rKTs


H551

(e-text produced by ACIP)

see text in transliteration
287b
རྒྱ་གར་སྐད་དུ། ཨཱརྱ་ཙཽ་རི་བི་དྷྭ་ནས་ན་ནཱ་མ་དྷཱ་ར་ཎི། བོད་སྐད་དུ། འཕགས་པ་མི་རྒོད་རྣམ་པར་འཇོམས་པ་ཞེས་བྱ་བའི་གཟུངས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཞང་འབྲིང་པ་ཚེ་དང་ལྡན་པ་ཀུན་དགའ་བོ་དང་ཐབས་ཅིག་ཏུ་ལུས་འཕགས་རི་ལ་གཤེགས་པའི་ཚེ་ཚེ་དང་ལྡན་པ་ཀུན་
288a
༄#། །དགའ་བོས་མི་རྒོད་ཕལ་པོ་ཆེ་ཞིག་རྒྱང་མ་ནས་མཐོང་ངོ ། །མཐོང་ནས་ཀྱང་སྐྲག་སྟེ་སྤུ་ཟིང་ཞེས་བྱེད་ན། བཅོམ་ལྡན་འདས་ལ་འདི་སྐད་ཅེས་གསོལ་ཏེ། །བཅོམ་ལྡན་འདས། མི་རྒོད་དག་ཅིག་གོ། བདེ་བར་གཤེགས་པ། མི་རྒོད་དག་ཅིག་གོ་།བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། །ཁྱོད་མི་རྒོད་རྣམས་ཀྱིས་འཇིགས་སམ། གསོལ་བ། བཅོམ་ལྡན་འདས། འཇིགས་ལགས་སོ། །བདེ་བར་གཤེགས་པ། འཇིགས་ལགས་སོ། །བཅོམ་ལྡན་འདས་ཀྱིས་བཀའ་སྩལ་བ། ཀུན་དགའ་བོ། མི་རྒོད་རྣམས་ཀྱིས་མ་འཇིགས་ཤིག་།དེ་ནས་བཅོམ་ལྡན་འདས་ཀྱིས་དེའི་ཚེ་གཏི་མུག་ཆེན་པོའི་ཚོགས་རབ་ཏུ་གཞོམ་པ་འདི་བཀའ་སྩལ་ཏོ། །ཏདྱ་ཐཱ། ཨ་ནུ་ལོ་མེ། པྲ་ཏི་ལོ་མེ། ཨ་ནུ་ལོ་མ། པྲ་ཏི་ལོ་མ། ཨ་ཏི་ཀེ་།པྲ་ཏཾ་ཀེ། པཾ་ཀེ། ཨ་ཏི་པཾཀེ། གཽ་རི། གཽ་རི། གནྡྷ་རི། ཙཎྜ་ལཱི། མ་ཏཾ་གི། པུཀྐ་སི། རི་མི་རི་མི། རི་དྷི། མ་ཙེ་བིཥྚ་ཏི་ཙེ་ར་པྲ་དནྟུ། བིསྠ་ཧནྟུ། བྷ་མནྟུ། མཱ་མི་ཡནྟུ། ཡ་བད་གྲིནྠི་ན་མུཉྩ་མི་སཝཱཧཱ། ཀུན་དགའ་བོ། ངས་དཔག་ཚད་བཅུ་ཚུན་ཆད་ཀུན་ཏུ་སྲུང་བ་དང ། མི་རྒོད་ཐམས་ཅད་དང ། རི་སུལ་གྱི་གྲོང་ཁྱེར་གྱི་མི་ཐམས་ཅད་དང ། གསེབ་ལམ་སྲུང་བ་ཐམས་ཅད་དང ། གནོད་པར་སེམས་པ་ཐམས་ཅད་ཀྱི་རྐང་པ་བཅིངས་པར་བྱས་སོ། །རྨུགས་པར་བྱས་སོ། །རེངས་པར་
288b
བྱས་སོ། །ཇི་ལྟར་རྫ་མཁན་གྱི་འཁོར་ལོ་བསྐོར་བའམ། ཇི་ལྟར་རྫ་མཁན་གྱི་འཁོར་ལོ་ཡོངས་སུ་བསྐོར་བ་ལྟར་མི་རྒོད་རྣམས་འདར་བར་གྱུར་ཅིག་།རེངས་པར་གྱུར་ཅིག་།མགོ་རྨོངས་པར་གྱུར་ཅིག་།མདུད་པ་མ་གྲོལ་བའི་བར་དུ་མཆི་བར་མ་གྱུར་ཅིག་།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་ཀུན་དགའ་བོ་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཆོ་ག་ནི་ཤིང་ཀུན་དང ། བོང་བུའི་སྤུ་བྲེགས་ཏེ། བུ་མོ་གཙང་མས་བཀལ་བའི་སྲད་བུ་ལ་ལན་ཉི་ཤུ་རྩ་གཅིག་བཟླས་བརྗོད་བྱའོ། །ཡང་ན་གོས་ཀྱི་མཐའ་མ་ལ་མདུད་པ་བོར་ཏེ་བདེ་བར་ཕྱིན་ནས་དགྲོལ་བར་བྱའོ། །འདི་ནི་གྲུབ་པའོ། །འཕགས་པ་མི་རྒོད་རྣམ་པར་འཇོམས་པ་ཞེས་བྱ་བའི་གཟུངས་རྫོགས་སོ།། །།