rKTs


H510

(e-text produced by ACIP)

see text in transliteration
472a
།།འཕགས་
472b
པ་འཇམ་དཔལ་གྱི་སྔགས་ཡི་གེ་འབྲུ་གཅིག་པའི་ཆོ་ག་།ཏདྱ་ཐཱ། ཨོཾ་ཀྵྞཱིཾ། གསང་སྔགས་ཡི་གེ་འབྲུ་གཅིག་པ་འདི་ནི་རབ་ཏུ་གསང་བ་སྟེ། དོན་ཐམས་ཅད་སྒྲུབ་པར་བྱེད་པ།་ལས་ཐམས་ཅད་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ། རེ་བ་ཐམས་ཅད་ཡོངས་སུ་སྐོང་བར་མཛད་པ་སྟེ། སོ་ཤིང་ལ་སྔགས་ནས་བཅངས་ན་སོ་ན་བ་འབྱང་ངོ ། །མིག་ན་བ་ལ་རྒྱ་མ་ཚཝ་བཏགས་པ་ལ་ལན་བདུན་སྔགས་ཏེ་མིག་བཀང་ན་མིག་ནད་སེལ་ཏོ། །མིའི་ཁོང་དུ་མཚོན་གྱི་དུམ་བུ་ལུས་པ་ལ་ཞུན་མར་རྙིང་པ་ལ་ལན་བདུན་ནམ། བརྒྱ་རྩ་བརྒྱད་སྔགས་སྟེ་བླུད་པའམ། རྨ་ཁར་བསྐུས་ན་མཚོན་གྱིས་དུམ་བུ་འབྱུང་བར་འགྱུར་རོ། །ཟས་མ་ཞུ་བ་དང ། སྤོས་ཏེ་གསུད་པ་དང ། ཚད་པས་འཁྲུ་བ་ལ་མུ་རང་ཚཝའམ། རྒྱ་མཚོའམ། ཡང་ན་ལན་ཚཝ་གཞན་གང་ཡང་རུང་བ་ལ་ལན་བདུན་སྔགས་ཏེ་ཟོས་ན་ནད་དེ་ལས་གྲོལ་ཏེ་དེ་ཉིད་ཀྱི་ཉིན་པར་སོས་པར་འགྱུར་རོ། །ཀླད་པ་ན་པ་ལ་བྱ་རོག་གི་སྒྲོ་ལ་ལན་བདུན་སྔགས་ཏེ་བྱབས་ནས་ནང་དེ་སོས་པར་འགྱུར་རོ། །འཇམ་དཔལ་གྱི་ཡི་གེ་འབྲུ་གཅིག་པའི་གཟུངས་རྫོགས་སོ།། །།