རྒྱ་གར་སྐད་དུ། མཱ་ཡཱ་མཱ་རཱི་ཙཱི་ཛཱ་ཏ་ཏནྟྲཱ་དུ་དྡྷྲི་ཏྲཱཾ་ཀལྤོ་རཱ་ཛཱ་ནཱ་མ། བོད་སྐད་དུ། སྒྱུ་མའི་འོད་ཟེར་ཅན་འབྱུང་བའི་རྒྱུད་ལས་ཕྱུང་བའི་རྟོག་པའི་རྒྱལ་པོ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །དེ་ནས་ལྷ་མོ་འོད་ཟེར་ཅན་འདིའི་གཟུངས་ཀྱི་རྟོག་པ་ཡིན་ཏེ། རྣམ་པར་སྣང་མཛད་ཀྱི་རྒྱལ་པོ་ཆེན་པོས་ཡོངས་སུ་བཟུང་བའོ། །ཟླ་བའི་གཟུགས་བརྙན་ནམ། ཉི་མའི་སྟེང་དུ་འོད་ཟེར་ཅན་རྣམ་པར་བསམ་པར་བྱའོ། །དེའི་འོད་ཟེར་ལས་ཡོངས་སུ་གྲུབ་པའི་ཁབ་དང་སྐུད་པ་དང་བཅས་པས་གདུག་པ་ཅན་རྣམས་ཀྱི་མིག་དང་ཁ་དྲུབས་བཞིན་བར་མདུན་དུ་རྣམ་པར་བསམ་པར་བྱའོ། །ཕྱི་རོལ་མཐོང་བའི་སྤྱོད་ཡུལ་དུ་མཚམས་བཅིང་བ་བྱས་ལ་ཟླ་བ་དང་ཉི་མ་གཉིས་དག་གི་འོད་ཟེར་ལས་ཡོངས་སུ་རྫོགས་བཞིན་པས་ལྷ་མོ་འོད་ཟེར་ཅན་མ་མཉན་ཡོད་ན་བཞུགས་ཏེ་ཞེས་བྱ་བ་ནས་བཟུང་སྟེ་ལྷ་མོ་འོད་ཟེར་ཅན་ཞེས་བྱ་བ་ནི། རྒྱལ་བས་བཀའ་སྩལ་བའོ། །དེ་ཉི་མ་དང་ཟླ་བའི་མདུན་དང་མདུན་ནས་འགྲོ་ཡང་ལྷའི་ཚོགས་མང་པོས་ཀྱང་མཐོང་བར་མི་འགྱུར་རོ། །དེའི་ཚེ་བདག་ཀྱང་བལྟར་མེད་པའི་ཞེས་བྱ་བ་ལ་སོགས་པ་འདི་དང ། དེ་ཡང་དགུ་ཕྲག་གསུམ་ཡིན་ནོ། །སྔགས་ཀྱི་ཚིག་ནི། འདི་ལྟ་སྟེ། ཨོཾ་པ་ཏཱ་ཀྲ་མ་སི། པ་རཱ་ཀྲ་མ་སི། ཨུ་ད་ཡ་མ་སི། བུ་ད་མ་སི། ནཻ་ར་མ་སི། 115a ༄#། །ནྟརྡྷཱ་ན་མ་སི། མིང་ཉིད་རབ་ཏུ་སྦྱར་ཏེ་ལྷ་མོ་འོད་ཟེར་ཅན་བདག་ལམ་དུ་སྐྱོབས་ཤིག་།བདག་ལམ་ལོག་པ་ལས་སྐྱོབས་ཤིག་།རྒྱལ་པོ་དང ། མེ་དང ། དགྲ་དང ། སེངྒེའི་འཇིགས་པ་ལས་བདག་སྐྱོབས་ཤིག་།བདག་དུས་ཐམས་ཅད་དུ་ཕུན་སུམ་ཚོགས་པར་གྲུབ་པར་གྱིས་ཤིག་།ན་མོ་རཏྣ་ཏྲ་ཡཱ་ཡ། ཨོཾ་ཨཱ་ལོ། །ཀཱ་ལོ། །ཏཱ་ལོ།། སཙྪ་ལོ། །སཾ་མཱུརྟ། རཀྵ་རཀྵ་མཾ། སརྦ་བྷ་ཡེ་ཥུ་སཝཱཧཱ། དཀོན་མཆོག་གསུམ་དང་ལྡན་པ་ཞེས་བྱ་བའི། ཨོཾ་པ་རཱ་ལི། བ་ཏཱ་ལི། བཏྟཱ་ལི། བ་རཱ་ལི། བ་རཱ་ཧ་མུ་ཁི། སརྦ་དུཥྚཱ་ནཱ་མུ་ཁཾ། བནྡྷ་བནྡྷ། དུས་ཐམས་ཅད་དུ་ལེགས་པར་སྲུང་བར་འགྱུར་རོ། །སྐུལ་ཚིག་བཞི་བཅུ་རྩ་བཞི་ནི། རྒྱ་མཚོ་གསུམ་ནི་མཚན་བརྗོད་པའི། །ོཾ་དང་བཅས་པའི་སྙིང་པོ་དང ། ཉི་ཤུ་རྩ་གཉིས་པ་དང ། ཡི་གེ་དྲུག་པ་ནི། འཇིགས་པ་ཐམས་ཅད་ལས་སྲུང་བར་བྱེད་དོ། །སྙིང་པོའི་སྔགས་འདི་འཛིན་ན་བློ་རྣོ་བར་འགྱུར་རོ། །གླེང་གཞི་དང་བཅས་པ་སྔགས་འདི་བཟླས་པ་བྱས་ན། ནོར་དང ། འབྲུ་དང ། གཡོག་འཁོར་འཕེལ་བར་བྱེད་པའི་མཆོག་སྦྱིན་པར་བྱེད་དོ། །དོན་དེ་སྒྲུབ་པར་འདོད་པས་ཐང་གའམ། ཤིང་ལེབ་ལ་བྲིས་སྐུ་བྱ་བ་ནི། མྱ་ངན་མེད་ཀྱི་ཤིང་གི་སྡོང་པོའི་རྩར་པདྨ་ལ་གནས་པ། རྒྱན་ཐམས་ཅད་ཀྱིས་བརྒྱན་པ། ལྗང་གུ་དང ། ང་ག་རག་སྔོན་པོ་དང་སྟོད་གཡོགས་སྔོན་པོ་དང ། མགོ་ 115b བོན་མཆོད་རྟེན་ཡོད་པ། གཞོན་ནུ་མ། གཡོན་པའི་ཕྱོགས་སུ་གཟིགས་པའི་སྤྱན་ཅན། མྱ་ངན་མེད་པའི་འོད་ཟེར་ཅན་ཞེས་བྱ་བ་བྲི་བར་བྱའོ། །སྔོན་དུ་བསྟན་པའི་ཆོ་གས་ཐང་སྐུ་འདི་མདུན་དུ་བལྟ་ཞིང་མཆོག་ཏུ་སྒྲུབ་པའི་སྙིང་པོ་བཟླས་པ་སྟོང་བྱའོ། །ོཾ་མཱ་རཱི་ཙྱཻ་སཝཱཧཱ། ཞེས་བྱ་བའོ། །མཆོག་གི་སྙིང་པོ་འདི་ངེས་པར་མཆོག་ཏུ་འགྲུབ་པར་འགྱུར་རོ། །རིམས་ཐམས་ཅད་མེད་པར་བྱེད་དོ། །ནད་ཐམས་ཅད་མེད་པར་བྱེད་དོ། །བཟླས་པ་དང་སྦྱིན་སྲེག་གིས་ཀྱང་འོད་ཟེར་ཅན་གྱི་ནོར་འཕེལ་བ་སྐྱེད་པར་བྱེད་དོ། །ཞོ་དང ། དུར་བ་གཉིས་ཀྱི་སྦྱིན་སྲེག་གིས་ནི། ངེས་པར་ནད་མེད་པར་བྱེད་དོ། །སྦྲང་རྩི་དང ། མར་གྱི་སྦྱིན་སྲེག་གིས་ནི། རྒྱལ་པོ་རྣམས་དབང་དུ་བྱེད་དོ། །ཞོ་དང ། འབྲས་སཱ་ལུ་དང ། བུ་རམ་གྱི་སྦྱིན་སྲེག་གིས་ནི། གནོད་སྦྱིན་མོ་འགྲུབ་པར་བྱེད་དོ། །ཚ་བའི་མར་དང ། ནིམ་པའི་ཡལ་ག་སྟོང་གི་སྦྱིན་སྲེག་གིས་ནི། རིམས་ནད་མེད་པར་བྱེད་དོ། །རང་གི་ཁྲག་དང ། རུས་པ་དང ། དུག་དང ། སྐེ་ཚེ་སྟོང་ཕྲག་གཅིག་གི་སྦྱིན་སྲེག་བྱས་པས་དགྲ་བོ་འཆིའོ། །འོ་མའི་སྦྱིན་སྲེག་གིས་ནི། ཞི་བར་འགྱུར་རོ། །རྟག་ཏུ་བཟླས་ན། དུག་འཇོམས་པར་བྱེད་ཅིང་འབད་པ་མེད་པར་མཁའ་འགྲོ་མ་རྣམས་འཇོམས་སོ། །ཉི་མ་རེ་རེ་བརྒྱ་རྩ་བརྒྱད་བཟླས་ན། འཛིན་བློ་རྣོ་བར་འགྱུར་རོ། །ོཾ་པ་རཱ་ལི། བ་དཱ་ལི། བཏྟཱ་ལི། བཱ་རཱ་ཧ་མུ་ཁི་སརྦ་དུཥྚཱ་བྲ་དུཥྚཱ་ནཱཾ། བནྡྷ་བནྡྷ། མུ་ཁཾ་སཝཱཧཱ།། 116a ༄#། །འོད་ཟེར་ཅན་གྱི་སྙིང་པོའོ། །ོཾ་མཱ་རཱི་ཙྱཻ་སཝཱཧཱ། བཅོམ་ལྡན་འདས་མ་འོད་ཟེར་ཅན་གྱི་གསང་བའི་སྙིང་པོ་ཡི་གེ་དྲུག་པའོ། །སྙིང་པོའི་ཕྱག་རྒྱ་ནི། འདི་ཡིན་ཏེ། ལག་པ་གཉིས་མཉམ་པར་བྱས་ལ་ཐལ་མོ་རྣམ་པར་སྦྱར་བར་བྱས་པའམ་ཁ་ཕྱེ་བ་ཡང་རུང་སྟེ། མཐེབ་ཆེན་ཅུང་ཟད་བཀུག་སྟེ་གུང་མོ་གཉིས་ཕན་ཚུན་རེག་ལ་ཟླུམ་པོའི་རྣམ་པ་མཚན་མར་བྱས་ལ་སྐྱིལ་མོ་ཀྲུང་དུ་གནས་པའི་ལྟེ་བའི་ཕྱོགས་སུ་གཏུགས་པར་བྱའོ། །ཕྱག་རྒྱ་འདི་མཆོག་གཙོ་བོ་སྟེ། །ལས་རྣམས་ཀུན་ལ་སྦྱར་བར་བྱའི། །ཐ་མ་དང་ནི་འབྲིང་ལ་ཡང ། །མཆོག་རྣམས་ལ་ཡང་འདི་བསྟན་ནོ། །མྱུར་དུ་འདི་ཡིས་དོན་བྱེད་ཅིང ། །ཀུན་ཏུ་གྲུབ་ཅིང་མཆོད་པར་འགྱུར། །དག་བྱེད་བསོད་ནམས་ཆེན་པོ་སྟེ། །བཀྲ་ཤིས་སྡིག་པ་ཉམས་བྱེད་ཅིང ། །བསོད་ནམས་སྡིག་པ་ཀུན་ཟད་པ། །དངོས་གྲུབ་རྒྱུ་ནི་ཕྱག་རྒྱ་ཡིན། །བཅོམ་ལྡན་འདས་མ་འོད་ཟེར་ཅན་མའི་མཚན་བརྒྱད་བརྗོད་ན། སྲུང་བ་དང ། སྐྱོབ་བ་དང ། སྦེད་པར་འགྱུར་རོ། །ཏདྱ་ཐཱ། ཨརྐྐ་མ་སི། མརྐྐ་མ་སི། ཨུ་ར་མ་མ་སི། བ་ར་མ་སི། ཙཱི་བ་ར་མ་སི། མཧཱ་ཙཱི་བ་ར་མ་སི། ཨནྡརྡྷཾ་ན་མ་སི། ན་མོ་རཏྣ་ཏྲ་ཡཱ་ཡ། ཏདྱ་ཐཱ། ཨོཾ་བ་དཱ་ལི། བ་རཱ་ལི། བ་རཱ་ཧ་མུ་ཁི་སརྦ་དུཥྚ་པྲ་དུཥྚཱ་ནཱཾ། མུ་ཁཾ་བནྡྷ་བནྡྷ་སཝཱཧཱ། རིག་པ་འཛིན་པའི་སྡེ་སྣོད་ལས་ཕྱུང་བའི་རྟོག་པ་ནི། འདི་ཡིན་ནོ། ། 116b དེ་ནས་སྦྱོར་བ་གཞན་ནི། འདི་ཡིན་ཏེ། གསེར་མདོག་ཅན་གྱི་ཕག་པ་བསྒོམས་ལ། དེའི་སྟེང་དུ་འོད་ཟེར་ཅན་གོས་དཀར་པོའི་ཤམ་ཐབས་ཅན་བསྒོམ་པར་བྱའོ། །དེའི་སྤྱི་བོར་མཆོད་རྟེན་དང ། གཡོན་པའི་ཕྱག་གིས་མྱ་ངན་མེད་པའི་ཡལ་ག་མེ་ཏོག་དང་བཅས་པའི་ཕྱག་ཅན་ནོ། །འཇིགས་པ་ཆེན་པོའི་དུས་སུ་ཡང་བདག་ཉིད་ཕག་པའི་ཚོགས་ཀྱིས་ཡོངས་སུ་བསྐོར་བར་བསྒོམ་པར་བྱའོ། །སྙིང་གར་ཆོས་གོས་ཀྱི་སྣེའུ་བཟུང་སྟེ་ལན་བདུན་དུ་བསྔགས་ལ་མདུད་པ་བདུན་བྱས་ན། ལམ་དུ་རྐུན་མ་ལ་སོགས་པས་ཆོམ་པར་མི་འགྱུར་རོ། །དེ་ནས་མདུད་པ་ཡོངས་སུ་དཀྲོལ་བར་བྱའོ། །ཞེས་བྱ་བ་ནི། བཅོམ་ལྡན་འདས་མ་འོད་ཟེར་ཅན་གྱི་རྟོག་པ་རྫོགས་པའོ།། །།རང་གི་སྙིང་གར་ཟླ་བ་ལ་ལཾ་རྣམ་པར་བསམ་ལ་དེ་ཉིད་ཡིད་ཀྱིས་བརྗོད་པས། ཆོས་ཐམས་ཅད་བདག་མེད་པའི་ངོ་བོ་ཉིད་དུ་བསྒོམ་པར་བྱའོ། །དེ་ནས་ཡང་ནམ་མཁའི་ཕྱོགས་སུ་བསམ་པ་ནི། བདག་ཉིད་རྣམ་པར་སྣང་མཛད་ཀྱི་གཟུགས་པདྨའི་ལྟེ་བར་སེང་ལྡེང་གི་ཁྲི་ལ་རྡོ་རྗེའི་སྐྱིལ་ཀྲུང་གིས་བཞུགས་པ། གསེར་གྱི་མདོག་ཅན་བྱང་ཆུབ་མཆོག་གི་ཕྱག་རྒྱ་ཅན། ཏིང་ངེ་འཛིན་ལ་སྙོམས་པར་ཞུགས་པ། རལ་བའི་དབུ་རྒྱན་འཆང་ཞིང་ཞི་བ། ཡི་གེ་མཾ་ཉིད་ཀྱིས་བརྗོད་པའི་རྣམ་པར་བསམ་པར་བྱའོ། །དེ་ནས་མདུན་དུ་ཟླ་བའི་གཟུགས་བརྙན་རྣམ་པར་སྣང་མཛད་ཀྱི་འོད་ 117a ༄#། །ཟེར་ལས་བྱུང་བའི་འོད་ཟེར་ཅན་མ། ཨོཾ་མཱ་རཱི་ཙྱཻ་སཝཱཧཱ། ཞེས་བྱ་བས་གསེར་གྱི་མདོག་ཅན་གྱི་སྐུད་པ་དང་བཅས་པའི་ཁབ་འཛིན་པའི་ཕྱག་གིས་གདུག་པ་ཅན་གྱི་ཁ་དང་མིག་ཡང་དག་པར་དྲུབས་པ་མདུན་དུ་རྣམ་པར་བསམ་པར་བྱའོ། །བུ་མོས་བཀལ་བའི་སྐུད་པ་ཉི་ཤུ་རྩ་གཅིག་ལ་རྩ་བའི་སྔགས་ཀྱི་རིག་པ་ལན་གཅིག་ཡོངས་སུ་བཟླས་པ་ན་དེ་ནས། ན་མོ་རཏྣ་ཏྲཱ་ཡཱ་ཡ། མཱ་རཱི་ཙྱཻ་དེ་བ་དཏྟཱ་ཡཻ། ཧྲྀ་ད་ཡ་ཨཱ་བརྟ་ཡེ་ཥུ། ཏདྱ་ཐཱ། ཨོཾ་བ་ཏི། ཏི་ལི། བཏྟ་ལི་བཏྟི་ལི། བ་རཱ་ལི། བ་རཱ་ཧ་མུ་ཁི་སརྦ་དུཥྚ་པྲ་དུཥྚཱ་ནཱཾ། ཙཀྵུ་ར་མུ་ཁཾ། བནྡྷ་མི་སཝཱཧཱ། ཞེས་བྱ་བ་དང ། ཡང་ལན་བརྒྱ་རྩ་བརྒྱད་འདི་བཟླས་ཏེ། ན་མོ་རཏྣ་ཏྲ་ཡཱ་ཡ། མཱ་རཱི་ཙྱཻ་དེ་བ་དཏྟཱ་ཡེ། ཏདྱ་ཐཱ། ཨོཾ་བཏྟཱ་ལི། བ་ཏཱ་ལི། བ་རཱ་ལི། བཱ་རཱ་ཧཱ་མུ་ཁི། སརྦ་དུཥྚ་པྲ་དུཥྚཱ་ནཱཾ། གྲནྠི་བནྡྷ་མ་སཝཱཧཱ། ཞེས་བྱ་བ་བརྗོད་དོ། །དེ་སྐུད་པ་ལ་རང་ཉིད་བསྲུང་བའི་ཆེད་དུ་མདུད་པ་བདུན་བྱའོ། །གཡོག་པོའི་ཆེད་དུ་བྱ་སྟེ། མིང་ཡོངས་སུ་བཟུང་བའི་སྦྱོར་བས་མདུད་པ་གཅིག་བྱའོ། །འགྲོ་བ་དང་འོང་བས་སྐུད་པ་དེ་རྐེད་པ་ལ་བཅིངས་ཏེ་གླེང་གཞི་དང་བཅས་པའི་འོད་ཟེར་ཅན་གྱི་རིག་པ་བཀླགས་ཏེ་མདུན་དུ་འགྲོ་བར་བྱའོ། །དེ་ལྟར་བྱས་ན། རང་བཞིན་གྱིས་བསྲུང་བར་འགྱུར་རོ། །ནུབ་མོ་མདུན་དུ་ཟླ་བ་ལ། ཉིན་མོ་ནི། ཉི་མའི་དཀྱིལ་འཁོར་ལ་སྔོན་དུ་གསུངས་པ་བཞིན་དུ་རང་གི་གནས་སུ་ 117b བྱའོ། །དེའི་རྗེས་སུ་ཇི་ལྟར་གསུངས་པའི་རིག་པ་ལན་བདུན་དུ་བརྗོད་པར་བྱ་སྟེ། ན་མཿ སརྦ་བུདྡྷ་བོ་དྷི་སཏྭ་བྷྱཿ ། ཏདྱ་ཐཱ། ཨོཾ་ཨཱ་ལོ། །ཀཱ་ལོ། །ཏཱ་ལོ། སཙྪ་ལོ། །སཾ་པ་མཱུརྟི། རཀྵ་རཀྵ་མཱཾ་སརྦ་བྷ་ཡེ་ཥུ་སཝཱཧཱ། དཀོན་མཆོག་གསུམ་དང་ལྡན་པ་ཞེས་བྱ་བའི་རིག་པའོ། །ཏདྱ་ཐཱ། ཨོཾ་མཱ་རཱི་ཙྱཻ་བཏྟཱ་ལི། བ་དཱ་ལི། བཱ་རཱ་ལི། བཱ་རཱ་ཧཱ་མུ་ཁི་སརྦ་དུཥྚ་པྲ་དུཥྚཱ་ནཱཾ། བནྡྷ་བནྡྷ་མུ་ཁཾ་སཝཱཧཱ། ཏདྱ་ཐཱ། ཨོཾ་བཏྟཱ་ལི། བ་དཱ་ལི། བ་རཱ་ལི། བ་རཱ་ཧ་མུ་ཁི། སརྦ་དུཥྚ་པྲ་དུཥྚཱ་ནཱཾ། བནྡྷ་བནྡྷ་མུ་ཁཾ་སཝཱཧཱ། ཨོཾ་མཱ་རཱི་ཙྱཻ་སཝཱཧཱ། ཞེས་བྱ་བ་ནི། བཅོམ་ལྡན་འདས་ཀྱི་སྙིང་པོའི་མཆོག་ངེས་པར་འདི་ཡིན་ནོ། །ོཾ་མཱ་རཱི་ཙྱཻ་བ་ཏཱ་ཀྲ་མ་སི། པ་རཱ་ཀྲ་མ་སི། ཨུཏྟ་ཡ་མ་སི། ནཻ་ར་མ་སི། ཨརྐ་མ་སི། མརྐ་མ་སི། ཨུར་མ་མ་སི། བནྡྷ་མ་སི། གུལྨ་མ་སི། ཙཱི་བ་རཱ་མ་སི། མཧཱ་ཙཱི་བཱ་ར་མ་སི།་ཨནྟརྡྷ་ན་མ་སི། ན་མོ་རཏྣ་ཏྲ་ཡཱ་ཡ། ཏདྱ་ཐཱ། ཨོཾ་བཏྟཱ་ལི། བ་དཱ་ལི། བ་རཱ་ལི། བཱ་རཱ་ཧཱ་མུ་ཁི་སརྦ་དུཥྚ་པར་དུཥྚཱ་ནཱཾ། བནྡྷ་བནྡྷ་མུ་ཁཾ་སཝཱཧཱ། ཨོཾ་མཱ་རཱི་ཙྱཻ་སཝཱཧཱ། ཞེས་བྱ་བ་ནི། བཅོམ་ལྡན་འདས་ཀྱི་སྙིང་པོའི་མཆོག་ནི་ངེས་པར་འདི་ཡིན་ནོ། །ོཾ་མཱ་རཱི་ཙྱཻ་བ་ཏཱ་ཀྲ་མ་སི། བ་རཱ་ཀྲ་མ་སི། ཨུཏྟ་ཡ་མ་སི། ནཻ་ར་མ་སི། ཨརྐ་མ་སི། མརྐ་མ་སི། ཨུརྨ་མ་སི། བནྡྷ་མ་སི། ཀུལྨ་མ་རི། ཙི་པ་རཱ་མ་སི། མཧཱ་ཙཱི་བ་རཱ་མ་སི། ཨནྟརྡྷཱ་ན་མ་སི། ན་མོ་རཏྣ་ཏྲ་ཡཱ་ཡ། ཏདྱ་ཐཱ། ཨོཾ་བཏྟཱ་ལི། བ་དཱ་ལི། བ་རཱ་ལི། བ་རཱ་ཧ་མུ་ཁི། སརྦ་དུཥྚ་པྲ་དུཥྚཱ་ནཱ། བནྡྷ་བནྡྷ་སཝཱཧཱ། ཨོཾ་བཏྟཱ་ལི་ 118a ༄#། །བ་དཱ་ལི། བ་རཱ་ལི། བ་རཱ་ཧ་མུ་ཁི། སརྦ་དུཥྚ་བྲ་དུཥྚཱ་ནཱཾ། ཙཀྵུ་རྨུ་ཁཾ་བནྡྷ་མི་སཝཱཧཱ། ཞེས་བྱའོ། །ོཾ་བཏྟཱ་ལི། བ་དཱ་ལི། བ་རཱ་ལི། བཱ་རཱ་ཧཱ་མུ་ཁི། སརྦ་དུཥྚ་པར་དུཥྚ་ནཱཾ། བནྡྷ་བནྡྷ་མི་སཝཱཧཱ། ཞེས་བརྗོད་པར་བྱའོ། །རང་ཉིད་བསྲུང་བའི་དོན་དུ་སྔགས་འདི་བྱ་སྟེ། ཨོཾ་ཨརྐ་མ་སི་སཝཱཧཱ། ཞེས་བྱ་བ་དང ། ོཾ་མརྐ་མ་སི་སཝཱཧཱ། ཞེས་བྱ་བ་དང ། ོཾ་མརྐ་མ་སི་སཝཱཧཱ། ཞེས་བྱ་བ་དང ། ོཾ་ཨནྟརྡྷཱ་ན་མ་སི་སཝཱཧཱ། ཞེས་བྱ་བ་དང ། ོཾ་ཏེ་ཛོ་མ་སི་སཝཱཧཱ། ཞེས་བྱ་བ་དང ། ོཾ་ཨུཏྟ་ཡ་མ་སི་སཝཱཧཱ། ཞེས་བྱ་བ་དང ། ོཾ་གུལྨ་མ་སི་སཝཱཧཱ། ཞེས་བྱ་བ་དང ། ོཾ་བ་ན་མ་སི་སཝཱཧཱ། ཞེས་བྱ་བ་དང ། ོཾ་ཙཱི་བ་རཱ་མ་སི་སཝཱཧཱ། ཞེས་བྱ་བ་དང ། ོཾ་བ་ཏཱ་ཀྲ་མ་སི་སཝཱཧཱ། ཞེས་བྱ་བ་དང ། ོཾ་བ་རཱ་ཀྲ་མ་སི་སཝཱཧཱ། ཞེས་བྱ་བ་དང ། ོཾ་ཨུརྨ་མ་སི་སཝཱཧཱ། ཞེས་བྱའོ། །དེ་ནས་ལས་གཞན་ཡིན་ཏེ། མཆོག་ཏུ་གྱུར་པའི་སྔགས་ནི། ཨོཾ་མཱ་རཱི་ཙྱཻ་སཝཱཧཱ། ཞེས་བྱ་བའི་སྔགས་འདིའི་ལས་ནི། ཞི་བ་དང ། རྒྱས་པ་དང ། དབང་དང ། མངོན་སྤྱོད་དང ། དགུག་པའོ།། བདག་གི་དོན་དུ་སྙིང་གར་ཏྲི་དང་སྤེལ་བའི་སྙིང་པོ་ཨོཾ་དང་སྤེལ་བ་བྱས་ལ། མགལ་མེའི་འཁོར་ལོ་ལ་གནས་པ་ལྕགས་ཀྱུ་དང་ཞགས་པས་དགུག་པར་བྱ་བ་ནི། དཔག་ཚད་བརྒྱ་ཡིན་དུ་ཟིན་ཀྱང་ལྷ་རྫས་ཀྱི་བུད་མེད་འགུགས་པར་བྱེད་དོ། །དེ་ནས་སྦྱོར་བ་གཞན་ཡིན་ཏེ། ཉི་མ་འཆར་ཀའི་ཚེ་བྱ་སྟེ། གཞོན་ནུ་མ་ལ་སྔགས་བརྒྱ་བཟླས་ཏེ་བའི་ལྕི་བས་དཀྱིལ་ 118b འཁོར་བྱས་ལ་གཞག་པར་བྱ་སྟེ། ཙནྡན་དཀར་པོས་ཡན་ལག་བྱུགས་ལ་མེ་ཏོག་དང་ལེགས་པར་ཁྲུས་བྱས་ཤིང་གོས་དཀར་པོ་བསྐོན་ལ་གུ་གུལ་གྱི་བདུག་པ་སྦྱིན་ཏེ་མཐེ་བོང་ལ་རྒྱ་སྐྱེགས་དང་མར་ནག་གིས་བསྐུས་ལ་སྔགས་བརྒྱད་བརྒྱ་བཟླས་ཏེ་དབང་བསྐུར་བ་བསྟན་པར་བྱའོ། །ལྷ་ལ་སོགས་པ་ཐམས་ཅད་སྔགས་ཀྱི་རྒྱལ་པོ་འདིས་བསྐུལ་ཏེ། ཨོཾ་ཙི་རི་ཙི་རི་མུ་སཝཱཧཱ། ཞེས་བྱ་བ་ནི། སྔགས་སོ། །ོཾ་མཱཾ། སྔགས་འདིས་མར་མེ་ལ་བརྒྱད་བརྒྱ་མངོན་པར་བསྔགས་ནས་གཞོན་ནུ་མ་ལ་བསྟན་པར་བྱས་ན་སྔོན་བཞིན་དུ་མཐོང་བར་འགྱུར་རོ། །མ་མོའི་ཚོགས་ཐམས་ཅད་ཀྱི་དགེ་བ་དང ། མི་དགེ་བ་ཡང་ཐོས་པ་ནི། ཨོཾ་བཏྟཱ་ལི་ཡི་མུཿ ། སྔགས་འདི་ཁྲི་ཚོ་གཅིག་བཟླས་ཏེ་བསྟན་པར་བྱའོ། །ཡང་ན་དགྲ་བོ་རིམས་ཀྱིས་གཟུང་བར་འདོད་ན། མིའི་རུས་པའི་ཕྱེ་མ་དང ། དུར་ཁྲོད་ཀྱི་ཐལ་བ་དང ། ཆུ་བོའི་ངོགས་གཉིས་ཀྱི་ས་དང ། རྐང་རྗེས་ཀྱི་རྡུལ་དང་བཅས་པ་ལ་གཟུགས་བརྙན་བྱས་ཏེ་དུག་དང ། མེ་དང ། སྐེ་ཚེ་དང ། ཉིན་ཕྱེད་དང ། འོ་མ་དང་ལྡན་པ་དུར་ཁྲོད་ཀྱི་རས་ལ་སྔགས་དང་སྤེལ་བ་བྲིས་བཞིན་པ་བྱས་ཏེ། ཨོཾ་མཱ་རཱི་ཙྱཻ་ཆེ་གེ་མོ་རིམས་ཀྱིས་ཟུངས་ཤིག་ཟུངས་ཤིག་ཧཱུཾ་ཕཌ་སཝཱཧཱ། ཞེས་བརྒྱད་བརྒྱ་བཟླས་པས་དགྲ་བོའི་ཁང་བར་སྦས་ན། རིམས་ཀྱིས་འཛིན་པར་འགྱུར་རོ། །ཡང་ན་ཐོད་པ་ལ་སྔོན་དུ་བསྟན་པའི་རྫས་ཉིད་ཀྱིས་མིང་བྲིས་ཏེ་ཡི་གེ་ཨ་བཞི་ནང་དུ་ 119a ༄#། །བཅུག་ནས་མེའི་ནང་དུ་ཡང་མཱཾ་གྱིས་ཡོངས་སུ་བསྐོར་ལ། ཁྲོས་པས་སེང་ལྡེང་གི་མེ་ལ་བདུག་པར་བྱའོ། །སྟེང་ནས་མགུལ་བ་བཅིངས་བའི་ཐོད་པ་དགྲ་པོའི་ཁང་བར་སྦས་ན། འཕྲལ་དུ་རིམས་ཀྱིས་འཛིན་པར་འགྱུར་རོ། །ཡང་ན་དུར་ཁྲོད་དུ་བྱའོ། །དེ་ནས་དགྲ་བོ་གསད་པར་འདོད་ན། དུག་དང ། ཚཝ་དང ། སྐེ་ཚེ་དང ། ཁྲག་གིས་མིའི་རུས་པའི་སྨྱུ་གུས་ཐོད་པ་ལ་མིང་མངོན་པར་བྲིས་ཏེ་ཧཱུཾ་དང་ཕཌ་གཉིས་ཀྱི་ནང་དུ་བཅུག་ན་གསོད་པར་འགྱུར་རོ། །སྔགས་ཀྱིས་ཡོངས་སུ་བསྐོར་བར་བྱ་སྟེ། ཨོཾ་མཱ་རཱ་ཙྱཻ་ཧཱུཾ་ཆེ་གེ་མོ་སོད་ཅིག་ཧཱུཾ་ཞེས་བྱ་བ་སྟོང་ཕྲག་བརྒྱད་བཟླས་ན། འཆི་བར་འགྱུར་རོ། །དུར་ཁྲོད་དུ་བྲིས་ན་ནི། ཞག་གསུམ་གྱིས་ཉམས་པར་འགྱུར་རོ། །ཡང་ན་སྐྲོད་པར་འདོད་ན། ཨོཾ་མཱ་རཱི་ཙྱཻ། ཙ་ལ་ཙ་ལ། པྲ་ཙ་ལ་པྲ་ཙ་ལ། ཤཱི་གྷྲཾ་ག་མི་ནི་ཆེ་གེ་མོ་སྐྲོད་ཅིག་ཧཱུཾ་ཕཌ། སྔགས་འདི་བྱ་རོག་གི་གཤོག་པ་བླངས་ལ་སྟོང་ཕྲག་བརྒྱད་བཟླས་ཏེ་དགྲ་བོའི་ཁྱིམ་དུ་འབད་པས་སྦ་བར་བྱས་ལ། རྔ་མོའི་སྟེང་དུ་ཞོན་པ་བསྒོམས་པར་བྱས་ན། དེ་མ་ཐག་ཏུ་སྐྲོད་པར་བྱེད་དོ། །ཡང་ན་དབྱེ་བར་འདོད་ན། དུར་ཁྲོད་ཀྱི་ཐལ་བ་དང ། ཆུ་ཀླུང་གི་ངོགས་གཉིས་ཀྱིས་དང ། རྐང་རྗེས་ཀྱི་ས་དང ། ཡང་དག་པར་བསྟན་པས་སོ་སོར་གཟུགས་བརྙན་བྱས་ལ་རྒྱབ་སྤྲད་དེ་མ་ཧེའི་ཤ་དང་རྟའི་མགོ་སྤུས་ལེགས་པར་བཅིངས་ལ་དུག་དང ། 119b སྐེ་ཚེ་དང ། ཚ་བ་གསུམ་གྱིས་ལུས་བྱུགས་ལ། དེ་ཉིད་དང ། མ་ཧེའི་ཤ་དང ། རྟའི་ཁྲག་དང་ལྡན་པས་དུར་ཁྲོད་ཀྱི་རས་ལ་ཕཌ་བཞིའི་དབུས་སུ་ཧཱུཾ་གིས་སྤེལ་བའི་མིང་བྲིས་ལ་མཱཾ། གྱིས་ཡོངས་སུ་བསྐོར་ལ་དེའི་སྙིང་གར་བཅུག་སྟེ་སྔགས་བཟླས་ཤིང་མ་ཧེ་དང ། རྟ་གཉིས་ལ་ཞོན་པ་གཉི་ག་ཡང་འཐབ་བཞིན་རྣམ་པར་བསམས་ན་དབྱེ་བར་བྱེད་དོ། །འཕྲོག་དང་དང ། དཀའ་ཟློག་མ་དང་བཅས་པས་དུར་ཁྲོད་དུ་ས་བརྐོས་ལ་སྤའོ། །ོཾ་མཱ་རཱི་ཙྱཻ་ཆེ་གེ་མོ་དང་ཆེ་གེ་མོ་ཕྱེ་ཞིག་ཧཱུཾ་སཝཱཧཱ། ཞེས་པ་ནི། སྔགས་སོ། །དེ་ནས་སྦྱོར་བ་གཞན་ནི། མ་ཧེའི་རཝ་དང་རྟའི་རུས་པ་ལ་གཟུགས་བརྙན་བྱས་ཏེ་དུག་དང ། གཏུམ་པོའི་ས་བོན་དང ། མ་ཧེའི་ཤ་དང ། རྟའི་ཁྲག་གིས་སྙིང་གར་མིང་མངོན་པར་བྲིས་ལ་སྔགས་པ་བཟླ་ཞིང་སེང་ལྡེང་གི་མེ་ལ་གདུངས་ན། དེ་མ་ཐག་ཏུ་འབྱེད་པར་བྱེད་དོ། །ཡང་ན་དགྲ་བོའི་ཁྱིམ་དུ་སྦས་ན་ཡང་འབྱེད་པར་བྱེད་དོ། །དེ་ཡང་དག་པར་བརྗོད་པར་བྱ་བ་ནི། འོད་ཟེར་ཅན་ཆེན་པོ་འབྱུང་བའི་རྒྱུད་ལས་བྱུང་བ་ནི། དགྲའི་དཔུང་རེངས་པར་བྱེད་པའི་ཚིག་སྟོན་ཏེ། ཁ་ཅིག་ཏུ་རྒྱལ་པོའི་དཔུང་གི་ཚོགས་གཡོས་པར་འགྱུར་ཞིང་གཞན་གྱི་ཡུལ་ཁམས་ཕུང་བར་བྱེད་པར་བརྩོན་ན་གང་གི་ཚེ་དེ་ལ་རྒྱལ་པོ་འོངས་ནས་སླར་བྱེད་ཅིང་མཆོད་དེ་སྔགས་པ་ལ་གསོལ་བ་འདེབས་ན་དེའི་ཚེ་སློབ་དཔོན་གྱིས་སེམས་ཅན་ཐམས་ཅད་ལ་རྗེས་སུ་བརྩེ་བས་བྱམས་པའི་སེམས་ 120a ༄#། །ཀྱིས་ཏིང་ངེ་འཛིན་བྱའོ། །དེ་ལ་འཚོག་ཆས་དགོས་པ་ཐམས་ཅད་དང་ལྡན་ཞིང་ལེགས་པའི་གྲོགས་པོས་དེ་ཆེད་དུ་བྱས་ཏེ་བཅོམ་ལྡན་འདས་ཀྱི་ཐང་སྐུ་བཀྲམ་ལ། ཙནྡན་དཀར་པོས་དཀྱིལ་འཁོར་ཉེ་བར་བྱུགས་ནས་མེ་ཏོག་དཀར་པོ་བཀྲམ་པ། བདུག་སྤོས་དང ། དྲི་དང ། ཕྲེང་བ་དང ། གཏོར་མ་ཡང་བྱིན་ལ། ཞོ་དང ། སྦྲང་རྩི་དང ། བུ་རམ་དང་ལྡན་པས་ལན་བདུན་དུ་སྔགས་ལ་འབུལ་བར་བྱའོ། །སྔགས་ནི། ཨོཾ་མཱ་རཱི་ཙྱཻ་ཨརྒྷཾ་བྲ་ཏཱིཙྪ་སཝཱཧཱ། ཨོཾ་མཱ་རཱི་ཙྱཻ་གནྡྷེ་པྲ་ཏཱི་ཙྪི་སཝཱཧཱ། ཨོཾ་མཱ་རཱི་ཙྱཻ་པུཥྤེ་པྲ་ཏཱིཙྪ་སཝཱཧཱ། ཨོཾ་མཱ་རཱི་ཙྱཻ་དྷུ་པེ་པྲ་ཏཱིཙྪ་སཝཱཧཱ། ཨོཾ་མཱ་རཱི་ཙྱཻ་རཱི་པཾ་པྲ་ཏཱིཙྪ་སཝཱཧཱ། དེ་ནས་བཅོམ་ལྡན་འདས་མ་ལ་མཆོད་ཅིང་ཡོངས་སུ་བསྔོས་ཏེ་དགྱེས་པར་བྱས་ལ་བདག་ཉིད་བཅོམ་ལྡན་འདས་མའི་གཟུགས་སུ་དམིགས་ཤིང་རང་ཉིད་ང་རྒྱལ་དང་ལྡན་པས་ཁྲི་ཕྲག་གསུམ་བཟླས་པ་བྱའོ། །དེའི་སྔོན་དུ་སོང་བའི་བསྙེན་པ་ཡིན་ཏེ། མི་དགེ་བའི་མཚན་མ་མཐོང་བར་འགྱུར་རོ། །དེ་ནས་ཕྱིས་ནི། སྦྱིན་སྲེག་བྱ་སྟེ། སྔོན་དུ་བསྟན་པའི་ཆོ་གས་ལས་ཐམས་ཅད་པའི་ཐབ་ཁུང་དུ་རྒྱ་སྐྱེགས་ཀྱི་ཤིང་དང ། བྱང་ཆུབ་ཀྱི་ཤིང་དང ། ུ་དུ་མ་ཝཱ་རའི་ཡམ་ཤིང་གིས་མེ་སྦར་ལ། ཞོ་དང ། འོ་མ་དང ། མར་དུ་སྨྱུགས་པའི་དུར་བ་ཉག་མ་རེ་རེ་རྣམས་སྟོང་ཕྲག་བརྒྱད་སྦྱིན་སྲེག་བྱའོ། །དེ་ནས་ལས་ཐམས་ཅད་ནུས་པར་འགྱུར་རོ།། 120b ོཾ་བཏྟཱ་ལི། བ་དཱ་ལི། བ་རཱ་ལི། བཱ་རཱ་ཧཱ་མུ་ཁི་སརྦ་རི་པུ་སྱཻ་བྷྱཾ་སྟཾ་བྷཱ་ཡ་སཝཱཧཱ། འདི་ནི། རེངས་པར་བྱེད་པའི་སྔགས་ཏེ། རེངས་པའི་ལས་ཐམས་ཅད་ལ་སྦྱར་བར་བྱའོ། །སྔགས་འདིས་བཟླས་པ་དང ། སྦྱིན་སྲེག་ཀྱང་བྱའོ། །ཕྱིས་ནི། རྒྱལ་པོ་དང་མདུན་ན་འདོན་ནི། གྲོ་གའམ། རས་ལ་གུར་གུམ་མམ། གིའུ་ཝང་དག་གིས་བསྒྲུབ་བྱའི་མིང་དང་སྔགས་སྤེལ་ཏེ་མཱཾ་གྱིས་དཀྲིས་པ་ཡང་ཡི་གེ་བཞིས་ཡོངས་སུ་བསྐོར་ཏེ། ཨོཾ་མཱཾ་བཱཾ་མཱཾ། ཕྱི་རོལ་དུ་བའི་ཡི་གེས་ཡོངས་སུ་བསྐོར་བའི་འཁོར་ལོ་འདི་བྲིས་ལ་གང་གི་སྤྱི་གཙུག་གམ། མགུལ་བའམ། དཔུང་པ་ལ་བཏགས་ན། ལས་ཐམས་ཅད་ཉིད་ལ་སྲུང་བར་བྱེད་པ་ཡིན་ཏེ། གཡུལ་ངོར་ཞུགས་ན། མཚོན་ཆས་ལུས་ལ་མི་ཆོད་པར་འགྱུར་རོ། །གཡུལ་ངོ་ལས་དེ་ནི། རྒྱལ་བར་འགྱུར་རོ། དེ་ནས་ཡང་ཕྱིས་ནས་མཆོག་ཏུ་གྱུར་པའི་གླང་པོ་ཆེའམ། མཆོག་ཏུ་གྱུར་པའི་ཤིང་རྟ་ལ་རྡོ་རྗེ་སློབ་དཔོན་ཞོན་ཏེ་གཡུལ་ལ་མངོན་པར་ཕྱོགས་པས་བཅོམ་ལྡན་འདས་མའི་ཐང་སྐུ་བཀྲམ་ལ་རྒྱལ་མཚན་སེར་པོ་བཙུགས་ཏེ་རས་སེར་པོའི་ཤམ་ཐབས་དང་སེར་པོའི་ཐོད་བཅིངས་ཏེ་འཚོག་ཆས་རྡོ་རྗེ་དྲིལ་བུ་བཟུང་ཞིང་བསྙེན་པ་དང་བཅས་པས་སྔོན་བཞིན་ཕག་བའི་ཤིང་རྟ་ལ་བསྒོམས་ལ་སྔགས་བརྗོད་པར་བྱའོ། །ོཾ་མཱ་རཱི་ཙྱཻ་བཏྟཱ་ལི། བ་དཱ་ལི། བཱ་རཱ་ལི། བཱ་རཱ་ཧཱ་མུ་ཁི་སརྦ་དུཥྚ་རི་སུ་སྱཻ་བྷྱཾ་སྟཾ་བྷཱ་ཡ་ཧཱུཾ་ཕཌ་སཝཱཧཱ། ཕག་པས་བསྐོར་བའི་ནང་ 121a ༄#། །དུ་བསྒོམས་ནས་དེ་མ་ཐག་ཏུ་དགྲའི་དཔུང་ཚོགས་ལས་རྒྱལ་བར་འགྱུར་རོ། །མཚོན་གྱིས་བཅད་པའི་མི་ཤི་བའི་རོ་གོས་སམ། དུར་ཁྲོད་ཀྱི་རས་ལ་འཁོར་ལོ་འདི་བ་བླའམ། ཡུང་བའི་ཁུ་བས་བྲིས་ཏེ་ཆུ་བོའི་དོགས་གཉིས་ཀྱི་སའམ། རིའི་རྩེ་མོའི་སའམ། དུར་ཁྲོད་ཀྱི་ཐལ་བ་དང་ལྡན་པས་དགྲའི་དཔོན་གྱི་གཟུགས་བརྙན་བྱས་ལ་འཁོར་ལོ་དེའི་སྙིང་གར་བཅུག་ལ་ཡང་ས་དེ་དང་ལྷན་ཅིག་ཏུ་འབྲས་སཱ་ལུའི་ཁུ་བ་ལ་ཡུང་བའི་ཁུ་བ་དང་ལྡན་པས་ཕག་པའི་གཟུགས་བྱས་ལ་དེའི་ཁུ་རུ་དགྲ་བོའི་གཟུགས་བརྙན་ཁ་ཐུར་དུ་བསྟན་ལ་བཅུག་སྟེ། ཕག་པ་དེ་ཁམ་སྐྱོང་ཁ་སྦྱར་གྱི་ནང་དུ་བཅུག་ལ་སོང་སྟེ་དགྲའི་དཔུང་ལ་མངོན་དུ་ཁ་བལྟས་པས་གཞག་པར་བྱའོ། །ཟན་དང ། ཉ་དང ། ཤ་རློན་པ་དང་ལྡན་པས་གཏོར་མ་བྱིན་ལ་སོར་བརྒྱད་པའི་སེང་ལྡེང་གི་ཕུར་བུས་བཏབ་ལ་ས་བརྐོས་ཏེ་བཟླས་ལ་སྔགས་སྟོང་ཕྲག་བརྒྱད་རྡོ་རྗེ་ཁྲོ་བོའི་སྟོབས་དང་ལྡན་པས་བཟླས་པ་བྱས་ན། དགྲ་བོའི་དཔུང་རེངས་པར་འགྱུར་རོ། །དེ་ནས་གཞན་ཡང་འཁོར་ལོའི་མཚན་ཉིད་ནི། །བསྒྲུབ་བྱའི་མིང་ཡི་གེས་ཡོངས་སུ་དཀྲིས་པར་བྱས་ལ་ཡང་ཙའི་ཡི་གེས་ཡོངས་སུ་བསྐོར་བར་བྱའོ། །ཡི་གེ་དེ་གཉིས་ཀྱི་བར་དུ་བཏྟཱ་ལི་ལ་སོགས་པའི་སྔགས་ཀྱི་ཕྲེང་བས་ཡོངས་སུ་བསྐོར་བར་བྱའོ། །ཡང་དེ་ལ་མཱཾ་གྱིས་བསྐོར་བར་ 121b བྱས་ལ་ཡང་ཡི་གེ་བཞིས་ཡོངས་སུ་བསྐོར་ཞིང་གྲུ་བཞིའི་ཕྱོགས་དེ་མཚམས་སུ་རྡོ་རྗེས་མཚན་པར་བྱས་ནས་དེ་ཉིད་ཀྱིས་དེ་མ་ཐག་ཏུ་དགྲ་བོའི་དཔུང་རེངས་པར་བྱེད་ཅིང་ཉམས་པར་བྱེད་པ་ལ་ཐེ་ཚོམ་མེད་དོ། །དགྲ་བོའི་དཔུང་ལས་མཆོག་ཏུ་རྒྱལ་བ་ཞེས་བྱ་བའི་འཁོར་ལོ་འདི་སློབ་དཔོན་གྱི་མན་ངག་ལས་ཤེས་པར་བྱའོ། །དེ་ནས་གཞན་ཡང་རེངས་པར་བྱེད་པ་དང ། འབྱེད་པར་བྱེད་པ་དང ། གསོད་པར་བྱེད་པའི་སྦྱོར་བའི་དབང་དུ་བྱས་པའི་འཁོར་ལོ་ཡིན་ཏེ། གྲོགས་བཟང་པོ་དང་ལེགས་པར་བསྲུངས་ཏེ། མིའི་བགེགས་ཡོངས་སུ་སྤངས་ཏེ་དུར་ཁྲོད་དུ་གནས་ལ་བློ་དང་ལྡན་པས་འབད་པ་དང་བཅས་པས་ཐང་སྐུ་བཀྲམ་ལ། དེའི་མདུན་དུ་ལྟ་བའི་དཀྱིལ་འཁོར་བྱས་ཏེ། ཇི་ལྟར་འབྱོར་པའི་མཆོད་པ་རྣམ་པ་ལྔ་དང་ལྡན་པས་མཆོད་ལ་གོས་ནག་པོ་བགོ་ཞིང་ཐོད་ནག་པོ་བཅིངས་ལ་འཚོག་ཆས་དང ། རྡོ་རྗེ་དྲིལ་བུའི་མཆོག་བསྟེན་པས་ཁྲོས་པས་སྔོན་བཞིན་དུ་ལྷ་མོ་འོད་ཟེར་ཅན་བསྒོམ་པར་བྱ་སྟེ། ཕག་པའི་ཞལ་གསུམ་པ། སྤྱན་གསུམ་པ། ཞལ་འགྱུར་ཞིང་མཆེ་བ་གཙིགས་པ། གློག་བཞིན་ལྗགས་འཇིགས་པར་བྱེད་པ། ཉི་མ་བཅུ་གཉིས་དང་འདྲ་བའི་འོད་འབར་ཞིང་འཕྲོ་བ། མུ་མེན་ལྟ་བུའི་གོས་སྔོན་པོའི་སྨད་དཀྲིས་བྱས་ཤིང་ཤང་འགག་དང་སྟོད་གཡོགས་སྣ་ཚོགས་པའི་གོས་ཀྱིས་བྱས་པ། རྒྱན་ཐམས་ཅད་ཀྱིས་བརྒྱན་པ། 122a ༄#། །ཕྱག་བརྒྱད་པ། གཡས་ན་མདའ་དང ། རྡོ་རྗེ་དང ། ཁབ་དང ། ལྕགས་ཀྱུ་བསྣམས་པའི་ཕྱག་གོ། གཡོན་དུ་གཞུ་དང ། ཞགས་པ་དང ། ཤིང་མྱ་ངན་མེད་པའི་ཡལ་ག་དང ། སྐུད་པ་བསྣམས་པའི་ཕྱག་གོ་།མཆོད་རྟེན་མགོ་ལ་ཡོད་པའི་སྐྲ་དང་ལྡན་པ། ཉི་མའི་དཀྱིལ་འཁོར་ལ་གཡས་བརྐྱང་པའི་ཞབས་ཀྱིས་བཞུགས་པ། ཁྲོས་པས་རྐང་པས་བསྒྲུབ་བྱ་མནན་པ་ཉིད་དུ་བསམ་པར་བྱའོ། །ཆུ་བོའི་དོགས་ཀྱི་ས་དང ། མིའི་རུས་པའི་ཕྱེ་མ་དང ། དུར་ཁྲོད་ཀྱི་ཐལ་བ་དང་ལྡན་པས་གཟུགས་བརྙན་བྱས་ལ། ཚ་བ་གསུམ་དང ། དུག་དང ། ཁྲག་དང ། ཚཝ་དང ། སྐེ་ཚེ་དང ། དྷ་དུ་རས་རོའི་གོས་ལ་བསྒྲུབ་བྱའི་མིང་སྔགས་ངེས་པར་བྱས་ལ་སྙིང་གར་གཞུག་པར་བྱ་སྟེ། ཨོཾ་མཱ་རཱི་ཙྱཻ་བཏྟཱ་ལི།་བ་དཱ་ལི། བ་རཱ་ལི། བཱ་རཱ་ཧཱ་མུ་ཁི་ཧཱུཾ། ཆེ་གེ་མོ་སོད་ཅིག་ཧཱུཾ་ཕཊ་སཝཱཧཱ། སྔགས་འདི་དང་མིང་སྤེལ་ཏེ་མི་ཤ་སྐམ་པོ་དང ། གུ་གུལ་དང་ཡང་དག་པར་ལྡན་པས་རིལ་བུ་བྱས་ལ་མིའི་ཚིལ་དང་བསྲེས་ཏེ་རོ་བསྲེགས་པའི་ཤིང་གི་མེ་ལ་སྟོང་ཕྲག་བརྒྱད་སྦྱིན་སྲག་བྱའོ། །ཚ་བའི་མར་ནག་གིས་གཞན་གྱི་དཔུང་གི་རྒྱལ་པོའི་མིང་བཟུང་སྟེ་གལ་ཏེ་གསོད་པར་འདོད་ན། དེ་ཉིད་ཀྱིས་བདུགས་ན་འཆི་བར་འགྱུར་རོ། །གལ་ཏེ་རེངས་པར་འདོད་ན་ཡང་རེངས་པར་འགྱུར་རོ། །ཡང་ན་གཡུལ་ངོ་ལ་མངོན་དུ་བལྟས་ཏེ་མིའི་རུས་ 122b པའི་ཕྱེ་མའམ། མི་ཚིལ་དང་བསྲེས་པས་སྔགས་བཟླ་ཞིང་སྦྱིན་སྲེག་བྱས་ན། དགྲའི་དཔུང་གི་ཚོགས་དེ་མ་ཐག་ཏུ་རེངས་པར་བྱེད་དོ། །དེ་ནས་གཞན་ཡང་སྦྱོར་བ་ནི། ཅེ་སྤྱང་གིས་ཉེ་བར་འཚེ་བ་ཞི་བར་བྱ་བར་འདོད་ན། གནག་གི་གནས་སུ་སོང་སྟེ་གནག་འཇུག་པའི་སྒོའི་རྟ་བབས་ལ་སྔགས་མངོན་པར་བྲིས་ཏེ། རྒྱལ་མཚན་དཀར་པོའི་རྩེ་མོ་ལ་བཙུགས་ཏེ་ཙནྡན་དཀར་པོ་དང ། གུར་གུམ་དང ། གིའུ་ཝང་གིས་ཁྱུ་མཆོག་གི་གཙོ་མོ་རྒན་པ་དང་ཕྱུགས་རྫིའི་མིང་དང་སྤེལ་ཞིང་བྱང་བུ་ལ་བྲིས་ཏེ་ཁྱུ་མཆོག་གི་རཝ་དང ། ཕྱུགས་རྫི་རྣམས་ཀྱི་མགུལ་པར་འཁོར་ལོ་བཅིང་ངོ ། །འཁོར་ལོ་ནི། ཨོཾ་མཱཾ་བཱཾ་མཱཾ། ཡང་བ་ཡིག་གིས་བསྐོར་ཅིང ། ཡང་ཙྱཻས་བསྐོར་ཏེ་དེའི་ཕྱི་རོལ་དུ་མཱཾ་གྱིས་བསྐོར་ལ་འཁོར་ལོ་དེ་ཉིད་བྱའོ། །སྒོར་ཡང་སེང་ལྡེང་གི་ཕུར་བུ་སོར་བརྒྱད་པའི་ཚད་ལ་ཚོན་སྣ་ལྔའི་སྐུད་པས་དཀྲིས་ཏེ་སྔགས་ལན་བདུན་དུ་བཟླས་ནས་ཕུར་བུས་གདབ་པོ། །ོཾ་མཱཾ་རཱི་ཙྱཻ་སརྦ་བིགྷྣཾ་ཨུ་ཏ་སཱ་དྷ་ཡ་ཧཱུཾ་ཕཊ་སཝཱཧཱ། བགེགས་བསྐྲད་པའི་ཕུར་བུའི་སྔགས་སོ། །དེ་ནས་ཕྱིས་ནི། གནག་ལྷས་ཀྱི་དབུས་སུ་བཅོམ་ལྡན་འདས་མའི་ཐང་སྐུ་ཁ་ཤར་དུ་བལྟས་པ་བཀྲམ་ལ་བློ་དང་ལྡན་པས་འབད་པ་དང་བཅས་པས་བྱའོ། །དེའི་མདུན་དུ་སྦྱིན་སྲེག་གི་ཐབ་ཁུང་གྲུ་བཞི་པ་ལ་ཁྲུ་གང་ཙམ་བརྐོ་བར་བྱ་སྟེ། མཚམས་བཞིར་དྲི་ཞིམ་པོའི་ 123a ༄#། །ཆུས་བཀང་བའི་བུམ་པ་འབྲུ་སྣ་ལྔ་དང ། དྲི་ཞིམ་པོའི་ཆུས་ཡོངས་སུ་བཀང་ལ་ཙནྡན་དཀར་པོས་བྱུགས་ལ་གོས་དཀར་པོ་ཟུང་གིས་སྦྲེལ་བ་ཡལ་ག་རྣམ་པ་ལྔ་སྟེ། ནྱ་གྲོ་དྷ་དང ། བྱང་ཆུབ་ཀྱི་ཤིང་དང ། ུ་དུམ་ཝཱ་ར་དང ། ་འབྲས་དང ། ཤིང་ཨརྒའི་ཡལ་གས་བརྒྱན་པ། བརྒྱ་ཕྲག་བརྒྱད་ཀྱིས་མངོན་པར་བསྔགས་ལ་གཞག་གོ་།ཐབ་ཁུང་དེ་ཉིད་ཀྱི་མཚམས་བཞིར་སེང་ལྡེང་གི་ཕུར་བུ་སྔོན་དུ་བསྟན་པའི་སྔགས་བཟླས་ལ་གདབ་པར་བྱའོ། །ཡང་ཕྱིས་ནི། ལྕི་བས་མལ་ཉེ་བར་བྱུགས་ལ་ཁྲག་གི་གཏོར་མ་དང ། ཀུ་མུ་ད་དང ། ུཏྤལ་དང ། པདྨའི་ཕྲེང་བ་དང ། དྲི་ཞིམ་པའི་མེ་ཏོག་གི་རྣམ་པར་བཀྲམ་ལ། དྲི་ཞིམ་པོ་དང་ཙནྡན་གྱི་ཆུས་ཆག་ཆག་བཏབ་ལ་ཞོ་དང་སྦྲང་རྩི་དང་བུ་རམ་དང་ལྡན་པས་ཟས་ཁམ་གཅིག་གིས་ལྷ་བཤོས་དབུལ་བར་བྱའོ། །བའི་མར་གྱི་མར་མེའི་ཕྲེང་བས་ལེགས་པར་བརྒྱན་ཅིང་བླ་རེས་བརྒྱན་ལ་མེ་ཏོག་གི་ཕྲེང་བ་དཔྱངས་ཤིང་གོས་དཀར་པོའི་རྒྱལ་མཚན་གྱི་རྩེ་མོར་སྔགས་བྲིས་ལ་བཙུགས་ལ་གུ་གུལ་གྱི་བདུག་སྤོས་སྦྱིན་ནོ། །དེ་ལྟར་བཅོམ་ལྡན་འདས་མ་ལྷ་མོ་འོད་ཟེར་ཅན་མ་ཡང་དག་པར་མཆོད་ལ་མཉེས་པར་བྱས་ཏེ་སྔོན་དུ་བསྟན་པའི་སྔགས་ཀྱིས་མངོན་པར་བསྔགས་ལ་ཉེ་བར་མཁོ་བ་ཐམས་ཅད་དབུལ་བར་བྱའོ། །ཡང་ཐང་སྐུའི་ 123b མདུན་དུ་སྦྱིན་སྲེག་གི་ཐབ་ཁུང་ཁྲུ་གང་ཙམ་བརྐོས་པའི་གྲུབ་བཞི་པ། ཁ་ཁྱེར་སོར་བཞི་པ། རྡོ་རྗེའི་ཕྲེང་བས་བསྐོར་བ་རྩ་བ་དང་བཅས་པའི་པདྨའི་རྣམ་པར་བྱའོ། །དེའི་དབུས་སུ་པདྨ་ལ་རྡོ་རྗེས་མཚན་པར་བྱས་ཏེ་བ་ལང་གི་ལྕི་བས་དཀྱིལ་འཁོར་ལེགས་པར་བྱུགས་ལ་མེ་ཏོག་གི་རྣམ་པ་དགྲམ་པར་བྱའོ། །དེ་ནས་སྔགས་པས་ཁྲུས་བྱས་ཤིང་གཙང་མས་གོས་དཀར་པོ་གྱོན་ལ་ཉེ་བར་མཁོ་བའི་ཐོད་དཀར་པོ་བཅིངས་ཏེ་རྡོ་རྗེ་དང་དྲིལ་བུ་བཟུང་ཞིང་བསྙེན་པ་དང་བཅས་པས་འཇུག་པར་བྱའོ། །ཐབ་ཁུང་གི་མདུན་དུ་སྔགས་ཀྱིས་བགེགས་བསྐྲད་ལ་སེང་ལྡེང་གི་ཕུར་བུས་ཐབ་ཁུང་གི་ཕྱི་རོལ་གྲཝ་བཞིར་གདབ་པར་བྱའོ། །དེ་ནས་སྔོན་བཞིན་དུ་ཐབ་ཁུང་གི་ཤར་ནས་ནུབ་ཏུ་མངོན་པར་ཕྱོགས་པར་གནས་ལ་སྔགས་དང་ཕྱག་རྒྱས་བྱིན་གྱིས་བརླབས་པའི་སྔགས་པས་ཀུ་ཤ་ཆང་བུའི་སྟེང་དུ་གནས་ལ་ཐབ་ཁུང་གི་ཕྱོགས་བཞིར་ཀུ་ཤ་དགྲམ་པར་བྱའོ། །དེ་ནས་དགོས་པ་ཐམས་ཅད་ལ་སྔགས་བརྒྱ་བཟླས་ཏེ་གཡས་ཕྱོགས་སུ་གཞག་པར་བྱའོ། །གཡོན་ཕྱོགས་སུ་ཆུའི་སྣོད་བཞག་ཅིང་མདུན་དུ་མཆོད་ཡོན་གྱི་སྣོད་དྲི་ཞིམ་པོའི་ཆུ་དང་མེ་ཏོག་གིས་བཀང་བ་བཞག་ལ་ཞོ་དང ། བུ་རམ་དང ། སྦྲང་རྩི་དང་ལྡན་པ་ཡང་བཞག་སྟེ། གཙུབ་ཤིང་གིས་བཏོན་པའི་མེ་ཐབ་ཁུང་གི་ནང་དུ་གཞུག་སྟེ། ནྱ་གྲོ་དྷ་དང ། ུ་དུམ་ཝཱ་ར་ 124a ༄#། །དང ། པ་ལ་ཤའི་ཡམ་ཤིང་གིས་མེ་སྦར་ལ་དེ་ནས་ཡང་ཨོཾ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར། དེའི་སྟེང་དུ་རཾ་ཡོངས་སུ་གྱུར་པ་ལས་མེ་ལྷ་བསྒོམས་ལ་གཞན་པ་མེ་ལྷ་སྔགས་ཀྱིས་སྤྱན་དྲངས་ཏེ། ཨོཾ་ཨེ་ཧྱེ་ཧི་མ་ཧཱ་བྷཱུ་ཏ་དེ་བ་དྭི་ཛ་རྀ་ཥི་སཏྟ་མ། པ་རི་གྲྀ་ཧཱི་ཏྭཱ་ཨཱ་ཧུ་ཏི་མ་ཧཱ་རསྨིནྶ་ནྣི་ཧི་ཏོ་བྷ་བ། མེ་ལྷ་སྤྱན་དྲངས་པའི་སྔགས་སོ། །ོཾ་ཨགྣ་ཡེ་དཱི་བྱ་དཱི་བྱ་ཨཱ་བི་ཤ་མ་ཧཱ་ཤྲི་ཡེ་ཧཱ་བྱ་ཀཱ་བྱ་བཱ་ཧ་ནཱ་ཡ་སཝཱཧཱ། མེ་ལྷའི་སྔགས་སོ། །ཟླ་བའི་དཀྱིལ་འཁོར་ལ་གནས་པའི་ཞལ་དཀར་ཟླུམ་པ། ཕྱག་བཞི་པ། འབར་བའི་སྤྱན་གསུམ་པ། མེ་ལྷ་བཟང་པོ་སྟོན་ཀའི་ཟླ་བའི་འོད་འདྲ་བ། དྲི་མ་མེད་པ་བདུད་རྩིའི་རྒྱུན་འབབ་ཅིང་ཞི་བ། དབྱུ་གུ་དང ། རིལ་བ་སྤྱི་བླུགས་དང ། ཕྲེང་བ་དང ། མཆོག་སྦྱིན་པ་འཆང་བར་བསམ་ལ་མཆོད་ཡོན་སྦྱིན་ལ་སྔོན་དུ་བསྟན་པའི་སྣོད་དུ་མཆོད་པ་རྣམ་པ་ལྔ་དང་བཅས་པས་དེའི་ཞལ་དུ་དགང་བླུགས་གསུམ་དབུལ་བར་བྱའོ། །ཡང་ཆུ་བསངས་ལ། ཞི་བ་ལ་ནི། འབར་བའི་ངོ་བོ་ཉིད་དུ་ཡོངས་སུ་གྱུར་ནས་གཞན་ཡང་དེ་ཉིད་དུ་ལྷ་མོ་འོད་ཟེར་ཅན་ཟླ་བའི་དཀྱིལ་འཁོར་ལ་གནས་པ། སྟོན་ཀའི་ཟླ་བ་ལྟ་བུ་དཀར་ཞིང་གཞོན་ནུ་མ་ལ་ཨུཏྤལ་སྔོན་པོའི་སྤྱན་ཅན་ན་བཟའ་དཀར་པོ་འཆང་བ། ཞི་བ་ལ་ནི། སྣ་ཚོགས་པའི་ངོ་བོ་བདུད་རྩིའི་བུམ་པ་འཆང་ཞིང་འབབ་ལ། 124b འབར་བའི་མེ་ཏོག་ལྷ་བཞེངས་པ་ལྟ་བུ་གཞོན་ནུ་མ་འགྲོ་བ་ལ་བདུད་རྩིའི་རྒྱུན་གྱིས་འབབ་བཞིན་པའི་ལྷ་མོ་བསམ་ལ་དེའི་ཞལ་དུ་དགང་བླུགས་དབུལ་བར་བྱའོ། །ཕྱུགས་ཀྱི་མདོ་སྤུ་དང ། རུས་པ་དང ། དུར་བ་དང་ལྡན་པས་ཞོ་དང ། སྦྲང་རྩི་དང ། མར་དང ། འོ་མ་དང་བསྲེས་ལ་ལན་སྟོང་ཕྲག་བརྒྱ་སྦྱིན་སྲེག་བྱའོ། །གཞན་ཡང་གནག་ལྷས་ནས་ཕྱིར་སོང་ལ་འབྱུང་པོ་ཐམས་ཅད་པའི་གཏོར་མ་མཆོད་པ་ལྔ་དང་བཅས་པ་ཞོ་དང ། ཞོ་ཐུག་དང ། འོ་མ་དང ། འབྲས་ཀྱི་ཕྱེ་མ་བུ་རམ་དང་བསྲེས་པའི་གོང་བུ་བྱས་ལ་སྙིང་པོ་གསུམ་གྱི་མར་དང ། འབྲས་དང ། སྲན་མ་མ་ཤ་དང ། ཆང་དང ། ཤ་དང ། ཉ་དང ། ནནད་དུ་སྲན་མ་བླུགས་པའི་ཁུ་བ་དང ། སྲན་མ་མ་ཤ་དང་བུ་རམ་དང་བསྲེས་པའི་འཁུར་བ་དང་བཅས་པ་ལ་ལན་བདུན་དུ་མངོན་པར་བསྔགས་ཏེ་སྦྱིན་པར་བྱའོ། །འོ་ཐུག་ནི། ཀླུ་རྣམས་ལའོ། །ཞོ་དང་མ་ནི། ལྷ་མ་ཡིན་རྣམས་ལའོ། །ཞོ་དང་འོ་མ་ནི། ལྷ་རྣམས་ལའོ། །སྙིང་པོ་གསུམ་གྱི་མར་ནི།་གནོད་སྦྱིན་རྣམས་ལའོ། །འབྲས་ཀྱི་ཕྱེ་མ་བུར་མ་དང་བསྲེས་ཏེ་གོང་བུ་བྱས་པ་ནི། ཚོགས་ཀྱི་བདག་པོ་ལའོ། །འཁོར་བ་ནི། ཤ་ཟ་རྣམས་ལའོ། །འབྲས་དང་མ་ཤ་མ་བསྲེས་པ་ནི། འབྱུང་པོ་རྣམས་ལའོ། །ཤ་ནི། སྲིན་པོ་རྣམས་ལའོ། །ཉ་ནི། ཡི་དྭགས་རྣམས་ལའོ། །ོཾ་བྷཱ་བ་ཁཱ་ཧི་ཁཱ་ཧི་གྲྀཧྞ་གྲྀཧྞ་ཧཱུཾ་སརྦ་བྷཱུ་ཏ་བ་ལིཾ་སཝཱཧཱ། ཡང་ལྷའི་ཁང་ 125a ༄#། །པར་ཞུགས་ཏེ་སྔགས་བརྒྱད་བརྒྱ་བཟླས་ཏེ་བུམ་པ་ཆུས་བཀང་བ་ཁྱུ་མཆོག་ལ་གཏོར་བར་བྱའོ། །དེས་ནི། ཅེ་སྤྱང་གི་ཉེ་བར་འཚེ་བ་ཞི་བར་འགྱུར་རོ། །དེ་ལྟར་བྱས་ཏེ་དུས་གསུམ་དུ་ཞི་བའི་བཟླས་པས་སྦྱིན་སྲེག་ཞག་བདུན་དུ་བྱས་ན་ཞི་བར་འགྱུར་རོ། །ོཾ་མཱ་རཱི་ཙྱཻ་སཝཱཧཱ། ལག་པ་གཉིས་མཉམ་པར་བྱས་ལ་ཐལ་མོ་གཉིས་སྦྱར་བའམ། རྩེ་མོ་ཁ་ཕྱེ་ཡང་རུང་སྟེ་མཐེ་བོང་གཉིས་བཀུག་ལ། གུང་མོ་ལ་སྡིགས་མཛུབ་གཉིས་འཁྲིལ་བའི་ཚུལ་དུ་སྦྱར་བའི་རྣམ་པར་མཚན་པའོ།། སྐྱིལ་ཀྲུང་དུ་འདུག་སྟེ་ལྟེ་བའི་ཕྱོགས་སུ་བདུག་པར་བྱའོ། །ཕྱག་རྒྱ་འདི་ནི། མཆོག་ཡིན་ཏེ། ལས་རྣམས་ཀུན་ལ་སྦྱར་བར་བྱ། །གླང་པོ་ཆེ་དང ། རྟ་དང ། ཕྱུགས་དང ། མ་ཧེ་དང ། མི་དང ། མི་མོ་དང ། རྒྱལ་པོ་དང ། བྱིས་པ་རྣམས་ནི། འདིས་ཐེ་ཚོམ་མེད་པར་ཞི་བར་འགྱུར་རོ། །དེ་ནས་སྦྱིན་སྲེག་གི་ཐབ་ཁུང་གི་མཚན་ཉིད་ཡིན་ཏེ། ཞི་བ་ལ་ནི། པདྨ་དཀར་པོའི་རྣམ་པ་སྡོང་བུ་བཅས་པ་ཟླུམ་པོ་ཡིན་ནོ། །དབུས་ཀྱི་པདྨ་ལ་རྡོ་རྗེས་མཚན་པ། ཁ་ཁྱེར་ཟླུམ་པོ་ལ་རྡོ་རྗེའི་ཕྲེང་བས་བརྒྱན་ཅིང་བསྐོར་བའོ། །ཁྲུ་གང་ཙམ་བརྐོས་བའི་ཐབ་ཁུང་དུ་པ་ལ་ཤ་དང ། ནྱ་གྲོ་དྷའི་ཡམ་ཤིང་བྱས་ལ་དུར་བ་ཉག་མ་རེ་རེའི་སྦྱིན་སྲེག་བྱའོ། །ཚེ་འདོད་པ་དང་ཞི་བར་འདོད་པས་མང་ས་བེ་དའོ་ཞེས་བྱ་བའི་མེ་ལྷ་ 125b ཐམས་ཅད་དཀར་བའི་རང་བཞིན་ནི། ཞི་བ་ལ་བསྲེག་པར་བྱའོ། །རྒྱས་བ་ལ་ནི། གྲུ་བཞི་པ། ཁ་ཁྱེར་སོར་བཞི་པ་ལ་རྡོ་རྗེའི་ཕྲེང་བས་བརྒྱན་ཅིང ། པདྨ་དང ། འཁོར་ལོ་དང ། རིན་པོ་ཆེས་ཡང་དག་པར་བརྒྱན་པ། ཐབ་ཁུང་གི་མཚམས་སུ་སྣ་ཚོགས་རྡོ་རྗེས་མཚན་པ་ལ་ཨརྒ་དང ། ུ་དུམ་ཝཱ་རའི་ཡམ་ཤིང་གིས་ཀུ་མུ་ད་དང ། ུཏྤ་ལ་དང ། པདྨ་དཀར་པོ་དང ། ཞོ་དང ། མར་དང ། སྦྲང་རྩི་དང་བསྲེས་པའི་རྫས་ཀྱིས་གསེར་ལྟ་བུ་བྱུགས་ཤིང་སེར་བའི་མེ་ལྷ་ལེགས་པར་བརྒྱན་པས་གནས་པར་བསམས་ལ་ཉེ་བར་མཁོ་བ་ཐམས་ཅད་སེར་པོ་ནི།་རྒྱས་པ་ལ་དྲན་པར་བྱའོ། །ཡང་དབང་ལ་ནི། གྲུ་གསུམ་བྱང་ཆུབ་ཀྱི་ཤིང་གི་འདབ་མ་ལྟ་བུའི་ཐབ་ཁུང ། དེའི་དབུས་སུ་ཡང་པདྨ་བྱང་ཆུབ་ཀྱི་ཤིང་གི་ལོ་མ་ལྟ་བུ། དེའི་སྟེང་དུ་རྡོ་རྗེ་རྩེ་གསུམ་པ། ཁ་ཁྱེར་ལ་རྡོ་རྗེ་ལྕགས་ཀྱུའི་ཕྲེང་བས་རྣམ་པར་བརྒྱན་པ། བྱང་ཆུབ་ཀྱི་ཤིང་གིས་ཡམ་ཤིང་བྱས་ལ་ཏིལ་དང ། ཚཝ་དང ། སྐེ་ཚེའི་རྫས་དང ། གོས་དམར་པོ་དང ། ཕྲེང་བ་དམར་པོ་དང ། ཙནྡན་དམར་པོ་དང ། ཀ་མ་ཏོ་ཞེས་བྱ་བའི་མེ་ལྷ་བནྡུ་ཀ་དང ། ཛའ་མའི་མེ་ཏོག་ལྟ་བུ་ལ་དམར་པོ་བསམ་མོ། །མངོན་སྤྱོད་ལ་ནི། ཟླ་ཕྱེད་ཀྱི་རྣམ་པ་ལྟ་བུའི་ཐབ་ཁུང ། ཁ་ཁྱེར་ལ་རྡོ་རྗེའི་ཕྲེང་བས་བརྒྱན་པ། དབུས་སུ་རྡོ་རྗེ་ཁ་ཕྱེ་བའོ། །རོ་བསྲེགས་པའི་ཤིང་དང་གཏུམ་མོའི་མེ་ལ་མི་ཤ་དང ། མིའི་རུས་པའི་ཕྱེ་མ་དང ། 126a ༄#། །མིའི་ཆིལ་དང་བསྲེས་པའི་རྫས་ནི། མངོན་སྤྱོད་ལ་བལྟ་སྟེ། ཀྲོ་དྷ་ན་ཞེས་བྱ་བའི་མེ་ལྷ་ནག་པོ་གོས་ནག་པོ་འཆང་བ། མཆེ་བ་གཙིགས་པའི་ཞལ་འཇིགས་པར་བྱེད་པ། འཇིག་པར་བྱེད་པའི་བསྐལ་པའི་མེ་ལྟ་བུ་ལངས་པའི་རང་བཞིན་ནོ། །སྒྱུ་མ་འོད་ཟེར་ཅན་འབྱུང་བའི་རྒྱུད་ལས་ཕྱུང་བ་རྟོག་པའི་རྒྱལ་པོ་ཡང་དག་པ་རྣམ་པར་སྣང་མཛད་ཀྱིས་གསུངས་པ་ཇི་ལྟ་བ་བཞིན་དུ་ཇི་སྙེད་པ་རྫོགས་སོ།། །། |