rKTs


H664

(e-text produced by ACIP)

see text in transliteration
3a
རྒྱ་གར་སྐད་དུ། པདྨ་མུ་ཀུ་ཊ་ཏནྟྲ་ནཱ་མ། བོད་སྐད་དུ། པདྨ་ཅོད་པན་ཞེས་བྱ་བའི་རྒྱུད། བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལྷའི་གཞལ་མེད་ཁང་ན་ལོངས་སྤྱོད་རྫོགས་པའི་སྐུར་སངས་རྒྱས་ནས་བྱང་ཆུབ་སེམས་དཔའི་འཁོར་དཔག་ཏུ་མེད་པ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཐུགས་རྗེ་ཆེན་པོའི་སྒོ་ཀུན་ནས་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འོད་ཟེར་གྱིས་རྣམ་པར་སྣང་མཛད་གང་ཆེན་མཚོའི་ཞིང་གི་རྡུལ་ལ་རེག་པས་རེག་མ་ཐག་ཏུ་
3b
བསྐལ་པ་བཟང་པོའི་སངས་རྒྱས་སྟོང་རྩ་གཉིས་ལ་མཆོད་ནས་འོད་ཟེར་དེ་བཅོམ་ལྡན་འདས་ཀྱི་དབུའི་གཙུག་ཏོར་དུ་ནུབ་བོ། །ནུབ་མ་ཐག་ཏུ་ཐུགས་རྗེ་ཆེན་པོ་ཕྱག་སྟོང་སྤྱན་སྟོང་དང་ལྡན་པ། སྐུ་མདོག་གངས་ཀྱི་རྩེ་ལ་ཉི་མ་ཤར་བ་ལྟར་དཀར་བ། ཞལ་བཅུ་གཅིག་གི་རྩ་བའི་ཞལ་དཀར་པོ། སྟེང་གི་ཞལ་སེར་བ། གཡས་ལྗང་གུ།་གཡོན་དམར་བ། སྟེང་གི་གསུམ་ནག་པོ། བཅོམ་ལྡན་འདས་ཀྱི་དབུ་ནི། བྱི་རུ་བཅག་པ་ལྟ་བུར་གྱུར་ཏེ་འཛུམ་པ་མཛད་ནས་ཐུགས་རྗེ་ཆེན་པོའི་བདག་པོ་འཕགས་པ་སྤྱན་རས་གཟིགས་དབང་ཕྱུག་ལ་གཟིགས་སོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ཐལ་མོ་སྦྱར་ཏེ་བཅོམ་ལྡན་འདས་ལ་གསོལ་པ། སྐུ་དང་སྔགས་དང་ལས་རྣམས་དང ། །ཁྱད་པར་ཆོ་ག་བསྟན་པར་གྱིས། །ཞེས་གསོལ་བ་བཏབ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ། །ཞེས་བྱ་བ་བྱིན་ནས་བཀའ་སྩལ་པ། སྐུ་ནི་རྣམ་པ་འདི་ལྟ་སྟེ། །ཐུགས་རྗེ་དག་པས་ཆུ་ཤེལ་ཏེ། །མཉམ་པར་བཞེངས་པས་འགྲོ་དོན་མཛད། །ཆུ་ཤེལ་མདོག་འདྲ་ཞལ་གསུམ་དཀར། །ལྗང་གུའི་མདོག་ཅན་ནག་པོ་ཆེ། །སེར་པོ་དེ་བཞིན་
4a
༄#། །བཅོམ་ལྡན་དམར། །དྲང་སྲོང་དག་ཏུ་རི་དྭགས་བརྒྱན། །ཞི་བ་འཛུམ་དང་བཞད་པ་དང ། །ཁྲོས་པའི་ཞལ་མངའ་སྤྱན་གསུམ་མཛེས། །བཅུ་པ་སེམས་དཔའི་རྟགས་ཅན་ཏེ། །བཅུ་གཅིག་བཅོམ་ལྡན་འདས་ཀྱི་བདག་།ཡོན་ཏན་ནོར་བུ་མུ་ཏིག་ཕྲེང ། །འཕྲིན་ལས་སྣ་ཚོགས་སྨད་དཀྲིས་པ། །དང་པོའི་ཕྱག་ནི་ཐལ་སྦྱར་ཏེ། །གཡས་པ་རིན་ཆེན་ཕྲེང་བ་འཛིན། །གཡོན་པ་དྲི་མེད་པདྨ་འཛིན། །གཡས་པ་མཆོག་སྦྱིན་མཛད་པའོ། །གཡོན་པ་རིལ་བ་སྤྱི་བླུགས་ཏེ། །གཡས་པ་འཁོར་ལོ་རབ་ཏུ་འཛིན། །གཡོན་པ་ན་ནི་མདའ་གཞུ་སྟེ། །ལྷག་མ་མཆོག་སྦྱིན་སྤྱན་ལྡན་ནོ། །དེ་ནས་ཡང་བཅོམ་ལྡན་འདས་ཀྱིས་འཛུམ་པ་མཛད་དེ་ཅོད་པན་གཉིས་ནས་རིན་པོ་ཆེ་རབ་ཏུ་འཕྲོ་བ་དང ། བཅོམ་ལྡན་འདས་ལ་སངས་རྒྱས་ཐམས་ཅད་ཀྱི་བྱིན་གྱི་རླབས་ལས་བྱུང་བའི་པདྨའི་སྟེང་དུ་རིགས་ལྔ་བྱུང་བ་ནི། འདི་ལྟ་སྟེ། རྣམ་པར་སྣང་མཛད་དང ། རིན་ཆེན་འབྱུང་ལྡན་དང ། སྣང་བ་མཐའ་ཡས་དང ། དོན་ཡོད་གྲུབ་པ་དང ། མི་བསྐྱོད་པའོ། །ཁང་བུ་བརྩེགས་པའི་རིན་པོ་ཆེ་དེའི་ནང་དུ་སེངྒེ་དང ། རྟ་དང ། རྨ་བྱ་དང ། ནམ་མཁའ་ལྡིང་དང ། གླང་པོ་ཆེའོ། །དེ་དག་ནི། ཅོད་པན་ལས་བྱུང་བའོ། །ཡང ། ཡུམ་ནི་སྐུ་མདོག་སྔོན་མོ་སྟེ། པདྨ་ལས་བྱུང་པདྨའི་
4b
སྟེང ། །ཚད་མེད་བཞི་སྟེ་ཕྱག་བཞིས་མཛེས། །སེམས་དཔའི་རྒྱན་དང་ལྡན་པ་ཡི། །མཉམ་པ་ཡི་ནི་སྐྱིལ་ཀྲུང་བཅས། །ཡབ་ནི་སྐུ་མདོག་སེར་པོ་སྟེ། །པདྨ་ལས་བྱུང་པདྨའི་སྟེང ། །ཐལ་སྦྱར་ནོར་བུའི་བགྲང་ཕྲེང་འཛིན། །རྒྱན་རྣམས་ཡོངས་སུ་འཛིན་པའོ། །ཡང་ན་འོད་ཟེར་རབ་བཀྱེ་སྟེ། །ཟླ་བ་ཉི་མ་ལས་བྱུང་བའི། །ཉི་མའི་མདོག་ཅན་ཉི་མ་ནི། །གཞོན་ནུ་ཨུཏྤལ་མཆོག་སྦྱིན་མཛད། །ཟླ་བ་ལས་སྐྱེས་ནམ་མཁའི་མདོག་།ཅུང་ཞིག་ཁྲོས་པ་རྡོ་རྗེ་ཅན། །དཀར་པོ་གངས་ལྟར་དཀར་བ་སྟེ། །ཉི་ཟླའི་སྟེང་ན་པདྨ་འཛིན། །དྲག་པོ་གཉིས་དང་ཧྲཱི་ཡིག་ལས། །གཉིས་མེད་ཚུལ་གྱིས་འབྲས་བུར་རྫོགས། །ཧ་ཡ་གྲི་བས་ཁམས་གསུམ་སྡུད། །ཁྲོ་གཉེར་ཅན་གྱིས་འཕྲིན་ལས་མཛད། ། གཤིན་རྗེ་གཤེད་པོ་གཏེར་འཛིན་ཅིང ། །ཁམས་གསུམ་རྣམ་རྒྱལ་བདུད་སྡེ་འཇོམས། །འཁོར་ལོ་དཀར་པོ་དགེ་བའི་སྟེང ། །གྲུ་བཞི་སྒོ་བཞི་རྟ་བབས་བཅས། །དང་པོར་དཀོན་མཆོག་རབ་དད་ཅིང ། །ཚད་མད་བཞི་ནི་ཡོངས་སུ་རྫོགས། །བྱང་ཆུབ་ཡན་ལག་རྫོགས་པ་དང ། །ཆོས་ཀྱི་རང་བཞིན་སྟོང་ཉིད་དོ། །གླེང་གཞི་དང ། སྐུ་བསྟན་པའི་ལེའུ་སྟེ་དང་པོའོ།། །།དེ་ནས་གསང་སྔགས་བསྟན་པའི་ཕྱིར་བཅོམ་ལྡན་འདས་ཀྱིས་རྣམ་པར་སྣང་མཛད་གང་ཆེན་མཚོའི་ཞིང་ཁམས་
5a
༄#། །ཐམས་ཅད་དུ་འོད་བཀྱེ་ནས་གཙུག་ཏུ་ནུབ་པར་གྱུར་ཏོ། །དེ་ནས་ཡང་གསུངས་པ། ཨོཾ་ཧཱུཾ་ཏྲཱཾ་ཧྲཱིཿ ཡཱཿ ། ན་ནོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སཱ་ག་ར་བཻ་རོ་ཙ་ནཱ་ཡ། བྱཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ་ཨརྷ་ཏེ། སམྱཀསཾ་བུདྡྷཱ་ཡ། ན་མཿ སརྦ་ཏ་ཐཱ་ག་ཏེ་བྷྱཿ ། ཨརྷད་བྷྱཿ ། སམྱཀསཾ་བུདྡྷེ་བྷྱཿ ། ནཱ་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་ས་ཏྭ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ་ཝ་ཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ་ཝ་རེ། ཨི་ལི་མི་ལི། ཙི་ཏི་ཛྭ་ལ་མ་པ་ན་ཡ་སཝཱཧཱ། སྔགས་འདི་རྣམས་ཁ་ཏོན་བྱེད་པའི་རིགས་ཀྱི་བུའམ། རིགས་ཀྱི་བུ་མོས་ལན་གཅིག་བརྗོད་དམ། དྲན་ཞིང་ཡིད་ལ་བྱས་སམ།་ལུས་ལ་བཅངས་ན། མཚམས་མེད་པ་ལྔ་དང ། དེ་དང་ཉེ་བའི་སྡིག་པའི་ལས་འབྱང་ཞིང་སེམས་ཅན་དམྱལ་བ་དང ། ཡི་དྭགས་དང ། དུད་འགྲོའི་སྐྱེ་གནས་སུ་མི་སྐྱེ་ཞིང ། མི་ཁོམ་པ་བརྒྱད་དུ་སྡུག་བསྔལ་དང་བཅས་པར་མི་འགྱུར་རོ། །གཅན་གཟན་དང ། སྲིན་པོ་དང ། མི་མ་ཡིན་པ་དང ། ནད་དང ། འཇིགས་པ་ཐམས་ཅད་ལས་ཐར་བར་འགྱུར་རོ། །ོཾ་རཀྵ་རཀྵ་ཞེས་པས་ཀྱང་བསྲུང་བར་བྱའོ། །ོཾ་ཨ་ཀཱ་རོ་མུ་ཁཾ་སརྦྦ་དྷརྨཱ་ཎཾ། ཨཱ་དྱ་ནུཏྤནྣ་ཏྭཏ་ཞེས་པས་གཏོར་མའི་ཆུས་ཡི་དྭགས་
5b
ལ་མཆོད་པར་བྱ་སྟེ། ཨོཾ་ཨཱཿ ཧཱུཾ་ཞེས་བས་སོ། །དེ་རྣམས་སྲུང་བའི་སྔགས་སོ། །ོཾ་མ་ཎི་པདྨེ་ཧཱུཾ། ཞེས་པས་སོ། །འདིས་ནི། རིགས་གསུམ་གྱི་བདག་པོར་འགྱུར་ཏེ། དེའི་ཕན་ཡོན་ནི། འདིའོ། །ཆོས་ཀྱི་སྐུ་དང་གཟུགས་ཀྱི་སྐུའི་ཐུགས་རྗེ་ཆེན་པོ་མཐོང་བར་འགྱུར་རོ། །ོཾ་ན་མཿ ་སརྦ་ཏ་ཐཱ་ག་ཏཱ་དྷུ་པེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ན་མཿ སརྦ་ཏ་ཐཱ་ག་ཏཱ་པུཥེཔ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ན་མཿ སརྦ་ཏ་ཐཱ་ག་ཏ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ན་མཿ ་སརྦ་ཏ་ཐཱ་ག་ཏ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ན་མཿ ་སརྦ་ཏ་ཐཱ་ག་ཏ་ནཻ་ཝི་དྱ་པཱུ་ཛེ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ན་མཿ ་སརྦ་ཏ་ཐཱ་ག་ཏ་ཤཔྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ན་མཿ ་སརྦ་ཏ་ཐཱ་ག་ཏ་མཎྜ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དེ་ནས་མཆོད་པས་ཡང་དག་མཆོད། ། སྟོང་ཉིད་ཡེ་ཤེས་ལས་བྱུང་བའི། །ཐབས་དང་ཤེས་རབ་གཉིས་ལྡན་པའི། །ཧྲཱིཿ ་ཡིག་དཀར་པོ་ཡང་དག་ལྡན། །སྔགས་ཀྱི་ལེའུ་སྟེ་གཉིས་པའོ།། །། ལས་དང་ཆོ་ག་བསྟན་པའི་ཕྱིར། །དང་པོ་ཞི་བའི་ལས་བསྒྲུབས་ན། །ཡིད་དུ་འོང་བའི་གནས་དག་ཏུ། །དཀར་པོ་དང་པོ་གསལ་དུས་སུ། །དྲི་ཞིམ་ཆུ་ཡིས་ལེགས་
6a
༄#། །བྱུགས་ཏེ། །མེ་ཏོག་དཀར་པོ་བཀྲམ་བྱས་ནས། །ཁྲུས་དང་ཁ་ཟས་ཕྱོགས་མཐུན་པའི། །བདེ་བའི་སྟན་ལ་ཉེར་འདུག་སྟེ། །བུམ་པ་དཀར་པོ་ཙནྡན་དཀར། །དྲིས་བཀང་གོས་ཀྱིས་ལེགས་པར་དཀྲི། །མཎྜལ་དབུས་སུ་ལེགས་པར་གཞག་།ཧྲཱིཿ ་ལས་བྱུང་བའི་སེམས་དཔའི་སྐུ། །ཞལ་གཅིག་ཕྱག་གཉིས་སྐུ་མདོག་དཀར། །རྒྱན་རྣམས་རྫོགས་པ་པདྨ་བསྣམས། །ཟླ་བའི་གདན་ལ་ལེགས་བཞུགས་པ། །ཧྲཱིཿ ་ལས་འོད་ཟེར་འཕྲོ་བ་བསྒོམ། །ཕྱག་སྟོང་སྤྱན་ཡང་དེ་བཞིན་ཏེ། །རྒྱས་པའི་སྐུ་ནི་མདུན་བསམས་ནས། །ཧྲཱིཿ ་ཡི་འཕྲོ་འདུ་གསལ་བ་ནི། །བཟླས་པ་རབ་ཏུ་གསལ་བ་སྟེ། །གསང་སྔགས་འདི་ནི་བརྗོད་པར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་ས་གཱ་ར་བཻ་རོ་ཙ་ན་ཡ། བྱཱུ་ཧ་རཱ་ཛ་ཡ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ན་མཿ ་སརྦ་ཏ་ཐཱ་ག་ཏེ་བྷྱཿ ། ཨརྷད་བྷྱཿ ། སམྱཀྶཾ་བུདྡྷཱ་བྷྱཿ ། ན་མ་ཨཱརྱ་ཨ་བ་ལེ་ཀི་ཏེ་ཤཝ་རཱ་ཡ། བོདྷི་སཏྭཱ་ཡ། མ་ཧཱ་སཏྭ་ཡ། མ་ཧཱ་ཀ་རུ་ཎི་ཀཱ་ཡ། ཨ་མི་ཏ་བྷ་ཡ་ཆེ་གེ་མོ་ཤཱནྟིཾ་ཀུ་རུ་སཝཱཧཱ། ཞེས་བཟླས་པར་བྱའོ། །བྲུཾ། རྣམ་པར་སྣང་མཛད་བུམ་པའི་ཆུས། །གང་དག་ལེགས་པར་ཁྲུས་བྱེད་པ། །དྲི་མ་ཐམས་ཅད་ཡོངས་དག་ནས། །འབྲས་བུ་བདེ་བ་དེ་ཐོབ་འགྱུར། །
6b
འཇིགས་པ་ཀུན་ལས་རྣམ་གྲོལ་ནས། །མྱུར་དུ་ཆུ་སྐྱེས་མཐོང་བར་འགྱུར། །དེ་ནས་རྒྱས་པ་སྒྲུབ་འདོད་ན། །ནགས་ཚལ་ཤིན་ཏུ་མཐོ་བར་ནི། །དྲི་ཞིམ་ཆུ་ཡིས་ལེགས་བྱུགས་ལ། །འབྲས་བུར་བཅས་པའི་མེ་ཏོག་དགྲམ། །རྒྱན་རྣམས་ཡོངས་སུ་བཏགས་ནས་ནི། །བདེ་བའི་སྟན་ལ་ཉེར་འདུག་སྟེ། །རིན་ཆེན་སྣ་ལྔ་འབྲུ་སྣར་བཅས། །རིན་ཆེན་ག་འུར་བླུག་པར་བྱ། །མཎྜལ་དབུས་སུ་ལེགས་པར་གཞག་།ཧྲཱིཿ ་ལས་བྱུང་བའི་སེམས་དཔའི་སྐུ། །ཞལ་གཅིག་ཕྱག་གཉིས་སྐུ་མདོག་སེར། །རྒྱན་རྣམས་རྫོགས་པ་པདྨ་བསྣམས། །ཕྱག་སྟོང་སྤྱན་ཡང་དེ་བཞིན་ཏེ། །རྒྱས་པའི་སྐུ་ནི་མདུན་བསམས་ནས། །མཆོད་པ་ལྔ་ཡིས་ཡང་དག་མཆོད། །ཧྲཱིཿ ་ཡི་འཕྲོ་འདུ་གསལ་བར་བཟླས། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་ས་ག་ར་བཻ་རོ་ཙ་ན་ཡ། བྱཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མཿ ་སརྦ་ཏ་ཐཱ་ག་ཏེ་བྷྱཿ ། ཨརྷ་ད་བྷྱཿ ། སམྱཀྶཾ་བྷུདྡྷེ་བྷྱཿ ། ན་མཿ ་ཨཱརྱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། རཏྣ་ཀུ་ན་པུཥྚིཾ་ཀུ་རུ་སཝཱ་ཧཱ། བང་མཛོད་སྟོང་པའི་ཐོག་བཞག་ན། །འབྲུ་ཡིས་ཡོངས་སུ་ཁེངས་པར་འགྱུར། །དེ་ནས་དབང་གི་ལས་བྱེད་ན། །སྡུད་པར་བྱེད་ན་ཆུ་ཀླུང་འགྲམ། །པ་ལ་ཤ་དང་ཨ་ཤཝཏྠ། །མེ་ཏོག་དམར་པོའི་རིལ་བུ་
7a
༄#། །བྱས། །བསེ་གབ་དམར་པོའི་ནང་དུ་གཞུག་།མེ་ཏོག་དམར་པོས་རབ་ཏུ་མཆོད། །ཧྲཱིཿ ་ཡིག་ལས་བྱུང་སྒྲོལ་མའི་སྐུ། །ལྗང་གུ་ཕྱག་ན་ལྕགས་ཀྱུ་འཛིན། །ཕྱག་སྟོང་སྤྱན་ཡང་དེ་བཞིན་ཏེ། །རྒྱས་པའི་སྐུ་ནི་མདུན་བསམས་ནས། །མཆོད་པ་ལྔ་ཡིས་མཆོད་བྱས་ཏེ། །ཧྲཱིཿ ་ཡི་འཕྲོ་འདུ་གསལ་བར་བཟླས། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་ས་ག་ར་བཻ་རོ་ཙ་ནཱ་ཡ། བྱཱུ་ཧ་རཱ་ཛཱ་ཡ། ཏ་ཐཱ་ག་ཏ་ཡ། ཨརྷ་ཏེ། སམྱཀྶཾ་བྷུདྡྷེ་བྷྱཿ ། ན་མཿ ་སརྦ་ཏ་ཐཱ་ག་ཏེ་བྷྱཿ ། ཨརྷད་བྷྱཿ ། སམྱཀྶཾ་བྷུདྡྷེ་བྷྱཿ ། ན་མ་ཨཱརྱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨ་མོ་གྷ་བྷསྨི་ཀུ་རུ། ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མོ་གྷ་བྷསྨི་ཀུ་རུ་སཝཱ་ཧཱ། རྫས་ཀྱི་ལྡེ་གུས་ལུས་བྱུགས་ན། །བྱུགས་པ་དེ་ཡིས་ཁུགས་པར་འགྱུར། །དེ་ནས་འཕྲིན་ལས་བྱེད་འདོད་ན། །དུར་ཁྲོད་ཤིང་གཅིག་དག་ཏུ་ནི། ། བ་ཡི་ལྕི་བས་ལེགས་བྱུགས་ནས། །མེ་ཏོག་སྔོན་པོ་ནིམ་པ་ཡི། །སྤོས་ཀྱི་ཚོམ་བུ་ལྔ་སྟེང་དགྲམ། །བྱང་ཆུབ་འདུག་སྟེ་ལས་འདི་བརྩམ། །གཅན་གཟན་སྟེང་དུ་ཆུ་ཤེལ་ཏེ། །ཧྲཱིཿ ་ཡི་ཡི་གེ་ལས་བྱུང་བའི། །མདོག་དཀར་རལ་པའི་ཐོར་ཚུགས་ཅན། །ཞལ་གཅིག་སྤྱན་ནི་གསུམ་པ་སྟེ། །རི་དྭགས་པགས་པ་འཛིན་པ་ཡི། །དྲང་
7b
སྲོང་ཁྲོས་པའི་ཆ་བྱད་ཅན། །ཕྱག་བཞི་དང་པོ་མཆོག་སྦྱིན་པ། །གཡོན་པ་པད་སྟེང་རལ་གྲི་ཅན། །གཡས་པ་ལྟོས་འགྲོས་བརྒྱན་པའི་མདུང ། །རྩེ་གསུམ་དཀར་པོས་བརྒྱན་པའོ། །གཡོན་ན་ཐོད་པ་དཀར་པོ་སྟེ། །དྲི་ཞིམ་མེ་ཏོག་དག་གིས་བཀང ། །རྒྱལ་པོ་ཆེན་པོ་རོལ་པ་ལྟར། །ཅུང་ཞིག་ཟུར་གྱིས་གཟིགས་པའོ། །ཕྱག་སྟོང་སྤྱན་ཡང་དེ་བཞིན་ཏེ། །བསྐལ་པ་བཟང་པོའི་སངས་རྒྱས་སྟོང ། །པདྨའི་གདན་ལ་ལེགས་ཞུགས་པའི། །རྒྱས་པའི་སྐུ་ནི་ལེགས་བསམས་ནས། །ཧྲཱིཿ ་ཡི་འཕྲོ་འདུ་ལས་བྱུང་བའི། །གསང་སྔགས་རྒྱལ་པོ་བཟླས་པར་བྱ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སཱ་ག་ར་བཻ་རོ་ཙ་རཱ་ཡ། བྱཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བྷུདྡྷཱ་ཡ། ན་མཿ ་སརྦ་ཏ་ཐཱ་ག་ཏེ་བྷྱཿ ། ཨརྷད་བྷྱཿ ། སམྱཀྶཾ་བྷུདྡྷེ་བྷྱཿ ། ན་མ་ཨཱརྱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ཀ་ཊེ་ནི་ཀ་ཊེ། ཀ་ཊ་ཀ་ཊ་ཀ་རོ་ཊེ་ཀ་རོ་ཊ་བཱི་རྱེ་སཝཱ་ཧཱ། ཨོཾ་ཀརྨ་ཨ་མོ་གྷ་བི་བཛྲ་སིཾ་ཧ་ན་དི་ཧཱུཾ་ཕཊ། དྲིའམ་བྱུག་པ་དག་ལ་ནི། །བཏབ་པ་ལུས་ལ་བྱུག་པར་བྱ། །མེ་ཏོག་སྔོན་པོ་མགོ་ལ་གཞག་།མཎྜལ་ཆུ་ཡིས་ལུས་ལ་བྱུག་།ཉི་ཤུ་རྩ་ལྔ་བཟླས་ན་ནི། །ལས་རྣམས་ཐམས་ཅད་འགྲུབ་པར་འགྱུར། །དེ་ནས་བཞི་ག་སྒྲུབ་འདོད་ན། །བཀྲ་ཤིས་དུས་
8a
༄#། །སུ་རྫོགས་དུས་སུ། །རི་བོ་ཡིད་འོང་གནས་དག་ཏུ། །ས་གཞི་ཆག་ཆག་ལེགས་བཏབ་སྟེ། །མཎྜལ་ལེགས་བྱས་མེ་ཏོག་ནི། །དྲི་ཞིམ་དཀར་པོས་ཡོངས་གཏོར་ཏེ། །གཙང་ཞིང་དག་པའི་རྫས་རྣམས་དགྲམ། །གཙང་མ་བྲམ་ཟེ་བྱས་ཏེ་གཞག་།ཁྲུས་དང་ཀུ་ཤའི་སྟེང་གནས་ཏེ། །ཧྲཱིཿ ་ལས་བྱུང་བའི་ཆུ་སྐྱེས་སྟེང་།། ཆུ་སྐྱེས་མདོག་འདྲ་ཞལ་གསུམ་ཡང ། །འཛུམ་ཞིང་ཞི་བའི་ཆ་བྱད་ཅན། །ལྗང་གུ་བཞད་པའི་ཞལ་གསུམ་པ། །ནག་པོ་ཁྲོས་པ་དམར་སེར་སྐྲ། །སེར་པོའི་ཞལ་ནི་འཛུམ་པ་སྟེ། །དམར་པོ་བཅོམ་ལྡན་འདས་ཀྱི་དབུ། །རི་དྭགས་པགས་པས་སྟོད་གཡོགས་ཤིང ། །སྣ་ཚོགས་ཤམ་ཐབས་མནབས་པ་ཡི། །ཞབས་གཉིས་ཕྱག་དྲུག་མཉམ་པར་བཞེངས། །གཡས་གཡོན་དང་པོ་ཐལ་མོ་སྦྱར། །བར་མ་བགྲང་ཕྲེང་པདྨ་བསྣམས། །ཐ་མ་མཆོག་སྦྱིན་སྤྱི་བླུགས་འཛིན། །བུམ་པ་རྣམ་སྣང་ལྷ་མོ་ནི། །ལཱ་སྱེ་མ་ལེ་གིརྟི་སྟེ། །ནིརྟི་ནང་གི་ལྷ་མོ་དག་།ཟླ་བའི་གདན་ལ་ལེགས་པར་བཞུགས། །ཧྲཱིཿ ་ཡི་ཡི་གེ་ལས་བྱུང་བའི། །གསང་སྔགས་རྒྱལ་པོ་བཟླས་པར་བྱ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སཱ་ག་ར་བཻ་རོ་ཙ་ནཱ་ཡ། བྱཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མཿ ་སརྦ་ཏ་ཐཱ་ག་ཏེ་བྷྱཿ ། ཨརྷད་
8b
བྷྱཿ ། སམྱཀྶཾ་བུདྡྷེ་བྷྱཿ ། ན་མ་ཨཱརྱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨཊྚེ་ཊེ་ཝཊྚེ་ཊེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མ་ཝ་རེ། ཨི་ལི་མི་ལི་ཙི་ཏི་ཛྭ་ལ་མ་པ་ན་ཡ་སཝཱ་ཧཱ། བུམ་པའི་ཆུ་ལ་ལེགས་བསྒྲུབས་ནས། །ལུས་ལ་བྱུགས་ན་འགྲུབ་པར་འགྱུར།་ཆོ་གས་སྒྲུབ་པའི་ལེའུ་སྟེ་གསུམ་པའོ།། །།དེ་ནས་ཐབས་ཀྱི་རིམ་པ་ནི། གྲོ་གའམ་རས་སམ་ཤིང་ཤུན་ལ། །ར་ཡི་འོ་མས་བྲིས་པ་ཡི། །ཚོམ་བུ་ལྔ་ཡི་འཁོར་ལོ་ལ། །དབུས་སུ་སྐུ་ཡི་ས་བོན་ཏེ། །ལྔ་པ་ཡི་ནི་ལྔ་པ་སྟེ། །ཤར་དུ་དེ་ཡང་བྲི་བར་བྱ། །བཞི་པའི་ལྔ་པས་དབུས་སུ་མཚན། །ལྷོ་རུ་དེ་ནི་ཡང་དག་དགོད། །ལྔ་པའི་དང་པོ་བཞི་པའི་གསུམ། །ནུབ་ཏུ་དེ་ནི་ཡང་དག་དགོད། །ལྔ་པ་ཡི་ནི་ལྔ་པ་ལ། །ེ་ཡི་རྣམ་པར་སྦྱར་བ་སྟེ། །བྱང་དུ་དེ་ནི་ཡང་དག་དགོད། །དབུས་སུ་ཐུགས་ཀྱི་ས་བོན་ཏེ། །ཤཱནྟིཾ་ཀུ་རུ་མཚམས་སུའོ། །སཝཱ་ཧཱ་དབུས་སུ་དགོད་པར་བྱ། །དེ་ལྟར་འཁོར་ལོ་གསལ་བཀོད་ནས། །དངུལ་ལམ་དཀར་པོའི་གའུར་གཞུག ། ཐམས་ཅད་ལས་ཀུན་ཞི་བར་འགྱུར། །ཡུང་བའི་ཆུ་ཡིས་བྲིས་པ་ཡི། །པུཥྚིཾ་ཀུ་རུ་མཚམས་སུའོ། །ཁམ་ཕོར་སེར་པོར་ལེགས་པར་གཞུག་།རྒྱས་པའི་ལས་རྣམས་
9a
༄#། །འགྲུབ་པར་འགྱུར། །པ་ལ་ཤ་ཡིས་ལེགས་པར་བྲིས། །བ་ཤཾ་ཀུ་རུ་མཚམས་སུ་དགོད། །ཁམ་ཕོར་དམར་པོར་ལེགས་པར་གཞུག་།དབང་གི་ལས་རྣམས་འགྲུབ་པར་འགྱུར། །ནིམ་པའི་ཆུ་ཡིས་ལེགས་པར་བྲིས། །མཱ་ར་ཡ་ནི་མཚམས་སུ་དགོད། །ལྕགས་སམ་ཐོད་པར་ཡང་དག་གཞུག་།འཕྲིན་ལས་ཐམས་ཅད་འགྲུབ་པར་འགྱུར། །ཙནྡན་དཀར་པོ་དྲི་ཞིམ་ཞིང ། །ཞི་བས་དེ་ནི་མེ་ལ་བསྲེག་།འབྲས་བུ་མངར་དང་བཅས་པའི་ཤིང་།། རྒྱས་པས་དེ་ནི་མེ་ལ་བསྲེག་།དབང་ནི་པ་ལ་ཤ་ཡི་ཤིང ། །དེ་ལ་བསྲེགས་ན་ཁུགས་པར་འགྱུར། །ནིམ་པའི་ཤིང་ལ་ཚར་གཅད་པའི། །བསྲེགས་པས་འཕྲིན་ལས་འགྲུབ་པར་འགྱུར། །འཁོར་ལོའི་ལེའུ་སྟེ་བཞི་པའོ།། །།དེ་ནས་ལས་ཀྱི་རིམ་པ་ནི། །དུར་བའི་རྩ་དང་འབྲས་ཀྱི་འདབ། །ཏིལ་དང་ཡུངས་ཀར་ཅི་ཙེ་ལ། །གསང་སྔགས་བཟླས་ནས་གྲུབ་པ་ནི། །ད་ལིའི་ཤིང་ལ་ལེགས་བསྲེགས་ནས། །ཐམས་ཅད་རབ་ཏུ་ཞི་བར་འགྱུར། །ཀུ་ཤ་སྟར་བུ་ཤུག་འབྲུམ་དང ། །སྟག་པའི་མེ་ཏོག་དམར་པོ་དང ། །གསང་སྔགས་བཟླས་པ་རབ་བྱས་ནས། །ཙནྡན་ཤིང་ལ་ལེགས་བསྲེགས་ནས། །རྒྱས་པར་བྱ་བའི་ལས་འགྲུབ་
9b
ཅིང ། །ནུས་པ་མཆོག་ནི་ཐོབ་པར་འགྱུར། །པ་ལ་ཤ་ཡི་ཤིང་དག་དང ། །ཁྲེ་དང་ཅི་ཙེ་མོ་སྲན་ལ། །གསང་སྔགས་བཟླས་པ་རབ་བྱས་ཏེ། །པདྨ་ཀ་ཡི་ཤིང་ལ་བསྲེགས། །ནུས་པ་མཆོག་ནི་ཐོབ་པར་འགྱུར། །ཐམས་ཅད་དབང་དུ་འདུས་པར་འགྱུར། །གྲོ་དང་སོ་བ་འབྲས་དང་ནི། །བྲ་བོ་མོན་སྲན་ཏིལ་ནག་པོ། །གསང་སྔགས་རབ་ཏུ་བཟླས་བྱས་ཏེ། །ཁ་ཏི་ར་ཡི་ཤིང་ལ་བསྲེག་།ནུས་དང་ལྡན་ཏེ་ལས་རྣམས་ནི། །མྱུར་བ་ཉིད་དུ་འགྲུབ་པར་འགྱུར། །པྲ་ཧ་ཁ་ཚའི་ཤིང་དག་ལ། །ལོ་མ་འབྲས་བུར་བཅས་པ་དང ། །རྡོ་རྗེའི་ཤིང་ལ་སྔགས་བཟླས་ནས། །མྱ་ངན་འཚང་གི་ཤིང་ལ་བསྲེག་།ནུས་པ་ཐོབ་ནས་མྱུར་དུ་ནི། །མི་རྣམས་ཐམས་ཅད་དབང་དུ་སྡུད། །ལྡོང་རོས་པདྨའི་རྩ་བ་ལ། །མུ་ལ་པ་ཏྲའི་ཤིང་དག་ལ། །གསང་སྔགས་རབ་ཏུ་བཟླས་བྱས་ནས། ། རུ་ར་ཡི་ཤིང་ལ་བསྲེག་།འཁོར་ལོའི་འོག་ཏུ་བཅུག་པ་ཡིས། །རྒྱལ་པོ་དབང་དུ་བྱེད་པར་འགྱུར། །པ་ལ་ཤ་ཡི་ཤིང་དག་དང ། །ཀཱ་ར་བི་རའི་འབྲས་དག་ལ། །གསང་སྔགས་རབ་ཏུ་བཟླས་བྱས་ནས། །འཛམ་བུའི་ཤིང་ལ་རབ་བསྲེགས་ནས། །རལ་གྲི་འོག་ཏུ་བཅུག་ན་ནི། །ཡུལ་དབང་ཡང་ནི་དབང་དུ་འགྱུར། །ཚེ་རབས་བརྒྱ་རུ་ལོན་པའི་རུས། །མཚོན་གྱིས་བསྣུན་པའི་རུས་པ་
10a
༄#། །དག་།གསང་སྔགས་རབ་ཏུ་བཟླས་བྱས་ནས། །སྐྱེར་པའི་མེ་ལ་རབ་བསྲེགས་ཏེ། །ལྕགས་ཀྱུའི་འོག་ཏུ་རབ་བཅུག་ན། །གླང་པོ་དབང་དུ་འགྱུར་བར་བྱེད། །བ་ལེ་ཏ་དང་ཏ་ལེ་ཤ། །ཁ་ཏི་ར་དང་དྷ་ཏི་མ། །དུར་ཁྲོད་ཤིང་ལ་རབ་བསྲེགས་ན། །སྟག་ལ་སོགས་པ་དབང་དུ་འདུ། །ནས་དང་འབྲས་དང་སོ་བ་དང ། །སྨན་དང་རིན་ཆེན་སྣ་ཚོགས་ཀྱིས། །མཎྜལ་ཟླུམ་པོ་ལེགས་བྱས་ཏེ། །རྒྱན་རྣམས་རྫོགས་པའི་སངས་རྒྱས་ནི། །པདྨ་ཆུ་ཤེལ་ལས་སྐྱེས་པའི། ། ཆུ་ཤེལ་མདོག་ཅན་འཛུམ་དང་བཅས། །རྡོ་རྗེ་སྐྱིལ་མོ་ཀྲུང་བཅས་བཞུགས། །ཀུ་ཤའི་སྟན་ལ་ཤར་དུ་འདུག་།པདྨའི་ཕྱག་རྒྱ་བཅས་པ་ཡིས། །བྱམས་པའི་སེམས་ཀྱིས་དབུལ་བར་བྱའོ། །ནད་དང་རིམས་དང་འབྲུམ་བུ་དང ། །ཤུ་བ་གཡན་པ་མེ་དཔལ་དང ། །ནད་དང་གདོན་ནི་ཐམས་ཅད་བཟློག་།མཚམས་མེད་ལྔ་དང་མི་དགེ་བའི། །འབྲས་བུ་སྡུག་བསྔལ་ཐམས་ཅད་བཟློག་།མེའི་ལས་ཀྱི་ལེའུ་སྟེ་ལྔ་པའོ།། །།དེ་ནས་རྒྱལ་པོའི་འཇིགས་པ་ལ།། མཎྜལ་དཀར་པོ་ལེགས་བྱས་ལ། །ཙནྡན་དཀར་པོའི་དྲིས་བསྒོས་ཏེ། །མཆོད་ཡོན་མེ་ཏོག་དཀར་པོ་དང ། །ཅི་འབྱོར་པ་ཡིས་མཆོད་པ་ཡིས། །རྒྱལ་པོ་ལྟ་
10b
བུའི་གཟུགས་ལ་མཆོད། །སྡིག་པ་ཐམས་ཅད་དེ་མདུན་དུ། །བཤགས་ནས་མྱུར་དུ་སྐྱབས་སུ་འགྲོ། །གྲོ་ག་དག་གམ་ཤིང་ཤུན་ལ། །རྒྱལ་པོ་དག་གི་གཟུགས་བྱས་ཏེ། །ཡིག་འབྲུ་ལྔ་ཡིས་བཏབ་པ་ཡིས། །ཚོན་སྣ་ལྔ་ཡིས་རབ་ཏུ་བཅིང ། །བྱམས་པའི་སེམས་ཀྱིས་ཆུ་བོ་ལ། །བཀུར་ན་རྒྱལ་པོའི་ཆད་ལས་ཐར། །ོཾ་ཧཱུཾ་ཏྲཱཾ་ཧྲཱིཿ ་ཨཱཿ ་ཤོ་ན་ཧ་རི་མ་ཀ་ཏོ། ས་ར་ས་ར་ཀ་ར་ཀ་ར་སཝཱ་ཧཱ། གཅན་གཟན་འཇིགས་པ་འོངས་པའི་ཚེ། །མཎྜལ་དཀར་པོ་ལེགས་བྱས་ལ། །མེ་ཏོག་དཀར་པོས་རབ་ཏུ་གཏོར། །མཆོད་པ་ལྔ་ཡིས་རྒྱལ་པོ་མཆོད། །སྡིག་བཤགས་མྱུར་དུ་སྐྱབས་སུ་འགྲོ། །འབྲུ་སྣ་ལྔ་དང་རིན་ཆེན་ལྔ། །ཚོན་སྣ་ལྔ་ཡི་ཕུར་མ་ལྔ། །བྱས་པ་ལུས་ལ་བཏགས་པ་ལ། ། གཅན་གཟན་འཇིགས་པ་ཐམས་ཅད་ལས། །མྱུར་བ་ཉིད་དུ་གྲོལ་བར་འགྱུར། །ོཾ་ཨཱཿ ་ཧཱུཾ་ཏྲིཾ་ཧྲཱིཿ ་ཤོ་ཤ་ན་ཧ་རི་ཧ་ཏིརྨ་ཀ་རོ་ས་ར་ས་ར་ཀ་ར་ཀ་ར་སཝཱ་ཧཱ། ཆོམ་རྐུན་དག་གིས་འཇིགས་པ་ལ། །མེ་ཏོག་སྔོན་པོ་རྡོ་རྗེ་ཅན། །མཐིང་ནགས་གནོན་ཕྱག་རྒྱ་ཅན། །མཆོད་ནས་བདག་ཉིད་སྐྱབས་སུ་འགྲོ། །ོཾ་ཨཀྵོ་བྷྱཿ ་ཏ་ཀ་ཀ་ར་ཎ་ག་ར་ཁ་ཏི་བ་སཝ་དྷི་ཙིཀྲ་ཏ་ཡ་རི་ཀ་ཙེ་ཙ་ཏྲ་ཏིན་དུ་དནྟ་ས་ར་ས་ར་ཀ་ར་ཀ་ར་སཝཱ་ཧཱ། སྦྲུལ་གྱི་གདུག་པས་འཇིགས་པ་ལ། །བལ་པོ་སེ་འུའི་ལྕུག་མ་ལ། །བྲམ་ཟེའི་གཟུགས་ཀྱི་རྒྱན་
11a
༄#། །བསྒོམས་ནས། །རིན་ཆེན་འབྱུང་ལྡན་སྐུར་བསྒོམས་ཏེ། །སྤྱི་བོར་མུ་ཏིག་བྱི་རུ་དང ། །མན་ཤེལ་པདྨ་རཱ་ག་དང ། །ིནྡྲ་ནཱི་ལ་དུང་གཡས་འཁྱིལ། །གསེར་དང་དངུལ་དང་དུར་བ་དང ། །རིན་ཆེན་རྒྱན་དང་འབྲུ་སྣར་བཅས། །ཀུ་ཤ་གླ་རྩི་ཙནྡན་དང ། །བ་ལུ་སྐྱེར་པ་ཨུཏྤ་ལ། །གུར་གུམ་དྲི་ཞིམ་ལུས་ལ་བྱུག་།ོཾ་རཏྣ་སཾ་བྷཱ་བ་ས་ཏཾ་བི་ཤ་ས་ར་ས་ར་ཀ་ར་ཀ་ར་སཝཱཧཱ། །ལྕེ་འབབ་པ་ཡིས་འཇིགས་པ་ལ། །སྟག་དང་འབྲུག་གི་རུས་པ་དང ། །འཁར་བའི་ཕྱེ་མ་ལྕགས་ཕྱེ་དང ། །ཟངས་ཕྱེ་ར་གན་ཕྱེ་མ་དང ། །གསེར་གྱི་ཕྱེ་མ་གྲོ་བར་བཏུམ། །སྣང་བ་མཐའ་ཡས་སྐུར་བསྒོམས་ཏེ། །བྱམས་པས་ཕྱོགས་མཚམས་ཀུན་ཏུ་བསྟན། །དུག་རྣམས་སྣ་ཚོགས་དུད་པས་བདུག་།ོཾ་ཨ་མྲྀ་ཏ་བཛྲ་ཛྭ་ལ་བཛྲ་ཛྭ་ལ། གརྫ་གརྫ། ས་ར་ས་ར་ཀ་ར་ཀ་ར་སཝཱཧཱ། མི་ཡིས་འཇིགས་པ་དག་ལ་ནི། །འབྲུག་རུས་སེན་ད་ཝ་ཤ་དང ། །ཏིལ་དང་སཱ་ལུ་ཙི་ཙི་དང ། །ནས་དང་གྲོ་དང་རྒུན་འབྲུམ་གྱི། །ཐང་ཕྲོམ་དག་ལ་སྔགས་བཏབ་སྟེ། །མི་ཡི་ཕྱོགས་སུ་གཏོར་བར་བྱ། །ོཾ་བཻ་རོ་ཙ་ན་པྲ་བྷ་ཛྭ་ལ་ཛྭ་ལ་ས་ར་ས་ར་ཀ་ར་ཀ་ར་སཝཱཧཱ། རྣམ་པར་སྣང་མཛད་སྐུར་བསྒོམས་ཏེ། །མེ་ལ་གཏོར་ནས་ས་ཡིས་གསོད། །
11b
ཆུ་བོ་དག་གིས་འཇིགས་པ་ལ། །མཛེ་ཅན་ཕོ་མོའི་ཐོད་པ་ནི། །ར་དང་ཁྱི་དང་ཕག་གི་ཁྲག་།ས་བདག་སྡེ་བརྒྱད་གཟུགས་དང་བཅས། །ནང་དུ་བཅུག་སྟེ་ཆུ་བོར་དོར། །དོན་ཡོད་གྲུབ་པའི་སྐུ་རུ་གསལ། །ོཾ་ཨ་མོ་གྷ་སིདྡྷི། ཨོཾ་ཀ་བཻ་ཏཱ་ར་ཎི་ས་ར་ས་ར་ཀ་ར་ཀ་ར་སཝཱཧཱ། ཕྱག་སྟོང་སྤྱན་ཡང་དེ་བཞིན་ཏེ། །ཐུགས་རྗེ་ཆེན་པོའི་སྐུ་མཆོག་ནི། །སོ་སོར་གསལ་ཞིང་བསྒོམ་པར་བྱ། །སོ་སོའི་དབུ་ལ་སོ་སོར་བསམ། །བྱམས་པས་ཀུན་ལ་རབ་ཏུ་བལྟ། །འཇིགས་པ་ཀུན་ལས་གྲོལ་བར་འགྱུར། །འཇིགས་པ་ཀུན་སྲུང་བའི་ལེའུ་སྟེ་དྲུག་པའོ།། །།སྐུ་གདུང་མེ་ཏོག་དཀར་པོས་མཆོད། །ས་གཞི་དྲི་ཡིས་ཆག་ཆག་བཏབ། །སྙིང་པོ་གཟུངས་དང་བཅས་པའམ། །ཁྲུ་གང་ཚད་ཀྱི་མཆོད་རྟེན་ལ། །ལེགས་པར་མཆོད་ཅིང་བསྟོད་པར་བགྱི། །སྟོང་ཉིད་ཡེ་ཤེས་ལས་བྱུང་བའི། །ཐུགས་རྗེའི་གཟུགས་ཀྱི་རྟེན་དུ་ཤར། །རྫུ་འཕྲུལ་ཚད་མེད་བཞི་དང་ལྡན། །བྱང་ཆུབ་ཕྱོགས་རྣམས་ཡོངས་སུ་རྫོགས། །དྲི་མེད་དུང་འདྲ་དཀར་པོ་སྟེ། །རྒྱལ་ཆེན་བཞི་ཡང་དེ་བཞིན་ནོ། ། བྱང་ཆུབ་ཆེན་པོའི་མཆོད་རྟེན་ནི། །ཁྲི་འཕང་བཅུ་གསུམ་ཏོག་དང་ལྡན། །ལྷ་ཡི་རོལ་མོ་ཆར་དུ་འབབ། །ཆོས་སྒྲ་རྒྱུན་མི་འཆད་པའི་གཏེར། །རིན་ཆེན་ལྔ་ཡི་བདག་
12a
༄#། །ཉིད་དེ། །ཕུར་བུས་གདབ་ཅིང་ཡོངས་སུ་གཟུང ། །སངས་རྒྱས་ཀུན་གྱི་བྱིན་རླབས་ཆེ། །དེ་ཡི་བསོད་ནམས་རབ་བསྟན་པ། །མཚམས་མེད་ལྔ་དང་མི་དགེ་བཅུ། །ཉོན་མོངས་དབང་གྱུར་སྡིག་པ་རྣམས། །སྐད་ཅིག་ཙམ་གྱིས་དག་པར་འགྱུར། །ཤིན་ཏུ་གཙང་བའི་གནས་དག་ནི། ། བྱམས་ལྡན་སྙིང་རྗེ་ཅན་གྱིས་བྱས། །བྲམ་ཟེའི་རིགས་ལས་བྱུང་བ་ཡི། །འབྲི་མཁན་སྙིང་རྗེ་ཅན་གྱིས་བྱ། །རང་བསམ་རྣམ་པར་དག་པ་ཡིས། །མདུན་དུ་བདར་ཏེ་མཆོད་པར་བྱ། །ཚད་དང་ཁ་དོག་ཡོངས་དག་གསལ། །ཡིད་དུ་འོང་བ་དག་ལའོ། །ཟས་དག་ཡིད་དུ་འོང་བ་ཡི། །དཀར་གསུམ་སྦགས་པ་སྤངས་བ་ཡིས། །ཤ་དང་སྒོག་པ་ལ་ཕུག་དང ། །ཟན་དང་ཆང་ནི་ཤིན་ཏུ་སྤྲང ། །ཤེལ་ཕྲེང་པདྨའི་སྙིང་པོ་དང ། །བོ་དྷི་ཙེ་དང་མུ་ཏིག་ཤིས། །གླལ་དང་སྦྲིད་པ་མི་ཚིགས་རྣམས། །ནམ་ཡང་ཆོད་པར་མི་བྱའོ། །ཡོ་བྱད་དང་དམ་ཚིག་བསྟེན་པའི་ལེའུ་སྟེ་བདུན་པའོ།། །།ལས་རྣམས་སྣ་ཚོགས་སྒྲུབ་བྱེད་ན། །པོ་ཏིའམ་ལུགས་མ་རས་རིས་ལ། །བརྟེན་ནས་བདག་ནི་བྱམས་སེམས་ལྡན། །མུཾ་ལས་འཕགས་པ་འཇམ་དཔལ་ནི། །དམར་སེར་ཨུཏྤལ་པུ་ཏི་
12b
འཛིན། །མཉམ་པ་སྐྱིལ་མོ་ཀྲུང་གིས་བཞུགས། །བུམ་པ་ཁ་དོག་སེར་པོ་ནི། །རིན་ཆེན་ལྔ་དང་འབྲུ་སྣར་བཅས། །ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ་བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ་ཝ་རེ། ཨི་ལི་མི་ལི། ཙི་ཏི་ཛྭ་ལ་མ་པ་ན་ཡ་སཝཱཧཱ། ལན་བདུན་ཡོངས་སུ་བཟླས་བྱས་ན། །གཏི་མུག་ཐམས་ཅད་ཞི་བར་འགྱུར། །ཤེས་རབ་ཆེན་པོ་ཐོབ་པར་འགྱུར། །རས་རིས་མཆོད་རྟེན་ལ་བརྟེན་ནས། །མཎྜལ་དྲི་ཞིམ་མེ་ཏོག་དགྲམ། །དཀར་གསུམ་མངར་གསུམ་དག་དང་ནི། །འབྲས་དང་ཏིལ་དང་ཡུངས་ཀར་དང ། །པདྨའི་རྩ་བ་དཀར་པོ་ལ། །རིལ་བུ་རྒྱ་ཤུག་འབྲུམ་བུ་ཙམ། །སྤྱན་རས་གཟིགས་ཀྱི་དབང་ཕྱུག་ནི། ། ཧྲཱིཿ ་ལས་བྱུང་བའི་སྐུ་མདོག་དཀར། །ཕྱག་ན་པདྨ་མཆོག་སྦྱིན་མཛད། །སེམས་དཔའི་སྐྱིལ་མོ་ཀྲུང་གིས་བཞུགས། །ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ་བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ་ཝ་རེ། ཨི་ལི་མི་ལེ། ཙི་ཏི་ཛྭ་ལ་མ་པ་ན་ཡ་སཝཱཧཱ། རིལ་བུ་དག་ལ་སྔགས་བཏབ་སྟེ། །བྱམས་པའི་སེམས་དང་ལྡན་པས་བཟའ། །སྲིད་པའི་འདོད་ཆགས་ཞི་གྱུར་ནས། །རབ་ཏུ་བདེ་བ་ཐོབ་པར་འགྱུར། །མཎྜལ་སྔོན་པོ་ལེགས་བྱས་ནས། །ུཏྤལ་སྔོན་
13a
༄#། །པོ་ནིམ་པ་དང ། ། ག་རུ་དང་ཙནྡན་དང ། །དྲི་ཡི་ཆུ་ཡིས་བུམ་པ་དགང ། །ཕྱག་ན་རྡོ་རྗེ་གོས་སྔོན་ཅན། །སྐུ་མདོག་ལྗང་སྔོན་ཅུང་ཞིག་ཁྲོ། །རྡོ་རྗེ་དྲིལ་བུ་ཕྱག་ན་བསྣམས། །སེམས་དཔའི་སྐྱིལ་མོ་ཀྲུང་གིས་བཞུགས། །ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨཊྚེ་བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ་ཝ་རེ། ཨི་ལི་མི་ལི། ཙི་ཏི་ཛྭ་ལ་མ་པ་ན་ཡ་སཝཱཧཱ། ཧཱུཾ་བསྐྱེད་ཕྱག་ན་རྡོ་རྗེ་ཡིས། །བུམ་པའི་ཆུ་ཡིས་ཁྲུས་བྱས་ན། །ཞེ་སྡང་རབ་ཏུ་ཞི་བར་འགྱུར། །བཟོད་པ་ཆེན་པོ་ཐོབ་པར་འགྱུར། །དུག་རབ་ཏུ་ཞི་བར་བྱེད་པའི་ལེའུ་སྟེ་བརྒྱད་པའོ།། །།རས་སམ་གྲོ་ག་ཤིང་ཤུན་ལ། །འཁོར་ལོ་རྩིབས་བཞི་མུ་ཁྱུད་བཅས། །དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཆེ་གེ་མོ་ལ་རཀྵ་རཀྵ་ཞེས་བྱའོ། །སྲུང་བ་ལུས་ལ་བཏགས་བྱས་ན། །ནད་དང་གདོན་དང་རིམས་དང་ནི། །འཇིགས་པའི་ནད་དང་གདོན་ལས་ཐར། །བདེ་བ་ཡོངས་སུ་རྫོགས་པར་འགྱུར། །སྐུད་པ་དག་ནི་དཀར་པོ་ལ། །མདུད་པ་དག་ནི་རབ་བྱས་ཏེ། །བདུན་ནམ་ཉི་ཤུ་རྩ་གཅིག་གམ། །བརྒྱ་རྩ་བརྒྱད་ནི་ལེགས་བཟླས་ནས། །སྲུང་བའི་དམ་པ་འདི་བྱས་ན། །སྲུང་བ་ཡི་
13b
ནི་དམ་པ་འདིས། །སྲུང་བའི་མཆོག་ཏུ་འགྱུར་བའོ། །མུ་ཏིག་རིན་ཆེན་བྱི་རུ་གསེར། །ག་བུར་གུར་གུམ་གླ་རྩི་དང ། ། ག་རུ་དང་དུ་རུ་སྐ། །ཕུར་མ་སྙིང་གར་གདགས་པར་བྱ། །ཙནྡན་གླ་རྩི་གུར་གུམ་དང ། །གུ་གུལ་ནག་པོ་བསྲེགས་པའི་ཕྱེ། །བ་ཡི་འོ་མས་ལྡེ་གུ་བྱས། །གནས་གསུམ་དག་ཏུ་བྱུགས་པས་ནི། །གདོན་དང་ནད་ཀྱིས་འཇིགས་ཀུན་ལ། །བྱུགས་པས་དེ་ནི་སྲུང་བར་འགྱུར། །སྲུང་བའི་འཁོར་ལོའི་ལེའུ་སྟེ་དགུ་པའོ།། །།སེར་བ་ཡོངས་སུ་སྲུང་བ་ནི། ། སེང་ལྡེང་ལྷང་ཏིའི་ཕུར་བུ་ལ། །གཟུངས་སྔགས་བཟླས་ནས་དབུས་སུ་ནི། །ཧཱུཾ་ལས་བྱུང་བའི་སྐུ་བསྐྱེད་དོ། །ཕྱོགས་བཞིར་ཁྲོ་བོ་ཆེན་པོ་ནི། །ཤར་དུ་ཁམས་གསུམ་རྣམ་རྒྱལ་ནི། །སྐུ་མཆོག་དཀར་པོ་མེ་དཔུང་འབར། །རྡོ་རྗེ་འཁོར་ལོ་སྡིགས་མཛུབ་མཛད། །ོཾ་པྲ་ཛྙཱནྟ་ཀྲི་ཏ་ཧ་ན་ཧ་ན་ཧཱུཾ་ཕཊ། ལྷོ་རུ་གཤིན་རྗེ་གཤེད་པོ་ནི། །དམར་ནག་ལག་ན་བེ་ཅོན་འཛིན། །ོཾ་ཡ་མཱནྟ་ཀྲྀཏ་ཏིཥྛ་ཏིཥྚྷ་ཧཱུཾ་ཕཊ། ནུབ་ཏུ་རྟ་མགྲིན་དམར་པོ་ནི། །མེ་དཔུང་རྡོ་རྗེ་དབྱུག་པ་འཛིན། །ོཾ་ཧ་ཡ་གྲི་བ་ཧུ་ལུ་ཧུ་ལུ་ཧཱུཾ་ཕཊ། བྱང་དུ་ཁྲོ་གཉེར་ཅན་སྐུ་ནི། །ལྗང་སྔོན་རལ་གྲི་འཛིན་པ་སྟེ། །ོཾ་ཨ་མོ་གྷ་ཀ་བྷརྀ་ཀུ་ཊི་བནྡྷ་བནྡྷ་ཧཱུཾ་ཕཊ། ཕྱོགས་བཞིར་ཕུར་བུ་དག་ལ་ནེ། །བདུན་ནམ་ཉི་ཤུ་རྩ་
14a
༄#། །གཅིག་བཟླས། །གཅན་གཟན་དྲི་མ་ཡུངས་ཀར་བསྲེས། །གསང་སྔགས་བཟླས་ཤིང་མཁའ་ལ་གཏོར། །ོཾ་བཛྲ་ཀྲོ་དྷ་ཧུ་ལུ་ཧུ་ལུ། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན་ཧཱུཾ་ཕཊ། སེར་བ་སྲུང་བའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་ཀྱིས་འོད་ཟར་རབ་ཏུ་བཀྱེ་སྟེ་ཕྱག་སྟོང་དང་སྤྱན་སྟོང་ལས་འོད་ཟེར་བྱུང་བ་འདི་ལྟ་སྟེ། དཀར་པོ་དང ། དམར་པོ་དང ། ནག་པོ་དང ། ལྗང་གུ་དང ། སེར་པོ་སྟེ། འོད་ཟེར་དེ་དག་གིས་འགྲོ་བ་རིས་དྲུག་པོ་དེ་དག་ཐམས་ཅད་ལ་ཁྱབ་སྟེ་དབུགས་དབྱུང་བར་མཛད་དོ། །དེ་ནས་རྒྱལ་ཆེན་རིགས་བཞི་དང ། སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པ་ཀུན་འཁོར་དང ། ཚངས་པ་མདུན་ན་འདོན་དང ། ཚངས་པ་ཆེན་པོ་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་སྐྱེས་དང ། འབྲས་བུ་ཆེ་བ་དང ། མི་ཆེ་བ་དང ། མི་གདུང་བ་དང ། ཤིན་ཏུ་མཐོང་བ་དང ། གྱ་ནོམ་སྣང་བ་དང ། འོག་མིན་ལ་སོགས་པའི་ལྷའི་བུ་དེ་
14b
དག་གིས་མཆོད་པའི་སྤྲིན་གྱི་ཆར་ཕབ་ནས་ལྷའི་བུ་རྣམས་ཀྱིས་ཚིགས་སུ་བཅད་པས་བསྟོད་པ། །སྤྱན་རས་གཟིགས་དབང་ཐུགས་རྗེའི་སྐུ། །ཕྱག་སྟོང་ཉོན་མོངས་སྒྲོལ་བའི་ཕྱག། སྤྱན་སྟོང་ཤེས་རབ་འོད་གསལ་ཏེ། །འགྲོ་དོན་མཛད་ལ་ཕྱག་འཚལ་བསྟོད། །ཅེས་བསྟོད་ནས་བཅོམ་ལྡན་འདས་ཐུགས་རྗེ་ཆེན་པོའི་སྐུ་དེ་མི་སྣང་བར་གྱུར་ནས་བཅོམ་ལྡན་འདས་ཤཱཀྱ་ཐུབ་པར་གྱུར་ཏོ། །དེ་ནས་ལྷའི་བུས་གསོལ་པ། འདིའི་ཕན་ཡོན་ཅི་ཡིན་ཞེས་ཞུས་པ་དང ། བཅོམ་ལྡན་འདས་ཀྱིས་བཀའ་སྩལ་པ།་གང་ཞིག་རྒྱུད་འདི་ཡིད་བྱེད་ན། །ནད་དང་རིམས་དང་གདོན་དང་ནི། །རྒྱལ་པོ་གཅན་གཟན་འཇིགས་པ་དང ། །འཇིགས་པ་ཀུན་ལས་གྲོལ་བར་འགྱུར། །འདོད་ཆགས་ཞེ་སྡང་གཏི་མུག་དང ། །མཚམས་མེད་སྡིག་པ་མི་དགེ་ཀུན། །རབ་ཏུ་ཞི་བར་བྱེད་པར་འགྱུར། །དམྱལ་བ་ངན་སོང་སྡུག་བསྔལ་དང ། །མི་ཁོམ་བརྒྱད་ལས་རྣམ་གྲོལ་ཏེ། །ཉན་དང་འཆད་དང་སྒོམ་པར་འགྱུར། །དྲི་མེད་ནམ་མཁའི་དཀྱིལ་ལྟ་བུར། །བཅོམ་ལྡན་འདས་ཀྱང་མཐོང་བར་འགྱུར། །ཞེས་བཀའ་སྩལ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ནས་ལེགས་
15a
༄#། །སོ་ལེགས་སོ་ཞེས་བྱ་བ་གསུངས་ནས་སྟན་ལ་འཁོད་དོ། །བྱང་ཆུབ་སེམས་དཔའ་འབུམ་ཕྲག་ལྔ་སྟོང་དང ། ལྷ་དང ། མི་དང ། ལྷ་མ་ཡིན་དུ་བཅས་པའི་འཇིག་རྟེན་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །པདྨ་ཅོད་པན་ཞེས་བྱ་བའི་རྒྱུད་ལེའུ་བཅུ་གཅིག་པ་རྫོགས་སོ།། །།པཎྜི་ཏ་དྷརྨ་ཤྲཱི་མི་ཏྲ་དང ། ལོཙྪ་བ་ཆོས་ཀྱི་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། །