ་བཞི་དང ། ནག་པ་དང ། ས་རི་དང ། ས་ག་དང ། ལྷ་མཚམས་དང ། སྨྲོན་དང ། སྣརུབས་དང ། ཆུ་
81a
༄#། །སྟོད་དང ། ཆུ་སྨད་དང།་གྲོ་བཞིན་དང ། མོན་གྲུ་དང ། མོན་གྲེ་དང ། ཁྲུམས་སྟོད་དང ། ཁྲུམས་སྨད་དང ། ནམ་གྲུ་དང ། ལྷ་མོ་འདྲ་དང ། བྱི་བཞིན་དང ། པུ་ན་རྣ་བ་དང ། འོད་དང ། ང་གི་ར་སི་དང ། རྒྱུ་སྐར་དང ། ཉེ་བའི་གྲེ་དང ། གྲེ་ལྡན་དང ། འཇིག་རྟེན་རབ་མཆོག་དང ། རང་མཆོག་ལྡན་དང ། དཔལ་ལྡན་དང ། འཇིག་རྟེན་མགོན་པོ་དང ། ཆང་ལྡན་དང ། རྒྱལ་བྱེད་དང ། ནོར་ལྡན་དང ། ལྷ་དོན་ཏེ། དེ་ལྟར་རྒྱུ་སྐར་གྱི་རྒྱལ་པོ་དེ་དག་ཀྱང་དེའི་ཚེ་གནས་གཙང་མའི་གཞལ་མེད་ཁང་དུ་རྒྱུ་སྐར་བརྒྱ་སྟོང་ཕྲག་དུ་མའི་འཁོར་དང་ལྡན་པ་སངས་རྒྱས་ཀྱི་བྱིན་གྱིས་བརླབས་ཀྱིས་འཁོར་གྱི་དཀྱིལ་འཁོར་ཆེན་པོ་དེར་འདུས་ཏེ་འཁོད་པར་གྱུར་ཏོ། །ཁྱིམ་སུམ་ཅུ་རྩ་དྲུག་ལ། འདི་ལྟ་སྟེ། ལུག་དང ། གླང་དང ། སྦྱོར་བ་དང ། སྦལ་བ་དང ། སེང་གེ་དང ། བུ་མོ་དང ། སྲང་དང ། སྡིག་པ་དང ། གཞུ་དང ། ཆུ་སྲིན་དང ། བུམ་པ་དང ། ཉ་དང ། མིའུ་ཐུང་དང ། ཉེ་བའི་བུམ་པ་དང ། བྷྲིང་ག་ར་དང ། རལ་གྲི་དང ། གླང་པོ་ཆེ་དང ། མ་ཧེ་དང ། ལྷ་དང ། མི་དང ། དགེ་ལྟས་དང ། དྲི་ཟ་དང ། འཇིག་རྟེན་དང ། གཡུང་དྲུང་རྒྱལ་དང ། དྲག་པོའི་གཟི་བརྗིད་དང ། ཟླ་བའི་འོད་དང ། ས་དང ། མུན་པ་དང ། རྡུལ་དང ། ཉེ་བའི་རྡུལ་དང ། སྡུག་བསྔལ་དང ། བདེ་བ་དང ། བྱང་ཆུབ་དང ། སོ་སོ་
81b
གཅིག་དང ། ཉན་ཐོས་དང ། དམྱལ་བའི་རིག་པ་འཛིན་པ་དང ། གཟི་བརྗིད་ཆེན་པོ་དང ། གཟི་བརྗིད་ཆེན་པོ་ལྡན་དང ། དུད་འགྲོ་དང ། ཡི་དྭགས་དང ། ལྷ་མ་ཡིན་དང ། ཤ་ལྡན་དང ། ཤ་ཟ་དང ། གནོད་སྦྱིན་སྲིན་པོ་དང ། འབྱུང་པོ་ཐམས་ཅད་པ་དང ། འབྱུང་བ་པ་དང ། ཕྱོགས་ཀྱི་གླང་པོ་དང ། སྟེང་འགྲོ་དང ། ཐད་ཀར་འགྲོ་དང ། ཁ་བྱེ་བ་དང ། བསམ་གཏན་འགྲོ་དང ། རྣམ་འབྱོར་འགྲོ་དང ། རབ་ཏུ་གནས་དང ། མཆོག་དང ། བར་མ་དང ། ཐ་མ་སྟེ། ཁྱིམ་ཆེན་པོ་དེ་དག་ཀྱང་ཁྱིམ་བརྒྱ་སྟོང་ཕྲག་དུ་མའི་འཁོར་དང་ལྡན་པ་གང་ན་གནས་གཙང་མའི་གཞལ་མེད་ཁང་གང་ན་བར་འཁོར་གྱི་དཀྱིལ་འཁོར་ཆེན་པོ་དེར་ལྷགས་ཤིང་ཕྱིན་ཏེ། བཅོམ་ལྡན་འདས་ཀྱི་ཞབས་གཉིས་ལ་བཏུད་ནས་རང་རང་གི་གནས་སུ་འཁོད་པར་གྱུར་ཏོ། །གང་ཡང་གནོད་སྦྱིན་མོ་དག་གནོད་སྦྱིན་མོ་བརྒྱ་སྟོང་ཕྲག་དུ་མའི་འཁོར་དང་བཅས་པ་ལ། འདི་ལྟ་སྟེ། མིག་བཟང་མ་དང ། སྨིན་བཟང་མ་དང ། སྐྲ་བཟང་མ་དང ། སྐད་སྙན་མ་དང ། བློ་བཟང་མ་དང ། དགེ་ལྡན་མ་དང ། སྣ་ཚོགས་མིག་ལྡན་མ་དང ། རྫོགས་བྱེད་མ་དང ། གསང་བ་མ་དང ། བཟང་པོ་མ་དང ། སྐ་རགས་བཟང་པོ་མ་དང ། པདྨ་ལྟར་སྨྲ་བ་དང ། འཇིགས་བྱེད་མ་དང ། མི་འཇིགས་སྦྱིན་མ་དང ། རྒྱལ་མ་དང ། རྣམ་པར་རྒྱལ་མ་དང ། ན་མ་གྲུ་མ་དང ། སྒྲོ་གཅན་མ་
82a
༄#། །དང།་སྒྲ་མཐར་བྱེད་མ་དང ། རླུང་མ་དང ། ཡིད་འཕྲོག་མ་དང ། ཡིད་ལྡན་མ་དང ། མེ་ཏོག་ལྡན་མ་དང ། མེ་ཏོག་གི་གྲོང་ཁྱེར་ལ་གནས་མ་དང ། སེར་སྐྱ་མ་དང ། འཕྲོག་མ་དང ། དཔལ་ལྡན་མ་དང ། དཔའ་མོ་དང ། དཔའ་བཟང་མོ་དང ། ཤིན་ཏུ་མི་བཟད་མ་དང ། མི་བཟད་ལྡན་མ་དང ། ལྷ་མཛེས་མ་དང ། རོ་བཟང་མ་དང ། གསང་བ་དམ་པ་མ་དང ། ཤིང་ལ་མུ་ལ་གནས་མ་དང ། མྱ་ངན་མེད་མ་དང ། མུན་པར་མཛེས་མ་དང ། སྣང་བར་མཛེས་མ་དང ། འོད་ལྡན་མ་དང ། ལྷག་པར་ལྡན་མ་དང ། གཟུགས་མཛེས་མ་དང ། དཀར་མེད་མ་དང ། ཞི་བ་མ་དང ། ཕྱོགས་མཚམས་མ་དང ། སྟུག་མ་དང ། དགའ་བྱེད་མ་དང ། ཉེ་བའི་དགའ་བྱེད་མ་དང ། འཇིག་རྟེན་ལས་འདས་མ་སྟེ། གནོད་སྦྱིན་མོ་ཆེན་མོ་འདི་དག་གནོད་སྦྱིན་མོ་བརྒྱ་སྟོང་ཕྲག་དུ་མའི་འཁོར་དང་ལྡན་པ་འཁོར་གྱི་དཀྱིལ་འཁོར་ཆེན་པོ་དེར་རྒྱང་རིང་པོ་ཉིད་ནས་བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ཞིང་འཁོད་པར་གྱུར་ཏོ། །གང་ཡང་ཤ་ཟ་མོ་དག་ཤ་ཟ་མོ་བརྒྱ་སྟོང་ཕྲག་དུ་མའི་འཁོར་དང་ལྡན་པ་འཁོར་གྱི་དཀྱིལ་འཁོར་ཆེན་པོ་དེར་རྒྱང་རིང་པོ་ཉིད་ནས་བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ཞིང་འཁོད་པར་གྱུར་པ་ལ། འདི་ལྟ་སྟེ། སྡུད་མ་
82b
དང ། ཕྱག་དར་ཁྲོད་ཀྱི་ཤ་ཟ་མོ་དང ། ཤ་ཟ་མོ་དྲག་མོ་དང ། ཤ་ཟ་མོ་སྐར་མདའ་མ་དང ། ཤ་ཟ་མོ་འབར་མ་དང ། ཐལ་བ་ཟ་མ་དང ། ཤ་ཟ་མ་དང ། དུག་མ་དང ། བུང་བ་མ་དང ། རྨོངས་བྱེད་མ་དང ། སྡིགས་མཛུབ་མ་དང ། དམར་ལྡན་མ་དང ། གླང་དམར་མ་དང ། འཇིག་རྟེན་ཉེ་གནས་མ་དང ། ཐལ་བར་ཉེ་གནས་མ་དང ། ཤིང་པི་ལུ་དང ། ལྡན་མ་དང ། མང་ལྡན་མ་དང ། མང་མ་དང ། གདུལ་དཀའ་མ་དང ། ེ་ལ་མ་དང ། མཚོན་བྱེད་མ་དང ། དུ་བ་ལ་གནས་མ་དང ། དུ་བ་མ་སྟེ། ཤ་ཟ་མོ་ཆེན་མོ་འདི་དག་ཤ་ཟ་མོའི་འཁོར་བྱེ་བ་བརྒྱ་སྟོང་ཕྲག་དུ་མ་དང་བཅས་པ་དེ་དག་ཀྱང་འཁོར་གྱི་དཀྱིལ་འཁོར་ཆེན་པོ་དེར་འདུས་ཤིང་རབ་ཏུ་ཞུགས་པར་གྱུར་ཏོ། །གང་ཡང་མ་མོ་དང ། མ་མོ་ཆེན་མོ་དག་འཇིག་རྟེན་གྱི་རྗེས་སུ་རྣམ་པར་སྤྱོད་ཅིང་སེམས་ཅན་རྣམས་ལ་འཚེ་བར་བྱེད་ཅིང་གཏོར་མ་དང ། མེ་ཏོག་དམན་པ་ལ་སྤྱོད་པར་བྱེད་པ་དག་ལ། འདི་ལྟ་སྟེ། ཚངས་པ་མ་དང ། དབང་ཕྱུག་ཆེན་པོ་མ་དང ། ཁྱབ་འཇུག་མ་དང ། གཞོན་ནུ་མ་དང ། རྒན་བྱད་མ་དང ། ཕག་མོ་དང ། དབང་མོ་དང ། གཤིན་རྗེ་མོ་དང ། མེ་ཕྱོགས་མ་དང ། ཉི་མའི་བུ་མོ་དང ། འཇིག་རྟེན་མཐར་བྱེད་མ་དང ། ཆུ་ལྷ་མ་དང ། དབང་ལྡན་མ་དང ། རླུང་ཕྱོགས་མ་དང ། གཞན་གྱི་སྲོག་འཕྲོག་མ་དང ། མགོ་
83a
༄#། །བྲེགས་མ་དང ། བྱ་མ་དང ། བྱ་མ་ཆེན་མོ་དང ། སྲུལ་མོ་དང ། ལུས་སྲུལ་མོ་དང ། སྐེམ་བྱེད་མ་སྟེ། མ་མོ་ཆེན་མོ་དེ་དག་ཀྱང་མ་མོའི་འཁོར་བྱེ་བ་ཁྲི་ཕྲག་བརྒྱ་སྟོང་དུ་མ་དང་བཅས་པ་དེ་དག་ཀྱང་འཁོར་གྱི་དཀྱིལ་འཁོར་ཆེན་པོ་དེར་སངས་རྒྱས་ལ་ཕྱག་འཚལ་ལོ་ཞེས་བྱ་བའི་ཚིག་འདོན་ཅིང་འཁོད་པར་གྱུར་ཏོ། །དེ་བཞིན་དུ་མི་དང ། མི་མ་ཡིན་པ་བྱེ་བ་ཁྲི་ཕྲག་བརྒྱ་སྟོང་དུ་མ་དང ། སེམས་ཅན་དང ། སེམས་ཅན་མ་ཡིན་པ་ནས་དམྱལ་བ་ཆེན་པོ་མནར་མེད་པ་ནས་སྲིད་པའི་རྩེ་མོའི་བར་དུ་ཐམས་ཅད་ཀྱང་སྐབས་འདིར་ནམ་མཁའི་དཀྱིལ་དུ་སྣང་བར་གྱུར་ཏོ། །སེམས་ཅན་གྱི་རིས་ན་སྲོག་ཆགས་སུ་ལ་ཡང་ཕན་ཚུན་མི་མཐུན་པ་མེད་པར་གྱུར་ཏོ། །སངས་རྒྱས་ཀྱི་བྱིན་གྱིས་བརླབས་དང ། བྱང་ཆུབ་སེམས་དཔའི་ཆོ་འཕྲུལ་གྱི་རྒྱན་གྱིས་སངས་རྒྱས་བཅོམ་ལྡན་འདས་དང ། འཇམ་དཔལ་གཞོན་ནུར་གྱུར་པ་སེམས་ཅན་ཐམས་ཅད་ཀྱི་སྤྱི་བོའི་གཙུག་ན་བཞུགས་པར་མཐོང་བར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཇིག་རྟེན་གྱི་ཁམས་སུ་སངས་རྒྱས་ཀྱི་སྤྱན་གྱིས་རྣམ་པར་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། དག་པའི་སེམས་དཔའ། སྔགས་ཀྱི་སྤྱོད་པའི་དོན་
83b
རྣམ་པར་གཏན་ལ་དབབ་པ་དང ། ཏིང་ངེ་འཛིན་གྱི་ལེའུ་རབ་འབྱམས་བྱང་ཆུབ་སེམས་དཔའི་སྡེ་སྣོད་གང་འདི་བཤད་པའི་དུས་ལ་བབ་པར་སེམས་ན་ཤོད་ཅིག་།དེ་ནས་འཇམ་དཔལ་གཞོན་ནུར་གྱུར་པ་བཅོམ་ལྡན་འདས་ཤཱཀྱ་ཐུབ་པས་རྗེས་སུ་གནང་བར་མཛད་པ་ན། ནམ་མཁའི་ངོ་བོ་དང་འདྲ་བའི་རྡོ་རྗེ་མཐུག་ཅིང་སྲ་བའི་རྒྱུད་བཀོད་པའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཇམ་དཔལ་གཞོན་ནུར་གྱུར་པ་དེ་སྙོམས་པར་ཞུགས་མ་ཐག་ཏུ་གནས་གཙང་མའི་གཞལ་མེད་ཁང་དེ་དཔག་ཆེད་བརྒྱ་སྟོང་དུ་མ་རྒྱ་ཆེ་བའི་རྡོ་རྗེའི་རང་བཞིན་དུ་ལྷག་པར་གནས་པར་གྱུར་ཏོ། །གང་དུ་གནོད་སྦྱིན་དང ། སྲིན་པོ་དང ། དྲི་ཟ་དང ། རླུང་ལྷ་དང ། ཤ་ཟ་དེ་དག་དང ། མདོར་ན། སེམས་ཅན་གྱི་ཁམས་ཐམས་ཅད་བྱང་ཆུབ་སེམས་དཔའི་བྱིན་གྱི་རླབས་ཀྱིས་གཞལ་མེད་ཁང་དེ་དག་རྡོ་རྗེ་ནོར་བུ་རིན་པོ་ཆེ་ལྟ་བུར་གྱུར་ཏེ། དེར་རབ་ཏུ་ཞུགས་ནས་འཁོད་པར་གྱུར་ཀྱང་ཕན་ཚུན་རྣམ་པར་འཚེ་བར་བྱེད་པ་མེད་དོ། །དེ་ནས་འཇམ་དཔལ་གཞོན་ནུར་གྱུར་པས་འཁོར་གྱི་དཀྱིལ་འཁོར་ཆེན་པོ་དེ་འདུས་པར་གྱུར་པར་ཤེས་ནས་ཁྲོ་བོའི་རྒྱལ་པོ་གཤིན་རྗེའི་གཤེད་ལ་སྨྲས་པ། ཀྱེ་ཁྲོ་བོ་ཆེན་པོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་རྗེས་སུ་ངེས་པར་འབྱུང་བར་བྱེད་པ་འཁོར་གྱི་དཀྱིལ་འཁོར་ཆེན་པོ་འདུས་པ་
84a
༄#། །འདིའི་སེམས་ཅན་ཐམས་ཅད་སྲུངས་ཤིག་སྲུངས་ཤིག་།དབང་དུ་གྱིས་ཤིག་།མ་རུངས་པ་གདུལ་བར་གྱིས་ཤིག་།སེམས་ཅན་ཞི་བ་དག་སད་པར་གྱིས་ཤིག་།སེམས་ཅན་ཐམས་ཅད་དད་པར་གྱིས་ཤིག་།ཇི་སྲིད་དུ་ངའི་རང་གི་སྔགས་ཀྱི་སྤྱོད་པ་རྗེས་སུ་སྒྲུབ་པ། བྱང་ཆུབ་སེམས་དཔའི་སྡེ་སྣོད་རྒྱ་ཆེ་བ་དག་ལས་སྔགས་སྤྱོད་པའི་དཀྱིལ་འཁོར་གྱི་ཆོ་ག་འཆད་པར་བྱེད་པ་དེ་སྲིད་ཀྱི་བར་དུ་འདི་དག་གི་ཕྱི་རོལ་ཏུ་སང་ལ་སྲུང་བ་གྱིས་ཤིག་།དེ་སྐད་ཅེས་སྨྲས་པ་དང ། ཁྲོ་བོའི་རྒྱལ་པོས་བཀའ་མཉན་ནས། ཁྲོ་བོ་ཆེན་པོའི་གཟུགས་ཀྱིས་སེམས་ཅན་ཐམས་ཅད་རྗེས་སུ་བསྲུང་བ་དང ། རྗེས་སུ་བསྟན་པའི་ཕྱིར་འཁོར་གྱི་དཀྱིལ་འཁོར་ཐམས་ཅད་དུ་ཁྲོ་བོའི་རྒྱལ་པོ་གཤིན་རྗེ་གཤེད་ཁྲོ་བོའི་འཁོར་བརྒྱ་སྟོང་ཕྲག་དུ་མ་ཕྱོགས་བཞི་ཀུན་དང ། སྟེང་དང ། འོག་དང ། ཐད་ཀ་དག་ཏུ་ཤིན་ཏུ་མི་བཟད་པའི་སྒྲ་རབ་ཏུ་འདོན་ཅིང་གནས་པར་གྱུར་ཏོ། ། དེ་ནས་སེམས་ཅན་དེ་དག་ཞི་བ་དང ། ཡིད་དང ། སེམས་བཟང་པོ་དང་ལྡན་པར་གྱུར་ཏེ། བཀའ་ལས་མི་འདའ་བར་བྱེད་པར་གྱུར་ཏོ། །འདི་ལྟ་བུའི་སྒྲ་ཡང་ཐོས་པར་གྱུར་ཏེ་གང་དམ་ཚིག་འདི་ལས་འདའ་པར་བྱེད་པ་དེ་དག་ནི་ཨརྫ་ཀའི་དོག་པ་བཞིན་དུ་མགོ་ཚལ་པ་བརྒྱར་འགས་པར་འགྱུར་ཏོ། དེ་ནི་བྱང་ཆུབ་སེམས་དཔའི་བྱིན་གྱི་རླབས་ཀྱང་དེ་ཡིན་
84b
ནོ། །དེ་ནས་འཇམ་དཔལ་གཞོན་ནུར་གྱུར་པས་རང་གི་སྔགས་ཀྱི་སྤྱོད་པའི་དོན་དུ་ཆོས་ཀྱི་ཚིག་སྨྲས་པ། ཆོས་གཅིག་ལ་ཡང་དག་པར་བསམས་ན་བྱང་ཆུབ་སེམས་དཔའ་སེམས་དཔའ་ཆེན་པོའི་སྔགས་འགྲུབ་པར་འགྱུར་ཏེ། གཅིག་པོ་གང་ཞེ་ན། འདི་ལྟ་སྟེ། ཆོས་ཐམས་ཅད་སྤྲོས་པ་མེད་པའི་རྣམ་པར་རྗེས་སུ་མཐོང་བའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཉིས་ལ་རབ་ཏུ་གནས་ན་སྔགས་འགྲུབ་པར་འགྱུར་ཏེ། གཉིས་པོ་གང་ཞེ་ན། བྱང་ཆུབ་ཀྱི་སེམས་མི་གཏོང་བ་ཉིད་དང ། སེམས་ཅན་ཐམས་ཅད་ལ་སེམས་མཉམ་པའོ། །ཆོས་གསུམ་དང་ལྡན་ན་སྔགས་ཀྱི་སྤྱོད་པ་ཡོངས་སུ་རྫོགས་པར་འགྱུར་ཏེ། གསུམ་པོ་གང་ཞེ་ན། སེམས་ཅན་ཐམས་ཅད་ཡོངས་སུ་མི་གཏོང་བ་ཉིད་དང ། བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་སྲུང་བ་དང ། རང་གི་སྔགས་ཡོངས་སུ་མི་གཏོང་བ་ཉིད་དོ། །ཆོས་བཞི་དང་ཡང་དག་པར་ལྡན་ན་དང་པོ་སེམས་བསྐྱེད་པའི་བྱང་ཆུབ་སེམས་དཔའི་སྔགས་འགྲུབ་པར་འགྱུར་ཏེ། བཞི་པོ་གང་ཞེ་ན། རང་གི་སྔགས་ཡོངས་སུ་མི་གཏོང་པ་ཉིད་དང ། གཞན་གྱི་སྔགས་རྗེས་སུ་གཅོད་པ་མེད་པ་ཉིད་དང ། སེམས་ཅན་ཐམས་ཅད་ལ་བྱམས་པས་གནས་པ་ཉིད་དང ། སྙིང་རྗེ་ཆེན་པོས་ཡོངས་སུ་བསྒོས་པའི་སེམས་པ་ཉིད་དོ། །ཆོས་བཞི་པོ་འདི་དག་དང་ལྡན་ན་དང་པོ་སེམས་བསྐྱེད་
85a
༄#། །པའི་བྱང་ཆུབ་སེམས་དཔའི་སྔགས་འགྲུབ་པར་འགྱུར་རོ། །ཆོས་ལྔ་དང་ལྡན་ན་བྱང་ཆུབ་སེམས་དཔའི་སྡེ་སྣོད་ལ་འཇུག་ཅིང་སྔགས་ཀྱི་སྤྱོད་པ་སྒྲུབ་པ་ཡོངས་སུ་རྫོགས་པར་འགྱུར་ཏེ། ལྔ་པོ་གང་ཞེ་ན། རྣམ་པར་དབེན་པའི་ཕྱོགས་ཡང་དག་པར་བསྟེན་པ་ཉིད་དང ། བས་མཐའ་དགོན་པ་སྟེན་པར་བྱེད་པ་ཉིད་དང ། སེམས་ཅན་གཞན་ལ་ཞེ་སྡང་མེད་པ་ཉིད་དང ། འཇིག་རྟེན་པའི་སྔགས་ལ་མི་ལྟ་བ་ཉིད་དང ། ཚུལ་ཁྲིམས་དང ། ཐོས་པ་དང ། སྤྱོད་པ་ལ་གནས་པར་བྱེད་པ་ཉིད་དེ། ཆོས་ལྔ་པོ་འདི་དག་དང་ལྡན་ན་སྔགས་སྤྱོད་པའི་དོན་འགྲུབ་ཅིང་ཡོངས་སུ་རྫོགས་པར་འགྱུར་རོ། །ཆོས་དྲུག་དང་ལྡན་ན་སྔགས་ཀྱི་སྤྱོད་པ་འགྲུབ་ཅིང་ཡོངས་སུ་རྫོགས་པར་འགྱུར་ཏེ། དྲུག་པོ་གང་ཞེ་ན། དཀོན་མཆོག་གསུམ་ལ་དད་པ་རྗེས་སུ་མི་གཅོད་པ་ཉིད་དང ། བྱང་ཆུབ་སེམས་དཔའ་ལ་དང་བ་རྗེས་སུ་མི་གཅོད་པ་ཉིད་དང ། འཇིག་རྟེན་དང་འཇིག་རྟེན་ལས་འདས་པའི་སྔགས་ལ་ཀུན་ཏུ་དགའ་བ་ཉིད་དང ། ཆོས་ཀྱི་དབྱིངས་སྤྲོས་པ་མེད་པ་ལ་ལྟ་བ་ཉིད་དང ། ཐེག་པ་ཆེན་པོའི་མདོ་སྡེ་ཟབ་མོའི་ཚིག་གི་དོན་མི་སྤོང་ཞིང་སྐྱོ་བ་མེད་པའི་སེམས་ཉིད་དང ། སྔགས་ཀྱི་སྤྱོད་པ་ཡོངས་སུ་བཙལ་བ་དང ། དགེ་བའི་ཕྱོགས་ཡོངས་སུ་མི་གཏོང་བ་ཉིད་དེ། ཆོས་དྲུག་པོ་འདི་དག་དང་ལྡན་ན་
85b
རིག་པའི་སྤྱོད་པ་དང ། སྔགས་འགྲུབ་ཅིང་ཡང་དག་པར་སྒྲུབ་པ་ཉིད་དུ་འགྱུར་རོ། །ཆོས་བདུན་དང་ལྡན་ན་རིག་པ་སྒྲུབ་པའི་དུས་ཀྱི་ཐབས་ཐོབ་པར་འགྱུར་ཞིང་སྔགས་ཀྱི་སྤྱོད་པ་ལ་རྗེས་སུ་སྤྱོད་པ་ཉིད་དུ་འགྱུར་ཏེ། བདུན་པོ་གང་ཞེ་ན། ཐེག་པ་ཟབ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་སྒོམ་པ་དང ། ཀློག་པ་དང ། སྟོན་པ་དང ། འདོན་དུ་འཇུག་པ་དང ། འདྲི་བ་དང ། བྱང་ཆུབ་སེམས་དཔའི་སྤྱོད་པ་ལ་མོས་པ་ཉིད་དང ། དུས་དང ། ཕྱོགས་དང ། ངེས་པར་སྡོམ་པ་དང ། བཟླས་པ་དང ། སྦྱིན་སྲེག་དང ། མི་སྨྲ་བ་དང ། དཀའ་ཐུབ་ལ་གཞོལ་བ་ཉིད་དང ། རྟོགས་པ་དང ། བློ་དང ། དྲན་པ་དང ། ཤེས་རབ་དང ། བསྟན་པ་ལ་བསྙེན་པ་ཉིད་དང ། བྱང་ཆུབ་ཀྱི་ཚོགས་དང ། ཐེག་པ་ཆེན་པོ་དང ། ཟབ་པའི་ཆོས་ཀྱི་ཚུལ་ལ་ཡང་དག་པར་རབ་ཏུ་ཞུགས་པ་ཉིད་དང ། རང་དགའི་སྔགས་དགུག་པའི་བྱ་བ་ལ་མཁས་པ་ཉིད་དང ། སྙིང་རྗེ་ཆེན་པོ་དང ། བྱམས་པ་ཆེན་པོ་དང ། བཏང་སྙོམས་ཆེན་པོ་དང ། དགའ་བ་ཆེན་པོ་ཉིད་ཡོངས་སུ་བསྒོམ་པ་ཉིད་དང ། སྤྲོས་པ་མེད་པའི་སེམས་ཅན་གྱི་ཁམས་ཀྱི་དབྱིངས་ཀྱི་དེ་བཞིན་ཉིད་ལ་འཇུག་པ་གཉིས་སུ་མེད་པའི་ངོ་བོ་ཐམས་ཅད་མཁྱེན་པའི་ཡེ་ཤེས་ཡོངས་སུ་འཚོལ་བ་ཉིད་དང ། སེམས་ཅན་ཐམས་ཅད་ཡོངས་སུ་མི་གཏོང་བ་ཉིད་དང ། ཐེག་པ་དམན་པ་ལ་དགའ་བ་མེད་
86a
༄#། །པ་ཉིད་དེ། ཆོས་བདུན་པོ་དེ་དག་གིས་ནི་རིག་པ་དང ། སྔགས་འགྲུབ་ཅིང་ཡོངས་སུ་རྫོགས་པར་འགྱུར་རོ། །ཆོས་བརྒྱད་དང་ལྡན་ན་རིག་པ་དང ། སྔགས་ཀྱི་སྤྱོད་པའི་དོན་འགྲུབ་ཅིང་ལམ་དུ་འགྲོ་བར་འགྱུར་ཏེ། བརྒྱད་པོ་གང་ཞེ་ན། མཐོང་བ་དང ། མ་མཐོང་པའི་འབྲས་བུ་དག་ལ་བལྟ་བ་དང ། སེམས་པར་འདོད་པ་ཉིད་དང ། བྱང་ཆུབ་སེམས་དཔའི་འབྲས་བུ་དང་བཅས་པའི་རྫུ་འཕྲུལ་དང ། རྣམ་པར་འཕྲུལ་པ་ཉིད་ལ་ཐེ་ཚོམ་མེད་ཅིང་དང་པ་ཉིད་དང ། ཕྱིན་ཅི་མ་ལྡོག་པའི་སྔགས་གཟུང་བ་དང ། བླ་མ་ལ་གུས་པ་ཉིད་དང ། སངས་རྒྱས་དང ། བྱང་ཆུབ་སེམས་དཔའ་ཉིད་ཀྱི་སྔགས་དང ། རྒྱུད་དང ། སྤྱོད་པ་བསྟན་པ་མི་སླུ་བ་བཟུང་ཞིང་བདོག་པ་ཐམས་ཅད་ཡོངས་སུ་གཏོང་བ་ཉིད་དང ། སངས་རྒྱས་ཀྱི་ཞིང་གནས་དང ། གནས་མ་ཡིན་པ་རྨི་ལམ་ན་མཐོང་བ་རབ་ཏུ་སྟོན་པ་ལ་མཁས་པ་ཉིད་དང ། སེར་སྣ་དང ། གཉིད་དང ། རྨུགས་པ་མཐའ་དག་དང་བྲལ་བར་བྱེད་ཅིང་རྟག་ཏུ་བརྩོན་འགྲུས་རྩོམ་ལ། སངས་རྒྱས་དང ། བྱང་ཆུབ་སེམས་དཔའ་ལ་བདག་ཉིད་འབུལ་བར་བྱེད་པ་ཉིད་དང ། མདོར་བསྡུ་ན་དགེ་བའི་རྩ་བས་ཆོ་ག་མི་ཤེས་ཤིང་གོ་ཆ་ཆེན་པོ་བགོས་པ་དང ། བགེགས་ཐམས་ཅད་རབ་ཏུ་སེལ་བར་འདོད་པ་ཉིད་དང ། བྱང་ཆུབ་ཀྱི་སྙིང་པོ་གནོན་བ་དང ། ལོངས་
86b
སྤྱོད་ཆེན་པོ་དང ། དབང་ཆེ་བར་གྲགས་པར་བདག་ཉིད་འདོད་པ་ཉིད་དང ། དབང་ཆེ་བར་གྲགས་པའི་གང་ཟག་ལ་བསྙེན་པ་དང ། དགེ་བའི་བཤེས་དང་མི་འབྲལ་བར་བྱ་བ་དང།་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཉེ་བར་གནས་པ་ཉིད་དེ། ཆོས་བརྒྱད་པོ་འདི་དག་དང་ལྡན་ན་སྔགས་སྤྱོད་པའི་དོན་འགྲུབ་པའི་ཡང་དག་པའི་ལམ་དུ་འགྱུར་རོ། །གྲོགས་པོ་དག་མདོར་ན། བྱང་ཆུབ་ཀྱི་སེམས་དང་མི་འབྲལ་བ་དང ། དཀོན་མཆོག་གསུམ་ལ་དད་པ་དང ། མཆོག་ཏུ་སྡུག་བསྔལ་ཞིང་ཚུལ་ཁྲིམས་ཉམས་པ་ལ་ཡང་མི་སྐྱོ་བའི་ཡིད་ཀྱིས་རྟག་ཏུ་མངོན་པར་བརྩོན་པ་ལ། ངའི་སྔགས་ཀྱི་ལེའུ་རབ་འབྱམས་མཐའ་ཡས་ཤིང་རྨད་དུ་བྱུང་བ་བྱང་ཆུབ་སེམས་དཔའི་སྤྱོད་པའི་རྒྱུ་མཐུན་པའི་ཡིད་ལས་བྱུང་བ་འགྲུབ་པར་འགྱུར་ཏེ། དེ་ལས་གཞན་དུ་ཤེས་པར་བྱ་བ་མ་ཡིན་ནོ། །རྣམ་པར་རྟོག་པ་མེད་པའི་ཡིད་དུ་བྱས་ནས་ཉམ་སད་པའི་ཕྱིར་ཡང་བསྒྲུབ་པར་བྱ་བ་མ་ཡིན་ནོ། །དེ་ནས་ཐམས་ཅད་དང་ལྡན་པའི་འཁོར་སངས་རྒྱས་དང ། བྱང་ཆུབ་སེམས་དཔའ་དང ། རང་སངས་རྒྱས་དང ། འཕགས་པ་ཉན་ཐོས་རྣམས་ཀྱི་བྱིན་གྱིས་བརླབས་པ་དག་གིས་འདི་སྐད་དུ་ཚིག་བརྗོད་པར་བྱེད་དེ། ཀྱེ་རྒྱལ་བའི་སྲས། ལེགས་སོ། །ལེགས་སོ། །སྔགས་ཀྱི་སྤྱོད་པའི་དོན་རྣམ་པ་སྣ་ཚོགས་པའི་བྱ་བ་ཆོས་ཀྱི་
87a
༄#། །ཚུལ་ལ་རྗེས་སུ་འཇུག་པ་དང་མཐུན་ཞིང་ཆོས་བསྟན་པ་ལེགས་པར་བསྟན་པ་ནི་སེམས་ཅན་ཐམས་ཅད་ཀྱི་དོན་གྱི་ཕྱིར་རོ། །དེས་ན་འཇམ་དཔལ་གཞོན་ནུར་གྱུར་པས་ཆོས་རྣམ་པ་སྣ་ཚོགས་བསྟན་པ་དང་རྗེས་སུ་མཐུན་ཞིང་སྔགས་ཀྱི་སྤྱོད་པ་དང་རྗེས་སུ་མཐུན་པ་ལེགས་པར་བསྟན་པ་ཉིད་དོ། །རྒྱལ་པོ་ཆེན་པོ། གང་ལ་ལ་ཞིག་འདུས་པའི་ལེའུ་འདི་ཀློག་པར་འགྱུར་བ་དང ། འཛིན་པར་འགྱུར་བ་དང ། ཡིད་ལ་བྱེད་པར་འགྱུར་བ་འམ། གཡུལ་གྱི་ཐོག་མར་གླང་པོ་ཆེའི་སྟེང་དུ་བཞག་པ་དང ། མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་རྣམ་པ་སྣ་ཚོགས་ཀྱིས་མཆོད་པར་བྱེད་ན་དེ་ལ་བདག་ཅག་བྱིན་གྱིས་རློབ་པར་བྱེད་ཅིང་ཕྱིར་རྒོལ་བ་དང ། དགྲ་བོ་དག་ཀྱང་དབང་དུ་འགྱུར་ལ། གཞན་གྱི་དམག་གི་དཔུང་ཡང་གཞིག་པར་བགྱིའོ། །གླེགས་བམ་ལ་བྲིས་པ་བྱས་ཏེ་རང་གི་ཁྱིམ་དུ་བཞག་ན། དེ་ལ་རིགས་ཀྱི་བུ་འམ། རིགས་ཀྱི་བུ་མོ་འམ། རྒྱལ་པོ་འམ། རྒྱལ་པོ་ཆེན་པོ་འམ། རྒྱལ་མོ་འམ། རྒྱལ་མོ་ཆེན་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་མ་དག་ལ་སྲུང་བ་ཆེན་པོ་དང ། ལོངས་སྤྱོད་ཆེན་པོ་དང་ལྡན་པ་དང ། ཚེ་རིང་བ་ཉིད་དང ། ནད་མེད་པ་ཉིད་དང ། ལོངས་སྤྱོད་རྟག་ཏུ་མངོན་པར་འཕེལ་བ་ཉིད་ཀྱང་བགྱིའོ། །དེ་
87b
སྐད་ཅེས་སྨྲས་ནས་ཐམས་ཅད་དང་ལྡན་པའི་འཁོར་ཅང་མི་སྨྲ་བར་གྱུར་ཏོ། །ཐེག་པ་ཆེན་པོ་སྔགས་ཀྱི་སྤྱོད་པ་བསྟན་པའི་ཆོ་ག་ཞི་བ་མོ་ལས། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པའི་རྣམ་པར་འཕྲུལ་པའི་ལེའུ་རབ་འབྱམས་རྩ་བའི་ཆོ་ག་ཞིབ་མོ་ལས། འདུས་བའི་ལེའུ་སྟེ་དང་པོའོ།། །།དེ་ནས་འཇམ་དཔལ་གཞོན་ནུར་གྱུར་པ་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་བལྟས་ནས། སེམས་ཅན་ཐམས་ཅད་ཀྱི་དམ་ཚིག་ལ་རྗེས་སུ་འཇུག་ཅིང་ཀུན་ཏུ་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །འཇམ་དཔལ་གཞོན་ནུར་གྱུར་པ་སྙོམས་པར་ཞུགས་མ་ཐག་ཏུ་ལྟེ་བའི་དཀྱིལ་འཁོར་གྱི་ཕྱོགས་ནས་འོད་ཟེར་བྱེ་བ་བརྒྱ་སྟོང་དུ་མའི་འཁོར་དང་ལྡན་པའི་འོད་ཟེར་ཕྱུང་སྟེ། སེམས་ཅན་གྱི་ཁམས་ཐམས་ཅད་ཀུན་ཏུ་སྣང་བར་བྱས་ནས་སླར་ལོག་སྟེ། གནས་གཙང་མའི་གཞལ་མེད་ཁང་སྣང་བར་བྱས་ནས་འཁོད་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་སྨྲས་པ། སེམས་ཅན་ཐམས་ཅད་ཀྱི་དམ་ཚིག་ལ་རྗེས་སུ་ཞུགས་པ་ཞེས་བྱ་བའི་དཀྱིལ་འཁོར་གྱི་ལེའུ་རབ་འབྱམས་ཀྱི་སྤྱོད་པ་སྒྲུབ་པ། སེམས་ཅན་ཐམས་ཅད་ཀྱི་ཐུན་མོང་དུ་གྱུར་པ། ཁྱོད་ཀྱི་སྔགས་ཀྱི་ཚོགས་གང་དུ་སེམས་ཅན་ཡང་དག་
88a
༄#། །པར་ཞུགས་ན་འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་སྔགས་འགྲུབ་པ་ཡང་དག་པར་ཐོབ་པར་འགྱུར་བས། སེམས་དཔའ་ཆེན་པོ།་ཁྱོད་སྨྲོས་ཤིག་།སྨྲོས་ཤིག་།དེ་སྐད་ཅེས་སྨྲས་པ་དང ། གསང་བ་པའི་བདག་པོ་གནོད་སྦྱིན་གྱི་བདག་པོ་ལ། འཇམ་དཔལ་གཞོན་ནུར་གྱུར་པས་མཆོག་ཏུ་གསང་བའི་དཀྱིལ་འཁོར་གྱི་རྒྱུད་སྨྲས་སོ། །རིག་པ་ཐམས་ཅད་ཡང་དག་པར་བསྐུལ་བ་ཞེས་བྱ་བའི་རྫུ་འཕྲུལ་གྱི་རྣམ་པར་འཕྲུལ་པ་སྟོན་པར་བྱེད་དོ། །ལག་པ་གཡས་པ་བཏེག་ནས་སོར་མོའི་རྩེ་མོས་འཁོར་གྱི་དཀྱིལ་འཁོར་ལ་སྟོན་པར་བྱེད་དེ། སོར་མོའི་རྩེ་མོ་དེ་ལས་རིག་པའི་རྒྱལ་པོ་བྱེ་བ་ཁྲི་ཕྲག་བརྒྱ་སྟོང་དུ་མ་བྱུང་སྟེ། གྱུར་ནས་ཀྱང་གནས་གཙང་མའི་གནས་ཀྱི་གཞལ་མེད་ཁང་ཐམས་ཅད་སྣང་བ་ཆེན་པོས་གནས་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་སྙིང་པོ་ལས་ཐམས་ཅད་བྱེད་པ་དང ། དཔའ་བོ་གཅིག་པ་དང ། སྤྱན་དྲང་པ་དང ། གཤགས་སུ་གསོལ་བ་དང ། ཞི་བ་དང ། རྒྱས་པ་དང ། མངོན་སྤྱོད་དང ། མི་སྣང་བ་དང ། ནམ་མཁའ་ལ་འགྲོ་བ་དང ། ས་འོག་ཏུ་འཇུག་པ་དང ། ཆུ་ལ་མི་ནུབ་པར་འགྲོ་བ་དང ། དགུག་པ་དང ། རྣམ་པར་དབྱེ་བ་དང ། དབང་དུ་བྱེད་པ་དང ། དྲི་ཐམས་
88b
ཅད་དང ། ཕྲེང་བ་དང ། མར་མེ་དག་ཀྱང་རང་གི་རྒྱུད་ཀྱི་སྔགས་ཀྱིས་སྦྱིན་པར་བྱེད་དེ། མདོར་ན། ཇི་ལྟ་ཇི་ལྟར་སྦྱར་བདེ་ལྟ་དེ་ལྟར་སྒྲུབ་པར་བྱེད་པ་ནི་ཡི་གེ་གསུམ་ཞེས་བྱ་བ། སྟོབས་ཆེན་པོ་དོན་ཐམས་ཅད་སྒྲུབ་པར་བྱེད་པ། ཁྲོ་བོའི་རྒྱལ་པོའི་སྔགས་སྨྲས་པ། དེ་གང་ཞེ་ན། ཨོཾ་ཨཱཿ ཧཱུཾ། འདི་ནི་ཁྲོ་བོ་ཆེན་པོ་དེའི་སྙིང་པོ་སྟེ། ལས་ཐམས་ཅད་བྱེད་པ། དཀྱིལ་འཁོར་ཐམས་ཅད་དང ། སྔགས་ཐམས་ཅད་ཀྱི་སྤྱོད་པ་ལ་སེམས་དཔའ་ཆེན་པོ་འཇམ་དཔལ་དབྱངས་ཀྱིས་སྨྲས་ཏེ། བགེགས་ཐམས་ཅད་འཇིག་པར་བྱེད་པའོ། །དེ་ནས་འཇམ་དཔལ་གཞོན་ནུར་གྱུར་པས་ལག་པ་གཡས་པ་བཏེག་སྟེ་ཁྲོ་བོའི་སྤྱི་བོར་བཞག་པ་བྱས་སོ། །འདི་སྐད་དུ་ཡང་སྨྲས་ཏེ། སངས་རྒྱས་ཐམས་ཅད་ལ་ཕྱག་འཚལ་ལོ། །སངས་རྒྱས་བཅོམ་ལྡན་འདས་རྣམས་དགོངས་སུ་གསོལ། གང་སུ་དག་ཕྱོགས་བཅུའི་འཇིག་རྟེན་གྱི་ཁམས་ན་རྣམ་པར་གནས་ཤིང་མཐའ་ཡས་མུ་མེད་པའི་རྫུ་འཕྲུལ་དང་ལྡན་པའི་བྱང་ཆུབ་སེམས་དཔའ་རྣམས་དམ་ཚིག་ལ་ལྷག་པར་གནས་པར་གྱིས་ཤིག་།དེ་སྐད་སྨྲས་ནས་ཁྲོ་བོའི་རྒྱལ་པོ་ལ་ལག་པ་བསྐོར་ནས་བཏང་པར་གྱུར་ཏོ། །ཁྲོ་བོའི་རྒྱལ་པོ་ཆེན་པོ་བཏང་མ་ཐག་ཏུ་ཐམས་ཅད་དང་ལྡན་པའི་འཇིག་རྟེན་གྱི་ཁམས་དག་ཏུ་སོང་ནས། སྐད་ཅིག་ཙམ་གྱིས་གང་དག་སྡང་བའི་
89a
༄#། །བསམ་པ་དང་ལྡན་པའི་སེམས་ཅན་རྫུ་འཕྲུལ་ཆེ་བ་དག་ཚར་བཅད་ཅིང་དེར་བཀུག་པར་གྱུར་ནས། ཆོས་ཀྱི་དཀྱིལ་འཁོར་ཆེན་པོ་གནས་གཙང་མའི་གཞལ་མེད་ཁང་དེར་ཡང་དག་པར་བཅུག་སྟེ། གནས་ཇི་ལྟ་བ་བཞིན་གནས་པར་བྱས་ནས་སེམས་ཅན་མ་རུངས་པ་དག་ལ་ཡང་ཀུན་ནས་འབར་བའི་ཕྲེང་བའི་ཚོགས་སུ་བྱས་ཤིང་སྤྱི་བོ་ལ་ཡང་དག་པར་གནས་པར་བྱས་སོ། །དེ་ནས་འཇམ་དཔལ་གཞོན་ནུར་གྱུར་པས་འཁོར་གྱི་དཀྱིལ་འཁོར་དེ་ལ་ཡང་བལྟས་ནས། སེམས་ཅན་ཁྱེད་ཅག་ཐམས་ཅད་ཉོན་ཅིག་།གང་ཡང་དམ་ཚིག་འདི་ལས་འདས་པར་གྱུར་ན་དེ་ལ་ཁྲོ་བོའི་རྒྱལ་པོ་འདིས་ཆད་པ་གཅོད་པར་འགྱུར་ཏེ། གང་གི་ཕྱིར་ཞེ་ན། སངས་རྒྱས་བཅོམ་ལྡན་འདས་ཀྱི་དམ་ཚིག་ནི་འདའ་བར་བྱ་བ་མ་ཡིན་ཏེ། སྔགས་ཀྱི་དོན་གྱི་ཚིག་གསང་བ་བྱང་ཆུབ་སེམས་དཔའ་རྫུ་འཕྲུལ་ཆེན་པོ་དང་ལྡན་པ་རྣམས་ཀྱིས་མདོར་བསྟན་པ་བརྗོད་པར་བྱ་ཡི། དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་པར་བྱའོ། །ོཾ་ཨཱཿ ཧཱུཾ། ན་མཿ སརྦ་བུད་དྷཱ་ནཱཾ། ཨོཾ་ར་ར་སྨ་ར་ཨ་པྲ་ཏི་ཧ་ཏ་ཤཱ་ས་ན། ཀུ་མཱ་ར་རཱུ་པ་དྷཱ་རི་ཎེ་ཧཱུཾ་ཧཱུཾ་ཕཊ་ཕཊ་སཝཱ་ཧཱ། གྲོགས་པོ་དག་འདི་ནི་རྩ་བའི་སྔགས་ཡིན་ཏེ། འཕགས་པ་འཇམ་དཔལ་ཞེས་བྱ་བ་ཡིན་ནོ། །ཕྱག་རྒྱ་
89b
ནི་གཙུག་ཕུད་ལྔ་པ་ཞེས་གྲགས་ཏེ། དེ་ལ་རབ་ཏུ་སྦྱར་བར་བྱའོ། །རྩ་བའི་སྔགས་འདི་ནི་ལས་ཐམས་ཅད་བ་ཞེས་བྱའོ། །སྙིང་པོའི་སྔགས་ནི་ལས་ཐམས་ཅད་བྱེད་ཅིང་ཤེས་པ་ཡིན་ཏེ། ཨོཾ་བཱ་ཀྱེ་དཾ་ན་མཿ ། འདིར་ཕྱག་རྒྱར་འགྱུར་བ་ནི་གཙུག་ཕུད་གསུམ་པ་ཞེས་བྱ་བ་ཡིན་ཏེ། ལོངས་སྤྱོད་ཐམས་ཅད་མངོན་པར་འཕེལ་བར་བྱེད་པའོ། །འདིར་ཉེ་བའི་སྙིང་པོར་འགྱུར་བ་ནི། བཱ་ཀྱེ་ཧཱུཾ། འདིར་ཕྱག་རྒྱར་འགྱུར་བ་ནི་གཙུག་ཕུད་གསུམ་པ་ཞེས་གྲགས་པ་ཡིན་ཏེ། སེམས་ཅན་ཐམས་ཅད་འགུགས་པར་བྱེད་པ་ཡིན་ནོ། །འདིར་སྙིང་པོ་མཆོག་ཏུ་འགྱུར་བ་ནི། མཾ།་འདིར་ཕྱག་རྒྱར་འགྱུར་བ་ནི་རྨ་བྱའི་གདན་ཞེས་བྱ་བར་བསྟན་པ་ཡིན་ཏེ། སེམས་ཅན་ཐམས་ཅད་དབང་དུ་བྱེད་པའོ། །གཞན་ཡང ། ཕྱག་རྒྱ་ཐམས་ཅད་ཀྱི་སྙིང་པོ་དཔའ་བོ་ཆེན་པོ་ཞེས་བྱ་བ་ཡི་གེ་བརྒྱད་ཡོད་དེ། དཔལ་མཆོག་ཏུ་བྱེད་པ་དག་བྱེད་ཆེན་པོ། སྲིད་པ་གསུམ་གྱི་ཆོས་ཉེ་བར་གཅོད་པར་བྱེད་པ། ངན་འགྲོ་ཐམས་ཅད་ཟློག་པར་བྱེད་པ། ཞི་བ་ཐམས་ཅད་བྱེད་པ། ལས་ཐམས་ཅད་བྱེད་པ། མྱ་ངན་ལས་འདས་པའི་བདེ་བ་ཐོབ་པར་བྱེད་པ། སངས་རྒྱས་མངོན་སུམ་དུ་མཐོང་བ་བཞིན་དུ་ཉེ་བར་གནས་པ། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ཉིད་བཞིན་དུ་ཉེ་བར་གནས་པ། སེམས་ཅན་ཐམས་ཅད་ཀྱི་དོན་གྱི་ཕྱིར་མཆོག་ཏུ་གསང་བའི་
90a
༄#། །ངོ་བོས་ཉེ་བར་གནས་པ། རེ་བ་ཐམས་ཅད་ཡོངས་སུ་རྫོགས་པར་བྱེད་པ། གང་དུ་དྲན་པ་ཙམ་གྱིས་མཚམས་མེད་པ་ལྔ་ཡང་ཡོངས་སུ་སྦྱོང་བར་བྱེད་ན་བཟླས་པ་ལྟ་སྨོས་ཀྱང་ཅི་དགོས། དེ་ཡང་གང་ཞེ་ན། ཨོཾ་ཨཱ་བཱི་ར་ཧཱུཾ། ཁེ་ཙ་ར། གྲོགས་པོ་དག་།འདི་ནི་ཡི་གེ་བརྒྱད་པོ་དཔའ་བོ་ཆེན་པོ་ཞེས་བྱ་བ་གསང་བའི་སྙིང་པོའི་བདག་ཉིད་ཡིན་ཏེ། སངས་རྒྱས་ཉིད་བཞིན་དུ་རབ་ཏུ་ཉེ་བར་གནས་པ་ཡིན་ནོ། །མདོར་ན། བྱ་བ་ཐམས་ཅད་ལ་ཡོན་ཏན་གྱི་མཐའ་རྒྱ་ཆེན་པོ་བརྗོད་པར་ནི་བསྐལ་པ་བྱེ་བ་ཁྲི་ཕྲག་བརྒྱ་སྟོང་དུ་མར་ཡང་མི་ནུས་ཏེ། འདིར་ཕྱག་རྒྱ་ཡང་སྟོབས་པོ་ཆེ་ཞེས་རྣམ་པར་གྲགས་པ། རེ་བ་ཐམས་ཅད་ཡོངས་སུ་རྫོགས་པའོ། །སྤྱན་དྲང་བའི་སྔགས་ནི། ཨོཾ་ཧེ་ཧེ་ཀུ་མཱ་བི་ཤཝ་རཱུ་པི་ཎཱི། སརྦ་བཱ་ལ་བྷཱཥི་ཏ་པྲ་བོ་དྷ་ནེ། ཨེ་ཧྱེ་ཧི་བྷ་ག་བཱན། ཨེ་ཧྱེ་ཧི་ཀུ་མཱ་ར། ཀྲཱྀ་ཌ་ནུཏྤ་ལ་དྷཱ་རི་ཎེ་མཎྜ་ལ་མ་དྷྱེ་ཏིཥྛ་ཏིཥྛ་ས་མ་ཡ་མ་ནུ་སྨ་ར། ཨ་པྲ་ཏི་ཧ་ཏ་ཤཱ་ས་ནཱ་ནཱ་ན་ཧཱུཾ། མཱ་བི་ལཾ་བ་ཀུ་རུ་ཕཊ་སཝཱ་ཧཱ། འདི་ནི་བཅོམ་ལྡན་འདས་འཇམ་དཔལ་གྱི་སྤྱན་དྲང་བའི་སྔགས་སོ། །སངས་རྒྱས་ཐམས་ཅད་དང ། བྱང་ཆུབ་སེམས་དཔའ་ཐམས་ཅད་དང ། རང་སངས་རྒྱས་ཐམས་ཅད་དང ། འཕགས་པ་ཉན་ཐོས་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་
90b
དང།་མི་འམ་ཅི་དང ། ལྟོ་འཕྱེ་ཆེན་པོ་དང ། ཤ་ཟ་དང ། སྲིན་པོ་དང ། འབྱུང་པོ་ཐམས་ཅད་ཀྱིའང་ཡིན་ནོ། །ཙནྡན་གྱི་ཆུར་བྱས་ཏེ། ལན་བདུན་སྔགས་ནས་ཕྱོགས་བཞི་དང ། སྟེང་དང ། འོག་དང ། ཐམས་ཅད་དུ་གཏོར་ན་སངས་རྒྱས་དང ། བྱང་ཆུབ་སེམས་དཔའ་དང ། འཇམ་དཔལ་གཞོན་ནུར་གྱུར་པ་རང་ཉིད་འཁོར་དང་བཅས་པ་ཐམས་ཅད་དང ། འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་དང ། སྔགས་དང ། དེ་བཞིན་དུ་འབྱུང་པོའི་ཚོགས་དང ། སེམས་ཅན་ཐམས་ཅད་འགུགས་པར་འགྱུར་རོ། །ན་མཿ ་སརྦ་བུད་དྷཱ་ནཱན། ཨ་པྲ་ཏི་ཧ་ཏ་ཤཱ་ས་ནཱ་ནཱན། ཨོཾ་དྷུ་དྷུ་ར་དྷུ་ར་དྷུ་མ་བཱ་སི་ནི། དྷུ་མ་ར་ཙི་ཤི་ཧཱུཾ་ཏི་ཥྛ་ས་མ་ཡ་མ་ནུ་སྨ་ར་སཝཱཧཱ། བདུག་པའི་སྔགས་སོ། །ཙནྡན་དང ། ག་བུར་དང ། གུར་གུམ་གཅིག་ཏུ་བྱས་ཏེ། བདུག་པས་བདུག་ན་དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའ་ཐམས་ཅད་དང ། སེམས་ཅན་ཐམས་ཅད་བདུག་པས་ཚིམ་ཞིང་དགྱེས་ནས་བཞུགས་པར་འགྱུར་རོ། །འདིར་ཡང་ཕྱག་རྒྱར་འགྱུར་བ་ནི། །པདྨའི་ཕྲེང་བ་ཞེས་གྲགས་པ། །ཐམས་ཅད་འགུགས་བྱེད་ཞི་བ་ཡིན། །སྤྱན་དྲང་བ་ཡི་སྔགས་ལ་ཡང། །པདྨའི་ཕྲེང་བ་བཟང་པོ་ཞེས། བྱ་བའི་ཕྱག་རྒྱ་འདི་ཉིད་དོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། སེམས་ཅན་ཐམས་ཅད་བྱོན་པ་ལ་མཆོད་ཡོད་
91a
༄#། །དབུལ་བར་བྱ་སྟེ། ག་པུར་དང ། ཙནྡན་དང ། གུར་གུམ་ཆུ་དང་སྦྱར་ནས་མེ་ཏེག་ཀུ་སུ་དང ། མཱ་ལི་ཀ་དང ། དབྱར་གྱི་མེ་ཏོག་དང ། མེ་ཏོག་པུ་ན་ནཱ་ག་དང ། མེ་ཏོག་བ་ཀུ་ལ་དང ། མེ་ཏོག་པཎྜཱི་ཏ་ག་རུ་འདི་དག་གང་ཡང་རུང་བའི་མེ་ཏོག་གམ། དུས་ཇི་ལྟ་བའི་མེ་ཏོག་དྲི་ཞིམ་པོ་བཅུག་སྟེ། སྔགས་འདིས་མཆོད་ཡོན་དབུལ་བར་བྱའོ། །ན་མཿ ་སརྦ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཧེ་ཧེ་མཧཱ་ཀཱ་རུ་ཎི་ཀ་བི་ཤཝ་རཱུ་པ་དྷཱ་ར་ཎི། ཨརྒྷཾ་པྲ་ཏཱིཙྪ་པ་ཡ། ས་མ་ཡ་མ་ནུ་སྨར། ཏིཥྛ་ཏིཥྛ། མཎྜ་ལ་མ་དྷྱེ་པྲ་བེ་ཤ་ཡ་པྲ་བེ་ཤ་ཡ། སརྦ་བྷུ་ཏཱ་ནུ་ཀཾ་པ་ཀ་གྲྀཧཎ་གྲྀཧྞ་ཧཱུཾ། ཨཾ་བ་ར་བི་ཙཱ་རི་ཎི་སཝཱཧཱ། འདིར་ཡང་ཕྱག་རྒྱ་ནི་གང་བ་ཞེས་བྱ་བར་གྲགས་པ་སེམས་ཅན་ཐམས་ཅད་དང་རྗེས་སུ་མཐུན་ཞིང་བརྟན་པའོ། །འདིར་ཡང་དྲིའི་སྔགས་སུ་འགྱུར་བ་ནི། ན་མཿ ་ས་མནྟ་བུད་དྷཱ་ནཱཾ། ན་མཿ ་ས་མནྟ་གནྡྷ་ཨ་བ་བྷཱ་ས་ཤྲི་ཡེ། ཏ་ཐཱ་ག་ཏཱ་ཡ།་ཏདྱ་ཐཱ། གན་དྷཱེ་གན་དྷཱེ་ག་ནདྷྱཱ་དེ། གནྡྷ་ན་མོར་ཐེ། པྲ་ཏཱིཙྪ་པྲ་ཏཱིཙྪ་མཾ། གནྡྷཾ་ས་མ་ཏཱ་ནུ་ཙཱ་རི་ཎི་སཝཱ་ཧཱ། འདིར་ཕྱག་རྒྱར་འགྱུར་བ་ནི་ལོ་མ་ཞེས་བྱ་བ་རེ་བ་ཐམས་ཅད་ཡོངས་སུ་རྫོགས་པར་བྱེད་པའོ། །འདིར་མེ་ཏོག་གི་སྔགས་སུ་འགྱུར་བ་ནི། ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ན་མཿ ་སཾ་ཀུ་སུ་མི་ཏ་རཱ་ཛ་སྱ། ཏ་ཐཱ་ག་
91b
ཏ་སྱ། ཏདྱ་ཐཱ། ཀུ་སུ་མེ་ཀུ་སུ་མེ་ཀུ་སུ་མཱ་དྷྱེ། ཀུ་སུ་མ་པཱུ་ར་བཱ་སི་ནི། ཀུ་སུ་མ་བ་ཏི་སཝཱ་ཧཱ། བདུག་པའི་སྔགས་འདི་ཉིད་དང ། གོང་དུ་བསྟན་པའི་བདུག་པས་བདུག་པར་བྱའོ། །སྐུ་ནི་རྨད་བྱུང་བསམ་མི་ཁྱབ། །སངས་རྒྱས་ཐམས་ཅད་ཕྱག་འཚལ་ཏེ། །རྫོགས་སངས་རྒྱས་ཀྱིས་གསུངས་པ་ཡི། །གཏོར་མའི་སྔགས་ནི་བཤད་པར་བྱ། །ན་མཿ ་སརྦ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཧེ་ཧེ་བྷ་ག་བཱན། མཧཱ་སཏྭ་སརྦཱ་བ་ལོ་ཀི་ཏེ་ཨི་མཾ་བ་ལིཾ་གྲྀཧྞ་པ་ཡ་གྲྀཧྞ་པ་ཡ་ཧཱུཾ་ཧཱུཾ། སརྦ་བི་ཤཝ་ར་ར་ཊ་ཊ་ཕཊ་སཝཱ་ཧཱ། འདིར་ནི་བཤོས་དབུལ་བར་བྱ་སྟེ། འབྱུང་པོ་ཐམས་ཅད་ཀྱི་གཏོར་མ་ཡང་བྱའོ། །འདིར་ཕྱག་རྒྱར་འགྱུར་བ་ནི། མདུང་ཞེས་བྱ་བ་མ་རུངས་པ། །ཐམས་ཅད་ཟློག་པར་བྱེད་པའོ། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། སརྦ་ཏ་མོཉནྡྷ་ཀཱ་ར་བི་དྷྭཾ་སཱ་ནཱཾ། ན་མཿ ་ས་མནྟ་ཛྱོ་ཏི་གནྡྷཱ་རྦ་བྷཱ་ས་ཤྲི་ཡེ། ཏ་ཐཱ་ག་ཏཱ་ཡ། ཏདྱ་ཐཱ། ཧེ་ཧེ་བྷ་ག་བཱན། ཛྱོ་ཏི་ར་སྨི་ཤ་ཏ་ས་ཧ་སྲ་པྲ་ཏི་མཎྜི་ཏ་ཤ་རཱི་ར་བི་ཀུརྦ་བི་ཀུརྦ་མཧཱ་བོ་དྷི་སཏྭ་ས་མནྟ་ཛྭ་ལོད་དྱོ་ཏི་ཏ་མཱུརྟི་ཁུརད་ཁུརྡ། ཨ་བ་ལོ་ཀ་ཡ། ཨ་བ་ལོ་ཀ་ཡ་མཱན། ལཾ་སརྦ། ས་ཏྭ་ནཉྩ་སཝཱ་ཧཱ། མར་མེའི་སྔགས་ཏེ། འདིས་མར་མེ་དབུལ་བར་བྱའོ། །ཁ་བྱེ་བ་ཞེས་བྱ་བའི་ཕྱག་རྒྱ་ནི་སེམས་ཅན་ཀུན་གྱིས་མཐོང་བའོ། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་
92a
༄#། །ཐཱ།་ཛྭཱ་ལ་ཛྭཱ་ལ། ཛྭཱ་ལ་ཡ་ཛྭཱ་ལ་ཡ། ཧཱུཾ་བི་བྷོ་ད་ཀ་ཧ་རི་ཀྲྀཥྞ་པིངྒ་ལ་སཝཱ་ཧཱ། མེའི་བྱ་བ་བྱེད་པའི་སྔགས་སོ། །འདིར་ཡང་ཕྱག་རྒྱར་འགྱུར་བ་ནི། །སེམས་ཅན་ཀུན་ལ་འོད་གསལ་བྱེད། །ཁ་སྦྱར་ཞེས་བྱར་འཇིག་རྟེན་གྲགས། །བྱང་ཆུབ་སེམས་དཔའ་བློ་ལྡན་གྱིས། །ཐུབ་པ་མཆོག་གིས་སྔོན་བཤད་པའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སྨྲས་པ། གསང་བ་པའི་བདག་པོ། སྔགས་ཀྱི་ཚིག་འདི་ནི་གསང་བ་དང་བཅས་ཤིང་མཆོག་ཏུ་གསང་པར་བྱ་བ་ཡིན་ཏེ། །ཁྱོད་པུ་འཇིག་རྟེན་རྣམ་གྲགས་པའི། །མི་བཟད་པ་ནི་གང་ཡིན་པ། །སྔགས་རྣམས་དག་ནི་ཐམས་ཅད་ཀྱིས། །མཁས་པ་རྣམས་ཀྱིས་བསྒྲུབས་པ་སྟེ། །སྤྱི་བོའི་གདུ་བུ་ཞེས་གྲགས་པ། །རྡོ་རྗེ་པདྨའི་རིགས་ཀྱང་ཡིན། །དེ་ནི་རྣམ་པར་གཞིག་པའི་ཕྱིར། །རིག་པ་འདི་ནི་ཡང་དག་བརྗོད། །ན་མཿ ་ས་མནྟ་བུད་དྷཱ་ཎཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཨོཾ་ཀ་ར་ཀ་ར། ཀུ་རུ་ཀུ་རུ། མ་མ་ཀཱརྱཾ་བྷཉྫ་བྷཉྫ། སརྦ་བིགྷན་ད་ཧ་ད་ཧ་སརྦ་བཛྲ་བི་ནཱ་ཡ་ཀཱཾ་མུརྡྷ་ག་ཊཾ་ཇཱི་བི་ཏཱནྟ་ཀ་ར་མ་ཧཱ་བི་ཀྲྀ་ཏ་རཱུ་པ་དྷཱ་རི་ཎི། པ་ཙ་པ་ཙ་སརྦ་དུཥྚཱ་ན། མཧཱ་ག་ན་པ་ཏི་ཛཱི་བི་ཏཱནྟ་ཀ་ར་བན་དྷབ་ན་དྷ་སརྦ་གྲ་ཧཱ་ན། ཥ་ཊ་མུ་ཁ་ཥ་ཊ་བྷུ་ཛ། ཥ་ཊ་ཙ་ར་ཎ་རུ་དྲ་མཱ་ན་ཡ། བིཥྞུ་མ་ནཱ།
92b
ཡ་བྲཧྨ་དྱ་དེ་བ་མཱ་ན་ཡ་མཱ་བི་ལཾ་བ། ལ་ཧུ་ལ་ཧུ་མཎྜལ་མ་དྷྱེ་པྲ་བེ་ཤ་ཡ། ས་མ་ཡ་མ་ནུ་སྨར་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་སཝཱ་ཧཱ། གསང་བ་པའི་བདག་པོ། འདི་ནི་འཇམ་དཔལ་གཞོན་ནུར་གྱུར་པའི་མཆོག་ཏུ་གསང་བའི་སྔགས་ཆེན་པོ་གདོང་དྲུག་པ་ཞེས་བྱ་བ་ཡིན་ཏེ། ཁྲོ་བོའི་རྒྱལ་པོ་བགེགས་ཐམས་ཅད་འཇིགས་པར་བྱེད་པ་སྟེ། འདི་བརྗོད་པ་ཙམ་གྱིས་ས་བཅུའི་དབང་ཕྱུག་ལ་གནས་པའི་བྱང་ཆུབ་སེམས་དཔའ་ཡང་འཇིགས་པར་བྱེད་པ་ཡིན་ན་བགེགས་མ་རུངས་བ་ལྟ་སྨོས་ཀྱང་ཅི་དགོས། འདི་བརྗོད་པ་ཙམ་ཉིད་ཀྱིས་སྲུང་བ་ཆེན་པོ་བྱས་པར་འགྱུར་རོ། །འདིར་ཡང་ཕྱག་རྒྱར་འགྱུར་བ་ནི། ནག་པོ་ཆེན་པོ་ཞེས་བྱ་བའི། བགེགས་རྣམས་ཐམས་ཅད་ཞི་བྱེད་པའོ། །འདི་ཉིད་ཀྱི་ཁྲོ་བོའི་རྒྱལ་པོའི་སྙིང་པོ་ནི། ཨོཾ་ཧྲཱིཿ ་ཥྚིཿ ་བི་ཀྲྀ་ཏཱ་ན་ན་ཧཱུཾ་སརྦ་ཤ་ཏྲཱུཾ་ནཱ་ཤ་ཡ་སྟཾ་བྷ་ཡ་ཕཊ་ཕཊ་སཝཱ་ཧཱ། སྔགས་འདི་བརྗོད་པས་དགྲ་ཐམས་ཅད་ཟུག་གཟེར་ཆེན་པོ་དང ། ནད་ཆེན་པོ་དང ། ཉིན་བཞི་པའི་རིམས་ཀྱིས་ཐེབས་པར་འགྱུར་རོ། །རྟག་ཏུ་དགའ་བ་མེད་པ་དང ། བྱམས་པ་མེད་པ་དང ། སྙིང་རྗེའི་སེམས་ཐོབ་པར་མི་འགྱུར་ཏེ། བཟླས་པ་ཟིན་གྱི་བར་དུ་གྲོལ་བར་མི་འགྱུར་ཞིང་འཆི་བར་འགྱུར་རོ། །དཀོན་མཆོག་གསུམ་ལ་གནོད་པ་བྱེད་པ་དག་ལ་བྱ་ཡི། ཞི་བའི་སེམས་ཡོད་པ་གཞན་དག་ལ་ནི་མ་ཡིན་ནོ། །ཕྱག་རྒྱ་ནི་རྩེ་
93a
༄#། །གསུམ་ཆེན་པོ་ཞེས་བྱ་བ་སྦྱར་བར་བྱའོ། །འདིར་ཉེ་བའི་སྙིང་པོར་འགྱུར་བ་ནི། ཨོཾ་ཏྲི་ཀཱ་ལ་རཱུ་པ་ཧཱུཾ་ཁཾ་སཝཱ་ཧཱ། ཕྱག་རྒྱ་ནི་རྩེ་གསུམ་ཆེན་པོ་ཞེས་བྱ་བ་ཉིད་སྦྱར་བར་བྱའོ། །མ་རུངས་པ་ཐམས་ཅད་ལ་གང་འདོད་པ་དེ་བྱེད་པར་འགྱུར་རོ། །སྙིང་པོའི་མཆོག་སངས་རྒྱས་ཐམས་ཅད་ཀྱི་བྱིན་གྱིས་བརླབས་པའི་ཡི་གེ་གཅིག་པ་ཞེས་བྱའོ། །ཧཱུཾ།་འདི་ནི་ལས་ཐམས་ཅད་བྱེད་པའོ། །ཕྱག་རྒྱ་ཡང་རྩེ་གསུམ་ཆེན་པོ་ཞེས་བྱ་བར་སྦྱར་བར་བྱའོ། །ཕུང་ཁྲོལ་ཐམས་ཅད་ཟློག་པར་བྱེད་པ། འབྱུང་པོ་ཐམས་ཅད་དབང་དུ་བྱེད་པ་སྟེ། མདོར་ན། ཁྲོ་བོའི་རྒྱལ་པོ་འདི་ནི་ལས་ཐམས་ཅད་ལ་སྦྱར་བར་བྱའོ། །དཀྱིལ་འཁོར་གྱི་དབུས་སུ་བཟླས་པ་བྱས་ན་གྲུབ་པའི་དུས་སུ་ཁྱད་པར་དུ་འཕགས་པར་འགྱུར་རོ། །འདིར་གཤེགས་སུ་གསོལ་བའི་སྔགས་སུ་འགྱུར་བ་ནི། ན་མཿ ་སརྦ་བུད་དྷཱ་ནཱཾ། ཨོཾ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཛ་ཡ་ཛ་ཡ་སུ་ཛ་ཡ། མཧཱ་ཀཱ་རུ་ཎི་ཀ་བི་ཤཝ་རཱུ་པི་ཎི་གཙྪ་སརྦ་བུད་དྷཱ་ཤྩ། བི་སརྫྫ་ཡ་ས་བ་བི་བཱ་རཾ་སཝཱ་བྷཱ་བ་ནཱཾ་ཙ་པྲ་བེ་ཤ་ཡ་ས་མ་ཡ་མ་ནུ་སྨ་ར་སརྦཱ་རྠཱ་ཤྩ་མ་སིད་དྷྱནྟུ་མནྟྲ་པཱ་ད་མ་ནོ་ར་ཐཉྩ། མེ་པ་རི་པཱུ་ར་ཡནྟུ་སཝཱ་ཧཱ། འདི་ནི་གཤེགས་སུ་གསོལ་པའི་སྔགས་ཏེ། ལས་ཐམས་ཅད་ལ་སྦྱར་བར་བྱའོ། །ཕྱག་རྒྱ་ནི་བཟང་པོའི་གདན་ཞེས་བྱ་བ་ཡིན་
93b
ཏ།་འདིས་གདན་ལ་ཡང་སྦྱར་བར་བྱའོ། །ཡིད་ཀྱིས་བཟླས་པ་བདུན་བྱས་ཏེ་གཤེགས་སུ་གསོལ་ལོ། །འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་དཀྱིལ་འཁོར་དང།་སྔགས་དང ། སྔགས་གྲུབ་པ་དག་དང ། དམ་ཚིག་དང ། བཟླས་པ་དང ། དུས་དང ། ངེས་པར་སྡོམ་པ་དག་ལ་ཡང་སྦྱར་བར་བྱའོ། །དེ་ནས་འཇམ་དཔལ་གཞོན་ནུར་གྱུར་པས་གནས་གཙང་མའི་གཞལ་མེད་ཁང་ལ་ཡང་བལྟས་ཏེ། འཁོར་གྱི་དཀྱིལ་འཁོར་ཆེན་པོ་དང ། རང་གི་རིག་པའི་ཚོགས་ཀྱི་སྔགས་ཀྱི་ལེའུ་རབ་འབྱམས་སྨྲས་སོ། ། ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་གཱ་ཏྲཱ་ཎཱཾ། ཨོཾ་རི་ཊི་ནི་སཝཱ་ཧཱ། འདི་ནི་འཇམ་དཔལ་གྱི་རྗེས་སུ་འབྲང་བ་སྒྲ་ཅན་མ་ཞེས་བྱ་བའི་རིག་པ། ལས་ཐམས་ཅད་བྱེད་པ། ཕྱག་རྒྱ་ཆེན་པོ་གཙུག་ཕུད་ལྔ་ཞེས་བྱ་བ་དུག་གི་ལས་ཐམས་ཅད་ལ་སྦྱར་བར་བྱའོ། །ན་མཿ ་སརྦ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཨོཾ་ནི་ཏི་ཊེ། འདི་ནི་ཉེ་བའི་སྒྲ་ཅན་མ་ཞེས་བྱ་བའི་རིག་པ་ཡིན་ཏེ། ལས་ཐམས་ཅད་བྱེད་པའོ། །ཕྱག་རྒྱ་ནི་ཁ་བྱེ་བ་ཞེས་བྱ་བ་གཟའ་ཐམས་ཅད་ཀྱི་ལས་ལ་སྦྱར་བར་བྱའོ། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ག་ཏཱི་ནཱཾ། ལཾ་ནི། རིག་པ་འདི་ནི་པདྨ་ཅན་ཞེས་བྱ་སྟེ། ལས་ཐམས་ཅད་བྱེད་ཅིང་དགེ་བའོ། །ཕྱག་རྒྱ་བཟང་པོའི་གདན་ཞེས་བྱ་བ་དང་ལྡན་པས་གནོད་སྦྱིན་མོ་ངེས་པར་དགུག་
94a
༄#། །པར་བྱའོ། །ན་མཿ ་ས་མནྟ་བུད་དྷཱ་ནཱཾ། ཨ་ཙིན་ཏྱཱད་བྷུ་ཏ་རཱུ་པཱི་ཎཱཾ། ཨོཾ་ཥྚཻ་ཥྚཻ་སཝཱ་ཧཱ། །ཕྱག་རྒྱ་མདུང་ནི་བསྔམ་པ་ཡིས། །མཁའ་འགྲོ་མ་རྣམས་འཇོམས་པར་བྱེད། །སངས་རྒྱས་དག་ནི་ཐམས་ཅད་ཀྱིས། །ཐམས་ཅད་གཟུགས་ཅན་རབ་བསྡིགས་པ། །རིག་པ་ཐོད་ཅན་ཞེས་བྱ་བ། །འཇམ་པའི་དབྱངས་ཀྱིས་བཤད་པ་ཡིན། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཙ་རཱི་ཎཱཾ། ཏདྱ་ཐཱ། ཨོཾ་བ་ར་དེ་སཝཱ་ཧཱ། །ཕྱག་རྒྱ་གཙུག་ཕུད་གསུམ་ཉིད་ནི། །དཔལ་སྦྱིན་བྱེད་པས་སྦྱར་བར་བྱ། ། གཟུགས་མངའ་འཆང་བ་ལྷ་མ་ནི། །མྱུར་དུ་ལོངས་སྤྱོད་སྒྲུབ་བྱེད་པའོ། །ན་མཿ ་ས་མནྟ་བུད་དྷཱ་ནཱཾ། ཨ་ཙིན་ཏྱད་བྷུ་ཏ་རཱུ་པཱི་ཎཱཾ། ཨོཾ་བྷུ་རུ་སཝཱ་ཧཱ། ཕྱག་རྒྱ་མདུང་རྩེ་ཡང་དག་སྦྱར། །རིམས་ནད་ཐམས་ཅད་རྣམ་འཇིག་ཡིན། །ན་མཿ ་ས་མནྟ་བུད་དྷཱ་ནཱཾ། ཨ་ཙིན་ཏྱཱད་བྷུ་ཏ་རཱུ་པཱི་ཎཱཾ། ཨོཾ་ཏཱ་རེ་སཝཱ་ཧཱ། །རིག་པ་ཕུག་རོན་ཞེས་བྱ་བ། །ལས་རྣམས་ཀུན་ལ་རབ་ཏུ་བསྔགས། །ཕྱག་རྒྱ་མདུང་དང་ལྡན་པ་ཡིས། །བགེགས་ནི་འཇོམས་པར་བྱེད་པ་ཡིན། །ན་མཿ ་ས་མནྟ་བུད་དྷཱ་ནཱཾ། ཨ་ཙིན་ཏྱཱད་བྷུ་ཏ་རཱུ་པཱི་ཎཱཾ། ཏདྱ་ཐཱ།་ཨོཾ་བི་ལོ་ཀི་ནི་སཝཱ་ཧཱ། །རིག་པ་སྣང་ལྡན་ཞེས་བྱ་བ། །འཇིག་རྟེན་ཐམས་ཅད་དབང་དུ་བྱེད། །བདེ་བ་ཐམས་ཅད་སྦྱིན་བྱེད་པ། །གདོང་གི་ཕྱག་རྒྱ་སྦྱར་བར་བྱ། །ན་མཿ ་ས་མནྟ་
94b
བུད་དྷཱ་ནཱཾ། ཨ་ཅིན་ཏྱཱད་བྷུ་ཏ་རཱུ་པཱི་ཎཱཾ། ཏདྱ་ཐཱ། ཨོཾ་བི་ཤཝེ་བི་ཤཝེ་སཾ་བྷཱ་བེ་བི་ཤཝ་རཱུ་པཱི་ཎི་ཀ་ཧ་ཀ་ཧ་ཨཱ་བེ་ཤ་ཨཱ་བེ་ཤ་ས་མ་ཡ་མནུ་སྨ་ར་རུ་རུ་ཏིཥྛ་སཝཱ་ཧཱ། །རིག་པ་ཆེན་པོ་སྟོབས་ཆེན་འདི། །འཇིག་རྟེན་འདྲེན་པས་བསྟན་པ་སྟེ། །མཆེ་བའི་ཕྱག་རྒྱ་ལྡན་བྱས་ན། །སེམས་ཅན་ཐམས་ཅད་འབེབས་ཤིང་དགེ་།འབྱུང་པོ་ཀུན་ལ་མཆོག་སྦྱིན་པ། །ཐམས་ཅད་ཅེས་ནི་ཡང་དག་བསྒྲགས། །ན་མཿ ་ས་མནྟ་བུདྡྷཱ་ནཱཾ། ཨ་ཙིན་ཏྱཱད་བྷུ་ཏ་རཱུ་པཱི་ཎཱཾ། ཨོཾ་ཤཝེ་ཏེ་ཤྲཱི་བ་སུ་སཝཱ་ཧཱ། །རྨ་བྱའི་གདན་གྱི་ཕྱག་རྒྱ་ཡིས། །རྣམ་དགོད་ལས་ནི་ཐམས་ཅད་བྱེད། ། དཀར་མོ་ཆེན་མོ་ཞེས་བྱ་བ། །རྨད་བྱུང་བསམ་མེད་གཟུགས་ཅན་ཏེ། །འཇིག་རྟེན་རྣམས་ཀྱི་སྐལ་ལྡན་བྱེད། །སྐྱེས་པ་བུད་མེད་དབང་དུ་འགྱུར། །ན་མཿ ་ས་མནྟ་བུད་དྷཱ་ནཱཾ། ཨ་ཙིན་ཏྱཱད་བྷུ་ཏ་རཱུ་པཱི་ཎཱཾ། ཏདྱ་ཐཱ། ཨོཾ་ཁི་ཁི་རི་ཁི་རི་བྷང་གུ་རི་སརྦ་ཤ་ཏྲུཾ་སྟཾ་བྷ་ཡ་ཛམ་བྷ་ཡ་མོ་ཧ་ཡ་བ་ཤ་མཱ་ན་ཡ་སཝཱ་ཧཱ། །རིག་པ་འདི་ནི་རིག་ཆེན་པོ། །རྣལ་འབྱོར་མ་ཞེས་རབ་ཏུ་བསྟན།། ཕྱག་རྒྱ་གདོང་གསུམ་སྦྱར་བྱས་ན། །མ་རུངས་སེམས་ཅན་འདུལ་བར་བྱེད། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱཀྟི་པྲ་ཙ་རཱི་ཎཱཾ། ཏདྱ་ཐཱ། ཨོཾ་ཤྲཱིཿ ། རིག་པ་འདི་ནི་དཔལ་ཆེན་མོ། །འཇིག་རྟེན་མགོན་གྱིས་བསྟན་པ་སྟེ། །ཕྱག་རྒྱ་ཁ་སྦྱར་སྦྱར་བྱས་ན། །རྒྱལ་སྲིད་ཆེན་པོ་སྦྱིན་བྱེད་པ་འོ། །ན་མཿ ་ས་མནྟ་བུད་དྷཱ་ནཱཾ། སརྦ་ས་ཏྭཱ་བྷ་ཡ་པྲ་ད་ཡི་ནཱཾ། ཨོཾ་
95a
༄#། ། ཛི་ཏེ་ཀུ་མཱ་ར་རཱུ་པཱི་ཎི་ཨེ་ཧྱེ་ཧི་ཨཱ་གཙྪ་མ་མ་ཀཱརྱཾ་རུ་རུ་སཝཱཧཱ། རྒྱལ་བྱེད་མ་ཞེས་རྣམ་གྲགས་པ། །གཞོན་ནུ་བདུད་རྩི་ལས་བྱུང་བ། །རྫོགས་པའི་ཕྱག་རྒྱ་ལྡན་པ་ཡིས། །དགྲ་རྣམས་ཐམས་ཅད་ཟློག་པར་བྱེད། །ན་མཿ ་ས་མནྟ་བུདྡྷཱ་ནཱཾ། ཨ་ཙིནྟྱད་བྷུ་ཏ་རཱུ་པཱི་ཎཱཾ། ཏདྱ་ཐཱ། ཨོཾ་ཛ་ཡེ་སཝཱཧཱ། བི་ཛ་ཡེ་སཝཱཧཱ། ཨ་ཛི་ཏེ་སཝཱཧཱ། ཨ་པ་རཱ་ཛ་ཏེ་སཝཱཧཱ། སྲིང་མོ་བཞི་ཞེས་རྣམ་གྲགས་པ། །བྱང་ཆུབ་སེམས་དཔའི་རྗེས་འགྲོ་བ། །ས་རྣམས་ཐམས་ཅད་ཀུན་འགྲོ་ཞིང ། །ཀུན་ལ་རྗེས་སུ་འཛིན་བྱེད་པའོ། །མིང་པོ་གཏུམ་བུ་རུ་ཞེས་གྲགས། །འདི་དག་གི་ནི་རྗེས་སུ་འབྲང ། །གྲུ་ཡི་བཞོན་པ་ལ་ཞོན་ནས། །རྒྱ་མཚོ་ལ་ནི་གནས་པ་ཡིན། །ཁུ་ཚུར་ཕྱག་རྒྱ་བཅིངས་པ་ཡིས། །བསམ་པ་ཐམས་ཅད་ཡོངས་རྫོགས་བྱེད། །ན་མཿ ་ས་མནྟ་བུདྡྷཱ་ནཱཾ། ལོ་ཀཱ་གྲཱ་དྷི་པ་ཏཱི་ནཱཾ། ཏདྱ་ཐཱ། ཨོཾ་ཀུ་མཱ་ར་མཧཱ་ཀུ་མཱ་ར་ཀྲྀ་ཊ་ཀྲྀ་ཊ། ཤཾ་མུ་ཁ་བོ་དྷི་སཏྭ་ནུ་ཛྙཱ་ཏ། མ་ཡུ་རཱ་ས་ན། ཤཀྟོདྱ་ཏ་པཱ་ཎེ།་རཀྟཾ་ག་རཀྟཾ་ག་དྷཱ་ནུ་ལེ་པ་ན་པྲྀ་ཡ། ཁ་ཁ་ཁཱ་ཧི་ཁཱ་ཧི་ཧཱུཾ་ནརྀ་ཏྱ་ནརྀ་ཏྱ། རཀྟ་པུཥྦཱ་ཙི་ཏ་མཱུ་རྟི་ས་མ་ཡ་མ་ནུ་སྨ་ར། བྷྲ་མ་བྷྲ་མ། བྷྲ་མ་ཡ་བྷྲ་མ་ཡ། ལཱ་ཧུ་ལཱ་ཧུ་མ་བི་ལམྦ་སརྦ་ཀཱརྱཱ་ཎི་མེ་ཀུ་རུ་ཀུ་རུ། བི་ཙི་ཏྲ་རཱུ་པ་དྷཱ་རི་ཎཱི། ཏིཥྛ་ཏིཥྛ་ཧཱུཾ་སརྦ་བུད་དྷཱ་ནུ་ཛྙཱ་ཏ་སཝཱཧཱ། སྐྱོབ་པ་བྱང་ཆུབ་སེམས་དཔའ་ནི། །འཇམ་པའི་དབྱངས་ཀྱིས་བཤད་པ་ན། །ས་རྣམས་
95b
མ་ལུས་རྣམ་དྲུག་ཏུ། །ཀུན་ནས་ཡོངས་སུ་རབ་ཏུ་གཡོས། །སེམས་ཅན་ཀུན་གྱི་དོན་ཕྱིར་དང ། །མ་རུངས་སེམས་ཅན་ཟློག་པའི་ཕྱིར། །མི་བཟད་དབང་ཕྱུག་བུའི་གཟུགས་སུ། ། གདུལ་བའི་དོན་དུ་འདིར་སྐྱེས་ཏེ། །སྐེམ་བྱེད་དང་ནི་མིག་དམར་གྱི། །ཕྱག་མཚན་གྱིས་ནི་མཚོན་པ་སྟེ། །སྙིང་རྗེས་ཐུགས་ནི་བརླན་པ་ཡི། །འཇམ་པའི་ངག་གིས་གསུངས་པ་ཡིན། །སེམས་དཔའི་ནང་ན་བདག་ཉིད་ཆེ། །བྱིས་པ་རྣམས་ལ་ཕན་བྱེད་གང ། །སེམས་ཅན་སྤྱོད་ཕྱིར་བརྩོན་པ་ནི། །འགྲོ་བ་ཀུན་ལ་རྣམ་པར་སྤྱོད། །ཕྱག་རྒྱ་མདུང་དང་ལྡན་པ་ཡིས། །བདག་ཉིད་ཆེན་པོས་སྦྱར་ན་ནི། །ཚངས་པ་སོགས་པའང་འགུགས་བྱེད་ན། །མི་རྣམས་ལ་ནི་སྨོས་ཅི་དགོས། །གཞོན་ནུའི་སེམས་སུ་མཐའ་དག་ནི། །བསྡུས་ནས་ཡོངས་སུ་བཤད་པར་བྱ། །སྨིན་དྲུག་བུ་དང་འཇམ་དཔལ་གྱི། །སྔགས་སུ་འདི་ནི་ཡང་དག་བསྟན། །སེམས་ཅན་རྗེས་སུ་གཟུང་བའི་ཕྱིར། །བྱང་ཆུབ་སེམས་དཔར་འདི་སྟོན་ཏོ། །ཡིག་གསུམ་ཞེས་བྱའི་སྙིང་པོ་ནི། །འདི་ཡི་སྔགས་སུ་བརྗོད་པ་ཡིན། །སེམས་ཅན་ཀུན་ལ་ཕན་པའི་ཕྱིར། །ལོངས་སྤྱོད་འདྲེན་པའི་མཆོག་དེ་ཡིན། །ཕྱག་རྒྱ་མདུང་དང་ལྡན་པ་ཡིས། །བཀོད་ན་ལས་ཀུན་བྱེད་པ་ཡིན། །ོཾ་ཧཱུཾ་ཛྫཿ ་།སྔགས་ནི་འདི་རུ་བསྡུ་བྱས་ན། །མི་རྣམས་ཀྱི་ནི་དོན་བྱེད་དོ། །ན་མཿ ་ས་མནྟ་བུད་དྷཱ་ནཱཾ། ས་མནྟ་དྱོ་ཏི་
96a
༄#། །ཏ་མུརྟཱི་ནཱཾ། ཨོཾ་བི་ཀྲྀ་ཏ་གྲ་ཧ་ཧཱུཾ་ཕཊ་སཝཱ་ཧཱ། །འདི་ཡང་ཉེ་བའི་སྙིང་པོ་སྟེ། །དེ་བཞིན་ཕྱག་རྒྱ་མདུང་ལྡན་པས། །འབྱུང་པོ་ཐམས་ཅད་འགུགས་བྱེད་ཅིང ། །དེ་བཞིན་གཟའ་དང་མ་མོར་བཅས། །ཕྱག་རྒྱ་ཀུན་གྱིས་ཕྱག་རྒྱལ། །བཀོད་ན་འབྲས་བུར་བཅས་པར་འགྱུར། །འབྱུང་པོ་རྣམས་ནི་དངངས་བྱེད་ཅིང ། །མ་རུངས་འཇུག་པ་ཟློག་པར་བྱེད། །འཇམ་དཔལ་གཞོན་ནུར་གྱུར་པ་འདིའི་གདོང་དྲུག་གི་པུ་ཞེས་བྱ་བའི་འཇམ་དཔལ་གཞོན་ནུའི་རྗེས་སུ་འབྲང་བ་སྟེ། ལས་ཐམས་ཅད་བྱེད་པ་སྟེ། བཟླས་པ་ཙམ་ཁོ་ནས་ལས་ཐམས་ཅད་བྱེད་པར་འགྱུར་རོ། །འབྱུང་པོ་ཐམས་ཅད་དངངས་པར་བྱེད་པ་དང ། སྐྲག་པར་བྱེད་པ་དང ། འགུགས་པར་བྱེད་པ་དང།་དབང་དུ་བྱེད་པ་དང ། སྒོམ་པར་བྱེད་པ་དང ། འཇིག་པར་བྱེད་པ་དང ། རིག་པ་འཛིན་པ་ཇི་ལྟར་འདོད་པ་དེ་ཐམས་ཅད་སྒྲུབ་པར་བྱེད་པའོ། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཨོཾ་བྲཧྨ་བྲཧྨ་བ་ར་ཙས་ཤཱ་ནྟིང་ཀུ་རུ་སཝཱ་ཧཱ། །སྔགས་འདི་ཚངས་པ་ཆེན་པོ་སྟེ། །བྱང་ཆུབ་སེམས་དཔས་བཤད་པ་ཡིན། །འབྱུང་པོས་ཞི་གྱུར་རབ་ཏུ་ཐོབ། །སྐད་ཅིག་ཉིད་ལ་བསིལ་བར་གྱུར། །ཕྱག་རྒྱ་གཅུག་ཕུད་ལྔ་སྦྱར་ན། །མྱུར་དུ་དགེ་ལེགས་ཐོབ་པར་འགྱུར། །མངོན་སྤྱོད་དག་ནི་
96b
ཐམས་ཅད་ལ། །སྲིང་སྲུང་གི་ནི་རིག་བྱེད་འདོད། །འདི་ནི་མདོར་བསྡུ་བསྟན་པ་སྟེ། །འདི་ཡི་ཆོག་བསྡུས་པ་ཡིན། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ།་ཨོཾ་ག་རུ་ཌ་བཱ་ཧ་ན་ཙ་ཀྲི་པཱ་ཎི། ཙ་ཏུརྦྷུ་ཛ་ཧཱུཾ་ཧཱུཾ་ས་མ་ཡ་མ་ནུ་སྨ་ར། བོདྷི་སཏྭ་ཨཱ་ཛྙཱ་བ་ཡ་ཏི་སཝཱ་ཧཱ། །འཇམ་པའི་དབྱངས་ཀྱིས་བཀའ་སྩལ་པ། །ཞི་བའི་དོན་ནི་མྱུར་བྱེད་ཡིན། ། འབྱུང་པོ་རྣམས་ནི་རྣམ་འཇིག་ཅིང ། །ཁྱབ་འཇུག་གཟུགས་ཀྱི་ལུས་ཅན་ཡིན། །ཕྱག་རྒྱ་གཙུག་ཕུད་གསུམ་སྦྱར་ན། །ལས་རྣམས་ཀུན་བྱེད་བརྟན་པོ་ཡིན། །གང་དག་ཁྱབ་འཇུག་རྒྱུད་ལས་ནི། །བྱ་བ་རྒྱ་ཆེར་བསྟན་པ་དག་།ཐབས་ཀྱིས་གདུལ་བྱའི་སེམས་ཅན་ལ། །འཇམ་པའི་དབྱངས་ཀྱིས་བཤད་པ་ཡིན། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཨོཾ་མ་ཧཱ་མ་ཧེ་ཤཝ་ར་བྷུ་ཏཱ་དྷི་པ་ཏི་པྲྀ་ཥ་བྷ་དྷྭ་ཛ་པྲ་ལཾ་བ་ཇ་ཊཱ་ཛ་ཊ་མུ་ཀུ་ཊ་དྷཱ་རི་ཎེ། སི་ཏ་བྷསྨ་དྷུ་ས་རི་ཏ་མཱུརྟི་ཧཱུཾ་ཧཱུཾ་ཕཊ་ཕཊ། བོ་དྷི་སཏྭཱ་ཛྙཱ་པ་ཡ་ཏི་སཝཱ་ཧཱ། སེམས་ཅན་རྣམས་ལ་ཕན་འདོད་པས། །སྔགས་འདི་བདག་གིས་སྨྲས་པ་སྟེ། །ཕྱག་རྒྱ་མདུང་རྩེ་གསུམ་སྦྱར་ན། །འབྱུང་པོ་ཐམས་ཅད་རྣམས་འཇིག་\?\་པའོ། །བདག་གིས་སྔོན་ནི་གང་བསྟན་པ། །འདི་ཡི་ཆོ་ག་སྔོན་བྱུང་བ། །སེམས་ཅན་ས་སྟེང་གནས་པ་ལ། །ཞིབ་པ་ཞེས་བརྗོད་པ་སྟེ། །ཡོན་ཏན་སྣ་ཚོགས་རྒྱ་ཆེ་བ། །ཞི་བའི་རྒྱུད་ལས་པ་ཡིས་
97a
༄#། །བསྟན། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཨོཾ་ཤཱ་ཀུ་ན་མ་ཧཱ་ཤཱ་ཀུ་ན། པདྨ་བི་དཱ་ཏ་པཀྵ་སརྦ་པཱཾ་ནཱ་ག་ནཱ་ཤཱ་ག་ཁ་ཁ་ཁཱ་ཧི་ཁཱ་ཧི་ས་མ་ཡ་མ་ནུ་སྨ་ར་ཧཱུཾ་ཏིཥྛ་པོ་དྷི་སཏྭ་ཨ་ཛྙཱ་པ་ཡ་ཏ་སཝཱ་ཧཱ། །སྔགས་འདི་མཐུ་ནི་ཆེན་པོ་སྟེ། །ནམ་མཁའ་ལྡིང་ཞེས་རྣམ་པར་གྲགས། །གདུལ་དཀའ་འདུལ་བྱེད་རྣམས་ཀྱི་མཆོག་།གདེངས་ཀ་ཅན་གྱི་དུག་རྣམས་འཇོམས། །ཕྱག་རྒྱ་ཆེ་དང་སྦྱར་བྱས་ན། །ཕུང་ཁྲོལ་ཤིན་ཏུ་མི་བཟད་འཇོམས། །གནས་དང་འགྲོ་བའི་དུག་དག་ནི། །གསོ་བར་བྱེད་པར་ཐེ་ཚོམ་མེད། །སེམས་ཅན་གདུལ་བའི་ཐབས་སུ་ནི། །བྱང་ཆུབ་སེམས་དཔའི་ཡང་དག་དཀའ། །ནམ་མཁའ་ལྡིང་གཟུགས་ལ་སྤྱོད། །འདབ་ཆགས་དབང་པོ་འོད་ཆེན་ལྡན། །ཇི་སྲིད་ནམ་མཁའ་ལྡིང་རྒྱུད་དུ། །ཆོ་ག་རྒྱ་ཆེར་བསྟན་དེ་དག་།སེམས་ཅན་རྣམས་ལ་ཕན་པའི་ཕྱིར། །ཐམས་ཅད་ང་ཡིས་བསྟན་པ་སྟེ། །བྱང་སེམས་དཔའ་ནམ་མཁའ་ལྡིང ། །གདུལ་བའི་དོན་དུ་འདི་བསྟན་ཏོ། །གདེངས་ཅན་དུག་ནི་གཞོམ་བྱའི་ཕྱིར། །འདབ་ཆགས་ཚུལ་གྱིས་རྣམ་པར་རྒྱུ། །འཇིག་རྟེན་སྔགས་ནི་ཇི་སྲིད་པ། །ཆོ་ག་འདི་ནི་བསྟན་པ་ན། །སེམས་ཅན་གདུལ་བྱའི་དོན་དུ་ནི། །དེ་ལྟ་དེ་ལྟར་རྣམ་པར་རྒྱུ། །གང་ཡང་དེ་བཞིན་གཤེགས་སྔགས་དང ། །རྡོ་རྗེ་པདྨའི་རིགས་
97b
དག་ཀྱང ། །ང་ཡིས་ཆོ་ག་རབ་འབྱམས་དང ། །མདོ་དག་ཀྱང་ནི་བསྟན་པ་ཡིན། །ཇི་ལྟར་མ་མོ་མང་པོ་ནི། །འབད་པས་བྱིས་པ་རྣམ་སྲུང་བ། །དེ་བཞིན་བྱིས་པ་བློ་ཅན་ལ། །སྔགས་ཀྱི་ཚུལ་གྱི་ང་ཡིས་བཤད། །སྔོན་ནི་སྟོབས་བཅུ་ལྡན་པས་བསྟན། །ད་ནི་ང་ཡིས་བསྟན་པ་ཡིན། །སྔགས་རྒྱུད་དོན་ནི་མ་ལུས་པ། །འོད་ཆེན་གཞོན་ནུས་བསྟན་པ་ཡིན། །རྒྱལ་བ་མཆོག་གིས་གང་གསུངས་དང ། །སྟོབས་བཅུ་ལྡན་པའི་སྲས་གསུངས་དང ། །རྨད་བྱུང་བསམ་མི་ཁྱབ་ཚུལ་གྱིས། །འཇམ་དབྱངས་ཀྱིས་གསུངས་དེ་དག་གོ་།དེ་ནས་འཇམ་དཔལ་གཞོན་ནུར་གྱུར་པས་ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་དང ། འཁོར་གྱི་དཀྱིལ་འཁོར་ཆེན་པོ་ལ་གཟིགས་ནས་དམ་ཚིག་ཡང་དག་པར་བསྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །གང་དུ་ཏིང་ངེ་འཛིན་ལ་སྙོམས་པར་ཞུགས་པ་ན་སེམས་ཅན་མཐའ་དག་གི་སྒྲུབ་པའི་སྤྱོད་པ་སེམས་ལ་རབ་ཏུ་ཞུགས་པར་གྱུར་ཏོ། །འཇམ་དཔལ་གཞོན་ནུར་གྱུར་པ་སྙོམས་པར་ཞུགས་མ་ཐག་ཏུ་ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ནོར་བུ་རིན་པོ་ཆེ་སྣ་ཚོགས་པའི་རྒྱན་བཀོད་པའི་དཀྱིལ་འཁོར་དུ་གྱུར་ཏེ། བསམ་གྱིས་མི་ཁྱབ་ཅིང་རྨད་དུ་བྱུང་བའི་བྱང་ཆུབ་སེམས་དཔའི་རྣམ་པར་འཕྲུལ་པ་རང་སངས་རྒྱས་ཐམས་
98a
༄#། །ཅད་དང ། འཕགས་པ་ཉན་ཐོས་དང ། བྱང་ཆུབ་སེམས་དཔའི་སྤྱོད་པ་ལ་ཞུགས་པ་དང ། ས་བཅུའི་དབང་ཕྱུག་ལ་གནས་པ་དག་གིས་ཀྱང་དཀྱིལ་འཁོར་དེ་བྲི་བ་འམ། འདྲི་འཇུག་པར་མི་ནུས་ན་སོ་སོའི་སྐྱེ་བོར་གྱུར་པའི་སེམས་ཅན་གྱིས་ལྟ་སྨོས་ཀྱང་ཅི་དགོས། འཕགས་པའི་དཀྱིལ་འཁོར་བཟང་པོ་དེ་གྲུབ་པའི་གནས་སྐབས་ལ་གནས་པ་འཇམ་དཔལ་གཞོན་ནུར་གྱུར་པས་གཟིགས་ནས། སངས་རྒྱས་བཅོམ་ལྡན་འདས་ཐམས་ཅད་དང ། རང་སངས་རྒྱས་ཐམས་ཅད་དང ། འཕགས་པ་ཉན་ཐོས་ཐམས་ཅད་དང ། བྱང་ཆུབ་སེམས་དཔའ་ས་བཅུ་ལ་རབ་ཏུ་གནས་པ། རྒྱལ་ཚབ་ཏུ་དབང་བསྐུར་བ་ཐམས་ཅད་དང ། སྤྱོད་པ་ལ་ཞུགས་པ་དང ། ཟག་པ་དང་བཅས་པ་དང ། ཟག་པ་མེད་པ་ཐམས་ཅད་འཇམ་དཔལ་གཞོན་ནུར་གྱུར་པའི་བྱིན་གྱིས་བརླབས་ཀྱིས་སངས་རྒྱས་དང ། བྱང་ཆུབ་སེམས་དཔའི་མཛད་པ་བསམ་གྱིས་མི་ཁྱབ་པའི་རྒྱུ་མཐུན་པ་དང ། ཏིང་ངེ་འཛིན་གྱི་ཁྱད་པར་གྱི་ཐུགས་ལས་བྱུང་བའི་དཀྱིལ་འཁོར་ལ་ཞུགས་པར་བདག་ཉིད་ཀྱིས་ཡང་དག་པར་ཤེས་པར་གྱུར་ཏོ། །སེམས་ཅན་སོ་སོའི་སྐྱེ་བོའི་ཡིད་ཀྱིས་ཀྱང་དེ་དམིགས་པར་མི་ནུས་ན་བྲི་བ་འམ། འདིར་འཇུག་པ་ལྟ་སྨོས་ཀྱང་ཅི་དགོས། དེ་ནས་
98b
འཇམ་དཔལ་གཞོན་ནུར་གྱུར་པས་དཀྱིལ་འཁོར་ཆེན་པོ་བཟང་པོ་དེ་ལ་རབ་ཏུ་ཞུགས་པའི་སེམས་ཅན་དེ་དག་ལ་སྨྲས་པ། གྲོགས་པོ་དག་ཉོན་ཅིག་འདི་ནི་དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའ་རྣམས་ཀྱིས་འདའ་བར་བྱ་བ་མ་ཡིན་ན། སེམས་ཅན་གཞན་འཕགས་པ་དང ། འཕགས་པ་མ་ཡིན་པ་རྣམས་ཀྱིས་ལྟ་སྨོས་ཀྱང་ཅི་དགོས། དེ་ནས་འཇམ་དཔལ་གཞོན་ནུར་གྱུར་པས་གསང་བ་པའི་བདག་པོ་ཕྱག་ན་རྡོ་རྗེ་ལ་སྨྲས་པ། ཀྱེ་རྒྱལ་བའི་སྲས། མི་ལས་འདས་པའི་དཀྱིལ་འཁོར་དམ་པ་ཡིད་ལས་བྱུང་བ་ནི་བསྟན་ཏོ། །མི་རྣམས་ཀྱི་དཀྱིལ་འཁོར་བསྟན་པར་བྱ་སྟེ། དེ་བཞིན་གཤེགས་པ་རྣམས་ཡོངས་སུ་མྱ་ངན་ལས་འདས་ནའང ། སེམས་ཅན་རྣམས་གང་དུ་ཡང་དག་པར་ཞུགས་ན། འཇིག་རྟེན་དང ། འཇིག་རྟེན་ལས་འདས་པའི་སྔགས་ཐམས་ཅད་འགྲུབ་པར་འགྱུར་རོ། །དེ་ནས་གསང་བ་པའི་བདག་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་སྨྲས་པ། རྒྱལ་བའི་སྲས། གང་དེ་དུས་ལ་བབ་པར་ཤེས་ན་གསུངས་ཤིག་།གསུངས་ཤིག་།ཤཱཀྱ་སེངྒེ་མགོན་པོ་ནི། །ཡོངས་སུ་མྱ་ངན་འདས་འོག་ན། །སེམས་ཅན་རྣམས་ཀྱི་སངས་རྒྱས་ཉིད། །ས་སྟེང་ཁྱོད་ཀྱི་དཀྱིལ་འཁོར་བྱེད། །མཐོང་བ་ཙམ་གྱིས་འཇིག་རྟེན་ན། །སྔགས་ནི་རབ་ཏུ་འགྲུབ་པར་འགྱུར། །མི་
99a
༄#། །ཤེས་ཆོ་ག་ཉམས་པ་འམ། །དམ་ཚིག་བདག་པོར་མ་གྱུར་ན། །བདག་ཉིད་ཆེན་པོ་ཚངས་པ་ཡང ། །སྔགས་རྣམས་འགྲུབ་པར་མི་འགྱུར་རོ། ། སྔགས་ལ་དད་པ་མེད་པས་ནི། །འབད་པ་དུ་མ་བྱས་གྱུར་ཀྱང ། །སྔགས་རྣམས་འགྲུབ་པར་མི་འགྱུར་པས། །མ་རུངས་དམ་ཚིག་མི་བསྟན་ཏོ། །དམ་ཚིག་སྦྱོར་བ་ཉམས་པ་ནི། །རབ་འབྱམས་བརྒྱ་བྱིན་ཡིན་ན་ཡང ། །སྔགས་རྣམས་འགྲུབ་པར་མི་འགྱུར་ན། །མི་རྣམས་སྨོས་ཀྱང་ཅི་ཞིག་དགོས། །དམ་ཚིག་བསྟན་བཅོས་དེ་ཉིད་ཤེས། །ལས་ཀྱི་སྤྱོད་པ་སྒྲུབ་པ་ལ། །འཇིག་རྟེན་འཇིག་རྟེན་འདས་པ་ཡི། །སྔགས་རྣམས་ཐམས་ཅད་འགྲུབ་པར་འགྱུར། །འཇམ་པའི་དབྱངས་ཀྱི་དཀྱིལ་འཁོར་ནི། །ལས་ཀུན་བྱེད་ལ་རབ་ཞུགས་ན། །བསྟན་པ་ལ་ནི་གཞོན་ནུ་བཞིན། །སྔགས་རྣམས་འགྲུབ་པར་འགྱུར་བ་ཡིན། །དེ་ནས་གསང་བ་པའི་བདག་པོ་ལག་ན་རྡོ་རྗེས་སེམས་དཔའ་ཆེན་པོ་དེ་ལ་གསོལ་བ་བཏབ་པ། ཀྱེ་སེམས་ཅན་ཆེན་པོ། སེམས་ཅན་གྱི་དོན་གྱི་ཕྱིར་མདོར་བསྡུས་པའི་དཀྱིལ་འཁོར་གསུངས་ཤིག་ཅེས་སོ། ། གསང་བ་པའི་བདག་པོས་དེ་སྐད་ཅེས་སྨྲས་པ་དང ། འཇམ་དཔལ་གཞོན་ནུར་གྱུར་པས་སེམས་ཅན་གྱི་དོན་གྱི་ཕྱིར་དཀྱིལ་འཁོར་གྱི་ཆོག་སྨྲས་པ། རེ་ཞིག་དང་པོ་ཆོ་འཕྲུལ་
99b
གྱི་ཟླ་ཕྱེད་དམ། དབྱིད་ཟླ་འབྲིང་པོ་འམ། དཔྱིད་ཟླ་ཐ་ཆུངས་སམ། ཟླ་བ་ཡར་ངོ་འམ། ཉིན་ཞག་དགེ་བ་དང ། གཟའ་བཟང་པོ་བལྟས་ཏེ། རྒྱུ་སྐར་བཟང་པོ་དང་ལྡན་པ་ཡར་ངོའི་ཚེས་གཅིག་དང ། ཟླ་བ་ཉ་བ་འམ། དུས་གཞན་ལ་དབྱར་གྱི་དུས་སྤངས་ལ། སྔ་དྲོ་ས་བྱིན་གྱིས་བརླབ་པར་བྱ་སྟེ། གང་དུ་གྲོང་ཁྱེར་ཆེན་པོ་ལ་བརྟེན་པ་འམ། དཀྱིལ་འཁོར་གྱི་སློབ་དཔོན་རང་ཉིད་འདུག་པར་བྱའོ། །རྒྱ་མཚོ་ཆེན་པོར་འཇུག་པའི་གནས་སམ། རྒྱ་མཚོའི་ངོགས་དང་ཉེ་བའི་གྲོང་ཁྱེར་ཆེན་པོའི་བྱང་ཤར་གྱི་ཕྱོགས་སུ་ཧ་ཅང་ཡང་མི་རིང་ཧ་ཅང་ཡང་མི་ཉེ་བར་དཀྱིལ་འཁོར་གྱི་སློབ་དཔོན་སོང་སྟེ། ལོ་མའི་སྤྱིལ་བུ་བྱས་པ་ལ་ཞག་བདུན་ནམ། ཟླ་བ་ཕྱེད་ཀྱི་བར་དུ་གཅིག་པུ་རབ་ཏུ་གནས་པར་བྱ་སྟེ། གང་གནས་དེ་དག་ཏུ་ཡང་གཙང་མའི་ས་ཕྱོགས་རྡོ་བ་མེད་པ། གྱོ་མོ་དང ། ཐལ་བ་དང ། སོལ་པ་དང ། ཕུབ་མ་དང ། རུས་པ་སྤངས་པ། ཤིན་ཏུ་གཙང་བ། ཤིན་ཏུ་ཡོངས་སུ་སྦྱངས་པའི་ས་ཕྱོགས་སུ་སྲོག་ཆགས་མེད་པའི་ཆུ་ལ་བའི་རྣམ་ལྔ་འམ། ཙནྡན་དང ། ག་བུར་དང ། གུར་གུམ་གྱི་ཆུས་བསྲེས་པ། ཁྲོ་བོ་གཤིན་རྗེ་གཤེད་ཀྱི་སྔགས་སྟོང་རྩ་བརྒྱད་བཟླས་ཏེ། གཙུག་ཕུད་ལྔའི་ཕྱག་རྒྱ་ཆེན་པོ་དང་ལྡན་པས་ས་ཕྱོགས་དེར་ཕྱོགས་བཞི་དང ། སྟེང་དང ། འོག་དང ། ཐད་ཀ་དང ། ཕྱོགས་མཚམས་ཐམས་ཅད་དུ་བསང་
100a
༄#། །གཏོར་བྱའོ། །དེ་ནས་ཕྱོགས་དེར་ཀུན་ནས་གྲུ་བཞིར་ཁྲུ་བཅུ་དྲུག་གམ། ཁྲུ་བཅུ་གཉིས་སམ། ཁྲུ་བརྒྱད་པ་བྱས་ཏེ། དེ་ལ་ཆེན་པོ་ཁྲུ་བཅུ་དྲུག་པའོ། །འབྲིང་ནི་ཁྲུ་བཅུ་གཉིས་པའོ། །ཆུང་ངུ་ནི་ཁྲུ་བརྒྱད་པའོ། །དཀྱིལ་འཁོར་འདི་ནི་རྣམ་པ་གསུམ། །ཐམས་ཅད་གཟིགས་པས་གསུངས་པ་ཡིན། །རྒྱལ་པོ་འདོད་པས་ཆེན་པོ་སྟེ། །འབྲིང་ནི་ལོངས་སྤྱོད་འཕེལ་བྱེད་པ། །ཆུང་ངུས་དམ་ཚིག་ཡང་དག་སྲུང ། །ལས་རྣམས་ཀུན་བྱེད་ཞི་བ་ཡིན། །དེ་དག་ལས་ཡིད་ལ་གང་འདོད་པའི་དཀྱིལ་འཁོར་བྲི་བ་ནི་དེ་ལ་ས་ཕྱོགས་དེར་ཁྲུ་དོ་ཙམ་བརྐོས་ལ། དེར་རྡོ་བ་དང ། སོལ་བ་དང ། ཐལ་བ་དང ། རུས་པ་དང ། སྐྲ་ལ་སོགས་པ་དང ། སྲོག་ཆགས་ཀྱི་རིགས་རྣམ་པ་སྣ་ཚོགས་གལ་ཏེ་མཐོང་ན་སའི་ཕྱོགས་གཞན་དུ་བརྐོ་བ་བྱས་ན་གནོད་པ་མེད་པ་དང ། འཚེ་བ་མེད་པར་འགྱུར་རོ། །རི་བོའི་རྩེ་མོ་དང ། ཆུ་བོའི་ངོགས་དང ། རྒྱ་མཚོའི་འགྲམ་དང ། ཆུ་བོ་ཆེན་པོའི་ངོགས་སུ་བྱེ་མའི་ཕུང་པོ་ཆེན་པོ་རྣམས་འབད་པས་ཤིན་ཏུ་སོ་སོར་བརྟགས་ཏེ། ཤིན་ཏུ་གཙང་བ་དང ། སྲོག་ཆགས་མེད་པར་བྱས་ལ་བྲི་བར་བྱའོ། །ས་ཕྱོགས་དེ་ཡང་སྲོག་ཆགས་མེད་པའི་ཆུ་ལ་བའི་རྣམ་པ་ལྔ་བསྲེས་ཏེ། ཆུ་བོའི་ཀླུང་གི་ས་གཙང་མ་འམ། གྲོག་མཁར་གྱི་ས་གང་དུ་
100b
སྲོག་ཆགས་མེད་པའི་ས་དེས་དགང་བར་བྱའོ། །བཀང་ནས་ཀྱང་ལེགས་པར་བརྡུངས་ཏེ་ཀུན་ནས་མཉམ་པར་བྱས་ལ་དཀྱིལ་འཁོར་རྣམ་པ་གསུམ་གང་འདོད་པར་བྱའོ།། སེང་ལྡེང་གི་ཕུར་པ་བཞི་ལ་ཁྲོ་བོའི་རྒྱལ་པོའི་སྔགས་ལན་བདུན་བཟླ་ཞིང་ཕྱོགས་བཞིར་གདབ་བོ། །ཚོན་སྣ་ལྔའི་སྐུད་པ་ལ་ཁྲོ་བོའི་སྙིང་པོ་ལན་བདུན་བཟླས་པ་བྱས་ཏེ། དཀྱིལ་འཁོར་ཕྱོགས་བཞི་ཀུན་ནས་བསྐོར་བར་བྱའོ། །དེ་བཞིན་དུ་དབུས་ཀྱི་གནས་སུ་ནང་དུ་ཡང་ཟུར་བཞིར་བྱའོ། །དབུས་ན་གནས་པའི་དཀྱིལ་འཁོར་གྱི་སློབ་དཔོན་གྱིས་རང་གི་རིག་པ་རྩ་བའི་སྔགས་སྟོང་རྩ་བརྒྱད་བཟླ་བར་བྱའོ། །གཙུག་ཕུད་ལྔའི་ཕྱག་རྒྱ་ཆེན་པོ་བཅིངས་ནས་རྩ་བའི་སྔགས་ཀྱིས་གྲོགས་པོ་དང ། བདག་ཉིད་བསྲུང་བར་བྱས་ལ།་སྔགས་ཟློ་བཞིན་དུ་དཀྱིལ་འཁོར་གྱི་ཕྱི་རོལ་ཏུ་བྱུང་སྟེ། དཀྱིལ་འཁོར་དེ་ལ་གཡས་སུ་བསྐོར་བ་བྱས་ནས་ཁ་ཤར་ཕྱོགས་སུ་བལྟས་ཏེ་ཀུ་ཤའི་སྟན་ལ་འདུག་པར་བྱའོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཡིད་ལ་བྱས་ཏེ། དཀྱིལ་འཁོར་དེའི་གྲུ་བཞི་ཀུན་ཏུ་ཀུ་ཤས་བསྐོར་ཞིང་དགྲམ་པར་བྱའོ། །དེ་ཉིད་ཀྱི་ཕྱི་རོལ་ཏུ་ཡང་པ་རྣམས་ཞག་གཅིག་གནས་པས་བསྙལ་ཞིང་དབྱུང་བར་བྱའོ། །དེ་ལ་དཀྱིལ་འཁོར་གྱི་སློབ་དཔོན་གྱིས་སྔོན་དུ་བྱ་བ་རྣམས་བྱས་ནས་རང་གི་རྒྱུད་ཀྱི་སྔགས་ལ་མཁའ་
101a
༄#། །པ་དང ། སེམས་ཅན་གྱི་དོན་གྱི་ཐབས་ཀྱི་ཕྱིར་ཐེག་པ་ཆེན་པོ་ལ་མོས་པ་དང ། ཞག་གཅིག་སྨྱུང་བར་བྱས་པ་དང ། གྲོགས་བཟང་པོ་དང་ལྡན་པ་དང།་བསྟན་བཅོས་སྣ་ཚོགས་ཀྱི་ལས་མཐོང་བས་ཚོན་སྣ་ལྔའི་ཕྱེ་མ་ཞིབ་མོ་ཤིན་ཏུ་གསལ་ཞིང་ལེགས་པར་སྦྱར་བ་བྱས་ལ། ཡི་གེ་དྲུག་པའི་སྙིང་པོ་མངོན་པར་བཟླས་པའི་ཕྱེ་མ་དཀྱིལ་འཁོར་གྱི་དབུས་སུ་གཞག་པར་བྱའོ། །ཕྱི་རོལ་ཏུ་ཡང་རྒྱལ་མཚན་དང ། བ་དན་བསྒྲེང་བ་དང ། རྟ་བབས་བཞིས་བརྒྱན་པ། ཆུ་ཤིང་འབྲས་བུའི་ཚོགས་ཀྱིས་གཡུར་ཟ་བ་དང ། རྔ་བོ་ཆེ་དང ། རྫ་རྔ་བརྡུང་བ་དང ། དུང་གི་སྒྲ་དང ། དགའ་བ་དང ། བཀྲ་ཤིས་པའི་སྒྲ་སྒྲོགས་པ་དག་བྱའོ། །ཟུར་བཞི་ནས་ཆོས་མཉན་པ་དག་ལ་བཤད་པར་བྱའོ། །ཕྱོགས་བཞིར་ཐེག་པ་ཆེན་པོའི་མདོ་སྡེ་བཀླག་པར་བྱ་བ་ལ། འདི་ལྟ་སྟེ། བཅོམ་ལྡན་འདས་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལྷོ་ཕྱོགས་སུ་བཀླག་པར་བྱའོ། །འཕགས་པ་ཟླ་བ་སྒྲོན་མའི་ཏིང་ངེ་འཛིན་ནུབ་ཕྱོགས་སུ་བཀླག་པར་བྱའོ། །འཕགས་པ་སྡོང་པོ་བརྒྱན་པ་བྱང་ཕྱོགས་སུ་བཀླག་པར་བྱའོ། །འཕགས་པ་གསེར་འོད་དམ་པའི་མདོ་སྡེ་ཤར་ཕྱོགས་སུ་བཀླག་པར་བྱའོ། །གླེགས་བམ་དག་མེད་ན་མདོ་སྡེ་བཞི་པོ་ཤེས་པའི་གང་ཟག་ཆོས་འཆད་པ་པོ་ལ་ཆོས་མཉན་པའི་ཕྱིར་བསྐུལ་
101b
བར་བྱའོ། །དེ་ནས་དཀྱིལ་འཁོར་གྱི་སློབ་དཔོན་ལངས་ནས་ཙནྡན་དང ། ག་བུར་དང ། གུར་གུམ་བསྲེས་པའི་མེ་ཏོག་དྲི་ཞིམ་པ་དཀར་པོ་\?\་རྩ་བའི་སྔགས་བཟླས་ཏེ། དཀྱིལ་འཁོར་དེ་ཐམས་ཅད་དུ་ཆལ་པར་དགྲམ་པར་བྱའོ། །མངོན་པར་བཀྲམ་པ་བྱས་ནས་ཕྱི་རོལ་ཏུ་བྱུང་སྟེ། ཞག་བདུན་གྱི་བར་དུ་འདོད་པའི་ཁ་ཟས་བསྟེན་པའི་རི་མོ་མཁན་གཉིས་སམ། གསུམ་བྱང་ཆུབ་ཏུ་སེམས་བསྐྱེད་པ། གསོ་སྦྱོང་ཉེ་བར་བསྟེན་པ། མཁས་པ་དག་བཅུག་སྟེ། རྩ་བའི་སྔགས་ཀྱིས་གཙུག་ཕུད་བཅིང་བ་བྱས་ལ། དེ་ནས་གསེར་དང ། དངུལ་དང ། ཟངས་དང ། རིན་པོ་ཆེ་རྣམས་པ་སྣ་ཚོགས་ལས་ཚོན་སྣ་ལྔ་ཤིན་ཏུ་མཛེས་པ་ཡིད་དུ་འོང་བའི་ཕྱེ་མ་ཞིབ་མོ་རབ་ཏུ་བླངས་ཏེ། ལོངས་སྤྱོད་ཆེན་པོ་དང་ལྡན་པ་དང ། ཆོས་དང་ལྡན་པའི་རྒྱལ་པོ་དག་འདྲིར་གཞུག་པ་བྱས་ན། དཀྱིལ་འཁོར་མཐོང་བ་ཙམ་གྱིས་ངེས་པར་བྱང་ཆུབ་འཐོབ་པ་ཡིན་ན། སྔགས་སྒྲུབ་པར་བྱེད་པ་ལྟ་སྨོས་ཀྱང་ཅི་དགོས། །ཤཱཀྱའི་སྐྱེས་མཆོག་འདས་གྱུར་ནས། །སེམས་ཅན་བསོད་ནམས་ཆུང་བ་ལ། །འདི་འདྲའི་ལོངས་སྤྱོད་ག་ལ་ཡོད། །དེ་བས་ཆོག་འདི་བསྟན་བྱ། །འཇམ་དབྱངས་འོད་ཆེན་ལྡན་པ་ཡིས། །སྐྱེ་བོ་ཕོངས་པར་གཟིགས་ནས་ནི། །ཉུང་ཞིང་དཀྱིལ་བསྡུས་དཀྱིལ་འཁོར་ནི། །མདོར་བསྡུས་ནས་ནི་བསྟན་པ་ཡིན། །འབྲས་སཱ་ལུ་དང ། ཐུག་པོ་ཆེའི་
102a
༄#། །ཕྱེ་མ་ཤིན་ཏུ་ཞིབ་པའི་ཚོན་སྣ་ལྔ་བཟང་པོ། དཀར་བ་དང ། སེར་བ་དང ། དམར་བ་དང ། ནག་པོ་དང ། ལྗང་གུ་དག་གིས་བསྒྱུར་ཏེ། སྔར་བཞག་པའི་ཚོན་གྱི་ཕྱེ་མ་སློབ་དཔོན་རང་གིས་བླངས་ནས་གཙུག་ཕུད་ལྔའི་ཕྱག་རྒྱ་ཆེན་པོ་བཅིངས་ཏེ། རྩ་བའི་སྔགས་ཀྱི་བཟླས་པ་བྱས་ནས་ཕྱེ་མ་དེ་ལ་ཕྱག་རྒྱ་བཅིང་ངོ ། །སྒྲུབ་པའི་གྲོགས་མཆོག་གི་སློབ་དཔོན་གྱིས་དཀྱིལ་འཁོར་གྱི་ཕྱི་རོལ་ཤར་ལྷོ་མཚམས་ཀྱི་ཕྱོགས་སུ་ཆོ་ག་མཐོང་བའི་ལས་ཀྱིས་ཐབ་ཁུང་བྱ་སྟེ། རྒྱར་ཁྲུ་དོ་ལ་ཟབས་སུ་ཁྲུ་གང་པ། ཀུན་ནས་འཁོར་བར་པདྨའི་ཟེ་བ་འདྲ་བ། ཕྱི་རོལ་ཡང་པདྨའི་ཟེ་བ་འདྲ་བ། ཤིང་པ་ལ་ཤའི་ཡམ་ཤིང་གིས་མེ་སྦར་བར་བྱ། ཤིང་བིལ་བའི་ཡམ་ཤིང་མཐོ་གང་ཙམ་རློན་པ་ལ་ཞོ་དང ། སྦྲང་རྩི་དང ། མར་ལ་བཏགས་པ་ལ་རྩ་བའི་སྔགས་འབྲུ་དྲུག་པའམ། སྙིང་པོས་ཁུ་ཚུར་གྱི་ཕྱག་རྒྱ་བཅིངས་ཏེ་མེ་ལྷ་སྤྱན་དྲང་བར་བྱའོ། །སྤྱན་དྲངས་ནས་སྔར་བསྟན་པ་ཉིད་ཀྱི་རྩ་བའི་སྔགས་ཀྱི་ཡི་གེ་གཅིག་པའི་སྙིང་པོས་ཕྱིར་ཡང་བརྒྱ་རྩ་བརྒྱད་སྦྱིན་སྲེག་བྱའོ། །དེ་ནས་དཀྱིལ་འཁོར་གྱི་སློབ་དཔོན་གྱིས་ཅོད་པན་དང ། འཚོག་ཆས་བྱས་ནས་བདག་ཉིད་དང ། རི་མོ་མཁན་ཡང་རྩེ་གཅིག་པར་བྱས་ནས་སྦྱིན་སྲེག་བྱེད་དུ་གཞུག་གོ་།དེ་ནས་དཀྱིལ་འཁོར་གྱི་སློབ་དཔོན་
102b
སངས་རྒྱས་དང ། བྱང་ཆུབ་སེམས་དཔའ་རྣམས་ཡིད་ལ་བྱ་སྟེ། སྔར་བསྟན་པའི་བདུག་པས་བདུགས་ནས་ཐལ་མོ་སྦྱར་ནས། བྱང་ཆུབ་སེམས་དཔའ་ཐམས་ཅད་ལ་རབ་ཏུ་བཏུད་ནས། འཇམ་དཔལ་གཞོན་ནུར་གྱུར་པ་ལ་ཡང་ཕྱག་བྱས་ཏེ། ཚོན་གྱི་ཕྱེ་མ་བླངས་ནས་སྐུའི་གཟུགས་ཀྱི་ས་བཅད་པ་ལ་རི་མོ་མཁན་གྱི་ཡོངས་སུ་རྫོགས་པར་བྱའོ། ། ཆོག་འདི་དག་གིས་དང་པོར་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཉིད་རྣམ་པ་ཐམས་ཅད་ཀྱི་མཆོག་དང་ལྡན་པ། སེངྒེའི་ཁྲི་ལ་བཞུགས་པ་གནས་གཙང་མའི་གཞལ་མེད་ཁང་ན་ཆོས་སྟོན་ཅིང་བཞུགས་པ་བྲི་བར་བྱའོ། །དཀྱིལ་འཁོར་གྱི་སློབ་དཔོན་རི་མོ་འདྲི་བ་ན་འདིར་སྒྲུབ་པའི་གྲོགས་མཆོག་གིས་སློབ་དཔོན་བདག་ཉིད་བསྲུང་བའི་ཕྱིར་རྩ་བའི་སྔགས་ཀྱིས་འབྱུང་པོ་ཐམས་ཅད་པའི་གཏོར་མ་གཏང་བར་བྱ་སྟེ། ཕྱི་རོལ་གྱི་ཕྱོགས་བཞི་དང ། སྟེང་དང ། འོག་དག་ཏུ་གཏོར་བར་བྱའོ། །དེ་ནས་ཁྲུས་བྱས་ཏེ་ཐབ་ཁུང་དུ་ཉེ་བར་སོང་ནས་གོས་གཙང་མ་གོས་ཏེ། གཙང་སྦྲ་དང ། སྲུང་བའི་ཆོག་བྱས་ནས་གུར་གུམ་དང་བསྲེས་པའི་མར་གྱི་སྦྱིན་སྲེག་སྟོང་རྩ་བརྒྱད་བྱའོ། །དེ་ནས་ཀུ་ཤའི་ཁྲེས་ལ་འདུག་ནས་བཟླས་པ་བྱ་སྟེ། དེ་ཉིད་དུ་གནས་པར་བྱའོ། །ཡུངས་ཀར་ལ་ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་སྔགས་བརྒྱ་རྩ་བརྒྱད་ཀྱིས་མངོན་པར་སྔགས་
103a
༄#། །ལ་ཁམ་པོར་ཁ་སྦྱར་གྱི་ནང་དུ་གཞག་པར་བྱའོ། །བགེགས་ཀྱི་རྣམ་པ་འཇིགས་སུ་རུང་བའི་གཟུགས་ཅན་མི་བཟད་པའི་སྒྲ་རྣམ་པ་དུ་མ་རླུང་དང ། ཆར་དང ། ཡུལ་ངན་གཞན་དང ། གཞན་གང་ཡང་རུང་བ་མཐོང་ན། ཁྲོས་པ་ཡུངས་ཀར་ཆང་པར་བཅངས་ཏེ། ལན་བདུན་སྦྱིན་སྲེག་བྱས་པ་དེས་ནི་བགེགས་རབ་ཏུ་འཇོམས་པར་འགྱུར་རོ། །མིའི་བགེགས་ལ་ནི་ལན་ལྔ་ཚང་བ་ནས་སྦྱིན་སྲེག་བྱས་ན་སྐྱེས་བུ་དེ་རེངས་པར་འགྱུར་བ་འམ། ནུས་པ་མེད་པར་འགྱུར་བའམ། འཆི་བར་འགྱུར་བའམ། སྐད་ཅིག་དེ་ཉིད་ལ་མི་མ་ཡིན་པས་ཟིན་པར་འགྱུར་བ་ལ་ནམས་ཀྱང་ཐེ་ཚོམ་མེད་དེ། བརྒྱ་བྱིན་ཡང་འཆི་བར་བྱེད་ན་མ་རུངས་པའི་སེམས་དང་ལྡན་པའི་མིའམ། བགེགས་ཐ་མལ་པ་ལྟ་སྨོས་ཀྱང་ཅི་དགོས། ཁྲོ་བོ་གཤིན་རྗེ་གཤེད་ཀྱིས་འཇིགས་པས་བགེགས་རྣམས་ཕན་ཚུན་དུ་འབྲོས་ཤིང་མི་སྣང་བར་འགྱུར་རོ། ། དེ་ནས་སྒྲུབ་པའི་གྲོགས་མཆོག་གིས་དེ་ཉིད་དུ་ཀུ་ཤའི་ཁྲེས་ལ་གནས་ནས། ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་བཟླས་པ་བྱེད་ཅིང་གནས་པར་བྱའོ། །དེ་ནས་དཀྱིལ་འཁོར་གྱི་སློང་དཔོན་གྱིས་བཅོམ་ལྡན་འདས་ཤཱཀྱ་ཐུབ་པའི་སྐུ་གཟུགས་ཀྱི་གཡས་ངོས་སུ་རང་སངས་རྒྱས་ཉིད་པདྨའི་གདན་ལ་བཞུགས་པར་བྱའོ། །དེ་གཉིས་ཀྱི་འོག་ཏུ་ཉན་ཐོས་
103b
ཆེན་པོ་གཉིས་ཆོས་ཉན་པར་བྱའོ། །དེ་དག་གི་ཡར་གཡས་སུ་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་རྒྱན་ཐམས་ཅད་ཀྱིས་བརྒྱན་པ། སྟོན་ཀའི་འདམ་བུའི་མདོག་ལྟར་དཀར་བ། པདྨའི་གདན་ལ་བཞུགས་པ། ཕྱག་གཡོན་པ་ན་པདྨ་བསྣམས་པ། ཕྱག་གཡས་པ་མཆོག་སྦྱིན་པ། དེའི་ཡང་གཡས་ན་བཅོམ་ལྡན་འདས་ཡུམ་གོས་དཀར་མོ། ཕྱག་གཡོན་པ་ན་པདྨ་བསྣམས་པ། ཕྱག་གཡས་པས་བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་བ། པདྨའི་གདན་ལ་བཞུགས་པ། ཕྱག་གསེར་གྱི་ཅོད་པན་འཆང་བ། དེར་ལ་དཀར་པོའི་ན་བཟའ་མནབས་པ། ཐལ་བ་ནག་པོས་ཐིག་ལེ་གསུམ་བྱས་པ། དེ་བཞིན་དུ་སྒྲོལ་མ་དང ། ཁྲོ་གཉེར་ཅན་ཡང་རང་རང་གི་གནས་སུ་སྤྱོད་ལམ་དག་གིས་གནས་པར་བྱའོ། །དེ་དག་གི་སྟེང་དུ་ནི་བཅོམ་ལྡན་འདས་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་དང ། དེ་བཞིན་གཤེགས་པའི་སྤྱན་དང ། གཙུག་ཏོར་གྱི་རྒྱལ་མོ་རྣམས་བྱའོ། །དེ་བཞིན་དུ་བྱང་ཆུབ་སེམས་དཔའ་བཅུ་དྲུག་བྱ་བ་ལ། འདི་ལྟ་སྟེ། ཀུན་ཏུ་བཟང་པོ་དང ། སའི་སྙིང་པོ་དང ། ནམ་མཁའ་མཛོད་དང ། སྒྲིབ་པ་ཐམས་ཅད་རྣམ་པར་སེལ་བ་དང ། ངན་སོང་རྣམ་པར་སྦྱོང་བ་དང ། བྱམས་པ་རྔ་ཡབ་ལག་ན་ཐོགས་ཤིང་སངས་རྒྱས་བཅོམ་ལྡན་འདས་ལ་བལྟ་བ་དང ། དྲི་མ་མེད་པར་འགྲོ་བ་དང ། དྲི་མ་མེད་
104a
༄#། །པའི་ཏོག་དང ། ནོར་བཟང་དང ། ཟླ་བའི་འོད་དང ། དྲི་མ་མེད་པར་གྲགས་པ་དང ། ནང་ཐམས་ཅད་གསོ་བར་བྱེད་པ་དང ། ཆོས་ཐམས་ཅད་ཀྱི་དབང་ཕྱུག་གི་རྒྱལ་པོ་དང ། འཇིག་རྟེན་འགྲོ་བ་དང ། བློ་ཆེན་པོ་དང ། བློ་བཟང་པོ་སྟེ། སེམས་དཔའ་ཆེན་པོ་འདི་དག་ནི་ལུས་ཤིན་ཏུ་ཞི་བ་དང ། རྒྱན་ཐམས་ཅད་ཀྱིས་བརྒྱན་པ་བྲི་པར་བྱའོ། །རིག་པའི་རྒྱལ་པོའི་གཙོ་བོ་དང ། རིག་པའི་རྒྱལ་མོ་དང ། པདྨའི་རིགས་གཟུགས་དང ། ཕྱག་རྒྱ་ལུང་ཇི་ལྟ་བ་བཞིན་གནས་ཇི་ལྟ་བ་མ་ལུས་པ་དག་ཏུ་བྲི་བར་བྱའོ། ། མཐའི་གྲུ་བཞིའི་གནས་དག་ཏུ་ནི་གནས་རྣམས་གཞག་པར་བྱའོ། །པདྨའི་མེ་ཏོག་ལེགས་པར་བྱས་པ་དང ། རིག་པའི་ལྷ་གང་དྲན་པ་ཡང་དེ་དག་ཏུ་གཞག་པར་བྱའོ། །དེ་བཞིན་དུ་ལྷོ་ཕྱོགས་སུ་བཅོམ་ལྡན་འདས་ཤཱཀྱ་ཐུབ་པ་དང ། འདི་སངས་རྒྱས་གཉིས་ནི་རི་སྤོས་ཀྱི་ངད་ལྡང་བ་ལ་བཞུགས་པ་བྲི་བར་བྱའོ། །དེ་བཞིན་དུ་དཀྱིལ་འཁོར་གྱི་ཤར་དུ་བདག་ཉིད་བལྟ་བ་དང ། ཐམས་ཅད་ལ་ཡང་འཇུག་པའི་སྒོ་རྣམས་བྱའོ། །བཅོམ་ལྡན་འདས་ཤཱཀྱ་ཐུབ་པའི་གཡོན་ཕྱོགས་སུ་རང་སངས་རྒྱས་གཞན་གཉིས་ཏེ། ཙནྡན་དང ། གྲུབ་བ་ཞེས་བྱ་བ་གཉིས་བྲི་བར་བྱའོ། །དེ་གཉིས་ཀྱི་འོག་ཏུ་ཉན་ཐོས་གཉིས་ནི་འོད་སྲུང་ཆེན་པོ་དང ། ཀཱ་ཏྱཱ་ཡ་ན་བྲི་བར་བྱའོ། །དེ་དག་གི་ཡང་
104b
གཡོན་དུ་འཕགས་པ་ཕྱག་ན་རྡོ་རྗེ་ཨུཏྤ་ལ་ལྟར་མདོག་སྔོ་བསངས་གཟུགས་ཤིན་ཏུ་མཛེས་པ། རྒྱན་ཐམས་ཅད་ཀྱིས་བརྒྱན་པ། ལག་པ་གཡས་པ་ན་རྔ་ཡབ་ཐོགས་པ། གཡོན་པ་ཁྲོ་བོའི་ལུས་ཀྱིས་གནས་པ། རྡོ་རྗེ་ཁུ་ཚུར་མ། རྡོ་རྗེ་ལྕགས་ཀྱུ་མ། རྡོ་རྗེ་ལུ་གུ་རྒྱུད་མ། དཔུང་བཟང་མ། རྡོ་རྗེ་སྡེ་མ་ཆ་བྱད་ཇི་ལྟ་བ་བཞིན་དུ་བགེགས་ཀྱི་གདན་ལ་གནས་པ། རིག་པའི་རྒྱལ་པོ་ཐམས་ཅད་དང ། རིག་པའི་རྒྱལ་མོ་འཁོར་དང་བཅས་པ་བཟླས་པ་དང ། ཕྱག་རྒྱ་དང་ལྡན་པ་ཇི་ལྟར་ཤེས་པ་བཞིན་བྲི་བར་བྱའོ། །དེ་དག་གི་ཡང་གཡོན་དུ་ཟུར་བཞིར་སྣ་ཚོགས་རྡོ་རྗེའི་ཕྱག་རྒྱ་བྲི་བར་བྱའོ། །བྲིས་ནས་ཀྱང་གནས་གང་དུ་རིག་པའི་ཚོགས་མ་དྲན་པའི་གནས་དེ་དག་ཀྱང་བཞུགས་ཤིག་ཅེས་བརྗོད་པར་བྱའོ། །དེའི་སྟེང་དུ་ཕ་རོལ་དུ་ཕྱིན་པ་དྲུག་དང ། བཅོམ་ལྡན་འདས་ཡུམ་མཱ་མ་ཀཱི་བྲི་བར་བྱ་སྟེ། རྒྱན་ཐམས་ཅད་ཀྱིས་བརྒྱན་པ། གཟུགས་ཤིན་ཏུ་མཛེས་པར་བྱའོ། །དེ་དག་གི་སྟེང་དུ་གཙུག་ཏོར་གྱི་རྒྱལ་པོ་བརྒྱད་ཀུན་ནས་འབར་བའི་ཕྲེང་བའི་ཕྱག་རྒྱ་བཅིངས་ནས་རང་རང་དག་གིས་འཁོར་ལོས་བསྒྱུར་བའི་རྒྱལ་པོ་ཆེན་པོའི་གཟུགས་སུ་བྲི་བར་བྱ་སྟེ། གསེར་གྱི་མདོག་ཅན་དབང་པོ་ཤིན་ཏུ་དུལ་ལ་རྒྱན་ཐམས་ཅད་ཀྱིས་བརྒྱན་པ། དེ་བཞིན་གཤེགས་པ་ལ་ཟུར་གྱིས་ལྟ་བ་དག་ལ། འདི་ལྟ་སྟེ། གཙུག་ཏོར་འཁོར་ལོས་བསྒྱུར་བ་དང །
105a
༄#། །གཙུག་ཏོར་མངོན་པར་འཕགས་པ་དང ། གཙུག་ཏོར་གདུགས་དཀར་པོ་དང ། རྒྱལ་བའི་གཙུག་ཏོར་དང ། པདྨའི་གཙུག་ཏོར་དང ། རྣམ་པར་རྒྱལ་བའི་གཙུག་ཏོར་དང ། གཟི་བརྗིད་ཕུང་པོའི་གཙུག་ཏོར་དང ། གཙུག་ཏོར་མཐོན་པོ་སྟེ་བརྒྱད་པོ་འདི་དག་ནི་གཙུག་ཏོར་གྱི་རྒྱལ་པོ་རྣམས་སོ། །གཡོན་དུ་བྲི་བ་ནི་རང་སངས་རྒྱས་རྣམས་སོ། །འཇུག་པའི་ཕྱོགས་ཀྱི་སྒོར་ནི་བྱང་ཆུབ་སེམས་དཔའ་གཉིས་བྱ་སྟེ། གཡས་ཕྱོགས་སུ་ནི་འཇིག་རྟེན་ལས་འདས་པར་འགྲོ་བ་ཞེས་བྱ་བ་རལ་བའི་ཅོད་པན་འཆང་བ།་ལུས་ཞི་བ། ལག་པ་གཡས་པ་མཆོག་སྦྱིན་པས་ཕྲེང་བ་འཛིན་པ། ལག་པ་གཡོན་པས་སྤྱི་བླུགས་འཛིན་ཅིང་སྒོ་ལ་མངོན་དུ་ཕྱོགས་པ། བཞིན་ཅུང་ཟད་ཁྲོ་གཉེར་དང་བཅས་པ་བྲི་བར་བྱའོ། །འཇུག་པའི་སྒོའི་གཡོན་ཕྱོགས་སུ་ནི་བྱང་ཆུབ་སེམས་དཔའ་ཆེན་པོ་མ་རྒྱལ་བ་ལས་རྒྱལ་བ་ཞེས་བྱ་བ་བྲི་བར་བྱ་སྟེ། ལུས་རབ་ཏུ་ཞི་བ། རལ་པའི་ཅོད་པན་འཆང་བ། ལག་པ་གཡོན་པ་ན་དབྱིག་པ་དང ། སྤྱི་བླུགས་འཛིན་པ། ལག་པ་གཡས་པ་ན་མཆོག་སྦྱིན་པས་ཕྲེང་བ་འཛིན་པ། བཞིན་ཅུང་ཟད་ཁྲོ་གཉེར་དང་ལྡན་པ་སྒོ་ལ་མངོན་པར་ཕྱོགས་པ་བྲིའོ། །སེངྒེའི་ཁྲིའི་འོག་ཏུ་ཆོས་ཀྱི་འཁོར་ལོ་ཀུན་ཏུ་འབར་བས་ཁྱབ་པ། དེའི་འོག་ཏུ་རིན་པོ་ཆེའི་གཞལ་མེད་ཁང་དེ་ལ་གནས་པ།
105b
བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་བ། གཞོན་ནུའི་གཟུགས་ཅན་སྐུ་མདོག་དམར་སྐྱ། ཞི་བའི་གཟུགས་དང ། མཛེས་པའི་གཟུགས་ཅན།་ཅུང་ཟད་ཞལ་འཛུམ་པ། ཕྱག་གཡོན་པ་ན་ཨུཏྤ་ལ་སྔོན་པོ་བསྣམས་པ། ཕྱག་གཡས་པ་ནི་བིལ་བ་བསྣམས་པ། བྱིས་པའི་རྒྱན་ཐམས་ཅད་ཀྱིས་བརྒྱན་པ། གཙུག་ཕུད་ལྔས་ཉེ་བར་མཛེས་པར་གྱུར་པ། མུ་ཏིག་གི་ཕྲེང་བས་མཆོད་ཕྱིར་ཐོགས་པ། དར་ལའི་སྟོད་གཡོགས་མནབས་པ། དར་གྱི་ན་བཟས་སྨད་གཡོགས་མཛད་པ། འོད་ཀུན་ནས་འཕྲོ་བ། འབར་བའི་ཕྲེང་བས་ཀུན་ནས་ཁྱབ་པ། པདྨའི་གདན་ལ་ཉེ་བར་བཞུགས་པ། ཁྲོ་བོའི་རྒྱལ་པོ་གཤིན་རྗེའི་གཤེད་ལ་གཟིགས་པ། དཀྱིལ་འཁོར་དུ་འཇུག་པའི་སྒོ་ལ་མངོན་དུ་ཕྱོགས་པ། བལྟ་ན་སྡུག་པ་བྲི་བར་བྱའོ། །དེའི་གཡས་ཕྱོགས་ཀྱི་ངོས་ཀྱི་པདྨའི་འོག་ཏུ་ཁྲོ་བོའི་རྒྱལ་པོ་གཤིན་རྗེའི་གཤེད་བྲི་བར་བྱ་སྟེ། མི་སྡུག་པ་ཆེན་པོའི་གཟུགས་ཅན། ཀུན་ནས་འབར་བའི་ཕྲེང་བས་ཁྱབ་པ། བཀའ་ལེན་ཅིང་འཛིན་པ། བྱང་ཆུབ་སེམས་དཔའ་ཆེན་པོའི་ཕྱོགས་སུ་ལྟ་བའོ། །གཡོན་ཕྱོགས་ཀྱི་པདྨའི་འོག་ཏུ་གནས་གཙང་མའི་རིས་ཀྱི་ལྷའི་བུ་གཟུགས་ཅན། བྱང་ཆུབ་སེམས་དཔའ་ལྔ་བྲི་བར་བྱ་བ་ལ། འདི་ལྟ་སྟེ། ཤིན་ཏུ་དྲི་མེད་དང ། ཤིན་ཏུ་དུལ་བ་དང ། དག་པ་དང །
106a
༄#། །མུན་སེལ་དང ། ཀུན་ཏུ་སྣང་བའོ། །དེ་དག་ཐམས་ཅད་ཀྱང་གནས་གཙང་མའི་གཞལ་མེད་ཁང་ན་འདུག་པ། རིན་པོ་ཆེ་དུ་མ་འབར་བའི་རྡོའི་སྟེང་དང་འདྲ་བ་ཀུན་ནས་འབར་བ། མེ་ཏོག་སྣ་ཚོགས་ཀྱིས་གཅལ་བཀྲམ་པ། ཤིན་ཏུ་མཛེས་པ་བྲི་བར་བྱའོ། །ཕྱི་རོལ་ཁོར་ཡུག་ཏུ་ཟུར་བཞིའི་རྣམ་པར་བྱས་ཏེ། རྟ་བབས་བཞི་དང་ལྡན་པ། ཕྱོགས་བཞི་ནས་རྣམ་པ་སྣ་ཚོགས་པའི་ཚོན་སྣ་ལྔས་གསལ་བས་རི་མོ་ཤིན་ཏུ་དྲང་བ་དང་ལྡན་པ་ནང་གི་དཀྱིལ་འཁོར་བྲི་བར་བྱའོ། །ཤར་གྱི་བཅོམ་ལྡན་འདས་ཤཱཀྱ་ཐུབ་པའི་སྟེང་དུ་རི་མོའི་དབུས་སུ་མེ་ཏོག་ཀུན་ནས་སྐྱེས་པའི་རྒྱལ་པོའི་དབང་པོས་པདྨའི་གདན་ལ་བཞུགས་པ་དེ་བཞིན་གཤེགས་པའི་གཟུགས་ཅུང་ཟད་ཆུང་བར་བྱའོ། །འོད་ཀུན་ནས་འབར་བའི་ཕྲེང་བས་ཁྱབ་པ། མཆོག་སྦྱིན་གྱི་ཕྱག་རྒྱ་དང་ལྡན་པ། སྐྱིལ་མོ་ཀྲུང་གིས་བཞུགས་པ། དེའི་གཡས་སུ་གཙུག་ཏོར་འཁོར་ལོས་བསྒྱུར་བའི་ཕྱག་རྒྱ་བྲི་བར་བྱའོ། །གཡོན་དུ་ནི་གཟི་བརྗིད་ཕུང་པོའི་ཕྱག་རྒྱ་བྲི་བར་བྱའོ། །དེ་བཞིན་གཤེགས་པའི་སྤྱན་གྱི་སྟེང་དུ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱག་རྒྱ་བྲི་བར་བྱའོ། །བཅོམ་ལྡན་འདས་འཕགས་བ་སྤྱན་རས་གཟིགས་དབང་ཕྱུག་གི་སྟེང་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱག་རྒྱའི་གཡས་
106b
སུ་བཅོམ་ལྡན་འདས་འོད་དཔག་ཏུ་མེད་པ་དེ་བཞིན་གཤེགས་པའི་གཟུགས་ཅན་བྱ་སྟེ། ཕྱག་རྒྱ་མཆོག་སྦྱིན་པ། པདྨའི་གདན་ལ་བཞུགས་པ། ཀུན་ནས་འོད་འབར་བའི་ཕྲེང་བས་ཁྱབ་པ། དེའི་ཡང་གཡས་ཕྱོགས་སུ་ལྷུང་བཟེད་དང ། ཆོས་གོས་ཀྱི་ཕྱག་རྒྱའོ། །དེ་བཞིན་དུ་མཐར་གྱིས་འཇུག་པའི་གནས་ལ་ནི་པདྨའི་ཕྱག་རྒྱ་བྱའོ། །བཅོམ་ལྡན་འདས་མེ་ཏོག་ཡང་དག་པར་སྐྱེས་པའི་རྒྱལ་པོའི་དབང་པོ་དེ་བཞིན་གཤེགས་པའི་གཡོན་ཕྱོགས་སུ་གཅུག་ཏོར་གཟི་བརྗིད་ཕུང་པོའི་ཕྱག་རྒྱ་བྲི་སྟེ། ཀུན་ནས་འོད་འབར་བའི་ཕྲེང་བས་ཁྱབ་པ། དེའི་གཡོན་ཕྱོགས་སུ་དེ་བཞིན་གཤེགས་པ་རིན་ཆེན་ཏོག་བྱ་སྟེ། རིན་པོ་ཆེའི་རི་བོའི་སྟེང་དུ་ཆོས་སྟོན་ཅིང་བཞུགས་པ། བཻ་ཌཱུརྱ་སྔོན་པོ་དང ། མརྒ་དང།་པདྨ་རཱ་ག་རྣམ་པ་སྣ་ཚོགས་འབར་བའི་འོད་འཕྲོ་བའི་ཀུན་ནས་འོད་དང་ལྡན་པ་བྲི་བར་བྱའོ། །དེའི་ཡང་གཡོན་ཕྱོགས་སུ་རྒྱལ་བའི་གཙུག་ཏོར་གྱི་ཕྱག་རྒྱ་ཀུན་ནས་འབར་བའི་ཕྲེང་བས་ཁྱབ་པ་བྲིའོ། །དེའི་ཡང་གཡོན་ཕྱོགས་སུ་ཆོས་ཀྱི་འཁོར་ལོའི་ཕྱག་རྒྱ་ཀུན་ནས་འབར་བ་དང་ལྡན་པ་བྲིའོ། །དེའི་ཡང་གཡོན་ཕྱོགས་སུ་འཁར་གསིལ་དང།་སྦྱི་བླུགས་དང ། ཕྲེང་བ་དང ། བཟང་པོའི་གདན་གྱི་ཕྱག་རྒྱ་བྲིའོ། །མཐར་གྱིས་སྒོའི་གནས་སུ་རྡོ་རྗེ་རྩེ་གསུམ་པ་གཉི་ག་ལ་ཡང་ཀུན་ནས་འབར་བ་བྲིའོ། །བཅོམ་ལྡན་
107a
༄#། །འདས་འཇམ་དཔལ་གཞོན་ནུར་གྱུར་པའི་འོག་ཏུ་ཕྱག་རྒྱ་ཆེན་པོ་གཙུག་ཕུད་ལྔ་ཞེས་བྱ་བ་དང ། ུཏྤ་ལའི་ཕྱག་རྒྱ་ཀུན་ནས་འབར་བ་འདི་གཉིས་ཕན་ཚུན་འབྲེལ་བ་བྱའོ། །དཀྱིལ་འཁོར་ཀུན་ནས་སྒོ་བྲི་བར་བྱའོ། །སྒོ་དག་ནི་རྒྱབ་ཀྱིས་ལྟ་བ་དང ། འཇུག་པ་ན་ནི་མདུན་གྱིས་བལྟ་བར་བྱའོ། །ཕྱི་རོལ་གྱི་དཀྱིལ་འཁོར་ཐམས་དུ་འགྱུར་བ་ཡང་ཁ་དོག་ལྔའི་ཚོན་ཤིན་ཏུ་གསལ་བ། སྣ་ཚོགས་བལྟ་ན་སྡུག་པ། ཟུར་བཞིས་རྣམ་པར་འབྱེས་པ། རྟ་བབས་བཞིའི་རྣམ་པ་ཕྱོགས་བཞིར་ཁྲུ་གཉིས་ཙམ།་ནང་གི་དཀྱིལ་འཁོར་གྱི་ཕྱི་རོལ་གྱི་ཤར་ཕྱོགས་སུ་ཚངས་པ་ཆེན་པོ་བྲི་བར་བྱ་སྟེ། གདོང་བཞི་པ། གོས་དཀར་པོ་བགོས་པ་ལ་སྟོད་གཡོགས་གོས་དཀར་པོ་དང ། ཚངས་སྐུད་དཀར་པོ་ཐོགས་པ། ཁ་དོག་གསེར་འདྲ་བ། རལ་པའི་ཅོད་པན་འཛིན་པ། ལག་ན་དབྱུག་པ་དང ། སྤྱི་བླུགས་འཛིན་པ། དེའི་གཡས་ཕྱོགས་སུ་འོད་གསལ་གྱི་ལྷའི་བུ་བྱ་སྟེ། མདོག་གསེར་འདྲ་བ། བསམ་གཏན་ཁྱད་པར་ཅན་གྱི་གཟུགས་ཅན། དར་ལའི་གོས་བགོས་པ། དར་ལའི་སྟོད་གཡོགས་བྱས་པ། བཞིན་ཤིན་ཏུ་གསལ་བ། རལ་པའི་ཅོད་པན་འཛིན་པ། མཆོད་ཕྱིར་ཐོགས་དཀར་པོ་ཅན། སྐྱིལ་མོ་ཀྲུང་གིས་འདུག་པ། ལག་པ་གཡས་པས་མཆོག་སྦྱིན་པ། དེའི་གཡས་ཕྱོགས་
107b
སུ་འོག་མིན་གྱི་ལྷའི་བུ་བྱ་སྟེ། རྒྱན་ཐམས་ཅད་ཀྱིས་བརྒྱན་པ། ལུས་རབ་ཏུ་ཞི་བ། བསམ་གཏན་གྱི་རྣམ་པའི་ཆ་བྱད་ཅན། དར་ལའི་གོས་བགོས་པ། དར་ལའི་གོས་ཀྱི་སྟོད་གཡོགས་བྱས་པ། སྐྱིལ་མོ་ཀྲུང་གིས་འདུག་པ། ལག་པ་གཡས་པས་མཆོག་སྦྱིན་པ། མཆོད་ཕྱིར་ཐོགས་དཀར་པོས་བྱས་པ། དེའི་རིམ་གྱིས་དགའ་ལྡན་དང ། འཕྲུལ་དགའ་དང།་གཞན་འཕྲུལ་དབང་བྱེད་དང ། འཐབ་བྲལ་དང ། བརྒྱ་བྱིན་ལ་སོགས་པའི་ལྷའི་བུ་བྲི་བར་བྱ་སྟེ། གོ་རིམས་ཇི་ལྟ་བ་དང ། ཆ་བྱད་དང ། དབྱིབས་ཇི་ལྟ་བ་བཞིན་དུའོ། ། བརྒྱ་བྱིན་གྱི་འོག་ཏུ་རྒྱལ་པོ་ཆེན་པོ་བཞིའི་རིས་ལ་རྟག་ཏུ་མྱོས་དང ། ཕྲེང་ཐོགས་དང ། ལག་ན་གཞོང་ཐོགས་དང ། པི་ཝང་གཉིས་པ་དང ། ས་བླའི་ལྷའི་བུ་དག་གོ་རིམས་ཇི་ལྟ་བ་དང ། ཆ་བྱད་ཇི་ལྟ་བ་བཞིན་དུ་བྲི་བར་བྱའོ། །དེ་བཞིན་དུ་ལྷོ་ཕྱོགས་སུ་མི་ཆེ་བ་དང ། མི་གདུང་བ་དང ། ཤིན་ཏུ་མཐོང་བ་དང ། གྱ་ནོམ་སྣང་བ་དང ། དགེ་ཆུང་དང ། བསོད་ནམས་སྐྱེས་ལ་སོགས་པའི་ལྷའི་པུ་ཆ་བྱད་དང ། དབྱིབས་ཇི་ལྟ་བ་བཞིན་བྲི་བར་བྱའོ། །ནུབ་ཕྱོགས་དང ། བྱང་ཕྱོགས་སུ་ཡང་དེ་བཞིན་ཏེ། དེ་དག་ནི་རིམ་པ་འོག་མ་གཉིས་ལ་བརྟེན་ཏེ་བྲི་བར་བྱའོ། །དཀྱིལ་འཁོར་གཉིས་ཀྱི་ཕྱི་རོལ་ཏུ་དཀྱིལ་འཁོར་གསུམ་པར་འགྱུར་བ་ལ་མཐར་གྱིས་ཕྱོགས་བཞིའི་རྒྱལ་པོ་ཆེན་པོ་བཞི་སྟེ། བྱང་ཕྱོགས་ནས་
108a
༄#། །འཇུག་པའི་གཡས་ངོས་སུ་གཏེར་ཉེ་བར་གནས་པ་ལ་གནོད་སྤྱིན་རྒྱན་ཐམས་ཅད་ཀྱིས་བརྒྱན་པ། གཙུག་ཕུད་ཅུང་ཟད་འདུད་པ། གནོད་སྤྱིན་གྱི་གཟུགས་ཅན། དེའི་གཡས་སུ་ནོར་བུ་བཟང་པོ་དང ། གང་བ་བཟང་པོ་གནོད་སྤྱིན་གྱི་བདག་པོ་གཉིས་བྲིའོ། །དེ་བཞིན་དུ་མཐར་གྱིས་གནོད་སྤྱིན་མོ་ཆེན་མོ་འཕྲོག་མ་ཡང་བྲིའོ། །དེ་བཞིན་དུ་མཐར་གྱིས་ནུབ་ཕྱོགས་སུ་ཆུ་ལྷ་ལག་ན་ཞགས་པ་ཐོགས་པ་དང ། ཀླུ་དགའ་བོ་དང ། ཉེ་དགའ་བོ་དང ། འཇོག་པོ་དང ། ནོར་རྒྱས་ལ་སོགས་པ་ཀླུའི་རྒྱལ་པོ་ཆེན་པོ་བརྒྱད་པོ་བྲིའོ། །དེ་བཞིན་དུ་རིམ་པ་གཉིས་ལ་གནས་པའི་མཐར་གྱིས་གནོད་སྦྱིན་དང ། སྲིན་པོ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། དྲང་སྲོང་དང།་གྲུབ་པ་དང ། ཡི་དྭགས་དང ། ཤ་ཟ་དང ། ནམ་མཁའ་ལྡིང་དང ། མི་དང ། མི་མ་ཡིན་པ་ལ་སོགས་པ་དང ། སྨན་དང ། ནོར་བུ་རིན་པོ་ཆེའི་བྱེ་བྲག་དང ། རི་དང ། ཆུ་བོ་དང ། གླིང་དང ། མཐར་གྱིས་གཙོ་བོ་ཐམས་ཅད་བྲི་བར་བྱའོ། །ལྷོ་ཕྱོགས་སུ་ནི་གཤིན་རྗེ་མ་མོ་བདུན་གྱི་འཁོར་དང་བཅས་པ་བྲི་བར་བྱའོ། །ཤར་ལྷོ་མཚམས་སུ་མེ་ཀུན་ནས་འབར་བའི་ཕྲེང་བས་ཁྱབ་པ། དབྱུག་པ་དང ། སྤྱི་བླུགས་དང ། ཕྲེང་བ་ལག་ན་ཐོགས་པ། རལ་བའི་ཅོད་པན་འཛིན་པ། གོས་དཀར་པོ་བགོས་པ། དར་
108b
ལའི་སྟོད་གཡོགས་བྱས་པ། མཆོད་ཕྱིར་ཐོགས་དཀར་པོ་ཐོགས་པ། མདོག་གསེར་འདྲ་བ། ཐལ་བའི་ཐིག་ལེ་གསུམ་བྱས་པ། དེ་བཞིན་དུ་རྒྱན་དང ། མཚོན་ཆ་དང ། ཆ་བྱད་དང།་དབྱིབས་དང ། ཁ་དོག་རྣམ་པ་སྣ་ཚོགས་པ་རིམ་པ་གཉིས་པ་ལ་བརྟེན་ཏེ་བྲི་བར་བྱའོ། །ཐམས་ཅད་ཀྱི་དཀྱིལ་འཁོར་དུ་འཇུག་པའི་སྒོའི་ཕྱི་རོལ་ཏུ་དཀའ་ཟློག་གི་བདག་པོ་ཁྱུ་མཆོག་ལ་ཞོན་པ། ལག་ན་མདུང་རྩེ་གསུམ་ཐོགས་པ། ལྷ་མོ་དཀའ་ཟློག་མ་ཁ་དོག་སྣ་ཚོགས་པ། རྒྱན་ཐམས་ཅད་ཀྱིས་བརྒྱན་པ། སྨིན་དྲུག་གི་བུ་རྨ་བྱའི་སྟན་ལ་འདུག་པ། མདུད་ཐོགས་པ། གཞོན་ནུའི་གཟུགས་ཅན། གདོང་དྲུག་པ། ལུས་དམར་པོར་སྣང་བ། གོས་སེར་པོ་བགོས་པ། གོས་སེར་བོའི་སྟོད་གཡོགས་ཅན། ལག་པ་གཡོན་པ་ན་དྲིལ་བུ་དང ། བ་དན་དམར་པོ་ཐོགས་པ། མཐར་གྱིས་བྷརྀང་གི་རི་ཏི་ཤིན་ཏུ་རིང་པ་འདྲི་བ་དང ། ཚོགས་ཀྱི་བདག་པོ་ཆེན་པོ་དང ། དགའ་བྱེད་དབང་ཕྱུག་དང ། ནག་པོ་ཆེན་པོ་དང ། མ་མོ་བདུན་པོ་རྒྱན་དང ། མཚོན་ཆ་དང ། ཁ་དོག་དང ། དབྱིབས་ཇི་ལྟ་བ་བཞིན་བྲི་བར་བྱའོ། །ནོར་ལྷ་བརྒྱད་དང ། དྲང་སྲོད་བདུན་དང ། ཁྱབ་འཇུག་ལག་པ་བཞི་ན་འཁོར་ལོ་དང ། དུང་དང ། ག་དཱ་དང ། རལ་གྲི་ཐོགས་པ། གདན་ནམ་མཁའ་ལྡིང་རྒྱན་ཐམས་ཅད་ཀྱིས་བརྒྱན་པ། གཟའ་བརྒྱད་དང ། རྒྱུ་སྐར་ཉི་ཤུ་རྩ་བདུན་དང ། གང་ཡང་ཉེ་བའི་
109a
༄#། །གཟའ་བརྒྱད་ས་སྟེང་གི་དཀྱིལ་འཁོར་ན་རབ་ཏུ་རྒྱུ་བ་ཡང་བྲི་བར་བྱའོ། །མཐར་གྱིས་ཚེས་གྲངས་བཅོ་ལྔ་དང ། ཡར་ངོ་དང ། མར་ངོའི་ཕྱོགས་དང ། ཁྱིམ་བཅུ་གཉིས་དང ། དུས་དྲུག་དང ། ཟླ་བ་བཅུ་གཉིས་དང ། ལོ་ཚིགས་དང ། སྲིང་མོ་བཞི་གྲུ་ལ་ཞོན་པ་དང ། མིང་པོ་ལྔ་གྲུ་ལ་ཞོན་ཅིང་ཚུལ་གནས་པ་སྟེ། མདོར་ན་ཕྱག་རྒྱར་གཞག་པར་བྱ་བ་ཡང་ཡིན་ནོ། །ལྷ་མོ་དེ་དག་མཐར་གྱིས་རིམ་པ་གཉིས་པ་ལ་བརྟེན་ཏེ་བྱ་བ་ཡིན་ནོ། །སློབ་དཔོན་བདག་ཉིད་ཕྱི་རོལ་ཏུ་བྱུང་ནས་དཀྱིལ་འཁོར་དེ་ལ་གཡས་ཕྱོགས་སུ་བསྐོར་བ་བྱས་ཏེ། མདོར་ན་དཀྱིལ་འཁོར་གསུམ་ཡང་དཀྱིལ་འཁོར་གསུམ་ལ་བརྟེན་ཅིང་བྲི་བར་བྱ་སྟེ། དཀྱིལ་འཁོར་གསུམ་ཆར་ཡང་གྲུ་བཞིར་རྣམ་པར་གནས་པར་བྱ་བ་ཡིན་ནོ། །མདོར་ན། འདི་ལྟར་སངས་རྒྱས་བཅོམ་ལྡན་འདས་སེམས་ཅན་རྣམས་ཀྱི་མགོན་པོ་ནི་ངེས་པར་བྲི་བར་བྱའོ། །པདྨའི་རིགས་འཕགས་པ་སྤྱན་རས་གཟིགས་དབང་ཕྱུག་ཀྱང་ངེས་པར་བྲི་བར་བྱའོ། །རྡོ་རྗེའི་རིགས་འཕགས་པ་ཕྱག་ན་རྡོ་རྗེའང་ངེས་པར་བྲི་བར་བྱའོ། །བྱང་ཆུབ་སེམས་དཔའ་རྣམས་ཀྱི་གཙོ་བོ་འཕགས་པ་ཀུན་ཏུ་བཟང་པོའང་ངེས་པར་བྲི་བར་བྱའོ། །འཇམ་དཔལ་གཞོན་ནུར་གྱུར་པ་ཡང་ངེས་པར་བྲི་བར་བྱའོ། །ལྷག་མ་རྣམས་ནི་ཇི་ལྟར་རྣམ་པར་གཞག་
109b
པ་བཞིན་ཕྱག་རྒྱ་བྲི་བར་བྱའོ། །འདི་ནི་ནང་གི་དཀྱིལ་འཁོར་རོ། །དཀྱིལ་འཁོར་བར་མ་ལ་ཡང་ཤར་ཕྱོགས་སུ་ནི་མི་མཇེད་ཀྱི་བདག་པོ་ཚངས་པ་བྲི་བར་བྱའོ། །དེ་བཞིན་དུ་འོད་གསལ་བ་ནི་ལྷོ་ཕྱོགས་སུའོ། །འོག་མིན་གྱི་གཟུགས་ཅན་རྣམས་ལྷའི་དཀྱིལ་འཁོར་གྱི་རྣམ་པར་རོ། །འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་ནི་བརྗོད་པར་མི་བྱའོ། །བྱང་ཕྱོགས་སུ་བརྒྱ་བྱིན་ལྷའི་རྒྱལ་པོ་དང ། རབ་འཐབ་བྲལ་དང ། ཡོངས་སུ་དགའ་ལྡན་དང ། རབ་འཕྲུལ་དགའ་དང ། གཞན་འཕྲུལ་དབང་བྱེད་དང ། འོད་ཆུང་ལ་སོགས་པའི་ལྷའི་བུ་རྣམས་ངེས་པར་ལྷའི་རྒྱལ་པོ་རེ་རེ་བྱའོ། །ལྷག་མ་རྣམས་ནི་ཕྱག་རྒྱར་གནས་པར་བྱའོ། །དེ་བཞིན་དུ་དཀྱིལ་འཁོར་གསུམ་པར་ཡང་བྱང་ཕྱོགས་སུ་འབྱུང་པོའི་བདག་པོ་དབང་ལྡན་དཀའ་ཐུབ་ཟློག་མ་དང་བཅས་པ་ངེས་པར་བྲིའོ། །འཇམ་དཔལ་གྱི་སྒོ་གཉིས་པའི་སྒོའི་དྲུང་དུ་ནི་སྨིན་དྲུག་གི་བུ་རྨ་བྱའི་སྟན་ཡོད་པ། ལག་ན་མདུང་ཐོགས་པ། ལུས་ཀྱི་ཁ་དོག་དམར་པ། གོས་སེར་པོས་སྟོད་གཡོགས་དང ། གོས་བྱས་པ། ལག་པ་གཡས་པ་ན་དྲིལ་བུ་དང ། བ་དན་ཐོགས་པ། གཞོན་ནུའི་གཟུགས་ཅན་འཁོར་ལ་ལྟ་བའོ། །ཤར་ཕྱོགས་སུ་ནི་ནམ་མཁའ་ལྡིང་འདབ་ཆགས་ཀྱི་གཟུགས་ཅན་དང ། དྲང་སྲོང་གི་ནང་ནས་མར་ཀཎྜ་ངེས་པར་བྲི་བར་བྱའོ། །ལྷག་མ་ནི་ཇི་ལྟར་གནས་པ་
110a
༄#། །བཞིན་ཕྱག་རྒྱར་བྲི་བར་བྱའོ། །ཤར་ལྷོར་ནི་གཞོན་ནུ་མ་བཞི་དང ། མིང་པོ་གཞོན་ནུ་དང་བཅས་པ། གྲུའི་བཞོན་པ་ལ་གནས་པ། རྒྱ་མཚོ་ཆེན་པོ་ལ་རྣམ་པར་རྒྱུ་བ་དང ། མེ་ལྷའི་རྒྱལ་པོ་ཡང་ངེས་པར་བྲི་བར་བྱའོ། །དེ་བཞིན་དུ་ལྷོ་ཕྱོགས་སུ་ནི་སྲིན་པོའི་བདག་པོ་ལས་ནི་གྲོང་ཁྱེར་ལང་ཀའི་བདག་པོ་བི་བྷི་ཤ་ན་ཤིང་པི་ཙུ་མྲྡ་ལ་གནས་པ་དང ། ཛམྦྷ་ལ་ཆུ་དབང་ཞེས་བྱ་བ་གནོད་སྦྱིན་གྱི་གཟུགས་ཅན་བྱང་ཆུབ་སེམས་དཔའ་ངེས་པར་བྲི་བར་བྱའོ། །དེ་བཞིན་དུ་མཐར་གྱིས་གཤིན་རྗེའི་རྒྱལ་པོ་ཡི་དྭགས་རྫུ་འཕྲུལ་ཆེན་པོ་ངེས་པར་བྲི་བར་བྱའོ། །དེ་བཞིན་དུ་ཤ་ཟའི་རྒྱལ་པོ་རྣམ་པར་གཡེངས་བྱེད་ཅེས་བྱ་བ་ངེས་པར་བྲི་བར་བྱའོ། །ལྷག་མ་ནི་ཇི་ལྟར་གནས་པ་བཞིན་ཕྱག་རྒྱར་བྲི་རར་བྱའོ། །དེ་བཞིན་དུ་ལྷོ་ནུབ་ཀྱི་མཚམས་སུ་ནི་ཀླུའི་གཙོ་བོ་དགའ་བོ་དང ། ཉེ་དགའ་བོ་ངེས་པར་བྲི་བར་བྱའོ། །གཟའི་གཙོ་བོ་ཉི་མ་བྲི་བར་བྱའོ། །ནུབ་ཕྱོགས་སུ་ནི་དྲང་སྲོང་ཐུབ་པའི་མཆོག་གཅར་བུ་པ་མུ་སྟེགས་ཀྱི་མཆོག་གཅེར་བུའི་གཟུགས་བྲི་བར་བྱའོ། །ལྷག་མ་ནི་ཇི་ལྟར་གནས་པ་བཞིན་ཕྱག་རྒྱར་བྲི་བར་བྱའོ། །ནུབ་བྱང་མཚམས་སུ་ནི་གནོད་སྦྱིན་གྱི་རྒྱལ་པོ་མཆོག་སྦྱིན་དང ། དྲི་ཟའི་རྒྱལ་པོ་གཙུག་ཕུད་ལྔ་པ་དང ། མིའམ་ཅིའི་རྒྱལ་པོ་ལྗོན་པ་ངེས་པར་བྲི་བར་བྱའོ། །
110b
ལྷག་མ་ནི་གནས་ཇི་ལྟ་བ་དང ། དབྱིབས་ཇི་ལྟ་བ་བཞིན་དུ་ཕྱག་རྒྱར་བྲི་བར་བྱའོ། །དཀྱིལ་འཁོར་བཞི་པ་བྱི་རོལ་ཏུ་རི་མོ་ལྔར་བཀོད་དེ། ཕྱག་རྒྱའི་ཕྲེང་བས་ཉེ་བར་མཛེས་པར་བྱས་པ།་ཟུར་བཞི་ནས་རྟ་བབས་བཞི་དང ། རྒྱལ་པོ་ཆེན་པོ་བཞིས་བརྒྱན་པ། ཇི་ལྟར་གནས་པ་ལ། འདི་ལྟ་སྟེ། ཕྱག་རྒྱར་འགྱུར་བ་ནི་སྒོར་འཇུག་པ་ལ་ཨུཏྤ་ལ་སྔོན་པོ་བྲིའོ། །གཡས་དང།་གཡོན་གྱི་ཕྱོགས་སུ་ནི་པདྨ། རྡོ་རྗེ། དགྲ་སྟ། རལ་གྲི་།མདུང་དང ། མདུང་རྩེ་གསུམ་པ་དང ། ག་དཱ་དང ། འཁོར་ལོ་དང ། སྲ་སྟི་ཀ་དང ། བུམ་པ་དང ། ཉ་དང ། དུང་དང།་གདུབ་ཀོར་དང ། སྤྱི་བླུགས་དང ། རྒྱལ་མཚན་དང ། བ་དན་དང ། ཞགས་པ་དང ། དྲིལ་བུ་དང ། ཆུ་གྲི་དང ། གཞུ་དང ། ཐོ་བ་དང ། འདི་དག་རྣམ་པ་འདི་དག་འདྲ་བའི་མཚོན་ཆའི་མཆོག་གི་ཕྱག་རྒྱས་དཀྱིལ་འཁོར་གྱི་ཕྱོགས་སུ་ཀུན་ནས་ཁྱབ་པར་བྱའོ། །དེ་ནས་ཕྱི་རོལ་གྱི་ཕྱོགས་བཞིར་རྒྱ་མཚོ་ཆེན་པོ་གཞག་པར་བྱ་སྟེ། བྱང་ཕྱོགས་སུ་ནི་དཀྱིལ་འཁོར་གྲུ་བཞིར་བྱ་སྟེ། སྣ་ཚོགས་རྡོ་རྗེ་རྩེ་གསུམ་ཡོད་པ་ཀུན་ནས་འབར་བ་བྱའོ། །ཤར་ཕྱོགས་སུ་ནི་དཀྱིལ་འཁོར་གཞུའི་དབྱིབས་ཅན་བྱས་ཏེ་བཞག་ལ་ཀུན་ནས་འབར་བའི་པདྨའི་ཕྱག་རྒྱས་མཚན་པའོ། །ལྷོ་ཕྱོགས་སུ་ནི་དཀྱིལ་འཁོར་ཟུར་གསུམ་པ་བྱས་ཏེ། ཀུན་ནས་འབར་བའི་ལྷུང་བཟེད་ཀྱིས་མཚན་པའོ། །ནུབ་ཕྱོགས་སུ་ནི་དཀྱིལ་འཁོར་
111a
༄#། །ཀུན་ནས་ཟླུམ་པོར་བྱས་ཏེ། ཨུཏྤ་ལ་སྔོན་པོ་སྡོང་བུ་དང ། འདབ་མ་དང་བཅས་པ་ཀུན་ནས་འབར་བས་མཚན་པའོ། །ཕྱོགས་མཚམས་བཞིར་ཡང་ཕྱག་རྒྱ་བྲི་བར་བྱ་བ་ཡིན་ཏེ། ནུབ་བྱང་གི་ཕྱོགས་སུ་ནི་དཀྱིལ་འཁོར་ཟླུམ་པོ་བྱ་སྟེ། ཞགས་པ་ཀུན་ནས་འབར་བས་མཚན་པའོ། །ལྷོ་ནུབ་ཀྱི་མཚམས་སུ་ནི་དཀྱིལ་འཁོར་གཞུ་འདྲ་བ་བྱ་སྟེ། དབྱུག་པ་ཀུན་ནས་འབར་བས་མཚན་པའོ། །ཤར་ལྷོའི་མཚམས་སུ་ནི་དཀྱིལ་འཁོར་གྲུ་གསུམ་པ་བྱ་སྟེ། དགྲ་སྟ་འོད་ཟེར་ཀུན་ནས་འབར་བས་མཚན་པའོ། །བྱང་ཤར་གྱི་མཚམས་སུ་ནི་རལ་གྲི་འོད་ཀུན་ནས་འབར་བ་གཞག་པར་བྱའོ། །དེ་ལྟར་ཐམས་ཅད་བྲིས་ནས་སྟེང་དང ། འོག་དང ། ཐང་ཀར་ཕྱག་རྒྱ་གསུམ་དཀྱིལ་འཁོར་གྱི་ཕྱི་རོལ་སྒོ་དང་ཉེ་བར་ཕྱེ་མ་དང་བྲི་བར་བྱ་ལ། འདི་ལྟ་སྟེ། ན་བཟའ་དང ། རྔ་ཡབ་དང ། ལྷ་མོ་འོད་ཟེར་ཀུན་ནས་འབར་བ་བྲི་བར་བྱའོ། །འཇམ་པའི་དབྱངས་ནི་བློ་ཅན་གྱིས། །སེམས་ཅན་རྣམས་ལ་ཕན་བཞེད་ནས། །དཀྱིལ་འཁོར་གྱི་ནི་ཆོ་ག་རྣམས། །འདིར་ནི་མདོར་བསྡུས་བསྟན་པ་ཡིན། །དེ་ནས་དཀྱིལ་འཁོར་གྱི་སློབ་དཔོན་གྱིས་དང་པོ་ཉིད་དུ་སློབ་མ་གཟུང་བར་བྱ་བ་ལ། དབང་པོ་མ་ཚང་བ་མེད་པ་དང ། ཡན་ལག་ཐམས་ཅད་མཛེས་པ་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང་
111b
དམངས་རིགས་དང ། བྱང་ཆུབ་ཏུ་སེམས་བསྐྱེད་པ་དང ། ཐེག་པ་ཆེན་པོར་ཞུགས་པའི་རང་བཞིན་ཅན་དང ། ཐེག་པ་དམན་པའི་འདོད་པའི་ངང་ཚུལ་ཅན་དང ། སེམས་དཔའ་ཆེན་པོ་དང ། དད་པ་དང་ལྡན་པ་དང ། དགེ་བའི་ཆོས་ཅན་དང ། རྒྱལ་པོ་ཆེན་པོ་མངོན་པར་འདོད་པ་དང ། ལོངས་སྤྱོད་ཆུང་བ་ལ་སྨོད་པ་དང ། ལོངས་སྤྱོད་ཆེན་པོ་མངོན་པར་འདོད་པ་དང ། ལྡན་པ་དང ། བཟང་བ་དག་དང ། དུལ་བ་དང་ལྡན་པ་དང ། ཚུལ་ཁྲིམས་དང་ལྡན་པའི་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་ཡང་དག་པར་སྡོམ་པ་ལ་ངེས་པར་གནས་པ་དང ། གསོ་སྦྱོང་ལ་ཉེ་བར་གནས་ཤིང་སྡོམ་པ་ལ་གནས་པ་དང ། བྱང་ཆུབ་སེམས་དཔའ་ཆེན་པོ་ལ་ཞེ་མི་སྡང་བ་དང ། ཕྱོགས་ཆེན་པོ་དང ། རིགས་མཐོན་པོ་དང ། རང་བཞིན་ཉིད་ཀྱིས་ཆོས་སྤྱོད་པ་དང ། ཞག་གཅིག་སྨྱུང་བ་བྱས་པ་དང ། གོས་གཙང་མ་བགོས་པ་དང ། སྐྲ་དྲི་ཞིམ་པ་དང ། དུས་གསུམ་དུ་ཁྲུས་བྱེད་པ་དང ། དེའི་ཉིན་ཞག་ལ་ག་པུར་དང ། གུར་གུམ་དང ། ལི་ཤིའི་དྲི་ཞིམ་པོས་དྲི་ཞིམ་པར་བྱས་པ། རྟག་ཏུ་ཉེ་རེག་དང་ལྡན་པ་དང ། ཀུ་ཤའི་ཁྲེས་ལ་འདུག་པ་དང ། སྲུང་བའི་ཆོ་ག་བྱས་པ་དང ། ཚངས་པར་སྤྱོད་པ་དང ། བདེན་པ་དང་ལྡན་པ་དང ། དུས་མཚམས་ལས་རྒྱལ་བ་དཀྱིལ་འཁོར་གྱི་ཕྱི་རོལ་དེ་ཉིད་དུ་ཧ་ཅང་ཡང་མི་ཉེ། ཧ་ཅང་ཡང་
112a
༄#། །མི་རིང་བར་གཞག་པར་བྱའོ། །ཤིན་ཏུ་གཙང་བ་དང ། ཤིན་ཏུ་གཙང་སྦྲ་དང་ལྡན་པ་གཅིག་ནས་བརྒྱད་ཀྱི་བར་ཏེ། དེ་ལས་གཞན་མ་ཡིན་པ་དེ་དག་ཀྱང་ཕན་ཚུན་གཉེན་དུ་འབྲེལ་བ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དག་གི་བུ་གཞོན་ནུ་མའམ། གཞོན་ནུ་གྲོང་གི་ཆོས་མི་ཤེས་པའོ། །དེ་ཅིའི་ཕྱིར་ཞེ་ན། བཅོམ་ལྡན་འདས་གཞོན་ནུའི་གཟུགས་ཅན་བྱང་ཆུབ་སེམས་དཔའ་འཇམ་དཔལ་ནི་བྱིས་པའི་སྐྱེ་བོ་དགའ་བར་བྱེད་པ། གཞོན་ནུའི་རོལ་པ་ལ་དགྱེས་པ་དེས་ན། དང་པོ་ཉིད་དུ་གཞོན་ནུ་ནང་དུ་གཞུག་པར་བྱའོ། །རྒྱལ་པོ་ཆེན་པོ་མངོན་པར་འཕེལ་བ་དང ། ཚེ་དང ། ནད་མེད་པ་དང ། དབང་ཕྱུག་དང ། སྐལ་བ་ཆེན་པོ་མངོན་པར་འཕེལ་བ་ཡིན་ཏེ། ཁྱད་པར་དུ་བྱིས་པ་རྣམས་ལ་ངེས་པར་སྔགས་གྲུབ་པས་གྲུབ་པ་གནས་པ་ཡིན་ཏེ། དེ་དག་སྔར་གཞག་པ་བྱས་ནས་གྲོགས་པོ་བག་ཡོད་པ་བཟང་པོ་དང་ལྡན་པས་དཀྱིལ་འཁོར་གྱི་སློབ་དཔོན་གྱིས་ག་པུར་གྱི་བདུག་པས་བདུགས་ཏེ། རྒྱབ་ཀྱིས་ཕྱོགས་པ་མ་ཡིན་པས་ཕྱི་རོལ་ཏུ་བྱུང་བར་བྱ་སྟེ། བྱུང་ནས་དུས་དང ། ཇི་ལྟར་མཐུན་པའི་ཆུ་ལེགས་པར་གཙང་སྦྲ་བྱས་པ་དང ། སྲོག་ཆགས་མེད་པ་ལ་རྩ་བའི་སྔགས་བརྒྱ་རྩ་བརྒྱད་མངོན་པར་བཟླས་ཏེ། གཙུག་ཕུད་ལྔའི་ཕྱག་རྒྱ་ཆེན་པོས་
112b
ཕྱག་རྒྱར་བྱས་པའི་ཆུས་ཁྲུས་བྱས་ལ་ཉེ་རེག་བྱས་ནས་གོས་གཙང་མ་བགོས་པའི་གཙང་བས་མེ་ཐབ་ཀྱི་དྲུང་དུ་སོང་སྟེ། ཀུ་ཤའི་ཁྲེས་ལ་འདུག་ནས་བྱང་ཤར་གྱི་ཕྱོགས་སུ་མངོན་པར་བལྟས་ཏེ། མར་གྱི་སྦྱིན་སྲེག་ག་པུར་དང ། གུར་གུམ་དང ། ཙནྡན་བསྲེས་པས་སྟོང་རྩ་བརྒྱད་བྱའོ། །སྔར་བཤད་པའི་ཆོགས་སྤྱན་དྲང་བ་དང ། གཤེགས་སུ་གསོལ་བ་བྱ་སྟེ། ཡང་དཀྱིལ་འཁོར་དུ་འཇུག་པར་བྱའོ། །ངེས་པར་ཡང་བུམ་པ་གང་བ་བརྒྱད་རས་གཙང་མའི་གོས་དང་ལྡན་པ། ཤིང་ཨ་མྲའི་ལོ་མ་དང ། འབྲས་བུ་དང་ལྡན་པ། གསེར་དང ། དངུལ་དང ། རིན་པོ་ཆེ་དང ། འབྲས་དང ། འབྲུ་ནང་དུ་བཅུག་པ་གཅིག་བཅོམ་ལྡན་འདས་ཤཱཀྱ་ཐུབ་པ་ལ་དབུལ་ལོ། །གཉིས་པ་ནི་སངས་རྒྱས་ཐམས་ཅད་ལའོ། །གསུམ་པ་ནི་རང་སངས་རྒྱས་ཐམས་ཅད་དང ། འཕགས་པ་ཉན་ཐོས་ལའོ། །བཞི་པ་ནི་བྱང་ཆུབ་སེམས་དཔའ་ཆེན་པོ་ཐམས་ཅད་ལའོ། །ལྔ་པ་ནི་བྱང་ཆུབ་སེམས་དཔའ་ཆེན་པོ་འཕགས་པ་འཇམ་དཔལ་ལའོ། །དྲུག་པ་ནི་ལྷ་ཐམས་ཅད་ལའོ་།བདུན་པ་དང ། བརྒྱད་པ་ནི་དཀྱིལ་འཁོར་གཉིས་པའི་སྒོ་ཁང་ལ་གཞག་པར་བྱ་སྟེ། གཅིག་ནི་འབྱུང་པོ་ཐམས་ཅད་ལའོ། །གཅིག་ནི་སེམས་ཅན་ཐམས་ཅད་ཀྱི་ཐུན་མོང་དུ་གྱུར་བར་བསྔོས་ནས་གཞག་པར་བྱའོ། །དེ་བས་ན་སྔར་བཤད་པའི་ཆོ་
113a
༄#། །གས་སྤྱན་དྲང་བར་བྱའོ། །དེ་བཞིན་དུ་མེ་ཏོག་དང ། བདུག་པ་དང ། དྲི་དང ། མར་མེ་དང ། ལྷ་བཤོས་ཀྱང་སྔར་བསྟན་པ་ཉིད་ཀྱི་ལས་ཀྱིས་དབུལ་བར་བྱ་སྟེ། ཐམས་ཅད་ཀྱི་ཐམས་ཅད་དུ་གོ་རིམས་བཞིན་དུ་བྱའོ། །མར་མེ་འཛིན་པས་མར་གྱི་མར་མེ་གཟུང་བར་བྱའོ། །འཕགས་པ་དང ། འཕགས་པ་མ་ཡིན་པ་ཐམས་ཅད་ལ་ལྷ་བཤོས་ཞེས་སྨོས་པ་ནི་འབྲས་སཱ་ལུའི་ཆན་ཞོ་དང་བཅས་པ་དང ། སྦྲང་རྩི་དང་ལྡན་པའི་འོ་ཐུག་ཁྱད་པར་ཅན་གྱིས་ཉེ་བར་སྦྱར་བའི་མར་ལ་བཙོས་པའི་སྣུམ་ཁུར་གྱིས་འབྲེང་བུ་ལ་སོགས་པ་དང ། ཁཎྜ་ལ་སོགས་པའི་བཟའ་བ་ཐམས་ཅད་ནི་དེ་བཞིན་གཤེགས་པ་རྣམས་ལ་དབུལ་བར་བྱའོ། །མར་གྱིས་གང་བ་དང།་ཙནྡན་གྱི་ཐང་ཆུ་སྦྲང་རྩིའི་སྙིང་པོ་དང ། འོ་མར་བཙོས་པའི་བཟའ་བ་ནི་རང་སངས་རྒྱས་ཐམས་ཅད་དང ། འཕགས་པ་ཉན་ཐོས་དང ། བྱང་ཆུབ་སེམས་དཔའ་ཆེན་པོ་དང ། འཕགས་པའི་ལྷ་ཐམས་ཅད་ལ་དབུལ་བར་བྱའོ། །དེ་བཞིན་དུ་གརྦྷོད་ཨུ་ལོ་པི་ཀ་རི་ཀ་དང ། ཁྱད་པར་དུ་སྣུམ་ཁུར་གྱི་ཡོ་བྱད་འབྱུང་པོ་ཐམས་ཅད་དང ། སེམས་ཅན་ཐམས་ཅད་ལ་སྔགས་དང་ལྡན་པའི་ཆོགས་སྦྱིན་པར་བྱའོ། །དེ་བཞིན་དུ་མེ་ཏོག་དྲི་ཞིམ་པ་སྣ་མའི་མེ་ཏོག་དང ། རྒྱ་སྤོས་དང ། ཀླུའི་མེ་ཏོག་དང ། མེ་ཏོག་བུན་
113b
སྡུག་\?\་ལ་སོགས་པ་སྔར་བསྟན་པ་སངས་རྒྱས་དང ། རང་སངས་རྒྱས་ཐམས་ཅད་དང ། འཕགས་པ་ཉན་ཐོས་དང ། བྱང་ཆུབ་སེམས་དཔའ་ཆེན་པོ་དང ། འཕགས་པ་དང ། འཕགས་པ་མ་ཡིན་པའི་ལྷ་རྣམས་ལ་དབུལ་བར་བྱའོ། །ཁྱད་པར་དུ་དེ་བཞིན་གཤེགས་པའི་རིགས་ལ་ནི་སྣ་མའི་མེ་ཏོག་དང ། པདྨའི་རིགས་ལ་ནི་མེ་ཏོག་པདྨ་དང ། དེ་བཞིན་དུ་རྡོ་རྗེའི་རིགས་ལ་ནི་མེ་ཏོག་ཨུཏྤ་ལ་དང ། ལྷ་གཞན་དག་ལ་ནི་གཞན་གང་ཡང་རུང་བས་དབུལ་བར་བྱའོ། །ག་བུར་གྱི་བདུག་པ་ནི་དེ་བཞིན་གཤེགས་པའི་རིགས་ལའོ། །ཙནྡན་ནི་པདྨའི་རིགས་ལའོ། །དེ་བཞིན་དུ་གུ་གུལ་ནི་གསང་བའི་བདག་པོ་ཕྱག་ན་རྡོ་རྗེ་ལ་ཤེས་པར་བྱའོ། །ལྷ་གཞན་ཐམས་ཅད་ནི་བདུག་པ་ཐ་མ་ལ་བས་བྱའོ། །མར་གྱི་མར་མེ་འཕགས་པ་རྣམས། །ཐམས་ཅད་ལ་ནི་དབུལ་བར་བྱ། །འཕགས་མིན་ལྷ་ནི་ཐམས་ཅད་ལ། དྲི་ཞིམ་འབྲུ་མར་དབུལ་བར་བྱ། །ཆོ་ག་ཇི་བཞིན་རིམ་པས་ནི། །བདུག་པ་མཐོང་བའི་རྒྱུ་ཡིས་སོ། །དེ་ལྟར་གསུངས་པ་དེ་བཞིན་དྲི། །སྔགས་རྣམས་ཀུན་ལ་རྟག་ཏུ་བྱ། །སྤྱན་རས་གཟིགས་ལ་གང་གསུངས་དང ། །གང་གསུངས་ཕྱག་ན་རྡོ་རྗེ་ལ། །རང་རང་གི་ནི་སྔགས་དག་གིས། །སྔགས་སྤྱོད་དོན་དུ་སྒྲུབ་པའོ། །ཆོ་ག་གཅིག་བུ་བལྟ་བྱ་སྟེ། །རྟག་ཏུ་རྗེས་སུ་མཐུན་པར་བྱ། །དེ་ནས་དཀྱིལ་འཁོར་གྱི་སློབ་དཔོན་གྱིས་སྔར་མཐོང་བའི་ཆོ་
114a
༄#། །གས་སྤྱན་དྲང་བ་དང ། མཆོད་པ་དང ། བདུག་པ་ལ་སོགས་པ་བྱས་ནས་གཙོར་མཐུན་པའི་བྱ་བ་བྱས་ཏེ། དེའི་འོག་ཏུ་སྒྲུབ་པའི་གྲོགས་མཆོག་གིས་མཁས་པ་དང ། མྱུར་བས་འབྱུང་པོ་ཐམས་ཅད་པའི་གཏོར་མ་ཤ་མེད་པ། ཀུན་ནས་རྔ་པ་ཊ་ཧ་དང ། དུང་གི་སྒྲ་དགའ་བའི་སྒྲ་སྒྲོགས་པ་ལ་སོགས་པ་དེས་བདུག་པ་དང ། སྤོས་དང ། མེ་ཏོག་དང ། ཕྲེང་བས་བརྒྱན་པའི་ཕྱོགས་བཞི། མཚམས་བརྒྱད། སྟེང་དང ། འོག་དང ། ཐད་ཀ་ཐམས་ཅད་དུ་དཀྱིལ་འཁོར་གྱི་ཕྱི་རོལ་ཏུ་བསྐོར་བ་བྱ་ཞིང་འབྱུང་པོ་ཐམས་ཅད་པའི་གཏོར་མ་རྒྱ་ཆེར་གཏོང་བར་བྱའོ། །དེ་ནས་ཁྲུས་བྱས་ཏེ་ཡང་ཞོ་དང ། སྦྲང་རྩི་དང ། མར་གྱིས་བསྒོས་པའི་སཱ་ལུ་དང ། འབྲས་ཐུག་པོ་ཆེའི་སྦྱིན་སྲེག་རྩ་བའི་སྔགས་ཡི་གེ་དྲུག་པ་དང ། སྙིང་པོས་སྟོང་རྩ་བརྒྱད་བྱའོ། །སྦྱིན་སྲེག་བྱས་ནས་དཀྱིལ་འཁོར་ལ་རྗེས་སུ་བཅུག་ཅིང་སྔར་བཞག་པའི་སེམས་དཔའ་ཆེན་པོ་ལ་སྲུང་བ་བྱས་ནས་དཀྱིལ་འཁོར་གྱི་སློབ་དཔོན་གྱི་སློབ་མ་ཉིད་དུ་ཁས་བླངས་པ། བྱང་ཆུབ་ཏུ་སེམས་བསྐྱེད་པ། གསོ་སྦྱོང་བྱས་པ། སངས་རྒྱས་དང ། བྱང་ཆུབ་སེམས་དཔའ་ལ་བདག་ཉིད་ཀྱི་ལུས་ཕུལ་བ། དངོས་གྲུབ་ཀྱི་ཕྱིར་སེམས་ཅན་ཐམས་ཅད་ཀྱི་ཉེ་བར་ལོངས་སྤྱོད་པ་དང ། ཡོངས་སུ་ལོངས་སྤྱོད་པ་ཐུན་མོང་དུ་གྱུར་པ་དང ། དགེ་བའི་རྩ་བ་བླ་ན་མེད་པའི་བྱང་
114b
ཆུབ་ཀྱི་སྙིང་པོ་གནོན་པར་བྱ་བ་དང ། ཐམས་ཅད་མཁྱེན་པའི་ཡེ་ཤེས་ཀྱི་སངས་རྒྱས་ཐོབ་པར་བྱ་བ་ལ་དཀྱིལ་འཁོར་བསྟན་པར་བྱའོ། །བསྟན་བ་ཙམ་ཉིད་ཀྱིས་སྡིག་པའི་རྙོག་པ་ཐམས་ཅད་ལས་གྲོལ་བར་འགྱུར་ཏེ། མཚམས་མེད་པ་ལྔ་བྱེད་པའི་སྐྱེ་བོ་ཡང་དེ་མ་ཐག་ཏུ་གྲོལ་བར་འགྱུར་རོ། །དེ་ནས་དཀྱིལ་འཁོར་གྱི་སློབ་དཔོན་གྱིས་རས་མ་ཉམས་པ་ཐག་མས་བཏགས་མ་ཐགས་པ་སྐྲ་མེད་པ་ལ་རྩ་བའི་སྔགས་ཀྱིས་ལན་གསུམ་བཟླས་ཏེ། དྲི་ཞིམ་པོའི་ཙནྡན་དང ། གུར་གུམ་གྱིས་བསྒོས་པའི་རས་ཀྱི་གདོང་གཡོགས་པར་བྱའོ། །དང་པོར་བྱིས་པ་ལོ་གསུམ་ནས་ལོ་བཅུ་དྲུག་པའི་བར་ཟུར་ཕུད་ལྔས་ཉེ་བར་མཛེས་པའམ། གཙུག་ཕུད་གཅིག་གིས་ཉེ་བར་མཛེས་པའམ། གཙུག་ཕུད་ཀྱིས་ཉེ་བར་མཛེས་བ་སྐྲ་དང་ལྡན་པ། རྒྱལ་པོའི་བུ་སྤྱི་བོ་ནས་དབང་བསྐུར་བའམ། རྒྱལ་རིགས་ཀྱི་བུའམ། གཞན་བདག་ཉིད་ཆེན་པོ་རྒྱལ་པོ་ཆེན་པོ་འདོད་པ་དཀྱིལ་འཁོར་དུ་གཞུག་པར་བྱའོ། །དཀྱིལ་འཁོར་གཉིས་པ་ལ་ཕྱིན་པ་ན་གདོང་གཡོགས་པར་བྱ་སྟེ། ཨུཏྤ་ལའི་ཕྱག་རྒྱ་བཅིངས་ནས་འཇམ་དཔལ་གཞོན་ནུར་གྱུར་པའི་རྩ་བའི་སྔགས་ལན་གཅིག་བརྗོད་དུ་གཞུག་སྟེ། མེ་ཏོག་དྲི་ཞིམ་པོ་ཙནྡན་དང ། གུར་གུམ་དང་བསྲེས་པ་ཤིན་ཏུ་གཙང་བ་བྱས་པ། ལག་པ་གཉིས་སུ་བྱིན་ལ་མེ་ཏོག་འདོར་དུ་བཞུག་གོ་།གང་དུ་དེའི་མེ་ཏོག་བབས་པ་དེར་དེའི་སྔགས་སྦྱིན་པར་བྱ་
115a
༄#། །སྟེ།་སྔགས་འདི་ནི་དེའི་ཡིན་པར་བསྟན་ཏེ། སྐྱེ་བ་བརྒྱུད་པ་ནས་དེ་དང་རྗེས་སུ་འབྲེལ་བ་ཡིན་ཏེ། དེ་ཉིད་དགེ་བའི་བཤེས་གཉེན་བྱང་ཆུབ་ཀྱི་སྙིང་པོ་ལ་གནོན་པ། བྱང་ཆུབ་སེམས་དཔའ་ཆེན་པོ་ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པའི་དོན་དུ་མངོན་པར་སྒྲུབ་པར་བྱེད་པ། ལོངས་སྤྱོད་ཆེན་པོ་དང ། རྒྱལ་པོ་ཆེན་པོ་དང ། གྲགས་པ་ཆེན་པོ་དང ། གང་ཟག་རྩེ་གཅིག་པར་མངོན་པར་སྒྲུབ་པ་ཡིན་ནོ། །ཚེ་འདི་ཉིད་ལའང་ཆོས་ཐམས་ཅད་ལ་ཐེ་ཚོམ་མེད་པར་བསྒྲུབ་པར་བྱ་བ་འགྲུབ་པར་འགྱུར་རོ། །དེ་བཞིན་དུ་མཐར་གྱིས་དངོས་གྲུབ་འདོད་པས་བརྒྱ་སྙེད་ཀྱི་བར་དུ་བྱ་སྟེ། གཞན་ལ་ནི་མ་ཡིན་ནོ། །གཞན་དག་ལ་ཇི་ལྟར་སྡིག་པ་སྤང་བའི་ཕྱིར་དམ་ཚིག་ཙམ་སྦྱིན་པར་བྱའོ། །དཀྱིལ་འཁོར་གྱི་སློབ་དཔོན་གྱིས་དབང་བསྐུར་ན་དང་པོར་རེ་ཞིག་དཀྱིལ་འཁོར་གྱི་ཕྱི་རོལ་ཧ་ཅང་ཡང་མི་ཉེ། ཧ་ཅང་ཡང་མི་རིང་བར་བྱང་ཤར་གྱིས་ཕྱོགས་སུ་རྩ་བའི་སྔགས་ཀྱིས་དག་པར་བྱས་པས་བྱིན་གྱིས་བརླབ་པར་བྱའོ། །རྒྱལ་པོ་དབང་བསྐུར་བ་བཞིན་དུ་བདག་ཉིད་སེམས་པ་དང ། གཅིག་ཏུ་སངས་རྒྱས་དང ། ཆོས་དང ། དགེ་འདུན་ལ་དད་ཅིང་དང་བ་དང ། སྤྲོ་བ་ཆེན་པོ་དང་ལྡན་པ་དང ། བྱང་ཆུབ་ཀྱི་སེམས་དང་མི་འབྲལ་བ་དང ། ཐེག་པ་ཆེན་པོ་ལ་ཞུགས་པ་
115b
དང།་དཀོན་མཆོག་གསུམ་ལ་ཕན་པར་བྱེད་པ་དང ། དབང་པོ་མཚང་བ་མེད་པ་དང ། མ་སྨད་པ་དང ། ཚེ་འདི་ཉིད་ལ་སྔགས་འགྲུབ་པར་འདོད་པ་དང ། བསམ་པ་བཟང་བ་དང ། སྔགས་ཀྱི་སྤྱོད་པ་ལ་སྤྲོ་བ་དང ། བལྟ་བར་འདོད་པའི་རང་བཞིན་ཅན་དང ། སད་པར་འདོད་པའི་ཕྱིར་ཡང་སྔགས་ཀྱི་དོན་པ་རྣམ་པར་རྟོག་པ་མེད་པ་དང ། དེར་གཏོད་པའི་ཡིད་དང།་གཅིག་ལ་སོགས་པ་ནས་ལྔའི་བར་དུ་དབང་བསྐུར་བར་བྱའོ། །ལྷག་མ་ནི་སྤང་བར་བྱའོ། །ཤེས་རབ་ཅན་དང ། སྤྱོད་པ་ལ་རྨོངས་པ་མེད་པའི་ཁྱད་པར་དང་ལྡན་པ་ལ་དབང་བསྐུར་བར་བྱ་ཡི། གཞན་དག་ནི་མ་ཡིན་ནོ། །དེ་ནས་རྒྱལ་པོ་ཐམས་ཅད་བསྐུར་བ་བཞིན་དུ་ཡོ་བྱད་ཐམས་ཅད་བསོགས་ཏེ། སློབ་དཔོན་མཁན་པོ་མཉེས་ན། དེ་ནས་བླ་རེ་ཆེན་པོ་བྲེས་ཏེ། རྒྱལ་མཚན་དང ། བ་དན་མཐོན་པོ་བསྒྲེང་ཞིང ། གདུགས་དཀར་པོ་དབུ་ལ་འཛིན་པ་དང ། རྔ་ཡབ་དཀར་པོས་གཡོབ་པ་དང ། བཀུར་སྟི་ཆེན་པོས་དུང་དང ། རྔ་བོ་ཆེའི་དགའ་བའི་སྒྲ་སྒྲོགས་ཤིང་རྒྱལ་བའི་སྒྲ་དང ། བཀྲ་ཤིས་ཀྱི་ཚིགས་སུ་བཅད་པ་དང ། བདེ་ལེགས་དང ། རབ་ཏུ་བསྔགས་པའི་ཚིགས་སུ་བཅད་པ་རྒྱལ་བས་གསུངས་པས་མངོན་པར་བསྟོད་པ་དང ། དཀྱིལ་འཁོར་དེ་ལ་བསྐོར་བ་བྱས་ཏེ། སངས་རྒྱས་དང ། བྱང་ཆུབ་སེམས་དཔའ་ལ་ཕྱག་བྱས་ནས། འདི་སྐད་དུ། སློབ་དཔོན། བདག་ནི་སངས་རྒྱས་
116a
༄#། །དང།་བྱང་ཆུབ་སེམས་དཔའི་སྔགས་ཀྱི་སྤྱོད་པ་སྒྲུབ་པ་ལ་ཡང་དག་པར་འཇུག་པ་དང ། འཇིག་རྟེན་ཐམས་ཅད་ལས་ཡང་དག་པར་འདས་པའི་གསང་པའི་རྣམ་པར་ཐར་པའི་དཀྱིལ་འཁོར་ལ་ཡང་དག་པར་འཇུག་པ་དང ། ཆོས་ཀྱི་རྒྱལ་སྲིད་ཐམས་ཅད་ཀྱི་སངས་རྒྱས་ཉིད་རྟོགས་པར་འདོད་པ་དང ། མདོར་ན། སངས་རྒྱས་ཉིད་དུ་འགྱུར་བར་བྱ་བའི་ཕྱིར་རོ་ཞེས་བརྗོད་པར་བྱའོ། །དེ་ནས་ཀུ་ཤའི་ཁྲེས་ལ་འདུག་སྟེ། ཤར་གྱི་ཕྱོགས་སུ་ཕྱོགས་ཏེ་དཀྱིལ་འཁོར་ལ་བལྟ་ཞིང ། དང་པོར་རེ་ཞིག་རིག་པའི་དབང་བསྐུར་བ་བྱིན་ཏེ། ཕྱག་རྒྱ་ཆེན་པོ་གཙུག་ཕུད་ལྔ་འཆིང་དུ་གཞུག་པར་བྱའོ། །དེ་ནས་རང་འདོད་པའི་སྔགས་གང་དང ། གང་ལ་དགའ་བ་གྲོ་གའི་འདབ་མ་ལ་གི་ཝང་གིས་བྲི་བར་བྱ་སྟེ། བྲིས་ནས་ཀྱང་ཙནྡན་དང ། གུར་གུམ་གྱི་ཆུས་ལག་པ་དང ། ཁམ་པོར་ཁ་སྦྱར་བཀྲུས་ལ། དེ་ནས་གྲོ་གའི་འདབ་མ་དེ་ཁམ་ཕོར་ཁ་སྦྱར་གྱི་ནང་དུ་གཞག་པར་བྱས་པ་དཀྱིལ་འཁོར་གྱི་ནང་དུ་བྱང་ཆུབ་སེམས་དཔའ་འཇམ་དཔལ་གྱི་ཞབས་དྲུང་དུ་གཞག་པར་བྱའོ། །དེ་ནས་ཀུ་ཤ་དེ་ལ་གནས་ནས་རིག་པའི་རྩ་བའི་སྔགས་བརྒྱ་རྩ་བརྒྱད་སྔ་མ་ཉིད་དུ་བཟླ་བར་བྱའོ། །དེ་ནས་ཀུ་ཤའི་ཁྲེས་ལ་འདུག་པ་ལ་དབང་བསྐུར་བར་བྱ་སྟེ། ཕྱི་རོལ་གྱི་དཀྱིལ་འཁོར་ལ་གང་སེམས་ཅན་ཐམས་ཅད་
116b
དང་ཐུན་མོང་དུ་གྱུར་པའི་བུམ་པ་གང་བ་སྒོ་དང་ཉེ་བར་སྔར་བཞག་པ་བླངས་ཏེ། སློབ་དཔོན་གྱིས་རྩ་བའི་སྔགས་བརྗོད་པས་སྤྱི་བོ་ནས་དབང་བསྐུར་བར་བྱའོ། །གཞན་དག་ལ་ནི་ཇི་ལྟར་འདོད་པའི་ཆུས་སོ། །དེ་ནས་ཁམ་པོར་ཁ་སྦྱར་དེ་དེ་ལ་སྦྱིན་པར་བྱ་སྟེ། མར་མེ་ལ་ཀློག་ཏུ་གཞུག་པར་བྱའོ། །གལ་ཏེ་དེ་ཉིད་ཡིན་ན་ནི་རིམ་གྱིས་འབད་པས་འགྲུབ་པར་འགྱུར་རོ། །ཡང་ན་ཇི་སྟེ་གཞན་ན་ནི་སྔགས་བཟླས་པ་ཁོ་ནས་འགྲུབ་པར་འགྱུར་རོ། །ཡང་ན་ཡི་གེའི་ཡན་ལག་ཉམས་བའམ། ལྷག་པ་བྱིན་ན་ནི་དང་པོ་སྒྲུབ་པ་ཁོ་ན་ལ་འགྲུབ་པར་ཐེ་ཚོམ་མེད་དོ། །དེ་ལྟར་སློབ་དཔོན་གྱིས་སྔར་བྲིས་པའི་སྒྲུབ་པ་གསུམ་གྱིས་ངེས་པར་འགྲུབ་པར་ཐེ་ཚོམ་མེད་དོ། །དེ་བཞིན་དུ་དང་པོས་ནི་རིག་པའི་དབང་བསྐུར་བ་སྦྱིན་པར་བྱའོ། །དཀྱིལ་འཁོར་གཉིས་པ་ལ་དབང་བསྐུར་བ་ནི་གཉིས་པའི་དཀྱིལ་འཁོར་དུ་ལྷ་ཐམས་ཅད་ལ་བསྟབས་པའི་སྔར་གྱི་བུམ་པ་དེས་དབང་བསྐུར་བར་བྱའོ། །སྤྱི་པོ་ལ་སྔར་གྱི་ཆོ་ག་ཇི་ལྟ་བ་དེ་ཉིད་ཀྱིས་བྱས་ན་སྡིག་པའི་རྙོག་པ་ཐམས་ཅད་ལས་གྲོལ་བར་འགྱུར་ཏེ། སངས་རྒྱས་བཅོམ་ལྡན་འདས་ཐམས་ཅད་ཀྱིས་གནང་ཞིང ། སངས་རྒྱས་དང།་བྱང་ཆུབ་སེམས་དཔའ་ཐམས་ཅད་ཀྱིས་འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་དམ་ཚིག་དང ། དཀྱིལ་འཁྲོ་དང ། སྔགས་དང ། ཕྱག་རྒྱ་ཐམས་
117a
༄#། །ཅད་སྒྲུབ་པ་ལ་བྱིན་གྱིས་བརླབས་པར་འགྱུར་ཞིང་སློབ་དཔོན་དུ་དབང་བསྐུར་བ་སྦྱིན་ནོ། །དཀྱིལ་འཁོར་གསུམ་པ་ལ་ནི་རང་སངས་རྒྱས་ཐམས་ཅད་དང ། ཉན་ཐོས་ཐམས་ཅད་ལ་ཕུལ་བའི་བུམ་པ་གང་བ་དེ་ཉིད་ཀྱི་ཆོ་གས་སྤྱི་བོ་ནས་དབང་བསྐུར་བར་བྱའོ། །སངས་རྒྱས་དང ། བྱང་ཆུབ་སེམས་དཔའ་རྫུ་འཕྲུལ་ཆེན་པོ་དང་ལྡན་པ་ཐམས་ཅད་ཀྱིས་འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་སྔགས་རྒྱུད་དག་འདོན་པ་དང ། དཀྱིལ་འཁོར་བྲི་བ་དང ། སྟོན་པ་དང ། ཕྱག་རྒྱ་དང ། སྤྱོད་པ་སྟོན་པ་དང ། རང་ཉིད་སྤྱོད་ཅིང་སྟོན་པར་ཁྱོད་ལ་རྗེས་སུ་གནང་ཞིང་བརྗོད་པར་བྱ་བ་ཡང་ཚེ་འདི་ཉིད་ལ་ཡིན་ལ། ཕྱི་ནས་སྐྱེ་བ་བརྒྱུད་པ་དག་ལ་ནི་སངས་རྒྱས་ཉིད་ཐོབ་པར་འགྱུར་བ་ཡིན་ནོ། །དེ་བཞིན་དུ་རྒྱལ་བ་དང ། རྣམ་པར་རྒྱལ་བའི་དབང་བསྐུར་བ་ཡང་སྔར་བསྟན་པའི་ཆོགས་སངས་རྒྱས་བཅོམ་ལྡན་འདས་ལ་སྔར་ཕུལ་བའི་བུམ་པ་དང ། བྱང་ཆུབ་སེམས་དཔའ་ལ་ཕུལ་བའི་བུམ་པ་གང་བས་ཀྱང་དེ་བཞིན་དུ་དབང་བསྐུར་རོ། །སངས་རྒྱས་བཅོམ་ལྡན་འདས་ཐམས་ཅད་དང ། བྱང་ཆུབ་སེམས་དཔའ་ཆེན་པོ་དང ། ཉན་ཐོས་རྣམས་ཀྱིས་ཀྱང་དེ་བཞིན་དུ་བརྗོད་པར་བྱ་ཞིང་ཁྱོད་ལ་རྗེས་སུ་གནང་བ་ཡིན་ནོ། །འབྱུང་པོ་ཐམས་ཅད་ཀྱིས་རབ་ཏུ་ཐུབ་པར་དཀའ་ཞིང་
117b
ལུས་ཅན་ཐམས་ཅད་ཀྱིས་མི་ཕམ་པ་དང ། སྔགས་པ་ཐམས་ཅད་ལས་ཁྱོད་རྒྱལ་བ་དང ། ཇི་ལྟར་འདོད་པ་སྒྲུབས་ཤིག་པའོ། །དེ་ནས་དཀྱིལ་འཁོར་གྱི་སློབ་དཔོན་གྱིས་རེ་རེ་ལ་ཡང་ཇི་ལྟར་འདོད་པ་བཞིན་དུ་དབང་བསྐུར་བ་ལྔ་སྦྱིན་པར་བྱའོ། །སེམས་ཅན་རྣམས་ལ་ཡང་ལྔ་པོ་ཉིད་ཀྱིས་བྱའོ། །དེ་དག་མཐར་གྱིས་དཀྱིལ་འཁོར་ལ་བཅུག་སྟེ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཕུལ་ནས་དཀྱིལ་འཁོར་ལ་བསྐོར་བ་ལན་གསུམ་བྱས་ཏེ་སླར་གཏང་བར་བྱའོ། །དེ་ལས་གཞན་པའི་ཉིན་ཞག་ལ་མཐར་གྱིས་སྔགས་ཀྱི་སྤྱོད་པ་ལ་བསླབ་པར་བྱ་ཞིང་སྦྱར་བར་བྱའོ། །སྐད་ཅིག་དེ་ཉིད་ལ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་སྔར་ཕུལ་བའི་བུམ་པ་གང་བ་བླངས་ནས་དཀྱིལ་འཁོར་དུ་ཞུགས་བ་དེ་དག་ལ་ཆུ་ཁྱོར་བ་གསུམ་ཤར་དུ་མངོན་པར་བལྟ་བར་བྱ་བ་ལ་བླུད་པར་བྱའོ། །འདི་སྐད་དུ་བརྗོད་པར་བྱ་སྟེ། ཀྱེ། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པའི་གསང་བའི་དམ་ཚིག་ལས་འདས་པར་གྱུར་ནས། བསོད་ནམས་མ་ཡིན་པ་མང་པོ་སྐྱེ་བར་མ་བྱེད་ཅིག་།སྔགས་ཐམས་ཅད་ཀྱང་འདོར་བར་མ་བྱེད་ཅིག་།སངས་རྒྱས་དང ། བྱང་ཆུབ་སེམས་དཔའ་དག་ཀྱང་སླུ་བར་མ་བྱེད་ཅིག་།བླ་མ་མཉེས་པར་གྱིས་ཤིག་།གཞན་
118a
༄#། །དུ་དམ་ཚིག་ལས་འདས་པར་གྱུར་ན་སྔགས་འགྲུབ་པར་མི་འགྱུར་ཞིང་བསོད་ནམས་མ་ཡིན་པ་མང་པོ་འགྱུར་རོ་ཞེས་དེ་ལྟར་སྨྲས་ལ་གཏང་བར་བྱའོ། ། དེ་ནས་དཀྱིལ་འཁོར་གྱི་སློབ་དཔོན་གྱིས་ཀྱང་ཞོ་དང ། སྦྲང་རྩི་དང ། མར་གྱིས་བཏགས་པའི་སཱ་ལུ་དང ། འབྲས་ཐུགས་པོ་ཆེའི་སྲེག་བླུགས་གྱིས་ཡི་གེ་བརྒྱད་པའི་སྙིང་པོ་དང།་སྦྱིན་སྲེག་བྱའོ། །དེ་ནས་ལངས་ནས་དཀྱིལ་འཁོར་གྱི་དབུས་སུ་ཞུགས་ཏེ། སྔར་བསྟན་པའི་མེ་ཏོག་གིས་སྡེར་བསྟན་པའི་ཆོགས་ལྷ་ཐམས་ཅད་ཡིད་ལ་བྱ་སྟེ། མཆོད་ཡོན་དབུལ་ལོ། །བདུག་པས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། རང་སངས་རྒྱས་དང ། འཕགས་པ་ཉན་ཐོས་ཐམས་ཅད་དང ། ལྷ་དང།་ཀླུ་དང ། གནོད་སྦྱིན་དང ། ནམ་མཁའ་ལྡིང་དང ། དྲི་ཟ་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། སྲིན་པོ་དང ། ཤ་ཟ་དང ། འབྱུང་པོ་དང ། རྣལ་འབྱོར་པ་དང།་གྲུབ་པ་དང ། དྲང་སྲོང་རྣམས་དང ། སེམས་ཅན་ཐམས་ཅད་ཡང་དག་པར་བདུག་ནས་མེ་ཏོག་གཏོར་ཏེ། ཙནྡན་དང ། གུར་གུམ་གྱིས་བསངས་ལ་སྔར་བསྟན་པའི་ཆོགས་སླར་གཤེགས་སུ་གསོལ་བར་བྱ་སྟེ། སེམས་ཀྱིས་ཐམས་ཅད་གཏང་བ་ཡིན་ནོ། །དེ་ནས་དཀྱིལ་འཁོར་གྱི་སློབ་དཔོན་གྱིས་བཤོ་ས་དང ། གཏོར་མ་
118b
དང ། ས་ཚོན་ཐམས་ཅད་ཆུ་བོར་དོར་བར་བྱ་བ་འམ། སྲོག་ཆགས་སྡུག་བསྔལ་བ་རྣམས་ལ་སྦྱིན་པར་བྱའོ། །ས་ཕྱོགས་དེ་ལེགས་པར་བྱུགས་ཤིང་འཇམ་པར་བྱས་ཏེ། ལེགས་པར་ཕྱག་པ་བྱས་ནས་བ་ལང་གི་ལྕི་བས་བྱུག་ཏུ་གཞུག་པའམ། ཆུས་བྱུག་པར་བྱ་བ་འམ། ཤིན་ཏུ་གཙང་བའི་སས་བྱུག་པའམ། བྱེ་མས་གཏོར་བར་བྱས་ལ། དེ་ནས་ཇི་ལྟར་འདོད་པར་འགྲོ་བར་བྱའོ། །དཀྱིལ་འཁོར་ལ་ཞུགས་པ་དེས་བདག་ཉིད་འོ་མ་དང ། འབྲས་ཟན་གྱི་ཟས་སམ། ལྷ་ལ་དབུལ་བའི་ཁ་ཟས་བཟའ་བར་བྱའོ། །བྱང་ཆུབ་སེམས་དཔའི་སྡེ་སྣོད་ཆོ་ག་ཞིབ་མོའི་རྒྱལ་པོའི་དབང་པོ་ལས། འཇམ་དཔལ་གཞོན་ནུར་གྱུར་པའི་རྣམ་པར་འཕྲུལ་པ་བྱང་ཆུབ་སེམས་དཔའི་ལེའུ་རབ་འབྱམས་ལས། དཀྱིལ་འཁོར་གྱི་ཆོ་ག་བསྟན་པ་སྟེ། ལེའུ་གཉིས་པ་རྫོགས་སོ།། །།དེ་ནས། གཞན་ཡང ། འཇམ་དཔལ་གཞོན་ནུར་གྱུར་པས་གནས་གཙང་མའི་གཞལ་མེད་ཁང་གི་འཁོར་གྱི་དཀྱིལ་འཁོར་ཆེན་པོ་འདུས་པ་ལ་གཟིགས་ནས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བཙལ་ཏེ། ཡི་གེ་གཅིག་པ་མཆོག་ཏུ་གསང་བ། དུག་ཐམས་ཅད་འཇོམས་པར་བྱེད་པ། ལས་ཐམས་ཅད་བྱེད་པ། སྔགས་དང ། དཀྱིལ་འཁོར་ཆུང་ངུ་སྒྲུབ་པའི་ཐབས་དང ། ལས་ཕྲན་ཚེགས་ཐམས་ཅད་ལ་ཉེ་བར་སྦྱར་བར་བྱ་བ་སྨྲས་སོ། །
119a
༄#། །དེ་ཡང་གང་ཞེ་ན། ན་མཿ ་ས་མནྟ་བུད་དྷཱ་ནཱཾ། ཏདྱ་ཐཱ། ཨོཾ་ཛ། གྲོགས་པོ་དག་།འདི་ནི་འབྱུང་པོ་ཐམས་ཅད་ཉོན་ཅིག་།སྔགས་འདི་ཉིད་ནི་ཡི་གེ་གཅིག་གི་དཀྱིལ་འཁོར་གཉིས་པའི་ཆོ་ག་ཐམས་ཅད་དུ་དགོས་པ། ཁྲུ་བརྒྱད་དམ། ཁྲུ་བཞི་སའི་ཕྱོགས་ཡང་དག་པར་བྱས་ལ། ཚོན་སྣ་ལྔའི་ཕྱེ་མས་རང་ཉིད་ཀྱིས་བྲི་བར་བྱ་སྟེ། གཞན་གྱིས་ནི་མ་ཡིན་ཏེ། གང་དེ་དང ། དེ་དག་ཏུའང་འདིར་ནི་ངེས་པ་མེད་དོ། །དཀྱིལ་འཁོར་གྲུ་བཞི་མཉམ་པོས་ཉེ་བར་མཛེས་པ། གཙུག་ཕུད་ལྔའི་ཕྱག་རྒྱ་ཆེན་པོ་དང་པོར་རེ་ཞིག་བྲིའོ། །བཅོམ་ལྡན་འདས་འཇམ་དཔལ་གཞོན་ནུར་གྱུར་པའི་ཨུཏྤ་ལའི་ཕྱག་རྒྱ་དང ། མཆེ་བའི་ཕྱག་རྒྱ་དང ། ཞལ་གྱི་ཕྱག་རྒྱ་དང ། དབུག་པའི་ཕྱག་རྒྱ་སྟེ། ཕྱག་རྒྱ་འདི་དག་དཀྱིལ་འཁོར་གྱི་ནང་དུ་ཤར་གྱི་ཆར་བྲི་བར་བྱའོ། །དེ་ནས་པདྨ་དང ། རྡོ་རྗེ་དང ། ུཏྤ་ལ་དང་ཕྱག་མཚན་དང ། བ་དན་དང ། གདུགས་དང ། རྟ་བབས་དང ། ཤིང་རྟ་དང ། གླང་པོ་ཆེ་དང ། རྟ་དང ། གླང་དང ། མ་ཧེ་དང ། སཝ་སྟི་ཀ་དང ། རྨ་བྱ་དང ། ར་དང ། ལུག་དང ། སྐྱེས་བུ་གཞོན་ནུའི་གཟུགས་ཅན་ཕྱི་རོལ་གྱི་སྒོའི་རྩ་བར་བྲི་བར་བྱ་སྟེ། མཐར་གྱིས་རིམ་པ་ལ་བརྟེན་ནས་བྲིས་ཏེ། དཀྱིལ་འཁོར་གསུམ་ལ་བརྟེན་ནས་དེ་ལྟར་བྲི་བར་བྱའོ། །དེ་ནས་ཡི་གེ་གཅིག་པའི་སྔགས་ཉིད་ཀྱིས་ཤར་ལྷོའི་
119b
ཕྱོགས་ཀྱི་ཆར་མེའི་ལས་བྱ་སྟེ། ཤིང་ཨ་པ་མྲྒའི་ཡམ་ཤིང་ཞོ་དང ། སྦྲང་རྩི་དང ། མར་ལ་བཏགས་པས་སྟོང་རྩ་བརྒྱད་སྦྱིན་སྲེག་བྱའོ། །དེ་ནས་མེ་ཏོག་གི་མཆོད་ཡོན་དབུལ་ལོ། །ཡི་གེ་གཅིག་པའི་སྔགས་ཉིད་ཀྱིས་ཇི་ལྟར་འདོད་པར་གཏོར་མ་དང ། ལྷ་བཤོས་དང ། མར་མེ་དང ། བདུག་པ་དང ། སྤྱན་དྲང་བ་དང ། གཤེགས་སུ་གསོལ་བ་རྣམས་བྱའོ། །དེ་ནས་རྒྱལ་སྲིད་འདོད་པས་ནི་གྲོང་ཁྱེར་གྱི་དབུས་སུ་བྲི་བར་བྱའོ། །ལོངས་སྤྱོད་འདོད་པས་ནི་ཤིང་ཨ་མྲའི་དྲུང་དུའོ། །བུ་འདོད་པས་ནི་བོ་དེ་རྩེའི་ཤིང་གི་དྲུང་དུའོ། །ཆུང་མ་དང ། གླང་པོ་ཆེ་དང ། རྟ་འདོད་པས་ནི་གླང་པོ་ཆེའི་བྲེས་སྐྱུའམ། རྟའི་བྲེས་སྐྱུར་རོ། །ཆུ་འདོད་པས་ནི་མཚོ་ཆེན་པོའམ། ཀླུའི་གནས་སུའོ། །ཉིན་བཞི་པའི་རིམས་སམ།་རྟག་པའི་རིམས་སམ། རིམས་ཐམས་ཅད་ལ་རྟགས་གཅིག་པའམ། གྲོང་གི་གཡས་ཕྱོགས་སུའོ། །སྲིན་པོས་ཟིན་པ་ལ་ནི་དུར་ཁྲོད་དམ། ཁང་པ་སྟོང་པར་བྱའོ། །ཡང་སྲིན་པོས་ཟིན་པ་ལ་ནི་བ་རུ་རའི་ཤིང་གི་དྲུང་ངམ། ཨེ་རཎྜའི་ཤིང་གི་དྲུང་དུ་བྱའོ། །མ་མོ་ཐམས་ཅད་ཀྱིས་ཟིན་པ་ལ་ནི་བཞི་མདོ་འམ། ཤི་བའི་ཁྱིམ་དང ། བུ་བཙས་པའི་ཁྱིམ་དུ་ཉེ་བར་བྱའོ། །ཚངས་པའི་སྲིན་པོས་ཟིན་པ་ལ་ཏ་ལའི་ཤིང་དུའོ། །སྦྱར་བའི་དུག་འབྱིན་པ་ལ་ནི་ཡི་གེ་གཅིག་པའི་སྔགས་ཀྱིས་ཆུ་ལ་ལན་གསུམ་སྔགས་པ་བྱ་སྟེ། དཀྱིལ་འཁོར་དེ་
120a
༄#། །ཉིད་དུ་བླུད་པ་བྱས་ན་གྲོལ་བར་འགྱུར་རོ། །དེ་བཞིན་དུ་བུད་མེད་དམ། སྐྱེས་པ་གྲགས་པ་འདོད་པ་ལ་ནི་བཞི་མདོ་འམ། བྲམ་ཟེ་གནས་པར་བྲི་བར་བྱའོ། །བུ་ཤི་བ་ལ་ནི་ཤིང་འབྲས་བུ་ཅན་ནམ། འོ་མ་ཅན་གྱིས་ཤིང་དྲུང་དུའོ། །འབྲས་སཱ་ལུ་སྨིན་པའི་ས་དང ། ཞིང་གི་དབུས་སུ་ནི་བུ་མེད་པ་ལ་བྲི་བར་བྱའོ། །ནད་རྣམ་པ་གསུམ་བདག་གིར་བྱས་པ་དང ། གཞན་གྱིས་ཉམས་པ་ལ་ནི་འཇུག་དོགས་ལ་སོགས་པ་ལའོ། །ནད་ཆེན་པོས་བཏབ་པ་ལ་ནི་དཀྱིལ་འཁོར་ཆུ་བོའི་ངོགས་དང ། འགྲམ་དུ་བྱའོ། །ནད་ཐམས་ཅད་ཀྱིས་ཐམས་ཅད་དུ་བཏབ་པ་ལ་ནི་རིའི་རྩེ་མོར་བྲི་བར་བྱའོ། །མཁའ་འགྲོ་མས་བྱས་པ་ལ་ཡང་བྲམ་ཟེའི་ལྡུམ་ར་འམ། ཁང་པ་སྟོང་པ་འམ། གནས་དབེན་པ་གཞོལ་པའི་ས་ཕྱོགས་སུ་བྱའོ། །དེ་བཞིན་དུ་ལས་ཐམས་ཅད་ལ་ནམ་ཕྱེད་དམ། དུས་ཐམས་ཅད་དུ་མངོན་པར་བྲི་བར་བྱའོ། །ཡི་གེ་གཅིག་བ་དེ་ཉིད་ཀྱི་སྔགས་ཀྱིས་མེ་ཏོག་གི་མཆོད་ཡོན་ཕུལ་ཏེ་གཤེགས་སུ་གསོལ་ལ། དཀྱིལ་འཁོར་ལ་ཆུས་གཏོར་བ་བྱས་ན་ནད་ཐམས་ཅད་བསྲུང་བ་ཆེན་པོས་བྱས་པར་འགྱུར་ཏེ། ནད་ཐམས་ཅད་ལས་གྲོལ་བར་ཡང་འགྱུར་རོ། །བུ་མེད་པས་ནི་བུ་རྙེད་ཅིང ། །སྐལ་མེད་རྣམས་ཀྱང་སྐལ་ལྡན་འགྱུར། །དབུལ་པོ་རྣམས་ཀྱིས་ནོར་ཐོབ་པ། །དཀྱིལ་འཁོར་མཐོང་བ་ཙམ་
120b
གྱིས་སོ། །སྐྱེས་པའམ་ཡང་ན་བུད་མེད་ཀྱང ། །ཐོས་ནས་ཐེ་ཚོམ་མེད་བྱས་ན། །ཅི་འདོད་རྣམ་པ་སྣ་ཚོགས་ནི། །ཐོབ་འགྱུར་རྟག་ཏུ་ཕུན་སུམ་ཚོགས། །བྱང་ཆུབ་སེམས་དཔའི་སྡེ་སྣོད་ཀྱི་ཆོ་ག་རབ་འབྱམས་ལས། འཇམ་དཔལ་གཞོན་ནུར་གྱུར་བའི་རྩ་བ་ལས་ཀྱི་དཀྱིལ་འཁོར་གསུམ་པའི་ཆོ་གའི་ལེའུ་སྟེ་གསུམ་པ་རྫོགས་སོ།། །།དེ་ནས་འཇམ་དཔལ་གཞོན་ནུར་གྱུར་པས་ཐམས་ཅད་དང་ལྡན་པའི་གནས་གཙང་མ་ལ་གཟིགས་ནས། གཞན་ཡང ། འཁོར་གྱི་དཀྱིལ་འཁོར་ཆེན་པོ་དེར་འདུས་པ་ལ་ཡང་གཟིགས་ཏེ། བཅོམ་ལྡན་འདས་ཤཱཀྱ་ཐུབ་པའི་ཞབས་གཉིས་ལ་བཅུད་ནས་ཞལ་འཛུམ་པ་དང་ལྡན་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་ཅན་ཐམས་ཅད་ལ་ཕན་པའི་ཕྱིར་སྔགས་ཀྱི་སྤྱོད་པའི་ཆོ་ག་སྒྲུབ་པའི་རྒྱུ་མཐུན་པ། ཆོས་ཀྱི་ཆར་ཇི་ལྟར་འདོད་པའི་འབྲས་བུ་སྒྲུབ་པའི་ཆོ་ག་རབ་འབྱམས་ལས། རས་ཀྱི་རི་མོའི་ཆོ་ག་བསོད་ནམས་བླ་ན་མེད་པ་བསྐྱེད་པ། ཡང་དག་པར་རྫོགས་པའི་བྱང་ཆུབ་ཀྱི་ས་བོན་མངོན་པར་སྒྲུབ་པར་བྱེད་པ། མདོར་ན། བསམ་པ་ཐམས་ཅད་ཡོངས་སུ་རྫོགས་པར་བྱེད་པ། སྔགས་ཐམས་ཅད་ཀྱི་འབྲས་བུ་ལ་རབ་ཏུ་སྦྱོར་ཞིང་འབྲས་བུ་དང་བཅས་པར་བྱེད་པ། དོན་མེད་པ་མ་ཡིན་པ་གྲུབ་ཅིང་སྒྲུབ་པར་བྱེད་པ། བྱང་ཆུབ་སེམས་དཔའ་
121a
༄#། །ཐམས་ཅད་ཀྱི་སྤྱོད་པ་ཡོངས་སུ་རྫོགས་པར་བྱེད་པ། བྱང་ཆུབ་སེམས་དཔའ་ཆེན་པོའི་གོ་ཆ་བགོས་པ། བདུད་ཐམས་ཅད་ཀྱི་སྟོབས་ཟིལ་གྱིས་མནན་ཅིང་རྒྱབ་ཀྱིས་ཕྱོགས་པར་བྱེད་པ། བདག་དང ། སེམས་ཅན་ཐམས་ཅད་ལ་ཐུགས་བརྩེ་བའི་ཕྱིར་དེ་ལེགས་པར་བཤད་དུ་གསོལ། འཇམ་དཔལ་གཞོན་ནུར་གྱུར་པས་དེ་སྐད་ཅེས་གསོལ་བ་དང ། དེ་ནས་བཅོམ་ལྡན་འདས་ཤཱཀྱ་ཐུབ་པས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་གཞོན་ནུར་གྱུར་པ། ཁྱོད་སྐྱེ་བོ་མང་པོ་ལ་ཕན་པའི་ཕྱིར་ཞུགས་པ་དང ། འཇིག་རྟེན་ལ་སྙིང་བརྩེ་བའི་ཕྱིར་གང་ཁྱོད་དེ་བཞིན་གཤེགས་པ་ལ་དོན་འདི་འདྲི་བར་སེམས་པ་ནི་ལེགས་སོ། །ལེགས་སོ། །དེ་ཤིན་ཏུ་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་བཤད་པར་བྱའོ། །ཁྱོད་ཀྱི་རས་རིས་ཀྱི་ཆོ་ག་རབ་འབྱམས་སྔགས་ཐམས་ཅད་སྒྲུབ་པར་བྱེད་པ་ལ་རབ་ཏུ་འཇུག་པ་མཐར་གྱིས་ངས་བཤད་པར་བྱའོ། །སྔོན་ཡང་དེ་བཞིན་གཤེགས་པ་ཐམས་ཅད་ཀྱིས་བསྟན་ཏེ་ད་ལྟར་ཡང་ངས་བཤད་པར་བྱའོ། །དང་པོར་རེ་ཞིག་སའི་ཕྱོགས་གཙང་བ་རྡུལ་མེད་པ་ལས་རས་བལ་ཡང་དག་པར་བླངས་ལ། དམ་ཚིག་ལ་ཞུགས་པའི་སེམས་ཅན་རྣམས་ཀྱིས་རས་བལ་དེ་ཡང་
121b
དག་པར་དག་པར་བྱས་ཏེ། ཡང་སྔགས་འདིས་དཀྱིལ་འཁོར་གྱིས་བརྒྱ་རྩ་བརྒྱད་དུ་སྔགས་པར་བྱའོ། །ན་མཿ ས་མནྟ་བུད་དྷཱ་ནཱཾ། བོ་དྷི་སཏྭ་ཨ་པྲ་ཏི་ཧ་ཏ་ག་ཏི་མ་ཏི་པྲ་ཙཱ་རི་ཎཱཾ། ན་མཿ སཾ་ཤོ་དྷ་ན་དུཿ ཁ་པྲ་ཤ་མ་ནེནྡྲ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱ་སྶཾ་བུད་དྷཱ་ཡ། ཏ་དྱ་ཐཱ། ཨོཾ་ཤོ་དྷ་ཡ་སཾ་ཤོ་དྷ་ཡ། སརྦ་བིགྷྣཾ་གྷ་ཏ་ཀ་མ་ཧཱ་ཀཱ་རུ་ཎི་ཀ་ཀུ་མཱ་ར་རཱུ་པ་དྷ་རི་ཎི། བི་ཀུརྦ་བི་ཀུརྦ། ས་མ་ཡ་མ་ནུ་སྨ་ར་ཏིཥྛ་ཏིཥྛ་ཧཱུཾ་ཧཱུཾ་ཕཌ་ཕཌ་སཝཱཧཱ། དེ་ནས་གྲོང་གི་ཆོས་མི་ཤེས་པའི་གཞོན་ནུ་མ་བྲམ་ཟེའི་རིགས་དང ། རྒྱལ་རིགས་སུ་སྐྱེས་པ་དང ། རྗེའུའི་རིགས་སུ་སྐྱེས་པ་དང ། རིགས་ངན་པའི་སྐྱེ་གནས་ཡོངས་སུ་སྤངས་པ། དབང་པོ་མཚང་བ་མེད་པ། ཡན་ལག་ཐམས་ཅད་མཛེས་པ། ཕ་དང ། མས་རྗེས་སུ་གནང་བ། གསོ་སྦྱོང་བྱས་པ། བྱང་ཆུབ་ཏུ་སེམས་བསྐྱེད་པ། སྙིང་རྗེ་དང་ལྡན་པ། བཞིན་དཀར་བ། ཁ་དོག་གཞན་རྣམ་པར་སྤངས་པ། མདོར་ན། བུད་མེད་ཀྱི་མཚན་ཉིད་རབ་ཏུ་ཞི་བའི་མཚན་ཉིད་ཀྱིས་མཚན་པ། ཤིན་ཏུ་ཉིན་ཞག་ཤིས་པ་དང ། ཟླ་བ་ཡར་ངོ་དང ། གཟའ་བཟང་པོ་བལྟས་ཏེ། དུ་བ་དང ། ཁུག་རྣ་མེད་ཅིང་སྤྲིན་དང་བྲལ་བ། རླུང་མེད་ཅིང་གཙང་བའི་ས་ཕྱོགས་སུ་སྔར་བསྟན་པའི་གཞོན་ནུ་མ་ཁྲུས་བྱས་ཤིང་གོས་གཙང་མ་བགོས་ཏེ། གོས་ཀྱི་ལེགས་པར་བཀབ་པ་བྱས་པ་ལ་སྔགས་འདི་ཕྱག་
122a
༄#། །རྒྱ་ཆེན་པོ་དང་ལྡན་པས་བསྲུང་བར་བྱ་སྟེ། ཙནྡན་དཀར་པོ་དང ། གུར་གུམ་སྲོག་ཆགས་མེད་པའི་ཆུ་དང་སྦྱར་བས་རས་བལ་དེ་དང ། བུ་མོ་དེ་སྔགས་དེ་ཉིད་ཀྱིས་ཡང་དག་པར་སྦྱངས་ཏེ་གཏོར་ལ་ཙནྡན་དཀར་པོ་དང ། གུར་གུམ་གྱི་ཆུས་སྟེང་དང ། འོག་དང ། ཕྱོགས་བཞིར་ཡང་གཏོར་བར་བྱའོ། །ཙནྡན་དཀར་པོ་དང ། གུར་གུམ་དང ། ག་བུར་གཅིག་ཏུ་བྱས་པའི་བདུག་པས་བདུགས་པར་བྱ་སྟེ། རང་ཉིད་ཀྱིས་སྦྱིན་པའམ། སྒྲུབ་པའི་གྲོགས་མཆོག་གི་སློབ་དཔོན་གྱིས་སྦྱིན་པར་བྱའོ། །སངས་རྒྱས་བཅོམ་ལྡན་འདས་དང ། ས་བཅུའི་དབང་ཕྱུག་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས། རས་ཀྱི་དོག་པ་འདི་ལ་ལྷག་པར་གནས་པར་མཛོད་ཅིག་ཅེས་ལན་གསུམ་བརྗོད་པར་བྱའོ། །དེ་ནས་སངས་རྒྱས་བཅོམ་ལྡན་འདས་དང ། བྱང་ཆུབ་སེམས་དཔའ་ཆེན་པོ་རྣམས་དགོངས་སུ་གསོལ་ཞེས་བྱས་ནས་བདུག་པས་བདུག་པ་དེའི་དུས་སུ་རྨ་བྱ་དང ། ཁྲུང་ཁྲུང་དང ། ངང་པ་དང ། བཞད་དང ། ངུར་པ་རྣམ་པ་སྣ་ཚོགས་བྱ་དགེ་བ་ཐང་ལ་གནས་པའམ། ཆུ་ལ་སྤྱོད་པ་རྣམས་ནམ་མཁའ་ལ་འགྲོ་བར་འགྱུར་བའམ། དགེ་བའི་སྐད་འདོན་ན་ལས་འདི་ནི་འབྲས་བུ་དང་བཅས་པ་ཡིན་ནོ་ཞེས་སྒྲུབ་པ་
122b
པོས་ཤེས་པར་བྱའོ། །སངས་རྒྱས་བཅོམ་ལྡན་འདས་དང ། བྱང་ཆུབ་སེམས་དཔའ་ཆེན་པོ་རྣམས་ཀྱིས་བདག་གི་རས་སྐུད་འདི་ལ་བྱིན་གྱིས་བརླབས་ཏེ། བདག་གི་སྐྱེ་བ་དམ་པ་ནི་ལེགས་པར་འཚོ་བ་ཡིན་ཏེ། བདག་གི་སྔགས་སྒྲུབ་པ་འབྲས་བུ་མེད་པར་མི་འགྱུར་རོ། །རྔ་པ་ཊ་ཧ་དང ། རྔ་བོ་ཆེ་དང ། རྫ་རྔ་དང ། དུང་དང ། པི་ཝང་དང ། གླིང་བུ་དང ། འཁར་རྔ་དང ། རྫ་རྔ་ཆེན་པོའི་སྒྲ་ཐོས་པའམ། བུད་མེད་དང ། ཁྱེའུ་འམ། བུ་མོའམ། སྐྱེས་པ་རྣམས་བཅོས་མའམ། བཅོས་མ་མ་ཡིན་པ་དེའི་དུས་སུ་གློ་བུར་དུ། འདི་སྐད་ཅེས།་རྒྱལ་བ་དང ། གྲུབ་པ་དང ། སྦྱིན་པ་དང ། བྱིན་པ་དང ། ཁྱེར་ཅིག་ཅེས་པ་དང ། དཔལ་དང ། འབྲས་བུ་དང ། འབྲས་བུ་ཡོད་པ་དང ། ཆོ་ག་དང ། བརྒྱ་བྱིན་དང ། མང་པོ་དང ། དེ་དག་ལ་སོགས་པའི་སྒྲ་གཞན་རབ་ཏུ་དགེ་བ་འདོན་པའམ། དྲིལ་བུའི་སྒྲ་དང ། དགའ་བའི་སྒྲ་ཐོས་ན། དེས་ན་རིག་པ་འཛིན་པས་ཤེས་པར་བྱ་བ་ནི། སངས་རྒྱས་བཅོམ་ལྡན་འདས་དང ། བྱང་ཆུབ་སེམས་དཔའ་ཆེན་པོ་རྣམས་ཀྱིས་བྱིན་གྱིས་བརླབས་པ་ནི་འདི་ཡིན་ཏེ། དོན་ཡོད་པའི་གྲུབ་པ་ནི་འདི་ཡིན་ཞིང་གཞན་དུ་མ་ཡིན་ནོ་ཞེས་སོ། ། ཇི་སྟེ་དེའི་དུས་སུ་མ་རུངས་པའི་ཚིག་འདོན་པ་ཁྱེར་ཅིག་།ཟོ་ཤིག་།ཟུངས་ཤིག་།ཉམས་པ། རྣམ་པར་ཉམས་པ། ཀྱི་ཧུད། རིད་པ། ཤིན་ཏུ་རིད་པ། མེད་པ་ཞེས་བྱ་བ་ལ་སོགས་
123a
༄#། །པའི་སྒྲ་འདོན་པའམ། སྤྲེའུ་དང ། མ་ཧེ་དང ། ཅེ་སྤྱང་དང ། བོང་བུ་དང ། བྱི་ལ་དང ། བ་ལང་དང ། དུད་འགྲོ་སྨད་བ་རྐང་གཉིས་སམ། རྐང་བཞི་པའི་སྒྲ་འདོན་པར་གྱུར་ན། དེས་ནི་སྒྲུབ་པ་པོས་བདག་གི་དངོས་གྲུབ་ནི་མེད་པ་ཡིན་ནོ་ཞེས་ཤེས་པར་བྱ་སྟེ། སྐབས་དེར་བརྟུལ་པར་བྱ་ཞིང་ཡང་སྔ་མ་བཞིན་དུ་ཡང་བརྩམ་པར་བྱའོ། །དེ་བཞིན་དུ་ལན་བདུན་གྱི་བར་དུ་བྱས་ལ། བདུན་པའི་ལས་ཀྱི་བྱ་བ་ལ་ནི་མཚམས་མེད་པ་ལྔ་བྱས་པ་ཡང་འགྲུབ་པར་འགྱུར་རོ། །དེ་ནས་སྒྲུབ་པ་པོས་གཞོན་ནུ་མ་དེ་བསྲུང་བ་བྱས་ལ་ཀུ་ཤའི་ཁྲེས་ལ་གཞག་པར་བྱ་སྟེ། ཤར་རམ། བྱང་ཕྱོགས་སུ་ཕྱོགས་པར་བཞག་ལ། བདག་ཉིད་སྲུང་བ་དང ། ལྷ་ལ་དབུལ་བའི་ཁ་ཟས་ཟས་སུ་སྦྱིན་ནོ། །སྔར་སྦྱང་བ་བྱས་པའི་ཀུ་ཤའི་ཁྲེས་དེ་ཉིད་ཀྱི་ཆོ་གས་རས་བལ་ལ་ཡང་བྱའོ། །དོག་པ་དེ་འཇམ་པ་དང ། ལེགས་པར་བསྒྲིམས་པ་དང ། སྔར་བསླབས་པའི་བུ་མོས་ཡང་དག་པར་བླངས་ཏེ། གཅིག་དང ། གསུམ་དང ། ལྔ་དང ། བརྒྱད་ལ་སོགས་པ་ནས་བཅུ་དྲུག་གི་བར་རམ། ཀར་ཤའི་གྲངས་ལེགས་པར་བགྲངས་པ་དང་ལྡན་པས་བྱའོ། །དེ་ལས་རབ་ནི་བཅུ་དྲུག་བྱ། །དེ་བཞིན་བརྒྱད་ནི་བར་མ་སྟེ། །ཕྲན་ཚེགས་ལས་ལ་སྒྲུབ་པ་ནི། །གཅིག་དང་ལྔ་ནི་ཐ་མའོ། །ལས་རྣམས་ཀུན་ལ་སྔགས་
123b
རིག་པས། །ཇི་ལྟར་ནུས་པ་བཞིན་དུ་བྱ། །དེ་ནས་བརྩམས་ཏེ་གང་ཅུང་ཟད། །སྡིག་པ་སྔར་ནི་བྱས་པ་དག་།དོག་པར་སེམས་ཀྱིས་དམིགས་པ་ན། །དེ་ཡི་མོད་ལ་འཇིག་པར་འགྱུར།། དོག་པ་འདི་དག་ཡང་དག་བླངས། །གཙང་མའི་སྣོད་དུ་གཞུག་པར་བྱ། །དེ་ནས་བཞག་པ་བྱས་ནས་དེ། །ག་བུར་གྱི་ནི་བདུག་པས་བདུག་།སྲོག་ཆགས་ཡན་ལག་མིན་བྱུང་བའམ། །གུར་གུམ་ཙནྡན་ལ་སོགས་དང ། །མེ་ཏོག་མ་ལེ་ཙམ་པ་ཀ་།དྲི་ཞིམ་སོགས་པས་ཡོངས་སུ་བསྒོ། །བསྲུང་བའི་ཆོ་ག་བྱས་ནས་ནི། །གཙང་མའི་ཕྱོགས་སུ་ཡང་དག་བཞག་།སྔགས་རིག་ལས་ཀུན་ཤེས་པ་ཡིས། །ཤིན་ཏུ་མཉམ་གཞག་བཟླས་པ་བྱ། །དེ་ནས་ཐ་ག་པར་སོང་ནས། །ཅི་འདོད་པ་ཡི་རིན་སྤྱིན་ནོ། །རང་དབང་ཡན་ལག་མ་ཉམས་དང། །དཀར་པོའི་ཆོས་ལ་རྟག་ཏུ་དད། །རྒན་མིན་ནད་ཀྱིས་གདུངས་པ་མིན། །ལུད་པ་དབུགས་མི་བདེ་བ་སྤངས། །མ་ནིང་སྨད་པ་མ་ཡིན་དང ། །འཕྱེ་བོ་མ་ཡིན་སྐྲ་དཀར་སྤངས། ། ཀུན་གྱིས་བཀུར་བའི་མཚན་ཉིད་ལྡན། །རབ་སྔགས་བལྟ་ན་སྡུག་པ་དང ། །བློ་དང་ཡང་དག་སྤྱོད་པ་དགེ་།འཇིག་རྟེན་པ་ཡི་ཚུལ་ལ་བརྟེན། །དངོས་གྲུབ་འདོད་པས་དེ་ལ་ནི། །རས་བཟང་བཏགས་པའི་ཆེད་དུ་བསྐུལ། །གྲོགས་པོ་རིགས་བཟང་རབ་བསྔགས་ཤིང ། །བློ་ལྡན་བཟོ་ནི་མཁས་པ་དང ། །ཤིན་ཏུ་ཁྱད་པར་མཆོག་གྱུར་པའི། །རས་ཐགས་བཟང་ལ་
124a
༄#། །བསྐུལ་བར་བྱ། །རབ་ནི་རབ་ཏུ་བསྒྲུབ་པར་བྱ། །འབྲིང་ནི་འབྲིང་ལ་བསྒྲུབ་པར་བྱ། །ཐ་མ་ཕྲན་ཚེགས་ལས་ལ་ནི། །དམན་པ་ཉིད་ན་ཐམས་ཅད་ལ། ། བཟོ་བོ་ཇི་ལྟར་སྨྲ་བ་བཞིན། །རིན་ནི་ད་ལྟར་སྦྱིན་པར་བྱ། །དང་པོའི་ཚིག་ནི་ཡང་དག་བྱུང ། །བཟོ་བོ་ལ་ནི་སྔགས་རིགས་པས། །དེ་ནས་མྱུར་དུ་རིན་བྱིན་པ། །དཔའ་བོའི་ཚོང་ཞེས་དེ་ལ་བརྗོད། །དོན་དུ་གཉེར་མེད་དེ་ལ་ནི། །རིན་དུ་སྨྲ་བྱེད་སྒྲུབ་པ་པོ། །འདི་ནི་མྱུར་དུ་འགྲུབ་བྱེད་པའི། །རས་ནི་བཟང་པོ་བླ་ན་མེད། །ལས་ཀུན་བྱེད་ཅིང་མཆོད་པ་སྟེ།། ལྷ་དང་མི་ཡི་བདེ་བ་སྦྱིན། །འབྱུང་པོ་ཀུན་གྱི་དཔལ་འགྱུར་ཞེས། །ཡང་དག་རྫོགས་སངས་རྒྱས་ཀྱིས་གསུངས། །དེ་ནས་རིག་པ་འཛིན་པས་ཐག་པ་ལ་རྒྱུ་སྐར་བཟང་པོ་འམ། ཆོ་འཕྲུལ་གྱི་ཟླ་བ་ཕྱེད་དམ། ཉིན་ཞག་དགེ་བའམ། གཟའ་དགེ་བ་བལྟས་ཏེ་གསོ་སྦྱོང་སྦྱིན། ཡང་ན་དུས་ཀྱི་མཆོག་དཔྱིད་ཀྱི་དུས་ཀྱི་ཟླ་བ་ཡར་གྱི་ངོ་ལ་ཤིང་ཨ་མྲའི་མེ་ཏོག་སྐྱེས་ཤིང ། ཤིང་གི་མཆོག་རྣམས་ཀྱི་ཡལ་ག་དང ། མེ་ཏོག་རྒྱས་པ་དེའི་དུས་མཚམས་སུ་སྔ་དྲོ་ཉི་མ་འཆར་བ་ལ་སྔར་བསྟན་པའི་ཐ་ག་པ་ལྷ་ལ་དབུལ་བར་འོས་བའི་ཁ་ཟས་བསྟན་ཅིང་གོས་གཙང་མ་བགོས་ལ། མགོ་ལ་ཅོད་པན་བཅིངས་ནས་ཁྲུས་ལེགས་པར་བྱས་ཏེ། ཙནྡན་དཀར་པོ་དང ། གུར་གུམ་གང་ཡང་རུང་བས་ལུས་བྱུགས་
124b
ནས་ག་པུར་གྱི་དྲིས་ཁ་ལ་བསྒོས་ཏེ། ཡིད་དགའ་བ་དང ། བཀྲེས་པ་དང ། སྐོམ་པ་མེད་པར་བྱ་སྟེ། ཐགས་ཀྱི་ལག་ཆ་ཐ་ག་པ་ལ་སོགས་པའི་ཡོ་བྱད་ཐམས་ཅད་ཀྱང་སར་པ་ལས་དང ། བ་ལང་གི་ལྕི་བས་བཀྲུས་ཏེ། ཡང་བའི་རྣམ་ལྔས་བཀྲུ་བར་བྱའོ། །དེ་ནས་སྲོག་ཆགས་མེད་པའི་ཆུས་ཀྱང་བཀྲུ་བར་བྱའོ། །ཙནྡན་དཀར་པོ་དང ། གུར་གུམ་གྱི་ཆུས་ཀྱང་གཏོར་བར་བྱའོ། །གཙང་བའི་ས་ཕྱོགས་སུ་ཅ་ཅོ་མེད་ཅིང་སྐྱེ་བོ་དང་བྲལ་བ། དབེན་བའི་གནས་སུ་བཀབ་པ་དང ། གསང་བར་མེ་ཏོག་གིས་མཆོད་དོ། །དེ་ནས་སྒྲུབ་པོས་ཡང་དག་པར་བྱེད་པའི་སྔགས་ཀྱིས་བརྒྱ་རྩ་བརྒྱད་མངོན་པར་སྔགས་པའི་ཡུངས་ཀར་གྱིས་ཕྱོགས་བཞི་སྟེང་འོག་ཕྱོགས་མཚམས་སུ་གཏོར་བར་བྱའོ། །དེ་ནས་ཐ་ག་པ་ལ་ཡུངས་ཀར་གྱིས་གཏོར་བར་བྱ་ཞིང་ཕྱག་རྒྱ་ཆེན་པོ་གཙུག་ཕུད་ལྔ་བཅིངས་ཏེ། གཙུག་ཕུད་བཅིང་བ་བྱས་ན་སྲུང་བ་ཆེན་པོ་བྱས་པར་འགྱུར་རོ། །གལ་ཏེ་རས་རིས་རབ་ཡིན་ན་ནི་ཟུར་བཞིར་ཞེང་དུ་ཁྲུ་བཞི། །ཆུར་ཁྲུ་བརྒྱད་དེ་ཐ་ག་པས་དེ་ཙམ་ལ་ཡོངས་སུ་གོམས་པར་བྱའོ། །འབྲིང་ནི་ཞེང་དུ་ཁྲུ་དོ་ཆུར་ཁྲུ་ལྔ་པའོ། །ཐ་མ་ནི་ཞེང་དུ་བདེ་བར་གཤེགས་པའི་མཐོ་གང་ཆུར་ནི་ཁྲུ་བརྒྱད་ཀྱི་ཕྱེད་དོ། །དེ་ལ་སངས་རྒྱས་བཅོམ་ལྡན་འདས་ཀྱི་མཐོ་གང་ལ་ནི་ཡུལ་དབུས་ཀྱི་སྐྱེས་བུ་ཚད་དང་ལྡན་པའི་ཁྲུ་གཅིག་
125a
༄#། །སྟེ།་འདི་ལ་བདེ་བར་གཤེགས་པའི་མཐོ་ཞེས་བསྒྲགས་ཏེ། ཚད་འདིས་ཚད་དུ་བསྟན་པ་ཡིན་ནོ། །རས་ནི་རབ་ཀྱིས་དངོས་གྲུབ་མཆོག། འཇིག་རྟེན་གང་ཟག་མཆོག་གིས་གསུངས། །ཐུབ་པ་མྱ་ངན་འདས་འོག་ཏུ། །རྒྱལ་སྲིད་འདོད་ལ་བར་མ་ཡིན། །ལོངས་སྤྱོད་ཆེན་འདོད་སྐྱེས་བུ་དང ། །ལྷ་མི་ལྷ་མིན་གདེངས་ཅན་ནི། །ཐ་མ་ལ་ནི་གྲུབ་པར་བཤད། །འབྲིང་གིས་འབྲིང་ནི་གྲུབ་པའོ། །ལས་རྣམས་ཕྲན་ཚེགས་དག་ལ་ནི། །རས་ནི་ཐ་མས་རྟག་ཏུ་འགྲུབ། །རྫས་རྣམས་ཀུན་ལ་རྟག་ཏུ་ནི། །ལས་རྣམས་ཐམས་ཅད་འགྲུབ་པར་འགྱུར། །རས་གསུམ་གྱིས་ཀྱང་བསྟན་པ་ནི། །སྐལ་འདོད་མི་ལ་འགྲུབ་པ་ཡིན། །བརྒྱ་བྱིན་བདེ་སོགས་བདག་པོ་ལའང ། །ཆོ་ག་ཉམས་ན་འགྲུབ་མི་འགྱུར། །ཆོ་ག་ཡང་དག་ལྡན་ན་ནི། །མི་ཡི་སྐྱེ་བ་ཐ་མ་ལའང ། །ལས་རྣམས་ཐམས་ཅད་འབད་མེད་པར། །མྱུར་བ་ཉིད་དུ་འགྲུབ་པར་བྱེད། །རྒྱལ་བ་རྒྱ་མཚོ་སྲས་དག་གིས། །ལམ་འདི་དག་ནི་ཡང་དག་བསྟན། །ཕོངས་པ་མགོན་མེད་སྡུག་བསྔལ་བའི། །སེམས་ཅན་ཀུན་ལ་ལེགས་སྦྱིན་པའོ། ། བྱང་ཆུབ་ལམ་ནི་མ་ལུས་ཀྱང ། །དེ་ཉིད་གཟིགས་པས་བསྟན་པ་སྟེ། །བྱང་ཆུབ་རྒྱུ་ཡི་ཆོས་འདི་ནི། །སྔགས་ཀྱི་ལམ་གྱིས་བསྟན་པ་ཡིན། །འཇིག་རྟེན་དཀྱིལ་འཁོར་མ་
125b
ལུས་དང ། །འཇིག་རྟེན་འདས་པའང་འགྲུབ་འགྱུར་ཏེ། །དཀྱིལ་འཁོར་གང་དག་བསྟན་པ་ཡིས། །འབབ་པ་མེད་པར་སྔགས་རྣམས་འགྲུབ། །གང་ཞིག་བྱང་ཆུབ་རྒྱུ་འདོད་པས། དེ་ལ་རྟག་ཏུ་དངོས་གྲུབ་འགྱུར། །འགྲོ་ལ་ཕན་སེམས་རྟག་མེད་པ། །གཞན་ལ་འགྲུབ་པར་མི་འགྱུར་རོ། །བདག་ཉིད་ཆེན་པོ་འཇམ་དཔལ་ནི། །གཞོན་ནུར་གྱུར་པས་ཁྱད་པར་དུ། །བྱང་ཆུབ་འཇུག་པའི་ཁྱད་སེམས་ལ། །རས་རིས་འགྲུབ་པར་གསུངས་པ་ཡིན། །བྱ་བ་མྱུར་དུ་འགྲུབ་པའི་ཕྱིར། །ཐམས་ཅད་འདིར་ནི་ཐོབ་པ་ཡིན། །དེ་ནས་མཐར་གྱིས་བཟོ་བོས་ནི། །རས་ནི་འབད་པས་བཏགས་པར་བྱ། །ཉིན་ཞག་ལྔ་དང་བརྒྱད་དང་ནི། །བཅུ་དྲུག་གཉིས་དང་བཞི་དང་ནི། །ཉིན་ཞག་གཅིག་གིས་མྱུར་དུ་ནི། །མྱུར་བར་རས་ཀྱི་ཐ་ག་བྱ། །གྲུབ་པ་མཆོག་ནི་འདོད་པ་ཡིས། །ཉིན་ཞག་གཅིག་པ་དགེ་བ་ཡིན། །གཙང་སྦྲའི་སྤྱོད་པ་ཕུན་སུམ་ཚོགས། །བཟོ་བོ་རྟག་ཏུ་བྱིན་རླབས་ལྡན། །གནས་ནས་ཐག་རིང་སོང་ནས་ནི། །བཤང་དང་གཅི་བ་ཡོངས་སུ་དོར། །དེ་ནས་གོས་བཅས་ཁྲུས་བྱས་ཏེ། །གོས་གཞན་དག་ཀྱང་བགོ་བྱ་ཞིང ། །གོས་དཀར་ཕྲེང་བ་ལྡན་པར་འཆང་།། ཡང་དང་ཡང་དུ་ཉེ་རེག་བྱ། །ལུས་ནི་ཙནྡན་དཀར་པོས་བྱུགས། །བཟོ་བོས་ལག་པ་གཉིས་ཀྱང་བྱུགས། །ལེགས་འཇམ་རྟག་ཏུ་དྲི་མེད་པར། །འབད་པས་ཀྱང་ནི་ཐ་ག་བྱ། །དེ་
126a
༄#། །ལ་སོགས་པའི་སྦྱོར་བའམ། །གཞན་ནི་རྒྱལ་བས་གསུངས་པ་དང ། །རྣམ་དཔྱད་རང་བཞིན་འབད་པ་ཡིས། །རས་ནི་མ་ལུས་ཐ་ག་བྱ། །རས་ཀྱི་ཐ་ག་ཟིན་པ་དང ། །སྔར་གསུངས་ལས་ཀྱི་ལེགས་བྱས་པ། །ཚད་ལྡན་ཉམས་པ་མེད་པ་ནི། །ཉིན་ཞག་བཟང་ལ་བལྟབ་ཏེ་བཞག་།ཡར་ངོའི་ཤིན་ཏུ་བཟང་པོ་ལ། །དེ་ལ་སྔགས་ནི་གཞུག་པར་བྱ། །རས་ནི་ཡོངས་སུ་གསལ་བྱས་པ། །ཁ་ཚར་མཐར་ནི་མདུད་མཛེས་བྱ། །འོད་མའི་ཤིང་ལ་བཏགས་ནས་ནི། །དེ་ནས་རས་ནི་བླངས་ཏེ་འགྲོ། །བཟོ་བོ་བདེ་ལེགས་བྱས་ནས་ནི། །ནོར་མང་པོས་ནི་བགོ་བཤའ་བྱ། །བརྟུལ་ཞུགས་བཟང་པོ་ལེགས་སྤྱོད་པའི། །སྔགས་པ་ཇི་ལྟར་འདོད་སོང་ནས། །མེ་ཏོག་དྲི་ཞིམ་གྱིས་མཆོད་དེ། །གཙང་བའི་ཕྱོགས་སུ་གཞག་པར་བྱ། །འདི་ཉིད་ཀྱི་ནི་སྔགས་ཀྱིས་སུ། །སྲུང་བའི་ཆོ་ག་རབ་ཏུ་བྱ། །སྔོན་ནི་རས་བལ་གང་དེ་ཡིས། །ལན་མང་དུ་ནི་ཡོངས་སྦྱངས་ལ། །བདག་ཉིད་དང་ནི་རས་དག་ལ། །དེ་ཉིད་ཀྱིས་ནི་བསྲུང་བར་བྱ། །དཔའ་བོ་ཆེན་པོ་འཇམ་དཔལ་གྱིས། །སྔགས་ཀྱི་བཟླས་པ་གསུངས་པ་དང ། །འདས་པའི་སངས་རྒྱས་མང་པོ་དང ། །ངས་ཀྱང་ད་ལྟར་གསུངས་པ་ཡིན། །དེ་ཉིད་སྔགས་ནི་ཐམས་ཅད་ཀྱི། །སྔགས་ཀྱི་ངོ་བོས་རྣམ་པར་སྤྱོད། །བརྩོན་འགྲུས་ཆེ་ཞིང་གཟི་བརྗིད་ཆེ། །སྔགས་ཀྱི་དོན་ཀུན་སྒྲུབ་བྱེད་པ། །ཆ་བྱད་
126b
རྣམ་པ་སྣ་ཚོགས་བྱེད། །སྐྱོབ་པ་རྣམ་པ་སྣ་ཚོགས་རྒྱུ། །འཛམ་གླིང་གནས་པའི་སེམས་ཅན་རྣམས། །རྨོངས་པ་སྤྱོད་ཅིང་སེམས་པ་མེད། །མ་དད་ཕྱིན་ཅི་ལོག་པར་བྱེད། །ལོངས་སྤྱོད་ཤིན་ཏུ་བརྐམ་ཆགས་ཀྱིས། །རྫས་རྣམས་མ་ལུས་པ་དག་དང ། །སྔགས་རྣམས་ཀྱིས་ཀྱང་འགྲུབ་མི་བྱེད། །འཁོར་བའི་ཆུན་པའི་བཙོན་རར་ནི། །དེ་ཉིད་ཀྱིས་ནི་འཁོར་བར་འགྱུར། །གང་ཡང་རྟག་ཏུ་ཡིད་དག་ཅིང ། །དད་ལྡན་བཀྲ་ཤིས་དག་ལ་དགའ། །སྔགས་རྣམས་ཀུན་ལ་སྤྲོ་བ་དང ། །རྟག་ཏུ་འཛིན་དང་འཆང་བ་དང ། །བདག་ཉིད་ཆེན་པོ་དངོས་གྲུབ་འདོད། །སྤྲོ་བ་ཆེ་ཞིང་གཟི་བརྗིད་ཆེ། །རྒྱལ་བས་གསུངས་པའི་སྔགས་དག་ནི། །འབད་པ་མེད་པར་འགྲུབ་པར་འགྱུར། །དད་པ་མེད་པའི་སྐྱེ་བོ་ལ། །དཀར་པོའི་ཆོས་རྣམས་མི་སྐྱེ་སྟེ། །ས་བོན་ཚཝ་སྒོར་བཏབ་པ་ལ། །མྱུ་གུ་སྐྱེ་བ་མེད་པ་བཞིན། །དད་པའི་རྩ་བ་རྟག་ཏུ་ཆོས། །ཆོས་དོན་གཟིགས་པས་གསུངས་པ་སྟེ། །ཆོས་དོན་སྤྱོད་པ་དེ་དག་ལ། །སྔགས་རྣམས་རྟག་ཏུ་འགྲུབ་པར་གསུངས། །དེ་ནས་སྒྲུབ་པ་པོས་བཟོ་བོ་ལགས་པར་བསླབས་པའི་རི་མོ་མཁན་ནམ། བདག་ཉིད་འདྲི་བ་ལ་མཁས་པས་ཚོན་མ་འདྲེས་ཤིང་ཁ་དོག་གསལ་བ་དང་ལྡན་པའི་ཚོན་རྩི་རྣམས་བླངས་ཏེ། སྔར་ཐ་ག་པ་ལ་བྱས་པའི་ཆོ་ག་ཇི་ལྟ་བ་དེ་ཉིད་ཀྱི་མཚན་ཉིད་དང་ལྡན་པས་རི་མོ་མཁན་ལ་སྔ་མ་བཞིན་སྦྱང་བར་བྱ་སྟེ།
127a
༄#། །སྔར་ཇི་ལྟར་ཐ་ག་པ་ལ་བྱས་པ་དེ་ཉིད་ཀྱིས་རས་ལ་རི་མོ་འདྲིར་གཞུག་གོ་།ཡང་ན་བདག་ཉིད་ཀྱིས་བྲི་བར་བྱའོ། །ག་པུར་དང ། ཙནྡན་དང ། གུར་གུམ་ལ་སོགས་པའི་དྲིས་ཚོན་རྩི་ལ་བསྒོ་བར་བྱ་ཞིང་བདུག་སྤོས་བསྲེགས་ཏེ། དེ་ཉིད་ཀྱི་སྔགས་ཀྱིས་ལན་བརྒྱ་རྩ་བརྒྱད་འཁོར་དང་བཅས་པ་ལ་ཡང་བཟླ་སྟེ། མེ་ཏོག་ནཱ་ག་གེ་སར་དང ། པུན་ནཱ་ག་དང ། བ་ཀུ་ལ་དང ། ཙམ་པ་ཀ་དང ། དབྱར་གྱི་མེ་ཏོག་དང ། དྷཱ་ནུ་ཤྐ་རི་དང ། མཱ་ལ་ཏིའི་མེ་ཏོག་ལ་སོགས་པས་རས་དེ་གཅལ་བཀྲམ་པ་བྱས་ལ། ཤར་དུ་མངོན་པར་ཕྱོགས་པས་ཀུ་ཤའི་ཁྲེས་ལ་འདུག་སྟེ། བློ་ལེགས་པར་གནས་པ་དང ། སངས་རྒྱས་དང ། བྱང་ཆུབ་སེམས་དཔའ་ལ་དམིགས་པའི་སེམས་ཀྱིས་བིར་ཕྲ་མོ་ལག་པར་བླངས་ནས་འཁྲུག་པ་མེད་པའི་སེམས་ཀྱིས་རས་དེ་ལ་བྲི་བར་བྱའོ། །དང་པོར་རེ་ཞིག་བཅོམ་ལྡན་འདས་ཤཱཀྱ་ཐུབ་པ་བྲི་བར་བྱ་སྟེ། རྣམ་པ་ཐམས་ཅད་ཀྱི་མཆོག་དང་ལྡན་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་མཚན་པ། སྐུ་དཔེ་བྱད་བཟང་པོ་བརྒྱད་ཅུས་ཉེ་བར་མཛེས་པ། རིན་པོ་ཆེའི་པདྨ་ལ་བཞུགས་པ། ཀུན་ནས་འོད་འབར་བ། སྐུ་འོད་འདོམ་གང་གིས་ཉེ་བར་མཛེས་པ། ཆོས་འཆད་བཞིན་པ། སྐུ་དང ། ཞིང་རྣམ་པ་ཐམས་ཅད་ཀྱི་མཆོག་དང་ལྡན་པ། དབུས་ན་གནས་པའི་
127b
པདྨ་བཻ་ཌཱུརྱའི་སྡོང་བུ་ཅན། འོག་ན་ནི་ཀླུའི་རྒྱལ་པོ་གཉིས་ཀྱིས་གདན་ཆེན་པོའི་པདྨའི་སྡོང་བུ་ལ་འཛིན་ཅིང ། དེ་བཞིན་གཤེགས་པ་ལ་བལྟ་བ། ལག་པ་གཡས་པས་ཕྱག་འཚལ་བ།་མདོག་དཀར་པོ། རྒྱན་ཐམས་ཅད་ཀྱི་བརྒྱན་པ། མི་དང་འདྲ་བ། ཕྱེད་སྦྲུལ་གྱི་གཟུགས་ཅན། དགའ་བོ་དང ། ཉེ་དགའ་བྲི་བར་བྱའོ། །ཀུན་ནས་པདྨའི་མཚོ་པདྨའི་འདབ་མ་དང ། མེ་ཏོག་ཅུང་ཟད་ཁ་བྱེ་བ་དང ། རྣམ་པར་ཁ་བྱེ་བ་དང ། ཆུ་ལས་སྐྱེས་པའི་སྲོག་ཆགས་རྣམས་དང ། བྱ་དང ། ཉ་ལ་སོགས་པས་ཁྱབ་པ་ཡངས་ཤིང་མཛེས་པར་སྐྱེས་པ་བྲི་བར་བྱའོ། ། གང་བཅོམ་ལྡན་འདས་ཀྱི་རྩ་བའི་པདྨའི་སྡོང་བུ་དེ་ལས་འཕྲོས་པའི་ཡལ་ག་ལས་པདྨའི་མེ་ཏོག་དུ་མ་མཐར་གྱིས་མཐོ་བ་བྱའོ། །གཡོན་གྱི་ཕྱོགས་སུ་པདྨའི་མེ་ཏོག་བརྒྱད་བྱས་ཏེ། པདྨ་དེ་དག་ལ་བྱང་ཆུབ་སེམས་དཔའ་ཆེན་པོ་བརྒྱད་ཀྱི་གཟུགས་བཞུགས་པ་བྲི་བར་བྱའོ། །དང་པོ་ལ་རེ་ཞིག་འཕགས་པ་འཇམ་དཔལ། ཅུང་ཟད་ཁ་དོག་པདྨའི་གེ་སར་བཞིན་དུ་སེར་སྐྱ་འམ། གུར་གུམ་མམ། གསེར་གྱི་མདོག་འདྲ་བ། གཞོན་ནུའི་ཆ་བྱད། བྱིས་པ་དང ། ཁྱེའུའི་གཟུགས་ཅན། སྐྲ་ཟུར་ཕུད་ལྔ་དང་ལྡན་པ། གཞོན་ནུའི་རྒྱན་གྱིས་བརྒྱན་པ། ལག་པ་གཡོན་པ་ན་ཨུཏྤ་ལ་སྔོན་པོ་བསྣམས་པ། ལག་པ་གཡས་པས་དེ་བཞིན་གཤེགས་པ་ལ་ཕྱག་བྱེད་པ། སྐུ་མཛེས་པ། ཞི་བའི་ཆ་བྱད་ཀྱིས་དེ་བཞིན་གཤེགས་
128a
༄#། །པ་ལ་བལྟ་བ། བཞིན་ཅུང་ཟད་རྒོད་པ། འོད་འབར་བ་དང་ལྡན་པས་དཀྱིལ་འཁོར་ཀུན་ཏུ་ཁྱབ་པ་བྲིའོ། །པདྨ་གཉིས་པ་ལ་འཕགས་པ་ཟླ་བའི་འོད་ཤིན་ཏུ་གཞོན་ཤ་ཅན་དེ་བཞིན་དུ་བྲི་བར་བྱའོ། །གསུམ་པ་ལ་ནི་ནོར་བཟང་ངོ ། །བཞི་པ་ལ་ནི་སྒྲིབ་པ་རྣམ་པར་སེལ་བའོ། །ལྔ་པ་ལ་ནི་ནམ་མཁའ་མཛོད་དོ། །དྲུག་པ་ལ་ནི་སའི་སྙིང་པོའོ། །བདུན་པ་ལ་ནི་སྡིག་མེད་དོ། །བརྒྱད་པ་ལ་ནི་སྤྱན་བཟང་ཡིན་ཏེ། དེ་དག་ཐམས་ཅད་ཀྱང་གཞོན་ནུ་ཁྱེའུའི་ཆ་བྱད་ཅན། གཞོན་ནུའི་རྒྱན་གྱིས་བརྒྱན་པ་བྲི་བར་བྱའོ། ། བཅོམ་ལྡན་འདས་ཀྱི་གཡས་ཕྱོགས་སུ་ནི་བྱང་ཆུབ་སེམས་དཔའ་ཆེན་པོ་བརྒྱད་བྱམས་པ་མ་གཏོགས་པ་རྒྱན་ཐམས་ཅད་ཀྱིས་བརྒྱན་པ། འཕགས་པ་བྱམས་པ་ནི་བཅོམ་ལྡན་འདས་དང་ཉེ་བར་བྲི་བར་བྱ་སྟེ། ཚངས་པར་སྤྱོད་པའི་ཆ་བྱད་འཛིན་པ། མགོ་རལ་པའི་ཅོད་པན་བཅིངས་པ། མདོག་གསེར་འདྲ་བ། ག་ཤ་དམར་པོ་གྱོན་པ། དར་ལ་དམར་པོའི་སྟོད་གཡོགས་བྱས་པ། ཐལ་བའི་ཐིག་ལེ་གསུམ་གྱིས་མཚན་པ། གཟུགས་མཛེས་པ་དང་ལྡན་པ། དབྱིག་པ་དང ། སྤྱི་བླུགས་འཛིན་པ། ཀྲྀཥྞ་ས་རའི་པགས་པ་ཐལ་གོང་གཡོན་པར་བགོས་པ། ལག་པ་གཡོན་པས་ཕྲེང་བ་འཛིན་ཅིང་དེ་བཞིན་གཤེགས་པ་ལ་ཕྱག་བྱེད་པ། དེར་གཏོད་པའི་ལྟ་བ་སེམས་ཀྱི་སྤྱོད་པ་བསམ་གཏན་ལ་དམིགས་པའི་རྣམ་
128b
པ་ཅན་ནོ། །པདྨ་གཉིས་པ་ལ་འཕགས་པ་ཀུན་ཏུ་བཟང་པོ་མདོག་མེ་ཏོག་པྲྀ་ཡང་ཀུ་ལྟར་སྔོ་བསངས། །ལུས་རྒྱན་ཐམས་ཅད་ཀྱིས་བརྒྱན་པ། ལག་པ་གཡོན་པ་ན་ནོར་བུ་རིན་པོ་ཆེ་ཐོགས་པ། ལག་པ་གཡས་པ་ན་བིལ་བ་ཐོགས་ཤིང་མཆོག་སྦྱིན་པ། གཟུགས་མཛེས་པ་དང་ལྡན་པ། དེ་བཞིན་དུ་བྲི་བར་བྱའོ། །གསུམ་པ་ལ་ནི་འཕགས་པ་སྤྱན་རས་གཟིགས་དབང་ཕྱུག་འདམ་བུའི་མདོག་འདྲ་བ། རྒྱན་ཐམས་ཅད་ཀྱིས་བརྒྱན་པ། རལ་བའི་ཅོད་པན་འཆང་བ། མཆོད་ཕྱིར་ཐོགས་དཀར་པོས་བྱས་པ། འཕགས་པ་འོད་དཔག་མེད་གཟུགས་མཛེས་ཤིང་ཡིད་དུ་འོང་བ། སྟོབས་བཅུ་དང་ལྡན་པ། རལ་བའི་མཐར་སྐྱིལ་མོ་ཀྲུང་གིས་བཞུགས་ཤིང་ཅོད་པན་དུ་བྱས་པ། ལག་པ་གཡོན་ན་པདྨ་བསྣམས་པ། ལག་པ་གཡས་པ་མཆོག་སྦྱིན་པ། སེམས་ཀྱི་སྤྱོད་པ་བསམ་གཏན་ལ་དམིགས་པའི་རྣམ་པ་ཅན། ལུས་ཀུན་ནས་འོད་ཀྱིས་གསལ་བར་བྱས་པའོ། །བཞི་པ་ལ་ནི་འཕགས་པ་ཕྱག་ན་རྡོ་རྗེ་ལག་པ་གཡོན་ན་རྡོ་རྗེ་འཛིན་པ། ལག་པ་གཡས་ན་བེལ་བ་ཐོགས་པས་མཆོག་སྦྱིན་པ། མདོག་གསེར་འདྲ་བ། རྒྱན་ཐམས་ཅད་ཀྱིས་བརྒྱན་པ། གཟུགས་མཛེས་པ། ཞི་བའི་ལྟ་བ་དང་ལྡན་པ་དང ། དྲ་བ་དང ། དྲ་བ་ཕྱེད་པས་ལུས་ཉེ་བར་དཀྲིས་པ། མུ་ཏིག་གི་ཕྲེང་བས་མཆོད་ཕྱིར་ཞོགས་བྱས་པ། ཅོད་པན་རིན་པོ་ཆེ་འབར་བས་རྣམ་པར་འཕྲོ་བ། གོས་གཡོ་བ་དང་ལྡན་པ་
129a
༄#། །བགོས་པ། དར་ལ་དཀར་པོའི་སྟོང་གཡོགས་བྱས་པའོ། །འཕགས་པ་སྤྱན་རས་གཟིགས་དབང་ཕྱུག་དང ། ཀུན་ཏུ་བཟང་པོའི་ན་བཟའ་སྟོད་གཡོགས་ཀྱང་འདི་བཞིན་དུ་བྱའོ། །ཆ་བྱད་ནི་ཇི་ལྟར་སྔར་བསྟན་པ་བཞིན་བྱའོ། །དེ་བཞིན་དུ་པདྨ་ལྔ་པ་ལ་ནི་འཕགས་པ་བློ་གྲོས་ཆེན་པོ། དྲུག་པ་ལ་ནི་བློ་གྲོས་ཞི་བ། བདུན་པ་ལ་ནི་རྣམ་པར་སྣང་མཛད་སྙིང་པོ། བརྒྱད་པ་ལ་ནི་ངན་སོང་སྤོང་བ་སྟེ། བྱང་ཆུབ་སེམས་དཔའ་འདི་དག་བྲི་བར་བྱ་སྟེ། བིལ་བའི་འབྲས་བུ་དང ། གླེགས་བམ་ལག་ན་ཐོགས་པ། རྒྱན་ཐམས་ཅད་ཀྱིས་ཤིན་ཏུ་མཛེས་པ། དར་ལས་སྟོད་གཡོགས་བྱས་པ། རྒྱན་ཐམས་ཅད་ཀྱིས་བརྒྱན་པ། གཡོ་བ་དང་ལྡན་པའི་གོས་བགོས་པའོ། །དེ་དག་གི་སྟེང་དུའང་རང་སངས་རྒྱས་བརྒྱད་བྲི་བར་བྱ་སྟེ། དགེ་སློང་གི་ཆ་བྱད་འཛིན་པ། ལུས་སྐྱེས་བུ་ཆེན་པོའི་མཚན་དང་ལྡན་པ། ཆོས་གོས་དམར་པོ་གྱོན་པ། སྐྱིལ་མོ་ཀྲུང་གིས་ཉེ་བར་གནས་པ།་རིན་པོ་ཆེའི་ཨུཏྤ་ལ་ལ་འདུག་པ། ཆ་བྱད་ཞི་བའི་བདག་ཉིད་ཀུན་ནས་འོད་འཕྲོ་བའི་ཕྲེང་བས་ཁྱབ་པ། མེ་ཏོག་དྲི་ཞིམ་པོས་གཅལ་བཀྲམ་པ་ལ། འདི་ལྟ་སྟེ། མེ་ཏོག་མཱ་ལི་དང ། དབྱར་གྱི་མེ་ཏོག་དང ། དྷཱ་ནུཥྐ་རི་ཀ་དང ། པུན་ནཱ་ག་དང ། ནཱ་ག་གེ་སར་ལ་སོགས་པའི་མེ་ཏོག་གིས་རས་རིས་ཀུན་ནས་གཅལ་བཀྲམ་པར་བྲི་བར་བྱའོ། །བཅོམ་
129b
ལྡན་འདས་ཤཱཀྱ་ཐུབ་པའི་གཡོན་ཕྱོགས་སུ་འཕགས་པ་འཇམ་དཔལ་གྱི་སྟེང་དུ་རིན་པོ་ཆེ་དུ་མས་ཉེ་བར་སྤྲས་པ། ཤིན་ཏུ་ཡངས་པའི་གཞལ་མེད་ཁང་གི་དཀྱིལ་འཁོར་བྲག་གི་ཚོགས་ཀྱིས་ཤིན་ཏུ་ཉེ་བར་མཛེས་པར་བྱས་པ། རིན་པོ་ཆེའི་ཨུཏྤ་ལས་ཤིན་ཏུ་བཀབ་པ། རིའི་རྣམ་པ་ལྟ་བུ་བྲི་བར་བྱའོ། །གནས་དེར་སངས་རྒྱས་བཅོམ་ལྡན་འདས་བརྒྱད་བྲི་བར་བྱ་སྟེ། འདི་ལྟ་སྟེ། རིན་ཆེན་གཙུག་ཏོར་ཅན་རིན་པོ་ཆེ་བཻཌཱུརྱའི་འོད་རྣམ་པར་འཕྲོ་བ། ཀུན་ནས་འོད་འདོམ་གང་བ། རིན་པོ་ཆེ་པདྨ་རཱ་ག་དང ། ིནྡྲ་ནཱི་ལ་དང ། མ་རྒད་ལ་སོགས་པ་དང ། བཻ་ཌཱུ་རྱ་དང ། སྨ་གར་བྷ་ལ་སོགས་པ་ནོར་བུ་རིན་པོ་ཆེ་ཆེན་པོའི་བྱེ་བྲག་ཀུན་ནས་འོད་འཕྲོ་བ་དང་ལྡན་པ། ཉི་མ་འཆར་ཀའི་མདོག་འདྲ་བ། དེ་བཞིན་གཤེགས་པའི་སྐུ་ལྷུང་བཟད་དང ། ཆོས་གོས་དང ། བླ་གོས་དང་ལྡན་པ། སྐྱིལ་ཀྲུང་གིས་བཞུགས་ཤིང་ཆོས་འཆད་པ། ན་བཟའ་སེར་པོ་མནབས་པ། སྐྱེས་བུ་ཆེན་པོའི་མཚན་གྱིས་སྐུ་ལ་ཁྱབ་པ།་དཔེ་བྱད་བཟང་པོ་བརྒྱད་ཅུས་སྐུ་ཉེ་བར་མཛེས་པ། ཞི་བའི་གཟིགས་པ་དང་ལྡན་པ། རྣམ་པ་ཐམས་ཅད་ཀྱི་མཆོག་དང་ལྡན་པའི་དེ་བཞིན་གཤེགས་པ་རིན་ཆེན་གཙུག་ཏོར་ཅན་བྲི་བར་བྱའོ། །གཉིས་པ་དེ་བཞིན་གཤེགས་པ་མེ་ཏོག་ཡང་དག་པར་སྐྱེས་པའི་དབང་པོ་ཁ་དོག་གསེར་འདྲ་བ་བྲི་བར་བྱའོ། །གསུམ་པ་པདྨའི་གཙུག་ཏོར་པདྨའི་གེ་སར་དང་འདྲ་
130a
༄#། །བའི་ཆོས་འཆད་པ་བྲི་བར་བྱའོ། །བཞི་པ་སྤྱན་བཟང་པོ་ཡང་བྲི་བར་བྱའོ། །ལྔ་པ་བསྙེན་པར་དཀའ་བ་དང ། དྲུག་པ་རྒྱལ་བ་རྣམ་པར་སྣང་མཛད་དང ། བདུན་པ་སྨན་གྱི་བླ་བཻ་ཌཱུརྱའི་འོད་ཀྱི་རྒྱལ་པོ་དང ། བརྒྱད་པ་དེ་བཞིན་གཤེགས་པ་སྡུག་བསྔལ་ཐམས་ཅད་ཞི་བར་བྱེད་པའི་སྤྱན་གྱི་རྒྱལ་པོ་བྲི་བར་བྱའོ། །འདི་དག་ཐམས་ཅད་ཀྱང་གསེར་གྱི་མདོག་ཅན་དེ་བཞིན་གཤེགས་པའི་སྐུ་གཟུགས་སུ་བྱའོ། །དེ་བཞིན་གཤེགས་པ་དེ་དག་གི་སྟེང་གི་ཕྱོགས་སུ་གཡས་གཡོན་ནས་སྤྲིན་གྱི་གསེབ་ནས་གནས་གཙང་མའི་ལྷའི་བུ་གཉིས་ལུས་མི་སྣང་བར་མེ་ཏོག་གི་ཆར་འབེབས་པ་བྲི་བར་བྱ་སྟེ། བར་སྣང་ལ་གནས་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། རང་སངས་རྒྱས་དང ། འཕགས་པ་ཉན་ཐོས་རྣམས་ལ་ཕྱག་འཚལ་བ་བྲི་བར་བྱའོ། །རང་སངས་རྒྱས་ཀྱི་འོག་ཏུ་ཉན་ཐོས་ཆེན་པོ་བརྒྱད་བྱང་ཆུབ་སེམས་དཔའི་མགོ་ལ་འདུག་པ་སྤངས་ཏེ་བྲི་བར་བྱ་བ་ལ། འདི་ལྟ་སྟེ། གནས་བརྟན་ཤཱ་རིའི་བུ་དང ། མཽང་གལ་གྱི་བུ་ཆེན་པོ་དང ། འོད་སྲུང་ཆེན་པོ་དང ། རབ་འབྱོར་དང ། སྒྲ་གཅན་འཛིན་དང ། དགའ་བོ་དང ། བཟང་ལྡན་དང ། ཀ་པི་ནའོ། །རང་སངས་རྒྱས་དག་ཀྱང ། འདི་ལྟ་སྟེ། སྤོས་ཀྱི་ངད་ལྡང་དང ། དམན་པ་དང ། ཉེ་བའི་འཆི་ལྟས་དང ། དཀར་པོ་དང ། དཀར་པོའི་ཏོག་
130b
དང།་མུ་ཁྱུད་དང ། མུ་ཁྱུད་བཟང་པོའོ། །འདི་དག་ཐམས་ཅད་ཀྱང་ཤིན་ཏུ་མཛེས་པ། ཞི་བའི་ཆ་བྱད་ཀྱི་བདག་ཉིད་ཅན། ཤིན་ཏུ་དུལ་བའི་ཆ་བྱད་ཅན་ནོ། །ཉན་ཐོས་ཆེན་པོ་དག་ཀྱང་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ལ་ལྟ་བའོ། །སྟེང་དུ་གནས་གཙང་མའི་ལྷའི་བུ་གཞན་གཉིས་ཉེ་བར་ཀུན་ནས་གོས་ཀྱི་བླ་རེ་ཆུ་ཞེང་ཡངས་པ། ཤིན་ཏུ་མཛེས་པ་འཛིན་ཅིང་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། རང་སངས་རྒྱས་དང ། འཕགས་པ་ཉན་ཐོས་རྣམས་ཀྱི་སྟེང་དུ་ལྷའི་གོས་དང ། ཕྲེང་བ་འཛིན་པ་བྲི་བར་བྱའོ། །བཅོམ་ལྡན་འདས་ཤཱཀྱ་ཐུབ་པའི་སྟེང་དབུའི་སྟེང་དུ་མུ་ཏིག་གི་ཕྲེང་བ་དང ། ཐ་གུ་དམར་པོ་པདྨ་རཱ་ག་དང ། ིནྡྲ་ནཱི་ལ་ལ་སོགས་པའི་མདུད་པ་བྱས་པ། རིན་པོ་ཆེའི་ཐ་གུའི་ཚོགས་བྱའོ། །དེ་ལ་ཡང་གོས་ཀྱི་བླ་རེ་ཤིན་ཏུ་ལེགས་པར་ཀུན་ནས་བཀོད་པ་དང ། མུ་ཏིག་གི་ཕྲེང་བ་འཕྱང་བས་མཛེས་པ་བྲི་བར་བྱའོ། །སངས་རྒྱས་བཅོམ་ལྡན་འདས་ཀྱི་འོག་ཏུ་ནི་པདྨའི་མཚོ་ལས་འཕགས་པ་འཇམ་དཔལ་གྱི་ཞབས་དྲུང་དང་ཉེ་བ་ན་ཀླུའི་རྒྱལ་པོ་ཉེ་དགའི་ཕྱོགས་སུ་རིན་པོ་ཆེ་ཆེན་པོའི་རི་བོ་པདྨའི་མཚོ་ལས་མངོན་པར་ཐོན་པ། རིན་པོ་ཆེའི་མྱུ་གུ་དང ། ཕུག་དང ། རི་སུལ་དང ། བྱུ་རུའི་ཡལ་ག་དང ། རིན་པོ་ཆེའི་ཤིང་གིས་ཡོངས་སུ་བསྐོར་བ། དྲང་སྲོང་ཆེན་པོའི་གནས་དང ། གྲུབ་པ་དག་གིས་དེ་ལ་
131a
༄#། །བསྟེན་པ། རིའི་རྩེ་མོའི་སྟེང་དུ་ཁྲོ་བོའི་རྒྱལ་པོ་གཤིན་རྗེའི་གཤེད་ཤིན་ཏུ་མི་བཟད་པའི་གཟུགས་ཅན། ལག་པ་གཡས་པ་ན་ཞགས་པ་ཐོགས་པ། ལག་པ་གཡོན་པ་ན་གཞུ་ཐོགས་པ། བཞིན་ཁྲོ་གཉེར་དང་ལྡན་པ། བཀའ་ཉན་ཅིང་འཕགས་པ་འཇམ་དཔལ་ལ་ཕྱོགས་ཏེ་ལྟ་བ། གསུས་པ་འཕྱང་བ། སྐྲ་གྱེན་དུ་བརྫེས་པ། མིག་སྨན་ནག་པོ་དང ། སྤྲིན་ནག་པོ་དང་འདྲ་བ། ཁ་སྤུ་སེར་བ། སེན་མོ་རིང་བ། མིག་དམར་བ། མགུལ་བའི་ཕྱོགས་སྦྲུལ་གྱིས་བརྒྱན་པ། སྟག་གི་པགས་པ་མནབས་པ། བགེགས་ཐམས་ཅད་རྣམ་པར་འཇོམས་པར་བྱེད་པ། རབ་ཏུ་མི་བཟད་པ་ཆེན་པོ། ཁྲོ་བོའི་རྒྱལ་པོ་ཆེན་པོ་ཀུན་ནས་འབར་བ། ཁྲོ་བོའི་རྒྱལ་པོ་གཤིན་རྗེའི་གཤེད་བྲི་བར་བྱའོ། །རི་དེའི་འོག་ཏུ་རྡོའི་སྟེང་ན་འདུག་པ། ལུས་ས་ལ་བཏུད་དེ་སྤོས་ཀྱི་སྣོད་ལག་ན་ཐོགས་པ། ཆ་བྱད་དང ། དབྱིབས་དེ་ལྟ་པ་བཞིན་རྟགས་འཛིན་པ། ཇི་ལྟར་རྗེས་སུ་མཐུན་པའི་སྤྱོད་པ་དང ། འཕགས་པ་འཇམ་དཔལ་གྱི་རྗེས་སུ་ལྟ་བའི་སྒྲུབ་པ་པོ་བྲི་བར་བྱའོ། །ཀླུའི་རྒྱལ་པོ་དགའ་བོ་དང་ཉེ་བར་བཅོམ་ལྡན་འདས་ཤཱཀྱ་ཐུབ་པའི་འོ་ག་དེའི་གཡས་ངོས་སུ་པདྨའི་མཚོ་ལས་མངོན་པར་བྱུང་བའི་རིན་པོ་ཆེའི་རིའི་རྒྱལ་པོ། ཇི་ལྟར་སྔར་རིའི་རྒྱལ་པོར་བསྟན་པ་དེ་བཞིན་དུ་བྲི་བར་བྱའོ།།
131b
ཁྲོ་བོའི་རྒྱལ་པོ་གཤིན་རྗེའི་གཤེད་མེད་པ། ལྷའི་མེ་ཏོག་གིས་ཁྱབ་པ་བྲི་བར་བྱའོ། །རི་དེ་ཡང་འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་བྲིའོ། །རི་དེ་ཡང་ཤིན་ཏུ་མཐོ་བ། རིན་པོ་ཆེ་པདྨ་རཱ་གའི་ཐེམ་སྐས་འདྲ་བ། བཻ་ཌཱུརྱའི་རང་བཞིན། རྩེ་མོ་མྱུ་གུ་འདྲ་བ་བྲི་བར་བྱའོ། །དེ་ལ་བརྟེན་པའི་ལྷ་མོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེའི་ངོ་བོ་འཕགས་མ་སྒྲོལ་མ། རྒྱན་ཐམས་ཅད་ཀྱིས་བརྒྱན་པ། དར་ལ་དམར་པོས་སྟོད་གཡོགས་བྱས་པ། ཁ་དོག་རྣམ་པ་སྣ་ཚོགས་དང་ལྡན་པའི་གོས་ཅན། བུད་མེད་ཀྱི་རྒྱན་ཐམས་ཅད་ཀྱིས་ལུས་བརྒྱན་པ། ལག་པ་གཡོན་པ་ན་ཨུཏྤ་ལ་ཐོགས་པ། གསེར་གྱི་ཁ་དོག་ཅན། རྐེད་པ་ཕྲ་བ། ཧ་ཅང་ཡང་མི་སྐེམ། ཧ་ཅང་ཡང་མི་སྦོམ། ཧ་ཅང་ཡང་མི་རྒན། སེམས་བསམ་གཏན་ལ་ཞུགས་པ། བཀའ་ཉན་ཅིང་འདུག་པ། ལག་པ་གཡས་པ་མཆོག་སྦྱིན་པ། ཅུང་ཟད་གདོང་དང་ལུས་འདུད་པ། སྐྱིལ་ཀྲུང་གིས་འདུག་པ། འཕགས་པ་སྤྱན་རས་གཟིགས་དབང་ཕྱུག་ལ་ཅུང་ཟད་ལྟ་ཞིང་འདུག་པ། ཀུན་ནས་འབར་བའི་འོད་ཀྱི་ཕྲེང་བས་ཡོངས་སུ་བསྐོར་བ། དེར་ཡང་བཻཌཱུརྱ་རིན་པོ་ཆེའི་རྩེ་མོ་ལ་ཤིང་བུན་ནཱ་གའི་ཡལ་གས་ཀུན་ནས་བསྐོར་བ། ཡལ་ག་དག་ལ་ཡང་མེ་ཏོག་འཕེལ་ཞིང་ཁ་བྱེ་བས་ལེགས་པར་རྒྱས་པས་བཅོམ་ལྡན་འདས་མ་སྒྲོལ་མ་མངོན་པར་བཀབ་པ། ཡལ་ག་མངོན་པར་འདུད་པ་དེ་ཉིད་ཀྱང་ཤིན་ཏུ་ཁ་དོག་སྣ་ཚོགས་པ། བྱུ་རུའི་མྱུ་གུ་འབྲེལ་བ་རྣམ་པ་སྣ་ཚོགས་ཀྱི་ངོ་བོའི་ཚོན་འབར་བ་ན། ལྷ་མོ་སྒྲོལ་མ་
132a
༄#། །མངོན་དུ་ཕྱོགས་ཤིང་ལྟ་བ་བྲི་བར་བྱའོ། །ལྷ་མོ་བགེགས་རྣམས་མ་ལུས་འཇོམས། །འཇིགས་པ་སེལ་བར་བྱེད་པའི་མཆོག་།སྒྲུབ་པ་པོ་ནི་སྲུང་དོན་དུ། །དེས་ནི་དམ་པ་སྦྱིན་ཞིང་དགེ་།སྟོབས་བཅུ་ལྡན་སྲས་ཐུགས་རྗེ་ནི། །བུད་མེད་གཟུགས་འཆང་ལྷ་མོ་ཡིན། །འབྱུང་པོ་ཀུན་གྱི་དཔལ་དོན་དང ། །མཆོག་སྦྱིན་བྱེད་པ་བྲི་བར་བྱ། །འཇམ་པའི་དབྱངས་ཅན་འོད་ཆེན་ནི། །གཞོན་ནུའང་ལྷ་མོ་འདི་ལ་དགྱེས། །བགེགས་རྣམས་ཐམས་ཅད་བསལ་བའི་ཕྱིར། །སྒྲུབ་པ་པོས་ཀྱང་ཡང་དག་བཀུར། །མི་ཡི་བདག་པོ་སྲུང་དོན་དང ། །དཔལ་སྒྲུབ་ཕྱིར་ཡང་རི་མོ་བྲི། །ཁྲོ་བོའི་རྒྱལ་པོ་གང་ཡིན་དེ། །རི་ཡི་རྩེ་མོར་གཞག་བྲིས་པ། །བགེགས་རྣམས་ཐམས་ཅད་གཞིག་པའི་ཕྱིར། །རྒྱལ་བ་མཆོག་དང་སྲས་ཀྱིས་གསུངས། །མི་བཟད་ཆེན་པོ་འཁྱིལ་བ་ཆེ། །གཏུམ་ཆེན་འོད་ཆེན་ལྡན་པ་པོ། །མ་རུངས་སེམས་ཅན་ཚར་གཅད་ཕྱིར། །སྒྲུབ་པ་ལ་ནི་རབ་ཏུ་བརྟགས། །སྒྲུབ་པ་པོ་ནི་སྲུང་བ་དང ། །བགེགས་རྣམས་ཐམས་ཅད་སེལ་བར་བྱེད། །མི་བཟད་ཁྲོ་བོའི་ངང་ཚུལ་ཅན། །སྔགས་ཀྱི་ལྷ་དག་འགུགས་པར་བྱེད། ། ཤིན་ཏུ་མི་བཟད་དྲག་པོའི་གཟུགས། །བརྩེ་བ་མེད་པ་ཐམས་ཅད་འདུལ། །སྡིག་དང་དྲག་པོར་སྤྱོད་པ་རྣམས། །དབང་དུ་མི་འགྱུར་བ་དང ། དུ་བྱེད། །མཁའ་སྤྱོད་ས་ལ་སྤྱོད་
132b
པ་དང ། །ས་འོག་སྤྱོད་པ་ཐམས་ཅད་ཀྱི། །ཐུབ་པའི་བསྟན་ལ་འགལ་བྱེད་གང ། །མ་རུངས་ཐམས་ཅད་འདུལ་བར་བྱེད། །རས་ནི་ཀུན་ནས་གྲུ་བཞི་དང ། །ཟུར་བཞི་དག་ཏུ་བྲི་བ་ཡིན། །རས་ཀྱི་འོག་ཏུ་ཐ་མར་ནི། །ཆུ་བོ་རྒྱ་ཆེའི་གནས་བྱ་སྟེ། །ཀླུ་ཡི་གདེངས་ཀ་ཡན་ལག་ཅན། །གཅིག་ནི་ཀུན་ཏུ་བྱ་བ་ཡིན། །ཡན་ལག་བཟང་པོ་དཀར་པོ་དང ། །ལུས་བྱེ་མི་ཡི་རྣམ་པར་སྐྱེས། །བྱང་དུ་མགོ་ནི་གཞག་བྱ་སྟེ། །རྟག་ཏུ་ཐལ་མོ་སྦྱར་བྱེད་པ། །སྟོབས་ཆེན་གདེངས་ཀ་བདུན་དང་ལྡན། །མཐའ་ཡས་ཞེས་ནི་བྱ་བ་ཡིན། །དེ་བཞིན་གཤེགས་ལ་ངེས་པར་ལྟ། །ནོར་བུ་རིན་ཆེན་གྱིས་མཛེས་པ། །ལེགས་པར་མཛེས་དང་གཟུགས་མཛེས་དང ། །རིན་ཆེན་རྒྱན་གྱིས་ཡོངས་བརྒྱན་པའི། །འབར་བའི་ཕྲེང་ཅན་བྲི་བ་ནི། །ཀླུ་རྒྱལ་ཆེན་པོར་རྣམ་པར་གྲགས། །འཇིག་རྟེན་ཀུན་ལ་ཕན་པར་བརྩོན། །སངས་རྒྱས་བསྟན་ལ་རབ་ཏུ་ཞུགས། །བགེགས་རྣམས་ཐམས་ཅད་རྣམ་གཞིག་ཕྱིར། །ཆུ་པོ་ལ་བརྟེན་བྲི་བར་བྱ། །རས་ཀྱི་ཆོ་ག་དམ་པ་འདི། །རྒྱལ་བ་རྣམས་ཀྱིས་གསུངས་པ་ཡིན། །དེ་བཞིན་གཤེགས་པས་སྔོན་གསུངས་པ། །རྒྱས་བསྟན་ངས་ནི་མདོར་བསྡུས་ཡིན། །མཁས་པ་གང་ཞིག་འདྲི་བྱེད་པ། །དེ་ཡི་བསོད་ནམས་མཐའ་ཡས་འགྱུར། །བསྐལ་པ་བྱེ་བར་བྱས་པ་ཡི། །སྡིག་པ་ཤིན་ཏུ་མི་བཟད་པ། །ས་སྟེང་རི་མོ་མཐོང་
133a
༄#། །བ་ཙམ། །དེ་ཡི་མོད་ལ་འབྱང་བར་བྱེད། །མཚམས་མེད་ལྔ་བོ་བྱེད་པ་དང ། །ཚུལ་ཁྲིམས་ཉམས་དང་སྨད་པ་དང ། །སྡིག་པ་ཀུན་ལ་འཇུག་པ་དང ། འཁོར་བའི་མུན་པར་སྤྱོད་པ་དང ། །འགྲོ་བའི་སྐྱེ་གནས་ངན་པ་དག་།དེར་ནི་རས་རིས་གཞག་མི་བྱ། །རས་རིས་མཐོང་བའང་དོན་ལྡན་ཞེས། །ཐུབ་པའི་དབང་པོས་གསུངས་པ་ཡིན། །མཐོང་བ་ཙམ་གྱིས་དག་འགྱུར་ཏེ། །དེ་བས་སྐད་ཅིག་དེ་ཙམ་གྱིས། །ཡིད་དག་ལུས་ནི་དག་འཇུག་དང ། །རྗེས་སུ་བཟླས་པ་བྱེད་པ་དང ། །སྔགས་རྟེན་ཉིད་ལ་རྟག་བརྩོན་པའི། །མི་རྣམས་གྲུབ་འདོད་སྨོས་ཅི་དགོས། །བསྐལ་པ་བྱེ་བར་སངས་རྒྱས་ལ། །མཆོད་པའི་བསོད་ནམས་གང་ཡིན་པ། །ས་སྟེང་རས་རིས་འདྲི་བ་ཡི། །སྔགས་པས་བསོད་ནམས་དེ་འཐོབ་འགྱུར། །གང་གཱ་ཡི་ནི་བྱེ་མ་དག་།ཚད་དུ་བསྟན་པ་གང་ཡིན་པ། །དེ་དང་མཉམ་པའི་སངས་རྒྱས་དང ། །རང་རྒྱལ་དང་ནི་བྱང་ཆུབ་སེམས། །བསེ་རུ་ཉན་ཐོས་འཇིག་རྟེན་ན། །ལན་མང་དག་ཏུ་མཆོད་སྟོན་བྱས། །རས་རིས་མཐོང་བཙམ་གྱིས་ནི། །མི་ཡིས་དེ་བཞིན་བསོད་ནམས་འཐོབ། །ཆོ་ག་ཀློག་པ་ཙམ་དང་ནི། །མཆོད་དང་རྗེས་སུ་ཡི་རང་བ། །ཆོ་ག་ཐམས་ཅད་རབ་བརྟགས་པ། །དེ་ལ་སྔགས་ཀྱིས་དངོས་གྲུབ་དེས། །འཇིག་རྟེན་སྔགས་རྣམས་ཇི་སྙེད་པ། །གང་དག་རྒྱལ་བ་སྐྱེས་མཆོག་དང ། །དེའི་སློབ་
133b
བས་རུ་བྱང་ཆུབ་སེམས། །བདག་ཉིད་ཆེན་པོས་གང་གསུངས་པ། །རི་མོ་འདི་ནི་མདུན་བཞག་ན། །སྔགས་རྣམས་མ་ལུས་འགྲུབ་པར་འགྱུར། །བྱང་ཆུབ་སེམས་དཔའི་སྔགས་སྣོད་ཕལ་པོ་ཆེ་ཐེག་པ་ཆེན་པོའི་མདོ་སྡེ་ལས། རས་རིས་ཆེན་མོ་དང་པོའི་ཆོ་གའི་ལེའུ་སྟེ་བཞི་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་འཁོར་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། གཞན་ཡང ། ཁྱོད་ཀྱི་འབྲང་གི་རས་ཀྱི་ཆོ་ག་དེ་ངས་བཤད་པར་བྱ་ཡི། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་།དང་པོར་རེ་ཞིག་སྔར་བསྟན་པའི་དོག་པ་དང ། སྔར་བསྟན་པའི་ཆོ་ག་དང ། སྔར་བསྟན་པའི་བཟོ་བོ་དང ། སྔར་གྱི་ཚད་བར་མ་དང་ལྡན་པ། རས་ཤིན་ཏུ་བཟང་བ་དང ། འཇམ་པ་དང ། ཤིན་ཏུ་བཀྲུས་པ་ཁ་ཚར་དང་བཅས་པ་དང ། །ཚོན་མ་འདྲེས་པ་དང ། སྐྲ་ལ་སོགས་པ་མེད་པར་བྱས་ལ་ཚད་མ་གཏོགས་པ་དང་པོ་ཇི་ལྟ་བ་དེ་བཞིན་དུ་བྱས་པའི་རས་དེ་ལ་ཕྱི་ནས་བྲི་བར་བྱ་སྟེ། དང་པོར་རེ་ཞིག་གནས་གཙང་མ་ཀུན་ནས་མཛེས་པ། རིན་པོ་ཆེ་ཤེལ་གྱི་རང་བཞིན་ལྟ་བུ། མུ་ཏིག་དཀར་པོས་བརྒྱན་པ། དེའི་དབུས་སུ་བཅོམ་ལྡན་འདས་ཤཱཀྱ་ཐུབ་པ་བྲི་བར་བྱ་སྟེ། རིན་པོ་ཆེའི་སེང་གེའི་ཁྲི་ལ་རྣམ་པ་ཐམས་ཅད་ཀྱི་མཆོག་དང་ལྡན་པ་ཆོས་འཆད་ཅིང་བཞུགས་པའོ། །གཡས་ཕྱོགས་ན་འཕགས་པ་
134a
༄#། །འཇམ་དཔལ་པདྨའི་གེ་སར་རམ། གུར་གུམ་མམ། ཉི་མའི་མདོག་འདྲ་བ། གཡོན་པའི་དཔུང་པའི་ཕྱོགས་སུ་ཨུཏྤ་ལ་བསྣམས་ཤིང་ཐལ་མོ་སྦྱར་བས་བཅོམ་ལྡན་འདས་ཤཱཀྱ་ཐུབ་པ་ལ་བལྟ་བ། བཞིན་ཅུང་ཟད་དགོད་པ། གཞོན་ནུའི་གཟུགས་ཅན། ཟུར་ཕུད་ལྔས་མགོ་མཛེས་པར་བྱས་པ། བྱིས་པ་གཞོན་ནུའི་རྒྱན་གྱིས་བརྒྱན་པ། པུས་མོ་གཡས་པའི་ལྷ་ང་དང ། མགོ་འདུད་པའོ། །བཅོམ་ལྡན་འདས་ཤཱཀྱ་ཐུབ་པའི་གཡོན་ལོགས་སུ་འཕགས་པ་སྤྱན་རས་གཟིགས་དབང་ཕྱུག་སྟོན་ཀའི་ཟླ་བའི་མདོག་ལྟར་དཀར་བ་སྔ་མ་ཇི་ལྟ་བ་དེ་བཞིན་དུ་བྲི་བར་བྱ་སྟེ། འོན་ཀྱང་བཅོམ་ལྡན་འདས་ལ་རྔ་ཡབ་གཡོབ་པར་བྱའོ། །དེའི་ཕྱོགས་སུ་འཕགས་པ་བྱམས་པ་དང ། ཀུན་ཏུ་བཟང་པོ་དང ། ཕྱག་ན་རྡོ་རྗེ་དང ། བློ་གྲོས་ཆེན་པོ་དང ། ཞི་བར་གཤེགས་པ་དང ། ནམ་མཁའ་མཛོད་དང ། སྒྲིབ་པ་ཐམས་ཅད་རྣམ་པར་སེལ་བ་སྟེ། འདི་དག་ཀྱང་སྔ་མ་བཞིན་དུ་བྲི་བར་བྱའོ། །དང་པོ་ཇི་ལྟ་བ་དེ་བཞིན་དུ་རྒྱན་ཐམས་ཅད་ཀྱིས་བརྒྱན་པ་བྲི་བར་བྱའོ། །འདི་དག་གི་སྟེང་དུ་སངས་རྒྱས་བཅོམ་ལྡན་འདས་བརྒྱད་བྲི་བར་བྱ་སྟེ། བཞེངས་པ་དང ། ལག་པ་གཡས་པས་མཆོག་སྦྱིན་པ་དང ། སྐུ་ལན་བཟའ་སེར་པོས་སྟོད་གཡོགས་བྱས་པ། ལག་པ་གཡོན་པས་ཆོས་གོས་ཀྱི་དཀྱིལ་ནས་འཛིན་པ། ཆོས་གོས་ཀྱི་ཁ་དོག་ཅུང་ཟད་དམར་བ་མནབས་པ། ཀུན་ནས་
134b
འོད་དང་ལྡན་པ། རྣམ་པ་ཐམས་ཅད་ཀྱི་མཆོག་དང་ལྡན་པ་ལ། འདི་ལྟ་སྟེ། དེ་བཞིན་གཤེགས་པ་མེ་ཏོག་ཡང་དག་པར་སྐྱེས་པའི་རྒྱལ་པོའི་དབང་པོ་དང ། རིན་ཆེན་གཙུག་ཏོར་དང ། གཙུག་ཏོར་ཅན་དང ། ཐམས་ཅད་སྐྱོབ་དང ། ལོག་པར་དད་སེལ་དང ། གསེར་ཐུབ་དང ། འོད་སྲུང་དང ། སྤྱན་བཟང་སྟེ། སངས་རྒྱས་བཅོམ་ལྡན་འདས་དེ་དག་བྲི་བར་བྱའོ། །བཅོམ་ལྡན་འདས་ཀྱི་གཡས་ཕྱོགས་སུ་འཕགས་པ་འཇམ་དཔལ་གྱི་མདུན་དུ་འཁོར་ཆེན་པོའི་དཀྱིལ་འཁོར་བྲི་བར་བྱ་སྟེ། ཉན་ཐོས་ཆེན་པོ་བརྒྱད་དང ། རང་སངས་རྒྱས་བརྒྱད་སྔ་མ་ཇི་ལྟ་བ་དེ་བཞིན་དུ་བྲི་སྟེ། འོན་ཀྱང་འཕགས་པ་མཽད་གལ་གྱི་བུ་ཆེན་པོ་དང ། ཤཱ་རིའི་བུ་ནི། བཅོམ་ལྡན་འདས་ཤཱཀྱ་ཐུབ་པ་ལ་རྔ་ཡབ་ཀྱིས་གཡོབ་པ་འགྲེང་བག་ཏུ་བྲི་བར་བྱའོ། །དེ་བཞིན་དུ་གནས་གཙང་མའི་རིས་ཀྱི་ལྷའི་བུ་བྲི་བར་བྱའོ། །ལྷ་རྣམས་ཀྱི་དབང་པོ་བརྒྱ་བྱིན་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། དག་པ་དང ། དྲི་མ་མེད་པ་དང ། འཇམ་པ་དང ། མི་གདུང་བ་དང ། འོད་གསལ་དང ། ཚངས་པ་མི་མཛེད་ཀྱི་བདག་པོ་དང ། འོག་མིན་དང ། དེ་ལ་སོགས་པའི་ལྷའི་བུ་གཟུགས་ན་སྤྱོད་པ་དང ། འདོད་པ་ན་སྤྱོད་པའི་ལྷའི་བུ་དག་མཐར་གྱིས་བྲི་བར་བྱའོ། །འཕགས་པ་འཇམ་དཔལ་དང་ཉེ་བར་འཁོར་གྱི་དཀྱིལ་འཁོར་ལེགས་པར་དགོད་པར་བྱ་སྟེ། རང་རང་གི་གཟུགས་དང ། ཆ་བྱད་དུ་བྲི་བར་བྱའོ། །བཅོམ་
135a
༄#། །ལྡན་འདས་ཀྱི་སེངྒེའི་ཁྲིའི་འོག་ཏུ་ནི་རྒྱ་མཚོ་ཆེན་པོ་ལས་མངོན་པར་བྱུང་བའི་ཀུན་ནས་རིན་པོ་ཆེའི་རི་བོ་རས་རིས་ཀྱི་མཐའ་མར་བྲི་བར་བྱའོ། །རས་རིས་ཀྱི་ཕྱོགས་གཅིག་གི་མཐའ་ལ་སྒྲུབ་པ་པོ་ཆ་བྱད་དང ། དབྱིབས་ཇི་ལྟ་བུའི་རྣམ་པ། པུས་མོའི་ལྷ་ང་དང ། མགོ་བཏུད་པ། སྤོས་སྣོད་ལག་ན་ཐོགས་པ་བྲི་བར་བྱའོ། །རིན་པོ་ཆེའི་རི་བོ་དེའི་སྟེང་འཕགས་པ་འཇམ་དཔལ་གྱི་འོག་ཏུ་ཁྲོ་བོའི་རྒྱལ་པོ་གཤིན་རྗེའི་གཤེད་ཇི་ལྟར་བསྟན་པ་དེ་ལྟར་བྲི་བར་བྱའོ། །བཅོམ་ལྡན་འདས་ཀྱི་གཡོན་ཕྱོགས་སེང་གེའི་ཁྲིའི་འོག་ཏུ་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དང་ཉེ་བ་དེར་རིན་པོ་ཆེའི་རི་བོའི་སྟེང་དུ་ལྷ་མོ་སྒྲོལ་མ་སྔར་ཇི་ལྟར་བསྟན་པ་དེ་བཞིན་དུ་བྲི་བར་བྱའོ། །རས་རིས་དེའི་ཁོར་ཁོར་ཡུག་ཏུ་མེ་ཏོག་གཏོར་བར་བྲི་བར་བྱས་ལ། གཅལ་བཀྲམ་པར་བྱ་བ་ལ། མེ་ཏོག་ཙམ་པ་ཀ་དང ། ནཱི་ལོད་པ་ལ་དང ། པདྨ་དང ། དྲི་མཆོག་དང ། མཱ་ལ་ཏི་དང ། བཱར་ཤི་ཀ་དང ། དྷཱ་ནུཥྐཱ་རི་ཀ་དང།་པུན་ནཱ་ག་དང ། ནཱ་ག་གསར་ལ་སོགས་པའི་མེ་ཏོག་གིས་རས་རིས་དེ་ལ་ཁོ་ར་ཁོར་ཡུག་ཏུ་གཏོར་བར་བྱའོ། །རས་རིས་ཀྱི་སྟེང་གི་མཐའི་ཟུར་གཉིས་སུ་མེ་ཏོག་གི་ཚོགས་འཐོར་བ། གཟུགས་རྣམ་པར་བཀྲ་བ། བར་སྣང་ལ་གནས་པ། ཆར་འབྱིན་པའི་སྤྲིན་གྱི་ནང་ནས་མགོ་ཙམ་ཐོན་བ། །ལྡིང་བཞིན་པ། ཁ་དོག་དཀར་པོ་བྲི་བར་བྱའོ། །རས་རིས་འབྲིང་དུ་
135b
གསུངས་པ་འདི། །དཔལ་དོན་གཉེར་ལ་ཡང་དག་འབྱུང ། །ས་ཡི་སྟེང་གི་མི་རྣམས་ལ། །གྲུབ་པ་འབྲིང་ནི་འདི་ལ་བརྟེན། །འཁོར་བར་སྔོན་ཆད་འཁོར་བ་ན། །སྡིག་པ་ཅུང་ཟད་གང་བྱས་པ། །འདིར་ནི་རས་རིས་མཐོང་ཙམ་གྱིས། །དེ་ནི་མོད་ལ་རྣམ་པར་འཇིག་།འགྲོ་བ་ལྔར་ནི་འཁོར་བ་ན། །སེམས་ཅན་རྨོངས་པས་མི་ཤེས་ཏེ། །འཇམ་པའི་དབྱངས་ཀྱི་རས་རིས་ནི། །འབྲིང་པོ་མཐོང་བར་མི་བྱེད་པའོ། །མཚམས་མེད་ལྔ་པོ་བྱེད་པ་དང ། །སྡིག་པའི་རྙོག་པ་བྱེད་གྱུར་པ། །སྔགས་རྣམས་སྣ་ཚོགས་གསུངས་གྱུར་པས། །ཚུལ་ཁྲིམས་ཉམས་པའང་འགྲུབ་པར་འགྱུར། །མྱུར་དུ་རྟོགས་པའང་འགྲུབ་པ་ནི། །བཟླས་པས་ཐོབ་པར་བྱེད་པ་ཡིན། །རས་རིས་འབྲིང་པོ་མཐོང་བས་ནི། །ནད་པ་དག་ཀྱང་ནད་ལས་ཐར། །དབུལ་བོ་དག་ཀྱང་ནོར་ཐོབ་བྱེད། །བུད་མེད་རྣམས་ཀྱང་བུ་འཐོབ་འགྱུར། །དེ་ཚེ་མཐོང་བ་ཙམ་གྱིས་ནི། །བསོད་ནམས་རྒྱ་ཆེན་ཐོབ་པར་འགྱུར། །ངེས་པར་ལྷ་དང་མི་རྣམས་ཀྱི། །བདེ་བ་མི་ཡིས་བསྟེན་པར་འགྱུར། །སྐྱེ་བ་གཞན་དུ་ངེས་པར་ནི། །སངས་རྒྱས་ཉིད་ནི་དེས་འཐོབ་འགྱུར། །ཀློག་དང་འདྲི་བ་ཉིད་དང་ནི། །དེ་བཞིན་མཆོད་དང་ཕྱག་འཚལ་དང ། །མཐོང་དང་རེག་པ་ཙམ་གྱིས་ནི། །སྡིག་པའི་རྙོག་པ་ཀུན་ལས་གྲོལ། །རས་རིས་འདི་ནི་མཐུ་ཆེ་ལ། །དོན་དུ་གཉེར་དང་བསྐུལ་བས་ནི། །མྱུར་དུ་སྐྱེ་བ་དོན་ཡོད་འཐོབ། །རྗེས་སུ་ཡི་རང་དེ་བཞིན་ནོ། །
136a
༄#། །རས་རིས་མཐོང་བའི་སྐྱེ་བོ་ཡི། །བསོད་ནམས་ཐོབ་བདོན་ཡོད་པ། །བསྐལ་པ་བྱེ་བ་རྣམས་སུ་ཡང ། །བརྗོད་པར་ཡང་ནི་མི་ནུས་སོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་རྒྱ་ཆེ་བའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་ཞི་བ་མོ་ལེའུ་ལྔ་པའི་ཆོ་ག་རབ་འབྱམས་ལས། རས་རིས་གཉིས་པའི་ཆོ་ག་རྫོགས་སོ།། །།དེ་ནས། གཞན་ཡང ། བཅོམ་ལྡན་འདས་ཤཱཀྱ་ཐུབ་པས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་གཞོན་ནུར་གྱུར་པ། གཞན་ཡང ། ཁྱོད་ཀྱི་རས་རིས་གསུམ་བའི་ཆོ་ག་རབ་ཏུ་གསང་བ་ཞེས་བྱ་བ་ཡོད་དེ། གང་སེམས་ཅན་རྣམས་ལ་འབད་པ་མེད་པར་འགྲུབ་པར་འགྱུར་བ་སྔར་སྟན་པའི་བཟོ་བོ་དང།་ཆོ་ག་དང ། བདེ་བར་གཤེགས་པའི་མཐོ་གང་ཙམ་ཐད་ཀར་དེ་བཞིན་དུ་ཀུན་ནས་ཟུར་བཞི་སྔ་མ་བཞིན་དུ་རས་ལ་རི་མོ་བྱའོ། །སྔར་བསྟན་པའི་ཚོན་གྱིས་དང་པོར་རེ་ཞིག་འཕགས་པ་འཇམ་དཔལ་སེངྒེའི་ཁྲིལ་བཞུགས་པ། སྔ་མ་བཞིན་དུ་བྱིས་པ་ཁྱེའུའི་གཟུགས་མཛེས་པའི་གཟུགས་ཅན། འོད་ཟེར་དང་ལྡན་པ། ཆོས་འཆད་པ་བྲི་བར་བྱའོ། །གཡོན་གྱི་ཕྱོགས་སུ་འཕགས་པ་ཀུན་ཏུ་བཟང་པོ་རིན་པོ་ཆེའི་རི་ལ་གནས་པ། རྔ་ཡབ་ལག་ན་ཐོགས་པ། ལག་པ་གཡོན་པ་ན་ནོར་བུ་རིན་པོ་ཆེ་ཐོགས་པ། མེ་ཏོག་པྲི་ཡང་
136b
ཀུ་ལྟར་སྔོ་བསངས་སྔམ་བཞིན་དུ་བྲི་བར་བྱའོ། །འཕགས་པ་འཇམ་དཔལ་གྱི་གཡས་ཕྱོགས་སུ་འཕགས་པ་སྤྱན་རས་གཟིགས་དབང་ཕྱུག་སྔ་མ་བཞིན་རིན་པོ་ཆེའི་རི་ལ་གནས་པ། རྔ་ཡབ་ལག་ན་ཐོགས་པ། ལག་པ་གཡོན་པ་ན་པདྨ་འཛིན་པ། ལུས་ཀུན་ནས་འོད་དང་ལྡན་པ་བྲི་བར་བྱའོ། །སེང་གེའི་ཁྲིའི་འོག་ཏུ་རིན་པོ་ཆེའི་རས་རིས་ཀྱི་མཐའི་བར་དུ་བྲི་བར་བྱའོ། །རས་ཀྱི་མཐའ་མ་དང་ཉེ་བའི་ཟུར་དུ་འཕགས་པ་འཇམ་དཔལ་གྱི་སེང་གེའི་ཁྲིའི་འོག་གཡས་ཕྱོགས་སུ་ཁྲོ་བོའི་རྒྱལ་པོ་གཤིན་རྗེ་གཤེད་སྔ་མ་བཞིན་དུ་བྲི་བར་བྱའོ། །དེའི་འོག་ཏུ་སྒྲུབ་པ་པོ་སྔ་མ་བཞིན་དུ་བྲི་བར་བྱ་སྟེ། སྤོས་སྣོད་ལག་ན་ཐོགས་པ། ཐམས་ཅད་ཀྱང་སྔ་མ་ཇི་ལྟ་བ་བཞིན་དུ་བྱའོ། །འཕགས་པ་འཇམ་དཔལ་གྱི་སྟེང་དུ་དེ་བཞིན་གཤེགས་པ་མེ་ཏོག་ཡང་དག་པར་སྐྱེས་པའི་དབང་པོའི་རྒྱལ་པོ་བྲི་བར་བྱ་སྟེ། རིན་པོ་ཆེའི་རིའི་ཕུག་སོར་བཅུ་དྲུག་གི་ཚད་ཙམ་གྱི་ནང་ན་བཞུགས་པ། རཱི་སྟོད་ཀྱི་ཆ་ཁང་པ་བརྩེགས། པ་འདྲ་བ་བྲི་བར་བྱའོ། །རས་རིས་ཀྱི་ཁོར་ཡུག་ཏུ་རིའི་རྣམ་པས་ཡོངས་སུ་འཁོར་བ་བྲི་བར་བྱའོ། །སྟེང་གི་རས་ཀྱི་མཐའ་གཉིས་ལ་གནས་པའི་རིའི་སྟོད་ཀྱི་ཆ་ལ་ལྡིང་བ་བཞིན་དུ་མེ་ཏོག་གི་ཚོགས་འཐོར་བའི་གནས་གཙང་མིའི་རིས་ཀྱི་ལྷའི་བུ་དག་པ་དང ། རྣམ་པར་དག་པ་ཞེས་བྱ་བ་གཉིས་སྔ་མ་བཞིན་དུ་བྲི་བར་བྱ་ཞིང་རས་ལ་མེ་ཏོག་རྣམ་པ་སྣ་ཚོགས་ཀྱི་
137a
༄#། །གཅལ་བཀྲམ་པ་ཡང་བྲི་བར་བྱའོ། །རྣམ་གསུམ་རས་རིས་མཚན་ཉིད་ནི། །ཐམས་ཅད་འདིར་ནི་བསྟན་པ་ལས། །འདི་ནི་ཐ་མ་ཞེས་བྱ་སྟེ། །ཕྲན་ཚེགས་ལས་རྣམས་དག་ལ་ཤེས། །བསྐལ་པ་བྱེ་བར་མི་བཟད་ལས། །རས་རིས་མཐོང་བ་ཙམ་གྱིས་གྲོལ། །རས་རིས་མཐོང་བ་ཙམ་གྱིས་ནི། །སྐད་ཅིག་དེ་ལ་གྲོལ་བར་འགྱུར། ། སངས་རྒྱས་བྱེ་བ་སྟོང་ཕྲག་ནི། །མཐོང་བ་ཙམ་གྱིས་གྲོལ་འགྱུར་ཏེ། །རས་རིས་མཐོང་བ་ཙམ་གྱིས་ཀྱང ། །དེ་ཡི་མོད་ལ་གྲོལ་བར་འགྱུར། །སངས་རྒྱས་བྱེ་བ་སྟོང་ཕྲག་ལ། །བློ་དང་ལྡན་པས་བསྙེན་བཀུར་བས། །རས་རིས་ཐ་མ་མཐོང་བ་ནི། །བཅུ་དྲུག་ཆར་ཡང་མི་ཕོད་དོ། །སངས་རྒྱས་སྐྱོབ་པ་ཀུན་ལ་ནི། །མཆོད་བྱས་བསོད་ནམས་གང་ཡིན་པ། །ཁས་པས་བསོད་ནམས་གང་ཐོབ་དེ། །རས་རིས་ཐ་མ་མཐོང་བ་ཡིན། །དགེ་བ་དག་གི་ལས་རྣམས་ལ། །ལོངས་སྤྱོད་ཕྱིར་ཡང་འདིར་སྤྱད་དོ། །སྔགས་རྣམས་གང་དག་ཅི་ཡོད་པ།། ཚངས་དབང་དྲང་སྲོང་གིས་བཤད་དང ། །ནམ་མཁའ་ལྡིང་གིས་གང་བཤད་དང ། །ཆུ་ལྷ་ཉི་མ་ལུས་ངན་དང ། །ནོར་སྦྱིན་སོགས་དང་སྲིན་པོ་དང ། །ལྷ་མིན་དབང་པོ་ལྟོ་འབྱེད་དང ། །ཟླ་བ་རླུང་དང་གཤིན་རྗེ་སོགས། །ཁྱབ་འཇུག་ལྷ་ཆེན་སོགས་བཤད་པ། །སྔགས་རྣམས་འདིར་ནི་བཀུག་པ་དག་།རས་རིས་མདུན་དུ་དངོས་གྲུབ་འགྱུར། །འདིར་ནི་
137b
ཞི་བ་བྱ་བ་སྟེ། །དེ་བཞིན་དུ་ནི་རྒྱས་པ་བྱ། །འདིར་ནི་མངོན་སྤྱོད་སྤང་བྱ་སྟེ། །ཐུབ་པ་མཆོག་གིས་སྨད་པ་ཡིན། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོའི་མདོ་སྡེ་ཤིན་ཏུ་རྒྱས་པ་ལས། འཇམ་དཔལ་གྱི་རྩ་བའི་ཆོ་ག་ཞིབ་མོ་ལེའུ་དྲུག་པའི་ཆོ་ག་རབ་འབྱམས་ལས། རས་རིས་ཆུང་ངུ་གསུམ་པའི་ཆོ་ག་རྫོགས་སོ།། །།དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་ཕྱག་བཙལ་ནས། བཅོམ་ལྡན་འདས་ཤཱཀྱ་ཐུབ་པ་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ལ་འདི་སྐང་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཆོས་ཀྱི་རྣམ་གྲངས་འདི་བཤད་པ་ནི་ལེགས་སོ།། ལེགས་སོ། །རིག་པ་ཐམས་ཅད་ཀྱི་བརྟུལ་ཞུགས་སྤྱད་པའི་དོན་དང ། ཕན་པ་དང ། བདེ་བ་དང ། འཇིག་རྟེན་ལ་སྙིང་བརྫེ་བའི་ཕྱིར་དང ། བྱང་ཆུབ་སེམས་དཔའ་རྣམས་ཀྱི་ཐབས་ལ་མཁས་པ་སྟོན་པ། ཕུང་པོ་ལྷག་མ་དང་བཅས་པའི་མྱ་ངན་ལས་འདས་པའི་གྲོང་ཁྱེར་དུ་འགྲོ་བར་བྱེད་པ། བྱང་ཆུབ་སེམས་དཔའ་རྣམས་ཀྱི་རྒྱུད་ངེས་པར་བྱང་ཆུབ་སྒྲུབ་པར་བྱེད་པ། སྔགས་ཀྱི་སྤྱོད་པ་ཐམས་ཅད་ཀྱི་དོན་སྒྲུབ་པར་བྱེད་པ། བདག་གི་གསང་སྔགས་འདི་སྐྱེ་བོ་ཐམས་ཅད་ལ་རྒྱས་པར་བྱེད་པར་འགྱུར་རོ། །མ་འོངས་པའི་དུས་ན་འཇིག་རྟེན་གྱི་བླ་མ་འདས་
138a
༄#། །པ་ན། །དེ་བཞིན་གཤེགས་པའི་ཉི་མའི་རིགས་ནུབ་པ་དང ། སངས་རྒྱས་ཀྱི་ཞིང་ཐམས་ཅད་སྤངས་པ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། འཕགས་པ་ཉན་ཐོས་དང ། རང་སངས་རྒྱས་རྣམས་ཀྱིས་མུན་པར་གྱུར་པ་དང ། སྣོད་ཀྱི་འཇིག་རྟེན་རྣམ་པར་འཇིག་པ་དང ། འཕགས་པའི་ལམ་དང ། རིག་པ་ཐམས་ཅད་དང ། སྔགས་དང ། སྨན་དང ། ནོར་བུ་རིན་པོ་ཆེ་མེད་པ་དང ། སྐྱེ་བོ་དམ་པ་རྣམས་ཀྱིས་འཇིག་རྟེན་ན་ཡོངས་སུ་མ་ཟིན་པ་དང ། སེམས་ཅན་གྱི་ཁམས་ཐམས་ཅད་འབྱུང་བར་འགྱུར་ཏེ། ལེ་ལོ་ཅན་དང ། དྲན་པ་ཉམས་པ་དང ། མ་དད་པ་དང ། མི་སྲུན་པ་དང ། མི་དགེ་བའི་བཤེས་གཉེན་གྱིས་ཡོངས་སུ་ཟིན་པ་དང ། གཡོ་སྒྱུ་དང་ལྡན་པ་དང ། སླུ་བ་སྤྱོད་པ་དེ་དག་ཆོས་ཀྱི་རྣམ་གྲངས་འདི་ཐོས་ནས་སྐྲག་པར་འགྱུར་ཏེ། ལེ་ལོ་ལ་མངོན་པར་འདོད་ཅིང་དད་པར་མི་འགྱུར་ལ། འདོད་པ་ཚོལ་ཞིང་ཡིད་ཆེས་བར་མི་འགྱུར་རོ། །ལོག་པའི་ལྟབ་སྐྱེ་ཞིང་བསོད་ནམས་མ་ཡིན་པ་འཕེལ་བར་འགྱུར་རོ། །མཚམས་མེད་པར་གཞོལ་ཞིང་ཤིན་ཏུ་མི་བཟད་པའི་ཡང་ཤིན་ཏུ་མི་བཟང་པ་འཐོབ་པ། སྡུག་བསྔལ་བ་དེ་དག་གི་དོན་དང ། དབང་མེད་པ་ལ་དབང་དུ་བྱ་བའི་དོན་དང ། དབང་དུ་གྱུར་པ་ལ་མི་འཇིགས་པ་སྦྱིན་པའི་ཕྱིར་དང ། ཐབས་མཁས་པས་བསྡུ་
138b
བར་\?\་སྦྱོར་བ། སྔགས་ཀྱི་རས་ཀྱི་རི་མོའི་ཆོ་ག་གང་དེའི་དུས་ལ་བབ་པར་མཁྱེན་ན་བཅོམ་ལྡན་འདས་ཀྱིས་བཤད་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་གཞོན་ནུར་གྱུར་པ། དེ་བཞིན་གཤེགས་པ་ལ་དོན་འདྲི་བར་སེམས་པ་ལེགས་སོ། །ལེགས་སོ། །འཇམ་དཔལ། ཁྱོད་ཀྱི་མཆོག་ཏུ་གསང་བ་རིག་པའི་བརྟུལ་ཞུགས་སྤྱོད་པའི་ལེའུ་རས་རིས་ཀྱི་ཆོ་ག་རབ་འབྱམས་ཡོད་དོ། སྙིང་པོ་མཆོག་རྣམས་ཀྱི་དོན་མཆོག་ཏུ་གསང་བ་དམ་པ་དོན་ཆེན་པོ་སྔགས་ཐམས་ཅད་ཀྱི་ཆོ་གར་གྱུར་བ་དྲུག་པོ་འདི་དག་ཡི་གེ་དྲུག་གི་སྙིང་པོའི་མཆོག་།ཐེ་ཚོམ་མེད་པ་དེའི་ཚེ་འགྲུབ་པར་འགྱུར་ཏེ། སེམས་ཅན་དེ་དག་གདུལ་བའི་ཕྱིར་དང ། ཐབས་ལ་མཁས་པ་ལ་ཡང་དག་བར་རབ་ཏུ་ཞུགས་པའི་ཕྱིར་དང ། ངེས་པར་ཡང་དག་པའི་བྱང་ཆུབ་ཐོབ་པའི་ཕྱིར་སངས་རྒྱས་བྱེ་བ་ཕྲག་བདུན་ཅུ་རྩ་དྲུག་གིས་སྔར་གསུངས་ཤིང་ད་ལྟར་ཡང་ངས་བཤད་དེ། མ་འོངས་པའི་སྐྱེ་བོའི་ཚེགས་ལ་ཕན་པའི་ཕྱིར་ལེགས་པར་ཉོན་ལ་ཡིད་ལ་ཟུངས་ཤིག་དང ། ངས་བཤད་པར་བྱའོ། །དེ་གང་ཞེན། དེ་ནས་བཅོམ་ལྡན་འདས་ཤཱཀྱ་ཐུབ་པས་སྔགས་གསུངས་པ། ཨོཾ་བཱ་ཀྱེ་ཉཅཝ་ཛ་ཡ། ཨོཾ་བཱ་ཀྱེ་ཤེས་ཤ་སཝཱ། ཨོཾ་བཱ་ཀྱེ་བཾ་ཛ་ཡ། ཨོཾ་བཱ་ཀྱེ་ནི་ཥྠེ་ཡ། ཨོཾ་བཱ་ཀྱེ་ཡ་ན་མཿ ། ཨོཾ་བཱ་ཀྱེ་དཾ་ན་མཿ ། དེ་ལྟར་འདི་དག་འཇམ་
139a
༄#། །དཔལ་གཞོན་ནུར་གྱུར་པ་ཁྱོད་ཀྱི་སྔགས་དྲུག་དང ། ཡི་གེ་དྲུག་པ་མཐུ་ཆེན་པོ་དང་སྟོབས་མཉམ་པ། སྙིང་པོ་དམ་པ་མཆོག་ཏུ་གྲུབ་པ། སངས་རྒྱས་བཞིན་དུ་འབྱུང་བ། སེམས་ཅན་ཐམས་ཅད་ཀྱི་དོན་གྱི་ཕྱིར་སངས་རྒྱས་ཐམས་ཅད་ཀྱིས་རབ་ཏུ་གསུངས་པ། དམ་ཚིག་ཉམས་པ་དང ། དམ་ཚིག་གཡོས་པ་རྣམས་ཀྱི་ལས་ཐམས་ཅད་བྱེད་པ། བྱང་ཆུབ་ཀྱི་ལམ་རྗེས་སུ་སྟོན་པ། དེ་བཞིན་གཤེགས་པའི་རིགས་ལ་སྔགས་ཀྱི་མཆོག་ཏུ་གྱུར་པ། མཆོག་དང ། འབྲིང་དང ། ཐ་མ་གསུམ་ལ་རབ་ཏུ་སྦྱོར་བ། ལེགས་པར་སྦྱངས་པའི་ལས་ཀྱི་འབྲས་བུའི་རྣམ་པར་སྨིན་པ་སྦྱིན་པ། བསྟན་པ་ནུབ་པའི་དུས་སུ་ཡང་དངོས་གྲུབ་འཐོབ་པར་འགྱུར་རོ། །ལས་ཀྱི་ཚུལ་དང་བཅས་པ་ལ་ཡང་དག་པར་གཞོལ་བ་ལ་སྐད་ཅིག་དོན་སྒྲུབ་པར་འགྱུར་བ་དེ་དག་མྱུར་དུ་ཤིན་ཏུ་མྱུར་བར་དེའི་ཚེ་དང ། དེའི་དུས་སུ་འགྲུབ་པར་འགྱུར་རོ། །ཉམས་སད་པའི་ཕྱིར་ཡང་སྙིང་པོ་དམ་པ་འདི་དག་བསྒྲུབ་པར་བྱ་སྟེ། མདོར་ན། ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་གྱུར་པར་འགྱུར་རོ། །དེ་ནས་རས་རིས་ཀྱི་ཆོ་ག་འདི་བྱ་བ་ཡིན་ཏེ། དེའི་ཚེ་དེའི་དུས་ན་འཇིགས་པ་ཆེན་པོ་དང ། སྙིགས་མ་ལ་སེམས་ཅན་བསོད་ནམས་ཆུང་བ་འབྱུང་བར་འགྱུར་ཏེ། གྲགས་པ་ཆུང་བ་དང ། ཚེ་ཐུང་བ་དང ། ལོངས་སྤྱོད་ཆུང་བ་དང ། ལོངས་སྤྱོད་ཆུང་
139b
བས་ཤིན་ཏུ་རྒྱ་ཆེ་བའི་རས་རིས་ཀྱི་ཆོ་གའི་སྒྲུབ་པ་ལ་སོགས་པ་རྩོམ་པར་མི་ནུས་ཏེ། དེ་དག་གི་ཕྱིར་ཤིན་ཏུ་མདོར་བསྟན་པར་བྱའོ། །དང་པོར་རེ་ཞིག་དཔའ་བོའི་ཚོང་གིས་དོག་པ་སྲང་གཅིག་གམ། སྲང་ཕྱེད་ཀྱིས་ཉོས་ལ། ཆུར་ཁྲུ་གང ། ཞེང་དུ་ཁྲུ་ཕྱེད་ཙམ་གྱི་རས་ཁ་ཚར་དང་བཅས་པ་ཐ་ག་པ་འཐག་ཏུ་གཞུག་གོ། །ཡང་ན་སྐྲ་མེད་པའི་རས་ཀྱི་དུམ་བུ་སར་པ་གཞན་སྟེང་དང ། འོག་ཏུ་ཇི་ལྟར་འདོད་པ་ཁྲུ་གཉིས་དང ། བཞི་དང ། དྲུག་དང ། བཅུ་དང ། བརྒྱད་པའི་རས་བླངས་ཏེ། ཇི་ལྟར་འདོད་པའི་རི་མོ་མཁན་གྱིས་བྲི་བར་བྱའོ། །ཚོན་མ་འདྲེས་པ་དང ། ཙནྡན་དང།་ག་པུར་དང ། གུར་གུམ་གྱིས་བསྒོས་ཏེ། རས་ཀྱང་ཙནྡན་དང ། ག་བུར་དང ། གུར་གུམ་གཅིག་ཏུ་བྱས་པ་སྲོག་ཆགས་མེད་པའི་ཆུ་རྡུལ་མེད་པ་དང་བསྲེས་ཏེ། སྣོད་སར་པའི་ནང་དུ་བཀྲུས་ལ་ཞག་གསུམ་གྱི་བར་དུ་ལེགས་པར་བཀབ་སྟེ་བཞག་ནས་གཙང་བའི་ཕྱོགས་སུ་སྲུང་བ་བྱས་ཤིང་བདག་ཉིད་ཀྱང་གཙང་བར་བྱས་ཏེ་ཟླ་བ་ཡར་ངོའི་ཚེས་བཅོ་ལྔ་ལ་རས་སྣོད་ཀྱི་མདུན་དུ་ཤར་དུ་མངོན་པར་ཕྱོགས་ཏེ། ཀུ་ཤའི་ཁྲེས་ལ་འདུག་ནས་སྔགས་ཀྱི་ཚིག་ལན་བརྒྱ་རྩ་བརྒྱད་བརྗོད་པར་བྱ་བ་ལ། འདི་ལྟ་སྟེ། ཨོཾ་ཧེ་ཧེ་བྷ་ག་བཱ་ན་བ་ཧུ་རཱུ་པ་དྷ་ར་དི་བྱ་ཙཀྵུ་ཥེ། ཨ་བ་ལོ་ཀ་ཡ། ཨ་བ་ལོ་ཀ་ཡ། མཱཾ་ས་མ་ཡ་མ་ནུ་སྨ་ར་ཀུ་མཱ་ར་རཱུ་པ་དྷཱ་རི་ཎེ། མཧཱ་བོ་དྷི་སཏྭ་ཀི་ཉྩི་རཱ་ཡ་སི་ཧཱུཾ་སྥ་ཊེ་སྥ་ཊེ་སཝཱཧཱ། སྔགས་འདིས་བཟླས་པ་བྱས་ལ་དེ་ཉིད་དུ་ཉལ་བར་བྱའོ། །གཉིད་ལོག་
140a
༄#། །པའི་རྨི་ལམ་དུ་འགྲུབ་པའམ། མི་འགྲུབ་པ་སྟོན་པར་འགྱུར་རོ། །དེ་ནས་ལངས་ནས་རྨི་ལམ་དུ་གྲུབ་པའི་མཚན་མ་མཐོང་ན་རིང་པོར་མི་ཐོགས་པར་རས་རིས་བྲི་བར་བྱའོ། །གལ་ཏེ་གྲུབ་པའི་མཚན་མ་རྨི་ལམ་དུ་མ་མཐོང་ན་རས་དེ་སྣོད་དེ་ལས་ཕྱུང་ལ། ཉི་མ་ལ་བསྐམས་ནས་ཡང་སྣོད་སར་པ་གཞན་དུ་བཅུག་ལ་ཤིན་ཏུ་དབེན་པར་ལེགས་པར་བསྲུང་བ་བྱས་ལ་བཞག་གོ་།དེ་ནས་ཡང་སྙིང་པོའི་མཆོག་དེ་དག་ལས་གང་ཡང་རུང་བའི་སྔགས་བླངས་ལ་གང་འདོད་པའི་ཡི་གེ་དྲུག་པ་ཡང་ཡི་གེ་འབུམ་བཟླ་བར་བྱའོ། །དེ་ནས་རས་མི་དགེ་བ་ཡང་འགྲུབ་པར་འགྱུར་རོ། །དང་པོར་རེ་ཞིག་རས་དེ་བླངས་ལ་ཆོ་འཕྲུལ་གྱི་ཟླ་བ་ཕྱེད་དམ། ཡར་ངོའི་ཉིན་ཞག་ལ་རྒྱུ་སྐར་བཟང་པོ་དང་ལྡན་པའི་ཚེས་གྲངས་བཟང་པོ་ལ། འཕགས་པ་འཇམ་དཔལ་བྱིས་པ་ཁྱེའུའི་གཟུགས་ཅན། མགོ་ཟུར་ཕུད་ལྔ་དང་ལྡན་པ། བྱིས་པའི་རྒྱན་གྱིས་བརྒྱན་པ། མདོག་གསེར་འདྲ་བ། ན་བཟའ་སྔོན་པོ་གཡོ་བཞིན་པ་མནབས་པ། ན་བཟའ་དར་ལ་སྔོན་པོས་སྟོད་གཡོགས་བྱས་པ། ཆོས་འཆད་པ། སེང་གེའི་ཁྲི་ལ་སྐྱིལ་མོ་ཀྲུང་ཕྱེད་པས་བཞུགས་པ་ལ། ཞབས་གཡས་པས་རིན་པོ་ཆེའི་ཞབས་རྟེན་ལ་བཞག་པ། གཡོན་པ་སེང་གེའི་གདན་ལ་བཞུགས་པ། རྒྱན་ཐམས་
140b
ཅད་དང་ལྡན་པ། བཞིན་ཅུང་ཟད་འཛུམ་པ་དང་བཅས་པ་སྒྲུབ་པ་པོ་ལ་ལྟ་བ་བྲི་བར་བྱའོ། །གཡས་ཕྱོགས་སུ་འཕགས་པ་ཀུན་ཏུ་བཟང་པོ་རྔ་མ་དཀར་པོ་གཡོབ་པ། པྲི་ཡང་ཀུའི་མདོག་ལྟར་སྔོ་བསངས། ལག་པ་གཡོན་པ་ན་རིན་པོ་ཆེ་ཐོགས་པ། ཡན་ལག་ཐམས་ཅད་མཛེས་པ། རྒྱན་ཐམས་ཅད་ཀྱིས་བརྒྱན་པ། ན་བཟའ་སྔོན་པོ་གཡོ་བ་མནབས་པ། མུ་ཏིག་གི་ཕྲེང་བས་མཆོད་ཕྱིར་ཐོགས་པ། པདྨ་དཀར་པོའི་གདན་ལ་འདུག་པ་བྲི་བར་བྱའོ། །འཕགས་པ་འཇམ་དཔལ་གྱི་གཡོན་ཕྱོགས་སུ་འཕགས་པ་སྤྱན་རས་གཟིགས་དབང་ཕྱུག་།སྟོན་ཀའི་ཟླ་རྒྱུའི་མདོག་ལྟར་དཀར་བ། ན་བཟའ་སྔོན་པོ་གཡོ་བ་མནབས་པ། ཡན་ལག་ཐམས་ཅད་མཛེས་པ། རྒྱན་ཐམས་ཅད་ཀྱིས་བརྒྱན་པ། མུ་ཏིག་གི་ཕྲེང་བས་མཆོད་ཕྱིར་ཐོགས་པ། ལག་པ་གཡོན་པ་ན་པདྨ་དཀར་པོ་འཛིན་པ། ལག་པ་གཡས་པ་རྣ་རྔ་ཡབ་གསེར་གྱི་ཡུ་བ་ཅན་དཀར་པོ་ཐོགས་པ།་ཞི་བའི་ཆ་བྱད་ཅན། འཕགས་པ་འཇམ་དཔལ་ལ་ལྟ་བ། དེ་བཞིན་དུ་འཕགས་པ་ཀུན་ཏུ་བཟང་པོ་པདྨ་དཀར་པོ་ལ་གནས་པ་གཉི་ག་ཡང་དེ་ལྟར་བྲི་བར་བྱའོ། །དེ་ནས་སྡོང་བུ་གཅིག་ལས་སྐྱེས་པའི་པདྨ་གསུམ་ལ་དབུས་ཀྱི་རྩ་བའི་པདྨའི་གེ་སར་ལ་ནི་འཕགས་པ་འཇམ་དཔལ་གྱི་སེང་གེའི་ཁྲི་དང ། རིན་པོ་ཆེའི་ཞབས་རྟེན་ནོ། །
141a
༄#། །གཉིས་པའི་པདྨ་ལ་ནི་འཕགས་པ་ཀུན་ཏུ་བཟང་པོའོ། །གསུམ་པའི་པདྨ་ལ་ནི་སྤྱན་རས་གཟིགས་དབང་ཕྱུག་གོ་།པདྨའི་སྡོང་བུ་མཛེས་པ་རིན་པོ་ཆེ་མྲྒད་འདྲ་བ། པདྨའི་མེ་ཏོག་དུ་མ་ཁ་མ་བྱེ་བ་དང ། ཕྱེད་ཙམ་བྱེ་བ་དང ། ཁ་བྱེ་བ་དང་ལྡན་པ། མཚོ་ཆེན་པོ་མ་དྲོས་པ་ལས་སྐྱེས་པ་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་པདྨའི་སྡོང་བུ་ལ་འཛིན་པ། ཀླུའི་རྒྱལ་པོ་དེ་དག་གི་ཁ་དོག་དཀར་བ། གདེངས་ཀ་བདུན་གྱིས་ཉེ་བར་བརྒྱན་པ། ལུས་རྒྱན་ཐམས་ཅད་ཀྱིས་བརྒྱན་པ། ལུས་ཀྱི་སྟོད་མི་ལ་སྦྲུལ་གྱི་གདངས་ཀས་མཚན་པ། འཕགས་པ་འཇམ་དཔལ་ལ་ལྟ་བ། ལུས་ཕྱེད་ཆུའི་ནང་དུ་ནུབ་པ། ནོར་བུ་རིན་པོ་ཆེ་དང ། གོས་ཀྱིས་ཉེ་བར་མཛེས་པ་བྲི་བར་བྱའོ། ། མཚོ་ཆེན་པོ་ཀུན་གྱི་འོག་ཏུ་སྒྲུབ་པ་པོ་རས་རིས་ཀྱི་གཡས་ཕྱོགས་ཀྱི་མཐའི་ཟུར་དུ་འཕགས་པ་འཇམ་དཔལ་གྱི་ཞལ་གྱི་དཀྱིལ་འཁོར་ལ་ལྟ་བ། སྦོས་སྣོད་ལག་ན་ཐོགས་པ། མགོ་དང ། པུས་མོའི་ལྷ་ང་འདུད་པ། ཆ་བྱད་དང ། ཁ་དོག་སྔ་མ་ཇི་ལྟ་བ་བཞིན་བྲི་བར་བྱའོ། །འཕགས་པ་འཇམ་དཔལ་གྱི་སྟེང་རས་ཀྱི་ཟུར་གཉིས་སུ་ལྷའི་བུ་མེ་ཏོག་གི་ཕྲེང་བ་འཛིན་པ། ནམ་མཁའ་ལ་ལྡིང་བ། སྦྲིན་གྱི་ནང་ནས་བྱུང་བ། མེ་ཏོག་གི་ཚོགས་ཆེན་པོ་འཐོར་བ། ཤིན་ཏུ་མཛེས་པ་བྲི་བར་བྱའོ། །རས་རིས་ཀྱི་ཁོར་ཡུག་ཏུ་མེ་
141b
ཏོག་ནཱ་ག་གེ་སར་ལ་སོགས་པས་རབ་ཏུ་གཏོར་བར་བྲི་བར་བྱའོ། །ཇི་ལྟར་འདོད་པའི་གཟུགས་དེ་བཞིན་དུ་བྲི་བར་བྱའོ། །འཕགས་པ་འཇམ་དཔལ་ཆོས་འཆད་པ་དང ། འཕགས་པ་ཀུན་ཏུ་བཟང་པོ་དང ། འཕགས་པ་སྤྱན་རས་གཟིགས་ལག་ན་རྔ་ཡབ་གཡོབ་པ་བྲི་བར་བྱའོ། །ཡང་ན་སྒྲུབ་པ་པོ་ཇི་ལྟར་འདོད་པ་བཞིན་དུ་རས་རིས་ཀྱི་གཟུགས་ངེས་པར་བྲི་བར་བྱ་སྟེ། ཇི་ལྟར་འདོད་པའི་ཆ་བྱད་དམ། ཇི་ལྟར་འདོད་པའི་དབྱིབས་སམ། སྒྲུབ་པ་པོ་ཇི་ལྟ་ཇི་ལྟར་འདོད་པ་དེ་ལྟར་བྲི་བར་བྱའོ། །དབུས་སུ་འཕགས་པ་འཇམ་དཔལ། གཡས་གཡོན་དུ་འཕགས་པ་འཇིག་རྟེན་དབང་ཕྱུག་དང ། ཀུན་ཏུ་བཟང་པོ་ཇི་ལྟར་འདོད་པར་ངེས་པར་བྲི་བར་བྱའོ། །ཡང་ན་ཇི་སྙེད་པའི་རས་ཀྱི་དུམ་བུ་མཐོ་གང་ངམ། ཁྲུ་གང་ལ་བདག་ཉིད་དམ། གཞན་གྱིས་སམ། རི་མོ་མཁན་གསོ་སྦྱོང་བྱས་པ་འམ། གསོ་སྦྱོང་མ་བྱས་པ་དད་པའམ། མ་དད་པ་འམ། གཙང་བ་འམ། མི་གཙང་བ་འམ། ཚུལ་ཁྲིམས་དང་ལྡན་པའམ། ཚུལ་ཁྲིམས་འཆལ་པའི་རི་མོ་མཁན་གྱིས་ཀྱང་བྲི་བར་བྱའོ། །བདག་ཉིད་དམ། སྒྲུབ་པ་པོས་ངེས་པར་སྔོན་དུ་བསྙེན་པར་བྱས་པ་དང ། དད་པ་དང ། བྱང་ཆུབ་ཏུ་སེམས་བསྐྱེད་པ་ནི་ངེས་པར་བྱའོ། །དེ་ལྟར་བྱས་ན་སྔགས་འགྲུབ་པར་འགྱུར་གྱི། གཞན་དུ་སྡིག་པའི་ལས་ཅན་གྱིས་ནི་མི་འགྱུར་ཏེ། དེ་ལྟར་དད་པ་དང ། དེ་ལྟར་གྱུར་པས་བསྒྲུབ་པར་བྱའོ། །སྔགས་ཀྱི་རྒྱལ་པོ་དང ། སྔགས་ཀྱི་ལྷ་
142a
༄#། །དག་འདར་དད་པ་དང་ལྡན་པར་འགྲུབ་པར་འགྱུར་གྱི། གཞན་དག་གིས་ནི་མ་ཡིན་ནོ། །གང་ཕྱིར་དད་པ་ཐེག་པ་མཆོག་།གང་གིས་རྣམ་པར་འདྲེན་པ་མཆོག་།དད་པ་མེད་པའི་མི་ལ་ནི། །དཀར་པོའི་ཆོས་རྣམས་མི་སྐྱེ་སྟེ། །ས་བོན་ཚིག་པར་གྱུར་པ་ལས། །མྱུ་གུ་སྔོན་པོ་ཇི་བཞིན་ནོ། །དད་དང་ལྡན་པའི་མི་དག་ལ། །སངས་རྒྱས་ལས་ནི་འགྲུབ་འགྱུར་ཏེ། །སྔགས་རྣམས་ཐམས་ཅད་ཁྱད་པར་དུ། །དད་པ་མེད་ལ་མི་འགྲུབ་བོ། །གང་ཡང་འཇིག་རྟེན་ལྷ་དག་དང ། །དེ་བཞིན་འཇིག་རྟེན་འདས་པ་དག་།དད་ལྡན་ཀུན་ལ་འགྲུབ་འགྱུར་ཏེ། །སྡིག་པ་དག་དང་བྲལ་ཕྱིར་རོ། །བྱང་ཆུབ་དེར་སོང་ཡིད་ཀྱིས་ནི། །དེ་དག་མྱར་དུ་ངེས་འགྲུབ་སྟེ། །གཞན་ལ་འགྲུབ་པར་མི་འགྱུར་ཞིང ། །བསྟན་པ་འདི་ལ་རྣམ་པར་བཟློག་།རས་ནི་ཆུང་དང་ཆེན་པོ་དང ། །འབྲིང་དུ་ཉེ་བར་བསྒྲགས་པ་ཡིན། །ལས་རྣམས་ཀུན་ལ་སྒྲུབ་པ་ནི། །ད་ནི་རབ་ཏུ་བསྟན་པར་བྱ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་བདུན་པའི་ལེའུ་རབ་འབྱམས་ལས། རས་རིས་ཀྱི་ཆོ་ག་བཞི་པའི་ལེའུ་རབ་འབྱམས་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་གཞོན་ནུ། གང་ཁྱོད་
142b
ཀྱིས་བསྟན་པའི་སེམས་ཅན་དེ་དག་གི་ཕྱིར་ལེའུའི་ཆོ་ག་རབ་འབྱམས་འདི་ཐབས་སླ་བས་འགྲུབ་པར་འགྱུར་བ་ངས་ཀྱང་བསྟན་ཏེ། དེ་དག་གི་དོན་གྱི་ཕྱིར་ཡོན་ཏན་རྒྱ་ཆེ་བའི་བྱེ་བྲག་གི་དབྱེ་བ། ལས་རྣམ་པར་འབྱེད་པ་སེམས་ཅན་ཐམས་ཅད་ཀྱི་དོན་གྱི་ཕྱིར་ཡང་དག་པར་བཤད་པར་བྱ་ཡི། །དེ་ལེགས་པར་ཤིན་ཏུ་རབ་ཏུ་ཉོན་ཅིག་དང་བཤད་པར་བྱའོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གི་ཚིག་གི་ནུས་པ་གསལ་བར་མཛད་ཅིང ། སྔགས་ཀྱི་སྤྱོད་པའི་ཡོན་ཏན་གྲུབ་པར་མཛད་པ་ནི་ལེགས་སོ། །ལེགས་སོ་ཞེས་གསོལ་ཏོ། །བཅོམ་ལྡན་འདས། དེའི་དུས་ལ་བབ་པར་མཁྱེན་ན་བདག་ལ་ཐུགས་བརྩེ་བའི་སླད་དུ་དེ་བཤད་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་ལ་གཟིགས་ཏེ་འཛམ་པ་མཛད་དོ། །དེ་ནས་བཅོམ་ལྡན་འདས་ཤཱཀྱ་ཐུབ་པའི་ཞལ་གྱི་སྒོ་ནས་འོད་ཟེར་སྔོན་པོ་དང ། སེར་པོ་དང ། ལྗང་གུ་དང ། ཤེལ་གྱི་ཁ་དོག་ལྟ་བུ་བྱུང་སྟེ། འོད་ཟེར་དེ་བྱང་མ་ཐག་ཏུ་ཐམས་ཅད་དང་ལྡན་པའི་དཀྱིལ་འཁོར་སྣང་བར་བྱས་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བདུད་ཐམས་ཅད་ཟིལ་གྱིས་མནན་ནས་རྒྱུ་སྐར་གྱི་འོད་དང ། རི་བོའི་ཚོགས་ཐམས་ཅད་ཀྱི་འོད་དང ། གང་འདི་ཟླ་བ་དང ། ཉི་མ་རྫུ་འཕྲུལ་ཆེ་ཞིང་མཐུ་ཆེ་བ་དེ་དག་གི་འོད་ཀྱང་ཟིལ་གྱིས་མནན་ཏེ། མི་
143a
༄#། །གསལ་ཞིང་འོད་མེད་པར་འགྱུར་བ་དང ། རྣམ་པར་མཛེས་པར་མི་འགྱུར་ཞིང་གསལ་བར་མི་འགྱུར་རོ། །ནོར་བུ་ཐམས་ཅད་དང ། སྔགས་དང ། སྨན་དང་རིན་པོ་ཆེའི་འོད་ཐམས་ཅད་འོད་མེད་པར་བྱས་ནས་སླར་ལོག་སྟེ། བཅོམ་ལྡན་འདས་ཤཱཀྱ་ཐུབ་པའི་ཞལ་གྱི་སྒོར་ནུབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་འཁོར་གྱི་དཀྱིལ་འཁོར་དེ་ཉིད་དུ་འདུས་ཤིང་འཁོད་པར་གྱུར་པ་དེ་སྟན་ལས་ལངས་ནས། རིངས་པའི་ཚུལ་གྱིས་བཅོམ་ལྡན་འདས་ཀྱི་ཞབས་གཉིས་ལ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ནི་རྒྱུ་མ་མཆིས། རྐྱེན་མ་མཆིས་པར་འཛུམ་པ་མི་མཛད་ན། བཅོམ་ལྡན་འདས། འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། ཕྱག་ན་རྡོ་རྗེ། དེ་དེ་བཞིན་ནོ། །དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ། །བཅོམ་ལྡན་འདས་ནི་རྒྱུ་མེད་པ་དང ། རྐྱེན་མེད་པར་འཛུམ་པ་མི་མཛད་དེ། རྒྱུ་ཡོད། རྐྱེན་ཡོད་དོ། །གང་ཞིག་མདོ་སྡེའི་དབང་པོའི་རྒྱལ་པོ་འདི་འཇམ་དཔལ་གྱི་རྩ་བའི་ཆོ་ག་རིག་པའི་སྤྱོད་པ་རྗེས་སུ་སྒྲུབ་པ། ལས་སྒྲུབ་པའི་ཐབས་ལ་ཡང་དག་པར་གཞོལ་བ། ཆོས་ཀྱི་སྦྲིན་ལ་རྟེན་པ་ལ་ཡང་དག་པར་འཇུག་ཅིང་རྗེས་སུ་བཟང་བར་བྱེད་པ་དང །
143b
འཛིན་པར་འགྱུར་བ་དང ། ཀློག་པར་འགྱུར་བ་དང ། དད་པར་འགྱུར་བ་དང ། གླེགས་བམ་ལ་འདྲི་བ་བྱས་ནས་མཆོད་པར་འགྱུར་བ་དང ། ཙནྡན་གྱི་ཕྱེ་མ་དང ། བྱུག་པ་དང ། བདུག་པ་དང ། ཕྲེང་བ་དང ། གདུགས་དང ། རྒྱལ་མཚན་དང ། བ་དན་རྣམ་པ་སྣ་ཚོགས་པ་འམ། ཚིག་གི་བྱེ་བྲག་གིས་སམ། སིལ་སྙན་རྣམ་པ་སྣ་ཚོགས་དང ། ཕེག་རྡོབ་པ་དག་གམ། ཐ་ན་རྗེས་སུ་ཡི་རང་བ་དང་ལྡན་པའི་སེམས་རྒྱུད་ལ་ཐོབ་པ་འམ། བ་སྦུ་ལྡང་བར་བྱེད་པ་འམ། རིག་པའི་མཐུ་ཐོས་ནས་དགའ་བ་སྐྱེས་པ་འམ། རྗེས་སུ་ཡི་རང་བར་འགྱུར་བ་འམ། སྤྱོད་པ་ཐོབ་པར་འགྱུར་བདེ་དག་ནི་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སངས་རྒྱས་བཅོམ་ལྡན་འདས་སུ་འགྱུར་བར་ལུང་བསྟན་ཏེ། དེས་ན་རྒྱལ་བ་དེ་ལྟར་འཛུམ་པ་མཛད་ཀྱི་གཞན་དུ་ནི་མ་ཡིན་ནོ། ། འདིར་དང་པོར་རེ་ཞིག་ཆོ་གའི་རྒྱལ་པོ་འདི་ལ་དམ་ཚིག་མཐོང་བ་སྔོན་དུ་བྱ་བ་རྣམས་བྱས་པ་དང ། དབང་བསྐུར་བ་ཐོབ་པ་རྩ་བའི་སྔགས་སམ། སྙིང་པོ་འམ། ཉེ་བའི་སྙིང་པོ་འམ། སྔགས་གང་ཡང་རུང་བ་བཟུང་ནས་ཡི་གེ་གཅིག་པ་འམ། གང་འདོད་པ་དགོན་པ་ཆེན་པོར་སོང་སྟེ། འབུམ་ཕྲག་གསུམ་བཟླ་བར་བྱའོ། །འབྲས་བུ་དང ། ཆུས་འཚོ་བ་འམ། རྩ་བ་དང ། ལོ་མའི་བཟའ་བ་བྱས་ན་སྔོན་དུ་བྱ་བ་བྱས་པར་འགྱུར་རོ། །དེ་ནས་རིའི་རྩེ་མོར་འཛེགས་ནས་རས་རིས་ཆེན་པོའི་ཚད་ནུབ་ཕྱོགས་སུ་མངོན་དུ་ལྟ་བ་བཞག་པ་བྱས་ལ། བདག་ཉིད་ཤར་དུ་བལྟས་ཏེ་ཀུ་ཤའི་
144a
༄#། །ཁྲེས་ལ་འདུག་ནས། པདྨ་དཀར་པོ་ལ་ཙནྡན་དང ། གུར་གུམ་གྱིས་བཏགས་ཏེ། བཅོམ་ལྡན་འདས་ཤཱཀྱ་ཐུབ་པ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། རང་སངས་རྒྱས་དང ། ཉན་ཐོས་དག་ལ་འབུམ་ཕྲག་གཅིག་རི་མོའི་རས་རིས་ཀྱི་འོག་ཏུ་དབུལ་བར་བྱའོ། །ག་བུར་གྱི་བདུག་པ་ཡང་ཅི་འབྱོར་པས་བདུག་གོ་།ལྷའི་བུ་དང ། ཀླུ་རྣམས་ལ་ཡང་ཅི་སྙེད་པའི་མེ་ཏོག་གིས་མཆོད་པར་བྱའོ། །དེ་ནས་མཚན་ཕྱེད་ཀྱི་དུས་སུ་ཆོ་འཕྲུལ་གྱི་ཟླ་ཕྱེད་ཀྱི་ཟླ་བ་ཉ་བ་ལ། རས་རིས་ཀྱི་མདུན་དུ་པདྨའི་རྣམ་པ་ལྟ་བུའི་མེ་ཐབ་བྱས་པ་ལ་ཙནྡན་དཀར་པོའི་ཤིང་གིས་མེ་སྦར་ནས་གུར་གུམ་དང ། ག་པུར་བསྲེས་པས་སྲེག་བླུགས་ཅི་འབྱོར་པས་སྟོང་རྩ་བརྒྱད་སྦྱིན་སྲེག་བྱའོ། །དེ་ནས་བསྲུང་བ་བྱའོ། །དེ་ནས་བཅོམ་ལྡན་འདས་ཤཱཀྱ་ཐུབ་པ་ལས་འོད་ཟེར་བྱུང་སྟེ། རས་ཀྱི་རི་མོའི་ཁོར་ཡུག་ནས་གཅིག་ཏུ་འབར་བར་འགྱུར་ཏེ། སྒྲུབ་པ་པོས་གུར་གུམ་དང ། ཙནྡན་གྱིས་བཏགས་པའི་ཙནྡན་དཀར་པོའི་མེ་ཏོག་གིས་མཆོད་ཡོན་དབུལ་ལོ། །དེ་ནས་སྒྲུབ་པ་པོས་རིངས་པའི་ཚུལ་གྱིས་རས་རིས་ལ་ལན་གསུམ་བསྐོར་བ་བྱས་ཏེ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། རང་སངས་རྒྱས་ཐམས་ཅད་དང ། འཕགས་པ་ཉན་ཐོས་རྣམས་ལ་ཕྱག་བྱས་ནས་སྒྲུབ་པ་པོས་བྲིས་པའི་རས་རིས་ཀྱི་མཐའ་མའི་ཕྱོགས་འཇིགས་པ་མེད་པས་རས་རིས་གཟུང་བར་བྱའོ། །
144b
དེ་ནས་བཟུང་བ་ཙམ་གྱིས་འཕུར་ཏེ། སེ་གོལ་གཏོགས་པ་ཙམ་གྱིས་ཚངས་པའི་འཇིག་རྟེན་དུ་ཕྱིན་པར་འགྱུར་ཏེ། མེ་ཏོག་ཅན་གྱི་འཇིག་རྟེན་གྱི་ཁམས་སུ་རབ་ཏུ་གནས་པར་འགྱུར་ཏེ། གང་དུ་བཅོམ་ལྡན་འདས་མེ་ཏོག་ཡང་དག་པར་སྐྱེས་པའི་རྒྱལ་པོའི་དབང་པོ་དེ་བཞིན་གཤེགས་པ་དེ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །འཕགས་པ་འཇམ་དཔལ་ཡང་མངོན་དུ་མཐོང་ངོ ། །ཆོས་ཀྱང་ཐོས་སོ། །བྱང་ཆུབ་སེམས་དཔའ་དུ་མ་དག་ཀྱང་མཐོང་ཞིང་དེ་དག་ལ་བསྙེན་བཀུར་ཡང་བྱེད་དེ། བསྐལ་བ་ཆེན་པོ་སྟོང་དུ་རྒ་བ་དང ། འཆི་བ་མེད་ཅིང་གནས་པར་འགྱུར་རོ། །རས་རིས་ཀྱང་དེ་ན་གནས་པར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་པར་འགྱུར་རོ། །དེ་དག་གི་བྱིན་གྱིས་བརླབས་པར་ཡང་ཡང་དག་པར་ཤེས་སོ། །སངས་རྒྱས་ཀྱི་ཞིང་སྟོང་ཡང་འདའ་བར་བྱེད་དོ། །ལུས་སྟོང་ཡང་སྟོན་པར་བྱེད་དོ། །རྫུ་འཕྲུལ་གྱི་མཐུ་དུ་མ་ཡང་འབྱིན་པར་བྱེད་དོ། །འཕགས་པ་འཇམ་དཔལ་ཡང་དགེ་བའི་བཤེས་གཉེན་དུ་འགྱུར་རོ། །ངེས་པར་བྱང་ཆུབ་ལ་གཞོལ་བར་འགྱུར་རོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་རྒྱ་ཆེ་བའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་ཞིབ་མོ་རབ་འབྱམས་སྒྲུབ་པའི་ཐབས་མཆོག་གི་ལས་ཀྱི་ལེའུ་བརྒྱད་པ་ལས། དང་པོ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་
145a
༄#། །ཐུབ་པས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་གྱི་ལྷ་འདུས་པ་རྣམས་ལ་བཀའ་སྩལ་པ། གྲོགས་པོ་དག་།ཁྱེད་ཅག་ཉོན་ཅིག་།འཇམ་དཔལ་གཞོན་ནུར་གྱུར་པའི་སྤྱོད་པའི་དཀྱིལ་འཁོར་སྔགས་སྒྲུབ་པའི་ཐབས་ཀྱི་ལས་བྱེད་པ། སྒྲུབ་པ་པོ་བསྲུང་བའི་ཕྱིར་མཆོག་ཏུ་གསང་བ་དམ་པ། སྙིང་པོ་དམ་པ། དེ་བཞིན་གཤེགས་པ་ཐམས་ཅད་ཀྱིས་གསུངས་པ། རིག་པའི་རྒྱལ་པོ་ཆེན་པོ་བཟླས་པ་གང་གིས་སྔགས་ཐམས་ཅད་བཟླས་པར་གྱུར་ཏེ། ཀྱེ་ལྷའི་ཚོགས་དག་།འདི་ནི་འདའ་བར་བྱ་བ་མ་ཡིན་ཏེ། རིག་པའི་རྒྱལ་པོ་འདི་ནི་འཇམ་དཔལ་གཞོན་ནུར་གྱུར་པ་ཡང་རིག་པའི་རྒྱལ་པོ་འདིས་འགུགས་ཤིང ། དབང་དུ་བྱེད་ལ་འབྱོར་པ་མེད་པར་བྱེད་ན། བྱང་ཆུབ་སེམས་དཔའ་གཞན་ལྟ་སྨོས་ཀྱང་ཅི་དགོས། འཇིག་རྟེན་ལས་འདས་པའི་སྔགས་ཐམས་ཅད་དང ། བགེགས་ཐམས་ཅད་ཀྱང་འཇིག་པར་བྱེད་དེ། འདི་ནི་སྟོབས་ཆེ་བ་དང ། མཐུ་ཆེ་བ་དང ། དཔའ་བོ་གཅིག་པ་དང ། སྔགས་ཐམས་ཅད་ཀྱི་མཆོག་གཅིག་ཏུ་བསྟན་པ་དང ། ཡི་གེ་གཅིག་པ་རྣམས་ཀྱི་ནང་ན་གཅིག་པར་བསྟན་པ་དང ། ཡི་གེ་གཅིག་གིས་དོན་ཐམས་ཅད་སྒྲུབ་པར་བྱེད་པ། བྱ་བ་ཐམས་ཅད་བྱེད་པ། སྔགས་ཐམས་ཅད་གཅོད་པར་བྱེད་པ། མ་རུངས་པའི་ལས་རྣམས་ཀྱི་སྡིག་པ་ཐམས་ཅད་རབ་ཏུ་འཇིག་པར་བྱེད་པ་
145b
སྔགས་ཐམས་ཅད་ཡོངས་སུ་རྫོགས་པར་བྱེད་པ། དགེ་བར་བྱེད་པ་དང ། འཇིག་རྟེན་དང ། འཇིག་རྟེན་ལས་འདས་པའི་སྔགས་རྣམས་ཀྱི་གོང་ནས་གོང་དུ་འདུག་པ། ཐོགས་པ་མེད་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དེ་གང་ཞེ་ན། ཨོཾ་ནྠཱི། གྲོགས་པོ་དག་།འདི་ཉིད་མཆོག་ཏུ་གསང་བ་དམ་པ་ལས་ཐམས་ཅད་བྱེད་པ། ཡི་གེ་གཅིག་པ་ཞེས་བྱ་བ་རིག་པའི་རྒྱལ་པོ་འདའ་བར་བྱ་བ་མ་ཡིན་པ། སེམས་ཅན་ཐམས་ཅད་ཀྱིས་ཐུབ་པར་དཀའ་བ། འབྱུང་པོ་ཐམས་ཅད་ཀྱི་བཀྲ་ཤིས་པ།་སངས་རྒྱས་ཐམས་ཅད་སྒྲུབ་པར་བྱེད་པ། སྔགས་ཐམས་ཅད་ཀྱི་མངའ་བདག་།འཇིག་རྟེན་ཐམས་ཅད་ཀྱི་དབང་ཕྱུག་།རྣམ་པར་སྡང་བ་རྣམས་ལ་བྱམས་པའི་བདག་ཉིད་དང ། སྐྱེ་བོ་ཐམས་ཅད་ལ་སྙིང་བརྩེ་བར་བྱེད་པ། བགེགས་ཐམས་ཅད་འཇིག་པར་བྱེད་པ་སྟེ། མདོར་ན། ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་ལས་བྱེད་དེ། བསྒྲུབས་པ་མེད་ཀྱང་ལས་འགྲུབ་པར་འགྱུར་རོ། །སྔགས་འདི་བཟླས་ལ་རེག་པས་དེ་དབང་དུ་འགྱུར་རོ། །གོས་ལ་སྔགས་ནས་གྱོན་ན་སྐལ་བ་བཟང་པོར་འགྱུར་རོ། །སོ་ཤིང་ལ་སྔགས་ན་སོ་ནད་ཉེ་བར་ཞི་པར་འགྱུར་རོ། །ཀ་ར་བཱི་ར་དཀར་པོའི་སོ་ཤིང་ལ་ལན་བདུན་སྔགས་ཏེ་ཟོས་ན་དོན་དུ་མ་གཉེར་བར་ཡང་ཁ་ཟས་འབྱུང་པར་འགྱུར་རོ། །མིག་གི་ནད་ལ་རྒྱ་མ་ཚཝ་བཏགས་ཏེ་ལན་
146a
༄#། །བདུན་མངོན་པར་སྔགས་ལ་མིག་བཀང་ན་མིག་གི་ནད་སེལ་ཏོ། །རྣ་བའི་ནད་ལ་འབྲུག་སྒྲོགས་པ་ལས་སྐྱེས་པའི་རྩཝ་ཚཝ་ཏྲི་ཀ་ཞེས་བྱ་བ། གླང་པོ་ཆེའི་རྒྱབ་ཏུ་རེག་པར་བྱས་ལ། རང་གི་ལོ་མའི་ནང་དུ་བཏུམས་ནས་མེ་ཆུང་བ་ལ་བསྲེགས་ཏེ་ཤིན་ཏུ་འཇམ་པར་བྱས་ལ། རྒྱམ་ཚཝའི་ཕྱེ་མ་ཆུ་དྲོ་འཇམ་ཙམ་དང་སྦྲུས་ཏེ་ལན་བདུན་སྔགས་པས་རྣ་བ་བཀད་པ་དང་སྐད་ཅིག་དེ་ཉིད་ལ་རྣ་བ་ན་བ་ཉེ་བར་ཞི་བར་འགྱུར་རོ། །བུད་མེད་བུ་འབྱུང་བའི་དུས་སུ་མངལ་ནས་མ་ཐོན་ཏེ་ན་ཞིང་ཉམ་ཐག་པ་ལ་ནི་ཤིང་ཨཱ་ཌཱ་རུ་ཤ་ཀའི་རྩ་བ་སྲོག་ཆགས་མེད་པའི་ཆུ་ལ་བཏགས་ཏེ་ལྟེ་བའི་ཕྱོགས་སུ་བསྐུས་ན་ཉེ་བར་ཞི་བར་འགྱུར་རོ། །མཚོན་ནང་དུ་ལུས་པའི་སྐྱེས་བུ་ལ་ནི་མར་རྙིང་པ་ལ་ལན་བརྒྱ་རྩ་བརྒྱད་མངོན་པར་སྔགས་ཏེ་བཏུང་བའམ། བྱུགས་ན་ཕྱོགས་དེ་ནས་དེའི་སྐད་ཅིག་ལ་ཟུག་རྡུ་མེད་པར་འགྱུར་རོ། །མ་ཞུ་བ་དང ། གསུད་པ་དང ། འཁྲུ་བའི་ནད་ལ་ནི་ལན་ཚཝ་ནག་པོ་འམ། རྒྱམ་ཚཝ་འམ། ཚཝ་གཞན་གང་ཡང་རུང་བ་ལ་ལན་བདུན་སྔགས་ཏེ་ཟོས་ན་ནད་དེ་ལས་གྲོལ་བར་འགྱུར་ཏེ། དེ་ཉིད་ཀྱི་ཉིན་པར་བདེ་ལེགས་སུ་འགྱུར་རོ། །ལྡན་པའི་ནད་ཀྱིས་ཚད་པས་འཁྲུ་བའམ། འཁྲུ་བ་ལ་ནི་མ་དུ་ལུང་གའི་རྩ་བ་བཏགས་ཏེ། ལན་གཅིག་གམ། གཉིས་བཟླས་པ་བྱས་ནས་སྲོག་ཆགས་མེད་པའི་ཆུ་དང་འཐུངས་ན་གནོད་པ་མེད་པར་དེ་ལས་གྲོལ་བར་འགྱུར་རོ། །
146b
བུད་མེད་མོ་ཤམ་བུ་མི་སྐྱེ་བ་སྐྱེ་བར་འདོད་ན་ཨ་ཤཝ་གན་དྷའི་རྩ་བ་མར་བཟང་པོ་དང་ལྷན་ཅིག་བསྐོལ་ལ་བའི་འོ་མ་དང་ལྷན་ཅིག་བསྐོལ་ཏེ་བའི་འོ་མ་དང་བསྲེས་ལ་ལན་ཉི་ཤུ་རྩ་ལྔར་བཟླས་ལ། ཟླ་མཚན་གྱི་དུས་སུ་བླུད་ལ་ཁྲུས་བྱས་པའི་འོག་ཏུ་ཁྱིམ་བདག་གཞན་གྱི་ཆུད་མ་སྤངས་ཤིང་འདོད་པས་ལོག་པར་གཡེམ་པ་སྤངས་པས་རང་གི་ཆུང་མ་ལ་མངོན་པར་སོང་ན་རང་གི་ཁྱོ་དང་འདྲ་བའི་བུ་སྐྱེ་བར་འགྱུར་རོ། །ལོ་གསུམ་མམ། ལོ་ལྔའི་བར་དུ་བཙའ་བའི་དུས་སུ་ཁྲག་འབྱུང་བའམ། ལོ་དུ་མའི་བར་དུ་བུམ་ཆགས་པའ་ ། གཞན་གྱི་སྔགས་རྒྱུད་དང ། སྨན་དང ། གཞན་གྱི་ཕྱག་རྒྱས་བཅིང་པ་དང ། གཞན་གྱིས་མ་རུངས་པར་བྱས་པའ་ ། བུ་ཟླ་བ་མ་ཚང་བར་འབྱུང་བའམ། ནད་ལས་ཡང་དག་པར་བྱུང་བའམ། གཞན་གྱི་སྦྱོར་བས་ཡང་དག་པར་བྱུང་བའམ། གཞན་གང་ཡང་རུང་བ་ཅུང་ཟད་གཞན་གྱིས་བྱས་པའི་ནད་དང ། གནས་པ་དང ། འགྲོ་བ་དང ། བཅོས་མ་དང ། བཅོས་མ་མ་ཡིན་པའི་དབྱིག་དུག་ལ་སོགས་པ་བྱིན་པའ་ ། རྩ་བ་དང ། སྨན་དང ། སྔགས་ཐམས་ཅད་དང ། མཛའ་བོ་དང ། མི་མཛའ་བས་སྦྱོར་བ་བྱས་པ་ལ་ལན་ཉི་ཤུ་རྩ་བདུན་སྔགས་ཏེ། མར་རྙིང་པ་ལ་རྨ་བྱའི་སྒྲོ་ཟླ་བ་འདྲ་བ་དང་བསྲེས་ཏེ་བཏགས་ལ། དེ་ནས་ཤིན་ཏུ་ཞིབ་པར་བྱས་ལ་ཤ་ཁ་ར་དང་ལྷན་ཅིག་སྦྱར་ཏེ་ཨ་རུ་ར་ཙམ་བཟའ་བར་
147a
༄#། །བྱའོ། །ཞག་བདུན་གྱི་བར་དུ་ཁ་ར་དང་ལྡན་པའི་བསྐོལ་བ་བཏུང་བར་བྱ་སྟེ། ཡང་དང ། ཡང་དུ་སྔགས་ཀྱང་བཟླ་བར་བྱའོ། །མགོ་བོའི་ནད་ལ་ནི་ཁཝའི་གཤོག་པ་ལ་ལན་བདུན་སྔགས་ཏེ་བྱབས་ན་བདེ་ལེགས་སུ་འགྱུར་རོ། །བུད་མེད་ལ་སྤྱད་དྲགས་པ་ལ་སོགས་པའི་ནད་ནི་ཤིང་ཨ་ལམ་བུ་སའི་རྩ་བའི་འོ་མ་དང་ལྷན་ཅིག་བཏགས་ནས། སྨན་ནི་ལི་ཀའི་རྩ་བ་དང་ལྡན་པ་ལ་བརྒྱ་རྩ་བརྒྱད་སྔགས་ཏེ་འོ་མ་དེ་དང་བསྲེས་ལ་བཏུང་བར་བྱའོ། །དེ་བཞིན་དུ་རིམས་ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། ཉིན་བཞི་པ་དང ། ཐེར་ཟུག་པའི་རིམས་དང ། རྟག་པའི་རིམས་དང ། རིམས་མི་བཟད་པ་ལ་སོགས་པ་ལའོ་ཐུག་མར་དང་ལྡན་པ་ལ་བརྒྱ་རྩ་བརྒྱད་མངོན་པར་སྔགས་ཏེ་བླུད་པ་བྱས་ན་བདེ་བར་གནས་པར་འགྱུར་རོ། །དེ་བཞིན་དུ་མཁའ་འགྲོ་མའི་གདོན་གྱིས་ཟིན་པ་དག་ལ་ནི་བདག་ཉིད་ཀྱི་གདོང་ལ་ལན་བརྒྱ་རྩ་བརྒྱད་མངོན་པར་སྔགས་ཏེ་ནད་པ་ལ་བལྟས་ན་བདེ་བར་གནས་པར་འགྱུར་རོ། །དེ་བཞིན་དུ་མ་མོ་དང ། བྱིས་པ་དང ། ལུས་སྲུལ་པོ་དང ། རོ་ལངས་དང ། གཞོན་ནུའི་གདོན་ལ་སོགས་པ་མི་མ་ཡིན་པའི་མི་བཟད་པའི་གདོན་ཐམས་ཅད་ཀྱིས་ཟིན་པ་ལ་ནི་བདག་ཉིད་ཀྱི་ལག་པ་ལ་ལན་བརྒྱ་རྩ་བརྒྱད་མངོན་
147b
པར་སྔགས་པ་བྱས་ནས། གདོན་གྱིས་ཟིན་པའི་མགོ་ལ་རེག་པར་བྱས་ན་བདེ་བར་གནས་པར་འགྱུར་རོ། །ལན་གཅིག་བཟླས་པས་བདག་ཉིད་བསྲུང་བར་འགྱུར་རོ། །ལན་གཉིས་བཟླས་པས་གྲོགས་པོ་བསྲུང་བར་འགྱུར་རོ། །ལན་གསུམ་བཟླས་པས་ནི་ཁྱིམ་བསྲུང་བར་འགྱུར་རོ། །ལན་བཞི་བཟླས་པས་ནི་གྲོང་བསྲུང་བར་འགྱུར་རོ། །ལན་ལྔ་བཟླས་པས་ནི་གྲོང་གི་སྤྱོད་ཡུལ་གྱི་འགྲོ་བ་བསྲུང་བར་འགྱུར་རོ། །དེ་བཞིན་དུ་ལན་སྟོང་གི་བར་དུ་བཟླས་ན་དམག་གི་ཚོགས་བསྲུང་བ་བྱས་པར་ཡང་འགྱུར་རོ། །དེ་དག་དང ། གཞན་ཡང་མ་བསྒྲུབས་པར་ལས་ཐམས་ཅད་བྱེད་པར་འགྱུར་རོ། །ཅི་སྟེ་བསྒྲུབ་པར་འདོད་ན་ནི་ལས་ཕྲན་ཚེགས་རྣམས་བྱ་བ་མ་ཡིན་ཏེ། གཅིག་ཏུ་དབེན་པའི་གནས་སུ་སོང་ནས་རྒྱ་མཚོར་འབབ་པའི་ཆུ་བོ་འབྱུང་བའི་གནས་དང ། རྒྱ་མཚོའི་ངོགས་དང ། ཆུ་བོ་གང་གཱའི་ངོགས་དང ། གཞན་གང་ཡང་རུང་བའི་ཆུ་བོ་ཆེན་པོའི་ངོགས་ལ་བརྟེན་ནས་གཙང་མའི་གནས་སུ་ལོ་མའི་སྦྱིལ་པོ་བྱས་ཏེ། ཁྲུས་ལན་གསུམ་བྱ་ཞིང་གོས་ལན་གསུམ་བརྗེས་ལ། ཐུབ་པར་གནས་ཤིང་སློང་མོའི་ཁ་ཟས་བཟའ་བའམ། ཚོད་རྔད་དམ། ཁྱོར་གང་ཙམ་མམ། འོ་མ་འམ། འབྲས་བུ་ཟ་ཞིང་བཟླས་པ་སུམ་འབུམ་བྱས་ཏེ། གྲུབ་པའི་མཚན་མ་མཐོང་ན་དེ་ནས་སྒྲུབ་པ་བརྩམ་པར་བྱའོ། །ཕྱོགས་དེ་ཉིད་དུ་རས་རིས་ཆེན་པོ་བཞག་ལ། རས་རིས་ལ་མཆོད་པ་ཆེན་པོ་བྱས་ཏེ།
148a
༄#། །མར་མེའི་སྣོད་གསེར་རམ། དངུལ་ལམ། ཟངས་སམ། སའི་རང་བཞིན་ལ་ཤིང་དུ་རུ་སྐའི་འབྲུ་མར་གྱིས་བཀད་པ་འམ། དྲི་ཞིམ་པོའི་འགྲུབ་\?\་མར་གྱིས་བཀང་བའམ། བའི་མར་གྱིས་ཡོངས་སུ་བཀང་བའི་མར་མེ་རས་ཀྱི་དུམ་བུ་གསར་བའི་སྙིང་པོ་བྱས་ཏེ། རས་རིས་ཀྱི་མདུན་དུ་འབུམ་ཕྲག་གཅིག་གི་མར་མེ་དབུལ་བར་བྱའོ། །ཁོ་ར་ཁོར་ཡུག་ཏུ་མར་མེའི་ཕྲེང་བ་ཕུལ་མ་ཐག་ཏུ་རས་རིས་ལས་འོད་འབྱུང་སྟེ། འོད་བྱུང་མ་ཐག་ཏུ་རས་རིས་ཀྱི་ཁོ་ར་ཁོར་ཡུག་ཏུ་འོད་འབར་བའི་ཕྲེང་བས་ཀུན་ནས་ཁྱབ་པར་འགྱུར་རོ། །སྟེང་གི་ནམ་མཁའ་བར་སྣང་ལས་རྔ་བོ་ཆེའི་སྒྲ་སྒྲོགས་ཤིང་ལེགས་སོ་ཞེས་བྱ་བའི་སྒྲ་ཡང་ཐོས་ཏེ། དེ་ནས་རིག་པ་འཛིན་པས་རིངས་པའི་ཚུལ་གྱིས་སྒྲུབ་པ་པོས་རས་རིས་ཀྱི་མཐའ་ལ་སྔར་བྲིས་པའི་རས་རིས་ཀྱི་མཐའ་ནས་མཆོད་ཡོན་གསོལ། ལན་གསུམ་བསྐོར་བ་བྱས་ཏེ། སངས་རྒྱས་ཐམས་ཅད་ལ་ཕྱག་འཚལ་ནས་གཟུང་བར་བྱའོ། །དེ་ནས་དེ་བཟུང་བ་ཙམ་གྱིས་མར་མེ་ཐམས་ཅད་འཛིན་པའི་སེམས་ཅན་རྣམས་གཅིག་གིས་ལྷག་པའི་གཞལ་མེད་ཁང་འབུམ་དང་ལྷན་ཅིག་འཕུར་བར་འགྱུར་རོ། །ལྷའི་སིལ་སྙན་དང་ཡང་དག་པར་ལྡན་པ་དང ། གླུ་སྙན་པའི་སྒྲ་ལ་སོགས་པ་དང་ལྡན་པ་དང ། གར་དང་ལྡན་པས་རིག་པ་འཛིན་མ་ཁོར་ཡུག་
148b
ཏུ་ཁྱབ་པ་དག་གིས་མར་མེ་ཐོགས་པ་དང་ལྷན་ཅིག་སྒྲུབ་པ་པོ་རིག་པ་འཛིན་པའི་འཁོར་ལོས་བསྒྱུར་བའི་རྒྱལ་པོར་དབང་བསྐུར་བར་བྱེད་དོ། །རྒ་བ་དང ། འཆི་བ་མེད་པས་རོལ་པར་འགྱུར་ཞིང་བསྐལ་བ་ཆེན་པོར་གནས་ཤིང་ཉི་མ་དང་འདྲ་བ་དང ། ལྷའི་ཡན་ལག་ལྟ་བུར་མཛེས་པ་དང ། གོས་རྣམ་པ་སྣ་ཚོགས་ཀྱིས་བརྒྱན་པ་དང ། འཁོར་དེ་དག་དང་ཡང་འདི་ལྷན་ཅིག་ཏུ་སྤྱོད་པར་འགྱུར་རོ། །རིག་པ་ཐམས་ཅད་ཀྱང་འདིའི་བྲན་བཞིན་དུ་ཉེ་བར་གནས་པར་འགྱུར་ཏེ། རིག་པ་འཛིན་པའི་འཁོར་ལོས་བསྒྱུར་བར་འགྱུར་རོ། །རིང་དུ་འཚོ་བ་དང ། གྲུབ་པ་ཐམས་ཅད་ཀྱིས་མི་ཚུགས་པར་འགྱུར་རོ། །རིག་པ་འཛིན་པ་རྣམས་ཀྱི་བུ་མོ་རྣམས་མཆོག་ཏུ་ཡིད་དུ་འོང་བར་འགྱུར་རོ། །རྫས་ཐམས་ཅད་ལ་དབང་དུ་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་རྣམས་རྒྱལ་མཚན་གྱི་རྩེ་མོ་ལ་བཞུགས་པར་འགྱུར་རོ། །སྐད་ཅིག་གིས་ཚངས་པའི་འཇིག་རྟེན་དུ་འགྲོ་ཞིང་བརྒྱ་བྱིན་ལ་ཡང་བགྲང་བ་མེད་ན་རིག་པ་འཛིན་པ་གཞན་ལྟ་ཅི་སྨོས། །འདི་ནི་མཐར་ཡང་སངས་རྒྱས་ཉིད་དུ་འགྱུར་ཞིང་འཕགས་པ་འཇམ་དཔལ་ཡང་འདིའི་དགེ་བའི་བཤེས་གཉེན་དུ་འགྱུར་རོ། །གཞན་ཡང ། ལས་ཀྱི་སྒྲུབ་པ་པོ་ཡོད་དེ། དེ་ནས་ཤིན་ཏུ་བརྩོན་པས་གཅིག་ཏུ་དབེན་པ། སྐྱེ་བོ་མེད་ལ་འདྲེས་པ་མེད་ཅིང་འདྲེས་པ་དང་བྲལ་བས་དགོན་པ་ཆེན་པོར་
149a
༄#། །ཞུགས་ཏེ། གནས་གང་དུ་པདྨ་ཆེན་པོ་ཡོད་པའི་མཚོ་དང་ལྡན་པའི་རིའི་རྩེ་མོ་གཅིག་ཏུ་བརྟེན་ནས། རིའི་རྩེ་མོ་དེའི་སྟེང་དུ་འཛེགས་ཏེ། རིག་པའི་རྒྱལ་པོ་ཡི་གེ་གཅིག་པ་འཇམ་དཔལ་གྱི་ཆོ་ག་ལས་བཤད་པ་འམ། དེ་བཞིན་གཤེགས་པའ་ ། གཞན་བྱང་ཆུབ་སེམས་དཔས་བཤད་པའ་ ། གང་ཡང་རུང་བའི་སྔགས་གང་འདོད་པ་དེ་དག་བཟུང་སྟེ། པདྨའི་རྩ་བ་འམ། འོ་མའི་ཁ་ཟས་ཀྱིས་འཆོ་ཞིང་རིག་པ་འབུམ་ཕྲག་སུམ་ཅུ་རྩ་དྲུག་བཟླས་ལ། བཟླས་པའི་མཐར་ཆོ་ག་དེ་ཉིད་ཀྱིས་སྔར་བསྟན་པའི་རས་རིས་ཀྱི་རི་མོ་ཆེན་པོ་རབ་ཏུ་བཞག་སྟེ། མེ་ཏོག་པདྨ་ལ་ཙནྡན་དཀར་པོ་དང ། གུར་གུམ་གྱིས་བཏགས་ལ་སེང་ལྡེང་གི་ཤིང་གི་མེ་སྤར་ཏེ། སྔར་ཡོངས་སུ་བཏགས་པའི་མེ་ཏོག་གིས་སྟོང་ཕྲག་དྲུག་ཅུ་རྩ་དྲུག་གི་སྦྱིན་སྲེག་བྱའོ། །དེ་ནས་སྦྱིན་སྲེག་གི་མཐར་བཅོམ་ལྡན་འདས་ཤཱཀྱ་ཐུབ་པའི་རས་རིས་ལས་འོད་ཟེར་འབྱུང་ངོ ། །དེ་ནས་སྒྲུབ་པ་པོ་སྣང་བར་བྱས་ཏེ་སྦྱི་བོར་ཞུགས་པར་འགྱུར་ལ། དེས་རེག་མ་ཐག་ཏུ་སྒྲུབ་པ་པོས་མངོན་པར་ཤེས་པ་ལྔ་ཐོབ་པར་འགྱུར་རོ། །བྱང་ཆུབ་སེམས་དཔའི་ས་ཐོབ་པར་འགྱུར། ལྷའི་ལུས་ཀྱིས་ཇི་ལྟར་འདོད་པ་བཞིན་དུ་འགྲོ་བར་འགྱུར། །བསྐལ་པ་སུམ་ཅུ་རྩ་དྲུག་གི་བར་དུ་འཚོ་བར་འགྱུར། སངས་རྒྱས་ཀྱི་ཞིང་སུམ་ཅུ་རྩ་དྲུག་གནོན་
149b
པར་འགྱུར། དེ་དག་གི་མཐུ་ཡང་དག་པར་རྗེས་སུ་མཐོང་བར་འགྱུར། སངས་རྒྱས་སུམ་ཅུ་རྩ་དྲུག་གི་གསུང་རབ་འཛིན་པར་འགྱུར། །དེ་ལ་མཆོད་ཅིང་བསྙེན་བསྐུར་བ་ལ་མངོན་པར་དགའ་བར་འགྱུར། མཐར་ཡང་བྱང་ཆུབ་ལ་གཞོལ་བར་འགྱུར། འཕགས་པ་འཇམ་དཔལ་གྱིས་བྱང་ཆུབ་ཀྱི་མཐར་ཐུག་པ་མྱ་ངན་ལས་འདས་ཀྱི་བར་དུ་དགེ་བའི་བཤེས་གཉེན་དུ་ཡོངས་སུ་འཛིན་པར་འགྱུར་རོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་འཕགས་པ་འཇམ་དཔལ་གྱི་རྩ་བའི་ཆོ་ག་དགུ་པའི་ལེའུ་རབ་འབྱམས་ལས། གཉིས་པ་སྒྲུབ་པའི་ཐབས་དམ་པའི་ལས་ཀྱི་ལེའུ་རབ་འབྱམས་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་བསྒྲུབ་པའི་ལས་དམ་པ་གཞན་ཡང་གསུངས་ཏེ། ཆོ་གའི་རྒྱལ་པོ་འདི་ལས་གང་ཡང་རུང་བའི་སྔགས་བཟུང་ནས་གང་གཱའི་ཀླུང་ཆེན་པོར་ཞུགས་ཏེ། དཀྱིལ་དུ་གྲུའི་བཞོན་པ་ལ་འདུག་སྟེ། འོ་མ་དང་སྦྱར་བའི་འབྲས་ཆན་ཟ་ཞིང་ཇི་ལྟར་འདོད་པའི་ཉི་མ་ལ་བཟླས་པ་སུམ་འབུམ་བྱའོ། །དེ་ནས་བཟླས་པའི་ཐ་མ་ལ་ཀླུ་ཐམས་ཅད་མཐོང་སྟེ། དེ་ནས་བསྒྲུབ་པ་བརྩམ་པར་བྱའོ། །གྲུའི་སྟེང་དེ་ཉིད་ཀྱི་ནང་དུ་མེ་ཐབ་པདྨའི་རྣམ་པ་འདྲ་བ་བྱས་ཆས། མེ་ཏོག་ནཱ་ག་གེ་སར་དག་གིས་རས་རིས་ལ་མཆོད་པ་ཆེན་པོ་བྱས་ཏེ། རས་རིས་ཆེན་པོ་ནུབ་ཏུ་བསྟན་པས་བཞག་ལ། བདག་
150a
༄#། །ཉིད་ཤར་དུ་བལྟས་ནས་ཀུ་ཤའི་ཁྲེས་ལ་འདུག་སྟེ། མེ་ཏོག་ནཱ་ག་གེ་སར་རེ་རེ་ལ་ཡང་ལན་བདུན་བདུན། སྔགས་པ་བྱས་ནས་ཤིང་སེང་ལྡེང་གི་མེ་སྤར་བ་ལ་སྦྱིན་སྲེག་བྱ་སྟེ། ཙནྡན་དཀར་པ་དང ། གུར་གུམ་དང་བསྲེས་པའི་མེ་ཏོག་ནཱ་ག་གེ་སར་གྱིས་ལན་སྟོང་ཕྲག་སུམ་ཅུ་རྩ་དྲུག་གི་བར་དུ་བྱ་སྟེ། གཞན་གྱིས་ནི་མ་ཡིན་ནོ། །ཀླུ་རྣམས་མཐོང་བ་ཡང་དོན་ཡོད་པ་ཡིན་ཏེ། གྲུབ་པའི་རྫས་ལ་རབ་ཏུ་ཆགས་པས་བླང་བར་མི་བྱ་སྟེ། གྲུབ་པའི་རྫས་རྣམས་ཆགས་པས་ལེན་པར་མི་བྱེད་ན། དེས་ན་སྦྱིན་སྲེག་རྫོགས་པ་དང་གླུའི་བཞོན་པ་དང་བཅས་པར་འཕུར་བར་འགྱུར་ཏེ། རིག་པ་འཛིན་པའི་འཁོར་ལོས་བསྒྱུར་བར་འགྱུར་ལ། ཀླུའི་རྒྱལ་པོའི་དབང་པོ་ཐམས་ཅད་ཀྱང་རྗེས་སུ་འབྲང་ཞིང་བྲན་བཞིན་དུ་གནས་པར་འགྱུར་རོ། །བར་གྱི་བསྐལ་པ་སུམ་ཅུར་འཚོ་བར་འགྱུར་རོ། །འདི་རང་དབང་དུའང་སྤྱོད་པར་འགྱུར་རོ། །འགྲོ་བ་ལ་ཐོགས་པ་མེད་པར་འགྱུར་རོ། ། འཕགས་པ་འཇམ་དཔལ་མངོན་སུམ་དུ་མཐོང་བར་འགྱུར་རོ། །སྦྱི་པོ་ལ་ཕྱག་གིས་རེག་པར་མཛད་དེ། རེག་པ་ཙམ་གྱིས་མངོན་པར་ཤེས་པ་ལྔ་ཐོབ་པར་འགྱུར་རོ། །ངེས་པར་སངས་རྒྱས་ཉིད་ཀྱང་འཐོབ་པར་འགྱུར་རོ། །ལས་ཀྱི་མཆོག་གཞན་ཡང་བསྟན་པ་ནི་བིལ་བའི་ཤིང་གཅིག་གི་རང་བཞིན་ལས་གྲུའི་བཞོན་པ་ཤིན་ཏུ་བརྟན་པ་དང ། ལེགས་པར་བྱས་ཏེ། དེ་
150b
ལ་ཞོན་ནས་གང་གཱའི་ཀླུང་ཆེན་པོར་ཞུགས་ཏེ། བིལ་བའི་ཤིང་ལས་རླུང་ཡོར་བྱས་ཏེ། དེ་ཉིད་ཀྱིས་གྲུ་དེ་རླུང་ཡོར་འཛིན་པ་མཁས་པ་གསལ་བ་དེས་ཕྱགས་པར་བྱའོ། །གང་གཱའི་ཀླུང་ཆེན་པོ་མི་དོར་བར་ཡོངས་སུ་ཐད་ཀ་འམ། ཆུར་ཕྱགས་པར་བྱའོ། །དེ་ནས་གཞན་གང་ཡང་རུང་བའི་སྔགས་རྩ་བའི་སྔགས་སམ། འབྲུ་དྲུག་པ་འམ། འབྲུ་གསུམ་པ་འམ། འབྲུ་བརྒྱད་པ་འམ།་འབྲུ་གཅིག་པ་འམ། ཁྲོ་བོ་འམ། ཕོ་ཉ་འམ། འཁོར་གྱི་སྔགས་བཟུང་ནས་དང་པོར་རས་རིས་ཆེན་པོ་དེ་ཉིད་ནུབ་ཏུ་བལྟས་པས་བཞག་ལ། སྒྲུབ་པ་པོ་ཤར་དུ་བལྟ་བར་བྱའོ། །དེ་ནས་ཇི་ལྟར་འདོད་པའི་འོ་མ་དང ། ནས་ཆན་ཁྱོར་གང་ངམ། འབྲས་བུའི་ཁ་ཟས་སམ། ཆུ་དང ། རྩ་བ་དང ། འབྲས་བུའི་ཁ་ཟས་ཀྱིས་འཚོ་ལ་མི་སྨྲ་བའི་དཀའ་ཐུབ་དང ། དུས་གསུམ་དུ་ཁྲུས་བྱ་ཞིང་གོས་ལན་གསུམ་བརྗེས་ནས་དགེ་བའི་ལས་བཟང་པོ་ཡང་དག་པར་སྤྱོད་པ་དང ། བློ་དགེ་བ་བཟང་པོ་དང་ལྡན་པའོ། །དང་པོར་རེ་ཞིག་རས་རིས་ཀྱི་མདུན་དུ་སྔར་ཇི་ལྟར་བསྟན་པའི་སྔར་བཤད་པའི་ཆོ་གས་རིག་པ་འབུམ་ཕྲག་དྲུག་ཅུ་བཟླའོ། །བཟླས་པ་ཟིན་པ་ན་གྲུ་དེ་རྒྱ་མཚོ་ཆེན་པོར་འགྲོ་བར་འགྱུར་རོ། །སྒྲུབ་པ་པོའི་ཡོ་བྱད་ཡང་དག་པར་བླངས་ཏེ། སྔར་གྱི་གནས་སུ་གཞག་པར་བྱའོ། །དེ་ནས་གྲུའི་བཞོན་པ་རྒྱ་མཚོ་ཆེན་པོར་འགྲོ་བ་ན་འཇིགས་པར་མི་བྱ་སྟེ། བཟློག་པར་ཡང་མི་བྱའོ། །སྒྲུབ་པ་པོ་མ་གཏོགས་པས་ཟློག་པར་ནུས་པ་ཡང་མ་ཡིན་ནོ། །དེ་ནས་
151a
༄#། །དཔག་ཚད་སྟོང་དུ་གནས་པའི་རྒྱ་མཚོ་ཆེན་པོར་ཡང་ཡུད་ཙམ་གྱིས་འཇུག་པར་འགྱུར་ན། ལམ་ཐུང་དུ་ལྟ་སྨོས་ཀྱང་ཅི་དགོས། རྒྱ་མཚོ་ཆེན་པོ་དེར་ཕྱིན་པ་ན་སྒྲུབ་པ་པོས་བསྒྲུབ་པའི་ལས་བརྩམ་པར་བྱའོ། །དེ་ནས་སེང་ལྡེང་གི་ཤིང་གིས་མེ་སྤར་ལ། སྔར་བྱས་པའི་མེ་ཐབ་བམ། རྫ་མཁན་གྱིས་བྱས་པའི་སའི་སྣོད་ལ་མེ་ཏོག་ནཱ་ག་གེ་སར། ཙནྡན་དཀར་པོ་དང ། ག་བུར་གྱིས་བསྲེས་པའི་སྲེག་བླུགས་ཀྱིས་ཤིན་ཏུ་ཉུང་བའམ། རབ་ཏུ་མང་བ་ཡང་རུང ། འབུམ་ཕྲག་དྲུག་ཅུ་སྦྱིན་སྲེག་བྱའོ། །སྦྱིན་སྲེག་བྱེད་པ་ན་ཡང་ལང་ཀའི་གྲོང་ཁྱེར་ན་གནས་པའི་སྲིན་པོ་གཟུགས་དང ། །ཆ་བྱད་མང་པོ་འཛིན་པ་ཧ་ཧ་ཞེས་བྱ་བའི་སྒྲ་སྒྲོགས་པ་དང ། ཀླུའི་གྲོང་ཁྱེར་གདེངས་ཀ་དང་ལྡན་པ་ན་གནས་པའི་རྒྱལ་པོ་རྣམས་ལངས་པར་གྱུར་ཏེ། ཆ་བྱད་རྣམ་པ་སྣ་ཚོགས་འཛིན་པ། རབ་ཏུ་དྲག་པ་དང ། རབ་ཏུ་ཞི་བའི་ཀླུ་དེ་རྣམས་དང ། སྲིན་པོ་དེ་རྣམས། འདི་སྐད་དུ། ཁྱེད་བཞེངས་ཤིག ། བཞེངས་ཤིག་།བདག་ཅག་གི་བདག་པོ་མཛད་དུ་གསོལ་ཞེས་བརྗོད་དོ། །དེ་བཞིན་དུ་ལྷ་མ་ཡིན་དང ། གནོད་སྦྱིན་དང ། ལྷ་དང ། ལྟོ་འཕྱེ་ཆེན་པོ་དང ། གྲུབ་པ་དང ། མི་མ་ཡིན་པ་ཐམས་ཅད་ཀྱང་རབ་ཏུ་ཆགས་པར་བྱེད་ན་ལྡང་བར་མི་བྱ། འཇིགས་པར་མི་བྱའོ། །དེ་ནས་རིག་པ་འཛིན་པས་སྔགས་ཟློ་ཞིང་ལག་པ་གཡོན་པའི་མཛུབ་མོས་སྡིགས་མཛུབ་བྱས་ན་དེ་ནས་ཕན་
151b
ཚུན་དུ་འགྲོ་བ་དང ། འབྱེར་བ་དང ། འབྲོས་པར་བྱེད་དོ། །དེ་ནས་སྦྱིན་སྲེག་ཟིན་པ་ན་གྲུ་དེ་སྒྲུབ་པ་པོ་དེས་བླངས་ན། སྐད་ཅིག་གིས་འོག་མིན་དུ་འགྲོ་བར་འགྱུར་རོ། །འཇིག་རྟེན་གྱི་ཁམས་གཞན་དུ་ཡང་འགྲོ་བ་དང ། འོང་བར་འགྱུར་རོ། །བྱང་ཆུབ་སེམས་དཔའི་སེམས་དང་མཐུ་མཉམ་པར་འགྱུར། མངོན་པར་ཤེས་པ་ལྔ་དང ། རྫུ་འཕྲུལ་ཆེན་པོ་དང ། མཐུ་ཆེན་པོ་དང་ལྡན་པར་འགྱུར་རོ། །འདིས་འཕགས་པ་འཇམ་དཔལ་ཡང་རྟག་ཏུ་མཐོང་བར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་དང ། རང་སངས་རྒྱས་དང ། འཕགས་པ་ཉན་ཐོས་མ་གཏོགས་པ་ཀླུའི་རྒྱལ་པོ་ཐམས་ཅད་དང ། སྲིན་པོ་ཐམས་ཅད་དང ། གནོད་སྦྱིན་ཐམས་ཅད་དང ། ལྷ་ཐམས་ཅད་དང ། ལྷ་མ་ཡིན་ཐམས་ཅད་དང ། སེམས་ཅན་ཐམས་ཅད་ཀྱང་འདིའི་བཀའ་བཞིན་བྱེད་ཅིང་དབང་དུ་འགྱུར་རོ། །འདིའི་སྔགས་གྲུབ་པ་དེ་དག་ལ་ཡང་བྱམས་པའི་བདག་ཉིད་དུ་འགྱུར་ཞིང་རྗེས་སུ་དགའ་བར་འགྱུར་རོ། །སེམས་ཅན་ཐམས་ཅད་ཀྱང་འདིའི་བཀའ་བཞིན་འགྱུར་རོ། །གཞན་ཡང་ལས་སྒྲུབ་པའི་ཐབས་དམ་པ་ཡོད་དེ། ཤིང་བིལ་བ་ཆེན་པོ་ལས་གྲུའི་བཞོན་པ་བྱས་ལ། ཡང་ན་ཤིང་གཅིག་གི་ཤིང་གི་ཚོགས་ལས་གནས་ཆེན་པོ་བྱས་ཏེ། གང་གཱའི་དབུས་ཀྱི་ཀླུང་དེར་གྲུའི་བཞོན་པའི་གནས་བྱས་ལ། དེར་ཡང་གྲུའི་བཞོན་པ་ལ་ཞོན་པའི་སྐྱེས་བུ་བརྒྱ་ཉི་ཤུ་རྣམས་མར་མེ་ལག་ན་ཐོགས་པ། གོས་དཀར་པོ་བགོས་པ། བསྲུང་བ་བྱས་པ།
152a
༄#། །ཆོ་ག་སྔ་མས་ཡང་དག་པར་བཞག་པའི་རས་རིས་མདུན་དུ་གཞག་པར་བྱ་སྟེ། དེ་ནས་རས་རིས་ལ་མཆོད་པ་ཆེན་པོ་བྱས་ནས། ནཱ་ག་གེ་སར་གྱི་ཕྱེ་མ། ཙནྡན་དཀར་པོ་དང ། གུར་གུམ་དང ། ག་བུར་གྱིས་བསྲེས་པའི་སྲེག་བླུགས་ཀྱིས་སེང་ལྡེང་གི་མེ་ལ་སྟོང་ཕྲག་སུམ་ཅུ་རྩ་དྲུག་སྦྱིན་སྲེག་བྱའོ། །དེ་ནས་སྦྱིན་སྲེག་ཟིན་པ་ན་སྐད་ཅིག་གིས་ཚངས་པའི་འཇིག་རྟེན་དུ་འགྲོ་བ་དང ། འོང་བར་འགྱུར་རོ། །ཇི་ལྟར་འདོད་པ་བཞིན་རྣམ་པར་རྒྱུ་བར་བྱེད་དོ། །འཕགས་པ་འཇམ་དཔལ་གཞོན་ནུར་གྱུར་པ་མངོན་སུམ་དུ་མཐོང་བར་འགྱུར་ཏེ། མཐོང་བ་ཙམ་གྱིས་ས་ཐོབ་པར་ཡང་འགྱུར་རོ། །མངོན་པར་ཤེས་པ་ལྔ་འཐོབ་པ་དང ། ཡུན་རིང་དུ་འཚོ་ཞིང་བསྐལ་པ་ཆེན་པོར་གནས་པར་ཡང་འགྱུར། རིག་པ་འཛིན་པའི་འཁོར་ལོས་བསྒྱུར་བར་ཡང་འགྱུར་རོ། །མར་མེ་འཛིན་པ་དེ་དག་ཀྱང་རིག་པ་འཛིན་པ་འདིའི་གྲོགས་པོར་འགྱུར་ཏེ། དེ་དག་དང་ལྷན་ཅིག་ཇི་ལྟར་འདོད་པ་བཞིན་དུ་རྒྱུ་ཞིང་རང་དབང་དུ་འགྲོ་བར་ཡང་འགྱུར། སངས་རྒྱས་བཅོམ་ལྡན་འདས་རྣམས་ལ་མཆོད་པ་དང ། བསྙེན་བཀུར་བྱེད་པར་མངོན་པར་དགའ་བར་འགྱུར་ཞིང་འཕྲལ་ཡང་སངས་རྒྱས་ཉིད་དུ་ངེས་པར་འགྱུར་རོ། །གཞན་ཡང་སྒྲུབ་པའི་ཐབས་ཀྱི་ལས་དམ་པ་ཡོད་དེ། ཆུ་ཀླུང་རྒྱ་མཚོའི་འགྲམ་དག་གམ། །དེ་བཞིན་རི་པོ་ཁ་བ་ཅན། །རི་ཡི་རྒྱལ་པོ་
152b
འབིགས་བྱེད་ལ། །ལས་ཀྱི་མཆོག་ནི་བསྒྲུབ་པར་བྱ། །མ་ལ་ཡ་རི་ས་ཧ་དང ། །སྤོས་ཀྱི་ངད་ལྡང་ཨར་བུ་དང ། །རི་ཡི་རྒྱལ་པོ་སུམ་བརྩེ་གསལ། །ལས་ཀྱི་མཆོག་ནི་བསྒྲུབ་པར་བྱ། །དེ་བཞིན་རྒྱ་མཚོ་ཆེན་པོ་དང ། །རི་ནི་ཤིང་ལྡན་མེ་ཏོག་ཡོད། །འདི་དག་གི་ནི་ཕྱོགས་དག་ཏུ། །སྔགས་གྲུབ་པར་ནི་རྒྱལ་བས་གསུངས། །གཙང་ཞིང་བས་མཐའ་དབེན་ཕྱོགས་སུ། །གྲོང་གི་ཆོས་ནི་རྣམ་པར་སྤངས། །དེ་བཞིན་རི་ཡི་ཚང་ཆིང་དུ། །སྔགས་ཀྱི་རྒྱལ་པོ་ཐམས་ཅད་འགྲུབ། །བས་མཐའི་གནས་མལ་ཉམས་དགའ་དང ། །རྒྱལ་བས་དེ་བཞིན་བསྔགས་པ་དང ། །མ་རུངས་སེམས་ཅན་ཐམས་ཅད་ལ། །སྔགས་ཀྱི་རྒྱལ་པ་ཐམས་ཅད་འགྲུབ། །ཆོས་ལྡན་རྒྱལ་པོ་ཡོད་པ་དང ། །གཙང་སྦྲ་སྤྱོད་པའི་སྐྱེ་བོ་ཡོད། །ཕ་དང་མ་ལ་གུས་པ་དང ། །བྲམ་ཟེའི་རིགས་ནི་ཡོད་པ་ཡི། །གནས་དེར་ལྷ་རྣམས་འགྲུབ་འགྱུར་ཏེ། །གཞན་དུ་འགྲུབ་པ་མ་ཡིན་ནོ། །ཆུ་བོ་གང་གཱའི་འགྲམ་དང་ནི། །དེ་བཞིན་ལེགས་མཛེས་ཡ་མུ་ན། །སིནྡུ་ནར་མ་དཱ་ནང་དང ། །ཟླ་བའི་ཆ་ནི་གཙང་དོགས་དང ། ། དེ་བཞིན་ཀཱ་བའི་ས་ར་སཝད། །ཆུ་བོ་ཆེན་པོ་སཱི་ཏ་རྣམས། །འདི་དག་གྲུབ་པའི་ཞིང་དུ་ནི། །སྟོབས་བཅུ་ལྡན་སྲས་རྣམས་ཀྱིས་བཤད། །སྟོབས་བཅུ་ལྡན་པས་བཤད་པའི་ཞིང ། །བྱང་ཕྱོགས་ཡོད་པའི་རི་དག་དང ། །ཁ་ཆེ་དང་ནི་རྒྱ་ཡུལ་དང ། །བལ་པོ་དེ་བཞིན་མང་ཡུལ་དང ། །རྒྱ་ཡུལ་ཆེ་དང་ལི་ཡུལ་དང ། །དེ་དག་མ་ལུས་གྲུབ་པའི་ཞིང ། །བྱང་ཕྱོགས་ལ་ནི་གནས་པ་དང ། །ནས་དང་
153a
༄#། །གྲོ་ལ་སྤྱོད་པ་དང ། །རི་དང་ཆུ་བོ་དག་ལ་ཡང ། །བསོད་ནམས་ཡུལ་དུ་བསྟན་པ་ཡིན། །སེམས་ཅན་སྙིང་རྗེ་ལྡན་གང་གནས། །དེ་དག་ལ་ནི་ངེས་འགྲུབ་འགྱུར། །དཔལ་གྱི་རི་བོའི་རི་ཆེན་ནི། །ལྷོ་ཕྱོགས་ན་ནི་ཡང་དག་གནས། །དཔལ་ལྡན་འབྲས་ཕུང་མཆོད་རྟེན་ནི། །རྒྱལ་བའི་རིང་བསྲེལ་གནས་པའི་ས། །ཐམས་ཅད་དོན་གྱི་གནས་དག་ལ། །དེར་ནི་སྔགས་རྣམས་མྱུར་དུ་འགྲུབ། །མཆོད་རྟེན་ཆེན་པོ་རྡོ་རྗེ་གདན། །ཆོས་ཀྱི་འཁོར་ལོ་རབ་བསྐོར་དང ། །ཐུབ་མཆོག་ཞི་བར་རབ་གཤེགས་པ། །དེར་ཡང་གྲུབ་པར་རབ་ཏུ་སྣང ། །ལྷ་ལས་བབས་པའི་མཆོད་རྟེན་དང ། །ནཻ་ཀ་ཤ་དང་ཆོ་འཕྲུལ་བསྟན། །གྲོང་མཆོག་སེར་སྐྱ་ཞེས་བྱ་དང ། །ནགས་ཚལ་ལུམ་བི་ནིར་འཁྲུངས་ལ། །སྔགས་ཀྱི་རྒྱལ་པོ་འགྲུབ་འགྱུར་ཞེས། ། རྒྱལ་བས་རབ་བསྔགས་བརྗོད་པ་ཡིན། །བྱ་རྒོད་ཕུང་པོའི་རི་དང་ནི། །དེ་བཞིན་ས་སྟེང་བསིལ་བའི་ཚལ། །གྲོང་མཆོག་མེ་ཏོག་ཅེས་བྱ་དང ། །རྟག་ཏུ་དེ་བཞིན་ག་ཤ་དང་།། བཅོམ་བརླག་ཀན་ནྱ་ཀུ་བ་ཛ་དང ། །ས་སྟེང་གྲོང་ནི་འཕགས་རྒྱལ་དང ། །དེ་བཞིན་ཡངས་པ་ཅན་མཆོད་རྟེན། །མི་ཐི་ལ་ཡི་གྲོང་ཁྱེར་ས། །གྲོང་དང་གྲོང་ཁྱེར་མཆོག་དག་ནི། །གང་གཞན་སྐྱེ་བོ་ཡང་དག་འབྱུང ། །རབ་བསྔགས་བསོད་ནམས་ཡུལ་དག་ནི། །དེ་དག་དུ་ནི་བསྒྲུབ་པ་བྱ། །དེ་དང་གཞན་ཡང་ཡུལ་དག་དང ། །གྲོང་དང་ལྗོངས་དང་རི་བོ་དང ། །
153b
གནས་དང་གྲོང་མཆོག་གཙོ་བོ་ནི། །བསོད་ནམས་གནས་ལ་རབ་བརྟེན་ནས། །དེར་ནི་སློང་མོས་རྗེས་འཚོ་ཞིང ། །བཟླས་དང་སྦྱིན་སྲེག་དགའ་བ་དང ། །གནས་ཁང་བླ་གབ་མེད་པ་དང ། །རྟག་ཏུ་ཁྱིམ་ནི་སྟོང་པ་ལ། །སྔགས་རྣམས་ལས་ནི་ཐམས་ཅད་ལ། །ཐོག་མ་ཉིད་དུ་བྱ་བ་ཡིན། །སྔགས་པས་རྟག་ཏུ་ཡུལ་དབུས་སུ། །སྔགས་བཟླས་མངོན་པར་འདོད་པས་བྱ། །བཟླས་ལ་རབ་ཞུགས་རྟག་ཏུ་བརྩོན། །སྔགས་རིག་གཏོང་བ་དག་ལ་གོམས། །ཚུལ་ཁྲིམས་སྤྱོད་ཅིང་ཤིན་ཏུ་དབེན། །འབྱུང་པོ་ཀུན་ལ་ཕན་པར་དགའ། །སྔགས་སྤྱོད་པ་ལ་དགའ་བ་ཡི། །སྡོམ་བརྩོན་གྱིས་ནི་སྔགས་བཟླས་བྱ། །གཙང་ཞིང་གཙང་སྒྲ་ཡོད་ཕྱོགས་དང ། །ཀླ་ཀློ་རྐུན་མ་རྣམ་པར་སྤངས། །སེམས་ཅན་སྡིག་སྦྲུལ་ལ་སོགས་པ། །སྤངས་པའི་ས་ཕྱོགས་འདོད་པ་ཡིན། །འབྲས་བུ་མེ་ཏོག་ཡང་དག་ལྡན། །དྲི་མེད་རབ་བསྔགས་ཆུ་ཡོད་པར། །སྔགས་རིག་སྔགས་ནི་བརྟེན་བྱས་ན། །སྦྱོར་བ་ཐམས་ཅད་རབ་ཏུ་འགྲུབ། །གཞན་ཡང་དུར་ཁྲོད་ཆེན་པོ་ནི། །དེར་ནི་བཟླས་པ་རྟག་ཏུ་བྱ། །དྲི་མེད་ཆུ་དང་འབབ་ཆུ་ནི། །སྲོག་ཆགས་དག་ཀྱང་རྣམ་པར་སྤངས། །དེར་ནི་དེ་ཉིད་བཟླ་བྱ་སྟེ། །མཉམ་པར་གཞག་པས་སྔགས་བཟླ་བྱ། ། འཇིག་རྟེན་སྤྱོད་པའི་བསོད་ནམས་མིན། །དེར་ནི་ཅུང་ཟད་མི་མཐོང་སྟེ། །འོན་ཀྱང་སྔགས་ནི་བསྟན་པ་ཡིས། །ཅུང་ཟད་དུས་ནི་བསྟེན་པའོ། །དམ་ཚིག་ཚོགས་པའི་རྒྱུ་ལྡན་ན། །དེ་
154a
༄#། །ལས་གཞན་དུའང་འགྲོ་བྱ་སྟེ། །དེར་ནི་དམ་ཚིག་ཐོབ་བསྟེན་པ། །ཅུང་ཟད་གུས་ཏེ་གཞན་དུ་མིན། །དེ་ནས་གཞན་དུའང་མྱུར་དུ་ནི། །སྔགས་རིག་པས་ནི་ཅི་ནུས་འགྲོ་།བདེ་གཤེགས་མཆོད་རྟེན་བཞུགས་པ་ཡི། །ས་སྟེང་དག་ལ་རྟག་ཏུ་བརྟེན། །འཇིག་རྟེན་མུ་སྟེགས་ཐམས་ཅད་ནི། །ལྟ་བ་ལོག་པར་ལྟུང་བ་དང ། །གཞན་ཡང་སྟེགས་སུ་གྱུར་པ་རྣམས། །སྔགས་རིག་པས་ནི་རྟག་ཏུ་སྤང ། །རྒྱུ་ངན་འགྲོ་བ་ངན་ཡོད་པར། །སྔགས་རིག་པས་ནི་དེར་མི་བསྟེན། །གང་དུ་རྒྱལ་བ་མཆོག་བཞུགས་དང ། །ས་སྟེང་བསི་རུ་རང་རྒྱལ་དང ། །བྱང་ཆུབ་སེམས་དཔའ་སྐལ་བ་ཆེ། །ཉན་ཐོས་རྒྱལ་བའི་སྲས་དག་ནི། །དེ་དག་གནས་པའི་ཕྱོགས་དག་ཏུ། །ཟློས་པ་སྔགས་རིག་ལྡན་པས་བསྟེན། །འབད་པས་སྔ་མ་ཉིད་དུ་ནི། །གནས་དེ་ལ་ནི་རྟག་ཏུ་སྤྱོད། །སྔགས་ཤེས་ཆོ་ག་མཐོང་བ་ཡིས། །ཡང་དང་ཡང་དུ་སྔགས་བཟླས་བྱ། །ལུས་ཅན་སྡིག་པ་མ་ལུས་དག་།བཟླས་དང་སྦྱིན་སྲེག་དག་གིས་སེལ།། དེ་བས་འབད་པ་ཀུན་གྱིས་ནི། །མཉམ་གཞག་སྔགས་ནི་བཟླ་བར་བྱ། །ལས་ཐམས་ཅད་ལ་གནས་འདི་དག་གསུངས་པ་ལས་སྒྲུབ་པ་མཆོག་གི་ལས་ཀྱི་ཐབས་སྒྲུབ་པ་ལ་གནས་འདི་དག་མ་རྙེད་ན། གང་ཡང་རུང་བའི་གནས་དེ་དག་ཏུ་གཙང་སྦྲ་བྱས་ཏེ། སྔོན་དུ་བསྙེན་པ་བྱས་ལ་དད་ཅིང་མོས་པས་སྒྲུབ་པའི་ཐབས་ཀྱི་ལམ་དམ་པ་བརྩམ་པར་བྱ་སྟེ། དང་པོ་རེ་
154b
ཞིག་རས་རིས་ཆེན་པོ་ནུབ་ཏུ་བལྟས་པས་བཞག་སྟེ། བདག་ཉིད་ཤར་དུ་བལྟས་ལ་གྲོག་མཁར་གྱི་སའམ། གང་གཱའི་ཀླུང་གི་ངོགས་ན་ཡོད་པའི་ས་བླངས་ཏེ། རྩཝ་ཨུ་ཤི་ར་དང ། ཙནྡན་དཀར་པོ་དང ། གུར་གུམ་དང ། ག་པུར་ལ་སོགས་པ་བསྲེ་བ་བྱ་སྟེ། རྨ་བྱའི་གཟུགས་བྱས་ལ་རས་རིས་དེའི་མདུན་དུ་བཞག་གོ་།ཀུ་ཤའི་རྩེ་མོ་མ་ཉམས་པ། ས་ཕྱོགས་གཙང་མར་སྐྱེས་པ་འཁོར་ལོའི་གཟུགས་སུ་བྱས་ཏེ། རས་རིས་ཀྱི་མདུན་དུ་ལག་པ་གཡས་པས་བཟུང་ཞིང་ལག་པ་གཡོན་པས་རྨ་བྱ་བཟུང་ལ། ཡར་ངོའི་ཟླ་བ་ཉ་བའི་མཚན་མོར་རས་རིས་ལ་མཆོད་པ་ཆེན་པོ་བྱས་ཏེ། ག་པུར་དང ། ཙནྡན་གྱི་དུད་པ་བསྲེགས་ལ་ནམ་ལངས་ཀྱི་བར་དུ་བཟླས་པ་བྱས་ན། དེ་ནས་ཉི་མ་ཤར་བའི་དུས་སུ་ལྷའི་རང་བཞིན་གྱི་རྨ་བྱ་ནི་རྨ་བྱ་ཆེན་པོའི་རྒྱལ་མོར་འགྱུར་རོ། །འཁོར་ལོ་ནི་ཀུན་ཏུ་འབར་བར་འགྱུར་ཞིང་བདག་ཉིད་ཀྱང་ལྷའི་ལུས་སུ་འགྱུར་རོ། །དེ་ནས་ལྷའི་ཕྲེང་པ་དང ། གོས་དང ། རྒྱན་གྱིས་བརྒྱན་པར་འགྱུར་རོ།། ཉི་མ་ཤར་བ་དང་འདྲ་བའི་འདོད་པའི་གཟུགས་མཛེས་པར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ལ་ཕྱག་བྱས་ནས་རས་རིས་ལ་གཡས་ཕྱོགས་སུ་བསྐོར་བ་བྱས་ལ། རས་རིས་བླངས་ཏེ་རྨ་བྱའི་སྟན་དེ་ལ་འདུག་ན་ཡུད་ཙམ་གྱིས་ཚངས་པའི་འཇིག་རྟེན་གནོན་པར་འགྱུར་རོ། །རིག་པ་འཛིན་པ་བྱེ་བ་ཁྲི་ཕྲག་བརྒྱ་སྟོང་གི་འཁོར་དུ་མ་དང་ལྡན་པའི་རིག་པ་
155a
༄#། །འཛིན་པའི་འཁོར་ལོས་བསྒྱུར་བར་འགྱུར་རོ། །བར་གྱི་བསྐལ་པ་དྲུག་ཅུར་འཚོ་བར་འགྱུར་རོ། །ཇི་ལྟར་འདོད་པར་འགྲོ་ཞིང་སྤྱོད་པར་འགྱུར་རོ། །འགྲོ་བ་ལ་ཐོགས་པ་མེད་པ་དང ། ལྷའི་ཕུན་སུམ་ཚོགས་པ་དང་ལྡན་པར་འགྱུར་རོ། །འཕགས་པ་འཇམ་དཔལ་ཡང་མངོན་སུམ་དུ་འགྱུར་ཞིང་དེ་ཉིད་འདིའི་དགེ་བའི་བཤེས་གཉེན་དུ་འགྱུར་རོ། །མཐར་སངས་རྒྱས་ཉིད་འཐོབ་པར་འགྱུར་རོ། །དེ་བཞིན་དུ་དབྱིག་པ་དང ། སྤྱི་བླུགས་དང ། ཚངས་སྐུད་དང ། ལྡོང་རོས་དང ། གི་ཝང་དང ། རལ་གྲི་དང ། ལྕགས་མདའ་དང ། མཚོན་རྩེ་གཅིག་པ་དང ། དགྲ་སྟ་དང ། མཚོན་རྣམ་པ་སྣ་ཚོགས་ཀྱི་ཁྱད་པར་སའི་རང་བཞིན་ནམ། རྐང་གཉིས་དང ། རྐང་བཞི་དང ། བྱ་དང ། བཞོན་པའི་བྱེ་བྲག་སེང་གེ་དང ། སྟག་དང ། དོམ་ལ་སོགས་པའམ། གྲོག་མཁར་གྱི་སའི་རང་བཞིན་དྲི་ཞིམ་པོའི་དྲིས་བསྲེས་པ་ལས། གདན་དང ། བཞོན་པ་དང ། གནས་མལ་དང ། གདུགས་དཀར་པོ་དང ། ཅོད་པན་དང ། རྒྱན་གྱི་བྱེ་བྲག་ཐམས་ཅད་དང ། རིན་པོ་ཆེའི་བྱེ་བྲག་ཐམས་ཅད་དང ། རབ་ཏུ་བྱུང་བའི་ཡོ་བྱད་ཀྱི་བྱེ་བྲག་ཕྲེང་བ་དང ། ལྷམ་དང ། ཤིང་ལྷམ་དང ། ལྷུང་བཟེད་དང ། ཆོས་གོས་དང ། འཁར་གསིལ་དང ། ཁབ་དང ། གྲི་ལ་སོགས་པ་ལྕགས་ཁྱད་པར་ཅན་གྱི་རང་བཞིན་ནམ། གཞན་ཡང ། གང་ཅུང་ཟད་སེམས་ཅན་གྱི་ཡོ་བྱད་སྣོད་ལ་
155b
སོགས་པ་ལྕགས་བཟང་པོའི་རང་བཞིན་ནམ། གྲོག་མཁར་གྱི་ས་འམ། ཆུ་བོའི་དོགས་ཀྱི་ས་ལས་བྱས་པ་དེ་དག་ཐམས་ཅད་བའི་རྣམ་ལྔས་བཀྲུས་པ་འམ། ཆུས་གཏོར་བ་ཙམ་བྱས་ལ།་སྔ་མ་བཞིན་དུ་ཡོངས་སུ་དག་པར་བྱེད་པའི་སྔགས་སམ། ཡི་གེ་གཅིག་པའི་སྔགས་སམ། གཞན་གང་ཡང་རུང་བའི་སྔགས་ཆོ་གའི་རྒྱལ་པོ་སྒྲུབ་པའི་ཐབས་ཀྱི་སྔགས་མ་གཏོགས་པས་ལན་བརྒྱ་རྩ་བརྒྱད་མངོན་པར་སྔགས་པ་བྱས་ཏེ། ཇི་ལྟར་འདོད་པར་བདག་ཉིད་བསྲུང་བ་བྱས་པ་དང ། གྲོགས་པོ་ཡང་ཡོངས་སུ་བསྐྱབ་པ་བྱས་པ་དང ། ཤིན་ཏུ་གསང་བའི་སྔགས་དང ། རྒྱུད་ཤེས་པ། སྔར་བསྟན་པའི་གནས་དག་ཏུ་རས་རིས་ནུབ་ཏུ་བལྟས་པས་གཞག་ལ་བདག་ཉིད་སྔ་མ་བཞིན་དུ་བྱས་ཏེ། རས་རིས་ལ་མཆོད་པ་ཆེན་པོ་བྱས་ནས་རས་རིས་ཆེན་པོ་ལ་ག་བུར་གྱི་བདུག་པས་བདུགས་ཏེ། སྔར་བསྟན་པའི་མཚོན་དང ། ཡོ་བྱད་དང ། སེམས་ཅན་གྱི་ཁྱད་པར་སྔར་བསྟན་པའི་བཅོས་མར་བྱས་པ་ལ་ཡར་ངོའི་ཟླ་བ་ཉ་བའི་མཚན་མོ་གོང་མའི་རྫས་གང་མང་རུང་བ་དེ་དག་བླངས་ཏེ། མཚན་མོ་ཉི་མ་ཤར་བའི་དུས་ཀྱི་བར་བཟླ་བར་བྱའོ། །བར་འདིར་འོད་ཆེན་པོའི་ཕྲེང་བ་རས་རིས་ལ་ཡང་དག་པར་མཐོང་ལ། གལ་ཏེ་བཞོན་པའི་ཁྱད་པར་སྒྲུབ་པ་པོས་གཟུང་བར་འགྱུར་ན་ནི་དེ་ལ་ཞོན་ནས་ཇི་ལྟར་འདོད་པར་འགྲོ་བར་འགྱུར་རོ། །གལ་ཏེ་རྒྱན་གྱི་ཁྱད་པར་རམ། མཚོན་
156a
༄#། །གྱི་ཁྱད་པར་དེ་བླངས་པས་དེ་བཅངས་ན། རིག་པ་འཛིན་པའི་འཁོར་ལོ་འཛིན་པར་འགྱུར་ཏེ། ཇི་ལྟར་འདོད་པར་འགྲོ་ཞིང་ལྷའི་གཟུགས་དང་ལྡན་པ་དང ། ཉི་མ་ཤར་བ་དང་འདྲ་བར་འགྱུར་བ་དང ། འོད་ཀྱི་ཕྲེང་བ་ཆེན་པོ་དང་ལྡན་པ་དང ། ལུས་ཤིན་ཏུ་གསལ་བར་འགྱུར་བ་དང ། རིག་པ་འཛིན་པ་ཐམས་ཅད་ཀྱི་མངའ་བདག་ཏུ་འགྱུར་རོ། །རིང་དུ་འཚོ་ཞིང་བསྐལ་པ་ཆེན་པོར་གནས་པ་དང ། རིག་པ་འཛིན་པ་བྱེ་བ་ཁྲི་ཕྲག་བརྒྱ་སྟོང་གི་འཁོར་དུ་མ་དང་ལྡན་པ་དང ། ལྷའི་ནོར་བུ་རིན་པོ་ཆེའི་གཞལ་མེད་ཁང་ལ་སྤྱོད་པ་དང ། བཞོན་པ་གང་སྔར་ཡོངས་སུ་བརྟགས་པ་སའི་རང་བཞིན་གྲུབ་ན་དེ་ཉིད་འདིར་མཐུ་ཆེན་པོ་དང་ལྡན་པར་འགྱུར་ཏེ། བཞོན་པ་དེ་ཉིད་འདིའི་གྲོགས་པོར་འགྱུར་བ་དང ། གཞན་གྱི་སྔགས་འགུགས་པར་བྱེད་པ། གྲུབ་པ་རྣམས་ཀྱི་བསྟེན་པའི་གནས་སུ་གྱུར་པ། བདག་གི་སྔགས་ཀྱི་གྲུབ་པ་ལ་ཡང་དག་པར་སྦྱོར་བར་བྱེད་པ། བྱམས་པའི་བདག་ཉིད་དང ། ཕན་པར་འདོད་པས་རབ་ཏུ་འབྲེལ་པ་གང་འདི་ཉིད་ཀྱི་མཚོན་དང ། རྒྱན་དང ། རིན་པོ་ཆེའི་ཁྱད་པར་དང ། སྟན་དང ། གནས་མལ་དང ། སེམས་ཅན་ལ་སོགས་པ་ཉིད་འདི་ལ་སྲུང་བ་ཆེན་པོ་ཉིད་དང ། སྦ་བ་དང ། སྦེད་པ་ལ་རྟག་ཏུ་འབྲང་བར་འགྱུར་རོ། །མཐུ་ཆེན་པོ་དང ། བརྩོན་འགྲུས་ཆེན་པོ་དང ། ལུས་ཆེན་པོ་དང་ལྡན་པར་འགྱུར་རོ། །འཇམ་དཔལ་གཞོན་ནུར་གྱུར་པ་
156b
མངོན་སུམ་དུ་མཐོང་བར་འགྱུར་ཞིང་ལེགས་སོ་ཞེས་བྱ་བ་ཡང་སྦྱིན་པར་མཛད་ལ་སྤྱི་བོ་ལ་རེག་པར་མཛད་ཅིང་བྱང་ཆུབ་ཀྱི་སྙིང་པོ་ཐོབ་ཀྱི་བར་དུ་དགེ་བའི་བཤེས་གཉེན་དུ་སྒྲུབ་པར་མཛད་དོ། །སྟོབས་བཅུ་ཉིད་ཀྱང་ངེས་པར་ཐོབ་པར་མཛད་ཅིང་སེམས་ཅན་ཐམས་ཅད་ཟིལ་གྱིས་གནོན་ཅིང་མཆོད་པར་ཡང་འགྱུར་རོ། །འབྱུང་པོ་ཐམས་ཅད་ཀྱིས་མི་ཆུགས་པར་འགྱུར་རོ། །ཡང་དག་པའི་རྒྱུད་ཀྱི་མཐའ་གཅོད་པ་མེད་པར་འགྱུར་བ་དང ། ས་ཐོབ་པར་འགྱུར་བ་དང ། སྟོབས་བཅུ་དང ། བྱང་ཆུབ་སེམས་དཔའི་ས་ངེས་པར་ཐོབ་པར་འགྱུར་ཏེ། མདོར་ན། ལས་དམ་པ་ཐམས་ཅད་གནས་དམ་པ་དག་ཏུ་གནས་ནས་རས་རིས་དམ་པ་དག་གི་མདུན་དུ་མཆོད་པ་དམ་པ་ལ་མངོན་པར་དགའ་བས་ལས་དམ་པ་གཞན་དག་ཁོ་ན་བྱའོ། །རིག་པ་འཛིན་པ་ཉིད་དུ་ནམ་མཁའ་ལ་འགྲོ་བ་དང ། བྱང་ཆུབ་སེམས་དཔའི་རྗེས་སུ་ཞུགས་པ་དང ། མངོན་པར་ཤེས་པར་ལྔ་ཉིད་དང ། ས་དང ། སྔགས་ཐོབ་པ་ཉིད་དང ། ལུས་འདི་ཉིད་ཀྱིས་འཇིག་རྟེན་གྱི་ཁམས་དག་ཏུ་འགྲོ་བ་ཉིད་དང ། སྟོབས་བཅུའི་རྒྱུ་ཡོངས་སུ་རྫོགས་པར་བྱ་བའི་ཕྱིར་དང ། འཕགས་པ་འཇམ་དཔལ་མངོན་སུམ་དུ་མཐོང་བ་ཉིད་ཀྱི་ཕྱིར་དང ། འབྲས་བུ་ཡོད་བར་མཐོང་བའི་ཆོས་སྟོན་པ་མཉན་པའི་ཕྱིར་དང ། སངས་རྒྱས་ཀྱི་གདུང་རྒྱུན་མི་གཅད་པའི་ཕྱིར་དང ། ཐམས་ཅད་མཁྱེན་པའི་ཡེ་ཤེས་མཐར་གྱིས་རྗེས་
157a
༄#། །སུ་ཐོབ་པ་ཉིད་ཀྱི་ཕྱིར་དང ། ཆོས་ཀྱི་སྤྲིན་ལས་བྱུང་བའི་སྔགས་བཟང་པོ་ལ་འཇུག་པ་ཉིད་ཀྱི་ཕྱིར་དང ། ཉོན་མོངས་པ་བསྐམ་པ་དང ། བདུད་རྩིའི་ཆར་གྱིས་ཉོན་མོངས་པ་ཞི་བར་བྱ་བའི་ཕྱིར་དང ། འཇིག་རྟེན་རྗེས་སུ་གཟུང་བ་ལ་རབ་ཏུ་འཇུག་པར་རྗེས་སུ་སྒྲུབ་པ་ཉིད་ཀྱི་ཕྱིར་དང ། དེ་བཞིན་དུ་ཆོས་ཀྱི་ཚུལ་གཟུང་བའི་ཕྱིར་དང ། དེ་བཞིན་གཤེགས་པའི་གསུང་དོན་ཡོད་པར་བྱ་བའི་ཕྱིར་དང ། སྔགས་ཀྱི་ཐབས་ཀྱི་སྒྲུབ་པའི་ཆོ་ག་རབ་ཏུ་གསང་བ་ཉིད་ཀྱི་ཕྱིར་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། རང་སངས་རྒྱས་དང ། འཕགས་པ་ཉན་ཐོས་ཀྱི་བདག་ཉིད་ཆེན་པོ་འབྱུང་བའི་ཕྱིར་དང ། ཆོ་གའི་རྒྱལ་པོ་རབ་འབྱམས་སྔགས་ཀྱི་མཐུ་དང་རབ་ཏུ་རྣམ་པར་ལྡན་པ་འདི་རས་རིས་ཆེན་པོའི་མདུན་དུ་ཉེ་བར་གནས་ལ་བསྒྲུབ་པར་བྱ་སྟེ། འཇིག་རྟེན་དང ། འཇིག་རྟེན་ལས་འདས་པའི་སྔགས་ཀྱི་ཆོ་ག་དང ། སྔགས་རྒྱུད་ཐམས་ཅད་ཀྱི་ཆོ་གའི་ལམ་གྱི་སྟེ།་མདོར་ན། འདིར་ཆོ་ག་གཞན་དུ་གསུངས་པའི་ལས་ཀྱིས་ཀྱང་ཆོ་གའི་རྒྱལ་པོ་འདི་བསྒྲུབ་པར་བྱ་སྟེ། མྱུར་དུ་དེ་དག་གི་སྔགས་རྣམས་འགྲུབ་པར་འགྱུར་ཏེ། གང་ངས་བསྟན་པ་དེ་དག་ངེས་པར་འགྲུབ་པར་འགྱུར་རོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་བཅུ་པ་
157b
རས་རིས་ཆེན་པོའི་ཆོ་གའི་ལེའུ་རབ་འབྱམས་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་ཡང་གནས་གཙང་མའི་གཞལ་མེད་ཁང་ལ་གཟིགས་ནས།་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཁྱོད་ཀྱི་རས་རིས་བར་མའི་ཆོ་ག་གཞན་སྒྲུབ་པའི་ཐབས་ཀྱི་ཆོ་ག་ཡོད་དེ། མདོར་བསྡུས་ནས་བཤད་ཀྱིས་དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འཇིག་རྟེན་ལ་ཐུགས་བརྩེ་བ་དང ། སྟོན་པ་སེམས་ཅན་ཐམས་ཅད་ལ་ཕན་པར་དགྱེས་པ་དང ། བདག་ཅག་ལ་ཐུགས་བརྩེ་བའི་ཕྱིར་དང ། མ་འོངས་པའི་སྐྱེ་བོ་རྣམས་ལ་གཟིགས་ནས་དེའི་དུས་ལ་བབ་པར་མཁྱེན་ན་དེ་བཤད་དུ་གསོལ། དེ་སྐད་ཅེས་གསོལ་པ་དང ། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཉོན་ཅིག་།དང་པོར་རེ་ཞིག་ཚུལ་ཁྲིམས་དང།་བརྟུལ་ཞུགས་དང ། གཙང་སྦྲའི་སྤྱོད་པ་དང ། ངེས་པར་སྡོམ་པ་དང ། བཟླས་པ་དང ། སྦྱིན་སྲེག་དང ། བསམ་གཏན་དང ། ཆོ་ག་གང་དུ་ལེགས་པར་རབ་ཏུ་གནས་པ་ལ་སྔགས་ཐམས་ཅད་སྤྱོད་པ་སྒྲུབ་པའི་ལས་འབྲས་བུ་དང་བཅས་ཤིང་དོན་ཡོད་པར་འགྱུར་ཏེ། སྔགས་ཐམས་ཅད་ཀྱི་སྦྱོར་བ་འགྲུབ་པར་འགྱུར་རོ། །ངེས་བཤད་པ་དེ་གང་ཞེ་ན། གཞོན་ནུ་ཉོན་ཅིག །
158a
༄#། །དང་པོར་རེ་ཞིག་རིག་པ་དང ། བརྟུལ་ཞུགས་དང ། ཚུལ་ཁྲིམས་ཀྱི་ཡི་དམ་དང་པོ་ཉིད་དུ་བླང་བར་བྱས་ལ། དང་པོ་རེ་ཞིག་དཀྱིལ་འཁོར་གྱི་སློབ་དཔོན་གྱིས་བསྟན་པའི་དམ་ཚིག་ཁྱོད་ཀྱི་ཆོ་གའི་རྒྱལ་པོར་བསྟན་ཅིང་སྔར་བཤད་པ་ལ་རྗེས་སུ་འཇུག་པར་བྱའོ། །བློ་གསལ་བ། ཡིད་གཞུངས་པ་དང་ལྡན་པ། སློབ་དཔོན་དུ་དབང་བསྐུར་བ། ཁྱོད་ཀྱིས་བསྟན་པའི་ཆོ་ག་ཤེས་པ། དགེ་བ། གསལ་བའི་ཆོས་དང་ལྡན་པ། བདེན་པར་སྨྲ་བ། སྤྲོ་བ་ཆེན་པོ་དང་ལྡན་པ། བྱས་པ་གཟོ་བ། ཡིད་གཞུངས་པ་དང་ལྡན་པ། འདྲིས་བརྟན་པ། ཧ་ཅང་མི་རྒན། ཧ་ཅང་མི་གཞོན་པ། རྙེད་པ་དང ། བཀུར་སྟི་ལ་ཆགས་པ་མེད་པ། ཚངས་པར་སྤྱོད་པ་སྙིང་རྗེ་དང་ལྡན་པ། རྙེད་པ་ཙམ་མམ། ལོངས་སྤྱོད་ཀྱི་རྒྱུ་ཙམ་མམ། རྗེས་སུ་ཆགས་པའི་རྒྱུར་ཡང་རྫུན་མི་སྨྲ་ན། ཅུང་ཟད་ཙམ་མམ། ཆགས་པའམ། རྨོངས་པ་ཙམ་གྱིས་རྣམ་པར་ལྟ་སྨོས་ཀྱང་ཅི་དགོས། དམ་བཅས་པ་བརྟན་པ་དང ། སེམས་ཅན་ཐམས་ཅད་ལ་སེམས་མཉམ་པ་དང།་སྙིང་རྗེ་དང་ལྡན་པ་དང ། ཚུལ་ཁྲིམས་དང་ལྡན་པ་དང ། སྔོན་དུ་སྤྱད་པ་བྱས་པ་དང ། ཁྱོད་ཀྱི་གསང་བའི་སྔགས་རྗེས་སུ་ཟློས་པ་དང ། སྔ་མ་ཉིད་དུ་རིག་པ་གོམས་པར་བྱས་པ་དང ། ཁྱོད་ཀྱི་དཀྱིལ་འཁོར་ལ་མཐར་གྱིས་ཡང་དག་པར་ཞུགས་པ་དང ། འཇིག་རྟེན་ཤེས་པ་དང ། ཆོ་ག་ཤེས་པ་དང ། ཡང་དག་བར་རྗེས་སུ་འཛིན་པར་བྱེད་པ་དང ། འབྲས་
158b
བུ་དང་ལྡན་ཞིང་མཁས་པ་དང ། ལེགས་པ་ལ་རབ་ཏུ་ཞུགས་པ་དང ། གཟུགས་མཛེས་པ་དང ། འདོད་པ་མེད་པ་དང ། ཆགས་པ་མེད་པ་དང ། དཔའ་བ་དང ། བརྩོན་འགྲུས་བརྟན་པ་དང ། ནད་མེད་པ་སྟེ། ནད་གང་གིས་ལས་མི་ནུས་པའི་ངང་ཚུལ་ཅན་གྱི་ནད་མེད་པ་དང ། རིགས་མཐོན་པོར་སྐྱེ་བའོ། །ཡོན་ཏན་དེ་དག་དང་ལྡན་ན་ནི་དཀྱིལ་འཁོར་གྱི་སློབ་དཔོན་དུ་འགྱུར་ལ་སྒྲུབ་པ་པོ་ཡང་དེ་དང་མཉམ་པ་སྟེ། ཡན་ལག་ལྷག་པའམ། མ་ཚང་བ་ཅུང་ཟད་ཀྱང་མེད་པའོ། །དེ་ལྟ་བུའི་དཀྱིལ་འཁོར་གྱི་སློབ་དཔོན་ལ་མཆོད་པ་བྱས་ཤིང་དོན་དུ་གཉེར་བར་བྱས་ཏེ། སློབ་དཔོན་དང་ལྷན་ཅིག་བྱང་ཆུབ་སེམས་དཔའ་ཆེན་པོ་འཕགས་པ་འཇམ་དཔལ་གཞོན་ནུར་གྱུར་པའི་དམ་ཚིག་ལ་རྗེས་སུ་འཇུག་པར་འཚལ་ན། སློབ་དཔོན་གྱིས་བདག་ལ་ཐུགས་བརྩེ་བའི་སླད་དུ་ཕན་པའི་ཐུགས་དང ། བརྩེ་བའི་ཐུགས་ཀྱིས་དེ་བཤད་དུ་གསོལ། དེ་ནས་དཀྱིལ་འཁོར་གྱི་སློབ་དཔོན་དེས་སྔར་བསྟན་པའི་ཆོ་གས་སློབ་མ་ལ་སྔ་མ་ཇི་ལྟ་བ་བཞིན་དུ་བརྟགས་ནས་རབ་ཏུ་གཞུག་པར་བྱ་སྟེ། སྔར་ཇི་ལྟར་དབང་བསྐུར་བ་བཞིན་དུ་ཕྱིས་ཀྱང་སྦྱིན་པར་བྱའོ། །གོ་རིམ་ཇི་ལྟ་བ་བཞིན་དུ་དམ་ཚིག་བསྟན་ཏེ། གསང་བའི་ཕྱག་རྒྱ་དང ། རྒྱུད་དང ། སྔགས་དང ། ལས་ཀྱང་དུས་རིང་པོ་ཉིད་ནས་ངེས་པར་བརྟགས་ཏེ། བསམ་པ་ཤེས་ནས་བརྟན་པར་བྱ་སྟེ། སྔགས་ལ་སོགས་པའི་ལས་རྣམས་ཀྱང་ཐམས་ཅད་དུ་གཞན་དུ་མ་ཡིན་ནོ་ཞེས་ཆོ་ག་འདི་ལྟར་
159a
༄#། །བསྟན་པ་ཡིན་ནོ། །དེ་ནས་སློབ་མས་དཀྱིལ་འཁོར་གྱི་སློབ་དཔོན་ལ་ཅི་ནུས་པས་གང་གིས་སློབ་དཔོན་དགྱེས་པ་བདག་དང ། ལོངས་སྤྱོད་རབ་ཏུ་དབུལ་བར་བྱའོ། །དེ་ནས་དཀྱིལ་འཁོར་གྱི་སློབ་དཔོན་དེས་བུའི་འདུ་ཤེས་ཉེ་བར་གཞག་པར་བྱ་སྟེ། བུ་བཞིན་དུ་བསྒྲུབ་པར་བྱ་ཞིང་མ་བཞིན་དུ་ཡང་ལོངས་སྤྱོད་ཀྱིས་ཉེ་བར་བསྡུ་བར་བྱའོ། །དེ་ནས་སྒྲུབ་པ་པོ་དེས་སྔགས་གང་ཡང་རུང་བ་བཟུང་སྟེ། གཅིག་པུ་དབེན་པར་སོང་ནས་སྔར་བསྟན་པ་གོང་མ་བཞིན་དུ་རྒྱ་ཆེར་སྦྱར་ཏེ། དེ་དག་ཉིད་ཀྱིས་སྔགས་དག་གིས་ནི་སྤྱན་དྲང་བ་དང ། གཤེགས་སུ་གསོལ་བ་དང ། མར་མེ་དང ། དྲི་དང ། བདུག་པ་དང ། གཏོར་མ་དང ། ལྷ་བཤོས་དཀྱིལ་འཁོར་ལ་གསུངས་པ་ཉིད་ཀྱི་ཚོགས་རྒྱ་ཆེར་བྱས་ཏེ། སྤྱན་དྲངས་ནས་གདན་དང ། མཆོད་ཡོན་ཕུལ་ལ་དུས་མཚམས་གསུམ་དུ་ཁྲུས་ལན་གསུམ་བྱ་ཞིང ། གོས་གསུམ་བརྗེ་ཞིང་ཉིན་རེ་བཞིན་དུ་བཟླས་པ་བྱའོ། །དེ་ལ་དུས་གསུམ་ཞེས་བྱ་བ་ནི་མཚན་མོའི་མཐའ་ནས་བརྩམས་པ་ཡིན་ཏེ། ཟུང་ཙམ་ནས་ཉི་མ་འཆར་བའི་བར་འདིར་དང་པོའི་དུས་སུ་བརྗོད་དོ། །ཉི་མའི་གུང་ན་ཉི་མ་གཉི་གའི་གུང་ཙམ་གྱི་ཚད་དུ་ནམ་མཁའ་ལ་གནས་པའི་དཀྱིལ་འཁོར་
159b
ལ་ཉི་མ་གུང་གི་དུས་ཞེས་བརྗོད་དོ། །ཉི་མ་ནུབ་པའི་དུས་སུ་ལྷག་མ་ཟུང་ཙམ་ལུས་པའི་དུས་གསུམ་པ་ཞེས་བརྗོད་དོ། །ཚུལ་ཁྲིམས་བརྟུལ་ཞུགས་ཡང་དག་ལྡན། །སློབ་དཔོན་མཁས་པ་ཆེན་པོ་དང ། །མཐོན་པོའི་རིགས་སུ་སྐྱེས་པ་དང ། །རྣམ་པ་ཀུན་ཏུ་བརྩོན་འགྲུས་བརྟན། །སྔགས་རྒྱུད་དག་ལ་མངོན་བརྩོན་དང ། །བྱ་བ་ཀུན་ལ་བློ་གྲོས་དགེ་།ཞིབ་ཅིང་མཁས་ལ་ཆོག་ཤེས་དང་།། ཆོས་ཀྱི་དབྱིངས་ནི་རྟག་ཏུ་འཛིན། །སྤྲོ་བ་ཆེ་ཞིང་གཟི་བརྗིད་ཆེ། །འཇིག་རྟེན་ཆོས་ལ་ལྟོས་པ་མེད། །ཐུབ་མཆོག་ཆོས་ལ་དད་པ་དང ། །འཇིག་རྟེན་ན་ནི་ཡོངས་སུ་བསྔགས། །དབེན་པ་ཤེས་ཤིང་བཟླས་པ་བྱེད། །སྔོན་དུ་བསྙེན་པས་རྗེས་བསྙེན་བྱེད། །འཇམ་པའི་དབྱངས་ཀྱི་སྔགས་ཤེས་ཤིང ། །མཐོང་བས་ངེས་འཛིན་དེ་མཆོག་བྱེད། །སངས་རྒྱས་གསུངས་པའི་སྔགས་རྣམས་ལ། །འཇིག་རྟེན་པ་ཡི་སྦྱོར་བ་ཤེས། །སྲུང་བྱེད་མཐུ་ནི་བརྟན་པ་དང ། །རྟག་ཏུ་གཙང་སྦྲའི་སྤྱོད་ལ་དགའ། །སངས་རྒྱས་བསྟན་པའི་ལམ་ལ་ནི། །ཐམས་ཅད་དུ་ནི་འཇུག་པར་བྱེད། །རབ་བསྔགས་རྒྱལ་བས་བསྟོད་པ་ཡི། །སྔགས་ཟློས་པ་ལ་བརྩོན་པར་བྱེད། །ལས་འབྲས་དག་ལ་རྟག་ཡིད་ཆེ་ས། །འཇིག་རྟེན་ཕ་རོལ་དེ་བཞིན་ནོ། །སྡིག་པ་ཀུན་ལ་འཇིགས་བྱེད་པ། །ཤིན་ཏུ་ཕྲ་བའང་དེ་བཞིན་ནོ། །གཙང་ཞིང་གྲིམས་དང་ལེ་ལོ་མེད། །ཡིད་གཞུངས་བལྟ་ན་སྡུག་པ་དང ། །སྟོབས་བཅུ་ལྡན་པས་སྔགས་བཤད་དང ། །དེ་བཞིན་རྒྱལ་བའི་
160a
༄#། །སྲས་དང་ནི། །གང་དག་འཇིག་རྟེན་སྔགས་དག་དང ། །རྡོ་རྗེ་པདྨའི་རིགས་དག་གིས། །དེ་ལ་རྟག་ཏུ་བརྩོན་བྱེད་དང ། །གཞུང་དང་བསྟན་བཅོས་དོན་ཀློག་པ།། ནད་མེད་པ་དང་སྟོབས་ལྡན་དང ། །རྒས་དང་གཞོན་པ་རྣམ་པར་སྤངས། །སྔགས་གྲུབ་དེ་བཞིན་ཤེས་ཉེས་ཅན། །ཀུན་ནས་མྱུར་དུ་བྱེད་པ་དང ། །ལས་མཐའ་མི་རིང་ང་རྒྱལ་ཆུང ། །ཟུར་ཙམ་གྱིས་གོ་ཁྱད་པར་ཅན། །ཚངས་པར་སྤྱོད་ཅིང་ཤེས་རབ་ཆེ། །གཅིག་པུ་འདྲེ་བར་མི་བྱེད་དང ། །འཇམ་དཔལ་གྱིས་གསུངས་རྒྱུད་དག་ལ། །དབང་བསྐུར་ཐོབ་ཅིང་དཔའ་བ་དང ། ། བཟླས་པའི་མཐར་བྱས་ལྡན་པ་དང ། །དེ་བཞིན་རིག་པ་གོམས་བྱས་དང ། །སེམས་དཔའ་ཆེ་ཞིང་འཇིག་རྟེན་ཤེས། །འགྲོ་བའི་དེ་ཉིད་རྗེས་སེམས་དང ། །ལེགས་པའི་ལམ་ཉིད་རབ་སྦྱར་བྱད། །སྦྱིན་བྱེད་འབྱུང་པོ་ཕན་ལ་དགའ། །ཁྱད་པར་ཅན་དེའི་སློབ་དཔོན་ལ། །རྟག་ཏུ་དོན་དུ་གཉེར་བར་བྱ། །དཀྱིལ་འཁོར་དེ་ནི་བྲིས་པ་ལ། །སྔགས་རྣམས་གྲུབ་པ་སྟེར་པར་འགྱུར། །དེ་ཉིད་ཀྱི་ནི་དབང་བསྐུར་ན། །འབྲས་བུ་ཆེན་པོ་སྟེར་བར་འགྱུར། །གྲུབ་པ་འདོད་པའི་སློབ་མས་ཀྱང ། །ཐུབ་མཆོག་དེ་ནི་རྟག་ཏུ་མཆོད། །དེ་ཡི་བཀའ་ནི་མ་འགོམ་པར། ། སློབ་མས་འབད་ནས་བྱ་བ་ཡིན། །ཇི་ལྟར་འབྱོར་བ་ཡོད་པ་བཞིན། །ལོངས་སྤྱོད་དེ་ལ་སྦྱིན་པར་བྱ། །ཉུང་བའང་ཡང་ན་མང་བའང་རུང ། །གང་གིས་དགའ་བ་ཐོབ་འགྱུར་བ། །ལུས་དང་སྲོག་
160b
གི་དོན་ཕྱིར་ནི། །ནོར་ནི་ཇི་ལྟར་སྦྱིན་པ་བཞིན། །སློབ་མཆོས་རིག་དེ་བཞིན་དུ། །སློབ་དཔོན་ཕྱིར་ནི་ནོར་སྦྱིན་ན། །ཚེ་དང་ནད་མེད་དེ་བཞིན་དུ། །གྲགས་པ་ཐོབ་པར་འགྱུར་བ་ཡིན། །སློབ་མས་བླ་མ་དེ་མཆོད་ན། །དག་པའི་འགྲོ་བ་ཐོབ་པར་འགྱུར། །ལམ་ནི་སྣ་ཚོགས་ཉར་བསྟན་པས། །དེ་ལ་སྔགས་ནི་འགྲུབ་པར་འགྱུར། །དེ་ལ་བསྟེན་དང་བསྙེན་བཀུར་བྱས། །རི་མོ་བྱས་དང་མཆོད་པས་ནི། །སངས་རྒྱས་རྣམས་དང་དེ་བཞིན་དུ། །རྒྱལ་བའི་སྲས་རྣམས་མཉེས་པར་འགྱུར། །བླ་མ་རྟག་ཏུ་བསྙེན་བཀུར་ན། །ལྷ་རྣམས་ཐམས་ཅད་དགའ་བར་འགྱུར། །བླ་མ་སྔགས་རྣམས་མཐོང་བ་ཡིས། །དེ་ལྟར་ཐམས་ཅད་བསྟན་པ་ཡིན། །སྒྲུབ་པ་པོས་ནི་དང་པོར་ཡང ། །དམ་ཚིག་ལ་ནི་འཇུག་པར་བྱ། །དམའ་བའང་དེ་དང་མཉམ་པའང་རུང ། །གལ་ཏེ་ཁྱད་པར་གྱུར་ན་ཡང ། །རྨོངས་པའམ་ལྷག་པ་ཡིན་ཡང་རུང ། །རྟག་ཏུ་བླ་མ་བརྙས་མི་བྱ། །ཇི་ལྟར་དེ་ཉིད་རྗེས་མཐོང་ལ། །སྔགས་འགྲུབ་པ་ལ་བྱ་བ་ཡིན། །སྔར་བསྟན་པ་ཡི་སློབ་མ་ཡིས། །དེ་ལ་ཕྲག་དོག་བྱ་བ་མིན། །ལུས་ཅན་བརྩེ་བ་འཕེལ་བྱེད་པའི། །མིག་ནི་གང་ལ་ཡོད་གྱུར་པ། །དེ་ནི་སློབ་མ་ཉིད་བྱ་སྟེ། །སློབ་དཔོན་རྒྱུར་ཡང་བྱ་བ་ཡིན། །གང་དུ་ཕན་ཚུན་རྒྱུད་ལ་ནི། །བརྩེ་བའི་ཕྲེང་བ་ཡོད་པ་དང ། །བརྩེ་བའི་རྒྱུད་ནི་འཛིན་པ་ལ། །དེ་ལ་སྔགས་ནི་སྦྱིན་པར་བྱ། །སློབ་དཔོན་ལ་ནི་སློབ་མ་འམ། །བླ་མས་སློབ་མ་མཐོང་བའང་རུང ། །རྟག་ཏུ་སྤྲོ་བར་འགྱུར་བ་ལ། །གཉི་ག་ལ་ནི་གྲུབ་པ་གནས། །དེ་དག་ལ་ནི་རྟག་
161a
༄#། །ཏུ་ཡང ། །སྔགས་སྤྱོད་ལམ་ནི་བསྟན་པར་བྱ། །གཉི་གས་ཕ་དང་བུར་ཤེས་ལ། །སྔགས་ནི་འབྲས་བཅས་གནས་པ་ཡིན། །སློབ་མ་བླ་མས་རྟག་ཏུ་ནི། །བརྟན་དང་དགའ་བ་དེ་བཞིན་ཐོབ། །བུ་ནི་ཆོས་དང་རྗེས་མཐུན་ལ། །འབད་པས་རྟག་ཏུ་བསྲུང་བར་བྱ། །དེ་དག་ལ་ནི་སངས་རྒྱས་ཆོས། །རྟག་ཏུ་རྒྱུན་མི་ཆད་པར་འགྱུར། །གལ་ཏེ་དེ་མེད་མགོན་བྲལ་ལ། །སྔགས་རྣམས་ཇི་སྐད་གསུངས་པ་སྦྱིན། །སེམས་ཅན་དབུལ་པོ་རྣམས་ལ་ནི། །ཁྱད་པར་དུ་ཡང་སྔགས་བྱིན་ན། །སེམས་ཅན་ཀུན་ལའང་སྦྱིན་པ་བས། །སྔགས་ཀྱི་སྤྱོད་པ་ཁྱད་པར་འཕགས། ། མཆོག་དང་བར་མ་ཐ་མ་ནི། །དུས་རྣམས་ཀུན་ཏུ་བྱ་བ་སྟེ། །རྟག་ཏུ་སེམས་ཅན་ཀུན་ལ་ནི། །རྗེས་སུ་གཟུང་བའི་ཕྱིར་བྱའོ། །འགྲོ་བའང་སྐྱེ་གནས་རྣམས་བརྟགས་ནས། །འདོད་པ་དག་ལ་སྦྱིན་པར་བྱ། །དེ་ནི་ཇི་ལྟར་འདོད་པའི་སྔགས། །སློབ་མས་དེ་ལ་བླང་བར་བྱ། །དེ་ཉིད་ཀྱིས་བསྟན་ལམ་ཡིན་ཏེ། །གཞན་དུ་དེ་ལྟ་མ་ཡིན་ནོ། །འཇིག་རྟེན་ཕ་རོལ་པ་ལ་ནི། །གྲུབ་པ་དེ་ལས་བསླང་བར་བྱ། །ཕ་བཞིན་མགོ་བོས་ཕྱག་བྱས་ནས། །དེ་ནས་ཇི་ལྟར་འདོད་བཞིན་འགྲོ་།དེ་ནས་གཅིག་བུ་འགྲོ་བྱས་ནས། །མཉམ་པར་གཞག་སྟེ་བཟླས་པ་བྱ། །སློང་མོ་སློང་བས་རྗེས་འཚོ་ཞིང ། །ཐུབ་པ་དུས་གསུམ་ཟློས་པར་བྱེད། །སྔར་ནི་ཇི་ལྟར་བསྟན་པ་བཞིན། །ལམ་དུ་རབ་ཏུ་འཇུག་པར་བྱེད། །དེ་ལ་རྗེས་འཇུག་བསྟེན་པ་དང ། །འདུག་པ་དང་ནི་གནས་པ་
161b
འོ། །དབེན་པ་ཆེན་པོ་རི་རྩེ་དང ། །དེ་བཞིན་ཆུ་བོའི་ངོགས་གཙང་དང ། །བ་ལང་གནས་དང་མཚོ་ཆེན་དང ། །དབེན་པ་སྐྱེ་བོ་རྣམས་སྤངས་དང ། །ལྷ་ཁང་སྟོངས་དང་ཤིང་དང་ནི། །མཚན་གཅིག་རི་ནི་མཐོན་པོ་དང ། །རྒྱ་མཚོ་ཆེ་ངོགས་དགའ་བ་དང ། །གླིང་རྣམས་ཆེན་པོ་དག་དང་ནི། །རྣམ་པ་སྣ་ཚོགས་སྔར་བསྟན་པའི། །ཡུལ་ནི་ཡིད་དུ་འོང་བ་དང ། །འདི་དག་ལས་ནི་ཕྱོགས་གཞན་དུ། །མཉམ་གཞག་སྔགས་ནི་བཟླ་བར་བྱ། །གྲོགས་པོ་མཚན་ཉིད་ལྡན་པ་ནི། །སྔགས་དོན་ལུགས་དང་ཚད་མར་ལྡན། །ཟུར་གྱི་རྣམ་པ་དེ་ཉིད་ཤེས། །བདག་དང་དེ་ཡང་འདྲ་བའོ། །དཔའ་ཞིང་གཡུལ་ལས་རྣམ་རྒྱལ་དང ། །སྙིང་སྟོབས་ཆེ་ཞིང་བཟོད་དང་ལྡན། །རྒྱལ་བས་གསུངས་པའི་བསྟན་པ་དང ། །སྔགས་ཀྱི་སྤྱོད་པ་ལ་དད་ཅིང ། །སྔགས་པའི་མཚན་ཉིད་དང་ལྡན་ལ། །བཟོད་དང་ལྡན་པའི་གྲོགས་པོ་ལ། །དེ་ལ་འབད་པ་མེད་པར་ནི། །སྔགས་ཀྱི་ལས་རྣམས་འགྲུབ་པར་འགྱུར། །ཐོ་རངས་མལ་ནས་ལངས་ནས་ནི། །མཚོ་ཆེན་ལས་བྱུང་ཆུ་བོ་ལས། །བྱུང་ཆུ་སྲོག་ཆགས་སྐྱོན་མེད་པའི། །བཟང་པོས་ཁྲུས་ནི་རབ་ཏུ་བྱ། །ས་དང་ལྕི་བ་ཕྱེ་མ་ཡིས། །སྔགས་ཤེས་པས་ནི་ལུས་དྲིལ་བྱ། །སྔགས་ཀྱིས་དེ་བཞིན་དག་བྱས་པའི། །དྲི་མེད་གཙང་སྒྲར་བྱས་པའི་ཆུས། །སྔགས་ལྡན་བདག་ཉིད་ཁྲུས་བྱ་ཞིང ། །ཧ་ཅང་རིང་བར་འདུག་མི་བྱ། །དེ་ནས་ལངས་ནས་ཆུ་དོགས་འདུག་།ས་དག་གིས་ཀྱང་ལག་གཉིས་བཀྲུ། །བདུན་དང་བདུན་དང་ཡང་བདུན་ནི། །ཉི་ཤུ་རྩ་གཅིག་བར་དུའོ།།
162a
༄#། །དེ་བཞིན་དུ་ཡང་ཉེ་རེག་བྱ། །སོ་ཤིང་དག་ཀྱང་ཡང་དག་བྱེད། །སོ་ཤིང་རྣམ་པར་བོར་ནས་ནི། །དེ་ནས་སྐྱོབ་ལ་ཕྱག་ཀྱང་བྱ། །འཇིག་རྟེན་མགོན་ལ་ཕྱག་འཚལ་ནས། །མཆོད་པ་ཡིད་དུ་འོང་བར་བྱ། །རྣམ་པ་སྣ་ཚོགས་མཆོད་བསྟོད་དང ། །ཡང་དག་བསྟོད་པ་ཡང་ཡང་བྱ། །དྲི་ཞིམ་མེ་ཏོག་དེ་བཞིན་དུ། །སྟོན་ལ་འདོད་པས་མཆོད་ཡོན་དབུལ། །སངས་རྒྱས་རྣམས་དང་དེའི་སློབ་ལ། །སྤྱི་བོས་རབ་བཏུད་ཕྱག་འཚལ་ལོ། །འཇིག་རྟེན་མགོན་པོ་དེ་དག་གི་།མདུན་དུ་སྡིག་པ་བཤགས་པར་བྱ། །རས་རིས་བར་མའི་མདུན་དུ་ནི། །བདག་ཉིད་དག་ཀྱང་དབུལ་བར་བྱ། །ཀུ་ཤའི་ཁྲེས་ནི་བྱས་པ་དེར། །ལེགས་པར་མཉམ་གཞག་འདུག་ནས་ནི། །དེས་ནི་ཕྲེང་བ་ཐོགས་ནས་སུ། །འབད་པས་བཟླས་པ་བྱ་བ་ཡིན། །ཇི་ལྟར་རྙེད་པའི་སྔགས་ཀྱིས་བྱ། །དེ་ཚེ་སྔགས་གཞན་བཟླས་མི་བྱ། །ཧ་ཅང་ངན་པ་སྤང་བྱ་སྟེ། །ཧ་ཅང་བཟང་པོའང་དེ་བཞིན་ནོ། །བར་མ་བར་མའི་ལས་དག་ལ། །སྡོམ་ཆེན་སྔགས་ནི་རྟག་ཏུ་བཟླ། །ཧ་ཅང་སྐད་མཐོན་འབད་པས་སྤང ། །ཚིག་ནི་དམའ་བའང་མ་ཡིན་ནོ། །བར་མ་དབུས་ཀྱི་ཡུལ་དག་ཏུ། །རྗེས་མཐུན་རྒྱལ་བས་བསྔགས་པ་འོ། །ཧ་ཅང་སྐད་མཐོ་དམའ་བའང་མིན། །བར་མས་རྟག་ཏུ་བཟླས་པ་བྱ། །སངས་རྒྱས་སྔ་མ་ཀུན་གྱིས་ནི། །ཚིག་ནི་ལེགས་ལྡན་ཡིན་ཞེས་གསུངས། །རྟག་ཏུ་གཞན་གྱི་རྣ་ལམ་དང ། །
162b
གཞན་གྱི་དྲུང་དུ་མི་བཟླ་འོ། །དབེན་པའི་ཕྱོགས་སུའང་བདག་རིག་པས། །སྔགས་ཀྱང་བར་མ་བཟླ་བར་བྱ། །དེ་ལྟར་སྔགས་བཟླས་རབ་སྦྱར་ན། །སྔགས་ནི་གང་ཡང་མྱུར་དུ་འགྲུབ། ། བར་མའི་སྔགས་ནི་འགྲུབ་འདོད་ན། །ཡང་དང་ཡང་དུ་བཟླས་པ་བྱ། །དེ་བས་བཟླས་པ་རྣམ་བྲལ་དང ། །སྔགས་ཀྱི་དེ་ཉིད་དོན་ལེགས་ཐོས། །དབེན་ཞིང་གདུང་བ་མེད་པར་ནི། །ཟློས་པས་སྔགས་ནི་བཟླ་བར་བྱ། །མཚན་མོ་ཡི་ནི་བཞི་ཆ་དང ། །དེ་ཕྱེད་དེ་བཞིན་ཕྱེད་ཉིད་དང ། །སྐྱ་རེང་དམར་པོ་ཟུང་ཙམ་ལ། །ཉི་མའི་དཀྱིལ་འཁོར་འཆར་བ་ན། །དང་པོ་བར་མ་ཉིད་དུ་ནི། །ཐུབ་པ་མཆོག་གིས་གསུངས་པ་ཡིན། །ཟུང་ཙམ་ཁྲུ་ནི་བཞི་པ་སྟེ། །བར་མར་ཡོངས་སུ་བསྒྲགས་པ་ཡིན། །དེ་ནས་ཉི་མ་ཕྱེད་ཤར་ན། །སྔགས་བཟླས་དེ་ཚེ་སྤང་བར་བྱ། །སྔགས་བཟླས་དེ་ཚེ་བཏང་བ་ན། །སྔོམ་བརྩོན་མཆོད་ཡོན་སླར་གཤེགས་གསོལ། །དེ་ཚེ་བཏང་བའི་ལྷག་དུས་ལ། །ཐུབ་པའི་བསྟན་ལ་དགེ་བ་བྱ། །དམ་ཆོས་བཀླག་ལ་སོགས་པ་ནི། །ཤེས་རབ་ཕ་རོལ་ཕྱིན་ལ་སོགས། །གླེགས་བམ་ས་བཅུ་ཞེས་བྱ་བ། །མཆོད་དང་བཀླག་པ་རྟག་ཏུ་བྱ། །དེ་ནས་དུས་ལ་བབ་གྱུར་ན། །རང་སྔགས་སྔགས་ཀྱི་མགོན་པོ་དང ། ། ཐུབ་པ་མཆོག་ལ་ཕྱག་འཚལ་ནས། །དེ་ནས་འཚོ་བའི་དོན་དུ་འགྲོ་།དུས་དང་སྤྱོད་དང་དེ་བཞིན་ལྡན། །དུས་སུ་ཟས་སྤྱོད་དབང་བོ་ཐུལ། །ཆོས་ཅན་སྒྲུབ་ལ་བརྩོན་པ་དང ། །སངས་
163a
༄#། །རྒྱས་བསྟན་ལ་རབ་ཏུ་དད། །མི་སྨྲ་གྲོང་གི་ནང་དུ་འདུག་།རྟག་ཏུ་གཙང་སྦྲ་སྤྱོད་ལ་དགའ། །ཆོས་ལྡན་སེམས་ཅན་ཁྱིམ་དུ་ནི། །སློང་དུས་རྟག་ཟློས་བྱེད་ཅིང་འདུག་།སྲོག་ཆགས་མེད་ཆོས་གྲུབ་པ་ཡི། །ཟས་ནི་གཙང་བར་གྲགས་པ་དང ། །ཡང་དག་ལྟ་བའི་ཁྱིམ་དང ། དང ། །སངས་རྒྱས་བསྟན་ལ་དང་བ་ཡི། །དེ་འདྲའི་ཁྱིམ་ལ་རྟག་ཏུ་ནི། །སློང་བའི་དོན་དུ་སློང་མོ་བླང ། །ཇི་ལྟར་དཔའ་བོས་གོ་བགོས་ཏེ། །ཉམ་ངའི་གཡུལ་དུ་འཇུག་པ་ན། །རྟག་ཏུ་དགྲ་ནི་འཇོམས་བྱེད་དེ། །དགྲ་ཡིས་འཇོམས་ཀྱང་མི་ནུས་པ། །དེ་བཞིན་སྔགས་པ་རྟག་གྲོང་དུ། །སློང་མོའི་འཚོ་བས་འཇུག་པ་ན། །གཟུགས་སྒྲ་ལ་སོགས་བཟང་པོ་ནི། །དེ་ལྟར་མཐོང་བས་ཆགས་གྱུར་ན། །འདོད་ཆགས་ཞི་བའི་དོན་གྱི་ཕྱིར། །དགེ་བ་མི་གཙང་བསྒོམ་པར་བྱ། །ལང་ཚོའི་རྣམ་པས་བརྒྱན་པ་ཡི། །བུད་མེད་གཟུགས་ནི་མཐོང་བ་ན། །མི་གཙང་དྲི་ངན་བསྒོམ་བྱ་ཞིང ། །ཤིན་ཏུ་སྨད་པ་རྣག་དང་གཅིན། །སྲིན་བུས་ཟོས་དང་དུར་ཁྲོད་གནས། །ལུས་ནི་མི་རྟག་སྡུག་བསྔལ་ཡིན། །བྱིས་པ་སྔགས་ལ་རྨོངས་པ་ཡིས། །འགྲོ་བ་ལྔ་པོ་དག་ཏུ་འཁོར། །ལས་ཀྱི་སྐུད་པས་བཅིངས་ནས་ནི། །ཡུན་རིང་དུས་སུ་མྱ་ངན་བྱེད། །མི་ཤེས་སྒྲིབ་པས་རྨོངས་པས་ན། །དམུས་ལོང་སྡུག་བསྔལ་རྒྱུ་ཡང་ཡིན། །གང་དུ་བློ་ནི་ཕྱིན་ཅི་ལོག་།སྐྱེ་བོ་ཆགས་
163b
པས་ཕོངས་པར་གྱུར། །རྣམ་པ་སྣ་ཚོགས་ལས་གར་གྱི། །རྣམ་པ་དུ་མར་ཆགས་བྱེད་པས། །ཡུན་རིང་རེས་ཀྱིས་གནས་ནས་ནི། །འགྲོ་དང་འོང་བར་སྤྱོད་པར་བྱེད། །གར་བྱེད་བཞིན་དུ་སྤྱོད་པ་ཡིས། །བྲན་བཞིན་དུ་ནི་གཏོང་བར་བྱེད། །མི་གཙང་དགའ་བའི་སེམས་ཅན་གང ། །ཡུན་རིང་ལམ་དུ་ཕོངས་པར་འགྱུར། །འཁོར་བའི་རྒྱ་མཚོའི་ཆུ་འབྱུང་བ། །ཟོ་ཆུན་གྱི་ནི་རྣམ་པ་བཞིན། ། འགྲོ་བ་དེ་དག་མི་བཟད་པའི། །སྡུག་བསྔལ་ཆུ་ཡིས་ཁྱབ་པ་ཡིན། །སངས་རྒྱས་ཀྱིས་ནི་བུད་མེད་དག་།མ་འདྲེས་སྡུག་བསྔལ་རྩ་བར་གསུངས། །ཉན་ཐོས་བྱང་ཆུབ་སེམས་དཔའ་དང ། ། རང་རྒྱལ་ཐུབ་པས་དེ་བཞིན་གསུངས། །འཁོར་བའི་རྒྱ་མཚོ་མི་འཁྲུགས་པ། །རྒྱ་མཚོ་འདི་ནི་སྐམ་པར་དགའ། །བུད་མེད་སེམས་ཀྱིས་བསླུས་པས་ནི། །གང་དུ་སེམས་ཅན་བྱིང་གྱུར་ནས། །དམྱལ་བ་དུད་འགྲོའི་འཇིག་རྟེན་དང ། །ཡི་དྭགས་འཇིག་རྟེན་ལྷ་མ་ཡིན། །དེ་བཞིན་མི་ཡི་འཇིག་རྟེན་དང ། །ལྷ་ཡི་འགྲོ་བའི་འགྲོ་བར་འགྲོ་།བུད་མེད་ཆགས་པས་བསླུས་པས་ན། །ཀུན་ནས་ཡོངས་སུ་འཁོར་འགྱུར་ཞིང ། །འདམ་ཆེན་ནང་དུ་འབྱིང་འགྱུར་ལ། །འཁོར་བའི་རྒྱ་མཚོ་བཙོན་ར་ཡིན། །བུད་མེད་ཆགས་པའི་བླུན་པོའི་མི། །རུལ་པའི་རོ་ལ་ཝ་བཞིན་ནོ། །གང་དུ་མི་ནི་ཆགས་བྱེད་པ། །ཤིན་ཏུ་མི་བཟད་སྡུག་བསྔལ་བཟོད། །དཀར་པོའི་ཆོས་ནི་ངེས་ཉམས་བྱེད། །སངས་རྒྱས་བསྟན་ལ་ཞུགས་པས་ནི། །སྡུག་བསྔལ་འཁོར་
164a
༄#། །བའི་རྒྱ་མཚོ་ཉིད། །ཐམས་ཅད་ཡོངས་སུ་ཟློག་བྱེད་ཅིང ། །སྔགས་ཟློས་དགའ་ཞིང་བརྩོན་པ་དང ། །གྲགས་པ་ཆེ་ཞིང་ཆགས་དང་བྲལ། །གཟི་བརྗིད་ལྡན་ཞིང་ཀུན་དང་མཛའ། །དེ་དག་ལ་ནི་སྡུག་བསྔལ་མེད། །ཡང་དག་སྡོམ་དང་ཚངས་བདེན་ཤེས། །བླ་མ་ལྷ་ལ་མཆོད་བྱེད་དང ། །མ་དང་ཕ་ལ་གུས་པ་རྣམས། །དེ་དག་ལ་ནི་སྡུག་བསྔལ་མེད། །དམ་པའི་དོན་ལ་བརྟེན་ན་ནི། །མི་རྟག་སྡུག་བསྔལ་སྟོང་པ་དང ། །དེ་བཞིན་དབྱིག་དུག་ཟུག་རྡུ་བཞིན། །ཟློས་པ་བུད་མེད་ལུས་བསམ་བྱ། །བློ་ངན་ཕུང་བའི་ལྕགས་ཀྱུས་ཟིན། །འཁོར་བ་ལས་ནི་འབྱུང་མི་ནུས། །རྟག་ཏུ་བུད་མེད་ཆགས་གྱུར་པ། །དེ་ལ་གྲུབ་པ་ཡོད་མ་ཡིན། །ཟློས་པ་འདི་ལ་ཚུལ་ཁྲིམས་ཉམས། །དེ་ལ་གྲུབ་པ་མཆོག་མེད་ཅིང ། ། གྲུབ་པ་འབྲིང་ཡང་ཡོང་མེད་དེ། །གྲུབ་པ་ཐ་མའང་ཡོད་མ་ཡིན། །ཚུལ་ཁྲིམས་འཆལ་ལ་ཐུབ་དབང་གིས། །སྔགས་གྲུབ་པར་ནི་མ་གསུངས་ཏེ། །མྱ་ངན་འདས་གྲོང་འགྲོ་བ་ཡི། །ཡུལ་དང་ཕྱོགས་ཀྱང་མ་ཡིན་ནོ། །བྱིས་པ་ངན་པ་འདི་ལ་ནི། །སྔགས་གྲུབ་པ་ནི་ག་ལ་ཡོད། །སྐྱེ་བོ་ཚུལ་ཁྲིམས་འཆལ་འདི་ལ། །དེ་ལ་བདེ་འགྲོ་ག་ལ་ཡོད། །མཐོ་རིས་སུ་ཡང་མི་འགྱུར་ཞིང ། །བདེ་བ་མཆོག་ཏུའང་མི་འགྱུར་ན། །རྒྱལ་བས་གསུངས་པའི་སྔགས་རྣམས་ནི། །འགྲུབ་པར་འགྱུར་བ་སྨོས་ཅི་དགོས། །ཏ་ལའི་ཤིང་གི་མགོ་
164b
པ་ནི། །གང་ཚེ་བཅད་པར་གྱུར་པ་ནའང ། །སྔོན་པོ་ཉིད་ཀྱི་སྐལ་མེད་ན། །མྱུ་གུ་ནམ་ཞིག་འབྱུང་བར་འགྱུར། །དེ་བཞིན་སྔགས་གྲུབ་རྨོངས་པ་དང ། །ཚུལ་ཁྲིམས་ཉམས་ཤིང་སྡིག་ལས་བྱེད། །རྟག་ཏུ་བུད་མེད་ཆགས་པ་ལ། །འདིར་ནི་རབ་ཏུ་བསྟན་པ་ཡིན། །མི་དགེའི་བཤེས་གཉེན་བསྟེན་པ་ལ། །སྔགས་ཀྱི་རྒྱལ་པོ་ག་ལ་འགྲུབ། །དེ་བས་དུལ་དང་རྟག་བཟླས་བྱེད། །བུད་མེད་སྐྱོན་ནི་རྣམ་སྤྱོད་ལ། །དེ་ལ་ཆགས་པ་རྣམ་སྤང་བ། །དེ་ལ་གྲུབ་པར་བརྗོད་པ་ཡིན། །བྱིས་པ་བུད་མེད་ལ་བརྒྱལ་བ། །གཞན་ལ་གྲུབ་པ་བསྟན་པ་མིན། །བློ་ལྡན་གཡེང་བ་མེད་ལ་དགའ། །གཙང་ཞིང་མ་ཆགས་ཤེས་ཉེན་ཅན། །རིགས་མཐོ་བརྟན་དང་དཔའ་བ་དང ། །བརྩེར་ལྡན་མཐོང་ན་དགའ་བ་དང ། །ཆོས་དང་ཆོས་མིན་རྣམ་དཔྱོད་ཤེས། །དེ་ལ་གྲུབ་པ་རྙེད་མི་དཀའ། །དེ་ལྟར་སྔགས་ཤེས་ཞུགས་པ་ནི། །གྲོང་དུ་སློང་ཕྱིར་རབ་ཏུ་འཇུག་།སྔར་ནི་བརྟགས་པའི་གནས་དག་ཏུ། །ཇི་ལྟར་འདོད་བཞིན་སོང་ནས་ནི། །བློ་ལྡན་དག་པས་བསླང་བའི་སྣོད། །གཙང་བའི་ཕྱོགས་སུ་ཡང་དག་གཞག་།ཕྱི་རོལ་སོང་ནས་རྐང་གཉིས་བཀྲུ། །དེ་ནས་ཡང་ནི་ཡན་ལག་སྟེ། །དེ་ཚེ་སྲོག་ཆགས་མེ་དཔའི་ཆུས། །ལག་པ་གཡས་པས་བྱིན་པ་གཡས། །ལག་པ་གཡོན་པས་བྱིན་པ་གཡོན། །ཡང་ན་གཉིས་ཀ་དུས་གཅིག་བཀྲུ་།ས་ནི་ལག་གཡོན་ཡང་བཞག་ནས། །སྔར་ནི་ཡང་དག་བཞག་པ་ཡི། །བདུག་པ་གཙང་མའི་ས་དག་གིས། །ལག་པ་གཉིས་ནི་རབ་ཏུ་བཀྲུ་།དེ་ནས་སྔགས་ཀྱིས་
165a
༄#། །དག་བྱས་པའི། །དྲི་མེད་གཙང་སྦྲ་དག་སྣོད་ལ། །བ་ནི་སེར་སྐྱས་བོར་བ་ཡིས། །ལྕི་བ་སར་པ་བླང་བར་བྱ། །སྲོག་ཆགས་མེད་པའི་ཆུར་སྦྱར་བས། །སྟོན་པ་ལ་ནི་དཀྱིལ་འཁོར་བྱ། །དང་པོ་ཐུབ་པ་མཆོག་ལ་ནི། །ཁོར་ཡུག་ཁྲུ་གང་ཙམ་དུ་བྱ། །གཉིས་པ་རང་སྔགས་མགོན་པོ་ལ། །གསུམ་པ་རང་རིགས་ལྷ་ལ་འོ། །སྔགས་པ་བཟླས་པ་གང་བྱེད་པ། །རྟག་ཏུའང་དེ་ཉིད་བྱ་བ་ཡིན། །ཡང་ནི་སེམས་ཅན་ཐམས་ཅད་ཀྱི། །ལོངས་སྤྱོད་ཕྱིར་ནི་བསྟན་པ་ཡིན། །གཡས་སུ་འཇིག་རྟེན་མགོན་པོ་ཡི། །དཀྱིལ་འཁོར་འདི་ནི་རྟག་ཏུ་བྱ།། དཀོན་མཆོག་གསུམ་གྱི་དཀྱིལ་འཁོར་ནི། །གྲུ་བཞི་དག་ཏུ་བྱ་བ་ཡིན། །གཉིས་པ་རང་སངས་རྒྱས་རྣམས་ལ། །གསུམ་པ་སྟོབས་བཅུ་ལྡན་པའི་སྲས། །དཀྱིལ་འཁོར་བདུན་པོ་འདི་དག་ནི། །ཀུན་ནས་གྲུ་བཞིར་བྱ་བ་ཡིན། །ཁྲུ་གང་ངམ་ནི་ཁྲུ་ཕྱེད་དུ། །ཉིན་རེ་ཞིང་ནི་བྱ་བ་ཡིན། །སྡིག་པ་འཇིག་བྱེད་བཟླས་པ་ནི། །དབེན་པའི་ཕྱོགས་སུ་ཉིན་རེ་བྱ། །སྔགས་པ་དེ་ནས་ལངས་ནས་ནི། །འབད་པས་ལག་གཉིས་རབ་ཏུ་བཀྲུ་།གཙང་བའི་ཆུ་ཡིས་ཉེ་རེག་བྱ། །དག་ཅིང་སྲོག་ཆགས་སྤངས་པ་ཡི། །དྲི་མེད་གཙང་སྦྲས་འབད་ནས་ནི། །གཙང་བའི་སྣོད་ནི་དེ་ཚེ་བླང ། །མཚོ་ཆེན་དང་ནི་འབབ་ཆུ་འམ། །ཆུ་མིག་ཆུ་བོ་ལ་གནས་དང ། །གཙང་བའི་ཕྱོགས་ནས་བྱུང་བ་ཡི། །སེམས་ཅན་དག་པ་ལག་བླངས་ལ། །གཉིས་སམ་གསུམ་དུ་
165b
རྟག་ཏུ་ཡང ། །སྔགས་པས་ཉེ་རེག་བྱ་བ་ཡིན། །དེ་ནས་ཆུས་རེག་གདོང་དང་ནི། །དེ་བཞིན་དུ་ནི་རྣ་ཁུང་དག་།མིག་དང་སྣ་དང་ལག་གཉིས་དང ། །སྤྱི་བོ་ལྟེ་བའི་ཕྱོགས་རེག་བྱ། །དགེ་བ་སྤྱོད་པས་ལན་ལྔ་འམ་བདུན། །ཆོ་ག་ཇི་བཞིན་ཐམས་ཅད་བྱ། །གཙང་སྦྲའི་སྤྱོད་པ་ལེགས་ལྡན་པས། །ཟློས་པ་གཙང་བར་གྱུར་པ་ཡིས། །སློང་སྣོད་ཡང་དག་བླངས་ནས་ནི། །ཆུ་ཡི་གཞིར་ནི་འགྲོ་བར་བྱ། །གང་དུ་ཆུ་ཡི་རྒྱུན་འབབ་གནས། །དེ་བཞིན་དུ་ནི་ཆུ་མིག་དང ། །ཆུ་བོ་རབ་ཏུ་འབབ་པ་ལ། །རྟག་ཏུ་ཟས་ནི་བཀྲུ་བར་བྱ། །གཙུག་ལག་ཁང་ངམ་གནས་ཁང་དུ། །དེ་ནས་ལངས་ནས་འགྲོ་བར་བྱ། །གང་དུ་སྔོན་ནི་བརྟེན་པ་དང ། །གང་དུ་གནས་པ་དེར་འགྲོ་བྱ། །དེ་ནས་ཟློས་པས་ལྷུང་བཟེད་དེ། །སོང་ནས་ཕྱོགས་ནི་དེར་གཞག་བྱ། །དེ་ནས་ཉེ་རེག་མྱུར་བྱས་ནས། །དེ་བཞིན་ཡང་ནི་ལྷུང་བཟེད་བླངས། །ལྷུང་བཟེད་ས་འམ་ལོ་མའམ། །དངུལ་དང་གསེར་གྱི་སྣོད་དང་ནི། །ཟངས་མ་ཤིང་ཤུན་དག་ཀྱང་རུང ། །སྟོན་པ་ལ་ནི་དབུལ་བར་བྱ། །སྟེན་པ་ལ་ནི་བཤོས་ཕུལ་ནས། །རང་སྔགས་སྔགས་ཀྱི་རྒྱལ་པོའང་བརྗོད། །འགྲོན་ཞིག་སྡུག་བསྔལ་གྱུར་འོངས་ན། །ཅི་ནུས་པར་ནི་སྦྱིན་པར་བྱ། །རྣམ་པ་ཀུན་ཏུ་ཁ་ཟས་ནི། །ཧ་ཅང་མང་བ་སྦྱིན་མི་བྱ། །སྔགས་རིག་ལུས་གདུང་མི་བྱ་སྟེ། །རྣམ་པ་ཀུན་ཏུ་ཅི་རིགས་བྱ། །ལྟོ་བའི་ཚད་ཙམ་གཞག་བྱ་སྟེ། །ལྷག་མའི་ཟས་ནི་རྟག་ཏུ་སྦྱིན། །བཀྲེས་དང་སྐོམ་པས་ཉེན་གྱུར་ན། །སྔགས་
166a
༄#། །ཀྱི་དོན་ལ་རྟེན་མི་ནུས། །ཁ་ཟས་མང་དང་ཉུང་ཟོས་ན། །སྔགས་རྣམས་མཉེས་པར་མི་ནུས་སོ། །དེ་ཉིད་ཕྱིར་ན་ཐུབ་དབང་གིས། །སེམས་ཅན་ཟས་ཀྱིས་གནས་པའོ་ཞེས། །ལུས་ཅན་རྣམས་ལ་གསུངས་པ་སྟེ། །གང་གིས་མི་རྣམས་འཚོ་བ་དང ། །ལྷ་དང་ལྷ་མིན་དྲི་ཟ་དང ། །ཀླུ་དང་གནོད་སྦྱིན་མིའམ་ཅི། །སྲིན་པོ་ཡི་དྭགས་ཤ་ཟ་དང ། །འབྱུང་པོ་སྐར་མ་གཟའ་རྣམས་དག་།གང་ཞིག་ཁ་ཟས་མི་ཟ་བ། །དེ་ནི་གང་ཡང་ཡོད་མ་ཡིན། །རགས་པའི་ཟས་ནི་གང་ཡིན་པ། །ཁམ་གྱི་ཟས་སུ་རྣམ་པར་བསྒྲགས།། སེམས་ཅན་ཕྲ་བའི་ཟས་ཅན་ཡང ། །དེ་བཞིན་གཤེགས་པ་ཉིད་ཀྱིས་གསུངས། །བསམ་གཏན་ཟས་ཅན་རྣམས་ལ་ནི། །གཟུགས་ཀྱི་ཁམས་ན་སྤྱོད་པའོ། །གཟུགས་མེད་ཁམས་ཀྱི་ལྷ་དག་ནི། །ཏིང་འཛིན་འབྲས་བུ་ལ་སྤྱོད་པའོ། །སྲིད་པ་བར་མའི་སེམས་ཅན་རྣམས། །དྲི་ཡི་ཟས་སུ་རབ་ཏུ་བསྒྲགས། །དེ་བཞིན་འདོད་ཁམས་སེམས་ཅན་དག་།སྣ་ཚོགས་ཟས་ལ་སྤྱོད་པ་ཡིན། །དེ་ཉིད་ཕྱིར་ན་ཐུབ་དབང་གིས། །ལས་ཀྱི་རྒྱུ་ཡིས་གསུངས་པ་ནི། །སེམས་ཅན་ཟས་ཀྱིས་གནས་པ་ཞེས། །ཐམས་ཅད་ལ་ནི་རབ་ཏུ་བསྒྲགས། །ཟློས་ལ་རྟག་ཏུ་བརྩོན་པས་ནི། །ཟས་ཀྱི་ཚོད་རིག་བྱ་བ་ཡིན། །གང་ཕྱིར་སྔགས་བརྟེན་ནུས་པ་ནི། །ཁ་ཟས་ལ་ནི་རབ་ཏུ་གནས། །སྤྱོད་པ་ཡོངས་སུ་དག་པ་དང ། །དགེ་ཞིང་ཚངས་པར་
166b
སྤྱོད་པ་དང ། །ཁ་ཟས་ཚོད་ནི་རིག་པ་ལ། །དེ་ལ་གྲུབ་པ་རྙེད་མི་དཀའ། །ཇི་ལྟར་ཤིང་རྟའི་ཤིང་རྟ་བབས། །མིག་ནི་ཡོངས་སུ་བསྐུས་པ་ནི། །ཡུན་རིང་དུས་སུ་བརྟན་ཕྱིར་དང ། །ཁལ་ནི་འདོགས་བར་བྱ་ཕྱིར་རོ། །དེ་བཞིན་སྔགས་པ་སྔགས་ཤེས་པས། །ཁ་ཟས་གནས་ཕྱིར་འཛིན་བྱེད་དང ། །ལུས་ཀྱང་ཚིམ་པར་བྱ་བའི་ཕྱིར། །ཟློས་པས་རྟག་ཏུ་གསོ་བར་བྱ། །སྔགས་རྣམས་བསྒྲུབ་པའི་ཕྱིར་དང་ནི། །བྱང་ཆུབ་ཚོགས་ནི་བྱ་བའི་ཕྱིར། །དེ་བཞིན་དུ་ནི་སྔགས་བཟླ་བ། །མི་ཡི་འཇིག་རྟེན་བསྲུང་བྱའོ། །དེ་ཉིད་ཕྱིར་ན་ཐུབ་མཆོག་ནི། །འོད་སྲུང་ཞེས་བྱ་སྔོན་བྱུང་བ། །དེ་ཚེ་དེ་དུས་ས་སྟེང་འདིར། །འོད་ཆེན་ལྡན་པ་དེས་གསུངས་པ། །འབྱུང་པོ་རྣམས་ལ་ལེགས་དོན་དུ། །སྔགས་འདི་རབ་ཏུ་གསུངས་པ་ནི། །འཇིག་རྟེན་མ་ལུས་སྡུག་བསྔལ་དང ། །དམན་དང་དབུལ་དང་སྐྱོ་བ་དང་།། འབད་རྩོལ་དག་ལ་ཉོན་མོངས་པ། །དེ་དག་དོན་ཕྱིར་གསུངས་པ་ནི། །འབྱུང་པོ་རྣམས་ལ་ལེགས་དོན་དང ། །དེ་བཞིན་གནས་པར་འདོད་པ་ཡང ། །འབྱུང་པོ་རྣམས་ལ་ཟས་དོན་དུ། །སྔགས་མཆོག་འདི་ནི་གསུངས་པ་ཡིན། །ཉན་ཐོས་དག་ནི་ཐམས་ཅད་དང ། །བྱང་ཆུབ་ལ་གནས་ཐམས་ཅད་ཉོན། །བདག་གིས་སྔགས་འདི་རབ་བརྗོད་ཀྱི། །ནད་རྣམས་འཇིག་བྱེད་ཟུངས་ཤིག་དང ། །གང་ཡང་བཀྲེས་ནད་ཀྱིས་ཉེན་དང ། །གང་ཡང་སེམས་ཅན་སྐོམ་པ་རྣམས། །ཀུན་གྱི་སྡུག་བསྔལ་ཉེར་ཞིའི་ཕྱིར། །འབྱོར་བ་འདོད་རྣམས་རབ་ཉོན་ཅིག་།འོད་སྲུང་འོད་ནི་ཆེན་
167a
༄#། །པོ་པ། །ཐུབ་པ་མཆོག་གིས་དེ་སྐད་གསུངས། །ཉན་ཐོས་རྣམས་ནི་ཡིད་དགའ་ནས། །ཁྱབ་བདག་ལ་ནི་གསོལ་བ་འདེབས། །ཆོས་མཁྱེན་སྔགས་ནི་བཤད་དུ་གསོལ། །ཆོས་ཀྱི་རྒྱལ་པོ་ཐུབ་པ་ཆེ། །སེམས་ཅན་བརྩེ་བའི་མཆོག་གྱུར་པ། །དུས་ནི་རབ་ཏུ་ཉེ་བར་གནས། །དེ་སྐད་གསོལ་ནས་ཐུབ་མཆོག་གིས། །ཀ་ལ་པིང་ཀའི་སྒྲ་སྐད་དང ། །རྔ་བོ་ཆེ་ཡི་སྒྲ་སྐད་དང ། །ཚངས་དབྱངས་སྟོབས་ནི་ཆེན་པོ་དང ། །ཚངས་ཤེས་རྒྱལ་བ་སྔོན་འདྲེན་པས། །འབྱུང་པོའི་ཚོགས་ནི་གང་སུ་དག་།འདིར་ལྷགས་གྱུར་པ་ཀུན་ཉོན་ཅིག་།རྐང་མེད་དང་ནི་རྐང་མངས་དང ། །རྐང་གཉིས་དང་ནི་རྐང་བཞི་པ། །མདོར་ན་སེམས་ཅན་ཀུན་གྱི་ཕྱིར། །བདེ་འབྱུང་སྔགས་ནི་བཤད་པར་བྱ། །འདས་དང་མ་འོངས་ད་ལྟར་གྱི། །སེམས་ཅན་གང་དག་འདིར་ལྷགས་པ། །འབྱོར་པ་འདོད་རྣམས་ད་ཉོན་ཅིག་།མདོར་ན་བདག་གིས་རབ་བཤད་བྱ། །ན་མཿ ་སརྦ་བུདྡྷ་ནཱཾ། ཨ་པྲ་ཏི་ཧ་ཏི་ཤཱ་ས་ནཱ་ནཱཾ། ཏདྱ་ཐཱ། ཨོཾ་ག་ག་ནེ་ག་ག་ན་གཉྫེ་ཨཱ་ན་ཡ་སརྦ་ལ་ཧུ་ལ་ཧུ་ས་མ་ཡ་མ་ནུ་སྨ་ར། ཨཱ་ཀཪྵ་ཎི། མཱ་བི་ལཾ་བ་མཱ་བི་ལཾ་བ། ཡ་ཐེ་བི་སྟཾ་མེ་སཾ་པ་དཱ་ཡ་སཝཱཧཱ། བཅོམ་ལྡན་འདས་འོད་སྲུང་གིས་དེ་སྐད་གསུངས་ནས་ཅང་མི་གསུང་བར་གྱུར་ཏོ། །ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་བར་དེར་རིག་པའི་སྔགས་ཀྱི་ཚིག་རྒྱ་ཆེར་གསུངས་
167b
པ་ན་ནམ་མཁའ་དེ་ཐམས་ཅད་ཆེན་པོ་ལ་འོས་པའི་ཟས་ཀྱི་སྤྲིན་གྱིས་ཡོངས་སུ་ཁེངས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱི་ནམ་མཁའི་དཀྱིལ་ཀུན་ཏུ་ཟས་ཀྱི་སྤྲིན་གྱིས་ཁྱབ་པར་སྣང་བར་གྱུར་ཏོ། །སེམས་ཅན་གྱི་བསམ་པ་ཇི་ལྟར་མངོན་པར་འདོད་པའི་བཟའ་བ་དང ། ཇི་ལྟར་འདོད་པའི་ཟས་དེ་དག་ལ་ཆར་བཞིན་དུ་བབ་པར་གྱུར་ཏོ། །ཇི་ལྟར་འདོད་པའི་ཟས་དང ། བཟའ་བའི་བྱ་བ་ནི་བཀྲེས་པའི་སྡུག་བསྔལ་ཞི་བའི་དོན་དང ། སྐོམ་པ་རྣམས་ཀྱིས་བཏུང་བར་བྱ་བ་ནི་ཡན་ལག་བརྒྱད་དང་ལྡན་པའི་ཆུའི་རྒྱུན་ཡིད་ལ་འདོད་པ་བཞིན་དུ་དེར་བབ་པར་གྱུར་ཏོ། །དེའི་ཚེ་དེའི་དུས་ཀྱི་སྐད་ཅིག་དེ་ཉིད་ལ་བཀྲེས་པའི་ནད་ཐམས་ཅད་རབ་ཏུ་ཞི་བ་དང ། སྐོམ་པ་ཐམས་ཅད་དང་བྲལ་བར་གྱུར་ཏོ། །ཐམས་ཅད་དང་ལྡན་པའི་འཁོར་དེ་ཡང་ངོ་མཚར་དང ། རབ་ཏུ་དགའ་བ་ཐོབ་པར་གྱུར་ནས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བཙལ་ཏེ་དེ་ཉིད་དུ་མི་སྣང་བར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པ་འོད་སྲུང་ཡང་དེ་བཞིན་གཤེགས་པའི་གནས་སུ་རྣམ་པར་བཞུགས་སོ། །བཅོམ་ལྡན་འདས་ཤཱཀྱ་ཐུབ་པ་ངས་ཀྱང་དེའི་ཚེ་དེ་ལྟར་བཤད་ཅིང་རྗེས་སུ་ཡི་རང་བར་བྱས་སོ། །སྔགས་ཀྱི་རྒྱལ་པོའི་མཆོག་འདི་ལ་སེམས་ཅན་ཐམས་ཅད་ཀྱི་དོན་དུ་བ་ཀྲེས་པ་
168a
༄#། །དང ། །སྐོམ་པ་སེལ་བའི་ཕྱིར་དང ། སྔགས་ཐམས་ཅད་ཟློས་པ་དག་ལ་ཡང་ཁྱད་པར་དུ་སེལ་བར་འགྱུར་རོ། །དང་པོ་རེ་ཞིག་ཟློས་པས་སྔགས་འདི་བསྒྲུབ་པར་བྱ་སྟེ། གལ་ཏེ་བསོད་སྙོམས་ལ་འགྲོ་བར་སྤྲོ་བར་མེད་ན་རིའི་རྩེ་མོ་ལ་འཛེགས་ཏེ་འབུམ་ཕྲག་བདུན་བཟླ་བར་བྱ་ཞིང་ཟས་དཀར་གསུམ་མམ། འོ་མའི་ཟས་བཟའ་ཞིང་རིའི་རྩེ་མོ་དེ་ཉིད་དུ་འཕགས་པ་འཇམ་དཔལ་གྱི་རས་རིས་བར་མ་གོང་མ་བཞིན་བཞག་སྟེ། མཆོད་པ་ཆེན་པོ་བྱས་ནས་ཤིན་ཏུ་རྒྱ་ཆེ་བའི་གཏོར་མ་ཕུལ་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་འདི་ཉིད་ཀྱིས་གསུངས་པའི་སྔགས་ཀྱིས་སེང་ལྡེང་གི་ཡམ་ཤིང་གི་མེ་རབ་ཏུ་སྤར་ཏེ། ཤིང་ཨུ་དུམ་བཱ་རའི་ཡམ་ཤིང་ལ་མར་དང ། སྦྲང་རྩིས་བཏགས་པའི་ཤིང་རློན་མཐོ་གང་ཙམ་མམ། བིལ་བའི་འབྲས་བུའི་ཡམ་ཤིང་སྟོང་རྩ་བརྒྱད་ཀྱིས་སྦྱིན་སྲེག་བྱའོ། །དེ་ནས་ནམ་ཕྱེད་ཀྱི་དུས་མཚམས་སུ་སྤྲིན་ནག་པོ་ཆེན་པོ་དང ། རླུང་གི་དཀྱིལ་འཁོར་བྱུང་ན་འཇིགས་པར་མི་བྱ། །ལངས་ཏེ་གཞན་དུ་འགྲོ་བར་མི་བྱ་ཞིང ། འཕགས་པ་འཇམ་དཔལ་གྱི་ཡི་གེ་བརྒྱད་ཀྱི་སྙིང་པོས་བདག་ཉིད་བསྲུང་བ་དང ། དཀྱིལ་འཁོར་བཅིང་བ་དང ། གྲོགས་བསྲུང་བ་ཡང་བྱས་ན།་སྔ་མ་ལྟ་བུའི་སྤྲིན་ནག་པོ་དང ། རླུང་ནག་པོ་དེ་ཡང་མི་སྣང་བར་གྱུར་ཏེ། བུད་མེད་ཡང་རྒྱན་ཐམས་ཅད་ཀྱིས་བརྒྱན་པ། འོད་ཀྱི་དཀྱིལ་འཁོར་གྱིས་ཕྱོགས་ཐམས་ཅད་
168b
སྣང་བར་བྱས་ཏེ། སྒྲུབ་པ་པོའི་མདུན་དུ་འདུག་ནས་སྨྲ་བ་ནི། ཀྱེ་སེམས་ཅན་ཆེན་པོ། ལོངས་ཤིག་།ཁྱོད་ནི་གྲུབ་པ་ཡིན་ནོ་ཞེས་སོ། །དེ་ནས་སྒྲུབ་པ་པོས་སྣ་མའི་མེ་ཏོག་གིས་བསྲེས་པའི་དྲི་ཞིམ་པོའི་ཆུས་མཆོད་ཡོན་སྦྱིན་ནོ། །དེ་ནས་དེ་ཉིད་དུ་མི་སྣང་བར་གྱུར་ཏོ། །གང་དེའི་ཉིན་མོ་ནས་བདག་ཉིད་དང ། གྲོགས་པོ་ཉི་ཤུ་རྩ་ལྔ་འམ། ཡང་ཅི་འདོད་པའི་གྲོགས་པོ་དག་ལ་ཅི་འདོད་པའི་ཁ་ཟས་དང ། ཇི་ལྟར་འདོད་པའི་ཡོ་བྱད་རྣམས་ཡང་དག་པར་སྟེར་བར་བྱེད་དོ། །དེ་ནས་སྒྲུབ་པ་པོས་རས་རིས་ལ་གཤེགས་སུ་གསོལ་བའི་མཆོད་ཡོན་དབུལ་ཏེ། ལན་གསུམ་བསྐོར་བ་བྱས་ནས་རས་རིས་བླངས་ཏེ། སངས་རྒྱས་དང ། བྱང་ཆུབ་སེམས་དཔའ་ལ་ཕྱག་བྱས་ནས། སྔར་བསྟན་པའི་སྒྲུབ་པའི་ཐབས་ཇི་ལྟ་བུའི་གནས་དགོན་པ་ཆེན་པོ་འམ། རིའི་རྩེ་མོ་འམ། མི་མེད་པའི་གནས་སུ་འགྲོ་བར་བྱའོ། །དེར་ལོ་མའི་སྤྱིལ་པོ་བྱས་ཏེ། བདག་ཉིད་དང ། གྲོགས་པོ་གཉི་གར་བཅས་ཏེ་རབ་ཏུ་གནས་པར་བྱའོ། །དེར་གནས་པ་དང ། གནས་དེ་ལ་ནམ་མཁའ་ལ་འགྲོ་བ་ལ་སོགས་པའི་ལས་བྱས་ཏེ། དེ་ནས་སྒྲུབ་པ་པོས་སྔ་མ་བཞིན་དུ་ཀུ་ཤའི་ཁྲེས་ལ་འདུག་ནས་རས་རིས་བར་མ་སྔ་མ་བཞིན་དུ་བཞག་སྟེ། སེང་ལྡེང་གི་ཡམ་ཤིང་གིས་མེ་རབ་ཏུ་སྦར་ལ། དུས་གསུམ་དུ་མེ་ཏོག་པདྨ་དཀར་པོ་ཞོ་དང ། སྦྲང་རྩི་དང ། མར་གྱིས་བཏགས་པ་སྟོང་རྩ་བརྒྱད་ཉི་མ་ཉི་ཤུ་རྩ་གཅིག་གི་བར་
169a
༄#། །དུ་སྦྱིན་སྲེག་བྱའོ། །དེ་ནས་མཚན་ཕྱེད་ཀྱི་དུས་སུ་སྦྱིན་སྲེག་གི་མཐར་འཕགས་པ་འཇམ་དཔལ་མངོན་སུམ་དུ་མཐོང་བར་འགྱུར་རོ། །འདོད་པའི་མཆོག་སྩོལ་བར་ཡང་འགྱུར་རོ། །ནམ་མཁའ་ལ་འགྲོ་བ་དང ། མི་སྣང་བ་དང ། བྱང་ཆུབ་སེམས་དཔའི་ས་དང ། རང་སངས་རྒྱས་ཉིད་དམ། ཉན་ཐོས་ཉིད་དམ། ཚེ་རིང་བ་ཉིད་དམ། རྒྱལ་སྲིད་ཆེན་པོ་དང ། ལོངས་སྤྱོད་ཆེན་པོ་ཉིད་དམ། རྒྱལ་པོ་དགའ་བ་ཉིད་དམ། འཕགས་པ་འཇམ་དཔལ་དང་ལྷན་ཅིག་རྗེས་སུ་སྤྱོད་པར་འགྱུར་ཏེ། མདོར་ན། གང་འདོད་པ་དེ་ཐམས་ཅད་སྩོལ་བར་འགྱུར་རོ། །གང་དོན་དུ་གཉེར་བ་དེ་ཡང་རྗེས་སུ་སྩོལ་བར་འགྱུར་རོ། །གྲུབ་པའི་རྫས་ཐམས་ཅད་ཀྱང་འགྲུབ་པར་འགྱུར་རོ། །སེམས་ཅན་ཆེན་པོ་རྣམས་ཀྱང་འགུགས་པར་བྱེད་པར་འགྱུར་རོ། །མདོར་ན། ཇི་ལྟ་ཇི་ལྟར་བརྗོད་པ་དེ་ཐམས་ཅད་བྱེད་པར་འགྱུར་རོ། །སྔོན་གྱི་ལས་ཀྱི་ཉེས་པ་ཡང་ཡང་དག་པར་སྤྱོད་པར་བྱེད་དོ་ཞེས་བཅོམ་ལྡན་འདས་ཤཱཀྱ་ཐུབ་པས་གསུངས་སོ། །གཞན་ཡང ། ལས་ཀྱི་ཐབས་པར་མ་སྒྲུབ་པ་ཡང་ཡོད་དེ། དང་པོ་རེ་ཞིག་དེ་ལྟར་ཁྱད་པར་དུ་གྱུར་པའི་གནས་སམ། གཙང་བའི་ས་ཕྱོགས་སམ། ཆུ་བོ་འམ། ཆུ་གླིང་གི་ངོགས་སུ་སྔ་མ་བཞིན་དུ་ཐམས་ཅད་བྱ་སྟེ། རས་རིས་ནུབ་ཅུ་བསྟན་ཏེ་བཞག་ལ་བདག་ཀྱང་ཤར་དུ་མངོན་དུ་ཕྱོགས་པར་
169b
བྱས་ནས་ཀུ་ཤའི་ཁྲེས་ལ་འདུག་སྟེ། སྔ་མ་བཞིན་དུ་རྒྱ་ཆེར་སྦྱར་བར་བྱས་ནས་དུས་གསུམ་དུ་ཡི་གེ་དྲུག་པ་བཟླས་པར་བྱ་སྟེ། བཟླས་པ་རྫོགས་པ་དང ། དོང་ཀའི་མེ་ཏོག་ལ་ཙནྡན་དཀར་པོ་འམ། གུར་གུམ་གྱིས་བསྒོས་པས་སྔ་མ་བཞིན་དུ་སྦྱིན་སྲེག་སྟོང་ཕྲག་བརྒྱ་བྱའོ། །དེ་བཞིན་དུ་མེ་སྦར་ནས་སྦྱིན་སྲེག་གི་མཇུག་ཏུ་རས་རིས་རབ་ཏུ་འགུལ་བ་ན་ནི་བློན་པོ་ཉིད་ཐོབ་པར་འགྱུར་རོ། །རས་རིས་ལས་འོད་ཀྱི་སྣང་བ་བྱུང་ན་ནི་འོད་ལས་རྒྱལ་སྲིད་ཐོབ་པར་འགྱུར་རོ། །རས་རིས་འོད་འབར་བའི་ཕྲེང་བས་ཀུན་ཁྱབ་ན་ནི་རྒྱལ་པོ་ཆེན་པོ་བཞིའི་རྒྱལ་སྲིད་ཐོབ་པར་འགྱུར་རོ། །རས་རིས་ལས་མེ་སྟག་བྱུང་ན་ནི་སུམ་ཅུ་རྩ་གསུམ་གྱི་དབང་ཕྱུག་བརྒྱ་བྱིན་ཉིད་ཐོབ་པར་འགྱུར་རོ། །རས་རིས་ལས་ཆོས་འཆད་པའི་སྒྲ་བྱུང་ན་ནི་བྱང་ཆུབ་སེམས་དཔའི་ས་གསུམ་གྱི་དབང་ཕྱུག་ཉིད་ཐོབ་པར་འགྱུར་རོ། །རས་རིས་ཀྱི་ཕྱག་གིས་མགོ་ལ་ཕྱུག་པར་མཛད་ན་ནི་མངོན་པར་ཤེས་པ་ལྔ་དང ། ས་བདུན་པ་ཐོབ་པ་དང ། སྟོབས་བཅུ་ལ་གནས་པ་མཐར་གྱིས་ཐོབ་པ་ཡིན་ནོ། །དེ་ནས་སྒྲུབ་པ་པོ་ལ་བཅོམ་ལྡན་འདས་འོད་སྲུང་གིས་གསུངས་པའི་སྔགས་བསྒྲུབས་ཏེ། བཀྲེས་པ་དང ། སྐོམ་པ་རབ་ཏུ་བསལ་བའི་དོན་རྗེས་སུ་ཐོབ་པ་དེ་ཉིད་ཀྱི་འཚོག་ཆས། སྔགས་སྤྱོད་པའི་དོན་སྒྲུབ་ཐབས་ཀྱི་ཆོས་ལ་ཡང་དག་པར་རྗེས་སུ་བསྒྲུབ་པར་བྱའོ། །གཞན་དུ་ནི་འདི་འགྲུབ་པར་མི་འགྱུར་རོ། །དེ་ལྟར་མཐར་
170a
༄#། །གྱིས་སྔགས་ཀྱི་སྤྱོད་པ་ལ་རྗེས་སུ་འཇུག་ཅིང ། མདོར་ན། ངེས་པར་འབད་པ་ལ་ནི་རྫས་དང ། སྨན་དང ། ཡོ་བྱད་ཀྱི་ཁྱད་པར་དང ། ནོར་བུ་རིན་པོ་ཆེ་སྔར་ཇི་སྐད་བཤད་པ་རྣམས་འགྲུབ་པར་འགྱུར་རོ། །སྔགས་རིག་སྔགས་ནི་ཟློས་པ་དང ། །སེམས་ནི་ཆོ་ག་ལ་མཁས་དང ། །སྔགས་པ་དེ་ཚེ་དེ་ཡུལ་དུ། །དེ་ཚེ་གཙང་བའི་ཁ་ཟས་བཟའ། །ཟོས་ནས་ཡིད་ནི་དགའ་བ་དང ། །རྟག་ཏུ་དབང་པོ་རྒྱས་པ་དང ། །ལྷུང་བཟེད་ལྷག་མ་བླངས་ནས་ནི། །ཆུ་བོ་གཙང་བ་དག་ཏུ་འགྲོ་།དབེན་པར་ཡོངས་སུ་བོར་ནས་ནི། །སྡོམ་ཅན་གྱིས་སྦྱིན་དུད་འགྲོ་ལ། །དུད་འགྲོ་ལ་ནི་བྱིན་ནས་ཀྱང ། །འབད་པས་སྣོད་ནི་བཀྲུ་བར་བྱ། །དེ་ནས་འབད་པ་བྱས་ནས་ནི། །ས་ཡི་སྣོད་ཀྱང་བསྲེག་པར་བྱ། །ལྷག་མ་ལྷུང་བཟེད་བྱ་བ་ནི། །སྣུམ་མེད་ཟས་ནི་མེད་པ་དང ། །དྲི་ཉིད་ཡོངས་སུ་སྤང་བྱ་ཞེས། །ལྷག་མ་ལྷུང་བཟེད་ཐུབ་པས་གསུངས། །གང་དུ་སློང་བའི་ལྷུང་བཟེད་ལ། །དེར་ནི་ཁ་ཟས་མི་སྤྱད་དོ། །ཤིང་ཐོག་དངོས་རྣམས་ཐམས་ཅད་དང ། །བཅའ་བ་རྣམས་ཀྱང་དེར་མི་སྤྱད། །པདྨའི་ལོ་མར་བཟའ་མི་བྱ། །ུཏྤ་སྣོད་ལ་བཟའ་བ་མིན། །མེ་ཏོག་དྲི་མཆོག་ལ་མིན་ཏེ། །སྔགས་པས་དེ་ལ་བཟའ་མི་བྱ། །གང་ཡང་ལོ་མ་ཀུ་མུ་དང ། །པལ་པྴ་ཨུ་དུམ་བཱ་ར་ལས་བྱུང ། །པ་ཊ་ཤིང་གི་ལོ་མའང་མིན། །ཚེར་མའི་ཤིང་དང་རི་ཁྲོད་བྱུང ། །
170b
་མྲའི་ལོ་མ་དག་ལའང་མིན། །དེ་བཞིན་པ་ཊ་ལ་ལས་བྱུང ། །ས་ལ་ཤྲི་ཤའི་ལོ་མ་དང ། །བྱང་ཆུབ་ཤིང་ལས་ཡང་དག་བྱུང ། །གང་དུ་བཅོམ་ལྡན་སངས་རྒྱས་ནི། །ཤཱཀྱ་སེངྒེ་བཞུགས་པ་ཡི། །ཤིང་དེ་འབད་པས་སྤང་བྱ་སྟེ། །སོ་ཤིང་དུ་ཡང་བཅའ་མི་བྱ། །ཀླུ་ཤིང་གི་ནི་གེ་སར་དང ། །ལོ་མ་དག་ཀྱང་མི་བཏུང་ཞིང ། །གང་དུའང་ནམ་ཡང་བཟའ་མི་བྱ། །མཁས་པས་དེ་ཀུན་རྣམ་པར་སྤོངས། །ཐུབ་པའི་ལོ་མའི་སྤྱིལ་པོ་ལས། །རྨོངས་པས་ནམ་ཡང་འགོད་མི་བྱ། །སྔགས་པ་དམ་ཚིག་ཉམས་འགྱུར་བས། །ལོ་མ་དེ་དག་ལ་མི་བཟའ། །ལོ་མ་གཞན་ལ་བཟའ་བྱ་སྟེ། །སྔགས་པས་དེར་ནི་བཟའ་བར་བྱ། །ས་དང་ཟངས་མར་བསྟན་པ་དང ། །དེ་བཞིན་དངུལ་དང་གསེར་ལས་བྱུང ། །ཤེལ་དང་རྡོ་ཡི་རང་བཞིན་ལས། ། རྟག་ཏུ་བཟའ་བ་བླང་བར་བྱ། །ལོ་མའི་རྒྱབ་ཏུ་མི་བཟའ་སྟེ། །ལག་པའི་མཐིལ་དུའང་དེ་བཞིན་ནོ། །སྟོབས་བཅུ་ལྡན་དང་དེ་ཡི་སྲས། །གང་ཡང་རང་རྒྱལ་བསེ་རུ་དང ། །ཉན་ཐོས་གང་ཟག་དག་ལ་ནི། །ཕུལ་བའི་ལོ་མ་གང་ཡིན་པ། །དེ་དག་ཟློས་པས་སྤང་བྱ་སྟེ། །རྐང་པས་ཀྱང་ནི་མི་འགོམ་མོ། །ཟས་སྣོད་རྣམ་པ་སྣ་ཚོགས་དང ། །དེ་བཞིན་བཏུང་དང་བཟའ་བ་རྣམས། །ཐམས་ཅད་དེ་ལྟར་ཕུལ་བས་ན། །སྔགས་པས་འབད་པས་བླང་མི་བྱ། །རྒྱལ་དང་རྒྱལ་བའི་མཆོག་རྣམས་དང ། །དེ་བཞིན་ཉན་ཐོས་གང་ཟག་དང ། །དཀོན་
171a
༄#། །མཆོག་གསུམ་ལ་ཕུལ་བ་ཡང ། །ཟློས་པས་དེ་དག་རྟག་ཏུ་སྤང ། །ཅུང་ཟད་ཙམ་ཡང་ལུས་ཅན་ལ། །སྔགས་རྣམས་དེ་ལ་མི་འགྲུབ་སྟེ། །བཀྲ་ཤིས་ཐམས་ཅད་འདོད་པ་དང ། །ལེགས་པ་བཟང་པོ་སྨོས་ཅི་དགོས། །རྒྱས་པ་དང་ནི་ཞི་བ་དང ། །བསམ་པ་ཐམས་ཅད་རྫོགས་བྱེད་པ། །བཤོས་ནི་ཟ་བར་བྱེད་དེ་ལ། །དེ་ཚེ་འགྲུབ་པར་མི་འགྱུར་རོ། །གཙང་ཞིང་ཤེས་རབ་ཚུལ་ཁྲིམས་ལྡན། །སྙིང་རྗེས་སྙིང་རྗེའི་ལས་ཅན་དང ། །གཙང་སྒྲའི་སྤྱོད་ལ་དགའ་བ་ཉིད། །སྔགས་རྣམས་ཀུན་ཏུ་འགྲུབ་པར་འགྱུར། །སེམས་ཅན་གཞན་ལ་སྦྱིན་པའི་ཟས། །ཟློས་པས་དེ་ནི་བཟའ་མི་བྱ། །གཞན་གྱིས་རབ་ཏུ་མ་བསྟབས་པའི། །ཟས་གཞན་བཟའ་བར་མི་བྱའོ། །ཅུང་ཟད་ཙམ་གྱི་ཁ་ཟས་ཀྱང ། །རང་ལ་བྱིན་པ་བླང་བར་བྱ། །སྔགས་ཤེས་དེ་ལྟར་འཇུག་གང་ཡིན། །དེ་ལས་གྲུབ་པ་དཔག་ན་གནས། །ཟློས་པ་འདི་ཡི་ཆོ་ག་ཡིས། །སྡོམ་ཅན་བཟའ་བ་བླང་བར་བྱ། །ཐུབ་པ་རྣམས་ཀྱིས་བསྔགས་པ་ཡི། །སྔགས་རྣམས་མ་ལུས་བསྒྲུབ་པར་བྱ། །མདོར་ན་ཆོ་ག་མཐོང་བས་ནི། །བཟའ་བ་ཀུན་བྱ་ལས་རྣམས་ལ། །དེ་ནས་གཞན་ཡང་བཤད་བྱ་བ། །སྔགས་ཀྱིས་མ་ལུས་དབང་དུ་བྱེད། །དེ་ནས་ཟློས་པས་ཉེ་རེག་བྱས། །དེ་ཚེ་སྔགས་ནི་བཟླས་པར་བྱ། །སྔགས་པས་དེ་ཚེ་ལན་བདུན་དུ། །ལུས་
171b
སྦྱངས་ཕྱིར་ནི་བཟླས་ནས་སུ། །འབྱུང་པོའི་ཚོགས་དང་ལྷ་རྣམས་དག་།དེ་དོན་རྒྱ་ཆེར་རབ་ཉོན་ཅིག་།ལུས་ཀུན་ཉེ་རེག་བྱས་ནས་ནི། །ཐུབ་པའི་སྔགས་འདི་བརྗོད་པར་བྱ། ། ན་མཿ སརྦ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཨོཾ་སརྦ་ཀིལྦི་ཥ་ནཱ་ཤ་ནི། ནཱ་ཤ་ཡ་ནཱ་ཤ་ཡ། སརྦ་དུཥྚ་པྲ་ཡུཀྟཾ། ས་མ་ཡ་མ་ནུ་སྨ་ར་ཧཱུཾ་ཛཿ སཝཱཧཱ། །སྔགས་འདིས་བསླངས་པའི་ཟས་ཇི་ལྟར་ཡོངས་སུ་སྤྱོད་པའི་ཁ་ཟས་ལ་ལན་གསུམ་སྔགས་ཏེ་ཡོངས་སུ་སྤྱད་པར་བྱའོ། །ཟོས་ནས་ཀྱང་སྔ་མ་བཞིན་དུ་ཉེ་རེག་བྱ་སྟེ། སྤྱི་བོ་ལ་སོགས་པ་ལུས་ཐམས་ཅད་དུ་ཉེ་རེག་བྱས་ནས་དེ་ནས་ངལ་གསོ་བར་བྱ་སྟེ། ངལ་སོས་ནས་ཡུད་ཙམ་གྱི་ཕྱེད་དམ། ཐུན་གཅིག་སྟེ། དེ་ནས་རས་རིས་དང ། སངས་རྒྱས་ཐམས་ཅད་ལ་ཕྱག་འཚལ་ནས།་དམ་པའི་ཆོས་ཀྱི་གླེགས་བམ་བཀླག་པར་བྱའོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་དང ། འཕགས་པ་ཟླ་བའི་སྒྲོན་མའི་ཏིང་ངེ་འཛིན་དང ། འཕགས་པ་ས་བཅུ་པ་དང ། འཕགས་པ་གསེར་འོད་དམ་པ་དང ། འཕགས་པ་རྨ་བྱ་ཆེན་མོ་དང ། འཕགས་པ་རིན་པོ་ཆེ་ཏོག་གི་གཟུངས་དང ། འདི་དག་ལས་གང་ཡང་རུང་བ་བཀླག་པར་བྱའོ། ། ཉི་མའི་དཀྱིལ་འཁོར་ཟུང་ཙམ་གྱི་ཚད་ཀྱི་དུས་ན། དེ་ནས་ཡོངས་སུ་གྲུབ་པ་ནི་ཇི་ལྟར་ནུས་པ་དེ་བཞིན་དུ་བཀླག་པར་བྱས་ནས་གླེགས་བམ་བརྟུལ་བའམ། གོས་གཙང་མ་བགོས་
172a
༄#། །ཏེ། དམ་པའི་ཆོས་ལ་ཕྱག་བྱས་ནས། དེ་ནས་ཁྲུས་ཀྱི་དོན་དུ་ཆུའི་ངོགས་སམ། མཚོ་ཆེན་པོར་སོང་སྟེ་འཇུག་པར་བྱའོ། །ཕྱིན་ནས་སྲོག་ཆགས་མེད་པའི་ས་བླངས་ཏེ། ལན་བདུན་བཟླས་ཏེ་དེ་ཆུ་ལ་གདབ་བོ། །དེ་ཡང་གང་ཞེ་ན། ན་མཿ སརྦ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏདྱ་ཐཱ། ཨོཾ་སརྦ་དུཥྚ་ན་སྟམྦྷ་ཡ་ཧཱུཾ། ན་དི་བ་རཱ་བཱ་ར་ཎི། ཀུ་མཱ་ར་ཀྲཱྀ་ཌ་རཱུ་པ་ཎི་བན་དྷ་བན་དྷ། ས་མ་ཡ་མ་ནུ་སྨ་ར་ཕཊ་ཕཊ་སཝཱཧཱ། འདིས་བསྲུང་བ་བྱས་ནས་ཕྱོགས་རྣམས་བཅིང་བ་དང ། གྲོགས་རྣམས་དང ། དཀྱིལ་འཁོར་དང ། ཐབ་ཁུང་བཅིང་བ་དང ། མ་རུངས་པ་དང ། རབ་ཏུ་མ་རུངས་པ་ཐམས་ཅད་འགུགས་པར་བྱེད་པ་དང ། སྐུད་པ་དཀར་པོ་ལ་ལན་བདུན་བཟླས་ཏེ། རྐེད་པའི་ཕྱོགས་སུ་བཅིངས་ན་ཐམས་ཅད་དུ་འགྲོ་བར་འགྱུར་རོ། །བཟླས་པའི་དུས་ཐམས་ཅད་དང ། ཁྲུས་ཀྱི་དུས་ཐམས་ཅད་དུ་ཡང་བགེགས་མ་རུངས་པ་རྣམ་པར་འཇིག་པ་དང ། རབ་ཏུ་ཞི་བར་བྱ་བའི་ཕྱིར་སྔགས་འདི་འབུམ་ཕྲག་གཅིག་བཟླས་ན་དེས་ནི་ལས་ཐམས་ཅད་བྱེད་པར་འགྱུར་རོ། །གཙུག་ཕུད་ལྔའི་ཕྱག་རྒྱ་ཆེན་པོ་དང་ལྡན་པ་དགོད་པར་བྱའོ། ། ལས་ཐམས་ཅད་ལ་ཐམས་ཅད་དུ་བྱེད་པར་འགྱུར་ཏེ་གཞན་དུ་མ་ཡིན་ནོ། །དེ་ནས་སྒྲུབ་པ་པོ་ས་ས་དང ། ལྕི་བའི་ཕྱེ་མ་ལ་སོགས་པ་བླངས་ཏེ་ཅི་བདེ་བར་ཁྲུས་བྱས་
172b
ཏེ།་སྲོག་ཆགས་མེད་པའི་ཆུས་ཀྱང་བཀྲུས་ཏེ། ལས་ཐམས་ཅད་ལ་ཡང་སྲག་ཆགས་མེད་པའི་ཆུས་བྱའོ། །དེ་ནས་ས་དང ། ལྕི་བའམ། གཞན་ཡང་དྲི་ཞིམ་བོ་དང་ལྡན་པའི་ཡོ་བྱད་ཀྱི་ཁྱད་པར་གྱིས་བྱུགས་ཏེ་དེའི་འོག་ཏུ་ཁྲུས་བྱའོ། །ཆུའི་ནང་དུ་བཤང་གཅི་ཡང་དོར་བར་མི་བྱའོ། །ཆུ་གཏོར་ཞིང་དོར་བར་ཡང་མི་བྱའོ། །ཆུ་ལ་རྩེ་བར་ཡང་མི་བྱའོ། །སྙིང་རྗེས་བདག་དང ། སེམས་ཅན་ཐམས་ཅད་ལ་སོ་སོར་བརྟག་པར་བྱའོ། །བདག་མེད་པ་དང ། སྟོང་པ་དང ། སྡུག་བསྔལ་གྱིས་ཁྱབ་པ། ཚོར་བས་མངོན་པར་གནོད་པ། སྡུག་བསྔལ་ཐོབ་པ་བཞིན་དུ་འགྲོ་བ་དང ། འོང་བའི་སྦྱོར་བས་སྡུག་བསྔལ་བ། དེ་བཞིན་དུ་སེམས་ཅན་སྒྲུབ་པ་དང་བྲལ་བ། སྔགས་རིག་པས་འདི་ལྟ་བུར་འཇིག་པ་དང ། རྣམ་པར་གཡེང་བ་དང ། རྣམ་པར་འཇིག་པ་ལ་སོགས་པའི་སྡུག་བསྔལ་གྱི་ཚོགས་ཀྱིས་ཉེ་བར་ཁྱབ་པ། འཁོར་བའི་རྒྱ་མཚོ་བརྒལ་དཀའ་བ་ལ་གནས་པའི་བདག་ཉིད་དུ་མཐོང་ཞིང་གནས་མེད་པ་དང ། སྐྱོབ་པ་མེད་པ་དང ། སྐྱབས་མེད་པ་དང ། ཤིན་ཏུ་དམན་པའི་ཡིད་ཅན་དུ་བདག་ཉིད་བརྟགས་ལ་སྒོམ་པ་པོས་མི་གང་ཙམ་གྱི་ཆུའམ། ལྟེ་བ་ཙམ་གྱི་ཆུ་ལ་གནས་ཏེ། ཆུ་དེ་ཉིད་ཀྱི་དབུས་སུ་སེམས་རྩེ་གཅིག་ཏུ་ཉེ་བར་གནས་པར་བྱའོ། །དང་པོ་རེ་ཞིག་པདྨ་ཆེན་པོའི་རྩེ་ལག་ལ་མེ་ཏོག་པདྨ་ཆེན་པོ་དང་ལྡན་པ། པདྨ་
173a
༄#། །ཆེན་པོའི་འདབ་མས་ཉེ་བར་མཛེས་པ། བལྟ་ན་སྡུག་པ། སྡོང་བུ་རིན་པོ་ཆེ་བཻ་ཌཱུརྱའི་རང་བཞིན་ལས་བྱུང་བ། པདྨའི་གེ་སར་རིན་པོ་ཆེ་མྲྒད་ལས་གྲུབ་པ་འདབ་མ་སྟོང་ཤེལ་ལས་བྱས་པ། ཤིན་ཏུ་རྣམ་པར་ཁ་ཕྱེ་བ། དེའི་རྗེས་སུ་སྐྱེས་པའི་ཤེལ་དང ། པདྨ་རཱ་གའི་མེ་ཏོག་གིས་མཛེས་པར་བྱས་པ། དེའི་སྟེང་དུ་སེང་གེའི་ཁྲི་རིན་པོ་ཆེའི་རང་བཞིན་ལས་གྲུབ་པ་རིན་པོ་ཆེ་དུ་མས་ཉེ་བར་མཇེས་པ། རས་བཅོས་བུ་ཟུང་གིས་རབ་ཏུ་བཀབ་པ། དེའི་སྟེང་དུ་བཞུགས་པའི་སངས་རྒྱས་བཅོམ་ལྡན་འདས་བསྒོམ་པར་བྱ་སྟེ། ཆོས་འཆད་ཅིང་བཞུགས་པ། གསེར་གྱི་མདོག་ལྟར་སྣང་བ། ཀུན་ནས་འོད་འབར་བའི་ཕྲེང་བ་ཅན། འོད་འདོམ་གང་བའི་ཕྲེང་བ་ཅན། འོད་འདོམ་གང་གི་དཀྱིལ་འཁོར་གྱིས་བརྒྱན་པ། སྐུའི་ཚད་ཆེན་པོ་ནམ་མཁའ་ལ་ཐུག་པ་དང་འདྲ་བ། སྐྱིལ་མོ་ཀྲུང་གིས་བཞུགས་པ། གཡས་སུ་ཡང་འཕགས་པ་འཇམ་དཔལ་རྒྱན་ཐམས་ཅད་ཀྱིས་ཉེ་བར་མཇེས་པར་བྱས་པ། པདྨའི་གདན་ལ་བཞུགས་པ། རྔ་ཡབ་ཐོགས་པ། བཅོམ་ལྡན་འདས་བཞུགས་པའི་ཟུར་ན་གནས་པ། སྐུའི་ཁ་དོག་དམར་སྐྱ་འམ།་གུར་གུམ་བདར་བ་ལྟ་བུའོ། །གཡོན་དུའང་འཕགས་པ་སྤྱན་རས་གཟིགས་དབང་ཕྱུག་ཁ་དོག་སྟོན་ཀའི་ཟླ་རྒྱུ་འདྲ་བ་རྔ་ཡབ་ཐོགས་པ། དེ་བཞིན་དུ་བྱང་ཆུབ་སེམས་
173b
དཔའ་བརྒྱད་ལ་འཕགས་པ་བྱམས་པ་དང ། ཀུན་ཏུ་བཟང་པོ་དང ། སའི་སྙིང་པོ་དང ། ནམ་མཁའ་མཛོད་དང ། སྒྲིབ་པ་ཐམས་ཅད་རྣམ་པར་སེལ་བ་དང ། ངན་སོང་སྦྱོང་བ་དང ། འཕགས་པ་ཕྱག་ན་རྡོ་རྗེ་དང ། ཁམས་བཟང་ཅན་ཏེ། བྱང་ཆུབ་སེམས་དཔའ་བཅུ་པོ་དེ་དག་གི་གཡས་ལོགས་སུ་རང་སངས་རྒྱས་བརྒྱད་བསྒོམ་པར་བྱ་སྟེ། ཙནྡན་དང ། སྤོས་ཀྱི་ངད་ལྡང་དང ། ཏོག་དང ། ལེགས་ཏོག་དང ། ཏོག་དཀར་དང ། འདོད་པ་དང ། ཉེ་བའི་འདོད་པ་དང ། མུ་ཁྱུད་དེ་འདི་བརྒྱད་དོ། །དེ་ཉིད་དུ་ཉན་ཐོས་ཆེན་པོ་བརྒྱད་གནས་པ་ལ།་འདི་ལྟ་སྟེ། འཕགས་པ་མཽད་གལ་གྱི་བུ་ཆེན་པོ་དང ། ཤཱ་རིའི་བུ་དང ། བ་ལང་བདག་དང ། བྷ་ར་དྭ་ཛ་བསོད་སྙོམས་ལེན་དང ། པི་ལིན་དའི་བུ་དང ། འཕགས་པ་སྒྲ་གཅན་འཛིན་དང ། འོད་སྲུང་ཆེན་པོ་དང ། འཕགས་པ་ཀུན་དགའ་བོའོ། །ཉན་ཐོས་ཆེན་པོ་དེ་དག་དང་ཉེ་བར་དགེ་སློང་གི་དགེ་འདུན་མཐའ་ཡས་པ་བསྒོམ་པར་བྱའོ། །རང་སངས་རྒྱས་དང་ཉེ་བ་ན་རང་སངས་རྒྱས་བསམ་གྱིས་མི་ཁྱབ་པ་བསྒོམ་པར་བྱའོ། །བྱང་ཆུབ་སེམས་དཔའ་ཆེན་པོ་བརྒྱད་ཀྱི་གནས་སུ་ཡང་བྱང་ཆུབ་སེམས་དཔའི་དགེ་འདུན་བསམ་གྱིས་མི་ཁྱབ་པ་བསྒོམ་པར་བྱའོ། །དེ་བཞིན་དུ་ནམ་མཁའི་དཀྱིལ་ཐམས་ཅད་དུ་འཁོར་གྱི་དཀྱིལ་འཁོར་ཆེན་པོ་དང་ལྡན་པ་བསྒོམ་པར་བྱ་སྟེ། བདག་ཀྱང་ལྟེ་བ་ཙམ་གྱི་ཆུ་ལ་
174a
༄#། །གནས་བཞིན་དུ་ལྷ་དང ། མིའི་མེ་ཏོག་རྣམ་པ་སྣ་ཚོགས་པ་ལ་མེ་ཏོག་མན་དཱ་ར་བ་དང ། མན་དཱ་ར་བ་ཆེན་པོ་དང ། པདྨ་དང ། པདྨ་ཆེན་པོ་དང ། དྷ་ནུ་སྐ་རི་དང ། བ་ཤི་ཀ་དང ། ུཏྤལ་ལ་སྔོན་པོ་དང ། མེ་ཏོག་རྣམ་པ་སྣ་ཚོགས་ལ་ཚད་ཆེན་པོ་དང ། ཚན་ཆེན་པོར་གྱུར་པའི་རི་རབ་ཙམ་གྱི་མེ་ཏོག་གི་སྙིམ་པས་བཅོམ་ལྡན་འདས་ལ་ཡང་དག་པར་མཆོད་དེ། ཉན་ཐོས་དང ། རང་སངས་རྒྱས་ཐམས་ཅད་དང ། བྱང་ཆུབ་སེམས་དཔའ་རྣམས་ལ་ལྷ་དང ། མིའི་ཕྱེ་མ་དང ། གོས་དང་གདུགས་དང ། རྒྱལ་མཚན་དང ། བ་དན་དག་དང ། མར་མེ་རབ་ཏུ་མང་པོ་བྱ་བ་ཁྲི་ཕྲག་བརྒྱ་སྟོང་ཡིད་དུ་འོང་བས་ཡང་དག་པར་མཆོད་པར་བྱེད་ལ། དེ་བཞིན་དུ་ལྷ་དང ། མིའི་གཏོར་མ་དང ། བདུག་སྤོས་དང ། བཤོས་ལ་སོགས་པ་བསྙེན་བཀུར་ཐམས་ཅད་དང ། ཡོ་བྱད་རྣམས་ཉེ་བར་དབུལ་བར་བྱའོ། །བཅོམ་ལྡན་འདས་ཤཱཀྱ་ཐུབ་པའི་མཛོད་སྤུ་ནས་ཀྱང་འོད་ཟེར་བྱུང་སྟེ། བདག་ཉིད་དང ། ཕྱོགས་ཐམས་ཅད་ཀྱང་སྣང་བས་ཁྱབ་པར་སྒོམ་མོ། །ཟློས་པ་པོ་བསམ་གཏན་ལ་ཞུགས་མ་ཐག་ཏུ་ཚངས་པའི་བསོད་ནམས་དང་མཉམ་པའི་འབྲས་བུ་ཐོབ་པར་འགྱུར། ངེས་པར་བྱང་ཆུབ་ལ་ཡང་གཞོལ་བར་འགྱུར་རོ། །དེ་ལ་སོགས་པའི་བསམ་གཏན་ནི། །འཇིག་རྟེན་གང་ཟག་
174b
མཆོག་གིས་གསུངས། །འབྱུང་པོ་ཀུན་ལ་ལེགས་པ་དང ། །སྔགས་པ་རྣམས་ལ་ཕན་པའི་དོན། །བསམ་གཏན་དེ་ཚེ་དང་པོའི་གཙོས། །སྔགས་པ་རྣམས་ལ་ཕན་དོན་དུ། ། གསུངས་པ་སེམས་ཅན་རྣམས་ལ་ནི། །དེ་ནས་ཐུབ་མཆོག་བདུན་པ་ཡིས། །དཀྱིལ་འཁོར་རྣམ་པ་དེ་ཉིད་ནི། །གང་ཡིན་དང་པོ་ཐུབ་པས་གསུངས། །གཉིས་པ་ཡི་ནི་དཀྱིལ་འཁོར་དང ། །གསུམ་པར་ཡང་ནི་དེ་ལས་གཞན། །དང་པོ་མཆོག་གི་གྲུབ་པ་ཡིན། །གཉིས་པ་དེ་བཞིན་དེ་ལས་གཞན། །ཐ་མ་གྲུབ་པ་ཕྲ་མོ་ཞེས། །ཐུབ་པ་མཆོག་གིས་ངེས་པར་གསུངས།། མཆོག་དང་བར་དང་ཐ་མ་ནི། །དེ་བཞིན་རས་རིས་བར་མ་བསྒོམ། །མདོར་ན་རྣམ་གསུམ་སྒོམ་པ་ནི། །སྡིག་པའི་རྙོག་པ་མ་ལུས་འཇིག་།མཁས་པས་སྒོམ་པའི་རྣམ་པ་ནི། །དེ་ལས་གཞན་དུ་མི་བསྟེན་ཏེ། །སྔགས་རྣམས་དེ་ལ་འགྲུབ་པར་འགྱུར། །བསམ་གཏན་དེ་ལ་རབ་ཏུ་གནས། །ཅི་འདོད་ཆོ་ག་བསྟན་ནས་ནི། །ཟློས་པས་བསམ་གཏན་བྱས་ནས་སུ། །སྔགས་ཀྱི་ལྷ་ནི་གཤེགས་གསོལ་ཏེ། །མཆོད་ཡོན་གསོལ་ནས་ཅི་བདེ་བར། །ཆུ་བཞི་དེ་ལས་བྱུང་ནས་ནི། །ཅི་བདེ་བར་ན་འགྲོ་བར་བྱ། །གནས་ཀྱང་སྔར་ནི་བསྟན་པ་ཡི། །ཆོ་ག་ལེགས་དབེན་མཐོང་བ་ཡི། །སྔགས་པས་སྔགས་ནི་དེ་ཚེ་བཟླ། །ཇི་བཞིན་ལས་ནི་སྔར་བསྟན་པའོ། །རང་གི་ལྷ་ནི་སྤྱན་དྲངས་པ། །དེར་ནི་སྔགས་ཀྱིས་གཤེགས་སུ་གསོལ། །དེ་ནས་རང་ཉིད་བསྲུང་བྱ་
175a
༄#། །ཞིང ། །དེ་བཞིན་གྲོགས་པོ་དག་ཀྱང་བསྲུང ། །དགེ་བའི་ལས་ཀྱི་དེ་ཉིད་ཤེས། །ཆོ་གའི་ལས་ལ་དགའ་ཞིང་འདོག་།བསྟོད་པའི་རྣམ་པ་མང་པོས་མཆོད། ། གང་ཟག་མཆོག་ལ་བསྟོད་ནས་ནི། །རང་སྔགས་སྔགས་ཀྱི་མགོན་པོ་དང ། །ཉན་ཐོས་རང་རྒྱལ་བསེ་རུ་དང ། །བྱང་ཆུབ་སེམས་དཔའ་སེམས་དཔའ་ཆེ། །འཇིག་རྟེན་གསུམ་ལ་རྗེས་གཟུང་མཛོད། །སྔགས་ཟློས་པས་ནི་གནས་དེ་ནས། །དེ་ནས་ཀྱང་ནི་ལངས་ནས་སུ། །གནས་ནི་ཐག་རིང་སོང་ནས་ནི། །ཕྱི་རོལ་རླུང་ནི་རྣམ་སྤངས་པར། །སྣབས་དང་མཆིལ་མ་རྣམ་པར་དོར། །བཤང་དང་གཅི་བའང་དེ་བཞིན་ཏེ། །ཉིན་པར་བྱང་དུ་ཁ་བལྟས་ཏེ། །མཚན་མོ་ལྷོར་ནི་བལྟ་བར་བྱ། །དེར་ནི་དོན་རྣམས་མི་བསམ་སྟེ། །སྔགས་ཟློས་ནམ་ཡང་བྱ་བ་མིན། ། དེར་ནི་སྔགས་ཀྱང་མི་བཟླ་ཞིང ། །ལས་བཅས་རིགས་ཀྱང་བཤད་མ་ཡིན། །རབ་སྔགས་འགྲོས་དང་མཚན་སོགས་ཀྱིས། །དེ་ཚེ་ས་ལ་འདུག་པར་བྱ། །གཙང་ཕྱིར་གོས་མཐའ་ཆུར་གཞུག་བྱ། །ཆུ་གཙང་གིས་ནི་ཉེ་རེག་བྱ། །འབད་པས་རྐང་གཉིས་བཀྲུ་བྱ་སྟེ། །ས་ནི་ཁྱོར་བ་བདུན་བླངས་ནས། །ལན་བདུན་ས་དེ་ཉིད་ཀྱིས་སོ། །བཤང་བ་ལ་ནི་སུམ་ཅུས་བྱ། ། མཆིལ་མ་དོར་དང་དེ་བཞིན་དུ། །སྣབས་དོར་བ་ལ་རེ་རེའོ། །དེ་ནས་ཉེ་རེག་བྱ་བ་ཡིན། །སྒྲ་མེད་དེ་བཞིན་སོང་ནས་ནི། །ལམ་ལ་སོགས་པ་སྤངས་པའོ། །དེ་ནས་གཞན་ཡང་ཅི་
175b
འདོད་པར། །ལྷོ་ཕྱོགས་མཐའ་ནི་ཕྱི་རོལ་ཏུ། །གཡངས་ཞིང་དང་ཚཝ་སྒོ་དང ། །དེ་བཞིན་བྱེ་མས་ཁྱབ་པ་ལ། །ཆུ་བོ་སྤངས་ཤིང་ངོགས་ཀྱང་སྤངས། །མི་གཙང་བ་ཡང་སྤང་བར་བྱ། །རབ་ཏུ་བཀབ་དང་དབེན་ཡིད་ཆེས། །བས་མཐའ་སྐྱེ་བོ་རྣམ་སྤངས་པ། །སྔགས་པས་དེ་འདྲའི་ས་དག་ཏུ། །མི་གཙང་བ་ནི་དོར་བར་བྱ། །སྔགས་ཟློས་དུས་ནི་ཤེས་པ་ཡིས། །ཇི་ལྟར་འདོད་པའི་ཤུགས་དག་མིན། །དེ་ནས་གཙང་མཐའི་ཕྱོགས་སོང་ནས། །བཤང་གཅིའི་བྱ་བ་བྱས་ནས་ནི། །དེ་ནས་གནས་སུ་ཅི་བདེར་གནས། །གསལ་བའམ་དབེན་བའམ་གཡོགས་པ་འམ། །སྐྱེ་བོ་མེད་པའི་ས་ཕྱོགས་སུ། །མི་སྨྲ་ལུས་རེག་སྤངས་ནས་ནི། །རྟག་ཏུ་བཤང་གཅི་བྱ་བ་ཡིན། །བཤང་དང་གཅི་བ་མེད་བྱས་ནས། །སྡོམ་ཅན་གཙང་སྦྲ་རྟག་ཏུ་བྱ། །རེག་ན་འཇམ་དང་འདོད་པ་ཡི། །སྲོག་ཆགས་རྣམ་པར་སྤངས་པ་ཡི། །ས་གསུམ་ཡོངས་སུ་བླངས་ནས་སུ། །གཅིག་གིས་བཤང་བའི་ཕྱོགས་སུ་བྱ། །ས་ཡི་ཆ་གཉིས་དག་གིས་ཀྱང ། །ལག་པ་གཉིས་ནི་བཀྲུ་བར་བྱ། །སྔགས་པས་ས་དག་རྟག་ཏུ་ནི། །སྔར་བསྟན་པ་དག་བླང་བར་བྱ། །འབད་པས་རྐང་གཡོན་བཀྲུ་བྱ་སྟེ། །དེ་ནས་གཡས་པ་བཀྲུ་བར་བྱ། །ཕན་ཚུན་ཉིད་དུ་བཤིབས་ནས་ནི། །ཟློས་པས་རྐང་པ་བཀྲུ་བར་བྱ། །སྔགས་ཟློས་པས་ནི་གཙང་སྦྲ་དག་།སྔར་ནི་རྒྱ་ཆེན་བསྟན་པ་ཡིན། །དྲི་ང་མེད་པའི་གཙང་སྦྲ་ཡང ། །ཐུབ་པས་སྔར་ནི་བསྟན་པ་ཡིན། །
176a
༄#། །སྔགས་ཟློས་པ་ཡི་གཙང་སྦྲ་ནི། །འདིར་ནི་མདོར་བསྡུས་བསྟན་པ་ཡིན། །དྲི་མ་བྲལ་བའི་གཙང་སྦྲ་ཡི། །གཙང་སྦྲ་ཉིད་ནི་རྟག་ཏུ་བྱ། །རྒྱུད་རྣམས་ཀུན་ལ་སྣང་བ་ཞེས། །ཐུབ་པའི་དབང་པོས་གསུངས་པ་ཡིན། །དེ་ནས་འདོད་པས་ཉེ་རེག་བྱ། །སྡོམ་ཅན་གྱིས་གྲུབ་ལས་ཀྱང་བྱ། །སྔར་བསྟན་པ་ཡི་ཆོ་ག་ཡིས། །ཡིད་ནི་ནང་གི་དག་པ་ཡིན།། རྒྱུད་རྣམས་ཀུན་ལ་བསྔགས་པ་ཡི། །གཙང་སྦྲ་ལྔ་ཡི་ཆོ་ག་གསུངས། །ལུས་ཀྱི་དག་དང་ངག་དག་དང ། །ཡིད་ཀྱི་དག་པ་ཡིན་པར་བསྟན། །བཞི་བ་བདེན་པའི་དག་པ་སྟེ། །ཆུ་ཡི་དག་པ་ལྔ་པར་བཤད། །བདེན་པའི་ཆོས་ཅན་ཁྲོ་བ་ཐུལ། །དེ་ཉིད་ཤེས་ཤིང་བསྟན་བཅོས་མཐོང ། །ཕྲ་བའི་དེ་ཉིད་དོན་ལ་མཁས། །སྔགས་ཤེས་ལས་ལ་གྲགས་པ་དང ། ། ཕྱི་དང་ནང་ལ་མཁས་པ་དག་།དེ་ལ་དངོས་གྲུབ་རྙེད་མི་དཀའ། །བདེན་པའི་ཆོས་ནི་རྣམ་སྤངས་པའི། །རྫུན་གྱི་ཚིག་ནི་སྨྲ་མི་བྱ། །དེ་ཉིད་ཐམས་ཅད་རྣམ་སྤངས་པའི། །མ་རུངས་རབ་ཏུ་མ་རུངས་དང ། །རྣམ་པར་སྡང་དང་འཁྲུག་བཅས་དང ། །རྩུབ་དང་གནད་རྣམས་སྨྲ་བ་དང ། །བདེན་བའི་ཆོས་ནི་རྣམ་ཉམས་པ། །སེམས་ཅན་གཞན་ལ་གནོད་བྱེད་པ། །ཕྲ་མ་ཉོན་མོངས་ཅན་སེམས་དང ། །ཆོས་ཀུན་རྣམ་པར་སྤངས་པ་དང ། །རྟག་ཏུ་འཚེ་བའི་བདག་ཉིད་དང ། །ཁྲིམས་འཆལ་ཆོས་མིན་སྤྱོད་པ་དང ། །ཟློས་པའི་སྔགས་པས་རྟག་ཏུ་སྤང་།།
176b
གྲོང་གི་ཆོས་དང་དེ་བཞིན་ནོ། །ཁྲོ་བ་ལོག་པར་འབྱུང་བ་ཡི། །འཇིག་རྟེན་ཕ་རོལ་འཇིགས་རྣམས་ལ། །སངས་རྒྱས་བྱང་ཆུབ་སེམས་དཔའ་དང ། །བློ་ལྡན་རྣམས་ཀྱིས་ཡོངས་སུ་སྨད། ། རྟག་ཏུ་རང་རྒྱལ་བསེ་རུ་དང ། །ཉན་ཐོས་ཀྱིས་ཀྱང་རྟག་ཏུ་སྨད། །བརྫུན་པ་དེ་བཞིན་འཇིག་རྟེན་ན། །ས་སྟེང་གྲུབ་པ་འདོད་རྣམས་ལའོ། །བརྫུན་པ་ཉེ་བར་སྨྲ་བ་དག་།ཤིན་ཏུ་མི་བཟད་དམྱལ་བར་འགྲོ་།དེ་བཞིན་དུད་འགྲོ་ཡི་དྭགས་དང ། །གཤིན་རྗེའི་འཇིག་རྟེན་རྟག་ཏུ་འགྲོ་།རྫུན་ནི་ཉེ་བར་སྨྲ་བ་ཡིས། །དེར་ནི་རྟག་ཏུ་གནས་པ་ཡིན། །བློ་ངན་མི་བཟད་ལྟུང་བ་ནི། །ཐིག་ནག་རབ་ཏུ་ཚ་བ་དང ། །ཡང་སོས་རལ་གྲིའི་ལོ་མ་དང ། །དེ་བཞིན་ཤལ་མ་ལི་ནགས་སུ། །རྫུན་སྨྲ་བ་ཡི་གང་ཟག་ནི། །བསྐལ་པ་མང་པོར་དེར་གནས་སོ། །ལོག་པར་སྨྲ་བར་གྱུར་བ་དང ། །རྨོངས་པས་ལོག་པར་བརྗོད་པ་ཡིས། །འབྱུང་པོ་རྣམས་ལས་སླུ་བྱེད་པ། །དེ་ལ་སྔགས་གྲུབ་ག་ལ་ཡོད། །དེས་ན་རྨོངས་པའི་ལས་དེ་ཡིས། །སྔགས་ནི་གྲུབ་པར་མ་མཐོང་ནས། །འདི་སྐད་དུ་ནི་ཚིག་སྨྲ་བ། །སྔགས་ལ་གྲུབ་པ་མེད་དོ་ཞེས། །དེ་སྐད་ཀྱི་ནི་ཚིག་སྨྲ་བ། །གང་གིས་སངས་རྒྱས་བསྟན་པ་འདི། །ས་སྟེང་འདིར་ནི་སྤངས་པ་ཡིན། །བསྐལ་བ་བྱེ་བ་མང་པོར་ཡང ། །དེ་ལ་གྲུབ་པ་ག་ལ་ཡོད། །དེས་ན་མི་བཟད་དམྱལ་བར་འཚེད། །མནར་མེད་འཇིགས་པ་ཆེན་པོ་དང ། །ཡང་སོས་དང་ནི་ཐིག་ནག་དང ། །རབ་ཏུ་ཚ་བའི་དམྱལ་བར་ནི། །དམ་པའི་ཆོས་ལ་བརྙས་པ་ཡིས། །དེར་ནི་བསྐལ་པ་ཆེན་
177a
༄#། །པོར་གནས། །གང་ཡང་དམྱལ་བ་མི་བཟད་པར། །བྱིས་པའི་སྐྱེ་བོ་འཚེད་བྱེད་པ། །དམ་པའི་ཆོས་ལ་བརྙས་བྱེད་དང ། །ཞེ་སྡང་མུན་པས་བསྒྲིབས་པའོ། ། མི་ཤེས་བྱིས་པའི་ངོ་བོའམ། །རྨོངས་པ་ལོག་པའི་ང་རྒྱལ་གྱིས། །རིག་པའི་རྒྱལ་པོ་བརྙས་བྱེད་པ། །མི་བཟད་དམྱལ་བར་འགྱུར་བ་ཡིན། །དེ་བས་སྡིག་པ་མི་བྱ་ཞིང ། །ལོག་བར་སྨྲ་བའང་སྨད་པ་དང ། །དམ་པའི་ཆོས་ཀྱང་མི་བརྙས་ཤིང ། །ལྟ་བ་ལོག་པའང་སྨད་པར་བྱ། །དེ་བས་རྟག་ཏུ་དད་གྱུར་ནས། །སྔགས་ཀྱི་ཆོ་ག་རྟག་ཏུ་བསྟེན། །ཆོས་ཤེས་བདེན་པར་སྨྲ་བ་དང ། །སེམས་ཅན་རྣམས་ལ་ཕན་པར་དགའ། །སྔགས་དང་སྔགས་ཤེས་བསྟེན་གྱུར་པ། །ངེས་པར་དེ་ལ་གྲུབ་པ་ཡིན། །མཆོག་དང་བར་མ་ཐ་མ་ལས། །རྣམ་པ་སྣ་ཚོགས་ལས་བྱེད་དེ། །ལས་ནི་བྱ་བས་བྱེད་པ་སྟེ། །བྱ་བ་མི་བྱེད་རྟག་ཏུ་ནི། །བྱ་བ་ལས་ནི་ལྡན་པ་ལས། །རྟག་ཏུ་དེ་ལས་གྲུབ་པར་འགྱུར། །བྱ་ཕྱིར་ལས་རྣམས་ཐམས་ཅད་ཕྱིར། །ལས་ཕྱིར་རྟག་ཏུ་བྱ་བ་ཡིན། །བྱ་བའི་དོན་དུ་བྱ་བ་མིན། །བྱ་བ་ལས་ལ་སྦྱར་བ་ཡིན། །དོན་བཅས་ཉིད་ཀྱི་བྱ་བ་ལ། །བྱ་བ་ཉིད་ཀྱིས་རྟག་ཏུ་བྱ། །བྱ་བ་ལས་དང་འབྲས་བུ་ཉིད། །བྱ་བ་ལས་འབྲས་རྟག་ཏུ་བྱ། །འབྲས་མེད་པ་ལས་འབྲས་འབྱུང་ཞིང ། །འབྲས་བུ་ཉིད་ཀྱང་རྟག་འབྲས་འགྱུར། །འབྲས་མེད་འབྲས་བུར་བཅས་པ་ཡང ། །ཐམས་ཅད་འབྲས་བུ་ཁོ་ནར་འགྱུར། །ཡང་དག་
177b
ལྡན་པས་སྔགས་གྲུབ་སྟེ། །ཡང་དག་ལྡན་པས་སྔགས་གྲུབ་པའོ། །ལྡན་པས་རྣམ་པར་བྲལ་བ་ནི། །མི་ལྡན་ལྡན་པ་གྲུབ་པ་མིན། །བསྒྲུབ་བྱ་སྒྲུབ་པ་མེད་པ་ནི། །དེ་ལ་གྲུབ་པ་མི་འགྲུབ་བོ། ། གྲུབ་པའི་རྫས་ནི་ཐམས་ཅད་ཀྱང ། །གྲུབ་པའི་རྒྱུ་དང་འགལ་བ་ཡིན། །སྔགས་པ་མ་གྲུབ་སྒྲུབ་བྱེད་པ། །སྔགས་ནི་སྒྲུབ་པར་བྱེད་པ་མིན། །བྱེད་པ་རབ་འདོད་ལས་ཡིན་ཏེ། །ལས་ལ་འདོད་པ་བྱ་བར་འདོད། །ལས་མིན་ལས་ནི་ཐམས་ཅད་ལ། །ལས་ཀྱི་རྒྱུར་ནི་མི་བྱའོ། །སྔགས་དང་རྒྱུད་ཀྱི་དོན་ལྡན་པའི། །འབྲས་བཅས་ལས་ནི་བརྩམ་པར་བྱ། །བརྩམ་པའི་ལས་ནི་བརྩམ་པར་བྱ། །ལས་མེད་ཉིད་ལ་བརྩམ་མི་བྱ། །མ་བརྩམས་བྱ་བའི་སྔགས་རྣམས་ནི། །ལུས་ཅན་ཀུན་ལ་འགྲུབ་མི་འགྱུར། །སེམས་ཅན་ཀུན་ལ་ཐུགས་བརྩེ་བས། །ཐུབ་པ་མཆོག་གིས་སྔོན་གསུངས་པ། །སྔགས་ནི་རྒྱུ་ཡི་སྒོ་དག་ནས། །རྒྱལ་བའི་སྲས་ལ་དམ་ཚིག་བཤད། །སྒྲུབ་པ་སྔགས་ནི་ཀུན་ཤེས་ཤིང ། །སྔགས་ཀྱི་རྒྱལ་པོ་མཆོག་འདི་ནི། །སྔགས་ཀྱི་ཚུལ་དུ་བསྟན་པ་ཡིན། །ཡང་དག་རྫོགས་ལམ་རྒྱུད་ཡིན་པས། །གང་དུ་རིགས་པ་རྟགས་ཡོད་ལ། །སྔགས་རྣམས་ཐམས་ཅད་འགྲུབ་པར་འགྱུར། །དུས་ནི་རིང་པོ་མི་ཐོགས་པར། །མཁས་པའི་གྲུབ་པ་ཐོབ་པ་ཡིན། །འབྱུང་པོ་རྣམས་ལ་ཞི་དོན་དུ། །རྫོགས་སངས་རྒྱས་ཀྱིས་རབ་ཏུ་བསྟན། །ལམ་ཡང་སྔགས་ཀྱི་ཚུལ་གྱིས་ནི། །མྱ་ངན་འདས་གྲོང་འགྲོ་བ་ཡིན། །
178a
༄#། །དེ་བཞིན་རྟག་ཏུ་བྱང་ཆུབ་ལམ། །ལས་དོན་ཐམས་ཅད་རྫོགས་པར་བྱེད། །དེ་ཡི་མཐར་ཐུག་དཔུང་གཉེན་ནི། །དང་པོའི་གནས་ནི་སངས་རྒྱས་ཉིད། ། དེ་བཞིན་འབད་མེད་གྲུབ་པ་ནི། །འདི་ལས་འབྲས་བཅས་ཐོབ་པ་ཡིན། །སྣ་ཚོགས་ལས་དང་ལས་ཤེས་ཡིན། །སྔགས་བཟླས་དག་ནི་བྱེད་པར་འགྱུར། །ཚུལ་ཁྲིམས་བསམ་གཏན་རྣམ་ཐར་རྣམས། །མདོར་བསྡུས་འདི་ཡིས་ཐོབ་པ་སྟེ། །དོན་ཀུན་སྒྲུབ་བྱེད་གྲུབ་པ་སྟེ། །རྒྱལ་བ་མཆོག་གིས་གསུངས་པ་ཡིན། །ནོར་རྣམས་རྒྱས་པར་ཐོབ་འགྱུར་ཏེ། ། དམ་པའི་འགྲོ་བར་གནས་པ་དང ། །དེ་བཞིན་རྟག་ཏུ་གནོད་སྦྱིན་སྤྱན། །ལྷ་མིའི་རྒྱལ་སྲིད་བྱེད་པར་འགྱུར། །མི་ལྷ་ལྷ་མིན་འཇིག་རྟེན་གྱི། །དེ་བཞིན་བདག་པོ་ཐོབ་གྱུར་ཏེ། ། བདག་པོ་མ་ལུས་དེ་དག་གི། །སྔགས་པས་ཐམས་ཅད་ཐོབ་པ་དང ། །འབྲས་བཅས་བྱ་བ་བྱེད་པར་འགྱུར། །གཙང་སྦྲའི་སྤྱོད་དང་ལྡན་པ་དང ། །ཚུལ་ཁྲིམས་བསམ་གཏན་རྟག་ཏུ་དགའ། །རྒྱུད་རྣམས་ཀུན་ལས་གསུངས་པ་ཡི། །སྔགས་པས་རྟག་ཏུ་བཟླས་པ་བྱ། །སྔགས་པ་འབྱོར་པ་འདོད་པ་ཡིས། །ལས་རྣམས་སྣ་ཚོགས་བྱ་བ་སྟེ། །དེ་བཞིན་མཆོག་དང་བར་མ་དང ། །ཐ་མ་ཉིད་ཀྱང་བྱ་བ་ཡིན། །ཐ་མས་ལོངས་སྤྱོད་འཕེལ་བའི་གནས། །འབྲིང་གིས་གོང་མའི་ལུས་ཐོབ་ཅིང ། །མཆོག་གིས་རབ་ཏུ་འགྲོ་བ་སྟེ། །ཟློས་པས་
178b
རྟག་ཏུ་ཐོབ་པར་འགྱུར། །སྔགས་པས་ཟློས་མཐར་ངལ་བསོ་ཞིང ། །ཇི་སྲིད་དུས་སུ་བསྡད་པར་བྱ། །ཟློས་པས་དུས་ལ་བབ་པ་ན། །དེར་ནི་བསྒྲུབ་པར་བྱ་བ་ཡིན། །དེ་ལྟ་མོད་ཀྱི་དེ་ལ་སྔགས་པས་ལས་རྣམས་སྒྲུབ་པ་ན་དེར་རྟག་ཏུ་བཟླས་ན། སྐྱེས་བུ་རྣམས་ཀྱི་སྡིག་པ་ཟད་པར་བྱེད་ཅིང་ལས་རྣམ་པ་སྣ་ཚོགས་སྐྱེ་བ་རྒྱུད་པ་དག་ཏུ་གང་དུ་གང་བྱས་པ་དེ་དག་ལ་གྲུབ་པ་གནས་པར་ནམ་ཞིག་འགྱུར་ཞེ་ན། སྐྱེས་བུས་ཇི་སྲིད་ཚོགས་པ་རྙེད་པ་ན་སྔགས་པའི་ངོ་བོས་སྔགས་བཟླས་པ་ན་སྡིག་པ་ཟད་པའི་དོན་དང ། ལས་བསྲབས་པས་སྔགས་འགྲུབ་པར་འགྱུར་ཏེ། དེ་བཞིན་དུ་མཆོག་དང ། བར་མ་དང ། ཐ་མ་དང ། འཇིག་རྟེན་གྱིས་མཆོད་པ་དང ། བཟླས་པས་སྡིག་པ་མཐའ་དག་ཟད་པར་བྱེད་ཅིང་ལུས་ཅན་ཐམས་ཅད་ཀྱི་སྐྱེ་བ་བརྒྱུད་པ་དག་ཏུ་གང་བྱས་པའི་སྡིག་པ་དེ་དག་ཐམས་ཅད་འཇིག་པར་བྱེད་དེ། དེ་བཞིན་གཤེགས་པ་རྣམས་ཀྱི་སྔགས་བཟླས་ན་ལུས་རྒྱན་རྣམ་པ་སྣ་ཚོགས་ཀྱིས་བརྒྱན་པ་ཡིད་དགའ་ཞིང་ཡོན་ཏན་ཐམས་ཅད་ཀྱིས་གྲགས་པར་འགྱུར་བ་དང ། གནོད་སྦྱིན་གྱི་ཚོགས་ཀྱི་རྒྱལ་པོ་ཉིད་དང ། རྟག་ཏུ་དོན་ཐམས་ཅད་ཐོབ་པ་དང་ལྡན་པ་ཡིན་ནོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་རབ་འབྱམས་ལས། སྒྲུབ་པའི་ཐབས་ཀྱི་ལས་ཀྱི་གནས་བཞི་པ་ལས་བཟླས་པ་དང ། ངེས་པར་སྡོམ་པ་དང །
179a
༄#། །སྦྱིན་སྲེག་དང ། བསམ་གཏན་དང ། གཙང་སྦྲའི་སྤྱོད་པ་དང ། ལས་ཐམས་ཅད་ཀྱི་ཆོ་ག་སྒྲུབ་པའི་ལེའུ་རབ་འབྱམས་བཅུ་གཅིག་པ་རྫོགས་སོ།། །། དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ཉོན་ཅིག་།ཁྱོད་ཀྱི་རིག་པའི་སྔགས་རྗེས་སུ་སྤྱོད་པ། སེམས་ཅན་ཐམས་ཅད་ཀྱི་དོན་ལ་རྗེས་སུ་བརྩོན་པ། སེམས་ཅན་རྣམས་གང་ཟློས་པར་བྱེད་པ་དང ། གང་གིས་ཟློས་པར་བྱད་པ་དང ། དེའི་ཕྲེང་བའི་ཆོ་ག་དེ་ཐམས་ཅད་རྒྱུད་ཐམས་ཅད་ཀྱི་སྤྱི་སྔགས་ཐམས་ཅད་ཀྱི་སྒྲུབ་པའི་ཐབས་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་།དེ་སྐད་ཅེས་བཀའ་སྩལ་བ་དང ། འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། །ལེགས་སོ། །ལེགས་སོ། །བདག་ལ་ཐུགས་བརྩེ་བའི་དོན་དང ། སྔགས་ཐམས་ཅད་ཀྱི་སྤྱོད་པ་དང ། དམ་ཚིག་ལ་ཞུགས་པ་རྣམས་ཀྱིས་སེམས་ཅན་རྣམས་ཀྱི་སླད་དུ་དེ་བཤད་དུ་གསོལ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཉོན་ཅིག་།རྣམ་པར་དབྱེ་བ་རྒྱ་ཆེར་བཤད་པར་བྱ་སྟེ། སྔགས་ཐམས་ཅད་ཀྱི་
179b
སྤྱོད་པ་ལ་མངོན་བར་བརྩོན་པ་ན་སེམས་ཅན་ཐམས་ཅད་ཀྱི་དོན་སྒྲུབ་པར་བྱེད་དེ། དང་པོར་རེ་ཞིག་སྔགས་སུ་འགྱུར་བ་དེ་གང་ཞེ་ན། ན་མཿ སརྦ་བུད་དྷཱ་ནཱ། ཨ་ཙིན་ཏྱད་བྷུ་ཏ་རཱུ་པཱི་ཎཱཾ། ཏདྱ་ཐཱ། ཨོཾ་ཀུ་རུ་ཀུ་རུ། སརྦཱ་རྣྲཱ་ན་སཱ་དྷ་ཡ། སརྦ་དུཥྚའཾ་བི་མོ་ཧ་ནི། ག་ག་ནཱ་བི་ལམྦེ་བི་ཤོ་དྷ་ཡ་སཝཱཧཱ། སྔགས་འདིས་ཕྲེང་བ་ཐམས་ཅད་ལ་ལས་བྱའོ། །སྦྱང་བ་དང ། དགུག་པ་དང ། བླང་བ་དང ། རྒྱུ་བ་ལ་སོགས་པའི་ལས་བྱའོ། །དང་པོ་ཕྲེང་བའི་ཤིང་ལ་ནི། །སྔགས་ཀྱིས་ལན་གྲངས་ཉི་ཤུ་བདུན། །མངོན་པར་སྔགས་པ་བྱས་ནས་ནི། །སྡོམ་བརྩོན་རྟག་ཏུ་བསྲུང་བ་བྱ། །མཚན་གཅིག་དེར་ནི་ཉལ་བྱས་ན། །རྨི་ལམ་ནང་དུ་དེས་མཐོང་བ། །མི་མ་ཡིན་གཟུགས་གྲུབ་པ་ནི། །མི་སྡུག་མཆེ་བ་གཙིགས་པའོ། །སྔགས་པ་ལ་ནི་དེས་སྨྲས་པ། །ནོར་ནི་ཅི་འདོད་ཁྱེར་ཅིག་ཅེས། །སྒྲུབ་བྱེད་ནང་པར་ལངས་ནས་ནི། །ཤིང་དེ་ལས་ནི་འགྲོ་བར་བྱེད། །སྔགས་པས་ཤིང་དེ་བོར་ནས་ནི། །གཞན་དག་ཏུ་ནི་འགྲོ་བྱེད་ན། །མི་སྡུག་གཟུགས་ནི་འཇིགས་བྱེད་པ། །རྨི་ལམ་དུ་ཡང་མཐོང་མི་འགྱུར།། དང་པོ་རུ་དྲཱ་ཀྵ་ཡིན་ཏེ། །ིན་དྲཱཀྵ་ནི་གཉིས་པ་ཡིན། །ཐ་མ་བོ་དེ་ཙེ་ཡིན་ལ། །གཞན་ཡང་འབྲས་བུ་ཡོད་པའོ། །ཤིང་ལ་ལེགས་པར་འཛེག་མཁས་པའི། །གྲོགས་དང་ལྷན་ཅིག་འཛེག་པར་བྱ། །གྲོགས་པོ་མེད་པར་གྱུར་ན་ནི། །རང་ཉིད་དེ་ལ་འཛེག་པར་བྱ། །སྟེང་གི་ཡལ་གའི་འབྲས་གནས་སུ། །སྡོམས་བརྩོན་བརྟུལ་བཞུགས་ཅན་འཛེགས་ཏེ། །རྟག་ཏུ་དེ་ལ་བག་ཡོད་
180a
༄#། །པས། །སྟེང་གི་ཡལ་ག་ལ་བྱུང་ནས། །ཡལ་གའི་སྟེང་གི་འབྲས་བླངས་ཏེ། །སྟེང་གི་ལས་ལ་སྦྱར་བར་བྱ། །སྟེང་གི་གྲུབ་པ་མཆོག་ཏུ་ནི། །གང་ཟག་མཆོག་གིས་གསུངས་པ་ཡིན། །བར་མ་བར་མའི་གྲུབ་པ་སྟེ། །གྲུབ་པ་ཐ་མའང་ཐ་མ་ཡིན། །རྟག་ཏུ་སྲོག་ཆགས་མ་ཟོས་པའི། །འབྲས་བུ་ཡང་དག་བླང་བར་བྱ། །ནུབ་ཀྱི་ཡལ་ག་ལས་ཐོབ་པ། ། རྫས་ཀྱི་རྒྱུར་ནི་གྲུབ་པ་ཡིན། །བྱང་གི་གནོད་སྦྱིན་ལ་སོགས་དང ། །ལྷ་རྣམས་རྟག་ཏུ་འགུགས་པར་བྱེད། །སྐད་ཅིག་འགུགས་པར་བྱེད་བསྟེན་པའི། །འབྱུང་པོ་ཐམས་ཅད་ཞི་ཕྱིར་དང ། །ལྷ་དང་ལྷ་མིན་དྲི་ཟ་དང ། །མི་འམ་ཅི་དང་སྲིན་པོ་རྣམས། །དབང་དུ་བྱ་བའི་ལས་བྱེད་དེ། །འབྱུང་པོ་ཀུན་ཡང་རྒྱས་པར་བྱེད། །དོན་ཡོད་ལས་ནི་བྱེད་པ་སྟེ། །ལས་རྣམས་སྣ་ཚོགས་མ་ལུས་བྱེད། །ཤར་ཕྱོགས་ཡལ་ག་ལ་སྐྱེས་ཤིང ། །ཡང་དག་འབྱུང་བའི་འབྲས་བུ་ནི། དེ་ཚེ་འབད་དེ་བྱས་གྱུར་ན། །ཚེ་ནི་རིང་བའི་རྒྱུ་ཡང་ཡིན། །རྟག་ཏུ་སྔགས་གྲུབ་འབྲས་བུ་ནི། །རྣམ་པ་སྣ་ཚོགས་བྱེད་པ་ཡིན། །གང་ཞིག་ལྷོར་ནི་འགྲོ་བ་ཡི། །ཡལ་ག་ལོ་མར་རབ་ལྡན་པའི། །སྔགས་པས་དེ་ནི་འབད་དེ་སྤང ། །སེམས་ཅན་རྣམས་ཀྱི་སྲོག་འཕྲོག་བྱེད། །ལྷོར་བསྟན་པ་ཡི་ཡལ་ག་དང ། །འབྲས་བུ་གང་དག་སྐྱེས་པ་ནི། །བླངས་ན་གདུང་བྱེད་དགྲ་རྣམས་ཀྱི། །སྲོག་ནི་འཇིག་པར་བྱེད་པ་ཡིན། །ཟློས་པས་འབད་དེ་སྤང་བར་བྱ། །
180b
བསོད་ནམས་མ་ཡིན་མང་པོའི་རྒྱུ། །ཡལ་ག་འོག་ཏུ་འཕྱང་གནས་ལ། །འབྲས་བུ་གང་ཞིག་རབ་བསྒྲགས་པ། །ལྷ་མིན་བུ་མོ་གནས་པ་ཡི། །ས་ཡི་འོག་ཏུ་འགྲོ་བར་འགྱུར། །དེ་ཡི་འབྲས་བུའི་ཕྲེང་བ་ནི། །བླངས་ནས་འོག་ཏུ་འགྲོ་བརྟེན་པ། །ས་ཡི་འོག་ཏུ་གནས་པར་ནི། །དེས་ན་དེ་ནི་འགྲོ་བར་བྱེད། །དེར་ཞུགས་ལྷ་ཡི་བདེ་བ་ནི། །ཟློས་པས་ཐོབ་བར་འགྱུར་བ་ཡིན། ། ལྷ་མིན་བུ་མོ་ཆགས་བཞིན་དུ། །བསྐལ་པར་དེ་ནི་གནས་པར་བྱེད། །མེ་ཏོག་ཕྲེང་བ་ཀུན་བླངས་ནས། །དེ་ནས་ཟློས་པ་སླར་ལོག་བྱ། །གྲོགས་དང་ལྷན་ཅིག་བསྲུང་བྱས་ནས། །དེ་ནས་ཇི་ལྟར་བདེ་བར་འགྲོ་།གནས་ནས་ཐག་རིང་སོང་ནས་ནི། །དེ་བཞིན་གཙང་ཕྱོགས་ཆོ་ག་བཞིན། །དེ་ནས་སྔགས་པས་རྟག་ཏུ་འདུག་།ཕྲེང་བ་ཡོངས་སུ་སྦྱང་བར་བྱ། །བརྩོན་པས་ཕྲེང་བའི་འབྲས་བླངས་ཏེ། །ཀུན་ནས་ཡོངས་སུ་དག་བྱས་ནས། །སྔགས་པ་བཟང་པོས་ཕྲེང་བ་དབུག་།གསུམ་བདུན་བརྒྱད་དང་གཅིག་གམ་ནི། །ཉི་ཤུ་དང་ནི་རྩ་གཅིག་ཏུ། །སྔགས་ཀྱི་དེ་ཉིད་ཤེས་པས་བཀྲུ། །སྔ་མའི་སྔགས་ཀྱིས་རྟག་ཏུ་ཡང ། །བདུན་ནམ་བརྒྱད་དུ་བཟླས་པར་བྱ། །དེ་ནས་དག་པར་ཡང་དག་འདོད། །པདྨའི་རྩ་ལག་དག་ལས་ནི། །བུ་མོས་བཀལ་བའི་སྐུད་པ་དག་།གསུམ་དང་ལྔ་ལྔ་བ་བྱས་པ་ཡི། །སྡོམ་ཅན་གྱིས་ནི་ཕྲེང་སྐུད་བྱ། །སྔགས་ཀྱི་དེ་ཉིད་ཤེས་པས་བརྒྱུ། །འབྲུ་ནི་ཕྲ་ཞིང་ཤིན་ཏུ་ཟླུམ། །རྟག་ཏུ་སྲོག་ཆགས་
181a
༄#། །བུ་ག་མེད། །ལེགས་འཇམ་སྨད་བའང་མེད་པ་ཡིན། །མཛེས་དང་ཁ་དོག་མཛེས་པ་དང ། །དེ་བཞིན་གས་མེད་བུ་ག་མེད། །རུ་དྲཱ་ཀྵ་དང་བོ་དེ་ཅེ། །ིན་དྲཱ་ཀྵ་ཡི་འབྲས་བུ་ཉིད། །རྟག་ཏུ་ལུང་ཏང་མཛེས་པ་དང ། །གཞན་ཡང་འབྲས་བུ་འདོད་པ་དག་།འབད་པ་ཡིས་ནི་ཕྲེང་བ་དག་།སྔགས་པས་བརྩོན་བྱས་དེ་ཚེ་བརྒྱུ། །གསེར་རམ་ཡང་ན་དངུལ་དག་གམ། །ནོར་བུ་ཤེལ་ལས་བྱས་པ་དང ། །དུང་དང་མུ་སར་དག་དང ། །མུ་ཏིག་ལས་ཀྱང་བྱ་བ་ཡིན། །བྱུ་རུ་རྣམ་པ་སྣ་ཚོགས་ཀྱི། །ཕྲེང་བ་དག་ཀྱང་བྱ་བ་ཡིན། །གཞན་ཡང་རིན་ཆེན་བཟང་པོ་ཡི། །ཕྲེང་བ་ལེགས་པར་རབ་ཏུ་བྱ། །ས་ནི་རབ་བཟླུམས་རིལ་བུ་དག་།མཉམ་པར་གཞག་ནས་སྐུད་པས་བརྒྱུ། །གཞན་ཡང་རིལ་བུ་ཅུང་ཟད་གང ། །འབྲས་བུ་འབྱུང་ཁུང་དག་ལས་བྱ། །ཀུ་ཤའི་རྩེ་མོའི་མདུད་པས་ཀྱང ། །སྔགས་པས་འབད་དེ་བྱ་བ་ཡིན། །བརྒྱ་རྩེ་བརྒྱད་དམ་ཉི་ཤུ་འམ། །ལྔ་བཅུ་ཉིད་ནི་བར་མ་ཡིན། །སྔགས་པ་མཉམ་པར་བཞག་ནས་ནི། །ཚད་འདིས་ཕྲེང་བ་བརྒྱུ་བ་ཡིན། །རྩ་བརྒྱད་སྟོང་དུ་བྱ་བ་ནི། །ཕྲེང་བའི་མཆོག་ཏུ་བྱ་བ་ཡིན། །ཕྲེང་བའི་རྣམ་པ་འདི་བཞི་ཡང ། །སྔགས་པས་རྟག་ཏུ་བརྒྱུ་བ་ཡིན། །དེ་ལྟར་བརྒྱུ་བ་བྱས་ནས་ནི། །རིམ་པ་གསུམ་མམ་གཉིས་སུ་བྱ། །ལྕགས་བཟང་རང་བཞིན་གདུ་བུར་བྱ། །དེ་བཞིན་གསེར་དངུལ་དག་དང་ནི། །དེ་བཞིན་
181b
ཟངས་མའི་གདུ་བུ་ཡིས། །ཕྲེང་བ་ཀུན་ཡང་བཅིང་བར་བྱ། །དེ་ནས་ཡང་མིག་ཀུན་མཐར་ནི། །ཀུན་ལའང་དེ་བཞིན་གདགས་པར་བྱ། །འབད་པས་དམ་དུ་བཅིང་བྱ་སྟེ། །ཇི་ལྟར་དམ་པོར་འགྱུར་བར་རོ། །ཡོངས་སུ་གསལ་བར་བྱས་ནས་ནི། །དཀྱིལ་འཁོར་ལྟ་བུར་མཐོང་བ་ཡིན། །དེ་ལྟར་སྦྲུལ་གྱི་གདེངས་ཀ་ལྟར། །ཡོངས་སུ་འཁོར་བས་བརྒྱན་པ་ཡིན། །མུ་ཏིག་ཕྲེང་བ་འདྲ་བ་ཡིས། །མགུལ་པ་བརྒྱན་པ་ལྟ་བུར་བྱ། །ཆུ་བོ་དག་ནི་དྲི་མེད་པའི། །ཆུ་གཙང་དག་གིས་ཁྲུས་བྱ་ཞིང ། །ཇི་ལྟར་གོ་རིམས་ཁྲུས་བྱས་ནས། །ཆུ་བཞི་ལས་ནི་ལྡང་ནས་སུ། །འབད་པས་དེ་བཞིན་ཉེ་རེག་བྱ། །ཕྲེང་བ་རྗེ་སུ་བླངས་ནས་ནི། །བ་ཡི་རྣམ་ལྔས་རབ་ཏུ་བཀྲུ་།དེ་བཞིན་ས་ཡི་ཕྱེ་མ་དང ། །ཆུ་གཙང་དག་གིས་རབ་བཀྲུས་ཏེ། །དྲི་ཞིམ་དག་གིས་རྗེས་བྱུགས་ཤིང ། ། རབ་ཏུ་སྔགས་པའི་ཁ་དོག་ཀྱང ། །ཙནྡན་དཀར་དང་གུར་གུམ་མོ། །དེ་ནས་དེ་བཞིན་གཉི་ག་འགྲོ་།འབད་པ་ཡིས་ནི་རབ་ཏུ་བཀྲུ་།དེ་བཞིན་ཁྲུས་བྱས་སོང་ནས་ནི། །གང་ན་རས་རིས་བར་མ་དེ། །རྒྱལ་བ་གཙོ་བོ་ཐུབ་མཆོག་ནི། །ཤཱཀྱ་སེང་གེ་མི་ཡི་མཆོག་།དེ་བཞིན་རྟག་ཏུ་སྟོན་པའི་གཟུགས། །ས་སྟེང་རྒྱལ་བའི་རིང་བསྲེལ་ཅན། །དེ་ཡི་མདུན་དུ་ཕྲེང་བ་ནི། །དེ་དང་ཉེ་བར་གཞག་པར་བྱ། །དེ་དང་ཉེ་བར་བཞག་ནས་ནི། །དེ་ཡི་མདུན་དུ་ཉེར་གནས་ནས། །སྟོང་ཕྲག་གཅིག་དང་བརྒྱད་དང་ནི། །བརྒྱ་དང་རྩ་བརྒྱད་བཟླས་ནས་ཀྱང ། །ཉིན་ཞག་གཅིག་ནི་སྨྱུང་བྱས་ཏེ། །བདུན་པ་ཐུབ་
182a
༄#། །ལ་ཕྲེང་བ་དབུལ། །ལྔ་པ་དེ་བཞིན་བླས་བྱས་ནས། །ཚད་ཀྱང་དེ་དང་མཉམ་པར་བྱ། །དེ་ནས་ཕྲེང་བ་ལ་བཟླས་ནས། །དེ་ཡི་མཚན་མོ་ཉལ་བར་བྱ། ། ཀུ་ཤ་བཏིང་བའི་ས་ལ་ནི། །སྔགས་ཤེས་དེར་ནི་ཉལ་བར་བྱ། །གལ་ཏེ་དེས་ནི་རྨི་ལམ་ན། །དགེ་བའི་རྨི་ལམ་མཐོང་ན་ནི། །འབྲས་བཅས་རྨི་ལམ་སྟོན་པ་སྟེ། །དེ་ལ་གྲུབ་པར་བསྟན་པ་ཡིན། །སངས་རྒྱས་ཉན་ཐོས་བསེ་རུ་ནི། །གལ་ཏེ་འདི་ཡིས་རྨི་ལམ་མཐོང ། །སྔགས་པ་དེ་ཡི་བྱ་བ་ནི། །འབྲས་བཅས་ངེས་པར་འགྲུབ་པར་འགྱུར། །གཞོན་ནུའི་གཟུགས་ཅན་བྱིས་པ་ནི། །རྣམ་པ་སྣ་ཚོགས་མཛེས་མཐོང་བ། །གལ་ཏེ་རྨི་ལམ་དེས་མཐོང་དང ། །ཕྲེང་བ་སྩོལ་བའང་དེ་བཞིན་ཏེ། །དོན་ཡོད་དེ་ནི་འགྲུབ་འགྱུར་ཏེ། །སྔགས་ཀྱི་དོན་རྣམས་སྒྲུབ་བྱེད་པའོ།། །།བྱང་ཆུབ་སེམས་དཔའི་སྡེ་སྣོད་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་ལས། རས་རིས་བར་མའི་ཆོ་ག་རབ་འབྱམས་ལས། ཕྲེང་བའི་ཆོ་ག་རབ་འབྱམས་བཅུ་གཉིས་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ།
182b
སྩལ་པ།་འཇམ་དཔལ། ཁྱོད་ཀྱི་སྔགས་མཐའ་དག་རྣམ་པར་དགོད་པའི་ཁྱད་པར་གྱི་ཆོ་ག་དང ། སྦྱིན་སྲེག་གི་ལས་ལ་རབ་ཏུ་སྦྱོར་བའི་རིག་པ་སྒྲུབ་པ་ཡོད་དེ། མེ་ལ་ཉེ་བར་སྤྱོད་པའི་ཁྱོད་པར་གྱི་ཆོ་གའི་ཕྱིར། གང་གིས་རིག་པ་ཐམས་ཅད་ཀྱི་སྤྱོད་པ་ལ་མངོན་པར་བརྩོན་པའི་སེམས་ཅན་རབ་ཏུ་འཇུག་ཅིང་གནས་པར་འགྱུར་རོ། །དེ་གང་ཞེ་ན། གསང་བའི་རིག་སྔགས་ཀྱི་གཞི་ནི། འདི་ལྟ་སྟེ། ཨོཾ་ཨུཏྟིཥྛ་ཧ་རི་པིངྒ་ལ་ལོ་ཧི་ཏཱཀྵ། དེ་ཧི་ད་དཱ་པ་ཡ་ཧཱུཾ་སྥཊ་སྥཊ་སརྦ་བི་གྷྣཾ་བི་ནཱ་ཤ་ཡ་སཝཱཧཱ། འཇམ་དཔལ། འདི་ནི་མེའི་སྙིང་པོའི་མཆོག་།ལས་ཐམས་ཅད་བྱེད་པ། འདོད་པ་ཐམས་ཅད་སྟེར་བར་བྱེད་པ་ཡིན་ཏེ། དང་པོ་རེ་ཞིག་སྒྲུབ་པ་པོས་མེའི་སྙིང་པོ་འདི་ལ་ལན་གཅིག་བཟླས་པས་སྲེག་བླུགས་གསུམ་གྱིས་མེ་ལ་སྦྱིན་སྲེག་བྱས་ན་མེ་སྤྱན་དྲང་བར་འགྱུར་རོ། །དེ་ལྟར་རབ་ཏུ་སྦྱར་ན་ཞི་བ་དང ། རྒྱས་པ་དང ། དྲག་པོའི་ལས་དག་ལ་ཡམ་ཤིང་རྣམ་པ་གསུམ་དུ་འགྱུར་ཏེ། མྱ་ངན་མེད་ཤིང་ཞི་དོན་དུ། །རློན་པ་ཉིད་ནི་རབ་ཏུ་བསྔགས། །མཐོ་གང་ངམ་ནི་ཁྲུ་གང་ཙམ། །སོར་གསུམ་སྲིད་དུ་བྱ་བ་ཡིན། །སྣུམ་པའི་རྣམ་པ་རབ་ཏུ་བསྔགས། །ཆོ་ག་འདི་ནི་བྱ་བ་ཡིན། །བུ་ག་མེད་ཅིང་ནང་སྟོང་མིན། །དེ་བཞིན་ནེ་ཙོའི་འདབ་མ་དང ། །ལྗང་དང་དཀར་བའི་ཁ་དོག་གམ། །ཁ་དོག་ནག་པོ་སྤང་བར་བྱ། །སྲིན་བུ་རྣམས་ཀྱིས་ཟོས་པའང་སྤང ། །བུ་ག་ཡོད་པའང་རྣམ་པར་བཟློག །
183a
༄#། །གཞན་ཡང་ཁ་དོག་རབ་བསྔགས་མིན། །ཐ་མ་ཉིད་ཀྱང་རྣམ་པར་སྤངས། །ཧ་ཅང་སྐམ་མིན་རློན་པའང་མིན། །ཚིག་མིན་ལས་ནི་བརྩམ་པར་བྱ། །རུལ་པ་དང་ནི་ཡོ་བའང་མིན། །ཤིན་ཏུ་རིང་བའང་སྤང་བར་བྱ། །དེ་ནས་མེ་ཐབ་བྱ་བ་ནི། །ཀུན་ནས་གྲུ་བཞིར་བྱ་བ་སྟེ། །འོག་ཉིད་དུ་ཡང་བརྐོ་བ་ནི། །འབད་པས་ཁྲུ་ནི་བཞི་ཡི་ཚད། །བྲུ་གསུམ་དང་ནི་ཁྲུ་གཉིས་དང ། །དེ་བཞིན་ཁྲུ་གཅིག་ཚད་དུ་བྱ། །རྟག་ཏུ་སྲོག་ཆགས་སྤངས་པ་དང ། །བྱེ་མས་ལེགས་པར་སྤྱར་བ་གང ། །དེ་ནས་པད་འདྲའི་ལན་ཀན་ནི། །ཀུན་ནས་དཀྱིལ་འཁོར་འདྲ་བ་འོ། །ཡང་ན་འབད་པས་ཟུར་བཞི་ཡང ། །དེ་བཞིན་ལན་ཀན་དབྱིབས་སུ་བྱ། །རྡོ་རྗེའི་རྣམ་པ་འདྲ་བ་ཡི། །རྩེ་མོ་གཉིས་སུའང་རྩེ་གསུམ་བྱ། །མེ་ཐབ་ཀྱི་ནི་ཐད་ཀ་ལ། །ཁྲུ་གཉིས་ཐད་ཀར་བྱ་བ་ཡིན། །གཙང་དང་དེ་བཞིན་གསལ་བའི་གནས། །ཆུ་ཀླུང་དེ་བཞིན་ཆུ་དབུས་དང ། །ཤིང་གཅིག་གི་ནི་ཕྱོགས་དག་དང ། །དུར་ཁྲོད་དང་ནི་ཁ་སྟོང་དུ། །སྦྱིན་སྲེག་ལེགས་པར་ཡང་དག་བརྩམ། །དེ་བཞིན་རི་བོའི་རྩེ་དག་ཏུའོ། །རྟག་ཏུ་ལྷ་ཁང་སྟོང་པ་དང ། །དགོན་པ་ཆེན་པོའང་དེ་བཞིན་ནོ། །གང་ཡང་སྒྲུབ་པའི་ཕྱོགས་དག་ཏུ། །གང་ཟག་མཆོག་གིས་རབ་གསུངས་པ། །སྦྱིན་སྲེག་གནས་ནི་ཐམས་ཅད་ལ། །གནས་དེ་དག་ནི་ཐམས་ཅད་གསུངས། །ཀུ་ཤའི་ཁྲེས་ནི་ཁྲུ་གང་ཙམ། །དེ་ལ་འདུག་པར་
183b
བྱས་ནས་ནི། །སྔགས་ཤེས་དེར་ནི་སྦྱིན་སྲེག་ལས། །ཁྱད་པར་དུ་ཡང་བྱ་བ་ཡིན། །གནས་དེ་དག་ལ་འདུག་ན་ནི། །མྱུར་དུ་འགྲུབ་པར་ཐེ་ཚོམ་མེད། །ཤར་དང་བྱང་དུ་བལྟས་པས་ཀྱང ། ། ཞི་བ་དང་ནི་རྒྱས་པར་བྱ། །ལྷོར་བལྟས་ནས་ནི་དྲག་པོའི་ལས། །སྔགས་པས་དེ་ནི་སྤང་བར་བྱ། །ཤར་དུ་བལྟས་པས་ཞི་བ་འགྲུབ། །བྱང་དུ་བལྟས་པས་རྒྱས་པ་འོ། །འདི་ཡིས་སྔགས་པ་དུས་རྟག་ཏུ། །སྔགས་ཀྱི་ངོ་བོ་ཡང་དག་བརྩམ། །བིལ་བ་བླག་ཤ་ནྱ་གྲོ་དྷས་།རྒྱས་པའི་ལས་ནི་ཡོངས་སུ་བྱ། །མངོན་སྤྱོད་ཤིང་ལས་བྱ་བ་ནི། །དཀར་དང་ཚཝ་དང་སྐྱུར་དང་རྣོ། ། དེ་དག་ཐམས་ཅད་སྤང་བྱ་སྟེ། །ཐུབ་པ་རྣམས་ཀྱིས་རྟག་ཏུ་བཀག་།ཞི་དང་རྒྱས་པའི་ལས་ལ་ནི། །ཤིང་རློན་དག་ནི་རབ་ཏུ་བསྔགས། །དྲག་པོའི་ལས་ལ་ཤིང་སྐམ་སྟེ། །ཐུབ་པ་རྣམས་ཀྱིས་རྟག་ཏུ་སྤངས། །ཡམ་ཤིང་དེ་དག་མེད་ན་ནི། །ཐ་མལ་ཤིང་དག་ཀུན་ཏུ་བརྟག་།གཉི་གའི་རྩེ་མོར་བྱ་བ་ནི། །ཀུ་ཤས་ཀུན་ཏུ་ཡང་དག་དཀྲི། །སྔོ་དང་སྣུམ་པ་འདྲ་བ་དང ། །རྨ་བྱའི་མགྲིན་པ་འདྲ་བ་དང ། །དེ་འདྲའི་ཀུ་ཤས་རྟག་ཏུ་ནི། །ཞི་བ་དང་ནི་རྒྱས་པ་བྱ། །མ་རྒད་རྣམ་པ་འདྲ་བ་དང ། །རྩ་སྐམ་གྱིས་ནི་རྟག་ཏུ་ཡན།ག་།སྡིག་པའི་ལས་རྣམས་བྱ་བ་ཡིན། །འདིར་བའི་ཐུབ་པ་མཆོག་གིས་བཀག་།དྲི་མེད་ཆུ་ནི་ཡོངས་དག་པ། །སྲོག་ཆགས་དག་གིས་རྟག་སྤངས་པ། །དེས་ནི་ཀུན་ནས་གཏོར་བྱས་ནས། །གཡས་ཕྱོགས་སུ་ནི་བསྐོར་བྱས་ཏེ། །སྡོམ་བརྩོན་
184a
༄#། །གྱིས་ནི་མེ་སྦར་བྱ། །ཆོ་ག་ཇི་བཞིན་ཉེ་རེག་བྱ། །གཙང་བའི་རྩཝ་ཡི་རྩ་བས་ནི། །མེ་སྒྲོན་ཚད་དང་ལྡན་བྱས་ནས། །དེ་ནས་ཆད་པར་བཅངས་ནས་ནི། །འབད་པས་མེ་ནི་སྤར་བར་བྱ། །ཁ་ཡི་རླུང་གིས་མི་བྱ་སྟེ། །རྟག་ཏུ་གོས་ཀྱི་མཐས་ཀྱང་མིན། །ཤམ་ཐབས་བླ་གོས་རྣམ་པར་སྤངས། །གོས་གཞན་དག་ནི་བཀག་མ་ཡིན། །ཤིན་ཏུ་དྲག་པས་དེ་མི་བྱ། །གནོད་པར་དགའ་བས་མ་ཡིན་ན། །རླུང་ཡབ་གཙང་དང་དེ་བཞིན་གོས། །ལོ་མས་ཀྱང་ནི་རླུང་ཡབ་བྱ། །རླུང་གིས་ཁྱད་དུ་མི་གསོད་པ། །མེ་ནི་རབ་ཏུ་སད་བྱས་ནས། ། སྔགས་ཤེས་པས་ནི་མེ་སྤར་ཏེ། །སྦྱིན་སྲེག་དོན་དུ་ལེགས་མཉམ་གཞག་།ལག་པ་དེ་ནི་གཡོན་པ་ཡིས། །ལན་གསུམ་བར་དུ་ཆུས་གཏོར་ནས། །དེར་ནི་བ་ཡི་མར་གྱིས་ནི། །སྲེག་བླུགས་གསུམ་ནི་དེས་སྦྱིན་བྱ། །དེ་ནས་ཀྱང་ནི་ཕྱག་བྱ་སྟེ། །སངས་རྒྱས་ཀུན་དང་སྐྱོབ་པ་དང ། །རང་སྔགས་སྔགས་ཀྱི་མགོན་པོ་ལ། །དེ་ནས་ཅི་འདོད་ཕྱག་བྱའོ། །དེ་ཚེ་མེ་ཡི་སྙིང་པོ་ཡིས། །སྔགས་ཀྱིས་ལན་བདུན་རྟག་བཟླས་པའི། །དྲི་ཞིམ་མེ་ཏོག་དག་གིས་ནི། །སྡོམ་བརྩོན་མེ་ནི་སྤྱན་དྲང་བྱ། །སྔགས་ཤེས་རྟག་ཏུ་སྤྱན་དྲངས་ནས། །མཁས་པས་གནས་ནི་སྦྱིན་པར་བྱ། །གདན་དང་གནས་ནི་སྦྱིན་བྱེད་ནའང ། །དེ་ཉིད་སྔགས་ཡིན་གཞན་པས་མིན། །ཞོ་དང་མར་གྱིས་སྤགས་པ་དང ། །སྦྲང་རྩིས་སྤགས་པའི་ཡམ་ཤིང་གིས། །རྒྱས་པའི་
184b
ལས་ནི་བྱ་བའི་ཕྱིར། །སྔགས་ཀྱིས་ཀུན་ཏུ་སྦྱིན་སྲེག་བྱ། །མར་དང་སྦྲང་རྩིར་ལྡན་པ་འམ། །ཡང་ན་ཞོ་དང་ལྡན་པ་ཡི། །ཡམ་ཤིང་རྫས་དང་ལྡན་པ་ཡིས། །གཉི་ག་ལ་གནས་དེ་ཚེ་བྱ། ། སྟོང་ངམ་ཡང་ན་འབུམ་མམ་ནི། །ཡང་ན་བརྒྱ་རྩ་བརྒྱད་དུ་བརྟག་།དེ་ཚེ་སྔགས་པས་སྔགས་བཟུང་ནས། །ལན་རེ་བཟླས་ཤིང་མེ་ལ་དོར། །འབར་བའི་མེ་ཡི་ཕྲེང་བ་འམ། །དེ་བཞིན་མེ་ལྕེ་གཅིག་གྱུར་ལ། །ཞི་བའི་ལས་ཀྱི་སྦྱིན་སྲེག་བྱ། །དུད་པ་མེད་ལ་རྒྱས་པའང་བྱ། །དུད་བཅས་དྲག་པོའི་ལས་ལ་བྱ། །དེ་ནི་རྒྱལ་བས་སྨད་ཅིང་སྤངས། །གལ་ཏེ་མེ་ནི་མདོག་ལྡན་ན། །སྦྱིན་སྲེག་ལས་ནི་རབ་ཏུ་སྦྱར། །ཞི་ལ་ཁ་དོག་དཀར་པོ་ནི། །རྒྱལ་བ་མཆོག་གིས་རྟག་ཏུ་བསྔགས། །གལ་ཏེ་མེ་དཀར་སྦྱིན་སྲེག་བྱས། །དེར་ནི་སྔགས་རྣམས་འགྲུབ་པར་འགྱུར། ། དེ་བཞིན་རྟག་ཏུ་མདོག་དམར་ལ། །རྒྱས་པར་འགྲུབ་པར་འདོད་པ་ཡིན། །གནག་དང་དུ་བའི་ཁ་དོག་དང ། །སེར་སྐྱ་ལ་ནི་སྡིག་ལྡན་པས། །ཁ་དོག་རྣམ་གསུམ་བསྟན་པས་ནི། །རྣམ་གསུམ་གྲུབ་པ་འདི་དག་ཡིན། །མདོག་གཞན་སྤྲིན་གྱི་ཁ་དོག་གམ། །རྣམ་པ་སྣ་ཚོགས་མདོག་ལྡན་པ། །ས་སྟེང་འདི་ལ་སྔགས་རྣམས་ནི། །གྲུབ་པ་ཡོད་པ་མ་ཡིན་ནོ། །དེ་འདྲའི་ཁ་དོག་འདྲ་བ་འམ།་\?\་།རྣམ་པ་སྣ་ཚོགས་མདོག་ལྡན་པའི། །མེ་ནི་འབར་བ་དེ་མཐོང་ན། །ལས་ཀྱི་སྦྱོར་བའང་བརྩམ་པར་བྱ། །གལ་ཏེ་སྔགས་ནི་གྲུབ་འདོད་ན། །ཕྱི་རོལ་མེ་ནི་སྤར་བར་བྱ། །ཆོ་ག་མཐོང་
185a
༄#། །བའི་ལས་ཀྱིས་ནི། །ཕྱིར་ཡང་སྦྱིན་སྲེག་རབ་ཏུ་བྱ། །མེ་ཡི་སྔགས་ནི་ཟློས་པ་ཡིས། །གཤེགས་གསོལ་སྤྱན་དྲང་ཉིད་ཀྱང་བྱ། །དཀྱིལ་འཁོར་འདིར་ནི་ཆོ་ག་བཞིན། །སྔར་ནི་རབ་ཏུ་བརྟགས་པ་ཡིས། །དེ་ཉིད་ཀྱིས་ནི་སྦྱིན་སྲེག་བྱ། །གཤེགས་གསོལ་སྤྱན་དྲང་ལ་སོགས་པའང ། །དེ་ཉིད་ཀྱི་ནི་ལས་དག་གིས། །ལས་རྣམས་ཐམས་ཅད་ཉིད་ཀྱང་བྱ། །མེ་ཡི་ལས་དང་དེ་བཞིན་གཟུགས། །རས་རིས་མདུན་དུ་བརྩམ་བྱས་ན། །དེར་ནི་སྔགས་རྣམས་འགྲུབ་འགྱུར་ཞེས། །སྔོན་གྱི་བདེ་གཤེགས་རྣམས་ཀྱིས་གསུངས། །རྒྱལ་བས་བསྔགས་པའི་ལས་རྣམས་དག་།དེར་ནི་རྣམ་པ་ཀུན་ཏུ་བྱ། །སྡིག་པ་དག་ནི་ཁྱད་པར་དུ། །གང་ཡང་རྒྱལ་བས་སྨད་པ་དང ། །འཇིག་རྟེན་འགྲོ་བས་སྨད་པ་དག་།གཞན་གྱིས་སྨད་པའང་བྱ་བ་མིན། །འཁོར་ལོས་བསྒྱུར་བཟང་ཉིད་དང་ནི། །བྱང་ཆུབ་སེམས་དཔའི་ས་འཐོབ་དང ། །དེ་བཞིན་མངོན་ཤེས་ལྔ་འཐོབ་དང ། །དེ་ནས་ལྷ་ཉིད་ཐོབ་པ་འོ། །རས་རིས་ལ་རྟག་བརྩོན་ཞིང་ཤེས། །སྤྱིན་སྲེག་ལས་ལ་འཇིགས་མེད་དང ། །ས་འོག་གི་ནི་བདག་པོ་འམ། །ཡང་ན་བར་སྣང་སྤྱོད་པར་འགྱུར། །ས་བདག་ལྷ་དང་གནོད་སྤྱིན་ཉིད། །རྟག་ཏུ་གནོད་སྦྱིན་མོ་འགུགས་བྱེད། །རྒྱལ་སྲིད་བདག་པོ་ཉིད་དང་ནི། །ཡུལ་ཉིད་དང་ནི་གྲོང་དག་དང ། །རིག་པ་འཛིན་དང་ལྷ་མིན་ཉིད། །སེམས་ཅན་ཐམས་ཅད་དབང་དུ་བྱེད། །བདག་ཉིད་ཆེ་དང་སེམས་ཅན་ཆེ། །འབྱུང་པོ་རྣམས་ནི་འགུགས་
185b
བར་བྱེད། །བྱང་ཆུབ་སེམས་དཔའ་སེམས་དཔའ་ཆེ། །ས་བཅུ་ལ་ནི་ཡང་དག་གནས། །སྦྱིན་སྲེག་ལས་ཀྱིས་འགུགས་བྱེད་ན། །ས་སྟེང་མི་རྣམས་སྨོས་ཅི་དགོས། །སྡེ་དཔོན་བདག་དང་དེ་བཞིན་དུ། །ཁྱད་པར་འཇིག་རྟེན་དབང་ཕྱུག་འགྱུར། །དབང་འགྱུར་ཅིག་ཅར་འབྱུང་པོ་ཀུན། །དེ་བཞིན་མི་ཡི་དབང་པོ་ཉིད། །སེམས་ཅན་ཀུན་ལ་དབང་དོན་དང ། །ཡང་ན་རྒྱལ་པོ་དབང་དུ་འགྱུར། ། དེ་བཞིན་རྟག་ཏུ་ལས་ཀུན་ལ། །སྦྱིན་སྲེག་གིས་ནི་ཀུན་ཏུ་བྱ། །ཐམས་ཅད་ཀུན་ལ་བརྩོན་བདག་ཉིད། །ལས་ཀུན་ལས་ནི་བསྟེན་བྱས་ན། །དེ་ནི་ངེས་པར་འགྲུབ་འགྱུར་ཏེ། །ལས་དགེའི་དོན་ནི་དམ་པ་ཡིན། །བར་མ་ཉིད་ཀྱང་འགྱུབ་པར་འགྱུར། །ཐ་མའི་ལས་ཀྱང་དེ་བཞིན་པོ། །རྫས་རྣམས་དག་ནི་དེ་བཞིན་དུ། །གྲུབ་དང་ལྡན་པའང་རྣམ་པ་གསུམ། འབྲས་དང་བཅས་པར་གྲུབ་སྣང་སྟེ། །སྦྱིན་སྲེག་ལས་ལ་རབ་ཏུ་བསྟན། །ཕྱག་རྒྱ་གཙུག་ཕུད་ལྔ་བཅིངས་ནས། །སྔགས་ཀྱང་སྐྲ་ཅན་མས་བྱས་ནས། །ལས་རྣམས་ཀུན་ནི་བྱ་བ་དང ། །སྔགས་པས་བདག་ཉིད་བསྲུང་བ་བྱ། །སྦྱིན་སྲེག་ལས་ལ་རབ་འཇུག་པས། །དེ་ནས་སྔགས་འདི་བརྗོད་པར་བྱ། །བདུན་ནམ་བརྒྱད་དུ་བཟླས་པ་ཡིས། །ལས་འདི་ལ་ནི་རྟག་ཏུ་བྱ། །ན་མཿ ་སརྦ་བུད་དྷ་བོ་དྷི་ས་ཏྭཱ་ནཱཾ། ཨ་པྲ་ཏི་ཧ་ཏ་ག་ཏིཾ་ག་ཏཱ་ནཱཾ། ཏདྱ་ཐཱ། ཨོཾ་ཛྭཱ་ལ་ཏི་ཥྛ་ཧཱུཾ་རུ་རུ་བི་ཤཝ་སཾ་བྷ་བ་སཾ་བྷ་བེ་སཝཱཧཱ། སྤགས་ཀྱི་སྦྱོར་བ་འདི་ཡིས་ནི། །ཡང་དང་ཡང་དུ་ཤིང་ལ་བཟླ། །གཉིས་
186a
༄#། །སམ་བདུན་དུ་བཟླས་པ་ཡིས། །སྔགས་རིག་དེས་ནི་སྦྱིན་སྲེག་བྱ། །མེ་ཏོག་བདུག་པ་དྲི་ཡང་རུང ། །མ་ལུས་ཐམས་ཅད་དག་དང་ནི། །ཆུ་ལ་སྔགས་རྣམས་བཟླས་པ་ཡང ། །འདི་ཉིད་ཀྱིས་ནི་སྦྱིན་པར་བྱ། །ལས་རྣམས་ཀུན་གྱི་རྒྱུ་ཡི་ཕྱིར། །དེ་ནས་ཆོ་ག་བརྩམ་པར་བྱ། །ལས་རྣམས་དག་ནི་ཐམས་ཅད་ལ། །སྔ་མའི་སྦྱོར་བ་ཉིད་ཀྱིས་བྱ། །སྔ་མའི་གཙུག་ཕུད་ལྔ་བཅིངས་ཏེ། །ཕྱག་རྒྱ་ཆེན་པོ་གྲགས་ལྡན་མ། །སྔ་མའི་གཙུག་ཕུད་ལྔ་བཅིང་བྱ། །སྐྲ་ཅན་མ་ཉིད་རབ་བཟླས་པས། །དེས་ན་སྲུང་བ་བྱེད་པར་འགྱུར། །གྲུབ་པའི་རྒྱུ་ལ་འཇིགས་མེད་པས། །ལས་རྣམས་ཐམས་ཅད་བརྩམ་པར་བྱ། །གལ་ཏེ་ལ་ཉེ་བཟང་པོ་འམ། །རྟག་ཏུ་དགེ་བའི་སྒྲ་ཐོས་ན། །དེ་ལ་སྔགས་ནི་དོན་ཡོད་དེ། །ཇི་ལྟར་འདོད་བཞིན་མཆོག་སྩོལ་འགྱུར། །དང་པོའི་ལས་ལ་རབ་སྦྱོར་དང ། །སྔགས་ཀྱི་རྒྱུ་ལ་རབ་འཇུག་ན། །ཐམས་ཅད་འབྲས་བུ་བཅས་པ་དང ། །དེ་ལ་གྲུབ་བར་བརྗོད་པ་ཡིན། །རྒྱལ་སྒྲ་རྔ་ནི་པ་ཊ་ཧ། །རྔ་བོ་ཆེ་ཡི་སྒྲ་དག་ནི། །བརྩོན་བྱས་གྲུབ་པ་མ་ལུས་འགྱུར། །སྦྱིན་སྲེག་ལས་ལ་ཡང་དག་བསྟེན། །གཞན་ཡང་ལ་ཉེ་བཟང་པོ་དང ། །འདབ་ཆགས་དགེ་བའི་སྒྲ་དག་དང ། །རྣམ་པ་སྣ་ཚོགས་ངེས་པའི་སྒྲ། །རྒྱལ་བ་རྣམས་ཀྱིས་བསྔགས་པ་དང ། །བཀྲ་ཤིས་བཟང་པོ་རབ་བཟངས་དང ། །རྣམ་པ་སྣ་ཚོགས་ཡིད་འོང་སྒྲ། །གདུགས་དང་རྒྱལ་མཚན་
186b
བ་དན་དང ། །བུད་མེད་རྒྱན་གྱིས་བརྒྱན་པ་དང ། །དེ་བཞིན་མཆོད་ཡོན་བུམ་པ་གང ། །མཐོང་ན་འགྲུབ་པའི་རྒྱུ་རྣམས་ཡིན། །རྣམ་པ་དུ་མའི་ཁ་དོག་གམ། །འཇིག་རྟེན་གྱིས་མཆོད་རབ་བསྔགས་པ། །དེ་དག་མཐོང་ན་གྲུབ་འགྱུར་བ། །སྔགས་རྣམས་དུ་མའི་སྤྱོད་ཡུལ་ཡིན།། །།བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་བཅུ་གསུམ་པ་སྟེ། སྦྱིན་སྲེག་གི་ཆོ་ག་རབ་འབྱམས་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ཏེ། འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཁྱོད་ཀྱི་གསང་བའི་རིག་པ་ཡོད་དེ། སྔགས་ཐམས་ཅད་ཀྱི་སྒྲུབ་པ་པོའི་ཐབས། དེ་བཞིན་གཤེགས་པ་རྣམས་ཀྱིས་ཡང་དག་པར་རྗེས་སུ་གནང་བ། ཆོས་ཀྱི་མཛོད་ལས་བྱུང་བ། ཆོས་ཀྱི་སྤྲིན་གྱི་རྗེས་སུ་ཞུགས་པ། ནམ་མཁའི་ངོ་བོ་ཉིད་འཇིག་རྟེན་དང ། འཇིག་རྟེན་ལས་འདས་པའི་སྔགས་ཐམས་ཅད་ཀྱི་མངའ་བདག་།ཤིན་ཏུ་གཙོ་བོར་གྱུར་པ། གཞོན་ནུ། ཇི་ལྟར་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་མཆོག་ཏུ་བརྗོད་དེ། ཤིན་ཏུ་གཙོ་བོར་གྱུར་ཅིང་དམ་པ་ཡིན་ལ། ལྷ་དང ། མི་རྣམས་ཀྱིས་ཀྱེས་བུ་ཁྱུ་མཆོག་སངས་རྒྱས་བཅོམ་ལྡན་འདས་ཡིན་ནོ། །གཞོན་ནུ། དེ་བཞིན་དུ་རིག་པའི་རྒྱལ་པོ་
187a
༄#། །འདི་ནི་སྔགས་ཐམས་ཅད་ཀྱི་མཆོག་ཏུ་བསྟན་ཅིང་ཤིན་ཏུ་གཙོ་བོ་ཡིན་ཏེ། དེ་བཞིན་གཤེགས་པ་གང་གཱའི་གླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་བརྗོད་དུ་མེད་པ་དག་གིས་སྔོན་གསུངས་སོ། །དེ་བཞིན་གཤེགས་པ་རིན་ཆེན་ཏོག་གི་སྙིང་པོ་མཆོག་ཏུ་གསང་བ། ཀུན་ནས་བཀྲ་ཤིས་པར་འདོད་པ། སངས་རྒྱས་ཐམས་ཅད་ཀྱིས་ཡང་དག་པར་བསྟོད་པ། རབ་ཏུ་བསྔགས་པ། སེམས་ཅན་ཐམས་ཅད་ཡང་དག་པར་དབུགས་འབྱིན་པ། སྡིག་པ་ཐམས་ཅད་རབ་ཏུ་འཇིག་པར་བྱེད་པ། འདོད་པ་ཐམས་ཅད་སྦྱིན་པར་བྱེད་པ། རེ་བ་ཡོངས་སུ་རྫོགས་པར་བྱེད་པ་དེ་ཡང་གང་ཞེ་ན། བར་འདིར་བཅོམ་ལྡན་འདས་ཤཱཀྱ་ཐུབ་པས་སྨིན་མཚམས་ཀྱི་མཛོད་སྤུན་ས་སངས་རྒྱས་ཐམས་ཅད་ཡང་དག་པར་བསྐུལ་བ་ཞེས་བྱ་བའི་འོད་ཟེར་ཕྱུང་བར་གྱུར་ཏོ། །གང་འདི་ཕྱོགས་བཅུ་སྟེང་འོག་ཐམས་ཅད་དང་ལྡན་པའི་སངས་རྒྱས་ཀྱི་ཞིང་སྣང་བས་ཁྱབ་པར་མཛད་དེ། སེམས་ཅན་ཐམས་ཅད་ཀྱི་ཡིད་ཚིམ་པར་མཛད་ནས་སླར་ལོག་སྟེ། བཅོམ་ལྡན་འདས་ཤཱཀྱ་ཤུབ་པའི་དབུའི་གཙུག་ཏོར་དུ་ནུབ་པར་གྱུར་ཏོ། །བཅོམ་ལྡན་འདས་ཀྱི་གཙུག་ཏོར་དུ་ནུབ་པར་འགྱུར་ཏོ། །བཅོམ་ལྡན་འདས་ཀྱི་གཙུག་ཏྲོར་ནས་ཀུན་ནས་འབར་བའི་འོད་དང་ལྡན་པའི་ལུས་ཅན་བལྟ་བར་མི་ནུས་པ། སེམས་ཅན་ཐམས་ཅད་ཀྱིས་མི་ཐུབ་པ། འོད་ཆེན་པོས་ཡང་དག་པར་འཕགས་པ། འོད་ཀྱི་དཀྱིལ་འཁོར་གྱིས་
187b
ལུས་བརྒྱན་པ། རྣམ་པ་སྣ་ཚོགས་ཀྱི་གཟུགས་དང་ལྡན་པ། འཁོར་ལོས་བསྒྱུར་བ་ཆེན་པོའི་གཟུགས་ཅན་རིག་པའི་རྒྱལ་པོ་ཡི་གེ་གཅིག་པ་ཞེས་བྱ་བ་བྱུང་བར་གྱུར་ཏོ། །བྱུང་ནས་ནམ་མཁའི་དཀྱིལ་ཐམས་ཅད་སྣང་བར་བྱས་ཏེ། རིག་པའི་རྒྱལ་པོ་ཐམས་ཅད་ཀྱིས་ཡོངས་སུ་བསྐོར་བ། རིག་བ་དུ་མ་བྱེ་བ་ཁྲི་ཕྲག་བརྒྱ་སྟོང་འབྱིན་པར་བྱེད་པ། ཡི་གེ་གཅིག་པའི་སྒྲ་འདོན་ཅིང་འོད་ཟེར་ཆེན་པོ་འབར་བ་རབ་ཏུ་འབྱིན་པ། སྟེང་གི་ཕྱོགས་ནས་བཅོམ་ལྡན་འདས་ཤཱཀྱ་ཐུབ་པ་ལ་མངོན་དུ་བལྟ་བ་དང ། ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་གི་འཁོར་གྱི་དཀྱིལ་འཁོར་ཆེན་པོ་ཡང་སྣང་བར་བྱས་ནས་བར་སྣང་ལ་གནས་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཡི་གེ་གཅིག་པའི་རིག་པའི་འཁོར་ལོས་བསྒྱུར་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ། དེ་བཞིན་གཤེགས་པ་རིན་ཆེན་ཏོག་ཅེས་བྱ་བའི་སྙིང་པོ་མཆོག་ཏུ་གསང་བ། དེ་བཞིན་གཤེགས་པ་ཐམས་ཅད་ལས་བཅོམ་ལྡན་འདས་རིན་ཆེན་ཏོག་གིས་ཡང་དག་པར་ཐོབ་པ། སཱ་ལའི་དབང་པོའི་རྒྱལ་པོ་དང ། འོད་དཔག་མེད་དང ། བསྙེན་པར་དཀའ་བ་དང ། སྤྱན་བཟང་དང་ཏོག་བཟང་དང ། མེ་ཏོག་དབང་པོ་དང ། གཉིད་མཐར་ཕྱིན་དང ། འཇིག་རྟེན་ཐུབ་པ་དང ། གསེར་ཐུབ་ལ་སོགས་པའི་དེ་བཞིན་གཤེགས་པ་དེ་དག་གིས་གསུངས་ཤིང་རྗེས་སུ་ཡི་རང་བ་དང །
188a
༄#། །འདས་པའི་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱིས་ཀྱང་གསུངས་ཤིང་རྗེས་སུ་ཡི་རང་བ་དེ་ཡང་གང་ཞེ་ན། ཏདྱ་ཐཱ། ཨོཾ་བྷྲཱུཾ། འཇམ་དཔལ། འདི་ནི་སྙིང་པོ་དམ་པ། དེ་བཞིན་གཤེགས་པ་ཐམས་ཅད་ཀྱི་མཆོག་སྔགས་ཐམས་ཅད་ཀྱི་རིག་པའི་འཁོར་ལོས་བསྒྱུར་བ་ཡི་གེ་གཅིག་པ་ཞེས་བྱ་བ་དག་བྱེད་ཆེན་པོ་འདི་ཡང་དག་པར་བསྒྲུབས་ན་སྔགས་ཐམས་ཅད་འགྲུབ་པར་འགྱུར་ཏེ། གཞོན་ནུ། གང་ཡང་ཁྱོད་ཀྱི་ཆོ་གའི་རྒྱལ་པོའི་མཆོག་ལ་སྔགས་ཐམས་ཅད་དང་རྗེས་སུ་མཐུན་པ། མཆོག་ཏུ་གསང་བའི་མཆོག་ཡང་དག་པར་རྗེས་སུ་གནང་བ། ལས་ཀྱི་སྒྲིབ་པ་ཐམས་ཅད་ཡང་དག་པར་སྦྱོང་བར་བྱེད་པ། དང་པོ་རེ་ཞིག་སྒྲུབ་པ་པོས་ངེས་པར་འབུམ་ཕྲག་གསུམ་བཟླས་བརྗོད་བྱའོ། །དེ་ནས་ལས་རྣམས་སྔགས་དང་བཅས་པ་འདིར་གཞོན་ནུ་ཁྱོད་ཀྱི་ཆོ་གའི་རྒྱལ་པོ་ལ་འཇིག་རྟེན་དང ། འཇིག་རྟེན་ལས་འདས་པའི་སྔགས་དང ། རྒྱུད་རྣམས་བསྒྲུབ་པར་བྱའོ། །འདིས་བསྲུང་བ་བྱས་ན་འབྱུང་པོ་ཐམས་ཅད་ཀྱིས་ཚུགས་པར་མི་འགྱུར་རོ། །འཇིག་རྟེན་དང ། འཇིག་རྟེན་ལས་འདས་པའི་བགེགས་ཐམས་ཅད་ཀྱིས་ཟིལ་གྱིས་ནོན་པར་མི་འགྱུར་རོ། །བཅོམ་ལྡན་འདས་ཤཱཀྱ་ཐུབ་པས་དེ་གསུངས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་རྣམ་པ་
188b
དྲུག་ཏུ་གཡོས་པར་གྱུར་ཏེ། སངས་རྒྱས་ཀྱི་ཞིང་ཐམས་ཅད་དུ་ཡང་སྣང་བས་ཁྱབ་ཅིང ། སངས་རྒྱས་བཅོམ་ལྡན་འདས་ཐམས་ཅད་ཀྱང་འཁོར་གྱི་དཀྱིལ་འཁོར་དེར་འདུས་པར་གྱུར་ཏེ། གནས་གཙང་མའི་གཞལ་མེད་ཁང་དུ་འཁོད་པར་གྱུར་ཏོ། །ས་བཅུ་ཐོབ་པའི་བྱང་ཆུབ་སེམས་དཔའ་ཐམས་ཅད་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང ། ཉན་ཐོས་དང ། རང་སངས་རྒྱས་ཐམས་ཅད་དང ། རྫུ་འཕྲུལ་ཆེན་པོ་དང་ལྡན་པའི་སེམས་ཅན་ཐམས་ཅད་དང ། རིག་པའི་རྒྱལ་པོ་རྣམས་འོད་ཟེར་གྱིས་ཡང་དག་པར་བསྐུལ་ནས་ལྷགས་པར་གྱུར་ཏོ། །འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་རྣམ་པར་གནས་པའི་སེམས་ཅན་མང་པོ་དབང་དུ་གྱུར་ཏོ། །དམྱལ་བ་དང ། དུད་འགྲོ་དང ། ཡི་དྭགས་ཀྱི་ངན་འགྲོ་ལ་གནས་པ་རྣམས་འོད་ཟེར་ཆེན་པོའི་སྣང་བས་རེག་ཅིང་སྣང་བར་བྱས་པས་སྡུག་བསྔལ་གྱི་ཚོར་བའི་རྒྱུན་ལ་གནས་པ་ཡིད་ཤིན་ཏུ་བདེ་བས་ཚིམ་ཞིང་སྐྱོ་བ་མེད་པར་གྱུར་ཏེ། ངེས་པར་ཐེག་པ་གསུམ་ལ་གནས་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་འཁོར་དེ་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ཉོན་ཅིག་།རིག་པའི་རྒྱལ་པོ་འདི་རྫུ་འཕྲུལ་ཆེ་བ། དབའ་བོ་གཅིག་པུ། ལས་ཐམས་ཅད་བྱེད་པ། རིག་པ་ཐམས་ཅད་ཀྱི་རྒྱལ་པོ་འཁོར་ལོས་བསྒྱུར་
189a
༄#། །བ།་སེམས་ཅན་གྱི་བསམ་པ་ཡོངས་སུ་རྫོགས་པར་མཛད་བ། ཆོ་ག་ཞི་བ་མོ་ཐམས་ཅད་ཡོངས་སུ་རྒྱས་པ། ཁྱོད་ཀྱི་སྔགས་དང ། རྒྱུད་དང ། ཆོ་ག་རབ་འབྱམས་ལ་ཡང་དག་པར་ཞུགས་པ། སྔགས་ཐམས་ཅད་སྒྲུབ་པར་བྱེད་པ། ཐུན་མོང་དུ་གྱུར་པ། གྲགས་པ་ཆེ་བ་དང ། སྤྲོ་བ་ཆེ་བ་དང ། སེམས་ཅན་སྒྲུབ་པ་པོའི་ཁྱད་པར་གྱི་ཐབས་དང ། ཤེས་རབ་ལ་མཁས་པ། བྱང་ཆུབ་ཀྱི་ལམ་ཐམས་ཅད་ཡོངས་སུ་སྦྱོང་བར་བྱེད་པ། མྱ་ངན་ལས་འདས་པ་ལ་རབ་ཏུ་འཇུག་པར་བྱེད་པ། བདུད་ཟིལ་གྱིས་གནོན་པར་བྱེད་པ།་བྱང་ཆུབ་ཀྱི་སྙིང་པོ་ལ་གནས་པར་བྱེད་པ། དགེ་བའི་ཚོགས་ཡང་དག་པར་འབྱུང་བར་བྱེད་པའོ། །འདི་ཉིད་མདོར་བསྡུས་ན། ཆོ་ག་ཞིབ་མོ་རྒྱས་པ་རས་རིས་ཀྱི་ཆོ་གའི་དཀྱིལ་འཁོར་སྒྲུབ་པའི་ཐབས་སྔོན་གྱི་སྔགས་ཀྱི་སྤྱད་པ་རྗེས་སུ་སྤྱོད་པ་གང་ལ་རབ་ཏུ་གནས་ན་སེམས་ཅན་གྱི་རིག་པའི་རྒྱལ་པོ་འཁོར་ལོས་སྒྱུར་བ་ཆེན་པོ་སྒྲུབ་པར་འགྱུར་ཏེ།་རྨད་དུ་བྱུང་བ་ཆེན་པོ་སྔགས་ཐམས་ཅད་ཀྱི་དབང་ཕྱུག་དམ་པ། འོད་བྱེད་པ་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པ། རྣམ་པར་འདྲེན་པ། འགྲོ་བ་ཐམས་ཅད་ལ་ཕན་པར་བྱེད་པ། སངས་རྒྱས་བཞིན་དུ་མངོན་སུམ་དུ་ཉེ་བར་བཞུགས་པ་རང་བྱུང་དུ་གྱུར་པ། མཆོག་དང ། བར་མ་དང ། ཐ་མའི་ལས་ཐམས་ཅད་བྱེད་པ། ཤིན་ཏུ་བདེ་བ་
189b
དམ་པ།་ཤིས་པ་དང ། ཞི་བར་བྱེད་པ། སྡིག་པ་ཐམས་ཅད་རབ་ཏུ་འཇིག་པར་བྱེད་པའོ། །ལྷ་རྣམས་ཀྱི་ཡང་ལྷ་ཉིད་དེ། །ཐུབ་བ་རྣམས་ཀྱི་ཐུབ་བ་མཆོག་།སངས་རྒྱས་ཉི་མའི་གཉེན་གྱུར་པ། །དག་པ་འཇིག་རྟེན་རྣམ་པར་གྲགས། །ཆོས་ཀུན་རང་གི་ངོ་བོ་མཁྱེན། །ཡང་དག་མཐར་གྱུར་རྙོག་པ་མེད། །དེ་ཡི་ཆོ་ག་མཆོག་བཤད་བྱ། །འབྱོར་པ་འདོད་པས་མཉན་པར་གྱིས། །རེ་ཞིག་དང་པོར་རས་བཟང་པོ། །སྐྱོན་རྣམས་དང་ནི་མ་འདྲེས་པ། །སར་བ་ཕྲ་བའི་ཁྱད་པར་ལྡན། །ཁ་ཚར་དང་བཅས་ཉིད་ལ་བྲི། །ཆུར་ནི་ཁྲུ་དོའི་ཚད་ཡིན་ལ། །ཞེང་དུ་ཁྲུ་གང་ཚད་དུ་བྱ། །དེ་འདྲའི་བཟང་པོ་ཁོ་ན་ལ། །དྲི་མེད་བལྟ་ན་སྡུག་པ་དང ། །བཅོས་བུ་དཀར་པོ་དེ་བཞིན་དུ། །ཕྲ་དང་ལེགས་བཀྲུས་རས་བལ་སྤངས། །ཕྱག་དར་དྲི་མ་མེད་པ་ཡི། །དུ་གུ་ལ་ཡི་རས་ཉིད་ལ། །རྒྱུ་ནི་ཤིང་ཀུན་ཉིད་དང་ནི། །དག་ལ་རྒྱུད་ནི་རྣམ་སྤངས་པ། །ཆུ་ངན་ལས་ནི་བཀྲུས་མིན་དང ། །སྐྱེ་བོས་ཞལ་མཐོང་ཕུལ་བའང་མིན། །མ་གོས་པ་དང་དེ་བཞིན་དུ། །གཞན་ཡང་ཅུང་ཟད་དམ་པས་བསྔགས། །དེ་འདྲའི་རས་ནི་བཟང་པོ་ལ། །གཞལ་མེད་ཁང་ནི་བྲི་བར་བྱ། །འོད་ཀྱི་དཀྱིལ་འཁོར་ཕྲེང་བ་ཅན། །སྟོན་པའི་གཟུགས་ནི་ཡང་དག་བྲི། ། དེ་བཞིན་གསེར་གྱི་མདོག་ཅན་ནི། །འོད་ཟེར་ཕྲེང་ལྡན་བྲི་བར་བྱ། །གཅིག་བུ་ཕུག་ནི་བཞུགས་པ་ནི། །རི་བོ་ལ་གནས་གྲགས་པ་ཆེ། །དར་ལའི་བླ་རེ་བྲེ་བ་ནི། །རིན་ཆེན་ཕྲེང་བ་འཕྱད་
190a
༄#། །བ་འོ། །སྟེང་དུ་ལྷ་ནི་གཉི་ག་ཡང ། །འཛིན་པ་དག་ནི་ཡང་དག་བྲི། །རི་རྣམས་ཀྱི་ནི་སྟེང་དག་ཏུ། །རིན་ཆེན་ཕྲེང་བ་རབ་ཏུ་བྱ། །བླ་རེ་ཁོར་ཡུག་མུ་ཏིག་གི་།དྲ་བ་དྲ་ཕྱེད་དག་གིས་བརྒྱན། །རི་རྒྱལ་སྟེང་དུ་འབད་པ་ཡིས། །འདི་དག་ཐམས་ཅད་བྲི་བར་བྱ། །རི་བོ་དག་གི་རྩ་བ་ཡང ། །རྒྱ་མཚོ་ཆེན་བོར་ནུབ་པར་བྱ། །རས་རིས་མཐར་ཡང་མེ་ཏོག་ནི། །ཀུན་ནས་འཁོར་བར་ཡང་དག་བྲི། །ནཱ་ག་གེ་ས་ར་པུན་ནཱ་ག་།བ་ཀུ་ལ་དང་ཞུ་ཏི་ཀ། སྣམ་མེ་ཏོག་པྲི་ཡང་ཀུ་།དེ་བཞིན་ཀུ་ར་བ་ཀ་དང ། །ུཏྤ་ལ་དང་དྲི་མཆོག་དང ། །དེ་ལས་གཞན་ཡང་པདྨ་དཀར། །མེ་ཏོག་རིགས་ནི་སྣ་ཚོགས་དང ། །དེ་བཞིན་གཞན་ཡང་དྲིར་ལྡན་པའི། །མེ་ཏོག་དག་ནི་འདི་དག་ཉིད། །གང་ཡང་རུང་བ་རྟག་བླངས་ནས། །སྟོན་པ་ལ་ནི་མཆོད་དོན་དུ། །ཡིད་དུ་འོང་བའི་མཆོད་ཡོན་དབུལ། །སྔར་བསྟན་ཆོ་གས་རས་རིས་ནི། །མཆོག་དང་དེ་བཞིན་གཞན་དག་ཀྱང ། །དོག་པ་ཐ་ག་པ་དག་དང ། །རི་མོ་མཁན་ཡང་དེ་བཞིན་འདོད། །ཆོ་འཕྲུལ་གྱི་ནི་ཟླ་ཕྱེད་ཀྱི། །ཉི་མ་དགེ་བ་དག་ལ་ནི། །དུས་ནི་དེ་ལྟར་གྱུར་པ་ལ། །བཟླས་པ་ཉིད་ཀྱང་བྱ་བ་ཡིན། །འདི་ལ་སེམས་ཅན་ཐམས་ཅད་ཀྱིས། །སྔར་བསྟན་བཞིན་དུ་ཡང་དག་སྤྱད། །ཚོན་གསལ་རྣམ་པ་སྣ་ཚོགས་ཀྱིས། །སྟོན་པའི་གཟུགས་ནི་བྲི་བར་བྱ། །རྣམ་པ་དུ་མར་ལྡན་པ་ཡི། །དོང་
190b
གའི་མེ་ཏོག་མདོག་འདྲ་དང ། །ཙབ་པ་ཀ་ཡི་མདོག་འདྲ་དང ། །གསེར་གྱི་མདོག་དང་འདྲ་བར་བྲི། །དེ་ལྟའི་རྣམ་པ་ལྡན་པ་ཡི། །རིན་ཆེན་རིགས་སྐྱེས་ཐུབ་པ་བྲི། །ཆགས་པ་ཆེན་པོ་རིན་ཆེན་ཏོག་།གཙོ་བོ་ཐུབ་མཆོག་དམ་པ་ནི། །ཆོས་རྣམས་ཐམས་ཅད་ཡོངས་ཐོབ་པའི། །སངས་རྒྱས་དཀོན་མཆོག་དེ་བྲི་བྱ། །རིན་ཆེན་རི་བོར་གནས་པ་དང ། །རིན་ཆེན་ཕུག་གིས་ཉེར་མཛེས་ཤེང ། །སྐྱིལ་ཀྲུང་གིས་ནི་བཞུགས་པ་དང ། །ཆོས་ནི་རྗེས་སུ་འཆད་ཅིང་སྩོལ། །ཅུང་ཟད་འཛུམ་ཞིང་བརྟན་པ་དང ། །ཐུགས་ནི་བསམ་གཏན་ལ་དམིགས་དང ། །ཕྱི་རོལ་ཕུག་ནི་ཡང་དག་བྲི། །འོག་དང་དེ་བཞིན་འཁོར་ཡུག་ཏུའོ། །རས་མཐའི་ཟུར་དུ་སྒྲུབ་པ་བོས། །པུས་མོའི་ལྷ་ང་ཡང་དག་བཙུགས། །བདུག་སྤོས་ལག་ན་ཐོགས་བཞིན་དུ། །ལུས་ནི་ཅུང་ཟད་འདུད་པ་དང ། །བླ་གོས་གཅིག་ཏུ་བྱས་ནས་ནི། །ཆ་བྱད་ཇི་ལྟ་བཞིན་དུ་ཡང ། །བཅོམ་ལྡན་འདས་ཀྱི་གཡས་ཕྱོགས་ཀྱི། །འོག་གི་རྒྱ་མཚོ་ཆེ་སྟེང་དུ། །སྔགས་པས་དགེ་བའི་དོན་གྱི་ཕྱིར། །སྔོམ་བརྩོན་རྟག་ཏུ་པྲི་བར་བྱ། །ལས་ཀྱི་ཆོ་ག་འདི་དག་ནི། །འཇིག་རྟེན་གྱི་སྔགས་བསྟན་པ་ཡིན། །དཀྱིལ་འཁོར་དེ་ཡི་ལྷ་དག་ཀྱང ། །ད་ནི་རབ་ཏུ་བརྗོད་པར་བྱ། །དེ་ཚེ་སྔགས་པས་རིག་པའི་སྔགས། །དེ་ཚེ་སྔགས་ནི་རིག་པ་དེས། །སྔགས་ལ་རྟག་ཏུ་བསྙེན་བྱས་དང ། བཟླས་པ་ཕུན་སུམ་ཚོགས་མངོན་ཤེས། །འཇམ་དབྱངས་ཆོ་ག་འདི་ལ་ནི། །དེ་ཚེ་སྔགས་པ་དབང་བསྐུར་
191a
༄#། །བ། །དཀྱིལ་འཁོར་རྣམ་པ་ལ་མཁས་ཤིང ། །རྟག་ཏུ་གཙང་སྦྲ་བྱེད་པ་དང ། །སྔགས་རྣམས་ཀུན་ལ་དབང་བསྐུར་དང ། །དཀྱིལ་འཁོར་འདི་ལ་འཇིགས་པ་མེད། །རིག་པའི་སྔགས་དང་སྔགས་བཅས་དང ། །བདག་ཉིད་བསྲུང་དང་ཕན་འདོགས་དང ། །གྲོགས་ཀྱང་དེ་བཞིན་བསྲུང་ཤེས་དང ། །ཡོངས་སུ་ལེགས་བརྟགས་འོད་ཆེན་ལྡན། །སློབ་དཔོན་ལེགས་པར་ཡང་དག་རྩོམ། །རྩོམ་ཞིང་སྦྱངས་ཡོན་བསྟེན་པ་དང ། །ཤེས་རབ་ཆེ་ཞིང་ལེགས་འཇམ་དང ། །དཔལ་ལྡན་སྙིང་རྗེར་རྟག་ཏུ་ལྡན། །གྲོགས་པོ་དག་ནི་ཐམས་ཅད་ཀྱང ། །མཚན་ཉིད་དེ་བཞིན་ཀུན་ཏུ་བསྟན། །གཅིག་གཉིས་གསུམ་དང་དེ་བཞིན་དུ། །གཞན་ཡང་དེ་བཞིན་བརྒྱད་ཀྱི་བར། །སློབ་མ་ལེགས་པར་སྦྱང་བ་བྱ། །མང་པོ་དག་ནི་སྤང་བར་བྱ། །སྔར་བསྟན་ཆོ་ག་ཇི་ལྟ་བར། །དཀྱིལ་འཁོར་འདི་ལའང་ཡང་དག་སྤྱད། །སྟོབས་བཅུ་ལྡན་པས་དང་པོར་ནི། །དཀྱིལ་འཁོར་གང་དག་རབ་བསྟན་པ། ། འཇམ་པའི་དབྱངས་ལས་གཞན་མིན་དང ། །རྒྱུ་གཞན་དག་གིས་བྲི་མི་བྱ། །དཀྱིལ་འཁོར་འོད་ཆེན་ལྡན་པ་ཡི། །ཚད་ནི་རབ་ཏུ་བསྟན་པར་བྱ། །ཁྲུ་བཞིའམ་ཁྲུ་ནི་གཉིས་པ་དང ། ། དེ་བཞིན་གཞན་ཡང་ཁྲུ་བརྒྱད་པར། །གཙང་བའི་ཕྱོགས་སམ་ཆུ་ཀླུང་ངམ། །ཁྱད་པར་དུ་ནི་རི་བོའི་རྩེར། །ཚོན་སྣ་ལྔ་ཡི་ཕྱེ་མ་དང ། །སྔར་བསྟན་པ་ཡི་ལས་ཀྱིས་སོ། །གྲུ་བཞི་སྒོ་
191b
ནི་བཞི་པ་དང ། །རྟ་བབས་བཞི་ཡིས་བརྒྱན་པ་དང ། །ཟུར་བཞི་མཉམ་ཞིང་བཟང་བ་དང ། །ལྷ་ཡི་རྣམ་པ་འདྲ་བའི་མདོག་།ཚོན་རྩི་གསལ་བ་སྣ་ཚོགས་དང ། །མཛེས་པའི་ཁ་དོག་ལེགས་མཛེས་དང ། །དྲི་ཞིམ་བཟང་དང་གཟུགས་བཟང་དང ། །གྲོགས་བཟང་དག་གིས་ཡང་དག་བརྩམ། །ཐུབ་པའི་བརྟུལ་ཞུགས་ཡང་དག་སྤྱད། །ཡན་ལག་བརྒྱད་པའི་བརྟུལ་ཞུགས་བསྟེན། །ཉོན་མོངས་མེད་སེམས་ཟས་ཚོད་རིག་།ཆོས་ལྡན་རྟག་ཏུ་ཟློས་པ་བྱེད། །སྡིག་མེད་ལས་དང་ཡོངས་སྲུང་བྱེད། །དེ་བཞིན་ཞི་དང་རྒྱས་པ་ཤེས། །དེ་ནས་དཀྱིལ་འཁོར་དབུས་བཞུགས་ནས། །བསྟན་བཅོས་ལས་གསུངས་བཞིན་དུ་བྲི། །རིན་ཆེན་ལྷ་ཚོགས་ཀྱིས་བརྒྱན་པའི། །རི་མོ་དང་པོར་བྲི་བར་བྱ། །དེར་ཞུགས་གཞི་བརྗིད་ཆེན་པོ་ནི། །དེ་བཞིན་གཤེགས་པ་རིན་ཆེན་ཏོག་།སྐྱིལ་ཀྲུང་གིས་ནི་ལེགས་བཞུགས་པ། །ཆོས་ཀྱི་འཁོར་ལོ་རྗེས་བསྐོར་བའོ། །རས་རིས་ལ་ནི་ཇི་ལྟ་བར། །བསྟན་བཅོས་ལ་སྔགས་ཐམས་ཅད་བྲི། །རི་མོའི་ཕྲེང་ནི་གསུམ་དག་དང ། །ཕྱག་རྒྱས་རབ་ཏུ་བརྒྱན་པ་དང ། །གསེར་མདོག་རིམ་པས་འཁོར་ཡུག་ཏུ། །ཡོངས་སུ་བྲི་བར་བྱ་བ་ཡིན། །གསལ་དང་ཡོངས་སུ་རྫོགས་པ་དང ། །དྲང་པོ་དེ་ཡི་རྣམ་པའོ། །འཁོར་ལོས་བསྒྱུར་བའི་བདག་པོ་ཆེ། །དེ་ཡི་དབུས་སུ་བྱ་བ་ཡིན། །ཉི་མ་འཆར་ཀ་འདྲ་བ་དང ། །གུར་གུམ་རྣམ་པ་འདྲ་མདོག་ཅན། །འཁོར་ལོ་ཆེན་པོའི་རྗེས་
192a
༄#། །འབྲང་བ། །འབད་པར་གནས་པས་ཀུན་ཏུ་བྲི། །རྒྱལ་པོ་ཆེན་པོ་མཉམ་འདྲ་བ། །གཞལ་མེད་ཁང་བཅས་རྒྱན་གྱིས་བརྒྱན། །སེམས་དཔའ་ཆེན་པོའི་ཅོད་པན་ཅན། །རྒྱན་རྣམས་ཀུན་གྱིས་རབ་ཏུ་བརྒྱན། །དར་ལ་མཛེས་པའི་སྨད་གཡོགས་ཅན། །སྣ་ཚོགས་དར་ལས་སྟོད་གཡོགས་ཤིང ། །ཕྲེང་ལྡན་ཞི་བའི་ཁ་དོག་འོད། །གོས་དང་ཕྲེང་བས་བརྒྱན་པ་དང ། །མེ་ཏོག་ཕྲེང་བ་བ་ཀུ་ལ། །ལག་པས་གཡས་པས་སྙོམས་པར་བྱེད། །བཞིན་ནི་ཅུང་ཟད་འཛུམ་པའི་ལྷ། །མཐུ་ཆེན་འོད་དང་ལྡན་པའོ། །གཟུགས་བཟང་གཟུགས་ནི་མཛེས་པ་དང ། །བྱིས་པ་རྒན་པོ་རྣམ་པར་སྤངས། །ལག་པ་གཡོན་ན་འཁོར་ལོ་སྟེ། །འབར་བའི་འོད་ཀྱི་ཕྲེང་བ་ཅན། །དེ་ནི་ཡོངས་སུ་བསྐོར་བ་དང ། །སྐྱིལ་ཀྲུང་ཕྱེད་ཀྱིས་གནས་པ་བྲི། །གཟུགས་བཟང་གཟུགས་ལ་བསྟེན་ནས་ནི། །ལྷ་ཡི་གཟུགས་འདྲ་བྲི་བར་བྱ། །རི་བོ་འོད་ཆེན་ལྡན་པའི་སྟེང ། །རིན་ཆེན་དུ་མའི་སྟེང་དུ་གནས། །སྔགས་རྣམས་ཀུན་ལ་ཆེ་བ་དང། །རྟག་ཏུ་མཆོག་སྦྱིན་ལ་འཇུག་བྱེད། །འབར་བའི་མེ་དང་འདྲ་བ་དང ། །འོད་ཀྱི་དཀྱིལ་འཁོར་གྱིས་མཛེས་པ། །རླུང་གིས་སྦར་བའི་མེ་བཞིན་དུ། །ཀུན་ནས་མེ་ནི་འབར་བའོ། །དེ་བཞིན་སྔགས་ཀྱི་སྦྱོར་བ་ཡིས། །ཁྱབ་བདག་མེ་ཡིས་འབར་བར་བྱེད། །སྟོབས་ཆེན་དེ་དང་འདྲ་བ་ཡི། །སྔགས་ཀུན་རབ་ཏུ་སྒྲུབ་བྱེད་པ། །གང་གིས་བདག་ཉིད་ཆེན་པོ་མཐོང ། །སྡིག་པ་ཀུན་ལས་
192b
ཡོངས་སུ་གྲོལ། །མཚམས་མེད་ལྔ་པོ་བྱེད་པ་དང ། །ཚུལ་འཆལ་བློ་ནི་ཆུང་བ་དང ། །སྡིག་པ་ཀུན་ལ་འཛུད་བྱེད་པ། །ཁྱབ་བདག་མཐོང་བ་ཙམ་གྱིས་གྲོལ། །ལྷ་ཡི་ལྷ་ནི་འཁོར་ལོའི་བདག ། དཀྱིལ་འཁོར་མཐོང་བ་ཙམ་གྱིས་ནི། །གཞན་ཡང་སྡིག་ཏུ་ཡོངས་བསྟན་པ། །དེ་ཡི་མོད་ལ་གྲོལ་བར་འགྱུར། །སྔགས་པས་རྟག་ཏུ་ཁྱབ་བདག་གི་།དེ་ནས་ཤར་སྒོ་ཡང་དག་སྦྱར། ། རྟ་བབས་ཀུན་ནས་ཡོངས་བསྒྲེང་སྟེ། །བ་དན་དག་གིས་ཉེར་མཛེས་བྱ། །མཐའ་དག་གཟུགས་ནི་མཛེས་པ་ཡི། །དཀྱིལ་འཁོར་ཡོངས་སུ་གསལ་བྱས་ནས། །བཤོས་དང་བདུག་པ་དྲི་དང་ནི། །རྟག་ཏུ་ཕྲེང་བ་བཟང་པོ་ཡིས། །ཆོ་ག་སྔ་མ་ཁོ་ན་ལྟར། །དེ་དག་ཐམས་ཅད་གུས་པར་བྱ། །དབུས་ཀྱི་བུམ་པ་གང་བ་ནི། །འཁོར་ལོ་ཅན་གྱི་མདུན་དུ་དགོད། །དེ་བུམ་རྣམ་པར་རྒྱལ་ཞེས་བྱ། །སྔགས་ཤེས་པས་ནི་དེ་མི་བཏེག་།ཆོ་ག་མཐོང་བའི་ལས་ཀྱིས་ནི། །མེ་ཐབ་སྔ་མ་བཞིན་དུ་བྱ། །སྦྱིན་སྲེག་ཆོ་ག་ཡང་དག་བརྩམ། །ཆོ་ག་སྔགས་ནི་གཞན་པས་མིན། །སྦྱིན་སྲེག་ཀྱང་ནི་བརྒྱ་རྩ་བརྒྱད། །སེང་ལྡེང་བུད་ཤིང་མེ་ལ་ནི། །པ་ལ་ཤ་དང་བིལ་བའི་ཤིང ། །བིལ་བ་ཨུ་དུམ་ཨརྐ་དང ། །འབད་པས་ལས་རྣམས་ཀུན་ལ་ནི། ། པ་མར་གས་སྦྱིན་སྲེག་བྱ། །ཏིལ་ལ་མར་གྱིས་བཏགས་པའམ། །ཞོ་ལ་སྦྲང་རྩི་བསྲེས་པ་ཡིས། །ལས་རྣམས་ཀུན་ལ་སྦྱིན་སྲེག་ནི། །སྟོང་རྩ་བརྒྱད་ནི་རྟག་ཏུ་བྱ། །དུས་གསུམ་དུས་ནི་ཀུན་བསྟན་པ། །ཁྲུས་
193a
༄#། །དང་གོས་ནི་བརྗེ་བ་དང ། །དཀར་གསུམ་རྒྱུ་སྐར་བཟང་པོ་ནི། །མཁས་པ་རྣམས་ཀྱིས་བསྟན་པ་ཡིན། །ལས་རྣམས་སྔར་ནི་བསྟན་པ་ཡི། །བཟླས་དང་སྦྱིན་སྲེག་དེ་བཞིན་གཞན། །སྔགས་དང་ཡང་དག་ལྡན་པས་སམ། །འཁོར་ལོས་བསྒྱུར་བའི་རིགས་ཀྱིས་བྱ། །ལས་རྣམས་དག་ནི་ཀུན་ལ་ཡང ། །ཡི་གེ་གཅིག་པའི་སྔགས་ཀྱིས་བྱ། །དེ་ནི་མཐུ་ཆེན་དོན་ལྡན་ཏེ། །དཔའ་བོ་གཅིག་པུ་རྟག་པ་མཆོག་།དེ་ལ་རྟག་ཏུ་ཟློས་བྱེད་པ། །སྔགས་རྣམས་ཀུན་གྱི་ཆོ་ག་སྤྱོད། །འཇིག་རྟེན་པ་ཡི་འཇིག་རྟེན་འདོད། །ཆོ་ག་ཐམས་ཅད་འགྲུབ་པར་འགྱུར། །འཇིག་རྟེན་འདས་པའི་བརྩོན་འགྲུས་ཆེ། །རིག་པའི་རྒྱལ་པོ་དཀའ་ཐུབ་ཆེ། །སྔགས་ཀུན་འགྲུབ་པར་འགྱུར་བ་ནི། །ཆོ་ག་འདི་ལས་གཞན་པས་མིན། །ཐུབ་པ་རྣམས་ཀྱིས་སྔགས་གསུངས་དང ། །དེ་བཞིན་སྟོབས་བཅུ་ལྡན་སྲས་དང ། །འཇིག་རྟེན་སྐྱོང་བ་བརྒྱ་བྱིན་སོགས། །ཁྱབ་འཇུག་དབང་ལྡན་ཚངས་པ་དང ། །ཟླ་བ་ཉི་མ་དེ་བཞིན་གཞན། །གནོད་སྦྱིན་དབང་པོ་སྲིན་པོ་དང ། །ལྟོ་འཕྱེ་ཆེ་དང་མིའམ་ཅི། །དེ་བཞིན་ས་སྟེང་དྲང་སྲོང་མཆོག་།ནམ་མཁའ་ལྡིང་དང་རླུང་ལྷ་དང ། །སེམས་ཅན་མིང་ལྡན་འཇིག་རྟེན་གཞན། །གང་གིས་བཤད་པའི་སྔགས་རྣམས་ནི། །འདི་ཡང་འགྲུབ་པར་འགྱུར་བ་ཡིན། །སྔགས་རྣམས་ཀུན་ལ་འགུགས་
193b
བྱེད་དང ། །ལས་རྣམས་ཀུན་ལ་སྟོན་བྱེད་དང ། །འབྱུང་བོ་ཀུན་གྱི་སྔགས་རྒྱུད་ནི། །རྒྱས་དང་བཅས་པ་དབང་དུ་བྱེད། །ཡི་གེ་གཅིག་པའི་སྔགས་འདི་ནི། །སྔགས་པ་ཀུན་གྱི་རབ་བྱེད་པ། །བཟླས་པ་ཙམ་གྱིས་དོན་ལྡན་ཏེ། །ལྷ་རྣམས་ཀུན་ནི་འགུགས་བྱེད་ལ། །ཆོ་ག་རྣམས་ནི་དབང་དུ་བྱེད། །ཡི་གེ་གཅིག་ཆེན་བདག་པོ་ཡིན། །དམ་པ་རྣམས་ཀྱིས་རབ་བསྔགས་པའི། །རྣམ་པ་སྣ་ཚོགས་བྱེད་པ་ཡིན། །འཇིག་རྟེན་འཇིག་རྟེན་འདས་པའི་སྔགས། །ཡང་དག་སྦྱར་ན་སྒྲུབ་པར་བྱེད། །མ་ལུས་མཐོང་ན་མཛེས་པ་ཡི། །རས་རིས་གསལ་བ་བྱས་ནས་ནི། །གཙང་བའི་ཕྱོགས་དང་འབབ་ཆུའི་ངོགས། །རི་བོའི་རྩེར་ཡང་གཞག་པར་བྱ། །སྔ་མའི་ལས་ཀྱི་སྦྱོར་བ་ཡིས། །ནུབ་ཀྱི་ཕྱོགས་སུ་རྟག་ཏུ་བསྟན། །ཆོ་ག་མཐོང་བའི་ལས་ཀྱིས་ནི། །སྒྲུབ་པ་པོ་ནི་ཤར་དུ་བལྟ། །དུར་བའི་ཁྲེས་ལ་འདུག་ནས་ནི། །འདུ་འཛི་མེད་པར་བཟླས་པར་བྱ། །སྒྲ་ནི་དྲག་མིན་དལ་བས་མིན། །གཞན་ལ་ངན་སེམས་མེད་གྱུར་ན། །སངས་རྒྱས་མ་ལུས་ཀུན་གྱི་ཡང ། །འདི་ལ་མྱུར་དུ་འགྲུབ་པ་ཡིན། །རྟག་ཏུ་འཇིག་རྟེན་བྱམས་སེམས་དང ། །སྡུག་བསྔལ་ཅན་ལ་སྙིང་བརྩེར་ལྡན། །མགོན་མེད་སེམས་ནི་དམན་པ་དང ། །ཕོངས་པས་ཉམས་ཐག་སྟོབས་ཆུང་དང ། །མི་བཟད་འཁོར་བར་ལྟུང་བ་ལ། །སྙིང་རྗེའི་སེམས་ལྡན་འགྲུབ་པར་འགྱུར། །འབད་པས་རས་རིས་མདུན་
194a
༄#། །དག་ཏུ། །མཆོད་པ་ཆེན་པོ་རྟག་ཏུ་བཞག་།དངོས་སུ་འབྱོར་དང་ཡིད་ཀྱིས་སྤྲུལ། །བཟང་པོ་སེམས་ལས་བྱུང་བ་དང ། །རྒྱལ་དབང་གཟུགས་ཀྱི་རི་མོ་ནི། ། བསམ་པའམ་ཡང་ན་བྱ་བ་ཡིན། །དེ་ཉིད་ཀྱི་ནི་ཆོ་ག་ཡིས། །དེ་ཉིད་དུ་ནི་མེ་ཐབ་བྱ། །མེ་ནི་ཤིན་ཏུ་འབར་བ་ལ། །སྒྲུབ་པས་སྲེག་བླུགས་སྦྱིན་སྲེག་བྱ། །ཙནྡན་དཀར་དང་ག་བུར་དང ། །གུར་གུམ་གྱིས་བསྲེས་མང་པོ་ནི། །བརྒྱ་ནི་རྩ་བརྒྱད་སྲེག་བླུགས་ཀྱིས། །སྔགས་རིག་མེ་འབར་སྦྱིན་སྲེག་བྱ། །སེང་ལྡེང་བླག་ཤ་ནྱ་གྲོ་དྷ། །པ་ལ་ཤ་ནི་གང་ཡིན་པ། །དེ་དག་ལས་བྱུང་ཤིང་དག་གིས། །མེ་ཆེན་རབ་ཏུ་སྦར་བར་བྱ། །ཤིང་དེ་དག་ནི་མེད་གྱུར་ན། །ཤིང་གཞན་ཡོངས་སུ་གཟུང་བར་བྱ། །པི་ཙུ་མྲྡ་ཚཝ་དང་སྐྱུར། །པོ་སོན་ཆ་ལས་བྱུང་བའི་ཤིང ། །ཚེར་མ་ཅན་སོགས་སྤང་བྱ་སྟེ། །སྡིག་པའི་ལས་ལ་རབ་ཏུ་བསྒྲགས། །ཡི་གེ་གཅིག་པའི་སྔགས་ཉིད་ཀྱིས། །ཞི་དང་རྒྱས་པ་བྱས་གྱུར་ན། །དེ་ནི་མྱུར་དུ་འགྲུབ་པར་འགྱུར། །སྡིག་པའི་ལས་ནི་སྤྱད་མི་བྱ། ། སྔགས་མཆོག་ཀུན་ཀྱང་འདི་ལ་ནི། །ལས་རྣམས་ཆོ་ག་རྒྱ་ཆེན་ཀུན། །རྣམ་རྟོག་མེད་པས་རབ་སྦྱར་ན། །རྟག་ཏུ་འགྲུབ་པར་འགྱུར་བ་ཡིན། །དེ་ཚེ་སྔགས་ནི་འགྲུབ་འགྱུར་ཞིང ། ། མཆོག་སྦྱིན་ཉིད་དུའང་འགྱུར་བ་ཡིན། །ཡམ་ཤིང་བླག་ཤ་ཨུ་དུམ་བར། །ཡང་ན་བླག་ཤ་ནྱ་གྲོ་དྷ། །མར་གྱིས་བཏགས་དང་སྦྲང་རྩིར་ལྡན། །ཞོ་དང་ལྡན་པས་མཉམ་བཞག་ནས། །
194b
ས་སྟེང་རྒྱལ་ཐབས་འདོད་པ་ཡི། །སྔགས་པས་དུས་ཀུན་སྦྱིན་སྲེག་བྱ། །ལྷ་ཡི་རྒྱལ་པོ་འདོད་པས་ནི། །གུར་གུམ་ཙནྡན་སྦྱིན་སྲེག་བྱ། །རིག་པ་འཇིན་པའི་ལྷ་དག་གི་།བདག་པོ་ཉིད་ནི་འདོད་གྱུར་ན། ། པདྨའི་སྦྱིན་སྲེག་འབུམ་ཕྲག་ནི། །སུམ་ཅུ་རྩ་དྲུག་གེ་སར་བཅས། །སྦྱིན་སྲེག་མཐར་ནི་མཆོད་ཡོན་ཡང ། །བསྟན་བཅོས་ལས་བྱུང་བཞིན་དུ་དབུལ། །རྒྱལ་བས་བསྔགས་པས་རས་རིས་མཆོག ། དེར་ནི་ཀུན་ནས་ཡོངས་སུ་འབར། །དེ་ལ་རེག་པ་ཙམ་གྱིས་ནི། །ཚངས་པའི་འཇིག་རྟེན་དག་དང་ནི། །འོག་མིན་གྱི་ནི་བར་དག་ནས། །ཡང་ན་ས་འོག་རིམ་པར་འགྲོ། །བར་སྐབས་འདིར་ནི་གྲུབ་རྣམས་ཀྱི། །དེར་ནི་རྒྱལ་པོར་རྟག་ཏུ་འགྱུར། །སྟོབས་ཆེན་བརྟན་ཞིང་ཕ་རོལ་གནོན། །འབྱུང་པོ་རྣམས་ནི་འབྱོར་པར་བྱེད། །རྟག་ཏུ་རིག་འཛིན་རྒྱལ་པོར་འགྱུར། །ལས་རྣམས་ཡོངས་སུ་སྦྱོང་བར་བྱེད། །དེ་ནི་དུས་རིང་འཚོ་འགྱུར་ཏེ། །བསྐལ་པ་ཙམ་དུའང་གནས་པ་ཡིན། །གང་ཚེ་ལུས་ནི་ཤི་འཕོས་ནས། །ངེས་པར་བྱང་ཆུབ་གཞོལ་བར་འགྱུར། །གཞན་ཡང་ལས་ནི་འདི་དག་ཀྱང ། །མདོ་དང་རྒྱས་པ་བསྟན་པར་བྱ། །པདྨ་དཀར་པོ་ཡོངས་བླངས་ནས། །ཙནྡན་དཀར་དང་ལྡན་པ་ཡི། །སྦྱིན་སྲེག་འབུམ་ཕྲག་བརྒྱ་བྱས་ན། །དེས་ནི་རིན་ཆེན་ཏོག་མཐོང་འགྱུར། །རྒྱལ་བ་དམ་པ་དེ་མཐོང་ན། །དེ་ཚེ་མངོན་ཤེས་ལྔ་ཐོབ་འགྱུར། །བསྐལ་པ་ཆེན་པོར་རིང་འཚོ་ཞིང ། །སངས་རྒྱས་རྗེས་སུ་འགྲོ་བར་འགྱུར། །མཐའ་ཡས་ཕྱོགས་ན་བཞུགས་པ་ཡི། །སངས་རྒྱས་
195a
༄#། །དེ་ནས་མཐོང་བར་འགྱུར། །དེ་དག་ལ་ནི་རྟག་མཆོད་ཅིང ། །དེ་དག་ཉིད་དང་ལྷན་ཅིག་གནས། །རིན་ཆེན་ལྡན་ཞེས་འཇིག་རྟེན་ཁམས། །གཅིག་ན་བཅོམ་ལྡན་དེ་བཞུགས་པ། །ཐུབ་གཙོ་མཆོག་ནི་དམ་པ་སྟེ། །དེ་བཞིན་གཤེགས་པ་རིན་ཆེན་ཏོག་།དེ་ལ་དེ་ནི་རྟག་གནས་ཏེ། །སྔགས་ཀྱིས་དག་པར་ཐེ་ཚོམ་མེད། །གཞན་ཡང་ལས་ནི་འདོད་པ་དག་།གང་ཟག་མཆོག་གིས་གསུངས་པ་ནི། །ནཱ་ག་གེ་སར་ག་པུར་དང ། །ཙནྡན་གུར་གུམ་ཆ་མཉམ་པ། །སྔགས་པས་དེ་ཚེ་གཅིག་བྱས་ནས། །སྦྱིན་སྲེག་འབུམ་ཕྲག་བདུན་ཅུ་བརྒྱད། །དེ་ཚེ་ལྷ་ནི་སྦྱིན་སྲེག་མཐར། །འཁོར་ལོ་ཅན་དེ་འདིར་བྱོན་ནས། །རྟག་ཏུ་དགྱེས་ནས་མཆོག་སྩོལ་ཏེ། །སྒྲུབ་བྱེད་སྤྱི་བོར་བྱུག་པར་མཛད། །དེ་ཚེ་རེག་པ་ཙམ་གྱིས་ནི། །སྔགས་པ་ས་བདུན་བདག་པོར་འགྱུར། །རྒྱལ་སྲས་ཐུགས་ལས་སྐྱེས་པ་ཡི། །བྱང་ཆུབ་སེམས་དཔར་དེར་བརྗོད་དོ། །ངེས་པའི་བྱང་ཆུབ་སེམས་དཔའ་ཡང ། །དེ་ནི་ལུང་བསྟན་འགྱུར་བ་ཡིན།། དེ་ནས་བརྩམས་ནས་ཅུང་ཟད་གང ། །ཤེས་དང་ཤེས་བྱ་རྒྱལ་བའི་སྲས། །ཤེས་འགྱུར་སྔགས་རྣམས་མ་ལུས་ནི། །རྟོགས་པའི་བདག་ཉིད་ཆེར་རྒྱས་ཡིན། །དེ་ལ་རེག་པ་ཙམ་གྱིས་ནི། ། མངོན་ཤེས་ལྔ་ལྡན་སྔགས་རྒྱལ་འགྱུར། །རྟག་ཏུ་བདག་དང་གཞན་བདག་ཉིད། །རྣམ་པ་སྣ་ཚོགས་བྱེད་པར་འགྱུར། །རྣམ་པ་ཀུན་མཆོག་ལྡན་པ་ཡི། །མཆོད་པའི་ལས་ལ་རྟག་
195b
ཏུ་དགའ། །སྐད་ཅིག་དེ་ཉིད་ཁོ་ན་ལ། །བྱང་ཆུབ་ལས་ལ་བརྩོན་པར་འགྱུར། །དེ་ཚེ་སྐད་ཅིག་ཙམ་གྱིས་ནི། །འཇིག་རྟེན་སངས་རྒྱས་ཞིང་དེར་འགྲོ་།འཇིག་རྟེན་ཁམས་ནི་སྟོང་དག་ཏུ། །ཐམས་ཅད་དུ་ཡང་འགྲོ་བར་འགྱུར། །སངས་རྒྱས་བྱང་ཆུབ་སེམས་དཔའ་ནི། །དེ་ཚེ་སྤྱོད་བཅས་མཐོང་བར་འགྱུར། །དེ་ལས་ཆོས་ནི་ཐོས་པ་དང ། །མཆོད་པའི་ལས་ལ་བརྩོན་པར་འགྱུར། །རྒྱལ་པ་འཁོར་ལོས་བསྒྱུར་གསུངས་པའི། །འདིར་ནི་ལས་རྣམས་གཞན་ཡོད་དེ། །མར་མེ་ཡོན་དུ་དབུལ་བ་ནི། །མར་བཅས་སྙིང་པོ་གཙང་བ་ནི། །གསེར་དང་དངུལ་གྱི་སྣོད་དག་དང ། །ཟངས་མ་ས་དག་ཉིད་ཡིན་ནའང ། །དེར་ནི་མར་མེ་རབ་སྤར་ཏེ། །སྐྱེས་བུ་གྲངས་ནི་འབུམ་དག་གིས། །གྲངས་ཀྱི་ཚད་ཙམ་ངེས་བཞག་སྟེ། །བརྒྱ་ཕྲག་སྟོང་ལས་ལྷག་པ་མིན། །བུད་མེད་སྤངས་པའི་སྐྱེས་པ་ཡིས། །ཁོ་ར་འཁོར་ཡུག་མར་མེ་འཛིན། །མཆོད་པའི་ལས་ཀྱི་དོན་དུ་ནི། །སྟོན་པའི་རས་རིས་སྐུ་ལ་དབུལ། །སྔགས་རྣམས་རེ་རེ་འང་འདོན་བཞིན་དུ། །ཐམས་ཅད་མཉམ་པར་རབ་ཞུགས་ནས། །སྟོན་པ་ལ་ནི་འབུལ་བྱེད་ན། །དེ་ཡི་མོད་ལ་གྲུབ་པར་སྟོན། །ཀུན་ནས་སྒྲ་ནི་སྒྲོགས་བྱེད་ཅིང ། །རྔ་བོ་ཆེ་ཡི་སྒྲ་ཡང་སྒྲོགས། །གང་ཕྱིར་ལྷ་ཚོགས་དུ་མ་ནི། །ལེགས་སོ་ཞེས་པའི་སྒྲ་རབ་འདོན། །སངས་རྒྱས་བྱང་ཆུབ་སེམས་དཔའ་ཡང ། །དེ་ཚེ་ནམ་མཁའ་ལ་བཞུགས་ནས། །ཤེས་རབ་ཅན་ཁྱོད་ལེགས་སོ་ལེགས། །ལེགས་བྱས་ལས་ནི་ཡོངས་སུ་བྱས། །འཁོར་བའི་རྒྱ་མཚོར་ནུབ་པ་དང །
196a
༄#། །སྡུག་བསྔལ་ཡང་ནི་མཐོང་མི་འགྱུར། །བདེ་དང་ཞི་བ་མྱ་ངན་འདས། །འཇིགས་མེད་སངས་རྒྱས་ཉིད་ཀྱང་ཐོབ། །ལམ་ནི་དགེ་དང་དྲི་མ་མེད། །ཡན་ལག་བརྒྱད་ལ་ལེགས་པར་སྤྱོད། །ཡི་གེ་གཅིག་པ་མཉེས་བྱས་ནས། །སྔགས་ཀྱི་ངོ་བོའི་མགོན་པོ་མཉེས། །གཞན་ཡང་ལས་ནི་འདི་ཉིད་ནི། །དམ་པའི་འགྲོ་བ་ལ་གནས་ནས། ། མཐུ་ཆེན་པོར་ནི་རྣམ་ཤེས་པའི། །རྫོགས་པའི་སངས་རྒྱས་རྣམས་ཀྱིས་གསུངས། །ནིམ་པའི་རང་བཞིན་ཤིང་བླངས་ནས། །རྩེ་གསུམ་རྡོ་རྗེ་གཉིས་མཐར་བྱ། །དབུས་ཀྱི་ཕྱོགས་སུ་བྱ་བ་ནི། །རྡོ་རྗེ་རིགས་ཏེ་མི་བསྐྱོད་པ། །དེ་ནས་སྔགས་ཀྱིས་དག་བྱས་ནས། །དེ་ནི་རས་རིས་མངོན་དུ་བཞག་།དེ་ནས་སྔགས་པས་ལག་རེག་ནས། །སྔགས་ནི་མཉམ་པར་གཞག་ནས་བཟླ།། རྩ་བརྒྱད་འབུམ་ཕྲག་བཅུ་དྲུག་ནི། །ཡོངས་སུ་རྫོགས་ནས་གྲུབ་པར་འདོད། །དེ་ནས་རྡོ་རྗེ་གཅིག་འབར་ཏེ། །ཀུན་ནས་དེ་ནི་རབ་ཏུ་འབར། །དེ་ནས་རྡོ་རྗེ་དེ་བླངས་ནས། །འདི་ལྟར་དེ་ནི་སྟེང་འགྲོ་འོ། །དེ་ནས་ཚངས་པའི་འཇིག་རྟེན་ནམ། །གཞན་ཡང་ལྷ་གནས་གང་འདོད་འགྲོ། །དེ་ནས་ནམ་མཁར་འགྲོ་འགྱུར་ཏེ། །གྲུབ་པ་ཀུན་གྱི་སྔོན་དུ་འདྲེན། །གྲུབ་པའི་རིག་འཛིན་ལ་སོགས་ཀྱི། །བདག་པོ་ཉིད་ཀྱང་བྱེད་པར་འགྱུར། །ལྷ་ཡི་འདུས་པ་མང་པོ་ཡི། །འཁོར་ལོས་བསྒྱུར་བའི་རྒྱལ་པོར་འགྱུར། །བདག་ཉིད་ཀྱི་ནི་སྤྱོད་པ་ཡང ། །རྣམ་པ་སྣ་ཚོགས་བྱེད་
196b
པར་འགྱུར། །བར་གྱི་བསྐལ་པ་བཅུ་ཡི་བར། །ཡུན་རིང་གནས་ཏེ་བར་ཆད་མེད། །བདེ་བ་ལ་བརྟེན་རྟག་ཏུ་མཆོད། །རྟག་ཏུ་སྐྱེས་བུ་དམ་པར་ལྡན། །བྱང་ཆུབ་སེམས་ཀྱིས་ཡང་དག་སྤྱོད། །སྐྱེ་བའི་སྡུག་བསྔལ་རྣམ་པར་སྤངས། །གྲུབ་པའི་དབང་ཕྱུག་འགྱུར་བ་སྟེ། །སྡིག་པ་ཐམས་ཅད་རྣམ་པར་སྤངས། །དེ་ལ་ཤི་འཕོས་མིར་སྐྱེ་ཞིང ། །བདེ་བ་མང་ལ་རབ་ཏུ་གཞོལ། །འགྲོ་བ་མ་ལུས་སྐྱོབ་བྱས་ནས། །བྱང་ཆུབ་ཡང་དག་གཞོལ་བར་འགྱུར། །རྣམ་པ་སྣ་ཚོགས་ལས་མཐའ་ཡས། །མང་པོ་འཇིག་རྟེན་དོན་མཆོད་པ། །སྔགས་ཀྱི་རྒྱལ་པོ་འདིར་བརྗོད་པ། །ཆོ་ག་རྒྱ་ཆེན་ཆོ་གར་བཅས། །ས་བདག་བརྒྱ་བྱིན་ཉིད་དང་ནི། །འཁོར་ལོས་བསྒྱུར་ཉིད་ཡང་དང་ཡང ། །རིག་འཛིན་རྣམས་དང་དེ་བཞིན་དུ། །ལྷ་ཉིད་དང་ནི་བདག་པོའང་བྱེད། །རྣམ་པ་དུ་མའི་ངོ་བོ་འམ། །ལས་ནི་གང་དག་འདི་གསུངས་པ། །ཐམས་ཅད་གྲུབ་པ་ཐོབ་འགྱུར་ཏེ། །སྔགས་པ་ལེགས་པར་སྦྱོར་བྱེད་ནའོ། །མཚན་མོ་སྐྱིལ་མོ་ཀྲུང་བཅས་ཏེ། །སྡོམ་ཅན་དོན་ཡོད་བཟླས་བྱས་ན། །ཐོ་རངས་གྲུབ་པ་ཐོབ་འགྱུར་ཏེ། །ཟློས་པ་མངོན་ཤེས་ལྔ་ཐོབ་འགྱུར། །དུར་ཁྲོད་རོ་ལ་འདུག་ནས་ནི། །སྡོམ་ཅན་འགུལ་མེད་ཟློས་པ་ནི། །ཡི་གེ་གཅིག་པོ་དོན་ཆེན་ཏེ། །ཐོ་རངས་གྲུབ་པར་འདོད་པ་ཡིན། །རིག་པའི་རྒྱལ་པོ་རྫུ་འཕྲུལ་ཆེ། །གལ་ཏེ་དུར་ཁྲོད་གནས་ནས་བཟླས། །ཟླ་བ་དྲུག་གིས་གྲུབ་ཐོབ་སྟེ། །ཇི་ལྟར་འདོད་པའི་འབྲས་བུ་བྱེད། །གང་ཡང་རུང་བའི་གནས་དག་ཏུ། །རྫུ་འཕྲུལ་ཆེན་པོ་ཟློས་
197a
༄#། །བྱེད་ན། །དེར་གནས་གྲུབ་པ་ཐོབ་འགྱུར་ཏེ། །སྔགས་པ་ལེགས་པར་སྦྱོར་བྱེད་པའོ། །གདུགས་དཀར་དེ་བཞིན་རལ་གྲི་དང ། །ནོར་བུའི་ལྷ་མ་དང་གདུབ་གོང་དང ། །མུ་ཏིག་ཕྲེང་བ་དཔུང་རྒྱན་དང ། །གདུ་བུ་དང་ནི་སོར་གདུབ་དང ། །འོག་པག་དང་ནི་དེ་བཞིན་གོས། །སོ་ཤིང་དང་ནི་སྤྱི་བླུགས་དང ། །མཆོད་ཕྱིར་ཐོགས་དང་ཞཝ་དང་ནི། །ཁྲབ་དང་གོ་ཆ་ཉིད་དང་ནི། །གཡང་གཞི་དང་ནི་རིལ་བ་དང ། །ཕྲེང་བ་དང་ནི་མཆིལ་ལྷམ་དང ། །འཇིག་རྟེན་གཉིས་ན་འདོད་པ་ཡི། །རྒྱན་གྱི་གཙོ་བོ་ཐམས་ཅད་དེ། །ལྷ་དང་མི་དང་དེ་བཞིན་དུ། །གཞན་ཡང་རྒྱན་འགྱུར་འདི་ལ་བརྒྱན། །དེ་དག་ཐམས་ཅད་ཐོབ་འགྱུར་ཏེ། །རས་རིས་མདུན་དུ་ཟློས་བྱེད་ལའོ། །རྫས་རྣམས་ཀུན་དང་འབྱུང་ཁུང་དང ། །རྒྱན་དང་ནོར་བུ་རྣམས་དང་ནི། །མཚོན་ཆ་ཐམས་ཅད་དུ་མ་ནི། །རས་རེས་མདུན་དུ་བཞག་ནས་ནི། །དག་བྱས་གཅིག་ཅར་བཟླ་བྱ་བ། །འབུམ་ཕྲག་བརྒྱད་ཀྱིས་གཡོ་བ་དང ། །ཐམས་ཅད་བཅས་ཏེ་འབར་བ་དང ། །ཟློས་པ་རེག་པས་གྱེན་དུ་འགྲོ་།རྣམ་པ་སྣ་ཚོགས་གཟུགས་ལྡན་པ། །སེམས་ཅན་རང་བཞིན་ཡིན་ཡང་རུང ། །རྒྱན་དང་མཚོན་ཆ་ཡིན་ཡང་རུང ། །ངོ་བོ་ཉིད་དམ་ས་རང་བཞིན། །རང་ཚུལ་སྤྱོད་དམ་བཅོས་མ་དང ། །འདབ་ཆགས་སྣ་ཚོགས་ཚོགས་ཀྱང་རུང ། །གང་དག་འབྱུང་པོ་ཀུན་ལ་གྲགས། །བཅོས་མའམ་བཅོས་མ་མིན་པའམ། །འདུ་ཤེས་ཅན་ནམ་འདུ་ཤེས་མེད། །སྔགས་པ་མཆོད་
197b
པས་གྲུབ་པར་འགྱུར། །རྣམ་པ་སྣ་ཚོགས་རྫས་བཞག་དང ། །རྣམ་པ་སྣ་ཚོགས་ཁམས་ལས་བྱུང ། །རང་བྱས་བྱེད་དུ་བཅུག་པ་དང ། །འགྲོ་བའི་སྐྱེ་གནས་དག་ན་བསྔགས། །སྔར་བསྟན་ཆོ་ག་བཞིན་དུ་ནི། །རས་རིས་མདུན་དུ་རྣམ་པར་གཞག་།ལན་ནི་དྲུག་གམ་བདུན་དག་གིས། །སྔགས་པས་རེག་ནས་བཟླ་བར་བྱ། །བཟླས་མཐར་དེ་དག་རབ་འབར་ཏེ། །གྲུབ་པ་རྒྱས་པ་ཐོབ་པར་འགྱུར། །དེ་ནི་དེ་ལ་རེག་ཙམ་གྱིས། །ཕྱོགས་བཞི་དག་ཏུ་འགྲོ་བར་འགྱུར། །འདིར་ནི་ལྷ་ཡུལ་ཐོབ་ནས་ནི། །རིང་དུ་འཚོ་ཞིང་བདེ་བར་འགྱུར། །རྫུ་འཕྲུལ་ཆེན་པོ་རིག་རྒྱལ་ལ། །ཇི་ལྟ་ཇི་ལྟར་རབ་སྦྱོར་བ། །དེ་ལྟ་དེ་ལྟར་དགའ་འགྱུར་ཞིང ། །རྟག་ཏུ་མཆོག་ཀྱང་སྟེར་བར་འགྱུར། །གཞན་ཡང་ལས་ལ་རབ་སྦྱོར་བ། །ལས་རྣམས་དུས་ནི་ཡུན་རིང་བ། ། རིག་པའི་རྒྱལ་པོ་རྫུ་འཕྲུལ་ཆེ། །དེ་ཉིད་ཀྱིས་ནི་མྱུར་འགྲུབ་འགྱུར། །གཙང་ཞིང་སེམས་ནི་གཙང་བ་དང ། །གཙང་བའི་ལས་ལ་རྟག་ཏུ་དགའ། །གཙང་བའི་ཕྱོགས་དང་སྔགས་ཤེས་པ། ། གཙང་བའི་གྲུབ་པ་ཐོབ་པར་འགྱུར། །ལས་གང་བྱེད་པ་དེ་འབྲས་ཐོབ། །མཆོག་གི་མཆོག་ཏུ་འགྱུར་བ་དང ། །འབྲིང་གི་ལས་ཀྱི་འབྲིང་དུ་འགྱུར། །ཐ་མས་ཀྱང་ནི་ཐ་མར་རོ། །མ་བསྒྲུབས་ལས་ཀྱིས་གྲུབ་པ་ཡང ། །ཅུང་ཟད་ཙམ་གྱིས་འབྲས་འབྱིན་ཏེ། །བུ་མོའམ་ནོར་ནི་མང་པོ་དག་།ཡང་དག་སྤྱོད་པས་བྱེད་པར་འགྱུར། །རྟག་ཏུ་བཟླས་པ་ཙམ་གྱིས་ནི། །ལོངས་སྤྱོད་ཆེ་ཞིང་
198a
༄#། །སྟོབས་ཀྱང་ཆེ། །རྒྱལ་པོ་དགའ་ཞིང་བློན་པོ་ཉིད། །རྟག་ཏུ་བཟླས་པས་བྱེད་པར་འགྱུར། །སྔགས་ཀྱི་རྒྱལ་པོ་ལན་གཅིག་བཟླས། །དེ་ཡི་སྡིག་པ་རབ་ཏུ་འཇིག ། གཉིས་སུ་བཟླས་སམ་བདུན་བཟླས་པས། །བདག་ཉིད་སྲུང་བ་ཆེན་པོར་འགྱུར། །ལན་བརྒྱད་དེ་ནི་བཟླས་པ་ཡིས། །གྲོགས་པོ་ཐམས་ཅད་སྲུང་བར་བྱེད། །གོས་ལ་ལན་གཉིས་མངོན་སྔགས་ན། །སྔགས་པ་དག་ནི་རྟག་ཏུ་ཡང ། །ནད་རྣམས་ཀུན་ལས་ཤིན་ཏུ་གྲོལ། །གོས་ནི་གཉིས་ཀ་ལ་སྔགས་ནས། །གོས་དག་ལ་ནི་རེག་བྱས་ན། །ལུས་ཅན་ནད་ནི་མེད་པར་འགྱུར། །གདོང་དང་མིག་གཉིས་དག་ལ་ནི། །འབད་པས་མངོན་པར་རབ་སྔགས་ན། །ཁྲོས་པ་རྣམས་ཀྱི་ཁྲོ་བ་ནི། །སྔགས་པས་བལྟས་པ་ཙམ་གྱིས་འཇིག་།གང་ཡང་འབྱུང་ཚོགས་མ་རུངས་པ། །འཚེ་བྱེད་སྡིག་པའི་ལས་ཅན་ལ། །སྔགས་རྒྱལ་སུམ་ཅུ་རབ་བཟླས་ཏེ། །དེ་དག་གདོང་ལ་བལྟ་བའམ། །རང་ལག་ཉིད་ལ་ཡང་དང་ཡང ། །མངོན་པར་སྔགས་པ་བྱས་ནས་ནི། །དེ་དག་ཐལ་མོ་བརྡབས་ན་ནི། །ལུས་ཅན་ཀུན་ནི་གྲོལ་བར་འགྱུར། །བྱིས་པ་ལ་ནི་རྟག་བྱ་བ། །ཁྲུས་དང་བཟའ་དང་བཏུང་བ་ལ། །སྔགས་མཆོག་དྲུག་ཅུ་བཟླས་ནས་ནི། །ལྷ་ཡི་དམ་པ་མཆོད་བྱས་ན། །ཤ་ཟ་མ་མོ་དག་གི་གདོན། །མ་རུངས་ཀུན་ལས་གྲོལ་བར་འགྱུར། །སྔགས་ཀྱི་འཇིགས་པས་འཇིགས་བྱེད་ཅིང ། །རྟག་ཏུ་བྱིས་པ་གཏོང་
198b
བར་བྱེད། །དེ་ལྟར་རྣམ་པ་དུ་མའི་ལས། །ས་སྟེང་མྱུར་དུ་རྟག་འཇིག་ན། །མི་རྣམས་ལ་ནི་དེ་བཞིན་བྱེད། །གང་དག་འབྱུང་པོ་སྡིག་སྦྲུལ་ནི། །རྣམ་པ་སྣ་ཚོགས་གནས་འགྲོ་བ། །དུག་བཅས་དུག་ནི་མེད་པ་ཉིད། །སྔགས་ཀྱི་མཐུ་ཡིས་འཇིག་པར་བྱེད། །གང་དག་སྡུག་བསྔལ་སྣ་ཚོགས་དང ། །གང་དག་ཚོར་བ་ཐམས་ཅད་ནི། །སྔགས་ཀྱི་རྒྱལ་པོ་བཟླས་པ་ཡིས། །མྱུར་དུ་ཞི་བར་རབ་ཏུ་འགྲོ་།རྣམ་པ་སྣ་ཚོགས་གནོད་སྡུག་བསྔལ། །མང་པོ་འཆི་བ་འོག་བའི་ནད། །སྔགས་ཀྱི་རྒྱལ་པོ་དྲུག་བརྒྱ་བཟླས། །མྱུར་བ་ཉིད་དུ་སེལ་བར་འགྱུར། །སྦྱིན་སྲེག་ལས་ནི་བྱ་བ་ལ། །ཞོ་དང་མར་གྱིས་ཐམས་ཅད་བསྲེ། །ུད་པལ་སྔོན་པོའི་དྲི་བཟང་ནི། །རྩ་བརྒྱད་སྟོང་གིས་བཟླས་པ་བྱ། །ཞི་ཞིང་འབྱུང་པོ་རྣམས་སོང་ནས། །འགྲོ་བ་རྣམས་ནི་བདེ་གནས་ཐོབ། ། དེ་ལྟར་རྣམ་པ་དུ་མ་ནི། །མང་པོའི་ལས་ནི་ཡང་དག་འབྱུང ། །སྔགས་པ་ལེགས་པར་རབ་སྦྱོར་ན། །མྱུར་དུ་ཐམས་ཅད་བྱེད་པར་འགྱུར། །བཟླས་པ་ཙམ་གྱིས་བྱེད་པ་ནི། །དགྲ་རྣམས་ཀྱི་ནི་ཁྲོ་བ་སེལ། །སྔགས་འདི་དོན་དང་ལྡན་གྱུར་པ། །ཆོ་ག་མང་པོ་རྒྱ་ཆེ་བ། །དེ་དག་ཆོ་ག་མཐོང་བ་ཡིས། །དེ་དག་འདིར་ནི་གྲུབ་པ་ཡིན། །འདིར་ནི་སྔགས་རྣམས་ཟློ་བྱེད་པ། །ཕྲན་ཚེགས་ལས་ཀྱང་དོན་ཡོད་འགྱུར། །ཐམས་ཅད་ལ་ཡང་བཟླས་པ་ཡིས། །མྱུར་དུ་དོན་རྣམས་རྟག་ཏུ་བྱེད། །འབྱུང་པོ་རྣམས་ནི་དབང་བྱེད་འདོད། །
199a
༄#། །དུས་གསུམ་དུ་ནི་བཟླས་པ་ཡིན། །རྟག་ཏུ་སྣ་མའི་མེ་ཏོག་གིས། །སྦྱིན་བསྲེག་ལས་ཀྱང་བྱ་བ་ཡིན། །ཙནྡན་དཀར་དང་ག་པུར་དང ། ། གུར་གུམ་གྱིས་ཀྱང་བྱ་བ་ཡིན། །བཟླས་ནས་སྔགས་པ་མཆོག་སྦྱིན་ཞིང ། །རྟག་ཏུ་འབྲས་བཅས་བྱེད་པར་འགྱུར། །རྟག་ཏུ་ཟློས་པས་སྦྱིན་སྲེག་བྱ། །ཡིད་ལ་འདོད་པའི་དོན་སྒྲུབ་བྱེད། །ག་པུར་ལ་སོགས་ལྡན་པ་ཡིས། །རྟག་ཏུ་སྦྱིན་སྲེག་རབ་ཏུ་བརྟག་།ཇི་ལྟར་འདོད་པར་ཡོངས་བརྟགས་པའི། །རྣམ་པ་སྣ་ཚོགས་ཆོ་ག་བསྒྲུབ། ། ཐ་མ་ལས་ནི་ཐ་མ་དང ། །ཆེན་པོ་ལས་ནི་ཆེན་པོ་འབྱུང ། །བར་མ་བར་མའི་ལས་དག་ལས། །རྟག་ཏུ་གྲུབ་པར་བསྟན་པ་ཡིན། །དེ་བས་ལས་རྣམས་ཀུན་ལ་ནི། །ཁྱད་པར་དུ་ནི་སྦྱིན་སྲེག་བྱ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེགས་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་ལས། ལེའུ་བཅུ་བཞི་པ་འཁོར་ལོས་བསྒྱུར་བའི་རས་རིས་ཀྱི་ཆོ་ག་དཀྱིལ་འཁོར་སྒྲུབ་པའི་ཐབས་རབ་འབྱམས་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་འཁོར་གྱི་ནང་དེར་འདུག་ཤིང་འཁོད་པར་གྱུར་ཏེ། འདུག་པ་དེ་སྟན་ལས་ལངས་ནས་ལན་གསུམ་བསྐོར་བ་བྱས་
199b
ཏེ།་བཅོམ་ལྡན་འདས་ཀྱི་ཞབས་གཉིས་ལ་བཏུད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། ལེགས་སོ། །ལེགས་སོ། །ལེགས་པར་རབ་ཏུ་བསྟན་པ་དང ། མཆོག་ཏུ་ལེགས་པར་གསུངས་པའི་རིག་པ་ཐམས་ཅད་ཀྱི་སྔགས་ཀྱི་སྦྱོར་བ། ཆོས་ཆེན་པོའི་སྤྲིན་ལས་ངེས་པར་བྱུང་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ། རིག་པ་ཆེན་པོའི་རྒྱལ་པོ། འཁོར་ལོས་བསྒྱུར་བ། ཆོ་ག་ཆེན་པོ་རྒྱ་ཆེ་བ། དོན་ཐམས་ཅད་ཡོངས་སུ་རྫོགས་པར་བྱེད་པ། འབྲས་བུ་དང་བཅས་པ་སྒྲུབ་པར་བྱེད་པ། བྱང་ཆུབ་ཀྱི་ལམ་བླ་ན་མེད་པ། །བྱ་བའི་བྱེ་བྲག་ཡང་དག་པར་སྡོམ་པ་དང ། བཟླས་པ་དང ། སྦྱིན་སྲེག་དང ། རིག་པ་དང ། སྤྱོད་པའི་རྗེས་སུ་འབྲང་བ་རྣམས་ཀྱི་ལམ། འབྲས་བུ་བསྟན་པའི་ལས་ཀྱི་རྐྱེན་སྐྱེད་པའི་རྒྱུ་དང ། མཚན་མ། རྨད་དུ་བྱུང་བའི་སྟོབས་བཅུ། ནོད་པར་བྱེད་པའི་དགེ་བའི་རྩ་བ། བྱང་ཆུབ་ཀྱི་སྙིང་པོ་ནོད་པར་བྱེད་ཅིང་ངེས་པར་ཕ་རོལ་དུ་འགྲོ་བར་བྱེད་པ་དེ། བཅོམ་ལྡན་འདས། དེ་ནི་ལེགས་སོ། །སྔགས་སྒྲུབ་པར་བྱེད་པ་དང་རྗེས་སུ་མཐུན་པའི་རྨི་ལམ་ན་མཐོང་བར་བྱེད་པའི་མཚན་མ་དེ་སྟོན་པས་བཤད་དུ་གསོལ། གང་གིས་རིག་པ་ཐམས་ཅད་སྒྲུབ་པའི་རྗེས་སུ་སྤྱོད་པའི་སེམས་ཅན་གྲུབ་པའི་མཚན་མའི་ལས་རྩོམ་པར་བྱེད་པར་འགྱུར་བ་དང ། འབྲས་བུ་དང་བཅས་པའི་རིག་པ་ཐམས་ཅད་ཀྱི་
200a
༄#། །མཚན་མར་འགྱུར་བའོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གནོད་སྦྱིན་གྱི་བདག་པོ། ཁྱོད་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། སྐྱེ་བོའི་ཚོགས་ཆེན་པོའི་དོན་དང ། ཕན་པ་དང ། བདེ་བ་དང ། རིག་པ་ཐམས་ཅད་སྒྲུབ་པར་བྱེད་པའི་སེམས་ཅན་རྣམས་ཀྱི་དོན་གྱི་ཕྱིར་ལེགས་སོ། །ལེགས་སོ། །དེ་ལེགས་པར་རབ་ཏུ་ཉོན་ལ་ཟུངས་ཤིག་དང ། ངས་ཁྱོད་ལ་བཤད་དོ། །དང་པོ་རེ་ཞིག་ལས་ཐམས་ཅད་ཀྱི་སྔར་འདུ་འཛི་མེད་པའི་གནས་སུ་སོང་སྟེ། རི་བོའི་རྩེའམ། ཆུ་བོའི་འགྲམ་མམ། ཕུག་གི་ནང་ངམ། གཙང་བའི་ཕྱོགས་སུ་ལོ་མའི་སྤྱིལ་པོ་བྱས་ལ་དེ་ཉིད་ཀྱི་ཆོ་ག་སྔ་མ་བཞིན་དུ་རས་རིས་བཞག་ཅིང་མཆོད་པ་ཆེན་པོ་བྱས་ལ་ལས་ཐམས་ཅད་ལ་ཡང་ཡར་ངོའི་ཟླ་བ་ཕྱེད་དམ། ཆོ་འཕྲུལ་ཆེན་པོའི་ཟླ་བ་ཕྱེད་ལ་ངེས་པར་ཉིན་ཞག་བཟང་པོའི་མཚན་མོའི་ཐུན་དང་པོ་ལ་ཙནྡན་དཀར་པོ་དང ། གུར་གུམ་དང ། ག་པུར་གཅིག་ཏུ་བྱས་ལ་ཙནྡན་གྱི་ཤིང་གིས་མེ་རབ་ཏུ་སྤར་ཞིང་རས་རིས་ཀྱི་མདུན་དུ་ཁྲུ་བཞིའི་ཚད་ཙམ་གྱི་མེ་ཐབ་ལ་དུ་བ་དང ། སོལ་བ་མེད་པའི་མེ་ལ་སྲེག་བླུགས་སྟོང་རྩ་བརྒྱད་ཀྱིས་སྦྱིན་སྲེག་བྱའོ། །དེ་ནས་
200b
ཡང་སྦྱིན་སྲེག་གི་མཐར་པདྨའི་མེ་ཏོག་ཙནྡན་དཀར་པོའི་ཆུས་བསང་གཏོར་བྱས་པའི་སྟོང་རྩ་བརྒྱད་སྦྱིན་སྲེག་བྱའོ། །སྦྱིན་སྲེག་གི་མཐར་ཡང་བཟང་པོའི་གདན་དང ། གདོང་བཀབ་ལ་རང་གི་ལྷ་ལ་རང་གི་སྔགས་ཀྱིས་སྤྱན་དྲང་བར་བྱ་ཞིང་སྔགས་འདིས་སྦྱིན་སྲེག་བྱའོ། །ན་མཿ ་སརྦ་བུད་དྷཱ་ནཱཾ། ཨ་པྲ་ཏ་ཧི་ཏ་ཤ་ས་ནཱ་ནཱཾ། ཏདྱ་ཐཱ། ཨོཾ་ཀུ་མཱ་ར་རཱུ་པི་ཎེ་དཪྴ་ཡ་དཪྴ་ཡ། ཨཱཏྨ་ནོ་བྷུ་མི་མུད་བྷཱ་བ་སཝཔྣཾ་མེ་ནི་བེ་ད་ཡ་ཝཱ་བྷུ་ཏཾ། ཧཱུཾ་ཧཱུཾ་ཕཊ་ཕཊ་སཝཱཧཱ། །སྔགས་འདིས་སྲུང་བ་བྱས་ཤིང་སྦྱིན་སྲེག་གི་ལས་ཐམས་ཅད་ལ་ལས་བྱའོ། །དེ་ནས་ཀུ་ཤའི་རྩེ་མོ་གཉིས་ཀ་ཕྱི་རོལ་དུ་བསྟན་ཏེ་བཏིང་ལ་ཀུ་ཤའི་ཁྲེས་ཀྱི་སྔགས་བྱས་ཏེ། མགོ་ཤར་ཕྱོགས་སུ་བསྟན་ལ་རས་རིས་ཀྱི་མདུན་ནས་ཧ་ཅང་ཡང་མི་རིང།་ཧ་ཅང་ཡང་མི་ཉེ་བར་ཉལ་བར་བྱའོ། །ཐུན་དང་པོ་ལ་མི་ཉལ་བའི་སྦྱོར་བས་རྗེས་སུ་བརྩོན་པར་བྱས་ནས། སངས་རྒྱས་དང ། བྱང་ཆུབ་སེམས་དཔའ་རྣམས་ལ་ཕྱག་བྱས་ནས་སྡིག་པ་རྣམས་སོ་སོར་བཤགས་ཏེ། སངས་རྒྱས་ཐམས་ཅད་ལ་བདག་ཉིད་ཕུལ་ལ། དེ་ནས་ཇི་ལྟར་བདེ་བར་གཉིད་ཀྱི་དབང་དུ་འགྲོ་བར་བྱའོ། །དང་པོའི་ཐུན་གྱི་རྨི་ལམ་གང ། ། བད་ཀ་ན་ལས་བྱུང་ཤེས་པར་བྱ། །གཉིས་པར་གང་བྱུང་མཁྲིས་པ་སྟེ། །འཇིག་རྟེན་ལ་ཡོད་སྨད་པ་ཡིན། །གསུམ་པ་རླུང་བྱུང་ཤེས་པར་བྱ། །བཞི་པ་བདེན་པར་འབྱུང་
201a
༄#། །བ་ཡིན། །བད་ཀན་རྨི་ལམ་དང་པོ་ནི། །འདི་འདྲ་རྟག་ཏུ་མཐོང་བ་ཡིན། །ནོར་བུ་ཤེལ་གྱི་ཁང་བ་ནི། །ཀུན་ནས་མུ་ཏིག་ཕྲེང་བ་ཅན། ། མྲའི་ཤིང་ཚོགས་རབ་མང་པོ། །བདག་ཉིད་ཆུ་ནང་འབྱིང་བར་མཐོང ། །ཀུན་ནས་འབབ་ཆུས་ཁྱབ་པ་དང ། །རྒྱ་མཚོ་ཆེན་པོས་ཁྱབ་པ་དང ། །གང་དུ་བདག་གི་ལུས་གནས་པ། །དེ་ཉིད་དུ་ནི་མཐོང་བར་བྱེད། །གང་དུ་ཕྱོགས་དེར་རྫིང་དག་གིས། །ཀུན་ནས་ཡོངས་སུ་ཁྱབ་པ་དང ། །གྲུ་དང་ཆུ་ནི་འཐུང་བ་དང ། །བཏུང་བའི་ཁང་པ་ཁང་པ་དང་།། ཀུན་ནས་ཡོངས་སུ་འཁོར་བ་ནི། །ཆུ་ཆེན་གྱིས་ནི་ཁྱེར་བར་མཐོང ། །ཁ་བ་ཅན་ནི་བྱིས་པ་དང ། །ཆུ་བོ་ཆེན་པོར་ཤེལ་གནས་པ། །ཤིང་དང་རི་ཡི་རྒྱལ་པོ་དང ། །ཤེལ་གྱིས་ཡོངས་སུ་བཅིངས་པ་དང ། །མུ་ཏིག་དྲ་བས་ལེགས་གཡོགས་དང ། །མུ་ཏིག་ཕུང་པོ་མཐོང་བ་དང ། །ཆར་ཆེན་འབབ་པ་ཆུ་ཡི་ཚོགས། །མཐོང་ན་བད་ཀན་ལས་གྱུར་ཡིན། །གདུགས་ནི་དཀར་པོ་དག་དང་ནི། །རྒྱན་རྣམས་ཀུན་ཀྱང་དཀར་བ་དང ། །བན་གླང་དག་ནི་དཀར་པོའི་གཟུགས། །བད་ཀན་རྨི་ལམ་དག་ཏུ་བརྗོད། །རྔ་མ་དཀར་རམ་སྐྱེས་བུ་འམ། །ཡང་ན་གོས་དག་མཐོང་བ་འམ། །ལན་ཚཝ་ལ་སོགས་རེག་པ་ནི། །ཀུན་ཏུ་གསལ་ཏེ་མཐོང་བ་ནི། །རས་བལ་བཙོ་མའི་གོས་དག་གམ། །ར་གན་
201b
དངུལ་དང་ཨ་ག་རུ། །རེག་དང་ཟ་བར་བྱེད་པ་ཉིད། །བད་ཀན་རྨི་ལམ་དག་ཏུ་འདོད། །མོན་སྲན་གྲེའུ་ཟ་བ་དང ། །ཏིལ་བཏགས་བུ་རམ་འབྲས་ཆན་དང ། །མོན་སྲན་རྣམ་མང་ཟ་བ་ནི། །བད་ཀན་རྨི་ལམ་དག་ཏུ་འདོད། །སཝ་སྟི་ག་དང་ཨུ་ལོ་པི། །ཀྲིས་ར་དང་འོ་ཐུག་དང ། །དེ་དག་ཟ་བྱེད་རྨི་ལམ་ནི། །བད་ཀན་རྨི་ལམ་བྱ་བ་ཡིན། །འབྲེང་བུ་ས་བཅུད་བཟའ་བ་སོགས། །རྣམ་པ་སྣ་ཚོགས་སྣུམ་ཁུར་ནི། །རེག་དང་ཟ་བར་བྱེད་པ་ཉིད། །བད་ཀན་འཕེལ་བའི་རྨི་ལམ་ཡིན། །སྣུམ་ཁུར་རྣམ་པ་དུ་མ་ནི། །བཟའ་དང་སྤྱད་པར་རྗེས་འདོད་དང ། །ཟོས་དང་རེག་པར་བྱེད་དེ་དག་།བད་ཀན་རྨི་ལམ་ཤེས་པར་བྱ། །གནས་དང་གནས་མལ་ཐེག་པ་དང ། །བཞོན་པ་སེམས་ཅན་ལས་བྱུང་བ། །རེག་དང་འཛེག་པར་བྱེད་པ་ཉིད། །དང་པོའི་ཐུན་ལ་མཐོང་པ་ཉིད། །གལ་ཏེ་རྨི་ལམ་སྣང་གྱུར་ན། །ཐམས་ཅད་བད་ཀན་ཅན་དུ་བརྗོད། །རྣམ་པ་དེ་ལྟའི་རྨི་ལམ་དང ། །ཆུ་ལ་འབྱུང་དང་སྤྱོད་པ་དང ། །རྣམ་པ་སྣ་ཚོགས་བཟའ་ལ་སྤྱོད། །མཐོང་ན་བད་ཀན་ཅན་དུ་བརྗོད། །དེ་དག་རྨི་ལམ་དག་ཏུ་མཐོང ། །བད་ཀན་ཅན་གྱི་སྤྱོད་པ་ཡིན། །རྨི་ལམ་མ་ལུས་དུ་མ་ནི། །འཇིག་རྟེན་མགོན་པོས་གསུངས་པ་ཡིན། །གཉིས་པའི་ཐུན་ལ་ལུས་ཅན་གྱི། །རྨི་ལམ་མཁྲིས་པ་ཅན་གྱི་ཡིན། །འབར་བའི་མེ་ཡི་གཟུགས་མཐོང་དང ། །
202a
༄#། །སྣ་ཚོགས་རིན་ཆེན་མཐོང་བ་དང ། །མེས་ཚིག་སྐར་མདའ་ལྟུང་བ་དང ། །རི་དང་ཕྱོགས་ནི་རབ་འབར་བ། །སྐྱེ་བོ་གང་གིས་རབ་མཐོང་བ། །དེ་ནི་མཁྲིས་པར་གྱུར་པ་ཡིན། །རིན་ཆེན་པདྨ་རཱ་ག་དང ། །གཞན་ཡང་རིན་ཆེན་གང་ཡིན་པ། །གང་དུ་རྨི་ལམ་མཐོང་ན་ནི། །ལུས་ཅན་མཁྲིས་པ་ལས་གྱུར་ཡིན། །མེ་དང་ཚབ་སྟེན་པ་དང ། །རེག་དང་ཟ་བར་བྱེད་པ་དང ། །རྣམ་པ་སྣ་ཚོགས་ཁ་དོག་སེར། །རྨི་ལམ་མཁྲིས་པས་བརྒྱལ་བ་ཡིན། །རྟག་ཏུ་ཚ་བའི་ཉི་མ་དང ། །ཉི་མ་རྟག་ཏུ་བདེ་བར་ནི། །གང་གིས་རྨི་ལམ་མཐོང་གྱུར་ན། །ལུས་ཅན་མཁྲིས་པ་ལས་གྱུར་ཡིན། །ནམ་མཁའ་གསེར་གྱི་མདོག་གྱུར་དང ། །ས་ཡི་སྟེང་ནི་ཁ་དོག་སེར། ། རྨི་ལམ་ན་ནི་གང་གིས་མཐོང ། །མཁྲིས་པ་ལས་གྱུར་ན་བ་ཡིན། །མེ་ནི་ཀུན་ནས་འབར་བ་ཡིས། །ནམ་མཁའི་ངོས་ནི་རབ་གསལ་བར། །རྨི་ལམ་དུས་སུ་མཐོང་བ་ནི། ། མཁྲིས་པས་གནོད་པའི་ལུས་ཅན་ཡིན། །ས་དང་དེ་བཞིན་རི་བོ་དང ། །བྲག་ནི་མཐོན་པོ་འང་གསེར་གྱི་མདོག་།ཤིང་ཆེན་དེ་བཞིན་ཐེག་པ་ནི། །རྟག་ཏུ་ཐམས་ཅད་གསེར་རང་བཞིན། །རྟག་ཏུ་རྨི་ལམ་གནས་མཐོང་ན། །མཁྲིས་པ་ལས་གྱུར་རྨི་ལམ་ཡིན། །ཐེག་པ་རྒྱན་དང་བཞོན་པ་དང ། །སྣོད་རྣམས་གསེར་གྱི་རང་བཞིན་དང ། །
202b
སྟན་རྣམས་དང་ནི་གནས་མལ་རྣམས། །ས་ལེ་སྦྲམ་གྱི་རང་བཞིན་ལ། །རེག་དང་འགྲོ་བར་བྱེད་པ་ཉིད། །རྨི་ལམ་མཐོང་ན་མཁྲིས་གྱུར་ཡིན། །ཕྲེང་བ་སེར་པོ་ཐོགས་པ་དང ། ། སེར་པོའི་གོས་ཀྱིས་ཉེར་མཛེས་དང ། །སེར་པོའི་འོད་དང་དྲི་ཡིས་བྱུགས། །སེར་པོའི་མཆོད་ཕྱིར་ཐོགས་པ་དང ། །བདག་ཉིད་སེར་པོའི་རྣམ་པ་དག་།གང་གིས་རྨི་ལམ་ལ་མཐོང་བ། །གཉིས་པའི་ཐུན་དུ་མཐོང་ན་ནི། །མཁྲིས་པ་ལས་གྱུར་ཤེས་པར་བྱ། །དེ་བཞིན་རྣམ་པ་སྣ་ཚོགས་པ། །གང་གཞན་རྨི་ལམ་དག་ཏུ་བརྗོད། ། རྣམ་པ་སྣ་ཚོགས་སེར་པོར་སྣང ། །རྨི་ལམ་མཁྲིས་ལས་ཡང་དག་བྱུང ། །མཁྲིས་པས་ལུས་ཅན་རབ་གནོན་པ། །གཉིས་པའི་ཐུན་ལ་བསྟན་པ་ཡིན། །རྣམ་པ་དུ་མའི་གཟུགས་ཅན་ནི། །སེར་པོར་སྣང་བ་ཡང་དག་འབྱུང ། །འཇིག་རྟེན་གཙོ་བོས་གསུངས་པ་ནི། །རྨི་ལམ་མཁྲིས་ལས་ཡང་དག་བྱུང ། །གང་ཡང་རླུང་བྱུང་རྨི་ལམ་ནི། །གསུམ་པའི་ཐུན་དུ་བསྟན་པ་ཡིན། །ཁོར་ཡུག་ཏུ་ནི་འོད་འཕྲོ་བ། །ཕྱོགས་རྣམས་ཀུན་ཏུ་རབ་ཏུ་སྣང ། །ནམ་མཁའ་ལ་ནི་འགྲོ་བ་དང ། །ནམ་མཁའི་དཀྱིལ་དུ་ཐད་དྲང་འགྲོ་།བར་སྣང་ནམ་མཁའི་དཀྱིལ་དུ་ནི། །ཀུན་ནས་འཁོར་བ་རྟག་ཏུ་འགྲོ། །རླུང་བྱུང་རྨི་ལམ་ཞེས་བསྟན་པ། །འདི་ལྟ་བུ་ལ་བྱ་བ་ཡིན། །རྒལ་དང་མཆོང་དང་དེ་བཞིན་དུ། །ཤིང་རྣམས་ལ་ནི་མངོན་
203a
༄#། །པར་འཛེག་།བསྟན་བཅོས་མ་ལུས་འདོན་པ་དང ། །ཁྱད་པར་དུ་ནི་སྔགས་རྣམས་དང ། །བཤད་དང་རྗོད་པར་བྱེད་པ་ཡང ། །ཕལ་ཆེར་ཡང་ནི་རླུང་ལས་གྱུར། །ཤིང་རྣམས་ཚེར་མ་ཅན་འཛེག་དང ། །ཁ་བ་དག་ཀྱང་ཟ་བ་དང ། །བཟའ་བ་མ་ལུས་ཚ་དང་སྐྱུར། །ཟོས་བ་རླུང་ལས་གྱུར་པ་ཡིན། །གཙོར་ཡང་རླུང་ནི་ཡང་དག་འབྱུང ། །ཤིང་ཐོག་རླུང་ནི་རབ་བསྐྱོད་པ། །དེ་དག་ཟ་བར་རྨི་ལམ་མཐོང ། །རླུང་ལས་བྱུང་བ་ཡང་དག་བསྟན། །དངོས་རྣམས་རླུང་ནི་སྐྱེད་པ་ཡི། །བཟའ་དང་བཅའ་བ་ཁྱད་པར་ལྡན། །དེ་བཞིན་སྐྱེ་བོ་སེམས་འཁྲུགས་དང ། །རེག་པར་བྱེད་དང་སྨྲ་བར་བྱེད། །འབྱུང་པོ་རྣམས་ནི་གར་བྱེད་དང ། །བདག་ཉིད་དང་ནི་གར་བྱེད་པ། །གང་གིས་རྨི་ལམ་མཐོང་ན་ནི། །དེ་འདྲ་རླུང་ནད་ཅན་དུ་ཤེས། །རྣམ་པ་སྣ་ཚོགས་སྤྱོད་པ་དང ། །རྣམ་པ་སྣ་ཚོགས་འཁྱུད་དང་སྨྲ། །རྣམ་པ་སྣ་ཚོགས་མི་བཟད་གཟུགས། །རྨི་ལམ་རླུང་ནད་ཅན་གྱིས་མཐོང ། །དེ་ལ་སོགས་པའི་རྨི་ལམ་ནི། །འཇིག་རྟེན་མཆོག་གིས་གསུངས་པ་ཡིན། །རྣམ་གསུམ་སྦྱོར་བ་རབ་ལྡན་པ། །འདོད་ཆགས་ཞེ་སྡང་གཏི་མུག་ཡིན། །ཆགས་ཅན་བད་ཀན་ཅན་ཞེས་བྱ། །ཞེ་སྡང་ལས་བྱུང་མཁྲིས་པ་ཅན། །རྨོངས་པ་རླུང་ལས་གྱུར་པ་ཡིན། །འདྲེས་པའང་རྣམ་པར་འདྲེས་པའོ། །གྲོང་
203b
ཆོས་ནི་མཐོང་བ་ལས། །རྨི་ལམ་ཆགས་པས་ས་བོན་བྱུང ། །དེར་ནི་བུད་མེད་ལ་ཆགས་པ། །བད་ཀན་ལས་བྱུང་རྨི་ལམ་ཡིན། །རྩོད་བཅས་ངང་ཚུལ་ཞེ་སྡང་ཅན། ། མཁྲིས་པ་ལས་བྱུང་རྨི་ལམ་ཡིན། །མ་རིག་ལས་བྱུང་རྨོངས་པ་རྣམས། །དྲན་པ་ཉམས་པར་མཐོང་བ་ཡིན། །རྣམ་འདྲེས་རྣམ་པར་འདྲེས་པ་ནི། །རྨི་ལམ་ན་ནི་རྟག་ཏུ་མཐོང ། །དེ་བས་རྣམ་པ་ཐམས་ཅད་ཀྱིས། །རྨི་ལམ་ཞེས་བྱ་ཡོད་པ་སྤངས། །བྱ་བ་དུས་ཀྱི་རིམ་པ་ཉིད། །དེ་ཉིད་གཟིགས་པས་བསྟན་པ་ཡིན། །སེམས་ཅན་བད་ཀན་ཅན་གསུངས་པ། །མདོག་ལྡན་སྙན་པར་སྨྲ་བ་དང ། །ཚེ་རིང་ཡིད་ནི་གཞུངས་པ་དང ། །ཁ་དོག་སྣུམ་ཞིང་འཇིགས་པ་མེད། །བོང་ཚད་རིང་ཞིང་དཀར་བ་དང ། །བུད་མེད་ལ་ཕྲད་རྟག་ཏུ་དགའ། ། ཆོས་ལྡན་རྟག་ཏུ་དཔའ་བ་དང ། །བཏུང་བ་མངལ་རྟག་ཏུ་དགའ། །རྒྱལ་རིགས་སུ་ནི་བསྟན་པ་ཡིན། །སེར་སྣ་ལྡན་ཞིང་མཚོན་པ་མེད། །དེ་བཞིན་ས་ཡི་བདག་པོ་དང ། །དམག་དཔོན་དོན་དུ་གནས་པ་སྟེ། །ལོངས་སྤྱོད་ཆེན་པོ་སྐྱེ་འགྱུར་ཞིང ། །རང་གི་ལས་ཀྱི་ཉེ་བར་འཚེ། །རང་གི་ལས་འབྲས་བསྟན་པ་ནི། །ལས་ཀྱི་སྔགས་ནི་སྤང་བ་མིན། །ལས་མིན་སྔགས་ནི་གཙོ་བོ་ཞེས། །རྣམ་པར་འདྲེན་པས་གསུངས་པ་ཡིན། །དེ་བས་སེམས་ཅན་བད་ཀན་ཅན། །ས་སྟེང་གྲུབ་པ་བྱེད་པ་མི། །ས་བདག་འདོད་པ་བྱེད་པ་ལ། །
204a
༄#། །དེ་ལ་གྲུབ་པ་ཐོབ་པར་འགྱུར། །ཟློས་པས་བད་ཀན་ཅན་གྱི་ཟས། །མ་ལུས་བསྟེན་པར་མི་བྱའོ། །གང་ཕྱིར་ཤིན་ཏུ་བསྟེན་གྱུར་ན། །རྨི་ལམ་དོན། གྱིས་སྟོང་འགྱུར་བས། །གྲུབ་པའི་དོན་དུ་མ་བརྗོད་པས། །སྔགས་པས་དེ་ཚེ་དེ་མི་བསྟེན། །མཁས་པ་རིག་པ་ལྡན་པ་ཡིས། །དེ་ཡི་དུས་སུ་གཉིད་ལོག་མིན། །མཁྲིས་པ་ཅན་གྱིས་སེམས་ཅན་གྱི། །རྟག་ཏུ་སྤྱོད་པ་བརྗོད་པར་བྱ། །ཞེ་སྡང་གིས་ནི་རྣམ་འཁྲུགས་ན། །ཁ་དོག་ནག་དང་སྟོབས་ཆུང་དང ། །དྲག་པོ་དྲག་པའི་ལས་དང་ནི། །རྟག་ཏུ་ཡོན་པོར་བྱེད་པ་ཡིན། །དཔའ་དང་བབ་ཆོལ་རྟག་ཏུ་བྱེད། །སྟོབས་དང་བློ་དང་ལྡན་པ་དང ། །མང་དུ་སྨྲ་ཞིང་གྲོགས་པོ་མང ། །བསྟན་བཅོས་ཏིང་འཛིན་མང་པོ་རྟོགས། །ཆོས་ལྡན་ལས་ཀྱི་མཐའ་བརྟན་ཅིང ། །ཞེ་སྡང་སློང་བརྗོད་པར་བྱེད། །ཡིད་ལྡན་དགྲ་ནི་མང་བ་དང ། །ཞེ་སྡང་མཚོན་པ་སྐྱེ་བར་འགྱུར། །ནོར་མང་དཔའ་བོ་ལ་སྡང་དང ། །འཇིག་རྟེན་ཤེས་ཤིང་མཐོང་ན་དགའ། །དེས་གྲོལ་ཆགས་པ་མེད་པ་དང ། །བརྟན་ཅིང་སྡུག་བསྔལ་རྟག་ཏུ་བཟོད། །ང་རྒྱལ་ཕྲག་དོག་མ་རུངས་པ། །བུད་མེད་རྣམས་ལ་དགའ་བར་བྱེད། །སྤྲོ་ཆེན་བརྟན་དང་བློན་པོ་དང ། །ལོངས་སྤྱོད་ཆེན་པོར་སྐྱེ་བར་འགྱུར། །ཤེས་བཞིན་ལས་ཀྱིས་ཉེར་སྤྱོད་པའི། །སེམས་ཅན་ཟིལ་གྱིས་མནན་ནས་སྤྱོད། །སྔགས་
204b
ནི་སྲོག་ལ་གནོད་བྱེད་པ། །དེ་ནི་དེ་ལ་མྱུར་འགྲུབ་འགྱུར། །མི་བཟད་ཐུབ་པས་སྤངས་པའི་དོན། །མྱུར་དུ་སྒྲུབ་པར་བྱེད་པ་ཡིན། །སེམས་ཅན་གནོད་ཕྱིར་བྱེད་པའི་ལས། །ལུས་ཅན་དེ་ལ་གྲུབ་པར་འགྱུར། །ཆོ་ག་སྦྱར་བའི་ཆོས་རྣམས་གང ། །སྔགས་པས་ཐམས་ཅད་རབ་སྦྱར་ན། །སྤྱོད་པ་དེས་ནི་འགྲུབ་འགྱུར་ཏེ། །གཞན་ལས་སེམས་ཅན་དེ་ལས་མིན། ། སྔགས་པ་ཞེས་སྡང་ཅན་དག་ལ། །སེམས་ཅན་གཞན་ལ་གནོད་པ་དང ། །དེ་བཞིན་གཞན་གྱི་སྔགས་གཅོད་པ། །སེམས་ཅན་ཁྲོ་བ་ལ་གྲུབ་འགྱུར། །གཞན་གྱི་རྫས་ནི་འཕྲོག་དོན་དང ། །གཞན་གྱི་སྲོག་ནི་གཅོད་པ་ལ། །ཁྲོ་བའི་སྔགས་ཀྱིས་གྲུབ་འགྱུར་ཏེ། །སྔགས་གཞན་དག་ལ་སྦྱར་མི་བྱ། །ཞེ་སྡང་རིགས་ཀྱིས་སེམས་ཅན་འདི། །བདག་པོ་ཉིད་ཀྱང་བྱེད་པར་འགྱུར། །མདོག་ནག་པའམ་སྔོ་བ་སངས་སམ། །དཀར་བའམ་ཡང་ན་འདྲེས་པ་ཡི། །མི་ནི་ཁྲོ་ལྡན་གསེར་གྱི་མདོག། རྣམ་པར་སྤངས་པ་སྐྱེ་བར་འགྱུར། །མི་ནི་རྩུ་བ་མདོག་དུ་བའི་མདོག། །སེར་སྐྱའི་མདོག་ཏུའང་སྐྱེ་བ་ཡིན། །དཔའ་དང་དེ་བཞིན་དྲག་པ་དང ། །ཆགས་ལྡན་སྡིག་པའི་ཁྱིམ་ལས་སྐྱེས། །གཟའ་ནི་མིག་དམར་ཞིང་བདག་གནས། ། པད་ཀན་ཅན་ལ་ཕུར་བུའི་བདག་།སྐྱེ་འགྱུར་ཉུང་དུ་ཟ་བ་དང ། །ཚ་དང་སྐྱུར་བའི་རོ་བསྟེན་ཅིང ། །དེ་ཡི་ཚེ་ནི་རིང་འགྱུར་ཞིང ། །དྲན་དང་ལྡན་པ་སྐྱེ་བར་འགྱུར། །སྤྱོད་པ་དང་ནི་
205a
༄#། །རྗེས་སྤྱོད་པ། །རླུང་ནད་ཅན་གྱི་བཤད་པར་བྱ། །མདོག་མི་སྡུག་དང་རྩུབ་མདོག་དང ། །བོང་ཚོད་མེད་ཅིང་ཤིན་ཏུ་རྗུད། །བློ་ཉམས་ཤེས་རབ་མེད་པ་དང ། །མི་བརྟན་གནས་པ་མེད་པ་དང ། །ལུས་ནི་འགུལ་དང་འཁོར་བ་དང ། །སྐྱུག་ཅིང་བཤང་གཅི་མང་དུ་འབྱུང ། །མང་དུ་ཟ་ཞིང་རྟག་པར་ཟ། །དེ་དག་གང་ཕྱིར་ནད་མང་འགྱུར། །འཇིག་རྟེན་རིགས་དང་མི་མཐུན་ཞིང ། །དགྲ་ནི་མང་པོ་སྐྱེ་བར་འགྱུར། །དེ་ནི་ས་སྟེང་འདི་དག་ཏུ། །ཚུལ་འཆལ་སྡུག་བསྔལ་སྐྱེ་འགྱུར་ཏེ། །མི་སྣང་བ་ཡི་སྔགས་དག་ནི། །དེ་ལ་འགྲུབ་པར་བསྟན་པ་ཡིན། །གང་ཞིག་རླུང་ནད་འཁྲུག་བྱེད་པའི། །ཟས་ལ་དེ་ནི་དགའ་བར་འགྱུར། །ཟློས་པ་ལས་ནི་གྲུབ་འདོད་པས། །དེ་ནི་ཡོངས་སུ་བསྟེན་མི་བྱ། །སེམས་ཅན་རླུང་ནད་འཁྲུག་པ་ལ། །གཏི་མུག་ཉེ་བར་ཞི་བ་དང ། །རྨོངས་པའི་རིགས་ཅན་ལ་གསུངས་པ། །རྨོངས་པའི་སྔགས་ནི་རབ་སྒྲུབ་པ། །རྟག་ཏུ་དེ་དག་རྨོངས་པ་ལ། །རྨོངས་པ་དག་ནི་འགྲུབ་པར་འདོད། །རྒྱུ་སྐར་ཁྱིམ་ནི་ཆུ་སྐྱེས་དང ། །གཟའ་ནི་བདག་པོ་སྤེན་པར་བལྟ། །རླུང་ནད་སྐྱེས་པའི་སེམས་ཅན་ནི། ། དགེ་བའི་ལས་ལ་མི་སྤྱོད་དེ། །འབྱུང་པོ་དབང་དང་འགུགས་པར་བྱེད། །དེ་བཞིན་རྨོངས་དང་རེངས་པའོ། །རླུང་ནད་ཅན་གྱི་སེམས་ཅན་ལ། །གཏི་མུག་ཅན་དེ་སྡིག་
205b
པ་བྱེད། །རྨི་ལམ་བདེན་པར་མཐོང་བ་ནི། །མཚན་ཉིད་འདི་དག་གསུངས་པ་ནི། །སེམས་ཅན་རྣམས་ཀྱི་དོན་སྒྲུབ་པ། །ཐུབ་པ་རྣམས་ཀྱིས་སྔོན་གསུངས་པའོ། །ལུག་གླང་དང་ནི་སྦྱོར་བ་དང ། །སྦལ་པ་སེང་གེ་ཉིད་དང་ནི། །སྲང་དང་བུ་མོ་སྡིག་པ་དང ། །དེ་བཞིན་གཞུ་དང་ཆུ་སྲིན་དང ། །བུམ་པ་ཉ་དང་གླང་པོ་དང ། །ལྷ་དང་སྤྲེ་འུ་ལྷ་མ་ཡིན། །གྲུབ་དང་དྲི་ཟ་གནོད་སྦྱིན་སོགས། །མི་རྣམས་གང་གིས་རབ་བསྒྲགས་པ། །སེམས་ཅན་རྣམས་ཀྱི་ཁྱིམ་མང་པོ། །གང་ཟག་མཆོག་གིས་གསུངས་པ་ཡིན། །རྣམ་པ་མང་པོ་སྣ་ཚོགས་དོན། །རྣམ་པ་སྣ་ཚོགས་ལས་བསྟན་པ། །དེ་དག་ལས་ནི་ཐམས་ཅད་ལ། །ཡོན་ཏན་རྒྱ་ཆེར་སྨིན་པར་འགྱུར། །ལས་ལས་གོལ་བ་མེད་པར་ནི། །ལུས་ཅན་ཡོན་ཏན་མི་སྨིན་ཏེ། །ཡོན་ཏན་ཁོ་ན་ལས་ལྡན་པས། །སྐྱེ་བར་ཡང་ནི་བྱེད་པ་ཡིན། །ཡོན་ཏན་ཆོས་དོན་ལྡན་པ་ནི། །སྔགས་ལ་འགྲུབ་པ་སྐྱེ་བར་འགྱུར། །ཟློས་པ་སེམས་ཅན་ཡོན་ཏན་ཤེས། །ཡོན་ཏན་ཡོན་ཏན་མིན་ལས་འཆིང ། །ཡོན་ཏན་མེད་ལ་བྱ་མིན་གང ། །དེ་ཡི་ལས་ནི་བྱ་བ་མིན། །གང་ཕྱིར་བྱ་བ་ལས་བྱེད་དེ། །བྱ་བ་ཡོན་ཏན་མེད་པ་ཡིན། །བྱ་བ་ལས་དང་ཡོན་ཏན་ཉིད། །ཡང་དག་ལྡན་པ་སྒྲུབ་པར་འགྱུར། །ཆོག་སྔོན་འགྲོ་བྱ་བའི་ལས། །སྟོབས་བཅུ་ལྡན་པས་སྔོན་བསྟན་ཏོ། །རྫས་དང་སེམས་ཅན་སྤྱོད་
206a
༄#། །པ་གཞན། །བྱ་བ་ལས་དང་ཡོན་ཏན་ཡིན། །རྣམ་པ་སྣ་ཚོགས་རྨི་ལམ་ཚུལ། །ལས་ལས་འབྱུང་བར་སྣང་བ་ཡིན། །དེ་བས་རྨི་ལམ་མཚན་མ་ཡིས། །རྒྱ་ཆེ་ལས་ལ་རབ་སྦྱར་བྱ། །རྣམ་པ་སྣ་ཚོགས་རྣམ་པ་དང ། །ཡིད་འོང་བལྟ་ན་སྡུག་པ་དང ། །བགེགས་ཀྱི་གཟུགས་དང་གཟུགས་མེད་པ། །རྨི་ལམ་རྒྱུར་ནི་སྣང་བ་ཡིན། །མཐུ་ཆེ་སྦྲོ་བ་ཆེ་བ་ནི། །མི་ནི་གྲུབ་པ་འདོད་པ་ཡིན། །མཆོག་དང་ཐ་མ་འབྲིང་དག་ནི། །དེ་དག་ལ་ནི་གྲུབ་པར་བརྟག་།དྲག་ཅིང་ལས་རྣམས་མ་རུངས་ནི། །རྨི་ལམ་རྟག་ཏུ་འཕྲལ་དུ་མིན། །བཟང་པོ་བསྟན་པའི་ལས་དག་ནི། །ཡུན་རིང་དུས་སུ་གྲུབ་ཕྱིར་རོ། །འཇིག་རྟེན་འཇིག་རྟེན་འདས་རྣམས་ཀྱི། །ཡོན་ཏན་སྐྱེ་པར་ཡང་དག་འབྱུང་།། རྨི་ལམ་རྣམ་པ་སྣ་ཚོགས་སྣང ། །ཟློས་པས་སྔགས་རྣམས་འགྲུབ་པར་འགྱུར། །མི་འགྲུབ་དོན་དུ་སྔགས་རྣམས་ནི། །གཉིད་དང་སྙོམ་པ་རབ་ཏུ་བརྟག་།བགེགས་འཇོམས་བྱེད་པའི་སྔགས་རྣམས་ནི། །དེ་ཡི་དུས་སུ་རབ་ཏུ་བརྟག་།དེ་ཚེ་སྔགས་ནི་རིགས་ཚུལ་གྱིས། །ཟློས་པས་དེ་ཚེ་རབ་ཏུ་སྦྱར། །ཁྲོ་བོ་ཆེན་པོ་ཕྱག་དྲུག་དང ། །ཞལ་དྲུག་ཉིད་དུ་བརྟག་པར་བྱ། །སྔགས་ཆེན་ཡི་གེ་བཞི་བ་ནི། །གཞོན་ནུའི་གཟུགས་ལ་གནས་པ་ཡིན། །དྲག་པོའི་གཟུགས་ནི་གཟུགས་ཆེན་བོ། །ཕག་གི་རྣམ་པར་ཡང་དག་འབྱུང ། །བགེགས་
206b
ཀུན་རྣམ་པར་གཞིག་བྱའི་ཕྱིར། །དུས་མཚན་དེ་ནི་ལྷ་ཡི་རྒྱལ། །སྟག་གི་ལྤགས་པའི་ཤམ་ཐབས་ཅན། །སྤྲུལ་གྱི་གདེངས་ཀ་རྣམ་པར་འཕྱང ། །ལག་ན་རལ་གྲི་སེམས་དཔའ་ཆེ། ། གཟི་བརྗིད་ཆེན་པོ་གཤིན་རྗེའི་གཟུགས། །བགེགས་རྣམས་ཀུན་ལ་གཙེ་བར་བྱེད། །ལོག་འདྲེན་རྣམས་ཀྱི་སྲོག་འཕྲོག་བྱེད། །འབྱུང་པོ་ཀུན་ནི་རབ་ཉོན་ཅིག་།མི་བཟད་སྔགས་ནི་བཤད་པར་བྱ། །ཆོ་འཕྲུལ་ཆེན་པོ་བགེགས་རྣམས་ཀུན། །མ་རུངས་སེམས་ཅན་འཇིགས་པར་བྱེད། །སྔགས་རྣམས་ཀུན་ནི་སྒྲུབ་བྱེད་པ། །ལྷ་ཡི་ཚོགས་རྣམས་ང་ལ་ཉོན། །ན་མཿ ་ས་མནྟ་བུད་དྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཏྡྱ་ཐཱ། ཧེ་ཧེ་མཧཱ་ཀྲོ་དྷ་ཥ་ཎ་མུ་ཁཥྚ་ཙ་ར་ཎ། སརྦ་བིགྷྞ་བིགྷྞ་གྷཱ་ཏ་ཀ་ཧཱུཾ་ཧཱུཾ། ཀིཉྩི་ར་ཡ་སི་བི་ནཱ་ཡཱ་ཀ་ཛཱི་བི་ཏནྟ་ཀ་ར་དུཿ ་སཝ་བྣ་མ་ནཱ་ཤ་ཡ། ལ་ཧུ་ལ་ཧུ་ས་མ་ཡ་མ་ནུ་སྨ་ར་ཕཊ་ཕཊ་སཝཱཧཱ། །ཁྲོ་བོའི་རྒྱལ་པོ་ཆེན་པོས་འདི་གསུངས་མ་ཐག་ཏུ་བགེགས་དང ། ལོག་འདྲེན་ཐམས་ཅད་འཇིགས་ཤིང་ཉམ་ཐག་ནས་སྙིང་གས་ཏེ་ཡིད་ཤིན་ཏུ་སྐྲག་ནས། བཅོམ་ལྡན་འདས་ཤཱཀྱ་ཐུབ་པ་དང ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་བར་བྱེད་ཅིང་དམ་ཚིག་ལ་གནས་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་བའི་གནས་གཙང་མའི་གཞལ་མེད་ཁང་ལ་གཟིགས་ནས་འཁོར་གྱི་དཀྱིལ་འཁོར་ཆེན་
207a
༄#། །པོ་དེ་ལ་འདི་སྐད་ཅེས་བཀའ་སྩལ་ཏོ། །ཀྱེ་ཀྱེ་ལྷའི་ཚོགས་ཆེན་པོ་དག་།ཁྲོ་བོའི་རྒྱལ་པོ་འདི་ནི་འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་སྔགས་རྣམས་འདོན་པར་བྱེད་པ་ན། གང་ཞིག་མ་རུངས་པའི་སེམས་ཅན་གྱི་གཟུགས་ཅན་གྱིས་རྣམ་པར་འཚེ་བར་བྱེད་པ་དེ་ལ། ཁྲོ་བོའི་རྒྱལ་པོ་འདིས་ནི་རིགས་རྒྱུད་ཐམས་ཅད་འདུལ་བར་བྱེད་ཅིང་སྲོག་ཀྱང་འཛིན་པར་མི་བྱེད་དེ། ཡོངས་སུ་གདུང་བར་བྱེད་ཅིང་ཡོངས་སུ་སྐེམ་པར་བྱེད་པའི་རྣམ་པར་གཞག་པར་བྱ་བ་ལ་འཇོག་པར་བྱེད་ཅིང་ཟློས་པ་དག་ལ་ཡང་སྲུང་བ་དང ། སྦ་བ་དང ། སྦེད་པ་ལ་གནས་པར་འཇོག་པར་བྱེད་ཅིང་རྗེས་སུ་འཕེལ་བར་བྱད་པ་དང ། གང་ཞིག་དམ་ཚིག་འདི་ལས་འདའ་བར་བྱེད་བ་དང ། ཁྲོ་བོའི་རྒྱལ་པོས་སྒྲུབ་པ་པོ་བསྲུང་བར་བྱས་པ་ལ་རྣམ་པར་ཐོ་འཚམ་པར་བྱེད་ན་མགོ་བོ་ཨརྫ་ཀའི་དོག་པ་བཞིན་དུ་རྣམ་པ་བདུན་དུ་འགས་པར་འགྱུར་རོ། །ཐུབ་པ་མཆོག་གིས་ལེགས་གསུངས་ནས། །འཇམ་པའི་དབྱངས་ལ་དེ་ཚེ་གསུངས། །གཞོན་ནུ་ཁྱོད་ཀྱི་སྔགས་རྣམས་ལ། །མ་ལུས་དོན་ནི་རྒྱ་ཆེན་ངོན། །སྔགས་རྒྱུད་དོན་དང་ལྡན་པ་དང ། །སྒྲུབ་པ་རྣམས་ལ་ཁྱད་པར་དུ། །བགེགས་རྣམས་མ་ལུས་འཇོམས་པ་ཡི། །རྒྱུད་ལ་ཁྲོ་རྒྱལ་བསྟན་པ་ཡིན། །འཇིག་རྟེན་མགོན་གྱིས་སྔོན་འདི་ནི། །
207b
དེ་བཞིན་དུ་ནི་ཡང་དག་སྦྱར། །མ་ལུས་བགེགས་རྣམས་འཇིག་བྱའི་ཕྱིར། །དགྲ་རྣམས་ཀྱི་ནི་ཁྲོ་བ་སེལ། །ཟློས་པས་རྟག་ཏུ་འདི་དག་ནི། །མཚན་མོ་རྟག་ཏུ་གདོན་བྱས་ལ། ། སེམས་ཅན་རྣམས་ནི་སྲུང་དོན་དང ། །རྨི་ལམ་ངན་པ་སེལ་བར་བྱེད། །སྔགས་རྣམས་མ་ལུས་སྒྲུབ་པ་ལ། །འཇིག་རྟེན་མཆོག་གིས་གསུངས་པ་ཡིན། །དེ་ནས་གཞན་ཡང་རབ་བཤད་པ། །སྐྱེས་བུའི་མཚན་ཉིད་བཟང་པོ་ཡིན། །གང་ལ་སྔགས་རྣམས་འགྲུབ་འགྱུར་བ། །མཆོག་དང་ཐ་མ་བར་མ་འོ། །གཟི་བརྗིད་ལྡན་དང་ཤེས་ལྡན་དང ། །གསེར་མདོག་གསུས་པ་ཆེ་བ་དང ། །དཀྱུས་རིང་མིག་དང་སྣུམ་པ་དང ། །ཆགས་ཆུང་ཁྲོ་བ་རྣམ་པར་སྤངས། །མིག་རྩ་དམར་ཞིང་སྙན་པར་སྨྲ། །དེ་ལ་གྲུབ་པ་མཆོག་འགྱུར་ལ། ། ལྤགས་པ་སྲ་བ་ཅིང་སྔོ་བསངས་མདོག། ཧ་ཅང་རིང་མིན་ཡན་ལག་ཕྲ། །སྤྲོ་བ་ཆེ་ཞིང་གཟི་བརྗིད་ཆེ། །ཆོག་ཤེས་ཀུན་ནས་དགེ་བ་བྱེད། །སྐྱེ་གནས་བཟང་པོ་དག་པ་དང ། །འདོད་པ་ཆུང་ཞིང་ཅུང་ཟད་དགེ། ལས་རྣམས་ཀུན་ལ་སྣང་བ་ནི། །དེ་ལ་ངེས་པར་གྲུབ་པ་མཆོག། ཡན་ལག་ཐམས་ཅད་མཚང་མེད། །དུར་བསྔོ་བསངས་གཟི་བརྗིད་ཆེ། ། ཉོན་མོངས་མེད་སེམས་ཤེས་པ་ཅན། །རྟག་ཏུ་གཙང་ཞིང་ཆངས་པར་སྤྱོད། །ཕྲ་བའི་གསོལ་རྟག་ཏུ་དགའ། །ཆོས་ཀྱི་ངང་ཚུལ་འཇིག་རྟེན་ཤས། །གྲོགས་མང་རྟག་ཏུ་
208a
༄#། །གཏོང་བ་དང ། །ཟས་ཚོད་རིག་དག་རྟག་གཙང་ལྡན། །ཤེས་ཉེན་ཚུལ་ཁྲིམས་སྤྱོད་བ་དང ། །གཙང་བའི་སྤྱོད་ལ་རྟག་ཏུ་དགའ། །བདེན་པར་སྨྲ་ཞིང་སྙིང་རྗེ་ཅན། །དེ་ལ་གྲུབ་པ་མཆོག་ཏུ་འགྱུར། །ཡོན་ཏན་རྒྱ་ཆེ་ཡན་ལག་ཚང ། །རིགས་ལྡན་རྟག་ཏུ་ཆོས་དང་ལྡན། །ཕ་དང་མ་ལ་གུས་པ་དང ། །བྲམ་ཟེ་ལ་ནི་མཆོད་པ་བྱེད། །ཤིན་ཏུ་སྙིང་རྗེ་ལྡན་ཞིང་བརྟན། །དེ་ལའང་གྲུབ་པ་མཆོག་ཏུ་འགྱུར། །སྔོ་བསངས་དཀར་དང་སྣུམ་པ་དང ། །རྟག་ཏུ་གཙང་ཞིང་ཉུང་དུ་སྨྲ། །བསོད་པའི་ཁ་ཟས་ལ་དགའ་ཞིང ། །གཙང་བའི་སྤྱོད་བས་མངོན་པར་འགྲོ། །མང་འདོད་སེམས་ཅན་འཇིག་རྟེན་ཤེས། །དེ་ལའང་གྲུབ་པ་མཆོག་ཏུ་འགྱུར། །ཧ་ཅང་རིང་མིན་ཐུང་བའང་མིན། ། སྐུ་ནི་མིག་སྨན་བཞིན་དུ་གནག། མིག་དང་མིག་འབྲས་རབ་ཏུ་སྣུམ། །གཙང་ཞིང་རྟག་ཏུ་ཁྲུས་ལ་དགའ། །དཀོན་མཆོག་གསུམ་ལ་ཤིན་ཏུ་དད། །དེ་ཡི་གྲུབ་པ་མཆོག་ཏུ་འགྱུར། །མཆོག་གི་ལས་ནི་རབ་སྟོན་ཅིང ། །སེམས་ཅན་རྣམས་ཀྱི་བསམ་པ་ཤེས། །བཟོད་ལྡན་སྙན་པར་སྨྲ་བ་དང ། །རྒྱལ་པའི་སྲས་ལ་རབ་ཏུ་དགའ། །དེ་ཚེ་འཇིག་རྟེན་འདས་པ་གྲུབ། །དེ་འབྲས་བཅས་པ་གྲུབ་པར་འགྱུར། །སེམས་དཔའ་ཆེ་ཞིང་བརྩོན་འགྲུས་ཆེ། །གཟི་བརྗིད་ཆེ་ཞིང་བརྟུལ་ཞུགས་ཆེ། །ལོངས་སྤྱོད་ཆེ་
208b
ཞིང་སྔགས་རྣམས་ཤེས། །སྔགས་རྣམས་ཀུན་ལ་དེ་ཉིད་རིག། རིགས་ཀྱི་མཆོག་ནི་རྒྱལ་རིགས་སམ། །བྲམ་ཟེ་ཤེས་དང་ལྡན་བ་དང ། །བུད་མེད་ལ་བརྟེན་དེ་ལ་ཆགས། །དེ་བཞིན་གསེར་གྱི་མདོག་དང་ལྡན། །བོང་ཚོད་ཆེ་ཞིང་དཀར་བ་དང ། །སྣ་ནི་མཐོ་ཞིང་ལག་བ་ཆེ། །དཔའ་ཞིང་ལག་པ་རིང་བ་དང ། །རྒྱལ་པོ་ཆེ་ལ་མངོན་པར་འདོད། །རྒྱལ་པའི་སྲས་ལ་དད་པ་དང ། །བུད་མེད་མིང་ལྡན་ལྷ་ལ་མཆོད། །དཀོན་མཆོག་གསུམ་ལ་གུས་པ་དང ། །བྱང་ཆུབ་སེམས་ཀྱིས་བརྒྱན་པ་ཡིན། །ལྷག་པར་སྙིང་རྗེ་བརྟན་པ་དང ། །ཅུང་ཟད་ཁྲོ་ཞིང་ཅུང་ཟད་རྨོངས། །ལོངས་སྤྱོད་ཆེ་ཞིང་གཏོང་བ་ཆེ། །གཟི་བརྗིད་ཆེ་ཞིང་ཐུལ་བར་དཀའ། །བུད་མེད་རྣམས་ནི་དགའ་དང་དཔའ། །དེ་ཡི་གྲུབ་པའང་མཆོག་ཡིན་ནོ། །ཤིན་ཏུ་བཏུང་དང་དགའ་དང་དཔའ། །རྟག་ཏུ་བུད་མེད་ལ་ཆགས་དང ། །གསེར་གྱི་མདོག་དང་བྱིན་པ་ཕྲ། །རྐེད་པ་ཆེ་ཞིང་གཙང་བ་དང ། །བརྩེ་དང་སྙིང་རྗེ་ལྡན་མཁས་པ། །ཡོན་ཏན་མང་འདོད་འཇིག་རྟེན་ཤེས། །རྟག་ཏུ་སྔགས་རྣམས་ཟློས་ལ་གུས། །རྒྱལ་བ་ལ་ནི་སྲོག་ཀྱང་གཏོང ། །དེ་བཞིན་ཉན་ཐོས་སྲས་རྣམས་དང ། །བསེ་རུ་ལ་ཡང་རྟག་ཏུ་གཏོང ། ། སྟོབས་ལྡན་འཇིག་རྟེན་གཙོ་བོ་དང ། །རིགས་ནི་གཉིས་པ་བཟང་པོ་ཡིན། །ཡན་ལག་ཐམས་ཅད་མ་ཚང་མེད། །མ་རུངས་རྟག་ཏུ་བབ་ཅོལ་བྱེད། །གཏོང་ལྡན་ཚུལ་ལྡན་དགྲ་ལས་
209a
༄#། །རྒྱལ། །ཆོས་དང་ཆོས་མིན་རྣམ་དཔྱོད་བྱེད། །ཧ་ཅང་སྦོམ་མིན་རྗུད་པའང་མིན། །ཧ་ཅང་རིང་མིན་ཐུང་བའང་མིན། །བར་མའི་མི་ནི་མཆོག་ཡིན་ཏེ། །དེ་ཡི་གྲུབ་པ་མཆོག་ཏུ་འགྱུར། །སེན་མོ་ཟངས་མདོག་ལེགས་སྣུམ་དང ། །ལག་མཐིལ་དམར་དང་གཙང་བ་དང ། །རྐང་བའི་མཐིལ་དམར་སྣུམ་པ་དང ། །འཁོར་ལོ་སཝ་སྟི་ཀས་བརྒྱན་དང ། །རྒྱལ་མཚན་རྟ་བབས་ཉ་དང་ནི། །བ་དན་པདྨ་ཐོབ་དང ། །མི་གང་རྐང་བ་ལག་པ་ལ། །མཚན་ནི་འདི་དག་ཡོད་གྱུར་པ། །དེ་འདྲའི་སྐྱེས་བུ་དམ་པ་ལ། །གྲུབ་པ་མཆོག་ཏུ་བརྟག་པར་བྱ། །མཆེ་བ་དཀར་ཞིང་བཟང་བ་དང ། །མཐོ་བའི་རི་བོ་དང་འདྲ་དང ། །སྣ་བཟང་མཐོ་ཞིང་མིག་དཀྱུས་རིང ། །སྨིན་མ་སྟུག་ཅིང་ཀོས་ཀོ་བཟང ། །བ་ཡི་རྫི་མ་འཇིག་རྟེན་མཚན། །ནག་པའི་ལྟ་བའི་མིག་འབྲས་མཚན། །དཔྲལ་བའི་དབྱེས་གང་རྒྱ་ཆེ་ཞིང ། །མགོ་བོ་གདུགས་འདྲའི་རྣམ་པ་བཟང ། །མགོ་བོ་གཙུག་ཏོར་འདྲ་བ་དང ། །རྣ་བ་བཟང་བ་དམ་པ་ཡིན། །རྟག་ཏུ་སེང་གེའི་འགྲམ་འདྲ་དང ། །མ་མཆུ་བིམ་པ་སྨིན་འདྲའི་མདོག། གང་གི་ལྕེ་ནི་རབ་སྣང་བ། །པདྨ་འདབ་མ་དམར་འདྲའི་མདོག་མགྲིན་པ་བུམ་པ་འདྲ་བ་དང ། །ཐལ་གོང་རྒྱས་ཤིང་ཡང་དག་འཕགས། །མཆན་ཁུང་ཐོང་ཀ་བཟང་བ་མཆོག། །དེ་བཞིན་བརླ་ནི་རྒྱ་ཆེ་དང ། །ལྟེ་བའི་ཕྱོགས་ཀྱང་ཆུང་བ་
209b
དང ། །རྐེད་པ་རྒྱ་ཆེ་བཟང་བ་དང ། །ལྟེ་བ་ཟབ་ཅིང་གཡས་སུ་འཁྱིལ། །ཀུན་ནས་དཀར་མེད་བ་སྤུ་དང ། །ལག་རིང་ལག་ནི་ནེ་བ་དང ། །རྐེད་པ་སེང་གེ་འདྲ་བའི་མཚན། །གང་གི་བརླ་ནི་ཟླུམ་པ་དང ། །གྲུ་མོ་ཉམས་མེད་ཟླུམ་པ་དང ། །བྱིན་པ་ཨེ་ན་ཡ་ལྟ་བུར། །ཟླུམ་པོའི་ནང་ན་ཟླུམ་པོར་གྲུབ། །རྐང་བ་ཤ་དང་ལྡན་པ་དང ། །སོར་མོ་རྣམས་ནི་རིང་བ་ཡིན། །དམར་ཞིང་སེན་དམར་སྣུམ་པ་དང ། །ཤ་རྒྱས་པས་ནི་སྣུམ་པ་ཡིན། །ནང་སྟོང་མ་ཡིན་མཐིལ་མཉམ་གནས། །དགེ་ཞིང་མཐོང་ན་དགའ་བ་དང ། །འཇམ་ཞིང་ཁ་དོག་དག་པ་དང ། །རབ་བསྔགས་འཇིག་རྟེན་བཀྲ་ཤིས་དང ། །དེ་དག་གི་ནི་སྟེང་དག་ཏུ། །རྩ་ཡི་དྲ་བ་མངོན་པ་མེད། །བཤང་བ་འབྱུང་བའི་ལམ་དག་ཏུ། །རི་མོ་ཟབ་ཅིང་གཡས་སུ་འཁྱིལ། །མཆིག་པ་རབ་བསྔགས་ཤིན་ཏུ་ཆུང ། །རྟག་ཏུ་ཟླུམ་ཞིང་དགེ་བ་ཡིན། །མ་འབྲེལ་དུམ་བུམ་ཡིན་དང ། །གཅིག་མིན་ཉིད་དུ་བསྟན་པ་ཡིན། །གང་ཚེ་སྐྱེས་དབང་གཙང་བ་དང ། །རྩེ་མོ་དམར་ལ་ཡང་ངག་གནས། །སྐྱེ་བོ་ཉལ་ཁར་ཁ་ཟས་ནི། །རོ་ནི་བཙའ་བར་བྱེད་པ་ཟ། །བཤང་བ་ཁ་དོག་སྔོ་བའམ། །གལ་ཏེ་དམར་པོ་རབ་སྣང་ཞིང ། །མང་པོ་མ་ཡིན་སྣུམ་པ་དང ། །དགེ་པའི་མཚན་གྱིས་རབ་མཚན་བ། །དེ་ལྟའི་སེམས་ཅན་གང་ཡིན་པ། །གྲུབ་པ་མཆོག་ཏུ་འདོད་པ་ཡིན། །ལན་གསུམ་
210a
༄#། །བཤང་ཞིང་སྔགས་དྲུག་དང ། །གཙང་སྦྲའི་སྤྱོད་དཀའ་ཡོངས་སུ་གཙང ། །གང་ཞིག་ཐུན་ནི་ཐ་མར་ཉལ། །ཐོ་རངས་ལྡང་བའི་སྐྱེ་བོ་རྣམས། །དེ་ཡི་གྲུབ་པ་རྟག་ཏུ་མཆོག། ལས་ཀུན་བྱེད་པར་སྣང་བ་ཡིན། །འབྲས་བུ་རྣམ་པ་སྣ་ཚོགས་དང ། །ཕུན་ཚོགས་རྣམ་པ་མང་པོ་ལ། །མི་རྣམས་རྗེས་སུ་འདོད་པ་ཡང ། །མཚན་ཉིད་ཀྱིས་ནི་མངོན་མཚན་པའོ། །རྒྱུ་སྐར་དག་ལའང་སྐྱེས་པ་ནི། །རྒྱལ་དང་ནམ་གྲུ་གྲེ་དབོ་དང ། །མཆུ་དང་ལྷ་མཚམས་དག་དང་ནི། །ནག་པ་སྣར་མ་སྨིན་དྲུག་དང ། །ནུས་པའི་གཟའ་རྣམས་ཀྱིས་མཚན་པ། །དེ་དག་ལ་ནི་སྐྱེས་མཐོང་དང ། །ཉི་མའི་དཀྱིལ་འཁོར་འཆར་ཁ་ནི། །ཐོ་རངས་དུས་སུ་གང་སྐྱེས་དང ། །གང་ཚེ་དེ་ཡི་དུས་སུ་སྐྱེས། །དེ་ལ་གྲུབ་པར་རབ་ཏུ་སྣང ། །ཉིན་ཕྱེད་དང་ནི་ཐོ་རངས་དང ། །ཉི་མའི་མཐར་ཡང་གཟའ་བཟང་པོ། །དཀར་བ་ཟླ་བ་བ་སངས། །སེར་བ་གཟའ་ལྷག་ཕུར་བུ་ཡིན། །སྐྱེ་བོ་རྣམས་ཀྱིས་མཐོང་ན་ནི། །འབྲས་བུ་འགྲུབ་ཕྱིར་ནུས་པ་ཡིན། །མི་ནི་གང་ཞིག་དགེ་ལས་ཀྱིས། །འདི་ལ་སྐྱེས་པར་གྱུར་པ་ཡི། །སྔགས་དོན་མ་ལུས་སྒྲུབ་པ་ལ། །དེ་དག་འབད་མེད་འགྲུབ་པར་འགྱུར། །ཉི་མ་ཕྱེད་ནི་འདས་པ་དང ། །རྟག་ཏུ་ཉི་མ་ནུབ་པ་ན། །ལུས་ཅན་རྣམས་ཀྱིས་རྟག་དེ་ལ། །མ་རུངས་གཟའ་མཐོང་གང་ཡིན་པ། །མ་རུངས་ཉི་མ་མིག་
210b
དམར་དང ། །མཇུག་རིང་སྒྲ་གཅན་སྤེན་པ་དང ། །གང་ཡང་གཟའ་ནི་གཙོ་བོ་དང ། །ལས་ནི་ངན་འཇོམས་སྐར་མདའ་ཅན། །སྐར་མ་ཤིན་ཏུ་མི་བཟད་ཉིད། །དེ་བཞིན་ནག་པོ་འཆི་ལྟས་དང ། །དུས་མིན་འཆི་བ་ས་ལ་ནི། །མི་བཟད་དེ་ཚེ་སྣང་བ་ཡིན། །ཉི་མ་འཆར་བའི་དུས་སུ་ནི། །གཟའ་ལྷག་གིས་ནི་ས་རྣམས་མཐོང ། །གཉའ་ཤིང་གང་ཙམ་ཉི་མས་ཕྱིན། ། ཕུར་བུས་ས་དེ་མཐོང་པར་འགྱུར། །དེ་ནས་ཕ་རོལ་གཉའ་ཤིང་ཙམ། །པ་སངས་ནོར་སྤྱན་གྱིས་དེ་མཐོང ། །ཉི་མ་ཕྱེད་ནི་ཡོངས་རྫོགས་ན། །ཟླ་བས་ལུས་ཅན་མ་ལུས་མཐོང ། ། གཟའ་ལྷག་དུས་སུ་རྒྱལ་ཐབས་ཐོབ། །ཕུར་བུས་ནོར་དང་ལོངས་སྤྱོད་བྱེད། །པ་སངས་ནོར་ནི་ངེས་སྒྲུབ་དང ། །རྒྱལ་སྲིད་ཚེ་དང་ལོངས་སྤྱོད་ལྡན། །ཟླ་བ་དེ་བཞིན་ཚེ་རིང་ཞིང ། ། དབང་ཕྱུག་དང་ནི་འབྲས་བུ་བཅས། །དེ་བཞིན་ཉིན་ཕྱེད་ཉི་མ་ནི། །ཉི་མ་ཕྱེད་དུ་མཉམ་པར་མཐོང ། །རྟག་ཏུ་ཉིན་ཕྱེད་རྣམ་འདས་ན། །ཉི་མས་ཕྱོགས་ནི་མཐོང་བར་བྱེད། ། ཐུང་གྱུར་ཉི་མ་གཉའ་ཤིང་ཙམ། །བྱེད་པ་ཉིད་དུ་བསྟན་པ་ནི། །སྒྲ་གཏན་སྤེན་པ་ཉིད་དག་ཡིན། །མུན་པ་དུས་དང་དུས་མཐར་བྱེད། །དེ་ནས་ཕར་ནི་ཐུང་པ་ན། །འཆི་ལྟས་སྐར་མདའ་ས་འགུལ་བྱེད། །ལི་ཁྲི་ཚོགས་ཀྱིས་མདོག་བསྒྱུར་བའོ། །ཉི་མ་ནུབ་གར་ཟངས་མའི་མདོག། གཟའ་ཡི་གཙོ་བོ་གང་ཡིན་དེ། །བྱིས་པ་གཞོན་ནུའི་ཚུལ་འཛིན་ཅིང ། །
211a
༄#། །ལག་ན་མདུང་ཐོགས་མ་རུངས་པ། །མིག་དམར་ཉིད་ཀྱིས་མཐོང་བ་ཡིན། །དེ་ནས་ཉི་མ་གཉའ་ཤིང་འདས། །དགེ་བའི་གཟའ་ནི་འབྱུང་བ་ཡིན། །ཉི་མས་མཐོང་བ་ལས་སྐྱེས་པ། །མ་རུངས་བབ་ཅོལ་བྱེད་བར་འགྱུར། །སྤེན་པ་མིག་དམར་ལས་སྐྱེས་པ། །ཁྲོ་ལྡན་བརྐམ་ཞིང་ང་རྒྱལ་ཅན། །མཇུག་རིངས་འཆི་ལྟས་དུས་རྣམས་ལ། །སྐྱེས་བ་ནད་ནི་ཡང་དག་འབྱུང ། །དབུལ་ཞིང་ནད་བཏབ་གླེན་པ་དང ། །དེ་བཞིན་དུ་ནི་རྟག་ཏུ་རྨོངས། །དུས་དང་མུན་པ་འགུལ་བྱེད་དང ། །སྐར་མདའ་ཅན་དང་གཟའ་ངན་དང ། །འགུལ་བྱེད་སྒྲ་དྲག་དམར་བའི་མདོག། གནམ་ལྕགས་ཉིད་ཀྱང་རབ་རྡུང་བྱེད། །དེ་བཞིན་རྡོ་རྗེ་འཆི་ལྟས་དང ། །གཞན་ཡང་ཁྱིམ་སོགས་རབ་ཏུ་མཐོང ། །སྐྱེ་བོ་ཀུན་གྱི་སྒྲ་གཅན་ནི། །མི་བཟད་རབ་ཏུ་མཐོང་གྱུར་ན། །དབུལ་ཞིང་མགོན་མེད་ཚུལ་ཁྲིམས་འཆལ། །མི་ནི་རྟག་ཏུ་སྡིག་པ་སྤྱོད། །མི་ནི་སྡུག་བསྔལ་སྐྱེ་འགྱུར་ཏེ། །ནད་ཀྱི་གཞི་ནི་སྐྱེ་བར་འགྱུར། །མཛེ་ཅན་ནད་ནི་མང་བ་དང ། །ལོང་བ་འཐེང་པོ་ཤུ་བར་བཅས། །ཟ་མ་མ་ནིང་མོ་ཤམ་དང ། །བུད་མེད་མཚན་ནི་ངན་པ་དང་།། སྐྱེས་པ་བུད་མེད་དེ་བཞིན་གཞན། །གཟའ་ནི་ངན་པ་མཐོང་བ་ཡིན། །དེ་ལྟར་སྐྱེས་གྱུར་སྐྱེས་པ་དག་།འཇིག་རྟེན་མང་པོ་སྐྱེ་བ་ཡིན། །དཀར་དང་སེར་བའི་གཟའ་མཆོག་
211b
ནི། །དེ་དག་ལས་སྐྱེས་དགེ་བ་ཡིན། །མདོག་ནི་དཀར་དང་སེར་བ་དག། རྒྱལ་བས་རབ་ཏུ་བསྔགས་པར་གསུངས། །གཟའ་ནི་གཙོ་བོ་བཞིར་བཤད་པ། །པ་སངས་ཟླ་བ་བླ་མ་ལྷག ། ཟློས་པ་ལས་རྣམས་ཀུན་ལ་ནི། །དེ་དག་མཐོང་ན་འགྲུབ་པའི་དོན། །སེམས་ཅན་བྱིས་བ་རྣམས་ལ་ཡང ། །རྟག་ཏུ་དེ་དག་སྐྱེ་བ་བཟང ། །ལོ་ནི་ཀུན་ལའང་འདོད་པ་ཞེས། །འཇིག་རྟེན་མཆོག་གིས་གསུངས་པ་ཡིན། །སྐད་ཅིག་ཙམ་ཡང་དེ་བཞིན་དུ། །མིག་འབྱེད་མིག་འཛུམ་སེ་གོལ་གཏོགས། །འདི་ནི་མདོར་བསྡུས་སྐྱེ་བ་ཞེས། །འཇིག་རྟེན་མཆོག་གིས་གསུངས་པ་ཡིན། །འདི་ཙམ་གྱི་ནི་ཚད་དག་ཏུ། །གཟའ་ཀུན་འཇིག་རྟེན་དགོངས་པ་ཡིན། །དེ་དག་དེ་བཞིན་རྟག་ཏུ་འཆར། །འདི་དག་དུས་ཀྱི་དེ་ཉིད་ཡིན། །འདི་དག་དགེ་དང་སྡིག་པའི་གཟའ། །འཁོར་ལོ་བཞིན་དུ་རྟག་ཏུ་འཁོར། །འཇིག་རྟེན་དགེ་དང་མི་དགེ་བྱེད། །དེ་ཉིད་འཇིག་རྟེན་གནས་པ་ཡིན། །དེས་ན་དེ་དག་གང་ཅུང་ཟད། །སྡིག་པའི་བློ་ཡང་སྐྱེ་བར་འགྱུར། །སེམས་ཅན་དགེ་དང་མི་དགེ་འབྲས། །མང་པོ་ཡང་ནི་སྐྱེ་བར་འགྱུར། །གཟའ་རྣམས་ལས་ལ་སྤྱོད་པ་ཞེས། །དེས་ན་འདི་ནི་མཐོང་ཞེས་གསུངས། །མྱུར་ལྡན་མྱུར་བཅས་འོད་འགྱུར་ཞིང ། །མྱུར་བར་འོང་བས་མྱུར་ལྡན་ཡིན། །མིག་གིས་མཐོང་དང་མ་མཐོང་བའི། །སེ་གོལ་གཏོགས་པའི་མྱུར་འགྲོས་ཡིན། །འདི་
212a
༄#། །ཙམ་གྱི་ནི་ཚད་དག་ཏུ། །བློ་མཆོག་རྣམས་ཀྱིས་བསྟན་པ་ཡིན། །དེ་ནས་གཞན་ཡང་རབ་བཤད་བ། །ངེས་པར་ཟློས་པས་རྟག་ཏུ་བྱ། །ཡུད་ཙམ་དག་ནི་བཅུ་གཉིས་དང ། །དུས་དང་དུས་མིན་འགྲོ་བའི་རྒྱུ། །གྲུབ་པའི་རྒྱུ་འམ་མ་ཡིན་པ། །འགྲོ་བ་མིན་པའང་བཤད་པར་བྱ། །འཇིག་རྟེན་ལ་ཉེ་བཟང་བ་དང ། །ཆར་དང་ཆར་མིན་ཡང་དང་ཡང ། །ཡུལ་འཁོར་འཇིག་དང་མུ་གེ་དང ། །ལོ་ལེགས་ཉི་མ་གསལ་མཐོང་དགེ། དུས་དང་དེ་བཞིན་དབང་པོའི་གཞུ། །སྐྱེ་བོ་རྣམས་ལ་རྟག་ཞི་བྱེད། །མཇུག་རིངས་ས་འགུལ་ནམ་གྲུ་དང ། །སྐར་མདའ་དང་ནི་ལྷོ་བུར་དང ། །རྒྱུ་སྐར་གཟའ་དང་སྐར་རྣམས་ཀྱི། །སྤྱོད་པ་དགེ་དང་མི་དགེ་བ། །འབྱུང་པོ་རྣམས་ཀྱི་སྤྱོད་པ་ནི། །དགེ་དང་མི་དགེའི་སྤྱོད་པ་ཡིན། །ཤ་ཟ་དང་ནི་མ་མོ་དང ། །དྲག་པོ་མ་རུངས་ཉེར་འཇོམས་བྱེད། །ཤ་ཟ་རྣམས་ཀྱི་སྤྱོད་པ་ནི། །དེ་བཞིན་མ་རུངས་སེམས་ཅན་བརྗོད། །གང་དུ་ལྷ་ལ་རབ་དད་དང ། །རིན་ཆེན་ཆོས་དང་བློ་མཆོག་དང ། །དགེ་བའི་ལས་དང་རྟག་ཏུ་ལྡན། །བྱམས་སེམས་བརྩེ་བར་ལྡན་པ་དང ། །ལེགས་པར་སྤྱོད་པའི་དོན་ལྡན་བློ། །གཞན་གྱི་སྡུག་བསྔལ་དག་ལ་སེམས། །སྔགས་དང་རིག་པ་རྣམས་ཀྱིས་དྲངས། །སྨན་གྱི་དོན་དུ་བཟས་སྤྱོད། །གང་དུ་མཚན་ཉིད་ལ་བརྟེན་པས། །སྤྱོད་པ་རྒྱ་ཆེར་བསྟན་བ་ཡིན། །
212b
གཞན་གྱི་ལུས་ལ་གནས་ནས་ནི། །མི་ལུས་བརྟེན་ནས་གནས་པ་ཡིན། །ལྷ་ནི་མཆོད་བ་ཞེས་བཤད་དེ། །ལྷ་མིན་ང་རྒྱལ་ཅན་གྱི་རྒྱུས། །གནས་དེར་གནས་པའང་རྣམ་པ་གཉིས། ། རིམ་བཞིན་ལྷ་དང་ལྷ་མ་ཡིན། །དེ་ཡང་དེར་ནི་རྣམ་གཉིས་ཏེ། །གྲགས་པ་དང་ནི་ཐུན་མོང་ཡིན། །དེ་ཡང་དེར་ནི་རྣམ་གཉིས་འགྲོ། དགེ་དང་མི་དགེ་འགྲོ་བ་ལྔ། །དེར་གནས་རྣམ་གསུམ་འགྲོ་བ་སྟེ། །ཉི་ཤུ་སུམ་ཅུ་གྲངས་མེད་པའོ། །ལྷ་དབང་དང་ནི་འོག་མིན་པར། །གོ་རིམས་ཇི་བཞིན་ས་མེད་པའོ། །འཇིག་རྟེན་ཁམས་ནི་མཐའ་མེད་པ། །དགེ་དང་མི་དགེའི་འཇིག་རྟེན་ཡིན། །འཁོར་སྤྱོད་སེམས་ཅན་ཇི་སྙེད་དང ། །འཕགས་པ་ཉན་ཐོས་ཇི་སྙེད་དང ། །སངས་རྒྱས་རང་སངས་རྒྱས་རྣམས་དང ། །དེ་ཡི་ཐུགས་ལས་སྐྱེས་སྲས་དང ། །བྱང་ཆུབ་སེམས་དཔའ་སེམས་དཔའ་ཆེ། །ས་བཅུ་ལ་ནི་རབ་གནས་དང ། །རྟག་ཏུ་སེམས་ཅན་ཐམས་ཅད་ཀྱི། །སེམས་ཅན་སྐྱེ་གནས་ཡང་དག་བརྟེན། །བྱིས་པའི་སྐྱེ་བོ་ཐམས་ཅད་ཀྱི། ། འགྲོ་བའི་སྐྱེ་གནས་རྟེན་པ་དང ། །རྟག་ཏུ་འཕགས་རྣམས་ཐམས་ཅད་ཀྱི། །མཚན་ཉིད་དང་ནི་སྤྱོད་པ་དང ། །ཚིག་དང་བརྡ་དང་དེ་ཉིད་ཀྱང ། །རྒྱ་ཆེར་རབ་ཏུ་བཤད་པར་བྱ། །སྔགས་དང་རྒྱུད་ནི་རིགས་བཅས་པས། །འབྱུང་བོ་ཀུན་ནི་དགུག་པར་བྱ། །དབབ་དང་དགུག་པའི་སྔགས་ཤེས་པས། །གཞན་གྱི་ལུས་ལ་ཡང་དག་བརྟེན། །དགེ་དང་མི་དགེའི་ལས་
213a
༄#། །ཤེས་ཤིང ། །བག་ཡོད་རིགས་ནི་བཟའ་བ་དང ། །མི་བླུན་སྤྱོད་པའི་སེམས་ཅན་དང ། །ཚར་གཅད་རྗེས་གཟུང་སྤྱོད་པ་དང ། །འཇིག་རྟེན་ས་སྟང་འགུགས་བྱེད་པ། །མི་ནི་སྔགས་ཟློས་བྱེད་པ་དག། དེ་དག་གྲུབ་པའི་མཚན་མ་ནི། །དེ་ཉིད་ཐམས་ཅད་བཤད་པར་བྱ། །མི་རྣམས་ཀྱི་ནི་མདོར་བསྡུ་ན། །དེ་དག་གི་ནི་ལུས་བཟུང་ནས། །རྟག་ཏུ་ཤིན་ཏུ་ཆོས་དོན་དང ། །ཐར་པའི་དོན་དུ་རྣམ་པར་བརྟག། མ་རུངས་རྣམས་ནི་ཚར་གཅད་དང ། །རྣམ་དག་རྣམས་ནི་མཆོད་པ་སྟེ། །ཚར་གཅད་རྗེས་གཟུང་ཉིད་ལ་ནི། །སྔགས་དང་རྒྱུད་ནི་རབ་ཏུ་བརྟག། རླུང་དང་བད་ཀན་མཁྲིས་ཅན་ནི། །རྣམ་གསུམ་དག་ལ་སྤྱོད་པའང་གསུམ། །དེ་དག་ཞི་བར་རབ་བརྟགས་ལ། ། རྣམ་གསུམ་ཉིད་དུ་རིམ་པར་འདོད། །མི་རྣམས་ཀྱི་ནི་གསོ་བ་ལ། །སྔགས་དང་རྒྱུད་ཀྱིས་རྟག་ཏུ་བྱ། །འབྱུང་བ་ཆེན་པོར་རྣམ་བརྟགས་པ། །འབྱུང་དང་འབྱུང་མིན་ལ་སོགས་ཤེས། །འབྱུང་བ་མིན་དང་འབྱུང་བ་དང ། །ལྷག་པར་འབྱུང་བ་དེ་ལ་བརྗོད། །སྐྱེ་བོ་གང་ཚེ་ལྷག་འབྱུང་ཟིན། །དེ་ཚེ་བདེ་བ་མེད་པར་འགྱུར། །འབྱུང་དང་འབྱུང་མིན་རྣམ་བ་ནི། །རྣམ་པ་གཉིས་སུ་རབ་ཏུ་བརྟག། རྟག་ཏུ་སེམས་ཅན་འབྱུང་བ་ཆེ། །སེམས་ཅན་མ་ཡིན་རབ་ཏུ་བརྟག་།མཁྲིས་པ་བད་ཀན་དེ་བཞིན་རླུང ། །གང་གཞན་
213b
རྣམ་པ་སྣ་ཚོགས་བྱས། །འབྱུང་བ་ཆེན་པོ་བཞི་དང་ནི། །ལྔ་པ་དག་ནི་ནམ་མཁར་བརྗོད། །ཆུ་དང་མེ་དང་ལྡན་བ་དང ། །ས་དང་རླུང་དུ་ཡང་དག་ལྡན། །བློ་དང་ལྡན་པས་རྟག་ཏུ་ཡང ། ། སེམས་ཅན་མིན་པའི་གྲངས་སུ་བསྟན། །འཇིག་རྟེན་མཆོག་གི་བདག་པོ་དང ། །འོད་ཆེན་ལྡན་པས་གསུངས་བ་ཡིན། །སེམས་ཅན་མ་ཡིན་གྲངས་སུ་བསྟན། །སེམས་ཅན་གྲངས་འགྲོ་མི་མ་ཡིན། །བློ་མཆོག་སྨྲ་བ་དམ་པ་ཡིས། །མི་རྣམས་སེམས་ཅན་ཉིད་དུ་གསུངས། །མི་མ་ཡིན་དང་མི་དག་ཀྱང ། །རྟག་ཏུ་སེམས་ཅན་གྲངས་ཉིད་དོ། །སེམས་ཅན་རྣམས་ལ་དགེ་དོན་དུ། །ཐམས་ཅད་མཁྱེན་པའི་གསུང་ཡང་ཡིན། །འདས་དང་མ་བྱོན་སངས་རྒྱས་དང ། །དེ་བཞིན་ད་ལྟར་བྱུང་རྣམས་ཀྱིས། །དགེ་བའི་ལས་ཀྱི་ལས་འབྱུང་ཕྱིར། །ལས་འདི་དག་ནི་ཡོངས་སུ་གསུངས། །སངས་རྒྱས་རྣམས་ཀྱི་གསུང་དག་པ། །ལས་ནི་དོན་མེད་མི་བྱེད་དེ། །དེ་ཡི་རྒྱུ་མཚན་རིགས་དང་སྤྱི། །གྲུབ་པ་ཉིད་དུ་བར་སྣང་སྟེ། །ཐམས་ཅད་མཁྱེན་པའི་ཡེ་ཤེས་དང ། །བདེ་ཞིང་ཞི་ལ་རྟག་ཏུ་གཙང ། །མཐར་ཐུག་དག་དང་བདག་མེད་དང ། །དོན་དམ་ཐར་པར་འདོད་པ་སྟེ། །དེ་ཉིད་ཆོས་ནི་བཙལ་བྱའི་ཕྱིར། །རྒྱུད་འདི་ཡོངས་སུ་བཤད་པ་ཡིན། །རྒྱུད་དང་སྔགས་དང་སྨན་བཟང་པོ། །བཀའ་ནི་ཡང་དག་གསུངས་པ་ཡིན། །བྱུང་དང་འབྱུང་འགྱུར་ད་ལྟར་གྱི། །བསྟན་བཅོས་ཐམས་ཅད་ལེགས་བསྔགས་
214a
༄#། །དང ། །འཇིག་རྟེན་མཆོག་དང་ཆོས་བདག་མེད། །རྟག་ཏུ་ཞི་དང་ཤེས་པའི་གནས། །འདི་ནི་ཐམས་ཅད་མཁྱེན་པའི་གསུང ། །དེ་ཡི་གོ་འཕང་མཆོག་གནས་པ། །ཐམས་ཅད་མཁྱེན་པའི་ཡེ་ཤེས་འབྱུང ། །མ་འདྲེས་རབ་ཏུ་བརྟགས་པ་ཡིན། །སངས་རྒྱས་རྣམས་ཀྱི་མཐུ་དང་ནི། །བྱང་ཆུབ་སེམས་དཔའ་བློ་ལྡན་དང ། །སྔགས་རྣམས་ཀུན་གྱི་ཆོ་ག་ལ། །གྲུབ་པ་ཀུན་ཏུ་བསྟན་པ་ཡིན། །དེས་ན་འདི་ཉིད་ཐུབ་དབང་གིས། །ཆོ་གའི་རྒྱལ་པོར་གསུངས་པ་ཡིན། །ལུས་ཅན་རྣམས་ནི་སྔགས་ཚུལ་གྱི། །འདི་ཉིད་ཀྱི་ནི་ལམ་གྱིས་འགྲོ། ཞི་བ་ནད་མེད་ཕུན་སུམ་ཚོགས། །མྱ་ངན་འདས་གྲོང་ཕྱིན་པར་འགྱུར། །མྱ་ངན་མེད་དང་རྡུལ་མེད་དང ། །རྟག་ཏུ་བྱང་ཆུབ་གཞོལ་ཞིང་ཤེས། །གང་འདི་བསྟན་པ་དག་ལ་ནི། །སྔགས་ཀུན་འདོན་པར་བྱེད་པ་ན། །ཀུན་མཁྱེན་ཤེས་དང་ཤེས་བྱ་ཡི། །ལས་ཀྱི་རྒྱུད་ནི་འབྲེལ་པ་དང ། །སྔགས་ཟློས་པ་ཡི་ཆེད་དུ་ནི། །རྒྱུད་རྣམས་མཐའ་དག་ས་སྟེང་གསུངས། །སྔགས་རྒྱུད་མ་ལུས་དོན་དག་ནི། །བྱང་ཆུབ་རྣམ་གསུམ་གཞོལ་བ་སྟེ། །སངས་རྒྱས་རྣམས་ཀྱི་ཡེ་ཤེས་དག། ཆོ་ག་འདིར་ནི་རབ་ཏུ་བསྟན། །སེམས་ཅན་རྣམས་ལའང་ཕན་པའི་ཕྱིར། །འཇིག་རྟེན་ཀུན་ལ་རབ་ཏུ་བསྐོར། །གཞན་ལ་ཆོ་ག་རབ་སྣང་བ། །ཆོ་གའི་རྒྱལ་པོ་འདི་ལའང་ཡོད། །ཐུབ་མཆོག་
214b
ཐུབ་པའི་སྲས་དག་གིས། །གཞན་དུ་ཆོ་ག་གང་བསྟན་པ། །སྔགས་རྣམས་ཐམས་ཅད་འདི་ལ་ཡོད། །དེས་ན་ཆོ་ག་རྒྱ་ཆེན་ཡིན། །དེ་ཉིད་ཕྱིར་ན་ཐུབ་དབང་གིས། །ལུས་ཅན་ཀུན་ལ་གསུངས་པ་ཡིན། །གང་དུ་ཆོ་གའི་རྒྱལ་པོ་འདིས། །དབང་འགྱུར་མིན་དང་བཀུག་མིན་པ། །ས་སྟེང་འཇིག་རྟེན་གསུམ་འདི་ན། །རིག་པའི་སྔགས་རྒྱལ་དེ་ཡོད་མིན། །ཐུབ་པའི་ཟླ་བ་རབ་ནུབ་ཅིང ། །ས་ཡི་དཀྱིལ་འཁོར་སྟོངས་པ་ན། །ཆོ་ག་འཇིག་རྟེན་འདི་གནས་པ། །བསྟན་པའི་དོན་ནི་བྱེད་པར་འགྱུར། །འཇམ་པའི་དབྱངས་ནི་རྟག་ཏུ་དགེ། འབྱུང་བ་ཀུན་ལ་གཞོན་ནུ་ནི། །དེ་ཚེ་སངས་རྒྱས་མཛད་པ་ནི། །འཇིག་རྟེན་བསྟན་ལ་བྱེད་པར་འགྱུར། །ཆོ་གའི་རྒྱལ་པོ་མཐུ་ལ་ནི། །ཡུན་རིང་དུས་སུ་འདོད་པ་རྣམས། །ལན་ཅིག་ཐོས་ཀྱང་གྲོལ་འགྱུར་ཏེ། །རྟག་ཏུ་དེ་ལ་འགྲུབ་པར་འགྱུར། །སངས་རྒྱས་ཀུན་གྱི་གསུང་དག་ནི། །རྟག་ཏུ་དགེ་བ་དོན་ཡོད་འགྱུར། །སྔགས་རྣམས་ཀུན་ལ་སྔགས་པ་ནི། །བཟླས་དང་སྦྱིན་སྲེག་རྟག་འདོད་པའོ། །དུས་གསུམ་དག་ཏུ་ཤེས་བྱ་ལ། །མཁྱེན་པ་གང་དུ་རབ་འཇུག་པ། །དེ་བཞིན་འདི་ལ་འཇུག་བྱེད་པ། །ཆོ་གའི་རྒྱལ་པོ་དམ་པ་ཡིན། །སངས་རྒྱས་རྣམས་ཀྱི་བསྟན་པ་ནི། །སྔགས་སུ་རབ་གནས་དེ་འདིར་གསུངས། །སྔགས་དེ་རྣམ་པར་མི་རྟོག་པར། །ཆོ་ག་དེ་འདིར་གསུངས་བ་ཡིན། །དོན་དང་དོན་མིན་སེམས་ཅན་གྱི། །དགེ་དང་མི་དགེ་
215a
༄#། །བྱེད་པར་འགྱུར། །དེ་ཚེ་འགྲོ་བ་བློ་བཞིན་དུ། །འཇིག་རྟེན་ཀུན་གྱི་དགེ་མི་དགེ། དེ་ཉིད་ཆོ་ག་འདིར་སྤྲོས་པ། །དེ་བཞིན་གཤེགས་པ་སྤྲོས་པ་མེད། །འཇིག་རྟེན་འདས་པ་རྫོགས་སངས་རྒྱས། །འཇིག་རྟེན་ཕྱིར་ནི་འདི་གསུངས་སོ། །ལས་རྣམས་ཀུན་ལ་ཤིན་ཏུ་ལྷག། འཇིག་རྟེན་ལས་ལས་རབ་ཏུ་འདས། །ཆོས་རྣམས་རྣམས་པ་སྣ་ཚོགས་བྱེད། །འཇིག་རྟེན་ཀུན་གྱིས་རབ་ཏུ་བསྔགས། །སྔགས་རྒྱལ་ལས་ལ་བརྩོན་པར་བྱེད། །དེ་བཞིན་སེམས་ཅན་ཚོགས་ལ་ཕན། །གཞོན་ནུ་འཇམ་པའི་དབྱངས་དེ་ནི། །སངས་རྒྱས་མཛད་པ་བྱེད་པར་འགྱུར། །དེ་དོན་ཡོན་ཏན་ངེས་གྲུབ་དང ། །འཇིག་རྟེན་ཁམས་ཀྱི་དགེ་མི་དགེ། བག་མེད་མ་བསྐུལ་མ་ཡིན་ཏེ། །བསྐུལ་ནས་ངས་ནི་ཆོས་བཤད་དོ། །སེམས་ཅན་མ་ལུས་ཕན་ཉིད་ཕྱིར། །སངས་རྒྱས་ཀྱིས་ནི་བཤད་པ་ཡིན། །འདས་པའི་སངས་རྒྱས་ཀུན་གྱིས་ཀྱང ། །བཤད་ཅིང་ངས་ཀྱང་བཤད་པ་ཡིན། །སངས་རྒྱས་གདུང་ནི་མི་གཅོད་ཕྱིར། །བདག་གིས་ཀྱང་ནི་བཤད་པ་ཡིན། །སྔགས་པའི་ལས་རྣམས་ཀུན་ལ་ནི། །ཀུན་མཁྱེན་ཡེ་ཤེས་འབྱུང་དོན་དུའོ། །ཀུན་མཁྱེན་ཡེ་ཤེས་རབ་འཇུག་ལ། །ལས་རྣམས་གཅིག་ཏུ་བསྔགས་པ་ཡིན། །འཇིག་རྟེན་སྔོན་ལས་བདག་ཡིན་ཏེ། །དེ་ནི་དེ་ལྟར་ཡོངས་སུ་སྤྱོད། །དེ་བས་ལས་རྣམས་རབ་ཏུ་བྱ། །ཚེ་འདིར་
215b
དཀའ་བ་ལེགས་སྤྱད་ཅིང ། །ལས་ལྡན་ཚེ་ནི་འདི་ལ་ཡང ། །འབད་པ་མེད་པར་སྔགས་རྣམས་འགྲུབ། །ལས་ནི་འདི་ལའང་སྣང་གྱུར་ན། །སྐྱེ་བ་འདི་ལའང་འགྲུབ་པར་འགྱུར། །དེ་བས་སངས་རྒྱས་ཐམས་ཅད་ཀྱིས། །ལས་ནི་གཅིག་པུ་རབ་ཏུ་བསྔགས། །ལས་དེ་ཆོ་གར་ལྡན་པ་ནི། །དེ་ནི་འདི་ལ་མྱུར་དུ་འགྲུབ། །སེམས་ཅན་བྱིས་པ་ཆོ་ག་ཉམས། །རབ་ཏུ་རྨོངས་པ་འཁོར་བར་འགྱུར། །དེ་བས་རྣམ་པ་ཀུན་གྱིས་ནི། །ལས་ནི་གཅིག་པུ་རབ་བསྔགས་ཡིན། །ཆོ་ག་ལས་ནི་ཡང་དག་ལྡན། །སྒྲུབ་པ་པོས་ནི་བསྒྲུབ་པར་བྱ། །དེ་བཞིན་ཆོ་ག་ཉམས་པའི་ལས།། ཤིན་ཏུ་ཡུན་རིང་དག་གིས་འགྲུབ། །བསམ་གཏན་མེད་པར་ཐར་པ་མེད། །ཐར་པ་མེད་པར་བསམ་གཏན་མེད། །དེ་བས་བསམ་གཏན་ཐར་པ་ནི། །ཡང་དག་ལྡན་པ་བྱང་ཆུབ་བརྗོད།། །།འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ལས་ཐམས་ཅད་ཀྱི་བྱ་བའི་དོན་གྱི་ལེའུ་རབ་འབྱམས་བཅོ་ལྔ་ཕ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། བློ་དང་ལྡན་པ་གནོད་སྦྱིན་གྱི་བདག་པོ་ལག་ན་རྡོ་རྗེས་ང་ལ་དྲིས་ནས། འཇམ་དཔལ། ཁྱོད་ཀྱི་དོན་ཐམ།
216a
༄#། །ཅད་བྱ་བའི་ལས་ཀྱི་ལེའུ་རབ་འབྱམས་འཁོར་གྱི་དཀྱིལ་འཁོར་གྱི་ནང་དུ་རྒྱ་ཆེར་སྔར་བསྟན་པ་ཡིན་ནོ། །སྔགས་ཀུན་དོན་དང་ལྡན་པ་ཡི། །རྨི་ལམ་དགེ་དང་མི་དགེ་ཡིན། །དེས་ན་ཞར་ལ་འདི་ཀུན་ནི། །སྔགས་ཀྱི་བཟླས་པ་བསྟན་པ་ཡིན། །གནོད་སྦྱིན་བདག་པོ་ཡིད་དགའ་ནས། །ཐལ་སྦྱར་སྤྱི་བོར་བྱས་ནས་ནི། ། སྟོན་ལ་མགོ་བོས་ཕྱག་བཙལ་ནས། །དེ་ཚེ་ཚིག་ནི་འདི་སྐད་ཞུས། །འཇིག་རྟེན་རྗེས་སུ་གཟུང་དོན་དུ། །བློ་མཆོག་རྣམས་ཀྱིས་གསུངས་པ་དང ། །བདག་ལའང་རྗེས་སུ་ཐུགས་བརྩེ་དང ། །སེམས་ཅན་རྣམས་ནི་བདེ་དོན་དུ། །ཟློས་པའི་སྔགས་ནི་ཐམས་ཅད་ལ། །རྨི་ལམ་དགེ་དང་མི་དགེ་དང ། །སེམས་ཅན་མཆོག་དང་ཐ་མ་ཡི། །སྤྱོད་པའི་ཡོན་ཏན་རྒྱ་ཆེར་བསྟན། །བཟང་པོའི་འགྲོ་བའི་སྐྱེ་གནས་དང ། །རྒྱུ་དང་ཤེས་པའི་རྣམ་པ་སྤྱོད། །འདས་དང་མ་འོངས་ཤེས་པ་དང ། །དགེ་དང་མི་དགེ་ད་ལྟར་གྱི། །ཐམས་ཅད་ཀུན་འགྲོའི་ཤེས་པ་དང ། །ཀུན་མཁྱེན་ཡེ་ཤེས་སྤྱོད་པ་དང ། །སྣང་མེད་དམིགས་པ་མེད་པ་དང ། །སྤྲོས་མེད་རབ་ཏུ་སྤྲོས་པ་ཡིན། །རྣམ་པ་ཀུན་མཆོག་ལྡན་པ་དང ། །ཤིས་པ་ཞི་བ་བསྟན་པ་ཡིན། །སངས་རྒྱས་ཀུན་གྱི་མཐུ་རྣམས་ནི། །བློ་མཆོག་གིས་ནི་བསྟན་པ་ཡིན། །ཁྱད་པར་དུ་ནི་ཟློས་པ་ལ། །སྔགས་རྣམས་དོན་དང་ལྡན་པར་བཤད། །ལས་
216b
དང་ལས་འབྲས་སེམས་ཅན་གྱི། །བྱ་བ་དུས་དང་དེ་བཞིན་དུ། །དེ་བཞིན་སྣོད་དང་གནས་དང་ནི། །ཆ་བྱད་རྨི་ལམ་ཞར་ལ་གསུངས། །གནོད་སྦྱིན་བདག་པོས་ཐུང་མཆོག་ནི། །དེ་བཞིན་གཤེགས་པ་བདུན་པ་ལ། །གང་ཞིག་སྐལ་བཟང་སངས་རྒྱས་པ། །ཤཱཀྱའི་སྐྱེ་མཆོག་བདུན་བ་ནི། །ཤཱཀྱའི་སེང་གེ་དགྲ་ལས་རྒྱལ། །འདི་ནི་བདུན་པར་རབ་ཏུ་བརྟགས། །ཀུན་གྱི་ཐ་མར་རྫོགས་སངས་རྒྱས། །འཇིག་རྟེན་མགོན་པོ་འོད་བྱེད་པ། །བརྩོན་འགྲུས་ཆེ་ཞིང་ཤེས་རབ་ཆེ། །ཐུབ་པ་མཐུ་ནི་ཆེན་པོ་ཐོབ། །ལག་ན་རྡོ་རྗེ་གནོད་སྦྱིན་བདག། བྱང་ཆུབ་སེམས་དཔའ་ཕྱག་བྱས་ཏེ། །རང་གི་གནས་སུ་འདུག་གྱུར་ནས། །བློ་ལྡན་དེ་ནས་ཅང་མི་སྨྲ། །དེ་ནས་འཇམ་དཔལ་ཤེས་རབ་ཆེ། །དེ་ཚེ་ཐུབ་པས་དྲིས་པ་ནི། །རྫོགས་སངས་རྒྱས་ལ་བསྐུལ་བ་ནི། །ཐུབ་མཆོག་དམ་པ་ཐ་མལ། །ལེགས་སོ་བཅོམ་ལྡན་རྫོགས་སངས་རྒྱས། །ལས་དང་ཤེས་པ་རྒྱ་ཆེར་བཅས། །བཙས་པའི་གཟའ་ནི་གཙོ་བོ་སྟེ། །དགེ་དང་མི་དགེ་ལེགས་ཚུལ་བཤད། །ལས་དང་ཤེས་པ་རྒྱུར་བཅས་པའི། །སེམས་ཅན་མང་པོའི་སྤྱོད་པ་གསུངས། །མཆོག་དང་ཐ་མའི་སྤྱོད་པ་དང ། །དགེ་བའི་དོན་དང་ལྡན་པ་དང ། །ཟློས་པ་གྲུབ་པའི་མཚན་མ་དང ། །བསྒྲུབ་བྱ་སྒྲུབ་མིན་རྣམ་པར་བརྟགས། །འབྱོར་པ་འདོད་དང་དེ་བཞིན་དུ། །འཇིག་རྟེན་དབང་ཕྱུག་ལོངས་སྤྱོད་འདོད། །རྒྱལ་པོ་ཁྱད་པར་ཅན་འདོད་དང་།།
217a
༄#། །རིག་པ་འཛིན་གྲུབ་འདོད་པ་དང ། །ཐམས་ཅད་ཀུན་འགྲོའི་ཡེ་ཤེས་ཀྱིས། །མདོར་བསྡུས་ནས་ནི་བཤད་དུ་གསོལ། །རྒྱལ་བའི་སྲས་ཀྱིས་གསོལ་བཏབ་ནས། །ཐུབ་པ་མཆོག་གིས་གསུངས་པ་ནི། །བློ་ལྡན་ཀ་ལ་པིང་ཀའི་སྐད། །ལྷ་ཡི་རྔ་སྒྲའི་སྐད་དང་ནི། །བརྩོན་འགྲུས་ཆེན་པོ་ཚངས་པའི་སྒྲ། །འབྲུག་སྒྲ་ཡི་ནི་སྒྲ་སྐད་ཀྱིས། །ཐུབ་པ་བདུན་པས་ཚིགས་བཅད་ནས། །སངས་རྒྱས་གསུང་ནི་དག་པས་གསུངས། །གཞོན་ནུ་འདི་ནི་དངོས་དོན་ཁྱབ་གྱུར་ཅིང ། །མ་བྱུང་འཇིག་རྟེན་ཕམ་པ་སྒྲུབ་བྱེད་ལ། །འགྲོ་བ་ཀུན་ལ་ཕན་པ་བདེ་ཕྱིར་སྟོན། །ཐར་པ་ཤེས་ཤིང་དག་པའི་གནས་སུ་འདུག། བདེན་དང་བརྩེ་དང་བཟོད་པ་ཕན་སེམས་དང ། །གང་ཞིག་རྟག་ཏུ་བྱམས་དང་སྦྱིན་ལ་དགའ།། དེ་དག་རྟག་ཏུ་གྲུབ་པ་ཐོབ་པར་བྱེད། །ཀྱེ་མ་གཞན་ལའང་གྲུབ་པ་ཡོད་མ་ཡིན། །རྟག་ཏུ་སྔགས་མཆོག་ལ་ནི་དགའ་དད་དམ། །བསྟན་དང་འཁོར་ལོ་འཛིན་དང་འཇམ་མཆོག་དང ། །དེ་ནི་བདུད་འདུལ་ཆོས་ཀྱི་འཁོར་ལོ་བསྐོར། །འཁོར་ལོ་འཛིན་པར་འདིར་ནི་རིགས་པ་ཡིན། །གང་གི་གསུང་ནི་བཟང་པོ་ཡིད་འོང་ཞིང ། །རྟག་ཏུ་བྱིས་པའི་སྐྱེ་བོ་རྣམ་སྤངས་ཡིན། །ཡིད་འོང་བཟང་པོ་རྣར་ནི་སྙན་པ་དང ། །དགའ་སྐྱེད་སྙན་པ་དང་ནི་རྗེས་སུ་མཐུན། །སེམས་ནི་ཚིམ་བྱེད་བདེ་བ་རབ་ཏུ་སྦྱིན། །འཇམ་ཞེས་བྱ་བར་སངས་རྒྱས་
217b
ཡང་དག་གསུངས། །དེ་དག་དེ་བཞིན་གཤེགས་པའི་ཁྱད་པར་གྱིས། །གང་གི་མཐུ་ནི་མཁྱེན་པར་མི་སྤྱོད་དེ། །དེ་དག་གི་སྲས་དེ་བཞིན་སར་ཞུགས་པ། །འཇིག་རྟེན་འདས་པ་དེ་བཞིན་བཅུ་ཡི་གྲངས། །ཁྱོད་ཀྱང་ལྷའི་དབང་ཕྱུག་འཇིག་རྟེན་ཁྱད་པར་གྱིས། །ཐུབ་བཟང་ཤེས་པར་ནུས་པ་མ་ཡིན་ནོ། །གཟུགས་དང་གཟུགས་མེད་དེ་བཞིན་ས་གནས་དང ། །འདོད་ལྡན་ལྷ་དང་མི་ནི་ཡིད་ལས་སྐྱེས། །རྣལ་འབྱོར་གྲུབ་པ་ཐོབ་དང་འཇིག་རྟེན་ན། །ཁྱད་པར་ཅན་ཀུན་དེ་བཞིན་མི་ཡི་གཙོ། །དེ་ཡི་ཆེ་བ་གང་གིས་ཤེས་གྱུར་པ། །སེམས་ཅན་གང་དེ་ཡོད་པ་མ་ཡིན་ཏེ། །ཁྱོད་ཀྱི་ཆེ་བ་འདི་ནི་ཡོངས་ཤེས་པ། །འཇམ་ཞེས་བྱ་བར་རབ་ཤེས་སངས་རྒྱས་ཡིན། །འཇམ་དཔལ་ཞེས་བྱར་ཡོངས་སུ་བརྟགས་པ་ནི། །ཁྱོད་ཀྱི་མིང་ནི་སྔོན་གྱི་རྒྱལ་བས་མཛད། །ཁྱོད་ཀྱི་མིང་དུ་འདི་ལྟར་བརྟགས་བྱས་པ། །འདས་དང་མ་བྱོན་ད་ལྟར་སངས་རྒྱས་ཀྱིས། །གཞན་དུ་མ་ཡེངས་རྩེ་གཅིག་ཡིད་དག་པས། །ཁྱོད་ཀྱི་མིང་ནི་འཁོར་གྱི་ནང་དུ་ཐོས། །དེས་ནི་འདི་ལ་ཤིས་དང་ཞི་བ་འཐོབ། །སྲིད་མཐར་བྱང་ཆུབ་མཆོག་ནི་ཁྱད་པར་ཐོབ། །སྔགས་རྣམས་མ་ལུས་གྲུབ་པར་འགྱུར་བ་དང ། །འགྲོ་བའི་སྐྱེ་གནས་མཆོག་ནི་རབ་ཐོབ་ཅིང ། །རྟག་ཏུ་ཆོས་མཆོག་ལ་ནི་ཡང་དག་གནས། །བགེགས་རྣམས་རྣམ་པར་སྤངས་ཤིང་གྲུབ་པ་ཐོབ། །འདོད་པའི་སྔགས་རྣམས་མ་ལུས་འགྲུབ་
218a
༄#། །པར་བྱེད། །བྱང་ཆུབ་ཤིང་དབང་དྲུང་དུ་མྱུར་དུ་འགྲོ། སོང་ནས་བྱང་ཆུབ་མཆོག་ནི་ཐོབ་པར་བྱེད། །སོང་ནས་སེམས་ཅན་ཕན་ཕྱིར་དེར་འདུག་སྟེ། ། སངས་རྒྱས་བྱང་ཆུབ་འཁོར་ལོ་རབ་ཏུ་བསྐོར། །དེ་ལྟར་རྒྱལ་བའི་གཙོ་བོས་ཡོན་ཏན་གསུངས། །འཇམ་དཔལ་ཞེས་ནི་ཁྱོད་ཀྱི་མིང་དྲན་པ། །ཡོན་ཏན་བསམ་མི་ཁྱབ་ཅེས་རྒྱལ་བས་གསུངས། །རྒྱལ་བའི་གཙོ་བོ་སྔར་གཤེགས་ཐམས་ཅད་ཀྱིས། །རྟག་ཏུ་ཁྱོད་ཀྱི་མཐུ་ནི་བསྟན་པ་ཡིན། །གཞོན་ནུ་དག་པ་ཁྱོད་ཀྱིས་སྔགས་རྟོགས་པ། །བསྐལ་པ་གྲངས་མེད་རྟག་ཏུའང་སྟོན་མི་ནུས། །འཇམ་དཔལ་ཁྱོད་ཀྱི་སྔགས་ཀྱི་སྤྱོད་པ་ནི། །སངས་རྒྱས་མ་ལུས་དག་གིས་རབ་ཏུ་བཤད། །གཞོན་ནུ་འདི་ནི་ཐམས་ཅད་ཀུན་ཏུ་འགྲོ། ང་ཡི་བསྟན་ལ་ཁྱོད་ནི་མི་མཆོག་བསྟན། །དག་པའི་གནས་ལ་གནས་པའི་སྐྱེ་བོ་རྣམས། །འདིར་ནི་མ་ལུས་མཐའ་དག་ཞི་བར་འགྱུར། །ཁྱོད་ཀྱི་སྔགས་ནི་ནམ་ཡང་འདའ་མ་གྱུར། །ཁྱོད་ཀྱི་སྔགས་ནི་ནམ་ཡང་ཉམས་མ་གྱུར།། །།འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཚིགས་སུ་བཅད་པའི་ལེའུ་རབ་འབྱམས་བཅུ་དྲུག་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་དེ་བཞིན་གཤེགས་པ་ཐམས་
218b
ཅད་ཀྱི་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཤཱཀྱ་ཐུབ་པ་སྙོམས་པར་ཞུགས་མ་ཐག་ཏུ་སྨིན་མཚམས་ཀྱི་མཛོད་སྤུ་ནས་འོད་ཟེར་སྔོན་པོ་དང ། སེར་པོ་དང ། དཀར་པོ་དང ། ལེ་བརྒན་དང ། ཤེལ་གྱི་ཁ་དོག་ལྟ་བུ་བྱུང་སྟེ། སངས་རྒྱས་ཀྱི་ཞིང་འདི་ཐམས་ཅད་ཀྱང་སྣང་བར་བྱས་ཤིང་འཇིག་རྟེན་གྱི་ཁམས་གཞན་དག་ཀྱང་སྣང་བར་མཛད་ནས། གཟའ་དང ། རྒྱུ་སྐར་ཐམས་ཅད་ཀྱང་ཡུད་ཙམ་གྱིས་ཟིལ་གྱིས་མནན་ཏེ་བཀུག་པར་གྱུར་ཏོ། །བཀུག་ནས་ཀྱང་རང་རང་གི་གནས་ལ་ཡང་དག་པར་སྦྱར་ནས། འཁོར་གྱི་དཀྱིལ་འཁོར་དེར་སངས་རྒྱས་ཀྱི་བྱིན་གྱིས་བརླབས་ཀྱིས་བཀུག་ནས་བཅོམ་ལྡན་འདས་ཀྱི་མཛོད་སྤུ་དེ་ཉིད་དུ་མི་སྣང་བར་གྱུར་ཏོ། །གཟའ་དང ། རྒྱུ་སྐར་དང ། སྐར་མ་ཐམས་ཅད་ཀྱི་འོད་མེད་པར་བྱས་ནས་ཉམ་ཐག་པ་དང ། འཇིགས་པས་བཅོམ་ལྡན་འདས་ཤཱཀྱ་ཐུབ་པ་ལ་སྐྱབས་སུ་འགྲོ་ཞིང་ཐལ་མོ་སྦྱར་ནས་འདུག་པར་གྱུར་ཏེ། དེ་ལྟར་རབ་ཏུ་འདར་ཞིང་ཡང་དང ། ཡང་སའི་སྟེང་དུ་འགྱེལ་བར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་གཟའ་དང ། རྒྱུ་སྐར་དང ། སྐར་མ་ཐམས་ཅད་ལ་མཁས་པ་རྣམས་དང ། བྱིས་པའི་སྐྱེ་བོའི་བློ་དང་ལྡན་པའི་སེམས་ཅན་རྗེས་སུ་གཟུང་བའི་ཕྱིར་བཀའ་སྩལ་པ་ནི། ལྷའི་ཚོགས་མི་དང་བཅས་པའི་གྲོགས་པོ་དག། ཁྱེད་
219a
༄#། །ཅག་ཉོན་ཅིག། འཇིག་རྟེན་སྣ་ཚོགས་ནི་ལས་ཉིད་ལ་སེམས་ཅན་རྣམས་རྣམ་པར་རྟེན་པར་བྱེད་དེ། གང་ཡང་སངས་རྒྱས་བཅོམ་ལྡན་འདས་ཀྱི་རྡོ་རྗེའི་སྐུ་ཡང་མངོན་པར་གྲུབ་ལ། གང་ཡང་ལྷ་དང ། ལྷ་མ་ཡིན་དུ་བཅས་པའི་འཇིག་རྟེན་ཡང་འཁོར་ཞིང་འཁོར་བའི་འབྲོག་དགོན་པ་ཆེན་པོར་རབ་ཏུ་ཞུགས་ལ། འཇིག་རྟེན་རྣམ་པ་སྣ་ཚོགས་ཀྱི་ལུས་མངོན་པར་གྲུབ་སྟེ། ཐམས་ཅད་ཀྱང་ལས་དགེ་བ་དང ། མི་དགེ་བ་དང་འབྲེལ་པ་ལས་སྐྱེས་ལ། དེ་ལ་བྱེད་པའི་བྱེད་པ་པོའམ། དབང་ཕྱུག་གམ། གཙོ་བོའམ། སྐྱེས་བུའམ། གྲངས་ཅན་གྱིས་རབ་ཏུ་འབྱིན་པར་བྱེད་པ་ནི་གང་ཡང་མེད་དོ། །ལས་ལས་སྐྱེས་པ་ནི་མ་གཏོགས་ཏེ། དེ་ཡང་ལས་ཀྱི་རྐྱེན་གྱིས་སྐྱེད་པ་རྒྱུ་ལ་ལྟོས་པ་ཡིན་ཏེ། དེ་ཡང་རྒྱུ་དང ། རྐྱེན་ལ་ལྟོས་པའོ། །དེ་བཞིན་དུ་རྟེན་ཅིང་འབྲེལ་བར་འབྱུང་བའི་རྐྱེན་ཕན་ཚུན་དུ་འབྱུང་བ་ཉེ་བར་འབྲེལ་བ་ཡིན་ཏེ། ལྷག་མ་འབྱུང་པོ་རྣམས་མངོན་པར་འགྲུབ་པ་ནི་འབྱུང་བ་ཆེན་པོ་ལས་སྐྱེས་པ་ཡིན་ཏེ། འབྱུང་བ་ཆེན་པོ་དེ་ཡང་མ་འོངས་པའི་ཕུང་པོ་གཞན་དག་ཏུ་འགྲོ་བར་སྐྱེ་བར་འགྱུར་ཞིང ། སྐྱེས་ནས་ཀྱང་འགྲོ་བ་དང ། ཡུལ་གཞན་རྒྱ་ཆེ་བའི་རྣམ་པར་དབྱེ་བ་དག་ཏུ་སྐྱེ་བར་འགྱུར་ཏེ། དུས་གཞན་ན་ལུགས་ལས་བཟློག་སྟེ་འགག་ན་ཡེ་ཤེས་ཀྱི་མེས་བསྐུལ་ཏེ།
219b
ལས་ཀྱིས་བསགས་པའི་བག་ཆགས་མཐའ་དག་མངོན་པར་བསྲེགས་ནས་ཐེག་པ་རྣམ་གསུམ་མཉམ་ཞིང་སྤྲོས་པ་མེད་པར་དག་པར་བསྒྲུབ་པར་འགྱུར་རོ། །ཐེག་པ་ཆེན་པོ་ནི་དུས་རིང་པོར་ཉེ་བར་ཆགས་པའི་ལས་བདག་གིར་བྱེད་པ་དང ། དུས་བར་མ་ནི་རང་རྒྱལ་བསེ་རུ་ལྟ་བུ་རང་བྱུང་གི་ཤེས་རབ་རབ་ཏུ་འབྱུང་བ་དང ། གཞན་གྱི་སྒྲའི་རྗེས་སུ་འཇུག་པ་ཉན་ཐོས་ནི་དུས་ཐུང་དུས་མངོན་པར་འཚང་རྒྱ་བའོ། །ཆོས་གཞན་ལ་བློ་ཉིད་འཇུག་པར་འགྱུར་བ་ནི་མ་ཡིན་ཏེ། བྱིས་པ་རྣམས་ཀྱི་རྣམ་པར་རྨོངས་པ་ཉིད་དང ། ཅི་སྟེ་ཡང་འཇིག་རྟེན་སྣ་ཚོགས་གནས་པ་འདི་ནི་ལས་ལས་སྐྱེས་པ་ཡིན་ཏེ། ཕྱོགས་དང ། ཆ་བྱད་ཞིག་ན་ནད་མེད་པའི་གོ་འཕང་མྱ་ངན་མེད་པ། རྡུལ་མེད་པ། ལས་ཀྱིས་འཇིག་རྟེན་གྲུབ་པ་ལ་ལྟོས་པ་ཡིན་ཏེ། དྲི་མ་མེད་པའི་ལམ་རྣམ་པར་གྲོལ་བ། ཡན་ལག་བརྒྱད་དང་ལྡན་པ། ཤིན་ཏུ་བསིལ་བའི་ལས་ཉིད་ཀྱིས་བྱེད་དེ། ལས་གཞན་ལ་ལྟོས་པ་མ་ཡིན་ཞིང་ལས་དང ། ལས་མ་ཡིན་པ་ལས་རྣམ་པར་གྲོལ་ཏེ། སྤྲོས་པ་མེད་པ་ལ་ཉེ་བར་གནས་པ་ཡིན་ནོ། །ཐེག་པ་རྣམ་གསུམ་རབ་འཇུག་ལས། །ཞི་བ་གཞན་ཡང་ཡོད་མིན་ཏེ། །སྔགས་ཀྱང་རྣམ་པ་གསུམ་དུ་འགྱུར། །རྣམ་གསུམ་ལས་སུ་ཡང་དག་བསྒྲགས། །དེ་ལས་རྣམ་ཟློས་རྣམ་གསུམ་ལས། །རྣམ་པ་གསུམ་དུ་རབ་ཏུ་སྣང ། །རིགས་ཀྱང་རྣམ་གསུམ་གསུངས་པ་ནི། །སྔགས་
220a
༄#། །རྣམས་ཀུན་གྱི་གཞི་ཡང་ཡིན། །རིགས་གསུམ་རྣམ་པ་བརྒྱད་དུ་ཡང ། །རྒྱུད་དག་ལ་ནི་རབ་ཏུ་སྣང ། །རྣམ་པ་གཅིག་ཏུའང་རིགས་སྣང་སྟེ། །སྔགས་རྣམས་ཀུན་གྱི་གནས་ཀྱང་ཡིན། །སངས་རྒྱས་རྣམས་ཀྱི་དག་པའི་ཐུགས། །རིགས་ནི་ཞི་བ་མྱ་ངན་འདས། །ཡན་ལག་སོ་སོ་དེ་ཉིད་ལས། །སྔགས་རྣམས་ཀུན་ཏུ་རབ་ཏུ་བསྟན།། འཇིག་རྟེན་སྐར་མཁན་ཡན་ལག་ནི། །གྲུབ་པའི་རྒྱུར་ནི་རབ་ཏུ་བརྟག། །དེ་ཉིད་ཡན་ལག་ལས་ཡིན་ཏེ། །རྐྱེན་གྱི་ཡན་ལག་དག་ལ་འཇུག། ཇི་ལྟར་སཱ་ལུའི་འབྲུ་རྣམས་ནི། ། མྱུ་གུས་རྣམ་པར་ཤེས་པར་བྱེད། །དེ་བཞིན་གྲུབ་པའི་རྫས་རྣམས་ནི། །མཚན་ཉིད་ཀྱིས་ནི་རྣམ་པར་ཤེས། །ཇི་ལྟར་ཁ་དོག་དཀར་པོ་ནི། །ཐ་སྙད་ཀྱིས་ནི་རྣམ་པར་བརྟག། དེ་བཞིན་སྐར་མ་ལྡན་པས་ནི། །ཐ་སྙད་དོན་དུ་རབ་ཏུ་བརྟག། ཐམས་ཅད་དུ་ནི་ཐམས་ཅད་ལྡན། །ལས་ནི་གཅིག་པུ་རབ་ཏུ་བསྔགས། །ལས་རྣམས་མེད་པར་མཚོན་པ་མེད། །གང་ནའང་ལུས་ནི་ཡོད་མ་ཡིན། །རྒྱུ་མཚན་དང་ནི་སྤྱོད་པ་དང ། །སྐྱེ་བ་དང་ནི་རིགས་དང་གནས། །རྟག་ཏུ་ལ་ཉེ་སྣ་ཚོགས་པ། །ལས་དེ་ལས་ནི་ཉེ་བར་དམིགས། །ལས་ནི་གང་དུའང་ལུས་ཅན་མིན། །ནང་ན་གནས་ཤིང་མཚོན་པ་མེད། །ཀུན་ནས་སྐྱེ་བོ་རྒས་པ་ན། །རྣམ་པར་འགྱུར་ལས་ཉེ་བར་དམིགས། །དེ་བཞིན་ལུས་ལ་བརྟེན་ནས་ནི། །
220b
ལས་ནི་ལུས་ཅན་དག་ལ་སྣང ། །འབྲས་བུ་དགེ་དང་མི་དགེའི་རྟགས། །སྐྱེ་བར་ཡང་ནི་རབ་བརྗོད་དང ། །རྣམ་པ་སྣ་ཚོགས་ལ་ཉེ་བཟང ། །ལས་རྣམས་སྣ་ཚོགས་དག་ལས་བྱུང ། ། དུས་ཚོད་དེ་བཞིན་འགྲོ་བ་དང ། །རྣམ་པ་སྣ་ཚོགས་སྲོག་ཆགས་སྒྲ། །གྲུབ་དང་མ་གྲུབ་མཚན་མ་ནི། །རྐྱེན་གྱི་དོན་ལ་ལྟོས་པ་ཡིན། །རྒྱུ་མཚན་སྤྱོད་དང་མཚན་མ་ནི། །རྐྱེན་ལ་མངོན་པར་རབ་ཏུ་བརྟག། དེ་བས་རྣམ་ཀུན་འབད་ནས་ནི། །རྐྱེན་ལ་རག་ལས་བྱ་བ་ཡིན། །ཟློས་པའི་སྔགས་རྣམས་རྟག་ཏུ་ནི། །གྲུབ་པ་རྒྱུ་ལ་ལྟོས་པ་ཡིན། །འདི་དག་རྐྱེན་གྱི་ཡན་ལག་ནི། །ལས་ནི་བདག་གིར་བྱེད་པས་མཚོན། །མི་མཚོན་སྔགས་རྣམས་ཐམས་ཅད་ནི། །བགེགས་ལས་ཤིན་ཏུ་མི་བཟད་འགྱུར། །དེ་བས་འདི་དག་ཐམས་ཅད་ཀྱི། །ཡན་ལག་ཏུ་ནི་ཐུབ་པས་གསུངས། །ས་དབང་རྒྱལ་པོ་ཐམས་ཅད་མཁྱེན། །བྱང་ཆུབ་སྙིང་པོར་ཏིང་འཛིན་ཐོབ། །སྔགས་ནི་ཡོངས་སུ་གསུངས་པ་ན། །བགེགས་རྣམས་མ་ལུས་རབ་ཏུ་འཇིག། རྨི་ལམ་ངན་དང་མཚན་མ་ངན། །བཟོད་པར་དཀའ་བའང་རྣམ་པར་འཇོམས། །ཀུན་མཁྱེན་བདག་ཉིད་ཆེན་པོ་ཡི། །དེ་ཐུགས་བྱང་ཆུབ་ལ་ཞུགས་པ། །མ་རུངས་བདུད་ཀྱི་སེམས་ཀྱིས་ནི། །བགེགས་ཆེན་འཇིག་པར་ག་ལ་འགྱུར། །དེ་ནས་འཇིགས་པ་ཆེན་པོ་ནི། །དེས་ནི་རྒྱུ་མཚན་མེད་པར་སྣང ། །རྣམ་པ་སྣ་ཚོགས་འཇིགས་པ་རྣམས། །དེ་ལ་
221a
༄#། །རྒྱུ་མཚན་མེད་པར་བྱུང ། །དེ་ནི་བསོད་ནམས་སྟོབས་བསྐྱེད་པ། །ཡུན་རིང་དུས་སུ་ཡོངས་སུ་བསྔགས། །དེ་ཡི་སྔགས་ཀྱི་སྟོབས་ཀྱིས་ནི། །དེ་ཚེ་བདུད་ནི་བཅོམ་པར་འགྱུར། །རྫུ་འཕྲུལ་ལྡན་ཞིང་བརྩོན་འགྲུས་ཆེ། །དེ་ཡི་འོད་ཆེན་ལྡན་པར་འགྱུར། །དེ་ཡི་སྔགས་ཀྱི་མཐུ་ཡིས་ནི། །བྱང་ཆུབ་དམ་པ་ཐོས་པར་འགྱུར། །རྨི་ལམ་ངན་པ་ཉེར་འཇིག་པ། །སྔགས་དེ་འདིར་ནི་བཤད་པར་བྱ། །གང་དག་ས་ལ་སྤྱོད་པ་ཡི། །འབྱུང་པོའི་ཚོགས་ཀུན་རབ་ཉོན་ཅིག། རྨི་ལམ་ངན་པ་བཟོད་དཀའ་དང་།། མ་རུངས་སེམས་ཅན་ཟློག་བྱེད་པ། །རྒྱལ་བ་སཱ་ལ་དབང་པོ་ཡི། །སྔོན་ནི་སྔགས་རྒྱལ་ཡོངས་གསུངས་པ། །ལྷ་ཡི་ཚོགས་དང་གཟའ་རྣམས་དང ། །རྒྱུ་སྐར་སྐར་མཁན་རྣམས་ཉོན་ཅིག་།གཟའ་དང་རྒྱུ་སྐར་སྐར་མ་རྣམས། །མ་རུངས་ཚར་གཅད་དོན་དང་ནི། །འབྱུང་པོ་རྣམས་ནི་ཐམས་ཅད་ཀྱང ། །ཞི་བའི་སེམས་ནི་རབ་བསྐྱེད་ཕྱིར། །གང་དག་ས་ལ་སྤྱོད་པ་དག་།རྐང་མེད་རྐང་མང་དག་དང་ནི། །རྐང་གཉིས་དང་ནི་རྐང་བཞི་དང ། །མདོར་ན་སེམས་ཅན་ཐམས་ཅད་ནི། །འགྲོ་བ་དང་ནི་གནས་པ་ཡི། །འབྱུང་བོའི་ཚོགས་རྣམས་ཀུན་ཉོན་ཅིག། ན་མཿ སརྦ་བུདྡྷ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཨོཾ་ཁ་ཁ་ཁཱ་ཧི་ཁཱ་ཧི་ཧཱུཾ་ཧཱུཾ་ཛྭཱ་ལ་ཛྭཱ་ལ། པྲ་ཛྭཱ་ལ་པྲ་ཛྭཱ་ལ། ཏིཥྛ་ཏིཥྛ་ཥྚི་ཕཊ་ཕཊ་སཝཱཧཱ། །གཙུག་
221b
ཏོར་འབར་བ་ཞེས་བསྒྲགས་པའི། །སྔགས་འདི་སྔགས་རྣམས་ཀུན་གྱི་མཆོག། གང་ཞིག་ལས་རྣམས་སྟོང་ཕྲག་ནི། །དགུ་བཅུ་རྩ་བཞི་དག་དང་ནི། །བཀྲ་ཤིས་ཐམས་ཅད་འདོད་པ་ཡི། །རྣམ་པ་སྣ་ཚོགས་ལས་རྣམས་བྱེད། །རྨི་ལམ་ངན་དང་མཚན་མ་ངན། །ལན་གཅིག་བཟླས་པས་སེལ་བར་བྱེད། །ལས་རྣམས་གཞན་ཡང་བྱེད་པ་ནི། །སྔགས་རྣམས་ཀུན་གྱི་བདག་པོ་ཡིན། །འབྱུང་པོ་ཀུན་ལ་དབང་བྱེད་པ། །བླ་མ་མངའ་བདག་སངས་རྒྱས་འདི། །སྔགས་འདི་དྲན་པ་ཙམ་གྱིས་ནི། །སྔགས་རྣམས་མ་ལུས་རབ་ཏུ་སེམས། །རྫོགས་སངས་རྒྱས་པ་ལྷ་ཡི་ལྷས། །ཐུབ་མཆོག་གིས་ནི་དེ་གསུངས་ནས། །ཡུད་ཙམ་མི་གསུངས་བཞུགས་ནས་ནི། །ཅུང་ཟད་དུས་ནི་གཞག་པར་མཛད། །དེ་ཚེ་གནས་གཙང་གནས་པ་ཡི། །ལྷ་ཡི་ཚོགས་ཀྱང་འདུག་པར་འགྱུར། །ལྷ་རྣམས་གཙོ་བོ་ཐམས་ཅད་ནི། །རྒྱུ་སྐར་གཟའ་དང་སྐར་མ་རྣམས། །གཙུག་ཏོར་སྔགས་ཀྱི་བྱིན་རླབས་ཀྱིས། །འཇིགས་ཤིང་དམ་ཚིག་ལ་གནས་ཕྱིར། །གཙུག་ཏོར་ཞེས་བྱ་མཐུ་བོ་ཆེ། །མཐུ་མཉམ་མཐུ་ནི་ཆེན་པོ་སྟེ། །བརྒྱ་ཕྲག་ལྔའམ་བཞིའམ་ནི། །དེ་བཞིན་བདུན་ནམ་བརྒྱད་དང་དགུ། གཉིས་དང་དྲུག་དང་ལྔ་དང་བདུན། །གཙུག་ཏོར་དབང་པོ་རབ་ཏུ་བསྒྲགས། །ད་ལྟར་གྲངས་དང་གྲངས་མེད་ནི། །གཙུག་ཏོར་རྒྱལ་པོ་དགེ་བ་ཡིན། །དེ་དག་དང་ནི་སྔགས་འདི་མཚུངས། །སྔོན་གྱི་
222a
༄#། །རྒྱལ་བ་རྣམས་ཀྱིས་བཤད།། །།འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ལས་བདག་གིར་བྱས་པའི་རྐྱེན་གྱི་ལེའུ་རབ་འབྱམས་ལས། བཅུ་བདུན་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་རྒྱུ་སྐར་དང ། གཟའ་དང ། སྐར་མ་དང ། སྐར་མཁན་ཐམས་ཅད་འཇིག་རྟེན་གྱི་ཁམས་ཐམས་ཅད་དུ་གཏོགས་པ་དང ། ཕྱོགས་ཐམས་ཅད་དུ་རྣམ་པར་གནས་པའི་རྫུ་འཕྲུལ་ཆེན་པོ་དང་ལྡན་པའི་མཆག་རྣམས་ལ་བཀའ་སྩལ་པ། གྲོགས་པོ་དག། ཁྱེད་ཅག་ཉོན་ཅིག། གཟའ་དང ། རྒྱུ་སྐར་ཐམས་ཅད་ཀྱི་མཐུའི་ཚིག་ཁྱེད་ཅག་ཐམས་ཅད་དག་ལ་ཡང་སྟོན་ཅིག། ཁྱེད་ཀྱི་སྔགས་བྱ་བའི་དོན་ཐམས་ཅད་ཀྱང་སྒྲུབས་ཤིག། ཁྱོད་ཀྱིས་དམ་ཚིག་ལ་ཡང་གནས་པར་གྱིས་ཤིག། སྔགས་ཀྱི་རྒྱལ་པོ་འཇམ་པའི་དབྱངས་ཀྱིས་བསྟན་པ་འདི་གྲུབ་ན། དེ་ནས་གཞན་ཆོ་གའི་རྒྱལ་པོ་གྲུབ་པ་ལ་ཡང་ཁྱེད་ཅག་ཡིད་དད་པར་གྱིས་ཤིག་ཅེས་སོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་གཟའ་རྣམས་ཀྱི་སྤྱོད་པ་སེམས་ཅན་ཐམས་ཅད་ཀྱི་དོན་དུ་གསུངས་ཏེ། ཟློས་པ་ཐམས་ཅད་ལ་ཕན་པའི་ཕྱིར་དང ། སྔགས་ཀྱི་དོན་ཡང་རབ་ཏུ་བསྒྲུབས་པའི་ཕྱིར་ཐམས་ཅད་ཀྱང་ཐམས་
222b
ཅད་མཁྱེན་པས་གསུངས་སོ། །ཐ་སྐར་དང་ནི་བྲ་ཉེ་དང ། །སྨིན་དྲུག་དང་པོའི་རྒྱུ་སྐར་ཏེ། །རྒྱུ་སྐར་གསུམ་པོ་འདི་དག་ལ། །མིག་དམར་གཟའ་ནི་བདག་པོ་ཡིན། །ལུག་ནི་ཁྱིམ་དུ་བསྟན་པ་སྟེ། །འདི་ལ་གྲུབ་པ་ཡོད་མ་ཡིན། །གྲུབ་མཆོག་བར་མ་ཐ་མ་ཉིད། །གྲུབ་པ་ཡིན་པར་འདོད་པ་ཡིན། །ལས་རྣམས་ཀུན་ཏུའང་མི་འགྲོ་ཞིང ། །མ་རུངས་གཟའ་ནི་རྣམ་པར་ཟློག་།སྣར་མ་མགོ་དང་དེ་བཞིན་དུ། །ལག་ཏུ་རྒྱུ་སྐར་བརྗོད་པ་ཡིན། །རྒྱུ་སྐར་ནབ་སོ་རྒྱལ་དང་ནི། །སྐག་ཏུའང་རབ་ཏུ་བརྗོད་པ་ཡིན། །མཆུ་དང་དེ་བཞིན་གྲེ་དང་དབོ། །དེ་བཞིན་མེ་བཞི་ནག་པ་དང ། །ས་རི་ས་ག་ལྷ་མཚམས་དང ། །སྣརོན་དང་དེ་བཞིན་སྣརུབས་དང་ནི། །ཆུ་ནི་སྟོད་སྨད་དགེ་བ་སྟེ། །ཟློས་པ་ལ་ཕན་རབ་ཏུ་བསྔགས། །རྒྱུ་སྐར་གྲོ་བཞིན་མོན་གྲུ་ནི། །དྲག་པོའི་ལས་ལ་རབ་ཏུ་བསྔགས། །མོན་གྲེ་ཁྲུམས་ནི་སྟོད་སྨད་གཉིས། །རྒྱུ་སྐར་གྲུབ་པའི་རྒྱུ་ཡིན་ནོ། །ནམ་གྲུ་ལ་སྐྱེས་དཔལ་དང་ལྡན། །འཐབ་ལ་དགའ་ཞིང་འཇིགས་པ་མེད། །རྒྱུ་སྐར་ལྷག་མ་གཙོ་བོ་ནི། །དུས་ཀྱི་ཐ་མར་འབྱུང་པ་མིན། །ཇི་བཞིན་ལེགས་པར་སྤྱོད་པ་དང ། །གྲུབ་དང་བསོད་ནམས་རབ་ཏུ་བསྒྲགས། །ཉེ་རྒྱལ་དང་ནི་ཐ་ཆུང་དང ། །འདོད་པ་དག་ནི་ཉིད་ཡིན་ནོ། །ཡང་དག་བདེན་དང་འཇིག་རྟེན་དང ། །སྣང་བར་ཡང་ནི་བརྗོད་པ་ཡིན། །ལོངས་སྤྱོད་སྦྱིན་དང་དགེ་སྦྱིན་དང ། །མ་འགགས་
223a
༄#། །པ་དང་འགགས་པ་ཉིད། །གྲགས་སྦྱིན་གཟི་བརྗིད་རྒྱལ་པོ་དང ། །དེ་བཞིན་རྒྱལ་པོ་འཇིག་རྟེན་དང ། །རྒྱུ་སྐར་མང་པོ་གསུངས་པ་སྟེ། །སྟོང་ཕྲག་དྲུག་ཅུ་རྩ་བཞི་འོ། །དུས་ཀྱི་ཐ་མ་འདི་ལ་ནི། །འདི་དག་གི་ནི་ནུས་པ་ཡོད། །ཆོ་ག་རྒྱལ་འདི་བདེ་དོན་དུ། །དེ་ཙམ་ཤེས་པར་གསུངས་པ་ཡིན། །རང་ཉིད་འོད་ལྡན་སེམས་ཅན་ནི། །དེ་ཡི་དུས་སུ་རྫོགས་ལྡན་ཡིན། །ཐམས་ཅད་ནམ་མཁའ་ལ་འགྲོ་ཞིང ། །རྒ་དང་འཆི་བ་རྣམ་པར་སྤངས། །དེ་ཡི་དུས་སུ་རྒྱུ་སྐར་མེད། །ཉི་མ་ཟླ་བ་སྐར་མ་མེད། །ལྷ་དང་ལྷ་མིན་འཇིག་རྟེན་མེད། །དང་པོའི་དུས་ནི་དུས་མཆོག་ཡིན། །མིང་མེད་རིགས་ཀྱང་ཡོད་མ་ཡིན། །ཚེས་དང་སྐྱེ་བའི་སྐར་མ་མེད། །བསྙུང་བ་མེད་ཅིང་སྔགས་ཀྱང་མེད། །དགེ་དང་མི་དགེའི་ལས་ཀྱང་མེད། །འདི་དག་རང་དགར་སྤྱོད་པ་སྟེ། །བཟའ་དང་བཟའ་བར་བྱ་བའང་མེད། །འདི་དག་ནད་མེད་དག་པ་སྟེ། །རྟག་ཏུ་སེམས་ཅན་རྣམ་མང་པོ། །དེ་ནས་དུས་ནི་བྲི་བ་ན། །འཇིག་རྟེན་སྣོད་མིན་རབ་ཏུ་འཇུག་།སྔོན་གྱི་ལས་ཀྱིས་དྲངས་ནས་ནི། །དེ་ནས་ས་ཡི་སྟེང་དུ་འགྲོ། །ས་སྟེང་ལྷ་གནས་གཞལ་མེད་ཁང ། །ལྷ་དང་ལྷ་མིན་ཡང་དག་བྱུང་།། བར་མའི་དུས་སུ་ཕྱིན་གྱུར་ནས། །མི་ཡི་ལུས་ལ་ཡང་དག་རྟེན། །བཟའ་དང་བཏུང་ལ་བརྐམ་ཆགས་པས། །འོད་དེ་དག་ནི་རབ་ཏུ་ཉམས། །ལུས་ནི་སྲ་བ་ཉིད་གྱུར་ཅིང ། །དགེ་
223b
དང་མི་དགེ་རྣམ་པར་སྤྱོད། །དེ་ནས་ཉིན་ཞག་ཟླ་བ་དང ། །གཟའ་ཡི་འོད་ནི་འབྱུང་བར་འགྱུར། །དེ་ནས་བཟུང་ནས་གང་ཅུང་ཟད། །སྐར་མའི་དཔྱད་ཤེས་པ་ཉིད་དང ། །སེམས་ཅན་རྗེས་སུ་གཟུང་བར་བརྗོད། །ངས་ནི་དེ་དག་བསྟན་པ་ཡིན། །སྔོན་ནི་དྲང་སྲོང་ཆ་བྱད་གྱུར། །བློ་ལྡན་ཚངས་པའི་ཆ་བྱད་དང ། །དབང་ཕྱུག་ཆེན་པོའི་ལུས་བསྟན་ཅིང ། །ཡང་ན་ཁྱབ་འཇུག་ཆ་བྱད་ཀྱིས། །ནམ་མཁའ་ལྡིང་གི་ལུས་སྤྱད་དང ། །གནོད་སྦྱིན་སྲིན་པོ་དྲི་ཟ་དང ། །ཤ་ཟ་དག་གི་ལུས་ཉིད་གྱུར། །སྐྱེ་དང་སྐྱེ་བར་བདག་ཉིད་སྐྱེས། །བྱང་ཆུབ་སེམས་དཔས་མཁས་པ་ནི། །དེ་དང་དེར་ནི་སྐྱེ་བ་ལ། །བྱང་ཆུབ་སེམས་དཔའི་སྤྱོད་དོན་ཕྱིར། །རྟག་ཏུ་སྐྱེ་བའི་དབང་གིས་སོ། །བདག་ཉིད་དེ་ཚེ་དུས་དག་ཏུ། །སྔོན་གྱི་བྱང་ཆུབ་སེམས་དཔར་གྱུར། ། མི་ཤེས་མུན་པས་བསྒྲིབས་པ་ལཾ། །བདག་ནི་དེ་ཚེ་བྱིས་པར་གྱུར། །འཇིག་རྟེན་ཇི་སྙེད་ཡོད་པ་ཡི། །ཁྱབ་འཇུག་གིས་བྱས་གཟོ་སྤྱད་དང ། །ལུགས་ཀྱི་བསྟན་བཅོས་སྔོན་གྱི་རབས། །དེ་བཞིན་རིག་བྱེད་བརྡ་སྤྲོད་པ། །སྡེབ་སྦྱོར་སྐར་མའི་དཔྱད་ཉིད་དང ། །རྩིས་དང་སྒྱུ་རྩལ་འདོད་པ་དང ། །ལོག་ཤེས་དེ་བཞིན་ཤེས་པ་དང ། །དེ་བཞིན་ལོག་པར་སྤྱོད་ཉིད་དང ། །འཇིག་རྟེན་བསྟན་བཅོས་ཐམས་ཅད་ནི། །ཡུན་རིང་བདག་གིས་སྔོན་བསྟན་ཏོ། །ཞི་བ་ཐུབ་བདག་ཇི་ལྟར་བར། །ཡེ་ཤེས་བདག་གིས་ཐོབ་མ་ཡིན། །བྱང་ཆུབ་རྒྱུ་
224a
༄#། །ནི་གྲོལ་དོན་དང ། །དེ་བཞིན་དུ་ནི་ཐར་པའི་ཕྱིར། །འཁོར་བའི་བཙོན་རར་རབ་བཅིངས་པས། །ལས་ཀྱང་ལས་ཀྱང་བདག་མ་གྲོལ། །ཞི་བ་རྣམ་རྒྱལ་སངས་རྒྱས་ཉིད། །མ་ཉམས་གོ་འཕང་མྱ་ངན་འདས། །ཡུན་རིང་དོན་དུ་མངོན་འདོད་ཅིང ། །ལེགས་པར་ཡོངས་སུ་བཙལ་བས་ཐོབ། །དེ་ལྟར་བདག་གིས་རིག་ལྡན་པས། །ཚེགས་ཆུང་བྱ་བས་ཐོབ་པ་ཡིན། །རྒྱལ་བས་སྔོན་ནི་བསྟན་པས་ན། །རང་བྱུང་ཡེ་ཤེས་ཐོབ་པ་ཡིན། །དེ་འདྲའི་གནས་ནི་རབ་མཐོང་བ། །ཕྱི་རོལ་ལམ་གྱིས་ཐོབ་མ་ཡིན། །བྱང་ཆུབ་རྒྱུ་ནི་རྙེད་དཀའ་བས། །འཁོར་བའི་དགོན་པར་འཁྱམས་པ་ཡིན། །བདག་གི་རང་བྱུང་འདི་འདྲ་བ། །ཡེ་ཤེས་བདག་གིས་ཐོབ་པ་མིན། །རིག་པ་བཟང་པོའི་ལས་དགའ་བས། །དེ་ནི་མྱ་ངན་འདས་པ་ཐོབ། །བདག་གིས་བསྟན་བཅོས་འདི་དག་ནི། །བསྡུས་པ་འབའ་ཞིག་བྱས་པ་ཡིན། །ལས་ལས་གྲོལ་བ་མེད་པར་ནི། །གྲུབ་པའི་རྒྱུ་ནི་རྙེད་མ་ཡིན། །འཁོར་བའི་ཡུན་རིང་ཞགས་པ་འདིས། །ལས་ཀྱི་འཆིང་བས་ངེས་པར་བཅིངས། །དེ་ཡི་འགྲོ་འདི་བདག་ཉིད་ཆེ། །དགེ་དང་མི་དགེའང་སྨིན་པར་འགྱུར། །རྒྱུ་སྐར་གཟའ་དང་སྐར་མའི་དཔྱད། །མཚོན་པར་བྱེད་པ་ཁོ་ནར་ཟད། །ཆོས་དང་མི་ལྡན་མི་རྣམས་དང ། །གཞན་ལ་རྟགས་ནི་སྣང་མི་འགྱུར། །དེ་ཉིད་ཀྱིས་ན་གཟའ་གསུངས་པ། །
224b
དགེ་དང་མི་དགེའི་རྗེས་གཟུང་ཕྱིར། །འཇིག་རྟེན་སྐྱོང་བ་བཞི་དག་དང ། །ཁམས་ནི་བཞི་པོ་དག་དང་ནི། །ཆུ་དང་ས་དང་རླུང་དང་མེ། །ནམ་མཁའ་ཡོངས་སུ་བསྟན་པ་ཡིན། །འབྱུང་བ་ཡང་དག་བསྡུ་བའི་ཕྱིར། །འདི་དག་འབྱུང་བ་ཆེན་པོ་ཡིན། །སེམས་ཅན་ཡང་དག་བསྡུ་བའི་ཕྱིར། །བག་མེད་ལས་ཀྱིས་བྱས་པ་ཡིན། །དེ་དག་དུས་ནི་ངེས་པ་ཡིས། །སྔགས་རྣམས་གྲུབ་པར་གྱུར་པ་ཡིན། །དེ་ཡི་སྐྱེ་བ་འབད་པ་ཡིས། །དགེ་དང་མི་དགེ་བསྲུང་བར་བྱ། །རང་བཞིན་གྱིས་ནི་འཇིག་རྟེན་གཙོ། །ལྷ་ཡི་དབང་ཕྱུག་བརྒྱ་བྱིན་སོགས། །དེ་ཡང་དེ་ཚེ་དེ་དུས་སུ། །དུས་ཀྱི་མཐར་ནི་ཡོངས་སུ་བརྟགས། །དུས་ཀྱི་ཐ་མ་དག་ལ་ནི། །སྔགས་རྣམས་གྲུབ་པ་ངེས་པ་ཡིན། །དེ་ཉིད་ཀྱིས་ན་ཐུབ་དབང་པོས། །གཞོན་ནུ་ཡོངས་སུ་བརྟགས་པ་ནི། །ཤེས་རབ་ཆེན་པོ་འཇམ་པའི་དབྱངས། །བྱིས་པ་གཞོན་ནུའི་གཟུགས་དང་ལྡན། །འཇིག་རྟེན་འདིར་ནི་ཀུན་ཏུ་རྒྱུ། །སེམས་ཅན་རྗེས་སུ་བཟུང་བར་བཟོད། །དེ་ཡི་དུས་སུ་གྲུབ་པ་ནི། །འཇམ་པའི་དབྱངས་ནི་རབ་ཏུ་མཐོང ། །རྒྱུ་སྐར་སྐར་མའི་དཔྱད་ཤེས་པ། །དེ་ཡི་ཚེ་ན་འབྱུང་བར་འགྱུར། །ཉི་ཤུ་རྩ་བདུན་རྒྱུ་སྐར་དང ། །ཡུད་ཙམ་དག་ཏུ་རབ་ཏུ་བསྒྲགས། །དུས་ཀྱི་ཐ་མ་དེ་ལ་ནི། །བཅུ་གཉིས་ཁྱིམ་ཡང་ཡོད་པ་ཡིན། །རྒྱུ་སྐར་ཚོགས་ལ་བརྟེན་ནས་ནི། །དེ་དག་གཟའ་ནི་རྣམ་པར་དབྱེ། །ཐམས་ཅད་སོ་སོར་གྱུར་པ་ནི། །
225a
༄#། །འཇམ་དཔལ་གྱིས་ནི་སོ་སོར་མཛད། །སྐྱེ་བ་དང་ནི་སྤྱོད་པ་ཉིད། །ཁྱིམ་རྣམས་ཀུན་ལ་རབ་ཏུ་གནས། །སྐྱེ་བོ་རྨོངས་པས་ཁྱབ་གྱུར་ལ། །དགེ་དང་མི་དགེ་འབྲས་བུ་འབྱུང ། །དེ་ཉིད་ལས་ཀྱི་འཆིང་བ་ཡིས། །དེ་དག་ཁྱིམ་ནི་ཡང་དང་ཡང ། །སེམས་ཅན་རྣམས་ཀྱིས་གྲུབ་པ་ཙམ། །དགེ་དང་མི་དགེ་རྟོག་པར་བྱེད། །རྒྱུ་སྐར་སྣར་མར་ལྡན་པར་ནི། །སྐྱེ་བར་ཡོངས་སུ་རབ་བརྟགས་པ། །དཔལ་ལྡན་བཟོད་པ་ཕུན་སུམ་ཚོགས། །ཚེ་རིང་བུ་ནི་མང་བ་དང ། །རྟག་ཏུ་དེ་ཚེ་ནོར་སྐལ་ལྡན། །དེ་ནི་དམག་གི་བདག་པོ་བྱེད། ། འདི་ནི་ཁྱུ་མཆོག་ཁྱིམ་སྐྱེས་ན། །ཁྱུ་མཆོག་ཉིད་ལ་ཡོངས་སུ་འཆི། །མགོ་ཉིད་ལ་ནི་འཇིག་རྟེན་ཤེས། །ཆས་ལྡན་མཐོང་ན་དགའ་བར་འགྱུར། །སྨིན་དྲུག་ཆར་སྐྱེས་རྟག་ཏུ་ནི།། ས་བདག་རྒྱལ་པོར་སྣང་བ་སྟེ། །ཡང་དག་སྐྱེ་བ་དེ་ལ་རྟེན། །རྟག་ཏུ་རྒྱ་མཚོ་གསུམ་བདག་འགྱུར། །ཕྱོགས་གཅིག་སྐྱེས་པ་བགྲོད་དཀའ་བའི། །ཕྱོགས་གཅིག་རྒྱལ་པོར་འགྱུར་བ་ཡིན། །གཟའ་ནི་བླ་མས་མཚན་པ་ཡི། །གལ་ཏེ་སྐྱེ་བར་འབྱུང་གྱུར་ན། །ས་ནི་ཁོར་ཡུག་མ་ལུས་པར། །རྗེས་སུ་སྤྱོད་པར་འགྱུར་བ་ཡིན། །ལོ་ནི་བཅུ་དང་ལྔ་བོ་ཉིད། དེ་ཡི་རྒྱལ་ཐབས་བྱེད་པར་འགྱུར། །ཐ་སྐར་བྲ་ཉེ་ཉིད་དང་ནི། །སྨིན་དྲུག་ཆ་ལ་སྐྱེས་གྱུར་པ། །ཁྱིམ་འདི་དག་གི་ནུས་པ་ནི། །ཚོང་གི་དོན་གྱིས་ནོར་སྒྲུབ་འགྱུར། །གལ་ཏེ་
225b
སྐྱེས་པ་དེས་བྱུང་ན། །དབང་ཕྱུག་ལོངས་སྤྱོད་ཕུན་སུམ་ཚོགས། །རྒྱུ་སྐར་འདི་ལ་སྐྱེས་པ་ན། །ཉི་མའི་དཀྱིལ་འཁོར་དམར་བར་འགྱུར། །དེ་བཞིན་ཉི་མ་ནུབ་པ་ན། །དེ་ནི་འཆི་བར་འགྱུར་བ་ཡིན། །མ་རུངས་ཚམ་ཚོམ་མེད་པ་དང ། །བདེན་པར་སྨྲ་བ་མ་ཡིན་དང ། །ལུས་ཀྱི་ལྤགས་སྲབ་དམར་བའི་མདོག། ས་ཡི་སྟེང་ན་དེ་སྣང་ངོ ། །འདི་ཡི་འགྲོ་བ་སྐད་ཅིག་ནི། །མིག་འབྱེད་འཛུམས་སུ་རབ་ཏུ་བསྟན། །འདི་ཡི་བར་དུ་གར་སྐྱེས་པ། །རྒྱ་ཆེ་ཡོན་ཏན་དེ་འདི་ཡིན། །སེ་གོལ་གཏོགས་གནས་ཙམ་དུ་ནི། །འདི་ཡི་འགྲོ་བ་རབ་ཏུ་བསྟན། །དེ་ན་དེ་དག་འགྲོ་བ་ཉམས། །གཟའ་རྣམས་ཀྱིས་ནི་མཐོང་མ་ཡིན། །སྐྱེ་བ་རྣམ་པར་འདྲེས་གྱུར་པའི། །སེམས་ཅན་རྣམ་པ་སྣ་ཚོགས་སྐྱེ། །འདྲེས་པའི་འགྲོ་བ་ཕུན་སུམ་ཚོགས། །འདྲེས་པའི་ལོངས་སྤྱོད་ལྡན་པ་ཡིན། །དེ་ཉིད་ཀྱིས་ན་མི་སྐྱེ་སྟེ། །སྐྱེ་བ་ཉིད་དུ་བརྗོད་པ་ཡིན། །སྐྱེ་བའི་སྐར་མ་སུམ་ཅུ་ནི། །དགེ་དང་མི་དགེའི་འབྲས་བུ་འབྱུང ། གཟའ་ནི་མིག་དམར་གྱིས་མཚན་པ། །འདི་ནི་མ་རུངས་སྐྱེ་བར་འགྱུར། །གསུས་ཆེ་ལུས་ནི་སྣུམ་པ་དང ། །མིག་དཀྱུས་རིང་ཞིང་སྙན་པར་སྨྲ། །གཟའ་ནི་ཕུར་བུས་བལྟས་པ་ནི། །རྟག་ཏུ་བརྟན་ལྡན་སྐྱེ་བར་འགྱུར། །ཆུ་ཚོད་ཟུང་ཙམ་ཉི་མ་དང ། །ཟླ་བའི་ལྷ་ནི་ར་བ་བཤད་པ། །དེ་བཞིན་རྟག་ཏུ་ཉིན་མཚན་ལ། །ཡང་དག་སྐྱེ་བར་འདོད་པ་ཡིན། །ཕྱིན་
226a
༄#། །ཅི་ལོག་པའི་སྐྱེ་བ་གཞན། །ཕྱིན་ཅི་ལོག་ཏུའང་བརྟགས་པ་ཡིན། །གཟའ་ནི་དགེ་བ་མཐོང་བ་དང ། །མི་དགེའི་སྐྱེ་བ་དགེ་མི་དགེ་།མི་དགེའི་འབྲས་བུ་གྲུབ་པ་དང ། །ཡང་དག་སྐྱེ་བ་བཟང་པོ་འབྱུང ། །འགྲོ་བའི་སྐྱེ་གནས་ལ་བརྟེན་ནས། །ཁྱིམ་ལ་སྐྱེ་བར་རབ་ཏུ་གནས། །གཟའ་ནི་ངན་སྤོང་བུས་མཚན་པ། །སྦྱིན་བྱེད་སེམས་དཔའ་ཆེ་བ་སྟེ། །ལག་དང་ནབ་སོ་དག་དང་ནི། །སྐག་གི་ཆ་ལ་རབ་ཏུ་བརྗོད། །འདི་དག་ལ་སྐྱེས་གཏོང་བ་ཆེ། །གཡོ་སྒྱུ་ཅན་ནི་བབ་ཅོལ་བྱེད། །དོན་དང་དོན་མེད་འབྱོར་པ་ལ། །རྟག་ཏུ་བརྐམ་ཆགས་བུད་མེད་ཆགས། །གཞན་གྱི་བུད་མེད་མངོན་འགྲོ་ཞིང ། །དེ་ཉིད་ནག་པོ་ལ་སྤྱོད་དང ། །དུད་པའི་མདོག་འདྲར་སྐྱེ་འགྱུར་ཏེ། །དྲག་ཅིང་འཁྲིག་པ་ལ་ཡང་དགའ། །སྦྱོར་བའི་ཁྱིམ་ལ་རབ་བརྟེན་ནས། །དེ་ནི་སྤེན་པ་དག་ལ་སྐྱེ། །ཉིན་དང་མཚན་དུ་ཡང་དང་ཡང ། །དེར་གནས་སྤེན་པ་རྒྱུ་བར་བྱེད། །དེ་ལས་སྐྱེས་པ་ཉི་མ་ཕྱེད། །སེམས་ནི་སྟོབས་དང་ལྡན་པར་འགྱུར། །དེ་ཡི་དུས་ལ་གང་སྐྱེས་པ། །དེ་ཡི་མཚན་ཉིད་བརྗོད་པར་བྱ། །ནོར་ནི་གྲུབ་པར་འགྱུར་བ་དང ། །དབང་ཕྱུག་གིས་ནི་ལེགས་མཚན་པའོ། །རྒྱུ་སྐར་ད་བཞིན་རྒྱལ་དང་ནི། །སྐག་ལ་ཡང་ནི་གང་སྐྱེས་པ། །འདི་ནི་སྦལ་བའི་ཁྱིམ་ཡིན་ཏེ། །དགེ་དང་ལྡན་ཞིང་རྫུ་འཕྲུལ་ཆེ། །མདོག་ནི་སེར་པོ་དང་
226b
ལྡན་ཞིང ། །དེ་ནི་སྐྱེ་བ་མཆོག་ཏུ་བསྟན། །རྟག་ཏུ་དེ་བཞིན་མཚན་ཕྱེད་དུ། །འདི་ནི་སྐྱེ་བར་བསྟན་པ་ཡིན། །དེ་ཡི་དུས་ཀྱི་ཚད་ལ་ནི། །གལ་ཏེ་སེམས་ཅན་སྐྱེ་བར་འདོད། །ཆོ་ག་མཐོང་བའི་རྒྱུ་ཡིས་ན། །འདི་ནི་དོན་རྣམས་ཐམས་ཅད་སྒྲུབ། །དེ་ནི་ཤིན་ཏུ་གཞོན་པ་ནས། །རྒྱལ་ཐབས་བྱེད་ཅིང་ནོར་རྣམས་ཐོབ། །མདོག་ནི་སེར་དང་སྔོ་བསངས་ནི། །ཁ་དོག་རྒྱས་པ་སྣང་བར་འགྱུར། །གཙང་སྦྲའི་སྤྱོད་ལ་དགའ་བ་དང ། །དེ་ནི་དཔལ་ལྡན་འཇིགས་མེད་སྐྱེ། །མཆུ་དང་དེ་བཞིན་གྲེ་དང་ནི། །དེ་བཞིན་དབོ་ཡི་ཆ་དག་ནི། །སྣང་བྱེད་ཀྱི་ནི་ཞིང་དུ་འགྱུར། །སེང་གེའི་ཁྱིམ་དུ་བྱ་བ་ཡིན། །དེ་ལ་སྐྱེས་བ་དཔའ་བོ་ཆེ། །ཤ་ཡི་ཁ་ཟས་དེ་ལ་དགའ། །རི་ཡི་རྫོང་ལ་བརྟེན་ནས་ནི། །རྒྱལ་ཐབས་དབང་ཕྱུག་བྱེད་པར་འགྱུར།། གལ་ཏེ་དེ་སྐྱེས་ཐོབ་གྱུར་ན། །ཞིང་ལ་གནས་ཤིང་དེས་སྡོམ་རྟེན། །དེ་བཞིན་ཉི་མ་འཆར་བ་ན། །སྐྱེས་པ་འདི་ལ་བརྗོད་པ་ཡིན། །རྒྱུ་སྐར་དབོ་ཡི་ཆ་དག་ནི། །དེ་བཞིན་མེ་བཞི་ནག་པ་ཉིད། །རྒྱུ་སྐར་དེ་ལ་སྐྱེ་གནས་པ། །མི་ནི་ཡོངས་སུ་དཔའ་བར་འགྱུར། །སྡོམ་མིན་གཞན་གྱི་བུད་མེད་འགྲོ། དེ་ནི་དམག་དཔོན་བྱེད་པར་འགྱུར། །གལ་ཏེ་སྐྱེ་བར་ཐོབ་འགྱུར་ན། །ངེས་པར་རྒྱལ་ཐབས་བྱེད་པར་འགྱུར། །གང་དུ་སྐར་མ་དེ་དག་གནས། །འདི་ནི་བུ་མོའི་ཁྱིམ་དུ་འགྱུར། །འདི་ཡི་བདག་པོ་གཟའ་ལྷག་སྟེ། །ཁ་ཅིག་ཏུ་ནི་
227a
༄#། །གཞན་ཡང་ཡིན། །འདི་སྐད་སྐར་མ་མཆོག་ལ་ནི། །གཟའ་ནི་མི་བཟད་བསྲུང་བར་འགྱུར། །ཟླ་བ་ཡང་ནི་བཟང་བ་སྟེ། །ཡང་ན་ཟླ་བའི་བུ་བདག་ཡིན། །ཉིན་ཕྱེད་རྫོགས་ན་སྐྱེ་བ་ནི། །འདི་ཡི་སྐྱེ་བ་སྣང་བ་ཡིན། །ནག་པའི་ཆ་དང་ས་རི་དང ། །ས་གའི་ཕྱེད་ཀྱིས་ལྷག་པ་ལ། །སྲང་གི་ཁྱིམ་སྟེ་བཟང་པོའི་དོན། །ཟླ་བ་ལ་སྤྱོད་སེམས་ཅན་གྱི། །འདི་ནི་མི་བཟད་ཞིང་ཡིན་ཏེ། །སྐལ་མེད་མ་ཡིན་ནོར་གྱི་གནས། །འདི་ཡི་སྐྱེ་བ་སྐྱེ་གྱུར་གནས། །མཚན་མོའི་ཐུན་གྱི་ཐ་མ་འོ། །མི་ནི་འདི་ལ་སྐྱེས་གྱུར་པ། །རྟག་ཏུ་བཏུང་བ་དག་ལ་དད། །སྤྱི་མཚན་མ་ཡིན་ངོ་ཚ་མེད། །མང་པོས་བཀུར་ཅིང་མཆོད་པ་དང ། །ལ་ལར་རྒྱལ་སྲིད་ལོངས་སྤྱོད་དང ། །ནོར་ཆེན་ཐོབ་པར་འགྱུར་བ་ཡིན། །ངེས་མེད་སྐྱེ་བ་ཡོངས་སྣང་ཞིང ། །བྲིས་\?\་པར་མས་ནི་སྤངས་པ་ཡིན། །གལ་ཏེ་སྐྱེ་བ་ཐོབ་གྱུར་ན། །པུ་མང་བདེ་བ་སྐྱེ་བར་འགྱུར། །རྒྱུ་སྐར་ལྷ་མཚམས་ལས་སྐྱེས་པ། །བཟོ་ཡི་ལས་ནི་སྒྲུབ་པ་དང ། །བྱམས་པའི་བདག་ཉིད་གྲོགས་པོ་མང ། །རྟག་ཏུ་དཔའ་ཞིང་རྟུལ་ཕོད་ཆེ། །འཇིག་རྟེན་སྣརོན་ལ་སྐྱེས་པ་ནི། །མི་ནི་རབ་གཏུམ་བསྟན་པ་ཡིན། །སྡུག་བསྔལ་མང་པོ་བཟོད་པ་དང ། །མི་ནི་མ་རུངས་སྐྱེ་བར་འགྱུར། །ཁྱིམ་ནི་སྡིག་པར་བཤད་པ་སྟེ། །རྟག་ཏུ་རྣོ་ཞིང་བབ་ཅོལ་བྱེད། །འདི་དག་ཉིད་ལ་རྟག་སྐྱེས་པ། །སྐྱེ་བར་ཡང་དག་
227b
བརྗོད་པ་ཡིན། །དེ་བཞིན་ཉིན་ཕྱེད་ཉི་མ་ལ། །གལ་ཏེ་མི་ནི་སྐྱེས་གྱུར་ན། །དག་ཅིང་གཡུལ་ལས་རྣམ་རྒྱལ་བའི། །རྒྱལ་པོར་དེ་ནི་ངེས་པར་འགྱུར། །བྱིས་པ་གཞོན་ནུ་གཟུགས་ཡོད་པའི།། དེ་ཡི་སྐད་ཅིག་གཟས་མཐོང་འགྱུར། །ས་ཡི་ལྷ་མོའི་བུར་གྱུར་བ། །གང་ཡིན་དེ་ནི་མིག་དམར་གསུངས། །དེ་ཉིད་ཕྱིར་ན་ས་ལ་སྤྱོད། །རང་བུ་ཉིད་ཀྱིས་གསོད་པར་ཕྱེད། །དེ་ལས་གཞན་པ་བཟློག་པས་ནི། །དགེ་དང་མི་དགེའི་སྐྱེ་བ་ཉིད། །ཚེ་རིང་གཟི་བརྗིད་ལྡན་པ་དང ། །ཤེས་ལྡན་ཉིད་དུའང་སྐྱེ་བར་འགྱུར། །ལྷ་མཚམས་ལ་ནི་རབ་སྐྱེས་པ། །ཤེས་རབ་ཆེ་ཞིང་གྲོགས་ལ་བྱམས། །མིག་དམར་གྱི་ནི་ཞིང་འདི་ཡིན། །ཡང་ན་རྟག་ཏུ་གཟའ་འདྲེས་ཡིན། །རྒྱུ་སྐར་སྣུབས་ལ་སྐྱེས་པ་དང ། །དེ་བཞིན་དུ་ནི་ཆུ་སྟོད་དང ། །ཆུ་སྨད་ཀྱི་ནི་ཆ་དག་ལ། །གཞུ་ཡི་ཁྱིམ་དུ་རབ་ཏུ་བསྟན། །དེ་ཡི་སྐྱེ་བའི་སྐྱེ་བ་ནི། །ཕུར་བུའི་ཞིང་དེར་བསྟན་པ་ཡིན། །ཉི་མ་ཕྱི་དྲོར་གྱུར་པ་དང ། །ཟླ་བ་ནམ་སྣད་གྱུར་པ་ལ། །དེ་ཡི་སྐྱེ་བ་ཞེས་བསྟན་པ། །གང་ཞིག་སྐྱེས་པ་སྐྱེ་བའི་རྒྱུ། །སྣུབས་ལ་སྐྱེས་པ་རང་རིགས་འཇིག་།ཐ་མར་བཟང་པོར་འགྱུར་བ་ཡིན། །སྐྱེས་གནས་པར་མ་ལོངས་སྤྱོད་ནི། །ཐོབ་པར་དེ་ནི་ཐེ་ཚོམ་མེད། །གཞོན་པ་ཡོངས་སུ་འདས་པ་ན། །སྣང་བྱེད་དཀྱིལ་འཁོར་ཇི་ལྟ་བར། །རྒས་པས་གྱུར་ན་རྒྱལ་པོར་འགྱུར། །ལོངས་སྤྱོད་ཆེ་ཞིང་ནོར་ཆེར་འགྱུར། །དམའ་བའི་ཕྱོགས་སུ་ལུས་འགྱུར་གྱི། །
228a
༄#། །གཞན་གྱི་ཕྱོགས་སུ་མ་ཡིན་ནོ། །དེ་ལས་གཞན་དུ་བཟློག་པར་ནི། །རྣམ་པ་སྣ་ཚོགས་སྐྱེ་བོ་སྣང ། །ཆུ་སྨད་ཀྱི་ནི་ཆ་དག་དང ། །གྲོ་བཞིན་ཉིད་དུ་བསྟན་པ་དང ། །མོན་གྲུ་རྒྱུ་སྐར་མཆོག་ཉིད་ནི། །ཁྱིམ་འདི་ཆུ་སྲིན་ཁོ་ན་ཡིན། །འདི་ནི་སྤེན་པའི་ཞིང་ཡིན་ཏེ། །ཡང་ན་གཟའ་གཞན་གྱིས་མཚན་པའོ། །རྟག་ཏུ་འདི་ལ་སྐྱེས་གནས་པ།། དེ་ཡང་ས་སྟེང་འདི་ལ་སྣང ། །དང་པོའི་མཐའ་དང་བར་མའི་མཐའ། །མཚན་མོའི་ཆ་ནི་འདས་པ་ལ། །དེ་དག་ལས་སྐྱེས་ལོངས་སྤྱོད་ཆེ། །ཀུན་ནས་སྣང་བར་འགྱུར་བ་ཡིན།། མཐོ་དང་དམའ་བའི་རིགས་གནས་ཤིང ། །དེ་དག་ས་ཡི་བདག་པོར་འགྱུར། །རབ་གཏུམ་ཁ་དོག་ནག་པོའམ། །སྔོ་བསངས་མདོག་ཏུ་དེ་དག་འགྱུར། །མིག་མཐའ་དམར།། ཞིང་འཇམ་པ་དང ། །རྟག་ཏུ་དཔའ་ཞིང་རྟུལ་ཡང་ཕོད། །དེ་བཞིན་ཆུ་ཡིས་ཁྱབ་པ་ཡི། །ཕྱོགས་སུ་རྒྱལ་པོ་བྱེད་པར་འགྱུར། །ཚེ་རིང་བུ་ནི་མེད་པ་དང ། །སྡུག་བསྔལ་མང་པོ་བཟོད་པར་འགྱུར། །དེ་ལས་གཞན་པ་བཟློག་པ་ལ། །སྐྱེ་བོ་རྣམ་པར་བཟློག་པར་སྣང ། །མོན་གྲུའི་ཕྱེད་དང་མོན་གྲེ་དང ། །དེ་བཞིན་ཁྲུམས་སྟོད་ཕྱེད་དག་ནི། །དེ་ཡི་ཁྱིམ་དུ་འགྱུར་པ་ནི། །བུམ་པ་ཞེས་ནི་བརྗོད་པ་ཡིན། །འདི་ལ་གཟའ་ཡི་གཙོ་བོ་ནི། །ཞིང་དུ་རྟག་ཏུ་བརྟེན་པ་ཡིན། །དེ་བཞིན་འདྲེས་པའང་ཟླ་བ་དང ། །བློ་ལྡན་པ་
228b
བ་སངས་ཉིད་ཡིན། །འདི་དག་སྐྱེ་བར་འགྱུར་བ་ནི། །མཚན་མོའམ་ནམ་ནི་ལངས་པར་སྣང ། །རྟག་ཏུ་སྐྱེ་འདི་བཟང་པོ་སྟེ། །འཇིག་རྟེན་སྤྱོད་པ་དག་པ་ཡིན། །མི་ནི་མ་རུངས་ལས་བྱེད་ཅིང་།། བློ་དང་ལྡན་པར་བརྗོད་པ་ཡིན། །ལོངས་སྤྱོད་སྣ་ཚོགས་ཕུན་སུམ་ཚོགས། །ས་སྟེང་རྗེས་སུ་སྤྱོད་པར་འགྱུར། །དེ་ལས་གཞན་དུ་བཟློག་ན་ནི། །དབུལ་ཞིང་ནང་རྣམས་སྣོད་དུ་འགྱུར། །རྒྱུ་སྐར་ཁྲུམས་སྨད་ཉིད་དང་ནི། །ནམ་གྲུ་ཞེས་ནི་བརྗོད་པ་དང ། །ཁྲུམས་སྟོད་ཀྱི་ནི་བཞི་ཆ་ལ། །ཁྱིམ་ནི་ཉ་རུ་རབ་ཏུ་བརྟགས། །སྐྱེ་བ་དེ་དག་རྟག་གནས་པ། །ཀུན་ཏུ་ཇི་ལྟར་སྣང་ཞེ་ན། ། མཚན་མོའི་ཐུན་གྱི་བར་མ་དང ། །ཉིན་པར་ཉི་མ་ཤར་བ་དང ། །ཉི་མ་ཐུན་ཕྱེད་འདས་པ་དང ། །ཉིན་ཕྱེད་ཅུང་ཟད་འདས་པ་དང ། །ལྷག་མ་ཁྲུ་གང་ཙམ་འདས་པར། །འདི་ཡི་དུས་སུའང་སྐྱེས་པ་ནི། །དག་པ་དང་ནི་རབ་དག་ཉིད། །པ་སངས་ཉིད་ཀྱིས་རབ་ཏུ་མཆོད། །པ་བ་སངས་ཀྱི་ཞིང་ཞེས་པ། །ལྷ་ཡི་རིགས་ཞེས་ཚངས་པར་སྤྱོད། །སེར་དང་དཀར་བའི་མདོག་དག་གི ། གཟའ་ཡིས་ཀྱང་ནི་རབ་ཏུ་བསྟེན། །དེས་ཞིང་རྟག་ཏུ་དགེ་བ་དང ། །ཆོས་ལྡན་མཆོག་ཏུ་བཟང་བ་ཡིན། །མི་ནི་དེ་ལ་སྐྱེས་གྱུར་པ། །ཡན་ལག་ཀུན་ཀྱང་ཤིན་ཏུ་མཛེས། །བརྩོན་འགྲུས་ཆེ་ཞིང་རྒྱལ་པོ་འདོད། །གཉེན་དང་བཤེས་ནི་བརྟན་པ་དང ། །ཚེ་རིང་ལོངས་སྤྱོད་ཆེ་བ་དང ། །དམའ་བའི་ཡུལ་ལ་ཡང་དག་བསྟེན། །ཤར་གྱི་ཕྱོགས་ལ་བརྟེན་ནས་ནི། །དེ་
229a
༄#། །དག་རྟག་ཏུ་སྐྱེ་བར་འགྱུར། །དེ་དག་མྱ་ངན་ཕྱོགས་སུ་ནི། །རྟག་ཏུ་སྐྱེ་བར་མི་འགྱུར་ཏེ། །ཉ་ནི་ཐང་ལ་ཡོངས་སྤྱོད་པར། །ནམ་ཡང་སྣང་བ་མ་ཡིན་ནོ། །དྲང་སྲོང་རྣམས་ཀྱི་ཆུ་གནས་དང ། །ཆུ་བོ་དག་ཏུ་འཕེལ་བར་འགྱུར། །དེ་ལ་སྐྱེ་བ་རབ་བརྟན་པ། །ཁྱིམ་ཉིད་དུ་ནི་རབ་ཏུ་བསྟན། །མི་ནི་དེ་དག་ལས་སྐྱེས་པ། །དམའ་བའི་ཡུལ་དུ་རྣམ་པར་འཕེལ། །རྟག་ཏུ་ཤར་གྱི་ཕྱོགས་གནས་པའི། །ས་བདག་སྐལ་བ་ཆེན་པོར་འགྱུར། །ཕུར་བུ་དང་ནི་སྤེན་པ་དག། གཟའ་མཆོག་གི་ནི་མངོན་པར་བལྟས། །ཤར་གྱི་ཕྱོགས་ཀྱི་བདག་པོ་བྱེད། །དེ་དག་ལས་སྐྱེས་ཐེ་ཚོམ་མེད། །ཁྱིམ་ནི་རྣམ་པ་མང་པོ་དང ། །རྒྱུ་སྐར་དུ་མ་གསུངས་པ་ཡང ། །རྣམ་པ་སྣ་ཚོགས་གཟའ་མཆོག་ཀྱང ། །སྔོན་གྱི་དུས་ཡིན་ད་ལྟར་མིན། །མི་རྣམས་དེ་ལས་སྐྱེས་པ་ཡང ། །དེ་བཞིན་ཚེས་གྲངས་བཅོ་ལྔ་དང ། །ཉིན་ཞག་སུམ་ཅུ་དག་ཉིད་དེ། །དེས་ན་ཟླ་བར་རབ་ཏུ་བསྟན། །ཟླ་ཕྱེད་ཉིན་མཚན་བཅོ་ལྔ་སྟེ། །ཟླ་ཕྱེད་གཉིས་ལ་ཟླ་བར་བརྗོད། །དེས་ན་ཟླ་བ་བཅུ་གཉིས་ལ། །ལོ་གཅིག་ཏུ་ནི་རབ་ཏུ་བསྒྲགས། །འདི་ཙམ་དུས་ཀྱི་ཚོད་ལ་ནི། །དུས་ཀྱི་ཐ་མར་ཡོངས་སུ་བརྟགས། །རྩོད་པའི་དུས་སུ་ཕྱིན་པ་ན། །འདི་ཡི་གྲངས་སུ་རབ་ཏུ་བསྟན། །མི་རྣམས་ཚེ་ནི་དེ་བཞིན་དུ། །ལོ་བརྒྱ་དག་ཏུ་བསྒྲགས་པ་ཡིན། །དེ་དག་ལོ་ཚིགས་ཕྱིན་
229b
\?\། །དུས་ནི་དྲུག་ཏུ་རབ་ཏུ་བརྗོད། །དང་པོ་བར་དང་ཐ་མར་ནི། །དེ་དག་གསུམ་དུ་རབ་ཏུ་བསྟན། །ལྷ་མཚམས་ལ་ནི་ས་འགུལ་ན། །མི་རྣམས་འདིར་ནི་ཚེ་རིང་འགྱུར། །དེ་དག་མི་ཡི་འཇིག་རྟེན་འདིར། །སྐྱེ་ཞིང་འཕེལ་བར་འགྱུར་བ་ཡིན། །མི་མ་ཡིན་པ་འཇིག་རྟེན་འདིར། །ཕན་ཚུན་དུ་ནི་འབྱེར་བར་འགྱུར། །དེ་དག་རྣམ་སྐྲག་འཇིགས་པ་དང ། །ཕན་ཚུན་དུ་ནི་རྣམ་པར་རྒྱུ། །ལྷ་དང་ལྷ་མིན་གཙོ་བོ་ནི། །གང་ཚེ་འཐབ་པར་རབ་འཇུག་པ། །དེ་ཚེ་མི་ཡི་འཇིག་རྟེན་འདིར། །ནད་ནི་འབྱུང་བར་བྱེད་པ་ཡིན། །མཇུག་རིང་ལས་དང་སྐར་མདའ་དང ། །གནམ་ལྕགས་དང་ནི་རྡོ་རྗེ་དང ། །དུད་པ་ཕྱོགས་ནི་མཐའ་དག་ཏུ། །དུ་བ་མཇུག་རིང་རབ་ཏུ་སྣང ། །ཟླ་བ་ཉི་མའི་དཀྱིལ་འཁོར་ལ། །མུན་ནག་གིས་ནི་ཁེབས་པར་གནས། ། ཉི་ཟླ་རྫུ་འཕྲུལ་ཆེན་པོ་དག། བུག་པ་ཡོད་པར་སྣང་བ་དང ། །དེ་ལྟར་རྣམ་པ་སྣ་ཚོགས་པ། །རྣམ་མང་ཡང་ནི་སྣང་འགྱུར་ན། །མུ་གེ་ཚེ་ནི་ཉམས་པ་དང ། །དེ་བཞིན་ཡུལ་འཁོར་འཇིག་པ་དང ། །མི་ཡི་བདག་པོ་འཆི་བ་དང ། །སྡོམ་བརྩོན་འཇིགས་པ་ཆེན་པོ་འབྱུང ། །འཇིག་རྟེན་དག་ནི་ཐམས་ཅད་ལ། །དེར་ནི་འཇིགས་སུ་རུང་བ་འབྱུང ། །མཆུ་དང་ཐ་སྐར་དག་དང་ནི། །ནབ་སོ་ལ་ནི་ས་འགུལ་ན། །དེ་ཚེ་དབུས་ཀྱི་ཡུལ་དག་ཏུ། །རྐུན་\?\་མ་བ་བཅོལ་བྱེད་ལ་གནོད། །ལྷོ་མི་ཕྱོགས་ལ་གནས་པ་ཡི། །རྒྱལ་པོ་ཆེན་པོ་རྣམ་པར་
230a
༄#། །འཇིག། བྲ་ཉེ་སྨིན་དྲུག་ཉིད་དང་ནི། །གང་ཚེ་སྣར་མ་དང་ནི་མགོ་།འགུལ་ན་འཇིག་རྟེན་འཇིགས་པ་ཆེ། །དེ་ལ་དོགས་པ་རབ་ཏུ་འབྱུང ། །ནུབ་ཕྱོགས་ན་ནི་གནས་པ་ཡི། །དེ་ཚེ་རྒྱལ་པོ་འཆི་བར་འགྱུར། །གང་ཡང་མཐའ་འཁོབ་གནས་པ་ཡི། །ཀླ་ཀློ་རྐུ་བས་འཚོ་བྱེད་དང ། །དེ་བཞིན་འབིགས་བྱེད་སྟེང་གནས་དང ། །ནང་དུ་མི་ཡི་དབང་ཕྱུག་གནས། །དེ་ཡང་དེ་ཡི་དུས་དག་ཏུ། །ནད་ཀྱིས་བརྒྱལ་ཞིང་གནོད་པར་འགྱུར། །དེ་དག་ལ་ནི་དགྲ་རྣམས་འབྱུང ། །གཅིག་ལ་གཅིག་ནི་ཡུལ་འཕྲོག་འགྱུར། །རྒྱུ་སྐར་ལག་དང་རྒྱལ་དང་ནི། །སྐག་དང་དེ་བཞིན་གྲེ་དང་དབོ། །འདི་དག་ལ་ནི་ས་འགུལ་ན། །མི་བདག་ཀུན་ནི་མི་མཐུན་ནས། །ཕན་ཚུན་གནོད་པ་བྱེད་འགྱུར་བ།། གསོད་དང་འཆིང་དང་གནོད་པ་དང ། །མུ་གེ་དག་ཀྱང་རབ་ཏུ་འབྱུང ། །མེ་བཞི་ནག་པས་རི་དང ། །དེ་བཞིན་ལྷ་མཚམས་སྣརོན་ཉིད་ལ། །སྣོད་ཀྱི་འཇིག་རྟེན་སར་གྱུར་པ། ། འདི་ལ་གང་ཚེ་འགུལ་འགྱུར་ན། །ཁ་བ་ཅན་གནས་ཀླ་ཀློ་དང ། །རྐུན་མ་ཀུན་ནས་གནས་པ་དང ། །བལ་ཡུལ་གྱི་ནི་བདག་པོ་དང ། །ཁ་ཤའི་ལུང་པར་གནས་པ་ཡི། །དེར་ནི་མི་བདག་མ་ལུས་པ། །ཕན་ཚུན་དུ་ནི་མི་མཐུན་ནས། །ཐམས་ཅད་གཡུལ་ལ་སྤྱོད་འགྱུར་བར། །འདིར་ནི་ཐེ་ཚོམ་མེད་པ་ཡིན། །རྒྱུ་སྐར་གང་ཡིན་སྣརུབས་དང་ནི། །ཆུ་
230b
ནི་སྟོད་སྨད་གཉི་ག་ལ། །ས་ཡི་སྟེང་དུ་འགུལ་བར་ནི། །འདི་དག་ལ་ནི་རབ་མཐོང་ན། །ཤར་གྱི་ཕྱོགས་ཀྱི་མི་རྣམས་དང ། །བན་དྲ་ཨོ་དྲ་ཀཱ་མ་རུ། །བྷངྒ་ལ་བདག་རྒྱལ་པོ་ནི། །འཆི་བ་འདི་ལ་ཐེ་ཚོམ་མེད། །གཽ་ཌཱའི་བདག་པོ་དཔལ་དང་ལྡན། །ཡུལ་འཁོར་གཞན་གྱིས་ཡོངས་བསྐོར་བའམ། །འཕྲལ་ལ་ན་བར་གྱུར་པ་དང ། །ལ་ལར་ཡང་ན་འཆི་བར་འགྱུར། ། འཇིག་རྟེན་རྒྱ་མཚོའི་ངོགས་གནས་དང ། །གང་གཱའི་འགྲམ་དུ་ཡང་དག་གནས། །ཆུ་ཡིས་ཐམས་ཅད་ཁྱེར་བའམ། །ནད་རྣམས་མང་པོ་ཀུན་ནོན་བྱེད། །གྲོ་བཞིན་དང་ནི་མོན་གྲུ་དང ། །མོན་གྲེ་དང་ནི་ཆུ་སྟོད་དང ། །དེ་བཞིན་དུ་ནི་ཆུ་སྨད་དང ། །གལ་ཏེ་ནམ་གྲུ་ལས་སྐྱེས་པ། །རབ་ཏུ་འགུལ་བ་ཉིན་བྱེད་ལ། །སྣོད་ཀྱི་འཇིག་རྟེན་ཡང་དག་འགུལ། །ས་རྣམས་ཐམས་ཅད་རབ་འགུལ་བ། །རི་བོ་དང་ནི་གནས་སུ་བཅས། །རྟག་ཏུ་ནམ་མཁའ་ལ་སྣང་བ། །འཕར་ཞིང་འོག་ཏུ་འབྱུང་བྱེད་ན། །བྱང་ཕྱོགས་ཀྱི་ནི་ཡུལ་དག་དང ། །ནུབ་ཕྱོགས་ལ་ནི་ཡང་དག་གནས། །ལྷོ་ཡི་ཕྱོགས་ནི་ཐམས་ཅད་དང ། །ཕྱོགས་རྣམས་ཀུན་ལ་གནས་བྱེད་པའི། །མི་མཆོག་ས་ནི་མང་སྤྱོད་པ། །ཕན་ཚུན་དུ་ནི་གནོད་པ་བྱེད། །སེམས་ཅན་རྣམས་ནི་གནོད་ཆེན་ལྡན། །མུ་གེས་ཡུལ་འཁོར་འབྱེར་བར་འགྱུར། །ཐོ་རངས་ས་ནི་འགུལ་གྱུར་ན། །ལུས་ཅན་ཤིས་དང་ཞི་བར་འགྱུར། །དེ་ལས་ཅུང་ཟད་ཕྱི་དུས་ན། །དྲག་པོའི་འགུ་
231a
༄#། །བ་རབ་ཏུ་སྐྱེ། །དེ་ནས་ཅུང་ཟད་ཕྱིས་འགུལ་ན། །ཡུལ་ནི་མ་ག་དྷར་གནོད་དང ། །ངྒའི་ཡུལ་དུ་གནོད་འགྱུར་ཏེ། །མ་ག་དྷ་རྒྱལ་དེ་བཞིན་ནོ། །དེ་ནས་ཅུང་ཟད་ཉིན་ཕྱེད་དམ། །ཕྱི་དྲོའི་དུས་སུ་གྱུར་པ་ན། །གལ་ཏེ་ས་ནི་འགུལ་བར་གྱུར། །ས་སྟེང་མ་ལུས་ཉིད་དག་གི་།རབ་ཏུ་བྱུང་བ་ཐམས་ཅད་ལ། །རྟག་ཏུ་ནད་ནི་འབྱུང་བ་ཐོབ།། རིམས་དང་ཡི་ག་འཆུས་དང་གཟེར། །དེ་བཞིན་ནད་ནི་འབྲུམ་བུ་ཡིས། །ཞག་བདུན་བཏབ་པར་གྱུར་ནས་ནི། །དེ་ནས་དེ་དག་སོས་པར་འགྱུར། །དེ་ནས་ཉི་མ་ཡང་འདས་ནས། །ས་ནི་གལ་ཏེ་འགུལ་གྱུར་ན། །རིགས་བཞི་དག་གི་མཆོག་གྱུར་པ། །བྲམ་ཟེ་རྩཝ་ནི་སོ་མ་འཐུང ། །ཉོན་མོངས་རྒྱལ་པོའི་བློན་པོ་ནི། །འཆི་བར་འགྱུར་བར་ཐེ་ཚོམ་མེད། །མདུན་ན་འདོན་ནི་ཆོས་དང་ལྡན། །བློན་པོའམ་ཞམ་འབྲིང་བྱེད་པ་ན། །གཞན་ཡང་སྡོམ་ཅན་གཙོ་བོ་ནི། །སྔགས་རྒྱུད་དོན་ལ་མཁས་པ་དང ། །བྲམ་ཟེ་དང་ནི་རྒྱལ་རིགས་དང ། །དེ་བཞིན་དམངས་རིགས་རྗེའུའི་རིགས། །བརྟན་པ་མཁས་པ་དག་དང་ནི། །བསྟན་བཅོས་དེ་ཉིད་དོན་ལུགས་ལྡན། །གསོད་དང་རབ་ཏུ་ཉམས་པའམ། ། དྲན་ལྡན་ཐོས་དང་དེ་ཉིད་ཤེས། །སྔོན་བྱུང་བ་ནི་སེམས་པ་དག། མྱུར་དུ་ནད་ཀྱིས་འཇིགས་འགྱུར་ཏེ། །གནམ་ལྕགས་རྡོ་རྗེས་ཤིང་ལ་བཞིན། །དེ་ནས་ཉི་མ་ནུབ་པ་ན།།
231b
དེ་ནས་ཡང་ནི་སོང་བ་ན། །ཕྱི་དྲོ་དུས་ཀྱི་མཐའ་ལ་ནི། །གལ་ཏེ་ས་ནི་རབ་ཏུ་འགུལ། །དེ་བཞིན་སེམས་ཅན་འདྲེས་པ་དང ། །དུད་འགྲོ་དག་གི་འགྲོ་བ་དང ། །མི་ཡི་འཇིག་རྟེན་གཙོ་བོ་དག། དེ་ཚེ་འགུམ་དང་རྣམ་པར་འཇིག། མཚན་མོའི་ཐུན་ནི་དང་པོ་ལ། །གལ་ཏེ་ས་ནི་འགུལ་འགྱུར་ན། །སེམས་ཅན་འདྲེས་པ་སྣ་ཚོགས་དང ། །དུད་འགྲོའི་སྐྱེ་གནས་རྣམས་སུ་ནི། །མི་ནི་འཇིག་རྟེན་གཙོ་རྣམས་སུ། །ཆར་ཆེན་རབ་ཏུ་འབྱུང་བར་འགྱུར། །ཅུང་ཟད་ཐུན་དེ་བྲི་གྱུར་ལ། །ས་ནི་འགུལ་བར་གྱུར་པ་ཡི། །དེ་ཚེ་རྟགས་དེ་སྣང་གྱུར་ན། །རླུང་དང་ཆར་པའི་འཇིགས་ཆེན་འབྱུང ། །དེ་ནས་ཐུན་དེ་ཟད་པའི་མཐར། །འགུལ་སྣང་ལས་ནི་མི་བཟད་པ། །ནུབ་ཕྱོགས་མི་ཡི་བདག་པོ་ཡི། །ཕ་རོལ་དམག་ཚོགས་འབྱུང་བར་ཤེས། །ཐུན་ནི་གཉིས་པ་དང་པོ་ལ། །གལ་ཏེ་ས་ནི་འགུལ་འབྱུང་གྱུར། །གཞན་གྱི་དམག་ཚོགས་ནད་དང་འཆི། །ཁོང་པའི་ནད་ནི་མི་བཟད་འབྱུང་།། མཁྲིས་པ་བད་ཀན་ལས་གྱུར་ནད། །སྐྱེ་བོ་རྣམས་ལ་འབྱུང་བར་འགྱུར། །འབྱུང་པོ་རྣམས་ནི་སྐྱོ་འགྱུར་ཞིང ། །དེ་ཚེ་ཕྱོགས་དང་ཕྱོགས་སུ་འགྲོ། དེ་ནས་གཉིས་པའི་ཐུན་དཀྱིལ་དུ། །ས་ནི་རབ་ཏུ་འགུལ་བྱུང་ན། །རླུང་ཆེན་འབྱུང་བ་ཤེས་བྱ་སྟེ། །ཤིང་དང་ལྷ་ཁང་འགྱེལ་བར་འགྱུར། །ཡང་ཐོག་ར་བ་ནི་རྣམས་ཀྱི། །རྩེ་མོ་འཇིགས་པར་ཐེ་
232a
༄#། །ཚོམ་མེད། །གནས་དང་འདུག་གནས་བཟང་པོ་དང ། །ཁང་པ་དང་ནི་རྟ་བབས་དང ། །དུད་འགྲོ་རྣམས་ཀྱི་འདུག་གནས་ཀྱང ། །ས་ལ་མྱུར་དུ་ལྟུང་བར་འགྱུར། །དེ་ནས་མཚན་ཕྱེད་དུས་དག་ཏུ། །གལ་ཏེ་ས་ནི་འགུལ་བ་བྱུང ། །དེ་ཚེ་ཤར་ཕྱོགས་ཡུལ་གྱི་བདག་།མི་མཆོག་གཙོ་བོ་འཆི་བའམ། །དེ་བུ་འཆི་བར་འགྱུར་བའམ།། མུ་གེ་འབྱུང་བར་རབ་ཏུ་སྟོན། །བར་མའི་ཐུན་ནི་བྲི་གྱུར་ནས། །ཐ་མར་ཉེ་ལ་འགུལ་བ་བྱུང ། །ས་རྣམས་དག་ནི་མ་ལུས་ལ། །ཞི་ཞིང་ནད་མེད་ངེས་པར་སྟོན། །དེ་ནས་མཚན་ཕྱེད་མཐར་གྱུར་ལ། །གལ་ཏེ་ས་ནི་འགུལ་བར་སྣང ། །གཤེར་ཆེན་ཡུལ་གྱི་དབུས་དག་ཏུ། །མི་ཡི་བདག་པོ་ནད་ཀྱིས་གནོད། །ཕན་ཚུན་མི་མཐུན་གྱུར་ནས་ནི། །སྡུག་བསྔལ་མི་བཟད་འཆི་བར་འགྱུར། །ཐུན་ནི་གསུམ་པར་ཕྱིན་ནས་འགུལ། །བྱིས་པ་རྣམས་ལ་བདེ་བ་འབྱུང ། །སྦྲང་བུ་ཤ་སྤྲང་ཕྱེ་ལེབ་དང ། །རྐུན་པོ་རྣམས་ནི་འཇིག་པར་འགྱུར། །ཐོ་རངས་འགུལ་བར་གྱུར་ན་ནི། །ཚེ་རིང་ནད་མེད་ལོ་ལེགས་བྱེད། །གྲོང་ཁྱེར་གྱི་ནི་ཁོར་ཡུག་དག་།མེ་ཡིས་ཚིག་པར་ཤེས་པར་བྱ། །ཉི་མ་འཆར་བའི་དུས་དག་ཏུ། །ས་ནི་རབ་ཏུ་འགུལ་པ་བྱུང ། །དབུས་ཀྱི་ཡུལ་ནི་ཐམས་ཅད་དུ། །རྐུན་མས་རྣམ་པར་འཚེ་བར་འགྱུར། །དེ་ཚེ་ཞག་ནི་བདུན་དག་ལས། །རྒྱལ་པོ་འཆི་བར་སྣང་བ་ཡིན།།
232b
གང་དུ་སྟོབས་ནི་རབ་ཆེ་བ། །ས་ནི་འགུལ་བར་གྱུར་པ་ཡིན། །དེ་ཚེ་གནས་ནི་དེ་དག་ཏུ། །དགེ་དང་མི་དགེའི་སྦྱོར་བ་སྣང ། །སྐར་མདའ་གནམ་གྲུམ་ས་འགུལ་ནི། །སྐར་མདའ་དཀར་པོ་འབར་འགྱུར་ན། །དེས་ནི་སྔར་བསྟན་སེལ་བར་བྱེད། །དེ་བཞིན་དཀར་མདོག་རྟག་ཏུ་ནི། །དགེ་ཞིང་རབ་ཏུ་བསྔགས་པ་ཡིན། །མི་བཟད་ཆེན་པོ་ཁ་དོག་དམར། །མེ་ཡིས་ཚིག་པར་ཉེ་བར་སྟོན། །དུད་ཀའི་མདོག་ནག་ནག་པོ་ནི། །རྒྱལ་པོ་འཆི་བར་སྟོན་པ་ཡིན། །སེར་བའམ་ཡང་ན་སེར་སྐྱ་འམ། །འདྲེས་པའི་མཆོག་ནི་སྣང་གྱུར་ན། །དེ་ཆེ་འབྲེས་པའི་ལས་འགྱུར་བ། །སྐར་མདའ་ལྟུང་བས་རྣམ་པར་སྟོན། །གནམ་གྲུམ་ཉིད་དུ་བསྟན་པ་ནི། །གར་འབྱུང་དེ་ནི་སྟོན་པ་སྟེ། །གལ་ཏེ་དབུས་ན་དེ་ཚེ་དབུས། །ཡུལ་ཉིད་དུ་ནི་རབ་ཏུ་བསྟན། །སྒྲ་བརྙན་སྙན་པ་བྱུང་ན་ནི། །བདེ་ཞིང་ནད་མེད་སྟོན་པར་བྱེད། །མ་རུངས་མི་བཟད་འཇིག་རྟེན་དུ། །རྔ་སྒྲ་ཡིས་ནི་དགེ་བ་སྦྱིན། །འཇིགས་དང་ཤིན་ཏུ་འཇིགས་རུང་སྒྲ། །དེར་ནི་མུ་གེ་སྟན་པ་ཡིན། །དེ་ལ་སོགས་པར་སྦྱོར་བ་ནི། །རྟག་ཏུ་གཟའ་རྣམས་འདོད་པ་ཡིན། །རྒྱུ་སྐར་འདི་དག་མཐོང་བ་ལ། །གྲུབ་པའི་ལས་ནི་དེ་ཚེ་བྱ། །ཐ་སྐར་སྣར་མ་ཉིད་དང་ནི། །རྒྱལ་དང་ཁྲུམས་ནི་སྟོད་སྨད་གཉིས། །ནམ་གྲུ་དང་ནི་ལྷ་མཚམས་དག་།བཟླས་པའི་དུས་སུ་རབ་ཏུ་བསྔགས། །འདི་དག་ལ་ནི་སྔགས་
233a
༄#། །རྣམས་འགྲུབ། །གྲུབ་པའི་དོན་ཡང་སྟེར་བར་བྱེད། །སྐར་མ་དག་ནི་འདི་དག་ལ། །དཀྱིལ་འཁོར་ཉིད་ཀྱང་བྲི་བར་བྱ། །གཟའ་ཡི་རེས་ཀྱི་གཙོ་བོ་ནི། །སེར་དང་དཀར་བར་སྣང་བ་ཡིན། །ཚེས་ནི་འདི་དག་ལ་དགེ་སྟེ། །རྟག་ཏུ་ཟླ་བ་ཉ་བ་ཡིན། །ཡུལ་གཞན་དག་ཏུ་འགྲོ་བྱེད་དང ། །དཀྱིལ་འཁོར་དག་ཀྱང་བྲི་བར་བྱ། །དང་པོ་གསུམ་པ་ལྔ་པ་དང ། །བཅུ་པ་དང་ནི་བདུན་པ་དང ། །བཅུ་གསུམ་པ་ལ་ཅི་བདེ་བར། །མི་ཡི་བདག་བོ་འགྲོ་བར་བརྟག། སྐྱེ་བོ་ཀུན་ལ་དགེ་བ་སྦྱིན། །ཆགས་ཤིང་འགྲོ་བར་རབ་ཏུ་བསྔགས།། དཀྱིལ་འཁོར་གྱི་ནི་སྔགས་རྒྱུད་དག། སྔགས་རྣམས་ཐམས་ཅད་མི་བྲི་འོ། །འདི་དག་ལ་ནི་སྔགས་མི་འགྲུབ། །བགེགས་ཀྱི་རྒྱུར་ནི་བསྟན་པ་ཡིན། །འགྲོ་དང་སྦྱིན་སྲེག་གྲུབ་པ་ལ། །ཚེས་གྲངས་གཟའ་ནི་དམ་པར་ལྡན། །ཕུར་བུ་པ་སངས་ཟླ་བ་དང ། །གཟའ་ལྷག་མཆོག་ནི་ལས་ཀུན་ལ། །གཟའ་མཆོག་འདི་དག་རྟག་ཏུ་ནི། །བཞི་པོ་ཚེས་དང་ལྡན་པ་ནི། །ས་སྟེང་འཇིག་རྟེན་ཀུན་ཏུ་ནི། །འགྲོ་བའི་ལས་ནི་གྲུབ་པར་བྱེད། །མ་རུངས་འཆི་ལྟས་བྲལ་བ་ཡི། །ཉི་མ་ལ་ནི་བརྟག་པར་བྱ། །ཡུད་ཙམ་བཅུ་གཉིས་ཁོ་ན་ནི། །དེ་ཡི་དུས་སུ་རབ་ཏུ་སྦྱར། །དཀར་དང་བྱམས་ལྡན་ཉིད་དང་ནི། །མིག་དམར་དུ་ཡང་རབ་ཏུ་བསྟན། །དྲག་བོ་དབང་ཆེན་དག་པ་དང ། །བྱི་བཞིན་ཉིད་དང་ལེགས་
233b
མཛེས་དང ། །འཁོར་དང་འཁོར་བར་བྱེད་པ་ཉིད། །དགེ་བ་སྦྱིན་ཞེས་བསྟན་པ་ཡིན། །ཟླ་བ་མཆོག་ནི་སྦྱིན་པ་ཉིད། །འདི་དག་བཅུ་གཉིས་མཚན་ཉིད་ཡིན། །ཡུད་ཙམ་དག་ཏུ་བསྟན་པ་ནི། །ཉིན་ཞག་སུམ་ཅུ་ཉིད་ལ་འོ། །བཅུ་པ་ཆར་ནི་འབབ་འགྱུར་ཏེ། །བཅུ་བཞི་པ་ནི་ཡུལ་འཁོར་འཇིག། བརྒྱད་པ་བཅུ་གཉིས་པ་ཉིད་དང ། །བཞི་པ་ཉིད་ནི་སྤང་བར་བྱ། །མྱུར་ལ་སོགས་པའི་གྲངས་དང་ལྡན། །མར་ངོ་ལ་ནི་མཚན་མོ་ཡིན། །ལྷག་མ་བགེགས་ནི་བྱེད་པ་ཡང ། །ལོག་འདྲེན་ཡིན་ཏེ་བཞི་པའོ། །འདི་དག་གྲངས་ནི་ལྡན་པ་ལ། །དུས་འདི་དག་ཏུ་རབ་ཏུ་བསྟན། །མིག་ནི་འབྱེད་དང་འཛུམས་པ་དང ། །སེ་གོལ་མྱུར་བའི་འགྲོས་འདི་ནི། །འདི་དག་དུས་ཀྱི་ཚད་དག་ནི། །རྒྱ་ཆེར་ཡང་ནི་བསྟན་པར་བྱ།། སེ་གོལ་བརྒྱ་ཡི་ཚོགས་དག་ལ། །རྩ་རྒྱུན་གཅིག་ཏུ་བསྟན་པ་ཡིན། །རྩ་རྒྱུན་བཞི་ལ་ཆུ་ཚོད་བསྟན། །ཆུ་ཚོད་བཞི་ལ་ཐུན་ཞེས་བྱ། །ཐུན་བཞི་ལ་ནི་ཉིན་པར་ཏེ། །མཚན་མོ་དག་ཀྱང་དེ་བཞིན་བསྟན། །དེ་ལྟར་བརྒྱད་དང་ལྡན་པ་ལ། །ཉིན་མཚན་དུ་ནི་རབ་ཏུ་བརྟགས། །མིག་གི་འབྱེད་འཛུམས་བཅུ་ལ་ནི། །སྐད་ཅིག་ཙམ་དུ་རབ་ཏུ་བརྟགས། སྐད་ཅིག་བཅུ་ཞེས་བཤད་པ་ནི། །ཡུད་ཙམ་དུ་ནི་ཡོངས་སུ་བརྟགས། །ཡུད་ཙམ་བཞི་ལ་ཐུན་གཅིག་ཅེས། །སྔགས་རིག་པས་ནི་ཡོངས་སུ་བརྟགས། །འདི་ཙམ་དུས་ཀྱི་ཚད་ལ་ནི། །
234a
༄#། །གསུམ་གྱི་གྲངས་སུ་ཡོངས་སུ་བརྟགས། །སྦྱིན་སྲེག་དུས་དང་བཟླས་པ་ཡི། །གྲུབ་པའི་དུས་དང་སྦྱར་བར་བྱ། །ཉལ་བའི་དུས་དང་མི་ཉལ་དང ། །རྟག་ཏུ་ཉིན་ཞག་ཕྲུགས་བཏུངས་ལ། །ཉིན་དང་མཚན་ནི་ཉི་མ་ཞེས། །དེ་ལྟར་མིང་ནི་འཇུག་པ་ཡིན། །ཉི་མ་བཅོ་ལྔ་ཉིད་ལ་ནི། །ཟླ་བ་ཕྱེད་དུ་རབ་ཏུ་བསྟན། །ཟླ་ཕྱེད་གཉིས་ལ་ཟླ་བ་ཞེས། ། རྩིས་ཤེས་འཇིགས་པ་མེད་པས་བསྟན། །དེ་བཞིན་ཟླ་བ་ཟླ་དྲུག་གིས། །སྒྲ་གཅན་གྱིས་ཀྱང་འཛིན་པ་ཡིན། །དེ་ནས་ཟླ་བ་བཅུ་གཉིས་ལ། །ལོ་ཡི་སྒྲར་ནི་རབ་ཏུ་བསྒྲགས། ། དེ་ནས་ལོ་ནི་བཅུ་གཉིས་ལ། །ལོ་ཆེན་ཞེས་ནི་དེ་ལ་བྱ། །གཟའ་དང་རྒྱུ་སྐར་ཕྱིན་ཅི་ལོག། ལྷ་མིན་དབང་པོ་ཐམས་ཅད་ཀྱང ། །དེ་ནས་ལོ་ནི་བཅུ་གཉིས་ལ། །འདིར་ནི་དགེ་དང་མི་དགེ་བྱེད། །གང་ཚེ་ཡང་ངོར་ལྷ་མིན་དབང ། །སྒྲ་གཅན་རབ་ཏུ་སྣང་འགྱུར་ཞིང ། །ཟླ་བ་ཉི་མའི་དཀྱིལ་འཁོར་ནི། །མ་ལུས་རབ་ཏུ་ཟིན་གྱུར་ན། །མཚོན་གྱི་ཚོགས་ནི་ཆེན་པོ་ཡང ། །ས་ཡི་སྟེང་དུ་སྣང་བར་འགྱུར། །དེ་ལ་སོགས་པ་ཆེན་པོ་ནི། །དུས་དང་དུས་སུ་རབ་སྦྱོར་འགྱུར། །རྣམ་པ་དུ་མ་མང་པོ་ཡི། །བགེགས་ནི་མི་བཟད་སྣང་བར་འགྱུར། །དུས་ཀྱི་ཐ་མར་ཕྱིན་པ་ན། །འཇིག་རྟེན་སྣོད་ནི་ཆོས་མིན་ལ། །རྒྱུ་སྐར་སྣུབས་ལ་གནས་པ་ལ། །ཟླ་བ་མ་ལུས་འཛིན་འགྱུར་ཞིང ། །མཚན་མོ་མ་ལུས་འཛིན་
234b
པ་ཉིད། །ཟླ་བ་འཛིན་པ་ནུབ་བཞིན་དང ། །གལ་ཏེ་ཉི་མ་ཉིན་པར་ནི། །ནུབ་བཞིན་དུ་ནི་འཛིན་གྱུར་དང ། །ཉི་མ་དང་ནི་ཟླ་བ་ཉིད། །མཚན་ཕྱེད་དག་ཏུ་གཟུང་གྱུར་ནས། །ལྷ་མིན་དབང་པོའི་གྲིབ་མ་ཡིས། །གལ་ཏེ་འཇིགས་ཤིང་ནུབ་གྱུར་ན། །ཤར་ཕྱོགས་གནས་པའི་རྒྱལ་པོ་ནི། །སྡང་བས་གསོད་པར་ཐེ་ཚོམ་མེད། །རང་ཉིད་འཆི་བའི་འཇིགས་པས་སམ། ། གཞན་གྱིས་དེ་ནི་གསོད་པར་འགྱུར། །ཀླ་ཀློ་ཡི་ནི་བདག་པོ་ཉིད། །ཤར་ཕྱོགས་སུ་ནི་གསོད་པར་བྱེད། །ོ་ཌའི་ཡུལ་གྱི་མི་རྣམས་དང ། །དེ་ཚེ་རྡོ་རྗེ་ཞེས་བདག་ཀྱང ། །གལ་ཏེ་ཐ་སྐར་སྣར་མ་དང ། །དེ་བཞིན་དུ་ནི་བྲ་ཉེ་དང ། །སྨིན་དྲུག་དག་ལ་ཉི་ཟླ་ནི། །གང་ཚེ་འཛིན་པར་སྣང་གྱུར་ན། །རྣམ་པ་སྣ་ཚོགས་བད་ཀན་དང ། །མཁྲིས་པ་དང་ནི་རླུང་གྱུར་དང ། །དེ་བཞིན་འདྲེས་པར་གྱུར་པ་ན། །གཞན་ཡང་ལུས་ཅན་ཀུན་ལ་འབྱུང ། །བྱིས་པ་དག་ནི་ཐམས་ཅད་ལ། །རྣམ་པ་དུ་མའི་ནད་རྣམས་འབྱུང ། །གལ་ཏེ་རྒྱུ་སྐར་མཆུ་དང་ནི། །གྲེ་དང་དེ་བཞིན་དབོ་ཉིད་དང ། །མེ་བཞི་ནག་པ་ས་རི་དང ། །ས་ག་དག་གི་རྒྱུ་སྐར་ནི། །དེ་ལ་ཉི་ཟླ་ཤར་བ་ན། །འཛིན་པར་ཐེ་ཚོམ་མེད་འགྱུར་ཞིང ། །ཉི་ཟླ་གཉིས་ནི་ཤར་ཕྱོགས་སུ། །སྒྲ་གཅན་གྱིས་ནི་ཟིན་གྱུར་ན། །ཤར་ཕྱོགས་མི་ཡི་བདག་པོ་དང ། །ལཱ་ཌ་ཡུལ་གྱི་བདག་པོ་དང ། །ངྒ་མ་ག་དྷ་རྒྱལ་པོ། །མིག་གི་ནད་ཀྱིས་འདེབས་པའམ། །བུ་རྣམས་འཆི་
235a
༄#། །བར་འགྱུར་བའམ། །དེ་རྣམས་འཆི་བས་ཉེར་འཇིགས་འགྱུར། །དགྲ་རྣམས་སྣང་བའི་སེམས་ལྡན་རྣམས། །ཚོགས་ཀྱང་དེ་ཚེ་འབྱུང་བར་འགྱུར། ། མགོ་དང་ལག་དང་ནབ་སོ་དང ། །དེ་བཞིན་རྒྱལ་དང་སྐག་ཉིད་དང ། །ཉི་མ་ཟླ་བ་འདི་དག་ལ། །སྒྲ་གཅན་གྱིས་ཟིན་སྣང་གྱུར་ན། །མ་ག་དྷཱ་རྒྱལ་གནོད་འགྱུར་ཞིང ། །དེ་བཞིན་ཡུལ་མི་དག་ལའང་གནོད། །བློན་པོ་ནད་འཇིགས་ཤེས་པར་བྱ། །འཆིང་དང་ཉོན་མོངས་གྲོང་ཁྱེར་འགྱུར། །ལྷ་མཚམས་དང་ནི་སྣརོན་དག་ལ། །སྒྲ་གཅན་གྱིས་ཟིན་ཀུན་ལ་སྣང ། །དེ་ཚེ་ནད་རྣམས་ཀུན་ཏུ་འགྲོ། ཡུལ་མི་ཀུན་ལའང་ནད་རྣམས་འབྱུང ། །གསོད་དང་འཆིང་དང་ཉོན་མོངས་དང ། །གནོད་པ་རྣམ་པ་དུ་མ་བྱུང ། །འཆིང་དང་གཞན་གྱི་དམག་ཚོགས་ནི། །སྐྱེ་བོའི་གཙོ་ལ་དེ་དག་སྐྱེ། །ཆུ་སྟོད་དང་ནི་གྲོ་བཞིན་དང ། །དེ་བཞིན་ཆུ་སྨད་ཁོ་ན་ལ། །ཉི་མའི་དཀྱིལ་འཁོར་དབུས་གནས་དང ། །ཟླ་བ་ལ་ནི་དམར་བར་སྣང ། །གཟའ་ནི་འཛིན་པར་སྣང་གྱུར་པ། །རྟག་ཏུ་མུ་གེ་འབྱུང་བར་འགྱུར། །གྲོ་བཞིན་མོན་གྲེའི་རྒྱུ་སྐར་དང ། །དེ་བཞིན་དུ་ནི་ཁྲུམས་སྟོད་དང ། །གང་ཚེ་མོ་ན་གྲུ་དག་ལ་ནི། །གལ་ཏེ་ཉི་ཟླ་གཟས་ཟིན་ཏེ། །གཟའ་ནི་བྱུང་བར་ཤེས་གྱུར་ན། །ཁ་དོག་ནག་པ་ལ་བརྟེན་ནས། །མྱ་ངན་ཆེན་པོ་ཉོན་མོངས་དང ། །མུ་གེ་ཀུན་
235b
ཏུ་འབྱུང་བར་ནི། །ཡུལ་མི་ཀུན་ལ་འབྱུང་བ་དང ། །རྒྱལ་པོ་རྐུན་མའི་འཇིགས་ཆེན་འབྱུང ། །ནམ་གྲུ་རྒྱུ་སྐར་ཉིད་དང་ནི། །གང་ཚེ་ཁྲུམས་སྨད་དག་ལ་ནི། །ཟླ་བ་ཉི་མའི་དཀྱིལ་འཁོར་དུ། ། ཤར་ནས་སྒྲ་གཅན་འཛིན་པ་ན། །ནུབ་ཕྱོགས་ནས་ནི་ཉི་མ་འཛིན། །མ་ག་དྷཱར་ནི་མི་ཡི་བདག། །སེམས་ཅན་རྒྱལ་པོའི་ཐབས་ཉམས་པར། །ཟླ་ཕྱེད་གཅིག་གིས་སྣང་བར་འགྱུར། །རྟག་ཏུ་སྒྲ་གཅན་འགྲོ་བ་ཡི། །མཚན་མ་འདི་དག་བསྟན་པ་ཡིན། །ཟླ་བ་ཉི་མའི་དཀྱིལ་འཁོར་གྱི། །ཕྱོགས་ནི་གང་ནས་ཟིན་གྱུར་པ། །དེ་དང་དེ་ཡི་ཕྱོགས་དག་ཏུ། །དགེ་དང་མི་དགེ་འབྱུང་བར་འགྱུར། །གང་ཉིད་ས་སྟེང་འགུལ་བ་ནི། །འཇིག་རྟེན་མཚན་མས་བསྟན་པ་དག། དགེ་དང་མི་དགེ་དེ་དང་དེར། །དེ་བཞིན་གཟས་ཟིན་ཤེས་པར་བྱ། །ཁུག་རྣ་སེར་བ་མཇུག་རིངས་ནི། །ཉི་མ་ལྔ་ཡི་བར་དུ་ཡོད། །དེ་འོག་འཇིག་རྟེན་སེམས་ལས་འབྱུང ། །ངོགས་ལ་སྤྱོད་ཅིང་གནས་པ་ཡིན། །ཡུལ་མི་ཐམས་ཅད་འཇིག་འགྱུར་ཞིང ། །ནད་ཀྱི་གཞི་ནི་འབྱུང་བ་ཡིན། །བྱང་ཕྱོགས་གང་གཱའི་འགྲམ་གྱི་ནི། །རྒྱལ་པོ་དག་ཀྱང་འཇིག་པར་འགྱུར། །དེ་བཞིན་ཁ་བ་ཅན་གྱི་དབུས། །བགྲོད་དཀའ་ཁྲད་ཁྲོད་ལ་གནས་དང ། །ས་ཡི་བདག་པོ་ལ་གནས་དང ། །ཁོར་ཡུག་ན་རྩེ་རྗེ་དང ། །བྱང་ཕྱོགས་གང་གཱའི་འགྲམ་དག་ན། །དེ་ཚེ་འགྲམ་སྤྱོད་བདག་པོ་དག། མྱ་ངན་གདུང་བ་དུ་མ་ཡིས། །སྐྱེ་བོའི་བདག་པོ་དེ་འཆིང་འགྱུར།
236a
༄#། །རྒྱུ་སྐར་གང་ལ་ས་འགུལ་བ། །དེ་ལ་ཁུག་རྣ་ཡང་དག་བསྟན། །ཕྱོགས་རྣམས་མ་ལུས་ཁུག་རྣ་ནི། །མི་བཟད་འོད་ནི་སྤངས་པ་དང ། །ཉིན་ཞག་ལྔ་ཡི་བར་དུ་ཡང ། །རྟག་ཏུ་ཉིན་ཞག་མང་པོར་ནི། །ཕན་ཚུན་ཆོས་ནི་མི་མཐོང་དང ། །མི་ཡི་སྤྱོད་ཡུལ་མཐོང་བ་མིན། །མི་རྣམས་དག་ནི་ཕན་ཚུན་དུ། །དེར་ནི་མཐོང་བར་འགྱུར་མ་ཡིན། །དེར་ནི་འཇིག་ཆེན་འབྱུང་བར་ཤེས། །རྒྱལ་པོ་ཡུལ་འཁོར་བཅས་ཏེ་འཇིག་།སྐར་མདའ་ཁོར་ཡུག་དག་ཏུ་ནི། །གང་དག་ལས་ཀྱིས་བྱུང་གྱུར་པ། །ཕྱོགས་ཀྱི་མཐར་ནི་རབ་སྣང་བ། །གཉིས་དང་གསུམ་ནི་མི་བཟད་ཡིན། །མཚན་མོ་དབང་པོའི་གཞུ་ཉིད་དང ། །བྱ་རོག་གལ་ཏེ་འདབ་མ་དཀར། །དཀར་བའམ་ཡང་ན་ཁ་དོག་ནག་།ཡང་ན་དཀར་དང་ནག་པར་མཐོང ། །ཕྱིན་ལོག་འདབ་ཆགས་ཁ་དོག་དང ། །ཕྱིན་ཅི་ལོག་གི་དུས་སྒྲ་དང ། །ཕྱིན་ཅི་ལོག་གི་བྱ་རྣམས་ཡོད། །གང་དུ་དེར་ནི་འཇིགས་ཆེན་འབྱུང ། །རྐང་གཉིས་རྐང་བ་བཞི་ཉིད་དང ། །རྐང་མེད་དང་ནི་རྐང་མང་དང ། །འདབ་ཆགས་དུད་འགྲོ་སྲོག་ཆགས་རྣམས། །ཕྱིན་ཅི་ལོག་འགྱུར་འཇིགས་ཆེན་འབྱུང ། །ཁྱི་ནི་གྱེན་དུ་གདོང་བལྟས་ཏེ། །ཡང་དང་ཡང་དུ་ཟུགས་འགྱུར་བ། །ཉིན་པར་རམ་ནི་མཚན་མོ་རུ། །གང་དུ་དེར་ནི་འཇིགས་ཆེན་འབྱུང ། །དེ་
236b
ལྟར་རྣམ་པ་དུ་མ་དང ། །རྣམ་མང་གང་དུ་རབ་བརྟགས་པ། །དེར་ནི་ཆར་མི་འབབ་པར་འགྱུར། །རྒྱལ་པོའི་ཚོགས་ཀྱང་རྣམ་པར་འཇིག་།ཇི་ལྟར་སྐྱེ་བའི་སྐར་མ་ནི། །དགེ་དང་མི་དགེའི་སྲོག་ཆགས་ཡིན། །དེ་བཞིན་མཚན་མ་གང་སྐྱེས་པ། །དགེ་དང་མི་དགེའི་བྱེད་པ་ཡིན། །སྔོན་གྱི་རྒྱུ་ནི་མ་ཡིན་པ། །རྒྱུ་མཚན་ཅུང་ཟད་མི་མཐོང་སྟེ། །རྒྱུ་མེད་རབ་ཏུ་འཇུག་བྱེད་པའི། །བགེགས་འབྱུང་བ་ནི་ཡོད་མ་ཡིན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། སྐར་མའི་དཔྱད་ཀྱི་རྒྱུ་མཚན་ཤེས་པའི་ལེའུ་རབ་འབྱམས་ལས་བཅོ་བརྒྱད་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། །གཞན་ཡང ། གཟའ་དང ། རྒྱུ་སྐར་དང ། སྐར་མ་དང ། སྐར་མཁན་གྱི་ཚོགས་རྣམས་ལ་བཀའ་སྩལ་པ། ཀྱེ་ཀྱེ་གཟའ་དང ། རྒྱུ་སྐར་གྱི་ཚོགས་ཁྱེད་ཅག་ཐམས་ཅད་ཉོན་ཅིག་།འཇམ་དཔལ་གཞོན་ནུར་གྱུར་པའི་ཆོ་གའི་རྒྱལ་པོ་འདི་ལས་འདའ་བར་མ་བྱེད་ཅིག་།སྔགས་དང ། རྒྱུད་དང ། དབང་བསྐུར་བ་དང ། དཀྱིལ་འཁོར་དང ། ཆོ་ག་རྣམས་དང ། བཟླས་པ་དང ། ངེས་པར་སྡོམ་པ་དང ། རིག་པ་སྒྲུབ་པ་ལ་འཇུག་བ་དང ། རིག་པ་འཛིན་བ་རྣམས་ཀྱི་ཆོ་ག་དང ། རྒྱུ་སྐར་གྱི་སྤྱོད་པ་དང ། རྩིས་མངོན་པར་ཤེས་པ་
237a
༄#། །རྣམས་ཀྱི་ཆོ་གའི་རྒྱལ་པོ་དེ་ལ་ཁྱེད་ཅག་རྣམས་ཀྱིས་དེར་བགེགས་མ་བྱེད་ཅིག། བསྟན་པ་ལ་རབ་ཏུ་ཞུགས་པ་རྣམས་ལ་ལྷའི་ཚོགས་ཐམས་ཅད་ཀྱིས་ཀྱང་དེ་ལ་སྲུང་བ་གྱིས་ཤིག། སེམས་ཅན་མ་རུངས་པ་ཐམས་ཅད་ཀྱང་དགག་པར་གྱིས་ཤིག། བསྟན་པར་གྱིས་ཤིག། ཐམས་ཅད་ཀྱི་ཐམས་ཅད་དུ་གསོད་པར་མ་བྱེད་ཅིག། སྟོབས་བཅུ་དང་ལྡན་པ་རྣམས་ཀྱི་བསྟན་པ་ལ་རྣམ་པར་གཞག་པར་གྱིས་ཤིག། དེ་ནས་བཅོམ་ལྡན་འདས་ཤཱཀྱ་ཐུབ་པས་སེམས་ཅན་ཐམས་ཅད་ཀྱི་མ་རུངས་པ་ཐམས་ཅད་བཟློག་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་མངོན་པར་འཕགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཤཱཀྱ་ཐུབ་པ་སྙོམས་པར་ཞུགས་མ་ཐག་ཏུ་ཕྱོགས་བཅུའི་འཇིག་རྟེན་གྱི་ཁམས་ན་རྣམ་པར་བཞུགས་པའི་དེ་བཞིན་གཤེགས་པ་ཐམས་ཅད་བཅོམ་ལྡན་འདས་ཤཱཀྱ་ཐུབ་པ་གནས་གཙང་མའི་གཞལ་མེད་ཁང་ན་བཞུགས་པ་ལ་རྣམ་པར་བལྟ་བའི་ཕྱིར་ཉེ་བར་ལྷགས་པར་གྱུར་ཏོ། །བསམ་གྱིས་མི་ཁྱབ་པའི་སངས་རྒྱས་ཉེ་བར་ལྷགས་པར་རང་གི་བྱིན་གྱིས་བརླབས་ཀྱིས་བཅོམ་ལྡན་འདས་ཤཱཀྱ་ཐུབ་པ་ལ་བོས་ཏེ། །གསུངས་ཤིག་གསུངས་ཤིག་དཔའ་བོ་ཆེ། །འཇིག་རྟེན་རྣམས་
237b
ལའང་ཕན་པའི་ཕྱིར། །སྔགས་རྒྱུད་ཆོ་ག་དི་ལྟ་བར། །སྔགས་རྣམས་ཀུན་ལ་རབ་འཇུག་ཕྱིར། །རིག་པའི་རྒྱལ་པོ་རྫུ་འཕྲུལ་ཆེ། །སངས་རྒྱས་ཀུན་གྱིས་གསུངས་པ་ཡི། །གཙོ་མཆོག་ཡི་གེ་གཅིག་པ་ནི། །དུས་ཉམས་རྩོད་པའི་དུས་དག་ཏུ། །སྔགས་རྣམས་ཀུན་གྱི་རབ་མཆོག་ནི། །སངས་རྒྱས་ཀུན་གྱིས་གསུངས་པ་ཡིན། །གཙུག་ཏོར་རྒྱལ་པོ་སྟོབས་པོ་ཆེ། །འབྱུང་པོ་ཀུན་ནི་ཟློག་པར་བྱེད། །གཟའ་དང་རྒྱུ་སྐར་མ་མོ་རྣམས། །མ་རུངས་སེམས་ལྡན་འགོག་པར་བྱེད། །འཇིག་རྟེན་བགེགས་རྣམས་ཇི་སྙེད་དང ། །དེ་བཞིན་གཞན་ཡང་གདུག་སེམས་ལྡན། །སེམས་ཅན་རྣམས་ནི་རྫས་གཟུང་དང ། །ཟློས་པ་རྣམས་ནི་བདེ་བྱའི་ཕྱིར། །བསྟན་པ་འདི་ལ་ཆོ་ག་མཆོག། སྟོབས་ཆེན་འཁོར་ལོས་བསྒྱུར་བ་ཡིན། །གཙུག་ཏོར་རྒྱལ་པོ་མཐུ་བོ་ཆེ། །ཀུན་ལ་དབང་ཕྱུག་དམ་པ་ནི། །གང་གི་དུས་ནི་འདི་ཡིན་པ། །དེ་བཞིན་གཤེགས་པ་ཁྱོད་ཀྱིས་གསུངས། །དེ་སྐད་གསུངས་ནས་སངས་རྒྱས་རྣམས། །མི་གསུང་བར་ནི་བཞུགས་པར་གྱུར། །དེ་ནས་སངས་རྒྱས་འདུས་པ་དེ་རྣམས་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་སྣོད་ཀྱི་འཇིག་རྟེན་རྣམས་གཅིག་ཏུ་འབར་བར་གྱུར་ལ། སངས་རྒྱས་ཀྱི་བྱིན་གྱིས་བརླབས་ཀྱིས་སེམས་ཅན་གཅིག་ལ་ཡང་གནོད་པར་མ་གྱུར་ཏེ། སྣང་བ་ཆེན་པོ་ཡང་དག་
238a
༄#། །པར་སྣང་བར་གྱུར་ཏོ། །དེ་ལྟར་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་ལྡན་པའི་གནས་གཙང་མའི་གཞལ་མེད་ཁང་ལ་གཟིགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང ། དེ་ན་གནས་པའི་ལྷའི་བུ་རྣམས་དང ། ཉན་ཐོས་དང ། རང་སངས་རྒྱས་ཐམས་ཅད་དང ། བཅོམ་ལྡན་འདས་དང ། འཁོར་ཆེན་པོ་འདུས་པ་ལ་བཀའ་སྩལ་པ། སངས་རྒྱས་བཅོམ་ལྡན་འདས་དང ། ཉན་ཐོས་དང ། རང་སངས་རྒྱས་ཐམས་ཅད་དང ། བྱང་ཆུབ་སེམས་དཔའ་རྣམས་དགོངས་སུ་གསོལ། །ཡི་གེ་གཅིག་པ་འདི་ནི་རིག་པའི་འཁོར་ལོས་བསྒྱུར་བ། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གོང་ནས་གོང་དུ་གནས་པ། བསྟན་པ་ཐོགས་པ་མེད་པ།་དཔག་ཏུ་མེད་པའི་སྟོབས་དང ། ཕ་རོལ་གནོན་པ། བཅོམ་ལྡན་འདས་གཙུག་ཏོར་གྱི་རྒྱལ་པོ་འཁོར་ལོས་བསྒྱུར་བའི་ཆོ་ག་ཡང་ངས་བཤད་པར་བྱའོ། །བསྟན་པ་ནུབ་བའི་དུས་སུ་རྩོད་པའི་དུས་འདི་ལ་བཅོམ་ལྡན་འདས་གཙུག་ཏོར་འཁོར་ལོས་བསྒྱུར་བ་དེ་བསྟན་པ་འདི་ལ་སྲུང་བ་གཅིག་པུར་འགྱུར་ཞིང་དུས་ཐམས་ཅད་དུ་གྲུབ་པར་འགྲོ་སྟེ། སངས་རྒྱས་ཐམས་ཅད་ཀྱི་བསྟན་པ་ནུབ་པའི་དུས་ཚོད་ལ་འདི་ཉིད་སངས་རྒྱས་བཅོམ་ལྡན་འདས་ཡིན་ཏེ་བསྟན་པའི་དོན་བྱེད་པར་འགྱུར་རོ། །ཡི་གེ་གཅིག་པུ་
238b
འདི་ལ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་མཛོད་འདུས་པར་འགྱུར་རོ། །ཀྱེ་ལྷའི་ཚོགས་དང ། སེམས་ཅན་ཐམས་ཅད་ཉོན་ཅིག། བྷྲཱུཾ། བཅོམ་ལྡན་འདི་ནི་ཐམས་ཅད་མཁྱེན། །སངས་རྒྱས་སྔགས་གཟུགས་རྣམ་པར་གནས། །སྟོན་པ་ཐུགས་རྗེ་ཆེ་དང་ལྡན། །སེམས་ཅན་ཀུན་ལ་རྣམ་པར་སྤྱོད། །སྔགས་རྣམས་བདག་པོ་དཔལ་དང་ལྡན། ། གཙུག་ཏོར་ལས་བྱུང་བསྟན་པ་ཡིན། །སྙིང་རྗེའི་དབང་ལ་བརྟེན་ནས་ནི། །འདི་ནི་ཡི་གེ་གཅིག་ཏུ་གནས། །ཆོས་ཀྱི་དབྱིངས་ལ་བརྟེན་ནས་ནི། །འདི་ནི་སྣ་ཚོགས་གཟུགས་ལ་གནས།། ཇི་ལྟར་སངས་རྒྱས་སྐུ་རྣམས་ནི། །སྐྱེ་བོ་རྣམས་ལ་སྐུ་གདུང་གྱུར། །འཇིག་རྟེན་གྱིས་མཆོད་ཟང་ཟིང་བཅས། །ཟང་ཟིང་མེད་པའང་ཁྱད་པར་དུ། །དམ་ཆོས་སྐུ་གདུང་དག་ཏུ་བསྟན།། འཇིག་རྟེན་ཟང་ཟིང་མེད་པའི་རྒྱུ། །སྐུ་ནི་ཟང་ཟིང་བཅས་པར་གསུངས། །ཐུབ་པའི་ཟླ་བ་ཟག་པ་མེད། །ཟང་ཟིང་བཅས་དང་ཟང་ཟིང་མེད། །འཇིག་རྟེན་རྒྱུར་ནི་གསུངས་པ་ཡིན། ། ཆོས་ཀྱི་དབྱིངས་ལ་བརྟེན་ནས་ནི། །ཐུགས་རྗེའི་དབང་གིས་སེམས་ཅན་ལ། །འཇིག་རྟེན་མགོན་པོ་འོད་བྱེད་པ། །སྔགས་ཀྱི་ཚུལ་གྱིས་བཞུགས་པ་ཡིན། །སྣ་ཚོགས་གཟུགས་ཅན་ཐམས་ཅད་མཁྱེན། །ས་སྟེང་འདི་ལ་སྣང་བ་ཡིན། །སེམས་ཅན་རྣམས་ཀྱིས་སྔགས་གྲུབ་པ། །སངས་རྒྱས་རྣམས་ཀྱིས་གསུངས་པ་ཡིན། །སྔགས་འདི་ཡོངས་སུ་མདོར་
239a
༄#། །བསྡུ་ན། །རང་གི་ཆོ་གས་འདིར་བཟླས་ན། །སྔགས་རྣམས་ཇི་ལྟར་འདོད་པ་བཞིན། །རྟག་ཏུ་འབྲས་བཅས་བྱེད་པར་འགྱུར། །འདི་ཡི་ཆོ་ག་མདོར་བསྡུས་ནས། །དུས་སུ་ཡང་ནི་བཤད་པར་བྱ། །དུས་མཐར་ཐུབ་མཆོག་འཇིག་རྟེན་དུ། །དེ་བཞིན་གཤེགས་པ་ནུབ་པ་ན། །དེ་ཡི་དུས་སུ་ཆོ་ག་འགྲུབ། །སྔགས་འགྲུབ་པས་ནི་གསུངས་པ་ཡིན། །དེ་ནས་བཅོམ་ལྡན་འདས་འཁོར་ལོས་བསྒྱུར་བ་དེ་བཞིན་གཤེགས་པའི་གཙུག་ཏོར་གཞན་གྱི་ལས་ཀྱིས་སྦྱོར་བ་རྣམ་པར་འཇིག་པར་བྱེད་པ། མ་རྒྱལ་བ་ལས་རྒྱལ་བ། སྔགས་ཐམས་ཅད་ཀྱི་བདག་པོ། བྱང་ཆུབ་སེམས་དཔའ་ཐམས་ཅད་ཀྱིས་དོན་དུ་གཉེར་བ། གཙུག་ཏོར་འཁོར་ལོས་བསྒྱུར་བའི་ཆོ་ག་ཡི་གེ་གཅིག་པ་སྔར་རྒྱ་ཆེར་བསྟན་ནས། ཡང་མདོར་ན་རེ་ཞིག་དང་པོ་བཟླས་པས་གང་དུ་གནས་པ་ལས་དཔག་ཚད་ལྔའི་ནད་ནས་མ་རུངས་པའི་གདོན་ཐམས་ཅད་འབྱེར་བར་འགྱུར་རོ། །གྲུབ་པ་ཐམས་ཅད་ཀྱང་ནུས་པ་མེད་པར་འགྱུར་ཞིང་ལྷ་ཐམས་ཅད་ཀྱི་ནུས་པ་དང་བྲལ་བར་འགྱུར་རོ། །སྒྲུབ་པ་པོའི་འདོད་པ་མ་གཏོགས་པར་ལྷ་ཐམས་ཅད་ཀྱང་གནས་པར་མི་འགྱུར་རོ། །འཇིག་རྟེན་དང ། འཇིག་རྟེན་ལས་འདས་པའི་སྒྲུབ་པ་བོ་གཞན་རྣམས་ཀྱི་གྲུབ་པ་འཕྲོག་པར་བྱེད་ཅིང་གཞན་གྱི་སྦྱོར་བས་གསང་སྔགས་
239b
བཅད་པ་དང ། བཅོམ་པ་དང ། ཕུར་བུས་བཏབ་པའང་ཐར་བར་བྱེད་དོ། །བདག་གིས་གཞན་གྱི་རིག་སྔགས་གཅོད་བར་འདོད་ན་རྩཝ་ཀུ་ཤ་སྔོན་པོ་ཆང་པ་གང་བླངས་ལ་ལན་བརྒྱ་རྩ་བརྒྱད་མངོན་པར་སྔགས་པ་བྱས་ནས་མཚོན་གྱིས་བཅད་ན་རིག་པ་གང་གི་ཕྱིར་དམིགས་ཏེ་བཅད་པ་དེ་གཅོད་པར་འགྱུར་རོ། །གཟུགས་བརྙན་བྱས་ཏེ་འདིས་སེང་ལྡེང་གི་ཕུར་པས་སྙིང་ལ་བཏབ་ན་གནད་ལ་བབ་པར་འགྱུར་རོ། །ལེ་བརྒན་དུ་བཙོས་པའི་སྐུད་པ་ལ་ལན་བདུན་བཟླས་བརྗོད་བྱས་ཏེ་མདུད་པ་བོར་ན་བཅིངས་པར་འགྱུར་རོ། །ཁམ་ཕོར་ཁ་སྦྱར་གྱི་ནང་དུ་བརྒྱ་རྩ་བརྒྱད་བཟླས་ཏེ་ཁ་བཀབ་པ་བྱས་ན་རེངས་པར་འགྱུར་རོ། །མཚོན་ཆས་སྙིང་དུམ་བུ་གཉིས་སུ་བྱས་ན་གཉིས་སུ་འགས་པར་འགྱུར་རོ། །སྐེ་ཚེ་ལ་དུག་དང ། ཁྲག་གིས་བཏབ་པས་བསྐུ་བ་བྱས་ན་འཆི་བར་འགྱུར་རོ། །ཀ་ར་བཱི་རའི་ལྕུག་མས་ཀུན་ཏུ་བརྡེག་ན་གནོད་པར་འགྱུར་རོ། །གཞན་གྱི་རིག་པ་ཐམས་ཅད་ལ་མངོན་སྤྱོད་བྱ་བ་ནི་ཅི་དགར་བྱར་རུང་ངོ ། །སྔར་གསུངས་པའི་ལས་ཐམས་ཅད་ལ་འོ་མས་ཁྲུས་བྱས་ནས་སྦྱིན་སྲེག་བྱས་ན་ཞི་བར་འགྱུར་རོ། །མར་གྱི་སྦྱིན་སྲེག་གིས་ནི་ཐམས་ཅད་ཞི་བར་འགྱུར་ཞིང་ཉམས་རྟས་པ་བྱས་པར་ཡང་འགྱུར་རོ། །ཁུ་ཚུར་བཅིངས་པས་སྔགས་ཐམས་ཅད་རེངས་པར་འགྱུར་རོ། །ཡིད་ཀྱིས་ནི་དགྲོལ་བར་
240a
༄#། །བསམ་པས་བཀྲོལ་བར་འགྱུར་རོ། །སྔགས་སྒྲུབ་པར་འདོད་པས་ཀྱང་འདི་ཉིད་ཀྱིས་བཅིང་བ་བྱས་ཏེ་བསྒྲུབ་པར་བྱའོ། །ཆོ་ག་གང་སྒྲུབ་པར་འདོད་པས་ཀྱང་དེ་ཉིད་འདིས་བསྒྲུབ་པར་བྱའོ། །སྔགས་སྒྲུབ་པ་དང ། འདི་ཉིད་ཀྱི་སྔགས་ཀྱིས་སྤྱན་དྲང་བ་བྱ་བ་དང ། ཡང་སླར་གཤེགས་སུ་གསོལ་བར་བྱ་བ་ཡིན་ནོ། །གང་འདི་ཉིད་ཀྱིས་སྲུང་བར་བྱེད་པ་ཐུབ་པར་དཀའ་བར་འགྱུར་རོ། །གང་གིས་སྔགས་འདི་མ་གྲུབ་བམ། ལན་མ་ཐོབ་ན་འདི་ཉིད་དང་ལྷན་ཅིག་ཏུ་བཟླས་བརྗོད་བྱས་ན་མྱུར་དུ་འགྲུབ་བམ། ལན་ཐོབ་ཅིང ། གལ་ཏེ་མ་གྲུབ་བམ། ལན་མ་བྱིན་ན་དེ་རིང་པོ་མི་ཐོགས་པ་ཉིད་དུ་འཇིག་པར་འགྱུར་རོ། །སྔགས་གང་ལ་དམིགས་ཏེ། ཞོ་དང ། སྦྲང་རྩི་དང ། མར་གྱིས་ཏིལ་ལ་བཏགས་ཏེ་བརྒྱ་རྩ་བརྒྱད་སྦྱིན་སྲེག་དུས་གསུམ་དུ་ཞག་བདུན་བྱས་པ་དེ་འདིའི་དབང་དུ་འགྱུར་ཞིང་གང་བརྗོད་པ་དེའི་ལས་བྱེད་པར་འགྱུར་བའམ་ལན་ཐོབ་པར་འགྱུར་རོ། །ལྷ་དབང་དུ་བྱ་བར་འདོད་ན་ཐང་ཤིང་གི་ཡམ་ཤིང་གིས་བརྒྱ་རྩ་བརྒྱད་སྦྱིན་སྲེག་བྱས་ན་ཞག་བདུན་གྱིས་དབང་དུ་འགྱུར་རོ། །ཀླུ་དབང་དུ་བྱ་བར་འདོད་ན་མངར་གསུམ་གྱིས་སྦྱིན་སྲེག་བྱ་འོ། །དྲི་ཟ་དང ། དྲི་ཟ་མོ་ཐམས་ཅད་དབང་དུ་བྱ་བར་འདོད་ན་ཤིང་མྱ་ངན་མེད་པ་དང ། བྲི་ཡང་ཀུའི་ཡམ་ཤིང་ངམ།
240b
མ་ཏོག་གི་སྦྱིན་སྲེག་བྱས་ན་དབང་དུ་འགྱུར་རོ། །གནོད་སྦྱིན་མོ་དང ། ཀླུ་མོའི་གདོན་རྣམས་ལ་ནི་སྐེ་ཚེས་བྱ་འོ། །རྒྱལ་པོ་རྣམས་ལ་ནི་ཡུངས་ཀར་གྱིས་བྱའོ། །བྲམ་ཟེ་རྣམས་ལ་ནི་མེ་ཏོག་གིས་སྦྱིན་སྲེག་བྱ་འོ། །རྗེའུ་རིགས་ལ་ནི་ཞོ་དང ། འོ་མ་དང ། མར་གྱིས་བྱ་འོ། །དམངས་རིགས་ལ་ནི་ཕུབ་མའི་རྡུལ་གྱིས་བྱ་འོ། །བུད་མེད་ལ་ནི་ལན་ཚཝའི་སྦྱིན་སྲེག་བྱ་འོ། །གདོལ་པ་ལ་ནི་མོ་ན་སྲན་གྲེའུ་དང ། ཛམ་བུ་ལི་ཀའི་སྦྱིན་སྲེག་བྱ་འོ། །བུ་མ་གཞོན་ནུ་མ་ལ་ནི་འབྲས་ཡོས་ཀྱིས་སྦྱིན་སྲེག་བྱ་འོ། །སེམས་ཅན་ཐམས་ཅད་ལ་ནི་མར་དང ། ཏིལ་གྱིས་སྦྱིན་སྲེག་བྱས་ན་དབང་དུ་བྱེད་དོ། །ཐམས་ཅད་དུ་ཡང་དུས་གསུམ་དུ་ཞག་བདུན་དུ་བྱའོ་ཞེས་གསུངས་ནས་རྒྱལ་བའི་མཆོག་ཅང་མི་གསུང་བར་གྱུར་ཏོ། །ཐུབ་མཆོག་བདུན་པས་སྔགས་འདི་ནི། །དེ་ཚེ་ལྷ་ཡི་ཚོགས་ལ་གསུངས། །འཇིག་རྟེན་ཆོས་ཤེས་གྲོལ་བ་དང ། །དེ་ཚེ་དེ་ནི་ཆགས་བྲལ་ཟློས། །དེ་ཚེ་ཐུབ་པ་མཆོག་གིས་ནི། །སངས་རྒྱས་སྲས་པོ་ཐུ་པོ་ལྷ། །བྱང་ཆུབ་སེམས་དཔའ་རྫུ་འཕྲུལ་ཆེ། །འཇམ་དཔལ་ལ་ནི་དེ་ཚེ་གསུངས། །ལྷ་ཡི་ལྷ་ནི་བློ་ལྡན་པ། །མགོན་པོ་འཁོར་ལོའི་བདག་པོ་ཡི། །ཆོ་ག་འདི་ནི་རྒྱ་ཆེ་བས། །གང་གི་བསྐལ་པའི་ཚད་དུ་ཡང ། །རྒྱལ་བས་ཀྱང་ནི་བཤད་མི་ནུས། །མི་རྣམས་ལ་ནི་ཕན་པའི་ཕྱིར། །ཆོ་ག་ཡི་ནི་ཕྱོགས་གཅིག་ཙམ། །མདོར་བསྡུས་ནས་ནི་བཤད་པ་
241a
༄#། །ཡིན། །དེ་ཚེ་དེ་སྐད་གསུངས་ནས་ནི། །དཔལ་ལྡན་འཇམ་དབྱངས་རྫུ་འཕྲུལ་ཆེ། །གཙང་མའི་གནས་ཀྱི་སྟེང་བཞུགས་པའི། །སངས་རྒྱས་དེ་ལ་སྐུལ་བར་བྱེད། །གསུངས་ཤིག་གསུངས་ཤིག་དཔའ་བོ་ཆེ། །རྐང་གཉིས་དམ་པ་རྫོགས་སངས་རྒྱས། །དུས་མཐར་འཇིགས་པའི་དུས་སུ་ནི། །མི་རྣམས་བདེ་བ་སྐྱེད་པའི་ཕྱིར། །མཐུ་ཆེན་སྔགས་ཀྱི་རྒྱལ་པོ་སྟེ། །གཟི་བརྗིད་ཆེན་པོ་འདི་ཡིས་ནི། །རས་རིས་ཇི་ལྟར་གྲུབ་པར་འགྱུར། །མྱུར་དུ་རས་རིས་འགྲུབ་པར་གསུངས། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཡི་གེ་གཅིག་པ་འཁོར་ལོས་བསྒྱུར་བ་འབྱུང་བའི་ལེའུ་རབ་འབྱམས་ལས་བཅུ་དགུ་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ཉོན་ཅིག་།མདོར་ན། ཡི་གེ་གཅིག་པ་འཁོར་ལོས་བསྒྱུར་བ་རྫུ་འཕྲུལ་ཆེན་པོས་རས་རིས་ཀྱི་ཆོ་གར་འགྱུར་བ་རྒྱ་ཆེ་བ་ནི་སྔར་བསྟན་ཏོ། །དེ་ནི་དུས་ཀྱི་ཐ་མའི་དུས་སུ་སེམས་ཅན་རྣམས་བརྩོན་འགྲུས་ཆུང་བར་འགྱུར་ཞིང་ཤེས་རབ་ཆུང་བ་དང ། ཡིད་གཞུངས་པ་དམན་པའི་ཕྱིར་རས་རིས་ཀྱི་ཚད་ཀྱི་རྒྱ་ཆེ་བའི་སྦྱོར་བ་
241b
སྒྲུབ་པ་ཉམས་པར་འགྱུར་བས་སེམས་ཅན་རྣམས་ལ་ཕན་པར་འདོད་པས་ཟློས་པ་པོས་ཇི་ལྟར་དངོས་གྲུབ་མཆོག་ཐོབ་པར་འགྱུར་བ་དེ་ལྟར་ངས་མདོར་བཤད་པར་བྱ་སྟེ། སྒྲུབ་པ་མཆོག་བྱེད་པར་འདོད་པས་རས་མ་ཉམས་པ། ཁ་ཚར་མ་བཅད་པ། སྐྲ་དང་བྲལ་བ་དག་ལ་ཚོན་མ་འདྲེས་པ་དག་གིས་བཅོམ་ལྡན་འདས་འདིར་གཞུག་པར་བྱ་སྟེ། ཆོས་ཀྱི་རྒྱལ་པོ་ཆོས་ཀྱི་འཁོར་ལོ་རབ་ཏུ་བསྐོར་བ། འཇིག་རྟེན་ཐམས་ཅད་ཀྱི་བདག་པོ་སྐྱེས་བུ་དམ་པ་རྐང་གཉིས་རྣམས་ཀྱི་མཆོག་།དེ་བཞིན་གཤེགས་པ་རིན་ཆེན་ཏོག་ཅེས་བྱ་བ་རྒྱལ་བའི་མཆོག་ཆོས་འཆད་པ་ཀུན་ནས་འབར་བའི་འོད་ཀྱི་དཀྱིལ་འཁོར་དང་ལྡན་པའོ། །འོག་ཏུ་ནི་ཚངས་པ་དང ། འཕགས་པ་ཕྱག་ན་རྡོ་རྗེ། སྟེང་དུ་ནི་ཕྲེང་བ་འཛིན་པའི་ལྷའི་བུ་གཉིས། །འོག་ཏུ་སྒྲུབ་པ་པོ་དེའི་མདུན་དུ་དུས་གསུམ་དུ་ཨ་ག་རུ་སྲེག་ཅིང་འབུམ་ཕྲག་བཅུ་བཟླས་པ་བྱའོ། །དེ་ནས་ལས་སུ་བྱ་བ་ནི་དང་པོའི་འཁོར་ལོའི་སྒྲུབ་པ་བྱེད་པར་འདོད་ན། ལྕགས་བཟང་པོའི་རང་བཞིན་ལས་རྩིབས་བཅུ་གཉིས་པའི་འཁོར་ལོ་བྱས་ཏེ། ཆོ་འཕྲུལ་གྱི་ཟླ་ཕྱེད་ལ་བཅོམ་ལྡན་འདས་ཀྱི་སྤྱན་སྔར་དུས་གསུམ་དུ་ཨ་ག་རུའི་དུད་པས་བདུག་ཅིང་འབུམ་ཕྲག་བཅུ་བཟླས་པ་བྱའོ། །ཐ་མར་ཟླ་བ་ཉ་བ་ལ་མཆོད་པ་རྒྱ་ཆེན་པོ་བྱས་ནས་ལག་པས་བཟུང་སྟེ། ཇི་སྲིད་རབ་ཏུ་འབར་བའི་བར་དུ་བཟླས་པ་བྱའོ། །དེ་བཟུང་ན་རིག་པ་འཛིན་པའི་
242a
༄#། །འཁོར་ལོས་བསྒྱུར་བར་འགྱུར་རོ། །གང་གིས་མཐོང་བ་དེ་དང་ལྷན་ཅིག་ནམ་མཁའ་ལ་འགྲོ་བར་འགྱུར་རོ། །དེ་ནས་གདུགས་སྒྲུབ་པར་འདོད་ན་གདུགས་ཁ་དོག་སྣ་ཚོགས་པ་སར་པ་བྱས་ལ། གསེར་གྱི་འཁོར་ལོས་མཚན་པ། ཀ་ཤི་ཀའི་གོས་འཕྱང་བ་དེ་ཉིད་ཀྱི་ཆོ་གས་མགོ་ལ་གདུགས་བཟུང་བ་བྱས་ཏེ། བཟླས་པ་བྱས་ན་རིག་པ་རང་ཉིད་ཉེ་བར་བཞུགས་པར་འགྱུར་རོ། །འདི་ཉིད་ཀྱིས་བཅོམ་ལྡན་འདས་ཀྱི་སྤྱན་སྔར་དུས་གསུམ་དུ་ཨ་ག་རུའི་དུད་པས་བདུགས་ཏེ། འབུམ་ཕྲག་བཅུ་བཟླས་པ་བྱས་ལ་ཐ་མར་ཟླ་བ་ཉ་བ་ལ་མཆོད་པ་རྒྱ་ཆེན་པོ་བྱས་ནས་ལག་པས་བཟུང་སྟེ། ཇི་སྲིད་རབ་ཏུ་འབར་བའི་བར་དུ་བཟླས་པ་བྱའོ། །དེ་ཐོགས་ན་རིག་པ་འཛིན་པའི་འཁོར་ལོས་བསྒྱུར་བར་འགྱུར་རོ། །ཟླ་བ་རེ་རེ་ཞིང་ཟླ་བ་ཉ་བ་དང ། ཆོ་འཕྲུལ་གྱི་ཟླ་བ་ཕྱེད་ལྔའི་བར་གྱིས་འགྲུབ་པར་འགྱུར་རོ། །འདི་གྲུབ་པ་ཙམ་གྱིས་ཆོས་ཐམས་ཅད་མངོན་སུམ་དུ་འགྱུར་རོ། །མངོན་པར་ཤེས་པ་ཐམས་ཅད་རབ་ཏུ་ཐོབ་པར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་མངོན་པར་དགྱེས་པ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་རྗེས་སུ་བསྔགས་པ་འགྲུབ་པར་འགྱུར་རོ། །འཇིག་རྟེན་གྱི་ཁམས་གཞན་དག་གི་འཁོར་ལོས་བསྒྱུར་བ་སྟོང་གི་གཡོག་འཁོར་
242b
དང་ལྡན་པར་འགྱུར་རོ། །དེ་ནས་གཙུག་ཏོར་འཁོར་ལོས་བསྒྱུར་བ་བསྒྲུབ་པར་འདོད་ན་གསེར་དང ། དངུལ་དང ། ཟངས་མ་དང ། ནོར་བུའི་རང་བཞིན་གྱི་དབྱུག་པ་ཁྲུ་གང་ཙམ་བྱས་ལ།་ཇི་སྲིད་རབ་ཏུ་འབར་བའི་བར་དུ་བཟླས་པ་བྱས་ནས་དེ་བླངས་ན་ནམ་མཁའ་ལ་འགྲོ་སྟེ། ཐམས་ཅད་ལ་ཆོས་སྟོན་པར་འགྱུར་རོ། །བསྐལ་པ་ཆེན་པོར་འཚོ་བར་འགྱུར་རོ། །ཅི་སྟེ་བུམ་པ་བཟང་པོ་བསྒྲུབ་པར་འདོད་ན། གསེར་གྱི་བུམ་པ་བཟང་པོ་བྱས་ལ་འབྲུ་ཐམས་ཅད་དང ། རིན་པོ་ཆེ་དང ། སྨན་གྱིས་ཡོངས་སུ་བཀང་ལ་རས་དཀར་པོས་བཅིངས་ཏེ། དེ་ལ་སྔགས་འདིས་བསྒྲུབ་པར་བྱ་སྟེ། ཆོ་འཕྲུལ་གྱི་ཟླ་ཕྱེད་གཅིག་ལ་བརྩམས་ན་གཉིས་པ་ལ་འགྲུབ་པར་འགྱུར་རོ། །དེ་ལ་ལག་པ་རབ་ཏུ་བཅུག་ན་ཅི་འདོད་པ་དེ་ཐོབ་ཅིང་མི་ཟད་པར་ཡང་འགྱུར་རོ། །ཅི་སྟེ་ནོར་བུ་རིན་པོ་ཆེ་བསྒྲུབ་པར་འདོད་ན་གསེར་གྱི་དབྱིག་པའམ། ནོར་བུ་བཟང་པོ་དང ། ཤེལ་གྱི་ནོར་བུ་བྱས་ཏེ། གོས་འཕྱང་བར་བྱས་ལ་ཆོ་ག་འདི་ཉིད་ཀྱིས་བསྒྲུབས་ན་གང་བསམས་པ་དེ་ཐམས་ཅད་འགྲུབ་པར་འགྱུར་ཏེ། ལྷ་དང ། མིའི་ནང་དུ་ཐོགས་པ་མེད་ཅིང་སྟོབས་དང ། ཕ་རོལ་གནོན་པར་འགྱུར་རོ། །ཅི་སྟེ་བཅོམ་ལྡན་འདས་ལ་བཟླས་པ་བྱེ་བ་བྱས་ན་རང་གི་ལུས་ཀྱིས་ནམ་མཁའ་ལ་འགྲོ་བར་འགྱུར་རོ། །ལྷའི་ལུས་ཐོབ་ཅིང་བསྐལ་པ་ཆེན་པོར་འཚོ་བར་འགྱུར་རོ། །གཞན་གང་ཡང་གཙུག་
243a
༄#། །ཏོར་གྱི་རྒྱལ་པོ་གདུགས་དཀར་པོ་ལ་སོགས་པ་དེ་ཡང་འདིས་བཅོམ་ལྡན་འདས་ལ་འབུམ་ཕྲག་བཅུ་བཟླས་པ་བྱས་ན་ལས་རྣམས་བྱེད་པར་འགྱུར་རོ། ། དེ་ལྟར་ཐོགས་པ་མེད་པ་དེ་བཞིན་གཤེགས་པའི་གཙུག་ཏོར་གཞན་གྱི་རྟོག་པའི་ཆོ་གས་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་རིང་པོ་མི་ཐོགས་པར་འགྲུབ་པར་འགྱུར་རོ། ། བཅོམ་ལྡན་འདས་གཙུག་ཏོར་འཁོར་ལོས་བསྒྱུར་བའི་རྒྱལ་པོ་ལ་འབུམ་ཕྲག་བཅུ་བཟླས་ན་ཐམས་ཅད་ལ་འགྲུབ་པར་འགྱུར་བ་རིག་པ་དང ། སྔགས་ཐམས་ཅད་ཀྱི་བདག་པོ་འཁོར་ལོས་བསྒྱུར་བར་འགྱུར་རོ། །ཅི་སྟེ་རྡོ་རྗེ་བསྒྲུབ་པར་འདོད་ན་ཙནྡན་དམར་པོ་ལ་རྡོ་རྗེ་རྩེ་གཅིག་པའམ། ཡང་ན་ལྕགས་བཟང་པོ་ལ་བྱས་ཏེ། བའི་རྣམ་ལྔས་བཀྲུས་ལ་ཡར་གྱི་ངོའི་བཅོ་ལྔ་ལ་རས་རིས་ཀྱི་མདུན་དུ་མཆོད་པ་ཆེན་པོ་བྱ་ཞིང་མར་གྱི་མར་མེ་བརྒྱ་སྦར་ལ་དྲིའི་ཆུས་རྡོ་རྗེ་བཀྲུས་ཏེ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཕུལ་ནས་གཙུག་ཏོར་གྱི་རྒྱལ་པོའི་འཁོར་རམ། གཟི་བརྗིད་ཕུང་པོའམ། གཙུག་ཏོར་གདུགས་དཀར་པོའི་སྔགས་འདིས་བསྲུང་བ་བྱས་ལ་དཀྱིལ་འཁོར་གྱི་ནང་དུ་གྲོགས་ལའང་བསྲུང་བ་བྱས་ནས་རྡོ་རྗེ་ལག་པ་གཡས་པས་བླངས་ཏེ། ཐུན་དང་པོ་འདས་ཤིང་ཐུན་གཉིས་པ་ལ་ཉེ་བར་འདུག་སྟེ། སེམས་རྩེ་གཅིག་པས་ཇི་
243b
སྲིད་རབ་ཏུ་འབར་བའི་བར་དུ་བཟླས་པ་བྱའོ། །སྐབས་འདིར་རིག་པ་འཛིན་པ་ལྷ་དང ། ཀླུ་དང ། གནོད་སྦྱིན་ཐམས་ཅད་འདུས་ཏེ། རིག་པ་འཛིན་པའི་རྒྱལ་པོ་ཐམས་ཅད་འོང་བར་འགྱུར་རོ། །དེ་དག་རིག་པ་འཛིན་པའི་བསྟོད་པ་བྱེད་ཅིང་ཁྱིམ་དུ་འགྲོ་བར་འགྱུར་རོ། །རིག་པ་འཛིན་པའི་འཁོར་ལོས་བསྒྱུར་བར་འགྱུར་རོ། །ལུས་ཕྱག་ན་རྡོ་རྗེ་དང་འདྲ་ཞིང་ཕྱག་ན་རྡོ་རྗེ་དང་འདྲ་བར་མགྱོགས་པའི་མཚན་ཉིད་དུ་འགྱུར་རོ། །སྐད་ཅིག་གིས་འོག་མིན་གྱི་ལྷའི་གནས་སུ་འགྲོ་བར་འགྱུར་རོ། །བསྐལ་པར་གནས་པར་འགྱུར་རོ། །བཅོམ་ལྡན་འདས་འཕགས་པ་བྱམས་པ་མཐོང་ཞིང་ཆོས་ཉན་པར་འགྱུར་རོ། །ཤི་ནས་གང་དུ་འདོད་པར་དེར་སྐྱེ་བར་འགྱུར་རོ། །གལ་ཏེ་ཕྱག་ན་རྡོ་རྗེའི་ཞབས་དྲུང་དུ་ཡང་སྐྱེ་བར་འགྱུར་རོ། །ཅི་སྟེ་རལ་གྲི་བསྒྲུབ་པར་འདོད་ན་སྐྱོན་མེད་པའི་རལ་གྲི་བླངས་ནས་ཉིན་ཞག་གཅིག་སྨྱུང་བར་བྱས་ཏེ། བཅོམ་ལྡན་འདས་ལ་མཆོད་པ་རྒྱ་ཆེན་པོ་བྱས་ནས་ཇི་སྲིད་དུ་རབ་ཏུ་འབར་བའི་བར་དུ་བཟླས་པ་བྱའོ། །དེ་གྲུབ་ན་གཡོག་འཁོར་དང་བཅས་པ་ནམ་མཁའ་ལ་འགྲོ་བར་འགྱུར་རོ། །སྐྲ་རྣ་ཆ་གདུབ་ཀོར་དང་འདྲ་བར་འཁྱིལ་བ་དང ། ལོ་བཅུ་དྲུག་པའི་ཆ་བྱད་ཅན་དང་མི་མཐུན་པའི་ཕྱོགས་མེད་ཅིང་རིག་པ་འཛིན་པ་ཐམས་ཅད་ཀྱིས་མི་ཚུགས་པ་དང ། བར་གྱི་བསྐལ་པར་འཚོ་བར་འགྱུར་རོ། །ཅི་སྟེ་ལྡོང་རོས་བསྒྲུབ་པར་
244a
༄#། །འདོད་ན་དཔའ་བོའི་ཚོང་གིས་ཉོས་ཏེ་རྒྱལ་དང་ལྡན་པའི་དུས་སུ་ཞག་གསུམ་སྨྱུང་བ་བྱས་ཏེ། དགེ་སློང་བཟང་པོའི་དགེ་འདུན་ལ་བཤོས་དྲངས་ནས་བཀའ་ལུང་སྩལ་བར་བསྐུལ་ལོ། །སྒྲུབ་པ་པོ་ལ་དེར་རྗེས་སུ་གནང་ནས་རང་གི་གནས་སུ་ཞུགས་ཏེ། མཆོད་པ་རྒྱ་ཆེན་པོ་བྱས་ནས་མར་གྱི་མར་མེ་སྟོང་རབ་ཏུ་སྦར་ནས་ཞག་གསུམ་སྨྱུང་བ་བྱས་ལ། སེམས་ཅན་ཐམས་ཅད་ལ་བྱམས་པ་བསྐྱེད་ནས་བདག་ཉིད་ཕུལ་ཏེ། ལྡོང་རོས་བླངས་ནས་ཇི་སྲིད་གྲུབ་པ་རྣམ་གསུམ་ཐོབ་པ་དེ་སྲིད་དུ་བཟླས་པར་བྱས་ཏེ། དྲོབ་དང ། དུ་བ་འཐུལ་བ་དང ། འབར་བས་སྔར་གང་བསམས་པ་ཉིད་དུ་གྲུབ་པར་འགྱུར་ཏེ། དྲོ་བར་གྱུར་པས་དཔྲལ་བར་ཐིག་ལེ་བྱས་ན་ལྷ་དང ། ཀླུ་དང ། གནོད་སྦྱིན་དང ། འབྱུང་པོ་ཐམས་ཅད་དང ། ཤ་ཟ་ལ་སོགས་པ་དང ། ཛམྦུའི་གླིང་ན་གནས་པའི་སེམས་ཅན་བྲན་དུ་འགྱུར་ཞིང་གང་ཅུང་ཟད་ཐམས་ཅད་སྒྲུབ་པར་བྱེད་པར་འགྱུར་རོ། །ལོ་སྟོང་གི་བར་དུ་འཚོ་བར་འགྱུར་རོ། །དུ་བ་འཐུལ་བ་ལ་ནི་དཔྲལ་བར་ཐིག་ལེ་བྱས་ན་མི་སྣང་བར་འགྱུར་ཏེ། གལ་ཏེ་འདོད་ན་ལྷ་རྣམས་ཀྱིས་ཀྱང་མི་མཐོང་བར་འགྱུར་རོ། །སྐད་ཅིག་ཐང་ཅིག་ཡུད་ཙམ་ལ་སྣང་ཞིང་ཡང་མི་སྣང་བར་འགྱུར་རོ། །མི་སྣང་བ་ཐམས་ཅད་ཀྱི་རྒྱལ་པོར་འགྱུར་ཞིང་ལོ་སུམ་སྟོང་གི་བར་དུ་འཚོ་བར་འགྱུར་
244b
རོ། །འབར་བས་ནི་རིག་པ་འཛིན་པར་འགྱུར་ཏེ། གཡོག་འཁོར་དང་བཅས་པ་ནམ་མཁའ་ལ་འགྲོ་བར་འགྱུར་རོ། །རིག་པ་འཛིན་པའི་རྒྱལ་པོར་འགྱུར་ཏེ། ལྷ་གཞོན་ནུའི་ལུས་སུ་འགྱུར་ཞིང་ལྷ་ཐམས་ཅད་ཀྱིས་ཀྱང་མི་ཐུབ་པར་འགྱུར་ན་རིག་པ་འཛིན་པ་རྣམས་ཀྱིས་ལྟ་སྨོས་ཀྱང་ཅི་དགོས་ཏེ་བསྐལ་པར་ཡང་གནས་པར་འགྱུར་རོ། །དུས་བྱས་ནས་དགའ་ལྡན་གྱི་ལྷའི་རིས་སུ་སྐྱེ་བར་འགྱུར་རོ། །ཅི་སྟེ་མདུང་རྩེ་གསུམ་བསྒྲུབ་པར་འདོད་ན་ལྕགས་བཟང་པོ་ལས་བྱས་པའི་མདུང་རྩེ་གསུམ་པ་བྱས་ཏེ་ལོའི་བར་དུ་བཟླས་པར་བྱའོ། །དེ་ནས་བྱེ་མའི་རང་བཞིན་གྱི་མཆོད་རྟེན་ཁྲུ་གང་ཙམ་གྱི་ཚད་བྱས་ཏེ་དེ་ལ་མཆོད་པ་ཆེན་པོ་བྱ་ཞིང་གཏོར་མ་རྒྱ་ཆེན་པོ་བཏང་ལ་ལག་པ་གཡས་པས་མདུང་རྩེ་གསུམ་པ་བླངས་ལ་སྐྱིལ་མོ་ཀྲུང་བཅས་ནས་ཇི་སྲིད་དུ་སྤྲོས་པ་ན་འོད་ཟེར་སྟོང་བྱུང་བ་དེའི་བར་དུ་བཟླས་པ་བྱས་ན། སྐབས་འདིར་དབང་ཕྱུག་ཆེན་པོ་ལ་སོགས་པ་ལྷ་རྣམས་འབྱུང་བར་འགྱུར་རོ། །རིག་པ་འཛིན་པ་ཐམས་ཅད་མེ་ཏོག་གི་ཆར་རབ་ཏུ་འབེབས་པར་འགྱུར་རོ། །དེ་ནས་དེ་ཐམས་ཅད་ཀྱིས་ཡོངས་སུ་བསྐོར་ནས་གང་དག་གིས་མཐོང་བ་དང ། གང་མཐོང་བ་དེ་དང་ལྷན་ཅིག་ཏུ་ནམ་མཁའ་ལ་འགྲོ་བར་འགྱུར། །རིག་པ་འཛིན་པའི་རྒྱལ་པོ་མིག་གསུམ་པར་འགྱུར་ཏེ། དབང་ཕྱུག་ཆེན་པོ་གཉིས་པ་དང་འདྲ་བའོ། །རིག་པ་འཛིན་པ་ཐམས་
245a
༄#། །ཅད་ཀྱིས་ཕྱག་བྱས་ཤིང་བསྐལ་པ་ཆེན་པོར་གནས་པ་འགྱུར་ལ། བལྟས་པ་ཙམ་གྱིས་གདུག་པའི་སེམས་དང་ལྡན་པ་རྣམས་ལྟུང་བར་འགྱུར་རོ། ། ལྷ་དང་བཅས་པའི་འཇིག་རྟེན་གང་གིས་ཀྱང་མི་ཚུགས་པར་འགྱུར་ན་རིག་པ་འཛིན་པ་རྣམས་ཀྱིས་ལྟ་སྨོས་ཀྱང་ཅི་དགོས། ཤི་འཕོས་ནས་བདེ་བ་ཅན་དུ་སྐྱེ་བར་འགྱུར་རོ། །ཅི་སྟེ་རོ་ལངས་བསྒྲུབ་པར་འདོད་ན་ཡན་ལག་རྨ་མེད་པའི་སྐྱེས་བུའི་རོ་བླངས་ཏེ་སེང་ལྡེང་གི་ཕུར་པ་བཞིས་བཏབ་ལ། བྲང་གི་སྟེང་དུ་རིན་པོ་ཆེའི་ཕྱེ་མས་གཏོར་ཅིང་མཆོད་ན་དེའི་ལྕེའི་རྩེ་མོ་ལ་ནོར་བུ་རིན་པོ་ཆེ་སྣང་བར་འགྱུར་ཏེ། དེ་བླངས་ན་རིག་པ་འཛིན་པའི་འཁོར་ལོས་བསྒྱུར་བར་འགྱུར་རོ། །མཚོན་གང་དག་ཡིད་ལ་བསམས་པ་ཙམ་གྱིས་དེ་དག་འབྱུང་བར་འགྱུར་རོ། །འོད་དཔག་ཚད་བརྒྱ་ཙམ་དུ་སྣང་བར་འགྱུར་རོ། །འདོད་ན་དུས་བྱེད་པར་ཡང་འགྱུར་རོ། །གང་དུ་འདོད་པ་དེར་འགྲོ་བར་འགྱུར་རོ། །འཇིག་རྟེན་གྱི་ཁམས་གཞན་དག་ཏུ་ཡང་རིག་པ་འཛིན་པའི་འཁོར་ལོས་བསྒྱུར་བར་ཡང་འགྱུར་རོ། །ཤི་འཕོས་ནས་ཀྱང་དྲི་མ་མེད་པའི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །རོ་ལངས་གཉིས་པ་སྒྲུབ་པ་ནི་རྨ་མེད་པའི་ལུས་ཀྱི་རོ་བླངས་ཏེ་རྒྱ་ཤུག་གི་ཤིང་གི་ཕུར་བུས་བཏབ་ལ། དེའི་ཁར་ལྕགས་ཀྱི་ཕྱེ་མས་གཏོར་ཞིང་བྱིན་ན་དེའི་
245b
ལྕེ་འབྱིན་པར་འགྱུར་ཏེ། དེ་བཅད་ན་གཡོག་འཁོར་བརྒྱ་དང་བཅས་ཏེ་ནམ་མཁའ་ལ་འགྲོ་བར་འགྱུར། བར་གྱི་བསྐལ་པར་གནས་པར་འགྱུར། རི་རབ་ཀྱི་རྩེ་མོར་རྩེ་ཞིང་དགའ་བར་འགྱུར། གང་གི་ཚེ་འཆི་བ་དེའི་ཚེ་ཕྱོགས་གཅིག་གི་རྒྱལ་པོར་འགྱུར་རོ། །ཅི་སྟེ་ལྕགས་ཀྱུ་བསྒྲུབ་པར་འདོད་ན་རྩཝ་ཀུ་ཤའི་རང་བཞིན་གྱི་ལྕགས་ཀྱུ་བྱས་ཏེ། ཐབ་མོ་པ་མདོག་ནག་པོའི་ལག་པའི་མཐིལ་གྱིས་བའི་རྣམ་ལྔས་བཀྲུས་ཏེ་མཚན་མོ་གཅིག་སྨྱུང་བ་བྱས་ནས་ལྕགས་ཀྱུ་ཁྲུ་གང་གི་ཚད་དུ་བྱས་ལ། མཆོད་པ་རྒྱ་ཆེན་པོ་བྱས་ནས་ཕྱག་ན་རྡོ་རྗེ་ལ་མར་གྱི་མར་མེ་བརྒྱ་སྦར་བར་བྱའོ། །རྡོ་རྗེ་ལྕགས་ཀྱུ་དང ། བདག་ཉིད་ལ་གདུགས་དཀར་པོས་བསྲུང་བར་བྱའོ། །གཟི་བརྗིད་ཕུང་པོས་ནི་དཀྱིལ་འཁོར་བཅིང་བར་བྱའོ། །ཕུར་བུ་ལ་ལན་བདུན་མངོན་པར་སྔགས་པ་བྱས་ཏེ་ཕྱོགས་བཞིར་གཏོར་ལ་ཕུར་བུས་བཏབ་ན་འོག་ཏུ་བཅིང་བ་བྱས་ཤིང་གནས་ཡོངས་སུ་གཟུང་བ་བྱས་པར་ཡང་འགྱུར་རོ། །དེ་ནས་ཐུན་གཉིས་པ་ལ་རྩེ་གཅིག་པའི་ཡིད་ཀྱིས་སྐྱིལ་མོ་ཀྲུང་བཅས་ལ་ལྕགས་ཀྱུ་ལ་མེ་ཏོག་དང ། དྲི་དང ། བདུག་པས་མཆོད་ན་དེ་བསྲུང་བ་བྱས་པ་ཡིན་ནོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བཙལ་ནས་སྐབས་འདིར་ལྕགས་ཀྱུ་ལག་པས་བཟུང་ནས་ཇི་སྲིད་དུ་དམྱལ་བའི་སེམས་ཅན་རྣམས་འཚེ་བ་ཉེ་བར་ཞི་བའི་བར་དུ་བཟླས་ལ། སངས་རྒྱས་དང ། བྱང་
246a
༄#། །ཆུབ་སེམས་དཔའ་ཐམས་ཅད་ལ་ཕྱག་འཚལ་ན་ནམ་མཁའ་ལ་འགྲོ་བར་འགྱུར་རོ། །རིག་པ་འཛིན་པའི་རྒྱལ་པོ་འགྲོ་བ་ལ་ཐོགས་པ་མེད་པ་ལྕགས་ཀྱུ་ལག་ན་ཐོགས་པ། ལྷ་ཐམས་ཅད་དང ། ཀླུ་དང ། གནོད་སྦྱིན་ལ་སོགས་པ་ཡང་ཐག་རིང་པོ་ཉིད་ནས་མཐོང་ན་ཕྱག་འཚལ་བར་བྱེད་དོ། །བསྐལ་པར་གནས་པར་འགྱུར་རོ།། གང་གི་ཚེ་འཆི་བ་དེའི་ཚེ་ཕྱག་ན་རྡོ་རྗེ་གནས་སུ་འགྲོ་ཞིང་ཕྱག་ན་རྡོ་རྗེ་མཐོང་བར་འགྱུར་རོ། །གལ་ཏེ་རས་རིས་སྒྲུབ་པར་གྱུར་ན་དེ་འབར་བ་ན་རིག་པ་འཛིན་པར་འགྱུར། ཆོ་ག་གང་བསྒྲུབ་པར་འདོད་ཀྱང་དེའི་སྔགས་ཀྱི་མིང་བཟུང་ལ་འབུམ་བཟླ་ཞིང་དེ་ནས་ནུབ་གཅིག་སྨྱུང་བ་བྱས་ཏེ། མཆོད་པ་རྒྱ་ཆེན་པོ་བྱས་ལ། ཤིང་ཨརྒའི་མེ་རབ་ཏུ་སྦར་ཏེ་ཏིལ་དག་ལ་ཞོ་དང ། མར་གྱིས་བཏགས་པའི་སྦྱིན་སྲེག་སྟོང་རྩ་བརྒྱད་བྱས་ན་སྦྱིན་སྲེག་གི་མཐར་འོངས་ནས་ནོར་གང་འདོད་པ་དེ་སྟེང་བར་འགྱུར་ཞིང་མདག་གཞུག་པ་དབང་དུ་བྱེད་པ་བཞིན་དུ་ཉེ་བར་གནས་པར་འགྱུར་རོ། །ཅི་སྟེ་དབང་ཕྱུག་ཆེན་པོ་དབང་དུ་བྱེད་པར་འདོད་ན་དབང་ཕྱུག་ཆེན་པོ་ལ་མཆོད་པ་རྒྱ་ཆེན་པོ་བྱས་ལ། ལྷོ་ཕྱོགས་སུ་ཡུད་ཙམ་གྱིས་ཤིང་ཨརྒའི་མེ་རབ་ཏུ་སྦར་ལ་སྦྱིན་སྲེག་སྟོང་རྩ་བརྒྱད་བྱས་པ་ན་ཧ་ཧ་ཞེས་པའི་སྒྲ་བྱུང་བར་གྱུར་ན་འཇིགས་པར་མི་བྱ། དེ་ནས་དེ་འོང་བར་
246b
འགྱུར་ཏེ། བདག་གིས་ཅི་ཞིག་བྱ་ཞེས་སྨྲ་བར་འགྱུར་རོ། །དབང་ཕྱུག་ཆེན་པོའི་རིག་པ་ཐམས་ཅད་བདག་ལ་གྲུབ་པར་གྱུར་ཅིག་ཅེས་སྨྲས་པ་དང ། མཆོག་གང་འདོད་པ་དེ་སྟེར་བར་འགྱུར་ཏེ། དེ་བཞིན་དུ་གྱུར་ཅིག་ཅེས་བྱས་ནས་མི་སྣང་བར་འགྱུར་རོ། །དེ་བཞིན་དུ་ཁྱབ་འཇུག་དང ། ཚངས་པ་ལ་སོགས་པ་ཡང་འགུག་པར་འགྱུར་ཏེ། མཆོག་གང་འདོད་པ་དེ་ཡང་འདི་བཞིན་ཏེ། ཆོ་ག་འདི་བཞིན་དུ་བྱས་ལ་ལེགས་པར་བསྲུང་བ་ཡང་བྱ་འོ། །ཅི་སྟེ་གནོད་སྦྱིན་མོ་དགུག་པར་འདོད་ན་དེའི་མིང་བཟུང་ལ་ཞག་བདུན་དུ་ཤིང་མྱ་ངན་མེད་ཀྱི་མེ་ཏོག་གིས་སྦྱིན་སྲེག་བྱས་ན་འོང་ཞིང་མཆོག་སྟེར་བར་བྱེད་དོ། །ཞག་བདུན་གྱིས་མ་དང ། སྲིང་མོ་དང ། ཆུང་མ་གང་འདོད་པ་དེའི་ཆ་བྱད་དུ་ངེས་པར་འོང་བར་འགྱུར་རོ། ། ཅི་སྟེ་མི་འོང་ན་མགོ་འགས་པར་འགྱུར་རོ། །ཀླུ་མོ་དབང་དུ་བྱེད་པར་འདོད་ན་ཀླུ་ཤིང་གི་མེ་ཏོག་གིས་ཆོ་ག་འདི་བཞིན་དུ་བྱའོ། །སྲིན་མོ་དགུག་པར་འདོད་ན་ཟླ་བ་གསུམ་དུ་ཞོ་དང ། འབྲས་ཆན་གྱི་སྦྱིན་སྲེག་བྱ་འོ། །སྦྱིན་སྲེག་གི་མཐར་ཞག་གཅིག་སྨྱུང་བ་བྱས་ལ། བཅོམ་ལྡན་འདས་ལ་མཆོད་ཅིང་གནོད་སྦྱིན་ལ་གཏོར་མ་ཆན་རྣམས་སྦྱིན་པར་བྱས་ཤིང་གནོད་སྦྱིན་དགུག་པར་བྱའོ་ཞེས་ཡིད་ལ་བྱེད་ཅིང་ཨ་མྲའི་ཤིང་གི་ཡམ་ཤིང་ཞོ་དང ། སྦྲང་རྩི་དང ། མར་གྱི་བཏགས་པ་སྟོང་རྩ་བརྒྱད་སྦྱིན་སྲེག་བྱས་ན་སྐབས་
247a
༄#། །འདིར་ལུས་ངན་པོ་ལ་སོགས་པའི་གནོད་སྦྱིན་འོང་བར་འགྱུར་ལ། དེ་དག་ལ་ཤིང་ཨརྒའི་མེ་ཏོག་གི་མཆོད་ཡོན་བྱིན་ན་དེ་དག་ཅི་ཞིག་བྱ་ཞེས་སྨྲ་བར་འགྱུར་རོ། །དེས་བརྗོད་པར་བྱ་བ་ནི་ཉིན་རེ་ཞིང་གནོད་སྦྱིན་ལུང་བཞིན་དུ་བྱེད་པ་དགོས་སོ་ཞེས་བརྗོད་པར་བྱ་སྟེ། དེས་གནོད་སྦྱིན་རེ་རེ་སྟེར་བར་འགྱུར་རོ། །དེས་ལུང་བསྒོ་བར་བྱ་བ་ནི་དཔག་ཚད་བརྒྱ་ནས་བུད་མེད་རྣམས་འདིར་འོང་བར་གྱིས་ལ། ཐོ་རངས་དེ་ཉིད་དུ་ཁྱེར་ཅིག་ཅེས་པ་དང ། འཁོར་བརྒྱ་ལ་ཡང་འབྲས་ཆེན་བྱིན་ཅིག་ཅེས་བརྗོད་ན།་རྒྱབ་ཏུ་ཁུར་ནས་གང་དུ་འདོད་པ་དེར་འགྲོ་ཞིང་ཁྱེར་བར་འགྱུར་རོ། །ལུང་སྩལ་བ་ཐམས་ཅད་བྱེད་པར་འགྱུར་རོ། །ཅི་སྟེ་ཕྱག་ན་རྡོ་རྗེ་བསྒྲུབ་པར་འདོད་ན་བཞི་འགྱུར་དང ། བདུན་འགྱུར་གྱི་སྔོན་དུ་བསྙེན་པ་བྱས་ལ། ཆོ་འཕྲུལ་གྱི་ཟླ་ཕྱེད་པོ་མ་ལུས་པ་ལ་རབ་ཏུ་རྒྱ་ཆེ་བའི་མཆོད་པ་བྱས་ལ་ཇི་སྲིད་ཟླ་བ་ཉ་བའི་བར་དུ་སྟེ། ཟླ་བ་ཉ་བའི་པར་དུ་མཆོད་པ་བྱས་ལ་དགེ་སློང་གི་དགེ་འདུན་ཁྱད་པར་ཅན་དག་བཤོས་གསོལ་ནས། འཕགས་པ་རྡོ་རྗེ་འཛིན་ལ་རྗེས་སུ་ཡི་རང་བར་བྱེད་དུ་གཞུག་གོ། དེ་ནས་མཆོད་པ་རྒྱ་ཆེན་པོ་བྱས་ནས་དང་པོའི་ཐུན་འདས་ཏེ། གཉིས་པའི་ཐུན་ལ་སྐྱིལ་མོ་ཀྲུང་བཅས་ཏེ་འདུག་ལ། སེམས་རྩེ་གཅིག་པས་རྡོ་རྗེ་འཛིན་བལྟ་བར་བྱའོ་ཞེས་སེམས་ལ་ཀུན་
247b
ཏུ་བརྟགས་ཏེ། གུ་གུལ་གྱི་རིལ་བུ་རྒྱ་ཤུག་གི་འབྲས་བུའི་ཚད་ཙམ་གྱིས་མཚན་མོ་ཐུན་གཅིག་ཏུ་སྦྱིན་སྲེག་བྱའོ། །དེ་ནས་བཅོམ་ལྡན་འདས་ཀྱི་ཡུལ་བསྐྱོད་པར་འགྱུར་ཞིང་ས་འགུལ་བ་དང ། སྤྲིན་གྱི་སྒྲ་སྒྲོགས་པར་འགྱུར་བ་དང ། རིག་པ་འཛིན་པ་ཐམས་ཅད་མེ་ཏོག་གི་ཆར་རབ་ཏུ་འབེབས་པར་འགྱུར་རོ། །སྐབས་འདིར་བཅོམ་ལྡན་འདས་ཕྱག་ན་རྡོ་རྗེས་རིག་པ་ཐམས་ཅད་ཀྱིས་ཡོངས་སུ་བསྐོར་བ་དང ། རིག་པ་མཆོག་ལ་སོགས་པའི་རིག་པའི་རྒྱལ་པོས་ཡོངས་སུ་བསྐོར་བ་བྱོན་པར་འགྱུར་རོ། །ལྷ་ཐམས་ཅད་དང ། ཀླུ་ཐམས་ཅད་དང ། གནོད་སྦྱིན་ཐམས་ཅད་དང ། དྲི་ཟ་དང ། མིའམ་ཅིས་བྱང་ཆུབ་སེམས་དཔའ་ཡོངས་སུ་བསྐོར་བ་བྱོན་པར་འགྱུར་རོ། །དེའི་མོད་ལ་དམྱལ་བའི་སེམས་ཅན་རྣམས་ཀྱི་ཤིན་ཏུ་དྲག་པའི་ཚོར་བའི་སྡུག་བསྔལ་ཉེ་བར་ཞི་བར་འགྱུར་རོ། །དྲིའི་ཆུས་མཆོད་ཡོན་དབུལ་ཞིང་ཕྱག་བཙལ་ཏེ་འདུག་པར་བྱའོ། །དེ་ནས་རྡོ་རྗེ་འཛིན་གྱིས་གསུངས་པ་ནི་མཆོག་ཅི་ཞིག་སྦྱིན་པར་བྱ། རིག་པ་འཛིན་པའི་འཁོར་ལོས་བསྒྱུར་བ་ཉིད་དམ། ས་འོག་ཏུ་འགྲོ་བའམ། རྒྱལ་སྲིད་དམ། མི་སྣང་བར་འགྲོ་བའམ། གང་འདོད་པ་དེ་ཉིད་བཅོམ་ལྡན་འདས་ལས་ཐོབ་པར་འགྱུར་རོ། །གང་འདོད་པའི་རིག་པ་འཛིན་པའི་འཁོར་ལོས་བསྒྱུར་བ་ཉིད་དང ། རིག་པ་འཛིན་བ་ཐམས་ཅད་ཀྱིས་འཁོར་ལོས་བསྒྱུར་བ་རྡོ་རྗེའི་སྐུ་དང ། ཕྱག་ན་རྡོ་རྗེ་དང་འདྲ་བ་དང ། བསམས་པ་ཙམ་གྱིས་
248a
༄#། །མཆན་མ་ཐམས་ཅད་འབྱུང་བར་འགྱུར་རོ། །བསྐལ་པ་ཆེན་པོར་གནས་པར་འགྱུར་རོ། །གང་གི་ཚེ་འཛིན་པ་དེའི་རྡོ་རྗེའི་གནས་སུ་འགྲོ་བར་འགྱུར། །རིག་པ་འཛིན་པ་གཞན་དག་གི་ཡང་ཆོ་ག་འདི་བཞིན་ཏེ། མདོར་ན་ཕྱག་ན་རྡོ་རྗེའི་ཆོ་ག་གང་ཡིན་པ་དང ། འཕགས་པ་སྤྱན་རས་གཟིགས་དབང་ཕྱུག་གི་ཆོ་ག་གང་ཡིན་པ་དང ། བཅོམ་ལྡན་འདས་ཀྱིས་གསུངས་པའི་ཆོ་ག་གང་ཡིན་པ་དང ། ཚངས་པའི་ཆོ་ག་གང་ཡིན་པ་དང ། དབང་ཕྱུག་ཆེན་པོའི་ཆོ་ག་གང་ཡིན་པ་དང ། མདོར་ན་འཇིག་རྟེན་དང ། འཇིག་རྟེན་ལས་འདས་པའི་སྒྲུབ་པ་གང་ཡིན་པ་དེ་དག་ཀྱང་འདི་ཉིད་ཀྱིས་སྒྲུབ་པ་བྱས་ན་འགྲུབ་པར་འགྱུར་རོ། །སྔགས་གང་གིས་སྒྲུབ་པ་བྱས་ཀྱང་མ་གྲུབ་པ་ནི་འདིས་ལུས་ལ་བཟླས་པ་བྱས་ན་ནུབ་བདུན་གྱིས་ངེས་པར་མཐོང་བ་སྦྱིན་པར་བྱེད་དོ། །ཅི་སྟེ་མི་སྦྱིན་ན་ནི་རྣམ་པར་ཉམས་པར་འགྱུར་རོ། །དབང་ཕྱུག་ཆེན་པོ་ལ་སོགས་པའི་ལྷའི་མདུན་དུ་གལ་ཏེ་ཟློས་པ་བྱེད་ན་ནུབ་བདུན་གྱི་ནང་དུ་མཐོང་བ་སྦྱིན་པར་བྱེད་དོ། །གལ་ཏེ་སྦྱིན་པར་མི་བྱེད་ན་མགོ་ཚལ་པ་བདུན་ཕྲག་གསུམ་དུ་འགས་པར་འགྱུར་རོ། །ཟླ་བ་དང ། ཉི་མ་གཟས་ཟིན་པ་ན་མར་དང ། ཤུ་དག་དང ། མིག་སྨན་དང ། དག་བྱེད་དང ། སོ་ཤིང་དང ། མཆོད་ཕྱིར་ཐོགས་དང ། བ་བླ་དང ། ལྡོང་རོས་ལ་སོགས་པ་བསྒྲུབ་པར་
248b
བྱའོ། །ཅི་སྟེ་རྫས་རྣམས་བསྒྲུབ་པར་འདོད་ན་ལྡོང་རོས་བླངས་ཏེ་མིའི་འོ་མ་དང་སྦྱར་བ་བྱས་ལ་རིལ་བུ་ལྔར་བྱ་ཞིང ། ་ག་རུའི་སྣོད་ཁ་སྦྱར་གྱི་ནང་དུ་བཅུག་ཅིང་ཡུངས་ཀར་དང་ལྷན་ཅིག་བསྒྲུབ་པར་བྱའོ། །ཟླ་བ་དང ། ཉི་མ་གཟས་འཛིན་པའི་དུས་སུ་གཏོར་མའི་ཆོ་ག་བྱས་ཏེ། གང་གི་ཚེ་ཡུངས་ཀར་ཙི་ཏི་ཙི་ཏི་ཞེས་སྒྲ་འདོན་པ་དེའི་ཚེ་གྲུབ་པ་དང་པོ་ཡིན་ཏེ། སྐྱེ་བོ་ཐམས་ཅད་དབང་དུ་འགྱུར་ལ། དེའི་ཚེ་འདི་ཐམས་ཅད་དབང་དུ་བྱེད་པར་འགྱུར་ཏེ། གང་སྨྲས་པ་དེ་ཐམས་ཅད་བྱེད་དོ། །ཅི་སྟེ་དུ་བ་འཐུལ་བར་བྱེད་ན་མི་སྣང་བར་བྱེད་པ་ཐམས་ཅད་ཀྱི་རྒྱལ་པོར་འགྱུར་རོ། །བར་གྱི་བསྐལ་པར་འཚོ་བར་འགྱུར་རོ། །གང་གི་ཚེ་འབར་བར་གྱུར་པ་དེའི་ཚེ་ནི་ལྷ་གཞོན་ནུའི་གཟུགས་སུ་འགྱུར་ཞིང་ཉི་མ་འཆར་ཀའི་གཟི་བརྗིད་དང་ལྡན་པ། རིག་པ་འཛིན་པའི་རྒྱལ་པོར་འགྱུར་རོ། །བསྐལ་པ་ཆེན་པོར་འཚོ་བར་འགྱུར། དེ་བཞིན་དུ་གི་ཝང་དང ། བ་བླ་ལ་སོགས་པ་ལའང་བསྒྲུབ་པར་བྱའོ། །ཅི་སྟེ་མིག་སྨན་བསྒྲུབ་པར་འདོད་ན་ལིག་བུ་མིག་དང ། ུ་ཏྤལ་སྔོན་པོ་དང ། རུ་རྟ་དང ། ཙནྡན་དག་གཅིག་ཏུ་བྱས་ཏེ་ཟངས་མའི་སྣོད་དུ་བཞག་ལ། ཟླ་བ་གཟས་ཟིན་པའི་དུས་སུ་ཇི་སྲིད་དུ་བ་འཐུལ་བ་དེ་སྲིད་ཀྱི་བར་དུ་བཟླས་པ་བྱའོ། །དེས་མིག་ལ་བསྐུས་ན་མི་སྣང་བར་འགྱུར་ཏེ། ཇི་ལྟར་འདོད་པའི་གཟུགས་དང ། མི་སྣང་བར་བྱེད་པ་ཐམས་ཅད་ཀྱི་རྒྱལ་པོར་འགྱུར་
249a
༄#། །རོ། །ཅི་སྟེ་རལ་གྲི་བསྒྲུབ་པར་འདོད་ན་རལ་གྲི་མ་ཉམས་པ་བླངས་ལ་མར་ངོའི་ཚེས་བརྒྱད་དམ། བཅུ་བཞི་ལ་རས་རིས་ལ་མཆོད་པ་རྒྱ་ཆེན་པོ་དང ། གཏོར་མ་བཏང་ཞིང་བསྲུང་བ་བྱས་ལ། རལ་གྲི་ལག་པ་གཡས་པས་བཟུང་སྟེ། ཇི་སྲིད་འོད་འཕྲོ་བ་དང ། འབར་བ་དེ་སྲིད་ཀྱི་བར་དུ་བཟླས་པ་བྱས་ན་གལ་ཏེ་འོད་འཕྲོ་ན་ནི་རིག་པ་འཛིན་པ་གཅིག་པུར་འགྱུར་རོ། །འབར་བས་ནི་དེ་རིག་པ་འཛིན་པ་རྣམས་ཀྱི་རྒྱལ་པོར་འགྱུར་བ་དང ། སྟོབས་དང ། ཕ་རོལ་གནོན་པ་ཐོགས་པ་མེད་པ་དང ། གང་གིས་མཐོང་བ་དང ། གང་མཐོང་བ་དེ་དང་ལྷན་ཅིག་ནམ་མཁའ་ལ་འགྲོ་བར་འགྱུར་རོ། །ཅི་སྟེ་རྡོ་རྗེ་བསྒྲུབ་པར་འདོད་ན་ལྕགས་བཟང་པོའི་རང་བཞིན་ལས་རྡོ་རྗེ་བྱ་སྟེ། སོར་བཅུ་དྲུག་པ་རྩེ་མོ་གཉིས་ཀའང་རྩེ་གསུམ་པ་ཙནྡན་དམར་པོས་བྱུགས་ལ། ཆོ་འཕྲུལ་གྱི་ཟླ་ཕྱེད་ཀྱི་ཚེས་ནས་བརྩམས་ནས་རས་རིས་ལ་མཆོད་པ་རྒྱ་ཆེན་པོ་བྱས་ཏེ་བཟླས་པ་བྱ་ཞིང་ཚེས་ནས་ཉི་མ་རེ་རེ་ཞིང་རེ་རེས་བསྐྱེད་པའི་དགེ་སློང་དག་ལ་བཤོས་དྲང་བར་བྱའོ། །ཐ་མར་ནུབ་གསུམ་སྨྱུང་བ་བྱས་ལ་སྐུ་གདུང་དང་བཅས་པའི་མཆོད་རྟེན་གྱི་མདུན་དུ་རས་རིས་རབ་ཏུ་བཞག་ཅིང་མཆོད་པ་རྒྱ་ཆེན་པོ་བྱས་ལ། མར་གྱི་མར་མེ་བརྒྱ་རབ་ཏུ་སྦར་ཞིང་ཀུ་ཤའི་ཁྲེས་ལ་ཉེ་བར་འདུག་པར་བྱའོ། །ལག་པ་གཉིས་ཀྱིས་རྡོ་རྗེ་
249b
བཟུང་ལ་ཇི་སྲིད་འབར་བ་དེའི་བར་དུ་བཟླས་པ་བྱ་ཞིང ། དེ་བཟུང་ན་དེ་འཁོར་དང་བཅས་པ་ནམ་མཁའ་ལ་འགྲོ་བར་འགྱུར། རིག་པ་འཛིན་པའི་འཁོར་ལོས་བསྒྱུར་པར་འགྱུར། ཕྱག་ན་རྡོ་རྗེ་དང་འདྲ་བར་འགྱུར། ཕ་རོལ་གནོན་པར་འགྱུར། བསྐལ་པ་ཆེན་པོར་འཚོ་བར་འགྱུར། ལུས་ཞིག་ནས་ཕྱག་ན་རྡོ་རྗེའི་གནས་སུ་འགྲོ་བར་འགྱུར་རོ། །དེ་བཞིན་དུ་མདུང་རྩེ་དང ། འཁོར་ལོ་དང ། མདའ་དང ། མདུང་ལ་སོགས་པ་མཚོན་ཐམས་ཅད་དང ། མཆིལ་ལྷམ་དང ། སོ་ཤིང་དང ། མཆོད་ཕྱིར་ཐོགས་ལ་སོགས་པ་གཞན་གྱི་ཆོ་གའི་བྱ་བས་བསྒྲུབ་པར་བྱ་ཞིང་ཐམས་ཅད་ཀྱང་གྲུབ་པ་རྣམ་པ་གསུམ་ཡིན་ནོ། །ཞི་བ་བྱེད་པར་འདོད་པ་ལ་པདྨའི་རྣམ་པ་འདྲ་བའི་ཐབ་ཁུང་བྱས་ལ། མཆོད་སྦྱིན་ལ་འོས་པའི་ཡན་ལག་གིས་མེ་རབ་ཏུ་སྦར་ལ་བླུགས་གཟར་གྱིས་ཟས་མཆོག་དང ། ཞོ་དང ། སྦྲང་རྩི་དང ། མར་དང་སྦྱར་བའི་སྦྱིན་སྲེག་སྟོང་རྩ་བརྒྱད་ཞག་གསུམ་བྱས་ན་བདག་དང ། གཞན་ཞི་བར་འགྱུར་རོ། །ཞག་བདུན་གྱིས་ནི་གྲོང་ངམ། གྲོང་ཁྱེར་གྱི་འཆི་བ་མང་པོའི་ཉེ་བར་འཚེ་བ་ཞི་བར་འགྱུར་རོ། །ཤིང་ཤ་མའི་ཡམ་ཤིང་ལ་ཞོ་དང ། སྦྲང་རྩི་དང ། མར་གྱིས་བཏགས་པའི་སྦྱིན་སྲེག་སྟོང་རྩ་བརྒྱད་ཀྱང་བྱའོ། །ཡང་ན་ཤིང་ཨུ་དུམ་བཱ་རའི་ཡམ་ཤིང་ལ་ཞོ་དང ། སྦྲང་རྩི་དང ། མར་གྱིས་བཏགས་བའི་སྦྱིན་སྲེག་སྟོང་རྩ་བརྒྱད་ཀྱང་
250a
༄#། །བྱའོ། །ཆར་མི་འབབ་པ་ལ་ནི་མངར་གསུམ་གྱིས་སྦྱིན་སྲེག་བྱས་ན་ཐམས་ཅད་དུ་མཆོག་ཏུ་ཞི་བ་ཆེན་པོར་འགྱུར་རོ། །སློང་མོའི་ཟས་ཟ་ཞིང་ཆོ་འཕྲུལ་ཆེན་པོའི་ཟླ་ཕྱེད་ཀྱི་ཟླ་བ་ཉའི་བར་དུ་ནུབ་གསུམ་སྨྱུང་བ་བྱས་ལ། ཟླ་བ་གཟས་ཟིན་པ་ན་བ་ནག་མོའི་འོ་མ་ལན་བརྒྱ་རྩ་བརྒྱད་མངོན་པར་སྔགས་ཏེ་འཐུངས་ན་བཅུད་ཀྱིས་ལེན་གྱི་ཡོན་ཏན་དང་ལྡན་པར་འགྱུར་རོ། །རྩཝ་དཱུར་བའི་འཇག་མ་ལ་ཞོ་དང ། སྦྲང་རྩི་དང ། མར་གྱིས་བཏགས་པས་སྟོང་རྩ་བརྒྱད་ནུབ་བཅུའི་བར་དུ་སྦྱིན་སྲེག་བྱས་ན་དུས་མ་ཡིན་པར་འཆི་བ་རབ་ཏུ་ཞི་ཞིང་ཚེ་རིང་བར་འགྱུར་རོ། །རྒྱལ་མཚན་དང ། དུང་ལ་སོགས་པ་ལ་མངོན་པར་བསྔགས་ན་མཐོང་བ་དང ། ཐོས་པས་ཕ་རོལ་གྱི་སྡེ་དཔུང་གིས་མི་གཡོ་བར་བྱས་པར་འགྱུར་རོ། །བུམ་པ་གསར་པ་འབྲུ་ཐམས་ཅད་དང ། སྤོས་ཆུས་བཀང་བ་ལ་ལན་བརྒྱ་རྩ་བརྒྱད་བཟླས་བརྗོད་བྱས་པས་ལོག་འདྲེན་གྱིས་གཙེས་ཤིང་ཟིན་པ་བཀྲུས་ཏེ་དབང་བསྐུར་ན་དཔལ་དང་ལྡན་པར་འགྱུར་རོ། །འདིས་དབང་བསྐུར་ན་སྡིག་པ་ཀུན་ལས་གྲོལ་བར་འགྱུར་ཏེ། དཀྱིལ་འཁོར་གྱི་ལས་དང ། གདོན་གྱིས་ལས་རྣམས་ཀྱང་བྱེད་པར་འགྱུར་རོ། །རྨ་བྱའི་མཇུག་མ་ལ་ལན་འབུམ་བཟླས་བརྗོད་བྱས་ན་དུག་ཐམས་ཅད་སེལ་བར་འགྱུར་རོ། །དེ་ཉིད་ཀྱིས་རིམས་དང ། མིག་
250b
གི་ནད་དང ། གཟེར་ཐབས་ལ་སོགས་པ་སེལ་བར་བྱེད་དོ། །སྲུང་བའི་སྐུད་པས་ནི་ནད་ཐམས་ཅད་ལས་གྲོལ་བར་འགྱུར་རོ། །ཕྱག་རྒྱ་དང་ལྡན་པའི་ཇི་སྐད་གསུངས་པའི་སྔགས་ཀྱིས་སེང་ལྡེང་གི་ཡམ་ཤིང་ལ་ཞོ་དང ། སྦྲང་རྩི་དང ། མར་གྱིས་བཏགས་པའི་སྦྱིན་སྲེག་སྟོང་རྩ་བརྒྱད་བྱས་ན་ལྷ་མ་ཡིན་གྱི་སྔགས་འཇོམས་པར་བྱེད་དོ། །དུས་གསུམ་དུ་ཉིན་མཚན་ཉི་ཤུ་རྩ་གཅིག་ལ་འབྲས་ཐུག་པོ་ཆེ་ལ་ཞོ་དང ། སྦྲང་རྩི་དང ། མར་གྱི་བཏགས་པའི་སྦྱིན་སྲེག་སྟོང་རྩ་བརྒྱད་བྱས་ན་ལོངས་སྤྱོད་ཐོབ་པར་འགྱུར་རོ། །ལྷ་དབང་དུ་བྱ་བར་འདོད་ན་ཨ་ག་རུའི་ཡམ་ཤིང་ལ་ཞོ་དང ། སྦྲང་རྩི་དང ། མར་གྱིས་བཏགས་པའི་སྦྱིན་སྲེག་དུས་གསུམ་དུ་ཉིན་ཞག་ཉི་ཤུ་རྩ་གཅིག་ལ་སྟོང་རྩ་བརྒྱད་བྱའོ། །འབྲས་ཐུག་པོ་ཆེ་ལ་ཞོ་དང ། སྦྲང་རྩི་དང ། མར་གྱིས་བཏགས་པ་གཅིག་ཏུ་བྱས་པས་སྦྱིན་སྲེག་བྱས་ན་ཟས་མི་ཟད་པར་འགྱུར་རོ། །གནོད་སྦྱིན་དབང་དུ་བྱེད་ན་གུ་གུལ་གྱི་རིལ་བུ་ལ་ཞོ་དང ། སྦྲང་རྩི་དང ། མར་གྱིས་བཏགས་པའི་སྦྱིན་སྲེག་སྟོང་རྩ་བརྒྱད་བྱའོ། །ཤིང་མྱ་ངན་མེད་ཀྱི་ཡམ་ཤིང་གིས་ནི་གནོད་སྦྱིན་མོ་རྣམས་ལ་བྱའོ། །ཀླུ་རྣམས་ལ་ནི་ཀླུ་ཤིང་གི་མེ་ཏོག་གིས་བྱའོ། །འཕགས་པ་ཕྱག་ན་རྡོ་རྗེ་ལ་ནི་ཨ་ག་རུའི་ཡམ་ཤིང་གིས་བྱའོ། །རིག་པ་འཛིན་པ་ལ་ནི་པོ་སོན་ཆའི་ཤིང་གི་ཡམ་ཤིང་གིས་སོ། །ས་ག་རུའི་ཡམ་ཤིང་ལ་དུ་
251a
༄#། །རུ་སྐའི་འབྲུ་མར་གྱིས་བཏགས་པས་ནི་དྲི་ཟ་ལ་སྦྱིན་སྲེག་བྱའོ། །ཡི་དྭགས་རྣམས་ནི་བིལ་བའི་ཤིང་གི་ཡམ་ཤིང་གི་སོ། །མི་འམ་ཅི་རྣམས་ལ་ནི་སྲ་རྩི་པོག་གི་སྦྱིན་སྲེག་གིས་སོ། །ལོག་འདྲེན་ཐམས་ཅད་ལ་ནི་ཞག་བདུན་དུ་སྦྱིན་སྲེག་བརྒྱ་རྩ་བརྒྱད་བྱའོ། །རྒྱལ་པོའི་བུ་ལ་ནི་ཡུངས་ཀར་ཏིལ་མར་གྱིས་བཏགས་པ་དུས་གསུམ་དུ་ཞག་བདུན་ལ་སྦྱིན་སྲེག་བརྒྱ་རྩ་བརྒྱད་བྱ་ཞིང་ཉི་མ་ལ་མངོན་དུ་ཕྱོགས་ནས་བཟླས་བརྗོད་འབུམ་བྱས་ན་སྡིག་པ་ཐམས་ཅད་ལས་རབ་ཏུ་གྲོལ་བར་འགྱུར་རོ། །རིག་པ་ཐམས་ཅད་ཚིམ་པར་བྱེད་པར་འདོད་ན་བ་གཅིན་དང ། ནས་ཀྱི་ཁ་ཟས་ཟ་ཞིང་རྩཝ་ཨུ་ཤི་ར་ལས་གཟུགས་བརྙན་བྱས་ཏེ། མེ་ཏོག་དཀར་པོས་མཆོད་ཅིང་འོ་མ་བརྒྱ་རྩ་བརྒྱད་ཀྱིས་སྦྱིན་སྲེག་བྱས་ནས་འོ་མས་ཁྲུས་བྱས་ཏེ་བཟླས་པ་བརྒྱ་རྩ་བརྒྱད་བཟླས་ཤིང ། ་ག་རུའི་དུད་པས་བདུགས་ན་ཚིམ་ཞིང་རྒྱས་པར་བྱས་པར་འགྱུར་རོ། །ལན་གཅིག་བཟླས་པས་བདག་བསྲུང་བ་བྱས་པར་འགྱུར་རོ། །ལན་གཉིས་བཟླས་པས་གཞན་བསྲུང་བ་བྱས་པར་འགྱུར་རོ། །ལན་གསུམ་བཟླས་པ་བྱས་པས་རྫས་བསྲུང་བ་བྱས་པར་འགྱུར་རོ། །ལུས་ཆད་པ་དང ། ཞོམ་པ་དང ། དུག་གིས་རེག་པ་དང ། ཕུར་བུས་བཏབ་པ་རྣམས་ལ་རྟས་པར་བྱེད་པར་འདོད་ན་སྨན་ཨུ་ཤི་ར་ལས་གཟུགས་
251b
བརྙན་དུ་བྱས་ཏེ་མེ་ཏོག་དཀར་པོས་མཆོད་ལ། འདིས་གཙུག་ཏོར་གྱི་རྒྱལ་པོའི་རས་རིས་ཀྱི་མདུན་དུ་ཡུངས་ཀར་གྱི་རྒྱལ་པོ་ལ་ཞོ་དང ། སྦྲང་རྩི་དང ། མར་གྱིས་བཏགས་ལ་སྦྱིན་སྲེག་སྟོང་རྩ་བརྒྱད་བྱས་ན། རིག་པ་ཉེ་བར་དམིགས་ནས་ཕུར་བུ་འབྱུང་བར་འགྱུར་རོ། །ཇི་སྲིད་དུ་བཟླས་ཀྱང་རིག་པ་འབྲས་བུ་མེད་པར་ཤེས་ན་གི་ཝང་གིས་གྲོ་ག་ལ་བྲིས་ཏེ། གྲོ་ག་དེ་ལ་བརྒྱ་རྩ་བརྒྱད་མངོན་པར་སྔགས་པ་བྱས་ནས་བཅོམ་ལྡན་འདས་ལ་མཆོད་པ་རྒྱ་ཆེན་པོ་བྱས་ལ། བཅོམ་ལྡན་འདས་འདི་དང་ལྷན་ཅིག་སྟོང་རྩ་བརྒྱད་བཟླས་ལ་ཀུ་ཤའི་སྟན་དེ་ཉིད་དུ་གཉིད་ལོག་ན་རྨི་ལམ་དུ་འོངས་ཏེ་འབྲས་བུ་མེད་པའི་རྒྱུ་སྟོན་པར་འགྱུར་རོ། །ཅི་སྟེ་མེ་ཏོག་པདྨ་བསྒྲུབ་པར་འདོད་ན་ཙནྡན་དམར་པོ་ལས་པདྨ་བྱས་ཏེ་མཆོད་པ་རྒྱ་ཆེན་པོ་བྱས་ནས་ཞག་གསུམ་སྨྱུང་བ་བྱས་ཏེ། པདྨ་ལག་པ་གཡས་པས་བཟུང་ལ་ཇི་སྲིད་འབར་བ་དེ་སྲིད་ཀྱི་བར་དུ་བཟླས་པ་བྱས་ན་གཡོག་འཁོར་ཉི་ཤུ་དང་ནམ་མཁའ་ལ་འགྲོ་བར་འགྱུར། རིག་པ་འཛིན་པའི་འཁོར་ལོས་བསྒྱུར་བར་འགྱུར། ཐོགས་པ་མེད་པར་འགྲོ་བར་འགྱུར། གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། ། ཅི་སྟེ་རྡོ་རྗེ་བསྒྲུབ་པར་འདོད་ན་གྲོག་མཁར་གྱི་ས་དང ། བྱེ་མ་བསྲེས་ནས་རྡོ་རྗེ་བྱས་ལ་བསླངས་པའི་ཁ་ཟས་ཀྱིས་འཚོ་ཞིང་མི་སྨྲ་བའི་དཀའ་ཐུབ་དང ། ལམ་འགོག་པར་བྱེད་
252a
༄#། །ཅིང་རྡོ་རྗེ་བཟུང་སྟེ་མྱུར་དུ་བཟླས་པ་འབུམ་བྱའོ། །རྡོ་རྗེ་ནི་རྩེ་གཅིག་བར་བྱས་ཏེ། རྡོ་རྗེ་དེ་ཡུངས་ཀར་གྱི་ནང་དུ་གཞག་ལ། ཡུངས་ཀར་དེ་ཇི་སྲིད་དུ་ཙི་ཏིའི་ཙི་ཏིའི་སྒྲ་སྒྲོགས་བ་དེ་སྲིད་དུ་བཟླས་པ་བྱས་ན་རྡོ་རྗེ་འགྲུབ་པར་འགྱུར་རོ། །རྡོ་རྗེ་དེ་བླངས་ནས་ལས་ཐམས་ཅད་བྱེད་པར་འགྱུར་ཏེ། རིའི་རྩེ་མོ་ཡང་ཕྱེ་མར་བྱེད་ལ། ཀླུའི་ཤིང་ཡང་སྐེམས་པར་བྱེད་ཅིང་ཆུ་བོ་ཡང་རྒྱུན་ཕྱོགས་ལས་ཟློག་པར་བྱེད་དོ། །ཀླུ་རྣམས་འབྱེར་བར་བྱེད་དོ། །དུག་རྣམས་དུག་མེད་པར་བྱེད་དོ། །སྲོག་ཆགས་ཐམས་ཅད་རེངས་པར་བྱེད་དོ། །རྨོངས་པར་བྱེད་དོ། །ལྟུང་བར་བྱེད་དོ། །སྔགས་ཕྱེ་མར་བྱེད་དོ། །ཤིང་རྟ་ལ་སོགས་པ་ཡང་རེངས་པར་བྱེད་དོ། །དེ་ལ་སོགས་པའི་ལས་ཐམས་ཅད་བྱེད་པར་འདི་ཉིད་རྩེ་གསུམ་པའི་རྡོ་རྗེས་སྒྲུབ་པར་བྱེད་དེ། གཙུག་སྤྱོད་ཀྱིས་ཀྱང་མངོན་སུམ་དུ་བགེགས་བྱེད་པར་མི་ནུས་སོ། །འདིའི་ཆོ་གས་རྟག་ཏུ་བཟླས་པ་བྱེད་པའི་དུས་སུ་སངས་རྒྱས་ཀྱི་སྤྱན་གྱི་སྔགས་ཀྱིས་ཐོག་མ་དང ། ཐ་མར་ལན་རེ་རེ་བཟླས་པ་བྱས་ན་དེ་དག་ཞི་བ་ཉིད་དུ་འགྱུར་ཞིང་གྲུབ་པ་ཡང་མངོན་སུམ་དུ་འགྱུར་རོ། །དེ་ནས་རྒྱ་མཚོ་ཆེན་པོར་འབབ་པའི་ཆུ་བོ་ལ་ཡི་གེ་གཅིག་པས་པདྨ་འབུམ་དོར་ན་དཔལ་རང་འོངས་ནས་མཆོག་དང ། རྒྱལ་སྲིད་ཀྱང་སྦྱིན་པར་བྱེད་དོ། །ཅི་སྟེ་འབྲུ་གཅིག་པ་དང་བཅས་
252b
པའི་པདྨ་འབུམ་ཕྲག་གསུམ་དོར་ནས་ཀུན་ལ་དབང་བའི་རྒྱལ་པོར་འགྱུར་རོ། །ལྔ་འབུམ་བཟླས་ན་ཛམྦུའི་གླིང་གི་བདག་པོར་འགྱུར་རོ། །ས་འོག་ཏུ་འཇུག་པའི་སྒོར་རྐང་པ་བཞག་སྟེ་འབུམ་ཕྲག་གསུམ་བཟླས་ན་འཁྲུལ་འཁོར་ཐམས་ཅད་བཅོམ་ནས་དོགས་པ་མེད་པར་འགྱུར་ཞིང ། ཞུགས་ནས་ཀྱང་བཅུད་ཀྱིས་ལེན་ཐམས་ཅད་འབྱིན་པར་འགྱུར་རོ། །ཅི་སྟེ་དེ་ཉིད་དུ་འདུག་ནའང་ཁྱབ་འཇུག་གི་འཁོར་ལོའི་འཇིགས་པ་མེད་པར་འགྱུར་རོ། །ཅི་སྟེ་འཁོར་ལོ་ནང་དུ་བྱུང་ནའང་སྔགས་དྲན་པ་ཙམ་གྱིས་ཐལ་བར་འགྱུར་རོ། །བསམས་པ་ཙམ་གྱིས་ཕྱིར་གསོ་བར་ཡང་ནུས་སོ། །ནམ་ཡང་ཕྱིས་རབ་ཏུ་འཇུག་པར་ཡང་མི་འགྱུར་རོ། །ཡར་ངོ་དེ་དང ། དེའི་ཚེས་གཅིག་ནས་བརྩམས་ཏེ་དུས་གསུམ་དུ་སྣ་མའི་མེ་ཏོག་ལ་ལན་གཅིག་བཟླས་ནས། བཅོམ་ལྡན་འདས་ཀྱི་ཞབས་ཀྱི་མཐེ་བོའི་དྲུང་དུ་གཞག་པ་བྱས་ནས། ཇི་ཙམ་ན་ཞབས་ཀྱི་མཐེ་བོང་ནས་འོད་ཟེར་བྱུང་ནས་སྒྲུབ་པ་པོ་དེའི་ལུས་ལ་ཞུགས་པར་གྱུར་གྱི་བར་དུ་བྱས་ན། དེའི་མོད་ཁོ་ན་ལ་སྐྲ་འཁྱིལ་ཞིང་འཁོར་དང་ལྡན་པར་ཡང་འགྱུར་རོ། །འཁོར་དང་བཅས་པ་ནམ་མཁའ་ལ་འགྲོ་ཞིང་རིག་པ་འཛིན་པའི་རྒྱལ་པོར་ཡང་འགྱུར་རོ། །བསྐལ་པར་ཡང་གནས་པར་འགྱུར་རོ། །དེ་ནས་རྒྱ་མཚོའི་ངོགས་སུ་རས་རིས་ནུབ་ཕྱོགས་སུ་བསྟན་ཏེ་བཞག་ལ་ཀླུ་ཤིང་གིས་མེ་རབ་ཏུ་སྤར་ནས་
253a
༄#། །རྒྱ་མཚོ་ལ་དམིགས་ནས་ཀླུ་ཤིང་གི་མེ་ཏོག་གིས་སྦྱིན་སྲེག་འབུམ་བྱས་ན་རྒྱ་མཚོའི་རླབས་འབྱུང་བར་འགྱུར་ཏེ། དེ་ནི་གྲུབ་པའི་མཚན་མ་ཡིན་པས་འཇིགས་པར་མི་བྱའོ། །ཇི་སྲིད་རྒྱ་མཚོ་ལས་བྲམ་ཟེའི་གཟུགས་ཀྱིས་འོང་བར་འགྱུར་ཏེ། བདག་གིས་ཅི་ཞིག་བྱ་ཞེས་སྨྲ་བ་ན་ཁྱོད་ངའི་དབང་དུ་གྱིས་ཤིག་ཅེས་བྱ་བར་སྨྲ་བར་བྱའོ། །དེ་ནས་གང་ཅི་བསྒོ་བ་དེ་ཐམས་ཅད་བྱེད་པར་འགྱུར་རོ། །ས་ལ་པདྨ་འདབ་མ་སྟོང་དང་ལྡན་པ་བྲིས་ཏེ། དེའི་སྟེང་དུ་འདུག་ནས་བརྒྱ་ཕྲག་སྟོང་བཟླས་པ་བྱས་ན་པདྨ་དེ་ས་ལས་འཕགས་ནས་གཡོག་འཁོར་སྟོང་དང་བཅས་པ་ནམ་མཁའ་ལ་འགྲོ་བར་འགྱུར་རོ། །བསྐལ་པ་ཆེན་པོར་གནས་པའི་རིག་པ་འཛིན་པའི་རྒྱལ་པོར་ཡང་འགྱུར་རོ། །ལམ་གཅོད་པར་ཡང་མི་ནུས་སོ། །འོད་དཔག་ཚད་ལྔར་སྣང་བར་བྱེད་པར་འགྱུར་རོ། །ཆོ་འཕྲུལ་ཆེན་པོའི་ཟླ་བ་ཕྱེད་ལ་སྣ་མའི་མེ་ཏོག་དང་ལྡན་པ་རེ་རེས་བཟླས་ཤིང ། བཅོམ་ལྡན་འདས་ཀྱི་གཙུག་ཏོར་གྱི་སྟེང་དུ་འབུམ་ཕྲག་གཅིག་ཕུལ་ན་ཇི་སྲིད་གཙུག་ཏོར་ནས་འོད་ཟེར་འབྱུང་བར་འགྱུར་ཏེ། སྒྲུབ་པ་པོའི་ལུས་ལ་ཞུགས་ཀྱི་བར་དུ་བྱས་ན་དེའི་མོད་ཁོ་ན་ལ་མངོན་པར་ཤེས་པ་ལྔ་ཐོབ་པར་འགྱུར་རོ། །འབུམ་ཕྲག་བཅུ་བཟླས་པ་བྱས་ན་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་ལས་བྱེད་པར་འགྱུར་རོ། །བཅོམ་ལྡན་འདས་
253b
འདི་ཉིད་དང་ལྷན་ཅིག་གལ་ཏེ་རིག་པ་ཟློ་བར་བྱེད་ན་དེ་ངེས་པར་འོང་པར་འགྱུར་རོ། །མངོན་སུམ་དུ་བཟླས་ན་ཡང་འོང་བར་འགྱུར་རོ། །གལ་ཏེ་འོང་བར་མི་བྱེད་ན་དེའི་མགོ་འགས་པའམ། སྐེམ་པར་འགྱུར་རོ། །ཡི་གེ་གཅིག་པ་འདི་ནི་གཞན་ཅི་ཞིག་ཡིན་ཏེ། གཙུག་ཏོར་འཁོར་ལོས་བསྒྱུར་པ་དེ་བཞིན་གཤེགས་པ་འདི་ཉིད་མངོན་སུམ་ཡིན་ཏེ། ལྷ་དང་བཅས་པའི་འཇིག་རྟེན་ན་སྔགས་དང ། རིག་པ་ཐམས་ཅད་ཀྱི་རྒྱལ་པོ་དེ་བཞིན་གཤེགས་པ་ཉིད་དོ། །གདུགས་དཀར་པོ་དང ། གཟི་བརྗིད་ཕུང་པོ་ལ་སོགས་པ་ནི་འདིའི་གཡོག་འཁོར་ཡིན་ཏེ། གཙུག་ཏོར་གྱི་རྒྱལ་པོ་ཐམས་ཅད་ཀྱིས་ཀྱང་བསྒྲུབ་པར་བྱ་བ་ཡིན་ཏེ། ཆོ་ག་ཐམས་ཅད་འདི་ཉིད་ལ་སྦྱར་བར་བྱ་ཞིང ། གཙུག་ཏོར་གྱི་རྒྱལ་པོ་ཐམས་ཅད་ཀྱིས་ཀྱང་འདི་བསྒྲུབ་པར་བྱའོ། །ཆོ་ག་ཐམས་ཅད་ཀྱིས་ཀྱང་འདི་བསྒྲུབ་པར་བྱའོ། །དངོས་གྲུབ་དམ་པ་འདོད་པས་ཀྱང་གནས་མ་ཡིན་པར་སྦྱར་བར་མི་བྱའོ། །གལ་ཏེ་སྦྱོར་བར་བྱེད་ན་གྲུབ་པ་དམ་པར་འགྱུར་བ་མ་ཡིན་ཞིང ། མདོར་ན་ལྷ་ཐམས་ཅད་ཀྱང་འདིས་འགུགས་པར་བྱེད་དོ། །དེ་ནས་གཏེར་འབྱིན་པར་འདོད་ན་གང་དུ་གཏེར་ཡོད་པ་དེར་སོང་ལ་རྩ་བ་མི་གནག་བའི་བུམ་པ་བླངས་ནས་དྲི་ཞིམ་པོ་ཐམས་ཅད་ཀྱི་ལྡེ་གུས་བྱུགས་ཏེ། ཙནྡན་དཀར་པོ་དང ། ཆུའི་ནང་དུ་བཅུག་སྟེ། སྟོང་རྩ་བརྒྱད་མངོན་པར་སྔགས་པ་བྱས་ནས་གལ་ཏེ་གཏེར་
254a
༄#། །ཡོད་ན་ས་དེ་རང་བྱེ་བར་འགྱུར་རོ། །གལ་ཏེ་གཏེར་དེ་མི་གང་ཙམ་ན་ཡོད་ན་ཆུས་གཏོར་ལ་ཁྲུ་གང་ཙམ་བརྐོས་ལ་བླང་བར་བྱའོ། །ཅི་སྟེ་སེང་གེ་བསྒྲུབ་པར་འདོད་ན་གྲོག་མཁར་གྱི་ས་དང ། གི་ཝང་གི་ལྡེ་གུས་བསྲེས་པའི་གོང་བུ་ལས་བྱས་ནས་བཞག་སྟེ་མཆོད་པ་རྒྱ་ཆེན་པོ་བྱས་ལ་ཇི་སྲིད་འགུལ་བ་དེ་སྲིད་ཀྱི་བར་དུ་བཟླས་པ་བྱས་ན་འགྲུབ་པར་འགྱུར་ཏེ། འགུལ་བ་ན་འགྲུབ་པར་འགྱུར་རོ། །རྒྱབ་ཏུ་ཞོན་ན་རྣ་ཆ་གདུབ་ཀོར་དང་འདྲ་ཞིང་འཁྱིལ་པའི་སྐྲ་དང ། བདག་དང་བཅས་པའི་འཁོར་ལྔ་བཅུ་དང་ནམ་མཁའ་ལ་འགྲོ་བར་འགྱུར་རོ། །ཚངས་པ་ཇི་ལྟ་བར་ལོ་སྟོང་ཕྲག་དགུར་འཚོ་བར་འགྱུར། རིག་པ་འཛིན་པ་ཐམས་ཅད་ཀྱིས་མི་ཐུབ་པར་འགྱུར་རོ། །དེ་བཞིན་དུ་གླང་པོ་ཆེ་དང ། མ་ཧེ་བསྒྲུབ་པར་བྱའོ། །གང་གི་ཚེ་སེང་གེ་སེང་གེའི་སྒྲ་སྒྲོགས་པ་དེའི་ཚེ་ལྷ་རྣམས་སྟན་ལས་ས་ལ་ལྟུང་བར་འགྱུར་རོ། །པདྨའི་མཚོར་ཕྱིན་ནས་པདྨ་འབུམ་གྱིས་མཆོད་ནས་ཀུན་གྱི་རྒྱལ་ཐབས་ཐོབ་པར་འགྱུར་རོ། །ཤིང་ཀ་ར་བཱི་རའི་མེ་ཏོག་ཁ་མ་འབུས་པའི་སྦྱིན་སྲེག་འབུམ་བྱས་ན་རྒྱལ་པོའི་བུ་མོ་ཐོབ་པར་འགྱུར་རོ། །སྣ་མའི་མེ་ཏོག་འབུམ་གྱིས་རྒྱ་མཚོར་འགྲོ་བའི་ཆུ་བོ་ལ་སྔགས་དང་བཅས་པས་གཏོར་ན་གང་འདོད་བའི་བུ་མོ་ཐོབ་པར་འགྱུར་ཞིང་གྲུབ་པ་མཆོག་ཐམས་ཅད་ཀྱང་འགྲུབ་
254b
པར་འགྱུར་རོ། །གཙུག་ཏོར་འཁོར་ལོས་བསྒྱུར་བ་འདིའི་སྔགས་ཀྱིས་ནི་དེ་གང་དུ་འོངས་པ་དེར་དབང་བོ་ཡང་དེ་ལ་སྟན་སྟོབས་པར་འགྱུར་རོ། །ལྷའི་རྒྱལ་པོ་ཐམས་ཅད་ཀྱིས་ཀྱང་རིང་པོ་ནས་མཐོང་ན་འཇིགས་པས་དགའ་བར་འགྱུར་རོ། །ལྷ་རྣམས་ཀྱི་རྒྱལ་པོ་ཐམས་ཅད་དུ་ཡང་འགྱུར་རོ། །དེ་ལྟར་རྒྱ་ཆེར་བཅོམ་ལྡན་འདས་ཤཱཀྱ་སེང་གེ་མི་མཆོག་གིས་གསུངས་པ་ཡིན་ནོ།། །།འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཡི་གེ་གཅིག་པའི་འཁོར་ལོས་བསྒྱུར་བའི་ལས་ཀྱི་ཆོ་ག་དང ། རས་རིས་བསྟན་པའི་ལེའུ་རབ་འབྱམས་ལས་ཉི་ཤུ་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས། དེ་ན་གནས་པའི་ལྷའི་ཚོགས་ཐམས་ཅད་དང ། སངས་རྒྱས་དང ། བྱང་ཆུབ་སེམས་དཔའ་དང ། རང་སངས་རྒྱས་དང ། ཉན་ཐོས་དང ། འཇམ་དཔལ་གཞོན་ནུར་གྱུར་བ་ལ་བཀའ་སྩལ་པ། འཇམ་དཔལ། བསྟན་པ་འདི་ནི་དེ་བཞིན་གཤེགས་པ་ཐམས་ཅད་ཀྱི་ནོར་དུ་གྱུར་པ། ཆོས་ཀྱི་མཛོད་དང ། འཇིག་རྟེན་པ་རྣམས་ཀྱིས་བསམ་པ་འབྲས་བུ་དང་བཅས་པ་བྱེད་པའི་ཕྱིར་ནོར་བུ་རིན་པོ་ཆེ་ལྟ་བུར་གྱུར་པའོ། །དུས་ཀྱི་ཐ་མའི་དུས་དེའི་ཚེ་
255a
༄#། །དེ་བཞིན་གཤེགས་པ་རྣམས་ཡོངས་སུ་མྱ་ངན་ལས་འདས་ཤིང ། སངས་རྒྱས་ཀྱི་ཞིང་དག་སྟོངས་བ་ན་དམ་པའི་ཆོས་ཀྱི་ཚུལ་ནུབ་པའི་དུས་ཚོད་ན་དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་མཛེད་ཡང་དག་པར་བསྲུང་བའི་ཕྱིར། གཞོན་ནུ། ཁྱོད་ཀྱི་སྔགས་དང ། རྒྱུད་རྣམས་ཀྱི་ཆོ་གའི་རྒྱལ་པོ་ནི་ཐུན་མོང་དུ་གྱུར་ཅིང་གཏེར་དུ་གྱུར་པར་འགྱུར་བ་ཡིན་ཏེ། སེམས་ཅན་ཐམས་ཅད་ཀྱི་བསམས་པ་ཡོངས་སུ་རྫོགས་པར་བྱ་བའི་ཕྱིར་ཆོ་ག་བཞིན་དུ་བཟླས་པ་བྱས་ན་ཐོབ་པ་ཡིན་ནོ། །འཇམ་དཔལ། དེ་བཞིན་གཤེགས་པ་ཐམས་ཅད་ཀྱི་སྔགས་དང ། རྒྱུད་རྣམས་ཀྱི་འདི་ནི་སྙིང་པོར་གྱུར་བ་ཡིན་ཏེ། གཞོན་ནུ། ཁྱོད་ཀྱི་ཆོ་གའི་རྒྱལ་པོ་འདི་ནི་མཆོག་ཏུ་གྱུར་བ་ཡིན་ནོ། །ཡི་གེ་གཅིག་བའི་འཁོར་ལོས་བསྒྱུར་བ་འདི་བཟླས་པས་ནི་དེ་བཞིན་གཤེགས་པ་ཐམས་ཅད་ཀྱི་རིག་པའི་རྒྱལ་པོ་བཟླས་པར་འགྱུར་རོ། །འཇམ་དཔལ། གཞན་ཡང ། ཁྱོད་ཀྱི་ཆོ་གའི་རྒྱལ་པོ་གཏེར་དུ་གྱུར་པ། སྙིང་པོར་གྱུར་པ། མཆོག་ཏུ་གྱུར་པ། གཙོ་བོར་གྱུར་པ། ཡི་གེ་གཅིག་པ་སྔོན་བྱུང་བ་འགྱུར་རོ། །འདས་པའི་དུས་དང ། འདས་པའི་དུས་ཚོད་དུ་གང་གཱའི་ཀླུང་གི་བྱེ་མ་དྲུག་ཅུ་རྩ་གཉིས་སྙེད་ཀྱི་དེ་བཞིན་གཤེགས་པ་དང ། ཚེ་དང ། ཡེ་ཤེས་དཔག་ཏུ་མེད་པ་རྣམ་པར་ངེས་པའི་
255b
དབང་པོའི་རྒྱལ་པོ་ཞེས་བྱ་བ་དེ་བཞིན་གཤེགས་པ། དགྲ་བཅོམ་པ། ཡང་དག་བར་རྫོགས་བའི་སངས་རྒྱས། རིག་པ་དང ། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང ། མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས། གང་གིས་དྲན་བ་ཙམ་མམ། མཚན་འཛིན་པས་ཀྱང་མཚམས་མེད་པ་ལྔའི་ལས་ཀྱང་ཟད་པར་འགྱུར་རོ། །གང་གིས་མཚན་ཐོས་པ་ཙམ་གྱིས་ཀྱང་སེམས་ཅན་མང་པོ་ངེས་པར་བྱང་ཆུབ་ལ་གཞོལ་བར་འགྱུར་ན་སྔགས་འགྲུབ་པ་ལྟ་སྨོས་ཀྱང་ཅི་དགོས། སྔགས་ཟློས་པ་ཐམས་ཅད་ཀྱིས་ཀྱང་ངེས་པར་ཚེ་དང ། ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་རྒྱལ་པོ་བཅོམ་ལྡན་འདས་དེ་བཞིན་གཤེགས་པ་འདི་ལ་དང་པོར་དག་གིས་ཀྱང་ཕྱག་བྱས་ཏེ། བཅོམ་ལྡན་འདས་ཚེ་དང ། ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་ཕྱག་འཚལ་ལོ། །དེ་བཞིན་དུ་དེ་ནས་འོད་དཔག་མེད་དང ། རིན་ཆེན་ཏོག་ལ་ཕྱག་བྱའོ། །དེ་ནས་སངས་རྒྱས་ཐམས་ཅད་ལ་ཕྱག་བྱས་ནས་ཅི་འདོད་བའི་སྔགས་བཟླས་བ་བྱས་ན་མྱུར་དུ་གྲུབ་པ་སྩོལ་བར་འགྱུར་ཏེ་།གང་གི་ཕྱིར་ཞེ་ན། དེ་བཞིན་གཤེགས་པ་གསུམ་གྱི་
256a
༄#། །མཚན་ཡོངས་སུ་བསྒྲགས་པ་དང ། ཕྱག་འཚལ་བས་ནི་བསོད་ནམས་ཆེན་པོ་འཕེལ་བའི་ཕྱིར་དང ། དེ་བཞིན་གཤེགས་བ་ཐམས་ཅད་ལ་ཡང་ཕྱག་འཚལ་བས་ན་ངེས་པར་བྱང་ཆུབ་ལ་གཞོལ་བ་དང ། དགེ་བའི་ཚོགས་འདི་ཡོངས་སུ་རྫོགས་པར་འགྱུར་ཏེ། བྱང་ཆུབ་སེམས་དཔའི་གྲངས་སུ་འགྲོ་ཞིང་དེའི་སྔགས་ཀྱང་མྱུར་དུ་འགྲུབ་པ་སྩོལ་པར་འགྱུར་རོ། །ཚེ་དང ། ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་བོའི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཡི་གེ་གཅིག་པའི་སྔགས་འདི་གསུངས་ཏེ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང ། སྔགས་དང ། རྒྱུད་ཐམས་ཅད་ཀྱི་མངོན་པར་འདོད་པ།་སྔགས་ཐམས་ཅད་ཀྱི་དོན་སྒྲུབ་པར་བྱེད་པ། འཇམ་པའི་དབྱངས་ཁྱོད་ཀྱི་ཆོ་གའི་རྒྱལ་པོ་མཆོག་ཏུ་གཙང་བ་དང ། གཙང་བ་དམ་པ་དང ། འཇིག་རྟེན་རྣམས་ལ་ཕན་པའི་ཕྱིར་རབ་ཏུ་སྦྱར་བར་བྱའོ། །སློབ་མ་མ་ཡིན་པ་དང ། ཆོས་དང་མི་ལྡན་པ་དང ། དེ་བཞིན་དུ་སྟོན་པ་དང ། བསྟན་པ་ལ་མ་དད་པ་དང ། གཞན་གྱིས་ཕམ་པ་དང ། མ་རུངས་པ་དང ། ང་རྒྱལ་ཅན་དང ། སྟོན་པ་དང ། །བསྟན་པ་ལ་ཉེས་བ་ཚོལ་བ་ལ་ནི་ནམ་ཡང་རབ་ཏུ་སྦྱར་བར་མི་བྱའོ། །རྒྱལ་བའི་སྲས་ལ་རབ་ཏུ་མི་དང་པ་དང །
256b
ཉན་ཐོས་དང ། རང་སངས་རྒྱས་རྣམས་ལ་ཡང་མཆོད་པ་དང ། རྗེས་སུ་གཟུང་བ་མི་བཟོད་པ་དེ་ལ་ནི་ངས་སྦྱིན་པར་མི་བྱའོ། །དེ་ལ་ནི་སྔགས་གྲུབ་པ་མི་སྣང་སྟེ། དད་ཅིང་ཞི་བའི་སེམས་ལྡན་དང ། །སངས་རྒྱས་བསྟན་ལ་རབ་ཏུ་དད། །བྱང་ཆུབ་སེམས་ལ་རྟག་ཏུ་ནི། །མཆོད་དང་རྗེས་གཟུང་དེ་གཙོར་བྱེད། །དེ་ལ་སྔགས་འདི་འགྲུབ་འགྱུར་ཞེས། །ཆོ་ག་འདིར་ནི་ཡང་དག་བསྟན། །སྔགས་ཆེན་ཡི་གེ་གཅིག་པ་ནི། །འཇམ་པའི་དབྱངས་ཀྱིས་ངེས་པར་སྦྱར། །འཇིག་རྟེན་མགོན་འདིས་སྔགས་འདི་ནི། །རེ་བ་སྐྱེད་བྱེད་སྩོལ་བ་ཡིན། །སངས་རྒྱ་ཀུན་གྱི་སྙིང་པོ་ཡིན། །སྔགས་རྣམས་མ་ལུས་འབྱུང་བའི་གནས། །བདུན་ཅུ་རྩ་དྲུག་བྱེ་བ་ནི། །རང་བྱུང་ཉིད་ཀྱིས་སྔོན་གསུངས་པ། །ལུས་ཅན་སྡིག་པས་རྨོངས་རྣམས་ལ།། སྔགས་རྣམས་དགེ་བའི་དོན་དུ་ཡིན། །དེ་བཞིན་གཤེགས་རྣམས་ཀུན་གྱི་སྔགས། །སྟོན་པའི་གཟུགས་སུ་ཡང་དག་གནས། །དེ་དག་ལ་འདི་སྙིང་པོར་གྱུར། །རིག་པའི་རྒྱལ་པོ་རྫུ་འཕྲུལ་ཆེ། །ཡི་གེ་གཅིག་བོར་རྟག་པར་གནས། །ཐེར་ཟུག་ཏུ་ཡང་འདི་རབ་འཇུག། འདིར་ནི་ཆོས་ཀྱི་མཐར་གནས་ཏེ། །འགྲོ་ལ་ཕན་ཕྱིར་སངས་རྒྱས་ཡིན། །ཆོས་ཀྱི་ཚུལ་ལ་ཡང་དག་གནས། །འདི་ནི་ཡི་གེ་གཅིག་པ་ཡིན། །སྔགས་ནི་དོན་རྣམས་མ་ལུས་སྒྲུབ། །རྒྱལ་པོ་མ་རུངས་ཟློག་བྱེད་ཡིན། །ལས་ནི་སྣ་ཚོགས་བྱེད་པ་ཡིན། །ལས་ཀུན་མ་ལུས་
257a
༄#། །སྒྲུབ་པའོ། །ལས་ནི་རྩ་བརྒྱད་སྟོང་པོ་རྣམས། །ངེས་པར་ཡང་ནི་བྱེད་པར་འགྱུར། །ཆོ་ག་མཐོང་བའི་ལས་ཀྱིས་ནི། །ཕུན་སུམ་ཚོགས་པ་སྣ་ཚོགས་སྟེར།། འཇམ་དཔལ་གྱི་ནི་སྙིང་པོ་ནི། །ཡི་གེ་མ་དང་ཡང་དག་ལྡན། །ཡི་གེ་ཨུ་དང་རྟག་འགྲོ་ཞེས། །འཇིག་རྟེན་ན་ནི་རྟག་འཇུག་འགྱུར། །ཚེ་དང་ཡེ་ཤེས་དཔག་མེད་རྒྱལ། །དཔང་པོས་ངེས་པའི་དོན་དུ་གསུངས། །འཇམ་པའི་དབྱངས་ལ་སངས་རྒྱས་ཀྱིས། །དབང་གི་དོན་དུ་འདི་རབ་སྦྱིན། །དེས་ན་དུས་མཐའི་འཇིག་རྟེན་འདིར། །སྟོན་པ་མྱ་ངན་འདས་པ་ན། །ཆོ་ག་མཐོང་བའི་རྒྱུ་ཡིས་ནི། །མྱུར་དུ་གྲུབ་པར་འགྲོ་བར་འགྱུར། །ཚེ་ནི་དཔག་མེད་ཅེས་བྱ་བས། །རྣམ་པར་བརྟགས་པར་གྱུར་པ་ཡིན། །དེར་ནི་བཅོམ་ལྡན་སངས་རྒྱས་ཏེ། ། ཆོས་ཀྱི་འཁོར་ལོ་སྐོར་བྱེད་པ། །དཔག་མེད་བསྐལ་པར་གནས་པ་དང ། །ཚེ་ལ་དབང་བར་བྱིན་གྱིས་བརླབས། །དེ་ཉིད་ཕྱིར་ན་དེ་མཚན་གྱུར། །དཔག་མེད་ཚེ་དང་ཡེ་ཤེས་དེས། །འཇིག་རྟེན་ཀུན་གྱི་རྒྱལ་པོའི་དབང ། །རྫུ་འཕྲུལ་ཆེ་འདི་དེ་བཞིན་གཤེགས། །དེས་ནི་སྔགས་མཆོག་གཙོ་འདི་བྱིན། །སངས་རྒྱས་སྲས་པོ་བློ་དང་ལྡན། །སྲས་ཀྱི་གཙོ་བོ་དམ་པ་ནི། །རྫུ་འཕྲུལ་ཆེ་ཞིང་སྟོབས་ཀྱང་ཆེ། །དེ་ནས་སྲས་པོ་དེ་ཉིད་ཀྱིས། །འདི་ནི་ཀུན་ཏུ་བཟང་ལ་སྦྱོར། །དེ་ནས་སངས་རྒྱས་སྲས་རྣམས་ལ། །དེ་ནི་དེ་བཞིན་
257b
གཤེགས་དག་གིས། །སྔགས་རྣམས་ཀྱིས་ནི་མཆོག་གྱུར་པ། །ཆོས་ཀྱི་རྒྱལ་པོས་གསུངས་པ་ནི། །འབྱུང་པོ་རྣམས་ལ་ཕན་དོན་དུ། །སྔགས་རྣམས་མ་ལུས་གསུངས་པ་ཡིན། ། ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ས་ལའི་དབང་པོའི་རྒྱལ་པོ་ཚེ་དཔག་ཏུ་མེད་པ་དང ། འོད་དཔག་ཏུ་མེད་པ་དང ། རིན་ཆེན་ཏོག་ལ་སོགས་པ་སངས་རྒྱས་ཐམས་ཅད་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས་ལན་གསུམ་སྔགས་བཟླས་པར་བྱའོ། །ཡི་གེ་གཅིག་པོ་དེ་གང་ཞེ་ན། མུ། གྲོགས་པ་དག། འདི་ནི་ཚེ་དང ། ཡེ་ཤེས་དཔག་ཏུ་མེད་པ་རྣམ་པར་གདོན་མི་ཟ་བའི་དབང་པོའི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཀོད་པ་དཔག་ཏུ་མེད་པ་དང་ལྡན་པའི་འཇིག་རྟེན་གྱི་ཁམས་སུ་བཞུགས་ཏེ། གསུངས་བ་ནི་སེམས་ཅན་ཐམས་ཅད་ཀྱི་དོན་དང ། ཕན་པ་དང ། བདེ་བ་དང ། འཇིག་རྟེན་ལ་སྙིང་བརྩེ་བའི་ཕྱིར་དང ། སྐྱེ་བོའི་ཚོགས་ཆེན་པོའི་དོན་དང ། མ་འོངས་པའི་སྐྱེ་བོ་དག་ལ་གཟིགས་ནས། བསྟན་པ་ནུབ་པའི་དུས་ཚོད་དུ་མཁྱེན་ནས་དུས་ཀྱི་ཐ་མ་ལ་དཀོན་མཆོག་གསུམ་ལ་གནོད་པ་བྱེད་བའི་མ་རུངས་པའི་རྒྱལ་པོ་བཟློག་པའི་ཕྱིར་དང ། དེ་
258a
༄#། །བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྲས་ཀྱི་གཙོ་བོ་མཐུ་ཆེན་པོ་ཐོབ་པའི་བྱང་ཆུབ་སེམས་དཔའི་སེམས་དཔའ་ཆེན་པོ་ལ་སྦྱིན་པའི་ཕྱིར་དང ། སངས་རྒྱས་ཀྱི་བྱིན་གྱིས་བརླབས་ཀྱིས་ཀུན་ཏུ་བཟང་པོ་ལ་བྱིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དེས་ཀྱང་འཇམ་དཔལ་གཞོན་ནུར་གྱུར་པ་ལ་བྱིན་ནོ། །འཇམ་དཔལ་གཞོན་ནུར་གྱུར་པ་དེས་ཀྱང་སེམས་ཅན་ཐམས་ཅད་རྗེས་སུ་གཟུང་བའི་ཕྱིར་སྙིང་རྗེ་ཆེན་པོའི་དབང་གིས་སྙིང་གི་གནས་སུ་རང་གི་ལུས་ལ་བཞག་གོ། མ་འོངས་པའི་དུས་ལ་བལྟོས་ནས་དུས་ཀྱི་ཐ་མ་བསྟན་པ་ནུབ་པའི་དུས་ཚོད་ལ་དེ་བཞིན་གཤེགས་པའི་ཐ་མ་བདག་གིས་ཀྱང་བསྟན་ཏེ། རྩོད་པའི་དུས་དང ། བསྟན་པ་འཇིག་པའི་དུས་སུ་ངའི་བསྟན་པ་ཡང་དག་པར་བསྲུང་བའི་དོན་བྱེད་པར་འགྱུར་རོ། །འདིའི་ཆོ་ག་གཞན་ཡང་མདོར་བསྡུས་ནས་བརྗོད་པར་བྱ་བ་ནི། འཇམ་པའི་དབྱངས་གཞོན་ནུ་ཉོན་ཅིག། བདག་ཉིད་ཆེན་པོའི་ཆོ་ག་རྒྱ་ཆེ་བ་འདིའི་ཆོ་གའི་རྒྱལ་པོའི་དབང་པོ་བརྗོད་པར་བྱ་སྟེ། དང་པོར་རེ་ཞིག་རིའི་རྩེ་མོར་འཛེགས་ཏེ་འབུམ་ཕྲག་སུམ་ཅུ་བཟླས་པ་བྱས་ན་སྔར་བསྙེན་པ་བྱས་པར་འགྱུར་རོ། །འོ་མས་འཚོ་ཞིང་མི་སྨྲས་བའི་བརྟུལ་ཞུགས་དང ། སྔགས་གཞན་ལ་མི་རྟེན་པ་
258b
དང ། གཞན་ལ་མི་སེམས་པ་དང ། སྐྱབས་གསུམ་ཡོངས་སུ་བླངས་པ་དང ། བྱང་ཆུབ་ཏུ་སེམས་བསྐྱེད་བ་དང ། ཁྲིམས་ལྔའི་སྡོམ་པ་ཡང་དག་པར་བླངས་བ་དང ། བྱང་ཆུབ་སེམས་དཔའི་སྡོམ་པ་ཡང་དག་པར་བླངས་པས་བཟླས་པ་བྱས་ལ། དེས་ལས་རྣམས་བྱ་བ་སྟེ། དང་པོར་རེ་ཞིག་རས་ལ་རི་མོ་བྱ་བ་ནི་རི་མོ་མཁན་གསོ་སྦྱོང་བྱས་ལ་ཚོན་མ་འདྲེས་པ་དག་གིས་བྲིའོ། །གཙང་མའི་རས་ཀྱི་དུམ་བུ་གང་ཡང་རུང་བའམ། དེར་ལ་ཙནྡན་དང ། ག་བུར་དང ། གུར་གུམ་གྱིས་ཆུས་གཏོར་ལ། གཙང་བའི་ས་ཕྱོགས་སུ་གཙང་བའི་རི་མོ་བྱེད་པ་དཀར་གསུམ་ཟ་ཞིང་གོས་དཀར་པོ་གྱོན་པས་ཟླ་བ་ཉ་བའི་བཅོ་ལྔ་ལ་ཉི་མ་འཆར་བའི་དུས་སུ་རྣམ་པར་དག་པའི་རྒྱུ་སྐར་ལ་ཉི་མ་ཕྱེད་པའི་བར་དུ་བྱ་སྟེ། དེ་ནས་བྲི་བ་སྤངས་པར་བྱའོ། །དེ་བཞིན་དུ་ཉིན་རེ་ཞིང་ཡང་ཡོངས་སུ་རྫོགས་ཀྱི་བར་དུ་བྱའོ། །དང་པོར་རེ་ཞིག་རས་ལ་ཚེ་དཔག་ཏུ་མེད་པའི་འཇིག་རྟེན་གྱི་ཁམས་བྲི་བར་བྱའོ། །རས་ཁྲུ་གང་ཙམ་མམ། བདེ་བར་གཤེགས་པའི་མཐོ་གང་གི་ཚད་དམ། རས་ཁྲུ་བཞིང་ཁོར་ཡུག་ཏུ་ཚེ་དཔག་ཏུ་མེད་བའི་འཇིག་རྟེན་གྱི་ཁམས་བྲིའོ། །པདྨ་རཱ་ག་དང ། ིནྡྲ་ནཱི་ལ་དང ། ཤེལ་དང ། རིན་པོ་ཆེ་མརྒད་ཀྱིས་རས་རིས་ཀྱི་འོག་གི་ཕྱོགས་སུ་མཛེས་བར་བྱའོ། །དེ་དག་གི་ཕྱོགས་སུ་རིན་པོ་ཆེའི་ཞལ་མེད་ཁང་མཛེས་བའི་རྣམ་བ་དང ། རྒྱལ་མཚན་དང །
259a
༄#། །བ་དན་མཛེས་པའི་རྣམ་པར་བསྒྲེང་བ་དང ། དེའི་དབུས་སུ་ཚེ་དཔག་ཏུ་མེད་པ་རྣམ་པར་གདོན་མི་ཟ་བའི་དབང་པོའི་རྒྱལ་པོ་དེ་བཞིན་གཤེགས་པ་ཆོས་འཆད་པ་སེང་གེའི་ཁྲི་ལ་བཞུགས་པ་ཀུན་ནས་འོད་ཀྱི་ཕྲེང་བ་རབ་ཏུ་འབར་བ། ཁ་དོག་ཅུང་ཟད་དམར་ཞིང་དཀར་བ། གཡོན་ཕྱོགས་སུ་མཐིང་ཤིང་གི་རྡོ་ལ་བཞུགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཕྱག་གཡས་ན་རྔ་ཡབ་ཐོགས་ཤིང་དེ་བཞིན་གཤེགས་པ་ལ་གཏོད་པའི་ལྟ་བ་དང ། ལག་པ་གཡོན་ན་སྐྱུར་རྩི་ཆེན་པོའི་ཤིང་ཐོག་ཐོགས་པ། མེ་ཏོག་པྲི་ཡང་ཀུ་ལྟར་སྔོ་བསངས། གཞོན་ནུའི་རྒྱན་གྱིས་ལུས་བརྒྱན་པ། ཀུན་ནས་འཁོར་ཡུག་ཏུ་འོད་འཕྲོ་བ། གཡས་ངོས་སུ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་རིན་པོ་ཆེའི་རི་ལ་བཞུགས་པ། ལག་པ་གཡས་པ་ན་རྔ་ཡབ་ཐོགས་ཤིང་གཡོབ་པ། ལག་པ་གཡོན་པ་ན་རིན་པོ་ཆེ་ཐོགས་པ། རྒྱན་ཐམས་ཅད་ཀྱིས་བརྒྱན་པ། རིན་པོ་ཆེའི་ཅོད་པན་གྱིས་བརྒྱན་པ། མེ་ཏོག་པྲི་ཡང་ཀུ་ལྟར་ཅུང་ཟད་དཀར་བ། རས་སྔོན་པོ་གཡོ་བ་དང་ལྡན་པས་གཡོགས་པ།་མུ་ཏིག་གི་ཕྲེང་བ་དང ། རིན་པོ་ཆེས་མཆོད་ཕྱིར་ཐོགས་བྱས་པ། ཁོར་ཡུག་རབ་ཏུ་འབར་བས་འབྲེལ་བ། དེའི་གཡས་ངོས་སུ་འཕགས་པ་འཇམ་དཔལ་རིན་པོ་ཆེའི་
259b
རིལ་གནས་པ། གཞོན་ནུར་གྱུར་པ། ཟུར་ཕུད་ལྔས་མགོ་ལེགས་པར་མཛེས་པར་བྱས་པ། བྱིས་པ་གཞོན་ནུའི་རྒྱན་གྱིས་བརྒྱན་པ། གསེར་གྱི་མདོག་དང་འདྲ་བ། དར་སྔོན་པོ་གཡོ་བ་ཅན་མནབས་པ། མུ་ཏིག་གི་ཕྲེང་བ་དང ། རིན་པོ་ཆེ་འཛིན་ཅིང་འདྲེས་པའི་མཆོད་ཕྱིར་ཐོགས་བྱས་པ། དེ་བཞིན་གཤེགས་པར་སོང་བའི་ལྟ་བ། ཅུང་ཟད་བཞིན་འཛུམ་པ་དང་ལྡན་པ། ཞི་བའི་རྣམ་པ། གཟུགས་མཛེས་པ་དང ། ཐལ་མོ་སྦྱར་བ། རྣམ་པ་ཐམས་ཅད་ཀྱི་མཆོག་དང་ལྡན་པ་བྲི་བར་བྱའོ། །དེའི་འོག་ཏུ་རྟགས་དང ། ཆ་བྱད་དང ། དབྱིབས་འཛིན་པའི་སྒྲུབ་པ་པོ་མེ་ཏོག་གི་ཕྲེང་བ་འཛིན་ཅིང ། པུས་མོའི་ལྷ་ང་ས་ལ་བཙུགས་ནས་ཡང་དག་པར་འདུག་པ་དང ། མགོ་མངོན་པར་བཏུད་པ་རས་རིས་ཀྱི་ཟུར་ཀྱི་མཐའ་མའི་ཕྱོགས་སུ་བྲི་བར་བྱའོ།། བཅོམ་ལྡན་འདས་ཀྱི་སྟེང་དུ་སངས་རྒྱས་བཅོམ་ལྡན་འདས་བཞི་བྲི་བར་བྱའོ། །གཡས་ཕྱོགས་སུ་དེ་བཞིན་གཤེགས་པ་གཉིས་བྲི་བར་བྱ་བ་ལ་སཱ་ལའི་དབང་པོའི་རྒྱལ་པོ་དང ། རིན་ཆེན་ཏོག་ཁོར་ཡུག་ཏུ་ཀུན་ནས་འབར་བའི་འོད་དང་ལྡན་པ། གཡོན་ཕྱོགས་སུ་གསེར་ཐབ་དང ། འོད་སྲུང་རྣམ་པ་ཐམས་ཅད་ཀྱི་མཆོག་དང་དན་པ། མེ་ཏོག་ཐམས་ཅད་ཀྱིས་གཅའ་བཀྲམ་\?\་བཞུགས་པ། ཧ་ཅང་མི་རིང་བ་ན་ཆོ་ག་འཆད་ཅིང་སྐྱིལ་མོ་ཀྲུང་གིས་བཞུགས་བ། ཞི་བའི་རྣམ་པ་དང་ལྡན་པ། བཅོམ་ལྡན་འདས་ཀྱི་སྟེང་ནས་
260a
༄#། །མེ་ཏོག་གི་ཆར་རབ་ཏུ་འབེབས་པ། སྤྲིན་གྱི་ནང་ནས་རོ་སྟོང་བྱུང་བ་དེ་བཞིན་གཤེགས་པའི་སྐུ་ནམ་མཁའ་ལ་ལྡིང་བ་སྤྱན་མཛེས་ཞེས་བྱ་བ་མངོན་པར་བྲི་བར་བྱ་བ་ནི་རྣམ་པ་ཐམས་ཅད་ཀྱི་མཆོག་དང་ལྡན་བ། ཀུན་ནས་འབར་བའི་འོད་ཀྱི་ཕྲེང་བ་དག་ལྡན་པ། ཕྱག་གཡས་པས་མཆོག་སྦྱིན་པ། ཕྱག་གཡོན་པས་ཆོས་གོས་ཀྱི་མཐའ་མ་ལ་འཛིན་པ་འདི་ནི་ཚེ་དང ། ཡེ་ཤེས་དཔག་ཏུ་མེད་པ་རྣམ་པར་གདོན་མི་ཟ་བའི་རྒྱལ་བོའི་དབང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་རས་རིས་ཆོ་ག་བཅོམ་ལྡན་འདས་འདི་ཉིད་ཡི་གེ་གཅིག་པའི་སྔགས་ཀྱི་མཆོག་འདི་ཡིན་ཏེ། འདི་ནི་གཙུག་ཏོར་གྱི་རྒྱལ་པོ་གཙུག་ཏོར་འཁོར་ལོས་བསྒྱུར་བ་དང་རབ་ཏུ་འགྲན་པ། བརྩོན་འགྲུས་མཚུངས་པ། སྟོབས་མཚུངས་པ་འདིའི་ཡོན་ཏན་རྒྱ་ཆེ་བའི་མཐུ་ནི་བསམ་གྱི་མི་ཁྱབ་སྟེ། རྫུ་འཕྲུལ་ཆེ་ཞིང་སྟོབས་ཆེ་བ།་མདོར་ན་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་རྒྱལ་པོ་འཁོར་ལོས་བསྒྱུར་བ་ཡིན་ནོ། །ཡི་གེ་གཅིག་པ་ལ་ཆོ་ག་རྒྱ་ཆེར་བསྟན་པ་གང་ཡིན་པ་དེ་ཐམས་ཅད་ཀྱང་བྱེད་དོ། །མ་བསྒྲུབས་ཀྱང་བཟླས་པ་ཙམ་གྱིས་ཀྱང་ལས་བྱེད་ན་བསྒྲུབས་པས་ལྟ་སྨོས་ཀྱང་ཅི་དགོས། ཇི་ལྟར་འདོད་པའི་འབྲས་བུ་ཕུན་སུམ་
260b
ཚོགས་པ་དང ། འདོད་པ་ཡང་ཐོབ་པར་འགྱུར་རོ། །ཡིད་ཀྱིས་གང་མངོན་པར་འདོད་པ་དེ་རས་རིས་མཐོང་བ་ཙམ་གྱིས་འགྲུབ་པར་འགྱུར་རོ། །ངེས་པར་བྱང་ཆུབ་ལ་གཞོལ་བར་འགྱུར་རོ། །དེ་ཉིད་བཅོམ་ལྡན་འདས་ཚེ་དང ། ཡེ་ཤེས་དཔག་ཏུ་མེད་པ་རྣམ་པར་གདོན་མི་ཟ་བའི་རྒྱལ་པོའི་དབང་པོས་བྱིན་གྱིས་བརླབས་པ་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་ཞེས་བརྗོད་དོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་རྒྱལ་པོ་ཞེས་བརྗོད་དོ། །འཁོར་ལོས་བསྒྱུར་བ་ཞེས་བརྗོད་དོ། །འཁོར་ལོས་བསྒྱུར་བའི་རྒྱལ་པོ་ཆེན་པོ་ཞེས་བརྗོད་དོ། །འཇམ་དཔལ་གཞོན་ནུར་གྱུར་བའི་སྙིང་པོ་ཞེས་བརྗོད་དོ། །ཡི་གེ་གཅིག་པ་ཞེས་བརྗོད་དོ། །མདོར་ན་འདིའི་མཐུ་ནི་བསམ་གྱིས་མི་ཁྱབ་སྟེ། གང་གི་ཕྱིར་སངས་རྒྱས་རྣམས་ཀྱི་བྱིན་གྱིས་བརླབས་པ་ནི་བསམ་གྱིས་མི་ཁྱབ་བོ། །སངས་རྒྱས་ཀྱི་རྣམ་པར་འཕྲུལ་པ་ནི་བསམ་གྱིས་མི་ཁྱབ་བོ། །སྒྲུབ་པ་མོད་པ་དང ། སྔོན་དུ་སྤྱོད་པ་མ་བྱས་པ་དང ། ཁྱིམ་གྱི་རྩོམ་པ་ཐམས་ཅད་ལ་རབ་ཏུ་གནས་པ་དང ། བཟའ་བ་ཐམས་ཅད་ཤ་དང ། ཆང་དང ། གྲོང་གི་ཆོས་ལ་རབ་ཏུ་ཞུགས་པ་དག་ལའང་འགྲུབ་སྟེ། དད་པ་མེད་བ་དང ། བྱང་ཆུབ་ཏུ་སེམས་བསྐྱེད་བ་མེད་པ་ནི་མ་གཏོགས་ཏེ། འདི་དག་ལ་ནི་གྲུབ་པ་མེད་དོ། །དཀོན་མཆོག་གསུམ་ལ་གནོད་པ་བྱེད་པ་དང ། དེ་ལ་ཞུགས་པ་
261a
༄#། །ལ་གནོད་བྱེད་པ་དང ། འདི་དག་ལ་ཡང་ལས་ཕྲ་མོ་ཡང་གྲུབ་པ་མེད་ན་གྲུབ་པ་འབྲིང་དང ། རབ་ལ་ནི་ལྟ་སྨོས་ཀྱང་ཅི་དགོས། འདོད་པ་ཐམས་ཅད་དང ། བཟའ་བ་དང ། སྤྱོད་པ་གཙོར་བྱེད་པའི་སྒྲུབ་པ་པོ་ལ་ནི་ལས་སྟོང་རྩ་བརྒྱད་ཀྱི་ལས་ཕྲན་ཚོགས་ལ་རབ་ཏུ་སྦྱར་བས་འགྲུབ་པར་འགྱུར་རོ། །དེ་དག་ཀྱང་གང་ཞེ་ན། དང་པོར་རེ་ཞིག་ལན་གཅིག་བཟླས་པས་བདག་བསྲུང་ངོ ། །ལན་གཉིས་བཟླས་པས་གཞན་བསྲུང་བར་འགྱུར་རོ། །ལན་གསུམ་བཟླས་པས་སྲུང་བ་དམ་པར་འགྱུར་རོ། །བྱང་ཆུབ་སེམས་དཔའ་ཆེན་པོ་ས་བཅུ་ལ་རབ་ཏུ་གནས་པས་ཀྱང་ཡང་དག་པར་བསྐྱོད་པར་མི་ནུས་ན། དེ་ལས་གཞན་པའི་སེམས་ཅན་གྱིས་ལྟ་སྨོས་ཀྱང་ཅི་དགོས། ཚོན་སྣ་ལྔའི་སྐུད་པ་ལ་ལན་བཞི་བཟླས་ནས་རྐེད་པར་བཅིངས་ན་ས་བོན་བསྡམས་པར་འགྱུར་བ་ཡིན་ཏེ། རྨི་ལམ་ན་ཡང་འདི་ལ་ས་བོན་འབྱུང་བར་མི་འགྱུར་རོ། །རང་འདོད་པ་ནི་མ་གཏོགས་ཏེ། དེ་ཉིན་བར་རམ། མཚན་མོ་གཅིག་ལ་གལ་ཏེ་འདོད་པ་ན་ཉི་མ་རེ་རེ་ཞིང་བྱའོ། །ཅི་སྟེ་མི་འདོད་ན་ཐལ་བ་ལ་ལན་བདུན་སྔགས་པ་བྱས་ནས་ལྟེ་བའི་ཕྱོགས་སུ་བསྐུས་ན་ཞག་བདུན་ཕྲག་གསུམ་དུ་ས་བོན་བསྡམས་པ་བྱས་པར་འགྱུར་རོ། །ལན་ལྔ་བཟླས་ཏེ་སངས་རྒྱས་བཅོམ་ལྡན་འདས་བསྒོམས་ན་གང་ལ་རེག་པ་དེ་དབང་དུ་འགྱུར་རོ། །ཟླ་བ་གཟས་
261b
ཟིན་ཅིང་ཟླ་བའི་དཀྱིལ་འཁོར་ཐམས་ཅད་འཛིན་པ་ན་ཤིང་ཨར་ཀའི་མེ་རབ་ཏུ་སྦར་ལ། རས་རིས་མད་ཀྱང་ཤར་དུ་མངོན་པར་བལྟས་ཏེ་མར་གྱི་སྲེག་བླུགས་སྟོང་ཕྲག་བཅུས་སྦྱིན་སྲེག་བྱའོ། །རྒྱལ་པོའི་ཕོ་བྲང་དང་ཉེ་བ་ཆུ་བོས་བར་མ་བཅད་པ། ལྷའི་གནས་སུ་མ་བྱས་པ། ཕྱོགས་གང་དུ་རྒྱལ་པོ་གནས་པ་དེ་དང་ཉེ་བར་སྦྱིན་སྲེག་རབ་ཏུ་སྦྱར་ན་ཐོ་རངས་རྒྱལ་པོ་དབང་དུ་འགྱུར་རོ། །གང་སྨྲས་པ་དེ་ཐམས་ཅད་བྱེད་པར་འགྱུར་རོ། །གལ་ཏེ་དབང་དུ་མ་གྱུར་པ་དེའི་ཚེ་དེའི་སེམས་ཕྱིན་ཅི་ལོག་ཏུ་འགྱུར་བའམ། སེམས་གཡེང་བ་ཐོབ་པར་འགྱུར་ན་ཕྱིར་ཡང་བཟློག་པར་བྱ་སྟེ། འོ་མའི་སྲེག་བླུགས་སྟོང་རྩ་བརྒྱད་ཀྱིས་སྦྱིན་སྲེག་བྱས་ན། གང་དེའི་དུས་དེ་ནས་བརྩམས་ནས་རང་བཞིན་དུ་གནས་པར་འགྱུར་རོ། །ལས་དེ་དག་ནི་དད་པ་དང་ལྡན་པ་དང ། དཀོན་མཆོག་གསུམ་ལ་དད་པ་དང ། བྱང་ཆུབ་ཏུ་སེམས་བསྐྱེད་པ་རྣམས་ལ་ནི་མི་བྱ་སྟེ། གལ་ཏེ་བྱེད་ན་ཤིན་ཏུ་བསོད་ནམས་མ་ཡིན་པའི་ཕུང་པོ་ཆེན་པོ་འབྱུང་བར་འགྱུར་རོ། །གཞན་དག་ལ་གནོད་པ་བྱེད་པ་མ་རུངས་པའི་སེམས་དང ། དྲག་པོའི་སེམས་དང་ལྡན་པ་རྣམས་ལ་ནི་བྱ་བ་ཡིན་ནོ། །ཉིན་རེ་ཞིང་ཡང་མཐོང་བ་སྦྱིན་པར་བྱས་ན་སེམས་ཞི་བར་འགྱུར་རོ། །གལ་ཏེ་ཞི་བར་མ་གྱུར་ན་ཕུང་ཁྲོལ་ཆེན་པོ་དང་ལྡན་པར་འགྱུར་རོ། །སྲོག་ནི་ལྷག་མ་ཙམ་ལུས་པར་འགྱུར་རོ། །གཞན་ཡང་ལས་སུ་འགྱུར་
262a
༄#། །བ་ནི་ཟླ་བ་གཟས་ཟིན་གྱི་དུས་སུ་ཤིང་པ་ལ་ཤའི་ཡམ་ཤིང་གིས་མེ་རབ་ཏུ་སྦར་ཏེ་མར་གྱི་སྲེག་བླུགས་སྟོང་རྩ་བརྒྱད་བྱས་ན་ཐོ་རངས་ཡུལ་གྱི་བདག་པོའི་རྒྱལ་པོ་སྤྱན་དྲངས་པར་འགྱུར་རོ། །དེ་དང་ལྷན་ཅིག་གྲོས་བྱས་ན་བསམ་པ་བདེན་པ་ཉེ་བར་སྟོན་པར་འགྱུར་ཏེ། དེ་ལ་བསྟན་དག་བྱས་ན་ཟླ་བ་དྲུག་གི་ནང་དུ་བསོད་ནམས་སྟོང་ཡོད་པའི་གྲོང་སྟེར་བར་འགྱུར་རོ། །གལ་ཏེ་མཚན་ཕྱེད་དུ་སྦྱིན་སྲེག་བྱས་ན་ཟླ་བ་གསུམ་གྱིས་སྟེར་བར་འགྱུར་རོ། །གལ་ཏེ་ཐུན་ཐམས་ཅད་ཀྱི་མཚན་མོ་སྦྱིན་སྲེག་བྱས་ན་ཟླ་བ་གཅིག་གིས་ཐོབ་པར་འགྱུར་རོ། །གལ་ཏེ་ཟླ་གཅིག་གི་མཚན་མོ་རེ་རེ་ལ་སྦྱིན་སྲེག་བྱས་ན་ཡུལ་ཐོབ་པར་འགྱུར་རོ། །ཡང་ན་ཡུལ་དང་འདྲ་བའི་གྲོང་ངམ། ཡང་ན་གཞན་ཅུང་ཟད་ནོར་ཡོད་པ་ལའང་དགྲ་ཡོད་པར་མི་འགྱུར་ཏེ། གལ་ཏེ་དགྲ་ཡོད་ནའང་ལས་རྣམ་བྱས་པ་ཡིན་ཏེ་ཟླ་བ་གཟས་ཟིན་པ་ན་ཤིང་ཨ་པ་མརྒས་མེ་རབ་ཏུ་སྦྱར་ལ། ཤིང་པ་ལ་ཤའི་ཡམ་ཤིང་ལ་ཞོ་དང ། སྦྲང་རྩི་དང ། མར་གྱིས་བཏགས་པས་བྲམ་ཟེའི་སྐྲ་ལ་སྦྱིན་སྲེག་སྟོང་རྩ་བརྒྱད་བྱའོ། །དེའི་ཐ་མར་ཤིང་བི་ཙུ་མ་རྡའི་ལོ་མ་ལ་སྐེ་ཚེའི་འབྲུ་མར་གྱིས་བརྟགས་པའི་སྲེག་བླུགས་ཀྱིས་སྦྱིན་སྲེག་སྟོང་རྩ་བརྒྱད་བྱས་ན་ཐོ་རངས་བྲམ་ཟེའི་དགྲ་ཞི་བར་འགྱུར་རོ། །གལ་ཏེ་རྒྱལ་པོ་སྡང་བར་གྱུར་ན་ལས་གཞན་ཡང་ཡོད་དེ། ཟླ་བ་གཟས་ཟིན་པ་
262b
ལ་ཤིང་ཇི་སྙེད་པས་མེ་རབ་ཏུ་སྦར་ལ་མར་གྱི་སྲེག་བླུགས་ཀྱིས་སྦྱིན་སྲེག་སྟོང་རྩ་བརྒྱད་བྱས་ལ། སྦྱིན་སྲེག་གི་ཐ་མར་ཕྱོགས་གང་ན་རྒྱལ་པོ་ཡོད་པ་དེ་ཕྱོགས་སུ་ཐལ་བ་དེ་གཏོར་ན་དེ་དབང་དུ་འགྱུར་རོ། །དུས་གང་ལ་ལོངས་སྤྱོད་གང་འདོད་པ་རྒྱ་ཆེ་བ་དེ་དག་གི་གྲོགས་ཀྱང་བྱེད་པར་འགྱུར་རོ། །གྲོང་ཉུང་བའམ། །མང་པོ་རབ་ཏུ་སྟེར་བར་འགྱུར་ཏེ། ངེས་པར་ཟླ་བ་དྲུག་གིས་དོན་ཡོད་པར་འགྲུབ་པར་འགྱུར་རོ། །དེ་ནས་རིགས་བཞི་ལས་གང་ཡང་རུང་བ་རྟགས་གཙོ་བོ་དང་ལྡན་པའམ། ལྷ་གཞན་ནམ། འཇིག་རྟེན་པ་ལ་དད་པ་དག་སེམས་འཁྲུག་པར་གྱུར་ན་ཕྱོགས་གང་ན་གནས་པ་དེར་ཐལ་བ་དེ་གཏོར་ན་ཡུལ་གཞན་དུ་འགྲོ་བར་འགྱུར་བའམ། སྐྱོ་བར་འགྱུར་བའམ། མཚན་མོ་གླལ་བར་འགྱུར་བ་འམ། ཉེ་དུ་ལ་གནོད་པར་འགྱུར་རོ། །དེའི་ཕྱིར་གསོ་བ་ནི་འོ་མའི་སྲེག་བླུགས་སྟོང་རྩ་བརྒྱད་ཀྱིས་སྦྱིན་སྲེག་བྱས་ན་སོས་པར་འགྱུར་རོ། །ཡང་ན་གཟའ་བཞི་པོ་ཉིད་ཀྱི་ཚོགས་སངས་རྒྱས་དང ། བྱང་ཆུབ་སེམས་དཔའི་སྐུ་གཟུགས་དང ། རས་རིས་སམ། དམ་པའི་ཆོས་ཀྱི་གླེགས་བམ་མམ། སྐུ་གདུང་དང་བཅས་པའི་མཆོད་རྟེན་ལ་གོས་གཙང་མ་བགོས་ཤིང་ཉིན་ཞག་གཅིག་སྨྱུང་པ་བྱས་ཏེ། སྲོག་ཆགས་མེད་པའི་ཆུས་ལས་བྱ་ཞིང ། མེ་ཏོག་དཀར་པོ་དྲི་ཞིམ་པོ་དང ། གུར་གུམ་དང་ལྡན་པ་དང ། ག་བུར་གྱི་དུད་པས་བདུག་པར་བྱའོ། །གང་དུ་ལས་ལ་སྦྱར་བ་ནི་བྲམ་ཟེའི་དགྲ་ལ་ནི་ཤིང་པ་ལ་ཤས་
263a
༄#། །བྱའོ། །རྒྱལ་རིགས་ཀྱི་དགྲ་ལ་ནི་ཤིང་ཨ་ཤཝཏྭས་བྱའོ། །རྗེའུ་རིགས་ཀྱི་དགྲ་ལ་ནི་ཤིང་སེང་ལྡེང་གིས་བྱའོ། །དམངས་རིགས་ཀྱི་དགྲ་ལ་ནི་དེ་ལས་གཞན་པའི་ཤིང་གིས་མེ་རབ་ཏུ་སྦར་ལ་དེ་ཉིད་ཀྱི་ལས་བྱའོ། །བྲམ་ཟེ་ལ་ནི་ཤིང་པ་ལ་ཤའི་ཡམ་ཤིང་དང ། རྒྱལ་རིགས་ལ་ནི་ཨ་ཤཝཏྠའི་ཡམ་ཤིང་དང ། རྗེའུ་རིགས་ལ་ནི་སེང་ལྡེང་གི་ཡམ་ཤིང་དང ། དམངས་རིགས་ལ་ནི་ཨ་པ་མརྒའི་ཡམ་ཤིང་ངམ། དེ་ལས་གཞན་ཇི་སྙེད་པས་མར་གྱི་སྦྱིན་སྲེག་བྱའོ། །དེ་བཞིན་དུ་ལས་གཞན་ཡང་བྱ་བ་ནི་རྒྱལ་པོ་ཆེན་པོ་ལ་ནི་ཤིང་ཨ་པ་རི་ཛི་ཏའི་རྩ་བའི་ཡམ་ཤིང་དང ། མར་གྱི་སྲེག་བླུགས་སྟོང་རྩ་བརྒྱད་ཀྱིས་སྦྱིན་སྲེག་བྱའོ། །ཐ་མར་ཡང་དེ་ཉིད་ཀྱི་ཐལ་བས་གཏོར་བར་བྱའོ། །གང་གི་ཕྱོགས་ནས་སྡང་བའི་སེམས་དང་ལྡན་པ་འོང་བ་དེའི་ཕྱོགས་སུ་གཙུག་ཏོར་འཁོར་ལོས་བསྒྱུར་བའི་ཡི་གེ་གཅིག་པའི་ཕྱག་རྒྱ་བཅིངས་ནས་གཏོར་རོ། །ཡང་ན་ཨུཏྤ་ལའི་ཕྱག་རྒྱ་བཅིངས་ན་དེ་འཇིགས་ན་ལྡོག་པའམ། དམག་གི་ཚོགས་ཉམས་པར་འགྱུར་བའམ། གཞན་གང་ཅུང་ཟད་རྣམ་པར་ལྟུང་བ་ཆེན་པོར་འགྱུར་བའམ། འགྲོ་བའི་ནད་ཆེན་པོའམ། སེམས་སྡུག་བསྔལ་བར་གནས་པའམ། གང་གིས་འདིའི་ངག་ལྡོག་པར་འགྱུར་བའམ། འདི་དག་དང ། གཞན་ཡང ། ཇི་ལྟར་འདོད་པའི་ལས་རྣམས་བྱེད་པར་འགྱུར་རོ། །གོས་ལ་མངོན་པར་སྔགས་ཏེ་བགོས་
263b
ན་སྐལ་པ་བཟང་པོར་འགྱུར་རོ། །མིག་སྨན་ལ་མངོན་པར་སྔགས་ཏེ་མིག་ལ་བསྐུས་ན་སྐྱེ་བོ་ཐམས་ཅད་དགའ་བར་འགྱུར་རོ། །མིག་དང ། གདོང་ལ་ལན་བདུན་བསྔགས་པ་བྱས་ལ་ཁྲོས་པའི་གདོང་ལ་བལྟས་ན་ཞི་བ་དང ། དབང་དུ་འགྱུར་རོ། །མེ་ཏོག་དང ། འབྲས་བུའམ། གཞན་གང་ཅུང་ཟད་དྲི་ཞིམ་པ་ལ་ལན་བདུན་མངོན་པར་སྔགས་པ་བྱས་ལ་རྒྱལ་པོ་ལ་བྱིན་ན་དེ་བསྣམས་པ་ཙམ་གྱིས་དབང་དུ་འགྱུར་རོ། །གཞན་སེམས་ཅན་གང་ལ་ལ་མཐོང་བ་ཙམ་གྱིས་དེ་དབང་དུ་འགྱུར་རོ། །ཡན་ལག་ཐམས་ཅད་ན་བ་ལ་བརྒྱ་རྩ་བརྒྱད་མངོན་པར་བཟླས་པ་བྱས་ལ་ཆུ་དྲོན་མོས་ཁྲུས་བྱས་ན་བདེ་ལེགས་སུ་གནས་པར་འགྱུར་ཏེ། ལས་འདི་རྣམས་ནི་བྱ་བ་ཡིན་ནོ། །སེམས་ཅན་སྡུག་བསྔལ་བ་ཐམས་ཅད་དང ། མགོན་མེད་པར་གྱུར་པ་དང ། བཀྲེན་པ་དང ། བསྟན་པ་འདིའི་བརྟུལ་ཞུགས་ཅན་དང ། དཀོན་མཆོག་གསུམ་ལ་དད་པ་ལ་ནི་འདི་ལྟ་བུའི་ལས་མི་བྱའོ། །བུད་མེད་ལ་ཡང་ལས་མི་བྱའོ། །དེ་བཞིན་དུ་བྱིས་པ་དང ། རྒན་པོ་དང་ནད་པ་དང ། དབུལ་པོ་དང ། སྡུག་བསྔལ་བ་དང ། སེམས་ཅན་ཕྲ་མོ་དང ། སྐྱེ་གནས་ཕན་པར་སྐྱེས་པ་འདི་དག་ལའང་མི་བྱ་སྟེ། ལས་འདི་དག་ནི་སེམས་ཅན་ཆེན་པོ་དག་ལ་རབ་ཏུ་སྦྱར་བར་བྱའོ། །དཔའ་ཞིང་བརྐམ་ཆགས་བབ་ཚོལ་མེད། །ཕྱོགས་ཆེན་པོར་ནི་ཆེ་བ་དང ། །མངོན་པའི་ང་རྒྱལ་རབ་གཏུམ་ལ་།ལས་ནི་འདི་འདྲ་བྱ་བ་ཡིན། །བསྟན་ལ་ཞེ་སྡང་ཁྲོ་
264a
༄#། །བ་དང ། །གཞན་གྱི་ནོར་ནི་འཕྲོག་བྱེད་དང ། །སྔགས་རྣམས་ཀུན་དང་སྨན་རྣམས་དང ། །རྣལ་འབྱོར་ལྡན་ལ་མ་དད་པ། །སྤྱོས་བརྩམ་གདུག་པའི་སེམས་ལྡན་དང ། །འཇིག་རྟེན་གྱིས་སྨད་རྒྱལ་པོ་སྟེ། །འདི་དག་ལ་ནི་ལས་སྦྱར་བ། །ཆོས་དང་ལྡན་ལ་རྣམ་པར་སྤངས། །ལས་རྣམས་གཞན་ཡང་འདི་སྐད་བརྗོད། །བློ་ཡིས་དེ་ནི་ཡོངས་སུ་སྤང ། །དེ་ཉིད་ཁྲོས་པས་ཐལ་བ་ནི། །བཟླས་པས་ཕྱོགས་སུ་གཏོར་བྱས་ན། །དེ་རྣམས་དགྲ་ནི་རབ་ཁྲོས་དང ། །རྒྱལ་པོ་དག་ཀྱང་རྣམ་འཇིག་འགྱུར། །ངེས་པར་སྐྱེ་བོ་དེ་དག་ཀྱང་།། ཡུན་རིང་ནད་ཀྱིས་ཐེབས་པར་འགྱུར། །དེ་དག་ཕྱོགས་སུ་འཆི་བ་མང ། །འགོ་བའི་ནད་ཀྱང་རབ་ཏུ་སྣང ། །ཤིན་ཏུ་ཉོན་མོངས་ཆེར་གྱུར་ཀྱང ། །ལས་རྣམས་འདི་དག་བྱ་མིན་ཏེ། ། དེར་ནི་སྐྱེ་བོའི་བདག་པོ་ཀུན། །ཞག་བདུན་གསུམ་གྱིས་ཉམས་པར་འགྱུར། །ལས་རྣམས་བརྩམས་ནས་སྔོན་དུ་ནི། །བདུན་ཕྲག་གཉིས་ལ་ཡང་དག་བརྟུལ། །བདུན་པ་དང་པོས་སེམས་རྣམས་གཡེང ། །ཞག་བདུན་གཉིས་པས་ནད་ཀྱིས་འདེབས། །བདུན་པ་གསུམ་གྱིས་འཆི་བར་འགྱུར། །དེ་བས་དེ་ནི་ཡོངས་སུ་སྤངས། །དང་པོ་འདི་དག་རྣམ་པར་འབྱེར།། གཉིས་པར་ཕྱོགས་སུ་རྣམ་པར་འཁྱམ། །ཞག་བདུན་གསུམ་པར་རྣམ་པར་འཇིག། དེ་བས་ལས་འདི་བྱ་བ་མིན། །སེམས་ཅན་གདུལ་བྱའི་དོན་ཉིད་ལ། །འཇིག་རྟེན་འདྲེན་
264b
པས་བསྟན་པ་ཡིན། །སངས་རྒྱས་ཐུགས་ནི་དག་པ་ཡིས། །གདུག་པའི་ལས་འདི་གསུང་མི་འགྱུར། །སྲོག་ལ་གནོད་པར་བྱེད་པའི་ལས། །སངས་རྒྱས་ཀུན་གྱིས་སྨད་པ་ཡིན། །གྲུབ་པ་མཆོག་ནི་རབ་འདོད་པའི། །ཟློས་པས་དེ་དག་བྱ་བ་མིན། །དམྱལ་བ་དག་ཏུ་སྐྱེ་བའི་ལས། །འདི་དག་ཉིད་ལ་རབ་ཏུ་སྣང ། །དཀར་ནག་འབྲས་བུར་འབྱུང་བྱེད་པ། །འདི་དག་ཁོ་ན་བསྟན་པ་ཡིན། །ལས་རྣམས་སྣ་ཚོགས་བདག་ཉིད་ཆེ། །རྐང་གཉིས་མཆོག་གིས་ཇི་བཞིན་གཟིགས། །རྟག་ཏུ་དཀར་ལས་དཀར་བ་འབྱུང ། །ནག་ལས་ནག་པ་རབ་ཏུ་སྨིན། །འདྲེས་ལས་འདྲེས་བའི་ལས་རྣམས་ནི། །འདྲེས་པ་དག་ཏུ་རྣམ་པར་སྨིན། །དེ་བཞིན་ལས་འདི་སྣ་ཚོགས་སུ། །དེ་ཉིད་སངས་རྒྱས་གཟིགས་པ་ཡི། །ཐུགས་རྗེ་ཅན་གྱིས་གསུངས་པའོ། །དེ་ལས་ཟློས་པ་སྤང་བྱ་བ། །ནག་དང་འདྲེས་པའི་ལས་ཉིད་དོ། །དགེ་བྱེད་དཀར་པོ་བསྟེན་པར་བྱ། །དགེ་བའི་ལས་ཀྱི་འབྲས་བུ་འབྱུང ། །སྲོག་གཅོད་པས་ནི་ཟློས་པ་དག། ཡང་དང་ཡང་དུ་དམྱལ་བར་འགྲོ། དེ་བཞིན་དེ་ལས་ལོག་པའི་ཆོས། །འཚེ་མེད་ལས་ནི་དམ་པ་ཡིན། །དགེ་བའི་བློས་ནི་སྔགས་རྣམས་དང ། །དེ་བཞིན་མཐོ་རིས་ཐར་པ་འགྲུབ། །ལེགས་བྱས་ལས་ཀྱིས་ཐོབ་པ་ཡིན། ། འགལ་བའི་ལས་ཀྱིས་འགལ་བར་གསུངས། །ཇི་ལྟར་ཆོས་དང་ཆོས་མིན་གསུངས། །ཐམས་ཅད་མཁྱེན་ཉིད་སྤྱོད་པ་ཡིན། །ཟློས་པ་གྲུབ་པ་འདོད་པ་ཡིས། །དགེ་བའི་ལས་ནི་བརྩམ་
265a
༄#། །པར་བྱ། །ཟློས་པ་དགེ་ལ་གནས་པ་ལ། །དེ་ཡི་སྔགས་ནི་འགྲུབ་པར་འགྱུར། །དཀར་པོའི་ལས་ལ་གཞོལ་བྱེད་ལ། །དེ་ཡི་ཐར་བ་མི་ལྡོག་འགྱུར། །སྔགས་ཀྱིས་དགེ་བ་འགྲུབ་འགྱུར་ཞེས། །དེ་བཞིན་གཤེགས་པས་རབ་ཏུ་གསུངས། །ལས་རྣམས་སྣ་ཚོགས་གསུངས་པ་ནི། །སྒྲུབ་པ་རྣམས་ལ་བསྡུས་དོན་ཡིན། །ཅི་འདོད་ལས་ནི་སྟོང་ཕྲག་བརྒྱད། །ཕྲ་མོའི་ལས་ནི་བྱེད་པ་ནི། །སྒྲུབ་པ་པོ་ནི་མི་འགྲུབ་སྟེ། །གྲུབ་པ་མཆོག་ནི་མི་འཐོབ་བོ། །འཕད་པས་བཟླས་དང་སྦྱིན་སྲེག་བྱ། །གྲུབ་པའི་འབྲིང་ནི་གྲུབ་པར་འགྱུར། །ཆོ་ག་མཐོང་བའི་ལས་ཀྱི་ནི། །ཐ་མ་མྱུར་དུ་འགྲུབ་པར་འགྱུར། །མཆོག་དང་ཐ་མ་པར་མ་ཡི། ལས་ནི་རྣམ་པ་གསུམ་དུ་བསྟན། །དཀའ་ཐུབ་ཅན་ནི་ཟློས་མཆོག་གིས། །དེ་བཞིན་གྲུབ་པ་མཆོག་ཐོབ་འགྱུར། །དེ་བཞིན་བཟླས་པ་བར་མ་ཡིས། །པར་མའི་ལས་གྲུབ་ཐོབ་པ་ཡིན། །དེ་བཞིན་ཟློས་པ་ཐ་མས་ནི། །ཐ་མའི་ལས་ལ་ཡང་དག་བརྟེན།། གྲུབ་པ་ཕྲ་མོ་ཐོབ་པར་ཡང ། །གཞན་གྱི་གྲུབ་པ་ཐོབ་མ་ཡིན། །དུས་དང་ཚོད་དང་བཟླས་པ་དང ། །སྦྱིན་སྲེག་མཐོང་བས་བཞིན་གྲུབ་པ། །མཆོག་གིས་མཆོག་ནི་གྲུབ་པ་དང་།། བར་མས་བར་མའི་གྲུབ་པ་སྣང ། །ཐ་མས་ཐ་མའི་ལས་དག་ལ། །ཕྲན་ཚེགས་གྲུབ་པ་ཐོབ་པ་ཡིན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་
265b
སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཡི་གེ་གཅིག་པ་རྩ་བའི་རྒྱུད་འཕགས་པ་འཇམ་དཔལ་གྱི་སྙིང་པོའི་ཆོ་ག་རབ་འབྱམས་ལས་ལོ་འུ་ཉི་ཤུ་རྩ་གཅིག་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། གཞན་ཡང ། ཁྱོད་ཀྱི་རས་རིས་ཀྱི་ཆོ་ག་སྒྲུབ་པའི་ཐབས་ལ་ལས་ཐམས་ཅད་དོན་སྒྲུབ་པ་ཉོན་ཅིག། འདི་ཉིད་ཀྱི་ཡི་གེ་གཅིག་པའི་སྙིང་པོའི་སྔགས་སམ། ཡི་གེ་དྲུག་པོ་མའི་མཐའ་ཅན་ཁྱོད་ཀྱིས་སྔར་བསྟན་པའི་ཡི་གེ་དྲུག་པའི་སྙིང་པོའམ། དང་པོ་ན་ཨོཾ་ཡོད་པའི་ཡི་གེ་གཅིག་པའི་རས་རིས་དང་པོ་འདི་ཉིད་ཀྱི་ཆོ་གར་འགྱུར་བ་ནི་ཕྱི་མའི་དུས་ཕྱི་མའི་ཚེ་ན། དེ་བཞིན་གཤེགས་པ་ང་ཡོངས་སུ་མྱ་ངན་ལས་འདས་ཏེ། སངས་རྒྱས་ཀྱི་ཞིང་སྟོངས་ཤིང་རྩོད་པའི་དུས་ཐ་མར་ཕྱིན་པ་ན། འཇིག་རྟེན་སྐྱོབ་པ་མེད་པ་དང ། སྐྱབས་མེད་པ་དང ། གནས་མེད་པ་དང ། དཔུང་གཉེན་མེད་པ་ན་ཆོ་གའི་རྒྱལ་པོ་འདི་ཉིད་སྐྱོབ་པར་གྱུར་པ་དང ། སྐྱབས་སུ་གྱུར་པ་དང ། གནས་སུ་གྱུར་པ་དང ། དཔུང་གཉེན་དུ་གྱུར་པར་འགྱུར་རོ། །དང་པོར་དེ་ཞིག་སྔ་མ་བཞིན་དུ་རས་མ་ཉམས་པ་སྐྲ་ཤད་དང་བྲལ་བ། ཞག་བདུན་ནམ། ཞག་བདུན་གསུམ་གྱི་བར་དུ་ཐ་ག་པས་བཏགས་པ་ཁ་ཚར་དང་བཅས་པ། གུར་གུམ་དང ། ཙནད་
266a
༄#། །གྱི་ཆུས་བསང་གཏོར་བྱས་ཏེ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་པདྨའི་གདན་ལ་བཞུགས་ཤིང་ཆོས་འཆད་པ། འཇམ་དཔལ་གཞོན་ནུར་གྱུར་པ་ལ་གཟིགས་པ་བྲི་བར་བྱའོ། །གཡས་ཕྱོགས་སུ་ནོར་བཟང་དང ། འཕགས་པ་བློ་གྲོས་མི་ཟད་པ་དང ། འཇམ་དཔལ་ཡང་བཅོམ་ལྡན་འདས་ལ་ཕྱག་འཚལ་བར་བྱེད་པ། གཞོན་ནུའི་གཟུགས་ཅན། ལུས་རྒྱན་ཐམས་ཅད་ཀྱིས་བརྒྱན་པ་བྲི་བར་བྱའོ། །གཡོན་ཕྱོགས་སུ་ཀུན་ཏུ་བཟང་པོ་དང ། འཕགས་པ་སྤྱན་རས་གཟིགས་དབང་ཕྱུག་དང ། བཟང་སྐྱོང་དང ། ལེགས་སྐྱེས་ཀྱང་བྲི་བར་བྱའོ། །བཅོམ་ལྡན་འདས་ཀྱི་སྐུ་ལས་ཤིན་ཏུ་ཆུང་བར་འདྲིར་གཞུག་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་དང ། ནོར་བཟང་ནི་ལག་ན་རྔ་ཡབ་ཐོགས་པར་བྱའོ། །འོག་ཏུ་ནི་སའི་ལྷ་མོ་རིན་པོ་ཆེའི་ཟ་མ་ཏོག་ལག་ན་ཐོགས་པ། རོ་སྟོད་ས་ལས་བྱུང་བ་འདྲིར་བཞུག་པར་བྱའོ། །སྟེང་དུ་ནི་རིག་པ་འཛིན་པ་གཞོན་ནུ་གཉིས་ཕྲེང་བ་འཛིན་པ། སྤྲིན་གྱི་ནང་ནས་ཆར་གཏོང་བ། རིག་པ་དང་བཅས་པ་བྲི་བར་བྱའོ། །བྱང་ཆུབ་སེམས་དཔའ་ཐམས་ཅད་ཀྱང་ལག་ན་མེ་ཏོག་ཐོགས་པ། བཅོམ་ལྡན་འདས་ཀྱི་ཞལ་ལ་རྣམ་པར་ལྟ་བ་དང ། རྒྱན་དང་ལྡན་པ། དང་བའི་ལྟ་བ་དང ། རོ་སྟོད་བཅོམ་ལྡན་འདས་ཀྱིས་ཞབས་ལ་འདུད་པ་དང་བཅས་པ་འདྲིར་གཞུག་པར་བྱའོ། །དེ་འདི་
266b
ལྟ་བུའི་རས་རིས་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ནུབ་ཏུ་བསྟན་ཏེ་བཞག་ལ། འཇམ་དཔལ་འདིའི་ཡི་གེ་གཅིག་པ་བཟླས་པ་འབུམ་བྱའོ། །ཤིང་བཞིན་དུ་མི་སྨྲ་བའི་དཀའ་ཐུབ་དང ། དུས་གསུམ་དུ་ཁྲུས་བྱེད་པ་དང ། གོས་ལན་གསུམ་བརྗེ་བ་དང ། རྟག་ཏུ་གསོ་སྦྱོང་བྱེད་པ་དང ། ཚོད་རྔད་དང ། ནས་ཆན་ཁྱོར་གང་ཙམ་དང ། འོ་མ་དང ། སློང་མོའི་ཟས་ཀྱིས་འཚོ་བའོ། །ཟས་ཀྱང་ཆ་རྣམ་པ་བཞིར་བྱས་ཏེ། ཆ་གཅིག་ནི་དཀོན་མཆོག་གསུམ་ལའོ། །གཉིས་པ་ནི་འཇམ་དཔལ་ལའོ། །གསུམ་པ་ནི་སེམས་ཅན་ཐམས་ཅད་ལའོ། །བཞི་པ་ནི་བདག་ཉིད་ཉེ་བར་སྤྱད་པར་བྱའོ། །མི་དུབ་པའི་ལུས་ཀྱིས་བཅོམ་ལྡན་འདས་ཡིད་ལ་བྱ་སྟེ། སེམས་ཅན་ཐམས་ཅད་ལ་དམིགས་པའི་ཡིད་དང ། བདག་ཉིད་ཀྱི་དོན་ཅི་ཡང་མི་བྱེད་ཅིང ། གཞན་སེམས་ཅན་ཐམས་ཅད་ཀྱི་དོན་འདིར་བྱའོ་ཞེས་བསྒོམས་ནས་བཟླས་པར་བྱའོ། །ཁྲུས་དང ། དྲི་དང ། མེ་ཏོག་དང ། སྤོས་དང ། བཤོས་དང ། མར་མེ་དག་ཀྱང་དབུལ་བར་བྱའོ། །ཁྲུས་ནི་རས་རིས་ཀྱི་གྲིབ་མར་མོ་\?\་གཟུགས་བརྟན་ལ་བྱའོ། །དྲི་ནི་འོག་ཏུ་གཏོར་བར་བྱའོ། །མེ་ཏོག་དང ། བཤོས་ཀྱང་རྟག་ཏུ་དབུལ་ལོ། །དེ་ཉིད་དུ་འདི་དག་ལ་སྔར་མཆོད་པར་བྱ་སྟེ། དང་པོ་དཀོན་མཆོག་གསུམ་དང ། དེའི་འོག་ཏུ་སྤྱན་རས་གཟིགས་དབང་ཕྱུག་དང ། འཕགས་པ་ཀུན་ཏུ་བཟང་པོ་དང ། ནམ་མཁའི་སྙིང་པོ་དང ། འཕགས་པ་
267a
༄#། །བློ་གྲོས་མི་ཟད་པ་དང ། ཟླ་འོད་གཞོན་ནུ་དང ། སྒྲིབ་པ་ཐམས་ཅད་རྣམ་པར་སེལ་བ་དང ། འཕགས་པ་རྡོ་རྗེ་འཛིན་དང ། འཕགས་མ་སྒྲོལ་མ་དང ། འཕགས་མ་རྨ་བྱ་ཆེན་པོ་དང ། འཕགས་མ་གཞན་གྱིས་མི་ཐུབ་མ་དང ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་དྲི་དང ། མེ་ཏོག་དང ། སྤོས་དང ། གཏོར་མ་དང ། མར་མེ་འདི་དག་ཐམས་ཅད་ལ་སྔར་མཆོད་ནས། ཕྱིས་རས་རིས་ལ་མཆོད་པར་བྱ་སྟེ། དེ་ནས་ཕྱི་རོལ་གྱི་ཕྱོགས་འགའ་ཞིག་ཏུ་སྦྲུལ་དང ། རྔ་མོ་དང ། བོང་བུ་དང ། གླང་པོ་ཆེ་དང ། ལོག་འདྲེན་གྱི་གཟུགས་གྲོག་མཁར་གྱིས་ལས་བྱས་ཏེ། དེ་དག་གི་ལྷག་མ་སྦྱིན་པར་བྱའོ། །སེམས་ཀྱིས་དྲན་པར་བྱ་བ་ནི་ཏིལ་གྱི་ཚིགས་མ་དང ། གུ་གུལ་གྱི་ཚིགས་མ་དང ། ཏིལ་ལས་བྱས་པའི་བཟའ་བ་དང ། རྒྱ་སྲན་དང ། ཉ་དང ། ཤ་དང ། སྐྱུ་རུ་ར་དང་བཅས་པ་དང ། བརྟ་ཀའི་བཟའ་བ་དང ། པདྨའི་ལོ་མ་དང ། འཁར་བའི་སྣོད་རྣམས་ཀྱང་ཡོངས་སུ་སྤང་བར་བྱའོ།། ཀུ་ཤའི་ཁྲེས་ལ་འདུག་ཅིང་དེ་ཉིད་དུ་གནས་ནས་སངས་རྒྱས་རྗེས་སུ་དྲན་པ་བསྒོམ་པར་བྱ་སྟེ། ཡིད་ཀྱིས་བཟླས་པར་བྱའོ། །དབེན་པའི་གནས་གཞན་དུ་ཀུ་ཤ་སྟན་དུ་གདིང་བར་བྱའོ། །ཧ་ཅང་བཏུང་བ་མང་བ་དང ། ཧ་ཅང་བཟའ་བ་མང་བ་དང ། ཧ་ཅང་འགྲོ་བ་མང་བ་དང ། ཧ་ཅང་ལྟ་བ་དང ། ཧ་ཅང་ཉལ་བ་སྤང་བར་བྱའོ། །དུས་གསུམ་དུ་སངས་རྒྱས་
267b
རྗེས་སུ་དྲན་པར་བྱའོ། །ས་བོན་བསྡམ་པར་ཡང་བྱའོ། །རྨི་ལམ་བཟང་པོ་རྣམས་གཞན་ལ་རབ་ཏུ་བསྟན་པར་མི་བྱ་སྟེ། བཅོམ་ལྡན་འདས་ཀྱི་སྤྱན་སྔར་བརྗོད་པར་བྱའོ། །དེ་བཞིན་དུ་མཐར་གྱིས་ཧ་ཅང་མི་མྱུར་བར་ཡི་གེ་གཅིག་པའི་བཟླས་པ་འབུམ་བྱའོ། །ཐ་མར་ཡང་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་བཀླག་པར་བྱའོ། །བཟླས་པའི་དུས་སུ་བཅོམ་ལྡན་འདས་སམ། ཡང་ན་འཇམ་དཔལ་གཞོན་ནུར་གྱུར་པའི་ཞལ་དུ་བལྟས་ལ་ཚིག་དང ། ཡི་གེ་མ་འཁྲུགས་པས་བཟླས་བརྗོད་བྱ་ཞིང ། བགྲང་ཕྲེང་ལ་ཕྱག་བྱས་ཏེ་དབུལ་བར་བྱའོ། །ཆོ་ག་འདིས་སྔོན་དུ་བསྙེན་པ་བྱས་ཏེ། གང་དུ་ཡིད་དགེ་བ་ཡོད་པའི་གནས་དག་ཏུ་རས་རིས་དེ་གཞག་པར་བྱའོ། །རས་རིས་ཀྱི་ཆོ་ག་དང་པོ་རྫོགས་སོ།། །།དེ་ནས་བཅོམ་ལྡན་འདས་འཇམ་དཔལ་ཙནྡན་དཀར་པོ་ལས་བྱས་པ། པདྨའི་གདན་ལ་བཞུགས་པ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་ཕྱག་གཅིག་ན་འཛིན་པ། ཕྱག་གཡས་པ་མ་དུ་ལུང་གའི་འབྲས་བུ་འཛིན་པ་བྱའོ། །དེ་གཙང་བའི་ཕྱོགས་གཅིག་ཏུ་ནུབ་ཕྱོགས་སུ་བསྟན་ལ་གཞག་པར་བྱས་ལ། །དེའི་མདུན་དུ་མེ་ཐབ་བྱས་ཏེ། ལས་ཐམས་ཅད་ལ་ཟུར་བཞི་པ། མཐོ་དོ་ཙམ་གྱི་ཚད་དུ་བྱ་ཞིང ། འོག་ཏུ་འབྲུ་ཐམས་ཅད་གཞུག་པར་བྱའོ། །དེ་ནས་དེའི་སྟེང་དུ་བྱ་པ་ནི་ཆོ་ག་འདིས་མི་གསར་པ་བསྐྱེ་དང ། ཤིང་ཤཝཏྠའམ། མྱ་ངན་མེད་ཀྱི་ཡམ་ཤིང་དང །
268a
༄#། །མར་དང ། འབྲས་ཐུག་པོ་ཆེའི་ཆན་དང ། འོ་མ་དང ། ཞོ་དང ། སྦྲང་རྩི་ཐམས་ཅད་བླངས་ཏེ། ཟངས་མའི་སྣོད་དུ་གཞག་པར་བྱས་ལ་སྟོང་རྩ་བརྒྱད་ཡོངས་སུ་བཟླས་ཤིང་བླུགས་གཟར་གྱིས་སྦྱིན་པར་བྱའོ། །ཕྱི་ནས་ཉིན་ཞག་གཞན་ལ་ཡར་ངོའི་ཚེས་ནས་བརྩམས་ཏེ་ལས་བྱའོ། །ཤིང་ཨ་ཤཝཏྠའི་ཡམ་ཤིང་གིས་མེ་རབ་ཏུ་སྦར་ལ་དུ་བ་མེད་པར་མཐོང་ན་མེ་སྤྱན་དྲང་བར་བྱ་སྟེ། ཨཱ་གཙྪ་ཧ་རི་བིཾ་ག་ལེ། དཱིཔྟ་ཛི་ཧཝ་ལོ་ཧི་ཏཱཀྵ། དེ་ཧི་ད་དཱ་པ་ཡ་སཝཱཧཱ། སྔགས་འདིས་སྲེག་བླུགས་གསུམ་དབུལ་ལོ། །དེ་ནས་བཅོམ་ལྡན་འདས་འཇམ་དཔལ་གཞོན་ནུར་གྱུར་པ་སྤྱན་དྲང་བར་བྱ་སྟེ། ཨཱ་གཙྪ། ཨཱ་གཙྪ། ཀུ་མཱ་ར་བྷུ་ཏ་སརྦ་སཏྭཱརྠ་མུ་དྱ་དོཉཧཾ། སཱ་ཧཱ་ཡYོཾ་ཀལྤ་ཡ། གནྡྷཾ་བྷཱུ་པཉྩ་པྲ་ཏི་གྲྀཧྞ་སཝཱཧཱ། གང་སྦྱིན་པར་བྱེད་པ་དེ་སྔགས་འདིས་སྦྱིན་པར་བྱའོ། །བྱོན་ན་མཆོད་ཡོན་དྲི་ཞིམ་པོའི་མེ་ཏོག་དང ། ཆུ་དབུལ་བར་བྱས་ཏེ། དེ་ནས་སྦྱིན་སྲེག་བྱའོ། །སྲེག་བླུགས་ལ་ལན་བདུན་བཟླས་ཏེ་ལན་གཅིག་གཏོར་རོ།། དེ་བཞིན་དུ་ཉི་མ་བདུན་གྱི་བར་དུ་མར་དང ། འབྲས་ཐུག་པོ་ཆེའི་ཆན་གྱིས་ཚིམ་པར་བྱའོ། །སྐབས་འདིར་ངེས་པར་འཇམ་དཔལ་གཞོན་ནུའི་གཟུགས་མཐོང་བར་འགྱུར་རོ། །ཙནྡན་གྱི་ཡམ་ཤིང་སོར་གཉིས་ཙམ་གྱི་ཚད་ཀྱིས་སྟོང་རྩ་བརྒྱད་བྱས་ན་རྒྱལ་པོ་དབང་དུ་འགྱུར་རོ། །མེ་ཏོག་པདྨ་ལ་ཞོ་དང ། སྦྲང་རྩི་དང ། མར་གྱིས་བཏགས་ནས་སྦྱིན་སྲེག་སྟོང་རྩ་
268b
བརྒྱད་བྱས་ན་ནོར་རྙེད་པར་འགྱུར་རོ། །ཤིང་ཤྲི་ཤའི་མེའི་ཡམ་ཤིང་གིས་མེ་རབ་ཏུ་སྦར་ལ་ཏིལ་གྱི་སྦྱིན་སྲེག་བྱས་ན་ནོར་གྱི་བདག་པོར་འགྱུར་རོ། །རྟག་ཏུ་ཆུས་ཆུ་ལ་སྦྱིན་སྲེག་བྱས་ཏེ་ནང་པར་ལངས་ན་སྐྱེ་བོ་ཐམས་ཅད་དགའ་བར་འགྱུར་རོ། །ཤིང་ ་ཡམ་ཤིང་དང ། ཞོ་དང ། སྦྲང་རྩི་དང ། མར་གྱིས་བཏགས་ལ་སྦྱིན་སྲེག་འབུམ་བྱས་ན་གྲོང་བསོད་སྙོམས་སྟོང་དང་ལྡན་པ་ཐོབ་བོ། །ཤིང་བ་ཧུ་པུ་ཏྲིཀ་ཞེས་བྱ་བས་སྦྱིན་སྲེག་བྱས་ན་བུ་མོ་གང་འདོད་པ་རྙེད་དོ། །ཤིང་ཨ་པ་མརྒས་སྦྱིན་སྲེག་བྱས་ན་ནད་རྣམས་རབ་ཏུ་ཞི་བར་འགྱུར་རོ། །འོ་མ་ཅན་གྱི་ཤིང་གིས་མེ་རབ་ཏུ་སྦར་ལ་ཏིལ་གྱི་སྦྱིན་སྲེག་བྱས་ན་གང་སེམས་པར་བྱེད་པ་དེ་ཐོབ་བོ། །ཡུལ་འདོད་པས་པདྨའི་སྦྱིན་སྲེག་འབུམ་བྱས་ན་ཡུལ་རྙེད་པར་འགྱུར་རོ། །ནང་གི་སྦྱིན་སྲེག་འབུམ་བྱས་ན་ཟས་མི་ཟད་པ་ཐོབ་པར་འགྱུར་རོ། །གུ་གུལ་དང ། མེ་ཏོག་པྲི་ཡང་ཀུ་མར་དང་ལྷན་ཅིག་སྦྱིན་སྲེག་བྱའོ། །ཤིང་ཨར་ཀ་དང་སྣ་མའི་མེ་ཏོག་གིས་ཆུ་ལ་སྦྱིན་པ་བྱས་ན་ཞག་བདུན་གྱིས་གྲོང་ཐོབ་པར་འགྱུར་རོ། །སྣ་མའི་མེ་ཏོག་གི་ཆུ་ལ་མེ་ཏོག་རེ་རེ་བླངས་ཏེ་སྦྱིན་པ་བྱས་པ་དང ། ལྷག་མ་དཀྱིལ་འཁོར་ལ་བཞག་ན་གང་ལ་སྣོམ་དུ་བཅུག་པ་དེ་བསྣམས་བ་ཙམ་གྱིས་དབང་དུ་འགྱུར་རོ། །གུར་གུམ་དང ། གླ་རྩི་དང ། ལི་ཤིའི་མེ་ཏོག་ཁར་བཅུག་སྟེ་བཟླས་པ་བྱས་ན་གང་དང་ལྷན་ཅིག་གཏམ་བྱེད་པ་དེ་དབང་དུ་འགྱུར་རོ།།
269a
༄#། །ན་ལེ་ཤམ་ལ་སྟོང་རྩ་བརྒྱད་མངོན་པར་སྔགས་པ་བྱས་ཏེ་ཁར་བཅུག་ན་ཁྲོས་པ་ལ་ཚིག་གིས་དགའ་བར་འགྱུར་རོ། །གཙུག་ཕུད་ལ་འདི་ཉིད་ཀྱི་སྔགས་ཀྱིས་བཅིངས་ན་མི་སྣང་བར་འགྱུར་རོ། །ཡིད་ལ་རྗེས་སུ་དྲན་ན་དགྲས་མཐོང་ན་ཡང་ཁྲོ་བ་མེད་པར་འགྱུར་རོ། །རྟག་ཏུ་བཟླས་བརྗོད་བྱས་ན་སྐྱེ་བོ་ཐམས་ཅད་དགའ་བར་འགྱུར་རོ། །ཐོ་རངས་ཆེན་པོ་ནས་ལངས་ནས་གཙང་བའི་ས་ཕྱོགས་སུ་སྣ་མའི་མེ་ཏོག་དང་ལྡན་པར་ཆུ་ལ་སྦྱིན་པ་བྱས་ན་ཚིག་བཙུན་པར་འགྱུར་བའི་བློན་པོར་འགྱུར་རོ། །འཇིགས་པ་ཡང་དག་པར་བྱུང་བར་གྱུར་ན་ཡིད་ལ་བྱས་པས་འཇིགས་པ་མེད་པར་འགྱུར་རོ། །ཕ་རོལ་ཁྲོས་པར་གྱུར་པ་ལའང་བྱམས་པ་བསྒོམས་ནས་རྗེས་སུ་དྲན་ཞིང་གདོང་ལ་རྣམ་པར་བལྟས་ན་ཁྲོ་བ་མེད་པར་འགྱུར་རོ། །དྲི་ཞིམ་པོའི་མེ་ཏོག་གིས་སྦྱིན་སྲེག་བྱས་ན་གང་གི་ཆེད་དུ་བྱས་པ་དེ་དབང་དུ་འགྱུར་རོ། །ཐོ་རངས་ལན་བདུན་ཆུ་ལ་བསྔགས་ཏེ་འཐུངས་ན་ངེས་པར་མྱོང་བར་འགྱུར་བའི་ལས་ཀྱང་ཟད་པར་འགྱུར་རོ། །ལན་བདུན་སྔགས་པའི་ཆུས་གདོང་རབ་ཏུ་བཀྲུས་ན་སྐྱེ་བོ་ཐམས་ཅད་དགའ་བར་འགྱུར་རོ། །མེ་ཏོག་ལ་ལན་བདུན་སྔགས་པས་གཞན་ལ་བྱིན་ན་དེ་དབང་དུ་འགྱུར་རོ། །འབྲས་ཐུག་པོ་ཆེས་སྦྱིན་སྲེག་འབུམ་ཕྲག་གཅིག་བྱས་ན་སློབ་དཔོན་ཉིད་དུ་འགྱུར་རོ། །ཏིལ་གྱི་སྦྱིན་སྲེག་གིས་ནི་ཡུལ་གྱི་བདག་པོར་འགྱུར་རོ། །པདྨའི་
269b
སྦྱིན་སྲེག་སྟོང་བྱས་ན་ཏི་ན་ར་སྟོང་ཐོབ་པར་འགྱུར་རོ། །གུ་གུལ་དང ། སྲ་རྩི་ཕོག་དང ། གནད་རས་དང ། ག་པུར་རྣམས་དཔའ་བོའི་ཉོ་ཚོང་གིས་ཉོས་ནས་གཅིག་ཏུ་བྱས་ལ་སྦྱིན་སྲེག་བྱས་ཏེ། ཚེས་ལྔ་ལྔ་ཞིང་ཟླ་བ་དྲུག་ཡོངས་སུ་ཚང་བར་བྱས་ན་སྟོང་འགྱུར་ཐོབ་པར་འགྱུར་རོ། །དྲི་ཐམས་ཅད་པའི་གཟུགས་བརྙན་བྱས་ཏེ་མཚོན་རྣོན་པོ་སོ་གཅིག་པས་སྐྱེས་པ་ཡིན་རྐང་པ་གཡས་པ། བུད་མེད་ཀྱི་ནི་རྐང་པ་གཡོན་པ་བཅད་ཅིང་སྦྱིན་སྲེག་བྱས་ན་གང་འདོད་པ་དེ་དབང་དུ་འགྱུར་རོ། །ཞག་བདུན་ལ་དུས་གསུམ་དུ་དར་དུ་ར་ཀའི་མེ་ཏོག་གིས་སྦྱིན་སྲེག་བྱས་ན་བ་རྣམས་ཐོབ་པར་འགྱུར་རོ། ། ་མེ་ཏོག་གིས་བྱས་ན་འབྲུ་རྣམས་ཐོབ་པར་འགྱུར་རོ། །ཤྲཱི་ཤའི་མེ་ཏོག་གིས་བྱས་ན་རྟ་རྣམས་ཐོབ་པར་འགྱུར་རོ། །ཤིང་མྱ་ངན་མེད་ཀྱིས་བྱས་ན་གསེར་ཐོབ་པར་འགྱུར་རོ། །ནད་འཇོམས་པར་བྱེད་པའི་མེ་ཏོག་གིས་བྱས་ན་གོས་རྣམས་ཐོབ་པར་འགྱུར་རོ། །གང་དང ། གང་འདོད་པ་དེ་ཐམས་ཅད་ནི་སྣ་མའི་མེ་ཏོག་གིས་སྦྱིན་སྲེག་བྱས་ན་བྱེད་པར་འགྱུར་ཏེ། མེ་ཏོག་ཅི་འདྲ་བའི་ཁ་དོག་གིས་ཆུ་ལ་ཉི་མ་ཤར་བའི་དུས་སུ་སྦྱིན་སྲེག་བྱས་ན་དེ་དང ། ཁ་དོག་འདྲ་བའི་གོས་ཐོབ་པར་འགྱུར་རོ། །མིག་སྨན་ལ་ལན་བདུན་བཟླས་པ་བྱས་ཏེ་སློང་མོ་ལ་འགྲོ་ན་སློང་མོ་མི་ཟད་པ་ཐོབ་བོ། །རྨི་ལམ་ངན་པ་མཐོང་ནས་ལངས་ཏེ་བདག་ཉིད་ཀྱིས་བཟླས་པ་བྱས་ནས་
270a
༄#། །ཡང་ཉལ་ན་རྨི་ལམ་བཟང་པོ་མཐོང་བར་འགྱུར་རོ། །དེ་ནས་རྒྱལ་པོ་དབང་དུ་བྱེད་པར་འདོད་ན་དེའི་རྐང་པའི་རྡུལ་རྣམས་བླངས་ཏེ། ཡུངས་ཀར་དང ། ཏིལ་དང་བསྲེས་ནས་ཞག་བདུན་ལ་དུས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ། །རྒྱལ་མོ་དབང་དུ་བྱེད་པར་འདོད་ན་ལྕམ་པའི་ལོ་མ་དང ། ཤུད་ཏི་དང ། སྨན་བཱ་རཱ་ཧི་རྣམས་གཅིག་ཏུ་བྱས་ཏེ་ཞག་བདུན་ལ་དུས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ། །བློན་པོ་དབང་དུ་བྱེད་པར་འདོད་ན་གོ་བྱེ་དང ། ཏིལ་དང ། ཤུ་དག་རྣམས་ཀྱིས་གཟུགས་བརྙན་བྱས་ཏེ་ཞག་བདུན་ལ་དུས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ། །མདུན་ན་འདོན་དབང་དུ་བྱེད་པར་འདོད་ན་སྤོས་པྲ་མ་ཙ་རི་དང ། ཤུ་ཏི་གཅིག་ཏུ་བྱས་ཏེ་ཞག་བདུན་ལ་དུས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ། །བྲམ་ཟེ་རྣམས་དབང་དུ་བྱེད་པར་འདོད་ན་ནིའོ་ཐུག་མར་དང་ལྷན་ཅིག་པས་ཞག་བདུན་ལ་དུས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ། །དེ་ནས་རྒྱལ་རིགས་དབང་དུ་བྱེད་པར་འདོད་ན་འབྲས་སཱ་ལུའི་ཆན་མར་དང་ལྡན་པས་ཞག་བདུན་ལ་དུས་གསུམ་དུ་སྦྱིན་སྲེག་བྱའོ། །རྗེའུ་རིགས་དབང་དུ་བྱེད་པར་འདོད་ན་ནས་ཆན་ཁྱོར་གང་བུར་མ་དང་ལྡན་པས། ཞག་བདུན་ལ་དུས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ།།
270b
༄#། །ཏིལ་གྱི་ཚིགས་སམ། མར་གྱིས་སྦྱིན་སྲེག་བྱས་ན་དམངས་རིགས་དབང་དུ་འགྱུར་རོ། །ཐམས་ཅད་གཅིག་ཏུ་བྱས་ཏེ་སྦྱིན་སྲེག་བྱས་ནས་བཞི་མདོའམ། ཁང་སྟོང་ངམ། ཤིང་གཅིག་པ་དག་ཏུ་གཏོར་མ་བཏང་ན་ནད་པ་དེ་དེ་ལས་རྣམ་པར་གྲོལ་བར་འགྱུར་རོ། །གདོང་ལ་བལྟས་ཏེ་བཟླས་པ་བྱས་ན་ནད་དང་བྲལ་བར་འགྱུར་རོ། །བརྒྱ་རྩ་བརྒྱད་བཟླས་ནས་གཙུག་ཕུད་ལ་བཅིངས་ན་ནད་ཐམས་ཅད་ལས་ཡོངས་སུ་གྲོལ་ལོ། །ནད་ཐམས་ཅད་ལ་ནི་སྐུད་པ་ལ་མདུད་པ་བྱ་ཞིང་གཙུག་ཕུད་བཅིང་བ་བྱས་ཏེ་བཟླས་པ་བྱས་ན་ནད་ཐམས་ཅད་ལས་གྲོལ་བར་འགྱུར་རོ། །ནད་ཀྱིས་བཏབ་པ་ལ་ནི་བཟླས་པ་ཙམ་གྱིས་ཡོངས་སུ་ཐར་བར་འགྱུར་རོ། །མགུལ་པའི་ནད་ལ་ནི་གྲོག་མཁར་གྱིས་ལ་བཟླས་པ་བྱས་ཏེ་ལྡེ་གུས་བྱུག་པ་བྱས་ན་ནད་ལས་གྲོལ་བར་འགྱུར་རོ། །མིག་གི་ནད་ལ་ནི་ཟར་མའི་མེ་ཏོག་གིས་སྦྱིན་སྲེག་བྱས་ན་ཉེ་བར་ཞི་བར་འགྱུར་རོ། །རས་རིས་ཀྱི་ཆོ་གའི་ལས་གཞན་ཡང་སྔར་བསྟན་པའི་ཆོ་གས་རས་མ་ཉམས་པ་སྐྲ་མེད་པ་ལ་འཕགས་པ་འཇམ་དཔལ་གཞོན་ནུར་གྱུར་པ་འདྲིར་གཞུག་པར་བྱ་སྟེ། རྒྱན་ཐམས་ཅད་ཀྱིས་བརྒྱན་པ། ཁ་དོག་དམར་བ། གཞོན་ནུའི་གཟུགས་ཅན། པདྨའི་གདན་ལ་བཞུགས་པ། གཡས་ངོས་སུ་འཕགས་པ་སྤྱན་རས་གཟིགས་དབང་ཕྱུག། གཡོན་ངོས་སུ་ཀུན་ཏུ་བཟང་པོ་འཕགས་པ་འཇམ་དཔལ་ལས་ཅུང་
271a
༄#། །ཟད་ཆུང་བ། རས་རིས་དེ་བཞག་ལ་བཟླས་པ་བྱེ་བ་བྱས་ན་རྒྱལ་པོར་འགྱུར་རོ། །ཙནྡན་གྱི་ཡམ་ཤིང་ལ་གུར་གུམ་གྱིས་བཏགས་པས་སྦྱིན་སྲེག་འབུམ་བྱས་ན་རྒྱལ་པོར་འགྱུར་རོ། །སྣ་མའི་མེ་ཏོག་མར་གྱིས་བཏགས་པས་སྦྱིན་སྲེག་བྱེ་བ་བྱས་ན་རྒྱལ་པོར་འགྱུར་རོ། །གང་གི་ཚད་དང་ལྡན་པའི་པདྨའི་ཚོགས་ཀྱིས་སྦྱིན་སྲེག་བྱས་པ་དེའི་ཚད་ཀྱི་ཏི་ན་རའི་ཚོགས་རྙེད་པར་འགྱུར་རོ། །ཇི་སྲིད་དུ་བཟླས་པ་དེ་ཙམ་གྱི་ཚད་དང་ལྡན་པའི་ཏི་ན་ར་མ་བླངས་པ་དེ་ནི་རིག་པ་འཛིན་པའི་འཁོར་ལོས་བསྒྱུར་བར་འགྱུར་རོ། །གོ་ཕྱེའི་སྦྱིན་སྲེག་འབུམ་བྱས་ན་ཏི་ན་ར་སྟོང་སྦྱིན་པར་བྱེད་དོ། །ནད་འཇོམས་པར་བྱེད་པའི་འབྲས་བུས་སྦྱིན་སྲེག་འབུམ་བྱས་ན་ནོར་བདག་ཆེན་པོར་འགྱུར་རོ། །གུ་གུལ་གྱི་ཡམ་ཤིང་སྟོང་རྩ་བརྒྱད་ཀྱིས་སྦྱིན་སྲེག་བྱས་ན་ནོར་དང ། འབྲུ་རྣམས་ཐོབ་པར་འགྱུར་རོ། ། རྟག་ཏུ་ཏིལ་གྱིས་སྦྱིན་སྲེག་བྱས་ན་འབྲུ་རྒྱུན་མི་འཆད་པར་རྙེད་པར་འགྱུར་རོ། །བ་ལང་གི་ལྕི་བ་ལས་བྱུང་བའི་འབྲས་ཐུག་པོ་ཆེ་ཞོ་དང་བཅས་པས་སྦྱིན་སྲེག་འབུམ་བྱས་ན་བ་སྟོང་ཐོབ་པར་འགྱུར་རོ། །བོ་དེ་ཙེའི་འབྲས་བུ་དང ། ཤོ་མའི་འབྲས་གཅིག་ཏུ་བྱས་ཏེ་སྦྱིན་སྲེག་བྱས་ན་གང་འདོད་པའི་བུ་མོ་རྙེད་པར་འགྱུར་རོ། །
271b
ཤོ་མའི་ལོ་མས་སྦྱིན་སྲེག་བྱས་ན་འདོད་པ་ཐམས་ཅད་ཐོབ་པར་འགྱུར་རོ། །ཟར་མའི་མེ་ཏོག་ལ་འོ་མས་བཏག་པས་སྦྱིན་སྲེག་བྱ་བ་ནི་བྲམ་ཟེ་དབང་དུ་བྱ་བ་ལའོ།། ཤིང་ཀ་ར་བཱི་རའི་མེ་ཏོག་ལ་ཤིང་འོ་མ་ཅན་འོ་མ་མེད་པས་སྦྱིན་སྲེག་བྱ་བ་ནི་རྒྱལ་རིགས་དང་དབང་དུ་བྱ་བ་ལའོ། །དོང་ཀའི་མེ་ཏོག་གིས་སྦྱིན་སྲེག་བྱ་བ་ནི་རྒྱལ་པོ་དབང་དུ་བྱ་བ་ལའོ། །བྷ་དུ་རའི་མེ་ཏོག་གི་སྦྱིན་སྲེག་བྱ་བ་ནི་དམངས་རིགས་དབང་དུ་བྱ་བ་ལའོ། །ཤིང་ཨརྒའི་མེ་ཏོག་ལ་ཞོ་དང ། སྦྲང་རྩི་དང ། མར་གྱིས་བཏགས་པས་སྦྱིན་སྲེག་འབུམ་བྱས་ན་ནད་ཐམས་ཅད་ལས་ཡོངས་སུ་གྲོལ་བར་འགྱུར་རོ། །འདི་ཉིད་ཀྱི་ཆོ་གས་མེ་ཏོག་དྲི་ཞིམ་པ་ལ་ལན་འབུམ་བཟླས་ཏེ་ཞབས་ཀྱི་དྲུང་དུ་བཞག་ན་རྟག་ཏུ་བདེ་བར་འགྱུར་རོ། །ཤིང་ཨ་ཤཝཏྟའི་ཡམ་ཤིང་གིས་མེ་རབ་ཏུ་སྦར་ལ་ཤ་མའི་མེ་ཏོག་གིས་སྦྱིན་སྲེག་བྱས་ན་རྒྱུ་སྐར་གྱི་གནོད་པ་ཉེ་བར་ཞི་བར་འགྱུར་རོ། །གི་ཝང་ལ་སྔགས་མངོན་པར་བྲིས་ཏེ་སྤྱི་བོ་ལ་བཅིངས་ནས་གཡུལ་དུ་འཇུག་ན་མཚོན་གྱིས་རེག་པར་མི་འགྱུར་རོ། །བཅོམ་ལྡན་འདས་འཇམ་དཔལ་གཞོན་ནུའི་རས་རིས་གླང་པོ་ཆེའི་མཚོག་མ་ལ་བཞག་སྟེ་དཔུང་གི་ཚོགས་ཀྱིས་སྔོན་དུ་བཏང་ན་མཐོང་བ་ཙམ་གྱིས་གཞན་གྱི་དཔུང་འཇིག་པར་འགྱུར་རོ། །གཞོན་ནུའི་གཟུགས་
272a
༄#། །ཅན་གསེར་གྱི་རྨ་བྱའི་གདན་ལ་བཞུགས་པ་བྱས་ཏེ། རྒྱལ་མཚན་གྱི་རྩེ་མོར་བཏགས་ནས་གཡུལ་དུ་ཞུགས་ན་མཐོང་བ་ཉིད་ཀྱིས་གཞན་གྱི་དཔུང་འཇིག་པར་འགྱུར་རོ། །སྣ་མའི་མེ་ཏོག་ལ་ལན་འབུམ་བཟླས་ཏེ་ཞབས་དྲུང་དུ་བཞག་ལ། དེ་ཉིད་ཀུ་ཤ་བཏིང་བའི་སྟན་བྱས་ན་རྨི་ལམ་དུ་འདི་ལ་ཇི་ལྟར་འདོད་པ་སྟོན་པར་འགྱུར་རོ། །མར་མེ་སྟོང་ལ་དེ་བཞིན་དུ་མར་མེ་རེ་རེ་ལ་ཡང་པདྨའི་སྐུད་པའི་སྙིང་པོ་བྱས་ཏེ། ཤིང་མངར་གྱིས་དཀྲི་བ་བྱས་ལ་མེ་རབ་ཏུ་སྦར་ནས་ཕུལ་ན་ངེས་པར་འཇམ་དཔལ་གཞོན་ནུར་གྱུར་པ་ཇི་ལྟ་བ་མཐོང་བར་འགྱུར་རོ། །རས་རིས་ཀྱི་ཆོ་ག་གཉིས་པ་རྫོགས་སོ།། །།གསེར་རམ། དངུལ་ལས་གཞོན་ནུའི་གཟུགས་བྱས་ཏེ། ཕྱག་གཡས་པ་མཆོག་སྦྱིན་པ་དང ། གཡོན་པ་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་འཛིན་པ་འདི་ལྟ་བུ་སྐུ་གདུང་གི་ཟ་མ་ཏོག་མདུན་དུ་བཞག་ལ་ཡི་གེ་གཅིག་པའི་བཟླས་པ་འབུམ་བྱའོ། །མཆོད་པ་རྣམས་ནི་ཉིན་པར་བྱའོ། །ཞབས་གཡོན་པའི་མདུན་དུ་བུ་མོ་ལ་ཁ་ཟས་སྦྱིན་པར་བྱའོ། །གླུ་དང ། རོལ་མོ་དང ། གླེགས་བམ་བཀླགས་པར་ཡང་བྱའོ། །བཟླས་པ་ཡོངས་སུ་རྫོགས་པ་དང ། མེ་ཏོག་གསུམ་གྱིས་
272b
མཆོད་ཡོན་གསོལ་ཏེ་སླར་གཤེགས་སུ་གསོལ་ལོ། །ཆོ་ག་སྔ་མ་བཞིན་དུ་སྤྱན་དྲངས་པ་དང ། གཤེགས་སུ་གསོལ་བར་བྱའོ། །པདྨའི་ཕྱག་རྒྱ་བཅིངས་ནས་ནི་བཟླས་པ་བྱའོ།། རྒྱལ་མཚན་གྱི་ཕྱག་རྒྱས་ནི་སྤྱན་དྲང་བར་བྱའོ། །བཀྲ་ཤིས་ལྡན་གྱི་ཕྱག་རྒྱས་ནི་བཞུགས་སུ་གསོལ་ལོ། །གང་བའི་ཕྱག་རྒྱས་ནི་མཆོད་ཡོན་ནོ། །རྟགས་གཅིག་པའི་ཕྱག་རྒྱས་ནི་མེ་ཏོག་དབུལ་ལོ། །ཡིད་ལ་རེ་བའི་ཕྱག་རྒྱས་ནི་མར་མེའོ། །གཡོ་བའི་ཕྱག་རྒྱས་ནི་སྤོས་སོ། །རྨ་བྱའི་གདན་གྱི་ཕྱག་རྒྱས་ནི་དྲིའོ། །སྲོག་ཤིང་གི་ཕྱག་རྒྱས་ནི་བཤོས་སོ། །ཆོ་ག་འདི་ཉིད་ཀྱིས་མཚན་མོ་དང ། ཉིན་མོ་རེ་རེ་ཞིང་ཇི་སྲིད་བཟླས་པ་རྫོགས་ཀྱི་བར་དུ་བྱའོ། །ཕྱི་ནས་ནི་ལས་རྣམས་བྱའོ། །སྣ་མའི་མེ་ཏོག་གིས་རྒྱ་མཚོར་འགྲོ་བའི་ཆུ་བོ་ལ་འབུམ་གྱིས་གཏོར་ན་ཡུལ་ཐོབ་པར་འགྱུར་རོ། །མཚན་མོ་སྣ་མའི་མེ་ཏོག་གི་ཚོགས་བཅོམ་ལྡན་འདས་ཀྱི་མདུན་དུ་བྱས་ནས་ཉལ་ན་བཅོམ་ལྡན་འདས་བྱང་ཆུབ་སེམས་དཔས་ཡོངས་སུ་བསྐོར་བ་ཆོས་འཆད་པ་མཐོང་བར་འགྱུར་རོ། །གང་གི་དོན་དུ་བྱེད་པ་དེ་ཉིད་ཀྱི་ལས་བྱའོ། །གསོ་སྦྱོང་བྱས་ཤིང་ཡར་ངོའི་ཚེས་ནས་བརྩམས་ཏེ། ག་བུར་སྦྲང་རྩི་དང་བསྲེས་པའི་སྤོས་ཀྱིས་སྦྱིན་སྲེག་བྱས་ན་རྒྱལ་ཐབས་ཐོབ་པར་འགྱུར་རོ། །བཟླས་པ་བྱེ་བ་བྱས་ན་འཇམ་དཔལ་རང་ཉིད་
273a
༄#། །མཐོང་བར་འགྱུར་རོ། །ཆོས་འཆད་པར་ཡང་མཛད་དེ། དེ་དང་ལྷན་ཅིག་སྨྲ་བ་དང ། མངོན་སུམ་དུ་སྣང་བར་ཡང་འགྱུར་རོ། །ཕྱིར་མི་ལྡོག་པའི་བྱང་ཆུབ་སེམས་དཔར་འགྱུར་རོ། །རས་རིས་ཀྱི་ཆོ་ག་གསུམ་པ་རྫོགས་སོ།། །།ཙནྡན་དམར་པོ་ལས་བྱས་པའི་གཞོན་ནུའི་གཟུགས་ཅན་ཕྱོགས་གཅིག་ན་གནོད་སྦྱིན་དགའ་བར་བྱེད་པ། ཕྱོགས་གཉིས་པ་ན་ནི་འཕྲོག་མ་ཤིང་མྱ་ངན་མེད་ཀྱི་རྩ་ན་འདུག་པ་དེ་འདྲ་བ་བཞག་ལ། ལན་ཚཝ་དང ། ཡུངས་ཀར་དང ། སྐེ་ཚེ་དང་བསྲེས་པའི་ཙནྡན་དམར་པོའི་གཟུགས་བརྙན་བྱས་ནས་བཅད་ཅིང་བཅད་ཅིང་སྦྱིན་སྲེག་བྱས་ན་གང་གི་མིང་གཟུང་བ་དེ་དབང་དུ་འགྱུར་རོ། །ཤིང་ཨུ་དུམ་བཱ་རའི་འབྲས་བུས་གང་གི་མིང་བཟུང་ཞིང་སྦྱིན་སྲེག་བྱས་ན་དེ་དབང་དུ་འགྱུར་རོ། །རྒྱ་ཤུག་གི་འབྲས་བུས་སྦྱིན་སྲེག་བྱས་ན་གང་གི་མིང་བཟུང་བ་དེ་དབང་དུ་འགྱུར། །ཁཝ་དང་འདྲ་བའི་ཤིང་ཨུ་དུམ་བཱ་རས་སྦྱིན་སྲེག་བྱས་ན་གང་གི་མིང་བཟུང་བ་དེ་དབང་དུ་འགྱུར་རོ། །ཤི་ང་སྲ་ག་ཏ་གས་སྦྱིན་སྲེག་བྱ་བ་ནི་བྲམ་ཟེ་དབང་དུ་བྱ་བ་ལའོ། །པདྨའི་རྩ་བས་ནི་རྒྱལ་རིགས་དབང་དུ་བྱ་བའོ། །ུཏྤ་ལའི་རྩ་བས་སྦྱིན་སྲེག་བྱ་བ་ནི་དམངས་རིགས་དབང་དུ་བྱ་བ་ལའོ། །ལན་ཚཝ་དང །
273b
ཤ་ཁ་རས་སྦྱིན་སྲེག་སྟོང་རྩ་བརྒྱད་ཉི་མ་བདུན་ལ་དུས་གསུམ་དུ་བྱས་ན་གང་གི་མིང་གིས་སྦྱིན་སྲེག་བྱས་པ་དེ་དབང་དུ་འགྱུར་རོ། །ནིམ་པའི་ལོ་མ་ལ་ཡུངས་མར་གྱིས་བཏགས་པའི་སྲེག་བླུགས་ཀྱི་སྦྱིན་སྲེག་སྟོང་རྩ་བརྒྱད་ཞག་བདུན་ལ་དུས་གསུམ་དུ་བྱས་ན་གང་གིས་མིང་གིས་བྱས་པ་དེ་དབང་དུ་འགྱུར་རོ། །ཐམས་ཅད་ཀྱིས་སྦྱིན་སྲེག་བྱས་ན་ཐམས་ཅད་དབང་དུ་འགྱུར་རོ། །སྨན་བྲི་ཧ་ཏའི་མེ་ཏོག་གིས་སྦྱིན་སྲེག་འབུམ་བྱས་ན་གསེར་རྙེད་པར་འགྱུར་རོ། །ཤིང་ཀ་ལཉྫ་རི་ཀའི་མེ་ཏོག་ལ་སྦྱིན་སྲེག་སྟོང་རྩ་བརྒྱད་བྱས་ན་གྲོང་ཆེན་པོ་ཐོབ་པར་འགྱུར་རོ། །པ་ཏ་ལའི་མེ་ཏོག་གིས་སྦྱིན་སྲེག་བྱས་ན་འབྲུ་མི་ཟད་པ་ཐོབ་པར་འགྱུར་རོ། །བིལ་པའི་མེ་ཏོག་གིས་སྦྱིན་སྲེག་བྱས་ན་གསར་རྙེད་པར་འགྱུར་རོ། །ཤུ་དག་ལ་ཞོ་དང ། སྦྲང་རྩི་དང ། མར་གྱིས་བཏགས་ཏེ་སྦྱིན་སྲེག་བྱས་ན་རྒོལ་བ་ཐམས་ཅད་ལ་ལན་འདེབས་ནུས་པར་འགྱུར་རོ། །སྨན་བྲམ་ཧའི་ཁུ་བཅུད་མར་དང་ལྡན་པ་ཟངས་མའི་སྣོད་དུ་བཞག་ལ། བཟླས་པ་ཁྲི་རྫོགས་པའི་བར་དུ་བཟླས་ནས་དེ་ནས་འཐུངས་ན་རྒོལ་བ་ཐམས་ཅད་ལས་རྣམ་པར་རྒྱལ་བར་འགྱུར་རོ། །ཤིན་ཏུ་ཞེ་སྡང་བ་ལ་ནི་སྟོང་རྩ་བརྒྱད་བོང་བ་ལ་མངོན་པར་སྔགས་ཏེ་ཁྲོས་པའི་མདུན་དུ་བོར་ན་ཁྲོ་བ་མེད་པར་འགྱུར་རོ། །
274a
༄#། །རས་རིས་ཀྱི་ཆོ་ག་བཞི་པ་རྫོགས་སོ།། །།རས་མ་ཉམས་པ་སྒྲ་མེད་པ་ལ་རི་མོ་མཁན་གསོ་སྦྱོང་བྱས་པ། ཚོན་མ་འདྲེས་པ་དག་གི་འཕགས་པ་འཇམ་དཔལ་པདྨའི་གདན་ལ་བཞུགས་ཤིང་ཆོས་འཆད་པ་འདྲིར་གཞུག་པར་བྱའོ། །གཡོན་ཕྱོགས་སུ་འཕགས་པ་འོག་དཔག་ཆེན་མོ། གཡས་ཕྱོགས་སུ་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་གཟུགས་ཅན་མ། རྒྱན་ཐམས་ཅད་ཀྱིས་བརྒྱན་པ། གོས་དཀར་པོ་བགོས་པ་བྲི་བར་བྱའོ། །དེའི་འོག་ཏུ་པདྨའི་མཚོ་མེ་ཏོག་རྣམ་པ་སྣ་ཚོགས་ཀྱིས་ཁྱབ་པ་ན་ཀླུའི་རྒྱལ་པོ་གཉིས་རོ་སྟོད་ཆུའི་ནང་ནས་བྱུང་བ། པདྨའི་སྡོང་བུ་ལ་ལག་པས་འཛིན་པའོ། །འཕགས་པ་གཞན་གྱིས་མི་ཐུབ་མ་ཕྱོགས་གཅིག་ཏུ་བྲི་བར་བྱ་སྟེ། ལོག་འདྲེན་གྱི་བགེགས་འཇིགས་པར་བྱེད་པ། མེ་འབར་བ་མངོན་པར་འབྱིན་པ། སྤྱན་ཁྲོ་གཉེར་ཅན་དུ་བྱས་པ། ཕྱོགས་གཞན་དུ་རི་ཁྲོད་མ་ལོ་མ་གྱོན་མ། ཞགས་པ་དང ། དགྲ་སྟ་ལག་ན་ཐོགས་པ། ཁ་དོག་ནག་པ། མིག་དམར་བ། རྨ་བྱའི་རྒྱབ་ཏུ་ཞོན་པ། སྒྲུབ་པ་པོ་ལ་སྲུང་བར་བྱེད་པ་བྲི་བར་བྱའོ། །སྒྲུབ་པ་པོ་ཡང་པདྨའི་ཕྲེང་བ་ལག་ན་ཐོགས་ཤིང་བཅོམ་ལྡན་འདས་འཇམ་དཔལ་གྱི་ཞལ་ལ་རྣམ་པར་བལྟ་བར་བྱའོ། །
274b
སྟེང་དུ་ནི་རྔ་ཡབ་དང ། མེ་ཏོག་གི་ཕྲེང་བ་དང ། རྔ་འཛིན་པའི་ལྷའི་བུ་རྣམས་བྲི་བར་བྱའོ། །རས་རིས་དེ་ནུབ་ཏུ་བསྟན་ཏེ་བཞག་ལ་སྐུ་གདུང་དང་བཅས་པའི་མཆོད་རྟེན་གྱི་མདུན་དུ་བཟླས་པ་བྱེ་བ་བྱའོ། །བཟླས་པའི་ཐ་མར་མེའི་མཆོད་པ་ཆེན་པོ་བྱ་ཞིང་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླགས་པ་བཟླས་པ་སྟོང་ཕྲག་བཅུ་འཇམ་དཔལ་གཞོན་ནུའི་ཞལ་ལ་ལྟ་ཞིང་བཟླས་པ་བྱའོ། །དེ་ནས་རས་རིས་འགུལ་བར་གྱུར་ན་རྒྱལ་སྲིད་ཐོབ་པར་འགྱུར་རོ། །ལྷའི་མིག་ཐོབ་ཅིང་རིག་པ་འཛིན་པར་འགྱུར་རོ། །འཁོར་ལོས་བསྒྱུར་བ་ཆེན་པོར་ཡང་འགྱུར་རོ། །བཟླས་ཤིང་བཟླས་ན་བྱང་ཆུབ་སེམས་དཔའི་ས་དང་པོ་ཐོབ་པར་འགྱུར་རོ། །དེའི་ཆོས་སྟོན་པ་ཡང་ཐོས་པར་ཡང་འགྱུར་རོ། །རས་རིས་དེ་ཉིད་ཀྱི་མདུན་དུ་བ་སེར་མོ་བེའུ་ཡོད་པའི་མར་ཁུ་བླངས་ལ་ཟངས་མའི་སྣོད་དུ་བཞག་ནས་ཇི་སྲིད་དུ་དྲོ་བར་འགྱུར་བ་དང ། དུ་བ་འཐུལ་བར་འགྱུར་བ་དང ། རབ་ཏུ་འབར་བར་འགྱུར་བ་དེ་སྲིད་དུ་བཟླས་པ་བྱས་ན་དྲོ་བར་གྱུར་པ་ན་འཐུངས་ན་ནི་མཆོག་ཏུ་ཡིད་གཞུངས་པ་དང ། ཐོས་པ་འཛིན་པར་འགྱུར་རོ། །དུ་བ་འཐུལ་བ་ན་འཐུངས་ན་ནི་མི་སྣང་བར་འགྱུར་རོ། །རབ་ཏུ་འབར་བ་ན་འཐུངས་ན་ནི་ནམ་མཁའ་ལ་འགྲོ་བར་འགྱུར་རོ། །ཁམ་
275a
༄#། །ཕོར་སོ་མ་བཏང་བ་ཁ་སྦྱར་ལ་ཤུ་དག་སྣ་མའི་མེ་ཏོག་གིས་དཀྲིས་པ་བཞག་ལ་ཇི་སྲིད་མྱུ་གུ་བྱུང་བ་དེའི་བར་དུ་བཟླས་བརྗོད་བྱ་སྟེ། དེ་ཟོས་ན་ཐོས་པ་འཛིན་པར་འགྱུར་རོ། །བཟླས་བརྗོད་གཞན་བྱེ་བ་བྱས་ན་འཇམ་དཔལ་མངོན་སུམ་དུ་མཐོང་ཞིང་ཆོས་སྟོན་པ་ཡང་ཐོས་ལ་དེ་ལ་དད་པར་ཡང་འགྱུར་རོ། །གསེར་གྱི་པདྨ་འདབ་མ་བརྒྱར་བྱས་ཏེ། པུས་མོ་གཡས་པའི་ལྷ་ང་ས་ལ་བཙུགས་ཏེ། ཇི་སྲིད་འབར་གྱི་བར་དུ་བཟླས་པ་བྱས་ན་དེ་བླངས་པ་ཙམ་གྱིས་རིག་པ་འཛིན་པའི་འཁོར་ལོས་བསྒྱུར་བར་འགྱུར་རོ། །གཞན་གྱིས་མི་ཐུབ་པར་འགྱུར་རོ། །ལྡོང་རོས་སམ། བ་བླའམ། ལིག་བུ་མིག་གམ། བིལ་བའི་ལོ་མ་ཆུ་ལ་བཅུག་སྟེ། ཇི་སྲིད་ཁུ་ལ་ཁུ་ལ་ཞེས་བྱ་བའི་སྒྲ་བྱེད་པ་དེ་སྲིད་དུ་བཟླས་ན་དེ་བླངས་པ་ཙམ་གྱིས་ས་ལ་སྤྱོད་པའི་སྲིན་པོ་དང ། ཤ་ཟ་རྣམས་ཀྱི་བདག་པོ་དང ། མི་སྣང་བར་འགྱུར་རོ། །མཚན་ཉིད་དང་ལྡན་པ་རྨ་མེད་ཅིང་མ་འདྲེས་པའི་རལ་གྲི་བླངས་ལ་ཇི་སྲིད་སྦྲུལ་གྱི་གདེངས་ཀ་བཞིན་དུ་བྱས་ཏེ། འདུག་པ་དེ་སྲིད་དུ་བཟླས་པ་བྱས་ལ། དེ་ནས་དེ་བླངས་ན་རིག་པ་འཛིན་པའི་འཁོར་ལོས་བསྒྱུར་བར་འགྱུར་རོ། །བསྐལ་པར་ཚེ་གནས་པ་དང ། གཞན་གྱིས་
275b
མི་ཐུབ་པར་འགྱུར་རོ། །ལྡོང་རོས་ལྕགས་གསུམ་གྱིས་དཀྲི་བར་བྱས་ཏེ་ཁར་བཅུག་ལ་ཇི་སྲིད་ཙུ་ལུ་ཙུ་ལུའི་སྒྲ་འབྱུང་བ་དེ་སྲིད་དུ་བཟླས་པ་བྱས་ན་ཐུབ་པ་མེད་པར་འགྱུར་རོ། །དགྲ་ཐམས་ཅད་འཇོམས་པར་བྱེད་པར་འགྱུར་རོ། །རིགས་ཐམས་ཅད་དབང་དུ་བྱེད་དེ། འདོད་པ་དབང་དུ་བྱེད་པ་ནི་མ་གཏོགས་སོ། །ཤིང་ཤ་མི་ལས་སྐྱེས་པའི་ཤིང་ཨ་ཤཝཏྟའི་སྙིང་པོ་བླངས་ལ། ལྕགས་གསུམ་གྱིས་དཀྲི་བར་བྱས་ནས་ཁར་རབ་ཏུ་བཅུག་ན། ཇི་སྲིད་ཙུ་ལུ་ཙུ་ལུའི་སྒྲ་འབྱུང་བ་དེ་སྲིད་དུ་བཟླས་པ་བྱས་ན་མི་སྣང་བར་འགྱུར་རོ། །ལོ་སྟོང་དུ་འཚོ་བར་འགྱུར་རོ། །དངུལ་གྱི་འཁོར་ལོ་བྱས་ཏེ་ལྷ་མ་ཡིན་གྱི་ཁུང་བུའི་སྒོར་བཞག་ལ་ཇི་སྲིད་དུ་འཁོར་ལོས་ལྷ་མ་ཡིན་གྱི་འཁྲུལ་འཁོར་བཅད་ནས་རབ་ཏུ་འཇུག་པ་དེའི་བར་དུ་བཟླས་པ་བྱས་ན་དེའི་མོད་ལ་ལྷ་མ་ཡིན་གྱི་ན་ཆུང་རྣམས་བྱུང་ནས་དེ་དང་ལྷན་ཅིག་རབ་ཏུ་ཞུགས་ནས་བསྐལ་པར་གནས་པར་འགྱུར་རོ། །ལྕགས་ལས་བྱས་པའི་མདུང་རྩེ་གསུམ་བྱས་ཏེ། ཁུང་བུ་དེ་དག་གི་སྒོར་བཟླས་པ་བྱེད་ན་དེར་འཁྲུལ་འཁོར་ཐམས་ཅད་འཇིག་པར་འགྱུར་ཞིང།་ཇི་སྲིད་སྒྲུབ་པའི་གྲོགས་མཆོག་དང་ལྷན་ཅིག་འདོད་པ་དེ་སྙེད་དང་ལྷན་ཅིག་རབ་ཏུ་འཇུག་ཅིང་བསྐལ་པར་གནས་པར་འགྱུར་རོ། །བྱམས་པ་ཡང་བཞུགས་
276a
༄#། །ཤིང་མཐོང་བར་ཡང་འགྱུར་རོ། །རས་རིས་ཀྱི་ཆོ་ག་ལྔ་པའོ།། །།ཤིང་ཨརྒ་དཀར་པོ་ལས་མཐེ་བོང་ཙམ་གྱི་བཅོམ་ལྡན་འདས་འཇམ་དཔལ་བྱས་ལ་ཤིང་ཨརྒའི་མེ་ཏོག་འབུམ་ཕུལ་ན་བློན་པོ་ཆེན་པོ་ཐོབ་པར་འགྱུར་རོ། །ཤིང་ཀ་ར་བཱི་ར་དཀར་པོའི་རྩ་བ་ལས་མཐེ་བོང་ཙམ་བྱས་ཏེ། འདི་ཉིད་ཀྱི་མེ་ཏོག་བྱེ་བ་གཅིག་ཕུལ་ན་བཀའ་ལ་གཏོགས་པར་འགྱུར་རོ། །ཤིང་ཀ་ར་ཧཱ་ཊ་ལས་མཐོ་གང་གི་ཚད་ཙམ་དུ་བྱས་ལ་དེའི་མེ་ཏོག་འབུམ་ཕུལ་ན་དམག་དཔོན་ཐོབ་པར་འགྱུར་རོ། །ཙནྡན་དཀར་པོ་ལས་མཐོ་ཕྱེད་ཙམ་གྱི་བཅོམ་ལྡན་འདས་འཇམ་དཔལ་བྱས་ལ། སྣ་མའི་མེ་ཏོག་འབུམ་ཕུལ་ན་མདུན་ན་འདོན་ཐོབ་པར་འགྱུར་རོ། །ཤིང་ཨ་ཤཝཏྟ་ལས་སོར་གཅིག་ཙམ་གྱི་ཚད་དུ་བྱས་ལ་རྙོག་པ་མེད་པའི་ཆུས་བུམ་པ་བཀང་པ་ཕུལ་ན་སྐྱེ་བོ་མང་པོས་བཀུར་བར་འགྱུར་རོ། །དྲི་ཐམས་ཅད་ལས་བྱས་ལ་མེ་ཏོག་ཐམས་ཅད་ཕུལ་ན་གང་འདོད་པ་དེ་ཐོབ་པར་འགྱུར་རོ། །རྟག་ཏུ་ཡུལ་མ་ག་དྷཱའི་ཡམ་ཤིང་མ་ཉམས་པས་སྦྱིན་སྲེག་བྱས་ན་བློན་པོ་སྐྱེ་བོ་མང་པོས་བཀུར་བར་འགྱུར་རོ། །རྟག་ཏུ་བཟླས་པ་བྱས་ན་མཚམས་མེད་པ་ལྔ་ཡང་འབྱང་བར་འགྱུར་རོ། །
276b
ཤི་བའི་དུས་སུ་ཡང་འཇམ་དཔལ་གྱི་ཞལ་མཐོང་བར་འགྱུར་རོ། །འདི་ལ་ཆོས་སྟོན་པར་ཡང་མཛད་དོ། །ལངས་ཤིང་ལངས་ཤིང་བརྒྱ་རྩ་བརྒྱད་བཟླས་ན་སེམས་ཅན་ཐམས་ཅད་ཀྱིས་མི་ཐུབ་པར་འགྱུར་རོ། །མིག་ལ་ཡོངས་སུ་བཟླས་ན་བདག་པོ་མཐོང་ཞིང་བཀའ་དྲིན་སྩོལ་བར་འགྱུར་རོ། །གང་གིས་ཆེད་དུ་ལས་བྱས་པ་ཉིན་ཞག་བདུན་གྱིས་དེ་དབང་དུ་འགྱུར་རོ། །གྲོང་གཞན་དུ་གནས་པ་ལ་ནི་ཞག་ཉི་ཤུ་རྩ་གཅིག་གིས་སོ་།ཡུལ་གཞན་ལ་གནས་པ་ལ་ནི་ཟླ་བ་གཉིས་སོ། །གཞོན་ནུའི་བདག་པོའི་ཆོ་གས་ཡིན་གྱི། སྔགས་གཞན་གྱི་ཆོ་གས་མ་ཡིན་ན། ལས་མ་ལུས་པར་བྱེད་པར་འགྱུར་རོ། །འདོད་པ་དང ། མངོན་སྤྱོད་དབང་དུ་བྱེད་པ་ནི་མ་གཏོགས་སོ། །ཆོ་ག་དྲུག་པ་འདི་བསྟན་པ། །དུས་ཀྱི་མཐའ་ལ་སེམས་ཅན་རྣམས། །བསོད་ནམས་ཆུང་ལ་ཕན་དོན་དུ། །ཐུབ་པས་སྔོན་ནི་བསྟན་པ་ཡིན། །ཤཱཀྱ་སེང་གེ་སྐྱོབ་པ་ཡིན། །བསྟན་པ་ནུབ་པར་གྱུར་པ་ན། །དུས་ནི་མི་བཟད་འཇིགས་པ་ན། །དེ་ཚེ་གྲུབ་པར་འགྱུར་བ་ཡིན། །ཆོ་གའི་རྒྱལ་པོ་བདེ་བྱེད་པ། །བདུན་པ་འདིར་ནི་བཤད་པར་བྱ། །དེ་ཚེ་དུས་ནི་མི་བཟད་ལ། །ཆོ་ག་འདི་ནི་ང་ཡིས་བཤད། །སེམས་ཅན་བསོད་ནམས་ཆུང་བ་ལ། །ལམ་ནི་འདི་དག་
277a
༄#། །རབ་ཏུ་བསྟན། །བྱང་ཆུབ་ཚོགས་ཀྱི་རྒྱུ་དོན་དུ། །ཐེག་གསུམ་ལམ་ལ་རབ་ཏུ་གཞོལ། །དེ་ཡི་དུས་སུ་སེམས་ཅན་ལ། །ཐབས་ལ་མཁས་པ་བསྟན་པ་ཡིན། །སྲེད་པས་རྨོངས་པའི་སེམས་ཅན་དང ། །འདོད་ཆགས་ཞེ་སྡང་དག་གིས་དཀྲུགས། །སྲིད་པ་མཐར་ནི་གཏུག་བྱའི་ཕྱིར། །དེ་དག་ལ་བསྟན་ལམ་འདི་ཡིན། །སྲིད་པའི་འཆིང་བས་བཅིངས་པ་ལ། །དགེ་བའམ་དགེ་བའི་ལས་ཀྱི་རྒྱུར། །གྲུབ་དང་སྒྲུབ་དང་དེ་བཞིན་རྫས། །སྔགས་དང་རྒྱུད་ནི་ང་ཡིས་བསྟན། །སྒྲུབ་པ་ཟློས་པ་རྣམས་ལ་འདིར། །ཆོ་གའི་རྒྱལ་པོ་བདག་ཉིད་ཆེ། །སེམས་ཅན་རྣམས་ནི་གདུལ་དོན་དུ། །འཇིག་རྟེན་འདྲེན་པ་རྣམས་ཀྱི་གསུངས། ། ཤཱཀྱ་སེང་གེ་མི་ཡི་མཆོག་།ཐུབ་པ་མཆོག་གིས་དེ་གསུངས་ནས། །དེ་ཚེ་དུས་ཀྱི་ཐ་མ་ལ། །གྲུབ་པ་དོན་ཡོད་བསྟན་པ་དང ། །སྔགས་དང་རྒྱུད་ཀྱི་སྟོབས་དང་ནི། ། བརྩོན་འགྲུས་རྒྱ་ཆེ་ལྡན་བསྟན་ནས། །དེ་ཚེ་གནས་གཙང་ལྷ་ཚོགས་ལ། །རྒྱལ་བ་མཆོག་གིས་གསུངས་པ་ནི། །ཆོ་གའི་རྒྱལ་པོ་རྒྱ་ཆེ་བ། །འཇིག་རྟེན་ཀུན་ལ་ཕན་པའི་ཕྱིར། །འཇམ་དཔལ་དབྱངས་ཀྱི་བསྟན་པ་ལ། །གྲོགས་པོ་དེ་ནི་ང་ཡིས་བསྟན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་པ་
277b
པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཆོ་གའི་བྱ་བ་འཇམ་དཔལ་གྱི་ཆོ་ག་རབ་འབྱམས་ལས་ལེའུ་ཉི་ཤུ་རྩ་གཉིས་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཁྱོད་ཀྱི་ལས་ཀྱི་ཆོ་གའི་ལེའུ་ལས། རས་རིས་ཀྱི་ཆོ་ག་བདུན་པ་ཡོད་དེ། གང་གིས་དུས་ཀྱི་མཐའ་མ་དེ་ལ་བསྒྲུབ་པར་འགྱུར་ན། དེ་ལ་དོན་ཡོད་པར་འགྲུབ་པར་འགྱུར་ཏེ། འབྲས་བུ་དང་བཅས་པ། བདེ་བ་འབྱུང་བ། བདེ་བ་རྣམ་པར་སྨིན་པ། མཐོང་བའི་ཆོས་ལ་མྱོང་བར་འགྱུར་བ། ངན་སོང་ཐམས་ཅད་ལས་ཟློག་པར་བྱེད་པ། ངེས་པར་བྱང་ཆུབ་ལ་གཞོལ་བར་བྱེད་པའི་གྲུབ་པར་འགྱུར་རོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་འཇམ་དཔལ་གཞོན་ནུར་གྱུར་པའི་སྙིང་པོ་གསུངས་པ་ནི། ཡི་གེ་དྲུག་པ་འགྲོ་བ་དྲུག་ལས་གྲོལ་བར་བྱེད་པའི་བདག་ཉིད་བསམ་གྱིས་མི་ཁྱབ་པ། མི་མཉམ་པ། ཟླ་མེད་པ། རྫུ་འཕྲུལ་ཆེ་བ། སྲིད་པའི་རྒྱ་མཚོ་ཐམས་ཅད་དང ། སྡུག་བསྔལ་གསུམ་གྱི་སྡུག་བསྔལ་ལས་གྲོལ་བར་བྱེད་པ། འབྱུང་པོ་ཐམས་ཅད་ཀྱིས་བཟོད་པར་དཀའ་བ། འཇིག་རྟེན་
278a
༄#། །ཐམས་ཅད་ཀྱིས་མ་གོས་པ། འབྱུང་པོ་ཐམས་ཅད་ཀྱིས་མི་ཐུབ་པ། སྲིད་པའི་ལམ་ཐམས་ཅད་རྣམ་པར་སྦྱོང་བར་བྱེད་པ། སངས་རྒྱས་ཀྱི་ཆོས་རྣམས་ཐོབ་པར་བྱེད་པ། མ་རུངས་པ་ཐམས་ཅད་བཟློག་པར་བྱེད་པ། སངས་རྒྱས་ཐམས་ཅད་ཀྱིས་རྗེས་སུ་ཡི་རང་བར་མཛད་པ། ཕུན་སུམ་ཚོགས་པ་ཐམས་ཅད་བྱེད་པ། འཇམ་དཔལ་གྱི་བསྟན་པ་ལ་སྔགས་ཐམས་ཅད་ཀྱི་མཆོག་དེ་གང་ཞེ་ན། ཨོཾ་བཱ་ཀྱེ་དཾ་ན་མཿ ། འདིའི་ཆོ་གར་འགྱུར་བ་ནི། ཚོད་རྔད་དམ། ནས་ཆན་ཁྱོར་གང་ངམ། སློངས་མོའི་ཟས་ཀྱིས་འཚོ་ལ། དུས་གསུམ་དུ་ཁྲུས་བྱེད་ཅིང་གོས་ལན་གསུམ་བརྗེ་བས་ཡི་གེ་འབུམ་བྱས་ན་སྔར་བསྙེན་པ་བྱས་པར་འགྱུར་རོ། །ཁ་ཚར་གྱི་རྩེ་མོ་མ་བཅད་པའི་རས་ལ་རི་མོ་མཁན་གསོ་སྦྱོང་བྱས་པས། ཚོན་མ་འདྲེས་པ་དག་གིས་འཕགས་པ་འཇམ་དཔལ་པདྨའི་གདན་ལ་ཆོས་འཆད་ཅིང་བཞུགས་པ། རྒྱན་ཐམས་ཅད་ཀྱིས་བརྒྱན་པ། གཞོན་ནུའི་གཟུགས་སུ་འདུག་པ། བླ་གོས་ཕྲག་བར་གཟར་བ་འདྲིར་གཞུག་པར་བྱའོ། །གཡོན་དུ་འཕགས་པ་སྤྱན་རས་གཟིགས་དབང་ཕྱུག་ཕྱག་ན་པདྨ་བསྣམས་པ། གཡས་སུ་ནི་འཕགས་པ་ཀུན་ཏུ་བཟང་པོ། སྟེང་དུ་ནི་
278b
རིག་པ་འཛིན་པ་གཉིས་ཕྲེང་བ་ཐོགས་ཤིང་སྤྲིན་གྱི་ནང་ནས་བྱུང་བར་བྲི་བར་བྱའོ། །འོག་ཏུ་ནི་སྒྲུབ་པ་པོ་ལག་ན་སྤོས་སྣོད་ཐོགས་པའོ། །ཁོར་ཡུག་ཏུ་ནི་རིའི་རྩེ་མོའི་འོག་ཏུ་ནི་པདྨའི་མཚོ་འདྲིར་གཞུག་པར་བྱའོ། །སྐུ་གདུང་དང་བཅས་པའི་མཆོད་རྟེན་དང ། རས་རིས་ནུབ་ཏུ་བསྟན་ཏེ་རབ་ཏུ་གཞག་ལ། མཆོད་པ་རྒྱ་ཆེན་པོ་བྱས་ནས་མར་མེ་ཡང་རབ་ཏུ་སྤར་ཞིང་སྣ་མའི་མེ་ཏོག་ལ་རེ་རེ་ལ་ཡང་མངོན་པར་བཟླས་ནས་མེ་ཏོག་སྟོང་རྩ་བརྒྱད་འཇམ་དཔལ་གྱི་ཞལ་ལ་གཏོར་རོ། །དེ་ནས་ཟབ་པ་ཆེན་པོའི་ཡི་གེ་ཧཱུཾ་གི་སྒྲ་ཐོས་པའམ། རས་རིས་རབ་ཏུ་འགུལ་བར་འགྱུར་རོ། །ཡི་གེ་ཧཱུཾ་གི་སྒྲས་ནི་ས་ཀུན་ལ་དབང་བའི་རྒྱལ་པོར་འགྱུར་རོ། །རས་རིས་འགུལ་བས་ནི་རྒོལ་བ་ཐམས་ཅད་ལ་ལན་འདེབས་ནུས་པ་དང ། འཇིག་རྟེན་པ་ཐམས་ཅད་ཀྱི་བསྟན་བཅོས་ཤེས་པར་འགྱུར་རོ། །ཅི་སྟེ་མ་གྲུབ་ཀྱང་ལས་ཐམས་ཅད་ལ་ནུས་པ་དང་ལྡན་པར་འགྱུར་རོ། །འདི་ནི་ཆོ་ག་དང་པོའོ། ། ག་རུའི་ཡམ་ཤིང་སོར་ཕྱེད་དང་གཉིས་ཀྱི་ཚད་ལ་དུ་རུཥྐའི་ཐང་ཆུས་སིལ་ཧ་རས་བཏགས་པས་སེང་ལྡེང་གི་མདག་མ་དུ་བ་མེད་པ་ལ་མཚན་ཐོག་ཐག་ཏུ་སྦྱིན་སྲེག་བྱས་ན་སྐྱ་རེང་འཆར་བ་ཙམ་ན་འཕགས་པ་འཇམ་དཔལ་མཐོང་བར་འགྱུར་ཞིང ། དེས་ཅི་འདོད་པའི་མཆོག་སྩོལ་
279a
༄#། །བར་འགྱུར་ཏེ། འདོད་པ་དབང་དུ་བྱ་བ་ནི་མ་གཏོགས་སོ། །དེ་ཉིད་ཀྱི་རས་རིས་ཀྱི་མདུན་དུ་ཙནྡན་གྱི་སྤོས་ཀྱི་རྒྱུན་ཆད་པ་མེད་པར་མཚན་ཐོག་ཐག་ཏུ་བདུགས་ཏེ་བཟླས་པ་བྱས་ན། དེའི་འོག་ཏུ་འཕགས་པ་འཇམ་དཔལ་མངོན་སུམ་དུ་གཤེགས་ཏེ་ཟབ་མོའི་ཆོས་སྟོན་པ་དེ་ལ་མོས་པར་འགྱུར་རོ། ། མོས་ནས་ཀྱང་ནད་ཐམས་ཅད་ལས་རྣམ་པར་གྲོལ་བར་འགྱུར། དབང་ཐོབ་པར་འགྱུར་རོ། །བྱང་ཆུབ་སེམས་དཔའི་ས་རྗེས་སུ་ཐོབ་པར་འགྱུར་རོ། །ཙནྡན་དམར་པོ་ལས་བྱས་པའི་པདྨ་རྩ་ལག་དང་བཅས་པ་སོར་དྲུག་ཙམ་ཙནྡན་དམར་པོའི་འདེ་གུས་བསྐུས་ནས་ལན་སྟོང་སྔགས་ཤིང་དགང་གཟར་གྱི་ལན་སྟོང་བླུག་པ་བྱས་ལ། ཟླ་བ་ཉ་ལ་རས་རིས་ཀྱི་མདུན་དུ་པདྨའི་སྣོད་བཞག་ལ་ལག་པས་བཟུང་ནས་ཇི་སྲིད་རབ་ཏུ་འབར་བ་དེ་སྲིད་དུ་བཟླས་པ་བྱས་ན་དེ་བཟུང་བས་ལོ་བཅུ་དྲུག་གི་ན་ཚོད་དང ། མདོག་གསེར་བཙོམ་འདྲ་བ་དང ། ཉི་མ་བས་ལྷག་པའི་གཟི་བརྗིད་དང་ལྡན་པ་དང ། ལྷ་གཞོན་ནུ་ལྟ་བུར་འགྱུར་བ་དང ། རིག་པ་འཛིན་པ་ཐམས་ཅད་ཀྱིས་ཕྱག་བྱས་པ་དང ། བསྐལ་པ་ཆེན་པོར་འཚོ་བར་འགྱུར་རོ། །ལུས་ཞིག་ནས་མངོན་པར་དགའ་བར་སྐྱེ་བར་འགྱུར་རོ། །ཟླ་བ་གཟས་ཟིན་པ་
279b
ལ་ཤུ་དག་དཀར་པོ་བླངས་ལ་བའི་རྣམ་ལྔས་བཀྲུས་ཏེ་ཤིང་ཨ་ཤཝཏྠའི་ལོ་མས་བཀབ་པ་བྱས་ལ། ཇི་སྲིད་དྲོད་དང ། དུ་བ་འཐུལ་བ་དང ། འབར་བ་དེ་སྲིད་ཀྱི་བར་དུ་བཟླས་པ་བྱས་ན་དྲོ་བ་འབྱུང་བས་ནི་སྐྱེ་བོ་ཐམས་ཅད་དབང་དུ་འགྱུར་བ་དང ། རྒོལ་བ་ཐམས་ཅད་ལས་རྒྱལ་བར་འགྱུར་རོ། །དུ་བ་འཐུལ་བས་ནི་མི་སྣང་བ་དང ། སྟོང་ཕྲག་སུམ་ཅུར་འཚོ་བར་འགྱུར་རོ། །འབར་བས་ནི་ནམ་མཁའ་ལ་འགྲོ་བ་དང ། བསྐལ་པ་ཆེན་པོར་འཚོ་བར་འགྱུར་རོ། །བ་སེར་སྐྱའི་བེའུ་དང་བཅས་པའི་མར་ཁུ་བླངས་ལ། ཟངས་མའི་སྣོད་དུ་ཤིང་ཨཤཝཏྠའི་ལོ་མ་བདུན་གྱིས་བཀབ་སྟེ་བཞག་ལ། ཇི་སྲིད་གྲུབ་པ་རྣམ་གསུམ་ཐོབ་པ་དེ་སྲིད་དུ་བཟླས་པ་བྱས་ལ་དེ་འཐུངས་ན་ཐོས་པ་འཛིན་པ་དང ། མི་སྣང་བར་འགྱུར་བ་དང ། ནམ་མཁའ་ལ་འགྲོ་བར་འགྱུར་རོ། །སྨན་པུསྐར་མཱུ་ལའི་ས་བོན་ཟླ་བ་གཟས་ཟིན་པ་ལ་ཁར་བཅུག་ནས་ཇི་སྲིད་དུ་ཙུ་ལུ་ཙུ་ལུ་ཞེས་བྱ་བའི་སྒྲ་འབྱུང་བ་དེ་སྲིད་དུ་བཟླས་པ་བྱས་ལ། སྨན་དེ་ཕྱུང་ནས་ལྕགས་གསུམ་གྱིས་ཡོངས་སུ་དཀྲི་བ་བྱས་ལ། ཡང་ཁར་རབ་ཏུ་བཅུག་ན་མི་སྣང་བར་འགྱུར་རོ། །སྨན་དེ་སྐྱུག་ན་ནི་སྣང་བར་འགྱུར་རོ། །ལི་ཤི་དྲི་ཞིམ་པོ་ཁར་བཅུག་ལ་བཟླས་པ་འབུམ་བྱས་
280a
༄#། །ན་གང་དང་སྨྲ་བ་དེ་དབང་དུ་འགྱུར་རོ། །འོ་མ་དང ། ནས་ཆན་ཁྱོར་གང་ཟ་ཞིང་བཟླས་པ་འབུམ་ཕྲག་བཅུ་གཉིས་བྱས་ན་རིག་པ་འཛིན་པར་འགྱུར་རོ། །སློང་མོའི་ཟས་ཀྱིས་འཚོལ་ཤིང་བཞིན་དུ་མི་སྨྲ་བའི་དཀའ་ཐུབ་བྱེད་ཅིང་བཟླས་པ་འབུམ་བྱེད་ན་མི་སྣང་བར་འགྱུར་རོ། །བཟླས་པ་བྱེ་བ་བྱས་ན་ཇི་ལྟར་སྲིད་པ་ཐ་མ་པའི་བྱང་ཆུབ་སེམས་དཔའ་འཕགས་པ་འཇམ་དཔལ་ཆོས་སྟོན་པ་དེ་བཞིན་དུ་འགྱུར་རོ། །རྟག་ཏུ་བཟླས་པ་བྱས་ན་དོན་ཐམས་ཅད་འགྲུབ་པར་འགྱུར་རོ། །གང་གི་གཟུགས་བརྙན་དྲི་ཐམས་ཅད་པས་བྱས་ལ་བཅད་ཅིང་སྦྱིན་སྲེག་བྱས་ན་ཞག་བདུན་གྱིས་དབང་དུ་འགྱུར་རོ། །གུ་གུལ་གྱི་རིལ་བུ་རྒྱ་ཤུག་གི་ཚིག་གུའི་ཚད་ཙམ་མར་གྱིས་བཏགས་པས་བརྒྱ་ཕྲག་སྟོང་གི་སྦྱིན་སྲེག་བྱས་ན་རྒྱལ་པོ་དབང་དུ་འགྱུར་རོ། །ཏིལ་ལ་ཞོ་དང།་མར་གྱིས་བཏགས་པས་སྦྱིན་སྲེག་འབུམ་ཕྲག་སྟོང་བྱས་ན་ཐམས་ཅད་ཀྱི་དམ་པའི་ཁྱིམ་གྱི་བདག་པོ་ཆེན་པོར་འགྱུར་རོ། །བའི་ལྕི་བ་ས་ལ་མ་ལྷུང་བས་དཀྱིལ་འཁོར་བྱས་ལ་དེ་ལ་མེ་ཏོག་གིས་བཅལ་དུ་བཀྲ་མ་སྟེ་བཟླས་པ་བརྒྱ་རྩ་བརྒྱད་བྱས་ལ། དེ་ནས་དམ་པའི་ཆོས་ཀྱི་གླེགས་བམ་བཀླག་པར་
280b
བྱས་ན་ཟླ་བ་གཅིག་གིས་མཆོག་ཏུ་ཡིད་གཞུངས་པར་འགྱུར་རོ། །གི་ཝང་ལ་བརྒྱ་རྩ་བརྒྱད་བཟླས་ཏེ་དཔྲལ་བར་ཐིག་ལེ་བྱས་ན་སྐྱེ་བོ་ཐམས་ཅད་དགའ་བར་འགྱུར་རོ། །གཙུག་ཕུད་ལ་ལན་བདུན་བཟླས་པ་བྱས་ན་སེམས་ཅན་ཐམས་ཅད་ཀྱིས་གནོད་པ་མེད་པར་འགྱུར་རོ། །མེ་ཏོག་གི་རི་མ་ལས་སྦྱིན་སྲེག་འབུམ་བྱས་ན་ནད་ཐམས་ཅད་ལས་གྲོལ་བར་འགྱུར་རོ། །ཉིན་རེ་ཞིང་བཟླས་པ་བདུན་བྱས་ན་ངེས་པར་མྱོང་བར་འགྱུར་བས་ལས་རྣམས་ཟད་པར་འགྱུར་རོ། །བཟླས་པ་བརྒྱ་རྩ་བརྒྱད་བྱས་ན་འཆི་བའི་དུས་ཀྱི་ཚེ་འཕགས་པ་འཇམ་དཔལ་གྱི་ཞལ་ཐམས་ཅད་མཐོང་བར་འགྱུར་རོ། །ལེའུ་བདུན་པའི་རས་རིས་ཀྱི་ཆོ་གའོ། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཇམ་དཔལ་གྱི་རས་རིས་ཀྱི་ཆོ་གའི་ལེའུ་རབ་འབྱམས་ལ་ས་ཉི་ཤུ་རྩ་གསུམ་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཁྱོད་ཀྱི་སྔགས་དང ། རྒྱུད་དང ། རིག་པའི་རྒྱལ་པོ་དང ། འཁོར་ལོ་
281a
༄#། །བསྒྱུར་བ་ལ་སོགས་པ་དང ། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ལ་སོགས་པ་དང ། སྔགས་ཐམས་ཅད་ཀྱི་གྲུབ་པའི་གནས་ཡོད་དེ། དེ་ཡང་མདོར་ན་བྱང་ཕྱོགས་སུ་དེ་བཞིན་གཤེགས་པ་ཐམས་ཅད་ཀྱི་རིག་པའི་རྒྱལ་པོ་འགྲུབ་པར་འགྱུར་ཏེ། རྒྱ་དང་རྒྱ་ནི་ཆེ་ཉིད་ལ། །འཇམ་པའི་དབྱངས་ནི་རབ་འགྲུབ་འགྱུར། །གང་ཡང་དེ་ཡི་སྔགས་རྣམས་ནི། །དེར་ནི་རབ་ཏུ་འགྲུབ་པར་འགྱུར། །གཙུག་ཏོར་རྒྱལ་པོ་ཐམས་ཅད་དང་།། དེ་དག་ཏུ་ནི་གྲུབ་པར་སྣང ། །ཀཱ་བི་ཤེ་དང་བག་ཁ་ལ། །ོ་ཌི་ཡ་ནི་ཁོར་ཡུག་ཡུལ། །ཁ་ཆེ་དང་ནི་སིནྡྷུའི་ཡུལ། །ཁ་བ་ཅན་གྱི་མཚམས་ཀུན་དང ། །བྱང་ཕྱོགས་སུ་ནི་གནས་བརྟེན་ལ། །དགེ་བའི་སྔགས་ནི་འགྲུབ་པར་འགྱུར། །གང་ཡང་སངས་རྒྱས་སྔོན་གསུངས་དང ། །ད་ལྟར་ཡང་ནི་གསུངས་པ་དང ། །མ་འོངས་སངས་རྒྱས་རྣམས་ཀྱིས་ཀྱང ། །ཞི་བའི་རྒྱུར་ནི་གསུངས་པ་སྟེ། །ཁ་བ་ཅན་རིའི་ནང་བྱུང་བ། །དེར་ནི་ཐམས་ཅད་འགྲུབ་པར་འགྱུར། །སྐྱེ་བོ་སྐལ་ལྡན་བཟང་པོ་ནི། །ཞི་བའི་ལས་ནི་རྩོམ་པར་བྱེད། །དེ་བཞིན་སྔགས་ནི་ཡུལ་དབུས་སུ། །པདྨའི་རིགས་ནི་འགྲུབ་པར་འགྱུར། །མཛོད་དང་ནོར་བུའི་རིགས་
281b
དག་ཀྱང ། །དེར་ནི་འགྲུབ་པར་རབ་ཏུ་སྣང ། །གནོད་སྦྱིན་ལྔས་རྩེན་དག་དང་ནི། །འཕྲོག་མ་གནོད་སྦྱིན་སྐྱེ་གནས་དང ། །གང་དག་དྲི་ཟའི་སྔགས་རྣམས་ནི། །དེ་དག་ཏུ་ནི་གྲུབ་པར་གསུངས། །དེ་ནས་རྟག་ཏུ་ཀུ་ཤའི་གྲོང ། །མ་ག་དྷཱ་ནི་ཁོར་ཡུག་དང ། །ངོགས་དགའ་ཆུ་བོ་སྣར་མ་དང ། །བང་གའི་ཡུལ་ནི་ཐམས་ཅད་དུ། །དེ་བཞིན་ནོར་བུའི་རིགས་གསུངས་པའི། །ཛམྦྷ་ལ་ནི་འགྲུབ་པར་འགྱུར། །རྒྱ་མཚོ་དང་ནི་གླིང་ངོགས་དང ། །ཆུ་ཡི་གཟི་ནི་ཐམས་ཅད་དང ། །དགའ་བའི་གྲོང་ཁྱེར་སིཾ་ཧ་ལར། ། སྔགས་ཀྱི་ལྷ་ནི་འགྲུབ་པར་འགྱུར། །སྒྲོལ་མ་ཁྲོ་གཉེར་ཅན་དག་དང ། །དཔལ་ཆེན་མ་དང་གྲགས་ཆེན་མ། །གདུགས་དཀར་རྣམས་ཀྱི་སྔགས་རྣམས་དང ། །ཟླ་བའི་གྲོང་ཁྱེར་རྒྱ་མཚོ་དང ། །ཤར་གྱི་ཡུལ་ནི་ཁོ་ར་ཡུག་།དེར་གནས་པ་ལ་འགྲུབ་པར་འགྱུར། །འབིགས་བྱེད་རི་ནང་གནས་པ་དང ། །ཡུལ་ནི་མཆོག་དབང་ཁོར་ཡུག་ཏུ། །སྨིན་དྲུག་བུ་བཞིན་འཇམ་དཔལ་ནི། །ཁོར་ཡུག་ཏུ་གྲུབ་པ་ཡིན། །རི་རྩེ་ཚང་ཚིང་ནང་དང་ནི། །རི་སུལ་དང་ནི་ནགས་བཅས་ལ། །ལོག་འདྲེན་བགེགས་ནི་བྱེད་པ་ཡི། །བཟླས་པ་དག་ནི་འགྲུབ་པར་འགྱུར། །གླང་པོའི་ཆ་བྱད་ཡང་དག་ལྡན། །མཆེ་བ་གཙིགས་པ་གཟི་བརྗིད་ཆེ། །དེ་བཞིན་རྟ་གཟུགས་དུ་མ་དང ། །
282a
༄#། །དུ་མའི་རྣམ་པར་གྲགས་པ་ཡིན། །ལྷ་ནི་དབང་དང་ལྡན་པའི་བུ། །རྣམ་པ་སྣ་ཚོགས་བགེགས་བྱེད་པ། །དེས་བསྟན་སྔགས་དང་ལྡན་པ་ཡི། །གྲུབ་པའི་ཞིང་དུ་རབ་ཏུ་སྣང ། །མ་མོ་མི་བཟད་རྣམ་སྣ་ཚོགས། །གཟའ་ཉིད་ཤིན་ཏུ་མི་བཟད་དང ། །ཡི་དྭགས་སྐྱེས་གནས་བསྟན་པ་ཡིན། །མི་ཡི་ཟས་བྱེད་བདེན་བྲལ་དང ། །ཡི་དྭགས་རྒྱལ་པོར་བསྟན་པ་དང ། །དེ་དག་ཞིང་དུ་གྲུབ་པར་གསུངས། །དེ་ལ་སོགས་པའི་འབྱུང་པོ་ཀུན། །གྲུབ་པའི་ཞིང་དུ་གསུངས་པ་ཡིན། །རྡོ་རྗེ་ཁྲོ་བོ་བརྩོན་འགྲུས་ཆེ། །དེ་དག་ཕྱོགས་སུ་གྲུབ་པ་ཡིན། །ལྷ་མིན་སྔགས་ཀྱི་གཙོ་བོ་དང ། །གང་གཞན་དེ་བཞིན་འཇིག་རྟེན་པའི།། སྔགས་རྒྱུད་ལྷོ་ཕྱོགས་དག་ཏུ་ནི། །བརྟེན་པ་དག་ལ་གྲུབ་པར་འགྱུར། །རྟག་ཏུ་ཡི་དྭགས་རྒྱལ་པོ་དང ། །གཤིན་རྗེས་ཀྱང་ནི་བསྟན་པ་དང ། །ཞི་བ་ཁྱབ་འཇུག་གིས་བསྟན་པའི། །སྔགས་གཞན་དག་ཀྱང་འགྲུབ་པར་འགྱུར། །གདུག་ཅིང་གདུག་པའི་ལས་དག་ནི། །ལྷ་ཡི་གནས་སུ་བསྟན་པ་ཡིན། །སྔགས་རྣམས་གདུག་པའི་ལས་རྣམས་ནི། །ལག་ན་རྡོ་རྗེས་བསྟན་པ་དག་།ལྷོ་ཡི་ཕྱོགས་ལ་བསྟེན་ན་ནི། །སྡིག་པའི་ལས་ནི་འགྲུབ་པར་འགྱུར། །དེ་དག་གི་ནི་ཕྱོགས་དག་
282b
ཏུ། །མྱུར་དུ་ཡང་དག་འགྲུབ་པ་སྣང ། །ཉི་མས་བཤད་པའི་སྔགས་རྣམས་ནི། །ཉི་མའི་སྔགས་ཞེས་རབ་ཏུ་བསྒྲགས། །ནུབ་ཕྱོགས་ན་ནི་གང་ཡོད་པ། །སྔགས་དང་རྒྱུད་ནི་རབ་ཏུ་འགྲུབ། །གནོད་སྦྱིན་དབང་པོ་རྫུ་འཕྲུལ་ཆེ། །དེར་ནི་རང་སྔགས་འགྲུབ་པར་འགྱུར། །བྱིས་པ་རྣམས་ནི་རྨོངས་པ་ཡི། །འབྱུང་པོ་ཀུན་ལ་ནོར་སྦྱིན་ཞིང། །ཆོ་ག་མཐོང་བའི་རྒྱུ་ཡིས་ནི། །སྐྱེ་བོ་རྣམས་ལ་ནོར་སྦྱིན་བྱེད། །ལོངས་སྤྱོད་ལྡན་ཞིང་མཛོད་འཕེལ་བ། །ནུབ་ཀྱི་ཕྱོགས་སུ་འགྲུབ་པར་འགྱུར། །ནོར་སྦྱིན་ཞེས་བྱའི་མིང་གིས་ནི། །ས་ཡི་སྟེང་དུ་རྣམ་པར་གྲགས། །གནོད་སྦྱིན་ལག་ན་རྡོ་རྗེ་རང ། །བྱང་ཆུབ་སེམས་དཔའ་རྫུ་འཕྲུལ་ཆེ། །སྔགས་པ་མཆོག་ནི་དམ་པ་སྟེ། ། རང་ཉིད་ས་བཅུའི་བདག་པོ་ཡིན། །རྡོ་རྗེ་པདྨའི་རིགས་དག་གི་།དེ་དག་སྔགས་ནི་གྲུབ་པ་ཡིན། །དེ་བཞིན་རིགས་བརྒྱད་སྔགས་དག་ནི། །ཕྱོགས་བརྒྱད་དག་ཏུ་གནས་པ་ཡིན། །རྒྱལ་བའི་རིགས་ཀྱི་སྔགས་དག་ནི། །བྱང་གི་ཕྱོགས་སུ་འགྲུབ་པ་ཡིན། །པདྨའི་རིགས་ལས་བྱུང་བའི་སྔགས། །དེ་བཞིན་ཤར་གྱི་ཕྱོགས་སུ་འགྲུབ། །ལྷོ་ཡི་ཕྱོགས་སུ་གནས་པ་ལ། །རྡོ་རྗེའི་རིགས་ནི་འགྲུབ་པར་འགྱུར། །ནུབ་ཕྱོགས་སུ་ནི་མཛོད་འགྲུབ་གསུངས། །ཕྱོགས་མཚམས་དག་ཏུ་རིན་ཆེན་རིགས། །དེ་བཞིན་
283a
༄#། །ནུབ་བྱང་མཚམས་སུ་ནི། །དེ་དག་འགྲུབ་པར་རབ་ཏུ་བརྟགས། །ལྷོ་ནུབ་ཀྱི་ནི་མཚམས་དག་ཏུ། །དེ་བཞིན་གནོད་སྦྱིན་རིགས་ཀྱང་འགྲུབ།། ཤར་ལྷོ་དག་གི་ཆ་དག་ཏུ། །ཉན་ཐོས་རྣམས་ནི་གཟི་བརྗིད་ཆེ། །དེ་དག་རིགས་སུ་སྣང་བ་ནི། །དེར་གནས་པ་ལ་འགྲུབ་པར་འགྱུར། །བྱང་ཤར་དག་གི་ཆ་དག་ཏུ། །རང་རྒྱལ་རྣམས་སུ་ཡང་དག་འབྱུང ། །རིགས་ནི་འཇིག་རྟེན་ཀུན་གྱིས་མཆོད། །དེ་དག་དེར་ནི་འགྲུབ་པ་ཡིན། །འོག་གི་ཕྱོགས་ཀྱི་ཆ་དག་ཏུ། །འཇིག་རྟེན་པ་ཡི་སྔགས་རྣམས་འགྲུབ། །ས་འོག་འཇུག་པར་གྱུར་པའི་སྔགས། །རིགས་བརྒྱད་ཀུན་ལ་འགྲུབ་པར་འགྱུར། །དེ་བཞིན་འཇིག་རྟེན་འདས་པའི་སྔགས། །གཙུག་ཏོར་ལ་སོགས་རབ་བསྒྲགས་པ། །སྟེང་དུ་འགྲོ་བའི་གྲུབ་པར་ནི། །རྒྱལ་བ་འཁོར་ལོ་སྒྱུར་བས་གསུངས། །ཐད་ཀར་ཀུན་ནས་ཁོར་ཡུག་ཏུ། །རྡོ་རྗེ་ཅན་གྱི་གྲུབ་པ་ཡིན། །དེ་བཞིན་གཞན་ཡང་སྔགས་རྒྱལ་ཀུན། །པདྨའི་རིགས་ལས་བྱུང་བ་ནི། །ཐམས་ཅད་དུ་ནི་ཐམས་ཅད་འགྲུབ། །སྔགས་རྣམས་ཀུན་ཀྱང་ལོངས་སྤྱོད་སྟེར། །རྡོ་རྗེ་པདྨའི་རིགས་དག་ཀྱང ། །དུས་རྣམས་ཀུན་ཏུ་འགྲུབ་པར་འགྱུར། །འདི་དག་ཞིང་དུ་བསྟན་པ་སྟེ། །དེ་ཡི་དུས་ནི་ཡོངས་སུ་བསྟན། །རྒྱལ་བའི་རིགས་ཀྱི་སྔགས་གྲུབ་པ། །སངས་
283b
རྒྱས་རྣམས་ལ་སྔོན་འབྱུང་བའོ། །པདྨ་རྡོ་རྗེའི་རིགས་དག་ནི། །སངས་རྒྱས་རྣམས་ཀྱི་བར་མའི་དུས། །གཞན་གྱི་དུས་སུ་སྔགས་དག་ནི། །དེ་ལས་གཞན་པའི་རིགས་འགྲུབ་ཡིན། །དེ་དག་གྲུབ་པའི་དུས་སུ་གསུངས། །དུས་གཞན་རབ་ཏུ་བསྟན་མ་ཡིན། །དཀའ་ཐུབ་ཀྱིས་ནི་གྲུབ་པ་མཆོག་།སྐྱེ་བ་གསུམ་གྱིས་ཐོབ་པར་འགྱུར། །རྟག་ཏུ་སྔགས་རྣམས་ཟློས་པ་དང ། །དེར་དད་ཡིད་ནི་དེར་སེམས་དང ། །རྒྱལ་སྲས་རྣམས་ལ་རབ་དང་བ། །སྐྱེ་བ་འདི་ལའང་འགྲུབ་པར་འགྱུར། །དཀོན་མཆོག་གསུམ་ལ་གུས་པ་དང ། །བྱང་ཆུབ་སེམས་ཀྱིས་བརྒྱན་པ་དང ། །ཤེས་རབ་ཆེ་ཞིང་སྡོམ་ལ་གནས། །སྔགས་དང་རྒྱུད་ལ་འཇིགས་པ་མེད། །བྱང་ཆུབ་སྡོམ་ལ་གནས་པ་དག་།འབད་པ་མེད་པར་སྔགས་རྣམས་འགྲུབ། །སེམས་ཅན་རྣམས་ཀྱིས་ལས་གྲུབ་དང ། །བདག་ཀྱང་གྲུབ་པར་ཉེར་བསྟན་པ། །རྟག་ཏུ་སྔགས་ཉིད་གྲུབ་པ་ཡིན། །རྨོངས་པའི་སེམས་ཅན་འགྲུབ་པ་མེད། །དེ་ཉིད་ཕྱིར་ན་རྒྱལ་དབང་གིས། །ཆོ་གའི་རྒྱལ་པོ་གསུངས་པ་ནི། །སངས་རྒྱས་གཙོ་བོ་བདུན་པ་ཡིས། །སྔགས་རྣམས་རྒྱ་ཆེའི་ལས་དག་བསྟན། །སངས་རྒྱས་སྲས་ཀྱི་ཐུ་བོ་ནི། །འཇམ་པའི་དབྱངས་ནི་གཟི་ཆེན་ལ། །ཐུབ་པའི་ཟླ་བ་རྫུ་འཕྲུལ་ཆེ། །དེས་ནི་གསུང་མཆོག་རབ་ཏུ་བསྟན། །སྔགས་རྣམས་ཀྱི་
284a
༄#། །ནི་མཐར་ཐུག་མཐུ། །གཞོན་ནུ་རབ་ཏུ་ཉོན་ཅིག་དང ། །གང་ཚེ་སངས་རྒྱས་རྟག་ཏུ་ནི། །འཇིག་རྟེན་འདྲེན་པ་བཞུགས་གྱུར་པ། །དེ་ཚེ་དེ་བཞིན་གྲུབ་པ་ནི། །གཙུག་ཏོར་ལ་སོགས་རབ་གྲགས་པ། །དེ་བཞིན་འཁོར་ལོས་བསྒྱུར་བ་དང ། །གཟི་བརྗིད་ཕུང་པོར་རབ་བསྟན་དང ། །རྒྱལ་བ་གཙུག་ཏོར་གདུགས་དཀར་པོ། །རྒྱལ་བས་མང་པོར་གསུངས་པ་ནི། །དེ་ལ་སོགས་པའི་གཙུག་ཏོར་ནི། །དེ་ཡི་ཚེ་ནི་འགྲུབ་པར་འགྱུར། །གང་གི་འཁོར་ལོས་བསྒྱུར་བ་ནི། ཛམྦུའི་གླིང་དུ་འབྱུང་འགྱུར་ཞིང ། །ཆོས་ཀྱི་རྒྱལ་པོ་རྫོགས་སངས་རྒྱས། །རྐང་གཉིས་དམ་པ་བཞུགས་པ་ན། །སྔགས་རྣམས་མ་ལུས་བཤད་པ་དག་།དེ་ཡི་ཚེ་ན་འགྲུབ་པར་འགྱུར། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཞིང་དང ། དུས་ཀྱི་ཆོ་ག་ངེས་པའི་ལེའུ་རབ་འབྱམས་ལས་ཉི་ཤུ་རྩ་བཞི་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང།་གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་གཞོན་ནུར་གྱུར་པའི་རས་
284b
རིས་ནི་སྔར་བསྟན་ཏེ། སེམས་ཅན་ལ་ཡོད་པའི་སྤྱོད་པ་དགེ་བ་དང ། མི་དགེ་བའི་མཚན་མ་རྣམས་ནི་བཤད་པར་བྱ་ཡི་ཉོན་ཅིག་།དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་བཏུད་ནས་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་ཅན་རྣམས་ནི་གཞན་གྱི་ལུས་ལ་འཇུག་པའི་སེམས་ཅན་རྣམས་ཏེ། འཕགས་པ་དང ། ལྷའི་སྐྱེ་གནས་དང ། གྲུབ་པ་དང ། དྲི་ཟ་དང ། གནོད་སྦྱིན་དང ། སྲིན་པོ་དང ། ཤ་ཟ་དང ། ལྟོ་འཕྱེ་ཆེན་པོ་ལ་སོགས་པ་ལས་སྣ་ཚོགས་ཀྱིས་བྱས་པའི་ལུས་རྣམ་པ་སྣ་ཚོགས་ལ་བརྟེན་ཅིང་གནས་པ། ཆ་བྱད་རྣམ་པ་སྣ་ཚོགས་དང ། རྟགས་སྣ་ཚོགས་དང ། མི་དང ། མི་མ་ཡིན་པ་དང ། འབྱུང་པོ་ཐམས་ཅད་ཀྱི་སེམས་ཀྱི་སྤྱོད་པ། བཅོམ་ལྡན་འདས། བསྟན་པའི་དུས་ལགས། བདེ་བར་གཤེགས་པ། བསྟན་པའི་དུས་ནི་ལགས་ཏེ། དེའི་དུས་ལ་བབ་པར་མཁྱེན་ནས་ལེགས་པར་བཤད་དུ་གསོལ། །དེ་སྐད་ཅེས་རྒྱལ་བའི་མཆོག་འཇིག་རྟེན་གྱི་འདྲེན་པ་གོའུ་ཏ་མ་བདུན་པ་ལ་གསོལ་བ་བཏབ་ནས། འཇམ་དཔལ་གཞོན་ནུར་གྱུར་པ་ཅང་མི་སྨྲ་བར་གྱུར་ཏེ་རང་གི་སྟན་ལ་འདུག་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་
285a
༄#། །པས་སེམས་ཅན་རྣམས་ཀྱི་སེམས་ཀྱི་སྤྱོད་པ་དང ། མཚན་མ་ཤེས་པ་དང ། རྟགས་དང ། དུས་གསུངས་པ། གཞན་གྱི་ལུས་ཞུགས་སེམས་ཅན་ནི། །སྔགས་ཀྱི་སྦྱོར་བས་དྲང་བར་བྱ། །ཁ་ཅིག་ཟས་ལ་ཆགས་པ་ཡི། །ས་སྟེང་མི་ནི་འཛིན་པར་བྱེད། །གཞན་དག་ཁྲོས་ལྡན་སེམས་ཀྱིས་ནི། །ས་སྟེང་དག་ཏུ་མི་བཟད་པས། །རྟག་ཏུ་ཆགས་དང་བྲལ་བ་དག་།སྙིང་རྗེའི་དམ་ཚིག་དག་གིས་ནི། །མི་ཡི་འཇིག་རྟེན་དག་འཇུག་པ། །དགེ་བའི་མི་ལ་འཛིན་པར་བྱེད། །རབ་བསྔགས་དགེ་དང་གཡོ་བ་མེད། །མི་རྣམས་ཀྱི་ནི་མདོག་ཀྱང་སྒྲུབ། །ཉི་མ་དག་ནི་འཆར་བ་ལ། །དེ་དག་འཇུག་པར་བརྗོད་པ་ཡིན། །མི་རྣམས་ཉི་མ་ནུབ་པ་ཡི། །དེ་ཡི་དུས་སུ་འཇུག་པར་འགྱུར། །མཚན་མོའི་ཐུན་གྱི་དང་པོ་ལ། །ཡར་ངོ་ལ་ནི་སྣང་བར་འགྱུར། །རབ་བསྔགས་དགེ་བའི་ལས་དག་དང ། །རྟག་ཏུ་གང་ཞིག་ཆོས་ལྡན་མི། །གང་ཞིག་ཤེས་ཉེན་ལྡན་པ་ནི། །དེ་དག་ལ་ནི་འཇུག་པར་སྣང ། །འདོད་ཆགས་བྲལ་བ་རྫུ་འཕྲུལ་ཆེ། །དེས་ན་མི་ལ་འཇུག་པ་ཡིན། །ཕྱོགས་གཙང་སྐྱེ་བོ་གཙང་བ་དང ། །རྒྱུ་སྐར་སྐར་མ་བཟང་བ་དང ། །ཉིན་ཞག་སྔགས་དང་ཟླ་རེས་བཟང ། །ཡར་ངོ་དགེ་བའི་ཉིན་ཞག་དང ། །གཟའ་
285b
བཟང་ཡང་དག་ལྡན་པ་དང ། །ཚེས་གྲངས་རྫོགས་དང་ཡང་དག་ལྡན། །དེ་བཞིན་ཟླ་བ་ཉ་བ་ལ། །དེ་དག་ལ་ནི་འཇུག་པར་སྣང ། །ཆགས་བྲལ་རྫུ་འཕྲུལ་ཆེན་པོ་ནི། ། འཇུག་པར་འགྱུར་བའི་མཚན་མ་ཡང ། །ནམ་མཁའ་ལ་ནི་ཏ་ལ་ཙམ། །ས་ལས་འཕགས་ཏེ་འདུག་པ་ཡིན། །དེ་ནི་སྐྱིལ་ཀྲུང་འདུག་ནས་ཀྱང ། །ནམ་མཁའ་ལ་ནི་གནས་པར་སྣང ། །ཚིག་ཀྱང་བཟང་པོ་མཚུངས་མེད་དང ། །ཚངས་དབྱངས་དེ་བཞིན་རྣར་སྙན་དང ། །གང་དུ་འདོད་ཆགས་བྲལ་དེ་གནས། །སེམས་དཔའ་ཆེན་པོ་དེ་དག་སྨྲ། །གཙུག་ཏོར་ཕྱག་རྒྱས་དྲངས་པ་ཡིས། །ས་ཡི་སྟེང་དུ་འདུག་པར་འགྱུར། །ས་སྟེང་དེ་ལ་འཇུག་པ་ན། །དེ་ཡི་མོད་ལ་མཆོད་ཡོན་སྦྱིན། །སྣ་མའི་མེ་ཏོག་དག་ལ་ནི། །ཙནྡན་བཟང་པོ་གུར་གུམ་བསྲེས། །བསྲེས་པའི་ཆུ་དང་ཆུ་གཙང་ནི། །དེ་ཡི་མོད་ལ་དབུལ་བར་བྱ། །སྔགས་པ་ས་ལ་རབ་བཏུད་ནས། །ཕ་ན་པའི་བློ་ཡིས་གསོལ་བ་གདབ། །དཔའ་བོའི་རང་བཞིན་སེམས་ཀྱིས་ནི། །སེམས་ཅན་དེས་ནི་གསོལ་བ་གདབ། །ཚིག་ནི་བཟང་པོ་འདོན་བྱེད་ཅིང ། །རྣར་སྙན་དེ་བཞིན་རྨོངས་བ་མེད། །སྔགས་ཤེས་ཆོ་ག་འཇིགས་མེད་པས། །དེ་ནི་ཇི་ལྟར་འདོད་པ་འདྲི། །འཇམ་དབྱངས་ཡང་དག་དྲན་ནས་ནི། །དེ་ཡི་དུས་སུ་འཇིགས་མེད་བྱ། །གཙུག་
286a
༄#། །ཕུད་ལྔ་པའི་ཕྱག་རྒྱ་འམ། །གཙུག་ཏོར་ལས་བྱུང་གཞན་པའང་བཅིང ། །དེ་ནས་ཕྱོགས་ནི་བཅིང་བྱ་སྟེ། །སྟེང་དང་འོག་ཏུའང་དེ་བཞིན་ནོ། །དེ་ནས་དེ་ཡི་འབྱུང་བ་ཀུན། །བར་དང་ཐ་མར་རབ་ཏུ་བརྗོད། །དེ་བཞིན་དང་པོ་བར་མའི་དུས། །བྱུང་དང་མ་འོངས་དུས་དག་དང ། །དེ་བཞིན་ད་ལྟར་བྱུང་གྱུར་པ། །འོད་ལྡན་དེས་ནི་སྟོན་པར་འགྱུར། །དེ་བཞིན་འཛུམ་མེད་མིག་གིས་ནི། །ཆགས་བྲལ་དེས་ཟིན་རབ་ཏུ་ལྟ། །གང་ཡིན་དེས་བསྟན་ཚིག་གིས་ནི། །བདེ་བར་འགྱུར་གྱི་གཞན་དུ་མིན། །དེ་བཞིན་གྲུབ་དང་བསྒྲུབ་བྱའི་རྫས། །གང་ཞིག་ཚོགས་ཀྱི་རྣམ་པ་དང ། །རང་རྒྱལ་བྱང་ཆུབ་དགྲ་བཅོམ་དང ། ། ངེས་པར་བྱང་ཆུབ་ཆེན་པོའང་དེ། །ངེས་པར་སངས་རྒྱས་ཉིད་རིགས་ཉིད། །དེ་བཞིན་བྱང་ཆུབ་སེམས་རིགས་དང ། །རིགས་མེད་ཉིད་དང་དུས་དང་ནི། ། སེམས་ཅན་སྐལ་ལྡན་བརྗོད་པའང་ཡིན། །དམ་ཚིག་གིས་ནི་མངོན་མཚོན་པས། །བདེན་པ་ཀུན་ནི་དེས་སྟོན་འགྱུར། །སྐད་ཅིག་ཙམ་སྟོན་རྣལ་འབྱོར་ལ། ། དུས་རིང་དུས་སུ་སྡོད་མ་ཡིན། །སྐད་ཅིག་དེ་ལ་གང་ཅུང་ཟད། །ཡིད་ལ་བསམས་ཤིང་དོན་དུ་གཉེར། །མྱུར་དུ་སྔགས་གྲུབ་ཁོ་ན་ལ། །དེ་དག་ཐམས་ཅད་སྟོན་
286b
པར་བྱེད། །ཅི་འདོད་མངོན་པར་རེ་བ་དག་།ཕུན་སུམ་ཚོགས་པ་ཐམས་ཅད་ཐོབ། །སྔགས་པས་སླར་ནི་གཤེགས་གསོལ་བ། །མྱུར་དུ་མཆོད་ཡོན་ཕུལ་ནས་འགྱེལ།། ཆོ་ག་མཐོང་བའི་ལས་ཀྱིས་ནི། །སྣོད་ནི་ཡང་དག་བསྲུང་བ་བྱ། །སེམས་ཅན་ལུས་ནི་འགྱེལ་བ་ཡང ། །ས་ཡི་སྟེང་དུ་ཉལ་བ་ཉིད། །གཙུག་ཏོར་སྔགས་དང་ལྡན་པ་ཡི། །སྔགས་ནི་ཆོ་གར་གསུངས་པ་དག་།དེ་ཉིད་ཀྱིས་ནི་བསྲུང་བ་དང ། །ཕྱག་རྒྱ་གཙུག་ཕུད་ལྔ་ཡིས་སོ། །དེ་ཚེ་ལུས་ནི་བདེ་ལེགས་འགྱུར། །ས་ཡི་སྟེང་ལས་ལྡང་བར་འགྱུར། །སེམས་ཅན་ཀུན་ལའང་འཇུག་པ་ཡི། །སྲུང་བ་འདི་ནི་རབ་ཏུ་བརྟག་།སྣོད་ལ་བརྟེན་ཏེ་འཚེ་བྱེད་པར། །གདུག་པའི་སེམས་ཅན་གྱིས་མི་ནུས། །སྐྱེ་བོ་སྣོད་དུ་གྱུར་པ་ལ། །འདི་ནི་སྲུང་བ་ཆེན་པོ་ཡིན། །དེ་ཡི་ཚིག་ནི་བར་མར་གནས། །དབུས་ཀྱི་ཡུལ་གྱིར་རབ་ཏུ་བསྒྲགས། །ལྷ་ཡི་སྐྱེ་གནས་ལ་བརྟེན་པའི། །འོག་མིན་གཟུགས་དང་ལྡན་པ་དང ། །དེ་དང་དེ་ཡི་རྟགས་རྣམས་དང ། །གཟུགས་ནི་རབ་ཏུ་སྣང་བ་ཡིན། །འདོད་པའི་ཁམས་ཀྱི་དབང་ཕྱུག་དང ། །འདོད་དང་ལྡན་པའི་ལྷ་དག་དང ། ། དེ་ལས་དམན་པའི་འགྲོ་བའི་རྟགས། །ཚིག་ཉིད་ཀྱང་ནི་ཤིན་ཏུ་སྙན། །དེ་ནས་ས་ལ་གནས་པ་དང ། །གཞལ་མེད་ཁང་གནས་ལྷ་རྣམས་ཀྱི། །ཚིག་ནི་ཀུ་ཤའི་གྲོང་
287a
༄#། །ཁྱེར་མཚུངས། །མ་ག་དྷཱ་ཡི་གནོད་སྦྱིན་ཚིག་།དེ་བཞིན་ཨངྒའི་ཡུལ་གྱི་ཚིག་།ལྟོ་འཕྱེ་ཆེན་པོ་རབ་ཏུ་བསྟན། །གཟི་བརྗིད་ཆེན་པོ་ནམ་མཁའ་ལྡིང། །དེ་དག་ཤར་ཕྱོགས་ཚིག་ཏུ་འགྱུར། །བང་\?\་གའི་ཡུལ་དུ་ཡང་དག་སྐྱེས། །གང་དག་ཚིག་ནི་བསྟན་པ་ནི། །དེ་བཞིན་མི་འམ་ཅི་ཡི་ཚིག་།དེ་ཡི་ཚིག་ཏུ་རབ་བརྟག་བྱ། །རྟག་ཏུ་པིཎྜའི་ཚིག་གྱུར་པ། །གྲུབ་དང་རལ་གྲིའི་རིག་པ་འཛིན། །དེ་ཚིག་རིག་པ་འཛིན་པ་དང ། །དྲང་སྲོང་འདོད་པའི་གཟུགས་ཅན་ཡིན། །དེ་ཚིག་མངོན་ཤེས་ལྔ་དང་ནི། །དྲང་སྲོང་རྣམས་ཀྱིས་ཡོངས་སུ་བརྟགས། །གང་ཡང་ཡུལ་ཚིག་མ་ག་དྷཱ། །གང་ཡང་ཧ་རི་ཀི་ལའི་ཚིག་།མི་གསལ་མི་དོང་ཉིད་དང་ནི། །ཡི་གེ་ཏ་ལ་ཤིན་ཏུ་རྟེན། །ལ་ཡི་ཡི་གེ་མང་བའི་ཚིག་།ཤ་ཟའི་ཚིག་ཏུ་བརྗོད་པ་ཡིན། །ལས་ཚོན་ཞེས་བྱའི་གླིང་དང་ནི། །ན་ལི་ཀེ་ར་འབྱུང་བའི་གནས། །གླིང་ནི་རྩུབ་པར་བྱེད་ཉིད་དང ། །གཅེར་བུ་སྟོབས་ལྡན་བུ་གནས་ཀྱང ། །སེམས་ཅན་དག་བྱེད་གནས་པ་དག་།དེ་བཞིན་འདི་དག་གླིང་ལས་བྱུང ། །ཡི་གེ་ལ་མང་ཚིག་དག་དང། །ཚིག་ནི་གསལ་བའི་རྣམ་པ་མེད། །མི་གསལ་བསྲི་བ་མེད་ཉིད་དང ། །ཁྲོ་བཅས་ཡི་དྭགས་སྐྱེ་གནས་ཚིག་།ལྷོ་ཕྱོགས་པ་ཡི་ཚིག་དག་དང ། །ནྡྲ་ཀར་
287b
ཎ་དྲ་བི་ཌཱ། །སེམས་ཅན་ཀོ་སལ་འབྲོག་གནས་དང ། །སིང་ག་ལ་ཡི་གླིང་དག་ན། །ཡི་གེ་ག་དང་རར་བཅས་པ། །དེ་ནི་སྲིན་པོའི་ཚིག་ཏུ་ཤེས། །དེ་དག་གླིང་ལ་གནས་པ་དེའི། །མིང་ནི་གང་ཞིག་བརྗོད་པ་ཡང ། །མ་མོ་རྣམས་ནི་གཟི་བརྗིད་ཆེ། །དེ་ཡི་ཚིག་འདིར་གསུངས་པ་ཡིན། །ཚིག་ནི་ནུབ་ཕྱོགས་ཕྱོགས་མཚམས་དང ། །མ་ལ་བ་ཡི་ཚིག་དག་དང ། །བེའུ་ཉ་དང་རྒྱ་མཚོའི་ཚིག་།ཤ་ར་སེ་ཡི་རྣམ་བརྟགས་དང ། །རྒྱ་མཚོ་བཅུ་འདུས་ཆུ་བོ་འདུས། །དཔལ་མགྲིན་དང་ནི་ཀོ་ཛྭ་རི། །འདི་དག་ཚིག་ལྡན་འཇུག་པ་ནི། །ཉི་མ་ལ་སོགས་གཟའ་མཆོག་གདོན། །དེ་ལན་གཞན་དོན་གཙོ་བོ་ནི། །ཡུལ་ནི་བ་རི་ཡ་ཏྲའི་ཚིག་།ཡུལ་ནི་ཨར་\?\་བུ་ཏ་ས་ཧྱ། །རི་ནི་མཱ་ལ་ཡར་གནས་དང ། ། ལང་བའི་ཡུལ་དུ་ཡང་དག་སྐྱེས། །ཚིག་ནི་ཅི་འདྲ་ཡོད་པ་ཡི། །དེ་འདྲའི་ཚིག་ཏུ་སྨྲ་བ་ནི། །གྲུལ་བུམ་སྐྱེ་གནས་འཛིན་པ་ཡིན། །ཡི་གེ་ཤ་ཥ་ས་དང་ནི། །ར་ལཱ་བ་ལས་ཡང་དག་འབྱུང ། །ཡི་གེ་གྷ་དང་ལྡན་པའི་ཚིག་།ལྷ་མ་ཡིན་དུ་ངེས་པར་བསྟན། །ཁ་ཆེའི་ཡུལ་ལས་འབྱུང་བ་དང ། །སྐྱེ་བའི་གནས་ན་ཀ་བི་ཤ་།གནོད་སྦྱིན་རྒྱལ་པོའི་རིགས་ལས་བྱུང ། །ཕྱག་ན་རྡོ་རྗེའི་རིགས་སུ་བསྟན། །དེ་དག་ལྔ་ཡི་གཙོ་བོ་ནི། །ཀུན་གྱི་ཚིག་ཏུ་འདོད་པ་ཡིན། །དེ་བཞིན་དབུས་ཀྱི་ཕྱོགས་གནས་དག་།པདྨའི་
288a
༄#། །རིགས་ཀྱི་སྐྱེ་གནས་རྟེན། །ཚིག་དང་འགྲོས་དང་མཚན་མ་ཡི། །པདྨའི་རིགས་སུ་སྣང་བ་ཡིན། །རྒྱལ་བའི་སྲས་ཀྱིས་རྣམ་བརྟགས་པ། །སྔ་མ་ཉིད་དུ་བསྟན་པ་ཡིན། །འདོད་ཆགས་བྲལ་བའི་མཚན་མ་གང ། །རྒྱལ་བའི་མཚན་མར་རབ་ཏུ་འབྱུང ། །ཡུལ་ཕྱོགས་གང་གི་ཚིག་སྨྲ་བ། །དེར་གནས་འགྲོས་དང་སྤྱོད་པ་ཡིན། །དེར་བསྟན་སེམས་ཅན་ཉིད་དང་ནི། །འགྲོས་དང་མཚན་མའང་ཀུན་ཏུ་བསྟན། །ཁ་བ་ཅན་གྱི་ནང་གནས་པ། །དྲི་ཟ་དྲང་སྲོང་སྐྱེ་བོའི་ཚིག་།གངྒཱའི་ངོགས་ཀྱི་བྱང་ཕྱོགས་པ། །གནོད་སྦྱིན་ཚིག་ཏུ་རབ་ཏུ་སྣང ། །རི་ནི་འབིགས་བྱེད་ལ་གནས་པ། །གངྒཱའི་འགྲམ་གྱི་ལྷོ་ཕྱོགས་དང ། །དཔལ་གྱི་རི་བོར་སྐྱེས་གྱུར་དང ། །གང་ཡང་སྐྱེ་བོ་རྣམས་དག་ནི། །སྲིན་པོ་སྐར་མ་ཡི་དྭགས་དང ། །མ་མོ་ཆ་ལུགས་ངན་པ་དང ། །མི་བཟད་གཟུགས་ཅན་བགེགས་ཆེན་པོ། །གདོན་ནི་ཤིན་ཏུ་མ་རུངས་པ། །བརྐམ་ཞིང་གཞན་གྱི་སྲོག་འཕྲོག་བྱེད། །དེ་ཡི་ཚིག་ནི་ཡང་དག་འབྱུང ། །གང་དག་ཡུལ་ནི་དེ་དག་བརྟག་།དེ་དག་ཡུལ་གྱི་འགྲོས་དང་སྤྱོད། །དེ་དག་ཚིག་ཏུ་སྨྲ་བ་ནི། །མ་རུངས་གདོན་འཇུག་རྣམ་སྤྱོད་ཡིན། །འདི་དག་གཞན་ཡང་མང་པོ་ནི། །གང་གི་སྤྱོད་འགྲོས་སྤྱོད་པ་དང ། །རྣམ་པ་སྣ་ཚོགས་ཚུལ་དང་ནི། །རྣམ་པ་སྣ་ཚོགས་མཚན་
288b
ཉིད་དང ། །རྣམ་པ་སྣ་ཚོགས་སེམས་ཅན་གཙོ། །རྣམ་པ་སྣ་ཚོགས་སྐྱེ་གནས་འདོད། །དེ་ལྟར་གདོན་འཇུག་མཚན་མ་ནི། །མཚན་ཉིད་འགྲོས་དང་སྤྱོད་པ་ཡིན། །མི་རྣམས་ཀྱི་ནི་བདེ་སྐྱེད་པ། །སེམས་ཅན་དུ་ཡང་བྱ་བ་སྟེ། །གཞོན་ནུ་སྣ་ཚོགས་ཡང་དག་འབྱུང ། །བསྲུང་བའི་དོན་དུ་རབ་སྦྱར་བྱ། །ཡི་གེ་དྲུག་པས་བྱ་བ་ནི། །ཕྱག་རྒྱ་ཆེན་པོ་དང་ལྡན་པའི། །སྔགས་ཉིད་ཁོ་ན་བཟླས་བྱས་ན། །བསྲུང་བ་ཆེན་པོར་འགྱུར་བ་ཡིན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། གདོན་འཇུག་པའི་སྤྱོད་པའི་ཆོ་གའི་ལེའུ་རབ་འབྱམས་ལས་ཉི་ཤུ་རྩ་ལྔ་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཁྱོད་ཀྱི་སྔགས་རྣམས་རྒྱུད་ཐམས་ཅད་ལ་ཡང་དག་པར་འཇུག་པ། རིག་པ་ཐམས་ཅད་ལ་འོས་པ། དུས་དཔག་ཏུ་མེད་པའི་ཡོན་ཏན་མ་ལུས་པའི་འབྲས་བུ་བྱུང་བ་ཡང་རྗེས་སུ་འབྲེལ་བའི་མཚན་མའི་ཚད་ཡོད་དེ། དེ་འགྲུབ་པར་བྱ་བའི་རྒྱུད་བཤད་པ་ནི། འདི་ལྟ་སྟེ། སྐྱེ་བ་གཞན་གྱིས་འགྲུབ་པ་ཉིད། །དུས་ཀྱི་རྒྱུས་ནི་
289a
༄#། །འགྲུབ་པ་མེད། །དེ་ཡི་ཆེད་དང་སྦྱོར་བ་ནི། །སྔོན་བྱུང་རྒྱུ་ལས་བྱུང་བ་ཡིན། །རྩེ་གཅིག་བདག་གིར་བྱེད་པས་འགྲུབ། །གྲུབ་པ་རིག་པ་རྣམ་དཔྱོད་པའོ། །རིགས་པ་གཞོན་ནུ་ཁྱོད་བསྟན་ན། །ལུས་ཅན་ཀུན་ལ་རབ་ཏུ་སྣང ། །མཐར་གྱིས་བྱས་པའི་ལས་རྣམས་ནི། །རིགས་པ་ཞེས་ནི་བྱ་བ་ཡིན། །དཔའ་བོའི་རིགས་ལྡན་དེ་སྦྱོར་བས། །གྲུབ་པ་མཆོག་ནི་ཐོབ་པར་འགྱུར། །གྲུབ་མེད་བསྒྲུབ་བྱའི་ལས་རྣམས་མེད། །ལས་རྣམས་མེད་པར་འགྲུབ་པའང་མེད། །ལས་དང་བྱེད་པར་ཡང་དག་ལྡན། །ཡང་དག་ལྡན་པས་གྲུབ་པ་འཐོབ། །ཆོ་ག་ལྡན་པའི་རྒྱུ་ཡིས་ནི། །གནས་པ་མཆོག་ནི་ཐོབ་པར་འགྱུར། །སྔགས་པ་སྔགས་ནི་མི་སྒྲོགས་ན། །སྔགས་མིན་པ་ཡང་སྔགས་པར་འགྱུར། །ཐུབ་པའི་ལས་ནི་ཡང་དག་སྤྱོད། །གྲུབ་པ་རྒྱས་པ་ཐོབ་པར་འགྱུར། །རིགས་ཀྱི་ས་བོན་ལ་བརྟེན་ན། །བློ་ཡི་མཆོག་ལ་གནས་པར་འགྱུར། །གནས་མཆོག་དམ་པར་དེས་སྡོམ་ན། །དང་པོ་བགྲོད་པ་ཐོབ་པར་འགྱུར། །བློ་དང་བསམ་པ་ལེགས་གནས་ལ། །ནད་མེད་གོ་འཕང་ཐོབ་པར་འགྱུར། །གང་གིས་དུས་དང་མཚན་མ་ལས། །དུས་མིན་གྲུབ་པར་འདོད་པ་ནི། །མདོར་ན་བརྒྱ་བྱིན་ཡིན་ན་ཡང ། །དེ་ཡི་སྔགས་རྣམས་
289b
མི་འགྲུབ་བོ། །འབྱུང་པོ་སྐྱེ་བོ་མི་ཕན་དང ། །དུས་མིན་པར་ཡང་རྩོམ་པ་ཡང ། །བདག་ཉིད་ཆེན་པོ་ཚངས་པ་ཡང ། །དེ་ལ་གྲུབ་པ་མི་སྣང་ངོ ། །སྙོམ་དང་སྲེད་དང་ཡང་དག་ལྡན། །དྲེགས་དང་ང་རྒྱལ་ལྡན་པ་དང ། །ལྷོད་དང་ཡུན་རིང་འཐབ་ལ་དགའ། །གྲོང་གི་སྐྱེ་བོ་ལ་རྟག་དགའ། །ལེ་ལོ་ཕན་ཚུན་སྦྱོར་བ་ལ། །འདི་ལ་གྲུབ་པ་ག་ལ་ཡོད། །གང་ཡང་ལྷ་ཡི་བླ་མ་དང ། །གང་ཡང་རྟག་ཏུ་ལྷ་མིན་བླ། །སྔགས་རྣམས་དེ་དག་གིས་བསྒྲུབ་ཀྱང ། །ཆོ་ག་སྤངས་ན་ནུས་མེད་ཡིན། །དེ་བཞིན་ཆོ་གའི་ལས་ཉམས་ན། །སེམས་ནི་རྣམ་པར་རྨོངས་པར་བྱེད། །དེ་བས་སྔགས་ནི་བཟླ་མི་བྱ། །ཆོ་ག་མེད་པར་རིགས་པ་མིན། །བྱིས་པ་རྣམས་ཀྱི་མཐོང་བ་རྨོངས། །དེ་ལྟ་བུས་ནི་སྐྱེད་པར་འགྱུར། །དེ་བས་བྱིས་པ་རྨོངས་པ་ཡང ། །ཤིན་ཏུ་དཀའ་བའི་འགྲོ་བར་ལྷུང ། །དེ་ནས་དེ་དག་སྔགས་སྤྱོད་པ། །དེ་ལས་དེ་དག་དྲང་བ་ཡང ། ། མཐར་གྱིས་དེ་དག་གྲུབ་པ་ནི། །དགེ་བ་འགྲོ་བ་རབ་ཏུ་ཐོབ། །དེ་ལས་ཟློས་པའི་སྔགས་པས་ནི། །མི་གཡོ་ཞི་བའི་གནས་སུ་འཇོག་།དེ་བཞིན་གཤེགས་པའི་སྔགས་བཟླས་པ། །དེ་ལྟར་སྔགས་རྣམས་དོན་ཡོད་དེ། །སེམས་ཅན་མིག་ཟུར་གྱིས་བལྟས་པའང ། །རྗེས་སུ་གཟུང་བ་ཉིད་དུ་འགྱུར། །དེ་དག་དགེ་བའི་བཤེས་གཉེན་
290a
༄#། །ཏེ། །འདི་དག་སེམས་ཅན་མཉེས་གཤིན་པའོ། །འདི་དག་གྲུབ་པར་བསྟན་པ་སྟེ། །ཐེག་གསུམ་མཉམ་པ་ཉིད་ཞི་བ། །དེ་བས་རྣམ་ཀུན་རབ་འབད་ནས། །མཉམ་པར་གཞག་ཅིང་སྔགས་ཟློས་བྱ། །སྔགས་ཟློས་རབ་ཏུ་སྦྱོར་བྱེད་པ། །སྔགས་ནི་ཆོ་ག་མེད་པར་སྦྱོར། །ཡུན་རིང་དུས་སུ་འཁོར་བ་ན། །ནམ་ཞིག་ཅིག་ན་གྲུབ་པར་འདོད། །ཤིན་ཏུ་ཡུན་རིང་དུས་སོང་ནས། །སྔགས་རྣམས་གྲུབ་པར་སྣང་བ་འོ། །ཆོ་ག་ལྡན་པའི་སྔགས་ཀྱིས་ནི། ། མྱུར་དུ་གྲུབ་པ་རབ་ཏུ་འཐོབ། །འབྲས་བུ་གྲུབ་པར་མཐོང་བ་སྟེ། །འབྲས་མེད་སྔགས་ནི་གསུང་བ་མིན། །གསང་སྔགས་འབྲས་བུ་ལྡན་པ་ནི། །ཚེ་འདི་ཉིད་ལ་གྲུབ་པར་གསུངས། །གྲུབ་མེད་འབྲས་བུ་ལས་མ་ཡིན། །ལས་མེད་པར་ཡང་འབྲས་མི་འདོད། །འབྲས་བུ་ལས་དང་ཡང་དག་ལྡན། །འབྲས་བཅས་ལས་སུ་བསྟན་པ་ཡིན། །དེ་བས་སྐྱེ་དང་རྒ་སྤངས་པ། །དེ་ལྟར་ཡང་དག་བྱུང་འགྱུར་པ། །འཇིག་རྟེན་ཞི་བར་གསུངས་པ་སྟེ། །ཞི་བ་སྲིད་ལས་རྣམ་གྲོལ་ཡིན། །བདག་ཉིད་ཆེན་པོ་དེར་འགྲོར་རྟོགས། །སངས་རྒྱས་ཆོས་ནི་རྗེས་སུ་བསྟན། །འཇིག་རྟེན་ཕྱིན་ཅི་ལོག་དུས་སུ། །དེ་ལའང་གྲུབ་པར་རབ་ཏུ་སྣང ། །ཚེ་
290b
འདི་ཉིད་ལའང་གྲུབ་འགྱུར་ཏེ། །ཚེ་རབས་གཞན་དུའང་འབྱུང་བར་འགྱུར། །ཞི་བའི་ལམ་ནི་འདུས་མ་བྱས། །མཐར་ཐུག་ཞི་བའི་བར་དུ་འགྱུར། །གང་དུ་འཇིག་རྟེན་རྣམ་བསྟན་པ། །ཞི་བའི་གནས་ནི་དྲི་མེད་བཟང ། །སངས་རྒྱས་ཉིད་ནི་ལེགས་བསྟན་པ། །རྒྱལ་བས་ཀུན་ཏུ་བསྟན་པ་ཡིན། །དེ་ལ་མཐར་ནི་དེ་དག་ཕྱིན། ། སྔགས་གྲུབ་པར་ནི་གསུངས་པ་ཡིན། །རང་རིག་སོ་སོའི་རྒྱལ་བ་ཡིས། །སྔགས་འདི་བསྟན་པ་མ་ཡིན་ཏེ། །ཐུབ་པ་རྫུ་འཕྲུལ་ཆེན་པོ་ཡིས། །འཇིག་རྟེན་དག་ལ་སྔགས་བསྟན་ཏོ། །ཚེ་འདིར་ལུས་ཅན་རྣམས་ལ་ནི། །མངོན་སུམ་དུ་ནི་གྲུབ་པ་བསྟན། །དེ་ཉིད་སྟོང་པ་རིག་པ་ཡིས། །སྔགས་ནི་སངས་རྒྱས་ཉིད་དུ་སྟོན། ། རྩོད་དུས་ཐ་མའི་དུས་དག་ཏུ། །ཞི་བའི་དེ་ཉིད་ཁྱད་པར་དུ། །སྔགས་འགྲུབ་པར་ནི་མི་འགྲོ་ཞིང ། །མྱུར་བའི་ལས་ལའང་འགྲུབ་པ་མེད། །དེ་ཡི་དུས་སུ་སྦྱོར་པ་ནི། །ཆོ་ག་མཐོང་བའི་ལས་དག་གིས། །སྔགས་རྒྱུད་ཤེས་པ་སྒྲུབ་བོ་ཞེས། །བསྟན་པ་འདི་ལ་ཐུབ་པས་གསུངས། །དེ་བཞིན་གཤེགས་པ་བཞུགས་པ་ན། ། གྲུབ་མཆོག་མྱུར་དུ་གྲུབ་པར་འདོད། །དེ་བཞིན་བར་མའི་དུས་དག་ཏུ། །བར་མའི་གྲུབ་པ་ཉེ་བར་བསྟན། །ཐ་མའི་དུས་ལ་བརྟེན་ནས་ནི། །ཐ་མའི་གྲུབ་པར་
291a
༄#། །གསུངས་པ་ཡིན། །བཟང་པོ་ཡི་ནི་དུས་དག་ལ། །དེ་བཞིན་ནམ་མཁར་འགྲོ་བ་དང ། །སྔགས་རྣམས་ཀུན་ནི་རབ་གྲུབ་པར། །འཇིག་རྟེན་འདྲེན་པས་བསྟན་པ་ཡིན། །དེ་དུས་རྒྱལ་བའི་དབང་པོ་ནི། །རིགས་ཀྱི་མཆོག་དེ་རབ་ཏུ་འགྲུབ། །པདྨའི་རིགས་ནི་བར་མར་འགྲུབ། །དུས་ཀྱི་མཐའ་ལ་རྡོ་རྗེའི་རིགས། །ཁ་ཅིག་སྨོན་ལམ་དབང་གིས་ནི། །ཐམས་ཅད་དུ་ནི་སྔགས་རྣམས་འགྲུབ། །སྤྱན་རས་གཟིགས་དང་འཇམ་དཔལ་དང ། །སྒྲོལ་མ་ཁྲོ་གཉེར་གནོད་སྦྱིན་རྒྱལ། །རིན་ཆེན་རིགས་སྤྱོད་གནོད་སྦྱིན་ནི། །དུས་རྣམས་ཀུན་ཏུ་འགྲུབ་པར་འགྱུར། །ལྷ་རྣམས་ཀུན་གྱི་སྔགས་གཞན་ནི། །གང་ཡང་ཆགས་ཅན་གྱིས་རབ་སྦྱར། །རྩོད་པའི་དུས་སུ་འགྲུབ་འགྱུར་ཞིང ། །འཇིག་རྟེན་པ་ཡི་བསྟན་པའང་འགྲུབ། །ལྷ་དང་མི་དང་ལྷ་མིན་གྱི། །དབང་པོ་གནོད་སྦྱིན་སྲིན་པོ་དང ། །དྲང་སྲོང་ནམ་མཁའ་ལྡིང་དང་ནི། །ཤ་ཟ་འབྱུང་པོ་གཟའ་ཚོགས་དང ། །མི་དང་མི་མ་ཡིན་པ་དང ། །འདོད་པའི་ཁམས་ན་གནས་པ་ཡི། །བསོད་ནམས་ལྡན་པ་རྫུ་འཕྲུལ་ཆེ། །མ་རུངས་ལས་ནི་མི་ཟད་ལྡན། །བརྒྱ་བྱིན་ཆངས་པ་དྲག་པོ་དང ། །དབང་ལྡན་དེ་བཞིན་གཞན་དག་ཀྱང ། །ཁྱབ་འཇུག་འབྱུང་
291b
པོ་ཐམས་ཅད་དང ། །རྫུ་འཕྲུལ་ཆེན་པོས་སྔགས་བསྟན་པ། །དེ་དག་དུས་ཀྱི་ཐ་མ་ལ། །བཟླས་པས་འགྲུབ་པར་འགྱུར་བ་ཡིན། །དེ་དུས་འཇིགས་པ་ཆེན་པོ་ལ།། སྡང་བའི་ལས་ནི་དེ་བཞིན་འགྲུབ། །འབྱུང་པོ་དབང་དང་དགུགས་བྱ་བ། །ས་སྟེང་ཤ་ཟའི་ལས་དག་འགྲུབ། །དོན་མེད་གྲུབ་པར་སྣང་བ་སྟེ། །འཇིག་རྟེན་ཕ་རོལ་དག་ཏུ་སྨོད། །དེས་ན་རྒྱལ་བའི་དབང་པོ་ཡིས། །དེ་དུས་འཇིགས་པ་ཆེན་པོ་ལ། །འཇམ་པའི་དབྱངས་ཀྱིས་ཡང་དག་བསྟན། །ཀུན་ལ་རྗེས་གཟུང་གཙོར་བྱས་ནས། །ཟློས་པ་ལ་ནི་སྔགས་གཟུགས་ཀྱིས། །ཟློས་པ་བསྟན་པ་ལ་དད་ཅིང ། །དཀོན་མཆོག་གསུམ་ལ་མཆོད་བྱེད་ལ། །དེ་ཚེ་སེམས་ཅན་སྔགས་གཟུགས་ཀྱིས།། གདུལ་བར་བྱེད་པར་འགྱུར་བ་ཡིན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། །ཆོ་ག་ངེས་པར་སྡོམ་པའི་དུས་ཀྱི་ལེའུ་རབ་འབྱམས་ལས་ཉི་ཤུ་རྩ་དྲུག་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས།། གཞན་ཡང ། ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ།
292a
༄#། །འཇམ་དཔལ། ཁྱོད་ཀྱི་ཆོ་གའི་རྒྱལ་པོ་ཆོས་ཀྱི་དབྱིངས་ཀྱི་མཛོད། དེ་བཞིན་གཤེགས་པའི་སྙིང་པོ། ཆོས་ཀྱི་དབྱིངས་ཀྱི་རྒྱུ་མཐུན་པའི་རྗེས་སུ་སྤྱོད་པ། མདོ་ཆེན་པོའི་མཆོག་།རིན་པོ་ཆེའི་ལེའུ། དེ་བཞིན་གཤེགས་པ་གསང་བའི་རྗེས་སུ་གནང་བ། སྔགས་ཀྱི་མཆོག་སྒྲུབ་པ་ལ་རྒྱུ་མཚན་ཤེས་པ་དང ། རྟགས་དང ། དུས་གཞན་ཤེས་པའི་སྒྲུབ་པའི་ཐབས་རྣམས་ངེས་པར་བསྟན་ཅིང་ཡང་དག་པར་བསྟན་ནོ། །འབྱུང་པོ་ཐམས་ཅད་ཀྱི་སྒྲ་སྒྲོགས་པ་དང ། སེམས་ཅན་དང ། སེམས་ཅན་མ་ཡིན་པའི་མིང་གི་སྒྲར་འགྱུར་བ་ནི་སྒྲ་ལས་བྱུང་བའི་མིང་དུ་ཤེས་པ་དང ། སྒྲ་ལས་བྱུང་བ་མ་ཡིན་པར་བསྟན་པ་དང ། དེ་བཞིན་དུ་འདྲེན་མ་དང་ལྡན་པའི་སྔགས་རྣམས་ནི་རྣམ་པ་གསུམ་དུ་བྱ་བ་ཡིན་ཏེ། སྒྲ་བཟང་ཡང་དག་ལྡན་པ་དང ། །རྟག་ཏུ་དོན་དང་རབ་ཏུ་འབྲེལ། །ཟུར་ཆག་ཚིག་དང་རྟག་ཏུ་བྲལ། །ལེགས་པར་སྦྱར་དོན་གྱིས་བརྒྱན་པ། །ཕྱི་རོལ་གྲུབ་མཐའ་ཡོད་མ་ཡིན། །འཕགས་པའི་སྔགས་སུ་རབ་ཏུ་བསྒྲགས། །རྟག་ཏུ་ཚིག་དོན་ལྡན་པ་སྟེ། །རྣམ་པ་གསུམ་གྱི་དབྱེ་བར་འགྱུར། །རིང་དང་ཐུང་དང་དེ་བཞིན་དུ། །བར་མའི་ཡི་གེས་བརྒྱན་པའང་ཡིན། །
292b
སྔགས་ཀྱི་ལྷ་མོར་གྱུར་པ་ནི། །དབྱངས་ཡིག་སྡེབ་སྦྱོར་གྱིས་བརྒྱན་པ། །དག་ནི་ལེགས་སྦྱར་ལེགས་སྦྱར་མིན། །ཅི་སྟེ་དོན་དང་དོན་མེད་མིན། །དོན་ལྡན་ཚིག་དང་དོན་མེད་ཚིག་།སྔགས་དོན་རྣམ་པར་གསུངས་པ་ཡིན། །རྣམ་རྟོག་མང་པོའི་ཚིག་དག་ནི། །འཇིག་རྟེན་པ་རྣམས་ཀུན་གྱི་སྔགས། །གཅིག་དང་གཉིས་ཀྱི་ཡི་གེ་དག། སྡེབ་སྦྱོར་དབྱངས་ཡིག་བཟང་པོ་བཞི། །གསུམ་དང་བཞི་དང་ལྔ་དང་དྲུག་།དེ་བཞིན་བདུན་པ་བརྒྱད་པ་ཡིན། །དགུ་པ་བཅུ་པ་དེ་བཞིན་དུ། །ཡི་གེ་དག་ནི་གྲུབ་པར་འདོད། །ཡི་གེ་བཅུ་དང་ཡང་དག་ལྡན། །ཡི་གེ་རྣམས་ཀྱི་གནས་པ་མཉན། །ཇི་སྲིད་འདི་དག་བཅུ་འགྱུར་ནི། །ས་སྟེང་འདི་ལ་ཡི་གེ་མཐོང ། །ཡི་གེ་དྲུག་དང་ཉི་ཤུ་དང ། །ཡི་གེ་གཅིག་གི་བར་དུ་འགྱུར། །འདི་ཙམ་ཚད་ཀྱི་ཡི་གེ་ནི། །སྔགས་ཀྱི་ཚིག་ནི་རྟག་ཏུ་སྦྱར། །རྐང་པ་བཞི་དང་ཡང་དག་ལྡན། །སྔགས་ནི་དོན་ཀུན་སྒྲུབ་པའོ། །མཆོག་ནི་རབ་མཆོག་དོན་ལྡན་པ། །སྔགས་ནི་གང་ཞིག་རྒྱལ་བས་གསུངས། །དེ་སྲས་རྒྱལ་བའི་སྲས་དག་གིས། །གསུངས་པ་དག་ནི་བར་མ་ཡིན། །འཇིག་རྟེན་ཀུན་གྱི་བསྟན་པ་ཡི། །སྔགས་ནི་ཐ་མར་འགྱུར་པ་ཡིན། །བདེན་བྲལ་གྱིས་བསྟན་ངན་པའང་ཡིན། །བཅོ་བརྒྱད་བདུན་ནམ་ཉི་ཤུ་འམ། །བརྒྱ་དང་ལྔ་བཅུ་དག་
293a
༄#། །གི་བར། །འདི་ཙམ་ཚད་ཀྱི་སྔགས་རྣམས་ནི། །རྒྱལ་བ་འཕགས་བས་གསུངས་པ་ཡིན། །གཅིག་དང་གཉིས་ཀྱི་ཡི་གེ་དང ། །ལྔ་བརྒྱའི་ཡི་གེའི་བར་འགྱུར་བ། །དེ་ཙམ་ཚད་ཀྱི་སྔགས་རྣམས་ནི། །བྱང་ཆུབ་སེམས་དཔས་རབ་ཏུ་གསུངས། །དེ་ནང་ཚིག་ནི་དགོད་པ་དང ། །སྔགས་དང་ལྡན་པར་བརྗོད་པ་ཡིན། །སྡེབ་སྦྱོར་ལྡན་ཞིང་དབྱངས་ཡིག་ལྡན། །སྐད་བྱིངས་དོན་གྱི་རྣམ་པར་བརྒྱན། །ཚིག་དང་ལེགས་པར་རབ་ལྡན་དང ། །རྒྱུད་དང་རིགས་པར་ལྡན་པ་དང། །སྒྲ་དང་དབྱངས་ཡིག་རྣམ་བྲལ་བ། །ནམ་ཞིག་ན་ནི་གྲུབ་པར་འགྱུར། །ལེགས་པར་རབ་ལྡན་སྒྲ་རྣམས་ཀྱང ། །སྤྱི་བོ་དྲོད་གནས་རྐན་དང་ནི། །སོ་མཆུ་ལྐོག་མའི་སྒྲ་དག་ནི། །སྦྱར་བ་བཞིན་དུ་རིམ་གྱིས་འབྱུང ། །མི་གསལ་བརྗོད་པས་ལྡོག་གྱུར་པ། །ལེགས་པར་རབ་ལྡན་བརྗོད་པ་ཡིན། །ཡོངས་རྫོགས་ཚིག་དང་སྒྲ་དག་དང ། །ཡང་དག་ལྡན་པས་བསྒྲུབ་པར་འགྱུར། །སྒྲུབ་པ་ཉམས་དང་བྱ་བ་ཉམས། །སྒྲ་དང་དོན་དང་རྣམ་བྲལ་ན། །མྱུར་དུ་སྔགས་རྣམས་མི་འགྲུབ་སྟེ། །ཡུན་རིང་དུས་སུ་འགྲོ་བ་ཡིན། །དེ་ལ་གྲུབ་པ་ཡོང་མེད་མིན། །ལོག་པར་ཡང་ནི་དེ་མི་བྱེད། །སྐྱེ་བ་གཞན་དུའང་སྣང་བ་སྟེ། །སྔགས་གྲུབ་མཆོག་
293b
ཀྱང་སྟེར་བར་འགྱུར། །ཡུན་རིང་དུས་སུ་བཟླས་པ་ཡི། །དེ་ཡི་སྔགས་ཀྱི་མཐུ་ཡིས་ནི། །སྔགས་རིག་སྐྱེ་བོའི་སྔགས་དེ་ནི། །དོན་མེད་ལས་ནི་བྱེད་མ་ཡིན། །སྔགས་རྣམས་ཀུན་གྱི་ཐ་མ་ནི། །མི་མ་ཡིན་པའི་འཇིག་རྟེན་པ། །འབྱུང་པོ་ཀུན་ནི་སེར་སྣར་བཅས། །གང་ཡིན་དེས་ནི་སྔགས་བསྟན་པའོ། །ཡི་གེ་གང་དག་ངེས་བསྟན་པ། །གཅིག་དང་གཉིས་ཀྱི་གྲངས་དག་དང ། །རྣམ་པ་སྣ་ཚོགས་ཀླ་ཀློའི་སྐད། །ཡུལ་གྱི་སྐད་དུ་བསྟན་པ་སྟེ། །ཕྲེང་དུ་བསྡེབས་དང་ལྡན་པ་དང ། །སྒྲ་ནི་འདྲེས་པར་གྱུར་པ་ཡིན། །དེ་དག་ཡི་གེ་གཅིག་པ་ནས། །རྩ་བརྒྱད་སྟོང་གི་བར་དུའོ། །ཚིག་རྐང་བཞི་དང་རྐང་མེད་དང ། །རྐྱང་པ་ཚིགས་སུ་སྦྱར་ངེས་བསྟན། །ཚིགས་བཅད་རྒྱུན་ཆགས་ཆ་དག་དང ། །ཚིགས་བཅད་ཚིགས་སུ་བརྗོད་པ་ཡིན། །ཡང་དང་ཡང་ནི་བརྗོད་དོན་ལྡན། །གསལ་བའི་དོན་གྱིས་བརྒྱན་པ་ཡིན། །ཟུར་ཆག་ལེགས་སྦྱར་སྒྲ་ཉམས་ཀྱང ། །དོན་ནི་རབ་ཏུ་བརྟག་པ་ཡིན། །མི་གསལ་གསལ་བ་མེད་པ་དང ། །ཡི་གེ་ཉམས་ཀྱང་འདོད་པ་ཡིན། །འགྲོ་བ་ཡུལ་དང་རྣམ་བྲལ་བ། དེ་ལའང་སྔགས་ནི་འགྲུབ་པར་བརྗོད། །དེ་ལྟར་སྔགས་རྣམས་ཀུན་ལ་ནི། །རྟག་ཏུ་ཕན་པས་རིགས་པར་གསུངས། །ཟག་མེད་ཟས་བཅས་ཐམས་ཅད་ཀྱི། །སྔགས་
294a
༄#། །རྣམས་འདི་ཡི་མཚན་ཉིད་ཡིན། །གང་ལ་ཡི་གེས་མང་ཞིང ། །ོཾ་ནི་ཏ་ཡིས་བརྒྱན་པ་ནི། །དེ་ལས་དེ་ཡི་མོད་ལ་ནི། །དེ་དག་ལ་ནི་ངེས་གྲུབ་འགྱུར། །དང་པོར་སྔགས་ནི་ཡི་གེ་ཨོཾ། །མཐའ་ན་ཡི་གེ་མ་ཡོད་ལ། །ཡི་གེ་ས་ནི་རྐང་པར་ལྡན། །དེ་བཞིན་ཏ་ཡིས་བར་མཛེས་ཤིང ། །ཏ་ཡི་རྣམ་པ་ཟུར་བཞིར་ལྡན། །མཐའ་གནས་ཡི་གེ་རྣམ་པར་སྤངས། །ར་གཉིས་ལྡན་པ་ཡི་གེ་ཏ། །སྔགས་རྣམས་ཀྱི་ནི་གྲུབ་པ་བྱེད། །དང་པོར་ར་གཉིས་མང་བ་དང ། །ཡི་གེ་ཧཱུཾ་གི་ཡོན་ཏན་ཡང ། །ཡི་གེ་ཙ་ནི་གྲུ་བཞིར་སྣང ། །དེ་དག་ཡི་གེ་སྒྲུབ་པར་བརྗོད། །ཡི་གེ་བྷ་ནི་རར་ལྡན་ཞིང ། །ཡིག་མཐར་མ་དང་ཡི་གེ་གནས། །དང་པོར་མ་དང་མང་ཡི་གེ་།དེ་ནི་སྔགས་ཀྱི་མཆོག་ཏུ་བསྟན། །གང་ཡང་ཡི་གེ་ན་མང་ཞིང ། །རྒྱུད་རྣམས་ཀུན་ལ་སྣང་བ་ཡིན། །སྔགས་དེ་དག་ནི་ཞི་བར་གསུངས།། གཤིན་རྗེ་ཧཱུཾ་གི་ས་བརྒྱན་པ་ཡིས། །ཡི་གེ་བྷ་ནི་མང་བ་དེ། །དབང་པོའི་རླུང་གི་ཕྱོགས་སུ་གསུངས། །ཡི་གེ་བ་ནི་ཆུ་ལྷར་གསུངས། །འཇིག་རྟེན་ཕན་ཞིང་རྒྱས་བྱེད་ཡིན། །སྔགས་གང་ཡི་གེ་ཨེ་མང་བ། །དབང་ཆེན་དེ་ནི་རབ་ཏུ་སྣང ། །དང་པོ་དཀོན་མཆོག་གསུམ་སྐྱབས་འགྲོ། །གང་ཡིན་སྔགས་ནི་དེ་བཞིན་དུ། །
294b
ཕྱག་འཚལ་བ་ལ་རབ་འཇུག་དང ། །ཞི་བའི་རྒྱུ་དང་བདེ་བ་བྱེད། །དེ་ལས་གཞན་པའི་ལྷ་རྣམས་ལའང ། །ཕྱག་འཚལ་དོན་དུ་རབ་ཏུ་སྦྱར། །སྔགས་དང་རྒྱུད་ལ་རང་གི་སྔགས། །རང་སྔགས་ལས་ནི་ཐམས་ཅད་པ། །གང་ལ་ཡི་གེ་ར་མང་ཞིང ། །མཐའ་ན་ཡི་གེ་ཕཊ་ཧཱུཾ་བཅས། །འདི་དག་སྔགས་ནི་གདུག་པ་ཆེ། །གཟི་བརྗིད་ལྡན་ཞིང་གཟི་མདངས་ཆེ། །མི་ཞི་སྲོག་གཅོད་བྱེད་པ་སྟེ། །གདུག་པའི་སེམས་ཅན་དག་ལ་སྦྱར། །ཁྱད་པར་དུ་ན་སྡིག་ཡོད་པས། །དེ་བས་ལས་དེ་མི་བྱའོ། །རྟག་ཏུ་ཐུབ་པས་སྤངས་བས་ན། །འབད་དེ་ཟློས་པོས་སྤང་བར་བྱ། །སྔགས་ནི་ཞི་དང་རྒྱས་པ་དག་།གཉིས་ཀྱི་དོན་ནི་འགྲུབ་འགྱུར་ཏེ། །ལས་ལ་ཇི་སྲིད་གསུངས་པ་དག་།སྐད་ཅིག་གིས་ནི་ཐམས་ཅད་འགྲུབ། །འདི་དག་སྔགས་ནི་ལེགས་བཟླས་ན། །གཟི་བརྗིད་ལྡན་ཞིང་རྫུ་འཕྲུལ་ཆེ། །རྒྱལ་བས་གསུངས་པའི་སྔགས་ཀྱིས་ནི། །ཞི་བའི་ལས་ནི་བྱ་བ་ཡིན། །རིན་ཆེན་རིགས་ཀྱིས་བྱ་བ་ནི། །རྒྱས་པའི་ལས་ནི་ཐམས་ཅད་དོ། །གང་དག་སྡིག་པའི་ལས་རྣམས་ཀུན། །མངོན་སྤྱོད་ལ་ནི་རབ་ཏུ་སྦྱར། །མངོན་པར་སྤྱོད་བའི་ལས་རྣམས་ནི། །རྡོ་རྗེའི་རིགས་ཀྱིས་བྱ་བ་ཡིན། །འཇིག་རྟེན་མགོན་གྱིས་བཀག་ན་ཡང ། །གནོད་སྦྱིན་དབང་ལ་རབ་ཏུ་བསྟན། །སེམས་ཅན་རྣམས་ནི་གདུལ་
295a
༄#། །བའི་ཕྱིར། །སྔགས་ཀྱི་ཆེ་བའི་བདག་ཉིད་གསུངས། །རིགས་གསུམ་ཉིད་ཀྱིས་ཐམས་ཅད་དུ། །རྣམ་པ་གསུམ་དུ་བསྟན་པ་ཡིན། །ཐུབ་པ་ཉིད་ཀྱིས་རིགས་དག་ནི། །གང་ཡང་བརྒྱད་དུ་ཡང་དག་བསྟན། །གྲུབ་པ་དེ་དག་རྣམས་གསུམ་འགྱུར། །རྣམ་པ་གསུམ་དུ་ཡང་དག་བསྟན། །མཆོག་དང་བར་མ་ཐ་མ་ནི། །དེ་དག་རྣམ་པ་གསུམ་འབྱེད་པ། །ཞི་དང་རྒྱས་པ་དག་དང་ནི། །མངོན་སྤྱོད་པར་ནི་འདོད་པ་ཡིན། །སྔགས་དང་ལྡན་པ་ཉིད་དག་དང ། །རྒྱུད་དང་ལྡན་པ་ཁོ་ནར་བསྟན། །སྔགས་ཀྱི་འགྲོ་བའི་བདག་ཉིད་ཆེ། །མངོན་པར་སྤྱོད་ལ་སྦྱར་བ་ཡིན། །འདི་དག་ལས་ནི་མི་འདོད་དེ། །ཐུབ་པ་མཆོག་གིས་སྨད་པ་ཡིན། །ཤིན་ཏུ་ཉམ་ངར་གྱུར་ཀྱང་ནི། །སྲོག་ལ་གནོད་ལས་མི་བྱའོ། །མདོར་བསྡུ་ན་ནི་མ་འདྲེས་པ་དང ། །ལས་ཀྱི་བདག་ཉིད་ཆེན་པོར་བསྟན། །དེར་ནི་རིགས་དང་ཆོ་ག་སྔགས། ། ལས་ནི་རྒྱ་ཆེ་རྒྱ་ཆེ་བ། །ཆོ་གའི་རྒྱལ་པོ་འདི་ལ་གསུངས། །རྒྱུད་གཞན་དག་ལའང་སྣང་བ་ཡིན། །ལས་ཉམས་རྣམས་ནི་མི་བསྟན་ཅིང ། །སྔགས་རྣམས་ཀུན་ལ་རིག་པར་ལྡན། །འཇིག་རྟེན་སྔགས་རྣམས་ཇི་སྙེད་པ། །དེ་བཞིན་ཆ་བཅས་ཆ་མེད་པའོ། །འཇིག་རྟེན་འདས་པ་ཐམས་ཅད་ཀྱང ། །འདི་འདྲའི་ཡོན་ཏན་
295b
ཤེས་པར་བྱ། །སྔགས་གྲུབ་གྲངས་ནི་མེད་གྱུར་ཀྱང ། །དེ་གྲངས་ཡོངས་སུ་བརྗོད་པར་བྱ། །དང་པོ་གྲངས་ཅིག་འབྱུང་བ་སྟེ། །དེ་བཞིན་ཉི་ཤུའང་ལྡན་པར་འབྱུང ། །དེ་ནས་མདོར་ན་སུམ་ཅུ་སྟེ། །དེ་ལས་གཞན་ཡང་བཞི་བཅུ་ཡིན། །དེ་ཕྱེད་བསྣན་ན་དྲུག་ཅུ་སྟེ། །དེ་བཞིན་བཅུས་བསྣན་བདུན་ཅུ་ཡིན། །དེ་སྟེང་བཅུ་ནི་བསྣན་པ་ལ། །བརྒྱད་ཅུའི་གྲངས་སུ་གསུངས་པ་ཡིན། །དེ་ལ་བཅུས་བསྣན་དགུ་བཅུར་གསུངས། །བཅུ་གཞན་གྱིས་བསྣན་བརྒྱ་ཡིན་ཏེ། །བརྒྱ་ཡི་གྲངས་ཀྱིས་བགྲང་བ་ཡིན། །དེ་དག་བཅུ་ལ་སྟོང་ཕྲག་གཅིག་།སྟོང་ཕྲག་བཅུ་ལ་ཁྲི་ཡིན་ཏེ། །ཁྲི་བཅུ་ལ་ནི་འབུམ་ཕྲག་གཅིག་།འབུམ་ཕྲག་བཅུ་ལ་ས་སྟེ། །ས་ཡ་བཅུ་ལ་བྱེ་བ་ཡིན། །བྱེ་བ་བཅུ་ལ་དུང་ཕྱུར་ཏེ། །དུང་ཕྱུར་བཅུ་ལ་ཐེར་འབུམ་ཡིན། །དེ་བཅུ་ཐེར་འབུམ་ཆེན་པོར་བསྟན། །དེ་བཅུ་ལ་ནི་ཤུག་རྔོག་སྟེ། །ཤུ་རྔོག་བཅུ་ལ་མཆོག་ཉལ་ཡིན། །མཆོག་ཉལ་བཅུ་ལ་རྐྱང་ཕྱེ་སྟེ། །རྐྱང་ཕྱེ་ཆེན་པོ་དེ་བཅུ་ཡིན། །དེ་བཅུ་ལ་ནི་ཁྱད་ཕྱིན་ཡིན། །ཁྱད་ཕྱིན་ཆེན་པོ་དེ་བཅུ་ཡིན། །དེ་དག་བཅུ་ལ་སྒྱུ་མར་བརྗོད། །སྒྱུ་མ་ཆེན་པོ་དེ་བཅུ་ཡིན། །དེ་བཅུ་ལ་ནི་མཚོ་ལས་ཞེས། །འཇིག་རྟེན་འདྲེན་པས་གསུངས་པ་ཡིན། །མཚོ་ཡས་ཆེན་པོ་དེ་དག་བཅུ། །མཚོ་ཡི་
296a
༄#། །ཆེན་པོ་དེ་བཅུ་ལ། །དུག་ཆེན་པ་ཡི་རྒྱ་མཚོ་ཡིན། །དེ་དག་ཉི་ཤུའི་ཕྱེད་ལ་ནི། །དུག་ཆེན་རྒྱ་མཚོ་ཆེན་པོ་ཡིན། །དུག་ཆེན་རྒྱ་མཚོ་བཅུ་ལ་ནི། །མཆོག་ཡས་ཞེས་ནི་བརྗོད་པ་ཡིན། །མཆོག་ཡས་བཅུ་ཞེས་བསྟན་པ་ནི། །བན་བུན་དག་ཏུ་རབ་ཏུ་བསྟན། །བན་བུན་དེ་དག་བཅུ་ལ་ནི། །དེ་ནི་མ་ལུས་པ་ཞེས་བརྗོད། །དེ་དག་ཉི་ཤུའི་ཕྱེད་ལ་ནི། །མ་ལུས་ཆེན་པོ་ཞེས་སུ་བརྗོད། །དེ་ཚེ་གྲངས་ཀྱི་ཚད་དུ་ནི། །འཇིག་རྟེན་འདྲེན་པས་གསུངས་པ་ཡིན། །བཅུ་ཡི་གྲངས་ཀྱིས་བཅུར་བྱས་ན། །གྲངས་ནི་གྲངས་མེད་ཅེས་སུ་བརྗོད། །གྲངས་མེད་བཅུར་ནི་བསྒྱུར་བྱས་ན། །དེ་ལས་གཞན་དུ་དཔག་མེད་ཡིན། །དཔག་མེད་སྟོང་དུ་བསྒྱུར་བྱས་ན། །འཇིག་རྟེན་ཞེས་ནི་ཡོངས་སུ་བསྟན། །འཇིག་རྟེན་དེ་བཅུ་འཇིག་རྟེན་ཆེ། །འཇིག་རྟེན་ཆེན་པོ་བསྒྲེས་བྱས་ན། །དེ་འོག་མུན་པ་ཞེས་སུ་བརྗོད། །མུན་པ་ལས་ནི་སྣང་བར་བརྗོད། །སྣང་བ་ཆེན་པོ་དེ་དག་བཅུ། །དེ་བཅུ་ལ་ནི་ཕུང་པོར་བརྗོད། །ཕུང་པོ་དེ་བཅུ་བསྒྲེས་ན་ནི། །ཕུང་པོ་ཆེན་པོར་དེ་བརྗོད་དོ། །ཕུང་པོ་ཆེན་པོ་དེ་བཅུ་ལ། །འདི་ནི་ཟབ་པ་ཞེས་བརྗོད་དོ། །ཟབ་པ་ལས་ནི་བརྟན་པར་བརྗོད། །བརྟན་པ་ལས་ནི་རབ་བརྟན་འགྲོ། །དེ་ནས་གོང་དུ་མང་ལྡན་ཡིན། །
296b
མང་པོར་འདོད་པ་གནས་སུ་བརྗོད། །རྩིས་ཤེས་དམ་པས་གནས་སུ་བརྗོད། །དེ་ནས་གནས་ནི་ཆེན་པོར་འགྲོ། །ཆེན་པོའི་གགས་ཞེས་འདོད་པ་བཞིན། །དཔག་དང་\?\་དཔག་མེད་མཉམ་བྱས་ནས། །དེ་དོན་ཆེན་པོར་ཡོངས་སུ་བསྒྲགས། །དོན་ཆེན་རབ་འབྱོར་གནས་དང་ནི། །དེ་ལས་རྒྱ་མཚོ་ཆེན་པོར་འགྲོ། །དང་པོ་རྒྱ་མཚོ་ཆེན་པོར་བསྟན། །དང་པོའི་དང་པོར་ཕན་པ་དང ། །དང་པོ་མཆོག་ཅེས་བྱ་བར་བསྟན། །མཆོག་ལས་གཙོ་བོར་བརྗོད་པ་སྟེ། །གཙོ་ལས་ཁྱིམ་གྱི་མིང་ཡིན་ནོ། །དེ་ནི་བསམ་མི་ཁྱབ་པར་བརྗོད།། བསམ་མི་ཁྱབ་ལས་མི་བཟད་གཟུགས། །མི་བཟད་གཟུགས་ལས་རྒྱས་ཐབས་འདོད། །རྒྱལ་ཐབས་ལས་གཞན་གཏེར་ཡིན་ཏེ། །དེ་ཡི་འོག་མ་དགེ་བ་ཡིན། །དགེ་བའི་ཕ་རོལ་སེམས་ལས་བྱུང ། །དེ་ལས་གཞན་པའི་སེམས་བྱུང་ཆེ། །སེམས་ལས་སེམས་ནི་རྣམ་པར་གཡེང ། །བརྗོད་པ་ཞེས་ནི་དེ་ལ་བྱ། །བརྗོད་པ་ལས་ནི་བརྗོད་མེད་ནས། །བསྙད་ཡས་སུ་ཡང་བརྗོད་པ་ཡིན། །བསྙད་ཡས་ལས་གཞན་བསྙད་ཡས་ཆེ། །དེ་ཚེ་ཕྱར་ཕྱུར་ཞེས་ཀྱང་བརྗོད། །ཕྱར་ཕྱུར་ལས་ནི་ཕྱར་ཕྱུར་ཆེ། ། ཤུ་རྡོག་དེ་བཞིན་ཤུ་རྡོག་ཆེ། །རྩིས་ཀྱི་ཕ་རོལ་ཕྱིན་པའི་གནས། །དགེ་ཞིང་ཞི་བ་ཞེས་སུ་བསྟན། །དེ་ནས་བགེགས་ཆེན་མཐོང་བ་སྟེ། །ཆུ་འབྱུང་ཞེས་ནི་དེ་
297a
༄#། །ལས་བརྗོད། །ཆུ་འབྱུང་དེ་ལས་སེམས་འཕྲུལ་གནས། །དེ་ལས་གཞན་པ་དམ་པ་ཡིན། །དེ་ལས་ཕ་རོལ་སངས་རྒྱས་ཡུལ། །དེ་ལས་གཞན་ནི་འཕེལ་བྱེད་ས། །འཇིག་རྟེན་མི་ཡི་རྩིས་དག་ནི། །བགྲང་བར་ཡང་ནི་མི་ནུས་སོ། །དེ་ལས་གཞན་དུ་སངས་རྒྱས་ཀྱི། །གོ་འཕང་དང་ནི་སྤྱོད་ཡུལ་ཡིན།། སངས་རྒྱས་ཞིང་ནི་གངྒཱའི་ཀླུང ། །བྱེ་མ་སྙེད་དུ་བརྗོད་པ་ནི། །བསྡུས་ནས་རྡུལ་གྱི་ཚོགས་དག་ནི། །འདྲེན་པས་བསྟན་པ་མཛད་པ་ཡིན། །འདི་དག་དཔེར་ནི་བྱས་པ་སྟེ། །ཚད་མ་ཤེས་པའི་སྤྱོད་ཡུལ་མིན། །རྒྱུ་ཡིས་དངོས་པོ་བསྒྲུབ་བྱ་སྟེ། །རྩིས་ཀྱི་ཕ་རོལ་ཕྱིན་མི་ནུས། །འདི་ཙམ་རྫོགས་པའི་སངས་རྒྱས་ལ། །སྔོན་ནི་ང་ཡིས་བསྙེན་བཀུར་བྱས། །དཔག་མེད་བསྐལ་པ་དག་ཏུ་ནི། །དེ་དག་ལ་ནི་མཉེས་བྱས་ནས། །དེ་ཙམ་དུས་ཀྱི་མཐར་ཐུག་པར། །ང་ནི་བྱང་ཆུབ་སེམས་དཔར་གྱུར། །སེམས་ཅན་དོན་ནི་བསྒྲུབ་བྱའི་ཕྱིར། །སངས་རྒྱས་ཉིད་དུའང་ཡང་དག་བསྟན། །དེ་དང་དེར་ནི་བདག་གི་སྔགས། །ཆོ་ག་རྒྱ་ཆེན་བསྟན་པ་ཡིན། །ཆོ་ག་ཡི་ནི་རབ་མཆོག་འདི། །སངས་རྒྱས་འདི་དག་ཀུན་གྱིས་གསུངས། །འདི་ཙམ་ཚད་ཀྱི་སངས་རྒྱས་ཀྱིས། །སྔོན་ཆད་འདི་ནི་གསུངས་པ་ཡིན།།
297b
དུས་ཀྱི་ཐ་མའི་སྐྱེ་བོ་ལ། །གཞོན་ནུ་ང་ཡང་ང་ཡིས་བསྟན། །ཇི་སྙེད་འཇིག་རྟེན་སྔགས་རྣམས་དང ། །ཆོ་གའི་རྒྱལ་པོའི་སྣོད་དང་ནི། །དེ་བཞིན་འཇིག་རྟེན་འདས་པ་དང། །མི་དང་ལྷ་དང་ལྷ་མིན་དང ། །ཐམས་ཅད་ཀུན་གྱི་སྔགས་རྣམས་ནི། །རྒྱུད་དང་རིགས་པར་རབ་ཏུ་བསྟན། །ཆོ་གའི་རྒྱལ་པོ་རྫུ་འཕྲུལ་ཆེ། །གང་དུ་ཀུན་གྱིས་ཡོངས་སུ་བཀུར། །དེ་དག་ཆོ་ག་ཞིབ་མོ་ཡིས། །འཇམ་པའི་ངག་ནི་འགྲུབ་པར་འགྱུར། །འཇམ་དཔལ་དབྱངས་ཀྱི་ཆོ་ག་ནི། །འདི་ཉིད་ཀྱི་ནི་ཞིབ་མོ་ཞེས། །དེ་དག་འགྲུབ་པར་གསུངས་པ་སྟེ། །ཐམས་ཅད་ཀུན་པས་མཐུ་ལྡན་འགྱུར། །གང་ཡང་མི་ཡི་འཇིག་རྟེན་དང ། །གང་གཞན་སྔགས་ཀྱི་ལྷ་མོ་དང ། །འཇིག་རྟེན་འདས་པའི་སྔགས་ཀུན་དང ། །འཇིག་རྟེན་རྫུ་འཕྲུལ་ཆེ་དང་བཅས། །འདི་ཉིད་ཚུལ་གྱི་ཆོ་ག་ཡིས། །ཆོ་གའི་རྒྱལ་པོས་འགྲུབ་པ་ཉིད། །སྔགས་རྣམས་ཀུན་དང་ཆོ་ག་ཀུན། ། འདི་ཡི་དབང་དུ་འགྱུར་བར་བསྟན། །ཆོ་གའི་རྒྱལ་པོ་བླ་མེད་འདི། །གང་དུ་འཇམ་དཔལ་གྱིས་རབ་བཞེད། །གང་ཡང་བཟོ་ནི་རྣམ་པར་ཤེས། །འཇིག་རྟེན་པ་ཡི་འཇིག་རྟེན་འདོད། །རྒྱུ་མཚན་ཤེས་དང་ལ་ཉེ་བཟང ། །སྐར་མའི་དཔྱད་ཀྱི་རྟགས་དང་ནི། །རྒྱུ་མཚན་ཤེས་དང་སྤྱོད་པ་དང ། །སྒྲ་སྐད་དགེ་དང་མི་དགེ་དང ། །འབྱུང་
298a
༄#། །པོ་ཀུན་གྱི་སྐད་ཤེས་དང ། །སྤྱོད་དང་སེམས་ཀྱི་སྤྱོད་པ་དང ། །ཟུར་གྱིས་ཤེས་པ་དག་ཀྱང་བཤད། །དེ་བཞིན་གཏེར་ལྟ་ནོར་སྒྱུར་བྱེད། །རྩི་དང་བརྡའ་སྤྲོད་བསྟན་བཅོས་དང ། །གོས་ཀྱི་རིམ་པའི་ཆོ་ག་དང ། །ནད་རིག་གསོ་བ་རིག་པ་དང ། །དེ་ཉིད་ཐམས་ཅད་ཕན་དང་བདེ། །གཏན་ཚིགས་ལུགས་ཀྱི་བསྟན་བཅོས་དང ། །གཞན་ཡང་སྒྲ་ཡི་བསྟན་བཅོས་བསྟན། །སྡེབ་སྦྱོར་རིག་བྱེད་དྲི་ཟའི་གླུ། །སྤོས་སྦྱོར་དག་ཀྱང་བསྟན་པ་ཡིན། །བདག་གིས་བྱང་ཆུབ་སེམས་ཀྱིས་ནི། །སེམས་ཅན་དོན་ཕྱིར་བཤད་པ་ཡིན། །བདག་ནི་བྱང་ཆུབ་སེམས་སྔོན་གྱུར། །འཁོར་བའི་རྒྱ་མཚོར་སྔར་གནས་ཚེ། །སེམས་ཅན་རྣམས་ལ་ཕན་པའི་ཕྱིར། །བདག་གིས་སུ་ནི་བཤད་པ་ཡིན། །འཁོར་བའི་དགོན་པ་ཚང་ཚིང་དུ། །བདག་ནི་ཡུན་རིང་དུས་སུ་གནས། །ཇི་ལྟར་གདུལ་བྱའི་སེམས་ཅན་ལ། །དེ་ལྟར་བདག་གིས་དེ་བཞིན་བྱས། །ཇི་ལྟ་ཇི་ལྟར་སེམས་ཅན་རྣམས། །ཕན་པའི་ལས་ནི་ལེན་པ་དག་།ཕན་དོན་ལས་ཀྱི་དགེ་བའི་གཞི། ། དེ་ལྟ་དེ་ལྟར་འདི་དག་བྱས། །སྣ་ཚོགས་ལས་ཀྱིས་བསྒྱུར་བ་ཡི། །སེམས་ཅན་འགྲོ་བའི་སྐྱེ་གནས་དག་།འདི་དག་བྱ་བ་སྣ་ཚོགས་བྱས། །སྣ་ཚོགས་སྐྱེ་གནས་
298b
རབ་ཏུ་བསྟན། །ལས་རྣམས་སྣ་ཚོགས་ལྡན་པ་ཡིས། །སྣ་ཚོགས་དོན་གྱི་བསྟན་བཅོས་བསྟན། །རྣམ་པ་སྣ་ཚོགས་གཟུགས་ལྡན་པས། །འདི་ལ་དེ་བཞིན་བྱས་པ་བཞིན། །སྣ་ཚོགས་འགྲོ་བའི་སྐྱེ་གནས་སུ། །བདག་གིས་དེ་བཞིན་ཆ་བྱད་བྱས། །ཕན་པའི་བསམ་པས་སེམས་ཅན་ལ། །སྣ་ཚོགས་གཟུགས་ནི་བདག་གིས་སྤྲུལ།། དབང་ཕྱུག་བརྒྱ་བྱིན་ཚངས་པ་སོགས། །ཁྱབ་འཇུག་ནོར་སྦྱིན་བདེན་བྲལ་དང ། །སྣ་ཚོགས་གཟའ་ཡི་གཟུགས་སོགས་ཀྱང ། །དེ་ཚེ་སྔོན་ནི་ང་ཡིས་སྤྲུལ། །ཐུགས་རྗེ་ཆེན་པོའི་དབང་གྱུར་ཐུགས། །སེམས་ཅན་བསམ་པའི་སྤྱོད་ཡུལ་ཅན། །དེ་དག་ལ་ནི་རིམ་གྱིས་སུ། །ཞི་བའི་གནས་ལ་བཞག་པ་ཡིན། །འཁོར་བར་ཕན་ཚུན་འགྲོ་བ་ན། །ཡུན་རིང་དུས་སུ་ཐོགས་པ་ནི། །སེམས་ཅན་རྣམས་ཀྱི་དོན་བསྒྲུབ་ཕྱིར། །སྔགས་ཀྱི་ཚུལ་གྱིས་བསྟན་པ་ཡིན། །ཡུན་རིང་འཁོར་བའི་སྐྱེ་བར་ངེས། ། སངས་རྒྱས་རིགས་ལ་བརྟེན་ནས་ནི། །ཡེ་ཤེས་སྔགས་དང་ཆོ་ག་ནི། །མཐར་གྱིས་བསྟན་པར་བྱས་པ་ཡིན། །བྱེད་པ་དང་ནི་བདག་པོའང་རུང ། །ང་ལ་གང་ཡང་ཡོད་མིན་ཏེ། །ངེས་པའི་རིགས་ལ་བརྟེན་ནས་ནི། །ང་ཡི་སངས་རྒྱས་བྱང་ཆུབ་མཆོག་།བདེ་བ་ནད་མེད་ཡང་དག་ཞི། །དྲི་མེད་མྱ་ངན་མེད་ཞི་བ། །ངས་ཐོབ་མྱ་
299a
༄#། །ངན་འདས་ཞིབ། །སྐྱེ་བའི་འཆིང་ལས་ང་རབ་གྲོལ། །ཡང་ན་འཁོར་ལོ་རབ་བསྐོར་ཞིང ། །ཡང་དག་མཐའ་ལ་བརྟེན་ནས་ནི། །སྔགས་ཀྱི་ཚིག་ནི་རྒྱ་ཆེན་དང ། །ཆོ་ག་འདི་ནི་ང་ཡིས་བསྟན། །ལས་དང་ཆོ་ག་རྒྱ་ཆེ་བ། །ཟློས་པས་དོན་མེད་མི་བྱའོ། །འཇིག་རྟེན་ཇི་སྙེད་སྔགས་རྣམས་དང ། །ཆོ་ག་དག་ཀྱང་རབ་བསྟན་པ། །དེ་ཀུན་མཆོད་ཅིང་རི་མོར་བྱ། །དེ་དག་ལ་ནི་བརྙས་པ་སྤང ། །ཆོ་ག་རྒྱ་ཆེན་དེ་དག་ཀྱང ། །དེས་ན་སྔགས་པས་བརྙས་མི་བྱ། །རྒྱུ་མཚན་ཤེས་དང་རིག་པ་དང ། །སྐར་མའི་དཔྱད་ཤེས་སྐད་ཤེས་པ། །འདི་དག་དོན་མེད་མི་བྱ་སྟེ། །བཀྲ་ཤིས་དོན་དུ་བསྟན་པ་ཡིན། །མཐོང་བའི་ཆོས་ཀྱི་དོན་དུ་ཡང ། །གྲུབ་པའི་རྫས་སོགས་སྨན་དང་ནི། །ཟང་ཟིང་བཅས་པར་མིག་སྨན་འགྲུབ། །དེ་ལས་བཀྲ་ཤིས་འགྲུབ་པ་ཡིན། །རབ་བསྔགས་རྒྱལ་བའི་ཚིགས་བཅད་དང ། །བདེ་ལེགས་ཚིགས་བཅད་ཀྱིས་བརྒྱན་པ། །རབ་བསྔགས་ཞག་ནི་བཟང་པོ་དག་།ཡར་ངོ་དག་གིས་ལེགས་མཚན་པ། །གཟའ་མཆོག་དཀར་བ་དག་ལྡན་ལ། །སྔགས་སྒྲུབ་པ་ནི་བརྩམ་པར་བྱ། །དེ་ལ་སོགས་པའི་དགེ་དང་ལྡན། །མི་དགེ་དག་ཀྱང་སྤང་བྱ་བ། །ང་ཉིད་ཀྱིས་ནི་སྔོན་བསྟན་ཏེ། །དེ་བས་ཟློས་པས་གཟུང་བར་བྱ། །འཇིག་
299b
རྟེན་ཇི་སྙེད་གང་སུ་དག་།སྐར་མའི་དཔྱད་ལ་མཁས་པ་དང ། །གཞན་གྱི་རྒྱུད་ལ་མཁས་པ་དང ། །ལུགས་ཀྱི་བསྟན་ཆོས་གཏན་ཚིགས་བཅས། །རིག་པའི་བསྟན་བཅོས་ལེགས་འབྲེལ་བ། །སེམས་ཅན་རྣམས་ལ་ཕན་བྱེད་གང ། །དེ་ཀུན་ང་ཡིས་སྔོན་གསུངས་ཏེ། །སྔགས་ཟློས་པས་ནི་གཟུང་བར་བྱ། །ལམ་འདི་གྲུབ་པའི་རྒྱུ་ཡིན་བར། །དེ་ཉིད་གཟིགས་པས་བསྟན་པ་ཡིན། །གྲུབ་པའི་མཐའ་ནི་མཐའ་དག་ཀུན། །གང་ཡིན་ཐར་པའི་རྒྱུར་གསུངས་པ། །སྔགས་ཀྱི་ལམ་གྱིས་གྲུབ་པའི་རྒྱུར། །ང་ཉིད་ཀྱིས་ནི་བྱས་པ་ཡིན། །སྔགས་ཀྱི་རིག་པ་མཐའ་དག་ནི། །ཟློས་པས་དོན་མེད་མི་བྱའོ། །འཇིག་རྟེན་པ་ཡི་སྔགས་ཀུན་དང ། །ངམ་པར་ཡང་ནི་རབ་བསྟན་དང ། །དེ་བཞིན་འཇིག་རྟེན་འདས་བཟང་པོ། །ཐམས་ཅད་ཀུན་ལ་རབ་སྦྱར་བྱ། །སེམས་ནི་ལོག་པར་མི་བྱ་སྟེ། །ཡིད་ཀྱིས་ནམ་ཡང་སུན་མི་དབྱུང ། །སྔགས་རྣམས་ཀུན་ལ་མཆོད་བྱེད་པ། །དམ་ཚིག་ཤེས་པར་རབ་ཏུ་བསྟན། །སངས་རྒྱས་དགོངས་ཤིང་ཕན་པ་ཡིན། །དེ་བཞིན་སྟོན་པའི་བསྟན་པ་ལ། །རབ་ཞུགས་རྒྱལ་བའི་སྲས་རྣམས་ཀྱང། །ཞུགས་པར་རབ་ཏུ་ཤེས་པ་ཡི། །ཐུབ་ཟླའི་དཀྱིལ་འཁོར་དག་ལ་ནི། །འདི་ནི་དམ་ཚིག་བཤེས་པར་གསུངས། །རྟག་ཏུ་སྔགས་རྣམས་དོན་ཡོད་དེ། །ཡང་དག་
300a
༄#། །བསམ་པ་ཐོབ་པ་ཡིན། །གཞན་དབང་ངས་ནི་མ་བྱས་ཏེ། །བརྙས་པ་དག་ཀྱང་སྤྱད་མ་ཡིན། །སྔགས་རྣམས་འཕགས་པ་མ་ཡིན་པའང་།། དེ་དག་དོན་མེད་བྱས་མིན་བརྗོད། །འཇིག་རྟེན་ཇི་སྲིད་སྔགས་རྣམས་སམ། །ཡང་ན་གཟུགས་སུ་བྱུང་བའང་རུང ། །ཀུན་ནས་ཉོན་མོངས་མཐོང་ལམ་མཐའ། །དེ་དག་འབྲས་བུ་ཡོད་པར་བསྟན། །ཁྲོས་དང་ཞེ་སྡང་ལྡན་པ་ཡིས། །དོན་མེད་པར་ནི་མི་བྱའོ། །མི་འདོད་གུས་པ་མེད་པ་ཡིས། །ལས་ནི་མི་བྱ་འབྲས་བུ་མེད། །དེ་དང་འབྲེལ་བའི་སེམས་ལ་ནི། །ནམ་ཡང་དེ་ལ་སྦྱིན་མི་བྱ། །རྟག་ཏུ་མཉམ་པར་གཞག་ནས་སུ། །སྔགས་ཚིག་ལྡན་པར་བཟླས་བྱས་ཤིང ། །ཆོ་ག་ཇི་བཞིན་གཟུང་བྱས་ན། །འབྲས་བུ་མཐའ་དག་ཐོབ་པར་འགྱུར། །ཡིད་ནི་གཡོ་མེད་བྱས་ནས་ཀྱང ། །སྔགས་གཅིག་དེ་ནི་བཟླས་པར་བྱ། །སྔགས་ནི་དོན་ཀུན་སྒྲུབ་པ་སྟེ། །རྩེ་གཅིག་སེམས་ཀྱིས་འགྲུབ་པར་འགྱུར། །རྨོངས་པའི་བདག་ཉིད་གཡེང་བའི་སེམས། །དེ་ལ་གྲུབ་པ་འགྲུབ་མི་འགྱུར། །གང་ལ་ཡིད་ནི་དག་པ་དང ། །བསྟན་པ་ལ་ནི་རབ་དད་པ། །འབྲས་བུ་མཐའ་དག་འགྲུབ་པ་སྟེ། །འགྲོ་བ་དམ་པ་འཐོབ་པར་འགྱུར། །དཀོན་མཆོག་གསུམ་ལ་དད་པ་ནི། །འདོད་པའི་གྲུབ་པ་ཉེ་བར་བསྟན།།
300b
འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ལས་དང ། བྱ་བ་དང ། ཆོ་ག་དང ། རྒྱུ་མཚན་ཤེས་པའི་ལེའུ་རབ་འབྱམས་ལས་ཉི་ཤུ་རྩ་བདུན་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཁྱོད་ཀྱི་ཕྱག་རྒྱ་དང ། སྔགས་རབ་འབྱམས་མཆོག་ཏུ་ཤིན་ཏུ་གསང་བ་ཉོན་ཅིག་།མ་དད་པའི་སེམས་ཅན་དང ། དེ་བཞིན་གཤེགས་པའི་བསྟན་པ་ལ་མངོན་པར་དད་པ་མེད་པ་དང ། དམ་ཚིག་མེད་པ་དང ། གནང་བ་མེད་པ་དང ། དཀོན་མཆོག་གསུམ་གྱི་གདུང་རྒྱུན་གཅོད་པར་བྱེད་པ་དང ། མི་དགེ་བའི་བཤེས་གཉེན་གྱིས་ཡོངས་སུ་ཟིན་པ་དང ། བསོད་ནམས་མི་འདོད་པ་དང།་སྐྱེ་བོ་སྡང་བ་དང་འགྲོགས་ཤིང་འདྲེས་པ་དང ། སྡིག་པའི་གྲོགས་པོས་ཡོངས་སུ་ཟིན་པ་དང ། སངས་རྒྱས་དང་ཆོས་ལས་ཐག་རིང་དུ་གྱུར་པ་དང ། ཆོ་ག་འདི་ལས་འབྲས་བུ་མེད་པར་གྱུར་བ་དང ། སློབ་དཔོན་གྱིས་མན་ངག་མེད་བ་དང ། གཞོན་ནུ། །ཁྱོད་ཀྱི་གསང་བའི་དཀྱིལ་འཁོར་ལ་དབང་མ་བསྐུར་བ་དང ། དེ་བཞིན་གཤེགས་
301a
༄#། །པའི་རིགས་ལ་དམ་ཚིག་མ་མཐོང་བ་དང ། སྐྱེ་བོ་མངོན་པར་མི་འདོད་པ་དང ། སྣོད་དུ་མ་གྱུར་པའི་སེམས་ཅན་རྣམས་ལ་བསྟན་པར་མི་བྱའོ། །སངས་རྒྱས་ཆོས་ལ་མ་དད་དང ། །བྱང་ཆུབ་ལམ་ནི་རིང་གྱུར་ལ། །དེ་ལ་ཕྱག་རྒྱ་མི་སྦྱིན་ཞིང ། །རྒྱུད་ཉིད་ཀྱང་ནི་བསྟན་མི་བྱ། །བག་མེད་རྨོངས་པར་གྱུར་པའམ། །ཡང་ན་གལ་ཏེ་ཆགས་པས་བྱིན། །ཟློས་པ་ཕྱིན་ཅི་ལོག་བྱེད་ལ། །དེ་ལ་སྔགས་ནི་མི་འགྲུབ་བོ། །ཕྱག་རྒྱ་ཉེ་བར་མི་འགྱུར་ཞིང ། །སྔགས་ཉིད་ཀྱང་ནི་གཞན་དུ་འགྱུར། །མྱུར་དུ་གྲུབ་པ་མི་འཐོབ་ཅིང ། །དེ་ཡི་ལུས་ཀྱང་ཉམས་པར་འགྱུར། །ཞི་ཞིང་དད་པའི་སེམས་ལྡན་དང ། །དེར་ནི་དམ་ཚིག་མཐོང་བ་དང ། ། རྒྱུད་དང་སྔགས་ལ་རབ་ཞུགས་ལ། །ཕྱག་རྒྱ་རྒྱུད་ནི་བསྟན་པར་བྱ། །དཀོན་མཆོག་གསུམ་ལ་མཆོད་བྱེད་དང ། །རྒྱལ་བའི་བསྟན་ལ་རབ་དད་དང ། །ཆོ་གའི་སྦྱོར་བ་མཐོང་བ་དག་།དེ་དག་ལ་ནི་ཕྱག་རྒྱ་བསྟན། །བྱང་ཆུབ་སེམས་ཀྱི་ཆོ་ག་ཤེས། །བྱང་ཆུབ་སེམས་ཀྱིས་རྣམ་པར་བརྒྱན། །རྟག་ཏུ་བྱང་ཆུབ་ལམ་ལ་གནས། ། དེ་དག་ལ་ནི་ཕྱག་རྒྱ་བསྟན། །སྔགས་དང་རྒྱུད་ལ་རབ་བརྩོན་ཞིང ། །ཕན་ཚུན་བརྒྱུད་པས་དམ་ཚིག་མཐོང ། །བྱང་ཆུབ་ཆེན་པོར་དམ་བཅས་པ། །དེ་ལ་ཕྱག་རྒྱ་
301b
རབ་ཏུ་བསྟན། །རྒྱལ་བའི་སྲས་པོ་དག་དང་ནི། །དེ་བཞིན་ཉན་ཐོས་རང་རྒྱལ་དང ། །མཐོང་བའི་ཆོས་ཀྱི་འབྲས་ཐོབ་ཀྱང ། །དེ་ལ་ཕྱག་རྒྱ་རབ་ཏུ་བསྟན། །ཆོས་རྣམས་ལ་ནི་རྣམ་རྟོག་མེད། །དད་ཅིང་སེར་སྣ་བྲལ་བ་དང ། །སྟོན་པའི་བཀའ་ལ་རིགས་པར་ཤེས། །དེ་ལ་ཕྱག་རྒྱ་རབ་ཏུ་བསྟན། །རྩ་བརྒྱད་བརྒྱ་ཡི་ཚད་དུ་ནི། །འདི་དག་ཕྱག་རྒྱ་ཕྱག་རྒྱས་བཏབ། །ལྷག་དང་ཉུང་བ་མ་ཡིན་པར། །མངོན་སུམ་སངས་རྒྱས་ཀྱིས་རབ་བཤད། །འཇམ་དཔལ་གང་གི་ཆོ་ག་ལ། །སྔགས་ཀྱང་དེ་དང་མཉམ་པ་ཡི། ། བརྒྱད་བཅས་བརྒྱ་ཞེས་གསུངས་པ་དང ། །སྔགས་རྣམས་དེ་དང་མཉམ་པར་བསྟན། །ཕྱག་རྒྱའང་བརྒྱ་ནི་རྩ་བརྒྱད་དུ། །ཐུབ་པ་མཆོག་གིས་སྔོན་གསུངས་སོ། །འདི་ཙམ་ཆེད་དུ་ཆོ་ག་ལ། །ཕྱག་རྒྱ་སྔགས་ནི་ཡང་དག་འབྱུང ། །སངས་རྒྱས་ཀུན་གྱི་མཛོད་འདི་ནི། །སྔགས་ཀྱི་མཛོད་དུ་ཉེ་བར་བསྟན། །ཕྱག་རྒྱ་སྔགས་ནི་མཉམ་ལྡན་ན། ། ཡང་དག་ལྡན་པས་ལས་མྱུར་བྱེད། །འཁོར་ལོ་མེད་པའི་ཤིང་རྟ་ནི། །རིགས་པར་འགྲོ་བར་མི་འབྱུང་སྟེ། །དེ་བཞིན་སྔགས་རྣམས་མ་ལུས་པ། །ཕྱག་རྒྱ་མེད་པར་ལས་མི་བྱེད། །སྔགས་དང་ཕྱག་རྒྱ་མཉམ་ལྡན་ཞིང ། །ཡང་དག་ལྡན་པས་མྱུར་ལས་བྱེད། །ལྷ་དང་ལྷ་མིན་བཅས་པ་ཡིས། །འཇིག་རྟེན་གསུམ་ཀུན་འགུགས་བྱེད་
302a
༄#། །ན། །ལས་གཞན་དག་གིས་ལེགས་སྦྱར་བའི། །མི་ཡི་འཇིག་རྟེན་སེམས་ཅི་དགོས། །མཐོང་ཆོས་འབྲས་བུ་འདི་དག་གི་།རྒྱག་རྒྱ་སྔགས་ལ་སྣང་བ་ཡིས། །གཉི་ག་ལྡན་ཞིང་དག་པ་དང ། །ཆོ་ག་ལྡན་པའི་དོན་བསྟན་ན། །རྒྱལ་བ་མཆོག་དང་སྲས་རྣམས་དང ། །འབྱུང་པོ་རྣམས་ནི་འགུགས་པར་བྱེད། །སྔགས་དང་ཕྱག་རྒྱ་དཀའ་ཐུབ་ཉིད། །རྣམ་གསུམ་ལས་ནི་ལེགས་གནས་དང ། །ཅི་འདོད་ཕུན་སུམ་ཚོགས་པ་ཀུན། །དེ་བཞིན་ཟོས་པས་ཐོབ་པར་འགྱུར། །སྔགས་རྣམས་ཕྱག་རྒྱ་ཕྱག་རྒྱ་བཏབ། །སྔགས་ཀྱིས་ཀྱང་ནི་དེ་རྒྱབ་བཏིབ། །སྔགས་ནི་ཕྱག་རྒྱ་མེད་པས་མིན། །སྔགས་དང་ཕྱག་རྒྱ་སྤངས་པས་མིན། །ཕྱག་རྒྱ་སྔགས་ནི་མཉམ་ལྡན་ན། །ཡང་དག་ལྡན་པས་ལས་ཀུན་བྱེད། །འདི་དག་ཕན་ཚུན་འབྲས་བུ་སྟེ། །ཕན་ཚུན་འབྲས་བུ་འབྱུང་བ་ཡིན། །སྒྲུབ་པས་རིགས་ལྡན་སྦྱར་བྱས་ན། །བསྒྲུབ་བྱ་མིན་པའི་ལས་རྣམས་མེད། །ཕྱག་རྒྱ་ལྡན་པའི་ཟློས་པ་པོས། །སྔགས་རྣམས་མ་ལུས་འགྲུབ་པར་འགྱུར། །ཆོ་ག་མཐོང་བས་རབ་བརྩོན་ཞིང ། །སྔགས་དང་ཕྱག་རྒྱ་ཀུན་བྱས་ན། །གང་དུ་འགུགས་འགྱུར་མི་འགྲུབ་པ། །དེ་གནས་དེ་ནི་ཡོད་མ་ཡིན། །སྲིད་རྩེ་མནར་མེད་པར་དང་ནི། །འཇིག་རྟེན་ཁམས་ཀྱི་འགྲོ་བ་གཞན། །
302b
གང་དུ་མི་འབབས་མི་འགུགས་དང ། །བསྒྲུབ་བྱ་མ་ཡིན་གང་ཡང་མེད། །སེམས་ཅན་སྐྱེ་གནས་ལས་སྐྱེས་དང ། །བྱང་ཆུབ་སེམས་དཔའ་མི་སྣང་བའང ། །ཆོ་གས་བསྐུལ་ནས་མི་འགུགས་པ། །དེ་ནི་གང་ཡང་ཡོད་མ་ཡིན། །སྲུང་བའི་ཆོ་གའི་རྒྱུད་དག་གམ། །ལས་འགྲུབ་བཟློག་པར་བྱ་བ་ལ། །ས་བཅུ་ལ་ནི་གནས་པ་ཡི། །བྱང་ཆུབ་སེམས་དཔས་ཀྱང་མི་ནུས། །སྔགས་དང་ཕྱག་རྒྱ་ལ་གནས་ལ། །འབྱུང་པོ་ཀུན་གྱིས་མི་ཚུགས་སོ། །དཀའ་ཐུབ་པ་བཟླས་པ་ཆོ་གའི་ལམ། །སྦྱིན་སྲེག་ལས་ལ་རབ་སྦྱར་ན། །འདི་ལས་སྐྱེ་ཞིང་དེ་ལས་གྲུབ། །ཕྱག་རྒྱ་སྔགས་ལ་སྣང་བ་ཡིན། །ཟློས་པ་རྟག་ཏུ་འབད་བརྩོན་ཞིང ། །རྟག་ཏུ་དེ་དག་ལ་གནས་ན། །སྔགས་རྣམས་གྲུབ་པར་འགྱུར་བ་སྟེ། །དོན་ཡོད་འགྱུར་བར་ཐུབ་པའི་བཀའ། །སངས་རྒྱས་ཀུན་གྱི་གསུང་དག་ནི། །དེ་དག་གིས་ནི་གཞན་དུ་བྱས། །སྔགས་དང་རྒྱུད་ནི་རིགས་པ་ལ། །གང་ཞིག་རྟག་ཏུ་མི་འཇུག་པའོ།། སྔགས་དང་ཕྱག་རྒྱ་མཐའ་དག་གི། །གང་ཞིག་ཆོ་ག་ལྡན་བྱེད་པའོ། །འཇམ་དཔལ་ལ་གཞོན་ནུ་འདི་དག་ནི། །ཡང་དང་ཡང་དུ་བསྟན་པ་ཡིན། །སྔགས་ཀྱི་རིགས་པ་མཐའ་དག་ནི། །ཕྱག་རྒྱས་སྔགས་ནི་ཕན་པ་འབྱུང ། །དེ་སྲིད་ལས་ལ་ཆོ་གའི་རྒྱལ། །འདིས་ནི་འབྲས་བུ་རྒྱ་ཆེན་འབྱུང ། །འཇིག་རྟེན་གསང་མཆོག་ཕན་པ་དང ། །སྔགས་དང་
303a
༄#། །ཕྱག་རྒྱས་དམ་བཅས་པ། །དེ་ནས་རིགས་ལྡན་འཇམ་དཔལ་དེ། །ཁྱབ་པར་བྱེད་པ་བྱིས་པའི་གཟུགས། །ཅུང་ཟད་འཛུམ་པའི་བཞིན་གྱུར་གནས། །གཞོན་ནུ་སྣ་ཚོགས་ཡང་དག་འབྱུང ། །བྱང་ཆུབ་སེམས་དཔའ་བརྩོན་འགྲུས་ཆེ། །ས་བཅུ་ལ་ནི་གནས་པ་ཡིས། །སངས་རྒྱས་ཉི་མའི་གཉེན་གྱུར་པ། །ཐུབ་པ་མཆོག་ལ་རབ་ཏུ་ཞུས། །བཅོམ་ལྡན་སྔགས་ཀྱི་རྒྱུད་དག་ནི། །གང་ཡིན་འདི་ནི་འཇིག་རྟེན་བསྟན། །སྔོན་གྱི་སངས་རྒྱས་དག་གིས་ཀྱང ། །དེ་ཡང་བདག་ལ་གསུངས་པ་ཡིན། །དེ་ལྟར་ཤཱཀྱ་སེང་གེ་ཡིས། །ཅི་ཡི་ཕྱིར་ན་རབ་ཏུ་གསུངས། །བདག་ནི་དེ་ལྟར་ཐེ་ཚོམ་འཚལ། །ཐུབ་པ་མཆོག་གིས་བདག་ལ་གསུངས། །བློ་ལྡན་ཀ་ལ་པིངྐའི་སྐད། །ཚངས་པ་ཡི་ནི་གསུང་དབྱངས་ཀྱི། །ས་བཅུ་ལ་ནི་རབ་གནས་པའི། །བྱང་ཆུབ་སེམས་དཔའ་ལ་གསུངས་པ། །སྔོན་ནི་བསྐལ་པ་མང་པོ་རུ། །ད་ནི་འཁོར་བར་འཁོར་བ་ན། །ཐུབ་དབང་མེ་ཏོག་ཀུན་སྐྱེས་ལས། །ཆོ་གའི་རྒྱལ་པོའང་ང་ཡིས་ཐོབ། །དེ་དང་དེར་ནི་སེམས་ཅན་ལ། །ཕན་པ་མང་པོ་བྱས་པ་ཡིན། །ཐུགས་རྗེའི་དབང་དུ་སོང་ནས་ནི། །ད་ཚེ་བདག་གི་སྨོན་ལམ་བྱས། །སངས་རྒྱས་མཆོག་ཏུ་དེ་ཚེ་བདག་།དུས་ཀྱི་མཐར་
303b
ནི་ཡང་དག་བྱུང ། །ཆོས་ཀྱི་འཁོར་ལོ་བསྐོར་ནས་ནི། །བསྟན་པའི་དོན་ནི་བྱས་པ་ཡིན། །ཕྱི་མ་ཡི་ནི་དུས་དག་ཏུ། །དེ་ཚེ་ང་ནི་མྱ་ངན་འདའ། །དེས་ན་ཆོ་གའི་རྒྱལ་དབང་པོ། །ཁྱོད་ཀྱི་དྲུང་དུ་ང་ཡིས་བསྟན། །ང་ཡང་འཇིག་རྟེན་མྱ་ངན་འདས། །ཛམ་བུའི་གླིང་ནི་རབ་སྟོངས་ཤིང ། །དེ་བཞིན་སྟོན་པའི་ཆོས་ཀྱི་མཛོད། །རྩོད་དུས་ཐག་རིང་གྱུར་པ་ནི། །སེམས་ཅན་རྣམས་ལ་བསྟན་པའི་དོན། །ཆོ་གའི་རྒྱལ་པོ་གཅིག་བྱེད་འགྱུར། །ཆོ་གའི་རྒྱལ་པོ་རྒྱ་ཆེན་ལ། །དེ་བཞིན་འདི་ནི་ཡང་དག་འཇུག་།སེམས་ཅན་རྣམས་ནི་དོན་ལ་བརྩོན། །ང་ཡི་ཚེ་ན་འབྱུང་བར་འགྱུར། །དེ་དུས་འཇིགས་སུ་རུང་བ་ཡི། །དེ་ཚེ་སེམས་ཅན་ཆོས་ལྡན་མིན། །རྟག་ཏུ་ལུས་ལ་མི་གནས་ཤིང ། །རྒྱལ་པོ་རྣམས་ནི་མ་རུངས་ཡིད། །མི་དང་མི་མ་ཡིན་རྣམས་ནི། །ཀུན་ཀྱང་བསྟན་ལ་རྣམ་པར་སྡང ། །ངས་བཤད་ཆོས་ཀྱི་མཛོད་རྣམས་ནི། །དེ་ཡིས་ཐམས་ཅད་འཇིགས་པར་འགྱུར། །དེ་དག་གདུལ་བའི་དོན་གྱི་ཕྱིར། །སྔགས་ཀྱི་མཛོད་ནི་ཉེ་བར་བསྟན། །བསྐལ་པ་བསམ་གྱི་ཁྱབ་པར་སྔོན། ། གཞོན་ནུ་ཁྱོད་ཀྱི་སྨོན་ལམ་འདི། །སངས་རྒྱས་ཇི་སྙེད་གང་དུ་དག་།འཇིག་རྟེན་གཉེན་གྱུར་མྱ་ངན་འདས། །དེ་དག་བསྟན་པའི་དོན་དུ་ནི། །དུས་དང་དུས་སུ་བྱ་
304a
༄#། །འོ་ཞེས། །བདག་ནི་བྱིས་པ་གཞོན་ནུའི་གཟུགས། །དུས་ཀུན་དུ་ནི་རྣམ་པར་སྤྱོད། །སྔགས་ཀྱི་གཟུགས་ཀྱིས་སེམས་ཅན་ལ། །དེ་དང་དེར་ནི་རྣམ་པར་འདུལ། །གཞོན་ནུ་ཁྱོད་ཀྱི་སྨོན་ལམ་འདི། །སྔོན་ཆད་དུ་ནི་བྱས་པ་ཡིན། །དེས་ན་བྱིས་པའི་གཟུགས་ཐོབ་གྱུར། །དེས་ན་ཁྱོད་ལ་བཤད་པར་བྱ། །སྐྱེ་བོ་སྐྱབས་ནི་མེད་པ་དང ། །སངས་རྒྱས་ཞིང་ནི་སྟོངས་པ་ན། །སྔགས་ཀྱི་གཟུགས་ཀྱི་སེམས་ཅན་ལ། །བྱིས་པའི་ཚུལ་གྱིས་ཡང་དག་ཤོད། །སེམས་ཅན་མང་པོ་འདུལ་བྱེད་ཅིང ། །ཕུན་སུམ་ཚོགས་པ་སྦྱིན་བྱེད་པ། །དུས་ཀྱི་ཐ་མ་དེ་ལ་ནི། །སེམས་ཅན་ཀུན་ལ་མཆོག་སྦྱིན་བྱེད། འཇིག་རྟེན་ང་ནི་མྱ་ངན་འདས། །ས་ཡི་སྟེང་ནི་སྟོངས་གྱུར་ན། །ཁྱོད་ཉིད་བྱིས་པའི་གཟུགས་ཀྱིས་ནི། །སངས་རྒྱས་མཛད་པ་བྱེད་པར་འགྱུར། །དེ་ཚེ་དགོན་ཆེན་རབ་དགའ་བ། །ཁ་བ་ཅན་ནང་ཡོད་པ་ཡིས། །ཆུ་བོ་གསེར་དང་ལྡན་འགྲམ་དུ། །ང་ནི་མྱ་ངན་འདའ་བར་འགྱུར། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཕྱག་རྒྱ་བསྐུལ་བའི་ཆོ་ག་འཇམ་དཔལ་གྱིས་ཡོངས་སུ་ཞུས་
304b
ཤིང་བསྟན་པའི་ལེའུ་རབ་འབྱམས་ལས་ཉི་ཤུ་རྩ་བརྒྱད་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། །གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་དེ་བཞིན་གཤེགས་པའི་ཕྱག་རྒྱའི་མཛོད་ཡང་དག་པར་བསྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་མ་ཐག་ཏུ་བཅོམ་ལྡན་འདས་ཤཱཀྱ་ཐུབ་པའི་མཛོད་སྤུ་ནས་འོད་ཟེར་དུ་མ་བྱེ་བ་ཁྲི་ཕྲག་བརྒྱ་སྟོང་གྲངས་མེད་པའི་འཁོར་དང་བཅས་པ་བྱུང་སྟེ། འོད་ཟེར་གྱི་དྲ་བ་དུ་མ་དེས་སངས་རྒྱས་ཀྱི་ཞིང་དུ་མ་གསལ་བར་བྱས་ནས་སངས་རྒྱས་ཐམས་ཅད་ལ་ཡང་དག་པར་བསྐུལ་ནས་ཕྱིར་ཡང་བཅོམ་ལྡན་འདས་ཤཱཀྱ་ཐུབ་པའི་མཛོད་སྤུར་ཞུགས་པར་གྱུར་ཏོ། །སངས་རྒྱས་བཅོམ་ལྡན་འདས་ལ་ཡང་དག་པར་བསྐུལ་མ་ཐག་ཏུ་ནམ་མཁའི་ངོ་བོ་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། གནས་གཙང་མའི་སྟེང་གི་ནམ་མཁའི་དཀྱིལ་དུ་ཞུགས་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་སངས་རྒྱས་ཐམས་ཅད་ལ་མཆོད་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཕྱག་རྒྱའི་ལེའུ་ཆོ་གའི་མཛོད་སངས་རྒྱས་ཐམས་ཅད་ཀྱིས་
305a
༄#། །བྱིན་གྱིས་བརླབས་པ་བཤད་ཀྱི་ཉོན་ཅིག་།དེ་ནས་འཇམ་དཔལ་གཞོན་ནུར་གྱུར་པས་སངས་རྒྱས་ཐམས་ཅད་ཀྱིས་ཞབས་ལ་བཏུད། དེ་ཕྱག་བཅལ་ནས་བཅོམ་ལྡན་འདས་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པ་ཐམས་ཅད་ཀྱི་མཛོད་ཀྱི་ཕྱག་རྒྱ་མཆོག་ཏུ་ཤིན་ཏུ་གསང་བ་གང་ཡིན་པ་དེ་དུས་ལ་བབ་པར་མཁྱེན་ན། བཅོམ་ལྡན་འདས། དེ་ནི་ལེགས་ཏེ་བཤད་དུ་གསོལ། །སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། སྐྱེ་བོའི་ཚོགས་མང་པོའི་དོན་དང ། ཕན་པ་དང ། བདེ་བའི་ཕྱིར་དང ། ལྷ་དང ། མི་རྣམས་དང ། སེམས་ཅན་ཐམས་ཅད་ལ་ཕན་པ་དང ། བདེ་བ་དང ། བདེ་བའི་རྣམ་པར་སྨིན་པར་འགྱུར་བའི་སླད་དུའོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་འཇམ་དཔལ་གཞོན་ནུར་གྱུར་པས་གསོལ་བ་བཏབ་ནས། ཕྱག་རྒྱ་ཐམས་ཅད་ལ་གཟིགས་ཤིང་སངས་རྒྱས་ཐམས་ཅད་ལ་མཁྱེན་པར་བྱས་ནས། བྱང་ཆུབ་སེམས་དཔའ་ཐམས་ཅད་རབ་ཏུ་དགའ་བར་བྱེད་པ། འཕགས་པ་ཉན་ཐོས་དང ། རང་སངས་རྒྱས་ཐམས་ཅད་ཡང་དག་པར་ཚིམ་པར་བྱེད་པ། འཕགས་པའི་སྔགས་
305b
རྣམས་ལ་ཡིད་བརྩོན་པར་བྱེད་པ་ལ་གཟེངས་བསྟོད་པ། མ་རུངས་པ་ཐམས་ཅད་ཟློག་པར་བྱེད་པ། འཇིགས་པ་ཐམས་ཅད་དབུགས་འབྱིན་པར་བྱེད་པ། འཁོར་བར་གནས་པ་དག་པ་ལ་བདེ་བ་དང ། ཤེས་པ་དང ། མྱ་ངན་ལས་འདས་པ་ལ་རབ་ཏུ་འཇོག་པར་བྱེད་པ། སེམས་ཅན་སྡུག་བསྔལ་བ་ཐམས་ཅད་ལ་བདེ་བའི་དོན་གྱི་ཕྱིར་ཕྱག་རྒྱའི་ལེའུའི་ཆོ་ག་ངས་བཤད་ཀྱི། འཇམ་དཔལ་གཞོན་ནུ་ཉོན་ཅིག་།དང་པོ་གཙུག་ཕུད་ལྔ་པ་ནི། །དེ་ནི་ཕྱག་རྒྱ་ཆེན་པོར་འདོད། །གཉིས་པ་གཙུག་ཕུད་གསུམ་པ་ཡིན། །རལ་པ་གཅིག་པ་གསུམ་པ་སྟེ། །བཞི་པ་ཨུཏྤ་ལར་གསུངས་པ། །རྐང་གཉིས་དམ་པ་རྫོགས་སངས་རྒྱས། །ལྔ་པ་བཀྲ་ཤིས་ལྡན་དུ་བརྗོད། །དྲུག་པ་རྒྱལ་མཚན་ཞེས་སུ་བརྗོད། །བདུན་པ་གང་བ་ཞེས་བསྟན་ཏེ། །སྔགས་ཤེས་དག་ལ་ལེགས་མཛེས་ཤིང ། །བརྒྱད་པ་སྲོག་ཤིང་ཞེས་བརྗོད་པ། །སྔགས་ཤེས་དག་ལ་ལེགས་མཛེས་ཡིན། །དགུ་པ་གདུགས་ཤེས་བསྟན་པ་སྟེ། །བཅུ་པ་མདུང་དུ་བརྗོད་པ་ཡིན། །དེ་བཞིན་བཅུ་གཅིག་སངས་རྒྱས་ཀྱིས། ། ཁ་སྦྱར་ཞེས་ནི་ཡང་དག་བསྟན། །བཅུ་གཉིས་པ་ནི་ཕུབ་ཅེས་གསུངས། །བཅུ་གསུམ་པ་ནི་ད་པུས་ཡིན། །བཅུ་བཞི་པ་ནི་རལ་གྲིར་བཤད། །དེ་བཞིན་དྲིལ་བུ་
306a
༄#། །བཅོ་ལྔ་པ། །བཅུ་དྲུག་པ་ནི་ཞགས་པར་བསྟན། །བཅུ་བདུན་པ་ནི་ལྕགས་ཀྱུར་ཤེས། །བཅོ་བརྒྱད་པ་ནི་བཟང་པོའི་གདན། །བཅུ་དགུ་པ་ནི་གདན་དུ་བརྗོད། །ཉི་ཤུར་བསྟན་པ་རྨ་བྱའི་གདན། །ཉི་ཤུ་གཅིག་པ་པཊྚི་ས། །རྟགས་གཅིག་ཉི་ཤུ་གཉིས་པ་སྟེ། །རྟགས་གཉིས་ཉི་ཤུ་གསུམ་པ་ཡིན། །དེ་བཞིན་ཕྲེང་བ་ཉི་ཤུ་བཞི། །ཉི་ཤུ་ལྔ་པ་གཞུ་ཡིན་ཏེ། །ཉི་ཤུ་དྲུག་པར་གསུངས་པ་ནི། །ལྕགས་མདའ་དག་ཏུ་རྣམ་པར་བརྟགས། །ཉི་ཤུ་བདུན་པར་གསུངས་པ་ནི། །རྟགས་ཀུན་དག་ཏུ་རབ་ཏུ་བསྟན། །ཉི་ཤུ་བརྒྱད་པ་གསལ་ཤིང་སྟེ། །ཉི་ཤུ་དགུ་པ་ཐོ་བ་ཡིན། །སུམ་ཅུ་པ་ནི་མདའ་བོ་ཆེ། །སུམ་ཅུ་གཅིག་པ་མཆེ་བར་བསྟན། སུམ་ཅུ་གཉིས་པ་དེ་བཞིན་ཁ། །སུམ་ཅུ་གསུམ་པ་རས་ཀྱི་གོས། །སུམ་ཅུ་བཞི་པ་བུམ་པ་སྟེ། །སུམ་ཅུ་ལྔ་པ་ལ་འཁར་གསིལ་ཡིན། །སུམ་ཅུ་དྲུག་པ་བྱམ་བུམ། །སུམ་ཅུ་བདུན་པ་གཏུན་ཤིང་སྟེ། །སུམ་ཅུ་བརྒྱད་པ་སྐྱིལ་ཀྲུང་ཡིན། །སུམ་ཅུ་དགུ་པ་པ་ཊ་ཧ། །བཞི་བཅུ་པར་ནི་རང་བསྟན་པ། །ཆོས་ཀྱི་དྲུང་ཞེས་ཉེ་བར་བསྟན། །བཞི་བཅུ་དག་ནི་གཅིག་པ་ཡང ། །ལྕགས་ཐག་ཅེས་ནི་ཡོངས་སུ་བསྒྲགས་།གཉིས་པ་འདོད་པ་མང་པོར་གསུངས། །གསུམ་པ་ཡིད་ལ་རེ་བ་རྫོགས། །བཞི་པ་སྐྱེད་
306b
བྱེད་སྣང་བ་སྟེ། །ཤེས་རབ་ཕ་རོལ་ཕྱིན་པར་འདོད། །ལྔ་པ་མ་མོ་ཞེས་བཤད་པ། །རྐང་གཉིས་རྫོགས་པའི་སངས་རྒྱས་ཀྱིས། །དྲུག་བ་རྟ་བབས་ཞེས་བྱར་གསུངས། །བདུན་པ་རྟ་བབས་བཟང་པོ་ཡིན། །བརྒྱད་པ་སྒྲ་སྐད་དག་ཏུ་བསྟན། །དགུ་པ་རྒྱལ་བའི་སྒ་ཡང་ཡིན། །ལྔ་བཅུ་པ་ནི་རྔ་བོ་ཆེ། །ལྔ་བཅུ་གཅིག་པ་ཆོས་ཀྱི་རྔ། །ལྔ་བཅུ་གཉིས་པ་ལ་ཡང་བཤད། །གསུམ་པ་ལག་པ་མཆོག་ཡིན་ཏེ། །ལྔ་བཅུ་བཞི་པར་ཤེས་བྱ་བ། །ཕྱག་རྒྱ་དེ་ཉིད་འཁྲུལ་མེད་ཡིན། །ལྔ་བཅུ་ལྔ་པ་མཇུག་རིང་ཡིན། །ལྔ་བཅུ་དྲུག་པ་མདའ་ཡིན་ཏེ། །བདུན་པ་དག་ནི་དགྲ་སྟར་བསྟན། །བརྒྱད་པ་འཇིག་རྟེན་གྱིས་མཆོད་ཡིན། །ལྔ་བཅུ་རྩ་དགུར་ཤེས་བྱ་བ། །མདོར་ན་མཚོན་ནི་རྩེ་གཅིག་ཡིན། །དྲུག་ཅུ་པར་ནི་འགྱུར་བ་ཡང ། །མདོར་ན་གཤོལ་དུ་ཤེས་པར་བྱ། །དྲུག་ཅུ་གཅིག་པ་པདྨ་སྟེ། །དྲུག་ཅུ་གཉིས་པ་རྡོ་རྗེར་བཤད། །ཆོས་ཀྱི་འཁོར་ལོ་སྐོར་བྱེད་པ། །འཇིག་རྟེན་དྲུག་ཅུ་གསུམ་པར་གསུངས། །དྲུག་ཅུ་བཞི་པར་ཤེས་བྱ་བ། །མདོར་ན་པདྨ་དཀར་པོ་ཡིན། །དྲུག་ཅུ་ལྔ་པར་ཤེས་བྱ་བ། །ཕྱག་རྒྱ་མཆོག་སྦྱིན་དམ་པ་ཡིན། །དེ་ནས་དྲུག་ཅུ་དྲུག་པ་ནི། ། ཐག་པའི་ཕྱག་རྒྱར་སངས་རྒྱས་གསུངས། །དྲུག་ཅུ་བདུན་པར་འཇིག་རྟེན་དུ། །མཁས་པས་མདུང་དུ་བསྟན་པ་ཡིན། །དྲུག་ཅུ་བརྒྱད་པར་བྱ་བ་ཡིན། །རྡོ་རྗེ་དབྱུག་པའི་ཕྱག་རྒྱར་
307a
༄#། །གསུངས། །དྲུག་ཅུ་རྩ་དགུར་འགྱུར་བ་ནི། །དགྲ་འཇོམས་བྱེད་པར་རབ་ཏུ་བསྟན། །བདུན་ཅུ་པར་ནི་ཤེས་བྱ་བ། །མདོར་ན་ཀླུ་ཡི་ཕྱག་རྒྱ་ཡིན།། བདུན་ཅུ་གཅིག་པར་གསུངས་པ་ནི། །གཞལ་མེད་ཕྱག་རྒྱ་མཆོག་བཟང་ཡིན། །བདུན་ཅུ་གཉིས་བ་མདོར་བསྡུ་ན། །ཤིང་རྟ་ཞེས་ནི་དེ་ལ་བརྗོད། །མདོར་ན་བདུན་ཅུ་གསུམ་པ་ནི། །འཇིག་རྟེན་མགོན་གྱི་གདན་དུ་གསུངས། །དེ་བཞིན་བདུན་ཅུ་བཞི་དང་ནི། །བདུན་ཅུ་ལྔ་རུ་བསྟན་པ་དག་།ཚེས་བརྒྱད་ཟླ་བ་པི་ཝང་དག་།ཕྱག་རྒྱ་གཉིས་སུ་བསྟན་པ་ཡིན། །བདུན་ཅུ་རྩ་དྲུག་འཇིག་རྟེན་དུ། །ཕྱག་རྒྱ་པདྨ་འདྲ་བ་ཡིན། །བདུན་ཅུ་བདུན་པའི་ཕྱག་རྒྱ་མཆོག་།ུཏྤལ་ནི་འབྱུང་བའི་གནས། །བདུན་ཅུ་བརྒྱད་པའི་ཕྱག་རྒྱ་ནི། །ཕྱག་འཚལ་བ་ཞེས་བསྟན་པ་ཡིན། །བདུན་ཅུ་རྩ་དགུ་མཆོད་ཡོན་རྒྱ། །དགྲ་བཅོམ་ཕྱག་རྒྱ་བརྒྱད་ཅུ་པ། །མར་མེ་བརྒྱད་ཅུ་གཅིག་པར་ཤེས། །ཐལ་སྦྱར་བརྒྱད་ཅུ་གཉིས་པར་འདོད། །གསུམ་པ་ཕྲེང་བ་ཞེས་བྱ་འོ། །བཞི་པ་གདན་ཞེས་གསུངས་པ་ཡིན། །ལྔ་པ་གནས་ཀྱི་ཕྱག་རྒྱར་བསྟན། །དྲུག་པ་རབ་གནས་གསུངས་པ་སྟེ། །བདུན་པ་དབང་གི་ཕྱག་རྒྱར་བརྗོད། །བརྒྱད་ཅུ་བརྒྱད་པ་མཆོག་ཏུ་འདོད། །དགུ་དང་དགུ་བཅུའི་གྲངས་དག་ནི། །ཕྱག་རྒྱ་གཉིས་ནི་དགེ་
307b
པ་མཆོག་།ཁ་སྦྱར་ཟུང་གི་ཕྱག་རྒྱ་སྟེ། །གྲངས་ནི་དགུ་བཅུ་འབྱུང་བ་སྟེ། །དགུ་བཅུ་རྩ་གཅིག་ཅེས་གསུངས་པ། །མེ་ཏོག་གི་ནི་ཕྱག་རྒྱར་བསྟན། །གཉིས་པ་གཏོར་མའི་ཕྱག་རྒྱ་སྟེ། །གསུམ་པ་རྟག་ཏུ་སྤོས་ཀྱི་ཡིན། །བཞི་པ་དྲི་ཡི་ཕྱག་རྒྱ་སྟེ། །ལྔ་པ་མར་མེར་ཤེས་པར་བྱ། །དྲུག་པ་སྦྱོར་བར་ཤེས་པར་བྱ། །བདུན་པ་སྐྱིལ་ཀྲུང་ཕྱེད་ཀྱི་གནས། །བརྒྱད་པ་དག་ནི་བོད་པ་སྟེ། །དགུ་པ་དག་ནི་གཤེགས་སུ་གསོལ། །དེ་བཞིན་བརྒྱ་རྫོགས་ཕྱག་རྒྱ་ནི། །ཐམས་ཅད་པ་ཡི་ལས་ཤེས་བྱ། །བརྒྱ་ལས་རྩ་གཅིག་གསུངས་པ་ནི། །ཕྱག་རྒྱ་ཆེན་པོ་ཞེས་བྱ་སྟེ། །གཙུག་ཏོར་འཇིག་རྟེན་མགོན་པོ་ནི། །རྟག་ཏུ་བླ་མ་འཁོར་ལོས་བསྒྱུར། །ཕྱག་རྒྱ་དེ་ནི་དང་པོར་གསུངས། །གཉིས་པ་གདུགས་དཀར་ལས་བྱུང་ཡིན།། གསུམ་པ་རྩ་བའི་ཕྱག་རྒྱ་སྟེ། །འཇམ་པའི་དབྱངས་སུ་སྣང་བ་ཡིན། །བཞི་པ་ཆོས་ཀྱི་མཛོད་ཀྱི་གནས། །ཆོས་ཀྱི་ཕྱག་རྒྱར་ཤེས་པར་བྱ། །ལྔ་པ་དགེ་འདུན་ཞེས་བྱ་སྟེ། ། དེ་ནི་ཕྱག་རྒྱ་ཆེན་པོའང་ཡིན། །དྲུག་པ་འབྱུང་པོ་ཞི་བྱེད་པ། །རང་རྒྱལ་ལག་པའི་ཕྱག་རྒྱ་ཉིད། །བདུན་པ་བྱང་ཆུབ་སེམས་དཔའ་ནི། །ས་བཅུ་དག་ལ་ཞུགས་པ་ཡི།། ཕྱག་རྒྱ་པདྨའི་ཕྲེང་བ་སྟེ། །ཕྱག་རྒྱ་ཆེན་པོར་དེ་ཤེས་བྱ། །འཇིག་རྟེན་པ་ནི་ཐམས་ཅད་ཀྱི། །ཕྱག་རྒྱ་སྔགས་རྣམས་མཆོག་སྦྱིན་བྱེད། །མཐུ་ཆེན་གཙོ་བོ་ཆེན་པོ་སྟེ། །གཙོ་
308a
༄#། །བོ་འཇིག་རྟེན་གསུམ་གྱིས་མཆོད། །བརྒྱད་པ་ཡང་དག་རབ་སྦྱར་བ། །ཕྱག་རྒྱ་སྲིད་གསུམ་སྐྱེ་གནས་ཡིན། །ཕྱག་རྒྱ་རྣམས་ཀྱི་གྲངས་བསྟན་པ།། རྒྱུད་འདི་ལས་ནི་རབ་འབྱུང་བ། །བརྒྱ་གཅིག་དེ་བཞིན་རྩ་བརྒྱད་དུ། །ཕྱག་རྒྱའི་གྲངས་སུ་བརྟགས་པ་ཡིན། །རྫོགས་སངས་རྒྱས་ཀྱིས་འདི་ཚད་དུ། །ས་སྟེང་སྔོན་ནི་བསྟན་པ་ཡིན། །སྟོན་དང་བསྟན་པ་འཇིག་པ་ན། །ལུས་ཅན་རྣམས་ནི་རབ་སྤྱོད་འགྱུར། །དང་པོ་རེ་ཞིག་ལག་པ་གཉིས། །ཐལ་མོས་བྱར་ཏེ་རྩེ་མོ་སྤྲད། །སོར་མོ་ཕན་ཚུན་ནང་དུ་གཤིབ། །སོར་མོ་ཕན་ཚུན་སྦྱར་ནས་ནི། །དེ་ནས་ཡང་དག་སྦྱར་ནས་ཀྱང ། །ལག་གཉིས་ཡང་དག་ལྡན་པ་ལ། །གཙུག་ཕུད་ལྔས་ནི་ལེགས་མཚན་བྱ། ། སོར་མོ་རྣམས་ཀྱི་རྩེ་མོ་དག་།དེ་ནས་དེ་དག་རྣམ་བཟློག་པ། །ཕྱག་རྒྱ་གཙུག་ཕུད་ལྔར་ཤེས་བྱ། །གཙུག་ཕུད་ལྔ་པ་ཉིད་དག་ནི། །ཕྱག་རྒྱ་ཆེན་པོ་ཞེས་སུ་བསྒྲགས། ། བྱང་ཆུབ་སེམས་དཔའི་དབུ་ལ་ཡོད། །འདི་ནི་ཕྱག་རྒྱ་མཐུ་བོ་ཆེ། །རབ་སྦྱར་ལས་ཀུན་བྱེད་པ་ཡིན། །འཇམ་དཔལ་གྱི་ནི་སྔགས་དག་གམ། །སྙིང་པོ་ཉིད་ནི་རབ་ཏུ་སྦྱར། །སྐྲ་ཅན་མ་ཡི་སྔགས་དག་གམ། །རྩ་བའི་སྔགས་ཀྱིས་རྟག་ཏུ་བྱ། །ཆོ་ག་མཐོང་བས་སྦྱར་བའམ། །སྔགས་རྣམས་ཀུན་གྱིས་བྱས་ན་ནི། །ལས་རྣམས་ཀུན་ནི་
308b
དོན་ཡོད་པར། །ཐུབ་པའི་བཀས་ནི་བསྟན་པ་ཡིན། །དེ་བཞིན་ལག་པ་རྣམ་བཀོད་ནས། །དེ་ཡི་ལག་པ་ཁ་སྦྱར་བྱ། །དེ་བཞིན་རྩེ་མོ་གསུམ་བྱ་སྟེ། །སོར་མོ་རྣམས་ནི་རབ་སྦྱར་ན། །ལག་གཉིས་མཐེ་བོང་སྤྱོད་པ་དང ། །རབ་ཏུ་ཕྱུང་སྟེ་དྲང་པོར་བྱ། །གུང་མོ་དང་ནི་སྲིན་ལག་དག་།ཕྱིན་ཅི་ལོག་ཏུ་འབྲེལ་བ་བྱ། །འདི་ནི་གཙུག་ཕུད་གསུམ་ཞེས་བྱ། ། རལ་པ་གསུམ་པ་ཞེས་བྱའང་ཡིན། །འཇམ་པའི་དབྱངས་ནི་བློ་ལྡན་གྱི། །ཕྱག་རྒྱ་འདི་ནི་ཕྱག་རྒྱ་ཆེ། །གང་དག་ཆོག་མཐོང་བ་ཡི། །ལས་རྣམས་ཀུན་ནི་བྱེད་པ་ཡིན། །འཇམ་དཔལ་གསང་སྔགས་གང་ཡིན་པ། །དེ་དག་ཀུན་ལ་སྦྱར་བར་བྱ། །ཟློས་པ་ཡིད་ལ་གང་འདོད་ལ། །དོན་དེ་མྱུར་དུ་གྲུབ་པར་བྱེད། །ལག་པ་དེ་བཞིན་རྣམས་བཀོད་ནས། །དེ་བཞིན་གཙུག་ཕུད་གཅིག་པར་བྱ། །སོར་མོ་གུང་མོ་ཡང་དག་སྦྱར། །ངེས་པར་གཙུག་ཕུད་གཅིག་པར་འགྱུར། །རྒྱ་འདི་ཕྱག་རྒྱ་ཆེན་པོ་སྟེ། །རྫོགས་པའི་སངས་རྒྱས་རྣམས་ཀྱིས་གསུངས། །གཞོན་ནུའི་སྔགས་ནི་རབ་བཀོད་དང ། །གང་ཡང་འཇིག་རྟེན་ཀུན་གྱི་ཡང ། །དེ་དག་སྦྱར་ན་འགྲུབ་འགྱུར་ཏེ། །མྱུར་བ་ཉིད་དུ་འགྲུབ་པར་འགྱུར། །དེ་བཞིན་འདི་ཡིས་བསྒྲུབ་བྱ་ནི། །སྔགས་མཆོག་རྒྱལ་བས་བཤད་པ་ཡིན། །ཆོ་ག་མཐོང་བའི་ལས་ཀྱིས་ནི། །འདི་དོན་མྱུར་དུ་བསྒྲུབ་པར་བྱ། །དེ་བཞིན་ལག་པ་ཡང་དག་སྦྱར།།
309a
༄#། །སོར་མོའི་རྩེ་མོ་དགུག་ཅིག་དགོད། །མཛུབ་མོ་གཉིས་ནི་རྩེ་སྤྲད་དགུག་།སོར་མོ་གཞན་ནི་རང་བཞག་ལ། །མཐེ་བོང་གཉིས་ནི་རབ་གཤིབ་ནས།། གུང་མོ་གཉིས་ནི་རབ་བརྐྱང་བྱ། །སྲིན་ལག་གཉིས་ནི་རྩེ་སྤྲད་བཀུག་།ུཏྤ་ལ་རུ་བསྟན་པ་ཡིན། །འདི་ནི་བྱང་ཆུབ་སེམས་དཔའ་ཡི། །རྩ་བའི་སྔགས་ནི་བརྗོད་ཅིང་བྱ། །གཙུག་ཕུད་ལྔ་པར་བསྟན་པ་ཡིན། །ལས་རྣམས་གང་ཡིན་དེ་དག་ཉིད། །དེ་ཀུན་ཨུཏྤ་ལ་ཡིས་ནི། །མྱུར་དུ་སྒྲུབ་པར་བྱེད་པ་ཡིན། །འདི་ནི་མཆོག་སྦྱིན་ཕྱག་།དེ་བཞིན་ལག་གཉིས་སྦྱར་སྔགས་དང་ལྡན་བྱས་ན། །མྱུར་དུ་ནོར་ནི་བྱེད་པར་འགྱུར། །ལག་གཉིས་དེ་བཞིན་སྦྱར་བྱས་ནས། །ལག་པ་གཉིས་པོ་རབ་བཀན་ལ། །ཁོར་ཡུག་ཏུ་སོར་མོ་ཡིས། །དེ་ཉིད་ཁ་ནི་ཡང་དག་སྦྱར། །བཀྲ་ཤིས་ལྡན་པའི་རྣམ་པར་འབྱུང ། །མཛེས་པའི་རྣམ་པར་དགོད་པར་བྱ།། གུང་མོའི་སོར་མོའི་དབུས་སུ་ནི། །མཐེའུ་ཆུང་གཉིས་ནི་ཡང་དག་སྦྱར། །མཐེ་བོང་གཉིས་ཀ་རྣམ་སྦྱར་བ། །ཕྱག་རྒྱ་བཀྲ་ཤིས་ལྡན་དུ་བརྗོད། །དོན་ཀུན་བྱེད་པའི་ཕྱག་རྒྱ་འདི། །ཞི་བའི་ལས་ལ་རབ་ཏུ་སྦྱར། །སྙིང་པོའམ་ཡི་གེ་དྲུག་ལྡན་པས། །ལས་རྣམས་ཀུན་ནི་བྱེད་པར་འགྱུར། །དེ་བཞིན་ལག་གཉིས་སྦྱར་
309b
ནས་ནི། །སོར་མོ་ཕན་ཚུན་རབ་སྦྱར་བ། །འགྲོ་བའི་ཁྱད་པར་མཁྱེན་པ་ཡིན། །གང་བ་བཟང་ཞེས་གསུངས་པ་ཡིན། །རྩེ་མོའི་ཕྱོགས་ཀྱི་སོར་མོ་རྣམས། །ཀུན་ནས་ཡོངས་སུ་འགྱེད་བྱས་པ། །གང་བ་བཟང་ཞེས་སངས་རྒྱས་ཀྱིས། །ཟློས་པ་རྣམས་ལ་གསུངས་པ་ཡིན། །དེ་འདི་སྡུག་བསྔལ་དག་དང་ནི། །དབུལ་བའི་སྡུག་བསྔལ་རབ་ཞི་བྱེད། །རྩ་བའི་སྔགས་ཀྱིས་བསྐུལ་བྱས་ན། །མྱུར་དུ་ནོར་གྱིས་ཕྱུག་པར་བྱེད། །འཇིག་རྟེན་མཁྱེན་ཅིང་ལེགས་སྤྱོད་པས། །ཕྱག་རྒྱ་གཞན་ཡང་གསུངས་པ་ནི། ། ལག་གཉིས་དེ་བཞིན་བྱས་ནས་ནི། །གཡོན་པ་ཕབ་ཅིང་དེ་ལ་བརྟེན། །ལག་པ་གཡས་པས་བྱ་བ་ནི། །དེ་ཡི་སོར་མོ་དགུག་ཅིང་གཞག་།མཛུབ་མོ་གུང་མོ་ཉིད་དག་ནི། །བསྒྲེང་བ་རྒྱལ་མཚན་ཞེས་བརྗོད་དེ། །རྒྱལ་མཚན་ཕྱག་རྒྱ་ཞེས་གྲགས་པ། །བསྒྲེང་བས་དགྲ་ནི་ཟློག་པར་བྱེད། །ཕྱག་རྒྱ་འདི་ཡི་བྱ་བ་ནི། །རིམ་གྱིས་གཏོར་མ་སྦྱིན་སེགྶོགྶ། །ཕྱག་རྒྱ་འདི་ཡིས་བྱ་བ་ཡིན། །རྩ་བའི་སྔགས་ཀྱིས་རབ་བསྐུལ་ན། །འདི་ནི་ལས་ཀུན་བྱེད་པ་ཡིན། །ལག་པ་དེ་བཞིན་རྣམ་སྦྱར་བ། །ཐལ་མོ་སྦྱར་བའི་ཕྱག་རྒྱ་སྟེ། །བགེགས་རྣམས་མ་ལུས་རྣམ་འཇིག་ཅིང ། །སྔགས་ཤེས་མཉམ་པར་བརྗོད་པ་ནི། །རིམ་གྱིས་ལས་རྣམས་བྱེད་པར་འབྱུང །
310a
༄#། །ཆོ་ག་མཐོང་བའི་ལྡན་པས་ནི། །མྱུར་དུ་དོན་ནི་སྒྲུབ་བར་བྱེད། །འཇམ་པའི་དབྱངས་ཀྱི་སྙིང་པོ་ནི། །སྙིང་གི་གནོད་པ་ས་ཡང་དག་ཕྱུང ། ། འཇིག་རྟེན་མ་ལུས་བསམ་པ་ཡི། །ལས་རྣམས་ཡང་དག་ལྡན་པས་བྱེད། །ལག་པ་དེ་བཞིན་སྦྱར་བྱས་ནས། །གཡོན་པའི་སྟེང་དུ་གཡས་པ་གཞག་།གཡས་ཀྱི་མཛུབ་མོ་བླངས་ནས་ནི། །གཡོན་པའི་མཛུབ་མོ་བསྒྲེང་བྱས་པ། །འདི་ནི་སྲོག་ཤིང་ཕྱག་རྒྱ་ཡིན། །དགྲ་རྣམས་ཀུན་ནི་ཟློག་བྱེད་ཅིང ། །མི་བཟད་ཤིན་ཏུ་འཇིགས་རུང་བའི། །བགེགས་རྣམས་ཐམས་ཅད་ཞི་བར་བྱེད། །སྔགས་ཟློས་པ་ཡིས་བསྟན་པ་ནི། །མ་རུངས་ཐམས་ཅད་གསད་དོན་ཕྱིར། །རྩ་བའི་སྔགས་དང་ཡང་དག་ལྡན། །མྱུར་དུ་ལས་ནི་བྱེད་པར་འགྱུར། །དེ་བཞིན་ལག་པ་སྦྱར་བྱས་ལ། །སྲོག་ཤིང་འདྲ་བར་བཙུགས་བྱས་ནས། །དེ་སྟེང་ལག་གཡས་བརྐྱང་བྱས་པ། །ཕྱག་རྒྱ་གདུགས་ཞེས་བྱ་བར་བརྗོད། །ཕྱག་རྒྱ་འདི་ཡིས་བྱ་བ་ནི། །བདག་གི་སྤྱི་བོར་བསྲུང་བར་བྱ། །སྔགས་རྣམས་ཀུན་གྱིས་བྱེད་པ་སྟེ། །ལས་ནི་སྲུང་བར་བྱེད་པ་ཡིན། །དགྲ་རྣམས་ཀྱི་ནི་གདོང་འགེབས་ཤིང ། །མི་འདོད་པ་དག་རེངས་པར་བྱེད། །མི་མ་ཡིན་དང་མ་རུངས་པ། །ཇི་ལྟར་འདོད་པར་བྱེད་པ་ཡིན། །གདུགས་
310b
ཀྱི་ཕྱག་རྒྱ་དེ་མཐོང་བས། །བགེགས་རྣམས་ཀུན་ནི་རྣམ་པར་འཇིག་།ལག་གཉིས་དེ་བཞིན་བྱས་ནས་ནི། །ལག་པ་དག་ནི་མཛེས་སྦྱར་ནས། །མཐེ་བོ་མཛུབ་མོ་རྩེ་སྤྲད་ལྡན།། གུང་མོ་གཉིས་ནི་རབ་རྐྱང་ཞིང ། །སྲིན་ལག་གཉིས་ནི་རྩེ་སྤྲད་བཀུག་།གུང་མོའི་ཚིགས་གཉིས་སྦྱར་བར་བྱ། །དེ་ཉིད་མདུང་གི་ཕྱག་རྒྱར་བསྟན། །མ་རུངས་ཐམས་ཅད་ཟློག་པར་བྱེད། །སྲིན་པོ་གདོན་རྣམས་འཇིགས་བྱེད་ཅེས། །འཇིག་རྟེན་མགོན་གྱིས་གསུངས་པ་ཡིན། །ཁྲོ་བོའི་རྒྱལ་པོ་གཤིན་རྗེ་གཤེད། །ཁྲོས་པས་རབ་ཏུ་བསྟན་པ་ཡིན། །མི་བཟད་སྡིག་པའི་ལས་བྱེད་པའི། །འཇིག་རྟེན་ལ་ནི་རབ་མྱུར་བྱེད། །སྲོག་ལ་གནོད་པར་བྱེད་པའི་ལས། །སངས་རྒྱས་རྣམས་ཀྱིས་སྤངས་པ་ཡི། །ལས་འདི་དག་ནི་མི་བྱ་སྟེ། །འཇིག་རྟེན་དམ་པས་བཀག་པ་ཡིན། །ཡང་ན་ཀུན་འགྲོའི་སྔགས་སྦྱར་བའི། །མདུང་གི་ཕྱག་རྒྱ་དམ་པ་ཡིན། །གང་དག་འཇིག་རྟེན་སྔགས་རྣམས་དང ། །དེ་བཞིན་རྒྱལ་བས་རབ་བཤད་པ། །དེ་དག་གི་ནི་སྔགས་རྣམས་སྦྱར། །མདུང་གི་ཕྱག་རྒྱ་ལེགས་མཉམ་གཞག་།སྔགས་ཀྱི་མཆོག་ནི་མི་བཟད་མཐོང ། བདེན་བྲལ་ཐམས་ཅད་འཇིག་པར་འགྱུར། །ཤ་ཟ་སྐར་མ་ཡི་དྭགས་དང ། །སྲུལ་པོ་དང་ནི་མ་པ་དང ། །བྱིས་པའི་གདོན་དང་མི་སྡུག་གཟུགས། །བྱིས་པ་རྣམས་ལ་
311a
༄#། །གནོད་བྱེད་པ། །གང་དག་གདུག་པའི་ལས་ལྡན་པ། །མ་རུངས་ཐམས་ཅད་འཇོམས་པར་བྱེད། །དེ་བཞིན་ལག་ནི་སྦྱར་བྱས་ནས། །ཐལ་མོའི་རྣམ་པར་བྱས་པ་དག་།དེ་ཉིད་རྣམ་པར་བཟློག་བྱ་སྟེ། །སོར་མོ་ཕན་ཚུན་འབྱར་བ་ནི། །རྫོགས་སངས་རྒྱས་པ་ཞེ་སྡང་བྲལ། །དེ་ཉིད་ཁ་སྦྱར་ཞེས་ནི་གསུངས། ། ཡི་གེ་གཅིག་པའི་སྔགས་དང་ནི། །ཕྱག་རྒྱ་འདི་ཡི་ལས་ཀྱིས་བྱ། །འདི་ཉིད་ཕྱག་རྒྱས་ཕྱོགས་ཀུན་བཅིང ། །དེ་ནི་ཕྱོགས་བཅིང་ཞེས་བྱ་འོ། །ཕྱག་རྒྱ་འདི་ནི་བསྲུང་བ་ཆེ། །ཁ་སྦྱར་བྱས་ནས་འདུག་པ་ཡིན། །གཞན་ཡང་གང་དག་གནོད་བྱེད་པའི། །མ་རུངས་ཐམས་ཅད་འཇིག་པར་བྱེད། །ལུས་དང་སེམས་ཅན་འཁོར་དང་ནི། །སྤྱོད་ཡུལ་དག་ཀྱང་འཛིན་པར་བྱེད། །གང་དུ་ཟློས་པ་རྟག་གནས་པ། །མ་ལུས་ཚོགས་ནི་སྲུང་བར་བྱེད། །དེ་ལ་སྡིག་པ་ཅི་ཡང་མེད། །ཕན་པ་མེད་པའང་འབྱུང་མི་འགྱུར། །བདེ་དང་ལོ་ལེགས་ནད་མེད་ན། །ཕ་རོལ་དམག་ཚོགས་འཇིགས་པ་གང ། །དེ་ནས་ལག་གཉིས་ཡང་སྦྱར་ནས། །བཟློག་པར་ཡང་ནི་བྱ་བ་ཡིན། །གཡས་པ་འོག་ཏུ་བྱས་ནས་ནི། །གཡོན་པའང་སྟེང་དུ་བཀན་པར་བྱ། །ལག་གཉིས་ཕན་ཚུན་བསྣོལ་བ་འདི། །རྒྱལ་བ་མཆོག་གིས་མཆོག་
311b
སྦྱིན་གསུངས། །སྡིག་པ་ཡང་དག་འབྱུང་བྱེད་པའི། །མ་རུངས་དགྲ་རྣམས་ཟློག་པར་བྱེད། །ཡི་གེ་གཅིག་གཉིས་གསུམ་དག་གི་།ཡི་གེ་ལྡན་བ་བརྗོད་པ་དང་།། སྔགས་ནི་འདོད་པ་དང་ལྡན་པས། །འདི་ནི་མྱུར་དུ་ལས་རྣམས་བྱེད། །དགྲ་ལས་བྱུང་བའི་སྡིག་དག་ལ། །དོན་གྱི་ལས་རྣམས་སྣ་ཚོགས་བྱེད། །རྩ་བའི་སྔགས་དང་ལྡན་པ་ཡིས། །སྦྲུལ་གྱི་དུག་ནི་སེལ་བར་བྱེད། །ཡང་ན་གཞན་གྱིས་སྦྱོར་བ་ཡི། །ལུས་ཅན་སྐྱོན་ནི་སེལ་བར་བྱེད། །སངས་རྒྱས་རྐང་གཉིས་མཆོག་དག་གིས།། འདི་ནི་ཕྱག་རྒྱ་མཆོག་ཏུ་གསུངས། །ལག་པ་དེ་བཞིན་སྦྱར་བྱས་ནས། །སོར་མོ་རྣམས་ནི་སྦྱར་བ་ལས། །དེ་ཚེ་ད་པུས་འདྲ་བྱ་བ། །རྩ་བར་ཡང་ནི་བཅིང་བ་སྟེ། ། མཐེ་བོང་གཉིས་ཀྱི་དབུས་སུ་ནི། །མཐེའུ་ཆུང་དག་གིས་ལེགས་པར་དཀྲི། །སོར་མོ་དྲུག་གི་བྱ་བ་ནི། །རྩེ་མོ་སྦྱར་ཏེ་ལེགས་མཛེས་བྱ། །འདི་ནི་ད་པུས་ཕྱག་རྒྱས་གསུངས། །ལྷ་མིན་ཐམས་ཅད་འཇོམས་པར་བྱེད། །ལྷ་མ་ཡིན་དང་གདུག་སེམས་ལྡན། །མཐོང་བས་སེམས་ནི་ཞི་འགྱུར་ཞིང ། །ཕྱག་རྒྱ་བརྗོད་ན་འཇིག་པར་འགྱུར། །ད་བུས་ཕྱག་རྒྱ་ལེགས་མཆོད་པ། །རྩ་བའི་སྔགས་ནི་རབ་སྦྱར་ན། །མྱུར་དུ་དོན་རྣམས་བྱེད་ཅིང་ཞི། །དེ་བཞིན་རལ་གྲི་བསྟན་པ་ཡང ། །སྲིན་ལག་
312a
༄#། །མཛུབ་མོ་བཀུག་པས་སོ། །དེ་བཞིན་ལག་གཉིས་བྱས་ནས་ནི། །རབ་བརྐྱང་དང་བོ་དགུག་པར་བྱ། །སོར་མོ་དག་གིས་ཁོར་ཡུག་ཏུ། །ཁམ་ཕོར་མཉམ་པའི་དབྱིབས་སུ་བྱ། །དྲིལ་བུར་སངས་རྒྱས་ཀྱིས་མཁྱེན་ཅིང ། །ལུས་ཅན་རྣམས་ལ་ཡང་དག་བསྟན། །ལག་གཉིས་དེ་བཞིན་སྦྱར་ནས་ནི། །གཉིས་ཀ་ཁ་སྦྱར་རབ་བཅིངས་ནས། །ཕན་ཚུན་བསྲེ་བ་བྱས་ནས་ནི། །དེ་བཞིན་གུང་མོའི་སོར་མོ་གཉིས། །དཀྱིལ་འཁོར་འདྲ་བར་བྱས་པ་ཡིས། །ཞགས་པ་འདྲ་བར་འབྱུང་བ་ནི། །དེ་ནས་མཛུབ་མོ་གཉིས་པོ་དག་།དབུ་མའི་ཚིགས་སུ་བཅིང་བྱ་བ། །འདི་ནི་ཞགས་པ་ཞེས་བྱ་སྟེ། །རྒྱ་འདི་སངས་རྒྱས་ཀྱིས་སྤྲུལ་པའོ། །སེམས་ཅན་རྣམས་ནི་གདུལ་དོན་དུ། །མི་བཟད་འཆིང་བ་བྱེད་པར་གསུངས། །གང་ཡང་མ་རུངས་གདུག་པའི་གཟའ། །གང་ཡང་གནོད་སྦྱིན་སྲིན་པོ་རྣམས། །འདི་ནི་ཅུང་ཟད་རབ་བསྐུལ་བས། །འདིར་ནི་མ་མོར་བཅས་པ་འཆིང ། །ཆིངས་ཤིག་ཆིངས་ཤིག་ཅེས་བརྗོད་པས། །བརྒྱ་བྱིན་བཅས་པའང་འདིར་འཆིང་ན། ། ཤ་ཟ་ཤ་ནི་ཟ་བ་དང ། །མི་ཡི་འཇིག་རྟེན་སྨོས་ཅི་དགོས། །ལག་གཉིས་དེ་བཞིན་བྱས་ནས་ནི། །དེ་ནི་གཉིས་ཀ་མཉམ་བྱས་ནས། །དེ་བཞིན་ལག་པ་གཡས་
312b
པ་ནི། །གཡོན་པའི་སྟེང་དུ་ཡོངས་སུ་གཞག་།གུང་མོ་དང་ནི་མཛུབ་མོ་དང ། །དེ་ཉིད་ལྕགས་ཀྱུ་འདྲ་བར་བྱ། །ཚིགས་ནི་བར་མ་ལ་བརྟེན་ནས། །མཛུབ་མོ་གཉིས་ནི་ལྕགས་ཀྱུར་བྱ། །རྩ་བའི་སྔགས་ལ་འདི་རབ་སྦྱར། །ལྕགས་ཀྱུར་འདི་ནི་རབ་ཏུ་བྱ། །ཡིད་ལ་གང་ཞིག་ཟློས་པར་འདོད། །མྱུར་དུ་ལས་ནི་རབ་ཏུ་བྱེད། །མྱུར་དུ་ལྷ་དབང་ཚངས་པ་སོགས། །བརྒྱ་བྱིན་བཅས་པའང་འགུགས་པར་བྱེད། །ཕྱག་རྒྱ་གཙོ་མཆོག་རབ་སྦྱར་བ། །ལྕགས་ཀྱུ་འགུགས་པ་དགེ་བ་ཡིན། །ལག་གཉིས་དེ་བཞིན་རབ་སྦྱར་ནས། བཟློག་པའི་རྣམ་པས་ནང་བཅིངས་ལ། །གཡོན་པའི་ལག་པའི་སོར་མོ་ནི། །གུང་མོ་སྲིན་ལག་དགུག་པར་བྱ། །གཡས་པའི་ལག་པའི་སོར་མོ་ནི། །གུང་མོ་སྲིན་ལག་རྣམ་པར་དགུག་།མཛུབ་མོ་མཐེའུ་ཆུང་དག་ཀྱང་ནི། །གཉིས་ཀ་སྡིགས་མཛུབ་བྱ་བ་ནི། །དེ་ནས་རྣམ་བཟློག་བཞག་པ་ལ། །མཐེ་བོང་གཉིས་ནི་དགུག་ཅིང་སྦྱར། །དེ་ཉིད་བཟང་པོའི་གདན་གསུངས་པ། །ཕྱག་རྒྱ་མཆོག་ནི་དགེ་བ་ཡིན། །སངས་རྒྱས་ཀུན་གྱི་གདན་ཡིན་ཏེ། །ཁྲོ་ལྡན་སེམས་ཅན་ཟློག་པ་ཡིན། །རྒྱལ་བ་མཆོག་གི་རིགས་ལས་བྱུང ། །སྔགས་རྣམས་ཀུན་ལ་རབ་ཏུ་སྦྱར། །སངས་རྒྱས་བྱང་ཆུབ་སེམས་དཔའ་ཀུན། །རྫུ་འཕྲུལ་ཆེན་པོ་འཇོམས་བྱེད་ཅིང ། །ལྷ་དང་བཅས་པའི་འཇིག་རྟེན་
313a
༄#། །དག་།ཐམས་ཅད་གཡོ་བྱེད་མེད་པ་འོ། །བཟང་པོའི་སྟན་ནི་དེ་ཉིད་ལ། །གུང་མོ་ལ་ནི་ཡང་དག་བརྟེན། །སྟེང་དུ་རྣམ་པར་དགོད་པ་ནི། །གུང་མོ་སྲིན་ལག་རབ་བརྐྱང་བའོ། །དེ་ཉིད་གདན་དུ་གསུངས་པ་ནི། །ཐུབ་པ་དགྲ་རྒྱལ་སེང་གེས་སོ། །དེ་བཞིན་ལག་གཉིས་སྦྱར་ནས་ནི། །སོར་མོ་རྣམས་ནི་བཅིང་བར་བྱ། །དེ་ནས་ཡལ་ག་འདྲ་བར་ནི། །འོག་ཏུ་མཐེའུ་ཆུང་རྩེ་མོར་སྦྱར། །གུང་མོ་ཡང་དག་དགུག་བྱ་ཞིང ། །པདྨའི་འདབ་ལྟར་ཡངས་པ་བྱ། །མཐེ་བོང་གཉིས་ཀ་སྦྱར་བཞག་ནས། །རྟག་ཏུ་བསྒྲེང་སྟེ་བཞག་པ་ཡིན། །ཞེ་སྡང་བྲལ་བའི་སངས་རྒྱས་ཀྱིས། །འདི་ནི་རྨ་བྱའི་གདན་དུ་གསུངས། །འདི་ནི་བློ་ལྡན་འཇམ་པའི་དབྱངས། །བྱང་ཆུབ་སེམས་དཔའ་འདི་ཡི་ནི། །བྱིས་པ་རྟག་ཏུ་རྩེ་བྱེད་པའི། །གདན་དུ་ཐུབ་པ་མཆོག་གིས་གསུངས། །མཐུ་ཆེན་ཕྱག་རྒྱ་ཆེན་པོ་འདི།། རང་བྱུང་རྣམས་ཀྱིས་སྔོན་བཤད་པའོ། །འཇམ་དབྱངས་སྔགས་ཀྱི་རབ་བསྐུལ་ན། །རྣམ་པ་སྣ་ཚོགས་ལས་རྣམས་བྱེད། །ཤ་ཟ་ཤ་ནི་ཟ་བ་རྣམས། ། གདུག་པ་རྣམས་ནི་འཇིག་པར་བྱེད། །ཉི་ཤུ་དེ་བཞིན་ཚང་བར་ནི། །དེ་དག་ཕྱག་རྒྱར་འདོད་པ་སྟེ། །རྫོགས་སངས་རྒྱས་པ་རྐང་གཉིས་མཆོག་།འཇིག་རྟེན་
313b
གཙོ་བོས་གསུངས་པ་ཡིན། །དེ་ནས་གཞན་ཡང་བཤད་བྱ་བ། །ཕྱག་རྒྱ་རྣམས་ཀྱི་ཆོ་ག་རྣམས། །ལག་པ་དགེ་ཞིང་དག་པ་དང ། །དྲི་མེད་ཆུ་ཡིས་བཀྲུས་པ་དང ། །ཙནྡན་དཀར་དང་ག་པུར་དང ། །གུར་གུམ་ཆུ་དང་ལྡན་པ་ཡི། །དྲི་ཡི་ཁྱད་པར་མང་པོ་ཡིས། །བྱུགས་ཤིང་མེ་ལ་བསྐམས་པ་ཡི། །ལག་ཕ་མ་ཉམས་གཙང་བ་དང ། ། མ་སྨད་ཤུ་བ་མེད་པ་ཡིས། །དང་པོར་ཕྱག་རྒྱ་རྐང་གཉིས་མཆོག་།དེ་ཡི་ཕྱག་རྒྱ་བཅིང་བར་བྱ། །ས་ལ་མེ་ཏོག་ཀུན་སྐྱེས་དང ། །འོད་དཔག་མེད་དང་རིན་ཆེན་ཏོག། དཔག་མེད་ཚེ་ཞེས་མི་གཡོ་དབང ། །འཇིག་རྟེན་མགོན་པོ་ཉིན་བྱེད་དང ། །བདེ་བྱེད་འཇིག་རྟེན་མགོན་པོ་དང ། །སྤྱན་བཟང་ཆོས་ཀྱི་ཏོག་དང་ནི། །འོད་ཀྱི་ཕྲེང་བ་ཞེས་གྲགས་པ། །གཙོ་བོ་མཆོག་ནི་དམ་པ་དག་།འདི་དག་ག་བུར་སངས་རྒྱས་ནི། །རྐང་གཉིས་མཆོག་ལ་ཕྱག་བྱས་ནས། །གཙང་བའི་གནས་སུ་གཙང་བྱས་ནས། ། ཟློས་པའི་དུས་སུ་ཕྱག་རྒྱ་བཅིང ། །སློབ་དཔོན་ལ་ནི་ཡང་དག་དྲིས། །ཐེ་ཚོམ་དོན་ལས་རྣམ་པར་གྲོལ། །དེ་འདྲའི་སྤྱོད་པ་དེ་ལྡན་ན། །ཇི་ལྟར་བདེ་བར་ཕྱག་རྒྱ་བཅིང ། །རྣམ་སྦྱངས་རྣམ་པར་དབེན་པ་དང ། །གནས་ཀྱང་མངོན་པར་བསྔགས་བྱས་པ། །ཁྲོས་མིན་ཟན་ཟས་ལྷག་བཅས་མིན། །གཞན་དག་གིས་ནི་སེམས་གཡེངས་
314a
༄#། །མིན། །སོལ་བ་ཐལ་བའི་ནང་དག་ཏུ། །ནམ་ཡང་ཕྱག་རྒྱ་བཤད་མི་བྱ། །གཞན་གྱི་བུད་མེད་ལ་ཆགས་དང ། །གཞན་ནོར་ཆགས་ལའང་བཤད་མི་བྱ། །ལངས་དང་ཉལ་བ་དག་ལ་ནི། །ཕྱག་རྒྱ་བདེ་འབྱུང་བཤད་མི་བྱ། །ལྷོར་ལྟས་འདུག་ལའང་མ་ཡིན་ཏེ། །ནུབ་ཏུ་བལྟས་ཏེ་འདུག་ལའང་མིན། །སྟེང་དང་འོག་གི་ཕྱོགས་དག་ཏུའང ། །ཕྱག་རྒྱ་བཅིང་བར་མི་བྱ་འོ། །བྱང་དང་ཤར་དུ་བལྟས་པ་དང ། །ཕྱོགས་མཚམས་དག་ནི་དེ་དག་ཏུ། །དཀྱིལ་འཁོར་བདག་པོའི་སྔགས་དྲན་ནས། །སྔགས་ཤེས་པས་ནི་ཕྱག་རྒྱ་བཅིང ། །ཕྱག་རྒྱ་མ་ལུས་བཅིང་བ་ལ། །ཆོ་ག་མཆོག་འདི་འདོད་པ་ཡིན། །དེ་ཡི་འོག་ཏུ་བརྗོད་བྱ་བ། །ཕྱག་རྒྱ་ཉི་ཤུ་གཅིག་པ་ཡིན། །ལག་གཉིས་མཉམ་པར་བྱས་ནས་ནི། །སོར་མོ་རྣམས་ནི་སྦྱར་བར་བྱ། །དེ་ནས་སོར་མོ་གུང་མོ་ནི། །རྩེ་མོ་སྦྱར་བར་བྱ་བ་ཡིན། །མཛུབ་མོ་དང་ནི་མཐེའུ་ཆུང་གི་།རྩེ་མོ་ཚིགས་ནི་བར་མར་གཞག་།ཕྱག་རྒྱ་ཤེས་པས་རྟག་བྱ་བ། །མཐེ་བོང་གཉིས་ནི་བཀུག་རྟེན་ཅིང ། །རྩེ་མོ་གསུམ་སྦྱར་ཡང་དག་ལྡན།། པཊྚི་སཾ་དུ་མཁས་པས་ཤེས། །ཕྱག་རྒྱ་འདི་ནི་མཆོག་ཡིན་ཏེ། །མྱུར་དུ་གཞན་གྱི་སྔགས་རྣམས་གཅོད། །དེ་ནས་གཞན་གྱི་ཕྱག་རྒྱ་གཅོད། །མ་རུངས་སེམས་ཅན་
314b
ལ་སྦྱར་བྱ། །གཟའ་དང་མ་མོ་སྲུལ་པོ་ཡི། །འབྱུང་པོ་ཀུན་ནི་སྐྲག་པར་བྱེད། །ལས་རྣམས་སྣ་ཚོགས་བྱེད་པ་སྟེ། །ཞི་བའང་མྱུར་དུ་འགུགས་པར་བྱེད། །དྲག་པོ་ཁྱབ་འཇུག་ཚངས་པ་དག་།གང་དག་རང་གིས་སྨྲས་པའི་སྔགས། །ཆོ་ག་མཐོང་བའི་ལས་ཀྱིས་ནི། །སྔགས་ཤེས་པས་ནི་དེ་དག་གཅོད། །བདག་ཉིད་ཆེན་པོ་པཊྚི་སའི། ། ཕྱག་རྒྱ་དང་ནི་ལྡན་པ་དང ། །རྒྱལ་བའི་ཞལ་ནས་བྱུང་བ་ཡི། །སྔགས་ཉིད་དང་ཡང་ལྡན་གནས་ན། །རྣམ་པ་སྣ་ཚོགས་ལས་བྱེད་དེ། །དེ་བཞིན་གཅོད་དང་དྲལ་བའི་ལས། །སེམས་ཅན་གཞན་གྱིས་བྱས་པའི་སྐྱོན། །མ་ལུས་མཐའ་དག་འཇིག་པར་བྱེད། །ལག་གཉིས་དེ་བཞིན་སྦྱར་ནས་ནི། །གུང་མོ་སྲིན་ལག་བསྲེང་བྱ་སྟེ། །ལག་གཉིས་ཡང་དག་ལྡན་པ་ནི། །མཚན་དང་འདྲ་བར་ཡང་དག་འབྱུང ། །སོར་མོ་བཞི་ནི་ཡང་དག་ལྡན། །མཚན་གྱི་ཕྱག་རྒྱ་ཞེས་འདོད་དོ། །ལྷ་ཡི་བུ་ན་དབང་ཕྱུག་ཆེ།། རང་གི་རྒྱས་ནི་ཕྱག་རྒྱ་བཏབ། །ཐུབ་པས་སྔོན་ནི་བཀུག་པ་ལ། །རྒྱུད་འདི་ལས་ནི་གསུངས་པ་ཡིན། །ཆོ་ག་མཆོག་འདིར་དམ་ཚིག་དང ། །བདག་ཉིད་སྔགས་འདི་མ་ལུས་དག་།དེ་བཞིན་ཕྱག་རྒྱ་རྒྱ་ཆེར་བཅས། །བཀུག་ནས་རབ་ཏུ་བསྟན་པ་ཡིན། །ཕྱག་རྒྱ་ཡི་ནི་རབ་མཆོག་འདི། །འཇིག་རྟེན་དག་ལ་རབ་ཏུ་བསྟན། །ཕྱག་རྒྱ་དག་ནི་
315a
༄#། །གང་ཇི་སྙེད། །དྲག་པོས་ས་སྟེང་རབ་བསྟན་པ། །དེ་དག་གི་ནི་བདག་པོ་མཆོག་།ཕྱག་རྒྱ་འདི་ནི་རྟགས་ཅིག་ཡིན། །འཇམ་པའི་དབྱངས་ནི་བློ་ལྡན་པ། །བྱང་ཆུབ་སེམས་དཔའི་མཐུ་ཡིས་ནི། །དཀྱིལ་འཁོར་འདིར་ནི་བསྡུས་པ་སྟེ། །སྦྱིན་སྲེག་ལས་ནི་རབ་སྒྲུབ་པའོ། །གང་དག་ཇི་སྙེད་གདུག་པ་པ།། ས་ཡི་སྟེང་ན་རྒྱུ་བ་ཡི། །གདོན་དང་ཤ་རྗེན་ཤ་ཟ་དང ། །མ་མོ་དང་ནི་ལུས་སྲུལ་པོ། །དྲག་པོས་བགེགས་ནི་བྱས་པ་དག་།དེ་དག་བཟློག་པའི་དོན་ཆེད་དུ། ། མཚན་མོ་གཏོར་མའི་ལས་དག་ལ། །ཕྱག་རྒྱ་མཆོག་འདི་གསུངས་པ་ཡིན། །སངས་རྒྱས་བྱིན་རླབས་རྫུ་འཕྲུལ་གྱིས། །ལས་རྣམས་མ་ལུས་བྱེད་པར་འགྱུར།། དེ་བཞིན་དེ་ནི་རྣམ་གཉིས་བྱས། །རྟགས་ནི་གཉིས་སུ་ཡང་དག་བསྟན། །དེ་བཞིན་སོར་མོ་ཕྲེང་བར་བྱས། །ཕྲེང་བ་ཞེས་ནི་ཡོངས་སུ་བསྒྲགས། །དེ་ཉིད་ཕྲེང་བ་ཡང་དག་བསྡུས། །ཁ་སྦྱར་འདྲ་བར་ཡང་དག་འབྱུང ། །མཛུབ་མོ་གཉིས་ཀྱི་རྩེ་སྤྲད་པ། །གཞུ་དང་འདྲ་བར་བྱ་བ་ཡིན། །མཐེ་བོང་གཉིས་ནི་ཆང་བར་མནན། །དེ་ནི་གཞུ་ཡི་ཕྱག་རྒྱར་མཚོན། །དེ་བཞིན་སོར་མོ་བྱས་ནས་ནི། །གཡས་པའི་མཛུབ་མོ་ངེས་པར་བརྐྱང ། །གཡོན་པའི་མཛུབ་མོའང་བརྐྱང་བྱས་
315b
ཏེ། །མཐེ་བོའི་ཚིགས་ནི་ཆང་པར་མནན། །ལྕགས་མདའི་ཕྱག་རྒྱ་ཞེས་བསྟན་ཏེ། །མཚན་མོ་མཉམ་པར་ཡང་བརྗོད་དོ། །དེ་བཞིན་ལག་གཉིས་བྱས་ནས་ནི། །སོར་མོ་རྣམས་ནི་ཕན་ཚུན་བཅིང ། །མཛུབ་གཉིས་བསླང་བར་ཡང་དག་སྦྱར། །མདུང་དང་འདྲ་བར་བྱས་པ་ཡང ། །མ་རུངས་ཐམས་ཅད་རྗེས་སྐྲག་པ། །འདི་ནི་མདུང་ཞེས་རབ་ཏུ་གསུངས། །དེ་བཞིན་ལག་གཉིས་བྱས་ནས་ནི། །གཉི་གའང་ཁུ་ཚུར་བཅིང་བྱ་ཞིང ། །མཐེ་བོང་གཉིས་ནི་བསྒྲེང་བྱས་པ། །ཐོ་བའི་ཕྱག་རྒྱར་བསྟན་པ་ཡིན། ། ཁ་སྦྱར་ཐོ་བ་དེ་ཉིད་ལས། །ཅུང་ཟད་རབ་ཏུ་བསྐྱོད་པ་ནི། །མདའ་ཆེན་མཆོག་ཏུ་གསུངས་པ་སྟེ། །ཕྱག་རྒྱ་དགྲ་ནི་འཇིག་བྱེད་པའོ། །དེ་ནས་ཨུཏྤལ་བཅིངས་བྱས་ཏེ། ། དེ་བཞིན་མཐེའུ་ཆུང་སོར་མོ་གཉིས། །མཐེ་བོའི་འོག་གི་ནང་དག་ཏུ། །དགོད་ཅིང་མཛུབ་མོ་བསྟན་པར་བྱ། །འདི་ནི་མཆེ་བ་ཞེས་གསུངས་ཏེ། །རྣམ་པར་ཕྱེ་བ་ཞལ་ཞེས་བརྗོད། །སོར་མོ་དག་ནི་ཀུན་ནས་ཀྱང ། །དེ་དག་མཉམ་པར་བྱས་ནས་སུ། །གཡས་པའི་ལག་པའི་དཀྱིལ་དག་ཏུ། །གཡོན་པའི་ལག་བཞག་བ་དན་བརྗོད། ། ལག་པ་དག་ནི་གཉིས་ཀ་ཡང ། །ཁ་སྦྱར་དག་ནི་མཛེས་པར་གཞག་།སོར་དང་སོར་མོ་དག་ཀྱང་ནི། །ཕན་ཚུན་རྩེ་མོ་དག་སྦྱར་བྱ། །དེ་ནས་སྲིན་ལག་རྩེ་གཉིས་
316a
༄#། །དགུག་།བུམ་པའི་ཕྱག་རྒྱར་ཡང་དག་བསྟན། །དེ་ཉིད་ཁུ་ཚུར་སྦྱར་ནས་ནི། །མཛུབ་མོ་གཉིས་ནི་སྔོན་དུ་བསྒྲེང ། །རྩེ་མོ་དགུག་པའི་རྣམ་པར་བྱ། །འཁར་གསིལ་འདྲ་བར་འགྱུར་བ་ཡིན། །ཕྱག་རྒྱ་འདི་ནི་ཡང་དག་བསྟན། །འཁར་གསིལ་དགྲ་ནི་སེལ་བར་བྱེད། །འཁར་གསིལ་དེ་ཉིད་ཅུང་ཟད་ཙམ། །ལེགས་པར་རབ་ཏུ་བཏུད་པ་ནི། །མཐེ་བོ་གཉིས་ལ་རྣམ་པར་སྦྱར། །དེ་འདིར་བྱ་མ་བུམ་དུ་བརྗོད། །མཛུབ་མོ་དང་ནི་སྲིན་ལག་གཉིས། །བསྒྲེང་བར་ཡང་ནི་བྱ་བ་སྟེ། །དེ་དག་གི་ནི་རྩེ་བཞི་སྤྲད། །གཏུན་ཤིང་འདྲ་བར་ཡང་དག་འགྱུར། །སྔགས་ཤེས་ཡང་དག་ལྡན་པ་ཡིས། །གཏུན་ཤིང་གི་ནི་ཕྱག་རྒྱར་བཤད། ། ལག་གཉིས་དེ་བཞིན་སྦྱར་ནས་ནི། །གུང་མོ་སྲིན་ལག་འོག་དང་ནི། །སྟེང་དུ་དེ་དག་རྣམ་པར་དགོད། །གཡས་པས་གཡོན་པ་བཅིང་བར་བྱ། །དེ་བཞིན་མཐེ་བོང་སྦྱར་ནས་ནི། །གུང་མོ་སྲིན་ལག་འོག་དང་ནི། །སྟེང་དུ་དེ་དག་རྣམ་པར་དགོད། །གཡས་པས་གཡོན་པ་བཅིང་བར་བྱ། །སོར་མོ་མཛུབ་མོ་མཐེའུ་ཆུང་དག ། ཕན་ཚུན་དུ་ནི་ཡང་དག་སྦྱར། །ཁོར་ཡུག་སྐྱིལ་ཀྲུང་འདྲ་བ་ཡི། །ཕྱག་རྒྱར་དེ་བཞིན་གཤེགས་པས་གསུངས། །འདི་ནི་སྐྱིལ་ཀྲུང་ཕྱག་རྒྱ་ཞེས། །འཇིག་རྟེན་
316b
ཀུན་ཏུ་གྲགས་པ་ཡིན། །ཕྱག་རྒྱ་འདི་དག་ལྡན་པ་དང ། །དེ་བཞིན་སྔགས་དང་རབ་ལྡན་པ། །རྒྱལ་བ་ཀུན་གྱིས་གསུངས་པ་དང ། །རྡོ་རྗེ་པདྨའི་རིགས་ལས་བྱུང ། ། འདི་དག་གི་ནི་སྔགས་ལྡན་འདི། །ཞི་བའི་ལས་ཀུན་བྱེད་པ་ཡིན། །གཏུན་ཤིང་ལ་སོགས་མདུང་གི་བར། །གང་ཡང་ཕྱག་རྒྱ་དེ་བཞིན་གསུངས། །ཐམས་ཅད་ཁྲོ་བོའི་རྒྱལ་པོ་ནི། །གཤིན་རྗེ་གཤེད་འདིའི་བསྟན་པ་ཡིན། །མཚོན་ཆ་དྲག་པོ་འདི་དག་ནི། །ཐམས་ཅད་གདུལ་ཕྱིར་སྦྲུལ་པ་ཡིན། །བྱང་ཆུབ་སེམས་དཔའི་མཐུ་ཡིས་ནི། ། དེ་ཚེ་བསྒྲུབ་བྱ་སྒྲུབ་པ་ཡིན། །གདུལ་བྱ་གདུག་པ་ཐམས་ཅད་ལ། །བུམ་པ་ལ་སོགས་ཕྱག་རྒྱ་གསུངས། །ལག་གཉིས་དེ་བཞིན་བྱས་ནས་ནི། །པ་ཊ་ཧ་ཡི་རྔ་འདྲ་བྱ། ། སོར་མོ་རྣམས་ནི་མཉམ་པར་སྦྱར། །ཐམས་ཅད་ཀྱིས་ཀྱང་རིམ་པར་བསྣོལ། །མཐེ་བོང་ཡང་ནི་རིམ་པར་བྱ། །དེ་ནས་ལག་པའི་ནང་དུ་གཞུག་།གུང་མོ་མཛུབ་མོ་གཉིས་པོ་ནི། །གྱེན་དུ་བསྒྲེང་པ་དག་ཏུ་བྱ། །འདི་ནི་པ་ཊ་ཧ་ཞེས་བསྟན། །ཕྱག་རྒྱ་མ་རུངས་ཟློག་བྱེད་པའོ། །ལག་གཉིས་དེ་བཞིན་བྱས་ནས་ནི། །སོར་མོ་རྣམས་ནི་ལེགས་རབ་སྦྱར། །གདུབ་ཀོར་འདྲ་བར་མཛེས་པ་ཡི། །མཛུབ་མོ་གཉིས་ནི་རྣམ་བཀུག་ལ། །མཐེ་བོང་གཉིས་ནི་འོག་མཐར་བྱ། །མཐེ་བོང་གཉིས་ཀྱང་སྨད་པར་
317a
༄#། །བྱ། །གུང་མོ་སྦྱར་ལ་རབ་གཞུག་བཞག་།དུང་ནི་མཛེས་པར་འགྱུར་བ་ཡིན། །འདི་ནི་ཆོས་ཀྱི་དུང་ཞེས་བའི། །ལག་པའི་ཕྱག་རྒྱ་རབ་ཏུ་བསྟན། །ཐུབ་མཆོག་གསུངས་པའི་སྔགས་ལྡན་ན། །ལས་ནི་ཐམས་ཅད་བྱེད་པ་ཡིན། །རྣམ་པ་སྣ་ཚོགས་ལས་བྱེད་པ། །རྩ་བའི་སྔགས་དང་རབ་སྦྱར་ན། །མཆེ་བའི་དུག་ཅན་ཐམས་ཅད་དང ། །སྦྲུལ་གྱི་དུག་རྣམས་ཐམས་ཅད་སེལ། །རིག་པའི་རྒྱལ་པོ་རྫུ་འཕྲུལ་ཆེ། །ཕྱག་རྒྱ་མཆོག་ནི་རྫུ་འཕྲུལ་ཆེ། །ཕྱག་རྒྱ་དུང་ནི་འབུད་བཞིན་བཟླས། ། དུག་གིས་བརྒྱལ་བའི་སྐྱེ་བོ་ནི། །མྱུར་དུ་དུག་ནི་མེད་པར་འགྱུར། །ཕྱག་རྒྱ་མཆོག་ནི་རྫུ་འཕྲུལ་ཆེ། །བཞི་བཅུ་དག་ནི་ཡང་དག་བསྟན། །དེ་ནས་གཞན་ཡང་ཕྱག་རྒྱ་ཡི། །མཚན་ཉིད་ཡང་དག་བཤད་བྱ་བ། །ལག་གཉིས་དེ་བཞིན་རྣམ་བཀོད་པ། །སོར་མོའི་རྩེ་མོ་ལེགས་པར་སྦྱར། །གཡོན་མིན་ལག་པའི་ནང་དུ་ནི། །འབད་པས་ལག་གཡོན་གཞུག་པར་བྱ། །ཐམས་ཅད་འོག་ཏུ་བྱས་པ་ཡི། །ལུ་གུ་རྒྱུད་དུ་བསྟན་པ་ཡིན། །འདི་ནི་ཕྱག་རྒྱ་རབ་མཆོག་སྟེ། ། གདུག་པ་མ་ལུས་འཆིང་བར་བྱེད། །ཐུབ་པ་མཆོག་གིས་གསུངས་པ་ཡི། །སྔགས་འདི་དག་དང་ལྡན་བྱས་ན། །གཟའ་དང་མ་མོ་སྡིག་ལྡན་རྣམས། །
317b
འབྱུང་པོ་མ་ལུས་འཆིང་བར་འགྱུར། །ལག་གཉིས་དེ་བཞིན་ཀུན་བསྡུས་ནས། །བཀྲོལ་ཞིང་རིམ་པར་ཡང་དག་བསྒྲེང ། །གུང་མོའི་ཚིགས་སུ་མཐེ་བོང་ནི། །འདི་ཉིད་ཆོ་གས་གཞག་པར་བྱ། །མཐེ་བོང་གཉིས་ཀྱི་རྩེ་མོ་ཡང ། །གུང་མོའི་བར་ཚིགས་ཡང་དག་སྦྱར། །མེ་ལ་མངོན་ཕྱོགས་བསྟན་བྱས་ནས། །མེ་ཡི་སྔགས་དང་ལེགས་པར་སྦྱར། །མེ་ཡི་ལས་ལ་ཐམས་ཅད་དུ། །མེ་ལྷ་སྤྱན་ནི་དྲང་བྱ་སྟེ། །མེ་ཡི་ཕྱག་རྒྱ་རབ་སྦྱར་ན། །མྱུར་དུ་མེ་ནི་སྤྱན་དྲང་འགྱུར། །ཕྱག་རྒྱ་སྔགས་ཀྱིས་གཤེགས་སུ་གསོལ། །མཛུབ་མོའི་རྩེ་མོ་ཉིད་ལ་ནི། །མཐེ་བོང་རྩེ་མོ་རབ་སྦྱར་བས། །མེ་ཡི་ལྷ་ནི་གཤེགས་གསོལ་བའི། །ཕྱག་རྒྱ་འདི་ནི་ཀུན་གྱིས་བཞེད། །མེ་ཡི་ལྷ་ནི་རབ་སྒྲུབ་པའོ། །ཟློས་པ་སྔགས་ནི་གང་འདོད་པའི། །ལྷ་རྣམས་དག་ནི་སྤྱན་དྲང་འགྱུར། །ཕྱག་རྒྱ་ཀུན་གྱི་བཞེད་པ་འདི། །སངས་རྒྱས་བྱིན་བརླབ་གསུངས་པ་ཡིན། །སྔགས་མཆོག་དང་ནི་ལྡན་པ་ཡིས། །ལས་རྣམས་རྣམ་པ་སྣ་ཚོགས་བྱེད། །ལག་གཉིས་དེ་བཞིན་བྱས་ནས་ནི། །སོར་མོ་ཚང་བར་སྦྱར་ནས་ནི། །སོར་མོའི་རྩེ་མོ་མཐོང་དབྱེ་ཞིང ། །ལྷོད་ཅིང་ཟླུམ་པར་ཡང་དག་བྱ། །དེ་ནས་པདྨ་ཡོངས་རྫོགས་པ། །ཁ་ནི་བྱེ་བར་མ་གྱུར་བྱ། །འདི་ནི་རེ་བ་རྫོགས་བྱེད་པའི། །ཕྱག་རྒྱ་དོན་ཀུན་སྒྲུབ་
318a
༄#། །བྱེད་ཅེས། །ཕྱག་རྒྱ་འདི་ནི་རབ་མཆོག་སྟེ། །སྔོན་གྱི་དེ་བཞིན་གཤེགས་པས་གསུངས། །སེམས་ཅན་རྣམས་ལ་ཕན་འདོད་ནས། །འཇམ་དཔལ་དབྱངས་ཀྱིས་སྦྱར་བ་ཡིན། །སེམས་ཅན་ཡིད་ལ་འདོད་པ་དག་།ཡིད་ལ་རེ་བའི་ཕན་འདོད་གང ། །རྫུ་འཕྲུལ་ཆེན་པོ་སྔགས་ལྡན་པས། །མྱུར་དུ་དེ་དག་སྒྲུབ་པར་བྱེད། །ཕྱག་རྒྱ་འདི་ནི་རབ་མཆོག་སྟེ། །ཡིད་ལ་རེ་བ་རྫོགས་ཞེས་བརྗོད། །འདི་ནི་ཕྱག་རྒྱ་རབ་མཆོག་སྟེ། །ལས་ཀུན་རབ་ཏུ་སྒྲུབ་བྱེད་པའོ། །མྱུར་དུ་སྔགས་རྣམས་སྒྲུབ་བྱེད་ཅིང ། །རྒྱ་ཆེ་ཉིད་ཀྱི་རྫས་དང་བཅས། །ཐུབ་པའི་ཟླ་བ་དེ་ཡིས་ནི། །ཟླ་བའི་འོད་ལ་རབ་ཏུ་བསྟན། །ཟླ་བས་པདྨའི་རིགས་དག་ལ། །དེས་ནི་ཕྱག་རྒྱ་འདི་ལ་སྦྱར། །སྔགས་མཁན་ཇི་ལྟར་འདོད་པ་བཞིན། །རྣམ་པ་སྣ་ཚོགས་ལས་རྣམས་བྱེད། །ལག་གཉིས་དེ་བཞིན་བསྡུ་བྱས་ནས། །མཛུབ་མོ་གཉིས་ནི་བསྒྲེང་བར་བྱ། ། གུང་མོའི་སོར་མོའི་རྩེ་མོ་གཉིས། །ཅུང་ཟད་སྨད་པ་རྟ་བབས་ཡིན། །དེ་ཉིད་ཡང་དག་བསྒྲེང་བྱས་ནས། །རྟ་བབས་བཟང་པོར་གསུངས་པ་ཡིན། །དེ་ཉིད་ཕན་ཚུན་སྦྱར་བྱས་པ། །སངས་རྒྱས་རུ་དུང་སྒྲ་རུ་བསྟན། །མཐེ་བོའི་གཙོ་བོ་བསྒྲེང་བྱས་པ། །མཁས་པས་རྒྱལ་བའི་སྒྲ་རུ་ཤེས། །ལག་གཉིས་དེ་བཞིན་ཡང་དག་སྦྱར།།
318b
མཛུབ་མོའི་རྩེ་མོ་ཡང་དག་དགུག་།སོར་མོ་ཐམས་ཅད་སྦྱར་བྱས་ལ། །ཅུང་ཟད་ཡངས་པར་འབྱུང་བ་ནི། །དེ་ནི་སངས་རྒྱས་རྔ་ཆེན་མཁྱེན། །ཆོས་ཀྱི་རྔ་ནི་བསྒྲེང་བྱས་པའོ། །དེ་ནས་ལག་གཅིག་ཐལ་མོ་ནི། །གཡས་པ་གཡོན་པའི་སྟེང་དུ་བསྒྲེང ། །འོག་ཏུ་རབ་ཏུ་སྦྱར་བ་ནི། །གླང་པོའི་རྣམ་པར་ཡང་དག་སྦྱར། །གཡས་པའི་གུང་མོའི་སོར་མོ་ནི། །གླང་པོའི་སྣ་འདྲར་རབ་ཏུ་བྱ། །འཁོར་བའི་ཕ་རོལ་ཕྱིན་པ་ཡིས། །ཕྱག་རྒྱ་དེ་ནི་གླང་པོར་བསྟན། །ཕྱག་རྒྱ་འདི་ནི་ཕྱག་རྒྱ་ཆེ། །རྫོགས་སངས་རྒྱས་ཀྱིས་རབ་ཏུ་བསྟན། །ལས་རྣམས་མཐའ་དག་བྱེད་པ་སྟེ། །འཇིག་རྟེན་ཀུན་གྱིས་མཆོད་པ་ཡིན། །ལག་གཡས་བརྐྱང་ཞིང་རབ་བསྒྲེང་བ། །དེ་ནི་མི་འཇིགས་སྦྱིན་པར་བརྟགས་།ལག་པ་གཡོན་པ་བརྐྱང་བྱས་པའི། །མཁྲིག་མའི་ཚིགས་ལ་རབ་བཞག་པའོ། །གུང་མོ་མཛུབ་མོ་སྦྱར་བྱས་ལ། །མཐེ་བོང་གཉིས་ནི་རབ་ཏུ་གཞུག་།གུང་མོ་གཉིས་ནི་བསྒྲེང་བར་བྱ། །འཁྲུལ་པ་མེད་པའི་རྒྱ་དེ་ཡིན། །དེ་ཉིད་སོར་མོ་རྣམ་སྦྱར་ཞིང ། །མཐེ་བོང་སྟེང་དུ་གནས་བྱས་ཏེ། །ཚིགས་ཀྱི་འོག་ཏུ་རབ་བཞག་པ། །མཇུག་རིངས་ཀྱི་ནི་རྒྱ་ཞེས་བསྟན། །དེ་ཉིད་མཛུབ་རྩེ་རབ་བསྒྲེང་བ། །མདའ་ཡི་ཕྱག་རྒྱར་བསྟན་པ་ཡིན། །མཛུབ་རྩེ་གཉིས་ནི་ཡང་དག་ལྡན། །
319a
༄#། །ཕན་ཚུན་རྩེ་མོ་རྣམ་སྤྲད་ཅིང ། །དེ་གཉིས་ཚིགས་སུ་མཐེ་བ་གཉིས་སྦྱར། །མཐེའུ་ཆུང་གཉིས་ནི་ཡང་དག་བརྐྱང ། །དེ་ཉིད་དགྲ་སྟར་བསྟན་པ་སྟེ། །ཕྱག་རྒྱ་དོན་ཀུན་སྒྲུབ་བྱེད་པའོ། །ཐམས་ཅད་ཡང་དག་བསྡུ་བ་ཡང ། །ཕྱག་རྒྱ་ཀུན་གྱིས་མཆོད་པ་ཡིན། །དེ་བཞིན་དུ་ནི་རབ་བསྒྲེང་བ། །མཛུབ་གཉིས་རྩེ་མོ་སྦྱར་བྱས་པ། །དེ་ནི་མཚོན་ཆ་རྩེ་གཅིག་རྒྱ། །དེ་བཞིན་འཁོར་ལོ་མདའ་ཆེན་གཤོལ། །མཛུབ་མོ་འཁོར་ལོ་བཞིན་བྱ་དང ། །ཕྱག་རྒྱ་དམ་པ་གཤོལ་ཡང་བྱ། །ཕྱག་རྒྱ་དྲུག་ཅུ་འདི་དག་ནི། །ཆོ་ག་དང་བཅས་གསུངས་པའང་ཡིན། །འདི་དག་མ་ལུས་མཚོན་ཆའི་རྒྱ། །སྔགས་དང་ཡང་དག་ལྡན་པར་གསུངས། །དམན་པ་ཀུན་གྱིས་བྱས་པའི་སྐྱོན། །གཟའ་དང་གྲུལ་བུམ་མ་མོ་དང ། །སྲིན་པོ་ཀུན་གྱི་གཙོ་བོ་རྣམས། །བྱིས་པའི་སེམས་ཅན་འཇིགས་བྱེད་པ། །ཕྱག་རྒྱའི་མཚོན་ཆ་ལས་བྱུང་བས། །དེ་དག་ཐམས་ཅད་དེས་འཇིག་འགྱུར། །ཕྱག་རྒྱ་དྲུག་ཅུ་འདི་དག་གི་།མཚན་ཉིད་ཉེ་བར་བསྟན་པ་ཡིན། །དེ་ནས་གཞན་ཡང་བཤད་བྱ་བ།། ཕྱག་རྒྱའི་ཆོ་ག་ཡང་དག་འབྱུང ། །ལག་གཉིས་དེ་བཞིན་རྣམ་བཀོད་པ། །པདྨ་འདྲ་བར་ཡང་དག་བསྒྲེང ། །སོར་མོ་ཐམས་ཅད་ཀྱིས་བསྒྲུབས་པ། །ཕྱག་རྒྱ་པདྨ་
319b
ཞེས་བྱའོ། །ཕྱག་རྒྱ་འདི་ནི་མཆོག་ཅེས་བྱ། །པདྨའི་རིགས་ལ་ཡང་དག་སྦྱར། །པདྨའི་རིགས་ནི་ཇི་སྙེད་པའི། །སྔགས་དང་ལྡན་པས་དགེ་པར་འགྱུར། །སངས་རྒྱས་བྱིན་རླབས་ལས་བྱུང་བ། །མྱུར་དུ་ལམ་རྣམས་བྱེད་པར་བརྗོད། །ཇི་སྙེད་པདྨའི་རིགས་གསུངས་པ། །སྔགས་རྣམས་མ་ལུས་སྒྲུབ་པར་བྱེད། །པདྨ་རྣམས་ཀྱི་ཕྱག་རྒྱ་འདི། ། ཕྱག་རྒྱའི་པདྨ་ཞེས་སུ་བརྗོད། །ལག་གཉིས་ཡང་དག་སྦྱར་ནས་ནི། །མཛུབ་མོ་གཉིས་ནི་ཡང་དག་བསྒྲེང ། །གུང་མོའི་རྩེ་མོ་སྦྱར་བྱས་ནས། །རྡོ་རྗེ་རྩེ་གསུམ་ཡང་དག་འགྱུར། །གུང་མོའི་སོར་མོའི་ཚིགས་དབུས་སུ། །མཐེ་བོང་གཉིས་ཀྱི་རྩེ་མོར་སྦྱར། །དེ་ཉིད་རྡོ་རྗེ་ཞེས་གསུངས་ཏེ། །ཕྱག་རྒྱ་དམ་པ་ཐ་མ་ཡིན། །ཇི་སྙེད་རྡོ་རྗེའི་རིགས་ཀྱི་སྔགས། །དེ་དག་ཕྱག་རྒྱ་འདིས་སྒྲུབ་འགྱུར། །ཆོ་ག་ལྡན་པར་རབ་ཞུགས་ན། །མྱུར་བ་ཉིད་དུ་འགྲུབ་པར་འགྱུར། །སྒྲུབ་པ་ལས་ངང་ཡང་དག་ལྡན། །བསྒྲུབ་བྱ་རྟག་ཏུ་སྒྲུབ་པ་ན། །སྒྲུབ་མཆོག་ཐ་མ་བར་མ་ནི། །དེ་ལ་རྟག་ཏུ་འགྲུབ་པར་འགྱུར། །འཇིག་རྟེན་སྔགས་རྣམས་མ་ལུས་པའང ། །ཐེ་ཚོམ་མེད་པར་འགྲུབ་པར་འགྱུར། ། ལག་གཉིས་ཡང་དག་སྦྱར་བྱས་ནས། །གུང་མོ་གཉིས་ནི་ཡང་དག་བསྒྲེང ། །སྲིན་ལག་མཐེ་བོང་དག་ཀྱང་དགུག་།མཐེའུ་ཆུང་གཉིས་ནི་སྦྱར་བྱས་ལ། །མཛུབ་གཉིས་
320a
༄#། །རྩེ་མོ་སྤྲད་ནས་ནི། །མཛུབ་མོའི་དབུས་ཚིགས་གཉིས་དགུག་བྱ། །གུང་མོ་གཉིས་ཀྱི་རྩེ་མོ་སྦྱར། །འཁོར་ལོ་འདྲ་བར་ཡང་དག་འབྱུང ། །འདི་ནི་ཆོས་ཀྱི་འཁོར་ལོ་སྟེ། །འདི་ནི་ཕྱག་རྒྱའི་རྒྱལ་པོར་བསྟན། །དེ་ཚེ་ཆོས་རྒྱལ་གྱིས་གསུངས་ཏེ། །ཆོས་ཀྱི་འཁོར་ལོ་རབ་ཏུ་བསྐོར། །ཐུབ་པའི་ཟླ་བ་བདུན་པ་ཡིས། །དེ་ཚེ་ཞི་བའི་འཁོར་ལོར་གསུངས། །ཕྱག་རྒྱའི་རྒྱལ་པོ་རབ་སྦྱར་ནས། །དུས་གསུམ་རྒྱུན་མི་ཆད་བཟླས་ན། །འཇིག་རྟེན་པ་ཡི་སྔགས་ཀུན་དང ། །ཁྱབ་འཇུག་དབང་ལྡན་གྱིས་བཤད་པ། །ཟློས་པ་ཕྱག་རྒྱར་ཡང་དག་ལྡན། །མཐོང་བ་ཙམ་གྱིས་དེ་དག་གཅོད། །འདི་ནི་ཕྱག་རྒྱ་རབ་མཆོག་སྟེ། །ཆོས་ཀྱི་དབྱིངས་ལས་རྣམ་པར་བྱུང ། །སེམས་ཅན་རྣམས་ནི་ཅི་འདོད་པ། །ཐམས་ཅད་ལས་ནི་བྱེད་པར་འགྱུར། །ཆོས་ཀྱི་རྒྱལ་པོས་ཞི་དོན་དུ། །ཕྱག་རྒྱ་འདི་ནི་ཡང་དག་བསྟན། །ཆོ་གའི་རྒྱལ་པོའི་མཆོག་འདི་ནི། །ལས་རྣམས་མ་ལུས་རབ་ཏུ་སྒྲུབ་།འཇམ་པའི་དབྱངས་ཀྱིས་བསྟན་པ་ལ། །ཆོས་ཀྱི་འཁོར་ལོའི་ཕྱག་རྒྱ་འདིའོ། །མ་ཞི་བ་ཡི་ཕྱག་རྒྱ་ཀུན། །ཞི་བའི་ལས་ལ་རབ་ཏུ་སྦྱར། །སྔགས་པས་རྟག་ཏུ་མགོ་བོར་ནི། །འཁོར་ལོའི་ཕྱག་རྒྱ་བརྟག་པར་བྱ། །ལག་གཉིས་དེ་བཞིན་བྱས་ནས་ནི། །ཁ་
320b
སྦྱར་འདྲ་བར་བྱ་བ་ཡིན། །སོར་མོ་ལྷོད་ཅིང་ཡངས་པར་བྱ། །ལག་གཉིས་སོར་མོའི་རྩེ་དགུག་པ། །འདི་ནི་པདྨ་དཀར་པོ་ཡིན། །ཕྱག་རྒྱ་སེམས་ཅན་དོན་སྒྲུབ་ཤེས། །དེ་ལས་ལག་པ་གཅིག་བཏང་ནས། །ཁུ་ཚུར་ཕྱེ་ཞིང་སོར་མོ་བསྲིངས། །ལག་པ་བརྐྱང་བ་ལྟ་བ་ནི། །མཆོག་སྦྱིན་གྱི་ནི་ཕྱག་རྒྱར་བརྗོད། ། ལག་གཉིས་ཀྱང་ནི་དེ་བཞིན་བྱས། །ཀུན་ནས་སོར་མོ་རྣམས་ཀྱིས་ནི། །ཕྲེང་བ་བཞིན་དུ་གཤིབས་བྱས་པ། །རྒྱལ་བའི་ཕྱག་རྒྱར་འདི་བརྗོད་དོ། །དེ་བཞིན་ལག་གཉིས་སྦྱར་ནས་ནི། །གུང་མོ་མཛུབ་མོ་གཉིས་དག་ནི། །ཁབ་ཀྱི་རྣམ་པར་བྱ་བ་ཡིན། །དེ་ལས་གཞན་པའི་སོར་མོ་ནི། །ཅུང་ཟད་དགུག་པར་བྱ་བ་ཡིན། །དེ་ལ་མཛུབ་མོ་གཉིས་དག་ནི། །གནས་པའི་རྣམ་པར་ལེགས་དགོད་བྱ། །དེ་ཡང་ཡང་དག་སྦྱར་བྱས་ཏེ། །སྲིན་ལག་གི་ནི་ཚིགས་སུ་བརྟེན། །འཇིག་རྟེན་མང་པོའི་འདྲེན་པས་ནི། ། རུས་སྦལ་ཕྱག་རྒྱར་འདི་བསྟན་ཏེ། །དེ་བཞིན་ལག་གཉིས་རྣམ་པར་དགོད། །སོར་མོ་དག་ནི་ཀུན་ནས་ཀྱང ། །གཉིས་ཀ་ཁུ་ཚུར་མཉམ་བྱས་ནས། །མཛུབ་མོ་གཉིས་ནི་སྦྱར་བྱ་བ། །མཁས་པས་ཕྱག་རྒྱ་དེ་ཉིད་ནི། །རྡོ་རྗེ་དབྱུག་པར་ཡང་དག་བརྗོད། །ལག་གཉིས་དེ་བཞིན་ཡང་དག་པར། །ཁ་སྦྱར་འདྲ་བར་བྱས་ནས་ནི། །ཕན་ཚུན་
321a
༄#། །སྦྱར་བ་ལ་བརྟེན་ནས། །སོར་མོའི་ཐལ་མོར་རྣམ་པར་དགོད། །མཐེ་བོང་གཉིས་ནི་ནང་གཞུག་པ། །དགྲ་འཇིགས་ཕྱག་རྒྱར་བརྗོད་པ་ཡིན། །དེ་ནས་ལག་གཉིས་མཉམ་བྱས་ཏེ། །དེ་ནས་ཐལ་མོ་སྦྱར་ནས་ནི། །ཀུན་ནས་གཞོལ་བར་རབ་ཏུ་བྱ། །གྲུ་ཡི་བཞོན་བར་རབ་ཏུ་འབྱུང ། །འཇིག་རྟེན་གསུམ་གྱི་སྐྱོབ་པ་ཡིས། །གྲུ་ཡི་ཕྱག་རྒྱར་འདི་རབ་བསྟན། །འཁོར་བའི་རྒྱ་མཚོ་ཆེན་པོ་ལས། །འབྱུང་པོ་རྣམས་ནི་ཡང་དག་སྒྲོལ། །སོར་མོ་དེ་ཉིད་བསྒྲེང་ནས་ནི། །དེ་ཚེ་ལག་གཉིས་སྣ་ཚོགས་བྱ། །ཕྱག་རྒྱ་གཞལ་མེད་ཁང་ཞེས་བྱ། །སེམས་ཅན་སྟེང་དུ་རྗེས་སུ་འཛུད། །དེ་བཞིན་ལས་གཉིས་ཡང་དག་བསྡུས། །ཤིང་རྟ་ཞེས་ནི་དེ་ལ་བརྗོད། །ཐེག་གསུམ་འགྲོ་བའི་གཙོ་བོ་སྟེ། །སྐྱོབ་པ་རྣམས་ཀྱིས་ཤིང་རྟར་གསུངས། །ཟློས་པ་སྔགས་ནི་འདོད་པ་དང ། །འབྱུང་པོ་ཀུན་ནི་འདྲེན་པར་བྱེད། །ཐེག་པ་མཆོག་ལ་བརྟེན་ནས་ནི། །སངས་རྒྱས་གོ་འཕང་ཐོབ་པར་བྱེད། །དེ་ཉིད་ལག་གཉིས་རབ་བསྒྲེང་ནས། །གཉི་ག་ཡང་ནི་ཁ་སྦྱར་བྱ། །ལག་མཐིལ་གཉིས་ནི་མཉམ་བྱས་བརྐྱང ། །ལན་ཀ་ན་འདྲ་བར་ཡང་དག་འབྱུང ། །འདི་ནི་ཕྱག་རྒྱ་རབ་མཆོག་སྟེ། །འཇིག་རྟེན་མགོན་གྱིས་ལེགས་མཆོད་པའོ། །སངས་རྒྱས་
321b
ཀུན་གྱི་གནས་རྣམས་སུ། །ཐུབ་པའི་ཟླ་བས་ཡང་དག་གསུངས། །གང་དུ་འདས་པའི་སངས་རྒྱས་དང ། །མ་འོང་ས་དེ་ལྟར་བཞུགས་པ་དང ། །མྱ་ངན་འདས་པའི་དབྱིངས་ལ་བཞུགས། །གུང་དུ་གནས་མལ་ལ་བཞུགས་པ། །ཕྱག་རྒྱ་གནས་མལ་ཞེས་བྱ་བར། །འཇིག་རྟེན་འདྲེན་པས་དེ་འདིར་མཁྱེན། །ལག་གཉིས་དེ་བཞིན་བྱས་ནས་ནི། ། སོར་མོ་རྣམས་ནི་ཡང་དག་སྦྱར། །ཁ་སྦྱར་དུ་ནི་རྣམ་པར་དགོད། །གཡས་པའི་མཛུབ་མོ་གཅིག་གིས་ནི། །གཡོན་པའི་རྩེ་མོར་གཏུག་བྱ་བ། །དེ་ནི་ཟླ་བ་ཕྱེད་དུ་བརྗོད།། ལག་གཉིས་དེ་བཞིན་བྱས་ནས་ནི། །གཡས་པའི་སོར་མོས་ཁུ་ཚུར་བྱ། །ལག་པ་གཡོན་ལ་ཡོད་པ་ཡི། །སོར་མོ་ཀུན་ནི་མཉམ་བསྒྲེང་སྟེ། །སོར་མོའི་རྩེ་མོས་ཁུ་ཚུར་བཅིང ། །གཡས་དང་གཡོན་པ་ལྡན་པ་ཡི། །སོར་མོ་རྣམས་ནི་སྦྱར་བྱས་ནས། །མཐེའུ་ཆུང་གཉིས་ནི་བརྐྱང་བྱས་པ། །པི་ཝང་ཕྱག་རྒྱར་ཉེ་བར་བསྟན། །ལག་གཉིས་དེ་བཞིན་བྱས་ནས་ནི། །སོར་མོ་ཅུང་ཟད་ཁ་བྱེ་ཡང ། །མཐེ་བོང་གཉིས་ཀྱི་བར་དུ་ནི། །མཛུབ་མོ་གཉིས་ནི་བརྟེན་པར་བྱ། །འདི་ནི་པད་མཚོའི་ཕྱག་རྒྱ་སྟེ། །རྫོགས་སངས་རྒྱས་ཀྱིས་འགྲོ་ལ་གསུངས། །རྟག་ཏུ་མཐེ་བོང་གཉིས་བརྐྱང་བ། །ུཏྤལ་ཡི་ཕྱག་རྒྱ་ཞེས། །རྐང་གཉིས་དམ་པ་སངས་རྒྱས་ཀྱིས། །འཇིག་རྟེན་དུ་ནི་གསུངས་
322a
༄#། །པ་ཡིན། །དེ་ཉིད་ཐལ་མོ་སྦྱར་བྱས་པ། །འགྲོ་པ་ཕྱག་འཚལ་འདྲ་བ་སྟེ། །བླ་མ་ཕྱག་འཚལ་རྒྱ་འདི་ཞེས། །འཇིག་རྟེན་ཀུན་ཏུ་རྣམ་པར་གྲགས། །རྒྱ་དེ་ཉིད་ནི་བསྡམ་བྱས་ན། །ལག་གཉིས་ཟུང་དུ་ཡང་དག་འབྱུང ། །རྒྱ་འདི་ལག་པ་གཉིས་ཟུང་ཞེས། །འཇིག་རྟེན་གསུམ་དུ་རྣམ་པར་གྲགས། །ཅུང་ཟད་མཐེ་བོང་རྩར་བཞག་སྟེ། །མཐེ་རྩར་ཕན་ཚུན་ལེགས་གནོན་པ། །དེ་ནི་ཁ་སྦྱར་རྒྱ་རུ་འགྱུར། །མྱ་ངན་འཁྲུག་པ་རྣམ་པར་འཇིག་།གང་དག་མཚོན་ཆ་ལས་བྱུང་རྣམས། །ཕྱག་རྒྱ་འདི་དག་གསུངས་པ་ཡིན། །མེ་ཏོག་གདན་དང་བཞོན་པ་དང ། །གཞན་ཡང་གདོན་ནི་འཇིགས་བྱེད་པ། །ཐམས་ཅད་ལས་ཀུན་བྱེད་ལྡན་པ། །སྐྱོ་བ་པའི་སྔགས་ཀུན་ཐམས་ཅད་ཡིན། །ཆོས་གྲངས་དང་ནི་རྒྱུ་སྐར་དང ། །སྨྱུང་བ་དག་ཀྱང་མི་བྱ་སྟེ། །ཕྱག་རྒྱ་སྔགས་སུ་རབ་ལྡན་པ། །ལས་རྣམས་མྱུར་དུ་གྲུབ་པར་བྱེད། །ཟློས་པ་དཀའ་ཐུབ་ལྡན་པ་དང ། །སྔགས་ཟློས་པ་ལ་མཁས་པ་དང ། །ཕྱག་རྒྱ་སྔགས་སུ་རབ་ལྡན་ན། །བསྒྲུབ་བྱ་མིན་པའང་ཅུང་ཟད་མེད། །ལག་པ་གཉིས་པོ་བྱ་བ་ཡིན། །ཕན་ཚུན་ཐལ་མོ་ཡང་དག་སྦྱར། །མཐེའུ་ཆུང་སྲིན་ལག་མཐེ་བོ་ཡི། །ཚིགས་ནི་པར་མ་སྦྱར་བྱ་བ། །གུང་མོ་སྦྱར་བའི་ཚིགས་གསུམ་
322b
པར། །མཛུབ་མོ་བཀུག་སྟེ་སྦྱར་བར་བྱ། །རིགས་གསུམ་གྱི་ནི་སྤྱི་ལ་ཡང ། །མཆོད་ཡོན་གྱི་ནི་ཕྱག་རྒྱར་བསྟན། །སོར་མོ་ཟུང་ནི་གསུམ་པོ་དག་།དེ་བཞིན་ཕན་ཚུན་ཡང་དག་སྦྱར། །མཛུབ་མོའི་རྩེ་གཉིས་ཡང་དག་སྤྲད། །མཐེ་བོང་གཉིས་ཀྱི་འགྲམ་དུ་བསྐུམ། །ཐལ་མོ་འདྲ་བར་ཡང་དག་ལྡན། །མེ་ཏོག་ཕྱག་རྒྱར་བསྟན་པ་ཡིན། ། ལག་པའི་ཐལ་མོ་བཀན་བྱས་ནས། །མཐེའུ་ཆུང་སྦྱར་བྱས་རྒྱབ་ཏུ་ནི། །སྲིན་ལག་ཡང་དག་སྦྱར་བར་བྱ། །དེ་ཡི་རྒྱབ་ཏུ་གུང་མོ་སྦྱར། །མཛུབ་མོ་གཉིས་ནི་སྦྱར་བར་བྱ། །ས་ལ་ཐལ་སྦྱར་བྱ་བ་ཡིན། །མཐེ་བོང་གཉིས་ནི་འགྲམ་བཞག་པ། །ཆོས་ཀྱི་ཕྱག་རྒྱ་རྒྱར་བསྟན་པ་ཡིན། །ཐལ་མོ་གཞན་གྱི་སྦྱོར་བ་ཡིས། །མཛུབ་གཉིས་ཅུང་ཟད་བཀུག་པ་ནི། །གཏོར་མའི་སྤྱི་ཡི་ཕྱག་རྒྱ་རུ། །འཇིག་རྟེན་སྐྱོབ་པས་དེ་གསུངས་སོ། །ཇི་ལྟར་ཆོ་ག་བཞིན་དུ་ནི། །ནང་དུ་མེ་ཏོག་གཞུག་བྱས་ན། །གཏོར་མ་ཀུན་གྱི་ལས་ལ་ནི། །གསང་སྔགས་ཀུན་ལ་བྱིན་པར་འགྱུར། །གཡས་པ་མི་འཇིགས་སྦྱིན་པའི་ལག་།གཡོན་པའང་དེ་བཞིན་བྱ་བ་ཡིན། །མཁྲིག་མར་སྦྱོར་བའི་བྱ་བ་ཡིས།། གཡས་གཡོན་དག་ནི་བསྣོལ་བར་བྱ། །འདི་ནི་སྔགས་རྣམས་མ་ལུས་པའི། །དྲི་ཡི་ཕྱག་རྒྱར་བརྗོད་པ་ཡིན། །ལག་གཡས་ཁུ་ཚུར་བཅིངས་ནས་ནི། །མཐེ་བོ་དང་ནི་
323a
༄#། །གུང་མོ་གཉིས། །དེ་ནས་རབ་ཏུ་སྦྱར་བར་བྱ། །མར་མེའི་ཕྱག་རྒྱར་བརྗོད་པ་ཡིན། །སྲིན་ལག་དང་ནི་མཐེ་བོ་ཉིད། །བགྲང་ཕྲེང་དག་ཏུ་ཡང་དག་གནས། །རྟག་ཏུ་མཐེའུ་ཆུང་རྣམ་པར་བརྐྱང ། །དེ་འོག་གུང་མོའང་བརྐྱང་བར་བྱ། །མཛུབ་མོ་བསྐུམས་ཏེ་བཞག་པ་ལ། །བགྲང་ཕྲེང་གི་ནི་ཕྱག་རྒྱར་བརྗོད། ། དེ་ནས་ཐལ་སྦྱར་ནང་དུ་ནི། །སྔགས་རིག་པས་ནི་ཕྲེང་བ་གཞུག་།ཅི་འདོད་སྔགས་ནི་བཟླ་བྱས་ན། །མྱུར་དུ་གྲུབ་པའི་མཆོག་རབ་སྟེར། །ཆོ་ག་འདི་ནི་རྟག་མཐོང་ན། །སྔགས་རྣམས་ཀུན་ནི་སྤྱོད་པར་བྱེད། །མེ་ལ་ལག་པ་གཡས་པ་ནི། །མི་འཇིགས་སྦྱིན་པའི་ཕྱག་རྒྱར་བྱ། །མེ་ལ་སྔོན་དུ་བལྟས་བཞག་ནས། །མཛུབ་མོ་རྟག་ཏུ་དགུག་པར་བྱ། །མཐེ་བོང་ལག་པའི་དབུས་སུ་ནི། །བཀུག་ནས་ཡང་དག་རབ་ཏུ་དགོད། །མེ་ནི་ཡོངས་སུ་སྤྱན་དྲང་བའི། །ཕྱག་རྒྱར་འདི་ནི་བསྟན་པ་ཡིན།། མཛུབ་མོ་ཡི་ནི་རྩེ་མོ་དང ། །མཐེ་བོང་གཅིག་ཏུ་སྦྱར་བྱ་བ། །མེ་དང་ལས་རྣམས་ཀུན་ལ་ནི། །གཤེགས་སུ་གསོལ་བར་རབ་ཏུ་སྣང ། །སྔགས་རྣམས་ཀུན་ལ་མཁས་པ་ཡིས། །སྦྱིན་སྲེག་ལས་ལ་བྱ་བ་ཡིན། །ཕྱག་རྒྱ་འདི་དག་ལྡན་པ་ཡིས། །སྔགས་ནི་མེ་ལ་ལེགས་པར་སྦྱར། །ཕྱག་འཚལ་ཐལ་མོ་བྱས་པ་ལས། །
323b
སོར་མོ་ཀུན་ནས་ནང་དུ་གཞུག་།དེ་ཉིད་རྣམ་པར་བཟློག་བྱས་ནས། །མཐེ་བོང་གཉིས་ཀྱང་གཤིབ་པར་བྱ། །མཛུབ་མོ་ཕྱི་རོལ་ཡང་དག་བཀུག་།གུང་མོ་དག་ལ་ཡང་དག་བརྟེན། །ཕྱག་རྒྱ་འདི་ནི་མཆོག་ཏུ་གསུངས། །མཆོད་པའི་ལས་ལ་སྦྱར་བར་བྱ། །སྔགས་རྣམས་ཀུན་ལ་ཕྱག་འཚལ་དང ། །སྔགས་ཀྱི་མགོན་པོ་རྒྱལ་སྲས་སྦྱར། །སྔགས་རྣམས་ཀུན་ལ་སྦྱང་བ་དང ། །གདན་དག་ལ་ཡང་རབ་ཏུ་སྦྱར། །མེ་ཏོག་མེད་བར་གྱུར་ན་ཡང ། །ཕྱག་རྒྱ་བཅིངས་ལ་མཆོད་པར་བྱ། །ཆོ་ག་འདི་ཡིས་མཆོད་ན་ནི། །སྔགས་རྣམས་དོན་ཀུན་སྒྲུབ་པར་བྱེད། །མཆོད་ཡོན་ཕྱག་རྒྱ་བྱས་པས་ནི། །མཆོད་པ་བཟང་པོ་བྱས་པར་འགྱུར། །གཉིས་པ་སེམས་ཀྱི་མཆོད་པ་སྟེ། །མེ་ཏོག་ཅི་འདྲ་ཡོད་པས་སོ། །རྫོགས་སངས་རྐང་གཉིས་དམ་པ་ཡིས། །མཆོད་པའི་ཆོ་ག་འདི་གསུངས་སོ། །མེ་ཏོག་མེད་པར་གྱུར་ན་ཡང། །མཆོད་པ་རྣམ་པ་གཉིས་སུ་བརྗོད། །སྔགས་རྣམས་རབ་ཏུ་འགྲུབ་བྱའི་ཕྱིར། །ལས་རྣམས་ཀུན་ལ་སྦྱར་བར་བྱ། །སྔགས་ཀུན་བྱེད་པའི་ཕྱག་རྒྱ་ནི། །སངས་རྒྱས་ཀུན་གྱིས་གསུངས་པའང་ཡིན། །གནས་དང་མལ་དང་བཞོན་པ་དང ། །ཁྲུས་དང་བཏུང་དང་བཟའ་བ་དང ། །མར་མེ་སྤོས་དང་སྔགས་ཁྲུས་དང ། །དཀྱིལ་འཁོར་
324a
༄#། །དག་ནི་བྱེད་པ་ལ། །སྔགས་རྣམས་ཀུན་གྱི་དམ་ཚིག་དང ། །སྔགས་པ་རྣམས་ཀྱིས་བྱིན་རླབས་བྱེད། །འཇིག་རྟེན་མགོན་གྱིས་གསུངས་པ་ཡི། །ཕྱག་རྒྱ་འདི་ནི་ལས་ཀུན་བྱེད། །ཕྱག་རྒྱ་རྣམས་ཀྱིས་ངེས་བྱུང་བ། །ཡོངས་རྫོགས་བརྒྱར་ནི་གསུངས་པ་ཡིན། །དེ་ནས་གཞན་ཡང་བཤད་བྱ་བ། །ཕྱག་རྒྱ་དག་ནི་བརྒྱད་པོ་སྟེ། །ལག་གཉིས་དེ་བཞིན་སྦྱར་ནས་ནི། །གཉི་ག་ཀུན་ནས་མཉམ་བྱས་ལ། །དེ་དག་ཉིད་ལ་མཛུབ་མོ་དང ། །གུང་མོ་གཉིས་ནི་སྦྱར་བར་བྱ། ། མཐེ་བོང་གཉིས་ཀྱི་སེན་མོ་ནི། །གསུམ་པའི་ཚིགས་ཆར་སྦྱར་བར་བྱ། །ཅུང་ཟད་ནང་དུ་བཀུག་ནས་ནི། །རབ་ཏུ་སྦྱར་བ་དག་ཏུ་བྱ། །བདག་ཉིད་ཆེན་པོ་འཁོར་ལོ་ཅན། །སྔགས་ཀྱི་བདག་པོའི་ཕྱག་རྒྱ་ཡིན། །འདི་ཉིད་ལས་ནི་མཛུབ་མོ་དགུག་།གུང་མོ་དག་ནི་མཉམ་པར་སྦྱར། །སྲིན་ལག་གཉིས་ཀྱི་སེན་མོ་ནི། །སྦྱར་བའི་རྣམ་པར་དགོད་པར་བྱ། །འདི་ནི་གཙུག་ཏོར་ཕྱག་རྒྱར་ནི། །རྒྱལ་བའི་དབང་པོས་གསུངས་པ་ཡིན། །ལག་གཉིས་དེ་བཞིན་བཀོད་ནས་ནི། །གུང་མོའི་སོར་མོའི་བཅིང་བྱས་པ། །མཐེའུ་ཆུང་སོར་དང་ཡང་དག་ལྡན། །གདུགས་དཀར་པོ་\?\་ལས་རྒྱ་འདི་བྱུང ། །གུང་མོ་མཉམ་པར་བྱས་ནས་ནི། །སོར་མོ་གཉིས་ནི་ཡང་དག་
324b
སྦྱར། །གདུབ་ཀོར་ཟླུམ་པོ་འདྲ་བ་ནི། །ཕྱག་རྒྱ་ཆེན་པོ་དེ་ལ་བརྗོད། །དེ་ཉིད་ལས་ནི་མཛུབ་མོ་ཡི། །ཚིགས་ནི་སྐམ་ཁ་ལྟ་བུར་བྱ། །དེ་ནས་གུང་མོ་སྦྱར་ཏེ་དགོད། །ལག་པའི་འོག་གི་ཆེར་སྦྱར་ནས། །དེ་ལས་གསུམ་པའི་ཚིགས་དག་ཏུ། །མཐེ་བོའི་སོར་མོས་གནོན་པར་བྱ། །འཇམ་དཔལ་དབྱངས་ནི་བློ་ལྡན་གྱིས། །འདི་ནི་ཕྱག་རྒྱ་མཆོག་ཏུ་གསུངས། །ལག་གཉིས་དེ་བཞིན་བཀོད་ནས་ནི། །ཆོ་ག་མཐོང་ལ་ཡང་དག་གནས། །སོར་མོ་དེ་ཉིད་ཀུན་གྱིས་ནི། །ཀུན་ནས་གང་བའི་མཛོད་ལྟར་གནས། །ལག་པ་གཉིས་ནི་རྣམ་བསྐྱེད་ནས། །ལག་སོར་བརྒྱད་ནི་རབ་ཏུ་བརྐྱང ། །སྐྱེས་བུ་བརྒྱད་པོ་དེ་ཉིད་ཤེས། །ཟུང་བཞི་དག་ཏུ་གྱུར་པ་ནི། །རྫོགས་སངས་རྐང་གཉིས་དམ་པ་ཡིས། ། དེ་ཉིད་དགེ་འདུན་ཞེས་ཀྱང་གསུངས། །དེ་ཉིད་འཕགས་པའི་དགེ་འདུན་རྒྱར། །སྲིད་པའི་གནས་འདིར་གསུངས་པ་ཡིན། །ཕྱག་རྒྱ་འདི་ནི་རབ་མཆོག་སྟེ། །ཕྱག་རྒྱ་མ་ལུས་རབ་ཏུ་སྒྲུབ། །ལག་གཉིས་དེ་བཞིན་ཁ་སྦྱར་ཏེ། །ཐལ་མོ་སྦྱར་བའི་རྣམ་པར་གནས། །མཛུབ་མོ་གཅིག་ནི་རབ་བརྐྱང་བ། །ལག་པ་གཡས་པ་ཡང་དག་བརྐྱང ། །དེ་འདི་འབྱུང་པོ་ཞི་བྱེད་པར། །དེ་ཉིད་གཟིགས་པ་རྣམས་ཀྱིས་བསྟན། །ཕྱག་རྒྱ་འདི་ནི་མཆོག་ཅེས་བྱ། །ལས་རྣམས་ཀུན་གྱི་དོན་སྒྲུབ་བྱེད། །ལག་གཉིས་
325a
༄#། །དེ་བཞིན་སྦྱར་ནས་ནི། །སོར་རྩེ་རིམ་བཞིན་མཚན་པ་ཡི། །བསྡུས་ནས་ཁ་སྦྱར་དག་ཏུ་བྱ། །མཐེ་བོང་གཉིས་ནི་བསྒྲེང་ནས་བསྐུམ། ། དེ་འདི་པདྨའི་ཕྲེང་བ་ཞེས། །དང་པོའི་སངས་རྒྱས་དག་གིས་གསུངས། །ལག་པ་དག་ནི་དེ་གཉིས་ཀྱིས། །སོར་མོ་ཀུན་ནས་བཀན་ལ་བརྐྱང ། །སོར་མོ་གསུམ་གཉིས་བསྒྲེང་ནས་ནི། །མེ་ཏོག་ཁ་བྱེའི་རྣམ་པར་བྱ། །གཉིས་པའི་ཚིགས་ལ་བཞག་པ་ནི། །མཐེ་བོ་དང་ནི་མཛུབ་མོ་གཉིས། །དེ་འདིར་སྲིད་པ་གསུམ་གནས་ཀྱི། །ཕྱག་རྒྱར་རྫོགས་སངས་རྒྱས་ཀྱིས་གསུངས། །ཕྱག་རྒྱ་འདི་ནི་ཕྱག་རྒྱ་ཆེ། །ལས་ཀུན་བྱེད་པའི་ཕྱག་རྒྱ་བརྒྱད། །མཐུ་མཉམ་བརྩོན་འགྲུས་ཆེན་པོར་ནི། ། རྫོགས་སངས་རྒྱས་ཀྱིས་ཡང་དག་གསུངས། །མུཥྚི་གཏམས་ཕྲད་བྱེ་བ་ནི། །སྟོང་ཕྲག་བརྒྱད་དུ་ཡང་དག་འབྱུང ། །ཐུབ་མཆོག་གྲངས་མེད་འདས་པ་ཡིས། ། ཕྱག་རྒྱ་འདི་དག་རབ་ཏུ་གསུངས། །ཕྱག་རྒྱ་ཆོ་ག་ཡང་དག་འབྱུང ། །རྩ་བརྒྱད་བརྒྱ་ནི་རབ་ཏུ་གསུངས། །འདི་དག་ཀུན་གྱི་སྔགས་ཀུན་དང ། །ལས་རྣམས་དག་ཀྱང་གྲུབ་པ་ཡིན། །སངས་རྒྱས་རྫུ་འཕྲུལ་ཆེ་ཀུན་གྱི། །ཕྱག་རྒྱ་འདི་ནི་བཞེད་ཅིང་གསུངས། །ཆོ་ག་འདི་དག་སྦྱར་བ་ཡིས། །དོན་རྣམས་མྱུར་དུ་སྒྲུབ་པར་བྱེད། །
325b
ཤཱཀྱ་སེང་གེ་མི་ཡི་མཆོག་།ཐུབ་པ་མཆོག་གིས་དེ་གསུངས་ནས། །བྱང་ཆུབ་སེམས་དཔའ་རྫུ་འཕྲུལ་ཆེ། །འཇམ་པའི་དབྱངས་ལ་དེ་བཞིན་གསུངས། །འཇམ་དཔལ་གྱི་ནི་ཆོ་ག་འདི། །ཕྱག་རྒྱ་དག་ནི་ཡང་དག་བྱུང ། །ས་སྟེང་བསྟན་པ་བསྲུང་དོན་དུ། །ཕྱག་རྒྱ་འདི་ནི་རབ་ཏུ་གཏད། །དུས་མཐའ་ཉེ་བར་འོང་འགྱུར་ཞིང ། །དུས་མཐར་མྱ་ངན་འདས་པ་ན། །ང་ཡི་བསྟན་པ་བསྲུང་དོན་དུ། །ང་ཡིས་འདི་དག་ཐམས་ཅད་བཤད། །སྔགས་རྣམས་དག་ནི་རྒྱ་ཆེར་བཅས། །ཕྱག་རྒྱ་རྣམས་ཀྱི་མཚན་ཉིད་བཤད།། འཇིག་རྟེན་ཀུན་ལ་གསང་བ་དང ། །ཤིན་ཏུ་གསང་བའང་བརྗོད་པ་ཡིན། །མདོ་འདིར་ཆོ་ག་ལྷག་པ་སྟེ། །ཡོན་ཏན་རྒྱ་ཆེན་གསལ་བར་བྱས། །སྔགས་རྣམས་དུ་མའི་ཚིག་དང་ནི། །ཡོན་ཏན་བརྗོད་པ་ཡང་དག་འབྱུང ། །ཕྱག་རྒྱ་རྣམ་པ་མང་པོར་ལྡན། །རིགས་པའི་རྒྱུད་ནི་རབ་ཏུ་བསྟན། །མཐུ་དང་ཡོན་ཏན་གྲུབ་མཐའ་དང ། །ཟློས་པའི་རྒྱུ་ནི་ཡང་དག་འབྱུང ། །འགྲོ་བའི་སྐྱེ་གནས་སེམས་ཅན་གྱི། །དགེ་བའི་འབྲས་བུ་འབྱུང་བའང་གསུངས། །གཞོན་ནུ་ཁྱོད་ཀྱི་སྔགས་རྣམས་ཀྱི། །གྲུབ་པའི་གཏན་ཚིགས་རབ་ཏུ་སྦྱར། །དེ་སྐད་གསུངས་ནས་འཇམ་དཔལ་ནི། །གཞོན་ནུ་ནམ་མཁར་གནས་པ་ཡིས། །འཇིག་རྟེན་མགོན་པོ་འོད་བྱེད་པ། །རྫོགས་སངས་རྒྱས་ལ་
326a
༄#། །མགོས་ཕྱག་འཚལ། །དབུགས་རིང་བྱུང་ནས་སྙིང་རྗེས་བརླན། །མཆི་མ་དེ་ནས་ཕྱིས་ནས་ཀྱང ། །སངས་རྒྱས་ཞབས་དྲུང་གནས་ནས་ཀྱང་།། དེ་ལ་མྱུར་དུ་ཞུས་པ་ནི། །བཅོམ་ལྡན་འཇིག་རྟེན་འདས་པ་ན། །སྔགས་ཀྱི་མཛོད་འདིས་སྟེང་དུ། །བདག་ཉིད་ཆེན་པོའི་སེམས་ཅན་ལ། །དེ་ཚེ་ཇི་ལྟར་འབྱུང་བར་འགྱུར།། དེ་སྐད་གསུངས་ནས་སངས་རྒྱས་ཀྱིས། །དེ་ཚེ་འཇམ་པའི་དབྱངས་ལ་གསུངས། །གཞོན་ནུ་ཁྱོད་ཀྱིས་ཡོངས་ཞུས་པ། །བུ་ཁྱོད་འཇམ་དཔལ་རབ་ཏུ་ཉོན། །ང་ནི་འཇིག་རྟེན་མྱ་ངན་འདས། །ས་སྟེང་སྟོངས་པར་གྱུར་པ་དང ། །ཆོས་ཀྱི་མཛོད་ཀྱང་འཇིག་པ་དང ། །ཉན་ཐོས་རྣམས་ཀྱང་འདས་པ་ན། །རྐང་གཉིས་དམ་པ་སྟོན་པ་ཡི། ། གཟུགས་བརྙན་མཆོད་རྟེན་དག་ཀྱང་བྱ། །སྤོས་དང་དྲི་དང་བྱུག་པ་ཡིས། །མཆོད་དང་བསྙེན་བཀུར་བྱ་བ་དང ། །རྣམ་པ་སྣ་ཚོགས་གོས་མཆོག་དང ། །གཞན་ཡང་ནོར་བུའི་གདུབ་ཀོར་རྒྱན། །རྣམ་པ་སྣ་ཚོགས་བཟའ་དང་བཅའ། །ཡང་དག་སྦྱོར་བ་དབུལ་བར་བྱ། །རྣམ་པ་སྣ་ཚོགས་ཕུན་སུམ་ཚོགས། །ཅི་འདོང་ཁ་ཟས་བྱས་པ་ལ། །དེ་བཞིན་སྔགས་ནི་བཟླས་བྱས་དབུལ། །སེམས་ཅན་དགེ་བའི་སྐྱེ་གནས་འགྱུར། །དམ་པའི་འགྲོ་བའི་སྐྱེ་གནས་སུ། །གྲོང་མཆོག་དག་ཏུ་སྐྱེ་བར་འགྱུར། །
326b
མཐར་ནི་བྱང་ཆུབ་གཞོལ་འགྱུར་ཞིང ། །ཕྱི་ནས་ཞི་བར་དེ་དག་འགྲོ། །དེ་སྐད་གསུངས་ནས་འཇམ་དཔལ་ནི། །སངས་རྒྱས་ཀྱིས་ནི་གསུངས་ལ་དགའ། །བྱང་ཆུབ་སེམས་དཔའ་རྫུ་འཕྲུལ་ཆེ། །བློ་ལྡན་དེ་ནས་ཅང་མི་སྨྲ། །ཆོས་ཀྱི་འཁོར་ལོ་སྐོར་བྱེད་པའི། །སངས་རྒྱས་འདུས་པར་སངས་རྒྱས་ཀྱི། །གསང་བའི་གནས་ཀྱི་སྟེང་གནས་ནས།། འདི་དག་སངས་རྒྱས་སྔ་མ་གསུངས། །དེ་ཚེ་ཆོས་ཀྱི་འཁོར་ལོ་བསྐོར། །ཡུན་རིང་དུས་སུ་འདས་པ་ཡིན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཕྱག་རྒྱའི་ཆོ་གའི་ལེའུ་རབ་འབྱམས་ལས་ཉི་ཤུ་རྩ་དགུ་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས། །གཞན་ཡང ། གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། མཆོག་ཏུ་རབ་ཏུ་གསང་བའི་ཁྱོད་ཀྱི་ཕྱག་རྒྱ་དང་ལྡན་པའི་ཕྱག་རྒྱའི་མཚན་ཉིད་འཁོར་དང་བཅས་པ་ཡོད་དེ། ལས་ཐམས་ཅད་ལ་ཉེ་བར་སྦྱར་བ། ཕུན་སུམ་ཚོགས་པ་ཐམས་ཅད་སྦྱིན་པར་བྱེད་པ། འབྲས་བུ་དང་བཅས་པ། སྔགས་ཐམས་ཅད་ཀྱི་རྗེས་སུ་འགྲོ་བ། ལས་ཐམས་ཅད་སྒྲུབ་པ། མདོར་ན། འཇམ་དཔལ་ཉོན་ཅིག།
327a
༄#། །དང་པོ་རེ་ཞིག་ཐལ་མོ་རབ་ཏུ་བརྐྱང་ལ་མཛུབ་མོ་དང ། མཐེའུ་ཆུང་གཉིས་རྩེ་སྤྲད་དེ་ཚིགས་བར་མ་བཏུད་ནས་སོ་སོ་སོ་སོར་རྗེས་སུ་བཅུག་པ་ཡིན་ཏེ།་དེ་ལ་འདི་ནི། འཇམ་དཔལ། ཁྱོད་ཀྱི་རྩ་བའི་ཕྱག་རྒྱ་ཞེས་བྱ་བ་ལས་ཐམས་ཅད་བྱེད་པར་འགྱུར་པའོ། །ལག་པ་གཉིས་དེ་བཞིན་དུ་བྱས་ལ་སྲིན་ལག་གཉིས་སྦྱར་ལ།་དེ་བཞིན་དུ་གུང་མོ་དང ། མཛུབ་མོ་ཡང་བྱ་ཞིང་མཐེའུ་ཆུང་གཉིས་ཀྱི་རི་མོ་གོང་མ་ལ་མཐེ་བོའི་རྩེ་མོ་བཞག་པ་སྟེ། འཇམ་དཔལ། འདི་ནི་ཁྱོད་ཀྱི་གདོང་གི་ཕྱག་རྒྱ་ཞེས་བྱ་བ་སྟེ་གཉིས་པའོ། །ཕན་ཚུན་དུ་སོར་མོ་བསྣོལ་བ་ཁུ་ཚུར་དུ་བྱས་ལ་གུང་མོའི་སོར་མོ་གཉིས་རྣམ་པར་བཀྲོལ་ལ་རྩེ་མོ་སྦྱར་ཏེ། དེའི་འགྲམ་གཉིས་སུ་མཛུབ་མོ་གཉིས་དཀྲི་ཞིང་མཐར་གཞག་པར་བྱའོ། །དེ་ལ་འདི་ནི། འཇམ་དཔལ། ཁྱོད་ཀྱི་མཆེ་བའི་ཕྱག་རྒྱ་ཞེས་བྱ་བ་གཞན་ཡིན་ནོ། །མཆེ་བའི་ཕྱག་རྒྱའི་འགྲམ་དུ་མཐེ་བོང་གཉིས་བཞག་པའི་ཕྱག་རྒྱ་འདི་ནི་མངོན་སུམ་དུ་འཇམ་དཔལ་གཞོན་ནུ་ཁྱོད་ཉིད་ཡིན་ནོ། །གནས་དེ་དང ། ལག་པའི་ཁ་སྦྱར་དེར་ཉེ་བར་བཞུགས་ཤིང་དམ་ཚིག་གི་བྱིན་གྱིས་རློབ་པར་བྱེད་དོ། །ལག་པའི་སོར་མོ་ཕན་ཚུན་ཁུ་ཚུར་བྱས་ལ་མཛུབ་མོ་གཉིས་བཀྲོལ་ཏེ་མཐེ་བོང་གཉིས་གུང་མོའི་ནང་དུ་ཆུད་
327b
པར་བྱས་པ་འདི་ནི། འཇམ་དཔལ། ཁྱོད་ཀྱི་གཙུག་ཕུད་ཀྱི་ཕྱག་རྒྱ་ཞེས་བྱ་སྟེ་གཞན་ཡིན་ནོ། །ཐལ་མོའི་ཚིགས་རྣམས་བརྐྱང་བ་བྱས་ལ་སྲིན་ལག་དང ། མཛུབ་མོ་གཉིས་ཀྱི་རྩེ་མོ་གུང་མོའི་ནང་དུ་རྩེ་སྤྲད་དེ་བཞག་པ་འདི་ནི། འཇམ་དཔལ། མངོན་སུམ་ཁྱོད་ཉིད་ཀྱི་རྩ་བའི་སྔགས་སུ་བསྟན་པ་ཡིན་ནོ། །འདི་ཉིད་ཀྱི་ཕྱག་རྒྱ་ལ་མཛུབ་མོ་གཉིས་བརྐྱང་བར་བྱས་པ་སྟེ། དེ་ལ་འདི་ནི། འཇམ་དཔལ། ཁྱོད་ཀྱི་ཕྱག་རྒྱར་འགྱུར་རོ། །མཐེའུ་ཆུང་དང ། སྲིན་ལག་གཉིས་བསྣོལ་བ་བྱས་ནས་ལག་པ་ཁ་སྦྱར་གྱི་ནང་དུ་བཞག་ལ། གུང་མོའི་ཕྱི་རོལ་དུ་མཛུབ་མོའི་རྩེ་མོ་ཡོངས་སུ་བཀུག་ལ་མཐེ་བོང་གཉིས་ཀྱི་རྩེ་མོ་ཡང་དག་པར་བཅར་བའོ། །གཞན་འདི་ཡང ། འཇམ་དཔལ། ཁྱོད་ཀྱི་ཞལ་གྱི་ཕྱག་རྒྱ་ཡིན་ནོ། །ལས་ཐམས་ཅད་པ་ཡང་ཡིན་ཏེ། འདི་ཉིད་ཀྱི་རིམ་གྱིས་སོར་མོ་རེ་རེ་བཀྲོལ་བ་མཐེ་བོང་དང་བཅས་པ་བྱས་ན་མ་རུངས་པའི་གདོན་ཐམས་ཅད་རབ་ཏུ་འབྱེར་བར་འགྱུར་རོ། །དེ་བཞིན་དུ་རྣ་བ་དང ། མགྲིན་པ་དང ། ལག་ངར་དང ། སྙིང་དང ། ལག་པ་དང ། ལྐོག་མ་དང ། རྐེད་པ་དང ། ལྟེ་བ་དང ། བརླ་དང།་བྱིན་པ་དང ། རྐང་པ་དང ། མིག་དང ། ཁ་དང ། ལྕེ་རྣམས་ཏེ། དེ་ལྟར་སོར་མོ་བཅུ་རྣམས་མཐར་གྱིས་བརྐྱང་ན་རིམས་བཞིན་དུ་ཕྱག་རྒྱའི་མཚན་ཉིད་དུ་འགྱུར་
328a
༄#། །ཏེ།་མཐར་གྱིས་ཀྱང་ལས་བྱེད་དོ། །ཞལ་གྱི་ཕྱག་རྒྱས་ནི་ཁ་འཆིང་བར་བྱེད་དོ། །མཆེ་བའི་ཕྱག་རྒྱས་ནི་གདོན་མ་རུངས་བ་ལས་གྲོལ་ལོ། །ལྕེའི་ཕྱག་རྒྱས་ནི་ཚིག་ངན་བཟློག་པར་བྱེད་དོ། །སྙིང་གི་ཕྱག་རྒྱས་ནི་མིའི་བདག་པོའི་ཁོར་བ་སེལ་བར་བྱེད་པའམ། སེམས་ཅན་གཞན་ལྷ་དང ། ལྷ་མ་ཡིན་དང ། མི་དང ། མི་མ་ཡིན་དང ། འགྲོ་བ་རྣམ་པ་སྣ་ཚོགས་ལ་བརྟེན་པའི་ཁྲོས་པ་རྣམས་ཀྱི་ཁྲོ་བ་འཇིག་པར་འགྱུར་ཏེ། དེ་བཞིན་དུ་མཐར་གྱིས་ཐམས་ཅད་དུ་ལས་ཐམས་ཅད་བྱེད་པར་འགྱུར་རོ།། དེ་ལྟར་རིམ་པ་འདིས་ཕྱག་རྒྱ་གྲངས་མེད་པར་འགྱུར་ཏེ། ལས་གྲངས་མེད་པ་དག་ཀྱང་བྱེད་པར་འགྱུར་རོ། །འཇམ་དཔལ། ཁྱོད་ཀྱིས་རྣམ་པ་ཐམས་ཅད་དུ་ཕྱག་རྒྱ་ཐམས་ཅད་ཁོ་ན་ལས་ཐམས་ཅད་བྱེད་པར་འགྱུར་རོ། །དཔའ་བོ་ཆེན་པོ་དེ་བཞིན་གཤེགས་པ་གྲངས་ལས་འདས་པ་དག་གིས་ཕྱག་རྒྱ་འདི་དག་བཅིངས་སོ།། ཕྱག་རྒྱ་ཆེན་པོ་དཔའ་པོ་ཆེན་པོས་ཆེན་པོ་ལ་གནས་པས་བཅིངས་སོ། །གང་དུ་གཏམས་པ་ཕྲག་བྱེ་བ་སུམ་ཅུ་རྩ་གསུམ་མམ། བརྒྱད་ཅུའམ། དགུ་བཅུ་རྩ་ལྔའམ་ཁྲི་དྲག་དྲུག་ཅུའི་གྲངས་ལ་སོགས་པ་འཇིག་རྟེན་ལས་འདས་པའི་ཡང་དག་འདས་པས་ཕྱག་རྒྱ་བཅིངས་སོ། །འཇིག་རྟེན་བྱ་བ་གང་གཞན་ནི། །ཀུན་ཀྱང་ཕྱག་
328b
རྒྱ་རྣམས་སུ་འདུས། །འདི་དག་གང་ཡང་རུང་བ་ཡི། །ཕྱག་རྒྱས་དོན་ཀུན་སྒྲུབ་བྱེད་པའོ། །དཀྱིལ་འཁོར་བསྒྲུབ་པའི་དུས་དག་ཏུ། །ལག་པ་གཉིས་ཀྱིས་བཅིང་བར་བྱ། ། སྔོན་དུ་བསྙོན་བ་ལ་བརྩོན་པས། །སྦྱིན་སྲེག་བཟླས་པ་དག་ལའང་བྱ། །འདུག་པའམ་འགྲེང་བ་དག་གིས་ཀྱང ། །ཟློས་པས་ཅི་འདོད་པར་དུ་བཟླ། །སྲུང་བ་ཆེན་པོའི་ཆོ་གས་ཀྱང། །མྱུར་དུ་གྲུབ་པ་ཐོབ་པར་འགྱུར། །དུས་ཀུན་ཕྱག་རྒྱ་ཀུན་གྱིས་ནི། །ལས་རྣམས་ཀུན་ནི་བྱ་བ་ཡིན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་\?\་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཕྱག་རྒྱའི་ཆོ་གའི་ལེའུ་རབ་འབྱམས་གཉིས་པ་ལས་སུམ་ཅུ་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པ་ལ། གཞན་ཡང ། གནས་གཙང་མའི་གཞན་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། ཁྱོད་ཀྱི་རྩ་བའི་ཆོ་ག་ལ་ཕྱག་རྒྱ་མཆོག་ཏུ་ཤིན་ཏུ་གསང་བ་གཞན་ཡང་\?\་དེ། ཕྱག་རྒྱ་དང ། རྒྱུད་ཐམས་ཅད་ཀྱི་ཆོ་ག་།སྔགས་ཐམས་ཅད་ཀྱི་མངོན་པར་འདོད་པ། སྔགས་ཐམས་ཅད་དང་ལྷན་ཅིག་ཡང་དག་པར་སྦྱར་བ་\?\ལས་ཐམས་ཅད་\?\་སྒྲུབ་པར་བྱེད་པ། ཡང་དག་པར་རྫོགས་པའི་བྱང་ཆུབ་ཀྱི་ལམ་རྣམ་པར་
329a
༄#། །སྦྱོར་བར་བྱེད་པ། སེམས་ཅན་ཐམས་ཅད་ཀྱི་ལམ་དུ་འཇུག་པ་ཡིན་ནོ། །མཛུབ་མོ་གཉིས་ཀྱི་རྩེ་མོ་དང ། གུང་མོ་གཉིས་ཀྱི་རྩེ་མོ་དག་ཡོངས་སུ་སྦྱར་བ་ནི་གཙུག་ཏོར་འཕགས་པ་ཞེས་བྱ་བའི་ཕྱག་རྒྱ་ཡིན་ཏེ། འདིར་སྔགས་ནི། ཨོཾ་ཛྭཱ་ལ་ཛྭཱ་ལ་འདི་གཏོད་ག་ཏོཥྞཱི་ཥཱ་དཱུ་ར་ཧཱུཾ་ཧཾ། སྲིན་ལག་དེ་ཉིད་བཀུག་པ་དང ། གུང་མོ་སྦྱར་བ་དེ་ཉིད་ཀྱི་སོར་མོའི་རྩེ་མོའི་སེན་མོ་གཤིབས་ལ་རྣ་ཆ་གདུབ་ཀོར་ཟླུམ་པོ་ལྟར་བྱ་བ་ནི་གཙུག་ཏོར་གདུགས་དཀར་པོའི་ཕྱག་རྒྱ་ཡིན་ཏེ། འདིར་ཡང་སྔགས་སུ་འགྱུར་བ་ནི། ཨོཾ་མ་མ་མ་མ་ཧཱུཾ་ནི། མཛུབ་མོ་དེ་ཉིད་ཕན་ཚུན་མཉམ་པར་སྦྱར་ལ་གུང་མོ་གཉིས་སྦྱར་བ་ནི་གཟི་བརྗིད་ཕུང་པོའི་ཕྱག་རྒྱའོ། །འདིར་སྔགས་ནི། ཨོཾ་ཏ་ཐཱ་ག་ཏོཥྞཱི་ཥཱ་ཨ་བ་ལོ་ཀི་ཏེ། མཱུརྟི་ཏེ་ཛོ་རཱ་ཤི་ཧཱུཾ་ཛྭ་ལ་ཛྭ་ལ། དྷ་ཀ་དྷ་ཀ་།ད་ར་བི་ད་ར། ཚིན་དྷ་ཚིན་དྷ། ཧཱུཾ་ཧཱུཾ་ཕཊ་ཕཊ་སཝཱཧཱ། མཛུབ་མོ་དེ་ཉིད་ཡང་དག་པར་སྦྱར་བ་དཀྱིལ་འཁོར་ལྟ་བུར་བྱ་བ་ནི་རྒྱལ་བའི་གཙུག་ཏོར་གྱི་ཕྱག་རྒྱའོ། །འདིར་སྔགས་སུ་འགྱུར་བ་ནི། ཨོཾ་ཛ་ཡ་ཛ་ཡོཥྞི་ཥ་ཛྭཱ་ལ་ཛྭཱ་ལ་བནྡྷ་བནྡྷ་ད་མ་ད་མ་ཧཱུཾ་ཧཱུཾ་ཧཱུཾ་ཧོ་ཧ་ན་ཧཱུཾ། རྒྱལ་བའི་གཙུག་ཏོར་གྱི་སྔགས་སོ། །མཛུབ་མོ་དེ་གཉིས་ཀྱི་རྩེ་མོ་བཏུད་པ་བྱས་པ་ཁ་གུང་མོ་སྲུང་\?\་བ་ལ་མཛུབ་མོའི་སེན་མོ་གུང་མོའི་ཚིགས་གསུམ་
329b
པའི་ཆར་སྦྱར་བ་ནི་འཁོར་ལོ་སྒྱུར་བའི་ཕྱག་རྒྱའོ། །ོཾ་ན་མོ་ཨ་བྲ་ཏི་ཧ་ཏ་ཏ་ཐཱ་ག་ཏོ་ཥྞཱི་ཥ་ཡ། ཨ་ན་ཨ་བ་ལོ་ཀེ་ཏེ་མཱུ་རྡྷ་ན་ཛཀྲ་\?\་བརྟི་ཧཱུཾ་ཛཱ་ལ་ཛྭཱ་ལ། དྷ་ཀ་དྷ་ཀ། དྷུ་ན་དྷུ་ན། བི་དྷུ་ན་ཏྲཱ་ས་ཡ་མཱ་ར་ཡོད་སཱ་དྷི་ཡ། ཧ་ན་ཧ་ན། ཨཱཾ་ཨཱཾ་ཨཱ། ཀ་ཀ་།དྲོ་ཁི་ནི། དྲོ་ཁི་ནི། ཀུཎྜ་ལི་ནི། ཨཱ་བ་རཱ་ཛི་ཏཱ་ཏྲ་པ་རི་ཎི་ཧཱུཾ་ཕཊ། འཁོར་ལོས་བསྒྱུར་བའི་སྔགས་སོ།། མཛུབ་མོ་དེ་ཉིད་ཀྱི་རྩེ་མོ་མདུད་པ་བྱས་ལ་གུང་མོ་སྦྱང་བ་བྱས་པ་ལ་མཛུབ་མོ་སེན་མོའི་འོག་གི་གསུམ་པའི་ཆལ་སྦྱར་བ་ནི་སྔགས་ཀྱི་བདག་པོ་འཁོར་ལོས་བསྒྱུར་བའི་ཕྱག་རྒྱའོ། །མཛུབ་མོ་དེ་ཉིད་ཀྱི་རྩེ་མོ་ཡང་དག་པར་བཀུག་པ་གུང་མོར་སྦྱར་བའི་འོག་ཏུ་ཡང་དག་པར་བཅར་བ་ནི་སྔགས་ཀྱི་བདག་པོའི་ཕྱག་རྒྱའོ། །མཛུབ་མོ་དེ་ཉིད་ཀྱི་རྩེ་མོ་ཡང་དག་པར་བཀུག་ལ་གུང་མོ་སྦྱར་བའི་སེན་མོ་དང ། ཚིགས་ནང་དུ་ཡང་དག་པར་སྦྱར་བ་ནི་འཁོར་ལོས་བསྒྱུར་བ་ཆེན་པོའི་ཕྱག་རྒྱའོ། །མཛུབ་མོ་དེ་ཉིད་ཀྱི་རྩེ་མོ་གཉིས་ཡང་དག་པར་བཀུག་ལ་གུང་མོ་སྦྱར་ཞིང་འོག་ཏུ་ཡང་དག་པར་སྦྱར་ཏེ། གདུབ་ཀོར་ལྟར་བྱས་པ་ནི་འཁོར་ལོས་བསྒྱུར་བ་ཆེན་པོའི་ཕྱག་རྒྱའོ། །མཛུབ་མོ་དེ་ཉིད་ཀྱི་རྩེ་མོ་ཡང་དག་པར་བཀུག་ལ། གུང་མོའི་ཚིགས་གསུམ་པའི་ནང་དུ་ཡང་དག་བར་སྦྱར་བ་ནི། སྔགས་ཀྱི་བདག་པོ་འཁོར་ལོས་བསྒྱུར་བ་ཆེན་པོའི་ཕྱག་རྒྱ་སྟེ། སྲིད་པའི་ལས་ཐམས་ཅད་རྣམ་པར་
330a
༄#། །འཇིག་པར་བྱེད་པ། སེམས་ཅན་ཐམས་ཅད་ཀྱི་ཉེ་བར་འཚོ་བ། ཚེ་དང ། ནད་མེད་པ་དང ། དབང་ཕྱུག་དང ། བསམ་པ་ཐམས་ཅད་ཡོངས་སུ་རྫོགས་པར་བྱེད་པ། བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱེད་པ། སེམས་ཅན་ཐམས་ཅད་ཡོངས་སུ་དགའ་བར་བྱེད་ལ། སེམས་ཅན་ཐམས་ཅད་ཀྱི་ཡིད་ལ་མངོན་པར་འདོད་པ་འབྲས་བུ་དང་བཅས་པར་བྱེད་པ། ལས་ཐམས་ཅད་བྱེད་པ། སྔགས་ཐམས་ཅད་རབ་ཏུ་སྒྲུབ་པར་བྱེད་པ། ཕྱག་རྒྱ་དང ། སྔགས་ཐམས་ཅད་དང་ལྡན་པ་ཡིན་ཏེ། འཇམ་དཔལ་གཞོན་ནུར་གྱུར་པ། ཁྱོད་དེ་ཉོན་ཅིག་།དབང་པོ་རེ་ཞིག་གཙུག་ཏོར་གྱི་མཚན་ཉིད་དུ་གྱུར་པ་ནི་ལག་པ་གཉིས་མཉམ་པོ་བཀན་ཞིང་བརྐྱང་བར་བྱའོ། །མཐེ་བོང་དང ། སྲིན་ལག་གཉིས་ལག་པའི་དཀྱིལ་དུ་སེན་མོས་གཟུང་ཞིང་མཐེ་བོའི་རྩེ་མོས་སྦྱར་བར་བྱའོ། །མཐེའུ་ཆུང་གཉིས་ཀྱི་རྩེ་མོ་གཏུག་ཅིང་སྦྱར་བར་བྱའོ། །དེ་བཞིན་དུ་གུང་མོ་གཉིས་ཀྱི་སེན་མོ་དང་རྩེ་མོ་གཉིས་སྦྱར་བར་བྱ་ཞིང ། མཛུབ་མོ་དང ། མཛུབ་མོ་ཡང་སྦྱར་བར་བྱའོ། །ཀུན་ཏུ་སྣང་བའི་གཙུག་ཏོར་གྱི་མཚན་ཉིད་ཆེན་པོ་ཞེས་བྱ་བའི་ཕྱག་རྒྱ་ཡིན་ཏེ། འདིར་སྔགས་ནི་ཨཾ་མུ་ཧཾ། མཛུབ་མོ་དེ་ཉིད་ཡང་དག་པར་བཀུག་སྟེ། སེན་
330b
མོ་དང ། སེན་མོའི་རྩེ་མོ་དཀྱིལ་འཁོར་ལྟར་སྦྱར་བས་ནི་ལྟ་བ་ངན་པའི་ཟུག་རྔུའི་ཕྱིན་ཅི་ལག་སེལ་བ་ཞེས་བྱ་བ་ཆོས་ཀྱི་འཁོར་ལོ་ཆེན་པོའི་ཕྱག་རྒྱའོ། །འདིར་སྔགས་སུ་འགྱུར་བ་ནི། ཨོཾ་བཛྲཱ་ཤ་ནི་ཧཱུཾ་ཕཊ། འདི་ནི་སྐྱིལ་ཀྲུང་གི་ཕྱག་རྒྱ་སྟེ། སྔགས་དང་ཡང་དག་པར་ལྡན་ན་ལས་ཐམས་ཅད་བྱེད་པ། ཇི་ལྟར་སྟོན་ཀའི་སྦྲིན་བཞིན་དུ་བགེགས་ཐམས་ཅད་འཇིགས་པར་བྱེད་པ། གང་ཡང་བདུད་བཞིས་བྱས་པ་དང ། གང་ཡང་ལྷ་དང ། ལྷ་མ་ཡིན་གྱི་བགེགས་རྣམས་ནི་སྐྱིལ་ཀྲུང་གི་ཕྱག་རྒྱ་དམ་པ་མཐོང་བ་ཙམ་གྱིས་འཇིགས་པར་འགྱུར་རོ། །འོག་མ་གཉིས་ཀྱང་རྩེ་མོ་མཉམ་པར་གཤིབས་ན་ཁུ་ཚུར་གྱི་ཕྱག་རྒྱར་འགྱུར་རོ། །སྔགས་ཀྱང་འདི་དག་གང་ཡང་རུང་བ་དང ། ཕྱག་རྒྱ་ལག་པ་གཉིས་ཀྱིས་བཅིངས་ཏེ། སྒྲུབ་པའི་དུས་སམ། སྔོན་དུ་བསྙེན་པའི་དུས་སུ་འདུག་པའམ། ལངས་ཏེ་ལན་གཅིག་གམ། ཇི་སྲིད་འདོད་ཀྱི་བར་དུ་བཟླས་པའོ། །དེ་ལྟར་བྱས་ན་བགེགས་དང ། ལོག་འདྲེན་ཐམས་ཅད་ཀྱིས་གླགས་རྙེད་པར་མི་འགྱུར་ཞིང་གྲུབ་པ་ཡང་མངོན་དུ་འགྱུར་རོ། །མཛུབ་མོ་དེ་ཉིད་ཀྱི་རྩེ་མོ་གཉིས་སྦྱར་ལ། ཀུན་ནས་ཟླུམ་པོར་བྱ་ཞིང ། གུང་མོ་གཉིས་སྦྱར་ཏེ་གུང་མོའི་ཚིག་\?\་པོའི་འོག་ཏུ་སྦྱར་བ་ནི་གཞན་གྱིས་མི་ཐུབ་པ་གཙུག་ཏོར་འཁོར་ལོས་བསྒྱུར་པའི་སྙིང་པོའི་ཕྱག་རྒྱའོ། །འདིར་སྙིང་པོ་ནི་
331a
༄#། །ོཾ་ཨ་པ་རཱ་ཛི་ཏེ་དྷི་ཀ་།གཙུག་ཏོར་གྱི་རྩ་བའི་ཕྱག་རྒྱ་དེ་ཉིད་ལ་གཞན་གང་ཡང་རུང་བ་དང ། ལྷན་ཅིག་གིས་སྤྱོད་པས་བཀོད་ན་ལས་ཐམས་ཅད་བྱེད་པར་འགྱུར་རོ། །དེ་ལས་མཐེ་བོའི་རྩེ་མོ་བཏེག་ལ་སྲིན་ལག་གི་རྩེ་མོར་གཏུགས་ནས་ཡང་དང་ཡང་བཏེག་པ་ནི་བོད་པའི་ཕྱག་རྒྱའོ། །འདིར་སྔགས་ནི། ན་མོ་བྷ་ག་ཝ་ཏེ་ཨ་པྲ་ཏི་ཧ་ཏོཥྞཱི་ཥ་ཡ། ཨེ་ཧྱེ་ཧི་བྷ་ག་ཝཱན་དྷརྨ་རཱ་ཛ་པྲ་ཏཱིརྩེཚེ་ད་ཨརྒྷཾ། གནྡྷཾ། པུཥྤཾ། དྷུ་པཾ། བ་ལིཾ། དཱི་པཾ། མའཾ་ཙཱ་བི་རཱཀྵ། ཨ་པྲ་ཏི་ཧ་ཏ། བ་ལ་པ་རཱ་ཀྲ་མ་ཡ་སཝཱཧཱ། མེ་ཏོག་དཀར་པོས་སྤྱན་དྲང་བར་བྱའོ། །རང་གི་གཟུགས་ཀྱི་མཆོད་ཡོན་དང ། ཞབས་བསིལ་བ་དབུལ་བར་བྱའོ། །གདན་དང ། བཞུགས་སུ་གསོལ་བ་ཡང་བྱའོ། །དེ་ལ་འདི་ཉིད་ཀྱི་ཕྱག་རྒྱ་དང ། སྔགས་ཀྱིས་ཕྱོགས་དང ། ཕྱོགས་མཚམས་དང ། སྟེང་འོག་བཅིང་བར་བྱའོ། །དེ་ཉིད་ཀྱི་སྲིན་ལག་དང ། མཐེ་བོའི་རྩེ་མོ་གཏུགས་ཤིང་སྨད་པ་བྱས་ལ། ཚིགས་བར་མ་ལ་མཐེ་བོས་གཏུགས་ཤིང་ཡང་དང་ཡང་བཏེག་པར་བྱས་ནས་མཆོད་ཡོན་ཕུལ་ན་རང་གིས་ལྷ་གཤེགས་སུ་གསོལ་བར་འགྱུར་རོ། །ཕྱག་རྒྱ་གཡོན་ཕྱོགས་སུ་བསྐོར་ན་ཕྱོགས་བཅིངས་
331b
བ་ལས་གྲོལ་བར་འགྱུར་རོ། །འདིར་སྔགས་ནི། ན་མོ་ཨ་པྲ་ཏི་ཧ་ཏོཥྞཱི་ཥ་ཡ། གཙྪ་གཙྪ་བྷ་ག་བཱ་ན་དྷརྨ་རཱ་ཛ་པྲ་ཙཱི་ཙྪེ་དཾ་ཨརྒྷཾ། གནྡྷཾ། པུཥྤཾ། དྷུ་པཾ་མཱཾ་ཙ་ཨ་བྷི་རཀྵ། ཨ་པྲ་ཏི་ཧ་ཏ་བ་ལ་པ་རཱ་ཀྲ་མཱ་ཡ། ཕྱག་རྒྱ་དང ། སྔགས་གཤེགས་སུ་གསོལ་བ་ནི་མཆོད་ཡོན་གྱིས་སོ། །མཛུབ་མོ་དེ་ཉིད་གུང་མོའི་ཚིགས་གསུམ་པའི་འོག་ཏུ་བཞག་སྟེ།་གུང་མོ་ཡང་དག་པར་སྦྱར་ལ་མཐེ་བོང་གཉིས་དང ། མཐེའུ་ཆུང་གཉིས་ཕན་ཚུན་མནན་ཅིང་ཁུ་ཚུར་དུ་བྱའོ། །འདིར་སྔགས་ནི། ན་མོ་བྷ་ག་བ་ཏེ་ཨ་པྲ་ཏི་ཧ་ཏོཥྞཱི་ཥ་ཡ། ཨོཾ་དྲཱ་བནྡྷ་ཧཱུཾ་ཕཊ། ཨ་པྲ་ཏི་ཧ་ཏོ་ཥྞཱི་ཥ་ཡ། བི་ཀི་རི་ཎི། བི་ཀི་རི་ཎི། དྷུ་ན་དྷུ་ན་དྷུ། རྣམ་པར་འཇིག་པར་བྱེད་པ། བཅོམ་ལྡན་འདས་རིག་པའི་རྒྱལ་པོའི་གཙུག་ཏོར་གྱི་སྔགས་བགེགས་དང ། ལོག་འདྲེན་ཐམས་ཅད་ཀྱིས་ཟིན་པ་དག་དང ། དབང་བསྐུར་བ་དང ། བདག་སྲུང་བ་དང ། ཕྱོགས་བཅིང་བ་དང་།། དཀྱིལ་འཁོར་བཅིང་བ་ལ་སོགས་ཏེ། ལས་ཐམས་ཅད་རབ་ཏུ་སྦྱར་རོ། །མཛུབ་མོ་དེ་གཉིས་ཀྱི་རྩེ་མོ་གཉིས་བསྐུག་ཅིང ། ཡང་དང ། ཡང་བརྐྱང་བ་ནི་མེ་ལྷ་སྤྱན་དྲང་བའོ། །དེ་ནས་སྦྱིན་སྲེག་གི་ལས་བྱ་སྟེ། འདི་ཉིད་ཀྱིས་སླར་གཤེགས་སུ་གསོལ་བ་ནི་བཟློག་པའོ། །མཛུབ་མོ་གཉིས་ཀྱང་འབར་བའི་ཕྲེང་བར་བསམ་མོ།
332a
༄#། །གཙུག་ཏོར་གྱི་ཕྱག་རྒྱ་འདི་ནི་ལས་ཐམས་ཅད་ལ་ཐོགས་པ་མེད་པའོ། །འདིར་སྔགས་ནི། ན་མོ་བྷ་ག་བ་ཏེ། ཨ་པྲ་ཏི་ཧ་ཏོཥྞཱི་ཥ་ཡ། ཨི་ཧྱེ་ཧི་ཏེ་ཛོ་མཱ་ལི་ནི་ཨགྷ་ཡེ་སཝཱཧཱ། མཛུབ་མོ་དེ་ཉིད་ཀྱི་རྩེ་མོ་གཉིས་ཅུང་ཟད་བཀུག་པར་བྱ་ཞིང ། གུང་མོ་སྦྱར་ལ་གུང་མོའི་ཚིགས་གསུམ་པའི་ནང་དུ་སྦྱར་བར་བྱའོ། །གཙུག་ཏོར་གྱི་སྟོབས་ཤིན་ཏུ་དྲག་པོའི་ཕྱག་རྒྱ་ཡིན་ནོ། །འདིར་སྔགས་ནི། ན་མོ་བྷ་ག་བ་ཏེ། ཨ་པྲ་ཏི་ཧ་ཏོཥྞཱི་ཥ་ཡ། ཨི་མཾ། གྷནྡྷཾ། དྷུ་པཾ།་པུཥྤཾ་བ་ལིཾ་དཱི་པཾ་ཙ་པྲ་ཏཱིཙྪཾ་ཧ་ར་སརྦ་ཨ་དྷི་ཥྛི་ཏེ། དྷརྨ་རཱ་ཛ་ཨ་པྲ་ཏི་ཧ་ཏཱ་ཡ་སཝཱཧཱ། དྲི་ལ་སོགས་པའི་སྔགས་སོ། །སྲིན་ལག་གཉིས་བཟློག་སྟེ་ཚིགས་གསུམ་པ་ལ་མཐེ་བོང་གཉིས་ཡང་དག་པར་སྦྱར་ཞིང ། མཛུབ་མོ་གཉིས་ཀྱང་སྦྱར་བ་ནི་གཟི་བརྗིད་གཙུག་ཏོར་གྱི་ཕྱག་རྒྱ་སྟེ། ལོག་འདྲེན་ཐམས་ཅད་ཀྱིས་འཇོམས་པར་མི་ནུས་སོ། །ཕྱག་རྒྱ་འདི་ནི་བསྲུང་བ་དང ། བཟླས་པའི་དུས་དང ། སྒྲུབ་པའི་དུས་དང ། དཀྱིལ་འཁོར་དང ། ལས་ཐམས་ཅད་ལ་ཡང་བྱ་བ་ཡིན་ནོ། །འདིར་སྔགས་ནི། ན་མོ་བྷ་ག་བ་ཏེ། ཨ་པྲ་ཏི་ཧ་ཏོཥྣཱི་ཥ་ཡ། སརྦ་བིགྷྣཾ་བི་དྷྭཾ་ས་ན་ཀ་རཱ་ཡ་ཀྲོ་དྷ་ཡ་སཝཱཧཱ། སྲིན་ལག་གཉིས་ཀྱི་རྩ་བར་མཐེ་བོང་
332b
གཉིས་གཏུགས་ཏེ། དེ་བཞིན་དུ་གདུབ་ཀོར་ལྟར་བྱ་ཞིང་མཛུབ་མོ་གཉིས་ཀྱིས་ནང་སྟོང་པའི་རྣམ་པར་བྱའོ། །འདི་ནི་ཐམས་ཅད་དུ་ཐོགས་པ་མེད་ཅིང་གཞན་གྱིས་མི་ཐུབ་པའི་གཙུག་ཏོར་གྱི་ཕྱག་རྒྱ་ཡིན་ནོ། །འདིར་སྔགས་ནི། ན་མོ་བྷ་ག་བ་ཏེ། ཨ་པྲ་ཏི་ཧ་ཏོཥྞཱི་ཥ་ཡ། སརྦ་ཏྲ་ཨ་པ་རཱ་ཛི་ཏཱ་ཡ། ཤ་མ་ཡ་ཤ་མ་ཡ། ཤཱནྟེ་དཱནྟེ། དྷརྨ་རཱ་ཛ་བ་ཤི་ཏེ། མཧཱ་བིདྱེ་སརྦཱརྠ་ས་དྷ་ནི་སཝཱཧཱ། མར་གྱི་སྦྱིན་སྲེག་ལ་སོགས་པས་ཞི་བ་དང ། རྒྱས་པ་ལ་སོགས་པའི་ལས་བྱའོ། །སྲིན་ལག་གཉིས་ཀྱིས་གདུབ་ཀོར་ལྟར་བྱ་ཞིང་མཛུབ་མོའི་རྩེ་མོ་གཉིས་བཀུག་པ་ནི་ཐོགས་པ་མེད་པའི་བདེ་བྱེད་ཀྱི་གཙུག་ཏོར་གྱི་ཕྱག་རྒྱའོ། །འདིར་སྔགས་ནི། ན་མོ་བྷ་ག་བ་ཏེ། ཨ་པྲ་ཏི་ཧ་ཏོཥྞཱི་ཥ་ཡ།་ཨོཾ་ཤང་ཀ་རེ་སཝཱཧཱ། ལས་ཐམས་ཅད་སྲུང་བར་བྱེད་པའོ། །མཐེ་བོང་གཉིས་ཀྱི་རྩེ་མོས་སྲིན་ལག་གཉིས་ཀྱི་གསུམ་པའི་ཚིགས་ལ་མནན་ལ། དེ་བཞིན་དུ་མཛུབ་མོ་གཉིས་ཀྱི་རྩེ་མོ་ཡང་རྡོ་རྗེའི་རྩེ་དང་འདྲ་བར་བྱའོ། །འདི་ནི་དམ་ཚིག་ཐོགས་པ་མེད་པའི་སྤྱི་གཙུག་གི་ཕྱག་རྒྱ་སྟེ། དམ་ཚིག་ཐམས་ཅད་ཀྱི་ཐུན་མོང་ངོ། །འདིར་སྔགས་ནི། ན་མོ་བྷ་ག་བ་ཏེ། ཨ་པྲ་ཏི་ཧ་ཏོཥྞཱི་ཥ་ཡ། ཨོཾ་ཤང་ཀ་རེ་ས་མ་ཡཾ་སཝཱཧཱ། མཐེ་བོང་གཉིས་ཀྱི་རྩེ་མོས་སྲིན་ལག་གཉིས་ཀྱི་བར་མའི་ཚིགས་ལ་
333a
༄#། །བཅར་ལ། མཛུབ་མོ་གཉིས་ཀྱི་རྩེ་མོ་དགུག་པར་བྱ་ཞིང་གུང་མོ་གཉིས་ཀྱི་རྩེ་མོ་དང ། ཚིགས་བར་མ་སྦྱར་བ་ནི་དམ་ཚིག་ཐོགས་པ་མེད་པ་གཙུག་ཏོར་གྱི་ཕྱག་རྒྱ་ཡིན་ཏེ། ལྷ་དང ། ལྷ་མ་ཡིན་ལ་སྦྱར་ན་དམ་ཚིག་ལ་འཇོག་པར་བྱེད་དོ། །འདིར་སྔགས་ནི། ན་མོ་བྷ་ག་བ་ཏེ། ཨ་པྲ་ཏི་ཧ་ཏོཥྞཱི་ཥ་ཡ། ཨོཾ་ཤང་ཀ་རེ་མཧཱ་ས་མ་ཡཾ་སཝཱཧཱ། འདིས་དཀྱིལ་འཁྲོ་བཅིང་བ་བྱས་ནས་བཟླས་ན་འཁོར་ལོས་བསྒྱུར་བ་ཡང་དམ་ཚིག་ལ་གནས་པར་འགྱུར་ཞིང ། འཁོར་ལོས་བསྒྱུར་བ་གཞན་ཡང་ཟིལ་གྱིས་གནོན་པར་འགྱུར་རོ། །གནས་དེ་ཉིད་དུ་བཟླས་པ་བྱས་ན་རིག་པའི་མཐུ་སྟོབས་ཀྱིས་འཇིགས་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་སྔགས་རྣམས་ཀྱིས་ཕན་ཚུན་གནོད་པ་བྱེད་པར་ནུས་པ་མ་ཡིན་ནོ། །བཟླས་པ་ནི་གནས་གཅིག་ཏུ་རྣམ་པ་ཐམས་ཅད་དུ་བྱའོ། །དེ་ལ་སོགས་པ་གཙུག་ཏོར་གྱི་རྒྱལ་པོ་གྲངས་མེད་པ་ཡོད་དེ། དེ་བཞིན་གཤེགས་པ་ཐམས་ཅད་ཀྱི་རིགས་ལ་རྒྱ་ཆེར་བྱའོ། །འཇམ་དཔལ་ཆོ་གའི་རྒྱལ་པོ་འདི་ལ་ནི་སྔགས་ཚད་མེད་པ་ཡོད་དེ། ཕྱག་རྒྱ་ཡང་རྣམ་པ་སྣ་ཚོགས་ཉིད་དེ། ངས་འདི་མདོར་བསྡུས་ནས་བཤད་པ་ཡིན་ནོ། །ངས་གལ་ཏེ་རྒྱ་ཆེར་བཤད་ན་ནི་མི་དང ། མི་
333b
མ་ཡིན་པ་ཐམས་ཅད་ཀྱིས་བསྐལ་པ་སྟོང་གི་ཚད་དུ་ཡང་འཛིན་པའམ། འཆང་བར་ནུས་པ་མ་ཡིན་ནོ། །འཇམ་དཔལ། དེ་ལྟ་བས་ན་མདོར་བསྡུས་ནས་བཤད་པར་བྱ་ཡི། མདོར་ན་ཡད་ལ་ཉེ་བར་གཟུང་བར་གྱིས་ཤིག་།དང་པོ་ཐུབ་པའི་ཕྱག་རྒྱ་མཆོག་།འདིར་ནི་རབ་ཏུ་གསུངས་པ་ཡིན། །ལྷ་ཡི་ལྷ་ནི་དེ་ནས་ཀྱང ། ། འཁོར་ལོས་བསྒྱུར་བའི་ཕྱག་རྒྱ་དང ། །བྱང་ཆུབ་སེམས་དཔའ་བློ་ལྡན་ནི། །སྤྱན་རས་གཟིགས་ནི་ཟླ་བ་དང ། །དེ་ནས་ཕྱག་ན་རྡོ་རྗེའི་རྒྱ། །གནོད་སྦྱིན་དབང་པོའི་བསྟན་པ་ཡིན། །དེ་ནས་གཞན་ཡང་ཕྱག་རྒྱ་ནི། །དཔག་མེད་ཆེན་པོའི་གཟི་བརྗིད་ལྡན། །ཕོ་ཉ་ཕོ་ཉ་མོ་ཚོགས་ཀུན། །བྲན་ཕོ་དྲན་མོ་དེ་བཞིན་གཞན། །དེ་བཞིན་གནོད་སྦྱིན་གནོད་སྦྱིན་མོ། །ཀླུ་དང་ཀླུ་མོ་དེ་བཞིན་གཞན། །མངག་གཞུག་མངག་གཞུག་མོ་དག་དང ། །རྫུ་འཕྲུལ་ཆེན་པོ་ཤ་ཟ་མོ། །དེ་བཞིན་གཞན་ཡང་སྲིན་མོ་དང ། །ལྷ་དང་ལྷ་མིན་བུ་མོ་དང ། །གྲུབ་དང་རིག་པ་འཛིན་རྣམས་དང ། །མི་རྣམས་མ་ལུས་པ་དག་དང ། །སྐྱེ་བོ་ཐམས་ཅད་དག་གི་ནི། །སོ་སོ་སོ་སོར་ཕྱག་རྒྱ་བསྟན། །སྔགས་ཀྱང་རྣམ་པ་སྣ་ཚོགས་དང། །ལས་དང་ཏིང་འཛིན་སྣ་ཚོགས་དང ། །གླང་པོ་ནོར་བུའི་རིགས་དག་དང ། །དེ་དག་སོ་སོའི་ཕྱག་རྒྱ་དང ། །དགྲ་བཅོམ་དང་ནི་རང་རྒྱལ་དང ། །ལེགས་འབྱུང་ཕྱག་རྒྱ་
334a
༄#། །དེ་ཉིད་དང ། །ས་བཅུ་ལ་ནི་རབ་གནས་པའི། །བྱང་ཆུབ་སེམས་དཔའ་ཐམས་ཅད་ཀྱི། །ཕྱག་རྒྱ་སྙིང་པོ་སྔགས་དག་ནི། །གཅིག་པ་ཉིད་དུ་ཡོངས་སུ་བསྒྲགས། །ལྷ་དང་གནོད་སྦྱིན་རིགས་དང་ནི། །དྲང་སྲོང་དྲི་ཟས་མཆོད་པ་དང ། །ཕྱག་རྒྱ་དྲི་ཟས་བསྟན་པ་དང ། །བདུན་པའི་རིགས་ཀྱིས་གསུངས་པ་དང ། །དེ་བཞིན་བརྒྱད་པའི་ཕྱག་རྒྱ་ནི། །གནོད་སྦྱིན་རིགས་སུ་ཡོངས་སུ་བསྟན། །ཕྱག་རྒྱ་ཐམས་ཅད་ཡང་དག་བསྟན། །གཞན་ཡང་བདེ་གཤེགས་བཀའ་དག་གིས། །རྒྱུད་རྣམས་དག་ནི་སོ་སོ་དང ། །འཇིག་རྟེན་པ་ཡི་ཡང་འདིར་གཟུང་།། ཕྱག་རྒྱ་ལྡན་པའི་སྔགས་དག་ནི། །ལས་རྣམས་ལ་ནི་གསལ་བར་འགྱུར། །ཕྱག་རྒྱ་འཆིང་ལ་སོགས་མཁས་ན། །ལོག་འདྲེན་དག་གིས་གནོད་མི་འགྱུར། །དེ་ནས་ཕྱག་རྒྱ་ཆེན་པོ་ལ་སོགས་པའི་མཚན་ཉིད་བཤད་པར་བྱ་སྟེ། སངས་རྒྱས་བཅོམ་ལྡན་འདས་ཀྱི་སྙིང་པོའི་ཕྱག་རྒྱའི་མཚན་ཉིད་དུ་འགྱུར་བ་ནི་ལག་པ་གཉིས་ཀྱི་སོར་མོ་ཕན་ཚུན་བསྡམས་ལ་མཐེ་བོང་གཉིས་བསྟན་པར་བྱའོ། །འདི་ནི་དེ་བཞིན་གཤེགས་པ་རྣམས་ཀྱིས་ཐགས་ཀྱི་ཕྱག་རྒྱའོ། །འདི་ཉིད་ལ་ནི་མཐེ་བོང་གཡས་པ་གཅིག་བསྟན་པ་ནི་པདྨ་འཛིན་པའི་ཕྱག་རྒྱར་འགྱུར་རོ། ། ལག་པ་གཡས་གཡོན་སྔ་མ་བཞིན་དུ་ཁུ་ཚུར་བཅངས་ཏེ་གུང་མོའི་སོར་མོ་གཉིས་རབ་ཏུ་ཕྱུང་ཞིང་བརྐྱང་བར་བྱས་ལ་གཅིག་ཏུ་བྱས་ཤིང་རྡོ་རྗེའི་རྩེ་མོ་འདྲ་བ་འདི་ནི་རྡོ་རྗེ་
334b
འཛིན་གྱི་ཕྱག་རྒྱའོ། །དེ་ལས་གཅིག་བཀུག་པ་འདི་ནི་བྱང་ཆུབ་སེམས་དཔའ་སྤོས་ཀྱི་གླང་པོའི་ཕྱག་རྒྱའོ། །ཡང་དེ་ཉིད་བརྐྱང་ནས་གུང་མོ་གཉིས་གདུབ་ཀོར་ལྟར་བྱས་པ་འདི་ནི་བྱང་ཆུབ་སེམས་དཔའ་གླང་པོའི་སྤོས་ཀྱི་ཕྱག་རྒྱའོ། །ལག་པ་གཉིས་པོ་ཐམས་ཅད་བསྡུས་ཏེ་ཁུ་ཚུར་དུ་བྱས་པ་འདི་ནི་རིན་པོ་ཆེའི་རིགས་ཀྱི་ཕྱག་རྒྱའོ། །ནོར་བུ་ལ་སྤྱོད་པ་ཐམས་ཅད་དང ། ཛམྦྷ་ལ་ཆུ་དབང་ལ་སོགས་པའི་སྔགས་དང ། ཕྱག་རྒྱ་འདི་ཉིད་སྦྱར་བར་བྱའོ། །མཛུབ་མོ་གཉིས་ཀྱི་ཚིགས་གཉིས་བཀུག་ནས་སེན་མོ་གཉིས་ཕན་ཚུན་སྤྲད་པ་འདི་ནི་གནོད་སྦྱིན་གྱི་རིགས་ལྔས་རྩེན་ལ་སོགས་པའི་གནོད་སྦྱིན་རྫུ་འཕྲུལ་ཆེན་པོའི་ཕྱག་རྒྱའོ། །ལག་པ་གཉིས་སྔ་མ་བཞིན་དུ་ཁུ་ཚུར་བཅིང་བ་བྱས་ལ་མཐེ་བོའི་སེན་མོ་གཉིས་ཕན་ཚུན་སྤྲད་ཅིང་སྟེང་དུ་བཞག་ལ། གུང་མོ་གཉིས་ཀའི་རྩེ་མོ་རྡོ་རྗེའི་རྩེ་མོ་དང་འདྲ་བར་བྱས་པ་འདི་ནི་ལྷ་ཐམས་ཅད་དེ། ལྷའི་རིགས་འོག་མིན་ལ་སོགས་པའི་ཕྱག་རྒྱ་ཡིན་ནོ། །ལག་པ་གཉིས་དེ་བཞིན་དུ་བསྡམས་ལ་ཁུ་ཚུར་བཅངས་ནས་མཐེ་བོ་གཉིས་བསྟན་པ་འདི་ནི་རང་སངས་རྒྱས་རྣམས་དང ། འཕགས་པ་ཉན་ཐོས་ཀྱི་ཕྱག་རྒྱའོ། །ཁུ་ཚུར་བཅང་བར་བྱས་པ་འདི་དག་ནི་འཕགས་པའི་གང་ཟག་བརྒྱད་ཀྱི་ཕྱག་རྒྱའོ། །རྒྱལ་བའི་སྲས་ཐམས་ཅད་ཀྱི་ཕྱག་རྒྱ་ནི་གཅིག་ཏུ་བརྗོད་པར་བྱ་སྟེ། ཐལ་མོ་བརྐྱང་བ་སྦྱར་ནས་ཅུང་ཟད་རྩེ་མོ་བསྐུམ་པར་བྱས་པ་འདི་ནི་བྱང་ཆུབ་སེམས་དཔང་གྲགས་པའི་ཕྱག་རྒྱར་བསྟན་པ་ཡིན་
335a
༄#། །ནོ། །ནོར་བུ་རིན་པོ་ཆེ་དང ། འཁར་གསིལ་དང ། སྣམ་སྦྱར་དང ། ལྷུང་བཟེད་དང ། ཆོས་གོས་དང ། མཆེ་བ་དང ། མི་འཇིགས་པའི་ལག་པ་སྟེ་བདུན་པོ་དེ་དག་ནི་ཐུབ་པའི་ཕྱག་རྒྱའོ། །སྤྱན་དང ། བྱམས་པ་དང ། འོད་ཀྱི་དྲ་བ་དང ། ཆོས་སྟོན་པ་དང ། མཛོད་སྤུའི་ནོར་བུ་དང ། གནས་པ་དང ། ཕྱག་རྒྱ་བདུན་པོ་འདི་དག་ཀྱང་རྒྱལ་བའི་སྐུ་ཉིད་ལས་སྐྱེས་པའོ།། བདུན་གཉིས་ཀྱི་ཚོགས་གཉིས་པ་འདི་དག་དང ། ཕྱག་རྒྱ་ལྔ་ངས་བཤད་པ་དང ། ཐུབ་པའི་སྙིང་པོ་དང་ལྡན་པ་ཉི་ཤུ་ནི་དང་པོའི་རང་བྱུང་གིས་ཀྱང་བསྟན་པ་ཡིན་ཏེ། འཁོར་ལོས་བསྒྱུར་བ་ཉི་ཤུའི་འཁོར་གྱི་ཕྱག་རྒྱ་ཡང་བསྟན་ཏོ། །ཕྱག་རྒྱ་དང ། སྔགས་བྱུང་བ་འདི་གྲངས་ཀྱི་མཐར་ཡང་བྱས་པ་ཡིན་ནོ། །ཐལ་མོ་སྦྱར་བ་བྱས་ནས་གདུབ་ཀོར་ལྟར་བྱས་པ་ནི་ནོར་བུ་རིན་པོ་ཆེའི་ཕྱག་རྒྱའོ། །སྐྱིལ་མོ་ཀྲུང་གི་གཡས་གཡོན་བརླའི་ཉའི་ཕྱོགས་སུ་ཁུ་ཚུར་རྒྱལ་མཚན་དུ་འཛིན་པ་ནི་འཁར་གསིལ་གྱི་ཕྱག་རྒྱར་འགྱུར་རོ། །ལག་པ་ཐལ་མོ་སྦྱར་ལ་ཕན་ཚུན་དུ་མངོན་པར་ཕྱོགས་པ་ནི་སྣམ་སྦྱར་གྱི་ཕྱག་རྒྱར་འགྱུར་རོ། །ལག་པ་ཐལ་མོ་སྦྱར་བ་ལས་བཟེད་པ་ལྟར་བྱས་པ་ནི་ལྷུང་བཟེད་ཀྱི་ཕྱག་རྒྱའོ། །ཆོས་གེས་ནི་ལག་པ་གཡོན་པས་སོ། །ཐུགས་ཀྱི་ཕྱག་རྒྱ་བཞིན་དུ་གཡོན་པའི་མཐེ་བོང་བཏེག་པ་ནི་མཆེ་བའི་ཕྱག་རྒྱའོ། །ལག་པ་གཡས་པས་མི་འཇིགས་པ་སྦྱིན་པ་དང ། གཡོན་པས་ཆོས་གོས་ལ་འཛིན་པ་ནི་མི་འཇིགས་པའི་ལག་པའོ། །ཐལ་
335b
མོ་སྦྱར་བ་ལས་གུང་མོ་གཉིས་རྡོ་རྗེའི་རྩེ་མོ་ལྟར་བྱས་ལ་དེའི་རྒྱབ་ཏུ་མཛུབ་མོ་གཉིས་ཅུང་ཟད་བཀུག་ཅིང་བཞག་ལ་མཐེ་བོང་གཉིས་ནང་དུ་བཅུག་པ་འདི་ནི་སངས་རྒྱས་སྤྱན་གྱི་ཕྱག་རྒྱར་འགྱུར་རོ། །འདི་ཉིད་ཀྱི་གུང་མོའི་ཚིགས་བཀུག་ལ་མཛུབ་མོ་གཉིས་གཅིག་ཏུ་བྱས་པ་འདི་ནི་སངས་རྒྱས་བྱམས་པའི་ཕྱག་རྒྱའོ། །ཐལ་མོ་སྦྱར་བ་ཡངས་པར་བྱས་ལ་མཛུབ་མོ་དང ། སྲིན་ལག་གཉིས་བཀུག་ལ་རྡོ་རྗེ་རྩེ་གསུམ་དུ་བྱས་པ་འདི་ནི་མཱ་མ་ཀཱིའི་ཕྱག་རྒྱར་འགྱུར་རོ། །ཐལ་མོ་སྦྱར་བར་བྱས་ནས་མཛུབ་མོ་གཉིས་གུང་མོ་གཉིས་ཀྱི་ཚིགས་གསུམ་པ་ལ་བཀུག་ནས་བཞག་ལ་མཐེ་བོང་གཉིས་སོ་སོར་བཀྱེད་ནས། ཐལ་མོའི་རྣམ་པར་བྱ་བ་འདི་ནི་ལོངས་སྤྱོད་ལྡན་པ་ཞེས་བྱ་བའི་ཕྱག་རྒྱ་ཡིན་ནོ། །ལག་པ་གཉིས་ཐལ་མོ་སྦྱར་ནས་མཛུབ་མོ་གཉིས་དང ། གུང་མོ་གཉིས་སྦྱར་བ་ནི་རྣམ་པར་རྒྱལ་བའི་ཕྱག་རྒྱའོ། །གཡས་པའི་སོར་མོ་གསུམ་རྡོ་རྗེའི་རྩེ་མོ་ལྟར་བྱས་ལ། རྐེད་པའི་ཕྱོགས་སུ་བརྟེན་པ་འདི་ནི་གནས་པའི་ཕྱག་རྒྱའོ། །དེ་ལྟར་བདག་ཉིད་ཀྱི་མགོ་བོར་རིག་པའི་རྒྱལ་པོའི་ཕྱག་རྒྱ་དང ། ཕྱག་རྒྱ་ཆེན་པོ་བརྒྱད་བཅིངས་ལ་ལས་ཐམས་ཅད་བྱ་ཞིང་དམ་ཚིག་གཟུང་བའམ། དཀྱིལ་འཁོར་བྱ་བ་དག་ལའང་མེ་ཏོག་གཏོར་བར་བྱའོ།། ཡང་ན་སྔར་བསྟན་པའི་ཆོ་ག་ཇི་ལྟ་བ་བཞིན་དུ་བྱས་ན་ཅི་འདོད་པའི་ལས་ཐམས་ཅད་བྱེད་པར་འགྱུར་རོ། །སྔགས་དང ། ཕྱག་རྒྱ་དང ། རིག་པ་བརྗོད་པས་ནི། དམ་ཚིག་ཐམས་ཅད་དུ་
336a
༄#། །འགྱུར་རོ། །ལེགས་པར་ཕྱག་རྒྱ་བཅིངས་ན་ནི་ཕྱག་རྒྱའི་མཐུ་འབྱུང་བར་འགྱུར་གྱི། གང་ཕྱག་རྒྱ་བབ་ཅོལ་དུ་བྱས་པ་དང ། གནས་མ་ཡིན་པར་བཅས་པ་དེས་ནི་འདིའི་དམ་ཚིག་ཉམས་པར་འགྱུར་རོ། །གང་རྡོ་རྗེའི་ཕྱག་རྒྱ་དེ་ཉིད་ནི་མདུང་རྩེའི་ཕྱག་རྒྱ་ཡིན་མོད་ཀྱི། རྩེ་གསུམ་དང ། རྡོ་རྗེ་ནི་ཁྱད་པར་ཡོད་དེ། གང་གྱེན་དུ་བསྟན་པ་དེ་ནི་རྡོ་རྗེ་འཛིན་གྱི་ཕྱག་རྒྱར་འགྱུར་ལ། འོག་ཏུ་བལྟས་བ་ནི་དབང་ཕྱུག་ཆེན་པོའི་ཕྱག་རྒྱ་ཡིན་ནོ། །བར་དུ་བཞག་པ་ནི་སྦྱིན་གནས་སུ་འོས་པའི་སློབ་དཔོན་དང ། བླ་མ་ལ་ནི་ཕྱག་རྒྱ་དབུས་སུ་གཟུང་བར་བྱའོ། །མི་ཐམས་ཅད་ལ་ནི་སོར་མོ་གཅིག་གདེག་པར་བྱའོ། །མི་མ་ཡིན་པ་ཐམས་ཅད་དང ། རྐང་གཉིས་དང ། རྐང་བཞི་དང ། རྐང་མང་དང ། སྲིད་པ་གསུམ་ལ་གནས་པའི་སེམས་ཅན་རྣམས་ཀྱི་ཕྱག་རྒྱར་འགྱུར་བ་ནི་སོར་མོ་གཉིས་བསྒྲེང་བའོ། །གནོད་སྦྱིན་དང ། གནོད་སྦྱིན་མོ་ཐམས་ཅད་ཀྱི་ཕྱག་རྒྱར་འགྱུར་བ་ནི་གསུམ་བསྒྲེང་བའོ། །རིག་པ་འཛིན་པ་དང ། རིག་པ་འཛིན་མ་ཐམས་ཅད་ཀྱི་ཕྱག་རྒྱར་འགྱུར་བ་ནི་སོར་མོ་བཞི་བསྒྲེང་བའོ། །ལྷ་དང ། ལྷ་མ་ཡན་ཐམས་ཅད་ཀྱི་བུ་མོའི་ཕྱག་རྒྱར་འགྱུར་བ་ནི་ལག་པའི་མཐིལ་མཉམ་པོར་བཞག་པའོ། །ཐལ་མོ་སྦྱར་བ་ལེགས་པར་བྱས་ཏེ་བཞག་པ་ནི་གཟུགས་ན་སྤྱོད་པའི་ལྷ་ཐམས་ཅད་ཀྱི་ཕྱག་རྒྱའོ། །ཐལ་མོ་དེ་ཉིད་ལེགས་པར་བྱས་པ་ལས་ཁུ་ཚུར་བཅིང་བ་བྱས་པ་ནི་འདོད་
336b
པའི་ཁམས་ཀྱི་དབང་ཕྱུག་ལ་སོགས་པ་འདོད་པའི་ཁམས་ན་གནས་པ་ཐམས་ཅད་ཀྱི་ཡིན་ནོ། །དམྱལ་བ་དང ། དུད་འགྲོ་དང ། ཡི་དྭགས་དང ། གཤིན་རྗེའི་འཇིག་རྟེན་གྱི་སེམས་ཅན་ཐམས་ཅད་ཀྱི་ཕྱག་རྒྱར་འགྱུར་བ་ནི་དེ་ཉིད་ལས་སོར་མོ་གཅིག་ཡང་དག་པར་བསྒྲེང་བའོ། །ཤ་ཟ་དང ། ཤ་ཟ་མོ་ལ་སོགས་པ་ཐམས་ཅད་ཀྱི་ཕྱག་རྒྱར་འགྱུར་བ་ནི་སོར་མོ་གཉིས་བསྒྲེང་བའོ། །སྲིན་པོ་དང ། སྲིན་མོ་རྣམས་ཀྱི་ནི་གསུམ་བསྒྲེང་བའོ། །ཤ་རྗེན་ཟ་བ་ཐམས་ཅད་དང ། གདོན་དང ། མ་མོ་དང ། གྲུལ་བུམ་ལ་སོགས་པ་དང ། ཤ་ཟ་རྣམས་དང ། མཁའ་འགྲོ་མ་ཐམས་ཅད་དང ། སྡིག་པའི་སེམས་དང་ལྡན་པ་ཐམས་ཅད་ལ་ནི་སོར་མོ་བཞི་བསྒྲེང་བའོ། །སྡིག་པ་ཐམས་ཅད་ཀྱི་ཕྱག་རྒྱར་འགྱུར་བ་ནི་སོར་མོ་ཐམས་ཅད་བསྡུས་པའོ། །ལག་སོར་བསྡུས་པའི་ཕྱག་རྒྱ་ནི་དགུག་པའོ། །ལག་སོར་བརྐྱང་བ་ནི་སླར་བཏང་བའི་ཕྱག་རྒྱའོ། །ལས་ཐམས་ཅད་ནི་རང་གི་སེམས་ཀྱིས་བྱའོ། །ཅི་འདོད་པའི་ཕྱག་རྒྱ་འདི་དག་ལ་རང་རང་གི་སྔགས་སྦྱར་བར་བྱའོ། །གཞན་གྱི་ཕྱག་རྒྱར་གཞན་གྱི་ལས་ནི་མི་བྱའོ། །གང་གི་སྔགས་གང་ལ་ཡོད་པ་དེ་དང ། དེའི་ཕྱག་རྒྱ་སྦྱར་བར་བྱའོ། །ཕྱག་རྒྱ་འདི་དག་ནི་རིང་ཐུང་མཉམ་པ་མེད་པ་ཡིན་ཏེ། སངས་རྒྱས་ཐམས་ཅད་ཀྱི་བྱིན་གྱིས་བརླབས་པ། སེམས་ཅན་ཐམས་ཅད་ཀྱིས་ཕྱག་རྒྱ་མཐོང་ནས་ཁྲོ་བར་བྱེད་མི་ནུས་སོ། །ཕྱག་རྒྱ་ལས་འདའ་བར་བྱེད་
337a
༄#། །པ་ནི་རྣམ་པར་ཉམས་པ་ཐོབ་པར་འགྱུར་རོ། །ཕྱག་རྒྱ་ཉམས་པ་ལས་ནི་དམ་ཚིག་ཉམས་པ་དང ། རིག་པ་ཐམས་ཅད་ལས་རྣམ་པར་འདས་པར་འགྱུར་རོ། །མཐར་ཡང་ངུ་འབོད་ཀྱི་འགྲོ་བ་ཐོབ་པར་འགྱུར་རོ། །དམྱལ་བ་ཆེན་པོ་མནར་མེད་པར་ཡང་ཤིན་ཏུ་བརྟན་པའི་སྐྱེ་བ་ཐོབ་པར་འགྱུར་བ་ནི་ཕྱག་རྒྱ་ལ་བགེགས་བྱེད་པས་སོ། །གང་ཡང་ཕྱག་རྒྱ་དང།་དམ་ཚིག་ལ་གནས་པ་དེ་དག་ནི་ཡུན་རིང་པོ་མི་ཉུང་བར་བདེ་བར་འགྱུར་ཏེ། ལྷའི་གནས་ཆེན་པོའི་འགྲོ་བར་སྐྱེ་བར་འགྱུར་རོ། །མཐར་ཡང་ངེས་པར་བྱང་ཆུབ་ལ་གཞོལ་བར་འགྱུར་རོ། །མདོར་ན། དང་པོའི་སངས་རྒྱས་དང ། བྱང་ཆུབ་སེམས་དཔའ་རྫུ་འཕྲུལ་ཆེན་པོ་དག་གིས་ཕྱག་རྒྱ་རྣམ་པ་མང་པོ་རྣམས་རབ་ཏུ་གསུངས་སོ། །སེམས་ཅན་ཐམས་ཅད་ཀྱིས་ཀྱང་འདིའི་མཐའ་རྟོགས་པར་རམ། གཟུང་བར་རམ། གྲངས་རྩི་བར་བྱེད་པར་མི་ནུས་སོ། །མདོར་ན། རྒྱལ་བའི་རིགས་ཀྱི་རིག་པའི་རྒྱལ་པོ་འཁོར་ལོས་བསྒྱུར་བའི་ཡི་གེ་གཅིག་པ་དེའི་ཕྱག་རྒྱར་འགྱུར་བ་ནི་ལག་པ་གཡས་གཡོན་སྔ་མ་བཞིན་དུ་ཁུ་ཚུར་དུ་བྱས་ལ། གུང་མོ་གཉིས་ཕྱིར་ཕྱུང་ལ་བརྐྱང་སྟེ་གཅིག་ཏུ་རྩེ་སྤྲད་ལ། གཉི་གའི་ཡང་རྩེ་མོའི་ཚིགས་བཀུག་ལ་མཛུབ་མོ་གཉིས་ཀྱི་ཚིགས་གཉིས་བཀུག་ཅིང་སེན་མོ་གཉིས་ཕན་ཚུན་རྩེ་སྤྲད་དེ་མཐེ་བོང་གཉིས་ཀྱི་སེན་མོའི་སྟེང་དུ་བཞག་པ་འདི་ནི་འཁོར་ལོས་བསྒྱུར་བའི་ཕྱག་རྒྱ་སྟེ། ལས་ཐམས་ཅད་བྱེད་
337b
པ།་ཕྱག་རྒྱ་ཐམས་ཅད་ཀྱི་རབ་མཆོག་།འཇིག་རྟེན་གྱི་སྐྱོབ་པ་རྣམས་ཀྱིས་གསུངས་པ། འཁོར་ལོས་བསྒྱུར་བའི་ཡི་གེ་གཅིག་པ་དང་ཡང་དག་པར་ལྡན་ན་ལས་ཐམས་ཅད་བྱེད་པར་འགྱུར་རོ། །འདིས་བསྒྲུབས་ན་དེ་བཞིན་གཤེགས་པ་ཐམས་ཅད་ཀྱི་རིགས་དང ། འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་སྔགས་གྲུབ་པར་འགྱུར་རོ། །འདིས་བཟླས་པ་བྱས་ན་སྔགས་ཐམས་ཅད་བཟླས་པར་འགྱུར་རོ། །སྒྲུབ་པ་པོས་ངེས་པར་སྔོན་དུ་ཆོ་གའི་རྒྱལ་པོ་འདིར་གསུངས་པའི་སྔགས་ཀྱིས་མཆོག་བརྒྱད་སྟོང་བཟླས་པར་བྱའོ། །དེ་ལྟར་བྱས་ན་རིག་པ་འདི་ཐམས་ཅད་མངོན་དུ་འགྱུར་ཞིང་མྱུར་དུ་གྲུབ་པ་རབ་ཏུ་སྟེར་བར་འགྱུར་རོ། །མྱུར་དུ་མཆོག་ཀྱང་སྟེར་བར་འགྱུར་རོ། །ངེས་པར་བྱང་ཆུབ་ལ་གཞོལ་བར་འགྱུར་རོ། །པདྨ་འཛིན་པའི་ཕྱག་རྒྱས་དང ། སྤྱན་རས་གཟིགས་ཀྱི་སྙིང་པོ་ཡི་གེ་གཅིག་པ་དང་ལྡན་པར་བྱས་ན་ལས་ཐམས་ཅད་བྱེད་པར་འགྱུར་རོ། །ཡང་ན་གོས་དཀར་མོའི་རིག་པ་ཕྱག་རྒྱ་དང་ལྡན་པར་བྱས་ནའང་དེ་བཞིན་དུ་ལས་ཐམས་ཅད་བྱེད་པར་འགྱུར་རོ། །རྡོ་རྗེ་འཆང་གི་ཕྱག་རྒྱ་དང།་དེ་ཉིད་ཀྱི་སྙིང་པོ་ཡི་གེ་གཅིག་པ་དང་ལྡན་པར་བྱས་ནའང་དེ་བཞིན་དུ་ལས་ཐམས་ཅད་བྱེད་པར་འགྱུར་རོ། །ཡང་ན་མཱ་མ་ཀཱིའི་རིག་པ་ཆེན་མོ་དང་ལྡན་པར་བྱས་ནའང་ལས་ཐམས་ཅད་བྱེད་པར་འགྱུར་རོ། །དེ་བཞིན་དུ་གླང་པོའི་རིགས་ཀྱི་ཡི་གེ་གཅིག་པ་བྱང་ཆུབ་སེམས་དཔའ་གླང་པོའི་སྤོས་ཀྱི་སྙིང་པོ་དང ། དེ་བཞིན་དུ་དེ་ཉིད་ཀྱི་ཕྱག་རྒྱ་དང ། རིན་པོ་ཆེའི་རིགས་དང །
338a
༄#། །གནོད་སྦྱིན་གྱི་རིགས་དང ། ལྷ་དང ། འཕགས་པ་དང་འདི་དག་ལ་ཡང་འདིར་སྙིང་པོ་ཡི་གེ་གཅིག་པ་ཉིད་ལ་ཕྱག་རྒྱ་དང ། སྔགས་ཐམས་ཅད་དང་ལྡན་པར་བྱས་ན་ལས་ཐམས་ཅད་བྱ་བ་ཡིན་ནོ། །ཇི་ལྟར་རིགས་པར་རིག་པ་དང ། སྔགས་ཀྱི་སྟོབས་བསྐྱེད་པ་མཐའ་དག་བྱའོ། །དེ་བཞིན་དུ་དྲང་སྲོང་རྣམས་ལ་ནི་དམོད་པ་འདེབས་པའི་ལག་པའི་ཕྱག་རྒྱའོ། །དེ་བཞིན་དུ་དྲི་ཟ་དང ། ལྷ་དང ། ལྷ་མ་ཡིན་དང་བཅས་པ་རྣམས་ལ་ནི་ལག་པ་གཡོན་པའི་མཐེ་བོང་ནང་དུ་བཅུག་པ་བྱས་པའོ། །གྲུབ་པ་བསྟན་པའི་ཁུ་ཚུར་དུ་གནས་པའི་རྒྱ་ནི་གཞོན་ནུ་མ་བཞིའི་ཕྱག་རྒྱ་དང ། དེ་ཉིད་ཀྱི་སྔགས་སོ། །དེ་བཞིན་དུ་སྨིན་དྲུག་གི་བུ་ལ་ནི་མདུང་གི་ཕྱག་རྒྱས་སོ། །དེ་བཞིན་དུ་གཤིན་རྗེ་དང ། ཆུ་ལྷ་དང ། ལུས་ངན་དང ། གནོད་སྦྱིན་དང ། སྲིན་པོ་དང ། ཤ་ཟ་དང ། ལྟོ་འཕྱེ་ཆེན་པོ་ལ་སོགས་པ་སེམས་ཅན་སྲིད་པ་གསུམ་ལ་ཡང་དག་པར་གནས་པ་ཐམས་ཅད་དང ། འགྲོ་བ་ཐམས་ཅད་དུ་གཏོགས་པ་དང ། ཁམས་ཐམས་ཅད་ན་གནས་པ་དང ། སེམས་ཅན་ཐམས་ཅད་ཀྱི་གདོན་དང ། མ་མོ་དང།་ཤ་རྗེན་ཟ་བ་དང ། སྡིག་པ་ཅན་གྱི་སེམས་ཅན་ཐམས་ཅད་དང ། ཐམས་ཅད་ཀྱི་ཕྱག་རྒྱ་དང ། སྔགས་ཀྱང་ཐམས་ཅད་དུ་གསུངས་པ་ཡིན་ནོ། །རིམ་གྱིས་
338b
སྦྱར་ཞིང་མཐར་གྱིས་ཐམས་ཅད་ཀྱི་ཐམས་ཅད་དུ་འགྱུར་གྱི་གཞན་དུ་ནི་མ་ཡིན་ནོ། །དང་པོ་རེ་ཞིག་སྒྲུབ་པ་པོས་ཆོ་གའི་རྒྱལ་པོ་འདི་ལ་དེ་བཞིན་གཤེགས་པ་ལས་བྱུང་བའི་ཕྱག་རྒྱ་ཆེན་པོ་དང ། ཕྱག་རྒྱ་དེའི་ཡན་ལག་ཏུ་གྱུར་པ་ལས་བྱུང་བ་དང ། འཕགས་པ་ཀུན་ཏུ་བཟང་པོ་དང ། མཐུ་ཆེན་ཐོབ་དང ། དྲི་མ་མེད་པར་གྲགས་པ་དང ། འཇམ་དཔལ་ཁྱོད་ཀྱི་ཨུཏྤ་ལའི་ཕྱག་རྒྱ་དང ། བྱང་ཆུབ་སེམས་དཔའི་འདི་དག་གི་ཕྱག་རྒྱ་ཤར་དུ་མངོན་པར་བལྟས་ཏེ་གནས་པ་དང ། ཉི་མ་ལ་མངོན་དུ་བལྟས་ཏེ་གནས་ནས་ཐོ་རངས་ལངས་ལ་གཙང་ཞིང་གཙང་བའི་གནས་ལ་གནས་ནས་སྒྲུབ་པ་པོས་ངེས་པར་འདི་དག་གི་ཕྱག་རྒྱ་གང་ཡང་རུང་བ་བཅིངས་ལ་རང་གི་སྤྱི་བོའི་སྟེང་དུ་གཞག་པར་བྱའོ། །འདི་དག་གང་ཡང་རུང་བའི་སྔགས་བརྒྱ་རྩ་བརྒྱད་བཟླས་པ་བྱས་ན་ནད་ཐམས་ཅད་ལས་རྣམ་པར་གྲོལ་བར་འགྱུར་རོ། །ཚེ་རིང་བ་དང ། བགེགས་ཐམས་ཅད་ཀྱིས་ཟིལ་གྱིས་གནོན་པར་མི་འགྱུར་རོ། །སེམས་ཅན་ཐམས་ཅད་ཀྱིས་མི་ཚུགས་པར་འགྱུར་རོ། །མྱུར་དུ་གྲུབ་པ་སྟེར་བར་འགྱུར་རོ། །སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །ངེས་པར་བྱང་ཆུབ་ལ་གཞོལ་བར་འགྱུར་རོ། །བྱང་ཆུབ་ཀྱི་སྙིང་པོའི་བར་དུ་འཇམ་དཔལ་གཞོན་ནུར་གྱུར་བ་འདིའི་དགེ་བའི་བཤེས་གཉེན་དུ་འགྱུར་རོ། །སྙིང་པོ་དང ། ཕྱག་རྒྱར་
339a
༄#། །འགྱུར་བ་དེ་ཡང་གང་ཞེ་ན། དང་པོ་རེ་ཞིག་དཔའ་བོ་ཆེན་པོའི་ཕྱག་རྒྱ་བཅའ་བར་བྱ་སྟེ། ལག་པ་གཉིས་སྦྱར་བར་བྱས་ལ་སོར་མོ་རྣམས་ནང་དུ་བསྡུས་ཏེ།་མཐེ་བོང་གཉིས་བཏེག་ལ་ཚིགས་གསུམ་པའི་ཆ་བཀུག་པ་འདི་ནི་དཔའ་བོ་ཆེན་པོའི་ཕྱག་རྒྱར་དེ་བཞིན་གཤེགས་པ་རྣམས་ཀྱིས་གསུངས་སོ། །འདིར་སྔགས་ནི།་ཨ་བཱི་ར་ཧཱུཾ་བཾ། སྔགས་འདི་དང ། ཡང་དག་པར་ལྡན་ན་ཕྱག་རྒྱ་འདི་ནི་ལས་ཐམས་ཅད་བྱེད་པ་ཡིན་ནོ། །ལག་པ་གཉིས་དེ་བཞིན་དུ་ཡང་དག་པར་སྦྱར་བ་བྱས་ལ།་ཕྱིར་ཡང་རྣམ་པར་ཕྱེ་ཞིང་ཀུན་ནས་སོར་མོ་རྣམས་པདྨ་ཁ་བྱེ་བ་ལྟར་བྱས་པ་འདི་ནི་ཁ་བྱེ་བ་ཞེས་བྱ་བའི་ཕྱག་རྒྱ་མཆོག་ཡིན་ཏེ། དང་པོའི་སངས་རྒྱས་ཀྱིས་རབ་ཏུ་བསྟན་ཏོ། །འདིར་སྔགས་ནི། ཨོཾ་ག་ག་ན་སམྦྷ་བེ་དཱིཔྟ་དཱིཔྟ། ཛྭཱ་ལ་ཡ་ཛྭཱ་ལ་ཡ། བུད་དྷ་ཨ་དྷིཥྛི་ཏེ་བི་ཀཱ་སཱ་ཡ་སརྦ་བྷུ་ཏཱ་ནཱཾ། ཧཱུཾ་ཧཱུཾ་བི་ཀཱ་སི་ནི་ཕཊ་ཕཊ་སཝཱཧཱ། འདི་ནི་པདྨ་ཁ་བྱེ་བའི་སྔགས་ཏེ། ཕྱག་རྒྱ་འདི་དང་ཡང་དག་པར་ལྡན་ན་ལས་ཐམས་ཅད་བྱེད་པར་འགྱུར་རོ། །གདོན་ཞུགས་པ་ལ་སོགས་པ་ཡང་རབ་ཏུ་ཤེས་པ་ཡིན་ནོ། །སྨྲ་བར་བྱེད་པར་འགྱུར་རོ། །གདོན་གྱིས་ཟིན་པ་རྣམས་དང ། ཤ་ཟ་སྡིག་པ་དང་ལྡན་པས་ཟིན་པ་དང ། དུག་གིས་བརྒྱལ་བ་རྣམས་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་
339b
ལྟར་དེ་ཐམས་ཅད་བྱེད་དོ། །འདི་ནི་མདོར་ན་རིག་པ་མེ་ཏོག་ཁ་བྱེ་བའི་ཕྱག་རྒྱ་དང་ལྡན་པར་བྱས་ན་གདོན་ཐམས་ཅད་སྒྲུབ་པར་བྱེད་དོ། །མ་གྲུབ་པ་ཉིད་ཀྱང་མྱུར་དུ་གྲུབ་པར་འགྱུར་རོ། །ལག་པ་གཉིས་སྦྱར་བ་བྱས་ལ་སོར་མོ་རྣམས་ནང་དུ་མཉམ་པོར་བྱས་ཏེ་བཅུག་པ་ནི་སྙིང་པོའི་ཕྱག་རྒྱ་སྟེ། སྙིང་པོ་ལན་བདུན་མངོན་པར་སྔགས་ལ་བཀྲོལ་བར་བྱ་སྟེ། དེ་བཞིན་དུ་ཐམས་ཅད་དུ་ཡང་བྱའོ། །འདིར་སྔགས་ནི། ཨོཾ་གོ་ད་རོ་བཱི་ར་སཝཱཧཱ། དེ་བཞིན་གཤེགས་པའི་སྙིང་པོའོ། །ལག་པ་དེ་ཉིད་ཁུ་ཚུར་དུ་བྱ་སྟེ་སོར་མོ་རྣམས་བརྐྱང་ལ། སོར་མོའི་རྩེ་མོ་ཕན་ཚུན་སྤྲད་ཅིང་ནང་དུ་སྟོང་པ་ནི་གཙུག་ཏོར་གྱི་ཕྱག་རྒྱའོ། །འདིར་སྔགས་ནི། ཨོཾ་ཨོཾ་བནྡྷ་སཝཱཧཱ། འདི་ནི་ལས་ཐམས་ཅད་བྱེད་པ་སྟེ། ལག་པ་གཡས་པའི་མཐེ་བོང་བཏེག་ལ་ཁུ་ཚུར་བཅངས་པ་ནི་འཁར་གསིལ་གྱི་ཕྱག་རྒྱའོ། །འདིར་སྔགས་ནི། ཨོཾ་དྷུ་ན་ཛི་ཏ་ར་ཎཱི་ནཱཾ་ཧཱུཾ་ཕཊ། འཁར་གསིལ་གྱི་སྔགས་ནི་ལས་ཐམས་ཅད་པའོ། ། འདི་ཉིད་ཀྱི་ཕྱག་རྒྱ་དང་ལྡན་པས་ལག་པ་གཡོན་པ་ཆོས་གོས་ལ་འཛིན་པར་བྱས་པ་ནི་ཆོས་གོས་ཀྱི་ཕྱག་རྒྱའོ། །འདིར་སྔགས་ནི། ཨོཾ་རཀྵ་རཀྵ་སརྦ་བུད་དྷ་ཨ་དྷིཥྛི་ཏ་ད་མ་ཙཱི་བ་ར་སཝཱཧཱ། དེ་བཞིན་གཤེགས་པའི་ཆོས་གོས་ཀྱི་སྔགས་སོ། །འདི་ཉིད་ཀྱི་ཕྱག་རྒྱ་དང་ལྡན་པར་བྱས་ན་ལས་ཐམས་ཅད་བྱེད་པར་འགྱུར་རོ། །གོས་ལ་མངོན་པར་སྔགས་
340a
༄#། །ནས་གོས་བགོས་ན། བསྲུང་བ་ཆེན་པོ་བྱས་པར་འགྱུར་རོ། །གདོན་ཐམས་ཅད་དང ། མ་མོ་དང ། ཤ་ཟ་དང ། ཤ་རློན་ཟ་བ་དང ། སྡིག་པ་ཅན་རྣམས་དང།་བགེགས་ཐམས་ཅད་ཀྱང་མཐོང་བ་ཙམ་གྱིས་རབ་ཏུ་འབྱེར་རོ། །མཐེ་བོང་གཡས་གཡོན་དང ། མཐེའུ་ཆུང་ཕན་ཚུན་སྤྲད་པ་བྱས་ལ་ལག་པའི་ཁ་སྦྱར་ཐུར་དུ་བསྟན་པ་ནི་ལྷུང་བཟེད་ཀྱི་ཕྱག་རྒྱའོ། །འདིར་སྔགས་ནི། ཨོཾ་ལོ་ཀ་བཱ་ལ་ཨ་དྷིཥྛི་ཏཾ་བ་ར་དྷྭ་རཱ་ཡ། མཧཱ་ནུ་བྷ་བ་ནུ་ཏཱ་པཱ་ཏྲཱ་སཝཱཧཱ། ཕྱག་རྒྱ་འདི་དང ། སྔགས་འདི་དང་ཡང་དག་པར་ལྡན་པར་བྱས་ན་ལས་ཐམས་ཅད་བྱེད་དོ། །ཁ་ཟས་ཟ་བའི་དུས་སུ་དྲན་པར་བྱས་ན་སྦྱར་བའི་དུག་ཐམས་ཅད་ནུས་པ་མེད་པར་འགྱུར་རོ། །ལག་པ་གཉིས་ཁུ་ཚུར་བཅངས་ལ་མཛུབ་མོ་གཉིས་དང ། གུང་མོ་བཀུག་པ་འདི་ནི་ཡིད་བཞིན་གྱི་ནོར་བུའི་ཕྱག་རྒྱའོ། །འདིར་སྔགས་ནི། ཨོཾ་ཏེ་ཛོ་ཛཱ་ལ་སརྦ་ཨརྠ་ས་དྷ་ཀ་སིདྡྷྱ་ཙི་ན་ཏཱ་མ་ཎི་རཏྣ་ཧཱུཾ། ནོར་བུ་རིན་པོ་ཆེའི་སྔགས་སོ། །ཕྱག་རྒྱ་འདི་ཉིད་དང་ཡང་དག་པར་ལྡན་ན་ལས་ཐམས་ཅད་བྱེད་ཅིང་དགེ་བ་ཡིན་ནོ། །རྒྱན་གྱི་ཁྱད་བར་ཐམས་ཅད་ལ་འདི་ཉིད་ཀྱིས་མངོན་པར་སྔགས་ཏེ་རྒྱན་དུ་བྱས་ན་བདག་ཉིད་ལ་བསྲུང་བ་ཆེན་པོ་བྱས་པར་འགྱུར་རོ། །མཆོག་ཏུ་སྐལ་བ་བཟང་པོ་དང་ལྡན་པར་འགྱུར་རོ། །གོ་ཆ་ལ་མངོན་
340b
པར་སྔགས་ཏེ། རང་ཉིད་ཀྱིས་བགོ་བར་བྱས་ནས་གཡུལ་དུ་འཇུག་ན་འདི་ནི་ལུས་མཚོན་གྱི་མི་ཕོག་ཅིང་མི་ཚུགས་པར་འགྱུར་རོ། །དགྲ་ཐམས་ཅད་ཀྱི་རང་གི་དཔུང་འབྱེད་བར་བྱེད་ཅིང་ཕ་རོལ་གྱི་སྡེ་ཡང་རབ་ཏུ་གནོན་པར་བྱེད་དེ། དེ་ལ་སོགས་པ་ཚད་མེད་པའི་ལས་མ་གྲུབ་པ་ཉིད་ཀྱང་གྲུབ་པར་བྱེད་དོ། །རིན་པོ་ཆེ་པདྨ་རཱ་ག་དང ། མ་རྒད་ཏ་ལ་སོགས་པ་གང་ཡང་རུང་བའི་རིན་ཆེའི་ཁྱད་པར་བླངས་ལ། བརྒྱ་རྩ་བརྒྱད་མངོན་པར་སྡགས་པ་བྱས་ནས་རྒྱལ་མཚན་གྱི་རྩེ་མོ་འམ། རང་གི་མགོ་བོའམ། གླང་པོ་ཆེའི་མཚོག་མར་བཅིང་བ་བྱས་ནས་གཡུལ་གྱི་ཐོག་མར་ཞུགས་ན་ངེས་པར་ཕ་རོལ་གྱི་དཔུང་དང་འཐབ་པ་མེད་པར་ཁོ་ནར་མཐོང་བས་འཇིགས་པར་འགྱུར་བ་འམ། རྨུགས་པ་ཆེན་པོ་ཉིད་དུ་འགྱུར་བ་འམ།་བདག་པོ་དཔུང་དང་བཅས་པ་དེ་དག་རབ་ཏུ་འབྱེར་བར་འགྱུར་རོ། །སོར་མོ་རྣམས་ཕན་ཚུན་བསྡུས་ནས་ཁུ་ཚུར་དུ་བྱས་ལ་སོར་མོ་གུང་མོའི་གནས་གྱི་གསུམ་པའི་ཚིགས་ཀྱི་ཆ་ལ་མཛུབ་མོའི་ཙེ་མོ་བཀུག་པ་འདི་ནི་ཀྱི་འཁོར་ལོའི་ཕྱག་རྒྱའོ། །འདིར་སྡགས་ནི། ཨོཾ་ཙྪིནྡྷ་ཙྪིདྷ་ཧ་ན་ད་ཧ། ཙཀྲ་ཌཱི་པ་ཧཱུཾ། ཆོས་ཀྱི་འཁོར་ལོའི་སྔགས་སོ། །རྐང་པ་གཡོན་པ་བཏེག་ལ་རྐང་གྱས་པས་ལ་བཞག་སྟེ། གཡོན་པའི་རྐང་བའི་བློ་གིས་གཡས་པ་བརྐྱང་བའི་བརླ་ལ་བཞག་ལ། ལག་པ་གཡས་པས་བསྣུན་པའི་
341a
༄#། །ཚུལ་དུ་ང་རྒྱལ་གྱིས་བསྟན་པར་བྱ་བ་འདི་ནི་གཞན་གྱིས་མི་ཐུབ་པའི་ཕྱག་རྒྱའོ། །འདིར་སྔགས་ནི། །ོཾ་ཧུ་ལུ་ཧུ་ལུ་ཙཎྜ་ལེ་མ་ཏངྒི་སཝཱཧཱ། གཞན་གྱིས་མི་ཐུབ་པའི་སྔགས་སོ། །ཆོས་ཀྱི་འཁོར་ལོ་དང ། གཞན་གྱིས་མི་ཐུབ་པའི་སྔགས་འདི་དག་ཉིད་དང་ཡང་དག་པར་ལྡན་པས་སྔགས་ཐམས་ཅད་པར་འགྱུར་རོ། །མདོར་ན། སྡུག་བསྔལ་ཐམས་ཅད་ངེས་པར་གཅོད་པར་བྱེད་དོ། །ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་ལས་ཐམས་ཅད་བྱེད་པར་འགྱུར་རོ། །ལག་པ་གཡོན་པ་བརླའི་སྟེང་དུ་དཀུར་བསྟན་ལ་ལག་པ་གཡས་པས་ཆོས་སྟོན་པའི་ཕྱག་རྒྱ་ནི་དེ་བཞིན་གཤེགས་པའི་མདུང་གི་ཕྱག་རྒྱ་ཡིན་ནོ། །འདིར་སྔགས་ནི། །ོཾ་བི་ཛ་ཡེ་མཧཱ་ཤཀྟི་དྷུ་ར་ཕ་རི་ཧཱུཾ་ཕཊ། བི་ཛ་ཡི་ནི་ཕཌ། མངྒ་ལཱ་ཡ་ཕཌ། དེ་བཞིན་གཤེགས་པའི་མདུང་གི་ཕྱག་རྒྱའོ། །འདི་ཉིད་ཀྱི་ཕྱག་རྒྱ་དང་ཡང་དག་པར་ལྡན་ན་ལས་ཐམས་ཅད་པར་འགྱུར་རོ། །བགེགས་ཐམས་ཅད་དང ། མ་རུངས་པ་ཐམས་ཅད་དང ། དགྲ་ཐམས་ཅད་དང ། ལྷ་དང་བཅས་པ་ཡང་རེངས་བར་བྱེད་དོ། །འདིའི་ཡོན་ཏན་ནི་མཐའ་ཡས་ཏེ།་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་ལས་ཐམས་ཅད་བྱེད་པར་འགྱུར་རོ། །ལག་པའི་སོར་མོ་རྣམས་ཕན་ཚུན་དེ་བཞིན་དུ་བྱས་ལ་ལག་པ་གཉིས་བཀན་ཏེ་
341b
མཛུབ་མོ་གཉིས་རྩེ་མོ་སྦྱར་ལ་དེ་ཉིད་བཟློག་ལ་ཐུར་དུ་བསྟན་ཏེ་དབྲལ་བར་བཞག་པ་འདྲི་ནི་སངས་རྒྱས་བཅོམ་ལྡན་འདས་དང་མོའི་སངས་རྒྱས་ཀྱི་མཛོད་སྤུའི་ཕྱག་རྒྱར་གསུངས་སོ། །འདིར་སྔགས་ནི། ན་མཿ སརྦ་ཐཱ་ག་ཏེ་བྷྱཿ ། ཨརྷ་ཏེ་བྷྱཿ ། སམྱ་ཀྶཾ་བུད་དྷེ་བྷྱཿ ། ཧ་ཧེ་བནྡྷ་བནྡྷ་ཏིཥྛ་ཏིཥྛ་དྷ་ར་ཡ་དྷེ་ར་ཡ། ནི་རུནྡྷ་ནི་ནི་རུནྡྷ། ཨུརྞ་མ་ཎི་སཝཱཧཱ། དེ་བཞིན་གཤེགས་པའི་མཛོད་སྤུའི་སྔགས་སོ། །འདི་ཉིད་ཀྱི་ཕྱག་རྒྱ་དང་ཡང་དག་པར་ལྡན་ན་ལས་ཐམས་ཅད་པར་འགྱུར་རོ། །གི་ཝང་གི་ལྡེ་གུས་དབྲལ་བ་ལ་ཐིག་ལེར་བྱས་ལ་སྔགས་བཟླས་ན་དགྲའི་ནང་དུ་ཞུགས་ཀྱང་མི་ཚུགས་པར་འགྱུར་རོ། །མ་རུངས་པ་ཐམས་ཅད་ཀྱིས་ཀྱང་མི་འཚེ་བར་འགྱུར་རོ། །གཡུལ་གྱི་ནང་དུ་ཞུགས་ན་ཡང་མཐོང་བ་ཙམ་གྱིས་གཞན་གྱི་སྡེ་འཇིག་པར་བྱེད་དོ། །མ་མཐོང་ཡང་ལས་ཚད་མེད་པ་བྱེད་པར་འགྱུར་རོ། །སངས་རྒྱས་བཅོམ་ལྡན་འདས་ཚད་མེད་པས་ཀྱང་གསུངས་སོ། །རྒྱུན་མི་འཆད་པར་ཕན་ཚུན་ཐལ་མོ་སྦྱར་བ་བྱས་ལ་མཛུབ་མོ་གཉིས་ཕན་ཚུན་རྩེ་སྤྲད་ལ་ཚིགས་པར་མ་བཀུག་ཅིང་མཐེ་བོང་གཉིས་ཀྱང་བཀུག་པ་འདི་ནི་དེ་བཞིན་གཤེགས་པའི་སྤྱན་གྱི་ཕྱག་རྒྱའོ། །འདིར་སྔགས་ནི། ཨོཾ་དུ་བུ་སྥུ་རུ་ཛྭ་ལ་\?\་སིདྡྷི་ལོ་ཙ་ནེ་སརྦྦ་རྠས་དྷ་ནི་སཝཱཧཱ། འདི་ནི་དེ་བཞིན་གཤེགས་པའི་སྤྱན་རྩི་སྔགས་སོ། །འདི་ཉིད་ཀྱི་མྱང་\?\་
342a
༄#། །རྒྱ་དང་ཡང་དག་པར་ལྡན་པས་ལས་ཐམས་ཅད་བྱེད་པར་འགྱུར་རོ། །མིག་གཉིས་ལ་མངོན་པར་སྔགས་ཏེ། དགྲའི་ནང་དུ་ཞུགས་ན་དགྲ་རྣམས་མཐོང་བ་ཙམ་གྱིས་བྱམས་པའི་སེམས་དང ། ཕན་པའི་བསམ་པ་དང་ལྡན་པར་འགྱུར་རོ། །བཤེས་གཉེན་ཉིད་དུའང་ལྡོག་པར་འགྱུར་ཏེ། གྲོགས་ཉིད་དུའང་རབ་ཏུ་སྒྲུབ་པར་བྱེད་དོ། །ཡང་ན་གཡུལ་གྱི་ཐོག་མར་མིག་གཉིས་ལ་མངོན་པར་སྔགས་ནས་ཕ་རོལ་གྱི་དཔུང་ལ་བལྟས་ན་ཞི་བའི་སེམས་དང་ལྡན་པར་འགྱུར་ཞིང་མཚོན་བརྡེག་པར་རབ་ཏུ་ནུས་པ་མ་ཡིན་ནོ། །འཐབ་པ་མེད་པ་ཉིད་དུའང་ལྡོག་པར་འགྱུར་ཏེ། གྲོགས་ཉིད་དུའང་རབ་ཏུ་སྒྲུབ་པར་བྱེད་དོ། །ལག་པ་གཉིས་ཀྱི་སོར་མོ་དེ་བཞིན་དུ་གླེགས་བམ་ལྟ་བུར་ཕན་ཚུན་གྱི་རྩེ་མོ་སྦྱར་ལ་ཐད་ཀར་བཞག་པ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱག་རྒྱའོ། །འདིར་སྔགས་ནི། ན་མོ་བྷ་ག་བ་ཏེ་ཙུ་རུ་དཪྴ་ནེ་ཨོཾ་ཐཱ། འདི་ནི་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྔགས་སོ། །འདི་ཉིད་ཀྱི་ཕྱག་རྒྱ་དང་ཡང་དག་པར་ལྡན་ན་ལས་ཐམས་ཅད་བྱེད་པར་འགྱུར་རོ། །སྔགས་འདི་བཟླས་ནས་སྙིང་ལ་བྱུགས་ཤིང་མྱངས་ན་དྲན་པ་དང་ལྡན་པར་འགྱུར་རོ། །དགྲ་མ་རུངས་བའི་ནང་དུ་བཟླས་པར་བྱས་ན་དེ་དག་གི་སེམས་འཕྲོག་པར་འགྱུར་རོ། །ཡང་ན་
342b
གཡུལ་གྱི་ནང་དུ་རྐང་གཉིས་དང ། རྐང་བཞི་ལ་སོགས་ཕྱིར་རྒོལ་བ་ཐམས་ཅད་རྣམ་པར་རྨོངས་པར་བྱེད་པའམ། སེམས་རྣམ་པར་གཡེངས་པར་བྱེད་པར་འགྱུར་རོ། །མདོར་ན་བཅོམ་ལྡན་འདས་མ་འདི་ནི་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་ལས་ཐམས་ཅད་བྱེད་པར་འགྱུར་རོ། །མདོར་ན། ཡོན་ཏན་མཐའ་ཡས་པ་དང ། འདིའི་ལས་མཐའ་ཡས་པར་འགྱུར་རོ། །དེ་བཞིན་གཤེགས་པ་རྣམས་ཀྱི་ཕྱག་རྒྱ་དང་སྔགས་ནི་མཐའ་ཡས་པར་འགྱུར་ཏེ། ཇི་ལྟར་དེ་བཞིན་གཤེགས་པ་རྣམས་ཀྱིས་འཁོར་འདུས་པའི་ལེའུར་གསུངས་པ་དེ་བཞིན་དུ་སྔགས་དང ། ཕྱག་རྒྱ་ཐམས་ཅད་ལ་ཡང་རབ་ཏུ་སྦྱར་བར་བྱའོ། །ཡང་ན་གཞན་དག་ཏུ་སྔགས་དང ། ཕྱག་རྒྱའི་ཆོ་ག་གྲངས་མེད་པར་འགྱུར་བ་དེ་དག་ཀྱང་ཆོ་གའི་རྒྱལ་པོ་འདིར་ངེས་པར་སྦྱར་བར་བྱའོ། །དེ་བཞིན་དུ་པདྨའི་རིགས་ལ་པདྨའི་ཕྱག་རྒྱ་དང་ལྡན་པའི་སྔགས་སུ་འགྱུར་ཏེ། ཨོཾ་ཛི་ཛི་ཛི་ནཱཾ་ག་ཏཾ་ཡ་ཏེ་དེ་ནི་སཝཱཧཱ། སྔགས་འདི་ནི་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་པདྨའི་ཕྱག་རྒྱ་དང་ཡང་དག་པར་ལྡན་ན་ལས་ཐམས་ཅད་བར་འགྱུར་རོ། །འདི་བཟླས་ན་པདྨའི་རིགས་ཐམས་ཅད་བཟླས་པ་ཡིན་ནོ། །འདི་གྲུབ་ན་པདྨའི་རིགས་ཐམས་ཅད་གྲུབ་པར་འགྱུར་རོ། །དེ་ནས་གོས་དཀར་མོའི་རིགས་པ་ཆེན་པོ་གང་ཡིན་པ་དེའི་སྔགས་ནི།
343a
༄#། །ོཾ་ཨ་ཀ་ཊེ་བི་ཀ་ཊེ་ནི་ཀ་ཊེ་ཀ་ཏཾ་ཀ་ཊེ་སཝཱཧཱ། རང་གི་ཕྱག་རྒྱའམ། པདྨའི་ཕྱག་རྒྱ་སྦྱར་ན་ལས་ཐམས་ཅད་པར་འགྱུར་རོ། །དུར་ཁྲོད་ཐམས་ཅད་དུ་སོང་ནས་བསྲུང་བར་བྱའོ། །དེ་བཞིན་དུ་སྒྲོལ་མ་དང ། ཁྲོ་གཉེར་ཅན་དང ། སྐུལ་བྱེད་མ་དང ། སྐུལ་བྱེད་མ་དང ། རྟ་མགྲིན་ལ་ཡང་སྦྱར་བར་བྱའོ། །རིག་པ་འདུས་པའི་ལེའུར་གང་གསུངས་པའི་པདྨའི་རིགས་གྲངས་མེད་པ་ཐམས་ཅད་ཀྱང་འདིར་སྦྱར་བར་བྱའོ། །ཕྱག་རྒྱ་དང ། སྔགས་ཀྱི་ཆོ་ག་རྒྱ་ཆེར་པདྨ་དག་ཀྱང་སྦྱར་བར་བྱའོ། །དེ་བཞིན་དུ་རྡོ་རྗེའི་རིགས་ཀྱི་རྡོ་རྗེའི་ཕྱག་རྒྱ་དང་བཅས་པ་ཡིན་ནོ། །འདིར་ཡང་སྔགས་ནི། ཨོཾ་ཀུ་ལཾ་བ་རི་བནྡྷ་བནྡྷ་ཧཱུཾ་ཕཊ། འདི་ནི་མཱ་མ་ཀཱི་ཞེས་བྱ་བའི་རིག་པ་ཆེན་མོ་ལས་ཐམས་ཅད་བྱེད་པར་སངས་རྒྱས་ཐམས་ཅད་ཀྱིས་བསྟན་ཏོ། །སྔར་རབ་ཏུ་སྦྱར་བའི་ཕྱག་རྒྱ་དང ། རིག་པ་ཆེན་མོ་མཱ་མ་ཀཱི་དང་ཡང་དག་པར་ལྡན་ན་སྒྲུབ་པ་པོ་འདོད་པ་བཞིན་དུ་ལས་ཐམས་ཅད་བྱེད་པར་འགྱུར་རོ། །གླེང་གཞིའི་ལེའུར་སྔར་བསྟན་པའི་ཕྱག་ན་རྡོ་རྗེའི་འཁོར་རྡོ་རྗེའི་རིགས་མ་ལུས་པ་ཐམས་ཅད་ཀྱི་ཕྱག་རྒྱ་དང ། སྔགས་དང་ལྡན་པ་ཡང་འདིར་རབ་ཏུ་སྦྱར་བར་བྱའོ། །དེ་བཞིན་དུ་གླང་པོའི་རིགས་ལ་གླང་པོའི་སྤོས་ཀྱི་བྱང་ཆུབ་སེམས་དཔའི་སྔགས་སུ་འགྱུར་བ་ནི། ཨོཾ་ག་ཛ་ཨཧཱ་ཡེ་ཧཱུཾ་ཁེ་ཙ་ར་སཝཱཧཱ།
343b
སྔར་བསྟན་པའི་ཕྱག་རྒྱ་དང་ཡང་དག་པར་ལྡན་ན་ལས་ཐམས་ཅད་པར་འགྱུར་ཏེ། སྔ་མ་དེ་བཞིན་དུ་ཐམས་ཅད་གླང་པོའི་རིགས་ལ་གྲུབ་པར་འགྱུར་རོ། །དེ་བཞིན་དུ་ཀུན་ཏུ་བཟང་པོའི་སྔགས་ནི། ཨོཾ་ས་མ་ཡེ་ས་མཱ་ཛི་ན་སུ་ར་ཏ་མཱ་པི་ལཾ་བ་ཧཱུཾ་ཕཊ། མཐུ་ཆེན་ཐོབ་ཀྱི་སྔགས་ནི། ཨོཾ་ཏིཥྛ་ཏིཥྛ་མཧཱ་སྠཱ་མ་ག་ཏ་བོ་དྷི་ས་མ་ཡ་མ་ནུ་སྨར་ཧཱུཾ་ཕཌ་ཕཌ་སཝཱཧཱ། དྲི་མ་མེད་པར་གྲགས་པའི་སྔགས་ནི། ཨོཾ་བི་མ་ལེ་བི་མ་ལེ་བི་མ་ལ་མཱུ་ཏེ། ཨོཾ་དྷ་ཀ་དྷ་ཀ་ས་མ་ཡ་མ་ནུ་སྨ་ར་སཝཱཧཱ། ནམ་མཁའ་མཛོད་ཀྱི་སྔགས་ནི། བྱང་ཆུབ་སེམས་དཔའ་ཐམས་ཅད་ཀྱི་ཕྱག་རྒྱ་དང་ཡང་དག་པར་ལྡན་ན་ལས་ཐམས་ཅད་པར་འགྱུར་རོ། །དེ་བཞིན་དུ་ངན་སོང་ཀུན་སྤོང་དང ། རྟག་ཏུ་ངུ་དང ། སའི་སྙིང་པོ་དང ། རིན་ཆེན་ལག་པ་དང ། བྱམས་པ་ལ་སོགས་པས་བཅུ་རབ་ཏུ་ཐོབ་པར་རྣམས་དང ། བྱང་ཆུབ་སེམས་དཔའ་ཆེན་པོ་རྣམས་དང ། བྱང་ཆུབ་སེམས་དཔའ་རྣམས་ཀྱང་གྲངས་མེད་ཅིང་ཕྱག་རྒྱ་དང ། སྔགས་ཀྱང་གྲངས་མེད་པར་འགྱུར་ཏེ། དེ་དག་ཀྱང་ཆོ་གའི་རྒྱལ་པོ་འདི་ལ་རབ་ཏུ་སྦྱར་བར་བྱ་བར་འགྱུར་རོ། །འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་ཀྱི་ཤིན་ཏུ་རྒྱ་ཆེ་དར་བཅས་པའི་སྔགས་དང ། ཕྱག་རྒྱ་ཐམས་ཅད་ཀྱི་ཆོ་ག་རྒྱ་ཆེན་པོ་དང ། དམ་ཚིག་ཆེན་པོ་དང ། དམ་ཚིག་ལ་རབ་ཏུ་ཞུགས་པ་ཆོ་ག་དང ། ཆོ་གའི་རྣམ་པ་ཐམས་ཅད་ཀྱི་བྱེ་བྲག་ཆོ་གའི་རྒྱལ་པོ་
344a
༄#། །འདིར་གསུངས་ཏེ། སྔགས་ཐམས་ཅད་ཀྱང་འདི་ལ་བསྒྲུབ་པ་བྱར་རུང་བ་ཡིན་ནོ། །དེ་བཞིན་དུ་རིན་པོ་ཆེའི་རིགས་དང ། གནོད་སྦྱིན་གྱི་ལེགས་དང ། ལྷའི་རིགས་དག་ལ་ཡང་སྔགས་དང ། རྒྱུད་དང ། ཕྱག་རྒྱ་ཐམས་ཅད་རབ་ཏུ་སྦྱར་བ་འདིར་བསྟན་པ་ཡིན་ནོ། །རིགས་གཅིག་ཁོ་ནར་འགྱུར་ཞིང་གཞན་དུ་མ་ཡིན་ནོ། །རིགས་གཅིག་ཁོ་ནར་འགྱུར་ཞིང་གཞན་དུ་མ་ཡིན་པ་ནི། འདི་ལྟ་སྟེ། དེ་བཞིན་གཤེགས་པའི་རིགས་ཏེ། དེ་ཡང་འཇམ་དཔལ་གཞོན་ནུ་དེ་བཞིན་གཤེགས་པའི་རིགས་སུ་བལྟ་བར་བྱ་སྟེ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། འཕགས་པ་ཉན་ཐོས་དང ། རང་སངས་རྒྱས་དང ། འཇིག་རྟེན་དང ། འཇིག་རྟེན་ལས་འདས་པ་ཐམས་ཅད་དང ། ཟག་པ་དང་བཅས་པ་དང ། ཟག་པ་མེད་པའི་ཕྱག་རྒྱ་དང ། ཆོག་ག་དང ། ཆོ་གའི་རྣམ་པ་རྣམས་ནི་དེ་བཞིན་གཤེགས་པའི་རིགས་ཀྱི་ནང་དུ་གཏོགས་སོ་ཞེས་གཟུང་བར་གྱིས་ཤིག་།འཇམ་དཔལ། རིག་པ་དང ། རྒྱུད་ཐམས་ཅད་དང ། སྔགས་ཀྱི་གསང་བ་གང་དེ་བཞིན་གཤེགས་པའི་དམ་ཚིག་ལ་མ་ཆུད་པ་དེ་ནི་གང་ཡང་མེད་དེ། འཇམ་དཔལ་གཞོན་ནུ། དེ་རབ་ཏུ་གཏོགས་པ་ཉིད་དུ་ཟུངས་ཤིག་།གང་གི་ཕྱིར་དེ་བཞིན་གཤེགས་པ་མཆོག་ཏུ་གསུང་སྟེ། དེ་བས་ན་དེ་བཞིན་གཤེགས་པའི་རིགས་ཀྱང་མཆོག་ཉིད་དུ་བརྗོད་དོ། །འཇམ་དཔལ་
344b
གཞོན་ནུ། །དེ་ལྟར་ན་ཆོ་གའི་རྒྱལ་པོ་འདི་ཡང་རིགས་ཀྱི་མཆོག་རིན་པོ་ཆེ་དང་བོ་དང་པོའི་སངས་རྒྱས་ཀྱིས་རབ་ཏུ་བསྟན་པ་དང ། སྟོན་པ་དང ། རབ་ཏུ་གཞག་པ་དང ། རྣམ་པར་འགྲེལ་བར་མཛད་པ་ནི་བཅོམ་ལྡན་འདས་མེ་ཏོག་ཀུན་ཏུ་སྐྱེས་པའི་རྒྱལ་པོ་དང ། བཅོམ་ལྡན་འདས་སཱ་ལའི་དབང་པོའི་རྒྱལ་པོ་དང ། བཅོམ་ལྡན་འདས་མེ་ཏོག་ཀུན་ནས་སྐྱེས་པའི་དྲི་མཆོག་རྒྱལ་པོ་དང ། བཅོམ་ལྡན་འདས་རིན་ཆེན་ཏོག་དང ། བཅོམ་ལྡན་འདས་འོད་དཔག་ཏུ་མེད་པ་དང ། བཅོམ་ལྡན་འདས་བསོད་ནམས་ཀྱི་འོད་དང ། མེ་ཏོག་དམ་པ་དང ། ཡང་དག་པའི་མེ་ཏོག་དང ། མེ་ཏོག་བཟང་པོ་དང ། ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པའི་རྒྱལ་པོའི་དབང་པོ་དང ། གསེར་ཐུབ་དང ། འོད་སྲུང་དང ། འཁོར་བ་འཇིག་དང ། གཙུག་ཏོར་ཅན་དང ། ཐམས་ཅད་སྐྱོབ་དང ། ད་ལྟར་ཤཱཀྱ་ཐུབ་པ་ངས་ཀྱང་རབ་ཏུ་བསྟན་ཏེ། དེ་བཞིན་དུ་དེ་ལྟར་སངས་རྒྱས་གཅིག་ནས་གཅིག་ཏུ་བརྒྱུད་དེ་འོངས་པ་འདི་ནི། འཇམ་དཔལ་གཞོན་ནུ། ཆོ་གའི་རྒྱལ་པོའོ། །དེ་བཞིན་གཤེགས་པའི་རིགས་ཀྱི་མཆོག་རིན་པོ་ཆེར་གྱུར་པ། ཕན་ཡོན་ཆེ་བ། ངེས་པར་ཆོས་ཀྱི་དབྱིངས་ལ་བརྟེན་པ། བསྐལ་བ་སྟོང་དུའང་འདིའི་ཕན་ཡོན་བསྟན་པར་ནི་མི་ནུས་སོ། །ཡོན་ཏན་ཆེན་པོ། །རྒྱ་ཆེ་བའི་ཡོན་ཏན་འབྱུང་བ་ནི་མཐོང་བའི་ཆོས་དང ། འཇིག་རྟེན་ཕ་རོལ་དུ་
345a
༄#། །ཡང་ཡིན་ནོ། །དད་པ་ཅན་གང་ཞིག་གིས་ཐེ་ཚོམ་མེད་པར་འཆང་བ་དང ། ཀློག་པ་དང ། ཐེ་ཚོམ་མེད་པར་རྒྱུད་འདི་ལ་བརྩོན་པ་བྱེད་ཅིང་སྔགས་སྒྲུབ་པ་དང ། ཟློས་པ་དང ། ཕྱག་རྒྱ་འཆིང་བ་དང ། རྟག་ཏུ་མངོན་པར་བརྩོན་པར་བྱེད་པ་དེ་ལ་ནི་མཐོང་བའི་ཆོས་ཁོ་ན་ལ་ཡོན་ཏན་གྱི་ཕན་ཡོན་བརྒྱད་རབ་ཏུ་འཐོབ་སྟེ། འཁྲུལ་པ་མེད་པར་འགྱུར་བ་དང ། ཕྱིར་རྒོལ་བ་ཐམས་ཅད་དང ། དགྲའི་འཇིགས་པ་འདི་ལ་མི་འབྱུང་བ་དང ། འདིའི་ལུས་ལ་དུག་མི་འབྱུང་བ་དང ། སངས་རྒྱས་དང ། བྱང་ཆུབ་སེམས་དཔས་ཀྱང་འདི་ལ་བྱིན་གྱིས་བརླབས་པར་འགྱུར་བ་དང ། ཚེ་རིང་བ་དང ། བདེ་བ་སྟེན་པར་འགྱུར་བ་དང ། འཇམ་དཔལ་གཞོན་ནུར་གྱུར་པ་ཡང་འདིའི་དགེ་བའི་བཤེས་གཉེན་དུ་འགྱུར་བ་དང ། མཚན་མོའང་འདི་ལ་ཉིན་རེ་ཞིང་རྨི་ལམ་དུ་མཐོང་བ་སྩོལ་བ་དང ། སྔགས་ཐམས་ཅད་ཀྱང་འདི་ལ་བསྲུང་བར་འགྱུར་རོ། །ཕྱག་རྒྱའང་འདི་ལ་རྨི་ལམ་དུ་སྟོན་པར་འགྱུར་རོ། །རྒྱལ་པོ་མ་རུངས་པ་དང ། སེམས་ཅན་མ་རུངས་པ་དང ། མི་ཕན་པ་འདོད་པ་རྣམས་ཀྱིས་ཀྱང་གནོད་པ་མེད་པར་འགྱུར་རོ། །ངེས་པར་བྱང་ཆུབ་ལ་གཞོལ་བར་འགྱུར་རོ། །དད་ཅིང་ཐེ་ཚོམ་མེད་ལ་མངོན་པར་བརྩོན་པའི་ཕན་ཡོན་ནི་བརྒྱད་པོ་འདི་དག་ཡིན་ཏེ། ཁྱིམ་པའམ། རབ་ཏུ་
345b
བྱུང་བའམ། བུད་མེད་དམ། སྐྱེས་པའམ། སེམས་ཅན་ཆེན་པོ་བསྟན་པ་ལ་ཕན་པར་བྱེད་པ་རྣམས་ཀྱི་ཡིན་གྱི། སྡིག་པ་ལ་ཞུགས་པ་གཞན་གྱི་ནི་མ་ཡིན་ཏེ། དེ་ལས་བཟློག་པ་དེའི་འགྲོ་བ་ནི་དུ་འབོད་ལ་སོགས་པར་སྐྱེ་བར་འགྱུར་རོ། །ཕྱག་རྒྱ་སྔ་དྲོ་བཅིང་བར་བྱས་ནས་ཚེ་རིང་བར་འགྱུར་རོ། །ཞེས་བྱ་བ་ནི་དེ་བཞིན་གཤེགས་པའི་སྔགས་དང ། འཁོར་གྱི་སྙིང་པོ་དང།་གཙུག་ཏོར་ལ་སོགས་པའི་སྔགས་དང ། སྤྱན་ལ་སོགས་པ་གཞན་གྱི་ཕྱག་རྒྱ་དེ་བཅིང་བར་བྱའོ། །ཡང་ན་འཇམ་དཔལ་གཞོན་ནུ་ཁྱོད་ཀྱི་ཕྱག་རྒྱ་བྱ་སྟེ། འདི་དག་ནི་བརྩོན་འགྲུས་དང ། སྟོབས་མཉམ་པ་ཡིན་ནོ། །གཙང་ཞིང་གཙང་མའི་གནས་སུ་འདུག་སྟེ་ཞེས་བྱ་བ་ནི་གནས་གཙང་མའི་ཕྱོགས་སུ་ཟུག་རྡུ་མེད་པའི་གནས་ལ་བའི་ལྕི་བས་ལ་མ་ལྷུང་བས་བྱུགས་ལ་མེ་ཏོག་དཀར་པོ་དྲི་ཞིམ་པོ་དག་གིས་གཅལ་བཀྲམ་པ་དེར་འདུག་ལ་སྔགས་བཟླས་ཤིང་ཕྱག་རྒྱ་བཅིང་བར་བྱ་ཡི། གཞན་དུ་ནི་མ་ཡིན་ནོ། ། གཞན་དག་ཏུ་ནི་ཕྱག་རྒྱ་དང་ལྷན་ཅིག་བཟླས་པ་གཅིག་ཀྱང་མི་བྱའོ། །གཙང་ཞིང་གཙང་བ་ཞེས་གང་གསུངས་པ་ནི་ཉི་མ་ནུབ་པ་ན། སྲོག་ཆགས་མེད་པའི་ཆུ་གཙང་མས་ཁྲུས་བྱས་ཏེ། གོས་གསར་པ་བགོས་ལ་གཙུག་ཏོར་གྱི་སྔགས་ཀྱིས་བསྲུང་བ་བྱས་ལ་གྲོང་གི་ཆོས་རྣམ་པར་སྤངས་ཤིང་གཙང་སྤྲ་ལ་དགའ་ཞིང་དགེ་བ། སྐེ་རགས་དཀར་པོ་
346a
༄#། །བཅིངས་པ། དེ་བཞིན་གཤེགས་པ་བསྒོམས་ལ་ཐུན་གཅིག་འདས་པ་དང་དེར་ཉལ་བར་བྱའོ། །བྲམ་ཟེའི་བུ་མོ་གཙང་མས་བཀལ་བའི་སྐུད་པ་བླངས་ལ་སྔགས་འདིས་བརྒྱ་རྩ་བརྒྱད་མངོན་པར་སྔགས་བར་བྱའོ། །ོཾ་ཧ་ར་ཧ་ར་བནྡྷ་ནེ་ཤུཀྲ་དྷཱ་ར་ཎཱི་སིདྡྷཱ་རྠེ་སཝཱཧཱ། མཱ་མ་ཀཱིའི་ཕྱག་རྒྱ་དང ། བཟླས་པ་བྱའོ། །དེ་ནས་སྐུད་པ་རྐེད་པ་ལ་ལན་གསུམ་དཀྲིས་ནས་བཅིང་བ་བྱས་ན་ས་བོན་བཅིང་བ་བྱས་པར་འགྱུར་ཏེ། འདོད་པའི་དབང་ཕྱུག་གིས་ཀྱང་རྨི་ལམ་དུ་ཡིད་ལ་གནོད་པ་བྱེད་པར་མི་ནུས་ན་རྨི་ལམ་དུ་ལོག་འདྲེན་རྣམ་པ་སྣ་ཚོགས་ཀྱིས་ལྟ་སྨོས་ཀྱང་ཅི་དགོས། དེ་བཞིན་དུ་ཆོ་ག་འདིས་འདོད་ཆགས་དང་ལྡན་པས་ཀྱང་མི་ནུས་ན་འདོད་ཆགས་དང་བྲལ་བས་ལྟ་སྨོས་ཀྱང་ཅི་དགོས། འདོད་པའི་དབང་ཕྱུག་དགའ་ལྡན་གྱི་བུ་མོ་གཟུགས་རྣམ་པ་སྣ་ཚོགས་འཆང་བའི་འདོད་ཆགས་ཅན་གྱིས་ཀྱང་ཡིད་ལ་གནོད་པ་སྐྱེད་པར་མི་ནུས་ན། དེ་ལས་གཞན་པའི་མི་དང ། མི་མ་ཡིན་པའི་བུད་མེད་ཀྱིས་ཀྱང་ལྟ་སྨོས་ཀྱང་ཅི་དགོས། དེ་ལྟ་བུའི་ཆོ་གས་ནང་བར་ལངས་ལ་སོ་ཤིང་བཅས་ཤིང་གདོང་རབ་ཏུ་བཀྲུས་ལ། ཆོ་ག་སྔ་མ་བཞིན་དུ་སྲོག་ཆགས་མེད་ཅིང་དྲི་མ་མེད་པའི་ཆུས་ཁྲུས་བྱས་ཏེ། ཤར་ཕྱོགས་སུ་བལྟས་ལ་ཕྱག་རྒྱ་བཅིང་ཞིང་སྔགས་བཟླ་བ་བྱས་ན་ཚེ་རིང་བར་འགྱུར་ཞིང་ལས་
346b
ཐམས་ཅད་ལ་ནུས་པ་དང ། ནད་ཆེན་པོ་ལས་གྲོལ་ཏེ་སྐྱེ་བོ་ཐམས་ཅད་དགའ་བར་འགྱུར་རོ། །དགྲ་རྣམས་ཀྱང་བཤེས་གཉེན་ཉིད་དུ་འབྱུང་བར་འགྱུར་རོ། །མཐོང་བ་ཙམ་གྱིས་གདོན་ཐམས་ཅད་དང ། ཤ་རྗེན་ཟ་བ་དང ། སྡིག་ཅན་ལ་སོགས་པ་རབ་ཏུ་འབྱེར་བར་འགྱུར་རོ། །དགྲ་རྣམས་རེངས་པར་འགྱུར་རོ། །མཐོང་བ་ཙམ་གྱིས་གཙང་བ་འམ། མི་གཙང་བའི་ཆོགས་ལས་ཐམས་ཅད་བྱེད་པར་འགྱུར་རོ། །དེ་བཞིན་དུ་ཆོ་གའི་རྒྱལ་པོ་འདིའི་ཕྱག་རྒྱ་དང ། སྔགས་ཀྱི་ཚོགས་ཀྱི་འཁོར་འདི་ཡང་གྲངས་མེད་པ་ཡིན་ཏེ། སངས་རྒྱས་བཅོམ་ལྡན་འདས་གྲངས་མེད་པས་གསུངས་པ་དང ། གསུང་བ་ཡིན་ཏེ། ཤཱཀྱ་ཐུབ་པ་ངས་ཀྱང་ད་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཀྱང་འཁོར་གྱི་དཀྱིལ་འཁོར་གྱི་ནང་དུ་གསུངས་ཏེ། འཇམ་དཔལ་གཞོན་ནུ། ཁྱོད་ལ་ཡང་བསྟན་པ་ཡོངས་སུ་བསྲུང་བའི་ཕྱིར་དང ། ཆོས་ཀྱི་དབྱིངས་ཡུན་རིང་དུ་ཡང་དག་པར་བསྲུང་བའི་ཕྱིར་འདི་ཁྱོད་ལ་ཡོངས་སུ་གཏད་ཏེ། །ང་ཡོངས་སུ་མྱ་ངན་ལས་འདས་ཏེ་ཆོས་ཀྱི་དེ་ཉིད་ལ་བརྟེན་ཅིང་ཡང་དག་པའི་མཐའི་ཐ་མར་གྱུར་ཏེ་ཞི་བར་གྱུར་པ་ན། སེམས་ཅན་སྙིང་རྗེ་ཆེན་པོ་དང་བྲལ་བའི་སེམས་དང་ལྡན་པ་ལ་ཕན་པའི་ཕྱིར་གསུངས་ཤིང ། དུས་ཀྱི་མཐའ་འཇིགས་པ་ཆེན་པོའི་དུས་ལ་བབ་པ་ན། དཀོན་མཆོག་གསུམ་ལ་གནོད་
347a
༄#། །པ་བྱེད་པའི་སེམས་ཅན་རྣམས་ཀྱང་བཟློག་པའི་དོན་དང ། གདུལ་བའི་དོན་གྱི་ཕྱིར་ཆོ་གའི་རྒྱལ་པོ་འདི་ངས་གསུངས་ལ། རྒྱ་ཆེར་རྣམ་པར་དབྱེ་བར་བྱས་ན་སེམས་ཅན་ཐམས་ཅད་ཀྱི་དོན་གྱི་ཕྱིར་ཡིན་ནོ། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། སྔགས་དང ། ཕྱག་རྒྱ་དང ། ངེས་པར་སྡོམ་པ་དང ། ལས་དང ། ཆོ་གའི་ལེའུ་རབ་འབྱམས་ལས། སུམ་ཅུ་རྩ་གཅིག་པ་རྫོགས་སོ།། །། དེ་ནས་བཅོམ་ལྡན་འདས་ཤཱཀྱ་ཐུབ་པས། གཞན་ཡང ། ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་བ་ལ་བཀའ་སྩལ་བ། འཇམ་དཔལ། མདོར་ན་ཉོན་ཅིག་།ཕྱག་རྒྱའི་མཚན་ཉིད་དང ། སྔགས་རྣམས་ཀྱི་རྒྱ་ཆེ་བ་དང ། དཀྱིལ་འཁོར་གྱི་ཆོ་གའི་མདོར་བསྡུས་པ་དང།་དམ་ཚིག་ལ་རྗེས་སུ་འཇུག་ཅིང་ཕྱག་རྒྱའི་གནས་དང ། སྔགས་ཐམས་ཅད་དང ། རྒྱུད་དེ་དག་ཐམས་ཅད་ལ་གསང་བ་དང་བཅས་པའི་དཀྱིལ་འཁོར་ནི། རྫུ་འཕྲུལ་ཆེ་ཀུན་སངས་རྒྱས་ཀྱིས། །འདི་ཀུན་སྔར་ནི་གསུངས་པ་ཡིན། །སྔགས་ཤེས་བདག་ཉིད་ཆེན་པོ་དང ། །ཡོན་ཏན་ཀུན་ཀྱང་བསྟན་པ་ཡིན། །དང་པོའི་སངས་རྒྱས་
347b
དག་གིས་སྡར། །སེམས་ཅན་རྣམས་ལ་ཕན་པའི་ཕྱིར། །སྔགས་ཀྱི་འཁོར་ལོ་དག་དང་ནི། །ཆོས་ཀྱི་འཁོར་ལོ་བླ་མེད་བསྐོར། །ཡང་དག་མཐའ་ལ་བརྟེན་ནས་ནི། །ཞི་བའི་འཁོར་ལོའི་རྗེས་སུ་སོང ། །འཇིག་རྟེན་སངས་རྒྱས་རྫུ་འཕྲུལ་ཆེ། །སངས་རྒྱས་དེ་ཀུན་ཞི་བར་གཤེགས། །དང་པོའི་དེ་བཞིན་གཤེགས་རྣམས་ཀྱིས། །འདི་ཀུན་སྔོན་ནི་བསྟན་པ་ཡིན། །ངས་ཀྱང་ཕྱི་མའི་དུས་དག་ཏུ། །འཇམ་པའི་བློ་ལྡན་ཁྱོད་ལ་བསྟན། །སངས་རྒྱས་འོད་ཅན་དེ་ཡི་བཀའ། །དེ་ཚེ་འདི་ནི་ཐོས་ནས་ཀྱང ། །འཇམ་པའི་དབྱངས་ནི་གཞོན་ནུ་དང ། །ཐལ་མོ་སྦྱར་བྱས་སྤྱན་སྔར་འདུག་།རྐང་གཉིས་རྫོགས་སངས་རྒྱས་པ་ལ། །སྨྲ་བའི་མཆོག་གིས་ཡོངས་སུ་ཞུས། །འཇིག་རྟེན་རྣམས་ལ་ཕན་པའི་ཕྱིར། །ཤེས་རབ་ཆེན་པོས་ཆོས་གསུངས་ཤིག་།མདོར་བསྡུས་རྒྱ་ནི་མི་ཆེ་བར། །ཡོན་ཏན་བདག་ཉིད་ཆེ་འབྲས་འབྱུང ། །འཇམ་དཔལ་གྱིས་ནི་དེ་སྐད་གསོལ། །དེ་ནས་ཅང་མི་སྨྲ་བར་གནས། །དེ་ནས་དཔལ་ལྡན་ཚངས་པའི་དབྱངས། །ཀ་ལ་པིངྐའི་སྒྲ་སྐད་ཀྱིས། །དཀྱིལ་འཁོར་དགོད་པའི་ཕྱག་རྒྱ་ནི། །དེ་དག་ཀུན་ནི་སྟོན་པ་ཡིན། །གནས་གཙང་སྟེང་དུ་གནས་པའི་དུས། །དེ་ཚེ་སྔགས་དང་རྒྱུད་དག་ནི། །ཤཱཀྱ་སེངྒེ་མི་མཆོག་ནི། །རྫོགས་སངས་རྒྱས་ཀྱིས་ཡང་དག་གསུངས། །ཕྱག་རྒྱའི་ཆོ་ག་འབྱུང་བ་དང ། །ཕྱག་རྒྱ་རྒྱུད་དང་
348a
༄#། །ལྡན་པ་ནི། །ཡོན་ཏན་བདག་ཉིད་རྒྱ་ཆེ་བ། །འཇམ་དཔལ་གཞོན་ནུ་ཁྱོད་ཉོན་ཅིག་།སེམས་ཅན་སེམས་ཅན་མ་ཡིན་པའང ། །དང་པོ་རྟགས་མཚན་བཞིན་དུ་བྱ། །རྣམ་པ་སྤྱད་དང་སྤྱོད་པ་དང ། །ཟུར་གྱིས་ཐམས་ཅད་སྨྲ་བ་དང ། །ལག་གཉིས་རྐང་གཉིས་སྤྱི་བོ་དང ། །ལག་གཅིག་སོར་མོའི་སྦྱོར་བ་དག་།སྔོན་གྱི་སངས་རྒྱས་དེ་དག་གིས། །དེ་ཀུན་ཕྱག་རྒྱ་ཞེས་སུ་གསུངས། །བྱ་བུམ་གདུགས་དང་དེ་བཞིན་དུ། །པདྨ་རྒྱལ་མཚན་བ་དན་དང ། །ཉ་དང་རྡོ་རྗེ་དུང་དང་ནི། །དེ་བཞིན་བུམ་པ་འཁོར་ལོ་དང ། །འཇིག་རྟེན་སྣ་ཚོགས་མཚོན་ཆ་ནི། །ཇི་སྲིད་ཡོངས་སུ་བསྟན་པ་དང ། །ུཏྤལ་འདྲ་བའི་ཕྱག་རྒྱ་དང ། །དེ་ཀུན་ཕྱག་རྒྱ་དཀྱིལ་འཁོར་དགོད། །དེ་དག་གོ་རིམས་གནས་པ་དང ། །ཆོ་ག་ལྡན་པར་བསྟན་པ་ཡིན། །རྟག་ཏུ་དེ་དག་ཉིད་ལ་ནི། །རང་གཟུགས་འདྲ་བར་བྲི་བར་བྱ། །དཀྱིལ་འཁོར་ཕྱག་རྒྱར་གསུངས་པ་ནི། །ཐམས་ཅད་དུ་ནི་སྤྱིར་གསུངས་པའོ། །དེ་དག་ཕྱག་རྒྱར་ཡོངས་བསྟན་པ། །གནས་ནི་ཇི་བཞིན་དག་ལ་དགོད། །དཀྱིལ་འཁོར་དག་ནི་ཀུན་ལ་ཡང ། །རང་དང་འདྲ་བ་ཉིད་དུ་སྦྱར། འཁོར་ལོས་བསྒྱུར་ལ་འཁོར་ལོ་དང ། །གཙུག་ཏོར་གདུགས་དཀར་ཉིད་ལ་ནི། །གཙོ་བོར་གདུགས་ནི་དཀར་པོ་ཡིན། །དཀྱིལ་འཁོར་ལ་ནི་རྟག་ཏུ་བྲི། །ཆོས་ཀྱི་འཁོར་
348b
ལོ་སངས་རྒྱས་ལ། །པདྨ་པདྨའི་རིགས་དག་ལ། །རྡོ་རྗེ་རྡོ་རྗེའི་རིགས་ལ་གསུངས། །གླང་པོ་གླང་པོའི་རིགས་ཞེས་བྱ། །ནོར་བུའི་རིགས་ལ་བུམ་པ་སྟེ། །དཀྱིལ་འཁོར་ཀུན་ལ་རབ་ཏུ་སྦྱར། །ལྷ་གཞན་གྱི་ནི་རིགས་དག་ལ། །དཔལ་བེའུ་བཀྲ་ཤིས་ལྡན་པ་བྲི། །ཚངས་པ་ཆེ་ལ་ངང་པ་བྲི། །བརྒྱ་བྱིན་ལ་ཡང་རྡོ་རྗེ་དང ། །དབང་ཕྱུག་ཆེ་ལ་བྲི་བ་ནི། །རྩེ་གསུམ་ཁྱུ་མཆོག་ཡང་དག་བྱ། །སྐེ་མ་བྱེད་རྩེ་གསུམ་པཊྚི་ལ། །མདུང་དང་བཅས་པ་ཉིད་ཀྱང་ཡིན། །ཁྱབ་འཇུག་འཁོར་ལོ་བྲི་བ་སྟེ། །ལྷ་མ་ཡིན་ལ་དཔུས་དང ། །རྣམ་པ་སྣ་ཚོགས་བརྒྱ་ཕྲག་ནི། །ལྷ་ཡི་མཚོན་ཆ་སྣ་ཚོགས་དང ། །དེ་དག་གཞན་ཡང་བཞོན་པ་ནི། །རྣམ་པ་སྣ་ཚོགས་དེ་ཚེ་བྲི། །གཟུགས་བརྙན་ཇི་ལྟར་གནས་པ་ནི། །རང་གཟུགས་འཕོས་པ་བཞིན་དུ་བྲི། །དཀྱིལ་འཁོར་དག་ནི་ཐམས་ཅད་དུ། །གང་ཡང་རུང་བ་འདི་གཅིག་བྲི་།གཅིག་དང་གཉིས་དང་ཡང་དག་ལྡན། །གྲངས་མེད་གསུམ་ལ་སོགས་པ་བྱ། །དཀྱིལ་འཁོར་རྒྱལ་བ་མཆོག་གསུངས་པ། །ལན་ཀན་ཕྲེང་ནི་དེ་དང་མཉམ། །གང་གི་ཆེད་དུ་དཀྱིལ་འཁོར་གསུངས། །དེ་ནི་དབུས་སུ་ངེས་པར་སྦྱར། །རྒྱལ་བའི་རིགས་ནི་ནང་དུ་བྲི། །ནང་གི་དབུས་སུའང་སངས་རྒྱས་ཏེ། །དེ་ཚེ་ནང་དུའང་གཟུགས་བརྙན་ནི། །སྟོན་པ་ཡི་ནི་ཀུན་ཏུ་བྲི། །གཉིས་པར་པདྨའི་རིགས་དགོད་ཅིང ། །གསུམ་པར་རྡོ་རྗེའི་རིགས་ཀྱང་བྲི། །མཐར་གྱིས་ལྷ་དང །
349a
༄#། །ལྷ་མོ་ཡིན། །དེ་བཞིན་དེ་ཚེ་ཐམས་ཅད་ནི། །དེ་ནས་ས་ཀུན་ལ་གནས་པའི། །གནོད་སྦྱིན་སྲིན་པོ་མི་དང་བཅས། །མཐར་གྱིས་ཇི་ལྟར་གནས་པ་ཡི། །མུ་སྟེགས་རྣམས་ཀྱང་དེ་ནས་བྲི། །ཆོ་ག་བཞིན་དུ་ཐམས་ཅད་ཀྱང ། །ཕྱོགས་སྐྱོང་དེ་བཞིན་བྲི་བར་བྱ། །མདོར་ན་གཟུགས་བརྙན་གཅིག་དང་ནི། །གཉིས་དང་གསུམ་སོགས་གྲངས་མེད་པ། །མཐའ་ཡས་ཕྱོགས་ལ་གནས་པ་ཡི། །དཀྱིལ་འཁོར་ཇི་སྲིད་ཀུན་ཏུ་བྲི། །མ་མོའི་དཀྱིལ་འཁོར་ཉིད་དག་ནི། །ཚད་མེད་དེ་ཚེ་བྲི་བར་བྱ། །གཟུགས་བརྙན་གཅིག་ལ་སོགས་པ་ནི། །མཐའ་ཡས་ས་ཡི་སྟེང་དག་ཏུ། །དཀྱིལ་འཁོར་ཆོག་གསུངས་པ་ནི། །རྣམ་པ་གསུམ་དུ་ངེས་བསྟན་པ། །མཆོག་དང་བར་མ་དེ་བཞིན་དུ། །ཐ་མ་ཉིད་དུའང་བསྟན་པ་ཡིན། །མཆོག་ལ་མཆོག་དག་གྲུབ་པ་དང ། །འབྲིང་ལ་འབྲིང་དུ་ཉེ་བར་བསྟན། །ཐ་མས་ཕྲན་ཚེགས་གྲུབ་པར་ནི། །རྒྱལ་བ་མཆོག་གིས་སྔོན་གསུངས་སོ། །སེམས་ཅན་ཡིད་ནི་རྣམ་གསུམ་གྱིས། །རྒྱལ་བའི་མཆོག་གིས་གྲུབ་པར་གསུངས། །སེམས་ཅན་ཆེན་པོས་ཆེན་པོར་འགྲུབ། །སེམས་ཅན་འབྲིང་གིས་འབྲིང་དང་ནི། །གསུམ་པ་སྐྱེ་བོ་ཕྲ་མོ་ནི། །ལས་ནི་ཕྲ་མོར་ཉི་བར་བསྟེན། །སངས་རྒྱས་ཉིད་དུ་སེམས་དང་ལ། །ཕུན་སུམ་ཚོགས་པ་དམ་པ་ནི། །ངེས་པར་ཐོབ་པར་
349b
འགྱུར་བ་སྟེ། །སེམས་ཅན་དཀྱིལ་འཁོར་མཐོང་བས་སོ། །དེ་དུས་སེམས་ནི་བར་མ་ཡིན། །རང་རྒྱལ་བྱང་ཆུབ་ཐོབ་པར་བྱེད། །གུས་པ་མེད་པས་ཉན་ཐོས་ཉིད། །ཐ་མས་ངེས་པར་ཐོབ་པར་བྱེད། བདག་ཉིད་ཆེན་པོ་དོན་བཅས་འབྲས། །ཞི་བའི་འགྲོ་བ་ཉེ་བར་བསྟན། །དཀྱིལ་འཁོར་མཐོང་བས་མཐོ་རིས་སུ། །ངེས་པར་དེ་ནི་འགྲོ་བར་འགྱུར། །དེ་བཞིན་ཕྱག་རྒྱ་མཆོག་ཀུན་དང ། །སྔགས་རྣམས་དང་ནི་རྒྱ་ཆེར་བཅས། །རྣམ་གསུམ་ཉིད་ཀྱང་རབ་སྦྱར་བ། །རྣམ་གསུམ་བདེ་བ་རབ་ཏུ་བྱེད། །ཕྱག་རྒྱ་དཀྱིལ་འཁོར་གསུངས་པ་དང ། །སྔགས་རྣམས་བསྟན་པའང་ཕན་པའི་དོན། །དེ་དག་རྣམ་པ་གསུམ་དུ་འགྱུར། །སྔགས་ཀྱང་རྣམ་གསུམ་མཉམ་པར་བསྟན། །ཇི་ལྟར་དཀྱིལ་འཁོར་བསྟན་པ་བཞིན། །ཕྱག་རྒྱ་སྔགས་ཀྱང་དེ་བཞིན་དུ། །འདི་དག་ཆོ་གར་ཡང་དག་ལྡན། །འཇིག་རྟེན་འདྲེན་པས་ངེས་པར་བསྟན། །དེ་བཞིན་དེ་ཡང་རྣམ་གསུམ་འགྲོ། །སྟོང་ཕྲག་དག་ནི་དུ་མ་ཡི། །རྣམ་གསུམ་རྣམ་པ་གསུམ་དག་ཀྱང ། །རྣམ་པ་གཉིས་དང་གྲངས་མེད་པའོ། །གང་ཕྱིར་སྔགས་ནི་སེམས་ལ་ལྟོས། །སྔགས་ནི་སེམས་ཅན་སྤང་མི་བྱ། ། སེམས་དང་སྔགས་ནི་ཡང་དག་ལྡན། །ལྷན་ཅིག་ཏུ་ནི་བསྒྲུབ་པར་བྱ། །དེ་བཞིན་གཤེགས་ཀྱི་རིག་སྔགས་དང ། །གང་ཡང་པདྨའི་རིགས་དག་དང ། །གང་ཡང་རྡོ་རྗེའི་
350a
༄#། །རིགས་གསུངས་དང ། །མི་ཡི་རིགས་ནི་ཉིད་དག་དང ། །འཇིག་རྟེན་པ་ཡི་སྔགས་རྣམས་ཀུན། །དེ་དག་མ་ལུས་འདི་ལས་བྱུང ། །གང་ཞིག་རྒྱལ་དང་རྒྱལ་སྲས་སྔགས། །སེམས་ཅན་ཕྱིར་ནི་གསུངས་པ་རྣམས། །གང་ཞིག་དེ་ཟློས་མངོན་བརྩོན་པའང ། །དེ་ནི་ངེས་པར་སངས་རྒྱས་འགྱུར། །གང་ཡང་སྔགས་ནི་བར་མ་དག་།གང་ཞིག་ཟློས་པ་དེ་ཟློ་བྱེད། །རང་སངས་རྒྱས་སུ་ཡང་དག་བསྟན། །ངེས་པར་དེ་ཡི་རིགས་ཀྱང་ཡིན། །སྔགས་ནི་ཐ་མར་རབ་ཞུགས་པ། །ཉན་ཐོས་དགྲ་བཅོམ་གྱིས་བཤད་དང ། །འཇིག་རྟེན་མ་ལུས་ཀུན་ལ་ཡང ། །སྔགས་ཟློས་པ་ལ་མངོན་བརྩོན་པ། །ཉན་ཐོས་རྫུ་འཕྲུལ་ཆེན་པོ་ཡི། །ངེས་པར་རིགས་སུ་དེ་གནས་ཡིན། མཆོག་དང་ཐ་མ་བར་མ་ནི། །དེར་ཡང་ལས་ནི་རབ་སྦྱར་བྱ། །ཞི་བས་སངས་རྒྱས་བྱང་ཆུབ་འགྱུར། །རྒྱས་པ་ཡིས་ནི་རང་རྒྱལ་འགྱུར། །གཞན་པ་ཕྲན་ཚེགས་ལས་ཀྱིས་ནི། །ཉན་ཐོས་ཀྱི་ནི་བྱང་ཆུབ་བརྗོད། །དེ་ནི་རྣམ་གསུམ་དབྱེ་བ་སྟེ། །དེར་ཡང་སེམས་ནི་བལྟ་བར་བྱ། །མང་པོར་ཡང་ནི་དབྱེ་བྱ་སྟེ། །གྲངས་མེད་པར་ཡང་དབྱེ་བས་སོ། ། འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཕྱག་རྒྱ་དང ། སྔགས་དང ། ལས་ཐམས་
350b
ཅད་དང ། ངེས་པར་སྡོམ་པའི་ལེའུ་རབ་འབྱམས་ལས་སུམ་ཅུ་རྩ་གཉིས་པ་རྫོགས་སོ།། །།དེ་ནས་གནོད་སྦྱིན་གྱི་སྡེ་དཔོན་ཕྱག་ན་རྡོ་རྗེ་འཁོར་དེར་འདུས་པར་གྱུར་ཏེ་འདུག་པ་དེ་སྟན་ལས་ཡངས་ནས་བླ་གོས་ཕྲག་པ་གཅིག་ཏུ་གར་ཏེ་པུས་མོ་གཡས་པའི་ལྷ་ངས་ལ་བཙུགས་ནས། བཅོམ་ལྡན་འདས་གལ་བ་དེ་ལོགས་སུ་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པའི་ཁྲོ་བོའི་རྒྱལ་པོ་གཤིན་རྗེའི་གཤེད་ཅེས་བྱ་བ་བཤད་པ་དེའི་ཆོ་ག་རྒྱ་ཆེ་བ་བཅོམ་ལྡན་འདས་ཀྱིས་བཀའ་སྩལ་བ། འཇམ་དཔལ་གཞོན་ནུར་གྱུར་པ་ལའང་བཀའ་མ་སྩལ་བས། བཅོམ་ལྡན་འདས། བདག་དང ། ཕྱི་མའི་སྐྱེ་བོ་ལ་གཟིགས་ནས་བཅོམ་ལྡན་འདས་ཡོངས་སུ་མྱ་ངན་ལས་འདས་ཏེ། བསྟན་པ་ནུབ་པའི་དུས་ལ་བབ་ཏེ། འཇིགས་པ་ཆེན་པོ་རྩོད་པའི་དུས་ཐ་མ་ལ་ཉན་ཐོས་དང ། རང་སངས་རྒྱས་དག་མེད་པ་ན་སངས་རྒྱས་ཀྱི་ཞིང་དུ་དེ་བཞིན་གཤེགས་པའི་བསྙན་པ་མང་དག་པར་བསྲུང་བའི་ཕྱིར་དང ། ཆོས་ཀྱི་ཁམས་ཡུན་རིང་དུ་གནས་པར་བྱ་བའི་ཕྱིར་དང ། རྒྱལ་བོ་མ་རུངས་པ་ཐམས་ཅད་བཟློག་པའི་ཕྱིར་དང ། དཀོན་མཆོག་གསུམ་ལ་གནོད་པ་བྱེད་པ་དག་ཚར་གཅད་པའི་ཕྱིར་དང ། གདུལ་བྱའི་སེམས་ཅན་ལ་བསམ་གྱིས་མི་ཁྱབ་པའི་ཐབས་མཁས་
351a
༄#། །པ་བསྟན་པའི་ཕྱིར་དང ། བྱང་ཆུབ་སེམས་དཔའི་སྤྱོད་པ་ཡོངས་སུ་རྫོགས་པར་བྱ་བའི་ཕྱིར་དང ། བསམ་གྱིས་མི་ཁྱབ་པའི་སེམས་ཅན་ཡོངས་སུ་སྨིན་པ་མངོན་པར་བསྒྲུབ་པའི་ཕྱིར་དང ། བཅོམ་ལྡན་འདས། ཕྱི་མའི་དུས་དང ། ཕྱི་མའི་དུས་སུ་བསྟན་པ་རྣམ་པར་འཇིག་པར་འགྱུར་བ་ན། གང་འདི་ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་ཆོ་ག་ཇི་ལྟ་བ་བཞིན་གསུངས་པ་རབ་ཏུ་སྦྱར་ན་དེ་ལ་གྲུབ་པར་འགྱུར་ཏེ། ངེས་པར་རྒྱལ་པོ་མ་རུངས་པ་བསྟན་པ་ལ་གནོད་པ་བྱེད་པ་དང ། སེམས་ཅན་ཕྱོགས་ཆེན་པོ་དང་ལྡན་པ་དང ། སྤྲོ་བ་ཆེན་པོ་དང་ལྡན་པ་རྣམས་ཚར་གཅད་པ་དང ། རྗེས་སུ་གཟུང་བ་ལ་རབ་ཏུ་ཞུགས་པ་དང ། སྙིང་རྗེ་ཆེན་པོ་དང་བྲལ་བ་དེ་དག་ལ་ཁྲོ་བོའི་རྒྱལ་པོ་འདི་རབ་ཏུ་སྦྱར་བར་བྱ་ཡི། གཞན་དག་ལ་ནི་མ་ཡིན་ནོ། །དེ་ནས་བཅོམ་ལྡན་འདས་ཅང་མི་གསུང་བར་གྱུར་ཏེ་སངས་རྒྱས་ཀྱི་རྣམ་པར་སྤྲུལ་པའི་བྱིན་གྱིས་རླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །འཇམ་དཔལ་གཞོན་ནུར་གྱུར་པ་ཡང་ཅང་མི་སྨྲ་བར་གནས་པར་གྱུར་ཏོ། །ཐམས་ཅད་དང་ལྡན་པའི་འཁྲོ་གྱི་དཀྱིལ་འཁོར་ཡང་རྣམ་པ་དྲུག་ཏུ་འགུལ་བར་གྱུར་ཏོ། །ལྷ་ཚོགས་དག་ཀྱང་འཇིགས་པར་གྱུར། །བྱིས་བ་ཀུན་ཀྱང་རབ་ཏུ་དངགས། །ལྷ་རྣམས་ཀུན་དང་ཀླུ་
351b
དག་དང ། །ལྷ་མིན་དབང་དང་མ་མོར་བཅས། །གཟའ་རྣམས་ཀུན་གྱི་གཙོ་བོ་དང ། །ལྷ་ཚོགས་མི་དང་བཅས་པ་དང ། །མ་རུངས་སེམས་ལྡན་སྲུལ་པོ་དང ། །རབ་འགུལ་ཡིད་ནི་མི་བརྟན་འགྱུར། །མི་ཡི་བདག་པོ་གདུག་ལྡན་སེམས། །དེ་དག་ཉམ་ཐག་འཇིགས་པར་འགྱུར། །ཆོས་ཀྱི་རྒྱལ་པོའི་བསྟན་པ་ལ། །དེ་ཚེ་དེ་དག་སྐྱབས་སུ་སོང ། །གནོད་སྦྱིན་གསང་བའི་བདག་པོ་ནི། །འོད་ཆེན་ཕྱག་ན་རྡོ་རྗེ་དང ། །གཞོན་ནུར་གྱུར་པའི་སྔགས་རྒྱལ་དང ། །འཇམ་པའི་དབྱངས་ལའང་དེ་འཇིགས་ནས། །འཇམ་པའི་དབྱངས་ཀྱི་དྲུང་དུ་ནི། །དེ་ཚེ་དེ་དག་དམ་ཚིག་བླངས། །མ་རུངས་སྔགས་ནི་མི་བཟད་པས། །ཀྱེ་མ་བདག་ཅག་ངེས་བསྲེག་ཅིང ། །དེ་རིང་ཁྲོ་བོས་བརྒྱལ་འགྱུར་ཞིང ། །ས་ཡི་སྟེང་དུ་འགྱེལ་འགྱུར་བས། །སེམས་ཅན་ཐུགས་ལ་ཐུགས་བརྩེ་བས། །ཡོངས་སུ་བསྐྱབ་ཅིང་བསྲུང་དུ་གསོལ། །དེ་ནས་འོད་ཆེན་བྱིས་པའི་གཟུགས། །བྱང་ཆུབ་སེམས་དཔའ་དེས་སྨྲས་པ། །ལྷ་དང་གནོད་སྦྱིན་སྲིན་པོ་དང ། །ལྷ་མིན་ཐམས་ཅད་མ་འཇིགས་ཤིག་།མི་དང་མི་མ་ཡིན་པ་དང ། །འབྱུང་པོ་མ་ལུས་ལྷ་རྣམས་ཀུན། །ཁྱེད་ཀྱིས་དམ་ཚིག་ངས་བཤད་བསྲུང ། ། རྟག་ཏུ་བྱམས་སེམས་གྱུར་ནས་ནི། །རྟག་ཏུ་རང་གི་སྔགས་ཀྱང་དྲན། །ཤཱཀྱ་སེངྒེ་མི་ཡི་མཆོག་།རྐང་གཉིས་མཆོག་ནི་རྫོགས་སངས་རྒྱས། །དེ་ཉིད་ཀྱིས་གསུངས་སྔགས་
352a
༄#། །དང་ནི། །གཙུག་ཏོར་སྤྱན་ལ་སོགས་པའོ། །འཇིག་རྟེན་གསུམ་ལས་འཁོར་ལོ་རྒྱལ། །གཟི་བརྗིད་ཕུང་པོ་དམ་བརྒྱ་ལ། །རྣམ་སྦྱོར་གཙུག་ཉོར་གསང་སྔགས་དང ། །ཕྱག་ན་པདྨ་རྣམ་གཟིགས་དང ། །ཀུན་ཏུ་གཟིགས་པའི་མགོན་པོ་དང ། །ཁྲོ་གཉེར་སྒྲོལ་མ་གྲགས་ལྡན་མ། །ལྷ་མོ་གོས་དཀར་མོ་དང་ནི། །དཀར་\?\་མ་དང་སྙན་ལྡན་མ། །རིག་མ་ལོངས་སྤྱོད་ལྡན་མ་དང ། །རྟ་མགྲིན་སྔགས་ཀྱི་རྒྱལ་པོ་དང ། །འདི་དག་པདྨའི་རིགས་སྔགས་དང ། །གཙོར་ནི་རྒྱལ་བས་གསུངས་པ་དང། །ཡི་གེ་གཅིག་དང་འཁོར་ལོས་བསྒྱུར། །སྔགས་རྣམས་བདག་པོ་མངའ་བདག་དང ། །འོད་ཆེན་སྔགས་ཀྱི་མགོན་པོ་ནི། །འདི་དག་དེ་བཞིན་དྲན་པར་གྱིས། །གཤིན་རྗེ་གཤེད་ཅེས་བྱ་བ་ཡི། །ཁྲོ་བོའི་གཙོ་བོ་དེ་ཡང་དྲན། །མགོན་པོ་སྤྱན་རས་གཟིགས་པ་ཡི། །ཐུགས་ནི་ཐུགས་རྗེ་འབྱུང་བ་དང ། །ཐུགས་རྗེ་ཆེན་པོས་ཐུགས་བརླན་པར། །སངས་རྒྱས་སྔ་མས་གསུངས་བའང་དྲན། །སྒྲོལ་མ་སྐྱེ་བོ་སྒྲོལ་བར་ནི། །སྤྱན་རས་གཟིགས་ཀྱིས་གསུངས་པ་དང ། །རྟག་དང་ཏིང་འཛིན་སྐྱེས་འཕགས་མ། །མིང་གི་གཟུགས་ནི་བརྟན་པའང་ཡིན། །བྱང་ཆུབ་སེམས་བཞིན་སྤྱོད་པ་སྟེ། །བྱང་ཆུབ་སྤྱོད་བྱེད་དམ་པའང་ཡིན། །འཇིག་རྟེན་ཁམས་ནི་སྟོང་དག་ཏུ། །གྲངས་མེད་རྣམ་པ་མང་པོར་ཡང་།།
352b
སེམས་ཅན་རྣམས་ལ་ཕན་པའི་ཕྱིར། །དེ་ཚེ་ལྷ་མོ་རྒྱུ་བར་བྱེད། །བུད་མེད་གཟུགས་ནི་གཟུང་ནས་ཀྱང ། །སྔགས་ཀྱི་ཚུལ་གྱིས་ལུས་ཅན་ལ། །དེ་ཚེ་སེམས་ཅན་འདུས་བྱེད་ཅིང ། །བྱང་ཆུབ་ཐེག་པར་སྦྱོར་བར་བྱེད། །བྱང་ཆུབ་སེམས་དཔའི་སྤྱོད་པ་ནི། །བསམ་ཞིང་བརྟན་པར་མི་ནུས་སོ། །ཕྱག་ན་རྡོ་རྗེ་དཔའ་བོ་ནི། །སྔགས་རྣམས་ཀུན་གྱི་བདག་པོའང་དྲན། །བདག་མ་རིག་འཛིན་ལྷ་མོ་ནི། །འཇིག་རྟེན་གསུམ་གྱིས་རབ་མཆོད་དང ། །ལུ་གུ་རྒྱུད་དང་འོད་དཔག་མ། །རྡོ་རྗེ་ཁུ་ཚུར་སྙན་ལྡན་མ། །ཁྲོ་དབང་ཐིག་ལེ་དཀར་མོ་དང ། ། དབྱིག་སྔོན་འཇིགས་པར་བྱེད་དང་བཅས། །འདི་དག་ཁྲོ་མོ་ཕོ་ཉའི་ཚོགས། །རིག་མའི་སྤྱན་དུ་རབ་ཏུ་བསྟན། །རྡོ་རྗེའི་རིགས་ལ་གཙོ་བོ་སྟེ། །གང་ཞིག་དྲན་ན་ཕན་ཞིང་སྲུང ། ། བྱང་ཆུབ་སེམས་དཔའ་རྫུ་འཕྲུལ་ཆེ། །འཇིག་རྟེན་དག་ནི་སྤོས་གླང་དང ། །བྱང་ཆུབ་སེམས་དཔའ་རྫུ་འཕྲུལ་ཆེ། །བློ་དང་མཐུ་ཆེན་ཐོབ་དང་ནི། །སྲས་ཀྱི་ཐུ་བོ་གཙོ་བོ་ནི། །ཀུན་ཏུ་བཟང་པོ་དགེ་བ་སྟེ། །དེ་ཚེ་གང་གིས་དྲན་གྱུར་པ། །དེ་ལ་འཇིགས་པ་ཡོད་མ་ཡིན། །རྟག་ཏུ་དེ་ཚེ་ནོར་བཟང་དང ། །གནོད་སྦྱིན་དམ་པ་ཛམྦྷ་ལ། །ཉན་ཐོས་རང་རྒྱལ་མ་ལུས་པ། །དྲན་ན་འཇིགས་པ་ག་ལ་ཡོད། །ཀུན་ནས་དེ་དག་མཆོད་བྱས་ན། །སྲུང་བ་ཆེན་པོར་རབ་ཏུ་བསྟན། །དེ་ཚེ་འབྲས་བུ་ཆེ་ལྷ་དང ། །བསོད་ནམས་སྐྱེས་དང་འདུ་ཤེས་མེད།།
353a
༄#། །གཟུགས་མེད་གཟུགས་ཅན་ལྷ་དག་དང ། །རྫུ་འཕྲུལ་ཆེན་པོ་འདོད་ཆགས་བྲལ། །དཀོན་མཆོག་གསུམ་ལ་མཆོད་བྱེད་དང ། །རྒྱལ་བའི་བསྟན་ལ་རབ་དང་བ། །སྔགས་དང་དགྲ་ལ་རྟག་འཇིགས་པ། །དེ་དག་ལ་ནི་ཅུང་ཟད་མེད། །དེ་ལྟར་དམ་ཚིག་རྗེས་གསུངས་པ། །སྔགས་པ་ཀུན་གྱིས་བསྒོམས་མིན་ཏེ། ། འདི་ནི་ཁྲོ་རྒྱལ་མཆོག་ཅེས་པ། །གཤིན་རྗེ་གཤེད་ཀྱིས་བརྗོད་པ་ཡིན། །སེམས་ཅན་དམ་ཚིག་ལ་གནས་ན། །མི་ནི་མ་ལུས་གནོད་མི་ནུས། །ལྷ་དང་ལྷ་མིན་ཐམས་ཅད་དག་།དེ་ནས་ཡིད་ནི་དག་འགྱུར་ནས། །རྒྱལ་བའི་སྲས་ཀྱིས་རབ་བསྐུལ་ནས། །ཐམས་ཅད་དམ་ཚིག་བསྟན་གནས་འགྱུར། །གནོད་སྦྱིན་བདག་པོ་ཁྲོ་ལྡན་པས། ། ཁྱད་དུ་གསོད་ཚིག་བརྗོད་པར་བྱེད། །འཇིག་རྟེན་ཁམས་ནི་གྲང་མེད་པ། །དེ་ཚེ་ཐམས་ཅད་རབ་ཏུ་འགུལ། །དོན་མེད་ཁྲོ་བོའི་རྒྱལ་པོ་ཡིས། །ཅི་ཡི་ཕྱིར་ན་འདི་བསྟན་བྱས། །སེམས་ཅན་རྣམས་ནི་གདུལ་དོན་དུ། །དེ་ཚེ་སྔོན་གྱི་རྒྱལ་བའི་སྲས། །ཁྲོ་བོའི་རྒྱལ་པོའི་ནུས་པ་ནི། །སྔོན་ཆད་བསྟན་པ་མ་ཡིན་ནམ། །རྡོ་རྗེ་ཅན་གྱིས་དེ་སྨྲས་ནས། །རྡོ་རྗེ་ས་ལ་དོར་ཞིང་གནས། །རྫུ་འཕྲུལ་ཆེན་པོ་བྱིས་པའི་གཟུགས། །བློ་དང་ལྡན་པ་འཇམ་པའི་དབྱངས། །གཞོན་ནུ་རབ་ཏུ་བཞད་གྱུར་ནས། །ཚིག་འདི་དག་
353b
ནི་སྨྲས་པ་སྟེ། །ལག་ན་རྡོ་རྗེ་རྫུ་འཕྲུལ་ཆེ། །གནོད་སྦྱིན་ཆེན་པོ་སྡང་མ་བྱེད། །ཁྲོ་བོའི་རྒྱལ་པོ་རྫུ་འཕྲུལ་ཆེ། །འདི་ནི་ང་ཡིས་རབ་ཏུ་བསྟན། །དེ་བཞིན་རྗེས་སུ་སྦྱིན་པར་བྱ། །ཇི་ལྟར་འདོད་བཞིན་རབ་ཏུ་སྟོན། །ཁྱོད་ཀྱིས་ཁྲོ་བོའི་མཐུ་དག་ནི། །ཡོངས་སུ་བསྟན་པར་མི་ནུས་ཏེ། །ལུས་འདི་གནས་ཤིང་སྣང་བ་ཡིན། །དེ་ཉིད་ཁྱོད་ཀྱིས་དྲངས་པ་སྟེ། །ཁྱོད་ཉིད་ཀྱི་ནི་སྙིང་ལ་དྲིས། །ཁྲོ་བོའི་མཐུ་ནི་ཁུགས་པ་དག་།འདིར་ནི་བཟློག་པར་ནུས་པ་མིན། །ཇི་ལྟར་འདོད་བཞིན་ཁྱོད་ལ་བསྟན། །གཞན་དུ་དམ་ཚིག་བཏང་བ་ཡིན། །ཁྲུས་མེད་རབ་ཏུ་ཉལ་བ་དང ། །གྲོང་གི་ཆོས་ལ་རྗེས་འཇུག་དང ། །ཏིལ་མར་གྱིས་བྱུགས་སྲུང་མེད་དང ། །རྟག་ཏུ་གདུག་པའི་སེམས་ལྡན་དང ། །སྔགས་མཆོག་ཐམས་ཅད་སྤངས་པ་དང ། ། བསྟན་པ་ལ་ནི་མ་ཞུགས་དང ། །དེ་བཞིན་མི་ནི་ཐེ་ཚོམ་ལྡན། །དད་པ་མེད་ཅིང་འགྱོད་པར་གནས། །དམ་ཆོས་ཐེ་ཚོམ་ཐོབ་པ་དང ། །དེ་སྤོང་མཉམ་པར་མ་བཞག་དང ། ། གཅེར་བུ་རྟག་པར་ལྷག་མར་ལྡན། །མི་གཙང་སྤྱོད་པའི་སྤྱོད་ཡུལ་དང ། །མི་བརྩོན་སྔགས་དང་མི་ལྡན་དང ། །རྟག་ཏུ་བརྩེ་མེད་ལྷག་མར་ལྡན། །ལྷ་ཡི་གནས་དང་མཆོད་རྟེན་དང ། །ལྷ་གང་འཁོར་ས་དཀྱིལ་འཁོར་དུ། །འཁྲིག་པ་ལ་ནི་མངོན་དགའ་བ། །ཁྲོ་བོས་དེ་དག་རྣམ་པར་འཇིག་།དམ་ཚིག་ཉམས་དང་དད་མེད་དང ། །སྔགས་ཀྱི་
354a
༄#། །རིགས་པ་མི་ཤེས་དང ། །ཅུང་ཟད་ཤེས་པ་འཁྲུལ་པ་དང ། །སྤྱོད་པ་འཁྲུལ་པ་དེ་དག་ལ། །ཁྲོ་བོས་རྣམ་པར་འཇིག་པར་བྱེད། །མི་ཡི་འཇིག་རྟེན་རྣམ་ཀུན་ཏུ། །བག་ཡོད་པ་ནི་མེད་པ་དང ། །བག་མེད་ཤིན་ཏུ་འདོད་ཆགས་ཅན། །དམ་ཚིག་ཉམས་ཤིང་སྐྱོན་ལྡན་ལ། །སྔགས་རྣམས་ལེགས་པར་སྦྱར་བ་ཡིས། །ཁྲོ་བོའི་རྒྱལ་པོར་འཇོམས་པར་བྱེད། །བག་མེད་རིགས་མིན་འགྲོ་བ་ཡི། །བྱིས་པས་རྣམ་ཀུན་ཐམས་ཅད་དང ། །རྟག་ཏུ་འདོད་ཆགས་བྲལ་གྱུར་པའི། །རང་རྒྱལ་དགྲ་བཅོམ་ཉན་ཐོས་ཀུན། །ཁྲོ་བོ་ཡི་ནི་རྒྱལ་པོ་ཡིས། །ཐམས་ཅད་དུ་ནི་འཆིང་དང་གཅོད། །དེ་སྐད་སྨྲས་ནས་འཇམ་དཔལ་ནི། །སྙིང་རྗེ་ཡི་ནི་བརླན་སེམས་ཀྱིས། །སངས་རྒྱས་བྱང་ཆུབ་སེམས་དཔའ་ཡི། །རྫུ་འཕྲུལ་སྤྱོད་པ་བསམ་མི་ཁྱབ། །དེ་སྐད་སྨྲས་ནས་དེ་དག་ཀུན། །ཅང་མི་སྨྲ་བར་གྱུར་ནས་གནས། །དེ་ནས་དཔལ་ལྡན་རྡོ་རྗེ་འཆང ། །ཕྱིར་ཡང་རྡོ་རྗེ་རབ་ཏུ་བླངས། །དེ་ཚེ་རྡོ་རྗེ་བླངས་ནས་ཀྱང ། །ཁྲོ་རྒྱལ་མཐུ་ནི་ཤེས་ནས་དགའ། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། གཤིན་རྗེ་གཤེད་ཀྱི་ཡོངས་སུ་བསྔགས་པ་དང ། །སྔགས་ཀྱི་བདག་ཉིད་ཆེན་པོའི་ངེས་པར་སྡོམ་པའི་ལེའུ་རབ་འབྱམས་ལས། སུམ་ཅུ་
354b
རྩ་གསུམ་པ་རྫོགས་སོ།། །།དེ་ནས་གསང་བའི་བདག་པོ་ལག་ན་རྡོ་རྗེས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ཆེན་པོ་ལ་བལྟས་ཏེ་གནས་གཙང་མའི་སྟེང་ན་འདུག་པར་གྱུར་བའི་ཚོགས་དེ་དག་ལ་སྨྲས་པ། དང་པོ་རེ་ཞིག་གྲོགས་པོ་ཁྱེད་ཅག། ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་སྟོབས་དང ། ཕ་རོལ་གནོན་པ་དཔག་ཏུ་མེད་པ། གདུལ་དཀའ་འདུལ་བར་བྱེད་པ། །གཤིན་རྗེའི་འཚོ་བ་མཐར་བྱེད་པ། །སེམས་ཅན་མ་རུངས་པ་ཚར་གཅོད་པ་དེ་གཙོར་བྱེད་པ། བྱང་ཆུབ་སེམས་དཔའ་འཇམ་དཔལ་གྱིས་སྨྲས་པ། དེའི་རས་རིས་ཀྱི་ཆོ་ག་ཡོད་དེ་ཉོན་ཅིག་།ཆོས་གྲངས་དང་ནི་རྒྱུ་སྐར་དང ། །སྨྱུང་བ་དག་ཀྱང་མི་བྱ་སྟེ། །དགྲ་ཡི་འཇིགས་པ་བྱུང་བ་ན། །རས་རིས་འདི་ནི་བྲི་བར་བྱ། །མར་ངོའི་ཟླས་ཕྱེད་དག་གནས་ཏེ། །ཚེས་གྲངས་བཅུ་བཞིའམ་བརྒྱད་དག་ལ། །བྲམ་ཟེ་དམ་པ་མཆོག་དག་གི་།དུར་ཁྲོད་ཤི་བའི་རོ་སྙེད་ན། །དེ་ནི་མཚན་མོ་མུན་པར་བླངས། །དེ་ཡི་ཁྲག་གིས་ཚོན་རྩི་བྱ། །རས་ནི་ཆུ་ཡིས་ལན་གསུམ་བཀྲུ། །དེ་ནས་དེ་ནི་བསྐམ་བར་བྱ། །འདི་བྱེད་གདུག་སེམས་ཁྲོ་ལྡན་ཞིང ། །འཇིགས་པར་བྱེད་པས་པྲི་བར་བྱ། །མར་ངོའི་ཟླ་ཕྱེད་དུར་ཁྲོད་དུ། །ཞག་ནི་གསུམ་མམ་བདུན་དུ་བྲི། །ཚེས་བརྒྱད་བཅུ་བཞིའི་ནུབ་མོར་ནི། །ཞག་ཆེན་མར་མེས་སྦར་བ་ལ། །དེར་གནས་རི་མོར་བྱེད་པ་ནི། །རྟག་ཏུ་གཡས་ཀྱི་ཕྱོགས་སུ་བལྟ། །མི་ཡི་ཐོད་
355a
༄#། །པས་གདན་བྱས་ཤིང ། །མཉམ་པར་བཞག་སྟེ་བསྲུང་བ་བྱ། །དགྲ་ཡི་སྡུག་བསྔལ་གྱིས་ཉེན་ན། །ཡང་ན་སྔགས་པ་རང་གིས་བྲི། །དང་པོའི་མཚན་\?\་མོར་རྩོམ་པ་ན། །དགྲ་རྣམས་ལུས་ལ་ཚ་བ་འབྱུང ། །གཉིས་པར་ཚ་བ་ཆེན་པོ་ཡིས། །དགྲ་རྣམས་བརྒྱལ་བས་གནོན་པར་འགྱུར། །གསུམ་པའི་མཚན་མོར་སྲོག་འདོར་ཞིང ། །འཇིག་རྟེན་ཕ་རོལ་འགྲོ་བར་འགྱུར། །སྔགས་པ་རབ་ཏུ་མ་དད་ན། །དེ་ལ་ཞི་བ་ག་ལ་ཡོད། །དགྲ་ཡི་ལུས་ནི་སྐམས་འགྱུར་ཞིང ། །ཁྱིམ་ལ་འཇིགས་པའང་འབྱུང་བར་འགྱུར། །གཤིན་རྗེ་གཤེད་ནི་འཇིགས་ཆེན་གྱི། །རས་རིས་འདི་ནི་བྲིས་ཙམ་གྱིས། །ཞལ་དྲུག་ཞབས་དྲུག་ཕྱག་དྲུག་བྲི། །ཁ་དོག་སྔོ་ཞིང་གསུས་པ་འཕྱང ། །ཁྲོ་ལྡན་ཐོད་པའི་ཕྲེང་བ་འཆང ། །སྟག་གི་པགས་པ་རབ་ཏུ་མནབས། །མཚོན་ཆ་སྣ་ཚོགས་མི་བཟད་ལྡན། །ལག་ན་དབྱུག་ཏོ་འཇིགས་པར་བྱེད། །སྤྱན་ནི་དམར་ཞིང་ཁྲོ་དང་བཅས། །སྤྱན་གསུམ་དག་གི་རྣམ་པར་མཚན། །སྐྲ་འབར་གྱེན་དུ་བརྫེས་པ་ནི། །དེ་བཞིན་ལ་ལར་དུ་བའི་མདོག་།མིག་སྨན་ནག་པོ་མི་བཟད་དང ། །དབྱར་གྱི་སྤྲིན་དང་འདྲ་བའི་མདོག། གཤིན་རྗེའི་གཟུགས་དང་འདྲ་བ་ཡི། །མ་ཧེ་ལ་ཞོན་ཡང་དག་བྲི། །གདུག་པའི་ལས་ཅན་འཇིགས་པ་ཆེ། །དྲག་ཅིང་དྲག་པོ་འཇོམས་བྱེད་པ། །སེམས་ཅན་འཇིགས་པར་
355b
བྱེད་པ་ཡི། །གཤིན་རྗེའི་འཚོ་བ་འཇིགས་བྱེད་བརྗོད། །ཤིན་ཏུ་གདུག་པའི་ལས་ཅན་དང ། །འཇིགས་ཤིང་ཤིན་ཏུ་མི་བཟད་པ། །ལུས་ཅན་ཐམས་ཅད་གསོད་བྱེད་པ། །འཇིགས་པའང་འཇིགས་ཤིང་དངྔས་\?\་བྱེད་པ། །བདག་གི་ཁྲག་གི་ཚོགས་དག་གིས། །ཁྲོ་བོ་མཆོག་འདི་བྲི་བར་བྱ། །ཞག་ཆེན་པོ་ཡི་ཞག་དང་ནི། །ཤིན་ཏུ་དམར་བའི་ཚོན་བསྲེས་བྲིས། ། ཚོན་རྩིའི་སྣོད་དུ་ཐོད་པ་བྱ། །མི་ཡི་རུས་པས་པར་ཤིང་བྱ། །ཤི་བའི་སྐྲ་ལས་བྱས་པ་ཡིས། །པིར་དང་པིར་ནི་བཅིང་བའང་བྱ། །རང་ངམ་རི་མོ་མཁན་གྱིས་ཀྱང ། །དེ་ནས་ཟས་མི་བཟའ་བར་བྲི། །གཏོར་མ་མེ་ཏོག་མང་པོ་སོགས། །ཕྲེང་བ་དམར་དང་ཙནྡན་དམར། །ཤ་ཆེན་ཚིལ་གྱི་སྤོས་དང་ནི། །ཞག་གི་སྤོས་ཀྱིས་མཆོད་པ་བྱ། །རས་རིས་དམ་པ་དེ་ལ་ནི། །དང་པོ་བར་མཐར་མཆོད་པར་བྱ། །རས་རིས་ཡོངས་སུ་རྫོགས་བྱས་ནས། །རི་མོ་མཁན་ལ་སྦྱིན་པའང་བྱ། །ནོར་ནི་རབ་ཏུ་མང་པོའམ། །ཡང་ན་གང་གིས་དགེ་བའང་སྦྱིན། །ལས་ཀྱང་འཇིགས་པ་ཆེན་པོ་བས། །དེ་ཡི་དོན་མེད་མི་བྱའོ། །མདོར་ན་དཔའ་བོའི་རིན་དུ་ནི། །ཇི་ལྟར་འདོད་པ་དེ་ལ་བྱ། །བཟོ་བོའི་ལས་ནི་འབྲས་བཅས་བྱ། །ཁ་ཟས་མེད་པའང་རྣམ་པར་སྤང། །ཇི་ལྟར་དེ་ནི་ཡང་དག་དགའ། །དེ་ལྟ་དེ་ལྟར་རབ་ཏུ་སྦྱར། །སྲུང་པ་ཆེན་པོའང་རབ་ཏུ་བྱ། །གཞན་དུ་དེ་ནི་འཆི་འགྱུར་ཞིང ། །གཟོ་བོ་བཟའ་དང་བཅས་འཇིགས་པས། །བདག་
356a
༄#། །གིས་ཀྱང་ནི་མངོན་པར་བསྲུང ། །རིག་པ་བཟླས་ནས་བྱ་བ་སྟེ། །གཞན་དུ་ཆོ་གར་བརྗོད་པ་མིན། །རས་རིས་ཡོངས་སུ་གསལ་བྱས་པའམ། །ཡིད་ལ་འདོད་པ་བྱས་མཐོང་ན། །གདུག་པའི་དགྲ་རྣམས་འཇོམས་བྱེད་པའི། །ལས་ནི་ཐམས་ཅད་བྱེད་པར་འགྱུར། །རས་རིས་མཆོག་བླངས་འགྲོ་བ་ནི། །ཇི་ལྟར་འདོད་པའམ་གར་འདོད་པའོ།། ཕྱོགས་ཆེན་རྒྱལ་པོ་ཆེན་པོ་དང ། །སེམས་ཅན་དེ་ནི་དྲེགས་བཅས་དང ། །མངོན་པའི་ང་རྒྱལ་ང་རྒྱལ་ཆེ། །གདུག་དང་གདུག་པའི་ལས་རྣམས་དང ། །དཀོན་མཆོག་གསུམ་ལ་གནོད་བྱེད་དང ། །ཆད་པར་སྨྲ་དང་སྔགས་སྤངས་དང ། །སྔགས་རྣམས་མཆོད་པར་མི་བྱེད་དང ། །དེ་ལ་དད་རྟེན་སྨོད་པ་དང ། །གང་ཡང་ཟློས་པ་སྨོད་བྱེད་དང ། །དེ་བཞིན་མཆོད་རྟེན་ཁྱད་དུ་གསོད། །ཆོ་ག་མཐོང་བའི་ལས་ཀྱིས་ནི། །དེ་དག་ལ་ནི་སྦྱོར་བར་བྱ། །སེམས་ཅན་ཀུན་དང་སྐྱོབ་པ་ལ། །རྟག་ཏུ་དེ་བཞིན་ཆོས་མི་ལྡན། །དེ་དག་ལ་ནི་ལས་རབ་སྦྱར། །འཕྲལ་དུ་སྲོག་ནི་འགག་པར་བྱེད། །ལུང་ཏང་འབྲས་བུ་སྔགས་བཟླས་བླངས། །རྩ་བ་དང་ནི་ཤུན་པའང་བླང ། །འབྲས་བུའི་རང་སྐྱུར་ཡང་དག་ལྡན། །མི་ཡི་རུས་ཕྱེ་ལེགས་བཏགས་དང ། །ཡུངས་མར་དང་ནི་དུག་ཉིད་དང ། །སྟར་བུ་དང་ནི་ལང་ཏང་ཚེ། །སྐེ་ཚེ་དང་ཡང་ཁྲག་ཉིད་ཀྱང ། །མི་ལས་ཡང་དག་བྱུང་བ་
356b
དག་།ཐམས་ཅད་བླངས་ནས་ཡང་དག་ལྡན། །རས་རིས་དབེན་པའི་ཕྱོགས་སུ་བཞག་།སྒྲུབ་པོ་ལྷོ་ཕྱོགས་མངོན་བལྟས་ནས། །རས་རིས་ཀྱང་ནི་བྱང་དུ་བསྟན། །མེ་ཐབ་ཇི་འདོད་བྱས་ནས་ནི། །ཚ་ཞིང་སྐམ་པའི་ཤིང་དག་གིས། །མེ་ཐབ་དེ་ལ་མཉམ་གཞག་ནས། །དུར་ཁྲོད་མེ་ཡིས་སྦར་བར་བྱ། །ཐམས་ཅད་ལྡན་པས་བསྲེག་བྱས་ན། །ཆོ་གར་བསྟན་པའི་སྦྱིན་སྲེག་ཡིན། །ཁྲོ་བོའི་རྒྱལ་པོའི་སྔགས་ཀྱིས་ནི། །མེ་ལྷ་དག་ནི་སྤྱན་དྲང་བྱ། །ལས་རྣམས་དག་ནི་ཀུན་ལའང་འདིར། །མདུང་གི་ཕྱག་རྒྱ་བཅིང་བར་བྱ། །མེ་ཐབ་ལ་ནི་ཁྲོར་བཅས་པས། །རྩ་བརྒྱད་སྟོང་གི་སྲེག་བླུགས་སྦྱིན། །དང་པོར་བུ་དག་འཆི་བ་ནི། །སེམས་ཅན་ཞུགས་ནས་དེ་བཞིན་འགྱུར། །གཉིས་པ་ལ་ནི་ཆུང་མ་དང ། །འཁོར་དང་གཙོ་བོར་བཅས་པའང་ཡིན། །དེ་ལ་གསུམ་པར་འཆི་བ་ནི། །གང་གི་ཆེད་དུ་བྱས་པའོ། །གང་ཚེ་མཚན་ཕྱེད་བཟླས་པ་ནི། །རས་རིས་མདུན་དུ་བྱེད་པའང ། །དགྲ་རྣམས་གསད་པར་བྱ་ཕྱིར་ཏེ། །དེ་ནི་དེ་དང་མཐུན་པར་འགྱུར། །དེ་ཡི་ཡུལ་འཁོར་འཇིག་པར་འགྱུར། །དཔུང་དང་འཆི་བར་འགྱུར་བ་སྟེ། །མེས་ཚིག་རླུང་ནི་ཆེན་པོ་དང ། །ཆར་ཆེན་དག་ཀྱང་འབྱུང་བར་འགྱུར། །ཐམས་ཅད་བསྡུས་པའི་ཚོགས་དག་ནི། །ཕ་རོལ་ཚོགས་ཀྱིས་གནོད་པར་འགྱུར། །དེ་ལ་གནོད་པ་སྣ་ཚོགས་དང ། །ནད་ཆེན་དག་གིས་ཡང་དག་
357a
༄#། །ཁྱབ། །རྒྱལ་པོ་དེ་ཡི་ལུས་ཀུན་ཀྱང ། །སྐམ་པར་འདི་ལ་ཐེ་ཚོམ་མེད། །དེ་ཡི་ཁྱིམ་ནི་ཐམས་ཅད་ཀྱང ། །མི་མ་ཡིན་པས་ཡང་དག་དཀྲུགས། །མལ་དུ་བརྟན་པ་མི་རྙེད་ཅིང ། །ས་ཡི་སྟེང་དུའང་འཁྱོར་བར་འགྱུར། །སྲིན་པོ་ཡི་དྭགས་ཤ་རྗེན་ཟས། །དེ་ཡི་ཁྱིམ་ནི་ཡོངས་སུ་བསྐོར། །ཐམས་ཅད་དུ་ནི་ཉམ་ཐག་འཇིགས། །སྡུག་བསྔལ་དྲག་པོས་སྡུག་བསྔལ་འགྱུར། །ས་སྟེང་ལྷ་ཡི་དབང་ཕྱུག་སོགས། །དེ་ཡི་སྲུང་བ་བྱེད་མི་ནུས། །འཇིག་རྟེན་སྐྱོང་བ་ཚངས་སོགས་དང ། །བརྒྱ་བྱིན་སོགས་པ་སུམ་ཅུའི་དབང ། །སྔགས་ཀུན་ལྷ་དང་བཅས་པ་དང ། །འཇིག་རྟེན་ཀུན་ལས་བྱུང་བའང་རུང ། །ང་རྒྱལ་གྱིས་འཁྲུགས་མ་རུངས་དགྲ། །དེ་ཡི་འཚོ་བ་དེ་མཐར་བྱེད། །མཚན་ཕྱེད་ཉི་མ་གུང་དག་ལ། །གང་དུ་ཁྲོས་ནས་ཟློས་བྱེད་པ། །གཤིན་རྗེ་ཁྲོས་པ་མངོན་སུམ་ལྟར། །བསྲུང་བར་ཡང་ནི་ནུས་མ་ཡིན། །མར་ངོའི་ཟླ་ཕྱེད་ཅི་འདོད་པར། །ས་སྟེང་རས་རིས་བཞག་ནས་ནི། །གཏོར་མ་མཆོད་པ་ཆེ་བྱ་བ། །དུར་ཁྲོད་དགོན་པའི་གནས་དང་ནི། །ཤིང་གཅིག་དེ་བཞིན་རྟགས་དང་ནི། །བྲག་དང་བས་མཐའ་ཕུག་ཀྱང་རུང ། །གཅིག་པུ་གཉིས་སུ་མེད་པར་ཡང ། །རྟག་ཏུ་ལས་རྣམས་ཡང་དག་བརྩམས། །དགོན་བ་ཆེན་པོ་དབེན་པ་དང ། །ལྷ་ཡི་ཁང་པ་སྟོང་པ་དང ། །ཁང་སྟོང་དང་
357b
ནི་ཆུ་བོ་དང ། །རྒྱ་མཚོའི་འགྲམ་ལ་བརྟེན་པ་དང ། །གྲོང་ཁྱེར་དེ་དང་ཉེ་བ་དང ། །དེར་གནས་ཡང་ན་ཅི་འདོད་པར། །དཔག་ཚད་བརྒྱ་ཡི་ཚད་ཙམ་ནས། །རྟག་ཏུ་ལས་རྣམས་བྱ་བ་ཡིན།། གཙང་བའི་ཡུལ་ནི་བརྒྱ་དག་དང ། །ཚད་མེད་ཡུལ་དུ་གནས་པའང་རུང ། །སྔགས་ཀྱི་རྫུ་འཕྲུལ་བསམ་མི་ཁྱབ། །ཟློས་པའི་གྲུབ་པ་བསམ་མི་ཁྱབ། །ལས་ནི་བསམ་མི་ཁྱབ་པར་སྣང ། །འབྲས་བུའང་བསམ་མི་ཁྱབ་པའོ། །གཤིན་རྗེ་གཤེད་ནི་བདག་ཉིད་ཆེ། །ཁྲོ་བོའི་རྒྱལ་པོ་བསམ་མི་ཁྱབ། །ལས་དང་རྫུ་འཕྲུལ་ཡུལ་དང་ནི། །རྣམ་པར་འཕྲུལ་པ་ཆེ་འབྱུང་བ། །བསམ་གྱིས་མི་ཁྱབ་ཟློས་པ་ཡིས། །ས་སྟེང་འདི་ལ་གྲུབ་པ་སྣང ། །བྱང་ཆུབ་སེམས་དཔའ་རྫུ་འཕྲུལ་ཆེ། །ཀུན་གྱིས་བསྲུང་བར་ཡོང་མི་ནུས། །འཇིག་རྟེན་པ་ཡི་སྔགས་རྣམས་དང ། །གཟའ་དང་མ་མོ་སྨོས་ཅི་དགོས། །དབང་ལྡན་དང་ནི་ཁྱབ་འཇུག་གམ། །སྐེམ་བྱེད་དང་ནི་བརྒྱ་བྱིན་དང ། །རྒྱལ་དང་རྒྱལ་བའི་སྲས་དག་ནི། །དམ་ཚིག་འཛིན་པར་བྱེད་པ་དང ། །ས་བཅུ་ལ་ནི་ཡང་དག་གནས། །བྱང་ཆུབ་སེམས་དཔའ་བདག་ཉིད་ཆེ། །གང་ཞིག་དགྲ་བཅོམ་རང་རྒྱལ་དང ། །རྫུ་འཕྲུལ་ཆེན་པོ་ཆགས་བྲལ་བ། །དམ་ཚིག་སྔོན་བྱས་དེ་དག་གིས། །བསྲུང་བར་ཡང་ནི་མི་ནུས་སོ། །མདོར་བསྡུས་ནས་ནི་བཤད་པར་བྱ། །འབྱོར་པ་འདོད་པས་མཉན་པར་
358a
༄#། །གྱིས། །ཟློས་པ་སེམས་ནི་མ་དད་ན། །གཞན་གྱིས་ནུས་པར་མི་འགྱུར་རོ། །སྔགས་བ་མཆོག་ནི་མི་དགའ་ན། །དེ་འདིར་ཞི་བ་ག་ལ་ཡོད། ། བདག་ཉིད་ཆེན་པོ་གཤིན་རྗེ་གཤེད། །ཁྲོ་བོའི་རྒྱལ་པོ་ཟློས་པ་པོ། །གང་ཚེ་ཡིད་ནི་དང་བ་དང ། །གང་ཚེ་སྙིང་རྗེས་བརླན་གྱུར་པ། །དེ་ཚེ་དེ་ནི་ཞི་ཐོབ་པའམ། །བརྟན་པའམ་འཚོ་བ་འཛིན་པར་འགྱུར། །བིརྩུ་མརད་ཡུངས་མར་དང ། །རང་སྐྱུར་དུག་དང་ལྡན་པ་ནི། །ཁྲག་དང་མི་ཡི་ཤ་དང་ནི། །ལན་ཚཝ་ཚ་བ་གསུམ་དང་ནི། །སྐེ་ཚེ་དུང་གི་ཕྱེ་མ་དང ། །སྟར་བུ་དང་ནི་སྲ་མ་གྱི་ཤ་།ལང་ཏང་ཚེ་ཡི་རྩ་བ་དང ། །དེ་བཞིན་ཀོ་ཤ་ཏ་ཀའི་དང ། །ེ་རནད་རྩ་ནས་ཚིག་ཐལ། །ལེབ་རྒན་རྩི་དང་གཟེ་མ་དང ། ། པོ་སོན་ཆ་ཡི་རྩ་བ་དང ། །དེ་བཞིན་སྒོག་སྐྱ་ཀེའུ་དང ། །གཞན་གྱི་ཞག་དང་ཆུ་དང་ནི། །ཀུན་དོང་ཆང་ནི་བཏུང་བར་བཅས། །འདི་ཀུན་ཆ་མཉམ་བྱས་ནས་ནི། །རས་རིས་ཉེ་བར་སྦྱིན་སྲེག་བྱ། །སྦྱིན་སྲེག་སྟོང་རྩ་བརྒྱད་བྱས་ན། །ཟླ་བ་ཕྱེད་ཀྱི་ནང་དུ་ནི། །བུ་དང་གཉེན་སྡུག་བཅས་པ་ཡི། །དགྲ་རྣམས་རྩད་ནས་འཇིག་འགྱུར་ཏེ། །འཁོར་ཀུན་མ་ལུས་འཇོམས་པར་བྱེད། །གཉིས་པའི་ནང་དུ་སྦྱིན་སྲེག་བྱ། །དེ་ཡི་རྩད་ནས་འབྱིན་པར་བྱེད། །ཟློས་པས་མེ་ནང་སྦྱིན་སྲེག་བྱས། །གསུམ་པའི་དུས་སུ་ཕྱིན་
358b
པ་ན། །དེ་ཡི་གྲོང་རྡལ་བཅས་དེ་ལ། །མུ་གེ་དག་ནི་འབྱུང་བ་དང ། །ཆར་མི་འབབ་ཅིང་འཆི་བ་མང ། །སྲིན་པོས་ཀུན་ཏུ་ཁྱབ་པ་དང ། །མེས་ཚིག་རྡོ་ཡི་ཆར་འབབ་དང ། །རྡོ་རྗེ་དང་ནི་ཐོག་ཀྱང་འབབ། །ལྗོངས་དང་ཕྱོགས་དང་ཡུལ་དང་ནི། །ཇི་སྙེད་རྒྱལ་པོ་དེ་ལ་ཡོད། །འཚེ་བ་མང་པོར་རབ་འབྱུང་ཞིང ། །དེ་བཞིན་གཞན་གྱི་དམག་ཚོགས་འབྱུང ། ། དེ་ཡི་ཡུལ་དུ་འཚེ་བ་ནི། །དུ་མ་མང་པོ་དག་ཀྱང་འབྱུང ། །དཔལ་མིན་མང་པོ་རབ་སྟོན་པ། །རྣམ་པ་སྣ་ཚོགས་འབྱུང་བར་འགྱུར། །ལང་ཏང་རྩ་བས་སྦྱིན་སྲེག་བྱས། །དེ་ལ་རིམས་ནི་འབྱུང་བར་འགྱུར། །ཚ་བས་རྟག་ཏུ་སྦྱིན་སྲེག་བྱས། །ཚ་བ་ཆེན་པོ་སྐྱེ་བར་འགྱུར། །ཤིན་ཏུ་སྐྱུར་བས་སྦྱིན་སྲེག་བྱས། །གྲང་བའི་རིམས་ནི་ཡང་དག་འབྱུང ། །མ་རུངས་རྒྱལ་པོ་སྟོབས་ཀྱིས་དྲེགས། །དེ་ཡི་ལུས་ལ་དེ་དག་འགྱུར། །ཕྱོགས་ཆེན་ནོར་དང་ལྡན་པ་དང ། །གདུག་ཅིང་དཔུང་ཚེ་ཡང་དག་གནས། །དེ་ཡི་འཚོ་བ་ཐ་མ་ནི། །ནུབ་གཉིས་ཡང་ན་བདུན་གྱིས་སོ། །གང་ཞིག་གང་ལ་དད་ལྷ་འམ། །སྐྱེས་པའི་སྐར་མ་མིང་ཡང་རུང ། །རས་རིས་མདུན་དུ་གཟུགས་བྱ་བ། །དུར་ཁྲོད་སོལ་བས་བྲིས་པ་ལ། །མགྲོ་ལ་རྡོག་པས་མནན་ནས་ནི། །ཁྲོ་བས་བཟླས་པ་བརྩམ་པར་བྱ། །གློ་བུར་རྣམ་པ་སྣ་ཚོགས་པའི། །མི་ཡི་བདག་པོ་ཟུག་གཟེར་འབྱུང ། །ནད་ཆེན་པོས་ནི་ཐེབས་འགྱུར་ཏེ། །དེ་ཡི་མོད་
359a
༄#། །ལའང་འཆི་བར་འགྱུར། །ཡང་ན་དགྲ་སྟས་གཅོད་པ་འམ། །ཡན་ལག་དག་ཀྱང་མི་ཚང་འགྱུར། །སྡིག་ཅན་མི་མ་ཡིན་པ་ཡི། །སྲིན་པོ་གདུག་པས་ཟ་བར་འགྱུར། །བདག་གི་འཁོར་དང་བཅས་པ་དག་།ཤ་རྗེན་ཟ་དང་སྲུལ་པོ་དང ། །ཤ་ཟ་ཡི་དྭགས་མ་མོ་ཡིས། །དེ་ཡི་མོད་ལའང་གསོད་པར་བྱེད། །དེ་ནས་དཔལ་ལྡན་རྡོ་རྗེ་འཆང ། །དེ་ཚེ་འཁོར་ལ་འདི་སྐད་སྨྲས། །སངས་རྒྱས་ཀུན་ལ་ཕྱག་བཙལ་ནས། །དེ་ནས་ཅང་མི་སྨྲ་བར་གནས། །འཇིག་རྟེན་རྣམས་ལ་ཕན་འདོད་ཕྱིར། །འདི་སྐད་དུ་ནི་ཡང་སྨྲས་པ། །གནོད་སྦྱིན་མོ་ནི་ཐམས་ཅད་དང ། །གནོད་སྦྱིན་ཀུན་ཚོགས་བོས་ནས་ནི། །དེ་ཚེ་གནོད་སྦྱིན་བདག་པོ་སྟེ། །བྱང་ཆུབ་སེམས་དཔས་སྨྲས་པ་ནི།། གནོད་སྦྱིན་རྣམས་ཀྱིས་རས་རིས་སྨྲས། །འདོད་པ་ཀུན་དང་ཉེ་བར་ལྡན། །འགུགས་པར་བྱེད་དང་དབང་བྱེད་ཀུན། །ཟུག་རྡུ་མ་ལུས་ཡང་དག་འབྱིན། །སྔགས་པ་གང་ཚེ་འཁྲིག་པ་འདོད། །འདོད་ཆགས་ལྡོངས་པའམ་རྨོངས་པའི་བློས། །བདེ་གཤེགས་བཀས་ཀྱང་བཟློག་པ་དང ། །གཉེན་པོས་ཀྱང་ནི་མི་ནུས་སོ། །ཐོག་མེད་པ་ཡི་འཁོར་བ་ནས། །ཤིན་ཏུ་སྡུག་བསྔལ་རྒྱུ་སྔོན་བྱས། །དེ་དག་སྡུག་བསྔལ་སྡུག་བསྔལ་བར། །སྙིང་རྗེ་ཆེན་པོས་འགྲོ་བ་གདུངས། །ཚངས་སྤྱོད་དབང་པོ་དུལ་བས་ནི། །བདེ་འགྲོ་
359b
དག་ནི་ཐོབ་པར་འགྱུར། །བཟས་པོ་ཤིས་པར་བསྟན་པ་དང ། །མཐར་ནི་ཞི་བའང་ཐོབ་པར་འགྱུར། །ཐེག་པ་གསུམ་ལ་བརྟེན་ནས་ནི། །མྱ་ངན་འདས་པ་ལེགས་པར་ཐོབ། ། བཟློག་པ་བློ་ངན་གྱིས་ཟིན་པ། །འདོད་ཆགས་ཀྱིས་ལྡོངས་དཀའ་ཐུབ་མེད། །འཁོར་བ་མི་བཟད་ཚང་ཚིང་གི་།འགྲོ་བ་ལྡར་ནི་འཁོར་བར་འགྱུར། །དེ་དག་སྡུག་བསྔལ་ལྡན་དོན་དུ། །འདོད་པའི་ལོངས་སྤྱོད་རྗོད་པར་བྱེད། །ཁྲོ་བོ་འདི་ནི་མཉེས་བྱས་ན། །སྡིག་པ་ཀུན་ལས་ལྡོག་པར་འགྱུར། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་མངོན་སྤྱོད་དང ། ལེགས་པར་སྡོམ་པའི་ལེའུ་རབ་འབྱམས་ལས་སུམ་ཅུ་རྩ་བཞི་པ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ཞེས་བྱ་བ་འཁོར་དེ་ཉིད་དུ་འདུས་ཤིང་འདུག་པར་གྱུར་པ་དེ་སྟན་ལས་ལངས་ཏེ་སངས་རྒྱས་ཐམས་ཅད་ལ་ཕྱག་འྩལ་ནས་འཁོར་གྱི་དཀྱིལ་འཁོར་གྱི་དབུས་སུ་འདུག་སྟེ། བཅོམ་ལྡན་འདས་ཤཱཀྱ་ཐུབ་པ་ལ་ལན་གསུམ་བསྐོར་བ་བྱས་ནས་ཞབས་གཉིས་ལ་བཏུད་དོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་བལྟས་ནས་ཚིག་འདི་སྨྲས་སོ། །ཕྱག་ན་རྡོ་རྗེ། །ཞེང་ཁྱོད་སེམས་ཅན་ཐམས་
360a
༄#། །ཅད་ལ་གནོད་པར་བྱེད་པ་དང ། འདོད་པ་དང་ལྡན་པའི་སྔགས་དང་རྒྱུད་བཤད་ན། ཀྱེ་རྒྱལ་བའི་སྲས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ངེས་པར་ཆོས་འདི་ནི་མ་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི་གང་གི་ཕྱིར་སྙིང་རྗེ་ཆེན་པོས་རབ་ཏུ་ཕྱེ་ཞིང ། བྱང་ཆུབ་སེམས་དཔའི་སྤྱད་པ་སྤྱོད་ཅིང་སེམས་ཅན་ཐམས་ཅད་ཀྱི་དོན་གྱི་ཕྱིར་ཕན་པའི་ལྷག་པའི་བསམ་པ་ལ་རབ་ཏུ་ཞུགས་ན་འཁོར་བའི་འཆིང་བ་ལས་གྲོལ་བར་འགྱུར་རོ། །ཀྱེ་རྒྱལ་བའི་སྲས། གཞན་ཡང ། སེམས་ཅན་ལ་གནོད་པར་བྱེད་པའི་ཆོས་སྟོན་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་ནི་སེམས་ཅན་ཐམས་ཅད་ཀྱི་ཆེད་དུ་གསུངས་པ་མ་ཡིན་ཏེ། སྙིང་རྗེ་ཆེན་པོ་དང་ལྡན་པའི་ཕྱིར་སེམས་ཅན་ཐམས་ཅད་ལ་ཕན་པའི་ལྷག་པའི་བསམ་པ་ལ་རབ་ཏུ་ཞུགས་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་སྨྲས་པ། །ཇི་ལྟར་ཁྱོད་སྨྲ་བ་དང ། ཇི་ལྟར་ཁྱོད་རབ་ཏུ་སྟོན་པ་དེ་བཞིན་དུ། ཞི་བའི་བློ་གྲོས། བྱང་ཆུབ་སེམས་དཔས་བསླབ་པར་བྱ། །དེ་བཞིན་དུ་བསྒྲུབ་པར་
360b
བྱ། །ཇི་ལྟར་སངས་རྒྱས་དང ། བྱང་ཆུབ་སེམས་དཔའ་རྫུ་འཕྲུལ་ཆེན་པོ་དང་ལྡན་པ་དེ་བཞིན་དུ་བདག་གིས་ཀྱང་བསྟན་པར་བགྱིའོ། །དོན་དམ་པར་ནི་ཡང་དག་པའི་མཐའ་ལས་ཡང་དག་པའི་མཐའ་ལ་ཡང་དག་པར་བརྟེན་ནས་ཆོས་ཀྱི་མཐའ་ལས་གྲོལ་བ་ཐོབ་པར་འགྱུར་རོ། །སེམས་ཅན་མཐའ་ནི་བསམ་མི་ཁྱབ། །རྣམ་པར་སྨིན་པའང་བསམ་མི་ཁྱབ། སངས་རྒྱས་ཆོས་ཀྱང་བསམ་མི་ཁྱབ། །བྱང་ཆུབ་སྤྱོད་པའང་བསམ་མི་ཁྱབ། །གདུལ་བའི་སེམས་ཅན་ལ་བརྟེན་ནས། །ཕན་པའི་སྤྱོད་པ་བསམ་མི་ཁྱབ། །བྱང་ཆུབ་སེམས་དཔའི་སྤྱོད་པ་རྣམས། །བསམ་མི་ཁྱབ་པར་ཡོངས་སུ་བསྟན། །རྒྱུད་རྣམས་ཀུན་ལ་རྒྱུད་འདི་ཡི། །མཐུ་ནི་བསམ་མི་ཁྱབ་པ་ཡིན། །གཤིན་རྗེ་གཤེད་ནི་བདག་ཉིད་ཆེ། །ཁྲོ་བོའི་རྒྱལ་པོའི་སྔགས་དག་དང ། །ཡུལ་གསུམ་དག་ཀྱང་བསམ་མི་ཁྱབ། །རྟོགས་པའི་བདག་ཉིད་བསམ་མི་ཁྱབ། །ཞི་བའི་བློ་གྲོས། །བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་པ་ནི་བསམ་གྱིས་མི་ཁྱབ་སྟེ། ཆོས་ཀྱི་དབྱིངས་ཀྱི་རྒྱུ་མཐུན་པ་ལས་བྱུང་བའི་སྒྲུབ་པ་ཡང་བསམ་གྱིས་མི་ཁྱབ་བོ། །ཞི་བའི་བློ་གྲོས། བྱང་ཆུབ་སེམས་དཔའ་སྔགས་ཟློས་བ་ན་འདི་ལྟར་སེམས་བསྐྱེད་པར་བྱ་སྟེ། འཕགས་པ་མ་ཡིན་པའི་སེམས་ཅན་འདོད་པ་ལ་ལྷག་པར་ཆགས་པས་བསོད་ནམས་མ་ཡིན་པ་ཤིན་ཏུ་རབ་ཏུ་
361a
༄#། །མང་པོ་འཕེལ་བས་དམྱལ་བ་ཆེན་པོར་སྐྱེ་ཞིང་སེམས་ཅན་འདི་དག་ནི་བསོད་ནམས་ཀྱི་ཕུང་པོ་ཤིན་ཏུ་མང་པོ་འདི་འཕེལ་བར་མི་འགྱུར་རོ། །སེམས་ཅན་འདི་དག་བྱང་ཆུབ་རྣམ་པ་གསུམ་གྱིས་སྐལ་བ་མེད་པར་མི་འགྱུར་བར་བྱ་བའི་ཕྱིར། ཞི་བའི་བློ་གྲོས། དེ་ལྟར་ན་བྱང་ཆུབ་སེམས་དཔའ་སྔགས་ཟློས་པས་སེམས་ཉེ་བར་གཞག་པར་བྱ་ཞིང་ཐབས་མཁས་པ་འདི་ལ་མངོན་སྤྱོད་ཀྱིས་ལས་རབ་ཏུ་སྦྱར་བར་བྱའོ། །ལས་ཐམས་ཅད་ལ་ཡང་མཚན་མར་འཛིན་པར་མི་བྱའོ། །མི་དགེ་བར་འཛིན་པར་མི་བྱ་ཞིང་སྙིང་རྗེས་བརླན་པའི་སེམས་ཀྱིས་སེམས་ཅན་གདུལ་བའི་ཐབས་ལ་ཡང་བསླབ་པར་བྱའོ། །ཀྱེ་རྒྱལ་བའི་སྲས། གཞན་ཡང ། ཆོས་དང ། ཆོས་མ་ཡིན་པ་དང ། དཀར་པོ་དང ། ནག་པོ་དང ། དགེ་བ་དང ། མི་དགེ་བ་དང ། འགྲོ་བའི་བདག་ཉིད་ཆེན་པོ་སེམས་ཅན་གདུལ་བའི་ཐབས་སྒྲུབ་པ་དང ། །ཆོས་ཀྱི་དབྱིངས་སྒྲུབ་པ་སངས་རྒྱས་བཅོམ་ལྡན་འདས་ཀྱིས་རབ་ཏུ་རྟོགས་པར་འགྱུར་ཏེ། དེ་ཉིད་ཆོས་སྟོན་བས་སེམས་ཅན་སྨིན་པའི་ཐབས་ཀྱང་རབ་ཏུ་སྒྲུབ་པར་བྱེད་དོ། །ཀྱེ་རྒྱལ་བའི་སྲས། དེ་བཞིན་དུ་བདག་ཅག་གིས་བསླབ་པར་བྱ་ཞིང ། འདི་ལྟ་སྟེ། སེམས་ཅན་གདུལ་བ་དང ། སེམས་ཅན་སྨིན་པ་དང ། བསྟན་པར་བྱ་བའི་ཕྱིར་དང ། དེ་ལ། རྒྱལ་བའི་
361b
སྲས་ཁྱེད་ཅག་།གང་འཁོར་གྱི་དཀྱིལ་འཁོར་འདིར་དམ་ཚིག་ཆེན་པོ་ལ་ཞུགས་པ་དེ་ཐམས་ཅད་ཀྱིས་མཉན་པར་བྱ། །དད་པར་བྱ། དེ་ཉིད་དགེ་བ་དང ། མི་དགེ་བ་འཚོལ་བ་ཉིད་དུ་བྱ་སྟེ། འདི་ལྟ་སྟེ། དེ་བཞིན་གཤེགས་པ་ཆོས་སྟོན་པ་ལ་མངོན་པར་དགའ་བར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་རྣམ་པར་བལྟས་ནས་ཅང་མི་སྨྲ་བར་གྱུར་ཏེ། སངས་རྒྱས་ཀྱི་ཆོས་རྣམས་ནི་བསམ་གྱིས་མི་ཁྱབ་བོ་ཞེས་ཡིད་ལ་བྱས་ནས་སངས་རྒྱས་ལ་རྣམ་པར་ལྟ་བཞིན་དུ་རང་གི་སྟན་ལ་འདུག་པར་གྱུར་ཏོ། །དེ་ནས་གསང་བ་བའི་བདག་པོ་ཕྱག་ན་རྡོ་རྗེས་ཐམས་ཅད་དང་ལྡན་པའི་འཁོར་དེ་ལ་རྣམ་པར་བལྟས་ནས་ཁྲོ་བོའི་རྒྱལ་པོའི་ཆོ་ག་ཡང་སྨྲས་པ། གང་དག་ལྷའི་ཚོགས་དང ། སེམས་ཅན་གྱི་ཁམས་ལ་བརྟེན་པའི་འབྱུང་པོའི་ཚོགས་ཁྱེད་ཅག་ཉོན་ཅིག་།དང་པོ་རེ་ཞིག་བསྲུང་བ་བྱས་ལ་ཁྲོ་བོའི་རྒྱལ་པོའི་རས་རིས་དེ་ཡོངས་སུ་བླངས་ལ། གནས་དབེན་པར་སོང་ནས་དབང་ཕྱུག་ཆེན་པོའི་རྟགས་གཅིག་པའི་གནས་སུ་རྟགས་དེ་ལ་དུག་དང ། ཁྲག་དང ། སྐེ་ཚེ་དང ། རང་སྐྱུར་གྱིས་གཏོར་ལ། ཤིང་པི་ཙུ་མར་དའི་མེ་ཏོག་གིས་མཆོད་ཅིང་མིའི་རྒྱུ་མ་རློན་པ་དག་གིས་བདག་ཉིད་ལ་མཆོད་ཕྱིར་ཐོགས་བྱས་ལ། མིའི་
362a
༄#། །མགོ་བོའི་ཐོད་པ་གཡས་པའི་ལག་ན་ཐོགས་པས་བརྡེགས་པ་ལྟ་བུར་བྱས་ལ་ལག་པ་གཡོན་པའི་སྡིགས་མཛུབ་ཀྱིས་མཚན་གཅིག་པོ་ལ་སྡིགས་བ་བཞིན་དུ་བྱེད་ཅིང ། གཙོར་ཁྲོ་བའི་དབང་དུ་གྱུར་པ་དང ། རྒྱལ་པོ་མ་རུངས་པས་བརྙས་པ་ཆེན་པོའི་སེམས་ཀྱིས་བྱས་པ་འམ། གཞན་སྐྱོན་ཅན་གྱི་སྐྱེས་བུ་ཕྱོགས་ཆེན་པོ་དང་ལྡན་པ་དང ། ནོར་ཆེན་པོ་དང་ལྡན་པ་དང ། རབ་ཏུ་གཏུམ་པ་ཆེན་པོ་དང ། གཙོ་བོ་ཆེན་པོ་དག་གིས་ཁྱད་དུ་གསོད་པར་འགྱུར་ན་སྒོ་བཅད་པ་བྱས་ལ་གཅེར་བུར་བྱས་ཤིང་སྐྲ་བཤིག་པས་དབང་ཕྱུག་ཆེན་པོའི་མཚན་ལ་ཁྲོ་བོའི་སྔགས་ཇི་སྲིད་དབང་ཕྱུག་ཆེན་པོའི་མཚན་དཀྱིལ་དུ་གས་པར་གྱུར་བ་དེ་སྲིད་དུ་བཟླས་པ་བྱའོ། ། དུམ་བུ་གཉིས་སུ་གྱུར་ན་ཡི་གེ་ཧཱུཾ་གི་སྒྲ་ཆེན་པོ་ཡང་ཐོས་པར་གྱུར་ཏེ། དེ་ལ་འཇིགས་པར་ཡང་མི་བྱའོ། །དེ་ཐོས་པའི་དབང་གིས་རྒྱལ་པོ་མ་རུངས་པའམ། གཞན་གང་ལ་ལ་དབུང་ཆེན་པོ་དང་ལྡན་པའི་དག་དེའི་མོད་ལ་རིམས་ཆེན་པོས་ཟིན་པར་འགྱུར་བའམ། སྲིན་པོ་ལ་སོགས་པ་མི་མ་ཡིན་པས་ཟིན་པར་འགྱུར་རོ། །དེ་ཉིད་ཇི་སྲིད་ཡུད་ཙམ་དུ་བཟླས་པ་བྱས་ན་དེའི་མོད་ལ་དགྲ་རྣམས་ཀྱིས་འཚོ་བ་ནི་མཐའ་མར་འཆི་བར་འགྱུར་རོ། །གལ་ཏེ་མཚན་མོ་བཟླས་ན་ནི་གཟའ་འཁོར་དང་བཅས་པ་འཇིག་པར་
362b
འགྱུར་རོ། །གཞན་ཡང ། ལས་སུ་འགྱུར་བ་ནི་དེ་བཞིན་དུ་དབང་ཕྱུག་ཆེན་པོའི་གནས་སུ་ཉི་མ་ཕྱེད་ལ་སོང་སྟེ། ནིམ་པའི་ལོ་མས་མཆོད་ཅིང་ཤ་ཆེན་པོའི་སྤོས་ཀྱིས་བདུགས་ལ།་ཇི་སྲིད་དགྲའི་ཁྱིམ་དུ་མེས་ཚིག་པའི་བར་དུ་བཟླས་པ་བྱས་ན་དགྲ་ཡང་འདར་བའི་རིམས་ཆེན་པོས་ཐེབས་པར་འགྱུར་རོ། །ཡང་ན་ཁྲོས་པས་བཟླས་པ་མ་བཏང་ཞིང་གཡས་ཕྱོགས་སུ་རྟགས་ཀྱང་ཡོད་ན་དགྲ་དེ་འཆི་བར་འགྱུར་ཞིང་རིགས་རྒྱུད་འཇིགས་པར་འགྱུར་རོ། །ཅི་སྟེ་སླར་གསོ་བར་བྱེད་ན་ནི་རྟགས་དེ་ཆུས་ཕྱིར་ཡང་རབ་ཏུ་བཀྲུས་ལ་ཤིན་ཏུ་བསིལ་བའི་འོ་མས་ཁྲུས་བྱས་ན་སླར་ཡང་སོས་པར་འགྱུར་རོ། །ལས་གཞན་ཡང་ཡོད་དེ། དབང་ཕྱུག་ཆེན་པོའི་མཚན་གཡས་ཕྱོགས་སུ་བཞག་ལ། པོ་སོན་ཆའི་ཤིང་དང ། ཚེར་མ་ཅན་གྱི་ཤིང་གིས་མེ་རབ་ཏུ་སྦར་ལ། ཤིང་པཱ་ཀང་ཏ་ཀའི་ཡམ་ཤིང་ལ་དུག་དང ། ཁྲག་དང ། སྐེ་ཚེ་ལ་མངོན་པར་བཏགས་ལ་སྟོང་རྩ་བརྒྱད་ཀྱི་སྦྱིན་སྲེག་བྱས་ན་དགྲ་ཐམས་ཅད་ནད་ཆེན་པོས་ཐེབས་པར་འགྱུར་ཏེ། ལས་ཐམས་ཅད་ཀྱིས་ཀྱང་ནུས་པ་མེད་པར་འགྱུར་རོ། །ཞག་གཉིས་པ་ལ་ནི་རིམས་ནད་ཆེན་པོ་དང ། ཟུག་གཟེར་ཆེན་པོས་ཐེབས་པ་འམ། ནད་རྣམ་པ་སྣ་ཚོགས་སམ། མི་མ་ཡིན་པས་ཟིན་ཅིང་མཐར་འཆི་བར་འགྱུར་རོ། །ཞག་གསུམ་པ་ལ་གྲངས་གསུམ་གྱིས་
363a
༄#། །བྱས་ན་ནི་འཚོ་བ་ཐམས་ཅད་ཀྱིས་ཐམས་ཅད་དུ་འདོར་བར་འགྱུར་རོ། །སླར་གསོ་བར་བྱེད་ན་ནིའོ་མའི་སྦྱིན་སྲེག་བྱས་ན་ཞི་བར་འགྱུར་ཞིང་ཡུལ་མི་ཐམས་ཅད་དང ། དགྲ་ཐམས་ཅད་ཀྱང་སོས་པར་འགྱུར་རོ། །དེ་བཞིན་དུ་ལྷ་ཐམས་ཅད་དམ། མ་མོ་ཐམས་ཅད་དམ། འབྱུང་པོ་ཐམས་ཅད་གང་ཞིག་གང་གི་ལྷ་ལ་དད་པ་དེ་རྐང་པས་མནན་པའི་ལས་བྱ་བ་འམ། ཡང་ན་དེའི་རྒྱུ་སྐར་རམ། སྔགས་སམ། མིང་དག་ལ་རྐང་པས་མནན་ལ་ལས་བྱས་ཏེ། དེ་བཞིན་གཤེགས་པའི་རིག་པ་ནི་མ་གཏོགས་ཏེ། ཐམས་ཅད་ཀྱིས་ཀྱང་ཞབས་ཀྱི་མཐེ་བོང་གཡོན་པ་བཟུང་སྟེ་ལས་བྱ་ཡི། མནན་པར་ཡང་མི་བྱ། །འགོམ་པར་ཡང་མི་བྱའོ། །གང་ཡང་འཇིག་རྟེན་པ་ཐམས་ཅད་ཀྱི་སྔགས་ནི་མནན་ནས་ལས་བྱའོ། །ཁྲོ་བོའི་རྒྱལ་པོའི་བཟླས་པ་མ་གྲུབ་པ་ཉིད་ཀྱང་བཟླས་པ་ཙམ་ཁོ་ནས་ལས་རྣམས་བྱེད་པར་འགྱུར།། སྔགས་ཐམས་ཅད་རྣམ་པར་འཇིག་པར་འགྱུར། །དགྲ་ཐམས་ཅད་འཇོམས་པར་འགྱུར། །སྔགས་ཐམས་ཅད་ནུས་པ་མེད་པར་འགྱུར་རོ། །མདོར་ན། འཇིག་རྟེན་དང ། འཇིག་རྟེན་ལས་འདས་པའི་སྔགས་ཀྱི་ཆོགས་ཀྱང་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་ཐམས་ཅད་སྒྲུབ་པར་འགྱུར། བཟླས་པ་ཙམ་གྱིས་རེ་བ་ཐམས་
363b
ཅད་ཡོངས་སུ་རྫོགས་པར་འགྱུར་རོ། །ཁྲོ་བོའི་རྒྱལ་པོའི་སྔགས་འདི་བཟླས་པ་ཙམ་ཁོ་ནས་གྲུབ་པ་ཉིད་དེ་གྲུབ་པ་དམ་པའང་རྗེས་སུ་རབ་ཏུ་སྦྱིན་ནོ། །ཡིད་ལ་འདོད་པས་དགྲ་རྣམས་འཇོམས་པར་བྱེད་དོ། །མདུང་རྩེ་ཆེན་བོའི་ཕྱག་རྒྱ་དང་ལྡན་པར་བྱས་ན་ལས་ཐམས་ཅད་བྱེད་པར་འགྱུར་རོ། །ལས་གཞན་དུའང་འགྱུར་པ་ནི་ཉི་མ་ཕྱག་ལ་དུར་ཁྱོད་དུ་སོང་སྟེ། སྲེག་པའི་སར་མཚན་གཅིག་སྨྱུང་བ་བྱས་ཏེ། མར་ངོའི་བཅུ་བཞི་ལ་དུར་ཁྲོད་ཀྱི་ཤིང་གིས་མེ་རབ་ཏུ་སྦར་ལ། དུག་དང ། ཁྲག་གིས་བཏགས་པའི་སྐེ་ཚེས་སྦྱིན་སྲེག་བྱས་ན་དེ་ལས་ཧ་ཧ་ཞེས་པའི་སྒྲ་སྒྲོགས་ཤིན་གྱི་དྭགས་ཐམས་ཅད་འོང་པར་འགྱུར་ན་འཇིགས་པར་མི་བྱ་ཞིང ། དགྲ་ལ་གནོད་པ་གྱིས་ཤིག་ཅེས་བྱས་ན་དེ་བཞིན་དུ་བྱའོ་ཞེས་སྨྲས་ནས་མི་སྣང་བར་འགྱུར་རོ། །དེ་ནས་ཡུད་ཙམ་གྱིས་དཔག་ཚད་སྟོང་དུ་ཡང་སོང་ནས་དགྲ་རྣམས་འཇོམ་པར་བྱེད་ཅིང་རིགས་རྒྱུད་ཀྱང་བརླག་པར་བྱེད་དོ། །དེ་ལ་སོགས་པའི་ལས་མང་པོ་བྱེད་པར་འགྱུར་རོ། །གཞན་ཡང ། ལས་སུ་འགྱུར་བ་ནི་དབེན་པའི་ཕྱོགས་གཙང་མར་གོས་གཙང་མ་བགོས་ཏེ་ཁང་སྟོང་དུ་རབ་ཏུ་ཞུགས་ནས་མིའི་རུས་པའི་སྲེག་བླུགས་ཀྱིས་སྟོང་རྩ་བརྒྱད་སྦྱིན་བསྲེག་བྱ་སྟེ། དེ་ནས་ཐལ་བ་དེ་ལག་པ་གཉི་གས་བླངས་ལ་གོས་གཙང་མའི་དུམ་བུ་ལ་སོ་སོར་བཅིངས་ཏེ་ཐུམ་པོ་གཉིས་སུ་བྱས་ལ། ཁམ་ཕོར་
364a
༄#། །ཁ་སྦྱར་གཉིས་ཀྱི་ནང་དུ་སོ་སོར་བཞག་ལ་བདག་ཉིད་སྲུང་བ་ཆེན་པོ་བྱས་ནས་རྫས་དེ་བླངས་ལ། ཁྱིམ་དུ་སླར་ཞུགས་ནས་མཚན་མོ་དུར་ཁྲོད་ཆེན་པོར་སོང་ནས་མར་ངོའི་བཅུ་བཞི་འམ། ཚེས་བརྒྱད་ལ་མི་སྲེག་པའི་སར་བཞག་ཅིང་ལྷོ་ཕྱོགས་སུ་བལྟས་ནས་ཁམ་ཕོར་ཁ་སྦྱར་གཉིས་བླངས་ལ། ལངས་ཤིང་གཅེར་བུར་བྱས་ཏེ་སྐྲ་བཤིག་པ་དང ། ཁྲོ་བ་དང་བཅས་པས་འཇིགས་པར་བྱས་ཏེ་རིག་པ་སྟོང་ཕྲག་བཅུ་བཟླས་པ་བྱས་ན་ཐལ་བ་དེ་གྲུབ་པར་འགྱུར་རོ། །མི་གང་སུ་དག་རྫས་དེ་སློང་པར་གྱུར་ན་སྦྱིན་པར་མི་བྱའོ། །གལ་ཏེ་ཚན་ཁར་སློང་བར་བྱེད་ན་ནི་ཁྲོ་བོའི་རྒྱལ་པོ་དྲན་ནས་ཡི་གེ་ཧཱུཾ་རབ་ཏུ་སྦྱར་བ་བྱས་ན་དེའི་མོད་ལ་འབྱེར་པར་འགྱུར་རོ། །བགེགས་ཐམས་ཅད་རྣམ་པར་འཇོམས་པར་ཡང་ཆོ་ག་འདི་ཉིད་དོ། །ལག་པ་གཡོན་པ་དང ། གཡས་པས་བླངས་པའི་ཐལ་བས་ནི་རྟགས་མཚན་བྱ་ཞིང ། བག་ཡོད་པས་བསྲུང་བའང་བྱས་ལ། ཐོ་རངས་ཉི་མ་འཆར་བའི་དུས་སུ་སླར་འོང་བར་བྱ་བ་ན་ཁྲུས་བྱས་ཤིང་གཙང་ཞིང་གཙང་བའི་གོས་བགོས་ཏེ་རང་གི་ཁྱིམ་དུ་འཇུག་པར་བྱ་སྟེ། རང་གི་གནས་ས་མ། ཇི་ལྟར་འདོད་པར་འགྲོ་བར་བྱའོ། །དེ་ནས་ལག་པ་གཡས་པ་གང་གིས་བླངས་པའི་ཐལ་བ་དེས་མི་དང ། རྐང་གཉིས་དང །
364b
རྐང་བཞི་དང ། སྲོག་ཆགས་འབྱུང་པོ་ཐམས་ཅད་དང ། ལྷ་དང་བཅས་པའི་ཀླུ་དང ། གནོད་སྦྱིན་རྣམས་ཀྱིས་སྤྱི་བོར་གཏོར་ན་དབང་དུ་འགྱུར་རོ། །གང་ལག་པ་གཡོན་པས་བླངས་པའི་ཐལ་བ་དེས་ནི་མིའི་བུད་མེད་ཐམས་ཅད་ཀྱི་སྤྱི་བོར་གཏོར་ན་དབང་དུ་འགྱུར་རོ། །ལག་པ་གཡས་པས་བླངས་པའི་ཐལ་བ་གང་ཡིན་པ་དེས་མི་རྣམས་ཀྱི་ལྟེ་བའི་ཕྱོགས་སམ།་ཕོ་མཚན་གྱི་ཕྱོགས་སུ་གཏོར་ན་གྲོང་བའི་ཆོས་བསྟེན་པ་ལ་ནུས་པ་མེད་པར་འགྱུར་རོ། །གང་ཞིག་བུད་མད་ལ་མངོན་པར་ཆགས་པ་དེའི་གསང་བའི་གནས་སུ་ཐལ་བའི་ཕྱེ་མས་གཏོར་ན་སྐྱེས་པ་གཞན་བརྟེན་པ་ལ་ནུས་པ་མེད་པར་འགྱུར་རོ། །སྐྱེས་བུ་གཞན་བརྟེན་པ་ལ་རྨ་མེད་པར་ཡང་འགྱུར་རོ། །ཇི་སྲིད་རང་གི་སྐྱེས་པ་ཉིད་ཐོབ་ན་ནི་ཕྱིར་ཡང་དེའི་རྨའི་སྒོ་དེ་རབ་ཏུ་འབྱུང་བར་འགྱུར་རོ། །འདོད་པས་ལོག་པར་གཡེམ་བསྟེན་པ་ལ་ཡང་ནུས་པ་མེད་པར་འགྱུར་རོ། །དེ་བཞིན་དུ་སྐྱེས་པ་ལ་ཡང་སྐྱེས་པའི་དབང་པོ་ལ་ལག་པ་གཡས་པས་ཐལ་བའི་ཕྱེ་མས་གཏོར་ན་དེ་ཡང་གཞན་གྱི་བུད་མེད་ལ་འགྲོ་བའི་ནུས་པ་མེད་པར་འགྱུར་ཏེ། ཡོངས་སུ་རྙིད་པ་བཞིན་དུ་དེ་ཉིད་འབྱུང་ཞིང་གནས་པར་འགྱུར་རོ། །ཇི་སྲིད་དུ་རང་གི་ཆུང་མ་དེ་ཉིད་དང་ཡང་ཕྲད་ན་ཕྱིར་ཡང་རྙིད་པ་མེད་པར་འགྱུར་རོ། །སྐྱེས་པ་འམ། བུད་མེད་གང་ལ་ཐལ་བ་གཏོར་བར་འགྱུར་བ་དེ་མེད་པར་
365a
༄#། །འགྱུར་བ་འམ་མེད་པར་མི་འགྱུར་བའོ། །ཡང་ན་ནི་ཇི་ལྟར་འདོད་པ་བཞིན་དུ་བྱེད་དོ། །གལ་ཏེ་ནན་གྱིས་བྱེད་ན་ནི་གསང་བའི་ཕྱོགས་སུ་སྲིན་བུ་རྣམས་རབ་ཏུ་འབྱུང་བར་འགྱུར་ཞིང ། དེ་དག་གིས་ཟོས་པ་ན་འཚོ་བ་ཡང་འགག་པར་འགྱུར་ལ། ཟླ་བ་གཅིག་གི་ནང་དུ་རུལ་བར་འགྱུར་ཏེ། དྲི་མི་ཞིམ་ཞིང་རོ་མྱངས་པར་འདྲ་བར་འགྱུར་རོ། །གཅིན་སྲི་བའི་ནད་ལ་སོགས་པས་སྐྱེས་བུ་ཟིན་པར་འགྱུར་ལ། སྐྲངས་ནད་ཆེན་པོའང་འབྱུང་བར་འགྱུར་ཏེ། གང་དེ་དག་གི་ནད་ཀྱིས་དུས་བྱེད་པར་འགྱུར་རོ། །ཡང་ན་གཞན་གྱིས་བུད་མེད་ལ། ་བསྟེན་པར་འདོད་ན་ཡང་ནུས་པ་མེད་པར་འགྱུར་རོ། །ཇི་ལྟར་ཇི་ལྟར་མངོན་པར་འདོད་པ་དེ་དག་ཐམས་ཅད་བྱེད་པར་འགྱུར་རོ། །གལ་ཏེ་གཏོར་བ་ཙམ་གྱིས་ཐལ་བ་དང་ཕྲད་པར་མ་གྱུར་ན་མཐོང་བ་འམ། མ་མཐོང་བ་ལ་ཡང་མཐུན་པའི་རླུང་དང་སྦྱར་ཏེ། ཐལ་པ་གཏོར་ཏེ།་དེ་ལ་ཐལ་བ་ཅུང་ཟད་ཀྱང་བབས་པར་འགྱུར་བ་འམ། གཏོར་བར་བྱེད་པས་ཡིད་ཀྱིས་བསམས་ཏེ་ཐལ་བ་གཏོར་ན། གང་བརྩམས་པར་འགྱུར་བ་དེ་དག་ཐམས་ཅད་ཀྱིས་ལས་རྣམས་བྱེད་པར་འགྱུར་རོ། །བདག་ཉིད་དམ། གཞན་གྱིས་ལག་པས། གཏོར་ན་ཇི་ལྟར་འདོད་པ་དེ་ཐམས་ཅད་ཀྱི་ལས་བྱེད་པར་འགྱུར་གྱི་གཞན་
365b
དུ་ནི་མ་ཡིན་ནོ། །ཅི་སྟེ་གནས་མལ་ལ་སོགས་པ་དང ། སྟན་དང ། གོས་ལ་སོགས་པ་རྣམ་པ་སྣ་ཚོགས་སམ། བཞོན་པ་དང ། ཐེག་པ་དང ། ལྷམ་དང ། གདུགས་ལ་སོགས་པ་ཡོ་བྱད་ཐམས་ཅད་དང ། ལྷག་མ་ནི་བཟའ་བ་དང ། བཏུང་བ་དང ། བཅའ་བ་ལ་སོགས་པ་དང ། ལུས་ཐམས་ཅད་ལ་དགོས་པའི་ཆ་བྱས་ཐམས་ཅད་དང ། མེ་ཏོག་དང ། སོ་རྩི་དང ། འབྲས་བུ་དང ། སྤོས་ལ་སོགས་པ་འདི་དག་ཐམས་ཅད་ལ་ཐལ་བའི་ཕྱེ་མས་གཏོར་ན་དགྲ་དེ་དག་ལུས་ལ་ཤིག་དང ། མ་ཀུན་ཏའི་སྲིན་བུ་རྣམས་ཀྱིས་ཀུན་ནས་ཁྱབ་པར་འགྱུར་ཏེ། ཤིང་ཇི་ལྟར་བ་བཞིན་དུ་ཟ་བར་འགྱུར་རོ། །རྨི་ལམ་ངན་པ་ཡང་མཐོང་བར་འགྱུར་རོ། །ཞག་བདུན་གྱིས་ཀྱང་འཆི་བར་འགྱུར་ཏེ། སྨན་པ་ཐམས་ཅད་དང ། ལྷ་ཐམས་ཅད་ཀྱིས་ཀྱང་བཟློག་པར་མི་ནུས་སོ། །སྔགས་ཐམས་ཅད་ཀྱིས་ཀྱང་བསྲུང་བར་མི་ནུས་ཏེ། གྲང་གིས་ཐལ་བ་གཏོང་བར་བྱེད་པ་ནི་མ་གཏོགས་སོ། །ཅི་སྟེ་སླར་གསོ་བར་བྱེད་ན་ནི་ཤིང་མངར་དང ། ུཏྤ་ལ་སྔོན་པོ་དང ། ཙནྡན་དཀར་པོ་གཅིག་ཏུ་བྱས་ལ་ཆུ་གྲང་མོ་ལ་བཏགས་ཏེ། དེ་ནས་སྤྱི་བོ་ནས་བཟུང་སྟེ། རྐང་བའི་མཐིལ་གྱི་བར་དུ་དེའི་ལུས་ལ་བྱུགས་ཤིང་འཕགས་པ་འཇམ་དཔལ་གྱི་རྩ་བའི་སྔགས་བཟླས་ན་སོས་པར་འགྱུར་རོ། །གཞན་ཡང ། བུད་མེད་རྣམས་ལ་
366a
༄#། །ལུས་སུ་བྱ་བ་ནི་མཐུན་པའི་རླུང་གི་ཕྱོགས་གང་དུ་འདོད་པ་དེར་སོང་ནས་བུད་མེད་མཁའ་འགྲོ་མ་མ་རུངས་པ་ང་རྒྱལ་ཅན་ཐམས་ཅད་ལ་ཡང་སྦྱོར་བ་བྱ་སྟེ་གཞན་ལ་ནི་མ་ཡིན་ནོ། །མཐུན་པའི་རླུང་ཡོད་པ་དེ་ཉིད་ལ་གནས་ནས། བཅོམ་ལྡན་འདས་ཡིད་ལ་བསམས་ཏེ་ཐལ་བ་གཏོར་ན་མོ་མཚན་དང ། ནུ་མ་ཐམས་ཅད་མི་སྣང་བར་འགྱུར་རོ། །སྐྱེས་པ་ལ་ཡང་ཁ་སྤུ་དང ། བ་སྤུ་མེད་པ་དང ། མོ་མཚན་དང ། ནུ་མ་ཡང་རབ་ཏུ་འབྱུང་བར་འགྱུར་རོ། །དེ་ལྟ་བུར་རྣམ་པ་མང་པོ་དུ་མའི་ལས་ཀྱང་བྱེད་པ་འམ། གཞན་བྱེད་དུ་གཞུག་པར་འགྱུར་རོ། །ཡང་ན་གང་དགའ་བ་སྐྱེ་བ་དེ་བྱེད་དུ་གཞུག་པར་འགྱུར་རོ། །བུད་མེད་དམ་སྐྱེས་པ་གང་ལ་སེམས་དགའ་བ་སྐྱེ་བ་དེ་ལ་ཐལ་བ་དེ་བྱིན་ན་ཇི་ལྟར་འདོད་པའི་ལས་བྱེད་དུ་འཇུག་པར་འགྱུར་རོ། །སྦྱོར་བའང་བསླབ་པར་བྱའོ། །དེ་ལྟར་ནད་ཆེན་པོ་དག་གིས་ཀྱང་འདེབས་སུ་གཞུག་པར་བྱའོ། །བཅོམ་ལྡན་འདས་ཡིད་ལ་བསམས་ནས། །ཐལ་བའི་ལག་པས་སྤྱི་བོ་ལ་རེག་ན་ཀླད་པ་ཟུག་གཟེར་སྐྱེ་བར་འགྱུར་རོ། །ཁ་ལ་རེག་པར་བྱས་ན་ཁའི་ནད་འབྱུང་བར་འགྱུར་རོ། །དེ་བཞིན་དུ་མཐར་གྱིས་སྙིང་གི་བར་དུ་རེག་པར་བྱས་ན་སྙིང་གི་ནད་དམ། ལྟོ་བའི་ནད་འབྱུང་བར་འགྱུར་རོ། །དེ་བཞིན་དུ་རྐང་པ་
366b
གཉིས་དང ། རྗེ་ངར་གཉིས་ལ་རེག་པར་བྱས་ན་ཡང་ཁྲག་ལས་བྱུང་བའི་ནད་ཁྲག་འཁྲུག་པ་ལ་སོགས་པའི་ནད་ཀྱིས་འདེབས་པར་བྱེད་པར་འགྱུར་རོ། །མདོར་ན། འཆི་བར་བྱེད་པ་དང ། དབང་དུ་བྱེད་པར་ཡང་འགྱུར་ཏེ། ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་དེ་ཐམས་ཅད་བྱེད་པར་འགྱུར་ཞིང ། གསད་པ་དང ། དགུག་པ་དང ། དབང་དུ་བྱེད་པར་ཡང་འགྱུར་རོ། །ཤིན་ཏུ་ཐག་རིང་པོ་ན་གནས་ཀྱང་ལས་ཐམས་ཅད་བྱེད་དོ། །མཁར་ཤིན་ཏུ་བགྲོད་དཀའ་བ་དང ། ཉེ་བ་མཐུན་པའི་རླུང་ཡོད་པར་གནས་པར་བྱས་ལ། ལག་པ་གཉིས་ཀས་ཐལ་བ་དེ་ཉིད་བླངས་ལ་ཡང་དག་པར་གཏོར་ན་ར་བ་དང ། སྒོ་ཁང་དང ། ཡང་ཐོག་ཀྱང་རབ་ཏུ་ལྟུང་བར་འགྱུར་ཏེ། མཁར་སྲུང་བ་ཡང་ལྟུང་བར་འགྱུར་ཞིང ། མེས་ཚིག་པ་ཆེན་པོ་ཡང་འབྱུང་བར་འགྱུར། །དཔུང་རྣམས་ཀྱང་འཇིག་པར་འགྱུར། རྣམ་པར་འཚེ་བ་ཆེན་པོས་ཀྱང་ཉེ་བར་འཚོ་བར་འགྱུར། ཐམས་ཅད་བོར་ནས་རབ་ཏུ་འབྱེར་བར་ཡང་འགྱུར། །ཡང་ན་སྐྱབས་སུ་མངོན་པར་འགྲོ་བར་འགྱུར། །དེ་ལྟར་གཞན་གྱི་དཔུང་ལ་ཡང་མཐུན་པའི་རླུང་ཡོད་པའི་ཕྱོགས་སུ་ཐལ་བ་གཏོར་ན། དཔུང་དང ། སྡེ་ཆེན་པོ་ཡང་འཇིག་པར་འགྱུར་ཞིང ། ཚིག་པ་ཆེན་པོ་འམ། ནད་ཀྱིས་འདེབས་པར་འགྱུར་བའམ། གླང་པོ་དང ། རྟ་དང །
367a
༄#། །ཤིང་རྟ་དང ། རྐང་ཐང་ལ་སོགས་པའི་སྡེ་དཔོན་ཡང་འཇིག་པར་འགྱུར་བའམ། སྐྱབས་སུ་མངོན་པར་འགྲོ་བར་འགྱུར་ཏེ། དེ་ལྟར་རྣམ་པ་དུ་མ་ཅི་འདོད་པ་རྣམས་ཀྱིས་དགྲ་རྣམས་འཇིག་པར་བྱ་བའི་ཕྱིར་ལས་བྱེད་པར་འགྱུར་རོ། །བདག་ཉིད་དང ། རང་གི་དཔུང་ངམ། གྲོགས་པོ་དག་ལ་ཡང་སྲུང་བ་ཆེན་པོའི་དོན་དུ་འགྱུར་རོ། །ཅི་སྟེ་སླར་གསོ་བ་བྱེད་ན་ནི་ཐམས་ཅད་དུ་འོ་མའི་ཟས་ཀྱིས་འཚོ་ཞིང་ཐམས་ཅད་ལ་རས་རིས་ཀྱི་མདུན་དུ་འོ་མའི་སྲེག་བླུགས་སྟོང་གིས་སྦྱིན་སྲེག་བྱས་ན་སོས་པར་འགྱུར་ཞིང་མི་སྣང་བར་ཡང་འགྱུར་རོ། །ཅི་སྟེ་གནོད་སྦྱིན་མོ་བསྒྲུབ་པར་འདོད་ན། །གར་བྱེད་འདུད་མ་རྗེ་བཙུན་མ། །ནམ་གྲུ་མར་ཡང་རྣམ་པར་གྲགས། མཛེས་མ་མུན་པ་སྣང་བྱེད་མ། །འོག་པག་མ་དང་འགོ་པག་བཟང ། །བརྒྱད་པོ་འདི་དག་གནོད་སྦྱིན་མོ། །འདོད་པ་ཐམས་ཅད་རབ་སྒྲུབ་པའོ། །གར་བྱེད་མའི་སྔགས་ནི། །ོཾ་ན་ཊི་མཧཱ་ན་ཊི་ཨཱ་གཙྪ་ཨཱ་གཙྪ། དི་བྱ་རཱུ་པ་ཎཱི་སཝཱཧཱ། འདིའི་ཆོ་ག་ནི་སྤང་ལེབ་བམ། རས་ལ་མངོན་པར་བྲིས་ལ་ཤ་འམ། འོ་མའི་ཟས་ཟ་ཞིང་རིག་པ་སྟོང་རྩ་བརྒྱད་བཟླས་པ་བྱ་ཞིང ། ་མྲའི་ཤིང་གི་རྩ་བར་གནས་ཤིང་རྒྱན་ཐམས་ཅད་ཀྱིས་བརྒྱན་པ། སྔོ་བསངས་སུ་གནས་པ་བྲི་བར་བྱའོ། །རོ་སྨད་གོས་གཅིག།
367b
པ།་སྐྲ་བཤིག་པ། མིག་གཉི་ག་དམར་པ། ཅུང་ཟད་བཞིན་འཛུམ་པ། ལག་པ་གཡས་པས་སྒྲུབ་པ་པོ་ལ་སྡིགས་མཛུབ་བྱེད་པ། ལག་པ་གཡོན་བས་ཤིང་གི་ཡལ་ག་འཛིན་པ། ཡན་ལག་ཐམས་ཅད་མཛེས་པ། དར་ལ་རྣམ་པ་སྣ་ཚོགས་ཀྱིས་གོས་བགོས་པ། ཁྲོ་བོའི་རྒྱལ་པོ་དེ་ཉིད་ཀྱི་རས་རིས་ཀྱི་མདུན་དུ་བདག་བྱང་དུ་མངོན་པར་བལྟས་ཏེ་འདུག་ལ་ཤིང་པ་ལ་ཤས་མེ་རབ་ཏུ་སྦར་ལ་གུ་གུལ་གྱི་རིལ་བུ་དག་ལ་ཞོ་དང ། སྦྲང་རྩི་དང ། མར་དག་གིས་བཏགས་ལ། དུས་གསུམ་དུ་ཞག་བདུན་གྱི་བར་དུ་སྦྱིན་སྲེག་སྟོང་རྩ་བརྒྱད་བྱས་ལ། དེ་ནས་ཞག་བདུན་པ་ལ་གཏོར་མ་རྒྱ་ཆེན་པོ་བྱས་ལ། མར་གྱི་མར་མེ་ཡང་རབ་ཏུ་སྦར་ལ། ཇི་སྲིད་ནམ་ཕྱེད་པ་དེའི་བར་དུ་བཟླས་པ་བྱས་ཏེ་འདུག་ན། དེའི་འོག་ཏུ་གནོད་སྦྱིན་མོ་དེ་རང་ཉིད་སྣང་བ་ཆེན་པོར་བྱས་ཏེ། རང་གི་གཟུགས་ཀྱིས་འོང་བར་འགྱུར་རོ། །འོངས་ནས་ཀྱང་སྨྲ་བར་བྱ་བ་ནི། ངས་ཅི་ཞིག་བྱ་ཞེས་སོ། །དེ་ནས་སྒྲུབ་པ་པོས་བརྗོད་པར་བྱ་བ་ནི་ཁྱོད་ངའི་ཆུང་མར་གྱིས་ཤིག་ཅེས་བྱའོ། །དེ་ལྟར་བགྱིའོ་ཞེས་བྱས་ནས་མི་སྣང་བར་འགྱུར་ཏེ། དེ་ནས་བཟུང་ནས་ཆུང་མར་གྱུར་ཏེ་རང་གི་གནས་སུ་ཁྱེར་ནས་འདོད་པ་ཐམས་ཅད་སྟེར་བར་བྱེད་ཅིང་བཅུད་ཀྱིས་ལེན་ཡང་རབ་ཏུ་སྟེར་བར་བྱེད་དེ། གང་འཐུངས་པས་
368a
༄#། །ལྷའི་གཟུགས་སུ་འགྱུར་ཞིང ། གནོད་སྦྱིན་ཆེན་པོ་དང་རབ་ཏུ་འགྲན་པར་འགྱུར་རོ། །གལ་ཏེ་མ་འོངས་ན་ནི་ལན་གཉིས་པ་ལ་ཁྲོ་བོའི་སྔགས་དང་ལྷན་ཅིག་བཟླས་པ་བྱས་ན་ངེས་པར་འོང་བར་འགྱུར་རོ། །གལ་ཏེ་མ་འོངས་ན་ནི་ཁྲོ་བོ་འཆོལ་པའི་རྒྱལ་པོས་འཆི་བར་འགྱུར་རོ། །འདུད་མའི་སྔགས་ནི་འདི་ཡིན་ཏེ། ཨོཾ་ན་ཊྚེ་ཤུ་ཀླཱ་མཱ་བ་ར་མཱ་ལྱ་དྷཱ་རི་ཎེ་མཻ་ཐུ་ན་པྲི་ཡེ་སཝཱཧཱ། འདིའི་ཆོ་གའང་འདི་ཉིད་དོ། །རྗེ་བཙུན་མའི་སྔགས་ནི་འདི་ཡིན་ཏེ། ཨོཾ་བྷ་ཊྚེ་བྷཊྚེ་ཨཾ་བ་ལོ་ཀི་ནི་ཀི་ཉྩི་རཱ་ཡ་སི། ཨེ་ཧྱེ་ཧི་འ་གྩྪ་ཨཱ་ག་ཙྪ་ཨཱ་ག་ཙྪ་མའ་མ་ཀཱ་རྱཾ་ཀུ་རུ་སཝཱ་ཧ། དེ་ཉིད་ཀྱིས་ནི་རས་རིས་མེད་ཀྱང་འགྲུབ་པར་འགྱུར་ཏེ། རིའི་རྩེ་མོར་དཀྱིལ་འཁོར་བྱས་ལ་གུ་གུལ་གྱི་དུ་བས་བདུགས་ཏེ། གཅིག་པུ་མི་སྨྲ་བར་གནས་ཤིང་གཙང་སྤྲ་བྱས་ཏེ་སྒོ་བཅད་ལ། རིག་པ་སྟོང་རྩ་བརྒྱད་བཟླས་པ་བྱས་ན་ཟླ་བ་གཅིག་གི་མཚན་མོ་ངེས་པར་འོང་བར་འགྱུར་ཞིང་འོངས་ནས་ཀྱང་འདོད་པ་སྤྱད་པ་བྱས་ན་ཆུང་མར་འགྱུར་ཞིང་འདོད་པ་ཐམས་ཅད་སྟེར་བར་འགྱུར་རོ། །གལ་ཏེ་དེ་ཁྱིམ་དུ་ཞུགས་ན་ནི་ལོ་སྟོང་ཕྲག་ལྔའི་བར་དུ་འཚོ་བར་འགྱུར་རོ། །གལ་ཏེ་མ་ཞུགས་ན་ནི་ཛམ་བུའི་གླིང་གི་ལོ་ལྔ་བརྒྱ་འཚོ་བར་འགྱུར་ཞིང་རྣམ་པར་སྤྱོད་པར་འགྱུར་རོ། །དེ་དང་ལྷན་ཅིག་རྩེ་བར་བྱེད་ཅིང་ལུང་
368b
ཐམས་ཅད་ལ་ཡང་དག་པར་འགྲུབ་པར་བྱེད་དོ། །དེ་དང་ལྷན་ཅིག་གང་དུ་འདོད་པ་དེར་འགྲོ་ཞིང་བཅུད་ཀྱིས་ལེན་རབ་ཏུ་སྦྱིན་པར་བྱེད་ལ། སྡུག་པའི་ཆུང་མ་བཞིན་དུ་ཕན་པའི་ལྷག་པའི་བསམ་པ་ཡང་རབ་ཏུ་བྱེད་དོ། །ནམ་གྲུ་མའི་སྔགས་ནི། ན་མཿ ་སརྦ་ཡཀྵི་ཎཱཾ། ཨོཾ་རཀྟེ་རཀ་ཏཱ་བ་བྷཱ་སི་རཀྟ་རཀྟ་ལེ་བ་ནི་སཝཱཧཱ། གནོད་སྦྱིན་མཆོག་ནི་ནམ་གྲུ་མ། སྦྱོར་བ་ལ་དགའ་རྗོད་པར་བྱེད། །ཅུང་ཟད་དམར་བའི་གོས་གྱོན་ཞིང ། །སྔོ་ཞིང་འཁྱིལ་བའི་སྐྲ་ཡང་ཡོད། །ཡན་ལག་ཀུན་མཛེས་གནོད་སྦྱིན་མོ། །འདོད་པ་སྤྱོད་ལ་རྟག་ཏུ་དགའ། འདོད་དང་ལོངས་སྤྱོད་རྟག་ཏུ་སྦྱིན། །མཆོག་སྦྱིན་པར་ནི་རྟག་ཏུ་སྟོན། །སྔ་མ་བཞིན་དུ་རས་ལ་མངོན་པར་བྲིས་ལ་འདིའི་ཁྱད་པར་ནི་འདི་ཡིན་ཏེ། དར་ལ་དམར་པོ་གྱོན་ཞིང་དར་ལ་དམར་པོས་སྟོད་གཡོགས་བྱས་ཤིང ། །ཁ་དོག་དམར་བར་ཡང་སྣང་བ་ཡིན་ནོ། །འོག་དཔག་མའི་སྔགས་ནི། །ོཾ་མེ་ཁ་ལེ་མ་ཧཱ་ ་ནཱི་མ་མ་ཀཱ་རྱཾ་སཾ་པཱ་ད་ཡ་སཝཱཧཱ། འོག་པག་མ་བཟང་མོའི་སྔགས་ནི། ཨོཾ་མེ་ཁ་ལེ་སུ་མ་ཁ་ལེ་མ་ཧཱ་ཡཀྵ་ཎཱི་སརྦ་ཨརྠ། སཱ་དྷ་ནི་ཧཱུཾ། ས་མ་ཡ་མ་ནུ་སྨ་ར་ཎེ་སཝཱཧཱ། སྣང་བ་མའི་སྔགས་ནི། ཨོཾ་ཨཱ་ལོ་ཀ་ནི་ལོ་ཀ་བ་ཏེ་སཝཱཧཱ། འདི་དག་གི་ཆོ་ག་ཡང་དེ་ཉིད་དོ། །མུན་པ་མཛེས་མའི་སྔགས་ནི། ཨོཾ་ཤྲཱི་ཎུ་གུ་ཧྱ་ཀེ་ཤྲཱི་ཎུ་གུ་ཧྱ་ཀེ་ཧྱེ་ཧི་གུ་ཧྱ་ཧི་གུ་ཧྱ་ཀེ་སཝཱཧཱ། འདིའི་
369a
༄#། །ཆོ་ག་ལ་ནི་རས་རིས་ཀྱི་ཆོ་ག་ནི་འདི་ལ་མེད་དོ། དང་པོར་རེ་ཞིག་གཙང་ཞིང་གོས་གཙང་མ་བགོས་ཏེ། ཟླ་བ་ཉ་བ་ལ་གནས་དབེན་བར་འདུག་ནས་སྒོ་བཅད་དེ་སྣང་བ་མེད་པར་མུན་པའི་གནས་སུ་རིག་པ་སྟོང་ཕྲག་བཅུ་བཟླས་ན་སྔོན་དུ་བསྙེན་པ་བྱས་པར་འགྱུར་རོ། །དེ་ནས་སྒྲུབ་པ་པོས་བརྩམ་པར་བྱ་བ་ནི་ཟླ་བ་ཉ་ནས་བརྩམས་ནས་ཟླ་བ་ཉ་གཉིས་པའི་བར་འདིར་ལས་སུ་བྱ་བ་ནི། མཚན་མོ་ཉལ་བའི་དུས་སུ་མལ་དུ་འདུག་ནས་མི་སྣང་ཞིང་དབེན་པའི་ས་ཕྱོགས་སུ་གཅིག་པུ་སྒོ་བཅད་ལ། དོང་ཀ་དང ། བཱ་ན་ཀའི་མེ་ཏོག་ལེགས་པར་ཁ་འབུས་པ་ཡུངས་མར་དང་བསྲེས་པས་ལག་པ་དང ། རྐང་པར་བྱུགས་ལ། ལག་པ་གཡས་པ་ལ་བརྒྱ་རྩ་བརྒྱད་མངོན་པར་སྔགས་པ་བྱས་ཏེ། མི་སྨྲ་བའི་དཀའ་ཐུབ་ཀྱིས་བཟླས་པ་བྱའོ། །དེ་བཞིན་དུ་ཉིན་རེ་ཞིང་མ་ཆད་པར་ཟླ་བ་ཉ་བའི་བར་དུ་བྱས་ན། དེ་ནས་མཚན་ཕྱེད་ཙམ་ན་ངེས་པར་འོང་བར་འགྱུར་རོ། །འོངས་ནས་ཀྱང་མི་སྨྲ་བར་བྱ་ཞིང་ཅང་མི་སྨྲ་བར་གྱུར་པས་འདོད་པ་བསྟེན་པར་བྱའོ། །གང་གི་ཚེ་ཟླ་བ་དྲུག་ན་སྨྲ་བ་དེའི་ཚེ་སྨྲ་བར་བྱ་སྟེ། དེ་ནས་བཟུང་ནས་ཆུང་མར་འགྲུབ་པར་འགྱུར་ཏེ། འདོད་པ་ཐམས་ཅད་སྟེར་བ་དང ། འདི་ལ་ལྷའི་རེག་པ་བཟང་པོ་ཡང་སྦྱིན་པར་བྱེད་དོ། །ཉིན་པར་མ་
369b
མཐོང་བ་ཁོ་ནར་ཡང་ལས་ཐམས་ཅད་སྒྲུབ་པར་བྱེད་དོ། །རོ་དང ། བཅུད་ཀྱིས་ལེན་པ་རྣམས་ཀྱང་རབ་ཏུ་སྟེར་བར་བྱེད་དོ། །རྒྱབ་ཏུ་ཞོན་ན་ནི་རི་རབ་ཏུ་ཡང་ཁྱེར་བར་བྱེད་དོ། ། མཚན་མོ་ཛམ་བུའི་གླིང་ཀུན་ཏུ་ཡང་འཁོར་བར་བྱེད་དོ། །དཔག་ཚད་བརྒྱ་ན་ཡོད་པའི་དགྲ་དེ་དག་ཀྱང་འཇོམས་པར་བྱེད་དོ། །ཇི་སྐད་བསྟན་པ་དེ་ཐམས་ཅད་སྒྲུབ་པར་བྱེད་དོ། །གཞན་གྱི་བུད་མེད་ལ་འགྲོ་བ་ནི་མ་གཏོགས་སོ། །གཞན་གྱི་བུད་མེད་ལ་འགྲོ་བར་བྱེད་པའི་ཆོ་ག་ནི་འདི་དག་ཐམས་ཅད་ལ་ཡང་སྦྱར་ཏེ། དེ་ཉིད་དང ། ལྷན་ཅིག་ཡང་དག་པར་བསྟེན་པར་བྱའོ། །གལ་ཏེ་གཞན་གྱི་བུད་མེད་ལ་འགྲོ་བར་གྱུར་ན་ནི་འཆི་བ་སྐྱེད་པར་ཡང་འགྱུར་རོ། །འདི་ནི་མུན་ནག་མཛེས་མ་ཞེས་བྱ་བ་གནོད་སྦྱིན་མོ་སྟོང་ཕྲག་དུ་མས་ཡོངས་སུ་བསྐོར་བསད་སྒྲུབ་པ་པོས་འགྲུབ་པར་གྱུར་ན་ཉིན་ཏེ་ཞིང་གནོད་སྦྱིན་མོའི་བྲན་མོ་རེ་རེ་གཏོང་བར་བྱེད་དོ། །བློན་པོའི་འཁོར་དུ་མ་དང་ལྡན་པ་དང།་གནོད་སྦྱིན་མོ་ཐམས་ཅད་ནའང་རྫུ་འཕྲུལ་ཆེ་བ་དང ། མུན་པས་བསྐོར་བ་འདི་དག་ཐམས་ཅད་ཀྱང་ཆོ་ག་ཐ་དད་མ་ཡིན་མོད་ཀྱི་འོན་ཀྱང་ཀྱང་གཞན་དེ་དག་ནི་མཐོང་བར་འགྱུར་རོ། །མུན་ནག་ཆེན་པོ་ན་གནས་པ་ཞེས་བྱ་པའི་གནོད་སྦྱིན་མོ་རྫུ་འཕྲུལ་ཆེ་བ་དང ། ཕུག་གནས་མ་དང ། མིའི་དཔའ་མོ་དང ། གཞོན་ནུ་མ་
370a
༄#། །འཇིག་རྟེན་རྣམ་པར་གྲགས་པ་དང ། མནའ་མ་གནོད་སྦྱིན་མོ་དང ། ཡིད་དུ་འོང་བ་དང ། བདུན་པ་ལྷ་མཛེས་མ་དང ། འདི་དག་ནི་གནོད་སྦྱིན་མོ་བདུན་དག་སྟེ། སེམས་ཅན་རྣམས་རྗེས་སུ་འཛིན་པར་བྱེད་པའོ། །ས་རྣམས་མ་ལུས་དག་ཏུ་ནི། །འཇིག་རྟེན་འདིར་ནི་ཡོངས་སུ་རྒྱུ། །ཅུང་ཟད་ཀྱི་ནི་དུས་དག་ཏུའང་།། ལྷ་ཡི་གནས་སུའང་འགྲོ་བར་བྱེད། །ལྷ་དང་ལྷ་མིན་གཡུལ་དག་ཏུའང ། །རྫུ་འཕྲུལ་ཆེན་པོས་འཐོབ་པར་བྱེད། །ཆོས་ལྡན་སྙིང་ནི་བརྩེ་བ་དང ། །སེམས་ཅན་འདོད་ཅིང་མཉེས་གཤིན་བཟང ། །སེམས་ཅན་ཕན་པའི་འདོད་དོན་དུ། །ས་སྟེང་དག་ཏུ་ཡོངས་སུ་རྒྱུ། །དེ་ལ་བསྒྲུབ་དཀའ་ཅུང་ཟད་མེད། །དགེ་བའི་ལས་རྣམས་མ་ལུས་བྱེད། །སེམས་ཅན་ལོངས་སྤྱོད་དོན་དུ་ནི། །བྱང་ཆུབ་སེམས་དཔས་བཤད་པ་ཡིན། །ཕུག་གནས་མའི་སྔགས་ནི། །ོཾ་གུ་ཧི་ལི་གུ་ཧ་པ་ཏི་གུ་ཧ་བཱ་སི་ནི་ཨཱ་ན་ཡ་བྷ་ག་བ་ཏི་མ་མཱ་ཏི་ཀཾ་ས་མ་ཡ་མ་ནུ་སྨ་ར་སཝཱཧཱ། སེང་ལྡེང་གིས་མེ་རབ་ཏུ་སྦར་ལ་པྲི་ཡང་ཀུའི་མེ་ཏོག་ལ་མར་གྱིས་བཏགས་ཏེ་ཟླ་བ་གཅིག་གི་བར་དུ་དུས་གསུམ་དུ་སྦྱིན་སྲེག་སྟོང་རྩ་བརྒྱད་བྱས་ན་སྔོན་དུ་བསྙེན་པ་བྱས་པར་འགྱུར་རོ། །དེ་ནས་དེའི་འོག་ཏུ་སྒྲུབ་པ་བརྩམ་པར་བྱས་ཏེ། དང་པོར་རེ་ཞིག་བྱང་བུ་འམ། རས་སམ། རྩིག་པ་ལ་ཚོན་མ་འདྲེས་པ་སྣོད་
370b
གསར་བ་དག་གི་ནང་དུ་བཅུག་པའི་བིར་དག་གིས་རིའི་རྒྱལ་པོ་རི་རབ་ཟུག་ཞི་དང ། རྩེ་མོ་གཞི་དང་ལྡན་པ་རི་བདུན་གྱི་ཕྲེང་བས་ཡོངས་སུ་བསྐོར་བ། རི་དེ་དག་གི་མཐའ་མར་རི་བོ་དག་ལ་བརྟེན་པའི་ཕུག་ཀུན་ཏུ་བྲི་བར་བྱའོ། །དེར་གནས་པ་ལྷའི་གཟུགས་དང་ལྡན་པ། །རྒྱན་ཐམས་ཅད་ཀྱིས་བརྒྱན་ག། གིག་བུ་གནོད་སྦྱིན་མ་ཕུག་གནས་མ་ཞེས་བྱ་བ་རོ་སྨད་དར་ལ་གོན་པ། སྟོད་གཡོག་དར་ལ་གྱོན་པ་གསེར་གྱི་མདོག་ཅན་རྣམ་པ་སྣ་ཚོགས་གཟུགས་མཛེས་པ་བྲི་བར་བྱ་སྟེ། དེ་ལྟ་བུའི་རས་རིས་བྲི་བར་བྱའོ། །གཙང་བའི་གནས་སུ་གཙང་བས་འོ་མའི་ཟས་ཀྱིས་འཚོ་ཞིང ། རིག་པ་སྟོང་ཕྲག་བཅུ་བཟླས་པ་བྱ་སྟེ། ཅི་ནུས་པའི་མཆོད་པ་ཆེན་པོ་བྱས་ན་བཟླས་པའི་ཐ་མར་ལྷའི་གཟུགས་དང་ལྡན་པའི་གནོད་སྦྱིན་མོ་སྣང་བ་ཆེན་པོ་དང ། ལྡན་པར་བྱས་ནས་རང་ཉིད་འོང་བར་འགྱུར་རོ། །འོངས་པ་ན་སྣ་མའི་མེ་ཏོག་དང ། ཙནྡན་དཀར་པོ་བསྲེས་ནས་མཆོད་ཡོན་དབུལ་བར་བྱའོ། །དེ་ནས་དེས།་བུ། ཅི་ཞིག་བྱ་ཞེས་སྨྲ་བར་བྱེད་དོ། །དེས་སྨྲ་བར་བྱ་བ་ནི་བདག་གི་མར་མཛོད་ཅིག་ཅེས་སོ། །དེ་བཞིན་དུ་བྱའོ་ཞེས་བྱས་ནས་མི་སྣང་བར་འགྱུར་རོ། །དེ་ལ་སེམས་འགྱོད་པར་ན་མི་བྱ་སྟེ། དེ་ལ་འདོད་པ་དང་ལྡན་པ་ཡང་དོན་དུ་གཉེར་པར་ཡང་མི་བྱའོ། །དེ་ལ་འཕགས་མ་རྫུ་འཕྲུལ་ཆེ་བ་དོན་དུ་གཉེར་ན་འགྲུབ་པར་འགྱུར་ཏེ། དེ་ཕན་ཆད་དེ་ལ་མ་
371a
༄#། །དང་འདྲ་བར་བྱ་བ་ཐམས་ཅད་བྱེད་པར་འགྱུར་རོ། །འཁོར་བརྒྱད་བརྒྱ་དང་བཅས་པ་ལ་ཟས་དང ། གོས་རབ་ཏུ་སྟེར་བར་འགྱུར་རོ། །གནས་ཡ་ང་བ་ལས་ཀྱང་སྐྱོབ་པར་བྱེད་དོ། །དགོན་པ་ཆེན་པོ་དང ། རིའི་སྟེང་དུ་གནས་ན་ཡང་ལས་ཐམས་ཅད་ཡང་དག་པར་སྒྲུབ་པར་བྱེད་དོ། །བཟའ་བ་ཅི་འདོད་པ་ཡང་རབ་ཏུ་སྦྱིན་ནོ། ། རོ་དང ། བཅུད་ཀྱིས་ལེན་ལ་སོགས་པ་ཐམས་ཅད་ཀྱང ། རབ་ཏུ་སྦྱིན་ཞིང་ཅི་འདོད་པ་ཡང་རྗེས་སུ་སྒྲུབ་པར་བྱེད་དོ། ཁང་པ་དང ། ཁང་པ་རྩེག་མ་ཡང་མངོན་པར་སྤྲུལ་པར་བྱེད་དོ། །གསེར་སྟོང་ཕྲག་ཀྱང་ཉིན་རེ་ཞིང་རབ་ཏུ་སྦྱིན་པར་བྱེད་དོ། །དེ་ཉིད་ཀྱི་ཉིན་པར་ཐམས་ཅད་ཟད་པར་བྱས་ཏེ། གལ་ཏེ་མི་བྱེད་ན་རྣམ་པར་ཆད་པར་འགྱུར་རོ། །ཐམས་ཅད་ཀྱི་ཐམས་ཅད་དུ་མེད་པར་འགྱུར་རོ། །གཞན་ཡང ། འདིའི་ལས་ནི་རས་རིས་འདི་ཉིད་ཀྱི་མདུན་དུ་སེང་ལྡེང་གི་མེ་རབ་ཏུ་སྦར་ལ། འབར་བ་དང ། དུ་བ་དང་བྲལ་བའི་མདག་མ་ལ་ལག་པ་གཡས་པའི་མཐིལ་དུ་ལྡོང་རོས་ཀྱིས་གཟུགས་བརྙན་དུ་བྲིས་ཏེ། སྐྱེས་པ་འམ། བུད་མེད་ཀྱི་མིང་ལག་པ་གཡོན་པའི་མཐིལ་དུ་བྲིས་ལ། མེ་མདག་གི་ཕུང་པོ་དེ་ལ་བདུགས་ཤིང་སྔགས་བཟླས་པ་བྱས་ན་དཔག་ཚད་བརྒྱན་གནས་ཀྱང་འོང་བར་འགྱུར་ཏེ། གང་སྨྲས་པ་དེ་ཐམས་ཅད་བྱེད་དུ་འཇུག་པར་འགྱུར་རོ། །ཐོ་
371b
རངས་ནི་དེ་ཉིད་དུ་ཁྱེར་བར་འགྱུར་རོ། །ལས་འདི་ཉིད་\?\་ནི་མཚན་མོ་བྱ་བ་ཡིན་གྱི་ཉིན་པར་ནི་མ་ཡིན་ནོ། །མི་དཔའ་མོའི་སྔགས་ནི། ཨོཾ་ན་ར་བའི་རེ་སཝཱཧཱ། དེ་བཞིན་དུ་འདིའི་རས་རིས་ཀྱང་བྲི་བར་བྱ་སྟེ། ཕུག་གི་གནས་ནི་མ་གཏོགས་ཏེ། ཤིང་མྱ་ངན་མེད་ལ་བརྟེན་པ་བྲི་བར་བྱ་ལ། འདིའི་ཁྱད་པར་ནི་འདིའོ། །ལས་གཞན་ཐམས་ཅད་ནི་ཕུག་གནས་མ་དེ་བཞིན་དུ་བྱའོ། །འདི་ལ་སྲིང་མོ་ཞེས་ཀྱང་བརྗོད་པར་བྱའོ། །འདི་ལ་ལས་གཞན་ཡང་ཡོད་དེ། ཟླ་བ་གཟས་ཟིན་པ་ལ་བཙག་ཡུག་སྣམ་གྲོ་བ་ལ་གཏུམས་ཏེ་ཁར་བཅུག་ནས་ཇི་སྲིད་ཟླ་བ་གཟས་བཏང་གི་བར་དུ་བཟླས་ན། དེ་ནས་བཙག་ཡུག་སྣམ་གྱི་བུད་མེད་དམ། སྐྱེས་པ་གང་གི་མིང་བྲིས་པ་དེ་དཔག་ཚད་བརྒྱན་གནས་ཀྱང་དེ་ནས་འོང་བར་བྱེད་དོ། །ཐོ་རངས་ནི་དེ་ཉིད་དུ་ཁྱེར་བར་བྱེད་དོ། །སྲིང་མོ་བཞིན་དུ་བྱ་བ་རྣམས་ཀྱང་བྱེད་དོ། །ཕོངས་པའི་དུས་སུ་ཡང་སྲུང་བ་ཆེན་པོ་བྱེད་དོ། །བཟླས་པ་ཙམ་གྱིས་བུད་མེད་ཐམས་ཅད་དབང་དུ་བྱེད་པར་འགྱུར་རོ། །མིའི་དཔའ་མོའི་ཆོ་ག་ནི་འདིའོ། །གནོད་སྦྱིན་གཞོན་ནུ་མའི་སྔགས་ནི། ཨོཾ་ཡཀྵ་ཀུ་མཱ་རི་ཀེ་སཝཱཧཱ། འདིའི་ཆོ་ག་ནི་གྲོ་བ་ལ་གི་ཝང་གིས་བྲི་བར་བྱ་སྟེ། གཞོན་ནུ་མ་མགོའི་སྐྲ་ཕྱེད་བཅིངས་པ། རྒྱན་ཐམས་ཅད་ཀྱིས་བརྒྱན་པ། གོས་གཅིག་པ། ལག་པ་གཡས་པ་ན་མ་དུ་ལུང་གའི་འབྲས་བུ་འཛིན་པ། ལག་པ་གཡོན་པས་ཤིང་མྱ་ངན་
372a
༄#། །མེད་ལ་འཛིན་པ། དེ་ལྟ་བུ་གྲོ་བའི་འདབ་མ་མགོའི་གནས་ཀྱི་སྟེང་དུ་གཞག་པར་བྱས་ནས་དགོན་པའི་ཕྱོགས་སུ་གཅིག་པུ་ཉལ་བར་བྱས་ཏེ། ཙནྡན་དཀར་པོའི་ལྡེ་གུས་དཀྱིལ་འཁོར་བྱས་ལ་དུས་གསུམ་དུ་སྣ་མའི་མེ་ཏོག་གིས་གཅལ་བཀྲམ་པར་བྱས་ལ། གུ་གུལ་གྱི་བདུགས་པས་བདུགས་ནས་རིག་པ་སྟོང་རྩ་བརྒྱད་ཟླ་བ་གཅིག་གི་བར་དུ་བཟླས་ཏེ། དེ་ནས་ཟླ་བ་ཉ་བ་ལ་སྣ་མའི་མེ་ཏོག་གིས་མཆོད་པ་ཆེན་པོ་བྱས་ལ། མར་གྱི་མར་མེ་དང ། ལྷ་བཤོས་ཀྱང་ཕུལ་ནས་ཀུ་ཤའི་ཁྲེས་ལ་ཉེ་བར་འདུག་ནས། ཇི་སྲིད་དུ་རྣམ་ཐོས་སྲས་ཀྱི་བུ་མོ་རང་གི་གཟུགས་ཉིད་ཀྱིས་གཞོན་ནུ་མ་ལྔ་བརྒྱས་ཡོངས་སུ་བསྐོར་བ་འོང་ཞིང་ཕྱོགས་དེ་ཐམས་ཅད་སྣང་བར་བྱས་ནས་རང་གི་གཟུགས་ཀྱིས་ནམ་མཁའ་ལ་འདུག་པར་འགྱུར་ཞིང ། དེ་ཡང་འདི་སྐད་དུ་བདག་གིས་ཅི་ཞིག་བྱ་ཞེས་སྨྲས་པ་དང ། དེ་ནས་སྒྲུབ་པ་པོས་སྨྲ་བར་བྱ་བ་ནི་མཆོག་གསུམ་ལས་གང་ཡང་རུང་བ་གཅིག་དོན་དུ་གཉེར་བར་བྱ་བ་ནི་མ་ཉིད་དང ། སྲིང་མོ་ཉིད་དང ། ཆུང་མ་ཉིད་དོ། །གལ་ཏེ་མར་གྱུར་ན་ནི་སེམས་ལ་འགྱོད་པར་མི་བྱ་སྟེ། འགྱོད་ན་ནི་རྣམ་པར་འཇིག་པ་འབྱུང་བར་འགྱུར་བསམ་བཞིན་དུ་བསྒྲུབ་པར་བྱའོ། །མ་དེས་ཀྱང་བསམས་པ་ཙམ་གྱིས་འཁོར་ལྔ་བརྒྱ་དང་བཅས་པའི་ཟས་དང ། གོས་དང ། རྒྱན་གྱི་ཁྱད་པར་
372b
ཐམས་ཅད་ཡང་དག་པར་སྒྲུབ་པར་བྱེད་དོ། །ཉིན་རེ་ཞིང་ཡང་ཏི་ན་ར་སྟོང་སྟེར་བར་འགྱུར་ཞིང ། གལ་ཏེ་འཛམ་བུའི་གླིང་ཐམས་ཅད་དུ་རྣམ་པར་རྒྱུན་ཡང་ཐམས་ཅད་ཡང་དག་པར་སྒྲུབ་པར་བྱེད་དོ། །གང་གི་ཚེ་སྲིང་མོར་གྱུར་ན་ཡང་དེའི་ཚེ་དཔག་ཚད་བརྒྱ་ལས་ཀྱང་བུད་མེད་འགུགས་པར་བྱེད་ཅིང་དེ་ཉིད་དུ་ཡང་ཁྱེར་བར་བྱེད་དེ། སྲིང་མོའི་ལས་ཐམས་ཅད་ཀྱང་ཡང་དག་པར་སྒྲུབ་པར་བྱེད་དོ། །ཅི་སྟེ་ཆུང་མར་གྱུར་ན་རང་གི་ཁྱིམ་དུ་ཁྱེར་ཞིང་ལོ་སྟོང་དུ་འཚོ་བར་ཡང་བྱེད་དོ། །གང་གི་ཚེ་འཆི་བར་གྱུར་པ་དེའི་ཚེ་ཡང་རིགས་བཟང་པོར་སྐྱེ་བར་འགྱུར་ཏེ། ངག་ཐམས་ཅད་ཀྱང་ཆུང་མ་བཞིན་དུ་ཡང་དག་པར་སྒྲུབ་པར་བྱེད་དོ། །ཆུང་མ་གནོད་སྦྱིན་མའི་སྔགས་ནི། ཨོཾ་ནིཿ ། ཆུང་མ་གནོད་སྦྱིན་མོ་འདིའི་ཆོ་ག་ནི་ཙནྡན་དཀར་པོའི་ལྡེ་གུས་ལག་པ་གཡས་པ་དང ། གཡོན་པ་གུར་གུམ་གྱི་ལྡེ་གུས་ཉེ་བར་བྱུགས་ལ་ལན་སྟོང་དུ་མངོན་པར་སྔགས་པ་བྱས་ནས་མཚན་མོ་གཅིག་པུ་མི་སྨྲ་བའི་དཀའ་ཐུབ་དང ། དབེན་པའི་ས་ཕྱོགས་སུ་སྒོ་གཅད་ལ། བ་རུ་རའི་འབྲས་བུ་ལྔ་འམ། བརྒྱད་ཏིལ་མར་གྱི་ནང་དུ་བཅུག་ལ་བཅས་ཏེ། ཏིལ་མར་དེ་ལས་བ་རུ་རའི་འབྲས་བུ་བླངས་ནས་དེ་ལ་ཡོངས་སུ་བཟླས་ཏེ། གསེར་དང ། དངུལ་དང ། ཟངས་མ་དང ། ས་ལས་བྱས་པའི་སྣོད་སར་པ་ལ་བཅུག་ནས་ཉལ་བའི་རྐང་པའི་མཐར་བཞག་ལ་གནོད་སྦྱིན་འདི་
373a
༄#། །ཉིད་ཀྱི་སྔགས་ཡི་གེ་གཅིག་པ་སྟོང་གིས་མངོན་པར་སྔགས་པ་བྱས་ནས། གནས་དབེན་ཞིང་མུན་པའི་ཕྱོགས་སུ་མེ་ཏོག་གིས་གཅལ་བཀྲམ་པ་ལ་ཉལ་བར་བྱས་ན། མི་མ་ཡིན་པ་འོངས་ནས་རྐང་པ་གཉིས་ལ་ལྷའི་བདེ་བའི་རེག་པ་འཇམ་པའི་ལག་པའི་མཐིལ་གྱིས་བསྐུ་ཞིང་བྱུག་པར་བྱེད་དོ། །གང་གིས་རེག་པ་ཙམ་གྱི་ལྷའི་བདེ་བའི་རེག་པས་གཉིད་འབྱུང་བར་འགྱུར་རོ། །གང་གི་ཉི་མ་ཤར་ན་ཡང་མཚན་མོའི་མཐར་དཀའ་བས་གཉིད་སད་པར་འགྱུར་ཏེ། རབ་ཏུ་སད་ན་ཡང་དེ་ཉིད་སེམས་པར་འགྱུར་ཏེ། དེ་དང ། ལྷན་ཅིག་འདོད་པ་སྤྱད་པར་ཡང་མི་བྱ། སྨྲ་བར་ཡང་མ་བྱས་ན་ཟླ་བ་དྲུག་གིས་འགྲུབ་པར་འགྱུར་རོ། །དེ་ནས་དེ་ལྷའི་གཟུགས་དང་ལྡན་པའི་བག་མ་སར་པ་འདྲ་བ། གཡོག་འཁོར་གྱིས་ཡོངས་སུ་བསྐོར་བ། ལག་ན་མར་མེ་ཐོགས་པ། འཇིག་རྟེན་རྣམས་འོད་བཟང་པོ་དག་གིས་གསལ་བར་བྱས་པ། མལ་སྟན་ཡོངས་སུ་འཛིན་པ། རྒྱན་སྣ་ཚོགས་འབར་བ་དང་ལྡན་པ་འོངས་ནས་ཀྱང་ཚིག་རྗོད་པར་བྱེད་ལ། འདོད་པ་ལ་ལོངས་སྤྱོད་པའི་ཡོ་བྱད་ཡོངས་སུ་འཛིན་པ་འོངས་ནས་ཀྱང་སྒྲུབ་པ་པོ་ལ་མགུལ་པ་ནས་འཁྱུད་པར་བྱེད་དོ། །དེ་ནས་བཟུང་ནས་ཆུང་མ་སྡུག་པ་བཞིན་དུ་རྗེས་སུ་མཐུན་པར་བྱེད་དོ། །འོངས་ན་ཡང་འདོད་པ་ལ་བརྟེན་པར་བྱའོ། །མཚན་མོ་
373b
ཡོངས་སུ་སྤྱད་ནས་ཐོ་རངས་མི་སྣང་བར་འགྱུར་ཏེ། གསེར་སྲང་སྟོང་རི་བའི་མུ་ཏིག་གི་ཕྲེང་བ་མལ་དུ་ཉིན་རེ་ཞིང་ཡོངས་སུ་བོར་ནས་འགྲོ་བར་ཡང་བྱེད་དོ། །ལྷག་མ་མ་ལུས་པར་ཐམས་ཅད་ཉིན་རེ་ཞིང་ཟད་པར་བྱས་ཏེ། གལ་ཏེ་ཅུང་ཟད་འཇོག་པར་བྱེད་ན་ཡང་ཡོད་པར་མི་འགྱུར་རོ། །སུ་ལ་ཡང་བརྗོད་པར་མི་བྱ་སྟེ། གལ་ཏེ་བརྗོད་པར་བྱེད་ན་ཕྱིར་འོང་བར་མི་འགྱུར་རོ། །ཡང་ན་འཆི་བའི་མཐའི་བར་དུ་ཕུང་ཁྲོལ་བྱེད་པར་འགྱུར་རོ། །འདི་དག་ནི་མཆོག་ཏུ་གསང་ཞིང་མཆོག་ཏུ་སྦ་བར་བྱ་བ་སྟེ། སེམས་ཅན་གཉིས་པ་ལ་བརྗོད་པ་ནི་བཟོད་པ་མ་ཡིན་ཏེ། ཐ་ན་མ་དང ། ཕ་དང ། གཉེན་གཤེས་དང ། བདག་པོ་ལ་ཡང་སྨྲ་བར་མི་བྱའོ། །དུད་འགྲོའི་སྐྱེ་གནས་སུ་སོང་བའི་ཕྱུགས་ཀྱི་སྲོག་ཆགས་ལ་ཡང་བརྗོད་པར་མི་བྱ་སྟེ། འདི་ནི་མཆོག་ཏུ་གསང་བ་ཡིན་ཏེ། གསང་བ་པ་ཐམས་ཅད་དང ། གནོད་སྦྱིན་མོ་ཐམས་ཅད་ཀྱི་ཡང་ཆོ་ག་འདི་ཉིད་དོ། །གལ་ཏེ་གཞན་ལ་བརྗོད་ན་ནི་གྲུབ་པ་ཡང་མི་འགྲུབ་པར་འགྱུར་རོ། །བུད་མེད་གཞན་དང ། རང་གི་ཆུང་མ་ལ་ཡང་རྟག་ཏུ་འགྲོ་བ་ཡང་རབ་ཏུ་སྤང་བར་བྱའོ། །ཡིད་དུ་འོང་མའི་སྔགས་ནི། ཨོཾ་མ་ནོ་ཧ་རེ་མ་དོད་ས་བ་ཀ་རི་བི་ཙིཏྲ་རུ་པི་ཎཻ་མཻ་ཐུན་པྲ་ཡེ་སཝཱཧཱ། དེའི་ཆོ་ག་ནི་སྐྱེད་མོས་ཚལ་ཤིང་མྱ་ངན་མེད་པའི་རྩར་ཤིན་ཏུ་དབེན་པར་ཁང་པ་བྱེད་དུ་བཅུག་ལ་ཤིན་ཏུ་རབ་ཏུ་དབེན་པར་བྱ་ཞིང ། རབ་ཤིན་ཏུ་
374a
༄#། །མཐོ་བ་ལ་གསེར་གྱི་སྒོ་འཕར་བྱ་ཞིང་གཙང་མར་བྱས་ལ་བཟླས་པ་འབུམ་ཕྲག་གཅིག་བྱས་ནས། དེ་ནས་ལས་བརྩམ་པར་བྱས་ཏེ། ཞག་ཆེན་པོ་བླངས་ལ་དུར་ཁྲོད་ཀྱི་སྐྲས་སྙིང་པོ་བྱ་ཞིང་སྒོ་བཅད་ལ་མར་མེ་སྦར་བར་བྱའོ། །རས་ཁ་ཚར་དང་བཅས་ཤིང་སྐྲ་དང་བྲལ་བ་རབ་ཏུ་གསར་པ་སྒོའི་ཕྱི་རོལ་ཏུ་བཞག་ན་མཚན་མོ་དེ་གཅེར་པུར་འོངས་ནས་གོས་དེ་བགོས་ནས་ནང་དུ་འཇུག་ཅིང་མིའི་བུད་མེད་ཀྱི་གཟུགས་སུ་བྱས་ཤིང་དེ་ནས་སྒྲུབ་པ་པོ་དེ་དང་ཇི་སྲིད་མར་མེ་འབར་གྱི་བར་དུ་དགའ་བར་བྱེད་དོ། །མར་མེ་ཟད་ནས་ནི་མི་སྣང་བར་འགྱུར་རོ། །གོས་དེ་ལ་གོས་གཅིག་བཅིངས་ཏེ་གོས་ཡོངས་སུ་བཞག་ནས་མལ་སྣ་ནས་འགྲོ་བར་བྱེད་དོ། །ཡང་ན་སྒྲུབ་པ་པོས་ལག་པའི་སོར་གདུབ་བཞག་པ་ལས་སོར་གདུབ་གཉིས་པ་ཡང་བཞག་ནས་འགྲོ་བར་བྱེད་དོ། །ཡང་ན་གདུ་བུ་དང ། རྐེད་པའི་འོག་པག་དང ། རྐང་པ་གཉིས་ཀྱི་རྐང་གདུབ་དང ། མགོ་བོའི་ནོར་བུ་དང ། དེ་བཞིན་དུ་གཞན་དང ། གཞན་ལྷའི་རྒྱན་གཅིག་ཅིག་གང་དེ་ཁྱེར་བ་དེ་དང་དེ་རྗེས་སུ་སྟེར་བར་བྱེད་དོ། །འགྲོ་བ་དང ། འོང་བ་ཡང་དོན་མེད་པར་མི་བྱེད་དོ། །དེ་བཞིན་དུ་ཉིན་རེ་ཞིང་ཡང་མ་ལུས་པར་ཐམས་ཅད་ཟད་པར་བྱའོ། །དེ་བཞིན་དུ་ཟླ་བ་དྲུག་ན་སྨྲ་བར་བྱེད་ན་དེའི་ཚེ་སྨྲ་བར་བྱས་ནས་ཆུང་མར་འགྱུར་རོ། །རྟག་ཏུ་གནས་ན་བཅུད་ཀྱིས་
374b
ལན་ཡང་རབ་ཏུ་སྦྱིན་ཞིང་གང་འཐུངས་པས་དུས་རིང་པོར་འཚོ་བར་འགྱུར་རོ། །ཡིད་ཀྱིས་བསྒོམས་ནས་སེང་ལྡེང་གི་ཕུར་བུས་ས་བརྐོས་ན་ལྷའི་གཞལ་མེད་ཁང་འབྱུང་བར་འགྱུར་ལ།་ཕྱུང་ན་ནི་མི་སྣང་བར་འགྱུར་རོ། །འདིའི་སྔགས་གཉིས་པ་ཡོད་པ་ནི། ཨོཾ་མ་ཧཱ་ན་གནི་ན་གནི་ཛཻ་སཝཱཧཱ། དེ་ཉིད་ཀྱིས་མར་མེ་རབ་ཏུ་སྤར་ལ་སྔགས་འདིས་ལན་བརྒྱ་རྩ་བརྒྱད་མངོན་པར་སྔགས་པ་བྱས་ན་ངེས་པར་འོང་བར་འགྱུར་རོ། །ཕུར་བུས་མངོན་པར་སྔགས་པ་བྱས་ནས་བརྐོ་བར་བྱའོ། །ཕུར་བུ་ཕྱུང་ཞིང་མར་མེ་ཟད་ན་མི་སྣང་བར་འགྱུར་རོ། །ཕུར་བུ་དང ། མིའི་ཞག་གི་མར་དང ། བའི་རཝ་འམ། མ་ཧེ་ནག་པོའི་རཝ་དང ། དུར་ཁྲོད་ཀྱི་རས་ཀྱི་སྙིང་པོ་འཆང་ན་ཡུལ་གཞན་དུ་གང་ཅི་འདོད་པ་དེ་ཡང་སྟེར་བར་བྱེད་དོ། །ཡང་ན་རང་ཉིད་བྱ་སྟེ་སྔགས་ཀྱང་གཞན་ལ་མིས་བྱིན་ནོ། །ཅི་སྟེ་བྱིན་ན་ནི་རིག་པ་ཆད་པར་འགྱུར། གང་འབྱིན་པ་དེའི་ཕུན་སུམ་ཚོགས་པར་འགྱུར་ཏེ། གང་འདོད་པ་དེ་ཡང་གནས་དབེན་པར་བྱེད་ན་འདིའི་གྲུབ་པ་དོན་མེད་པར་མི་འགྱུར་རོ། །ཡང་ན་གཞན་དང་རྩེ་བར་ནི་བྱེད་དེ་འོན་ཀྱང་དེ་དང་ལྷན་ཅིག་སྨྲ་བར་ནི་མི་བྱེད་དེ། བུད་མེད་གཞན་དང་ཕྲད་པར་མངོན་པར་འདོད་པའམ། ཡིད་དེ་ལ་སེམས་ན་ཡང་དེའི་ཚེ་ཟློས་པ་དེའི་གན་དུ་འོང་བར་མི་འགྱུར་ཏེ། བུད་མེད་གཞན་དང་ཕྲད་པ་དེའི་དབང་དུ་འགྱུར་བ་ཡིན་ནོ། །ལྷ་མཛེས་མའི་སྔགས་ནི། ཨོཾ་
375a
༄#། །སུ་ར་སུ་ན་ད་རི་སཝཱཧཱ། འདིའི་ཆོ་ག་ནི་སེང་ལྡེང་གི་ཤིང་གིས་མེ་རབ་ཏུ་སྦར་ལ་མར་གྱི་སྲེག་བླུགས་ཀྱིས་ཟླ་བ་གཅིག་ལ་དུས་གསུམ་དུ་སྦྱིན་སྲེག་སྟོང་རྩ་བརྒྱད་བྱ་ཞིང ། དེ་ནས་ཡར་ངོའི་ཟླ་བ་ཉ་ལ་བསང་བྱེད་ཀྱིས་ཁྲེས་ལ་འདུག་སྟེ། གཙང་ཞིང་གཙང་པའི་ས་ཕྱོགས་དབེན་པར་ཇི་སྲིད་ན་མ་ཕྱེད་པ་དེ་སྲིད་དུ་སྔགས་བཟླས་པ་བྱས་ན་ངེས་པར་འོང་བར་འགྱུར་ཞིང་དེ་ནས་མ་དང ། སྲིང་མོ་དང ། ཆུང་མ་སྔར་ཇི་ལྟ་བ་དེ་ཐམས་ཅད་བྱེད་པར་འགྱུར་ཏེ། ཐམས་ཅད་ཀྱང་རྒྱ་ཆེར་བརྗོད་པར་བྱའོ། །བདུན་པོ་འདི་དག་གནོད་སྦྱིན་མ། །ཕྱག་ན་རྡོ་རྗེའི་བཀའ་ཡིས་ཀྱང ། །ལྷ་དང་ལྷ་མིན་ཁམས་གསུམ་དུ། །ས་རྣམས་ཀུན་ཏུ་ཡོངས་སུ་རྒྱུ། །མི་ཡུལ་དག་ན་སྦྱོར་བར་དགའ། །སྙིང་རྗེར་ལྡན་ཞིང་རྣམ་པར་རྒྱུ། །ཁ་ཅིག་འཕགས་མ་བྱིས་པ་དང ། །གནོད་སྦྱིན་མ་གཞན་བླུན་པའོ། །གཞན་དག་ཕན་བྱེད་འཚེ་བ་ཡང ། །དེ་བཞིན་མཚན་མ་ཡོངས་སུ་རྒྱུ། །བྱིས་པའི་འཚོ་བ་འཕྲོག་པའི་ཕྱིར། །བརྐམ་ཞིང་ཤ་ནི་ཟ་བྱེད་གཞན། །གང་ཕྱིར་འཛམ་གླིང་འོངས་པ་ནི། །དེ་བཞིན་ཁྲག་ལ་ཆགས་བྱེད་པའོ། །རྟག་ཏུ་སྲོག་ལ་གནོད་བྱེད་པའི།། ཁྲག་ལ་དགའ་བའི་གནོད་སྦྱིན་མོ། །སྲུང་བྱེད་འཆི་དང་བཅས་གྱུར་པའི། །ཁྱིམ་ནི་ཀུན་ཏུ་ཡོངས་སུ་རྒྱུ། །དེ་དག་ཚར་བཅད་བསྒྲུབ་དོན་དུ། །དམ་ཚིག་འདི་ནི་རབ་ཏུ་
375b
བསྟན། །ཇི་ལྟར་འདོད་ཆགས་འཆིང་བ་ལ། །བྱིས་པ་རྣམས་ནི་བསྡུས་པའི་དོན། །སེམས་ཅན་རྣམས་ལ་ཕན་པའི་ཕྱིར། །དེ་ལྟར་འདི་ཀུན་གསུངས་པ་ཡིན། །འདོད་ཆགས་ཀྱིས་མདོངས་སེམས་རྨོངས་པའི། །གང་ཚེ་སྔགས་པ་འཁྲིག་དོན་གཉེར། །སྔགས་ཀྱིས་བཀུག་བྱས་ལོངས་སྤྱོད་པ། །གནོད་སྦྱིན་མོ་འམ་སྲིན་མོ་འམ། །ཀླུ་མོ་འམ་ཡང་ན་དྲི་ཟ་མ། །མིའམ་ཅི་འམ་ལྷ་མིན་ནམ། །ལྷ་མིན་ལྷ་བས་མཆོག་གྱུར་པའི། །ས་འོག་གནས་ནི་ཉམས་དགའ་བར། །གང་དུ་བུད་མེད་གྲངས་མེད་པ། །སྔགས་ཤེས་དེ་ནི་རབ་ཏུ་འཇུག་།སྔགས་ཤེས་སྔགས་ནི་ཟློས་པ་དག་།དེར་སོང་བསྐལ་པར་གནས་པར་འགྱུར། །བྱམས་པ་ཞེས་བྱའི་རྫོགས་སངས་རྒྱས། །སངས་རྒྱས་ཆེན་པོ་འབྱུང་འགྱུར་ཏེ། །དེ་ཚེ་དེས་ནི་དམ་ཆོས་ཐོས། ། ཐོས་ནས་རབ་ཏུ་གྲོལ་བར་འགྱུར། །ལྷ་དང་ལྷ་མིན་བུ་མོ་དང ། །རིག་འཛིན་བུ་མོ་དམ་པ་དག་།སྔགས་ཀྱིས་བཀུག་ནས་སྤྱོད་བྱེད་ཅིང ། །དེ་ཚེ་ལྷ་ཡི་བདེ་བས་དགའ། །སྔགས་པ་ཛམྦུའི་གླིང་གནས་པས། །དེ་ཉིད་དུ་ནི་རྟག་འདྲེན་པ། །གང་ཚེ་གཙང་གནས་གསང་བ་དང ། །གཙང་སྤྲ་སྤྱོད་པ་རྟག་དགའ་བའོ། །གྲུབ་པ་དམ་པ་རྨོངས་རྣམས་ལ་།རྣམ་ཡང་སེམས་ལ་འབྱུང་མི་འགྱུར། །བཤད་གཅི་མི་གཙང་གནས་དང་ནི། །རྟག་ཏུ་དྲི་ང་རུལ་པ་དང ། །ནད་ཀྱི་སྡུག་བསྔལ་མྱ་ངན་དང ། །ཐ་མར་འཆི་ཞིང་སྡུག་བསྔལ་སྣོད། །བྲལ་བའི་
376a
༄#། །རྣམ་པར་ཡང་དག་ལྡན། །མི་ཡི་བུད་མེད་རེག་མི་བྱ། །མི་རྟག་སྡུག་བསྔལ་སྟོང་པ་དང ། །སྟོང་པ་གསོག་དང་ཐེར་ཟུག་མེད། །བྱིས་པ་རྣམས་ནི་རྗེ་བྲིད་དང ། །ཀུན་ཏུ་རྟོག་ལས་བྱུང་བ་ལ། །ཐོག་མ་མེད་ནས་འདོད་ཀུན་འབྱུང ། །སྔགས་པས་འདོད་ཀུན་བསྟེན་མི་བྱ། །དེ་དག་ཆགས་བྲལ་ཞེས་གསུངས་ཏེ། །རྣམ་གྲོལ་དེ་དག་གྲུབ་པ་ཉིད། །གང་ཞིག་འདོད་ལ་ཆགས་བྲལ་བ། །འདི་ཡི་སྔགས་ནི་འགྲུབ་པར་འགྱུར། །བཤང་གཅི་ཁྲག་གིས་བརླན་པ་དང ། །རུལ་པས་ཀུན་ཏུ་ཁྱབ་པ་དང ། །རྒ་དང་འཆི་དང་མྱ་ངན་བཅས། །མི་ཡི་ལུས་ལ་རེག་མི་བྱ། །རྨོངས་པའམ་ཆགས་པའི་སེམས་ཀྱིས་ནི། །དེར་ནི་འཁྲིག་པ་བརྟེན་མི་བྱ། །དེ་དག་རྟག་ཏུ་མི་གཙང་བརྟེན། །སྔགས་ཀྱི་གྲུབ་པ་རྙེད་མི་འགྱུར། །སྔགས་ཤེས་སྔགས་ཀྱི་གཟུགས་ཅན་དང ། །ཤེས་ལྡན་དབང་པོ་ཐུལ་བ་དང ། །དཔའ་བོ་གཙང་བའི་སྤྱོད་ལ་དགའ། །རྟག་ཏུ་དེ་ཡི་སྔགས་ཀྱང་འགྲུབ། ། པདྨ་མཐོ་མ་རབ་དགའ་མ། །མི་ཕམ་མ་དང་རྟག་རྒྱལ་དང ། །སྔོ་བསངས་ལྡན་པའི་གནོད་སྦྱིན་མོ། །རྫུ་འཕྲུལ་ཆེ་འདི་གནོད་སྦྱིན་མོ། །པདྨ་མཐོ་མའི་སྔགས་ནི། ཨོཾ་པདྨ་ཨུཙྪེ་སཝཱཧཱ། འདིའི་ཆོ་ག་ནི་གང་གཱའི་ངོགས་སམ། རྒྱ་མཚོའི་ངོགས་སམ། སྐྱེད་མོས་ཚལ་གྱི་མེ་ཏོག་གི་ལྡུམ་རའི་ནང་དུ་ལོ་མའི་སྤྱིལ་པོ་བྱས་ཏེ། རབ་ཏུ་གཙང་ཞིང་བདག་
376b
ཉིད་ཀྱང་གཙང་བར་བྱས་ལ། རྡོའམ། སའི་སྒོ་གླེགས་བྱས་ལ། དེ་ཉིད་དུ་མཚན་མོ་སྒོ་བཅད་ནས་འདོད་པའི་ཡོ་བྱད་ཀྱི་ལོངས་སྤྱོད་རྣམས་བསོགས་ཏེ། དེ་ཉིད་དུ་བདག་ཉིད་དང་ཉེ་བར་གནོད་སྦྱིན་མོའི་མལ་ཡང་བཤམ་པར་བྱ་སྟེ། རིག་པ་སྟོང་ཕྲག་བཅུ་བཟླས་པ་བྱས་ལ། དེ་བཞིན་དུ་ཟླ་བ་གཅིག་བྱས་ན་ངེས་པར་འོང་བར་འགྱུར་རོ། །འོངས་ནས་ཀྱང་འདོད་པ་ལ་ལོངས་སྤྱོད་པར་བྱས་ན། མུ་ཏིག་གི་ཕྲེང་བ་བཟང་པོ་མལ་དུ་ཡོངས་སུ་བོར་ནས་ཐོ་རངས་འགྲོ་བར་འགྱུར་ཏེ། ཇི་སྲིད་ཟླ་བ་དྲུག་གི་བར་དུ་ཉིན་རེ་ཞིང་རྟག་ཏུ་གནས་པར་འགྱུར་རོ། །གལ་ཏེ་མུ་ཏིག་གི་ཕྲེང་བ་དེ་ལེན་ན་ནི་དེ་ཙམ་ཁོ་ན་ཡོད་པར་འགྱུར་ལ། ཕྲེང་བ་རིན་པོ་ཆེ་ཆེན་པོས་ཉེ་བར་མཛེས་པར་བྱས་པ་དེ་ནི་ཏི་ན་ར་འབུམ་རི་བ་ཡིན་ནོ། །ཟླ་བ་དྲུག་འདས་ནས་ནི་རྟག་ཏུ་གནས་པར་འགྱུར་རོ། །ཆུང་མ་འདོད་པ་ཐམས་ཅད་སྟེར་བར་བྱེད་པ་ཇི་ལྟར་རྗེས་སུ་མཐུན་པ་བྱས་ཏེ་ཉེ་བར་གནས་པར་བྱེད་དོ། །སྒྲུབ་པ་པོ་འདོད་པ་བཞིན་དུ་ཇི་ལྟར་འདོད་པ་བདག་ཉིད་ཀྱིས་མངོན་པར་སྤྲུལ་པར་བྱེད་དོ། །གནོད་སྦྱིན་མོ་ཐམས་ཅད་ཀྱི་ཆོ་ག་ཡང་འདི་ཡིན་ནོ། །ཇི་ལྟར་བསྟན་པ་འདི་དང ། གཞན་དུ་ཡང་སྦྱར་བར་བྱའོ། ། རྒྱལ་བ་མའི་སྔགས་ནི། ཨོཾ་ཛ་ཡེ་སུ་ཛ་ཡེ་ཛ་ཡ་མ་ཏི་སརྦ་ཀརྱཱ་ཎི་མེ་ཀུ་རུ་སཝཱཧཱ། །གསེར་མདོག་ལུས་ནི་སྣ་ཚོགས་ལུས། །སྔོ་ཞིང་འཁྱིལ་བའི་སྐྲ་དང་ལྡན། །ལྷ་མོ་ཡན་ལག་
377a
༄#། །ཀུན་མཛེས་མ། །ཞི་བའི་འོད་ལྡན་སྐལ་ལྡན་དགེ་།སྙན་སྨྲ་སྒེག་ལྡན་གཙོ་མོ་སྟེ། །མུ་ཏིག་འོད་ལྡན་མཐོང་ན་མཛེས། །རབ་བསྔགས་གཟུགས་ལྡན་སྨིན་མ་མཛེས། །འཇིག་རྟེན་ཀུན་གྱིས་ལེགས་པར་མཆོད། །ཅུང་ཟད་དམར་བའི་གོས་གྱོན་པ། །དེ་ནི་རྒྱལ་མར་མངོན་པར་སྟོན། །འདི་ཡིས་ཆོ་ག་ནི་དང་པོ་འབུམ་ཕྲག་གཅིག་བཟླས་པ་བྱས་ན་སྔོན་དུ་བསྙེན་པ་བྱས་པར་འགྱུར་རོ། །དེ་ནས་དགོན་པ་ཆེན་པོར་རབ་ཏུ་ཞུགས་ནས་འབྲས་བུའི་ཟས་ཟ་ཞིང ། ཇི་སྲིད་དུ་རང་ཉིད་ཀྱི་གཟུགས་ཀྱིས་འོང་བ་དེའི་བར་དུ་བཟླས་པ་བྱའོ། །འོངས་ནས་ཀྱང་སྨྲ་བ་ནི་ཅི་ཞིག་བྱ་ཞེས་སོ། །གལ་ཏེ་མར་གྱུར་ན་ནི་མར་བཞིན་དུ་རེ་བ་ཐམས་ཅད་ཡོངས་སུ་རྫོགས་པར་བྱེད་ཅིང་རྒྱལ་ཐབས་སྟེར་བར་བྱེད་ལ། །ནོར་གྱི་བདག་པོ་ཆེན་པོ་ཡང་བྱེད་ལ་ཚེ་རིང་བ་ཉིད་དུ་ཡང་གནས་པར་འགྱུར་རོ། །ཅི་སྟེ་སྲིང་མོར་འགྱུར་ན་ནི་དཔག་ཚད་སྟོང་དུ་གནས་ཀྱང་ཇི་ལྟར་འདོད་བའི་བུད་མེད་འགུགས་པར་བྱེད་དོ། །ཉིན་རེ་ཞིང་ཡང་ཏི་ནར་འབུམ་སྦྱིན་པར་བྱེད་དེ། དེ་ཡང་ཟད་པར་བྱའོ། །ཅི་སྟེ་ཆུང་མར་གྱུར་ན་ནི་རང་གི་གནས་སུ་ཁྱེར་ཏེ། ལྷའི་གཞལ་མེད་ཁང་དུ་འཛོགས་ནས་དེ་དང་ལྷན་ཅིག་དགའ་བར་བྱེད་ཅིང ། དུས་རིང་པོར་ལོ་སྟོང་ཕྲག་སུམ་ཅུའི་བར་དུ་ཇི་ལྟར་འདོད་པ་རྣམ་པར་སྤྱོད་དེ། གནོད་སྦྱིན་ཆེན་
377b
པོ་དང་འདྲ་བར་འགྱུར་རོ། །རབ་ཏུ་དགའ་མའི་སྔགས་ནི། ཨོཾ་ཧྲྀཥྚཱི་མ་ཧཱ་ན་གནི་ཧཱུཾ་ཕཊ། འདིའི་ཆོ་ག་ནི་མཚན་ཕྱེད་ཀྱི་བར་དུ་བཟླས་པ་གྲངས་མེད་པ་བྱས་ཏེ། ཕྱིར་ཡང་གཉིད་ལོག་པར་མ་བྱས་ན་ཟླ་བ་གཅིག་གི་ནང་དུ་ངེས་པར་འོང་བར་འགྱུར་རོ། །ཆུང་མར་གྱུར་ན་ནི་འདོད་པ་ཐམས་ཅད་སྦྱིན་པར་བྱེད་དེ། ཉིན་རེ་ཞིང་ཏི་ན་ར་ཉི་ཤུ་རྩ་ལྔ་རབ་ཏུ་སྦྱིན་པར་བྱེད་དེ། །རང་གི་མཛོད་ཉིད་ཀྱང་སྟོན་པར་བྱེད་དོ། །དུས་རིང་པོ་ཡང་འཚོ་བར་བྱེད་དོ། །དེ་བཞིན་དུ་གནོད་སྦྱིན་མོ་བརྒྱ་སྟོང་ཕྲག་དུ་མ་ཡང་ཡོད་དོ། །དེ་བཞིན་དུ་ཤ་ཟ་མོ་དང ། ཤ་ཟ་མོ་རྫུ་འཕྲུལ་ཆེ་བ་དང ། ཀླུའི་བུ་མོ་དང ། ལྷ་མ་ཡིན་གྱི་བུ་མོ་དང ། ལྷའི་བུད་མེད་དང ། ལྷ་མ་ཡིན་གྱི་བུད་མེད་དང ། དེ་བཞིན་དུ་རིག་པ་འཛིན་པ་ཐམས་ཅད་ཀྱི་བུད་མེད་དང ། མི་དང ། མི་མ་ཡིན་པ་ཐམས་ཅད་ཀྱི་སྔགས་གྲངས་མེད་པ་དག་ཀྱང་ཡོད་དོ། །དེ་བཞིན་དུ་གནོད་སྦྱིན་རྣམས་དང ། ལྷ་རྣམས་དང ། ཀླུ་རྣམས་དང ། དྲང་སྲོང་རྣམས་དང ། དྲི་ཟ་རྣམས་དང ། ལྷ་མ་ཡིན་རྣམས་དང ། ཡི་དྭགས་རྣམས་དང ། སྲིན་པོ་རྣམས་དང ། ཚངས་པ་ཆེན་པོ་དང ། དབང་ཕྱུག་ཆེན་པོ་དང ། ཁྱབ་འཇུག་དང ། མ་མོ་རྣམས་དང ། དབང་མོ་དང ། རྒན་བྱེད་མ་དང ། ཕག་མོ་ལ་སོགས་པའི་སྔགས་རྣམས་ཀྱང་ཡོད་དེ། སོ་སོ་སོ་སོར་ཐམས་ཅད་དམ་ཚིག་གིས་འདིར་བཀུག་ནས་ཁྲོ་བོའི་རྒྱལ་པོ་གཤིན་རྗེ་གཤེད་ཀྱིས་ཟོས་
378a
༄#། །པ་དང ། དམ་ཚིག་ལ་བཞག་ཅིང་འཇམ་པའི་དབྱངས་ལ་ཉེ་བར་གཏད་ནས་རྗེས་སུ་འབྲང་བར་འགྱུར་ཏེ། གོ་རིམས་བཞིན་དུ་གནས་ཤིང་བསྙེན་བཀུར་ཡང་བྱེད་དོ། །ཐམས་ཅད་ཀྱི་ཡང་མདོར་བསྡུ་ན་འཁྲུལ་འཁོར་གྱི་གཟུགས་སམ། དེ་ཉིད་ཀྱི་གཟུགས་བརྙན་བྱས་ནས། ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་རིག་པ་ཇི་སྲིད་གཟུགས་བརྙན་རབ་ཏུ་འགུལ་བའམ། རབ་ཏུ་གཡོས་པའམ། རྡུལ་འབྱུང་བའི་བར་དུ་བཟླས་པ་བྱས་ན་རང་ཉིད་ཀྱི་གཟུགས་ཀྱིས་འོང་བར་འགྱུར་ཏེ། གང་སྨྲས་པ་དེ་ཐམས་ཅད་ཡང་དག་པར་སྒྲུབ་པར་བྱེད་དོ། །དེ་བཞིན་དུ་གང ། གཞན་ཡང ། གཞོན་ནུ་མ་བཞི་གནོད་སྦྱིན་མ་ཆེན་མོའི་མིང་པོ་ཏུམ་པུ་རུ་ཞེས་བྱ་བ་ཡང་དག་པར་རྟེན་པ། གྲུའི་ཐེག་པ་ལ་ཡང་དག་པར་ཞོན་པ། འཇིག་རྟེན་ཐམས་ཅད་ཀྱིས་རབ་ཏུ་མཆོད་པ། སེམས་ཅན་རྣམས་རྗེས་སུ་འཛིན་པར་བྱེད་པ་དེ་དག་ཀྱང་ཆོ་ག་འདི་བཞིན་དུ་བྱའོ། །དཔེར་ན་རས་སམ། རྩིག་པའམ། སྤང་ལེབ་ལ་མཚོའི་དཀྱིལ་དུ་བྲི་བར་བྱ་སྟེ། གྲུའི་ཐེག་པ་ལ་ཞོན་པ། ཕུ་བོ་མིང་པོའི་རྗེས་སུ་འགྲོ་བ། བུ་མོ་བཞི་པོ་ཉིད་ཀྱང་རྒྱ་མཚོའི་ནང་དུ་ཞུགས་ཤིང་མཉམ་པར་འདུག་པའོ། །དེ་དག་མི་སྣང་གནས་གཞན་ནས། །ཁྲོ་བོའི་བཟླས་པ་ཡང་དག་བརྩམ། །དེ་ཚེ་གཡོ་འགུལ་རྡུལ་འབྱུང་བར། །དེ་དག་ཀུན་ནི་སྐྱེ་འགྱུར་བ། །
378b
དེ་ཚེ་གྲུབ་པ་ཡིན་ཤེས་ནས། །སྔགས་ཀྱི་བཟླས་པ་ཡོངས་སུ་བཏང ། །མཚན་མོའི་ཐ་མར་རང་ཚུལ་ཉིད། །དགེ་དང་མི་དགེ་སྟོན་པར་འགྱུར། །སྐད་ཅིག་གིས་ནི་ཟློས་བ་ཡི། །དོན་རྣམས་ཐམས་ཅད་སྒྲུབ་པར་འགྱུར། །ཁྲོ་བོས་བཀུག་ཅིང་རྒྱས་བྱས་ནས། །སྨྲས་པ་ཐམས་ཅད་བྱེད་པར་འགྱུར། །རྟག་ཏུ་ཉི་མ་སོགས་ཀྱི་གཟའ། །དེ་བཞིན་དྲང་སྲོང་སྲིན་པོ་དང ། །ནམ་མཁའ་ལྡིང་དང་ཤ་ཟས་ཀྱང ། །རྫུ་འཕྲུལ་ཆེན་པོ་དེ་དག་མཆོད། །དབང་ཕྱུག་ཆེ་སོགས་འབྱུང་པོས་ཀྱང ། །རྫུ་འཕྲུལ་ཆེན་པོ་དེ་དག་མཆོད། །དེ་དག་གིས་བཤད་ཆོ་ག་དང ། །སྔགས་རྒྱུད་རྒྱ་ཆེ་བཅས་པ་ཡི། །ཐམས་ཅད་དེ་དག་ཁྲོ་རྒྱལ་གྱིས། །འབད་པ་མེད་པར་དབང་དུ་འགྱུར། །གང་དག་སྔགས་ནི་ཅི་ཡོད་པ། །ཁྲོ་བོ་འཚོལ་བ་རྙོག་འབྱུང་བ། །དེ་ཀུན་ཁྲོ་བོའི་རྒྱལ་པོ་ཡི། ། དེ་དག་བསྒོ་བ་མཉམ་པར་བསྟན། །གང་ཡང་འཕགས་པའི་སྔགས་དག་ནི། །ཐམས་ཅད་ཀུན་འགྲོའི་ཁྱད་པར་ཅན། །མཆོག་དང་རབ་མཆོག་དྲག་པོ་དང ། །གང་ཡང་དེ་བཞིན་རྒྱལ་བས་གསུངས། །དེ་བཞིན་པདྨ་འཛིན་སྔགས་དང ། །བདག་ཉིད་ཀྱིས་ཀྱང་རབ་བཤད་དང ། །གང་ཡང་གཞན་གྱིས་སྔགས་མཆོག་ནི། །རིགས་ལྔ་དག་གིས་གསུངས་པ་དང ། །རྫུ་འཕྲུལ་ཆེན་པོ་འཇིག་རྟེན་པའི། །རྒྱལ་བའི་སྲས་ཀྱིས་གསུངས་བ་དག་།ཁྲོ་བོའི་རྒྱལ་པོ་རྫུ་འཕྲུལ་ཆེས། །ཐམས་ཅད་དེ་དག་ཡང་དག་འགུགས། །སྔགས་དང་རྒྱུད་
379a
༄#། །ནི་ཐམས་ཅད་ཀུན། །བསྟན་པ་འདི་ལ་ངེས་པར་འབྲེལ། །གང་ཞིག་གང་དག་ཆོ་གར་བསྟན། །དེ་ཉིད་འདིར་ནི་ངེས་པར་སྦྱར། །གཤིན་རྗེ་གཤེད་ནི་ཁྲོ་རྒྱལ་གྱི། །ལས་ཀུན་བྱེད་པའི་མཆོག་ཡིན་ནོ། །སྒྲོལ་མ་ཁྲོ་གཉེར་ཅན་ཉིད་དང ། །དེ་བཞིན་གོས་དཀར་མོ་དང་ནི། །དེ་བཞིན་དཀར་ཆེན་རིག་མ་དང ། །རྡོ་རྗེའི་རིགས་འབྱུང་མཱ་མ་ཀི་།གཙུག་ཏོར་འབྱུང་བ་ཐམས་ཅད་དང ། །ལྷ་མོ་སྤྱན་ནི་ཉིད་དག་དང ། །དེ་བཞིན་གཤེགས་ཀུན་རིག་པ་དང ། །མཐུ་ཆེན་ཐོབ་དང་ཀུན་བཟང་དང ། །པདྨ་འཛིན་པའི་མངའ་བདག་དང ། །བདག་ཀྱང་འཇིག་རྟེན་གནོད་སྦྱིན་བདག་།བྱང་ཆུབ་སེམས་དཔའ་རྫུ་འཕྲུལ་ཆེ། །རྒྱལ་སྲས་རྨད་དུ་བྱུང་བ་དང ། །དཔུང་བཟང་འཇིག་རྟེན་རྣམ་པར་གྲགས། །རྡོ་རྗེའི་སྡེ་དང་སྡེ་བཟང་དང ། །བློ་བཟང་ཆོས་ཀྱིས་འཕགས་པ་དང ། །བདག་གིས་ཀྱང་ནི་བཤད་པའི་སྔགས། །ཟློས་པས་བརྙས་པར་མི་བྱའོ། །སྔོན་དུ་རྟག་ཏུ་མཆོད་བྱ་ཞིང ། །ལེགས་གསུངས་དེ་དག་བསྒོམ་མི་བྱ། །ཁྲོ་བོའི་རྒྱལ་པོ་ལེགས་མཆོད་ཅིང ། །དེར་ནི་ཟློས་པས་སྦྱར་མི་བྱ། །དུས་རྣམས་རབ་ཏུ་སྔགས་དག་ལ། །དེ་དག་རིག་པ་བཅད་མི་བྱ། །ཇི་བཞིན་ལས་ནི་ཀུན་ལ་ཡང ། །འཇིག་རྟེན་སྔགས་ཀྱི་ལྷ་དག་ནི། །དཀའ་ཟློག་བདེ་བྱེད་ཚངས་སོགས་དང ། །
379b
ལྟ་ཆེན་ལ་ཡང་ལེགས་པར་མཆོད། །ཇི་ལྟར་རྒྱུད་ལ་སྔགས་རྣམས་ནི། །དེ་བཞིན་ཉིད་དུའང་ཀུན་ལ་བྱ། །ཐམས་ཅད་སྔགས་ནི་ཀུན་ལ་ཡང ། །ཐམས་ཅད་ཉིད་དུའང་ཡང་དག་བསྟན། །སྔགས་ཀུན་རབ་ཏུ་འཇུག་པ་ཡང ། །ཁྲོ་བོ་ལས་ནི་ཡང་དག་འབྱུང ། །སྔགས་འདི་ཁྲོ་བོ་ཆེན་པོ་ནི། །གཤིན་རྗེ་གཤེད་ཅེས་བྱ་མིང་གིས། །བདག་ཉིད་ཆེན་པོ་གཤིན་རྗེ་ཡང ། །མྱུར་དུ་བཀུག་ནས་འཇོམས་པར་བྱེད། །ཉི་མའི་བུ་ནི་གཤིན་རྗེ་དང ། །བརྒྱ་བྱིན་བདག་ཉིད་ཆེན་པོ་ཡང ། །བཀུག་ནས་དབང་མེད་མི་བཟད་པ། །གདུལ་དཀའ་འདུལ་ཕྱེད་མངའ་བདག་ཡིན། །སྔགས་འདི་སྔགས་ནི་ཆེན་པོ་སྟེ། །འཇམ་པའི་དབྱངས་ཀྱིས་བཤད་པ་ཡིན། །མ་རུངས་ལས་རྣམས་ཐམས་ཅད་བྱེད། །སྔགས་ཀུན་རབ་ཏུ་སྒྲུབ་པར་བྱེད། །དེ་སྐད་སྨྲས་ནས་དཔལ་ལྡན་ནི། །ལག་ན་རྡོ་རྗེ་རྫུ་འཕྲུལ་ཆེས། །ཤཱཀྱ་སེངྒེ་མི་ཡི་མཆོག་།དཔའ་ཆེན་སངས་རྒྱས་ལ་བཏུད་ནས། །སྔགས་འཁོར་རྟེན་པའི་རྡོ་རྗེ་ཅན། །རྫུ་འཕྲུལ་ཅན་གྱིས་སྔགས་རྣམས་གསུངས། །འབྱུང་པོ་ཀུན་ཚོགས་དགེ་བ་ནི། །སེམས་ཅན་ཀུན་གྱིས་མཉན་པ་མིན། །སྔགས་རྣམས་ཀུན་ཚོགས་ལྟ་བྱེད་པ། །སྔགས་ཀྱི་མཆོག་ནི་བདག་གིས་བཤད། །བློ་དང་ལྡན་པ་འཇམ་པའི་དབྱངས། །བྱང་ཆུབ་སེམས་དཔས་བཤད་པ་ཡིན། །མི་བཟད་གདུལ་དཀའ་འདུལ་བྱེད་པ། །མ་རུངས་ཐམས་ཅད་ཟློག་པར་བྱེད། །འཕགས་
380a
༄#། །པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། གནོད་སྦྱིན་མོ་སྒྲུབ་པའི་ཆོ་ག་རབ་འབྱམས་ལས་ལེའུ་སུམ་ཅུ་རྩ་ལྔ་པ་རྫོགས་སོ།། །།དེ་ནས་གཞན་ཡང་བཤད་བྱ་བ། །སྡུག་བསྔལ་སྤང་ཞིང་བདེ་བྱ་བ། །སྡུག་བསྔལ་སྤང་ཞེས་བསྟན་པ་ནི། །མདོར་བསྡུས་ན་ནི་བཟློག་པ་ཡིན། །དེ་ཉིད་ཐེག་པ་རྣམ་གསུམ་དུ། །ང་ཡི་འདི་ནི་བསྟན་པ་ཡིན། །མི་རྟག་སྡུག་བསྔལ་བདག་མེད་དང ། །འདུས་བྱས་ཐམས་ཅད་སྐད་ཅིག་ཉིད། །གསོབ་དང་རྟག་ཏུ་ཀུན་སྟོང་པར། །འཁོར་བའི་འཆིང་བ་ངེས་པར་བསྟན། །དེ་ལས་ཆགས་བྲལ་རྣམ་གསུམ་འགྲོ་།སེམས་ཅན་རིགས་ལ་བརྟེན་པ་ཡིན། །བྱང་ཆུབ་སེམས་དང་སངས་རྒྱས་དང ། །རང་རྒྱལ་བྱང་ཆུབ་ལ་བརྟེན་དང ། །འདོད་ཆགས་བྲལ་བ་རྫུ་འཕྲུལ་ཆེ། །དེ་བཞིན་གཞན་དག་དགྲ་བཅོམ་ཉིད། །ཉན་ཐོས་བྱང་ཆུབ་ལ་བརྟེན་ནས། །རྣམ་གསུམ་ཞི་བ་ཐོབ་པར་བྱེད། །ཆོས་འདི་དག་ནི་མདོར་བསྡུ་ན། །དགེ་དང་མི་དགེ་བསྟན་པ་ཡིན། །རྟག་ཏུ་མི་དགེ་སྤང་བྱ་སྟེ། །དུས་རྣམས་ཀུན་ཏུ་དགེ་བ་སྤྱད། །འབྱུང་པོ་ཀུན་ལ་མི་འཚེ་བར། །ངས་ནི་ཆོས་ཀྱང་རབ་ཏུ་བརྟན། །འགྲོ་བ་ལྔ་པོའི་ལམ་ཉིད་དུ། །ཆོས་འདི་ཉིད་ནི་འགྱུར་བ་ཡིན། །གང་ཞིག་ཟག་
380b
མེད་ཆོས་རྣམས་ནི། །ཡང་དག་མཐའ་ལ་ཡང་དག་བརྟེན། །དང་པོའི་སངས་རྒྱས་སྔ་མ་ཡིས། །འདི་ཉིད་ལམ་དུ་གསུངས་པ་ཡིན། །ཞི་བ་མྱ་ངན་འདས་འགྲོ་བར། །ངས་ཀྱང་ཐམས་ཅད་བསྟན་པ་ཡིན། །ཆོས་ཀྱི་མཐའ་ལ་བརྟེན་ནས་ནི། །ཡང་དག་མཐའ་ལ་བརྟེན་ནས་ནི། །ཡང་དག་མཐའ་ནི་ཐོབ་པ་ཡིན། །ཆོས་རྣམས་ཀུན་གྱི་མཐའ་མེད་པ། །ཡང་དག་མཐའ་ཞེས་བརྗོད་པ་ཡིན། །ཆོས་འདི་དག་ནི་མདོར་བསྡུས་ནས། །ཉོན་ཅིག་ལྷ་ནི་ཐམས་ཅད་དང ། །བྱང་ཆུབ་སེམས་དཔའ་རྫུ་འཕྲུལ་ཆེ། །དགྲ་བཅོམ་ཉན་ཐོས་དག་ཀྱང་ཉོན། །ང་ནི་ས་སྟེང་མྱ་ངན་འདའ། །ཁ་བ་ཅན་གྱི་ནང་དག་ཏུ། །སཱ་ལའི་ནགས་ནི་ཡང་དག་འབྱུང ། །གསེར་དང་ལྡན་པའི་ཆུ་བོ་དང ། །གྱད་རྣམས་ཀྱི་ནི་ཉེན་ཀོར་དུ། །སཱ་ལ་ཟུང་གི་ནགས་ནང་དུ། །ང་ནི་མྱ་ངན་འདའ་བར་འགྱུར། །གྲོང་ཁྱེར་མིང་ནི་སྡིག་པ་ཅན། །ཅོད་པན་བཅིངས་པའི་མཆོད་རྟེན་དང ། །ཆུ་བོའི་འགྲམ་ནི་རྟག་ཉམས་དགའ། །དེར་ནི་ས་སྟེང་མྱ་ངན་འདའ། །བྱང་ཆུབ་སེམས་དཔའ་ཐམས་ཅད་དང ། །རྫུ་འཕྲུལ་ཆེ་ལྡན་ཉན་ཐོས་དང ། །ལྷ་དང་ཀླུ་དང་གནོད་སྦྱིན་དང ། །འཇིག་རྟེན་སྐྱོང་བ་རྫུ་འཕྲུལ་ཆེ། །བརྒྱ་བྱིན་ཚངས་བཅས་འདབ་བཟང་དང ། །གཞན་ཡང་འོག་མིན་ལ་སོགས་ལྷ། །དེར་ནི་ཐམས་ཅད་འདུས་པར་ནི། །རབ་ཏུ་འབྱུང་བར་འགྱུར་བ་ཡིན། །དེར་ནི་གྱད་ཀྱི་ཉེ་འཁོར་དང ། །གངྒའི་བྱང་ཕྱོག་
381a
༄#། །འགྲམ་དག་ནི། །ཆུ་བོ་ཆེན་པོ་དེ་ལས་གཞན། །ཁ་བ་ཅན་རིའི་ལྷོ་ཕྱོགས་ཆར། །སཱ་ལའི་ནགས་ཞེས་བྱ་བ་འབྱུང ། །དེ་ཚེ་ནུབ་ཕྱོགས་བལྟས་བའི་མལ། །དེ་ཡི་གནས་སུ་འབྱུང་བར་འགྱུར། །དེ་ཚེ་ཆུ་བོ་རབ་དགའ་བ། །བཟང་པོ་གསེར་ལྡན་འགྲམ་དག་ཏུ། །ལྷ་རྣམས་ཀུན་གྱི་ཚོགས་ལ་སོགས། །འདུས་པ་དག་ནི་འབྱུང་བར་འགྱུར། །མི་དང་རྒྱལ་པོའི་མཆོག་རྣམས་དང ། །མི་དང་མི་མ་ཡིན་པར་འབྱུང ། །དེ་ཚེ་མི་དང་འབྱུང་པོ་ཀུན། །དེ་ཚེ་བྱིས་པ་འཕགས་པ་དང ། །དགའ་སྟོན་ཆེན་པོ་དགའ་ཆེན་ལྟར། །གནས་དེ་ལ་ནི་ཡང་དག་འདུས། །རང་ལུས་ཟང་ཟིང་བཅས་པར་ནི། །བཟང་པོ་ཆེན་པོའི་བཀོད་པའང་བྱས། །ཆོས་ཀྱི་མཐའ་ནི་ཡོངས་སྤངས་ནས། ། ཡང་དག་མཐར་ནི་ཡང་དག་ཞུགས། །དེ་ཚེ་སྔོན་གྱི་སྐྱེ་བ་ནི། །སེར་སྐྱའི་གྲོང་ཁྱེར་གཞི་དག་ཏུ། །ཤཱཀྱ་རིགས་ཀྱི་གཙོ་བོ་ནི། །ང་ནི་འཁོར་བའི་བཙོན་རར་སྐྱེས། །བདག་གི་སྡུག་བསྔལ་བདག་ཉིད་ཀྱིས། །ཁྱིམ་ལས་ངེས་འབྱུང་ཡོངས་སུ་སྤངས། །དེ་ཚེ་མུ་སྟེགས་མང་པོ་བསྟེན། །བདུད་རྩི་དག་ཀྱང་ཐོབ་མ་གྱུར། །དཀའ་བ་དག་ཀྱང་བདག་གིས་སྤྱད། །ལུས་ཀྱི་གདུང་པའང་ཡུན་རིང་བ། །ལོ་དྲུག་ཏུ་ནི་བསྟེན་པ་ཡིས། །ལུས་ཀྱང་ཞིག་ཅིང་རྣམ་པར་སྐམས། །ཤེས་དང་ཤེས་བྱ་གསལ་བ་ནི། །ངས་ནི་ཅུང་ཟད་
381b
ཐོབ་པ་མེད། །དེ་ནས་ང་ནི་ལངས་ནས་ཀྱང ། །འབྲས་ཚན་དཀར་བའི་ཟས་ཀྱང་ཟོས། །ལྷ་རྣམས་ཀྱིས་མཆོད་ལམ་དག་ནི། །དེར་ནི་ས་སྟེང་ང་ཡིས་བགྲོད། །ཆུ་བོ་ནཻ་རཉྫ་ནའི་འགྲམ། ། ཤིང་གི་རྒྱལ་པོ་ལེགས་མཛེས་པ། །མེ་ཏོག་རྣམ་པ་དུ་མས་ཁྱབ། །དེ་འགྲམ་ས་ནི་ཉམས་དགའ་བ། །ནགས་ཆེན་འབྲས་བུ་ལྡན་པ་དང ། །རྣམ་པ་སྣ་ཚོགས་ཤིང་དག་འབྱུང ། ། ཆུ་བོ་ཆེན་པོས་ཡོངས་བསྐོར་བའི། །ཤིང་གི་རྩར་ནི་ང་ཡིས་ཕྱིན། །ས་ཡི་ཆ་ནི་མཐོང་ཙམ་གྱིས། །བདག་གིས་སེམས་ནི་བརྟན་པ་ཐོབ། །དེ་ལྟའི་ཤིང་ནི་བདག་གིས་མཐོང ། ། ཡལ་ག་ལོ་མ་ཉེར་མཛེས་པའི། །ཤིང་ཆེན་གྲིབ་མ་ཆེན་པོ་ནི། །རྩ་བ་མི་མངོན་ཉེར་སྤྱད་འོས། །ཤིང་རྩ་ཨ་ཤཝད་ཐར་འདུག་ནས། །སེམས་ནི་ཤིན་ཏུ་དང་བར་གྱུར། །བསམ་གཏན་དང་ནི་ཏིང་འཛིན་དང ། །དེར་ནི་བརྟན་བའང་མངོན་པར་ཐོབ། །མཚན་མོའི་མཐར་ནི་སྐྱེ་མཐར་བྱེད། །དེར་ནི་སྣང་བ་མེད་བའང་ཐོབ། །བདུད་ཀྱི་བགེགས་ནི་རྣམ་མང་པོ། །རྣམ་པ་དུ་མ་རབ་ཏུ་སྦྱར། །སྡེ་རྣམས་བཅོམ་ནས་སླར་ལྡོག་ཅིང ། །རང་གི་གནས་སུའང་དེ་དག་སོང ། །སྔགས་དང་རྒྱུད་ནི་འདི་དོན་དུ། །རྣམ་པ་མང་པོའང་གསུངས་པ་ཡིན། །རྣམ་པ་དུ་མའི་སྦྱོར་བ་དང ། །བསམ་གཏན་ཤེས་པའང་བསྟན་པ་ཡིན། །དེར་ནི་ཐེག་པ་གསུམ་ཡང་སྤྱད། །གཞན་དག་སེམས་ཅན་རྟེན་ལ་འཛུད། །ཉེས་པ་རྣམ་པ་གསུམ་ཉིད་ཀྱི། །གཉེན་
382a
༄#། །པོ་དག་ཀྱང་རབ་ཏུ་བསྟན། །དེ་ནས་ལངས་ནས་ཡང་སོང་ནས། །གྲོང་ཁྱེར་ལྟེང་རྒྱས་ཆུ་བཟང་གིས། །ཁྲུས་བྱས་དེར་གནས་དྲང་སྲོང་རྣམས། །སློབ་མར་བཅས་པའང་རབ་ཏུ་བྱུང ། །སེམས་ཅན་རྣམ་མང་དོན་བྱས་ནས། །དེ་ནས་ང་ནི་ཡང་དག་འདས། །ཀ་ཤིའི་གྲོང་ནི་ཉམས་དགའ་བར། །མཐར་གྱིས་སུ་ནི་ཡང་དག་ཞུགས། །རྫུ་འཕྲུལ་ཆེན་པོ་སྔར་སངས་རྒྱས། །དེ་ཡི་གནས་སུའང་ཞུགས་པ་ཡིན། །ཀ་ཤི་སྐྱེ་བོའི་ཡུལ་དག་ཏུ། །དེར་ནི་རང་བདག་ཉིད་གནས་གྱུར། །ཞི་བ་མྱ་ངན་འདས་བྱེད་པའི། ། དམ་ཆོས་ཆོས་ཀྱི་འཁོར་ལོ་བསྐོར། །འཇིག་རྟེན་ལྷ་དང་ལྷ་མིན་བཅས། །འགྲོ་བ་ལྔ་ལ་ཡང་དག་བརྟེན། །འབྱུང་པོ་ཀུན་ལ་བདེ་བའི་ཕྱིར། །དེར་ནི་ཆོས་ཀྱང་རབ་ཏུ་བསྟན། ། དེར་ནི་སྔ་མའི་སངས་རྒྱས་ཀྱིས། །ཆོས་ཀྱི་འཁོར་ལོ་རབ་ཏུ་བསྐོར། །ཆོས་ཀྱི་འཁོར་ལོ་བླ་ན་མེད། །དེ་ནི་ང་ཡིས་རབ་ཏུ་བསྟན། །སྲིད་ལས་གྲོལ་ཞིང་བདེ་དོན་དང ། ། སེམས་ཅན་ཉེས་པ་བཟློག་པའི་ཕྱིར། །བདེ་ཞིང་ཞི་བར་གཞོལ་བ་འོ། །ཚངས་བའི་འཁོར་ལོ་རབ་ཏུ་བསྐོར། །སྲིད་པའི་ལམ་ནི་གཞིག་དོན་དུ། །བདེ་བའི་ཏིང་འཛིན་ལས་བྱུང་བའི། །འཕགས་ལམ་ཡན་ལག་བརྒྱད་པ་ནི། །ཚངས་བའི་གནས་བཞིས་རྣམ་པར་བརྒྱན། །རྟེན་ཅིང་འབྲེལ་བར་འབྱུང་དང་བཅས། །རྣམ་པ་བཅུ་
382b
གཉིས་བྱས་པ་ཡིན། །མ་རིག་འགག་པར་ཡང་དག་ལྡན། །རིག་པ་བསྐྱེད་པའི་རིམ་ལས་བྱུང ། །ཡང་དག་མཐའ་ཡི་ལེགས་མཐར་སྐྱེས། །དེ་ཉིད་མཐར་ནི་བསྟན་པ་ཡིན། །ལུགས་སུ་འབྱུང་དང་བཟློག་བ་དག་།ཐ་མར་བདག་ཉིད་རྟོགས་ཆེན་སྐྱེས། །སེམས་ཅན་མང་པོ་ཐར་དོན་དུ། །ཞི་བའི་འཁོར་ལོ་ཡང་དག་ལྡན། །ཉམས་དགའ་ཀ་ཤིའི་གྲོང་སྤངས་ནས། ། དེ་ཚེ་བདག་ནི་མཉན་ཡོད་སོང ། །དེ་ཚེ་མུ་སྟེགས་གདུལ་བྱའི་ཕྱིར། །ཆོ་འཕྲུལ་ཆེན་པོའང་བྱས་པ་ཡིན། །མི་ཡུལ་དག་ཏུ་རྫུ་འཕྲུལ་ནི། །དེ་ཚེ་ཡང་དག་བསྟན་པ་བྱས། །མུ་སྟེགས་མང་པོའི་གནས་དག་ཏུའང ། །དེ་ཚེའང་རབ་ཏུ་དགའ་བར་བྱས། །ཡུལ་མིང་མེ་ཐབ་ཅེས་བྱ་བར། །ལྷ་ལས་བབས་བ་བཟང་བོ་བྱས། །སུམ་ཅུ་རྩ་གསུམ་དག་ཏུ་ཡང ། ། ཆོས་ཉིད་ལ་ནི་བརྒྱ་བྱིན་སྤྱར། །དེ་ནས་འོག་མིན་ལྷ་སོགས་དང ། །ཚངས་སོགས་བརྒྱ་བྱིན་བཅས་པ་དང ། །རྣམ་ཐོས་གནོད་སྦྱིན་དབང་དང་བཅས། །རྒྱལ་ཆེན་བཞི་ཡི་རིས་དག་དང ། །རྟག་ཏུ་མྱོས་དང་གཞོང་ཐོགས་དང ། །པི་ཝང་གསུམ་པ་ཕྲེང་ཐོགས་དང ། །ལྷ་དང་གནོད་སྦྱིན་ཚོགས་རྣམས་ཀུན། །ས་བླ་ལྷ་དང་བར་སྣང་གནས། ། འཕགས་པ་གནོད་སྦྱིན་ཚོགས་བདག་དང ། །ལྷ་དང་ལྷ་མིན་ཐམས་ཅད་དང ། །ཆོས་ཀྱི་འབྲས་བུ་ལྡན་བར་བྱས། །མྱ་ངན་འདས་གསུམ་རྗེས་འགྲོ་བྱས། །སེམས་ཅན་
383a
༄#། །བསམ་གྱིས་མི་ཁྱབ་པའང ། །དེ་ཚེ་ལེགས་པ་ཉིད་ལ་བཙུད། །དེ་དག་རྩིས་ཀྱིས་གྲངས་མེད་པ། །འཁོར་བའི་མཐའ་བཞིན་དེ་མཐའ་མེད། །སྟོང་ཆེན་པོ་ཡི་འཇིག་རྟེན་གྱི། །ཁམས་དང་འདྲ་བར་བསམ་མི་ཁྱབ། །རྟག་ཏུ་སེམས་ཅན་མང་པོ་ནི། །བདེན་པའི་དོན་ལ་ཡང་དག་སྦྱར། །དེ་ཚེ་དེར་ནི་ང་འོངས་ནས། །གནས་གཙང་སྟེང་དུ་གནས་ནས་ཀྱང ། །ཐེག་པ་གསུམ་ལ་རྗེས་འཇུག་པའི། །དམ་ཆོས་སྔགས་ནི་རབ་ཏུ་བསྐོར། །སེམས་ཅན་གདུལ་བྱ་ལ་བརྟེན་ནས། །ང་ཡིས་ཆོ་གའི་རྒྱལ་པོ་འདི། །འཇིག་རྟེན་མང་ལ་རབ་བསྟན་ནས། །འཇམ་པའི་དབྱངས་ལའང་གཏད་པ་ཡིན། །ང་ནི་འཇིག་རྟེན་མྱ་ངན་འདས། །ས་སྟེང་སྟོབས་པར་གྱུར་པ་ན། །དེ་ནས་འཇམ་དཔལ་སེམས་ཅན་ལ། །སངས་རྒྱས་མཛད་པ་བྱེད་པར་འགྱུར། །ཐུབ་དབང་ཡོངས་སུ་མྱ་ངན་འདས། །དམ་པའི་ཆོས་ནི་བསྲུང་བའི་ཕྱིར། །དེ་ཚེ་རྟག་ཏུ་སྲུང་བར་ནི། ། འཇམ་པའི་དབྱངས་ནི་འགྱུར་བ་ཡིན། །སྔགས་ནི་རབ་ཏུ་དབྱེ་དོན་དུ། །ཆོ་ག་རྒྱ་ཆེན་བསྟན་པ་ཡིན། །དེ་ཚེ་དུས་ཀྱི་ཐ་མ་ལ། །མ་རུངས་མི་བཟད་ཆེན་པོ་ཡི། །མི་བདག་གདུགས་པ་ཆེན་པོ་ནི། །ཕན་ཚུན་གསོད་པ་དག་ལ་དགའ། །སྡིག་པའི་ལས་ཅན་སྤྱོད་པ་ངན། །དེ་ཚེ་ལོངས་སྤྱོད་ཆུང་བ་དང ། །དེ་ཚེ་དུས་ཀྱི་ཐ་མ་ལ། །འབྱུང་བར་འགྱུར་བར་ཐེ་
383b
ཚོམ་མེད། །སཱ་ལ་ཞེས་བྱའི་ནགས་སུ་ནི། །དེ་དག་མཆོད་དོན་རྩོམ་པར་བྱེད། །ཆུ་བོ་གསེར་ལྡན་འགྲམ་དང་ནི། །ཅོད་པན་འཆིང་བའི་མཆོད་རྟེན་དུ། །ཞི་བའི་དབྱིངས་ལ་བརྟེན་བའི་ཕྱིར། །ང་ནི་མྱ་ངན་འདས་མལ་འཆའ། །ལུས་ནི་སྲེག་པའི་ཤིང་ལ་བཞག་།རྫོགས་ལོངས་སྤྱོད་པ་ལོངས་སྤྱོད་སྤངས། །དེའི་སྔོན་མཛད་པ་ཉིད་དང་ནི། །ང་ཡི་རྨད་བྱུང་སྤྱོད་མཐོང་ནས། །ང་ཡི་གདུལ་བྱའི་སྤྱོད་ཡུལ་དང ། །སངས་རྒྱས་གདུལ་བྱའི་མཛད་པ་དང ། །སྤྱོད་པ་དགེ་བ་སྣ་ཚོགས་ཏེ། །མི་ཡི་བདག་པོར་ཀུན་དྲན་ནས། །ཐམས་ཅད་མཆོད་པར་བྱེད་པར་འགྱུར། །ལྷ་དང་ལྷ་མིན་མིར་བཅས་པ། །དེ་ནས་ས་བདག་ཀུན་འདུས་ནས། །དེ་ཚེ་ང་ཡི་དྲུང་དུ་ནི། །དགའ་སྟོན་ཆེན་པོ་མཆོད་པ་ཀུན། །བྱེད་པར་འགྱུར་བར་ཐེ་ཚོམ་མེད། ། སྐུ་ནི་ཤིང་ལ་རབ་བཏེག་ནས། །ཟང་ཟིང་ཡོན་ཏན་འབྱུང་བའི་གནས། །དགེ་བ་དང་ནི་མི་དགེ་དང ། །བསོད་ནམས་བསོད་ནམས་མ་ཡིན་སྤངས། །ཡང་དག་མཐའ་དོན་སྟོང་ཉིད་མཐའ། །ཕུང་པོ་ལྔ་ནི་འབྱུང་བ་ཆེ།། སེམས་ཅན་མང་པོས་དེ་རྗེས་མཐོང ། །བསོད་ནམས་ཆེ་བའི་དོན་དུ་སྦྱར། །རྫུ་འཕྲུལ་ཆེན་པོ་འདོད་ཆགས་བྲལ། །ཉན་ཐོས་ཆེན་པོ་བདག་ཉིད་ཆེ། །བྱང་ཆུབ་སེམས་དཔའ་ཐམས་ཅད་ཀྱང ། །ས་བཅུ་ལ་ནི་ཡང་དག་གནས། །ཡང་དག་མཐའ་ནི་རྟོགས་ནས་ཀྱང ། །ཆོས་ཀྱི་མཐའ་ལ་ཡང་དག་གནས། །སེམས་ཅན་ཀུན་ལ་སྙིང་བརྩེ་བར། །ཀུན་གྱིས་ཡོངས་
384a
༄#། །སུ་བསྐོར་ནས་གནས། །ལྷ་ཡི་ཚོགས་ནི་ཐམས་ཅད་དང ། །འཕགས་དང་སོ་སོའི་སྐྱེ་བོ་དང ། །འདི་ཀུན་བསོད་ནམས་ཆེན་པོའི་གནས། །མཆོད་རྟེན་ལ་ནི་འདུས་པར་འགྱུར། །མི་རྟག་སྡུག་བསྔལ་དོན་གནས་ནས། །དང་བའི་སེམས་ནི་རབ་ཏུ་ཐོབ། །མཆོད་རྟེན་མཐའ་ཡི་ཉེན་ཀོར་དུ། །འབྱུང་པོའི་ཚོགས་ཀྱང་འདུག་པ་ཡིན། །མཆོད་པ་ཆེན་པོ་བྱས་ནས་ནི། །སྨྲེ་སྔགས་འདོན་ཅིང་དུ་བར་བྱེད། །དབུགས་འབྱིན་སྙིང་རྗེས་བརླན་ནས་ནི། །མཆི་མའི་ཐིགས་པའང་རབ་ཏུ་འཛག་།སྨྲེ་སྔགས་འདི་ལྟར་ཀུན་འདོན་པ། །མི་རྟག་སྡུག་བསྔལ་སྟོང་པ་ཡི། །སངས་རྒྱས་ཆོས་ནི་སྔར་སྟོན་མཛད། །དེ་ལྟར་ས་སྟེང་འདི་ལ་ནི། །དེ་འདིར་ཐུབ་མཆོག་དམ་པ་ནི། །དྲང་སྲོང་མཆོག་གྱུར་བདུན་པ་དང ། །སེམས་ཅན་ཀུན་མཆོག་ཤཱཀྱའི་རྒྱལ། །དེ་མཐོང་བ་ཡི་ཐ་མ་ཡིན། །སྡུག་བསྔལ་མི་རྟག་སྟོན་པ་ཡི། །བཅོམ་ལྡན་དེ་འདི་གཟིམས་པ་ཡི། །མཐོང་བ་ཡི་ནི་ཐ་མ་འམ། །སྟོང་ཉིད་དོན་དམ་སྟོན་བྱེད་དང ། །ཐོག་མ་ནས་ཞི་དོན་སྟོན་པ། །ལྷ་ཡི་ཚོགས་དག་ཅི་ཡི་ཕྱིར། །ཀྱེ་མ་མངའ་བདག་སད་མི་བྱེད། །རྫུ་འཕྲུལ་ཆེན་པོ་ལྷ་ཡི་བུ། །ཐམས་ཅད་འདིར་ནི་ལྷགས་པར་གྱུར། །དཔའ་བོ་ཆེན་པོ་ཆོས་དོན་གཉེར། །རྫུ་འཕྲུལ་ཆེན་པོ་ཉན་ཐོས་དང ། །སེམས་ཅན་ཀུན་ནི་སྡུག་བསྔལ་བའི། །མི་དང་ལྷ་དང་ལྷ་མ་ཡིན། །ཆོས་ཀྱི་འཁོར་ལོ་
384b
རྗེས་བསྐོར་བའི། །དེ་ཡི་དུས་ནི་འདི་དག་ཡིན། །བཅོམ་ལྡན་ཁྱོད་ནི་མྱུར་དུ་བཞེངས། །སངས་རྒྱས་དུས་ཀྱི་རྗེས་འགྲོ་བ། །རྒྱ་མཚོ་ཆེན་པོའི་དུས་བཞིན་དུ། །ཐུབ་པས་དེ་འདྲར་མི་འདའ་མཛོད། །ཡུན་རིང་དུས་ནས་བརྟེན་མཛད་པའི། །སེམས་ཅན་མང་པོའི་དོན་མཛད་སྩོལ། །ཞི་བ་མྱ་ངན་འདས་ལམ་མམ། །བསམ་གཏན་རྣམ་ཐར་བསྟན་དུ་གསོལ། །དེ་ལྟར་རྣམ་པ་དུ་མ་ཡི། །སྨྲ་བ་མང་པོའི་ཚིག་བརྗོད་ནས། །རྫུ་འཕྲུལ་ཆེན་པོའི་ལྷ་ཡི་ཚོགས། །དེ་ནས་ཐམས་ཅད་ཅང་མི་སྨྲ། །མཚུངས་མེད་སྨྲེ་སྔགས་བྱས་ནས་ནི། །བདུད་དང་བཅས་པས་རབ་ཏུ་འདུག་།ཡུན་རིང་དུ་ཞིང་སྨྲེ་བྱས་ནས། །འགུལ་ནས་འཆི་བཅས་སྒྲ་འཛེར་བཅས། །མྱ་ངན་ཡིད་མི་བདེ་དང་བཅས། །ཚངས་ཚོགས་ལྷ་དང་ལྷ་མིན་བཅས། །མི་དང་མི་ཡི་བདག་པོ་ཀུན། །ས་སྟེང་དེ་ལ་གནས་པར་འགྱུར། །གཞན་ཡང་ཤཱཀྱའི་རིགས་སྐྱེས་པ། །རྫུ་འཕྲུལ་ཆེན་པོ་འདོད་ཆགས་བྲལ། །བདག་ཉིད་ཆེན་པོ་སངས་རྒྱས་ནི། །ལྷ་ཡི་ལྷ་ཡི་གཉེན་གྱུར་པ། །དགེ་སློང་མ་འགགས་པ་ཞེས་བྱ། །དེ་གཅུང་མི་ཡི་ནང་ན་དགེ་།ཤིན་ཏུ་ཕྲ་ལ་མཁས་ཤིང་གསལ། །ཆགས་བྲལ་ལུགས་ལ་མཁས་པ་དང ། །དགྲ་བཅོམ་གཙོ་བོ་རྒྱལ་པོ་ནི། །དུ་མའི་འཁོར་གྱིས་ཡོངས་སུ་བསྐོར། །མྱ་ངན་གྱིས་བསྐྱེད་དབུགས་ཕྱུང་ནས། །ཤིན་ཏུ་ཡུན་རིང་ཚིག་ཀྱང་སྨྲས། །སྙིང་རྗེ་ཡིད་མི་བདེས་དྲངས་
385a
༄#། །པས། །རྒྱལ་པོ་དང་བཅས་གྱད་རྣམས་ལ། །གྲོགས་པོ་རེ་ཞིག་ཤིང་ལ་ནི། །མེ་ནི་འཇུག་པར་མ་བྱེད་ཅིག་།ཇི་སྲིད་བཅོམ་ལྡན་སྲས་བོ་ནི། །མཆོག་གྱུར་ཆོས་ཉིད་ལས་བྱུང་བ། །དེ་ནི་ཉན་ཐོས་རྫུ་འཕྲུལ་ཆེ། །འོད་སྲུང་ཆེན་པོ་ཞེས་བྱ་བ། །ཐུབ་པ་ཆེན་པོ་བློ་ཡི་མཆོག་།བྲམ་ཟེའི་རིགས་སྐྱེས་ཟང་ཟིང་མེད། །མ་ག་དྷ་ཡི་མི་ནང་སྐྱེས། །རི་བོ་དེར་ནི་མཉམ་པར་བཞག་།གྲོང་ཁྱེར་རྒྱལ་པོའི་ཁབ་མཆོག་ཏུ། །བི་པ་ལི་ཡི་ཁྱིམ་དུ་གནས། །དེར་ནི་མྱུར་དུ་འདིར་འོང་བར། །བྱེད་ཀྱི་གཞན་དུ་མ་ཡིན་ནོ། །ལྷ་ནི་གང་ཞིག་དེར་དད་པ། །སྐུ་ལ་མེ་འབར་དེས་བཟློག་པས། །དེ་བར་སྐུ་ལ་མ་གཏོང་བ། །དལ་བ་དོན་མེད་མ་བྱེད་ཅིག་།ཇི་སྲིད་རྫུ་འཕྲུལ་ཆེ་བའི་མཆོག ། ཉན་ཐོས་ཐུབ་པ་ཐུགས་དགྱེས་དེས། །འཇིག་རྟེན་གསུམ་མཆོད་སངས་རྒྱས་དང ། །སྟོན་པ་འཇིག་རྟེན་གྱིས་མཆོད་ལ། །ཞབས་ལ་སྤྱི་བོས་ཕྱག་བཙལ་ནས། །བླ་མ་གཡས་སུ་བསྐོར་བྱས་པ། །དེ་ཚེ་སྐུ་འདི་སྦར་དོན་དུ། །དེར་ནི་ཀུན་གྱིས་རབ་བྱོས་ཤིག་།གང་ཚེ་སྔར་ནི་སྦར་འགྱུར་ན། །ཀུན་ཏུ་འབར་བའང་དོན་མེད་གྱུར། །ཐམས་ཅད་དོན་མེད་མ་བྱེད་ཅིག་།འདིར་ནི་ངལ་བ་ཁོ་ན་འབྱུང ། །བློ་དང་ལྡན་པ་མ་འགགས་པས། །ཀུན་ལ་དེ་སྐད་སྨྲས་ནས་ནི། །མི་དང་མི་ཡི་བདག་པོ་དང ། །གྱད་
385b
རྣམས་ཀུན་ཀྱང་འདུག་བར་འབྱུང ། །མི་ཡི་རིགས་སུ་ང་སྐྱེས་ཤིང ། །མི་རྣམས་ཀྱིས་ཀྱང་རབ་ཏུ་སྐྱེས། །ལོངས་སྤྱོད་རྣམས་མང་གཞན་དང་ནི། །བཟོ་དང་སྒྱུ་རྩལ་དགེ་བའང་བསྐྱེད། ། ས་སྟེང་ཤིང་གི་རྩ་དག་ཏུ། །མི་ཡི་གཟུགས་ཀྱིས་བྱང་ཆུབ་ཐོབ། །སངས་རྒྱས་ཀུན་གྱི་མཛད་པ་ནི། །མི་རྣམས་ལ་ནི་ཆོས་ཀྱང་བསྟན། །དེ་ཉིད་ཕྱིར་ན་མི་རྣམས་ཀྱིས། །སྐུ་སྦྱོང་དོན་ཕྱིར་མེ་ཡང་སྤར། །ང་མིང་འབྱུང་པོ་ཀུན་གྱི་ནི། །མཆོག་ཉིད་དུ་ནི་གྱུར་པ་ཡིན། །མི་ཡི་འཇིག་རྟེན་ཞི་བ་དང ། །ང་ནི་མྱ་ངན་འདས་པར་བརྟགས། །གང་དག་སངས་རྒྱས་ཐམས་ཅད་ནི། །འདས་དང་མ་འོངས་ད་ལྟར་གྱི། །ཐམས་ཅད་མི་ཡི་འཇིག་རྟེན་དུ། །མི་ཡི་ལུས་སུ་ཡང་དག་འབྱུང ། །སྐྱེ་དང་བྱང་ཆུབ་དེ་བཞིན་དུ། །དམ་ཆོས་འཁོར་ལོ་དགེ་བ་སྤྱོད།། ཞི་བ་ཡང་དག་ཀུན་གཤེགས་པར། །དེ་བཞིན་རང་རྒྱལ་དགྲ་བཅོམ་པ། །མི་ཡི་ལུས་ལ་བརྟེན་ནས་ནི། །བླ་མེད་ཞི་བར་གཤེགས་པ་ཡིན། །བསྐལ་པ་བསམ་གྱིས་མི་ཁྱབ་བར། །དེ་དག་ལ་ནི་ངས་ཕན་བྱས། །ང་ནི་ཕྱི་མར་ཞི་བ་དང ། །བསིལ་བར་གྱུར་ཅིང་འགོག་པར་གྱུར། །ས་སྟེང་སྟོང་བར་གྱུར་པ་ན། །དེ་ན་སྐུ་གདུང་རབ་བཞག་པ། །མི་རྣམས་ལ་ནི་ཕན་དོན་དུ། །མཆོད་པ་རྗེས་སུ་གཟུང་འདོད་བས། །འཇིག་རྟེན་ལྟ་དང་ལྷ་མིན་བཅས། །མི་དང་གནོད་སྦྱི་མཁའ་ལྡིང་བདག་།སྲིན་པོ་ཡི་དྭགས་གྲུལ་བུམ་
386a
༄#། །བདག་།རྫུ་འཕྲུལ་ཆེན་པོ་ཤ་ཟ་རྣམས། །འབྱུང་པོ་དག་ནི་ཐམས་ཅད་དང ། །གཟར་བཅས་མ་མོ་རྣམས་དང་ནི། །དེ་བཞིན་འཇིག་རྟེན་ཐམས་ཅད་ནི། །གྲངས་མེད་བསམ་གྱིས་མི་ཁྱབ་ཁམས། །སྲོག་ཆགས་ཐམས་ཅད་ཉིད་དག་ནི། །མཆོད་པའི་དོན་ཕྱིར་སྐུ་གདུང་དག་།ས་སྟེང་སྟོང་པར་གྱུར་པ་ན། །དེ་ཡི་ཚེ་ན་ཡང་དག་བཞག་།ཁ་ཅིག་ས་སྟེང་མི་དག་དང ། །ལྷ་ཡི་རྒྱལ་པོ་དེ་བཞིན་གཞན། །ལྷ་མིན་དབང་པོ་རྫུ་འཕྲུལ་ཆེ། །ས་འོག་གནས་པ་གཞན་དག་དང ། །དེ་བཞིན་ཀླུ་རྒྱལ་ལྷ་མིན་དག་།སྐུ་གདུང་སོ་སོ་སོ་སོར་ནི། །ཡོན་ཏན་ལྡན་པ་རྫུ་འཕྲུལ་ཆེས། །ཕྱོགས་གནས་ཐམས་ཅད་བདག་གིར་བྱས། །རང་གི་གནས་སུ་ཁྱེར་ནས་ནི། །དེ་ཚེ་མཆོད་པ་བྱེད་འགྱུར་ཞིང ། །རྫུ་འཕྲུལ་ཆེན་པོ་སངས་རྒྱས་སུ། །ཐམས་ཅད་ཐེ་ཚོམ་མེད་པར་འགྱུར། །མཆོག་དང་ཐ་མ་བར་གནས་པའི། །སེམས་ནི་དད་པ་རྣམ་གསུམ་གྱིས།། འཇིག་རྟེན་རྣམ་གསུམ་འགྱུར་བ་ནི། །སངས་རྒྱས་བསེ་རུ་དགྲ་བཅོམ་ཐོབ། །ཐེག་པ་རྣམ་གསུམ་འཇིག་རྟེན་གསུམ། །རྣམ་གསུམ་ཡང་དག་བསྟན་པ་ཡིན། །ཐེག་ཆེན་ལ་འཇུག་ལམ་གྱིས་ནི། །དེ་ལ་བརྟེན་ནས་ངེས་པར་འབྱུང ། །རང་རྒྱལ་བྱང་ཆུབ་ལ་བརྟེན་པ། །དེ་བཞིན་འཇིག་རྟེན་འགྱུར་བ་ཡིན། །དེ་ལས་གཞན་པ་ཉན་ཐོས་ཀྱང་།།
386b
རྫུ་འཕྲུལ་ཆེན་པོ་འདོད་ཆགས་བྲལ། །དེ་བཞིན་འཇིག་རྟེན་འགྱུར་བ་ཡིན། །རྣམ་གསུམ་རིགས་ཀྱིས་རྣམ་པར་བརྒྱན། །ས་བདག་ལོངས་སྤྱོད་ཆེན་པོ་དང ། །བདེ་ཆེན་དོན་དུ་འཁོར་ལོས་བསྒྱུར། །ལྷ་དང་མི་ཡི་ཕུན་སུམ་ཚོགས། །ཡུན་རིང་དེ་ཚེ་རྗེས་མྱོང་ནས། །མཐར་ནི་འཆི་བ་ལ་བརྟེན་ནས། །དེ་དག་ཞི་བ་རྣམ་གསུམ་འགྲོ་།དང་པོར་སྔར་ནི་སངས་རྒྱས་དང ། ། ད་ལྟར་མ་འོངས་པ་དག་ཀྱང ། །ཐམས་ཅད་ལ་ནི་འདི་ཉིད་དེ། །འདི་ནི་ཡང་དག་ཇི་བཞིན་བསྟན། །མྱ་ངན་འདས་པའི་ས་དེ་ལ། །ལྷ་རྣམས་ཐམས་ཅད་འདུག་ནས་ནི། །ཡིད་འབྱུང་སེམས་ནི་སྐྱོ་ནས་ཀྱང ། །སྐད་འཛེར་བཅས་པས་སྨྲ་བ་ནི། །དེ་ཚེ་ཐམས་ཅད་འདི་སྐད་སྨྲ། །ཀྱེ་མའོ་ཀྱི་ཧུད་མི་རྟག་པ། །འཇིག་རྟེན་སངས་རྒྱས་རྫུ་འཕྲུལ་ཆེ། །དེ་འདིར་ཡོངས་སུ་མྱ་ངན་འདས། །ལྷ་ཡི་རྒྱལ་པོ་རྫུ་འཕྲུལ་ཆེ། །དེ་དག་ཀུན་གྱིས་དེ་སྨྲས་ནས། །སྙིང་ནི་མྱ་ངན་བཅས་གྱུར་ནས། །དེ་ནས་ཅང་མི་སྨྲ་བར་གནས། །མ་ག་དྷཱ་ཡི་སྐྱེ་བོ་མཆོག་།ཀུ་ཤའི་མཆོག་གི་གྲོང་གནས་པ། །དེ་དང་ཉེ་བའི་རི་བོ་ནི། །ཕག་རྒོད་ཅེས་བྱའི་མིང་དུ་གྲགས། །དགེ་སློང་བསམ་གཏན་དེར་བྱེད་པ། །པི་པ་ལི་ཡི་ཕུག་ཞུགས་པ། །འདི་ནི་ཉན་ཐོས་ང་ཡི་བུ། །ཐུགས་སྐྱེས་ཆོས་ལས་བྱུང་བ་གང ། །དེ་ནི་འོད་སྲུང་ཆེན་པོ་ཡིན། །དེ་ཚེ་ཕུག་མཆོག་ལ་འདུག་ནས། །དེ་ནས་བསོད་སྙོམས་ལ་སྤྱད་དེ། །འདུག་ནས་རང་ཉིད་
387a
༄#། །སེམས་པར་བྱེད། །དུས་རིང་བདག་གི་སངས་རྒྱས་ལ། །བདག་གིས་ཀྱང་ནི་དེ་ཕྱག་བྱས། །རང་བྱུང་གྱུར་པ་མི་ཡི་མཆོག་།བདག་གིས་ད་ལྟར་དེ་བལྟ་བྱ། །ཤཱཀྱའི་རིགས་སྐྱེས་ཐུབ་པ་མཆོག་།བཅོམ་ལྡན་དེ་ནི་ག་ལ་བཞུགས། །བྲམ་ཟེའི་རྒྱལ་པོ་འོད་སྲུང་ཆེ། །དེར་ནི་ཡང་དག་དགོངས་པར་གྱུར། །ཐུབ་པའི་ཐུབ་པ་ཁོ་ན་ནི། ། སེམས་ཀྱིས་དེ་ལྟར་བསམས་པར་གྱུར། །ལྷ་ཡི་མིག་གིས་འཇིག་རྟེན་ལ། །འཇིག་རྟེན་མ་ལུས་ལྟ་བར་བྱེད། །འོག་མིན་དེ་བཞིན་འཇིག་རྟེན་མཐའ། །སྲིད་རྩེའི་འཇིག་རྟེན་ཁམས་ཀྱི་བར། །འཇིག་རྟེན་མ་ལུས་ཐམས་ཅད་དང ། །སྟོང་ཆེན་སྲིད་པ་ལས་བྱུང་བ། །ཉན་ཐོས་སྤྱོད་ཡུལ་ཇི་ཙམ་པར། །ལྷ་ཡི་མིག་གིས་བལྟ་བྱས་ནས། །མྱ་ངན་འདས་གཟིམས་ཞི་བ་དང ། །བསིལ་བར་གྱུར་ཞིང་ནད་མེད་པ། །རྫུ་འཕྲུལ་ཆེན་པོ་ལྷ་ཚོགས་ཀྱིས། །ཀུན་ནས་ཡོངས་སུ་བསྐོར་བ་དང ། །མི་དང་མི་ཡི་བདག་པོ་དང ། །ལྷ་མིན་གནོད་སྦྱིན་སྲིན་པོ་དང ། །འབྱུང་པོའི་ཚོགས་ནི་ཐམས་ཅད་དང ། །བྱང་ཆུབ་སེམས་དཔའ་རྫུ་འཕྲུལ་ཆེ། །གྲགས་ཆེན་ཉན་ཐོས་ཆེན་པོ་ཡང ། །ཤེས་རབ་གཙོར་ནི་གྱུར་པ་དང ། །འདོད་ཆགས་བཅས་དང་འདོད་ཆགས་བྲལ། །ལྷ་དང་བཅས་པ་མི་རྣམས་ཀྱིས། །དཔའ་བོ་ཤིང་ལ་བཏེག་པ་ནི། །སངས་རྒྱས་ཉི་མའི་རིགས་ལས་བྱུང ། །དེ་
387b
བཞིན་ལྷ་ཡི་ལྷར་གྱུར་གཙོ། །ཐུབ་པ་དམ་པའི་མངའ་བདག་ནི། །ས་བདག་གླིང་ལ་གནས་རྣམས་ཀྱིས། །ཀུན་ནས་ཡོངས་སུ་བསྐོར་གྱུར་ནས། །མི་ཡི་དབང་མཆོག་གྱད་དག་གིས། ། ལག་ན་རྩཝ་སྒྲོན་ཡང་དག་ཐོགས། །དེ་དག་མེ་སྦར་མི་ནུས་པར། །ལྷ་རྣམས་ཀྱིས་ནི་བཟློག་འགྱུར་ཞེས། །དགེ་སློང་མ་འགགས་པ་ཡང་ནི། །བརྟུལ་ཞུགས་ཅན་གྱིས་དེ་སྐད་སྨྲས། ། མཆི་མས་བརྣངས་ཤིང་སྨྲེ་སྔགས་འདོན། །ས་རྣམས་སྒྲ་ནི་ཆེན་པོས་གང ། །ཧ་ཧ་ཞེས་བྱའི་སྒྲ་ཉིད་དང ། །རྔ་བོ་ཆེ་ཡི་སྒྲ་ཡང་ཐོས། །ལྷ་དང་དྲང་སྲོང་ཚོགས་ཀྱིས་ཁྱབ། །ལྷ་ཡི་བུ་མོའི་ཚོགས་ཀྱིས་བསྟོད། །གྲུབ་པ་རིག་འཛིན་ཀླུ་དང་ནི། །མི་འམ་ཅི་ཀླུ་རྒྱ་ཆེ་བ། །སྙན་པའི་སྒྲ་ནི་སྒྲོགས་པར་བྱེད། །བྱ་ཡི་སྐད་ནི་དགེ་བ་དང ། །ཡིད་འོང་སྣ་ཚོགས་རོལ་མོ་དང ། །ལྷ་དང་མི་ཡིས་རྗེད་པ་དང ། །ལྷ་ཡི་བུ་མོའི་ཚོགས་ཀྱིས་གང ། །གྲུབ་པ་རིག་འཛིན་\?\་དག་དང་ལྡན། །དེ་ཚེ་སཱ་ལའི་ནགས་དག་ཏུ། །རྣལ་འབྱོར་དག་གིས་ཀུན་ཏུ་ཁྱབ། །ཐུབ་མཆོག་གཟིམས་མལ་དམ་པ་ནི། །ཀུན་ནས་ཡོངས་སུ་བསྐོར་བར་མཐོང ། །རྫུ་འཕྲུལ་ཆེན་པོ་མྱ་ངན་བྲལ། །དེ་ནས་དབུགས་འབྱིན་མྱ་ངན་བཅས། །དེ་ཚེ་བྲམ་ཟེ་འོད་སྲུང་ནི། །མཆི་མའི་ཐིགས་པའང་རབ་ཏུ་འདོན། །ང་ཡི་ཉན་ཐོས་མཆོག་གྱུར་པ། །དེ་ཚེ་ས་ཡི་སྟེང་དུ་འགྱེལ། །ཚིག་ཀྱང་མྱུར་དུ་བརྗོད་པ་ནི། །ཀྱེ་མའོ་དགའ་བ་རབ་ཏུ་བྱུང ། །གང་དུ་སངས་རྒྱས་ཞེས་བྱ་བ། །
388a
༄#། །ཟག་མེད་མྱ་ངན་འདས་གྱུར་ཏམ། །མི་རྟག་སྡུག་བསྔལ་སྟོང་པ་ཞེས། །དེ་ཉིད་ཀྱིས་ནི་འདིར་གསུངས་པ། །སྐྱེ་བ་གཞན་གྱི་རྗེས་འགྲོ་བ། །བདག་གིས་སྟོན་པའི་སྐུ་མི་མཐོང ། །དེ་ནས་ལངས་ནས་མྱུར་དུ་ནི། །མ་ག་དྷཱ་ཡི་རྒྱལ་པོར་སོང ། །སྡུག་བསྔལ་ཉམས་ཐག་མ་སྐྱེས་དགྲ། །ཕ་ཡི་མྱ་ངན་གྱིས་ནོན་པའི། །དེ་ཚེ་དེ་ཡི་ཕུག་འོངས་ནས། །མི་ཡི་བདག་པོ་དེ་ལ་སྨྲས། །རྐང་གཉིས་དམ་པ་རྫོགས་སངས་རྒྱས། །རྒྱལ་པོ་ཆེན་པོ་མྱ་ངན་འདས། །བཞོན་པ་མྱུར་དུ་སྦྱོར་མཛོད་དང ། །ང་ནི་སྟོན་པའི་དྲུང་འགྲོ་བ། །སཱ་ལར་གཟིམས་མལ་བཞུགས་པ་ནི། །ནད་མེད་སེམས་དང་རྣམ་པར་བྲལ། །བསྟན་པ་ཐམས་ཅད་ལས་འདས་ཤིང ། །སྐུ་ཡི་དམ་པ་ལོངས་སྤྱོད་རྫོགས།། མ་རུངས་དེ་ཚིག་ཐོས་ནས་ནི། །རྒྱལ་པོ་དེ་ཡང་སྡུག་བསྔལ་ཞིང ། །ཉམ་ཐག་སྨྲེ་བར་གྱུར་བ་ཡི། །དེ་ཚེ་ཚིག་ནི་རྒྱལ་པོ་འདོན། །སྟོན་པ་དང་ནི་ཕ་དག་དང ། །གཉི་ག་ལས་ཀྱང་བདག་ཉམས་གྱུར། །གཉེན་རྣམས་ཀུན་གྱིས་སྤངས་པ་སྟེ། །དེ་ཚེ་སྐྱེ་བོ་ཡིད་ཆེས་མེད། །དམྱལ་བ་མི་བཟད་ལྟུང་འགྱུར་ན། །བདག་ནི་སུ་ཡི་སྐྱབས་ལ་བརྟན། །ཉན་ཐོས་སྟོན་པའི་མཆོག་གྱུར་པ། །དཔའ་བོ་ཆེན་པོ་སྐྱབས་མཛོད་ཅིག་།ཉན་ཐོས་ཆེན་པོ་གཟི་བརྗིད་ཆེ། །བདག་གི་འཚོ་བ་འདི་ན་མེད། །མ་ག་དྷཱ་ཡི་མི་
388b
ཡི་བདག་།དེ་ནས་དེ་སྐད་སྨྲས་པ་དང ། །ཉན་ཐོས་མཆོག་གི་རྐང་གཉིས་ལ། །དེ་ཡི་མོད་ལ་སྤྱི་བོས་གཏུགས། །དེར་ནི་སེམས་མེད་བརྒྱལ་གྱུར་བ། །དེ་ཡི་ཚེ་ན་གཞོན་ནུ་ནི། །རྫུ་འཕྲུལ་ཆེན་པོ་འཇམ་པའི་དབྱངས། །དབུགས་འབྱིན་པ་ནི་བྱེད་པར་འགྱུར། །སེམས་ཅན་རྗེས་སུ་གཟུང་འདོད་པས། །འཇིག་རྟེན་ཀུན་ཏུ་རྒྱུ་བར་གྱིས། །གང་ཚེ་སཱ་ལའི་ནགས་སུ་ནི། །ང་ལུས་ཤིང་གི་སྟེང་བཞག་པ། །བྱང་ཆུབ་སེམས་དཔའི་ཚོགས་བསྐོར་ནས། །དེ་ཚེ་ཁྱོད་ནི་འདུག་པར་འགྱུར། །གང་ཕྱིར་ང་ལུས་མཆོད་པའི་ཕྱིར། །ས་སྟེང་འདིར་ནི་ཁྱོད་ཀྱིས་བྱས། །འཇིག་རྟེན་ཀུན་ཏུ་བལྟས་ནས་ནི། །སུ་ཞིག་སྡུག་བསྔལ་གང་ལས་དྲང ། །གཞོན་ནུ་ཟབ་པའི་བློ་ལྡན་པ། །དེ་ལྟར་ས་ལ་འགྱེལ་བར་འགྱུར། །འཇམ་དཔལ་གྱིས་ནི་དེ་ཡི་ཚེ། །ས་བདག་དེ་ནི་སྡུག་བསྔལ་བ། །དེར་གནས་པ་ལ་ཁྱོད་ཀྱིས་ནི། །ཁྱོད་ཉིད་ཀྱིས་ནི་དེ་འདུལ་གྱུར། །བྱང་ཆུབ་སེམས་དཔས་རྟོགས་འགྱུར་གྱི། །ལྷ་དང་དྲང་སྲོང་རྣམས་དང་ནི། །ཉན་ཐོས་རང་རྒྱལ་གཞན་དག་དང ། །རྫུ་འཕྲུལ་ཆེན་པོས་མི་ནུས་སོ། །འཇམ་པའི་དབྱངས་ཀྱིས་མི་བདག་ནི། །རྨི་ལམ་གནས་པ་བཞིན་དུ་མཐོང ། ། ཁྱོད་ཀྱི་རྫུ་འཕྲུལ་བྱིན་རླབས་ཀྱིས། །རྒྱལ་པོ་མྱ་ངན་གྱིས་བརྒྱལ་དེས། །དེ་ཚེ་དེ་ནི་རྨི་ལམ་དུ། །མངོན་སུམ་བྱིས་པ་ལྟ་བུར་མཐོང ། །རྫུ་འཕྲུལ་ཆེན་པོ་འཇམ་པའི་
389a
༄#། །དབྱངས། །གཞོན་ནུ་བདག་ཉིད་སྣ་ཚོགས་པ། །དེ་བཞིན་ཆོས་ནི་རྣམ་པར་འཕྲུལ། །བྱང་ཆུབ་སེམས་དཔའ་བྱིས་པའི་གཟུགས། །སྣ་ཚོགས་རྫུ་འཕྲུལ་བསམ་མི་ཁྱབ། །འཇམ་དཔལ་གྱིས་བསྟན་སེམས་དད་བྱས། །རྒྱལ་པོ་མནར་མེད་འགྲོ་བ་ལས། །མྱུར་དུ་དེ་ལས་ལྡང་བར་འགྱུར། །རྣམ་པ་སྣ་ཚོགས་ལས་དང་ནི། །ངན་སོང་མཐོ་རིས་བཟང་པོ་དང ། །འགྲོ་བ་བདག་ཉིད་ཆེ་ཡོན་ཏན། །ཉན་ཐོས་ཐམས་ཅད་རྣམ་སྤངས་པ། །དེ་ནས་རྒྱ་ཆེར་བྱས་པ་ནི། །མདོ་སྡེ་འགྱོད་པ་སེལ་བ་སྟེ། ། རྒྱལ་པོ་མ་སྐྱེས་དགྲ་ཡི་ནི། །ཤིན་ཏུ་རྒྱ་ཆེར་བསལ་བ་འོ། །རྒྱ་ཆེ་དོན་གྱིས་བརྒྱན་པ་ཡི། །མདོར་བསྡུས་ནས་ནི་འདི་གསུངས་སོ། །དང་པོ་བར་མ་ཐ་མ་ཡི། །སངས་རྒྱས་ཀུན་གྱི་གསུང་དག་ནི། །སེམས་ཅན་ཀུན་ལ་ཕན་པའི་ཕྱིར། །ཆོ་ག་རྒྱ་ཆེར་གསུངས་པ་ཡིན། །དེ་ནས་འཇམ་དཔལ་དུས་ཀུན་ཏུ། །གཞོན་ནུ་ཁྱོད་ནི་དེ་ཡི་ཚེ། ། སྡིག་པའི་ལས་ལ་རྗེས་འཇུག་པའི། །ས་བདག་རྣམས་ནི་འདུལ་བར་འགྱུར། །ཁྱོད་ནི་རྫུ་འཕྲུལ་བསམ་མི་ཁྱབ། །གདུལ་བྱ་དག་ཀྱང་བསམ་མི་ཁྱབ། །འབྱུང་པོའི་ཚོགས་རྣམས་མ་ལུས་པ། །ཁྱེད་ནི་འདུལ་བྱེད་ཉིད་དུ་འགྱུར། །སངས་རྒྱས་དཔའ་བོས་དེ་གསུངས་ནས། །འོད་ཆེན་ལྡན་པས་འཇམ་དབྱངས་ལ། །གནས་གཙང་
389b
སྟེང་བཞུགས་དེ་ཚེ་གཟིགས། །རྐང་གཉིས་དམ་པ་རྫོགས་སངས་རྒྱས། །སྨྲ་བའི་མཆོག་གིས་དེ་ལ་གསུངས། །བསྐལ་བ་མང་པོ་འདས་པ་ན། །ཁྱོད་ནི་རྫོགས་སངས་རྒྱས་པར་འགྱུར།། གྲངས་ཀྱིས་མཉམ་མེད་བསམ་མི་ཁྱབ། །མི་ཡི་གྲངས་དང་མཉམ་མེད་པར། །འཇམ་པའི་རྒྱལ་མཚན་ཞེས་བྱ་བ། །སངས་རྒྱས་འཇིག་རྟེན་འབྱུང་བར་འགྱུར། །རྟག་ཏུ་ཡང་ནི་མཐར་གྱིས་ཀྱང ། །སངས་རྒྱས་མཛད་པ་དེ་ཚེ་བྱེད། །སེམས་ཅན་མང་པོ་རྣམ་བཀྲོལ་ནས། །མྱ་ངན་འདས་པ་ཉིད་དུ་འགྱུར། །གཞོན་ནུའི་གཟུགས་ཅན་རྫུ་འཕྲུལ་ཆེ། །གཞོན་ནུ་ལ་ནི་དེ་གསུངས་ནས། །བརྩེ་བས་བརླན་པའི་སེམས་ཀྱིས་ནི། །ཡུན་རིང་དབུགས་ཕྱུང་རྣམ་པར་སྐྱོ། །ཡུན་རིང་རྫོགས་སངས་རྒྱས་བལྟས་ནས། །མཆི་མའི་ཐོགས་\?\་པའང་རྣམ་འཛག་ཅིང ། ། ཐལ་མོ་སྦྱར་དང་བཅས་ནས་ནི། །དེ་ནས་ཀྱང་ནི་འདུག་པར་འགྱུར། །དེ་ནས་དེ་ནི་ས་གནས་པ། །མི་ཡི་དམ་པ་མ་སྐྱེས་དགྲས། །རྨད་བྱུང་འོད་སྲུང་ཆེན་པོ་ནི། །བྲམ་ཟེ་ལ་ནི་མགོས་བཏུད་ནས། །དྲན་པ་རྙེད་ཅིང་སེམས་སད་ནས། །རྐང་གཉིས་སྐྱིལ་ཀྲུང་བཅས་ནས་འདུག་།དེ་ནི་ཡུན་རིང་དབུགས་ཕྱུང་ལ། །དོན་ནི་རྒྱ་ཆེར་ངེས་བསྟན་བྱས། །དབང་ཕྱུག་ཆེན་པོ་མ་སྐྱེས་དགྲ། །རྒྱལ་པོའི་བུ་ནི་འདུག་བར་འགྱུར། །དེ་ནས་འོད་སྲུང་ཆེས་སྨྲས་པ། །ང་ནི་སྤུར་སྦྱོང་གནས་སུ་འགྲོ་།མི་རྣམས་ལ་ནི་ཕན་ཕྱིར་དང ། །མཆོད་རྟེན་གཟུགས་
390a
༄#། །གནས་མཆོད་དོན་དུའོ། །ཉན་ཐོས་མཆོག་ནི་གནས་དེ་རུ། །རྫུ་འཕྲུལ་ཉིད་ཀྱིས་ཉེ་བར་ལྷགས། །དེ་དང་འབྲེལ་བར་སེམས་སྐྱེ་བ། །བདག་གི་རྫུ་འཕྲུལ་རིགས་པ་མིན། །མཆོད་རྟེན་ཆེན་པོ་མཐོང་བར་ནི། །རྐང་གཉིས་བདག་ནི་འགྲོ་བར་འཚལ། །དེ་ནས་ལམ་གྱི་བར་འདུག་ནས། །འཁོར་བའི་སྟེགས་ནི་རབ་ཏུ་བསྟན། །ཇི་ཙམ་དེར་ནི་འོངས་གྱུར་པ། །དགེ་འདུན་ཀུན་དགའ་རར་གནས་པའི། །དགེ་སློང་རྒན་ཞུགས་གསར་བུ་ནི། །སྡིག་པ་ཉིད་ཀྱིས་རྣམ་རྨོངས་པས། །མཐོང་ནས་རྒན་ཞུགས་རྣམ་འཁྲུགས་ཏེ། །གང་ཕྱིར་དེ་དང་ཉེ་བར་འོངས། །གྲགས་པ་ཆེ་ཞིང་སྐལ་བ་ཆེ། །སེམས་ཅན་དག་པ་རིམས་ནད་མེད། །བྲམ་ཟེ་དེ་ཡི་དྲུང་ལྷགས་ནས། །དེ་ཚེ་རྐང་གཉིས་ཕྱག་བྱས་ནས། །དེ་ལ་སྨྲས་པ་སྐལ་བ་ཆེ། །ལེགས་འོངས་ཁྱོད་ནི་ཅི་ཕྱིར་བྱོན། །མྱུར་དུ་ཁྱོད་ནི་གང་དུ་འགྲོ། །ཡིད་བྱུང་ཅི་ཕྱིར་རབ་ཏུ་འདུག་།དེ་སྨྲས་ཁྲོ་ལྡན་བྱིས་པ་ལ། །ཚེ་ལྡན་ཁྱོད་ཀྱིས་མ་ཐོས་སམ། །རྐང་གཉིས་དམ་པ་རྫོགས་སངས་རྒྱས། །འཇིག་རྟེན་ཀུན་གྱི་སྟོན་པ་ནི། །སངས་རྒྱས་བདག་གི་ཕ་ཞེས་སྨྲས། །མར་མེ་འབར་བཞིན་མྱ་ངན་འདས། །དཔའ་བོ་ཆེན་པོ་ནུབ་པར་འགྱུར། །ས་ཡི་སྟེང་ནི་སྟོངས་པར་གྱུར། །དེ་བཞིན་འཇིག་རྟེན་མ་ལུས་སྟོངས། །བདག་གི་ཕྱོགས་
390b
རྣམས་ཀུན་སྟོངས་གྱུར། །བྱིས་དེ་ཕྱིན་ཅི་ལོག་སེམས་ཀྱིས། །དེར་ནི་རྒན་ཞུགས་རབ་དགའ་ནས། །རབ་དགོད་ཚིག་ཏུ་སྨྲས་པ་ནི། །རབ་ཏུ་རིང་དེ་འདས་གྱུར་ཏམ། །ཕྱག་རིང་ལུས་ཆེ་ཆེ་བ་དང ། །མགོ་ནི་གདུགས་ཀྱི་རྣམ་པ་འདྲ། །བདག་ཅག་རྣམས་ཀྱི་གཙོ་བོ་མཆོག་།བསླབ་དང་བསླབ་མིན་རྗེས་སུ་སྟོན། །ད་ལྟར་དེ་ནི་མྱ་ངན་འདས། །ཅི་འདོད་བཞིན་དུ་བདག་ཅག་སྤྱོད། །རྒན་ཞུགས་ཀྱིས་ནི་དེ་སྨྲས་ནས། །རྫུ་འཕྲུལ་ཆེན་པོ་རབ་ཏུ་འཁྲུགས། །གདོང་ལ་ཁྲོ་གཉེར་བྱས་ནས་ནི། །ཡི་གེ་ཧཱུཾ་ནི་རབ་ཏུ་སྦྱར། །སྡོམ་བརྩོན་བག་ཆགས་བསླང་ནས་ནི། །བྲམ་ཟེ་དེ་མོད་རབ་འཁྲུགས་ནས། །རྐང་བའི་མཐེ་བོས་དེ་མ་ཐག་།ས་ཡི་སྟེང་དུ་རབ་བསྣུན་པས། །ས་རྣམས་དང་ནི་རི་རབ་ཀྱང ། །རབ་ཏུ་འགུལ་བར་གྱུར་པ་དང། །རྒྱ་མཚོ་རྣམས་དང་ཤིང་རྣམས་དང ། །རི་རབ་རྣམས་ཀྱང་འཁྲུགས་པར་གྱུར། །ཀླུ་རྒྱལ་དང་ནི་ལྷ་རྣམས་དང ། །རི་སུལ་ཕུག་ཀྱང་རྣམ་པར་འགྱེལ། །ཟླ་བ་དང་ནི་ཉི་མ་དང ། །ས་སྟེང་དེ་ཚེ་སྣང་བ་ཉམས། །རླུང་ཡང་རྒྱུ་བ་མེད་པར་གནས། །སྐར་མདའ་དག་ཀྱང་ས་ལ་ལྷུང ། །དེ་ནས་དེ་ནི་སྔགས་ཞེས་བརྗོད། །ཉན་ཐོས་རྣམས་ཀྱི་རིགས་ལས་བྱུང ། །ཡི་གེ་ཧཱུཾ་དེ་ཡི་གེ་གཅིག་།ལས་རྣམས་མ་ལུས་བྱེད་ཅིང་དགེ་།སྔགས་ཀྱི་རྒྱལ་པོ་བཟླས་ཙམ་གྱིས། །འདི་ནི་བཟླས་པ་ཙམ་གྱིས་བྱེད། །འགྲོ་དང་གནས་པའི་དུག་
391a
༄#། །དང་ནི། །དེ་བཞིན་དགྲ་ཀུན་རེངས་པར་བྱེད། །སེམས་ཅན་གདུག་པ་ཐམས་ཅད་ལ། །བཟླས་པ་ཙམ་གྱིས་རེངས་པར་བྱེད། །རྣམ་པ་སྣ་ཚོགས་ལས་བྱེད་ཅིང ། །ཁྱད་པར་དུ་ཡང་གཞན་ཉིད་བྱེད། །རྒན་ཞུགས་ཚིག་ཀྱལ་རབ་སྨྲས་པ། །དེར་ནི་མི་སྨྲ་ཐུར་བལྟས་འདུག་།དེ་ཡི་རྫུ་འཕྲུལ་ལ་དད་ནས། །དེ་ཡི་མོད་ལ་རྣམ་པར་བཏུལ། །དེ་ཚེ་ཉན་ཐོས་མཆོག་གི་ནི། །གདུང་སྦྱོར་ཤིང་གི་དྲུང་དུ་ཁྱེར། །རྫུ་འཕྲུལ་ཆེན་པོ་འདོད་ཆགས་བྲལ། །དགེ་སློང་དེ་ནི་རྐང་གིས་སོང ། །དེར་སོང་དེས་ནི་ཐུབ་པའི་སྐུ། །ཤིང་ལ་ཡོད་པར་རབ་ཏུ་མཐོང ། །ལྷ་ཡི་ཚོགས་ནི་དུ་མས་ཀྱང ། །མཆོད་པ་ཆེན་པོ་བྱེད་པ་དང ། །གཽ་ཏ་མ་ནི་ཐུབ་པ་ཡི། །སྐུ་ནི་ཤིང་གི་སྟེང་བཞག་མཐོང་།། འོད་སྲུང་ཆེན་པོ་རྨད་བྱུང་བ། །སྐལ་པ་ཆེན་པོ་དེ་མཐོང་ནས། །རྫུ་འཕྲུལ་ཆེན་པོའི་དགེ་སློང་རྣམས། །ཐམས་ཅད་སྨྲེ་སྔགས་འདོན་པར་བྱེད། །ལྷ་དང་བཅས་པའི་ཚོགས་ཀུན་ནི། །ཧ་ཧའི་རྣམ་པ་རབ་འདོན་ཅིང ། །དེ་ལྟར་མྱ་ངན་ལས་སྐྱེས་པའི། །ཉམ་ཐག་སྒྲ་ནི་ཤིན་ཏུ་ཆེ། །རྫུ་འཕྲུལ་ཆེན་པོ་ལྷ་དང་ཀླུ། །དེ་ནས་ཀུན་གྱི་རབ་བསུ་ནས། །རྐང་གཉིས་མཆོག་ལ་ཕྱག་བྱོས་ཞེས། །སྐལ་པ་ཆེ་ལའང་རབ་ཏུ་སྨྲས། །ལྷ་ཚོགས་མི་དང་བཅས་པ་དང ། །འབྱུང་པོ་ཀུན་གྱི་ཚོགས་དག་དང ། །མི་བདག་དྲང་སྲོང་གནོད་
391b
སྦྱིན་དག་།ཁྱོད་ལ་སྡོད་ཅིང་གཞོལ་བ་ཡིན། །ཤིང་ལ་མེ་གཏོང་འབད་གྱུར་ཀྱང ། །སྐུ་སྦྱོང་ཤིང་ནི་སྤར་མི་ནུས། །དེ་ནས་དེ་ནི་སྐྱོན་བྲལ་བ། །རྫུ་འཕྲུལ་ཆེན་པོ་སྐལ་བ་ཆེས། ། གདུང་སྦྱོང་ཤིང་གི་སྨད་ཆ་ལ། །རྫུ་འཕྲུལ་ཆེན་པོ་དེས་ཕྱག་བྱས། །དེ་བཞིན་གཤེགས་པ་རྗེས་དྲན་ནས། །བསྐོར་བ་དག་ཀྱང་མང་དུ་བྱས། །དེ་ཚེ་ལྕགས་ཀྱི་སྒྲོམ་ཕྲལ་ནས།། ཞབས་གཉིས་དག་ཀྱང་རྣམ་བརྐྱང་ལ། །ཡང་དང་ཡང་དུ་ཞབས་བྱུགས་ནས། །ཞབས་གཉིས་སྤྱི་བོས་ཕྱག་བྱས་ནས། །ཐུབ་པ་མཆོག་གི་ཞབས་གཉིས་ལ། །ལན་མང་དག་ཏུ་རྣམ་པར་བལྟས། །དེར་ནི་ཞབས་གཉིས་ཡང་ཞུགས་ཏེ། །ལྕགས་ཀྱི་སྒྲོམ་ལ་ཡང་དག་གནས། །རྫུ་འཕྲུལ་ཆེན་པོ་འདོད་ཆགས་བྲལ། །དེ་ནི་དེ་ནས་ལངས་འདུག་པ། །རྫུ་འཕྲུལ་ཆེན་པོ་འདོད་ཆགས་བྲལ། །དགྲ་བཅོམ་རྣམས་ཀྱིས་ཡོངས་སུ་བསྐོར། །མ་ག་དྷ་གཙོ་རྒྱལ་པོ་ཡང ། །སྐུ་སྦྱོང་ཤིང་གི་ཐད་འོངས་པ། །གླང་པོ་ཤིང་རྟ་བཞོན་རྟ་དང ། །མཐར་གྱིས་དེ་ནས་ཐེག་པ་ཡིས། །དེ་ནས་དཔུང་ཆེན་ས་ཡི་བདག་།ཀུན་ཀྱང་སྟོབས་དང་བཞོན་པར་བཅས། །དེ་ཚེ་ཐུབ་པ་ཤཱཀ་ཐུབ་ལ། །དེར་ནི་ཕྱག་འཚལ་དོན་དུ་ལྷགས། །ས་སྟེང་ཞི་བའི་གཟིམས་མལ་དུ། །བས་མཐའ་དགོན་པར་མྱ་ངན་འདས། །ཆུ་བོ་གསེར་ལྡན་འགྲམ་དང་ནི། །ཅོད་པན་བཅིངས་པའི་མཆོད་རྟེན་དུ། །ཞི་བའི་དབྱིངས་ལ་ཡང་དག་ཞུགས། །
392a
༄#། །ཡང་དག་མཐའ་ལ་ཡོངས་སུ་བརྟེན། །མ་ག་དྷཱ་ཡི་རྒྱལ་པོ་དེར། །དཔུང་ཆེན་ལྡན་པས་ཡང་དག་ལྷགས། །རྣམ་པ་སྣ་ཚོགས་སྤྱོད་པ་ཡིས། །དེ་ཡང་ང་ལ་སྟོད་པར་བྱེད། །ཕན་ཡོན་ཆེ་ཞིང་སྟོབས་དང་ལྡན། །ངོ་མཚར་ས་ཡི་རྒྱན་གྱུར་པ། །ཐུབ་པའི་སྐུ་སྦྱངས་ལས་བྱུང་བའི། །དེར་ནི་སྐུ་གདུང་མཆོད་རྟེན་བྱས། །དགེ་སློང་ཀུན་དགའ་བོ་ཞེས་བྱ། །སློབ་པ་ང་ཡི་བསྙེན་བཀུར་བ། །མི་ཡི་དམ་པ་མཉེས་གཤིན་པ། །ང་ལ་རྟག་ཏུ་ཡོངས་སུ་དད། །ཡིད་ནི་ཞུམ་ཞིང་མྱ་ངན་གདུངས། །དེ་ཡི་ཚེ་ན་འབྱུང་བར་འགྱུར། །དེ་ནས་འོད་སྲུང་ཐད་སོང་ནས། །རྐང་པ་གཉིས་ལ་རབ་བཏུད་ནས། །སྡུག་བསྔལ་ཉམ་ཐག་འདར་བ་ཡིས། །འདི་སྐད་སྒྲ་ནི་འཛེར་བས་སྨྲས། །དེང་འདིར་ང་ཡི་སྟོན་པ་འདས། །དེ་ལྟ་བདག་ནི་མགོན་མེད་གྱུར། །ང་ཡི་རྟེན་དང་གནས་དང་སྐྱབས། །ཁྱོད་ཉིད་དུ་ནི་རབ་ཏུ་བསྟན། །ཐུབ་པའི་ཟླ་བ་དེ་ཉིད་ཀྱིས། །ཉེ་གནས་ཁྱོད་ཀྱིར་ལུང་ཡང་བསྟན། །ཉོན་མོངས་ཀུན་ནི་རྣམ་སྤངས་པ། །ཁྱོད་ཀྱི་ཉེ་གནས་དགྲ་བཅོམ་པ། །ཐུན་གྱི་ཕྱི་མ་མཚན་མཐའ་ལ། །རྒྱལ་བ་དེས་ནི་བསྟན་པ་ཡིན། །ང་ཉིད་མྱ་ངན་འདས་པ་ན། །རྟག་ཏུ་ཁྱོད་ནི་ཡོད་པར་འགྱུར། །སངས་རྒྱས་མཛད་པའི་དོན་དུ་ནི། །ཕན་པར་འདོད་པར་ཁྱོད་བྱེད་འགྱུར། །སྡུག་བསྔལ་ཅན་བདག་སྤངས་ནས་ཀྱང ། །ཐུབ་པ་ཆེན་པོ་ཞི་བར་གཤེགས་
392b
བློ་ལྡན་མ་འགགས་པ་ཞེས་པས། །སྡོམ་ཆེན་དེ་ནི་དབུགས་འབྱིན་བྱེད། །ཁྱོད་ནི་མྱ་ངན་དུ་མ་བྱེད། །མྱ་ངན་དག་ཀྱང་མ་བྱེད་ཅིག་།གནས་ནི་གང་དུའང་འགྲོ་མི་བྱེད། །འདི་ཉིད་དུ་ནི་གནས་པར་གྱིས། །འཇིག་རྟེན་མིག་ནི་འདས་གྱུར་ནས། །འདི་ཉིད་སྟོན་པར་འགྱུར་བ་ཡིན། །འདིར་ནི་སྟོན་པས་ལུང་བསྟན་ནས། །སངས་རྒྱས་མཛད་པ་བྱེད་པར་འགྱུར། །ང་ཡང་བཅོམ་ལྡན་ལྷན་ཅིག་ཏུ། །འོད་སྲུང་རྗེས་སུ་འགྲོ་བར་བྱ། །སྟོན་པ་གཉིས་པོ་དག་གི་ཡང ། །ས་ཡི་སྟེང་ན་གཟུགས་བརྙན་ཡིན། །རྫུ་འཕྲུལ་ཆེན་པོའི་ཉན་ཐོས་ནི། །འོད་སྲུང་ཆེན་པོ་གཙོ་བོ་ནི། །འཚོ་ཞིང་ཡོངས་སུ་གཞེས་པས་ན། །ཁྱོད་ནི་མྱ་ངན་མ་བྱེད་ཅིག་།རྫུ་འཕྲུལ་ཆེན་པོ་སྙིང་རྗེས་ནོན། །རྣལ་འབྱོར་ཆེན་པོ་འདོད་ཆགས་བྲལ། །རྫུ་འཕྲུལ་ཆེན་པོ་ཐུབ་པའི་སྲས། །ཐམས་ཅད་དེ་བཞིན་སྨྲ་བར་བྱེད། །གྱད་དང་རྒྱལ་པོ་དག་གིས་ནི། །སྤུར་སྦྱོང་ཤིང་ལ་མེ་བཏང་བས། །ཁོར་ཡུག་ཀུན་ནས་མེ་འབར་ནས། །སྤུར་སྦྱོང་ཤིང་དེ་ཐལ་བར་གྱུར། །དེ་མཐོང་ལྷ་ཡི་ཚོགས་དག་དང ། །གདེངས་ཅན་བྲང་འགྲོ་རྣམས་ཀྱིས་ནི། །སྤུར་སྦྱོར་ཤིང་གནས་ཞི་བའི་ཕྱིར། །ཙནྡན་ཆུ་ཡི་རྒྱུན་དག་གིས། །ཆར་ཆེན་རབ་ཏུ་གཏོང་ཞིང་གནས། །དེ་ནས་དེ་ཡི་མོད་ལ་ཡང ། །ས་སྟེང་དུ་ཡང་དེ་བཞིན་དུ། །མེ་ཏོག་ཚོགས་ཀྱི་ཆར་ཡང་བཏང ། །རྒྱལ་བའི་རིང་བསྲེལ་མཆོད་པའི་ཕྱིར། །དེ་ཡི་མོད་ལ་ཀུན་དེར་
393a
༄#། །ལྷགས། །ཐམས་ཅད་ཕན་ཚུན་འཐབ་པའི་ཕྱིར། །དེ་ཡི་མོད་ལ་བྱ་བ་རྩོམ། །ཚངས་སོགས་བརྒྱ་བྱིན་འཐབ་བྲལ་དང ། །ལྷ་ཚོགས་ཀུན་ཀྱང་དེ་བཞིན་ནོ། །ཉན་ཐོས་ཆེན་པོ་འདོད་ཆགས་བྲལ། །རྫུ་འཕྲུལ་ཆེན་པོས་བཟློག་པར་བྱས། །སྐུ་གདུང་རྒྱལ་བའི་རིང་བསྲེལ་ནི། །འོད་སྲུང་ཆེན་པོས་རྣམ་བགོས་པ། །མཆོད་པའི་དོན་དུ་ཐམས་ཅད་ལ། །ཅུང་ཟད་ཅུང་ཟད་ངེས་པར་བྱིན། །ཐེག་པ་གསུམ་ལས་མི་ལྡོག་དང ། །ཞི་བའི་མཐར་ཕྱིན་བྱ་ཕྱིར་རོ། །རྣལ་འབྱོར་དེ་ཚེ་འོད་སྲུང་ཆེ། །རྫུ་འཕྲུལ་ཆེན་པོ་འདོད་ཆགས་བྲལ། །རྒན་ཞུགས་ཀྱིས་ནི་སྨྲས་པའི་ཚིག་།དེ་ནི་ཡོངས་སུ་སེམས་པར་བྱེད། །འདིར་ནི་གསུངས་རབ་མ་ལུས་པ། །ཡན་ལག་བཅུ་གཉིས་བདེ་འབྱུང་གནས། །མདོ་དང་འདུལ་བ་མངོན་པའི་ཆོས། །ནམ་མཁའི་དུད་བཞིན་མ་གྱུར་ཏམ། །དཔའ་བོ་ཆེན་པོ་ནུབ་གྱུར་ནས། །བསྟན་པ་འཇིག་པར་འགྱུར་བས་ནི། །སངས་རྒྱས་གསུངས་པའི་བཀའ་འདི་ནི། །མ་ལུས་བདག་གིས་བསྡུ་བར་བྱ། །རྫུ་འཕྲུལ་ཆེན་པོ་འདོད་ཆགས་བྲལ། །མ་ལུས་ལྷན་ཅིག་བགྲོ་བར་བྱ། །མ་ག་དྷཱ་ཡི་གྲོང་མཆོག་ཏུ། །གྲོང་ཁྱེར་བཟང་པོ་རྒྱལ་པོའི་ཁབ། །ཀུ་ཤའི་གྲོང་ཁྱེར་ཉམས་དགའ་དང ། །རི་བོ་རྡོ་འཇོག་མཐོ་བ་དང ། །ཡུལ་བཟང་ཡངས་པ་ཅན་དང་ནི། །མཆོད་
393b
རྟེན་གནས་ནི་ལེགས་མཛེས་པ། །དེ་བཞིན་རྣམ་པ་དུ་མའི་གནས། །བསྟན་པ་བསྡུ་བའི་ཆེད་དག་ཏུ། །འདུས་ནས་སྨྲ་བ་ཀུན་སྨྲ་བ། །རྫུ་འཕྲུལ་ཆེན་པོ་བྱེད་པར་འགྱུར། །ང་ཡང་འདིར་ནི་ནུབ་པ་དང ། །དེ་ཚེ་དུས་ཀྱི་མཐའ་མ་ལ། །ཕན་ཚུན་གསོད་པར་དགའ་བ་ཡི། །ས་བདག་རྣམས་ནི་འབྱུང་བར་འགྱུར། །ལས་ཀྱི་མཐའ་མང་དགེ་སློང་རྣམས། །སེམས་ཅན་རྣམས་ནི་ཆགས་པས་རྨོངས། །དེ་བཞིན་དགེ་བསྙེན་དགེ་བསྙེན་མ། །དུས་ཀྱི་མཐའ་ལ་མ་ཞིར་འགྱུར། །ཕན་ཚུན་སྐྱོན་ནི་ཚོལ་བྱེད་ཅིང ། །ཕན་ཚུན་གསོད་ལ་མངོན་པར་ཞེན།། རྨ་ལྡན་སྐྱོན་ནི་མ་རུངས་ལྟར། །སྐྱོན་ལ་རྟག་ཏུ་རྟོག་པར་བྱེད། །ཐུབ་པ་དེ་དུས་ནུབ་པ་ནི། །དགེ་སློང་རྣམས་ནི་མ་བསྡམས་འགྱུར། །དེ་ཚེས་སྟེང་བསྟན་པ་ནི། །བསྲུང་བའི་དོན་དུ་བཞག་གྱུར་པ། །ཆགས་བྲལ་ཟག་མེད་འཇིག་རྟེན་དུ། །རྫུ་འཕྲུལ་ཆེན་པོ་རྣམ་པ་བརྒྱད། །དེ་ཚེ་དགྲ་བཅོམ་ཐུ་བོ་ཡང ། །སྒྲ་གཅན་འཛིན་སོགས་རབ་ཏུ་བསྒྲགས། །དེ་ཚེ་དུས་ཀྱི་ཐ་མ་ལ། །དེ་དག་ཀྱང་ནི་སྣང་བ་མེད། །སྔགས་པ་གྲུབ་པའི་དུས་སུ་ནི། །དེ་དག་མཐོང་བ་དོན་ཡོད་འགྱུར། །རྫུ་འཕྲུལ་ལྡན་ཞིང་རྫུ་འཕྲུལ་ཆེ། །སངས་རྒྱས་ཐམས་ཅད་བཞག་པ་ཡིན། །གྲགས་པ་ཆེན་པོ་ཆད་པའི་ལས། །དེ་དག་ལ་ནི་ངས་བསྟན་པ། །དེ་དག་བཀའ་ལས་འདས་པ་འམ། །ཅུད་ཟད་བསླབ་ལས་འདས་ནའོ། །ཇི་སྲིད་དམ་ཆོས་ཡང་དག་
394a
༄#། །མཐའ། །ཟང་ཟིང་མེད་པར་གནས་པར་གྱིས། །ང་ཡི་གསུང་གི་བསོད་ནམས་འདི། །ཇི་སྲིད་བསྟན་པ་སྟོབས་དང་ལྡན། །དེས་ན་བདག་ཉིད་ཞིར་འགྱུར་ཞིང། །ཟག་མེད་མྱ་ངན་འདའ་བར་འགྱུར། །དེ་ཚེ་ཐུབ་པའི་བསྟན་པ་ནི། །ཡོངས་སུ་ནུབ་པར་འགྱུར་བ་ན། །དགེ་སློང་རྣམས་དང་དགེ་ཚུལ་རྣམས། །དགེ་སློང་མ་རྣམས་སེར་སྣར་བཅས། །རྟག་ཏུ་ངན་སྤྱོད་གཡོ་སྒྱུ་ཅན། །དེ་ཚེ་ཡོངས་སུ་མ་དག་པའོ། །ང་ཡི་བསྟན་ལ་མི་གནས་ཤིང ། །ཁྱིམ་དང་ཆུང་མ་ཚོལ་བར་བྱེད། །དེ་ཡི་ཚེ་ན་དགེ་བསྙེན་རྣམས། ། གཞན་གྱི་བུད་མེད་ལ་རྟག་དང ། །ལྷག་མ་རྣམ་པ་བཞི་པོ་ཉིད། །དེ་ཚེ་རྟགས་དང་མིང་ཙམ་ཡོད། །འཁོན་འཛིན་ཐམས་ཅད་གོམས་བྱེད་ཅིང ། གཅིག་ལ་གཅིག་ནི་རྣམ་འཚེ་བྱེད། །ཕལ་ཆེར་མུ་སྟེགས་ཀྱིས་ནོན་ཅིང ། །ལྷ་རྣམས་ཀུན་ཀྱང་གནོད་པར་འགྱུར། །དེ་ཚེ་བྲམ་ཟེའི་རིགས་ལ་ནི། །སྐྱེ་བོ་རྣམས་ནི་དགའ་བར་འགྱུར། །དེ་བཞིན་ལོག་སྤྱོད་རྨོངས་པ་དང ། །མི་རྣམས་སྲོག་ཆགས་འཚེ་བར་དགའ། །ང་ནི་ཡོངས་སུ་མྱ་ངན་འདས། །རྩོད་དུས་འདི་ལ་ལུང་བསྟན་ཡིན། །མི་ནི་རྣམ་མང་གཞན་དག་ཀྱང ། ། རྟག་ཏུ་གཞན་གྱི་བུད་མེད་དགའ། །མི་དགེ་ཀུན་ལ་དགའ་བ་དང ། །དགེ་བའི་དོན་ནི་རྣམ་སྤངས་པ། །ང་ནི་ས་སྟེང་ཞིར་གཤེགས་ནས། །སེམས་ཅན་མང་པོ་འབྱུང་བར་
394b
འགྱུར། །ང་ཡི་སྐུ་ནི་མཆོད་པའི་ཕྱིར། །གཟི་བརྗིད་ཆེན་པོ་ལྷ་ཚོགས་དང ། །བདག་ཉིད་ཆེན་པོ་མི་རྣམས་དང ། །དེ་བཞིན་གནོད་སྦྱིན་འབྱུང་པོའི་ཚོགས། །ལྷ་མིན་དང་ནི་དྲི་ཟ་དང། །རྫུ་འཕྲུལ་ཆེན་པོ་མི་འམ་ཅི། །དེ་ནས་མཁའ་ལྡིང་ཀླུ་དང་ནི། །དེ་བཞིན་སྲིན་པོ་དྲང་སྲོང་རྣམས། །རྣལ་འབྱོར་བ་དང་གྲུབ་པ་དང ། །གཟི་བརྗིད་ཆེན་པོ་གཟའ་རྣམས་དང་།། རྣམ་པ་སྣ་ཚོགས་སྐྱེ་གནས་དང ། །རྣམ་པ་སྣ་ཚོགས་སེམས་ཅན་རྣམས། །སྲིད་པའི་འཆིང་བས་བཅིངས་པ་དང ། །བློ་ལྡན་འཆིང་བ་བཅད་པ་དང ། །སྐུ་གདུང་ནད་བྲལ་འདི་ལ་ནི། །དེ་ཚེ་མཆོད་པ་བྱེད་པར་འགྱུར། །ཆུ་བོ་གསེར་ལྡན་འགྲམ་དང་ནི། །སཱ་ལའི་ཟུང་གི་ཚལ་དང་ནི། །ཅོད་པན་བཅིངས་པའི་མཆོད་རྟེན་དང ། །གྱད་རྣམས་ཀྱི་ནི་ཉེ་འཁོར་དུ། །ང་ནི་དེར་ཡང་མྱ་ངན་འདའ། །འཇིག་མེད་ཞི་བར་ཡོངས་སུ་འགྲོ། །ང་ཡི་སྐུ་གདུང་དེ་བླངས་ནས། །དེ་བཞིན་གཞན་གྱིས་འཕྲོག་པར་བྱེད། །ལྷ་དང་ལྷ་མ་ཡིན་རྣམས་དང་།། དེ་ཚེ་འབྱུང་པོའི་ཚོགས་ཀུན་གྱིས། །སོ་སོར་ཆ་ནི་རྣམ་ཕྱེ་ནས། །རྣམ་པར་གཞག་པ་བྱས་པར་འགྱུར། །མི་ཡི་རྒྱལ་པོ་དཔུང་ཆེན་ལྡན། །མ་ག་དྷཱ་ཡི་མ་སྐྱེས་དགྲ་།རྫུ་འཕྲུལ་ཆེ་ལྡན་ཉན་ཐོས་ནི། །ཀུན་ལའང་གསོལ་བར་རབ་འདེབས་པ། །བསོད་ནམས་བདག་གིས་མ་བྱས་པས། །བདག་གི་ཕ་ཡང་ཤི་བར་གྱུར། །བདག་ནི་སྡུག་བསྔལ་ལྟུང་
395a
༄#། །གྱུར་པས། །བདག་ཉིད་ཆེན་པོས་དྲང་དུ་གསོལ། །དེ་ནས་བློ་ལྡན་ཉན་ཐོས་མཆོག་།སངས་རྒྱས་ཐུགས་ལས་སྐྱེས་པའི་སྲས། །འོད་སྲུང་ཆེན་པོ་ཞེས་གྲགས་པ། །སྐྱེ་དགུ་རྣམས་ལ་ཕན་བྱེད་པས། །མ་སྐྱེས་དགྲ་ནི་ངོ་ཚ་ལྡན། །སེམས་ཞུམ་གྱུར་ཏེ་མཐོང་ནས་ནི། །རྫུ་འཕྲུལ་ཉིད་ལ་རབ་གནས་ནས། །དེ་ཡི་དུས་སུ་ཡང་དག་དགོངས། །རྒྱལ་བའི་རིང་བསྲེལ་སྐུ་གདུང་ནི། །ཆ་གཅིག་ཁྱོད་ཀྱིས་བླང་བར་གྱིས། །རྒྱལ་པོ་གཞན་ནི་སྟོབས་ལྡན་གྱིས། །གཞན་དག་རབ་ཏུ་ཁྱེར་བར་གྱུར། །ཕན་ཚུན་བ་བཅོལ་འཁྲུགས་ནས་ནི། །གཅིག་ལ་གཅིག་ནི་འཁོན་བྱས་ནས། །དེ་ཚེ་ནམ་མཁའ་སྐུ་གདུང་ཁྱེར། །རང་གི་གནས་སུའང་བཞག་པར་འགྱུར། །དེ་ཚེ་ཐུབ་པའི་ཉན་ཐོས་མཆོག་།དགེ་སློང་འོད་སྲུང་ཆེན་པོ་དེ། །ཀྱེ་མའོ་ཀྱི་ཧུད་སེམས་པ་ནི། །ས་སྟེང་འདིར་ནི་རབ་སྟོངས་པ། །སངས་རྒྱས་དང་ནི་རང་རྒྱལ་དང ། །རྫུ་འཕྲུལ་ཆེན་པོའི་ཉན་ཐོས་ཀྱིས། །སེམས་ཅན་འཇིགས་པར་སྣང་བ་སྟེ། །སྲིད་པའི་བཙོན་རར་སྤྱོད་པ་ཡིན། །རྣམ་པ་སྣ་ཚོགས་སྡུག་བསྔལ་དྲག་།ཡུན་རིང་རྗེས་སུ་མྱོང་བར་འགྱུར། ། འཇིག་རྟེན་མགོན་པོ་སྐྱོབ་པ་ཡི། །རིང་སྲེལ་ཡང་དག་མཆོད་བྱས་ནས། །དེ་དག་ལྷ་ཡི་འཇིག་རྟེན་དུ། །ཡུན་མི་ཐུང་བར་བདེ་བ་མྱོང ། །རྒྱལ་སྲིད་དེ་ནས་ལོངས་
395b
སྤྱོད་དང ། །རྙེད་པར་དཀའ་བའི་སྔགས་རྣམས་ནི། །འགྲོ་བ་སྣ་ཚོགས་སྤྱོད་པ་ཡིས། །རྣམ་པ་སྣ་ཚོགས་ཐོབ་པར་འགྱུར། །ཕུན་ཚོགས་འདོད་པ་འཇིག་རྟེན་མཆོག་།རྣམ་ཐར་གསུམ་གྱིས་རྣམ་པར་བརྒྱན། །སྐུ་གདུང་རྣམས་ནི་མཆོད་བྱས་ན། །གྲུབ་པ་མཆོག་ནི་ཐོབ་པར་འགྱུར། །འཇིག་རྟེན་རྣམ་གྲངས་བྲམ་ཟེ་ཞེས། །ཐུབ་པ་མཆོག་ནི་ཉན་ཐོས་གཙོ།། འོད་སྲུང་ཞེས་ནི་བྱ་བ་ཡིས། །འདི་ལྟར་དེ་ནི་བསམས་ནས་ནི། །དེ་ཚེ་ས་ལས་མ་ཕྱེ་བར། །དེ་ཡི་སྐུ་གདུང་བླངས་ནས་ནི། །མ་ག་དྷཱ་བདག་མ་སྐྱེས་དགྲས། །འབད་ནས་ཅུང་ཟད་ཡོངས་སུ་སྦྱིན། །དེ་བཞིན་རྒྱལ་པོ་ཀུན་ལ་ཡང ། །འོད་ཆེན་པོ་ནི་མ་མཐོང་ཡང ། །ཉན་ཐོས་བདག་ཉིད་ཆེན་པོ་དེས། །ཀུན་ལའང་ཐམས་ཅད་རབ་ཏུ་བྱིན། །ཀུན་ལའང་མི་རྟག་འདུ་ཤེས་ཀྱིས། །དེ་ནི་ཡང་ནི་གནས་པར་གྱུར། །སྙིང་རྗེས་བརླན་པའི་སེམས་ཀྱིས་ནི། །སེམས་ཅན་རྣམས་ལ་མྱ་ངན་བྱེད། །ཤཱཀྱའི་སྐྱེས་མཆོག་བསྟན་པ་ནི། །འཇིག་རྟེན་དམ་ཆོས་ནུབ་པ་ན། །བསྐལ་པ་རྣམ་པ་མང་པོར་ནི། །ཡུན་རིང་སེམས་ཅན་དུབ་པར་འགྱུར། །འདི་དག་དུད་བཞིན་མི་འགྱུར་བར། །འདི་དག་གསུང་ནི་བསྡུ་བར་བྱ། ། དཔའ་བོ་དེ་ལས་ལངས་ནས་ནི། །སེམས་ཀྱི་སྟོབས་ནི་ཉམས་པ་མེད། །རྒྱལ་པོ་མ་སྐྱེས་དགྲར་གྱུར་པའི། །མི་ཡི་དབང་པོས་མགྲོན་དུ་རྦོས་བསྟོན་པའི་བསྟན་པ་བྱ་བའི་ཕྱིར།།
396a
༄#། །རྒྱལ་པོའི་ཁབ་ཀྱི་གྲོང་ཁྱེར་འདིར། །འབད་པས་སྐུ་གདུང་མྱུར་དུ་ནི། །གསེར་གྱི་སྣོད་ཀྱི་ནང་དུ་བཅུག་།དེ་དག་སྔོན་དུ་ཡང་དག་བཏང ། །དེ་ཚེ་རྒྱལ་པོའི་ཁབ་མྱུར་འགྲོ། འོད་མའི་ཚལ་དུ་ཕྱིན་ནས་ནི། །སྐུ་གདུང་དག་ནི་ཡང་དག་བཞག་།འཇིག་རྟེན་མགོན་པོ་སྐྱོབ་པ་ཡི། །མཆོད་རྟེན་རྨད་བྱུང་ཆེན་པོ་བྱས། །མཆོད་རྟེན་དེ་ནི་མཆོད་བྱེད་པ། །རྣམ་པ་སྣ་ཚོགས་རྒྱན་དང་ནི། །ཕྲེང་བ་གོས་དང་གདུགས་དང་ནི། །དར་ལ་རོལ་མོ་བྱུག་པ་དང ། །དར་ལ་རོལ་མོ་བྱུག་པ་དང ། །རྣམ་པ་སྣ་ཚོགས་དུ་མ་དང ། མར་མེ་མེ་ཏོག་ཕྲེང་བ་ཡིས། །ཕྱག་འཚལ་རྗེས་སོང་སེམས་ཀྱིས་ནི། །རྒྱལ་པོ་རབ་ཏུ་མཆོད་པ་བྱེད། །མཆོད་རྟེན་དེ་ལ་མགོས་བཏུད་ནས། །དེ་ཡི་ཚེ་ན་སྨོན་ལམ་བཏབ། །འཇིག་རྟེན་མཆོག་ལ་མཆོད་པ་ཡིས། །བདག་གི་དགེ་བ་མང་པོ་གང ། །དེ་བཞིན་གཤེགས་ལ་མཆོད་པ་འདིས། །བསམ་གྱིས་མི་ཁྱབ་མཆོག་ཐོབ་ཤོག་།དེ་ནས་རྒྱལ་པོ་ལངས་ནས་ནི། །འོད་སྲུང་ཆེ་ལ་རབ་ཏུ་སྨྲས། །མིག་ནི་མཆི་མས་ཀུན་ཁྱབ་ནས། །མིག་གི་མཆི་མ་ཕྱིས་ནས་ནི། །སྙིང་ནི་བརྩེ་བས་རབ་བརླན་ནས། །དེ་ཚེ་ཕ་ནི་ཡང་དག་དྲན། །ཤེས་རབ་ཆེན་པོ་འཕགས་པ་ཁྱོད། །ཁྱོད་ནི་བདག་གི་དབང་གྱུར་མཛོད། །བདག་གིས་སྡིག་པ་གང་བྱས་པ། །ངེས་པར་མནར་མེད་རབ་ཏུ་གཞོལ། །སྟོན་པ་བཀའ་ཡི་ལམ་གནས་པ། །དེ་འདྲའི་
396b
ཆོས་ཀྱི་རྒྱལ་པོ་ཡི། །ཕ་ཡི་སྲོག་ལ་གནོད་བཅས་པའི། །མྱ་ངན་བསལ་བར་མི་ནུས་པས། །འཕགས་པ་དགེ་བའི་བཤེས་གཉེན་གྱིས། །བདག་ལ་ཆོས་དོན་བསྟན་པར་རིགས། ། དེ་སྐད་སྨྲས་ནས་བདག་ཉིད་ཆེ། །རྒྱལ་བའི་ཉན་ཐོས་མཆོག་གྱུར་པ། །བློ་ལྡན་འོད་སྲུང་ཞེས་བྱ་བས། །འདི་དག་ཚིག་ནི་རབ་ཏུ་སྨྲས། །རྒྱལ་པོ་ཆེན་པོ་མ་འཇིགས་ཤིག་།ཁྱོད་ཀྱིས་དགེ་བ་མང་དུ་བྱས། །སྐྱེ་བ་བརྒྱ་ཕྲག་དུ་མར་ཡང ། །ཁྱོད་ལ་གོམས་པ་རབ་ཏུ་ཡོད། །སངས་རྒྱས་འབྱུང་བ་མེད་པ་ན། །རང་རྒྱལ་གཅིག་ནི་ཡང་དག་བྱུང ། །གྲོང་ཁྱེར་བཱ་ར་ན་སཱི་རུ། །དེ་ཚེ་ཚོང་དཔོན་བུ་ཞིག་བྱུང ། །མི་ཤེས་བྱིས་པ་གཡོ་བ་ཡིས། །དེ་ཚེ་ཤིང་རྟ་ཞོན་ནས་བྱུང ། །བཅོམ་ལྡན་དེ་ཉིད་དེ་རུ་ནི། །རང་རྒྱལ་ཡོངས་སུ་བྱུང་བ་ནི། །འཇིག་རྟེན་རྗེས་སུ་གཟུང་འདོད་པས། །དེ་ནི་སློངས་མོའི་དོན་དུ་རྒྱུ། །བྱིས་པ་དེས་ནི་དེ་མཐོང་ནས། །སེམས་ནི་ཡང་དག་དད་གྱུར་ནས། །རྐང་གཉིས་ལ་གཏུགས་དྲིས་པ་ནི། །དགེ་སློང་ཁྱོད་ནི་ཅི་ཞིག་བྱེད། །བསེ་རུ་ལྟ་བུར་སྐྱེ་བ་མེད། །བཅོམ་ལྡན་དེ་ནི་མི་སྨྲར་འདུག་།དེ་ཚེ་བྱིས་པ་དེ་ཡི་ནི། །གོས་ལ་བཟུང་ནས་ཡང་དག་གནས། །འདེང་ངོ་འདེང་ངོ་ཁྱིམ་བཟང་འདིར། །རྒྱལ་མཚན་གྱིས་ནི་རབ་མཚན་པ། །འདི་ནི་བདག་གི་ཁྱིམ་ཡིན་ཏེ། །ཞབས་བཀྲུས་ནས་ནི་བཤོས་གསོལ་ཏེ། །ཇི་ལྟར་དུས་བཞིན་མྱུར་གསོལ་ནས། །ཅི་འདོད་པར་ནི་རྩེ་བར་བགྱིའོ། །དེ་ནས་ཉེས་
397a
༄#། །དང་བྲལ་བ་དེ། །ཉེས་གསུམ་མཐར་བྱེད་འཇོམས་པ་པོ། །གཞན་དག་རྗེས་གཟུང་དེ་དག་གཙོར། །མཐར་གྱིས་ཀྱང་ནི་རབ་འགྲོ་ཞིང ། །སོང་ནས་སྒོ་ཡི་རྩ་བ་ལ། །འོད་ཆེན་དེར་ནི་འདུག་པར་གྱུར། །དེ་ནས་བྱིས་པ་ནང་ཞུགས་ནས། །མ་ལ་ཡང་ནི་འདི་སྐད་སྨྲས། །མ་ནི་བདག་ལ་འབྲས་ཆན་སྩོལ། །བཟའ་བ་རྣམ་མང་དག་ཀྱང་སྩོལ། །ཡུན་རིང་ས་རྡུལ་ལ་རྩེ་བའི། །བདག་གི་གྲོགས་པོ་འདིར་འོངས་གྱུར། །ཡུན་རིང་བདག་ནི་དགར་འགྱུར་བ། །སྒོར་ནི་འོངས་ནས་འདུག་པ་ཡིན། །དེ་ཚེ་དེ་ནི་རབ་རིངས་པར། །དེ་མི་མོད་ལ་སྒེར་ཡང་བྱུང ། །རྫུ་འཕྲུལ་ཆེན་པོ་ཞི་བའི་གཟུགས། །བདག་ཉིད་ཆེན་པོ་དེ་ཡང་མཐོང ། །དེ་ཚེ་དེ་ནི་མྱུར་འོངས་ནས། །སྣོད་ནི་བཟང་པོ་བླངས་ནས་ཀྱང ། ། ལག་པ་ལེགས་པར་རབ་བཀྲུས་ནས། །མེ་ཏོག་སྤོས་སོགས་སྔོན་འགྲོ་བས། །འབྲས་ཆན་གཙང་མ་བླངས་ནས་ནི། །དུ་མའི་རོ་ཡིས་རྣམ་བརྒྱན་པའི། །རྣམ་པ་སྣ་ཚོགས་བཟའ་བ་དང ། །དངུལ་གྱི་སྣོད་དུ་རབ་ཏུ་\?\་ ། དེ་ཆེ་མྱུར་དུ་ཕྱིར་བྱུང་སྟེ། །དེ་ཡི་ལྷུང་བཟེད་ལ་བླུགས་ནས། །ཁྱོར་བཅས་ཆོས་ལ་དད་པ་ཡིས། །དེ་ཡི་རྐང་པ་གཉིས་ལ་གཏུགས། །དེ་ཡིས་བསོད་སྙོམས་བླངས་ནས་ནི། །ནམ་མཁའ་ལ་ནི་མངོན་པར་སོང ། །དེ་ནས་དེ་ནི་རབ་འབར་ཞིང ། །མར་མེའི་ཕྲེང་བ་བཞིན་དུ་སྣང ། །བསེ་རུ་ལྟར་སྤྱོད་གང་ཡིན་པ། །དེ་
397b
དག་ངག་གིས་ཆོས་སྟོན་མིན། །རྫུ་འཕྲུལ་འོད་ཀྱིས་སེམས་ཅན་ལ། །བདག་ཉིད་ཆེན་པོ་སྟོན་པར་བྱེད། །དེ་ཡང་ལྷག་པར་སྙིང་རྗེ་ཅན། །སེམས་ཅན་འགྲོ་བ་སེར་སྣར་ལྡན། །ཕ་རོལ་དོན་དུ་སེམས་ཅན་ལ། །དེ་ནི་རྫུ་འཕྲུལ་སྟོན་པར་བྱེད། །དེ་ཡི་རྣམ་སྨིན་ལས་ཀྱིས་ནི། །མ་དང་ལྷན་ཅིག་བྱས་པ་ཡང ། །སྟོང་ཕྲག་ལྔ་ཡི་སྐྱེ་བར་ནི། །ལྷ་ཉིད་ཀྱང་ནི་བྱས་པར་འགྱུར། ། ལྷ་རྣམས་ཀྱི་ནི་ལྷ་རྒྱལ་དེར། །མ་དེ་ཉིད་ནི་ཡང་དག་གྱུར། །འཁོར་ལོས་བསྒྱུར་ཉིད་མི་རྣམས་ཀྱི། །མི་ཡི་བདག་པོར་དེ་ཚེ་གྱུར། །ཡུན་རིང་བདེ་བ་རྗེས་མྱོང་ནས། །གཟུགས་ཅན་སྙིང་པོའི་བུར་འདི་གྱུར། །གང་གིས་བཅོམ་ལྡན་དེ་སྨྲས་དང ། །གོས་ཀྱི་ཐ་མ་ལ་བཟུང་དང ། །ཚིག་ངན་སྨྲ་བས་སྨྲས་པ་ནི། །དགེ་སློང་སྨྲ་བས་སྨྲས་པ་དང ། །ས་རྡུལ་བདག་དང་རྩེ་བ་ཞེས། །དེ་ཚེ་སྔོན་ནི་ཁྱོད་ཅེས་སྨྲས། །ཚིག་གི་ལས་ནི་དེ་ཡིས་ནི། །མ་འདོད་པ་ཡི་ཚ་བ་ཡི། །དྲག་ཅིང་རབ་ཚའི་སྡུག་བསྔལ་བ། །ཡུན་རིང་མང་པོ་རྗེས་མྱོང་བ། །མི་འདོད་སྡུག་བསྔལ་བཟོད་དཀའ་བ། །མི་ཟད་དམྱལ་བར་ལྷུང་བར་གྱུར། །ལས་ཀྱི་ཞགས་པས་རབ་བཅིངས་ནས། །སེམས་ཅན་ངན་འགྲོར་འགྲོ་བར་གྱུར། །རྒོད་པས་ལས་ནི་བྱེད་པ་ཡིས། །ངུ་བས་རྗེས་སུ་མྱོང་བར་གྱུར། །དེ་བཞིན་བྱིས་པའི་རང་བཞིན་གྱིས། །ཉན་ཐོས་རྒྱལ་བ་སྐྱོབ་པ་ལ། །ཚིག་ནི་མ་རུངས་རྒྱ་ཆེ་བ། །དེ་ཡི་ལས་ནི་འདི་འདྲའོ། །དམྱལ་
398a
༄#། །བ་ལས་ནི་ཐར་ནས་ཀྱང ། །མི་ཉིད་དུ་ནི་འདིར་ཡང་འོངས། །རྣམ་སྨིན་སྐྱེས་པ་མི་ཡི་བདག་།དམྱལ་བ་ཡང་ནི་དྲན་པར་གྱུར། །དེ་ཡི་ཁྲོ་བ་བདོ་བ་ཡིས། ། ཁྱོད་ཀྱིས་ཕ་ཡི་སྲོག་ཀྱང་བཅད། །རང་རྒྱལ་དག་གི་སྤྱོད་པ་ཡང ། །སྔོན་གྱི་བག་ཆགས་ཀྱིས་དྲན་པས། །སངས་རྒྱས་མངོན་སུམ་མཐོང་ནས་ནི། །སྐྱེ་དགུ་དག་ཀྱང་དེ་བཞིན་བྱས། །དེ་ཉིད་རྒྱུ་ནི་དྲན་བྱས་པས། །འདིར་ནི་རྒྱལ་ཐབས་ཉིད་ཀྱང་བྱས། །དེ་ལྟར་འོད་མའི་ཚལ་དུ་ནི། །ཕན་ཚུན་དེ་དག་ས་སྟེང་སྨྲ། །ང་ཡི་སློབ་མ་མཆོག་འདི་དང ། ། གཉིས་པ་མི་ཡི་བདག་པོ་ཡིས། །མཆོད་རྟེན་ལན་བརྒྱར་ཕྱག་བཙལ་ནས། །དེ་ཚེ་རང་གི་ཁྱིམ་དུ་སོང ། །དེ་ནས་སློབ་མའི་མཆོག་གྱུར་པ། །པི་པལ་ཕུག་ན་གནས་པ་དེ། །རྫུ་འཕྲུལ་ཆེན་པོ་འདོད་ཆགས་བྲལ། །ཐུབ་པ་མ་ལུས་འདུས་ནས་ནི། །གསུང་རབ་ཡན་ལག་བཅུ་གཉིས་དང ། །འདུལ་བ་མ་ལུས་སྡུང་པར་བྱེད། །གང་ཞིག་ཆོས་ནི་ངས་བསྟན་དང ། །དེ་བཞིན་སྔོན་གྱི་རྒྱལ་བ་མཆོག་།དེ་ནི་སློབ་མའི་མཆོག་དེས་ཀྱང ། །རྣམ་པ་གསུམ་དུ་ཡང་དག་བསྟན། །འདུལ་བ་དང་ནི་མངོན་པ་དང ། །མདོ་སྡེའི་དབྱེ་བས་གཞུང་དུ་བྱས། །སེམས་ཅན་འཆིང་བ་གསུམ་ལས་བགྲོལ། །ཉེས་པ་གསུམ་ཡང་སྒེམ་པར་བྱེད། །དཔའ་བོ་སྡུག་བསྔལ་གསུམ་ལས་འགྲོལ། །རྟག་
398b
ཏུ་ཐེག་པ་གསུམ་ལ་དགོད། །སངས་རྒྱས་རྣམས་ཀྱིས་བསྟན་པའི་དོན། །བློ་ཡི་མཆོག་ནི་བྱེད་པར་འགྱུར། །རྒྱལ་ཆེན་མ་སྐྱེས་དགྲ་ཞེས་པའི། །མ་ག་དྷཱ་པ་མི་ཡི་བདག་།ངྒ་མ་ག་དྷཱ་དང་ནི། །བཱ་ར་ཎ་སཱི་དེ་ལས་གཞན། །བྱང་དུ་ཡངས་པ་ཅན་དང་ནི། །རྒྱལ་ཆེན་སྟོབས་པོ་ཆེ་བར་ནི། །ཐེ་ཚོམ་མེད་པར་འགྱུར་བ་ཡིན། །བསྟན་པའི་དོན་ནི་བྱེད་པར་འགྱུར། ། གཞོན་ནུ་ཁྱོད་ནི་འདུལ་བྱེད་ཅིང ། །ཞི་བ་དམ་པ་སྟོན་པར་འགྱུར། །དེ་ཡི་བུ་ཡང་རྒྱལ་པོ་ནི། །ཡི་གེ་ཨུ་ཞེས་བྱ་བར་བསྒྲགས། །དེ་ནི་འབྱུང་བར་འགྱུར་བ་ནི། །མྱུར་དུ་བསྟན་པ་པའི་དོན་ལ་བརྩོན། །དེས་ནི་སྟོན་པའི་གསུང་རབ་འདིར། །རྒྱ་ཆེར་འདྲི་བར་བྱེད་འཇུག་འགྱུར། །མཆོད་པ་ཆེན་པོའང་བྱས་ནས་ནི། །ཕྱོགས་རྣམས་ཀུན་ཏུ་རྒྱས་པར་བྱེད། །ཕྱིར་ཡང་ངན་སོང་འདི་མི་འགྲོ། །ལྟར་སྐྱེ་བར་ནི་དེ་འགྱུར་རོ། །ལོ་ནི་ཉི་ཤུ་སུམ་ཅུར་ནི། །ཕ་དང་ལྷན་ཅིག་འགྲོགས་པར་འགྱུར། །གྲོང་ཁྱེར་སྟོབས་ལྡན་མཚན་ཕྱེད་དུ། །རིགས་ལས་སྐྱེས་པའི་ནད་ཀྱིས་ནི། །མངོན་པར་ཟིལ་གྱིས་ནོན་བར་འགྱུར། །ཉིན་ཞག་སུམ་ཅུ་རྩ་དྲུག་ཏུ། །ནད་ཆེན་དག་གིས་ཉམ་ཐག་འགྱུར། །ནད་རྣམས་ཀུན་གྱིས་བཏབ་ནས་དེ། །རྣམ་པ་སྣ་ཚོགས་བརྒྱལ་ནས་ནི། །རྒྱལ་པོ་དེ་མྱུར་ཤི་འཕོས་ནས། །ལྷ་རྣམས་སུ་ནི་སྐྱེ་བར་འགྱུར། །དེ་ནི་མཐར་གྱིས་འབད་ནས་ནི། །ངེས་པར་བྱང་ཆུབ་ཐོབ་པར་
399a
༄#། །འགྱུར། །འདི་དག་གཞན་ཡང་མང་པོ་ནི། །འདས་པ་དང་ནི་མ་འོངས་པར། །རང་རྒྱལ་སྐྱོབ་པ་དག་ལ་ནི། །རྣམ་པ་སྣ་ཚོགས་བྱས་པ་ཡིས། །དེ་བཞིན་ལྷ་དང་མི་རྣམས་ཀྱིས། །འདོད་དང་ཁྱད་པར་ཕུན་ཚོགས་འཐོབ། །དེ་དག་མཐར་གྱིས་འགྲོ་འགྱུར་བ། །ཞི་བ་ནད་མེད་གོ་འཕང་འཐོབ། །རྒྱལ་པོ་མཆོག་དང་དམན་པ་དང་།། མི་ཡི་བདག་པོ་བར་མ་རྣམས། །རྒྱལ་པོ་ན་ཧུ་ཤ་ལ་སོགས། །དང་པོའི་དུས་སུ་བསྟན་པ་དག་།དེས་ཀྱང་དེ་བཞིན་གཤེགས་མཆོག་དང ། །རྗེས་ཡི་རང་བས་མཐོ་རིས་སོང ། །ངེས་པར་དེ་དག་སངས་རྒྱས་གྱུར། །ཁ་ཅིག་ཉན་ཐོས་ཐེག་པ་ལ། །ངེས་པར་ཁ་ཅིག་ཉན་ཐོས་ཉིད། །དེ་ཀུན་ཐར་ལ་མངོན་པར་གཞོལ། །དུས་ཀྱི་རྣམ་གཞག་རྗེས་མཐུན་པར། །ཚེ་ཡང་རྣམ་པར་བརྟག་པ་ཡིན། །དམ་པ་ཚེ་ཡང་རིང་བ་སྟེ། །དེ་བཞིན་བར་མ་བར་མ་ཡིན། །ཤིན་ཏུ་དཀའ་བའི་དུས་མཐའ་ལ། །དུས་ཀྱི་ཐ་མ་རྩོད་དུས་ལ། །རྒྱལ་པོ་རྩོད་པ་ལ་དགའ་བས། །གཞན་ནི་ཐ་མར་བསྟན་པ་ཡིན། །ཕན་ཚུན་འཁོན་དུ་འཛིན་ཆགས་པས། །གཅིག་ལ་གཅིག་ནི་རྣམ་འཚེ་བྱེད། །དམན་པའི་སྐྱེ་བ་ཐོབ་པ་དང ། །མཚོན་གྱི་རེག་པས་འཆི་བར་འགྱུར། །མཚོན་གྱིས་འཚོ་བས་ཡང་དག་དགའ། །དེ་བཞིན་གཞན་གྱི་བུད་མེད་ཆགས། །རྒྱལ་པོ་འཇིག་རྟེན་སྨོད་པར་
399b
ནི། །ཐེ་ཚོམ་མེད་པར་འགྱུར་བ་ཡིན། །གཡོན་ཅན་ལས་ངན་ཅན་དང་ནི། །དེ་བཞིན་འཕགས་མིན་སེར་སྣ་ཅན། །དེ་ཡི་ཚེན་འབྱུང་བར་འགྱུར། །ཆ་གཉིས་ལྡན་དང་རྩོད་དུས་བར། །མདོར་བསྡུས་ནས་ནི་བཤད་པར་བྱ། །གཞོན་ནུ་དེ་ནི་རྟོགས་པར་གྱིས། །དུས་གང་འབྱུང་བར་འགྱུར་བ་ན། །ས་སྟེང་རྒྱལ་པོ་འབྱུང་བ་ཡི། །དེ་དག་གཟུགས་དང་མཚན་མ་དང ། །ཁ་དོག་ཀྱང་ནི་རྟོགས་པར་གྱིས། །ཀོ་སའི་རྒྱལ་པོ་གསལ་རྒྱལ་དང ། །གཟུགས་ཅན་སྙིང་པོ་དེ་བཞིན་གཞན། །རྒྱལ་རིགས་གཙོ་བོ་འཆར་བ་དང ། །དམག་བརྒྱ་པ་ནི་ཡང་དག་འབྱུང ། །ལག་བཟང་གཞུ་བཟང་ཞེས་བྱ་དང ། །དེ་བཞིན་དབང་ཆེན་ཙམ་ཤ་།དེ་བཞིན་ལིཙྪ་བིར་སྐྱེས་པའི། །ཤཱཀྱའི་རིགས་སྐྱེས་སེངྒེ་དང ། །ཆེར་ལྡན་གསལ་དང་རབ་གསལ་དང ། །སྡེ་ཆེན་དུ་ཡང་བསྟན་པའོ། །དེ་བཞིན་འཕགས་རྒྱལ་གཏུམ་པོ་དང ། །སེར་སྐྱའི་གྲོང་གི་རྒྱལ་པོ་ནི། །ཟས་གཙང་ཞེས་ནི་བྱ་བ་དང ། །དཔའ་པོ་ཞེས་བྱ་སྟོབས་ཆེན་དག་།འདི་དག་རྒྱལ་པོའི་རིགས་སུ་གསུངས། །ས་སྲུང་སྟོན་པ་མཆོད་བྱེད་པའོ། །ཤཱཀྱ་སེངྒེ་མི་ཡི་མཆོག་།སངས་རྒྱས་མངོན་དུ་ལྟ་བར་འགྱུར། ། དེ་ཡང་དེ་ནས་ཆོས་ཐོས་ནས། །ཡུན་རིང་ཕུན་སུམ་ཚོགས་པ་འཐོབ། །ངེས་པར་བྱང་ཆུབ་འདོད་ནས་ཀྱང ། །ཤི་ནས་ཞི་བ་ཐོབ་པར་འགྱུར། །ས་བདག་ས་ཡི་དཀྱིལ་འཁོར་
400a
༄#། །དུ། །འདི་དག་འཇིག་རྟེན་རྣམ་པར་གྲགས། །རིགས་ནི་རྒྱལ་རིགས་དག་ཏུ་བསྟན། །འདུ་ཤེས་མིང་གིས་མཚོན་པ་ཡིན། །ས་སྟེང་ང་ཡིས་བསྟན་པའི་ཚིག་།དེ་དག་མཆོད་པ་བྱེད་པར་འགྱུར། །གཞོན་ནུ་བྱིས་པའི་གཟུགས་ཅན་གྱིས། །ཁྱོད་ཀྱིས་འཇིག་རྟེན་ལུང་བསྟན་པ། །མ་སྐྱེས་ཞེས་བྱའི་རྒྱལ་པོ་དེ། །ངེས་པར་བྱང་ཆུབ་གཞོལ་བར་འགྱུར། །ང་ནི་ས་སྟེང་མྱ་ངན་འདས། །ལོ་བརྒྱ་དག་ནི་འདས་པ་ན། །སྣང་བ་མེད་ཅིང་ཉེས་པར་བཅས། །མི་ཤེས་མུན་པས་རབ་ཏུ་བསྒྲིབས། །དེ་ཚེ་ས་ནི་སྟོངས་པ་ཞེས། །རྒྱལ་བ་རྣམས་ཀྱིས་སྤངས་པ་ཡིན། །དེ་ཚེ་མི་བཟད་ཆེན་པོ་ཡི། །གྲོང་ཁྱེར་མེ་ཏོག་ཅན་དུ་ནི། །མྱ་ངན་མེད་ཅིང་བྱ་བ་ཡི། །རྒྱལ་པོ་ས་ནི་སྐྱོང་བྱེད་པ། །ཁྲོ་བཅས་ལས་ནི་དྲག་པོ་བྱེད། །དེ་ཚེ་དེ་ནི་སྙིང་རྗེ་མེད། །རྫུ་འཕྲུལ་ཆེན་པོ་འདོད་ཆགས་བྲལ། །ནད་མེད་སེར་སྣ་བྲལ་བ་དང ། །དགེ་སློང་ཚུལ་ཁྲིམས་ལྡན་པ་ཡི། །དགེ་བའི་བཤེས་གཉེན་ཐང་དུ་ལྷགས། །སྔོན་གྱི་བག་ཆགས་རྒྱུ་དང་ནི། །ས་རྡུལ་བྱིན་པའི་བྱིན་རླབས་ཀྱིས། །རིགས་ནི་ངེས་པར་འགྱུར་བ་དང ། །རྒྱལ་བོ་ནོར་ཆེན་ལྡན་པར་འགྱུར། །ཆོས་དང་ཆོས་མིན་རྣམ་སྤྱོད་ཅིང ། །བརྩེ་དང་སྙིང་རྗེ་ལྡན་པ་དང ། །ཆགས་བྲལ་རྫུ་འཕྲུལ་ཆེན་པོ་དེས། །རྒྱུ་ནི་ཕྱེ་ཞིང་བསྟན་པར་
400b
བྱས། །སྔོན་ནི་ཁྱོད་ཀྱང་རྒྱལ་པོ་སྟེ། །མི་ཤེས་བྱིས་པ་གཡོ་བ་ཡི། །རྒྱལ་པ་ཤཱཀྱ་སེངྒེ་ལ། །ས་ཡི་རྡུལ་ནི་སྙིམ་གང་ཕུལ། །ཞིང་དེ་ལ་ནི་རབ་ཕུལ་བས། །ལྷ་ཡུལ་ཕུན་སུམ་ཚོགས་པ་ཐོབ། །ལྷ་ཡི་འཇིག་རྟེན་ཤི་འཕོས་ནས། །ས་ཡི་འཇིག་རྟེན་འདིར་འོངས་གྱུར། །འཛམ་གླིང་ནགས་ཚལ་ཕུན་སུམ་ཚོགས། །རྒྱལ་པོའི་རྒྱལ་ཐབས་སྤྱོད་པར་བྱེད།། བདག་ཉིད་ཆེན་པོ་ཛམྦྷ་ལ། །གནོད་སྦྱིན་གྱི་ནི་སྔགས་ཀྱང་བསྒྲུབས། །བདག་ཉིད་ཆེན་པོ་ས་ཡི་བདག་།དེ་ནས་གནོད་སྦྱིན་ཤིང་རྟ་གྲུབ། །དེ་ལ་གནོད་སྦྱིན་འདུག་པ་ནི། །བཀའ་དང་མཐུན་པར་ཡིད་ཀྱང་འཇུག་།ཀླུ་རྣམས་ཀྱང་ནི་འདུག་པ་སྟེ། །བྲན་དང་བཀའ་བཞིན་བྱེད་པའི་རྒྱུ། །དེ་ལྟར་རྫུ་འཕྲུལ་ཆེ་བདག་ཉིད། །དེ་ཚེ་སྟོབས་ཀྱིས་འཁོར་སྒྱུར་འབྱུང ། ། ཅི་འདོད་དེ་ནི་འགྲོ་བ་ན། །གང་དུའང་འགོག་པ་མེད་པར་འགྱུར། །རྒྱལ་བའི་སྐུ་གདུང་མཆོག་ས་ལ། །གང་ཡང་སྔོན་ནི་རབ་བཞག་པ། །རྒྱལ་པོའི་ཁབ་ཀྱི་གྲོང་ཁྱེར་གྱི། །དེ་ཚེ་འོང་མའི་ཚལ་དུའོ། །སྐུ་གདུང་མཆོག་ནི་བླངས་ནས་ཀྱང ། །དགེ་བ་ལ་དམིགས་ཡིད་ཅན་གྱིས། །ཇི་ལྟར་སྔོན་ནི་བྱས་པ་བཞིན། །མཆོད་རྟེན་དེ་ལ་མཆོད་པ་བྱས། །སྐུ་གདུང་བུམ་པ་དེ་བླངས་ནས། །དེ་ནི་དེ་བཞིན་རྣམ་བགོས་ནས། །བློ་ལྡན་དེས་ནི་སྐད་ཅིག་གིས། །དེ་ནས་གནོད་སྦྱིན་ལ་ཡང་སྨྲས། །ཛམ་བུའི་གླིང་འདི་མ་ལུས་པའི། །མཆོད་རྟེན་རྒྱ་
401a
༄#། །གྱིས་བརྒྱན་པ་དང ། །ས་རྣམས་སྐུ་གདུང་སྙིང་པོར་ནི། །ཁྱོད་ཀྱིས་ཀྱང་ནི་རབ་ཏུ་བྱ། །འབད་པ་ཡིས་ནི་མཚན་ཕྱེད་དུ། །གནོད་སྦྱིན་གྱིས་ནི་བཀའ་ཡང་བླངས། །མི་མ་ཡིན་པའི་བྱ་བས་བྱས། །ས་སྟེང་རྡོ་ཡི་སྲོག་ཤིང་བསྒྲེང ། །ཀ་བ་སྟོང་ཕྲག་དུ་མ་ནི། །དེ་ཚེ་ཡོངས་སུ་བཙུགས་པར་གྱུར། །མཆོད་རྟེན་རྣམས་ལ་མཆོད་དོན་དུ། ། ལུས་ཅན་རྣམས་ལ་མཚོན་པར་གྱུར། །འཇིག་རྟེན་མགོན་པོ་སྐྱོབ་པ་ཡིས། །མཆོད་རྟེན་སྣ་ཚོགས་བྱས་ནས་ནི། །སྐད་ཅིག་གཅིག་གིས་གནོད་སྦྱིན་རྣམས། །རྒྱལ་པོ་ཡི་ནི་དྲུང་དུ་ལྷགས། །དེ་ནས་གནོད་སྦྱིན་རབ་བཏུད་ནས། །དབེན་པར་ཚིག་ནི་རབ་ཏུ་སྨྲས། །ཇི་སྐད་བཀའ་སྩལ་མ་ལུས་བྱས། །ས་བདག་ཅི་སྟེ་གཟིགས་མི་མཛད། །དེ་ནས་མྱུར་དུས་བདག་དེ། །དེ་ཚེ་ཤིང་རྟ་དེ་ལ་ཞོན། །རྣམ་པ་སྣ་ཚོགས་མཆོད་དོན་དུ། །རྣམ་པ་སྣ་ཚོགས་མཛེས་པའི་ཕྱིར། །གསེར་དང་དེ་བཞིན་དངུལ་དག་དང ། །རྣམ་པ་སྣ་ཆོགས་མཆོད་རྟེན་བརྒྱན། །དེ་ནས་གནོད་སྦྱིན་ཤིང་རྟ་དང ། །མྱུར་དུ་རྒྱལ་པོ་རབ་ཏུ་སོང ། །གང་ནི་རྒྱལ་བའི་མཆོད་རྟེན་ཡོད། །སྐད་ཅིག་གིས་ནི་དེ་ཡུལ་དུའོ། །རྣམ་པ་སྣ་ཚོགས་མཆོད་པ་ཡིས། །རྒྱལ་པོ་དེས་ནི་དེ་ལ་མཆོད། །དེ་ཚེ་རྒྱལ་བའི་མཆོད་རྟེན་གྱིས། །ས་རྣམས་མ་ལུས་མཛེས་པར་བྱས། །བདག་ཉིད་ཆོས་རྒྱལ་མྱ་ངན་
401b
མེད། །སྨོན་ལམ་དག་ནི་འདེབས་པར་བརྩོན། །དགེ་བའི་རྩ་བ་འདི་དོན་གྱིས། །བླ་ན་མེད་པའི་སངས་རྒྱས་ཤོག་།དེ་བཞིན་དེས་ཀྱང་རིགས་ནས་ནི། །རྒྱལ་པོ་ཆོས་ནི་སྟོན་པར་བྱེད། ། དེ་ནི་ཤི་ནས་ལྷ་རུ་འགྲོ། །ངེས་པར་བྱང་ཆུབ་གཞོལ་བར་འགྱུར། །ལོ་ནི་བརྒྱད་ཅུ་རྩ་བདུན་དུ། །ས་སྟེང་མཆོད་རྟེན་མཆོད་པར་འགྱུར། །ལོ་ནི་བརྒྱ་དང་ལྔ་བཅུར་འཚོ། །གནོད་པ་མེད་པའི་རྒྱལ་ཐབས་བྱེད། །དེ་རང་ལས་ལས་བྱུང་བ་ཡི། །ལུས་ལ་ནད་ནི་ཡོངས་སུ་འབྱུང ། །ནད་དེས་གནོད་ཅིང་སྡུག་བསྔལ་ནས། །ཤི་ནས་མཐོ་རིས་འགྲོ་བར་འགྱུར། །ལྷ་ཡི་ཕུན་སུམ་ཚོགས་པ་ཆེ། །ཐོབ་ནས་རྗེས་སུ་མྱོང་བར་བྱེད། །དེ་ནི་ཡིད་གཞུངས་རིམ་གྱིས་སུ། །རྙེད་པར་དཀའ་བའི་བྱང་ཆུབ་ཐོབ། །རྡོ་རྗེ་པདྨའི་རིགས་དག་ནི། །སྔགས་ཀྱང་དེ་ཚེ་འགྲུབ་པར་འགྱུར། །ཛམྦྷ་ལ་སོགས་གནོད་སྦྱིན་ཡང ། །འདི་ཡི་བསྟན་པའི་རྗེས་སུ་འཇུག་།རྫུ་འཕྲུལ་ཆེན་པོ་འཕྲོག་མ་སོགས། །གནོད་སྦྱིན་མོ་ཡང་ཡང་དག་འགྲུབ། ། འཁོར་ལོས་བསྒྱུར་བས་བསྐྱེད་པ་ཡི། །འཁོར་ལོས་བསྒྱུར་བའི་སྔགས་ཀྱང་འགྲུབ། །གང་དག་རྒྱལ་བས་བསྟན་པའི་སྔགས། །རིག་པའི་རྒྱལ་པོ་རྫུ་འཕྲུལ་ཆེ། །གཙུག་ཏོར་ལ་སོགས་ཐམས་ཅད་དང ། །གང་གཞན་རྒྱལ་བས་གསུང་པའང་ཡིན། །དེ་ཡི་དུས་ནི་རབ་བཟང་ལ། །སྒྲུབ་པ་དམ་པ་དག་ཀྱང་བྱ། །དམ་པས་ཐ་མ་བསྒྲུབ་མི་བྱ། །དམ་པ་
402a
༄#། །ཐོབ་པར་བྱ་ཕྱིར་རོ། །དི་ལཱི་པ་དང་ན་ཧུ་ཤ་།ང་ལས་ནུ་དང་དུག་ཆེན་མཚོ། །རྒྱལ་བས་བཤད་པའི་འཁོར་ལོས་བསྒྱུར། །སྔགས་ནི་དེ་དག་སྒྲུབ་པར་བྱེད། །བདག་ཉིད་ཆེན་པོ་ན་ཧུ་ཤ་།དེ་ཚེ་གཟི་བརྗིད་ཕུང་པོ་འགྲུབ། །རྒྱལ་པོ་ཆེན་པོ་དུག་ཆེན་པ། །གདུགས་དཀར་པོ་ཡང་འགྲུབ་པ་ཡིན། །དེ་བཞིན་རྒྱལ་པོ་དི་ལཱི་པ། །ཡི་གེ་གཅིག་པའི་སྔགས་ཀྱང་འགྲུབ། །ང་ལས་ནུ་ནི་འཇིག་རྟེན་དང ། །དེ་བཞིན་གཙུག་ཏོར་དམ་པ་འགྲུབ། །རྒྱལ་མཆོག་དྷུ་མར་ནི། །དེ་བཞིན་རྒྱལ་བའི་གཙུག་ཏོར་འགྲུབ།། དེ་བཞིན་འདམ་གྱི་རྒྱལ་པོ་ནི། །རྣམ་རྒྱལ་གཙུག་ཏོར་འགྲུབ་པ་འོ། །དེ་བུ་སྐྱེ་དགུའི་བདག་པོ་སྟེ། །དེ་ཡང་ས་སྟེང་སྤྱན་སྔགས་གྲུབ། །སྐྱེ་དགུའི་བདག་པོ་སྐྱེ་བ་སྟེ། །དེ་ཡང་མཛོད་སྤུའི་སྔགས་ཀྱང་འགྲུབ། །ལྟེ་བའི་བུ་ནི་ཁྱུ་མཆོག་སྟེ། །དེ་ནི་ལས་གྲུབ་བརྟུལ་ཞུགས་བརྟན། །ཁ་བ་ཅན་གྱི་རི་དག་ཏུ། །དེ་ཡང་ནོར་སྦྱོད་གནོད་སྦྱིན་འགྲུབ། ། ཁྱུ་མཆོག་བུ་ནི་རྒྱས་པ་སྟེ། །དེ་ཡང་དེ་ཚེ་སྔགས་བཟླས་བྱེད། །དེ་ཚེ་ས་སྟེང་དེར་མཐར་གྱིས། །དཔའ་བོ་ཆེན་པོའང་རབ་ཏུ་འགྲུབ། །འདི་དག་གཞན་ཡང་མང་བ་ཡིས། ། རྒྱལ་པོ་འཇིག་རྟེན་རྣམ་གྲགས་པས། །སྔགས་རྣམས་རབ་ཏུ་བསྒྲུབས་ནས་ནི། །རྒྱལ་སྲིད་བྱས་ནས་ལྷ་ཡུལ་འགྲོ། །རིག་པའི་རྒྱལ་པོ་རྫུ་འཕྲུལ་ཆེ། །རྒྱལ་བའི་དབང་
402b
པོས་གང་གསུངས་པ། །དེ་ཀུན་དུས་ནི་བཟང་པོ་སྟེ། །ལོ་ནི་སྟོང་ཕྲག་བརྒྱད་ཅུ་བ། །སྔགས་དང་རྒྱུད་ཀྱི་དོན་མཁས་པས། །གྲུབ་པ་དག་ནི་སྒྲུབ་པར་འགྱུར། །འདི་དག་གཞན་ཡང་རབ་མང་བའི། །ས་བདག་འཇིག་རྟེན་རྣམས་གྲགས་པ། །དེ་ནས་སྟོང་ཕྲག་བརྒྱད་ཅུའི་སྔགས། །དེ་བཞིན་ཡང་དག་བསྒྲུབས་ནས་ནི། །རྒྱལ་སྲིད་བྱས་ནས་མཐོ་རིས་འགྲོ། །ངེས་པར་བྱང་ཆུབ་གཞོལ་བར་འགྱུར། །དེ་ཚེ་བར་མའི་དུས་དག་ཏུ། །ལྷ་མོ་རྫུ་འཕྲུལ་ཆེན་མོ་དང ། །ལྷ་རྣམས་ཀྱི་ནི་སྔགས་དང་ནི། །པདྨའི་རིགས་ཀྱི་སྔགས་དང་ནི། །བློན་པོ་མི་ཡི་གཙོ་བོ་དང ། །ས་བདག་ས་ཀུན་བདག་པོ་འོ། །བཱ་ར་ཎ་སཱིའི་གྲོང་ཁྱེར་དུ། །རྒྱལ་པོ་ཚངས་པས་བྱིན་པ་ཡང ། །འཇིག་རྟེན་འཇིག་རྟེན་དབང་ཕྱུག་གྲགས།། ཕྱག་ན་པདྨ་རབ་ཏུ་འགྲུབ། །བདག་ཉིད་ཆེན་པོ་བརྩོན་འགྲུས་ཆེ། །ལྷག་པར་སྙིང་རྗེ་ཆེན་པོ་དེ། །སེམས་ཅན་རྣམས་ལ་སྔགས་ཚུལ་གྱིས། །ཆོས་རྣམས་སྟོན་པ་བྱིན་པ་ཡིན། །རྒྱལ་པོ་ཡང་ནི་ཚངས་བྱིན་གྱིས། །མི་ཡི་བདེ་བ་རྗེས་མྱོང་ནས། །དེ་ནས་དེ་ནི་སྔགས་གྲུབ་སྟེ། །ལུས་དང་བཅས་པས་མཐོ་རིས་སོང ། །དེ་ཡི་བུ་ཡང་བློ་ལྡན་ནི། །བསོད་ནམས་ལས་ནི་བརྟུལ་ཞུགས་བརྟན། །བརྩོན་འགྲུས་ཆེན་པོ་རྟ་མགྲིན་ཞེས། །རྣམ་པར་གྲགས་པ་དེ་ཡང་འགྲུབ། །དེ་ཡི་སྔགས་ཀྱི་མཐུ་ཡིས་ནི། །དེ་ཚེ་བརྒྱ་བྱིན་ལས་རྒྱལ་
403a
༄#། །འགྱུར། །དེ་བུ་དཀར་པོ་ཞེས་བྱ་བའི། །རྒྱལ་པོ་ཐམས་ཅད་གཏོང་པ་འབྱུང ། །དེ་ཡང་ནོར་ནི་སྦྱིན་པའི་སྔགས། །དཀར་མོ་ཆེ་ཞེས་བྱ་བ་ཡི། །སྔགས་ནི་རབ་ཏུ་བསྒྲུབས་པས་ནི། །ལོ་ནི་སུམ་བརྒྱ་དག་ཏུ་འཚོ། །དེ་ཡི་སྔགས་ཀྱི་མཐུ་ཡིས་ནི། །བདེ་བ་ཅན་དུ་ཡང་དག་འགྲོ། །ངེས་པར་བྱང་ཆུབ་འདིས་ངེས་འཐོབ། །དེ་བཞིན་གཞན་ཡང་ངས་ལུང་བསྟན། །དེ་ཚེ་བར་མའི་དུས་དག་ཏུ། །བར་མའི་སྔགས་ནི་རབ་ཏུ་འགྲུབ། །དཀའ་བ་ཐ་མའི་དུས་དག་ཏུ། །ང་ནི་སངས་རྒྱས་ཉིད་ཐོབ་ནས། །རྡོ་རྗེ་པདྨའི་རིགས་དག་གི་།སྔགས་ཀྱང་རབ་ཏུ་འགྲུབ་པར་གྱུར། །གཞོན་ནུ་ཁྱོད་ཀྱི་སྔགས་དག་ནི། །གང་ཞིག་ས་སྟེང་སྔོན་བསྟན་པ། །སྔགས་ནི་ལོངས་སྤྱོད་རྒྱུ་ཉིད་དུ། །དེ་ཡང་རབ་ཏུ་གྲུབ་པར་འགྲོ། །འཇིག་རྟེན་རྣམ་པ་སྣ་ཚོགས་པའི། །ཕལ་པ་དག་གི་སྔགས་དག་ནི། །མི་སྡུག་གཟུགས་ཅན་རྙོག་པར་ལྡན། །བར་སྣང་དང་མི་\?\་ནམ་མཁར་སྦྱོད།། ས་བླར་གནས་པའི་གནོད་སྦྱིན་མོ། །དེ་བཞིན་སྣ་ཚོགས་ཤ་ཟ་མོ། །མི་འམ་ཅི་དང་མཁའ་ལྡིང་དང ། །ཡི་དྭགས་སྲིན་པོས་བཤད་པ་རྣམས། །ཤ་ཟ་ལྟོ་འཕྱེ་གནོད་སྦྱིན་དང ། །རྫུ་འཕྲུལ་ཆེན་པོ་ཀླུ་རྣམས་ཀྱིས། །དུས་ངན་དེ་ཚེ་ཐ་མ་ལ། །སྔགས་ནི་རབ་ཏུ་གྲུབ་པར་འགྱུར། །གཞོན་ནུའི་གཟུགས་ཀྱི་སྔགས་དང་ནི། །གཞོན་ནུ་མ་ཡི་གཟུགས་
403b
ཀུན་ཡང ། །དུས་ནི་འཇིགས་རུང་དེ་ཡི་ཚེ། །དེ་ཡང་གྲུབ་པ་རབ་ཏུ་འགྲོ། །དེ་བཞིན་སྔགས་ནི་རྣམས་གསུམ། །སྒྲུབ་བའང་རྣམ་པ་གསུམ་ཡིན་ནོ། །རྣམ་གསུམ་ཉིད་ཀྱིས་དུས་སུ་ནི། །རྣམ་གསུམ་སྒྲུབ་པར་འདོད་པ་ཡིན། །རྒྱ་ཆེའི་གཏམ་དང་ལྡན་པ་དག་།མདོར་བསྡུས་ནས་ནི་བཤད་པར་བྱ། །གཙོ་བོ་མྱ་ངན་མེད་བ་ཡི། །དེ་འོག་རྒྱལ་པོ་བྱུང་བ་ནི། །མྱ་ངན་བྲལ་ཞེས་རྣམ་པར་གྲགས། །འཇིག་རྟེན་ཆོས་ཀྱིས་སྤྱོད་པར་ལྡན། །ལྷ་མོ་གོས་དཀར་མོ་ཡི་ནི། །དེ་ཡི་སྔགས་འདི་ཡོངས་སུ་འགྲུབ། །མྱ་ངན་རྣམ་བྲལ་གྱིས་བསྒྲུབས་ནས། །ལྷ་ཡི་གནས་སུ་རབ་ཏུ་སོང ། །ཡུན་རིང་བདེ་བ་མཐོ་རིས་སུ། །རྒྱལ་པོ་ཆེན་པོ་རྗེས་སུ་མྱོང ། །ཕྱིར་ཡང་མི་ཡུལ་ཕྱིན་ནས་ནི། །བློ་ལྡན་ཆོས་ཀྱི་ངང་ཚུལ་ལྡན། །རྒྱལ་ཐབས་རྣམ་པ་སྣ་ཚོགས་ལྡན། །འོད་ཆེན་པོས་ནི་རྗེས་སུ་མྱོང ། །ལོ་ནི་བདུན་ཅུ་རྩ་དྲུག་ཏུ། །དཔལ་ལྡན་མཆོད་རྟེན་མཆོད་པ་བྱེད། །དེ་ནས་དེ་ནི་ནད་བཏབ་ནས། །ལུས་ཞིག་ནས་ནི་ལྷ་རུ་འགྲོ། ། དེ་ཡི་འོག་ཏུ་རྒྱལ་པོ་ནི། །དཔའ་བོའི་སྡེ་ཞེས་རབ་ཏུ་བརྗོད། །ཆོས་ལ་སྤྱོད་ཅིང་རྣམ་པར་གྲགས། །བསྟན་པ་འདི་ལ་མཉམ་པར་གཞག་།ལྷ་མོ་མཆོད་རྟེན་དཔལ་ཆེན་མ། ། དེ་ཡི་སྔགས་ཀྱང་རབ་ཏུ་བསྒྲུབས། །དེས་ཀྱང་སྟོན་པའི་ཁང་ཆེན་ནི། །དེ་ཡི་ཚེ་ན་བྱས་པར་འགྱུར། །ས་རྣམས་རྒྱ་མཚོའི་མཐར་ཐུག་པར། །མ་ལུས་མཆོད་རྟེན་རྣམས་ཀྱིས་
404a
༄#། །བརྒྱན། །དེ་ལ་རྣམ་སྨིན་ལས་ཀྱིས་ནི། །ལུས་ལས་སྐྱེས་པའི་ནད་ཀྱང་འབྱུང ། །ཟླ་ཕྱེད་གཅིག་ཏུ་སྡུག་བསྔལ་ནས། །དེ་ནི་ཤི་འཕོས་ལུས་ཞིག་འགྱུར། །ལོ་ནི་བདུན་ཅུ་དག་ཏུ་ཡང ། །མི་ཡི་ནང་དུ་རྒྱལ་ཐབས་བྱས། །ཤི་འཕོས་དེ་ནི་མཐོ་རིས་འགྲོ། །ངེས་པར་བྱང་ཆུབ་གཞོལ་བར་འགྱུར། །དེ་ཡི་འོག་ཏུ་རྒྱལ་པོ་ནི། །དགའ་བོ་ཞེས་བྱ་འབྱུང་པར་འགྱུར། །དཔལ་ལྡན་གྲོང་ཁྱེར་མེ་ཏོག་ཅེས། །སྡེ་ཆེན་སྟོབས་ནི་ཆེ་བར་གནས། །ཤ་ཟ་པི་ལུ་ཞེས་བྱ་བའི། །སྔགས་ཀྱང་དེས་ནི་བསྒྲུབས་པ་ཡིན། །དེ་ཡི་སྔགས་ཀྱི་མཐུ་ཡིས་ནི། །ལོངས་སྤྱོད་ཆེན་པོ་ཡོད་པར་འགྱུར། །རྒྱ་ཡི་གཙོ་བོ་ཞེས་བྱ་བ། །འཇིག་རྟེན་འདིར་ནི་འབྱུང་བར་འགྱུར། །དེ་ནོར་ཐོབ་པས་བློན་པོར་འགྱུར། །འཇིག་རྟེན་རྒྱལ་པོ་ཉིད་དུའང་འགྱུར། །དེ་ཡི་དུས་སུ་འབྱུང་བ་ནི། །བྲམ་ཟེ་ཚད་མ་ཤེས་པ་འོ། །ལོག་པའི་ང་རྒྱལ་དག་ལ་ཞེན། །མ་ག་དྷཱ་ཡི་གྲོང་ཁྱེར་གནས། །ལོག་པའི་ང་རྒྱལ་གྱིས་དྲེགས་རྣམས། །འབྱུང་བ་ཉིད་དུ་ཐེ་ཚོམ་མེད། །དེ་དག་གིས་ནི་རྒྱལ་པོ་བསྐོར། །དེ་དག་ལ་ནི་དེས་ནོར་བྱིན། །ནོར་ནི་མང་པོ་དེ་དག་གིས། །དགེ་བའི་བཤེས་ལ་རབ་མཆོད་ནས། །དེ་ཡི་ནོར་ནི་ཟད་པར་བྱེད། །མ་འདྲེས་དེ་ལ་གོམས་པ་དང ། །སྦྱིན་ལ་ཞུམ་མེད་རྒྱུ་ཡིས་ནི། །བློ་ལྡན་དེ་ཡིས་ལྷ་ཁང་ནི། །ཉི་ཤུ་རྩ་བཞི་བྱེད་དུ་བཅུག་།གྲོང་ཁྱེར་མེ་
404b
ཏོག་ཅེས་བྱ་བར། །བདག་ཉིད་ཆེན་པོ་བློན་པོའི་མཆོག་།བྲམ་ཟེ་བཟང་པོ་སྙིང་རྗེར་ལྡན། །དེ་ཡི་ཚེ་ན་འབྱུང་བར་འགྱུར། །རྒྱལ་པོ་དང་ནི་རབ་མཛའ་བའི། །ཆོས་ཀྱི་བདག་ཉིད་འབྱུང་བར་འགྱུར། །གནོད་སྦྱིན་མ་ནི་དཔའ་མོ་ལྡན། །ས་སྟེང་དེ་ཡི་སྔགས་ཀྱང་འགྲུབ། །དེས་ཀྱང་ས་སྟེང་དག་ཏུ་ནི། །མཆོད་རྟེན་བཟང་པོ་བྱེད་དུ་བཅུག་།གནོད་སྦྱིན་མ་ཡི་མཐུ་ཡིས་ནི། ། ཤེས་རབ་རབ་ཏུ་ཆེ་བར་འགྱུར། །དེ་ཡི་བག་ཆགས་ལས་ཀྱིས་ནི། །སྔོན་གྱི་བག་ཆགས་ཡོངས་བསྐུལ་ནས། །བློ་དང་ལྡན་པས་མཐར་གྱིས་ནི། །རྙེད་པར་དཀའ་བའི་བྱང་ཆུབ་འཐོབ། །མཆོག་སྲེད་ཅེས་ནི་རྣམ་གྲགས་པའི། །དེ་ཚེ་འདོད་ཆགས་ཤས་ཆེ་འབྱུང ། །བུད་མེད་བྱས་པའི་སྐྱོན་གྱིས་ནི། །བྲམ་ཟེའི་ཁྱེའུས་འཆི་བ་འཐོབ། །དཔལ་ལྡན་རྒྱལ་པོ་དགའ་བོ་ཡང ། །སྔ་མའི་ལས་ཀྱི་ཉེས་པ་ཡིས། །མེ་ཏོག་ཅེས་བྱའི་གྲོང་ཁྱེར་གྱི། །མི་རྣམས་ཆད་པས་གནོད་པར་བྱེད། །བློན་པོའི་ཚོགས་ཀྱང་མ་དད་འགྱུར། །སྟོབས་ཆེན་བདེན་པར་སྨྲ་བ་ཡང ། །སྔོན་གྱི་ལས་ཀྱི་ཉེས་པ་ཡིས། །ནང་ཆེན་དག་གིས་ཐེབས་འགྱུར་ཏེ། །རིམས་ནད་ཆེན་པོས་སྡུག་བསྔལ་གདུངས། །ནམ་ཕྱེད་ཙམ་ན་ཤི་བར་འགྱུར། །རྒྱལ་པོ་དེ་ཡི་ཚེ་ཚད་ནི། །དེ་བཞིན་ལྔ་བཅུ་རྩ་དྲུག་གོ་།དེ་ནི་ཉན་ཐོས་བྱང་ཆུབ་ཏུ། །རྒྱལ་པོ་ངེས་པར་འགྱུར་བ་ཡིན། །དེ་ཡི་གྲོགས་པོ་གཞན་གྱུར་པ། །བྲམ་ཟེའི་ཁྱེའུ་པཱ་ཎི་ནི། །
405a
༄#། །ངེས་པར་ཉན་ཐོས་བྱང་ཆུབ་ཏུ། །ང་ཡིས་ལུང་བསྟན་བྱས་པ་ཡིན། །འཇིག་རྟེན་དབང་ཕྱུག་བདག་ཉིད་ཆེ། །དེ་ཡང་དེ་ཡི་སྔགས་གྲུབ་པའོ། །བྲམ་ཟེ་ཤེས་རབ་འདོད་པས་ཀྱང ། །ཁྲོ་བོ་ཧ་ལ་ཧ་ལ་བསྒྲུབས། །རྒྱལ་པོ་དེ་ལས་གཞན་པ་ཡང ། །ཟླ་བ་སྤས་ཞེས་བྱ་བར་འབྱུང ། །གནོད་སྦྱིན་ཆུ་དབང་གྲུབ་པ་སྟེ། །རྒྱལ་སྲིད་གནོད་པ་མེད་པར་བྱེད། །ལོངས་སྤྱོད་ཆེ་ཞིང་བདེན་པར་སྨྲ། །ཆོས་ཀྱི་བདག་ཉིད་ས་ཡི་བདག་།མི་དགེའི་བཤེས་གཉེན་རབ་བརྟེན་ནས། །སྲོག་ཆགས་མང་པོ་གསོད་པར་བྱེད། །ལས་ཀྱི་རྣམ་སྨིན་དེ་ཡིས་ནི། །འབྲུམ་བུའི་ནད་བྱུང་རབ་ཏུ་བརྒྱལ། །དེ་ཡི་མཚན་ཕྱེང་སད་ནས་ནི། །རྒྱལ་སྲིད་ལ་ནི་བུ་བཞག་པ། །སྙིང་པོ་ཐིག་ལེ་ཞེས་བྱ་བ། །བློན་པོ་ལ་སྡང་བྱིས་པ་དེ། །དེ་ནས་ཟླ་བ་སྤས་པ་དེ། །ཤི་འཕྲོས་ས་སྟེང་དུས་ལས་འདས། །མི་ཡི་འགྲོ་བ་སྤངས་པ་ཡི། །དེ་ཚེ་ཡི་དྭགས་འཇིག་རྟེན་སོང ། །འགྲོ་བ་ལས་གྲོལ་སྔགས་གོམས་པས།། དེ་ནས་ལྷ་ཡི་གནས་སུ་སོང ། །དགེ་བའི་སེམས་ཀྱིས་དམིགས་ནས་ནི། །སྔགས་ཀྱི་རྒྱུས་ནི་ཡང་དག་བསྐྱེད། །རྒྱལ་པོ་དེས་ནི་མཐར་གྱིས་ཀྱང ། །ཉན་ཐོས་ཀྱི་ནི་བྱང་ཆུབ་འགྲོ། །སྙིང་པོ་ཐིག་ལེ་རྒྱལ་པོ་ཡིས། །བྱིས་པ་མི་གསལ་བློ་ཡིས་ནི། །བྱེ་མ་ལས་བྱས་སྲིད་གཞན་དུ། །སྔོན་ནི་མཆོད་རྟེན་དག་ཀྱང་བྱས། །དེ་ཡི་རྣམ་སྨིན་མཐུ་ཡིས་ནི།།
405b
མ་སྨད་ལྷ་ཡི་གནས་སུ་སོང ། །སྐྱེ་བ་སྟོང་ཕྲག་ལྔ་བརྒྱར་ནི། །ལྷ་ཡི་ནང་དུ་བདེ་བ་མྱོང ། །མཐོ་རིས་འཇིག་རྟེན་ཤི་འཕོས་ནས། །མི་ཡི་ནང་དུ་རབ་སྐྱེས་པ། །བློ་ལྡན་ཟླ་བ་སྦས་པ་ཡི། ། རྒྱལ་པོ་དགའ་བའི་རིགས་སུ་སྐྱེས། །བྱིས་པ་ཉིད་ནས་རྒྱལ་པོར་འགྱུར། །ཡུན་མི་ཐུང་བ་བདེ་བ་མྱོང ། །འཇིགས་མེད་བརྟན་དང་ཡང་དག་རིག་།སྤྱི་བརྩོན་པ་དང་སྙན་པར་སྨྲ། །དེ་ཉིད་རང་དབང་རྒྱལ་སྲིད་ནི། །ལོ་ནི་བདུན་ཅུར་ཡོངས་སུ་བྱས། །སྐྲ་ཅན་ཞེས་བྱའི་སྔགས་དག་ཀྱང ། །རྒྱལ་པོ་དེ་ལ་རབ་ཏུ་གྲུབ། །ཁྱོད་ཉིད་ཀྱི་ནི་སྔགས་ཉིད་ཀྱང ། །དེ་ཚེ་གྲུབ་པར་བྱེད་པར་འགྱུར། །ཁྱོད་ཉིད་ཀྱིས་བཤད་སྔགས་དག་ཀྱང ། །དེ་ཡི་ཚེ་ན་འགྲུབ་པར་འགྱུར། །བྱིས་པའི་ཚུལ་ཅན་སྣ་ཚོགས་གཟུགས། །བྱིས་པ་རྣམས་ལ་མཐུ་དང་ལྡན། །སྔགས་ཀྱི་གཟུགས་ཀྱིས་ལུས་ཅན་ལ། །ཐེ་ཚོམ་མེད་པར་འབྱུང་བར་འགྱུར། །སེམས་ཅན་རྣམས་ལ་ཕན་འདོད་པས། །གང་ཞིག་ཁྱོད་ཀྱིས་བསྟན་པའི་སྔགས། །དེ་ཚེ་དེ་ཡི་དུས་དག་ཏུ། ། བརྗོད་པ་ཙམ་གྱིས་འགྲུབ་པར་འགྱུར། །བློ་ལྡན་སྙིང་པོ་ཐིག་ལེ་ཡི། །རྒྱལ་པོ་དེ་ཡི་བློན་པོ་ནི། །ཙ་ནག་ཀྱ་ཞེས་རྣམ་གྲགས་པ། །བྲམ་ཟེའི་ཁྱེའུས་ཁྲོ་བོ་འགྲུབ། །གཤིན་རྗེ་གཤེད་ཅེས་བྱ་བ་ནི། །བློ་ངན་དེས་ནི་དེ་ཡང་འགྲུབ། །དེས་ནི་ཁྲོ་བས་ཟིལ་ནོན་ནས། །སྲོག་ཆགས་དག་གི་འཚོ་བ་བཅད། །དེ་ཚེ་རྒྱལ་པོ་གསུམ་གྱི་བར། །ཤིན་ཏུ་མི་བཟད་སྡིག་
406a
༄#། །པ་བྱས། །དེར་ནི་དུས་རིང་འཚོ་བ་ཡི། །བྲམ་ཟེ་ངན་པ་འབྱུང་བར་འགྱུར། །དེ་ཡི་སྔགས་ཀྱི་མཐུ་ཡིས་ནི། །ལུས་དེས་ལྷ་མིན་བརྟེན་པར་བྱེད། །ལྷ་མིན་ལུས་ལ་ཞུགས་ནས་ནི། །དེ་ནས་དུས་རིང་འཚོ་བར་བྱེད། །དེ་ནས་ལུས་དེ་ཞིག་ནས་ཀྱང ། །མནར་མེད་དམྱལ་བར་ཡང་དག་འགྲོ། །དེ་ནས་དམྱལ་བའི་སྡུག་བསྔལ་དེ། །བློ་ངན་དེས་ནི་རྗེས་སུ་མྱོང ། །དམྱལ་བའི་སྡུག་བསྔལ་སྣ་ཚོགས་པ། །མི་འདོད་དེ་ཚེ་ལས་ལས་བྱུང ། །ལས་གཅིག་སྡུག་བསྔལ་དེ་ཟད་ནས། །ཁྲོ་བོའི་སྔགས་ཀྱིས་རབ་བསྐུལ་ཏེ། །དམྱལ་བ་ལས་ནི་དེ་འཆི་འཕོས། །དུད་འགྲོ་དག་ཏུ་ཉེ་བར་སྐྱེས། །ཀླུ་ཡི་སྐྱེ་གནས་བརྟེན་ནས་ནི། །འཇིགས་པའི་གཟུགས་ཅན་དག་ཏུ་འགྱུར།། ཁྲོ་ལྡན་ཆེན་པོ་ཀླུ་ཡི་རྒྱལ། །གདེངས་ཅན་དུག་གིས་དྲེགས་བྱེད་དང ། །མི་བཟད་ལས་ནི་རབ་བྱེད་པས། །མ་རུངས་ལས་ལས་དེ་འཆི་འཕྲོས། །རྫུ་འཕྲུལ་ཆེན་པོ་ཡི་དྭགས་ཀྱི། །གཤིན་རྗེའི་རྒྱལ་པོར་རབ་ཏུ་འགྱུར། །དེ་ལྟར་སྡུག་བསྔལ་སྟོང་ཕྲག་ནི། །ཡང་དང་ཡང་དུ་རྗེས་སུ་མྱོང ། །བློ་ངན་དེ་ནི་མཐར་གྱིས་སུ། །བྲམ་ཟེའི་ཁྱེའུར་ས་སྟེང་འོངས། །མི་ཡི་སྐྱེ་བར་འོངས་ནས་ནི། །འཇིགས་པ་ཡི་ནི་གཟུགས་ཅན་འགྱུར། །ཁྲོ་བ་དང་ནི་དབུལ་བ་ཉིད། །གྲགས་པ་ཆུང་བ་ཉིད་དུ་འགྱུར། །གང་
406b
ཡང་འཇིག་རྟེན་རང་སངས་རྒྱས། །འདོད་མེད་བསེ་རུ་ལྟ་བུར་སྤྱོད། །དམན་པ་ལ་ནི་རྗེས་བརྩེ་བ། །ས་ཡི་སྟེང་ན་རྣམ་པར་རྒྱུ། །སེམས་ཅན་རྣམས་ལ་ཕན་འདོད་ཕྱིར། །བསོད་སྙོམས་སྤྱོད་ལ་རབ་ཏུ་ཞུགས། །དེ་ཚེ་གཞན་སེམས་རིག་པ་དེས། །བློ་ངན་དེ་ནི་རབ་ཏུ་མཐོང ། །སྙིང་རྗེས་ཡིན་གྱི་གཞན་མིན་དེས། །དེ་ཡི་ཐད་དུ་བྱོན་པར་འགྱུར། ། དེ་ནི་ཟན་དོན་གསོལ་ཆེད་དུ། །བསེ་རུ་ལྟ་བུ་ལ་ནི་ཁྱེར། །དེས་ནི་སྔགས་ལ་རབ་བརྙས་ནས། །དེ་ཚེ་རྒྱུ་ནི་ཡང་དག་བསྟན། །དེ་ལས་གཅིག་གི་བདག་ཉིད་ལ། །བསོད་སྙོམས་དེ་ནི་ཡང་དག་བསྟབས། །ཀྱེ་འདི་རབ་བྱུང་མ་ལུས་པ། །ཇི་ལྟར་བདེ་བ་བཞིན་དུ་གསོལ། །དེ་ལ་སྙིང་བརྩེ་རང་སངས་རྒྱས། །དེ་ཚེ་རྫུ་འཕྲུལ་བསྟན་པར་འགྱུར།། དེ་ཡི་མཐུ་ཡིས་ཡིད་བསྐྱོད་ནས། །དེ་ནས་ངོ་མཚར་རབ་སྐྱེས་ཏེ། །སངས་རྒྱས་བསེ་རུ་ལྟ་བུ་ལ། །སྦྱི་བོས་ཀུན་ལ་རབ་ཏུ་བཏུད། །ཇི་ལྟར་འདོད་པར་ཉེས་བྲལ་རྣམས། ། དགེ་བའི་རྩ་བ་དེ་ཡི་མཐུས། །རང་རྒྱལ་བྱང་ཆུབ་སྨོན་ལམ་བཏབ། །བདག་ཉིད་ཆེན་པོ་ཅི་འདྲ་བ། །རྫུ་འཕྲུལ་ཆེན་པོ་ཞི་བའི་གཟུགས། །སྡུག་བསྔལ་བློ་ངན་མི་འགྱུར་བར། །དེ་འདྲ་བདག་ནི་འཇིག་རྟེན་ཤོག་།ལས་ཀྱི་ལྷག་མ་ཟད་པ་དང ། །འཆི་འཕོས་དེ་ཚེ་མཐོ་རིས་སོང ། །ཆོས་ཀྱི་བདག་ཉིད་དེ་མཐར་གྱིས། །ཉན་ཐོས་དེ་ནི་བྱང་
407a
༄#། །ཆུབ་ཐོབ། །དེ་བས་སྔགས་ཀྱིས་སྒྲུབ་པ་ནི། །མངོན་སྤྱོད་དག་ནི་ཡོང་མི་བྱ། །སངས་རྒྱས་བྱང་ཆུབ་སེམས་དཔའ་ཡིས། །མངོན་སྤྱོད་རབ་ཏུ་བཀག་པ་ཡིན། །སྙིང་རྗེ་མཆོག་ལྡན་སངས་རྒྱས་དང ། །བྱང་ཆུབ་སེམས་དཔའ་རྫུ་འཕྲུལ་ཆེས། །སྔགས་རྣམས་མཐུ་བསྟན་དོན་དུ་ནི། །ལས་རྣམས་ཐམས་ཅད་བསྟན་པ་ཡིན། །དེ་བཞིན་ནོར་བུ་ལྟ་བུའི་སྔགས། །གང་ཞིག་དེ་བཞིན་གཤེགས་པས་གསུངས། །ཁྲོ་དང་ཆགས་པས་ཟིལ་མནན་པའི། །བྱིས་པ་རྨོངས་པའི་སེམས་དག་གིས། །དེ་དག་སྔགས་ནི་མངོན་སྤྱོད་ལ། །ཕན་ཚུན་རབ་ཏུ་སྦྱོར་བར་བྱེད། །སངས་རྒྱས་བྱང་ཆུབ་སེམས་དཔའ་ནི། །བློ་དང་ལྡན་པས་དེ་བཞིན་བཀག་།རྣམ་པ་ཐམས་ཅད་སྔགས་རྣམས་ནི། །སེམས་ཅན་ལོངས་སྤྱོད་འཕེལ་བ་དང ། །དེ་ནས་རྒྱལ་པོ་དམ་པ་དང ། །སྲུང་བ་ཚེ་དང་དབང་ཕྱིར་དང ། །སྐྱེ་གནས་སྣ་ཚོགས་ལ་གནས་པའི། །སེམས་ཅན་རྣམས་ནི་དགུག་དོན་དུ། །སྔགས་ཀྱང་བསྒྲུབ་པར་བྱ་བ་སྟེ། །འཚོ་བ་དགག་ཕྱིར་མ་ཡིན་ནོ། །དགེ་སློང་མང་དུ་ཐོས་པ་ནི། །དེ་ཡི་ཚེ་ན་འབྱུང་འགྱུར་བ། །མ་ཁོལ་ཞེས་ཀྱང་བྱ་བ་སྟེ། །ང་ཉིད་ཀྱི་ནི་བསྟོད་བྱེད་པ། །ཇི་བཞིན་ཡོན་ཏན་བཟང་པོ་ནི། །ཇི་ལྟར་བཞིན་དུ་བརྗོད་པར་འགྱུར། །ཀུན་
407b
ནས་སེམས་ནི་རབ་དང་ཞིང ། །སངས་རྒྱས་རྣམས་ཀྱི་བསྟན་ལ་དད། །སྒྲུབ་དཀའི་སྔགས་ནི་རབ་བསྒྲུབ་ཅིང ། །འཇམ་པའི་དབྱངས་ཀྱིས་དེ་བཞིན་ནོ། །ཡོན་ཏན་ལྡན་ཞིང་ཚུལ་ཁྲིམས་ལྡན། །མང་དུ་ཐོས་ཤིང་ཆོས་ཀྱང་སྨྲ། །དུད་འགྲོར་སྔོན་ནི་གྱུར་པ་ན། །ང་ཡི་བསྟོད་པ་ཡོངས་མྲ། །ཉམས་དག་འགྲོང་ཁྱེར་རྒྱལ་པོའི་ཁབ་འོད་མའི་ཚུལ་འོད་མའི་ཚལ་གྱི་ས་སྟེང་དུ། །སློབ་མའི་ཚོགས་དང་ལྷན་ཅིག་ཏུ། །ཇི་ལྟར་བདེ་བར་བཞུགས་པ་ན། །དེར་ནི་བྱ་རོག་གཅིག་ཡོད་པས། །ང་ལ་སེམས་ནི་རབ་དད་བྱས། ། སེམས་ནི་ང་ལ་དད་བྱས་པས། །ལུས་ཞིག་ནས་ནི་མཐོ་རིས་སོང ། །ལྷ་རྣམས་ལས་ནི་ཤི་འཕོས་ནས། །མི་རྣམས་ནང་དུ་ཉེ་བར་སྐྱེས། །མི་ཡི་ནང་དུ་སྐྱེས་ནས་ཀྱང ། །ང་ཡི་བསྟན་ལ་རབ་ཏུ་འབྱུང ། །རབ་བྱུང་བདག་ཉིད་ཆེན་པོ་དེ། །ཇི་བཞིན་དེ་ཚེ་འབྱུང་བར་འགྱུར། །མ་ཁོལ་ཞེས་བྱའི་བརྟུལ་ཞུགས་ཅན། །དེ་ནི་དེ་ཚེ་འབྱུང་བར་འགྱུར།། ཇི་བཞིན་དོན་ནི་བསྟོད་པས་མཆོད། །རྣམ་པ་སྣ་ཚོགས་དཔེ་དག་གིས། །འབྱུང་པོ་ཀུན་ལ་ཕན་པའི་ཕྱིར། །ལེགས་པར་སྤྱོད་པ་རབ་བྱེད་པའོ། །སེམས་ཅན་རྗེས་སུ་གཟུང་བའི་ཕྱིར། །བསྟོད་པ་བརྗོད་པ་དེ་གཙོར་བྱེད། །དུས་མཐའ་འཇིག་རྟེན་སྨད་པ་ལ། །དེ་ཡི་ཚེ་ན་འབྱུང་བར་འགྱུར། །རྣམ་པར་སྨིན་པ་དེ་ཡིས་ནི། །ལུས་
408a
༄#། །ཞིག་ནས་ནི་བདེ་འགྲོར་འགྲོ། །བློ་ལྡན་དེ་ནི་མཐར་གྱིས་ཀྱང ། །རྣམ་པ་སྣ་ཚོགས་དེ་མྱོང་ནས། །བསམ་གྱིས་མི་ཁྱབ་མཆོག་གསུངས་པའི། །ཐམས་ཅད་མཁྱེན་པའི་བྱང་ཆུབ་འཐོབ། །དེ་བཞིན་གཤེགས་པ་ང་འདས་ནས། །ལོ་ནི་བཞི་བརྒྱ་ལོན་པ་ན། །དགེ་སློང་ཀླུ་ཞེས་དེ་འབོད་འབྱུང ། །བསྟན་པ་ལ་ནི་དད་ཅིང་ཕན། །རབ་ཏུ་དགའ་བའི་ས་ཐོབ་པ། །ལོ་ནི་དྲུག་བརྒྱ་དག་ཏུ་འཚོ། །རིག་པ་རྨ་བྱ་ཆེན་མོ་ནི། །བདག་ཉིད་ཆེན་པོ་དེས་ཀྱང་གྲུབ། །བསྟན་བཅོས་སྣ་ཚོགས་དོན་དང་ནི། །དངོས་པོ་མེད་བའི་དོན་དེ་རིག་།གང་ཚེ་ལུས་དེ་བོར་བ་ན། །བདེ་བ་ཅན་དུའང་སྐྱེ་བར་འགྱུར། །དེ་ནི་མཐར་གྱིས་སངས་རྒྱས་ཉིད། །ངེས་པ་ཁོ་ནར་ཡང་དག་འཐོབ། །ཐོགས་མེད་ཅེས་བྱའི་དགེ་སློང་ནི། །བསྟན་བཅོས་དེ་ཉིད་དོན་ལ་མཁས། །མདོ་སྡེ་ངེས་དོན་དྲང་བའི་དོན། །རྣམ་པ་མང་པོའང་རབ་ཏུ་འབྱེད། །འཇིག་རྟེན་རིག་པ་སྟོན་བདག་ཉིད། །གཞུང་བྱེད་ངང་ཚུལ་ཅན་དུ་འགྱུར། །དེ་ཡི་རིག་པ་གྲུབ་པ་འདི། །སཱ་ལའི་ཕོ་ཉ་མོ་ཞེས་བརྗོད། །དེ་ཡི་སྔགས་ཀྱི་མཐུ་ཡིས་ནི། །བློ་ནི་བཟང་པོ་སྐྱེ་བར་འགྱུར། །བསྟན་པ་ཡུན་རིང་གནས་བྱའི་ཕྱིར། །མདོ་ཡི་དེ་ཉིད་དོན་སྡུད་བྱེད། །ལོ་ནི་བརྒྱ་
408b
དང་ལྔ་བཅུར་འཚོ། །དེ་ལུས་ཞིག་ནས་ལྷ་ཡུལ་འགྲོ། །འཁོར་བ་རྣམས་སུ་འཁོར་བ་ན། །ཡུན་རིང་བདེ་བ་རྗེས་མྱོང་ནས། །བདག་ཉིད་ཆེན་པོ་མཐར་གྱིས་དེ། ། བྱང་ཆུབ་ཐོབ་པར་འགྱུར་བ་ཡིན། །དེ་ལྟར་རྣམ་པ་མང་པོ་ཡི། །ང་ཡི་བསྟན་ལ་དགེ་སློང་རྣམས། །ཤེས་རབ་ལྡན་ཉིད་ཆོས་ཀྱང་སྦྱོད། །དུས་ཀྱི་མཐའ་ལ་དེ་ཚེ་འབྱུང ། ། ཕྱི་མ་དེ་ཚེ་དུས་དག་ཏུ། །དགེ་སློང་དགྲ་བཅོམ་ཞེས་བྱ་བ། །དེ་ནི་སྔགས་དོན་བདག་ཉིད་ལྡན། །རྒྱུད་ཤེས་དེ་བཞིན་མང་དུ་ཐོས། །གནོད་སྦྱིན་སྔགས་ནི་རབ་བརྗོད་པས།། དེ་ལ་བུམ་པ་བཟང་པོ་གྲུབ། །སྔོན་ནི་ངས་ནི་གང་བཤད་པའི། །ཐེག་པ་ཆེན་པོའི་མདོ་སྡེ་ཡང ། །དེ་ཡི་ཚེ་ན་བུམ་པ་ལས། །དཀའ་ཐུབ་ཆེན་པོ་འདྲེན་པར་བྱེད། ། གླེགས་བམ་དེ་ལ་ངེས་བལྟས་ནས། །དེ་ལ་སྔགས་ནི་ཟློས་པ་ན། །གནོད་སྦྱིན་བསྒྲུབ་པའི་བུམ་པ་ལ། །དེར་ནི་བསྲུང་བ་མ་བྱས་པའི། །བག་མེད་དྲན་པ་ཉམས་པ་ཡིས། །གཙུག་སྤྱོད་ཀྱིས་ནི་བུམ་པ་འཕྲོགས། །དེ་ནས་དེ་ཡི་སྔགས་གྲུབ་པའི། །དགེ་སློང་སྔགས་ནི་ཟློས་བྱེད་པས། །བུམ་པ་དག་ནི་བལྟས་པ་ན། །དེར་ནི་མངོན་པར་མཐོང་མ་གྱུར། །དེ་ནས་ཁྲོ་བོ་མིག་དམར་ཞིང ། །རྣམ་གཡོ་ཚིག་ཏུ་སྨྲ་བ་ནི། །ཚངས་པ་དཀའ་བའི་མཐར་གྱུར་པར། །བརྒྱ་བྱིན་སོགས་བཅས་དབང་ཕྱུགས་ཆེ། །སྔགས་ཀྱིས་མ་བཀུག་མ་འོངས་
409a
༄#། །ན། །སྔགས་པ་བདག་མིན་སྔགས་རྒྱལ་མིན། །གང་ཞིག་སངས་རྒྱས་སྲས་སྔགས་དང ། །རྒྱལ་བ་མཆོག་གིས་སྔགས་དག་ནི། །ཚར་གཅོད་དོན་དུ་གང་གསུངས་པའམ། །གདུལ་དཀའ་འདུལ་བར་བྱེད་བའང ། །གལ་ཏེ་ཀུན་རྣམས་མ་བཀུག་ན། །ས་སྟེང་མ་ལུས་དེ་དག་མེད། །དེ་ནས་སྔགས་པ་ཆེན་པོ་ལངས། །བརྟུལ་ཞུགས་བརྟན་ཅིང་ལས་རྣམས་གྲུབ། །ཇི་ལྟར་སྔགས་ནི་བྱས་པ་ཡི། །སྦྱོར་བ་མཐོང་བས་རྒྱུད་དག་ཀྱང ། །རྐུན་མ་དགུག་པ་དེ་དོན་གཙོར། །སྦྱོར་བ་རབ་ཏུ་བྱས་པར་འགྱུར། །སྐད་ཅིག་དྲན་པ་ཙམ་གྱིས་ནི། །སྡོམ་བརྩོན་དེ་ནི་ལས་མྱུར་བྱེད། །ཡི་གེ་ཧཱུཾ་གི་སྔགས་གཅིག་གིས། །ཚངས་སོགས་ས་སྟེང་འདྲེན་པར་བྱེད། །ལྷ་རྣམས་མ་ལུས་རབ་བཀུག་པ། །ཚངས་སོགས་བརྒྱ་བྱིན་དང་ཡང་བཅས། །ཧ་ཧ་ཞེས་བྱའི་སྒྲ་འདོན་ཅིང ། །ཉམ་ཐག་འཇིགས་པའི་སྒྲ་ཡང་སྒྲོགས། །ཅི་བགྱི་ཞེས་བྱའི་བློ་བྱེད་ཅིང ། །བདག་ཅག་འདིར་ནི་ཉེས་མེད་སྨྲ། །མྱུར་ཞིང་རབ་ཏུ་རིངས་པར་ཡང ། །བློ་ལྡན་དགེ་སློང་འཇིགས་མེད་པས། །ལྷ་རྣམས་ལ་ནི་རབ་སྨྲས་པ། །འདིར་ནི་བུམ་པ་སླར་བྱིན་ཞེས། །ལྷ་རྣམས་ཕན་ཚུན་ཐམས་ཅད་ལ། །དགེ་སློང་དེས་ནི་རབ་ཏུ་སྨྲས། །གང་གིས་བུམ་པ་བཟང་པོ་ཁྱེར།།
409b
ཁྱོད་ཀྱིས་མྱུར་དུ་རབ་ཏུ་སྨྲོས། །ལྷ་རྣམས་ཀུན་གྱིས་བལྟས་པ་ན། །ཀུན་ཏུ་ཡང་ནི་མ་མཐོང་གྱུར། །བུམ་པ་འདི་ནི་སུ་ཡིས་ཁྱེར། །ལྷ་ཡི་དབང་པོ་ཡང་དག་དགེངས།། བྱང་ཆུབ་སེམས་དཔའ་འོད་ཆེན་པོ། །དཔལ་ལྡན་ལག་ན་རྡོ་རྗེ་ཅན། །དེ་ཡི་བུ་ནི་མི་བཟད་ཡོད། །ཁྲོ་བ་ཆེ་ཞིང་ཤིན་ཏུ་གདུག་།བགེགས་ཀྱི་གཟུགས་ཀྱིས་སྔགས་པ་ལ། །འགྲོ་བ་ཀུན་ལ་རྣམ་པར་རྒྱུ། །བུམ་པ་དེ་ནི་དེས་ཁྱེར་མཐོང ། །ལྷ་ཡི་བདག་པོས་དེ་ཡང་སྨྲས། །རྡོ་རྗེ་རིགས་ཀྱི་བགེགས་ཡོད་པ། །ས་སྟེང་རྩེ་ཞིང་རོལ་པར་བྱེད། །འདིས་ནི་བདག་ལ་མ་མཆོད་པས། །དེས་ནི་བུམ་པ་དེ་འདིར་ཁྱེར། །ལྷ་ཡི་བདག་པོས་དེ་སྨྲས་ནས། །ཕྱིར་ཡང་ལྷ་ཡི་གནས་སུ་སོང ། །དེ་ཚེ་རང་ཉིད་སྔགས་ཀྱིས་ནི། །ལྷ་རྣམས་མ་ལུས་སླར་གཤེགས་གསོལ། །སྐད་ཅིག་ཡུད་ཙམ་ཉིད་ཀྱིས་ནི། །ཤིན་ཏུ་ལེགས་པར་ཡང་དག་བཀུག་།དེ་ཚེ་དབང་མེད་བུམ་པར་བཅས། །བགེགས་དེ་ཉིད་དང་བཅས་པར་འོངས། །དེ་ནས་དེ་ནི་བགེགས་དེ་ཡིས། །ཡི་དྭགས་རྣམས་ལ་བུམ་པ་བྱིན། །དེ་ནས་དེ་ཡི་བགེགས་དེས་ནི། །ཚིག་འདི་དག་ནི་རབ་ཏུ་སྨྲས། །ཡི་དྭགས་འཇིག་རྟེན་བུམ་པ་ཁྱེར། །ང་ནི་དེ་ལ་དགའ་བ་མེད། །སྔགས་བ་དེས་ནི་དཀའ་བ་དང ། །དཀའ་བས་བཏུད་དེ་བགེགས་ལ་སྨྲས། །སོང་
410a
༄#། །ཞིག་སོང་ཞིག་བགེགས་ཆེན་པོ། །ཕྱིན་ཆད་འདི་ལྟར་མ་བྱེད་ཅིག་།དེ་ནས་དེས་ནི་ཡི་དྭགས་དག་།དེ་ཡི་མོད་ལ་བཀུག་པར་འགྱུར། །ལྟོགས་ཤིང་ངལ་བའི་སེམས་དང་ནི། །དམན་ཞིང་དེ་དག་ཁབ་ཙམ་ཁ། །ཤིན་ཏུ་མི་བཟད་ཆེན་པོ་དེ། །ཉམ་ཐག་སྐད་ཀྱང་རབ་ཏུ་འདོན། །སྙིང་རྗེའི་ཚིག་ཏུ་སྨྲ་བ་ནི། །བདག་ཉིད་ཆེན་པོ་ཡོངས་སུ་སྐྱོབས། །ཁྱོད་ཀྱི་བུམ་པ་འདིར་འོངས་ཀྱི། །ཇི་ལྟར་འདོད་བཞིན་བདག་ལ་བྱོས། །སྔགས་པ་སྙིང་རྗེ་ཆེར་ལྡན་པས། །ཡང་དག་འདར་བ་རབ་ཏུ་སྐྱེས། །སྙིང་རྗེས་བརླན་པའི་སེམས་ཀྱིས་ནི། །ཚིག་ནི་འདི་དག་རབ་ཏུ་སྨྲས། །ཁྱོད་ཀྱི་འཇིག་རྟེན་སྡུག་བསྔལ་ཅི། །ཡུན་མི་རིང་བར་རབ་ཏུ་སྨོན། །དམན་པའི་ཡིད་ཀྱིས་དེ་སྨྲས་པ། །བཀྲེས་པས་ཡང་དག་གདུངས་པར་འགྱུར། །ཡི་དྭགས་འཇིག་རྟེན་སྐོམ་པ་ཡིས། །བདག་ཉིད་ཆེན་པོ་ཡིན་ཡང་རུང ། །དགེ་སློང་སྙིང་རྗེ་ཆེན་པོས་ནི། །དེ་དག་ལ་ནི་བུམ་པ་བྱིན། །དེ་ནས་དེ་དག་ཡིད་དགའ་ནས། །མྱུར་བར་རང་གི་གནས་སུ་སོང ། །དེ་དག་བསམས་པ་ཙམ་གྱིས་ནི། །བུམ་པ་ལས་ནི་བཟའ་བཏུང་བྱུང ། །དགེ་སློང་དགའ་བོའི་འོག་ཏུ་ནི། །ཙནྡན་སྐྱོང་ནི་འབྱུང་བར་འགྱུར། །དེ་ཚེ་དུས་ཀྱིས་ཐ་མ་ལ། །ལོ་ནི་སུམ་བརྒྱ་དག་ཏུ་འཚོ། །བདག་
410b
ཉིད་ཆེན་པོས་བྱང་ཆུབ་ནི། །བགེགས་མེད་མྱུར་དུ་རྙེད་དཀའ་ཐོབ། །རྒྱལ་པོ་བཙུན་པ་ཞེས་བྱ་བ། །ང་ཡི་བསྟན་པ་ནུབ་བྱེད་པ། །དུས་ཀྱི་ཐ་མ་དེ་ཡི་ཆེ། །ཐེ་ཚོམ་མེད་པར་འབྱུང་བར་འགྱུར། །ཤར་ཕྱོགས་ནས་ནི་བརྩམས་ནས་སུ། །ཁ་ཆེའི་ཡུལ་གྱི་བར་དག་ཏུ། །རྨོངས་པས་ལྷ་ཁང་མཆོད་རྟེན་རྣམས། །དེ་ཚེ་དེ་བཞིན་འཇིག་པར་འགྱུར། །དགེ་སློང་ཚུལ་ཁྲིམས་ལྡན་པ་རྣམས། །བློ་ངན་དེས་ནི་གསོད་པར་བྱེད། །བྱང་གི་ཕྱོགས་སུ་བརྟེན་ནས་ནི། །དེ་ནི་འཆི་བར་འགྱུར་བ་ཡིན། །མི་མ་ཡིན་པ་ཉིད་འཁྲུགས་ནས། །ཡུལ་འཁོར་ཕྱུགས་དང་གཉེན་རྣམས་དང ། །རི་ཡི་དུམ་བུས་བཅོམ་པར་འགྱུར། །བློ་ངན་དེ་ནི་ས་འོག་འགྲོ་།དེ་ནི་འོག་ནས་འོག་ཏུ་འགྲོ་།དམྱལ་ནས་དམྱལ་བར་བ་དྲག་པར། །སྡུག་བསྔལ་སྡུག་བསྔལ་དྲག་པོར་ནི། །མི་བཟད་པར་ནི་ཡང་དག་ལྟུང ། །མནར་མེད་ཞེས་ནི་བྱ་བ་ཡི། །སྡིག་པའི་ལས་ཀྱིས་དམྱལ་བ་ནི། །དེ་ནི་བསྐལ་བ་ཆེར་འཚེད་པ། །བདག་ཉིད་ངན་པ་གོ་མི་ཤེས། །མི་དགེའི་བཤེས་གཉེན་ལ་བརྟེན་ནས། །སྡིག་པ་ཤིན་ཏུ་མི་བད་བྱས། །དེ་ནི་ང་ཡི་བསྟན་པ་ལ། །རྣམ་པ་ཀུན་གྱིས་འབད་ནས་ནི། །སེམས་ནི་མ་ལུས་རབ་བཏང་ནས། །ཕུན་སུམ་ཚོགས་དང་དེ་ནས་སྤྱོད། །ངེས་པར་སངས་རྒྱས་ཉིད་ལམ་ནི། །ཡན་ལས་
411a
༄#། །བརྒྱད་ཀྱི་ཐེག་པས་ནི། །དེ་ཚེ་དེ་ནི་རབ་འགྲོ་ཞིང ། །མྱ་ངན་ནད་མེད་དམ་བ་ཐོབ། །དེ་ཡི་འོག་ཏུ་ས་སྲུང་བ། །སངས་རྒྱས་ཕྱོགས་ཞེས་རྣམ་པར་གྲགས།། ཕྱོགས་ཆེ་གཏོང་བ་ཆེ་བ་དང ། །སངས་རྒྱས་རྣམས་ཀྱི་བསྟན་ལ་དད། །དེ་ཚེ་དུས་ཀྱི་ཐ་མ་ལ། །འབྱུང་བར་འགྱུར་བར་ཐེ་ཚོམ་མེད། །ཐམས་ཅད་མངོན་དགའ་རྒྱལ་པོ་སྟེ། །སྟོན་པའི་བསྟན་པ་དེ་གཙོར་བྱེད། །ཀུན་དགའ་ར་བ་མཆོད་རྟེན་གནས། །སྟོན་པའི་གཟུགས་བརྙན་བླ་ན་མེད། །མཚེ་འུ་རྫིང་དང་ཁྲོན་པ་དང ། །མཚོ་རྣམས་དག་ནི་དུ་མ་དག་།རྒྱལ་པོ་ཆེན་པོས་བྱས་ནས་ནི། །ཚེ་ཟད་ལྷ་ཡི་གནས་སུ་སོང ། །དེས་ཀྱང་ས་སྟེང་གྲུབ་པ་ནི། །པདྨ་འཆང་བ་བརྩོན་འགྲུས་ཆེ། །བདག་ཉིད་ཆེན་པོ་སེམས་དཔའ་ལ། །ས་ཡི་བདག་པོར་དོན་དུ་གཉེར། །དེ་ཡི་སྔགས་ཀྱི་མཐུ་ཡིས་ནི། །ལོ་ནི་སུམ་བརྒྱ་དག་ཏུ་འཚོ། །དེ་ཡི་ལས་ཀྱི་ལྷག་མ་ཡིས། །མྱུར་དུ་བྱང་ཆུབ་ཐོབ་པར་འགྱུར། །དེ་ཡི་བུ་ནི་རྒྱལ་པོ་ཡང ། །སྡེ་ཆེན་སྟོབས་ནི་ཆེ་བ་ཡི། །ཟབ་མོའི་ཕྱོགས་ཞེས་རྣམ་པར་གྲགས། །གྲོང་ཁྱེར་ས་ནི་ལྔ་ལེན་བྱུང ། །རིག་པའི་བདག་ཉིད་རྒྱལ་པོ་དེའང ། །དེ་ཡི་ཚེན་འབྱུང་བར་འགྱུར། །གཙུག་ལག་ཁང་དང་གནས་ཁང་དང ། །མཆོད་རྟེན་རྫིང་དང་ཁྲོན་པ་ནི། །འོད་ཆེན་ས་ཡི་བདག་པོ་དེ། །དུ་མ་
411b
བྱེད་པར་ཐེ་ཚོམ་མེད། །བློ་དང་ལྡན་པ་འཇམ་དབྱངས་ཀྱི། །སྔགས་ཀྱང་དེས་ནི་རབ་བསྒྲུབས་པ། །དེ་དག་ཡི་གེ་དྲུག་ཅེས་བྱ། །དོན་ཆེན་ལོངས་སྤྱོད་འཕེལ་བྱེད་པའོ། །དེ་ཡི་སྔགས་ཀྱི་མཐུ་ཡིས་ནི། །དེ་ནི་ལོངས་སྤྱོད་ཆེ་བར་འགྱུར། །བློ་དང་ལྡན་པ་མཐར་གྱིས་ནི། །མྱུར་དུ་བྱང་ཆུབ་གཞོལ་བར་འགྱུར། །དེ་བཞིན་གཤེགས་པའི་བསྟན་འདི་ལ། །རྣམ་པ་སྣ་ཚོགས་བྱ་བ་བྱེད། །བྱང་གི་ཕྱོགས་ལ་བརྟེན་ནས་ནི། །དེ་ཡི་ཚེ་ན་འབྱུང་བར་འགྱུར། །ལྷ་ལྡན་ཡུལ་ཞེས་བྱ་བ་ཡི། །གངས་ཅན་རི་ཡི་ནང་གནས་པའི། །རྒྱལ་པོ་མི་ཡི་ལྷ་ཞེས་པ། །ལི་ཙཱ་བཱི་རྣམས་རིགས་སུ་བྱུང ། །དེ་ཡང་སྔགས་ཀྱི་དོན་བསྒྲུབས་ཏེ། །ལོངས་སྤྱོད་ཆེ་དང་ལྡན་པར་འགྱུར། །རིག་པ་ལོངས་སྤྱོད་ལྡན་ཞེས་བྱ། །མི་ཡི་བདག་པོས་དེ་ཡང་གྲུབ། །ལོ་ནི་བརྒྱད་ཅུར་རྒྱལ་སྲིད་བྱས། །དེས་ནི་རྐུན་མ་རྣམ་པར་སྤངས། །རྒྱལ་པོ་དེས་ནི་སྲོག་སྤངས་ནས། །དེར་ཡང་སྔགས་ནི་མྱུར་འགྲུབ་སྟེ། །ཞི་དང་རྒྱས་པ་བསིལ་བྱེད་པའོ། །འཇིག་རྟེན་སྒྲོལ་མ་ཞེས་གྲགས་དང ། །ལྷ་མོ་གོས་དཀར་མ་དང་ནི། །དཀར་མོ་ཆེན་མོ་གཞན་ཕན་བརྩོན། །རྟག་ཏུ་ཡིད་ནི་མི་སྐྱོ་བའོ། །དེ་ལ་སོགས་པ་གསུངས་པ་ཡི། །དེ་བཞིན་རྒྱལ་པོ་མང་པོ་ནི། །རྣམ་པ་དུ་མ་མང་པོ་དག་།ཁ་དོག་སྣ་ཚོགས་སྣ་ཚོགས་གཟུགས། །ཁ་བ་ཅན་གནས་ཀླ་ཀློའི་རྒྱལ། །དེ་ཡང་སྟོན་པ་མཆོད་
412a
༄#། །བྱེད་པའོ། །ཁྱུ་མཆོག་ཁྱུ་མཆོག་བཟང་པོ་དང ། །ས་འོད་དེ་བཞིན་ས་འོད་བཟང ། །དེ་བཞིན་ཕ་རོལ་གནོན་ཉིད་དང ། །རྐང་པའི་འགྲོས་ཞེས་བསྟན་པ་ཡིན། །ས་སྲུང་དང་ནི་བེ་འུ་དང ། །འོད་ལྡན་ཉིད་ནི་ཕྱི་མ་ཡིན། །ཐ་མར་ཆར་རྒྱལ་ངང་ཚུལ་ཏེ། །ཀླ་ཀློ་རྣམ་པ་སྣ་ཚོགས་ཡིན། །དེ་འོག་ལུགས་ནི་རྣམ་ཞིག་ཅིང ། །ཕྱི་རོལ་སྐྱེ་དགུས་ཉེ་བར་སྤྱོད། །དེ་ཚེ་བལ་ཡུལ་བདག་པོ་ནི། །མཚོན་གྱིས་འཐབ་པས་རྣམ་པར་འཇིག་།ཀླ་ཀློའི་རྐུན་པོ་བསྟེན་པ་ཡི། །དེར་ནི་རྒྱལ་པོ་རྣམ་པར་འཇིག་།ས་བདག་དུ་མ་གསུངས་པ་རྣམས། །སྣ་ཚོགས་ལྷ་དང་བྲམ་ཟེ་དག་།དེ་ཡི་ཚེ་ན་འབྱུང་བར་འགྱུར། །རྒྱ་ཡུལ་ཀུན་ལ་བརྟེན་པ་ཡི། །རྒྱལ་པོ་དབྱིག་གི་སྙིང་ཞེས་བྱ། །སྡེ་ཆེན་སྟོབས་ཀྱང་ཆེ་བ་དང ། །བློན་པོ་རྒྱ་ཆེ་ཉིད་དང་ནི། །སྐྱེ་བོ་རྩ་ལག་རབ་ཏུ་མང ། །ཀླ་ཀློ་བཏུད་དང་རྣམ་པར་རྒྱལ། །སྟོན་པའི་བསྟན་པ་དེ་གཙོ་བྱེད། །གཞོན་ནུ་བདག་ཉིད་ཆེན་པོ་ཉིད། །དེ་ཡི་སྔགས་ནི་རབ་བསྒྲུབས་པས། །མཐུ་ནི་ཆེན་པོ་དང་ལྡན་པའི། །རིག་པའི་རྒྱལ་པོ་ཡི་གེ་བརྒྱད། །དཔའ་བོ་ཆེ་ཞེས་རྣམ་པར་གྲགས། །ཕུན་སུམ་ཚོགས་པའི་གནས་ཆེན་ཡིན། །དེ་ཡི་བྱིས་པའི་བློ་ཡིས་ནི། །རྒྱལ་སྲིད་ཕྱིར་ནི་རབ་སྨོན་བྱས། །གང་གིས་དྲན་པ་ཙམ་གྱིས་ནི། །སངས་རྒྱས་ཉིད་དུ་ངེས་འགྱུར་བ། །
412b
མི་བདག་རྒྱལ་ཐབས་ཉིད་ཀྱི་ཕྱིར། །དེ་ནི་སྐལ་བ་མི་ཉུང་འགྱུར། །མཆོག་གི་སྦྱིན་པ་བླ་ན་མེད། །བསམས་པ་ཙམ་གྱིས་ཐོབ་པ་ཉིད། །ཚངས་སོགས་ལྷ་རྣམས་ཐམས་ཅད་ལ། །མ་ལུས་ལུང་ནི་སྩོལ་བྱེད་ན། །ལྷ་ངན་ཕལ་པ་དག་དང་ནི། །མི་ཡི་འཇིག་རྟེན་སྨོས་ཅི་དགོས། །ལོ་ནི་བརྒྱ་དང་ལྔ་བཅུར་འཚོ། །གྲགས་ཆེན་ལྷ་ཡི་གནས་སུ་འགྲོ། །ཆོས་ཀྱི་བདག་ཉིད་དེ་མཐར་གྱིས། །བྱང་ཆུབ་དམ་པ་ཐོབ་པར་འགྱུར། །གཞོན་ནུས་ཡོངས་སུ་བཤད་པ་ཡི། །རིག་པ་འདི་ནི་ལི་ཡུལ་དུ། །དེ་ནི་མྱུར་དུ་འགྲུབ་འགྱུར་གྱི། །རིག་པ་གཞན་ནི་ནམ་ཡང་མིན། །བྱང་ཆུབ་སེམས་དཔའ་དཔའ་བོ་ཆེ། །འཇམ་པའི་དབྱངས་ནི་འོད་ཆེན་པོ། །མངོན་སུམ་དེ་ཡི་ཡུལ་དག་ན། །བྱིས་པའི་གཟུགས་ཀྱིས་བཞུགས་པ་ཡིན། །གྲུབ་པའི་ཞིང་མཆོག་དམ་པ་ལ། །མི་ནི་ཡོངས་སུ་སྒྲུབ་པར་འགྱུར། །རྒྱལ་པོ་ཏུ་རུཥྐ་\?\་ཞེས་བྱ། །བྱང་ཕྱོགས་ལ་ནི་ཡང་དག་བརྟེན། །སྡེ་ཆེན་བརྩོན་འགྲུས་ཆེ་བ་ཏེ། །དེ་ཡི་གནས་སུ་འབྱུང་བར་འགྱུར། །ཤིང་ཤུན་གྱོན་ཡུལ་མ་གཏོགས་པ། །ཁ་ཆེའི་མཐར་ཐུག་ཀ་ཤིར་བཅས། །དེ་ནི་དཔག་ཚད་བདུན་བརྒྱ་དང ། །འབུམ་ཕྲག་གཉིས་ཀྱིས་བདག་ཏུ། །དེ་ཚེ་དུས་ཀྱི་ཐ་མ་ལ། །དེ་ཚེ་ཐེ་ཚོམ་མེད་པར་འགྱུར། །དེ་ཡང་སྔགས་ནི་གྲུབ་པས་ན། །ལོ་ནི་སུམ་བརྒྱ་དག་ཏུ་འཚོ། །བློ་ལྡན་མི་ཡི་སྤྱན་
413a
༄#། །གྱུར་པས། །སྐྲ་ཅན་མ་ཡི་རིག་པ་བསྒྲུབས། །བདག་ཉིད་དགེ་བར་བྱ་བའི་ཕྱིར། །ལྷ་ཁང་དག་ནི་མང་པོ་བྱས། །སྟོང་ཕྲག་བརྒྱད་ཅུ་རྩ་གཅིག་གི་མཆོད་རྟེན་མཆོག་ནི་དེ་བཞིན་བྱས། །ཐེག་པ་ཆེན་པོ་མཆོག་ཆོས་དང ། །དེ་བཞིན་སངས་རྒྱས་རྣམས་ཀྱི་ཡུམ། །འཇིག་རྟེན་ཤེས་རབ་ཕ་རོལ་ཕྱིན། །དེ་ཡི་ཡུལ་དུ་རབ་གནས་བྱས། །རྒྱལ་པོ་དེ་ནི་ལུས་ཞིག་ནས། །མཐོ་རིས་འཇིག་རྟེན་འགྲོ་བར་འགྱུར། །ས་བདག་དེ་ནི་མཐར་གྱིས་སུ། །རྫོགས་པའི་བྱང་ཆུབ་བླ་མེད་འཐོབ། ། དེ་འོག་ས་བདག་རྒྱལ་པོ་ནི། །ཆེན་པོ་ཏུ་རུཥྐ་ཞེས་བྱ། །བློ་ལྡན་མང་པོས་བཀུར་ཞེས་བྱ། །རྟག་ཏུ་དགེ་ཞིང་མཆོད་ལ་དགའ ། །ལྷ་མོ་སྒྲོལ་མ་རྫུ་འཕྲུལ་ཆེ། །དེ་ཡི་སྔགས་ཀྱང་རབ་ཏུ་བསྒྲུབས། །དེས་ཀྱང་སྔགས་ནི་རབ་བསྒྲུབས་པ། །ས་སྟེང་རྒྱལ་པོའི་ཆེད་དུའོ། །ཕྱོགས་ཆེ་དཔུང་ནི་ཆེན་པོ་དང ། །རྒྱལ་པོ་གྲགས་པ་ཆེན་པོ་སྟེ། །གཉེན་དང་རིགས་དང་རྒྱལ་པོས་ཀྱང ། །དེ་ནི་བཀུར་བ་ཉིད་དུ་འགྱུར། །རྩ་བརྒྱད་སྟོང་གི་གཙུག་ལག་ཁང ། །དེ་ཡི་དུས་སུ་ཡོད་པར་འགྱུར། །དེ་ཡི་སྔགས་ཀྱི་མཐུ་ཡིས་ནི། །ལོ་ནི་ཉིས་བརྒྱ་དག་ཏུ་འཚོ། །གང་ཚེ་དེ་ལུས་ཞིག་པ་ན། །དགའ་ལྡན་དུ་ནི་སྐྱེ་བར་འགྱུར། །བྱང་ཆུབ་སེམས་དཔའ་རྫུ་འཕྲུལ་ཆེ། །ལྷ་ཡི་བུས་ཀྱང་བཀུར་བར་
413b
འགྱུར། །ཆོས་ཀྱི་བདག་ཉིད་དེ་མཐར་གྱིས། །བྱང་ཆུབ་ཡན་ལག་མངོན་རྫེགས་ནས། །འབད་པས་དེ་ནི་མཐར་གྱིས་ཀྱང ། །མཉམ་མེད་བྱང་ཆུབ་འཐོབ་པར་འགྱུར། །དུས་ཀུན་དེ་ཡི་ཡུལ་དུ་ནི། །གསུང་རབ་མང་པོ་གནས་འགྱུར་བ། །སྔོན་གྱི་རྒྱལ་བ་དག་གིས་གསུངས། །ད་ལྟར་ངས་ཀྱང་གསུངས་པ་ཡིན། །རྫུ་འཕྲུལ་ཆེན་པོ་ཀླུ་དང་ནི། །འདོད་ཆགས་བྲལ་བས་རྣམ་པར་གནས། །དེ་བཞིན་འཇིག་རྟེན་སྐྱོང་བ་དང ། །གནོད་སྦྱིན་བསྟན་པ་སྲུང་བྱེད་དང ། །ས་སྟེང་དམ་ཆོས་སྲུང་བྱེད་པ། །དེ་ཡི་ཚེ་ན་འབྱུང་བར་འགྱུར།། དེ་ལྟར་རྣམ་པ་མང་པོ་བསྟན། །ས་བདག་འཇིག་རྟེན་རྣམ་གྲགས་པ། །བསྟན་དང་སྟོན་པར་འགྱུར་བ་ཡིན། །ནུབ་ཕྱོགས་ས་ཡུལ་ནི་མཐའ་ཡས་པ། །འཕགས་རྒྱལ་ཞེས་བྱའི་ཕ་རོལ་ཏུ། །ལ་དའི་ཡུལ་གྱི་སྐྱེ་བོ་ནི། །ངང་ཚུལ་ཞེས་བྱའི་རྒྱལ་པོ་ཡོད། །སངས་རྒྱས་རྣམས་ཀྱི་བསྟན་ལ་དད། །གྲོང་ཁྱེར་ཕྱིན་ནས་ཡང་དག་ཞུགས། །ཆོས་ཀྱི་རྒྱལ་པོར་འགྱུར་བ་སྟེ། །འཇིག་རྟེན་སྣ་ཚོགས་གཙུག་ལག་ཁང ། །དེ་བཞིན་སྲོག་ཆགས་དགེ་བར་ནི། །ས་བདག་ཆོས་ལ་མཉེས་གཤིན་པས། །རིག་པའི་བདག་ཉིད་བྱེད་པར་འགྱུར། །རྒྱལ་པའི་གཟུགས་བརྙན་ཡིད་འོང་ལ། །རྣམ་པ་སྣ་ཚོགས་མཆོད་པ་བྱེད། །འཇིག་རྟེན་མགོན་པོ་གྲགས་ཆེན་གྱི། །མཆོད་རྟེན་མཆོག་ལའང་མཆོད་པ་བྱེད། །དེས་ན་དེ་ནི་
414a
༄#། །སྔགས་ཀྱང་གྲུབ། །རྒྱལ་པོ་ལས་སྐྱེས་ཁོ་ན་ནི། །དེ་ཡུལ་དུ་ཡང་ཡང་དག་གྲགས། །དགེ་སློང་བསོད་སྙོམས་བྱེད་པ་ནི། །ཚུལ་ཁྲིམས་ལྡན་ཞིང་བློ་དང་ལྡན། །སངས་རྒྱས་རྣམས་ཀྱི་བསྟན་ལ་དད། །བདག་ཉིད་ཆེན་པོ་དུས་སུ་རྒྱུ། །དེ་ནི་བསོད་སྙོམས་རབ་ཞུགས་རྒྱུ། །རྒྱལ་པོའི་ཁབ་བཟང་རབ་མཐོང་བ། །རྒྱ་ཆེ་སྐྱེ་བོས་གང་བ་ལ། །བསླང་པའི་དོན་དུ་དེར་ཡང་ཞུགས། །བཀྲེས་པ་དང་ཡང་ཡང་དག་ལྡན། །ངལ་ཞིང་ལྟོགས་པའི་ཡིད་གྱུར་ཀྱང ། །དེ་ཚེ་བསོད་སྙོམས་རྙེད་མ་གྱུར། །རྒྱལ་པོའི་སྐྱེས་བུས་དེ་མྱུར་བཟུང ། །ཁྱིམ་དེ་ལས་ནི་ཕྱུང་པར་འགྱུར། །དེ་ནས་དེ་ནི་ཡིད་བྱུང་ནས། །རྒྱལ་པོའི་མི་ལ་རབ་ཁྲོས་ཏེ། །གྲོང་ཁྱེར་དེ་ལས་ངེས་བྱུང་ནས། །མོད་ལ་དེ་ཡི་རང་གནས་ཕྱིན། །ལྟོགས་ཤིང་སྐོམ་པ་ཉིད་གྱུར་པས། །སྡུག་བསྔལ་ཡིད་མི་བདེ་བར་འགྱུར། །དེ་ནས་དེ་ནི་ཟས་ཆད་ནས། །མཚན་ཕྱེད་དུ་ནི་ལངས་གྱུར་ནས། །སྡོམ་བརྩོན་དེ་ནི་སེམས་ཆུང་བས། །དེ་ཚེ་སྲོག་ནི་བཏང་བར་རྩོམ། །དེ་ཚེ་སྨོན་ལམ་བྱེད་པ་ནི། །ལ་དའི་ཡུལ་གྱི་བདག་པོར་ཤོག་།དེ་ནས་དགེ་སློང་དུས་ལས་འདས། །སྤུ་གྲི་ཞེས་བྱའི་རྒྱལ་རིགས་སུ། །བདག་ཉིད་ཆེན་པོ་དེ་སྐྱེས་གྱུར། །སྟོན་པའི་བསྟན་པ་མཆོད་པར་བྱེད། །ལོ་ནི་སུམ་ཅུ་དག་ཏུ་
414b
ཡང ། །རྒྱལ་སྲིད་གནོད་པ་མེད་པར་བྱས། །བརྐམ་ཆགས་རང་མིའི་སྦྱོར་བ་ཡིས། །མ་ཞུའི་ནད་ཀྱིས་བཏབ་པར་འགྱུར། །དེ་ཚེ་རྒྱལ་པོ་ལུས་ཞིག་ནས། །དུས་བྱས་ལྷ་ཡི་གནས་སོང་བ། །བྱམས་པ་གང་དུ་བཞུགས་པ་ཡི། །དགའ་ལྡན་ལྷ་ཡི་གནས་མཆོག་ཏུ། །བདག་ཉིད་ཆེན་པོས་ཆོས་འཆད་པར། །དེ་ཉིད་དུ་ནི་སྐྱེ་བར་འགྱུར་འོད་ཆེན་བྱམས་པ་ཆེན་པོ་ལ། །བསྙེན་བཀུར་བྱེད་ཅིང་ཆོས་ཀྱང་ཉན། །བདག་ཉིད་ཆེན་པོ་དེ་མཐར་གྱིས། །རྙེད་པར་དཀའ་བའི་བྱང་ཆུབ་འཐོབ། །ཚུལ་ཁྲིམས་ཞེས་བྱའི་རྒྱལ་པོའི་འོག་།གཡོ་བ་ཞེས་བྱ་འབྱུང་བར་འགྱུར། །ལོ་ནི་ལྔ་བཅུ་རྩ་ལྔ་དང ། །དེ་བཞིན་ཟླ་བ་ལྔ་རུ་འཚོ། །དེ་སྲིད་རྒྱལ་སྲིད་དེས་བྱས་ནས། །མཚོན་ཆས་འཚོ་བས་རབ་བསད་པ། །བུད་མེད་བྱས་པའི་སྐྱོན་ཉིད་ཀྱིས། །དེ་ནི་མཚོན་ཆས་བསད་པར་གྱུར། །དེ་ཡི་ནུ་བོ་བརྟན་ཞེས་བྱ། །བརྟན་པ་ཆེས་ནི་བརྟན་པར་འགྱུར། །སྔོན་ནི་བཀྲེན་པ་ཞམ་འབྲིང་འགྱུར། །ཡུལ་ནི་ལ་དའི་བདག་པོར་གྱུར། །ལྷག་མ་རྒྱལ་པོ་ཐམས་ཅད་དང ། །སྐྱེ་དགུ་ཀུན་ཀྱང་ཞམ་འབྲིང་བའོ། །ཚུལ་ཁྲིམས་ཞེས་བྱ་རབ་འདས་ནས། །དེ་ནི་དེ་དག་ཀུན་གྱི་སྔར། །ས་བདག་ཐམས་ཅད་འབྱུང་འགྱུར་བ། །དཔའ་བོ་རྒྱ་མཚོའི་ཕ་རོལ་འགྲོ། །རྒྱལ་པོ་དབང་བོ་ཟླ་མཛེས་དང ། །དེ་བཞིན་དུ་ནི་གཞུ་དང་ཏོག །
415a
༄#། །མེ་ཏོག་གཞུ་དང་རྒྱལ་པོའི་བུ། །རེས་ལྡན་གྲོང་ལས་བྱུང་བ་ཡིན། །དང་པོའི་དང་པོ་སྔ་མ་དག་།བ་ལའི་གྲོང་དུ་འབྱུང་བ་ཡིན། །འོད་ཅེས་བྱ་བ་སྟོད་རྣམས་དང ། །དེ་བཞིན་ཁྱབ་འཇུག་ཅེས་བྱ་བ། །རྒྱལ་པོ་མཐའ་ཡས་གསུངས་པ་ནི། །ཡང་བ་ཡི་རིགས་སུ་འབྱུང ། །དེ་དག་ཕྱི་མའི་རྒྱལ་པོ་ནི། །ཁྱབ་འཇུག་ཅེས་ནི་བྱ་བ་བྱུང ། །གྲོང་དང་སྐྱེ་བོ་གཉེན་དང་བཅས། །དྲང་སྲོང་དམོད་བས་གནོད་གྱུར་པས། །བློ་ལྡན་རྒྱལ་པོ་མེད་པར་འགྱུར། །གྲོང་ཁྱེར་ཆུ་ཡིས་རབ་ཏུ་གང ། ། དེ་ཚེ་དེ་ཡི་རེས་ལྡན་གྲོང ། །རྒྱ་མཚོ་ཆེན་པོས་རབ་ཏུ་གང ། །བྱང་གི་ཕྱོགས་ནི་ཐམས་ཅད་དུ། །རྩོམ་པ་སྣ་ཚོགས་རི་ཞོལ་བརྟན། །སྣ་ཚོགས་རིགས་ལ་གནས་པ་ཡི། །རྒྱལ་པོ་རྣམས་ནི་མཐའ་ཡས་གསུངས། །ཉི་ཤུ་གཅིག་དང་སུམ་ཅུ་ཡི། །མི་ཡི་རྒྱལ་པོར་ཤེས་པར་བྱ། །བཅོ་བརྒྱད་ས་ཡི་བདག་པོ་ཞེས། །པར་མའི་ས་ཀུན་བདག་པོ་ཡིན། །མཐའ་ཡས་ཀླུ་ཡི་སྡེ་ལ་སོགས། །དེ་ལས་ཐམ་རྣམ་པར་ཞིག་།དེ་ནས་ཁྱབ་འཇུག་འཕྲོག་བྱེད་དང ། །མདུང་ཞེས་བྱ་བ་འཕྲོག་བྱེད་གཞན། །དབང་ལྡན་དང་ནི་ཕྲེང་ཀུན་དང ། །བཟའ་དང་བརྟུལ་ཞུགས་བཟང་པོ་གཞན། །དུས་ཀུན་ཆོས་ལུགས་རྣམ་པར་ཉམས། །རྒྱལ་པོ་དེ་དག་དུས་ལས་འདས། །དེས་ནི་བྲམ་
415b
ཟེ་རིགས་བྱུང་པ། །དེ་ཚེ་ལོངས་སྤྱོད་ཚེ་ནོར་དང ། །བར་མཐར་ཡི་གེ་དང་པོ་བྷ། །དེ་ཚེ་བློན་པོ་གཉི་ག་གཙོ། །གཉི་ག་ནོར་ལྡན་དཔལ་ལྡན་གྲགས། །བསྟན་པ་ལ་ནི་ཕན་པར་དགའ། །གཞོན་ནུ་ཁྱོད་ཀྱི་སྔགས་རྒྱལ་པོ། །བློན་པོས་དེ་ཚེ་སྔགས་ཀྱང་བཟླས། །དེ་ནས་བཟུང་ནས་ས་ཡི་བདག་གཉི་ག་མི་ཡི་དབང་ཕྱུག་གྱུར། །བདུན་དང་བརྒྱད་དང་དེ་བཞིན་གསུམ། །དེ་ཚེ་དཔལ་མགྲིན་གནས་ན་འདུག་།སྟོན་པ་ཉི་མ་ཞེས་བྱ་བའི། །གནས་ན་དབང་ཕྱུག་རབ་ཏུ་གནས། །ཐམས་ཅད་གནས་སུ་ས་ཡི་བདག ། འབྱུང་བར་འགྱུར་བར་ཐེ་ཚོམ་མེད། །ཡི་གེ་ཧ་ཞེས་རབ་གསུངས་པ། །ས་རྣམས་ཀུན་ལ་མི་ཡི་བདག་།དེ་ཡི་ཡུལ་དུ་སྔགས་འདི་དག་།དེ་ཚེ་གྲུབ་པར་འགྲོ་བ་ཡིན། ། ཞི་དང་རྒྱས་པའི་རིག་པ་རྣམས། །གང་ཞིག་ཆོས་རྒྱལ་གྱིས་གསུངས་པ། །ལོངས་སྤྱོད་རྣམ་པ་སྣ་ཚོགས་ཚོགས། །དེ་བཞིན་རྣམ་པ་སྣ་ཚོགས་ལྡན། །སྣ་ཚོགས་གཟུགས་ཀྱི་གཟུངས་དང་ནི། །རྫུ་འཕྲུལ་ཆེན་པོ་གནོད་སྦྱིན་མོ། །དེ་ཚེ་དུས་ཀྱི་ཐ་མ་ལ། །དེར་ནི་གྲུབ་པར་འགྱུར་བ་ཡིན། །ལྷོ་ཡི་ཕྱོགས་ལ་ཡང་དག་བརྟེན། །རྒྱ་མཚོའི་འགྲམ་གྱིས་དག་ལ། །རྒྱལ་པོ་དཀར་དང་ཟླ་མཛེས་དང ། །ས་ལ་ཡི་ནི་བཞོན་པ་དང ། །དབང་ཆེན་དང་ནི་བདེ་བྱེད་དང ། །ས་བདག་དེ་བཞིན་ཡིད་དུ་འོང ། །ལོངས་སྤྱོད་
416a
༄#། །སྐྲ་བཟང་སྐྲ་ཞེས་སུ། །ལྷོ་ཡི་ཕྱོགས་སུ་རྣམ་པར་གྲགས། །བཀྲ་ཤིས་དང་ནི་རྙེད་སླ་དང ། །བ་ལང་རྙེད་དང་ཁྱུ་ཉིད་དང ། །གྲུ་བཟང་དེ་བཞིན་གྲུ་ཉིད་དང ། །དབང་ཆེན་དང་ནི་ཟླ་བ་ཉིད། །བ་ལང་སྲུང་དབང་ཟླ་བའི་སྡེ། །འདོད་ལྷ་དེ་བཞིན་མ་གངྷ། །གྲངས་བྱེད་བདེ་བྱེད་ཉིད་དང་ནི། །སྟག་དང་སེངྒེ་གཟའ་ལྷག་དང ། །སངས་རྒྱས་དག་པ་བུམ་པ་དག་།བུམ་པ་མ་ལུས་ཉིད་དུ་བརྗོད། །མཉམ་དང་ལེགས་པར་འཇམ་པ་དང ། །སྐྲ་བཟང་སྐྲ་ནི་ལྡན་པ་དང ། །ལྷོ་ཡི་ཕྱོགས་སུ་ས་ཡི་བདག། མཐའ་ཡས་མང་པོར་བསྟན་པ་ཡིན། །འདས་དང་མ་འོངས་པ་དག་དང ། །ད་ལྟར་དག་ཏུ་རྟོགས་པར་གྱིས། །རྣམ་པ་སྣ་ཚོགས་ནང་བཏབ་ནས། །འདི་དག་རྣམ་པ་སྣ་ཚོགས་འཆི། །མཚོན་གྱིས་འདེབས་དང་མུ་གེ་ཡིས། །འཆི་ཞིང་ཁ་ཅིག་ཕྱོགས་གཞན་འགྲོ། །དེ་ལྟར་འདི་དག་རྒྱལ་པོ་རྣམས། །ཀ་ན་ཙི་པུ་རར་གནས་པར་བསྟན། །དེ་བཞིན་སྟོང་ཕྲག་རྣམ་གྲགས་པ། །དེ་ཚེ་འབྱུང་བར་འགྱུར་བ་ཡིན། །དེ་དུས་དེ་ཚེ་ཕྱོགས་དག་ཏུ། །སྔགས་རྣམས་གྲུབ་པར་འདོད་ན་ནི། །ཁྲོ་བོ་རྡོ་རྗེའི་རིགས་བསྟན་པའི། ། སྔགས་འདི་དག་ནི་བསྒྲུབ་པར་བྱ། །མངོན་པར་སྤྱོད་པའི་ལས་དག་དང ། །དེ་བཞིན་དབང་གི་དོན་ཡང་འགྲུབ། །གཞོན་ནུ་བྱིས་པའི་གཟུགས་ཅན་ནི། །འཇམ་པའི་
416b
དབྱངས་ནི་བདག་ཉིད་ཆེ། །དེ་ཚེ་དུས་མཐར་ཕྱིན་པ་ན། །དེ་ཚེ་ཡུལ་དེར་འགྲུབ་པར་འགྱུར། །རི་བོ་འབིགས་བྱེད་ལ་བརྟེན་ནས། །རྒྱ་མཚོ་བ་ཚ་ཅན་འགྲམ་དུ། །གདོང་དྲུག་ཅེས་ནི་ཡང་དག་བསྒྲགས། །སེམས་ཅན་རྣམས་ལ་མཆོག་སྦྱིན་བྱེད། །འཇམ་པའི་དབྱངས་ནི་བློ་དང་ལྡན། །བྱང་ཆུབ་སེམས་དཔས་བཀའ་སྩལ་པ། །སེམས་ཅན་རྣམས་ལ་ཕན་འདོད་ཕྱིར། །ལྷོ་ཡི་ཕྱོགས་སུ་གནས་པར་གྱིས། །གདོང་དྲུག་གང་གི་སྔགས་དག་ནི། །འཇམ་པའི་དབྱངས་ཀྱིས་རབ་བསྟན་པ། །དེ་ཚེ་དེ་ཕྱོགས་དེ་དུས་སུ། །འགྲུབ་པར་འགྱུར་བར་ཐེ་ཚོམ་མེད། །དེ་ཚེ་དཔལ་གྱི་རི་བོའི་ཕྱོགས། །འབིགས་བྱེད་ནང་དང་རི་ཞོལ་དང ། །གླིང་ཉིད་རྣམ་པ་ཐམས་ཅད་དང ། །ཀ་ལིང་ཀ་ཞེས་རབ་བསྒྲགས་དང ། །ཡོན་ཏན་གསུམ་དང་ཀླ་ཀློ་དང ། །ཁོ་ར་ཁོར་ཡུག་ཀོ་ས་ལ། །རྒྱ་མཚོའི་ནང་དང་འགྲམ་དག་ཏུ། །རྒྱལ་པོ་དག་ནི་མཐའ་ཡས་ཡོད། །ཆ་ཤས་ཀཱ་མ་རུ་ཞེས་པ།། ཁ་བ་ཅན་གྱི་ནང་ན་གནས། །ོ་ཌ་ཡུལ་གྱི་མཚམས་ཀུན་ན། །རྒྱལ་པོ་རྣམས་ནི་མང་པོ་གསུངས། །སྣ་ཚོགས་ཀླ་ཀློའི་རྒྱལ་པོ་ནི། །སྟོན་པ་མཆོད་བྱེད་དེ་གཙོ་བྱེད། ། དབང་པོ་ཟླ་བ་དགའ་བ་ཡི། །རྒྱལ་པོ་ཀླ་ཀློའི་གནས་ན་གནས། །དེ་ལས་རྒྱལ་པོ་གཉིས་དག་ནི། །བསྟན་པ་ལ་ནི་ལོ་བརྒྱད་དང ། །སྟོན་པའི་སྐུ་གཟུགས་མཆོད་བྱེད་པའོ།།
417a
༄#། །དེ་ལས་སྐྱེས་པ་ཐམས་ཅད་ནི། །རྒྱལ་བའི་བསྟན་ལ་རབ་དད་པར། །ཐེ་ཚོམ་མེད་པར་འབྱུང་བར་འགྱུར། །ཤར་གྱི་ཕྱོགས་ལ་བརྟེན་པ་ཡི། ། རྒྱལ་པོའི་མཆོག་ནི་མང་པོ་གསུངས། །གང་ཞིག་འདས་དང་མ་འོངས་དང ། །ད་ལྟར་བྱུང་བ་ཐམས་ཅད་དུའོ། །དང་པོའི་རྒྱལ་པོ་མཆོག་བཤད་བྱ། །གཽ་ཌཱའི་རྒྱུད་དུ་ས་སྟེང་སྐྱེས། །གྲོང་ཁྱེར་འཕེལ་བྱེད་ཉམས་དགའ་བར། །གྲགས་ལྡན་དེ་ནི་རབ་ཏུ་སྐྱེས། །དེ་མིང་འཇིག་རྟེན་ཞེས་བྱ་བ། །རྒྱལ་པོ་གོ་ཌཱ་འཕེལ་བྱེད་འབྱུང ། །ང་ནི་འཇིག་རྟེན་སྐྱེས་མེད་འདིར། །དེ་ནི་ཆོས་ལ་སེམས་པ་བྱུང ། །ས་བདག་མང་པོ་རྣམས་མནན་ནས། །ཞོ་ཤས་འཚོ་བ་དག་ཏུ་བྱས། །བར་མའི་དུས་སུ་འདི་དག་མཉམ། །བར་མ་བར་མའི་ཆོས་དང་ལྡན། །རྩོད་པའི་དུས་ཀྱི་ཐ་མ་ལ། །མི་ཡི་དབང་པོ་དེ་ཉིད་ཉོན། །རྒྱལ་པོ་རྒྱ་མཚོ་ཞེས་བྱ་དང ། །རྣམ་པར་གནོན་པ་ཉིད་དང་ནི། །རྒྱལ་མཆོག་གཙོ་བོ་དབང་ཆེན་དང ། །དེ་འོག་ཡི་གེ་ས་ཞེས་བྱ། །ལྷ་ཡི་རྒྱལ་པོ་ཞེས་བྱ་དེ། །ཐ་མའི་དུས་ལ་འབྱུང་བར་འགྱུར། །རྒྱལ་པོའི་གཙོ་བོ་སྣ་ཚོགས་ཞེས། །བློ་ལྡན་ཆོས་ནི་འཕེལ་བྱེད་པའོ། །དེ་ཡི་ནུ་བོ་བྱིས་ཞེས་བྱ། །བསྟན་པར་དི་ལ་ཕན་ཞིང་དགའ། །ཤར་ཕྱོགས་རྒྱ་མཚོའི་མཐར་ཐུག་པར། །མཆོད་རྟེན་གྱིས་བརྒྱན་མཛེས་པ་ནི། །དེ་
417b
ཚེས་རྣམས་མ་ལུས་པར། །བྱེད་པར་འགྱུར་བར་ཐེ་ཚོམ་མེད། །ལྷ་ཁང་ཀུན་དགའ་ར་བ་རྫིང ། །སྐྱེད་མོས་ཚལ་དང་བཀད་ས་ནི། །དེ་ཚེ་དཔལ་ལྡན་བྱེད་འགྱུར་ཞིང ། ། གཟིངས་དང་ཟམ་པ་བྱེད་པ་པོ། །དེ་ཚེ་སྟོན་པའི་གཟུགས་བརྙན་མཆོད། །དེ་ལ་ཞུགས་པའང་མཆོད་པར་བྱེད། །རྒྱལ་སྲིད་ས་ཡི་བདག་པོ་བྱེད། །གནོད་པ་མེད་ཅིང་འགྲན་ཟླ་མེད། །ལོ་ནི་སུམ་བརྒྱ་དག་ཏུའང་འཚོ། །ཞག་ནི་སུམ་ཅུ་རབ་བྱུང་ནས། །ཕ་རོལ་རྒོལ་བས་ཕམ་བྱས་ཏེ། །དེ་ནས་རྒྱལ་པོས་རང་སྲོག་བཅད། །དེ་འོག་དེ་ནི་ལུས་ཞིག་ནས། །དམྱལ་བ་དག་ཏུ་རབ་སྐྱེས་ཏེ། །ཞག་གསུམ་དང་ནི་གཅིག་དག་ཏུ། །དམྱལ་བ་དག་གི་འགྲོ་བར་གནས། །དེ་ནས་དམྱལ་བའི་ལུས་བོར་ནས། །རྟག་ཏུ་རྒྱལ་པོ་ལྷ་གནས་འགྲོ། །ལྷ་རྣམས་ལེགས་སྤྱད་འཇིག་རྟེན་དུ། །གཙང་མའི་གནས་ཞེས་རབ་ཏུ་དྲན། །དེར་ནི་ལྷ་རྒྱལ་ཞེས་བྱར་འགྱུར། །དག་པའི་བདག་ཉིད་བྱང་ཆུབ་གཞོལ། །བརྒྱ་ཕྲག་དང་ནི་སྟོང་ཕྲག་ཏུ། །ལྷ་ཡི་བདེ་བ་རྗེས་སུ་མྱོང ། །ཕྱིར་ཡང་མི་ལུས་ཐོབ་ནས་ནི། །སྲིད་པ་གཞན་ལ་སངས་རྒྱས་འགྱུར། །སྐྱེ་བ་གཞན་དུ་སེམས་ཅན་ལ། །དེ་ཉིད་ཀྱིས་ནི་ལས་ཀྱང་བྱས། །གྲོང་ཁྱེར་འཕགས་རྒྱལ་ཞེས་བྱ་བ། །དེ་ཚེ་མ་ལ་བར་སྐྱེ་འོ། །དེར་ནི་ཚོང་དབོན་མཆོག་གྱུར་པ། །མ་ལ་བར་སྐྱེས་ནོར་ཆེན་ལྡན། །
418a
༄#། །འཇིག་རྟེན་སྐྱོང་ཞིང་གནས་མེད་པ། །སངས་རྒྱས་འབྱུང་བ་མེད་དུས་སུ། །རང་སངས་རྒྱས་ནི་འཇིག་རྟེན་དུ། །རྫུ་འཕྲུལ་ཆེན་པོ་རྣམ་པར་རྒྱུ། ། སེམས་ཅན་རྣམས་ལ་ཕན་དོན་དུ། །ས་ཡི་སྟེང་དུ་རྣམ་སྤྱོད་དེ། །གྲོང་ཁྱེར་འཕགས་རྒྱལ་ཕྱིན་ནས་ནི། །བསོད་སྙོམས་སྤྱོད་ལ་རབ་ཏུ་ཞུགས། །བདག་ཉིད་ཆེན་པོ་ཚོགས་སྤྱོད་པས། །དེ་ཆེ་ལམ་ཆེན་གྲོང་བར་དུ། །དེ་ཆེ་ཚོང་པ་དེ་ཉིད་ཀྱིས། །ཐུབ་པ་མངོན་དུ་མཐོང་བར་གྱུར། །འབྲས་ཆན་ལ་ནི་མགྲོན་བོས་ནས། །དེ་ཚེ་རང་གི་ཁྱིམ་དུ་ཁྱེར། །དེ་ནས་ཐུབ་མཆོག་མྱུར་ཁྱེར་ནས། །སྟན་དག་ལ་ནི་བཞུགས་སུ་གསོལ། །ཟས་ཀྱི་དུས་ནི་ཉེར་གནས་པས། །བཅོམ་ལྡན་དེ་ནི་དགོངས་སུ་གསོལ། །བདག་ཉིད་ཆེན་པོ་དེ་དག་ཀྱང ། །དེ་ཚེ་ཅང་མི་སྨྲ་བར་གྱུར། །དེ་ཚེ་ཚོང་པ་དེ་ལ་ནི། །ལྷུང་བཟེད་དག་ནི་ཟེད་པར་གྱུར། །ཚོང་པ་ཟུར་གྱིས་གོ་བ་དང ། །དེ་ཚེ་བློ་དང་ལྡན་གྱུར་པས། །རྣམ་པ་སྣ་ཚོགས་བཟའ་བ་ཡིས། །ལྷུང་བཟེད་རྣམས་ནི་ཡོངས་སུ་བཀང ། །དེ་ནས་དེས་ནི་རང་ལག་གིས། །དེ་དག་ལ་ནི་འབད་པས་བྱིན། །ཐོགས་ནས་དེ་དག་ཐམས་ཅད་ནི། །མར་མེའི་ཕྲེང་བ་བཞིན་དུ་མཐོང ། །ནམ་མཁའ་ལ་ནི་ལུས་བརྟེན་ནས། །དེ་དག་དེ་ཡི་མོད་ལ་སོང ། །དེ་ནས་བ་སྤུ་ལངས་
418b
ནས་ནི། །དེ་ཚེ་སྐྱོ་བ་མང་པོར་གྱུར། །ཡིད་ནི་རྫུ་འཕྲུལ་ལ་དད་ནས། །ས་དེ་ལ་ནི་རབ་ཏུ་འགྱེལ། །སྨོན་ལམ་དེ་ཚེ་བྱེད་པ་ཡང ། །ཇི་ལྟར་ཚིག་ཏུ་སྨྲ་བ་ནི། །དགེ་བའི་རྩ་བ་འདི་ཡིས་ནི། །དེ་རིང་བདག་གིས་གང་ཐོབ་པ། །དེས་ནི་ཐུབ་པ་རབ་མཆོག་ནི། །འཇིག་རྟེན་བློ་ཡི་མཆོག་འགྱུར་ཤོག་།དེ་ཚེ་ས་སྟེང་འཁོར་ལོས་བསྒྱུར། །སྐྱེ་བ་སྟོང་ཕྲག་བཅུ་རུ་འགྱུར། །དེ་ནས་དེ་ཡི་ལུས་སྤངས་ནས། །བྱེ་བ་དྲུག་ཅུར་ལྷ་གནས་འགྲོ། །དེར་ནི་ཡུལ་རིང་བདེ་མྱོང་ནས། །ལྷ་གནས་སྐྱེ་བ་ཡོངས་བོར་ཏེ། །དེ་ཚེ་མི་ཡི་སྐྱེ་བ་ནི།། གཞན་གྱིས་དབང་གིས་འདིར་ཡང་བྱིན། །དེ་ནི་རྒྱལ་པོའི་རིགས་སྐྱེས་པ། །ཐམས་ཅད་དུ་ནི་འདིར་ཡང་འགྱུར། །རྒྱལ་པོ་བྱིས་པ་ཞེས་བྱ་དེ། །ཤར་གྱི་ཕྱོགས་སུ་འབྱུང་བར་འགྱུར། །སྐྱེ་བ་སྟོང་ཕྲག་བརྒྱད་དུ་ནི། །བདེ་བ་སྒྲིབ་མེད་ཐོབ་འགྱུར་བ། །དཔལ་ལྡན་རྒྱལ་པོས་ཐོབ་པའོ། །ཐམས་ཅད་མཁྱེན་ཉིད་མཐར་ཐོབ་འགྱུར།། དེ་ལྟར་རྣམ་མང་སེམས་ཅན་དང ། །དེ་བཞིན་ཕུན་ཚོགས་རྒྱ་ཆེ་བ། །དེ་ཚེ་མཆོད་དང་སྐུལ་བྱེད་པ། །སྟོན་པ་ལ་ནི་སུན་མི་འབྱིན། །རིག་པ་དགེ་བ་བྱེད་པ་ཡི། ། བྱང་ཆུབ་ལམ་ལ་ངེས་པར་སྦྱོར། །དེ་ལས་གཞན་བའི་རྒྱལ་པོ་ནི། །གོ་ཌཱ་ནུས་པའི་ངང་ཚུལ་ཅན། །གཞོན་ནུ་ཞེས་བྱའི་རྒྱལ་པོར་གསུངས། །དེ་ཡང་ཤིན་ཏུ་ཆོས་
419a
༄#། །དང་ལྡན། །དེ་ནས་གཞན་པ་དཔལ་ལྡན་བཅས། །ཡི་གེ་ཨུ་ཞེས་རྣམ་པར་གྲགས། །དེ་ལས་གཞན་ནི་རྣམ་འབྱེད་ཅིང ། །དེ་བཞིན་ཕན་ཚུན་འཇིགས་པར་བྱེད། །དེ་དག་གོ་ཌཱ་དྲག་སེམས་ཀྱིས། །འདི་དག་འབྱེད་པ་ཆེན་པོར་བྱེད། །དེ་ནས་ལྷ་ཞེས་བྱ་བ་ཡི། །རྒྱལ་པོ་ལམ་ནི་བྱེད་པར་ཤེས། །དགྲ་རྣམས་ཀུན་གྱིས་ཡོངས་ཁྱབ་ནས། །དེ་ནི་དགྲ་ཡིས་བསྣུན་ནས་ཤི། །དེ་འོག་ཟླ་བ་ཞེས་ནི་བྱ། །དེས་ནི་རྒྱལ་པོ་ཉིད་ཀྱང་བྱས། །སྔོན་གྱི་ལས་ཀྱིས་བསྐུལ་ནས་ནི། །དེ་ནས་མཚོན་གྱིས་རྨས་ནས་ཤི། །དེ་ཡི་བུ་ནི་བཅུ་གཉིས་གྲངས། །ལོ་བརྒྱད་བཅས་པ་དག་ཏུ་འཚོ། །དེ་ཡང་མཚོན་གྱིས་རབ་བཏབ་ནས། །དེ་ཚེ་བྱིས་པ་ཉིད་དུ་ཤི། །དེ་དག་གཅིག་ལ་གཅིག་སེམས་ཤིང ། །དྲག་པོ་ཕན་པ་མེད་ལ་དགའ། །རྒྱལ་མཆོག་ཡི་གེ་ཏ་ཞེས་བྱ། །དེ་ཡི་ཚེ་ན་འབྱུང་བར་འགྱུར། །གོ་ཌཱའི་འཇིག་རྟེན་རྣམས་ཀྱི་གཙོ། །ཆེན་པོའི་ནད་ཀྱིས་ཡང་དག་བཏབ། །ནད་དེ་ཉིད་ཀྱིས་ཉམས་ཐག་གནས། །དུས་བྱས་ནས་ནི་འོག་ཏུ་སོང ། །དེ་འོག་ཡི་གེ་ད་ཞེས་བྱ། །ཉིན་ཞག་ཅུང་ཟད་རྒྱལ་པོ་བྱེད། །གོ་ཌཱའི་ཡུལ་དུ་བྱུང་གྱུར་པ། །གངྒཱའི་འགྲམ་དུ་ཡང་དག་གནས། །དེ་འོག་ཡི་གེ་བྷ་ཞེས་བྱ། །ཞག་གསུམ་དུ་ནི་རྒྱལ་པོ་བྱས། །དེ་ནས་ས་སྲུང་རྒྱལ་པོ་ནི། །
419b
ཐམས་ཅད་དུ་ནི་དེ་ཚེ་འབྱུང ། །རྒྱལ་པོ་དེ་ནི་སྙན་པར་སྨྲ། །བྱས་པ་གཟོ་ཞིང་སྟོབས་ཀྱང་ཆེ། །བུད་མེད་དབང་འགྱུར་བཀྲེན་ཞིང་གླེན། །དགྲ་ལས་རྒྱལ་ཞིང་མི་ཕྱེད་འགྱུར། ། དགེ་བའི་བཤེས་གཉེན་ལ་བརྙེན་ནས། །དེ་ཚེ་གཏོང་བ་ཆེན་པོར་གྱུར། །མཆོད་རྟེན་ཉམས་དགའ་གཙུག་ལག་ཁང ། །ཀུན་དགའ་རབ་རྣམ་མང་པོ། །རྫིང་ཡང་ཆུ་ནི་ཕུན་སུམ་ཚོགས། །བསོད་ནམས་གང་ནི་ལེགས་མཛེས་པ། །དེ་དག་མང་པོ་སྟོན་བྱེད་ཅིང ། །གྲགས་དང་སྙན་པའི་དོན་ལ་བརྩོན། །ལྷ་ཡི་སྟེགས་ནི་ཉམས་དགའ་དང ། །ཕུག་དང་གནས་ཁང་དག་ཀྱང་བྱས། །ཡ་མཚན་ཅན་གྱིས་ཡང་དག་གནོན། །སྣ་ཚོགས་མུ་སྟེགས་གནས་ཀྱིས་ནི། །རྒྱ་མཚོའི་འགྲམ་གྱི་མཐར་ཐུག་པར།། ཕྱོགས་དེ་ཐམས་ཅད་རྣམ་པར་གནོན། །བརྩེ་ལྡན་ལོངས་སྤྱོད་ལྡན་དཔག་མེད། །རྒྱལ་པོ་དེ་ནི་ཆོས་ལ་དགའ། །ཤར་གྱི་ཕྱོགས་སུ་རྒྱས་པར་ནི། །ཐེ་ཚོམ་མེད་པར་འབྱུང་བར་འགྱུར། །རྟག་ཏུ་ཆོ་གར་ཡང་དག་ལྡན། །ཀ་བ་ཉེ་བར་གནས་གྱུར་ཚེ། །གངྒཱའི་འགྲམ་ལ་ཡང་དག་བརྟེན། །དེ་ཚེ་རྒྱལ་ཐམས་བྱས་པ་ནི། །ལོ་ནི་སུམ་ཅུ་དག་དང་བདུན། །ལོ་ནི་བརྒྱད་ཅུ་དག་ན་འཆེ། །དེ་ནས་དེ་ཡི་ལུས་ཞིག་ནས། །ལྷ་རྣམས་དག་ཏུ་ཉེ་བར་སྐྱེ། །དེ་ནས་དཔལ་ལྡན་ཀླུ་ཡི་རྒྱལ། །ཆོས་ཀྱི་བདག་ཉིད་ཆོས་ལ་
420a
༄#། །ལ་དགའ། །མཆོད་རྟེན་གང་ཞིག་འདི་བྱས་དང ། །སྟོན་པའི་གཟུགས་བརྙན་ཡིད་དུ་འོང ། །དེ་ཚེ་ས་སྟེང་དགེ་འདུན་ཆེད། །ལོགས་སུ་གཙུག་ལག་ཁང་དག་བྱས། །རྣམ་པར་སྨིན་པ་དེ་ཡིས་ནི། །སྲིད་པ་ཐ་མ་ལ་བརྟེན་ནས། །ངེས་པར་སངས་རྒྱས་ཉིད་ལམ་དང ། །མི་གཡོ་གོ་འཕང་ཐོབ་པར་འགྱུར། །དེ་ཡི་འོག་ཏུ་གོ་ཌཱ་ར་ནི། །དེ་དག་གཙོར་ནི་མུ་སྟེགས་གནོན། །ཤར་གྱི་ཕྱོགས་སུ་འབྱུང་བ་ནི། །གྲོང་ཁྱེར་དུ་ནི་མུ་སྟེགས་གནས། །རྒྱལ་པོའི་མིང་ནི་བཅོམ་ལྡན་ཞེས།། གོ་ཌཱའི་ནང་ན་མཐུ་དང་ལྡན། །བརྟུལ་ཞུགས་ཅན་ནི་མཐུར་ལྡན་པ། །སྦྱིན་གནས་ཞེས་པས་དབང་ཡང་བསྐུར། །དེར་ནི་རྒྱལ་སྲིད་བྱས་ནས་སུ། །ནུབ་ཀྱི་ཕྱོགས་སུ་ཡང་དག་སོང ། །ཅི་འདོད་སྒྲུབ་པ་ཞེས་བྱ་བའི། །གྲོང་ཁྱེར་ཉམས་དགར་རབ་ཏུ་ཞུགས། །མ་ཞུ་བས་ནི་རབ་བཏབ་ནས། །ཕྱིར་ཡང་རབ་ཏུ་ལོག་པར་འགྱུར། །ཤར་ཕྱོགས་རྒྱ་མཚོ་མཐར་ཐུག་པར། །རྐུན་མ་རྣམས་ཀྱིས་ཡང་དག་ཁྱབ། །མཚོན་གྱི་གནོད་པས་རབ་བཤིག་ནས། །ཤི་ནས་ཡི་དྭགས་འགྲོ་བར་སོང ། །ས་བདག་རྒྱལ་པོ་མི་མང་བ། །དེ་ས་ནི་ལོ་གསུམ་བར་དུ་བྱས། །དེ་ནས་དེ་ནི་རྐུན་པོས་བསད། །རྫུ་འཕྲུལ་ཆེ་བའི་ཡི་དྭགས་སོང ། །དེ་ཉིད་དུ་ནི་ལོ་གསུམ་བར། །ཡི་དྭགས་
420b
རྒྱལ་ཐབས་ཡོངས་སུ་བྱས། །ཡི་དྭགས་འཇིག་རྟེན་མི་བཟད་པ། །དེ་ནས་དེ་ནི་ལུས་ཀྱང་བཏབ། །སྐྱེ་བ་དེ་ལས་རྣམ་གྲོལ་ནས། །རྟག་ཏུ་མཐོ་རིས་འཇིག་རྟེན་སོང ། །དེ་ཡི་འོག་ཏུ་རྒྱལ་པོ་ནི། །རྒྱ་མཚོ་ཞེས་ནི་བྱ་བར་གྲགས། །བློ་ངན་ལོ་ནི་གསུམ་གྱི་བར། །བློ་གྲོས་ངན་པས་རྒྱལ་སྲིད་ཐོབ། །དེ་ཡི་ནུ་བོར་རྣམ་གྲགས་པ། །ཐལ་བ་ཞེས་བྱའི་རྒྱལ་པོ་འབྱུང ། །སྲོག་གཅོད་པ་དང་ཡང་དག་ལྡན། །བབ་ཅོལ་ཆེན་པོ་རབ་ཏུ་བྱེད། །འབད་པས་རང་གི་ལུས་ལ་ཡང ། །བརྩེ་མེད་བག་ནི་མེད་པ་འོ། །བྱིས་པར་གྱུར་པས་འདི་ཉིད་སེམས།།ཕ་རོལ་དོན་ནི་དེ་མི་སེམས།།མི་དགེའི་བཤེས་གཉེན་ལ་བརྟེན་ནས། །སྡིག་པའི་ལས་ནི་མང་པོ་བྱས། །གཡོ་ལྡན་དེ་བཞིན་བཀྲེན་པ་ཡི། །བྲམ་ཟེས་རྒྱལ་སྲིད་དག་ཀྱང་གནོན། །མི་དང་མི་མ་ཡིན་དག་གི་།ལོངས་སྤྱོད་རྣམ་པ་སྣ་ཚོགས་དང ། །རྣམ་པ་སྣ་ཚོགས་ཕུན་སུམ་ཚོགས། །རྒྱལ་པོ་དེས་ཀྱང་རབ་ཏུ་འཐོབ། །དེ་ནི་མཐར་གྱིས་སོང་བ་དང ། །རྒྱལ་པོ་ནུབ་ཀྱི་ཕྱོགས་དག་ཏུ། །ཁ་ཆེའི་སྒོ་ཡེ་མཐར་ཐུག་པར། །བྱང་གི་ཕྱོགས་ལ་བརྟེན་ནས་ནི། །དེར་ཡང་གཡུལ་ལས་རྣམ་རྒྱལ་ནས། །རྒྱལ་ཐབས་དེ་ཚེ་བྱས་པ་ནི། །བཅུ་གཉིས་ལོ་དང་ཟླ་བ་ལྔར། །ས་ལ་རྒྱལ་སྲིད་དེ་ཚེ་བྱས། །དེ་ནས་དེ་ནི་ནད་ཀྱིས་བཏབ། །ཡང་དང་ཡང་དུ་བརྒྱལ་བར་འགྱུར། །སྡུག་བསྔལ་ཆེན་པོས།
421a
༄#། །ཟིལ་མནན་ནས། །ལུས་ནི་ཞིག་ནས་ཤི་འཕོས་འགྱུར། །རྒྱལ་སྲིད་ཕྱིར་ནི་རབ་ཆགས་ནས། །དེ་དག་ཕན་ཚུན་ཞེ་སྡང་ཞིང ། །མཚོན་ཆེན་ཚོགས་ཀྱིས་འཕེན་པ་ནི། །དེ་དག་ཕན་ཚུན་བྱས་པར་འགྱུར། །ཡི་གེ་ས་མིང་བྱིས་པ་ཁྱེའུ། །དེ་ཚེ་རྒྱལ་སྲིད་དབང་ཡང་བསྐུར། །མཚན་མ་ཙམ་ཞིག་དེ་བྱས་ནས། ། ཕྱིར་ཡང་དེ་ནི་འབྱུང་བར་འགྱུར། །བྲམ་ཟེའི་གཙོ་བོ་གཉིས་ཀྱི་ནི། །དེ་དག་ཕན་ཚུན་ཕྱེ་ནས་ནི། །མ་ག་དྷཱ་ཡི་ཡུལ་ཕྱིན་ཞིང ། །ུ་དུམ་བཱ་རའི་གྲོང་ཞེས་པར། །བྲམ་ཟེའི་གཙོ་བོ་བྱིས་པ་གཉིས། །ས་སྟེང་རང་གིས་དབང་ཡང་བསྐུར། །དེ་ནས་མཐར་གྱིས་དེ་སོང་ནས། །ཤར་ཕྱོགས་སུ་ནི་ཡང་དག་བརྟེན། །གོ་ཌཱའི་ཡུལ་གྱི་མིར་ཡང་ཕྱིན། །དེ་ཚེ་འགྲན་ཟླ་མེད་པར་འགྱུར། །བདག་ཉིད་ངན་པའི་རྩོད་རྒྱལ་གྱིས། །བྱིས་པའི་གཙོ་བོ་དེ་གཉིས་པོས། །མི་དགེ་བཤེས་གཉེན་ལ་བརྟེན་ནས། ། སྲོག་ཆགས་མང་པོ་རབ་ཏུ་བསད། །གང་ཞིག་སྔོན་གྱི་རྒྱལ་པོས་བཀུར། །དཔའ་བས་ང་རྒྱལ་བྱེད་པ་གང ། །གོ་ཌཱར་སྐྱེ་བོ་གནས་པ་དག་།ཐམས་ཅད་དག་ནི་གསོད་པར་རྩོམ། །དེ་ནས་རྒྱལ་པོ་ཟླ་བ་ཞེས། །དཔའ་བོ་གཅིག་པུ་འབྱུང་བར་འགྱུར། །གངྒཱའི་འགྲམ་གྱི་མཐར་ཐུག་དང ། །བཱ་ར་ཎཱ་སཱི་དེ་ལས་གཞན། །སྟོན་
421b
པའི་གཟུགས་བརྙན་ཉམས་དགའ་བ། །བློ་ངན་གྱིས་ནི་འཇིག་པར་འགྱུར། །ཆོས་ཀྱི་སྟེགས་ནི་མི་ཉུང་བ། །རྒྱལ་བ་རྣམས་ཀྱིས་སྔོན་བསྟན་པ། །བློ་ངན་དག་གིས་བསྲེག་འགྱུར་ཞིང ། །མུ་སྟེགས་རྣམས་ནི་གསོད་པར་དགའ། །དེ་ནས་དེ་ནི་ཁྲོ་དང་ཆགས། །མི་སྡོམ་ལོག་པའི་ང་རྒྱལ་ཅན། །མཆོད་རྟེན་ཀུན་དགའ་ར་བ་གནས། །ས་སྟེང་གཅེར་བུའི་གནས་དག་ཀྱང ། །དེ་ནས་ཐམས་ཅད་འཇིག་བྱེད་ཅིང ། །འཚོ་བ་འགོག་པའང་བྱེད་པར་འདོད། །ཡུལ་གྱི་དབུས་སུ་རྒྱལ་པོ་གཞན། །དེ་ཡི་དུས་སུ་འབྱུང་འགྱུར་བ། ། ཡི་གེ་ར་མིང་རིགས་བདག་ཉིད། །རྗེ་རིགས་ཀྱིས་འཚོ་དེ་ལས་གཞན། །སྟོན་པའི་བསྟན་པ་འདི་ལ་དད། །ཟླ་བ་ཞེས་བྱའི་རྒྱལ་མཆོག་དེས། །གཅེར་བུའི་རིགས་གྱུར་རྒྱལ་པོ་ནི། །དེ་ཡང་རབ་ཏུ་བསད་པར་གྱུར། །ཡི་གེ་ཧ་མིང་དེའི་ནུ་བོ། །དཔའ་བོ་གཅིག་པུ་འབྱུང་བར་འགྱུར། །དཔུང་ནི་ཆེན་པོར་ཡང་དག་ལྡན། །དཔའ་ཞིང་ཟིལ་གནོན་ཡང་དག་གནོན། །རྒྱལ་པོ་ཡི་གེ་ཧ་བྱ་བས། །ཟླ་བར་རྣམ་གྲགས་གནས་ལས་བཏོན། །དེ་ནས་རྒྱལ་པོ་རྗེའུ་རིགས་སྤྱོད། །སྡེ་ཆེ་སྟོབས་ནི་ཆེ་བ་དང ། །དེ་ཚེ་ཤར་གྱི་ཕྱོགས་དག་ནི། །བསོད་ནམས་ཆེ་བའི་གྲོང་མཆོག་སོང ། །རྒྱལ་རིགས་ཆོས་ལ་གནས་ནས་ནི། །ཆོས་ཀྱི་དོན་ཤེས་བརྩེར་ལྡན་པས། །དེ་ནི་ང་རྒྱལ་ཁྲོ་ཚུལ་གྱིས། །
422a
༄#། །སྲོག་ཆགས་མང་པོ་གསོད་བྱེད་ཅིང ། །སེམས་ཅན་གནོད་པ་བྱེད་པ་དང ། །ཆད་པ་བྱེད་ལ་རབ་དགའ་ཞིང ། །ལས་ངན་རྗེས་སུ་སྤྱོད་བྱེད་པའི། །ཟླ་བ་ཞེས་བྱ་དེ་ཕྱུང་ནས། །རང་གི་གནས་ན་རབ་ཏུ་འདུག་།ཡི་གེ་ཧ་མིང་སླར་ལོག་ནས། །ཀླ་ཀློའི་རྒྱལ་པོས་རབ་ཏུ་མཆོད། །ཡི་གེ་ཧ་བྱ་དགེ་དང་ལྡན། ། དགེ་བའི་དོན་གྱི་ལས་ཀྱིས་ནི། །ཇི་ལྟར་འདོད་པའི་འགྲོས་དག་གིས། །རང་གི་ཡུལ་ནི་ཉིད་དུ་ཕྱིན། །དེ་ཉིད་ཀྱིས་ནི་ལས་བྱས་པས། །རྒྱལ་སྲིད་དགའ་དང་ལྡན་པ་ཐོབ། །ཡང་ན་རྒྱལ་སྲིད་སྦྱོང་གནས་པས། །ལོངས་སྤྱོད་རབ་ཏུ་ཐོབ་ལྡན་པ། །སྔ་མར་རང་སངས་རྒྱས་ལ་ནི། །བཟའ་དང་གོས་ནི་བྱིན་པ་དང ། །དེ་ཚེ་ལྷམ་ནི་བྱིན་པ་དང ། །གོས་ཀྱིས་བརྒྱན་པའི་གདུགས་ཀྱང་བྱིན། །དེ་ཡི་ལས་ཀྱི་མཐུ་ཡིས་ནི། །ལྷ་མིའི་རྒྱལ་སྲིད་ཆེན་པོ་ཐོབ། །ལྷ་དང་མི་ཡི་ཕུན་སུམ་ཚོགས། །ལོངས་སྤྱོད་ཕུན་སུམ་ཚོགས་ལྡན་སྤྱོད། །ཟླ་བ་ཞེས་བྱའི་བྲམ་ཟེའི་རིགས། །ལོངས་སྤྱོད་ཆེར་ལྡན་གང་ཕྱིར་དེ། །བྲམ་ཟེ་དག་ལ་ལོངས་སྤྱོད་བྱིན། །དེ་ཚེ་རྒྱལ་ཐབས་བྱེད་པ་ནི། ། ལོ་ནི་བཅུ་དང་བདུན་དག་དང ། །དེ་བཞིན་གཞན་ནི་ཟླ་བ་གཅིག་།ཉིན་ཞག་བདུན་དང་བརྒྱད་དག་ཏུ། །ཁ་ཡི་ནད་ཀྱིས་ཡང་དག་བཏབ། །སྲིན་བུ་རྣམས་
422b
ཀྱིས་ཟོས་ནས་ནི། །དུས་བྱས་ནས་ནི་འོག་ཏུ་འགྲོ། །མི་མ་ཡིན་པས་ཟིལ་མནན་ནས། །དེ་ཚེ་གྲོང་དེ་བཤིག་པར་འགྱུར། །མི་མ་ཡིན་པའི་ཉེས་པ་ཡིས། །རིམས་ཀྱིས་ཉམ་ཐག་ནད་ཀྱིས་བརྒྱལ། །སྔགས་ཀྱི་སྦྱོར་བས་འཆི་བ་སྟེ། །དེ་ཚེ་རྒྱལ་པོ་དུས་ལས་འདས། །མནར་མེད་པ་ཞེས་བྱ་བ་ཡི། །དམྱལ་བར་སྡིག་པའི་ལས་བྱེད་རྣམས། ། སྡིག་པའི་ལས་རྣམས་རྗེས་སྤྱོད་པ། །དེ་ནི་དེ་རུ་སྐྱེ་བར་འགྱུར། །དམྱལ་བར་དེ་ཚེ་བསྐལ་ཆེན་དུ། །མ་རུངས་སེམས་ལྡན་འཚེད་པར་འགྱུར། །དེ་ནས་སོ་ཐམ་ཀྱི་ཧུད་ཟེར། །ཡང་སོས་དང་ནི་ཐིག་ནག་དང ། །མི་བཟད་རལ་གྲིའི་ནགས་ཚལ་ཡང ། །ཡང་དང་ཡང་དུ་མྱོང་བར་འགྱུར། །ཡི་དྭགས་འཇིག་རྟེན་དུད་འགྲོ་ཉིད། །དེ་བཞིན་གཤིན་རྗེའི་འཇིག་རྟེན་དུའང ། །དེ་ལྟར་སྐྱེ་བ་སྟོང་རྣམས་སུ། །འཁོར་བར་ཡང་ནི་འཁོར་འགྱུར་ཡང ། །དེས་ནི་བདེ་བ་མི་ཐོབ་ཅིང ། །རྟག་ཏུ་སྡུག་བསྔལ་བསྟེན་པར་གྱུར། །དེ་བཞིན་གཤེགས་པའི་བསྟན་པ་ལ། །དེ་བས་འབད་པ་ཐམས་ཅད་ཀྱིས། །སེམས་ནི་ཀུན་གྱིས་དད་བྱས་ཏེ། །ནད་མེད་ཕུན་སུམ་ཚོགས་པར་སོང ། ། སངས་རྒྱས་ཕན་འདོགས་བྱེད་པ་ཡི། །འབྲས་བུ་མཐའ་ཡས་འབྱུང་འགྱུར་བས། །སངས་རྒྱས་ལ་ནི་དད་པར་བྱ། །ཆོས་དང་དགེ་འདུན་དེ་བཞིན་ནོ། །རྒྱལ་པོས་
423a
༄#། །དཀོན་མཆོག་གསུམ་མཆོད་ན། །འཇིག་རྟེན་གྱི་ནི་མཆོག་ཏུ་འགྱུར། །རྒྱལ་ཐབས་ཆེན་པོའི་གྲགས་པ་ཐོབ། །ནོར་གྱི་དབང་ཕྱུག་ལོངས་སྤྱོད་ཆེ། །རྒྱལ་པོས་ཕུན་ཚོགས་རྒྱ་ཆེ་བའི། །བདེ་བ་རྣམ་པ་སྣ་ཚོགས་ཐོབ། །འཇིག་རྟེན་མཆོག་ནི་མཆོད་བྱས་ན། །འཇིག་རྟེན་དབང་ཕྱུག་ཉིད་དུ་འགྲོ། །དེ་ནས་བརྒྱ་བྱིན་འཐབ་བྲལ་ཉིད། །ཚངས་པ་ཉིད་དུ་ཡང་དང་ཡང ། །ཉན་ཐོས་རང་རྒྱལ་ཉིད་དང་ནི། །ས་སྟེང་སངས་རྒྱས་ཉིད་དུ་འགྱུར། །ཐེག་པ་གསུམ་གྱི་མཆོག་ཐོབ་ཅིང་།། ཐེག་པ་ལ་ནི་ཆགས་མེད་འགྱུར། །དེ་ལྟར་སངས་རྒྱས་བསམ་མི་ཁྱབ། །སངས་རྒྱས་ཡེ་ཤེས་བསམ་མི་ཁྱབ། །དེ་ལྟར་འབྲས་བུ་བསམ་མི་ཁྱབ། །རྣམ་པར་སྨིན་པའང་བསམ་མི་ཁྱབ། །དེ་ནས་གཞན་ཡང་རྒྱལ་པོ་ནི། །ཟླ་བ་ས་སྟེང་མེད་པ་ན། །ཕན་ཚུན་འཁྲུག་པའི་ངང་ཚུལ་དུ། །གོ་ཌཱའི་རྒྱུད་དུ་འབྱུང་བར་འགྱུར། ། ཕན་ཚུན་ལྟོས་པ་མེད་པར་ནི། །དེ་ཚེ་མཚོན་ནི་འདེབས་པར་འགྱུར། །ཞག་ནི་བདུན་པོ་གཅིག་དང་ནི། །དེ་བཞིན་གཞན་ནི་ཟླ་བ་གཅིག་།དེ་ཚེ་ཆོགས་ཀྱི་རྒྱལ་སྲིད་རྒྱུད། །དེ་ཚེས་སྟེང་བྱེད་པར་འགྱུར། །གངྒཱའི་འགྲམ་གྱི་གྲོང་དེར་ནི། །གཙུག་ལག་ཁང་གི་གནས་ཀྱང་བྱས། །དེ་ནས་ཟླ་བ་ཞེས་བྱ་བའི། །བྲམ་ཟེའི་ཁྱེའུ་དེ་ཡི་
423b
བུ། །ཟླ་བ་བརྒྱད་དང་ཞག་ལྔ་དང ། །ཕྱེད་དང་གཉིས་ཞག་འདས་ནས་འཆི། །དེའི་མཐར་རྒྱལ་པོ་འདུག་པ་ནི། །ཀླུ་ཡི་རྒྱལ་པོ་ཞེས་བྱ་བ། །གོ་ཌཱའི་ཡུལ་གྱི་རྒྱལ་པོ་འབྱུང ། ། དང་པོ་ཛ་མའི་རིགས་བྲམ་ཟེ། །ཀུན་ནས་རྗེའུ་རིགས་ཀྱིས་བསྐོར་བའི། །ཀླུ་ཞེས་བྱ་བ་དེ་ཡང་འབྱུང ། །དེ་ཡང་མུ་གེས་གནོད་པ་དང ། །དེ་བཞིན་ཕ་རོལ་དམག་ཚོགས་གནོད། །དེ་དག་རྒྱལ་སྲིད་ཐོབ་པ་ན། །ཆོམ་རྐུན་ཆེན་པོས་ཀུན་ཏུ་ཁྱབ། །དེས་ཀྱང་དེ་ཡི་ལུགས་ཉམས་ཏེ། །དེར་ནི་ལོ་ནི་ལྔ་དང་གཅིག་།རྒྱལ་སྲིད་ཀུན་ནས་འཁྲུགས་བཞིན་སྤྱོད། །སྲོག་གཅོད་མང་པོ་བྱས་ནས་ནི། །དེ་ཚེ་སྲོག་ལ་གནོད་པར་བྱེད། །སྔ་མའི་ལས་ཀྱི་ཉེས་པ་ཡིས། །རྗེའུ་རིགས་སྤྱོད་པ་དེ་དག་བྱེད། །ཕན་ཚུན་འཁྲུགས་པའི་ངང་ཚུལ་དུ། །དེ་ཚེ་དེ་ནི་འབྱུང་བར་གྱུར། །དེ་དག་དེ་ཚེ་ནུས་ལྡན་ཚུལ། །རྒྱལ་རིགས་སྤྱོད་ལ་གནས་པ་ཡི། །གོ་ཌཱའི་རྒྱུད་ཀྱི་མི་ཡི་བདག་།འབྱུང་བར་འགྱུར་བར་ཐེ་ཚོམ་མེད། །ཁ་ཅིག་དེ་ཚེ་མཚོན་གྱིས་འཆི། །ནད་རྣམས་ཀྱིས་ཀྱང་ཡང་དག་འདེབས། །དེ་ནས་དུས་བྱས་རྒྱལ་པོ་རྣམས། །དམྱལ་བ་རྣམས་སུ་འགྲོ་བར་འགྱུར། །བུད་མེད་གཙོ་བོའི་བྱིས་པ་ནི། །དེ་ཡང་ཕྱིས་ནི་རྒྱལ་པོར་འགྱུར། །དེ་དག་དེ་བཞིན་ཟླ་ཕྱེད་ནས། །མཚོན་གྱིས་བསྣུན་ནས་དེ་ཉིད་བསད། །མུ་གེ་ཆེན་པོ་ཡང་
424a
༄#། །དག་འབྱུང ། །ཕ་རོལ་དམག་ཚོགས་དག་གིས་དཀྲུགས། །ཡིད་ནི་སྐྲག་པར་གྱུར་པ་ཡིས། །ཤར་ཕྱོགས་ཡུལ་མི་ཉམས་པར་གྱུར། །དེ་ཡི་ཡུལ་དུ་མི་བདག་ནི། །ཐེ་ཚོམ་མེད་པར་འབྱུང་འགྱུར་བ། །བཅོམ་བརླག་སྐྱེས་པའི་རྒྱལ་པོ་མཆོག་།ཡངས་པ་ཅན་གྱི་ཚོང་པ་སྔོན། །དེ་ཡང་ལུས་ལ་མཆོད་པ་ཡིན། །མ་ག་དྷཱ་ཡི་རྒྱལ་པོར་འགྱུར། །དེ་ཡི་ཡང་ནུ་བོ་ཡི་གེ་བྷ། །ཤར་གྱི་ཕྱོགས་ལ་ཡང་དག་གནས། །དེའི་བུ་ཡི་གེ་པྲ་ཞེས་བྱ། །ཤར་ཕྱོགས་ཉིད་དུ་ཡང་དག་སྐྱེས། །རྒྱལ་རིགས་མཆོག་ཏུ་སྐྱེས་པར་བསྟན། །ལེགས་པར་སྤྱོད་པས་བྱིས་པ་བཅིངས། །ལོ་ནི་བཅུ་དང་བདུན་དག་ཏུ། །འཆིང་བ་དག་ལ་ཡང་དག་བཞག་།གླང་རྫི་ཞེས་བྱའི་རྒྱལ་པོས་བཅིངས། །བཅོམ་ལྡན་ཞེས་བྱས་དེ་ནི་དཀྲོལ། །ཡི་གེ་ཧ་ཞེས་རྒྱལ་ཆེན་ནི། །ནུབ་ཀྱི་ཕྱོགས་ནས་ཡང་དག་འོངས། །ཤར་གྱི་ཕྱོགས་ནི་མཐའ་མེད་པར། །གངྒཱའི་འགྲམ་ན་གནས་པར་གྱུར། །དམངས་རིགས་གཟི་བརྗིད་ཆེ་བ་དང ། །སྡེ་ཆེན་སྟོབས་ནི་ཆེ་བ་དང ། །དེ་ནི་དེ་ཡུལ་འགྲམ་གནས་ནས། །ཀུན་ཏུ་ཡང་ནི་རབ་ཏུ་གནས། །གོ་ཌཱའི་སྐྱེ་བོ་ཞེས་གྲགས་གྲོང ། །མུ་སྟེགས་ཞེས་ཀྱང་རྣམ་པར་གྲགས། །རྒྱལ་པོས་དེ་ནི་རྣམ་མནན་ནས། །
424b
སྟོབས་ཆེན་དེ་ནི་འདུག་པར་གྱུར། །དེར་ནི་རྒྱལ་རིགས་བྱིས་པ་དེ། །ཚོང་པ་དང་ནི་ལྷན་ཅིག་འོངས། །དེར་ནི་ནམ་ཕྱེད་ཞུགས་ནས་ནི། །ནམ་གྱི་མཐར་ནི་དེ་ཡང་མཆོད། ། དམངས་རིགས་རྒྱལ་པོ་ཞེས་བྱ་བས། །སླར་ཉིད་དུ་ནི་ལྡོག་པར་བྱེད། །གངྒཱའི་འགྲམ་གྱི་མཐར་ཐུག་པར། །གྲོང་ཁྱེར་དགའ་བ་ཞེས་བྱ་བར། །དེ་ཚེ་རྒྱལ་སྲིད་མ་ག་དྷར་བྱིས་པ་དེར་ནི་བཞག་པར་གྱུར། །ཝ་ར་ཎཱ་སིའི་ཕ་རོལ་ཏུ། །ཀ་ཤི་ཡུལ་གྱི་མིར་ཡང་ཕྱིན། །སྟོབས་ཆེན་ས་ཡི་བདག་པོ་ནི། །དམངས་རིགས་དེར་ནི་ཞུགས་པར་གྱུར།། སྡུག་བསྔལ་ཉམ་ཐག་ནད་ཆེན་པོས། །དེ་ཚེ་བུ་ནི་དབང་ཡང་བསྐུར། །བྱིས་པ་ཁྱེའུ་ཕུག་ཅེས་པ། །དེ་ཚེ་རྒྱལ་ཐབས་དབང་ཡང་བསྐུར། །ཆེན་པོའི་ནད་ཀྱིས་ཟིལ་མནན་ནས། །དེ་ཚེས་ཡང་འཁོར་བར་མཐོང ། །དེ་ནས་འབར་བས་ཤུགས་ནར་ཕྱུང ། །ལུས་ཞིག་ནས་ནི་དུར་འགྲོར་སོང ། །དེ་ཚེ་ཟླ་བ་བདུན་དང་བརྒྱད། །དུད་འགྲོ་དག་ཏུ་གནས་པར་གྱུར། །དེ་ཡི་སྐྱེ་བ་ལས་གྲོལ་ནས། །ལྷ་རྣམས་ཀྱི་ནི་ནང་དུ་སྐྱེས། །དེ་ཚེ་སྐྱེ་བ་ཉི་ཤུར་ནི། །ལྷ་ཡི་ཕུན་སུམ་ཚོགས་པ་ཐོབ། །ཆོས་ཀྱི་བདག་ཉིད་དེ་མཐར་གྱིས། །རང་རྒྱལ་བྱང་ཆུབ་ཐོབ་པར་བྱེད། །སྔོན་གྱི་སྐྱེ་བའི་དུས་དག་ཏུ། །འདི་ཉིད་ལས་ནི་ཉེ་བར་བསགས། །བདག་ཉིད་ཆེན་པོར་རང་རྒྱལ་ལ། །གོས་ཀྱིས་ཀུན་ནས་བཀབ་
425a
༄#། །པ་དང ། །གླང་པོ་རྟ་དང་ཤིང་རྟའི་རྒྱུར། །ལྷམ་ནི་རབ་ཏུ་ཕུལ་བར་གྱུར། །དེ་ལ་བློ་ལྡན་སེམས་དང་བས། །དེ་ཚེ་དེ་ལ་བཟའ་བ་བྱིན། །རྣམ་པར་སྨིན་པ་དེ་ཡིས་ནི། །ལྷ་ཡི་རྒྱལ་པོ་བརྒྱ་བྱིན་དུ། །སྐྱེ་བ་བྱེ་བ་ཕྲག་དགུར་ནི། །ལྷ་ཡི་འཇིག་རྟེན་དག་ཏུ་གྱུར། །ས་སྟེང་འོངས་ནས་རྒྱལ་པོ་ནི། །དེ་ནི་སྐྱེ་བ་འདི་ལ་གྱུར། །གཞན་གྱིས་རྗེས་བསྒྲུབས་རྒྱལ་ཐབས་ནི། །རྗེས་སུ་སྤྱོད་པར་འགྱུར་བ་ཡིན། །དེ་ཡི་བུ་ཡང་རྒྱལ་པོ་ནི། །ཝ་རཱ་ཎ་སིར་རབ་ཏུ་གནས། །ཆགས་འོག་རྒྱལ་ཕྲན་གྱིས་བཅོམ་པའི། །རྒྱལ་ཐབས་རྣམ་འཇིགས་འབྱུང་བར་འགྱུར། །དེ་ཡི་རྒྱལ་སྲིད་དགྲ་དང་ནི། །བྲམ་ཟེས་ཕལ་ཆེར་གནོད་པར་འགྱུར། །བག་མེད་འདོད་པ་སྤྱོད་པ་དང ། །རྒྱལ་པོ་དེ་ནི་གདོན་གྱིས་འཛིན། །ཕྱི་མའི་ཡི་ནི་དུས་དག་ཏུ། །དེ་ནས་མཚོན་གྱིས་བརྒྱབ་ནས་འཆི། །མ་ག་དྷཱ་རྒྱལ་དེ་དག་ནི། །ཕན་ཚུན་དུ་ནི་གནོད་བྱེད་པས། །ཟླ་བ་ཞེས་བྱའི་རྒྱལ་པོ་འདས། །ཤར་གྱི་ཕྱོགས་ཀྱི་ཀུན་ནས་ཀྱང ། །གངྒཱའི་འགྲམ་གྱི་མཐར་ཐུག་པར། །ཝ་རཱ་ཎ་སི་དེ་ལས་གཞན། ། ཡི་གེ་པྲ་ཞེས་རྒྱལ་རིགས་ནི། །དེ་ཡི་ཚེ་ན་རྒྱལ་པོ་འབྱུང ། །གང་ཞིག་དམངས་རིགས་གྱུར་པ་ནི། །ཡི་གེ་ཧ་ཡིས་ཡོངས་སུ་མཆོད། །གྲོང་ཁྱེར་དགའ་བ་ཞེས་བྱ་
425b
བར། །གངྒཱའི་འགྲམ་ལ་ཡང་དག་རྟེན། །སྔོན་གྱི་ལས་ཀྱིས་ཡོངས་བསྐུལ་ནས། །རྒྱལ་རིགས་རྒྱལ་པོར་འབྱུང་བར་འགྱུར། །དེ་ཉིད་ལས་བྱས་བྱེད་དུ་བཅུག ། རྗེས་སུ་ཡང་ནི་ཡི་རང་བྱས། །དེ་ཚེ་དུས་ནི་འདས་པ་ན། །གསེར་ཐུབ་ཅེས་བྱའི་སྟོན་པ་བྱུང ། །ཝ་རཱ་ཎ་སིའི་གྲོང་ཁྱེར་དུ། །ནོར་ཆེན་ལྡན་པའི་ཚོང་དཔོན་ཡོད། །ཚོང་དཔོན་བུ་ནི་བྱིས་པ་དེ། །བྱིས་པ་དག་གིས་ཡང་དག་བསྐོར། །ས་རྡུལ་དག་ལ་རྩེ་བའི་ཕྱིར། །ལམ་ཆེན་དག་ཏུ་ཞུགས་པར་འགྱུར། །རང་ཁྱིམ་མཆོད་རྟེན་མཆོག་མཐོང་ལ། །ཕ་དང་མ་ནི་མཆོད་བྱེད་པ། །དེ་ཉིད་ཡིད་ལ་བཟུང་བྱས་ནས། །ས་རྡུལ་གྱི་ནི་མཆོད་རྟེན་བྱས། །དེ་ཚེ་མེ་ཏོག་དམན་མས་ནི། །མཆོད་པ་ཡང་ནི་བྱེད་པར་འགྱུར། །སངས་རྒྱས་དད་པའི་དྲན་པ་ཡིས། །སངས་རྒྱས་དེ་ལའང་བསྟོད་པ་བྱས། །བྱིས་པ་རྣམས་ཀྱིས་ཡོངས་བསྐོར་ནས། །དེར་ནི་བྱིས་པ་རྩེ་བར་གྱུར། །སྟོན་པ་གསེར་ཐུབ་རྒྱལ་བ་ཡིས། །ཉན་ཐོས་མཆོག་དེ་གཅིག་པུ་ཞིག་།སྐྱོན་བྲལ་བདག་ཉིད་གྲོལ་བ་དང ། །ཁམས་གསུམ་ལས་ནི་རྣམ་གྲོལ་བློ། །དེ་ཚེ་དང་པོ་སྐྱོན་བྲལ་བ། །བསོད་ནམས་ལ་ནི་རྒྱུ་བར་གྱུར། །ཝཱ་རཱ་ཎ་སི་ལེགས་མཛེས་པའི། །དེ་ཚེ་གྲོང་ཁྱེར་རབ་ཏུ་ཞུགས། །གང་དུ་ས་སྟེང་བྱིས་པ་ཡོད། །དེ་ཚེ་ཆགས་བྲལ་ཕྱོགས་དེར་ཕྱིན། །དེར་ནི་བྱིས་པ་
426a
༄#། །དེ་ཀུན་གྱིས། །ཀུན་ནས་ཡོངས་སུ་བསྐོར་བར་གྱུར། །འདིར་གཤེགས་དགེ་སློང་འདིར་སྤྱོན་ཅིང ། །སྟོན་པའི་མཆོད་རྟེན་ཕྱག་ཕྱོགས་མཛོད། །བདག་ཅག་གིས་ནི་འབད་བྱས་ན། །བཟང་པོ་འདི་ལ་མི་གཟིགས་སམ། །དེ་ནས་ཚོང་དཔོན་བུ་ཁྱེའུ། །རྩ་ཡི་ཐག་པ་བླངས་ནས་ནི། །རྡུ་འཕྲུལ་ཆེན་པོ་འདོད་ཆགས་བྲལ་བརྩེ་བའི་ཚུལ་གྱིས་དེ་བཅིངས་ཁྲིད། །རྫུ་འཕྲུལ་ཆེན་པོ་ཆགས་བྲལ་བས། །དེར་གནས་རྣམས་ལ་ཡང་དག་དགོངས། །ས་སྟེང་དག་ཏུ་གཟིགས་པ་ན། །དེ་དག་གིས་ནི་མཆོད་རྟེན་བྱས། །བྱིས་པའི་སྤྱི་བོར་ལག་བྱུགས་ནས། །བློ་ལྡན་དེ་ལ་འདི་སྐད་སྨྲས། །གང་དུ་ཁྱོད་ཀྱིས་མཆོད་རྟེན་བྱས། །ཐོངས་ཤིག་ཁྱེའུ་བདག་ཅག་འདེང ། གང་དུ་ས་སྟེང་མཆོད་རྟེན་ནི། །དེ་ཡང་ཐམས་ཅད་འོད་གྱུར་ནས། །དེ་ཚེ་བྱིས་པ་དང་ལྷན་ཅིག་།བདག་ཉིད་ཆེན་པོ་དེས་ཕྱག་བྱས། །བསོད་ནམས་དོན་དུ་ཅི་འདོད་པར། །དཔའ་བོ་དེས་ནི་ཕྱིར་ཡང་ཆས། །དེ་ནས་ཚོང་དཔོན་བྱིས་པ་ཡིས། །ཆོས་གོས་མཐའ་ནས་བཟུང་ནས་ནི། །དགེ་སློང་དེ་ནི་བཟུང་ཁྱེར་བ། །བཤོས་གསོལ་བྱ་བའི་ཆེད་དུའོ། །དེ་ནས་ཚོང་དཔོན་གཙོ་བོ་དེས། །བྱིས་པ་ཁྱེའུ་དེ་མཐོང་ནས། །རྫུ་འཕྲུལ་ཆེན་པོ་ཆགས་བྲལ་བའི། །ཆོས་གོས་མཐའ་ལ་འཛིན་བྱེད་ལ། །འཇིགས་ཤིང་
426b
བ་སྤུ་ལྡང་བ་དང ། །ང་ཡི་ཁྱིམ་དུ་མཆོག་ཀྱང་གཤེགས། །མྱུར་དུ་རྐང་གཉིས་ལ་བཏུད་དེ། །བྱིས་པ་ཡིས་ནི་འཛིན་པ་བཏང ། །བུ་དེ་ཡིས་ཀྱང་བཟུང་བྱས་ལ། །འབད་པ་ཡིས་ནི་བཟོད་གསོལ་བྱས། །སྐྱེ་བོའི་མཆོག་གྱུར་ཕན་འདོད་པ། །དེ་ཡི་ལྷུང་བཟེད་བླངས་ནས་ནི། །སཱ་ལུའི་ཚོད་མ་བཟའ་བ་ཡིས། །ལྷུང་བཟེད་དག་ནི་བཀང་བྱས་ནས།། བུ་ལ་བོས་ནས་སྨྲས་པ་ནི། །ཡང་དག་ལོང་ལ་འདི་ལ་བྱིན། །དེ་ནས་བྱིས་པ་ཤེས་ལྡན་པས། །འབད་པས་ལག་གཉིས་བཀྲུས་ནས་ནི། །ལྷུང་བཟེད་གང་བ་བླངས་ནས་སུ། །འདོད་ཆགས་བྲལ་བལ་ནི་ཕུལ། །ཕུལ་ནས་མྱུར་བ་ཉིད་དུ་ནི། །རྐང་པ་གཉིས་ལ་ཕྱག་ཀྱང་བྱས། །འདོད་ཆགས་བྲལ་བས་བླངས་ནས་ནི། །གཙུག་ལག་ཁང་སོང་ཟས་ལ་སྤྱད། །བདེ་བར་རེག་པའི་སེམས་ཀྱིས་ནི། །དེ་ཚེ་འདོད་ཆགས་བྲལ་བར་གྱུར། །དེ་ལས་བྱིས་པ་གཞན་ཞིག་ནི། །ཕྲག་དོག་སེམས་སུ་གྱུར་ནས་ནི། །མུ་སྟེགས་རྣམས་ལ་རབ་དད་ནས། །བསྟན་པ་ལ་ནི་དེ་མི་མཆོད། །ཁྲོ་བའི་སེམས་ནི་ཁོ་ན་ཡིས། །འདོད་ཆགས་བྲལ་ལ་ཉིན་ཞག་གཞན། །བཟའ་བ་བཅའ་བ་རྣམས་མང་པོ། །ཁྱེར་ནས་དེ་ལ་རབ་ཏུ་བྱིན། །ཁྱོད་ལ་བྱིན་པའི་བསོད་སྙོམས་ཀྱི། །དགེ་བ་ཅུང་ཟད་གང་ཡོད་པ། །ཚོང་དཔོན་བུ་ནི་དེ་བས་ཀྱང ། །ས་སྟེང་བདག་ནི་དམ་པར་ཤོག་།དེ་ནས་མུ་སྟེགས་
427a
༄#། །དེ་ཀུན་དང ། །དེ་ཚེ་བྲམ་ཟེའི་ཆུང་མ་རྣམས། །དེ་ནས་ཐམས་ཅད་འདུས་ནས་ནི། །ཐ་དད་པར་ནི་འཐབ་མོའང་བྱས། །བྱིས་པ་ཁྱེད་ཅག་ཡོང་མི་ཤེས། །ཅི་ཕྱིར་མོ་རེག་གམ་དུ་འགྲོ། །འདི་དག་བདག་ལའང་གནས་མེད་ན། །གཞན་དག་གང་དུ་མྱ་ངན་ཟློ། །བྱིས་པ་དེ་ཡི་སེམས་ཅན་ལ། །དེ་ལྟ་བུ་ཡི་ཞེ་སྡང་སྐྱེས། ། སྟོན་པས་ཉེ་བར་བསྔགས་པ་ཡི། །ཆོས་ཀྱི་ཟམ་པ་གྲགས་པ་དང ། །ས་སྟེང་ལྷ་ཁང་མཆོད་རྟེན་མཆོག་།མུ་སྟེགས་རྣམས་ཀྱི་ས་དེ་དག་བཤིག་།ཚོང་དཔོན་མཆོག་གི་བུ་དེ་ལ། །ཀུན་ནས་འཁྲུག་པའི་སེམས་ཀྱང་བྱས། །མགོ་རེག་འདི་ལ་བྱིན་པ་ཡི། །སྦྱིན་པའི་འགྲོ་བ་གང་དུ་འགྲོ། །ངན་འགྲོའི་འགྲོ་བས་ཟིན་སེམས་ལ། །རྣམ་པར་གནོད་པ་བདག་གིས་བྱ། །གཉིས་པ་བྱིས་པ་གང་ཡིན་ཏེ། །ཟླ་བ་ཞེས་བྱའི་རྒྱལ་པོ་ཡིན། །རྣམ་སྨིན་དེ་ཡིས་མི་འདོད་པ། །ཡུན་རིང་སྡུག་བསྔལ་རྗེས་སུ་མྱོང ། ། ཚོང་དཔོན་མཆོག་གི་བུ་དེ་ནི། །ལུས་ཞིག་ནས་ནི་བདེ་འགྲོར་སོང ། །དེ་དག་དེར་ནི་ལྷ་གནས་སུ། །ཡུན་རིང་བདེ་བ་རྗེས་སུ་མྱོང ། །དེ་ཚེ་དེ་ཚེ་དེ་དང་དེར། །ཤི་འཕོས་ལྷ་ཡི་འཇིག་རྟེན་གནས། །དེ་ཚེ་ཐ་མའི་སྐྱེ་བ་ལ། །ཐམས་ཅད་དུ་ནི་འཆིང་བ་གཅོད། །ཐ་མའི་སྐྱེ་བ་ཐོབ་པ་ན། །མིར་གྱུར་པ་ཡི་བདག་པོར་འགྱུར། །ལས་ཀྱིས་དེ་
427b
ཚེ་འཕོས་ན་ཡང ། །དེ་ཚེ་དེ་ཚེ་དེ་དང་དེར། །འཇིག་རྟེན་དག་ཏུ་སྐྱེས་གྱུར་པ། །ས་སྟེང་མི་ཡི་བདག་པོར་བྱེད། །གང་ཞིག་མེ་ཏོག་སྨན་མ་ནི། །བྱིས་པ་གཡོ་བ་དེས་ཕུལ་བ། །དེས་ན་ལོངས་སྤྱོད་ཉོན་མོངས་ཅན། །དེ་འདིའི་འབྲས་བུ་ཉོན་མོངས་ལྡན། །སྡུག་བསྔལ་ལོངས་སྤྱོད་ཐོབ་པ་ཡང ། །རྒྱལ་པོ་དེ་ཡི་བསྟན་པ་ཉམས། །མི་བརྟན་བྱིས་པའི་རང་བཞིན་དང ། །ཇི་ལྟ་དེ་ལྟར་གཡོ་སེམས་ཀྱིས། །ས་སྟེང་སྟོན་པའི་མཆོད་རྟེན་ལ། །མཆོད་པ་ཆེན་པོ་ཡོངས་སུ་བྱས། །རྣམ་པར་སྨིན་པའི་ལས་དེ་ཡིས། །བྱིས་པ་རྒྱལ་པོའི་དབང་ཕྱུག་བྱེད། །མེད་པར་རྒྱལ་པོ་བྱེད་པར་འགྱུར། །ཡོད་པ་རབ་ཏུ་འཇིག་པར་འགྲོ། །བྱང་དང་ནུབ་ཀྱི་བར་དག་ཏུ། །དེ་ནི་རྒྱལ་པོ་བྱེད་པར་འགྱུར། །བློ་གྲོས་གང་དེ་བཅིངས་པ་དང ། །བྱིས་པས་ཡང་ནི་རབ་དང་བ། །བྱིས་པས་བཅིངས་དང་གྲོལ་བ་ཡི། །རྣམ་སྨིན་ལས་ནི་དེ་ཡི་སུ། །སྐྱེ་བ་དག་ནི་ལྔ་བརྒྱར་ཡང ། །བྱིས་པ་བཅིངས་དང་གྲོལ་བར་འགྱུར། །ཐ་མའི་སྐྱེ་བ་དེ་ཡི་ཚེ། །ཐམས་ཅད་དུ་ནི་འཆིང་བ་བཅད། །ལོ་ནི་ལྔ་བཅུ་ལྔ་དག་གམ། །བདུན་ཅུ་རྩ་བདུན་དག་དུ་འགྱུར། །ཤར་ཕྱོགས་རྒྱ་མཚོའི་མཐར་ཐུག་པར། །ས་སྟེང་དེ་ནི་རྒྱལ་པོར་འགྱུར། །འབིགས་བྱེད་རི་ཡི་ནང་གནས་པ། །མཐའ་ཁོབ་ཀླ་ཀློའི་རྐུན་མ་རྣམས། །དེ་དག་ཀུན་ལ་དབང་སྒྱུར་བའི། །ཡི་གེར་མིང་རྒྱལ་
428a
༄#། །པོར་འགྱུར། །གངས་ཅན་རི་ཡི་ནང་གནས་པ། །བྱང་གི་ཕྱོགས་ལ་བརྟེན་པ་ཡི། །དེ་ཚེ་རྒྱལ་རིགས་རྒྱལ་པ་དེ། །ཡུལ་མི་ཀུན་ལ་སྤྱོད་པར་འགྱུར། །མི་ཤེས་བྱིས་པར་གྱུར་པ་ཡིས། །མཆོད་རྟེན་ས་རྡུལ་གྱིས་བྱས་པས། །འགྲན་ཟླ་མེད་ཅིང་གནོད་མེད་པར། །མ་ག་དྷཱ་ཡི་རྒྱལ་པོར་གྱུར། །ཤར་ཕྱོགས་རྒྱ་མཚོར་བརྟེན་ནས་ནི། །དེ་འདི་འབྲོག་གི་མཐར་ཐུག་པར། །བློ་ལྡན་ལོ་ཧི་ཏ་ལས་གཞན། །བྱང་དུ་དེ་བཞིན་ཁ་བ་ཅན། །ནུབ་ཏུ་ཀཱ་ཤི་ཉམས་དགའི་གྲོང་རྩེ་མོ་ཞེས་བྱའི་གྲོང་དེ་བཞིན། །འདི་ཡི་ནང་དུ་རྒྱལ་པོ་ནི། །སྟོན་པའི་བསྟན་པ་གསལ་བྱེད་པ། །དེ་ནི་སེངྒེ་ལྔ་ཞེས་བྱ། །ཕམ་ནས་རྒྱལ་པོས་གཞན་ཡང་ཕམ། ། སེངྒེ་ལས་སྐྱེས་ཐམས་ཅད་དེའང ། །དེ་ཚེ་རྩ་ནས་རྣམ་པར་བཤིག་།གངས་ཅན་ནང་དང་ཤར་ཕྱོགས་དང ། །རྒྱ་མཚོ་བཅུ་ཡི་འགྲམ་གནས་ནས། །དེ་ཚེ་རྒྱལ་རིགས་རྒྱལ་པོ་དེ། །ཡུལ་མི་དག་ནི་ཀུན་ལ་སྤྱོད། །ལྷ་ཆོགས་སེངྒེ་རྒྱལ་པོ་ནི། །གཡོན་ཅན་གཞན་ལ་བསྟེན་པ་དང ། །འབིགས་བྱེད་ནང་ན་གནས་པ་ལ། །དེས་ཀྱང་རང་གི་རྒྱལ་པོ་བྱས། །བགྲོད་དཀའ་ཞེས་བྱའི་ཡུལ་དབུས་སུ། །དུག་ཆེན་རྒྱལ་བས་རྣམ་རྒྱལ་བྱས། །བྱང་ཤར་ཀུན་ལ་གནས་པ་ཡི། །སེངྒེ་ཞེས་བྱ་དེ་བཞིན་
428b
གཞན། །ཟླ་བ་ཞེས་བྱའི་རྒྱལ་པོ་འདས། །དེ་ཚེ་གོ་ཌཱའི་སྐྱེ་བོའང་འཇིག་།དེ་ཚེ་རྒྱལ་རིགས་ས་ཡི་བདག་།འབྱུང་བར་འགྱུར་བར་ཐེ་ཚོམ་མེད། །རྒྱལ་པོ་མངོན་འཕེལ་སྐྱེ་ཞེས་བྱ། །དེ་ཡི་ལོངས་སྤྱོད་འཕེལ་བར་འགྱུར། །དེ་ཚེ་རྒན་པོར་གྱུར་པ་ན། །དེ་ཡང་གཡོ་བ་མེད་པར་སོང ། །ལོ་ནི་བརྒྱད་ཅུར་འཚོ་བ་སྟེ། །དེ་བཞིན་གཞན་ནི་བདུན་དང་བདུན། །དེ་ནས་འཁོགས་པས་ཟིལ་མནན་ནས། །དུས་བྱས་ལྷ་ཡི་གནས་སུ་སོང ། །ཡུན་རིང་ལྷ་ཡི་བདེ་བ་ནི། །དེ་ཚེ་རྒྱལ་པོས་རྗེས་སུ་མྱོང ། །སྔོན་ནི་ཀུན་ནས་ཉོན་མོངས་པས། །ལས་ཀྱིས་ཡང་ནི་ཤི་འཕོས་ཏེ། །རྫུ་འཕྲུལ་ཆེན་པོ་ཀླུ་ཡི་རྒྱལ། །བློ་ལྡན་དུད་འགྲོའི་ནང་དུ་གནས། །ཚོང་པ་སྔགས་ནི་གྲུབ་པ་སྟེ། །ཇི་ལྟར་འདོད་པའི་བློ་བྱེད་ཅིང ། །དེ་ཚེ་རིག་པའི་རྒྱལ་པོ་དང ། །དེ་ཚེ་བདེ་འགྲོ་དག་ཏུ་འགྱུར། །དེ་ཡི་ཚེན་འཁོར་ལོས་བསྒྱུར། །སྣ་ཚོགས་ཏོག་ཅེས་རྒྱལ་པོར་འགྱུར། །དེ་བཞིན་དུ་ནི་བློ་ལྡན་དེ། །དེ་ཚེ་རིག་འཛིན་ཆོས་ཀྱང་འཆད། །ལོ་ནི་བྱེ་བ་བརྒྱད་ཅུ་དང ། །དེ་ཚེ་དགུ་དང་བདུན་དུ་འགྱུར། །ལྷ་དང་མི་ཡི་བདེ་བ་ཡིས། །འཁོར་ལོས་བསྒྱུར་བར་འགྱུར་བ་ཡིན། །དེ་ཡི་འཁོར་དུ་བུ་མོ་ནི། ། བྱེ་བ་དྲུག་ཅུ་སྐྱེ་བར་འགྱུར། །དེ་ནས་དེ་ནི་ལུས་ཞིག་ནས། །ལྷ་མོ་སྒྲོལ་མ་མཉེས་བྱས་ཏེ། །ལྷ་རྣམས་བདག་པོར་སོང་ནས་ནི། །དེར་ནི་ཆོས་ཀྱང་སྟོན་པར་བྱེད། །རྒྱལ་པོ་དེ་ནི་
429a
༄#། །མཐར་གྱིས་སུ། །མྱུར་དུ་བྱང་ཆུབ་གཞོལ་བར་འགྱུར། །དེ་ཡང་ལོ་ནི་གསུམ་དག་ཏུ། །རྒྱལ་པོའི་དབང་ཕྱུག་བྱས་ནས་ནི། །ཡི་གེ་པ་ཡི་རྒྱལ་པོ་འདམ་དེ་ཚེ་དུས་ཀྱི་ཐ་མ་ལ། །ཕན་ཚུན་རྒྱུད་ནི་བྱས་ནས་སུ། །རྩོད་པ་ཆེན་པོ་ལ་ཡང་གནས། །དེ་ཡི་ནུ་བོ་ཡིག་པ་ཞེས། །བརྟུལ་ཞུགས་ཅན་དུ་རྣམ་པར་གནས། །ལོ་ནི་གསུམ་དང་གཅིག་དག་ཏུ། །རྒྱལ་སྲིད་ཡོངས་སུ་འཕེལ་བར་བྱས། །དེ་མ་ཐག་ཏུ་འཁྲུ་བས་བཏབ། །འདི་དག་གཉི་ག་འཆི་བར་གྱུར། །འཇིག་རྟེན་དུས་འདས་ཤི་ནས་ནི། །གནོད་སྦྱིན་དག་གི་ནང་དུ་སྐྱེས། །དེ་གཉིས་མཐར་གྱིས་ཆོས་ལྡན་པས། །རང་རྒྱལ་བྱང་ཆུབ་ཐོབ་པར་འགྱུར། །དེའི་ཡང་ནུ་བོ་ཡིག་པ་ཞེས། །རྒྱལ་རིགས་ཀྱི་ནི་ཆོས་ལ་དགའ། ། དེ་ཡང་རྒྱལ་པོ་ལོ་གསུམ་དུ། །མི་ཡི་བདག་པོ་བྱེད་པར་འགྱུར། །དེའི་ཡང་ནུ་བོ་རྒྱལ་པོ་ནི། །ཡི་གེ་ཛ་ཞེས་རྣམ་པར་བསྒྲགས། །དེ་ཡང་ཡུལ་ནི་འདི་དག་ཏུ། །ས་ཀུན་གྱི་ནི་བདག་པོར་འགྱུར། །རྟ་དང་ཤིང་རྟ་གླང་པོ་དམག་།ཀུན་ནས་གྲུ་དང་ཐེག་པ་ཡིས། །གཡུལ་དུ་ཉེ་བར་གནས་ནས་ནི། །དགྲ་ཡི་ཚོགས་ནི་ཀུན་ལས་རྒྱལ། །དེས་ནི་ཡུལ་འདི་མ་ལུས་དང ། །ས་རྣམས་ཐམས་ཅད་ཉིད་ལ་ནི། །སྟོན་པའི་གཟུགས་བརྙན་ལྷ་ཁང་དང ། །དེ་བཞིན་རྒྱལ་བའི་མཆོད་རྟེན་དང ། །ས་རྣམས་དག་ནི་ཐམས་
429b
ཅད་ལ། །ཐམས་ཅད་མཛེས་པར་བྱས་པར་འགྱུར། །དེ་ཚེ་སྔོན་གྱི་རྒྱལ་པོ་དེའི། །བྲན་ཟེ་དེ་བཞིན་ཤཱཀ་རིགས་སྐྱེས། །ང་རྒྱལ་ཤེས་རབ་ལྡན་ཞིང་རྣོ། །བྱང་ཆུབ་མཐར་བྱེད་ང་རྒྱལ་བློ། །དེ་ཚེ་དུས་ཀྱི་ཐ་མ་ལ། །འདི་ཉིད་འདི་ཡི་གྲོགས་ཉིད་འགྱུར། །རྒྱལ་པོ་ཆོས་ལ་དགའ་བ་ཡི། །རྒྱལ་རིགས་ཀྱི་ནི་མཆོག་ཏུ་གསུངས། །ལོ་ནི་ཉི་ཤུ་བདུན་དང་བརྒྱད། །དེ་ནི་དེ་ཚེ་འཚོ་བར་འགྱུར། །བུད་མེད་བྱས་པའི་སྐྱོན་ཉིད་ཀྱིས། །དུས་བྱས་ནས་ནི་ལྷ་གནས་འགྲོ། །བློ་ལྡན་དེ་ནི་མཐར་གྱིས་ཀྱང ། །བླ་མེད་བྱང་ཆུབ་ཐོབ་པར་འགྱུར། །དེ་ནས་གྲགས་པ་དཔལ་ཞེས་བྱ། །དེ་བཞིན་ས་ཡི་བདག་པོ་ནི། །ུ་ཌཱི་ཡན་རྒྱལ་པོ་ཆེ། །ཆོས་ལ་དགའ་བ་འབྱུང་བར་འགྱུར། །ུ་ཌཱྀ་ཡན་གྱི་གྲོང་མཆོག་ལ། །གྲོང་ཁྱེར་ཡི་གེ་པ་ཞེས་བྱ། །དེར་ནི་རྒྱལ་པོ་བྱེད་པ་སྟེ། །ཀུན་ནས་དགྲ་ལས་རྒྱལ་བ་འགྱུར། །དེར་ནི་དེ་ཚེ་བརྒྱད་དག་གི་།གཙུག་ལག་ཁང་ཡང་བྱེད་པར་འགྱུར། །བྲམ་ཟེའི་གཙོ་བོ་དེ་བཞིན་ལྡན། །ཤའྐྱའི་སྐྱེས་ཞེས་ཡང་དག་བརྟེན། །དེ་ཡི་གྲོགས་ལ་བརྟེན་ནས་ནི། །ཁོར་ཡུག་ཏུ་ནི་རྒྱལ་སྲིད་བྱས། །ལོ་ནི་བརྒྱད་ཅུ་གཅིག་བཅས་པར། །མི་ཡི་བདག་པོ་དེར་འཚོར་གྱུར། །ལས་བྱེད་སྐྱོན་གྱིས་ཆོས་བདག་ཉིད། །དུས་བྱས་ནས་ནི་ལྷ་གནས་འགྲོ། །ལྷ་རྣམས་ཀྱི་ནི་རྒྱལ་ཐབས་ཀྱང ། །དེ་བཞིན་མཐར་གྱིས་བྱེད་པར་འགྱུར། །དེ་
430a
༄#། །ནས་ལུས་དེ་ཞིག་ནས་ཀྱང ། །མཐོ་རིས་ལས་ཀྱང་མཐོ་རིས་འགྲོ། །དེ་ཡི་བྱང་ཆུབ་རྒྱུ་དག་ནི། །དགེ་བའི་ཆོས་ནི་ཡོངས་རྫོགས་བྱས། །དེ་ཡི་བྲན་ཉིད་རྒྱལ་པོ་སྟེ། །རྒྱལ་སྲིད་གནོད་མེད་བྱེད་པར་འགྱུར། །ཡི་གེའི་དང་པོ་ཡ་ཞེས་བྱ། །ས་ཡི་བདག་པོ་འབྱུང་བར་འགྱུར། །ལོ་ནི་བདུན་དང་གཅིག་དག་ཏུ། །དེ་ཡི་དུས་སུ་རྒྱལ་སྲིད་བྱེད། །དེ་གཅིག་བུད་མེད་རྣམས་ཀྱིས་ནི། །བརྡེགས་ནས་ཀྱང་ནི་ཤི་བར་འགྱུར། །ཡི་གེ་པ་རྒྱུད་ཡང་བྱུང་བ། །རྒྱལ་རིགས་རྒྱལ་པོར་འགྱུར་བ་ཡིན། །དེས་ནི་བྲན་ཚོགས་རྣམས་བསད་ནས། །རང་དབང་དུ་ནི་ཡོངས་སུ་གྱུར། །མི་དགེའི་བཤེས་གཉེན་ལ་བརྟེན་ནས། །རྣམ་མང་སྲོག་ནི་གཅོད་པ་ཡིན། །དཔའ་ཞིང་འབྱོར་ལ་རྨོངས་པར་ནི། །འཇིག་རྟེན་ཀུན་ལ་འབྱུང་བར་འགྱུར། །གཡོ་ཞིང་མྱུར་དུ་བྱེད་པན། །ཆང་དང་གཡོ་སྒྱུ་ཅན་ལ་དགའ། །ཆང་གིས་བག་མེད་རྣམ་རྨོངས་ནས། །དེས་ན་དེ་ནི་ས་ལ་ཉལ། །དགྲ་རྣམས་ཀྱིས་ནི་བརྩོན་བྱས་ནས། །མཚོན་ཆས་བསྣུན་ནས་དེ་གསོད་འགྱུར། །དེས་ནས་དེ་ནི་ལུས་ཞིག་ནས། །དུས་བྱས་ནས་ནི་འོག་ཏུ་འགྲོ། དེ་ཡི་སྤུན་ཟླ་གཉིས་པ་ནི། །མིང་ནི་ཡི་གེར་ཞེས་ཤེས། །ཉིན་ཞག་བཞི་བཅུ་རྩ་བརྒྱད་དུ། །དེ་ཚེས་ལ་རྒྱལ་སྲིད་བྱས། །བྲམ་ཟེ་རྣམས་ལ་ནོར་བྱིན་ནས། །ཐེ་ཚོམ་
430b
མེད་པར་དུས་བྱས་ཀྱང ། །དེ་ནས་གཞན་ཡང་ས་བདག་ནི། །དེ་ཆེ་རྒྱལ་པོ་བཟང་པོ་བྱུང ། །དེ་ཡང་དམངས་རིགས་སྐྱེས་ནས་ནི། །ཡན་ལག་མཚང་ངན་པ་ཉིད། །ཆོས་མིན་ཕལ་ཆེར་ཚུལ་ཁྲིམས་འཆལ། །འཐབ་པ་ལ་ཡང་རྟག་ཏུ་དད། །བྲམ་ཟེའི་ཚོགས་དང་རྒྱལ་ཕྲན་དང ། །སྡོམ་བརྩོན་དེ་བཞིན་རང་བྱུང་བ། །ཀུན་ལ་ཡང་ནི་གནོད་བྱེད་ཅིང ། ། རྟག་ཏུ་ཚར་གཅོད་དག་ལའང་དགའ། །དྲག་པོས་འདུལ་བར་བྱེད་པ་དང ། །དེ་བཞིན་རྐུན་མ་རྣམས་ཀྱང་གསོད། །མ་རུངས་ཐམས་ཅད་གནོད་བྱེད་ཅིང ། །ཡ་མཚན་ཅན་གྱི་བརྟུལ་ཞུགས་སྟོན། །རྣམ་པར་གྲོལ་བའང་སྤྱིན་མི་བྱེད། །དེ་ཆེ་རྒྱལ་སྲིད་བྱེད་པར་འགྱུར། །ལོ་ནི་བཅུ་དང་བདུན་གྱི་བར། །དེར་ནི་ས་བདག་འཚོ་བར་འགྱུར། །མཛེ་ཡི་ནད་ཀྱིས་སྡུག་བསྔལ་ནས། །དེ་ནས་དུས་བྱས་དུད་འགྲོར་འགྲོ་།དུད་འགྲོ་དག་ལས་ཀླུ་རྒྱལ་དུ། །གདེངས་ཀ་ཆེ་ལྡན་མགྱོགས་པར་འགྲོ། །མཆོག་ཏུ་འཇིགས་རུང་ལུས་ལྡན་ཞིང ། །དེ་ཚེ་སྒྲ་ནི་དྲག་པར་སྒྲོགས། །དེ་ལ་ལོར་ནི་མི་འདོད་པ། །ཡུན་རིང་སྡུག་བསྔལ་རྗེས་སུ་མྱོང ། །ས་སྲུང་འཇིག་རྟེན་འཕེལ་བྱེད་པ། །འཇིག་རྟེན་ཀུན་གྱིས་ཤེས་པ་སྟེ། །ལུས་ཅན་ཤར་ཕྱོགས་གནས་པ་ཡིན། །རྒྱལ་པོ་ཡི་གེ་པ་ཞེས་པའི། །རྒྱུད་རྣམས་ཀུན་ཏུ་སྐྱེས་པ་གཞན། །རྒྱལ་རིགས་དཔའ་བོ་རྣམ་པར་གནོན། །དེ་བཞིན་རྒྱ་
431a
༄#། །མཚོ་གསུམ་གྱི་བདག་།སྡེ་ཆེ་སྟོབས་ནི་ཆེ་བ་དག་།ཤར་གྱི་ཕྱོགས་སུ་འབྱུང་བར་འགྱུར། །སྟོན་པའི་མཆོད་རྟེན་བཟང་པོ་དང ། །གཙུག་ལག་ཁང་དང་འདུག་གནས་ཁྱིམ། །རྣམ་པ་སྣ་ཚོགས་སྐྱེད་མོས་ཚལ། །རྫིང་དང་ཁྲོན་པ་བཀང་སས་བསྐོར། །དེ་བཞིན་རྟག་ཏུ་བསོད་ནམས་ཁང ། །ས་ནི་མཛེས་པར་བྱེད་པར་འགྱུར། །དེ་ནི་ཐུབ་མཆོག་དམ་པ་དག་།ཐེག་པ་བླ་ན་མེད་ལ་བརྟེན། །ཤཱཀྱའི་རབ་བྱུང་དེ་ཉིད་ནི། །རྟག་ཏུ་དེ་ནི་རབ་གནས་བྱེད། །མི་ཁོམ་རྣམས་ནི་སྤོང་བྱེད་ཅིང ། །དལ་བ་ཉིད་ཀྱང་ལེགས་པར་ཐོབ། །ཡི་གེ་ཀ་ཞེས་རྣམ་པར་བསྒྲགས། །འཇིག་མེད་དྲན་དང་ལྡན་པ་ཉིད། །ལོ་ནི་ཉི་ཤུ་གཅིག་པར་དུ། །ས་སྐྱོང་རྒྱལ་སྲིད་བྱས་པར་གྱུར། །དེ་ནས་གསུད་ནད་ཀྱིས་བཏབ་སྟེ། །དུས་བྱས་ནས་ནི་ལྷ་གནས་འགྲོ། །བློ་ལྡན་དེ་ནི་མཐར་གྱིས་སུ། །མྱུར་དུ་བྱང་ཆུབ་གཞོལ་བར་འགྱུར། །དེ་ཡི་ལྷག་མའི་རྒྱུད་ལས་ཀྱང ། ། གཞན་ལ་རབ་གནས་འཚོ་བྱེད་པ། །དེ་ཡི་འོག་ཏུ་ས་སྐྱོང་བ། །ས་སྲུང་འཚོ་བ་གནས་པ་ཡིན། །བྲམ་ཟེ་བཀྲེན་པའི་སྐྱེ་བོ་ནི། །ཐེ་ཚོམ་མེད་པར་འབྱུང་བར་འགྱུར། །དེ་ཡི་དུས་སུ་ཆོས་མིན་ལྡན། །སྟོན་པའི་བསྟན་པ་ངེས་པར་ཉམས། །སྔགས་ཀྱི་བསྟན་པས་སེམས་ཅན་རྣམས། །དགེ་བའི་དོན་དུ་ངེས་པར་སྦྱོར། །གང་ཞིག་གཞོན་ནུས་
431b
བསྟན་པ་ཡི། །སྔགས་ནི་ལོངས་སྤྱོད་འཕེལ་བྱེད་པ། །རྒྱལ་པོའི་དབང་ཕྱུག་དོན་དུ་ནི། །དེ་ཚེ་དེ་ཡི་ཡུལ་ཕྱོགས་སུའང ། །གྲུབ་པ་མཆོག་ནི་བསྒྲུབ་བྱ་མིན། །ཆོས་ཀྱི་འཁོར་ལོ་ཉམས་དགའ་དང ། །དེ་བཞིན་འོད་མའི་ཚལ་ཆེན་དང ། །གང་དུ་བཅོམ་ལྡན་དེ་ཞི་པར། །ཕུང་པོ་མེད་པར་རབ་ཞུགས་པ། །སྔགས་གཉིས་འདི་དག་བསྒྲུབ་བྱ་བ།། ལྷ་མོ་སྒྲོལ་མ་ཁྲོ་གཉེར་ཅན། །རྟག་ཏུ་རྒྱ་མཚོའི་འགྲམ་དང་ནི། །སྙིང་པོ་མེད་པའི་འབབ་ཆུ་མཆོག་།གངྒཱའི་འགྲམ་ནི་ཐམས་ཅད་དུ། །པདྨ་འབྱུང་བ་བསྒྲུབ་པར་བྱ། །ས་བཅུ་ཐོབ་པའི་བདག་པོ་ནི། །གང་ཡང་བྱང་ཆུབ་སེམས་དེ་ཡང ། །སེམས་ཅན་རྣམས་ནི་འདུལ་བྱེད་པ། །ཟླ་བ་ཞེས་ནི་རྣམ་པར་བསྒྲགས། །རིག་པའི་རྒྱལ་མོ་རྫུ་འཕྲུལ་ཆེ། །དེ་ནི་སྒྲོལ་མ་ཞེས་ཀྱང་བསྟན། །བུད་མེད་གཟུགས་འཆང་ལྷ་མོ་ནི། །འགྲོ་བ་ཀུན་ཏུ་རྣམ་པར་རྒྱུ། །སྙིང་རྗེས་བརླན་པའི་སེམས་ཀྱིས་ནི། །སེམས་ཅན་རྣམས་ལ་ཕན་དོན་དུ།། མི་མཇེད་འཇིག་རྟེན་ཁམས་གནས་མ། །བུད་མེད་མིང་གིས་འཇུག་པར་བྱེད། །ས་བཅུ་ལ་ནི་རབ་གནས་ཐོབ། །བྱང་ཆུབ་སེམས་དཔའ་རྫུ་འཕྲུལ་ཆེ། །སེམས་ཅན་རྣམས་ནི་འདུལ་བྱེད་པ། །ལྷ་མོ་སྒྲོལ་མ་ཞེས་སུ་བསྟན། །འདི་ནི་འབད་མེད་གྲུབ་པ་སྟེ། །སྲུང་དང་སྐྱོབ་དང་སྦེད་པར་བྱེད། །ལོངས་སྤྱོད་དབང་ཕྱུག་འཕེལ་བྱེད་པས། །
432a
༄#། །འདི་ནི་ལྷ་མོ་བསྒྲུབ་པར་བྱ། །བྱང་ཆུབ་ཚོགས་ཀྱི་ཆེད་དུ་ནི། །བསྐྱེད་པ་ཉིད་ནི་བརྩམ་པར་བྱ། །སྙིང་རྗེས་བརླན་པས་ལུས་ཅན་ལ། །དེ་ཚེ་ལྷ་མོ་རྗེས་འབྲང་བ། །སྔགས་ཀྱི་གཟུགས་ཀྱིས་སེམས་ཅན་ལ། །བྱང་ཆུབ་ཚོགས་ནི་བྱ་ཕྱིར་རོ། །རེ་བ་ཐམས་ཅད་དགའ་རྒྱས་ཕྱིར། །ཤར་གྱི་ཕྱོགས་སུ་གནས་པ་ཡིན། །བདག་ཉིད་རྣམ་པ་སྟོང་དང་ནི། །རྣམ་པ་མང་པོ་བྱས་ནས་ཀྱང ། །རྒྱ་མཚོ་བཞི་ཡི་མཐར་ཐུག་པར། །ས་རྣམས་ཀུན་ཏུ་རྣམ་པར་རྒྱུ། །དེ་ནས་ཤར་གྱི་ཕྱོགས་སུའམ། །ཡང་ན་བཱ་རཱ་ཎ་སཱིར་འགྲུབ། །ལྷ་མོ་ད་ཡི་ཞིང་དུ་ནི། །ཤར་གྱི་ཕྱོགས་སུ་རབ་ཏུ་བསྟན། །འོད་ཆེན་པོ་ནི་ཛམྦྷ་ལ། །གནོད་སྦྱིན་རྒྱལ་པོ་ཡང་དག་འགྲུབ། །དེ་ཚེ་ལོངས་སྤྱོད་མ་ལུས་འདོད། །དེ་ཆེ་དུས་ཀྱི་ཐ་མ་ལ། །ལྷ་མོ་སྒྲོལ་མ་གནོད་སྦྱིན་རྒྱལ། །དེ་ནོར་རྒྱས་པ་འདོད་པས་སྒྲུབ། །དེ་ཚེ་ཁྲོ་བོའི་སྔགས་དག་ནི། །ལྷོ་ཕྱོགས་དག་ཏུ་བསྒྲུབ་པར་བྱ། །ཀླ་ཀློ་རྐུན་མའི་གླིང་དང་ནི། །དེ་བཞིན་རྒྱ་མཚོའི་ནང་དུ་ནི། །སྟོབས་ཆེན་སྒྲོལ་མ་གནོད་སྦྱིན་རྒྱལ། །དེ་བཞིན་དུ་ཡང་འགྲུབ་པར་འགྱུར། །ཧ་རི་ཀེ་ལ་ཀད་རི་ཙ། །ཀཱ་མ་རུ་པ་གཱ་དཱ་ཧའི། །ཕོ་ཉ་མོ་ཚོགས་རྣམ་མང་དང ། །གནོད་སྦྱིན་རྫུ་འཕྲུལ་ཆེན་མོ་འགྲུབ། །འཇམ་པའི་དབྱངས་ཀྱིས་གང་གསུང་སྔགས། །ལོངས་སྤྱོད་ཀྱི་ནི་རྒྱུར་འགྱུར་
432b
བ། །དེ་བཞིན་ཡུལ་དེར་གྲུབ་པ་སྟེ། །གཞན་ཡུལ་དེ་བཞིན་མ་ཡིན་ནོ། །ཤར་ཕྱོགས་དང་ནི་ཕྱོགས་མཚམས་སུ། །རྣམ་པ་སྣ་ཚོགས་སྔགས་ཀྱི་རྒྱུར། །དེ་ཡི་དུས་སུ་བསྟན་པ་ནི། །ལུས་ཅན་རྣམས་ཀྱིས་བསྒྲུབ་པར་བྱ། །དབུས་ཀྱི་ཡུལ་དུ་དེ་བཞིན་སྔགས། །དེ་བཞིན་ས་སྲུང་མང་པོ་ནི། །རྒྱ་ཆེ་ཐམས་ཅད་ཉམས་ཆུང་བའི། །བློ་ཆུང་རྣམས་ཀྱིས་རྟོགས་པར་བྱེད། །རྒྱལ་པོའི་གཙོ་བོ་མདོར་བསྡུས་ནས། །མིང་ནི་འདི་དག་ངེས་པར་བརྗོད། །དང་པོའི་ཡི་གེ་ཤ་དང་ན། །དང་པོའི་ཡི་གེ་པར་ཡང་བསྟན། །དང་པོར་ཡི་གེ་བ་དང་ཨེ། །དང་པོའི་ཡི་གེ་ཨར་ཡང་བསྟན། །དང་པོའི་ཡི་གེ་ཧར་བསྟན་ཏེ། །དང་པོའི་ཡི་གེ་བར་ཡང་བསྒྲགས། །དང་པོའི་ཡི་གེ་ཛ་དང་ཝ། །དང་ཡིག་དྷ་ནི་ཟླ་བའི་རིགས། །ཡི་གེ་ཧ་ཉིད་རྣམ་བསྒྲགས་དང ། །དེ་བཞིན་ཡང་ནི་དང་པོའི་ཨ། །དང་པོའི་ཡི་གེ་ས་ལ་ཡང ། །བུད་མེད་རིགས་མིན་འཇིག་རྟེན་སྡང ། །དང་པོའི་ཡི་གེ་ཨ་དང་མ། །འཇིག་རྟེན་རྣམས་ལ་མཐུ་དང་ལྡན། །རིམ་གྱིས་རིམ་གྱིས་རིགས་དག་ནི། །བྲམ་ཟེ་རྗེའུ་རིགས་དག་ཏུ་འཇུག་།ཕལ་ཆེར་ཆོས་མིན་ལས་བྱེད་ཅིང ། །རྣམ་སྡང་བུད་མེད་ལ་བརྐམ་ཆགས། །ས་སྲུང་སྐྱོན་ནི་རབ་མང་པར། །དེ་ཚེ་དུས་ཀྱི་ཐ་མ་ལ། །ཡུལ་གྱི་དབུས་སུ་མི་ཡི་བདག་།འབྱུང་བར་འགྱུར་བར་ཐེ་ཚོམ་མེད། །དུས་ཀྱི་ཐ་མར་
433a
༄#། །འདི་དག་ཚེ། །ལོ་ནི་བརྒྱ་དང་ཉི་ཤུ་ཉིད། །དེ་ཡི་ཚེ་ན་མི་རྣམས་ཀྱི། །ཚེ་ནི་རིང་བར་རབ་ཏུ་བསྟན། །དེ་དག་བར་མ་བཟང་པོ་ལས། །ཁྱད་པར་རིང་དང་ཐུང་བ་ཡིན། །རྒྱལ་པོ་རྣམས་ནི་ཚེ་ཐུང་བར། །དེ་ཚེ་དུས་སུ་བསྟན་པ་ནི། །གངྒཱའི་འགྲམ་གྱི་དོགས་དང་ནི། །གངས་ཅན་གྱི་ནི་རི་ཞོལ་དང ། །དེ་ཚེ་ཀཱ་མ་རུ་ཡུལ་དུ། །དེ་འདྲའི་རྒྱལ་པོ་འབྱུང་བར་འགྱུར། །དང་པོ་བར་མ་ཐ་མ་ཡི། །རིགས་ཀྱི་ལྷག་མ་བརྗོད་བྱ་སྟེ། །དང་པོའི་གཙོ་བོ་ཆེན་པོ་ནི། །རྣ་ཅན་རྒྱལ་པོར་རབ་ཏུ་བསྒྲགས། །ཐ་མ་ཨང་གའི་བདག་པོ་དང ། །དེར་ནི་འབྱོར་བཟང་འབྱོར་པ་དང ། །ལེགས་བྱིན་སྲིད་པ་བྱིན་པ་ནི། །ཀཱ་མ་རུ་པའི་ཡུལ་དུ་བྱུང ། །ཐ་མར་ལེགས་འབྱོར་གཞོན་ནུ་དང ། །ཡི་གེ་བ་དང་ཐ་གཉིས་ནི། །ཡངས་པ་ཅན་དུ་ཡང་དག་བྱུང ། །གང་དུ་ཐུབ་པ་དེ་སྐྱེས་པ། །སེར་སྐྱ་ཞེས་བྱའི་གྲོང་མཆོག་ཏུ། །ཐ་མར་ཟས་གཙང་ཤཱཀ་རིགས་ཀྱི། །ཉི་མ་བུ་རམ་རིགས་སྐྱེས་པ། །ཐ་མར་ཟས་གཙང་རྣམ་བསྒྲགས་པ། །ཤཱཀྱ་ཤཱཀྱའི་རྣམས་འཕེལ་བྱེད། །སེམས་ཅན་བརྩོན་འགྲུས་ཆུང་བར་ནི། །འཇིག་རྟེན་སྐྱེས་མཆོག་བསྟན་པ་ཡིན། །གང་ཞིག་རྒྱལ་བས་གསུང་སྔགས་དང ། །དེ་བཞིན་བྲན་པོའི་ཚོགས་ཀུན་དང ། །ཕོ་ཉའི་ཚོགས་ཀུན་དུ་མ་དང ། །རྡོ་རྗེ་པདྨའི་རིགས་དག་ཀྱང ། །རྒྱུད་རྣམས་
433b
ཀུན་གྱི་དོན་རིག་པས། །བསྒྲུབས་ན་གྲུབ་པར་འགྱུར་བ་ཡིན། །འཇིག་རྟེན་ཀུན་གྱི་སྔགས་དག་ནི། །ཡུལ་གྱི་དབུས་དེར་གྲུབ་པར་འགྱུར། །དབུས་ཡུལ་གནས་པར་ཁྱད་པར་དུ། །རྒྱལ་བས་གསུངས་པར་བསྒྲུབ་པར་བྱ། །རྣམ་པ་སྣ་ཚོགས་རྟགས་དང་ནི། །རྣམ་པ་སྣ་ཚོགས་རྒྱུད་དག་དང ། །རྣམ་པ་སྣ་ཚོགས་སྦྱོར་བར་ལྡན། །ལུས་ཅན་རྣམ་པ་སྣ་ཚོགས་འགྲུབ། །དབུས་ཀྱི་ཡུལ་དུ་དེ་བཞིན་སྔགས། །ལོངས་སྤྱོད་འཕེལ་བ་བསྒྲུབ་པར་བྱ། །དེ་བཞིན་ལུས་ཅན་བསྲུང་དོན་དང ། ། སྐྱོབ་དང་དབང་དང་དགུག་པ་འགྲུབ། །དབུས་ཀྱི་ཡུལ་དུ་མི་ཡི་བདག་།འདས་དང་མ་འོངས་རབ་ཏུ་གསུངས། །རྣམ་པ་སྣ་ཚོགས་རྟགས་དང་ནི། །རྣམ་པ་སྣ་ཚོགས་ཚེ་དང་རིགས། །རྒྱལ་པོ་ཐམས་ཅད་གསུངས་པ་ནི། །མཆོག་དང་ཐ་མ་བར་མ་ཡིན། །དེ་བཞིན་རྣམ་གསུམ་གྲུབ་པ་སྟེ། །དུས་ཀྱང་གསུམ་དུ་སྦྱར་བར་བྱ། །དེ་བཞིན་སྔགས་ཀྱང་རྣམ་གསུམ་དུ། །དེ་བཞིན་ཐུབ་པ་མཆོག་གིས་གསུངས། །རྒྱལ་པོ་མཐའ་ཡས་གསུངས་པ་ནི། །དབུས་ཀྱི་ཡུལ་དང་ནུབ་ཕྱོགས་དང ། །བྱང་ཕྱོགས་དང་ནི་ཤར་ཕྱོགས་དང ། །དེ་བཞིན་ཕྱོགས་མཚམས་ཐམས་ཅད་དང ། །རྣམ་པ་བཞི་རུ་མཚོན་པ་ཡི། །གླིང་དག་དེ་བཞིན་ཀུན་ཏུ་ཡང ། །ས་བདག་མཐའ་ཡས་རབ་གསུངས་
434a
༄#། །པ། །མཐའ་ཡས་སྔགས་ནི་སྒྲུབ་པ་དང ། །མཐའ་ཡས་ཡུལ་ལ་གནས་པ་དག་།མཐའ་ཡས་སྔགས་ནི་ཡོངས་སུ་གྲུབ། །ཐུབ་པའི་བསྟན་པ་ནུབ་པ་ན། །ཚར་གཅད་རྗེས་སུ་གཟུང་བར་བྱེད། །དུས་སུ་རྒྱལ་པོ་དག་ལ་སྔགས། །འཇམ་དཔལ་གྱིས་ནི་གསུངས་པ་ཡིན། །རྫུ་འཕྲུལ་རྩེ་དང་རྣམ་འཕྲུལ་དང ། །འདིར་ནི་དུས་ཀྱི་སྤྱོད་པའང་བསྟན། །སྔགས་ཀྱི་བདག་ཉིད་སེམས་ཅན་གྱི། །འགྲོ་བ་སྐྱེ་གནས་རྒྱལ་པོའི་མིང ། །སྔགས་ནི་སྒྲུབ་པར་འདོད་རྣམས་ལ། །ཡུལ་དང་དུས་ནི་ཡང་དག་བསྟན། །བསྟན་པ་ནུབ་པའི་འོག་ཏུ་ནི། །ཞར་ལ་རྒྱལ་པོ་རྣམས་ཀྱིས་བསྟན། །ཡོན་ཏན་བདག་ཉིད་ཆེ་སྔགས་རྣམས། ། ཐ་མར་འབྲས་བུ་རྟོགས་པར་བྱས། །རྒྱལ་པོ་གཞན་ནི་ཐེག་པ་དང ། །སྔོན་ནི་འགལ་བ་མེད་པར་བསྟན། །དུས་ཀྱི་ཐ་མ་དེ་དུས་སུ། །རབ་ཏུ་གནས་པར་ཐེ་ཚོམ་མེད། །དེ་དག་ཕྱོགས་ལ་གནས་པར་ནི། །རྒྱལ་པོ་ཐམས་ཅད་གསུངས་པ་ཡིན། །དེ་བཞིན་ཤཱཀྱའི་གསུང་རབ་ལ། །ངེས་པར་རབ་བྱུང་གནས་ནས་ནི། །འཇིག་རྟེན་མིག་གཅིག་གྱུར་པ་ཡི། །ཐུབ་པ་མཆོག་ནི་མེད་པ་ན། །རྟག་ཏུ་སྔགས་སྨྲ་ལ་དད་པས། །བསྟན་པའི་དོན་ནི་བྱེད་པར་འགྱུར། །དེ་དག་གཞོན་ནུ་བཤད་པར་བྱ། །རྩེ་
434b
གཅིག་ཡིད་ཀྱིས་མཉན་པར་གྱིས། །སྟོན་པའི་གསུང་རབས་སྟེང་དུ། །དུས་མཐར་འཇིག་རྟེན་ཉམས་པ་ན། །སྡོམ་བརྩོན་རྒྱལ་པོའི་ཚུལ་གྱིས་ནི། །འབྱུང་བར་འགྱུར་བར་ཐེང་ཚོམ་མེད། །དཔེར་ན་མ་ཁོལ་ཞེས་བྱ་དང ། །མེ་ཏོག་ཅེས་བྱར་རྣམ་པར་གྲགས། །ཡི་གེ་མ་ཞེས་གཞོན་ནུ་ཞེས། །དང་པོ་ཐ་མར་ཆོས་ལ་དགའ། །ཀླུས་བོས་ཞེས་ཀྱང་རྣམ་པར་གྲགས། །རིན་ཆེན་འབྱུང་ཞེས་བྱ་མིང་དང ། །ཡི་གེ་ག་ཞེས་གཞོན་ནུ་ཞེས། །ཡི་གེ་བ་ཞེས་ཆོས་སེམས་བྱེད། །ཡི་གེ་ཨ་མིང་བདག་ཉིད་ཆེ། །སྟོན་པའི་བསྟན་པ་གཅེས་འཛིན་བྱེད། །བློ་ལྡན་ཡོན་ཏན་ཀུན་གྱིས་བཀུར། །དང་པོའི་ཡི་གེ་ལ་ཞེས་བསྟན། །རྒྱལ་པོ་སངས་རྒྱས་པ་ཡི་ཕྱོགས། །སྟོན་པའི་བསྟན་པ་གསལ་བར་བྱེད། ། སྡོམ་བརྩོན་ཡི་གེ་ཨ་ཞེས་བསྒྲགས། །བྲམ་ཟེ་ལས་ནི་རབ་ཏུ་བྱུང ། །གྲོང་ཁྱེར་གནས་བཅས་གནས་པ་སྟེ། །དེ་བཞིན་ཚེ་ནི་བརྒྱད་ཅུར་འཚོ། །དང་ཡིག་ཡི་གེ་ཨ་དགེ་སློང ། །ལྷོ་ཡི་ཕྱོགས་སུ་འབྱུང་བར་འགྱུར། །བློ་ལྡན་ཚེ་ནི་དྲུག་ཅུར་འཚོ། །ཀ་ཤི་ཞེས་བྱའི་གྲོང་དུ་གནས། །ཡི་གེ་དྷ་ཞེས་སྡོམ་བརྩོན་ཉིད། །ལྷོ་ཡི་ཕྱོགས་སུ་རྣམ་པར་བསྒྲགས། །ཕ་རོལ་རྒོལ་བ་བཟློག་ནས་ཀྱང ། །དེ་བཞིན་སྡོམ་བརྩོན་སྔགས་ཀྱང་གྲུབ། །གཞན་ཡང་རང་བྱུང་དམ་པ་ནི། །སིངྒ་ལ་ཡི་གྲོང་ན་གནས། །འཕགས་པ་མིན་
435a
༄#། །ལ་འཕགས་པའི་མིང ། །སིངྒ་ལ་ཡི་གླིང་ན་གནས། །ཕ་རོལ་རྒོལ་བ་བཟློག་ནས་ནི། །མུ་སྟེགས་རྣམས་ཀྱི་སྔགས་སུན་ཕྱུང ། །དེ་དུས་འཇིགས་སུ་རུང་བ་ཡི། །དུས་ཀྱི་མཐའ་ལ་འབྱུང་བར་འགྱུར། །ཡི་གེ་ང་དང་ལ་དང་པོར། །སྡོམ་བརྩོན་གང་ཞིག་རབ་གསུངས་དང ། །ཡི་གེ་ར་དང་བ་དང་པོར། །དགེ་སློང་གང་ཞིག་རབ་བྱུང་གསུངས། །སྟོན་པའི་བསྟན་པ་གསལ་བྱེད་པ། །འབྱུང་བར་འགྱུར་བར་ཐེ་ཚོམ་མེད། །རྒྱལ་པོ་ནག་པོ་ཞེས་བྱ་བར། །ཡི་གེ་མ་ཞེས་སྡོམ་བརྩོན་འབྱུང ། །མཆོད་རྟེན་ཀུན་དགའ་རབ་གནས། །རྫིང་དང་ཁྲོན་པའང་ཐམས་ཅད་དུ། །སྟོན་པའི་གཟུགས་བརྙན་དེ་བཞིན་རྟགས། །གཟིངས་དང་ཟམ་པ་ཉིད་རྣམས་ནི།། བྱེད་པར་འགྱུར་བར་ཐེ་ཚོམ་མེད། །མཚོན་གྱིས་ལུས་ཞིག་མཐོ་རིས་འགྲོ། །དེ་ནས་ཡི་གེ་ས་དང་ཀ་།དང་པོ་དག་ཏུ་བརྗོད་པ་དང ། །དེ་བཞིན་ཡི་གེ་ར་དང་གྷ། །དང་པོ་དག་ཏུ་རབ་བརྗོད་དང ། །དང་པོར་ཡི་གེ་བ་དང་ནི། །ལེགས་བཞིན་ལེགས་ཏེ་སྡེ་ཞེས་བསྟན། །སྦྱིན་བྱེད་སྦྱིན་པར་བྱེད་པ་ཉིད། །གཞན་གྱི་གྲུབ་མཐའ་སུན་བྱེད་པ། །ཚོང་པ་སྔོན་དང་སྨན་པ་སྔོན། །གཉི་ག་སྦྱིན་བྱེད་སྣ་ཚོགས་བྱེད། །ཡི་གེ་བ་ཞེས་སྡོམ་བརྩོན་བསྒྲགས། །དེ་ལས་གཞན་པ་དང་ཡི་གེར། །དང་པོ་ཡི་གེ་བ་
435b
གྲགས་དང ། །སྟོན་པའི་གཟུགས་བརྙན་དོན་ཡང་བྱེད། །བློ་ལྡན་དང་པོར་ཡི་གེ་མ། །དེ་བཞིན་སྡོམ་བརྩོན་དད་པ་འབྱུང ། །རྣམ་པ་དུ་མ་སྡོམ་བརྩོན་གསུངས། །དེ་ཚེ་མཐའ་ཡས་འབྱུང་བར་འགྱུར། །སྡོམ་བརྩོན་ཐམས་ཅད་བསྒྲགས་པ་ཡང ། །སྟོན་པའི་བསྟན་པ་གསལ་བྱེད་པའོ། །བསྟན་པ་དེ་ཚེ་ས་སྟེང་དུ། །རྣམ་པར་ཉམས་ཤིང་སྣང་མེད་ལ། །སྟོན་པའི་གཟུགས་བརྙན་ཡིད་དུ་འོང ། །ཕྱེད་པར་འགྱུར་བར་ཐེ་ཚོམ་མེད། །ཐམས་ཅད་བྱང་ཆུབ་ལུང་བསྟན་ཏེ། །དེ་ཡིས་བྱང་ཆུབ་མཆོག་ཐོབ་འགྱུར། །དེ་བཞིན་འཇིག་རྟེན་སྦྱིན་གནས་འགྱུར། །སྲིད་པ་གསུམ་གྱི་མཐར་ཡང་བྱེད། །སྔགས་དང་རྒྱུད་ལ་མངོན་བརྩོན་པས། །གྲགས་པ་འཛིན་པར་ཤེས་པར་བྱ། །བྲམ་ཟེ་ཆོས་ཀྱི་ངང་ཚུལ་ཅན། །དེ་ནི་རབ་ཏུ་བརྗོད་པར་བྱ། །སྔགས་དང་རྒྱུད་ལ་མངོན་བརྩོན་པས། །རྒྱལ་པོའི་ལུགས་ལ་ཉེ་བར་གནས། །དེ་ཚེ་མི་བཟད་དུས་དག་ཏུ། །འཇིག་རྟེན་ཀུན་ལ་འབྱུང་བར་འགྱུར། །ཡི་གེ་བ་ཞེས་བྲམ་ཟེ་མཆོག་།ཕྱུག་ཅིང་རིག་བྱེད་ཕ་རོལ་ཕྱིན། །དེ་འདིར་ས་རྣམས་མ་ལུས་པར། །རྩོད་པའི་ཕྱིར་ནི་རབ་ཏུ་རྒྱུ། །མཚོ་གསུམ་ས་ཡི་མཐར་ཐུག་པར། །ཕ་རོལ་མུ་སྟེགས་རྩོད་ལ་དགའ། །གང་ཕྱིར་དང་པོ་གཙོ་བོའི་ཚིག་།སེམས་ཅན་རྣམས་ལ་ཕན་འདོད་པས། །གཞོན་ནུས་ཡོངས་སུ་གསུངས་གྱུར་
436a
༄#། །པ། །ཡི་གེ་དྲུག་པའི་སྔགས་ཀྱང་ཟློས། །ཆོ་ག་རབ་འབྱམས་འདི་དག་ལས། །དེས་ནི་དེ་ཕན་དེ་ལ་བསྟན། །རྒྱལ་དང་ལེགས་པར་རྒྱལ་བ་དང་གྲགས་ལྡན་དགེ་བ་བདེ་ལས་གཞན། །རིགས་ལྡན་ཆོས་དང་ལྡན་པ་དང ། །བརྩོན་ལྡན་ལེགས་པ་ཁྱབ་འཇུག་དང ། །སྦྲང་རྩི་སྦྲང་རྩི་བཟང་པོ་དང ། །དེ་བཞིན་གྲུབ་དང་དྲེགས་བྲལ་དང ། །ར་གྷ་པ་དང་དམངས་རིགས་དང ། །དེ་བཞིན་ཀ་ཤིར་སྐྱེས་པ་གཞན། །གཞོན་ནུ་འདི་ཡི་བཟླས་པ་ལ། །ཐམས་ཅད་ཀུན་ཡང་འབྱུང་བར་འགྱུར། །དེ་དག་ཀུན་ཀྱང་བཟང་པོ་སྟེ། །བློ་ལྡན་མང་དུ་ཐོས་པ་ཡིན། །དེ་ཀུན་སྔགས་ནི་མངོན་དུ་གྱུར། །རྒྱལ་པོའི་འཚོ་བས་ཡང་དག་གནས། །དེ་འོག་རྣམ་པར་གྲགས་པ་ནི། །བྲམ་ཟེ་དང་པོའི་ཡི་གེ་གི་།གྲོང་ཁྱེར་མེ་ཏོག་ཅེས་བྱ་བར། །དེ་ནི་ཁྲོ་བོ་གྲུབ་པར་གྱུར། །དབུལ་བས་ཡོངས་སུ་ཟིལ་མནན་པས། །རྒྱལ་པོ་རྣམས་ནི་ཚར་བཅད་བྱས། །ཁྲོ་རྒྱལ་གཤིན་རྗེ་གཤེད་དེ་ཡི། །འཇམ་པའི་དབྱངས་ཀྱིས་འདིར་གསུངས་པ། །སེམས་ཅན་མ་རུངས་རྣམས་དང་ནི། །གདུལ་དཀའ་འདུལ་བར་བྱེད་པ་དང ། །ཕན་པའི་མིན་ལས་བཟློག་དོན་དང ། །ཕན་པ་ཉེ་བར་འཕེལ་ཕྱིར་དང ། །སེམས་ཅན་རྣམས་ནི་རྗེས་གཟུང་དང ། །སེམས་ཅན་སྲོག་འཆད་འགག་ཕྱིར་རོ། །
436b
བྲམ་ཟེའི་ཁྱེའུ་རྨོངས་པ་དེ། །དབུལ་བ་ཁྲོ་བ་ཆགས་པ་ཡིས། །རྒྱལ་པོའི་སྲོག་ལ་གནོད་པའི་ཕྱིར། །ཁྲོ་བའི་སྔགས་ནི་ཟློས་པར་བྱེད། །དེ་འོག་རྣམ་པར་གྲགས་པ་ནི།། བྲམ་ཟེ་ཡི་གེ་དང་པོ་ཨ། །ཆོས་དོན་དགེ་བ་ལྡན་བདག་ཉིད། །བདེན་པར་སྨྲ་ཞིང་དབང་པོ་ཐུལ། །མངའ་བདག་མང་པོས་བཀུར་ཅེས་པ། །དེ་ཚེ་སྔགས་ནི་ཟློས་པར་འགྱུར།། སྔགས་ནི་བསྒྲུབ་པར་གྱུར་པ་ལ། །དབང་འགྱུར་ཡིན་གྱི་གཞན་མ་ཡིན། །འབྱུང་པོ་དབང་དུ་གྱུར་པ་ན། །དེ་ཚེ་ནོར་དང་ལྡན་པར་འགྱུར། །དེ་འོག་རྣམ་པར་གྲགས་པ་ནི།། བྲམ་ཟེ་ཆོས་དོན་སེམས་བྱེད་པ། །དེ་ནས་མཐར་ནི་དང་ཡིག་ཤ་།མ་ལའི་ཡུལ་དུ་དེ་ནི་འབྱུང ། །ས་སྟེང་སྔགས་ནི་ཟློས་པར་གྲགས། །བསྟན་པ་མཆོག་ལའང་རབ་ཏུ་དང ། ། རིག་པ་རྗེས་གཟུང་མ་རུངས་དང ། །ཚངས་པའི་སྲིན་པོ་སྲིན་མོ་དང ། །འབྱུང་པོ་ཤིན་ཏུ་མ་རུངས་བཅས། །རྣམ་པ་སྣ་ཚོགས་ཤ་ཟ་དང ། །བརྟན་དང་འགྲོ་བ་སྣ་ཚོགས་ནི། །དེ་དག་མ་ལུས་དབང་དུ་འགྱུར། །དེ་བཞིན་བྲམ་ཟེའི་མཚན་ལྡན་པ། །ཐམས་ཅད་དེ་ཡི་དབང་དུ་འགྱུར། །དེ་འོག་རྣམ་པར་གྲགས་པ་ནི། །ལྷོ་ཡི་ཕྱོགས་སུ་བྲམ་ཟེ་ནི། ། ཡི་གེ་དང་པོ་བ་བསྟན་པ། །སྟོན་པའི་བསྟན་པ་དེ་གཙོར་བྱེད། །མཆོད་རྟེན་ཀུན་དགའ་ར་བ་གནས། །སྟོན་པའི་གཟུགས་བརྙན་ཡིད་འོང་གིས། །ས་ནི་རྒྱ་མཚོ་གཉིས་
437a
༄#། །མཐར་ཐུག་།ཐམས་ཅད་ཀྱི་ནི་རྒྱན་དུ་བྱས། །དེ་འོག་རྣམ་པར་གྲགས་པ་ནི། །བྲམ་ཟེ་གཙོ་བོ་ནོར་ཆེན་ལྡན། །དང་པོའི་ཡི་གེ་ན་ཞེས་པ། །ལྷོ་ཡི་ཕྱོགས་སུ་ཡང་དག་བསྟན། །བདག་ཉིད་ཆེན་པོ་སྔགས་ཟློས་ལྡན། །ངེས་པར་བྱང་ཆུབ་གཞོལ་བར་འགྱུར། །དབུས་ཀྱི་ཡུལ་དུ་བསྟན་པ་ནི། །བྲམ་ཟེ་གང་བ་བཟང་ཞེས་པ། །འདུལ་བ་དང་ནི་ཚུལ་བཟང་ཉིད། །གང་བ་བཅོམ་བརླག་དག་ཏུ་གནས། །དང་ཡིག་བྷ་ནི་ནོར་གྱི་སྤྱན། །རྒྱལ་པོ་རྣམས་ཀྱི་སྔགས་མཆོད་བྱེད། །བྲམ་ཟེ་འདི་དག་བསྟན་པ་ནི། །སྟོན་པའི་བསྟན་པ་མཆོད་བྱེད་པའོ། །ཐོག་མ་བར་མཐའ་གཙོ་བོ་སྟེ། །རྣམ་པ་སྣ་ཚོགས་གནས་དང་རིགས། །སྣ་ཚོགས་ཕྱོགས་ཀྱི་བྲམ་ཟེ་རྣམས།། བྲམ་ཟེ་གཞན་གྱིས་མཆོད་པར་བྱེད། །མུ་སྟེགས་སྣ་ཚོགས་རིགས་དང་ནི། །རྣམ་པ་སྣ་ཚོགས་སྤྱོད་ཡུལ་སྤྱོད། །གནས་ནི་ཀུན་ཏུ་གསུང་བ་སྟེ། །བྲམ་ཟེའི་ཁྱེའུ་མང་ཐོས་ཡིན། །རང་བྱུང་སངས་རྒྱས་ཆོས་ཀྱི་རྒྱལ། །སེམས་ཅན་ཀུན་གྱི་དོན་སྒྲུབ་པ། །སེམས་ཅན་རྣམས་ནི་མ་ལུས་དང ། །ལྷ་གནས་ཀྱིས་ཀྱང་མཆོད་པའོ། ། རྒྱལ་པོ་ཆེན་པོ་བཞི་པོ་ཡང ། །འཇིག་རྟེན་ཀུན་ལ་གྲགས་པ་སྟེ། །འཕགས་སྐྱེས་པོ་དང་མིག་མི་བཟང ། །ཡུལ་འཁོར་སྲུང་དང་གནོད་སྦྱིན་རྒྱལ། །བརྒྱ་བྱིན་དེ་ནས་
437b
ལྷ་རྣམས་ཀྱང ། །ངེས་པའི་ཚིག་ནི་རབ་ཏུ་བསྒྲགས། །འཐབ་བྲལ་ལྷ་ཡི་བུ་དང་ནི། །འཕྲུལ་དགའ་གཞན་འཕྲུལ་དབང་བྱེད་དང ། །རྒྱལ་པོ་དགའ་ལྡན་གསུང་བ་དང ། །འདོད་པའི་ཁམས་ཀྱི་དབང་ཕྱུག་མཆོག་།གཅིག་གི་མིང་ནི་བརྒྱ་བྱིན་སོགས། །དེ་བཞིན་འདོད་ཁམས་དབང་ཕྱུག་ཡིན། །དེ་ཡང་རྟག་ཏུ་གཅིག་གནས་ཏེ། །རྫུ་འཕྲུལ་ཆེན་པོ་གཅིག་གི་གཟུགས། །དེ་ཡང་མཐའ་ཡས་དག་ཏུ་བསྟན། །རྣམ་པ་སྣ་ཚོགས་གཟུགས་འཆང་ལྷ། །དེ་ལས་གོང་དུ་ཐམས་ཅད་མཉམ། །དེ་ཡང་ཐམས་ཅད་རྫུ་འཕྲུལ་ཆེ།། ལྷ་ཡི་གཙོ་བོ་མིང་གཅིག་སྟེ། །འདུ་ཤེས་མེད་པའི་མཐར་ཡང་བསྟན། །དེ་དག་གཙོ་བོ་མེད་པ་སྟེ། །མཉམ་པའི་ཚུལ་དུ་ཡང་དག་གནས། །འོག་ཏུ་མནར་མེད་མཐར་ཐུག་པར། །དེར་ནི་རྒྱལ་པོ་ཡོད་མ་ཡིན། །འཇམ་དཔལ། དེ་ལྟ་བས་ན། དེ་ལྟར་ཕྱི་མའི་ཚེ་ཕྱི་མའི་དུས་སུ་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་དེ་བཞིན་གཤེགས་པ་རྣམས་ཀྱི་ཆོས་ཀྱི་མཛོད་འདི་གླེགས་བམ་དུ་ཆུད་པར་བྱས་ཏེ་འདྲི་བར་འགྱུར། ཀློག་པར་འགྱུར། ཁ་ཏོན་དུ་བྱེད་པར་འགྱུར་བའམ། གླེགས་བམ་དུ་བྱས་ཏེ་འཆང་བར་འགྱུར། གུས་པར་བྱས་ཏེ་ཡིད་ལ་བྱེད་པར་འགྱུར། གོས་རྣམ་པ་སྣ་ཚོགས་དང ། ཕྱེ་མ་དང ། གདུགས་དང ། རྒྱལ་མཚན་དང ། བ་དན་དང ། དྲིལ་བུ་དང ། རོལ་མོ་དང ། ཕྲེང་
438a
༄#། །བ་དང ། བྱུག་པ་དང ། སྤོས་དང ། དྲི་དང ། དྲི་ཞིམ་པོ་དག་གིས་མཆོད་པར་བྱེད་པར་འགྱུར། །རི་མོར་བྱེད་པར་འགྱུར། །ཡང་དག་པར་འཛིན་པར་བྱེད་པར་འགྱུར་ཡིད་རྩེ་གཅིག་པའི་སེམས་ཀྱིས་ཆོས་བྱེད་པར་འགྱུར་བ་དེ་ལ་ནི། ཕན་ཡོན་བཅུ་པོ་འདི་དག་ཏུ་འགྱུར་ཏེ། བཅུ་གང་ཞེ་ན། དེར་འདི་ལ་ཕ་རོལ་གྱི་དམག་ཚོགས་ཀྱི་འཇིགས་པ་འབྱུང་བར་མི་འགྱུར། ཆར་འབབ་པ་མི་མཁས་པ་དང ། གཟའ་དང ། འཆིང་བ་ཆེན་པོའི་འཚེ་བ་འབྱུང་བར་མི་འགྱུར། མི་མ་ཡིན་པའི་འཇིགས་པའམ། དེར་འདི་ལ་མིའི་འཇིགས་པ་འབྱུང་བར་མི་འགྱུར། ཕྱིར་རྒོལ་བ་ཐམས་ཅད་ཀྱི་འཇིགས་པའམ། དེར་འདི་ལ་ནད་ཀྱི་འཇིགས་པ་འབྱུང་བར་མི་འགྱུར་རོ།། དུས་མ་ཡིན་པར་འཆི་བའི་འཇིགས་པའམ། དེར་འདི་ལ་དུས་མ་ཡིན་པའི་ཆར་གྱིས་འཇིགས་པ་འབྱུང་བར་མི་འགྱུར་རོ། །ཆར་ཆེས་པའི་འཇིགས་པའམ། དེར་འདི་ལ་རླུང་ཆེན་པོའི་དཀྱིལ་འཁོར་གྱི་འཇིགས་པ་འབྱུང་བར་མི་འགྱུར་རོ། །ཤ་ཟ་ཐམས་ཅད་ཀྱི་འཇིགས་པའམ། དེར་འདི་ལ་དགྲའི་འཇིགས་པ་འབྱུང་བར་མི་འགྱུར། དེ་བཞིན་དུ་གཡོན་ཅན་རྐུན་པོའི་འཇིགས་པའམ། དེར་འདི་ལ་འཆི་བའི་འཇིགས་པ་འབྱུང་བར་མི་འགྱུར་རོ། །གཤིན་རྗེའི་རྒྱལ་པོས་ཁྱེར་བའི་འཇིགས་
438b
པའམ། དེར་འདི་ལ་ཆོམ་རྐུན་གྱི་འཇིགས་པ་འབྱུང་བར་མི་འགྱུར་རོ། །ལྷ་ཐམས་ཅད་དང ། ཀླུ་དང ། གནོད་སྦྱིན་དང ། དྲི་ཟའི་འཇིགས་པའམ། དེར་འདི་ལ་གཞན་གྱི་སྔགས་ཀྱི་འཇིགས་པ་འབྱུང་བར་མི་འགྱུར་རོ། །སྦྱར་བའི་དུག་ཐམས་ཅད་ཀྱི་འཇིགས་པའམ། དེར་འདི་ལ་ནད་ཀྱི་འཇིགས་པ་དང ། རིམས་དང ། ཚད་པར་འཁྲུ་བ་དང ། མ་ཞུ་བ་དང ། ཡན་ལག་དང ། ཉིད་ལག་གི་ནད་ཀྱི་འཇིགས་པར་འབྱུང་བར་མི་འགྱུར་ཏེ། ཕན་ཡོན་བཅུ་པོ་འདི་དག་ཏུ་ཤེས་པར་བྱའོ། །གང་དུ་དེ་བཞིན་གཤེགས་པ་རྣམས་ཀྱི་ཆོ་ག་ཆེན་པོ་རབ་འབྱམས་ཆོས་ཀྱི་མཛོད་འདི་གླེགས་བམ་དུ་བྱས་ཏེ་བཞག་ལ། འདྲི་བ་དང ། ཀློག་པ་དང ། མཆོད་པ་དང ། འཛིན་པ་དང ། ཁ་ཏོན་དུ་བྱེད་ན་དེ་བཞིན་གཤེགས་པ་རྣམས་ཀྱིས་ཤིན་ཏུ་བཟུང་ཞིང་ཆོས་ཀྱི་མཛོད་མངོན་དུ་འགྱུར་རོ། །དམ་ཚིག་གི་སྤྱོད་པ་ལ་རྗེས་སུ་མ་ཞུགས་པ་དང ། དམ་ཚིག་མི་ཤེས་པ་གཞན་དག་ལ་ནི་རྣམ་པ་ཐམས་ཅད་དུ་བསྟན་པར་མི་བྱ་སྟེ། གང་གི་ཕྱིར་འདི་ནི་གསང་བ་ཡིན་པའི་ཕྱིར་ཏེ། འདིས་ནི་ཐམས་ཅད་མཚོན་པ་ཡིན་ན། སེམས་ཅན་རྣམས་ཀྱི་དྲན་པ་མེད་པར་མ་བྱེད་ཅིག ། འོན་ཀྱང་ཁྱོད་ཀྱིས་ཤེས་པར་འགྱུར། །མཆོད་པ་བྱེད་པར་འགྱུར། ཡང་དག་པར་འཛིན་པར་འགྱུར་ཞིང་བསོད་ནམས་ཆེན་པོ་ཡང་རབ་ཏུ་སྐྱེ་བར་འགྱུར་རོ། །སེམས་ཅན་
439a
༄#། །སྐལ་བ་མེད་པ་རྣམས་ལ་བསྟན་པར་མི་བྱ་སྟེ། གཞན་དུ་ན་དབུལ་བ་དང ། ནད་དང ། མཛེ་དང ། འཚེ་བ་དང ། འགོ་བའི་ནད་ཉིད་བྱེད་པར་འགྱུར་རོ། །དེ་བས་ན་གཞན་དག་ལ་ཡང་བསྟན་པར་མི་བྱའོ། །དམ་ཚིག་དང ། གསང་བའི་སྔགས་ཀྱི་སྤྱོད་པ་ལ་རྗེས་སུ་ཞུགས་པའི་སེམས་ཅན་རྣམས་དང ། དེ་བཞིན་གཤེགས་པའི་བསྟན་པ་ལ་ལེགས་པར་བསླབ་པ་རྣམས་དང ། ལེགས་པར་རྣམ་པར་བཞག་པའི་དྲན་པ་དང་ལྡན་པ་རྣམས་དང ། ཆོས་ཀྱི་དོན་ལ་མཁས་པ་དང ། བསམ་གཏན་ལ་རབ་ཏུ་ཞུགས་པ་དང ། ཆོས་ལ་གནས་པ་དང ། བདེན་པར་སྨྲ་བ་དང ། སེམས་ཅན་གྱི་སྤྱོད་པ་རབ་ཏུ་གནས་ཤིང་སྙིང་རྗེའི་སྤྱོད་པ་དང་རབ་ཏུ་ལྡན་པ་རྣམས་ཏེ། སེམས་ཅན་འདི་དག་ལ་བསྟན་པར་བྱ་ཡི། གཞན་དག་ལ་ནི་མ་ཡིན་ནོ། །དེ་ནས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་གཙུགས་ཏེ་ཐལ་མོ་སྦྱར་བ་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་རྣམ་གྲངས་འདིའི་མིང་ཅི་ཞིག་བྱ། འདི་བདག་གིས་ཇི་ལྟར་གཟུང་བར་བགྱི། བཅོམ་
439b
ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་འཕྲུལ་པ་བྱང་ཆུབ་སེམས་དཔའི་སྡེ་སྣོད་ཅེས་བྱ་བར་ཡང་ཟུངས་ཤིག་།ངོ་མཚར་རྨད་དུ་བྱུང་བའི་ཆོས་ཀྱི་མན་ངག་ལེགས་པར་བསྟན་པའི་ལེའུ་ཞེས་བྱ་བར་ཡང་ཟུངས་ཤིག་།བྱང་ཆུབ་སེམས་དཔའི་སྤྱོད་པའི་རྗེས་སུ་འཇུག་པ་རྒྱུད་ཐམས་ཅད་ཀྱི་མཛོད་ཅེས་བྱ་བར་ཡང་ཟུངས་ཤིག་།ཐེག་པ་ཆེན་པོ་ཤིན་ཏུ་རྒྱས་པ་ངེས་པར་བསྟན་པ་ཉམས་པ་མེད་པ་ཞེས་བྱ་བར་ཟུངས་ཤིག་།བྱང་ཆུབ་སེམས་དཔའི་སྡེ་སྣོད་ཅེས་བྱ་བར་ཡང་ཟུངས་ཤིག་།འཕགས་པ་འཇམ་དཔལ་གྱི་རྩ་བའི་ཆོ་ག་ཞེས་བྱ་བར་ཡང་ཟུངས་ཤིག་།ཆོས་ཐམས་ཅད་ཀྱི་དོན་རྫོགས་པ་ངེས་པར་བསྟན་པ་ཞེས་བྱ་བར་ཡང་ཟུངས་ཤིག། འཇིག་རྟེན་མ་ལུས་ཐམས་ཅད་ལ། །ཆོས་དང་ཆོས་མིན་རྣམ་སྤྱོད་ཅིང ། །བྱང་ཆུབ་སེམས་དཔའ་རྫུ་འཕྲུལ་ཆེ། །གང་ཁྱོད་ཀུན་ཏུ་རྣམ་པར་རྒྱུ། །དེ་བཞིན་ཆོས་ཀྱི་དམ་པ་མཆོག་།གསང་བ་གཞན་ནི་མ་མཐོང་ངོ ། །སྔགས་རྒྱུད་དོན་དང་མདོ་རྣམས་དང ། །འགྲོ་བ་ཡུལ་ནི་སྐྱོན་མེད་པ། །བྱང་ཆུབ་ཆོས་ལ་རབ་གཞོལ་བ། །དཔའ་བོ་གཞན་ནི་མ་མཐོང་ངོ ། །གང་འདི་བླ་མ་གསང་བ་དང ། །དྲང་དོན་མདོ་ཡིས་ཡོངས་སུ་བརྒྱན། །རྣམ་པ་སྣ་ཚོགས་མདོ་དོན་དང ། །སྔགས་དང་རྒྱུད་ཀྱི་རྗེས་འཇུག་པ། །ཆོ་ག་རབ་འབྱམས་
440a
༄#། །འདི་ལས་གཞན། །མ་བྱུང་གང་ཡང་ཡོད་མ་ཡིན། །རྒྱལ་སྲིད་ཆེན་པོ་ལོངས་སྤྱོད་ཆེ། །ལྷ་གནས་དག་ཏུའང་ཕུན་སུམ་ཚོགས། །དེ་བཞིན་ལྷག་དང་མི་རྣམས་ཀྱི། །གྲགས་པ་རྒྱས་པའང་ཐོབ་པར་འགྱུར། །མི་ཁོམ་བརྒྱད་ནི་སྤོང་བྱེད་ཅིང ། །དལ་བ་དག་ནི་ཐོབ་པར་བྱེད། །ཐེག་པ་རྣམ་གསུམ་བདག་པོ་དང ། །དེ་དེས་སངས་རྒྱས་ཉིད་ཐོབ་འགྱུར། །མདོ་འདི་འཛིན་པའི་བསོད་ནམས་དང ། །དེ་བཞིན་དུ་ནི་ཕན་ཡོན་ནི། །འདི་ཡི་ལུས་ལ་མཚོན་མི་འབྱུང ། །དུག་དང་མེས་ཀྱང་མ་ཡིན་ནོ། །རོ་ལངས་དང་ནི་གདོན་དང་ནི། །དེ་བཞིན་སྲུལ་པོ་མ་མོ་དང ། །སྲིན་མོ་ཤ་ཟས་འཚེ་བྱེད་པའང ། །གང་ཞིག་མདོ་འདི་འདོན་ལ་མིན། །འཆང་བ་དང་ནི་ཀློག་པ་དང ། །ཡང་དང་ཡང་དུ་མཆོད་བྱེད་དང ། །འཇིགས་པ་མེད་པས་མཆོད་བྱེད་དང ། །རྣམ་པ་སྣ་ཚོགས་མཆོད་བྱེད་དེ། །ཕན་ཡོན་འདི་ནི་རབ་བསྟན་པ། །འཇིག་རྟེན་འདིར་ནི་ཐོབ་འགྱུར་བ། །ནད་པ་རྣམས་ནི་ནད་ལས་གྲོལ། །སྡུག་བསྔལ་ཅན་ནི་བདེ་བར་འགྱུར། །དབུལ་པོས་ནོར་ནི་རྙེད་འགྱུར་ཏེ། །བཅིངས་པ་རྣམས་ནི་འཆིང་ལས་གྲོལ། །འགྲོ་བ་ལྔ་དང་ལྡན་པ་ཡི། །འཁོར་བའི་སྡུག་བསྔལ་ལྟུང་བ་རྣམས། །བདེ་བ་ཞི་བ་མྱ་ངན་འདས། །མི་གཡོ་གོ་འཕང་འཐོབ་པར་འགྱུར། །རང་
440b
རྒྱལ་སངས་རྒྱས་ཉིད་དང་ནི། །ཉན་ཐོས་མཐར་ནི་ཕྱིན་པར་འགྱུར། །མདོ་སྡེ་འདི་ནི་བཀླག་པ་ཡིས། །སངས་རྒྱས་སྐུ་མདོག་ཐོབ་པར་འགྱུར། །གངྒཱའི་བྱེ་མ་མཉམ་པ་ཡིས། །རྒྱལ་བ་མཆོག་ནི་མཐའ་ཡས་པར། །མཆོད་པས་ཐོབ་པའི་བསོད་ནམས་དང ། །མདོ་འདི་བཏོན་པའི་བསོད་ནམས་མཉམ། །འཇིག་རྟེན་ཇི་སྙེད་གང་སུ་དག ། ཞིང་ནི་བྱེ་བ་མཐའ་ཡས་པ། །དེ་སྲིད་ཕྲ་རབ་རྡུལ་སྙེད་ཀྱི། །སངས་རྒྱས་རྣམས་ལ་རྟག་མཆོད་པ། །རྣམ་པ་སྣ་ཚོགས་བཟའ་བཏུང་དང ། །ན་བ་རྣམས་ཀྱི་གསོས་སྨན་དང་།། རྣམ་པ་སྣ་ཚོགས་གནས་མལ་རྣམས། །རྟག་ཏུ་ཐམས་ཅད་རབ་སྦྱིན་དང ། །རྣམ་པ་སྣ་ཚོགས་གོས་དང་ནི། །ཕྱེ་མ་དག་ནི་ཀུན་གྱིས་ཀྱང ། །བསོད་ནམས་སྐྱེ་བོས་ཐོབ་གང་ཡིན། །འདི་དག་འཆང་དང་ཀློག་པས་སོ། །གང་ཞིག་རང་སངས་རྒྱས་རྣམས་དང ། །འཇིག་རྟེན་ཉན་ཐོས་རྫུ་འཕྲུལ་ཆེ། །བྱང་ཆུབ་སེམས་དཔའ་བདག་ཉིད་ཆེ། །ས་བཅུ་ལ་གནས་དེ་ལས་གཞན། །དེ་རྣམས་ཚད་ནི་དེ་མཉམ་ལ། །དེ་དག་མཆོད་པའང་དེ་བཞིན་ཏེ། །གང་གི་ལག་པར་གླེགས་བམ་ཆུང ། །མི་ཡིས་དེ་མཉམ་བསོད་ནམས་ཐོབ། །འཇིག་རྟེན་ཇི་སྙེད་བསྟན་པ་ཡང ། །འཇིག་རྟེན་ཁམས་ན་གནས་པ་ཡི། །གྲངས་མེད་སེམས་ཅན་མ་ལུས་པ། །ཐམས་ཅད་ནད་ནི་མེད་བྱས་ཏེ། །སྐྱེ་བོ་གང་ཞིག་ཡང་
441a
༄#། །དང་ཡང ། །བཀུར་སྟིར་བྱས་ནས་དེ་མཆོད་པ། །ཆོས་མཆོག་འདི་ལ་མཆོད་ན་ནི། །བློ་ལྡན་དེ་ཡིས་བསོད་ནམས་ཐོབ། །བསྐལ་པ་བྱེ་བ་མཐའ་ཡས་པར། །རྒྱལ་བ་མཆོག་གིས་རྟག་པར་ཡང ། །འཇིག་རྟེན་མགོན་ཆོས་མཛོད་མཆོག་འདི། །མཆོད་པར་ཡང་ནི་ནུས་སོ། །ཆོས་མཆོག་འདི་ནི་ས་སྟེང་དུ། །ཡིད་བཞིན་ནོར་བུ་རིན་ཆེན་འདྲ། །འཇམ་པའི་ཆོ་ག་འདིར་གསུངས་པ། །བཀླགས་པ་དང་ནི་འཆང་བ་ཡིས། །དེས་ནི་འདོད་འཇོའི་པ་འདྲར་འགྱུར། །ལོངས་སྤྱོད་ཚེ་ནོར་ཕུན་སུམ་ཚོགས། །ཡིད་ནི་སྐྱོ་བ་མེད་བྱས་ནས། །ས་སྟེང་འདི་ནི་རབ་ཏུ་སྒྲུབ། །སྔགས་དང་རྒྱུད་དོན་དྲང་བའི་དོན། །དོན་ཡོད་ཚིག་ནི་རབ་བཤད་པ། །བྱ་བ་དུས་ལ་བརྟེན་ནས་ནི། །ས་སྟེང་རིག་པ་འཛིན་བསྒྲུབ་ན། །རིན་ཆེན་ཕུན་ཚོགས་རབ་གང་བ། །དེ་ཡི་ཕྱོགས་ཀུན་དག་ཏུ་གསུངས། །འབྲས་བཅས་འགྲོ་བའི་བདག་ཉིད་ཆེ། །སྤྱོད་པར་བཟང་བར་བརྗོད་པ་ཡིན། །གང་ཞིག་ཆོ་ག་མཆོག་འདི་ལས། །རྒྱལ་པོ་སྔགས་གཅིག་འཆང་བྱེད་པ། །རྒྱལ་སྲིད་ཕུན་ཚོགས་འདོད་བཅས་ཏེ།། ཚེ་རིང་ཕུན་སུམ་ཚོགས་པར་འགྱུར། །རྣམ་པ་སྣ་ཚོགས་ལོངས་སྤྱོད་ཚོགས། །རྒྱལ་མཆོག་དམ་པས་ཐོབ་པར་འགྱུར། །འགྲོ་དང་གནས་པའི་དུག་དག་
441b
དང ། །གཞན་གྱིས་བྱས་པའི་རིག་པ་དང ། །རོ་ལངས་སྔགས་ཀྱིས་སྒྲུབ་པ་དང ། །མཚོན་གྱིས་ཀྱང་ནི་གནོད་མི་འགྱུར། །གཞན་གྱི་གནོད་བྱེད་གཙོར་བྱེད་པས། །ས་སྟེང་འཇིག་རྟེན་གནོད་མི་བྱེད། །ཆོམ་རྐུན་ནད་ནི་གཞན་དག་དང ། །མེ་ཡི་འཇིགས་པ་དེ་ལ་མེད། །རྒྱལ་པོ་སྐྱེ་བོ་དག་ཀྱང་རུང ། །སུ་ཞིད་དེ་ལ་མཆོད་མི་བྱེད། །གང་ཞིག་མདོ་སྡེ་དཀོན་མཆོག་འདི། །འཆང་དང་ཀློག་པའང་དེ་བཞིན་ནོ། །རྒྱལ་པོ་རྒྱལ་རིགས་སྤྱི་བོ་ནས། །དབང་བསྐུར་ཡུལ་དུ་ཉེར་གནས་ཚེ། །མདོ་སྡེ་མགོ་ལ་ངེས་བཅིངས་ནས། །ཡང་དང་ཡང་དུ་ཕྱག་བཙལ་ན། །དེ་ལ་རྐུན་པོས་མི་གནོད་ཅིང ། །མཚོན་གྱིས་དེ་ལ་ཕོག་མི་འགྱུར། །གཞོན་ནུའི་གཟུགས་སུ་ཡང་དག་བྱུང ། །རྨ་བྱའི་གདན་ལ་ལེགས་བཀོད་པ། །གླང་པོའི་མཚོག་མའི་སྟེང་བཞག་ནས། །གཡུལ་དུ་ཡང་དག་ཞུགས་བྱས་ན། །སྐྱེ་བོ་རྣམ་སྡང་དེ་དག་ཀུན། །མཐོང་བ་ཙམ་གྱིས་ལྡོག་པར་བྱེད། །བྱིས་པའི་གཟུགས་ཅན་བཟང་པོ་ནི། །གཞོན་ནུའི་རྒྱན་གྱིས་ཡོངས་སུ་བརྒྱན། །གསེར་དང་དངུལ་དང་ར་གན་གྱིས། །རྒྱལ་མཚན་ཡུ་བ་བསྒྲེང་བ་ལ། །རྒྱལ་མཚན་བ་དན་བཏགས་ནས་ནི། །ལེགས་དགོད་ལེགས་པར་མཉམ་པར་གཞག་།གཡུལ་དུ་དགྲས་ནི་ལེགས་གང་བ། །མཚོན་ཆ་སྣ་ཚོགས་ཐོགས་བྱེད་པ། །ཐམས་ཅད་གཡུལ་
442a
༄#། །དུ་འདུས་པ་ལ། །དེ་ཡི་ཚེན་འཇུག་པར་བྱ། །རྒྱལ་མཚན་སྒྲེང་ལ་གནས་པ་ཡི། །གཞོན་ནུ་ལས་ནི་སྣ་ཚོགས་པ། །རྣམ་པ་དུ་མའི་གཟུགས་དང་ལྡན། །བདག་ཉིད་ཆེན་པོ་འཇམ་པའི་དབྱངས། །ས་བཅུའི་བདག་པོའི་བདག་པོ་ནི། །མཐོང་བ་ཙམ་གྱིས་འཇིག་པར་བྱེད། །རྒྱལ་རིགས་རྒྱལ་པོ་ཆེན་པོ་ནི། ། འཇིག་རྟེན་ས་སྲུངས་གནས་པ། །དང་ལྡན་ཡིད་གཉིས་ཐེ་ཚོམ་ནི། །རྣམ་བྲལ་ཆོས་ལ་མཉེས་གཤིན་པ། །བདེ་བར་གཤེགས་ལ་དད་བསྐྱེད་ནས། །སྙིང་རྗེས་བརླན་པའི་ཡིད་ཀྱིས་ནི། །འདིར་བཤད་འདི་དག་བྱ་བ་ནི། །གྲུབ་པར་འདོད་པས་རབ་ཏུ་བྱ། །ཆོ་གའི་སྦྱོར་བའི་སྔགས་དང་ནི། །རྒྱུད་དང་ལྡན་པས་ས་སྟེང་དུ། །ཆོས་དབྱིངས་ཚོགས་པའི་རྒྱལ་བ་ཡིས། །གསུང་རབ་འདི་ག་ངེས་པར་བསྟན། །ཆོས་ཀྱི་དབྱིངས་དང་མཉམ་གནས་པའི། །རྒྱལ་མཆོག་སྔ་མ་གྲངས་མེད་པས། །ས་ཡི་སྟེང་གི་མི་རྣམས་ལའང ། །ཆོས་ཀྱི་མཛོད་ནི་གསུངས་པ་ཡིན། །ལྷ་དང་ལྷ་མིན་སྔོན་གཡུལ་འཐབ། །ཕ་རོལ་འཇིགས་པ་བྱུང་བ་ན། །གང་ཚེ་བརྒྱ་བྱིན་སྔོན་གྱུར་པ།། དཔུང་ནི་ཕམ་བྱས་ཞེས་སྡང་བས། །དེ་ཚེ་གཅིག་ཏུ་སོང་ནས་ནི། །ས་སྟེང་རྣམ་པར་དུ་བར་གྱུར། །རྒྱལ་མཆོག་འོད་སྲུང་དེ་ལ་ནི། །ཐུབ་པ་མཆོག་ལ་དེ་ཚེ་ཞུས། །ཇི་ལྟར་
442b
བྱ་ཞེས་ཚིག་ཏུ་ནི། །བདེ་སོགས་བདག་པོས་རྣམ་པར་སྨྲས། །མི་བཟད་ལྷ་མིན་གྱིས་ཕམ་ནས། །བདག་ཀྱང་འདིར་ནི་ཡང་དག་ལྷགས། །དེ་སྐད་བཅོམ་ལྡན་གསོལ་ན་ས་ནི། །ལྷ་ཡི་དབང་པོ་བརྒྱ་བྱིན་གྱིས། །དེ་ཆེ་ཐུབ་མཆོག་ཞབས་གཉིས་ལ། །སྤྱི་བོའི་གཙུག་གིས་རབ་བཏུད་ནས། །མིག་སྟོང་ཀོའུ་ཤི་ཀ་ནི། །དེ་ཡི་སྤྱན་སྔར་འདུག་པར་གྱུར། །དེ་སྐད་གསོལ་ནས་ཐུབ་མཆོག་ནི། །བྲམ་ཟེར་གྱུར་པ་འོད་སྲུང་གིས། །དེ་ཆེ་གསུང་དུ་བཀའ་སྩལ་པ། །ཀ་ལ་པིནྐའི་སྒྲ་སྐད་དུ། །རྒྱལ་བ་མཆོག་གིས་སྔོན་གསུངས་པ། །གཞོན་ནུ་སྣ་ཚོགས་ཡང་དག་འབྱུང ། །བདག་ཉིད་ཆེན་པོ་འཇམ་དཔལ་ནི། །རྙེད་དཀའ་སྐུ་ནི་འབུམ་གྱུར་པ། །ཡང་དག་མཐའ་ལ་གནས་ནས་ནི། །ཟབ་མོའི་དོན་གྱི་དོན་སྟོན་བྱེད། །སྤྲོས་མེད་རྣམ་པ་མེད་པ་དང ། །གནས་མེད་པ་ལ་གཟུགས་བྱས་ནས། །ཤིན་ཏུ་དོན་ལྡན་ཆོས་ཀྱང་སྟོན། །ལྷ་ཡི་དབང་ཕྱུག་དེ་ནི་དྲན། །དེ་ནས་དེ་ནི་ད་དྲན་པས། །བྱང་ཆུབ་སེམས་དཔའ་དྲན་ཙམ་གྱིས། །གཞོན་ནུ་སྣ་ཚོགས་གཟུགས་ཅན་ནི། །དེར་ནི་དེ་ཡི་མོད་ལ་ལྷགས། །དེར་ནི་བཅོམ་ལྡན་འདས་དང་ནི། །བཅོམ་ལྡན་ལྷ་ཡི་དབང་ཕྱུག་བཅས། །ལྷགས་ནས་བྱང་ཆུབ་སེམས་དཔའ་དེས། །དེ་ཚེ་རྒྱལ་བ་མཆོག་ལ་བཏུད། །རྒྱལ་བ་མཆོག་ཀུན་ཕྱག་འཚལ་ནས། །འོད་ཆེན་འོད་སྲུང་
443a
༄#། །ལ་ཡང་བཏུད། །དེ་ཚེ་ཐུབ་པས་རྗེས་གནང་ནས། །སྔགས་ཀྱི་ཚིག་ནི་འདི་སྨྲས་སོ། །ནམཿ ་སརྦ་བུདྡྷ་བོ་དྷི་སཏྭེ་བྷྱཿ ་ཨ་པྲ་ཏི་ཧ་ཏ་ཤཱ་ས་ནེ་བྷྱཿ ། ཨོཾ་ཧ་ན་ཧ་ན། སརྦ་བྷ་ཡོད་ཨཱ་ད་ཡ་ཏྲཱ་སཱ་ཡ། མོ་ཊ་ཡ། ཚིནྡྷ། བྷིནྡྷ། ཛྭ་ལ་ཛྭ་ལ། ཧཱུཾ་ཧཱུཾ་ཕཊ་ཕཊ་སཝཱཧཱ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པས་སྔགས་འདི་སྨྲས་མ་ཐག་ཏུ་ས་ཆེན་པོ་འདི་རི་དང་རྒྱ་མཚོའི་མཐར་ཐུག་པ་དང་བཅས་པ་རྣམ་པ་དྲུག་ཏུ་གཡོས་ཏེ། སངས་རྒྱས་བཅོམ་ལྡན་འདས་ཐམས་ཅད་ཀྱི་ཞིང་མཐའ་ཡས་པ་འཇིག་རྟེན་གྱི་ཁམས་ཀྱི་ཕྱོགས་ཀྱི་མཐར་ཐུག་པ་ཐམས་ཅད་དང་བཅས་པ་ཡང་རབ་ཏུ་འགུལ་བར་གྱུར་ཏོ། །སངས་རྒྱས་བཅོམ་ལྡན་འདས་ཐམས་ཅད་ཀྱིས་ཀྱང་སྔགས་ཀྱི་ཚིག་འདི་དག་བྱིན་གྱིས་བརླབས་སོ། །དེ་ནས་ལྷའི་དབང་པོ་བརྒྱ་བྱིན་འཇིགས་པ་དང་བྲལ་ནས་བ་སྤུ་ལངས་ཏེ་ངོ་མཚར་རྨད་དུ་བྱུང་བ་ཐོབ་ནས། མིག་གཉིས་ཕྱེ་སྟེ་སྟན་ལས་ལངས་ནས་བཅོམ་ལྡན་འདས་ཀྱི་ཞབས་གཉིས་ལ་བཏུད་ནས་ལན་གསུམ་བསྐོར་བ་བྱས་ཤིང་འཇམ་དཔལ་གཞོན་ནུར་གྱུར་པ་ལ་མངོན་དུ་བལྟས་ནས་སྔགས་ཀྱི་ཚིག་དེ་དག་གཟུངས་སྟེ་ཡིད་ལ་བྱས་ནས་ཕྱིར་ཡང་ཤིང་རྟ་ལ་ཞོན་ཏེ་ལྷ་མ་ཡིན་གང་
443b
ཡིན་པ་དེ་ལོགས་སུ་ཕྱིན་པར་གྱུར་ཏོ། །དེ་ནས་ལྷ་མ་ཡིན་ཐམས་ཅད་རྒྱ་མཚོ་ཆེན་པོའི་མཐའི་འགྲམ་དུ་གང་རང་གི་གྲོང་ཁྱེར་གང་ཡིན་པ་དེར་མངོན་དུ་ཕྱོགས་ཤིང་སོང་བར་གྱུར་ཏེ། སེམས་ཞུམ་ཞིང་ཉམས་ལ་དཔུང་གི་འཇིགས་པས་སེམས་དཀྲུགས་ཤིང་གདོང་གི་མདོག་ཉམས་ཤིང་ང་རྒྱལ་དང ། དྲེགས་པ་ལ་སོགས་པ་དང་བྲལ་བར་གྱུར་ལ། མཚོན་ཆ་དང་བྲལ་ཞིང་རི་འབིགས་བྱེད་འབར་བ་བཞིན་དུ་ལྷའི་དབང་ཕྱུག་དེ་མཐོང་ནས་བྱེར་བར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་སུམ་ཅུ་རྩ་གསུམ་གྱི་ལྷ་རྣམས་ལ་སྨྲས་པ། གྲོགས་པོ་དག་།མ་འཇིགས་ཤིག་།མ་འཇིགས་ཤིག་།སངས་རྒྱས་ཀྱི་མཐུས་ལྷ་མ་ཡིན་ལས་བདག་ཅག་ངེས་པར་རྒྱལ་བས་རང་གི་གནས་སུ་འགྲོ་བར་བྱའོ། །རང་རང་གི་གནས་ཇི་ལྟ་བ་བཞིན་དུ་སོང་ནས་ཁྱེད་ཅག་རྩེ་བ་དང ། དགའ་བ་ཡོངས་སུ་སྤྱོད་པར་གྱིས་ཤིག་།དེ་ནས་ལྷ་དེ་དག་ཐམས་ཅད་ཡིད་ཤིན་ཏུ་དགའ་ནས་ཕྱིར་ཡང་རང་གི་གནས་སུ་ལོག་པར་གྱུར་རོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་པར་གྱུར་ཏེ། གང་བདག་གིས་གཞོན་ནུའི་གཟུགས་ཅན་གྱི་གཟུགས་བརྙན་གྱི་རྣམ་པ་དེ་བྱས་ལ་རྒྱལ་མཚན་གྱི་རྩེ་མོ་ལའང་བཏགས་ན། དེས་ན་གོང་གི་ལྷ་མ་ཡིན་གྱི་འཇིགས་པ་མི་
444a
༄#། །འབྱུང་ངོ་ཞེས་བསྟན་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་ཆེན་པོ་ལ་འོས་པའི་ནོར་བུ་རིན་པོ་ཆེ་ནང་འོད་དང་ལྡན་ཞིང་གསལ་བའི་ཕྲེང་བ་བླངས་ནས་གཞོན་ནུའི་ཆ་བྱད་ཀྱི་གཟུགས་བརྙན་བྱས་ཏེ། སྟེང་གི་ཁང་བཟངས་སུ་གྲོང་ཁྱེར་ཆེན་པོ་བལྟ་ན་སྡུག་པའི་དབུས་ན་ལྷ་རྣམས་ཀྱི་མདུན་ས་ཆོས་བཟང་གི་རྩེ་མོར་རྒྱལ་མཚན་བསྒྲེང་བ་ལེགས་པར་བཀོད་པ་བྱས་ནས་བཞག་པར་གྱུར་ཏོ། །དེ་ནས་ལྷ་མ་ཡིན་དེ་དག་རབ་ཚིམ་བྱེད་དང ། ཐག་བཟངས་རིས་ལ་སོགས་ལྷ་རྣམས་ཀྱི་སྟེང་དུ་མི་འགྲོ་ཞིང་ལྷ་དེ་དག་ཀྱང་ཟིལ་གྱིས་གནོན་པར་མི་འགྱུར་ལ། རྫུ་འཕྲུལ་ལས་རྣམ་པར་འཕྲུལ་པའམ། །གཡུལ་མངོན་དུ་ཕྱོགས་པར་འགྲོ་བར་མི་ནུས་སོ། །དེ་ལྟར་ལོ་བྱེ་བ་ཁྲི་ཕྲག་དུ་མ་མི་མ་ཡིན་པའི་གྲངས་ཀྱིས་བགྲང་བར་ཡང་ལྷ་མ་ཡིན་གྱི་འཇིགས་པ་འབྱུང་བར་མི་འགྱུར་རོ། །དེ་བཞིན་དུ་ཕན་ཡོན་དཔག་ཏུ་མེད་པ་བསྟན་པ་དང ། ཚེ་དང ། ནད་མེད་པ་འཕེལ་བར། སངས་རྒྱས་བཅོམ་ལྡན་འདས་དང ། བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་སྔོན་དུ་གསུངས་པ་ཡིན་ནོ། །དེ་བཞིན་དུ་ཕན་ཡོན་གྱི་ཡོན་ཏན་མཆོག་འདི་དག་རྒྱ་ཆེ་བ་དང ། མཐའ་ཡས་ཤིང་མུ་མེད་པ་སྔོན་གསུངས་པ་ཡིན་ནོ།
444b
གང་ཞིག་ཆོས་ཀྱི་རྣམ་གྲངས་འདི་སྤངས་སམ། །རྣམ་པར་རྟོག་པར་བྱེད་ན་བསོད་ནམས་མ་ཡིན་པ་དཔག་ཏུ་མེད་པར་འཕེལ་བར་འགྱུར་ཞིང་དམྱལ་བར་ཡང་སྐྱེ་བར་འགྱུར་ལ། དུད་འགྲོ་དང ། ཡི་དྭགས་དང ། གཤིན་རྗེའི་འཇིག་རྟེན་གྱི་སྐྱེ་བ་ངན་པར་ཡང་འགྲོ་བར་འགྱུར་རོ། །སྨན་དང ། སྔགས་རྣམས་མེད་དོ། །བྱང་ཆུབ་སེམས་དཔའ་མེད་དོ། །དེ་རྣམས་བདག་ཉིད་ཆེན་པོ་རྫུ་འཕྲུལ་ཆེ་བ་དང ། རྣམ་པར་འཕྲུལ་པ་ཡང་མེད་དོ། །ཆོ་ག་རྒྱ་ཆེ་བ་ཡང་མེད་དོ། །འཕགས་པ་མ་ཡིན་པས་བཤད་དོ་ཞེས་བྱས་ནས་སྤོང་བའམ། ཡང་ན་འགྲོ་ཞིང་འདི་ཉན་པར་མི་ནུས་སོ་ཞེས་གནས་དེ་ལས་གཞན་དུ་འགྲོ་ན་དེ་དག་ལ་བསོད་ནམས་མ་ཡིན་པ་ཆེན་པོ་འབྱུང་བར་འགྱུར་རོ། །ཅི་སྟེ་བློ་ཆུང་བ་གང་གིས་ཆོས་འདི་ནི་ཐུབ་པ་མཆོག་དང ། ཐུབ་པའི་སྲས་བློ་དང་ལྡན་པ་མ་ཡིན་ནོ། །ཞེས་རབ་ཏུ་སྤོང་བར་བྱེད་དོ། །མི་དེ་དམྱལ་བར་འགྲོ་འགྱུར་ཞིང ། །དེ་ཉམས་ནས་ནི་དུད་འགྲོར་འགྲོ། །ཐིག་ནག་དང་ནི་ཡང་སོས་དང ། །སྤུ་གྲི་སོ་དང་མེ་མ་མུར། །རོ་མྱགས་ཆུ་བོ་རབ་མེད་སྐྱེ། །དེ་ནས་ཕྱིར་ཡང་སྤུ་གྲི་སོར། །ལོ་མ་རལ་གྲི་ལྟ་བུའི་ནགས། །ཡང་ན་ཀྱི་ཧུད་ཟེར་དེ་བཞིན། །འཇིག་རྟེན་གྲགས་པ་སོ་ཐམས་ཐམས། །སྡིག་པའི་ལས་ཀྱི་དམྱལ་བ་རུ། །གང་གིས་
445a
༄#། །ཆོས་ནི་སུན་བྱེད་པ། །དེས་ནི་སྐྱེ་བོ་དེ་དག་འགྲོ། །འཇིག་རྟེན་སྨད་པར་རབ་བསྟན་པ། །མི་བཟད་མནར་མེད་པ་ཞེས་བྱ། །མ་དད་སེམས་ཀྱིས་ཆོས་སྤངས་པ། །སྡིག་པའི་ལས་ཅན་གནས་ཡིན་ཏེ། །གང་ཞིག་ཆོས་ནི་འདི་འཇིགས་པ། །དེ་ལ་སྐྱེ་བོ་དེ་འཚེད་འགྱུར། །ཀུན་གྱི་མཐར་ཐུག་མནར་མེད་པ། །དེ་ཉམས་དེ་བཞིན་དམྱལ་ཆེན་སྐྱེ། །དམྱལ་བའི་ས་མཐའ་མཐའ་ཡས་པར། །རྟག་ཏུ་བློ་མེད་དེ་ནི་འགྲོ། །མདོ་སྡེ་དེ་ནི་རྒྱ་ཆེར་བཅས། །ཆོས་ཀྱི་ནོར་ཀུན་རབ་སྤངས་ནས། །དེ་ནས་འཇིག་རྟེན་ངན་པར་འགྲོ། །དབང་མེད་རྟག་པར་དབང་དུ་འགྲོ། །གང་ཞིག་མདོ་སྡེའི་ཆོ་ག་འདི། །སྔགས་དང་རྒྱུད་ཀྱིས་ལེགས་པར་བརྒྱན། །གྲུབ་པ་སྣ་ཚོགས་བརྒྱ་རྣམས་འཐོབ། །ཡང་དག་མཐའ་ནི་སྒྲིབ་པ་མེད། །ཆོས་ཀྱི་དབྱིངས་ཀྱི་སྐུ་ཉིད་ཡིན། །དམིགས་སུ་མེད་པའི་ངོ་བོ་ཉིད། །ཆོ་ག་ཆོ་ག་རྒྱ་ཆེན་བཅས། །ལེའུ་རབ་འབྱམས་འདིས་འདྲེན་བྱེད། །འཇམ་པའི་དབྱངས་ནི་ལེགས་དགོད་པ། །ཕུན་ཚོགས་དཔལ་དང་བློ་གྲོས་མཆོད། །རྩ་བའི་ཆོ་ག་མི་ཉུང་བ། །རྒྱ་ཆེ་མང་པོར་བསྟན་པ་ཡིན། །རྟག་དང་ཆད་དང་ཐོག་མཐའ་ནི། །གཉི་གའི་མཐའ་དོན་རྣམ་པར་སྤངས། །རིམ་བཅས་རིམ་ནི་ངེས་པར་བསྟན། །སྔགས་ཀྱི་ལུས་ནི་བཏུས་པ་
445b
ཡིན། །མེ་དང་རླུང་དང་ནམ་མཁའ་དང ། །སྟོང་པའི་དེ་ཉིད་ལེགས་གསུངས་པ། །སྤངས་པ་རྟག་ཏུ་འགྲོ་བ་ནི། །འོག་ནས་འོག་ཏུ་དེ་ཆེ་འགྲོ། །བསྐལ་པ་རྣམས་མང་གསུམ་གྱི་གྲངས། །དེ་ཚེ་བསོད་ནམས་ཡོངས་བསགས་ནས། །དེ་ཚེ་བྱང་ཆུབ་ཐོབ་ནས་ནི། །བདག་དང་རྒྱལ་བ་མཆོག་རྣམས་ཀྱིས། །སྔགས་དང་རྒྱུད་ཀྱི་དོན་གསུངས་པ། །འགྲོ་བ་ཡུལ་ནི་སྡིག་མེད་པའོ། །རྩ་བའི་ཆོ་ག་དག་བྱེད་དང ། །སྡིག་པ་མེད་ཅིང་བཀྲ་ཤིས་པའི། །ལེའུ་རབ་འབྱམས་རབ་གསུངས་པ། །ངེས་པའི་མདོ་སྡེ་བཟང་པོ་ཡིན། །ས་བདག་ཡོན་ཏན་བདག་ཉིད་ཆེ། །ཡུལ་དང་དུས་ཀྱི་སྦྱོར་བ་དང ། །རྒྱལ་སྲས་མི་རུ་སྐྱེས་པ་ཡིས། །ས་སྟེང་དམ་པའི་ཆོས་བསྟན་ཅེས། །འཇིག་རྟེན་གཙོ་བོ་ཐུབ་པ་ནི། །རྒྱལ་བ་བདུན་པས་བསྟན་པ་ཡིན། །ཆོ་ག་རྒྱ་ཆེར་གསུངས་པ་ནི། །བློ་དང་དཔལ་ནི་མངོན་པར་འཕེལ། །རྩ་བ་རབ་འབྱམས་ལེའུ་ཞེས། །སྔགས་དང་རྒྱུད་དང་ལྡན་པ་དེ། །གང་ཞིག་མདོ་མཆོག་གཙོ་བོ་འདི། །རྒྱལ་བས་མཆོད་པའི་ཆོས་ཀྱི་མཛོད། །ས་སྟེང་མིས་ནི་སྤོང་བྱེད་པ། །དེ་ནི་མནར་མེད་དམྱལ་བར་འགྲོ། །བསྐལ་པ་ཆེན་པོར་དེ་འཚེད་ཅེས། ། རྣམ་པ་དུ་མར་དབྱེ་བར་བསྟན། །ནམ་ཞིག་གང་དུ་འབྱུང་བ་ནི། །མི་ཡི་ལུས་སུ་སྐྱེས་ན་ཡང ། །དབུལ་ཞིང་ནད་མང་གླེན་པ་དང ། །ཀླ་ཀློ་དག་ཏུ་སྐྱེ་བར་འགྱུར། །འཇིག་
446a
༄#། །རྟེན་སྨད་པར་འགྲོ་བ་སྟེ། །དེ་ནི་མཛེ་ཅན་ནད་པར་འགྱུར། །ལྐུགས་ཤིང་འོན་པ་ཡན་ལག་ཉམས། །བློ་ཉམས་ལོང་བ་ཉིད་དང་ནི། །རྩུབ་ཅིང་རྟག་ཏུ་འཇིག་པའི་གཟུགས། །ས་སྟེང་ཡི་དྭགས་ལྟ་བུར་སྣང ། །གྲོས་ངན་སེམས་ནི་ཞན་པ་དང ། །སེན་མོ་དང་ནི་ལུས་ཀྱང་ངན། །སྲིན་བུ་རྣམས་ཀྱིས་ཟོས་པ་དང ། །ཤུ་བ་གཡན་པར་ཡང་དག་ལྡན། །མདོ་སྡེ་འདི་ནི་རབ་སྤངས་ན། །གང་དང་གང་གི་འགྲོ་བར་འགྲོ། །དེ་དང་དེར་ནི་སྐྱེ་བ་ན། །བློ་ངན་རྨོངས་པར་སྐྱེ་བར་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ངས་ལ་བཙུགས་ཏེ་མིག་ཕྱེ་ཞིང་མི་འཛུམ་པས་ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ན་གནས་པའི་ལྷའི་བུ་རྣམས་དང ། འབྱུང་པོའི་ཚོགས་དུ་མ་ཆོས་མཉན་པའི་ཕྱིར་འདུས་པ་ཤེས་ནས་བཅོམ་ལྡན་འདས་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ཙམ་དུ་ཆོས་ཀྱི་རྣམ་གྲངས་འདི་ནི་ངོ་མཚར་ཏེ་མཆོག་ཏུ་ལེགས་པར་གསུངས་པ་ལགས་ན། དེ་ལ། བཅོམ་ལྡན་འདས། མ་འོངས་པའི་དུས་ན་སེམས་ཅན་མི་རིགས་པའི་ཆགས་པས་ཟིལ་
446b
གྱིས་ནོན་པ། སླུ་བར་བྱེད་པ། ང་རྒྱལ་ཅན། མ་དད་པ། གྱ་གྱུ་ཅན། དུམ་རྒོད། ཚུལ་ཁྲིམས་འཆལ་བ་དག་འབྱུང་བར་འགྱུར་ཏེ། དེ་དག་སྔགས་རྣམས་ཀྱི་རྟོག་པའི་བདག་ཉིད་ཆེན་པོ་རྒྱས་པ་གྲུབ་པ་དང ། དུས་དང ། ཡུལ་དང ། ངེས་པར་སྡོམ་པ་དང ། སྔགས་དང ། སྤྱོད་པ་དང ། སྦྱིན་སྲེག་དང ། བཟླས་པ་ངེས་པར་སྡོམ་པ་དང ། ཆོག་རབ་འབྱམས་དག་ལ་མ་དད་པར་འགྱུར། ཡིད་མི་བྱེད་པར་འགྱུར་ཏེ། སངས་རྒྱས་ཀྱི་བཀའ་མ་ཡིན་ནོ་ཞེས་བྱས་ནས་སྤང་བར་འགྱུར་ཏེ། དེ་དག་ཉོན་མོངས་པའི་སེམས་སུ་གྱུར་ནས་དུས་བྱེད་པར་འགྱུར་ཞིང ། སྡུག་བསྔལ་དྲག་ཅིང་ཚ་བའི་ཚོར་པ་མྱོང་ཞིང་དེ་དག་དམྱལ་བ་ཆེན་པོར་སྐྱེ་བར་འགྱུར་རོ། །བཅོམ་ལྡན་འདས། སྡུག་བསྔལ་བའི་སེམས་ཅན་དེ་དག་ལ་ཇི་ལྟར་བསྒྲུབ་པར་བྱ། སངས་རྒྱས་བཅོམ་ལྡན་འདས་ནི་ཐུགས་རྗེ་ཆེན་པོ་དང་ལྡན་པ་ལགས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་སྤྱི་བོར་བྱུགས་ནས་བཀའ་སྩལ་པ། འཇམ་དཔལ། ཁྱོད་སེམས་ཅན་ཐམས་ཅད་ཀྱི་དོན་གྱི་ཕྱིར་རབ་ཏུ་ཞུགས་པ་ཁྱོད་ཀྱང་ལེགས་སོ། །ལེགས་སོ། །འཇམ་དཔལ་གཞོན་ནུ་གྱུར་པ། ཁྱེད་དེ་བཞིན་གཤེགས་པ་ལ་དོན་འདི་ཡོངས་སུ་ཞུ་བར་སེམས་པ་དེ་ཁྱེད་ཡང་ལེགས་སོ། །འཇམ་དཔལ་གཞོན་ནུར་གྱུར་པ། དེའི་
447a
༄#། །ཕྱིར་ལེགས་པར་ཤིན་ཏུ་རབ་ཏུ་ཉོན་ལ་ཡིད་ལ་ཟུངས་ཤིག་དང ། སེམས་ཅན་ཐམས་ཅད་ཀྱི་དོན་དང ། ཕན་པ་དང ། བདེ་བའི་ཕྱིར་ཞུགས་པ་དང ། ལྷ་དང ། མི་རྣམས་དང ། འཇིག་རྟེན་ལ་རབ་ཏུ་བརྩེ་བའི་ཕྱིར་ངས་ཁྱོད་ལ་བཤད་དོ། །སྤྱོད་པ་ཐམས་ཅད་ལ་ཞུགས་པ་དང ། བྱང་ཆུབ་ཀྱི་ལམ་དང ། ཐམས་ཅད་ཤེས་པ་དང ། ཆོས་ཀྱི་དབྱིངས་ལ་འཇུག་པ་དང ། འཕགས་པ་འཇམ་དཔལ་གྱི་སྐུལ་གནས་པར་འདོད་པ་རྣམས་ཀྱིས་རིག་པའི་རྒྱལ་པོ་མཆོག་ཏུ་གསང་བ། གཞོན་ནུ་ཁྱོད་ཀྱི་རྩ་བའི་ཆོ་གའི་ལེའུ་རབ་འབྱམས་འཆི་བའི་དུས་ཀྱི་ཚེ་ཡང་འདི་དྲན་པར་བྱའོ། །དེ་གང་ཞེ་ན། ན་མོ་སྟཻ་ཡ་དྷྱ་ཏ་ཐཱ་ག་ཏེ་བྷྱཿ ། ཨརྷ་ཏེ་བྷྱཿ ། སམྱཀྶཾ་བུདྡྷེ་བྷྱཿ ། ཨོཾ་ཀུ་མཱ་ར་རླུ་པི་ཎེ། བི་ཤཝ་སཾ་བྷ་བ། ཨཱ་གཙྪ་ཨཱ་གཙྪ། ལ་ཧུ་ལ་ཧུ། བྷྲཱུཾ་བྷྲཱུཾ། ཛི་ན་ཛི་ཀ། མཉྫུ་ཤྲི་ཡེ། སུ་ཤྲཱི་ཡེ། ཏཱ་ར་ཡ་མཱཾ། སརྦ་དུཿ ་ཁེ་བྷྱཿ ་ཕཊ་ཕཊ། ཤ་མ་ཡ། ཤ་མ་ཡ། ཨ་མྲྀ་ཏོང་བྷ་བ། པཱ་པཾ་མེ་ནཱ་ཤ་ཡ་སཝཱཧཱ། འཇམ་དཔལ། འདི་ནི་ཁྱོད་ཀྱི་སྙིང་པོ་དམ་པ་ཡིན་ཏེ། ཞི་བ་ཐམས་ཅད་བྱེད་པ། སྡིག་པ་ཐམས་ཅད་ཟད་པར་བྱེད་པ། སྡུག་བསྔལ་ཐམས་ཅད་ལས་རབ་ཏུ་གྲོལ་བར་བྱེད་པ། ཚེ་དང ། ནད་མེད་པ་དང ། དབང་ཕྱུག་དང ། སྐལ་པ་
447b
བཟང་པོ་མཆོག་དང ། ངག་གི་དབང་ཕྱུག་སྐྱེད་པར་བྱེད་པ། རིག་པའི་རྒྱལ་པོ་ཐམས་ཅད་གཟེངས་བསྟོད་པར་བྱེད་པ། །སངས་རྒྱས་བཅོམ་ལྡན་འདས་ཤཱཀྱ་ཐུབ་པས་འདི་གསུངས་མ་ཐག་ཏུ་ས་ཆེན་པོ་རི་དང ། རྒྱ་མཚོ་དང་བཅས་པ། སེམས་ཅན་དང་སྣོད་ཉེ་བའི་མཐར་ཐུག་པ་རྣམ་པ་དྲུག་ཏུ་རབ་ཏུ་གཡོས་པར་གྱུར་ཏོ། །འགྲོ་བ་ཐམས་ཅད་དེ་ཡི་དྭགས་ཀྱི་འགྲོ་བ་དང ། དུད་འགྲོ་དང ། གཤིན་རྗེའི་འཇིག་རྟེན་དང ། དམྱལ་བའི་སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་སྦྱངས་ཤིང་བདེ་བ་རྣམས་ཀྱང་རབ་ཏུ་ཐོབ་པར་འགྱུར་ལ། འཇམ་དཔལ། རིག་པའི་རྒྱལ་པོ་འདི་ཡང་ཡིད་ལ་བྱེད་ཅིང་དེའི་ཚེ་དམ་པའི་ཆོས་སྤོང་བའི་སེམས་ཀྱང་མེད་པར་འགྱུར་ན་བདུད་སྡིག་ཏོ་ཅན་གྱིས་ཀྱང་གླགས་རྙེད་པར་མི་འགྱུར་ལ། བགེགས་དང ། ལོག་འདྲེན་ཐམས་ཅད་ཀྱང་འབྱེར་བར་འགྱུར་རོ། །འདི་ལྟར་ཡང་སེམས་བསྐྱེད་པར་བྱ་སྟེ། སངས་རྒྱས་བཅོམ་ལྡན་འདས་ཀྱི་སངས་རྒྱས་དང ། ཆོས་ནི་བསམ་གྱིས་མི་ཁྱབ་སྟེ། བསམ་པའམ། གཞལ་བའམ། སྤོང་བ་ནི་བདག་ཅག་གིས་ཅི་ཞིག་ནུས་ཏེ། སངས་རྒྱས་བཅོམ་ལྡན་འདས་ཉིད་ཀྱིས་མཁྱེན་པར་འགྱུར་རོ། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་
448a
༄#། །མདོ་ལས། ཕན་ཡོན་དང ། ཉེས་དམིགས་ཀྱི་ནུས་པར་བ་འབྱམས་བསྟན་པའི་ལེའུ་སུམ་ཅུ་དྲུག་པ་རྫོགས་སོ།། །།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང ། བྱང་ཆུབ་སེམས་དཔའ་དེ་དག་དང ། ཐམས་ཅད་དང་ལྡན་པའི་འཁོར་དེ་དག་དང ། གནས་གཙང་མའི་སྟེང་ན་གནས་པའི་ལྷའི་བུའི་ཚོགས་རྣམས་དང ། སེམས་ཅན་བྱེ་བ་ཁྲི་ཕྲག་བརྒྱ་སྟོང་དུ་མ་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། གྲུབ་པ་དང ། རིག་འཛིན་དང ། དྲང་སྲོང་མཆོག་དམ་པ་དུ་མ་དང ། འཇམ་དཔལ་གཞོན་ནུར་གྱུར་པ་དང ། སྤྱན་རས་གཟིགས་དབང་ཕྱུག་དང ། བྱམས་པ་དང ། མཐུ་ཆེན་ཐོབ་དང ། མཐུ་ཆེན་གནས་དང ། ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། འཇིག་རྟེན་གྱི་ཁམས་གྲངས་མེད་པ་དང ། ཆོས་ཀྱི་དབྱིངས་མཐའ་ཡས་པ་ན་བཞུགས་པའི་སངས་རྒྱས་བཅོམ་ལྡན་འདས་ཉན་ཐོས་དང ། རང་སངས་རྒྱས་ཀྱི་འཁོར་དང་བཅས་པ་དང ། སངས་རྒྱས་བཅོམ་ལྡན་འདས་ནམ་མཁའི་ངོ་བོ་དང་འདྲ་བར་བཞུགས་པའི་སངས་
448b
རྒྱས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པ་རྣམས་ཐུགས་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། འཕགས་པ་འཇམ་དཔལ་གྱི་རྩ་བའི་རྒྱུད་རྫོགས་སོ།། །།དཔལ་ལྷ་བཙན་པོ་ལྷ་བཙུན་པ་བྱང་ཆུབ་འོད་ཀྱི་བཀས། རྒྱ་གར་གྱི་མཁན་པོ་དགེ་བསྙེན་ཆེན་པོ་ཀུ་མཱ་ར་ཀ་ལ་ཤ་དང ། སྒྲ་བསྒྱུར་གྱི་ལོཙྪ་བ་དགེ་སློང་ཤཱཀྱ་བློ་གྲོས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།