རྒྱ་གར་སྐད་དུ། བྷུ་ཏ་ཌཱ་མ་ར་མ་ཧཱ་ཏནྟྲ་རཱ་ཛ་ནཱ་མ། བོད་སྐད་དུ། འབྱུང་པོ་འདུལ་བ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དེ་ནས་འདིར་ནི་བཤད་བྱ་བ། །འབྱུང་པོ་འདུལ་བའི་རྒྱུད་ཆེན་རྒྱལ། །འབྱུང་པོ་འབྱུང་མོ་ཀུན་སྒྲུབ་པའི། །ཆོ་ག་རབ་ཏུ་རྒྱས་པའོ། །རྡོ་རྗེ་འཆང་ཆེན་པོ་འཇིག་རྟེན་གསུམ་གྱི་བདག་པོས་འདི་སྐད་ཅེས་གསུངས་སོ། །ཆུ་བོའི་འགྲམ་དང ། དུར་ཁྲོད་དང ། ཤིང་གཅིག་པ་དང ། ལྷ་གནས་པའི་ཁང་པ་དང ། དཔལ་རྡོ་རྗེ་འཆང་གི་ཁྱིམ་དང ། རིགས་ཀྱི་གནས་རྣམས་སུ་བསྒྲུབ་པར་བྱ་བ་སྐད་ཅིག་ཉིད་ཀྱིས་འགྲུབ་པར་འགྱུར་རོ། །གལ་ཏེ་མ་གྲུབ་ན། འབྱུང་པོ་དང ། འབྱུང་མི་རིགས་དང་རྒྱུད་དང་བཅས་པ་མ་ལུས་པ་ཕུང་བར་འགྱུར་རོ། །དེ་ནས་དབང་ཕྱུག་ཆེན་པོའི་ལྷ་ཆེན་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཁྲོ་བོའི་བདག་པོ་ཆེན་པོ་གདུག་པ་དང ། མ་རུངས་པ་རྣམས་གསོད་པར་བྱེད་པ་བཤད་དུ་གསོལ། དེ་ནས་དབང་ཕྱུག་ཆེན་པོས་ལྷ་ཆེན་པོ་ལ་ལེགས་སོ་ལེགས་སོ་ཞེས་བྱ་བ་བྱིན་ནས་འབྱུང་པོ་ཐམས་ཅད་གསོད་པའི་སྔགས་ཀྱི་ཚིག་གསུངས་པ། ཨོཾ་བཛྲ་ཛྭ་ལི་ཧ་ན་ཧ་ན་སརྦ་བྷཱུ་ཏ་ན་ཧཱུཾ་ཕཊ། དེ་ནས་འདི་གསུངས་པ་ཙམ་གྱིས་དཔལ་རྡོ་རྗེ་འཆང་གི་བ་སྤུའི་བུ་ག་རྣམས་ནས་རྡོ་རྗེ་ 158a ༄#། །འབར་བ་དུ་མ་བྱུང་བར་གྱུར་ཏེ། འབྱུང་པོ་ཐམས་ཅད་ཀྱི་ལུས་བསྐམས་ཤིང ། བརྒྱ་བྱིན་དང ། ཚངས་པ་དང ། ཁྱབ་འཇུག་ལ་སོགས་པ་ལྷ་ཐམས་ཅད་བསད་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ངོ་མཚར་དང་བཅས་པས་འདི་སྐད་ཅེས་གསུངས་སོ། །ལེགས་སོ་དཔལ་ལྡན་རྡོ་རྗེ་འཆང་ཁྲོ་བོའི་བདག་པོ་ཆེན་པོ། མ་འོངས་པའི་ཚེ་མ་འོངས་པའི་དུས་ན་འབྱུང་པོ་དང ། འབྱུང་མོ་ཚར་གཅོད་པར་བྱེད་པ་ནི། ལེགས་སོ། །དེ་ནས་ཡང་སླར་རོའི་རྣམ་པར་ཤེས་པ་འགུགས་པའི་སྔགས་གསུངས་པ། ཨོཾ་བཛྲ་ཨཱ་ཡུ་ཥེ་ས་ར་སཱ་རཱ་སྨིན། དེ་ནས་གསུངས་པ་ཙམ་གྱིས་དཔལ་རྡོ་རྗེ་འཆང་གི་ཤངས་ཀྱི་བུ་ག་ནས་རླུང་ཆེན་པོ་རོ་འཚོ་བར་བྱེད་པ་བྱུང་བར་གྱུར་ཏེ། དེ་བྱུང་བ་ཙམ་གྱིས་འབྱུང་པོ་དང་འབྱུང་མོ་རྣམས་ཀྱི་ལུས་ལ་ཞུགས་སོ། །ཞུགས་པ་ཙམ་གྱིས་འབྱུང་པོ་དང་བདུད་མོ་རྣམས་ལངས་ཏེ་ཆེར་འཇིགས་ཤིང་རབ་ཏུ་འདར་བར་གྱུར་པས་བཅོམ་ལྡན་འདས་བསྐྱབ་ཏུ་གསོལ། བདེ་བར་གཤེགས་པ་བསྐྱབ་ཏུ་གསོལ། བཅོམ་ལྡན་འདས་ཀྱི་བཀའ་བཞིན་བགྱིད་དོ་ཞེས་སྨྲས་སོ། །དེ་ནས་འབྱུང་པོའི་བདག་པོ་གཞན་གྱིས་མི་ཐུབ་པ་འཁོར་གྱི་དཀྱིལ་འཁོར་དེར་བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ཁྲོ་བོའི་བདག་ 158b པོ་ཆེན་པོ་དཔལ་སྲིད་པ་གསུམ་ལས་རྣམ་པར་རྒྱལ་བ་བདེ་བར་གཤེགས་པ་བསྐྱབ་ཏུ་གསོལ། བཅོམ་ལྡན་འདས་ཡོངས་སུ་བསྐྱབ་ཏུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། འབྱུང་པོའི་བདག་པོ། གླིང་བཞི་པ་ཐམས་ཅད་ཀྱི་མི་རྣམས་ལ་དངོས་གྲུབ་རྫོགས་པར་བྱིན་ཅིག་།ཛམྦུ་གླིང་པའི་མི་རྣམས་ལ་དངུལ་ཆུ་དང་བཅུད་ཀྱིས་ལེན་པའི་རྫས་རྣམས་སྒྲུབ་ཅིང་བདེ་བར་བྱིན་ཅིག་།དབྱིག་དང ། གསེར་དང ། དངུལ་དང ། མུ་ཏིག་དང ། བཻ་ཌཱུརྱ་དང ། པདྨ་རཱ་ག་དང ། མེ་དང་ཆུའི་ཤེལ་དང ། སྤོས་དང ། ལྷའི་ན་བཟའ་རྣམས་བྱིན་ཅིག་།འདི་ཟློས་པའི་འབྲས་བུ་འགྲུབ་པར་གྱིས་ཤིག་།བསྙེན་བཀུར་གྱིས་ཤིག་།དེ་བཞིན་གཤེགས་པ་ཐམས་ཅད་ཟློས་པའི་རིན་པོ་ཆེའི་ཅོད་པན་དང ། གོས་དང ། དྲི་དང ། བདུག་པ་དང ། མེ་ཏོག་ལ་སོགས་པ་དང ། ཡོ་བྱད་དང ། རྫས་ཐམས་ཅད་བགེགས་མེད་པར་བྱིན་ཅིག་།རྒྱལ་པོའི་འཇིགས་པ་དང ། དགྲའི་འཇིགས་པ་དང ། སེངྒེའི་འཇིགས་པ་དང ། སྟག་གི་འཇིགས་པ་ཐམས་ཅད་ཟློག་ཅིག་།ཀྱེ་ཀྱེ་གཞན་གྱིས་མི་ཐུབ་པ་འབྱུང་པོའི་དབང་ཕྱུག་ཆེན་པོ་མྱུར་དུ་མྱུར་དུ་ཉོན་ཅིག་ཉོན་ཅིག་།ལེ་ལོ་ཅན་དང ། ཚུལ་ཁྲིམས་འཆལ་བ་དང ། སྡིག་པ་བྱེད་པ་དང ། རྫུན་སྨྲ་བ་རྣམས་ལ་ངེས་པར་དངོས་གྲུབ་བྱིན་ཅིག་།གལ་ཏེ་རིག་སྔགས་འཆང་ལ་དངོས་གྲུབ་མ་སྦྱིན་ན། ཀླུ་མོ་དང ། གནོད་སྦྱིན་ 159a ༄#། །མོ་དང ། ས་ལ་འཇོམས་པ་དང ། ལྷ་མ་ཡིན་མོ་དང ། མིའམ་ཅི་མོ་དང ། ནམ་མཁའ་ལྡིང་མོ་དང ། ལྟོ་འཕྱེ་ཆེན་མོ་དང ། ཤ་ཟ་མོ་དང ། སྲིན་པོ་མོ་དང ། དྲི་ཟ་མོ་རྣམས་ཀྱི་སྤྱི་བོ་མི་ཕྱེད་པའི་རྡོ་རྗེས་དགས་པར་བྱ་ཞིང་དམྱལ་བ་ཆེན་པོ་བརྒྱད་དུ་ལྟུང་བར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་འདི་སྐད་དུ་ལེགས་སོ་ལེགས་སོ། །ལག་ན་རྡོ་རྗེ། ལེགས་པར་བཤད་དོ། །མི་རྣམས་ལ་ཕན་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་དང ། སྟོབས་དང ། ཕ་རོལ་གནོན་པ། མི་ཕྱེད་པར་གྲགས་པ། ལྷ་ཐམས་ཅད་ཀྱིས་ཕྱག་བྱས་པ། ཁམས་གསུམ་པའི་ཆོས་ཀྱི་རྒྱལ་པོ་ཆེན་པོ། གླིང་བཞི་པའི་འཇིག་རྟེན་གྱི་ཁམས་ཐམས་ཅད་གྲུབ་པར་བྱེད་པ། ཆོས་ཀྱི་འཁོར་ལོ་ཐམས་ཅད་བསྐོར་བར་བྱེད་པ། སྡུག་བསྔལ་ཐམས་ཅད་འཇོམས་པར་བྱེད་པའི་སྒྲུབ་པའི་ཐབས་རྒྱ་ཆེན་པོ་ཆོ་ག་སྣ་ཚོགས་པ། ཕྱག་རྒྱ་དང ། སྔགས་ཀྱི་ཚིག་གིས་སྒྲུབ་པའི་ཐབས་ཁྲོ་བོའི་རྒྱལ་པོ་ཆེན་པོ་བཅོམ་ལྡན་འདས་ཁྲོ་བོའི་རྒྱལ་པོ་བདག་པོ་ཤོད་ཅིག་ཅེས་གསུངས་སོ། །དེ་ནས་རྡོ་རྗེ་འཆང་ཁྲོ་བོའི་བདག་པོ་ཆེན་པོས་རོ་འཚོ་བར་བྱེད་པའི་སྔགས་གསུངས་པ། ཨོཾ་ཀརྡྷ་ཀརྡྷ་མི་ཏྲ་སཾ་ཛཱི་བ་ཡ་ཏི་དྷཱ་ཡ། དེ་ནས་འདི་གསུངས་པ་ཙམ་གྱིས་ལྷ་ཐམས་ཅད་མྱོས་ཏེ་ 159b བརྒྱལ་ཞིང་འགྱེལ་ནས་ཆེར་འཇིགས་ཤིང་རབ་ཏུ་འབད་པར་གྱུར་ཏེ་གནས་སོ། །དེ་ནས་ལྷ་ཆེན་པོས་གསོལ་པ། བྱང་ཆུབ་སེམས་དཔའ་ཆེན་པོ་སྐྱོབས་ཤིག་སྐྱོབས་ཤིག ། དེ་ནས་རྡོ་རྗེ་འཆང་ཁྲོ་བོའི་བདག་པོ་ཆེན་པོས་འདི་སྐད་ཅེས་གསུངས་སོ། །མ་འཇིགས་ཤིག་མ་འཇིགས་ཤིག་།ཀྱེ་འབྱུང་པོའི་བདག་པོ་ཁྱེད་རྣམས་གཞན་ལས་རྒྱལ་བར་བྱ་བའི་ཕྱིར་ལྷ་ཐམས་ཅད་དབང་དུ་བསྡུ་ཞིང་འབྱུང་པོ་ཐམས་ཅད་ཚར་གཅད་པར་བྱའོ། །དེ་ནས་རིག་སྔགས་འཆང་གི་དབང་པོ་དང་ལྷའི་བུད་མེད་ཐམས་ཅད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བསྐྱབ་ཏུ་གསོལ། །དཔལ་རྡོ་རྗེ་འཆང་རྒྱལ་པོ་ཆེན་པོས་བསྐྱབ་ཏུ་གསོལ། །དེ་ནས་ཁྲོ་བོ་ཆེན་པོ་རྡོ་རྗེ་འཆང་གིས་འདི་སྐད་ཅེས་གསུངས་སོ། །ཀྱེ་བུད་མེད་རྣམས་གོ་བར་གྱིས་ཤིག་།དཔལ་རྡོ་རྗེ་འཆང་རྒྱལ་པོ་ཆེན་པོ་ལ་སོགས་པའི་བསྙེན་བཀུར་བྱོས་ཤིག་།དབྱིག་དང ། གསེར་དང ། མུ་ཏིག་དང ། རིན་པོ་ཆེ་དང ། བཻ་ཌཱུརྱ་དང ། པདྨ་རཱ་ག་དང ། རྫས་ཐམས་ཅད་ཕུལ་ཅིག་།དེ་ནས་ལྷའི་བུད་མེད་ལ་སོགས་པ་ལྷའི་བུ་མོ་དང ། གནོད་སྦྱིན་མོ་ཐམས་ཅད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། འགུམ་མོ་འགུམ་མོ། །དཔལ་ལྡན་རྡོ་རྗེ་ཁྲོ་བོ་ཟློས་པ་རྣམས་ཀྱི་བྲན་མོ་བགྱིད་དོ། །བསྙེན་བཀུར་བགྱིད་དོ། །གལ་ཏེ་ཁྲོ་བོ་ཟློས་པའི་བསྙེན་བཀུར་མ་བགྱིས་ན། རིགས་ 160a ༄#། །དང་རྒྱུད་དུ་བཅས་པ་བརླག་པར་གྱུར་ཅིག་།དམ་པའི་ཆོས་སྤངས་པར་གྱུར་ཅིག་།དེ་བཞིན་གཤེགས་པ་ཐམས་ཅད་ལ་སྨད་པར་གྱུར་ཅིག་།བཅོམ་ལྡན་འདས་ཀྱི་ཁྲོ་བོ་ཆེན་པོ་རྡོ་རྗེས་སྤྱི་བོ་ཁོས་ཤིག་།ལན་བརྒྱད་རྣམ་པར་གཤེགས་ཤིང་ཤི་ནས་མུར་བ་ཉིད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ལྷའི་བུད་མེད་ཐམས་ཅད་དང ། ཀླུ་མོ་དང ། གནོད་སྦྱིན་མོ་རྣམས་ལ་ལེགས་སོ་ཞེས་བྱ་བ་བྱིན་ཏེ། ལྷའི་བུ་མོ་དང ། ཀླུ་མོ་དང ། གནོད་སྦྱིན་མོ་རྣམས་ལེགས་སོ་ལེགས་སོ། །མ་འོངས་པའི་ཚེ་མ་འོངས་པའི་དུས་ན་དེ་བཞིན་གཤེགས་པ་ཟློས་པའི་མི་རྣམས་ཀྱི་བསྙེན་བཀུར་གྱིས་ཤིག་།དེ་ནས་འབྱུང་པོའི་རྒྱལ་པོ་གཞན་གྱིས་མི་ཐུབ་པ་ལ་སོགས་པ་འཁོར་དང་བཅས་པ་ལངས་ཏེ། དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོའི་ཞབས་ལ་མགོ་བོས་བཏུད་ནས་རང་གི་སྙིང་པོ་ཕུལ་བ། ཨོཾ་ཤྲཱི་མ་ཧཱ་བྷཱུ་ཏ་ཀུ་ལ་སུནད་རི་ཧཱུཾ། ཨོཾ་ཤྲཱི་བི་ཛ་ཡ་སུནད་རི་ཧྲཱིཿ ། ཨོཾ་ཤྲཱི་བི་མ་ལེ་སུནད་རི་ཨ། ཨོཾ་ཤྲཱི་ར་ཏི་སུནད་རི་དྷི། ཨོཾ་ཤྲཱི་མ་ནོ་ཧ་ར་སུནད་རི་ཨི། ཨོཾ་ཤྲཱི་བྷུ་ཥཾ་སུནད་རི་མཱཾ། ཨོཾ་ཤྲཱི་པ་ལ་སུནད་རི་མཱཾ། ཨོཾ་ཤྲཱི་ཙ་ཀྵུ་ར་མ་དྷུ་མ་སུནད་རི་ཏིཾ། ཞེས་པ་འདི་རྣམས་ནི། འབྱུང་པོའི་རྒྱལ་མོ་ཆེན་མོ་སྟེ། དཔལ་གྱི་སྒྲས་ 160b རབ་ཏུ་གྲགས་པའོ། །དེ་ནས་དཔལ་གྱི་སྒྲུབ་པའི་ཐབས་བཀླགས་པ་ཙམ་གྱིས་དངོས་གྲུབ་སྟེར་བ་སྟེ། དཔལ་རྡོ་རྗེ་འཆང་གི་མཚན་བརྗོད་པ་ཙམ་གྱིས་འབྱུང་པོ་དང་འབྱུང་མོ་ཐམས་ཅད་མངག་\?\་།ཞུག་པར་འགྱུར་རོ། །བཅོམ་ལྡན་འདས་\?\་བཀའ་སྩལ་པ། གང་གི་ཚེ་དམ་ཚིག་ལས་འདས་ན། འཕྲལ་དུ་འབྱུང་པོ་དང་འབྱུང་མོ་ཐམས་ཅད་རིགས་དང་རྒྱུད་དུ་བཅས་ཏེ་ཕུང་བར་བྱའོ། །དེ་ནས་འབྱུང་པོ་ཆེན་པོ་གདན་\?\་གྱིས་མི་ཐུབ་པས་འདི་སྐད་ཅེས་གསོལ་ཏོ། །ལྷ་ཆེན་པོའི་དམ་ཚིག་ལ་གནས་ཤིང་འཇིག་རྟེན་པའི་སྔགས་དང་ཕྱག་རྒྱའི་ཆོ་ག་ཐམས་ཅད་ཀྱི་དངོས་གྲུབ་སྩལ་བར་བགྱིའོ། །དཔལ་རྡོ་རྗེ་འཆང་བཟླས་པ་ཙམ་གྱིས་ཐམས་ཅད་འགྲུབ་པར་འགྱུར་ཏེ། གལ་ཏེ་མ་གྲུབ་ན། རིགས་དང་རྒྱུད་དུ་བཅས་པ་བརླག་པར་གྱུར་ཅིག་།དེ་བཞིན་གཤེགས་པ་ཐམས་ཅད་ཀྱིས་གསུངས་པའི་དམ་ཚིག་ཉམས་པར་གྱུར་ཅིག་།དེ་བཞིན་གཤེགས་པའི་ཁྲོ་བོའི་རྡོ་རྗེས་སྤྱི་བོ་དགས་པར་གྱུར་ཅིག་།མྱུར་བ་ཉིད་དུ་ཤི་སྟེ་རྣམ་པ་ཐམས་ཅད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག་།དེ་ནས་ཡང་དག་བཤད་བྱ་བ། །སྒྲུབ་པ་པོ་ཡི་གནས་མཆོག་སྟེ། །ཆུ་བོའི་འགྲམ་དང་དུར་ཁྲོད་དང ། །ཕྱག་ན་རྡོ་རྗེའི་ཁྱིམ་དག་སྟེ། །དེར་ནི་འབྱུང་པོ་འབྱུང་མོ་ཀུན། །འགྲུབ་ འགྱུར་འདི་ལ་ཐེ་ཚོམ་མེད། །འབྱུང་པོའི་རྒྱལ་ 161a ༄#། །མོ་ཆེན་མོ་བརྒྱད་ཀྱི་སྒྲུབ་པའི་གནས་སོ། །དེ་ནས་ཕྱག་རྒྱ་བཤད་བྱ་བ། །འབྱུང་མོ་བརྒྱད་ཀྱི་སྒྲུབ་པ་སྟེ། །ལག་གཡོན་ཁུ་ཚུར་དམ་བཅས་ནས། །གུང་མོ་རབ་ཏུ་བརྐྱང་བྱས་པ། །སྤྱན་དྲང་མཆོད་པའི་ཕྱག་རྒྱ་སྟེ། །རིགས་ཀྱི་མཆོག་ནི་སྒྲུབ་བྱེད་པའོ། །ཁུ་ཚུར་ཕན་ཚུན་བཅངས་ནས་ནི། །མཛུབ་མོ་རབ་ཏུ་བརྐྱང་བྱས་པ། །རང་གི་དམ་ཚིག་སྲུང་བ་ཡི། །འབྱུང་མོ་སྐད་ཅིག་དེ་ལ་སྒྲུབ། །ལག་གཡོན་ཁུ་ཚུར་དམ་བཅངས་ནས། །མཐེ་ཆུང་རབ་ཏུ་བརྐྱང་བྱས་པ། །ཉེ་བར་བྱེད་པའི་ཕྱག་རྒྱ་སྟེ། འབྱུང་པོ་ཐམས་ཅད་རྗེས་འབྲང་བའོ། །ལག་པ་གཡོན་པ་བརྐྱང་ནས་ནི། །མཛུབ་མོ་བསྐྱིལ་བ་བྱས་ནས་སུ། །མཐེ་བོང་གཡས་ནི་མནན་བྱས་པ། །འབྱུང་ཀུན་དབང་དུ་བྱེད་པའོ།། ལག་གཡོན་ཁུ་ཚུར་བཅངས་པ་ལས། །སྲིན་ལག་རབ་ཏུ་བརྐྱང་བ་ནི། །འབྱུང་མོ་ཐམས་ཅད་འགུགས་པ་སྟེ། །བགེགས་ཀུན་ཟློག་པར་བྱེད་པའོ། །ལག་གཡོན་ཁུ་ཚུར་བཅངས་ནས་ནི། །མཛུབ་མོ་རབ་ཏུ་བརྐྱང་བྱས་པ། །འབྱུང་མོ་མངོན་ཕྱོགས་བྱེད་པ་སྟེ། །གདུག་པ་ཐམས་ཅད་ཟ་བྱེད་པའོ། །ལག་པ་གཡོན་པས་ཁུ་ཚུར་བཅངས་ཏེ་མཐེ་ཆུང་བརྐྱང་བ་ནི། འབྱུང་མོའི་དམ་ཚིག་གི་ཕྱག་རྒྱ་སྟེ། ཐམས་ཅད་དུ་ལས་ཐམས་ཅད་བྱེད་པའོ། །ལག་པ་གཉི་གའི་སོར་མོ་རྣམས་གཅིག་གི་སྟེང་དུ་གཅིག་བསྐྱོན་པ་བྱས་པ་ 161b ལ་ལག་པ་གཡས་པ་རྐེད་པ་གཡས་པར་བཞག་ལ། ལག་པ་གཡོན་པས་གཡས་མནན་པའི་སྟེང་དུ་བཞག་པ་ནི། མཆོག་གི་སྙིང་པོ་སྟེ། འབྱུང་མོ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་འདི་དག་བཅིངས་པ་ཙམ་གྱིས་འབྱུང་མོ་རྣམས་མྱུར་དུ་འོང་སྟེ། གལ་ཏེ་མ་འོངས་ན། མིག་དང་སྤྱི་བོ་འགས་ཤིང་བསྐམས་ཏེ་འཆི་བར་གྱུར་ཅིག་།དེ་ནས་དཔལ་ལྡན་རྡོ་རྗེ་འཆང་ཁྲོ་བོའི་བདག་པོ་ཆེན་པོས་འདི་སྐད་ཅེས་བཀའ་སྩལ་ཏོ། །གལ་ཏེ་འབྱུང་མོ་རྣམས་དམ་ཚིག་ལས་འདའ་བར་བྱེད་ན། ཁྲོ་བོ་འདི་དང་བཅས་པས་དགུག་པའི་ཕྱིར་བཟླས་ཏེ། ཨོཾ་ཀ་ཊུ་ཀ་ཊུ་སྲུཾ་ཏྲུཾ་ཧྲཱིཿ ་ཆེ་གེ་མོ་བྷཱུཾ་ཏི་ནི་ཧཱུཾ་ཕཊ། ཁྲོ་བོ་འདི་དང་བཅས་པས་བརྒྱ་ཕྲག་བརྒྱད་བཟླས་ན། མྱུར་བར་འོང་བར་འགྱུར་རོ། །གལ་ཏེ་མྱུར་དུ་མ་འོངས་ན། མིག་དང་སྤྱི་བོ་འགས་པའམ། བསྐམས་ཏེ་འཆིའོ། །དེ་ནས་སྒྲུབ་པའི་ཐབས་ཀྱི་ཆོ་ག་བཤད་པ། ཆུ་བོའི་འགྲམ་དུ་སོང་སྟེ་ཙནྡན་གྱི་དཀྱིལ་འཁོར་བྱས་ནས་མེ་ཏོག་གཅལ་དུ་བཀྲམ་སྟེ་གུ་གུལ་གྱི་དུད་པས་བདུག་ཅིང་སྟོང་ཕྲག་བརྒྱད་བཟླས་ན་འགྲུབ་པར་འགྱུར་རོ། །མཚན་མོ་ཡང་སྟོང་བཟླས་ན་འོང་སྟེ། འོངས་ནས་འདོད་པ་སྦྱིན་པར་འགྱུར་ཏེ་ཆུང་མར་འགྱུར་རོ། །གསེར་སྲང་བརྒྱ་མལ་དུ་དོར་ནས་ཐོ་རངས་ཀྱིས་འགྲོ་བར་བྱེད་དོ། །ཉི་མ་རེ་རེ་འདི་ལྟར་བྱས་ན། ཟླ་བ་གཅིག་གི་བར་དུ་ངེས་པར་འགྲུབ་བོ། །ཆུ་བོའི་འགྲམ་དུ་སོང་སྟེ་ཙནྡན་གྱི་དཀྱིལ་ 162a ༄#། །འཁོར་བྱས་ནས་ཞོ་དང་འབྲས་ཆན་གྱི་གཏོར་མ་བྱིན་ན། ཉི་མ་བདུན་ན་ངེས་པར་འོང་ངོ ། །འོངས་ནས་ཙནྡན་གྱི་ཆུའི་མཆོད་ཡོན་བྱིན་ན། དགའ་བར་གྱུར་ཏེ་སྡུག་པ། ངས་ཅི་བྱ་ཟེར་ཏེ། སྒྲུབ་པ་པོས་རྒྱལ་སྲིད་སློང་ཞིག་ཅེས་སྨྲའོ། །དེ་ནས་ཡུལ་འཁོར་ཡང་ཡོངས་སུ་སྐྱོང་བར་བྱེད་དོ། །གོས་དང ། རྒྱན་དང ། བཟའ་བ་ལ་སོགས་པ་མཐུན་པར་སྦྱིན་པར་བྱེད་དོ། །དཔལ་རྡོ་རྗེ་འཆང་གི་ཁང་པར་སོང་སྟེ་ཀཱ་ར་བཱི་རའི་མེ་ཏོག་སྦྱིན་ཞིང་གུ་གུལ་གྱིས་བདུག་པས་བདུགས་ལ་སྟོང་ཕྲག་བརྒྱད་བཟླས་ན། འགྲུབ་པར་འགྱུར་ཏེ། མཚན་མོ་ཡང་སྟོད་བཟླས་ན། ངེས་པར་འོང་ངོ ། །འོངས་པ་ལ་མེ་ཏོག་གི་སྟན་སྦྱིན་ཞིང་ལེགས་པ་འོངས་སོ་ཞེས་བརྗོད་ན། ཆུང་མར་འགྱུར་ཏེ། ལྷའི་དངུལ་ཆུ་དང ། བཅུད་ཀྱིས་ལེན་དང ། རྫས་ཀྱི་དངོས་གྲུབ་སྟེར་ཞིང་དགྲ་ཐམས་ཅད་འཇོམས་པར་བྱེད་དོ། །རྒྱབ་ཏུ་ཞོན་ན། མཐོ་རིས་སུ་ཡང་འཁྱེར་པར་བྱེད་དོ། །ལོ་སྟོང་ཕྲག་བཅུར་འཚོའོ། །ཆུ་བོའི་འགྲམ་དུ་སོང་སྟེ་སྤོས་དཀར་པོས་དཀྱིལ་འཁོར་བྱས་ནས་མེ་ཏོག་དཀར་པོ་བྱིན་ཏེ་དུ་རུ་ཀས་བདུགས་ལ་སྟོང་ཕྲག་བཅུ་བཟླས་ན་འགྲུབ་པར་འགྱུར་རོ། །མཚན་མོ་ཡང་སྟོང་བཟླས་ན། ངེས་པར་འོང་ངོ ། །འོངས་པ་ལ་མེ་ཏོག་གི་ཆུའི་ཡོན་ཆབ་བྱིན་ནས་བསྒོ་ན་སྲིང་མོར་འགྱུར་རོ། །དངུལ་ཆུ་དང ། བཅུད་ཀྱིས་ལེན་དང ། 162b རྫས་ཀྱི་དངོས་གྲུབ་སྟེར་ཞིང་དཔག་ཚད་སྟོང་དུ་སོང་ནས་བུད་མེད་བཟང་མོ་བླངས་ནས་སྟེར་བར་བྱེད་ཅིང་མཆན་མོ་སླར་འཁྱེར་རོ། །ལྷ་ཁང་སྟོང་པར་སོང་ནས་ཇི་ལྟར་གསུངས་པའི་གཏོར་མ་དང་མཆོད་པ་བྱས་ཏེ་སྟོང་ཕྲག་བརྒྱད་དུ་བཟླས་ན། འགྲུབ་པར་འགྱུར་རོ། །མཚན་མོ་ཡང་གཏོར་མ་བྱིན་ནས་སྟོང་ཕྲག་བརྒྱད་བཟླས་ན། ངེས་པར་འོང་ངོ ། ། འོངས་པ་ལ་འདོད་པ་བྱས་ན། ཆུང་མར་འགྱུར་ཏེ། ཉི་མ་རེ་རེ་དོང་རྩེ་སྟོང་སྟོང་སྟེར་ཞིང ། རྒྱབ་ཏུ་ཞོན་ན། རི་རབ་ལ་ཡང་འཁྱེར་བར་བྱེད་དོ། །གཞན་རྒྱལ་སྲིད་སྦྱིན་པར་བྱེད་ཅིང་རྒྱལ་པོའི་བུ་མོ་བཀུག་ནས་སྟེར་ཏེ། ལོ་སྟོང་ཕྲག་ལྔ་འཚོ་ཞིང་ཤི་ནས་ཀྱང་རྒྱལ་རིགས་སུ་སྐྱེའོ། །ཆུ་བོ་འདུས་པའི་འགྲམ་དུ་སོང་སྟེ་ཤའི་བཟའ་བ་དང ། ཀཱ་ར་བཱི་རའི་མེ་ཏོག་སྦྱིན་ཞིང་གུ་གུལ་གྱི་དུད་པས་བདུགས་ལ་སྟོང་ཕྲག་བརྒྱད་བཟླས་ན། འགྲུབ་པར་འགྱུར་རོ། །མཚན་མོ་ཡང་མཆོད་པ་རྒྱས་པར་བྱས་ཏེ་མར་མེ་རབ་ཏུ་སྦར་ནས་སྟོང་ཕྲག་བརྒྱད་བཟླས་ན། འཁོར་ལྔ་བརྒྱས་ཡོངས་སུ་བསྐོར་ནས་རྐང་གདུབ་ཀྱི་སྒྲ་ཆེན་པོས་འོང་ངོ ། །འོངས་པ་ལ་མི་སྨྲ་བར་གྱུར་པས་འདོད་པར་བྱ་སྟེ། ཆུང་མར་འགྱུར་རོ། ། གལ་ཏེ་སྤོང་བར་བྱེད་ན། འཆི་བར་འགྱུར་རོ། །རྒྱབ་ཏུ་ཞོན་ན། ཉི་མ་རེ་རེ་མཐོ་རིས་སུ་ཡང་འཁྱེར་བར་བྱེད་དོ། །གཞན་ཡང་རྒྱལ་སྲིད་སྟེར་ཞིང་སྟོང་ཕྲག་ལྔ་འཚོ་ལ་ཤི་ནས་ 163a ༄#། །ཀྱང་རྒྱལ་རིགས་སུ་སྐྱེའོ། །ཆུ་བོའི་འགྲམ་དུ་སོང་སྟེ་གུ་གུལ་གྱི་དཀྱིལ་འཁོར་བྱས་ནས་ཨ་ག་རུའི་བདུག་པ་སྦྱིན་ཞིང་ཇི་ལྟར་གསུངས་པའི་གཏོར་མ་བྱིན་ནས་སྟོང་ཕྲག་བརྒྱད་བཟླས་ན། འགྲུབ་པར་འགྱུར་རོ། །མཚན་མོ་ཡང་མཆོད་པ་རྒྱས་པར་བྱས་ཏེ་སྟོང་བཟླས་ན། རང་ཉིད་འོང་སྟེ་སྣང་བ་ཆེན་པོ་བྱས་ནས་ཙནྡན་གྱི་ཆུས་མཆོད་ཡོན་བྱིན་ན། དགའ་བར་འགྱུར་རོ། །སྡུག་པ། ངས་ཅི་བྱ་ཞེས་སྨྲ་བར་བྱེད་དོ། །སྒྲུབ་པ་པོས་མ་གྱིས་ཤིག་ཅེས་སྨྲ་བར་བྱ་སྟེ། མ་བཞིན་དུ་ཡོངས་སུ་སྐྱོང་བར་བྱེད་དོ། །འཁོར་ལྔ་བརྒྱའི་འབྲས་ཆན་དང ། རྒྱན་དང ། གོས་རྣམས་ཉི་མ་རེ་རེ་སྟེར་ཞིང་ལོ་ཁྲི་འཚོ་ལ། གང་གི་ཚེ་འཆི་བ་ན་བྲམ་ཟེའི་རིགས་སུ་སྐྱེའོ། །ཆུ་བོ་འདུས་པའི་འགྲམ་དུ་སོང་སྟེ་མཆོད་པ་རྒྱས་པ་བྱས་ནས་མར་མེ་རབ་ཏུ་སྦར་ཏེ་མཚན་ཐོག་ཐག་བཟླའོ། །དེ་ནས་ནམ་ཕྱེད་ཀྱི་དུས་སུ་འབྱུང་མོ་སྣང་བ་ཆེན་པོ་བྱས་ནས་འོང་སྟེ། སྡུག་པ། ངས་ཅི་བྱ་ཞེས་སྨྲ་བར་བྱེད་དེ། དེ་ནས་རྒྱལ་སྲིད་བྱིན་ཅིག་ཅེས་སྨྲས་ན། ཉི་མ་རེ་རེ་དོང་ཙེ་འབུམ་འབུམ་སྟེར་རོ། །ལོ་ཁྲི་འཚོ་ཞིང་གང་གི་ཚེ་འཆི་བ་ན་ས་བདག་གི་རྒྱལ་པོ་བྱེད་དོ། །འབྱུང་མོའི་རྒྱལ་མོ་ཆེན་མོ་བརྒྱད་ཀྱི་རྟོག་པ་རྫོགས་སོ།། །།དེ་ནས་འབྱུང་མོ་ཆེན་མོ་དུར་ཁྲོད་དུ་འཇུག་པ་ 163b རྣམས་ལངས་ཏེ་དཔལ་རྡོ་རྗེ་འཆང་གི་ཞབས་ལ་ཕྱག་འཚལ་ནས་རང་གི་སྙིང་པོ་ཕུལ་བ། ཨོཾ་ཧྲཱི་ཧཱུཾ་ཧ། མཆོག་གི་སྙིང་པོའོ། །ོཾ་ཧཱུཾ་ཀཊྚ་ཀཊྚ་སརྦ་བྷཱུ་ཏ་ནཱ་མ་ས་མ་ཡ་མ་ནུ་བཱ་ལ་ཡཿ ་ཧ་ར་ཧ་ར་བནྡྷ་བནྡྷ། ཨ་ཀྲ་མ་\?\་ཀྲ་མ། བྷོ་བྷོ་མ་ཧཱ་རཽ་དྲི་ཥྨ་ཤཱ་ན་བ་སི་ནི་ཨཱ་གཙྪ་ཨཱ་གཙྪ་ཤཱི་གྷྲིཾ་དྷུཾ་ཧ་ཧཱུཾ་ཕཊ། འབྱུང་མོ་དུར་ཁྲོད་ན་གནས་པ་རྣམས་དགུག་པའི་སྔགས་སོ།། ཨོཾ་བནྡྷ་བནྡྷ་དྷུ་ན་དྷུ་ན། ཙ་ལ་ཙ་ལ། ཙ་ལ་ཡ་ཙ་ལ་ཡ། ཕྲེ་པཱ་ཤ་ཕྲེ་པཱ་ཤ། ཏུ་ར་ཏུ་ར། ཧ་ན་ཧ་ན། ཏི་ཥྛ་ཏིཥྛ། ས་མ་ཡ་མ་ནུ་པཱ་ལ་ཡ་བྷོ་ཥྨ་ཤཱ་ན་པྲ་བེ་ཤ་ནི་ཧཱུཾ་ཕཊ་ཕཊ་སཝཱཧཱ། འབྱུང་མོ་ཐམས་ཅད་ཀྱི་དམ་ཚིག་གི་སྔགས་སོ། །ོཾ་ཙ་ལ་ཙ་ལ། དྷ་ཀ་དྷ་ཀ། མཧཱ་བྷུ་ཏི་ནི་སཱདྷ་ཀ་ན་པྲི་ཡེ། ས་ར་ས་ར། བི་ས་ར་བི་ས་ར། ཀཊྚ་ཀཊྚ། ཙཱ་ལ་ཡ་\?\་ལ་ཡ། བྷྲཉྫ་བྷུ་ཉྫམ། རངྒ་རངྒ། གྲིཧྞ་གྲི་ཧྞ་ཧཱུཾ་ཧཱུཾ་ཕཊ་ཏྲཱི་ ་སཝཱཧཱ། མཆེ་བ་གཙིགས་མའི་འོ། །ོཾ་གྷཽ་རཱ་མུ་ཁི་སྨ་ཤཱ་ན་བ་སི་ནི་སཱ་དྷ་ཀ་ཨ་ནུ་ཀུ་ལེ། ཨ་པྲ་ཏི་ཧ་ཏ་སིདྡྷ་དྷ་པ་ཏི་ཀེ། ཨོཾ་ཨོཾ་ཨོཾ་ཨོཾ་ན་མཿ ་སཝཱཧཱ། གདོང་དྲག་མོའི་འོ། །ོཾ་ཛ་ཛ་རི་མུ་ཁི། ཙི་ར་ཙི་ར་ཙིནྟ་ཨཱ་བེ་ཤ། སརྦ་ཤ་ཏྲཱུཾ་བྷ་ཡཾ་ཀ་རི། ཧ་ན་ཧ་ན། ད་ཧ་ད་ཧ། བ་ཙ་བ་ཙ། མཱ་ར་ཡ་མཱ་ར་ཡ། མ་མ་ཨ་ཀཱ་ལ་མྲྀ་ཏྱུ་ཀྵ་ཡཾ་ཀ་རི། སརྦ་ནཱ་ག་བྷ་ཡཾ་ཀ་རི། ཨཊྚ་ཧཱ་སི་ནི་ས་བྷཱུ་ཏེ་ཤཝ་རི། ཐཱ་ཐཱ་ཐཱ་ཐཱ། དྷ་དྷ་དྷ་དྷ། ཨོཾ་ཨོཾ་ཨོཾ་ཨོཾ་སཝཱཧཱ། རྒན་མོ་གདོང་གིའོ། །ོཾ་ཀ་མ་ལ་ལོ་ཙ་ནི་ 164a ༄#། །མ་ནུ་ཥུ་པ་ཙ་ལི། སརྦ་དུཿ ་ཁ་ནི་ནཱ་ཤ་ནི། སཱ་དྷ་ཀ་པྲི་ཡེ་ཛ་ཡ་ཛ་ཡ། དེ་བྱ་རུའུ་པི་ཎི་ཧྲྀཿ ་གྲྀཧྞ་གྲྀཧྞ། ཛ་ཛ་ཧཱུཾ་ཧཱུཾ་ཕཊ་ཕཊ་ན་མཿ ་སཝཱཧཱ། པདྨའི་མིག་ཅན་མའི་འོ། །ོཾ་བི་ཀད་དུ་མུ་ཁི་དཾ་ཥྚྲ་ཀ་རཱ་ལོ་ཛཱ་ལི་ཏ་ལོ་ཙ་ནི། སརྦ་ཡཀྵ་བྷ་ཡཾ་ཀ་རི། དྷ་པ་དྷ་པཱ་གཙྪ་གཙྪ་བྷོ་བྷོ་སཱ་དྷ་ཀཱ་ནཱ་ཨཱ་ཛྙཱ་པ་ཡ་ཏི་སཝཱཧཱ། མི་སྡུག་གདོང་མའི་འོ། །ོཾ་དྷུ་དྷུ་རི་ཀརྞ་པི་ཤཱ་ཅི་ནི་ཀཊྱ་ཀཊྱ། དྷུ་ན་དྷུ་ན་མྷཱ་སཱུརྱ་པཱུ་ཛི་ཏི། ཙྪིནྡ་མཧཱ་ཀརྞ་པི་ཤཱ་ཙི་ནི་བྷོ་བྷོ་སཱ་དྷུ་ཀི་ཀ་དོ་མི་ཊི། བྷཱུཾ་ཧཱུཾ་ཕཊ་ཕཊ་སཝཱཧཱ།སྤྱོད་ངན་མའི་འོ། །ོཾ་ས་ར་ས་ར། ཀཊྚ་ཀཊྚ། ཛམྦྷ་ཡ་ཛམྦྷ་ཡ། སྟམྦྷ་ཡ་སྟམྦྷ་ཡ། མོ་ཧ་ཡ་མོ་ཧ་ཡ། བི་དྱུ་ཏ་ཀ་རཱ་ལི་ཨ་པྲ་ཅི་ཧ་ཏ་བ་རི་སིདྡྷི་ད་ཡ་ཀེ་ཧ་ཧ་ཧེ་ཧཱུཾ་ཕཊ་སཝཱཧཱ། གློང་ལྟར་འཇིགས་མའི་འོ། །ོཾ་སཽ་མྱ་མུ་ཁི་ཨཱ་ཀཪྵ་ཡ་སརྦ་བྷཱུ་ཏ་ན་ཛ་ཡ་ཛ་ཡ་བྷོ་བྷོ་མཧཱ་སཱ་དྷ་ཀ་ནི་ཏིཥྛ་ཏིཥྛ་ས་མ་ཡ་མ་ནུ་པཱ་ལ་ཡ་ཨཱཛྙཱ་པ་ཡ་ཏི་སཝཱཧཱ། བཞིན་མཛེས་མའི་འོ། །དུར་ཁྲོད་དུ་འཇུག་མ་ཆེན་མོ་བརྒྱད་ཀྱི་སྔགས་ཀྱི་ཚིག་གོ་།དེ་ནས་འདིར་དུར་ཁྲོད་དུ་འཇུག་མ་རྣམས་ཀྱི་ཕྱག་རྒྱའི་མཚན་ཉིད་རྣམ་པར་བཤད་པ། ཁུ་ཚུར་ཕན་ཚུན་བཅངས་ནས་མཛུབ་མོ་གཉིས་བརྐྱང་བ་ནི། འབྱུང་མོའི་དམ་ཚིག་གི་ཕྱག་རྒྱ་སྟེ། ཕྱག་རྒྱ་འདི་ཉིད་ཀྱིས་དགུག་པར་ཡང་བྱའོ། །དུར་ཁྲོད་དུ་འཇུག་པའི་ཤ་ཟ་མོ་ཆེན་མོ་བརྒྱད་ཀྱི་ 164b ཕྱག་རྒྱ་བཤད་པ། གཡོན་པའི་མཛུབ་མོ་བརྐྱང་བ་ནི། གདོང་དྲུག་མའི་ཕྱག་རྒྱའོ། །ཁུ་ཚུར་སོ་སོར་བཅངས་ནས་མཐེའུ་ཆུང་གཉིས་འཁྱུད་དེ་མཛུབ་མོ་གཉིས་བརྐྱང་ནས་ཁའི་ཕྱོགས་སུ་སྦྱར་བ་ནི། མཆེ་བ་གཙིགས་པའི་ཕྱག་རྒྱའོ། །ལག་པ་གཡོན་པ་ཁུ་ཚུར་བཅངས་ཏེ་གུང་མོ་བརྐྱང་བ་ནི། རྒན་མོ་གདོང་གི་ཕྱག་རྒྱའོ། །ཕྱག་རྒྱ་དེ་ཉིད་ལས་གུང་མོ་བཀུག་ཅིང་སྲིན་ལག་བརྐྱང་བ་ནི། པདྨའི་མིག་ཅན་མའི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་བཀུག་ནས་མཐེའུ་ཆུང་བརྐྱང་བ་ནི། མི་སྡུག་གདོང་མའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ནས་མཛུབ་མོ་བརྐྱང་བ་ནི། སྤྱོད་ངན་མའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་བཀུག་ཅིང་གུང་མོ་བརྐྱང་བ་ནི། གློག་ལྟར་འཇིགས་མའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་རབ་ཏུ་བརྐྱང་བ་ནི། བཞིན་མཛེས་མའི་ཕྱག་རྒྱའོ། །དུར་ཁྲོད་དུ་འཇུག་མའི་འབྱུང་མོ་ཆེན་མོ་བརྒྱད་ཀྱི་ཕྱག་རྒྱའི་མཚན་ཉིད་ཀྱི་ཆོ་ག་རྒྱས་པའི་ལེའུ་འོ།། །།དེ་ནས་འདིར་ནི་བཤད་བྱ་བ། །འབྱུང་པོ་འདུལ་བའི་རྒྱུད་ཆེན་རྒྱལ། །དུར་ཁྲོད་འཇུག་པའི་འབྱུང་ཆེན་མོ། །བརྒྱད་པོ་སྒྲུབ་པའི་ཆོ་ག་སྟེ། །དབུལ་པོ་རྣམས་ལ་ཕན་དོན་དུ། །བྲན་མོའི་སྒྲུབ་ཐབས་དམ་པའོ། །དུར་ཁྲོད་དུ་སོང་ནས་སྟོང་ཕྲག་བརྒྱད་བཟླས་ན། སྔོན་དུ་བསྙེན་པ་བྱས་པར་འགྱུར་རོ། །དེ་ 165a ༄#། །ནས་སྒྲུབ་པར་བརྩམ་པར་བྱ་སྟེ། མཚན་མོ་དུར་ཁྲོད་དུ་སོང་ནས་སེང་ལྡེང་གི་ཡམ་ཤིང་ཞོ་དང ། སྦྲང་རྩི་དང ། མར་གྱིས་བྱུགས་པས་སྦྱིན་སྲེག་བརྒྱ་བྱས་ན།་དེ་ནས་འབྱུང་མོ་དུར་ཁྲོད་དུ་འཇུག་མ་མྱུར་དུ་འོང་སྟེ། ངས་ཅི་བྱ་ཞེས་མངག་གཞུག་བྱེད་པར་འགྱུར་རོ། །དེ་ནས་ཞིང་བསྐྱེད་པའི་ཞིང་གི་ལས་བྱེད་ཅིང་ཉི་མ་རེ་རེ་དོང་ཙེ་རེ་རེ་སྟེར་རོ། །མཚན་མོའི་ཞིང་གི་གསེབ་ཏུ་སོང་སྟེ་ཉ་དང་ཤས་ཇི་ལྟར་གསུངས་པའི་གཏོར་མ་སྦྱིན་ཞིང་ལན་ཉི་ཤུ་རྩ་གཅིག་ཡོངས་སུ་བཟླས་ན། ལས་ཀྱི་ཤ་ཟ་མོ་ཇི་ལྟར་བསྟན་པའི་ལས་ཐམས་ཅད་བྱེད་དོ། །མཚན་མོ་དུར་ཁྲོད་དུ་སོང་སྟེ་སྟོང་ཕྲག་བརྒྱད་བཟླས་ན། ཤ་ཟ་མོ་ཉན་རྣམས་མྱུར་དུ་བཟང་མོའི་གཟུགས་ཀྱིས་འོང་སྟེ།་མངག་གཞུག་མར་འགྱུར་རོ། །ཁྱིམ་གྱི་ལས་དང ། བྱ་བ་དང ། ཤགས་དང ། དྲག་པོའི་ལས་ལ་སོགས་པ་བྱེད་དོ། །མཚན་མོ་དུར་ཁྲོད་དུ་སོང་ནས་སྟོང་ཕྲག་བརྒྱད་བཟླས་ན། ཤ་ཟ་མོ་ཉན་རྣམས་འབྱུང་མོའི་འཁོར་ལྔ་བརྒྱས་ཡོངས་སུ་བསྐོར་ཏེ་མྱུར་དུ་འོང་ངོ ། །འོངས་པ་ལ་ཉ་དང་ཤ་ལས་བྱས་པའི་གཏོར་མ་དམར་པོ་བྱིན་ན། དགའ་བར་འགྱུར་རོ། །བྲན་གྱི་ལས་བྱེད་ཅིང་རས་ཟུངས་གཅིག་དང ། དོང་ཙེ་གཅིག་དང ། འབྲས་ཆན་དང ། རྒྱན་ལ་སོགས་པ་སྒྲུབ་པོ་དང་འགྲོ་བ་ལྔ་ལ་ཉི་མ་རེ་རེ་སྟེར་རོ། །དཔག་ 165b ཚད་བརྒྱ་ནས་ཀྱང་བུད་མེད་བཟང་མོ་བླངས་ནས་སྟེར་རོ། །མདོར་ན་བྲན་དང ། བྲན་མོ་དང་འདྲ་བར་ཇི་སྲིད་འཚོའི་བར་དུ་ལས་ཐམས་ཅད་བྱེད་དོ། །འབྱུང་པོ་འདུལ་བའི་རྒྱུད་ཆེན་པོ་ལས། ལས་ཀྱི་ཤ་ཟ་མོའི་ཆོ་ག་རྒྱས་པའི་ལེའུའོ།། །།དེ་ནས་འབྱུང་མོ་གཏུམ་མོ་ཆེན་མོ་ཀ་ཏ་ཡ་ན་གཏུམ་མོ་ཆེན་མོ་ལངས་ཏེ་འཁོར་གྱི་དཀྱིལ་འཁོར་ཆེན་པོ་དེ་དཔལ་ཁྲོ་བོའི་བདག་པོ་ཆེན་པོའི་ཞབས་ལ་ཕྱག་འཚལ་ཏེ་རང་གི་སྙིང་པོ་ཕུལ་བ། ཨོཾ་ཏྲུཾ་ཧཱུཾ་ཧཱུཾ་ཕཊ་ཕཊ། ཀ་ཏ་ཡན་ཞི་བ་མའི་འོ། །ོཾ་བྷུ་ཛ་ལ་ཧཱུཾ་ཕཊ། ཀ་ཏ་ཡ་ན་ཆེན་མོའི་འོ། ཨོཾ་ཨོཾ་ཧྲཱི་ཧྲཱི་ཧཱུཾ་ཧཱུཾ་ཧེ་ཧེ་ཕཊ་ཕཊ་སཝཱཧཱ། དྲག་མོ་ཀ་ཏ་ཡ་ནའི་འོ། །ོཾ་རཽ་དྲི་བྷ་ཡཾ་ཀ་རི་ཨཊྚ་ཧ་སི་ནི་སཱ་དྷ་ཀ་པྲི་ཡེ་མཧཱ་བི་ཙི་ཏ་རུ་པེ་རཏྣ་ཀ་རི་སུ་བརྞ་ཧ་ཏེ་ཡ་མ་ནི་ཀྲིནྟ་ནི་སརྦ་དུཿ ་ཁ་པྲ་ཤ་མ་ནི་ཨོཾ་ཨོཾ་ཨོཾ་ཨོཾ་ཧཱུཾ་ཧཱུཾ་ཧཱུཾ་ཧཱུཾ་ཤཱི་གྷྲཾ་སིདྡྷི་པྲ་ཡཙྪ་ཧྲིཿ ་ཛ་སཝཱཧཱ། འབྱུང་པོའི་དབང་ཕྱུག་མ་གཏུམ་མོ་ཀ་ཏ་ཡ་ནའི་འོ། །ོཾ་ཡཾ་མ་ནི་ཀྲིནྟ་ནི་ཡ་ཀཱ་ལ་མྲྀ་ཏྱུ་ནི་བཱ་ར་ཎི་ཁངྐ་ཤུ་ལ་ཧ་སྟེ་ཤཱི་གྷྲཾ་པྲ་སིདྡྷི་དྷཱ་ཏུ་སཱ་དྷ་ཀ་མཱ་ཛྙཱ་པ་ཡ་ཏི་ཧྲཱིཿ ་སཝཱཧཱ། ཀ་ཏ་ཡ་ན་དྲེགས་མའི་འོ། །ོཾ་ཧེ་མ་ཀུཎྜ་ལི་དྷ་ཀ་དྷཀ་ཛྭ་ལ་ཛྭ་ལ་དི་བྱ་ཀུཎྜ་ལི་བྷུ་ཥི་ཏེ་ད་མ་ནི་བྷ་ག་ཝ་ན་ཨཱ་ཛྙཱ་པ་ཡ་ཏི་སཝཱཧཱ། ཀ་ཏ་ཡ་ན་རྣ་ཆ་ཅན་གྱིའོ། །ོཾ་བྷརྀ་ཀུ་ཊི་མུ་ཁི་ཀ་ཧ་ཀ་ཧ། དྷ་བ་དྷ་བ། ཛྭ་ལ་ཛྭ་ལ། ཧུ་ཏ་ཨ་ས་ན་མུ་ཁི་ཨཱ་གཙྪ་ཨཱ་གཙྪ་བེ་ཏ་ཧོད་ཐ་བ་ནི། ཨཱ་བེ་ཤ་ཨཱ་བེ་ཤ། ཧཱུཾ་ཧཱུཾ། 166a ༄#། །ཧཱུཾ།་ཕཊ་ཕཊ་ཕཊ། བྷ་ག་ཝན་ཨཱཛྙཱ་པ་ཡ་ཏི་ཧྲཱིཿ ་སཝཱ་ཧཱ། ཀ་ཏ་ན་ཡ་ན་རྒྱལ་བའི་བཞིན་ཅན་མའིའོ། །ོཾ་བྷི་ཀུ་མ་ཐ་ནི་ཀ་ཧ་ཀ་ཧ་ཛ་ཡ་ཛ་ཡ། སརྦ་ཨ་སུ་ར་པ་ཙ་ཏེ་ཧཱུཾ་ཕཊ་སཝཱཧཱ། ཀ་ཏ་ཡ་ན་མཛེས་མའིའོ། །ོཾ་སུ་ར་ཏ་པྲི་ཡེ་དི་བྱ་ལོ་ཙ་ནི་ཀཱ་མེ་ཤཝ་རི་ཛ་ག་ད་མོ་ཧ་ནི་སུ་བྷ་གེ་ཀཾ་ཙ་ན། ཨ་ལི་བྷུ་ཥི་དེ་ན་པུ་ར་ཤ་བྷེ། ཨཱ་བེ་ཤ་ཨཱ་བ་ཤ་།བི་པུ་ར་པུ་ར། སཱ་དྷ་ཀ་པྲྀ་ཡི་ཧྲཱིཿ ་སཝཱ་ཧཱ། ཀ་ཏ་ཡ་ན་དེས་མའིའོ། །ཀ་ཏ་ཡ་ནའི་འབྱུང་མོ་བརྒྱད་ཀྱི་རིག་སྔགས་བཀླགས་པ་ཙམ་གྱིས་འགྲུབ་པའོ། །དེ་ནས་མཆོག་ཏུ་གསང་བའི་འབྱུང་པོ་ཆེན་པོའི་འདུལ་བའི་རྒྱུད་ཆེན་པོ་ལས། ཀ་ཏ་ཡ་ན་བརྒྱད་པོའི་ཕྱག་རྒྱའི་མཚན་ཉིད་འབྱུང་མོ་ཐམས་ཅད་སྒྲུབ་པར་བྱེད་པ་བཤད་པར་བྱ་སྟེ། སོར་མོ་རྣམས་ཕན་ཚུན་དུ་བསྣོལ་ནས་མཛུབ་མོ་བརྐྱང་སྟེ་བཀུག་པ་ནི། ཀ་ཏ་ཡ་ན་ཞི་བ་མའི་ཕྱག་རྒྱའོ། །སོར་མོ་རྣམས་ནང་དུ་བཀུག་ནས་མཛུབ་མོ་གཉིས་བསྐྱིལ་བ་ནི། ཀ་ཏ་ཡ་ན་ཆེན་མོའི་ཕྱག་རྒྱ་སྟེ། འབྱུང་མོ་མ་ལུས་པ་འགུགས་པའོ། །ཕྱག་རྒྱ་འདི་ཉིད་ལས་གུང་མོ་ཁར་གཏད་ནས་མཐེའུ་ཆུང་གཉིས་བཀུག་པ་ནི། འབྱུང་མོ་ཐམས་ཅད་གསོད་པ་སྟེ། རིགས་འཇོམས་པར་བྱེད་པ་སྒྲུབ་པ་པོ་ཆེན་པོ་དགའ་བའི་འབྱུང་པོའི་དབང་ཕྱུག་མའི་ཕྱག་རྒྱའོ། །ཕྱག་རྒྱ་འདི་བཅིངས་པ་ཙམ་གྱིས་མྱུར་དུ་འགྲུབ་པར་བྱེད་དོ། ། 166b ཁུ་ཚུར་གཉིས་པོ་སོ་སོར་བཅིངས་ནས་མཛུབ་མོ་གཉིས་བརྐྱང་བ་ནི། ཀ་ཏ་ཡ་ན་དྲེགས་མའི་ཕྱག་རྒྱ་སྟེ། དྲི་དང ། སྤོས་དང ། དེ་བཞིན་དུ་མེ་ཏོག་གིས་མཆོད་ཅིང་ཉ་དང་ཤའི་གཏོར་མ་ཡང་བྱིན་ན། འབྱུང་པོ་ཐམས་ཅད་སྐད་ཅིག་དེ་ལ་བྲན་མོར་འགྱུར་རོ། །ཁུ་ཚུར་གཉིས་དམ་དུ་བཅིངས་ནས་མཛུབ་མོ་གཉིས་འཁྱུད་པ་ནི། འབྱུང་མོའི་ཕྱག་རྒྱ་སྟེ། དེ་ཉིད་ཀ་ཏ་ཡ་ན་གཏུམ་མོ་མི་འགེབས་མའི་ཕྱག་རྒྱའོ། །མཛུབ་མོ་གཉིས་བརྐྱང་བ་ནི། འབྱུང་མོ་ཐམས་ཅད་སྒྲུབ་ཅིང་འབྱུང་མོ་རྣམས་འགྱེལ་ཞིང་གསོད་པའི་ཕྱག་རྒྱ་སྟེ། རིགས་དང་རྒྱུད་དུ་བཅས་པ་སྒྲུབ་པ་རྒྱལ་བའི་གཞན་ཅན་མའི་ཕྱག་རྒྱ་སྟེ། འབྱུང་མོ་མ་ལུས་པ་དབང་དུ་བྱེད་པའོ། །ཁུ་ཚུར་སོ་སོར་བཅིངས་ནས་མཐེའུ་ཆུང་གཉིས་འཁྱུད་དེ་མཛུབ་མོ་གཉིས་བརྐྱང་སྟེ་བཀུག་པ་ནི། འཇིག་རྟེན་གསུམ་འགུགས་པར་བྱེད་པའི་ཕྱག་རྒྱ་སྟེ། དྲག་པོ་དང ། ཚངས་པ་དང་བརྒྱ་བྱིན་དུ་བཅས་པ་ཡང་འགུགས་ན། འབྱུང་མོ་ཕྲན་ཚེགས་རྣམས་ལྟ་ཅི་སྨོས་ཏེ། དེ་ནི། ཀ་ཏ་ཡ་ན་མཛེས་མའི་ཕྱག་རྒྱའོ། །འབྱུང་མོ་ཆེན་མོ་ཀ་ཏ་ཡ་ན་བརྒྱད་ཀྱི་ཕྱག་རྒྱའི་ཆོ་ག་རྒྱས་པའི་ལེའུ་འོ།། །།དེ་ནས་འདིར་མཆོག་ཏུ་གསང་བ་གསང་ཆེན་འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོའི་འབྱུང་མོ་ཀ་ཏ་ཡ་ན་རྣམས་ཀྱི་སྒྲུབ་པའི་ཐབས་རྣམ་པར་བཤད་པ། འབྱུང་མོ་ཀ་ཏ་ཡ་ན་རྣམས་ཀྱི་སྒྲུབ་པའི་ཐབས་ 167a ༄#། །ནི། དུར་ཁྲོད་དུ་སོང་ནས་བརྒྱ་ཕྲག་བརྒྱད་བཟླས་ན། ཉི་མ་གསུམ་ན་འབྱུང་མོ་ཐམས་ཅད་མྱུར་དུ་འོང་སྟེ། འོངས་པ་ལ་ཐོད་པ་ཁྲག་གིས་ཡོངས་སུ་བཀང་སྟེ་མཆོད་ཡོན་བྱིན་ན། དགའ་བར་འགྱུར་ཏེ། སྡུག་པ། ངས་ཅི་བྱ་ཞེས་སྨྲ་སྟེ། སྒྲུབ་པ་པོས་མ་གྱིས་ཤིག་ཅེས་སྨྲས་ན། མ་དང་འདྲ་བར་ཡོངས་སུ་སྐྱོང་བར་བྱེད་དོ། །རྒྱལ་སྲིད་སྟེར་ཞིང་བསམ་པ་ཐམས་ཅད་ཡོངས་སུ་རྫོགས་པར་བྱེད་ལ། སྒྲུབ་པ་པོ་རྣམས་ཀྱི་བདག་པོར་འགྱུར་རོ། །ལོ་བརྒྱ་ཕྲག་ལྔ་འཚོ་ཞིང་ཤི་ནས་ཀྱང་རྒྱལ་རིགས་སུ་སྐྱེའོ། །དེ་ནས་རྡོ་རྗེ་འཆང་གི་ཁྱིམ་དུ་སོང་སྟེ་སྟོང་ཕྲག་བརྒྱད་བཟླས་ན། དེས་སྔོན་དུ་བསྙེན་པ་བྱས་པར་འགྱུར་རོ། །མཚན་མོ་ཡང་དཔལ་རྡོ་རྗེ་འཆང་གི་ཁྱིམ་དུ་སོང་སྟེ་བཟླས་ན། བུད་མེད་བཟང་མོའི་གཟུགས་ཀྱིས་འདུག་ནས་མཆོག་སྟེར་རོ། །མཚན་མོ་ལིངྒ་གཅིག་པར་སྟོང་སྟེ་སྟོང་ཕྲག་གཅིག་བཟླས་ན། ཉི་མ་གཅིག་ན་རྐང་གདུབ་ཀྱི་སྒྲ་ཐོས་སོ། །ཉི་མ་གཉིས་ན་བུད་མེད་བཟང་མོ་མདུན་དུ་འདུག་སྟེ། སེམས་སུ་ན་མི་དབྱུང་ཞིང་སྨྲ་བར་ཡང་མི་བྱའོ། །ཉི་མ་གསུམ་པ་ལ་ཚིག་སྨྲ་བར་བྱེད་དེ། ཀྱེ་སྒྲུབ་པ་པོ། བཀའ་ཅི་སྩལ་ཞེས་སྨྲ་སྟེ། སྒྲུབ་པ་པོས་ཀྱེ་ལྷ་མོ་ཆེན་མོ། བསྙེན་བཀུར་གྱིས་ཤིག་ཅེས་སྨྲས་ན། ཇི་སྲིད་འཚོའི་བར་དུ་བསྙེན་བཀུར་མར་འགྱུར་རོ། །རྒྱབ་ 167b ཏུ་ཞོན་ན། རི་རབ་དང་རྒྱ་མཚོ་ལ་སོགས་པར་འཁྱེར་རོ། །གཞན་ཡང་ངལ་བསོ་བའི་ཁྱིམ་དུ་སོང་སྟེ་འདུག་ན། རྫས་བླངས་ཏེ་སྟེར་བར་བྱེད་དོ། །འཛམ་བུའི་གླིང་གི་ཁོངས་སུ་གཏོགས་པ་ན་གཟུགས་མཆོག་དང་ལྡན་པའི་བུ་མོ་བླངས་ནས་སྟེར་རོ། །དེ་ནས་འདོད་པར་བྱས་ན་ལོ་ལྔ་བརྒྱ་འཚོ་ཞིང་ཤི་བ་ན་རྒྱལ་ཕྲན་གྱི་རིགས་སུ་སྐྱེའོ། །མཚན་མོ་ཆུ་བོ་འདུས་པའི་འགྲམ་དུ་སོང་སྟེ་སྟོང་ཕྲག་བརྒྱད་བཟླས་ན། འབྱུང་མོ་བུད་མེད་བཟང་མོའི་གཟུགས་ཅན་དུ་འཁོར་དང་བཅས་ནས་འོང་སྟེ། འོངས་པ་ལ་འབོད་པར་མི་བྱ་ཞིང་སུན་དབྱུང་བར་མི་བྱ་སྟེ། མི་སྨྲ་བར་གྱུར་པས་ཆགས་པ་སྤྱད་ན། ཉི་མ་རེ་རེ་རྟག་ཏུ་གནས་པར་འགྱུར་རོ། །དོང་ཙེ་ལྔ་དང་རས་ཕྲུགས་གཅིག་སྟེར་རོ། །མཚན་མོ་སྐྱེད་མོས་ཚལ་དུ་སོང་སྟེ་བརྒྱད་སྟོང་བཟླས་ན།་ཉི་མ་གསུམ་ན་རྐང་གདུབ་ཀྱི་སྒྲ་ཐོས་སོ། །ཉི་མ་བཞིན་འབྱུང་མོ་འོང་བ་མཐོང་ངོ ། །ཉི་མ་ལྔ་ན་མདུན་ན་འདུག་གོ་།ཉི་མ་དྲུག་ན་དོང་ཙེ་ལྔ་སྟེར་རོ། །ཉི་མ་བདུན་ན་ཡང་འོང་སྟེ། ཁྱིམ་དང་བཅས་ནས་འོངས་པ་ལ་ཆགས་པ་བྱས་ན་ཆུང་མར་འགྱུར་རོ། །དེ་བཞིན་དུ་ཉི་མ་བརྒྱད་པ་ལ་སྔས་སུ་མཎྜལ་བྱས་ལ་གུ་གུལ་གྱི་བདུག་པ་བྱིན་ཏེ་སྟོང་ཕྲག་བརྒྱད་བརྒྱད་བཟླས་ན། འབྱུང་མོའི་བུ་མོའི་གཟུགས་ཀྱིས་ཁྱིམ་དང་བཅས་ནས་འོད་སྟེ། འོངས་པ་ལ་ཆགས་པ་བྱས་ན་ཆུང་མར་འགྱུར་རོ། །ལྷའི་མུ་ཏིག་གི་དོ་ཤལ་མལ་དུ་བོར་ནས་ཐོ་ 168a ༄#། །རངས་ཀྱིས་འགྲོ་སྟེ། དེས་ཀྱང་མུ་ཏིག་གི་དོ་ཤལ་བླང་བར་བྱའོ། །བླངས་པ་ཙམ་གྱིས་དོང་ཙེ་ཉི་ཤུ་རྩ་ལྔ་དང་རས་ཟུང་གཅིག་སྟེར་རོ། །དགྲ་ཐམས་ཅད་འཇོམས་པར་བྱེད་ཅིང་ཚེ་ལོ་སྟོང་ཐུབ་པར་འགྱུར་ཏེ། ཤི་ནས་རྒྱལ་རིགས་སུ་སྐྱེའོ། །ལྷ་ཁང་སྟོང་པར་སོང་ནས་མཚན་མོ་བརྒྱད་སྟོང་བཟླས་ན། ཉི་མ་གསུམ་ན་འབྱུང་མོ་རང་ཉིད་སྣང་བ་ཆེན་པོ་བྱས་ནས་འཁོར་བརྒྱད་བརྒྱས་ཡོངས་སུ་བསྐོར་ཏེ་ངེས་པར་འོང་ངོ ། །འོངས་པ་ལ་ཙནྡན་གྱི་ཆུའི་མཆོད་ཡོན་བྱིན་ན། དགའ་བར་འགྱུར་ཏེ།་ཆུང་མར་འགྱུར་ལ། དངུལ་ཆུ་དང ། བཅུད་ཀྱིས་ལེན་དང ། རྫས་ཀྱིས་གྲུབ་པ་སྟེར་རོ། །འཁོར་བརྒྱད་བརྒྱས་གོས་དང ། རྒྱན་དང ། བཟའ་བ་ལ་སོགས་པ་སྟེར་རོ། ། ལོ་ལྔ་སྟོང་འཚོ་ཞིང ། གང་གི་ཚེ་འཆི་བ་ན་རྒྱལ་རིགས་སུ་སྐྱེའོ། །མཚན་མོ་རྒྱལ་པོའི་ཁབ་ཏུ་སོང་སྟེ་སྟོང་ཕྲག་བརྒྱད་བཟླས་ན། སྔོན་དུ་བསྙེན་པ་བྱས་པར་འགྱུར་རོ། །ནུབ་སྔར་ཀཱ་ར་བཱི་རའི་ཤིང་གིས་མེ་རབ་ཏུ་སྦར་ཏེ་མ་ལ་ཏིའི་མེ་ཏོག་ཞོ་དང་མར་གྱིས་བྱུགས་ཏེ་བརྒྱད་བརྒྱ་བསྲེགས་ན། འབྱུང་མོའི་རྒྱལ་མོ་འཁོར་ལྔ་བརྒྱའི་རྐང་གདུབ་ཀྱི་སྒྲ་ཆེན་པོས་མྱུར་དུ་འོང་ངོ ། །འོངས་པ་ལ་མེ་ཏོག་གི་མཆོད་ཡོན་བྱིན་ན། མ་དང་སྲིང་མོ་དང་ཆུང་མར་འགྱུར་རོ། །གལ་ཏེ་མར་གྱུར་ན། སེམས་སུན་དབྱུང་བར་མི་བྱ་སྟེ། 168b ལྷས་འདོད་པའི་བཟའ་བ་སྟེར་ཞིང་གསེར་སྲང་འབུམ་སྟེར་རོ། །གལ་ཏེ་སྲིང་མོར་གྱུར་ན་ནི། རྒྱལ་སྲིད་སྟེར་ཞིང་དཔག་ཚད་སྟོང་ནས་ཀྱང་བུད་མེད་བླངས་ནས་སྟེར་རོ། །གལ་ཏེ་ཆུང་མར་གྱུར་ན་ནི། བུད་མེད་མཛེས་མ་ལྟ་བུས་ལུས་ཀྱི་ལོངས་སྤྱོད་སྟེར་ཞིང་རེ་བ་ཐམས་ཅད་ཡོངས་སུ་རྫོགས་པར་བྱེད་དོ། །ལོ་ཁྲི་འཚོ་ཞིང་གང་གི་ཚེ་འཆི་བ་ན་རྒྱལ་རིགས་སུ་སྐྱེ་བར་བྱེད་དོ། །དེ་ནས་ཟླ་བ་ཉ་བ་ལ་ཁྲི་བཟླས་པ་བྱས་ནས་མཚན་མོ་ལྷ་ཁང་དུ་སོང་སྟེ་མཆོད་པ་རྒྱས་པར་བྱས་ནས་མཚན་ཐོག་ཐག་བཟླས་ན། ཐོ་རངས་ངེས་པར་འོང་ངོ ། ། འོངས་པ་ལ་ཁྲག་གི་མཆོད་ཡོན་བྱིན་ན། དགའ་བར་འགྱུར་ཞིང་མངག་གཞུག་མར་འགྱུར་ཏོ། །ཉི་མ་རེ་རེ་དོང་རྩེ་ལྔ་ལྔ་སྟེར་ཞིང་ལྷའི་འདོད་པའི་བཟའ་བ་སྟེར་རོ། །ལོ་ལྔ་བརྒྱ་འཚོ་བར་འགྱུར་རོ། །འདི་ནི། ཀ་ཏ་ཡ་ན་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །།དེ་ནས་རྣམ་པར་བཤད་བྱ་བ། །འབྱུང་པོ་འདུལ་བའི་རྒྱུད་ཆེན་གྱི། །བྲན་ཕོ་དང་ནི་བྲན་མོ་དག་།སྒྲུབ་པར་བྱེད་པའི་ཆོ་གའོ། །ོཾ་རཱ་ཧུ་རཱ་ཧུ། མཧཱ་ཙ་ཏུ་ཀནྡན་ར་དྷ་ན་ན་ཧི་ཏ་ཧ་ར་ཐཱ་ཡ། ཨོཾ་ཧྲ་ཧྲ་ཧྲ་ཧྲ་ཧྲ། གྲྀཧྞ་གྲྀཧྞ། མཱཾ་ས་སིདྡྷ་མྨེ་པྲ་ཡ་ཙྪ་སཝཱ་ཧཱ། ར་སྐྱེས་ནག་པོའི་ཤ་བཙོང་བའི་སྔགས་ཏེ། མཚན་མོ་དུར་ཁྲོད་དུ་སོང་ནས་བརྒྱ་རྩ་བརྒྱད་བཟླས་ན། ཤ་ཐམས་ཅད་བཙོང་བའི་ལས་འགྲུབ་པར་འགྱུར་རོ། །མཚན་མོ་དུར་ཁྲོད་དུ་སོང་ནས་ཤ་ 169a ༄#། །སྲང་བརྒྱད་ཁྱེར་ནས་ཕྱོགས་བཞིར་རྣམ་པར་བལྟས་ཏེ། ཀྱེ་ཀྱེ་དུར་ཁྲོད་ན་གནས་པའི་འབྱུང་མོ་རྣམས་ཤ་ཉོའམ་ཞེས་བོས་ནས་བྲམ་ཟེའི་གཟུགས་ཀྱི་མདུན་དུ་འདུག་སྟེ། ཀྱེ་སྐྱེས་བུ་ཆེན་པོ་ཅི་བཞེད་ཅེས་སྨྲ་ན། སྒྲུབ་པ་པོས་གསེར་འདོད་དོ་ཞེས་སྨྲ་སྟེ། གསེར་སྲང་བརྒྱ་སྟེར་བར་བྱེད་དོ། །དེ་ནས་ཤ་སྦྱིན་ཏེ། གལ་ཏེ་མི་འདོད་ན།་མིག་དང་སྤྱི་བོ་འགས་པའམ་འཆི་བར་འགྱུར་རོ། །དེ་ནས་དབང་ཕྱུག་ཆེན་པོ་ལྷ་ཆེན་པོ་རིག་འཛིན་བྱེ་བ་དུ་མས་ཡོངས་སུ་བསྐོར་ཏེ་ལྷའི་བུ་མོ་དུ་མ་དང ། གནོད་སྦྱིན་དང ། ཀླུ་དང ། མིའམ་ཅི་དང ། ལྟོ་འཕྱེ་ཆེན་པོ་ཁྲི་ཕྲག་བརྒྱད་སྟོང་དུ་མ་དང་ལྷན་ཅིག་ཏུ་འཁོར་གྱི་དཀྱིལ་འཁོར་ཆེན་པོ་དེར་དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོ་ལ་ལན་གསུམ་བསྐོར་བ་བྱས་ཏེ་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་མི་ཕྱེད་པར་བསྟན་པ། ཁམས་གསུམ་པའི་རྒྱལ་པོ་ཆེན་པོ་འབྱུང་པོ་དང ། ཀླུ་དང ། གནོད་སྦྱིན་དང ། རིག་འཛིན་རྣམས་འཇིག་པར་བྱེད་པ། བགེགས་ཐམས་ཅད་འཇོམས་པ། སྡུག་བསྔལ་བ་དང ། ཉོན་མོངས་པ་ཐམས་ཅད་སེལ་བ། གདོན་ཐམས་ཅད་དང ། རོ་ལངས་དང ། ལུས་སྲུལ་པོ་རྣམས་བསོད་པ། དཀྱིལ་འཁོར་ 169b གསང་ཆེན་ཐམས་ཅད་འགྲུབ་པར་བྱེད་པ་བཤད་དུ་གསོལ། དེ་ནས་འཁོར་གྱི་དཀྱིལ་འཁོར་དེར་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པས་འབྱུང་པོའི་དབང་ཕྱུག་ལྷ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ་ལེགས་སོ། །ལྷ་ཆེན་པོ། མ་འོངས་པའི་དུས་ན་འཛམ་བུའི་གླིང་གི་མི་རྣམས་ལ་ཕན་པའི་དོན་དུ་འབྱུང་པོ་ཐམས་ཅད་དང ། ཀླུ་དང ། གནོད་སྦྱིན་དང ། མི་འམ་ཅི་རྣམས་བྲན་མོར་སྒྲུབ་པའི་ཐབས་ཁྲོ་བོའི་བདག་པོ་ཆེན་པོས་གསུངས་ཤིག་།དེ་ནས་འདིར་ནི་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །གྲུ་བཞི་པ་ལ་སྒོ་བཞི་པ། །རྟ་བབས་དག་ནི་བཞིས་བརྒྱན་ཅིང ། །ཆ་རྣམས་བཅུ་དྲུག་དག་དང་ལྡན། །རྡོ་རྗེ་ར་བས་མཛེས་བྱས་པ། དེ་དབུས་དགོད་བྱ་དྲག་པོ་སྟེ། །འབར་བའི་ཕྲེང་བ་ཡང་དག་འཁྲུག་།ཁྲོ་བོ་ཆེན་པོ་ཕྱག་བཞི་པ། །མིག་སྨན་སྦྱངས་བའི་འོད་འདྲ་ཞིང ། །ཕྱག་གཡས་ཀྱིས་ནི་རྡོ་རྗེ་གསོར། ། གཡོན་པའི་ཕྱག་གིས་སྡིག་མཛུབ་མཛད། །ཞལ་གྱི་མཆེ་བ་གཙིགས་པ་སྟེ། །སྤྲུལ་བརྒྱད་ཀྱིས་ནི་རྣམ་པར་བརྒྱན། །ཐོད་པའི་ཕྲེང་བའི་ཅོད་པན་ཅན། །འཇིག་རྟེན་གསུམ་ཡང་འཇིགས་བྱེད་ཅིང ། །སྒྲ་ཆེར་དྲག་ཏུ་བཞད་མཛད་ལ། །འཇིག་རྟེན་གསུམ་པའི་བདག་པོ་སྟེ། །གཡོན་བརྐྱང་བ་ཡིས་ལེགས་པར་བཞུགས། །ཉི་མ་ཕྱེ་བའི་གཟི་ལྡན་ལ། ། 170a ༄#། །གཞན་གྱིས་མི་ཐུབ་ཞབས་ཀྱིས་མནན། །ཕྱག་རྒྱ་བཅིང་བས་བཞུགས་པ་སྟེ། །སྲིན་ལག་གཉིས་ནི་འཁྱུད་ནས་སུ། །མཛུབ་མོ་གཉིས་ནི་བཀུག་བྱས་ཏེ། །མཐེའུ་ཆུང་དང་ནི་གུང་མོ་དག་།མཐེ་བོ་ཡིས་ནི་མནན་བྱས་པ། །དཔལ་ལྡན་འདི་འདྲའི་རྒྱ་འཛིན་ཅིང ། །འཇིག་རྟེན་གསུམ་གྱི་འབྱོར་འགྲུབ་པའོ། །ཁྲོ་བོའི་མདུན་དུ་ཨུ་མ་ཡི།། བདག་པོ་ཡང་དག་བྲི་བར་བྱ། །ལྷོ་རུ་ཁྱབ་འཇུག་བྲི་བར་བྱ། །ནུབ་ཏུ་ཚངས་པ་ལྷ་ཉིད་དོ། །བྱང་དུ་བདག་པོ་སྨིན་དྲུག་གོ་དབང་ལྡན་དུ་ནི་ཚོགས་བདག་པོ། འོད་ཟེར་སྟོང་གིས་མཛེས་པ་ནི། །མེ་ཡི་གྲར་ནི་བྲི་བར་བྱ། །སྒྲ་གཅན་བདེན་བྲལ་གྲ་རུ་བྲི། །དགའ་བའི་དབང་ཕྱུག་རླུང་གི་གྲར། །གསེར་གྱི་ཁ་དོག་ལྟ་བུའི་ལུས། །རྒྱན་རྣམས་ཀུན་གྱིས་རྣམ་པར་བརྒྱན། །ཅུང་ཟད་དགོད་ཅིང་ཆགས་པ་ཡིས། །བཅོམ་ལྡན་འདས་ལ་ལྟ་བ་ཡི། །མཆོད་པའི་ལྷ་མོ་གནས་པ་རྣམས། །དཀྱིལ་འཁོར་ཕྱི་རོལ་བྲི་བྱ་སྟེ། །ཁྲོ་བོ་ཡི་ནི་གཡོན་ལོགས་སུ། །ལྷ་མོ་ཨུ་མ་བྲི་བར་བྱ། །ཁྲོ་བོ་ཡི་ནི་མདུན་ཉིད་དུ། །དཔལ་གྱི་ལྷ་མོ་བྲི་བར་བྱ། །ལག་པ་མེ་ཏོག་ཐོགས་པའོ། །ཁྲོ་བོ་ཡི་ནི་གཡས་ལོགས་སུ། །རྒྱན་ཀུན་གྱིས་ནི་བརྒྱན་བྱས་ཤིང ། །ལག་པ་ན་ནི་སྤོས་ཐོགས་པའི། །ཐིག་ལེ་མཆོག་ནི་ལེགས་པར་བྲི། །ཁྲོ་བོ་ཡི་ནི་རྒྱབ་ཀྱི་ཆར། །ལྷ་ཡི་རྣ་ཆས་བརྒྱན་པ་ཡི། །ལག་ན་མར་ 170b མེ་ཐོགས་པར་ནི། །ཟླ་བའི་ལྷ་མོ་བྲི་བར་བྱ། །ལྷ་ཡི་རྣ་ཆས་བརྒྱན་པ་ཡི། །ལག་ན་ལྷ་ཡི་དྲི་ཐོགས་པ། །རིན་ཆེན་རྒྱན་གྱིས་བརྒྱན་པ་ཡི། །ལྷ་མོ་མེ་ཡི་གྲ་རུ་བྲི། །ཀླུ་དང་སྙན་དངགས་མང་སྨྲ་བའི། །ཚིག་དབང་ལྷ་མོ་སྲིན་པོར་བྲི། །གནོད་སྦྱིན་ཀུན་གྱི་དབང་ཕྱུག་མ། །སྡུག་གུ་མཛེས་མ་ཞེས་གྲགས་པ། །ལག་ན་རིན་ཆེན་ཕྲེང་ཐོགས་པ། །རླུང་གི་གྲར་ནི་བྲི་བར་བྱ། །འབྱུང་པོ་ཀུན་གྱི་དབང་ཕྱུག་རྒྱལ། །མི་འབྱུང་ཞེས་བྱའི་འབྱུང་མོ་ནི། །རྒྱན་རྣམས་ཀུན་གྱིས་བརྒྱན་པ་རུ། །དབང་ལྡན་གྲ་རུ་བྲི་བར་བྱ། །བཞིན་བཟང་མིག་གི་དཀྱུས་རིང་ཞིང ། །གཟུགས་དང་ལང་ཚོས་བརྒྱན་པ་ལ། །མདོག་ནི་གསེར་དང་འདྲ་བ་སྟེ། །སྐྲ་ནི་མཐོན་མཐིང་འཁྱིལ་བ་ལ། །ཡན་ལག་ཀུན་མཛེས་ལྷ་མོ་ནི། །སྒྲུབ་པའི་རིགས་ལ་དགའ་རྣམས་སོ། །བརྒྱ་བྱིན་ཤར་དུ་བྲི་བྱ་སྟེ། །མེ་ནི་མེ་རུ་ལེགས་པར་བྲི། །ལྷོར་ནི་གཤིན་རྗེའི་རྒྱལ་པོ་སྟེ། །སྲིན་པོའི་བདག་པོ་བདེན་བྲལ་དུ། །ནུབ་ཏུ་ཆུ་ཡི་རྒྱལ་པོའོ། །རླུང་དུ་རླུང་གི་ལྷ་ཉིད་དོ། །བྱང་དུ་ལུས་ངན་རྒྱལ་པོ་བདག་།དབང་ལྡན་ཟླ་བ་བྲི་བྱ་སྟེ། །རང་རང་གནས་སུ་དགོད་པར་བྱ། །དེ་ནས་དཀྱིལ་འཁོར་དུ་འཇུག་པའི་ཆོ་ག་བཤད་པར་བྱ་སྟེ། རྡོ་རྗེ་སློབ་དཔོན་བདག་ཉིད་གཙུག་ཏོར་སྔོན་པོ་བཅིངས་ཏེ་རས་སྔོན་པོ་ཟུང་གཅིག་བགོས་ནས་རྡོ་རྗེ་གསོར་ཞིང་འདི་སྐད་ཅེས་བརྗོད་དོ། །སེམས་ཅན་ཀུན་ལ་ཕན་དོན་དུ། །མྱུར་དུ་དངོས་ 171a ༄#། །གྲུབ་སྦྱིན་མཛད་པ། །གྲུབ་པའི་རྡོ་རྗེ་ཁྲོ་བོ་ཆེ། །ལྷ་ཉིད་དམ་ཚིག་ལ་བཞུགས་ཤིག་།དེ་ནས་དཔལ་ཁྲོ་བོ་ཆེན་པོ་ལྷ་ཉིད་དམ་ཚིག་ལ་བཞུགས་ཤིག་ཅེས་བརྗོད་དོ། །དེའི་འོག་ཏུ་དཔལ་ཁྲོ་བོ་ཆེན་པོའི་ཕྱག་རྒྱ་བཅིངས་ཏེ་གཞུག་ཅིང་འདི་སྐད་ཅེས་བརྗོད་དོ། །ཧཱུཾ་བཛྲ་ཕཊ། འདི་སྐད་བརྗོད་པ་ཙམ་གྱིས་བདག་ཉིད་ཁྲོ་བོ་འཇུག་གོ ། དེ་ནས་སློབ་མ་གཞུག་པར་བྱ་སྟེ། རས་སྔོན་པོས་གདོང་གཡོགས་ནས་ཁྲོ་བོའི་ཕྱག་རྒྱ་སྤྱི་བོར་བཞག་སྟེ་རྡོ་རྗེའི་ཆུ་ཁར་སྦྱིན་པར་བྱའོ། །ོཾ་ཏིཥྛ་ཏིཥྛ་སིདྡྷི་ཧཱུཾ་ཧཱུཾ། འདིས་སྦྱིན་པར་བྱའོ། །ོཾ་པྲ་པེ་ཤ་ཀྲོ་དྷ་ཧཱུཾ་ཧཱུཾ་ཧཱུཾ་ཨ། འདི་དང་ཁྲོ་བོ་དབབ་པའི་ཕྱག་རྒྱས་དབབ་པར་བྱ་སྟེ། ཡི་གེ་ཧཱུཾ་གིས་རི་རབ་ཀྱི་སྟེང་ན་འདུག་པ་ཡང་འབེབས་ཤིང་འདས་པ་དང ། མ་འོངས་པ་དང ། ད་ལྟར་བྱུང་པ་ཡང་སྨྲ་བར་བྱེད་དོ། །དེ་ནས་མེ་ཏོག་དོར་བར་བྱས་ནས་དེའི་འོག་ཏུ་གདོང་གཡོགས་བཀྲོལ་ཏེ་ལྷའི་རིགས་བསྟན་ཅིང་མིང་གི་དབང་བསྐུར་ཏེ་མཆོད་པར་བྱ་ཞིང ། ཕྱག་རྒྱ་དང་སྔགས་ཀྱང་བསླབ་པར་བྱའོ། །འབྱུང་པོ་འདུལ་བའི་རྒྱུད་ཆེན་པོ་ལས། དངོས་གྲུབ་ཀྱི་ཆོ་ག་རྒྱས་པའི་ལེའུ་རྫོགས་སོ།། །།དེ་ནས་འདིར་འབྱུང་པོ་འདུལ་བའི་རྒྱུད་ཆེན་པོ་ལས་ཆོ་ག་རྒྱས་པར་བཤད་པ། དང་པོ་རེ་ཞིག་ལག་པ་གཉིས་ལ་ཟླ་བའི་དཀྱིལ་འཁོར་བསྒོམས་ཏེ། དེ་དག་གི་དབུས་སུ་ཡི་གེ་ཧཱུཾ་འབར་ 171b བའི་ཕྲེང་བ་འཁྲུགས་པ་བསམས་ཏེ་སྔགས་འདི་བཟླ་བར་བྱའོ། །ོཾ་སིདྡྷི་བཛྲ་ཧཱུཾ། དེ་ནས་སྡིག་པ་ཐམས་ཅད་འཇོམས་པའི་སྔགས་བཟླས་ཏེ་སྙིང་གར་ཟླ་བའི་དཀྱིལ་འཁོར་བསམས་ཏེ་དེའི་སྟེང་དུ་ཡི་གེར་དམར་པོ་ཐིག་ལེ་དང་བཅས་པའི་འབར་བའི་ཕེང་བ་འཁྲུགས་པར་བསམས་ནས་སྡིག་པ་ཐམས་ཅད་འཇོམས་པའི་སྔགས་འདི་བཟླའོ།། ཨོཾ་ཧ་ན་བི་དྷྭ་ནས་ཡ་བི་དྷྭ་ན་ས་ཡ། ནཱ་ཤ་ཡ་སཝཱ་བཾ་ཧཱུཾ་ཕཊ། འདིའི་རྗེས་ཐོགས་ཁོ་ནར་སྟོང་པ་ཉིད་དུ་བསྒོམས་ཏེ་མདུན་དུ་མེ་ཏོག་ཀུན་ད་དང ། ཤེལ་ལྟ་བུར་བལྟས་ནས་དེའི་དབུས་སུ་ཡི་གེ་ཧཱུཾ་དང ། པདྨ་འདབ་མ་བརྒྱད་པ་རྣམ་པར་བསམས་ཏེ་དེའི་དབུས་སུ་ཡི་གེ་ཧཱུཾ་འབར་བའི་ཕྲེང་བ་ཀུན་ནས་འཁྲུགས་པ་རྣམ་པར་བསམས་ལ་ཁྲོ་བོ་དབབ་པའི་སྔགས་འདིས་དབབ་པར་བྱའོ། །ོཾ་ཀྲོ་དྷ་ཨཱ་བེ་ཤ་ཡ་ཧཱུཾ་ཧཱུཾ་ཧཱུཾ་ཨ། དེ་ནས་ཁྲོ་བོ་དབབ་པའི་ཕྱག་རྒྱ་བཅིངས་ཏེ་སྔགས་འདི་བཟླ་བར་བྱའོ། །ོཾ་བཛྲ་ཨཱ་བེ་ཤ་ཡ་ཨཱ་བེ་ཤ་ཡ་པཱ་ཏ་པཱ་ཏ་ཡ་ཧཱུཾ། དེ་ནས་རང་ལྷའི་སྐུར་བསམ་མོ། །དེ་ནས་ཁྲོ་བོའི་བདག་པོ་ཁྲོ་བོའི་རྒྱལ་པོའི་ཕྱག་རྒྱས་ཡན་ལག་དྲུག་ཏུ་དགོད་པར་བྱ་སྟེ། ཨོཾ་ཧ་ན་བཛྲ་ཧཱུཾ་སྤྱི་བོར་རོ། །ོཾ་དྷ་ར་བཛྲ་ཧཱུཾ་སྤྱི་གཙུག་ཏུའོ། ། ོཾ་དཱིཔྟ་བཛྲ་ཧཱུཾ། མིག་ཏུའོ། །ོཾ་བཛྲ་རོ་ཥ་ན་ཧཱུཾ་སྙིང་གར་རོ། །ོཾ་བཛྲ་དྲི་ཌྷ་བཛྲ་ཧཱུཾ་གོ་ཆའོ། །ོཾ་ཧ་ན་ད་ཧ་པ་ཙ། ཀྲོ་དྷ་བཛྲ་སརྦ་དུཥྚ་ན། མཱ་ར་ཡ་ཧཱུཾ་ཕཊ་མཚོན་ཆའོ། །ཁྲོ་བོའི་རྒྱལ་པོ་ 172a ༄#། །འདི་དག་ཡན་ལག་དྲུག་ལ་དགོད་པར་གསུངས་སོ། །དེ་ནས་དཀྱིལ་འཁོར་གྱི་ལྷའི་སྙིང་པོས་སྤྱན་དྲངས་ཏེ་སོར་མོ་ཕན་ཚུན་དུ་བཀུག་ནས་མཛུབ་མོ་གཉིས་རྩེ་མོ་བཀུག་པའི་ཕྱག་རྒྱ་འདི་ལ་སྔགས་སྦྱར་བར་བྱའོ། །ོཾ་བཛྲ་དྷ་ར་མཧཱ་ཀྲོ་དྷ་ས་མ་ཡ་མ་ནུ་པཱ་ལ་ཡ་ཤཱི་གྷྲཾ་ཨཱ་གཙྪ་ཧྲཱིཿ ་ཛཿ ་ཧཱུཾ་ཕཊ་སཝཱཧཱ། འདིས་ལྷ་ཐམས་ཅད་སྤྱན་དྲང་བར་བྱའོ། །ོཾ་སརྦ་དེ་བ་ཏ་པྲ་སིདྡྷཱི་ཧཱུཾ་ཨ། ཨོཾ་ནཱ་ཤ་ཡ་དུཥྚཱ་ན་ད་ཧ་པ་ཙ་དུཥྚཱ་ན་བྷ་སྨི་ཀུ་རུ་ཧཱུཾ་ཧཱུཾ་ཕཊ་ཕཊ་སྟང་སྟབས་ཀྱིའོ། །ོཾ་བཛྲ་ཀྲོ་དྷ་མ་ཧཱ་ཙཎྜ། བནྡྷ་བནྡྷ། ད་ཤ་དི་ཤ་ཧཱུཾ་ཕཊ་ཕྱོགས་བཅིང་བའོ། །ོཾ་བྷུ་རྦྷུ་བ་སཝཱཧཱ་ལྷ་ཆེན་པོའོ། །ོཾ་ཨཱ་ཤྲི་བཛྲ་ཧ་ན་ཡེ་སཝཱཧཱ་ཁྱབ་འཇུག་གིའོ། །ོཾ་དེ་བ་ཀུ་རུ་དྷེ་དྷ་རཱ་ཡ་སཝཱཧཱ་སྐྱེ་རྒུའི་བདག་པོའི་འོ།། ཨོཾ་ཧྲཱིཿ ་ཀྲོ་ཙ་ཤཀྟི་དྷཱ་ར་ཎི་ཕཊ་ཕཊ་གཞོན་ནུའི་སྔགས་སོ། །ོཾ་གྲུཾ་ག་ཎ་པ་ཏ་ཡེ་སཝཱཧཱ་ཚོགས་བདག་གིའོ། །ོཾ་ཤྲཱི་ཙ་ཡ་ཨ་ཏྲ་ཀི་ཎེ་སཝཱཧཱ་ཉི་མའི་འོ། །ོཾ་ན་རྟེ་ཤཝ་རཱ་ཡ། ནཱ་ཏ་ནཱ་ཏ་ཧྲཱིཿ ་སཝཱཧཱ་དགའ་བའི་དབང་ཕྱུག་གིའོ། །ོཾ་ཙནྡྲ་ཤ་ཀྲ་པ་ར་ཀྲ་མ་ཡེ་ཧཱུཾ་ཕཊ་སྒྲ་གཙན་གྱིའོ། །ོཾ་ཙནྡྲ་ཡ་ཤྲི་ཤཝཱཧཱ་སྟེང་གི་ཟླ་བའི་འོ། །དེ་ནས་མཆོད་པའི་ལྷ་མོ་རྣམས་ཀྱི་སྙིང་པོ་བཤད་པ། ཨོཾ་བྷྲུཾ་ན་མཿ ་ལྷ་མོ་ཨུ་མའི་འོ། །ོཾ་ཤྲཱི་ན་མཿ ་དཔལ་གྱི་ལྷ་མོའི་འོ། །ོཾ་ཤྲཱི་ཡེ་ན་མ་ཐིག་ལེ་མཆོག་མའི་འོ། །ོཾ་ས་ར་སཝ་ཏྱཻ་གཱ་ཏཱ་ཡ་སརྦ་སཝཱཧཱ་དབྱངས་ 172b ཅན་མའིའོ། །ོཾ་ཤྲཱི་ཙ་ན་མ་རྩོམ་མ་མོའི་འོ། །ོཾ་ཤྲཱི་ན་མཿ ་ཟླ་བ་མའི་འོ། །ོཾ་ཡཀྵ་ཤཱ་རི་ཀྵི་སཝཱཧཱ་སྡུག་གུ་མཛེས་མའི་འོ། །ོཾ་ཨཱ་བྷུ་ཏིར་ཧྲཱིཿ ་མི་འབྱུང་མའི་འོ། །དེ་ནས་འབྱུང་མོ་སྒོ་སྐྱོང་མ་བརྒྱད་ཀྱིའོ། །ོཾ་ཨ་ཤྲཱི་བཾ་མཾ་སཝཱཧཱ། འབྱུང་པོ་བརྒྱད་ཀྱི་སྙིང་པོ་སྟེ། སྔ་མ་བཞིན་ནོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། དངོས་གྲུབ་ཀྱི་དཀྱིལ་འཁོར་གྱི་ཆོ་ག་རྒྱས་པའི་ལེའུ་རྫོགས་སོ།། །།དེ་ནས་འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་ཕྱག་རྒྱའི་མཚན་ཉིད་ཀྱི་ཆོ་ག་རྒྱས་པར་བཤད་པ། སོར་མོ་ཕན་ཚུན་བསྣོལ་ནས་མཛུབ་མོ་གཉིས་བཀབ་པ་ལྟར་བརྐྱང་བ་བྱས་པ་ནི། སྡིག་པ་འཇོམས་པའི་ཕྱག་རྒྱའོ། །ཁུ་ཚུར་ཕན་ཚུན་བཅངས་ནས་མཛུབ་མོ་གཉིས་འཁྱུད་པ་ནི།་ཁྲོ་བོ་དབབ་པའི་ཕྱག་རྒྱ་སྟེ། འཇིག་རྟེན་གསུམ་སྐད་ཅིག་གིས་འབེབས་པའི་ཕྱག་རྒྱ་ཆེན་པོའོ། །དེ་ནས་ཡན་ལག་དྲུག་གི་ཕྱག་རྒྱ་བཤད་པ། ཁུ་ཚུར་ཕན་ཚུན་བཅངས་ཏེ་གུང་མོའི་སོར་མོ་བརྐྱང་བ་ནི། སྤྱི་བོའི་ཕྱག་རྒྱའོ། །ཕྱག་རྒྱ་དེ་ཉིད་ལས་གུང་མོ་ནང་དུ་བཅུག་ནས་མཛུབ་མོ་ཁབ་ལྟར་བྱས་པ་ནི། སྤྱི་གཙུག་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོའི་རྩར་མཐེ་བོང་བཞག་སྟེ་མཐེ་བོང་གཡས་པ་མིག་གཡས་པར་བཞག་སྟེ་མཐེ་བོང་གཡོན་པ་མིག་གཡོན་པར་བཞག་པ་ནི། མིག་གི་ཕྱག་རྒྱའོ། །ཁུ་ཚུར་སོ་སོར་ 173a ༄#། །བཅངས་ཏེ་མཐེའུ་ཆུང་གཉིས་འཁྱུད་པ་ལ་མཛུབ་མོ་གཉིས་བརྐྱང་བ་ནི། སྙིང་གའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་བསྐྱིལ་བ་བྱས་པ་ནི། གོ་ཆའི་ཕྱག་རྒྱའོ། །མཛུབ་མོ་གཉིས་བརྐྱང་བ་ནི། མཚོན་ཆའི་ཕྱག་རྒྱའོ། །སྙིམ་པ་མཉམ་པར་བྱས་ནས་མཐེ་བོང་གཉིས་མཛུབ་མོ་ལ་བཅངས་པ་ནི། ཡོན་ཆབ་ཀྱི་ཕྱག་རྒྱའོ། །ཁུ་ཚུར་སོ་སོར་བཅངས་པ་ལ་མཐེ་བོང་བརྐྱང་བ་ནི། སྟང་སྟབས་ཀྱི་ཕྱག་རྒྱའོ། །ཁུ་ཚུར་སོ་སོར་ཐ་དད་པར་བཅངས་ཏེ་མཛུབ་མོ་གཡོན་པ་བརྐྱང་ནས་དཔུང་པ་གཡས་པའི་རྩ་བར་གཞག་གོ་།གཡས་པས་མཐེ་བོས་མཐེའུ་ཆུང་གི་སོར་མོ་མནན་ཏེ་སོར་མོ་ལྷག་མ་བརྐྱང་ནས་ཕྱོགས་བཅུར་བསྐོར་བ་ནི། བཅིང་བའི་ཕྱག་རྒྱའོ། །དེ་ནས་ལྷ་ཆེན་པོའི་ཕྱག་རྒྱ་བཤད་པ། ཐལ་མོ་མཉམ་པར་སྦྱར་ཏེ་མཐེའུ་ཆུང་དང་སྲིན་ལག་བཀུག་པ་ནི། དྲག་པོའི་ཕྱག་རྒྱའོ། །ཐལ་མོ་མཉམ་པར་སྦྱར་ནས་མཛུབ་མོ་གཉིས་འཁྱུད་དེ་བཀུག་པ་ནི། སྲེད་མེད་ཀྱི་བུའི་དུང་གི་ཕྱག་རྒྱའོ། །སོར་མོ་ཕན་ཚུན་བསྣོལ་ནས་མཐེའུ་ཆུང་རབ་ཏུ་བརྐྱང་བ་ནི། སྐྱེ་རྒུའི་བདག་པོའི་སྤྱི་བླུགས་ཀྱི་ཕྱག་རྒྱའོ། །ལག་པ་གཡོན་པ་ཁུ་ཚུར་བཅངས་ཏེ་གུང་མོ་སོ་སོར་བརྐྱང་བ་ནི། ཁྲུང་ཁྲུང་འཇོམས་པའི་མདུང་གི་ཕྱག་རྒྱའོ། །གུང་མོའི་སོར་མོའི་ཚིགས་བཀུག་པ་ནི། ཚོགས་ 173b ཀྱི་བདག་པོའི་དགྲ་སྟའི་ཕྱག་རྒྱའོ། །ཐལ་མོ་མཉམ་པར་བྱས་ནས་བཀྲ་ཤིས་ཀྱི་ལག་པར་བྱས་ཏེ་གཡོན་པའི་མཐེའུ་ཆུང་གིས་སྙིང་པོ་བྱས་ནས་གཡོན་པའི་མཐེ་བོའི་རྩེ་མོར་བཞག་ཅིང་གཡས་པའི་མཐེ་བོང་དེའི་སྟེང་དུ་བཞག་པ་ནི། ཉི་མའི་ཤིང་རྟའི་ཕྱག་རྒྱའོ། །ལག་པ་གཡས་པ་བརྐྱང་ནས་མཛུབ་མོ་དང་སྲིན་ལག་བཀུག་པ་ནི། སྒྲ་གཅན་གྱི་ཕྱག་རྒྱའོ།། ལག་པ་གཡས་པ་གར་གྱི་ཚུལ་གྱིས་གཡོན་པའི་སྟེང་དུ་བཞག་ཅིང་ལག་པ་གཡོན་པ་ཁུ་ཚུར་བཅངས་ཏེ་མཛུབ་མོ་དང་གུང་མོ་བརྐྱང་ནས་མཐེ་བོང་གིས་མཐེའུ་ཆུང་དང ། སྲིན་ལག་གི་སེན་མོ་མནན་པ་ནི། དགའ་བའི་དབང་ཕྱུག་གི་ཕྱག་རྒྱའོ། །ཁུ་ཚུར་སོ་སོར་ཐ་དད་པར་བཅངས་ཏེ་མཐེའུ་ཆུང་འཁྱུད་པ་ནི། ལྷ་མོ་དཀའ་ཟློག་མའི་ཕྱག་རྒྱའོ། །ལག་པ་གཉིས་ཀ་གདེངས་ཀ་ལྟར་བསྟན་ཏེ་སྤྱི་བོར་བཞག་པ་ནི། དཔལ་ལྷ་མོའི་ཕྱག་རྒྱའི་མཚན་ཉིད་དོ། །ཐལ་མོ་སྦྱར་ནས་ནམ་མཁའ་ལ་བསྐྱོད་པ་ནི། ཟླ་བའི་ཕྱག་རྒྱའོ། །ཁུ་ཚུར་སོ་སོར་བཅངས་ལ་མཐེའུ་ཆུང་དང་མཛུབ་མོ་འཁྱུད་པ་ནི། ལྷ་མོ་ཟླ་བ་མའི་ཕྱག་རྒྱའོ། །དེ་ནས་རིན་ཆེན་རྒྱན་ཅན་མའི་ཕྱག་རྒྱ་བཤད་པ། ཁུ་ཚུར་སོ་སོར་བཅངས་ཏེ་མཛུབ་མོ་གཉིས་བརྐྱང་ནས་རིན་པོ་ཆེའི་རྣམ་པས་དཔྲལ་བའི་ཕྱོགས་སུ་ཕྲེང་བ་བཅིངས་ཏེ་བཞག་པ་ནི། རིན་ཆེན་རྒྱན་ཅན་མའི་ཕྱག་རྒྱ་སྟེ། སྔགས་ནི། ཨོཾ་རཏྣ་ཤྲཱི་སཝཱཧཱ། 174a ༄#། །དེ་ནས་དབྱངས་ཅན་མའི་ཕྱག་རྒྱ་བཤད་པ། སོར་མོ་ཕན་ཚུན་འཁྱུད་དེ་མཛུབ་མོ་གཉིས་བརྐྱང་ནས་ཁར་བཞག་པའོ། །ཐིག་ལེ་མཆོག་མའི་ཕྱག་རྒྱ་བཤད་པ། སོར་མོ་ཕན་ཚུན་དུ་པདྨ་འཁོར་བའི་སྦྱོར་བས་བསྐོར་ཏེ་སྤྱི་བོར་བཞག་པ་ནི། ཐིག་ལེ་མཆོག་མའི་ཕྱག་རྒྱའོ། །དེ་ནས་རྩོམ་པ་མོའི་ཕྱག་རྒྱ་བཤད་པ།་ལག་པ་སོ་སོར་སོར་མོ་གཅིག་ལ་གཅིག་བསྐོར་བའི་སྦྱོར་བས་སྙིང་གར་བཞག་པ་ནི། རྩོམ་པ་མོའི་ཕྱག་རྒྱའོ། །དེ་ནས་ཕྱིའི་དཀྱིལ་འཁོར་གྱི་ཆོ་ག་རྒྱས་པར་བཤད་པ། ཨོཾ་ཤ་ཀྲཱ་ཡ་སཝཱཧཱ། ཤར་དུ་བརྒྱ་བྱིན་ནོ། །ོཾ་ཨགྣ་ཡེ་སཝཱཧཱ། མེར་མེ་ལྷའི་ལྷའོ། །ོཾ་ཡ་མཱ་ཡ་སཝཱཧཱ། གཤིན་རྗེའི་ཕྱོགས་སུ་གཤིན་རྗེའོ། །ོཾ་རཱཀྵ་ས་ཨ་དྷི་པ་ཏ་ཡེ་ཛ་ཡ་ཛ་ཡ་སཝཱཧཱ། བདེན་བྲལ་དུ་སྲིན་པོའི་བདག་པོའི་འོ། །ོཾ་ཝ་རུ་ཎ་ནཱ་ག་ཨ་དྷི་པ་ཏ་ཡེ་སཝཱཧཱ། ནུབ་ཏུ་ཆུ་ལྷའོ། །ོཾ་བཱ་ཡ་བེ་ཙ་ལ་ཙ་ལ་སཝཱཧཱ། རླུང་དུ་རླུང་གི་ལྷའོ། །ོཾ་ཀུ་བེ་རཱ་ཡ་ཡཀྵ་ཨ་དྷི་པ་ཏ་ཡེ་སཝཱཧཱ། བྱང་ཆུ་ལུས་ངན་པོའི་འོ། །ོཾ་ཙནྡྲ་ཡ་སཝཱཧཱ། དབང་ལྡན་གྱི་ཕྱོགས་སུ་ཟླ་བའོ། །ོཾ་ཨཱི་ཤ་ནཱ་ཡ་སཝཱཧཱ། དབང་ལྡན་གྱི་ཕྱོགས་སུ་དབང་ལྡན་ཉིད་དོ། །དེ་ནས་གནོད་སྦྱིན་མོ་ཐམས་ཅད་ཀྱི་དབང་ཕྱུག་མ་སྡུག་གུ་མཛེས་མའི་ཕྱག་རྒྱ་བཤད་པ། ཁུ་ཚུར་སོ་སོར་བཅངས་ཏེ་མཐེའུ་ཆུང་ 174b རབ་ཏུ་བརྐྱང་བའོ། །དེ་ནས་འབྱུང་མོའི་ཕྱག་རྒྱ་བཤད་པ། །ཁུ་ཚུར་སོ་སོར་བཅངས་ཏེ་མཐེའུ་ཆུང་གཉིས་འཁྱུད་ནས་སྡིགས་མཛུབ་བྱས་ཏེ་འཛིན་པ་ནི། འབྱུང་པོའི་དབང་ཕྱུག་འབྱུང་མོ་ཐམས་ཅད་ཀྱི་རྒྱལ་མོའི་ཕྱག་རྒྱའོ། །དེ་ནས་འབྱུང་མོ་སྒོ་སྐྱོང་མ་བརྒྱད་ཀྱི་ཕྱག་རྒྱ་བཤད་པ། ཁུ་ཚུར་སོ་སོར་བཅངས་ཏེ་མཛུབ་མོ་གཉིས་འཁྱུད་པ་ནི། འབྱུང་མོ་བརྒྱད་ཀྱི་ཕྱག་རྒྱའོ། །དེ་ནས་ཕྱིའི་དཀྱིལ་འཁོར་གྱི་ཆོ་ག་རྒྱས་པར་བཤད་པ་ནི། ལག་པ་གཡས་པའི་ཐལ་མོ་མཉམ་པར་བྱས་ཏེ་མཐེ་བོས་མཐེའུ་ཆུང་གི་སོར་མོ་མནན་ནས་སོར་མོ་ལྷག་མ་བཀྲམ་པ་ནི། བརྒྱ་བྱིན་གྱི་རྡོ་རྗེའི་ཕྱག་རྒྱའོ། །ལག་པ་གཡོན་པའི་ཐལ་མོ་མཉམ་པར་བྱས་ཏེ་ཆུང་ཟད་བསྐྱོད་པ་ནི། མེའི་ཕྱག་རྒྱའོ། །ལག་པ་གཡས་པར་ཁུ་ཚུར་བཅངས་ཏེ་མཛུབ་མོ་བརྐྱང་བ་ནི། གཤིན་རྗེའི་དབྱུག་ཏོའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ་མཛུབ་མོ་དང་གུང་མོ་བརྐྱང་བ་ནི། སྲིན་པོའི་བདག་པོའི་རལ་གྲིའི་ཕྱག་རྒྱའོ། །ལག་པ་གཡོན་པའི་ཁུ་ཚུར་བཅངས་ཏེ་མཛུབ་མོ་བརྐྱང་ནས་བསྐྱིལ་བ་ནི། ཆུའི་ལྷའི་ཞགས་པའི་ཕྱག་རྒྱའོ། །ལག་པ་གཡོན་པའི་ཁུ་ཚུར་བཅངས་ལ་མཛུབ་མོ་དང་གུང་མོ་བརྐྱང་པ་ནི། རླུང་ལྷའི་བ་དན་གྱི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ་མཐེ་བོང་བརྐྱང་བ་ནི། རྣམ་ཐོས་ཀྱི་གླང་པོ་ཆེའི་ཕྱག་རྒྱའོ། ། 175a ༄#། །ལག་པ་གཡོན་པ་ཁུ་ཚུར་བཅངས་ཏེ་མཐེའུ་ཆུང་གིས་སོར་མོ་མནན་ནས་སོར་མོ་ལྷག་མ་བརྐྱང་བ་ནི། དབང་ལྡན་གྱི་ཏྲི་ཤཱུ་ལའི་ཕྱག་རྒྱའོ། ། དེ་ནས་རྫོགས་པར་བྱེད་པའི་ཕྱག་རྒྱ་བཤད་པ། ཐལ་མོ་སྦྱར་བ་ནི། རྫོགས་པར་བྱེད་པའི་ཕྱག་རྒྱའོ། །སྔགས་བཤད་པ། ཨོཾ་སིདྡྷི་བཛྲ། ཨ་སུ་རཱ་ཡ་ཨ་སུ་རཱ་ཡ་ཧཱུཾ།་རྫོགས་པར་བྱེད་པའི་སྔགས་དང ། ཕྱག་རྒྱའོ། །དེ་ནས་དངོས་གྲུབ་དགུག་པའི་སྔགས་དང ། ཕྱག་རྒྱ་བཤད་པ། ཁུ་ཚུར་སོ་སོར་བཅངས་ནས་མཐེའུ་ཆུང་གཉིས་འཁྱུད་དེ་མཛུབ་མོ་གཉིས་བརྐྱང་ནས་བསྐྱིལ་བ་ནི། དངོས་གྲུབ་དགུག་པའི་ཕྱག་རྒྱའོ། །སྔགས་ནི། ཨོཾ་བཛྲ་རོ་ཥ་ཎ་མཧཱ་ཀྲོ་དྷ་སིདྡྷ་ཨཱ་ཀཪྵ་ཡ་ཧཱུཾ་ཛ།་དངོས་གྲུབ་དགུག་པའི་སྔགས་སོ། །རྒྱལ་པོ་ཆེན་པོའི་དངོས་གྲུབ་ནི། །ཁྲོ་བོའི་བསྟན་པའི་དངོས་གྲུབ་སྟེ། །ལྷ་རྣམས་ཀུན་གྱི་དངོས་གྲུབ་མཆོག་།བདག་ལ་མྱུར་དུ་སྒྲུབ་ཏུ་གསོལ།། རྡོ་རྗེ་གསོར་ཞིང་སྔགས་དེ་ངང་འདི་བརྗོད་པར་བྱའོ། །དེ་ནས་འབྱུང་མོའི་གདོང་གི་ཕྱག་རྒྱ་བཤད་པ། ལག་པ་གཡོན་པའི་ཐལ་མོ་མཉམ་པར་བྱས་ནས་མཐེ་བོང་བསྒྲེད་སྟེ་ལག་པ་གཡས་པའི་ཁུ་ཚུར་གྱིས་ལག་པ་གཡོན་པའི་གཞན་གྱིས་མི་ཐུབ་པའི་ཕྱག་རྒྱ་བཅིངས་ཏེ་གཡས་པའི་མཐེ་བོང་བསྒྲེང་བ་ནི། རྡོ་རྗེ་འཆང་གི་འབྱུང་པོ་གདོན་གྱི་ཕྱེག་རྒྱའོ། ། 175b ོཾ་ཛ་ཡ་ཛ་ཡ་མཧཱ་ཀྲོདྷ་ཨ་དྷི་བཏི་\?\་མོ་དྷ་རཱ་ཛ། ཨི་མཾ་བྷཱུ་ཏ་ཨཱ་ས་ནཾ། ངཪྴ་ཡ་རཀྵ་སཝཱཧཱ། གདན་གྱི་སྔགས་སོ། །ད་ནས་ལྷའི་གདན་གྱི་ཕྱག་རྒྱ་བཤད་པ། ཐལ་མོ་སྦྱར་བ་བྱས་ཏེ། སོར་མོ་ཐམས་ཅད་བ་གྲམ་པ་ནི། པདྨའི་ཕྱག་རྒྱར་བརྗོད་པ་སྟེ། འདི་ནི། ཕྱག་རྒྱའོ། །སྔགས་ནི། ཨོཾ་པདྨ་བྷ་ག་བ་ནི་ཥ་ཎ་སརྦ་དེ་པ་དྭཾ་སཝཱ་ཧཱ། ལྷ་ཐམས་ཅད་ཀྱི་གདན་གྱི་པདྨའི་ཕྱག་རྒྱ་དང ། སྔགས་སོ། །པདྨའི་ཕྱག་རྒྱ་འདི་ཉིད་ལས་མཐེ་བོ་གཡོན་པ་བསྒུལ་བས་ལྷ་ཐམས་ཅད་སྤྱན་དྲང་བ་དང ། གཤེགས་སུ་གསོལ་བའི་ཕྱག་རྒྱ་སྟེ། སྔགས་ནི། ཨོཾ་ས་ར་ས་ར། བི་ས་ར་བི་ས་ར། གཙྪ་གཙྪ་སརྦ་དེ་བ་ཏཱ་ནཱཾ། ཤྲཱི་བཛྲ་དྷ་ར་ས་མ་ཨཱ་ཛྙཱ་པ་ཡ་ཏི་སཝཱཧཱ། གཤེགས་སུ་གསོལ་བའི་སྔགས་སོ། །ཁྲོ་ཆེན་ཐམས་ཅད་གྲུབ་མཛད་པ། དངོས་གྲུབ་བདེ་བར་སྦྱིན་མཛད་པ། །མཐུ་ཆེན་བླ་ན་མེད་པ་ནི། བདག་ལ་སྩལ་ཏེ་གཤེགས་སུ་གསོལ། །བསྟོད་པ་འདིས་བསྟོད་པར་བྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། དངོས་གྲུབ་ཀྱི་ཆོ་ག་དཀྱིལ་འཁོར་གྱི་སྒྲུབ་པ་རྫོགས་སོ།། །།དེ་ནས་ཁྲོ་བོའི་བདག་པོ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསུངས་སོ། །དཀྱིལ་འཁོར་ཆེན་པོ་འདི་མཐོང་བ་ཙམ་གྱིས་ཁམས་གསུམ་པའི་རྒྱལ་སྲིད་འཐོབ་ཅིང་འདིའི་རྡོ་རྗེ་འཆང་བཟླས་པ་ཙམ་གྱིས་རྡོ་རྗེ་འཆང་དང་མཚུངས་ 176a ༄#། །པར་འགྱུར་རོ། །གལ་ཏེ་མ་གྲུབ་ན་ཡང་གླིང་བཞི་པའི་འཁོར་ལོས་བསྒྱུར་བའི་རྒྱལ་པོར་འགྱུར་རོ། །དཔལ་རྡོ་རྗེ་འཆང་ཁྲོ་བོའི་བདག་པོ་བཟླས་པ་ཙམ་གྱིས་འབྱུང་པོ་ཐམས་ཅད་བྲན་དུ་འགྱུར་རོ། །གལ་ཏེ་སྔགས་པ་ཁྲོས་ན། ཁྲོས་པ་ཙམ་གྱིས་འཇིག་རྟེན་པའི་ལྷ་ཐམས་ཅད་དུམ་བུ་བརྒྱར་ཞིག་པར་འགྱུར་རོ། ། ཀླུ་དང་གནོད་སྦྱིན་ཐམས་ཅད་མཐོང་བ་ཙམ་གྱིས་གསོད་ཅིང་འཇིག་རྟེན་པའི་ལྷ་ཐམས་ཅད་ཧཱུཾ་གི་སྒྲ་ཙམ་གྱིས་འབྲེས་པར་བྱེད་དོ། །དེ་ནས་དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོའི་སྔོན་དུ་བསྙེན་པ་བྱ་བ་བཤད་པ། བདག་ཉིད་སྲུང་བའི་སྔགས་འབུམ་བཟླས་ན། མྱུར་དུ་འགྲུབ་པར་བྱེད་པའོ། །དེ་ནས་དཔལ་རྡོ་རྗེ་འཆང་སྒྲུབ་པར་འདོད་ན། ཟླ་བ་གཅིག་ཏུ་དུས་གསུམ་དུ་སྟོང་ཕྲག་རེ་བཟླས་ནས་དེ་ནས་ཟླ་བ་ཉ་ལ་ཅི་ལྟར་འབྱོར་པའི་མཆོད་པ་བྱས་ནས་ཁྲོ་བོའི་ཕྱག་རྒྱ་བཅིངས་ཏེ་མཚན་ཐོག་ཐག་བཟླའོ། ། དེ་ནས་ཐོ་རངས་ས་གཡོ་བ་དང ། ཕྱག་རྒྱ་འབར་བར་འགྱུར་ཏེ། འབར་བ་ཙམ་གྱིས་རྡོ་རྗེ་འཆང་དང་མཚུངས་པར་འགྱུར་ཞིང ། རྒ་བ་དང་འཆི་བ་མེད་ལ་ལྷའི་གཟུགས་སུ་འགྱུར་རོ། །དེ་ནས་ལྷ་མོ་སྒྲུབ་པར་འདོད་ན། ལྷ་མོ་དཀའ་ཟློག་རྐང་པ་གཡོན་པས་མནན་ནས་ཁྲི་བཟླས་ན། ལྷ་མོ་རང་ཉིད་འོང་ཞིང ། དངོས་གྲུབ་ཀྱི་རྫས་དང ། དངུལ་ 176b ཆུ་དང ། བཅུད་ཀྱིས་ལེན་གྱི་གྲུབ་པ་སྟེར་ཞིང་ཆུང་མར་འགྱུར་རོ། །གལ་ཏེ་མ་གྲུབ་ན། དུག་དང་ལན་ཚཝས་བྱུགས་ཏེ་རྐང་པ་གཡས་པས་མནན་ནས་ཁྲོ་བོའི་སྔགས་འདི་བཟླ་བར་བྱ་སྟེ། ཨོཾ་ཧ་ན་ཧ་ན་བཛྲ་མཱ་ར་ཡ་ཆེ་གེ་མོ་ཧཱུཾ་ཕཊ། ཁྲོ་བོ་འདི་དང་བཅས་པས་མནན་ཏེ་སྟོང་ཕྲག་བརྒྱད་བཟླས་ན། བཟླས་པ་ཙམ་གྱིས་སྤྱི་བོ་འགས་པའམ་བསྐམས་ནས་འཆིའོ། །དེ་བཞིན་དུ་ཁྲོ་བོའི་སྔགས་ཀྱིས་གསད་པ་ཐམས་ཅད་ལ་སྦྱར་བར་བྱའོ། །དེ་ནས་དཔལ་ལྷ་མོ་སྒྲུབ་པར་འདོད་ན། དཔལ་ལྷ་མོ་རྐང་པ་གཡོན་པས་མནན་ཏེ་ཁྲི་བཟླས་ན། དཔལ་ལྷ་མོ་འོང་སྟེ་མེ་ཏོག་གི་སྟན་སྦྱིན་ཞིང་ལེགས་པར་འོངས་སོ་ཞེས་བརྗོད་ལ་ཆུང་མ་གྱིས་ཤིག་ཅེས་བསྒོ་ནས་ཇི་ལྟར་འདོད་པ་ལྟར་སྤྱད་ན་རྒྱལ་སྲིད་སྟེར་བར་བྱེད་དོ། །དེ་ནས་འཇིགས་བྱེད་མ་རྐང་པ་གཡོན་པས་མནན་ཏེ་ཁྲི་བཟླས་ན། འཇིགས་བྱེད་མ་རང་གི་གཟུགས་ཀྱིས་འོངས་ཏེ་བྲན་མོའི་ལས་རྣམས་བྱེད་དོ། །ཙ་མུནྜི་རྐང་པ་གཡོན་པས་མནན་ཏེ་ཁྲི་བཟླས་ན། ཙ་མུནྚི་རང་གི་གཟུགས་ཀྱིས་འོང་སྟེ། ཙ་མུནྚི་བྲན་མོར་འགྱུར་རོ། །དེ་བཞིན་དུ་མ་མོའི་སྒྲུབ་པ་ཐམས་ཅད་ལ་མནན་ཏེ་བསྒྲུབས་ན། མྱུར་དུ་འགྲུབ་པར་འགྱུར་རོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། སྒྲུབ་པའི་ཐབས་ཀྱི་ཆོ་ག་རྒྱས་པའི་རིམ་པར་ཕྱེ་བ་དང་པོ་རྫོགས་སོ།། །།ཕྱག་ན་རྡོ་རྗེ་གཏུམ་པོ་ 177a ༄#། །ལ་ཕྱག་འཚལ་ལོ། །དེ་ནས་འདིར་ནི་ཤིན་ཏུ་འདའ་བར་དཀའ་བ་མཆོག་ཏུ་དྲག་པོ་ཆེན་པོའི་སྒྲུབ་པའི་ཐབས་ཤིན་ཏུ་དྲག་པོ་ལས་ཐམས་ཅད་སྒྲུབ་པར་བྱེད་པ་གསུངས་པ། ལིངྒ་གཅིག་པ་རྐང་པ་གཡོན་པས་མནན་ཏེ་སྟོང་ཕྲག་བརྒྱད་བཟླས་ན། ཉི་མ་བདུན་ན་ལྷ་ཆེན་པོ་མྱུར་དུ་འོང་ངོ ། །གལ་ཏེ་མ་འོངས་ན། དེའི་མདོ་ལ་འཆིའོ། ། སྲེད་མེད་ཀྱི་བུ་མནན་ཏེ་ཉི་མ་བདུན་དུ་སྟོང་ཕྲག་བདུན་བཟླས་ན། ཉི་མ་བདུན་པ་ལ་ངེས་པར་འོང་ངོ ། །གལ་ཏེ་མ་འོངས་ན། སྤྱི་བོ་འགས་པའམ། བསྐམས་པར་འགྱུར་རོ། ། ངེས་པར་སྲེད་མེད་ཀྱི་བུ་འཁོར་དང་བཅས་པ་མངག་གཞུག་པར་འགྱུར་རོ། །ཚངས་པ་མནན་ཏེ་སྟོང་ཕྲག་བརྒྱད་བཟླས་ན། ཉི་མ་བདུན་ན་མྱུར་བར་འོང་སྟེ། གལ་ཏེ་མ་འོངས་ན་བསྐམས་ཏེ་འཆིའོ། །མངག་གཞུག་པར་འགྱུར་རོ། །བརྒྱ་བྱིན་རྐང་པ་གཡོན་པས་མནན་ཏེ་ཉི་མ་བདུན་དུ་སྟོང་ཕྲག་བརྒྱད་བཟླས་ན། ཉི་མ་བདུན་ན་ངེས་པར་འོང་སྟེ། གལ་ཏ་མ་འོངས་ན་ངེས་པར་འཆི་བར་འགྱུར་རོ། །འདིས་བརྒྱ་བྱིན་མངག་གཞུག་པར་འགྱུར་ཞིང་པང་ན་གནས་པ་བླངས་ཏེ་སྟེར་བར་བྱེད་དོ། །གལ་ཏེ་མ་འོངས་ན་སྤྱི་བོ་འགས་ཤིང་དུམ་བུ་བརྒྱར་འཇིག་ལ། རང་གི་རིགས་རྒྱུད་རྣམས་བརླག་པར་འགྱུར་རོ། །གཞོན་ནུ་མནན་ནས་སྟོང་ཕྲག་བརྒྱད་བཟླས་ན། ཉི་མ་བདུན་ན་མྱུར་དུ་འོང་སྟེ། གཞོན་ནུ་མངག་གཞུག་པར་ 177b འགྱུར་རོ། །གཞོན་ནུའི་གདོན་ཐམས་ཅད་བྲན་དུ་འགྱུར་ཞིང ། ཆེ་གེ་མོ་འཚོ་བར་གྱིས་ཤིག་།ཆེ་གེ་མོ་སོད་ཅིག་ཅེས་སྨྲས་ན། དེ་དག་ཐམས་ཅད་བྱེད་དོ། །ཚོགས་ཀྱི་བདག་པོ་མནན་ཏེ་སྟོང་ཕྲག་བརྒྱད་བཟླས་ན། ཉི་མ་བདུན་ན་མྱུར་དུ་འོང་སྟེ། གལ་ཏེ་མ་འོངས་ན་རིགས་རྒྱུད་བརླག་ཅིང་འཆི་བར་འགྱུར་རོ། །ལོག་འདྲེན་ཐམས་ཅད་མངག་གཞུག་པར་འགྱུར་རོ། །ཉི་མ་རྐང་པ་གཡོན་པས་མནན་ཏེ་བརྒྱད་སྟོང་བཟླས་ན། ཉི་མ་བདུན་ན་མྱུར་དུ་འོངས་ཏེ་རྒྱལ་སྲིད་སྟེར་རོ། །གལ་ཏེ་མ་འོངས་ན་འཆི་བའམ། རང་གི་རྒྱུད་བརླག་པར་འགྱུར་རོ། །ཟླ་བ་མནན་ཏེ་བརྒྱད་སྟོང་བཟླས་ན། ཉི་མ་བདུན་ན་མྱུར་དུ་འོང་ཞིང་མངག་གཞུག་པར་འགྱུར་ལ་གསེར་སྲང་བརྒྱ་སྟེར་རོ། །གལ་ཏེ་མ་འོངས་ན་སྤྱི་བོ་འགས་ཤིང་བསྐམས་ཏེ་འཆི་བར་འགྱུར་རོ། །རང་གི་རིགས་དང ། རྒྱུད་ཕུང་བར་འགྱུར་རོ། །འདི་ནི། ཟླ་བ་འཁོར་དུ་སྒྲུབ་པར་བཤད་པའོ། །འཇིགས་བྱེད་རྐང་པ་གཡོན་པས་མནན་ཏེ་ཉི་མ་བདུན་དུ་སྟོང་ཕྲག་བརྒྱད་བཟླས་ན་ཡང་མཚན་མོ་མཆོད་པ་ཆེན་པོ་བྱས་ཏེ་ཤ་ཆེན་པོས་མཆོད་པ་བྱས་ནས་ཤ་ཆེན་པོའི་གཏོར་མ་བྱས་ཏེ་ཤ་ཆེན་པོ་ཉིད་དང་ཏིལ་གྱི་མར་མེ་རབ་ཏུ་སྔར་ཏེ་ནམ་ཕྱེད་ན་སྒྲ་ཆེན་པོ་བྱུང་སྟེ་དྲག་ཏུ་དགོད་ཅིང་བསྡད་ན། ཀྱེ་སྐྱེས་བུ་ཆེན་པོ་འདི་བཟའ་ཡི། །སློངས་ཤིག་།ཅེས་ཟེར་རོ། །དེས་སྐྲག་པར་མི་བྱ་སྟེ། གལ་ཏེ་ 178a ༄#། །སྐྲག་པར་གྱུར་ན། ཡི་གེ་ཧཱུཾ་བཟླས་ན་བདེ་བར་གནས་པར་འགྱུར་རོ། །འཇིགས་བྱེད་འཁོར་དང་བཅས་པ་བྲན་དུ་འགྱུར་རོ། །ཁམས་གསུམ་པའི་རྒྱལ་སྲིད་སྟེར་ཞིང་ཡི་གེ་ཧཱུཾ་བཟླས་པ་ཙམ་གྱིས་འཇིག་རྟེན་པའི་ལྷ་ཐམས་ཅད་འཇོམས་སོ། །གར་གྱི་དབང་ཕྱུག་རྐང་པ་གཡོན་པས་མནན་ཏེ་ཉི་མ་བདུན་དུ་བརྒྱད་སྟོང་བཟླས་ན། སྐད་ཅིག་དེ་ལ་འོང་ཞིང་མངག་གཞུག་པར་འགྱུར་རོ། །གལ་ཏེ་མ་འོངས་ན་བསྐམས་པའམ་འཆི་བར་འགྱུར་རོ། །ནག་པོ་ཆེན་པོ་རྐང་པ་གཡོན་པས་མནན་ཏེ་སྟོང་ཕྲག་བརྒྱད་བཟླས་ན། ཉི་མ་བདུན་ན་འཁོར་གྱི་ཚོགས་དང་བཅས་ཏེ་འོང་ངོ ། །གལ་ཏེ་མ་འོངས་ན་སྐད་ཅིག་དེ་ཉིད་ལ་འཆི་ཞིང་རང་གི་རིགས་རྒྱུད་ཕུང་བར་འགྱུར་རོ། །ལྷ་ནག་པོ་ཆེན་པོ་འཁོར་གྱི་ཚོགས་དང་བཅས་པ་མངག་གཞུག་པར་འགྱུར་རོ། །གདོང་བཞི་པ་ཕྱུག་པོའི་ཁང་པར་སོང་སྟེ་རྐང་པ་གཡོན་པས་མནན་ནས་ཁྲི་ཕྲག་བཟླས་ན། ཉི་མ་བདུན་ན་འཁོར་གྱི་ཚོགས་དང་བཅས་ཏེ་འོང་ངོ ། །གལ་ཏེ་མ་འོངས་ན་རིགས་དང་རྒྱུད་བརླག་པར་འགྱུར་རོ། །རྣམ་པ་ཐམས་ཅད་ཀྱིས་གཡོག་འཁོར་དུ་འགྱུར་ལ། རྒྱབ་ཏུ་ཞོན་ནས་མཐོ་རིས་སུ་ཡང་འཁྱེར་རོ། ། པང་པ་ན་གནས་པ་བླངས་ནས་སྟེར་ཞིང་དངུལ་ཆུ་དང་བཅུད་ཀྱི་ལེན་བཟང་པོ་སྟེར་རོ། །བཅོམ་ལྡན་འདས་དཔལ་རྡོ་རྗེ་འཆང་གིས་དེ་སྐད་ཅེས་གསུངས་སོ། །འབྱུང་པོ་འདུལ་བའི་ 178b རྒྱུད་ཀྱི་རྒྱལ་པོ་ཆེན་པོ་ལས། མངག་གཞུག་སྒྲུབ་པའི་ཆོ་ག་རྒྱས་པའི་ལེའུ་རྫོགས་སོ།། །།དེ་ནས་སྟོབས་དང་ཕ་རོལ་གནོན་པ་དཔག་ཏུ་མེད་པ། འཇིག་རྟེན་གསུམ་གྱིས་ཕྱག་བྱས་པའི་བྲན་མོ་སྒྲུབ་པའི་ཐབས་ཁྲོ་བོ་ཉིད་ཀྱིས་མི་རྣམས་ལ་ཕན་པའི་དོན་དུ་གསུངས་པ་དངོས་གྲུབ་ཀྱི་མཆོག་རྒྱས་པར་བཤད་པར་བྱ་སྟེ། ལེ་ལོ་ཅན་དང ། སྡིག་པ་བྱེད་པ་དང ། བརྫུན་དུ་སྨྲ་བས་ཀྱང་འགྲུབ་པར་བྱེད་དོ། །ཚུལ་ཁྲིམས་དང་ལྡན་པ་དང ། ཟང་ཟིང་སྤངས་པ་དང ། ཚངས་པར་སྤྱོད་པ་ལ་རྟག་ཏུ་གནས་པ་དང ། རྟག་ཏུ་ཁྲོ་བོའི་བཟླས་པ་ལ་གནས་པས་འབྱུང་མོ་དང ། ཀླུ་མོ་དང ། གནོད་སྦྱིན་མོ་སྒྲུབ་པར་འདོད་ན། སྔགས་ཀྱི་ཚོགས་ཀྱིས་དགུག་པ་ལ་སྦྱར་བར་བྱའོ། །ལྷ་མོ་ཨུ་མ་སྒྲུབ་པར་བྱེད་པ་རྣམས་ལ་ཕན་པའི་དོན་དུ་བསྙེན་བཀུར་མར་བྱ་བར་བཤད་པའོ། །དང་པོར་བསྒྲུབ་པར་བྱ་ཞིང་དེའི་འོག་ཏུ་དངོས་གྲུབ་ཀྱི་མཆོག་བཟང་པོ་རིག་འཛིན་དང ། ཕྱོགས་ཀྱི་བདག་པོ་དང ། ནོར་གྱི་ཆར་དང ། གཏེར་ཆེན་པོ་དང ། ཡིད་བཞིན་གྱི་ནོར་བུ་དང ། བུམ་པ་བཟང་པོ་ལ་སོགས་པ་དང ། གནོད་སྦྱིན་མོའི་སྒྲུབ་པ་དང ། །ཟ་མོ་དང ། ས་ལ་འཇོམས་མ་ལ་སོགས་པ་གསུངས་པ་རྣམས་འགྲུབ་སྟེ། སངས་རྒྱས་ཉིད་ཀྱང་འགྲུབ་ན། ཐ་མལ་འབྱུང་མོ་བྲན་དུ་བྱ་བ་རྣམས་ལྟ་སྨོས་ཀྱང་ཅི་དགོས་ཏེ། དེའི་མོད་ལ་འགྲུབ་པར་འགྱུར་རོ། །འབྱུང་པོ་འདུལ་བྱེད་ཀྱི་རྒྱུད་ཆེན་པོ་ 179a ༄#། །ལ་ནི། སྒྲུབ་པ་པོ་རྟག་ཏུ་ཁྲོ་བོའི་བཟླས་པ་ལ་གནས་ན། སློབ་དཔོན་ལ་སྨོད་པ་དང ། ལྷ་ཐམས་ཅད་ལ་སྨོད་པ་དང ། དམ་པའི་ཆོས་སྤོང་བ་དང ། ཐམས་ཅད་དུ་དམ་ཚིག་ཉམས་པ་དང ། མེད་པ་དང ། སྔགས་དང ། རྒྱུད་སྤངས་པས་ཀྱང་གལ་ཏེ་འདོད་ན་ངེས་པར་དེའི་མོད་ལ་མྱུར་དུ་འགྲུབ་པར་འགྱུར་བར་ཁྲོ་བོ་ཉིད་ཀྱིས་གསུངས་སོ། ། བཅོམ་ལྡན་འདས་དཔལ་རྡོ་རྗེ་འཆང་ཁྲོ་བོའི་བདག་པོས་འདི་སྐད་ཅེས་གསུངས་སོ། །དེ་ནས་འདིར་མཆོག་ཏུ་གསང་བ་ཆེན་པོ་འབྱུང་པོ་འདུལ་བའི་རྒྱུད་ཀྱི་རྒྱལ་པོའི་སྒྲུབ་པའི་ཐབས་གསུངས་པ། དང་པོ་རེ་ཤིག་བཀླགས་པ་ཙམ་གྱིས་འགྲུབ་པར་བྱེད་པ་བྲན་པོ་དང ། བྲན་མོ་ཐམས་ཅད་སྒྲུབ་པར་བྱེད་པ། དཔལ་རྡོ་རྗེ་འཆང་ཁྲོ་བོའི་བདག་པོ་བཟླས་བ་ཙམ་གྱིས་མྱུར་དུ་འགྲུབ་པར་བྱེད་པ། དོན་ཡོད་ཅིང་བགེགས་འཇོམས་ལ་གྲུབ་པར་བྱེད་པའི་སྔགས་ཀྱི་ཚིག་རྣམས་སོ། །ོཾ་ཧྲཱིཿ ་ཧཱུཾ་ཀ་ཊུ་ཀ་ཊུ་ཆེ་གེ་མོ་ཧཱུཾ་ཧཱུཾ་ཧཱུཾ་ཛ། ཁྲོ་བོ་འདི་དང་བཅས་པས་བརྒྱད་བརྒྱ་བཟླས་པ་ཙམ་གྱིས་མྱུར་དུ་འོང་སྟེ། ཐམས་ཅད་བྲན་དང ། བྲན་མོར་འགྱུར་རོ། །གལ་ཏེ་མ་འོངས་ན་སྤྱི་བོ་འགས་ཤིང་བསྐམས་ཏེ་འཆི་ལ། རིགས་དང་རང་གི་རིགས་རྒྱུད་བརླག་པར་འགྱུར་རོ། །འབྱུང་མོའི་གཟུགས་བ་ལང་གི་གིའུ་ཝང་གིས་བྲིས་ཏེ་རྐང་པ་གཡོན་པས་མནན་ནས་སྟོང་ཕྲག་བརྒྱད་བཟླས་ན། སྐད་ཅིག་དེ་ལ་ 179b ཀྱེ་མ་ཀྱེ་མ་ཞེས་ཟེར་ཞིང་འོང་སྟེ། འགུམ་མོ་འགུམ་མོ། །ཀྱེ་སྒྲུབ་པ་པོ་བཀའ་ཅི་སྩོལ་ཞེས་ཟེར་རོ། །སྒྲུབ་པ་པོས་ཀྱེ་འབྱུང་མོ། བདག་གི་ཁོལ་མོ་གྱིས་ཤིག་ཅེས་སྨྲས་ན། དེ་ཁོལ་མོའི་ལས་ཐམས་ཅད་བྱེད་དོ། །གྲོ་བའི་ཤུན་པ་ལ་བ་ལང་གི་གིའུ་ཝང་གིས་གཟུགས་བརྙན་བྲིས་ཏེ་རྐང་པ་གཡོན་པས་མནན་ནས་སྟོང་ཕྲག་བརྒྱད་བཟླས་ན། དེའི་མོད་ལ་འོང་ངོ ། ། གལ་ཏེ་དེའི་མོད་ལ་མ་འོངས་ན་ཉུངས་ཀར་གྱིས་ཁ་ལ་བསྣུན་ཅིང་སྒྲ་ཆེན་པོས་བསྒུལ་ན། འབྱུང་མོ་དེ་རིམས་དྲག་པོས་འཆིའོ། །ཕྱིར་གསོ་བ་ནི། མར་དང་སྦྲང་རྩི་ཁར་བཅུག་ན་སླར་འཚོའོ། །འབྱུང་མོ་འདིས་བྲན་མོའི་ལས་ཕྱེད་ཅིང་སྒྲུབ་པ་པོ་བདག་ཉིད་དང་གསུམ་ལ་གོས་དང ། རྒྱན་དང ། བཟའ་བ་ཉི་མ་རེ་རེ་སྟེར་རོ། །གཙུག་ལག་ཁང་གི་སྒོར་སོང་སྟེ་སྟོང་ཕྲག་བརྒྱད་བཟླས་ན། འདིས་བ་གླང་མོའི་བློ་གྲོས་ཞེས་བྱ་བའི་འབྱུང་མོ་འོང་སྟེ། འོངས་པ་ལ་གཏོར་མ་བྱིན་ན་སྡུག་པ་ངས་ཅི་བྱ་ཞེས་སྨྲའོ། །མ་གྱིས་ཤིག་ཅེས་བསྒོ་ན། མ་དང་འདྲ་བར་ཡོངས་སུ་སྐྱོང་ཞིང་བདག་ཉིད་དང་ལྔ་ལ་གོས་དང ། རྒྱན་དང་བཟའ་བ་ལ་སོགས་པ་སྟེར་རོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། བྲན་མོ་སྒྲུབ་པའི་ཆོ་ག་རྒྱས་པའི་ལེའུ་རྫོགས་སོ།། །།དེ་ནས་མཆོག་ཏུ་གསང་བ་ཤིན་ཏུ་གསང་བ་ཆེན་པོ་འབྱུང་པོ་འདུལ་བའི་རྒྱུད་ཆེན་པོ་ལས་འབྱུང་མོ་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པར་ 180a ༄#། །བྱ་སྟེ། དབུལ་པོ་རྣམས་ལ་ཕན་པའི་དོན་དུ་དངོས་གྲུབ་ཀྱི་སྒྲུབ་པའི་ཐབས་ཁྲོ་བོ་ཉིད་ཀྱིས་གསུངས་པའོ། །དེ་ལ་འབྱུང་མོ་རྣམས་ཀྱི་མིང་བཤད་པ། རྒྱན་ཅན་མ་དང ། རྣ་ཅན་མ་དང ། དོ་ཤལ་ཅན་མ་དང ། སེངྒེ་མ་དང ། རྒོད་བྱེད་མ་དང ། གར་བྱེད་མ་དང ། དགའ་བ་མ་དང ། འདོད་པའི་དབང་ཕྱུག་མ་དང ། ལྷ་མོ་རྣམས་སོ། །འབྱུང་མོ་བརྒྱད་པོ་རྣམས་ཆུང་མར་དོན་དུ་གཉེར་རམ། མར་གཉེར་རམ། ཡང་ན་སྲིང་མོར་གཉེར་ན། སྒྲུབ་པ་པོ་ཤིང་གཅིག་པར་སོང་སྟེ་མཚན་མོ་དང་ཉིན་མོ་དུས་གསུམ་དུ་སྟོང་ཕྲག་བརྒྱད་པ་ཟླས་ནས་བཟླས་པའི་མཐར་མཆོད་པ་ཆེན་པོ་བྱས་ནས་གུ་གུལ་གྱི་བདུག་པ་བྱིན་ཏེ་བཟླས་ན། དེ་ནས་ནམ་ཕྱེད་ཀྱི་དུས་སུ་རྒྱན་ཅན་མ་ངེས་པར་འོང་ངོ ། །འོངས་པ་ལ་ཙནྡན་གྱི་ཆུའི་ཡོན་ཆབ་བྱིན་ན་དགའ་བར་འགྱུར་རོ། །མ་དང ། སྲིང་མོ་དང ། ཆུང་མར་འགྱུར་ཏེ། གང་མངོན་པར་འདོད་པ་དེ་སྨྲ་བར་བྱའོ། །གལ་ཏེ་མར་གྱུར་ན་ནི། འཁོར་བརྒྱད་བརྒྱའི་གོས་དང ། རྒྱན་དང ། བཟའ་བ་ལ་སོགས་པ་སྟེར་རོ། །གལ་ཏེ་ཆུང་མར་གྱུར་ན་ནི། དོང་ཙེ་སྟོང་སྟོང་སྟེར་ཞིང ། དངུལ་ཆུ་དང ། བཅུད་ཀྱིས་ལེན་སྟེར་རོ། །གལ་ཏེ་སྲིང་མོར་གྱུར་ན་ནི། དཔག་ཚད་སྟོང་ནས་བུད་མེད་བཟང་མོ་བླངས་ནས་སྟེར་ཞིང ། དངུལ་ཆུ་དང ། བཅུད་ཀྱིས་ལེན་སྟེར་ལ། ལྷའི་གཏེར་སྟོར་རོ། །མཚན་མོར་དུར་ཁྲོད་དུ་སོང་སྟེ་ཁྲི་བཟླས་པའི་མཐར་རྣ་ཆ་ 180b དང ། དོ་ཤལ་ཅན་གྱི་འབྱུང་མོ་ངེས་པར་འོང་ངོ ། །འོངས་པ་ལ་ཁྲག་གི་མཆོད་ཡོན་བྱིན་ན་དགའ་བར་འགྱུར་རོ། །མ་གྱིས་ཤིག་ཅེས་བསྒོ་ན། མ་དང་འདྲ་བར་ཡོངས་སུ་སྐྱོང་བར་བྱེད་དོ། ། མཚན་མོ་ལྷ་ཁང་སྟོང་པར་སོང་སྟེ་ཁྲི་བཟླས་ན། འབྱུང་མོ་དོ་ཤལ་ཅན་མྱུར་དུ་འོང་ངོ ། །འོངས་པ་ལ་ཆགས་པ་སྤྱད་ན་ཆུང་མར་འགྱུར་རོ། །འགྲོ་བ་བཅུ་གཉིས་ཡོངས་སུ་སྐྱོང་བར་བྱེད་ཅིང་དོང་ཙེ་ཉི་ཤུ་རྩ་ལྔ་དང་རས་ཟུང་གཅིག་སྟེར་རོ། །དེ་ནས་སེངྒེ་མའི་སྒྲུབ་ཐབས་བཤད་པ། མཚན་མོ་ལིངྒ་གཅིག་པར་སོང་སྟེ་ཁྲི་བཟླས་ན། རང་ཉིད་འོངས་ཤིང་ཀྱེ་སྒྲུབ་པ་པོ་བཀའ་ཅི་སྩོལ་ཞེས་སྨྲ་ཞིང ། སྒྲུབ་པ་པོས་ཆུང་མ་གྱིས་ཤིག་ཅེས་བསྒོ་ན། ལྷའི་དངུལ་ཆུ་དང ། བཅུད་ཀྱིས་ལེན་སྟེར་ཞིང ། དོང་ཙེ་བརྒྱད་དང ། རས་ཟུང་གཅིག་སྟེར་རོ། །དེ་ནས་རྒོད་བྱེད་མའི་སྒྲུབ་ཐབས་བཤད་པ། ཕྱག་ན་རྡོ་རྗེའི་ཁང་པར་སོང་སྟེ་ཕྱག་ན་རྡོ་རྗེ་དང་ཉེ་བར་འདབ་མ་ལ་བྲིས་ལ་ཀཱ་ར་བཱི་རའི་མེ་ཏོག་བྱིན་ཏེ་ནམ་ཕྱེད་ཀྱི་བར་དུ་བཟླས་ན། རང་ཉིད་རྡོ་རྗེ་འཆང་གི་ཁྱིམ་དུ་རིམ་པར་འོང་ངོ ། །འོངས་པ་ལ་ཙནྡན་གྱི་ཆུའི་མཆོད་ཡོན་བྱིན་ན། ཀྱེ་སྒྲུབ་པ་པོས་བཀའ་ཅི་སྩོལ་ཞེས་སྨྲའོ། །སྒྲུབ་པ་པོས་བདག་གི་མངག་གཞུག་གྱིས་ཤིག་ཅེས་བརྗོད་ན། རྟག་ཏུ་རྗེས་སུ་འབྲང་ཞིང་རས་དང ། རྒྱན་དང ། བཟའ་བ་ལ་སོགས་པ་སྟེར་རོ། །དེ་མ་ལུས་པ་ཟད་པར་བྱ་སྟེ། 181a ༄#། །གལ་ཏེ་ཅུང་ཟད་བཞག་ན། ཕྱིས་འབྱུང་བར་མི་འགྱུར་རོ། །མཚན་མོ་གཞལ་ཡས་ཁང་སྐྱེད་པར་བྱེད་དོ། །དེ་ནས་གར་བྱེད་མའི་སྒྲུབ་པའི་ཐབས་བཤད་པ། ཆུ་བོ་འདུས་པའི་འགྲམ་དུ་སོང་སྟེ་བརྒྱད་སྟོང་བཟླས་ནས་ཉི་མ་བདུན་ན་མཆོད་པ་ཆེན་པོ་བྱས་ལ་ཉི་མ་ཤར་བ་ཙམ་གྱིས་བཟླས་པ་རྫོགས་པར་བྱས་ཏེ་ཙནྡན་གྱི་བདུག་པ་བྱིན་ནས་ཡང་བཟླས་ན། ནམ་ཕྱེད་ཀྱི་དུས་ན་ངེས་པར་འོང་ངོ ། །འོངས་པ་ལ་འདོད་པས་ལོངས་སྤྱད་ན་ཆུང་མར་འགྱུར་རོ། །ལྷའི་གསེར་སྲང་བརྒྱ་མ་ལ་དུ་དོར་ནས་ཐོ་རངས་ཀྱིས་འགྲོའོ། །དེ་བཞིན་དུ་ཉི་མ་རེ་རེ་རྟག་ཏུ་གནས་པར་འགྱུར་རོ། །དེ་ཡང་མ་ལུས་པར་ཟད་པར་བྱ་སྟེ། གལ་ཏེ་ཅུང་ཟད་ལུས་ན་ཕྱིན་ཆད་འབྱུང་བར་མི་འགྱུར་རོ། །དེ་ནས་བྲན་མོ་ཆེན་མོ་སྒྲུབ་པའི་ཐབས་ཀྱི་ཆོ་ག་རྒྱས་པ་དངོས་གྲུབ་སྣ་ཚོགས་གྲུབ་པར་བྱེད་པ། བཟླས་པ་ཙམ་གྱིས་རྟག་ཏུ་འགྲུབ་ཅིང་སྦྱིན་སྲེག་གི་ལས་མི་དགོས་ལ། སྔོན་དུ་བསྙེན་པ་བྱས་པས་ཕྱག་ན་རྡོ་རྗེས་ཇི་ལྟར་གསུངས་པ་ལྟར་སྐད་ཅིག་དེ་ལ་འགྲུབ་པའི་དགའ་བྱེད་མའི་སྒྲུབ་པའི་ཐབས་བཤད་པ། མཚན་མོ་རང་གི་ཁྱིམ་སྒོར་བཟླས་ན། ཉི་མ་གསུམ་ན་ངེས་པར་འོང་ངོ ། །བྲན་མོའི་ལས་བྱེད་ཅིང་ས་བོན་ཐམས་ཅད་དང ། ཞིང་གི་ལས་དང ། ཁྱིམ་གྱི་བྱ་བ་ལ་སོགས་པ་སྒྲུབ་པར་བྱེད་ 181b དོ། །དེ་ནས་འདོད་པའི་དབང་ཕྱུག་མའི་སྒྲུབ་པའི་ཐབས་བཤད་པ། ཤའི་ཟས་ཁྱེར་ཏེ་མ་མོའི་གནས་སུ་སོང་ནས་མཚན་མོ་ཉ་དང་ཤས་བྱ་བ་བྱས་ཏེ་ལན་སྟོང་བཟླས་ན། ཉི་མ་བདུན་ན་ངེས་པར་འོང་ངོ ། །འོངས་པ་ལ་ཁྲག་གི་མཆོད་ཡོན་བྱིན་ན། བདག་པོ་བཀའ་ཅི་སྩོལ་ཞེས་སྨྲ་བར་བྱེད་དོ། །སྒྲུབ་པ་པོས་ལྷ་མོ་ཆུང་མར་གྱུར་ཅིག་ཅེས་སྨྲས་ན། ཆུང་མར་འགྱུར་ཞིང ། རེ་བ་ཐམས་ཅད་སྐོང་ལ་རྒྱལ་སྲིད་སྟེར་བར་བྱེད་དོ། །དེ་ནས་ལྷ་མོའི་སྒྲུབ་པའི་ཐབས་བཤད་པ། མཚན་མོ་ལྷ་མོའི་ཁང་པར་སོང་སྟེ་སྟན་བཤམས་ལ་ཙནྡན་དཀར་པོ་དང་སྣ་མའི་མེ་ཏོག་གིས་མཆོད་ཅིང་གུ་གུལ་གྱི་བདུག་པ་བྱིན་ནས་སྟོང་ཕྲག་བརྒྱད་བཟླས་ན། བཟླས་པའི་མཐར་ངེས་པར་འོང་ངོ ། །འོངས་པ་ལ་འཁྱུད་པ་དང ། འོ་བྱས་པ་དང ། ཇི་ལྟར་དགའ་བ་འདོད་པ་བྱས་ན། ལྷ་མོ་གསེར་གྱི་མདོག་ཅན་གཞོན་ནུ་མ་རྒྱན་ཐམས་ཅད་ཀྱིས་བརྒྱན་པ་ཆུང་མར་འགྱུར་རོ། །དོང་རྩེ་བརྒྱད་དང ། རས་ཟུང་གཅིག་དང ། གནས་རྣམས་དང ། བཟའ་བ་བཟང་པོ་རྣམས་འཁོར་དང་བཅས་པ་ལ་སྟེར་རོ། །འདི་ཉིད་ཀྱིས་རྣམ་ཐོས་སྲས་ཀྱི་ཁང་པར་འདུག་ན། གསང་བའི་མཐའ་དང ། བཟླས་པའི་མཐའ་ལ་ཤིན་ཏུ་མྱུར་བར་རྫས་བླངས་ནས་སྟེར་བར་བྱེད་དོ། །བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ། །འབྱུང་པོ་འདུལ་བའི་རྒྱུད་ཆེན་པོ་ལས། འབྱུང་མོ་བརྒྱད་ 182a ༄#། །ཀྱི་སྒྲུབ་པའི་ཐབས་ཀྱི་ཆོག་རྒྱས་པའི་ལེའུའོ།། །།དཔལ་རྡོ་རྗེ་འཆང་ལ་ཕྱག་འཚལ་ལོ། །དེ་ནས་ཤིན་ཏུ་འདའ་བར་དཀའ་བའི་སྒྲུབ་པའི་ཐབས་ལྷ་ཆེན་པོ་ཐམས་ཅད་གསོད་པར་བྱེད་པའི་སྔགས་ཀྱི་ཆོ་ག་གསུངས་པ། ཨོཾ་ཧ་ན་ཧ་ན་སརྦ་མཱ་ར་ཡ་བཛྲ་ཛྭ་ལེ་ཧཱུཾ་ཕཊ། དེ་ནས་འདི་བཤད་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྡོ་རྗེ་རྣོན་པོ་འབར་བའི་ཕྲེང་བ་འཁྲུགས་པས་གང་བར་གྱུར་ཏེ། །ཧཱུཾ་ཧ་ན་ཕཊ། དེ་ནས་འདི་བཤད་པ་ཙམ་གྱིས་ཚངས་པ་དང ། ཁྱབ་འཇུག་དང་དབང་ཕྱུག་ཆེན་པོ་ལ་སོགས་པ་འཇིག་རྟེན་པའི་ལྷ་ཐམས་ཅད་དང ། རིག་འཛིན་དུ་མ་དང ། ཀླུ་དང ། གནོད་སྦྱིན་དང ། འབྱུང་པོ་དང ། ཡི་དྭགས་དང ། ལྷའི་བུ་མོ་དང ། ཤ་ཟ་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ནམ་མཁའ་ལྡིང་རྣམས་དུམ་བུ་བརྒྱར་བྱས་ཏེ་འགུགས་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་སོགས་པ་བྱང་ཆུབ་སེམས་དཔའ་དཔག་ཏུ་མེད་པ་ཡང་འཁོར་དེར་འདུས་པ་རྣམས་ངོ་མཚར་དུ་གྱུར་ཏེ་འདི་སྐད་ཅེས་སྨྲས་སོ། །དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོ། མ་འོངས་པའི་ཚེ་མ་འོངས་པའི་དུས་ན་གདུག་པ་དང ། ལྷ་ཐམས་ཅད་ཚར་གཅོད་པ་ནི། ལེགས་སོ་ལེགས་སོ། དེ་ནས་ལྷའི་བུ་མོ་རྣམས་ལངས་ཏེ་འཁོར་ 182b གྱི་དཀྱིལ་འཁོར་དེར་དཔལ་རྡོ་རྗེ་འཆང་གི་ཞབས་ལ་མགོ་བོས་ཕྱག་འཚལ་ཏེ་རང་གི་སྙིང་པོ་ཕུལ་བ། ཨོཾ་ཤྲའཻ་ཟླ་བའི་ལྷ་མོའི་འོ། །ོཾ་ཤྲཱི་ཐིག་ལེ་མཆོག་མའིའོ། །ོཾ་ཤྲཱི་གསེར་གྱི་ཕྲེང་བ་མའིའོ། །ོཾ་ཤྲཱི་འཁྱིལ་བའི་ཕྲེང་བ་མའིའོ། །ོཾ་ཧཱུཾ་རིན་ཆེན་ཕྲེང་བ་མའིའོ། །ོཾ་ས་རྩོམ་པ་མོའིའོ། །ོཾ་སྲུ་བྲང་ན་གནས་པ་མོའིའོ། །ོཾ་བཾ་དཔལ་རྒྱན་མའིའོ། །དེ་ནས་ལྷའི་བུ་མོ་བརྒྱད་ཀྱི་དངོས་གྲུབ་ཀྱི་སྒྲུབ་པ་ཐམས་ཅད་ཀྱི་ཆོ་ག་བཤད་པ། རིའི་རྩེ་མོ་ལ་སོང་སྟེ་འབུམ་བཟླས་ན་འགྲུབ་པར་འགྱུར་རོ། །དེ་ནས་ཟླ་བ་ཉ་བ་ལ་ཅི་ལྟར་འབྱོར་བའི་མཆོད་པ་བྱས་ནས་མར་གྱི་མར་མེ་རབ་ཏུ་སྦར་ནས་མཚན་ཐོག་ཐག་བཟླས་ན། ཐོ་རངས་ལྷ་མོ་རང་ཉིད་འོང་ངོ ། །འོངས་པ་ལ་ཙནྡན་གྱི་ཆུའི་མཆོད་ཡོན་བྱིན་ན་དགའ་ཚིག་སྨྲ་བར་བྱེད་དོ། །སྒྲུབ་པ་པོས་བདག་གི་ཆུང་མ་གྱིས་ཤིག་ཅེས་སྨྲས་ན། དངོས་གྲུབ་ཀྱི་རྫས་དང ། དངུལ་ཆུ་དང ། བཅུད་ཀྱིས་ལེན་ལ་སོགས་པ་སྟེར་རོ། །དེའི་བཅུད་ཀྱིས་ལེན་གྱིས་ནི། ལོ་སྟོང་འཚོའོ། །དེ་ནས་ཐིག་ལེ་མཆོག་མའི་སྒྲུབ་ཐབས་བཤད་པ། ཙནྡན་དང ། འོ་མའི་ཟས་ལ་ཁྲི་བཟླས་ནས་ཉི་མ་བདུན་ན་མཆོད་པ་རྒྱས་པར་བྱས་ཏེ་ཡར་གྱི་ངོའི་ཚེས་བརྒྱད་ལ་རིའི་རྩེ་མོར་སོང་ལ་མཚན་ཐོག་ཐག་བཟླས་ན་ཐོ་རངས་ངེས་པར་འོངས་ཏེ་ཅུང་ཟད་རྒོད་པས་ཆགས་པ་བྱས་ནས་མདུན་དུ་སྡོད་དོ། །འཁྱུད་པ་དང་འོ་བྱས་ཤིང་དགའ་བས་ཆགས་པར་བྱས་ན་འདི་ལྟར་འགྲུབ་པར་འགྱུར་ཏེ། གང་ 183a ༄#། །འདོད་པ་དེ་སྟེར་ཞིང ། རྒྱབ་ཏུ་ཞོན་ན་མཐོ་རིས་སུ་ཡང་འཁྱེར་བར་བྱེད་དོ། །གཞན་ཡང་རྒྱལ་སྲིད་སྟེར་བར་བྱེད་དོ། །དེ་ནས་གསེར་གྱི་ཕྲེང་བ་མའི་སྒྲུབ་ཐབས་བཤད་པ། ཆུ་བོ་འདུས་པའི་འགྲམ་དུ་སོང་སྟེ་ཉི་མ་བདུན་དུ་སྟོང་ཕྲག་བརྒྱད་བརྒྱད་བཟླས་ན། ཉི་མ་བདུན་པ་ལ་མཆོད་པ་རྒྱས་པར་བྱས་ཏེ་གུ་གུལ་གྱི་བདུག་པ་བྱིན་ནས་མཚན་ཐོག་ཐག་བཟླས་ན། དེའི་ཐོ་རངས་ངེས་པར་འོང་སྟེ། འདོད་པ་ཐམས་ཅད་སྦྱིན་པར་བྱེད་དོ། །དེ་ནས་འཁྱིལ་བའི་ཕྲེང་བ་མའི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། ཚེས་གྲངས་མི་དགོས་ཤིང་རྒྱུ་སྐར་ཡང་མི་དགོས་ལ། །སྨྱུང་བ་ཡང་མི་དགོས་པར་འགྲུབ་པར་བྱེད་པ་སྟེ། རིའི་རྩེ་མོར་སོང་སྟེ་ཁྲི་བཟླས་ན། དེ་ནམ་ཕྱེད་ན་ངེས་པར་འོང་ངོ ། །ཆུང་མར་འགྱུར་ལ་དོང་ཙེ་སྟོང་སྟེར་ཞིང ། དངུལ་ཆུ་དང ། བཅུད་ཀྱིས་ལེན་དང ། གྲུབ་པའི་རྫས་སྟེར་རོ། །དེ་ནས་རིན་ཆེན་ཕྲེང་བ་མའི་སྒྲུབ་ཐབས་བཤད་པ། ལྷའི་ཁང་པར་སོང་སྟེ་ཟླ་བ་གཅིག་ཏུ་སྟོང་ཕྲག་བརྒྱད་བརྒྱད་བཟླས་ནས་ཟླ་བ་དེའི་ཐ་མ་ལ་ཟླ་བ་ཉའི་བར་དུ་བཟླས་ན། ནམ་ཕྱེད་ན་རྐང་གདུབ་ཀྱི་སྒྲ་ཆེན་པོས་འོང་ངོ ། །འོངས་པ་ལ་མེ་ཏོག་གི་མཆོད་ཡོན་བྱིན་ནས་ལྷ་མོ་ལེགས་པར་འོངས་སམ་ཞེས་སྨྲས་ན། བདག་པོ། བདག་གིས་ཅི་བྱ་ཞེས་ཟེར་ཏེ། སྒྲུབ་པ་པོས་ཆུང་མ་གྱིས་ཤིག་ཅེས་བསྒོ་ན། ཆུང་མའི་ལས་ 183b བྱེད་ཅིང་ལྷ་མོས་འདོད་པ་སྦྱིན་པར་བྱེད་དོ། །ལོ་སྟོང་འཚོ་བར་བྱེད་དོ། །དེ་ནས་རྩོམ་པ་མོའི་སྒྲུབ་པའི་ཐབས་བཤད་པ། ཚེས་གཅིག་ལ་བརྩམས་ཏེ་མཆོད་པ་བྱས་ནས་ཙནྡན་གྱི་ཆུས་དཀྱིལ་འཁོར་བྱས་ཏེ་གུ་གུལ་གྱི་བདུག་པ་སྦྱིན་ཞིང་དུས་གསུམ་དུ་སྟོང་ཕྲག་བརྒྱད་བརྒྱད་བཟླས་ཤིང་ཟླ་བ་ཉ་བ་ལ་མཆོད་པ་ཆེན་པོ་བྱས་ནས་མཚན་ཐོག་ཐག་བཟླས་ན་ངེས་པར་འོང་ངོ ། །གལ་ཏེ་མྱུར་དུ་མ་འོངས་ན་འཆི་བར་འགྱུར་རོ། །འོངས་པ་ན་ཆུང་མར་འགྱུར་ལ། དངུལ་ཆུ་དང ། བཅུད་ཀྱིས་ལེན་སྟེར་ཞིང་ཇི་ལྟར་འདོད་པས་ཆགས་པར་བྱེད་ལ་ལོ་ཁྲི་འཚོའོ། །གང་གི་ཚེ་འཆི་བ་ན་རྒྱལ་རིགས་སུ་སྐྱེའོ། །དེ་ནས་བྲང་ན་གནས་པའི་སྒྲུབ་པའི་ཐབས་བཤད་པ། མཚན་མོ་ལྷའི་ཁང་པར་སོང་སྟེ། ཙནྡན་གྱི་བདུག་པ་སྦྱིན་ཞིང་ཁྲི་ཁྲི་བཟླས་ནས་ཟླ་བ་དེ་འདས་པ་དང ། ཇི་ལྟར་འབྱོར་བའི་མཆོད་པ་བྱས་ནས་མཚན་ཐོག་ཐག་བཟླས་ན་ཐོ་རངས་མྱུར་དུ་འོང་ངོ ། །འོངས་པ་ལ་མེ་ཏོག་གི་སྟན་སྦྱིན་ཞིང་ལེགས་པར་འོངས་སོ་ཞེས་བརྗོད་ན། སྒྲུབ་པ་པོ། བཀའ་ཅི་སྩལ་ཞེས་ཟེར་རོ། །སྒྲུབ་པ་པོས་ཆུང་མ་གྱིས་ཤིག་ཅེས་སྨྲས་ན། དངུལ་ཆུ་དང ། བཅུད་ཀྱིས་ལེན་དང ། དངོས་གྲུབ་ཀྱི་རྫས་སྟེར་རོ། །གཞན་གྱི་བུད་མེད་ལ་མངོན་པར་བགྲོད་པ་སྤང་བར་བྱ་སྟེ། ལོ་སྟོང་ཕྲག་ལྔ་འཚོའོ། །མཚན་མོ་གཅིག་གཙང་སྦྲ་བྱས་ཏེ་གྲོ་བའི་འདབ་མ་ལ་གུར་གུམ་གྱིས་དཔལ་གྱི་རྒྱན་ཅན་བྲིས་ཏེ་ཙནྡན་གྱི་བདུག་པ་སྲེག་ 184a ༄#། །ཅིང་བཟླས་ལ་ཟླ་བ་དེའི་ཐ་མ་ལ་མཆོད་པ་རྒྱ་ཆེར་བྱས་ཏེ་རེ་ཞིག་བཟླས་ན། ནམ་ཕྱེད་ན་ངེས་པར་འོང་ངོ ། །འོངས་པ་ལ་མྱུར་དུ་ཆགས་པར་བྱས་ན་།དགའ་བར་འགྱུར་ཏེ། དབྱིག་དང ། གསེར་དང ། མུ་ཏིག་ལ་སོགས་པ་སྟེར་རོ། །ཉི་མ་རེ་རེ་ཞིང་ཟས་བཟང་པོ་སྟེར་ཞིང་དངུལ་ཆུ་དང ། བཅུད་ཀྱིས་ལེན་སྟེར་བར་བྱེད་དོ། །བཅོམ་ལྡན་འདས་ཀྱིས་གསུངས་སོ། །ལྷའི་བུ་མོ་རྣམས་ཀྱི་ཆོ་ག་རྒྱས་པའི་ལེའུ།། །།དེ་ནས་གསང་བའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསུངས་སོ། །གལ་ཏེ་ལྷའི་བུ་མོ་རྣམས་མ་གྲུབ་ན། དེའི་ཚེ་ཁྲོ་བོ་འདི་དང་བཅས་ཏེ་བཟླ་བར་བྱའོ། །ོཾ་ཧྲཱིཿ ་ཨཱ་ཀརྡྡྷ་ཨཱ་ཀརྡྡྷྱ་ཆེ་གེ་མོ་ཧཱུཾ་ཛཿ ་ཕཊ། ཁྲོ་བོ་འདི་དང་བཅས་ཏེ་བཟླས་པ་ཙམ་གྱིས་སྤྱི་བོ་འགས་ཤིང་དུམ་བུ་བརྒྱད་དུ་འཇིག་གོ་།སྔགས་འདིས་བཅིང་བར་བྱའོ། །ོཾ་བནྡྷ་བནྡྷ་ཧ་ན་ཧ་ན་ཆེ་གེ་མོ་ཧཱུཾ་ཕཊ། སྔགས་འདིས་དབང་དུ་བྱའོ། །ོཾ་ཙ་ལ་ཙ་ལ་ཆེ་གེ་མོ་ས་མ་ན་ཡེ་ཧཱུཾ་ཕཊ། ལྷ་མོ་ཐམས་ཅད་སྒྲུབ་པའོ། །དེ་ནས་འདིར་ནི། མི་རྣམས་ལ་ཕན་པའི་དོན་དུ་ལྷ་མོ་བརྒྱད་ཀྱི་ཕྱག་རྒྱ་རབ་ཏུ་བཤད་པར་བྱ་སྟེ། དངོས་གྲུབ་སྣ་ཚོགས་གྲུབ་པར་བྱེད་པ། དཀོན་མཆོག་གསུམ་གནས་པར་བྱེད་པ། །སྔགས་བཟླས་པ་བདེ་བར་གྲུབ་པའི་ཕྱག་རྒྱ་ཁྲོ་བོ་ཉིད་ཀྱིས་བཤད་པ། རྒྱུད་རྣམས་ཀྱི་ནང་ནས་མཆོག་ཏུ་གྱུར་པ་འབྱུང་པོ་འདུལ་བྱེད་ཀྱིས་གསུངས་པ་འདི་ཉིད་ལ་མྱུར་ 184b དུ་བདེ་བ་སྦྱིན་པའི་ལྷ་མོ་རྣམས་གྲུབ་པར་བྱེད་པ། བཟླས་པ་ཙམ་གྱིས་འབྱུང་མོ་རྣམས་མ་དང ། དྲིང་མོ་དང་དེ་བཞིན་དུ་ཆུང་མ་དང་བྲམ་མོ་སྒྲུབ་པར་བྱེད་ཁྲོ་བོ་ཟླས་པ་རྣམས་ལ་འཇིག་རྟེན་འདིའི་བདེ་བ་སྦྱིན་པའི་བསྙེན་བཀུར་མར་སྒྲུབ་པའི་ཐབས་སོ། ཁུ་ཚུར་སོ་སོར་བཅངས་ཏེ་ལག་པ་གཉིས་ཀ་པདྨ་འཁོར་བའི་ཚུལ་དུ་བྱས་ནས་གུང་མོའི་སོར་མོ་ཁབ་ལྟར་བྱས་པ་བརྐྱང་བ་ནི། ལྷ་མོ་བརྒྱད་པོ་སྤྱིའི་བདེ་བ་ཐམས་ཅད་སྒྲུབ་པར་བྱེད་པའོ། །ལག་པ་གཉིས་ཀ་སོར་མོ་གཅིག་གི་སྟེང་དུ་གཅིག་བསྐྱོན་པའི་སྦྱོར་བས་བཟུང་བ་ནི། ལྷའི་བུ་མོ་ཐམས་ཅད་དབང་དུ་བྱེད་པའི་ཕྱག་རྒྱ་སྟེ། ཉེ་བར་བྱེད་ཅིང་མངོན་དུ་ཕྱོགས་པར་བྱེད་ལ། ཐམས་ཅད་དུ་འདོད་པ་སྒྲུབ་པར་བྱེད་པའི་ཕྱག་རྒྱའོ། །ལག་པ་གཉིས་ཀ་པདྨ་འཁོར་བའི་སྦྱོར་བས་བཟུང་བ་ནི། ལྷའི་བུ་མོ་ཐམས་ཅད་རྨོངས་པར་བྱེད་པའི་ཕྱག་རྒྱ་སྟེ། བཅིངས་པ་ཙམ་གྱིས་སྐད་ཅིག་དེ་ཉིད་ལ་བྲན་མོར་འགྱུར། ཨོཾ་སརྦ་ཨ་བ་ས་ར་ས་ར། ཨོཾ་ཨཱ་གཙཚ་ཧཱུཾ་ཛཿ ་ཛཿ ། སྔགས་འདིས་ལྷའི་བུ་མོ་ཐམས་ཅད་འབོད་པར་བྱའོ། །ོཾ་སརྦ་སིདྡྷི་བྷོ་གེ་ཤཝ་རི་སཝཱཧཱ། ཉེ་བར་བྱེད་པའི་སྔགས་སོ། །ོཾ་ཀཱ་མ་དྲི་ཡེ་སཝཱ་ཧཱ། མངོན་དུ་བྱེད་པའི་སྔགས་སོ། །ོཾ་བཾ་ཧཱུཾ་ཧཱུཾ་ཧཱུཾ་ཛཿ ་ཛཿ ། ལྷའི་བུ་མོ་ཐམས་ཅད་རྨོངས་པར་བྱེད་པའི་སྔགས་སོ། །འབྱུང་པོ་འདུལ་བའི་རྒྱུད་ཆེན་པོ་ལས། ལྷའི་བུ་མོ་རྣམས་སྒྲུབ་པའི་ཆོ་ག་རྒྱས་པའི་ལེའུའོ།། །།དེ་ནས་གནོད་སྦྱིན་མོ་ཐམས་ཅད་ 185a ༄#། །ལངས་ཏེ་དཔལ་རྡུ་རྗེ་འཆང་གི་ཞབས་ལ་སྤྱི་བོས་ཕྱག་འཚལ་ཏེ་རང་གི་སྙིང་པོ་ཕུལ་བ། ཨོཾ་ཨཱ་གཙྪ་སུ་ར་སུ་ན་ད་རི་སའྭ་ཧཱ། སྡུག་གུ་མཛེས་མའི་འོ། །ོཾ་མ་ནོ་ཧ་རི་ན་མ་སཝཱ་ཧཱ། ཡིད་འཕྲོག་མའི་འོ། །ོཾ་ ་ན་ཀེ་མཻ་མཐུན་པྲི་ཡེ་སཝཱ་ཧཱ། གསེར་ལྡན་མའིའོ། །ོཾ་ཨཱ་གཙྪ་ཀཱ་མེ་ཤཝ་རི་སའྭ་ཧཱ། འདོད་པའི་དབང་ཕྱུག་མའི་འོ། །ོཾ་ར་ཏི་ཕྲི་ཡེ་སཝཱ་ཧཱ། རྒན་མའི་འོ། །ོཾ་པདྨ་ནའཻ་ཡེ་སཝཱ་ཧཱ། པདྨ་མའི་འོ། ཨོཾ་ན་རྟི་མ་ཧཱ་ནི་ཏི་སུ་རཱུ་པ་མེ་ཏི་སཝཱ་ཧཱ། ཨོཾ་ཨ་ནུ་རཱ་གི་ནི་མཻ་ཐུ་ནི་སཝཱ་ཧཱ། རྗེས་སུ་ཆགས་མའི་འོ། །དེ་ནས་གནོད་སྦྱིན་མོ་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། རྡོ་རྗེ་འཆང་གི་ཁྱིམ་དུ་སོང་སྟེ་གུ་གུལ་གྱི་བདུག་པ་སྦྱིན་ཞིང་དུས་གསུམ་དུ་སྟོང་ཕྲག་རེ་བཟླས་ན་ཟླ་བ་གཅིག་གི་ནང་དུ་ངེས་པར་འོང་ངོ ། །འོངས་པ་ལ་ཙནྡན་གྱི་ཆུས་མཆོད་ཡོན་བྱིན་ན། མ་དང ། སྲིང་མོ་དང ། ཆུང་མའི་ལས་བྱེད་དོ། །གལ་ཏེ་མར་གྱུར་ན། སེམས་སུན་དབྱུང་བར་མི་བྱ་སྟེ། དངུལ་ཆུ་དང ། བཅུད་ཀྱིས་ལེན་སྟེར་ཞིང ། ཉི་མ་རེ་རེ་དོང་ཙེ་སྟོང་སྟེར་རོ། །གལ་ཏེ་སྲིང་མོར་གྱུར་ན་ནི། གྲུབ་པའི་རྫས་དང ། དངུལ་ཆུ་དང ། བཅུད་ཀྱིས་ལེན་སྟེར་ཞིང་ལྷའི་བུ་མོ་བཟང་པོ་བླངས་ནས་སྟེར་ལ། འདས་པ་དང ། མ་འོངས་པ་དང ། ད་ལྟར་བྱུང་བ་སྨྲ་བར་བྱེད་དོ། གལ་ཏེ་ཆུང་མར་གྱུར་ན། བསམ་པ་ཐམས་ཅད་རྫོགས་པར་བྱེད་ཅིང་ནོར་གྱི་ 185b བདག་པོ་ཆེན་པོ་བྱེད་དོ། །དེ་ནས་ཡིད་འཕྲོག་མའི་སྒྲུབ་པའི་ཐབས་བཤད་པ། ཆུ་བོའི་འགྲམ་དུ་སོང་སྟེ་ཙནྡན་གྱིས་མཎྜལ་ཉེ་བར་བྱུགས་ཏེ་མཆོད་པ་ཤིན་ཏུ་ཆེན་པོ་བྱས་ན། ཨ་ག་རུའི་བདུག་པ་སྦྱིན་ཞིང་ཉི་མ་བདུན་དུ་ཁྲི་བཟླས་ནས་ཉི་མ་བདུན་པ་ལ་མཆོད་པ་རྒྱས་པར་བྱས་ཏེ་ནམ་ཕྱེད་ཀྱི་བར་དུ་བཟླས་ན། དེ་ནི། ངེས་པར་འོང་ངོ ། །གལ་ཏེ་མ་འོངས་ན་འཆི་བར་འགྱུར་རོ། །བཀའ་སྩོལ་ཅིག་ཅེས་སྨྲ་བར་བྱེད་ཅིང་དེས་བདག་གི་བྲན་མོ་གྱིས་ཤིག་ཅེས་བསྒོ་ན། འཁོར་བརྒྱད་བརྒྱའི་ཞལ་ཏ་བྱེད་ཅིང་དོང་རྩེ་བརྒྱ་ཉི་མ་རེ་རེ་ལ་སྟེར་ཏེ། དེས་ཀྱང་མ་ལུས་པར་ཟད་པར་བྱའོ། །གལ་ཏེ་ཅུང་ཟད་འཇོག་ན། ཕྱིན་ཆད་འབྱུང་བར་མི་འགྱུར་རོ། །དེ་ནས་གསེར་ལྡན་མའི་སྒྲུབ་པའི་ཐབས་བཤད་པ། བ་རུ་རའི་ཤིང་གནས་པར་སོང་སྟེ་ཉ་དང ། ཤས་སྒྲུབ་ཅིང ། ཆང་ཡང་བྱིན་ནས་བདག་ཉིད་ཀྱང་བཏུང་ཞིང ། སྦགས་པར་གནས་པར་བཟླ་བར་བྱ་སྟེ། སྟོང་ཕྲག་རེ་རེ་བཟླའོ། །དེ་བཞིན་དུ་ཉི་མ་བདུན་པའི་མཚན་མོ་བསྒྲུབ་པར་བྱ་སྟེ། ཇི་སྲིད་ནམ་ཕྱེད་ཀྱི་བར་དུ་བཟླས་ན། ནམ་ཕྱེད་ན་རྒྱན་ཐམས་ཅད་ཀྱི་བརྒྱན་ཏེ་འཁོར་བརྒྱད་བརྒྱས་བསྐོར་ནས་རང་ཉིད་འོང་ངོ ། །འོངས་པ་ལ་ཆགས་པ་བྱས་ན་ཆུང་མར་འགྱུར་རོ། འཁོར་བཅུ་གཉིས་ཀྱི་གོས་དང ། རྒྱན་དང ། བཟའ་བ་བཟང་པོ་རྣམས་ཉིན་གཅིག་བཞིན་དུ་སྟེར་ཞིང ། དོང་ཙེ་བརྒྱད་སྟེར་རོ། །དེ་ནས་འདོད་པའི་དབང་ཕྱུག་ 186a ༄#། །མའི་སྒྲུབ་པའི་ཐབས་བཤད་པ། གྲོ་གའི་འདབ་མ་ལ་བ་གླང་གི་གི་ཝང་གི་གཟུགས་བརྙན་བྲིས་ཏེ་གཅིག་པུ་སྟན་ལ་འདུག་ལ་སྟོང་ཕྲག་རེ་རེ་བཟླའོ། །དེ་ནས་ཟླ་བའི་ཐ་མ་ལ་མཆོད་པ་རྒྱས་པར་བྱས་ཏེ་མར་གྱི་མར་མེ་རབ་ཏུ་སྦར་ནས་མི་སྨྲ་བར་གྱུར་པས་བཟླས་ན། མཚན་མོ་དེའི་ཕྱེད་ན་ངེས་པར་འོང་ངོ ། །འོངས་པ་ལ་ཆགས་པས་ལོངས་སྤྱད་ན་ཆུང་མར་འགྱུར་རོ། །ལྷའི་རྒྱན་མལ་དུ་དོར་ཏེ་ཐོ་རངས་ཀྱིས་འགྲོ་བར་འགྱུར་རོ། །གཞན་གྱི་ཆུང་མ་ལ་མི་བགྲོད་པར་ཡང་བྱ་སྟེ། གལ་ཏེ་བགྲོད་ན་རྣམ་པར་འཇོམས་པར་བྱེད་དོ། །དེ་ནས་རྒན་མོའི་སྒྲུབ་ཐབས་བཤད་པ། གསེར་གྱི་མདོག་ཅན་རྒྱན་ཐམས་ཅད་ཀྱིས་བརྒྱན་མ། ལག་ན་ཨུཏྤལ་ཐོགས་པ། གཞོན་ནུ་མ་རས་ལ་རི་མོ་བྲིས་ཏེ་སྣ་མའི་མེ་ཏོག་གིས་མཆོད་ཅིང་གུ་གུལ་གྱི་བདུག་པ་སྦྱིན་ལ་སྟོང་ཕྲག་བརྒྱད་བརྒྱད་བཟླས་ཏེ་ཟླ་བ་ཐ་མ་ལ་ཇི་ལྟར་འབྱོར་པའི་མཆོད་པ་བྱས་ནས་མར་གྱི་མར་མེ་རབ་ཏུ་སྦར་ཏེ་ཇི་སྲིད་ནམ་ཕྱེད་ཀྱི་བར་དུ་བཟླས་ན། ནམ་ཕྱེད་ན་ངེས་པར་དོང་ངོ ། །འོངས་པ་ལ་དགའ་བས་ཆགས་པ་བྱས་ན་ཆུང་མར་འགྱུར་རོ། །སྒྲུབ་པ་པོ་འཁོར་དང་བཅས་པ་ཡོངས་སུ་སྐྱོང་བར་བྱེད་ཅིང ། ལྷས་འདོད་པར་བྱ་བའི་ཟས་དང ། དངུལ་ཆུ་དང ། བཅུད་ཀྱིས་ལེན་སྟེར་ཞིང་དོང་ཙེ་ཉི་ཤུ་རྩ་ལྔ་སྟེར་བར་བྱེད་དོ། །དེ་ནས་པདྨ་མའི་སྒྲུབ་ཐབས་བཤད་པ། རང་གི་ཁྱིམ་དུ་ 186b མགོའི་གནས་སུ་ཙནྡན་གྱི་དཀྱིལ་འཁོར་བྱས་ཏེ་གུ་གུལ་གྱི་བདུག་པ་སྦྱིན་ཞིང་ཟླ་བ་ཕྱེད་དུ་བཟླས་པ་བྱའོ། །དེ་ནས་ཟླ་བ་ཉ་ལ་ཅི་འབྱོར་པའི་མཆོད་པ་བྱས་ཏེ་ཇི་སྲིད་ནམ་ཕྱེད་ཀྱི་བར་དུ་བཟླས་ན།་ནམ་ཕྱེད་ན་ངེས་པར་འོངས་སོ། །འོངས་པ་ལ་ཆགས་པ་བྱས་ན་ཆུང་མར་འགྱུར་ཏེ། ལྷ་མོས་འདོད་པ་སྟེར་ཞིང་དངུལ་ཆུ་དང ། བཅུད་ཀྱིས་ལེན་སྟེར་བར་བྱེད་དོ། །དེ་ནས་གར་བྱེད་མའི་སྒྲུབ་ཐབས་བཤད་པ། ཨ་ཤོ་ཀའི་ཤིང་གི་རྩར་སོང་སྟེ་བསྒྲུབ་པར་བྱའོ། ཤའི་བཟའ་བ་དང ། སྤོས་དང ། དྲི་དང ། མེ་ཏོག་སྦྱིན་ཞིང་སྟོང་ཕྲག་བརྒྱད་བཟླས་ན། ཟླ་བ་གཅིག་གི་ནང་དུ་ངེས་པར་འོང་ངོ ། །མདོར་བསྡུས་ན་འོངས་ན་མ་དང ། སྲིང་མོ་དང ། ཆུང་མར་འགྱུར་རོ། །གལ་ཏེ་ཆུང་མར་གྱུར་ན། བཟའ་བ་དང ། རས་ཟུང་རེ་དང ། དངུལ་ཆུ་དང ། བཅུད་ཀྱིས་ལེན་སྟེར་ཞིང་དོང་ཙེ་བརྒྱད་སྟེར་བར་བྱེད་དོ། །གལ་ཏེ་མར་གྱུར་ན། བཟའ་བ་བཟང་པོ་དང ། རས་ཟུང་རེ་སྟེར་ཞིང་གསེར་སྲང་བརྒྱ་སྟེར་རོ། །གལ་ཏེ་སྲིང་མོར་གྱུར་ན། དཔག་ཚད་སྟོང་ནས་བུད་མེད་བཟང་མོ་བླངས་ནས་སྟེར་ཞིང་གོས་དང ། རྒྱན་དང ། བཟའ་བ་བཟང་པོ་སྟེར་རོ། །དངུལ་ཆུ་དང ། བཅུད་ཀྱིས་ལེན་ཡང་སྟེར་བར་བྱེད་དོ། །དེ་ནས་སྲིང་མོ་སྒྲུབ་པའི་ཐབས་བཤད་པ། གུར་གུམ་གྱིས་གྲོ་གའི་འདབ་མ་ལ་གནོད་སྦྱིན་མོའི་གཟུགས་བྲིས་ཏེ། དེ་ནས་ཚེས་གཅིག་ནས་བརྩམས་ནས་སྤོས་དང ། མེ་ཏོག་དང ། མར་མེ་སྦྱིན་ཞིང་དུས་གསུམ་དུ་བཟླས་པ་བྱས་ནས་ 187a ༄#། །ཟླ་བ་ཉ་ལ་ཇི་ལྟར་འབྱོར་པའི་མཆོད་པ་བྱས་ཏེ་མར་གྱིས་མར་མེ་རབ་ཏུ་སྦར་ནས་མཚན་ཐོག་ཐག་བཟླས་ན། དེའི་ཐོར་རངས་ངེས་པར་འོང་ངོ ། །འོངས་པ་ལ་འདོད་པས་ལོངས་སྤྱད་ན་ཆུང་མར་འགྱུར་རོ། །ལྷའི་དོང་རྩེ་སྟོང་སྟེར་ཞིང་དངུལ་ཆུ་དང ། བཅུད་ཀྱིས་ལེན་སྟེར་ཞིང་ལོ་སྟོང་འཚོའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། གནོད་སྦྱིན་མོའི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །།དེ་ནས་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསུངས་སོ། །གལ་ཏེ་དམ་ཚིག་ལ་མི་གནས་ན། ཁྲོ་བོ་འདི་དང་བཅས་ཏེ་དགུག་པའི་ཕྱིར་བཟླ་བར་བྱའོ། །ོཾ་བྷྲུཾ་ཀ་ཊུ་ཀ་ཊུ་ཆེ་གེ་མོ་ཡཀྵི་ཎི་ཧྲཱྀཿ ཛཿ ་ཛཿ ། ཁྲོ་བོ་འདི་དང་བཅས་ཏེ་སྔགས་སྟོང་བཟླས་ན་མྱུར་དུ་འོང་ངོ ། །གལ་ཏེ་མྱུར་དུ་མ་འོངས་ན་མིག་དང་སྤྱི་བོ་འགས་ཤིང་དེའི་མོད་ལ་འཆི་སྟེ། དམྱལ་བ་ཆེན་པོ་བརྒྱད་དུ་ལྟུང་ངོ ། །དེ་ནས་ཁྲོ་བོའི་ཕྱག་རྒྱའི་མཚན་ཉིད་བཤད་པ། ཁུ་ཚུར་སོ་སོར་བཅངས་ཏེ་མཐེའུ་ཆུང་གཉིས་འཁྱུད་ནས་མཛུབ་མོ་གཉིས་བརྐྱང་སྟེ་བཀུག་པ་འདི་ནི། ཁྲོ་བོའི་མི་ཕྱེད་པའི་ལྕགས་ཀྱུའི་ཕྱག་རྒྱའོ། །ཕྱག་རྒྱ་འདིས་འཇིག་རྟེན་གསུམ་ཡང་འགུགས་པར་བྱེད་དོ། །དེ་ནས་གནོད་སྦྱིན་མོའི་ཕྱག་རྒྱ་བཤད་པ། གུང་མོའི་སོར་མོ་གཉིས་མི་མཉམ་པར་བྱས་ཏེ་སྲིན་ལག་རྣམ་པར་བརྐྱང་ཞིང་མཛུབ་མོ་གཉིས་སྦྱར་བར་བྱས་ནས་མཐེའུ་ཆུང་གཉིས་སྙིང་པོར་བྱས་པ་ནི། གནོད་སྦྱིན་མོ་ 187b ཐམས་ཅད་ཀྱི་རྩ་བའི་ཕྱག་རྒྱ་དམ་པ་སྟེ། འདི་བཅངས་པ་ཙམ་གྱིས་གནོད་སྦྱིན་མོ་ཐམས་ཅད་འོང་ངོ ། །ཕྱག་རྒྱ་འདི་ཉིད་ལ་མཐེ་བོང་གཡས་པས་འབོད་པར་བྱའོ། །ོཾ་ཧྲཱིཿ ་ཨཱ་གཙྪ་ཨཱ་གཙྪ།་སརྦ་ཡཀྵ་ཎི་སཝཱ་ཧཱ། འབོད་པའི་སྔགས་སོ། །ཕྱག་རྒྱ་འདི་ཉིད་ལས་མཐོ་བོ་གཡོན་པས་སླར་གཏང་བར་བྱའོ། །ོཾ་ཡཀྵི་ཨཱ་གཙྪ་ཨཱ་གཙྪ། ཆེ་གེ་མོ་ཡཀྵི་ནྀ་ཤཱི་གྷྲཾ་པུ་ན་རཱ་ག་ན་མ་ཡ་སཝཱ་ཧཱ།་ཁུ་ཚུར་སོ་སོར་བཅངས་ཏེ་གུང་མོའི་སོར་མོ་རབ་ཏུ་བརྐྱང་པ་ནི། གནོད་སྦྱིན་མོ་ཐམས་ཅད་མངོན་དུ་མ་ཕྱོགས་པར་བྱེད་པའི་ཕྱག་རྒྱའོ། །ོཾ་མ་ཧཱ་ཡཀྵི་བི་མི་ཐུ་ན་པྲི་ཡེ་སཝཱ་ཧཱ། ཁུ་ཚུར་ཕན་ཚུན་བཅངས་ལ་མཐེའུ་ཆུང་བརྐྱང་སྟེ་བཀུག་པ་ནི། གནོད་སྦྱིན་མོ་ཐམས་ཅད་ཉེ་བར་བྱེད་པའི་ཕྱག་རྒྱའོ། །ོཾ་ཀཱ་མ་བྷོ་གེ་ཤཝ་རི་སཝཱ་ཧཱ། ཁུ་ཚུར་ཕན་ཚུན་བསྣོལ་ཏེ་ལག་པ་གཉིས་མཛུབ་མོ་གཅིག་གི་སྟེང་དུ་གཅིག་བསྐྱོན་པའི་སྦྱོར་བ་བཞག་པ་ནི། གནོད་སྦྱིན་མོ་ཐམས་ཅད་ཀྱི་དམ་ཚིག་གི་ཕྱག་རྒྱའོ། །ཀྵི་སྙིང་པོའོ། །ཁུ་ཚུར་ཕན་ཚུན་བཅངས་ཏེ་མཛུབ་མོ་དང་གུང་མོ་བརྐྱང་བ་ནི། གནོད་སྦྱིན་མོ་ཐམས་ཅད་ཀྱི་བདུག་པ་དང ། མེ་ཏོག་དང ། དྲི་དང ། མར་མེའི་ཕྱག་རྒྱའོ། །ོཾ་སརྦ་མ་ནོ་ཧ་ར་པྲི་ཡེ་སཝཱ་ཧཱ། འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། གནོད་སྦྱིན་མོའི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །།དེ་ནས་ཀླུའི་རྒྱལ་པོ་རྣམས་ལངས་ཏེ་འཁོར་གྱི་དཀྱིལ་འཁོར་དེར་དཔལ་རྡོ་རྗེ་འཆང་གི་ཞབས་སྤྱི་བོས་མངོན་པར་བཏུད་ནས་རང་གི་ 188a ༄#། །སྙིང་པོ་ཕུལ་བ། ཨོཾ་ཨ། ཨོཾ་ཕུ། ཨ་ནནྟ་མུ་ཁི་ཕུ། ཤྲཱི་ཕུ། བཱ་སུ་ཁ་མུ་ཁི་ཕུ། ཨི་ཕུ། པདྨ་མ་ཎི་ཕུ། ཨ་ཕུ། མ་ཧཱ་པདྨ་ཎི་ཕུ། དྷི་ཕུ། ཀ་རྐོ་ཊེ་མུ་ཁི་ཕུ། ས་ཕུ།་ཤཾ་ཁི་ནི་ཕུ། ཛུ་ཕུ། ཛ་ལ་མུ་ཁི་ཕུ། ཏྲཱུཾ་ཕུ། དྲུ་མ་མུ་ཁི་ཁུ། ཀླུ་མོ་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། ཀླུའི་ཁང་པར་སོང་སྟེ་འབུམ་བཟླས་པས་སྔོན་དུ་བསྙེན་པ་བྱས་པར་འགྱུར་རོ། །ཀླུ་མོ་རྣམས་དགའ་བར་འགྱུར་ཞིང་ཀླུ་མོ་ཐམས་ཅད་ཚིག་པར་འགྱུར་རོ། །ཡར་ངོའི་ཚེས་བཅུ་ལ་ཀླུའི་ཁང་པར་ཆུ་འབོགས་ཏེ་བདུག་པ་དང ། དྲི་དང ། མེ་ཏོག་དང ། འོ་མ་རྣམས་ཀྱིས་ཇི་ལྟར་བརྗོད་པའི་མཆོད་པ་བྱས་ཏེ། དེ་ནས་ཀླུ་མོ་བརྒྱད་སྟོང་ཕྲག་རེ་རེ་བཟླས་ན། མྱུར་དུ་ཀླུ་མོའི་བུ་མོ་རྣམས་རང་གི་ཁྱིམ་ནས་འོང་ངོ ། །འོངས་པ་ལ་ལེགས་པར་འོངས་སོ། །ཞེས་བརྗོད་ཅིང ། བདག་གི་ཆུང་མར་གྱིས་ཤིག་ཅེས་བསྒོ་ན། ཉི་མ་རེ་རེ་ཞིང་དོང་ཙེ་བརྒྱད་བརྒྱད་སོ་སོར་སྟེར་བར་བྱེད་དོ། །ཆེ་གེ་མོ་འཚོ་བར་ཤོག་ཅིག་།ཆེ་གེ་མོ་སོང་ཞིག་ཅེས་བྱ་བ་ལ་སོགས་པ་ཐམས་ཅད་གྲུབ་པར་བྱེད་དོ། །ཆུ་བོ་འདུས་པའི་འགྲམ་དུ་སོང་སྟེ་འོ་མའི་བཟའ་བས་སྟོང་ཕྲག་བརྒྱད་བཟླས་ན། བཟླས་པའི་མཐར་ཀླུའི་བུ་མོ་བཟང་མོ་འོང་ངོ ། ། འོངས་པ་ལ་སྤྱི་བོར་མེ་ཏོག་སྦྱིན་ཞིང་ཆུང་མར་གྱིས་ཤིག་ཅེས་བསྒོ་བར་བྱའོ། །ལྷའི་བཟའ་བ་བཟང་པོ་དང ། དོང་རྩེ་ལྔ་ལྔ་ཉི་མ་རེ་རེ་ཞིང་སྟེར་བར་བྱེད་དོ། །ཀླུའི་གནས་སུ་མཚན་མོ་སོང་ 188b ཏེ་སྟོང་ཕྲག་བརྒྱད་བཟླས་ན། བཟླས་པའི་མཐར་སྐད་ཅིག་དེ་ཉིད་ལ་ཀླུ་མོ་སྤྱི་བོའི་ནད་ཆེན་པོ་དང ། ཚ་བར་གྱུར་པས་འོང་ཞིང ། སྡུག་པ། ངས་ཅི་བྱ་ཞེས་སྨྲ་བར་བྱེད་དོ། །ཆུང་མར་གྱུར་ཅིག་ཅེས་སྨྲས་ན། བདག་ཉིད་དང་ལྔ་ལ་རས་དང ། རྒྱན་དང ། བཟའ་བ་ལ་སོགས་པ་སྟེར་ཞིང ། དོང་རྩེ་ལྔ་ལྔ་སྟར་རོ། །མཚན་མོ་པདྨའི་ཚིལ་དུ་སོང་སྟེ་སྟོང་ཕྲག་བརྒྱད་བཟླས་ན་ཀླུའི་བུ་མོ་རྣམས་མྱུར་དུ་འོང་ངོ ། །འོངས་པ་ལ་ཆགས་པ་བྱས་ན་ཆུང་མར་འགྱུར་རོ། །དོང་ཙེ་བརྒྱད་བརྒྱད་སྟེར་ཏེ། དེས་ཀྱང་མ་ལུས་པར་ཟད་པར་བྱའོ། །གལ་ཏེ་ཅུང་ཟད་འཇོག་ན། ཕྱིན་ཆད་འབྱུང་བར་མི་འགྱུར་རོ། །མཚན་མོ་ཆུ་བོ་འདུས་པའི་འགྲམ་དུ་སོང་སྟེ་སྟོང་ཕྲག་བརྒྱད་བཟླས་ན། བཟླས་པའི་མཐའ་ལ་ཀླུའི་བུ་མོ་ངེས་པར་འོང་ངོ ། །འོངས་པ་ལ་གསེར་གྱི་པདྨའི་གདན་བྱིན་ཏེ་ལེགས་པར་འོངས་སོ་ཞེས་བརྗོད་ཅིང་བདག་གི་ཆུང་མར་གྱིས་ཤིག་ཅེས་བསྒོ་ན། ཉི་མ་རེ་རེར་གསེར་སྲང་རེ་རེ་སྦྱིན་པར་བྱེད་དོ། །མཚན་མོ་རྒྱ་མཚོ་ཆེན་པོར་སོང་སྟེ་སྟོང་ཕྲག་བརྒྱད་བཟླས་ན།་དེ་ནམ་བཟླས་པའི་མཐའ་ལ་ཀླུའི་བུ་མོ་འོང་ངོ ། །འོངས་པ་ལ་བདག་གི་ཆུང་མ་གྱིས་ཤིག་ཅེས་བསྒོ་ན། དོང་ཙེ་གཅིག་དང ། རས་ཟུང་གཅིག་སྟེར་བར་བྱེད་དོ། །ཀླུའི་ཁང་པར་སོང་སྟེ་ལྟེ་བ་ནུབ་ཙམ་དུ་ཆུར་ཞུགས་ཏེ་སྟོང་ཕྲག་བརྒྱད་བཟླས་ན། དེ་ནས་བཟླས་པའི་ཐ་མ་ལ་ཀླུའི་བུ་མོ་འོང་ངོ ། །འོངས་པ་ལ་སྤྱི་བོ་མེ་ཏོག་བྱིན་ཏེ་ལེགས་པར་འོངས་སོ་ཞེས་བརྗོད་ཅིང་ཆུང་ 189a ༄#། །མ་གྱིས་ཤིག་ཅེས་བསྒོ་ན། དོང་རྩེ་བརྒྱད་དང ། ལྷའི་ཟས་བཟང་པོ་སྟེ་བར་བྱེད་དོ། །མཚན་མོ་ཀླུའི་ཁང་པར་སོང་སྟེ་མཚན་ཐོག་ཐག་བཟླས་ན། དེའི་ཐོ་རངས་རྒྱན་ཐམས་ཅད་ཀྱིས་བརྒྱན་ཏེ་ཀླུའི་བུ་མོ་སྐད་ཅིག་དེ་ལ་འོང་ངོ ། །འོངས་པ་ལ་མེ་ཏོག་དང ། ཙནྡན་གྱི་མཆོད་ཡོན་བྱིན་ཏེ་ལེགས་སོ་ཞེས་བརྗོད་ཅིང་ཆུང་མ་གྱིས་ཤིག་ཅེས་བསྒོ་ན།་ལྷའི་དངུལ་ཆུ་དང ། བཅུད་ཀྱིས་ལེན་དང ། གྲུབ་པའི་རྫས་སྟེར་ཞིང་བསམ་པ་ཐམས་ཅད་ཡོངས་སུ་རྫོགས་པར་བྱེད་ལ། རྒྱལ་སྲིད་སྟེར་བྱེད་དོ། །མཚན་མོ་ཀླུའི་གནས་སུ་སོང་སྟེ་ཁྲི་བཟླས་ན། ཀླུའི་བུ་མོ་ངེས་པར་འོང་ངོ ། །ཀླུ་འོངས་པ་ལ་མྱུར་དུ་ཆགས་པར་བྱས་ནས་ཆུང་མ་གྱིས་ཤིག་བསྒོ་ན། ཉི་མ་རེ་རེ་དང་ཙེ་བརྒྱད་དང ། ལྷའི་བཟའ་བ་བཟང་པོ་དང ། གོས་རྣམས་སྟེར་བར་བྱེད་དོ། །མཚན་མོ་ཀླུའི་ཁང་པར་སོང་ལ་སྟོང་ཕྲག་བརྒྱད་བཟླས་ན། དེ་ནས་བཟླས་པའི་ཐ་མ་ལ་ཀླུའི་བུ་མོ་རིངས་པར་འོང་ངོ ། །འོངས་པ་ལ་ཀླུའི་མེ་ཏོག་སྤྱི་བོར་བྱིན་ན་ཆུང་མར་འགྱུར་ཞིང ། ལྷའི་རས་དང ། རྒྱན་དང ། བཟའ་བ་ལ་སོགས་པ་སྟོར་རོ། །དེ་ནས་ཀླུ་མོ་འདི་མ་ཚིག་གི་སྔགས་བཤད་པ། ཨོཾ་ཕུ། ཨཱ་གཙྪ་ནཱ་ག་ནི་ཕུ། འབོད་པའི་སྔགས་སོ། །ོཾ་ཨི་ཕུ། སྤོས་དང ། མེ་ཏོག་གི་སྔགས་སོ། །ོཾ་ཕུ། ཨ་ཕུ། དྲི་དང ། མཆོད་ཡིན་གྱི་སྔགས་སོ། ། ཕུ། ཨི་ཕུ། ཧཾ་ཕུཾ། བཾ་ཕུ། ཀླུ་མོ་ཐམས་ཅད་ཀྱི་ 189b དམ་ཚིག་གི་སྔགས་སོ། །ཕུ་ཨཱ་གཙྪ་ཨཱ་གཙྪ། ཤྲཱི་གྷྲཾ་ཕུ་ནཱ་ཡ་སཝཱ་ཧཱ། སླར་གཏང་བའི་སྔགས་སོ། །དེ་ནས་ཀླུ་མོ་རྣམས་ཀྱི་ཕྱག་རྒྱའི་མཚན་ཉིད་བཤད་པ། ཐལ་མོ་མཉམ་པར་བྱས་ཏེ་སོར་མོ་རྣམས་མགོ་བོའི་ཚུལ་དུ་སྦྱར་ལ་མཛུབ་མོ་ཁ་བསྒྱུར་བས་མཐེ་བོའི་སོར་མོ་བརྒྱང་བ་ནི། ཀླུ་མོ་ཐམས་ཅད་ཀྱི་དམ་ཚིག་གི་ཕྱག་རྒྱའོ། །ལས་ཐམས་ཅད་བྱེད་ཅིང་གྲུབ་པའོ། །དགུག་པའི་ཕྱག་རྒྱ་དང ། སླར་གཏང་བ་དང ། མཆོད་པའི་ཕྱག་རྒྱ་ནི། ཁུ་ཚུར་སོ་སོར་བཅངས་ཏེ། མཐེའུ་ཆུང་གི་སེན་མོ་མཐེ་བོས་མནན་ནས་སོར་མོ་ལྷག་མ་བརྐྱང་པ་ནི།་ཀླུ་མོ་ཐམས་ཅད་ཀྱི་ཕྱག་རྒྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ལས། ཀླུ་མོ་རྣམས་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །།དེ་ནས་གསང་བའི་བདག་པོ་ལག་ན་རྡོ་རྗེས་ཁྲོ་ཞིང་གསེར་ཏེ་ཁྲོ་བོ་འདི་དང་བཅས་ནས་གསུངས་པ། ཨོཾ་བྷ་ར་ཎ་བཛྲ་ཧཱུཾ་ཆེ་གེ་མོ་ནཱ་གི་ནི་ཨཱ་ཀཪྵ་ཡ་ཧཱུཾ་ཧཱུཾ་ཕཊ་ཕཊ། དེ་ནས་འདི་བཤད་པ་ཙམ་གྱིས་ཀླུ་ཐམས་ཅད་བརྒྱལ་ཞིང་འགྱེལ་ཏེ་སྤྱི་བོའི་ནད་ཆེན་པོས་ཤིའོ། །གལ་ཏེ་དམ་ཚིག་ལས་འདས་ན་ཁྲོ་བོ་འདི་དང་བཅས་ཏེ་བཟླས་པས་མྱུར་དུ་འཆི་ཞིང་དམྱལ་བ་ཆེན་པོ་བརྒྱད་དུ་ལྟུང་བར་འགྱུར་རོ། །ཞེས་དཔལ་རྡོ་རྗེ་འཆང་གིས་གསུངས་སོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། ཀླུ་མོ་རྣམས་སྒྲུབ་པར་བྱེད་པའི་ཆོ་ག་རྒྱས་པའི་ལེའུའོ།། །།དེ་ནས་འཁོར་ 190a ༄#། །གྱི་དཀྱིལ་འཁོར་དེར་མིའམ་ཅི་མོ་དྲུག་ལངས་ཏེ་བཅོམ་ལྡན་འདས་དཔལ་རྡོ་རྗེ་འཆང་གི་ཞབས་ལ་སྤྱི་བོས་བཏུད་ནས་རང་གི་སྙིང་པོ་ཕུལ་བ། ཨོཾ་མ་ནོ་ཧ་རི་སཝཱ་ཧཱ། ཨོཾ་སུ་བྷ་ག་སཝཱ་ཧཱ། ཨོཾ་བི་ཤཱ་ལ་ནེ་ཏྲི་སཝཱ་ཧཱ། ཨོཾ་སུ་ར་བྷི་པྲི་ཡེ་སཝཱ་ཧཱ། ཨོཾ་ཨ་ཤ་མུ་ཁི་སཝཱ་ཧཱ། ཨོཾ་པི་ཤ་ཀ་ར་མུ་ཁི་སཝའ་ཨ་ཧ། ཌ་ཨེ་ཎ་ཨ་ས་མི་ཨམ་ཅིམ་\ུ0f37་ཌ་རུག་གི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། རིའི་རྩེ་མོ་ལ་སོང་སྟེ་སྟོང་ཕྲག་བརྒྱད་བཟླས་ན། མིའམ་ཅི་མོ་དྲུག་གི་བཟླས་པ་བརྗོད་པ་དང ། མཆོད་པ་ཤིན་ཏུ་ཆེན་པོ་བྱས་ཏེ་བ་ལང་གི་ཤ་དང ། གུ་གུལ་དང་ལྡན་པའི་བདུག་པས་བདུག་ཅིང་ཇི་སྲིད་ནམ་ཕྱེད་ཀྱི་བར་དུ་བཟླས་ན། ནམ་ཕྱེད་ན་ངེས་པར་འོང་སྟེ། དེ་ལ་འཇིགས་པར་མ་བྱས་ན། ཀྱེ་སྒྲུབ་པ་པོ། བཀའ་ཅི་སྩོལ་ཅེས་སྨྲ་བར་བྱེད་དོ། །སྒྲུབ་པོས་ཀྱང་ཀྱེ་བཟང་མོ། བདག་གི་ཆུང་མ་གྱིས་ཤིག་ཅེས་སྨྲས་ནས་རྒྱབ་ཏུ་ཞོན་ན། ལྷའི་འཇིག་རྟེན་དུ་འཁྱེར་བར་བྱེད་ཅིང་བཟའ་བ་བཟང་པོ་སྟེར་བར་བྱེད་དོ། །དེ་ནས་སྒྲུབ་པའི་ཐབས་ཕྱི་མ་བཤད་པ། རིའི་དྲུང་ངམ་གཙུག་ལྷག་ཁང་དུ་ཁྲི་བཟླས་ན། བཟླས་པའི་མཐའ་ལ་རང་ཉིད་འོང་ཞིང ། ལྷ་མོའི་ལག་པ་འཇམ་པོས་རྐང་པ་ལ་ཉུག་པར་བྱེད་ཅིང ། མྱུར་དུ་ཆགས་པ་བྱས་ན་ཆུང་མར་འགྱུར་ཞིང ། དོང་རྩེ་བརྒྱད་དང ། གོས་ཟུང་གཅིག་སྟེར་བར་བྱེད་དོ། །ཆུ་བོའི་འགྲམ་དུ་སོང་ནས་ཁྲི་བཟླས་ནས་ཡང་མཚན་ཐོག་ 190b བཟླས་ན་ཐོ་རངས་ངེས་པར་འོང་ངོ ། །འོངས་ནས་ཆུང་མར་འགྱུར་ཞིང་ཉི་མ་རེ་རེ་དོང་རྩེ་ལྔ་སྟེར་བར་བྱེད་དོ། །མཚན་མོ་ཆུ་བོ་འདུས་པའི་འགྲམ་དུ་སྟོང་ཕྲག་བརྒྱད་བཟླས་ན། བཟླས་པའི་མཐའ་ལ་ངེས་པར་འོང་ཞིང་ལྟ་བར་བྱེད་དོ། །ཉི་མ་གཉིས་པ་ལ་མདུན་དུ་འདུག་ཅིང་གཏམ་སྨྲ་བར་བྱེད་དོ། །ཉི་མ་གསུམ་པ་ལ་ཆགས་པ་སྤྱད་ན་ངེས་པར་འགྲུབ་ཅིང་ཆུང་མའི་ལས་ཐམས་ཅད་བྱེད་ལ་དོང་ཙེ་བརྒྱད་དང ། རས་ཕྲུགས་གཅིག་སྟེ་བར་བྱེད་དོ། །ཉིན་གཅིག་བཞིན་དུ་རིའི་རྩེ་མོར་ཤ་ཟ་ཞིང་ཁྲི་ཁྲི་བཟླས་ན། ལྷ་མོའི་གཟུགས་ཀྱིས་མྱུར་དུ་འོངས་ཤིང་མདུན་དུ་སྡོད་དོ། །འཁྱུད་ཅིང་འོ་བྱས་ཏེ་མི་སྨྲ་བས་ཆགས་པ་བྱས་ན་ཆུང་མར་འགྱུར་ཏེ། དོང་རྩེ་བརྒྱད་སྟོང་སྟེར་ཞིང་ལྷས་མངོན་པར་འདོད་པའི་བཟའ་བ་སྟེར་བར་བྱེད་དོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། མིའམ་ཅིའི་བུ་མོ་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །།དེ་ནས་གསང་བའི་བདག་པོ་ཕྱག་ན་རྡོ་རྗེས་འདི་སྐད་ཅེས་བཀའ་སྩལ་ཏོ། །དབང་ཕྱུག་ཆེན་པོ་ལྷ་ཆེན་པོ། ཁྱོད་ཉོན་ཅིག་།འཇིག་རྟེན་གསུམ་གྱི་བདག་པོ། ལྷ་རྣམས་ཀྱིས་འདའ་བར་བྱ་བ་མ་ཡིན་པ། མངག་གཞུག་མ་ལུས་པ་སྒྲུབ་པར་བྱེད་པ། མ་རུངས་པ་རྣམས་དང ། ལྷ་རྣམས་ལ་བསྟན་པར་བྱའོ། །དེ་ནས་དབང་ཕྱུག་ཆེན་པོ་ལྷ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས། མི་ཕྱེད་པ་བསྟན་པ། འཇིག་རྟེན་གསུམ་གྱི་ལྷ་རྣམས་ 191a ༄#། །ཀྱིས་འདའ་བར་བྱ་བ་མ་ཡིན་པ། སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུ་དང ། ཕྱག་རྒྱ་དང ། སྔགས་ཀྱི་རིམ་པར་ཕྱེ་བ་བཤད་དུ་གསོལ། དེ་ནས་འཁོར་གྱི་དཀྱིལ་འཁོར་དེ་ན་གནས་པ་རྣམས་ཀྱིས་ལྷ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ། ཤིན་ཏུ་གདུལ་དཀའ་བ་རྣམས་འདུལ་བར་བྱེད་པ་གསོལ་བ་བཏབ་པ་ནི། ལེགས་སོ་ལེགས་སོ། ། དེ་ནས་རྡོ་རྗེ་འཆང་ཁྲོ་བོའི་བདག་པོ་ཆེན་པོས་འདི་སྐད་ཅེས་གསུངས་སོ། །ཁྲོ་བོའི་དཀྱིལ་འཁོར་དམ་པ་ནི། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །ཆ་རྣམས་བཅུ་དྲུག་དག་དང་ལྡན། །རྡོ་རྗེ་ར་བས་མཛེས་པའོ། །དེ་ཡི་དབུས་སུ་དྲག་པོ་ཆེ། །རྡོ་རྗེ་ཁྲོ་བོ་དགོད་བྱ་བ། །འབར་བའི་ཕྲེང་བ་འཁྲུག་ཅིང་གསལ། །བསྐལ་པ་ཐ་མའི་མེ་འོད་འདྲ། །ལྷ་ཆེན་མིག་སྨན་སྦྱར་འདྲ་ཞིང ། །ཐོད་པའི་ཕྲེང་བས་རྒྱན་དུ་བྱས། །དྲག་ཤུལ་བཞད་ཅིང་ཆེར་འཇིགས་པ། །འཇིག་རྟེན་གསུམ་པོ་འཇིགས་མཛད་པའོ། །བཅོམ་ལྡན་འདས་ཀྱི་གཡས་ལོགས་སུ། །ལྷ་ཆེན་པོ་ནི་བྲི་བྱ་སྟེ། །བ་ཞོ་མུ་ཏིག་ལྟར་དཀར་ཞིང ། །དེ་བཞིན་དཀར་པོ་དུང་འདྲ་ཞིང ། །མིག་གསུམ་པ་ལ་ལག་བཞི་པ། །ཞི་ཞིང་ལག་པ་གཡོན་པ་ན། །མདུང་རྩེ་གསུམ་པ་ཐོགས་པའོ། །གཡོན་པའི་ཕྱོགས་ཀྱི་ཆ་རུ་ནི། །སྲེད་མེད་བུ་ནི་བྲི་བྱ་སྟེ། །གཡས་པ་ན་ནི་རྔ་ཡབ་དུང ། །གཡོན་ན་འཁོར་ལོ་གསལ་ཤིང་ངོ ། །རྒྱབ་ཏུ་བརྒྱ་བྱིན་རྒྱལ་པོ་སྟེ། །དེ་བཞིན་ 191b སྨིན་དྲུག་མདུན་དུའོ། །ཚངས་པ་ལག་ན་གདུགས་འཛིན་པ། །ཁ་བ་མེ་ཏོག་ཀུན་ད་དང ། །ཟླ་འདྲ་བརྒྱ་བྱིན་མདུན་བྲི་སྟེ། །རང་གི་སྟན་ལ་འཁོད་པར་རོ། །ཡང་ན་སྔགས་པས་མུ་ཏིག་དང ། ། བ་ཡི་ཞོ་འདྲ་དཀར་པོ་ནི། །རྔ་ཡབ་ཐོགས་པར་སྨིན་དྲུག་བྲི། །ཚངས་པ་ཁ་དོག་དམར་པོ་བྲི། །བརྒྱ་བྱིན་ཁ་དོག་སེར་པོ་བྲི། །རྒྱན་ཀུན་གྱིས་ནི་རྣམ་སྤྲས་ཤིང ། །རྔ་ཡབ་ཐོགས་པར་ཁྱབ་འཇུག་བྲི། །དེ་བཞིན་ཁྱུ་མཆོག་ལ་ཞོན་པར། །ལྷ་ཆེན་པོ་ནི་བྲི་བྱ་སྟེ། །ཀུན་བགེད་ལག་ན་འཁོར་ལོ་ཅན། །ངང་པ་ལ་ཞོན་བྲི་བར་བྱ། །བརྒྱ་བྱིན་གླང་ཆེན་ཞོན་པ་སྟེ། །སྨིན་དྲུག་རྨ་བྱ་ཞོན་པའོ། །ཕྱི་རོལ་དང་ནི་གྲ་རྣམས་སུ། །འབྱུང་པོ་བརྒྱད་ནི་བྲི་བར་བྱ། །པདྨ་ཅན་དང་པད་ཆེན་དང ། །རྣམ་འབྱུང་མ་དང་ལྷ་འཇོམས་མ། །འཕྲོག་མ་མཆོག་དང་རིན་པོ་ཆེ། །རྒྱན་མ་འགྲོ་བ་སྐྱོད་མ་རྣམས། །དཔལ་གྱི་སྒྲ་ཡིས་རབ་གྲགས་པའི། །འབྱུང་མོ་ཆེན་མོ་བརྒྱད་པོ་སྟེ། །པདྨ་ཅན་དད་པད་ཆེན་མ། །པདྨ་དཀར་པོ་ལྟ་བུར་བྲི། །རྣམ་འབྱུང་མ་དང་ལྷ་འཇོམས་མ། །ཁ་དོག་དམར་པོར་བྲི་བར་བྱ། །འབྱུང་མོ་བཞི་རྣམས་མཚུངས་པར་ནི། །གསེར་གྱི་མདོག་ཏུ་བྲི་བར་བྱ། །རྫུ་འཕྲུལ་ཆེ་ལྡན་འབྱུང་མོ་བརྒྱད། །ཇི་ལྟར་བསྟན་བཞིན་དེ་ལེགས་བྲི། །དེ་ནས་འདིར་དཀྱིལ་འཁོར་གྱི་ཆོ་ག་བཤད་པ། རྡོ་རྗེ་སློབ་དཔོན་བདག་ཉིད་མེ་ཏོག་སྔོན་པོའི་ཕྲེང་བས་བརྒྱན་ཅིང་གཙུག་ཏོར་སྔོན་པོ་བཅིངས་ནས་རས་སྔོན་པོ་ཟུངས་གཅིག་བགོས་ཏེ་སྔོན་བཞིན་དུ་ཁྲོ་བོའི་སྙིང་པོ་འདི་བརྗོད་ 192a ༄#། །པར་བྱ་སྟེ། སེམས་ཅན་ཀུན་ལ་ཕན་དོན་དུ། །མྱུར་དུ་དངོས་གྲུབ་སྦྱིན་མཛད་པ། །གྲུབ་པའི་རྡོ་རྗེ་ཁྲོ་བོ་སྟེ། །ལྷ་ཉིད་དམ་ཚིག་ལ་བཞུགས་ཤིག་།ོཾ་ཧཱུཾ་བཛྲ་ཕཊ་ས། འདི་བརྗོད་པ་ཙམ་གྱིས་ལྷ་ཐམས་ཅད་གྲུབ་པར་བྱེད་དོ། །དེ་ནས་འདིར་རྡོ་རྗེ་གསོར་བ་བཤད་པ། འདི་ལྟར་ཡི་གེ་ཧཱུཾ་ཟློས་ཤིང་ཕྱག་ན་རྡོ་རྗེས་གསུངས་པ་ལྟར། ལྷ་ཐམས་ཅད་གཞོམ་ཞིང་ལྷའི་བུ་མོ་ཐམས་ཅད་དང ། གནོད་སྦྱིན་མོ་དང ། ཀླུ་མོ་དང ། འབྱུང་མོ་རྫུ་འཕྲུལ་ཆེན་མོ་ཅན་རྣམས་སྐད་ཅིག་དེ་ཉིད་ལ་གཞོམ་པར་བྱ་སྟེ། རྡོ་རྗེ་གསོར་བའི་སྦྱོར་བ་དང་ལྡན་པས། ཨོཾ་བཛྲ་དཱིཔྟ་མཧཱ་ཀྲོ་དྷ་ཧ་ན་ད་ཧ་པ་ཙ་མཱ་ར་ཡ་ཧཱུཾ་ཧཱུཾ་ཕཊ་ཕཊ། བརྒྱ་རྩ་བརྒྱད་བཟླས་ཏེ། སྐད་ཅིག་དེ་ཉིད་ལ་ལྷ་ཐམས་ཅད་གསོད་ཅིང་འཁྲུག་པར་བྱེད་དོ། །ཧཱུཾ་ཧཱུཾ་ཕཊ་ཕཊ། སྦྱོར་བ་འདིས་ཀྱང་ངེས་པར་སངས་རྒྱས་རྣམས་ཀྱང་ཞིག་པར་བྱེད་དོ། །དེ་ནས་སློབ་མ་གཞུག་པར་བྱ་སྟེ། ཁྲོ་བོའི་ཕྱག་རྒྱ་གོ་ཆ་བྱས་ལ་སྔགས་འདིས་དབབ་པར་བྱའོ། །ོཾ་བི་ཤྱ་ཀྲོ་དྷ་ཧཱུཾ་ཧཱུཾ་ཨ་ཛྭ་ལ་མ་ལ་ཨ་ཀུ་ལ། བྷི་ཥ་ན་བཛྲ་ཨ། འདི་བརྗོད་པ་ཙམ་གྱིས་ཕྱི་རོལ་གྱི་དབབ་པ་དང ། དགུག་པ་དང ། ལྷུང་བར་བྱ་བ་རྣམས་ནུས་པར་འགྱུར་རོ། །དེ་ནས་འབྱུང་པོ་འདུལ་བའི་རྒྱུད་ཆེན་པོ་ལས་ཁྲོ་བའི་དཀྱིལ་འཁོར་གྱི་ཆོ་ག་རྒྱས་པར་བཤད་པ། ཨོཾ་བྷཱུ་ཤྲཱི་སིདྷ་དྷ་ཛ་དྷི་རི་ཧྲཱིཿ ་ཁྲོ་བོའི་མདུན་དུའོ། །ོཾ་ཧཱུཾ་བྷཱུཾ་མཧཱ་པདྨ་བ་ཏི་དྷ་ནུར་བནྡྷ་རི་ཧཱུཾ། རྒྱབ་ཏུའོ། །ོཾ་ཧཱུཾ་བི་ཧཱུཾ་ཏི། ཨོཾ་ཀུ་ཤོ་དྷ་རི་ནི་ཧཱུཾ་ཛ། ལྷོ་རུའོ། ། 192b ཧཱུཾ་བྷུ་སུ་ར་ཧ་རི་ནི་ཙིནྟ་མ་ཎི་དྷེ་ཛྭ་དྷ་རི་ཎི་སྲུཾ་གཡོན་དུའོ། །ོཾ་ཤྲཱི་བ་ར་ཧ་རི་ནི་པུཥྤ་ཧ་རེ་ཧཱུཾ། མེ་ཏོག་དབང་ལྡན་གྱི་གྲར་རོ། །ོཾ་ཤྲཱི་རཏྣེ་ཤཝཱ་རི་དྷུ་བ་ཧ་སྟེ་ཧཱུཾ། སྤོས་མེའི་གྲ་རུའོ། །ོཾ་ཤྲཱི་བྷུ་ཥི་ཎི་གནྡྷེ་ཧ་སྟེ་ཧཱུཾ། དྲི་བདེན་བྲལ་དུའོ། །ོཾ་ཤྲཱི་ཛ་གད་པ་ལི་ནི་ཨ་ཏེ་པ་པ་ཏེ་ཧཱུཾ། མར་མེ་རླུང་དུའོ། །དེ་ནས་འབྱུང་མོ་བརྒྱད་ཀྱི་ཕྱག་རྒྱའི་ཆོ་ག་རྒྱས་པར་བཤད་པ། ཁུ་ཚུར་ཕན་ཚུན་བཅངས་ཏེ་མཛུབ་མོ་གཉིས་བརྐྱང་བ་ནི། སེངྒེའི་རྒྱལ་མཚན་མའི་ཕྱག་རྒྱའོ། །ལག་པ་གཡོན་པ་ཁུ་ཚུར་བཅངས་ཏེ་གུང་མོ་བརྐྱང་བ་ནི། ཡིད་བཞིན་གྱི་ནོར་བུའི་རྒྱལ་མཚན་གྱི་ཕྱག་རྒྱའོ། །ཕྱག་རྒྱ་འདི་ཉིད་རྐེད་པའི་ཕྱོགས་སུ་བཞག་པ་ནི། གཞུ་དང ། མདའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ་མཛུབ་མོ་བརྐྱང་ནས་བསྐྱིལ་བ་ནི། །ལྕགས་ཀྱུའི་ཕྱག་རྒྱའོ། །ཐལ་མོ་མཉམ་པར་བྱས་ཏེ་མཛུབ་མོ་གཉིས་བཀུག་པ་ནི། མེ་ཏོག་གི་ཕྱག་རྒྱའོ། །སོར་མོ་རྣམས་ཕན་ཚུན་དུ་འཁྱུད་དེ་མཛུབ་མོ་གཉིས་བརྐྱང་བ་ནི། སྤོས་ཀྱི་ཕྱག་རྒྱའོ། །ལག་པ་སོར་སོར་བརྐྱང་སྟེ་དཔུང་པའི་རྩ་བ་གཉིས་སུ་བཞག་པ་ནི། དྲིའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ་གུང་མོའི་སོར་མོ་རབ་ཏུ་བརྐྱང་བ་ནི། མར་མེའི་ཕྱག་རྒྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། ཁྲོ་བོའི་དཀྱིལ་འཁོར་གྱི་ཆོ་ག་རྒྱས་པའི་ལེའུའོ།། །།དེ་ནས་འབྱུང་པོ་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། ཨོཾ་ཧྲཱིཿ ་ཛ། གཞན་གྱིས་མི་ཐུབ་པའིའོ། །ོཾ་ཧཱུཾ་ཛ། རྒྱལ་ 193a ༄#། །བའི་འོ། །ོཾ་ཧྲཱིཿ ་ཛ། རྫོགས་བྱེད་ཀྱིའོ། །ོཾ་བྷྲུཾ་ཛ། ཀུན་ཏུ་རྫོགས་བྱེད་ཀྱིའོ། །ོཾ་སྲུཾ་ཛ། དུར་ཁྲོད་ཀྱི་བདག་པོའི་འོ། །ོཾ་རུཾ་ཛ། རིག་སྔགས་ཀྱི་དབང་ཕྱུག་གིའོ། །ོཾ་ཧྲཱིཿ ་ཧཱུཾ་ཛ། འབྱུང་པོའི་དབང་ཕྱུག་གིའོ། །ོཾ་ཨཾ་ཛ། མངག་གཞུག་མཆོག་གིའོ། །འབྱུང་པོ་གཞན་གྱིས་མི་ཐུབ་པའི་སྒྲུབ་པའི་ཐབས་བཤད་པ། རྡོ་རྗེ་འཆང་གི་ཁྱིམ་དུ་སོང་སྟེ་སྔོན་དུ་འབུམ་བཟླས་ཏེ་སྔོན་དུ་བསྙེན་པ་བྱས་པར་འགྱུར་རོ། །དེ་ནས་ཟླ་བ་ཉ་ལ་མཆོད་པ་རྒྱ་ཆེན་པོ་བྱས་ཏེ་ཇི་ལྟར་གསུངས་པའི་འབྲས་ཅན་དཀར་པོ་དང ། སྦྲང་རྩི་དང ། ཞོ་དང ། བུ་རམ་དང ། འོ་མ་དང ། ཤ་རྣམས་ཀྱིས་མཆོད་ཅིང་གུ་གུལ་བདུག་པ་བྱིན་ནས་མཚན་ཐོག་ཐག་བཟླས་ན། ཐོ་རངས་ངེས་པར་འོང་ངོ ། །གལ་ཏེ་ངེས་པར་མ་འོངས་ན་སྐད་ཅིག་དེ་ལ་འཆིའོ། ། འོངས་ན་བསྒོ་བ་དོན་ཡོད་པར་མི་བྱེད་དོ། །སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ན། དེ་བན་ཆད་མངག་གཞུག་གི་ལས་བྱེད་ལ་རིག་པ་འཛིན་པའི་རྒྱལ་སྲིད་སྟེར་བར་བྱེད་ཅིང་དགྲ་ཐམས་ཅད་ཚར་གཅོད་པར་བྱེད་དོ། །ཟླ་བའི་ལྷ་མོ་བླངས་ནས་སྟེར་ཞིང་རྒྱབ་ཏུ་ཞོན་ན་ལྷའི་འཇིག་རྟེན་དུ་ཡང་འཁྱེར་པར་བྱེད་དོ། །བརྒྱ་བྱིན་ཉིད་ཀྱང་སྟེར་བར་བྱེད་ཅིང་བསྐལ་པ་བདུན་འཚོའོ། །དེ་ནས་རྒྱལ་པའི་སྒྲུབ་པའི་ཐབས་བཤད་པ། མཚན་མོ་སྦྱིན་བྱེད་མའི་མདུན་དུ་སོར་སྟེ་ཉི་མ་རེ་རེ་སྟོང་ཕྲག་བརྒྱད་བརྒྱད་བཟླས་ནས་ཉི་མ་བདུན་པ་ལ་མཆོད་པ་རྒྱས་ 193b པར་བྱས་ཏེ་གཏོར་མ་སྦྱིན་ཞིང་གུ་གུལ་གྱི་བདུག་པ་བྱིན་ནས་བཟླས་ན། བཟླས་པའི་མཐའ་ལ་ངེས་པར་འོང་སྟེ། ཀྱེ་སྒྲུབ་པ་པོས་བཀའ་ཅི་སྩོལ་ཞེས་སྨྲ་བར་བྱེད་དོ། །སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ནས་རྒྱབ་ཏུ་ཞོན་ན་གླིང་བཞི་པ་རྣམས་སུ་ཡང་འཁྱེར་བར་བྱེད་ཅིང ། གཞན་ཡང་རྒྱལ་སྲིད་སྟེར་ལ་ལོ་ལྔ་སྟོང་འཚོའོ། །དེ་ནས་རྫོགས་བྱེད་ཀྱི་སྒྲུབ་པའི་ཐབས་བཤད་པ། རྡོ་རྗེ་འཆང་གི་ཕོ་བྲང་དུ་སོང་སྟེ་ཉི་མ་མདུན་དུ་སྟོང་ཕྲག་བརྒྱད་བརྒྱད་བཟླས་ནས་ཉི་མ་བདུན་པ་ལ་མཆོད་པ་རྒྱས་པར་བྱས་ཏེ་འབྲས་ཅན་དཀར་པོ་དང ། ཞོས་ཇི་ལྟར་གསུངས་པ་ལྟར་བྱིན་ནས་ཇི་སྲིད་ནམ་ཕྱེད་ཀྱི་བར་དུ་བཟླས་ན། ནམ་ཕྱེད་ན་རང་ཉིད་འོང་ངོ ། །འོངས་པ་ལ་མེ་ཏོག་གི་མཆོད་ཡོན་བྱིན་ན་དགའ་བར་འགྱུར་ཏེ། རྒྱལ་སྲིད་སྟེར་བར་བྱེད་དོ། །བསམ་པ་ཐམས་ཅད་ཡོངས་སུ་རྫོགས་པར་བྱེད་ཅིང་ལོ་སྟོང་འཚོའོ། །ཇི་སྲིད་དུ་འཚོ་བ་དེ་སྲིད་དུ་མངག་གཞུག་གི་ལས་བྱེད་དོ། །ཆེ་གེ་མོ་འཚོ་བར་གྱིས་ཤིག་།ཆེ་གེ་མོ་སོད་ཅིག་ཅེས་སྨྲས་ན། དེ་དག་ཐམས་ཅད་དོ། །ཀུན་ཏུ་རྫོགས་བྱེད་ཀྱི་སྒྲུབ་པའི་ཐབས་བཤད་པ། སྐུ་གདུང་དང་བཅས་པའི་མཆོད་རྟེན་གྱི་དྲུང་དུ་ཁྲི་བཟླས་ན། སྔོན་དུ་བསྙེན་པར་བྱས་པར་འགྱུར་རོ། །དེ་ནས་ཟླ་བ་ཉ་ལ་ཇི་ལྟར་འབྱོར་བའི་མཆོད་པ་བྱས་ཏེ་ཇི་སྲིད་ནམ་ཕྱེད་ཀྱི་བར་དུ་བཟླས་ན། ནམ་ཕྱེད་ན་རིངས་པར་འོངས་ནས་མདུན་དུ་སྡོད་དོ། །སྐྱེ་སྡུག་པ། ངས་ཅི་བྱ་ཞེས་ 194a ༄#། །སྨྲ་བར་བྱེད་དོ། །སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ན། དེ་ཕན་ཆད་མངག་གཞུག་གི་ལས་ཐམས་ཅད་བྱེད་དོ། །གནོད་སྦྱིན་གྱི་བུ་མོ་བཟང་མོ་བླངས་ནས་སྟེར་ཞིང་གཏེར་ཐམས་ཅད་སྟེར་ལ། ལྷས་འདོད་པའི་བཟའ་བ་སྟེར་རོ། །ཉིན་གཅིག་བཞིན་དུ་རས་དམར་པོ་ཟུང་རེ་སྟེར་ཞིང་དོང་ཙེ་ལྔ་ལྔ་སྟེར་ལ་ལོ་ལྔ་བརྒྱ་འཚོའོ། །དེ་ནས་དུར་ཁྲོད་ཀྱི་བདག་པོའི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པར་མཚོན་མོ་དུར་ཁྲོད་དུ་སོང་ཏེ་ཉི་མ་བདུན་དུ་སྟོང་ཕྲག་བརྒྱད་བཟླས་ནས་ཉི་མ་བདུན་པ་ལ་འབྱུང་པོ་ལ་ཤ་དང ། ཉ་དང ། ཏིལ་དང ། ཛམྦུ་ཏི་དང ། མངར་གསུམ་ཟན་གྱིས་དྲིལ་བའི་རིལ་བུ་དང ། རྟ་ཤ་ཁམ་ཚད་དུ་གཏུབས་པ་བསྲེགས་ནས་མར་ལ་རྔོས་ལ་ཛམྦུ་ཏི་ཀ་དང ། འབྲས་ཆན་དང ། ཞོ་དང་བུ་རམ་དང ། འོ་ཐུག་དང ། སྲན་ཚོད་དང ། སྣུམ་འཁུར་རྣམས་ཀྱིས་ཇི་ལྟར་གསུངས་པ་བྱིན་ནས་གུ་གུལ་གྱི་བདུག་པ་ཡང་བྱིན་ཏེ་ཇི་སྲིད་ནམ་ཕྱེད་ཀྱི་བར་དུ་བཟླས་ན། ཧ་ཧ་ཞེས་བྱ་བའི་སྒྲ་ཐོས་པར་བྱེད་དོ། །འཇིགས་པར་མ་བྱས་ན། རང་གི་འཁོར་གྱི་ཚོགས་ཀྱིས་ཡོངས་སུ་བསྐོར་ཏེ་འོང་ངོ ། །འོངས་པ་ལ་གཏོར་མ་བྱིན་ན་དགའ་བར་འགྱུར་ཏེ། འབྱུང་པོའི་མངག་གཞུག་བྱེད་དོ། །ཉི་མ་རེ་རེ་དོང་ཙེ་བརྒྱད་བརྒྱད་སྟེར་ཞིང་དགྲ་ཐམས་ཅད་འཇོམས་ཏེ་ལོ་ལྔ་སྟོང་འཚོའོ། །དེ་ནས་རིགས་ཀྱི་དབང་ཕྱུག་གི་སྒྲུབ་པའི་ཐབས་བཤད་པ། ལྷའི་ཁང་པར་སོང་སྟེ་སྤོས་ 194b དམར་པོ་དང ། མེ་ཏོག་དམར་པོ་དང ། གུ་གུལ་གྱི་བདུག་པ་སྦྱིན་ཞིང་ཁྲི་བཟླས་ན། སྔོན་དུ་བསྙེན་པ་བྱས་པར་འགྱུར་རོ། །མཚན་མོ་ནག་པོའི་ཚེས་བཅུ་བཞི་ལ་ཉ་དང ། ཤ་དང ། ཏིལ་དང ། ཛམྦུ་ཏི་དང ། འབྲས་ཆན་དམར་པོས་ཇི་ལྟ་བར་སྒྲུབ་ཅིང ། དུ་རུ་ཀ་དང ། མེ་ཏོག་བྱིན་ཏེ་ཇི་སྲིད་ནམ་ཕྱེད་ཀྱི་བར་དུ་བཟླས་ན། ནམ་ཕྱེད་ན་སྣང་བ་ཆེན་པོ་དང ། འཇིགས་པར་བྱེད་པའི་གཟུགས་ཀྱིས་འོངས་ཏེ། དེ་ལ་འཇིགས་པར་མ་བྱས་ན། སྡུག་པ་ངས་ཅི་བྱ་ཞེས་སྨྲ་བར་བྱེད་དོ། །སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ན། ཉི་མ་རེ་དུས་གསུམ་དུ་དོང་ཙེ་ལྔ་ལྔ་སྟེར་བར་བྱེད་དོ། །ལྷས་མངོན་པར་འདོད་པའི་བཟའ་བ་སྟེར་བར་བྱེད་ཅིང་ལོ་ལྔ་སྟོང་འཚོའོ། །དེ་ནས་འབྱུང་པོའི་དབང་ཕྱུག་གི་སྒྲུབ་པའི་ཐབས་བཤད་པ། མཚན་མོ་ལིངྒ་གཅིག་པར་སོང་སྟེ་གཅིག་པུ་ནུབ་གསུམ་དུ་འབྲས་ཆན་དམར་པོ་དང ། ཉ་དང ། ཤས་གཏོར་མ་སྦྱིན་ཞིང་ར་སྐྱེས་ཀྱི་ཤ་དང ། གུ་གུལ་དང ། སྦྲང་རྩི་དང་ལྡན་པའི་བདུག་པས་བདུད་ཅིག་སྟོང་ཕྲག་བརྒྱད་བཟླས་ན་ཉི་མ་དང་པོ་ལ་རྨི་ལམ་དུ་མཐོང་བར་བྱེད་དོ། །ཉི་མ་གཉིས་པ་ལ་རང་ཉིད་མཐོང་བར་བྱེད་དོ། །ཉི་མ་གསུམ་པ་ལ་རིངས་པར་འོང་ཞིང་མདུན་དུ་འདུག་ནས་འདི་སྐད་སྨྲ་བར་བྱེད་དོ། །བཀའ་ཅི་སྩོལ། དེ་ནས་སྒྲུབ་པ་པོས་མངག་གཞུག་གྱིས་ཤིག་ཅེས་བརྗོད་པར་བྱའོ། །རྟག་ཏུ་ཕྱི་བཞིན་འབྲང་བར་འགྱུར་ཞིང ། རང་ཉིད་འོངས་ནས་མི་ཟད་པའི་གཏེར་སྟེར་ཞིང་འདས་པ་དང ། མ་འོངས་པ་དང ། 195a ༄#། །ད་ལྟར་བྱུང་བ་རྣམས་སྨྲ་བར་བྱེད་དོ། །གོས་དང ། རྒྱན་དང ། བཟའ་བ་བཟང་པོ་རྣམས་སྟེར་བར་བྱེད་ཅིང་ལོ་ཉིས་སྟོང་འཚོ་བར་བྱེད་དོ། །དེ་ནས་ཕོ་ཉ་མཆོག་གི་སྒྲུབ་པའི་ཐབས་བཤད་པ། རྡོ་རྗེ་འཆང་གི་ཁང་པར་སོང་སྟེ་ནག་པོའི་ཚེས་བཅུ་བཞི་ལ་ཁྲི་བཟླས་ནས་ཉི་མ་བདུན་པ་ལ་སྒྲུབ་པ་བརྩམ་པར་བྱ་སྟེ། ཙནྡན་གྱི་དཀྱིལ་འཁོར་བསྒྲུབས་པར་བྱས་ནས་གུ་གུལ་གྱི་བདུག་པ་སྦྱིན་ཞིང་མེ་ཏོག་དཀར་པོ་དང ། འབྲས་ཅན་དཀར་པོ་པོ་དང ། མར་དང ། འོ་ཐུག་སྦྱིན་ཞིང་ཀུ་ཤའི་ཁྲི་ལ་འདུག་སྟེ་མར་གྱི་མར་མེ་རབ་ཏུ་སྦར་ནས་མཚན་མོ་ཇི་སྲིད་ནམ་ཕྱེད་ཀྱི་བར་དུ་བཟླས་ན། མངག་གཞུག་མཆོག་རང་ཉིད་འོང་སྟེ། འོངས་པ་ལ་ཙནྡན་གྱི་མཆོད་ཡོན་བྱིན་ན། ཀྱེ་སྒྲུབ་པ་པོ། བདག་གིས་ཅི་བྱ་ཞེས་སྨྲ་བར་བྱེད་དོ། །དེ་ནས་སྒྲུབ་པ་པོས་བདག་གི་མངག་གཞུག་གྱིས་ཤིག་ཅེས་བསྒོ་ན། དེ་ཕན་ཆད་མངག་གཞུག་པར་འགྱུར་ཞིང ། ལྷས་མངོན་པར་འདོད་པའི་བཟའ་བ་སྟེར་རོ། །དངུལ་ཆུ་དང ། བཅུད་ཀྱིས་ལེན་སྟེར་ཞིང་གཏེར་རྙེད་པར་བྱེད་ལ་རྒྱབ་ཏུ་ཞོན་ན་མཐོ་རིས་སུ་ཡང་འཁྱེར་བར་བྱེད་ཅིང ། གཞན་ཡང་རྒྱལ་སྲིད་སྟེར་བར་བྱེད་དོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། མངག་གཞུག་སྒྲུབ་པའི་ཆོ་ག་རྒྱས་པའི་ལེའུ་འོ།། །།དེ་ནས་འདིར་ཡང་དག་པར་བཤད་པ་ནི། དངོས་གྲུབ་སྣ་ཚོགས་སྒྲུབ་པར་བྱེད་པ། སློབ་དཔོན་རྣམས་ལ་ཕན་པའི་དོན་དུ་ཇི་ལྟར་གསུངས་ 195b བ་མངག་གཞུག་པའི་ཐབས་ཏེ། བསྟེན་པར་བྱ་བ་མ་ཡིན་པའི་ལེ་ལོ་ཅན་དང ། སྡིག་པ་བྱེད་པ་དང ། བརྫུན་དུ་སྨྲ་བ་དང ། ཚུལ་འཆོས་ཅན་དང ། དབུལ་པོ་དང ། ནད་ཀྱིས་གདུངས་པ་དང ། ཚེ་ཐུང་བ་དང ། སེམས་མི་བརྟན་པའི་མི་རྣམས་ཀྱང་སྤང་བར་མི་བྱ་སྟེ། གལ་ཏེ་ལོངས་སྤྱོད་དང ། ནོར་དང ། གྲགས་པ་འདོད་ན་ཡང་སྐད་ཅིག་གིས་ཕུན་སུམ་ཚོགས་པར་སྟེར་རོ། །སྔགས་འདིས་དངུལ་ཆུ་དང ། བཅུད་ཀྱིས་ལེན་པའི་དངོས་གྲུབ་དང ། ལྷའི་རྒྱལ་སྲིད་ཀྱི་དངོས་གྲུབ་ཀྱང་གྲུབ་པར་བྱེད་ན། མི་རྣམས་ཀྱི་རྒྱལ་སྲིད་གྲུབ་པར་བྱེད་པ་ལྟ་སྨོས་ཀྱང་ཅི་དགོས་ཏེ། དེ་བཞིན་དུ་འདིས་ལྷའི་བུ་མོ་ཐམས་ཅད་སྐད་ཅིག་ཙམ་གྱིས་གྲུབ་པར་བྱེད་དོ། །གསང་སྔགས་འདི་ནི་བཀླགས་པས་གྲུབ་པར་བྱེད་ཅིང་ཤིན་ཏུ་བརྩོན་འགྲུས་དམན་པ་རྣམས་ལ་ཡང་ཇི་ལྟར་བདེ་བར་ལྟར་མྱུར་དུ་གྲུབ་པར་བྱེད་ཅིང་སེམས་ཅན་ཐམས་ཅད་ལ་བདེ་བ་རབ་ཏུ་སྦྱིན་པ། ཡི་གེ་བཞི་པོ་ཆེར་གསང་བ། དངོས་གྲུབ་ཐམས་ཅད་སྟེར་བར་བྱེད་པ། བཀླགས་པ་ཙམ་གྱིས་མངོན་པར་གྲུབ་པར་བྱེད་པ་སྟེ། འདི་ལ་ཐེ་ཚོམ་མི་བྱེད་དོ། །འབྱུང་པོ་འདུལ་ཧྦའི་རྒྱུད་ཆེན་པོ་ལས། དངོས་གྲུབ་ཀྱི་སྒྲུབ་པའི་ཆོ་ག་རྒྱས་པའི་ལེའུའོ།། །།དེ་ནས་འབྱུང་པོ་འདུལ་བའི་རྒྱུད་ཆེན་པོ་ལས་འབྱུང་པོ་བརྒྱད་ཀྱི་ཕྱག་རྒྱའི་མཚན་ཉིད་བཤད་པ། སོར་མོ་རྣམས་ཕན་ཚུན་འཁྱུད་དེ་གུང་མོ་བརྐྱང་ནས་ཁབ་ལྟར་བཟུང་བ་ནི། འབྱུང་པོ་ཆེན་པོ་གཞན་གྱིས་མི་ཐུབ་པའི་ཕྱག་རྒྱའོ། ། 196a ༄#། །ཕྱག་རྒྱ་འདི་ཉིད་གུང་མོ་བཀུག་ཅིང་མཛུབ་མོ་བརྐྱང་ནས་བཀུག་པ་ནི། རྒྱལ་བའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཡོན་པ་བསྐྱིལ་ཞིང་མཐེའུ་ཆུང་བརྐྱང་སྟེ་སོ་སོར་བཟུང་བ་ནི། རྫོགས་བྱེད་ཀྱི་ཕྱག་རྒྱའོ། །སོར་མོ་ཕན་ཚུན་འཁྱུད་དེ་བཟུང་བ་ནི། ཀུན་ཏུ་རྫོགས་པར་བྱེད་པའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་དང ། མཐེ་བོང་ནང་དུ་བཀུག་སྟེ་བཟུང་བ་ནི། དུར་ཁྲོད་ཀྱི་བདག་པོའི་ཕྱག་རྒྱའོ། །མཐེའུ་ཆུང་གཉིས་རབ་ཏུ་བརྐྱང་སྟེ་བཟུང་བ་ནི། རིགས་ཀྱི་དབང་ཕྱུག་གི་ཕྱག་རྒྱའོ། །ཐལ་མོ་ཁ་སྦྱར་ཏེ་མཛུབ་མོ་གཉིས་བཀུག་པ་ནི། ཕོ་ཉ་མཆོག་གི་ཕྱག་རྒྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། འབྱུང་པོའི་རྒྱལ་པོ་ཆེན་པོ་བརྒྱད་ཀྱི་ཕྱག་རྒྱའི་མཚན་ཉིད་རྫོགས་སོ།། །། དེ་ནས་གསང་བའི་བདག་པོ་ཕྱག་ན་རྡོ་རྗེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྡོ་རྗེ་སློབ་དཔོན་ལ་ཕན་པའི་དོན་དུ་བསྙེན་བཀུར་མའི་སྒྲུབ་པའི་ཐབས་དཔལ་ཆེན་པོ་ཞེས་བྱ་བའི་འབྱུང་མོ་རྡོ་རྗེ་སློབ་དཔོན་གྱིས་བསྒྲུབ་པར་བྱ་སྟེ། འབྱུང་མོ་རྣམས་ཀྱིས་ནི། ཡིད་ལ་དགའ་བ་སྐྱེད་ཅིང་ཕན་ཚུན་ཚིམ་པར་བྱེད་པའོ། །དེ་ནས་འབྱུང་པོ་འདུལ་བའི་རྒྱུད་ཆེན་པོ་ལས་འབྱུང་མོ་དཔལ་ཆེན་མོའི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། དཔལ་ཁྲོ་བོའི་བདག་པོ་བཅོམ་ལྡན་འདས་ཀྱི་མདུན་དུ་འབུམ་བཟླས་ན། སྔོན་དུ་བསྙེན་པ་བྱས་པར་ 196b འགྱུར་རོ། །དེ་ནས་ཟླ་བ་ཉ་ལ་ཇི་ལྟར་འབྱོར་པའི་མཆོད་པ་བྱས་ཏེ་གུ་གུལ་གྱི་བདུག་པ་སྦྱིན་ཞིང་མཚན་ཐོག་ཐག་བཟླའོ། །དེ་ནས་ཐོ་རངས་ངེས་པར་འོང་ངོ ། །འོངས་པ་ལ་ཙནྡན་གྱི་མཆོད་ཡོན་སྦྱིན་ཞིང་ལེགས་པར་འོངས་སོ་ཞེས་བརྗོད་ན། ཀྱེ་སྒྲུབ་པ་པོ། ཅི་བཀའ་སྩལ་ཞེས་སྨྲའོ། །སྒྲུབ་པ་པོས་བདག་ཉིད་ཀྱི་ཆུང་མ་གྱིས་ཤིག་ཅེས་བརྗོད་ན། ལྷའི་དངུལ་ཆུ་དང ། བཅུད་ཀྱིས་ལེན་པ་སྟེར་ཞིང་དངོས་གྲུབ་ཀྱི་རྫས་དང ། གཏེར་དང ། རྒྱལ་སྲིད་རྣམས་སྟེར་བར་བྱེད་དོ། །ཞི་བའི་སྒྲུབ་པའི་ཐབས་ཀྱི་ཆོ་ག་རྒྱས་པ་དང་པོའོ། །དེ་ནས་གཞན་ཡང་ནན་ཏུར་གྱིས་སྒྲུབ་པའི་ཐབས་བཤད་པ། གྲོ་གའི་འདབ་མ་ལ་འབྱུང་མོ་དཔལ་ཆེན་མོ་བྲིས་ཏེ་མཚན་མོ་གཅེར་བུར་གྱུར་པས་དཔལ་རྡོ་རྗེ་འཆང་གི་མདུན་དུ་སྟོང་ཕྲག་བརྒྱད་བཟླས་ན་མྱུར་དུ་འོང་ངོ ། །འོངས་པ་ལ་ཆགས་པ་བྱས་ན་དགའ་བར་འགྱུར་རོ། །འཇིག་རྟེན་གསུམ་གྱི་རྒྱལ་སྲིད་ཀྱང་སྟེར་བར་བྱེད་དོ། །བརྒྱ་བྱིན་ཀྱང་སྟེར་རོ། །རྒྱབ་ཏུ་ཞོན་ན་མཐོ་རིས་སུ་ཡང་འཁྱེར་ཞིང་ལོ་ཁྲི་འཚོའོ། །གལ་ཏེ་མ་གྲུབ་ན།་མིག་དང་སྤྱི་བོ་འགས་ཤིང་སྐམ་ལ་སྐད་ཅིག་དེ་ཉིད་ལ་འཆིའོ། །ཞེས་ཁྲོ་བོ་ཉིད་ཀྱིས་གསུངས་སོ། །གུར་གུམ་གྱི་མིང་བྲིས་ཏེ་རྐང་པ་གཡོན་པས་མནན་ནས་རྡོ་རྗེ་གསོར་ཞིང་ཡི་གེ་ཧཱུཾ་ཧཱུཾ་ཕཊ་ཕཊ་ལན་བདུན་བརྗོད་ན། བརྗོད་པར་གྱུར་པས་ངེས་པར་སྐད་ཅིག་གིས་འཆི་བར་བྱེད་དོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ལས། སྒྲུབ་པའི་ཐབས་ཀྱི་ཆོ་ག་རྒྱས་པའོ།། །། 197a ༄#། །གུ་གུལ་གྱི་བདུག་པ་སྦྱིན་ཞིང་གཏོར་མ་བཤམས་ཏེ་རས་དཀར་པོ་བཀབ་ལ་སྔགས་འདི་ལན་གསུམ་བརྗོད་དོ། །དེ་བ་སཾ་བྷཱུ་ཏ་མ་ཧི་ཏ། པྲི་ཎ་པ་ཏ་ཡ། བི་བ་ཛ་ཡིད་པྲི་ཐག་པྲ་ཐག་མ་ཧཱ་བྷཱ་ཏ། སཝ་སྠཱ་ན་མ། ཏ་ཏྲ་གཙྪ་ཏི་སྨ་ཤཱ་ནི་དེ་བ་ཨ་ལ་ཡེ་ཥུ་ན་དཱི་ཏ་ཏེ། ཙ་ཏུཿ ་ཥུ་ཐེ། ཨེ་ལ་ལིངྒེ་ཝ། དེ་བ་ཨ་ཡ་ཏ་ནཻ་ཝ། ཤཱི་གྷྲཾ་གཙྪནྟུ། བྷཱུ་ཏ་ནཱ་མ་ས་མ་ཡ་པྲ་ཏི་པཱ་ལ་ནུ་ཡ། ཡ་དི་ས་ཨི་བ་ན་གཙྪ་ཏི་ཏཀྵེ་ཎ་མུརྡྷ་ནི། སུ་ལ་ཡིད། བྷུ་ཏཱ་ནཱཾ་རཻ་ར་ཝཾ་ན་ར་ཀཾ་པ་ཏེད། ཡ་ཐ་ཡ་ཐ། སཝ་སྠཱ་ནེ་གཙྪནྟུ། ཡ་ཐ་སུ་ཁི་སཝཱ་ཧཱ། རྡོ་རྗེ་སློབ་དཔོན་གྱིས་ལྷ་རྣམས་ཉེ་བར་བསྡུ་བར་བྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། རིམ་པར་ཕྱེ་བ་གཉིས་པ་རྫོགས་ཏེ། འབྱུང་པོ་འདུལ་བ་ཞེས་བྱ་བའི་རྒྱུད་སྟོང་ཕྲག་བཅུ་དྲུག་པ་ལས་ཇི་སྙེད་པ་རྣམས་རྫོགས་སོ།། །།རྒྱ་གར་གྱི་མཁན་པོ་བུདྡྷ་ཨཱ་ཀ་ར་ཝརྨ་དང ། ལོ་ཙྪ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། |