རྒྱ་གར་སྐད་དུ། པྲཛྙཱ་བརྡྷ་ནི་ནཱ་མ་དྷཱ་ར་ཎཱི། བོད་སྐད་དུ། ཤེས་རབ་བསྐྱེད་པ་ཞེས་བྱ་བའི་གཟུངས། ཐམས་ཅད་མཁྱེན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱང་ཆུབ་སེམས་དཔའི་བློ་ལྡན་ཞེས་ 473b བྱ་བ། རི་རབ་ཀྱི་ངོས་ལ་བཞུགས་ཏེ། རི་རབ་ལ་གནས་པའི་ལྷའི་བུ་ཐམས་ཅད་ཀྱིས་བསྐོར་ནས། མདུན་དུ་བྱས་ཏེ་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཞོན་ནུའི་གཟུགས་ཅན་གྱིས་ཐལ་མོ་སྦྱར་ཏེ། བྱང་ཆུབ་སེམས་དཔའ་བློ་ལྡན་ལ་གསོལ་བ་བཏབ་པ། བཅོམ་ལྡན་འདས་སེམས་ཅན་ཤེས་རབ་རྟུལ་བ། བློ་དང་མི་ལྡན་པ། ཡིད་མི་གཞུངས་པ་རྣམས་ཀྱི་སླད་དུ་ཤེས་རབ་བསྐྱེད་པ་ཞས་བྱ་བའི་གཟུངས་བཤད་དུ་གསོལ་བཤད་པ། ཧཱུཾ་པི་ཙུ་པི་ཙུ་པྲ་ཛྙཱ་བརྡྷ་ནི། ཛྭ་ལ་ཛྭ་ལ་མེ་དྷ་བརྡྷ་ནི། དྷི་རི་དྷི་རི། བུདྡྷི་བརྡྷ་ནི་སཝཱཧཱ། གང་ཞིག་གཟུངས་འདི་ཀློག་པ་དང ། འདྲི་བ་དང ། འདྲིར་འཇུག་པ་དང ། ཀུན་ཆུབ་པར་བྱེད་པ་དང ། ཆུང་ངུ་ཡང་ཡི་གེ་འབྲུ་གཅིག་ཙམ་ཐོས་ན་ཡང ། ཚེ་འདི་ཉིད་ལ་ཤེས་རབ་ཆེན་པོར་འགྱུར་རོ། །གང་གིས་ཟླ་བ་དྲུག་གི་བར་དུ་ཉིན་རེ་ཞིང་རྩབས་ཁྱོར་གང་ལ་རིགས་པ་འདི་ལན་བདུན་བཏབ་སྟེ། ཉི་མ་ཤར་བའི་ཚེ་འཐུངས་ན་ཚིགས་སུ་བཅད་པ་སྟོང་འཛིན་པར་འགྱུར་རོ། །ལན་གཅིག་འཐུངས་ན་ལྔ་བརྒྱ་འཛིན་ཏེ། ཉིན་གཅིག་བཞིན་དུ་ཤེས་རབ་འཕེལ་བར་འགྱུར་རོ། །ཉིན་རེ་བཞིན་དུ་བརྗོད་པ་ཙམ་གྱིས་དྲན་པ་དང ། ཡིད་གཞུངས་པར་འགྱུར་རོ། །ཤེས་རབ་བསྐྱེད་པའི་གཟུངས་རྫོགས་སོ།། །། |