རྒྱ་གར་སྐད་དུ། ཨཱརྱ་ཨ་གོ་གྷ་པཱ་ཤ་ཀལྤ་རཱ་ཛ། བོད་སྐད་དུ། འཕགས་པ་དོན་ཡོད་པའི་ཞགས་པའི་ཆོ་གཞིབ་མོའི་རྒྱལ་པོ། བམ་པོ་དང་པོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་ Pha197b དུས་གཅིག་ན། བཅོམ་ལྡན་འདས་རི་བོ་པོ་ཊ་ལ་ན་སྤྱན་རས་གཟིགས་དབང་ཕྱུག་གི་ཕོ་བྲང་ཤིང་སཱ་ལ་དང ། ཏ་མ་ལ་དང ། ཙམ་པ་ཀ་དང ། མྱ་ངན་འཚང་དང ། ་ཏི་མུགྟ་ཀ་སྣ་ཚོགས་མང་པོས་ལེགས་པར་བརྒྱན་པ་ན་དགེ་སློང་གི་དགེ་འདུན་ཆེན་པོ་བརྒྱ་སྟོང་དང ། བྱང་ཆུབ་སེམས་དཔའ་ས་ཡ་བྱེ་བ་བརྒྱ་སྟོང་ཕྲག་དགུ་བཅུ་རྩ་དགུ་དང་ཐབས་ཅིག་ཏུ་བཞུགས་ཏེ། གནས་གཙང་མའི་རིས་ཀྱི་ལྷའི་བུ་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་པ་ན་དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་དང ། ལྷའི་བུ་རྣམས་ཀྱི་དབང་དུ་མཛད་ནས་ཆོས་སྟོན་པར་མཛད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ག་ལ་བ་དེ་ལོགས་སུ་འཛུམ་པའི་བཞིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་འདི་དོན་ཡོད་པའི་ཞགས་པའི་རྒྱལ་པོའི་སྙིང་པོ་ཞེས་བགྱི་པ་མཆིས་ཏེ། བདག་གིས་བསྐལ་པ་དགུ་བཅུ་རྩ་གཅིག་གི་སྔོན་ལོགས་སུ་འཇིག་རྟེན་གྱི་ཁམས་རྣམ་པར་བལྟ་བར་དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོ་ལ་མནོས་ནས་འདི་ལྟར་བདག་གིས་དབང་ཕྱུག་དང ། དབང་ཕྱུག་ཆེན་པོ་ལ་སོགས་པའི་ལྷའི་བུ་རྣམས་དང ། གནས་གཙང་མའི་ Pha198a ༄#། །ལྷའི་བུ་བརྒྱ་སྟོང་ཕྲག་མང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་དུ་སྩལ་ནས་བདག་གིས་རྨོངས་པ་མ་མཆིས་པའི་ཡེ་ཤེས་བཀོད་པ་ལ་སོགས་ཏེ་ཏིང་ངེ་འཛིན་བརྒྱ་སྟོང་ཕྲག་བཅུ་ཐོབ་པར་བགྱིས་ལགས་སོ། །བཅོམ་ལྡན་འདས། འདི་ལྟར་ཡང་ས་ཕྱོགས་གང་དུ་སྙིང་པོ་འདི་སྤྱོད་པའི་ས་ཕྱོགས་དེར་དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་ལ་སོགས་པ་ལྷའི་བུ་ཁྲི་ཉིས་སྟོང་བསྲུང་བ་དང ། བསྐྱབ་པ་དང ། སྦ་པའི་སླད་དུ་གནས་པར་རིག་པར་བགྱི་ལགས་སོ། །བཅོམ་ལྡན་འདས། གང་ན་དོན་ཡོད་པའི་ཕུན་སུམ་ཚོགས་པའི་སྙིང་པོ་འདི་སྤྱོད་པའི་ས་ཕྱོགས་དེ་མཆོད་རྟེན་དུ་ཡང་བཀུར་བར་འགྱུར་ལགས་སོ། །བཅོམ་ལྡན་འདས། སེམས་ཅན་དེ་དག་ནི། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ལ་དགེ་བའི་རྩ་བ་བསྐྱེད་པར་འགྱུར་ལགས་སོ། །གང་ཞིག་དོན་ཡོད་པའི་ཞགས་པའི་སྙིང་པོ་འདི་མཉན་པར་བགྱིད་ན། བཅོམ་ལྡན་འདས་སྡིག་པ་སྤྱོད་པའམ། སྡིག་པའི་ཆོས་ཀུན་ཏུ་སྤྱོད་པའམ། འཕགས་པ་ལ་སྐུར་བ་འདེབས་པའམ། དམ་པའི་ཆོས་སྤོང་བའམ། མནར་མེད་པར་གཞོལ་བའམ། སངས་རྒྱས་དང ། བྱང་ཆུབ་སེམས་དཔའ་དང ། ཉན་ཐོས་དང ། རང་སངས་རྒྱས་ཐམས་ཅད་སྤོང་བ་དེ་འགྱོད་པར་གྱུར་ཅིང ། མ་འོངས་པ་ན་སྡོམ་པ་ཐོབ་པར་འགྱུར་ལགས་སོ། བཅོམ་ལྡན་འདས། རེ་ཞིག་དེ་ Pha198b ཉིད་ཀྱིས་ཞག་གཅིག་སྨྱུང་བ་བགྱིས་ཏེ། བཟླས་བརྗོད་བགྱིས་ན། ཚེ་འདི་ཉིད་ལ་ལས་དེ་རྣམ་པར་དག་པ་དང ། གཏུགས་པ་དང ། བསལ་བར་འགྱུར་རོ། །རིམས་ཉིན་གཅིག་པའམ། ཉིན་གཉིས་པའམ། ཉིན་གསུམ་པའམ། ཉིན་བཞི་པའམ། དེ་བཞིན་དུ་རིམས་ཉིན་བདུན་པའམ། མིག་ནད་དམ། རྣ་བའི་ནད་དམ། སྣའི་ནད་དམ། སོའི་ནད་དམ། མཆུའི་ནད་དམ། ལྕེའི་ནད་དམ། རྐན་གྱི་ནད་དམ། སྙིང་ནད་དམ། ལྟེ་ནད་དམ། ངོ་རྒྱབ་དང་རྐེད་པའི་ནད་དམ། ཡན་ལག་དང་ཉིང་ལག་གི་ནད་དམ། གཞང་འབྲུམ་མམ། ཕོ་བའི་ནད་དམ། ཚད་པའམ། ལག་པ་དང་རྐང་པའི་ནད་དམ། སྣ་ནད་དམ། ཀླད་པའི་ནད་དམ། ཤ་བཀྲ་ཆེན་པོ་འམ། ཤ་གཟིག་གུའམ། མཛེའམ། རྐང་ཤུའམ། འབྲུམ་ཕུ་ཕྲ་མོའམ། ལྷོག་པའམ། མཚན་པར་རྡོལ་བའམ་འབྲུམ་བུའམ། བརྗེད་བྱེད་དམ། བྱད་དམ། གཞན་གྱིས་བགྱིས་པའི་གསོད་པའམ། འཆིང་བའམ། རྡེག་པའམ། སྤྱོད་པའམ། བདེན་པ་མ་ལགས་པས་སྐུར་པ་འདེབས་པའམ། བཅོམ་ལྡན་འདས། མདོར་ན་ལུས་ཀྱི་གདུང་བའམ། སེམས་ཀྱི་གདུང་བའམ། རྨི་ལམ་ངན་པའི་ལས་དེ་ཡོངས་སུ་གཏུགས་པར་འགྱུར་ན། སེམས་ཅན་དག་པ་ལྷག་པར་དད་པ་རྣམས་ཀྱི་ཡོངས་སུ་བྱང་བར་གྱུར་བ་ལྟ་སྨོས་ཀྱང་ཅི་འཚལ། བཅོམ་ལྡན་འདས། གལ་ཏེ་འཁོར་བཞིའམ། རིགས་བཞི་ལས་གང་དག་སྒྱུ་དང ། གཡོ་དག་གིས་དོན་ཡོད་པའི་ཞགས་པའི་སྙིང་པོ་འདི་ཉན་ Pha199a ༄#། །པར་བགྱིད། འཛིན་པར་བགྱིད། །འཆང་བར་བགྱིད། །ཀློག་པར་བགྱིད། །འབྲི་བར་བགྱིད། འབྲིར་འཇུག་པར་བགྱིད། ཀུན་ཆུབ་པར་བགྱིད། སེམས་ཅན་གཞན་ལ་ཡང་སྒྲོག་པར་བགྱིད་ཅིང ། ཐ་ན་དུད་འགྲོའི་སྐྱེ་གནས་སུ་གཏོགས་པ་རྣམས་ཀྱི་རྣ་ཁུང་དུ་གཏད་དེ་རྣ་བར་བཟླས་བརྗོད་བགྱིད་ལ་རྡོ་རྗེའི་ཚིག་འདི་རྣམས་སེམས་པར་བགྱིད་དེ། སྐུར་བ་མ་མཆིས་པ་དང ། གཟུགས་མ་མཆིས་པ་དང ། རྣམ་པར་མི་རྟོག་པ་དང ། ཀུན་ཏུ་འབྱུང་བ་མ་མཆིས་པ་དང ། རིང་དུ་འགྲོ་བ་མ་མཆིས་པ་དང ། བགྱིད་པ་མ་མཆིས་པ་དང ། གོས་པ་མ་མཆིས་པ་དང ། སེམས་མཉམ་པ་ཉིད་དང་མ་བྲལ་བ་དང ། ཕུང་པོ་ལྔ་དང་བྲལ་བ་སྟེ། རྣལ་འབྱོར་འདིས་སངས་རྒྱས་རྗེས་སུ་དྲན་པ་སྒོམ་པར་བགྱིད་ན། དེ་ལ་ཕྱོགས་བཅུ་ནས་སངས་རྒྱས་སྟོང་ཞལ་སྟོན་པར་མཛད་པར་འགྱུར་ཞིང ། ནོངས་པ་འཆགས་པར་འགྱུར་བ་ལ་སོགས་པ་རྒྱས་པར་སྦྱར་རོ། །གླེགས་བམ་དུ་བགྱིས་ཏེ་ཁྱིམ་དུ་འཆང་བར་བགྱིད་དམ། རྗེ་དཔོན་གྱིས་སྐྲག་པས་བགྱིས་སམ། གཞན་གྱི་ངོར་རམ། བཞད་གད་ཙམ་གྱི་རྒྱུས་མཉན་པར་བགྱིད་ན། བཅོམ་ལྡན་འདས། མཁས་པས་འཕགས་པ་སྤྱན་རས་གཟིགས་དབང་ཕྱུག་གི་མཐུས་དེ་དག་གི་རྣ་ཁུང་ཁུ་དུ་སྒྲ་དེ་གྲགས་པ་ལགས་པར་འཚལ་བར་བགྱིའོ། །བཅོམ་ལྡན་འདས། དཔེར་ན། སྐྱེས་བུ་འགའ་ཞིག་གིས་ཙནྡན་ནམ། Pha199b ག་པུར་རམ། གླ་རྩི་ཞིག་ལ་ཁྲོས་སམ། ཡོངས་སུ་སྨད་དེ་རྡོ་ལ་བཏགས་ནས་བདག་ཉིད་ལ་བྱུགས་ན། ཙནྡན་ནམ། ག་པུར་རམ། གླ་རྩི་དེ་འདི་སྙམ་དུ་འདིས་བདག་ལ་ཁྲོས་སམ། ཡོངས་སུ་སྨད་པས་དྲི་མནམ་པར་མི་བགྱིའོ་སྙམ་དུ་མི་སེམས་ཀྱི། གཞན་དུ་ན་དེ་ཉིད་ལ་དྲི་བདའ་བར་བགྱིད་ལགས་སོ། །བཅོམ་ལྡན་འདས། དེ་བཞིན་དུ་བདག་གི་དོན་ཡོད་པའི་ཞགས་པའི་སྙིང་པོ་འདི་ཡང་གང་སུ་ཡང་རུང་བས་བཞད་གད་ཙམ་གྱི་ཞེས་བྱ་བ་རྒྱས་པར་སྦྱར་རོ། །བཅོམ་ལྡན་འདས། གཡོ་དང ། སྒྱུས་མཆོད་པར་བགྱིད་ན་ཡང་དེ་ཉིད་སེམས་ཅན་དམུ་རྒོད་དེ་དག་གི་དགེ་བའི་རྒྱུར་འགྱུར་ལགས་སོ། །གང་དང་གང་དུ་སྐྱེ་བར་འགྱུར་བར་ཚུལ་ཁྲིམས་དང ། ཏིང་ངེ་འཛིན་དང ། ཤེས་རབ་དང ། བསོད་ནམས་ཀྱི་ཚོགས་ཀྱི་དྲི་དང་བྲལ་བར་མི་འགྱུར་ཏེ། ཚུལ་ཁྲིམས་ཀྱི་དྲི་བདའ་བར་བགྱིད་པ་ལགས་སོ། །བཅོམ་ལྡན་འདས། གང་ཡང་རིགས་ཀྱི་བུ་ཕོའམ། རིགས་ཀྱི་བུ་མོའམ། དགེ་སློང་ཕའམ། དགེ་སློང་མའམ། དགེ་བསྙེན་ཕའམ། དགེ་བསྙེན་མའམ། དེ་ལས་གཞན་པའི་སེམས་ཅན་སུ་ཡང་རུང་བས་དོན་ཡོད་པའི་ཞགས་པའི་སྙིང་པོའི་ཆེད་དུ་ཡར་གྱི་ངོའི་ཚེས་བརྒྱད་ལ་སྨྱུང་བ་བགྱིས་ཏེ་གཞན་མི་སྨྲ་བར་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་བརྗོད་བགྱིད་ན་བཅོམ་ལྡན་འདས། དེས་ཆ་འདི་ཉིད་ལ་ཕན་ཡོན་ཉི་ཤུ་རྩ་གཅིག་ཐོབ་པར་འགྱུར་ཏེ། ཉི་ཤུ་རྩ་གཅིག་གང་ཞེ་ན། འདི་ལྟ་སྟེ། དེའི་ལུས་ལ་ནད་རྣམས་འབྱུང་བར་མི་འགྱུར་རོ། །དེའི་ལུས་ Pha200a ༄#། །ལ་ལས་ཀྱི་དབང་གིས་ནད་རྣམས་བྱུང་ན་ཡང་མྱུར་དུ་ཞི་བར་འགྱུར་ཞིང་ལུས་མདངས་དང་ལྡན་པ་དང ། ཡིད་དུ་མཆི་བར་འགྱུར་རོ། །སྐྱེ་བོ་མང་པོའི་སྙིང་དུ་སྡུག་པ་དང ། དབང་པོ་སྦས་པར་འགྱུར་རོ། །དེའི་དོན་རྣམས་འགྲུབ་པར་འགྱུར་རོ། །དེའི་དོན་གྲུབ་པ་ཡང་ཆོམ་རྐུན་གྱིས་མི་འཕྲོགས་ཏེ། ཞུགས་ཀྱིས་མི་ཚིག་།ཆབ་ཀྱིས་མི་འཚལ། རྒྱལ་པོའི་མཐུས་དབྲོག་པར་རྔོ་མི་ཐོགས་པར་འགྱུར་རོ། །དེའི་ལས་ཀྱི་མཐའ་རྣམས་རྒྱས་པར་འགྱུར་ཏེ། སེར་བས་མ་ལགས་སོ། །ཆབ་ཀྱི་འཇིགས་པར་འབྱུང་བར་མི་འགྱུར་ཏེ། རླུང་དང་ཆར་གྱི་འཇིགས་པ་མ་ལགས་སོ། །དོན་ཡོད་པའི་ཞགས་པའི་སྙིང་པོ་ཐལ་བ་དང ། ཆུ་ལ་ལན་བདུན་བཟླས་བརྗོད་བགྱིས་ནས་ཞིང་གི་ཕྱོགས་མཚམས་དང་སྟེང་འོག་ཏུ་བཅིང་བ་བགྱིས་ན། གནོད་པ་ཐམས་ཅད་ཉེ་བར་ཞི་བར་འགྱུར་རོ། །གཟི་བརྗིད་དང་མདངས་དབྲོག་པར་རྔོ་མི་ཐོགས་པར་འགྱུར་ཞིང་སེམས་ཅན་ཐམས་ཅད་ཀྱི་སྙིང་དུ་སྡུག་པ་དང ། ཡིད་དུ་འཐད་པར་འགྱུར་རོ། །དེ་ལ་དགྲའི་འཇིགས་པ་འབྱུང་བར་མི་འགྱུར་རོ། །དེ་ལ་དགྲའི་འཇིགས་པ་བྱུང་ཡང་མྱུར་དུ་ཞི་བར་འགྱུར་རོ། །དེ་ལ་མི་མ་ལགས་པའི་འཇིགས་པ་འབྱུང་བར་མི་འགྱུར་རོ། །བྱད་ཀྱི་འཇིགས་པ་མ་ལགས། མཁའ་འགྲོ་མའི་འཇིགས་པ་མ་ལགས་ཏེ། དེ་ལ་ཉོན་མོངས་པ་དང ། ཉེ་བའི་ཉོན་མོངས་པ་དྲག་པོ་འབྱུང་བར་མི་འགྱུར་རོ། །མེ་དང ། མཚོན་དང ། དུག་གིས་འགུམ་པར་མི་ Pha200b འགྱུར་རོ། །དེ་ལ་ཡང་ལྷ་རྣམས་ཀྱིས་རྟག་ཏུ་རྒྱུན་མི་འཆད་པར་སྲུང་བ་དང ། སྐྱོབ་པ་དང ། སྦེད་པའི་ཕྱིར་གནས་པར་འགྱུར་རོ། །གང་དང་གང་དུ་སྐྱེ་བར་འགྱུར་བར་བྱམས་པ་དང ། སྙིང་རྗེ་དང་དགའ་བ་དང ། བཏང་སྙོམས་དང་འབྲལ་བར་མི་འགྱུར་ཏེ། དེ་ལ་ཕན་ཡོན་ཉི་ཤུ་རྩ་གཅིག་པོ་འདི་དག་འཐོབ་པར་འགྱུར་ལགས་སོ། །གཞན་ཡང་ཆོས་བརྒྱད་འཐོབ་པར་འགྱུར་ཏེ། བརྒྱད་གང་ཞེ་ན། འགུམ་པའི་དུས་སུ་འཕགས་པ་སྤྱན་རས་གཟིགས་དབང་ཕྱུག་དགེ་སློང་གི་གཟུགས་སུ་མངོན་སུམ་དུ་ཞལ་སྟོན་པར་འགྱུར་རོ། །བདེ་བར་འཆི་བའི་དུས་བགྱིད་པར་འགྱུར་རོ། ། ལྟ་བ་འཁྲུལ་པར་མི་འགྱུར་རོ། །ལག་པ་མི་གཡོབ་པ་དང ། རྐང་པ་མི་གཡོབ་པ་དང ། བཤང་གཅི་མ་མཆིས་པ་དང ། ཁྲིའི་སྟེང་དུ་འཆི་བའི་དུས་བགྱིད་པར་འགྱུར་རོ། །དྲན་པ་ཤིན་ཏུ་ཉེ་བར་གནས་པར་འགྱུར་རོ། །ཁ་བུབ་ཏུ་འཆི་བའི་དུས་བགྱིད་པར་མི་འགྱུར་རོ། །འགུམ་པའི་དུས་ན་ཡང་སྤོབས་པ་མི་བས་པར་འགྱུར་རོ། །དེ་ཡང་སངས་རྒྱས་ཀྱི་ཞིང་གང་དུ་སྨོན་པ་དེར་སྐྱེ་བར་འགྱུར་ཞིང་དགེ་བའི་བཤེས་གཉེན་དང་ཡང་འབྲལ་བར་མི་འགྱུར་རོ། །ཉིན་གཅིག་བཞིན་དུ་དུས་གསུམ་ལན་གསུམ་བཟླས་བརྗོད་བགྱིའོ། །ཆང་དང ། ཤ་དང ། ཀུན་དོང་དང ། ཀེའུ་དང ། སྒོག་སྐྱ་དང་འདྲེས་པ་དང ། ལྷག་རོལ་དང ། འདི་རྣམས་ཁྱད་པར་དུ་དོན་དུ་གཉེར་བས་སྦང་བར་བགྱིའོ། །དོན་ཡོད་པའི་ཞགས་པའི་སྙིང་པོའི་ཆོས་ཀྱི་རྣམ་གྲངས་འདི་ཡང་སེམས་ཅན་རྣམས་ལ་ Pha201a ༄#། །མཐུ་མཆིས་པ་དང ། མཐུ་མ་མཆིས་པར་འཚལ་བར་བགྱིས་ནས་བསྒྲག་པར་བགྱིའོ། །སློབ་དཔོན་གྱི་དཔེ་མཁྱུད་མི་བགྱིའོ། །འདི་ལྟར་དྲི་མ་དང་བྲལ་ཞིང་ཕྲག་དོག་དང་སེར་སྣ་སྤངས་པ་ནི། བྱང་ཆུབ་སེམས་དཔའ་རྣམས་ལགས་ཏེ། སེམས་ཅན་རྣམས་ཀྱི་དོན་བགྱི་བའི་སླད་དུ་སངས་རྒྱས་ཀྱི་བྱང་ཆུབ་འཐོབ་པར་འགྱུར་བས་བྱང་ཆུབ་སེམས་དཔའ་རྣམས་ཀྱི་ཚོགས་ཀྱི་ནང་དུ་གཏོགས་སོ། །བྱང་ཆུབ་ཅེས་བགྱི་བ་ནི། ཤེས་རབ་ལགས། སེམས་དཔའ་ཞེས་བགྱི་བ་ནི། ཐབས་ལགས་ཏེ། ཆོས་འདི་གཉིས་སེམས་ཅན་རྣམས་ཀྱི་དོན་གྱི་སླད་ཁོ་ནས་ཐོབ་པ་ལགས་སོ། །གལ་ཏེ་བཅོམ་ལྡན་འདས་ཀྱིས་བདག་ལ་རྗེས་སུ་གནང་ན། འདི་ལྟར་བདག་གིས་སྙིང་པོ་འདི་དེ་བཞིན་གཤེགས་པའི་སྤྱན་སྔར་འཁོར་བཞི་རྣམས་དང ། གཞན་སྡིག་པ་སྤྱོད་པ་རྣམས་ཀྱི་དོན་དང ། སྨན་པ་དང ། བདེ་སླད་དུ་བསྒྲག་པར་བགྱིའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ། དེའི་དུས་ལ་བབ་པར་ཤེས་ན་སྨྲོས་ཤིག་།དེ་བཞིན་གཤེགས་པས་རྗེས་སུ་ཡི་རང་བར་མཛད་ཟིན་ཏེ། ཕྱི་མའི་ཚེ་ཕྱི་མའི་དུས་ན་བྱང་ཆུབ་སེམས་དཔའ་ཐེག་པ་ཅན་རྣམས་ལ་ཕའི་བྱ་བ་བྱེད་པར་འགྱུར་རོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ Pha201b དབང་ཕྱུག་མིག་མི་འཛུམ་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་གྲོལ་བའི་དཀྱིལ་འཁོར་སྐྱེ་བོ་མང་པོ་ལ་སྨན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་ཐུགས་བརྩེ་བ་དང ། སྐྱེ་བོའི་ཚོགས་ཆེན་པོའི་དོན་དུ་བདག་ལ་གསན་དུ་གསོལ། དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་འདས་པ་དང ། མ་བྱོན་པ་དང ། ད་ལྟར་བྱུང་བ་ཐམས་ཅད་ལ་ཕྱག་འཚལ་ལོ། །ཡང་དག་པར་སོང་བ་རྣམས་དང ། ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །ཤཱ་ར་དྭ་ཏིའི་བུ་ལ་ཕྱག་འཚལ་ལོ། །བྱམས་པ་ལ་སོགས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ལ་ཕྱག་འཚལ་ལོ། །འཕགས་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། ། ཏདྱ་ཐཱ། ཨོཾ་ཙ་ར་ཙེ་ར། ཙི་རི་ཙི་རི། ཙུ་རུ་ཙུ་རུ། ཨེ་ཧྱེ་ཧི་མ་ཧཱ་ཀ་རུ་ཎི་ཀ། ཙི་རི་ཙི་རི། མི་རི་མི་རི། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀཱ་ཡ། སི་རི་སི་རི། ཙི་རི་ཙི་རི། པི་རི་པི་རི། བི་རི་བི་རི། མ་ཧཱ་པདྨ་ཧ་སྟེ། Pha202a ༄#། །ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། མ་ཧཱ་ཤུདྷི་སཏྭ། བུདྷྱ་བུདྷྱ། དྷཱ་བ་དྷཱ་བ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུདྡྷ་སཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་སྠཱ་མ་པྲཔྟ། ཙ་ལ་ཙ་ལ། སཉྩ་ལ་སཉྩ་ལ། བི་ཙ་ལ་བི་ཙ་ལ། ཨེ་ཊ་ཊ་ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ་།མ་ཧཱ་པ་ཤུ་པ་ཏི་བེ་ཤ་དྷ་ར། དྷ་ར་དྷ་ར། ས་ར་ས་ར། ཙ་ར་ཙ་ར། ཧ་ར་ཧ་ར། ཧ་ཧཱ་ཧ་ཧཱ། ཧི་ཧཱི་ཧི་ཧཱི། ཧུ་ཧཱུ་ཧུ་ཧཱུ། ཨོཾ་ཀཱ་ར་པྲཧྨ་བེ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། པ་ར་པ་ར། ཙ་ར་ཙ་ར། རསྨི་ཤ་ཧ་ས་ཧ་སྲ་པྲ་ཏི་མཎྜི་ཏ། ཤ་རཱི་རཱ་ཡ། ཛྭ་ལ་ཛྭ་ལ། ཏ་བ་ཏ་པ། བྷ་ག་ཝ་ན། སོ་མ་ཨཱ་དིཧྱ། ཡ་མ། བ་རུ་ཎ། ཀུ་བེ་ར། བྲཧྨེ་ནྡྲ་རི་ཥི་དེ་བ་ག་ཎ། ཨེ་བྷྱ་རྩི་ཏ་ཙ་ར་ཎ། སུ་རུ་སུ་རུ། ཙུ་རུ་ཙུ་རུ། མུ་རུ་མུ་རུ། པུ་རུ་པུ་རུ། ས་ནད་ཀུ་མཱ་ར། རུ་དྲ། བཱ་ས་བ། བིཥྞུ་དྷ་ན་དེ། དེ་བ་རི་ཥི་ནཱ་ཡ་ཀ། བ་ཧུ་བི་བི་དྷ། བེ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། མ་ར་མ་ར། པ་ར་པ་ར། བ་ར་བ་ར། བ་ར་དཱ་ཡ་ཀ། ས་མནྟ་ཨ་ཝ་ལོ་ཀི་ཏ། བི་ལོ་ཀི་ཏ། ལོ་ཀེ་ཤཝ་ར། མ་ཧཱ་ཤཝ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། བཅོམ་ལྡན་འདས། འཕགས་པ་སྤྱན་རས་གཟིགས་དབང་ཕྱུག་གི་དཔལ་ས་གསུམ་གྱི་ལྷ་རྣམས་བདག་དང ། སེམས་ Pha202b ཅན་ཐམས་ཅད་འཇིགས་པ་ཐམས་ཅད་དང ། གནོད་པ་ཐམས་ཅད་དང ། འཚེ་བ་ཐམས་ཅད་དང ། གདོན་ཐམས་ཅད་ལས་སྲུངས་ཤིག་།སྲུངས་ཤིག་།བསད་པ་དང ། བཅིང་བ་དང ། བརྡེག་པ་དང ། བསྡིགས་པ་དང ། རྒྱལ་པོ་དང ། ཆོམ་པོ་དང ། རྐུན་པོ་དང ། མེ་དང ། ཆུ་དང ། དུག་དང ། མཚོན་ལས་ཡོངས་སུ་ཐར་པར་མཛད་པ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར།་ཨིནྡྲི་ཡ། བ་ལ་བོ་དྷྱཾ་ག་།ཙ་དུར་ཨཱརྱ་སཏྱ་སཾ་པྲ་ཀཱ་ཤ་ཀ་།ཏ་པ་ཏ་པ། ད་མ་ད་མ། ས་མ་ས་མ། མ་ས་མ་ས། མ་ཧཱ་ཏ་མོ། ཨོཾ་དྷ་ཀཱ་ར། བི་དྷ་མ་ན་ཥ་ཊ་པཱ་ར་མི་ཏཱ་པ་རི་པཱུ་ར་ཀ་།མི་ལི་མི་ལི། ཊ་ཊ་ཊ་ཊ། ཋ་ཋ་ཊྷ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཨེ་ནེ་ཡཙརྨ་ཀྲ་ཏི་པ་རི་ཀ་ཎ། ཨེ་ཧྱེ་ཏི། ཨི་ཤཝ་ར། མ་ཧེ་ཤཝ་ར། མ་ཧཱ་བྷུ་ཏ་ག་ཎ་སཾ་བྷཉྫ་ཀ་།ཀུ་རུ་ཀུ་རུ། པ་ར་པ་ར། ཀ་ར་ཀ་ར། ཀ་ཊ་ཀ་ཊ། མ་ཊ་མ་ཊ། བི་ཤུདྡྷ། བི་ཥ་ཡ། བཱ་སི་ན་མ་ཧཱ་ཀ་རུ་ཎི་ཀ། ཤཝེ་ཏ་ཡ་ཛྙོ་པ་བཱི་ཏ། རཏྣ་མུ་ཀུ་ཊ། མཱ་ལཱ་དྷ་ར། སརྦྦ་ཛྙཱ་ཤི་ར། སྲི་ཀྲྀ་ཏ་མུ་ཀུ་ཊ། མཱ་ལཱ་དྷ་ར། མ་ཧཾ་བྷུ་ཏ། ཀ་མ་ལ་ཨ་ལཾ་ཀྲྀ་ཏ་ཀ་ར་དྷ་རཱ་ཡ། དྷྱ་ན་ས་མཱ་དྷི། བི་མོ་ཀཥ། ཨཱ་པྲ་ཀཾ་བྱ། བ་ཧུ་སཏྭ་སནད་ཧི་པ་རི་པཱ་ཙ་ཀ་།མ་ཧཱ་ཀཱ་རུ་ཎྀ་ཀ། སརྦ་ཀརྨ་ཨཱ་ཝ་ར་ཎ་བི་ཤོ་དྷ་ཀ་སརྦྦ་བྱཱ་དྷི་པ་རོ་མོ་ཙ་ཀ། སརྦྦ་ཨཱ་ཤཱ་པ་རི་པཱུ་ར་ཀ། སརྦྦ་སཏྭ་ས་མཱ་ཤཱ་ས་ན་ཀ་ར། ན་མོ་སྟུ་ཏེ་སཝཱ་ཧཱ། བཀླགས་པས་ལས་ཐམས་ཅད་འགྲུབ་པར་འགྱུར་རོ། །དུས་གསུམ་དུ་བཟླས་བརྗོད་བགྱིས་ན། མཚམས་མེད་པ་ལྔ་འབྱང་ Pha203a ༄#། །བར་འགྱུར་ཞིང་ལས་ཀྱི་སྒྲིབ་པ་ཐམས་ཅད་ཀྱང་ཡོངས་སུ་དག་པར་འགྱུར་རོ། །མཚམས་གཅད་པ་ལ་ནི། ཨ་ག་རུའི་བདུག་པའམ། ཐལ་བའམ། ཆབ་བམ།་ཡུངས་ཀར་དང ། སེང་ལྡེང་གི་ཕུར་བུ་ལ་སོགས་པས་སོ། །རིམས་ཐམས་ཅད་ལ་ནི། སྐུད་པས་སོ། །ནད་ཐམས་ཅད་ལ་ནི། མར་རམ། འབྲུ་མར་རམ། ཆབ་ལ་བཟླས་བརྗོད་བགྱིས་ཏེ་གཏོར་བར་བགྱིའོ། །བྱད་དགྲོལ་བ་ལ་ནི་མཚོན་གྱིས་སོ། །ལྟོན་བ་ལ་ནི། སྲུང་བའི་སྐུད་པས་སོ། །དུག་གསད་པ་ལ་ནི། སའམ་ཆབ་ཀྱིས་སོ། །མིག་ནད་ལ་ནི། སྐུད་པ་དཀར་པོས་རྣ་བ་ལ་གདགས་པར་བགྱིའོ། །སོ་ན་བ་ལ་ནི། ཤིང་ཀཱ་ར་བཱི་རའི་སོ་ཤིང་གིས་སོ། །མཚམས་གཅད་པ་ནི། ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་སེང་ལྡེང་གི་ཕུར་བུ་བཞི་ལ་བཅིངས་ནས་ཕྱོགས་བཞིར་གཟུགས་པར་བགྱིས་ན། མཚམས་ཆེན་པོ་བཅིངས་པར་འགྱུར་རོ། །ཐམས་ཅད་སྲུང་བ་ལ་ནི། སྐུད་པའམ། ཆབ་བམ། ཐལ་བས་སོ། །གདོན་ཐམས་ཅད་ལ་ནི། ཚོན་སྣ་ལྔའི་སྐུད་པས་སོ། །རིམས་ཐམས་ཅད་ལ་ནི། སྐུད་པ་དཀར་པོས་སོ། །གཡན་པ་དང ། ཁྱི་རྔོ་དང ། ལྷོག་པ་དང ། མགྲིན་པ་འགགས་པ་ཐམས་ཅད་ལ་ནི། སྦྲང་རྩི་དང ། པི་པི་ལིང་བསྲེས་པས་སོ། །མིག་ནད་ལ་ནི། དྲི་ཆུ་དང ། ཤིང་པ་ལ་ཤའི་ཆུའམ། ཤིང་མངར་གྱི་ཆུས་སོ། ། Pha203b རྣ་བའི་ནད་ལ་ནི། འབྲུ་མར་གྱིས་སོ། །འཐབ་པ་དང ། འཐབ་མོ་དང ། རྩོད་པ་འགྱེད་པ་དང ། སྐུར་པ་འདེབས་པ་ཐམས་ཅད་ལ་ནི། ཆབ་ལ་བཟླས་བརྗོད་བགྱིས་ཏེ་ཁ་བ་ཤལ་བར་བགྱིའོ། ། དཔུང་དང ། ཡུལ་དང ། རྒྱལ་སྲིད་དང ། ཡུལ་འཁོར་རྣམས་སྲུང་བ་ལ་ནི། བུམ་བ་གང་བ་བཞག་ལ་གོས་གཙང་མ་བགོས་པས་མཆོད་པ་རྒྱ་ཆེན་པོ་བགྱིས་ནས་བཀླགས་པར་བགྱིས་ན་ཞི་བ་ཆེན་པོར་འགྱུར་རོ། །དེས་ཡང་ཆབ་ཀྱིས་གཏོར་བར་བགྱིས་ཏེ། སེམས་ཅན་ཐམས་ཅད་ལ་སྲུང་བ་བགྱིས་པར་འགྱུར་རོ། །ཡམས་ཀྱི་ནད་དང ། གནོད་པ་དང ། འཚེ་བ་ཐམས་ཅད་ཞི་བར་བགྱིད་པ་དང ། གླགས་ལྟ་བ་རྣམས་ལ་ནི། ཙནྡན་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་སྙིང་གར་བྱུག་པར་བགྱིའོ། །མཚམས་མ་མཆིས་པའི་ལས་ཐམས་ཅད་པས་པར་བགྱི་བ་ནི། རྟག་ཏུ་བཟླས་བརྗོད་ཀྱིས་སོ། །ཁྱིམ་སྲུང་བ་ལ་ནི། པདྨའི་སྦྱིན་སྲེག་གིས་སོ། །སེམས་ཅན་ཐམས་ཅད་བསྐྱང་བ་དང ། འབྱུང་པོའི་འཇིགས་པ་དང ། གདོན་ཐམས་ཅད་ལས་སྲུང་བ་ལ་ནི། ཙནྡན་གྱི་སྦྱིན་སྲེག་གིས་སོ། །ཛ་ཡ་དང ། བི་ཛ་ཡ་དང ། ན་ཀུ་ལི་དང ། གནྡྷ་ན་གུ་ལི་དང ། བ་རུ་ནི་དང ། ཙེ་དྲ་བ་རུ་ཎི་དང ། ་བྷ་ཡ་བ་ནི་དང ། ིནྡྲ་བ་ནི་དང ། གནྡྷ་པི་ཡང་ཀུ་དང ། རྒྱ་སྤོས་དང ། ཙ་ཀྲ་དང ། མ་ཧཱ་ཙ་ཀྲ་དང ། བིཥྞུ་ཀྲཱནྟ་དང ། སོ་མར་ཛི་དང ། སུ་ན་ནད་རྣམས་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་ནོར་བུར་བགྱིས་ནས་སྤྱི་ Pha204a ༄#། །བོའམ། དཔུང་པ་ལ་བཏགས་པས་བསྲེལ་བར་བགྱིའོ། །ཁྱེའུ་རྣམས་ལ་ནི། མགུལ་བར་རོ། །བུ་མོ་རྣམས་ལ་ནི། སྟ་ཟུར་ནས་ཏེ། དཔལ་དང་ལྡན་པར་བགྱིད་པ་དང ། བཀྲ་མི་ཤིས་པ་རབ་ཏུ་ཞི་བར་བགྱིད་པའི་ནོར་བུ་འདི་བསྲེལ་ན། ཐམས་ཅད་ལས་སྲུང་བ་བགྱིས་པར་འགྱུར་རོ། །དུག་དང་མེས་མི་ཚུགས་ལགས་སོ། །དུག་གིས་གནོད་པ་སྐྱེ་བར་མི་འགྱུར་རོ། །སྐྱེས་ན་ཡང་གནོད་པ་སྐྱེད་པར་མི་བགྱིད་ཅིང་མྱུར་དུ་ཞི་བར་འགྱུར་རོ། །གདོན་རྣམས་ཞི་བར་འགྱུར་རོ། །རླུང་དང ། འབྲུག་དང ། སེར་བ་གཅད་པ་དང ། ཆབ་ཀྱི་རྒྱུན་དང ། སེར་བ་ཟློག་པ་ལ་ནི། ཤིང་ཀཱ་ར་བཱི་རའི་ལྕུག་མས་ཏེ། ལས་ཐམས་ཅད་བགྱིད་པ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ། གྲུབ་པ་དམ་པ་མ་བསྒྲུབས་པར་ལས་འདི་རྣམས་བགྱིད་པར་འགྱུར་ལགས་སོ། །དེ་ནས་སྒྲུབ་པར་འཚལ་ན། ཐང་སྐུའི་ཆོ་ག་ནི། རས་ལ་ལྷག་མ་མ་ཡིན་པའི་ཚོན་རྩིས་སངས་རྒྱས་དང ། འཕགས་པ་སྤྱན་རས་གཟིགས་དབང་ཕྱུག་གི་གཟུགས་བརྙན་རལ་པའི་ཐོར་ཚུགས་དང ། ེ་ན་ཡའི་པགས་པ་དང ། ཕྱུགས་བདག་གི་ཆ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་པ་བྲི་བར་བགྱི་སྟེ། རི་མོ་མཁན་གསོ་སྦྱོང་ཅན་འབྲིར་སྩལ་བར་བགྱིའོ། །དེ་ནས་སྒྲུབ་པ་པོ་སྐུ་གཟུགས་དེའི་སྤྱན་སྔར་བའི་ལྕི་བའི་དཀྱིལ་འཁོར་བགྱིས་ཏེ་མེ་ཏོག་དཀར་པོའི་སིལ་མ་བཀྲམ་ Pha204b ལ་སྤོས་ཀྱིས་བཀང་བའི་སྣོད་བརྒྱད་ ཞག་པར་བགྱིའོ། །སྣ་བརྒྱད་པའམ། དྲུག་ཅུ་རྩ་བཞི་པའམ། གཞན་ཡང་ལྷ་བཤོས་ཤ་དང་ཁྲག་དང་མ་འདྲེས་པ་བཤམས་ཤིང་དྲངས་ལ་ཨ་ག་རུའི་བདུགས་པས་བདུགས་ཏེ་ལན་སྟོང་རྩ་བརྒྱད་བཟླས་བརྗོད་བགྱིའོ། །ཉིན་ཞག་གཅིག་གམ། ཉིན་ཞག་གསུམ་དུ་སྨྱུང་བ་བགྱིས་ནས་ཟས་དཀར་གསུམ་འཚལ་ཏེ་དུས་གསུམ་དུ་ཁྲུས་བགྱིས་ནས་གོས་གཙང་མ་བགོས་ན། འཕགས་པ་སྤྱན་རས་གཟིགས་དབང་ཕྱུག་བདག་ཉིད་མཆིས་ནས་བསམ་པ་ཐམས་ཅད་ཡོངས་སུ་རྫོགས་པར་བགྱིད་དོ། །ལྡོང་རོས་སམ། མིག་སྨན་ལ་བཟླས་བརྗོད་བགྱིས་ཏེ་མིག་ལ་བསྐུས་ན། དེ་ནས་མི་གདའ་བར་གྱུར་ནས་ནམ་མཁའ་ལ་མཆི་བར་འགྱུར་ཞིང་དོན་ཡོད་པའི་ཡེ་ཤེས་བཀོད་པ་ཞེས་བགྱི་བའི་ཏིང་ངེ་འཛིན་འཐོབ་པར་འགྱུར་ཏེ། ཅི་འཚལ་བདེ་བགྱིད་པར་འགྱུར་རོ། །དེ་ནས་འགྲུབ་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་དང ། གནས་གཙང་མའི་རིས་ཀྱི་ལྷའི་བུ་དེ་དག་དང ། མི་མཛེད་ཀྱི་བདག་པོ་ཚངས་པ་དང ། དབང་ཕྱུག་དང ། དབང་ཕྱུག་ཆེན་པོའི་ལྷའི་བུ་རྣམས་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དོན་ཡོད་པའི་ཞགས་པ་རྫོགས་སོ།། །།དེ་བཞིན་གཤེགས་པ་རྒྱ་མཚོ་རབ་འབྱམས་ཐམས་ཅད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་ Pha205a ༄#། །སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཉི་མའི་འོད་ལྟར་འོད་ཟེར་སྟོང་འཕྲོ་ཞིང་འོད་ཟེར་སྣ་ཚོགས་པ་འགྱེད་པའི་ལུས་ཀྱིས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཞལ་གྱི་དཀྱིལ་འཁོར་རྒྱས་ཤིང་རྫོགས་ལ་ཞི་བ། བཞིན་འཛུམ་པའི་བཞིན་གྱིས་བྱམས་པ་དང ། སྙིང་རྗེ་ཆེན་པོའི་མཐུ་ཡིད་ལ་བྱེད་པས་རིགས་བཞིའི་འཇིག་རྟེན་ལ་ཕན་པ་དང ། སྙིང་བརྩེ་བས་དོན་ཐམས་ཅད་གྲུབ་པར་རིག་སྔགས་འཆང་རྣམས་ཀྱིས་བླ་ན་མེད་པའི་དེ་ཁོ་ན་ཉིད་གྲུབ་པ། མཆོག་སྦྱིན་པ་ཐོབ་པར་བྱ་བའི་ཕྱིར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས། བདག་ལ་དོན་ཡོད་པའི་རྒྱལ་པོའི་ཆོ་ག་ཞིབ་མོའི་རྒྱལ་པོ་ཆེན་པོའི་སྙིང་པོ་འདི་མཆིས་ཏེ། འདི་པདྨ་རྒྱ་ཆེན་པོའི་དཀྱིལ་འཁོར་དེ་ཁོ་ན་ཉིད་ཆེན་པོའི་སྙིང་པོར་འཕགས་པ། སྙིང་པོར་གྱུར་པ། དེ་ཁོ་ན་ཉིད་སྒྲུབ་པ། པདྨ་དམ་པ། དཀྱིལ་འཁོར་ཆེན་པོ་འདི་ཕྱག་རྒྱ་དང ། གསང་སྔགས་དང ། སྙིང་པོ་རིམ་པར་ཕྱེ་བ། གསང་བ་དམ་པ་རྣམ་པར་གྲོལ་བའི་དཀྱིལ་འཁོར། དམ་ཚིག་དང་སྒྲུབ་པ་གསང་བ་འདི་བཅོམ་ལྡན་འདས་ཀྱི་སྤྱན་སྔར་བསྒྲག་པར་བགྱིའོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་ Pha205b དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་མང་པོའི་འཁོར་ཆེན་པོའི་མདུན་དང ། རིག་སྔགས་གྲུབ་པའི་ལྷའི་དཀྱིལ་འཁོར་གྱི་མདུན་འདིར་ཡང་བསྒྲག་པར་བགྱིའོ།། གང་ཡང་དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་དང ། ལྷ་དང ། གཤིན་རྗེ་དང ། ཆུ་དང ། ལུས་ངན་དང ། དྲང་སྲོང་གི་ཚོགས་དང ། ཟླ་བ་དང ། ཉི་མ་དང ། སྐར་མའི་ཚོགས་དང ། རྒྱུ་སྐར་དང ། རིག་སྔགས་འཆང་གྲུབ་པའི་ལྷ་མོ་རྣམས་ཀྱི་མདུན་དུ་དེ་ཁོ་ན་ཉིད་ཀྱི་སྙིང་པོ་ཡང་དག་པ། འཇིག་རྟེན་ལས་འདས་པ། དངོས་གྲུབ་སྒྲུབ་པ། བཀླགས་པས་གྲུབ་པ་དང ། བསྒོམས་པས་གྲུབ་པ་བཅོམ་ལྡན་འདས་ཀྱི་སྤྱན་སྔར་རིག་སྔགས་ཆེན་པོ་འཆང་བའི་ཚོགས་ཀྱིས་ཡོངས་སུ་བསྐོར་བའི་མདུན་དུ་དེ་ཁོ་ན་ཉིད་ཀྱི་སྙིང་པོ་གསང་བ་དམ་པ་བསྒྲག་ཅིང་བརྗོད་པར་བགྱིའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་བསོད་ནམས་སྟོང་གིས་བརྒྱན་པ། མཚན་དང་དཔེ་བྱད་རྣམས་ཀྱིས་རྣམ་པར་སྤྲས་པ། ཕྱག་དཔུང་པའི་མདོག་གསེར་གྱི་ཁ་དོག་ལྟ་བུ་འོད་ཟེར་འཕྲོ་བ་དུ་མའི་ཕྲེང་བ་དང ། སྤོས་ཀྱི་གླང་པོ་ཆེའི་སྣ་ལྟ་བུའི་ཕྱག་བརྐྱངས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྤྱི་བོར་བཞག་ནས་ཀླད་པ་ལ་བྱུགས་ཏེ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ་དམ་པ་སྙིང་རྗེ་ཆེན་པོ་དང་ལྡན་པ་ཁྱོད་སྨྲོས་ Pha206a ༄#། །ཤིག་།དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཏེ། ངས་ཀྱང་ད་ལྟར་བྱིན་གྱིས་རློབ་ཀྱི། ཁྱོད་གསང་བ་དམ་པའི་དམ་ཚིག་སྨྲོས་ཤིག་།ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་རྗེས་སུ་ཡི་རང་ཞིང་བྱིན་གྱིས་བརླབས་པ། གངྒཱའི་ཀླུང་འབུམ་ཕྲག་བྱེ་བ་བརྒྱ་སྟོང་གི་བྱེ་མའི་རྡུལ་ཕྲ་རབ་སྙེད་ཀྱི་དེ་བཞིན་གཤེགས་པ་རྣམས་ཀྱིས་ཀྱང་བྱིན་གྱིས་བརླབས་ཤིང་རྗེས་སུ་ཡི་རང་བར་མཛད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཕྱོགས་བཅུར་བལྟས་ཏེ་བཅོམ་ལྡན་འདས་ཀྱི་སྤྱན་སྔར་རང་གི་སྙིང་པོ་དེ་ཁོ་ན་ཉིད་གསང་བའི་གསང་སྔགས་འདི་དག་གསོལ་ཏོ། །ོཾ་པདྨ་ཧསྟ། མ་ཧཱ་ཨ་མོ་གྷ་པཱ་ཤཱ་སཱ་དྷ་ཡ་ས་མ་ཡ་ཧྲི་ད་ཡ་ཙ་ར་ཙ་ར་ཧཱུཾ། དོན་ཡོད་པའི་ཞགས་པའི་རང་བཞིན་གྱི་གཟུངས་ཀྱི་སྙིང་པོ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གསང་བའི་སྙིང་པོ་འདི་བརྗོད་མ་ཐག་ཏུ་རིའི་རྒྱལ་པོ་པོ་ཊ་ལ་འདི་བྲག་དང ། ནགས་ཚལ་དང ། རྩཝ་ཤིང་དུ་བཅས་པ་དང ། རི་རབ་ཁོར་ཡུག་དང ། ཁོར་ཡུག་ཆེན་པོ་དང་ Pha206b བཅས་པ་རྣམ་པ་དྲུག་ཏུ་རབ་ཏུ་གཡོས་ཤིང་ལྷའི་གནས་རྣམས་ཀྱང་ལྡེག་པར་གྱུར་ཏེ། ཐམས་ཅད་འདར་བར་གྱུར་ཏོ། །ཀླུའི་གནས་དང ། གནོད་སྦྱིན་དང ། སྲིན་པོའི་གནས་རྣམས་ཀྱང་འཁྲུག་པར་གྱུར་ཏོ། །རྒྱ་མཚོ་ཆེན་པོའི་རླབས་ཀྱང་འཁྲུག་པར་གྱུར་ཏོ། །ཆུ་གཏེར་རྣམས་ཀྱང་འཁྲུག་པར་གྱུར་ཏོ། །དེ་མ་ཐག་ཏུ་ཕྱོགས་བཅུ་ན་སངས་རྒྱས་ཀྱི་སྐུ་གཟུགས་བརྙན་བཞུགས་པ་རྣམས་ཀྱིས་ལེགས་སོ་ཞེས་བྱ་བ་བྱིན་ཏེ། འདི་སྐད་ཅེས་ཀྱང་བཀའ་སྩལ་ཏོ། །རྒྱལ་བའི་བདག་ཉིད་དུ་སྐྱེས་པ། དོན་ཡོད་པའི་ཞགས་པའི་གསང་བའི་སྙིང་པོ་བཀླགས་པས་འགྲུབ་པ་བླ་ན་མེད་པ་སྨྲས་པ་ལེགས་སོ་ལེགས་སོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་འདི་སྐད་ཅེས་བཀའ་སྩལ་ཏོ། །སེམས་དཔའ་དག་པ། ཁྱོད་ཀྱིས་གསང་བ་བཀླག་པའི་ཆོ་ག་དེ་ཁོ་ན་ཉིད་སྒྲུབ་པ་རྒྱས་པ་དང་བཅས་པར་སྨྲོས་ཤིག་།སྤྱན་རས་གཟིགས་དབང་ཕྱུག་གིས་གསོལ་པ། བཅོམ་ལྡན་འདས། གསང་བའི་སྙིང་པོའི་གཟུངས་འདི་ལན་གཅིག་བརྗོད་པ་ཙམ་གྱིས་དེའི་མོད་ལ་ཕྱོགས་བཅུ་ཐ་དད་པ་ནས་གངྒཱའི་ཀླུང་ས་ཡ་བྱེ་བ་བརྒྱ་སྟོང་གི་བྱེ་མ་སྙེད་ཀྱི་དེ་བཞིན་གཤེགས་པའི་ཕྱག་བརྐྱང་སྟེ་སྤྱི་བོ་ལ་བཞག་ནས་ལེགས་སོ་ཞེས་བགྱི་བའི་སྒྲ་གསུངས་ཏེ། གསུངས་པ་ཙམ་གྱི་མོད་ལ་སྔོན་བསྐལ་པ་བརྒྱ་སྟོང་དུ་བསགས་པའི་སྒྲིབ་པ་རྣམས་ཉམས་པར་བགྱིད། ཞིག་པར་བགྱིད་དོ། ། Pha207a ༄#། །སྡིག་པ་ཐམས་ཅད་དང ། ནད་ཐམས་ཅད་དང ། དེ་བཞིན་དུ་གནོད་པ་ཞི་བར་བགྱིད་དོ། །སྡིག་པ་དང ། སེམས་ཅན་གདུག་པ་རྣམས་དང ། ཕས་ཀྱི་རྒོལ་བ་རྣམས་དང ། མི་མཛའ་བ་རྣམས་འཇིགས་པར་བགྱིད་དེ། འདི་ལ་ཐེ་ཚོམ་མི་བགྱིའོ། །རྟག་ཏུ་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་བལྟ་འཚལ་བར་འགྱུར་ལགས་སོ། །རིག་སྔགས་འདིའི་ཆོ་ག་སྒྲུབ་པ་ནི། འདི་ཡིན་ཏེ། རིག་སྔགས་འཆང་གཙང་མར་གྱུར་པས་ཤིན་ཏུ་གོས་གཙང་མ་བགོ་བར་བགྱིའོ། །བྱམས་པ་དང ། སྙིང་རྗེ་ཡིད་ལ་བགྱིས་པས་འབྱུང་པོ་ཐམས་ཅད་ལ་མཆོག་ཏུ་སྙིང་བརྩེ་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་མཆོད་པར་བགྱིའོ། །མེ་ཏོག་དང ། བདུག་པ་དང ། དྲི་དང ། ཕེང་བ་དང ། བྱུག་པ་དང ། མར་མེ་དབུལ་བར་བགྱིའོ། །ཚེས་བརྒྱད་དམ། ཚེས་བཅོ་ལྔ་ལ་སྒྲུབ་པའི་བཟླས་བརྗོད་ཀྱི་ཆོ་ག་བགྱིའོ། །རི་མོའི་གཟུགས་ཀྱི་མདུན་དུ་ཐོག་མར་སྐྱིལ་མོ་ཀྲུང་བཅས་ནས་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །ཚིག་གཞན་མི་སྨྲ་བར་ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བགྱིས་ཏེ་ཆབ་དང ། ཡུངས་ཀར་གྱིས་དབང་བསྐུར་བར་བགྱིའོ། །ཕྱག་རྒྱ་བཅིང་བར་བགྱི་སྟེ། ལན་ཉི་ཤུ་རྩ་གཅིག་ཏུ་གདོན་ Pha207b པར་བགྱིའོ། །གསང་སྔགས་ཀྱིས་ནི། དབང་བསྐུར་བར་བགྱིའོ། །ཕྱག་རྒྱས་ཀྱང་དབང་བསྐུར་བར་བགྱིའོ། །དེའི་འོག་ཏུ་དོན་ཡོད་པའི་ཞགས་པའི་གསང་བའི་དམ་ཚིག་གི་སྙིང་པོ་སྟོང་རྩ་བརྒྱད་བཟླས་བརྗོད་བགྱིའོ། །བཟླས་བརྗོད་བཏོན་པ་ཙམ་གྱིས་དེའི་མོད་ལ་དོན་ཡོད་པའི་ཞགས་པའི་སྙིང་པོ་ཁྲོ་བོའི་རྒྱལ་པོ་དང་བཅས་པ་འབུམ་འགྱུར་དུ་བཟླས་བརྗོད་བགྱིས་པར་འགྱུར་རོ། །བཟླས་བརྗོད་རྫོགས་ནས་རི་མོའི་གཟུགས་འབར་ཞིང་ས་ཡང་གཡོ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ལུས་ལས་འོད་ཟེར་སྣ་ཚོགས་འབྱུང་བར་འགྱུར་རོ། །དོན་ཡོད་པའི་ཞགས་པ་ལག་ན་ཐོགས་པའི་ཞགས་པ་འབར་བར་འགྱུར་ཞིང་རིག་སྔགས་འཆང་སྙིང་དགའ་བ་དང ། སྤྱི་བོའི་གཙུག་འབར་བར་འགྱུར་རོ། །འདི་ནི། གྲུབ་པའི་རྟགས་ཡིན་ནོ། །ཞེས་གྲུབ་པའི་རྟགས་དང ། ལེགས་སོ་ཞེས་བྱ་བའི་སྒྲ་འབྱིན་ཏེ། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོའི་ཕྱག་རྒྱ་འགྲུབ་པར་འགྱུར་རོ། །དེ་ནས་དགོས་པ་ཐམས་ཅད་དང ། ལས་ཐམས་ཅད་བརྗོད་པ་ཙམ་གྱིས་དེའི་མོད་ལ་འགྲུབ་པར་འགྱུར་ལགས་སོ། །དེ་བཞིན་གཤེགས་པ་ས་ཡ་བྱེ་བ་བརྒྱ་སྟོང་གངཱའི་ཀླུང་གི་བྱེ་མ་སྙེད་དང་མཉམ་པའི་ཕྱག་གསེར་གྱི་ཁ་དོག་འདྲ་བའི་སྤྱི་གཙུག་ཏུ་འཇོག་པར་རྨི་ལམ་དུ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ Pha208a ༄#། །ཕྱུག་གི་རང་བཞིན་གྱི་ལུས་ཤིན་ཏུ་དྲི་མ་དང་བྲལ་ཞིང་ཡོངས་སུ་དག་པས་དྲི་མ་མེད་པའི་བདག་ཉིད་ཀྱི་ལུས་རང་བཞིན་གྱི་མདུན་ན་མཆིས་པར་འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །རྣམ་པ་ཐམས་ཅད་དུ་གྲུབ་པ་སྩོལ་བར་འགྱུར་རོ། །དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོའི་ཕྱག་རྒྱ་གྲུབ་པ་སྩོལ་བར་འགྱུར་རོ། །ཇི་ལྟར་སྙིང་ལས་སྐྱེས་པའི་བུ་བཞིན་དུ་སངས་རྒྱས་ཀྱི་བྱང་ཆུབ་ཐོབ་ཀྱི་བར་དུ་ཡོངས་སུ་སྐྱོང་བར་བགྱིད་དོ། །དེ་ལྟ་བས་ན། འཇིག་རྟེན་གྱི་ཁམས་བདེ་བ་ཅན་གྱི་དཀྱིལ་འཁོར་མཐའ་དག་ཡོངས་སུ་རྫོགས་པ་སངས་རྒྱས་ཀྱི་ཞིང་ལེགས་པར་བརྒྱན་པ་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་དང་བཅས་པ་ན་ཁང་པ་བརྩེགས་པ་ལེགས་པར་བརྒྱན་པའི་སེངྒེའི་ཁྲིའི་མཆོག་ལ་འཕགས་པ་རྒྱལ་བ་འོད་དཔག་མེད་འོད་ཟེར་བརྒྱ་སྟོང་ཕྲག་འབུམ་འཕྲོ་བའི་སྐུས་བཞུགས་ཤིང་ཆོས་སྟོན་པ་བལྟ་བར་འཚལ་ན། རིག་སྔགས་འཆང་དེས་ལེགས་པར་བཀྲུས་ཏེ་གཙང་མར་གྱུར་པས་གོས་གཙང་མ་བགོས་ཏེ། ཆོ་འཕྲུལ་གྱི་ཟླ་བ་ཡར་གྱི་ངོ་ལ་བྱམས་པའི་སེམས་དང ། སྙིང་རྗེའི་ལྷག་པའི་བསམ་པས་གུས་པ་དང ། དང་བ་དང ། ཞེས་དང ། བླ་མར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་ཅི་འབྱོར་བ་ Pha208b མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། གོས་དང ། ལྷབ་ལྷུབ་དང ། བ་དན་གྱིས་མཆོད་པར་བགྱིའོ། །ཚེས་བརྒྱད་ནས་ཚེས་བཅུ་གསུམ་གྱི་བར་དུ་ཟས་དཀར་གསུམ་འཚལ་བར་བགྱིའོ། །རི་མོའི་གཟུགས་ཀྱི་མདུན་དུ་ཉིན་གཅིག་བཞིན་དུས་གསུམ་དུ་དོན་ཡོད་པའི་ཞགས་པའི་སྙིང་པོ་ལན་ཉི་ཤུ་རྩ་གཅིག་དང ། ཚིག་གཞན་མི་སྨྲ་བར་ཁྲོ་བོའི་རྒྱལ་པོའི་སྙིང་པོ་དང ། ཉེ་བའི་སྙིང་པོ་བརྒྱ་རྩ་བརྒྱད་བཟླས་བརྗོད་བགྱིས་ནས་རི་མོའི་གཟུགས་དེ་ཉིད་ཀྱི་མདུན་དུ་མཆིས་ནས་ཉལ་བར་བགྱིའོ།། མཆོད་ཡོན་དང ། ཡོན་ཆབ་དུས་གསུམ་དུ་དབུལ་བར་བགྱིའོ། ། ཀ་རུ་དང ། ཙནྡན་དང ། དུ་རུ་ཀ་དང ། གུ་གུལ་གྱི་མེ་ཏོག་ཁུ་བ་དང་བཅས་པ་གླ་རྩི་དང་ལྷན་ཅིག་བསྲེས་ནས་བླང་བར་བགྱིའོ། །དགུག་པའི་སྔགས་ལན་སྟོང་རྩ་བརྒྱད་བཟླས་བརྗོད་བགྱི་སྟེ། དོན་ཡོད་ཁམས་གསུམ་རྣམ་པར་གྲགས། །བདུག་པའི་རྒྱལ་པོ་བླ་ན་མེད། །གང་ཕྱིར་བདུག་པ་ཙམ་གྱིས་ནི། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་བདུག་པའི་སྤྲིན་ཆེན་པོ་འཁྲིགས་པས་རྒྱས་པར་འགྱུར་རོ། །དྲི་འཁྲིགས་པ་དེ་དག་གིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་ Pha209a ༄#། །མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་རྣམས་ལ་དྲི་ཆེན་པོའི་མཆོད་པ་དང ། བདུག་པ་ཆེན་པོའི་མཆོད་པ་བགྱིས་པར་འགྱུར་ཞིང ། དེ་དག་ཐམས་ཅད་དགའ་བར་འགྱུར་རོ། །གང་ཡང་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་གང་དག་གིས་བདུག་པའི་དྲི་ཚོར་ན།་དེ་དག་ཐམས་ཅད་ངན་སོང་དུ་སྐྱེ་བར་འགྱུར་བའི་ལས་ཀྱི་སྒྲིབ་པ་རྣམས་ཡོངས་སུ་གཏུགས་པར་འགྱུར་རོ། །འཐབ་པ་དང ། འཐབ་མོ་དང ། མུ་གེ་དང ། རྩོད་པ་དང ། འགྱེད་པ་དང ། ནང་འཁྲུག་པ་དང ། འཁྲུག་པ་དང ། རྨི་ལམ་ངན་པ་དང ། ཡམས་ཀྱི་ནད་དང ། གནོད་པ་དང ། འཚེ་བ་དང ། གདུང་བ་དང ། མི་བདེ་བ་ཐམས་ཅད་དང ། ནད་ཐམས་ཅད་ཞི་བར་འགྱུར་རོ། །རླུང་དང ། སེར་བ་དང ། གྲང་བ་དང ། ཚ་བའི་སྤྲིན་ཐམས་ཅད་ཞི་བར་འགྱུར་རོ། །སྡིག་པ་ཐམས་ཅད་འཇིག་པར་འགྱུར་རོ། །བྱད་དང ། གཡེང་བྱེད་དང ། སྔགས་ཀྱི་སྦྱོར་བ་ཐམས་ཅད་དང ། དུག་དང ། དབྱིག་དུག་དང ། དུག་སྦྱར་མ་ཐམས་ཅད་ཞི་བར་འགྱུར་རོ། །གདོན་ཐམས་ཅད་དང ། བརྗེད་བྱེད་ཐམས་ཅད་དང ། རིམས་དང ། བཟའ་ཉེས་དང ། བསྒོམས་ཉེས་དང ། གནོད་སྒྲིབ་དང ། གནོད་ལྟས་ཐམས་ཅད་བདུག་པའི་དྲིས་འབྲོས་པར་འགྱུར་ Pha209b རོ། །འཇིགས་པར་འགྱུར། འགྱེས་པར་འགྱུར་ཏེ། བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ལན་འགའ་ཡང་ཚུགས་པར་མི་འགྱུར་རོ། །བདུག་པའི་རྒྱལ་པོ་འདི་རྟག་ཏུ་སྦྱར་བར་བགྱིའོ། །འདི་ལྟར་ཚེས་བཅུ་བཞིའི་ནུབ་མོ་མཆིས་ལ་དོན་ཡོད་པའི་ཞགས་པའི་སྙིང་པོ་བརྒྱ་རྩ་བརྒྱད་དང ། ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བགྱིའོ། །ཟས་དཀར་གསུམ་གྱི་གཏོར་མ་ཅི་འབྱོར་བ་དབུལ་བར་བགྱིའོ། །སྙིང་པོ་དང ། ཉེ་བའི་སྙིང་པོ་སྟོང་རྩ་བརྒྱད་བཟླས་བརྗོད་བགྱིས་ལ་དྲི་དང་འབྲུ་མར་གྱི་མར་མེ་དབུལ་བར་བགྱིའོ། །རི་མོའི་གཟུགས་དེ་ཉིད་ཀྱི་མདུན་དུ་ནམ་ལངས་ཀྱི་བར་དུ་མཆིས་ནས་ཉལ་བར་བགྱིས་ཏེ་རྨི་ལམ་དུ་དབྱིག་གི་མཛོད་མཐོང་ངམ། བདེ་བ་ཅན་གྱི་འཇིག་རྟེན་གྱི་ཁམས་གཞལ་མེད་ཁང་དང་བཅས། རིན་པོ་ཆེའི་ཤིང་དང་བཅས། རིན་པོ་ཆེའི་རི་དང་བཅས། རྫིང་དང་བཅས། གནས་དང ། ཁང་པ་བརྩེགས་པ་དང་བཅས། རྫུ་འཕྲུལ་དང ། ཆོ་འཕྲུལ་དང ། རྣམ་པར་འཕྲུལ་པ་དང་བཅས་པ་མཐོང་ངམ། དེ་བཞིན་གཤེགས་པ་ཚེ་དཔག་མེད་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་ཁང་པ་བརྩེགས་པ་ན་བཞུགས་ལ།་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་འཁོར་དང་བཅས་པ་མཐོང་ངམ། བཅོམ་ལྡན་ Pha210a ༄#། །འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཚེ་དཔག་མེད་དེ་ཡང་རིག་སྔགས་འཆང་དེ་ལ་དབུགས་འབྱིན་པར་མཛད་ཅིང ། ལེགས་སོ་ཞེས་བགྱི་བ་ཡང་སྩོལ་བར་མཛད་དེ། ཀྱེ་སྐྱེས་བུ་དམ་པ། ཁྱོད་ཀྱིས་རིག་སྔགས་འཆང་གི་སྐྱེས་བུའི་བྱེད་པ་མང་དུ་བྱས་པ་དང ། ཁྱོད་ཀྱིས་དགེ་བའི་རྩ་བ་མང་དུ་བསྐྲུན་པ་དང ། ཁྱོད་ཀྱིས་ལྷག་པར་མང་དུ་བྱས་པ་དང ། ཁྱོད་ཀྱིས་བྱ་བ་གང་ཡིན་པ་བྱས་པ་དང ། ཁྱོད་ཀྱིས་དོན་ཡོད་པའི་ཞགས་བའི་སྙིང་པོ་རྣམ་པར་གྲོལ་བའི་དཀྱིལ་འཁོར་ཕྱག་རྒྱ་ཆེན་པོ་དང ། གསང་སྔགས་རྣམ་པར་བྱ་བའི་སྙིང་པོ་སྒྲུབ་པ་ནི། གྲུབ་ཟིན་ཏེ། ལེགས་སོ་ལེགས་སོ། །ཁྱོད་རིག་སྔགས་འཆང་གི་སངས་རྒྱས་ཉིད་དུ་གྱུར་ཅིག་།ཁྱོད་འདི་ནས་མ་འོངས་པའི་མངལ་གྱི་སྐྱེ་བ་བླངས་ཏེ་ཚེ་བརྗེས་ནས་ངའི་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་སངས་རྒྱས་ཀྱི་ཞིང་དུ་འགྲོ་བར་འགྱུར་རོ། །ཞེས་ཕྱག་གཡས་པ་སྤྱི་བོར་འཇོག་པར་འགྱུར། འཇིག་རྟེན་པའི་དངོས་གྲུབ་ཐམས་ཅད་སྩོལ་ཅིང ། འཇིག་རྟེན་ལས་འདས་པའི་དངོས་གྲུབ་སྒྲུབ་པ་སྟེ། འདི་ནི། དམ་པ་སྒྲུབ་པ་ཡིན་ནོ། །ཞེས་བདག་ཉིད་སད་ནས་དགའ་བར་མཐོང་སྟེ། སྒྲིབ་པ་ཐམས་ཅད་དང་བྲལ་ཞིང་ཡོངས་སུ་དག་ Pha210b པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་བྲམ་ཟེའི་གཟུགས་ཀྱིས་མདུན་ན་མཆིས་པར་འགྱུར་ཞིང ། འདོད་པ་ཐམས་ཅད་ཀྱི་མཆོག་སྩོལ་བར་འགྱུར་རོ། །གཟུགས་ཀྱི་རི་མོ་དེ་ཡང་འབར་ཞིང་འོད་ཟེར་འབྱུང་བར་འགྱུར་རོ། །ཡོན་ཏན་བརྒྱ་སྟོང་མང་པོ་གཞན་ཡང་འཐོབ་པར་འགྱུར་རོ། །འཇིག་རྟེན་པའི་ཕུན་སུམ་ཚོགས་པ་ཡང་འཐོབ་པར་འགྱུར་རོ། །སྐྱེ་བོ་དང ། རྒྱལ་པོ་དང ། བློན་པོ་དང ། བྲམ་ཟེ་དང ། ཁྱིམ་བདག་ཐམས་ཅད་དབང་དུ་འགྱུར་ཞིང་ཆེར་མཆོད་པར་འགྱུར་རོ། །དགེ་སྦྱོང་དང ། བྲམ་ཟེ་རྣམས་ལ་དོན་ཡོད་པའི་གྲུབ་པ་ཆེན་པོ་འཐོབ་པར་འགྱུར་རོ། །གྲུབ་པ་ཆེན་པོ་བླ་ན་མེད་པ་ཡང་འཐོབ་པར་འགྱུར་རོ། །ཉིན་གཅིག་བཞིན་དུས་གསུམ་དུ་ཕྱག་རྒྱ་བཅིང་བར་བགྱིའོ། །དེ་ནས་ཚེས་བཅུ་བཞི་ལ་ཐོག་མར་དགེ་སྦྱོང་དང ། བྲམ་ཟེ་རྣམས་ལ་ཅི་འབྱོར་བའི་ཡོན་དང་བཅས་པའི་མཆོད་སྟོན་སྩལ་བར་བགྱིའོ། །དེ་ནས་བདག་ཉིད་ལོངས་སྤྱད་པར་བགྱིའོ། །གང་གི་ཚེ་ཡང་སངས་རྒྱས་ལ་བལྟ་བ་དང ། བྱང་ཆུབ་སེམས་དཔའ་ལ་བལྟ་བ་དང ། ལྷ་རྣམས་ལ་བལྟ་བར་འཚལ་བ་ན། དེའི་ཚེ་བདུག་པའི་རྒྱལ་པོ་ལ་དགུག་པའི་གསང་སྔགས་ལན་ཉི་ཤུ་རྩ་གཅིག་བཟླས་བརྗོད་བགྱི་སྟེ། སངས་རྒྱས་བཅོམ་ལྡན་འདས་ལ་བདུག་པར་བགྱིའོ། །བདུག་པས་བདུགས་པ་ཙམ་གྱི་མོད་ལ་ཞལ་སྟོན་པར་འགྱུར་ཞིང ། དགེ་བའམ་མི་ Pha211a ༄#། །དགེ་བ་ཐམས་ཅད་དམ། ཉམས་པའམ་བྲི་བ་དེ་དག་ཐམས་ཅད་གསུང་བར་འགྱུར་རོ། །ཇི་ཙམ་ཚེའི་མཐར་ཐུག་གི་བར་དུ་གསུང་བའམ། འགྲོ་བའམ། འོང་བ་གསུང་བར་འགྱུར། དེ་ནས་གསང་སྔགས་ཀྱི་ཆོ་ག་དང ། སྒྲུབ་པའི་དོན་དང ། ལས་ཀྱི་ཆོ་ག་ཡང་ཇི་ལྟ་བ་བཞིན་དུ་བཤད་པར་བགྱིའོ། །ོཾ་པདྨ་དྷ་ར་ཨ་མོ་གྷ་ཛ་ཡ་དེ་ཙུ་རུ་ཙུ་རུ་སཝཱཧཱ། དོན་ཡོད་པའི་རྒྱལ་པོའི་ཉེ་བའི་སྙིང་པོའི་གསང་སྔགས་སོ། །ོཾ་པདྨ་པཱ་ཤ་དྷ་རཱ་ཡ། ཨ་མོ་གྷ་བ་ར་སཉྩོ་ད་ཡ་ཧཱུཾ། དེ་བཞིན་གཤེགས་པ་དང་བྱང་ཆུབ་སེམས་དཔའ་ཐམས་ཅད་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་ལ་སོགས་པ་སྐུལ་བའི་གསང་སྔགས་ཏེ། བདུག་པའི་རྒྱལ་པོས་བདུགས་ནས་ཆབ་དང ། ཡུངས་ཀར་བསྲེས་པ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་ཕྱོགས་བཅུར་གཏོར་ན། ཐམས་ཅད་བསྐུལ་བར་བགྱིས་པར་འགྱུར་རོ། །ོཾ་ཏྲཻ་ལོཀྱ་ཨ་བྷྱ་ཧཱ་ན་ཨ་མོ་གྷ་པཱ་ཤ་།པདྨ་བི་ལོ་ཀི་ཏ་ཨཱ་ཡནྟུ། བྷུ་བ་ན་སུ་ར་སུ་རུ་སུ་རུ། བི་མ་ལ་ཧཱུཾ། དགུག་པའི་གསང་སྔགས་ཏེ། གུ་གུལ་གྱི་བདུག་པ་ལ་ལན་བརྒྱ་རྩ་བརྒྱད་པ་ཟླས་བརྗོད་བགྱིས་ནས་ཆུ་དང་མེ་ཏོག་བསྲེས་པས་ཕྱོགས་ Pha211b བཅུར་གཏོར་བར་བགྱི་སྟེ། ཐམས་ཅད་ནས་དགུག་པ་དམ་པ་གྲུབ་པ་ལགས་སོ། །ོཾ་པདྨ་བྷུ་ཛ་མཧཱ་བཱ་ཤ་དྷ་ར་ཎི་མནྟྲ་ཡ་མི། ཨ་མོ་གྷ་པཱ་ཤ་ཡནྟུ་བྷུ་བ་སཝཱཧཱ། མུ་རུ་མུ་རུ་ཧཱུཾ། དེ་བཞིན་གཤེགས་པ་དང་བྱང་ཆུབ་སེམས་དཔའ་ཐམས་ཅད་དང ། ཉན་ཐོས་དང་རང་སངས་རྒྱས་ཐམས་ཅད་དང ། དཀྱིལ་འཁོར་ཐམས་ཅད་ན་གནས་པའི་ལྷ་ཚོགས་ལ་སོགས་པ་སྤྱན་དྲངས་པའི་གསང་སྔགས་ཏེ། རིལ་བ་སྤྱི་བླུགས་དང ། ཆབ་དང ། མེ་ཏོག་དང ། ཚེམས་ཤིང་ལ་བདུག་པའི་རྒྱལ་པོས་བདུགས་ཏེ་ཐམས་ཅད་ལ་ལན་བརྒྱ་རྩ་བརྒྱད་བཟླས་བརྗོད་བགྱི་སྟེ། ཐམས་ཅད་སྤྱན་དྲང་བའི་རིག་སྔགས་སོ། །ོཾ་པདྨ་ཨ་མོ་གྷ་བཛྲ་ཨ་དྷིཥྛ་ན་ཀུ་རུ་ཀུ་རུ་སཝཱཧཱ། སའི་དཀྱིལ་འཁོར་བཅིང་བ་སྟེ། ཆབ་དང་ཡུངས་ཀར་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་ས་ལ་གཏོར་ན། དཔག་ཚད་སུམ་བརྒྱས་ཀུན་ནས་འཁོར་བའི་སའི་དཀྱིལ་འཁོར་རྡོ་རྗེར་བྱིན་གྱིས་བརླབས་པར་འགྱུར་རོ། ། དེ་ཐམས་ཅད་བསྲུངས་པས་ནི། རྡོ་རྗེ་སྲ་བའི་སེམས་སུ་འགྱུར་རོ། །དགྲ་རྣམས་ཀྱིས་མི་མཐོང་བ་དང ། བགེགས་དང ། ལོག་འདྲེན་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། བརྗེད་བྱེད་དང ། རོ་ལངས་དང ། མཁའ་འགྲོ་མ་དང ། འདོད་རྒུར་སྒྱུར་བའི་གཟུགས་ཅན་ཐམས་ཅད་ཀྱིས་མི་མཐོང་སྟེ། རྣམ་པ་ཐམས་ཅད་དུ་མི་མཐོང་ Pha212a ༄#། །བས་རྡོ་རྗེ་ལྟར་སྲ་བར་འགྱུར་རོ། །ོཾ་ཨ་མོ་གྷ་པཱ་ཤ་པདྨོཏྟ་ར་སིཾཧཱ། སནྟུ་ཊི་སི་རི་སི་རི་ཧཱུཾ། གདན་གྱི་གསང་སྔགས་ཏེ། ཡུངས་ཀར་ལ་སྟོང་རྩ་བརྒྱད་བཟླས་བརྗོད་བགྱིས་ཏེ་ས་ལ་གཏོར་ན། པདྨ་ཆེན་པོའི་གཞལ་ཡས་ཁང་གི་གདན་དུ་བྱིན་གྱིས་བརླབས་ནས་ལེགས་པར་ཕུལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ལ་རིན་པོ་ཆེ་སྣ་བདུན་ལས་བྱས་པའི་སེངྒེའི་གདན་དུ་བྱིན་གྱིས་བརླབས་ནས་ལེགས་པར་ཕུལ་བར་འགྱུར་རོ། །རིག་སྔགས་འཆང་གིས་རང་གི་སྟན་ལ་ཆབ་དང ། ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་གཏོར་ཏེ། རིག་སྔགས་འགྲུབ་པའི་པདྨའི་སྟན་གསང་བའི་གསང་སྔགས་སོ། །ོཾ་མཧཱ་ཀཱ་རུ་ཎི་ཀ་པདྨ་ཨ་མོ་གྷ་པཱ་ཤ་དྲི་ཌྷ་བཛྲ་ཨ་དྷི་ཥཋི་ཏེ་བྷུ་རུ་བྷུ་རུ་བནྡྷ་རེ་སཝཱཧཱ། དཀྱིལ་འཁོར་མཐའ་དག་ན་ཁྱིམ་དང ། ནགས་ཚལ་དང ། ཀུན་དགའ་ར་བ་དང ། གཙུག་ལག་ཁང་དང ། བསྟི་གནས་དང ། འཆག་ས་དང ། ཕུག་དང ། དགོན་པ་དང ། གནས་གསང་བའི་ཕྱིར་དྲི་ཆབ་དང ། ཡུངས་ཀར་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་གཏོར་བར་བགྱིས་ཏེ་གནས་སུ་གཏོགས་པ་ཐམས་ཅད་གསང་བ་ཆེན་པོ་བགྱིས་པར་འགྱུར་རོ། །ཉེས་པར་བགྱིད་པ་དང ། བགེགས་དང ། ལོག་འདྲེན་དང ། གནོད་སྦྱིན་ Pha212b དང ། སྲིན་པོ་དང ། འབྱུང་པོ་ཐམས་ཅད་འབྲོས་པར་འགྱུར་ཏེ། གནས་གསང་བའི་གསང་སྔགས་སོ། །ོཾ་པདྨ་ཨ་མོ་གྷ་པཱ་ཤེ་ན་ས་མནྟ་ད་ཤ་སུ་དི་ཀཥུ་སི་མཱ་གྷནྡྷ་ཡ། ཏུ་རུ་ཏུ་རུ་ཧཱུཾ། ལྕགས་ཀྱི་བུར་བུ་སོར་བྲྒྱྕད་པའི་ཆྕད་ལྔ་ལ་ཚོན་སྣ་ལྔའི་སྐུད་པས་དཀྲིས་ཏེ་ལན་སྟོང་རྩ་བརྒྱད་བཟླས་བརྗོད་བགྱིས་ནས་ཕྱོགས་བཞིར་གཟུགས་པར་བགྱིའོ། །ལྔ་པ་ནི། དབུས་ཀྱི་བཞིར་གཟུགས་པར་བགྱི་སྟེ། རྒྱང་གྲགས་བདུན་འཁོར་བར་མཚམས་བཅིང་བ་བགྱིས་པར་འགྱུར་རོ། །ཇི་སྲིད་དུ་ཕུར་བུ་མ་བྱུང་བ་དེ་སྲིད་དུ་མཚམས་ཆེན་པོ་བཅིང་པ་བགྱིས་པར་འགྱུར་རོ། །ོཾ་ཨ་མོ་གྷ་མཎྜ་ལ་བནྡྷ་ཡ་ས་མནྟ་ན། པདྨ་མ་ཧཱ་པདྨ་དྷུ་རུ་དྷུ་རུ་སཝཱཧཱ། དཀྱིལ་འཁོར་བཅིང་བ་སྟེ། དྲི་ཆབ་དང ། ཡུངས་ཀར་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་དཀྱིལ་འཁོར་མཐའ་དག་དང ། དེ་བཞིན་དུ་འོག་དང ། སྟེང་དུ་ཡང་གཏོར་ཏེ། དཀྱིལ་འཁོར་ཆེན་པོ་བཅིང་བར་བགྱིས་པར་འགྱུར་ཏེ། བགེགས་དང ། ལོག་འདྲེན་དང ། གནོད་སྦྱིན་དང ། སྲིན་པོ་དང ། ཤ་ཟ་མཆི་བར་འོས་པ་ཐམས་ཅད་ཀྱིས་མཆི་བར་མི་འགྱུར་རོ། །སེམས་ཅན་གདུག་པ་དང ། ལྷའམ། ཀླུ་གདུག་པ་གང་སུ་ཡང་རུང་བ་དེ་དག་ཐམས་ཅད་ཟིལ་གྱིས་མནན་པར་འགྱུར་རོ། །འཇིག་རྟེན་པའི་བགྱི་བ་ངན་པ་དང ། སྔགས་ངན་པ་དང ། སེམས་ཅན་ངན་པ་དང ། བགྱིས་པ་ངན་པ་ཐམས་ Pha213a ༄#། །ཅད་ཡོངས་སུ་སྤོང་བར་འགྱུར་རོ། །ོཾ་ཨ་མོ་གྷ་བ་རི་ཤུདྡྷེ་ཤོ་དྷ་ཡ་ས་མནྟེ་ན། དྷི་རི་དྷི་རི་ཤུདྡྷ་སཏྭ་མ་ཧཱ་པདྨེ་ཧཱུཾ། འདིས་པའི་རྣམ་ལྔ་ལ་ལན་སྟོང་རྩ་བརྒྱད་བཟླས་བརྗོད་བགྱིས་ཏེ་དཀྱིལ་འཁོར་གྱི་སའི་ཆ་མཐའ་དག་ན་གཙུག་ལག་ཁང་ངམ། དགོན་པའམ། བྱ་སྐྱིབས་སམ། ཚང་ཚིང་ངམ། འཆག་སའམ། གནས་སམ། ཚལ་ལམ། ནགས་ཚལ་ལམ། སྐྱེད་མོས་ཚལ་ལམ། ཀུན་དགའ་ར་བའམ། གྲང་སའམ། སྐྱབས་སམ། ཁང་པ་ལ་གཏོར་ན། སྟོང་པའམ། མི་སྟོང་པའམ། འདམ་རྫབ་དང ། མི་གཙང་བ་དང ། ཕྱག་དར་གྱིས་གང་བ་དང ། འབྱུང་པོ་དང ། ཤ་ཟ་དང ། ཡི་དྭགས་ལ་སོགས་ཏེ། རིགས་ངན་པ་ཐམས་ཅད་ཡོངས་སུ་སྤངས་པར་འགྱུར་རོ། །གཙང་མ་དག་པར་འགྱུར་རོ། །གནས་གཙང་མར་འགྱུར་རོ། །བདག་ཉིད་ལ་དབང་བསྐུར་ན། བཟའ་ཉེས་དང ། བསྒོམས་ཉེས་དང ། གནོད་ལྟས་དང ། གནོད་སྒྲིབ་ཀྱི་གནས་ངན་པ་ཐམས་ཅད་ཡོངས་སུ་དག་པར་འགྱུར་རོ། །གཙང་མ་དག་པར་འགྱུར་རོ། །མི་གཙང་བ་གཙང་བར་འགྱུར་རོ། །ཚངས་པར་སྤྱོད་པ་མ་ལགས་པ་ཚངས་པར་སྤྱོད་པར་འགྱུར་རོ། །བསྙེན་གནས་མ་བགྱིས་པ་ནི། བསྙེན་གནས་བགྱིས་པར་འགྱུར་རོ། །དེ་ལ་ལྷ་ཐམས་ཅད་སྲུང་བ་དང ། བསྐྱབ་པ་ Pha213b དང ། སྦ་བ་བགྱིད་པར་འགྱུར་རོ། །དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་དང ། ཁྱབ་འཇུག་དང ། ཁྱབ་འཇུག་ཆེན་པོ་དང ། གཤིན་རྗེ་དང ། ཆུ་ལྷ་དང ། ལུས་ངན་ལ་སོགས་པ་བསྲུང་བ་དང ། བསྐྱབ་པ་དང ། སྦ་བའི་སླད་དུ་རྟག་ཏུ་རྗེས་སུ་འབྲང་བར་འགྱུར་རོ། །འཇིག་རྟེན་ཐམས་ཅད་ཀྱི་སྙིང་དུ་སྡུག་པ་དང ། མཆོད་པར་འོས་པར་འགྱུར་རོ། །ཚིག་བཙན་པར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །སྡིག་པ་དང ། སྒྲིབ་པ་དང ། གནོད་པ་ལ་སོགས་པ་ཐམས་ཅད་ལས་ཡོངས་སུ་ཐར་པར་འགྱུར་རོ། །ཕྱོགས་བཞིར་ཀུན་ཏུ་གཏོར་ན། འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་དང ། མུ་གེ་དང ། མི་ངས་དང ། ཡམས་དང ། གནོད་པ་དང ། འཚེ་བ་དང ། འཁྲུག་པ་ཐམས་ཅད་ཞི་བར་འགྱུར་རོ། །ཉིན་གཅིག་བཞིན་དུ་བདག་ཉིད་ལ་དབང་བསྐུར་རམ། རེག་པར་བགྱིས་ན། རིག་སྔགས་དང ། ཕྱག་རྒྱ་དང ། དཀྱིལ་འཁོར་གྱི་རིམ་པར་དབྱེ་བ་དང ། ལས་ཆེན་པོ་འགྲུབ་པར་འགྱུར་རོ། །དོན་ཡོད་པའི་གྲུབ་པ་ཆེན་པོ་འགྲུབ་པར་འགྱུར་རོ། །གང་དང་གང་དུ་མཆིས་པ་དེ་དང་དེར་མཆོད་པར་འགྱུར་རོ། །ཐམས་ཅད་ཀྱིས་མི་ལྡོག་པར་འགྱུར་རོ། །ཉིན་གཅིག་བཞིན་གཞལ་མེད་ཁང་རྒྱ་ཆེན་པོ་བཀྲ་ཞིང་རྣམ་པར་དཀྲ་བ་ཆེན་པོ་རྨི་ལམ་དུ་མཐོང་བ་དང ། Pha214a ༄#། །རྣམ་པ་ཐམས་ཅད་དུ་མཆོག་རྒྱ་ཆེན་པོ་འཐོབ་པར་འགྱུར་རོ། །དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། ཁྱིམ་བདག་དང ། རྒྱལ་པོ་དང ། བློན་པོ་དང ། བཙུན་མོའི་འཁོར་དང་བཅས་པ་ཐམས་ཅད་དབང་དུ་འགྱུར་ཞིང་མཆོད་པར་འོས་པར་འགྱུར་རོ། །རྟག་ཏུ་གཙང་མར་སྤྱོད་པར་གཙང་ཞིང་དག་པར་འགྱུར་རོ། །རྟག་པར་དུས་ཀུན་ཏུ་འཕགས་པ་སྤྱན་རས་གཟིགས་དབང་ཕྱུག་བལྟ་འཚལ་བར་འགྱུར་རོ། །འདོད་པ་ཐམས་ཅད་ཀྱི་མཆོག་སྩོལ་བར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རྨི་ལམ་དུ་རྟག་ཏུ་མཐོང་ཞིང ། །ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ོཾ་པདྨེ་ས་ར་ས་ར་ཏིཥྛ་ཏིཥྛ་མ་ཧཱ་ཨ་མོ་གྷ་ས་མ་ཡ་སཝཱཧཱ། གསང་སྔགས་སོ། །ོཾ་པི་བུ་ལ་པདྨ་ཨ་མོ་གྷ་པྲ་ས་ར་པྲ་བི་ཤ་ཏུ་ཀུ་རུ་ཀུ་རུ་སཝཱཧཱ། འཇུག་པའི་གསང་སྔགས་སོ། །ོཾ་ཨ་མོ་གྷ་ཨ་ནུ་ཤ་ཡ་མ་ཧཱ་པདྨ་བནྡྷུ་རེ་ཧཱུཾ། སློབ་མའི་གསང་སྔགས་སོ། །ོཾ་ཨ་མོ་གྷ་པདྨ་ཤི་གེ་ཏུ་རུ་ཏུ་རུ་ཏིཥཋི་བཛྲ་བནྡྷེ་སཝཱཧཱ། སྤྱི་གཙུག་བཅིང་བའི་གསང་སྔགས་ཏེ། ལན་ཉིས་ཤུ་རྩ་གཅིག་བཟླས་སོ། །ོཾ་ཨ་མོ་གྷ་པདྨ་ཛ་ལོད་ཀེཥ་པ་བྷི་རི་བྷི་རི་ཧཱུཾ། ཆབ་བཏེག་པའི་གསང་སྔགས་ཏེ། Pha214b ལན་ཉི་ཤུ་རྩ་གཅིག་བཟླས་སོ། །ོཾ་ཨ་མོ་གྷ་བི་ཀ་ཊ་སཾ་བྷ་ར་པདྨ་ཨ་ས་ནེ་ཛ་ལ་བ་ཏི་ཀུ་རུ་ཀུ་རུ་ཧཱུཾ། བུམ་པའི་གསང་སྔགས་ཏེ། ལན་བརྒྱ་རྩ་བརྒྱད་བཟླས་སོ། །ོཾ་པདྨོ་པྲ་ས་ར་ཨ་མོ་གྷ་བི་མ་ལེ་བྷ་ར་བྷ་ར་སཝཱཧཱ། ཆབ་ཀྱི་རྒྱུན་གྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླས་སོ། །ོཾ་ཨ་མོ་གྷ་པདྨེ་སུ་པདྨེ་པཱུརྞ་ཀ་རེ་དྷི་རི་དྷི་རི་བི་མ་ལེ་སཝཱཧཱ། ལག་པའི་གསང་སྔགས་ཏེ། ལག་པ་གཉིས་ལ་ལན་སྟོང་རྩ་བརྒྱད་བཟླས་བརྗོད་བགྱིས་ནས་དཀྱིལ་འཁོར་དང ། གསང་སྔགས་དང ། ཕྱག་རྒྱ་དང ། ཆོ་ག་ཞིབ་མོ་དང ། སྒྲུབ་པའི་དགོས་པ་ཐམས་ཅད་བགྱི་སྟེ། སྒྲུབ་པ་ཐམས་ཅད་ལ་བསྒྲུབ་པར་བགྱི་ཞིང་ལས་ཐམས་ཅྕད་ལ་དུས་ཐམས་ཅྕད་དུ་བགྱིའོ། །ོཾ་ཨ་མོ་གྷ་བི་མ་ལེ་ཛི་ཧཝཱ་གྲ་སཾ་ཤོ་དྷ་ནི་པདྨ་ཀ་མ་ལ་ཛི་ཧཝཱ་སཝཱཧཱ། ལྕེ་སྤྱང་བའི་གསང་སྔགས་ཏེ། དྲི་ཆབ་ལ་ལན་སྟོང་རྩ་བརྒྱད་བཟླས་བརྗོད་བགྱིས་ཏེ་ཁ་བཤལ་ལ་ལྕེའི་དྲི་མ་ཡོངས་སུ་དག་པར་འགྱུར་རོ། །པདྨ་དང་ཀུ་མུ་དའི་འདབ་མ་དང་འདྲ་བར་ལྕེ་མཉེན་པར་འགྱུར་རོ། །སོ་དང ། རྐན་དང ། མགུལ་པ་ཡོངས་སུ་དག་པར་འགྱུར་རོ། །ོཾ་ཨ་མོ་གྷ་གནྡྷ་བ་ཏི་སུ་རུ་སུ་རུ་པྲ་བྷུ་རུ་དི་བྱ་གནྡྷེ་པདྨ་པྲ་བྷེ་སཝཱཧཱ། གསང་སྔགས་འདིས་ཁར་སྩལ་བའི་རིལ་བུ། ཙནྡན་དང ། ན་ལ་ད་དང ། སྤྲི་ཀ་དང ། ུཏྤ་ལ་དང ། གུར་གུམ་དང ། Pha215a ༄#། །གླ་རྩི་ལྷན་ཅིག་བླང་བ་བགྱིས་ལ་ཕྱེ་མ་ཞིབ་མོར་བཏགས་ནས་རིལ་བུ་ཞོ་གཉིས་ཙམ་པའི་ཚད་དུ་སྦྲང་རྩི་དང་ལྷན་ཅིག་སྦྱར་ལ་གསང་སྔགས་སྟོང་རྩ་བརྒྱད་བཟླས་བརྗོད་བགྱིས་ཏེ་ཟངས་ཀྱི་སྣོད་དུ་སྩལ་ནས་བཟླས་བརྗོད་བགྱིད་པའི་ཚེ་ཁར་སྩལ་ནས་སྐད་ཅིག་ཙམ་ཞིག་བསྡད་པ་བགྱིས་ན། རྟག་ཏུ་ཁ་ནས་ཨུཏྤ་ལའི་དྲི་འབྱུང་བར་འགྱུར་ཏེ། རྒྱང་གྲགས་ཙམ་དུ་ཐེ་ཚོམ་མེད། །དེ་བཞིན་གཤེགས་པ་ཐམས་ཅད་དང ། །དེ་བཞིན་བྱང་ཆུབ་སེམས་དཔའང་དགྱེས། །འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་མགོན་པོ་མཆོག་ཏུ་དགའ་བར་འགྱུར་རོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་གཉིས་པ། བཟླས་པས་བདེ་བར་འགྲུབ་འགྱུར་པས། །དོན་ཡོད་རིག་སྔགས་བླ་ན་མེད། །རིག་སྔགས་འཆང་དང་གཏམ་བགྱིད་པས། །དུས་ཀུན་རུལ་དྲི་སྤང་བར་བགྱི། །མཁྲིས་པ་བད་ཀན་སྣབས་དག་དང ། །དེ་བཞིན་དུ་འཇིག་མྱུར་དུ་ནི། །ཁ་ནས་ལྷ་ཡི་དྲི་དག་འབྱུང ། །སུ་ལ་ཚིག་དག་སྨྲས་པ་ནི། །དེ་ནི་མྱུར་དུ་དབང་དུ་འགྱུར། །ལྷ་རྣམས་དབང་དུ་མཆིས་པ་དང ། །བདེ་སོགས་བདག་པོ་དབང་པོ་དང ། །གཤིན་རྗེ་ཆུ་ལྷ་ལུས་ངན་དང ། །ཚངས་པ་ཁྱབ་འཇུག་དབང་ཕྱུག་ཆེ། །འཇིག་རྟེན་སྐྱོང་བ་བཞི་དག་དང ། །ཟླ་བ་ཉི་མ་ཉིད་ Pha215b དག་དང ། །ཐམས་ཅད་དབང་དུ་གྱུར་ནས་མཆིས། །འདི་ནི་ཁ་ན་མུར་བགྱིད་ན། །ཚིག་ལྡན་ལྕེ་ཡི་རྩེ་མོ་ལ། །མཆིས་པས་ཚིག་ནི་གསལ་བར་འགྱུར། །རྟག་ཏུ་མི་མིན་དབྱངས་འགྱུར་ཏེ། །དྲི་མའི་སྐྱོན་ནི་རྣམ་པར་སྤངས། །ཚིགས་བཅད་སྟོང་ནི་ཀློག་པ་དང ། །སྔོན་བཀླགས་པ་ནི་ཉམས་མི་འགྱུར། །ཧཱུཾ་ཞེས་བགྱིས་པས་ལྷ་ཀུན་དང ། །ལྷ་གང་དཀྱིལ་འཁོར་གནས་པའང་མཆིས། །ཕཊ་ཅེས་བགྱིས་པས་གདུག་པ་དང ། །བགེགས་དང་ལོག་འདྲེན་རྣམ་པར་འཇིག་།གནོད་སྦྱིན་སྲིན་པོ་ཤ་ཟ་དང ། །བརྗེད་བྱེད་འབྱུང་པོ་གསང་བ་པ། ། ཐམས་ཅད་མོད་ལ་འབྱེར་འགྱུར་ཞིང ། །ཁས་བུབ་ཏུ་ཡང་འགྱེལ་བར་འགྱུར། །རིལ་བུ་ཁ་ན་ཐོགས་ན་ནི། །དུས་ཀུན་ཏུ་ནི་མཁས་པས་འགྱུར། །གྲུབ་པ་མྱུར་དུ་ཐོབ་འགྱུར་ཏེ། ། ཐམས་ཅད་དུ་ཡང་ཚེ་རིང་འགྱུར། །ཚིག་མཉེན་འཇམ་ཞིང་སྙན་པར་འགྱུར། །རིལ་བུ་འདི་ནི་བཅང་བགྱིས་ན། །དོན་ཡོད་པདྨ་དྲི་མ་མེད། །རིལ་བུ་ཞེས་བགྱི་འགྲུབ་པར་འགྱུར། ། ོཾ་མ་ལ་བི་ག་ཏེ། པདྨ་བི་བ་རེ། སཉྩ་ར་བ་ཙ་རེ་སཝཱཧཱ། ཨ་མོ་གྷ་སིངྷེ་ཤོ་དྷ་ཡ་ཧཱུཾ། ནཱ་ག་པུས་པའི་ཤུན་པ་དང ། ུ་ཤི་ར་དང ། ཙནྡན་དང ། པདྨ་གེ་སར་དང ། ལི་ཤི་དང ། ཀ་ཀོ་ལ་དང ། སྤང་སྤོས་དང ། རྒྱ་སྤོས་དང ། གུར་གུམ་དང ། པྲ་པུ་ན་ད་རི་ཀ་དང ། ེ་ལ་དང ། ས་མ་ཀ་དང ། ུ་གྲ་དང ། སུ་གནྡྷི་ཀ་འདི་རྣམས་ཆ་མཉམ་པར་བགྱིས་ཏེ་ཞིབ་ Pha216a ༄#། །ཏུ་བཏགས་ནས་གསང་སྔགས་ལན་སྟོང་རྩ་བརྒྱད་བཟླས་ནས་ཆར་པའི་ཆབ་དང་བསྲེས་པས་ཁྲུས་བགྱིས་ཤིང་འཚལ་བའམ། ཆབ་དྲོན་པོས་ཁྲུས་བགྱི་བའམ་འཚལ་པས་ཤིན་ཏུ་ཁྲུས་བགྱིས་པ་གཙང་མ་ཤིན་ཏུ་དག་པས་བག་ཚ་བ་མ་མཆིས་པ་བཏོན་པ་ཙམ་གྱིས། སྔོན་གྱི་དྲག་པོའི་ལས་རྣམས་དང ། །གདོན་ཀུན་འཇོམས་པ་འགྲུབ་པ་དང ། །ནད་ཀུན་རྣམ་པར་ཉམས་པ་དང ། །འདོད་ཆགས་ཞེ་སྡང་གཏི་མུག་གི་།མུན་པ་མི་ཟད་སྤོང་བར་གསུངས། །བཀྲུས་འཚལ་ཙམ་གྱི་མོད་ལ་ནི། །དྲི་མ་ཀུན་ཞི་སོམ་ཉི་མེད། །དཔལ་གྱིས་ལྷ་ཡི་བཞིན་དུ་འབར། །བསོད་ནམས་ཕུང་པོ་རྣམ་པར་འཕེལ། །གཟི་བརྗིད་ཕུང་པོ་རྟག་ཏུ་འབར། །ཟླ་བ་ཉི་མ་བཞིན་དུ་མཛེས། །གཙང་མའི་ལུས་སུ་གྱུར་པ་ནི། །ལུས་ནི་ལྷ་ཡི་བཞིན་དུ་འགྱུར། །མི་གཙང་བ་ནི་གཙང་བར་འགྱུར། །མ་དག་པ་ནི་དག་པར་འགྱུར། །ཚངས་པར་སྤྱོད་མིན་ཚངས་སྤྱོད་འགྱུར། །ཐུབ་མིན་ཐུབ་པ་ཁོ་ནར་འགྱུར། །ཚངས་པར་མི་སྤྱོད་ཚངས་སྤྱོད་འགྱུར། །མགོ་སྐྱ་གཉེར་མ་སྤངས་པ་དང ། །རྟག་ཏུ་བྲོ་ནད་མ་མཆིས་འགྱུར། །ལུས་ལ་ལྷ་ཡི་དྲི་རྣམས་འབྱུང ། །པདྨ་ཀུ་མུད་མཉེན་པའི་ལུས། །སྔོན་གྱི་དྲི་ནི་རབ་སྤངས་ཏེ། །ལྷ་ཡི་ཙནྡན་དྲི་དག་ནི། །མདའ་རྒྱང་གང་དུ་སོམ་ཉི་མེད། །རྟག་ཏུ་བདེ་བར་ཉལ་བ་ Pha216b དང ། །བདེ་བར་ཡང་ནི་སད་པར་འགྱུར། །གནོད་སྦྱིན་སྲིན་པོ་འབྱུང་པོ་དང ། །ལྷ་མིན་གདུག་པ་ལོག་འདྲེན་དང ། །གདུག་པའི་བགེགས་ཀུན་མཐོང་མི་འགྱུར། །མི་བཟད་དགྲ་རྣམས་ཀྱིས་ཀྱང་མིན། །ལུས་ཉིད་སྦྱངས་པ་བགྱིས་ནས་སུ། །བཟླས་བརྗོད་བརྩོན་པའི་སྒྲུབ་པ་བགྱི། །ལེགས་པའི་སྒྲུབ་པའི་ལས་བགྱིས་ན། །དེ་ཉིད་བདེ་བར་འགྲུབ་པར་འགྱུར། ། རྒྱལ་བ་བྱང་ཆུབ་སེམས་དཔའ་ཀུན། །དེ་བཞིན་མོད་ལ་གཟིགས་པར་འགྱུར། །ལྷ་རྣམས་ཀུན་དང་གང་དག་གཞན། །དཀྱིལ་འཁོར་གནས་པ་མྱུར་དུ་མཆི། །ཅི་འདོད་ཡིད་ལ་བཟླས་པ་ཡིས། །རྟག་ཏུ་དོན་ཡོད་གྲུབ་པར་འགྱུར། །ཐོག་མར་ལུས་སྦྱང་ཆོ་ག་བགྱི། །དེ་ནས་གསང་སྔགས་ལེགས་པར་སྤྱོད། །ོཾ་ཨ་མོ་གྷ་པདྨ་ལོ་ཙ་ནི་དི་བྱ། དྲིཥྚ་པ་རི་ཤུདྡྷ། སུ་རུ་སུ་རུ་པདྨ། ཨཀྵི་ཤ་དྷུ་རུ་བྷུ་རུ་ས་མནྟ་བྱ་བ་ལོ་ཀི་ནི་སཝཱཧཱ། ལྡོང་རོས་གི་ཝང་རྒྱ་མཚོ་དབུ་བ་ས་ཧ་ཛ། །ུཏྤལ་སྦྲང་རྩི་ལྷན་ཅིག་རེང་བུ་འདི་བགྱིས་ལ། །གསང་སྔགས་སུམ་སྟོང་རྩ་བརྒྱད་བཟླས་པའི་མིག་སྨན་འདི། །དེ་བཞིན་གཤེགས་པ་རྣམས་ཀྱིས་མཆོག་ཏུ་བཟང་ཞེས་གསུངས། །འདི་ནི་འཇིག་རྟེན་དབང་ཕྱུག་མཆོག་སྦྱིན་གྱིས། །ཀུན་པས་བཀྲ་ཤིས་ཤིས་འདི་མིག་ནད་ཀུན། །འཇོམས་པར་བགྱིད་དེ་གཡར་ལམ་བཟང་པོ་རྨི། །ཡིད་དུ་མི་མཆི་བ་ཉིད་མཐོང་མི་འགྱུར། །ངན་པར་སྣང་དང་ངན་པར་ Pha217a ༄#། །བལྟ། །ནམ་ཡང་མཐོང་བར་མི་འགྱུར་རོ། །གཏུམ་པོ་འཇོམས་པ་གཏུམ་པོ་དང ། །ལྷག་མ་སྤགས་པ་བསྒོམས་ཉེས་དང ། །བཟའ་ཉེས་གནོད་བསྒྲིབས་གནོད་སྦྱིན་དང ། །སྲིན་པོ་དང་ནི་སྡིག་སྦྲུལ་དག་།ཐམས་ཅད་ཉིན་དང་མཚན་དག་ཏུ། །མི་སྣང་བར་ནི་ཐེ་ཚོམ་མེད། །མིག་གིས་བཟང་པོ་མཐོང་བ་དང ། །རྨི་ལམ་བཟང་པོ་མཐོང་བར་འགྱུར། །ཟླ་བ་སྲིད་དུ་རབ་སྦྱར་བས། །ལྷ་རྫས་དག་ནི་མཐོང་བར་འགྱུར། །མིག་ཡོངས་སུ་སྦྱོང་བའོ། །ོཾ་བུདྡྷ་བུདྡྷ། བིབུདྡྷ་པདྨ་ཨ་མེ་གྷ་མུ་ཁི་བ་ར་བ་ར་བ་ར་དེ་སཝཱ་ཧཱ། རིག་སྔགས་འདིས་གི་ཝང་ལ་ལན་སྟོང་རྩ་བརྒྱད་བཟླས་བརྗོད་བགྱིའོ། །དོན་ཡོད་པའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིའོ། །ཁྲོ་བོའི་རྒྱལ་པོ་ལན་བདུན་བཟླས་བརྗོད་བགྱིའོ། །སྙིང་པོ་དང་ཉེ་བའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །བཟླས་བརྗོད་བགྱིད་པའི་ཚེ་ཡང་འདི་བླངས་ཏེ་དབྲལ་བའི་དབུས་སུ་ཐིག་ལེ་བགྱིས་ཏེ་ཐིག་ལེ་ལན་གཅིག་བགྱིས་པས་དཔྲལ་བའི་སྟེང་ན་སྐར་མའི་དབྱིབས་ལྟ་བུར་གནས་པར་འགྱུར་རོ། །གདུག་པ་ཐམས་ཅད་དབང་འགྱུར་མཆིས། ། གནོད་སྦྱིན་འབྱུང་པོ་གང་དག་དང ། །སྲིན་པོ་བགེགས་དང་ལོག་འདྲེན་ཉིད། །ཐམས་ཅད་འཇིག་འགྱུར་ཐེ་ཚོམ་མེད། །སེམས་ཅན་གདུག་པས་གདུག་བསམས་ Pha217b ཀྱང ། །ཕྱིར་ཞིང་བཟོད་པར་མི་ནུས་པས། །དེ་དག་ཐམས་ཅད་འཇིག་འགྱུར་ཏེ། །མེ་ལ་ཕྱེ་མ་ལེབ་བཞིན་ནོ། །རྟག་ཏུ་རྒྱལ་པོ་སྐྱེ་བོར་བཅས། །འཁོར་བཅས་བློན་པོར་བཅས་པ་དང ། །བློན་པོ་ཆེ་དང་མདུན་ན་འདོན། །བཙུན་མོ་ཚོགས་བཅས་དབང་དུ་འགྱུར། །དགེ་སྦྱོང་དང་ནི་བྲམ་ཟེ་དག་།ཐམས་ཅད་དབང་དུ་མཆིས་པར་འགྱུར། །རྒྱལ་རིགས་དམངས་རིགས་ཉིད་དག་སྟེ། ། ཐམས་ཅད་དབང་དུ་མཆིས་པར་འགྱུར། །མཆོད་པ་ཆེན་པོའི་འོས་སུ་འགྱུར། །རིག་སྔགས་ལ་ནི་ཐམས་ཅད་དང ། །གང་དག་དཀྱིལ་འཁོར་གནས་པ་སྟེ། །དེ་དག་ཐམས་ཅད་དམ་ཚིག་གི་།རྗེས་སུ་སྒྲུབ་ཅིང་སྐྱོང་བར་འགྱུར། །ཕྱོགས་བཅུར་སྲུང་བ་བགྱིད་འགྱུར་ཞིང ། །རྟག་ཏུ་གྲུབ་པ་བླ་མེད་སྩོལ། །ཐིག་ལེ་འདི་བགྱི་གྲོགས་མེད་རྒྱུ་བ་དག་།ཆོམ་རྐུན་དང་ནི་ཆོམ་པོ་གཡོན་ཅན་དང ། །གཡུལ་འགྱེད་ཉིད་ཀྱི་འཇིགས་པ་གང་ཡིན་པ། །ཀུན་ནས་བསྒྲལ་བར་འགྱུར་ཏེ་སོམ་ཉི་མེད། །སེངྒེ་སྟག་དང་དོམ་དག་དང ། །གླང་ཆེན་ཁྲོ་བོ་མི་བཟད་དང ། །ཝ་དང་གདུག་བཅས་སྲོག་ཆགས་དང ། །སོ་གདུག་སྤྲུལ་ཀུན་མགོ་ནས་ཟ། །གང་དག་སྲོག་ཆགས་གདུག་པར་བཅས། །དེ་དག་ཐམས་ཅད་ནུབ་འགྱུར་ཏེ། །ནམ་ཡང་འབྱུང་བར་མི་འགྱུར་རོ། ། སེར་བ་མེ་དང་ཚིག་པ་དང ། །ཆར་པ་མི་བཟད་མཚོན་ཆ་བྱད། །མཁས་པས་ཐིག་ལེ་འཆད་པའི་ལུས། །ཁྱིམ་རྡིབ་པས་ཀྱང་ནོན་མི་འགྱུར། །མཁས་པ་རིག་སྔགས་འཆང་བའི་དོན། ། Pha218a ༄#། །ཐམས་ཅད་འདི་ཡིས་བགྱིད་པར་འགྱུར། །ཤིན་ཏུ་མ་གྲུབ་གསལ་བར་ཡང ། །འགྲུབ་པར་འགྱུར་ཏེ་ཐེ་ཚོམ་མེད། །བཅོམ་ལྡན་འདས། རིག་སྔགས་འཆང་གིས་བདག་དྲན་པར་བགྱིད་ཅིང་དོན་ཡོད་པའི་ཞགས་པའི་སྙིང་པོ་དྲན་པར་བགྱིད་ན། བཅོམ་ལྡན་འདས། །དེ་མ་ཐག་ཏུ་རིག་སྔགས་འཆང་དེའི་མདུན་ན་བདག་མཆིས་ནས་ཡིད་ལ་བསམ་པ་ཡོངས་སུ་རྫོགས་པར་བགྱིའོ། །ཐམས་ཅད་ཀྱི་མཆོག་ཐམས་ཅད་ཇི་སྐད་གསུངས་པ་བཞིན་སྩལ་བར་བགྱིའོ། །དགོས་པ་ཐམས་ཅད་བསྒྲུབ་པར་བགྱིའོ། །དོན་ཡོད་གྲུབ་པ་རྗེས་སུ་སྩལ་བར་བགྱིའོ། །བདེན་པར་དམ་བཅས་པས་དམ་ཚིག་རྗེས་སུ་བསྐྱང་བར་བགྱིའོ། །བཅོམ་ལྡན་འདས། །གལ་ཏེ་རིག་སྔགས་འཆང་གིས་ཇི་སྐད་གསུངས་པའི་ཆོ་ག་ཞིབ་མོ་སྒྲུབ་པར་བགྱིད་ན། །དེ་བཞིན་གཤེགས་པའི་བྱིན་གྱི་རླབས་དང ། དེ་བཞིན་གཤེགས་པའི་བཀས་རྗེས་སུ་གནང་བ་དེ་དག་ཐམས་ཅད་བདག་གིས་སྩལ་བར་བགྱིའོ། །བཅོམ་ལྡན་འདས། གལ་ཏེ་རིག་སྔགས་འཆང་སྒྲུབ་པ་དང་བྲལ་བར་གྱུར་ན། བཅོམ་ལྡན་འདས། དེ་ནི། བདག་གིས་མ་ནོངས་སོ། །དེ་ལྟ་བས་ན། རིག་སྔགས་འཆང་གིས་ཇི་སྐད་གསུངས་པའི་ཆོ་ག་དང ། ཆོ་ག་ཞིབ་མོ་སྒྲུབ་པས་གསང་སྔགས་དང ། ཕྱག་རྒྱ་བསྒྲུབ་པར་བགྱི་སྟེ། དགོས་པ་དེ་དག་ཐམས་ཅད་ཐེ་ཚོམ་མ་ Pha218b མཆིས་པར་འགྲུབ་པར་འགྱུར་རོ། །དེ་ནས་གསང་སྔགས་བཟླ་སྟེ། ཨོཾ་ཨ་མོ་གྷ་བཱ་ཤ་དྷ་ར་པྲ་ས་ར་ཧཱུཾ། མཆོད་ཕྱིར་ཐོགས་པའི་སྐུད་པའི་གསང་སྔགས་ཏེ། གཞོན་ནུ་མས་བཀལ་བའི་སྐུད་པ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་མདུད་པ་གསུམ་དོར་བར་བགྱིའོ། །ོཾ་ཨ་མོ་གྷ་པྲ་བ་ར་ཎ་མུ་རུ་མུ་རི་དི་བྱ་ཀ་ཤི་ཀཾ། སཾ་བྷ་བ་ཏུ་ཏ་ར་ཏ་ར་སཝཱ་ཧཱ། གོས་ཀྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ཨ་མོ་གྷ་བསྟ་ཎྱོད་ཀྵི་པཱ་མི་བོ་དྷི་ནི་པདྨེ་སཝཱ་ཧཱ། གོས་བརྟག་པའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ད་བྱོ་ད་ཀ་སཾ་བྷུ་ཏ་ཨ་མོ་གྷ་བ་རུ་ཎ་ཙ་རེ་བྷི་ཀྵིན་ཙྱ་ཧཱུཾ། ཁྲུས་ཀྱི་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ཨ་མྲྀ་ཏ་ཨ་མོ་གྷ་པདྨ་ཨ་ས་ནེ། བཪྵ་ནི་ཙུ་རུ་ཙུ་རུ་སཝཱ་ཧཱ། ཉེ་རེག་གི་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ཨ་མོ་གྷ་རཀྵ་ཎི་ཀུ་རུ་ཀུ་རུ་སཝཱཧཱ། བདག་སྲུང་བ་སྟེ། ཡུངས་ཀར་དང ། ཆབ་ལ་ལན་ཉི་ཤུ་རྩ་གཅིག་བཟླས་ནས་རང་གི་ལུས་ལ་དབང་བསྐུར་རོ། །ོཾ་ཨ་མོ་གྷ་ས་མ་ཡ། མ་ཧཱ་པདྨེ་ཏིཥྛ་ཏིཥྛི་ཧཱུཾ། དམ་ཚིག་གི་གསང་སྔགས་ཏེ། ལན་བདུན་བཟླའོ། །ོཾ་སརྦཱ་ཏྲ་ཨ་མོ་གྷ་བ་བ་ཏི་ཏིཥྛ་རཀྵ་ཏུ་ཧཱུཾ། སློབ་མ་དང་གྲོགས་བགྱིད་པ་བསྲུང་བ་སྟེ། ཐལ་བ་ལ་ལན་བདུན་བཟླས་ནས་དཔྲལ་བར་ཐིག་ལེ་བགྱིའོ། །ོཾ་ཏྲཻ་ལོཀྱ་པདྨ་ཨ་མོ་གྷ་ཀྲ་མ་ནེ་མི་ལི་མི་ལི་སཝཱ་ཧཱ། གོམ་པ་འདོར་བའི་སྔགས་ཏེ། ལན་ཉི་ཤུ་རྩ་གཅིག་བཟླའོ།། Pha219a ༄#། །ོཾ་པདྨེ་མ་ཧཱ་པདྨེ་ས་ར་ས་ར། ས་མནྟེ་ན་པ་རི་བཥྜཱ་ཡ། ཨ་མོ་གྷ་པཱ་ཤེ་ན་སུ་རུ་སུ་རུ་སཝཱཧཱ། ཚོན་སྐུད་སྣ་ལྔ་ལ་ལན་བདུན་བཟླས་ཏེ་དཀྲི་བར་བགྱིའོ། །ོཾ་བི་ཙི་ཏྲ་ཨ་མོ་གྷ་བསྟཱ་ན་རཾ་ག་བི་ཤུདྡྷ་ཡ། ཀི་ཎི་ཀི་ཎི་སཝཱཧཱ། བ་དན་གྱི་གསང་སྔགས་ཏེ། ལན་བདུན་བཟླའོ། །ོཾ་ཨ་མོ་གྷ་ཤ་ར་བཛྲ་ཏུནྜ་ཐ་ར་ཐ་ར་སཝཱ་ཧཱ། མདའི་གསང་སྔགས་ཏེ། ལན་བདུན་བཟླའོ། །ོཾ་བི་པུ་ལ་ཨ་མོ་གྷ་མ་ཧཱ་དྷ་ར་བི་ཤུདྷེ་སི་རི་སི་རི་སཝཱ་ཧཱ། རྟ་བབས་ཀྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །སུ་དག་དེར་ཞུགས་ནས་མཐོ་རིས་ཀྱི་སྒོར་ཞུགས་པར་འགྱུར་རོ། །སྡིག་པ་དང་སྒྲིབ་པ་ཐམས་ཅད་ཡོངས་སུ་བྱང་བར་འགྱུར་རོ། །ོཾ་ནཱ་ནཱ་བི་ཙི་ཊ། ཨ་མོ་གྷ་པུཥྤ། ཕ་ལ་ཏཱ་ཀཱི་རྞ་པཱུ་ར་ཡ་པ་ར་པ་ར་ཧཱུཾ། བུམ་པ་གང་བའི་གསང་སྔགས་ཏེ། ལན་བདུན་བཟླའོ། །ོཾ་ཨ་མོ་གྷ་རཏྣ་བི་མ་ཎ། ཀ་ཊ་ད་ཙ། ཨ་དྲིཥྚ་བི་བྱ་གནྡྷོ་ཛྭ་ལ་སྥ་ར་ཎ། ས་མནྟེ་ན་ཛྭ་ལ་ཛྭ་ལ་སཝཱ་ཧཱ། པོག་ཕོར་གྱི་གསང་སྔགས་ཏེ། ལན་བདུན་བཟླའོ། །ོཾ་ཛྭ་ལ་བ་ཏི། རཏྣ་གྷ་ཏ། སི་རི་ཎི་ཏུ་ཊི་ཏུ་ཊི་སཝཱ་ཧཱ། གཏོར་མའི་སྣོད་ཀྱི་གསང་སྔགས་ཏེ། ལན་བདུན་བཟླའོ། །ོཾ་དི་བྱ་བྷཾ་ཛ་ན་ཨ་མོ་གྷ་པདྨ་བ་རེ་པཱུ་ར་ཡ་ཧཱུཾ། ཁམ་ཕོར་གྱི་གསང་སྔགས་ཏེ། ལན་བདུན་བཟླའོ། །ོཾ་ཨ་མོ་གྷ་སཾ་པུ་ར་ཎི་དྲོ་ཎ་གནྡྷ་པ་ཏི་སཝཱ་ཧཱ། ཐིག་ལེའི་གསང་སྔགས་ཏེ། ལན་བདུན་བཟླའོ། །ོཾ་ས་ར་ནི་སཱ་ར་ཡ། ཨ་མོ་གྷ་བྷ་ཛ་ནེ་ Pha219b མཱ་ད་ནེ་ཧཱུཾ། རིལ་བ་མགྲིན་རིང་གི་གསང་སྔགས་ཏེ། ལན་བདུན་བཟླའོ། །ོཾ་རཏྣ་དི་བྱ། རཏྣ་ཀུམྦྷ་བ་ཏི་སཱ་ག་ར། སཾ་པཱུ་ར་ཎི་སཝཱཧཱ། བུམ་པའི་གསང་སྔགས་ཏེ། ལན་བདུན་བཟླའོ། །ོཾ་བི་ཙི་ཏྲོ་ཛྭ་ལ་ནཱ་ན་རཾ་ག་བྷི་བྷཀྟ་ཡ་སཾ་ཤོ་དྷ་ཡ་ཏུ་ཊི་སཝཱ་ཧཱ། ཚོན་རྩིའི་གསང་སྔགས་ཏེ། ལན་བདུན་བཟླའོ། །ོཾ་དི་བྱ་ཨ་ཝ་ལོ་ཀི་ནི་བི་བྷ་ཛ་ཡཾ་ཏུ་ས་མནྟེ་ན་ས་མ་ར་ཎ་སཝཱ་ཧཱ། ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་སོ་སོར་དབྱེ་བར་བགྱིའོ། །ོཾ་ན་ནཱ་པྲ་ཧཱ་ར་ཎ་ཨ་མོ་གྷ་མུ་དྲཱ་ཛྭ་ལ་ཛྭ་ལ་སཝཱ་ཧཱ། ཕྱག་མཚན་བྲི་བ་སྟེ། ལན་བདུན་བཟླའོ། །ོཾ་ཨ་མོ་གྷ་རཏྣ་སུ་ཏྲ་དྷ་རེ་ཀི་ཎི་ཀི་ཎི་སཝཱ་ཧཱ། ཐིག་སྐུད་ཀྱི་གསང་སྔགས་ཏེ། ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་དཀྱིལ་འཁོར་རམ། རི་མོ་བྲི་བའི་རས་སམ། གཞན་གཞི་ཅི་ཡང་རུང་བ་ལ་ཡང་གདབ་པར་བགྱིའོ། ། ོཾ་བི་པུ་ལ་བ་རེ་བྲ་བེ་ཤ་ཡ། ཨོཾ་མོ་གྷ་པདྨེ་ཧཱུཾ། སྒོའི་ཆ་བྱེ་བའི་གསང་སྔགས་ཏེ། སྒོ་རེ་རེར་ཡང་ལན་ཉི་ཤུ་རྩ་གཅིག་བཟླའོ། །ོཾ་སུ་བྷི་བྷཀྟི་སུ་མཾ་ག་ལ་དྲ་ར་བཱ་བནྟི། ཨོཾ་དི་བྱ་བྷ་ཛ་ན། ཨ་མོ་གྷ་པཱ་ཤ་ན་བ་རེ། གི་རི་གི་རི་ཧཱུཾ། ཨོཾ་སཾ་བཱུ་རྣ་རུ་ཕྱིད་བྱ་བ་ཛ་ནི། ཨོཾ་མོ་གྷ་པདྨེ་སཝཱ་ཧཱ། ལན་བདུན་བཟླ་བར་བགྱིའོ། །ོཾ་བི་བི་དྷ་རཱུ་པ་ཧཱ་རོ་བ་ཀྵ་ར་ཎ། ཙ་ལ་ཙ་ལ། ཨ་མོ་གྷ་བ་ཏི་སཝཱཧཱ། ལན་ཉི་ཤུ་རྩ་གཅིག་བཟླའོ། །ོཾ་དི་བྱ་གནྡྷ་ནུ་ས་ར་ཎི་ཨ་མོ་གྷ་བ་ལེ་དྷ་ར་དྷ་ར་སཝཱཧཱ། མཆོད་ཡོན་གྱི་གསང་སྔགས་ཏེ། ལན་བདུན་བཟླའོ། །ོཾ་གནྡྷ་སྥ་ར་ཎི་ས་མནྟ། Pha220a ༄#། ། མོ་གྷ་པྲ་སྥུ་ར་ཧཱུཾ། དྲིའི་གསང་སྔགས་ཏེ། ལན་བདུན་བཟླའོ། །ོཾ་ནི་རྨ་ལ་ཀཱ་ཡ་ཤོ་དྷ་ནི་དི་བྱ་གནྡྷ་པྲ་བུ་ར་ཎི་པཱུ་ར་ཡ་ཧཱུཾ། བྱུག་པའི་གསང་སྔགས་ཏེ། ལན་བདུན་བཟླའོ། །ོཾ་གྷནྡྷ་ཙཱུ་རྞ་པྲ་པཱུ་ར་ཎི། ཙུ་རུ་ཙུ་རུ་སཝཱ་ཧཱ། དྲིའི་ཕྱེ་མའི་གསང་སྔགས་ཏེ། ལན་བདུན་བཟླའོ། །ོཾ་ས་མནྟེ་ན། བི་མ་ལེ་གནྦྷོ་ཏྟ་རེ་སཝཱ་ཧཱ། སྐུལ་བའི་གསང་སྔགས་ཏེ། ལན་བདུན་བཟླའོ། །ོཾ་དི་བྱ་གནྡྷ་པྲ་པཱུ་ར་ཎི་སཱ་ག་ར་ཛ་ལ་དི་བྱ་ཨ་དྷི་ཥྛི་ཏེ་ཀ་ལ་ཤོ་དྷ་ར་པཱུ་རྞ་པཱུ་ར་ཡ་ཛ་ཡ་སིདྡྷེ་སཝཱ་ཧཱ། བུམ་པའི་དྲི་ཆབ་ཀྱི་གསང་སྔགས་ཏེ། ལན་བརྒྱ་རྩ་བརྒྱད་བཟླའོ། །ོཾ་ར་ས་སཱ་གྲ་པ་ཏི། སརྦྦ་བི་དྷ་ཨ་དྷིཥྛ་ན་ཨ་དྷི་ཥྛི་ཏེ་སཾ་པཱུ་ར་ཡ་ཧཱུཾ། གཏོར་མ་རོ་སྣ་ཚོགས་ཅན་གྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་དི་བྱ་བྷོ་ཛ་ན། སཾ་པཱུ་ར་ཡ། བི་པུ་ལ་པྲ་བྷེ་སཝཱ་ཧཱ། ཁ་ཟས་ཀྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ཏྲི་ཤུ་ཀླ་བྷོ་ཛ་ན་བ་ལི་བི་པཱུ་ལ་ར་སཱ་གྲ་བ་ཏི་སུ་ར་པྲ་སུ་ར་ཧཱུཾ། ཟས་དཀར་གསུམ་གྱི་གཏོར་མའམ། གཏོར་མ་གཞན་ལ་ཡང་ལན་ཉི་ཤུ་རྩ་གཅིག་བཟླའོ། །ོཾ་ཕ་ལ་བ་ཏི་སཝཱ་ར་བ་ཏི་དི་བྱ་བ་ན་སྤ་ཏི། ཏ་ར་ཏ་ར་ཏུ་ནི་སཝཱ་ཧཱ། འབྲས་བུའི་གསང་སྔགས་ཏེ། ལན་བདུན་བཟླའོ། །ོཾ་དི་བྱ་ཀུ་སུ་མོཏྤ་ལ་ནཱ་ནཱ་བུཥྤ་པྲ་བཪྵ་ནི་བྷ་བ་སཝཱ་ཧཱ། མེ་ཏོག་གི་གསང་སྔགས་ཏེ། ལན་བདུན་བཟླའོ། །ོཾ་བི་བི་དྷ་ལ་ཏ་པུཥྤཱ་པ་ཀུཎྛི་ཏ་བ་ན་སྤ་ཏི་ཨ་ཧ་ར་སཾ་ Pha220b པཱུ་རྞ་ཀུཾ་བྷེ་སཝཱཧཱ། མེ་ཏོག་གཏོར་བའི་གསང་སྔགས་ཏེ། ལན་བདུན་བཟླའོ། །ོཾ་མ་ཧཱ་དྷུ་པ་མེ་གྷ་པ་ཊ་ལ་སཉྩ་དཱ་ཡ། ས་མནྟེ་ན་ཧཱུཾ་སཝཱཧཱ། དུག་པའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ཨ་ཐ་ར་པ་ཎི་ཛྭ་ལ་ཛྭ་ལ་དེ་བ་མུ་ཁེ་སཝཱ་ཧཱ། མེའི་གསང་སྔགས་ཏེ། ལན་བདུན་བཟླའོ། །ོཾ་བྷི་བི་དྷ་མ་ཎི་ཀན་ཀ་རཏྣོ་ཛྭ་ལ་པུཥྨི་མ་ཎི་ཨ་མོ་གྷ་མ་ཎི་སཝཱ་ཧཱ། ཆ་ཞིང་རྒྱན་པའི་གསང་སྔགས་ཏེ། ལན་བདུན་བཟླའོ། །ོཾ་པདྨ་ཀ་རེ་བི་མ་ལན་ཁ། ཨངྒུ་ལི། ས་མ་ས་མ་སརྦྦ་ཏ་ཐཱ་ག་ཏ་ཨ་དྷིཥྛི་ཏེ་སཝཱ་ཧཱ། ཐལ་མོ་སྦྱར་བའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་སརྦ་གུ་ཎ་པྲ་ཎ་ཏ། ཤི་རོ་བནྡྷ་ནཱ་ཡ་ན་མསྐ་རོ་མི། མི་ལི་མི་ལི་ཏུ་རི་ཎི་སཝཱ་ཧཱ། ཕྱག་བགྱི་བའི་གསང་སྔགས་ཏེ། ལན་བདུན་བཟླའོ། །ོཾ་ད་ཤ་དི་ཤ་ཨ་བྷི་བནྡྷ་ན་པྲ་ས་ར་ཧུ་ཧཱུཾ། བསྐོར་བའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་བི་བི་དྷ་ཡུ་དྷ་ཛྭ་ལི་ཏ་པ་ནི། པྲ་ཛྭ་ལ་པྲ་སྥུ་ར་ཧཱུཾ། ཐལ་མོའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་དི་བྱ་ཨ་མོ་གྷ་བི་པུ་ལ་སཝ་རེ་མ་དྷུ་ར་ནི་ར་གྷོ་ཥ་རུ་ཏེ་ན་ར་ཎ་ར་ཎ་ཧཱུཾ། དྲིལ་བུའི་གསང་སྔགས་ཏེ། ཉི་ཤུ་རྩ་གཅིག་བཟླའོ། །ཡང་ན་བརྒྱ་རྩ་བརྒྱད་དོ། །ོཾ་རཤྨི་ཛྭ་ལ་ས་མནྟེ་ན། ཨ་བ་བྷྭ་ས་ཡ་མ་ཧཱ་མ་ཎི་རཏྣ་ཤི་ཁེ་སཝཱ་ཧཱ། མར་མེའི་གསང་སྔགས་ཏེ། ལན་བརྒྱ་རྩ་བརྒྱད་བཟླའོ། །ོཾ་དྷུ་རུ་དྷུ་རུ་ཨ་པ་ཧ་ཡ་ཤཱི་གྷ་ཛ་བེ་ཧཱུཾ་དགུག་པའི་ Pha221a ༄#། །གསང་སྔགས་ཏེ། གུ་གུལ་གྱི་བདུག་པ་ལ་ལན་བརྒྱ་རྩ་བརྒྱད་བཟླའོ། །ོཾ་དུཥྛ་ས་དོ་བི་བོ་དྷ་ནི། ས་མ་ས་མ་ཡ་བ་རེ་སཝཱཧཱ། དམ་ཚིག་གི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་བི་ཙི་ཏྲ་མ་ཎི་བི་བུ་ལ་བརྟ་ནི་ཧཱུཾ། །བགྲང་ཕྲེང་གི་གསང་སྔགས་ཏེ། ལན་བརྒྱ་རྩ་བརྒྱད་བཟླའོ། །ོཾ་བི་ཙི་ཏྲ་ར་ཛྭ་ལོ་དི་བྱ། །ཀུ་སུ་མ་བ་རེ་པུཥྤ་ར་ཏི་སཝཱཧཱ། མེ་ཏོག་ཕྲེང་བའི་གསང་སྔགས་ཏེ། ལན་བདུན་བཟླའོ། །ོཾ་དི་བྱ་ལོ་ཙ་ནེ་ཨ་མོ་གྷ་པྲ་བ་རེ། སརྦ་དི་བྱ་ཨ་དྷི་ཥྛི་ཏ། སིདྡྷི་ཤོ་དྷེ་བི་ལོ་ཀི་ཏེ་སཝཱཧཱ། དགུག་པའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ཨ་མོ་གྷ་པདྨེ་ས་མནྟ། ཤུ་བྷ་ནེ་ཏ་ར་ཏ་ར་གཙྪ་སཝ་བྷ་བ་ན་མ་སཝཱཧཱ། སླར་གཤེགས་སུ་གསོལ་བའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་དི་བྱ་སཾ་པཱུ་ར་ཎི་ནཱ་གབི་ལོ་ཀི་ན་ཧཱུཾ། མཁར་གསིལ་གྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་བཌྚ་སྤུ་ར་ཎི་སྤུ་ར་ཡ། ཨ་མོ་གྷ་བི་ཏ་ས་མནྟ་པྲ་བྷེ་སཝཱཧཱ། ལྷུང་བཟེད་ཀྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་དུར་བྷ་སཾ་སྠ་ར་བིདྡྷྱ་ཨ་ཏིཥྛི་ཏ་པྲ་ས་ར་སུ་ར་སུ་ར། རི་ཥིཔཱུ་ཛི་ཏེ་སཝཱ་ཧཱ། རྩ་གདིང་བའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །ོཾ་ཛྭ་ལ་དུ་མ་ཛྭ་ལ་ཤི་ཁི་རཤྨི་གརྦྷེ་སཝཱཧཱ། སྦྱིན་སྲེག་གི་གསང་སྔགས་ཏེ། ལན་བརྒྱ་རྩ་རྩ་བརྒྱད་བཟླའོ། །ོཾ་པདྨེ་ནི་པདྨ་ Pha221b ས་ནེ་བ་རེ་ནཱ་ག་བྷུ་བ་ནེ་སཝཱ་ཧཱ། འབབ་ཆུ་དང ། མཚོའི་གསང་སྔགས་ཏེ། ལན་བདུན་བཟླའོ། །ོཾ་ཁ་ག་ཙ་རི་ཎི། ག་མ་ག་མ་ཡ་པ་ད་པྲ་ཙ་རི་ཎི་ཧཱུཾ། ལེན་པའི་གསང་སྔགས་ཏེ། ལན་བརྒྱ་རྩ་བརྒྱད་བཟླའོ། །ོཾ་སརྦ་ཏྲ་ཨ་མོ་གྷ་བྷི་ཥི་ཀ་མ་ཧཱ་ཙཱུ་ཌ་བི་མ་ལེ་ཨ་བྷི་ཥིཉྩི་ཏུ་མ། པྲ་བ་ར་པཱ་ཎི་བྷུ་ཛེ་པདྨེ་དྷ་ཛེ་སཝཱ་ཧཱ། དབང་བསྐུར་བའི་གསང་སྔགས་ཏེ། ལན་ཉི་ཤུ་རྩ་གཅིག་བཟླའོ། །རིག་སྔགས་འཆང་གིས་གསང་སྔགས་འདི་དག་ཐམས་ཅད་སོ་སོར་ཆོ་ག་ཞིབ་མོའི་སྒྲུབ་པ་ཇི་ལྟ་བ་བཞིན་དུ་ཐམས་ཅད་སོ་སོར་སྦྱར་ནས་ཆོ་ག་བསྒྲུབས་ན། དགོས་པ་རྒྱ་ཆེན་པོའི་འབྱོར་པའི་མཐུ་འདི་དག་དང ། མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་དང ། རིན་པོ་ཆེའི་སྣོད་སྣ་ཚོགས་དང ། ནོར་བུ་སྣ་ཚོགས་ཀྱི་གཞལ་མེད་ཁང་རྒྱ་ཆེན་པོ་འབྱུང་བར་འགྱུར་རོ། །ལྷའི་མེ་ཏོག་དང ། གདུགས་དང ། བ་དན་སྣ་ཚོགས་འབྱུང་བར་འགྱུར་རོ། །རོ་བརྒྱ་དང་ལྡན་པའི་ཁ་ཟས་ཀྱི་མཆོག་དང ། རོ་སྣ་ཚོགས་ཀྱི་མཆོག་རྣམས་འབྱུང་བར་འགྱུར་རོ། །གཏོར་མ་བཟང་པོ་རྣམས་པ་སྣ་ཚོགས་འབྱུང་བར་འགྱུར་རོ། །ཇི་ཙམ་དེ་བཞིན་གཤེགས་པ་ལ་འོས་པའི་གཞལ་མེད་ཁང་དག་འབྱུང་བར་འགྱུར་རོ། །བྱང་ཆུབ་སེམས་དཔའི་གཞལ་མེད་ཁང་ཇི་ལྟ་བ་དེ་ལྟ་བུ་དག་འབྱུང་བར་འགྱུར་རོ། །ལྷ་རྣམས་ཀྱི་གཞལ་མེད་ཁང་ཇི་ལྟ་བ་དེ་ལྟ་བུ་དག་འབྱུང་བར་འགྱུར་རོ། །ཀླུ་ Pha222a ༄#། །རྣམས་དང ། གནོད་སྦྱིན་རྣམས་དང ། ལྷ་མ་ཡིན་རྣམས་དང ། ནམ་མཁའ་ལྡིང་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་ལ་སོ་སོའི་གཞལ་མེད་ཁང་ཇི་ལྟ་བ་དེ་ལྟ་བུ་དག་འབྱུང་བར་འགྱུར་རོ། །མི་རྣམས་ཀྱི་ཁང་པ་ཇི་ལྟ་བ་དང ། ཁ་ཟས་ཀྱི་མཆོག་ཇི་ལྟ་བུ་དག་འབྱུང་བར་འགྱུར་རོ། །དེ་ལྟ་བས་ན། དགོས་པའི་རྣམ་པ་ཐམས་ཅད་བགྱི་བ་དང ། དེ་ཁོ་ན་ཉིད་སྒྲུབ་པའི་ཇི་སྐད་གསུངས་པའི་ཆོ་ག་ཞིབ་མོ་དང ། ཆོ་ག་དང ། གསང་སྔགས་སྒྲུབ་པ་རྣམས་བགྱིའོ། །དེ་ནས་རིག་སྔགས་འཆང་གིས་གྲུབ་པ་བླ་ན་མེད་པ་ཐམས་ཅད་འཐོབ་པར་འགྱུར་རོ། །གལ་ཏེ་རིག་སྔགས་འཆང་གིས་ལས་ཡོངས་སུ་རྫོགས་པར་བགྱི་སྟེ། དོན་ཡོད་པའི་ཞགས་པའི་སྙིང་པོ་འདི་བརྗོད་པ་ཙམ་གྱིས་རིག་སྔགས་འཆང་གི་མདུན་དུ་བདག་རང་གི་གཟུགས་ཀྱིས་ཉེ་བར་མཆིས་ནས་བསམ་པ་དང ། རེ་བ་ཐམས་ཅད་ཡོངས་སུ་རྫོགས་པར་བགྱིའོ། ། སྡིག་པ་དང ། སྒྲིབ་པ་དང ། གནོད་པ་ཐམས་ཅད་འཇིག་པར་འགྱུར། །ཡོངས་སུ་དག་པའི་ལྷ་ཆེན་པོ་ལྟར་ལུས་དག་པར་བགྱིའོ། །ཆོ་ག་ཞིབ་མོ་དང ། ཕྱག་རྒྱ་དང ། གསང་སྔགས་དང ། སྙིང་པོ་དང ། དཀྱིལ་འཁོར་དང ། དོན་ཡོད་པའི་ཞགས་པའི་རྒྱལ་པོའི་རྣམ་པར་ཐར་པའི་དཀྱིལ་འཁོར་གྲུབ་པའི་མཆོག་ཐམས་ཅད་སྩལ་བར་བགྱིའོ། །རིག་ Pha222b སྔགས་འཆང་འཁོར་ལོས་བསྒྱུར་བ་ཆེན་པོའི་དབང་བསྐུར་བས་དབང་བསྐུར་འགྱུར་རོ། །དེ་ཁོ་ན་ཉིད་ཡང་དག་པར་སྒྲུབ་པའི་གྲུབ་པ་སྩོལ་བར་བགྱིའོ། །དོན་ཡོད་པའི་ཞགས་པའི་འཇིག་རྟེན་པ་དང ། འཇིག་རྟེན་ལས་འདས་པ་སྒྲུབ་པའི་གྲུབ་པ་ཆེན་པོ་སྩལ་བར་བགྱིའོ། །ཤིན་ཏུ་རྒྱ་ཆེ་ཞིང་བག་ཚད་བ་མ་མཆིས་པ་དང ། མཆོད་པ་དང ། བཀུར་སྟི་ཆེན་པོ་འཇིག་རྟེན་ཐམས་ཅད་ཀྱི་མཆོག་ཁྱད་པར་དུ་འཕགས་ཤིང་ནོར་འདུ་བའི་བཀྲ་ཤིས་དང ། དཔལ་སྩལ་བར་བགྱིའོ། །འདི་ལ་ཡིད་གཉིས་དང ། སོམ་ཉི་བསྐྱེད་པར་མི་བགྱི་ཞིང་དངོས་པོ་གཞན་དུ་ཡང་ཡིད་ལ་མི་བགྱིའོ། །སེམས་ཅན་ཐམས་ཅད་ལ་བྱམས་པ་དང ། སྙིང་རྗེ་དང་དགའ་བ་དང ། བཏང་སྙོམས་ཀྱིས་བརྩེ་བ་ལ་མཆོག་ཏུ་བརྩོན་པར་བགྱིའོ། །བུ་གཅིག་པ་བཞིན་དུ་སེམས་ཅན་དུ་གྱུར་པ་ཐམས་ཅད་ལ་མཆོག་ཏུ་བརྩེ་བར་བགྱིའོ། །བདེན་པར་སྨྲ་བ་དང ། བདེན་པར་དགའ་བ་དང ། སྙན་པར་སྨྲ་བ་དང ། སྙིང་རྗེའི་ལྷག་པར་བསམ་པས་དམིགས་ནས་དོན་ཡོད་པའི་ཞགས་པའི་སྙིང་པོ་བཟླ་བར་བགྱིའོ། །བཟླས་བརྗོད་ཀྱི་ཆོ་ག་བགྱི་ཞིང་ཕྱག་རྒྱ་དང་གསང་སྔགས་ཀྱང་བཟླ་བར་བགྱིའོ། །ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་གཏོགས་པའི་དེ་བཞིན་གཤེགས་པ་རྣམས་ཡིད་ལ་བགྱིས་ནས་སངས་རྒྱས་རྗེས་སུ་དྲན་པ་བསྒོམ་པར་བགྱིའོ། །སངས་ Pha223a ༄#། །རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བགྱིའོ། །འཕགས་པ་མགོན་པོ་སྤྱན་རས་གཟིགས་དབང་ཕྱུག་ལ་ཕྱག་བགྱིས་ནས་མངོན་སུམ་དུ་བསྒོམ་པར་བགྱིའོ། །བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་རིམ་མོའི་གཟུགས་ལ་ཕྱག་རྒྱ་བགྱིས་ཏེ་མདུན་དུ་རྩཝའི་གདིང་བ་གཏིང་ན་སྐྱིལ་མོ་ཀྲུང་བཅས་ཏེ་མཆིས་ནས་གཞན་མི་སྨྲ་བར་བཟླས་པ་བགྱི་སྟེ། འདི་ནི། གསང་བའི་དེ་ཁོ་ན་ཉིད་སྒྲུབ་པའོ། །དེ་ནས་ཕྱག་རྒྱ་དང་གསང་སྔགས་བརྗོད་པར་བགྱིའོ། །དབང་ལ་དོན་ཡོད་པའི་ཞགས་པའི་སྙིང་པོའི་དེ་ཁོ་ན་ཉིད་གྲུབ་པར་གྱུར་ཅིག་།འཇིག་རྟེན་དབང་ཕྱུག་མགོན་པོ་ཐུགས་རྗེ་ཅན་སེམས་ཅན་ལ་བྱམས་པ་དང ། སེམས་ཅན་དག་པ་ལག་ན་པདྨ་ཅན། སེམས་ཅན་ཐམས་ཅད་ལ་བྱམས་པའི་བདག་ཉིད་ཅན་གྱི་བྱིན་གྱི་རླབས་ཀྱིས་བྱིན་གྱིས་བརླབས་པས། །ཕྱོགས་བཅུའི་དེ་བཞིན་གཤེགས་ཀུན་དང ། ལྷ་དང་ཀླུ་དང་གནོད་སྦྱིན་དང ། སྲིན་པོ་ལྷ་མིན་གསང་བ་པ། འཇིག་རྟེན་སྐྱོང་དང་ཚངས་པ་དང ། དྲག་པོ་ཁྱབ་འཇུག་གཞོན་ནུ་སོགས། །གཤིན་རྗེ་ཆུ་ལྷ་ལུས་ངན་དང ། དྲང་སྲོང་ཚོགས་དང་དེ་བཞིན་དུ། །ཟླ་ཉི་ཀུན་འགྱེད་གཞོན་ནུ་དང ། །དེ་བཞིན་དབང་ཕྱུག་དབང་ཆེན་དང ། །ཕྱག་རྒྱ་བཅིངས་པ་ཙམ་གྱིས་ནི། །དེ་དག་མྱུར་དུ་འདུ་བར་འགྱུར། །སྒྲོལ་མ་བདུན་ནི་ Pha223b འདུ་བར་འགྱུར། །དེ་བཞིན་ཕ་རོལ་ཕྱིན་བཅུ་དང ། །མགྲིན་སྔོན་དེ་བཞིན་གོས་དཀར་ཅན། །དེ་བཞིན་པདྨ་གར་གྱི་དབང ། །རྒྱལ་དང་རྣམ་རྒྱལ་ཉིད་དང་ནི། །ལྕགས་སྒྲོག་རྡོ་རྗེ་ལྕགས་སྒྲོག་དང ། །ལྷ་མོ་ཁྲོ་གཉེར་མཱ་མ་ཀཱི། །དཔེ་མེད་ཕོ་ཉ་མོ་དང་ནི། །འཇིགས་མེད་དཔལ་དང་དབྱངས་ཅན་དང ། །པདྨ་ཀོ་ཏི་ཨུཏྤ་ལ། །པདྨའི་སོ་ཅན་དེ་བཞིན་དུ། །ཏི་སེ་ཡི་ནི་རྩེ་མོ་ན། །འཕྲོག་མ་འབྱུང་པོའི་མ་དག་དང ། །དེ་བཞིན་ལག་ན་རྡོ་རྗེ་བཅུ་།མཐུ་ཆེན་ཇི་བཞིན་རིག་འཛིན་དབང ། །རྡོ་རྗེ་འཆང་ཆེན་དེ་བཞིན་དུ། །བཅུ་གསུམ་ལྷ་དབང་ལྷན་ཅིག་དང ། །སུམ་ཅུ་གཉིས་ནས་ལྷ་དག་ནི། །གསང་སྔགས་ཕྱག་རྒྱ་བཅིངས་ཙམ་གྱིས། །དེ་དག་ཐམས་ཅད་འདུ་བར་འགྱུར། །ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་རྣམ་པར་གཟིགས་ཤིང་སྟོན་པར་མཛད་དོ། །དེའི་མོད་ལ་བྱང་ཆུབ་སེམས་དཔའ་རྣམས་ཀྱིས་རྣམ་པར་གཟིགས་ཤིང་རྟག་ཏུ་མཆོག་སྩོལ་བར་འགྱུར་རོ། །རྟག་ཏུ་མགོན་པོ་འཕགས་པ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་པ་དང ། ཕྱག་རྒྱ་སྣ་ཚོགས་འཛིན་པ་ལ་བལྟ་འཚལ་བར་འགྱུར་རོ། །ཕྱག་རྒྱ་བཅིངས་པ་ཙམ་གྱིས་ནི། །བྲམ་ཟེའི་ཆ་ལུགས་དོན་ཡོད་ཞགས། །མཐོང་བར་འགྱུར་ཏེ་སོམ་ཉི་མེད། །མགྲིན་སྔོན་དང་ནི་རྟ་མགྲིན་དང ། །དེ་བཞིན་རྒྱ་མཚོའི་ཀློང་དང་ནི། །མགོན་པོའི་ཞལ་ནི་བཅུ་གཅིག་དག། །དེ་བཞིན་ Pha224a ༄#། །ཞལ་ནི་བཞི་དག་དང ། །མགོན་པོ་འཇིགས་པ་བརྒྱད་འཕྲོག་དང ། །དེ་བཞིན་གཟིགས་པ་བསམ་མི་ཁྱབ། །རྣམ་པ་སྣ་ཚོགས་གཟུགས་དང་ནི། །རྒྱུན་ལྟ་བུའི་ཏིང་ངེ་འཛིན། །ཕྱག་རྒྱ་བཅིངས་པ་ཙམ་གྱིས་ནི། །མགོན་པོ་ཐམས་ཅད་སྟོན་པར་མཛད། །བདེ་བ་ཅན་གྱི་འཇིག་རྟེན་ཁམས། །རྒྱལ་བ་འདྲེན་པ་འོད་དཔག་མེད། །བྱང་ཆུབ་སེམས་དཔའི་ཚོགས་བསྐོར་བ། །མགོན་པོ་མོད་ལ་མཐོང་བར་འགྱུར། །གཞན་ཡང་སངས་རྒྱས་ཞིང་ནི་སྟོང་དག་གི་།ཆུ་བོ་གངྒའི་བྱེ་མ་དང་མཉམ་པའི། །དེ་བཞིན་གཤེགས་འབུམ་བྱེ་བ་བརྒྱ་ཕྲག་སྟོང ། །བྱང་ཆུབ་སེམས་དཔའི་ཚོགས་བཅས་ཡོངས་བསྐོར་མགོན། །ཕྱག་རྒྱ་བཅིང་པ་ཙམ་གྱིས་མཐོང་བར་འགྱུར། །མཐོང་བ་ཆེན་པོའི་རྣམ་པར་གཞན་མཐོང་སྟེ། ཉིན་གཅིག་བཞིན་དུ་བྱང་ཆུབ་སྙིང་པོ་དང ། ཆོས་ཀྱི་འཁྲོ་ལོ་དེ་བཞིན་རྡོ་རྗེའི་གདན། །དེ་དག་རྨི་ལམ་སྣང་བ་མཐོང་འགྱུར་བས། །དེ་ལ་ཡིད་གཉིས་སོམ་ཉི་ཐེ་ཚོམ་མེད། །སངས་རྒྱས་རྣམས་ཀྱིས་གཤུང་བའམ་མཚམས་མེད་ལྔ། །མགོན་པོ་ཆེ་ལ་གདུག་སེམས་ཉིད་དང་ནི། །བྱང་ཆུབ་སེམས་དཔའ་བར་ཆད་འཕགས་པ་ལ། །ཁ་ཟེར་ཉིད་དང་དམ་ཆོས་བསླུ་བ་དང ། རྒྱལ་བའི་གསུང་སྤོང་མནར་མེད་གཞོལ་བ་དང ། མི་བཟད་དམྱལ་བ་བཅུ་དྲུག་གནས་པ་དང ། བསྐལ་པ་འབུམ་མོ་ Pha224b ཐམས་ཅད་སྐད་ཅིག་གྲོལ། །ཕྱག་རྒྱལ་གསང་སྔགས་བཟླས་པ་ཙམ་གྱིས་སམ། །ཐོས་སམ་མཐོང་ངམ་མིང་ནི་བཟུང་བས་ཀྱང ། །སྡིག་པ་དེ་ཀུན་འཇིག་འགྱུར་སོམ་ཉི་མེད། །དོན་ཡོད་ཞགས་སྙིང་ཕྱག་རྒྱ་མཐོང་བ་ཡང ། །འཇིག་རྟེན་མགོན་དང་མཚུངས་ཏེ་ཁྱད་པར་འཕགས། །སངས་རྒྱས་འབུམ་ཕྲག་སྟོང་དང་གངྒ་ཡི། བྱེ་མ་བརྒྱ་སྟོང་དག་ནི་མཐོང་བར་འགྱུར། །བྱང་ཆུབ་སྙིང་པོར་གཏོགས་པ་ཐམས་ཅད་དང ། །ཆོས་ཀྱི་འཁོར་ལོ་རབ་ཏུ་བསྐོར་བར་མཚུངས། །དོན་ཡོད་རྒྱལ་པོའི་སྙིང་པོ་ཕྱག་རྒྱ་དང ། །གསང་སྔགས་མཐོང་ནས་བསོད་ནམས་ཕུང་ཆེན་གྱིས། །བསོད་ནམས་ཕུང་པོ་འདི་དག་འཕེལ་བར་འགྱུར། །དེ་ཡི་ཚེ་ཡང་རྣམ་པར་འཕེལ་བར་འགྱུར། །དེ་ནི་དཔག་ཏུ་མེད་པར་སོམ་ཉི་མེད། །དེ་ནས་རིག་སྔགས་འཆང་བ་གཙང་གྱུར་ནས། །གཙང་མའི་གོས་བགོས་ནས་ནི་ཐོག་མར་ཡང ། །ཡོ་བྱད་སྒྲུབ་པ་གཙང་ཞིང་སྤྱོད་པ་གཙང ། །རྟག་ཏུ་ཡན་ལག་སྤོས་ནི་སྣ་ཚོགས་དང ། །སྣ་ཚོགས་བདུག་པས་རབ་ཏུ་བདུགས་བགྱིས་ཤིང ། །དཔུང་པ་ལག་པ་ལྷ་ཡི་སྤོས་ཀྱིས་བྱུག། གཙང་མའི་ས་ཕྱོགས་གཙང་མའི་སྟན་བཤམས་པར། སྐྱིལ་མོ་ཀྲུང་བཅས་ནས་ནི་བྱམས་སེམས་དང ། སྙིང་རྗེའི་ལྷག་བསམ་དེ་ཉིད་མཉམ་བཞག་ནས། །ཕྱོགས་བཅུའི་དུས་གསུམ་གཤེགས་པའི་སངས་རྒྱས་དང ། རྟག་ཏུ་འཇིག་རྟེན་དབང་ལ་ཕྱག་བགྱི་ Pha225a ༄#། །ཞིང ། རྟག་ཏུ་བླ་མ་མཆོད་ནས་ཆོས་ལ་བརྩོན། །ཤིན་ཏུ་རིག་པ་ཚིག་གཞན་མི་སྨྲ་བར། །ཤིན་ཏི་རིག་པས་སྲུང་བའི་ཆོ་ག་བགྱི། །ཤིན་ཏུ་བཀྲ་ཤིས་བླ་མ་དེ་ཉིད་གུས། །བདེན་པར་སྨྲ་ཞིང་སྙན་པར་སྨྲ་བ་དང ། །སེམས་ཅན་ཀུན་ལ་སྙིང་རྗེའི་བདག་ཉིད་ཅན། །ལྷན་ཅིག་རྗེས་མཐུན་གྱུར་ནས་དེ་ནས་ནི། །ཕྱག་རྒྱ་འདི་བཅིང་བར་བགྱི་སྟེ། ལག་པ་པདྨའི་ཚུལ་དུ་བཞག་ལ་སོར་མོ་རྣམས་མཉམ་པར་བཅིངས་ཏེ་མཐེའུ་ཆུང་ཟླ་བའི་ཚུལ་དུ་སྙིང་གར་གཞག་གོ་།ཕྱག་རྒྱ་འདི་ནི། དོན་ཡོད་པའི་རྒྱལ་པོའི་སྙིང་པོའི་རྩ་བའི་ཕྱག་རྒྱ་སྟེ། བྱང་ཆུབ་ཀྱི་སྙིང་པོའི་བར་དུ་སྩོལ་བར་བགྱིད་དོ། །མགོན་པོ་འཇིག་རྟེན་དབང་ཕྱུག་དགུག་པའི་གསང་སྔགས་འདི་བརྗོད་དོ། །ོཾ་ཨ་མོ་གྷ་བི་ཀུ་ར་བི་ཏ་ས་མནྟ་ཨ་ཝ་ལོ་ཀ་ཡ་ན་མསྟྲཻ་ཡ་དྷྭཱ། ཨ་དྷི་ཥྛི་ཏ་ཨ་མོ་གྷྲ་པ་པདྨེ། ཙ་ར་བི་ཙ་ར་སཉྩ་ཧཱུཾ་ཧཱུཾ། དེ་མ་ཐག་ཏུ་དུས་གསུམ་ལ་རྣམ་པར་བལྟ་བ་དོན་ཡོད་པའི་རྒྱལ་པོ་པདྨ་འབར་བ་གསལ་བའི་ཆོ་འཕྲུལ་དང་བཅས་པའི་ཕྱག་རྒྱའི་རྒྱལ་པོས་ཤིན་ཏུ་ཕྲ་བའི་རྡུལ་དང་མཉམ་པའི་དུས་གསུམ་དུ་གཤེགས་པའི་སངས་རྒྱས་ཀྱི་ཞིང་མང་པོ་མཐའ་དག་ཆེར་གཡོས་པར་འགྱུར་རོ། །དུས་གསུམ་དུ་གཤེགས་ཤིང་བཞུགས་པའི་སངས་རྒྱས་བཅོམ་ལྡན་འདས་དེ་དག་གི་སྐུ་ལས་འོད་ཟེར་སྣ་ཚོགས་འབུམ་ Pha225b ཕྲག་བརྒྱ་སྟོང་དུ་མ་དག་བྱུང་ནས་དེ་བཞིན་གཤེགས་པ་དེ་དག་ཐམས་ཅད་རབ་ཏུ་དགྱེས་ཤིང་སངས་རྒྱས་ཀྱི་ཞིང་ལ་མཛད་པའི་ཐུགས་རྗེ་ཆེན་པོས་ཕྱག་གསར་གྱི་ཁ་དོག་ལྟ་བུ་བརྐྱངས་ནས་རིག་སྔགས་འཆང་གི་སྤྱི་བོར་འཇོག་པར་འགྱུར་རོ། །གྲུབ་པ་དམ་པ་དོན་ཡོད་པའི་རྣམ་པར་འཕྲུལ་བའི་བྱིན་གྱིས་རླབས་ཀྱིས་བྱིན་གྱིས་བརླབས་པ་སྩོལ་བར་འགྱུར་རོ། དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་དང ། ལྷའི་བུ་དང ། གཤིན་རྗེ་དང ། ཆུ་ལྷ་དང ། ལུས་ངན་དང ། ཁྱབ་བདག་དང ། ཀུན་འགྱེད་གཞོན་ནུ་ལ་སོགས་པ་ལྷ་རྣམས་སྲུང་བ་དང ། སྐྱོབ་པ་དང ། སྦེད་པ་བགྱིད་པར་འགྱུར་རོ། །ཕྱག་རྒྱ་བཅིངས་པ་ཙམ་གྱི་མོད་ལ་སྡིག་པ་དང ། སྒྲིབ་པ་ཐམས་ཅད་དང ། འཇིགས་པ་བརྒྱད་རྣམས་དང ། ཆད་པ་ཐམས་ཅད་ལས་ཡོངས་སུ་ཐར་པར་འགྱུར་རོ། །དེའི་གྲུབ་པ་ཡིད་དུ་མཆི་བར་འགྱུར་རོ། །ལས་ཐམས་ཅད་བགྱིད་པའི་ཕྱག་རྒྱ་ཐམས་ཅད་དུ་མཆོག་ལགས་པར་གྲགས་པ་ལགས་སོ། །དོན་ཡོད་དམ་ཚིག་མཆོག་གྲགས་པ། །པདྨ་རྒྱས་པའི་ཕྱག་རྒྱ་བཅིང ། །མཛུབ་མོ་གུང་མོ་རྣམས་པདྨ་ལྕགས་ཀྱུའི་ཚུལ་དུ་བགྱིད་ལ་སེན་མོ་མཉམ་པར་བཞག་པའི་ཕྱག་རྒྱ་འདི་བསྟན་ཏེ་རྣམ་པར་གྲོལ་བའི་དཀྱིལ་འཁོར་རྩེ་བའི་ཕྱག་རྒྱ་འཛིན་པའི་གསང་སྔགས་འདི་བརྗོད་དོ། །ོཾ་ཨ་མོ་གྷ་པདྨཾ་ཀུ་ཤ་ས་མན་ཡཱ་ན། གྲྀ་ཧྣ་གྲི་ཧྣ། དྷ་ར་དྷ་ར། མ་ཧཱ་སཏྭ་ཧཱུཾ། ཕྱག་རྒྱ་ Pha226a ༄#། །བཅིང་སྟེ། བཅིངས་མ་ཐག་ཏུའམ་བཟླས་པ་ཙམ་གྱིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་ལེགས་སོ། །ཞེས་བགྱི་བ་སྩོལ་བར་འགྱུར་རོ། །དེ་བཞིན་གཤེགས་པ་དེ་དག་ཐམས་ཅད་དགྱེས་པ་དང ། མཉེས་པ་དང ། རབ་ཏུ་དགྱེས་པ་དང ། ཚིམ་པ་དང ། ཐུགས་དགྱེས་པ་སྐྱེ་བར་འགྱུར་ཞིང ། རིག་སྔགས་འཆང་ལ་ཐུགས་རྗེ་ཆེན་པོ་རྒྱས་པའི་སྙིང་པོ་གྲུབ་པ་དམ་པ་སྩོལ་བར་འགྱུར་ཞིང ། །ཡང་ནས་ཡང་དུ་མཐོང་བ་སྩོལ་བར་འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །དོན་ཡོད་པའི་དམ་ཚིག་གྲུབ་པ་སྩོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་གྱི་ཆོ་ག་ཞིབ་མོ་ཕྱག་རྒྱ་དང ། གསང་སྔགས་འཛིན་པ་རྣམ་པར་གྲོལ་བའི་དཀྱིལ་འཁོར་བཟུང་བ་ཙམ་གྱིས་དམ་ཚིག་གི་རྗེས་སུ་འཇུག་པར་འགྱུར་རོ། །ཐམས་ཅད་དུ་འཕགས་པ་སྤྱན་རས་གཟིགས་དབང་ཕྱུག་གི་གསང་བའི་དཀྱིལ་འཁོར་གྱི་ཆོ་ག་ཞིབ་མོ་ཕྱག་རྒྱ་དང ། དམ་ཚིག་འཚལ་བར་འགྱུར་རོ། །ཐམས་ཅད་དུ་དགོས་པའི་གསང་སྔགས་གྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་རྟག་ཏུ་བལྟ་འཚལ་བར་འགྱུར་རོ། །ལག་མཐིལ་པདྨ་ལྟར་བགྱིས་ལ་མཛུབ་མོ་གུང་མོ་རྡོ་རྗེ་ལྟར་ Pha226b བགྱི་ཞིང་མཐེའུ་ཆུང་བརྐྱང་པའི་ཕྱག་རྒྱ་ནི། པདྨ་འཆང་ལ་བདུག་པ་དང ། །མེ་ཏོག་ལ་སོགས་དྲི་རྣམས་དང ། །ཕྲེང་བ་བྱུག་པ་ཕྱེ་མ་དང ། །བ་དན་གོས་དང་རྒྱན་དང་ནི། །གཏོར་མ་མཆོད་ཡོན་རབ་ཏུ་དབུལ། །བུམ་པ་གང་བའི་དྲི་སོགས་དང ། །ཚོན་སྐུད་སྣ་ལྔ་ཚོན་ཕྱེ་འོ། །གཞན་ཡང་ཟས་ནི་སྣ་ཚོགས་ལ། །ཕྱག་རྒྱ་འདི་ནི་ཀུན་ལ་མཆོག་།འདི་ནི་དངུལ་བའི་ཕྱག་རྒྱར་གསུངས། །ཐམས་ཅད་དུ་ནི་དོན་ཡོད་མཆོག་།གོ་བར་བགྱིད་པའི་ཕྱག་རྒྱ་ནི། །པདྨའི་ཕྱག་གིས་བྱིན་གྱིས་བརླབས། །གུང་མོར་ནོར་བུ་དཀྲིས་པ་ལྟ་བུའི་ཕྱག་རྒྱ་འདི་ནི།་བག་ཚ་བ་མེད་པའི་པདྨ་རིན་པོ་ཆེའི་ཕྱག་རྒྱ་ལགས་ཏེ། འདི་ནི། གྲུབ་པ་དམ་པ་ལགས་སོ། །སྤྱན་དྲང་བའི་གསང་སྔགས་ནི། ཨོཾ་ཨ་མོ་གྷ་པདྨ་མ་ཧཱ་སཏྭ་ཨ་ཡ་ཏུ་མི་ཧ་མཎྜ་ལེ། བི་རི་བི་རི་པདྨ་བྷུ་ཛེ་སཝཱ་ཧཱ། དུས་གསུམ་གཤེགས་པའི་སངས་རྒྱས་རྣམས། །གསོལ་བ་གདབ་པའི་གསང་སྔགས་ཏེ། །བྱང་ཆུབ་སེམས་དཔའ་ཐམས་ཅད་དང ། །ཕྱག་ན་པདྨ་གསོལ་གདབ་དགུག་།ལྷ་རྣམས་ཀུན་དང་དེ་བཞིན་དུ། །དཀྱིལ་འཁོར་གྱི་ནི་ལྷ་རྣམས་དགུག་།ཕྱག་རྒྱ་འདི་ནི་བཅིངས་པ་ཡིས། །ཕྱོགས་བཅུ་ཀུན་གྱི་སངས་རྒྱས་དང ། །དེ་བཞིན་བྱང་ཆུབ་སེམས་དཔའང་འདུ། །ལྷ་དང་ཀླུ་དང་གནོད་སྦྱིན་དང ། །དྲི་ཟ་ལྷ་མིན་དེ་བཞིན་དུ། །ནམ་མཁའ་ལྡིང་དང་མིའམ་ཅི། །ལྟོ་འཕྱེ་ཆེན་པོ་ཉིད་དག་སྟེ། །དེ་ཀུན་སྐད་ཅིག་ Pha227a ༄#། །འདུ་འགྱུར་ཞིང ། །བསྲུང་བའི་ཕྱིར་ནི་སོམ་ཉི་མེད། །ལག་པ་རྡོ་རྗེའི་ཚུལ་དུ་བཞག་ལ་ལག་པའི་མཐེའུ་ཆུང་རྣམས་པདྨའི་མཚམས་སུ་བྱ་སྟེ། གུང་མོ་རྣམས་ཡིད་ཙམ་བསྐུམས་པའི་ཕྱག་རྒྱ་བཅིངས་པ་ནི། གྲུབ་ལྡན་འདི་ནི་ཕྱོགས་བཅིངས་དང ། །དཀྱིལ་འཁོར་བཅིང་བར་བགྱི་བ་ཡི། །སྲུང་བའི་ལས་ལ་བག་ཚ་མེད། །ཕྱག་རྒྱ་འདི་ནི་བཅིངས་ཙམ་དང ། །གསང་སྔགས་སྟོང་ནི་བཟླས་ཙམ་གྱིས། །དཔག་ཚད་བདུན་ནི་ཁོར་ཡུག་ཏུ། །མཚམས་བཅིངས་དཀྱིལ་འཁོར་བཅིངས་པ་དང ། །སྲུང་བའི་ལས་ནི་བགྱིས་པར་འགྱུར་རོ། །ོཾ་ཨ་མོ་གྷ་བཛྲ་དྲྀ་ཌྷ་པདྨ་བནྡྷ་ས་མནྟེ་ན་མ་ཧཱ་ས་མནྟ་རཀྵ་ཏྣུ་མཾ། ཙུ་རུ་ཙུ་རུ་ཧཱུཾ་ཕཊ། དེ་ནས་དོན་ཡོད་ཕྱག་རྒྱ་སྟེ། གྲུབ་ལྡན་སེམས་ཅན་ཀུན་སྨྲ་ན། །དོན་ཡོད་པ་ཡི་ཕྱག་རྒྱ་ནི། ཁྱད་པར་འཕགས་པ་གཞན་ཡང་བསྟན། །རྡོ་རྗེ་ཐལ་མོ་སྦྱར་ནས་སོར་མོ་རྣམས་མཉམ་པར་བཞག་སྟེ་སྲིན་ལག་ཁ་གདེངས་ལ་སོར་མོ་རྣམས་ཡིད་ཙམ་བསྐུམས་པ་ནི། དོན་ཡོད་སྣ་ཚོགས་རྒྱལ་པོ་ཡི། །པདྨའི་ཕྱག་རྒྱ་ཆེན་པོར་བསྒྲགས། །ཕྱག་རྒྱ་འདི་ནི་ལས་ཀུན་དང ། །འཇུག་པའི་ལས་ཀུན་སྦྱར་བ་དང ། །དཀྱིལ་འཁོར་ཕྱག་རྒྱ་མཆོག་ཀུན་གསུངས། །ཕྱག་རྒྱ་འདི་ནི་བཟུང་ཙམ་དང ། གསང་སྔགས་དམ་པ་བསྲུངས་བགྱིས་ན། །རིག་སྔགས་འཆང་བ་འཇུག་པར་འགྱུར། ། Pha227b དུས་གསུམ་གཤེགས་པ་རྣམ་ཐར་པའི། །དཀྱིལ་འཁོར་དམ་པ་གྲུབ་པར་འགྱུར། །ོཾ་བཛྲེ་བཛྲེ། ཨ་དྷི་ཥྛི་ཏེ་པདྨོ་བི་ཤཝ་རཱུ་པ་དྷ་རེ། དྷ་ར་དྷ་ར་ཧཱུཾ། པྲ་བེ་ཤ་ཏུ་སྟྲཻ་ཡ་དྷོ་ནུ་ག་ཏ་ན་དྷ་རི་ཏུ་ཊི་སཝཱ་ཧཱ། ཕྱག་རྒྱ་འདི་ནི་བཅིངས་ཙམ་གྱིས། །དེ་ཉིད་གྲུབ་པས་ཕྱོགས་བཅུ་ཡི། །སངས་རྒྱས་ཞིང་ནི་རྣམ་དྲུག་ཏུ། །གཡོ་བར་འགྱུར་བར་སོ་མ་ཉི་མེད། །ཕྱག་ན་པདྨའི་ལུས་འབར་ནས། མགུ་བ་ཆེན་པོ་འབྱུང་བར་འགྱུར། །རིག་སྔགས་འཆང་ལ་འཛུམ་བཞིན་གྱིས། །རྟག་ཏུ་བལྟ་ཤིང་མདུན་ན་མཆོས། །སངས་རྒྱས་ཀྱི་ནི་ཞིང་ཀུན་དང ། མཐོ་རིས་སྒོ་རྣམས་འབྱེད་པར་འགྱུར། །སུམ་ཅུ་རྩ་གཉིས་གནས་རྣམས་ན། །གནས་པའི་ལྷ་རྣམས་སྒོ་འབྱེད་ཅིང ། །སུམ་ཅུ་རྩ་གསུམ་གནས་སྒོ་ན། གནས་པ་ཐམས་ཅད་སྒོ་འབྱེད་དོ། །བདེ་ཆེན་འཇིག་རྟེན་ཁམས་དག་ནི། །སྒོ་ན་གནས་པ་སྒོ་འབྱེད་དོ། །ཕྱག་རྒྱ་འདི་ནི་བཅིངས་ཙམ་གྱིས། །གནས་ཀུན་ཏུ་ནི་འཇུག་པར་འགྱུར། །ཕྱག་རྒྱ་སྡིག་པ་ཐམས་ཅད་འཕྲོག་།ཉེ་བའི་ཉོན་མོངས་ཐམས་ཅད་འཇོམས། །སྡུག་བསྔལ་ཀུན་ལས་རྣམ་པར་གྲོ། །གནོད་པ་ཐམས་ཅད་འཇིགས་པར་བགྱིད། །དམྱལ་བ་བཅུ་དྲུག་རྣམས་ལས་ཐར། །ཕྱག་རྒྱ་བཅིངས་པ་ཙམ་གྱིས་ནི། མི་བཟད་འཇིགས་པ་བརྒྱད་རྣམས་དང ། ཉེས་བྱས་ཐམས་ཅད་འཇིག་པར་བགྱིད། །དམྱལ་བའི་སྒོ་ནི་བཅད་པར་འགྱུར། །མི་བཟད་འཇིགས་ལས་བསྒྲལ་བར་ Pha228a ༄#། །འགྱུར། །ཕྱག་རྒྱ་འདི་ནི་མཐོང་ཙམ་གྱིས། །མཚམས་མེད་ལྔ་ནི་བགྱིས་པ་དང ། སྡིག་པ་ཀུན་ལས་རྣམ་པར་ཐར། །སེམས་ཅན་ཀུན་ལ་རྟག་ཏུ་སྡུག་།དེ་བཞིན་གཤེགས་ཀུན་བྱིན་གྱིས་རློབ། །ཕྱག་རྒྱ་འདི་ཉིད་མཐེ་བོའི་རྩེ་མོ་ཅུང་ཟད་བཀུག་ལ་བཟུང་སྟེ་གུང་མོ་པདྨའི་རལ་བའི་ཚུལ་དུ་བགྱིས་ཏེ་སྤྱི་བོའི་རལ་བ་ས་ལ་བཞག་པ་ནི།་པདྨའི་རལ་བའི་ཕྱག་རྒྱ་ལགས་ཏེ། འདི་ནི། དོན་ཡོད་པའི་ཞགས་པ་ཞེས་བསྒྲགས་ཏེ། སེམས་ཅན་ཐམས་ཅད་ལ་སྨན་པའི་སླད་དུ་གསང་སྔགས་འདི་བརྗོད་པར་བགྱིའོ།། ཨོཾ་ཨ་མོ་གྷ་པདྨོ་ཛ་ལེ་བི་ཤོ་དྷ་ཡ་ཧཱུཾ་བི་རི་བི་རི་བི་མ་ལེ་སཝཱ་ཧཱ། ཕྱག་རྒྱ་སྤྱི་བོར་བཞག་ནས་ཆབ་དག་གིས། བཀྲུས་ནས་གཙང་མས་གསང་སྔགས་འདི། །བརྒྱ་རྩ་བརྒྱད་དུ་བཟླས་ནས་སུ། །ཕྱག་རྒྱ་གསང་སྔགས་དོགས་མེད་པས། རྟག་ཏུ་བཀྲུས་པའི་མོད་ཙམ་གྱིས། །མི་གཙང་བ་ནི་གཙང་བར་འགྱུར། །མི་གཙང་སྤྱོད་པ་གཟང་བ་དང ། ཚངས་སྤྱོད་མ་ཡིན་ཚངས་སྤྱོད་འགྱུར།། མི་ཐུབ་པ་ནི་ཐུབ་པར་འགྱུར། །བསོད་ནམས་ཕུང་པོ་ལྷ་བཞིན་འབར། །ཟླ་བ་ཉི་མ་བཞིན་དུ་མཛེས། །འཇིག་རྟེན་ཀུན་སྙིང་རྟག་ཏུ་སྡུག ། གསང་སྔགས་བླ་ན་མེད་པ་འགྲུབ། །གྲུབ་པ་དོན་ཡོད་ཞགས་པ་ཡི། །དོན་ཡོད་དེ་ཉིད་འགྲུབ་པར་འགྱུར། །ལྷ་རྣམས་ཀུན་ནི་འདུ་འགྱུར་ཏེ། བསྲུང་བའི་ཕྱིར་ནི་སོ་མ་ཉི་ Pha228b མེད། །མགོན་པོ་འཕགས་པ་སྤྱན་རས་གཟིགས། །སེམས་དཔའ་མཆོག་སྦྱིན་དག་པ་པོ། །མཆོག་སྦྱིན་རྒྱུན་དུ་ཐམས་ཅད་དུ། །ཉི་མ་རེ་རེ་མཐོང་འགྱུར་ཞིང ། །ཚེ་འཕེལ་རྟག་ཏུ་ནད་མེད་འགྱུར། །དེ་བཞིན་མགུ་དང་རྒྱས་པར་འགྱུར། །ཐམས་ཅད་དུ་ནི་ལས་འགྲུབ་སྟེ། །གནོད་པ་ཀུན་ལས་རྣམ་པར་གྲོལ། །སྡིག་པ་ཀུན་ལས་རྣམ་པར་ཐར། །ཐམས་ཅད་དུ་ནི་བཀྲ་ཤིས་མཆོག་།ཁྲུས་ཀྱི་རྣམ་པ་འདི་དག་ནོ། །དོན་ཡོད་ཁྲུས་ཀྱི་མཆོག་ཡིན་ནོ། །ལག་གཉིས་བསྡམས་ལ་འོག་ཏུ་བསྟན། །སྲིན་ལག་གཉིས་ཡིད་ཙམ་བསྐུམས་པ་ནི། པདྨའི་ནོར་བུ་ཕྱག་རྒྱ་ལགས་ཏེ། ཀུན་ནས་ཀྱང་ནི་མཉམ་པར་བཞག་།ཕྱག་རྒྱ་ཏིང་འཛིན་ལྟ་བུ་འདི། །སྐྱིལ་མོ་ཀྲུང་བཅས་མཆིས་ནས་སུ། །ཕྱག་རྒྱ་འདི་དག་བཅིངས་བགྱིས་ཤིང ། ། མཉམ་པར་བཞག་ནས་གསང་སྔགས་བཟླས། །བཅིངས་པ་ཙམ་གྱི་མོད་ནས་ནི། །སྐྱིལ་ཀྲུང་རྡོ་རྗེ་ལྷུན་མཉམ་འགྱུར། །ཀུན་ནས་གོ་ཆར་གྱུར་ནས་ནི། །བགེགས་དང་ལོག་འདྲེན་ཐམས་ཅད་དང ། །གནོད་སྦྱིན་སྲིན་པོ་འབྱུང་པོར་བཅས། །ལྷ་མིན་མཁའ་ལྡིང་གིས་མི་མཐོང ། །ཕྱོགས་དང་ཕྱོགས་མཚམས་རྣམས་དག་ཏུ། །དེ་དག་ཐམས་ཅད་རྒྱང་རིང་འབྲོས། ། བགེགས་མེད་པར་ནི་ལས་འགྲུབ་པས། །བཟླས་པའི་ལས་ལ་སོམ་ཉི་མེད། །ོཾ་ཨ་མོ་གྷ་བཛྲ་དྲྀ་ཌྷ་པདྨེ་ཤཝ་ར་ཧཱུཾ། ཐལ་མོ་མཉམ་པར་སྦྱར་ལ་མཛུབ་མོ་དང་གུང་མོ་བཀུག་ནས་མཐེ་ Pha229a ༄#། །བོང་པདྨ་ཁ་ཕྱེ་བ་ལྟར་བགྱི་སྟེ། དོན་ཡོད་པའི་དབང་ཕྱུག་རྒྱལ་པོའི་ཕྱག་རྒྱའོ། །འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་གསང་སྔགས་དང ། ཕྱག་རྒྱ་བཅིང་བར་བགྱིའོ། །ོཾ་པདྨེ་ཤཝ་ར་ཨ་མོ་གྷ་བ་ར་ད། བྷི་རི་བྷི་རི་སཝཱ་ཧཱ། འདིས་ཐོག་མར་བཟླས་བརྗོད་ཉི་ཤུ་རྩ་གཅིག་བགྱིའོ། །དེའི་འོག་ཏུ་ཕྱག་རྒྱ་བཅིངས་ནས་དོན་ཡོད་པའི་ཞགས་པའི་སྙིང་པོ་དེ་ཁོ་ན་ཉིད་སེམས་པའི་བསམ་བ་རྩེ་གཅིག་པས་བཟླས་བརྗོད་བགྱིའོ། །ལན་ཅིག་བཟླས་པ་ཙམ་གྱི་མོད་ལ་དུས་གསུམ་དུ་རྒྱུན་དུ་གཤེགས་པའི་སངས་རྒྱས་འབུམ་ཕྲག་བརྒྱ་སྟོང་གངྒཱའི་ཀླུང་གི་བྱེ་མ་དང་མཉམ་པ་གཡོ་བར་འགྱུར་ཞིང ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་རིག་སྔགས་འཆང་དེ་ལ་ལེགས་སོ། །ཞེས་བགྱི་བ་སྩོལ་བར་འགྱུར་རོ། །དབུགས་འབྱིན་པར་མཛད་དོ། །རིག་སྔགས་འཆང་དེ་ལ་འོད་ཟེར་སྣ་ཚོགས་གཏོང་བར་མཛད་དོ། །མགོན་པོ་འཕགས་པ་སྤྱན་རས་གཟིགས་དབང་ཕྱུག་དྲན་པར་བགྱིས་པ་ཙམ་གྱི་མོད་ལ་མདུན་དུ་མཆིས་པར་འགྱུར་རོ། །འདི་ལྟར་བཅིངས་པ་ཙམ་གྱིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ཕ་རོལ་ཏུ་ཕྱིན་པ་བཅུ་དང་ལྡན་པར་འགྱུར་རོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ལྡན་པར་འགྱུར་རོ། །དེ་ Pha229b བཞིན་གཤེགས་པའི་སྟོབས་བཅུ་དང་ལྡན་པར་འགྱུར་རོ། །མི་འཇིགས་པ་བཞི་འཐོབ་པར་འགྱུར་རོ། །འཕགས་པའི་ལམ་ཡན་ལག་བརྒྱད་ཡོངས་སུ་དག་པར་འགྱུར་རོ། །ཕྱག་རྒྱ་འདི་བཅིངས་ལ་དོན་ཡོད་པའི་རྒྱལ་པོའི་སྙིང་པོ་དྲན་པར་བགྱིས་པ་ཙམ་གྱི་མོད་ལ་ཡོན་ཏན་དང་ཕན་ཡོན་རྣམས་འཐོབ་པར་འགྱུར་རོ། །བཟླས་བརྗོད་བརྒྱ་རྩ་བརྒྱད་བགྱིས་ལ་ཕྱག་རྒྱ་བརྒྱ་རྩ་བརྒྱད་བཅིངས་ནས་ཞག་གཅིག་སྨྱུང་བ་བགྱིས་ཏེ་བཟླས་བརྗོད་བགྱིས་ན། འཕགས་པ་སྤྱན་རས་གཟིགས་དབང་ཕྱུག་བདག་ཉིད་ཀྱི་རང་བཞིན་དུ་མདུན་དུ་མཆིས་ནས་རིག་སྔགས་འཆང་ལ་ལེགས་སོ་ཞེས་བགྱི་བ་སྩོལ་ཏེ། རིག་སྣགས་འཆང ། །ལེགས་སོ་ལེགས་སོ། །འདི་ནི། བཟླས་བརྗོད་ཀྱི་དམ་པ་ཡིན་ནོ། །ཞེས་དཔུང་པ་གཡས་པ་བརྐྱང་བའི་ལག་པས་རིག་སྔགས་འཆང་གི་སྤྱི་བོར་བཞག་ནས་དབུགས་འབྱིན་པར་འགྱུར་ཏེ། ཚུར་ཤོག་བུ། གང་འདོད་པའི་མཆོག་སློངས་ཤིག་དང་སྦྱིན་ནོ། །ཁྱོད་རྗེས་སུ་བཟུང་ཞིང་བྱིན་གྱིས་བརླབས་པས་ངའི་བུ་རིག་སྔགས་འཆང་གི་ཐུ་བོར་གྱུར་ཅིག་།རིག་སྔགས་འཆང ། ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་གྲུབ་པས་རྣམ་པར་གྲོལ་བའི་དཀྱིལ་འཁོར་གྱི་ཕྱག་རྒྱ་རིམ་པར་དབྱེ་བ་དང ། ཆོ་ག་ཞིབ་མོའི་རྒྱལ་པོ་ལ་བརྟན་པར་གྱིས་ཤིག་།སྙིང་རྗེ་ཆེན་པོའི་སེམས་ཀྱིས་སེམས་ཅན་ཐམས་ཅད་ལ་གོམས་པར་གྱིས་ཤིག་།ཁྱོད་འདི་ Pha230a ༄#། །ནས་མ་འོངས་པའི་མངལ་དུ་གནས་ནས་ཤི་འཕོས་ཏེ་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་ཞིང ། ཁྱོད་པདྨའི་ནང་དུ་བརྫུས་ཏེ་སྐྱེས་ནས་རྒྱན་ཐམས་ཅད་ཀྱིས་བརྒྱན་ཅིང་མཚན་དང་དཔེ་བྱད་ཀྱིས་རབ་ཏུ་བརྒྱན་པ་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་ཚེ་དཔག་ཏུ་མེད་པར་འགྱུར་རོ། །འདི་ལྟར་ཚིག་གཞན་མི་སྨྲ་བར་ལན་སྟོང་རྩ་བརྒྱད་བཟླས་བརྗོད་བགྱིས་ཏེ། ཕྱག་རྒྱ་བརྒྱ་རྩ་བརྒྱད་བཟླས་བརྗོད་བགྱིས་ཏེ་ཕྱག་རྒྱ་བརྒྱ་རྩ་བརྒྱད་བཅིངས་པས། ལན་སྟོང་རྩ་བརྒྱད་ཚང་ནས་ནམ་མཁའ་ལ་མཆི་བར་འགྱུར་རོ། །དོན་ཡོད་པའི་རྣམ་པར་འཕྲུལ་པ་རྣམ་པར་དག་པའི་དཀྱིལ་འཁོར་གྱི་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་འབུམ་ཕྲག་བྱེ་བ་བརྒྱ་སྟོང་ཕྲག་བཅོ་བརྒྱད་ཀྱིས་ཡོངས་སུ་བསྐོར་བར་འགྱུར་རོ། །ཚེ་དཔག་ཏུ་མ་མཆིས་པར་འགྱུར་རོ། །དོན་ཡོད་རྒྱ་ཆེར་སྣང་བ་ཞེས་བགྱི་བའི་རྫུ་འཕྲུལ་འཐོབ་པར་འགྱུར་རོ། །རྫུ་འཕྲུལ་གང་གི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་དཔུང་པ་བསྐུམ་པ་ལས་བརྐྱང་བ་ཙམ་གྱིས་མཆི་ཞིང་སླར་ལྡོག་པར་འགྱུར་རོ། ། བཟླས་བརྗོད་བརྒྱ་སྟོང་བགྱིས་ལ་ཕྱག་རྒྱ་བརྒྱ་སྟོང་བཅིངས་ན། ཚེ་འདི་ཉིད་ལ་འཕགས་པ་སྤྱན་རས་གཟིགས་དབང་ཕྱུག་དང་འདྲ་བར་འགྱུར་རོ། །སྒྱུ་མ་ལྟ་བུའི་ཏིང་ངེ་འཛིན་ Pha230b གྱིས་རྣམ་པར་རོལ་བའི་དོན་ཡོད་པའི་མིག་ཡོངས་སུ་དག་པ་འཐོབ་པར་འགྱུར་རོ། །དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་དང ། ལྷའི་བུ་དང ། དྲག་པོ་དང ། དབང་པོ་དང ། ཉི་མ་དང ། ཟླ་བ་དང ། གཞོན་ནུ་དང ། གཤིན་རྗེ་དང ། ཆུ་ལྷ་དང ། ལུས་ངན་ལ་སོགས་པའི་གཟུགས་སྣ་ཚོགས་མཐོང་བར་འགྱུར་རོ། །ཀླུའི་རྒྱལ་པོའི་གཟུགས་རྣམ་པ་སྣ་ཚོགས་ཀྱི་བར་དུ་མཐོང་བར་འགྱུར་རོ། །ཇི་ལྟ་ཇི་ལྟར་སེམས་ཅན་རྣམས་འདུལ་བར་འགྱུར་བ་དེ་ལྟ་དེ་ལྟ་བུའི་གཟུགས་མཐོང་བར་འགྱུར་ཏེ། འདི་ནི། འཇིག་རྟེན་པའི་བཟླས་བརྗོད་སྒྲུབ་པ་འབུམ་ལགས་སོ། །འབུམ་བཟླས་པས་འཇིག་རྟེན་ལས་བཟླས་པ་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ན་དེ་བཞིན་གཤེགས་པ་ཐམས་ཅད་མངོན་སུམ་དུ་སྣང་བའང་མཐོང་བར་འགྱུར་རོ། །དེ་བཞིན་གཤེགས་པ་ཐམས་ཅད་ལ་ལུང་བསྟན་པ་འཐོབ་པར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ཕྱིར་མི་ལྡོག་པར་བྱིན་གྱིས་བརླབས་བར་འགྱུར་རོ། །ཕྱག་རྒྱ་བཅིངས་ཏེ་སྐྱིལ་མོ་ཀྲུང་བཅས་ནས་སེམས་ཅན་ཐམས་ཅད་ལ་བརྩེ་བ་དང ། འབྱུང་པོ་ཐམས་ཅད་ལ་བྱམས་པ་དང་སྙིང་རྗེ་བའི་སེམས་ཀྱི་རང་བཞིན་གྱིས་དོན་ཡོད་པའི་ཞགས་པའི་སྙིང་པོ་ལན་གཅིག་བཟླས་བརྗོད་བགྱིའོ། །བཟླས་བརྗོད་བགྱིས་མ་ཐག་ཁོ་ནར་ལན་དྲུག་བརྒྱ་བཞི་བཅུར་བཟླས་བརྗོད་པར་བགྱིས་པར་འགྱུར་རོ། །དེ་བཞིན་ Pha231a ༄#། །གཤེགས་པ་ཐམས་ཅད་དབུགས་འབྱིན་པར་མཛད་ཅིང་དྲན་པ་དང ། བློ་གྲོས་དང ། གཟི་བརྗིད་ལུས་ལ་འཇུག་པར་བགྱིད་དོ། །བཟླས་བརྗོད་བགྱིས་པ་ཙམ་གྱི་མོད་ལ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །རི་མོའི་སྐུ་གཟུགས་དེ་ལ་ཡང་འོད་ཟེར་འབྱུང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཡོངས་སུ་དག་པའི་བདག་ཉིད་རྨི་ལམ་དུ་མཐོང་བར་འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །དེའི་ལས་གྱི་སྒྲིབ་པ་ཐམས་ཅད་ཡོངས་སུ་དག་པར་འགྱུར་རོ། །སྡིག་པ་དང་སྒྲིབ་པ་ཐམས་ཅད་ཡོངས་སུ་བསལ་བ་དང་གཏུགས་པར་འགྱུར་རོ། །ནད་ཐམས་ཅད་སྤངས་པར་འགྱུར་རོ། །འཇིག་རྟེན་པའི་དགོས་པ་སྒྲུབ་པ་རྣམས་ཀྱི་དམ་པ་ཐམས་ཅད་འགྲུབ་པར་འགྱུར་བས་སངས་རྒྱས་རྗེས་སུ་དྲན་པ་བསྒོམ་པར་བགྱིའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་གསུམ་པ། ཐལ་མོ་ལྷན་ཅིག་བསྡམས་ཏེ་སྦྱར་ལ་རྩེ་མོ་ཡིད་ཙམ་བཀུག་སྟེ་ཁར་གཏད་ལ། སྲིན་ལག་གཉིས་ཕྱིར་འགྱེད་ཅིང་གུང་མོ་པདྨ་ལྟ་བུར་བགྱིས་ཏེ་སྔགས་འདི་བརྗོད་དོ། །ོཾ་ཏུ་རུ་ཏུ་རུ་པདྨེ་ཨ་མོ་གྷ་སིདྡྷི་ཧཱུཾ། ཕྱག་རྒྱ་འདི་ནི་དོན་ཡོད་གྲུབ། །ལས་རྣམས་གྲུབ་དང་ལྡན་པ་ཡི། །འདི་ནི་བཅིང་བ་བགྱིས་པ་ཡིས། །ཀུན་རིག་མྱུར་དུ་འགྲུབ་ Pha231b པར་འགྱུར། །མྱུར་དུ་སྟོན་པ་སྩོལ་འགྱུར་ཏེ། །རྙེད་དཀའ་དོན་ཡོད་གྲུབ་པ་མཆོག་།མཆོག་ཀུན་རབ་ཏུ་སྟོབ་པར་འགྱུར། །འཇིག་རྟེན་འདས་པ་དེ་བཞིན་འཇིག་རྟེན་པ། །སྒྲིབ་པ་ཐམས་ཅད་ལས་ནི་རྣམ་པར་གྲོལ། །བསོད་ནམས་ཕུང་པོ་དག་ནི་རྟག་ཏུ་འཕེལ། །བཀྲ་ཤིས་སྒྲ་ནི་འབྱུང་བར་འགྱུར་བའོ། །ལྷ་རྣམས་རྟག་ཏུ་སྲུང་བར་འགྱུར། །རྡོ་རྗེ་བཅིང་བ་ཤིན་ཏུ་བཅིང ། །རྟག་ཏུ་སེམས་ནི་བརྟན་པོར་བགྱི། །མཛུབ་མོ་དག་ནི་ཡིད་བསྐུམས་ནས། །སྙིང་ག་དག་ཏུ་རབ་ཏུ་བརྐྱང ། །དོན་ཡོད་པའི་པདྨའི་དཀྱིལ་འཁོར་ཕྱག་རྒྱ་དང ། སྙིང་པོ་གསུངས་པ་དང ། པདྨའི་དབང་ཕྱུག་གི་ཕྱག་རྒྱ་ལས་དང་དོན་ཐམས་ཅད་འགྲུབ་པའི་གསང་སྔགས་དེ་དག་གསུངས་ནས་དེ་ནས་དོན་ཡོད་པའི་རྒྱལ་པོ་གསུངས་པ། ཨོཾ་ཨ་མོ་གྷ་ཧྲྀ་ད་ཡ། པདྨེ་དྷ་ར་དྷ་ར་པདྨ་དྷ་ར་མ་ཧཱ་མཎྜ་ལ་ཧྲྀ་ད་ཡ་ཧཱུཾ། སྙིང་པོ་ཕྱག་རྒྱ་འདི་ནི་བཅིངས་པ་ཡིས། །པདྨ་འཆང་བའི་དོན་ཡོད་སྙིང་པོ་ཡི། །གྲུབ་པ་དེ་ཉིད་ཡང་དག་སོམ་ཉི་མེད། ། ཐམས་ཅད་དུ་ནི་ལས་རྣམས་ཐམས་ཅད་དང ། དེ་ནི་གྲུབ་པར་འགྱུར་ཏེ་སོམ་ཉི་མེད། །ཤིན་ཏུ་གསང་བའི་ཕྱག་རྒྱ་གསུང ། །ཤིན་ཏུ་གསང་བའི་གསང་སྔགས་བཟླས། །ཤིན་ཏུ་བཀྲུས་པས་གོས་གཙང་བགོ་།གཙང་མའི་སེམས་ཀྱིས་འཆང་བགྱིད་ཅིང ། །སེམས་ཅན་ཀུན་ལ་བརྩེར་གྱུར་ནས། །རྟག་ཏུ་བླ་མ་གུས་པར་བསྒོམ། །རྟག་ཏུ་ཤིན་ཏུ་དང་བགྱི་ཞིང ། ། Pha232a ༄#། །པདྨའི་ཕྱག་ལ་དགའ་བར་བགྱི། །མྱུར་དུ་ལས་འགྲུབ་མྱུར་དུ་ནི། །པདྨ་འཆང་དང་སངས་རྒྱས་འཐོབ། །མྱུར་དུ་འཇིག་རྟེན་དབང་ཕྱུག་འཐོབ། །མྱུར་དུ་སེམས་ཅན་ཀུན་ཕན་ལྡན། །ལག་པ་གཡོན་པ་བརྐྱང་པ་ཙམ་གྱིས་ཁར་པདྨའི་ཚུལ་དུ་བཞག་ལ་ལག་པ་བསྒྱུར་ནས་མཛུབ་མོ་གྱེན་དུ་བསྒྲེང ། མཐེ་བོང་ཡིད་ཙམ་བཀུག་ལ་ལག་པ་གཡས་པ་བརྐྱང་སྟེ་སོར་མོ་རྣམས་པདྨའི་ཚུལ་དུ་བཞག་ལ་མཐེ་བོང་ཡིད་ཙམ་བཀུག་སྟེ་གུང་མོ་དོན་ཡོད་པའི་ཞགས་པ་བགྱི་བ་ནི། དོན་ཡོད་པའི་ཞི་བའི་ཆོ་ག་ཆེན་པོའི་མིག་སེམས་ཅན་ཐམས་ཅད་ལ་བྱམས་པའི་སེམས་དང ། སྙིང་རྗེའི་བདག་ཉིད་ཅན་ལགས་ཏེ། གསང་སྔགས་འདི་བརྗོད་དོ། །ོཾ་པ་ཤུ་པ་ཏི་པཱ་ཤྲཱ་དྷ་ར་ས་ཧ་སྲ་ར་ཤྨི་པྲ་ཏི་མ་ཎ་ཌི་ཏ་ཀཱ་ཡ། ཨ་ཀ་རི་ཥ་ནི་སཉྩོ་ད་ནི། བྷུ་རུ་བྷུ་རུ། ཨ་མོ་གྷ་པཱ་ཤ་སིདྡྷི་ཧཱུཾ། ཕྱག་རྒྱ་འདིས་གསང་སྔགས་ལན་ཉི་ཤུ་རྩ་གཅིག་བཟླའོ། །དེ་ནས་དོན་ཡོད་པའི་ཞགས་པའི་སྙིང་པོ་བཟླས་ནས་ལག་པ་གཡས་པ་ཞགས་པའི་ཕྱག་རྒྱའི་ཚུལ་དུ་གདེག་ཅིང ། སླར་ཡང་རང་གི་གནས་སུ་བཟུང་ཞིང་གསང་སྔགས་ལན་བདུན་བཟླས་ཏེ། ལན་བདུན་དུ་ཡང་གདེག་གོ་།དོན་ཡོད་རྒྱལ་པོ་བཟླས་པ་ནི། །བསམ་པ་མཆོག་ཏུ་དག་པས་བགྱི། །བཟླས་པ་ཙམ་གྱི་མོད་ལ་ནི། །དོན་ཡོད་ཞགས་པའི་ཕྱག་རྒྱ་ཡིས། །བྱང་ཆུབ་ Pha232b ཐམས་ཅད་དགུག་པ་དང ། །མོད་ལ་སངས་རྒྱས་ཉིད་དུ་འགྱུར། །གཞན་ཡང་དགོས་པ་སྣ་ཚོགས་དག་།ཇི་ལྟར་ཡིད་ལ་བསམ་པ་བཞིན། །མོད་ལ་གྲུབ་པ་བླ་མེད་དང ། །མེད་ལ་ཐམས་ཅད་དགུག་པར་འགྱུར། །ལྷ་དང་ཀླུ་དང་གནོད་སྦྱིན་དང ། །དྲི་ཟ་ལྷ་མིན་ནམ་མཁའ་ལྡིང ། །མིའམ་ཅི་དང་ལྟོ་འཕྱེ་ཆེ། །རིག་སྔགས་འཆང་ལ་བལྟ་བའི་ཕྱིར། །ཐམས་ཅད་དེ་ཡི་མོད་ལ་འདུ། །ཕྱོགས་བཅུའི་སངས་རྒྱས་ཐམས་ཅད་དག་།དེ་ཉིད་གཟིགས་པས་གཟིགས་པར་འགྱུར། །རིག་སྔགས་འཆང་ལ་ཕྱག་བགྱིའི་ཕྱིར། །བྱང་ཆུབ་སེམས་དཔའ་འདུ་བར་འགྱུར། །མགོན་པོ་འཕགས་པ་སྤྱན་རས་གཟིགས། །མཆོག་སྦྱིན་སྤྱི་བོར་ཕྱག་འཇོག་འགྱུར། །ཡོངས་སུ་དག་པའི་བདག་ཉིད་ཀྱི། །རང་བཞིན་མོད་ལ་སྟོན་པར་མཛད། ། གང་དག་མནར་མེད་སོང་བ་དང ། །སེམས་ཅན་མཚམས་མེད་ལྔ་བགྱིད་དང ། །གང་དག་འཕགས་ལ་སྐུར་འདེབས་དང ། །གང་དག་དམ་ཆོས་སྤོང་བ་དང ། །ཕྱག་རྒྱ་འདི་མཐོང་འཛིན་བཅུག་དང ། །བཅིངས་པས་མོད་ལ་སྡིག་པ་ཀུན། །འཇིག་འགྱུར་མོད་ལ་འདྲེན་པ་མཐོང ། །ཕྱག་རྒྱ་བཅིངས་པ་ཙམ་གྱིས་ནི། །དགོས་པ་ཐམས་ཅད་འགྲུབ་པར་འགྱུར། ། ཕྱག་རྒྱ་འདི་ནི་མཐོང་ཙམ་དང ། །གསང་སྔགས་ཟློག་པར་བགྱིད་པ་དང ། །རིག་སྔགས་འཆང་བ་མཐོང་བ་དེ། །འཕགས་པ་སྤྱན་རས་གཟིགས་དབང་ནི། །མངོན་དུ་མཐོང་བར་ Pha233a ༄#། །བལྟ་བར་བྱ། །ཚེ་རབས་བརྒྱུད་པར་བསྐལ་པ་ནི། །བརྒྱ་དང་སྟོང་དུ་བསགས་པ་ཡི། །སྡིག་པ་ལས་ཀྱི་སྒྲིབ་པ་རྣམས། །ཕྱག་རྒྱ་བཅིངས་སམ་མཐོང་ཙམ་གྱིས།། དེ་ཀུན་འབྱང་འགྱུར་སོམ་ཉི་མེད། །ཐལ་མོ་ལྷན་ཅིག་དམ་དུ་སྦྱར་ཏེ་མཁས་པདྨའི་ཚུལ་དུ་བགྱིས་ལ་མཛུབ་མོ་ནོར་བུ་བགྱིས་ཏེ་གུང་མོ་ཡིད་ཙམ་ཞིག་བཀུག་པ་ནི། ཡིད་བཞིན་གྱི་ནོར་བུ་ཆེན་པོའི་རྒྱལ་མཚན་གྱི་རྩེ་མོ་སྟེ། ལག་པ་སྤྱི་བོར་བརྐྱང་ནས་སྤྱི་བོར་དབང་བསྐུར་བ་སྩོལ་བའི་གསང་སྔགས་འདི་བརྗོད་དོ། །ོཾ་སྟྲཻ་ཡ་དྷྭ་ནུ་ག་ཏ། ཨ་བྷི་ཥྀཉྩ་ཏུ། སརྦ་སྟྲཻ་ཡ་དྷྭ། ཨ་བྷི་ཥེ་ཀཻ་པདྨ་མ་ཎི་སུ་པདྨེ། ཨ་མོ་གྷེ་སརྦ་ཏ་ཐཱ་ག་ཏ། ཨ་དྷི་ཥྛི་ཏེ་ཧཱུཾ། འདིས་དབང་བསྐུར་བ་ཙམ་གྱིས་རིག་སྔགས་འཆང་ལ་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གིས་ཕྱག་གིས་དབང་བསྐུར་བར་འགྱུར་རོ། །རིག་སྔགས་འཆང་གི་རྒྱལ་པོ་ཆེན་པོར་འགྱུར་རོ། །རིག་སྔགས་འཆང་ཐམས་ཅད་འགྲུབ་པར་འགྱུར་རོ། །ཉོན་མོངས་པའི་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །འཇིག་རྟེན་ཐམས་ཅད་ཀྱི་གཙོ་བོ་གཅིག་པའི་གནས་སུ་འགྱུར་རོ། །སྤྱི་གཙུག་རྡོ་རྗེ་པདྨ་བཅིང ། །རྟག་ཏུ་སོར་མོའི་རྩེ་མོ་བརྐྱང ། །མཛུབ་མོ་ལྕགས་ཀྱུའི་ཚུལ་དུ་བགྱི། །རང་གི་གདོང་གི་ཁྲོ་ Pha233b གཉེར་བཞིན། །ཁྲོ་བོའི་རྒྱལ་པོའི་ཕྱག་རྒྱ་ཆེ། །ལས་ཀུན་སྒྲུབ་པར་བགྱིད་པ་ཡི། །ཐམས་ཅད་སྒྲུབ་བགྱིད་ཕྱག་རྒྱ་སྟེ། །ཀུན་སྒྲུབ་དམ་པས་གསང་སྔགས་པས། །འདི་དྲན་གྲུབ་པ་ཀུན་གྱི་མཆོག་།ོཾ་ཀྲོ་དྷ་རཱ་ཛ་དྷ་མ་མ་ཧཱ་ཨ་མོ་གྷ་ཧ་ན་ཧ་ན། སརྦ་དུ་ཥྚཾ་ཧཱུཾ། ཕྱག་རྒྱ་འདི་དྲན་ཙམ་གྱིས་ཀྱང ། །མཐུ་ཆེན་པོ་ཡི་གསང་སྔགས་ཀྱིས། །གདུག་པ་ཀུན་ནི་རྣམ་འཇིག་སྟེ། །རི་རབ་ཀྱང་ནི་སྙིལ་བ་བགྱིད། །ཕྱག་རྒྱ་བཅིངས་པར་བགྱིས་པ་ཡིས། །སྡིག་པ་ཐམས་ཅད་འཇིག་པར་བགྱིད། །སེམས་ཅན་གདུག་དང་གདུག་པའི་ཀླུ་།བགེགས་དང་ལོག་འདྲེན་གདུག་པ་སྟེ། །དེ་དག་ཐམས་ཅད་ཞི་བར་འགྱུར། །ཕྱག་རྒྱ་བཅིངས་པ་ཙམ་གྱིས་ནི། །ཐམས་ཅད་དབང་དུ་གྱུར་ནས་མཆིས། །ལྷ་དང་མི་དང་དགེ་སྦྱོང་དང ། །བྲམ་ཟེ་རྒྱལ་རིགས་གང་ལགས་པ། །ཐམས་ཅད་དབང་དུ་གྱུར་ནས་ནི། །མཆིས་པར་འགྱུར་བར་སོམ་ཉི་མེད། །རྒྱུད་ནི་རྟག་ཏུ་མཉམ་བཞག་ལ། །མཐེ་བོང་མཉམ་དུ་བཏེག་ནས་ནི།། གུང་མོ་ཡིད་ནི་གུང་མོ་ཉིད། །ཡིད་ཙམ་བཀུག་ནས་བསྒྲེང་བར་བགྱི། །འདི་ནི་པདྨ་ཆེན་པོ་ཡི། །ལྷ་མོ་སྒྲོལ་མའི་ཕྱག་རྒྱ་སྟེ། །གྲུབ་པ་བླ་ན་མེད་པ་ཡི། །ཐམས་ཅད་ཀྱི་ནི་དམ་པ་ལགས། །ཐལ་མོ་པདྨའི་ཚུལ་དུ་སྦྱར། །མཐེ་བོང་ཉིད་ནི་བརྐྱང་བགྱིས་ལ། །མཐེའུ་ཆུང་ཡིད་ཙམ་བཀུག་པ་ནི། །དཀར་ཤམ་ཆེན་མོའི་ཕྱག་རྒྱ་སྟེ། །འདི་ནི་ཀུན་གྲུབ་བླ་ན་མེད། ། Pha234a ༄#། །རྡོ་རྗེའི་ཚུལ་དུ་ཐལ་སྦྱར་དམ་བཅིངས་ཤིང ། །ཤེས་རབ་ཅན་གྱིས་གཡས་པའི་ལག་བསྒྱུར་ལ། །ཁྲོ་གཉེར་བཞིན་ནི་དེ་བཞིན་ཁྲོ་བ་དང ། །ཕྱག་རྒྱ་ཆེན་པོ་ཀུན་འདོད་རབ་ཏུ་སྦྱིན། །ལག་པ་གཉིས་ཀྱིས་ཐལ་སྦྱར་བརྐྱང་ནས་ནི། །གསང་བ་དེ་བརྐྱངས་གུང་མོ་བསྐུམས་ནས་སུ། །མཐེ་ཆུང་བརྐྱངས་ནས་ལྕགས་སྒྲོག་པདྨ་ཡི། ། ཚུལ་དུ་སྙིང་གའི་གནས་སུ་གཞག་པར་བགྱི། །ཕྱག་རྒྱ་འདི་ནི་ཕྱག་རྒྱ་ཆེ། །ཕྱག་རྒྱ་འདི་ནི་བཅིངས་པ་ཡིས། །དཀྱིལ་འཁོར་ཀུན་ནས་ལྷ་དག་དང ། །དཀྱིལ་འཁོར་ལྷ་ཀུན་དགའ་བར་འགྱུར། །ཐམས་ཅད་ཚོགས་ཤིང་འདུ་བ་དང ། །ཀུན་གྱིས་སྲུང་བགྱིད་སོམ་ཉི་མེད། །ཕྱག་རྒྱ་འདི་ཉིད་བཤིག་ནས་ལག་པ་ནི། །ཐལ་སྦྱར་པདྨའི་ཚུལ་བཞིན་ལེགས་བྱས་ཏེ། །སྙིང་གར་བཞག་པ་གནོད་སྦྱིན་ཕོ་ཉ་མོ། །འདི་ནི་ཕྱག་རྒྱ་ལགས་པར་ལེགས་པར་བསྒྲགས། །དང་པོ་རྡོ་རྗེ་ཁུ་ཚུར་ལེགས་བཅིངས་ལ། །གུང་མོ་ལྷག་མ་བསྐུམས་ཞིང་མཐེ་བོང་བཞག་།པདྨའི་ཚུལ་གྱི་བཞིན་དྲན་སྒྲོལ་བདུན་གྱི། །གྲུབ་པ་ཀུན་གྱི་བླ་མེད་ཕྱག་རྒྱ་འདི། །སྡིག་པ་ཐམས་ཅད་འཇིག་ཅིང་ཉོན་མོངས་ཀུན། །ནད་ཀུན་ཉེ་བར་ཞི་བར་སོམ་ཉི་མེད། །དོན་ཡོད་པ་ཡི་གྲུབ་པ་བླ་མེད་ཀྱི། །ཆོ་ག་ཞིབ་མོ་ཐམས་ཅད་རབ་ཏུ་འགྲུབ། །ལག་པ་གཉིས་ནི་མཉམ་བཞག་སྟེ། །རྡོ་རྗེའི་ཚུལ་དུ་པདྨ་ Pha234b བཅིང ། །མཛུབ་མོ་བསྐུམས་པ་བགྱིས་ནས་ནི། །མཐེ་བོང་ཡང་ནི་དགུག་པར་བགྱི། །འདི་ནི་རྟ་མགྲིན་ཕྱག་རྒྱ་སྟེ། །ཆོ་ག་ཞིབ་མོའི་པདྨ་ལགས། །པདྨའི་ཚུལ་དུ་ཐལ་མོ་སྦྱར། ། མཛུབ་མོས་མཁྱུད་ལ་གུང་མོ་ནི། །ལྕགས་ཀྱུའི་ཚུལ་དུ་བསྒྲེང་བར་བགྱི། །དོན་ཡོད་ཞགས་པའི་ཕྱག་རྒྱ་འདི། །རྒྱ་མཚོའི་ཀློང་གི་ཁ་ལྟ་བུར། །རྡོ་རྗེ་ཟ་བ་ཉིད་ཀྱིས་གསུངས། །འདི་ནི་ལས་ཀུན་བགྱིད་པའོ། །གྲུབ་པ་ཀུན་གྱི་བླ་ན་མེད། །ཕྱག་རྒྱ་འདི་ནི་མཛུབ་མོའི་མཐེ་བོང་གཉིས། །ལྕགས་སྒྲོག་ལྷག་མ་བསྐུམས་ནས་པདྨའི་ཚུལ། །སྙིང་གའི་གནས་སུ་བཞག་པ་མགྲིན་སྔོན་གྱི། །འདི་ནི་དོགས་མེད་ལས་ཀུན་ཕྱག་རྒྱ་ལགས། །ལག་གཉིས་པདྨའི་ཁུ་ཚུར་ཏེ། །གཡས་གཡོན་དུ་ནི་བཞག་ནས་སུ། །ཀུན་ནས་ཞི་བའི་བཞིན་དུ་གཞག་།བྱམས་པའི་མིག་གཉིས་བགྱི་བ་ནི། །ཞལ་ནི་བཅུ་གཅིག་ཕྱག་རྒྱ་སྟེ། །དེ་བཞིན་དུ་ཀུན་གྱིས་མི་ཐུབ་པའོ། །མཐེ་བོང་མཉམ་པར་མཉམ་བགྱིས་ལ། །སོར་མོའི་རྩེ་མོ་བསྐུམས་པ་དང ། །མཛུབ་མོ་གཉིས་ནི་པདྨའི་ཚུལ། །རིག་པའི་དབང་ཕྱུག་ཕྱག་རྒྱ་ལགས། །ཕྱག་རྒྱ་འདི་ཉིད་དབུས་སུ་ནི། །འཁོར་ལོའི་ཚུལ་དུ་མཛུབ་མོ་བསྐུམ། །གཡོན་པ་བརྐྱང་བ་དབང་ཆེན་གྱི། །ཕྱག་རྒྱ་འབྱུང་པོ་ཐམས་ཅད་འཇོམས། །ལྕགས་སྒྲོག་དམ་དུ་བགྱིས་ནས་ནི། །ལག་པ་གཉིས་པོ་བརྐྱངས་ནས་ཀྱང ། །སྙིང་གར་བཞག་པའི་ཕྱག་རྒྱ་སྟེ། །འདི་ Pha235a ༄#། །ནི་རྒྱུན་དུ་གཤིན་རྗེ་ལགས། །ལག་པ་གཡོན་པ་བརྐྱངས་ནས་སུ། །སོར་མོ་བསྒྲེང་བའི་ཐོར་ཏོ་དགུག་།གཡས་པ་སྙིང་གར་བཞག་ནས་སུ། །མཐེ་བོང་དང་ནི་མཐེ་ཆུང་དགུག་།ལྷག་མ་རྣམས་ནི་བརྐྱངས་བགྱིས་ཏེ། །འདི་ནི་ཆུ་ལྷའི་ཕྱག་རྒྱ་སྟེ། །ཀླུ་ཀུན་དགུག་པའི་མཆོག་ལགས་སོ། །ལག་པ་གཉིས་ནི་བསྡམས་བགྱིས་ལ། །སོར་མོ་ཕྱིང་ག་ལོག་ཏུ་སྦྲེལ། གཡས་པ་དང་ནི་གཡོན་པ་དག་།སྙིང་གའི་གནས་སུ་གཞག་བགྱི་སྟེ། །ཕྱག་རྒྱ་འདི་ནི་ལུས་ངན་གྱི། །གནོད་སྦྱིན་ཐམས་ཅད་སྐྲག་པར་བགྱིད། །ལག་པ་གཡས་པ་སྤྱི་བོར་ཡང ། །མཐེ་བོང་མཛུབ་མོ་བཀུག་བགྱིས་ལ། །ལག་པ་གཡོན་པ་བརྐྱངས་ནས་སུ། །མཛུབ་མོ་གྱེན་དུ་བསྒྲེངས་བ་ནི། །འདི་ནི་ཚངས་པའི་ཕྱག་རྒྱ་སྟེ། །ཐམས་ཅད་དུ་ནི་ལས་སྒྲུབ་པའོ། །ཕྱག་རྒྱ་འདི་ཉིད་གཡས་པ་ཡི། །མཐེ་ཆུང་སོར་མོ་བཀུག་བགྱིས་ཏེ། །དྲང་སྲོང་ཚོགས་ཀྱི་ཕྱག་རྒྱ་འདི། །ལྷ་རྣམས་ཀུན་གྱིས་ཕྱག་བགྱིས་པའོ། །ལག་པ་གཉིས་ནི་དམ་བཅིངས་ལ། །བལྟ་སྡུག་འཁོར་ལོའི་ཕྱག་རྒྱ་སྟེ། །ལྷ་མིན་ཐམས་ཅད་འགུགས་པ་ཡི། །ཁྱབ་འཇུག་ཕྱག་རྒྱ་འདི་ཞེས་གསུངས། །གཡས་པ་བཱི་ཛ་པཱུ་རར་བགྱི། །གཡོན་པ་རྩེ་གསུམ་ཚུལ་དུ་བགྱི། །མཐེ་བོང་མཐེ་ཆུང་བསྐུམས་པ་ནི། །འབྱུང་པོ་ཐམས་ཅད་སྐྲག་བགྱིད་པ། །འདི་ནི་ Pha235b དྲག་པོའི་ཕྱག་རྒྱར་གསུངས། །གཡས་པ་ཁུ་ཚུར་བཅིངས་ནས་སུ། །མཛུབ་མོ་བརྐྱངས་ནས་གཡོན་པ་ནི། །དཀུར་བརྟེན་ཁུ་ཚུར་བཅིངས་ནས་གཞག་།སོར་མོ་རྣམས་ནི་བརྐྱང་བར་བགྱི། །དྲག་པོ་རྒྱུན་དུ་ལྟ་བགྱིད་པ། །དེ་བཞིན་ལྷ་ཡི་སྡེ་དཔོན་གྱི། །གཞོན་ནུ་ཕྱག་རྒྱ་འདི་ཞེས་གསུངས། །གྱེན་དུ་ལག་པ་གཉིས་བསྒྲེངས་ནས། །སོར་མོ་གསུམ་ནི་བརྐྱངས་བགྱིས་ཏེ། །མཐེ་བོང་མཛུབ་མོ་བཀུག་པ་ནི། །འོད་ཟེར་སྟོང་དག་འཕྲོ་བགྱིད་པ། །འདི་ནི་ཉི་མའི་ཕྱག་རྒྱ་ལགས། །ཕྱག་རྒྱ་འདི་ཉིད་སོར་མོ་གསུམ། །བཀུག་ནས་སོར་མོ་གཉིས་གཉིས་བརྐྱང ། །སྐར་མའི་ཚོགས་ཀྱིས་མཛེས་གྱུར་པ། །འདི་ནི་ཟླ་བའི་ཕྱག་རྒྱར་གསུངས། །གསང་སྔགས་ཆེན་པོ་ཕྱག་རྒྱ་འདི་དག་ནི། །ལས་དང་དོན་ཀུན་གྲུབ་པ་སྒྲུབ་པར་བགྱིད། །སྡིག་པ་ཐམས་ཅད་སྤོང་ཞིང་ཉོན་མོངས་ཀུན། །ཉམས་པར་བགྱིད་ཅིང་སྒྲིབ་པ་ཐམས་ཅད་འབྱང ། །ལས་ཀུན་ཟད་པར་བགྱིད་ཅིང་དོན་ཡོད་པའི། །ལས་སྒྲུབ་དོན་ཡོད་གྲུབ་པ་འགྲུབ་པར་འགྱུར། །ོཾ་པདྨ་ཏཱ་རེ་ཏཱ་ར་ཡ་པདྨ་བྷུ་ཛེ་ཧཱུཾ། ཨོཾ་མ་ཧཱ་པདྨེ་ཤཝ་རཾ་གེ་ཧུ་རུ་ཧུ་རུ་སཝཱ་ཧཱ། ཨོཾ་བྷྲི་ཀུ་ཊི་པདྨེ་ཏ་ར་ཏ་ར་ཧཱུཾ། ཨོཾ་པདྨེ་པཱཎྜ་ར་བཱ་སི་ནི་ཀུཎྜ་ཀུཎྜ་སཝཱ་ཧཱ། ཨོཾ་ཨ་མོ་གྷ་པདྨ་བ་ར་དེ་སིདྡྷི་སིདྡྱྷ་ནྟུ་ཧཱུཾ། ཨོཾ་སརྦ་ཏྲ་ག་མི་ནི་ཨ་བྷ་ཡ་རོ་དྲི་ཎི་ཧཱུཾ། ཨོཾ་ཨ་མོ་གྷ་ན་ཏཱ་རེ་ཏཱ་རེ་ཡ་པདྨེ་བྷུ་ཛེ་ཧཱུཾ། ཨོཾ་དཱ་རུ་ལ་རུ་ལ་པདྨེ་ཨ་མོ་གྷ་ཧཱུཾ། ཨོཾ་ Pha236a ༄#། །བ་ཌ་བ་མུ་ཁེ་ནི་ཀྲིནྟ་ཡ་དུཥྚ་ཧཱུཾ། ཨོཾ་པདྨེ་ནཱི་ལ་ཀྲཎྛེ་ཤཝ་ར། བྷུ་རུ་བྷུ་རུ་ཧཱུཾ། ཨོཾ་སོ་མྱ་བ་ད་ནེ་པྲ་སི་ཏ་ཤཱུ་ས་ཡ་ཧཱུཾ། ཨོཾ་པདྨེ་ཤཝ་ར་སི་དྷ་ཡ་ཧཱུཾ། ཨོཾ་ཨ་མོ་གྷེ་ཤཝ་རེ་ཧཱུཾ། ཨོཾ་ས་མ་རི་ཏ་རེ་ཏ་རེ་ཧཱུཾ། ཨོཾ་ནཱ་ག་པདྨ་ནི་ཧཱུཾ། ཨོཾ་ཡཀྵ་དྷི་པ་ཏི་མུ་རུ་མུ་རུ་ཧཱུཾ། ཨོཾ་ཨ་མོ་གྷེ་པྲཧྨ་ར་ཏེ་ཧཱུཾ། ཨོཾ་ཤི་རི་བར་དེ་ཨ་མོ་གྷ་བྷུ་ཛེ་ཧཱུཾ། ཨོཾ་ཨ་མོ་གྷ་རཱ་ཛ་པདྨ་ནཱ་བྷེ། ས་ར་ས་ར་ས་མནྟ་བྷུ་ཛེ་སཝཱ་ཧཱ། ཨོཾ་ར་དྲ་རུ་ཊི་མི་ལི་མི་ལི་སཝཱ་ཧཱ། ཨོཾ་ཤཀྟི་དྷ་རེ་ཨ་མོ་གྷ་པ་ཏི་སཝཱ་ཧཱ། ཨོཾ་ས་ཧ་སྲ་ཀི་ར་ཎེ་ཧཱུཾ་རུ་ཧི་སཝཱ་ཧཱ། ཨོཾ་སོ་མ་པྲ་བྷེ་ཧཱུཾ།་དེ་བཞིན་ཕྱག་རྒྱ་གསང་བ་ཡང ། །ཕྱག་རྒྱ་ཐ་དད་གསང་སྔགས་སྠ་དད་སྒྲུབ། །གསང་སྔགས་འཆང་གིས་ཇི་སྐད་གསུངས་པའི་ལས། །རྟག་ཏུ་ཀུན་གྱིས་མདོར་ན་ཐམས་ཅད་བགྱིད། །གཙང་མ་སྤྱོད་པ་གཙང་མ་དག་།ལེགས་བཀྲུས་གཙང་མའི་གོས་བགོས་ནས། །དྲི་ཞིམ་དྲི་ཡིས་དཔུང་པ་དང ། །ལག་པ་ཡན་ལག་བྱུགས་ནས་སུ། ། ཕྱག་རྒྱ་ལན་རེ་བཅིངས་པ་ན། །གསང་སྔགས་ལན་རེ་བཟླ་བར་བགྱི། །ཕྱག་རྒྱ་དག་ནི་བཅིངས་པ་དང ། །གསང་སྔགས་བཟླས་པའི་མོད་ལ་ནི། །བརྒྱ་སྟོང་ཕྲག་ནི་འབུམ་ཕྲག་འབུམ། །ཕྱག་རྒྱ་དག་ནི་བཅིངས་པར་འགྱུར། །ཕྱག་རྒྱ་བཅིངས་པ་བགྱིས་པ་ན་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །སངས་རྒྱས་དང་ Pha236b བྱང་ཆུབ་སེམས་དཔའ་ཐམས་ཅད་ཀྱིས་ལུང་བསྟན་པ་དང ། བྱིན་གྱིས་བརླབས་པར་འགྱུར་རོ། །ལྷ་ཐམས་ཅད་ཀྱིས་ལེགས་པར་བསྲུངས་པར་འགྱུར་རོ། །འཇིག་རྟེན་ཐམས་ཅད་ཀྱི་མཆོད་གནས་གཅིག་པུར་འགྱུར་རོ། །འཇིག་རྟེན་ཐམས་ཅད་ཀྱི་བླ་མ་གཅིག་པུར་འགྱུར་རོ། །དཀྱིལ་འཁོར་གྱི་ཕྱག་རྒྱའི་ཆོ་གའི་རིམ་པར་ཕྱེ་བ་དང ། དམ་ཚིག་ཐམས་ཅད་ལ་ཞུགས་པར་འགྱུར་རོ། །ཚེ་དཔག་ཏུ་མ་མཆིས་པར་འགྱུར་རོ། །དོན་ཡོད་པའི་རིག་སྔགས་འགྲུབ་པར་འགྱུར་རོ། །ཚིག་བཙུན་པར་འགྱུར་རོ། །དྲན་པ་དང་བློ་གྲོས་བག་ཚ་བ་མ་མཆིས་པར་འགྱུར་རོ། །བློ་གྲོས་ཐོགས་པ་མ་མཆིས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པར་མཛད་པ་རྟག་ཏུ་བལྟ་འཚལ་བར་འགྱུར་རོ། ། རྟག་ཏུ་དམ་པ་སྩོལ་བར་འགྱུར་རོ། །རྟག་ཏུ་དགྲ་དང ། ཕས་ཀྱི་རྒོལ་བ་དང ། མི་མཛའ་བ་དང ། གདུག་པ་དང ། རབ་ཏུ་གདུག་པ་ཐམས་ཅད་ཕམ་པར་བགྱིས་པར་འགྱུར་རོ། ། རྟག་ཏུ་ཐམས་ཅད་དུ་རྒྱལ་བར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། བགེགས་དང ། ལོག་འདྲེན་དང ། ལྷ་མ་ཡིན་དང ། ཀླུ་ཐམས་ཅད་མཐོང་བར་འགྱུར་རོ། །འཕགས་པ་ཆེན་པོ་ཐམས་ཅད་ལ་བག་ཚ་བ་མ་མཆིས་པར་འགྱུར་རོ། །རྒྱལ་པོ་དང ། བློན་པོ་དང ། བཙུན་མོའི་འཁོར་དང་བཅས་པ་ཐམས་ཅད་དབང་དུ་གྱུར་ Pha237a ༄#། །ནས་མཆིས་པར་འགྱུར་རོ། །ཐམས་ཅད་གཙོ་བོ་གཅིག་པུར་འགྱུར་རོ། །ཐམས་ཅད་དུ་བླ་མའི་གནས་གཅིག་པུར་འགྱུར་རོ། །ཚེ་རིང་བར་འགྱུར་རོ། ། ནད་ཐམས་ཅད་ལས་ཐར་པར་འགྱུར་རོ། །སྐྱོན་གྱི་དྲི་མ་དང ། སེར་སྣ་དང ། ཕྲག་དོག་ཐམས་ཅད་དང་བྲལ་བར་འགྱུར་རོ། །ལེགས་པར་དྲན་ཞིང་ལུས་ཤིན་ཏུ་ཡོངས་སུ་དག་པར་འགྱུར་རོ། །འཆི་བའི་དུས་ཀྱི་མོད་ལ་དེ་བཞིན་གཤེགས་པ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་ཞིང ། དེ་དག་ཐམས་ཅད་ཀྱིས་དབུགས་འབྱིན་པར་འགྱུར་ཏེ། རིགས་ཀྱི་བུ། ཁྱོད་འཇིག་རྟེན་གྱི་ཁམས་བདེ་བ་ཅན་དུ་སོང་ཞིག་ཅེས་ཤིན་ཏུ་དྲན་པ་ཉེ་བར་བཞག་ནས་དུས་བགྱིད་པར་འགྱུར་རོ། །དམྱལ་བའི་སྒོ་ཐམས་ཅད་བཅད་པར་འགྱུར་རོ། །ངན་སོང་གི་འགྲོ་བ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །འདི་ནས་མ་འོངས་པའི་མངལ་དུ་སྐྱེ་བར་མི་འགྱུར་རོ། །སྐྱེ་བ་ན་རྟག་ཏུ་སྐྱེ་བ་དྲན་པར་འགྱུར་རོ། །ཐམས་ཅད་དུ་པདྨ་ལ་བརྫུས་ཏེ་སྐྱེ་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་སངས་རྒྱས་ཀྱི་ཞིང་དུ་མཆི་བར་འགྱུར་རོ། །དེ་ན། འཇིག་རྟེན་དབང་ཕྱུག་སྤྲུལ་པ་ཡི། །ཕྱག་རྒྱའི་རྟགས་ནི་བརྗོད་པར་བགྱིད། །ཁྲུ་གང་ཁོ་ནའི་ཚད་དག་གི་།དཀྱིལ་འཁོར་ལྷམ་པ་བྲི་བར་ Pha237b བགྱི། །གང་ཞིག་མཐོང་བའི་མོད་ཙམ་གྱིས། །དགའ་བ་དང་ནི་མགུ་བར་འགྱུར། །སྡིག་པ་ཀུན་ལས་གྲོལ་བ་དང ། །དེ་ཉིད་དག་ནི་འགྲུབ་འགྱུར་རོ། །རྒྱུན་དུ་གང་གིས་གོ་ཆ་ཡིས།། རྟག་ཏུ་ཆོ་ག་བགོས་པར་འགྱུར། །ཆོ་གའི་ནི་འབར་བ་དང ། །མཛེས་པ་རྟག་ཏུ་སྩོལ་པར་འགྱུར། །ཆོ་ག་ཞིབ་མོ་ལེགས་གྲུབ་སྟེ། །གསང་སྔགས་བླ་མེད་ཐམས་ཅད་འགྲུབ། ། ཕྱག་རྒྱའི་དཀྱིལ་འཁོར་བྲིས་ཙམ་གྱིས། །གནོད་སྦྱིན་སྲིན་པོ་འབྱེར་བར་འགྱུར། །མཐོང་བ་ཙམ་གྱིས་གདོན་ཀུན་ཀྱང ། །འཇིག་པར་འགྱུར་ཏེ་སོམ་ཉི་མེད། །གནོད་པ་ཀུན་ལས་གྲོལ་འགྱུར་ཏེ། །ནད་ཀུན་ལས་ཀྱང་དེ་བཞིན་ནོ། །ཕ་རོལ་དཔུང་ངམ་རང་དཔུང་ངམ། །མི་ཐུབ་པ་ཡི་དགྲ་ཀུན་ལས། །རྟག་ཏུ་ལེགས་པར་རྒྱལ་བར་འགྱུར། །རྟག་ཏུ་གདོན་ལས་སྲུང་བ་དང ། །དུས་ཀུན་ཏུ་ཡང་འགྲུབ་པར་འགྱུར། །རིག་སྔགས་འཆང་རྣམས་བདེ་བགྱིའི་ཕྱིར། །དེ་ཉིད་དམ་པ་འགྲུབ་འགྱུར་ཞིང ། །འཕགས་པ་སྤྱན་རས་གཟིགས་དབང་གིས། ། ཕྱག་རྒྱའི་མཚན་མ་མཚོན་ཆ་དག་།དགོས་པ་ཀུན་གྱི་རྗེས་མཐུན་པར། །གང་དང་གང་དུ་བཀོད་པ་དག་།དེ་དང་དེར་ནི་ཕྱག་རྒྱར་འགྱུར། །པདྨ་ཁ་བྱེ་ཞེས་བགྱི་བ། །པདྨ་འདབ་མས་མཛེས་པ་དང ། །ཀུན་ནས་འཁོར་བར་འབར་བའི་ཕྲེང ། །རྣམ་པར་རྟོག་པ་མེད་པར་བགྱི། །ཕྱག་རྒྱ་འདི་ཀུན་སྲོག་ལས་བྱུང ། །འདི་དག་ཐམས་ཅད་འབྲས་བུ་སྩོལ། །རྡོ་རྗེ་རྩེ་གསུམ་ Pha238a ༄#། །རྡོ་རྗེའི་མདའ། །དཀྱིལ་འཁོར་པདྨ་རྡོ་རྗེ་དང ། །པདྨའི་ཕྲེང་བ་རྡོ་རྗེའི་མཚན། །པདྨ་རབ་གནས་པདྨ་གཉིས། །རྟག་ཏུ་པདྨ་ལེགས་པར་བགྱིད། །པདྨའི་ཁུ་ཚུར་དེ་བཞིན་དུ། །པདྨའི་མཛུབ་མོ་པདྨ་བསྒྱིངས། །པདྨའི་ལྕགས་ཀྱུ་ཐལ་མོ་སྦྱར། །པདྨའི་ལྕགས་སྒྲོག་པདྨའི་གཟེབ་།རྟག་ཏུ་པདྨ་སེམས་དཔའ་དང ། །ནོར་བུ་པདྨ་རྡོ་རྗེར་གསུངས། །དོན་ཡོད་པདྨ་དེ་བཞིན་དུ། །པདྨའི་རལ་གྲི་པདྨའི་དྲིལ། །རྩེ་གསུམ་ཞེས་བགྱི་གཏུན་ཤིང་འཆང ། །ནོར་བུ་དབྱུག་པ་མེ་ཏོག་དབྱུག་།དེ་བཞིན་ཞགས་པ་གཏུན་ཤིང་དང ། །ཆུ་སྲིན་འཛིན་དུང་འཁོར་ལོ་བྱེད། །བཱི་ཛ་པཱུ་ར་སེའུ་འབྲུ། །ཟླ་འཛིན་ཉི་མ་འཛིན་པ་དང ། །ཐོབ་འཛིན་དང་ཚེམས་ཤིང་དང ། །མེ་ཏོག་ཕུར་མ་བགྲང་ཕྲེང་དང ། །རྡོ་རྗེ་རྩེ་ལྔ་དོན་ཡོད་ཞགས། །དོན་ཡོད་གྲུབ་པ་དེ་དག་སྟེ། །ཐམས་ཅད་པདྨའི་སྟེང་དུ་དགོད། །ལག་པའི་ཕྱག་རྒྱ་འདི་བྲི་བ། །གང་དང་གང་དུ་དགོད་པ་ནི། །ལག་པའི་ཕྱག་རྒྱ་བཞི་བཅུ་ཐམ། །འདི་དག་ཀྱང་ནི་བྲི་བར་བགྱི། །ཀུན་ནས་ཀྱང་ནི་འབར་བར་བགྱི། །ནོར་བུའི་རྒྱན་གྱིས་ཀླུབས་པར་བགྱི། །དཀྱིལ་འཁོར་ལྡན་པའི་རས་སམ་ནི། །ར་བའམ་རྩིག་པར་བགྱིས་པའམ། །ཅི་ཡང་རུང་བ་དེ་དག་སྟེ། །དེ་དག་མཐོང་བ་ཙམ་གྱིས་སམ། །མཐོང་བ་ཙམ་གྱི་མོད་ལ་ནི། །རྟག་ཏུ་སྡིག་པ་ཐམས་ཅད་སྤོང ། །མནར་མེད་ Pha238b གནས་སུ་གཏོགས་པ་དང ། །མཚམས་མེད་པ་ནི་ལྔ་ཉིད་དེ། །ཐམས་ཅད་སྐད་ཅིག་ཙམ་གྱིས་འབྱང ། །སེམས་ཅན་དག་པ་དྲན་བགྱིད་ན། །ཕྱིར་མི་ལྡོག་པ་ཉིད་དུ་འགྱུར། །སེམས་དཔའ་ས་བཅུར་རབ་ཏུ་གནས། །འདི་ནི་ཕྱིར་མི་ལྡོག་པའི་གནས། །གང་ལགས་དཀྱིལ་འཁོར་མཐོང་བ་ནི། །སྤྱན་རས་གཟིགས་དབང་མཆོག་སྦྱིན་ནི། །རྒྱུན་དུ་སྤྱི་བོ་ལག་ན་ཐོགས།། གང་གིས་ཕྱག་རྒྱ་འདི་མཐོང་བ། །རྒྱུན་དུ་མཆོག་སྦྱིན་འཇིག་རྟེན་དབང ། །རྟག་ཏུ་མངོན་སུམ་མཐོང་བ་ཡིས། །དེ་དང་མཚུངས་ཏེ་ཁྱད་པར་འཕགས། །གསང་སྔགས་སུམ་ཅུ་རྩ་ལྔའི་ཚིག་།རྟག་ཏུ་དྲན་བགྱིད་ཐམས་ཅད་འགྲུབ། །དེ་ནི་དུས་རྣམས་ཀུན་ཏུ་ཡང ། །ངན་འགྲོར་མཆི་བར་མི་འགྱུར་རོ་།རྣམ་གྲོལ་དཀྱིལ་འཁོར་རབ་མྱུར་བར། །མྱུར་དུ་སངས་རྒྱས་ཉིད་འཐོབ་འགྱུར། །འོད་དཔག་མེད་ཀྱི་སྲས་པོ་ཡི། །ཐུ་བོར་འགྱུར་བར་སོམ་ཉིད་མེད། །འཇིག་རྟེན་མགོན་གྱི་ཐུགས་ཞལ་ནས། །སྐྱེས་སྲས་རྟག་ཏུ་ཐུ་བོར་འགྱུར། །འདྲེན་པས་འདི་ནི་ཆོས་ཉིད་དང ། །ཆོས་ལས་སྐྱེས་པར་ལུང་སྟོན་འགྱུར། །གངྒཱའི་ཀླུང་ས་ཡ་བྱེ་བ་བརྒྱ་སྟོང་དང་མཉམ་པའི་བྱེ་མ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་དགེ་བའི་རྩ་བ་བསྐྱེད་པར་འགྱུར་རོ། །ཚད་མེད་གྲངས་མེད་དཔག་ཏུ་མེད་པའི་བསོད་ནམས་ཀྱི་ཕུང་པོ་འཐོབ་པར་འགྱུར་རོ། །གང་གི་སུག་པར་ Pha239a ༄#། །ཕྱག་རྒྱ་དང་གསང་སྔགས་ཀྱི་ཚིག་འདི་མཆིས་པར་གྱུར་ན། ཕྱག་རྒྱ་འདི་ལས་འདི་ལྟ་བུའི་ཕན་ཡོན་མང་ཞིང་ཆེ་བ་མཆིས་པར་བསྒྲགས་སོ། །དེ་ལ་གསང་སྔགས་ནི། ཨོཾ་ཨ་མོ་གྷ་མཾ་ཛ་ལི་མི་ལི་མི་ལི་ཙི་ལི་ཧཱུཾ། ཨོཾ་ཨ་ཤཝཱ་ས་ཡཀྵ་ཎ་བི་ག་ཏེ་ཧཱུཾ། ཨོཾ་ཨ་བྷ་ཡ་བ་རེ་དེ་ཌི་ཧཱུཾ། ཨོཾ་སརྦ་ཏ་ཐཱ་ག་ཏ། ཨ་དྷིཥྛི་ཏེ་དྷི་རི་དྷི་རི་ཧཱུཾ། ཨོཾ་པདྨ་ཧྲྀ་ད་ཡ་མུཥྚི་ཧཱུཾ། ཨོཾ་བི་ས་ར་བི་ས་ར་སརྦ་མཱ་ལཱནྟ་རཱ་ཛ་ཡ་ཧཱུཾ། ཨོཾ་བཛྲིམྦྷ་ཧུ་རུ་ཧུ་རུ་ཧཱུཾ། ཨོཾ་ ་ཀུ་ཤ་ཨ་མོ་གྷ་ཨཱ་ཀཪྵ་ཡ་ཧཱུཾ། ཨོཾ་ཀ་པ་ཙ་མ་ཏུ་རུ་ཏུ་རུ་ཧཱུཾ། ཨོཾ་ཨ་མོ་གྷ་ཤཾ་ཀ་ལི་མི་ལི་ཧཱུཾ། ཨོཾ་ཨ་མོ་གྷ་ཙི་ན་ཏཱ་མ་ཎི་ཏུ་ཏི་ཏུ་རི་ཧཱུཾ། ཨོཾ་ཨ་མོ་གྷ་མ་ཎི་ཙི་ལི་ཙི་ལི་ཧཱུཾ། ཨོཾ་བཛྲ་ཏུ་ཊི་ཙི་ལི་ཧཱུཾ། ཨོཾ་ཨ་མོ་གྷ་ཧྲྀ་ད་ཡ་ཙ་ར་ཙ་ར་ཤུདྡྷ་སཏྭ་ཧཱུཾ། ཨོཾ་གྷོ་ཥ་བ་ཏི་ཙི་ཊི་ཙི་ཊི་ཧཱུཾ། ཨོཾ་བིདྱ་ཁད་ག་ཙིནྟཱ་ཡ་ཤ་ཏྲཱུཾ་ཧཱུཾ། ཨོཾ་ཏྲི་མ་ལ་པ་རི་ཤུདྡྷེ་བྷི་ཊི་བྷི་ཊི་ཧཱུཾ། ཨོཾ་སུ་རུ་སུ་རུ་ཧཱུཾ། ཨོཾ་མ་ཎི་མ་ཎི་ཧཱུཾ། ཨོཾ་པུཥྤ་བ་ཏི་ཛ་ཡེ་ཧཱུཾ། ཨོཾ་བོ་དྷི་ཙིཊྚ་པཱ་ཤ་དྷ་ར་དྷ་ར་ཧཱུཾ། ཨོཾ་པདྨ་པཱ་ཤ་བི་ཤུདྡྷེ་ཧཱུཾ། ཨོཾ་བཛྲེ་བ་ཤེ་བྷ་བ་ཏུ་མུ་རུ་མུ་རུ་ཧཱུཾ། ཨོཾ་ཙིནྟ་མ་ཎི་བ་ཤ་བ་ར་དེ་ཧཱུཾ། ཨོཾ་ཙཀྲ་པཱ་ཤ་སཝ་ནི་ར་གྷ་ཏ་ཀ་དྷུ་རུ་དྷུ་རུ་ཧཱུཾ། ཨོཾ་ཏྲི་ཤུ་ལཱི་པཱ་ཤ་བི་ལོ་ཀ་ཏཱ་ར་ཡ་ཧཱུཾ། ཨོཾ་ནཱ་ག་པཱ་ཤ་བནྡྷ་ཡ་ཀཌྜྷ་ཡ་དུཥྚན་ག་ན་བཱ་ཤ་པཱ་ཏ་ཡ་ཧཱུཾ། ཨོཾ་ཛ་ལོཏྦྷ་བ་དྷ་རཱ་ཡ་ཧཱུཾ། ཨོཾ་ཙནྡྲ་བི་མ་ལེ་བི་ཤོ་དྷ་ཡ་ཨནྡྷ་ཀཱ་ར་རཤྨི་ Pha239b བ་རེ་ཧཱུཾ། ཨོཾ་ཤྲཱི་བོ་དྷ་ཡ་ཧཱུཾ། ཨོཾ་བི་ཛ་ཡ་པུརྞ་བ་རེ་ཧཱུཾ། ཨོཾ་ཕ་ལོད་བྷེ་བེ་ཏུ་རེ་ཧཱུཾ། ཨོཾ་པཱུརྞ་མཎྜ་ལེ་ཛ་ཡ་ཧཱུཾ། ཨོཾ་ས་ཧ་སྲ་རཤྨི་ཀི་ར་ཎེ་ཧཱུཾ། ཨོཾ་སརྦ་དུཥྚན་པྲ་ཧ་ར་ཤཱ་སཱ་ཡ་ཧཱུཾ། ཨོཾ་མ་ན་བི་ཤོ་དྷ་ཡ་མཱ་ལཱ་བི་མ་ལེ་ཧཱུཾ། ཨོཾ་པུཥྤ་བ་ཏི་སུ་གནྡྷ་བ་རེ་ཧཱུཾ། ཨོཾ་པཱ་ཤ་ས་ཧ་སྲ་གུ་ཎི་ཏེ་ཀྵ་ཎ་ཀྵ་ཎ་ཧཱུཾ། ཨོཾ་བཛྲོད་ཀྵེ་པ་སུ་ཙི་མུ་ཁ་ཙི་ཊི་ཙི་ཊི་ཧཱུཾ། ཨོཾ་ཨ་མོ་གྷ་ཨ་པྲ་ཏི་ཧ་ཏ་པཱ་ཤ་ཧ་སྟེ་ཧཱུཾ། ཨོཾ་སརྦ་ཏྲ་ཨ་མོ་གྷ་སིདྡྷ་སིདྡྷྱ་སཱ་དྷ་ཡ་ཧཱུཾ། ལག་པའི་ཕྱག་རྒྱ་འདི་དག་དག། །དེ་བཞིན་གསང་སྔགས་ཕྱག་རྒྱ་དང་།ལྷན་ཅིག་བཟླས་པ་ཙམ་དང་ནི། །ཕྱག་རྒྱ་མཐོང་བ་ཁོ་ནས་ཀྱང ། །སྡིག་པ་ཐམས་ཅད་མོད་ལ་འཇོམས། །མྱུར་དུ་སངས་རྒྱས་ཉིད་འཐོབ་འགྱུར། །ཆོ་ག་ཞིབ་མོ་མྱུར་དུ་འགྲུབ། །དོན་ཡོད་ཞགས་པ་རྣམ་གྲོལ་བའི། །དཀྱིལ་འཁོར་དམ་པ་འགྲུབ་པར་འགྱུར། །དེ་ལ་མཚོན་ཆའི་ཕྱག་རྒྱ་ནི། ནོར་བུ་རིན་པོ་ཆེ་དང ། མེ་ཏོག་དང ། པདྨ་དང ། རིལ་བ་སྤྱི་བླུགས་དང ། ནོར་བུའི་ཕྲེང་བ་དང ། བགྲང་ཕྲེང་བ་དང ། དུང་དང ། འཁོར་ལོ་དང ། དབྱུག་ཐོ་དང ། མདུང་ཐུང་དང ། རྡོ་རྗེ་དང ། རྩེ་གསུམ་དང ། རྩེ་གསུམ་ཁ་གདེངས་དང ། མཚོན་ཤཀྟི་དང ། རྡོ་རྗེ་དང ། དགྲ་སྟ་དང ། རྩེ་གསུམ་པ་དང ། རྩེ་གཉིས་དང ། ནོར་བུ་དང ། རྡོ་རྗེ་དང ། མཚོན་ཤུ་ལི་དང ། ལས་ཀྱི་རྡོ་རྗེ་དང ། ཡིད་བཞིན་ནོར་བུ་དང ། མཚོན་ཆ་དང ། བེ་ཅོན་དང ། དབྱུག་པ་དང ། དབང་ཕྱུག་ཆེན་པོའི་རྩེ་ Pha240a ༄#། །གསུམ་དང ། རལ་གྲི་དང ། ཞགས་པ་དང ། ལྕགས་ཀྱུ་དང ། སྦྲུལ་དང ། ལྗོན་ཤིང་དང ། བྱི་རུ་དང ། དགྲ་སྟ་དང ། འཁོར་ལོ་དང ། དགྲ་སྟ་ཡུ་བ་སྦོམ་པོ་པན་དང ། ལག་པ་དང ། གཙུག་ཕུད་དང ། ནོར་བུ་སྒྲོན་མ་དང ། འོད་དང ། འོད་ཟེར་དང ། གཏུན་ཤིང་དང ། འཕྱང་མོ་ཉུག་མ་དང ། དགྲ་སྟ་དང ། སྣོད་ཟླུམ་པོ་དང ། བུམ་པ་དང ། བྲག་དང ། རི་དང ། ལྷུན་པོ་དང ། སྦྲུལ་འཁྱིལ་པ་དང ། གདུགས་དང ། རྒྱལ་མཚན་དང ། ཆུ་སྲུན་དང ། ཉ་དང ། རུས་སྦལ་དང ། གཡུང་དྲུང་འཁྱིལ་བ་དང ། རིག་སྔགས་ཀྱི་དཀྱིལ་འཁོར་དང ། རིག་སྔགས་དང ། ཕྱག་རྒྱ་དང ། རྩེ་གསུམ་དང ། དཀྱིལ་འཁོར་དང ། རལ་གྲི་དང ། གྲི་དང ། པདྨའི་ཕྲེང་བ་དང ། རྩེ་གསུམ་དང ། མུ་སུན་དི་དང ། མཚོན་རྩེ་གཅིག་པ་དང ། ཕྱག་རྒྱ་བཞི་དང ། མཆེ་བ་བཞི་དང ། ཟླུམ་པོ་དང ། དུང་དང ། འཁོར་ལོ་དང ། རྡོ་རྗེ་དང ། རྩེ་གསུམ་དང ། དུང་དང ། ནོར་བུའི་དུང་དང ། པདྨའི་དུང་དང ། ུརད་དང ། གོས་དང ། སེངྒེའི་གདོང་དང ། ཤང་ཤང་ཏེའུ་དང ། ཀ་ལ་པིངྐ་དང ། ངང་པ་དང ། བཞད་དང ། ཁྲུང་ཁྲུང་དང ། རྨ་བྱ་དང ། གཤིན་རྗེའི་དབྱུག་པ་དང ། གདོང་བཞི་པ་དང ། དཀྱིལ་འཁོར་བཞི་དང ། རྩེ་གསུམ་དང ། བུམ་པ་གང་བ་དང ། ཟླ་བ་ཕྱེད་དང ། ཉི་མའི་དཀྱིལ་འཁོར་དང ། ཟླ་བའི་འོད་དང ། པདྨ་བཞིན་དང ། པདྨ་གསུམ་ Pha240b དང ། རྒྱ་མཚོ་དང ། མེ་ཏོག་དང ། ཕུར་མ་དང ། གླེགས་བམ་དང ། རི་དྭགས་ཀྱི་གཡང་གཞི་དང ། རྡོ་རྗེ་ལྕགས་སྒྲོག་དང ། རྟ་བབས་དང ། ལྷུང་བཟེད་དང ། ཆོས་གོས་དང ། མཁར་གསིལ་དང ། སོ་མང་དང ། ཁ་ཁྱེར་དང ། སྐ་རགས་དང ། གཙུག་ཕུད་དང ། མཆོད་ཕྱིར་ཐོགས་དང ། ཕྲེང་བ་ཆེན་པོ་དང ། གྲུ་གསུམ་དང ། ཀུན་ནས་རྡོ་རྗེ་སྡེ་དང ། ཕྱག་རྒྱ་མཚོན་ཆ་འདི་དག་ནི། །འཇིག་རྟེན་འདྲེན་པས་གསུངས་པ་བཞིན། །རྣམ་གྲོལ་དཀྱིལ་འཁོར་གསང་བ་འདི། །དོན་ཡོད་ཞགས་པའི་ཆོ་གར་དྲན། །རས་སམ་གོས་སམ་རྩིག་པའམ།། ཅི་ཡང་རུང་བ་འདྲི་བགྱིད་པས། །དོགས་མེད་ལེགས་གསལ་ལེགས་འབྱོར་པས། །ཚོན་གསལ་ཀུན་ཏུ་པདྨར་གཞག་།ཕྱག་རྒྱུ་ཀུན་ནས་འབར་བར་བགྱི། །ཐམས་ཅད་སྲོག་ལས་བྱུང་བས་ནི། དོན་དང་ལས་རྣམས་ཀུན་སྩོལ་ཅིང ། །ཕྱག་རྒྱ་མོད་ལ་སྡིག་པ་འཕྲོག་།དེ་ནི་མོད་ལ་འབྲས་བུ་སྟེ། །འདྲེན་པ་འཇིག་རྟེན་དབང་ཕྱུག་ཀུན། །ཕྱག་རྒྱ་འདི་ནི་བྱིན་གྱིས་བརླབས། །སངས་རྒྱས་ཀུན་དང་ཤཱཀྱ་ཡི། །རྒྱལ་པོ་དེ་བཞིན་གཤེགས་པས་བརླབས། །དེ་ལྟ་བས་ན་མཁས་པས་སུ། །རྟག་ཏུ་ཀུན་ནས་མཚོན་བཅངས་ན། །སངས་རྒྱས་རྣམས་ནི་དགྱེས་འགྱུར་ཏེ། །སྲས་ཀྱི་ཐུ་བོར་སོམ་ཉི་མེད། །ཕྱག་རྒྱ་རིམ་བྱེད་དམ་པ་འཆང་བ་གང ། །འཇིག་རྟེན་མགོན་པོའི་སྲས་ཀྱི་ཐུ་བོར་འགྱུར། །དོན་ཡོད་ཞགས་པའི་སྙིང་པོ་གསང་ Pha241a ༄#། །བ་ཡི། །རྣམ་པར་གྲོལ་བའི་སྙིང་པོ་བླ་ན་མེད། །ཕྱག་རྒྱ་དང་ནི་གསང་སྔགས་དམ་པ་དག་།འདི་འཆང་བ་ལ་མྱུར་དུ་གྲུབ་པར་འགྱུར། །དེ་ནས་དོན་ཡོད་པ་ལས་ཐམས་ཅད་པ་དང ། རྗེས་སུ་མཐུན་པའི་ཞགས་པ་བདུན་བཤད་པར་བགྱི་སྟེ། དེ་ཉིད་གྲུབ་པས་ཇི་ལྟ་བུའི། །ཆོ་གའི་ཆོ་ག་སྒྲུབ་པ་བཞིན། །སོ་སོ་སོ་སོར་འཚམ་པ་ཡི། །དེ་དག་ཀུན་ནི་རྟོགས་པར་བགྱི། །དེ་ཉིད་གྲུབ་པའི་ཇི་ལྟ་བུའི། །མཚན་ཉིད་གཟུགས་ནི་ཇི་བཞིན་པ། །དེ་ཉིད་བསྒྲུབས་པ་ཞགས་པ་ནི། །སྐུད་པ་ལྔ་ལས་འགྲུབ་འགྱུར་ཏེ། །གསང་སྔགས་འཛིན་པས་མོད་ལ་ནི། །འགྲུབ་པར་འགྱུར་ཏེ་སོམ་ཉི་མེད། །རས་སྐུད་པདྨའི་སྐུད་པ་དང ། །རྒ་ཁ་ཆེ་དར་དག་གི་།སྐུད་པ་ཤུན་པའི་སྐུད་པ་སྟེ། །སྐུད་པ་འདི་དག་བཀལ་ནས་དེ་ཁོ་ན་ཉིད་ཀྱི་ཆོག་དང ། ཆོ་ག་ཞིབ་མོ་སྒྲུབ་པས་ཞགས་པ་རས་སྐུད་ཀྱི་རྒྱུ་ལས་བླངས་ཏེ་ཚད་བཞིན་བཀལ་ནས་རྟག་ཏུ་སྨྱུང་བ་བགྱིས་ལ་ལེགས་པར་བཀྲུས་པ་གོས་གཙང་མ་ཅན་ཚངས་པར་སྤྱོད་པས་ཟས་དཀར་གསུམ་འཚལ་ནས་གནས་གཙང་མའི་ཕྱོགས་སུ་དོན་ཡོད་པའི་ཞགས་པའི་སྙིང་པོ་མདོར་ན་བྱམས་པའི་སེམས་དང་ལྡན་པས་དྲན་པར་བགྱིའོ། །དེ་ནས་ཤིན་ཏུ་མཉམ་པར་བཞག་པས་བརྒྱད་སྒྲིལ་དུ་བཀལ་ཏེ་དོན་ཡོད་རྒྱལ་པོ་ཐལ་མོ་སྦྱར་པས་པདྨ་ཁ་ཕྱེ་བ་ཐོགས་པ། །རལ་པའི་ཐོར་ཚུགས་ཀྱིས་ Pha241b བཞུགས་པ། རྒྱན་ཐམས་ཅད་ཀྱིས་ཀླུབས་པའི་ལུས་ཕྱེད་པ་སོར་བཞི་བའི་ཚད་དུ་བགྱིའོ། །བགྱིས་ནས་གཟུགས་རྣམ་པ་གསུམ་དུ་བགྱིས་ཏེ། དེས་པའི་གཟུགས་དང ། ཁྲོ་གཉེར་གྱི་བཞིན་དང ། ཁྲོ་བོའི་རྒྱལ་པོའི་གཟུགས་དེ་\?\། དངུལ་ལམ་གསེར་ལས་བགྱིའོ། །དེ་ནས་ཞགས་པ་སྲིད་ཀྱི་ཚད་ཁྲུ་བཅུ་དྲུག་པ་ཞགས་པའི་ཐོར་ཏོ་གཅིག་རྡོ་རྗེ་རྩེ་གསུམ་པ་དང ། སྐྱུ་རུ་ར་ལྷན་ཅིག་སྦྲེལ་བ་གདགས་པར་བགྱིའོ། །དེ་ནས་རིག་སྔགས་འཆང་གིས་ཡར་གྱི་ངོའི་ཚེས་བཅོ་ལྔའམ། ཆོས་བརྒྱད་ལ་ལེགས་པར་བཀྲུས་ཏེ་གོས་གཙང་མ་བགོས་ནས་ཞག་གཅིག་མཆིས་ཏེ་སྐྱིལ་མོ་ཀྲུང་བཅས་ནས་སངས་རྒྱས་ལ་མཆོད་པ་རྣམ་པ་སྣ་ཚོགས་བགྱིས་ཏེ་ཚིག་གཞན་མི་སྨྲ་བར་ཞགས་པ་ལ་ལན་སྟོང་རྩ་བརྒྱད་བཟླས་བརྗོད་བགྱིའོ། །དེ་ནས་སྟོང་རྩ་བརྒྱད་ཚང་བ་དང ། སྟན་བཟང་པོ་བཤམས་ནས་དེའི་སྟེང་དུ་ཞགས་པ་གཞག་པར་བགྱིའོ། །དོན་ཡོད་པའི་ཞགས་པའི་ཕྱག་རྒྱས་དབང་བསྐུར་བར་བགྱིའོ། །མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། བ་དན་བཟང་པོ་ལ་སོགས་པས་མཆོད་པར་བགྱིའོ། ། ག་རུ་དང ། ཙནྡན་དང ། དུ་རུ་ཀའི་བདུག་པ་དབུལ་བར་བགྱིའོ། །མར་མེ་ཡང་དབུལ་བར་བགྱིའོ། །དེ་ནས་རིག་སྔགས་འཆང་གིས་ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་ཞགས་པའི་ Pha242a ༄#། །སྟེང་དུ་གཏོར་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་ཡང་ཅི་འབྱོར་བས་མཆོད་པར་བགྱིའོ། །དེ་ནས་རིག་སྔགས་འཆང་གིས་ཞགས་པ་དེའི་མདུན་དུ་སྐྱིལ་མོ་ཀྲུང་བཅས་ཏེ་མ་འཁྲུགས་པས་གདུགས་རྩེའི་བར་དུ་མཆོད་པ་བགྱིས་ནས་བཟླས་བརྗོད་བགྱིའོ། །ཡུངས་ཀར་རེ་རེ་ལ་བཟླས་བརྗོད་རེ་རེ་བགྱིས་ཏེ་ཞགས་པའི་སྟེང་དུ་གཏོར་ཞིང་སྟོང་རྩ་བརྒྱད་ཚང་གི་བར་དུ་གདུགས་རེ་རེ་མཆིས་པར་བགྱི་སྟེ་རྔོ་ཅི་ཐོགས་པས་གདུགས་རྩེའི་བར་དུ་བཟླས་བརྗོད་བགྱིའོ། ། མཆོད་བར་བགྱིའོ། །ཁ་ཟས་ངན་པ་སྤང་བར་བགྱིའོ། །ལྷག་མ་དང་སྦགས་པ་སྤང་བར་བགྱིའོ། །གོས་གཙང་མ་བགོ་བར་བགྱིའོ། །སྟོང་རྩ་བརྒྱད་ཚང་ནས་ཞགས་པ་འབར་བར་འགྱུར་ཏེ། གལ་ཏེ་འཇིག་རྟེན་པའི་གྲུབ་ན་ནི། མེའི་ཁ་དོག་ཏུ་འབར་བར་འགྱུར་རོ། །གལ་ཏེ་འཇིག་རྟེན་ལས་འདས་པའི་གྲུབ་ན་ནི། ཁ་དོག་སྣ་ཚོགས་འབར་བར་འགྱུར་རོ། །དོན་ཡོད་པའི་ལུས་དེ་ཡང་འབར་བར་འགྱུར་རོ། །སྒྲ་འབྱུང་བར་འགྱུར་ཏེ། རིག་སྔགས་འཆང ། ལེགས་སོ་ལེགས་སོ། །ཁྱོད་ཀྱིས་འཇིག་རྟེན་ལས་འདས་པའི་བྱང་ཆུབ་ཀྱི་སེམས་ཀྱི་ཞགས་པ་འདི་གྲུབ་ཀྱི། །ཁྱོད་ཀྱི་བྱང་ཆུབ་ཀྱི་སེམས་བླ་ན་མེད་པ་ཁུག་ཅིག་།ཕ་རོལ་ཏུ་ཕྱིན་པ་དྲུག་དང ། ཕ་རོལ་ཏུ་ཕྱིན་པ་བཅུའི་ཁོངས་སུ་གཏོགས་པ་ཡོངས་སུ་ Pha242b རྫོགས་པར་གྱིས་ཤིག་།འོན་ཏེ་འཇིག་རྟེན་པའི་གྲུབ་ན་ནི། །ཡིད་བཞིན་གྱི་ནོར་བུས་བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་འགྱུར་རོ། །ཇི་ལྟར་ཡིད་ལ་བསམ་ཞིང་སྨོན་པ་བཞིན་ལག་པས་འཕངས་ན། གསང་སྔགས་ཀྱིས་ཐམས་ཅད་སྒྲུབ་པར་བགྱིད་དེ། ཐམས་ཅད་བཀུག་པར་འགྱུར་རོ། །ཕྱོགས་གང་དང་གང་དུ་འཕངས་པ་དེ་ལོགས་སུ་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་པར་བགྱིས་ཏེ་མོད་ལ་བསམ་པ་ཐམས་ཅད་འགྲུབ་པར་འགྱུར་རོ། །གལ་ཏེ་མཚམས་མེད་པ་ལྔ་བགྱིས་པའམ། །མནར་མེད་པར་མཆི་བའི་ཞིག་ན་ཡང་དེའི་ལེགས་པར་འགྲུབ་པར་འགྱུར་ཏེ། དེ་ལ་ཡིད་གཉིས་དང ། སོམ་ཉི་བསྐྱེད་པར་མི་བགྱིའོ། །ཁྲོ་གཉེར་གྱི་བཞིན་གྱིས་གང་དུ་འཕངས་ན། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། །མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་རྣམས་བཀུག་ནས་རིག་སྔགས་འཆང་གི་མདུན་དུ་མཆི་བར་འགྱུར་ཞིང ། ཇི་སྲིད་འཆོའི་བར་དུ་བྲན་བཞིན་དུ་མཆིས་པར་འགྱུར་རོ། །རྒྱལ་པོ་དང ། བློན་པོ་དང ། བཙུན་མོའི་འཁོར་ཐམས་ཅད་མཆིས་པར་འགྱུར་རོ། །འཇིག་རྟེན་ཐམས་ཅད་ཀྱིས་ཆེར་མཆོད་པར་འགྱུར་རོ། །གང་གི་དོན་དུ་ཞགས་པ་འཕངས་པའི་དོན་དེ་འགྲུབ་པར་འགྱུར་རོ། །ཁྲོ་བོའི་རྒྱལ་པོའི་ཞགས་པ་ལ་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་ Pha243a ༄#། །འཕང་བར་བགྱིའོ། །འཕངས་པ་ཙམ་གྱི་མོད་ལ་བགེགས་དང ། ལོག་འདྲེན་དང ། གདུག་པའི་སེམས་ཅན་ཐམས་ཅད་ཞགས་པས་བཅིངས་པར་འགྱུར་རོ། །གལ་ཏེ་འཚལ་ན། ལོའམ། ལོ་བརྒྱའམ། སྟོང་ངམ། བསྐལ་པ་བརྒྱ་སྟོང་གི་བར་དུ་ཞགས་པས་བཅིངས་པར་འགྱུར་རོ། །ནམ་བྱམས་པ་དང ། སྙིང་རྗེ་བསྐྱེད་ནས་དེའི་ཚེ་དོན་ཡོད་པའི་ཞགས་པའི་སྙིང་པོ་ལན་གསུམ་བཟླས་ན། ཕྱིར་བཀྲོལ་བར་འགྱུར་རོ། །དཔུང་གི་ནང་དུ་འཕངས་ན། དཔུང་རྣམས་ཞགས་པས་བཅིངས་པར་འགྱུར་རོ། ། གཡུལ་འགྱེད་པའི་དབུས་སུ་འཕངས་ན། མཚོན་ཆ་དང ། གོ་མཚོན་དང ། གཞུ་དང ། མདའ་དང ། མདུང་དང ། རལ་གྲི་དང ། གཏུན་ཤིང་དང ། མུ་སི་ནི་ད་དང ། འཁོར་ལོ་དང ། ཐག་མདུང་དང ། མཚོན་ཆ་ཐམས་ཅད་དང ། གོ་ཆ་དང ། ཡ་ལད་ཐམས་ཅད་ཞགས་པས་བཅིངས་པར་འགྱུར་རོ། །ཆབ་དང ། ཡུངས་ཀར་ལ་ལན་བདུན་བཟླས་བརྗོད་བགྱིས་ཏེ་གཏོར་ན་གྲོལ་བར་འགྱུར་རོ། །ཞགས་པ་ལ་གདུགས་གཅིག་བཞིན་ཅི་འབྱོར་བས་མཆོད་པར་བགྱིའོ། །གང་གི་དོན་དུ་བསམ་པ་དེ་ཐམས་ཅད་འགྲུབ་པར་འགྱུར་རོ། ། དོན་ཡོད་པའི་ཞགས་པ་སྒྲུབ་པའི་ཆོ་གའོ། །འོན་ཏེ་མི་སྣང་བ་སྒྲུབ་པར་འཚལ་ན། །དོན་ཡོད་པའི་ཞགས་པའི་ཕྱག་རྒྱ་ལག་པས་བཅིངས་ཏེ་གཡས་པ་དང་གཡོན་པས་ Pha243b གོང་དུ་ཇི་སྐད་གསུངས་པ་བཞིན་ཞགས་པ་བཟུང་ནས་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིས་ན་མི་གདའ་བར་འགྱུར་རོ། །བརྒྱ་རྩ་བརྒྱད་ལན་གཉིས་བཟླས་བརྗོད་བགྱིས་ན། ནམ་མཁའ་ལ་མཆི་བར་འགྱུར་རོ། །དོན་ཡོད་པའི་རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་བརྒྱ་སྟོང་ཕྲག་འབུམ་གྱིས་ཡོངས་སུ་བསྐོར་བར་འགྱུར་རོ། །ལོ་བྱེ་བ་བཅུར་འཚོ་བར་འགྱུར་རོ། །སྐྲ་ཅུང་ཟད་འཁྱིལ་བར་འགྱུར་རོ། །སྟོབས་དང ། བརྩོན་འགྲུས་ཕ་རོལ་གྱི་ཟིལ་གྱིས་མི་ནོན་པ་ཐོགས་པ་མེད་པར་འགྱུར་རོ། །ཆར་པ་འཚལ་བས་མཆོད་པ་བགྱིས་ན། ཇི་ཙམ་གསོལ་བ་བཏབ་པ་བཞིན་འབབ་པར་འགྱུར་རོ། །ཧ་ཅང་ཆར་ཆས་པ་དགག་པའི་སླད་དུ་མཆོད་པ་བགྱིས་ན། ཆར་པ་བཀག་པར་འགྱུར་རོ། །ཡམས་ཀྱི་ནད་དང ། གནོད་པ་དང ། འཚེ་བ་དང ། འཁྲུག་པ་ཐམས་ཅད་དང ། མི་ངས་ཐམས་ཅད་རབ་ཏུ་ཞི་བར་འཚལ་བས་རིག་སྔགས་འཆང་ལེགས་པར་ཁྲུས་བགྱིས་པ་གཙང་མས་གོས་གཙང་མ་བགོས་ལ་ལག་པས་ཞགས་པ་བླངས་ཏེ་གནས་མཐོན་པོར་འཇེགས་ནས་དོན་ཡོད་པའི་ཞགས་པའི་ཕྱག་རྒྱ་དང ། ཞགས་པ་བཅིངས་ཏེ་དོན་ཡོད་པའི་ཞགས་པའི་སྙིང་པོ་ཕྱོགས་བཞིར་ལན་བདུན་བཟླས་ནས་ཞགས་པ་འཕངས་ན། དེ་དག་ཐམས་ཅད་དྲན་པ་ཙམ་གྱིས་འཐབ་པ་དང ། རྩོད་པ་ Pha244a ༄#། །དང ། འགྱེད་པ་དང ། རང་གི་དཔུང་དང ། གཞན་གྱི་དཔུང་ཐམས་ཅད་དང ། ཕས་ཀྱི་རྒོལ་བ་དང ། མི་མཛའ་བ་ཐམས་ཅད་རབ་ཏུ་ཞི་བར་འགྱུར་རོ། །འཇིགས་པ་དང ། ཡམས་ཀྱི་ནད་དང ། གནོད་པ་ཐམས་ཅད་དང ། མི་ངས་ཆེན་པོ་དང ། མུ་གེའི་དགོན་པའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །ཧ་ཅང་ཆར་ཆེ་བ་དང ། དུས་མ་ལགས་པའི་ཆར་དང ། གྲང་བ་དང ། རླུང་དང ། ཚ་བ་མི་བཟད་པའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །དཔག་ཆད་བརྒྱ་སྟོང་ཁོར་ཡུག་ཏུ་མཚམས་ཆེན་པོ་བཅིངས་པ་བགྱིས་པར་འགྱུར་རོ། །ཇི་ལྟ་ཇི་ལྟར་ཡིད་ལ་བསམ་པ་དེ་ལྟ་དེ་ལྟར་ཐམས་ཅད་འགྲུབ་པར་འགྱུར་པས་དོན་ཡོད་རྒྱལ་པོ་མཆོད་པར་བགྱི་ཞིང་བཟླས་བརྗོད་བགྱི། གསོལ་བར་ཡང་བགྱིའོ། །མཆོད་པ་དང ། གསོལ་བ་བགྱིས་པ་ཙམ་གྱི་མོད་ལ་ཐམས་ཅད་ཕུན་སུམ་ཚོགས་པར་འགྱུར་ཏེ། དེ་ལ་ཡིད་གཉིས་དང ། སོ་མ་ཉི་བསྐྱེད་པར་མི་བགྱིའོ། །ཆོ་ག་ཞིབ་མོ་ལས་ཇི་སྐད་གསུམ་པ་བཞིན་ལས་བགྱིད་པ་རྣམས་ཀྱིས་ཆོ་ག་དེ་བཞིན་དུ་བསྒྲུབ་པར་བགྱིའོ། །དེ་ནས་སྐད་ཅིག་དེའི་མོད་ལ་ཐམས་ཅད་འགྲུབ་པར་འགྱུར་རོ། །བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་བསྒོམ་པར་བགྱིའོ། །སེམས་ཅན་ཐམས་ཅད་ལ་མཆོག་ཏུ་བརྩེ་བར་བགྱིའོ། །འཕགས་པ་སྤྱན་རས་ Pha244b གཟིགས་དབང་ཕྱུག་ལ་མཆོད་པར་བགྱིའོ། །དཀོན་མཆོག་གསུམ་ལ་གུས་པར་བགྱིའོ། །དེ་བཞིན་གཤེགས་པ་ཐམས་ཅད་ལ་གུས་པ་དང ། བླ་མར་ཡིད་ལ་བསྒོམ་པར་བགྱིའོ། ། མི་གཙང་བ་སྤྱོད་པ་གཙང་བར་བགྱི་ཞིང་ཡོངས་སུ་དག་པའི་ངང་ཚུལ་ཅན་དུ་བསྒོམ་པར་བགྱིའོ། །དོན་ཡོད་པའི་ཞགས་པ་དེ་ཁོ་ན་ཉིད་ཀྱི་ཆོ་ག་སྒྲུབ་པ་ཡིད་བཞིན་གྱི་ནོར་བུ་བྱང་ཆུབ་དགུག་པར་བགྱིའོ། །དེ་ནས་ཞགས་པའི་འཁོར་ལོའི་ཆོ་ག་སྒྲུབ་པ་བཤད་པར་བགྱི་སྟེ། རིག་སྔགས་འཆང་དེ་ཁོ་ན་ཉིད་སྒྲུབ་པས་ཕུག་ཏུ་འཇུག་པའི་སྒྲུབ་པ་ཐམས་ཅད་ཀྱི་མཆོག་ཕུག་ཏུ་འཇུག་པ་དང ། ལྷ་མ་ཡིན་གྱི་གནས་སུ་འཇུག་པ་དང ། མི་འམ་ཅིའི་གནས་སུ་འཇུག་པ་དང ། དྲི་ཟའི་གནས་སུ་འཇུག་པ་དང ། ལྷའི་གནས་སུ་འཇུག་པ་དང ། ནམ་མཁའ་ལ་རྒྱུ་བ་དང ། སུམ་ཅུ་རྩ་གསུམ་པའི་གནས་སུ་འཇུག་པ་དང ། འོག་མིན་གྱི་གནས་ཀྱི་བར་དུ་འཇུག་པ་དང ། ཀླུའི་རྒྱལ་པོའི་གནས་སུ་འཇུག་པ་དང ། ཐང་ལ་རྒྱུ་བ་དང ། ཉི་མའི་གནས་སུ་འཇུག་པ་དང ། ཟླ་བའི་གནས་སུ་འཇུག་པ་དང ། སྐར་མའི་གནས་སུ་འཇུག་པ་དང ། རྒྱུ་སྐར་གྱི་གནས་སུ་འཇུག་པ་དང ། ནགས་སུ་འཇུག་པ་དང ། རི་ལ་རྒྱུ་བ་དང ། འབབ་ཆུ་ཆེན་པོར་འཇུག་པ་སྟེ། ཇི་ལྟ་ཇི་ལྟར་ཡིད་ལ་བསམ་པ་དེ་ལྟ་དེ་ལྟར་འཇིག་རྟེན་པ་དང ། འཇིག་རྟེན་ལས་འདས་པའི་ཞགས་པའི་ཆོ་ག་སྒྲུབ་པ་ཚེགས་ Pha245a ༄#། །ཆུང་ངུ་དང ། རྩོལ་བ་ཆུང་ངུས་འགྲུབ་པར་འགྱུར་ཏེ། དེ་ལ་ཡིད་གཉིས་དང ། སོམ་ཉི་བསྐྱེད་པར་མི་བྱའོ། །རིག་སྔགས་འཆང་གཙང་མར་གྱུར་པས་ལེགས་པར་ཁྲུས་བགྱིས་ཏེ་གོས་གཙང་མ་བགོས་ནས་ཟས་དཀར་གསུམ་འཚལ་ལ། གཙང་མ་དེ་ཁོ་ན་ཉིད་ལ་གུས་པས་སངས་རྒྱས་རྗེས་སུ་དྲན་པ་བསྒོམ་པར་བགྱིའོ། ། བྱམས་པའི་སེམས་ལ་མཉམ་པར་བཞག་ནས་སྙིང་རྗེའི་བསམ་པ་དག་པའི་ཡིད་ཀྱིས་ཚེས་བཅུ་གསུམ་ནས་བརྩམས་ཏེ་ཟླ་བ་ཉ་བའི་བར་དུ་གསལ་བ་ཤིན་ཏུ་བཀྲ་ཤིས་པ་ལ་དུས་གསུམ་དུ་ཅི་འབྱོར་བའི་རྣམ་པ་རྣམས་ཀྱིས་མཆོད་པར་བགྱིས་ལ། རྟག་ཏུ་བརྒྱ་རྩ་བརྒྱད་པ་ཡི། །དུས་གསུམ་རྒྱུན་དུ་བཟླས་བརྗོད་བགྱི། །ཉིན་པར་དུས་གསུམ་ལན་གསུམ་སྟེ། །མཚན་མོའི་དུས་སུ་ལན་གསུམ་བགྱི། །འཁོར་ལོ་ཞགས་པ་བླ་མེད་འདི། །སྐུད་པ་གསུམ་ལས་བསྒྲུབ་བགྱི་སྟེ། །རས་སྐུད་པདྨའི་སྐུད་པ་དང ། །རྒའི་སྐུད་པ་གསུམ་འགྱུར་དུ། །དེ་ནི་ལེགས་པར་ཚད་བཞིན་དུ། །ཁྲུ་ནི་སུམ་ཅུ་རྩ་དྲུག་བགྱི། །འཁོར་ལོ་རྣམ་པ་གསུམ་ལས་བགྱི། །རྒྱར་ནི་སོར་བཞིའི་ཆད་ལགས་ཏེ། སྙིང་པོར་བཅས་ཤིང་མུ་ཁྱུད་བཅས། །ཀུན་ནས་རྩིབས་དང་ལྡན་པ་དག་།གསེར་དང་དངུལ་དང་ཟངས་ལས་བགྱི། །ཆོས་བསྟན་ལེགས་པར་བརྒྱན་པ་ཡི། །བཟང་པོའི་སྟན་ལ་གཞག་པར་ Pha245b བགྱི། །སྤོས་ཀྱི་དཀྱིལ་འཁོར་མེ་ཏོག་གི་།སིལ་མ་བཀྲམ་ནས་བུམ་པ་དགོད། །དེ་བཞིན་མཆོད་ཡོན་སྣོད་ཀྱང་བཤམ། །རི་མོའི་གཟུགས་ཀྱི་མདུན་དུ་ཆོས་ཀྱི་སྟན་བཤམས་པར་བགྱིས་པའི་སྟེང་དུ་འཁོར་ལོའི་ཞགས་པ་བཞག་སྟེ་མཆོད་པ་བགྱིས་ལ་བསམ་པ་ཇི་ལྟ་བ་བཞིན་དུ་དུས་གསུམ་དུ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །དེ་ནས་ཚེས་བཅོ་ལྔའི་ཟླ་བ་ཉ་བ་ལ་ཉིན་ཞག་གཅིག་མཆིས་པར་འགྱུར་པས་ཚིག་གཞན་མི་སྨྲ་བར་འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་མཆོད་པ་བགྱི་ཞིང་བདུག་པ་རྣམ་པ་གསུམ་པོ་ཨ་ག་རུ་དང ། ཙནྡན་དང ། གུ་གུལ་རྣམས་དབུལ་བར་བགྱིའོ། །རི་མོའི་གཟུགས་ཀྱི་མདུན་དུ་ཆོས་ཀྱི་སྟན་མཆིས་པ་ལ་མངོན་དུ་ཕྱོགས་ཏེ་མཆིས་ནས་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས་བརྗོད་བགྱིས་ཏེ་ཡུངས་ཀར་རེ་རེ་ལ་བཟླས་བརྗོད་བགྱིས་པས་ཞགས་པའི་སྟེང་དུ་གཏོར་བར་བགྱིའོ། །སྟོང་རྩ་བརྒྱད་ཚང་ནས་ཞགས་པ་འབར་ཞིང་འཁོར་ལོ་ནམ་མཁའ་ལ་མཆིས་ནས་འབར་ཞིང་ལྡིང་བར་འགྱུར་རོ། །རིག་སྔགས་འཆང་གི་ལུས་ཀྱི་སྟོད་དང ། སྤྱི་བོ་ནས་འོད་ཟེར་འབྱུང་བར་འགྱུར་རོ། །རི་མོའི་གཟུགས་ལས་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་རོ། །དེ་ནས་རིག་སྔགས་འཆང་གིས་དོན་ཡོད་པའི་ཞགས་པའི་སྙིང་པོའི་འཁོར་ལ་ཞགས་ Pha246a ༄#། །པའི་ཆོ་ག་རྒྱ་ཆེན་པོ་འདི་གྲུབ་པར་འཚལ་བར་བགྱིའོ། །དེ་ནས་རིག་སྔགས་འཆང་གིས་མཆོད་པ་ཆེན་པོ་བགྱིས་ལ་དོན་ཡོད་ཁྲོ་བོའི་རྒྱལ་པོ་ལན་སྟོང་རྩ་བརྒྱད་བཟླས་བརྗོད་བགྱི་སྟེ། དེའི་འོག་ཏུ་རིག་སྔགས་འཆང་གིས་ཞགས་པ་བླང་བར་བགྱིའོ། །ལག་པ་གཡོན་པ་འཁོར་ལོའི་ཕྱག་རྒྱའི་ཚུལ་དུ་བཅིང་བར་བགྱི་ཞིང ། གཡས་པ་ཞགས་པའི་ཕྱག་རྒྱ་དང་འཁོར་ལོའི་ཚུལ་ལ་བརྟེན་ནས་བླངས་ཏེ་དོན་ཡོད་པའི་ཞགས་པའི་སྙིང་པོ་བརྗོད་ནས་ཕྱོགས་བཞིར་འཕང་བར་བགྱིའོ། །དེ་ནས་ཕྱོགས་བཅུར་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིའོ། །དེ་ནས་བདག་ཉིད་ཀྱི་ལུས་ལ་དབང་བསྐུར་བའི་ཚུལ་དུ་ལན་བདུན་དུ་བསྐོར་བར་བགྱིའོ། །དེ་ནས་ཕྱག་རྒྱའི་ཚུལ་དུ་བསྐོར་བ་ཙམ་གྱི་མོད་ལ་རིག་སྔགས་འཆང་འཁོར་ལོས་བསྒྱུར་བའི་དབང་བསྐུར་བར་འགྱུར་རོ། །དམ་པ་ཆེན་པོ་འགྲུབ་པར་འགྱུར་རོ། །འཁོར་ལོས་བསྒྱུར་བའི་རྒྱལ་པོ་ཆེན་པོ་ལེགས་མཐོང་རང་གི་གཟུགས་ཀྱི་མདུན་ན་མཆིས་ནས་རིག་སྔགས་འཆང་གི་རྐང་པ་སྤྱི་བོས་བླངས་ནས་འདི་སྐད་ཅེས་ཀྱང་སྨྲ་བར་འགྱུར་ཏེ། རིག་སྔགས་འཆང་གིས་ཅི་བཀའ་སྩལ་པ་དེ་བགྱིའོ་ཞེས་ཅི་བསྒོ་བའི་དོན་དེ་དང་དེ་ཐམས་ཅད་བགྱིད་པར་འགྱུར་རོ། །བྲན་གྱི་རང་བཞིན་གྱིས་ཐམས་ཅད་དུ་ལས་བགྱིད་པར་འགྱུར་རོ། །དེ་ནས་རིག་སྔགས་འཆང་གི་ Pha246b གནས་སུ་འཇུག་པར་འཚལ་བས་འདི་ལྟར་ནུབ་གསུམ་དུ་མཆིས་པར་གྱུར་པས་ཞགས་པའི་ཕྱག་རྒྱ་ལག་པས་བླང་བར་བགྱིའོ། །ཕུག་གི་སྒོ་གང་ལགས་པ་དེར་ཞགས་པ་ལན་གསུམ་དུ་བསྐོར་བར་བགྱིའོ། །དོན་ཡོད་པའི་རྒྱལ་པོ་བཟླས་བརྗོད་བགྱིས་ཏེ་ཞགས་པ་གདབ་པར་བགྱིའོ། །ཞགས་པ་བཏབ་པ་ཙམ་གྱི་མོད་ལ་གནས་ཀྱི་ཕུག་གི་སྒོ་ཐམས་ཅད་ཕྱེ་བར་འགྱུར་རོ། །འཁྲུལ་འཁོར་དང ། གཏན་པ་དང ། ཕུག་དང ། འབབ་ཆུ་ཆེན་པོ་དང ། གསེག་མ་དང ། འབབ་ཆུ་དང ། གནོད་སྦྱིན་དང ། སྲིན་པོ་དང ། ལམ་མི་བདེ་བ་ཐམས་ཅད་བསལ་བ་དང ། བཅོམ་པ་དང ། བཤིག་པར་འགྱུར་རོ། །གཏན་པ་དང ། སྒོ་གླེགས་དང ། འཁྲུལ་འཁོར་དང ། ལྕགས་སྒྲོག་རྣམས་དུམ་བུ་དུམ་བུར་ཆད་ཅིང་གྱེས་པར་འགྱུར། ཉམས་པར་འགྱུར། །འཇིག་པར་འགྱུར་རོ། །ཤིན་ཏུ་དག་པ་དང ། ཤིན་ཏུ་དྲི་མ་མེད་པ་དང ། ཤིན་ཏུ་རྒྱ་ཆེ་བའི་གཞལ་མེད་ཁང་འབྱོར་བ་རྣམ་པར་འཕྲུལ་པ་དག་མཐོང་བར་འགྱུར་རོ། །རིན་པོ་ཆེ་སྣ་ཚོགས་ཀྱིས་བཀྲ་བ། རིན་པོ་ཆེ་སྣ་བདུན་གྱིས་བརྒྱན་པའི་གནས། །རིན་པོ་ཆེ་སྣ་ཚོགས་ཀྱི་ལྗོན་ཤིང་གིས་བརྒྱན་པའི་གཞལ་མེད་ཁང་མཐོང་བར་འགྱུར་རོ། །མེ་ཏོག་སྣ་ཚོགས་ཀྱི་ར་བ་ཤིན་ཏུ་དྲི་ཞིམ་པའི་གཞལ་མེད་ཁང་མཐོང་བར་འགྱུར་རོ། །དེ་ནས་རིག་སྔགས་འཆང་གིས་ལག་པའི་ཞགས་པ་དང ། འཁོར་ལོའི་ཕྱག་རྒྱའི་ Pha247a ༄#། །ཚུལ་མངོན་སུམ་དུ་བགྱིས་ནས་དོན་ཡོད་པའི་ཞགས་པའི་སྙིང་པོ་བཟླས་ཏེ་འཇུག་པར་བགྱིའོ། །རིག་སྔགས་འཆང་གནས་སུ་ཞུགས་པ་ཙམ་ཁོ་ནས་གནས་མཆོག་དེ་ཡང་རྣམ་པ་དྲུག་ཏུ་འགུལ་བ་དང ། གཡོ་བ་དང ། ལྡེག་པ་དང ། འུར་འུར་ཆེམ་ཆེམ་སྟེ། ལྷའི་འོད་ཟེར་གྱི་སྣང་བ་ཆེན་པོས་སྣང་བར་འགྱུར་རོ། །དེ་ནས་རིག་སྔགས་འཆང་འཇུག་པར་བགྱིའོ། །དེ་ནས་དོན་ཡོད་པ་རྣམ་པར་དག་པ་དྲི་མ་མེད་པ་ཞེས་བགྱི་བའི་སྨན་བུད་མེད་ཀྱི་གཟུགས་ལྷའི་རྒྱན་གྱིས་བརྒྱན་པ། ལྷའི་གོས་ཀྱི་རྒྱན་གྱིས་ཀླུབས་པ། ཁ་དོག་བཟང་པོ་རྒྱས་པ་མཆོག་དང་ལྡན་པ། ལྷའི་གཟུགས་ཆེན་པོ་འཆང་བ། བཱི་ཛ་པཱུ་ར་ཐོགས་པ་མཆི་བར་འགྱུར་རོ། །སྨན་བུད་མེད་ཀྱི་གཟུགས་འཆང་བ་དེ་མཐོང་བ་ཙམ་ཁོ་ནས་དཔག་ཚད་གང་ཙམ་ནས་གཟི་བརྗིད་ཐམས་ཅད་དང ། སྟོབས་ཐམས་ཅད་ཉེ་བར་སྒྲུབ་པར་བགྱིད་དོ། །དེ་ནས་རིག་སྔགས་འཆང་གིས་དོན་ཡོད་པའི་འཁོར་ལོའི་ཞགས་པ་མདུན་དུ་བཅིང་བར་བགྱི་སྟེ། མཐོང་བ་ཙམ་གྱི་མོད་ལ་དེའི་སྟོབས་དང ། བརྩོན་འགྲུས་དང ། གཟི་བརྗིད་ཉམས་པར་འགྱུར་རོ། །མཐུ་ཆུང་བར་འགྱུར་རོ། །དེ་ནས་བུད་མེད་དེ་དགོད་པ་དང ། ོཾ་ཞེས་བགྱི་བས་མནན་པར་བགྱིའོ། །ཁྲོ་བོའི་རྒྱལ་པོ་བཟླ་བར་བགྱི་སྟེ། ཁ་བུབ་ཏུ་འགྱེལ་ནས་ཆབ་འབྱུང་བར་འགྱུར་ཏེ། ཆབ་དེ་ལ་རེག་པར་མི་ Pha247b བགྱིའོ། །དོན་ཡོད་རྒྱལ་པོ་བཟླ་བར་བགྱི་སྟེ། དེ་ནས་མིག་ཚུགས་ཀྱིས་བལྟ་བར་བགྱིད་ན། རིག་སྔགས་འཆང་གིས་ཞགས་པས་བཞུ་བར་བགྱིའོ། །དེའི་འོག་ཏུ་བདུད་རྩིའི་ཆབ་འབྱུང་སྟེ། བླང་བར་བགྱི། །བྱུག་པར་བགྱིའོ། །ཀུན་ཏུ་བྱུགས་པ་ཙམ་གྱིས་ནམ་མཁའ་ལ་མཆི་བར་འགྱུར་ཏེ། ཐོག་མར་རླུང་གི་ཕུང་པོ་ནས་འཛེག་པར་འགྱུར་རོ། །མིག་ལ་བྱུག་ན། ཕྱོགས་བཅུ་ཐམས་ཅད་དུ་གཏོགས་པའི་དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་ཀྱི་འཁོར་དང་བཅས་པ་ཐམས་ཅད་དང ། སངས་རྒྱས་ཀྱི་ཞིང་དེའི་གཞལ་མེད་ཁང་དང ། གནས་ཀྱི་རྣམ་པར་འཕྲུལ་པ་དང ། གང་དག་བཞུགས་ཤིང་བཞེས་ལ་འཚོ་བ་དག་ཇི་ལྟར་ལག་མཐིལ་ན་མཆིས་པ་དེ་བཞིན་དུ་མཐོང་བར་འགྱུར་རོ། །གང་དག་ཡོངས་སུ་མྱ་ངན་ལས་འདས་པ་དང ། གང་དག་འདས་པ་དང ། གང་དག་མ་བྱོན་པ་དང ། གང་དག་ད་ལྟར་བྱུང་བ་དང ། སངས་རྒྱས་རྣམས་དང ། གང་དག་རིང་བསྲེལ་སྙིང་པོའི་མཆོད་རྟེན་ཆེན་པོའི་སྲོག་ཤིང་གི་ཚོགས་ཅན་དག་དང ། དེ་བཞིན་དུ་ཇི་ལྟར་འཁོར་གྱི་དཀྱིལ་འཁོར་གྱི་ཁང་པ་དེ་དག་ཐམས་ཅད་མཐོང་བར་འགྱུར་རོ། །བདག་ཉིད་ལ་ཀུན་ནས་བྱུགས་ཏེ། དེས་བྱུགས་པ་ཙམ་གྱིས་པགས་པའི་མདོག་ལྷའི་གསེར་དང་འདྲ་བར་འགྱུར་རོ། །སྐྲ་སྔོ་ལ་ཅུང་ཟད་འཁྱིལ་བར་འགྱུར་རོ། །མིག་ལྷའི་ཨུཏྤ་ལ་སྔོན་པོ་མཆོག་འདྲ་བར་འགྱུར་ Pha248a ༄#། །རོ། །ཚེ་ལྷའི་བསྐལ་པ་བརྒྱ་སྟོང་དུ་འགྱུར་རོ། །རིག་སྔགས་འཆང་གི་འཁོར་ལོས་བསྒྱུར་བ་འབུམ་ཕྲག་བརྒྱ་སྟོང་ཕྲག་བཅོ་བརྒྱད་ཀྱིས་ཡོངས་སུ་བསྐོར་བར་འགྱུར་རོ། །ལྷའི་བུ་མོ་བརྒྱ་བཞི་བཅུ་དང ། མི་འམ་ཅིའི་བུ་མོ་དང ། རིག་སྔགས་འཆང་གི་བུ་མོ་གངྒཱའི་ཀླུང་གི་བྱེ་མ་བརྒྱ་སྟོང་ཕྲག་འབུམ་སྙེད་ཀྱིས་ཡོངས་སུ་བསྐོར་བར་འགྱུར་རོ། །ཇི་ལྟར་ཡིད་ལ་བསམ་པ་དང ། ཡིད་ལ་བརྣག་པ་ཙམ་གྱིས་ལྷའི་ཟས་ཀྱི་མཆོག་རོ་བརྒྱ་དང་ལྡན་པ་དག་མདུན་དུ་འབྱུང་བར་འགྱུར་རོ། །ལྷའི་བཏུང་བ་ཆེན་པོ་བདུད་རྩིའི་རོ་བྲོ་བ་དག་འབྱུང་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་འཁོར་ལོས་བསྒྱུར་བའི་རྒྱལ་པོ་ཆེན་པོ་ལེགས་མཐོང་མདུན་ནས་རྒྱུག་པར་བགྱིད་དོ། ། དགྲ་ཐམས་ཅད་དང ། བགེགས་དང ། ལོག་འདྲེན་ཐམས་ཅད་བཅོམ་པ་དང ། ཉམས་པ་དང ། གཏུབས་པ་དང ། གཤེག་པ་དང ། བརྩལ་བ་དང ། གྱེས་པ་དང ། ཕྱེ་མར་བགྱིས་པར་འགྱུར་རོ། །ཡང་ན་སྨན་གྱི་བུད་མེད་དེའི་སྐྲ་ཀུན་བཏོན་ཏེ་སྐ་རགས་སུ་བགྱིས་ནས་བཅིང་བར་བགྱིའོ། །གང་དུ་བཅིང་པ་དེ་ཡང་རིན་པོ་ཆེ་སྣ་བདུན་དུ་འགྱུར་རོ། ། གང་དུ་ཞུགས་པ་ཐམས་ཅད་མི་སྣང་བར་འགྱུར་རོ། །དེ་ལ་ལྷ་ཐམས་ཅད་གནས་འཆའ་བར་འགྱུར་རོ། །ཀླུ་ཐམས་ཅད་དང ། ལྷ་མ་ཡིན་ཐམས་ཅད་དང ། མིའམ་ཅི་ Pha248b ཐམས་ཅད་དང ། རིག་སྔགས་འཆང་ཐམས་ཅད་དེའི་དབང་དུ་མཆིས་པར་འགྱུར་རོ། །འཁོར་དེ་ཐམས་ཅད་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་དེའི་ཕྱི་བཞིན་རྗེས་སུ་འབྲང་བར་འགྱུར་རོ། །དེ་ནས་རིག་སྔགས་འཆང་གནས་སུ་འཇུག་པར་འཚལ་ཞིང་སླར་ཡང་ལྡོག་པར་འཚལ་ན། སྨན་གྱི་བུད་མེད་དེ་དང་གཏམ་མི་བགྱི། །རེག་པར་མི་བགྱི་བར་ལག་པའི་ཕྱག་རྒྱ་གནས་མཆོག་ཏུ་འཇུག་པར་བགྱིའོ། །དེ་ནས་གནས་ཐམས་ཅད་ན་གནས་པའི་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་ཐམས་ཅད་ཕྱིར་བྱུང་ནས་མདུན་ན་སྡོད་པར་འགྱུར་ཏེ། ཁ་ཅིག་གི་ལག་ན་ནི། བུམ་པ་གང་བའོ། །ཁ་ཅིག་ནི། ལག་ན་གདུགས་སོ། །ཁ་ཅིག་གི་ལག་ན་ནི། ལྷའི་གོས་ཐོགས་སོ། །ཁ་ཅིག་ནི་།ལྷའི་ནོར་བུ་རིན་པོ་ཆེ་ཐོགས་སོ། །ཁ་ཅིག་ནི། དྲི་དག་གོ། །ཁ་ཅིག་ནི། མེ་ཏོག་དག་གོ་།ཁ་ཅིག་ནི། ཕྲེང་བ་དག་གོ་།ཁ་ཅིག་ནི། རྒྱན་དང་ལྷབ་ལྷུབ་སྣ་ཚོགས་ཐོགས་སོ། །ཁ་ཅིག་ནི། བྱུག་པ་དག་གོ། །ཁ་ཅིག་ནི། དྲིའི་ཕྱེ་མ་དག་གོ་།ཁ་ཅིག་ནི། སྤོས་ཆུའི་རིན་པོ་ཆེ་སྣ་བདུན་གྱི་སྣོད་བཀང་བ་དག་གོ། །ཁ་ཅིག་ནི། ལྷའི་འབྲས་བུ་སྣ་ཚོགས་པ་དག་གོ་།ཁ་ཅིག་ནི། ལྷའི་མེ་ཏོག་སྣ་ཚོགས་ཐོགས་ཏེ། པདྨ་དང ། ཀུ་མུ་ད་དང ། པདྨ་དཀར་པོ་དང ། མནྡཱ་ར་བ་དང ། མནྡཱ་ར་བ་ཆེན་པོ་དང ། མཉྫུ་ཤ་ག་དང ། མཉྫུ་ཤ་ཀ་ཆེན་པོ་དང ། མདོག་ Pha249a ༄#། །མཛེས་དང ། མདོག་མཛེས་ཆེན་པོ་དང ། ་ཏི་མུཀྟ་ཀ་དང ། ཙམ་པ་ཀ་དང ། བར་ཤི་ཀ་དང ། མཐོན་ཀ་དང ། མཐོན་ཀ་ཆེན་པོ་དང ། ཀ་དམ་པ་དང ། སྣ་མ་དང ། ཡུ་ཏི་ཀ་དང ། ཀླུའི་མེ་ཏོག་དང ། ཀོནྟ་དང ། གནྡྷ་བར་ཤི་ཀའི་མེ་ཏོག་དག་ཐོགས་སོ། །ཁ་ཅིག་ནི། ལྷའི་ཙནྡན་གོ་ཤིཪྵ་དང ། སྦྲུལ་གྱི་སྙིང་པོའི་བདུག་པ་དང ། ་ག་རུ་དང ། དུ་རུ་ཀ་དང ། ཏ་མ་ལའི་ལོ་མའི་བདུག་པ་ཐོགས་སོ། །ཁ་ཅིག་གི་ལག་ན་ནི། རྨ་བྱའི་བསིལ་ཡབ་ཐོགས་སོ། །ཁ་ཅིག་གི་ལག་པ་ན་ནི། རལ་གྲོའི། །ཁ་ཅིག་གི་ལག་པ་ན་ནི། མདུང་ཐུང་ངོ ། །ཁ་ཅིག་གི་ལག་པ་ན་ནི། རྡོ་རྗེ་དང ། དགྲ་སྟ་དང ། མངའ་བོ་ཆེ་དང ། མདུང་དང ། གཏུན་ཤིང་དང ། མདུང་རྩེ་གསུམ་པ་དང ། གཟོད་ཁ་གཉིས་པ་དག་གོ། །ཁ་ཅིག་ནི། གོ་ཆ་དང ། ཡ་ལད་བགོས་ནས་བསྲུང་བའི་ཕྱིར་ཀུན་ནས་འདུ་ཞིང་མཆི་བར་འགྱུར་རོ། །ཁ་ཅིག་ནི། རིན་པོ་ཆེ་སྣ་ཚོགས་ཀྱི་སྣོད་དང ། གསེར་གྱི་སྣོད་དང ། དངུལ་གྱི་སྣོད་དག་ཐོགས་པ་རིན་པོ་ཆེ་སྣ་ཚོགས་ཀྱི་མེ་ཏོག་དང ། གསེར་གྱི་མེ་ཏོག་དང ། དངུལ་གྱི་མེ་ཏོག་དག་གིས་བཀང་ནས་ཐོགས་སོ། །དེ་དག་ཐམས་ཅད་རིག་སྔགས་འཆང་ལ་དབུལ་བར་བགྱིད་དོ། །རིག་སྔགས་འཆང་གིས་བྱམས་པ་དང ། སྙིང་རྗེ་ཆེན་པོ་ཡིད་ལ་བགྱིད་པ་དང ། སངས་ Pha249b རྒྱས་ཡིད་ལ་བགྱིས་པས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་ཆ་ལུགས་འཆང་བ་ཡིད་ལ་བགྱིའོ། །མཆོག་ཏུ་བརྩེ་བ་ཡིད་ལ་བགྱིད་པས་ཚིག་གཞན་མི་སྨྲ་བར་དབུགས་དབྱུང་བར་བགྱི་ཞིང་ལམ་དྲང་པོ་ནས་འཇུག་པར་བགྱི་སྟེ། སེངྒེའི་ཁྲི་ལ་མངོན་དུ་མཆིས་ནས་དོན་ཡོད་པའི་འཁོར་ལོའི་ཞགས་པ་ཐོག་མར་སེངྒེའི་ཁྲིའི་སྟེང་དུ་གཞག་པར་བགྱིའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་བོ། །བམ་པོ་བཞི་པ། དེའི་འོག་ཏུ་རིག་སྔགས་འཆང་རང་ཉིད་མཆིས་ནས་སྟེང་དུ་གཏོགས་པའི་དེ་བཞིན་གཤེགས་པ་ཐམས་ཅད་ལ་ཕྱག་བགྱི་ཞིང་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་ལ་ཡང་ཕྱག་བགྱིའོ། །དེས་དགྲ་ཐམས་ཅད་ཕམ་བར་བགྱིས་པར་འགྱུར་རོ། །གལ་ཏེ་འོག་ཏུ་ཕྱོགས་ནས་ཕྱག་བགྱིས་ན། དེ་ནས་འཁོར་ལོས་རིག་སྣགས་འཆང་གི་ཕྱིར་རྒོལ་བ་རྣམས་མགོ་བཅད་པར་འགྱུར་རོ། །རིག་སྔགས་འཆང་མཆིས་མ་ཐག་ཏུ་གནས་རྣམ་པ་དྲུག་ཏུ་གཡོས་ནས་སྒྲ་ཆེན་པོ་འབྱུང་བར་འགྱུར་རོ། །ཅ་ཅོའི་སྒྲ་ཆེན་པོ་འབྱུང་བར་འགྱུར་རོ། །ལྷའི་རོལ་མོའི་ཆ་བྱད་ཡན་ལག་ལྔ་དང་ལྡན་པ་དག་འདུན་པར་འགྱུར་རོ། །ནམ་མཁའི་ལྷ་རྣམས་ཀྱིས་ཀྱང་གཞལ་མེད་ཁང་ཆེན་པོ་ནས་དབུ་རྒྱན་དང་ཅོད་པན་གྱིས་རིག་སྔགས་འཆང་གི་མགོ་བོ་ལ་དབང་བསྐུར་བར་བགྱིད་དོ། ། Pha250a ༄#། །དབང་བསྐུར་བ་ཙམ་གྱི་མོད་ལ་རིན་པོ་ཆེ་སྣ་བདུན་གྱི་ཆར་འབབ་པར་འགྱུར་རོ། །གསེར་གྱི་ཆར་དང ། གོས་ཀྱི་ཆར་འབབ་པར་འགྱུར་རོ། །གསེར་གྱི་མེ་ཏོག་དང ། དངུལ་གྱི་མེ་ཏོག་དང ། ལྷའི་མེ་ཏོག་བཀྲ་བ་སྣ་ཚོགས་ཀྱི་ཆར་དང ། ལྷའི་རྒྱན་གྱི་ཆར་འབབ་པར་འགྱུར་རོ། །དེ་ནས་ལྷའི་བུ་མོས་རིན་པོ་ཆེ་སྣ་བདུན་གྱི་སྣོད་དུ་བདུད་རྩིའི་བཅུད་འཚལ་ཏེ་མཆིས་ནས་འབུལ་བར་བགྱིད་དོ། །རིག་སྔགས་འཆང་གིས་བླངས་ནས་དོན་ཡོད་པའི་ཞགས་པའི་སྙིང་པོ་བཟླ་བར་བགྱིའོ། དེ་ནས་རིག་སྔགས་འཆང་གིས་རེག་པར་བགྱིའོ། །རིག་སྔགས་འཆང་གིས་རེག་པ་ཙམ་གྱི་མོད་ལ་ལྷའི་ལུས་རྣམ་པར་དག་པ་ཐོབ་ནས་བགས་པའི་མདོག་གསེར་འདྲ་བར་འགྱུར་རོ། །སྐྲ་ལྷག་པར་སྔོ་བ་དང ། མིག་ཨུཏྤ་ལ་སྔོན་པོ་ལྟར་ལྷའི་མིག་ཡོངས་སུ་དག་པར་འགྱུར་རོ། །ཚེའི་ཚད་ལྷའི་བསྐལ་བ་འབུམ་ཕྲག་བརྒྱ་སྟོང་དུ་འགྱུར་རོ། །གལ་ཏེ་ཕྱིར་མི་ལྡོག་པར་འཚལ་ན། དེའི་བཅུད་ཀྱིས་ལེན་མཆོག་ལས་ཇི་ཙམ་འཚལ་བ་བླངས་ཏེ་ལྷའི་ཆབ་ཙནྡན་གྱི་དྲི་དང་ལྡན་པའི་ནང་དུ་ཞུགས་ནས་ཁྲུས་བགྱིའོ། །ཁྲུས་བགྱིས་པ་ཙམ་གྱི་མོད་ལ་ཕུག་གི་སྒོ་རང་འབྱེ་བར་འགྱུར་ཞིང ། །ཇི་ལྟར་དབང་ཕྱུག་ཆེན་པོའི་གཟུགས་འདྲ་བར་མཐོང་ན་ནི། འཇིག་རྟེན་ཐམས་ཅད་ཀྱི་མཆོད་གནས་ཀྱི་གཙོ་བོ་གཅིག་པུར་འགྱུར་རོ། །ཇི་ Pha250b ལྟར་འཕགས་པ་སྤྱན་རས་གཟིགས་དབང་ཕྱུག་བཞིན་དུ་རིག་སྔགས་འཆང་འདི་ཡང་མཆོད་པ་དང ། བཀུར་སྟི་དང ། བླ་མས་བླ་མར་བགྱི་བ་དེ་ལྟ་བུར་འགྱུར་རོ། །གང་དུ་བཅུད་ཀྱིས་ལེན་མཆོག་འདིས་རེག་ན། འཛམ་བུ་ཆུ་བོ་གསེར་ཡོངས་སུ་དག་པར་འགྱུར་རོ། །རྩིག་པའམ། །རི་འམ། ཀ་བའམ། ལྗོན་ཤིང་ངམ། སྣོད་དམ། བུམ་པའམ། །རྫ་བོའམ་གོས་སམ། བོང་བ་ལ་རེག་ན། དེ་དག་ཐམས་ཅད་འཛམ་བུའི་གསེར་ཡོངས་སུ་དག་པར་འགྱུར་བ་ནས་དགོས་པའི་བར་དུ་འགྱུར་རོ། དེ་ནས་རིག་སྔགས་འཆང་ཀླུ་མོའམ། ལྷ་མོའམ། མིའམ་ཅི་མོ་འཚལ་ན། རིག་སྔགས་འཆང་དེ་གོས་གཙང་མ་བགོས་ནས་ལེགས་པར་ཁྲུས་བགྱིའོ། །ཚེ་བརྒྱད་དམ། །བཅུ་བཞིའམ། །བཅོ་ལྔ་ལ་འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་མཆོད་པ་བགྱིས་ནས་ཉིན་ཞག་གཅིག་གནས་པར་བགྱིའོ། །འཁོར་ལོའི་ཞགས་པ་ཆེན་པོ་འདི་ཆོས་ཀྱི་སྟན་ལེགས་པར་བརྒྱན་པའི་སྟན་བཟང་པོའི་སྟེང་དུ་གཞག་པར་བགྱི་ཞིང་མཆོད་པ་ཆེན་པོ་བགྱི་སྟེ། དེ་ཉིད་ཀྱི་མདུན་དུ་ཚིག་གཞན་མི་སྨྲ་བར་ལན་སྟོང་རྩ་བརྒྱད་བཟླས་ཏེ་ཡུངས་ཀར་རེ་རེ་ནས་བཟླས་བརྗོད་བགྱིས་པ་ཞགས་པའི་སྟེང་དུ་གཏོར་བར་བགྱིའོ། །ལན་སྟོང་རྩ་བརྒྱད་ཚང་བ་དང ། ཞགས་པ་དེ་ཡང་སྦྲུལ་བཞིན་དུ་ཡོངས་སུ་འཁྱིལ་ལ་འཁོར་ཏལོའི་གདེངས་ཀའི་ཚུལ་དུ་ Pha251a ༄#། །མཆིས་པར་འགྱུར་རོ། །དེ་ནས་རིག་སྔགས་འཆང་གིས་ཞགས་པ་བླངས་ཏེ་ཀླུ་གནས་པའི་མཚོའམ། མི་འམ་ཅི་གནས་པའི་མཚོའམ། ལྷ་མོ་གནས་པའི་མཚོ་འགྲམ་དུ་མཆིས་ནས་དོན་ཡོད་པའི་ཞགས་པའི་སྙིང་པོ་བཟླས་ཏེ་གནས་ཀྱི་ནང་དུ་ཞགས་པ་འཕང་པར་བགྱིའོ། །འཕངས་མ་ཐག་ཁོ་ནར་སླར་ཡང་དྲན་པར་བགྱི་སྟེ།་ཇི་ལྟ་བུའི་དོན་ཡིད་ལ་བསམ་པའི་དོན་དེ་ཞགས་པས་བཅིངས་ནས་ཇི་ལྟར་བསམ་པ་དེ་བཞིན་དུ་བགྱི་བར་འགྱུར་རོ། །གཞན་ཡང་ཇི་ལྟར་ཡིད་ལ་བསམ་པའི་ནོར་རམ། དབྱིག་གམ། གསེར་རམ། ནོར་བུའམ། མུ་ཏིག་གམ། བཻ་ཌཱུརྱའམ། ཤངྐ་ཤི་ལའམ། བྱི་རུའམ། ས་ལེ་སྦྲམ་མམ། དངུལ་ལམ། གོས་སམ། ཆས་སམ། རྒྱན་ནམ། གཞན་ཡང་གཞལ་མེད་ཁང་ཇི་ལྟ་བུར་འབྱོར་བ་ཅན་དག་དོན་དུ་གཉེར་ན། ཞགས་པ་འཕང་བར་བགྱི་སྟེ། དེ་ཐམས་ཅད་འདྲེན་པར་བགྱིད་དོ། །གང་དང་གང་དུ་འཕངས་པ་དེ་དང་དེར་ཇི་ལྟར་ཡིད་ལ་བསམ་པ་དེ་ཉིད་ཤིན་ཏུ་གསལ་བར་ཡོངས་སུ་རྫོགས་པར་འགྱུར་རོ། །དངོས་པོ་གཞན་དུ་མི་འགྱུར་རོ། །རྒྱལ་པོའི་རིགས་སམ། བྲམ་ཟེའི་རིགས་སམ། ཁྱིམ་བདག་གི་རིགས་སམ། རྗེའུ་རིགས་ཀྱིས་ཅི་དང་ཅི་བསམ་པ་འགྲུབ་པར་བགྱིད་དོ། །སྐྱེས་པའམ། བུད་མེད་དམ། ཁྱེའུའམ། བུ་མོའི་མིང་ནས་བརྗོད་ Pha251b དེ་ཞགས་པ་འཕངས་པ་ཙམ་གྱི་མོད་ལ་ཞགས་པས་བཅིངས་ནས་འདྲེན་པར་འགྱུར་རོ། །ཐ་ན་རི་དྭགས་དང ། བྱ་དང ། སེངྒེ་དང ། སྟག་དང ། གླང་པོ་ཆེ་དང ། མ་ཧེ་ཡང་འདྲེན་པར་བགྱིད་དོ། །གང་གི་མིད་ནས་བརྗོད་དེ་གཡུལ་འགྱེད་པའི་ནང་དུ་འཕངས་ན། དེ་ཡང་ཞགས་པས་བཅིངས་ནས་མདུན་དུ་མཆིས་ཏེ་ཇི་ལྟར་ཡིད་ལ་བསམ་པ་དེ་བཞིན་དུ་ཐམས་ཅད་འགྲུབ་པར་བགྱིད་དོ། །ཟླ་བ་དང་ཉི་མ་དབབ་པར་འཚལ་ན། ཟླ་བ་དང་ཉི་མའི་མདུན་དུ་མཆིས་ནས་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་ཏེ་ཟླ་བ་དང་ཉི་མའི་མངོན་སུམ་དུ་ཞགས་པ་འཕངས་ནས་སླར་ཡང་དྲང་བར་བགྱི་སྟེ། ཟླ་བ་དང་ཉི་མ་ཞགས་པས་བཅིངས་ནས་དྲངས་པར་འགྱུར་རོ། །ནམ་མཁའ་ལས་བབས་ནས་རིག་སྔགས་འཆང་གི་མདུན་དུ་མཆིས་ཏེ་ཇི་ལྟར་ཡིད་ལ་བསམ་པ་བཞིན་དགོས་པ་ཐམས་ཅད་སྒྲུབ་པར་བགྱིད་དོ། །འོན་ཏེ་ཟླ་བ་དང་ཉི་མའི་གནས་སུ་མཆི་བར་འཚལ་ན། ཞགས་པའི་ཕྱག་རྒྱ་བཅིངས་པ་ལག་པས་བླངས་ཏེ་དོན་ཡོད་པའི་རྒྱལ་པོའི་སྙིང་པོ་བཟླས་པ་དང ། རིག་སྔགས་འཆང་ནམ་མཁའ་ལ་འཕུར་ནས་ཉི་མ་དང་ཟླ་བའི་སྟན་ལ་ཇི་སྲིད་དུ་འཚལ་བར་ལོངས་སྤྱོད་པར་འགྱུར་ཞིང་སླར་བདེ་བ་དང ། མ་སྣད་པ་དང ། མ་སྨས་པ་དང ། ལེགས་པར་འབབ་པར་འགྱུར་རོ། །ནགས་ཁུང་དུ་འཇུག་པར་འཚལ་ན། གཙང་མ་ལེགས་པར་ཁྲུས་བགྱིས་པས་གོས་གཙང་ Pha252a ༄#། །བགོ་བར་བགྱི་ཞིང་ནགས་ཁུང་གི་སྒོར་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་ཞགས་པ་འཕང་བར་བགྱིའོ། །ལག་པས་ཞགས་པ་འཕངས་པ་ཙམ་གྱིས་ནགས་ཁུང་གི་གནས་ཀྱི་གཞལ་མེད་ཁང་གི་ཀླུ་ཐམས་ཅད་བཅིངས་ནས་ཐམས་ཅད་རིག་སྔགས་འཆང་གི་མདུན་ན་མཆིས་པར་འགྱུར་ཞིང ། རིག་སྔགས་འཆང་ལ་ཕྱག་བགྱིས་ནས་རིག་སྔགས་འཆང ། ཁྱོད་གནས་ཆེན་པོ་མཆོག་ཏུ་ཞུགས་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་དོན་ཡོད་པའི་རྒྱལ་པོའི་སྙིང་པོ་བཟླས་ཏེ་ལག་པ་ཞགས་པའི་ཕྱག་རྒྱས་ནགས་ཁུང་དུ་འཇུག་པར་བགྱིའོ། །ཞུགས་པ་ཙམ་ཁོ་ནས་ནགས་ཀྱི་གནས་རྣམ་པར་དྲུག་ཏུ་གཡོ་བར་འགྱུར་ཞིང་དབུས་ཀྱི་ནགས་ཀྱི་མཐའ་ན་རིན་པོ་ཆེ་སྣ་བདུན་གྱི་རྫིང་ལྷའི་ཆབ་དྭངས་ཤིང་རྙོག་པ་མ་མཆིས་པ། ཤིན་ཏུ་གསལ་བ། ལྷའི་ཙནྡན་གྱི་དྲི་དང་ལྡན་པ། ཧ་ཅང་མི་གྲང་བ། ཧ་ཅང་མི་དྲོ་བ། རེག་ན་བདེ་བ། རོ་དང་ལྡན་པ། བདུད་རྩིའི་བཅུད་ཅན་མཆིས་ཏེ་འདི་ལྟར་དོན་ཡོད་པའི་རྒྱལ་པོའི་སྙིང་པོ་ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་རྫིང་གི་དབུས་སུ་ཞགས་པ་འཕང་བར་བགྱིའོ། །འཕངས་པ་ཙམ་གྱི་མོད་ལ་བུད་མེད་རིན་པོ་ཆེའི་གཟུགས་འདྲ་བའི་ལྷའི་བུ་མོའི་ལུས་ཕྱེད་བྱུང་ནས་ལྷའི་ Pha252b མེ་ཏོག་རྣམ་པ་སྣ་ཚོགས་ཀྱིས་ལེགས་པར་བརྒྱན་ཅིང ། རིན་པོ་ཆེ་སྣ་བདུན་གྱི་བུམ་པ་གང་བ་ཐོགས་ཏོ་རིག་སྔགས་འཆང་ལ་དབུལ་ཞིང་སྤྱི་བོ་སྨད་དེ་འཛུམ་པ་དང་བཅས་པས་རིག་སྔགས་འཆང་ལ་སྨྲས་པ། རྗེ་བཙུན་རིག་སྔགས་འཆང ། ཁྱོད་མ་བཞེངས་པར་གནས་སུ་ཞུགས་ཤིག་།རིག་སྔགས་འཆང་གིས་གྲུབ་པའི་ཚིག་གསུམ་བརྗོད་པར་བགྱི་སྟེ།་འཇིག་རྟེན་ཕ་རོལ་གྱི་དོན་དང ། རིག་སྔགས་འཆང་ཉིད་དང ། འཇིག་རྟེན་པའི་དངོས་གྲུབ་གྲུབ་སྟེ། བདག་ཉིད་ཀྱི་མ་དང ། སྲིང་མོ་དང ། མངག་གཞུག་མ་ཞེས་གར་བདེ་བར་བརྗོད་ལ་དེའི་འོག་ཏུ་རིག་སྔགས་འཆང་གིས་སྨྲ་བར་བགྱི་སྟེ། སྲིང་མོ། ཁོ་བོ་ལ་འཇིག་རྟེན་ཕ་རོལ་གྱི་དོན་བྱིན་ཅིག་ཅེས་འཇུག་པར་བགྱིའོ། །དེ་ཡང་རིག་སྔགས་འཆང ། །ཁྱོད་རང་གི་གནས་སུ་སྣོམས་ཏེ་ཞུགས་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་ལག་པ་ཞགས་པའི་ཕྱག་རྒྱས་འཇུག་པར་བགྱི་ཞིང ། དོན་ཡོད་པའི་རྒྱལ་པོའི་སྙིང་པོ་བཟླས་སོ། །དེ་ནས་གནས་ཆེན་པོ་མཆོག་རིན་པོ་ཆེ་སྣ་བདུན་གྱི་གཞལ་མེད་ཁང་ལྷའི་དྲིལ་བུ་གཡེར་ཀའི་དྲ་བ་དང ། གསེར་དང ། གོས་དབྱངས་པ་དར་གྱི་ཆུན་འཕྱང་རབ་ཏུ་དཔྱངས་པར་གདའ་བ་ནས་བུ་མོ་དེ་ཡང་ནོར་བུ་རིན་པོ་ཆེ་ཆེན་པོ་ཐོགས་ཏེ། རིག་སྔགས་འཆང ། འཇིག་རྟེན་ཕ་རོལ་གྱི་དོན་དུ་རིན་པོ་ཆེ་ཆེན་པོ་བཞེས་ཤིག་ཅེས་དབུལ་བར་ Pha253a ༄#། །བགྱིད་དོ། །དེ་ནས་རིག་སྔགས་འཆང་གིས་སྟན་བཤམས་པའི་སྟེང་དུ་ཞགས་པ་ལེགས་པར་ཡོངས་སུ་བསྐྱིལ་ཏེ་སྟན་དུ་བཏིང་ལ་ནོར་བུ་རིན་པོ་ཆེ་ཆེན་པོ་དེ་ཞགས་པའི་སྟེང་དུ་བཞག་ཅིང་མེ་ཏོག་དང་བདུག་པ་དབུལ་བར་བགྱིའོ། །དོན་ཡོད་རྒྱལ་པོའི་སྙིང་པོ་བཟླ་བར་བགྱིའོ། །བཟླས་པ་ཙམ་གྱི་མོད་ལ་ཞགས་པ་ནོར་བུ་རིན་པོ་ཆེ་དང་བཅས་ཏེ་འབར་བར་འགྱུར་རོ། །ནོར་བུ་རིན་པོ་ཆེ་ཆེན་པོ་དེ་ལས་ཀྱང་འོ་མའི་ཆབ་འབྱུང་བར་འགྱུར་རོ། །རིག་སྔགས་འཆང་གིས་འོ་མའི་ཆབ་དེ་ལས་བླངས་ལ་སྐྱོར་ཆུ་ལན་བདུན་དུ་རེག་པར་བགྱིའོ། །འོ་མའི་ཆབ་ཀྱིས་རེག་པ་ཙམ་གྱི་མོད་ལ་ལུས་ཐམས་ཅད་དྲི་མ་དང་བྲལ་ཞིང་ཡོངས་སུ་དག་པར་འགྱུར་རོ། །དོན་ཡོད་སྣང་བ་ནོར་བུ་གཞལ་མེད་ཁང་གི་དཀྱིལ་འཁོར་གྱི་འོད་ཟེར་གྱི་དྲ་བ་འོད་ཟེར་ཞེས་བགྱི་བ་ཐོབ་ནས་ས་བཅུ་ལ་གནས་ཏེ་ཕྱིར་མི་ལྡོག་པར་འགྱུར་རོ། །བླ་ན་མེད་པའི་བྱང་ཆུབ་ཀྱི་ལམ་ཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ཏིང་ངེ་འཛིན་སྒྱུ་མ་ལྟ་བུར་རྣམ་པར་འཕྲུལ་པ་ཐོབ་པར་འགྱུར་ཤིང ། ཤིན་ཏུ་ཡོངས་སུ་དག་པའི་བདག་ཉིད་ཀྱི་རང་བཞིན་གྱིས་དོན་ཡོད་པའི་ཞགས་པའི་ཆ་ལུགས་འཆང་བ་རིག་སྔགས་འཆང་གི་མདུན་དུ་མཆིས་ནས་ལག་པ་གཡས་པ་སྤྱི་བོར་བཞག་སྟེ་ངའི་རིག་ Pha253b སྔགས་འཆང་གི་བུ་ཐུ་བོ་ཁྱོད་ཀྱིས་གྲོལ་བ་ཆེན་པོའི་དཀྱིལ་འཁོར་སངས་རྒྱས་ཀྱི་སྐུ་ཡོངས་སུ་དག་པ་འཐོབ་བོ། །ཞེས་དབུགས་འབྱིན་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་རྣམས་མཐོང་ནས་ཐམས་ཅད་ཀྱིས་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་ཏེ། སེམས་དཔའ་ཆེན་པོ་ལེགས་སོ་ལེགས། །ཁྱོད་ནི་བྱང་ཆུབ་ལམ་དུ་ཞུགས། ། ཁྱོད་ཀྱིས་སངས་རྒྱས་ཉིད་འཐོབ་སྟེ། །སྒྲོལ་བའི་ལམ་ཞེས་བྱ་བ་བསྒྲུབས། །འོན་ཏེ་རིག་སྔགས་འཆང་ཉིད་དོན་དུ་གཉེར་ན། དེའི་ཚེ་གསེར་གྱི་མེ་ཏོག་སྩོལ་བར་འགྱུར་ཏེ། བླངས་ལ་བུ་མོ་དེ་ཉིད་ཀྱི་སྤྱི་བོར་བཞག་ནས་ཨོཾ་ཞེས་བགྱི་བས་མནན་པར་བགྱིའོ། །ོཾ་ཞེས་བགྱི་བའི་སྒྲ་བརྗོད་ནས་སྤྱི་བོར་བཞག་པ་ཙམ་གྱི་མོད་ལ་བུ་མོ་དེའི་མིག་མཆོག་གཉིས་ནས་མཆི་མ་འཛག་པར་འགྱུར་རོ། །དེ་ནས་རིག་སྔགས་འཆང་གིས་བླངས་ཏེ་ཉེ་རེག་བགྱིས་པ་ཙམ་གྱི་མོད་ལ་རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ། །སྒྲ་ཅུང་ཟད་འཁྱིལ་ཅིང་ལག་པ་ན་འཁོར་ལོའི་ཞགས་པ་ཐོགས་ཏེ་ནམ་མཁའ་ལ་མཆི་བར་འགྱུར་རོ། །རིག་སྔགས་འཆང་བྱེ་བ་འབུམ་ཕྲག་བཅོ་བརྒྱད་ཀྱིས་ཡོངས་སུ་བསྐོར་བར་འགྱུར་རོ། །ཚེ་ལོ་དྲུག་ཁྲི་ཉིས་སྟོང་དུ་འགྱུར་ཞིང་སྐྱེ་བ་བདུན་སྟོང་རྗེས་སུ་དྲན་པར་འགྱུར་རོ། །འོན་ཏེ་གསང་སྔགས་འཆང་འཇིག་རྟེན་པའི་དངོས་གྲུབ་ཀྱི་ཆོ་ག་སཱོང་ན། དེའི་ཚེ་འདི་ལྟ་ Pha254a ༄#། །བུར་འགྱུར་ཏེ། རིག་སྔགས་འཆང་གིས་བདག་གི་སྐྲ་འདི་སྡོམས་ཤིག་ཅེས་དེའི་ཚེ་བུད་མེད་དེས་སྐྲའི་རལ་པ་བཏོན་ནས་རིག་སྔགས་འཆང་ལ་འབུལ་པ་ན་སྐྲ་ཐམས་ཅད་བླངས་ཏེ་དུམ་བུ་གསུམ་དུ་བཀུག་ནས་སྲད་བུ་ལ་ཉི་ཤུ་རྩ་གཅིག་བཀལ་ཏེ་མགོ་ལ་བཏགས་པས་ནི། ཇི་ལྟར་ཡིད་ལ་བསམ་པ་དེ་བཞིན་དུ་མིག་འཕྲུལ་སྟོན་པར་འགྱུར་རོ། །འབྲས་བུ་དང་མེ་ཏོག་འཚལ་བ་ཐམས་ཅད་སྟོན་པར་འགྱུར་རོ། །བདེན་པ་ཇི་ལྟར་འཚལ་བ་བཞིན་སྟོན་པར་འགྱུར་རོ། །མགུལ་དུ་བཏགས་པས་ནི། མི་གདའ་བར་གྱུར་ནས་གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། གྲུལ་བུམ་དང ། ལྟོ་འཕྱེ་ཆེན་པོ་དང ། མི་མ་ཡིན་པ་རྣམས་དབང་དུ་གྱུར་ནས་མཆིས་པར་འགྱུར་རོ། །དཔྲལ་བ་ལ་བཏགས་པས་ནི། ལྷ་དང་ཀླུ་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །དཔུང་པ་གཡས་པ་ལ་བཏགས་པས་ནི། གླང་པོ་ཆེ་བཅུའི་སྟོབས་དང་ལྡན་པར་འགྱུར་ཏེ། ཕས་ཀྱི་དགྲ་བོ་དང ། མི་མཛའ་བ་དང ། གདུག་པ་ཐམས་ཅད་ཀྱིས་མི་ཚུགས་པས་སྟོབས་ཀྱིས་འཁོར་ལོས་བསྒྱུར་བར་འགྱུར་རོ། །དཔུང་པ་གཡོན་པ་ལ་བཏགས་པས་ནི། རིགས་བཞིའི་འཇིག་རྟེན་དབང་དུ་གྱུར་ནས་མཆིས་པར་འགྱུར་རོ། །ལག་པ་གཡོན་པ་ལ་བཏགས་པས་ནི། གང་ལ་རེག་པ་དེ་དབང་དུ་འགྱུར་ཞིང་ Pha254b བདག་གི་ནོར་དུ་འགྱུར་རོ། །ལག་པ་གཡས་པ་ལ་བཏགས་པས་ནི། གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་རྒྱལ་པོའི་སྒོ་ལ་ཐལ་མོ་ལན་གསུམ་བརྡབས་ན། རྒྱལ་པོའི་བཙུན་མོ་འཁོར་དང་བཅས་པ་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང་བཅས་པ་བདག་ཉིད་དམ། ནོར་དབང་དུ་གྱུར་ནས་མཆིས་པར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པ་བྱ་དང ། གཅན་གཟན་དང ། རི་དྭགས་དང ། གདུག་པ་དང ། གཞན་ཡང་གདུག་པ་དང་བཅས་པའི་སྲོག་ཆགས་རྣམས་དབང་དུ་གྱུར་ནས་མཆིས་པར་འགྱུར་རོ། །བྲལ་གཡས་པ་ལ་བཏགས་པས་ནི། ཚལ་ལམ། །སེར་ཀའམ། རི་འོར་རམ། ཕུག་ག་མ། དགོན་པའམ། །བསྟི་གནས་གང་དུ་ཞུགས་ཏེ་ཞུགས་པ་ཙམ་གྱི་མོད་ལ་ནོར་ཐམས་ཅད་དང ། སྨན་ཐམས་ཅད་དང ། ལྷ་ཐམས་ཅད་རང་གི་གཟུགས་སུ་མངོན་ནས་མཆིས་པར་འགྱུར་རོ། །བྱིན་པ་གཡས་པ་དང ། རྐང་པ་གཡས་པ་ལ་བཏགས་པས་ནི། རྒྱ་མཚོ་ཆེན་པོའི་ཕ་མཐར་ཡང་རྒལ་བར་འགྱུར་ན། ཆུ་ཀླུང་ཆེན་པོའི་ཆབ་ཀྱིས་བྱིན་པ་ནུབ་ཙམ་དུ་འགྱུར་བ་ལྟ་སྨོས་ཀྱང་ཅི་འཚལ། བྱིན་པ་གཡོན་པ་ལ་བཏགས་བས་ནི། ཉི་མ་རེ་རེ་ཞིང་དཔག་ཚད་བརྒྱར་ཕྱིན་ནས་དུབ་པ་མ་མཆིས་པར་སླར་ཡང་ལྡོག་པར་འགྱུར་རོ། །བརླ་གཡོན་པ་ལ་བཏགས་ནས་དུར་ཁྲོད་ Pha255a ༄#། །ཆེན་པོར་ཞུགས་ན། དུར་ཁྲོད་ཐམས་ཅད་ན་གནས་པའི་གཅེར་བུ་པ་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །དེ་ནས་རིག་སྔགས་འཆང་གནས་དེ་ཉིད་ན་སྤྱོད་ན་རིག་སྔགས་འཆང་དེས་ལག་པ་གཡོན་པས་བུམ་པ་གང་བ་བཟུང་ཞིང་ལག་པ་གཡས་པས་བུད་མེད་དེ་བཟུང་ནས་གནས་ཆེན་པོའི་མཆོག་ཏུ་འཇུག་པར་བགྱིའོ། །གནས་མཆོག་དེའི་དབུས་ན་རྫིང་མེ་ཏོག་གིས་ཆལ་བར་བཀྲམ་པ་བགྱི་སྟེ། རྫིང་དེར་གཉིས་ཀ་ཁྲུས་བགྱི་ཞིང་ཆབ་ཀྱིས་ཉེ་རེག་བགྱིའོ། །བཀྲུས་ཤིང་ལག་པ་ཙམ་ཁོ་ནས་འཁོར་ལོ་རིག་སྔགས་འཆང་ཞགས་པ་དང ། འཁོར་ལོས་བསྒྱུར་བའི་རིག་སྔགས་འཆང་དུ་འགྱུར་རོ། །རིག་སྔགས་འཆང་འབུམ་ཕྲག་བདུན་སྟོང་གིས་ཡོངས་སུ་བསྐོར་ཅིང་ཚེ་བསྐལ་པ་ཁྲིར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ནགས་ཀྱི་གནས་ཀྱི་གཞལ་མེད་ཁང་བདུན་ཅུ་རྩ་གཉིས་ཀྱི་དཔོན་པོ་རྒྱལ་པོར་འགྱུར་རོ། །གལ་ཏེ་མ་ཞེས་བགྱི་བས་དོན་དུ་གཉེར་བ་ནི། བུ་གཅིག་པ་བཞིན་དུ་ཡོངས་སུ་སྐྱོང་བར་འགྱུར་རོ། །འབྲས་དང ། འབྲས་དང ། གོས་དང ། ཆོས་དང ། ནོར་བུ་དང ། མུ་ཏིག་དང ། བྱི་རུ་དང ། གསེར་དང ། དངུལ་ཡོངས་སུ་གྲུབ་པར་བགྱིད་དོ། །སྲོང་མོ་ཞེས་བགྱི་བས་ནི། དགོས་པའི་ཡོ་བྱད་ཐམས་ཅད་ཚང་བར་སྟོབས་པར་འགྱུར་ཞིང་ཡན་ Pha255b ལག་སྤོང་བར་བགྱིད་དོ། །ཉི་མ་རེ་རེ་ཞིང་རྒྱན་ཐམས་ཅད་ཀྱིས་ཀླུབས་པའི་ལྷའི་བུ་མོ་ཁྲིད་དེ་མཆི་བར་འགྱུར། །ལྷའི་གཞལ་མེད་ཁང་འབྱོར་པ་སྟོབས་པར་བགྱིད། །ལྷའི་ཁྱིམ་དང ། གཞལ་མེད་ཁང་སྟོབ་པར་བགྱིད་དོ། །མངག་གཞུག་མ་ཞེས་བགྱི་བས་ནི། གང་དང་གང་དུ་མངགས་པ་དེ་དང་དེར་མཆི་བར་འགྱུར་ཏེ། ལྷའི་གནས་སམ། ཀླུའི་གནས་སམ། གནོད་སྦྱིན་གྱི་གནས་སམ། སྲིན་པོའི་གནས་སམ། འབྱུང་པོའི་གནས་སམ། གཞན་ཡང་མངག་གཞུག་པའི་སྒྲུབ་པ་རྣམ་པ་སྣ་ཚོགས་ཡིད་ལ་བསམ་པ་བཞིན་དུ་བགྱིད་དོ། །ནགས་སྒྲུབ་པའི་ཆོ་གའོ། །དེ་ནས་རིག་སྔགས་འཆང་ཐང་ལ་རྒྱུ་བར་འཚལ་ན། གཙང་མ་ཁྲུས་བགྱིས་པས་གོས་གཙང་མ་བགོ་བར་བགྱི། གནས་དབེན་པ་གཙང་མའི་ས་ཕྱོགས་སུ་དཀྱིལ་འཁོར་གྲུ་བཞིར་བགྱིས་ལ་དྲི་སྣ་ཚོགས་ཀྱིས་བྱུག་།རོ་སྣ་ཚོགས་དང་ལྡན་པའི་གཏོར་མ་བཤམས་ལ་ཨ་ག་རུའི་བདུག་པ་བསྲེགས་ཏེ་ནུབ་གསུམ་དུ་མཆིས་ནས་འཁོར་ལོ་ཞགས་པའི་ལག་པའི་ཕྱག་རྒྱས་དོན་ཡོད་རྒྱལ་པོའི་སྙིང་པོའི་བཟླས་བརྗོད་སྟོང་རྩ་བརྒྱད་བགྱིས་ཏེ་ལན་སྟོང་རྩ་བརྒྱད་ཚང་བ་དང ། དཀྱིལ་འཁོར་གྱི་དབུས་ནས་དུ་བ་འབྱུང་བར་འགྱུར།་ཁྲོ་བོའི་རྒྱལ་པོ་ལན་བདུན་བཟླ་བར་བགྱིའོ། །དེ་ནས་དཀྱིལ་འཁོར་གྱི་དབུས་ནས་སྐྱེས་པ་ནག་པོ་ཆེན་པོའི་ཚུལ་མི་སྡུག་པ། མཆེ་བ་གཙིགས་པ། སྐྲ་གྱེན་དུ་འགྲེང་བ། Pha256a ༄#། །མགོ་འབར་བ། མིག་དམར་བ་དང ། མཆུ་དང་ལྕེ་དམར་བ། སེན་མོ་དམར་བ། སྐྲ་སྔོ་བ། དཔུང་པ་མཁྲང་ཞིང་བརྟན་པ། གསུས་པ་འཕྱངས་པོ་མཆོད་ཕྱིར་ཐོགས་པ་དང་ལྡན་པ། མགོ་ལྔ་པ། སྤྲུལ་ལྟར་ལྕེ་སྒྱུར་བ། སྟག་གི་ཤམ་ཐབས་བགོས་པ། ལག་ན་དགྲ་སྟ་དང ། དྲིལ་བུ་ཐོགས་པ་ཞིག་ལུས་ཕྱེད་ཙམ་བྱུང་ནས་ཕྱོགས་བཅུར་ལྟ་བར་བགྱིད་དོ། །དེ་ནས་རིག་སྔགས་འཆང་གིས་སྐྲག་པར་མི་བགྱི་སྟེ། བརྟན་པར་བགྱི་ལ་ཁྲོ་བོའི་རྒྱལ་པོ་བཟླས་ནས་འཁོར་ལོའི་ཞགས་པ་འཕངས་ཏེ་མགོ་བཅད་ལ་ཁྲག་མང་དུ་བྱུང་བ་དང ། རིག་སྔགས་འཆང་གིས་ཁྲག་དེས་ལུས་ཐམས་ཅད་བྱུག་པར་བགྱིའོ། །བྱུགས་པ་ཙམ་གྱི་མོད་ལ་བདག་ཉིད་ལུས་མི་ཆོད་པ་དང ། མི་ཤིགས་པས་རྡོ་རྗེར་བྱིན་གྱིས་བརླབས་པར་འགྱུར་རོ། །མིག་གཉིས་ཕྱུང་ལ་རང་གི་མིག་ཕྱིས་ནས་མིག་ལ་བསྐུས་ན། ལྷའི་མིག་ཏུ་འགྱུར་རོ། །རྐང་བྲུས་ཏེ་བྱུགས་ན། ཚེ་བསྐལ་པ་བཅུར་འགྱུར་ཞིང་ཐོས་པ་བསགས་པའི་རྒྱ་མཚོར་འགྱུར་རོ། །བསྐལ་པ་བརྒྱ་སྟོང་གི་སྐྱེ་བའི་སྐྱེ་བ་དང ། ཚེ་རབས་དྲན་པར་འགྱུར་རོ། །སྙིང་ཕྱུང་སྟེ་འཚལ་ན། ནམ་མཁའ་ལ་མཆིའོ། །ཁྲག་གིས་སྙིང་གར་ཐིག་ལེ་བགྱིས་ན་མི་གདའ་བར་འགྱུར་རོ། །ལྕེ་བཅད་ན། རལ་གྲིར་གྱུར་ནས་དགྲ་ཐམས་ཅད་བཀླག་པར་བགྱིད་དོ། །གལ་ཏེ་ཐང་ལ་རྒྱུ་བར་འཚལ་ན། དེའི་ཚེ་ Pha256b ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་ཞགས་པ་དང་འཁོར་ལོ་ལ་བཟླས་བརྗོད་བགྱིའོ། །འཁོར་ལོས་ཞགས་པ་གསང་བའི་ཕྱག་རྒྱའི་ཚུལ་གྱིས་ཐལ་མོ་ས་ལ་བརྡབ་པར་བགྱི་སྟེ། ལན་གསུམ་དུ་ཐལ་མོ་བརྡབས་པ་དང ། དེའི་འོག་ཏུ་ཐང་གི་སྒོ་དབྱེ་བར་འགྱུར་རོ། །ཇི་ལྟར་རང་གི་ཁྱིམ་བཞིན་དུ་འཇུག་པར་འགྱུར་ཏེ། ཞུགས་ནས་སླར་ཡང་མཆི་ཞིང་དགོས་པ་གཞན་ཐམས་ཅད་བགྱིད་པ་དང ། ཐང་ཐམས་ཅད་ལ་གནས་པ་ཐམས་ཅད་དབང་དུ་གྱུར་ནས་གནས་པར་འགྱུར་རོ། །འོན་ཏེ་ནམ་མཁའ་ལ་མཆི་འཚལ་ན། གྱེན་དུ་བལྟས་ནས་དོན་ཡོད་རྒྱལ་པོའི་སྙིང་པོ་ཡུངས་མར་ལ་སྟོང་རྩ་བརྒྱད་བཟླས་ཏེ། ལན་སྟོང་རྩ་བརྒྱད་བཟླས་ནས་བདག་ཉིད་ལ་བྱུགས་ཏེ་ལག་པའི་ཞགས་པའི་ཕྱག་རྒྱས་ནམ་མཁའ་ལ་མཆི་བར་འགྱུར་ཞིང་ནམ་མཁའ་གོ་འབྱེད་པར་འགྱུར་རོ། །ལྷའི་གནས་སུ་མཆི་བར་འཚལ་ན། ལྷའི་ཁྱིམ་དུ་མཆིས་ནས་ཞགས་པས་ལྷའི་མགུལ་ནས་བཅིང་བར་བགྱི་ཞིང་དོན་ཡོད་རྒྱལ་པོའི་སྙིང་པོ་ལན་སྟོང་རྩ་བརྒྱད་བཟླས་ནས་ལྷ་བཅིངས་པ་གང་ལགས་པ་དེའི་མིང་ནས་བརྗོད་ན། ལྷ་དེ་བབས་ནས་རིག་སྔགས་འཆང་གི་མདུན་ན་མཆིས་པར་འགྱུར་རོ། །ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་རིག་སྔགས་འཆང་ལ་རིག་སྔགས་འཆང ། ཅི་ཞིག་དོན་དུ་གཉེར་བ་དེ་སྣོམས་ཤིག་ཅེས་སྨྲ་བར་འགྱུར་རོ། །རིག་སྔགས་འཆང་གིས་ལྷའི་གནས་སུ་འགྲོའོ། །ཞེས་བརྗོད་ Pha257a ༄#། །པར་བགྱིའོ། །གལ་ཏེ་གཞན་བསམ་པ་ཞིག་མཆིས་ན། མཆོག་ཐམས་ཅད་སྩོལ་བར་བགྱིད་དོ། །དེ་ནས་ལྷའི་གནས་ནས་མཆི་བ་ན་ལྷའི་གནས་ལྷའི་རྫུ་འཕྲུལ་གྱིས་ལག་པ་ན་ཐོགས་ཏེ་ནམ་མཁའ་ལ་མཆི་བར་འགྱུར་རོ། །ཇི་སྲིད་འཚལ་བར་ལྷའི་གཞལ་མེད་ཁང་ཆེན་པོར་ལོངས་སྤྱོད་པར་འགྱུར་ཞིང ། འོན་ཏེ་མི་འཚལ་ན། ལྷའི་གནས་ནས་སླར་ཡང་འབེབས་པར་འགྱུར་རོ། །གཞན་ཇི་ལྟར་རང་གི་བློ་གྲོས་དང ། ཡིད་ལ་བསམ་པའི་དགོས་པ་ཐམས་ཅད་བགྱིད་པར་འགྱུར་ཞིང་ཐམས་ཅད་གྲུབ་པར་འགྱུར་ཏེ། དེ་ལ་སོམ་ཉི་དང ། ཡིད་གཉིས་བསྐྱེད་པར་མི་བགྱིའོ། །འཁོར་ལོའི་ཞགས་པ་སྒྲུབ་པའི་ཆོ་གའོ།། །།དེ་ནས་རིག་སྔགས་འཆང་པདྨའི་ཞགས་པ་སྒྲུབ་པར་འཚལ་པས་རིག་སྔགས་འཆང་དེ་གཙང་མ་ལེགས་པར་བཀྲུས་ཏེ་གོས་གཙང་མ་བགོ་བར་བགྱིའོ། །ནུབ་གསུམ་མཆིས་སམ། ནུབ་ལྔ་མཆིས་སམ། ནུབ་གཅིག་མཆིས་ནས་རིག་སྔགས་འཆང་གིས་ཞགས་པའི་སྐུད་པ་བསྒྲུབ་པར་བགྱི་སྟེ། རས་ཀྱི་སྐུད་པའམ་པདྨའི་སྐུད་པ་བཻ་ཌཱུརྱའི་ཁ་དོག་ལྟ་བུར་ཚོན་གྱིས་ཁ་བསྒྱུར་བར་བགྱི་ཞིང་ཁྲུ་ཉི་ཤུ་རྩ་གཅིག་བཀལ་ཏེ། དེ་ལ་ཡང་པདྨ་བགྱིས་ཏེ་རིན་པོ་ཆེ་སྣ་བདུན་གྱི་འདབ་མ་ཁ་ཕྱེ་བ་སོར་བཞི་པའི་ཚད་ཀྱིས་པདྨ་གསེར་གྱི་འདབ་མ་དང ། དངུལ་གྱི་འདབ་མ་ Pha257b དང ། བཻ་ཌཱུརྱ་དང ། ིནྡྲ་ནཱི་ལ་དང ། རིན་པོ་ཆེ་ཀ་ཏི་ཀ་ལས་བགྱི་ཞིང་མུ་ཏིག་གིས་བསྐོར་བ་བགྱི་སྟེ། དེ་ནས་ཞགས་པ་ལ་གདགས་པར་བགྱིའོ། །ཞགས་པའི་ཐོར་ཏོ་གཅིག་ལ་ནི། པདྨའི་ཕྱག་རྒྱ་གདགས་པར་བགྱིའོ། །དེ་ནས་ལེགས་པར་བརྒྱན་པའི་ཆོས་ཀྱི་སྟན་བཟང་པོ་བཤམ་པར་བགྱིའོ། །བའི་ལྕི་བས་དཀྱིལ་འཁོར་བགྱིས་ལ་དཀྱིལ་འཁོར་གྱི་སྟེང་དུ་དྲིའི་པདྨ་བསམ་པར་བགྱི་ཞིང་དཀྱིལ་འཁོར་གྱི་སྟེང་དུ་ཆོས་ཀྱི་གདན་བཤམས་ལ་བུམ་པ་གད་བས་བརྒྱན་པར་བགྱིའོ། །མེ་ཏོག་གི་སིལ་མ་བཀྲམ་ཞིང་ཨ་ག་རུ་དང ། ཙནྡན་དང ། དུ་རུ་ཀའི་བདུག་པ་དབུལ་བར་བགྱིའོ། །མཆོད་ཡོན་དང་ཞབས་བསིལ་གྱི་སྣོད་ཀྱང་གཞག་པར་བགྱིའོ། །པདྨའི་ཞགས་པ་དེ་ཡང་ཆོས་ཀྱི་སྟན་གྱི་སྟེང་དུ་གཞག་པར་བགྱིའོ། ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་རིག་སྔགས་འཆང་གིས་སྐྱིལ་མོ་ཀྲུང་བཅས་ནས་དོན་ཡོད་ཞགས་པའི་སྙིང་པོ་ལན་ཁྲི་བཟླས་ཏེ་བཟླས་པའི་ཡུངས་ཀར་རེ་རེ་ནས་དེའི་སྟེང་དུ་གཏོར་བར་བགྱིའོ། །ལན་ཁྲི་རྫོགས་ནས་དེ་ནས་ཚེས་བཅོ་ལྔའི་ཟླ་བ་ཉའི་ནུབ་མོ་མཆིས་ནས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བགྱིའོ། །ཞགས་པ་དེ་ལ་ཡང་མཆོད་པར་བགྱིའོ། །དོན་ཡོད་པའི་ཞགས་པའི་ཕྱག་རྒྱ་བཅིངས་ནས་དོན་ཡོད་པའི་རྒྱལ་པོའི་སྙིང་པོ་ལན་བརྒྱ་རྩ་བརྒྱད་བཟླའོ། །དེ་ནས་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་ Pha258a ༄#། །ཏེ་ཉིན་མཚན་དུས་གསུམ་དུ་བཟླས་བརྗོད་དང ། མཆོད་པ་བགྱིའོ། །དེ་ནས་པདྨའི་ཞགས་པ་འབར་ཞིང་ཁ་དོག་སྣ་ཚོགས་ཀྱི་འོད་ཟེར་འབྱུང་བར་འགྱུར་རོ། ། ལེགས་སོ་ལེགས་སོ་ཞེས་བགྱི་བའི་ཚིག་འབྱིན་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ལུས་ལ་ཁ་དོག་སྣ་ཚོགས་ཀྱི་འོད་ཟེར་འབྱུང་བར་འགྱུར་རོ། །དེ་ནས་རིག་སྔགས་འཆང་ཕྱག་རྒྱའི་སྐྱིལ་མོ་ཀྲུང་གིས་མཆིས་ནས་མིག་མི་འཛུམ་ཞིང་བཞིན་འཛུམ་པས་སྙིང་རྗེ་ཆེན་པོ་ཡིད་ལ་བསྒོམ་པར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་གདོང་དུ་བལྟས་ཏེ་དོན་ཡོད་པའི་ཞགས་པའི་སྙིང་པོ་ལན་སུམ་སྟོང་བཟླ་བར་བགྱིའོ། །དེའི་འོག་ཏུ་འཕགས་པ་སྤྱན་རས་གཟིགས་དབང་ཕྱུག་བདག་ཉིད་ཀྱི་ལྷའི་རང་བཞིན་མདུན་དུ་མཆིས་ནས་ལག་པ་གཡས་པ་བརྐྱང་སྟེ་རིག་སྔགས་འཆང་གི་སྤྱི་བོར་བཞག་ནས་ལེགས་སོ་ཞེས་བགྱི་བ་སྩོལ་བར་འགྱུར་ཞིང ། འདི་སྐད་ཅེས་ཀྱང་དབུགས་འབྱིན་པར་བགྱིད་དོ། །རིག་སྔགས་འཆང ། ངའི་བུ་སྙིང་ལས་སྐྱེས་པའི་ཐུ་བོ་བཟླས་བརྗོད་ཀྱི་ཆོ་ག་ཆེན་པོ་དང ། མཆོད་པའི་ཆོ་ག་ཆེན་པོ་འདིས་ང་ལ་མཆོད་པའི་མཆོག་བྱས་པ་དང ། བཟླས་བརྗོད་ཀྱི་མཆོག་དང ། གྲུབ་པའི་མཆོག་སྟེ། ཁྱོད་ཀྱིས་དོན་ཡོད་རྒྱལ་པོའི་སྙིང་པོ་གྲུབ་ཅིང ། ཁྱོད་ཀྱིས་པདྨའི་ཞགས་པ་ཆེན་པོ་གྲུབ་ཀྱི། ཇི་ Pha258b ལྟར་ཡིད་ལ་བསམ་\?\་པ་བཞིན་དུ་མཆོག་ཁྱེར་ཅིག་།ཁྱོད་ཡིད་ཀྱི་བརྣག་པ་ཐམས་ཅད་ནི། ཡོངས་སུ་རྫོགས་པར་བྱའི། ཁྱོད་འཁོར་བའི་འཇིགས་པ་རྒྱུ་བ་ལས་ནི། གྲོལ། ཁྱོད་སྐྱེ་བ་དང ། རྒ་བ་དང ། ན་བ་དང ། འཆི་བའི་མྱ་ངན་མི་བཟད་པའི་འཇིགས་པ་ལས་ཐར་ན། ཁྱོད་དམྱལ་བ་ཆེན་པོ་མི་བཟད་པ་བཅུ་དྲུག་ལས་ནི། ཡོངས་སུ་གྲོལ། འཇིགས་པ་ཆེན་པོ་མི་བཟད་པའི་སྡུག་བསྔལ་གྱི་ཚོར་བ་བརྒྱད་ལས་ནི། ཡོངས་སུ་ཐར། འདི་ནས་ཕྱི་མའི་སྐྱེ་བའི་མངལ་དུ་གནས་ནས་སྡུག་བསྔལ་མི་བཟད་པ་ལས་ཤི་འཕོས་ཏེ། རིག་སྔགས་འཆང ། ཁྱོད་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་འཇིག་རྟེན་གྱི་ཁམས་བདེ་བ་ཅན་དུ་པདྨ་ལས་བརྫུས་ཏེ་སྐྱེ་བར་འགྱུར་རོ། །ཁྱོད་ཀྱིས་གངྒཱའི་ཀླུང་འབུམ་ཕྲག་སྟོང་བརྒྱད་ཅུ་རྩ་བཞིའི་སྙེད་ཀྱི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་ལ་དགེ་བའི་རྩ་བ་ཆེར་བསྐྱེད་པའི་བསོད་ནམས་ཀྱི་ཚོགས་ཆེན་པོ་དང་ནི། ལྡན། རིག་སྔགས་འཆང ། ཁྱོད་ཀྱིས་ལྷག་པར་བྱ་བ་མང་པོ་ནི། བྱས།་ཁྱོད་རིག་སྔགས་འཆང་ཆེན་པོར་ནི། ལུང་བསྟན། དམྱལ་བ་དང་སྔོན་གྱི་ལས་ཀྱི་སྒྲིབ་པ་མི་བཟད་པ་ཐམས་ཅད་ལས་ནི། གྲོལ་གྱི། ཇི་ལྟར་ཡིད་ལ་བསམ་པ་བཞིན་མཆོག་ཁྱེར་ཅིག་།དེ་ནས་རིག་སྔགས་འཆང་གིས་ཇི་ལྟར་ཡིད་ལ་བསམ་པ་བཞིན་དེའི་ཚེ་མཆོག་ཐོབ་པར་འགྱུར་རོ། །དེ་ནས་རིག་སྔགས་འཆང་གིས་པདྨའི་ཞགས་པ་དེ་བླངས་ཏེ་གནས་ Pha259a ༄#། །གཙང་མར་གུས་པས་མཆོད་པ་རྒྱ་ཆེར་བགྱིའོ། །ནམ་དགོས་པ་དེའི་ཞགས་པ་བླང་པར་བགྱིད་དེ། ལས་ཐམས་ཅད་བགྱིད་པར་འགྱུར་རོ། །པདྨ་ནི། འཕགས་པ་སྤྱན་རས་གཟིགས་དབང་ཕྱུག་གི་ལག་པ་གཡོན་པར་བཞག་ལ་ལག་པ་གཡས་པས་ཞགས་པ་བཟུང་སྟེ་དོན་ཡོད་རྒྱལ་པོའི་སྙིང་པོ་ལན་བརྒྱ་རྩ་བརྒྱད་བཟླས་ནས་སེམས་ཅན་ནམ་ལྷ་གང་གི་མིང་ནས་བརྗོད་དེ་བཟླས་བརྗོད་བརྒྱ་རྩ་བརྒྱད་ཚང་བ་དང ། བྱང་ཆུབ་སེམས་དཔའ་མདུན་དུ་མཆིས་ནས་འདོད་པའི་མཆོག་ཐམས་ཅད་སྩོལ་པར་འགྱུར་རོ། །དེ་ནས་རིག་སྔགས་འཆང་བྱང་ཆུབ་ཏུ་ལུང་བསྟན་པ་དོན་དུ་གཉེར་བར་འཚལ་ན། རིག་སྔགས་འཆང་གཙང་མས་ལེགས་པར་ཁྲུས་བགྱིས་ཏེ་གོས་གཙང་མ་བགོས་པས་ཉིན་ཞག་གཅིག་མཆིས་པར་གྱུར་པས་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ལ་མཆོད་པ་རྒྱ་ཆེན་པོ་བགྱིས་ནས་པདྨའི་ཞགས་པ་དེ་ཡང་སངས་རྒྱས་བཅོམ་ལྡན་འདས་ཀྱི་ཕྱག་ཏུ་དབུལ་བར་བགྱིའོ། །ཞགས་པའི་ཐོར་ཏོ་ཡ་གཅིག་གིས་ནི། རང་གི་མགུལ་དུ་བཏགས་ལ། དོན་ཡོད་རྒྱལ་པོའི་སྙིང་པོ་ལན་སྟོང་རྩ་བརྒྱད་ཚང་བར་བཟླས་བརྗོད་བགྱིའོ། །སྟོང་རྩ་བརྒྱད་ཚང་བ་དང ། སངས་རྒྱས་བཅོམ་ལྡན་འདས་སྐུ་གསེར་གྱི་མདོག་ཅན་རིག་སྔགས་འཆང་གི་མདུན་དུ་བཞུགས་ནས་རིག་སྔགས་འཆང་གི་སྤྱི་བོར་ Pha259b ཕྱག་བཞག་སྟེ་དབུགས་འབྱིན་པར་མཛད། ལུང་སྟོན་པར་མཛད། ཡིད་ཀྱི་བརྣག་པ་ཐམས་ཅད་ཡོངས་སུ་རྫོགས་པར་མཛད་པར་འགྱུར་རོ། །སྒྲིབ་པ་དང ། སྡིག་པ་ཆེ་རབས་སྟོང་དུ་བསགས་པ་ཐམས་ཅད་གཏུགས་པར་འགྱུར། ལྷག་མ་མ་ལུས་པར་གཏུགས་པར་གྱུར་ནས་ལུས་ཡོངས་སུ་དག་པར་འགྱུར་རོ། །དྲི་མ་དང་བྲལ་ཞིང་ཕྲག་དོག་དང ། སེར་སྣ་སྤངས་པར་འགྱུར་རོ། །དེ་ནས་མ་འོངས་པའི་སྐྱེ་བའི་མངལ་དུ་གནས་ནས་ལྷ་དང་མིའི་དཔལ་ཉམས་སུ་མྱོང་བར་བགྱིས་ནས་སེམས་ཅན་ཐམས་ཅད་ཀྱི་བླ་མ་གཅིག་པུར་འགྱུར་རོ། །མཆོད་པར་འོས་པ་དང ། བླ་མའི་གནས་སུ་ཡང་འགྱུར་རོ། །ནད་རྣམས་དང་བྲལ་བར་འགྱུར་རོ། །སྐྱེ་བོ་ཐམས་ཅད་དགའ་བར་འགྱུར་རོ། །འགུམ་པའི་དུས་སུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར་རོ། །དབུགས་འབྱིན་པར་མཛད། ལེགས་པའི་ལམ་སྟོན་པར་མཛད་པར་ཡང་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མདུན་ན་མཆིས་ནས་དབུགས་འབྱིན་པར་བགྱིད་ཅིང་ལག་པ་གཡས་པ་སྤྱི་བོར་འཇོག་པར་བགྱིད་དོ། །དེ་བདེ་བས་ཤིན་ཏུ་དྲན་པ་ཉེ་བར་བཞག་ནས་ལུས་འདོར་བར་འགྱུར་རོ། །བོར་བ་ཙམ་གྱི་མོད་ལ་སྐལ་པ་མཉམ་པ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་ཏེ། རྒྱན་ཐམས་ཅད་ཀྱིས་བརྒྱན་པ། མཚན་དང་དཔེ་བྱད་ཀྱིས་སྤྲས་ Pha260a ༄#། །པའི་ལུས་པདྨ་ལས་བརྫུས་ཏེ་སྐྱེ་བར་འགྱུར་རོ། །ཚེ་རབས་དྲན་པར་འགྱུར་ཏེ། བསྐལ་པ་བརྒྱ་སྟོང་གི་སྐྱེ་བའི་ཚེ་རབས་དྲན་པར་འགྱུར་རོ། །དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་གྱི་ཕྱག་རྒྱ་རིམ་པར་ཕྱེ་བའི་ཆོ་ག་ཞིབ་མོ་འདི་མཐའ་དག་རྫོགས་པར་གཡར་ཏོན་དུ་བགྱིས་ནས་ས་བཅུ་ལ་གནས་ཤིང་ཕྱིན་ཅི་ལོག་ཏུ་མ་གྱུར་པས་ཕྱིར་མི་ལྡོག་པར་འགྱུར་རོ། །རྫུ་འཕྲུལ་གྱི་རྣམ་པར་འཕྲུལ་པ་ཆེན་པོ་དང ། ཆོ་འཕྲུལ་ཆེན་པོ་ལ་ལྷའི་ཁང་པ་བརྩེགས་པ་དང ། གཞལ་མེད་ཁང་དང ། གནས་མཆོག་དང ། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས་སངས་རྒྱས་ཀྱི་ཞིང་དུ་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་མཆི་བར་འགྱུར་རོ། །དེ་ནས་རིག་སྔགས་འཆང་བདེ་བ་ཅན་གྱི་འཇིག་རྟེན་གྱི་ཁམས་མཐོང་བའི་ཆོས་ཁོ་ན་ལ་ལྟ་བར་འཚལ་ན། རིག་སྔགས་འཆང་གིས་གནས་གཙང་མའི་ཕྱོགས་སམ།་གནས་སམ། ཁང་པའམ། དགོན་པའི་གནས་སམ། འཁོར་གྱི་ཁྱམས་སམ། འཆག་སའམ། ཁང་པ་བརྩེགས་མའམ། སྤྱིལ་པོ་གཙང་མ་ཕྱི་བདར་ལེགས་པར་བགྱིས་པའི་ཕྱོགས་སུ་དཀྱིལ་འཁོར་གྲུ་བཞི་འབྱེས་པ་ཁྲུ་གང་བའམ། ཁྲུ་དོ་བའི་དཀྱིལ་འཁོར་བགྱི་སྟེ། གྲུ་བཞི་ལྷམ་པ། གྲཝ་ཀུན་ནས་ཆ་མཛེས་པ། ས་དང་སྦྱར་བའི་ Pha260b ལྕི་བས་ཤིན་ཏུ་ལེགས་པར་ཕྱི་བདར་བགྱིས་ལ་རྩཝ་སྔོན་པོ་མཉེན་པོ་ལྟ་བུ་ལ་མཁས་པས་དཀྱིལ་འཁོར་མཐའ་དག་གི་ཆ་དབྱེ་བའི་ཐིག་གདབ་པར་བགྱིའོ། །དཀྱིལ་འཁོར་གྱི་དབུས་ཀྱི་སྙིང་པོ་ལ་པདྨ་རྒྱ་ཆེན་པོས་འབྱེས་པ། འདབ་མ་བརྒྱ་པ། ཚོན་སྣ་བརྒྱད་ཀྱི་ཚོན་རྩིས་བཀྲ་བར་བགྱི་ཞིང་འབྱེས་པར་བགྱིས་ལ། སྙིང་པོ་ནི། རིན་པོ་ཆེ་ཀ་ཏི་ཀ་ལས་བགྱིའོ། །པདྨའི་མཐའ་ནོར་བུ་རིན་པོ་ཆེ་སྣ་ཚོགས་ཀྱིས་བསྐོར་ལ་གྲ་བཞི་ནས་ཁ་ཁྱེར་སོར་བཞི་པའི་ཚད་དུ་བགྱིའོ། །པདྨའི་བར་གྱི་ཟུར་ཟུར་དུ་ཨུཏྤ་ལ་སྔོན་པོ་ལེགས་པར་བྲིས་ལ།་ཁ་ཁྱེར་གྱི་ཕྱི་རོལ་དུ་ནོར་བུས་འཁོར་བའི་མཐའ་དེ་མཚོས་བསྐོར་བར་བགྱིའོ། །ལྷའི་ཆབ་རིན་པོ་ཆེ་སྣ་ཚོགས་ཀྱི་གཞལ་མེད་ཁང་གིས་མཛེས་པར་བགྱིས་ལ་ཆབ་ལ་མེ་ཏོག་སྣ་ཚོགས་ཀྱི་སིལ་མ་བཀོད་པ། བྱ་སྣ་ཚོགས་གནས་འཆའ་བ། ངང་པ་དང ། བཞད་དང ། ཁྲུང་ཁྲུང་དང ། ངུར་པ་དང ། ཤང་ཤང་ཏེའུ་དང ། ཀ་ལ་པིངྐ་དང ། བྱའི་ཚོགས་ཀྱིས་མཛེས་པར་བགྱིས་ལ། ཉ་དང ། ཆུ་སྲིན་དང ། ཆུ་སྲིན་བྱིས་པ་གསོད་ཀུན་ནས་རྟེན་འཆའ་བར་བགྱིད་དོ། །མཚོའི་འགྲམ་ན་རིན་པོ་ཆེའི་ལྗོན་ཤིང་དང ། མེ་ཏོག་གི་ལྗོན་ཤིང་དང ། འབྲས་བུའི་ལྗོན་ཤིང་སྣ་ཚོགས་ཁ་ཁྱེར་དང་བཅས་པར་བགྱིའོ། །དཀྱིལ་འཁོར་གྱི་ཁ་ཁྱེར་གྱི་ཕྱི་རོལ་ན་ལག་པ་དང ། ཐལ་མོའི་ཕྱག་རྒྱ་བྲིས་ལ་སྒོ་བཞི་ Pha261a ༄#། །རྣམས་སུ་རྒྱལ་པོ་ཆེན་པོ་བཞི་བགྱིའོ། །དེ་ནས་དབུས་ཀྱི་དཀྱིལ་འཁོར་དུ་པདྨའི་གདན་བཟང་པོ་བཤམས་ཏེ་དེའི་སྟེང་དུ་བཅོམ་ལྡན་འདས་འོད་དཔག་མེད་དང ། འཕགས་པ་སྤྱན་རས་གཟིགས་དབང་ཕྱུག་དང ། མཐུ་ཆེན་ཐོབ་གཞག་པར་བགྱིའོ། །དཀྱིལ་འཁོར་བུམ་པ་གང་བས་བརྒྱན་པར་བགྱིའོ། །མེ་ཏོག་སིལ་མ་དང ། དྲི་དང ། བྱུག་པ་ཡང་དབུལ་བར་བགྱིའོ། །བ་དན་བཟང་པོ་སྣ་ཚོགས་ཀྱིས་བརྒྱན་པར་བགྱིའོ། །གཏོར་མ་དཀར་པོ་དབུལ་བར་བགྱིའོ། །ཡོན་ཆབ་དང་ཞབས་བསིལ་གྱི་སྣོད་དང ། མར་མེའི་ཕྲེང་བ་དབུལ་བར་བགྱིའོ། །པདྨའི་ཞགས་པ་འོད་དཔག་མེད་ཀྱི་ཕྱག་ཏུ་དབུལ་བར་བགྱིའོ། །རིག་སྔགས་འཆང་གཙང་མས་གོས་གཙང་མ་བགོ་བར་བགྱིའོ། །ལེགས་པར་ཁྲུས་བགྱིས་ནས་བའི་རྣམ་ལྔས་ཉེ་རེག་བགྱིས་ལ་ཟླ་བ་ཉ་ལ་ཉིན་ཞག་གཅིག་མཆིས་པར་གྱུར་པས་ཁ་ཤར་ཕྱོགས་སུ་བལྟས་ལ་སྐྱིལ་མོ་ཀྲུང་བཅས་ཏེ་མཆིས་ནས་ལག་པས་ཞགས་པའི་ཕྱག་རྒྱ་བཅིངས་ཏེ་བཟླས་བརྗོད་བགྱིའོ། །བྱམས་པ་དང་བརྩེ་བའི་སེམས་ཀྱིས་ལྷག་པར་བརྩོན་པར་བགྱིའོ། །སྙིང་རྗེ་མཆོག་ཏུ་བརྩེ་བར་གྱུར་པས་སེམས་ཅན་ཐམས་ཅད་ལ་བརྩེ་བར་བགྱིས་ན། དོན་ཡོད་པའི་ཞགས་པའི་སྙིང་པོ་བཟླས་བརྗོད་བགྱི་སྟེ། ཇི་ཙམ་ན་ཐུན་ཐ་མ་ལ་འོད་དཔག་ Pha261b མེད་འབར་བར་གྱུར་ནས་དཀྱིལ་འཁོར་ཆེན་པོ་དེ་ལ་ཡང་འོད་ཟེར་འབྱུང་བར་འགྱུར་རོ། །རིག་སྔགས་འཆང་གཡོ་བར་གྱུར་ནས་ལུས་འབར་བར་འགྱུར་རོ། །དེ་ནས་རིག་སྔགས་འཆང་གིས་སྐྱ་རེངས་ཤར་ཙམ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཕགས་པ་འོད་དཔག་མེད་གསེར་སྤུངས་པ་ལྟ་བུ་དེ་བཞིན་གཤེགས་པའི་སྐུ་གསེར་གྱི་ཁ་དོག་གིས་རིག་སྔགས་འཆང་གི་མདུན་དུ་བཞུགས་ནས་ཕྱག་གཡས་པ་རིག་སྔགས་འཆང་གི་སྤྱི་བོར་བཞག་སྟེ་དབུགས་འབྱིན་པར་མཛད་ཅིང་ཡིད་ཀྱི་བརྣག་པ་ཐམས་ཅད་ཡོངས་སུ་རྫོགས་པར་མཛད་ནས་མི་གདའ་བར་གྱུར་པ་དང ། ཤིན་ཏུ་རྣམ་པར་དག་པ་དྲི་མ་མེད་པའི་སྣང་བ་ཞེས་བྱ་བའི་གཉིད་ཐོབ་ནས་ཇི་ལྟར་ཉལ་བ་ཙམ་མམ་མིག་བཙུམ་པ་ཙམ་གྱིས་འཇིག་རྟེན་གྱི་ཁམས་བདེ་བ་ཅན་གཞལ་མེད་ཁང་དང ། གནས་དང ། འཇིག་རྟེན་དང ། ཡུལ་ལྗོངས་དང ། བྱང་ཆུབ་སེམས་དཔའི་འཁོར་མཐའ་དག་དང་བཅས་པའི་དཀྱིལ་འཁོར་ཡོངས་སུ་རྫོགས་པར་མཐོང་བར་འགྱུར་ལགས་སོ། །དེ་བཞིན་གཤེགས་པ་དེ་ཆོས་སྟོན་པར་མཛད་པ་ཡང་མཐོང་བར་འགྱུར་ལགས་སོ། ། འཁོར་གྱི་དཀྱིལ་འཁོར་དེ་དག་ཐམས་ཅད་དབུགས་འབྱིན་པར་བགྱིད་པ་དང ། རྣམ་པར་འཕྲུལ་པ་དང ། རྫུ་འཕྲུལ་དང ། ཆོ་འཕྲུལ་ཐམས་ཅད་མཐོང་བར་འགྱུར་ལགས་སོ། ། Pha262a ༄#། །འདི་ནས་མ་འོངས་པའི་སྐྱེ་བ་ནས་ཤི་འཕོས་ཏེ་འཇིག་རྟེན་གྱི་ཁམས་བདེ་བ་ཅན་དུ་སྐལ་པ་མཉམ་པར་སྐྱེ་བར་འགྱུར་རོ། །སྐྱེ་བའི་སྐྱེ་བ་དྲན་པར་འགྱུར་ཏེ།་སྐྱེ་བ་བདུན་སྟོང་རྗེས་སུ་དྲན་པར་འགྱུར་རོ། །དེ་སད་ནས་ཞགས་པ་ལ་ལན་སྟོང་རྩ་བརྒྱད་བཟླས་བརྗོད་བགྱིས་ནས་ལག་པ་གཡས་པས་བཟུང་ན། ནམ་མཁའ་ལ་འཕུར་བར་འགྱུར་རོ། །ལོ་ཁྲིར་འཚོ་བར་འགྱུར་རོ། །ཞགས་པ་གྲུབ་པ་རྣམས་དང ། རིག་སྔགས་འཆང་ཐམས་ཅད་ཀྱི་འཁོར་ལོས་བསྒྱུར་བར་འགྱུར་རོ། །འཁོར་ཁྲི་བརྒྱད་སྟོང་དང་ལྡན་པར་འགྱུར་རོ། །པདྨའི་ཞགས་པ་སྒྲུབ་པའི་ཆོ་གའོ།། །།དེ་ནས་རིག་སྔགས་འཆང་རྡོ་རྗེའི་ཞགས་པ་སྒྲུབ་པར་འཚལ་ན། ཤིང་ཤུན་དང ། རས་སྐུད་དང ། ཁ་ཆེ་དར་གྱི་སྐུད་པ་མཉམ་དུ་ལྷན་ཅིག་བཀལ་ཏེ་ཁྲུ་ཉི་ཤུ་རྩ་གཅིག་གི་ཚད་ཙམ་དུ་བགྱིས་ལ། ཙནྡན་དཀར་པོ་ལས་རྡོ་རྗེ་སོར་བཞི་པའི་ཚད་དུ་བགྱིས་ཏེ། རྩེ་ལྔ་པ་འབྱུང་པོ་ལ་སོགས་པའི་མགོ་དང ། སྦྲུལ་གྱི་སྐ་རགས་བཅིངས་ལ་ཀླུའི་རྒྱལ་པོ་དགའ་བོ་དང ། ཉེ་དགའ་བོའི་དྲ་བའི་ཕྲེང་བས་དཀྲི་བ་བགྱིས་ནས་ཞགས་པ་ལ་གདགས་པར་བགྱིའོ།། དེ་ནས་རིག་སྔགས་འཆང་གཙང་མས་གོས་གཙང་མ་བགོ་བར་བགྱིའོ། །ལེགས་པར་ཁྲུས་བགྱིའོ། །བའི་རྣམ་ལྔས་ཉེ་རེག་བགྱིའོ། །རྩཝའི་སྟན་བཏིང་ནས་རི་མོའི་གཟུགས་ Pha262b གྱི་མདུན་དུ་ལག་པ་གཡས་པ་ཞགས་པས་མནན་ནས་དོན་ཡོད་པའི་སྙིང་པོ་ཁྲི་བཟླའོ། །ཁྲོ་བོའི་རྒྱལ་པོའི་སྙིང་པོ་སྟོང་བཟླའོ། །དེ་ནས་ཞགས་པ་དེ་འབར་བར་འགྱུར་ཏེ། དེ་བཟུང་ནས་ནམ་མཁའ་ལ་འགྱུར་པར་འགྱུར་རོ། །རྡོ་རྗེའི་རིགས་དང ། དེ་བཞིན་གཤེགས་པའི་རིགས་དང ། ནོར་བུའི་རིགས་དང ། པདྨའི་རིགས་གང་དག་ལགས་པ་དེ་དག་ཐམས་ཅད་མདུན་ན་བཞུགས་པར་འགྱུར་རོ། །ལག་ན་རྡོ་རྗེ་དང་འདྲ་བར་གཟུགས་དང ། མཐུ་དང ། བརྩོན་འགྲུས་ཕ་རོལ་གྱི་ཟིལ་གྱིས་མི་ནོན་པར་འགྱུར་རོ། །ལག་ན་རྡོ་རྗེ་དང་འདྲ་བར་རིག་སྔགས་འཆང་གི་དབང་པོར་འགྱུར་རོ། །ལྷའི་ལོ་ཁྲི་ཉིས་སྟོང་དུ་འཚོ་བར་འགྱུར་རོ། །ལས་ཐམས་ཅད་བགྱིད་པ་རྡོ་རྗེའི་ཞགས་པ་དགྲ་ཐམས་ཅད་འཇོམས་པར་བགྱིད་པའི་ཞགས་པ་སྟེང་ངམ། འོག་གར་འཕངས་པར་ཡིད་ལ་བསམ་པ་བཞིན་ཐམས་ཅད་བཅིངས་ནས་འགུགས་པར་བགྱིད་དོ། །ཕྱོགས་བཅུར་འཕངས་ཏེ་ཁྲོ་བོའི་རྒྱལ་པོ་བཟླས་ནས་སྐྱེས་པའམ། བུད་མེད་དམ། གཞན་གང་ཅི་ཡང་རུང་བ་ཐམས་ཅད་ཞགས་པས་བཅིངས་ནས་མྱུར་དུ་འགུགས་པར་བགྱི་སྟེ། སོམ་ཉི་མི་བགྱིའོ། །གལ་ཏེ་ལྷའམ། ཀླུའམ། གནོད་སྦྱིན་ནམ། སྲིན་པོའམ། དྲི་ཟའམ། ལྷ་མ་ཡིན་ནམ། ནམ་མཁའ་ལྡིང་ངམ། མིའམ་ཅིའམ། འབྱུང་པོའམ། ལྟོ་འཕྱེ་ཆེན་པོ་ཐམས་ཅད་ Pha263a ༄#། །ཞགས་པས་བཅིངས་ནས་མྱུར་དུ་འགུགས་པར་བགྱིད་དེ། སོམ་ཉི་མི་བགྱིའོ། །ཞགས་པ་ལ་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་མར་གྱི་ངོའི་ཚེས་བཅུ་བཞིའི་མཚན་མོ་ནམ་ཕྱེད་ན་ཞགས་པ་ཕྱོགས་བཞིར་འཕངས་པར་བགྱིའོ། །འཕངས་པ་ཙམ་གྱི་མོད་ལ་བགེགས་དང ། ལོག་འདྲེན་དང ། གནོད་སྦྱིན་དང ། སྲིན་པོ་དང ། གདུག་པ་ཐམས་ཅད་ཞགས་པས་བཅིངས་ནས་རིག་སྔགས་འཆང་གི་མདུན་ན་མཆིས་ཤིང་ཇི་སྲིད་འཚོའི་བར་དུ་དབང་དུ་གྱུར་ནས་མཆིས་ཏེ་བྲན་བཞིན་དུ་ལས་ཐམས་ཅད་བགྱིད་པར་འགྱུར། བལྟས་པ་ཙམ་གྱིས་གདོན་ཐམས་ཅད་ལས་ཐར་པར་འགྱུར་རོ། །ཞགས་པ་ལ་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་ལག་པས་ཞགས་པ་བླངས་ཏེ་དུར་ཁྲོད་དུ་ཞུགས་ན། མི་སྣང་བར་འགྱུར་ཞིང ། གནས་ཐམས་ཅད་ཀྱི་སྒོ་ཕྱེ་བར་འགྱུར་རོ། །ཕུག་གི་སྒོར་མཆིས་ནས་རྡོ་རྗེའི་ཞགས་པས་བརྡབས་ན། ཕུག་ཐམས་ཅད་ཀྱི་སྒོ་འབྱེད་པར་འགྱུར་ཞིང ། འཁྲུལ་འཁོར་དང་གཏན་པ་ཐམས་ཅད་དུམ་བུར་ཆག་པར་འགྱུར་རོ། །ལམ་ངན་པ་དང ། མི་ངན་པ་དང ། མི་མ་ཡིན་པ་དང ། འབབ་ཆུ་ངན་པ་དང ། སྦྲུལ་དང ། དབུགས་གདུག་པ་དང ། སྲོག་ཆགས་གོ་ན་ས་དང ། གདུག་པ་དང་བཅས་པའི་སྲོག་ཆགས་སུ་ Pha263b གཏོགས་པ་ཐམས་ཅད་མི་གདའ་བར་འགྱུར་རོ། །མི་དྲང་པོ་དང ། ལམ་དྲང་པོར་ཇི་ལྟར་རང་གི་གནས་སམ། གཙུག་ལག་ཁང་ངམ། ཁང་པ་བཞིན་དུ་ཞུགས་ནས་དགོས་པ་ཐམས་ཅད་བསྒྲུབས་ཏེ་སླར་ཡང་གནས་ནས་ཕྱིར་ལྡོག་པར་འགྱུར་རོ། །རྡོ་རྗེ་ཞགས་པ་ལས་ཐམས་ཅད་བགྱིད་པ་སྒྲུབ་པའི་ཆོ་གའོ།། །།དེ་ནས་རིག་སྔགས་འཆང་ནོར་བུའི་ཞགས་པ་སྒྲུབ་པར་འཚལ་ན། རིག་སྔགས་འཆང་དེས་ནོར་བུ་བཙལ་བར་བགྱི་སྟེ། རྡོ་རྗེའམ། བཻ་ཌཱུརྱ་འམ། ཤེལ་རང་བྱུང་ངམ། མརྒད་དམ། ཨིནྡྲ་ནཱི་ལ་སོར་མོའི་ཚིགས་ལྷག་ཙམ་ཤིན་ཏུ་ཕྱིས་ལ་ཤིན་ཏུ་ཡོངས་སུ་དག་པར་བགྱིས་པ། གསེར་གྱི་མེ་ཏོག་གི་ཚུལ་དུ་བགྱིས་པ། མུ་ཏིག་གིས་དཀྲིས་པ། གེ་སར་ཁ་བྱེ་བ། ཙམ་པ་ཀའི་མེ་ཏོག་ཇི་ལྟ་བ་དེ་བཞིན་དུ་བགྱིས་ལ་རས་བཟང་པོའི་སྐུད་པ་ཚོན་རྩི་མཛེས་པས་ཁ་བསྒྱུར་བ། ཤིན་ཏུ་ཚང་ལ་བབ་པར་བཀལ་པ། ཁྲུ་ཉི་ཤུ་རྩ་གཅིག་པ། སོར་མོ་གུང་མོའི་ཚད་ཙམ་གྱི་ནོར་བུས་བརྒྱན་ལ་ཐོར་ཏོ་གཅིག་ཤོས་སུ་ནི། ནོར་བུའམ་གསེར་ལས་བགྱིས་པའི་ལྕགས་ཀྱུ་གདགས་པར་བགྱིའོ། །དེ་ནས་རིག་སྔགས་འཆང་གཙང་མས་གོས་གཙང་མ་བགོ་བར་བགྱིའོ། །ལེགས་པར་བཀྲུས་ནས་བའི་རྣམ་ལྔས་ཉེ་རེག་བགྱིའོ། །དེའི་འོག་ཏུ་རི་མོའི་གཟུགས་ཀྱི་མདུན་དུ་སྤོས་ཐམས་ཅད་ཀྱི་དཀྱིལ་འཁོར་ཚད་དང་ Pha264a ༄#། །ལྡན་པ་བགྱིས་ལ་གྲཝ་བཞིར་བུམ་པ་གང་བ་བཞག་ཅིང ། བོག་ཕོར་གྱི་སྣོད་བཤམས་ནས་ཨ་ག་རུའི་བདུག་པ་དང ། ཙནྡན་དང ། དུ་རུ་ཀའི་བདུག་པ་དབུལ་བར་བགྱིའོ། །དཀྱིལ་འཁོར་གྱི་དབུས་སུ་ཆོས་ཀྱི་སྟན་བཟང་པོ་ཚད་དང་ལྡན་པ་བཤམས་ལ། བ་དན་སྣ་ཚོགས་ཀྱི་དཀྱིལ་འཁོར་བསྐོར་བར་བགྱིའོ།། མེ་ཏོག་སིལ་མ་དང ། དྲི་དང ། རོལ་མོའི་ཆ་བྱད་དག་དགོད་པར་བགྱིའོ། །རིག་སྔགས་འཆང་གིས་ཟས་དཀར་གསུམ་འཚལ་བར་བགྱིའོ། །བཏུང་བ་ངན་པ་དང ། ཁ་ཟས་ངན་པ་དང ། གནས་ངན་པ་དང ། ལྷག་མ་དང ། སྤགས་པ་རྣམས་ཡོངས་སུ་སྤང་བར་བགྱིའོ། །དོན་ཡོད་པའི་རྒྱལ་པོའི་སྙིང་པོ་ཉི་ཁྲི་ཚིག་སྟོང་བཟླས་ནས་ལག་པ་གཡས་པས་ཆོས་ཀྱི་སྟན་གྱི་སྟེང་དུ་བཞག་པའི་ཞགས་པ་ལ་མནན་ནོ། །ལན་ཉི་ཁྲི་ཆིག་སྟོང་ཚང་བ་དང ། དེ་ནས་རིག་སྔགས་འཆང་གིས་ཁྲོ་བོའི་རྒྱལ་པོ་ལན་སྟོང་རྩ་བརྒྱད་ཚང་བར་བཟླས་ཏེ་ཡུངས་ཀར་རེ་ནས་དབང་བསྐུར་བར་བགྱིའོ། །ལན་སྟོང་རྩ་བརྒྱད་ཚང་བ་དང ། རིག་སྔགས་འཆང་གིས་འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་མཆོད་པ་རྒྱ་ཆེར་བགྱིའོ། །བཅོམ་ལྡན་འདས་འོད་དཔག་མེད་དང ། དེ་བཞིན་གཤེགས་པ་ཤཱཀྱ་ཐུབ་པ་ལ་ཡང་ Pha264b མཆོད་པ་རྒྱ་ཆེར་བགྱིའོ། །དེ་ནས་རིག་སྔགས་འཆང་གིས་ཚེས་བཅོ་ལྔའི་ཉ་ལ་ཉིན་ཞག་གཅིག་སྨྱུང་བ་བགྱིས་ནས་མཆོད་པ་ཆེར་བགྱི་སྟེ། མཆོད་པའི་ཡོ་བྱད་གང་ཅི་ཡང་རུང་བ་དེ་དག་ཐམས་ཅད་ལ་རེ་རེ་ནས་དོན་ཡོད་པའི་ཞགས་པའི་སྙིང་པོ་ལས་ཉི་ཤུ་རྩ་རེ་རེ་བཟླས་བརྗོད་བགྱིས་ནས་དབུལ་བར་བགྱིའོ། །དེ་ནས་སྐྱིལ་མོ་ཀྲུང་བཅས་ཏེ་མཆིས་ནས་ཉིན་མཚན་ཀུན་ཏུ་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་ཏེ་ཡུངས་ཀར་རེ་རེ་ནས་གདེག་པར་བགྱིའོ། །ལན་སྟོང་རྩ་བརྒྱད་ཚང་བ་དང་ས་ཆེར་གཡོ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལས་ཀྱང་འོད་ཟེར་སྣ་ཚོགས་འབྱུང་བར་འགྱུར་རོ། །ནོར་བུའི་ཞགས་པ་དེ་ཡང་འབར་བར་འགྱུར་རོ། །རིག་སྔགས་འཆང་གི་མགོ་བོ་ཡང་འབར་བར་འགྱུར་རོ། །འབར་བ་ཙམ་གྱི་མོད་ལ་རིག་སྔགས་འཆང་གི་ལག་པ་གཡས་ལས་ནོར་བུའི་ཞགས་པ་བླངས་པ་ན་སྒྲ་ཆེན་པོ་འབྱུང་བར་འགྱུར་རོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་ལྷའི་བདག་ཉིད་ཀྱི་རང་བཞིན་གྱིས་རིག་སྔགས་འཆང་གི་མདུན་ན་མཆིས་པར་འགྱུར་རོ། །དེ་བཞིན་གཤེགས་པ་འོད་དཔག་མེད་དང ། དེ་བཞིན་གཤེགས་པ་ཤཱཀྱ་ཐུབ་པ་དང ། དེ་བཞིན་གཤེགས་པ་འཕགས་པ་སྤྱན་རས་གཟིགས་འོད་ Pha265a ༄#། །ཀྱི་རྒྱལ་པོའི་སྐུ་གསེར་གྱི་ཁ་དོག་གིས་ནམ་མཁའ་ལ་རྫུ་འཕྲུལ་གྱིས་བཞུགས་ནས་རིག་སྔགས་འཆང་ལ་ལེགས་སོ། །ཞེས་བགྱི་བ་སྩོལ་བར་འགྱུར་རོ། །ཕྱག་དཔུང་པ་གསེར་གྱི་ཁ་དོག་འདྲ་བ་བརྐྱང་བའི་ཕྱག་གིས་རིག་སྔགས་འཆང་གི་མགོ་བོར་བཞག་ནས་རིག་སྔགས་འཆང་ལ་དབུགས་འབྱིན་པར་མཛད་དེ། རིག་སྔགས་འཆང ། ལེགས་སོ་ལེགས་སོ། །ཁྱོད་ཀྱིས་ཡིད་བཞིན་གྱི་ནོར་བུ་ཆེན་པོ་དོན་ཡོད་པའི་ཞགས་པ་རྣམ་པར་དག་པ་གྲུབ་བོ། །ཁྱོད་ཀྱིས་འཇིག་རྟེན་པ་དང ། འཇིག་རྟེན་ལས་འདས་པའི་ལས་སྒྲུབ་པའི་ཆོ་ག་བླ་ན་མེད་པ་གྲུབ་སྟེ། རིག་སྔགས་འཆང་གིས་འདོད་རྒུར་སྒྱུར་བ་ཐམས་ཅད་དེ། འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་གྲུབ་པ་ཡིད་བཞིན་གྱི་ནོར་བུ་ཆེན་པོའི་ཞགས་པ་ཐོགས་ནས་རིག་སྔགས་འཆང་གིས་འབད་མི་དགོས་པར་ཡིད་བཞིན་གྱི་ནོར་བུ་ཆེན་པོ་དོན་ཡོད་པའི་ཞགས་པའི་གྲུབ་པའི་རང་བཞིན་འདིས་འཇིག་རྟེན་དང ། འཇིག་རྟེན་ལས་འདས་པའི་དགོས་པ་རྣམ་པ་སྣ་ཚོགས་སྒྲུབ་པར་བྱེད་པ་ལ་ལྟོས་ཤིག་།ཡིད་ལ་ཇི་ལྟར་བསམ་པ་བཞིན་རྫུ་འཕྲུལ་དང ། ཆོ་འཕྲུལ་རྣམ་པ་སྣ་ཚོགས་ལ་ལྟོས་ཤིག་།རིག་སྔགས་འཆང ། ཁྱོད་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་ Pha265b སོང་ཞིག་།འོན་ཏེ་བདེ་བ་ཅན་ལྟ་བུར་འཚལ་ལམ། ཇི་ལྟར་དེ་བཞིན་གཤེགས་པ་ལ་འོས་པའི་ལྷ་རྫས་ཀྱིས་མཆོད་པར་འཚལ་ལམ། དེ་བཞིན་གཤེགས་པ་ལ་མཆོད་པའི་སྤྲིན་གྱིས་མཆོད་པར་འཚལ་ལམ། ལྷའི་མེ་ཏོག་དང ། ལྷའི་དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། ཆོས་གོས་དང ། གདུགས་དང ། རྒྱལ་མཚན་དང ། དྲིལ་བུ་དང ། བ་དན་དང ། ལྷབ་ལྷུབ་དང ། རྒྱན་དང ། གོས་ཀྱིས་དེ་བཞིན་གཤེགས་པ་ལ་མཆོད་པར་བགྱི་བར་འཚལ་ན། རིག་སྔགས་འཆང་དེས་སྤྱི་བོའི་གཙུག་ཏུ་དྲིའི་དཀྱིལ་འཁོར་བགྱིས་ལ་མེ་ཏོག་དང ། བདུག་པ་ཡང་དབུལ་བར་བྱ། ཡིད་བཞིན་གྱི་ནོར་བུ་ཆེན་པོ་དོན་ཡོད་ཞགས་པའི་མཆོག་འདི་ལག་པ་གཡོན་པས་མནན་ལ། ལག་པ་གཡས་པས་དོན་ཡོད་ཡིད་བཞིན་ནོར་བུའི་མཆོག་བཟུང་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་འདི་ལྟ་བུའི་ཡིད་ལ་བགྱིད་པ་ཆེན་པོ་འདི་ལྟ་བུའི་བསམ་པ་ཡིད་ལ་བགྱིད་པ་དེ་ལྟ་བུ་ཡང་བསམ་ནས་དོན་ཡོད་རྒྱལ་པོའི་སྙིང་པོ་ལན་བདུན་བཟླས་ཏེ་ཕྱག་བགྱིའོ། །ཡིད་བཞིན་གྱི་ནོར་བུ་ཆེན་པོ་རྒྱ་ཆེན་དོན་ཡོད་པ་འདི་བཟླས་ནས་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་འདི་ལན་བརྒྱ་རྩ་བརྒྱད་བཟླས་བརྗོད་བགྱིའོ། །བྱམས་པ་ཆེན་པོ་དང ། སྙིང་རྗེ་ཆེན་པོས་ཡོངས་སུ་གདུངས་པའི་སྙིང་གིས་སེམས་ཅན་ཐམས་ཅད་ལ་མཆོག་ཏུ་ Pha266a ༄#། །བརྩེ་བར་བགྱིས་ནས་གསང་སྔགས་བཟླས་བརྗོད་བགྱིའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ལྔ་པ། དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང ། བྱང་ཆུབ་སེམས་དཔའ་རྒྱ་མཚོ་མཐའ་ཡས་པ་ཐམས་ཅད་ལ་ཕྱག་འཚལ་ལོ། །རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་འདས་པ་དང ། མ་བྱོན་པ་དང ། ད་ལྟར་བྱུང་བ་ཐམས་ཅད་ལ་ཕྱག་འཚལ་ལོ། །ཡང་དག་པར་སོང་བ་དང ། ཡང་དག་པར་ཞུགས་པ་ཐམས་ཅད་ལ་ཕྱག་འཚལ་ལོ། །བློ་གྲོས་ཆེན་པོ་ཤཱ་རདྭ་ཏིའི་བུ་ལ་ཕྱག་འཚལ་ལོ། །གནས་ཀྱི་མཆོག་དགའ་ལྡན་ན་འཕགས་པ་བྱམས་པ་ལ་སོགས་པ་ཚོགས་དང་བཅས་པའི་མཆོག་ལ་ཕྱག་འཚལ་ལོ། །བདེ་བ་ཅན་གྱི་དཀྱིལ་འཁོར་ན་བཞུགས་པ་དེ་བཞིན་གཤེགས་པ་འཕགས་པ་འོད་དཔག་ཏུ་མེད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཚངས་པ་དང ། ཁྱབ་འཇུག་དང ། དབང་ཕྱུག་དང ། དབང་ཕྱུག་ཆེན་པོ་ལ་སོགས་པའི་ལྷའི་བུ་གཟུགས་སྣ་ཚོགས་མངའ་བ་སྤྱན་རས་གཟིགས་ལ་ཕྱག་འཚལ་ Pha266b ལོ། །ཏདྱ་ཐཱ། ཨོཾ་མ་ཧཱ་པདྨ་ཙནྡྲ་མ་ཎི་མ་ཎྀ། ། མོ་གྷ་མ་ཎི་སུ་མ་ཎྀ། མ་ཧཱ་མ་ཎྀ། སརྦ་ཏ་ཐཱ་ག་ཏ་ཨ་ལཾ་ཀཱ་ར། མ་ཧཱ་ཨ་མོ་གྷ་མ་ཎི། ཙ་ར་ཙ་ར་སཉྩ་ར། ནི་ཤ་ཙ་ཙ་ར་ཤཝ་ར་མ་ཧཱ། པདྨ་བྷུ་ཛ་བ་ར་ད། མ་ཧཱ་ཀཱ་རུ་ཎི་ཀ་མ་ཧཱ་བི་ཤཝ་རཱུ་པ་དྷ་ར། ཕྲ་བ་ར་མ་ཧཱ་བོ་དྷི་སཏྭ་པདྨ་དྷ་ར་པདྨ་ས་ན་པདྨ་ཀུ་ཊ། མཱ་ལཱ་དྷ་ར། པདྨ་གཽ་ར། པདྨ་ཨ་ལཾ་ཀྲི་ཏ་ཏ་ནུ། ས་ཧ་སྲ་བྷུ་ཛ་ས་ཧ་སྲ་ནེ་ཏྲེ་ནཱ་ནཱད་བྷུ་ཏ། པྲ་བ་རཱེ་ཎཱ། མུ་དྲ་བི་བྷུ་ཥི་ཏཱ་ས་ཧ་སྲ་བྷུ་ཛ། ཛ་ཡ་ཛ་ཡ། ཤ་ཏ་ས་ཧ་སྲ་རཤྨི་པྲ་ཏི་མཎྜི་ཏ་ཤཱ་རཱ་རི། བྷ་ར་བྷ་ར། བི་ཙི་ཏྲ། ཨཱ་བྷ་ར་ཎ་དྷ་ར། མ་ཎྀ་ཀ་ན་ཀ་།བཛྲ་བཻ་ཌཱུརྱ། མ་ར་ཀི་ཏ། ཨིནྡྲ་ནཱི་ལ་པདྨ་རཱ་ག་བྷུ་ཥི་ཏཱ་ཤཱ་རཱི་ར། ཙི་རི་ཙི་རི། བི་ཙི་ཏྲ། ཙ་ར་ཎཱ། མ་ཧཱ་བོ་དྷི་སཏྭ་བ་ར་ད་པྲ་ཧྨ། བིཥྟུ་མ་ཧེ་ཤཝ་ར་རཱུ་པ་དྷ་ར། པདྨེ་ཤཝ་ར། ལོ་ཀེ་ཤཝ་ར།་ཡ་མནྟེ་ཤཝ་ར། བ་རུ་ཎ། ཀུ་བེ་ར། རི་ཥི་ག་ཎ། ཀུ་མཱ་ར། སེ་ནཱ་པ་ཏི་བོ་ཤཱ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། མ་ཧཱ་བྷུ་ཏ་བ་ཤཱ་དྷ་ར། སརྦ་ཏ་ཐཱ་ག་ཏཱ་བྷི་ཥེ་ཀྟ་ས་མ་ཡ་མ་ནུ་སྨ་ར་བྷ་ག་ཝན། པཱུ་ར་ཡ་མ་ཨཱ་ཏཱ་ཤཱནྟ་ཏ་ར་ཡ་པཱུ་ར་ཤཱ་ཡ་ཡ་སཏྭ་ན། ཏ་ར་ཛ་ཡ་དུཥྚ། བཱ་ཏ་ཡ་བིགྷྣན། མཱ་ར་ཡ་ཏྲི་དྭ་ཤ་མཱ་ལཾ། ས་ར་ས་ར་པཱ་པཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། སིདྷྱ་སིདྷྱ། མ་ཧཱ་ཙི་ནཏཱ་མ་ཎི། ཨ་མོ་གྷ་པཱ་ཤ་དྷ་ར། སཱ་དྷ་ཡ་སཱ་དྷ་ཡ། བི་པཱུ་ལ་སིདྡྷི། མ་མ་ཏྲི་བྷུ་བ་ནི་དེ་བྱཱ་པྲ་ཡཙྪ། མ་ཧཱ་ཀཱ་རུ་ཎི་ཀ་།བུདྷྱ་བུདྷྱ། བོ་དྷ་ཡ་བོ་དྷ་ཡ། སཾ་ Pha267a ༄#། །བོ་དྷ་ཡ་སཾ་བོ་དྷ་ཡ། མ་ཧཱ་པ་ཤུ་པ་ཏི་པཱ་ཤ་དྷ་ར། ཨ་ན་ནྟ་བི་ཀུརྦཱ་ན། རིདྡྷི་སནྡྷ་ཪྵ་ཡ། ཏུ་རུ་ཏུ་རུ། ཏ་ར་ཏ་ར། ག་ག་ནེ་བི་པུ་ལ་བི་མཱ་ན། སནྡྷ་རི་ཥི་ཀ་།ན་མོ་སྟུ་ཏེ་བི་བུ་ལ་པུ་ཎྱ། ཀོ་ཥ་དྷ་ར། མ་ཧཱ་ཨ་མོ་གྷ་སིདྡྷི་ཧཱུཾ་ཧཱུཾ། ཨ་བྷི་ཥི་ཉྩ་ཏུ་མཱཾ། པི་པུ་ལ་ཀཱི་རྟི་ཀ་རེ་སཝཱཧཱ། བྷུ་བ་སཝཱཧཱ། བྷུ་རྦྷུབ་སཝཱཧཱ། ཨ་མོ་གྷ་བི་པུ་ལེ་སཝཱཧཱ། མ་ཧཱ་ཙིནྟ་མ་ཎི་སིདྡྷེ་སཝཱཧཱ། མ་ཧཱ་ཙིནྟཱ་མ་ཎི་སིདྡྷེ་བ་ར་དེ་སཝཱཧཱ། སརྦ་སིདྡྷེ་བ་ར་དེ་སཝཱཧཱ། ཨོཾ་བི་པུ་ལེ་ཤཝ་ར། ལོ་ཀེ་ཤཝ་ར། མ་ཧཱ་ཙིནྟཱ་མ་ཎི། མ་ཧཱ་ཨ་མོ་གྷ་སིདྡྷེ་ཧཱུཾ་ཕཊ་སཝཱཧཱ། དོན་ཡོད་ནོར་བུའི་ཞགས་པ་ཆེན་པོ་འདི་ལན་བརྒྱ་རྩ་བརྒྱད་བཟླས་མ་ཐག་ཏུ་རིག་སྔགས་འཆང་གི་ལུས་ཐམས་ཅད་འབར་བར་འགྱུར་རོ། །དོན་ཡོད་པའི་ཞགས་པ་ལག་པས་མནན་ན། ནམ་མཁའི་ངོས་ལ་རྫུ་འཕྲུལ་གྱིས་མཆི་བར་འགྱུར་རོ། །སྒྱུ་མ་ལྟ་བུའི་ཏིང་འཛིན་དང་འདྲ་བའི་རྫུ་འཕྲུལ་གྱི་ཆོ་འཕྲུལ་ཆེན་པོ་སྟོན་པར་འགྱུར་རོ། །འཇིག་རྟེན་གྱི་ཁམས་བདེ་བ་ཅན་མཐོང་བར་འགྱུར་རོ། །དེ་བཞིན་གཤེགས་པ་འོད་དཔག་མེད་ཀྱང་ཚོགས་དང་བཅས། འཁོར་དང་བཅས། བྱང་ཆུབ་སེམས་དཔའ་ཆེན་པོའི་དཀྱིལ་འཁོར་དང ། གཞལ་མེད་ཁང་མཆོག་དང་བཅས་པ་རྫུ་འཕྲུལ་གྱི་རྣམ་པར་འཕྲུལ་པ་མཐོང་བར་འགྱུར་རོ། །བདེ་བ་ཅན་གྱི་གནས་མཐའ་དག་ཏུ་མཆོད་པའི་ཆར་གྱི་སྤྲིན་ Pha267b ཆེན་པོ་འབྱུང་བར་འགྱུར་ཞིང ། དེ་བཞིན་གཤེགས་པ་ཚེ་དཔག་མེད་ཀྱི་མཐུས་མཆོད་པའི་སྤྲིན་ཆེན་པོར་གནས་པར་འགྱུར་རོ། །བདེ་བ་ཅན་ན་གནས་པ་དེ་དག་ཐམས་ཅད་དེ་བཞིན་གཤེགས་པ་ཚེ་དཔག་མེད་དེས་རིག་སྔགས་འཆང་ལ་ལེགས་སོ་ཞེས་བགྱི་བ་སྩོལ་བར་འགྱུར་རོ། །རིག་སྔགས་འཆང་དེས་ཀྱང་སྒྲ་དེ་དག་ཐམས་ཅད་ཐོས་པར་འགྱུར་ཞིང་མཆོད་པའི་ཆར་ཆེན་པོ་ཡང་མཐོང་བར་འགྱུར་རོ། །གལ་ཏེ་རིག་སྔགས་འཆང་ནམ་མཁའ་ལས་ཆུ་འབེབས་པར་འཚལ་ན། དེའི་ཚེ་བསམ་པ་ཙམ་གྱིས་འབེབས་པར་འགྱུར་རོ། །འོན་ཏེ་མི་འཚལ་ན། ནམ་མཁའ་དེ་ཉིད་ན་ནམ་མཁའ་ལ་གྲུབ་པ་དང ། རིག་སྔགས་འཆང་ཐམས་ཅད་ཀྱི་མཆོག་དོན་རྒྱ་ཆེན་གྲུབ་པ་ཡིད་བཞིན་ནོར་བུ་ལག་པ་ཞེས་བྱ་བའི་འཁོར་ལོས་བསྒྱུར་བར་འགྱུར་རོ། །དཔག་ཏུ་མ་མཆིས་པའི་འཁོར་ལོས་བསྒྱུར་བའི་རིག་སྔགས་འཆང་གིས་ཡོངས་སུ་བསྐོར་བར་འགྱུར་རོ། །ཚེ་པ་སྐལ་པ་ཆེན་པོ་བརྒྱ་སྟོང་ཕྲག་བརྒྱད་ཅུ་རྩ་གཉིས་སུ་འགྱུར་རོ། །འོན་ཏེ་བབས་ན། ལོ་ཁྲིར་འཚོ་བར་འགྱུར་རོ། །འཇིག་རྟེན་དབང་ཕྱུག་དང་འདྲ་བར་མཆོད་པ་དང ། གུས་པ་ཆེར་བགྱིད་པར་འགྱུར་རོ། ། འཇིག་རྟེན་ཐམས་ཅད་ཀྱི་གཙོ་བོ་གཅིག་པུར་འགྱུར་རོ། །ལྷ་རྣམས་ཀྱང་བབས་ནས་རིག་སྔགས་འཆང་དེ་ལ་མཆོད་པའི་མཆོག་རྒྱ་ཆེན་པོ་དག་བགྱིད་པར་འགྱུར་རོ། །སེམས་ Pha268a ༄#། །ཅན་ཐམས་ཅད་ལ་བུ་གཅིག་པ་བཞིན་དུ་མངོན་པར་དགའ་བར་འགྱུར་རོ། །མཆོད་པའི་འོས་སུ་ཡང་འགྱུར་རོ། །ལྷ་ཐམས་ཅད་ཀྱིས་ཀྱང་ཀུན་ཏུ་སྲུང་ཞིང་ཕྱག་བགྱི་བའི་འོས་སུ་འགྱུར་རོ། །ཐོས་པ་བསགས་པའི་རྒྱ་མཚོ་ཆེན་པོར་འགྱུར་རོ། །གལ་ཏེ་རིག་སྔགས་འཆང་ཕྱོགས་བཅུ་དུས་གསུམ་ཐམས་ཅད་ཀྱི་དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་དང་བཅས་པ། རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་ཐམས་ཅད་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་སངས་རྒྱས་ཀྱི་བསྟན་པ་ལ་མངོན་པར་དད་པ་དང་བཅས་པ་ལ་མཆོད་པ་བགྱིད་པར་འཚལ་བའམ། ཕྱོགས་བཅུ་དུས་གསུམ་དུ་གཏོགས་པ་ཐམས་ཅད་ཀྱི་དེ་བཞིན་གཤེགས་པ་རྣམས་ལ་བསོད་ནམས་ཀྱི་ཕུང་པོ་ཆེན་པོ་ཡོངས་སུ་རྫོགས་པར་འཚལ་བའམ། དགེ་བའི་རྩ་བ་ཆེན་པོ་བསྐྱེད་པར་འཚལ་བའམ། ལྷའི་ཟས་ཀྱི་མཆོག་རོ་བྲོ་བའི་མཆོག་དང་ལྡན་པའི་བཟའ་བ་དང ། ལྷའི་བཅུད་ཀྱིས་ལེན་གྱི་མཆོག་གིས་དེ་བཞིན་གཤེགས་པ་དང ། བྱང་ཆུབ་སེམས་དཔའ་དང ། རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་ཐམས་ Pha268b ཅད་ལ་བསྟབས་པར་འཚལ་བའམ། སྦྱིན་པ་མང་པོ་དང ། ཆེན་པོ་གཏོང་བར་འཚལ་བའམ། ཉིན་རེ་ཞིང་མཆོད་པའི་སྤྲིན་བགྱིད་པར་འཚལ་ན། རིག་སྔགས་འཆང་དེས་ལེགས་པར་བཀྲུས་ཏེ་གཙང་མས་གོས་གཙང་མ་བགོས་ནས་ཅི་འབྱོར་བས་དཀྱིལ་འཁོར་གྲུ་བཞི་པ་བགྱིས་ལ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་མེ་ཏོག་དང ། བདུག་པ་ཡང་དབུལ་བར་བགྱིའོ། །པུས་མོ་བཙུགས་ཏེ་ཐལ་མོ་སྦྱར་ནས་ཞགས་པ་བཟུང་སྟེ་དེ་བཞིན་གཤེགས་པ་ཐམས་ཅད་ཡིད་ལ་བགྱིའོ། །ཡིད་བཞིན་ནོར་བུ་ཆེན་པོ་རྒྱ་ཆེན་དོན་ཡོད་འདི་ཡང་མཆོད་པར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གྱི་སྙིང་པོ་ལན་བདུན་བཟླ་བར་བགྱིའོ། །ཡིད་ལ་བགྱིད་པ་ཡངས་པ་རྒྱ་ཆེན་པོ་མཆོད་པའི་སྤྲིན་ཆེན་པོ་དང ། སྦྱིན་གཏོང་ཆེན་པོ་དང ། ཁ་ཟས་དང ། བཏུང་བ་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། ཆོས་གོས་དང ། གདུགས་དང ། རྒྱལ་མཚན་དང ། བ་དན་དང ། གོས་དང ། རྒྱན་དང ། ལྷབ་ལྷུབ་དང ། རྒྱན་འཕྱང་དང ། རོལ་མོ་དང ། སིལ་སྙན་དང ། ཕེག་རྡོབ་དང ། རིན་པོ་ཆེའི་ལྗོན་ཤིང་དང ། འབྲས་བུའི་ལྗོན་ཤིང་དང ། མེ་ཏོག་གི་ལྗོན་ཤིང་དང ། མར་མེའི་ལྗོན་ཤིང་དང ། དཔག་བསམ་གྱི་ལྗོན་ཤིང་ཡིད་ལ་བགྱི་སྟེ། གསང་སྔགས་ཀྱི་གཟུངས་ Pha269a ༄#། །བཟླས་ནས་ཇི་ལྟར་ཡིད་ལ་བསམ་ཞིང་དོན་དུ་གཉེར་བ་བཞིན་ཕྱོགས་བཅུར་འཕངས་ན། དེའི་ཚེ་ཕྱོགས་བཅུ་དུས་གསུམ་དུ་གཤེགས་པ་དཀྱིལ་འཁོར་མཐའ་དག་ཏུ་གཏོགས་པའི་འཁོར་གྱི་དཀྱིལ་འཁོར་དུ་མཁོ་བའི་ཡོ་བྱད་ཐམས་ཅད་མ་ཚང་བ་མ་མཆིས་པར་ཅི་བསམ་པ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་གྱི་སྤྱན་སྔར་མཆོད་པའི་ཆར་གྱི་སྤྲིན་ཆེན་པོ་འབྱུང་བར་འགྱུར་རོ། །དེ་བཞིན་དུ་མཁོ་བའི་ཡོ་བྱད་ཐམས་ཅད་ཀྱི་མཆོད་པ་ཆེན་པོ་མ་ཚང་བ་མ་མཆིས་པ་འབྱུང་བར་འགྱུར་རོ། །དེ་བཞིན་དུ་མཐུ་ཆེན་པོའི་ནོར་བུ་རྒྱ་ཆེན་དོན་ཡོད་ལ་མཆོད་པའི་གཟུངས་བཟླས་ཤིང་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་གཟུངས་འདི་ཡང་ཉིན་གཅིག་བཞིན་དུ་ཐུན་གསུམ་དུ་ལན་གསུམ་དུ་བཟླ་བར་བགྱིའོ། །དེས་ན་རིག་སྔགས་འཆང་གིས་དུས་གསུམ་དུ་གཤེགས་པ་འཁོར་གྱི་དཀྱིལ་འཁོར་དང་བཅས་པ་དེ་དག་མཉེས་པར་བགྱིས་པ་དང ། མཆོད་པ་བགྱིས་པ་དང ། རིམ་གྲོ་བགྱིས་པར་འགྱུར་རོ། །བསོད་ནམས་ཀྱི་ཕུང་པོའི་ཚོགས་ཆེན་པོ་དང ། དགེ་བའི་རྩ་བ་ཆེན་པོ་བསྐྱེད་པར་འགྱུར་རོ། །དུས་གསུམ་དུ་གཏོགས་པའི་དེ་བཞིན་གཤེགས་པ་འཁོར་གྱི་དཀྱིལ་འཁོར་དང་བཅས་པ་དེ་དག་ཐམས་ཅད་ཀྱི་རིག་ Pha269b སྔགས་འཆང་ལ་དྲན་པ་དང ། བློ་གྲོས་དང ། སྟོབས་དང ། བརྩོན་འགྲུས་དང ། གཟི་བརྗིད་སྩོལ་བར་མཛད་དོ། །ཉིན་གཅིག་བཞིན་དུ་དེ་བཞིན་གཤེགས་པ་ཐམས་ཅད་མཐོང་བར་འགྱུར་རོ། །རྟག་ཏུ་དེ་བཞིན་གཤེགས་པ་རྣམས་ཀྱིས་དགོངས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་ཏུ་རྗེས་སུ་འབྲང་བར་འགྱུར་རོ། །རྟག་ཏུ་མཆོག་སྦྱིན་པ་མཐོང་བར་འགྱུར་རོ། །མཐོང་བའི་ཆོས་ལ་འཁོར་བའི་སྡུག་བསྔལ་འཇིགས་པ་འཇིགས་སུ་རུང་བ་དང ། སྐྲག་པ་དང ། སྡང་བ་རྣམས་རྣམ་པར་ཞི་བར་འགྱུར་རོ། ། ནད་ཀྱིས་ཀྱང་གནོད་པར་མི་འགྱུར་རོ། །རིམས་ཀྱིས་མ་ལགས། དུག་གིས་མ་ལགས། དུག་སྦྱར་མས་མ་ལགས། སྦྱོར་བས་མ་ལགས། མཚོན་གྱིས་མ་ལགས། མེས་མ་ལགས། ཆུས་མ་ལགས་ཏེ། ལུས་ལ་སེར་བ་འབབ་པར་མི་འགྱུར་རོ། །དགྲས་འཇིགས་པར་མི་འགྱུར་ཏེ། ཕ་རོལ་གྱི་དཔུང་གི་འཇིགས་པས་མ་ལགས། ཕ་རོལ་གྱི་སྡེའི་འཇིགས་པས་མ་ལགས། ཕས་ཀྱི་རྒོལ་བ་དང་མི་མཛའ་བའི་འཇིགས་པས་མ་ལགས། ལྷའི་འཇིགས་པས་མ་ལགས། ཀླུའི་འཇིགས་པས་མ་ལགས་ཏེ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། སྲིན་པོ་དང ། མཁའ་འགྲོ་མ་དང ། འདོད་རྒུར་སྒྱུར་བ་དང ། སྦྱོར་བ་མོའི་འཇིགས་པ་འབྱུང་བར་མི་འགྱུར་ Pha270a ༄#། །རོ། །དཔག་ཚད་གཅིག་གི་ནང་ཚུན་ཆད་གཟུང་བར་མི་ནུས་ཤིང་རྒྱང་རིང་པོར་འབྲོས་པར་འགྱུར་ཏེ། དེ་ལ་བགེགས་བགྱིད་པར་མི་འགྱུར་རོ། །གང་དག་མནར་མེད་པར་གནས་པར་འགྱུར་བའི་སེམས་ཅན་ནམ། མཚམས་མེད་པ་ལྔ་བགྱིད་པའམ། འཕགས་པ་ལ་སྐུར་པ་འདེབས་པའམ། དམ་པའི་ཆོས་སྤོང་བའམ། བསྐལ་པ་བྱེ་བར་བསགས་པའི་ལས་ཀྱི་སྒྲིབ་པས་ལུས་ཡོངས་སུ་དཀྲིས་པ་གང་ལགས་པ་དེ་ཡང་མཐོང་བའི་ཆོས་ལ་ཐམས་ཅད་ལྷག་མ་མ་ལུས་པར་ཡོངས་སུ་གདུགས་པར་འགྱུར་རོ། །ཡོངས་སུ་གྲོལ་བར་འགྱུར་རོ། །གལ་ཏེ་ཚིག་གཞན་མི་སྨྲ་བར་ལན་སྟོང་རྩ་བརྒྱད་བཟླས་བརྗོད་བགྱིད་ཅིང་སྨྱུང་བ་ལན་གཅིག་བགྱིས་ཏེ་བཟླས་བརྗོད་བྱས་ན། དེ་བསྐལ་པ་བྱེ་བ་བརྒྱ་སྟོང་དུ་འཁོར་བར་སྐྱེ་བ་ལས་ཕྱིར་ལྡོག་པར་འགྱུར་རོ། །གཟུངས་ཀྱི་བཟླས་བརྗོད་ཀྱིས་ལས་ཀྱི་སྒྲིབ་པ་སྔ་མ་རྣམས་ཀྱང་འབྱང་བར་འགྱུར་ཞིང ། བསྐལ་པ་སྟོང་དུ་བསགས་པའི་སྡིག་པ་རྣམས་ཉམས་པར་འགྱུར་རོ། །འཁོར་བའི་ཉེས་པས་ཕྱིར་ཡང་གོས་པར་མི་འགྱུར་ཏེ། སྡིག་པ་དང་སྒྲིབ་པ་ཐམས་ཅད་ཀྱིས་པདྨ་བཞིན་དུ་གོས་པར་མི་འགྱུར་རོ། །མཐོང་བའི་ཆོས་ལ་ས་ལྔ་པ་ཐོབ་པར་འགྱུར་རོ། །བསྟེན་པ་ཙམ་མམ། ཆོ་གའི་བཟླས་བརྗོད་ལ་ངེས་པར་གནས་ན། ཕྱིར་མི་ Pha270b ལྡོག་པའི་གནས་འཐོབ་པར་འགྱུར་རོ། །དྲན་པ་ཙམ་གྱིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ཕ་རོལ་ཏུ་ཕྱིན་པ་བཅུའི་རྗེས་སུ་མཆི་བར་འགྱུར་རོ། །ཉིན་གཅིག་བཞིན་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ན། མཐོང་བའི་ཆོས་ལ་ཀུན་ཏུ་བཟང་པོ་ཉིད་འཐོབ་པར་འགྱུར་རོ། །གསང་སྔགས་དང ། ཆོ་ག་ཞིབ་མོ་དང ། དཀྱིལ་འཁོར་དང ། ཕྱག་རྒྱ་ཐམས་ཅད་ཀྱི་རྗེས་སུ་ཞུགས་པ་དང ། དམ་ཚིག་ཐམས་ཅད་ལ་ཞུགས་པར་འགྱུར་རོ། །ཡང་དག་པར་བསྐྱེད་པ་ཐམས་ཅད་ཀྱི་རྗེས་སུ་འབྲང་བར་འགྱུར་རོ། ། རིག་སྔགས་འཆང་མཐོང་བ་ཙམ་གྱིས་མནར་མེད་པར་གནས་པ་རྣམས་ཀྱི་སྡིག་པ་རྣམ་པར་འཇིག་པར་འགྱུར་རོ། །ཆུང་ངུ་ན་རིག་སྔགས་འཆང་དུར་ཁྲོད་དུ་ཞུགས་ནས་གུམ་པའི་རུས་པའམ། གུམ་པའི་ཤའམ། གུམ་པའི་རོ་རུལ་བའམ། ཆུང་ངུ་ན་གུམ་པའི་གོས་བོར་བའམ། རྩིག་པའི་རི་མོ་ལ་རིག་སྔགས་འཆང་དེའི་གྲིབ་མས་ཕོག་པར་གྱུར་ན། སེམས་ཅན་གང་གང་གང་གིས་དམྱལ་བར་གཞོལ་བར་གྱུར་པ་དེ་དང་དེ་ནས་མོད་ལ་ཐར་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། དེ་ལ་ཡིད་གཉིས་སམ་སོམ་ཉི་བསྐྱེད་པར་མི་བགྱི་ན། གང་དག་ཆེས་མང་དུ་ལྷག་པར་བགྱིད་པར་འགྱུར་བ་ལྟ་སྨོས་ཀྱང་ཅི་འཚལ། གང་རིགས་ཀྱི་བུ་ཕོའམ། རིགས་ཀྱི་བུ་མོའམ། དགེ་སློང་ཕའམ། Pha271a ༄#། །དགེ་སློང་མའམ། དགེ་བསྙེན་ཕའམ། དགེ་བསྙེན་མ་དད་པའི་རྗེས་སུ་འབྲང་བ་འགའ་ཞིག་གཟུངས་འདི་འཆད་བར་བགྱིད། བརྗོད་པར་བགྱིད། ཀློག་པར་བགྱིད། འདོན་པར་བགྱིད། སེམས་པར་བགྱིད། སྒོམ་པར་བགྱིད། མཆོད་པར་བགྱིད། འབྲི་བར་བགྱིད། འབྲིར་འཇུག་པར་བགྱིད་ན། དེ་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །མཐོང་བའི་ཆོས་ལ་ཡོན་ཏན་ཆེན་པོ་བརྒྱ་སྟོང་མང་པོ་འཐོབ་པར་འགྱུར་རོ། །འདི་ཉིད་བཅངས་ན། མཐོང་བའི་ཆོས་ལ་དགེ་བའི་རྩ་བའི་ཚོགས་ཐམས་ཅད་དང ། ཕ་རོལ་ཏུ་ཕྱིན་པ་དྲུག་དང་རྗེས་སུ་མཐུན་པའི་དགེ་བའི་རྩ་བ་ཡོངས་སུ་རྫོགས་པར་འགྱུར་རོ། །གཟུངས་འདི་ཉིད་རེ་ཞིག་ཀུན་ཆུབ་པར་བགྱིས་ནས་མཁོ་བའི་ཡོ་བྱད་ཐམས་ཅད་ཡོངས་སུ་རྫོགས་པར་འགྱུར་ན། དགོས་པ་མང་པོས་གྲིམ་པར་བགྱིད་པ་ལྟ་སྨོས་ཀྱང་ཅི་འཚལ། དེ་ནས་རིག་སྔགས་འཆང་དོན་ཡོད་ཡིད་བཞིན་ནོར་བུའི་ཞགས་པ་བསྒྲུབས་ནས་ཡིད་ལ་བསམ་སྟེ་བསམ་པའི་ལས་ཐམས་ཅད་བགྱིས་ན། ཐམས་ཅད་འགྲུབ་པར་འགྱུར་རོ། །དགོས་པ་དང ། བགྱི་བ་ཐམས་ཅད་འགྲུབ་པར་འགྱུར་རོ། །ཇི་ལྟར་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་མངོན་སུམ་དུ་མཐོང་ནས་ལུང་བསྟན་པ་བཞིན་དུ་དོན་ཡོད་པའི་ཡིད་བཞིན་ནོར་བུའི་ཞགས་པ་འདི་ Pha271b དེ་བཞིན་དུ་བལྟ་བར་བགྱི་སྟེ། འདི་ལ་ཡིད་གཉིས་མི་བགྱིའོ། །དེ་ནས་རིག་སྔགས་འཆང་གིས་ཞགས་པ་མགྲིན་པར་བཏགས་ལ་ལག་པ་གཡས་པས་ནོར་བུ་བླངས་ཏེ་ལག་པ་གཡོན་པས་ལྕགས་ཀྱུ་བླངས་ན། མི་གདའ་བར་གྱུར་ནས་གར་དགའ་བ་དེར་འཇུག་པར་འགྱུར་ཏེ། མཚན་མོ་ཡང་ནོར་བུའི་འོད་ཀྱི་སྣང་བས་ཉིན་པར་ཇི་ལྟ་བ་བཞིན་མཐོང་བར་འགྱུར་རོ། ། ཐམས་ཅད་དུ་ལྷའི་གནས་སུ་འཇུག་པ་དང ། ཀླུ་དང ། གནོད་སྦྱིན་དང ། སྲིན་པོ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅིའི་གནས་དང ། ལྟོ་འཕྱེ་ཆེན་པོའི་གནས་དང ། རི་སུལ་གྱི་ཕུག་དང ། རི་དང ། ནགས་ཚལ་དང ། ཐང་གི་སྒོ་རྣམས་འབྱེ་བར་འགྱུར་ཞིང ། ཐམས་ཅད་དུ་མི་མངོན་པར་ཞུགས་ནས་སླར་ལྡོག་པར་འགྱུར་ཞིང་ཅི་འཚལ་བ་དེ་བགྱིད་པར་འགྱུར་རོ། །མི་རྣམས་ཀྱི་ནང་དུ་ལྷའི་ཚེ་ལོ་བརྒྱར་འཚོ་བར་འགྱུར་རོ། །ཉོན་མོངས་པ་དང ། ཉེ་བའི་སྐྱོན་ཐམས་ཅད་སྤངས་པར་འགྱུར་རོ། །འོན་ཏེ་རིག་སྔགས་འཆང་གིས་གྲུབ་པའི་དོན་ལ་བརྟག་པར་འཚལ་ན། ཟླ་བ་ཡར་གྱི་ངོའི་ཚེས་བརྒྱད་དམ་བཅུ་བཞི་ལ་ལེགས་པར་ཁྲུས་བགྱིའོ། །གཙང་མས་གོས་གཙང་མ་བགོ་བར་བགྱིའོ། །གཙང་མའི་གནས་སམ་ཕྱོགས་སུ་བའི་ལྕི་བ་སྟེ། བའི་རྣམ་ལྔས་ཡོངས་སུ་སྦྱར་བར་བགྱིའོ། །གནས་དེའི་ནང་ལོགས་ཀྱི་དབུས་སུ་དྲིའི་དཀྱིལ་འཁོར་བགྱིའོ། །མེ་ཏོག་སིལ་མ་བཀྲམ་ཞིང་བུམ་པ་གང་ Pha272a ༄#། །བས་བརྒྱན་ཅིང་སྤོས་སྣ་ཚོགས་ཀྱིས་བསྒོས་པའི་བདུག་པ་གཞག་པར་བགྱིའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་སྟན་བཟང་པོ་བཤམས་ཏེ་ཤིན་ཏུ་མཉམ་པར་བཞག་པས་ཞགས་པ་སྦྲུལ་འཁྱིལ་བའི་ཚུལ་དུ་ཟླུམ་པོ་བསྐྱིལ་ནས་གཞག་པར་བགྱིའོ། །དབུས་སུ་ནོར་བུ་གཞག་པར་བགྱིའོ། །དེ་ནས་རིག་སྔགས་འཆང་གིས་མཆོད་པར་བགྱིའོ། །དོན་ཡོད་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིའོ། ། དེ་ནས་དོན་ཡོད་ཡིད་བཞིན་ནོར་བུའི་སྙིང་པོ་ལན་བརྒྱ་རྩ་བརྒྱད་བཟླས་ནས་དེའི་འོག་ཏུ་ཙནྡན་དང ། ་ག་རུ་དང ། དུ་རུ་ཀའི་བདུག་པ་དབུལ་ཞིང་ནོར་བུ་ལ་བརྟག་པར་བགྱི་སྟེ། ཞགས་པ་དང ། དེ་ཐམས་ཅད་ནོར་བུའི་ནང་ནས་གདའ་བར་འགྱུར་རོ། །དེ་བཞིན་གཤེགས་པ་གདའ་བའམ། བྱང་ཆུབ་སེམས་དཔའ་གདའ་བའམ། ལྷ་གདའ་བའམ། ཀླུ་གདའ་བའམ། གནོད་སྦྱིན་དང ། སྲིན་པོ་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་གདའ་བའམ། འབྱུང་པོ་དང ། ལྟོ་འཕྱེ་ཆེན་པོ་གདའ་བའམ། གཡུལ་འགྱེད་པ་གདའ་བའམ། ཚེ་རིང་བ་གདའ་བའམ། ཚེ་ཉམས་པ་གདའ་བའམ། ཚེས་འཕོས་པ་གདའ་བའམ། རྒྱལ་སྲིད་གདའ་བའམ། གྲོང་ཐོབ་པའམ། ཡུལ་ཐོབ་བའམ། Pha272b གྲོང་ཁྱེར་ཐོབ་པའམ། དབྱིག་དང ། གསེར་དང ། ནོར་བུ་དང ། མུ་ཏིག་དང ། བཻ་ཌཱུརྱ་དང ། ཤངྐ་ཤི་ལ་དང ། བྱི་རུ་དང ། ས་ལེ་སྦྲམ་དང ། དངུལ་དང ། གོས་དང ། ལྷབ་ལྷུབ་དང ། རྒྱན་གདའ་བའམ། ནོར་བསྒྱུར་བ་སྨྲ་བ་དང ། མིག་འཕྲུལ་སྨྲ་བའམ། ཞིང་སྨྲ་བའམ། གཏེར་སྨྲ་བའམ། འབྲུ་སྨྲ་བའམ། བུད་མེད་འཕྲོག་པའམ། ལས་སྒྲུབ་པའམ། གསང་སྔགས་སྒྲུབ་པའམ། དབང་དུ་བགྱི་བའམ། ངོ་མཚར་བ་དེ་དག་ཐམས་ཅད་ནོར་བུའི་ནང་ན་གདའ་བར་འགྱུར་ཞིང ། དགེ་བའམ་མི་དགེ་བ་དེ་དག་ཐམས་ཅད་ཀྱང་གདའ་བར་འགྱུར་རོ། །ལོའམ། ལོ་ཕྱེད་དམ། གནོད་པའམ། འཚེ་བའམ། ཡམས་སམ། མི་ངས་སམ། མི་ངས་ཆེན་པོའམ། ཕྱུགས་ངས་སམ། གོར་རམ། རྟ་ནད་དམ། གླང་པོ་ཆེའི་ནད་དམ། རང་གི་དཔུང་དམ། གཞན་གྱི་དཔུང་གི་འཇིགས་པ་དང ། སྐྲག་པ་ཆེན་པོ་དེ་དག་ཐམས་ཅད་མེ་ལོང་གི་དཀྱིལ་འཁོར་ལ་ཇི་ལྟར་བ་དེ་བཞིན་དུ་གདའ་བར་འགྱུར་ལགས་སོ། །གང་བསམ་ཞིང་གང་གཉེར་བ་འགྲུབ་པའམ། མི་འགྲུབ་པའམ། དགེ་བའམ། མི་དགེ་བ་ཐམས་ཅད་གདའ་བར་འགྱུར་ཏེ། དེ་ལ་ཐེ་ཚོམ་དང ། ཡིད་གཉིས་དང ། སོམ་ཉི་མི་བགྱི་སྟེ། དངོས་པོ་དོན་ཡོད་གཞན་དུ་མི་འགྱུར་རོ། །ཆར་མི་འབབ་པའི་དུས་སུ་ཀླུའི་གནས་སུ་ནོར་བུ་བཞག་ན། ཇི་ཙམ་འཚལ་བར་ཆར་གྱི་རྒྱུན་འབབ་པར་འགྱུར་རོ། །ཧ་ཅང་ཆར་ཆེས་ན། ནམ་ Pha273a ༄#། །མཁའ་ལ་ནོར་བུ་བསྟན་ན་ཆར་ཆེན་པོ་འཆད་པར་འགྱུར་རོ། །ཉི་མ་འཆར་ཀར་ཉི་མ་ལ་བསྟན་ན། ཉི་མ་བབས་ནས་མཆོག་ཐམས་ཅད་སྩོལ་བར་འགྱུར་རོ། །ཟླ་བ་ཚེས་པ་ལ་བསྟན་ན། ཟླ་བ་བབས་ནས་འདོད་རྒུ་ཐམས་ཅད་ཀྱི་མཆོག་སྩོལ་བར་བགྱིད་དོ། །ཆུ་ཀླུང་ཆེན་པོར་བསྟན་ན། རིན་པོ་ཆེ་རྣམས་འབྱུང་བར་འགྱུར་རོ། །ནགས་ཁུང་དུ་བསྟན་ན། སྨན་གྱི་རྫས་ཐམས་ཅད་རང་གི་གཟུགས་ཀྱིས་མདུན་ན་མཆིས་ནས་གང་གཉེར་བ་དེ་ལེན་པར་འགྱུར་རོ། །རི་ཕུག་ཏུ་བསྟན་ན། སྨན་ཐམས་ཅད་འབབ་པར་འགྱུར་ཏེ། ཅི་འཚལ་བ་དེ་བླང་བར་བགྱིའོ། །འབྲུའི་ཕུང་པོ་ལ་བསྟན་ན། འབྲུ་ཐམས་ཅད་འདུ་བར་འགྱུར་ཏེ། གང་དུ་འཚལ་བ་དེར་འབྱུང་བར་འགྱུར་རོ། །མ་མོའི་གནས་སམ་ནག་པོ་ཆེན་པོ་ལ་བསྟན་ཏེ་སྤྱི་བོའི་གཙུག་ཏུ་བཞག་ན། ནག་པོ་ཆེན་པོ་མ་མོའི་ཚོགས་ཀྱི་འཁོར་དང་བཅས་པ་རང་གི་གཟུགས་ཀྱིས་མདུན་ན་མཆིས་ནས་དབང་དུ་འགྱུར་ཞིང་དགོས་པ་དང ། ལས་ཐམས་ཅད་བགྱིད་པར་འགྱུར་རོ། །རྒྱལ་པོའི་མངོན་སུམ་དུ་བསྟན་ན། ཡན་ལག་བཞིའི་དཔུང་དང་བཅས་པ། བློན་པོའི་ཚོགས་དང་བཅས་པ། བཙུན་མོའི་འཁོར་དང་བཅས་པ། དབྱིག་དང ། གསེར་དང ། ནོར་བུ་དང ། མུ་ཏིག་དང ། བཻ་ཌཱུརྱ་དང ། ཤངྐ་ཤི་ལ་དང ། བྱི་རུ་དང ། ས་ལེ་སྦྲམ་དང ། Pha273b དངུལ་དང ། གོས་དང ། རྒྱན་དང ། ལྷབ་ལྷུབ་དང ། རྒྱན་འཕྱང་དང ། ཁང་པ་དང ། ངོ་མཚར་དུ་བཅས་པ་དབང་དུ་གྱུར་ནས་ཇི་སྲིད་འཚོའི་བར་དུ་བསྙེན་བཀུར་བགྱིད་པར་འགྱུར་རོ། །སྐྱེ་བོའི་ཚོགས་ཆེན་པོའི་ནང་དུ་ཞགས་པ་འཕངས་ཏེ་དོན་ཡོད་པའི་ཡིད་བཞིན་གྱི་ནོར་བུའི་གཟུངས་བཟླས་ན། ཇི་ལྟར་འཚལ་བ་ཡིད་ལ་བསམ་པ་བཞིན་མེ་ཏོག་དང ། འབྲས་བུ་དང ། གཞལ་མེད་ཁང་གི་ཆར་འབབ་པར་འགྱུར་རོ། །རྒྱལ་མཚན་བསྒྲེངས་པའི་རྩེ་མོར་བཞག་སྟེ་རྒྱལ་རིགས་སྤྱི་བོར་དབང་བསྐུར་བ་ཁྱིམ་གྱི་སྟང་ངམ་ཁྱམས་སུ་བཞག་ལ།་འཕགས་པའི་ལམ་ཡན་ལག་བརྒྱད་ཀྱི་བསྙེན་གནས་ཀྱིས་སེམས་ཅན་ཐམས་ཅད་ལ་མཆོག་ཏུ་བརྩེ་བར་བགྱིའོ། །དོན་ཡོད་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླ་བར་བགྱིའོ། །དེ་ནས་དོན་ཡོད་ཡིད་བཞིན་ནོར་བུའི་གཟུངས་ལན་བརྒྱ་རྩ་བརྒྱད་གསང་བསྟོད་དེ་བཟླས་བརྗོད་བགྱིའོ། །ལན་བརྒྱ་རྩ་བརྒྱད་ཚང་ནས་ཇི་ལྟར་ཡིད་ལ་བསམ་པ་བཞིན་དུ་ཆར་འབབ་པར་འགྱུར་རོ། །ནོར་བུ་དང ། འབྲུ་དང ། གོས་དང ། ལྷབ་ལྷུབ་ལ་སོགས་པ་མེ་ཏོག་དང ། འབྲས་བུའི་ཆར་འབབ་པར་འགྱུར་རོ། །འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་དང ། མུ་གེའི་དགོན་པའི་འཇིགས་པ་དང ། ཡམས་དང ། གནོད་པ་དེ་དག་ཐམས་ཅད་འཕགས་པ་སྤྱན་ Pha274a ༄#། །རས་གཟིགས་དབང་ཕྱུག་གི་མཐུས་བས་པར་འགྱུར་རོ། །ཐམས་ཅད་རབ་ཏུ་ཞི་བར་འགྱུར་རོ། །སེམས་ཅན་ཐམས་ཅད་ལ་མི་འཇིགས་པ་སྩོལ་བར་འགྱུར་རོ། །འཇིགས་པ་དང་ཤ་འཁོན་ཐམས་ཅད་ལས་ཐར་པར་འགྱུར་རོ། །གདུག་པ་ནས་གཅན་གཟན་ཁྲོ་བོ་ཐམས་ཅད་ཀྱི་བར་དུ་ཡང་བྱམས་པ་ལ་གནས་པར་འགྱུར་རོ། །སེམས་ཅན་ཐམས་ཅད་མཐུན་པར་བགྱིད་པར་འགྱུར་རོ། །ཡིད་ཀྱི་བརྣག་པ་ཐམས་ཅད་ཡོངས་སུ་རྫོགས་པར་འགྱུར་རོ། །དོན་ཡོད་ཡིད་བཞིན་ཀྱི་ནོར་བུའི་ཞགས་པ་ཆེན་པོ་སྒྲུབ་པའི་ཆོ་གའོ།། །།དེ་ནས་རིག་སྔགས་འཆང་རལ་གྲི་དང་ཞགས་པ་སྒྲུབ་པར་འཚལ་ན། རིག་སྔགས་འཆང་གིས་ལྕགས་ཆེན་པོ་ལས་རལ་གྲི་སོར་བཅུ་དྲུག་གི་ཚད་དུ་བགྱིས་ལ། ལག་ཟུངས་ཀྱི་ངོས་དངུལ་ལས་བགྱིས་ཏེ་གསེར་གྱིས་འབར་བར་བྲིའོ། །ཤིང་ཤུན་གྱི་སྐུད་པ་དང ། ་རྒའི་སྐུད་པ་དང ། ཁ་ཆེ་དར་གྱི་སྐུད་པ་ལྷན་ཅིག་ཏུ་ཁྲུ་བཅུ་དྲུག་བྱུང་བ་ཤིན་ཏུ་ཚད་ལ་བབ་པར་བ་ཀུམ་པ། སྒྲུབ་པའི་དགོས་པ་ཡོངས་སུ་རྫོགས་པ་ལ་སུམ་སྒྲིལ་དུ་བཀལ་བར་བགྱིའོ། །དེ་ནས་རིག་སྔགས་འཆང་གིས་ལེགས་པར་ཁྲུས་བགྱིས་ཏེ་གཙང་མས་གོས་གཙང་མ་བགོས་ཏེ་ཞགས་པ་དང ། རལ་གྲི་མནན་ལ་ལག་པ་གཡས་པས་དཀྱིལ་འཁོར་ལ་བཞག་སྟེ་གཟུང་བར་བགྱིའོ། །ཁྲོས་པའི་གཉེར་གྱི་བཞིན་གྱིས་སྐྱིལ་མོ་ཀྲུང་ Pha274b བཅས་ཏེ་མཆིས་ནས་འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ཀྱི་མདུན་དུ་ཁྲོ་བོའི་རྒྱལ་པོ་ལན་སྟོང་རྩ་བརྒྱད་པ་བཟླ་བར་བགྱིའོ། །བཟླས་བརྗོད་ལན་སྟོང་རྩ་བརྒྱད་ཚར་ནས་རལ་གྲི་འབར་བར་གྱུར་ནས་རིག་སྔགས་འཆང་ནམ་མཁའ་ལ་འཕུར་བར་འགྱུར་ཞིང ། རལ་གྲི་གྲུབ་པའི་རིག་སྔགས་འཆང་ཐམས་ཅད་ཀྱི་གཙོ་བོ་འཁོར་ལོས་བསྒྱུར་བར་འགྱུར་རོ། །གཞན་གྱི་མཐུས་ཟིལ་གྱིས་ནོན་པར་མི་འགྱུར་རོ། །ལོ་ཁྲི་བརྒྱ་སྟོང་དུ་འཚོ་བར་འགྱུར་རོ། །འོན་ཏེ་ལག་པ་གཡོན་པས་ཞགས་པ་བཟུང་ལ་གཡས་པས་རལ་གྲི་བཟུང་སྟེ་ཁྲོས་པས་ཧཱུཾ་ཞེས་བགྱི་བས་མནན་ན། མི་གདའ་བར་གྱུར་ནས་མི་གདའ་བ་དང ། ཞགས་པ་དང ། རལ་གྲི་གྲུབ་པའི་རིག་སྔགས་འཆང་ཐམས་ཅད་ཀྱི་གཙོ་བོ་རྒྱལ་པོ་འཁོར་ལོས་བསྒྱུར་བར་འགྱུར་རོ། །ཚེ་ལོ་ཁྲི་ཐུབ་པར་འགྱུར་རོ། །འོན་ཏེ་རིག་སྔགས་འཆང་ཁྲོས་པས་རལ་གྲི་བསྐོར་ན། བགེགས་དང ། ལོག་འདྲེན་དང ། གནོད་སྦྱིན་དང ། སྲིན་པོ་གདུག་པ་ཐམས་ཅ་དང ། འབྱུང་པོ་ཐམས་ཅད་ཀྱི་རིག་སྔགས་བཅད་པར་འགྱུར་རོ། །གཡུལ་གྱི་དབུས་སུ་ལན་གཅིག་བསྐོར་ན། གཡུལ་འགྱེད་པའི་མཚོན་ཆ་ཐམས་ཅད་གཏུབས་པར་འགྱུར། །རེངས་པར་བགྱིས་པར་འགྱུར་ཏེ། ཐམས་ཅད་ཕྱོགས་བཅུར་འབྱེར་བར་འགྱུར་རོ། །དུར་ཁྲོད་ཀྱི་ནང་དུ་བསྐོར་ན། དུར་ཁྲོད་ན་གནས་པའི་གདུག་པ་རྒྱུ་བ་ཐམས་ཅད་ཀྱི་རིག་སྔགས་གཏུབས་པར་འགྱུར་ཞིང ། Pha275a ༄#། །གནས་ཐམས་ཅད་སྟོངས་པར་འགྱུར་རོ། །ཕུག་གི་སྒོར་བསྐོར་ན། འཁྲུལ་འཁོར་དང ། སྒོ་གླེགས་ཐམས་ཅད་གཏུབས་པར་འགྱུར་རོ། །སྒོ་དང ། གཏན་པ་ཐམས་ཅད་གཏུབས་པར་འགྱུར་རོ། །གདུག་པའི་མི་མ་ཡིན་པ་བར་ཆད་བགྱིད་པ་ཐམས་ཅད་བཅོམ་པར་འགྱུར་རོ། །ཐལ་བར་བརླག་པར་འགྱུར་རོ། །གཞན་ཡང་དགོས་པ་ཐམས་ཅད་ཇི་ལྟར་འཚལ་བ་བཞིན་དུ་བགྱིད་པར་འགྱུར་རོ། །རལ་གྲི་སྒྲུབ་པའི་ཆོ་གའོ།། །།དེ་ནས་རིག་སྔགས་འཆང་སྦྲུལ་གྱི་ཞགས་པ་སྒྲུབ་པར་འཚལ་ན། རིག་སྔགས་འཆང་དེས་སྐུད་པ་ལྔ་ལས་བསྒྲུབས་ཏེ་ཚོན་རྩིས་ཁ་བསྒྱུར་བའི་སྐུད་པ་ཚད་བཞིན་དུ་གཏུབས་ལ་བསྒྲུབ་པར་ཤིན་ཏུ་འོས་པ་ལས་བསྒྲུབ་པར་བགྱིའོ། །དེ་ནས་ཟས་བཟང་པོའི་ཕྱེ་མ་དང ། མ་དྷུའི་མེ་ཏོག་དང ། ར་སའི་མེ་ཏོག་དང ། ལྡོང་རོས་དང ། པདྨ་གེ་སར་དང ། ནཱ་ག་པུས་པ་དང ། ཤིང་ཨརྒའི་འོ་མ་ལྷན་ཅིག་ཏུ་སྦྱར་བ་དེར་བཙག་བསལ་ཏེ་དུས་གཅིག་ཏུ་ལྷན་ཅིག་མཉམ་དུ་བཏགས་ཤིང ། སྤྱི་བོར་ལེགས་པར་སྦྲུས་ཏེ། དེ་ལ་དོན་ཡོད་རྒྱལ་པོ་ལན་སྟོང་རྩ་བརྒྱད་བཟླས་བརྗོད་བགྱིས་ནས་སྦྲུལ་འཁྱིལ་བ་མགོ་གསུམ་གྱི་གདེངས་ཀ་ནས་ཡོངས་སུ་འཁྱིལ་བ་གསེར་གྱིས་གཡོགས་པ་ལེགས་པར་སྦྲེལ་བ་ནི། ཞགས་པའི་མཆོག་ལགས་སོ། །རིག་སྔགས་འཆང་གི་ལེགས་པར་ཁྲུས་བགྱིས་ལ། གཙང་མས་གོས་གཙང་མ་ Pha275b འགོས་ནས་པའི་ལྕི་བའི་དཀྱིལ་འཁོར་གྲུ་བཞི་ཚད་བཞིན་བགྱིས་ཏེ་དྲིས་མཆོད་པར་བགྱིའོ། །མེ་ཏོག་གི་སིལ་མ་དང ། བུམ་པ་གང་བས་བརྒྱན་པར་བགྱིའོ། །བ་དན་གྱིས་ཀུན་ནས་བརྒྱན་པར་བགྱིའོ། །དཀྱིལ་འཁོར་གྱི་དབུས་ཀྱི་གནས་སུ་སྟན་བཟང་པོ་བཤམས་ཏེ་དེའི་སྟེང་དུ་ཀླུའི་ཞགས་པ་བསྐྱིལ་ནས་ཞགས་པར་བགྱིའོ། །སྦྲུལ་གྱི་མགོའི་གདེངས་ཀ་དབུས་མ་ནི། ཁ་ཤར་ཕྱོགས་སུ་སྟོན་ནོ། །དཀར་གསུམ་གྱིས་གཏོར་མ་གཞག་པར་བགྱིའོ། །མཆོད་ཡོན་ཞགས་བསིལ་དཀར་པོའི་སྣོད་དང ། བདུག་པ་རྣམ་པ་གསུམ་པོ་ཙནྡན་དང ། ་ག་རུ་དང ། དུ་རུ་ཀ་རྣམས་བསྲེག་གོ་།འབྲས་ཡོས་དང ། ཡུངས་ཀར་བཀྲམ་པའི་དཀྱིལ་འཁོར་བགྱིས་ལ་འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་བཞག་ལ་མཆོད་པ་རྒྱ་ཆེན་པོ་བགྱིས་ཏེ་རིག་སྔགས་འཆང་གིས་སྐྱིལ་མོ་ཀྲུང་བཅས་ཏེ་མཆིས་ནས་བཟླས་བརྗོད་མང་དུ་བགྱིའོ། །ཐོག་མར་དོན་ཡོད་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་བརྗོད་བགྱིས་ནས་ཚང་བ་དང ། ཁྲོ་བོའི་རྒྱལ་པོ་ལན་སྟོང་རྩ་བརྒྱད་བཟླས་པའི་ཡུངས་ཀར་རེ་རེ་ནས་སྦྲུལ་གྱི་མགོ་ལ་གཏོར་བར་བགྱིའོ། །སྒྲུབ་པ་ཐམས་ཅད་ཚང་ནས་ནི། །རྒྱུན་དུ་སྦྲུལ་ནི་འབར་བར་འགྱུར། ། སྟན་ལས་ཞགས་པ་གཡོ་བ་ནི། །སོར་བཞི་ཙམ་གྱི་ཚད་ཙམ་དུ། །སྟན་ལས་གྱེན་དུ་འཕར་བར་འགྱུར། །དེ་ནས་རིག་སྔགས་འཆང་གིས་བཟུང་ནས་མི་གདའ་བར་གྱུར་ནས་ Pha276a ༄#། །ཀླུའི་གནས་སུ་མཆིས་ཏེ། ཀླུའི་མཚོར་མཆིས་ན་ཀླུའི་གནས་ཀྱི་སྒོ་རྣམས་འབྱེ་བར་འགྱུར་རོ། །རིག་སྔགས་འཆང་གིས་ཞུགས་ཏེ་དོན་ཡོད་རྒྱལ་པོ་བཟླས་ནས་སྦྲུལ་གྱི་ཞགས་པ་ལན་གསུམ་དུ་བསྐོར་བར་བགྱིའོ། །དེ་ནས་ཀླུའི་རྒྱལ་པོ་བཙུན་མོའི་འཁོར་དང་བཅས་པ་མཆིས་ནས་རིག་སྔགས་འཆང་ལ་མངོན་སུམ་དུ་སྨྲ་བས་རིག་སྔགས་འཆང་ཞུགས་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་སྦྲུལ་གྱི་ཞགས་པ་བཟུང་སྟེ་བསྐོར་ནས་འཇུག་པར་བགྱིའོ། །དེས་ན་རིག་སྔགས་འཆང་གིས་ཀླུའི་སྐྱོན་དེ་མི་མཐོང་ཞིང་ནུབ་པར་འགྱུར་རོ། །འཁྲུལ་འཁོར་དང ། སྒོ་གླེགས་དང ། གཏན་པ་ཐམས་ཅད་གཏུབས་ཤིང་བཅད་པར་འགྱུར་རོ། །ཞུགས་པ་ཙམ་གྱི་མོད་ལ་ཀླུའི་བུ་མོ་གཟུགས་བཟང་མོ། མཛེས་མ། རྒྱན་ཐམས་ཅད་ཀྱིས་བརྒྱན་ཅིང་ཀླུབས་མ་མཛེས་མ་མཆིས་ནས་རིན་པོ་ཆེའི་ཕྲེང་བ་ཐོགས་ཏེ་རིག་སྔགས་འཆང་ལ་དབུལ་བར་བགྱིད་དོ། །རིག་སྔགས་འཆང་གིས་བླངས་ནས་སྤྱི་བོ་ལ་བཞག་སྟེ་བཞག་པ་ཙམ་གྱི་མོད་ལ་ཀླུའི་བུ་མོ་ནམ་མཁའ་ལ་འཕུར་ནས་ནུ་མ་གཉིས་ནས་འོ་མ་ཟགས་པ་དང ། རིག་སྔགས་འཆང་གིས་ཟེད་ནས་བཏུང་བར་བགྱི་སྟེ། ཚེ་ཉི་ཁྲི་ཐུབ་པར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ཀླུའི་རྒྱལ་པོ་ཞེས་བགྱི་བ་ཐམས་ཅད་ཀྱི་ Pha276b བདག་པོ་འཁོར་ལོས་བསྒྱུར་བར་འགྱུར་རོ། །མཐུ་དང ། བརྩོན་འགྲུས་ཆེན་པོས་ཕ་རོལ་གནོན་པར་འགྱུར་རོ། །དེ་ནས་རིག་སྔགས་འཆང་གིས་སྦྲུལ་གྱི་ཞགས་པ་བཞག་ལ་དོན་ཡོད་རྒྱལ་པོའི་སྙིང་པོ་ཤིང་ཀཱ་ར་བཱི་རའི་ལྕུག་མ་ལ་བཟླས་ནས་བྱ་བ་པར་བགྱི་སྟེ། གང་དང་གང་གི་མིང་ནས་དྲངས་ཤིང་ཡིད་ལ་བསམ་པས་མོད་ལ་ཐམས་ཅད་འགྲུབ་པར་འགྱུར་རོ། །ཆར་མི་འབབ་པའི་དུས་སུ་སྦྲུལ་གྱི་ཞགས་པ་གནས་མཐོན་པོར་བསྐོར་བར་བགྱི་སྟེ། ལན་གཅིག་བསྐོར་བ་ཙམ་གྱིས་ཆར་གྱི་རྒྱུན་ཆེན་པོ་འབབ་པར་འགྱུར་རོ། །ཆར་ཧ་ཅང་ཆེ་བའི་དུས་སུ་སྦྲུལ་གྱི་ཞགས་པ་གནས་མཐོན་པོར་བཞག་ན། ཆར་ཧ་ཅང་ཆེ་བ་ལས་འཆད་པར་འགྱུར་རོ། །གྲང་བའི་རླུང་ངམ་སེར་བ་འབབ་པའི་དུས་སུ་ནང་བར་སྔར་ཀླུའི་ཞགས་པ་ཕྱོགས་བཞིར་བསྐོར་ན། དཔག་ཚད་བརྒྱ་ཁོར་ཁོར་ཡུག་ཏུ་སེར་བ་འབབ་པར་མི་འགྱུར་རོ། །གྲང་བའི་རླུང་དང ། སེར་དྲག་ཐམས་ཅད་བཅིངས་པར་འགྱུར་རོ། །ལོ་ཁྱུད་འཁོར་ཚང་བར་མཚམས་ཆེན་པོ་བཅིངས་པར་འགྱུར་རོ། །ཉིན་གཅིག་བཞིན་དོན་ཡོང་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་ཞགས་པ་ལག་པ་གཡས་པས་བསྡོགས་ལ། ལག་པ་གཡོན་པས་བསྐྲད་པ་བགྱིད་ན། ཉིན་གཅིག་བཞིན་ལྷའི་ཞལ་ཟས་དང ། བཏུང་བ་འདོད་རྒུ་ཐམས་ཅད་ཀླུའི་གནས་ནས་བྱུང་ནས་སྐྱེ་བོ་སྟོང་སྟོང་འཚལ་མ་སྩོལ་བར་འགྱུར་ Pha277a ༄#། །རོ། །དེའི་དུག་ཐམས་ཅད་མཐོང་བ་ཙམ་གྱིས་དུག་མ་ལགས་པར་འགྱུར་རོ། །སྦྲུལ་གྱི་ཞགས་པ་ལག་པ་གཡས་པས་བཟུང་ལ་ལག་པ་གཡོན་པས་ཀླུ་བཟུང་ནས་དཔྱིད་དམ། སྟོན་ཀའམ། སྤྲིན་ཆགས་པའི་དུས་སུ་ཞགས་པ་བསྐོར་ལ་ཁྲོ་བོའི་རྒྱལ་པོ་བཟླས་བརྗོད་བགྱིས་ཏེ་ནམ་མཁའ་ལ་འཕངས་ན། མེ་ཏོག་དང ། འབྲས་བུ་དང ། ལོ་ཏོག་གང་ཡང་རུང་བ་བཟང་པོ་ཤིན་ཏུ་སྨིན་པ་དང ། ཁ་ཟས་ཤིན་ཏུ་བཟང་པོ་ཐམས་ཅད་ནམ་མཁའི་ངོས་ལས་ས་ལ་འབབ་པར་འགྱུར་རོ། །གལ་ཏེ་ལན་ཉི་ཤུ་རྩ་གཅིག་བསྐོར་ལ་ཁྲོ་བོའི་རྒྱལ་པོ་བཟླས་བརྗོད་བགྱིས་ན། ཀླུའི་གཞལ་མེད་ཁང་དང ། གོས་དང ། ལྷབ་ལྷུ་བ་དང ། རྒྱན་འཕྱང་དང ། རྒྱན་ཐམས་ཅད་ས་ལ་འབབ་པར་འགྱུར་རོ། །གལ་ཏེ་རིག་སྔགས་འཆང་གིས་ལན་ཉི་ཤུ་རྩ་གཅིག་ལས་ལྷག་པར་བསྐོར་ཅིང་ཁྲོ་བོའི་རྒྱལ་པོ་བཟླས་བརྗོད་བགྱིས་ན། དེའི་ཚེ་ཀླུ་འཁོར་དང་བཅས་པ་གཞལ་མེད་ཁང་དང་བཅས་པར་སའི་སྟེང་དུ་ལྟུང་བར་འགྱུར་རོ། །གལ་ཏེ་རིག་སྔགས་འཆང་གིས་རྒྱལ་པོ་བཙུན་མོའི་འཁོར་དང་བཅས་པ་དབང་དུ་བགྱི་བར་འཚལ་ན། ཞགས་པ་བཞག་ལ་ཡུངས་ཀར་ལ་དོན་ཡོད་རྒྱལ་པོ་སྟོང་རྩ་བརྒྱད་བཟླས་བརྗོད་བགྱིས་ནས་བསྣུན་ལ། དེ་ནས་སྦྲུལ་གྱི་ཞགས་པ་བླངས་ཏེ་རྒྱལ་པོའི་ཁྱིམ་གྱི་ཕྱོགས་གང་ལགས་པ་དེར་ལྷག་པར་ཞགས་པ་བསྐོར་ Pha277b ན།་རྒྱལ་པོའི་བཙུན་མོའི་འཁོར་དང་བཅས་པ་དབང་དུ་གྱུར་ནས་ཇི་སྲིད་འཚོའི་བར་དུ་མཆོས་པར་འགྱུར་རོ། །གཡུལ་འགྱེད་པ་ན་ཁྲོ་བོའི་རྒྱལ་པོ་བཟླས་བརྗོད་བགྱིས་ནས་ཞགས་པ་གཡུལ་གྱི་དབུས་སུ་འཕངས་ན། སྦྲུལ་གདུག་པ་མིག་བགྲད་པ། ལྕེ་བསྒྱུར་བ། མིག་མེ་མདག་ལྟར་དམར་པ་འབྱུང་བར་འགྱུར་ཏེ། མཐོང་བ་ཙམ་གྱི་མོད་ལ་དཔུང་གི་ཚོགས་ཡན་ལག་བཞི་པ་ཕྱོགས་བཅུར་འབྱེར་བར་འགྱུར་རོ། །གཞན་ཡང་ཇི་ལྟ་ཇི་ལྟར་ཡིད་ལ་བསམ་པའི་དོན་དེ་ལྟ་དེ་ལྟ་བུར་ཐམས་ཅད་སྒྲུབ་པར་བྱེད་པར་འགྱུར་རོ། །སྦྲུལ་གྱི་ཞགས་པའི་སྒྲུབ་པའི་ཆོ་གའོ། །དེ་ནས་འབྱུང་པོའི་དབང་ཕྱུག་གི་ཞགས་པ་སྒྲུབ་པར་འཚལ་ན། འབྲིའི་རྩིད་པ་དང ། རྩིད་པ་ཆེན་པོ་ལྷན་ཅིག་ཏུ་བཀལ་བ་དང ། ལྕགས་ལས་མདུང་རྩེ་གསུམ་པ་སོར་བཞིའི་ཚད་ཙམ་དུ་བགྱིས་ལ། དེ་ནས་དོན་ཡོད་རྒྱལ་པོའི་སྙིང་པོ་ལན་སྟོང་རྩ་བརྒྱད་བཟླས་བརྗོད་བགྱིས་ནས་ཁྲོ་བོའི་རྒྱལ་པོ་ལན་སྟོང་རྩ་བརྒྱད་བཟླས་ཏེ་ཉིན་ཞག་གཅིག་མཆིས་ལ་ལེགས་པར་ཁྲུས་བགྱིས་ཏེ་གཙང་མས་གོས་གཙང་མ་བགོ་བར་བགྱིའོ། །ཟླ་བ་མར་གྱི་ངོའི་ཚེས་བཅུ་བཞིའི་ཉིན་ཞག་གཅིག་གིས་བསྒྲུབ་པར་བགྱིའོ། །དེ་ནས་མདུང་རྩེ་གསུམ་པའི་ཞགས་པ་བླངས་ནས་འབྱུང་པོའི་དབང་ཕྱུག་གི་གཟུགས་འདྲ་བར་འགྱུར་རོ། །འབྱུང་པོ་ཐམས་ཅད་ཀྱི་བདག་པོ་ལོ་བརྒྱ་སྟོང་དུ་འཚོ་བར་འགྱུར་རོ། །འབྱུང་པོའི་གནས་ཀྱི་གཞལ་མེད་ཁང་ཐམས་ཅད་ཀྱི་ Pha278a ༄#། །བདག་པོར་འགྱུར་རོ། །ཞགས་པ་ལག་པར་ཐོགས་ནས་དུར་ཁྲོད་དུ་ཞུགས་ན། དུར་ཁྲོད་ན་གནས་པ་ཐམས་ཅད་མདུན་དུ་མཆིས་ཏེ་གནས་ཀྱི་སྒོ་ཐམས་ཅད་འབྱེ་བར་འགྱུར་ཞིང ། །ཁྱོད་ཅི་དགར་ཞུགས་ཤིག་ཅེས་ཅི་འཚལ་བ་བགྱིད་པར་འགྱུར་རོ། །རོའི་མགུལ་དུ་བཏགས་ནས་ཁྲོ་བོའི་རྒྱལ་པོ་བཟླས་ན། དེ་ནས་རོ་ལངས་ནས་ཅི་དྲིས་པ་དེ་སྨྲ་བར་འགྱུར་ཞིང་ཅི་བསྒོ་བ་དེ་བགྱིད་པར་འགྱུར་རོ། །བཀྲོལ་ན་མཆི་བར་འགྱུར་རོ། །གནོད་སྦྱིན་གྱི་མགུལ་དུ་བཏགས་ཏེ་ཁྲོ་བོའི་རྒྱལ་པོ་བཟླས་ལ་ཁྲོས་པས་དྲངས་ནས་གནོད་སྦྱིན་དེ་ཡང་མདུན་དུ་མཆིས་ནས་རིག་སྔགས་འཆང་ལ་རྗེ་བཙུན་བཀའ་སྩོལ་ཅིག་དང ། ཐམས་ཅད་བགྱིའོ་ཞེས་སྨྲ་བར་འགྱུར་རོ། །རིག་སྔགས་འཆང་གིས་ཁྱོད་ཇི་སྲིད་འཚོའི་བར་དུ་ཁྲོ་བོའི་རྒྱལ་པོ་མངག་གཞུག་པའི་ལས་གྱིས་ཤིག་ཅེས་སྨྲ་བར་བགྱི་སྟེ། བཀའ་བཞིན་འཚལ་ཞེས་དེ་ནས་ཉིན་གཅིག་བཞིན་བསྒོ་བ་བགྱིས་ན། ལས་ཐམས་ཅད་བགྱིད་པར་འགྱུར་རོ། །གནོད་སྦྱིན་མོའི་མགུལ་དུ་བཏགས་ཏེ་ཁྲོ་བོའི་རྒྱལ་པོ་བཟླས་ན། གནོད་སྦྱིན་མོ་མཆིས་ནས་རིག་སྔགས་འཆང་གི་མདུན་དུ་མཆིས་ཏེ། རིག་སྔགས་འཆང་ལ་མིག་མི་འཛུམ་པར་ལྟ་ཞིང་རིག་སྔགས་འཆང་ཅི་ཞིག་དོན་དུ་གཉེར་ཞེས་སྨྲ་བར་འགྱུར་རོ། །རིག་སྔགས་འཆང་གིས་ཁོ་བོ་ལ་མ་དང ། ཆུང་མ་དང ། སྲིང་མོས་བསྒྲུབ་ Pha278b པར་བྱ་བའི་དགོས་པ་གསུམ་བྱོས་ཤིག་ཅེས་བསྒོ་བར་བགྱིའོ། །གལ་ཏེ་མ་ཞིག་ཏུ་བགྱིད་ན། བུ་གཅིག་པ་བཞིན་དུ་བཟའ་བ་དང ། བཏུང་བ་དང ། མལ་ཆ་དང ། གོས་དང ། ནོར་དང ། འབྲུས་ཡོངས་སུ་སྐྱོང་བར་བགྱིད་དོ། །ཆུང་མ་ཞིག་ཏུ་བགྱིད་ན། མཁོ་བའི་ཡོ་བྱད་ཐམས་ཅད་ཀྱི་དབང་ཕྱུག་དང་བདག་པོར་བགྱིད་ཅིང ། དེ་དང་ལྷག་པར་དགའ་བར་རྩེ་བས་ཕྱི་བཞིན་འབྲང་བར་འགྱུར་རོ། །གལ་ཏེ་སྲིང་མོ་ཞིག་ཏུ་བགྱིད་ན། ཡིད་ལ་བརྣག་པའི་འདོད་པ་ཐམས་ཅད་ཡོངས་སུ་རྫོགས་པར་བགྱིད་དོ། །དགོས་པ་ཐམས་ཅད་བགྱིད་པར་འགྱུར་རོ། །ཐམས་ཅད་དུ་རྒྱུག་ཅིང་སླར་ཡང་ལྡོག་པར་འགྱུར་རོ། །ཉིན་གཅིག་བཞིན་ལྷབ་ལྷུབ་དང ། གོས་དང ། རྒྱན་རྣམས་སྩོལ་བར་བགྱིད་དོ། །ཉིན་གཅིག་བཞིན་གཞན་ཡང་ལྷའི་བུ་མོ་དག་རྩེད་མོའི་དོན་དུ་དགུག་པར་བགྱིད་དོ། །རྣམ་ཐོས་ཀྱི་མགུལ་དུ་བཏགས་ཏེ་ཁྲོས་པས་དྲངས་ནས་ཁྲོ་བོའི་རྒྱལ་པོའི་བཟླས་བརྗོད་བགྱིས་ན། དེ་ནས་རྣམ་ཐོས་མཆིས་ནས་ཉིན་གཅིག་བཞིན་དོང་ཙེ་སྟོང་སྟོང་སྩོལ་བར་འགྱུར། །གསེར་སྟོང་སྩོལ་བར་འགྱུར་ཏེ། དེས་ཉིན་གཅིག་བཞིན་སྦྱིན་པ་ཡང་སྩོལ། །བསོད་ནམས་ཀྱང་བགྱིའོ། །ནག་པོ་ཆེན་པོའི་མགུལ་དུ་བཏགས་ལ་ཁྲོ་བོའི་རྒྱལ་པོ་ལན་བདུན་བཟླས་བརྗོད་བགྱིས་ཏེ་ཁྲོས་པས་ལག་པ་གཡས་པའི་ཐལ་ལྕག་གིས་གདེག་པར་བགྱིའོ། །ནག་པོ་ཆེན་པོས་སྒྲ་ཕྱུང་བ་ན་རིག་སྔགས་འཆང་སྐྲག་པར་མི་ Pha279a ༄#། །བགྱིད་པར་སླར་ཡང་ཁྲོས་པས་གདག་པར་བགྱིའོ། །དེ་ནས་མཆི་མ་ཟགས་པ་དང ། རིག་སྔགས་འཆང་གིས་མཆི་མ་ཟེད་དེ་ཐིག་ལེ་བགྱིས་ན། མི་གདའ་བར་གྱུར་ནས་གཏེར་ཐམས་ཅད་མཐོང་བར་འགྱུར་རོ། །དེ་ནས་རིག་སྔགས་འཆང་གིས་ཡང་ཐལ་མོས་གདེག་བར་བགྱི་སྟེ། དེ་ནས་ནག་པོ་ཆེན་པོ་ཁྲག་ཏུ་སྐྱུག་པ་རིག་སྔགས་འཆང་གིས་བྱུགས་ན། ནམ་མཁའ་ལ་མཆིས་ནས་གནོད་སྦྱིན་གྱི་སྡེ་དཔོན་ཆེན་པོར་འགྱུར་རོ། །གུ་གུལ་གྱི་བདུག་པས་བདུགས་ནས་ཁྲོ་བོའི་རྒྱལ་པོ་བཟླས་ན། ནག་པོ་ཆེན་པོ་རང་གི་གཟུགས་ཀྱིས་མདུན་ན་མཆིས་ནས་ཅི་འཚལ་བའི་མཆོག་ཐམས་ཅད་སྩོལ་བར་བགྱིད་ཅིང ། མ་མོའི་ཚོགས་དང་བཅས་པ་ཐམས་ཅད་དབང་དུ་མཆིས་པར་འགྱུར་རོ། །གཞན་ཡང་ཅི་འཚལ་བ་བགྱིད་པས་དགོས་པ་ཐམས་ཅད་བགྱིད་པར་འགྱུར་རོ། །མདུང་རྩེ་གསུམ་པའི་ཞགས་པ་སྒྲུབ་པའི་ཆོ་གའོ།། །།དེ་ནས་ཞགས་པ་དང་རྗེས་སུ་མཐུན་པའི་རི་མོའི་ཆོ་ག་དེ་ཁོ་ན་ཉིད་སྒྲུབ་པའི་ཆོ་ག་བླ་ན་མེད་པ་བརྗོད་པར་བགྱི་སྟེ། འཇིག་རྟེན་མགོན་པོས་སྣ་ཚོགས་པའི། །རྣམ་པའི་ཁ་དོག་གཟུགས་བསྟན་པ། སྒྱུ་མ་ལྟ་བུའི་ཏིང་འཛིན་གྱི། །ཆོ་འཕྲུལ་སྣ་ཚོགས་གཟུགས་བསྟན་ཏེ། །ལག་པ་སྟོང་དང་མིག་སྟོང་དང ། །མཐའ་ཡས་པ་ཡི་ཕྱག་རྒྱ་བསྟན། །རྣམ་པ་སྣ་ཚོགས་པ་ཡི་གཟུགས། །ཁམས་གསུམ་དག་ཏུ་བསྟན་པ་ནི། །གདུལ་ Pha279b བྱ་གདུལ་ཕྱིར་གཟུགས་བསྟན་ཏོ། །གསང་བ་འདི་ཡིས་གཟུགས་བསྟན་པ། །སེམས་ཅན་ཀུན་ལ་ཕན་པའི་ཕྱིར། །རིག་སྔགས་གྲུབ་པ་བླ་མེད་པ། །དེ་ཉིད་ཞགས་པ་སྒྲུབ་ཕྱིར་རོ། །དེ་བས་རིག་འཛིན་ཤེས་རབ་ཅན། །འཇིག་རྟེན་ཕ་རོལ་རྗེས་མཐུན་པ། །སངས་རྒྱས་ཉིད་དོན་གཉེར་བ་དང ། དེ་བཞིན་གཤེགས་ཀུན་ལྟ་བ་དང ། །བདེ་ཅན་ལྟ་བར་འཚལ་བ་དང ། །དེ་ཉིད་འཇིག་རྟེན་འདས་པ་ཡིས། །འཇིག་དབང་མགོན་པོ་མཐོང་འཚལ་ལ། །མཆོག་ཏུ་གུས་པར་བགྱི་བ་ཡི། །ཆོ་གའི་རྒྱལ་པོ་འདི་བརྗོད་ཀྱི། །དེ་ཉིད་གུས་པར་དད་པ་དང ། །ཤིན་ཏུ་དང་བ་ཉིད་དུ་བགྱི། །གྲོལ་བ་སྣ་ཚོགས་འཚལ་བ་ལ། །སྣ་ཚོགས་པ་ཡི་གཟུགས་བསྟེན་ཏེ། །སྣ་ཚོགས་ཐབས་ཀྱིས་གྲོལ་བར་འགྱུར། །དོན་ཡོད་རྒྱལ་པོ་ཆོ་གའི་མཆོག་།དོན་ཡོད་གྲུབ་པའི་འཇིག་རྟེན་འདས། །དོན་ཡོད་འབྲས་བུ་དམ་པ་པོ། །དོན་ཡོད་ཀུན་ཏུ་གྲུབ་པ་འཐོབ། །སངས་རྒྱས་ཀུན་གྱིས་བྱིན་གྱིས་བརླབས། །དོན་ཡོད་འཇིག་རྟེན་འཇིག་རྟེན་མགོན། །འཇིག་རྟེན་དབང་ཕྱུག་མཆོག་སྦྱིན་པ། །དོན་ཡོད་འཇིག་རྟེན་ཅི་འཚལ་བ། །མཆོག་འཚལ་བ་ནི་གྲུབ་པར་འགྱུར། །དོན་ཡོད་རྒྱ་ཆེན་རྫུ་འཕྲུལ་གྱི། །ཆོ་འཕྲུལ་རྣམ་འཕྲུལ་རྒྱུན་མི་འཆད། །དེ་ལྟ་བས་ན་ཀུན་བསྒྲིམས་ཏེ། །བདག་ཉིད་ཡོངས་སུ་དག་བགྱིས་ནས། །ཇི་ལྟར་ཆོ་ག་བཀོད་པ་བཞིན། །རྗེས་སུ་མཐུན་པར་རི་མོའི་གཟུགས། །རྟག་ཏུ་རི་མོའི་གཟུགས་བལྟ་ཞིང ། །ཞགས་པའི་གཟུགས་ནི་སྣ་ཚོགས་ Pha280a ༄#། །དང ། །དེ་བཞིན་ཁྲོ་བོའི་རྒྱལ་པོ་དང ། །རིག་སྔགས་རྒྱལ་པོ་དེ་བཞིན་དུ། །དཀྱིལ་འཁོར་ལྷ་དང་མེ་ལྷ་དང ། སྦྱིན་སྲེག་རླུང་ལྷ་ཆུ་ལྷ་དང ། །ཁྲོ་བོའི་གཟུགས་དང་ཞི་བ་དང ། །ལྷ་དང་ཀླུ་ཡང་སྟོན་པ་དང ། །གནོད་སྦྱིན་སྲིན་པོའི་གཟུགས་དང་ནི། །འབྱུང་པོ་ལྷ་མིན་དྲི་ཟ་དང ། །ནམ་མཁའ་ལྡིང་དང་མི་འམ་ཅི། །ལྟོ་འཕྱེ་ཆེན་པོའི་གཟུགས་ཀུན་ཏུ། ། འཇིག་རྟེན་མགོན་པོས་མཆོག་སྦྱིན་བསྟན། །གཤིན་རྗེ་དང་ནི་ལུས་ངན་དང ། །ཚངས་པ་ཁྱབ་འཇུག་དབང་ཕྱུག་ཆེ། །གཞོན་ནུ་དབང་ཕྱུག་ལྷ་དང་ནི། །དབང་ཕྱུག་ཆེན་པོ་ཉི་མ་དང ། །ཟླ་གཟུགས་རྒྱུ་སྐར་ཆེས་གྲངས་དང ། །འདི་དག་རྣམ་པ་སྣ་ཚོགས་པའི། །གཟུགས་སུ་འཇིག་རྟེན་མགོན་པོས་བསྟན། །སེམས་ཅན་རྣམས་ལ་ཕན་འཚལ་བས། །གདུལ་བའི་དོན་དུ་འགྲོ་བའི་ལམ། །སེམས་ཅན་རྣམས་ལ་བསྟན་པས་ན། །དེ་བས་སོམ་ཉི་ཉིད་མི་བགྱི། །མཆོག་ཏུ་དད་པར་བགྱི་བ་ལགས། །ཇི་ལྟར་མཐུན་པའི་དགོས་པ་རྣམས། །ཇི་ལྟར་མཐུན་པ་བཞིན་དུ་སྒྲུབ། །ཇི་ལྟར་མཐུན་པའི་རི་མོའི་གཟུགས། །ཇི་ལྟར་མཐུན་པའི་ཞགས་པ་སྒྲུབ། །གནས་ནི་གང་དུ་འོས་པ་དང ། །གང་དུ་སེམས་ནི་དགའ་འགྱུར་བ། །གོམ་པ་གང་གིས་ཕྱག་རྒྱ་དང ། །གང་གི་དཀྱིལ་འཁོར་ཆར་འབྱེ་བ། །འཕགས་པ་སྤྱན་རས་གཟིགས་དབང་མགོན། །ཀུན་ཏུ་སྒྲོལ་བ་འདྲེན་པའི་གཙོ། །དོན་ཡོད་འབྲས་བུ་སྩོལ་བ་པོ། །དོན་ཡོད་པ་ཡི་ Pha280b གྲུབ་པ་འཐོབ། །དོན་ཡོད་དགོས་པ་ཐམས་ཅད་དང ། །གྲུབ་པའི་ཆོས་ཀྱི་འཁོར་ལོ་ནི། །མཆོག་ཉིད་ལ་ཡང་རེག་པར་འགྱུར། །ཞགས་པ་དང་རི་མོ་སྒྲུབ་པའི་ཆོ་གའོ།། །།དེ་ནས་དོན་ཡོད་པའི་ལས་དང་དགོས་པ་ཐམས་ཅད་ཀྱི་སྦྱིན་སྲེག་གི་ཆོག་བཤད་པར་བགྱི་སྟེ། སྡིག་པ་ཐམས་ཅད་མོད་ལ་འཕྲོག་པ། སྒྲིབ་པ་ཐམས་ཅད་འཇིག་པར་བགྱིད་པ། དགྲ་ཐམས་ཅད་འཇོམས་པ། བགེགས་ཐམས་ཅད་རྣམ་པར་འཇོམས་པ། གདུག་པ་ཐམས་ཅད་ཟློག་པའི་མཆོག་།སྡིག་པ་ཐམས་ཅད་འཇིག་པར་བགྱིད་པ། དམྱལ་བའི་སྡུག་བསྔལ་བཅུ་དྲུག་ལས་གྲོལ་བར་བགྱིད་པ། འཇིགས་པ་མ་བཟད་པ་བརྒྱད་རྟག་ཏུ་འཕྲོག་པ། མི་མཛའ་བ་རྣམས་རབ་ཏུ་འཇོམས་པ། ཕ་རོལ་གྱི་དཔུང་ཟློག་པའི་མཆོག་།ནད་ཐམས་ཅད་འཇོམས་པ། མོད་ལ་འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་ཞི་བར་བགྱིད་པ། མུ་གེའི་དགོན་པ་འཇིག་པར་བགྱིད་པ། ཡམས་ཀྱི་ནད་དང་གནོད་པ་འཇོམས་པ། ལྷའི་བདེ་བ་འདྲེན་པར་བགྱིད་པའི་མཆོག་།དེ་ཁོ་ན་ཉིད་ཀྱི་སངས་རྒྱས་སྒྲུབ་པ། སངས་རྒྱས་ཀྱི་བྱང་ཆུབ་བླ་ན་མེད་པའི་མཆོག་ཐམས་ཅད་སྒྲུབ་པར་བགྱིད་པ། སེམས་ཅན་ཐམས་ཅད་ཀྱི་ཐུན་མོང་མཆོག་སྦྱིན་ཤིན་ཏུ་རྙེད་པར་དཀའ་བ། ལྷ་རྣམས་རྟག་ཏུ་མགུ་བར་འགྱུར་བ། ཀླུ་ཐམས་ཅད་དགའ་བ་འཐོབ་པར་འགྱུར་བ། དེ་བཞིན་གཤེགས་པ་རྣམས་རྟག་ཏུ་ཉིན་མཚན་དུ་གཟིགས་པར་སོམ་ཉི་མ་ Pha281a ༄#། །མཆིས་པ། བྱང་ཆུབ་སེམས་དཔའ་རྣམས་དགའ་བར་འགྱུར་བ། དུས་ཀུན་ཏུ་ཤིན་ཏུ་མཉམ་པར་བཞག་པས་འཇིག་རྟེན་དབང་ཕྱུག་མཆོག་སྦྱིན་རྟག་ཏུ་མཆིས་པར་སོམ་ཉི་མ་མཆིས་པ། རྒྱལ་པོ་ཆེན་པོ་བཞི་འཁོར་དང་བཅས་པ། བློན་པོ་དང་བཅས་པ་བསྲུང་བའི་དོན་དུ་ཐམས་ཅད་དུ་རྟག་ཏུ་རྗེས་སུ་འབྲང་བར་འགྱུར་ལགས་སོ། །དེ་ནས་རིག་སྔགས་འཆང་ཤེས་རབ་དང་ལྡན་པས་གཙང་མའི་གནས་སུ་མཆིས་ནས་སྦྱིན་སྲེག་བགྱིས་ཏེ། གཙང་མ་ཡི་ནི་ས་ཕྱོགས་སམ། །ཅ་ཅོ་མ་མཆིས་དབེན་པར་ནི། །ཞི་བ་དང་ནི་རྒྱས་པ་དང ། །དྲག་ཤུལ་སྤྱོད་པ་རྣམས་བགྱི་འོ། །ཞི་བ་སེམས་ཅན་ཐམས་ཅད་ཀྱི། དོན་དུ་སྡིག་པ་ཐམས་ཅད་འཇོམས། །རྒྱས་པ་རྒྱས་པ་འཐོབ་འགྱུར་ཏེ། །ཐམས་ཅད་ཕུན་སུམ་ཚོགས་པར་འགྱུར། །དགྲ་དང་ལོག་འདྲེན་གདུག་པ་དང ། །གནོད་སྦྱིན་སྲིན་པོ་གསང་བ་པོ། །གདུག་སེམས་ཅན་རྣམས་དྲེད་བ་དང ། །སྐྲག་པར་བསྡིགས་པ་དྲག་ཤུལ་སྤྱོད། །གསང་སྔགས་སྒྲུབ་པའི་སྦྱིན་སྲེག་སྟེ། །གསང་སྔགས་སྒྲུབ་པ་བླ་ན་མེད། །འཇིག་རྟེན་འཇིག་རྟེན་ཕ་རོལ་གྱི། །སྦྱིན་སྲེག་གི་ནི་ལས་བགྱིའོ། །མེ་ལྷའི་ལྷ་དང་ཀླུ་དག་དང ། དེ་བཞིན་རིག་པ་འཛིན་པ་འང་དགུག་།ཁུང་བརྐོས་དེ་ལ་པདྨའི་ཚུལ། །པདྨ་རྟག་ཏུ་བྲི་བར་བགྱི། །ཆོ་ག་ཇི་བཞིན་ཁུང་ནང་གི། པདྨ་ལ་ནི་གེ་སར་བགྱི། །གྲུ་བཞི་འམ་ནི་ཟླུམ་པོ་ Pha281b སྟེ། །དེ་ལྟ་བུར་ནི་བརྐོ་བར་བགྱི། །ལེགས་པར་བྱུགས་ཤིང་ཤིན་ཏུ་ནག་།ཤིན་ཏུ་སྦས་ཤིང་ཚད་ལ་དབབ། །ཚེས་གྲངས་རྒྱུ་སྐར་ཉིད་དག་དང ། །ཤིན་ཏུ་བཀྲ་ཤིས་དག་ལ་བགྱི། །བཀྲ་ཤིས་ཕྱག་རྒྱ་ཆེན་པོ་སྟེ། །བཟང་པོས་གཏོར་མའི་ལས་བགྱི་འོ། །གདུག་པ་མེ་ཏོག་ལ་སོགས་པ། །བཟང་པོ་དག་ནི་འཁོར་བར་དགོད། །ཐོག་མར་མེ་ལྷ་བཀུག་ནས་ནི། །དེ་ནས་སྦྱིན་སྲེག་ལས་རྣམས་བགྱི། །རིག་སྔགས་འཆང་བ་གཙང་གྱུར་པ། །ལེགས་བཀྲུས་གཙང་མའི་གོས་བགོས་ནས། །གསང་སྔགས་བཟླས་པའི་ཆོ་ག་བགྱི། །དེ་ལ་མཚམས་ཀྱང་བཅིང་བར་བགྱི། །བདག་སྲུང་གཙུག་ཏོར་བཅིང་བ་དང ། །གཞན་སྲུང་དཀྱིལ་འཁོར་བཅིང་བ་དང ། །དེ་བཞིན་གྲོགས་བགྱིད་སྲུང་བ་དང ། རྒྱུན་དུ་ཨ་ཀའི་ཤིང་སྦྱར་ཏེ། །དྲི་ཡི་ཤིང་རྣམས་ཉིད་དག་དང ། །མར་དང་ཡུངས་ཀར་འབྲས་ཡོས་དག་།ཉི་ཤུ་གཅིག་དབུལ་མེ་སྟོན་བགྱི། །དེ་ནས་མེ་ཡི་ལྷ་དགུག་གོ་།ོཾ་ན་མོ་ཨགྣི་ཛྭཱ་ལ། མ་ཧཱ་ཛྭཱ་ལ། ཛྱོད་སྣར་པྲ་བྷ་མཎྜ་ལ། སརྦྦ་བདེ་ཨཱ་ཧུ་ཏི་རཀྟི་ནི་རཏ་ཏུཥྞ་ཛྭཱ་ལ། དྷུ་མ་ཤཝ་ས། ཨ་ཙི་ཥཱ་མུ་ཁ་ཏྲིཥྞ། ར་ཤྨིད་པ་ཨགྣི་ཤྩ་བི་ཏུ་ཏཥྟྩ་ཧཱུ་ཏ་ཤ་ན་མུ་ཁན་ཏེ། སརྦྦ་དེ་བཱ་ནཱཾ། སརྦྦ་ཡཀྵ་མ་ཧཱ་བིརྱ་མ་ཧཱ་ཛ་ཡ། མ་ཧཱ་བཱ་ལ། ནིར་མ་རི་ཤན། སརྦྦ་ད་ཧ་ན་པྲ་པུ་ལ་ཨཱ་ཀ་ཤ་ས་མུ་གད་ཀ་ཤྩ་ཨ་པ་པྲ་སད་ཀཱ་ཤན། མཎྜ་ལ་པཱུ་ཛི་ཏོ། མ་ནི་ཏ་སརྦྦ་ཏྲ་དི་པ་བྱ་རཱུ་པ་བི་ཥཱ་ར་ད་ཨཱ་བཱ་ཧཱ་ན་སརྦྦ་ཏ་ཏྲ་གཱ་ན། དེ་བ་ཧུ་ཏ། ཤ་ན་ Pha282a ༄#། །ཧུ་ཏྲ་ཤནྟ་མ་སི་བི་དྷ་མ་ཀན། ཨནྡྷ་ཀཱ་རཱན། མུཀྟ་ར་ཤྨི་མ་པྲི་ཡཾ་ཀུ་གནྡྷ་ཕ་ལཱ་ཧ་ར། ས་ར་ས་ར། ཨ་གྲ་ཛ། སཱུཀྵྨ་སུ་ཏཱི་ཀྵྞ་ཤྩ་མྲྀ་ཏི་ས་ན་ཛི་བི་ན། པྲི་ཡོ་བ་ཤྨ་པུཥྤ་བྷསྨ་པ་སྟྲ་ཙ་བྷ་སྨྲ་བ་སྟྲ་ནི། སེ་བ་ཀཾ་།བྷསྨ་སཉྩ་དྷ་ནི་ཏྱནྡྷུ་མ་མཱ་ཀུ་ལ། ཛ་ཡ་སེ། བ་ཀ་སིདྡྷ་ར་ས་དྷ་ར་ས་གྲཱ་ཙ་ར་སརྦ་ཏྲ་པྲ་དྷ་བ་རི་ཤཱ། སརྦ་ཏྲི་ནི་ར་མ་རི་ཤ་ཎོ། །ནི་ཏྱ་སྤྲིཥྚ་དྷཥྚ་ན་མུན་ཙ་སི། དྭཱ་ཏྲིད་ཤ་བྷ་བན་དེ་པ་ཨགྣི་མུ་ཁ་དེ་བཱ་ཏ། ཨེ་རུ་ཙི་རུ་ཛཱ་བ་ལ་བ་ད་ཀ་མ་ཧཱ་ན་ཏ། ཨ་ཐ་པ་ར་ཎ། །དེ་བ་དེ་བ་ན། བི་ཤཱ་ར་ད། ཨ་ཡཱནྟུ་སཱ་དྷ་ཤི་གྷྲཾ་ཀ་ར་མ་སཱ་དྷ་ཡ་ཏད་ཏྭ་ཏ། ཨ་ཛྭ་ལ་ཛྭ་ལ། ཏིཥྛ་ས་མ་ཡན། ཧུ་རུ་ཧུ་རུ་ཧཱུཾ་ཕཊ་སྭའྷཱ། གསང་སྔགས་འདིས་ནི་ལན་བདུན་དུ། །བཟླས་ནས་མེ་ནི་དགུག་པར་བགྱི། །གུ་གུལ་ཡུངས་ཀར་མར་སྦྱར་ལ། །སྤར་བདུན་སྤར་བས་མེ་ལ་དབུལ། །མཆོད་ཡོན་སྣོད་རྣམས་དབུལ་པ་ཡང ། །དེ་བཞིན་སྦར་བའི་སྦར་བས་སོ། །དྲི་རྣམས་དང་ནི་བྱུག་པ་དང ། །བདུག་པ་རྒྱ་ཆེན་དབུལ་བར་བགྱི། །དེ་བཞིན་འབྲས་བུ་སྦར་བར་དབུལ། །དེ་ནས་ཆབ་ཀྱིས་གསང་བ་བགྱི། །ཇི་ལྟར་ལྷ་རྣམས་རིམ་བཞིན་དུ། །ཉེ་རེག་དག་ཀྱང་དབུལ་བར་བགྱི། །དེ་ནས་རིག་སྔགས་འཆང་གིས་སུ། །སྦྱིན་སྲེག་ལས་ནི་ཡང་དག་བརྩམ། །དྲི་ཞིམ་ཤིན་ཏུ་དག་པ་དང ། །བླག་ཤ་ཨུ་དུམ་བ་ར་དང ། །སྣ་མའི་མེ་ཏོག་ཙམ་པ་དང ། །ཀར་ནི་ཀ་ར་ཉིད་དག་དང ། པདྨ་ Pha282b ུཏྤལ་ཐང་ཤིང་དང ། །དེ་བཞིན་དྲི་བདའི་ཙནྡན་དང ། །བྱང་ཆུབ་ལྗོན་ཤིང་ཤིང་དག་དང ། །དེ་བཞིན་གཞན་ཡང་དྲི་བདའི་ཤིང ། །འོན་ཏེ་འབྲས་བུའི་ཤིང་མང་དང ། །ཤ་མི་ཤི་བའི་ལས་ལགྶྶ་པས། །མཆོད་ཡོན་དེ་བཞིན་རྩ་དག་སྟེ། །དེ་དག་གིས་ནི་མེ་སྤར་ནས། །སྦྱིན་སྲེག་གི་ནི་ལས་བགྱིའོ། །འབྲས་ཡོས་ཙནྡན་ཕྱེ་མ་དང ། ། ག་རུ་དང་དུ་རུ་སྐ། །ཀུན་ཏུ་རུ་ལ་སོགས་པ་དང ། །དུ་རུ་སྐར་བཅས་སྤྲྀ་ཀ་དང ། །སྤང་སྤོས་པྲི་ཡང་ཀུ་བླངས་ཏེ། །དེ་དག་ལྷན་ཅིག་སྦྱར་བསྲེས་ཤིང ། །མར་རམ་མར་གསར་ལན་ཅིག་བརྫི། །དོན་ཡོད་རྒྱལ་པོའི་གསང་སྔགས་ནི། བརྒྱ་རྩ་བརྒྱད་བཟླས་མེ་ལ་དབུལ། །འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ལན་སྟོང་རྩ་བརྒྱད་ཀྱི་སྦྱིན་སྲེག་བགྱིའོ། །ལན་སྟོང་རྩ་བརྒྱད་ཚང་བ་དང ། ནམ་ཕྱེད་ན་མེ་ལྷ་རང་གི་གཟུགས་འབར་བར་ཤིན་ཏུ་གནས་པ་ལངས་ནས་ཕྱོགས་བཅུར་ལྟ་ཞིང་ཀུན་ཏུ་བརྟགས་ནས་རིག་སྔགས་འཆང་ལ་ལེགས་སོ་ཞེས་བགྱི་བ་སྩོལ་བར་འགྱུར་ཏེ། རིག་སྔགས་འཆང ། ལེགས་སོ་ལེགས་སོ། །བདག་ཚིམ་པར་བྱས་པས་རིག་སྔགས་འཆང ། ཁྱོད་ཀྱིས་སྦྱིན་སྲེག་གི་ཆོ་ག་གྲུབ་ཀྱི། མཆོག་སློངས་ཤིག་དང་ཐམས་ཅད་སྦྱིན་ནོ། །དེ་ནས་རིག་སྔགས་འཆང་གིས་ཇི་ལྟ་བུའི་འདོད་པའི་མཆོག་རྣམས་བསླང་བར་བགྱི་སྟེ། ཇི་ལྟར་བསླངས་པ་བཞིན་ཐམས་ཅད་སྩོལ་བར་བགྱིད་དོ། །དེ་ནས་རིག་སྔགས་འཆང་ Pha283a ༄#། །གིས་མཆོད་ཡོན་གྱི་སྣོད་དག་འབུལ་ཞིང་གཏོར་མ་དབུལ་བའི་ལས་བགྱིའོ། །དེ་ནས་རིག་སྔགས་འཆང་གིས་མར་དང་བསྲེས་པའི་གོང་བུ་ཆེན་པོ་དག་གིས་སྦྱིན་སྲེག་བགྱི་ཞིང་འབྲས་བུའི་ཤིང་སྦར་ནས་དོན་ཡོད་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་བརྗོད་བགྱིའོ། །སྟོང་རྩ་བརྒྱད་ཚང་བ་དང ། ཐབ་ཀྱི་དབུས་ནས་སྐྱེས་པ་ཞིག་ལུས་ཕྱེད་ཙམ་ཕྱུད་ནས་དངུལ་གྱི་གཞོང་པ་ཁ་ཟས་ཀྱིས་བཀང་སྟེ་པུས་མོ་ནུབ་ཙམ་དུ་དབུལ་བར་བགྱིད་དོ། །རིག་སྔགས་འཆང་གིས་བླང་བར་བགྱི་སྟེ། བླངས་པ་ཙམ་གྱིས་ནམ་མཁའ་ལ་འཕུར་བར་འགྱུར་ཞིང་རིག་སྔགས་འཆང་གི་ལུས་ལ་མེ་འབར་བའི་འོད་ཟེར་འབྱུང་བར་འགྱུར་རོ། །དེ་འཚལ་ན་ཚེ་ལོ་ཁྲིར་འགྱུར་རོ། །ནམ་མཁའི་རིག་སྔགས་ཀྱི་འཁོར་ལོས་བསྒྱུར་བར་འགྱུར་རོ། །བསྐལ་པ་བཅུ་ཚུན་ཆད་ཀྱི་སྔོན་གྱི་སྐྱེ་བ་དྲན་པར་འགྱུར་རོ། །དོན་ཡོད་རྒྱལ་པོའི་ཆོ་ག་ཞིབ་མོ་རྣམ་པར་གྲོལ་བའི་དཀྱིལ་འཁོར་ཁ་ཏོན་དུ་གནས་པར་འགྱུར་རོ། ། གལ་ཏེ་སྣོད་མི་ལེན་ན་དེའི་ཚེ་ཡང་ལན་ཉི་ཤུ་རྩ་གཅིག་སྦྱིན་སྲེག་བགྱིས་ན། ཆེར་གཡོ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་མཆིས་ན། རིག་སྔགས་འཆང་ལ་དབུགས་འབྱིན་པར་བགྱིད་དེ། རིག་སྔགས་འཆང ། ལེགས་སོ་ལེགས་སོ། །རིག་སྔགས་འཆང ། ཁྱོད་ཀྱི་སྦྱིན་སྲེག་གི་ཆོ་ག་དེ་ Pha283b བསྒྲུབས་ཟིན་གྱི། མཆོག་སློངས་ཤིག་དང་སྦྱིན་ནོ། །ཞེས་དེའི་ཚེ་རིག་སྔགས་འཆང་གིས། ཅི་བསམ་པའི་མཆོག་སྨྲས་པ་དེའི་ཚེ་ཐམས་ཅད་སྩོལ་བར་བགྱིད་དོ། །འཕགས་པ་སྤྱན་རས་གཟིགས་དབང་ཕྱུག་གིས་སྐྱེས་པ་དེ་ལས་སྣོད་བླངས་ཏེ་རང་གི་ལག་ནས་རིག་སྔགས་འཆང་ལ་སྩོལ་བར་བགྱིད་དོ། །རིག་སྔགས་འཆང་གིས་བླངས་ནས་ཟས་ཀྱི་གོང་བུ་དེ་བཟའ་བགྱིའོ། །འཚལ་པ་ཙམ་གྱི་མོད་ལ་ནམ་མཁའ་ལ་རྫུ་འཕྲུལ་གྱིས་མཆི་བར་འགྱུར་རོ། །ལུས་ལས་མེའི་སྙིང་པོ་འབར་བའི་ཁ་དོག་སྣ་ཚོགས་འབྱུང་བར་འགྱུར་རོ། །དོན་ཡོད་རྒྱལ་པོའི་རིག་སྔགས་འཛིན་འཁོར་ལོས་བསྒྱུར་བར་འགྱུར་རོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་དྲུག་པ། གངྒཱའི་ཀླུང་བྱེ་བ་ཁྲག་ཁྲིག་བརྒྱ་སྟོང་དགུ་བཅུ་རྩ་གཉིས་ཀྱི་བྱེ་མ་དང་མཉམ་པའི་རིག་སྔགས་འཆང་བའི་འཁོར་ལོས་བསྒྱུར་བ་རྣམས་ཀྱི་རིག་སྔགས་འཆང་གིས་ཡོངས་སུ་བསྐོར་བར་འགྱུར་རོ། །གངྒཱའི་ཀླུང་བྱེ་བ་ཁྲི་ཕྲག་བརྒྱ་སྟོང་དགུ་བཅུ་རྩ་གཉིས་ཀྱི་བྱེ་མ་དང་མཉམ་པའི་གནས་ཀྱི་གཞལ་མེད་ཁང་དོན་ཡོད་པའི་རབ་ཏུ་གནས་པ་རྣམས་འབྱུང་བར་འགྱུར་རོ། །རིན་པོ་ཆེ་སྣ་བདུན་གྱི་གཞལ་མེད་ཁང་རི་དང ། ཚལ་དང ། ནགས་ཚལ་དང་བཅས་པ་མེ་ཏོག་དང ། འབྲས་བུའི་ཤིང་རྣམ་པ་སྣ་ཚོགས་ཡལ་ག་དང ། སྦལ་མིག་དང ། ལོ་མ་དང ། རྩ་བ་དང ། མྱུ་གུར་བཅས་པ་ཁ་ཅིག་ནི། གསེར་གྱི་མེ་ Pha284a ༄#། །ཏོག། ཁ་ཅིག་ནི། དངུལ་གྱི་མེ་ཏོག་།ཁ་ཅིག་ནི། རིན་པོ་ཆེ་སྣ་བདུན་ལས་བྱུང་བའི་མེ་ཏོག་དག་གོ་།གཞན་ཡང་ལྷའི་མེ་ཏོག་རྣམ་པ་སྣ་ཚོགས་དག་དང ། ཏ་མ་ལ་དང་ཙམ་བ་ཀ་དང ། ལྕུག་མའི་མེ་ཏོག་དང ། ཏ་ལ་དང ། གནྡྷ་བར་ཤི་ཀ་དང ། སྣ་མ་དང ། ཡུ་ཐི་ཀ་དང ། ཏ་ར་ན་དང ། ཀུབ་པྱ་ཀའི་མེ་ཏོག་དག་དང ། ཚལ་དང ། ནགས་ཚལ་དང ། སྐྱེད་མོས་ཚལ་དགའ་བར་འགྱུར་བའི་གནས་ཀྱི་གཞལ་མེད་ཁང་གིས་མཛེས་པར་བགྱིས་པའི་གཞལ་མེད་ཁང་ཐམས་ཅད་འབྱུང་བར་འགྱུར་ཞིང ། དགའ་བ་དང ། ཡིད་དུ་མཆིས་པར་འགྱུར་རོ། །ལྷའི་ཆུ་ཀླུང་དང ། འབབ་ཆུ་དང ། ལྟེང་ཀ་དང ། རྫིང་ལྷའི་ཙནྡན་གྱི་དྲི་ཆབ་ཀྱིས་ཡོངས་སུ་གང་བ་དེ་ལ་རིན་པོ་ཆེ་སྣ་བདུན་ལས་བྱུང་བའི་གཞལ་མེད་ཁང་དང ། ལྷའི་པདྨ་དང ། ུཏྤ་ལ་དང ། ཀུ་མུ་ད་དང ། པདྨ་དཀར་པོས་ལེགས་པར་བརྒྱན་པའི་ཆར་གསེར་གྱི་བྱེ་མ་ལེགས་པར་བདལ་བའི་གཞལ་མེད་ཁང་དག་འབྱུང་བར་འགྱུར་རོ། །ལྷའི་བུ་མོ་དང ། མི་འམ་ཅིའི་ཚོགས་དང ། དྲི་ཟའི་ཚོགས་ཀྱིས་དགའ་བར་བགྱིས་པ། ལྷ་དང ། ལྷ་མ་ཡིན་དང ། དྲི་ཟ་དང ། ཀླུ་དང ། རིག་འཛིན་དང ། མི་འམ་ཅིའི་ཚོགས་ཀྱིས་ཡོངས་སུ་བསྐོར་ཅིང་ལྷའི་འབྱོར་པ་གཞལ་མེད་ཁང་ལེགས་པར་བསྟབས་པའི་གནས་ན་ཐམས་ཅད་དུ་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་འགྱུར་རོ། །བྱང་ཆུབ་ཀྱི་སྙིང་པོ་ལ་ Pha284b ཐུག་པ་ནས་བྱང་ཆུབ་ལ་མཆིས་ཀྱི་བར་དུ། ཆོས་ཀྱི་འཁོར་ལོས་བསྐོར་བ་ནས་ཡོངས་སུ་མྱ་ངན་འདས་པའི་བར་དུ་ཚེའི་ཚད་གཅིག་ཙམ་དུ་སྐྱོང་བར་བགྱིད་དོ། །དེ་བཞིན་དུ་གྲུབ་པ་བླ་ན་མེད་པ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཉིད་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་རྟག་ཏུ་རྗེས་སུ་འབྲང་བར་འགྱུར་ཏེ། དེ་ལྟར་ཟས་ཀྱི་གོང་བུ་སྒྲུབ་པའི་ཆོ་ག་ཤིན་ཏུ་རྙེད་པར་དཀའ་ལགས་སོ། །ཕོགས་བཅུ་མཐའ་དག་གི་སངས་རྒྱས་ཀྱི་ཞིང་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་དང་ལྷན་ཅིག་འགྲོགས་ནས་མཆི་བར་འགྱུར་རོ། །དེ་བཞིན་གཤེགས་པ་ཐམས་ཅད་ལས་མངོན་སུམ་དུ་ཆོས་ཉན་པ་ཐོས་པར་འགྱུར་རོ། །དེའི་འོད་ཟེར་འབར་བའི་སྙིང་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བར་འགྱུར་རོ། །དོན་ཡོད་པའི་ཞགས་པ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་གྲོལ་བའི་དཀྱིལ་འཁོར་གྱི་གསང་སྔགས་དང་ཕྱག་རྒྱ་རིམ་པར་ཕྱེ་བའི་ཆོ་ག་ཞིབ་མོ་མཐའ་དག་རྫོགས་པར་སྒྲུབ་པའི་ཆོ་ག་ཐམས་ཅད་དང ། ཆོག་ཞིབ་མོའི་རྒྱ་ཆེན་པོ་མཐའ་དག་གི་དཀྱིལ་འཁོར་འདི་ཁོ་ན་ཉིད་དུ་གནས་པར་འགྱུར་ལགས་སོ། །ཀླུའི་རྒྱལ་པོ་བྱེ་བ་ཕྲག་བརྒྱ་སྟོང་རྣམས་དེའི་དབང་དུ་གྱུར་ནས་རྟག་པར་རྒྱུན་དུ་མཆི་བར་འགྱུར་རོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། Pha285a ༄#། །ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་ཐམས་ཅད་དབང་དུ་གྱུར་ནས་མཆི་བར་འགྱུར་རོ། །འོག་མིན་གྱི་གནས་ཀྱི་ལྷ་རྣམས་ཀྱི་རིག་སྔགས་འཆང་དེའི་ཕྱི་བཞིན་རྟག་ཏུ་འབྲང་ཞིང་རྟག་པར་རྒྱུན་དུ་ཡོངས་སུ་བསྐོར་བར་འགྱུར་རོ། །ལྷའི་རོ་བྲོ་བའི་མཆོག་དང་ལྡན་བའི་བཟའ་བ་དང ། བཏུང་བ་དང ། གཞལ་མེད་ཁང་རྣམ་པ་སྣ་ཚོགས་དག་ལྷུན་གྱིས་གྲུབ་པར་འབྱུང་བར་འགྱུར་རོ། །དེ་བཞིན་དུ་གོས་དང ། ལྷབ་ལྷུབ་དང ། རྒྱན་སྣ་ཚོགས་དང་ལྡན་པའི་གཞལ་མེད་ཁང་དག་འབྱུང་བར་འགྱུར་ཏེ། དེ་ལ་སོགས་པ་སྦྱིན་སྲེག་གི་ཆོ་ག་དོན་ཡོད་པ་སྒྲུབ་པ་དག་པར་འབྱུང་བར་འགྱུར་བའི་གྲུབ་པ་འཐོབ་པར་འགྱུར་རོ། །འོན་ཏེ་སྐལ་པ་ཆུང་བ་སངས་རྒྱས་དང་བྱང་ཆུབ་སེམས་དཔའི་ས་བོན་མ་མཆིས་པ་ཞིག་མཆིས་ལ་དེས་སྣོད་དེ་བླངས་པ་ཙམ་གྱི་མོད་ལ་རྒྱལ་སྲིད་ཀྱི་དབང་ཕྱུག་འཐོབ་པར་འགྱུར་ཏེ། ལྷ་དང་མིའི་དཔལ་ཉམས་སུ་མྱོང་བར་འགྱུར་རོ། །རེག་པ་ཙམ་གྱི་མོད་ལ་ཚེ་ལྷའི་ལོ་བརྒྱ་ཁྲི་བཞི་སྟོང་ཐུབ་པར་འགྱུར་རོ། །དེ་ལ་ཕྱིས་ཀྱང་ནད་འབྱུང་བར་མི་འགྱུར་ཏེ། སྡིག་པ་དང ། སྒྲིབ་པ་ཐམས་ཅད་ཀྱིས་ཉོན་མོངས་པར་མི་འགྱུར་རོ། །ཕས་ཀྱི་རྒོལ་བ་དང ། མི་མཛའ་བ་དང ། གདུག་པ་དང ། རབ་ཏུ་གདུག་པ་ཐམས་ཅད་ནུབ་པར་འགྱུར་རོ། །སེམས་ཅན་དམྱལ་བ་དང ། དུད་ Pha285b འགྲོའི་སྐྱེ་གནས་དང ། གཤིན་རྗེའི་འཇིག་རྟེན་དང ། ཡི་དྭགས་ཀྱི་ཡུལ་ཐམས་ཅད་ལས་ཡོངས་སུ་གྲོལ་པར་འགྱུར་རོ། །སེམས་ཅན་ཐམས་ཅད་ཀྱི་མཆོད་གནས་གཅིག་བུར་འགྱུར་རོ། །བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། སེམས་ཅན་ཐམས་ཅད་ལྟ་འཚལ་བར་འགྱུར་རོ། །ཐམས་ཅད་དུ་རྒྱལ་བར་འགྱུར་རོ། །ཚིག་བཙན་ཞིང་དོན་ཡོད་པ་ཐོབ་པར་འགྱུར་རོ། །འགུམ་པའི་དུས་སུ་དེ་བཞིན་གཤེགས་པ་ཐམས་ཅད་གཟིགས་པ་བཞེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་མཐོང་བར་འགྱུར་རོ། །དྲན་པ་ཤིན་ཏུ་ཉེ་བར་བཞག་ནས་དུས་བགྱིད་པར་འགྱུར་རོ། །དུས་བགྱིས་ནས་སྐལ་པ་མཉམ་པ་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། པདྨ་ལས་བརྫུས་ཏེ་སྐྱེ་བར་འགྱུར་ཞིང་སྐྱེ་བ་དྲན་པར་འགྱུར་རོ། །ལན་འགའ་ཡང་ཕྱིར་ངན་སོང་དུ་མཆི་བར་མི་འགྱུར་ཏེ། ཕྱིས་མའི་མངལ་དུ་སྐྱེ་བར་མི་འགྱུར་རོ། །དེ་བཞིན་གཤེགས་པ་ཐམས་ཅད་བལྟ་བ་དང ། བྱང་ཆུབ་སེམས་དཔའ་ཐམས་ཅད་བལྟ་བའི་ཕྱིར་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་རྟག་ཏུ་མཆིས་པར་འགྱུར་རོ། །དཔྲལ་བར་ཐིག་ལེ་བགྱིས་ན། ཐམས་ཅད་དུ་མི་གདའ་བར་འགྱུར་རོ། །མེ་ལྷ་རྟག་པར་རྒྱུན་དུ་དྲན་པར་བགྱིས་པ་ཙམ་གྱིས་རང་གི་གཟུགས་ཀྱིས་མདུན་ན་མཆིས་ནས་མཆོག་ཐམས་ཅད་སྩོལ་བར་བགྱིད་དོ། །དགོས་པ་ Pha286a ༄#། །ཐམས་ཅད་བགྱིད་པར་འགྱུར་རོ། །དེ་ནས་དོན་ཡོད་བསྒོངས་པ་སྒྲུབ་པར་འཚལ་ན། རིག་སྔགས་འཆང་དེས་འབྲས་དང་སྲན་མ་མ་ཤར་བསྲེས་ཏེ་བསྒྲིལ་ལ་བསྒོངས་ནས་མར་དང ། བུ་རམ་དང ། ཤ་ཁ་ར་དང ། སྦྲང་རྩི་ལྷན་ཅིག་བརྫིས་ནས་བིལ་བའི་ཚད་ཙམ་དུ་བགྱིས་ཏེ། དེས་འོག་ཏུ་ཤིང་ཀཱ་ར་བཱི་རའི་མེ་སྦར་ནས་བསྒོངས་པ་རེ་རེ་ལ་ལན་བདུན་བཟླས་བརྗོད་བགྱིས་ནས་མེའི་ནང་ན་སྦྱིན་སྲེག་བགྱི་སྟེ། ཉིན་ལན་གསུམ་མཚན་ལན་གསུམ་དུ་བརྒྱ་རྩ་བརྒྱད་སྦྱིན་སྲེག་བགྱིའོ། །དེ་ནས་རིག་སྔགས་འཆང་ཡུངས་ཀར་དང ། མེ་ཏོག་ཅི་སྙེད་པ་དང་བསྲེས་ཏེ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་མེའི་དབུས་སུ་སྩལ་བར་བགྱིའོ། །འབྲས་ཡོས་དང ། ཡུངས་ཀར་དང ། ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་ནས་གཏོར་བར་བགྱིའོ། །དེ་ནས་མེའི་དབུས་ནས་མེ་ལྷ་ལུས་ཕྱེད་ཙམ་ཕྱུང་ནས་རིན་པོ་ཆེ་སྣ་བདུན་ལས་བགྱིས་པའི་སྣོད་ཟས་བསྒོངས་པས་བཀང་ནས་རིག་སྔགས་འཆང་ལ་རིག་སྔགས་འཆང ། ཁྱོད་ཀྱིས་ཟས་བསྒོངས་པ་སྒྲུབ་པའི་ཆོ་ག་གྲུབ་ཟིན་གྱི། ལྷའི་ཟས་བསྒོངས་པ་ཆེན་པོ་ལོངས་ཤིག་ཅེས་སྟོབ་པར་བགྱིད་དོ། ། དེ་ནས་རིག་སྔགས་འཆང་གིས་ཟས་བསྒོངས་པའི་སྣོད་དེ་བླང་བར་བགྱིའོ། །བླངས་པ་ཙམ་ཁོ་ནས་བཅུད་ཀྱིས་ལེན་དུ་གྱུར་ནས་ནམ་མཁའ་ལ་འཕུར་བར་འགྱུར་རོ། །སྐྲ་ཅུང་ཟད་ Pha286b འཁྱིལ་བར་ཡང་འགྱུར་རོ། །པགས་པ་ཡོངས་སུ་དག་པར་འགྱུར་རོ། །རིག་སྔགས་འཆང་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་གི་འཁོར་ལོས་བསྒྱུར་བ་དྲུག་ཁྲི་བརྒྱ་སྟོང་གིས་ཡོངས་སུ་བསྐོར་བར་འགྱུར་རོ། །མེ་ལྷ་གནས་དང་གཞལ་མེད་ཁང་དང་བཅས། འཁོར་དང་བཅས་པ་དབང་དུ་མཆིས་ནས་ལས་ཐམས་ཅད་བགྱིད་པར་འགྱུར་རོ། །གང་དང་གང་གིས་ཟས་བསྒོངས་པ་ལ་རེག་པ་དེ་ཡང་ཐོས་པ་བསགས་པའི་རྒྱ་མཚོ་ཆེན་པོར་འགྱུར་རོ། །དོན་ཡོད་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་གྲོལ་བའི་དཀྱིལ་འཁོར་ཕྱག་རྒྱ་དང ། གསང་སྔགས་རིམ་པར་ཕྱེ་བ་དང་བཅས་པ་ཆོ་ག་ཞིབ་མོ་མཐའ་དག་རྫོགས་པར་ཁ་ཏོན་དུ་གནས་པ་འདི་ཉིན་གཅིག་བཞིན་ཤླཽ་ཀ་སྟོང་ཀློག་གམ་འཆང་བར་བགྱིད་ན། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། པདྨ་ལས་བརྫུས་ཏེ་སྐྱེས་ནས་སྐྱེ་བ་དྲན་པར་འགྱུར་རོ། །ལན་འགའ་ཡང་ཕྱིས་དྲན་པ་བརྗེད་པར་མི་འགྱུར་རོ། །ཚིག་བཙུན་པར་འགྱུར་ཏེ། སེམས་ཅན་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །མཆོད་པ་ཆེན་པོའི་འོས་སུ་འགྱུར་རོ། །དཔྲལ་བ་ལ་ཐིག་ལེ་བགྱིས་ན། མི་གདའ་བར་གྱུར་ནས་འབྱུང་པོ་དང ། གནོད་སྦྱིན་དང ། སྲིན་པོ་ཐམས་ཅད་དབང་དུ་གྱུར་ནས་གནས་ཀྱི་སྒོ་ཐམས་ཅད་འབྱེད་པར་འགྱུར་རོ། །བུད་མེད་གང་ཞིག་བུའི་ཆེད་དུ་ཟས་བསྒོངས་ Pha287a ༄#། །པ་དེ་འཚལ་ན། བུ་གཟུགས་བཟང་བ། མཛེས་པ། བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པ་རྙེད་ནས་ཡུན་རིང་དུ་འཚོ་ཞིང་ཡིད་གཞུངས་པ་དང ། མཁས་པ་དང ། བསྟན་བཅོས་ཐམས་ཅད་ལ་བག་ཚ་བ་མ་མཆིས་པར་འགྱུར་རོ། །དེ་ནས་སྐྱེ་བོ་འབུམ་ཟས་སྩལ་བར་འཚལ་ན། འོ་མའི་ཐུག་པ་བསྒྲུབ་པར་བགྱི་སྟེ། གནས་གཙང་མ་གཅོམ་བསྐྱུངས་པར་ཤིང་ཀཱ་ར་བཱི་རའི་ལྕུག་མས་དཀྲུག་ཅིང་དོན་ཡོད་ཞགས་པའི་སྙིང་པོའི་གསང་སྔགས་བཟླས་བརྗོད་བགྱིས་ཏེ། དེ་ནས་ཁྲོ་བོའི་རྒྱལ་པོ་ཆབ་དང་ཡུངས་ཀར་ལ་བཟླས་བརྗོད་བགྱིས་ནས་གཏོར་བར་བགྱིའོ། །དེ་ནས་ཟས་བསྒོངས་པ་གཅིག་སྣོད་ཀྱི་ནང་ནས་ཕྱུང་ནས་འོ་ཐུག་ནང་དུ་སྩལ་ལོ། །དེ་ནས་ཆར་བགོས་ཏེ་ཐོག་མར་དཀོན་མཆོག་གསུམ་ལ་བསོད་སྙོམས་དབུལ་བར་བགྱིའོ། །དེའི་འོག་ཏུ་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་དབུལ་བར་བགྱིའོ། །དེའི་འོག་ཏུ་འཕགས་པ་འཇམ་དཔལ་ལ་དབུལ་བར་བགྱིའོ། །དེའི་འོག་ཏུ་དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་རྣམས་དང ། བཀྲེན་པ་དང ། སྡུག་ཕོངས་པ་དང ། ལམ་གྱིས་དུབ་པ་དང ། སློང་མོ་བ་རྣམས་ལ་རབ་ཏུ་སྩལ་བར་བགྱིའོ། །ཇི་ཙམ་དུ་སྐྱེ་བོ་འབུམ་ཅི་འཚལ་ Pha287b པར་ཁ་ཟས་འཚལ་དུ་སྩལ་ཀྱང་སྣོད་དེ་གང་བའམ་བྲི་བར་མི་མངོན་ཞིང་དེ་བས་པར་མི་འགྱུར་རོ། །གང་དག་ཟས་དེ་འཚལ་བ་དེ་དག་སྔོན་གྱི་སྡིག་པ་དང ། སྒྲིབ་པ་དང ། བར་དུ་གཅོད་པ་ཐམས་ཅད་དང་བྲལ་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །དག་ཐམས་ཅད་དང ། ཕས་ཀྱི་རྒོལ་བ་དང ། མི་མཛའ་བའི་འཇིགས་པ་ཐམས་ཅད་ཀྱིས་ཚུགས་པར་མི་འགྱུར་རོ། །འབྱུང་པོ་དང ། གནོད་སྦྱིན་དང ། སྲིན་པོའི་འཇིགས་པ་ཐམས་ཅད་ཀྱིས་མི་ཚུགས་པར་འགྱུར་རོ། །ལུས་མཉེན་ཅིང་འཇམ་པར་འགྱུར་རོ། །ང་རོ་ལྷ་ལྟར་མཉེན་ཞིང་སྙན་ལ་དགའ་བར་བགྱིད་པའི་དབྱངས་སུ་འགྱུར་རོ། །རྟག་ཏུ་དུབ་པའི་སྡུག་བསྔལ་ཐམས་ཅད་ཡོངས་སུ་སྤངས་པར་འགྱུར་རོ། །རྟག་ཏུ་ཇི་སྲིད་འཚོའི་བར་དུ་བདེ་བ་ཡང་དག་པར་སྟོབ་པར་འགྱུར་རོ། །ཚེ་བརྫེས་ནས་བདེ་འགྲོ་ཐམས་ཅད་དུ་འགྲོ་བར་འགྱུར་རོ། །འོ་མའི་ཐུག་པས་ལྷུང་བཟེད་བཀང་ནས་དེ་གནས་མཐོན་པོ་བླ་གབ་མེད་པར་དཀྱིལ་འཁོར་བགྱིས་ཏེ་དཀྱིལ་འཁོར་གྱི་སྟེང་དུ་བཞག་ནས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་ལྷུང་བཟེད་དེ་དབུལ་བར་བགྱིའོ། །ཕུལ་བ་ཙམ་གྱི་མོད་ལ་ཆུ་བོ་གངྒཱའི་བྱེ་མ་འབུམ་ཕྲག་བརྒྱ་སྟོང་གི་བྱེ་མ་སྙེད་ཀྱི་ཕྱོགས་བཅུའི་སངས་རྒྱས་གྱི་ཞིང་གི་དེ་བཞིན་གཤེགས་པ་ཐམས་ཅད་ཀྱིས་དེ་བཞིན་གཤེགས་པ་རེ་རེའི་སྤྱན་སྔར་ལྷའི་ཞལ་ཟས་རོ་བརྒྱ་དང་ལྡན་པའི་ལྷའི་ཟས་བསྒོངས་པ་དང་ Pha288a ༄#། །ལྷའི་འོ་ཐུག་གིས་ལྷུང་བཟེད་བཀང་བ་དང ། ལྷའི་ཙནྡན་གྱི་དཀྱིལ་འཁོར་ལྷའི་མེ་ཏོག་སིལ་མ་བཀྲམ་པ་ཡང་འབྱུང་བར་འགྱུར་རོ། །ཕྱོགས་བཅུའི་སངས་རྒྱས་ཀྱི་ཞིང་དུ་གཏོགས་པའི་དེ་བཞིན་གཤེགས་པའི་འཁོར་གྱི་དཀྱིལ་འཁོར་དང་བཅས་པ། བྱང་ཆུབ་སེམས་དཔའི་ཚོགས་དང་ཉན་ཐོས་ཀྱི་དགེ་འདུན་དང་བཅས་པ་ལ་ལྷའི་ཞལ་ཟས་རོ་བརྒྱ་དང་ལྡན་པའི་མཆོག་གིས་བསྟབས་པར་འགྱུར་རོ། །དེ་བཞིན་གཤེགས་པའི་འཁོར་གྱི་དཀྱིལ་འཁོར་དང་བཅས་པ། བྱང་ཆུབ་སེམས་དཔའི་ཚོགས་དང ། ཉན་ཐོས་ཀྱི་དགེ་འདུན་དང་བཅས་པ་དེ་དག་ཐམས་ཅད་ཀྱིས་རིག་སྔགས་འཆང་ཡོན་བདག་དེའི་ཡོན་སྦྱོང་བར་མཛད་དོ། །གང་གི་ཕྱིར་ཡོན་སྦྱང་ནས་སྐལ་པ་དང་མཐུན་པའི་ཚེ་འདི་ཉིད་དང ། གཞན་དུ་དབང་ཕྱུག་ཆེན་པོ་འཐོབ་པར་འགྱུར་རོ། །གྲུབ་པ་ཆེན་པོའི་གསེར་གྱིས་འབྱོར་བར་འགྱུར་རོ། །མཛོད་དང་བང་མཛོད་མང་པོས་རྒྱས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་བལྟ་འཚལ་བར་འགྱུར་རོ། །ལྷ་ཐམས་ཅད་ཀྱིས་དེ་ལ་སྲུང་བ་དང ། བསྐྱབ་པ་དང ། སྦ་བ་བགྱིད་པར་འགྱུར་རོ། །དེ་ནས་རྒྱལ་པོ་བཙུན་མོའི་འཁོར་དང་དཔུང་གི་ཚོགས་ཡན་ལག་བཞི་དང་བཅས་པ་དབང་དུ་བགྱི་བར་འཚལ་ན། རིག་སྔགས་འཆང་དེས་ལེགས་པར་ཁྲུས་བགྱིས་ Pha288b ཏེ་གཙང་མས་གོས་གཙང་མ་བགོས་ནས་འོ་ཐུག་མར་དང་བསྲེས་པ་འདིས་ལན་བརྒྱ་རྩ་བརྒྱད་སྦྱིན་སྲེག་བགྱིའོ། །སྒྲོན་ཤིང་དང་ཨརྐའི་ཤིང་གི་ཡམ་སྲེག་ཤིང་གིས་མེ་སྦར་བར་བགྱིའོ། ། སྤྱིན་སྲེག་ལན་སྟོང་རྩ་བརྒྱད་ཚང་བ་དང ། རྒྱལ་པོ་བཙུན་མོའི་འཁོར་དང་དཔུང་གི་ཚོགས་ཡན་ལག་བཞི་དང་བཅས་པ་བདག་ཉིད་དམ་ནོར་དབང་དུ་གྱུར་ནས་མཆིས་པར་འགྱུར་རོ། ། ནུབ་གསུམ་དུ་བགྱིས་ན། ཀླུའི་རྒྱལ་པོ་ཐམས་ཅད་གནས་དང་འཁོར་དུ་བཅས་པ་དབང་དུ་གྱུར་ནས་མཆིས་པར་འགྱུར་རོ། །ནུབ་ལྔར་བགྱིད་ན། འབྱུང་པོ་དང ། གནོད་སྦྱིན་དང ། སྲིན་པོ་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། མི་མ་ལགས་པ་ཐམས་ཅད་དང ། མི་ཐམས་ཅད་འཁོར་དང་བཅས་པར་དབང་དུ་གྱུར་ནས་མཆིས་པར་འགྱུར་རོ། །ནུབ་བདུན་དུ་བགྱིས་ན། རིག་འཛིན་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །ནུབ་ཐམས་ཅད་དུ་བགྱིས་ན། བརྒྱ་བྱིན་ལ་སོགས་པ་སུམ་ཅུ་རྩ་གསུམ་རིས་གྱི་ལྷ་རྣམས་དང ། ལྷའི་བུ་མོའི་ཚོགས་ཐམས་ཅད་དང ། གཙང་མའི་ལྷའི་བུ་མོ་རྣམས་བབས་ནས་དབང་དུ་འགྱུར་ཏེ། ཇི་སྲིད་འཚོ་བའི་བར་དུ་བསྙེན་བཀུར་བགྱིད་ཅིང་མ་མཆིས་པར་འགྱུར་རོ། །ཟླ་བ་ཉ་ནས་བརྩམས་ཏེ་མར་གྱི་ངོའི་ཚེས་ཉི་ཤུ་གསུམ་མམ་གནམ་སྟོང་གི་བར་དུ་དུས་གསུམ་དུ་ལན་ཉི་ཤུ་རྩ་གཅིག་སྦྱིན་སྲེག་བགྱིས་ལ། །རྐའི་ཤིང་ Pha289a ༄#། །གི་ཡམ་སྲེག་ཤིང་གིས་མེ་སྦར་ནས་གནམ་སྟོང་གིས་རྫོགས་པ་དང ། འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མདུན་དུ་མཆིས་ནས་རིག་སྔགས་འཆང ། ལེགས་སོ་ཞེས་བགྱི་བ་སྩོལ་བར་འགྱུར་ཏེ། རིག་སྔགས་འཆང ། ལེགས་སོ་ལེགས་སོ། །ང་མཉེས་པར་བྱས་ཀྱི། རིག་སྔགས་འཆང ། སྨྲོས་ཤིག་དང ། མཆོག་སྦྱིན་ཏེ། གང་གཉེར་བ་དེ་ཐམས་ཅད་སྦྱིན་ནོ། །གཏེར་སྨྲ་བྲའམ། ནོར་བསྒྱུར་བ་སྨྲ་བའམ། ཞིང་སྨྲ་བའམ། ནམ་མཁའ་ལ་འགྲོ་བའམ། མི་སྣང་བར་བྱ་བའམ། གསང་སྔགས་སྨྲ་བའམ། ཆོ་ག་ཞིབ་མོ་འགྲུབ་པ་དེ་དག་ཐམས་ཅད་སྦྱིན་ནོ། །རྒྱལ་པོ་ཉིད་དམ། བློན་པོ་ཉིད་དམ། ཡུལ་བདག་ཉིད་དམ། ཕྱུག་པ་ཉིད་དམ། གྲོང་རྡལ་འཐོབ་པའམ། གོས་འཐོབ་པའམ།་བ་ལང་དང ། རྟ་དང ། མ་ཧེ་དང ། རྔ་མོ་དང ། ལུག་འཐོབ་པའམ། ནོར་འཐོབ་པའམ། འབྲུ་འཐོབ་པ་དེ་དག་ཐམས་ཅད་སྦྱིན་ནོ། །ནམ་མཁའ་ལ་འགྲོ་བ་འམ། མི་སྣང་བར་བྱ་བའམ། རྫུ་འཕྲུལ་འཐོབ་བའམ། ཏིང་ངེ་འཛིན་འཐོབ་བའམ། གཟུངས་འཐོབ་པའམ། ཕྱག་རྒྱ་དང ། དཀྱིལ་འཁོར་གྱི་ཆོ་ག་ཞིབ་མོ་སྒྲུབ་པའམ། རོ་ལངས་བསླངས་པའམ། རིག་འཛིན་གྲུབ་པ་ཉིད་དམ། རལ་གྲིའི་རིག་འཛིན་ཉིད་དམ། ནམ་མཁའི་རིག་འཛིན་ཉིད་དམ། ཕུག་ཏུ་འཇུག་པའམ། དུར་ཁྲོད་དུ་འཇུག་པའམ། ནགས་སུ་འཇུག་པའམ། Pha289b རི་ལ་རྒྱུ་བ་དེ་དག་ཐམས་ཅད་སྦྱིན་ནོ། །དེ་ནས་རིག་སྔགས་འཆང་གི་ཇི་ལྟར་ཡིད་ལ་བསམ་ཞིང་སྨྲས་པ་དེ་དག་ཐམས་ཅད་སྩོལ་བར་བགྱིད་དོ། །རིག་སྔགས་འཆང་ལ་བསྟན་པ་ཙམ་གྱི་མོད་ལ་དྲི་མེད་དོན་ཡོད་ལྟ་བ་ཞེས་བགྱི་བ་ལུས་ཡོངས་སུ་དག་པ་འཐོབ་པར་འགྱུར་རོ། །ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། པདྨའི་ཟེ་བའི་དབུས་ནས་བརྫུས་ཏེ་སྐྱེས་ནས་སྐྱེ་བའི་སྐྱེ་བ་དྲན་པར་འགྱུར་རོ། །དོན་ཡོད་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་གྲོལ་བའི་དཀྱིལ་འཁོར་ཕྱག་རྒྱ་དང ། དཀྱིལ་འཁོར་རིམ་པར་ཕྱེ་བ་དང་བཅས་པ། ཆོག་ཞི་བ་མོ་མཐའ་དང་བཅས་པ་འདི་རྫོགས་ཏེ་བྱང་ཆུབ་ཀྱི་སྙིང་པ་ལ་ཐུག་གི་བར་དུ་ཁ་དོན་དུ་གནས་པར་བགྱིའོ། །དེ་ནས་ལ་དུའི་སྤྱིན་སྲེག་གི་ཆོ་ག་སྒྲུབ་པར་འཚལ་ན། རིག་སྔགས་འཆང་དེས་ཁ་ཟས་ལ་ལ་དུ་སྟོང་རྩ་བརྒྱད་བགྱིས་ལ། དེ་ནས་རིག་སྔགས་འཆང་གིས་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་བརྗོད་བགྱིའོ། །དེ་ནས་ལེགས་པར་ཁྲུས་བགྱིས་ཏེ་གཙང་མས་གོས་གཙང་མ་བགོ་པར་བགྱིའོ། །དེ་ནས་ལ་དུ་མར་དང་བསྲེས་ཏེ་སྦྱིན་སྲེག་བགྱིའོ། །ཤིན་ཏུ་དྲི་ཞིམ་པོའི་ཤིང་གི་ཡམ་སྲེག་ཤིང་གིས་མེ་སྦར་བར་བགྱིའོ། །སྟོང་རྩ་བརྒྱད་ཚང་བ་དང་མེའི་དབུས་ནས་ཁྱེའུ་ཞིག་བྱུང་ནས་སྣོད་ལྷའི་ལ་དུས་བཀང་ནས་དབུལ་བར་བགྱིད་དོ། །དེ་ Pha290a ༄#། །ནས་རིག་སྔགས་འཆང་གིས་ཡུངས་ཀར་ལ་ལན་བདུན་བཟླས་ཏེ་ཁྱེའུ་དེའི་ལག་ཏུ་གཏོར་རོ། །ཁྱེའུ་དེས་རིག་སྔགས་འཆང་ལ་སྨྲས་པ། རིག་སྔགས་འཆང ། ཅི་ཞིག་དོན་དུ་གཉེར། རིག་སྔགས་འཆང་གིས་འདོད་པ་ཐམས་ཅད་བྱིན་ཅིག་ཅེས་བརྗོད་པར་བགྱིའོ། །དེས་སྨྲས་པ། རིག་སྔགས་འཆང་སྣོད་ཀྱི་ལ་དུ་ཁྱེར་ཅིག་དང ། འདིས་ཁྱོད་ཀྱི་དགོས་པ་དཔག་ཏུ་མེད་པ་འགྲུབ་པར་འགྱུར་རོ། །འདི་ནི། ཁྱོད་ཀྱི་བཅུད་ཀྱི་མཆོག་ཡིན་ནོ། །རིག་སྔགས་འཆང ། ལོངས་ཤིག་།འདི་ནི། ཁྱོད་ཀྱི་གྲུབ་པའི་མཆོག་ཡིན་ནོ། །དེ་ནས་རིག་སྔགས་འཆང་གིས་སྣོད་གང་བ་ད་བླངས་ཏེ་ཁྱེའུ་ལ་ཡང་ཁྱེད་ཀྱིས་ཁོ་བོའི་གྲོགས་ཤིག་གྱིས་ཅེས་བརྗོད་པར་བགྱིའོ། །ཁྱེའུས་སྨྲས་པ། དགོས་པ་ཐམས་ཅད་འགྲུབ་པའི་གྲོགས་བགྱིའོ། །རིག་སྔགས་འཆང ། །གང་གི་ཚེ་དགོས་པ་བྱང་བ་དེའི་ཚེ་གུ་གུལ་དང་ཙནྡན་ལྷན་ཅིག་བསྲེས་ལ་མར་དང་ཡུངས་ཀར་སྦྱར་ནས་དོན་ཡོད་ལྕགས་ཀྱུ་ལན་བདུན་བཟླས་ཏེ་སྦྱིན་སྲེག་བགྱིའོ། །རྐའི་ཤིང་གི་མེ་སྦར་རོ། །སྦྱིན་སྲེག་བགྱིས་པ་ཙམ་གྱི་མོད་ལ་བདག་བཀུག་པས་མོད་ལ་མཆིས་ནས་དགོས་པ་ཐམས་ཅད་བསྒྲུབ་པར་བགྱིའོ། །ལས་ཐམས་ཅད་བགྱིའོ། །ཇི་སྲིད་འཚོའི་བར་དུ་བསྙེན་བཀུར་བགྱིས་མཆིས་ཤིང་བཀུར་སྟིར་སྤྱད་པར་བགྱིའོ། །བགེགས་དང ། ལོག་འདྲེན་དང ། འབྱུང་པོ་དང ། གནོད་ Pha290b སྦྱིན་དང ། སྲིན་པོ་ཐམས་ཅད་བཟློག་པར་བགྱིའོ། །དེ་ནས་རིག་སྔགས་འཆང་གིས་ལ་དུ་དེ་ལ་རེག་པར་བགྱིས་ན། ནམ་མཁའ་ལ་འཕུར་ནས་རིག་སྔགས་འཆང་གི་རིགས་ཐམས་ཅད་ཟིལ་གྱིས་གནོན་པར་འགྱུར་རོ། །རིག་སྔགས་འཆང་ཐམས་ཅད་ཀྱི་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་གི་འཁོར་ལོས་བསྒྱུར་བ་ས་ཡ་ཕྲག་གཉིས་དང ། བྱེ་བ་ཕྲག་བདུན་གྱིས་ཡོངས་སུ་བསྐོར་བར་འགྱུར་རོ། །ཚེའི་ཚང་ལྷའི་བསྐལ་བ་དྲུག་ཁྲིར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ལ་དུ་ལྷུང་བཟེད་ཀྱི་ནང་དུ་སྩལ་ཏེ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་བཞག་ནས་དོན་ཡོད་རྒྱལ་པོའི་ཁྲོ་བོས་དབང་བསྐུར་ཏེ། དེ་ནས་དགེ་སྦྱོང་དང ། བྲམ་ཟེ་དང་རྒྱལ་རིགས་དང ། རྗེའུ་རིགས་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་ལ་སྩལ་བར་བགྱི་སྟེ། ལོངས་སྤྱོད་དུ་སྩལ་ཀྱང་བས་པར་མི་འགྱུར་གྱི། སླར་ཞིང་འཕེལ་བར་འགྱུར་ཏེ། ཇི་སྲིད་དུ་ལྷུང་བཟེད་ན་ལ་དུ་མཆིས་པ་དེ་སྲིད་དུ་འཕེལ་བར་འགྱུར་ཏེ། ཇི་སྲིད་དུ་སྐྱེ་བོ་འབུམ་འབུམ་མང་ཞིང་ཕལ་ཆེ་བར་སྩལ་ཀྱང་གཏུགས་པར་མི་འགྱུར་རོ། །ལ་དུ་ལ་དོན་ཡོད་ཞགས་པའི་སྙིང་པོ་ལན་བདུན་བཟླས་བརྗོད་བགྱིས་ན། དེའི་འོག་ཏུ་གང་དུ་རེག་པ་དེ་ཡང་གསེར་བཟང་པོར་འགྱུར་རོ། །ལ་དུ་ལ་ལན་བདུན་བཟླས་བརྗོད་བགྱིས་ཏེ་ཀླུའི་གནས་སུ་འཕངས་ན། དེའི་ཚེ་རྒྱ་ Pha291a ༄#། །མཚོ་ཆེན་པོ་མཐར་གཏུགས་པའི་ཀླུའི་རྒྱལ་པོ་འཁོར་དང་བཅས་པ་ཐམས་ཅད་དབང་དུ་གྱུར་ནས་མཆིས་པར་འགྱུར་ཏེ། བསྒོ་ན་ཆར་མི་འབབ་པ་བསྒོ་བ་བཞིན་ཆར་འབེབས་པར་བགྱིད་དོ། །ཅི་བསྒོ་བ་བཞིན་བགྱིད་པར་འགྱུར་རོ། །ཧ་ཅང་ཆར་ཆེས་ན། བསྒོ་བ་བཞིན་ཧ་ཅང་ཆར་ཆེན་པོ་འགུམས་པར་བགྱིད་དོ། །རླུང་དང ། གྲང་བ་དང ། ཚ་བ་དང ། སེར་བ་ཐམས་ཅད་བསྒོ་བ་ཙམ་གྱིས་གཅོད་པར་བགྱིད་དོ། །ཕུག་གི་སྒོར་ལ་དུ་ལ་ལན་བདུན་བཟླས་བརྗོད་བགྱིས་ནས་ཕུག་གི་སྒོར་བསྣུན་ན། ཕུག་གི་སྒོ་ཐམས་ཅད་འབྱེ་བར་འགྱུར་རོ། །འཁྲུལ་འཁོར་དང ། གཏན་པ་དང ། སྒོ་གླེགས་ཐམས་ཅད་དུམ་བུར་བཅག་པར་འགྱུར་རོ། །གནས་ན་གནས་པ་ཐམས་ཅད་ཕྱིར་བྱུང་ནས་རིག་སྔགས་འཆང་གི་མདུན་དུ་མཆིས་ཏེ་བསྒོ་བ་བཞིན་བགྱིད་པར་འགྱུར་རོ། །ནགས་ཚང་ཚིང་གི་དབུས་སུ་འཕངས་ན། ནགས་ཚང་ཚིང་གི་གནས་ཀྱི་སྒོ་ཐམས་ཅད་ཕྱེ་ནས་སྨན་གྱི་རྫས་ཐམས་ཅད་རང་གི་གཟུགས་ཀྱིས་མདུན་ན་མཆིས་པར་འགྱུར་རོ། །ལ་དུ་ལ་ལན་བདུན་བཟླས་བརྗོད་བགྱིས་ཏེ་དུར་ཁྲོད་ཆེན་པོའི་དབུས་སུ་འཕངས་ན། འབྱུང་པོ་དང ། གནོད་སྦྱིན་དང ། སྲིན་པོ་དང་བཅས་པའི་གནས་ཀྱི་སྒོ་ཐམས་ཅད་འབྱེ་བར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་ཐམས་ཅད་སྒྲེན་མོར་གྱུར་ནས་ཐམས་ Pha291b ཅད་དབང་དུ་མཆིས་པར་འགྱུར་ཞིང་ཇི་སྲིད་འཚོའི་བར་དུ་བསྒོ་བ་བཞིན་མཆིས་པར་འགྱུར་རོ། །རྨ་མ་བྱུང་བའི་མི་རོ་ལ་དྲི་ཆབ་ཀྱིས་ཁྲུས་བགྱིས་ལ་ལ་དུ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་ལག་པ་གཉིས་སུ་ལ་དུ་སྩལ་ལ། གོས་དཀར་པོས་རོ་གཡོགས་ནས་ཁྲོ་བོའི་རྒྱལ་པོ་ཡུངས་ཀར་དང་ཆབ་ལ་ལན་བདུན་བཟླས་ནས་དབང་བསྐུར་ན། ཅི་དྲིས་པ་དེ་དག་ཐམས་ཅད་སྨྲ་བར་འགྱུར་ཏེ། བདེ་བ་དང ། ལོ་ལེགས་པ་དང ། ལོ་ནོངས་པ་དང ། ནད་དང ། གནོད་པ་དང ། འཚེ་བ་དང ། ཕ་རོལ་གྱི་དཔུང་དང ། ཕས་ཀྱི་དགྲ་བོ་དང ། མི་མཛའ་བའི་འཇིགས་པ་དང ། མི་ངས་དང ། ཡམས་ཀྱི་ནད་དེ་དག་ཐམས་ཅད་སྨྲ་བར་འགྱུར་རོ། །ལྷའི་འཇིག་རྟེན་དུ་སྐྱེ་བའམ། སངས་རྒྱས་ཀྱི་ཞིང་དུ་སྐྱེ་བ་སྨྲ་བར་འགྱུར་ཞིང ། དམྱལ་བར་སྐྱེ་བ་སྨྲ་བར་འགྱུར་རོ། །ཚེ་རིང་བའམ། ཚེ་ཐུང་བ་སྨྲ་བར་འགྱུར་རོ། །དུས་མ་ལགས་པའི་འཆི་བ་སྨྲ་བར་འགྱུར་རོ། །གཏེར་གྱི་གཏམ་སྨྲ་བར་འགྱུར་ཏེ། ནོར་བསྒྱུར་བའི་གཏམ་མམ། ཞིང་གི་གཏམ་མམ། མིག་འཕྲུལ་གྱི་གཏམ་སྨྲ་བར་འགྱུར་རོ། །ཆོ་ག་ཞིབ་མོ་འགྲུབ་པ་དང ། གསང་སྔགས་འགྲུབ་པ་དང ། ཕྱག་རྒྱའི་དཀྱིལ་འཁོར་འགྲུབ་པ་སྨྲ་བར་འགྱུར་རོ། ། མིག་སྨན་འགྲུབ་པ་དང ། རིལ་བུ་འགྲུབ་པ་སྨྲ་བར་འགྱུར་རོ། །ནམ་མཁའ་ལ་མཆི་བ་དང ། མི་གདའ་བར་བགྱི་བ་དང ། རོ་ལངས་བསླང་བ་དང ། རིགས་མ་དག་པ་དང ། དགྲ་ཆད་པས་ Pha292a ༄#། །གཅད་ཅིང་དབང་དུ་བགྱི་བ་དེ་དག་ཐམས་ཅད་སྨྲ་བར་འགྱུར་རོ། །སྒྱུ་ཐབས་སྨྲ་བར་འགྱུར་རོ། །ཉམས་པ་སྨྲ་བར་འགྱུར་རོ། །འཕེལ་བ་སྨྲ་བར་འགྱུར་བ་ནས་བསྐལ་བ་ལས་འདས་པའི་འདས་པ་དང ། མ་འོངས་པ་དང ། ད་ལྟར་བྱུང་བའི་བར་དུ་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་ཆབ་ཀྱི་ཁར་སྩལ་ལ་ལ་དུ་བླངས་ན། རོ་འགྱེལ་བར་འགྱུར་རོ། །ལ་དུ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་རྒྱལ་པོའི་སྒོར་བསྣུན་ན། རྒྱལ་པོའི་བཙུན་མོའི་འཁོར་དང་བཅས་པ་བདག་ཉིད་དམ། ནོར་དབང་དུ་གྱུར་ནས་མཆིས་པར་འགྱུར་རོ། །གྲོང་ཁྱེར་གྱི་སྒོར་བསྣུན་ན། གྲོང་ཁྱེར་ན་གནས་པའི་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་དབང་དུ་གྱུར་ནས་མཆིས་པར་འགྱུར་ཞིང་ནོར་ཆེན་པོ་འདུ་བ་འགྲུབ་པ་འཐོབ་པར་འགྱུར་རོ། །མཆོད་པའི་གནས་ཆེན་པོར་འགྱུར་རོ། །ལ་དུ་ལ་ལན་བདུན་བཟླས་བརྗོད་བགྱིས་ཏེ་དཔལ་ལྷ་མོ་ཆེན་མེའི་ལག་པར་སྩལ་ན། དཔལ་ལྷ་མོ་ཆེན་མོ་དབང་དུ་གྱུར་ནས་ནོར་ཆེན་པོ་སྩོལ་ཅིང་ཇི་སྲིད་འཚོའི་བར་དུ་མཆིས་པར་འགྱུར་རོ། །ལ་དུ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་ཁུག་མའི་ནང་དུ་སྩལ་ཏེ་མཆན་ཁུང་དུ་བསྲེལ་བར་བགྱི་སྟེ། ཇི་ཙམ་དུ་བསལ་བ་དེ་སྲིད་དུ་མི་གདའ་བར་གྱུར་ནས་གང་དུ་སྩལ་བ་དེར་འཇུག་པར་འགྱུར་རོ། །གང་ན་ Pha292b ཤིང་གཅིག་པའམ། འབབ་ཆུ་གཅིག་པར་ལ་དུ་ལ་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་བརྗོད་བགྱི་སྟེ་དབང་བསྐུར་ནས་ཤིང་གི་དྲུང་དུ་བརྡེག་ན། འདོད་རྒྱུར་བསྒྱུར་བ་དབང་དུ་གྱུར་ནས་མཆིས་པར་འགྱུར་རོ། །ཇི་ལྟར་བསམ་པའི་འདོད་པ་ཐམས་ཅད་ཉེ་བར་མཆིས་ནས་ཡོངས་སུ་སྤྱོད་པ་དང ། ཇི་སྲིད་འཚོའི་བར་དུ་མཆིས་པར་འགྱུར་རོ། །ལ་དུ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། མ་མོའི་གནས་སུ་ནག་པོ་ཆེན་པོའི་སྤྱི་གཙུག་ཏུ་བཞག་ལ་ཁྲོ་བོའི་རྒྱལ་པོ་ལན་བདུན་བཟླས་ཏེ་ཆབ་དང་ཡུངས་ཀར་གྱིས་དབང་བསྐུར་བར་བགྱིས་ན། དེ་ནས་སྦྱོར་བ་མོ་ཐམས་ཅད་དང ། མཁའ་འགྲོ་མ་ཐམས་ཅད་དབང་དུ་གྱུར་ནས་མངག་གཞུག་པ་ལས་ཐམས་ཅད་བགྱིད་པར་འགྱུར་རོ། །ལ་དུ་ལ་ལན་ཉི་ཤུ་རྩ་གཅིག་བཟླས་ཏེ་ནག་པོ་ཆེན་པོའི་ལྟེ་བའི་ཕྱོགས་སུ་བཞག་ན། མ་མོའི་ཚོགས་ཐམས་ཅད་རང་གི་གཟུགས་ཀྱིས་མདུན་དུ་མཆིས་ནས་མཆོག་ཐམས་ཅད་སྩོལ་བར་འགྱུར་རོ། །ལས་ཐམས་ཅད་བགྱིད་པར་འགྱུར་རོ། །ལ་དུ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་འཕགས་པ་འཇམ་དཔལ་གྱི་ལྷུང་བཟེད་ཀྱི་ནང་དུ་སྩལ་ཏེ་ཁྲོ་བོའི་རྒྱལ་པོས་དབང་བསྐུར་བགྱིས་ན། ཇི་སྲིད་དུ་ལྷུང་བཟེད་ན་ལ་དུ་མཆིས་པ་དེ་སྲིད་དུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ལྷའི་ཞལ་ཟས་རོ་སྣ་ཚོགས་ཀྱི་རོའི་མཆོག་དང་ལྡན་ Pha293a ༄#། །པ་དག་འབྱུང་བར་འགྱུར་ཞིང ། ཉན་ཐོས་དང་བྱང་ཆུབ་སེམས་དཔའི་ཚོགས་ཀྱི་འཁོར་གྱི་དཀྱིལ་འཁོར་ཆེན་པོ་དང་བཅས་པ་ཚིམ་པར་བགྱིས་པར་འགྱུར་རོ། །དེ་བཞིན་གཤེགས་པ་དེ་དག་ཐམས་ཅད་དང ། བྱང་ཆུབ་སེམས་དཔའི་ཚོགས་དང ། ཉན་ཐོས་ཀྱི་དགེ་འདུན་དང་བཅས་པ་དེ་དག་གི་རིག་སྔགས་འཆང་དེའི་ཡོན་སྦྱོང་བ་མཛད་པར་འགྱུར་རོ། །ལ་དུ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་ཁྲོ་བོའི་རྒྱལ་པོའི་དབང་བསྐུར་ལ་ལྕགས་ཀྱུའི་རྒྱལ་པོས་ཆབ་ལ་བཟླས་བརྗོད་བགྱིས་ན། མེ་ཐབ་ཀྱི་མཚམས་བཅིང་བར་བགྱིའོ། །དེ་ནས་ཨརྐའི་ཡམ་སྲེག་ཤིང་གིས་མེ་སྦར་ལ་ལ་དུ་དེ་མེད་ཐབ་ཀྱི་དབུས་སུ་བཞག་སྟེ་མར་དང ། ཡུངས་ཀར་དང ། ཞོ་དང ། སྦྲང་རྩི་བསྲེས་པས་ལན་བརྒྱ་རྩ་བརྒྱད་སྦྱིན་སྲེག་བགྱིའོ། །ལན་བརྒྱ་རྩ་བརྒྱད་ཚང་བ་དང ། མེ་ལྷ་མེའི་རང་བཞིན་གྱི་གཟུགས་ཀྱིས་བྱུང་ནས་རིག་སྔགས་འཆང་ལ་སྨྲས་པ། རིག་སྔགས་འཆང ། ལེགས་སོ་ལེགས་སོ། །བདག་ཚིམ་པར་བྱས་སོ། །བདག་དགའ་བར་འགྱུར་རོ། །རིག་སྔགས་འཆང ། བདག་གིས་མཆོག་ཏུ་དགའ་བ་ཐོབ་ཀྱི། རིག་སྔགས་འཆང་ཇི་ལྟར་ཡིད་ལ་བསམ་ཞིང་འདོད་པ་སྨྲོས་ཤིག་དང་མཆོག་སྦྱིན་ནོ། །རིག་སྔགས་འཆང་གིས་ཇི་ལྟར་ཡིད་ལ་བསམ་པ་བཞིན་མཆོག་བརྗོད་པར་བགྱིའོ། །མེ་ལྷ་དེས་ཀྱང་ Pha293b ཐམས་ཅད་སྩོལ་ཅིང་དབང་དུ་གྱུར་ནས་མཆིས་པར་འགྱུར་རོ། །ལས་ཐམས་ཅད་གྲུབ་པར་སྩོལ་བར་འགྱུར་རོ། །མེའི་ཕུང་པོའི་དབུས་སུ་ཞུགས་ན། འོད་ཟེར་སྟོང་འཕྲོ་བ་རྣམས་གངས་བཞིན་དུ་བསིལ་བར་འགྱུར་ཏེ་ཆབ་ནས་བྱུང་བ་བཞིན་ནོ། །ལག་པས་མེ་རྣམས་ཚུགས་པར་བགྱིད་དོ། །འབར་བ་བཞིན་དུ་ཀླད་པའི་སྤྱི་བོར་བཞག་ན། སྐྲ་ཉག་མ་གཅིག་ཀྱང་འཚིག་པར་མི་བགྱིད་དོ། །མེའི་དབང་དུ་མཆི་བར་མི་འགྱུར་རོ། །འབར་བཞིན་དུ་གཡར་གྱི་ནང་དུ་བསྲེལ་ན། ཅུང་ཟད་དྲོ་བ་ཙམ་དུ་ཡང་མི་འགྱུར་རོ། །ལུས་ལ་བབ་ན། ཇི་ལྟར་ཙནྡན་བཞིན་དུ་བསིལ་ཞིང་བདེ་བར་འགྱུར་རོ། །གཞན་ཡང་དགོས་པ་སྣ་ཚོགས་བགྱིད་པར་འགྱུར་རོ། །གོས་ཀྱི་མཐའ་མར་ཐུམ་པོ་བགྱིས་ན། ཚིག་པར་མི་འགྱུར་རོ། །ཆབ་ཀྱི་ནང་དུ་སྩལ་ན། འགུམ་པར་མི་འགྱུར་རོ། །སྦྱིན་སྲེག་ཐམས་ཅད་ཀྱི་ཆོ་ག་སོ་སོའི་གཟུགས་སུ་མཆིས་པར་འགྱུར་རོ། །ཐམས་ཅད་དུ་དགོས་པ་གྲུབ་པ་སྩོལ་བར་འགྱུར་རོ། །དགོས་པ་གང་དང་གང་དུ་བསྐོས་པ་དེ་དང་དེར་དགོས་པ་ཐམས་ཅད་གྲུབ་པ་སྩོལ་བར་འགྱུར་རོ། །ཐམས་ཅད་དུ་གསང་སྔགས་དང ། དཀྱིལ་འཁོར་དང ། ཆོ་ག་སྒྲུབ་པ་ཐམས་ཅད་ལུང་འབོགས་པར་འགྱུར་རོ། །དུ་བ་དང ། རླུང་དང ། མེ་འབར་བའི་ཤུགས་ཀྱིས་དཔག་ཚད་སྟོང་དུ་མཆིས་ཤིང་སླར་ཡང་ལྡོག་པར་འགྱུར་རོ། །དགོས་པ་ཐམས་ཅད་ཉེ་བར་སྟོན་པར་འགྱུར་རོ། །དགོས་པ་ཐམས་ Pha294a ༄#། །ཅད་བགྱིད་པར་འགྱུར་རོ། །ཐམས་ཅད་དུ་གྲུབ་པ་སྩོལ་བར་འགྱུར་རོ། །དེ་ནས་དོན་ཡོད་མེ་འབར་བ། །བླ་མེད་འབར་བཟང་སྒྲུབ་འཚལ་ན། །ཡིད་བཞིན་ནོར་བུ་ལྟ་བུ་དང ། །གཟི་བརྗིད་ཉི་མ་དང་མཉམ་པས། །ཕྱོགས་བཅུའི་ཁོ་ར་ཁོར་ཡུག་གི་།ཀུན་ནས་སུ་ནི་གསལ་བར་བགྱིད། །སྒྲུབ་པ་རྣམ་པ་སྣ་ཚོགས་དང ། །འཚེད་པ་བླ་ན་མེད་པ་འགྲུབ། །བཅུད་ཀྱི་མཆོག་སྟེ་དམ་པ་ལགས། །ནོར་སྒྱུར་སྨྲ་བ་བླ་ན་མེད། །གཞན་ཡང་འཚེད་པ་སྣ་ཚོགས་པ། །སྒྲུབ་པ་བླ་ན་མེད་པ་ལགས། །ཇི་ལྟར་ཉིན་མཚན་གདའ་བས་ན། ། ཉིན་པར་གྱི་ནི་གདུགས་དང་མཚུངས། །ལན་གཅིག་དགོས་པ་སྒྲུབ་པ་ན། །ལེགས་པར་ལས་བགྱིས་ནོར་བུ་དང ། །རྫས་བསྲེས་ལེགས་པར་བགྱིས་པ་ལ། །གཙང་མས་བཟླས་པའི་ལས་རྣམས་དང ། །གཙང་མས་སྤྱད་པས་སྒྲུབ་པ་དང ། །དོན་ཡོད་ཆུ་དང་མེ་དང་ནི། །མེ་ཡི་ཤིང་རྣམས་བརྗོད་པར་བགྱི། །མེ་འབར་འོད་དང་མཚུངས་པ་སྟེ། །དེ་དག་ཐམས་ཅད་གཅིག་སྤུངས་པའི། །ཡམ་སྲེག་ཆོ་ག་བླ་ན་མེད། །ཙནྡན་དང་ནི་སེང་ལྡེང་དང ། །པ་ཏང་ཀཱ་ར་བཱི་ར་དང ། །རྐ་ཤ་མི་སྨྱུག་མ་དང ། །ཤིར་ཤ་ཀཱ་ནཱ་ཀ་རི་ཀ། འོ་མའི་ཤིང་དང་བྱང་ཆུབ་ཤིང ། ། བླག་ཤ་དང་ནི་སྣ་མ་དང ། གནྡྷ་བར་ཤི་པདྨ་ཡི། །རྩ་བ་དང་ནི་ལོ་མར་བཅས། །པདྨ་དཀར་པོ་ཀུ་མུ་ད། །ུཏྤལ་མེ་ཏོག་ལོ་མ་རྩ། །བི་ཛ་པཱུ་ར་བིལ་བ་ཤིང ། །སིན་དུ་བ་ར་ཙམ་ Pha294b པ་ཀ་།དྲེ་ཀ་བི་ཙུ་མརྡེ་ཙ། །ས་ཧ་བ་ལ་ཙི་དྲ་ཀ་།ཤིང་དེ་ཀུན་ཀ་བསྡུས་པ་ཡི། །ཡམ་སྲེག་ཤིང་གིས་ལས་བགྱིས་ཏེ། །ཡུངས་ཀར་མར་དང་ཞོ་དང་ནི། །སྦྲང་རྩི་འབྲས་ཡོས་སྦྱིན་སྲེག་བགྱི། །བཟང་པོའི་ཟངས་ལས་སྲང་གསུམ་དང ། །མཚལ་ལས་གཉིས་འགྱུར་གང་བསྐུས་ཀྱང ། །སྲང་གཅིག་ཙནྡན་དཀར་པོ་ཉིད། །སྲང་བཅུ་ལྡོང་རོས་སྲང་གཅིག་སྟེ། །དེ་དག་བསྲེས་པའི་རྫས་རྣམས་དང ། །དེ་བཞིན་ཡུང་ནི་ཉིས་འགྱུར་དག་།ཞིག་ག་དག་ནི་བཀང་ནས་སུ། །མེ་ཐབ་དབུས་སུ་གཞུག་པར་བགྱི། །སྦྱིན་སྲེག་སྟོང་ནི་རྩ་བརྒྱད་དུ། །ཤིན་ཏུ་མཉམ་བཞག་ལེགས་གསལ་བ། །གཙང་མ་གཙང་མར་སྤྱོད་པ་ཡི། །གོས་གཙང་ལེགས་པར་ཁྲུས་བགྱིས་པ། །དྲི་ཞིམ་དྲི་ཡིས་བསྒོ་བར་བགྱི། །རོ་སྣ་ཚོགས་པའི་གཏོར་མ་དང ། །མེ་ཏོག་འབྲས་བུ་ཉིད་ཀྱང་དགོད། །བཟླས་བརྗོད་ཀྱི་ནི་སྦྱིན་སྲེག་ཉིད། །སྟོང་རྩ་བརྒྱད་ནི་ཚངས་བ་དང ། དེ་ནས་ལྷ་བཤོས་གཏོར་མ་དང ། །མེ་ཏོག་བདུག་པ་མཆོད་ཡོན་སྣོད། །དབུལ་ཏ་འོ་མས་མ་དག་མ་དགུམ། །འོ་མས་ཞི་གཞི་བར་བགྱི། །དེ་ནས་རིག་སྔགས་འཆང་གིས་བཟླས་བརྗོད་སྟོང་རྩ་བརྒྱད་བགྱིས་ནས་ཡུངས་ཀར་གྱིས་སྣུན་པར་བགྱིའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་ཏུ་དབང་བསྐུར་བར་བགྱིའོ། །དེ་ནས་ཞིག་འབར་བར་འགྱུར་རོ། །དེ་ནས་རིག་སྔགས་འཆང་གིས་ཞི་ག་དེ་ལ་མཆོད་པར་བགྱིའོ། །དེ་ནས་ཟངས་ཀྱི་སྒྲོམ་བུའམ། །དངུལ་གྱི་ Pha295a ༄#། །སྒྲོམ་བུར་ཞི་ག་ནས་ནོར་བུ་བླངས་ཏེ་སྒྲོམ་བུ་དེར་གཞག་པར་བགྱི་སྟེ། ཡིད་བཞིན་གྱི་ནོར་བུ་ཇི་ལྟ་བ་བཞིན་དུ་འདི་ཡང་དོན་ཡོད་པ་འབར་བ་མཐུ་ཆེན་པོའི་མཐུ་དང་ལྡན་པར་འགྱུར་རོ། །མཚན་མོ་ནི། ཟླ་བའི་འོད་བཞིན་དུ་གདའ་བར་འགྱུར་རོ། །ཉིན་མོ་ནི། ཉི་མའི་འོད་བཞིན་དུ་གདའ་བར་འགྱུར་རོ། །ནམ་འཚེད་པའི་དུས་ཀྱི་ཚེ་ནོར་བུ་དེ་བཞག་ན། འཚོ་བ་དང་སྲེད་པ་དང་འཚེད་པ་ཐམས་ཅད་གྲུབ་པར་འགྱུར་རོ། །ནམ་ཧོམ་བགྱིད་པ་དེའི་ཚེ་ཐབ་ཀྱི་དབུས་སུ་བཞག་སྟེ་སྲེག་བླུགས་ཀྱི་སྦྱིན་སྲེག་བགྱིས་ན། མེ་ཆེན་པོ་འབར་བར་འགྱུར་རོ། །ཐམས་ཅད་ཀྱི་ཐམས་ཅད་དུ་དགོས་པ་རྣམས་སྒྲོན་མས་གསལ་བར་བགྱིས་པ་བཞིན་དུ་འགྱུར་རོ། །གཡུལ་ངོ་ཆེན་པོར་གཡུལ་འགྱེད་པའི་དབུས་སུ་སྐྱེས་པ་དཔའ་བོ་ལེགས་པར་ཁྲུས་བགྱིས་པ། གོས་གཙང་མ་བགོས་པ། ཡ་ལད་དང ། གོ་ཆར་བསྡམས་པས་ཡིད་བཞིན་གྱི་ནོར་བུ་ཆེན་པོ་དེའི་སྤྱི་བོའི་གཙུག་ཏུ་བཞག་ནས་གཅིག་པུ་གཡུལ་གྱི་དབུས་སུ་ཞུགས་ན། དེ་ནས་སྐྱེས་པ་དེ་མེ་འབར་བ་གཅིག་པུར་འགྱུར་རོ། །དེ་ནས་གཡུལ་འགྱེད་པའི་ཕ་རོལ་གྱི་དཔུང་རྣམས་བམ་པར་གྱུར་ནས་ཕྱོགས་བཅུར་འཁྲུགས་ནས་འབྱེར་བར་འགྱུར་རོ། །ཕྱི་ནས་ལན་འགའ་ཡང་པ་རོལ་གྱི་དཔུང་དང ། དྲྒའི་འཇིགས་པ་འབྱུང་བར་མི་འགྱུར་རོ། །ཕ་རོལ་གྱི་དགྲ་དང་ Pha295b མི་མཛའ་བའི་འཇིགས་པ་འབྱུང་བར་མི་འགྱུར་རོ། །ལག་པས་ནོར་བུ་བཟུང་ནས་ཕུག་གི་གནས་སུ་ཞུགས་ན། གནས་ཀྱི་སྒོ་ཐམས་ཅད་འབྱེ་བར་འགྱུར་རོ། །གནས་ན་གནས་པ་ཐམས་ཅད་མདུན་དུ་མཆིས་པར་འགྱུར་རོ། །ཀླུའི་གནས་ཐམས་ཅད་དུ་མཆིས་ནས་ལག་པས་ནོར་བུ་བཟུང་སྟེ་གནས་ཀྱི་ནང་དུ་ཞུགས་ན། ཆབ་ཐམས་ཅད་ཀྱིས་ཕྱིར་མི་ཚུགས་བར་འགྱུར་རོ། །དེ་ནས་ཀླུ་ཐམས་ཅད་མདུན་དུ་མཆིས་ནས་བདེན་པར་དམ་བཅའ་བར་འགྱུར་རོ། །དབང་དུ་གྱུར་ནས་ཇི་སྲིད་འཚོའི་བར་དུ་ལས་བགྱིད་པར་འགྱུར་རོ། །བསྒོ་བ་བཞིན་བགྱིད་པར་འགྱུར་རོ། །ལོ་ཏོག་དང ། རྩཝ་དང ། ཤིང་གེལ་བ་དང ། ནགས་ཚལ་ཐམས་ཅད་བདེ་བར་འཕེལ་བར་འགྱུར་རོ། །སྙན་ཅིང་མདངས་དང་ལྡན་པ་དང་མཉེན་པར་འགྱུར་རོ། །གཟི་བརྗིད་དང་ལྡན་པ་དང ། དྲན་པ་དང་ལྡན་པ་དང ། མི་བདེ་བ་ཆུང་བར་ཡང་འགྱུར་རོ། །སེམས་ཅན་གང་དག་གིས་ཀྱང་ལོ་ཏོག་དང ། མེ་ཏོག་དང ། འབྲས་བུ་ལ་ལོངས་སྤྱོད་པར་འགྱུར་བ་དེ་དག་ཐམས་ཅད་དང ། གཞན་ཆེས་མང་པོ་དག་གིས་དགོས་པ་མང་པོ་བགྱིད་པར་འགྱུར་བ་ནི། ནོར་བུ་ཆེན་པོ་དོན་ཡོད་འབར་བའི་ནོར་བུ་མེ་འབར་བ་ཆེན་པོ་ལགས་སོ། །དེ་ནས་དོན་ཡོད་སྣང་བ་རྣམ་པར་ལྟ་བས་འཕགས་པ་སྤྱན་རས་གཟིགས་དབང་ཕྱུག་བཀུག་སྟེ་རང་གི་གཟུགས་སུ་སྦལྟ་བར་འཚལ་ན། དེ་ནས་རིག་ Pha296a ༄#། །སྔགས་འཆང་གཙང་མས་གོས་གཙང་མ་བགོ་བར་བགྱིའོ། །ལུས་ལེགས་པར་བཀྲུས་ཏེ་སྤོས་ཆབ་ཀྱིས་བྱུག་པར་བགྱིའོ། །ཤིང་ཨརྐའི་ཡམ་སྲེག་ཤིང་གིས་མེ་སྦར་བར་བགྱིའོ། །ཡུངས་ཀར་དང ། ་ག་རུ་དང ། ཙནྡན་དང ། ཞོ་དང ། སྦྲང་རྩི་དང ། མར་སྦྱར་བས་སྟོང་རྩ་བརྒྱད་སྦྱིན་སྲེག་བགྱིའོ། །དེ་ནས་དོན་ཡོད་ལྕགས་ཀྱུ་གུ་གུལ་ལ་ལན་ཉི་ཤུ་རྩ་གཅིག་གི་སྲེག་བླུགས་ཀྱི་སྦྱིན་སྲེག་བགྱིས་ན། འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མདུན་ན་མཆིས་ནས་མཆོག་ཐམས་ཅད་བསམ་པ་བཞིན་ཡོངས་སུ་རྫོགས་པར་བགྱིད་དོ། །ཇི་ལྟར་ཡིད་ལ་བགྱིད་ཅིང་བསམ་པའི་མཆོག་སྩོལ་བར་བགྱིད་དོ། །དེ་ནས་རིག་སྔགས་འཆང་གིས་ཇི་ལྟར་ཡིད་ལ་བགྱིས་ཤིང་བསམ་པའི་མཆོག་སྨྲས་པ་དང ། དེའི་འོག་ཏུ་འཕགས་པ་སྤྱན་རས་གཟིགས་དབང་ཕྱུག་གིས་ཐམས་ཅད་སྩོལ་བར་བགྱིད་དོ། །དེ་ནས་མིག་སྨན་སྒྲུབ་པར་འཚལ་ན། རིག་སྔགས་འཆང་ལེགས་པར་བཀྲུས་ཏེ་གཙང་མས་གོས་གཙང་མ་བགོ་བར་བགྱིའོ། །ནུབ་གཅིག་སྨྱུང་བ་བགྱིས་ཏེ། དེས་ཟངས་ཀྱི་ཟ་མ་གཏོག་བགྱིས་ལ་དེ་ནས་མིག་སྨན་སོ་བི་ར་དང་ཡུང་བ་ཉིས་འགྱུར་དུ་བསྲེས་པས་དགང་བར་བགྱིའོ། །དེ་ནས་སྟོང་རྩ་བརྒྱད་བཟླས་བརྗོད་བགྱིད་ནས་ཐབ་ཀྱི་དབུས་སུ་གཞག་པར་བགྱིའོ། ། Pha296b དེའི་སྟེང་དུ་ཨུ་ཤི་ར་དང ། ཡུངས་ཀར་དང ། ཙནྡན་དང ། ཞོ་དང ། སྦྲང་རྩི་དང ། མར་བསྲེས་པས་ལན་སྟོང་རྩ་བརྒྱད་སྦྱིན་སྲེག་བགྱིའོ། །ཤིང་ཨརྐའི་མེ་སྤར་བར་བགྱིའོ། །ལན་སྟོང་རྩ་བརྒྱད་ཚང་བ་དང ། དེ་ནས་མིག་སྨན་བླངས་ལ་གཏུན་གྱི་སྟེང་དུ་ལེགས་པར་ཞིབ་ཏུ་བཏགས་ལ། ལྡོང་རོས་དང ། ག་པུར་དང ། གླ་རྩི་བསྲེས་ནས་སླར་ཡང་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིས་ལ་དོན་ཡོད་ལྕགས་ཀྱུའི་རིག་སྔགས་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་པ་ནི། ཐམས་ཅད་དུ་མགུལ་ལ་ལེགས་པར་སྦྱར་ཏེ། དེ་ནས་དོན་ཡོད་རྒྱལ་པོས་དབང་བསྐུར་བར་བགྱིའོ། །དོན་ཡོད་ཞགས་པའི་ཕྱག་རྒྱས་ལན་བདུན་ཕྱག་རྒྱ་བཅིང་ངོ ། །དེ་ནས་མིག་སྨན་གྱིས་བྱུགས་ན། ནམ་མཁའ་ལ་འཕུར་ནས་རིག་སྔགས་འཆང་ཐམས་ཅད་ཀྱི་དཔོན་པོར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །བསྐལ་བ་ཁྲིར་འཚོ་བར་འགྱུར་རོ། །དཔྲལ་བར་ཐིག་ལེ་བགྱིས་ན་མི་གདའ་བར་འགྱུར་རོ། །མིག་ལ་བསྐུས་ཏེ་ཚིག་གཞན་མི་སྨྲ་བར་རྒྱལ་པོའི་ཕོ་བྲང་དུ་ཞུགས་ན། རྒྱལ་པོའི་བཙུན་མོའི་འཁོར་དང་བཅས་པ་དང་དབང་དུ་གྱུར་ནས་མཆིས་པར་འགྱུར་རོ། །མཆོད་པ་ཕལ་པོ་ཆེས་ཆེར་མཆོད་པར་འགྱུར་རོ། །ནོར་འདུ་བ་གྲུབ་པ་ཆེན་པོ་འཐོབ་པར་འགྱུར་རོ། །སྒྲུབ་པའི་དུས་སམ་བཟླས་བརྗོད་ཀྱི་དུས་སུ་མིག་ལ་བསྐུས་ན། Pha297a ༄#། །བགེགས་དང ། ལོག་འདྲེན་དང ། བདུད་ཀྱི་རིས་ཀྱི་ལྷ་ཐམས་ཅད་ཀྱིས་མི་མཐོང་བར་འགྱུར་རོ། །ཕྱིས་ཀྱང་བགེགས་བྱེད་པར་མི་ནུས་ཏེ། བར་ཆད་བགྱིད་པར་མི་འགྱུར་རོ། །བདེ་བ་སྒྲུབ་པའི་མཆོག་དང ། བཟླས་བརྗོད་ཀྱི་ཆོ་ག་འགྲུབ་པར་འགྱུར་རོ། །མིག་ལ་བྱུགས་ཏེ་སྐྱེ་བོ་མང་པོའི་ནང་དུ་ཞུགས་ན། དེ་དག་ཐམས་ཅད་དབང་དུ་འགྱུར་ཏེ། ནོར་དང ། འབྲུ་དང ། གོས་དང ། ལྷབ་ལྷུབ་རྒྱན་ཕལ་པོ་ཆེ་འགྲུབ་པར་འགྱུར་རོ། །བུད་མེད་ཀྱང་མིག་མི་འཛུམ་པར་བལྟ་བཞིན་དུ་བདག་ཉིད་དམ། ནོར་དབང་དུ་འགྱུར་རོ། །མིག་ལ་བྱུགས་ཏེ་དགོན་པ་ཆེན་པོར་ཞུགས་ན། ཆོམ་པོ་དང ། གཡོན་ཅན་དང ། རྐུན་པོ་དང ། གཅན་གཟན་གདུག་པ་དང ། སྦྲུལ་དང ། དབྱིག་དུག་དང ། སྤྲུལ་གྱི་དུག་གི་འཇིགས་པ་ཐམས་ཅད་འབྱུང་བར་མི་འགྱུར་ཏེ། བདེ་ལེགས་སུ་སླར་ཡང་མཆི་བར་འགྱུར་རོ། །འཐབ་མོ་དང ། རྩོད་པ་དང་།། འགྱེད་པ་ཐམས་ཅད་ལ་མིག་སྨན། བསྐུས་ན། སྨྲ་བ་རྣམས་ཀྱི་བླ་ན་མེད་པར་འགྱུར་ཏེ། ཐམས་ཅད་དུ་རྒྱལ་བར་འགྱུར་རོ། །གཡུལ་དེར་གཡུལ་འགྱེད་པའི་ནང་དུ་མཆིས་ནས་མིག་ལ་བྱུགས་ན། ཐམས་ཅད་ལས་རྒྱལ་བར་འགྱུར་ཞིང ། འཇིགས་པ་ཐམས་ཅད་ལས་བསྒྲལ་བར་འགྱུར་རོ། །གདུག་པས་ཟིན་པ་ཐམས་ཅད་ལ་མིག་ལ་བསྐུས་ན། གདུག་པ་མ་མཆིས་པར་འགྱུར་རོ། ། Pha297b རིམས་ཞག་གཅིག་པ་དང ། ཞག་གཉིས་པ་དང ། ཞག་གསུམ་པ་དང ། རིམས་ཞག་བཞི་པ་ཐམས་ཅད་ལ་མིག་ལ་བསྐུས་ན། རིམས་ནད་ཐམས་ཅད་ལས་གྲོལ་བར་འགྱུར་རོ། །དུག་མི་ཟད་པ་འཚལ་བ་ལ་མིག་ལ་བསྐུས་ན། དུག་མ་མཆིས་པར་འགྱུར་རོ། །གདོན་ཐམས་ཅད་ཀྱིས་ཟིན་པ་ལ་མིག་ལ་བསྐུས་ན། གདོན་བརྒྱད་ཁྲི་བཞི་སྟོད་ལས་ཐར་པར་འགྱུར་རོ། །མིག་བྲོ་འཚལ་བ་ལ་བསྐུས་པ་ཙམ་གྱི་མོད་ལ་བྱང་བར་འགྱུར་རོ། །ཀླད་པ་ཆེར་བྲོ་འཚལ་བ་ལ་ཡང་མིག་ལ་བསྐུས་པ་ཙམ་གྱིས་བྱང་བར་འགྱུར་རོ། །ཚངས་པའི་སྲིན་པོའི་གདོན་དང ། བརྗེད་བྱེད་ཀྱི་ཟིན་པ་ལ་མིག་ལ་བསྐུས་པ་ཙམ་གྱིས་ཐར་བར་འགྱུར་རོ། །རྒྱལ་པོ་ཁྲོས་པས་གསད་པར་འོས་པ་གང་སུ་ཡང་རུང་བ་ཁྲིད་པ་ལ་མིག་ལ་བསྐུས་པ་ཙམ་གྱིས་འཇིགས་པ་ཐམས་ཅད་སྤངས་པའི་ཐར་པར་འགྱུར་རོ། །ནག་པོ་ཆེན་པོའི་མིག་ལ་བསྐུས་ན། རང་གི་གཟུགས་ཀྱིས་དུས་སུ་མདུན་ན་མཆིས་ནས་མཆོག་ཐམས་ཅད་སྩོལ་ཅིང་དགོས་པ་ཐམས་ཅད་བགྱིད་པར་འགྱུར་རོ། །མ་མོའི་ཚོགས་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །དཔལ་ལྷ་མོའི་མིག་ལ་བསྐུས་ཏེ་མིག་མི་འཛུམ་པར་དོན་ཡོད་རྒྱལ་པོའི་སྙིང་པོ་ལན་བདུན་བཟླས་ན། དཔལ་ལྷ་མོ་ཆེན་མོ་མཆིས་ནས་དགོས་པ་ཐམས་ཅད་དང ། འབྲུ་རབ་ཏུ་མང་པོ་སྩོལ་བར་འགྱུར་རོ། །ཉལ་བའི་ཚེ་མིག་ལ་བསྐུས་ཏེ་ཉལ་ན། རྨི་ལམ་བཟང་ Pha298a ༄#། །པོ་མང་ཞིང་ཕལ་ཆེ་བ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་མཐོང་བ་སྩོལ་བར་འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །དྲན་པ་དང་བློ་གྲོས་རྒྱ་ཆེན་པོར་འགྱུར་རོ། །མིག་ལ་བསྐུས་ཏེ་ཚོགས་ཀྱི་དབུས་སུ་ཞུགས་ན། མཆོད་པ་ཆེན་པོ་འཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་གཟུགས་བརྙན་གྱི་མིག་ལ་བསྐུས་ན། རྟག་ཏུ་མཆོག་སྩོལ་པར་འགྱུར་རོ། །རྟག་ཏུ་བལྟ་འཚལ་བར་འགྱུར་རོ། །གིའུ་ཝང་དང་ལྷན་ཅིག་སྦྱར་ཏེ་མིག་ལ་བསྐུས་ནས་རྒྱལ་པོའི་ཕོ་བྲང་དུ་ཞུགས་ན། དབང་ཕྱུག་ཆེན་པོ་འཐོབ་པར་འགྱུར་རོ། །ལོངས་སྤྱོད་ཆེན་པོ་ཕུན་སུམ་ཚོགས་པར་ཡང་འགྱུར་རོ། །དོན་ཆེན་པོ་འགྲུབ་པར་ཡང་འགྱུར་རོ། །རྒྱལ་པོའི་བཙུན་མོ་དང ། བློན་པོའི་ཚོགས་དང ། འཁོར་ཐམས་ཅད་དགའ་བར་གྱུར་ནས་ཐམས་ཅད་དབང་དུ་གྱུར་ཏེ་མཆིས་པར་འགྱུར་རོ། །དཔལ་ལྷ་མོ་ཆེན་མོའི་གཟུགས་བརྙན་གྱི་མིག་ལ་བསྐུས་ན། འབྱུང་པོ་ཐམས་ཅད་ཀྱི་བདག་པོར་འགྱུར་ཞིང་ལས་བགྱི་བ་ཅི་མཆིས་ཞེས་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །ནག་པོ་ཆེན་པོའི་གཟུགས་བརྙན་གྱི་དཔྲལ་བ་དང་མིག་ལ་བསྐུས་ན། གནོད་སྦྱིན་ཐམས་ཅད་དབང་དུ་འགྱུར་རོ། །མི་རོའི་མིག་ལ་བསྐུས་ན་ལྡང་བར་འགྱུར་རོ། །གསང་སྔགས་ Pha298b དང ། དུག་སྦྱར་མ་དང ། བྱད་ཀྱིས་ཟིན་པ་ཐམས་ཅད་ཀྱི་མིག་ལ་བསྐུས་ན། དུག་སྦྱར་མ་དང ། བྱད་དང ། གསང་སྔགས་ཐམས་ཅད་བཤིག་པར་འགྱུར་ཞིང ། ལན་འགའ་ཡང་སླར་ཟིལ་གྱིས་གནོན་པར་མི་འགྱུར་རོ། །བཀྲེས་པའི་མིག་ལ་བསྐུས་ཏེ་གྲོང་དུ་ཞུགས་ན། བཟའ་བ་དང ། བཏུང་བའི་སྟོན་མོ་ལྷུན་གྱིས་འགྲུབ་ཅིང་འཐོབ་པར་འགྱུར་རོ། །བསོད་སྙོམས་པའི་མིག་ལ་བསྐུས་ཏེ་བསོད་སྙོམས་ལ་མཆིས་ན། ཁ་ཟས་སྣ་ཚོགས་མང་པོ་དང ། ཡོན་ཕལ་པོ་ཆེ་འཐོབ་པར་འགྱུར་རོ། །སྨེ་བ་དང ། ལིང་ཏོག་དང ། རབ་རིབ་དང ། ཆུ་བུར་དང ། མཚན་མོ་འཐོབ་པ་དང ། གཡའ་བ་དང ། ཚག་པོ་དང ། མིག་གི་རྫི་མ་རྡུང་བ་དང ། མིག་སླེ་བོ་དེ་དག་ཐམས་ཅད་ཞི་བར་འགྱུར་རོ། །མིག་ནད་ཐམས་ཅད་ལས་སོས་པར་འགྱུར་རོ། །ལྷའི་མིག་དག་པ་འདབ་བཟང་དང་མཚུངས་པ། འདབ་བཟང་གི་མཐོང་བ་ཐོབ་ནས་ཐམས་ཅད་ཀྱི་སྙིང་དུ་སྡུག་པ་དང ། དབང་དུ་གྱུར་ནས་ནོར་རྙེད་པ་དང ། དོན་གྲུབ་པ་ཡང་ཐོབ་ནས་དབང་ཕྱུག་བླ་ན་མེད་པར་འགྱུར་རོ། །དེ་ནས་ནོར་དང ། འབྲུ་དང ། གོས་དང ། ལྷབ་ལྷུབ་དང ། རྒྱན་དང ། རྒྱན་འཕྱང་ཐམས་ཅད་དགུག་པ་དང ། འཕེལ་བར་བགྱིད་པ་དང ། དོན་ཡོད་མེ་ལྷ་དགུག་པའི་སྦྱིན་སྲེག་རྒྱ་ཆེན་པོ་བརྗོད་པར་བགྱིའོ། །གྲུབ་པ་ཀུན་གྱི་བླ་ན་མེད། །དོན་ཀུན་གྲུབ་པས་མོད་ལ་ནི། །མཁས་རྣམས་མཆོག་ཏུ་དགའ་བར་བགྱིད། །དབང་ཕྱུག་སྐལ་པ་ Pha299a ༄#། །ཕུན་སུམ་ཚོགས། །མོད་ཉིད་ཁོ་ནར་འཐོབ་འགྱུར་བར། །ཐེ་ཚོམ་དུ་ཡང་མི་བགྱི་ཞིང ། །ཡིད་གཉིས་ཉིད་ཀྱང་མ་ལགས་སོ། །གཙང་མས་གཙང་མའི་གོས་དག་དང ། །ལེགས་པར་བཀྲུས་པས་ལས་སྒྲུབ་བོ། །སྦྱིན་སྲེག་བླ་ན་མེད་འཕེལ་བ། །འདི་ནི་རྒྱ་ཆེན་བསམ་མི་ཁྱབ། ཀ་རན་རྩ་བ་སྡོང་བུར་བཅས། །འདབ་མ་མེ་ཏོག་འབྲས་བུར་བཅས། །རྐའི་ཤིང་དང་བླག་ཤའི་ཤིང ། །ཡམ་སྲེག་ངག་གིས་མེ་སྦར་ལ། །ས་བོན་བདུན་པོ་འབྲས་དང་བཅས། །འབྲས་ཡོས་ཏིལ་དང་ཡུངས་ཀར་དང ། །ཞོ་དང་སྦྲང་རྩི་མར་དང་ནི། །ཡུངས་མར་དག་དང་བསྐྱེས་པ་ཡི། །སྦྱིན་སྲེག་སྟོང་རྩ་བརྒྱད་ཚང་བགྱི། །ཁྲོ་བོའི་རྒྱལ་པོ་ལན་སྟོང་རྩ་བརྒྱད་ཀྱིས་དབང་བསྐུར་བ་ཚང་བ་དང ། དེ་ནས་དོན་ཡོད་ལྕགས་ཀྱུའི་རིག་སྔགས་ཀྱི་རྒྱལ་པོ་འདི་བརྒྱ་རྩ་བརྒྱད་བཟླས་ནས་གུ་གུལ་དང ། སྐེ་ཚེའི་འབྲས་བུ་དང ། མར་དུ་སྦྱར་བས་སྦྱིན་སྲེག་བགྱིའོ། །དགོས་པ་ཐམས་ཅད་རྫོགས་པ་དང ། དེའི་ཚེ་བཟའ་བ་དང ། བཏུང་བ་དང ། གནས་མལ་དང ། སྟན་དང ། ནད་ཀྱི་རྐྱེན་སྨན་དང ། ཡོ་བྱད་དང ། ནོར་དང ། འབྲུ་དང ། མཛོད་དང ། བང་བ་འཕེལ་བར་ཡང་འགྱུར་རོ། །གོས་སྣ་ཚོགས་དང ། ལྷབ་ལྷུབ་དང ། རྒྱན་དང ། རྒྱན་འཕྱང་དང ། མེ་ཏོག་དང ། དྲི་དང ། ཕྲེང་བ་དང ། བྱུག་པ་རྣམས་ལྷུན་གྱིས་གྲུབ་པར་འབྱུང་བར་འགྱུར་རོ། །དབང་ཕྱུག་གི་འབྱོར་ Pha299b པ་ཆེན་པོ་འཐོབ་པར་འགྱུར་ཞིང་ཇི་སྲིད་འཚོའི་བར་དུ་མཆིས་པར་འགྱུར་རོ། །དེ་ནས་ཟླ་བ་ཡར་གྱི་ངོའི་ཚེས་བརྒྱད་ལ་ཉིན་ཞག་གཅིག་མཆིས་ནས་མིག་ལ་བསྐུས་ཏེ་དོན་ཡོད་ཞགས་པའི་སྙིང་པོ་ལན་དགུ་བཅུ་བཟླས་བརྗོད་བགྱིས་ལ་ཁྲོ་བོའི་རྒྱལ་པོས་དབང་བསྐུར་ནས་དོན་ཡོད་ཞགས་པའི་ཕྱག་རྒྱ་བཅིངས་ཏེ། དེ་ནས་མིག་ལ་མིག་སྨན་གྱིས་བསྐུས་ན། ནམ་མཁའ་ལ་རྫུ་འཕྲུལ་གྱིས་མཆིས་པར་འགྱུར་རོ། །མིག་སྨན་གྲུབ་པའི་རིག་སྔགས་འཆང་ཐམས་ཅད་ཀྱི་གཙོ་བོ་རྒྱལ་པོ་འཁོར་ལོས་བསྒྱུར་བར་འགྱུར་རོ། །སྒྲ་ཅུང་ཟད་འཁྱིལ་བར་ཡང་འགྱུར་རོ། །བསྐལ་པ་ཁྲིར་འཚོ་བར་འགྱུར་རོ། །མིག་སྨན་འདིས་མིག་ལ་བྱུགས་ན། ཉིན་པར་ཇི་ལྟ་བ་བཞིན་དུ་མཚན་མོ་མཐོང་བར་འགྱུར་ཞིང་མི་གདའ་བར་ཡང་འགྱུར་རོ། །འབྱུང་པོ་དང ། གནོད་སྦྱིན་དང ། སྲིན་པོའི་གནས་ཐམས་ཅད་དུ་ཞུགས་ན། ཐམས་ཅད་ཀྱི་དཔོན་པོར་འགྱུར་རོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། ། བམ་པོ་བདུན་པ། མིག་སྨན་འདིས་མིག་ལ་བྱུགས་ནས་མ་མོའི་གནས་སུ་ཞུགས་ན། ལྷ་གཙོ་བོ་དེ་དག་མིག་འཛུམ་པར་ལྟ་བར་བགྱིད་པ་ལ་ཁྲོ་བོའི་རྒྱལ་པོ་ལན་གཅིག་བཟླ་བར་བགྱིའོ། །དེ་ནས་མ་མོ་དང་ལྷའི་གཙོ་བོ་ཐམས་ཅད་མདུན་དུ་མཆིས་ནས་མཆོག་ཐམས་ཅད་སྩོལ་བར་འགྱུར་རོ། །ཇི་སྲིད་འཚོའི་བར་དུ་ལས་ཐམས་ཅད་སྒྲུབ་པར་བགྱིད་པས་ Pha300a ༄#། །མཆིས་པར་འགྱུར་རོ། །མ་མོའི་ཚོགས་ཐམས་ཅད་ཀྱིས་ཡོངས་སུ་བཀུར་ཅིང་སྙིང་དུ་སྡུག་པར་འགྱུར་རོ། །རྟག་པར་རྒྱུན་དུ་བསྲུང་བ་དང ། བསྐྱབ་པ་དང ། སྦ་བའི་ཕྱིར་གནས་ཤིང་རྗེས་སུ་འབྲང་བར་འགྱུར་རོ། །དེ་ནས་གིའུ་ཝང་སྒྲུབ་པའི་སྦྱིན་སྲེག་གི་ཆོག་བརྗོད་པར་བགྱི་སྟེ། དོན་ཡོད་རྒྱལ་པོ་གྲུབ་པ་ཡིས། །རིག་སྔགས་འཆང་བ་བདེ་མྱོང་ཞིང ། །ལྷ་དང་ལྷ་མིན་མཆོད་པ་དང ། །སྒྲུབ་པའི་དོན་ཀུན་འགྲུབ་པ་དང ། །དབང་དུ་གྱུར་པ་དམ་པ་དང ། །མཁའ་ལ་མཆི་བའི་དམ་པ་དང ། མི་སྣང་ཤིན་ཏུ་རྙེད་དཀའ་དང ། །མོད་ལ་ཕུག་ཏུ་འཇུག་པ་དང ། །ནགས་ཀྱི་ནང་དུ་འཇུག་པ་དང ། །རི་སུལ་དག་ཏུ་འཇུག་པ་དང ། །ཐང་དག་ལ་ནི་རྒྱུ་བ་དང ། །ཀླུ་གནས་མཚོར་ནི་འཇུག་པ་དང ། །དེ་བཞིན་ཆུ་ཀླུང་ཆེ་བསྒྲལ་དང ། །རྫུ་འཕྲུལ་གྲུབ་དང་སྐྱེས་པ་དང ། །དེ་བཞིན་འཇིགས་དང་སྒྲིབ་ཀུན་དང ། །ནད་ཀུན་ཞི་བར་བགྱིད་པ་ཉིད། །སྡིག་པ་ཐམས་ཅད་ཉམས་པར་བགྱིད། ། གཡུལ་དོར་གཡུལ་ལས་རྒྱལ་བགྱིད་དེ། །རྟག་ཏུ་དགྲ་ཀུན་བརླག་པར་བགྱིད། །གདོན་རིགས་ཀུན་ཀྱང་ཚར་གཅོད་ཅིང ། །རིམས་རྣམས་ཐམས་ཅད་ཟློག་པར་བགྱིད། །སྔོན་གྱི་སྒྲིབ་པ་འཇིག་བགྱིད་ཅིང ། །སྡིག་པ་ཐམས་ཅད་ཉམས་པར་བགྱིད། །དབང་ཕྱུག་སྩོལ་ཅིང་སྐལ་པ་སྩོལ། །ནོར་དང་འབྲུ་རྣམས་འཕེལ་བར་བགྱིད། །འཐབ་པ་འཐབ་མོ་ Pha300b རྩོད་པ་དང ། །འགྱེད་པ་རབ་ཏུ་ཞི་བར་བགྱིད། །བཅིང་པ་དང་ནི་ཤིང་སྒྲོག་དང ། །ཁོང་སྒྲིལ་ལྕགས་སྒྲོག་ཕྱེ་མར་རློག་།རྒྱལ་པོ་གདུག་པ་ཁྲོས་པ་ཡིས། །གསད་པར་འོས་པ་སེལ་བར་བགྱིད། །ད་ལྟ་འདི་ལ་བརྟེན་པ་ན། །མི་བདག་བུ་སྡུག་བཞིན་སྨྲ་ཞིང ། །མི་བདེ་ཀུན་ལས་གྲོལ་བར་འགྱུར། །འདི་ནི་ཀུན་ཏུ་སྡུག་པ་དང ། །གནས་ཀུན་མཆིས་པར་མཆོད་པར་འོས། ། ལུས་ཅན་སྙིང་དུ་རྟག་ཏུ་སྡུག་།རྒྱལ་པོ་བཙུན་མོ་འཁོར་བཅས་པའི། །རྟག་ཏུ་གནང་ཆེན་དག་ཏུ་འགྱུར། །དགེ་སྦྱོང་བྲམ་ཟེ་ཉིད་དང་ནི། །རྒྱལ་རིགས་རྗེའུ་རིགས་དམངས་རིགས་དང ། ། བུད་མེད་ཀུན་དང་དེ་བཞིན་དུ། །སྐྱེས་པ་ཁྱེའུ་བུ་མོ་ཡི། །རྟག་ཏུ་གནང་ཆེན་དག་ཏུ་འགྱུར། །གིའུ་ཝང་བླ་ན་མེད་པ་པོ། །འདི་ལ་གང་དག་རྟག་བརྟེན་ན། །འཕགས་པ་འཇིག་རྟེན་དབང་ཕྱུག་སྟེ། །མཆོག་སྦྱིན་རྟག་ཏུ་མཆོད་པ་བགྱིད། །ཚངས་པ་ཁྱབ་འཇུག་དབང་ཕྱུག་ཆེ། །ཉིན་དང་མཚན་དུ་སྲུང་བ་དང ། །རྟག་ཏུ་མཆོག་སྩོལ་ཕྱིར་མཆིས་སོ། །གཞན་ཡང་ལྷ་ནི་མང་པོ་དང ། །ཀླུ་ཡི་རྒྱལ་པོ་མཐུ་ཆེན་དང ། །འབྱུང་པོ་གནོད་སྦྱིན་སྲིན་པོ་དང ། །གྲུལ་བུམ་མི་མིན་ལྟོ་འཕྱེ་ཆེ། །དྲི་ཟ་ལྷ་མིན་ཉིད་དག་དང ། །ནམ་མཁའ་ལྡིང་དབང་མཐུ་ཆེན་ཏེ། །དེ་དག་ཐམས་ཅད་སྲུང་བ་ཡི། །ཆེད་དུ་ཉིན་དང་མཚན་དག་ཏུ། །རང་དབང་ཉིད་ཀྱིས་གནས་པར་འགྱུར། །གི་ཝང་གྲུབ་པ་དམ་པ་པོ། །དེ་ལྟར་སྟོབས་དང་ལྡན་པ་ལགས། །དེ་ནས་རིག་སྔགས་འཆང་ Pha301a ༄#། །བ་ཡིས། །གཙང་གྱུར་ལེགས་པར་ཁྲུས་བགྱིས་ནས། །གཙང་མ་ཡི་ནི་གོས་བགོ་སྟེ། །གི་ཝང་ལེགས་པར་བསྒྲུབས་ནས་སུ། །དམར་པོ་ཆེན་པོ་ཉིད་དག་དང་།། གུར་གུམ་དག་དང་མཉམ་སྦྱར་ལ། །ཟངས་ཀྱི་སྣོད་དུ་བཀང་ནས་སུ། །དོན་ཡོད་ཞགས་པའི་གཟུགས་མདུན་དུ། །སྟོང་རྩ་བརྒྱད་ནི་ཚང་བཟླས་ནས། །རྒྱ་དར་གྱིས་ནི་ཁ་དགུམ་མོ། །དེ་ནས་སེང་ལྡེང་གི་ཤིང་དང ། །རྐའི་ཤིང་གི་ཡམ་སྲེག་ཤིང་གི་མེ་སྦར་ལ། འབྲས་ཡོས་དང ། ཡུངས་ཀར་དང ། གུ་གུལ་དང ། འབྲས་དང ། ཏིལ་དང་བསྲེས་ལ། ཞོ་དང་སྦྲང་རྩི་མར་དུ་བསྲེས་ཏེ་ལན་སྟོང་རྩ་བརྒྱད་སྦྱིན་སྲེག་བགྱིའོ། །ལན་སྟོང་རྩ་བརྒྱད་ཚང་བ་དང ། དེ་ནས་མེ་ཞི་ཞིང་མེ་མདག་ཕྲ་མོ་ཡང་ཞི་བ་དང་ཐལ་བ་བླངས་ཏེ་སྣོད་ཀྱི་ནང་དུ་སྩལ་ནས་དེ་ནས་སླར་ཡང་ལན་བརྒྱ་རྩ་བརྒྱད་བཟླས་ལ། ཁྲོ་བོའི་རྒྱལ་པོས་དབང་བསྐུར་ཏེ་ཕྱག་རྒྱའི་ཕྱག་རྒྱས་ཀྱང་དབང་བསྐུར་རོ། །དེ་ནས་དཔྲལ་བའི་དབུས་སུ་ཐིག་ལེ་བགྱིས་ནས་ནམ་མཁའ་ལ་འཕུར་ནས་རིག་སྔགས་འཆང་ཆེན་པོའི་རྒྱལ་པོ་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་ཐམས་ཅད་ཀྱི་དཔོན་པོར་འགྱུར་ཞིང་སྐྲ་ཅུང་ཟད་འཁྱིལ་བར་ཡང་འགྱུར་རོ། །ལོ་དགུ་ཁྲི་དགུ་སྟོང་དུ་འཚོ་བར་འགྱུར་ཞིང་གནས་ཀྱི་སྒོ་ཐམས་ཅད་རྟག་ཏུ་འབྱེད་པར་འགྱུར་རོ། །དཔྲལ་བ་ལ་ཐིག་ལེ་བགྱིས་ན། མི་གདའ་བར་གྱུར་ནས་གནས་ཐམས་ཅད་དུ་ཞུགས་ན་གནས་ཐམས་ཅད་ཀྱི་བདག་ Pha301b པོར་འགྱུར་ཞིང ། འབྱུང་པོ་དང ། གནོད་སྦྱིན་དང ། སྲིན་པོའི་གནས་ཀྱི་སྒོ་ཐམས་ཅད་འབྱེད་པར་འགྱུར་རོ། །འབྱུང་པོ་དང ། གནོད་སྦྱིན་དང ། སྲིན་པོ་མཐུ་དང་ལྡན་པ་ཐམས་ཅད་ཀྱིས་ཡོངས་སུ་བསྐོར་ནས་མཆིས་པར་འགྱུར་རོ། །ཇི་སྲིད་འཚོའི་བར་དུ་བསྒོ་བ་བཞིན་བགྱིད་པར་འགྱུར་རོ། །མིག་ལ་བསྐུས་ན། ཇི་ལྟར་ཉིན་བར་བཞིན་དུ་མཚན་མོ་སྣང་ཞིང་ཐམས་ཅད་དུ་གཏེར་མཐོང་བར་འགྱུར་རོ། །སའི་ཕུག་དང ། ཐང་གི་སྒོ་ཕྱེ་བ་མཐོང་བར་འགྱུར་རོ། །ཐང་གི་གནས་སུ་ཞུགས་ནས་ཐང་གི་དགོས་པ་ཐམས་ཅད་བགྱི་སྟེ། སླར་ཡང་མཆི་བར་འགྱུར་རོ། །ཆུ་ཀླུང་ཆེན་པོའི་ནང་དུ་ཞུགས་ན། ཁྱིམ་དང་གཞལ་མེད་ཁང་ཇི་ལྟ་བ་བཞིན་དུ་མཐོང་བར་འགྱུར་རོ། །རིན་པོ་ཆེ་ཐམས་ཅད་ཀྱིས་བརྒྱན་པའི་གཞལ་མེད་ཁང་མཐོང་བར་འགྱུར་རོ། །ཆབ་ལ་གནས་པ་གང་ལགས་པ་དེ་དག་ཐམས་ཅད་དུ་དབང་དུ་གྱུར་ནས་མཆིས་པར་འགྱུར་རོ། །ཀླུའི་མཚོ་དང་གནས་སུ་ཇི་ལྟར་རང་གི་ཁྱིམ་བཞིན་དུ་འཇུག་ཅིང་འབྱུང་བར་འགྱུར་རོ། །ལུས་མཐའ་དག་བྱུགས་ཏེ་གཡུལ་ངོར་གཡུལ་འགྱེད་པའི་ནང་དུ་ཞུགས་ན། ཡ་ལད་དང་གོ་ཆ་བགོས་པ་བཞིན་དུ་མཐོང་ནས་ཐམས་ཅད་ལས་རྒྱལ་བར་འགྱུར་རོ། །ཁར་བསྲེལ་ཏེ་རྒྱལ་པོའི་ཕོ་བྲང་དུ་ཞུགས་ན། བཙུན་མོ་འཁོར་དང་བཅས་པ་དབང་ཕྱུག་དུ་གྱུར་ནས་མཆིས་པར་འགྱུར་རོ། །གང་ལ་ཚིག་སྨྲས་པ་དེ་དག་ཐམས་ཅད་བགྱིད་པར་འགྱུར་རོ། །གང་ལ་བླངས་པ་དེ་དག་ཐམས་ Pha302a ༄#། །ཅད་སྟེར་བར་འགྱུར་རོ། །གང་ལ་བསྒོ་བ་དེ་ཐམས་ཅད་བསྒོ་བ་བཞིན་བགྱིད་པར་འགྱུར་རོ། །ཁར་འཆོས་ནས་གང་དང་གང་དུ་མཆིས་པ་དེ་དང་དེར་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་བདག་ཉིད་དམ། ནོར་དབང་དུ་གྱུར་ནས་མཆིས་པར་འགྱུར་རོ། །ལག་པ་གཡས་པ་ལ་བྱུགས་ན། སུ་རེག་པ་དེ་དབང་དུ་འགྱུར་རོ། །ནོར་དང ། འབྲུ་དང ། དབྱིག་དང ། བྲན་ཕོ་དང ། བྲན་མོ་དང ། ལས་བགྱིས་པ་དང ། ཞོ་ཤས་འཚོ་བ་དང ། མངག་གཞུག་པ་རྣམས་དབང་དུ་གྱུར་ནས་བསྒོ་བ་བཞིན་མཆིས་པར་འགྱུར་རོ། ། མཛུབ་མོ་གཡས་པ་ལ་བསྐུས་ནས་སེར་བ་དང ། སྤྲིན་དང ། འབྲུག་གི་དུས་སུ་སྤྲིན་ལ་མངོན་སུམ་དུ་བསྟན་ཏེ་བསྡིགས་ན། གྲང་བ་དང ། རླུང་དང ། སེར་བ་ཐམས་ཅད་ཞི་བར་འགྱུར་རོ། །དཔག་ཚད་གཅིག་ཁོར་ཁོར་ཡུག་ཏུ་ཟིལ་གྱིས་མནན་པར་འགྱུར་རོ། །ཆར་ཧ་ཅང་ཆེས་ན། ལག་པ་གཡས་པ་སྤྲིན་ལ་མངོན་སུམ་དུ་བསྟན་པས་ཧ་ཆང་ཆར་ཆེ་བ་གཅོད་པར་འགྱུར་རོ། །ཆར་མི་འབབ་པའི་དུས་སུ་ལག་པ་གཡས་པའི་ལག་མཐིལ་ལ་བྱུགས་ནས་ཀླུ་གནས་པའི་མཚོའི་ཆུ་ལ་ཐལ་མོ་ལན་གསུམ་པ་བརྡབས་ན། དེའི་མོད་ལ་ཀླུའི་རྒྱལ་པོས་ཆར་གྱི་རྒྱུན་ཆེན་པོ་གཏོང་བར་འགྱུར་རོ། །གལ་ཏེ་མོད་ལ་ཆར་པ་མི་འབེབས་ན། དེའི་ཚེ་ལན་ལྔ་བརྡེག་པ་དང ། །ཀླུ་དེ་དག་ཐམས་ཅད་ཀྱིས་ཆར་གྱི་རྒྱུན་གཏོང་ Pha302b བར་འགྱུར་རོ། །གང་གི་ཚེ་ཆར་པ་མི་འབེབས་པ་དེའི་ཚེ་ཀླུ་ཐམས་ཅད་ལ་ཀླད་པའི་ནད་འབྱུང་བར་འགྱུར་རོ། །གལ་ཏེ་ལན་བདུན་བསྣུན་ན། ཀླུའི་རྒྱལ་པོ་ཐམས་ཅད་ལ་ཚུལ་མ་ཡིན་པའི་སྡུག་བསྔལ་འབྱུང་བར་འགྱུར་རོ། །ཀླུའི་རྒྱལ་པོ་ཐམས་ཅད་ཀྱི་རིག་སྔགས་ཕུང་བར་བགྱིས་པར་འགྱུར་རོ། །གདོན་གྱིས་ཟིན་པ་ཐམས་ཅད་ཀྱི་མིག་ལ་བསྐུས་ན། བསྐུས་པ་ཙམ་གྱི་མོད་ལ་གདོན་བརྒྱད་ཁྲི་བཞི་སྟོང་རབ་ཏུ་ཞི་བར་འགྱུར་རོ། །རིམས་ཀྱིས་ཐེབས་པ་རྣམས་ཀྱི་དཔྲལ་བ་ལ་ཐིག་ལེ་བགྱིས་ན། རིམས་ཞགས་གཅིག་པའམ། ཉིན་གཉིས་པའམ། ཉིན་གསུམ་པའམ། ཉིན་བཞི་པའི་རིམས་ཐམས་ཅད་ཞི་བར་འགྱུར་རོ། །ནད་ཀྱིས་ཟིན་པ་རྣམས་ལ་ཁྲུས་བགྱིས་ན། མོད་ལ་ནད་ཐམས་ཅད་ལས་ཐར་པར་འགྱུར་རོ། །ཤ་བཀྲ་དང ། མཛེ་དང ། རྐང་ཤུ་དང ། གཡན་པ་དང ། ཤུ་བ་དང ། འབྲུམ་བུ་རྣམས་ལས་ཐར་པར་འགྱུར་རོ། །གཡའ་བ་དང ། ལྷོག་པ་དང ། མཚན་བར་རྡོལ་བ་དང ། ཤུ་བ་མཆེད་པ་དང ། འབྲུམ་བུ་ཕྲ་མོ་མཆེད་པ་ལ་བྱུགས་པ་ཙམ་གྱིས་ཐར་པར་འགྱུར་རོ། །གདུག་པས་ཟིན་པ་ཐམས་ཅད་ལ་བྱུགས་པ་ཙམ་གྱིས་མི་གདུག་པར་འགྱུར་རོ། །དུག་གིས་མྱོས་པར་བགྱིས་པ་ཐམས་ཅད་ལ་འཚལ་བ་ཙམ་གྱི་མོད་ལ་ཐར་པར་འགྱུར་རོ། །ལྟོན་པ་དང ། སྐྲན་དང ། དམུ་ཆུ་དང ། མཆིན་པ་ན་བ་དང ། རྩིབ་ལོགས་ན་བ་དང ། སྙིང་ན་བ་དང ། ཆུ་སོ་ན་བ་དང ། གཞང་ Pha303a ༄#། །ནད་དང ། ཚད་པ་དང ། གཅིན་སྲི་བ་དང ། གསུང་པ་དང ། མ་ཞུ་བ་དང ། རྟུག་སྐམ་ལ་བསྲོས་ནས་འཚལ་བ་ཙམ་གྱི་མོད་ལ་ཞི་བར་འགྱུར་ཞིང ། ཕྱིས་ལན་འགའ་ཡང་གནོད་པ་བགྱིད་པར་མི་འགྱུར་རོ། །མཚོགས་མར་གི་ཝང་གི་རིལ་བུ་བགྱིས་ཏེ་ལུག་གི་སྒོ་དང་ཉེ་བར་མཆིས་ནས་ལག་པ་གཡས་པ་ཡང་བྱུགས་ཏེ་མགོ་ལ་ཐལ་མོ་བརྡབས་ན། ཕུག་གི་སྒོ་རྣམས་འབྱེ་བར་འགྱུར་རོ། །བག་ཚ་བ་མ་མཆིས་པར་འཇུག་སྟེ། སླར་ཅུང་ཟད་ཀྱང་བགེགས་བགྱིད་པར་མི་འགྱུར་རོ། །གནས་དེ་ན་གནས་པ་གང་ལགས་པ་དེ་དག་ཐམས་ཅད་དབང་དུ་གྱུར་ནས་མདུན་ན་མཆིས་པར་འགྱུར་རོ། །དགོས་པ་སྒྲུབ་པ་ཆེན་པོ་ཐམས་ཅད་འགྲུབ་པར་འགྱུར་རོ། །རྐང་པ་གཉིས་ལ་བྱུགས་ཏེ་མེ་འབར་བའི་ནང་དུ་ཞུགས་ན། མེ་ལྷ་རང་གི་གཟུགས་ཀྱིས་མདུན་དུ་མཆིས་ནས་ལག་པ་ནས་བཟུང་སྟེ་རིག་སྔགས་འཆང་ལ་རིག་སྔགས་འཆང ། བདག་གི་གཞལ་མེད་ཁང་གི་གནས་སུ་ཞུགས་ཤིག་།རིག་སྔགས་འཆང་གིས་བསྒོ་བ་ཐམས་ཅད་བསྒྲུབ་པར་བགྱིའོ། །ཞེས་སྨྲ་བ་ན། དེའི་ཚེ་རིག་སྔགས་འཆང་གིས་བགྱི་བ་ཅི་མཆིས་པ་དེ་བསྒོ་བར་བགྱི་སྟེ། ཐམས་ཅད་བགྱིད་པར་འགྱུར་རོ། །དཔུང་པ་གཉིས་ལ་བྱུགས་ན། གླང་པོ་ཆེ་བདུན་གྱི་སྟོབས་དང་ལྡན་པར་འགྱུར་རོ། །བརླ་གཉིས་ལ་བྱུགས་ན། ཚུགས་པ་མ་མཆིས་པའི་གྱང་ Pha303b དུ་འགྱུར་རོ། །བྱིན་པ་གཉིས་ལ་བྱུགས་ན། འབབ་ཆུ་ཆེན་པོ་ཕ་རོལ་ཏུ་རྒལ་བར་འགྱུར་རོ། །མགྲིན་པ་ལ་བྱུགས་ནས་ནགས་ཁུང་དུ་ཞུགས་ན། ནགས་ཁུང་གི་གནས་ཀྱི་སྒོ་ཐམས་ཅད་བྱེ་ནས་སྨན་གྱི་རྫས་ཐམས་ཅད་རང་གི་གཟུགས་ཀྱིས་མདུན་ན་མཆིས་པར་འགྱུར་ཏེ། ཅི་འཚལ་བ་དེ་བླང་བར་བགྱིའོ། །གི་ཝང་གི་རིལ་བུ་བགྱིས་ཏེ་ཁར་བསྲེལ་ནས་རི་སུལ་དང ། སྨན་གཤོང་དུ་ཞུགས་ན། སྐད་དྲག་པོ་ལན་གསུམ་གདོན་པར་བགྱི་སྟེ། རི་སུལ་དང ། སྨན་གཤོང་གི་གནས་གསང་བའི་སྒོ་གང་དག་ལགས་པ་འབྱེ་བར་འགྱུར་ཞིང ། དེ་ན་གནས་པ་གང་ལགས་པ་དེ་དག་ཐམས་ཅད་རང་རང་གི་གཟུགས་ཀྱིས་མདུན་ན་མཆིས་པར་འགྱུར་ཞིང་ལས་ཐམས་ཅད་བགྱིད་པར་འགྱུར་རོ། །དེ་ནས་རྩཝ་དང ། ཤིང་གེལ་པ་དང ། ནགས་ཚང་ཚིང་གི་སྨན་གྱི་རྫས་གང་ལགས་པ་དག་རང་གི་གཟུགས་ཀྱིས་མདུན་ན་མཆིས་པར་འགྱུར་ཞིང ། གང་དག་གི་བཅུད་ཀྱི་མཆོག་དེ་དག་འཛག་ལ། བཅུད་སྲུང་བ་དེ་དག་ཀྱང་རང་གི་གཟུགས་ཀྱིས་མདུན་ན་མཆིས་ནས་ཐམས་ཅད་དབང་དུ་འགྱུར་རོ། །ཇི་ལྟར་འཚལ་བ་བག་ཚ་བ་མ་མཆིས་པར་དགོས་པ་ཐམས་ཅད་བགྱིད་པར་འགྱུར་རོ། །སྙིང་གར་ཐིག་ལེ་བགྱིས་ནས་སྙིང་ལ་ཅུང་ཟད་ཅི་བསམ་པ་དང ། ཡིད་ལ་བསམ་ཞིང་བརྣག་པའི་དགོས་པ་དེ་དག་ཐམས་ཅད་མོད་ལ་འགྲུབ་པར་འགྱུར་རོ། །ལྟོ་ལ་ཐིག་ལེ་བགྱིས་ན། ཁ་ཟས་དང་བཏུང་བའི་སྟོན་ Pha304a ༄#། །མོ་འདོད་རྒུ་ཐམས་ཅད་ཐོབ་པར་འགྱུར་ཏེ། ཕུན་སུམ་ཚོགས་པ་ཐམས་ཅད་ལྷུན་གྱིས་འགྲུབ་པར་འགྱུར་རོ། །རྩིབ་ལོགས་གཉིས་ལ་བྱུགས་ན། ཇི་ལྟར་བསམ་ཞིང་དོན་དུ་གཉེར་བའི་གོས་རྣམས་འཐོབ་པར་འགྱུར་རོ། །སྒྲལ་ཚིགས་ལ་བྱུགས་ན། ཇི་ལྟར་ཡིད་ལ་བསམ་པའི་མལ་དང ། སྟན་འཐོབ་པར་འགྱུར་རོ། །རྣ་བ་ལ་བྱུགས་སམ། གནད་དང ། གནད་ཐམས་ཅད་ཀྱི་གནས་སུ་བྱུགས་ན། ཇི་ལྟར་བསམ་པའི་རྒྱན་དང ། ལྷབ་ལྷུབ་ཐོབ་པར་འགྱུར་རོ། །མཇུག་དོ་ལ་བྱུགས་ན། རྟའི་བཞོན་པ་ཐོབ་པར་འགྱུར་རོ། །ཉིན་བཞིན་ནང་པར་ཚིག་གཞན་མི་སྨྲ་བར་གི་ཝང་གི་རིལ་བུ་རེ་རེ་ལ་དོན་ཡོད་རྒྱལ་པོའི་སྙིང་པོ་བཟླས་ནས་འཚལ་ཏེ། ཉི་མ་དང་པོ་ལ་ཚིགས་སུ་བཅད་པ་སྟོང་བཀླགས་ན་འཛིན་པར་འགྱུར་རོ། །ཉིན་གཅིག་བཞིན་ཉིས་འགྱུར་དུ་བགྱིས་ནས་བཀླགས་པ་ན་འཛིན་པར་འགྱུར་རོ། །ཞག་བདུན་གྱིས་ཐོས་པ་མང་པོར་འགྱུར་རོ། །ཞག་བཅུ་བཞིར་བགྱིས་ན། མིའམ་ཅི་མོ་ལྟ་བུའི་སྒྲ་དབྱངས་སུ་འགྱུར་རོ། །ཞག་ཉི་ཤུ་རྩ་གཅིག་ཏུ་བགྱིས་ན། ཐོས་པ་བསགས་པའི་རྒྱ་མཚོ་ཆེན་པོར་འགྱུར་རོ། །ཀ་ལ་པིངྐའི་དབྱངས་ལྟར་མཉེན་ཞིང་སྙན་ལ་རྣ་བའི་སྒྲ་དབྱངས་སུ་འགྱུར་རོ། །བུའི་ཆེད་དུ་མར་དང་ལྷན་ཅིག་སྩལ་ན། བྱ་རོག་ལྟ་བུ་དང ། མོ་གཤམ་རྣམས་ཀྱིས་ཀྱང་བུ་རྙེད་པར་འགྱུར་རོ། །བཙོན་ Pha304b རར་སྩལ་བ་དང ། ཤིང་སྒྲོག་དང ། ལྕགས་སྒྲོག་དང ། གཏན་པ་དང ། ཁོང་སྒྲིལ་ལ་བྱུགས་ན། བྱུགས་པ་ཙམ་གྱི་མོད་ལ་དུམ་བུ་དུམ་བུར་འཆག་པར་འགྱུར་རོ། །འཐོར་བར་འགྱུར་རོ། །ཚེས་བརྒྱད་དམ། བཅུ་བཞིའམ། ཚེས་བཅོ་ལྔ་ལ་དོན་ཡོད་རྒྱལ་པོའི་སྙིང་པོ་ལན་བདུན་བཟླས་ལ་ཁྲོ་བོའི་རྒྱལ་པོས་རང་ལ་དབང་བསྐུར་ནས་གིའུ་ཝང་གི་རིལ་བུ་དང་སྤོས་ཆབ་བསྲེས་པས་ཁྲུས་བགྱིའོ། །ཁྲུས་བགྱིས་པ་ཙམ་གྱི་མོད་ལ་སྡིག་པ་ཐམས་ཅད་དང ། སྔོན་གྱི་སྒྲིབ་པ་ཐམས་ཅད་རྣམ་པར་འཇིག་པར་འགྱུར་རོ། །ནུབ་གསུམ་དུ་ཁྲུས་བགྱིས་ན། གསངས་སྔགས་དང ། ཕྱག་རྒྱ་དང ། སྒྲུབ་པ་དང ། གྲུབ་པའི་མཆོག་ཐམས་ཅད་ཐོབ་པར་འགྱུར་རོ། །ཕས་ཀྱི་རྒོལ་བ་དང ། མི་མཛའ་བ་དང ། གདུག་པ་དང ། སྡིག་པ་ཐམས་ཅད་ཀྱིས་མི་ཚུགས་པར་འགྱུར་རོ། །ལན་འགའ་ཡང་ཐམས་ཅད་ཀྱི་ཐམས་ཅད་དུ་འཇིགས་པ་མི་འབྱུང་ཞིང་ཡོངས་སུ་ཐར་པར་འགྱུར་རོ། །ཕྱིས་ལན་འགའ་ཡང་སྡིག་པའི་དྲི་མས་གོས་པར་མི་འགྱུར་རོ། །གིའུ་ཝང་གི་རིལ་བུ་ཏིལ་མར་དང་བསྲེས་ཏེ་ཁ་གདོང་ལ་བྱུགས་ནས་རྒྱལ་པོའི་མདུན་དུ་མཆིས་ན། བུ་བཞིན་དུ་ཕང་དུ་འཁྱུད་ནས་དགའ་བ་ཆེན་པོ་འཐོབ་པ་དང ། རྒྱལ་པོ་ཁྲོ་བོའི་འཇིགས་པ་ཐམས་ཅད་ཞི་བར་འགྱུར་རོ། །ལུས་ཐོག་ཐག་ཏུ་བྱུགས་ན། གསད་པར་འོས་པའི་ལུས་ལ་ཡང་མཚོན་གྱིས་ཕོག་པར་མི་འགྱུར་ཏེ། དུམ་བུ་དུམ་ Pha305a ༄#། །བུར་འཆག་པར་འགྱུར་རོ། །མདའ་འཕངས་ན། ལུས་ལ་འབབ་པར་མི་འགྱུར་ཞིང་གཞུ་འཆག་པར་འགྱུར་རོ། །གིའུ་ཝང་གི་རིལ་བུ་མགུལ་དུ་བཏགས་ནས་འབྲོག་དགོན་པ་དང ། རི་དང ། ནགས་ཚང་ཚིང་བགྲོད་དཀའ་བར་ཞུགས་ན། ཆོམ་པོ་དང ། གཡོན་ཅན་དང ། རྐུན་པོ་དང ། གནོད་སྦྱིན་དང ། སྲིན་པོ་དང ། མི་དང ། མི་མ་ལགས་པ་དང ། གཅན་གཟན་གདུག་པ་དང ། སྦྲུལ་གདུག་པ་དང ། དུག་གི་འཇིགས་པ་ཐམས་ཅད་འབྱུང་བར་མི་འགྱུར་ཏེ། མི་གདའ་བར་འགྱུར་རོ། །དཔུང་པ་གཡས་པ་ལ་བཏགས་ན།་ཐམས་ཅད་དུ་ཕ་རོལ་ལས་རྒྱལ་བར་འགྱུར་རོ། །ཐམས་ཅད་དུ་མཆོད་གནས་ཆེན་པོར་ཡང་འགྱུར་རོ། །ཐམས་ཅད་དུ་མཐུ་དང་བརྩོན་འགྲུས་ཆེན་པོ་རྫི་བ་མེད་པས་ཕ་རོལ་ཟིལ་གྱིས་གནོན་པར་འགྱུར་རོ། །དཔུང་པ་གཡོན་པ་ལ་བཏགས་ན། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་ཀྱི་གནང་ཆེན་དུ་འགྱུར་ཏེ། ཐམས་ཅད་ལྟ་འཚལ་བར་འགྱུར་རོ། །མཆོད་པའི་འོས་ཆེན་པོར་འགྱུར་རོ། །དགོས་པ་མང་པོ་འགྲུབ་པར་འགྱུར་རོ། །བྱིན་པ་གཡས་པ་ལ་བཏགས་ན། དུབ་པ་མ་མཆིས་པར་དཔག་ཚད་སྟོང་དུ་མཆིས་པར་འགྱུར་རོ། །གིའུ་ཝང་གི་རིལ་བུ་ཁར་བསྲེས་ལ་ལག་པ་གཡས་པས་ཡུངས་ཀར་གྱིས་དོན་ཡོད་ལྕགས་ཀྱུ་བཟླས་ནས་དྲངས་ཏེ་ཚིག་གཞན་མི་སྨྲ་བར་གནས་ Pha305b མཐོན་པོར་འཛེགས་ཏེ་ཕྱོགས་གང་དུ་བསམ་པའི་སྐྱེ་བ་དང ། བུད་མེད་དང ། ཁྱེའུ་དང ། བུ་མོ་མཆིས་པའི་ཕྱོགས་དེར་ཡུངས་ཀར་གྱིས་གཏོར་ན། མོད་ལ་བཀུག་པར་འགྱུར་ཏེ།་མཆིས་པར་འགྱུར་རོ། །གལ་ཏེ་དཔག་ཚད་བརྒྱ་ཙམ་ན་གནས་པ་ཞིག་ན་ཡང་གང་གདོན་མི་འཚལ་བར་དེ་ཞག་གསུམ་གྱིས་མཆི་བར་འགྱུར་ཏེ། ཡིད་གཉིས་མི་བགྱིའོ། །ལག་པ་གཡས་པ་འམ། ལག་པ་གཡོན་པ་ལ་གིའུ་ཝང་གི་རིལ་བུ་བཏགས་ན། གང་དུ་རེག་པར་ནོར་དང ། འབྲུ་དང ། དབྱིག་དང ། ནོར་དང ། མུ་ཏིག་དང ། ཤངྐ་ཤི་ལ་དང ། བྱུ་རུ་དང ། ས་ལེ་སྦྲམ་དང ། དངུལ་དང ། གོས་དང ། ལྷབ་ལྷུབ་དེ་དག་ཐམས་ཅད་བཀུག་ནས་མཆི་བར་འགྱུར་ཏེ། ཅི་འཚལ་བ་དེ་མཆི་བར་འགྱུར་རོ། །བྱ་ཚང་དུ་ཞུགས་ནས་ཚང་མང་གི་སྒོར་ཐལ་མོ་བརྡབས་ན། འཚེད་པ་དང ། འཚེད་པའི་ཁ་ཟས་དེ་དག་ཐམས་ཅད་བཀུག་ནས་མཆིས་པར་འགྱུར་ཏེ། གང་དུ་འཚལ་བ་དེར་མཆི་བར་འགྱུར་རོ། །སྤོས་འཚོང་གི་ཚོང་ཁང་དུ་མཆིས་ན། ཚོང་ཁང་གི་ཡོ་བྱད་ཐམས་ཅད་མཆི་བར་འགྱུར་རོ། །ཆང་ཚོང་གི་སྒོར་ཐལ་མོ་བརྡབས་ན། ཆང་གི་བུམ་པ་ཐམས་ཅད་མཆི་བར་འགྱུར་རོ། །བང་བའི་སྒོར་ཐལ་མོ་བརྡབས་ན། འབྲུ་ཐམས་ཅད་བཀུག་པར་འགྱུར་རོ། །བཅུད་འབྱིན་པའི་ཁྱིམ་དུ་ཞུགས་ནས་འཁྲུལ་འཁོར་ལ་རེག་པར་བགྱིད་ན། བུ་རམ་གྱི་ཁུ་བ་དང ། ཤ་ཁ་རའི་གླེགས་བུ་ Pha306a ༄#། །ཐམས་ཅད་མཆི་བར་འགྱུར་རོ། །གང་དུ་འཚལ་བ་དེར་མངགས་པར་འགྱུར་རོ། །གྲོང་ཁྱེར་གྱི་སྒོར་མུན་ཚབ་ཚུབ་ན་ཐལ་མོ་བརྡབས་ན། གྲོང་ཁྱེར་ན་གནས་པ་ཐམས་ཅད་གཉིད་དཀྲོགས་པར་འགྱུར་རོ། །དགྲ་བོའི་སྒོར་བཏབ་ན། བསྐྲད་པར་འགྱུར་རོ། །མཚོན་ཆ་མཁན་གྱི་ཁྱིམ་དུ་འཕངས་ན། མཚོན་ཆ་དང ། གོ་ཆ་རྣམས་རེངས་པ་དང ། རྨུགས་པར་བགྱིས་པར་འགྱུར་རོ། །རྒྱལ་པོའི་སྒོར་བཏབ་ན། ཕས་ཀྱི་རྒོལ་བ་དང ། མི་མཛའ་བ་དང ། སེམས་ཅན་གདུག་པ་ཐམས་ཅད་བཅིངས་པ་དང ། རེངས་པ་དང ། རྨུགས་པར་བགྱིས་པར་འགྱུར་རོ། །དུང་ལ་བྱུགས་ནས་མཐོན་པོར་བུས་ན། སྒྲ་གང་དུ་གྲགས་པ་དེ་དག་ཏུ་འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་དང ། བྱད་དང ། དུག་སྦྱར་མ་དང ། དུག་དང ། ནད་ལས་ཡོངས་སུ་ཐར་པར་འགྱུར་རོ། །གྲོང་ཁྱེར་གྱི་སྒོར་བུས་ན། ཡམས་ཀྱི་ནད་དང ། གནོད་པ་དང ། མི་ངས་ཐམས་ཅད་རབ་ཏུ་ཞི་བར་འགྱུར་རོ། །ཕྱུགས་ལྷས་སུ་བུས་ན། འོ་མ་ཐམས་ཅད་འཕྲོག་བར་འགྱུར་རོ། །གང་དུ་འཚལ་བ་དེར་མཆི་བར་འགྱུར་རོ། །ར་ལུག་གི་ལྷས་སུ་བུས་ན། ར་ལུག་གི་འོ་མ་འཕྲོག་བར་འགྱུར་ཏེ། གར་འཚལ་བ་དེར་མཆི་བར་འགྱུར་རོ། །སྐྱེ་བོའི་ཚོགས་ཆེན་པོའི་དབུས་སུ་བུས་ན། ཐམས་ཅད་སྒྲེན་མོར་གྱུར་ནས་གོས་ཐམས་ཅད་བཀུག་པར་འགྱུར་རོ། །རྫ་རྔ་ལ་བྱུགས་ Pha306b ཏེ་ཁྱམས་མཐོན་པོའི་སྟེང་དུ་བརྡུངས་ན། གྲང་བ་དང ། རླུང་དང ། སེར་བ་ཐམས་ཅད་བཅིངས་པ་དང་བཤིག་པར་འགྱུར་ཏེ། ཚུགས་པར་མི་འགྱུར་རོ། །དཔག་ཚད་བརྒྱ་ཁོར་ཁོར་ཡུག་ཏུ་སེར་བ་བཀག་པར་འགྱུར་རོ། །གྲོང་ཁྱེར་རམ་ཡུལ་འཁོར་མཐའ་དག་ཏུ་བུས་ན། ནད་དང ། ཡམས་ཀྱི་ནད་དང ། གནོད་པ་དང ། འཚེ་བ་ཐམས་ཅད་ཞི་བར་འགྱུར་རོ། །འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །མི་ངས་དང ། མུ་གེའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །གཞན་ཡང་དགོས་པ་རྣམ་པ་སྣ་ཚོགས་བརྒྱ་སྟོང་དག་བགྱིད་པར་འགྱུར་ཏེ། ཐམས་ཅད་ལ་སྦྱར་བར་བགྱིའོ། །དེ་ནས་སེམས་ཅན་ཐམས་ཅད་དང་ཐུན་མོང་བ་ཞི་བ་དང ། རྒྱས་པ་ནད་ཐམས་ཅད་ཞི་བར་བགྱིད་ཅིང་སྡིག་པ་ཐམས་ཅད་འཇིག་པར་བགྱིད་པ། ཡམས་ཀྱི་ནད་དང ། གནོད་པ་ཐམས་ཅད་རབ་ཏུ་ཞི་བར་བགྱིད་པ། མུ་གེའི་དགོན་པ་ཐམས་ཅད་རབ་ཏུ་ཞི་བར་བགྱིད་པ། འབྱུང་པོ་དང ། གནོད་སྦྱིན་དང ། སྲིན་པོ་དང ། གདོན་དང ། བརྗེད་བྱེད་ཐམས་ཅད་བརླག་པར་བགྱིད་པ་བརྗོད་པར་བགྱིའོ། །རིག་སྔགས་འཆང་གཙང་མར་གྱུར་པས་ལེགས་པར་ཁྲུས་བགྱིས་ཏེ་སྤོས་དྲི་ཞིམ་པོས་ལུས་བྱུགས་ལ། གོས་གཙང་མ་བགོས་ལ་སྤོས་དྲི་ཞིམ་པོས་བསྒོས་ནས་བྱམས་པའི་སེམས་ལ་མཉམ་པར་བཞག་ཅིང ། སེམས་ཅན་ཐམས་ Pha307a ༄#། །ཅད་ལ་ལྷག་པར་བརྩེ་བ་དང ། སྙིང་རྗེ་ཆེན་པོས་སྙིང་གདུངས་པས་སྦྱིན་སྲེག་གི་ལས་འདི་བགྱི་སྟེ། ཨརྐའི་ཤིང་དང ། ཤ་མའི་ཤིང་དང ། ཤིང་འོ་མ་ཅན་ནམ་ཇི་ལྟར་ཡང་བྱང་ཆུབ་ཀྱི་ཤིང་སྟེ། དེ་དག་གི་ཡམ་སྲེག་ཤིང་གིས་མེ་སྦར་ལ་འབྲས་ཡོས་དང ། ཡུངས་ཀར་དང ། པདྨ་དང ། པདྨའི་ལྡུམ་བུ་དང ། འདབ་མ་དང ། ཞོ་དང ། སྦྲང་རྩི་དང ། མར་དང་བསྲེས་པས་སྦྱིན་སྲེག་བགྱིའོ། །དོན་ཡོད་ཞགས་པའི་སྙིང་པོ་སྟོང་རྩ་བརྒྱད་བཟླས་ནས་དེ་ནས་དོན་ཡོད་ཞགས་པ་ཁྲོ་བོའི་རྒྱལ་པོས་དབང་བསྐུར་ཏེ། དོན་ཡོད་ཞགས་པའི་ཕྱག་རྒྱས་ཕྱག་རྒྱ་ལན་བརྒྱ་རྩ་བརྒྱད་བཅིང་ངོ ། །དེ་ནས་སྦྱིན་སྲེག་གི་དགོས་པ་རྣམས་མཐར་ཕྱིན་པའི་མོད་ཁོ་ནར་དཔག་ཚད་གཅིག་ཁོར་ཡུག་ཏུ་ཡམས་ཀྱི་ནད་དང ། གནོད་པ་དང ། འཚེ་བ་དང ། ནད་དང ། མུ་གེའི་དགོན་པ་མི་བཟད་པ་དང ། རང་གི་དཔུང་དང ། གཞན་གྱི་དཔུང་གི་འཇིགས་པ་དང ། ཕས་ཀྱི་རྒོལ་བ་དང ། མི་མཛའ་བའི་འཇིགས་པ་ཐམས་ཅད་དང ། ཆོམ་པོ་དང ། གཡོན་ཅན་དང ། རྐུན་མོ་དང ། གཅན་གཟན་གདུག་པ་ཅན་དང ། སྤྲུལ་དང ། དུག་མི་བཟད་པ་དང ། གདུག་པ་དང་བཅས་པའི་སྲོག་ཆགས་ཀྱི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །མི་ཚུགས་པར་འགྱུར་རོ། །དཔག་ཚད་བརྒྱར་ཁོར་ཡུག་ཏུ་རིམས་མི་འབྱུང་སྟེ། གནོད་པས་ Pha307b མ་ལགས། ནད་ཀྱིས་མ་ལགས་ཏེ། གནོད་སྦྱིན་དང ། སྲིན་པོ་དང ། འབྱུང་པོ་དང ། གདོན་རྣམས་ཀྱིས་མི་ཚུགས་ཏེ། རབ་ཏུ་ཞི་བར་འགྱུར་རོ། །འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་དང ། ནང་འཁྲུག་དང ། འཁྲུག་པ་དང ། སྐྲོད་པ་དང ། མདངས་གཅོད་པ་དང ། འཆིང་བ་དང ། སྡིགས་པ་རྣམས་ཀྱིས་མི་ཚུགས་ཏེ། རབ་ཏུ་ཞི་བར་འགྱུར་རོ། །སེམས་ཅན་ཐམས་ཅད་བདེ་བར་འགྱུར་རོ། །ཤིན་ཏུ་ལོ་ལེགས་ཤིང་མདངས་དགའ་ལ་སྐྱེ་བོ་དང ། མི་མང་པོས་རབ་ཏུ་གང་ཞིང་མེ་ཏོག་དང ། འབྲས་བུ་ཕུན་སུམ་ཚོགས་པར་འགྱུར་རོ། ། ནོར་དང ། འབྲུ་དང ། ལོ་ཏོག་རབ་ཏུ་མང་པོ་འགྲུབ་པར་འགྱུར་རོ། །ཤིན་ཏུ་རོ་དང་ལྡན་པ་དང ། ཤིན་ཏུ་སྨིན་པ་དང ། ཡོངས་སུ་རྫོགས་པར་འགྱུར་རོ། །རྩཝ་དང ། ཤིང་གེལ་བ་དང ། སྨན་དང ། ནགས་ཚང་ཚིང་དང ། མྱུ་གུ་དང ། རྩ་བ་དང ། འབྲས་བུ་བཟང་པོ་ཡོངས་སུ་རྫོགས་པར་འགྱུར་རོ། །ཕྱིར་ཞིང་ཇི་སྲིད་འཚོའི་བར་དུ་ཡུལ་དེ་ན་ཡིད་དུ་མི་མཆི་བའི་རེག་པ་མྱོང་བར་མི་འགྱུར་རོ། །ཡུལ་དེ་ན་དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་རྣམས་རྟག་ཏུ་ནད་མ་མཆིས་པར་འགྱུར་རོ། །བདེ་བར་ཚོར་བ་དང ། ཡིད་ལ་དགའ་ཞིང་མགུ་བར་འགྱུར་རོ། །བྱམས་པ་དང ། སྙིང་རྗེའི་སེམས་ཀྱིས་གནས་པར་འགྱུར་རོ། །ལྷ་དང ། ཀླུ་དང ། Pha308a ༄#། །གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དེ་དག་ཐམས་ཅད་ཀྱང་ལེགས་པར་བསྲུང་བའི་ཕྱིར་རྟག་ཏུ་སྲུང་བ་དང ། བསྐྱབ་པ་དང ། སྦ་བའི་ཕྱིར་དཔག་ཚད་བརྒྱ་ཁོ་ར་ཁོར་ཡུག་ཏུ་སྲུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་བགྱིད་པར་འགྱུར་རོ། །རྒྱལ་པོ་བཞི་ཡང་དཔུང་དང་བཅས་ཏེ་ཡོངས་སུ་སྐྱོང་བ་དང ། སྲུང་བ་དང ། སྐྱོབ་པ་དང ། སྤེད་པ་བགྱིད་བར་འགྱུར་རོ། །གདུག་པ་ཐམས་ཅད་ཟློག་པ་དང ། སྲུང་བ་དང ། ཡོངས་སུ་སྐྱོང་བར་འགྱུར་རོ། །དབང་ཕྱུག་དང ། དབང་ཕྱུག་ཆེན་པོའི་ལྷའི་བུ་རྣམས་རྟག་པར་རྒྱུན་དུ་སྲུང་བ་དང ། སྐྱོབ་པ་དང ། སྦེད་པ་བགྱིད་པར་འགྱུར་རོ། །ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷའི་བུ་འཁོར་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། ལྷའི་ཚོགས་ཀྱི་འཁོར་ཐམས་ཅད་ཀྱིས་ཡུལ་དེ་ལེགས་པར་སྲུང་བར་འགྱུར་རོ། །གཟི་བྱིན་སྩོལ་བར་འགྱུར་རོ། །དཔག་ཚད་གཅིག་ཁོ་ར་ཁོར་ཡུག་ཏུ་སེམས་ཅན་ཐམས་ཅད་ཡོངས་སུ་སྲུང་བ་དང ། ཡོངས་སུ་སྐྱོང་བར་འགྱུར་རོ། །དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་ལ་སྲུང་བ་དང ། བསྐྱབ་པ་དང ། སྦེད་པ་ Pha308b བགྱིས་པར་འགྱུར་རོ། །ཞི་བའི་ལས་འདིའི་མཐུས་སེམས་ཅན་ཐམས་ཅད་སྡིག་པ་དང ། སྒྲིབ་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཡུལ་དེ་ལ་དགོངས་པར་འགྱུར་རོ། །ཕྱོགས་བཅུའི་བྱང་ཆུབ་སེམས་དཔའ་སེམས་དཔའ་ཐམས་ཅད་དང ། བྱང་ཆུབ་སེམས་དཔའི་ཚོགས་ཐམས་ཅད་ཡང་དག་པར་དགོངས་པར་འགྱུར་རོ། །སེམས་ཅན་ཐམས་ཅད་ལ་དབུགས་འབྱིན་པར་སྟོན་པར་འཚལ་བར་འགྱུར་རོ། །སེམས་ཅན་ཐམས་ཅད་ཡོངས་སུ་བསྲུང་བའི་དོན་དུ་ཉི་མ་དང ། ཟླ་བ་རྒྱུ་སྐར་གྱི་ཚོགས་དང་བཅས་པ་ལེགས་པར་འབྱོར་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་པར་རྒྱུན་དུ་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་ལ་བུ་གཅིག་པ་བཞིན་དུ་དབུགས་འབྱིན་པར་འགྱུར་རོ། །ཡོངས་སུ་སྲུང་བ་དང ། ཡིད་ཀྱི་བརྣག་པ་ཐམས་ཅད་ཡོངས་སུ་རྫོགས་པར་བགྱིད་པར་འགྱུར་ཏེ། ཡང་ནས་ཡང་དུ་བལྟ་བར་འགྱུར་རོ། །དེ་ནས་དེས་སྦྱིན་སྲེག་གི་ཐལ་པ་དང ། དྲི་ཆུ་སྐྱོ་མ་བགྱིས་ཏེ་ཕྱོགས་བཞི་ཀུན་ཏུ་དབང་བསྐུར་ན། མཚམས་ཆེན་པོ་བཅད་པ་བགྱིས་པར་འགྱུར་རོ། །ནད་གྱིས་ཟིན་པ་ཐམས་ཅད་ཀྱི་ནད་ཐམས་ཅད་ཉེ་བར་ཞི་བར་འགྱུར་རོ། །རིམས་ཐམས་ཅད་ལ་ཐིག་ལེ་བགྱིས་ན། རིམས་ཐམས་ཅད་ལས་ཐར་བར་འགྱུར་རོ། །དྲི་ཆབ་དང་ཐལ་བས་ Pha309a ༄#། །ཁྲུས་བགྱིས་ན། ཐམས་ཅད་ཀྱི་སྒྲིབ་པ་དང ། སྡིག་པ་ཐམས་ཅད་རྣམ་པར་དག་པར་འགྱུར་རོ། །བཙོན་ར་ན་མཆིས་པའམ། ཕྱག་སྦལ་ན་མཆིས་པའི་གོས་ལ་བསྐུས་ན་རལ་བར་འགྱུར་རོ། །གདུག་པས་ཟིན་པ་དང ། དུག་གིས་མྱོས་པ་ཐམས་ཅད་ལ་བསྐུས་ན་གདུག་པར་མི་འགྱུར་རོ། །མེ་དགུག་པའི་སྦྱིན་སྲེག་གི་ཆོ་ག་རྫོགས་སོ།། དེ་ནས་པདྨ་རྒྱ་ཆེན་པོའི་དཀྱིལ་འཁོར་འདིར་པདྨའི་རིགས་འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་ཆོ་ག་ཞིབ་མོའི་རྒྱལ་པོ་ཆེན་པོ་བརྗོད་པར་བགྱི་སྟེ། འདི་ནི། མ་བསྒྲུབས་པར་ལས་བརྒྱ་སྟོང་བགྱིད་པར་འགྱུར་རོ། །ཚེས་གྲངས་རྒྱུ་སྐར་བཟང་པོ་དང ། །ཤིན་ཏུ་བཀྲ་ཤིས་མཆོག་དགེ་ལ། །ལེགས་བར་ཁྲུས་བགྱིས་གོས་གཙང་བགོ། །བྱམས་པའི་སེམས་ལ་མཉམ་པར་བཞག་།སེམས་ཅན་ཀུན་ལས་བརྩེ་བ་དང ། །སྙིང་རྗེ་དམ་བས་བརྒྱན་པ་དང ། །དོན་ཡོད་ཞགས་པའི་རིག་སྔགས་ཚེ། །གྲུབ་པ་བླ་མེད་ཆོ་གའི་རྒྱལ། །བཀླགས་པས་ལས་རྣམས་ཐམས་ཅད་དག་།འགྲུབ་པར་བགྱིད་དེ་སོམ་ཉི་མེད། །འཇིག་རྟེན་བླ་མའི་སྙིང་པོ་དག་དེ་བཞིན་གང་དག་རྟག་བརྗོད་ན། །ལུས་ཅན་རྟག་ཏུ་མཆོག་སྦྱིན་གྱི། །ཕྱག་ན་པདྨ་རྟག་ཏུ་འགྱུར། །ཇི་ལྟར་གངྒཱའི་བྱེ་སྙེད་ཀྱི། །སངས་རྒྱས་བྱེ་བ་ཕྲག་སྟོང་ལ། །བསོད་ནམས་ Pha309b ཕུང་པོ་ཁྲི་ཕྲག་སྐྱེད། །དགེ་བའི་རྩ་བ་གསོག་པ་དང ། །སངས་རྒྱས་བྱ་བ་བགྱིད་པར་འགྱུར། །སྨྱུང་བ་བགྱིས་ནས་བཟླས་བརྗོད་གཅིག་།མཁས་པའི་མིས་ནི་བརྗོད་བགྱིས་པ། ། དགེ་སློང་ཕ་དང་དགེ་སློང་མ། །དགེ་བསྙེན་ཕ་མས་དེ་བཞིན་དུ། །བདེ་བ་ཅན་དུ་མྱུར་དུ་མཆི། །སྡུག་བསྔལ་མི་བཟང་མྱོང་འགྱུར་བའི། །ཉོན་མོངས་པ་ལས་ཐར་པར་འགྱུར། ། རྟག་ཏུ་སངས་རྒྱས་བྱང་སེམས་དག་།མཐོང་བར་འགྱུར་ཏེ་སོམ་ཉི་མེད། །དེ་ནས་དོན་ཡོད་ཞགས་པའི་སྙིང་པོའི་ཆོ་ག་ཇི་ལྟ་བ་བཞིན་དུ་བཟླས་བརྗོད་ཀྱི་ཆོ་ག་བརྗོད་པར་བགྱི་སྟེ། བཟླས་བརྗོད་ཀྱི་ནི་ལས་བགྱིས་ན། །རིག་སྔགས་འཆང་བ་དེ་ཉིད་འགྲུབ། །དོན་ཡོད་ཞགས་པའི་གཟུགས་བརྙན་གྱི། །མདུན་དུ་བ་ལྕིའི་དཀྱིལ་འཁོར་བགྱི། །གྲུ་བཞི་ཁོ་ར་ཁོར་ཡུག་ཏུ། །ཚོན་རྩི་དཀར་པོ་ཞིབ་མོ་ཡིས། །གྲུ་བཞི་ལྷག་པར་ཐིག་གདབ་བོ། །ངོས་བཞི་རྣམས་སུ་སྒོ་བཞི་དག་།དབུས་ནས་ངོས་བཞིར་གཤིས་སུ་དབབ། །ཙནྡན་དཀར་པོས་བྲི་བ་ནི། ། དཀྱིལ་འཁོར་མཆོག་ལ་པདྨ་དང ། །འདབ་བརྒྱ་གུར་གུམ་གྱིས་གཏོར་ཅིང ། །པདྨའི་ཟེ་བའི་དཀྱིལ་དག་ཏུ། །མ་ཞོམ་པ་ཡི་བུམ་པ་ནི། །སྤོས་ཆབ་ཀྱིས་ནི་བཀང་བ་ཡིས། །ཡུངས་ཀར་ལྡན་པ་གཞག་པར་བགྱི། ། ག་རུ་ཡི་བདུག་པ་དབུལ། །བུམ་པ་གང་བ་དགོད་པར་བགྱི། །མེ་ཏོག་སྣ་ཚོགས་བརྒྱན་པར་བགྱི། །མཆོད་ཡོན་སྣོད་ཀྱང་བཞི་གཞག་གོ། །རིག་ Pha310a ༄#། །སྔགས་འཆང་བ་གཙང་གྱུར་པར། །གཙང་མའི་གོས་ནི་བགོ་བར་བགྱི། །ལེགས་བཀྲུས་རྣམ་པར་དག་པ་དང ། །གསོ་སྦྱོང་དག་ནི་བླངས་པ་དང ། །དཀར་གསུམ་ཟས་ནི་འཚལ་ནས་སུ། །དུས་གསུམ་དུ་ནི་ཁྲུས་བགྱིའོ། །དུས་གསུམ་བཟླས་བརྗོད་བགྱི་བ་ནི། །དོན་ཡོད་ཞགས་པའི་སྙིང་པོ་དག་།དུས་གསུམ་དུ་ཡང་བརྒྱ་རྩ་བརྒྱད།། འཕགས་པ་འཇིག་རྟེན་དབང་ཕྱུག་གི། མངོན་སུམ་སྐྱིལ་མོ་ཀྲུང་བཅས་ཏེ། །བཟླས་བརྗོད་ཕྱག་རྒྱ་བཅིངས་ནས་སུ། །བགྲང་ཕྲེང་དག་ནི་བླང་བར་བགྱི། །མཛུབ་མོ་དག་ནི་མཐེ་བོ་དག། བརྐྱང་ནས་ཞི་ཞིང་དུལ་བ་ཡི། །ཡིད་ཀྱིས་བྱམས་སེམས་མཉམ་པར་གཞག་།ཏིང་འཛིན་བརྟན་པས་ལུས་སྙོམས་པར། །ལེགས་པར་བཞག་སྟེ་ཞི་བར་ལྟ། །ཚིག་གཞན་མི་སྨྲ་བཟླས་བརྗོད་བགྱི། །བཟླས་བརྗོད་བགྱིས་པ་ཙམ་གྱི་མོད་ལ་ས་ཆེན་པོ་གཡོ་བར་འགྱུར་རོ། །དོན་ཡོད་པའི་ཞགས་པའི་ཕྱག་རྒྱ་བཅིངས་ཏེ་ཕྱག་བགྱིས་ན། ས་ཆེན་པོ་ཡང་གཡོ་བར་འགྱུར་རོ། །བརྟན་པའི་སེམས་ཀྱིས་སྐྲག་པར་མི་བགྱིའོ། །སེམས་ཅན་ཐམས་ཅད་ལ་མཆོག་ཏུ་བརྩེ་བས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་ཞགས་པ་ཞབས་མཐོང་བ་ཙམ་དུ་བྲིས་ལ། ཇི་ཙམ་ན་ཁྲོ་བོའི་རྒྱལ་པོ་ལན་བདུན་བླའོ། །ལན་བདུན་བཟླས་པ་ཙམ་གྱི་མོད་ལ་ས་ཆེན་པོ་གཡོ་ཞིང་སྒྲ་འབྱུང་བར་འགྱུར་རོ། ། Pha310b འཕགས་པ་སྤྱན་རས་གཟིགས་དབང་ཕྱུག་གི་དཔྲལ་བ་ནས་འོད་ཟེར་བྱུང་ནས་ཀུན་ཏུ་སྣང་བར་འགྱུར་རོ། །རིག་སྔགས་འཆང་དེ་ཡང་ཆེར་སྙིང་དགའ་བ་དང ། བཞིན་འཛུམ་པ་དང ། ཤིན་ཏུ་རབ་ཏུ་དགའ་བས་སྤུ་ཟིང་ཞེས་བགྱིད་པར་འགྱུར་རོ། །དེ་ནས་བཅོམ་ལྡན་འདས་ཀྱི་གདོང་དུ་བལྟ་བར་བགྱི་སྟེ། གདོང་དུ་བལྟས་པ་ཙམ་གྱི་མོད་ལ་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་ངོ་གཡས་པ་ནས་ལེགས་སོ་ཞེས་བགྱི་བའི་སྒྲ་འབྱུང་བར་འགྱུར་རོ། །མིག་སྒྱུར་བར་བགྱིད་ཅིང་ཀུན་ཏུ་ལེགས་སོ། །ཞེས་བགྱི་བའི་སྒྲ་བྱུང་ན། རིག་སྔགས་འཆང་གིས་སྒྲིབ་པ་ཐམས་ཅད་རྣམ་པར་དག་པ་ཐོབ་ནས་ལུས་ཡོངས་སུ་དག་པ་ཆེན་པོ་དང་ལྡན་པར་འགྱུར་རོ། །དེ་བཞིན་གཤེགས་པ་བྱེ་བ་ས་ཡ་ཕྲག་བརྒྱ་སྟོང་ལ་དགེ་བའི་རྩ་བ་བསྐྱེད་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་ལྟ་བའི་འོས་སུ་འགྱུར་རོ། །ལུས་འཇམ་པ་དང ། ཤིན་ཏུ་གཞོན་ཤ་ཆགས་པ་དང ། མཉེན་པར་འགྱུར་རོ། །སྐྲ་ཅུང་ཟད་འཁྱིལ་བ་དང ། མཉེན་པ་དང ། སྙན་པའི་ཚིག་སྨྲ་བར་འགྱུར་རོ། །མིག་ཡོངས་སུ་དག་པ་འཐོབ་པར་འགྱུར་རོ། །ལུས་ཡོངས་སུ་དག་པ་དང ། ཡིད་ཡོངས་སུ་དག་པ་དང ། གཉེར་མ་དང ། སྐྲ་སྐྱ་བོ་སྤངས་པར་འགྱུར་རོ། །སེམས་ཅན་ཐམས་ཅད་ལ་ལྟ་བ་དག་པ་ཞེས་བགྱི་བའི་ཏིང་ངེ་འཛིན་ཐོབ་པར་འགྱུར་རོ། །ཇི་ཙམ་དུ་འདུག་ཅེ་ན། འཕགས་པ་སྤྱན་རས་ Pha311a ༄#། །གཟིགས་དབང་ཕྱུག་རང་གི་གཟུགས་སྟོན་ཅིང་དབུགས་འབྱིན་པར་བགྱིད་དེ། ལག་པ་གཡས་པ་སྤྱི་བོར་བཞག་ནས་མཆོག་ཐམས་ཅད་སྩོལ་བར་འགྱུར་རོ། །ནམ་མཁའ་ལ་མཆི་བའམ། མི་གྔའ་བར་བགྱི་བའམ། ལྷའི་མིག་འཐོབ་པའམ། སངས་རྒྱས་ཀྱི་ཞིང་ལ་བལྟ་བའམ། ཏིང་ངེ་འཛིན་རབ་ཏུ་འཐོབ་པའམ། གཟུངས་རབ་ཏུ་འཐོབ་པའམ། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་འགྲུབ་པའམ། གཙུག་ལག་སྨྲ་བའམ། གསང་སྔགས་སྨྲ་བའམ། ཐོས་པ་འཛིན་པ་ཉིད་དམ། གཏེར་སྨྲ་བའམ། ནོར་སྒྱུར་བ་སྨྲ་བའམ། མིག་འཕྲུལ་སྨྲ་བའམ། འཇིག་རྟེན་དུ་འགྲོ་བའམ། ཕུག་ཏུ་འཇུག་པའམ། ཀླུའི་གནས་སུ་འཇུག་པའམ། ཞིང་སྨྲ་བའམ། གནོད་སྦྱིན་དགུག་པའམ།་སྲིན་པོ་དགུག་པའམ། རོ་ལངས་བསླང་བའམ། ནགས་ཁྲོད་དུ་འཇུག་པའམ། རི་ལ་རྒྱུ་བའམ། གྲོང་ཁྱེར་དུ་འཇུག་པའམ། སྨན་བལྟ་བའི་ཕྱིར་འཇུག་པའམ། རལ་གྲིའི་རིག་སྔགས་འཆང་ཉིད་དམ། གྲུབ་པའི་རིག་སྔགས་འཆང་ཉིད་དམ། འཁོར་ལོས་བསྒྱུར་བ་ཉིད་དམ། རྒྱལ་པོ་འཐོབ་པའམ། ཡུལ་འཐོབ་པའམ། ཡུལ་གྱི་བདག་པོ་ཉིད་དམ། དཔུང་ཆེན་པོ་རབ་ཏུ་གཞོམ་པའམ། བསྐྲད་པའམ། རྒྱ་མཚོར་འཇུག་པ་དེ་དག་ཐམས་ཅད་སྩོལ་བར་འགྱུར་རོ། །དགོས་པ་གྲུབ་པ་ཐམས་ཅད་སྩོལ་བར་འགྱུར་རོ། །ཇི་ལྟར་གང་དུ་ Pha311b འཚལ་བར་ཡོངས་སུ་སྐྱོང་བར་འགྱུར་རོ། །མཚམས་མ་མཆིས་པ་ལྔ་རྣམས་འབྱང་བར་འགྱུར་རོ། །རྟག་ཏུ་བཟླས་བརྗོད་བགྱིས་ན། སེམས་ཅན་ཐམས་ཅད་ལ་ལྟ་བ་སྒྲིབ་པ་དང་བྲལ་པ་དག་པ་ཞེས་བགྱི་བའི་ཏིང་ངེ་འཛིན་འཐོབ་པར་འགྱུར་རོ། །མིག་སྨན་སྒྲུབ་པར་འཚལ་བས་དེས་ཟླ་བ་ཡར་གྱི་ངོའི་ཚེས་བརྒྱད་ལ་ལྡོང་རོས་ཀྱི་མིག་སྨན་ཟངས་ཀྱི་སྣོད་ཀྱི་ནང་དུ་སྩལ་ཏེ་ཙནྡན་གྱི་དཀྱིལ་འཁོར་བགྱིས་ལ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་བཞག་ནས་ལེགས་པར་ཁྲུས་བགྱིས་ཏེ་གོས་གཙང་མ་བསྒོས་ནས་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་སྐྱིལ་མོ་ཀྲུང་བཅས་ཏེ་མཆིས་ནས་བཟླས་བརྗོད་བགྱིའོ། །དོན་ཡོད་ཞགས་པའི་ཕྱག་རྒྱའི་མཚམས་བཅིང་བས་མཚམས་བཅིང་བར་བགྱིའོ། །ཁྲོ་བོའི་རྒྱལ་པོ་ལན་བདུན་བཟླས་པར་བགྱིའོ། །ཟས་དཀར་གསུམ་འཚལ་བར་བགྱིའོ། །རིགས་ཀྱི་བུ་ཕོའམ། རིགས་ཀྱི་བུ་མོ་གང་ཡང་རུང་བས་འཕགས་པའི་ལམ་ཡན་ལག་བརྒྱད་ཀྱི་བསྙེན་གནས་ལ་གོམས་པར་བགྱིས་ནས་བཟླས་བརྗོད་བགྱིའོ། །བཟླས་བརྗོད་བགྱིས་པ་ཙམ་གྱི་མོད་ལ་ཟངས་ཀྱི་སྣོད་འབར་བ་དང ། རླངས་པ་དང ། དབུ་བ་འབྱུང་བར་འགྱུར་ཏེ། དེ་བླངས་ནས་མིག་ལ་བྱུགས་ན། ནམ་མཁའ་ལ་རྫུ་འཕྲུལ་གྱིས་མཆིས་ནས་སངས་རྒྱས་ཀྱི་ཞིང་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་མཐོང་བར་ Pha312a ༄#། །འགྱུར་རོ། །ཕྱོགས་བཅུའི་སངས་རྒྱས་རྣམས་མཐོང་བ་དང ། རིག་སྔགས་འཆང་གི་འཁོར་ལོས་བསྒྱུར་བ་ཆེན་པོར་འགྱུར་རོ། །ཕུག་གི་གནས་ཕྱེ་བ་ཐམས་ཅད་མཐོང་བར་འགྱུར་རོ། །གཏེར་བྱུང་བ་ཐམས་ཅད་མཐོང་བར་འགྱུར་རོ། །ལྷའི་གནས་ཐམས་ཅད་ཀྱི་སྒོ་ཕྱེ་བ་མཐོང་བར་འགྱུར་རོ། །གང་དུ་འཚལ་བ་དེར་མཆི་བར་འགྱུར་རོ། ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། གདོན་དང ། མི་དང ། མི་མ་ཡིན་པ་དང ། ཕས་ཀྱི་རྒོལ་བ་དང ། མི་མཛའ་བ་ཐམས་ཅད་མི་གདའ་བར་འགྱུར་རོ། །ཚེས་བརྒྱད་དམ། བཅུ་བཞིའམ། བཅོ་ལྔ་ལ་ཚིག་གཞན་མི་སྨྲ་བར་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་སྐྱིལ་མོ་ཀྲུང་བཅས་ཏེ་མཆིས་ནས་ལན་སྟོང་རྩ་བརྒྱད་བཟླས་བརྗོད་བགྱིའོ། །བཟླས་བརྗོད་བགྱིས་པ་ཙམ་གྱི་མོད་ལ་འཕགས་པ་སྤྱན་རས་གཟིགས་དབང་ཕྱུག་ལྷའི་བདག་ཉིད་ཀྱི་རང་བཞིན་གྱི་གཟུགས་ཀྱིས་མདུན་ན་མཆིས་ནས་ལག་པ་གཡས་པ་སྤྱི་བོར་བཞག་པ་དང ། དྲི་མེད་འཕགས་ཀྱི་ལྟ་བའི་ཆོ་འཕྲུལ་ཞེས་བགྱི་བའི་ཏིང་ངེ་འཛིན་འཐོབ་ཅིང ། དེ་བཞིན་གཤེགས་པ་ཐམས་ཅད་ཀྱིས་གཟིགས་པའི་བྱིན་གྱིས་བརླབས་བཀོད་པ་ཡང་དག་པར་ལྟ་བ་སྣང་བ་ཞེས་བྱ་བའི་རྫུ་འཕྲུལ་ཐོབ་ནས་ཚེའི་ཚད་ལྷའི་བསྐལ་པ་སྟོང་དུ་འགྱུར་རོ། །བདག་ཉིད་ལྷའི་རང་བཞིན་ཐོབ་པ་དང ། དེ་ Pha312b བཞིན་གཤེགས་པ་ཐམས་ཅད་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱིས་དམ་པའི་ཆོས་ཀྱི་གཏམ་གླེང་བར་མཛད་པ་ཐོས་པར་འགྱུར་རོ། །བདེ་བ་ཅན་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་བསུ་བའི་སླད་དུ་ལྷའི་གཟུགས་ཀྱིས་མདུན་ན་མཆིས་པར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །པདྨ་སྣང་བའི་གཞལ་མེད་ཁང་ཞེས་བགྱི་བའི་ཁང་པ་བརྩེགས་མའི་གཞལ་མེད་ཁང་མཐོང་བར་འགྱུར་རོ། །དེ་ནས་རང་གི་ལུས་རྡོ་རྗེ་སྲ་བ་བདག་ཉིད་ཀྱི་སྙིང་པོའི་རང་བཞིན་ཐོབ་པར་འཚལ་ན། རིག་སྔགས་འཆང་དེས་སྤོས་ཆབ་དེས་བུམ་པ་བཀང་ནས་ལན་དྲུག་ཁྲི་ཉིས་སྟོང་བཟླས་བརྗོད་བགྱིས་ཏེ་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ཉིན་ཞག་གཅིག་མཆིས་པར་འགྱུར་པས་ཁྲུས་བགྱིའོ། །ཁྲུས་བགྱིས་པ་ཙམ་གྱི་མོད་ལ་ལུས་རྡོ་རྗེ་ལས་བྱུང་བའི་རང་བཞིན་དུ་འགྱུར་རོ། །དེ་བཞིན་གཤེགས་པ་ཐམས་ཅད་དེ་ལ་གཟིགས་པར་འགྱུར་རོ། །ཚེ་ལྷའི་ལོ་ཁྲིར་འགྱུར་རོ། །གནོད་སྦྱིན་དང ། སྲིན་པོ་དང ། གདོན་ཐམས་ཅད་དབང་དུ་འགྱུར་རོ། །ལྷ་དང ། ཀླུ་ཐམས་ཅད་ཀྱི་དཔོན་པོར་འགྱུར་རོ། །འཇིག་རྟེན་པའི་དགོས་པ་སྒྲུབ་པ་ཐམས་ཅད་བགྱིད་པར་འགྱུར་རོ། །དྲན་པ་ཙམ་མམ་སེམས་བསྐྱེད་པ་ཙམ་གྱི་མོད་ལ་གདོན་ཐམས་ཅད་དང ། བརྗེད་བྱེད་ཐམས་ Pha313a ༄#། །ཅད་བབས་ནས་ཐམས་ཅད་སྨྲ་བར་འགྱུར་ཏེ། བདེན་པའམ། མི་བདེན་པའམ། ཡང་དག་པའམ། ཡང་དག་པ་མ་ལགས་པའམ། སྐལ་པ་དང་ལྡན་པའམ།་སྐལ་བ་དང་མི་ལྡན་པའམ། བྱུང་བའམ། མ་བྱུང་བའམ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དེ་དག་ཐམས་ཅད་སྨྲ་བར་འགྱུར་རོ། །དེ་ལ་སོགས་ཏེ་ལས་བགྱི་བ་ཐམས་ཅད་བགྱིད་པར་འགྱུར་རོ། །བྲན་བཞིན་དུ་ལས་ཐམས་ཅད་རྟག་ཏུ་བགྱིད་པར་འགྱུར་རོ། །ཡང་ན་འཇིག་རྟེན་སོ་སོར་བསྒྲལ་བར་འཚལ་བའམ། ཐམས་ཅད་དབང་དུ་གྱུར་ནས་བཞག་པར་འཚལ་ལམ། ཐམས་ཅད་སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་ལས་ཐར་པར་འཚལ་ལམ། དོན་ཡོད་ཡེ་ཤེས་བཀོད་པ་ཞེས་བགྱི་བའི་ཏིང་ངེ་འཛིན་ཐོབ་པར་འཚལ་ལམ། རྣམ་པར་གྲོལ་བའི་དཀྱིལ་འཁོར་སྒྲུབ་པར་འཚལ་ལམ། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་སྒྲུབ་པར་འཚལ་ན། རིག་སྔགས་འཆང་དེས་གཟུགས་བརྙན་སོ་སོ་བ་བཞིན་དུ་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་གཟུགས་སུ་བགྱིས་ཏེ་རལ་པའི་ཐོར་ཚུགས་དང ། རི་དྭགས་ཨེ་ན་ཡའི་པགས་པས་བརྒྱན་པ། ཕྱུགས་བདག་གི་ཆ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་པ། སྐྱིལ་མོ་ཀྲུང་ངམ་འགྲེང་བ། Pha313b དྲུང་ན་ནོར་བཟང་པུས་མོ་གཡས་པ་ཕེབ་པ། གཡོན་ན་ཁྲོ་བོའི་རྒྱལ་པོ་གདོང་གྱེན་དུ་ལྟ་བ་ཁྲོ་བོའི་གཟུགས་ལག་པ་དྲུག་པ། འོད་དཔག་མེད་ཀྱི་དབུ་རྒྱན་ཐོགས་པ། རྒྱན་ཐམས་ཅད་ཀྱིས་ཀླུབས་པ། ཐམས་ཅད་རིང་བསྲེལ་དང་བཅས་པར་བགྱི་སྟེ། རིའི་སྟེང་གི་པདྨའི་སྟན་ལ་མཆིས་པར་བགྱིའོ། །གཙང་མས་གོས་གཙང་མ་བགོས་ཏེ་དུས་གསུམ་དུ་ཁྲུས་བགྱིས་ནས་ཉིན་ཞག་གཅིག་མཆིས་ཏེ་རིག་སྔགས་འཆང་གིས་བའི་རྣམ་ལྔས་ཉེ་རེག་བགྱིའོ། །ཆབ་དང་ཡུངས་ཀར་གྱི་དབང་བསྐུར་བས་དབང་བསྐུར་བར་བགྱིའོ། །སྙིང་རྗེ་ཆེན་པོས་གདུངས་པའི་སྙིང་གིས་བལྟ་བར་བགྱིའོ། །གལ་ཏེ་འདི་ལྟ་བུའི་ཚོགས་མི་བགྱིད་ན། བཀླགས་པ་ཙམ་གྱི་མོད་ལ་ཡང་འགྲུབ་པར་འགྱུར་ན། བཟླས་བརྗོད་ཀྱི་ལས་ཀྱི་ཆོ་གས་ལྟ་སྨོས་ཀྱང་ཅི་འཚལ། ཡང་རིག་སྔགས་འཆང་གང་ཞིག་གངྒཱའི་ཀླུང་བྱེ་བ་ཕྲག་བརྒྱད་ཅུ་རྩ་བརྒྱད་ཀྱི་བྱེ་མ་དང་མཉམ་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་མཆོད་པར་འཚལ་ལམ། ལྟ་བར་འཚལ་ལམ། དགེ་བའི་རྩ་བ་རྒྱ་ཆེན་པོ་སྐྱེད་པར་འཚལ་ལམ། སེམས་ཅན་ཐམས་ཅད་དགེ་བའི་རྩ་བ་ལ་རབ་ཏུ་བཞག་པར་འཚལ་བའམ། ཐམས་ཅད་ཀྱི་སྒྲིབ་པ་རྣམ་པར་དག་པར་བགྱི་བར་འཚལ་ན། རིག་སྔགས་འཆང་དེས་དགེ་སློང་ཕའམ། དགེ་སློང་མའམ། དགེ་བསྙེན་ཕའམ། དགེ་བསྙེན་མའམ། རྒྱལ་ Pha314a ༄#། །པོའམ། བཙུན་མོའམ། གཞན་སུ་ཡང་རུང་བས་ཐམས་ཅད་ཆོ་ག་འདི་བཞིན་བགྱིས་ཏེ། དེས་ཅི་འབྱོར་བའི་གསེར་ལས་དོན་ཡོད་པའི་ཞགས་པའི་གཟུགས་བརྙན་བགྱིའོ། །དེ་ནས་ཁ་ཤར་ཕྱོགས་སུ་བསྟན་ཏེ་བཞག་ལ་གུར་གུམ་གྱི་དཀྱིལ་འཁོར་བགྱིས་ཏེ། གྲུ་བཞི་ཆ་འབྱེས་པར་ལི་ཁྲིས་ཐིག་གདབ་པར་བགྱིའོ། །དཀྱིལ་འཁོར་དབུས་སུ་པདྨའི་ཕྲེང་བ་བགྱིའོ། །པདྨའི་ཕྲེང་བའི་དབུས་སུ་རིལ་བ་སྤྱི་བླུགས་དང ། བགྲང་ཕྲེང་གཞག་པར་བགྱིའོ། །མེ་ཏོག་སྣ་ཚོགས་ཀྱིས་མཛེས་པར་བགྱིའོ། །སྤོས་ཆབ་ཀྱིས་བཀང་བའི་བུམ་པ་མེ་ཏོག་ཅི་འབྱོར་པས་ལེགས་པར་བརྒྱན་པ་བཞི་གཞག་པར་བགྱིའོ། །མཆོད་ཡོན་གྱི་སྣོད་ལྔ་གཞག་པར་བགྱིའོ། །པོག་ཕོར་ལྔ་ལས་ཨ་ག་རུའི་བདུག་པས་བདུག་པར་བགྱིའོ། །དྲིས་བསྒོས་པའི་མར་མེ་བཅུ་དྲུག་སྦར་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བགྱིའོ། །མེ་ཏོག་དང ། བདུག་པ་དང ། དྲི་དང ། ཕྲེང་བ་ཡང་དབུལ་བར་བགྱིའོ། །འཇིག་རྟེན་དབང་ཕྱུག་གི་མདུན་དུ་སྐྱིལ་མོ་ཀྲུང་བཅས་ཏེ་མཆིས་ནས་དོན་ཡོད་ཞགས་པའི་ཕྱག་རྒྱ་བཅིངས་ཏེ་བདག་ཉིད་ལ་དབང་བསྐུར་བར་བགྱིའོ། །ཁྲོ་བོའི་རྒྱལ་པོ་ལན་གཅིག་བཟླ་བར་བགྱིའོ། །དེ་བཞིན་གཤེགས་པ་ཐམས་ཅད་ལ་དམིགས་པ་ཡིད་ལ་བགྱིས་ནས་ཕྱོགས་བཅུར་ཡིད་ཀྱིས་མཆོད་ཅིང་ཕྱག་ Pha314b བགྱིའོ། །བཟླས་བརྗོད་ཀྱི་ཕྱག་རྒྱ་བཅིངས་ཏེ་བཟླས་བརྗོད་བགྱིའོ། །བཟླས་བརྗོད་བརྒྱ་རྩ་བརྒྱད་བགྱིས་པ་དང ། ས་ཆེན་པོ་གཡོ་བར་འགྱུར་རོ། །བདག་ཉིད་དགའ་བར་གྱུར་ནས་འབར་བར་མཐོང་ངོ ། །དེ་བཞིན་གཤེགས་པ་དེ་དག་ཐམས་ཅད་ཀྱང་ཞལ་མངོན་སུམ་དུ་སྟོན་པ་ཉེ་བར་སྟོན་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་རལ་པའི་གསེབ་འབར་བར་གྱུར་ནས་ལེགས་སོ། །ཞེས་བགྱི་བའི་སྒྲ་འབྱུང་བར་འགྱུར་རོ། །ལན་བརྒྱ་རྩ་བརྒྱད་ལན་གཉིས་བཟླས་བརྗོད་བགྱིས་ན། གྲུབ་པ་ཆེན་པོའི་རྟགས་སྟོན་པར་འགྱུར་རོ། ། འཕགས་པ་སྤྱན་རས་གཟིགས་དབང་ཕྱུག་གི་ཕྱག་བརྐྱང་ནས་རིག་སྔགས་འཆང་གི་སྤྱི་བོར་འཇོག་པར་འགྱུར་རོ། །དེ་བཞིན་གཤེགས་པ་ཐམས་ཅད་གཟིགས་པ་ཞེས་བགྱི་བའི་ཏིང་ངེ་འཛིན་ཐོབ་པར་འགྱུར་རོ། །དོན་ཡོད་ཞགས་པ་གྲུབ་པའི་རིག་སྔགས་འཆང་བར་འགྱུར་རོ། །ཉི་མའི་རྩེ་ན་དེ་བཞིན་གཤེགས་པ་དེ་དག་ཀྱང་མཐོང་བར་གྱུར་ནས་སངས་རྒྱས་ཀྱི་ཞིང་ཐམས་ཅད་སྟོན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་དང་ལྡན་པར་འགྱུར་རོ། །བརྒྱ་རྩ་བརྒྱད་པ་ལན་གསུམ་བཟླས་ན། འཕགས་པ་སྤྱན་རས་གཟིགས་དབང་ཕྱུག་གི་གཟུགས་སྐྱ་རེངས་འཆར་ཀའི་དུས་སུ་མདུན་དུ་མཆིས་ནས་པདྨ་དྲི་མ་མེད་པ་ཞེས་བགྱི་བགྱི་བའི་ཞགས་པ་སྩོལ་བར་འགྱུར་རོ། །གྲུབ་པ་ཐམས་ཅད་སྩོལ་ Pha315a ༄#། །བར་འགྱུར་རོ། །རྒྱལ་བ་འོད་དཔག་མེད་ཀྱང་ལེགས་སོ། །ཞེས་བགྱི་བ་སྩོལ་བར་འགྱུར་རོ། །གང་སུ་ཡང་རུང་བས་འཕགས་པ་སྤྱན་རས་གཟིགས་དབང་ཕྱུག་གི་གཟུགས་མཐོང་ན། དེ་ནི། དེ་བཞིན་གཤེགས་པ་དྲུག་ཁྲི་ལ་དགེ་བའི་རྩ་བ་བསྐྱེད་པར་འགྱུར་རོ། །དེ་ལ་ལྷ་ཐམས་ཅད་དང ། ཚངས་པ་ལ་སོགས་ཏེ་དབང་ཕྱུག་དང ། དབང་ཕྱུག་ཆེན་པོའི་ལྷའི་བུ་རྣམས་རྟག་ཏུ་ལྟ་འཚལ་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །མཆོག་ཐམས་ཅད་ཡོངས་སུ་རྫོགས་ནས་རྟག་ཏུ་རྗེས་སུ་འབྲང་ཞིང་སྲུང་བ་དང ། སྐྱོབ་པ་དང ། སྦེད་པ་བགྱིད་པར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར་རོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བརྒྱད་པ། དེས་ཅི་འབྱོར་བའི་གསེར་ལ་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་བྱས་ལ་དེ་ནས་ཞལ་ཤར་ཕྱོགས་སུ་བསྟན་ཏེ་བཞག་ལ་གུར་གུམ་གྱི་དཀྱིལ་འཁོར་གྲུ་བཞི་པ་ལེགས་པར་འབྱེས་པ་བྱས་ཏེ་ལི་ཁྲིས་ཐིག་བཏབ་ལ་དཀྱིལ་འཁོར་གྱི་དབུས་སུ་པདྨ་བྲི། པདྨའི་དབུས་སུ་རིལ་པ་བྷྲིང་ཀ་ར་དང ། བགྲང་ཕྲེང་བྲི།་མེ་ཏོག་སྣ་ཚོགས་བཀམ་ལ་བུམ་པ་སྤོས་ཆུས་བཀང་ལ་མེ་ཏོག་ཅི་འབྱོར་པས་ལེགས་པར་བརྒྱན་པ་བཞི་གཞག་མཆོད་ཡོན་གྱི་སྣོད་ལྔ་གཞག་པར་བྱ་ཞིང ། པོག་ཕོར་ Pha315b ལྔ་ནས་ཨ་ག་རུའི་བདུག་པས་བདུག་པར་བྱའོ། །སྤོས་སྣ་བཅུ་དྲུག་དང་ལྡན་པའི་ཏིལ་མར་གྱི་མར་མེ་བལྟམས་ཏེ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱ་ཞིང ། མེ་ཏོག་དང ། བདུག་པ་དང ། དྲི་དང ། ཕྲེང་བ་དག་ཀྱང་དབུལ་བར་བྱའོ། །འཇིག་རྟེན་དབང་ཕྱུག་ལ་མངོན་དུ་ཕྱོགས་ཏེ་སྐྱིལ་མོ་ཀྲུང་བཅས་ལ་དོན་ཡོད་པའི་ཞགས་པའི་ཕྱག་རྒྱ་བཅིངས་ལ་བདག་ཉིད་ལ་དབང་བསྐུར་རོ། །ཁྲོ་བོའི་རྒྱལ་པོ་ལན་གཅིག་བཟླས་ལ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཡིད་ལ་བྱས་ཏེ་ཡིད་ཀྱིས་ཕྱག་བྱས་ལ། ལུས་ཀྱིས་ཀྱང་ཕྱག་བྱས་ཏེ་བཟླས་བརྗོད་ཀྱི་ཕྱག་རྒྱ་བཅིངས་ལ་བཟླས་བརྗོད་བྱའོ། །བརྒྱ་རྩ་བརྒྱད་བཟླས་པས་ས་ཆེན་པོ་གཡོ་བར་འགྱུར་ཞིང་བདག་ཉིད་སྙིང་དགའ་ལ་འབར་བར་སྣང་ངོ ། །དེ་བཞིན་གཤེགས་པ་དེ་དག་ཐམས་ཅད་ཞལ་ཉེ་བར་སྟོན་པར་མཛད་དོ། །འཕགས་པ་སྤྱན་རས་གཟིགས་དབང་ཕྱུག་གི་དབུ་རལ་པའི་གསེབ་འབར་ཞིང་ལེགས་སོ་ཞེས་བྱ་བའི་སྒྲ་འབྱུང་ངོ ། །བརྒྱ་རྩ་བརྒྱད་བཟླས་པ་གཉིས་པས་ནི། དངོས་གྲུབ་ཆེན་པོའི་མཚན་མ་སྟོན་ཏོ། །འཕགས་པ་སྤྱན་རས་གཟིགས་དབང་ཕྱུག་གི་ཕྱག་བརྐྱང་སྟེ་རིག་སྔགས་འཆང་གི་མགོའི་སྤྱི་བོར་འཇོག་པར་འགྱུར་རོ། །དེ་བཞིན་གཤེགས་པ་ཐམས་ཅད་ལ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་རོ། །རིག་སྔགས་འཆང་ལ་དོན་ཡོད་པའི་ཞགས་ Pha316a ༄#། །པ་གྲུབ་པར་འགྱུར་རོ། །ཐོ་རངས་དེ་བཞིན་གཤེགས་པ་དེ་དག་ཞལ་སྟོན་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་སྟོན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་དང་ལྡན་པར་འགྱུར་རོ། །བཟླས་བརྗོད་བརྒྱ་རྩ་བརྒྱད་གསུམ་པས་ནི། སྐྱ་རེངས་ཤར་བའི་དུས་ཀྱི་ཚེ་འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མདུན་ན་བཞུགས་ཏེ། པདྨའི་དྲི་མ་མེད་པ་ཞེས་བྱ་བའི་ཞགས་པ་སྦྱིན་པར་མཛད་ཅིང ། དངོས་གྲུབ་ཐམས་ཅད་སྦྱིན་པར་མཛད་དོ། །རྒྱལ་བ་འོད་དཔག་མེད་ལེགས་སོ། །ཞེས་བྱ་བ་སྦྱིན་པར་མཛད་དོ། །གང་ལ་འཕགས་པ་སྤྱན་རས་གཟིགས་དབང་ཕྱུག་གི་སྐུར་བསྟན་པ་སྟེ། དེ་བཞིན་གཤེགས་པ་སྟོང་ཕྲག་དྲུག་ཅུ་རྩ་བཞི་ལ་དགེ་བའི་རྩ་བ་བསྐྲུན་པར་འགྱུར་རོ། །ལྷ་ཐམས་ཅད་དང ། ཚངས་པ་ལ་སོགས་པ་དབང་ཕྱུག་དང ། དབང་ཕྱུག་ཆེན་པོ་དང ། ལྷའི་བུ་རྣམས་རྟག་ཏུ་ལུས་སྟོན་འདོད་པར་འགྱུར་རོ། །ནད་ཐམས་ཅད་དང་བྲལ་བར་འགྱུར་པ་དང ། མཆོག་ཐམས་ཅད་ཡོངས་སུ་རྫོགས་པ་དང ། རྟག་ཏུ་ཕྱི་བཞིན་འབྲང་ཞིང་སྲུང་བ་དང ། བསྐྱབ་པ་དང ། སྦ་བར་བྱེད་པར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར་རོ། །དེ་ནས་དངུལ་ལས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་གཟུགས་སྔ་མ་བཞིན་དུ་བྱས་པ་ལ་ཙནྡན་ Pha316b དཀར་པོའི་དཀྱིལ་འཁོར་དུ་ཙནྡན་དཀར་པོའི་དྲི་ཆབ་ཀྱིས་བཀང་བ་གཞག་པར་བྱ་ཞིང་མཆོད་ཡོན་གྱི་སྣོད་ལྔ་གཞག་པར་བགྱིའོ། །མེ་ཏོག་སྣ་ཚོགས་བཀྲམ་ཞིང་ཙནྡན་དཀར་པོའི་བདུག་སྤོས་ཀྱིས་བདུགས་ཏེ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བགྱིའོ། །དྲི་སྣ་བཞི་བཅུ་རྩ་གཉིས་དང་ལྡན་པའི་ཏིལ་མར་གྱི་མར་མེ་བལྟམ་པར་བྱ་ཞིང ། བདུག་སྤོས་ཀྱི་སྣོད་བཞི་བཅུ་གཞག་པར་བགྱིའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་རིག་སྔགས་འཆང་གཙང་མས་གོས་གཙང་མ་བགོས་ཏེ་དོན་ཡོད་པའི་ཞགས་པའི་ཕྱག་རྒྱ་ལན་བདུན་བཅིང་ངོ ། །བཟླས་བརྗོད་ཀྱི་ཕྱག་རྒྱ་བྱས་ཏེ་སྐྱིལ་མོ་ཀྲུང་དུ་འདུག་ལ་ལག་པ་གཡོན་པའི་མཛུབ་མོ་བརྐྱང་པ་པདྨའི་ཚུལ་དུ་བྱས་ལ་བཟླས་བརྗོད་ལན་བརྒྱ་རྩ་བརྒྱད་བྱའོ། །ལན་བརྒྱ་རྩ་བརྒྱད་ཚང་བ་དང ། ཤར་ཕྱོགས་ནས་ལེགས་སོ་ཞེས་བྱ་བའི་སྒྲ་གྲག་པར་འགྱུར་ཞིང་བདག་ཉིད་དགའ་བར་སྣང་ངོ ། །རྒྱལ་པོ་བློན་པོ་དང་བཙུན་མོའི་འཁོར་དང་བཅས་པ་དབང་དུ་གྱུར་ཏེ་མིང་བརྗོད་པས་དཔག་ཚད་སྟོང་ནས་འོང་བར་འགྱུར་རོ། །ཐམས་ཅད་ཀྱིས་བགྱི་བ་ཅི་མཆིས་ཞེས་བྲན་བཞིན་དུ་འགྱུར་རོ། །གང་བསྒོ་བ་དེ་བྱེད་བར་འགྱུར་རོ། །དེ་ཉིད་བླ་མར་འགྱུར་ཞིང་ཆེར་མཆོད་པར་འགྱུར་རོ། །བརྒྱ་རྩ་བརྒྱད་ལན་གཉིས་བཟླས་པས་བརྒྱ་བྱིན་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་ Pha317a ༄#། །པོ་དང ། གཤིན་རྗེ་དང ། ཆུ་ལྷ་དང ། རླུང་ལྷ་ལ་སོགས་པ་དབང་དུ་འགྱུར་ཞིང་བསྒོ་བ་བཞིན་བྱེད་པར་འགྱུར་རོ། །གང་བསྒོ་བ་བྱེད་པར་འགྱུར་རོ། །རྒྱལ་པོ་བཞི་འཁོར་གནོད་སྦྱིན་གྱི་ཚོགས་དང་བཅས་པ་རྣམས་དབང་དུ་འགྱུར་རོ། །བརྒྱ་རྩ་བརྒྱད་ལན་གསུམ་བཟླས་པས་ཉི་མ་དང་ཟླ་བ་ནམ་མཁའ་ལས་འབབ་ཅིང་མདུན་ན་འདུག་པར་འགྱུར་རོ། །མཚན་མོའི་ལྷ་དང་ནམ་མཁའི་ལྷ་འོངས་ནས་མདུན་ན་འདུག་པར་འགྱུར་ཞིང་དབང་དུ་འགྱུར་རོ། །ཐམས་ཅད་ཅི་བགྱི་ཞེས་པའི་བྱ་བ་བྱེད་ཅིང་འདུག་པར་འགྱུར་རོ། །བརྒྱ་རྩ་བརྒྱད་ལན་བཞི་བཟླས་པས་ཀླུ་ཐམས་ཅད་དབང་དུ་བྱས་པར་འགྱུར་ཏེ། རྒྱ་མཚོའི་ཀླུའི་རྒྱལ་པོ་དགའ་བོ་དང ། ཉེ་དགའ་བོ་ལ་སོགས་པའི་བར་ཐམས་ཅད་དབང་དུ་བྱས་པར་འགྱུར་རོ། །ཟངས་ལས་བྱས་པའི་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་ལ་ཙནྡན་དཀར་པོའི་དཀྱིལ་འཁོར་བྱས་ཏེ། མེ་ཏོག་དམར་པོ་བཀྲམ་ལ་བདུག་སྤོས་ཀྱི་སྣོད་བཞི་ནས་བདུག་པར་བྱ་ཞིང་མར་གྱི་མར་མེ་ལྔ་བཅུ་རྩ་གཉིས་བལྟམ་པར་བྱའོ། །མཆོད་ཡོན་གྱི་སྣོད་བཞི་བཞག་ལ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བྱའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་རྗེས་སུ་དྲན་པར་བྱའོ། །དོན་ཡོད་པའི་ཞགས་པའི་ཕྱག་རྒྱ་བཅིང་བར་བགྱིའོ། །རས་ Pha317b ལ་བྲིས་པའི་སྐུ་གཟུགས་ཀྱི་སྤྱན་སྔར་སྐྱིལ་མོ་ཀྲུང་དུ་འདུག་སྟེ་སེམས་ཅན་ཐམས་ཅད་ལ་དམིགས་པས་དེ་བཞིན་གཤེགས་པ་ཐམས་ཅད་ཡིད་ལ་བྱའོ། །ཕྱོགས་བཞིར་བྱམས་པའི་ལྟ་བས་བལྟ་བར་བྱའོ། །སེམས་ཅན་དམྱལ་བ་དང ། གཤིན་རྗེའི་འཇིག་རྟེན་དང ། ལྷ་མ་ཡིན་དང ། ཡི་དྭགས་ཀྱི་ཡུལ་ཐམས་ཅད་ཡིད་ལ་བྱའོ། །སེམས་ཅན་དམྱལ་བ་ཆེན་པོ་བརྒྱད་ཡིད་ལ་བྱ་ཞིང་སྙིང་རྗེའི་སེམས་ཀྱིས་བལྟ་བར་བྱའོ། །བཟླས་བརྗོད་ཀྱི་ཕྱག་རྒྱ་པདྨའི་ཚུལ་དུ་བཅིངས་ཏེ་བཟླས་བརྗོད་བྱའོ། །བརྒྱ་རྩ་བརྒྱད་ཚང་བ་དང ། ཕྱོགས་བཞི་གཡོ་ཞིང་སྒྲ་གྲགས་པར་འགྱུར་ལ་དམྱལ་བ་བའི་སེམས་ཅན་དེ་དག་ཐམས་ཅད་ཡོངས་སུ་གྲོལ་བར་འགྱུར་རོ། །དམྱལ་བའི་སྒོ་ཐམས་ཅད་བཅད་པར་འགྱུར་ཞིང་བཅོམ་པ་དང ། ཐལ་བར་བརླག་པར་འགྱུར་རོ། །དམྱལ་བའི་སེམས་ཅན་དེ་དག་བདེ་འགྲོར་འགྲོ་བར་འགྱུར་རོ། །བདག་ཉིད་ཀྱང་བྱང་ཆུབ་ཀྱི་མཐར་ཐུག་གི་བར་དུ་དམྱལ་བའི་སྡུག་བསྔལ་གྱི་ཚོར་བ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ལུས་ཀྱང་མཚན་བཟང་པོས་བརྒྱན་པར་འགྱུར་ཞིང ། སེམས་ཅན་གང་དག་གིས་མཐོང་བ་དེ་དག་ཐམས་ཅད་ཕྱིར་མི་ལྡོག་པར་འགྱུར་རོ། །བརྒྱ་རྩ་བརྒྱད་ལན་གཉིས་བཟླས་བརྗོད་བྱས་པས་ནི། སའི་འོག་གི་སེམས་ཅན་མུན་ནག་པ་སྣང་བ་དང་བྲལ་བ་དེ་དག་དོན་ཡོད་པའི་ཞགས་པའི་སྙིང་པོའི་མཐུས་མུན་ Pha318a ༄#། །ནག་དང་བྲལ་བར་འགྱུར་ཞིང་འོད་ཟེར་འབྱུང་བར་འགྱུར་རོ། །ཡོངས་སུ་གྲོལ་བའི་སེམས་ཅན་དེ་དག་འཕགས་པ་སྤྱན་རས་གཟིགས་དབང་ཕྱུག་གི་གནས་སུ་བརྫུས་ཏེ་སྐྱེ་བར་འགྱུར་ཞིང ། དགའ་བ་དང་འཆི་བ་སྤངས་པར་འགྱུར་རོ། །བྱང་ཆུབ་ཀྱི་མཐར་ཐུག་གི་བར་དུ་ཀུན་ནས་མཐུ་འཕགས་པ་དྲི་མ་མེད་པ་ཞེས་བྱ་བའི་ཏིང་ངེ་འཛིན་འཐོབ་པར་འགྱུར་ཞིང་ཚེ་བསྐལ་བ་ཐུབ་པར་འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །བྱང་ཆུབ་ཀྱི་མཐར་ཐུག་གི་བར་དུ་དེ་ཉིད་ཀྱི་ཞབས་ཀྱི་དྲུང་ན་གནས་པར་འགྱུར་ཞིང་མྱ་ངན་ཐམས་ཅད་དང་བྲལ་བར་འགྱུར་རོ། །ཙནྡན་དཀར་པོ་དང ། གླ་རྩི་དང ། ག་པུར་དང ། སྤོས་ཀྱི་རིགས་སྣ་ཚོགས་གཞན་དག་ཕྱེ་མ་ཞིབ་མོར་བྱས་ཏེ། ཡང་ལེགས་པར་བཏགས་ལ། ཀུན་དུ་རུ་དང ། སྲ་རྩི་པོག་དང ། གནྡྷ་ར་ས་དང ། ཆུ་དང་ལྷན་ཅིག་སྦྱར་ཏེ་ཤ་ཁ་ར་བཏབ་ལ་ལེགས་པར་བཏགས་པ་ལས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་སོར་བཞི་པའི་ཚད་དུ་བྱས་ཏེ་རྒྱན་ཐམས་ཅད་ཀྱིས་བརྒྱན་པ། རལ་བའི་ཐོར་ཚུགས་དང ། ེ་ན་ཡའི་པགས་པ་བསྣམས་པ། ཕྱུགས་བདག་གི་ཆ་ལུགས་འཛིན་པ། ཕྱག་བཞི་གཅིག་ན་པདྨ་ཐོགས། གཉིས་པ་ཞགས་པ་ཐོགས། གསུམ་པ་གསལ་ཤིང་ཐོགས། བཞི་པ་ Pha318b དབུགས་འབྱིན་པ་\?\། གདན་པདྨ་འོད་ཀྱི་དཀྱིལ་འཁོར་འདོམ་གང་གིས་བརྒྱན་པར་བྱ་སྟེ། གཡས་སུ་འཕགས་མ་སྒྲོལ་མ། གཡོན་དུ་དྲི་མེད་འགྲོ་བྱའོ། །འཇིག་རྟེན་དབང་ཕྱུག་གི་འོག་ཏུ་ནི། ཁྲོ་བོའི་རྒྱལ་པོའོ། །གོང་དུ་ནི། འོད་དཔག་མེད་དོ། །དེ་ནས་རིག་སྔགས་འཆང་གཙང་མས་གོས་གཙང་མ་བགོས་ཏེ་དུས་གསུམ་དུ་ཁྲུས་བྱ་ཞིང་གོས་སུམ་ཕྲུགས་སུ་བསྒོས་ལ་ཆོས་བརྒྱད་ནས་ཚེས་བཅུ་ལྔའི་བར་དུ་དུས་གསུམ་དུ་བཟླས་བརྗོད་བརྒྱ་རྩ་བརྒྱད་བྱའོ། །སྤོས་སྣ་ཚོགས་ཀྱིས་དཀྱིལ་འཁོར་བྱུག་པར་བྱ་ཞིང་ཚོན་སྣ་ལྔས་བྲི་བར་བྱ་སྟེ། དཀྱིལ་འཁོར་གྱི་དབུས་སུ་དོན་ཡོད་པའི་ཞགས་པ་དང ། རིག་སྔགས་ཀྱི་ལྷ་པུས་མོ་བཙུགས་ཏེ་གྱེན་དུ་ལྟ་བ་བྲི་བར་བྱའོ། །གྲ་བཞིར་དབང་ཕྱུག་དང ། དབང་ཕྱུག་ཆེན་པོ་དང ། གཤིན་རྗེ་དང ། ཆུ་ལྷ་བྲི་བར་བྱའོ། །སྒོ་བཞིའི་ཆ་\?\་འབྱེས་པར་བྱའོ། །དཀྱིལ་འཁོར་ཁོར་ཡུག་ཏུ་པདྨ་བྲི་བར་བྱའོ། །གྲ་བཞིར་སྤོས་ཀྱིས་བཀང་བ་གཞག་གོ་།སྒོ་བཞི་ར་དྲི་དང ། གཏོར་མ་དང་བུམ་པ་གང་བ་གཞག་གོ་།དཀར་གསུམ་གྱི་གཏོར་མ་དང ། མཆོད་ཡོན་གྱི་སྣོད་གཞག་གོ་།མེ་ཏོག་སྣ་ཚོགས་དགྲམ་པར་བྱ་ཞིང་ཨ་ག་རུ་དང ། ཙནྡན་གྱི་བདུག་པ་དབུལ་བར་བྱའོ། སྤོས་སྣ་བརྒྱ་ཉི་ཤུ་རྩ་བརྒྱད་དང་ལྡན་པའི་ཏིལ་མར་གྱི་མར་མེ་བལྟམ་པར་བྱ། འཕན་གདུགས་བཟང་པོ་སྣ་ཚོགས་ཀྱིས་ལེགས་པར་བརྒྱན་པར་བྱ་སྟེ། བྱང་ཆུབ་སེམས་དཔའ་ Pha319a ༄#། །འཕགས་པ་སྤྱན་རས་གཟིགས་དབང་ཕྱུག་དཀྱིལ་འཁོར་དུ་ཞལ་ཤར་ཕྱོགས་སུ་བསྟན་ལ་མཆོད་པར་བྱའོ། །རས་ཀྱི་ཚོན་སྐུད་སྣ་ལྔ་པ། སྲིད་དུ་ཁྲུ་བཅུ་དྲུག་པ། ཐོར་ཏོ་གཅིག་ཏུ་གསེར་གྱི་ཡང་མིག་།ཐོར་ཏོ་གཅིག་ཏུ་མུ་ཏིག་གི་ཆུན་ཀོར་བཏགས་ཏེ་སྦྲུལ་འཁྱིལ་བ་བཞིན་དུ་བསྐྱིལ་ལ་དཀྱིལ་འཁོར་གྱི་དབུས་སུ་བཞག་སྟེ་གཙང་མས་གོས་གཙང་མས་གཡོགས་པར་བྱའོ། །རིག་སྔགས་འཆང་དཀྱིལ་འཁོར་ལ་མངོན་དུ་ཕྱོགས་ཏེ་སྐྱིལ་མོ་ཀྲུང་དུ་འདུག་ལ་དོན་ཡོད་པའི་ཞགས་པའི་ཕྱག་རྒྱ་ལན་སུམ་ཅུ་རྩ་གཉིས་བཅིང་པ་བྱས་ལ་བདག་བསྲུང་ངོ ། །ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་པར་བྱས་ལ་དཀྱིལ་འཁོར་བཅིང་པ་དང ། ཕྱོགས་བཅིང་བ་ཡང་བྱའོ། །དེ་ནས་རིག་སྔགས་འཆང་གིས་བཞིན་འཛུམ་གྱིས་རྒྱས་པར་བྱས་ལ་བཟླས་བརྗོད་ཀྱི་ཕྱག་རྒྱ་བཅིངས་ཏེ་མི་སྨྲ་བར་ཡུངས་ཀར་འབྲུ་རེ་རེ་ནས་བཟླས་བརྗོད་སྟོང་རྩ་བརྒྱད་བརྗོད་ནས་རས་ཀྱི་སྲང་བུའི་སྟེང་དུ་གཏོར་བར་བྱ་སྟེ། སྟོང་རྩ་བརྒྱད་ཚང་བ་དང་རས་ཀྱི་སྲད་བུ་དེ་འབར་བར་འགྱུར་ཞིང ། འོད་ཟེར་སྣ་ཚོགས་འབྱུང་བར་འགྱུར་རོ། །ལེགས་སོ་ཞེས་བྱ་བའི་སྒྲ་འབྱུང་བར་འགྱུར་ཏེ། རིག་སྔགས་འཆང ། ལེགས་སོ་ལེགས་སོ། །ཁྱོད་ཀྱིས་དོན་ཡོད་པའི་ཞགས་པ་གྲུབ་ཀྱི། ལོངས་ལ་དགོས་པ་ཐམས་ཅད་བྱོས་ཤིག་།ཁྱོད་ཀྱིས་ཡིད་ Pha319b བཞིན་གྱི་ནོར་བུ་ཆེན་པོ་གཉིས་དོན་ཡོད་པའི་ཞགས་པ་པདྨ་གྲུབ་པས་འཇིག་རྟེན་པ་དང ། འཇིག་རྟེན་ལས་འདས་པའི་དགོས་པ་ཐམས་ཅད་སྒྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་དེ་ཡང་འབར་བར་འགྱུར་རོ། །འཇིག་རྟེན་དབང་ཕྱུག་གི་སྐུ་ལས་སྤོས་ཀྱི་སྤྲིན་ཆེན་པོ་འབྱུང་བར་འགྱུར་ཏེ། སྤོས་དེས་དཔག་ཚད་དྲུག་ཙམ་དུ་ཁྱབ་པར་བྱེད་དོ། །གང་ལ་དྲི་མནམ་པ་ཙམ་གྱིས་ནད་ཐམས་ཅད་དང་བྲལ་བར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར་རོ། །སྡུག་བསྔལ་གྱི་སྒྲིབ་པ་ཐམས་ཅད་དང ། བྱད་དང ། དུག་དང ། དབྱིག་གི་དུག་དང ། ཕྱེ་མའི་སྦྱོར་བ་རྣམས་འཇུག་པར་འགྱུར་རོ། ལུས་ཐམས་ཅད་དྲི་མ་མེད་པར་འགྱུར་རོ། །སེམས་ཅན་ཐམས་ཅད་ཀྱང་རྗེས་སུ་འབྲང་བར་འགྱུར་རོ། །དེ་ནས་རིག་སྔགས་འཆང་གིས་ཡིད་བཞིན་གྱི་ནོར་བུའི་ཞགས་པ་དེ་བླངས་ལ་ཟངས་ཀྱི་གབ་ཚེ་བཟང་པོའི་ནང་དུ་བཅུག་སྟེ་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་གཞག་པར་བྱའོ། །ནམ་དགོས་པ་བྱུང་བའི་ཚེ་གཙང་མས་ཁྲུས་ལེགས་པར་བྱས་ཏེ་བླང་བར་བྱ་ཞིང་དགོས་པ་བྱའོ། །ཉིན་རེ་ཞིང་དུས་གསུམ་དུ་མཆོད་པར་བྱའོ། །རིག་སྔགས་འཆང་དེ་ཡང་ནམ་མཁའ་ལ་འགྲོ་བར་འགྱུར་ཞིང་ལུས་ཡོངས་སུ་དག་པར་སྔོན་གྱི་རིག་སྔགས་འཆང་རྣམས་དང་ལྷན་ཅིག་རྩེ་ཞིང་ཐམས་ཅད་དབང་དུ་འགྱུར་རོ། །ཚེ་ལོ་ Pha320a ༄#། །སྟོང་ཐུབ་པར་འགྱུར་ཏེ། ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་བ་མཉམ་པ་རྣམས་ཀྱི་ནང་དུ་པདྨའི་སྙིང་པོ་ལ་བརྫུས་ཏེ་སྐྱེ་བར་འགྱུར་རོ། ། རིག་སྔགས་འཆང་ཐམས་ཅད་ཀྱི་འཁོར་ལོས་བསྒྱུར་བར་འགྱུར་རོ། །བྱང་ཆུབ་ཀྱི་སྙིང་པོ་ལ་མཐར་ཐུག་གི་བར་དུ་ཚེ་བསྐལ་བ་བརྒྱ་ཕྲག་སྟོང་ཐུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་དེ་ཡང་གང་གིས་མཐོང་བ་ཙམ་གྱིས་མཚམས་མེད་པ་ལྔ་ལ་སོགས་པ་ཟད་པར་འགྱུར་རོ། །སྣ་མའི་མེ་ཏོག་ལ་ལན་བརྒྱ་རྩ་བརྒྱད་བཟླས་ལ། འཕགས་པ་སྤྱན་རས་གཟིགས་དབང་ཕྱུག་ལ་རེ་རེ་ནས་དབུལ་བར་བྱ་སྟེ། བརྒྱ་རྩ་བརྒྱད་ཚང་བ་དང ། རྒྱལ་པོ་དང ། བློན་པོ་དང ། བཙུན་མོའི་འཁོར་དང་བཅས་པ་དབང་དུ་འགྱུར་རོ། །རང་ཉིད་ནོར་དང་བཅས། དབྱིག་དང་བཅས། །འབྲུ་དང་བཅས། བྲན་ཕོ་དང་བཅས། བྲན་མོ་དང་བཅས་ཏེ་ལས་བྱེད་པར་འགྱུར་རོ། །སྣ་མའི་མེ་ཏོག་རྙིང་པ་དེ་བསྡུས་ལ། གླ་རྩི་དང ། བྲི་ཡང་ཀུ་དང ། རྒྱ་སྤོས་དང ། རུ་རྟ་དང ། གུར་གུམ་དང ། སྤང་སྤོས་དང ། སཝ་མ་ཀ་དང ། སྤྲྀ་ཀ་དང ། ན་ལ་ད་དང ། བོ་ལ་དང ། ཡུངས་ཀར་རྣམས་ཞིབ་ཏུ་བཏགས་པའི་ཕྱེ་མ་ཆར་པའི་ཆུ་དང་སྦྱར་བའི་རིལ་བུ་ནི། དུག་མེད་པར་བྱེད་པའི་མཆོག་པདྨ་ཞེས་བྱ་སྟེ། ཐོག་མར་གྲགས་པ་དང་དཔལ་དུ་བྱེད། ནད་ཐམས་ཅད་སེལ་བ་དང ། རིམས་ Pha320b ནད་ཐམས་ཅད་ཉེ་བར་སེལ་བར་བྱེད་དོ། །བཙོག་ཤུ་དང ། འབྲས་དང ། མེ་དབལ་དང ། རྐང་ཤུ་དང ། ཕོལ་མིག་དང ། ལྷོག་པ་དང ། དེ་ཐམས་ཅད་ལ་ནི། བསྐུས་ན་བདེ་བར་ཞི་བར་འགྱུར་རོ་ཞེས་གསུང་ངོ ། ནད་དེ་དག་ཐམས་ཅད་ལ་ཁྲུས་བྱས་ན། སྡིག་པ་སེལ་ཏོ་ཞེས་ཐུབ་པས་གསུང་ངོ ། །ཚེ་སྦྱིན་པར་བྱེད། རྒྱལ་པོ་དག་ཡུལ་སྦྱིན་པར་བྱེད་དོ། །ཐིག་ལེ་བྱས་ཏེ་གཡུལ་ངོར་སོང་ན། ཐམས་ཅད་ལས་རྟག་ཏུ་རྒྱལ་བ་དང ། བུད་མེད་རྣམས་དགའ་བ་དང ། དབང་དུ་འགྱུར་བར་བྱེད་པའི་མཆོག་ཡིན་ནོ། །བྱད་འཇོམས་ཤིང ། དུག་དང ། དབྱིག་དང ། ཕྱེ་མའི་དུག་དང ། གསང་སྔགས་ཀྱི་སྦྱོར་བ་བྱས་པ་དག་ཀྱང་དེ་བཞིན་ནོ། །ཟས་ཟ་བ་དང་ཁྲུས་བྱེད་པ་ན་ཐིག་ལེའི་བྱུག་པ་རྟག་ཏུ་བྱས་ན། དེ་ཐམས་ཅད་ལས་འགྲོ་བ་རྣམས་བདེ་བར་ཐར་པར་འགྱུར་རོ། །ཞེས་འཇིག་རྟེན་དབང་ཕྱུག་གསུང་ངོ ། །ཀླད་པའི་ནད་མི་བཟད་པ་ལ་ནི། བྱུག་པར་བྱའོ། །མིག་ན་བ་ལ་ནི། མིག་སྨན་གྱི་ཐུར་མས་སོ། །སོ་ན་བ་ལ་ནི། ཁར་མུར་རོ། །ལྟོ་བ་ན་བ་ལ་ནི། ཆུ་དྲོན་དང་ངོ ། །རྩིབ་ལོགས་ན་བ་ལ་ནི། མར་དང་བྱུག་གོ། །ཡན་ལག་དང་ཉིན་ལག་ན་བ་ལ་ནི། བསྐུ་བར་བྱའོ། །དབང་དུ་བྱ་བ་ལ་ནི། ལག་མཐིལ་ལ་བསྐུ་བས་སོ། །ནད་ཚབས་པོ་ཆོ་ལ་ནི། སྐུ་མཉེ་དང་ཁྲུས་བྱའོ། །གནོད་སྦྱིན་གྱི་གདོན་བསལ་བ་ལ་ནི། སྣ་ནས་གཏང་བའི་ལས་བྱའོ། །བདུག་པས་ནི། གདོན་ཐམས་ཅད་ལས་ Pha321a ༄#། །རྣམ་པར་གྲོལ་བར་འགྱུར་རོ། །རྒྱས་ཐེབས་པ་རྣམས་ལ་ནི། མཚོགས་མར་ཐིག་ལེ་བྱའོ། །སྙིང་ན་བ་ལ་ནི། ཆུ་དྲོན་དང་ལན་ཚཝ་བསྲེས་པའོ། །ཁྱིམ་\?\་བར་བྱ་བ་ལ་ནི། འབྲས་ཡོས་དང་གསུམ་སྦྱར་བས་ཞི་བ་ཆེན་པོར་འགྱུར་རོ། །ཐམས་ཅད་དུ་ལན་ཉི་ཤུ་རྩ་གཅིག་བཟླས་ནས་སོ། །འཐབ་པ་དང ། རྩོད་པ་རྣམས་ལ་ནི། །བ་ལང་གི་ལྕི་བས་དཀྱིལ་འཁོར་བྱས་ལ་མེ་ཏོག་བཀྲམ་སྟེ་དྲི་ཆུས་བཀང་བ་བཞི་བཞག་ཅིང་འོ་མས་བཀང་བ་བཞི་དང ། མཆོད་ཡོན་གྱི་སྣོད་བཞི་དང ། པོག་ཕོར་བཞི་བཞག་སྟེ། ཨ་ག་རུ་དང ། དུ་རུ་ཀས་བདུག་གོ་།གུ་གུལ་ལ་ལན་ཉི་ཤུ་རྩ་གཅིག་བཟླས་ཏེ་བདུག་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་དྲི་ཆབ་ཀྱིས་མཆོད་པར་བྱའོ། ། ཁྲོ་བོའི་རྒྱལ་པོ་ཡུངས་ཀར་ལ་ལན་བརྒྱ་རྩ་བརྒྱད་བཟླས་ཏེ་ཕྱོགས་བཞིར་གཏོར་བར་བྱའོ། །དོན་ཡོད་པའི་ཞགས་པའི་སྙིང་པོ་ལན་དགུ་བཅུ་རྩ་གཅིག་བཟླས་ན། འཐབ་པ་དང ། རྩོད་པ་རྣམས་ལ་སྨྲ་བའི་མཆོག་ཏུ་འགྱུར་རོ། །གཡུལ་འགྱེད་པ་ལས་རྒྱལ་བར་འགྱུར་རོ། །རང་གི་དཔུང་དང ། གཞན་གྱི་དཔུང་ཡན་ལག་བཞི་པ་ཐམས་ཅད་ལས་རྒྱལ་བར་འགྱུར་རོ། །གལ་ཏེ་བརྒྱ་བྱིན་རང་དང་ལྷ་མ་ཡིན་ལྷན་ཅིག་པས་ཀྱང་མ་ཡིན་ན། མི་རྣམས་ཀྱིས་ལྟ་ཅི་སྨོས། བརྒྱ་བྱིན་དགུག་པར་འདོད་ན། པདྨ་ལ་ལན་བརྒྱ་རྩ་ Pha321b བརྒྱད་བཟླས་ཏེ་བརྒྱ་བྱིན་གྱི་མིང་ནས་བརྗོད་ལ་འཕགས་པ་སྤྱན་རས་གཟིགས་དབང་ཕྱུག་ལ་རེ་རེ་ནས་དབུལ་བར་བྱ་ཞིང་དྲི་ཆབ་ཀྱང་དབུལ་ལོ། །གུ་གུལ་དང ། མར་དང ། ཡུངས་ཀར་ལ་ལན་བརྒྱ་རྩ་བརྒྱད་བཟླས་ཏེ་ཤིང་ཨརྐའི་མེ་སྦར་ལ་ཚེས་བཅུ་བཞི་ལ་སྦྱིན་སྲེག་བྱའོ། །བཟླས་བརྗོད་ཀྱི་ཆོ་ག་རྫོགས་པ་དང ། བརྒྱ་བྱིན་ལྷའི་དབང་པོ་དཔུང་དང་བཞོན་པར་བཅས་པ་འོངས་ནས་མདུན་དུ་འདུག་སྟེ་བསྒོ་བ་བཞིན་བྱེད་ཅིང་ཐམས་ཅད་དབང་དུ་འགྱུར་རོ། །བརྒྱ་བྱིན་གྱི་གོ་འཕང་མ་གཏོགས་པ་གང་བསླངས་པ་དེ་སྦྱིན་པར་བྱེད་དེ། དེ་ནི། སེམས་མི་བཟོད་དོ། །ཚངས་པ་རྡོག་པས་མནན་ཏེ་ལན་བརྒྱ་རྩ་བརྒྱད་བཟླས་ན། བརྒྱ་རྩ་བརྒྱད་ཚང་བ་དང ། ཚངས་པ་རང་གི་གཟུགས་ཀྱིས་མདུན་དུ་འདུག་སྟེ་མཆོག་ཐམས་ཅད་སྦྱིན་པར་བྱེད་དོ། །ཡིད་ལ་ཅི་འདོད་པ་སྒྲུབ་པར་བྱེད་དོ། །གུ་གུལ་ལ་ལན་དགུ་བཅུ་བཟླས་ཏེ་ཁྱབ་འཇུག་ལ་འདུག་ཅིང ། ཆུ་དང་ཡུངས་ཀར་ལ་ལན་ཉི་ཤུ་རྩ་གཅིག་བཟླས་ཏེ་སྤྱི་བོར་གཏོར་ན། ཁྱབ་འཇུག་རང་གི་གཟུགས་ཀྱིས་མདུན་ན་འདུག་ཅིང་ལས་ཐམས་ཅད་བྱེད་པར་འགྱུར་རོ། །གཟུགས་སྣ་ཚོགས་ཀྱི་བར་དུ་སྟོན་ཏོ། །ཧི་རན་ནྱ་ཀ་ཤི་བུ་ལ་ཡང་སྦྱིན་པར་བྱེད་ཅིང་ཁྱབ་འཇུག་ཆེན་པོའི་སྟོབས་ཀྱི་ཤུགས་དང་ལྡན་པར་འགྱུར་རོ། །དབང་ཕྱུག་ཆེན་པོའི་ཞལ་མཐོང་བར་འདོད་ན། རྣ་བ་གཡས་པར་ལན་བརྒྱ་རྩ་བརྒྱད་བཟླས་ཏེ་ཡུངས་ Pha322a ༄#། །ཀར་ལ་ལན་ཉི་ཤུ་རྩ་གཅིག་བཟླས་ནས་སྤྱི་བོར་གཏོར་རོ། །གུ་གུལ་གྱི་བདུག་པས་བདུག་ཅིང་ཨརྐའི་ཆུ་ལ་ལན་བདུན་བཟླས་ཏེ་དབུལ་བར་བྱའོ། །དེ་ནས་དབང་ཕྱུག་ཆེན་པོའི་གཟུགས་འགུལ་བར་འགྱུར་ཞིང་ལེགས་སོ་ཞེས་བྱ་བའི་སྒྲ་འབྱུང་ངོ ། །དེ་ནས་དབང་ཕྱུག་ཆེན་པོ་རང་གི་གཟུགས་ཀྱིས་མདུན་ན་འདུག་པར་འགྱུར་ཞིང་རང་གི་ཚོགས་ཀྱི་འཁོར་དང་བཅས་པ་ཐམས་ཅད་དབང་དུ་འགྱུར་རོ། །འདོད་པའི་མཆོག་ཐམས་ཅད་སྦྱིན་པར་བྱེད་དོ། །མཆོག་གང་འདོད་པ་ཐམས་ཅད་སྦྱིན་པར་བྱེད་དོ། །ནག་པོ་ཆེན་པོ་དགུག་པར་འདོད་པས་གུ་གུལ་ལ་ལན་བརྒྱ་རྩ་བརྒྱད་བཟླས་ཏེ་ཁྲག་དང་ཆང་དབུལ་བར་བྱ་ཞིང ། ཡུངས་ཀར་ལ་ལན་ཉི་ཤུ་རྩ་གཅིག་བཟླས་ནས་ནག་པོ་ཆེན་པོའི་སྟེང་དུ་གཏོར་ན་ཁུགས་པར་འགྱུར་ཏེ། བྲན་བཞིན་དུ་ལས་ཐམས་ཅད་བྱེད་པར་འགྱུར་ཞིང ། གར་མངགས་པ་དེར་འགྲོ་བར་འགྱུར་རོ། །འཁོར་གྱི་ཚོགས་དང་བཅས་པ་དབང་དུ་འགྱུར་རོ། །གནོད་སྦྱིན་གྱི་གནས་ཐམས་ཅད་ཀྱི་སྒོ་འབྱེད་པར་འགྱུར་ཞིང་གང་འདོད་པ་བྱེད་དོ། །ཐམས་ཅད་བྱམས་པར་འགྱུར་ཞིང་ལས་ཐམས་ཅད་བྱེད་པར་འགྱུར་རོ། ། མི་སྨྲ་བར་མཚན་མོའི་དུས་མཚམས་གསུམ་དུ་ལན་ཉི་ཤུ་རྩ་རེ་རེ་བཟླས་ན། མཚན་མོའི་ལྷ་འཁོར་དང་བཅས་པ་དང ། མཚན་མོ་རྒྱུ་བ་དང ། ཉིན་པར་རྒྱུ་བ་དང ། ཉིན་པར་རྒྱུ་བའི་ལྷ་དང ། ཀླུ་དང ། Pha322b གནོད་སྦྱིན་དང ། དྲི་ཟ་དང ། ལྷ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་ཐམས་ཅད་དབང་དུ་འགྱུར་ཏེ། ལས་ཐམས་ཅད་བྱེད་པར་འགྱུར་རོ། །ཐམས་ཅད་རང་གི་གཟུགས་ཀྱིས་རྟག་ཏུ་མདུན་ན་ཉེ་བར་གནས་སོ། །མཚན་མོ་ལོངས་སྤྱོད་པར་གཞལ་མེད་ཁང་ཐམས་ཅད་སྦྱིན་པར་བྱེད་དོ། །གཙང་མས་གོས་གཙང་མ་བགོས་ཏེ་ཁྲུས་ལེགས་པར་བྱས་ནས་བདེན་པར་སྨྲ་ཞིང་བྱམས་པའི་སེམས་ཉེ་བར་བཞག་ནས་སེམས་ཅན་ཐམས་ཅད་ལ་རྟག་ཏུ་བརྩེ་བ་དང ། སྙིང་རྗེ་ཆེན་པོས་ལྷག་པར་དམིགས་ཏེ་བཟླས་བརྗོད་རྟག་ཏུ་བྱའོ། །བཟླས་བརྗོད་ཀྱི་ཆོ་ག་རིམ་པར་ཕྱེ་བའོ། །དེ་ནས་རྟག་ཏུ་ལས་ཐམས་ཅད་བྱེད་པ། དགེ་བ། ཞི་བ། རྒྱས་པ། དྲག་ཤུལ་སྤྱོད་པ། སྲུང་བ། ནད་ཐམས་ཅད་སེལ་བ། བྱད་འཇིག་པ། དབང་དུ་བྱེད་པ། སྦྱིན་སྲེག་གི་ཆོ་ག་བཤད་པར་བྱའོ། །ཁྱིམ་སྲུང་བར་འདོད་པས་ཨརྒའི་ཡམ་སྲེག་ཤིང་དང ། པདྨ་དང ། ཡུངས་མར་བསྲེས་པ་ལས་སྦྱིན་སྲེག་བརྒྱ་རྩ་བརྒྱད་བྱས་ཏེ་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བྱས་ལ་ཁྲོ་བོའི་རྒྱལ་པོ་ལན་བདུན་བཟླས་བརྗོད་བྱས་ན། ཁྱིམ་ཆེན་པོ་སྲུང་བར་འགྱུར་རོ། །འཐབ་པ་དང ། རྩོད་པ་དང ། ཁྲག་ཁྲུག་ཐམས་ཅད་དང ། ཕྱིར་རྒོལ་བ་དང ། མི་མཛའ་བ་ཐམས་ཅད་དང ། རིམས་ཐམས་ཅད་དང ། ཡམས་ཀྱི་ནད་ Pha323a ༄#། །དང ། ནད་འགོ་བ་ཐམས་ཅད་དང ། གདོན་ཐམས་ཅད་དང ། མུ་གེའི་དགོན་པ་དང ། མི་ངས་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོའི་མི་ངས་ཐམས་ཅད་ཞི་བར་འགྱུར་རོ། །ལྷ་ཐམས་ཅད་ཀྱང་སྲུང་བ་དང ། བསྐྱབ་པ་དང ། སྤ་བ་བྱེད་པར་འགྱུར་རོ། །དབང་ཕྱུག་དང ། དབང་ཕྱུག་ཆེན་པོ་ཡང་རྟག་ཏུ་ཕྱི་བཞིན་འབྲང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཀྱང་རྟག་ཏུ་རྒྱུན་མི་འཆད་པར་སྐུ་སྟོན་པར་བཞེད་པར་འགྱུར་རོ། །སྦྱིན་སྲེག་གི་མར་དང ། ཡུངས་ཀར་དང ། གུ་གུལ་གྱི་སྦྱིན་སྲེག་སྟོང་རྩ་བརྒྱད་བྱས་ན། ཡུལ་དང ། ཡུལ་འཁོར་དང ། གྲོང་ཁྱེར་དང ། ཡུལ་གྲུ་དང ། རི་ཁྲོད་དང ། ལྗོངས་རྣམས་ཞི་བ་ཆེན་པོར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཟླ་བ་ཉ་ལ་མེ་ཏོག་དཀར་པོ་དང ། གནྡྷ་པྲི་ཡང་ཀུ་དང ། རྒྱ་སྤོས་རྣམས་ཡུངས་མར་དང་བསྲེས་ཏེ་སྦྱིན་སྲེག་སྟོང་རྩ་བརྒྱད་བྱས་ན། རྒྱལ་པོ་བློན་པོ་དང་བཙུན་མོའི་འཁོར་དང་བཅས་པ་དང ། ཡུལ་གྲུ་དང ། གྲོང་ཁྱེར་དང ། གྲོང་རྡལ་དང ། ལྗོངས་དང ། རྟ་དང ། གླང་པོ་ཆེ་དང ། བ་ལང་དང ། མ་ཧེ་རྣམས་དབང་དུ་འགྱུར་རོ། །ཤིང་ཨ་པ་མརྒའི་ཡཾ་སྲེག་ཤིང་ཞོ་དང ། སྦྲང་རྩི་དང ། མར་བསྲེས་པ་དང ། མེ་ཏོག་དཀར་པོ་རྣམས་ལས་ལན་བརྒྱ་རྩ་བརྒྱད་སྦྱིན་སྲེག་བྱས་ན། ཡུལ་གྲུ་སྟོང་ཐོབ་པར་འགྱུར་ Pha323b རོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཞོ་དང ། སྦྲང་རྩི་དང་མར་བསྲེས་པ་དང ། པདྨའི་སྡོང་པོའི་ཡམ་སྲེག་ཤིང་རྣམས་ལས་བརྒྱ་རྩ་བརྒྱད་སྦྱིན་སྲེག་བྱས་ན། མཚན་མོ་ཟད་པ་དང་དི་ན་ར་བརྒྱད་བརྒྱ་འཐོབ་པར་འགྱུར་རོ། །མེ་ཏོག་ཀུ་མུད་དང ། པདྨ་སྡོང་བུ་དང ། རྩ་བ་དང ། འདབ་མར་བཅས་པ་དང ། ཡུངས་ཀར་བསྲེས་ཏེ་ཤིང་སེང་ལྡེང་གི་མེ་སྦར་ལ་སྦྱིན་སྲེག་བརྒྱ་རྩ་བརྒྱད་བྱས་ན། ལོག་འདྲེན་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ཟླ་བ་ཡར་གྱི་ངོའི་ཚེས་བརྒྱད་ལ་སྨྱུང་བ་བྱས་ཏེ་གཙང་མས་ཁྲུས་ལེགས་པར་བྱས་ལ་གོས་དཀར་པོ་བགོས་ཏེ་ཙནྡན་དང ། པྲི་ཡང་ཀུའི་ཤིང་དང ། འབྲས་ཡོས་དང ། མར་དང ། ཡུངས་ཀར་བསྲེས་པའི་སྦྱིན་སྲེག་སྟོང་རྩ་བརྒྱད་བྱས་ན། ནམ་ཕྱེད་ཀྱི་དུས་སུ་གནོད་སྦྱིན་མོ་འོངས་ནས་ཟོང་ལྔ་སྟོང་སྦྱིན་པར་འགྱུར་རོ། །ཟླ་བ་མར་གྱི་ངོའི་ཚེས་བཅུ་བཞི་ལ་ཉིན་ཞག་གཅིག་སྨྱུང་བ་བྱས་ཏེ་རྒྱ་མཚོར་འགྲོ་བའི་ཆུ་ཀླུང་གི་འགྲམ་དུ་སོང་ལ་ཤིང་བིལ་བའི་མེ་སྦར་ཏེ་བིལ་བའི་མེ་ཏོག་དང ། མར་དང ། སྦྲང་རྩི་བསྲེས་པ་སྟོང་རྩ་བརྒྱད་སྦྱིན་སྲེག་བྱས་ན། དེའི་འོག་ཏུ་གནོད་སྦྱིན་མོ་རྒྱན་ཐམས་ཅད་ཀྱིས་བརྒྱན་པ་འོང་བར་འགྱུར་རོ། ། ནམ་ཕྱེད་ན་རིན་པོ་ཆེའི་ཟ་མ་ཏོག་ཐོགས་ནས་འོང་བར་འགྱུར་ཏེ། རིག་སྔགས་འཆང་དེས་བླང་བར་བྱའོ། །གདོང་དུ་མིག་བལྟ་བར་མི་བྱའོ། །ཡང་བརྒྱ་རྩ་བརྒྱད་བཟླས་བརྗོད་བྱས་ Pha324a ༄#། །པ་དང ། རྐང་པའི་དྲུང་དུ་སྣོད་པོར་ནས་བཏུད་དེ་རིག་སྔགས་འཆང་འགུམ་མོ་ཞེས་ཟེར་རོ། །དེ་ནས་རིག་སྔགས་འཆང་གིས་ཁྲོ་བོའི་རྒྱལ་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱའོ། །དེ་ནས་གང་གི་ཚེ་དགོས་པ་བྱུང་བ་དེའི་ཚེ་ནམ་ཕྱེད་ན་ལན་བརྒྱ་རྩ་བརྒྱད་བཟླས་བརྗོད་བྱས་ན། གནོད་སྦྱིན་མོ་འོང་བར་འགྱུར་ཏེ། དགོས་པ་ཐམས་ཅད་བྱེད་ཅིང་བྲན་བཞིན་དུ་ལས་ཐམས་ཅད་བྱེད་པར་འགྱུར་རོ། །ཟླ་བ་མར་གྱི་ངོའི་ཚེས་བཅུ་བཞི་ལ་གང་ན་གཏེར་ཡོད་པ་དེར་སོང་སྟེ་སྟོང་རྩ་བརྒྱད་བཟླས་བརྗོད་བྱས་ལ་གཏོར་མའི་ཆོ་ག་ཡང་གཞག་པར་བྱ་ཞིང་འཕགས་པ་དོན་ཡོད་པའི་ཞགས་པ་ལ་མཆོད་པ་བྱས་ལ་སྣ་མའི་མེ་ཏོག་དང ། པདྨའི་འདབ་མ་དང ། ཡུངས་ཀར་དང ། མར་བསྲེས་པ་རྣམས་ལས་སྦྱིན་སྲེག་སྟོང་རྩ་བརྒྱད་བྱས་ཏེ་ཆུ་དང ། ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ནས་ས་ལ་བརྡབས་ན། དེའི་འོག་ཏུ་གཏེར་ཐམས་ཅད་འབྱུང་བར་འགྱུར་ཏེ་བླངས་ལ་དཀོན་མཆོག་གསུམ་གྱི་སྐུ་སྐལ་དབུལ་བར་བྱ་ཞིང་ལྷག་མ་རང་གིས་བླང་བར་བྱའོ། །བ་རུ་རའི་ཤིང་གི་མེ་སྦར་ལ་ཏིལ་དང ། འབྲས་སོ་པ་དང ། མར་བསྲེས་པ་ལས་སྦྱིན་སྲེག་སྟོང་རྩ་བརྒྱད་བྱས་ན། རྒྱལ་པོ་བཙུན་མོའི་འཁོར་དང་བཅས་པ་དང ། དཔུང་གི་ཚོགས་ཡན་ལག་བཞི་དང་བཅས་པ་དང ། ནོར་དང་འབྲུ་དང་ Pha324b བཅས་པ་དང ། དབྱིག་དང་གསེར་དང་བཅས་པ་དབང་དུ་འགྱུར་ཏེ། ཇི་སྲིད་འཚོའི་བར་དུ་གནས་པར་འགྱུར་རོ། །ཡུངས་ཀར་དཀར་པོ་དང ། ཙམ་པ་ཀའི་མེ་ཏོག་དང ། པདྨའི་ཡམ་སྲེག་ཤིང་དང ། སྦྲང་རྩི་དང ། མར་བསྲེས་པའི་སྦྱིན་སྲེག་སྟོང་རྩ་བརྒྱད་བྱས་ན་ཡུལ་ཐམས་ཅད་དབང་དུ་འགྱུར་ཞིང་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དབང་དུ་འགྱུར་རོ། །འབྲས་ཕུབ་ལན་ཚཝ་དང་ལྡན་པ་ལས་ལན་དགུ་བཅུ་རྩ་གཅིག་སྦྱིན་སྲེག་བྱས་ན། རིགས་བཞིའི་འཇིག་རྟེན་དབང་དུ་འགྱུར་རོ། ། ག་ཏིའི་ཤིང་གིས་མེ་སྦར་ལ་སྦྲང་རྩི་དང ། མར་བསྲེས་པ་དང ། རྒའི་མེ་ཏོག་ལས་སྦྱིན་སྲེག་བརྒྱ་རྩ་བརྒྱད་བྱས་ལ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ན། ཉིན་རེ་ཞིང་འདི་ན་ར་བརྒྱ་འཐོབ་པར་འགྱུར་རོ། །པ་ལ་ཤའི་ཡམ་སྲེག་ཤིང་དང་འབྲས་ཡོས་ལས་སྦྱིན་སྲེག་སྟོང་རྩ་བརྒྱད་བྱས་ན། གསེར་བརྒྱ་ཕྲག་སྟོང་འཐོབ་པར་འགྱུར་ཏེ། དཀོན་མཆོག་གསུམ་ལ་མཆོད་པ་བྱ་ཞིང་བགོ་བཤའ་བྱས་ན་ཡང་འབྱུང་བར་འགྱུར་རོ། །ཚེས་བཅོ་ལྔ་ཟླ་བ་ཉ་ལ་སྨྱུང་བ་བྱས་ཏེ། རྒྱ་མཚོར་འབབ་པའི་ཆུ་ཀླུང་ངམ། ཆུ་ཀླུང་ཆེན་པོའི་ནང་རྐེད་པ་ནུབ་ཙམ་དུ་ཞུགས་ཏེ་ལན་བརྒྱ་རྩ་བརྒྱད་བཟླས་བརྗོད་བྱས་ལ། ཡུངས་ཀར་ལ་ལན་ཉི་ཤུ་རྩ་གཅིག་བཟླས་ནས་ཁྲོས་པས་ཆུ་ཀླུང་དེ་ལ་བརྡབ་པར་བྱའོ། །དེ་ནས་ཆུའི་ནང་ནས་བུ་མོ་ཞིག་བྱུང་ནས་རིན་པོ་ཆེ་མང་པོ་ Pha325a ༄#། །དག་སྦྱིན་པར་བྱེད་བླངས་ལ། ཕྱེད་ཀྱིས་དཀོན་མཆོག་གསུམ་མཆོད་པར་བྱ་ཞིང་འཕགས་པ་སྤྱན་རས་གཟིགས་དབང་ཕྱུག་ལ་ཡང་མཆོད་པ་བྱའོ། །ཚེས་བཅོ་ལྔ་ཟླ་བ་ཉ་ལ་སྨྱུང་བ་བྱས་ཏེ་ནམ་ཕྱེད་ན་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ནས་ཨ་པ་མརྒའི་ཡམ་སྲེག་ཤིང་དང ། སྦྲང་རྩི་དང ། མར་དང ། སྲ་རྩི་བོག་བསྲེས་པ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ལ་རང་གི་མིང་གིས་སྦྱིན་སྲེག་སྟོང་བྱས་ན། སྡིག་པ་ཐམས་ཅད་ལས་གྲོལ་བར་འགྱུར་ཞིང་ནད་ཐམས་ཅད་དང ། གནོད་པ་ཐམས་ཅད་ལས་གྲོལ་བར་འགྱུར། ཕྱིར་རྒོལ་བ་ཐམས་ཅད་དང ། མི་མཛའ་བ་ཐམས་ཅད་འཇིགས་པར་འགྱུར་རོ། །ཤིང་ཨརྒ་དང ། ཏིལ་དང ། ཡུངས་ཀར་དང ། གུ་གུལ་དང ། མར་བསྲེས་པ་ལས་སྦྱིན་སྲེག་བྱས་ན། ཞི་བ་ཆེན་པོར་འགྱུར་རོ། །འབྲས་ཡོས་དང ། འོ་མ་དང ། མར་དང ། ཡུངས་ཀར་དང ། ཙནྡན་དཀར་པོ་བསྲེས་པ་ལས་སྦྱིན་སྲེག་བརྒྱ་རྩ་བརྒྱད་བྱས་ན། རྒྱས་པ་དང ། མཆོག་ཏུ་དགེ་བར་འགྱུར་རོ། །ཚེས་བཅུ་བཞི་ལ་ཀཱ་ར་བཱི་རའི་མེ་ཏོག་དང ། ལན་ཚཝ་སྣ་བདུན་བསྲེས་པ་དང ། ཤིང་ཚེར་མ་ཅན་གྱི་ཡམ་སྲེག་ཤིང་ཡུངས་ཀར་ལ་བསྲེས་པས་དྲག་ཤུལ་སྤྱོད་པར་བྱའོ། །ཆར་མི་འབབ་པའི་ཚེ་པདྨ་དང ། ཙནྡན་དང ། ཡུངས་ཀར་དང ། མར་བསྲེས་པ་ལ་ལན་ཉི་ཤུ་རྩ་ Pha325b གཅིག་བཟླས་ཏེ་སྦྱིན་སྲེག་བརྒྱ་རྩ་བརྒྱད་བྱས་ནས་ཁྲོ་བོའི་གསང་སྔགས་ལན་བདུན་བཟླས་ན། ཇི་སྲིད་འདོད་པ་དེ་སྲིད་དུ་ཆར་གྱི་རྒྱུན་ཆེན་པོ་འབབ་པར་འགྱུར་རོ། །ཐལ་བ་དེ་བླངས་ལ་ལན་ཉི་ཤུ་རྩ་གཅིག་བཟླས་ཏེ་ནམ་མཁའ་ལ་གཏོར་ན། ཧ་ཅང་ཆར་ཆེ་བ་ཞི་བར་འགྱུར་རོ། །ཕྱོགས་བཞིར་གཏོར་ན། མཚམས་ཆེན་པོ་བཅད་པར་འགྱུར་རོ། །སྤྲིན་ལ་མངོན་དུ་ཕྱོགས་ཏེ་གཏོར་ན། རླུང་དང ། སྤྲིན་དང ། སེར་བ་རྣམས་འབྱུང་བར་མི་འགྱུར་རོ། །གཞན་གྱི་སྡེ་མནན་པ་ནི། ཏིལ་དང ། འབྲས་སོ་བའི་སྦྱིན་སྲེག་གིས་སོ། །ཕ་རོལ་གྱི་དཔུང་ཟློག་པ་ནི། ས་བོན་བདུན་གྱི་སྦྱིན་སྲེག་གིས་སོ། །ཕུག་སྒྲུབ་པ་ནི། ཤིང་ཨརྒའི་སྦྱིན་སྲེག་གིས་སོ། །རྒའི་ལོ་མ་དང་མར་བསྲེས་པའི་སྦྱིན་སྲེག་བྱས་ན། ཕུག་གི་སྒོ་ཐམས་ཅད་འབྱེད་པར་འགྱུར་རོ། ། ནགས་སུ་འགྲོ་བའི་ཚེ་ཀུ་མུ་ད་དང ། རྒྱ་སྤོས་དང ། ཡུངས་ཀར་དང ། མར་བསྲེས་པས་ནགས་ཀྱི་ཕུག་གི་སྒོ་ཐམས་ཅད་འབྱེད་པར་འགྱུར་ཞིང་སྨན་གྱི་དངོས་པོ་ཐམས་ཅད་རང་བཞིན་དུ་གནས་པར་འགྱུར་རོ། །ཤིང་པ་ལ་ཤའི་མེ་སྦར་ཏེ་ན་ལེ་ཤམ་བརྒྱ་སྟོང་སྦྱིན་སྲེག་བྱས་ན། བརྒྱ་བྱིན་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། ཉི་མ་འོངས་ནས་མདུན་ན་འདུག་པར་འགྱུར་རོ། །སྣ་མའི་མེ་ཏོག་དང ། ཀཱ་ར་ནི་ཀཱ་རའི་མེ་ཏོག་དང ། ུཏྤ་ལ་རྣམས་མར་དང་བསྲེས་པ་ལས་སྦྱིན་སྲེག་བརྒྱ་སྟོང་བྱས་ན། ཟླ་བ་དང ། ཉི་མ་འོངས་ Pha326a ༄#། །ནས་མཆོག་སྦྱིན་ཞིང་ལུས་ལ་འོད་ཟེར་བཏང་ནས་ནམ་མཁའ་ལ་འགྲོ་བར་འགྱུར་རོ། ། ཤཝཏྠས་ཡམ་སྲེག་ཤིང་བྱས་ལ་ཤུ་ཏི་དང ། ཉེའུ་ཤིང་དང ། རྒ་དང ། ཙནྡན་དང ། ཡུངས་ཀར་དང ། ནས་དང ། མར་བསྲེས་པ་ལས་ཉི་མ་བདུན་གྱི་དུས་མཚམས་གསུམ་དུ་སྦྱིན་སྲེག་ཉི་ཤུ་རྩ་གཅིག་བྱས་ན། རྒྱལ་པོ་བཙུན་མོའི་འཁོར་དང་བཅས་པ་དབང་དུ་འགྱུར་རོ། །གདོན་དང ། གནོད་སྦྱིན་དང ། སྲིན་པོ་ཐམས་ཅད་ཆད་པས་བཅད་ན། འབྲས་སོ་བ་དང ། ཡུངས་ཀར་དང ། ལན་ཚཝའི་སྦྱིན་སྲེག་བགྱིས་ཏེ་ཐམས་ཅད་ལ་དོན་ཡོད་པའི་ཞགས་པ་བཅིང་བར་བྱ་ཞིང ། ཁྲོ་བོའི་ཕྱག་རྒྱ་དང ། གསང་སྔགས་ལྷན་ཅིག་རྗེས་སུ་དྲན་པར་བྱའོ། །སྦྱིན་སྲེག་གི་ཆོ་གའོ། །དེ་ནས་དོན་ཡོད་པའི་སྙིང་པོའི་ཆོ་གའི་རྒྱལ་པོ་ཆེན་པོ་རས་ཀྱི་གཟུགས་མཐོང་བ་ཙམ་གྱི་མོད་ལ་མནར་མེད་པའི་མཐར་ཐུག་པ་དང ། མཚམས་མེད་པ་ལྔ་བྱང་བར་འགྱུར་བར་བཤད་པར་བྱ་སྟེ། རས་ཁྲུ་དོ་གྲུ་བཞི་ལྷམ་པ། ཁ་ཚར་མ་ཆད་པ། སྐྲ་མེད་པ། ཐགས་རན་བཟང་བ། ཤིན་ཏུ་དཀར་བ། ཤིན་ཏུ་སྦྱངས་པ་ལ་རི་མོ་མཁན་མི་སྨྲ་བའི་དཀའ་ཐུབ་ཅན། བསྙེན་གནས་ལ་གནས་པ་གཙང་མས་གོས་གཙང་མ་བགོས་པ། ཟས་དཀར་གསུམ་ཟ་བ་དུས་གསུམ་དུ་ཁྲུས་བྱས་པ། ལྷག་མ་མ་ཡིན་པའི་ཚོན་རྩིའི་སྣོད་གསར་པ་བཞག་སྟེ། པིར་ Pha326b གསར་པས་འཕགས་པ་སྤྱན་རས་གཟིགས་དབང་ཕྱུག་བཞེངས་པའམ། བཞུགས་པའམ། སྐྱིལ་མོ་ཀྲུང་དུ་བཞུགས་པ་བྲི་བར་བྱ་སྟེ། རལ་པའི་ཐོར་ཚུགས་ཀྱིས་བརྒྱན་པ། ཨེ་ན་ཡའི་པགས་པ་བསྣམས་པ། ཕྱུགས་བདག་གི་ཆ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་པ། ཕྱག་བཅུ་དྲུག་པ། ཞལ་ཞི་བ། སྤྱན་ཕྱེ་བ། དབུ་རྒྱན་ལ་རྒྱལ་བ་འོད་དཔག་མེད་བཞུགས་པ། ཞལ་གཡས་པའི་ཐོར་ཚུགས་ལ་ཟླ་ཚེས་ཀྱིས་བརྒྱན་པ། ཕྱག་གཉིས་རྡོ་རྗེའི་ཐལ་མོ་སྦྱར་བ་ལས་གྱེན་དུ་པདྨའི་ཚུལ་དུ་བྱའོ། །ཕྱག་གཉིས་ཐུར་དུ་ཀུན་ཏུ་ཞལ་གྱི་ཕྱག་རྒྱ་བྱའོ། །ཕྱག་གཉིས་བཟླས་བརྗོད་ཀྱི་ཕྱག་རྒྱ་བྱས་ལ་མཛུབ་མོ་གཡས་པ་བརྐྱང་སྟེ་པདྨའི་ཚུལ་དུ་བྱས་ལ་བར་ན་བགྲང་ཕྲེང་འཛིན་པར་བྱའོ། །ཕྱག་གཉིས་དོན་ཡོད་པའི་ཞགས་པའི་ཕྱག་རྒྱ་བྱའོ། །ཕྱག་གཅིག་ན་རྩེ་གསུམ། གཉིས་པ་ན་པདྨ། གསུམ་པ་ན་དོན་ཡོད་པའི་ཞགས་པའི་གླེགས་བམ། བཞི་པ་ན་དོན་ཡོད་པའི་ཞགས་པ་ཞགས་པ་ཐ་མལ་པ་འདྲ་བ། ལྔ་པ་དབུགས་འབྱིན་པ། དྲུག་པ་ན་རིལ་བ་སྤྱི་བླུགས། བདུན་པ་ན་རིན་པོ་ཆེ་སྣ་ཚོགས་ཀྱིས་བཀང་པའི་སྣོད། བརྒྱད་པ་ན་མེ་ཏོག་སྣ་ཚོགས་ཀྱིས་སྣོད་ཐོགས་པར་བྱ་ཞིང ། འོད་འདོམ་གང་གིས་བརྒྱན་པ། སྐུ་མེ་ཏོག་སྣ་ཚོགས་ཀྱི་བཀྲ་བས་མཛེས་པར་བྱའོ། །རི་པོ་ཊ་ལའི་ཁང་པ་བརྩེགས་པ་ཤིན་ཏུ་མཛེས་པ། གྲུ་བཞི་ལྷམ་པ། ཀ་བ་བཞི་ Pha327a ༄#། །ཟུག་པ།་ཁྲི་འཕང་སྟེགས་བུ་མཛེས་པ་དང་ལྡན་པ། རིན་པོ་ཆེ་སྣ་ཚོགས་ཀྱིས་མཛེས་པར་བརྒྱན་པ། པདྨའི་ཕྲེང་བས་མཛེས་པར་བྱས་པ། རྡོ་རྗེའི་ཕྲེང་བས་བརྒྱན་པ། མེ་ཏོག་སྣ་ཚོགས་དང ། ཆུ་ཤིང་གི་ཡལ་གས་མཛེས་པར་བྱས་པ། གཡས་ལོགས་ཀྱི་སྟེང་ན་ཉི་མ། གཡོན་ལོགས་ན་ཟླ་བ། གནས་གཙང་མའི་རིས་ཀྱི་ལྷའི་བུ་དག་ལག་ན་མེ་ཏོག་སྣ་ཚོགས་མང་པོ་ཐོགས་ཏེ་བཅོམ་ལྡན་འདས་ལ་མཆོད་པ་བྱེད་པར་བྱའོ། །རི་པདྨ་འདྲ་བ་ཞིག་སྙིང་པོས་མཛེས་པར་བྱས་ཤིང ། །སྡོང་པོ་དང་ལྡན་པ། མཚོས་མཛེས་པར་བྱས་པ། མཚོ་ཉས་གང་ཞིང་ཆུ་སྲིན་མ་ཀ་ར་དང ། བཞད་དང ། ཤང་ཤང་ཏེའུ་དང ། ངུར་པས་བརྒྱན་པ། ནོར་བུ་རིན་པོ་ཆེ་སྣ་ཚོགས་ཀྱིས་ལེགས་པར་བརྒྱན་པའི་རི་དེའི་སྟེང་དུ་པདྨའི་གདན་དང ། སེངྒེའི་ཁྲི་བྱའོ། །གཡས་ཕྱོགས་ཀྱི་ཕྱི་རོལ་ཁང་པའི་གནས་སུ་དབང་ཕྱུག་བྱའོ། །གཡོན་དུ་དབང་ཕྱུག་ཆེན་པོ་རྒྱན་ཐམས་ཅད་ཀྱིས་བརྒྱན་པར་བྱའོ། །ནང་གི་གནས་སུ་འཕགས་པ་སྤྱན་རས་གཟིགས་དབང་ཕྱུག་གོ་།གཡས་སུ་འཕགས་མ་སྒྲོལ་མ་ལུས་བཏུད་དེ་འཛེམ་བག་དང་བཅས་པ་བྱའོ། །གཡོན་དུ་དྲི་མེད་འགྲོ་ལག་པ་དབུགས་འབྱིན་པ་དང ། ནོར་བཟང་པུས་མོ་བཙུགས་པ་བྱའོ། །པདྨའི་སྙིང་པོའི་དབུས་སུ་གནས་སུ་ཁྲོ་བོའི་རྒྱལ་པོ་ཁྲོས་པའི་གཟུགས་ཅན། ལག་པ་བཞི་པ་ལག་ Pha327b ན་མཚོན་ཆ་ཐོགས་པ་སྟེ། ཞགས་པ་དང ། དབྱུག་ཏོ་དང ། རྩེ་གསུམ་དང ། པདྨའོ། །པདྨའི་སྟན་ལ་སྐྱིལ་མོ་ཀྲུང་ཕྱེད་བཅས་ལ་ལུས་ཅུང་ཟད་བཏུད་པ་མགོའི་སྟེང་གཡས་གཡོན་དུ་དྲང་སྲོང་བསྟོད་རབས་བྱེད་པ་བྱའོ། །དེ་ནས་འོག་གི་གཡས་གཡོན་དུ་རྡོ་རྗེའི་ཟོམ་ཆེན་པོ་ལག་ན་རྡོ་རྗེའི་ཚོགས་མང་པོ་འདུག་པ་དང ། གཤིན་རྗེ་དང ། ཆུ་ལྷ་དང ། རླུང་ལྷ་དང ། དབང་པོ་དང ། ལྷའི་ཚོགས་དག་བྱའོ། །གཡས་ཕྱོགས་ཀྱི་མཚོ་དང་རིའི་བར་དུ་བརྒྱ་བྱིན་དང ། ཚངས་པ་བྱའོ། །གཡོན་ཕྱོགས་སུ་རྒྱལ་པོ་ཆེན་པོ་བཞི་གོ་ཆ་བགོས་པ་བྱའོ། །དེའི་འོག་ཏུ་ཕོ་ཉ་མོ་པདྨའི་རིགས་མཛེས་མ་ལག་པ་འབྲེལ་པར་བྱའོ། །ལྷ་མོ་ཆེན་མོ་དཔལ་དང ། དབྱངས་ལྡན་མ་དང ། འཇིགས་བྱེད་མ་དང ། མཚན་མོའི་ལྷ་མོ་དང ། སའི་ལྷ་མོ་དང ། ལོ་ཏོག་གི་ལྷ་མོ་བྱའོ། །དབང་ཕྱུག་གི་དྲུང་དུ་ཁྲོ་གཉེར་ཅན་བྱའོ། །དབང་ཕྱུག་ཆེན་པོའི་དྲུང་དུ་གོས་དཀར་མོའོ། །རི་དང་ཕོ་ཉ་མོའི་བར་དུ་སྲིན་མོ་རལ་པ་གཅིག་མའོ། །རིའི་ཁོར་ཡུག་གྲུ་བཞི་རིན་པོ་ཆེ་སྣ་བདུན་གྱིས་སྤྲོས་པ་བྱ་ཞིང་ལྗོན་ཤིང་དང ། ལྕུག་མ་སྣ་ཚོགས་དང ། མེ་ཏོག་གིས་བརྒྱན་ཅིང ། མཚེའུ་མཛེས་པ་མེ་ཏོག་སྣ་ཚོགས་ཀྱིས་བརྒྱན་པ་དང ། སེངྒེ་དང ། སྟག་གིས་གང་བ་དང ། ཀླུའི་ཕྲུག་གུ་དང ། གྲུལ་བུམ་དག་བྱའོ། །གཡོན་དུ་གསར་བ་ཆེན་པོ་ལྔ་བྱའོ། །འོག་ཏུ་ཀླུའི་རྒྱལ་པོ་ལྔ་བྱའོ། །ཐམས་ཅད་བྲག་གི་སྟན་དང ། ལག་ན་རིན་པོ་ཆེའི་མེ་ཏོག་གི་ Pha328a ༄#། །ཕོར་བ་ཐོགས་ཏེ་བཅོམ་ལྡན་འདས་ལ་བལྟ་བར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་རིག་སྔགས་འཆང་པུས་མོ་བཙུགས་ཏེ་ལག་ན་མེ་ཏོག་དང ། པོག་ཕོར་ཐོགས་པ་བཅོམ་ལྡན་འདས་ལ་བལྟ་བར་བྱའོ། །སྟེང་གི་བང་རིམ་དུ་ཐུབ་པ་ཆེན་པོ་རྒྱལ་བ་འོད་དཔག་མེད་དང ། ཤཱཀྱའི་རྒྱལ་པོ་དང ། འཇིག་རྟེན་དབང་པོའི་རྒྱལ་པོ་བྱའོ། །རས་ཀྱི་སྐུ་གཟུགས་འདི་མཐོང་བ་ཙམ་གྱི་མོད་ལ་ཚེ་རབས་བརྒྱ་སྟོང་དུ་མནར་མེད་པ་བསགས་པ་དང ། མཚམས་མེད་པ་ལྔའི་ལས་བྱེད་པ་དེ་དག་ཐམས་ཅད་འཇིག་པར་འགྱུར། །རྣམ་པར་འཇིག་པར་འགྱུར་ཞིང ། སེམས་ཅན་དེ་དག་ཐམས་ཅད་ཀྱང་ཡོངས་སུ་གྲོལ་བར་འགྱུར་ན། སེམས་ཅན་དག་པ་རྣམས་ལྟ་ཅི་སྨོས། དད་པས་མོས་པ་རྣམས་དང ། དཀོན་མཆོག་གསུམ་མཆོད་པ་དོན་དུ་གཉེར་བ་དེ་དག་ནི། ཚེ་འདི་ཉིད་ལ་འབྲས་བུ་ཆེ་བ་དང ། ཕན་ཡོན་མང་པོ་དག་ཏུ་ཤེས་པར་བྱའོ། །དེ་བཞིན་གཤེགས་པ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་རྩ་བཞིའི་དྲུང་དུ་དགེ་བའི་རྩ་བ་བསྐྱེད་པར་འགྱུར་ཞིང་དེ་དག་གི་དགེ་བའི་རྩ་བ་དང་ལྡན་པར་འགྱུར་རོ། །རས་ཀྱི་སྐུ་གཟུགས་འདི་མཐོང་བ་ནི། འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་སྙིང་པོ་དངོས་སུ་མཐོང་བ་ཡིན་ནོ།། Pha328b རས་ཀྱི་སྐུ་གཟུགས་འདི་མཐོང་བ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་དགོངས་པར་འགྱུར་ཞིང་སྐུ་ཡང་སྟོན་པར་འགྱུར་རོ། །ཉམ་ཐག་པ་ཙམ་གྱི་མོད་ལ་སྐུ་སྟོན་པར་འགྱུར་ཞིང་མཆོག་ཐམས་ཅད་སྦྱིན་པར་འགྱུར་རོ། །དོན་ཡོད་པའི་ཞགས་པའི་གཟུངས་ཀྱི་སྙིང་པོ་འགྲུབ་པར་འགྱུར་རོ། །ནད་ཀྱིས་ཐེབས་པ་དང ། ནད་ཚབས་ཆེན་པོས་གཟིར་བ་དང ། ནད་སྣ་ཚོགས་དང ། སྡུག་བསྔལ་བརྒྱ་སྟོང་གིས་དཀྲུགས་པ་དེ་དག་ཐམས་ཅད་མཐོང་བ་ཙམ་གྱི་མོད་ལ་ནད་ཐམས་ཅད་དང ། སྡུག་བསྔལ་ཐམས་ཅད་དང ། གནོད་པ་ཐམས་ཅད་ལས་ཡོངས་སུ་གྲོལ་བར་འགྱུར་ཞིང་སྒྲིབ་པ་དང ། ནད་དང་བྲལ་བར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པ་དག་ཀྱང་མཐོང་བ་ཙམ་གྱི་མོད་ལ་ཡོངས་སུ་གྲོལ་བར་འགྱུར་རོ། །རས་ཀྱི་སྐུ་གཟུགས་འདི་འཁོར་མང་པོ་མཆོད་པ་དང ། བཀུར་སྟི་ཆེན་པོ་དང ། སིལ་སྙན་དཀྲོལ་པ་མང་པོ་དང ། གདུགས་དང ། རྒྱལ་མཚན་དང ། བ་དན་གྱིས་ལེགས་པར་བརྒྱན་པར་བྱས་ཏེ་གྲོང་ཁྱེར་ཆེན་པོའམ། རྒྱལ་པོའི་ཕོ་བྲང་ངམ། གཙུག་ལག་ཁང་ངམ། ལྗོངས་སམ། ཁྱིམ་མམ། གྲོང་དུ་ཞུགས་ན། རས་ཀྱི་སྐུ་གཟུགས་བཞུགས་པ་ཙམ་གྱི་མོད་ལ་འཐབ་པ་དང ། རྩོད་པ་དང ། འཐབ་མོ་དང ། ཁྲག་ཁྲུག་དང ། མུ་གེའི་དགོན་པ་དང ། མིང་ངས་དང ། རང་གི་དཔུང་དང ། གཞན་གྱི་དཔུང་གིས་འཇིགས་པ་ཞི་ Pha329a ༄#། །བར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། སྲུལ་པོ་དང ། ལུས་སྲུལ་པོ་དང ། སྐེམ་བྱེད་དང ། བརྗེད་བྱེད་དང ། གྲིབ་གནོད་ཞི་བར་འགྱུར་ཞིང ། བདེ་བ་དང ། ལོ་ལེགས་པ་དང ། དགའ་བ་དང ། མི་མང་པོ་བདེ་བ་མང་བར་འགྱུར་རོ། །དགའ་བ་དང ། ཡིད་བདེ་བ་མང་བར་འགྱུར་རོ། །ཕ་རོལ་ཏུ་ཕྱིན་པ་དྲུག་གི་རྗེས་སུ་འགྲོ་བར་འགྱུར་རོ། །འདི་མཐོང་བ་ཙམ་གྱིས་ཤི་འཕོས་ནས་ཐམས་ཅད་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །བསྐལ་པ་སྟོང་ཕྲག་བདུན་དུ་ཚེ་རབས་སུ་ཚེ་རབས་དྲན་པར་འགྱུར་རོ། །པདྨའི་འོད་དྲི་མ་མེད་ཅིང་རྣམ་པར་དག་པའི་རྒྱལ་པོ་ཞེས་བྱ་བའི་ཏིང་ངེ་འཛིན་བྱང་ཆུབ་སེམས་དཔའ་སེམས་དཔའ་ཆེན་པོས་མ་ཐོབ་པ་ཐོབ་པར་འགྱུར་རོ། །པདྨ་རབ་ཏུ་གནས་པ་ཞེས་བྱ་བའི་རིག་སྔགས་འཆང་གི་འཁོར་ལོས་བསྒྱུར་བ་ཉིད་འཐོབ་པར་འགྱུར་རོ། །རི་མོའི་སྐུ་གཟུགས་སྒྲུབ་པའི་ཆོ་ག་དང ། ཆོ་ག་ཞིབ་མོའོ། །དེ་ནས་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་ཆེན་པོའི་དཀྱིལ་འཁོར་བཤད་པར་བྱ་སྟེ། ཆུ་ཀླུང་གི་འགྲམ་མམ། པདྨའི་མཚེའུ་འམ།་ཨུཏྤ་ལའི་མཚེའུ་འམ། མེ་ཏོག་གི་སྐྱེད་མོས་ཚལ་ལམ། འབྲས་བུའི་ཀུན་དགའ་ར་བའམ། ཁང་བཟངས་གཞི་དག་ཅིང་ས་གཞི་ཡོངས་སུ་སྦྱངས་པ། རྩཝ་དང ། ཤིང་ Pha329b བལ་དང ། སྐྲ་དང ། ཕུབ་མ་དང ། སོལ་བ་དང ། ཕྱག་དར་གྱི་ཕུང་པོ་དང ། གྱོ་མོ་དང ། ཤིང་དང ། བོང་བ་དང ། གསེག་མ་དང ། ཐོད་པའི་རུས་པས་གང་བ་དང ། ཤི་བའི་རོ་རྣམས་སྤངས་པའི་ས་གཞིའི་ཕྱོགས་ན་མཚེའུ་དང ། འབབ་ཆུ་དང ། འབབ་ཆུ་བྱང་ཕྱོགས་ནས་འབབ་པ་དང ། ཉེ་བ་ན་ཆུ་ཡོད་ཅིང་ཤིན་ཏུ་མཛེས་པ། ལྷོ་ཕྱོགས་དང ། བྱང་ཕྱོགས་དང ། ནུབ་ཕྱོགས་དང ། ཤར་ཕྱོགས་གང་ན་ལྗོན་ཤིང་གིས་མཛེས་པར་བྱས་པ། གང་ཉམས་དགའ་བ། ཁ་དོག་དང ། གཟི་བྱིན་དུ་ལྡན་པའི་གནས་དེ་ལྟ་བུ་རྙེད་ནས་ཆུ་དང ། ཡུངས་ཀར་ལ་བཟླས་ཏེ་ཀུན་ཏུ་གཏོར་རོ། །ས་གཞི་དེ་ལྟ་བུ་སྦྱང་བ་ནི། མཆོག་ཡིན་ནོ། །ཁྲོ་བོའི་རྒྱལ་པོས་ཡུངས་ཀར་ལ་ལན་ཉི་ཤུ་རྩ་གཅིག་བཟླས་ཏེ་ཕྱོགས་བཞིར་གཏོར་ནས་ཀུན་ནས་དཔག་ཚད་བརྒྱ་ཚུན་ཆད་ཕྱོགས་བཅིང་བ་དང ། དཀྱིལ་འཁོར་བཅིང་བ་དང ། མཚམས་བཅིང་བ་བྱས་པར་འགྱུར་རོ། །སྡང་བ་ཐམས་ཅད་དང ། བགེགས་དང ། ལོག་འདྲེན་ཐམས་ཅད་ཀྱི་སྐད་ཅིག་ཀྱང་མི་གནས་པར་ཕྱོགས་བཞིར་བྱེར་ཏེ་དོང་ངོ ། །སྲོག་ཆགས་སྡང་བ་དང ། སྡང་བའི་སེམས་དང ། སྡང་བའི་གཅན་གཟན་ཁྲོ་བོ་གང་ཡིན་པ་དེ་དག་ཐམས་ཅད་རབ་ཏུ་ཞི་བར་འགྱུར་ཞིང་ལྷ་ཐམས་ཅད་སྲུང་བར་འགྱུར་རོ། །གནས་ཀྱི་ཕྱོགས་དེར་མཁས་པས་དཀྱིལ་འཁོར་བྱ་སྟེ། གྲུ་བཞི་ལྷམ་པ་ངོས་རེ་རེ་ཞིང་ཁྲུ་སུམ་ཅུ་རྩ་གཉིས་གཞལ་བར་བྱ་སྟེ། ཆ་འབྱེས་ Pha330a ༄#། །པ་གྲུ་བཞི་ཆ་མཉམ་ཞིང་མཛེས་ལ་སྒོ་བཞི་དང ། རྟ་བབས་བཞིར་ལྡན་པ། འབྲས་ཀྱི་ཕྱེ་མའི་ཚོན་སྣ་བཞིར་སྦྱར་ལ་དེ་ནས་དཀྱིལ་འཁོར་བྲི་བར་བྱ་སྟེ། ཚོན་སྣ་ལྔའི་ཐིག་སྐུད་ཀྱིས་ཐིག་བཏབ་ནས་ཙནྡན་དཀར་པོའི་ཕུར་བུ་བཏབ་སྟེ་ཟླ་བ་ཡར་གྱི་ངོའི་ཚེས་བརྒྱད་དམ། ཚེས་བཅོ་ལྔའི་ཚེས་གྲངས་དང ། རྒྱུ་སྐར་བཟང་པོ་གདམས་ཏེ་དཀྱིལ་འཁོར་གྱི་མཆོག་བྲི་པར་བྱའོ། །དང་པོ་ནི། དཀར་པོས་བྲིའོ། །གཉིས་པ་ནི། དམར་པོས་སོ། །གསུམ་པ་ནི། སེར་པོས་སོ། །བཞི་པ་ནི། ནམ་མཁའི་ཁ་དོག་གིས་སོ། །ལྔ་པ་ནི། མིག་སྨན་གྱི་ཁ་དོག་གིས་ཏེ། དཀྱིལ་འཁོར་གྱི་དབུས་ཀྱི་སྙིང་པོ་འཇིགས་པ་མེད་པར་ཆ་རྣམ་པར་མཛེས་ཤིང་གསལ་བར་པིར་གསར་པ་དང ། ཚོན་དང ། སྣོད་གསར་པས་བྲི་བར་བྱ་སྟེ།་དཀྱིལ་འཁོར་གྱི་སྙིང་པོར་པདྨ་འདབ་མ་སྟོང་པ་ཁོར་ཁོར་ཡུག་སྟེགས་བུ་དང་བཅས་པ་བྲི་ཞིང ། པདྨའི་ཕྲེང་བ་ཚོན་གྱིས་མཛེས་པ་བྲིས་ལ། དེའི་དབུས་སུ་སངས་རྒྱས་བཅོམ་ལྡན་ཐུབ་པ་ཆེན་པོ་ཤཱཀྱའི་རྒྱལ་པོ་དང ། འོད་དཔག་མེད་དང ། འཇིག་རྟེན་དབང་པོའི་རྒྱལ་པོ་གཞག་གོ་།གཡས་སུ་མགོན་པོ་འཇིག་རྟེན་དབང་ཕྱུག་དོན་ཡོད་པའི་ཞགས་པའི་ཆ་བྱད་འཆང་བ་གསང་སྔགས་ཀྱི་རྗེས་སུ་འབྲང་བ་བྱའོ། །གཡོན་དུ་ཕྱག་ན་རྡོ་རྗེ་རྔ་ཡབ་དང་རྡོ་རྗེ་ཐོགས་པ་བཞིན་ཁྲོ་གཉེར་ཅན། འོད་འབར་བས་བསྐོར་བའོ། ། Pha330b འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ལྷ་མོ་སྒྲོལ་མ་དང ། དྲི་མེད་འོད་འཕྲོ་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་དཀར་ཤམ་ཆེན་པོ་དང ། གོས་དཀར་མོ་དང ། དཀར་མོ་ཆེན་མོ་ལག་ན་དབྱུག་པ་དང ། རིལ་བ་སྤྱི་བླུགས་ཐོགས་པའོ། །དེའི་འོག་ཏུ་སྲིན་མོ་རལ་པ་གཅིག་པ་མཆེ་བ་གཙིགས་པ། ཐོད་པའི་ཕྲེང་བ་ཐོགས་པ། སྦྲུལ་གྱི་མཆོད་ཕྱིར་ཐོགས་པ། ལག་པ་བཞི་པ། ལག་པ་གཡས་པ་གཡོན་གཉིས་ན་རྡོ་རྗེ་དང ། དགྲ་སྟ་དང ། གཡས་པའི་གུང་མོ་ལྷ་དང་ལོག་འདྲེན་ལ་བསྡིགས་པར་བྱའོ། ། གཡོན་དུ་འཕགས་པ་སྤྱན་རས་གཟིགས་དབང་ཕྱུག་བྲམ་ཟེའི་ཆ་ལུགས་འཆང་བ་རལ་པའི་ཐོ་ཚུགས་ཀྱིས་བཞུགས་པ། འོད་དཔག་མེད་ཀྱི་ཐོར་ཚུགས་ཀྱིས་བརྒྱན་པ་བྱའོ། ། གཡས་གཡོན་དུ་དབང་ཕྱུག་དང་དབང་ཕྱུག་ཆེན་པོ་བྱའོ། །དེའི་འོག་ཏུ་དཔལ་ལྷ་མོ་དང ། ལྷ་མོ་དབྱངས་ཅན་མ་དང ། མཚན་མོའི་ལྷ་མོ་དང ། སའི་ལྷ་མོ་དང ། ལོ་ཏོག་གི་ལྷ་མོ་དང ། འབྲས་བུ་དང་མེ་ཏོག་གི་ལྷ་མོ་བྱའོ། །དེའི་འོག་ཏུ་ཁོར་ཡུག་ཏུ་གཤིན་རྗེ་དང ། ཆུ་ལྷ་དང ། རླུང་ལྷ་ལ་སོགས་པ་བྱའོ། །རལ་པའི་ཐོར་ཚུགས་ཀྱིས་བརྒྱན་པའི་དྲང་སྲོང་གཞག་པར་བྱའོ། །གྲར་རྒྱལ་པོ་བཞི་གོ་ཆ་བགོས་པ་གཞག་པར་བྱའོ། །དཀྱིལ་འཁོར་གྱི་སྙིང་པོའི་དབུས་དང་བར་བར་དུ་ལྕགས་ཀྱུ་དང ། དགྲ་སྟ་དང ། རྡོ་རྗེ་དང ། དབྱུག་པ་དང ། Pha331a ༄#། །ཞགས་པ་དང ། ལྕགས་སྒྲོག་བྱའོ། །ཕྱི་རོལ་ཏུ་ཚངས་པ་དང ། དྲག་པོ་དང ། ལྷ་མོ་ཨུ་མ་དང ། ཚངས་པའི་དྲུང་དུ་ལྷ་དབྱངས་ལྡན་མ་ཁྲོས་པའི་གཟུགས་ཅན་ནོ། །དེ་དག་གཉིས་ཀྱི་བར་དུ་དབྱུག་པ་དང ། རིལ་བ་སྤྱི་བླུགས་བྲི་བར་བྱའོ། །གྲཝ་གཅིག་ཏུ་དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་གྱི་ཆོས་ཀྱི་རྣམ་གྲངས་གཞག་གོ་།གྲཝ་གཅིག་ཏུ་ཤི་བཱ་བ་ཧ་གཞག་གོ་།དེ་ནས་ཤར་ཕྱོགས་ཀྱི་སྒོར་ཁྲོ་བོ་རྟ་མགྲིན་འཇིགས་སུ་རུང་བའི་མིག་ཅན་གཞག་གོ། །ལྷོ་ཕྱོགས་ཀྱི་སྒོར་རྡོ་རྗེ་ཆེན་པོ་ཀི་ལི་ཀི་ལི་ཞེས་བྱ་བ་རྡོ་རྗེ་རྣམ་པར་འདྲེན་པ། ལག་ན་རྡོ་རྗེ་དང ། དགྲ་སྟ་དང ། ཞགས་པ་ཐོགས་པར་བྱའོ། །ནུབ་ཕྱོགས་ཀྱི་སྒོར་ཕོ་ཉ་མོ་པདྨ་རིགས་མཛེས་མ་ལག་པ་པདྨའི་རྩེ་མོ་ནས་འཛིན་པར་བྱའོ། །བྱང་ཕྱོགས་ཀྱི་སྒོར་རྡོ་རྗེ་ཆེན་པོ་ཟོམ་ཞེས་བྱ་བའི་ཚོགས་ལག་ན་རྡོ་རྗེ་དང ། ཞགས་པ་ཐོགས་པར་བྱའོ། །དེ་ནས་འཇུག་པའི་སྒོ་ནས་གསེར་གྱི་བུམ་པ་སྤོས་ཆུས་བཀང་སྟེ་དར་ལས་བཅིངས་ལ་རྣམ་པ་ཐམས་ཅད་དང ། མེ་ཏོག་གི་ཕྲེང་བས་བརྒྱན་ནས་བསམ་པ་ཇི་ལྟ་བ་བཞིན་དུ་དཀྱིལ་འཁོར་གྱི་དབུས་སུ་བཞག་སྟེ་སྟེང་དུ་སྣ་མའི་མེ་ཏོག་གི་གདུ་བུ་གཞག་པར་བྱའོ། །ཙནྡན་དང ། གུར་གུམ་དང ། གླ་རྩི་དང ། ག་པུར་གྱི་ཆུ་དང ། པོག་ཕོར་བཞི་བཞག་ཅིང་ཨ་ག་རུའི་བདུག་པས་བདུག་གོ་།ཚོན་སྣ་ལྔའི་རས་ཀྱི་ Pha331b སྲད་བུ་མཆོད་ཕྱིར་གྱི་སྲད་བུ་ཚད་དུ་བྱས་ལ་གསེར་གྱི་ཡང་མིག་རྩེ་གསུམ་ཅན་གདགས་པར་བྱ་ཞིང ། ཐོར་ཏོ་གཅིག་ཏུ་མེ་ཏོག་པདྨའི་གདུབ་འཁོར་དང ། མུ་ཏིག་དང ། རིན་པོ་ཆེས་སྤྲས་པ་ཟླུམ་པོར་བསྐྱིལ་བ་བུམ་པའི་སྟེང་དུ་བཞག་ལ་མཆོད་པ་དང ། བསྙེན་བཀུར་བྱས་ཏེ་ཡུངས་དཀར་ལ་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་ཏེ་དེ་ལ་གདབ་པར་བྱའོ། །ཙནྡན་དང ། ག་བུར་དང ། གླ་རྩིའི་ཕྱེ་མས་བགོས་ལ་བགོ་བར་བྱའོ། །སྒོ་བཞིའི་གནས་སུ་དྲི་ཆབ་ཀྱིས་བཀང་བའི་བུམ་པ་དང ། ཟས་དཀར་གསུམ་གྱི་གཏོར་མ་གཞག་པར་བྱ་ཞིང ། གསེར་དངུལ་གྱི་མཆོད་ཡོན་གྱི་སྣོད་སུམ་ཅུ་རྩ་གཉིས་དང ། སྤོས་ཆུས་བཀང་བ་བརྒྱད་དང ། སྤོས་ཆུ་དཀར་པོས་བཀང་བ་བརྒྱད་གཞག་པར་བྱའོ། །རོ་དང ། དྲི་སྣ་ཚོགས་ཀྱིས་བཀང་བ་བརྒྱད་དང ། ཞོ་དང ། འོ་མ་དང ། སྤོས་ཆུས་བཀང་བ་བརྒྱད་དང ། གཏོར་མ་ལ་སོགས་པ་དབུལ་བ་སྣ་བརྒྱད་དང ། དབུལ་བ་སྣ་དྲུག་ཅུ་རྩ་བཞི་བ་རྣམས་ཤ་དང ། ཁྲག་དང ། ཀུན་དོང་དང ། ཀེའུ་དང ། ཁ་ཟས་ངན་པ་དང ། བཏུང་བ་ངན་པ་སྤངས་ཏེ་གཙང་མས་གཙང་མ་སྦྱར་བར་བྱའོ། །མེ་ཏོག་སྣ་ཚོགས་ཀྱི་གཅལ་དགྲམ་པར་བྱ་ཞིང ། གདུགས་དང ། རྒྱལ་མཚན་དང ། ལྡ་ལྡི་དང ། བ་དན་གྱིས་བརྒྱན་པར་བྱ། པོག་པོར་སུམ་ཅུ་རྩ་གཉིས་གཞག་པར་བྱ་ཞིང་བདུག་སྤོས་སྣ་ཚོགས་མང་པོས་བདུག་པར་བྱ། སྤོས་སྣ་བརྒྱད་དང་ལྡན་པའི་ཏིལ་མར་ Pha332a ༄#། །གྱི་མར་མེ་བལྟམ་པར་བྱ། དཀྱིལ་འཁོར་གྱི་ཁོར་ཡུག་ཏུ་པདྨའི་ཕྲེང་བ་བྲི་བར་བྱའོ། །རིག་སྔགས་འཆང་གཙང་མས་གོས་གཙང་མ་བགོ་བར་བྱ་ཞིང ། དུས་གསུམ་དུ་ཁྲུས་བྱས་ལ་གོས་གསུམ་བགོ་བར་བྱ། གྲོགས་གཙང་མ་བསྒྲུབ་པར་བྱའོ། །འཇུག་པའི་ཆོ་ག་བྱས་པ་ནས་དོན་ཡོད་པའི་ཞགས་པའི་སྙིང་པོས་དབང་བསྐུར་བའི་བར་ཙམ་གྱིས་སངས་རྒྱས་ཐམས་ཅད་ཀྱིས་ཡོངས་སུ་བཟུང་ཞིང་འཇིག་རྟེན་མགོན་པོས་བྱིན་གྱིས་བརླབས་པ་དང ། པདྨའི་རིགས་པདྨ་འཆང་བའི་དཀྱིལ་འཁོར་ཆེན་པོ་དོན་ཡོད་པའི་ཞགས་པའི་སྙིང་པོའི་དངོས་གྲུབ་ལ་མངོན་དུ་ཕྱོགས་པར་འགྱུར་རོ། །གང་བསམ་པ་ཐམས་ཅད་དེ་ཁོ་ན་བཞིན་བྱེད་པར་འགྱུར་རོ། །དམ་ཚིག་ཐམས་ཅད་ལ་དོན་ཡོད་པར་འཇུག་གོ། །ཆོས་ཉིད་ཐམས་ཅད་ཀྱི་རྣམ་པར་གྲོལ་བའི་དཀྱིལ་འཁོར་གྱི་ཆོས་ལ་དམ་ཚིག་གྲུབ་པར་འགྱུར་རོ། །ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་བ་དང ། བདེ་བ་ཐམས་ཅད་ཀྱི་རྗེས་སུ་འགྲོ་ཞིང ། ལྷ་དང ། མིའི་དཔལ་ཐམས་ཅད་མྱོང་བར་འགྱུར་རོ། །ལྷ་དང ། ལྷ་མ་ཡིན་དང ། གནོད་སྦྱིན་དང ། སྲིན་པོའི་ཚོགས་ཀྱི་བགོ་སྐལ་ལ་དབང་བར་འགྱུར་རོ། །རྣལ་འབྱོར་གྱི་དཀྱིལ་འཁོར་དང ། གསང་སྔགས་ལ་བརྟེན་པར་འགྱུར་རོ། །བརྡེག་པ་དང ། སྤྱོ་བ་དང ། ཕུར་བུས་གདབ་པ་དང ། སྲེག་པ་དང ། Pha332b བསྡིགས་པ་དང ། གཡེང་བ་དང ། གསད་པ་དང ། དབང་དུ་བྱ་བས་མི་ཚུགས་སོ། །གང་དག་དེ་ལྟ་བུ་བྱེད་པ་དེ་ཉིད་ཀྱི་ལུས་སམ་མགོ་ལ་བརྒྱ་ཕྲག་སྟོང་འགྱུར་དུ་འབབ་པར་འགྱུར་ཞིང་གཞན་གྱིས་ཕྱིར་བཟླས་ཅིང་དགྲོལ་བར་མི་ནུས་ཏེ། རིག་སྔགས་འཆང་དེས་དགྲོལ་བར་བྱའོ། །དེ་ནས་རིག་སྔགས་འཆང་དེས་རི་མོའི་གཟུགས་དེ་དཀྱིལ་འཁོར་ལ་མངོན་དུ་ཕྱོགས་པར་བཞག་ནས་དོན་ཡོད་པའི་སྙིང་པོ་སྟོང་རྩ་བརྒྱད་བཟླས་ལ་དོན་ཡོད་པའི་ཞགས་པའི་ཕྱག་རྒྱ་ལན་བརྒྱ་རྩ་བརྒྱད་བཅིང་བར་བྱ་ཞིང ། ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླ་བར་བྱའོ། །དེའི་འོག་ཏུ་དཀྱིལ་འཁོར་གྱི་ལྷ་རྣམས་ལས་འོད་ཟེར་ཁ་དོག་སྣ་ཚོགས་འབྱུང་བར་འགྱུར་རོ། །བུམ་པ་དེ་ཡང་འབར་ལ་རས་ཀྱི་སྐུ་གཟུགས་དེ་ཡང་ཁ་དོག་སྣ་བདུན་དུ་འབར་ཞིང་ཤས་ཆེར་འགུལ་བར་འགྱུར་ཏེ། ཁྲོ་བོའི་རིག་སྔགས་འཆང་སྙིང་དགའ་བར་འགྱུར་ཞིང་རས་ཀྱི་སྐུ་གཟུགས་ལས་ལེགས་སོ་ཞེས་བྱ་བའི་སྒྲ་འབྱུང་བར་འགྱུར་ཏེ། རིག་སྔགས་འཆང ། ལེགས་སོ་ལེགས་སོ། །ཁྱོད་ཀྱིས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་སྙིང་པོ་གྲུབ་ཅིང་ཁྱོད་ཀྱིས་ཞགས་པ་འདི་ཡང་གྲུབ། ཁྱོད་ཀྱིས་ཡིད་བཞིན་གྱི་ནོར་བུ་ཞགས་པའི་མཆོག་འདི་ཡང་གྲུབ་ཀྱི། ལས་ཐམས་ཅད་བྱོས་ཤིག་།དེ་དཀྱིལ་འཁོར་གྱི་ཆོ་ག་རྒྱས་པ་ཆོག་གྲུབ་ནས་བུམ་པ་སྤོས་ཆུས་བཀང་བ་དེ་ Pha333a ༄#། །བླངས་ལ་ལན་བརྒྱ་རྩ་བརྒྱད་བཟླས་ཏེ་རྒྱུ་སྐར་རྒྱལ་ལ་ཁྲུས་བྱས་པའམ་ཟླ་བ་ཡར་གྱི་ངོའི་ཚེས་གྲངས་ཤིས་པ་ལ་ཁྲུས་བྱས་པ་ཙམ་གྱི་མོད་ལ་ལུས་ཐམས་ཅད་དྲི་མ་མེད་ཅིང་ཡོངས་སུ་དག་པ་འཐོབ་པར་འགྱུར་ཞིང ། དངོས་པོ་ལྔའི་བདག་ཉིད་ཡོངས་སུ་དག་པར་འགྱུར་ཏེ་རྣ་བ་ལྔ་ཡོངས་སུ་དག་པ་དང ། མིག་ལྔ་ཡོངས་སུ་དག་པ་དང ། སྣ་ལྔ་ཡོངས་སུ་དག་པ་དང ། ལྕེ་ལྔ་ཡོངས་སུ་དག་པ་དང ། རྣམ་པར་ཤེས་པ་ལྔ་ཡོངས་སུ་དག་པ་དང ། དབང་པོ་ལྔ་ཡོངས་སུ་དག་པ་འཐོབ་པར་འགྱུར་རོ། ། འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཆོག་སྦྱིན་པར་འགྱུར་ཞིང་རྟག་ཏུ་སྐུ་སྟོན་བཞེད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཞལ་སྟོན་པར་འགྱུར་རོ། །རྟག་ཏུ་བྱང་ཆུབ་སེམས་དཔའ་ཐམས་ཅད་དགོངས་པར་འགྱུར་རོ། །ལྷ་ཐམས་ཅད་ཀྱང་དེ་ལ་སྲུང་བ་དང ། བསྐྱབ་པ་དང ། སྦ་བར་བྱེད་པར་འགྱུར་རོ། །བརྒྱ་བྱིན་དང ། ཚངས་པ་ལ་སོགས་པ་དག་ཀྱང་འོང་བར་འགྱུར་རོ། །རྒྱལ་པོ་བཞི་དཔུང་གི་འཁོར་དང་བཅས་ཏེ་སའི་ཕྱོགས་དེར་འོང་བར་འགྱུར་ཞིང ། རྟག་ཏུ་རྒྱུན་མི་འཆད་པར་སྲུང་བ་དང ། བསྐྱབ་པ་དང ། སྦ་བ་བྱེད་པར་འགྱུར་རོ། །སྲེད་མེད་ཀྱི་བུ་དང ། དབང་ཕྱུག་ཆེན་པོ་དང ། ནོར་བུ་བཟང་པོ་དང ། གསང་བ་བ་བརྒྱ་སྟོང་ཕྲག་དུ་མ་སྲུང་བ་དང ། བསྐྱབ་པ་ Pha333b པ་དང ། སྦ་བ་བྱེད་པར་འགྱུར་ཞིང ། ཞི་བ་དང ། བདེ་ལེགས་སུ་འགྱུར་རོ། །ཤེས་པ་དོན་ཡོད་པ་དང ། ཤེས་རབ་དོན་ཡོད་པ་དང ། ཐོས་པ་དང ། ཚུལ་ཁྲིམས་དང ། བརྩོན་འགྲུས་ཐོབ་པར་འགྱུར་ཞིང་སྦྱིན་པ་དོན་ཡོད་པའི་སྦྱིན་པར་འགྱུར་རོ། །བསོད་ནམས་ཀྱི་ཕུང་པོ་དོན་ཡོད་པ་དང་ལྡན་པར་འགྱུར་ཞིང ། འདི་ལྟ་སྟེ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །རྫུ་འཕྲུལ་དཔག་ཏུ་མེད་པ་ལ་མཁས་པར་ཡང་འགྱུར་རོ། །རིག་སྔགས་འཆང་གི་ཆོ་ག་ཞིབ་མོ་ཡང་འགྲུབ་པར་འགྱུར་རོ། །སྟོབས་དང ། བརྩོན་འགྲུས་དང ། ཕ་རོལ་གནོན་པ་དོན་ཡོད་པར་འགྱུར་རོ། །སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་འཐོབ་པར་འགྱུར་རོ། །དེ་བཞིན་གཤེགས་པ་གངྒཱའི་ཀླུང་གི་བྱེ་མ་ས་ཡ་སྙེད་ས་ཡ་བརྒྱ་ཕྲག་བརྒྱ་སྟོང་དྲུག་ཅུ་རྩ་བཞིའི་དགེ་བའི་རྩ་བ་ཡོངས་སུ་རྫོགས་པ་ཡང་དག་པར་བཟུང་བར་འགྱུར་རོ། །སེམས་ཅན་ཐམས་ཅད་ཀྱིས་ཀྱང་མཆོད་པ་དང ། བཀུར་སྟི་བྱ་བར་འགྱུར་ཞིང་ཐམས་ཅད་དབང་དུ་འགྱུར་རོ། །མཆོད་རྟེན་གྱི་སྙིང་པོ་དང་འདྲ་བར་ཕྱག་བྱ་བའི་འོས་སུ་འགྱུར་རོ། །དཀྱིལ་འཁོར་གྱི་ཆོ་ག་ཞིབ་མོའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་དགུ་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ནས་ Pha334a ༄#། །བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་བཏུད་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས།་བདག་ལ་པདྨའི་རིགས་ལ་རྣམ་པར་གྲོལ་བའི་དཀྱིལ་འཁོར་གྱི་ཆོ་ག་།རིག་སྔགས་ཆེན་པོའི་རིམ་པར་ཕྱེ་བ་ཆོ་ག་ཞིབ་མོ་དོན་ཡོད་པའི་ཞགས་པའི་སྙིང་པོ་རིག་སྔགས་ཀྱི་རྒྱལ་པོ་ཆེན་པོ་མཆིས་ཏེ། བཅོམ་ལྡན་འདས་ཀྱི་སྤྱན་སྔར་དེ་བདག་གིས་ཡོངས་སུ་བསྒྲག་པར་བགྱིའོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་བཞིན་འཛུམ་པས་བཅོམ་ལྡན་འདས་ལ་བལྟ་བཞིན་དུ་དོན་ཡོད་པའི་ཞགས་པའི་སྙིང་པོ་འདི་སྨྲས་སོ། །ན་མ་སྟྲཻ་ཡ་ད་དྷཱ་ནུ་ག་ཏ་པྲ་ཏི་ཥཋི་ཏེ་བྷྱཿ ། སརྦ་བུདྡྷ་པོ་དྷི་སཏྭ་བྷྱཿ ། ན་མ་པྲ་ཏྱེ་ཀ་བུདྡྷརྱ་ཤྲ་བ་ཀ་སཾ་གྷེ་བྷྱཿ ། ཨ་ཏཱི་ཏཱ་ནུ་ག་ཏཱ་པྲ་ཏྱུད་པན་ནེ་བྷྱཿ ། ན་མཿ སམྱ་ཀསཾ་ག་ཏཱ་ནཱ་མ། ན་མཿ སཾ་མྱཀསཾ་པྲ་ཏི་པན་ནཱ་ནཱཾ། ན་མཿ ་ཤཱ་ར་དྭ་ཏི་བུ་ཏྲ་ཡ་མ་ཧཱ་མ་ཏ་ཡེ། ན་མཿ ་ཨཱརྱ་མཻ་ཏྲེ་ཡ་བྲ་མུ་ཁེ་བྷ། མ་ཧཱ་བོ་དྷི་སཏྭ་ཨཱརྱ་ག་ཎ་བ་རེ་བྷྱཿ ། ན་མཿ ་ཨཱརྱ་ཨ་མི་ཏཱ་བྷཱ་ཡ་ཏ་ཐཱ་ག་ཏཱ་ཡ་ཨརྷ་ཏེ་སམྱཀསཾ་བུདྡྷཱ་ཡ། ན་མོ་རཏྣ་ཏྲ་ཡཱ་ཡ། ན་མཿ ཱརྱཱ་ Pha334b པ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱསྟྭཱ་ཡ། མ་ཧཱ་ཀཱ་རུ་ཎི་ཀཱ་ཡ། མ་ཧཱ་རྀ་ཥྀ་ཨཱ་རྱ་གཎ་པ་རེ་བྷྱཱཿ ་ན་མ་སྐྲྀ་ཏྭཱ་ཨཱརྱ་བ་ལོ་ཀི་ཏེ་ཤཝ་ར་མུ་ཁོངྒཱི་རཎྞཾ། ཨ་མོ་གྷ་རཱ་ཛན་ནཱ་མ་ཧྲྀ་ད་ཡན། ཏ་ཐཱ་ག་ཏཱ་སཾ་མུ་ཁཾ་བྷ་ཥི་ཏི་མ་ཧཱ་ ་པ་རཾ་དྷྱེ། ཨ་ཧི་མི་དཱ་ནཱི་མཱ་བརྟྟི་ཡ་ཥྱ་མི་སིདྡྷྱཾ་ཏུ་མེ་མནྟྲ་པ་དཱཿ སརྦ་ཀཱརྱ་ཎི། སརྦྦ་བྷ་ཡེ་བྷྱོ་མ་མ་སརྦྦ་སཏྭཱ་ནཱ་ཉྩ་རཀཥ་བྷ་ཝ་ཏུ། ཏདྱ་ཐཱ། ཨོཾ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀ། བི་རི་བི་རི། པི་རི་པི་རི། ཙི་རི་ཙི་རི། པ་ར་མ་ཧཱ་ཀཱ་རུ་ཎི་ཀཱ། སི་རི་སི་རི། པི་སྲི་པི་རི། ཙི་རི་ཙི་རི། མ་ཧཱ་པདྨ་ཧ་སྟེ། ཀ་ལ་ཀ་ལ། ཀི་ལ་ཀི་ལ། ཀུ་ལུ་ཀུ་ལུ། མཧཱ་ཤུདྡྷ་ས་ཏྭ། ཨེ་ཧྱེ་ཧི། བུདྡྷ་བུདྡྷ། དྷཱ་པ་དྷཱ་པ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུདྡྷ་སཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་སྠ་མ་པྲཱཔྟ། ཙ་ལ་ཙ་ལ། སཉྩ་ལ་ཉྩ་ལ། བི་ཙ་ལ་བི་ཙ་ལ། ཨེ་ཊ་ཊ་ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཨེ་ཧྱེ་ཧི། མཧཱ་ཀཱ་རུ་ཎི་ཀ། མ་ཧཱ་པ་ཤུ་པ་ཏི་བེ་ཥ་དྷ་ར། དྷ་ར་དྷ་ར། ས་ར་ས་ར། ཙ་ར་ཙ་ར། ཧ་ར་ཧ་ར། ཧ་ཧཱ་ཧ་ཧཱ། ཧི་ཧཱི་ཧི་ཧཱི། ཧུ་ཧཱུ་ཧུ་ཧཱུ། ཨོཾ་ཀཱ་ར་མ་ཧཱ་པྲ་ཧྨ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། བ་ར་བ་ར། ཙ་ར་ཙ་ར། བ་ར་བ་ར། བ་ར་ད། ར་ཤྨི་ཤ་ཏ་ས་ཧ་སྲ་པྲ་ཏི་མཎྜི་ཏ་ཤཱ་རཱི་ར། ཛྭ་ལ་ཛྭ་ལ། ཏཱ་པ་ཏཱ་པ་བྷ་ག་ཝཱ་ན། སོ་མ་ཨཱ་དི་ཏྱ། ཡ་མ། བ་རུ་ཎ། ཀུ་བེ་ར། པྲ་ཧྨེནྡྲ། རི་ཥི་ག་ན། ཨ་བྷྱ་རྩི་ཏ་ཙ་ར་ཎ། སུ་རུ་སུ་རུ། ཙུ་རུ་ཙུ་རུ། པུ་རུ་པུ་རུ། མུ་རུ་མུ་རུ། Pha335a ༄#། །ས་ནད་ཀུ་མཱ་རཱ། རུ་དྲ། བཱ་ས་བ། བིཥཎུ། དྷ་ན་ད། དེ་བ་རི་ཥི་ནཱ་ཡ་ཀ་མ་ཧུ་བི་བི་དྷ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། མ་ར་མ་ར། བ་ར་བ་ར། བ་ར་བ་ར། བ་ར་དཱ་ཡ་ཀ་ས་མནྟ་ཨ་བ་ལོ་ཀི་ཏེ། ལི་ཀེ་ཤཝ་ར། མ་ཧེ་ཤཝ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། བྷ་ག་ཝཱ་ན། ཨཱརྱ་ཨ་བ་ལོ་ཀི་ཏེ་ཤཝ་ར། རཀཥ་རཀཥ་མཾ་སརྦྦ་སཏྭ་ཤྩ། སརྦྦ་བྷ་ཡེ་བྷྱཿ ། སརྦྦོ་པ་སརྒྷ་བྷྱཿ ། སརྦྦ་གྲ་ཧེ་བྷྱཿ ། སརྦྦ་ཛྭ་རེ་བྷྱཿ ། ཨེ་ཝཾ་བ་དྷ། བནྡྷ་ན། ཏཱཌ་ན། ཏ་རྫ་ན། རཱ་ཛ་ཙཽ་ར་ཏ་སྐ་ར། ཨ་གནི། ཨུ་ད་ཀ། བིཥ་ཤསྟ། པ་རི་མོ་ཙ་ཀ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎ ། ཙ་ར་ཙ་ར། ཨིནྡྲི་ཡ། བ་ལ་བོ་དྷྱཾ་ག་ཙ་ཏུ་ར་ཨཱརྱ་ས་ད་ཏྱ་སཾ་པྲ་ཀཱ་ཤ་ཀ། ཏ་མ་ཏ་མ། ད་མ་ད་མ། ས་མ་ས་མ། ས་མ་ས་མ། མ་ཧཱ་ཏ་མོ་ན་དྷ་ཀཱ་ར། བི་དྷ་མ་ན་བི་དྷ་མ་ན། ཥ་ཊ་པ་ར་མི་ཏཱ་པ་རི་པཱུ་ར་ཀ། མི་ལི་མི་ལི། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཨེ་ཎེ་ཡ་ཙརྨྨ་ཀྲི་པ་རི་ཀ་ར། ཨེ་ཧྱེ་ཧི་ཨཱི་ཤཝ་ར། མ་ཧེ་ཤཝ་ར་མ་ཧཱ་བྷུ་ཏ་ག་ཎ་བྷཉྫ་ཀ། ཀུ་རུ་ཀུ་རུ། པ་ར་པ་ར། ཀ་ཊ་ཀ་ཊ། མ་ཊ་མ་ཊ། བི་ཤུདྡྷ། རྦཥི་ཡ་ནི་བཱ་སི་ན། མ་ཧཱ་ཀཱ་རུ་ཎི་ཀ་ཤཝེ་ཏ་ཡ་ཛྙེ་པ་བཱི་ཏ་རཏྣ་མུ་ཀུ་ཊ། མཱ་ལཱ་དྷ་ར། སརྦྦ་ཛྙཱ་ཤི་ར་སི་ཀྲི་ཏ་མ་ཀུ་ཊ། མ་ཧད་བྷུ་ཏ་ཀ་མ་ལཱ་ལཾ་ཀྲི་ཏ་ཀ་ར་ཏ་ལ། དྷྱ་ན་ས་མཱ་དྷི་བི་མོཀྵ་ཨ་ Pha335b པྲ་ཀམྦྱ།་བ་ཧུ་སྟྭ་སནྟ་ཏི་པ་རི་པཱ་ཙ་ཀ། མ་ཧཱ་ཀཱ་རུ་ཎི་ཀ། སརྦྦ་ཀརྨྨ་སཱ་བ་ར་ཎི་བི་ཤོ་དྷ་ཀ། སརྦྦ་བྱ་དྷི་པྲ་མོ་ཙ་ཀ། སརྦྦ་ཨཱ་ཤཱ་པ་རི་པཱུ་ར་ཀ། སརྦྦ་སཏྭ་ས་མཱ་ཤཝཱ་ས་ཀ། ན་མོ་སྟུ་ཏེ་སཝཱཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པའི་ཞགས་པའི་སྙིང་པོ་འདི་བཤད་པ་ཙམ་གྱིས་འཁོར་མང་པོ་རི་དང་ནགས་ཚལ་དུ་བཅས་པ་འདི་རྣམ་པ་དྲུག་ཏུ་གཡོས་སོ། །འཇིག་རྟེན་དུ་སྣང་བ་ཆེན་པོ་བྱུང་བར་གྱུར་རོ། །ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པུཎྜ་རཱི་ཀ་དང ། མནྡཱ་ར་བའི་མེ་ཏོག་གི་ཆར་ཆེན་པོས་པུས་མོ་ནུབ་པ་ཙམ་བབ་པར་གྱུར་ཏོ། །སིལ་སྙན་དང ། ཕེག་རྡོབ་པའི་སྒྲ་དག་ཀྱང་བྱུང་བར་གྱུར་ཏོ། །མཐོ་རིས་ཀྱི་ལྷ་དག་གིས་ཀྱང་ནམ་མཁའ་ལས་བཅོམ་ལྡན་འདས་ལ་རྒྱན་དང ། ལྷབ་ལྷུབ་དག་གི་ཆར་ཕབ་བོ། །འཁོར་གྱི་དཀྱིལ་འཁོར་ན་གནས་པའི་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་ ། གཙང་མ་དེ་དག་ཐམས་ཅད་ཀྱིས་ལེགས་སོ་ཞེས་བྱ་བ་བྱིན་ཏེ། སེམས་ཅན་དག་པ་ཆེན་པོ་ལགས་སོ་ལེགས་སོ། །ཡིད་བཞིན་གི་ནོར་བུ་ཆེན་པོ་དོན་ཡོད་པའི་ཞགས་པའི་སྙིང་པོ་མཆོག་ཏུ་རྙེད་པར་དཀའ་བ་འདི་བཤད་ཅིང ། དངོས་གྲུབ་མཆོག་གི་ཆོ་ག་ཞིབ་མོའི་རྒྱལ་པོ་འདི་ Pha336a ༄#། །བཤད་པས་རིན་པོ་ཆེའི་ཆར་ཆེན་པོ་འབབ་བོ་ཞེས་ཟེར་རོ། །དེ་ནས་དེའི་ཕྱིར་དུས་གསུམ་དུ་བཟླས་བརྗོད་བྱ་ཞིང་གཙང་མས་གོས་གཙང་མ་བགོས་ནས་དུས་གསུམ་དུ་ཁྲུས་བྱ་ཞིང་ཟས་དཀར་གསུམ་ཟ་བས། འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་དཔལ་ལྷ་མོ་བཞག་སྟེ་མཆོད་པ་བྱས་ལ་ཡུངས་ཀར་འབྲུ་རེ་རེ་ལ་བརྒྱ་རྩ་བརྒྱད་བཟླས་ནས་དཔལ་ལྷ་མོ་ལ་བསྣུན་པ་བྱས་ན། ཚེས་བཅུ་བཞི་ནས་བཅོ་ལྔའི་བར་དུ་དཔལ་ལྷ་མོ་འོང་བར་འགྱུར་རོ། །མཚམས་མེད་པ་ལྔ་འབྱང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་འགྱུར་རོ། །སྡིག་པ་ཐམས་ཅད་བྱང་བར་འགྱུར་རོ། །མཚམས་གཅད་པ་དང ། ཞི་བར་བྱ་བ་ལ་ཨ་ག་རུ་དང ། ཙནྡན་གྱི་བདུག་སྤོས་བསྲེགས་ལ་ཐལ་བ་དང ། ཡུངས་ཀར་དང ། སེང་ལྡེང་གི་ཕུར་བུ་གདབ་པར་བྱའོ། །རིམས་ཐམས་ཅད་ལ་བུ་མོ་གཙང་མས་བཀལ་པའི་སྲད་བུ་ལ་མདུད་པ་ཉི་ཤུ་རྩ་གཅིག་བོར་ལ་ལན་ཉི་ཤུ་རྩ་གཅིག་བཟླས་ཏེ་བཏགས་ན། རིམས་ཐམས་ཅད་ལས་ཐར་པར་འགྱུར་རོ། །ནད་ཐམས་ཅད་ལ་མར་དང་ཏིལ་མར་ལ་བཟླས་ཏེ་ཟངས་ཀྱི་སྣོད་དུ་སངས་རྒྱས་ལ་ཕུལ་བའི་སྣ་མའི་མེ་ཏོག་སྙིང་པོ་དང ། པདྨ་ཟེ་བ་དང་བཅས་པ་བཏབ་སྟེ་བཅོས་པ་འདི་ནི། གྲུབ་པ་ཡིན་ཏེ། ཟས་དང ། སྐོམ་དང ། Pha336b བསྐུ་བ་དང ། སྣ་ནས་གཏང་བའི་ལས་བྱ་སྟེ། ཉི་ཤུ་རྩ་གཅིག་བཟླས་པས་ནད་ཐམས་ཅད་ལས་ཐར་བར་འགྱུར་རོ། །བྱད་གཅད་ན། མར་དང་སྦྲང་རྩི་ལ་ལན་ཉི་ཤུ་རྩ་གཅིག་བཟླས་ཏེ་ལུས་ལ་བསྐུ་ཞིང་ཚིགས་མས་དྲིལ་ལ་ལུས་ཀྱི་དྲི་མ་བྱིན་པར་བྱས་ཏེ་གོང་བུ་ལས་གཟུགས་བརྙན་བྱས་ལ་ལན་བདུན་བཟླས་ཏེ་མཚོན་གྱིས་བཏབ་ནས་དུག་སྦྱར་མ་དང ། བྱད་དང ། གསང་སྔགས་ཐམས་ཅད་བཅད་པར་འགྱུར་ཞིང་ནད་ཐམས་ཅད་ལས་ཐར་བར་འགྱུར་རོ། །བྱད་ཆེན་མོ་འཇིག་པར་འགྱུར་རོ། །སྲུང་བའི་སྐུད་པ་ལ་ལན་ཉི་ཤུ་རྩ་གཅིག་བཟླས་ཏེ་དེ་བཞིན་དུ་མདུད་པ་པོར་བ་བྱས་ན། སྲུང་བ་ཆེན་པོ་བྱས་པར་འགྱུར་རོ། །འཇིགས་པ་དང ། སྐྲག་པ་དང ། དངང་པ་ཐམས་ཅད་དང ། འབྱུང་པོའི་འཇིགས་པ་ཐམས་ཅད་ཀྱིས་མི་ཚུགས་སོ། །ལྟོ་ན་བ་ལ་ཚཝ་ཆུ་འཇམ་ཙམ་ལ་ལན་བདུན་བཟླས་ཏེ་བྱིན་ན། ལྟོ་བའི་ནད་འཇིག་པར་འགྱུར་རོ། །དུག་གསད་ན། ཆུ་ལ་ལན་བདུན་བཟླས་ཏེ་བྱིན་ན་དུག་ཐམས་ཅད་འཇིག་པར་འགྱུར་ཞིང་མི་གདུག་པར་འགྱུར་རོ། །མིག་ན་བ་ལ་སྲད་བུ་དཀར་པོ་རྣ་བ་ལ་བཏགས་ན། མི་ནད་ཐམས་ཅད་འཇིག་པར་འགྱུར་རོ། །སྡང་བའི་དུག་མི་བཟད་པ་ལ་འཇིམ་པ་ལ་བཟླས་ཏེ་བྱུག་པ་བྱས་ན། དུག་མེད་པར་འགྱུར་རོ། །སོ་ན་བ་ལ་ཀ་ར་བཱི་རའི་སོ་ཤིང་ངམ། སྣ་མའི་སོ་ཤིང་ངམ། ཤིང་བ་གུའི་སོ་ཤིང་ལ་བཟླས་ཏེ་ Pha337a ༄#། །ཟོས་ན་སོ་ནད་ཞི་བར་འགྱུར་རོ། །མཚམས་བཅད་པ་ཐམས་ཅད་ནི། ཚོན་སྣ་ལྔའི་སྲད་བུ་བྱས་ལ་ལན་ཉི་ཤུ་རྩ་གཅིག་བཟླས་ཏེ་སེང་ལྡེང་གི་ཕུར་བུ་བཞི་ལ་བཏགས་ཏེ་ཕྱོགས་བཞིར་བཙུགས་ན། མཚམས་ཆེན་པོ་བཅད་པར་འགྱུར་རོ། །གདོན་ཐམས་ཅད་ལ་ཚོན་སྣ་ལྔའི་སྲད་བུ་ལ་ལན་ཉི་ཤུ་རྩ་གཅིག་བཟླས་ན། གདོན་ཐམས་ཅད་ལས་ཐར་པར་འགྱུར་རོ། །སྲོག་ཆགས་ཀཱི་ཊ་དང ། ལྷོག་པ་དང ། མགུལ་པ་འགགས་པ་ལ་སྦྲང་རྩི་དང་པི་པི་ལིང་ལྡན་པར་བྱས་ཏེ་བྱུག་གོ། མགུལ་འགགས་པ་ལ་བླྔག་པ་བྱས་ན།་མགུལ་འགགས་པ་ཐམས་ཅད་ལས་ཐར་པར་འགྱུར་རོ། །མིག་ནད་ལ་སྤོས་ཆུ་དང ། ཤིང་པ་ལ་ཤའི་ཆུ་དང ། པ་ལ་ཤའི་མེ་ཏོག་གིས་བཀྲུ་བར་བྱ་བའམ། ཤིང་མངར་གྱི་ཆུ་ལ་ལན་བདུན་བཟླས་ཏེ་བཀྲུས་ན། མིག་ནད་ཐམས་ཅད་ལས་ཐར་པར་འགྱུར་རོ། །རྣ་བ་ན་བ་ལ་ཏིལ་མར་དང་ཤུ་ཏི་ཟངས་ཀྱི་སྣོད་དུ་བཙོས་པས་རྣ་བ་བཀང་ན། རྣ་ནད་ལས་ཐར་པར་འགྱུར་རོ། །འཐབ་པ་དང ། རྩོད་པ་དང ། ཁྲག་ཁྲུག་དང ། མི་སྙན་པ་ཐམས་ཅད་ལ་ཆུ་ལ་ལན་བདུན་བཟླས་ཏེ་གདོང་བཀྲུ་བ་བྱས་ན། ཐམས་ཅད་ལས་རྒྱལ་བར་འགྱུར་རོ། །དཔུང་དང ། སྟོབས་དང ། ཡུལ་དང ། ཡུལ་འཁོར་དང ། ཕྱིར་རྒོལ་བ་དང ། མི་མཛའ་བ་ཐམས་ཅད་དང ། གཡུལ་ངོ་ཐམས་ཅད་དུ་བ་ལང་གི་ལྕི་བས་དཀྱིལ་ Pha337b འཁོར་བྱས་ལ་བུམ་པ་གང་བ་བཞི་བཞག་སྟེ་གཙང་མས་གོས་གཙང་མ་བགོས་ལ་ཨ་ག་རུའི་བདུག་པ་དབུལ་བར་བྱ་ཞིང ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ནས་དོན་ཡོད་པའི་ཞགས་པའི་སྙིང་པོའི་མདོ་འདི་མཆོད་དེ་བཀླགས་པ་བྱས་ན། ཞི་བ་ཆེན་པོར་འགྱུར་ཏེ། ཐམས་ཅད་བྱམས་པའི་སེམས་དང ། བྱམས་པའི་ཡིད་དུ་འགྱུར་ཞིང་ཐམས་ཅད་དུ་རྒྱལ་བ་ཐོབ་པར་འགྱུར་རོ། །ཞི་བ་ཆེན་པོར་འགྱུར་རོ། །ཆུ་དེས་བདག་ཉིད་ལ་ཀུན་ཏུ་གཏོར་ཏེ་ཙནྡན་ལ་ལན་ཉི་ཤུ་རྩ་གཅིག་བཟླས་ཏེ་སྙིང་གར་ཐིག་ལེ་བྱས་ཏེ་རྟག་ཏུ་དྲན་པར་བྱས་ན། མཚམས་མེད་པ་ཐམས་ཅད་ཟད་པར་འགྱུར་རོ། །ཁྱིམ་ཐམས་ཅད་སྲུང་ན། པདྨ་དང ། ན་གུ་ལི་དང ། ཤིང་ཨརྒའི་མེ་ཏོག་མར་དང་བསྲེས་པ་ལས་སྦྱིན་སྲེག་བྱས་ན། ཁྱིམ་སྲུང་བ་ཆེན་པོ་བྱས་པར་འགྱུར་རོ། །འབྱུང་པོའི་གདོན་ཐམས་ཅད་ལས་སྲུང་བ་བྱས་པར་འགྱུར་རོ། །ཡང་ལས་ཐམས་ཅད་ལ་ནོར་བུ་སྒྲུབ་པའི་རྫས་འདི་དག་བསགས་ལ་ཆ་མཉམ་པར་བྱས་ཏེ་གཙང་མས་གོས་གཙང་མ་བགོས་ལ་སྙིང་པོ་བརྒྱ་རྩ་བརྒྱད་བཟླས་པས་ལས་ཐམས་ཅད་བྱའོ། །ཛ་ཡ་དང ། བི་ཛ་ཡ་དང ། མཱ་གུ་ལི་དང ། གནྡྷ་ནཱ་དང ། བ་རུ་ཎི་དང ། ིནྡྲ་བ་རུ་ཎི་དང ། གནྡྷ་པྲི་ཡཾ་ཀུ་དང ། ཏ་ག་ར་དང ། ཙ་ཀྲ་དང ། མ་ཧཱ་ཙ་ཀྲ་དང ། སོ་མ་རཱ་ཛི་དང ། སུ་མན་ད་རྣམས་ཕྱེ་མ་ཞིབ་མོར་བྱས་ཏེ་ཆར་པའི་ཆུས་ Pha338a ༄#། །སྦྲུས་ལ་ཙནྡན་དང ། གུར་གུམ་སྦྱར་བའི་ཆུས་བརླན་ཏེ་བརྒྱ་རྩ་བརྒྱད་བཟླས་ལ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ནོར་བུར་བྱས་ཏེ་ཡང་ལན་ཉི་ཤུ་རྩ་གཅིག་བཟླས་ནས་ཨ་ག་རུའི་བདུག་པས་བདུགས་ལ་དེ་ཉིད་བཅོམ་ལྡན་འདས་ཀྱི་ཞབས་དྲུང་དུ་བཞག་སྟེ་རས་ཀྱིས་གཡོགས་ལ་གྲིབ་མར་བསྐམས་ཏེ་བླངས་ལ། ཡང་དོན་ཡོད་པའི་ཞགས་པའི་སྙིང་པོ་ལན་བདུན་བཟླ་བར་བྱ་ཞིང ། ཁྲོ་བོའི་རྒྱལ་པོ་ལན་གསུམ་བཟླས་བརྗོད་བྱས་ཏེ་མགོ་བློས་བཟུང་ན། རྒྱལ་པོ་བཙུན་མོའི་འཁོར་དང་བཅས་པས་མཆོད་པར་འགྱུར་ཞིང་ཐམས་ཅད་དབང་དུ་འགྱུར་རོ། །རིགས་བཞིའི་འཇིག་རྟེན་ཐམས་ཅད་དབང་དུ་འགྱུར་རོ། །བླ་མ་གཅིག་པུར་འགྱུར་རོ། །ལྷ་ཐམས་ཅད་ཀྱང་གཟི་བྱིན་འཇུག་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཀྱང་རྟག་ཏུ་གཟིགས་པར་འགྱུར་རོ། །ཚངས་པ་དང་ཁྱབ་འཇུག་དབང་ཕྱུག་ཆེན་པོ་ཡང་རྟག་ཏུ་ཕྱི་བཞིན་འབྲང་བར་འགྱུར་ཞིང་དུས་ཐམས་ཅད་དུ་མཆོག་སྦྱིན་པར་འགྱུར་རོ། །ཕྱིར་རྒོལ་བ་དང་མི་མཛའ་བ་ཐམས་ཅད་ཀྱང་རྟག་ཏུ་མཐུན་པར་བྱེད་ཅིང་དབང་དུ་འགྱུར་རོ། །བྱད་མི་བཟད་པ་དང ། དུག་སྦྱར་མ་དང ། ཕྱེ་མའི་དུག་དང ། གསང་སྔགས་དང ། གཡེང་བྱེད་ཀྱིས་མི་ཚུགས་ཤིང་ཐམས་ཅད་ Pha338b འཇིགས་པར་འགྱུར་རོ། །རྟག་ཏུ་དཔལ་དང ། གཟི་བྱིན་དང ། བསོད་ནམས་དང ། བཀྲ་ཤིས་དང ། དགེ་བའི་ཚོགས་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་དེ་ལ་གཟིགས་པར་འགྱུར་རོ། །རྟག་ཏུ་སྟོན་པ་བཞེད་པར་འགྱུར། ཐམས་ཅད་དུ་དུས་ཐམས་ཅད་ན་རྒྱལ་བ་ཐོབ་པར་འགྱུར་རོ། །སྐལ་པ་བཟང་པོ་ཐོགས་པ་མེད་པ་ཡང་འཕེལ་བར་འགྱུར་རོ། །དབུང་པ་ལ་བཏགས་ན། གླང་པོ་ཆེ་ཆེན་པོའི་སྟོབས་དང་ལྡན་པར་འགྱུར་རོ། །འགྱེད་པ་དང ། དམག་ཐམས་ཅད་ལས་རྒྱལ་བ་ཆེན་པོར་འགྱུར་རོ། །སྟོབས་དང ། བརྩོན་འགྲུས་དང ། ཕ་རོལ་གནོན་པ་ཆེན་པོར་འགྱུར་རོ། །རིག་སྔགས་འཆང་གི་ཆོ་ག་ཞིབ་མོ་ཆེན་པོ་གྲུབ་པར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟའི་གདོན་དང ། བརྗེད་བྱེད་ཀྱི་མི་ཚུགས་པར་འགྱུར་རོ། །ནམ་ཡང་དེ་ལ་རྨི་ལམ་ངན་པ་དང ། ལྟས་ངན་པ་འབྱུང་བར་མི་འགྱུར་རོ། །བྱིས་པ་རྣམས་ལ་མགུལ་དུ་བཏགས་ན། གདོན་ཐམས་ཅད་དང ། རིམས་ནད་ཐམས་ཅད་དང ། ནད་ཐམས་ཅད་དང ། བཅོས་པ་འཕྲོག་པ་ཐམས་ཅད་ཀྱིས་མི་ཚུགས་སོ། །ནག་པོ་ཆེན་པོ་མ་མོའི་ཚོགས་ཀྱི་འཁོར་དང་བཅས་པ་རྟག་ཏུ་རྒྱུན་མི་འཆད་པར་ཕྱི་བཞིན་འབྲང་ཞིང ། སྲུང་བ་དང ། བསྐྱབ་པ་དང ། སྦ་བ་བྱེད་པར་འགྱུར། ཡུན་རིང་དུ་འཚོ་བར་འགྱུར། ཚེ་རིང་བར་འགྱུར་རོ། །བུད་མེད་རྣམས་ལ་ Pha339a ༄#། །སྐ་རགས་གསར་པ་བཏགས་ཏེ་ཁྲུས་བྱས་ནས་གོས་གཙང་མ་གསར་པ་བགོས་ཏེ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ན། སྐལ་པ་བཟང་པོ་མཆོག་དང་ལྡན་པར་བྱེད་ཅིང་བཀྲ་མི་ཤིས་པ་རབ་ཏུ་ཞི་བར་བྱེད། ཁྱིམ་ཐབ་དང་རྟག་ཏུ་རྗེས་སུ་མཐུན་པར་འགྱུར། ཁྱེའུ་དང་བུ་མོ་ཡོད་པར་འགྱུར། ཤེས་རབ་མཆོག་ཏུ་འགྱུར། ཐམས་ཅད་དགའ་བས་ལྟ་བར་འགྱུར། དེ་ལ་བུད་མེད་ཀྱི་སྐྱོན་ཡང་འབྱུང་བར་མི་འགྱུར། ཕྱི་མ་ལ་དེ་ལྟ་བུའི་བུད་མེད་ཀྱི་ལུས་མི་ཐོབ་པར་ཤེས་པར་བྱ་སྟེ།་ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ནོར་བུ་འདི་བཏགས་ན། ཐམས་ཅད་དུ་སྲུང་བ་བྱས་པར་འགྱུར་ཞིང ། དུག་དང ། མཚོན་དང ། མེས་མི་ཚུགས་སོ། །དུག་བྱས་པ་ཡང་སྐྱེ་བར་མི་འགྱུར་རོ། །ནོར་བུ་འདི་བཏགས་པས་དུག་མེད་པར་འགྱུར་ཞིང་མྱུར་དུ་ཞི་བར་འགྱུར་རོ། །ཚོར་བ་སྐྱེ་བར་མི་འགྱུར་ཞིང་བདེ་བར་ཞི་བར་འགྱུར་རོ། །རླུང་དང་སྤྲིན་དང་སེར་བ་གནོན་ན། ཆུ་ལ་ལན་བདུན་བཟླས་ཏེ་ནམ་མཁའ་ལ་གཏོར་ན་རླུང་དང ། སྤྲིན་དང ། སེར་པ་ཐམས་ཅད་མནན་པར་འགྱུར་རོ། །བཟློག་པར་བྱ་ན། བལ་པོ་སེའུའི་ལྕུག་མས་བཟློག་པར་བྱའོ། །དྲན་པ་བསྐྱེད་ན། འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་མི་སྨྲ་བར་དོན་ Pha339b ཡོད་པའི་ཞགས་པའི་སྙིང་པོ་ལན་བདུན་བཟླས་ཏེ་ནོར་བུ་ཆུ་དྲོན་ལས་བཏང་བ་བྱས་ན། འདི་བཀླགས་པ་ཙམ་གྱིས་ཚིགས་སུ་བཅད་པ་སྟོང་འཛིན་པར་འགྱུར་ཞིང་ཐོས་པ་མང་པོ་རྒྱ་མཚོ་བསགས་པར་འགྱུར་རོ། །རྒྱལ་སྲིད་དང ། ཡུལ་འཁོར་དང ། བཙུན་མོ་འཁོར་དང་བཅས་པ་དབང་དུ་བྱར་འདོད་ན། ལུས་བསྐུ་བ་བྱས་ན་གང་དུ་ཞུགས་པ་དེ་ཐམས་ཅད་དབང་དུ་འགྱུར་རོ། །པུས་མོ་གཉིས་ལ་བྱུགས་ན། ཆུ་ཀླུང་ཆེན་པོ་པུས་མོ་ནུབ་ཙམ་གྱིས་ཕ་རོལ་ཏུ་རྒོལ་བར་འགྱུར་རོ། །རྒྱལ་མཚན་གྱི་རྩེ་མོ་ལ་བཏགས་ཏེ་དམག་གམ། གཡུལ་ངོའམ། ཚོགས་པའི་ནང་ངམ། རི་ཁྲོད་དང ། ཚད་ཚིང་དང ། རི་སུལ་དང ། དགོན་པར་ཕྱིན་པ་ན་སྒྲེང་བ་བྱས་ན། བདེ་བ་དང ། བདེ་ལེགས་སུ་རྒལ་བར་འགྱུར་ཞིང ། ཆོམ་པོ་དང ། གཡོན་ཅན་དང ། རྐུན་པོ་དང ། གཅན་གཟན་གཏུམ་པོའི་འཇིགས་པས་མི་ཚུགས་པར་འགྱུར་ཞིང་བལྟར་མེད་པར་འགྱུར་རོ། །བཙོན་ར་ཐམས་ཅད་དུ་སོང་བ་ན་བྱུག་པ་བྱས་ན།་ཤིང་སྒྲོག་དང ། ཁོང་སྐྲིལ་དང ། ལྕགས་སྒྲོག་གིས་བཅིང་པ་ཐམས་ཅད་ཆག་གྲུགས་སུ་འགྱུར་རོ། །བདག་ཉིད་ལ་བསྐུས་ན། མཚོན་ཆ་མི་སྣང་བར་འགྱུར་རོ། །མིག་གཉིས་ལ་བསྐུས་ན། གཉིད་ལོག་པའི་ཚེ་རྨི་ལམ་ཆེན་པོ་རྨི་བར་འགྱུར་ཞིང་ཇི་ལྟར་བསམ་ཞིང་སྨོན་པ་སྣང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་མཛད་ Pha340a ༄#། །ཅིང་ཐམས་ཅད་བཀའ་སྩོལ་བར་འགྱུར་རོ། །དེ་ལ་མིག་ནད་ཐམས་ཅད་ཀྱིས་མི་ཚུགས་སོ། །ཁའི་ནང་དུ་བཞག་ན། གང་བསླངས་པ་སྦྱིན་པར་བྱེད་ཅིང་དབང་དུ་འགྱུར་རོ། །གདོན་གྱིས་ཟིན་པ་ལ་དཔྲལ་བར་བྱུག་པ་བྱས་ན། བྱུགས་པ་ཙམ་གྱིས་འབབ་པར་འགྱུར་ཏེ། ཐམས་ཅད་སྨྲ་བར་འགྱུར་རོ། །ལག་མཐིལ་དུ་བསྐུས་ནས་གླང་པོ་ཆེ་ལ་རེག་ན་དབང་དུ་འགྱུར་ཞིང་གར་བཏང་བ་དེར་འགྲོ་བར་འགྱུར་རོ། །དཔྲལ་བའི་དབུས་སུ་ཐིག་ལེ་བྱས་ན། འཇིག་རྟེན་ཐམས་ཅད་ཀྱིས་ཆེར་མཆོད་པར་འགྱུར་རོ། །མིད་པ་ལ་བྱུགས་ན། མགྲིན་སྔོན་བཞིན་དུ་བྲམ་ཟེ་ཐམས་ཅད་དབང་དུ་འགྱུར་ཞིང་བགྱི་བ་ཅི་མཆིས་ཞེས་བྲན་བཞིན་དུ་འགྱུར་རོ། །འོ་མ་དང་སྦྱར་ཏེ་མིག་ལ་བསྐུས་ན། མཚན་མོ་ཡང་ཉིན་མོ་བཞིན་དུ་སྣང་བར་འགྱུར་རོ། །གནོད་སྦྱིན་དང་སྲིན་པོའི་གནས་ཐམས་ཅད་ཀྱི་སྒོ་ཕྱེ་བར་འགྱུར་ཞིང་གཏེར་ཐམས་ཅད་འབྱུང་བར་འགྱུར་རོ། །ཐམས་ཅད་བྲན་བཞིན་བྱེད་པར་འགྱུར་རོ། །ཀླུའི་གནས་ཀྱི་མཚོར་པོར་ན་ཀླུ་ཆེན་པོས་ཆར་གྱི་རྒྱུན་གཏོང་བར་འགྱུར་རོ། །ཆར་ཧ་ཅང་ཆེ་བའི་ཚེ་ཆུ་དང་བསྲེས་ཏེ་ནམ་མཁའ་ལ་གཏོར་ན་ཞི་བར་འགྱུར་རོ། །སྤྲིན་ལ་བལྟས་ཏེ་སར་བའི་རྒྱུན་ལ་གཏོར་ན། སེར་བ་འབབ་པར་མི་འགྱུར་རོ། །ལག་པ་ལ་བཏགས་ན། གང་ལ་རེག་པ་དེ་ཟད་མི་ཤེས་པར་ Pha340b འགྱུར་རོ། །རྐང་པའི་རྗེ་ངར་ལ་བཏགས་ཏེ་མེའི་ནང་དུ་ཞུགས་ན། མེས་མི་ཚུགས་ཤིང་ཙནྡན་བཞིན་དུ་བསིལ་བར་འགྱུར་རོ། རལ་གྲི་ལ་བྱུགས་ཏེ་གཡུལ་ངོར་སོང་ན། ལུས་ཐམས་ཅད་གཅིག་ཏུ་འབར་བར་གྱུར་ནས་ཕ་རོལ་གྱི་དཔུང་ཐམས་ཅད་འབྱེར་བར་འགྱུར་ཞིང་ཐམས་ཅད་དུ་རྒྱལ་བར་འགྱུར་རོ། །ནད་ཆེན་པོས་ཐེབས་པའི་ནད་པ་ཚབས་པོ་ཆེ་ལ་ཕྱེ་མ་བྱིན་ན།་ནད་ཚབས་ཆེན་པོ་ལས་ཐར་པར་འགྱུར་རོ། །ཚད་པ་དང་ཕོ་བ་ན་བ་ལ་ཆུ་དྲོན་ལས་བཏང་ན། མོད་ལ་ཡོངས་སུ་ཐར་པར་འགྱུར་རོ། །རྩིབ་ལོགས་ན་བ་ལ་དར་བ་ལས་བཏང་ན་ཞི་བར་འགྱུར་རོ། །ནད་ཐམས་ཅད་ལ་ནི། ཞུན་མར་དང ། ཏིལ་མར་ལས་སྦྱར་ཏེ་སྐུ་མཉེ་དང ། བཟའ་བ་དང ། བཏུང་བའི་ནད་དང ། སྣར་བླུགས་པ་དང ། བྱུག་པ་བྱས་ན། ནད་ཐམས་ཅད་འཇིག་པར་འགྱུར་ཞིང་ནམ་ཡང་འབྱུང་བར་མི་འགྱུར་རོ། །ཕུག་གི་སྒོར་ཁོར་ཡུག་ཏུ་བྱུགས་ལ་སྙིང་པོ་ལན་བདུན་བཟླས་ཏེ་དོན་ཡོད་པའི་ཞགས་པའི་ཕྱག་རྒྱ་བྱས་ལ། ཁྲོ་བོའི་རྒྱལ་པོ་གསང་སྔགས་ལན་གཅིག་བཟླས་བརྗོད་བྱས་ནས་ཞུགས་ན། ཕུག་གི་སྒོ་ཆག་སྟེ་རང་གི་ཁྱིམ་དུ་འགྱུར་ཞིང་སྡང་བ་ཐམས་ཅད་ཟློག་པར་འགྱུར་རོ། །བགེགས་དང་ལོག་འདྲེན་ཐམས་ཅད་མི་སྣང་བར་འགྱུར་རོ། །ཁར་བཅུག་སྟེ་མི་སྨྲ་བར་སྙིང་པོའི་མདོ་བརྗོད་པར་བྱས་ན། ལན་བརྒྱ་ཕྲག་སྟོང་བཟླས་པར་འགྱུར་རོ། །དེ་བཞིན་གཤེགས་པ་ཐམས་ཅད་ Pha341a ༄#། །ཀྱི་དགེ་བའི་རྩ་བ་དང་ལྡན་པར་འགྱུར་རོ། །ཤིང་རྟའི་སྲོག་ཤིང་ལ་བྱུགས་ན། གཡུལ་ངོ་ཐམས་ཅད་དུ་རྒྱལ་བ་ཐོབ་པར་འགྱུར་རོ། །ཟོང་ལ་གཏོར་ན། རིན་ཆེན་པོས་ཉོ་བར་འགྱུར་རོ། །བུ་མོའི་གདོང་བཀྲུས་ན། མགོ་ཡང་བར་འགྱུར་རོ། །སྙིང་གར་ཐིག་ལེ་བྱས་ན། ཐམས་ཅད་དུ་བལྟར་མེད་པར་འགྱུར་རོ། །ཐམས་ཅད་དུ་འདོད་པ་ཐམས་ཅད་སྦྱིན་པ། ལས་ཐམས་ཅད་བྱེད་པ། བདག་སྲུང་བ། གཞན་སྲུང་བའི་ནོར་བུ་གང་དང་གང་ལ་སྦྱར་ཞིང་བཟླས་པས་ཐམས་ཅད་དུ་བལྟར་མེད་པར་འགྱུར་རོ། །བགེགས་དང་ལོག་འདྲེན་རྣམས་ལ་ཏིལ་དང་ཆུ་ལ་ལན་བདུན་བཟླས་ཏེ་བྱིན་ན། བགེགས་དང་ལོག་འདྲེན་ཐམས་ཅད་ཞི་བར་འགྱུར་རོ། །བྱུར་ངན་པ་མེད་པར་བྱ་ན། རས་ལ་དཀྱིལ་འཁོར་ཟླུམ་པོ་བྲིས་ལ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་མི་སྨྲ་བར་བཟླས་བརྗོད་སྟོང་རྩ་བརྒྱད་བཟླས་ལ་མཆོད་པ་རྒྱ་ཆེན་པོ་བྱས་ཏེ་གཙང་མས་གོས་གཙང་མ་བགོས་ཏེ་ཨ་ག་རུའི་བདུག་པས་བདུག་པར་བྱ་ཞིང་སྤོས་དང་ལྡན་པའི་ཏིལ་མར་གྱི་མར་མེ་བལྟམ་པ་བྱས་ན། བཟླས་བརྗོད་བྱས་པ་ཙམ་གྱི་མོད་ལ་བྱུར་ངན་པ་ཐམས་ཅད་མེད་པར་འགྱུར་རོ། །དབུལ་བ་ཉམས་པའི་དོན་དང ། མ་གྲུབ་པ་དང ། སྡིག་པ་དང ། རྨི་ལམ་ངན་པ་དང ། ལྟས་ངན་པ་དང ། སྒྲིབ་པ་བསལ་ན། གསེར་རམ་དངུལ་གྱི་བུམ་པ་སྤོས་ Pha341b ཆུས་བཀང་བ་ལན་བརྒྱ་རྩ་བརྒྱད་བཟླས་ཏེ་བླུགས་ན། དེ་དག་ཐམས་ཅད་འཇིག་པར་འགྱུར་ཞིང་འཇིག་རྟེན་པའི་དཔལ་ཆེན་པོ་ཉམས་སུ་མྱོང་བར་འགྱུར་རོ། །གདོན་ཐམས་ཅད་ཚར་གཅད་ན། ཏིལ་དང་འབྲས་སོ་བའི་སྦྱིན་སྲེག་གིས་སོ། །ནད་དང་གནོད་པ་ཐམས་ཅད་བསལ་ན་ཆུ་ལ་བཟླའོ། །དུས་མ་ཡིན་པར་འཆི་བ་ཞི་བར་བྱ་ན། དུས་གསུམ་དུ་ལན་གསུམ་གསུམ་དུ་རྟག་ཏུ་བཟླས་པས་དུས་མ་ཡིན་པར་འཆི་བ་ཞི་བར་འགྱུར་རོ། །བཅིང་བ་དང་ལྕགས་སྒྲོག་དང་ཁོང་སྒྲིལ་གཞོམ་ན། ཉིན་རེ་ཞིང་བརྒྱ་རྩ་བརྒྱད་བཟླས་པས་སོ། །རྒྱལ་པོ་དབང་དུ་བྱ་ན། ལམ་པོ་ཆེར་བརྒྱ་རྩ་བརྒྱད་བཟླས་ན། རྒྱལ་པོ་འཁོར་དང་བཅས་པ་དབང་དུ་འགྱུར་རོ། །ཆོམ་པོ་དང་རྐུན་པོ་རེངས་པར་བྱ་ན། རཱ་ཛ་ཀོ་ཤཱ་ཀའི་ས་བོན་གྱི་སྦྱིན་སྲེག་གིས་སོ། །མེ་རངས་པར་བྱ་ན། སེང་ལྡེང་གི་ཤིང་ལ་བཟླས་ཏེ་མེར་བཅུག་ནས་བཟླས་ན་མེ་རེངས་པར་བྱེད་པར་འགྱུར་རོ། །ཆུ་རེངས་པར་བྱ་ན། ཀ་ལ་ཀའི་ས་བོན་ཆུའི་ནང་དུ་བཏབ་ན་ཆུ་རེངས་པར་བྱས་པར་འགྱུར་རོ། །དུག་གཞོམ་ན། རྨ་བྱའི་སྒྲོས་སོ། །མཚོན་རེངས་པར་བྱ་ན། ཤིང་གནམ་ལྕགས་ཀྱིས་ཚིག་པའི་ཐལ་བ་ལ་བཟླས་ཏེ་གཏོར་ན་མཚོན་ཆ་ཐམས་ཅད་རེངས་པར་འགྱུར་རོ། །ཏིང་ངེ་འཛིན་སྒྲུབ་ན། ཏིང་ངེ་འཛིན་གྱི་ཕྱག་རྒྱ་བཅིངས་ཏེ་བཟླས་ན་ཏིང་ངེ་འཛིན་སྟོང་ཐོབ་པར་འགྱུར་རོ། །ཕ་རོལ་ཏུ་ཕྱིན་པ་དྲུག་རྫོགས་པར་འདོད་པའི་རིག་ Pha342a ༄#། །སྔགས་འཆང་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་དེས་བ་ལང་གི་ལྕི་བས་དཀྱིལ་འཁོར་གྲུ་བཞི་པ་ཆ་ཤིན་ཏུ་མཛེས་པ་བྱས་ཏེ་ཙནྡན་གྱིས་མཆོད་པར་བྱ་ཞིང་གུར་གུམ་དང ། གླ་རྩི་དང ། ག་པུར་གྱིས་མཆོད་ནས་མེ་ཏོག་སྣ་ཚོགས་བཀྲམ་སྟེ་འཕགས་པ་སྤྱན་རས་གཟིགས་དབང་ཕྱུག་མངོན་དུ་ཕྱོགས་པར་བཞག་ནས་བུམ་པ་སྤོས་ཆུས་བཀང་བ་བཞི་བཞག་ལ་མཆོད་ཡོན་གྱི་སྣོད་བཞི་དང ། པོག་ཕོར་བཞི་སྤོས་ཆུའི་བུམ་པའི་དབུས་སུ་གཞག་པར་བྱ་ཞིང ། ་ག་རུའི་བདུག་པ་དབུལ་བར་བྱའོ། །བུམ་པའི་སྟེང་དུ་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་གཞག་པར་བྱ། རྒྱན་ཐམས་ཅད་ཀྱིས་བརྒྱན་པར་བྱ་ཞིང་སྤོས་ཀྱི་མར་མེ་བཞི་བལྟམ་པར་བྱ། མཆོད་པ་རྒྱ་ཆེན་པོ་བྱ། བ་དན་གྱིས་བརྒྱན་པར་བྱ་ཞིང་དཀྱིལ་འཁོར་བྱས་ལ་དཀྱིལ་འཁོར་གྱི་དབུས་སུ་སྐྱིལ་མོ་ཀྲུང་དུ་འདུག་སྟེ་བཟླས་བརྗོད་སྟོང་རྩ་བརྒྱད་བྱ། ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་བརྗོད་བྱས་ན། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་ཞིང ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྐུ་སྟོན་པར་འགྱུར་རོ། །དགེ་བའི་རྩ་བའི་ཚོགས་ཐམས་ཅད་ཡོངས་སུ་རྫོགས་པར་འགྱུར་རོ། །སེམས་ཅན་བརྒྱ་སྟོང་མང་པོ་གདུལ་ན། རིའི་རྩེ་མོར་སྟོང་རྩ་བརྒྱད་བཟླས་པས་ Pha342b སོ། །སྡང་བ་ཐམས་ཅད་གཞོམ་པར་འདོད་པས་རྡོ་རྗེའམ། མདུང་རྩེ་གསུམ་ལ་ལན་སྟོང་རྩ་བརྒྱད་བཟླས་ཏེ་དོན་ཡོད་པའི་ཞགས་པའི་ཕྱག་རྒྱས་ཚམ་ངམ་བྱ་ཞིང་ཁྲོ་བོའི་རྒྱལ་པོའི་བསྡིགས་པའི་ཕྱག་རྒྱ་བཅིངས་ཏེ་ཁྲོས་པས་ལན་བརྒྱ་རྩ་བརྒྱད་བཟླས་ནས་གསོར་ཏེ་ནམ་མཁའ་ལ་འཕངས་ན། བདུད་ལ་སོགས་པ་སྡང་བ་ཐམས་ཅད་བཅོམ་པར་འགྱུར་རོ། ། ལས་ཐམས་ཅད་གྲུབ་པ་དང ། གསང་སྔགས་ཐམས་ཅད་འགྲུབ་པ་དང ། བསམ་པ་ཐམས་ཅད་འགྲུབ་ཅིང་ཡོངས་སུ་རྫོགས་པར་འདོད་པས་དོན་ཡོད་པའི་ཞགས་པའི་ཕྱག་རྒྱ་བཅིངས་ཏེ་སྟོང་ཉི་ཤུ་བཟླས་ན། གྲུབ་པ་ཆེན་པོར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བར་འདོད་པས་སྟོང་སུམ་ཅུ་རྩ་གཉིས་བཟླས་ན། དེ་བཞིན་གཤེགས་པ་ཐམས་ཅད་དབང་བསྐུར་བར་འགྱུར་ཏེ། དེ་བཞིན་དུ་སྤོས་ཆུའི་བུམ་པས་དབང་བསྐུར་བར་བྱའོ། །དེ་བཞིན་གཤེགས་པའི་གཟུགས་བརྙན་སྐུ་གདུང་དང་བཅས་པ་ལ་མིག་གཏད་དེ་ཁྲི་བཟླས་ན། དེ་བཞིན་གཤེགས་པ་ཉིད་འཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ཞབས་མནན་ཏེ་ཁྲི་བཟླས་ན། སྤྱན་རས་གཟིགས་དབང་ཕྱུག་དང་འདྲ་བར་འགྱུར་རོ། །ཕྱག་ན་རྡོ་རྗེ་སྤྱན་དྲང་བར་འདོད་པས། ཕྱག་ན་རྡོ་རྗེའི་ཞབས་མནན་ཏེ་བཟླས་བརྗོད་ལན་སྟོང་བྱས་ནས་གུ་གུལ་གྱི་བདུག་པ་དབུལ་བ་བྱས་ན། འཕགས་ Pha343a ༄#། །པ་ཕྱག་ན་རྡོ་རྗེ་རང་གི་སྐུ་གཟུགས་ཀྱིས་མདུན་ན་འདུག་པར་འགྱུར་རོ། །ཐམས་ཅད་དུ་ཁྲོ་བོའི་རྒྱལ་པོ་དྲན་པར་བྱ་ཞིང་ཐམས་ཅད་དུ་དོན་ཡོད་པའི་ཞགས་པའི་ཕྱག་རྒྱ་བཅིང་བ་བྱས་ན། མ་བསྒྲུབས་མ་བཀླགས་པར་འགྲུབ་ཅིང་ཆོ་ག་ཞིབ་མོ་མཐའ་ཡས་པ་འགྲུབ་པར་འགྱུར་རོ། །སྙིང་རྗེ་དང ། དགའ་བ་དང ། བཏང་སྙོམས་དང ། ངོ་ཚ་ཤེས་པ་དང ། བརྩེ་བ་དང ། བྱམས་པ་དང ། ཤེས་རབ་དང་ལྡན་པས་འདི་འགྲུབ་པར་བསྟན་ཏོ། །གོ་ཆ་བགོས་པ་གྲུབ་པ་མཆོག་ཐམས་ཅད་གྲུབ་པ་ཐོབ་ཅིང་བསོད་ནམས་ཀྱི་ཕུང་པོས་འབར་བར་འགྱུར་རོ། །ཐོག་མར་ཁྲོ་བོའི་རྒྱལ་པོ་བཟླས་པས་རྟག་ཏུ་མཚམས་བཅད་པ་དང ། ཕྱོགས་བཅིང་བ་དང ། ཡུལ་བཅིང་བར་བྱ་སྟེ། སྲུང་བ་མཆོག་ཏུ་དཀོན་པའོ། །དེ་བཞིན་གཤེགས་པ་དང ། རྒྱལ་བའི་བདག་ཉིད་སྐྱེས་པ་ཐམས་ཅད་ཀྱིས་དབང་བསྐུར་བར་འགྱུར་ཞིང་གོ་ཆ་བགོས་པར་འགྱུར་རོ། ། གལ་ཏེ་དབང་བསྐུར་བར་འདོད་ན་ཡང་རྒྱལ་བ་ཐམས་ཅད་ཀྱིས་དབང་བསྐུར་བར་འགྱུར་རོ། །དེ་བཞིན་གཤེགས་པས་བདེན་པ་སྟོན་པར་འགྱུར་རོ། །དོན་ཡོད་པའི་རྒྱལ་པོའི་ཆོ་ག་ཞིབ་མོ་མཆོག་ལས་ཁྲོ་བོའི་རྒྱལ་པོ་བཤད་པར་བྱ་སྟེ། གཙང་མས་གོས་གཙང་མ་བགོས་ལ་ཤེས་རབ་དང་བྱང་ཆུབ་ཀྱི་ཐབས་དང་ལྡན་པས་འདི་འགྲུབ་པར་ Pha343b དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་ཏོ། །ན་མཿ ་སརྦྦ་ཏ་ཐཱ་ག་ཏ། ཨཱརྱ་བ་ལོ་ཀི་ཏེ་ཤཝ་ར་བཛྲ་དྷ་རེ་བྷྱཿ ། ཨོཾ་ཙ་ར་ཙ་ར། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀ། ཙི་རི་ཙི་རི། བཾ་རི་བི་རི། མ་ཧཱ་པདྨ་ཧ་སྟ། ཀ་ལ་ཀ་ལ། ཀུ་རུ་ཀུ་རུ། མ་ཧཱ་སྠཱ་མ་པྲཱཔྟ། ཙ་ར་ཙ་ར། ཙ་ཙ་རི་ཏ། ཙ་རེ་ཤཝ་ར། ཨེ་ཧྱེ་ཧི། སིདྡྷྱ་སིདྡྷྱ། བུདྡྷྱ་བུདྡྷྱ། དྷཱ་བ་དྷཱ་བ། ཀི་ཎི་ཀི་ཎི། བ་ར་མ་ཤུདྡྷ་སཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་པ་ཤུ་པ་ཏཾ་པེ་ཥ་དྷ་ར། ཧ་ཧཱ་ཧི་ཧཱི་ཧུ་ཧཱུ། ཨོཾ་ཀཱ་ར་མ་ཧཱ་བྲཧྨ་བེ་ཥ་དྷ་ར། ཙ་ར་ཙ་ར། བ་ར་བ་ར། རཤྨི་ཤ་ཏ་ས་ཧ་སྲ་པྲ་ཏི་མཎྜི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། བྷ་ག་ཝཱ་ན། སོ་མཱ་དི་ཏྱ། ཡ་མ། བ་རུ་ཎ། ཀུ་བེ་ར། བྲཧྨེནྡྲ། རི་ཥི་ག་ཎ། དེ་བ་ག་ཎཱ་བྷྱརྩི་ཏ་ཙ་ར་ཎ། སུ་རུ་སུ་རུ། མུ་རུ་མུ་རུ། ས་ནད་ཀུ་མཱ་ར། རུ་ད། བིཥྞུ་བཱ་ས་བྷ། དྷ་ན་ད། དེ་བ་རི་ཥི་ནཱ་ཡ་ཀ། བ་ཧུ་བི་བི་དྷ་བེ་ཥ་དྷ་ར། དྷ་ར་དྷ་ར། ས་མནྟཱ་བ་ལོ་ཀ། བི་ལོ་ཀི་ཏེ། ལོ་ཀེ་ཤཝ་ར། མུ་ཡ་མུ་ཡ། མུན་ཙ་མུན་ཙ། བནྡྷ་བནྡྷ་ན། ཏཱ་ཌ་ན། ཏརྫ་ན། རཱ་ཛ་ཏསྐ་ར་ཨགྣི། ཨུ་ད་ཀ། བི་ཥ་ཤསྟྲ་པ་རི་མོ་ཙ་ཀ། ཀ་ཎ་ཀ་ཎ། བ་ལ་བོ་དྷྱཾ་ག་ཙ་ཏུ་རཱརྱ་སད་ཏྱ་སམ་པྲ་ཀཱ་ཤ་ཀ། ཏ་མ་ཏ་མ། ས་མ་ས་མ། མ་ཧཱ་ཙི་ཏྱ་ན་དྷྱ་ཀཱ་ར་པྲ་ཤ་མ་ན་མི་ལི་མི་ལི། ཨེ་ཎེ་ཡ་ཙརྨ་ཀྲི་ཏ་པ་རི་ཀ་ར། ཨེ་ཧྱེ་ཧི། མ་ཊ་མ་ཊ། བི་ཤུདྡྷ་བི་ཥ་ཡ་ནི་བཱ་སི་ན་མ་ཧཱ་ཀཱ་རུ་ཎི་ཀ། ཤཝེ་ Pha344a ༄#། །ཏ་ཡ་ཛྙོ་པ་བཱི་ཏ། རཏྣ་མ་ཀུ་ཊ་མཱ་ལཱ་དྷ་ར། སརྦྦ་ཛྙཱ་ཤི་ར་སི་ཀྲི་ཏ། ཀ་ར་བུ་ཊ་དྷ་ན། ས་མཱ་དྷི། བི་མོ་ཀྵ་ཨ་པྲ་ཀམྤྱ། ཥ་ཊ་པཱ་ར་མི་ཏཱ་པ་རི་པཱུ་ར་ཀ། བ་ཧུ་སཏྭཱ་སནྟ་ཏི་པ་རི་པཱ་ཙ་ཀ། སརྦྦ་མཱ་རཱ་དི་པྲ་དུཥྚ་པྲ་མརད་ཀ་།སརྦྦ་སིདྡྷྱ་ཤཱ་པ་རི་པཱུ་ར་ཀ་། བྷི་ཥིཉྩ་སརྦྦ་ཏ་ཐཱ་ག་ཏ། ཨ་བྷི་ཥེ་ཀཻ་ར། བྷ་བནྟ། ཨ་མོ་གྷ་རཱ་ཛ་ཧཱུཾ་ཕཊ།་ན་མོ་སྟུ་ཏེ་སཝཱཧཱ། གསང་སྔགས་ཀྱི་ཆོ་ག་སྔ་མ་དེ་ལྟ་བུས་ལས་ཐམས་ཅད་པ་དོན་ཡོད་པའི་ཞགས་པ་ཁྲོ་བོ་ཞེས་བྱ་བ་གྲུབ་པ་མཆོག་ལས་ཐམས་ཅད་པའོ།། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མཧཱ་ཀ་རུ་ཎི་ཀཱ་ཡ། ཨ་མོ་གྷཱ་པ་ར་ད་པ་ཤ་ཧསྟཱ་ཡ།་མཱ་ཧཱ། ཤུདྡྷ་སཏྭཱ་ཡ། ཨཱ་གཙྪ། བྷ་ག་ཝཱ་ན། པདྨ་ཧ་སྟ། བ་ར་ད་ཀ་རཱཾ་གུ་ལེ། པདྨ་བྷུ་ཛེ། མ་ཧཱ་པ་ཤུ་པ་ཏི། བེ་ཥ་དྷ་རི། པྲི་སཱ་ད། ཤཱི་གྷྲཾ་ཨཱ་གཙྪ། མ་ཧཱ་བེ་ག། བི་བྷ་ཤཱི་ཏ་ར་ཤྨི། ཧ་ས་ཧ་ས། ཨ་མོ་གྷ་ཤུདྡྷེ། ས་ཧ་ས་ཧ། ཙ་ལ་ཙ་ལ། ཨཱ་གཙྪ་ཨཱ་གཙྪ། བྷ་ག་ཝཱ་ན། ཨ་བ་ལོ་ཀི་ཏེ་ཤཝ་ར། མ་མ་གྷནྡྷ་\?\་པུ་ཥྤ་ས་མ་མརྫ་ནི་ཡཾ་པྲ་ཏཱིཙྪ། ཏྲི་རཏྣ་སད་ཏྱེ་ན། ཨ་མོ་གྷ་སིདྡྷེ་སཝཱཧཱ། འཕགས་པ་སྤྱན་རས་གཟིགས་དབང་ཕྱུག་གི་དཀྱིལ་འཁོར་ན་གནས་པ་ཐམས་ཅད་དགུག་པ་ཨ་ག་རུའི་བདུག་པ་ལ་ Pha344b ལན་ཉི་ཤུ་རྩ་གཅིག་བཟླས་པས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སརྦྦ་གནྡྷ་བ་ཏི་སི་ཏ། ཨ་མོ་གྷ་བྷུ་ཛ། བ་ར་དཱ་ཡ། སརྦྦ་གནྡྷ་མཱ་ལྱ། བི་བྷུ་ཥི་ཏ་པྲི་ཡེ། ཙནྡྲརྡྷ་ཤྲིར་སི་པྲི་ཡེ། གནྡྷ་གནྡྷ་ནུ་ལེ་པཱ་ན་སཱ་མ་མ་པྲི་ཏིཙྪ། བ་ར་བ་ར་བ་ར་དྟ་ཡ་སཝཱཧཱ། ལན་བདུན་བཟླས་ཏེ་དབུལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཏདྱ་ཐཱ། ཧི་ལི་ཧི་ལི། མི་ལི་མི་ལི། མ་ཧཱ་པྲ་བྷ་སུ་བི་མ་ལེ། བྲཧྨ་བེ་ ་དྷ་རེ། སུ་མ་ཏི་བ་ར་དེ། ཏུ་རུ་ཏུ་རུ། བི་ཙི་ཏྲ་པུཥྤ་མཱ་ལྱ་བི་བྷུ་ཥི་ཏེ། ཧ་ར་ཧ་ར། མ་ར་མ་ར། ཏུ་རུ་ཏུ་རུ། ཨ་མོ་གྷ་ཧྲྀ་ད་ཡ་པྲ་མོ་ད་ན་ཀུ་རུ་པྲ་ཏཱིཙྪ་མ་མ་པུཥྤ་བ་རེ་སཝཱཧཱ། མེ་ཏོག་ལ་ལན་བདུན་བཟླས་ཏེ་དབུལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། མ་ཧཱ་བོ་དྷི་སཏྭཱ་བ་ར་དེ། སྨ་ར་སྨ་ར། བྷ་ག་ཝཱ་ན། ས་མ་ཡ། སརྦ་ཏ་ཐཱ་ག་ཏ་ཤཱི་སིདྡྷེ། བྷ་ག་ཝཱ་ན། ཨ་བ་ལོ་ཀཱ་ཡ། སརྦྦ་སཏྭ་ཨ་ཝ་ལོ་ཀ་ནི། ཨ་མོ་གྷ་པ་ཏི་པཱ་ཤ་ཧ་སྟེ། སིདྡྷེ་སིདྡྷེ། སིདྡྷ་བ་ར་དེ། སིདྡྷྱནྟུ་ཏེ། བུདྡྷ་དྷརྨ་སཾ་གྷ་སཏ་ཏྱེ་ན། ཏུ་རུ་ཏུ་རུ་སད་ཏྱ་ས་མ་ཡ་པཱ་ལཱ་ཡ་སཝཱ་ཧཱ། འཕགས་པ་སྤྱན་རས་གཟིགས་ Pha345a ༄#། །དབང་ཕྱུག་དྲན་པར་བྱ་བའི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཏདྱ་ཐཱ། དྷུ་རེ་དྷུ་རེ། བཛྲ་དྷ་ར། པདྨ་ཛ་བེ། བི་ག་ཏཱ་བ་ར་དེ། བེ་ག་བེ་ག། བྷུ་ཊུ་བྷུ་ཊུ། སརྦྦ་བི་ཛ་པྲི་ཡེ། བུ་དྡྷ་དྷ་རྨ་སཾ་གྷ་སད་ཏྱེ་ན། མི་ལི་མི་ལི་སཝཱཧཱ། གཏོར་མའི་སྔགས་ཏེ། ལན་བདུན་བཟླས་ཏེ་སྦྱིན་ནོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭ་ཡ། མ་ཧཱ་སཏྭཱ་ཡ། མཧཱ་ཀཱ་རུ་ཎི་ཀཱ་ཡ། ཨ་པྲ་ཏི་ཧ་ཏ། ཏ་ཐཱ་ག་ཏཱ་ཛྙཱ་ན་ཀཱ་ཡ། བྷ་ག་ཝཱ་ན། ཨཱ་ཧ་ར་ཨཱ་ཧ་ར། པདྨཱ་ས་ན་པདྨཱ་བྷུ་ཛེ། ཤཝེ་ཏཾ་གེ། ཤཝེ་ཏ་སུ་ཛེ་ཤཝེ་ཏ་མ་ལྱ་བི་བྷུ་ཥི་ཏེ། དྷུ་མ་དྷུ་མ། ཛྭ་ལ་བུདྡྷ་དྷརྨ་སཾ་གྷ་སད་ཏྱེ་ན་སཝཱཧཱ། མར་མེའི་སྔགས་ཏེ། ལན་བདུན་བཟླའོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་ར་ཡ། བོ་དྷི་སཏྭཱ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་བི་རི་བི་རི། པདྨ་པཱ་ཎི་ཨ་ག་མཱ་ག་མ་ཨ་མོ་གྷ་ཏད་ཏྭ་སིདྡྷི་སརྦྦ་ཏ་ཐཱ་ག་ཏ་ག་ག་ན་རཤྨི་སཉྩོ་དི་ཏ། སརྦྦ་བིདྱ་དྷ་ར་བི་ཤོ་དྷ་ནེ། ཨ་མོ་གྷ་སིདྡྷེ་སཝཱཧཱ། སྤོས་ཆུའི་དྲི་ཞིམ་པོའི་བུམ་པ་ལ་ལན་བདུན་བཟླས་ཏེ་ཁྲུས་བྱའོ། །ཁྲུས་ཀྱི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་ར་ཡ། Pha345b བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། དྷུ་མེ་དྷུ་མེ། དྷུ་དྷུ་མེ། པདྨེ་པདྨ་ནི་ར་བྷཱ་སེ། ཤུདྡྷ་ཤུདྡྷ་ཀ་པ་ཙ་ན་པྲ་བྷ་ས་བི་མ་ལེ། ཤུདྡྷ་རཱ་ཤཱི། ཤུད་ཙི་ཤུད་ཙི།་ཤུ་ཙི་གོ་ཙ་ར་སིདྡྷེ། པདྨཾ་ག་བ་ཏི། པྲ་བ་ར་ཎི་སཝཱཧཱ། གོས་ཀྱི་རིག་སྔགས་ཏེ། ལན་བདུན་བཟླས་པས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཤཱ་མེ་ཤ་མ་ཡ། ཤཱནྟེ་མེ། མ་མ་སཝཱསྟྱཾ་ནཾ་ཀུ་རུ། ཤཱནྟོ་སི་མི་སརྦྦ་པཱ་པ་ཤཱནྟ་ཤུ་དྡྷ་ཀ་ལྱན་བེ་ར་ཛེ། ཤཱནྟི་བི་ཛ་ཡ། ཛ་ཡ་སིདྡྷེ་བྷ་ག་ཝཱན་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ་ས་ར་ས་ར་སཝཱཧཱ། མལ་ཆ་ལ་བསྔགས་ཏེ་ཉལ་ན། རྨི་ལམ་ངན་པ་དང ། ལྟས་ངན་པ་ཐམས་ཅད་མི་མཐོང་ངོ ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་ར་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ནཱ་ག་པྲཱ་ཀཪྵ་ཎེ། དི་བ་བྱ་ཛ་ལ། ཛ་ལཱ་བ་ཧེ། ཛ་ལ་སཾ་ཀྵོ་བྷ་ཡཾ་ནཱ་ག་ཛ་ལ་སཾ་ཤོ་དྷ་ནི་པདྨ་ས་རེ། པདྨ་བི་ཤུདྡྷེ། པཱ་ཎི་ཛ་ལ་སཾ་ཤོ་དྷ་ཡ། ཨཱ་ད་མན་དྷ་ར་དྷ་ར་ས་ལེ་ལེ་སཝཱཧཱ། ཆུའི་སྔགས་ཏེ། ཁྲུས་དང་དབང་བསྐུར་བའི་ཆུ་བླངས་ལ་ལན་བདུན་བཟླས་ཏེ་སྤྱད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོདྷི་སཏྭཱ་ཡ། མ་ཧཱ་སཏྭ་ཡ། མ་ཧཱ་ཀཱ་རུ་ཎི་ཀཱ་ཡ། སརྦྦ་སཏྭཱཾ་ཧི་ཏི་ཀ་རཱ་ཡ། Pha346a ༄#། ། མོ་གྷ་བ་ར་པྲ་དཱ་ཡ། སརྦ་སཏྭཾ་མན་ན་པཱ་ན་པྲ་དཱ་ཡ། དེ་བ་ནཱ་གཱ་ད་ཡཱ་བྷོ་ཛྱ་བི་དྷི་དྷ་ར་མ་ནུ་པྲ་དཱ་ཡ། ས་ཀ་ལ་བྷུ་བ་ནེ། བྷུ་བ་ན་བི་ཤོ་དྷ་ནི། སནྟ་རྦཱ་ཡཾ་པྲ་བྷ་ར་བི་ཤུདྡྷེ་སཝཱཧཱ། དབུལ་བའི་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀའ་ཏུ་ཎི་ཀཱ་ཡ། སརྦྦ་དེ་བཱ་སུ་ར་ན་མ་སྐྲི་ཏེ། ས་མ་ས་མནྟ་པྲ་པཱུ་ར་ནེ། ས་མ་གནྡྷ་བ་བྷ་སི་ཏེ། ག་ག་ན་བི་ཤུདྡྷེ། མུཀྟི་པྲ་བྷེ། ཛ་ཡེ། བི་ཛ་ཡ། ཛ་ཡ་ནི་ར་མཱ་ལྱོ་པ་ན་ཡ་ཏེ། པུཥྤ་མཱ་ལྱ་གནྡྷ་བི་ཤོ་དྷ་ན། བི་ཤོ་དྷ་ཡ། སརྦྦ་ཏ་ཐཱ་ག་ཏ་བི་ཤུདྡྷེ་པདྨ་བི་ཤོ་དྷ་ནི་སཝཱཧཱ། མེ་ཏོག་ཉིད་དོར་བའི་རིག་སྔགས་སོ། །ན་མོ་རཏྣ་ཏྲ་ཡཱ། །ན་མ་ཨཱ་རྱ་ཨ་བ་ལོ་ཀི་ཏེ་ཤཝ་རེ་ཡ། བོ་དྷི་སཏྭ་ཡ། མ་ཧཱི་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། དྷ་ར་ཎི་ན་དྷ་རེ་བྷར་ཎི་བནྡྷེ། བནྡྷ་བནྡྷ། ཤུཀྲ་བི་ཤོ་དྷ་ནི། ཤུ་ཀྲ་མཱ་ལ་ལིདྷི་ཏི། ཤུ་ཀྲ་བི་ཤོ་དྷ་ནི། ཤུདྡྷ་བི་མ་ལེ་སཝཱཧཱ། རྩཝ་ཀུ་ཤཱམ། རས་ཀྱི་སྲད་བུའམ། བུ་མོ་གཙང་མས་བཀལ་བའི་སྲད་བུ་ལ་ལན་ཉི་ཤུ་རྩ་གཅིག་བཟླས་ཏེ་མདུད་པ་ཉི་ཤུ་རྟ་གཅིག་བོར་བ་བྱས་ན། ཁུ་ཆུ་འགགས་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཛྭ་ལེ་ཛྭ་ལེ། Pha346b བི་མ་ལེ་ཛྭ་ལེ། པྲ་བྷ་སི་བི་ར་ཛ། སཱུརྱ་བ་ཏི་ཛ་ཡ་པདྨ་མཱ་ལ་དྷ་རེ་སཝཱཧཱ། མེའི་སྦྱིན་སྲེག་གི་ཐལ་བ་ལ་ལན་བདུན་བཟླས་ཏེ་ཀུན་ཏུ་གཏོར་ན། བགེགས་དང་ལོག་འདྲེན་ཐམས་ཅད་ཀྱིས་ནམ་ཡང་མི་ཚུགས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་ས་ཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཛ་ལེ་ཛ་ལེ། ཛ་ལ་བ་ཏི། ཛ་ལ་པྲ་བྷ་ཝ་ནི། ནཱ་ག་སྲ་བ་ཎི། དིབ་བྱ་བཱི་རི་ཎི། མི་ལི་མི་ལི་སཝཱཧཱ། ཉེ་རེག་གི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀའ་རུ་ཎི་ཀཱ་ཡ། ཏདྱ་ཐཱ། རི་ཎི་ཧ་རི་ཎི། པིདྒ་ལི་པིདྒ་ལི། ཧི་རི་ཧི་རི། བྷ་ག་ཝཱན། ནི་ཙ་ལ་པྲ་ཙ་ལ། པྲི་ཏཱི་ཏིཥྛ་མཱཾ་རཀྵ་རཀྵ་མ་མ་བུ་དྡྷ་དྷརྨ་སཾ་གྷ་སད་ཏྱེ་ན་སཝཱཧཱ། སྟེགས་བུའམ། རྩཝ་ཀུ་ཤ་བཏིང་བ་ལ་ལན་བདུན་བསྔགས་སོ། །སྟན་གྱི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མཿ ་སརྦྦ་མཎྜལ་ནི་བ་སི་ན་དེ་བ་ཏཱ་ནཱཾ། ན་མོ་བིདྱཱ་དེ་བ་ཏཱ་ནཱཾ། སརྦྦ་ཀ་ལ་པ་སིདྡྷ་ནཱཾ། ན་མ་ཨཱརྱ་ཨ་པ་ལ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨེ་ཧྱེ་ཧི། བྷ་ག་བ་ཏེ་པདྨ་སུནད་རི། མ་ཧཱ་བིདྱཱ་དེ་བ་ཏི། ཙ་ལ་ཙ་ལ། པདྨ་སུནད་རི། བེ་ག་བ་ཏི། སུ་རུ་སུ་རུ་སཝཱཧཱ། ཉིན་རེ་ཞིང་མེ་ཏོག་དང ། བདུག་པ་དང ། གཏོར་མ་དང་སྤོས་ཆུས་ Pha347a ༄#། །ཕོ་ཉ་མོ་པདྨའི་རིགས་མཛེས་པ་དང ། གནོད་སྦྱིན་མོ་རལ་པ་གཅིག་མ་མཆོད་ནས་བཟླས་བརྗོད་ལན་བདུན་བྱས་ན། ནམ་ཡང་བགེགས་ཐམས་ཅད་ཀྱིས་མི་ཚུགས་སོ། །ན་མོ་རཏྣ་ཏྲ་ཡཱ་ཡ། ན་མཿ ་ཀྲོ་དྷ་རཱ་ཛ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མཿ ་སརྦྦ་སིདྱ་ཀུ་ལ་བཾ་ཤ་སྱ། ཏདྱ་ཐཱ། ཨོཾ་ཨ་མོ་གྷ་ཧྲྀ་ད་ཡ་པྲ་བྷ་བི་ནི། སརྦྦ་བིགྷྣན་པྲ་ཤ་མ་ནི། ཨཱ་ཧ་རཱ། སཾ་ཧ་ར། པདྨ་བི་ཋོ་བ་བིཥྚེ། མ་ཎི་ཀ་ཎ་ཀ་བི་བྷུ་ཥེ་ཏ། ཀ་མ་ལ་བྷུ་ཛེ། ཏ་ར་ཏ་ར་ཏ་ར། ཏཱ་རཱ་ཡ་བ་ར་མ། ཨ་མོ་གྷ་ཧྲྀ་ད་ཡ། ཛ་ཡ་ཏྲེ་ནེ་ཏྲེ། བ་ར་ད་བྷུ་ཛེ། སྨ་ར་སྨ་ར། བྷ་ག་ཝཱ་ན། སརྦྦ་ཏ་ཐཱ་ག་ཏ་ས་མ་ཡ། བྷ་ར་བྷ་ར། བྷུ་རུ་བྷུ་རུ། བྲཧྨ་བེ་ཥ་དྷ་ར། བི་བྷུ་ཥི་ཏ་ཏ་ནུ། མ་ཧཱ་བྷ་ཡ་ཧ་རེ། ཨཱ་ལོ་ཀ་ཡ། བི་ལོ་ཀཱ་ཡ། སརྦྦ་སཏྭཱ་བ་ལོ་ཀི་ནི། བ་ར་བ་ར་དེ་སཝཱཧཱ། ལས་ཐམས་ཅད་པའི་རིག་སྔགས་ཏེ། ཁྱད་པར་དུ་ནི་རིག་སྔགས་འདིས་དཀྱིལ་འཁོར་གྱི་གནས་ན་འཁོད་པའི་ལས་མི་རྣམས་བསྲུང་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། པ་ར་པ་ར། མ་ར་མ་ར། ས་ར་ས་ར། བནྡྷ་བནྡྷ། ས་མནྟེ་ན། ཨ་མོ་གྷ་པ་ཤ་ཧ་སྟེ། Pha347b ཏིཥྛ་ཏིཥྛ། བུདྡྷ་དྷརྨ་སཾ་གྷ་སད་ཏྱེ་ན་སཝཱཧཱ། ཐལ་བ་ལ་ལན་ཉི་ཤུ་རྩ་གཅིག་བཟླས་ཏེ་དོན་ཡོད་ཞགས་པའི་ཕྱག་རྒྱས་ཡུལ་བཅིང་ངོ ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། དི་ཤཱ་བནྡྷ་ནི། ཨ་མོ་གྷེ། ཨ་པྲ་ཏི་ཧ་ཏེ། མུ་རུ་མུ་རུ། སུ་རུ་སུ་རུ། ཏུ་རུ་ཏུ་རུ། སརྦྦ་བིགྷྞན་བི་ནཱ་ཤ་ནི། པདྨ་ས་ར་པི་ཕུ་ཥི་ཏེ། པུདྡྷ་དྷརྨ་སཾ་གྷ་སད་ཏྱེ་ན་བནྡྷ། ཨ་ཛི་ཏ་བ་དེ་སཝཱཧཱ། སྤྱན་དྲངས་ཏེ་ཕྱོགས་བཅིང་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བེ་ལོ་ཀི་ཏེ་ཤཝརཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཧི་ལི་ཧི་ལི། མི་ལི་མི་ལི། སི་རི་སི་རི། པི་རི་པི་རི། བ་ར་བ་ར། པྲ་བྷ་ར་བི་མཱ་ན་དྷ་ར། ད་ར་ད་ར། གཙྪ་གཙྪ་བྷ་ག་ཝཱ་ན། ཨཱ་རྱཱ་བ་ལོ་ཀི་ཤཝ་ར་ཤྩ། བྷ་ག་ཝཱ་ན། ཏུ་རུ་ཏུ་རུ། ཨ་མོ་གྷ་བདྨེ་སཝཱཧཱ། མེ་ཏོག་ཇི་སྙེད་པ་ལ་ལན་ཉི་ཤུ་རྩ་གཅིག་བཟླས་ཏེ་སྙིམ་པ་ནས་ཕུལ་ན། སླར་གཤེགས་སུ་གསོལ་བར་འགྱུར་རོ། །རིག་སྔགས་ཀྱི་ཆོ་ག་ཞིབ་མོ་རིམ་པར་ཕྱེ་བའི་ཆོ་གའོ། །དེ་ནས་དོན་ཡོད་པའི་ཞགས་པའི་རྒྱལ་པོ་ཁྲོ་བོ་ཆེན་པོའི་སྙིང་པོའི་མཆོག་སྒྲུབ་ན་སྒྲུབ་སླ་བའི་རས་ཀྱི་སྐུ་གཟུགས་ཀྱི་ཆོ་ག་བཤད་པར་བྱའོ། །ཆོ་ག་ཞིབ་གྲུབ་གྲུབ་པ་ཆེ། །ཁྲོ་བོའི་རྒྱལ་གྲུབ་གྲུབ་པ་མཆོག་།དོན་ཡོད་པ་ Pha348a ༄#། །ནི་གྲུབ་པའི་མཆོག་།རིག་སྔགས་འདི་ནི་བཤད་པར་བྱའོ། །དོན་ཡོད་རྒྱལ་པོ་ཁྲོ་ཆེན་གྱི། །སྙིང་པོ་དམ་པ་སྒྲུབ་པ་ན། ཆོ་ག་ཞིབ་གྲུབ་གྲུབ་པ་ཆེ། །ཁྲོ་བོའི་རྒྱལ་པོ་གྲུབ་པ་མཆོག་།གྲུབ་པའི་མཆོག་སྟེ་དོན་ཡོད་པ། །རིག་སྔགས་འདི་ནི་བཤད་པར་བྱ། །གང་བརྗོད་པ་ཙམ་གྱིས་ཆོ་ག་ཞིབ་མོའི་མཆོག་འགྲུབ་པ། སངས་རྒྱས་བྱེ་བ་བརྒྱ་ཕྲག་སྟོང་གིས་གཟིགས་པར་འགྱུར་བ། རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་བརྒྱ་སྟོང་མཐོང་བར་འགྱུར་བ། དེ་བཞིན་གཤེགས་པ་འབུམ་ལ་དགེ་བའི་རྩ་བ་བསྐྱེད་པར་འགྱུར་བ། བསོད་ནམས་ཀྱི་ཕུང་པོ་བླ་ན་མེད་པ། སྡིག་པ་ཐམས་ཅད་རབ་ཏུ་ཞི་བར་འགྱུར་བ། སྟོབས་དང་བརྩོན་འགྲུས་སྐྱེད་པ། ཆོ་ག་ཞིབ་མོ་ཐམས་ཅད་དོན་ཡོད་པ། དེ་ཁོ་ན་ཉིད་སྒྲུབ་པ་འགྲུབ་པ། དྲན་པ་ཙམ་གྱི་མོད་ལ་ནི། །ས་གཞི་ཡང་ནི་གཡོ་འགྱུར་ལ། །སུམ་ཅུའི་ལྷ་རྣམས་གཡོ་འགྱུར་ཞིང ། །ལྷར་བཅས་རྒྱ་མཚོ་ལྷུན་པོར་བཅས། །ཀླུ་རྣམས་འདིར་ནི་ཡེད་ཡེད་ཅིང ། །གནོད་སྦྱིན་སྲིན་པོ་འབྲོས་འགྱུར་བ། །ལྷ་དང་ལྷ་མིན་གཡུལ་འགྱེད་ཚེ། །རིག་སྔགས་རྒྱལ་པོ་བླ་མེད་ཀྱིས། །ཕྱག་ན་རྡོ་རྗེ་གནོད་སྦྱིན་བཅས། །དཔུང་དང་བཅས་ཤིང་བཞོན་བཅས་པའི། །ལུས་སྐྱེས་འབར་བའི་ཕྲེང་ཅན་ཀུན། །འདར་ཞིང་ཀུན་ཏུ་འདར་ཡེད་ཡེད། །རྒྱལ་པོ་ཆེན་ Pha348b པོ་བཞི་པོ་ཡི། །གནས་མཆོག་དག་ནི་གཡོ་འགྱུར་ཞིང ། །དེ་དག་ཐམས་ཅད་འདུས་གྱུར་ནས། །འཇིག་རྟེན་དབང་ལ་སྐྱབས་དོང་ཞིང ། །བཅོམ་ལྡན་མགོན་པོ་བསྐྱབ་ཏུ་གསོལ། ། ཐུགས་རྗེའི་བདག་ཉིད་བསྐྱབ་ཏུ་གསོལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ལ་གྲུབ་པ་དོན་ཡོད་པའི་སྙིང་པོ་རིག་སྔགས་རྒྱལ་པོའི་སྙིང་པོ་འདི་གང་གིས་བཀླགས་པ་ཙམ་གྱིས་དོན་ཡོད་པའི་ཞགས་པའི་སྙིང་པོ་མྱུར་དུ་རབ་ཏུ་འགྲུབ་ཅིང ། དྲན་པ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་ལྷའི་ལུས་ཀྱིས་ལུས་སྟོན་པར་འགྱུར་བ། དངོས་གྲུབ་དང་མཆོག་ཐམས་ཅད་སྦྱིན་པར་འགྱུར་བ་མཆིས་ཏེ། བཅོམ་ལྡན་འདས། དེ་བདག་གིས་བཅོམ་ལྡན་འདས་ཀྱི་སྤྱན་སྔར་འཁོར་གྱི་དཀྱིལ་འཁོར་འདིའི་ནང་དུ་བསྒྲག་པར་བགྱིའོ། །ན་མོ་རཏྣ་ཏྲ་ཡཱ་ཡ།་ན་མ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་པདྨེ་པདྨེ། པདྨེ་དྷ་ར་བི་བྷུ་ཥི་ཏ། བྷུ་ཛེ། ཙ་ར་ཙ་ར། བྲཧྨ་བེ་ཥ་དྷ་ར། བ་ར་བ་ར། བིཅི་ཏྲ་མོ་ལ་དྷ་ར། མ་ཎི་ཀ་ན་ཀ་བཛྲ་བཻ་ཌཱུརྱ་ལཾ་ཀྲི་ད་ཤཱ་རཱི་ར། ར་ར་ཏ་ར། ཏ་ཏཱ་ཡ་ཏ་རཱ་ཡ། བྷ་ག་བ་ཏི་བཱ་ར་ཎ། དྷུ་རུ་དྷུ་རུ། ཨ་མོ་གྷ་པ་ཤ་ཧསྟེ། Pha349a ༄#། །བ་ར་བ་ར། བ་ར་དྷ་ཡ་ཀ་།ས་མནྟ་ཨ་བ་ལོ་ཀི་ཏེ། མ་ཧཱ་བོ་དྷི་སཏྭཱ་བ་ར་ད་པདྨ་ས་ན་པདྨ་གཽ་ར། ཛྭ་ལ་ཛྭ་ལ། སརྦྦ་ཏ་ཐཱ་ག་ཏ་ཨ་བྷི་ཥེ་ཀ་། བྷི་ཥེ་ཀ་ཏེ་མ་ཧཱ་ཀཱ་རུ་ཎི་ཀཱ་ཡ། བ་ལ་བ་ལ། མ་ཧཱ་བེ་ག་དྷ་ར། བི་ཀྲི་ཏཱ་ན་ཡ་ན། དཾཥྚ་ཀ་རཱ་ལ་མ་ཧཱ་ཏེ་ཛ། དྷ་ར་དྷ་ར། པི་ལུ་ལ་ཛ་ན་བ་ར་ད་མ་ཧཱ་ཀཱ་རུ་ཎི་ཀཱ་ཡ། མ་ཧཱ་པ་ཤུ་པ་ཏི་བི་ཥདྷ་ར། ས་ར་ས་ར། པྲ་བ་ར་པུ་ཎཡ་སཾ་བྷ་ར། སུ་ག་ཏ་དྷ་ན་ས་མཱ་དྷ། ས་མནྟ་ཨ་བ་ལོ་ཀི་ཏ། ཨཱི་ཤཝ་ར་མ་ཧེ་ཤཝ་ར། དུཥྚ་ད་མ་ཀ་།རཽ་དྲ་པྲ་ལ་ད་མ་ཀ་།ཀྲོ་དྷ་རཱ་ཛ་མ་ཧཱ་བེ་ག་དྷ་ར། ས་མ་ས་མ་མ་ཧཱ་སྠ་མ་པྲཔྟ། ཙནྡྲ་སཱུརྱ་ཨ་ཏི་རེ་ཀ་པྲ་བྷ་ས་ལ་མ་ལ་སརྦ་མ་ལ་བི་ཤོ་དྷ་ཀ་།སརྦྦ་རི་ཥི་ག་ཎ་ས་ནྟ་ཏི་མ་ཧཱ་མ་ཧེ་ཤཝ་ར་རཱུ་པ་དྷ་ར། ཨ་མི་ཏཱ་བྷ་ཛི་ན་ལཾ་ཀྲྀ་ཏ་ཛ་ཊ། དཀྵི་ཎ་ཙནྡྲ་ལཾ་ཀྲྀ་ཏ་ཤིར། མ་ཐ་མ་ཐ། སརྦྦ་ཡཀྵ་རཀྵ་ས་བྷུ་ཏ་ག་ན་བྷ་ན་ཛ་ཀ་།ཏ་ར་ཏ་ར། ཏ་ར་ག་ཎ་ས་མཱ་ལཾ་ཀྲྀ་ཏ། ན་ཀྵ་ཏྲ་མཱ་ལ་སརྦྦ་བིགྷཱན་བི་ནཱ་ཤཱ་ན་ཀ་ར། པ་ར་མཻ་ཏྲི་ཅི་ཏྟ་མ་ཧཱ་ཀཱ་ར་ཎི་ཀྵ་།པ་ར་པ་ར། པ་རི་པཱུརྞ་མཎྜ་ལ་སཽ་མྱ་མུ་ཁ། ཥ་ཊ་པ་ར་མི་ཏཱ། པ་རི་པཱུ་ར་ཀ་།མི་ལི་མི་ལི། ཨེ་ཎི་ཡ་ཙརྨ་ནི་བ་སན། བྱ་གྷྲ་ཙ་རྨོད་ཏ་རི་ཡ། དྷ་ར་དྷ་ར། སརྦྦ་ཐཱ་ག་ཏ་ཨ་བ་ལོ་ཀི་ཏ། ཏྲི་ནེ་ཏྲ་ཏྲི་ཤཱུ་ལ་དྷ་ར། བཛྲ་ཛྭ་ལ་དྷ་ར། ཨ་མོ་གྷ་པཱ་ཤ་ཧསྟེ། ཡ་མ་ཝ་རུ་ཎ་ཀུ་བེ་ར་རཱུ་པདྷ་ར། ནཱ་གེནྡྲ་རླུ་བཾ་དྷ་ར། བི་མ་ལ་བི་ཤུདྡྷ་དེ་ཧ་སརྦྦ་པཱ་པ་ཤ་མ་ Pha349b ཀ་སརྦྦ་བར་ཎ་བི་ཤོ་དྷ་ཀ་།སརྦྦ་ཀ་ལི་བི་ཥ་ན་ཀ། སྟཻ་ལོ་ཀྱ་བ་ཤཾ་ཀ་ར། སརྦྦ་སཏྭ་བི་ཤོ་དྷ་ཀ་།བོ་དྷི་སཏྭ་བ་ར་ད། སརྦྦ་ཏ་ཐཱ་ག་ཏ་ཨ་དྷིཥྛི་ཏེ། ཨོཾ་པདྨ་བི་བྷུ་ཥི་ཏ་ཤུདྡྷེ། དྷི་རི་དྷི་རི། ཨ་བ་ལོ་ཀི་ཡ་མཱན། ས་མ་ས་མ། སརྦྦ་ཀརྨ་མེ་སཱ་དྷཱ་ཡ། ཨ་མོ་གྷ་པཱ་ཤ་ཧྲི་ད་ཡ་སིདྡྷེ། གུཧྱ་ནི་པ་སི་ནི་བ་ར་ད་ཧཱུཾ་ཕཊ། ན་མོ་སྟུ་ཏེ་སཝཱཧཱ། གྲུབ་པ་དོན་ཡོད་པ་རིག་སྔགས་ཀྱི་རྒྱལ་པོ་འདི་བཤད་མ་ཐག་ཏུ་འབྱུང་པོའི་ཚོགས་དང ། གནོད་སྦྱིན་དང ། སྲིན་པོ་དང ། བགེགས་དང ། ལོག་འདྲེན་དེ་དག་ཐམས་ཅད་ཁ་བུབ་ཏུ་འགྱེལ་ཏེ་གཅིག་ཏུ་འབར་བར་གྱུར་ཅིང ། གནས་ཀྱང་འབར་བར་གྱུར་པ་དང ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་དགའ་བས་བ་སྤུ་ལངས་ཏེ་སྐྲག་པར་གྱུར་པའི་ལྷའི་ཚོགས་ཐམས་ཅད་དང ། བརྒྱ་བྱིན་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། རྒྱལ་པོ་ཆེན་པོ་བཞི་དང ། སྐྲག་པར་གྱུར་པའི་ལྷ་དང ། ལྷ་མ་ཡིན་དང ། དྲང་སྲོངས་པ་གོང་བ་ཐམས་ཅད་དང ། རྒྱ་མཚོ་ན་གནས་པའི་ཀླུའི་རྒྱལ་པོ་ཐམས་ཅད་དང ། ཆུ་བྲན་ཐམས་ཅད་དང ། ལྷ་དང ། ཀླུ་གང་དག་ཆུ་ན་གནས་པ་ཐམས་ཅད་དང ། རྒྱ་མཚོ་ཆེན་པོའི་ལྷ་དང ། ལྷ་གང་དག་ལངྐའི་གྲོང་ཁྱེར་ན་གནས་པ་ཐམས་ཅད་དང ། རིག་སྔགས་འཆང་འཁོར་ལོས་བསྒྱུར་བ་ཐམས་ཅད་དང ། གང་དག་གནས་གཙང་མའི་རིས་ཀྱི་ལྷ་རྣམས་དང ། ནམ་ Pha350a ༄#། །མཁའི་ལྷ་ཐམས་ཅད་དང་འཁྲུགས་པར་གྱུར་ནས་ནམ་མཁའ་ལས་བབས་ཏེ་བཅོམ་ལྡན་འདས་ལ་མཆོད་པའི་ལས་དང ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་དེ་ལ་ཡང་མཆོད་པའི་ཕྱིར་ལྷའི་མེ་ཏོག་རྣམ་པ་སྣ་ཚོགས་པདྨ་དང ། ཀུ་མུ་ད་དང ། ུཏྤལ་དང ། པུ་ཎྜ་རཱི་ཀ་དང ། མནྡཱ་ར་བ་དང ། མནྡཱ་ར་བ་ཆེན་པོའི་ཆར་དང ། ལྷའི་རྒྱན་དང ། ལྷབ་ལྷུབ་ཀྱི་ཆར་པུས་མོ་ནུབ་ཙམ་རི་བོ་པོ་ཊ་ལར་ཕབ་སྟེ་ལྷའི་སིལ་སྙན་དང ། གླུ་དབྱངས་ལེན་ཅིང ། ཧ་ཧ་ཞེས་ཅ་ཅོ་དང་ག་ཞིའི་སྒྲ་བཏོན་ནས་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གིས་སེམས་ཅན་ཐམས་ཅད་ཀྱི་དོན་དུ་རིག་སྔགས་ཆེན་པོ་འདི་བཤད་དོ། །ཞེས་ཆེད་དུ་བརྗོད་པ་ཆེན་པོ་ཆེད་དུ་བརྗོད་དོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེར་སོང་སྟེ་ལན་གསུམ་བསྐོར་བ་བྱས་ནས་མཆོད་པའི་ཕྱིར་མུ་ཏིག་གི་དོ་ཤལ་བརྒྱ་སྟོང་རི་བ་ཕུལ་ཏེ་བཅོམ་ལྡན་འདས་ཀྱིས་རིག་སྔགས་ཆེན་པོའི་ཆོ་ག་ཞིབ་མོ་ཐམས་ཅད་ཀྱི་མཆོག་བཤད་དོ། །དོན་ཡོད་པའི་ཞགས་པའི་རྒྱལ་པོ་རིག་སྔགས་ཆེན་པོའི་སྙིང་པོ་འཇིག་རྟེན་མགོན་པོ་ཐུབ་པ་ཆེན་པོས་བཤད་དུ་གསོལ། Pha350b བཅོམ་ལྡན་འདས། ཆོ་ག་ཞིབ་མོ་མཐའ་དག་དོན་ཡོད་པའི་ཞགས་པའི་རྒྱལ་པོ་གྲུབ་པའི་མཆོག་ལས་ཐམས་ཅད་གྲུབ་པ་བཤད་དུ་གསོལ། །དེ་ནས་དེའི་དོན་དུ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོ་གྲུབ་པ་དོན་ཡོད་པའི་རིག་སྔགས་ཀྱི་རྒྱལ་པོ་རས་ཀྱི་སྐུ་གཟུགས་སྒྲུབ་པའི་མཆོག་ཆོ་ག་དང་ཡོ་བྱད་དུ་བཅས་པ་བཤད་པ། སྲས་གྲུ་བཞི་པ། ཀུན་ནས་ཆ་ལེགས་པར་ཕྱེ་བ། ཁ་ཚར་མ་བཅད་པ། སྐྲ་མེད་པ། རི་མོ་མཁན་གཙང་མ་ཁྲུས་བྱས་པས་གོས་གཙང་མ་བགོས་ལ་གསོ་སྦྱོང་དང་ལྡན་པར་བྱས་པས་ཚོན་ལྷག་མ་མ་ཡིན་པ་སྣོད་གསར་བར་བཞག་ལ་བྲི་བར་བྱ་སྟེ། དབུས་སུ་འཕགས་པ་སྤྱན་རས་གཟིགས་དབང་ཕྱུག་རལ་བའི་ཐོར་ཚུགས་ཀྱིས་བཞུགས་ཤིང་རྒྱལ་བ་འོད་དཔག་མེད་ཀྱིས་བརྒྱན་པ། ཐོར་ཚུགས་ཀྱི་གཡས་སུ་ཟླ་ཚེས་ཀྱིས་བརྒྱན་པ། རི་དྭགས་ཨེ་ན་ཡའི་ཕགས་པ་གྱོན་པ། ཕྱུགས་བདག་གི་ཆ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་པ། དབུ་གསུམ་སྤྱན་གསུམ་ཕྱག་བཞི་པ། རིའི་སྟེང་ན་པདྨའི་གདན་ལ་བཞུགས་པ། ཞལ་དབུས་མ་ཞི་བའི་ཞལ་བཞིན་འཛུམ་པ། ཞལ་གཡས་པ་འཇིགས་སུ་རུང་བ་ཁྲོ་གཉེར་ཅན། ཐོར་ཚུགས་འོད་དཔག་མེད་ཀྱིས་བརྒྱན་པ། དབུ་ཟླ་ཚེས་ཀྱིས་བརྒྱན་པ། ཞལ་གཡོན་པ་འཇིགས་སུ་རུང་བ། བཞིན་སྒྱུར་ Pha351a ༄#། །ཅིང་མཆེ་བ་གཙིགས་པ། རྒྱལ་བ་འོད་དཔག་མེད་དབུ་ལ་བཞུགས་པ། ཕྱག་གཅིག་ན་པདྨ་ཐོགས་པ། གཉིས་པ་རྩེ་གསུམ་ཐོགས་པ། གསུམ་པ་དོན་ཡོད་ཞགས་པ་སྐུའི་ཕྱེད་ན་འཛིན་པ་ལ་བཅོམ་ལྡན་འདས་ཞལ་ཁྲོ་གཉེར་ཅན་དོན་ཡོད་ཞགས་པའི་ཕྱག་རྒྱ་བཅིངས་པའི་ཕྱག་ལ་སྤྱན་གཏོད་པར་བྱ་ཞིང ། བཞི་པ་དབུགས་འབྱིན་པའི་ཕྱག་ཏུ་བྱ་ཞིང ། འོད་འདོམ་གང་བ་ཁོར་ཡུག་འབར་བ་དང་ལྡན་པར་བྱའོ། །གཡས་ཕྱོགས་ན་ལྷ་མོ་སྒྲོལ་མ་འགྱིང་བག་དང་བཅས་ཤིང་ལུས་བཏུང་པར་མཆོག་སྦྱིན་པའི་ཕྱག་ལ་མིག་གཏོད་པར་བྱའོ། །གཡོན་དུ་པདྨའི་རིགས་མཛེས་མ་འཛེམ་བག་དང་བཅས་པ་གསང་སྔགས་ཀྱི་ཚུལ་དང་རྗེས་སུ་མཐུན་ཞིང་དོན་ཡོད་པའི་ཞགས་པ་ལ་མིག་གཏོད་པ་བྱའོ། །ལྷ་མོ་སྒྲོལ་མའི་བར་དུ་གནོད་སྦྱིན་མོ་རལ་པ་གཅིག་མ་བྱའོ། །པདྨའི་རིགས་མཛེས་མའི་བར་དུ་ཁྲོ་གཉེར་ཅན་བྱའོ། ། ཕྱོགས་གཉིས་པར་ལྷ་མོ་དཀར་མོ་ལག་ན་པདྨ་ཐོགས་པ་བྱའོ། །པདྨའི་རིགས་མཛེས་མའི་འོག་ཏུ་ཕོ་ཉ་མོ་གསང་སྔགས་ཀྱི་རྗེས་སུ་འབྲང་བ་བྱའོ། །རལ་པ་གཅིག་མའི་འོག་ཏུ་ལྷ་མོ་ཆེན་མོ་འཇིགས་བྱེད་མ་བྱའོ། །གོང་དུ་གནས་གཙང་མའི་རིས་ཀྱི་ལྷའི་བུ་དང ། བརྒྱ་བྱིན་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་མེ་ཏོག་སྣ་ Pha351b ཚོགས་ཐོགས་ཏེ་བཅོམ་ལྡན་འདས་ལ་མཆོད་པ་བྱེད་པ་བྱའོ། །འོག་ཏུ་རྒྱལ་པོ་ཆེན་པོ་བཞི་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་འཕགས་པ་ཕྱག་ན་རྡོ་རྗེ་འཇིགས་སུ་རུང་བ་གད་རྒྱངས་ཅན་ཁྲོ་བོ་དོན་ཡོད་པའི་རྒྱལ་པོ་དང་སྨྲ་བ་བྱའོ། །རས་ཀྱི་སྐུ་གཟུགས་འདི་མཐོང་བ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་རི་བོ་པོ་ཊ་ལ་ན་གཞལ་མེད་ཁང་དང་བཅས་པ་མངོན་སུམ་དུ་མཐོང་བར་རིག་པར་བྱའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་པ། མཐོང་བ་ཙམ་གྱིས་སེམས་ཅན་དམྱལ་བ་ཆེན་པོ་བརྒྱད་ལས་ཐར་པར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། མཚམས་མེད་པ་ལྔ་བྱེད་པ་ཡོངས་སུ་ཐར་པར་འགྱུར། དམ་པའི་ཆོས་སྤོང་བ་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤོང་བས་མཐོང་བ་ཙམ་གྱི་མོད་ལ་རྣམ་པར་དག་པར་འགྱུར། མནར་མེད་པ་ལ་གཞོལ་བའི་མཐར་ཐུག་པ་ཡང་ཡོངས་སུ་གྲོལ་བར་འགྱུར་རོ། །ཚངས་པ་ཆེན་པོའི་བསོད་ནམས་བརྒྱ་སྟོང་གི་དགེ་བའི་རྩ་བ་བསྐྱེད་པར་འགྱུར། འཇིག་རྟེན་པ་ཐམས་ཅད་ཀྱི་དགེ་བའི་རྩ་བ་མཆོག་ཐོབ་པར་འགྱུར། འཆི་བའི་དུས་ན་འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་སྟོན་པར་འགྱུར་ཞིང་དབུགས་འབྱིན་པར་འགྱུར། ཤི་ Pha352a ༄#། །ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར། སྒྲིབ་པ་ཐམས་ཅད་དང་བྲལ་ནས་ཚེ་རབས་བརྒྱ་སྟོང་ཕྲག་ལྔ་བཅུ་རྗེས་སུ་དྲན་པར་འགྱུར་རོ། ། བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་སྐྱེ་བ་འདི་ཐ་མ་ཡིན་ཏེ། འདི་མཐོང་བ་ཙམ་གྱིས་བསོད་ནམས་ཀྱི་ཕུང་པོ་དང་ལྡན་པར་འགྱུར་ན། ལྷག་པར་མང་དུ་བྱེད་པ་ལྟ་ཅི་སྨོས་ཏེ། དེ་ནི། ཕྱིར་མི་ལྡོག་པར་འགྱུར། བླ་ན་མེད་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །གལ་ཏེ་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། རྒྱལ་པོ་དང ། བློན་པོ་དང ། བཙུན་མོའི་འཁོར་དང་བཅས་པའམ། བཙུན་མོ་དམ་པ་གང་ལ་ལ་ཞིག་གིས་རས་ཀྱི་སྐུ་གཟུགས་བསྒྲུབ་པར་བྱ་བ་དེའི་སྤྱན་སྔར་དོན་ཡོད་པའི་ཞགས་པའི་སྙིང་པོ་དྲན་པར་བྱེད་ཅིང ། འཕགས་པ་སྤྱན་རས་གཟིགས་དབང་ཕྱུག་དེ་ལ་ཡང་མཆོད་ན།་དེས་ན་ཁྱོད་ཀྱིས་འདི་ལྟར་རིག་པར་བྱ་སྟེ། དོན་ཡོད་པའི་ཞགས་པའི་སྙིང་པོ་སྟོང་ཕྲག་བརྒྱ་འགྱུར་དུ་བཟླས་བརྗོད་ཀྱི་ཆོ་ག་ཆེན་པོ་བྱས་པ་ཡིན་ནོ། །གང་ཞིག་ཁྲོ་བོ་དོན་ཡོད་པའི་ཞགས་པ་བཅོམ་ལྡན་འདས་ཀྱི་སྤྱན་སྔར་མི་སྨྲ་བར་ལན་གསུམ་བཟླས་བརྗོད་བྱས་ཏེ་ཆུས་དབང་བསྐུར་ན། དེས་ན་ཁྱོད་ཀྱིས་དེ་བཞིན་གཤེགས་པ་ཐམས་ Pha352b ཅད་དང ། བྱང་ཆུབ་སེམས་དཔའ་ཐམས་ཅད་ཀྱིས་བདག་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་དབང་བསྐུར་བར་འགྱུར་རོ་སྙམ་དུ་དེ་ལྟར་ཤས་པར་བྱའོ། །གང་གིས་དོན་ཡོད་པར་གྲུབ་པའི་ཆོ་ག་ཞིབ་མོ་ཆེན་པོའི་གཟུངས་འཕགས་པ་སྤྱན་རས་གཟིགས་དབང་ཕྱུག་རས་ཀྱི་སྐུ་གཟུགས་ཀྱི་སྤྱན་སྔར་མངོན་སུམ་དུ་ཐལ་མོ་སྦྱར་ཏེ་འདུག་ནས་ལན་གསུམ་བཟླས་ཏེ་བསྐོར་བ་ལན་བདུན་བྱས་ལ། ཆུའི་མཆོད་ཡོན་དང ། ལྷ་བཤོས་དང ། བདུག་སྤོས་དང ། མེ་ཏོག་ཕུལ་ནས་ཕྱག་འཚལ་ལོ། །ཞེས་སྨྲས་ན། དེས་ཁྱོད་ཀྱིས་འདི་ལྟར་ཤེས་པར་བྱ་སྟེ། གཟུངས་ཐམས་ཅད་སོ་སོར་ལན་སྟོང་ཕྲག་བརྒྱ་བཟླས་པར་འགྱུར་ཞིང ། དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་གྱི་ཆོས་ཀྱི་རྣམ་གྲངས་ཆེན་པོ་འདི་ལན་སྟོང་ཕྲག་བརྒྱ་བཟླས་པར་འགྱུར་རོ། །དོན་ཡོད་པའི་ཞགས་པའི་ཕྱག་རྒྱ་བྱས་ལ་འཕགས་པ་སྤྱན་རས་གཟིགས་དབང་ཕྱུག་གི་ཞལ་ལ་མིག་གཏད་དེ་ལག་པ་གཡས་གཡོན་གཉིས་སྦྱར་ལ་སྙིང་གར་བཞག་ཅིང ། ཚུལ་འདིས་ཕྱག་རྒྱ་རེ་རེ་ནས་ལན་སྟོང་ཕྲག་བརྒྱ་བྱས་པར་འགྱུར་རོ། །བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། རྒྱལ་པོ་དང ། རྒྱལ་པོའི་བཙུན་མོ་དམ་པ་གང་ལ་ལ་ཞིག་འཕགས་པ་སྤྱན་ Pha353a ༄#། །རས་གཟིགས་དབང་ཕྱུག་དོན་ཡོད་པའི་ཞགས་པའི་སྙིང་པོ་འདི་བརྒྱ་སྟོང་ཕྲག་ཁྲི་བཟླས་བརྗོད་བྱ་བར་འདོད་པ་དང ། དེ་བཞིན་གཤེགས་པ་བརྒྱ་སྟོང་ཕྲག་ཁྲིས་དབང་བསྐུར་བར་འདོད་པ་དང ། རྣམ་པར་གྲོལ་བའི་དཀྱིལ་འཁོར་མཐའ་དག་གི་ཆོ་ག་ཞིབ་མོ་འདི་རྫོགས་པར་ལན་བརྒྱ་སྟོང་ཁྲི་བཟླས་པར་འདོད་པ་དང ། དོན་ཡོད་པའི་ཞགས་པའི་ཕྱག་རྒྱ་འདི་ལན་བརྒྱ་སྟོང་ཕྲག་ཁྲི་བྱ་བར་འདོད་པ་དེས་རས་ཀྱི་སྐུ་གཟུགས་ལ་བརྩོན་པར་བྱ་སྟེ། རས་ཀྱི་སྐུ་གཟུགས་མངོན་དུ་བཞག་ནས་གནས་གཙང་ཞིང་དབེན་པ། དབེན་པར་གནས་སམ། འཆག་སའམ། དགོན་པའི་གནས་སམ། ཕུག་གམ། རིའི་རྩེ་མོའམ། གཙུག་ལག་ཁང་ངམ། ཁང་པར་གཙང་སྦྲ་དང་བྱི་དོར་བྱས་ཏེ་བ་སེར་མོའི་ལྕི་བ་ལེགས་པར་མཉེས་ལ། བ་ལས་བྱུང་བ་ལྔ་དང་བསྲེས་ཏེ་བསྐུས་ལ་སྤོས་སྣ་ཚོགས་ཀྱི་བྱུག་པས་བྱུགས་ནས་རས་ཀྱི་སྐུ་གཟུགས་ཀྱི་སྤྱན་སྔར་ཙནྡན་དཀར་པོའི་དཀྱིལ་འཁོར་བྱས་ཏེ་གུར་གུམ་གྱིས་ཁྲུ་དོའི་ཚད་ཙམ་བྲིས་ལ་གླ་རྩི་དང ། ག་པུར་གྱིས་མཆོད་པར་བྱའོ། །དྲི་ཆབ་ཀྱི་བུམ་པ་དྲི་རྣམ་པ་སྣ་ཚོགས་ཀྱིས་བཀང་སྟེ་རས་ཀྱི་མགུལ་ཆིངས་ཀྱིས་བཅིངས་ལ་དཀྱིལ་འཁོར་གྱི་དབུས་སུ་གཞག་པར་བྱ། མེ་ཏོག་དང ། བདུག་སྤོས་དྲི་ཞིམ་པོ་དང ། གཏོར་མ་དང ། མེ་ཏོག་གི་ Pha353b ཕྲེང་བ་ཉིད་ཤུ་རྩ་གཅིག་གཞག་པར་བྱ། དྲི་ཆབ་ཀྱིས་བཀང་བ་བརྒྱད་ཕྱོགས་བཞིར་གཞག་པར་བྱ། འོ་མས་བཀང་བའི་སྣོད་བརྒྱད་གཞག་པར་བྱ། སྟེགས་བུའི་དྲུང་དུ་འོ་མས་བཀང་བའི་སྣོད་གཞག་པར་བྱ། འོ་ཐུག་དང ། སྦྱར་ཐུག་དང ། ཁཎྜ་ཁ་དྱ་དང ། འབྲས་ཆན་དང ། ལག་པན་དང ། བུ་རམ་དང ། ཤ་ཁ་ར་དང ། ཞུན་མར་གྱིས་བཀང་བའི་སྣོད་གཞག་པར་བྱ།་ཨ་ག་རུ་ནག་པོ་དང ། ཙནྡན་དཀར་པོ་དང ། ག་པུར་དང ། ཀུན་ཏུ་རུ་དང ། ཤི་རི་པཱ་ས་ཀ་དང ། ཅུང་པེང་རྣམས་སྣོད་དུ་བཞག་ནས་ཨ་ག་རུའི་ཡམ་སྲེག་ཤིང་གིས་སྦྱིན་སྲེག་བྱ། མེ་ཏོག་སྣ་ཚོགས་ཀྱིས་བརྒྱན་པར་མར་གྱི་མར་མེ་སུམ་ཅུ་རྩ་གཉིས་ཀྱིས་བལྟམ་པར་བྱའོ། །དེ་ནས་རིག་སྔགས་འཆང་གཙང་མས་གོས་གཙང་མ་བགོས་ཤིང་ཁྲུས་ལེགས་པར་བྱས་པས་ཚེས་བཅུ་བཞི་ནས་བཅོ་ལྔའི་བར་དུ་འཕགས་པ་སྤྱན་རས་གཟིགས་ཀྱི་དབང་ཕྱུག་གི་རས་ཀྱི་སྐུ་གཟུགས་ལ་མཆོད་པར་བྱའོ། །དེའི་འོག་ཏུ་རིག་སྔགས་འཆང་གིས་ཁྲོ་བོའི་རྒྱལ་པོ་ལན་བདུན་བཟླས་ཏེ་དྲི་ཆབ་ཀྱིས་དབང་བསྐུར་བར་བྱ། དོན་ཡོད་པའི་ཞགས་པའི་སྙིང་པོ་ལན་ཉི་ཤུ་རྩ་གཅིག་བྱ། དེ་ནས་མི་སྨྲ་བར་སྐྱིལ་མོ་ཀྲུང་དུ་འདུག་སྟེ་བཟླས་བརྗོད་ཀྱི་ཕྱག་རྒྱ་བཅིངས་ལ། དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླ་བར་བྱ། དེའི་འོག་ཏུ་དོན་ཡོད་པར་གྲུབ་པའི་རིག་སྔགས་ཀྱི་རྒྱལ་ Pha354a ༄#། །བོ་སྟོང་རྩ་བརྒྱད་བཟླས་པར་བྱས་ན། དེ་ནས་རས་ཀྱི་སྐུ་གཟུགས་ལས་འོད་ཟེར་བདུན་བྱུང་ནས་ཀུན་ཏུ་སྣང་བར་བྱས་ཏེ་ལན་གསུམ་བསྐོར་བ་བྱས་ནས་འཕགས་པ་སྤྱན་རས་གཟིགས་དབང་ཕྱུག་གི་དཔྲལ་པའི་སྤྱན་དུ་ཞུགས་པར་འགྱུར་རོ། །ཞུགས་པ་ཙམ་གྱི་མོད་ལ་ས་ཆེན་པོ་གཡོ་བར་འགྱུར་ཞིང་རིག་སྔགས་འཆང་ཡང་སྙིང་དགའ་ཞིང་བ་སྤུ་ལྡང་བར་འགྱུར། མདོག་མདངས་ཡོངས་སུ་དག་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གི་མཆོག་སྦྱིན་པའི་ཕྱག་གི་སོར་མོ་ལས་ལྷའི་ཆུ་འཛག་པར་འགྱུར། ཞབས་གཉིས་ལས་འོ་མ་འཛག་པར་འགྱུར། དོན་ཡོད་པའི་ཞགས་པའི་ཕྱག་འབར་བར་འགྱུར། ཕྱག་ན་པདྨའི་པདྨ་ལོ་མ་གཡོ་བར་འགྱུར་རོ། །རྩེ་གསུམ་གཡོ་བར་འགྱུར་ཞིང་ལེགས་སོ། །ཞེས་བྱ་བའི་སྒྲ་འགྱུར་བར་འགྱུར་ཏེ།་རིགས་ཀྱི་བུ། ལེགས་སོ་ལེགས་སོ། །ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་གྲུབ་ཀྱི། ལས་ཐམས་ཅད་བྱོས་ཤིག་།ཁྱོད་ཀྱིས་དོན་ཡོད་གྲུབ་པའི་ཆོ་ག་ཞིབ་མོའི་རྒྱལ་པོ་ཆེན་པོ་དམ་པ་གྲུབ་བོ་ཞེས་ནས་དེ་ནས་འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་སྟོན་པར་འགྱུར་རོ། །འདོད་པ་ཐམས་ཅད་ཀྱི་མཆོག་སྦྱིན་པར་མཛད་དོ། །འདི་ནི། གྲུབ་པའི་མཆོག་བླ་ན་མེད་པ་ Pha354b སྟེ།་མ་བསྒྲུབས་པར་ལས་བྱེད་པའོ། །དེ་ནས་དབང་དུ་བྱ་བར་འདོད་པས་མེ་ཏོག་པདྨ་ལ་ལན་བརྒྱ་རྩ་བརྒྱད་བཟླས་ལ། འཕགས་པ་སྤྱན་རས་གཟིགས་དབང་ཕྱུག་ལ་ཕུལ་ཏེ་གང་གི་མིང་ནས་བརྗོད་པ་དེ་དབང་དུ་འགྱུར་རོ། །སྣ་མའི་མེ་ཏོག་ལ་ལན་བརྒྱ་རྩ་བརྒྱད་བཟླས་ཏེ་འཕགས་པ་སྤྱན་རས་གཟིགས་དབང་ཕྱུག་ལ་ཕུལ་ལ། ཡང་ལན་བདུན་བཟླས་ནས་མེ་ཏོག་སྙིང་པོ་བླངས་ཏེ་གང་ལ་བྱིན་པ་དབང་དུ་འགྱུར་རོ། །གདོན་གྱིས་ཟིན་པ་ལ་བྱིན་ན། གནོད་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ནད་ཀྱིས་ཐེབས་པ་ལ་བྱིན་ན།་ནད་ཐམས་ཅད་ལས་ཡོངས་སུ་གྲོལ་བར་འགྱུར་རོ། །རྒྱལ་པོའི་སྒོར་གཏོར་ན། རྒྱལ་པོ་བཙུན་མོའི་འཁོར་དང་བཅས་པ་དབང་དུ་འགྱུར་རོ། །མི་རོ་བསྲེགས་པའི་སའི་སྟེང་དུ་གཏོར་ན། སེམས་ཅན་དེ་སེམས་ཅན་དམྱལ་བ་ལས་ཡོངས་སུ་གྲོལ་བར་འགྱུར་རོ། །མནར་མེད་པ་ན་གནས་པའི་སེམས་ཅན་ལ་གཏོར་ན། སྐད་ཅིག་དེ་ལ་ཡོངས་སུ་གྲོལ་བར་འགྱུར་རོ། །ཉལ་བའི་སྔས་སུ་བཞག་ན། རྨི་ལམ་ཆེན་པོ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་མཛད་ཅིང་ཡིད་དུ་འོང་བ་ཐམས་ཅད་གསུང་བར་འགྱུར་རོ། །སྐྱེས་པ་འམ་བུད་མེད་གང་གི་སྟེང་དུ་གཏོར་བ་དེ་དབང་དུ་འགྱུར་ཞིང་གྲིབ་མ་བཞིན་འབྲང་བར་འགྱུར་རོ། །རྒྱལ་པོའི་སྟེང་དུ་ Pha355a ༄#། །གཏོར་ན། དེ་བཞིན་དུ་འགྱུར་རོ། །ལྷའི་གཟུགས་བརྙན་གྱི་སྟེང་དུ་བཞག་ན། འགུགས་པར་འགྱུར་ཞིང་ལས་ཐམས་ཅད་བྱེད་པར་འགྱུར་རོ། །མིག་སྨན་སྒྲུབ་པར་འདོད་པས་རས་ཀྱི་སྐུ་གཟུགས་ཀྱི་སྤྱན་སྔར་མིག་སྨན་ལྡོད་རོས་ལ་སྟོང་རྩ་བརྒྱད་བཟླས་ན། གྲུབ་པའི་རྟགས་གསུམ་སྟོན་པར་འགྱུར་ཏེ། འབར་བ་དང ། དབུ་བ་འབྱུང་བ་དང ། དུད་པ་འབྱུང་བར་འགྱུར་ཏེ། དེས་མིག་ལ་བསྐུས་ན། མི་སྣང་བར་འགྱུར་རོ། །གཏེར་ཐམས་ཅད་མཐོང་བར་འགྱུར་རོ། །གནོད་སྦྱིན་གྱི་གནས་ཐམས་ཅད་མཐོང་བར་འགྱུར་རོ། །དཔྲལ་བར་ཐིག་ལེ་བྱས་ན། ཕུག་ཐམས་ཅད་དུ་འཇུག་པར་འགྱུར། སྒོ་ཐམས་ཅད་དང་འཁྲུལ་འཁོར་ཐམས་ཅད་འབྱེ་བར་འགྱུར་རོ། །ཡན་ལག་དང་ཉིང་ལག་ལ་བསྐུས་ན། ནམ་མཁའ་ལ་འགྲོ་བར་འགྱུར། སྤྱི་བོར་ཐིག་ལེ་བྱས་ན། འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཆོག་སྦྱིན་པར་འགྱུར་རོ། །མིག་ལ་བྱུགས་ན། ཁྱབ་འཇུག་དང་དབང་ཕྱུག་ཆེན་པོ་ལ་སོགས་པ་ལྷ་རྣམས་རྟག་ཏུ་ཕྱི་བཞིན་འབྲང་བར་འགྱུར་ཞིང་དགོས་པ་ཐམས་ཅད་འགྲུབ་པར་བྱེད་དོ། །མཚན་མོ་མིག་ལ་བསྐུས་ན། ཉིན་མོ་བཞིན་དུ་མཐོང་བར་འགྱུར་ཞིང་གཏེར་ཐམས་ཅད་འབྱུང་བར་འགྱུར་ཏེ། ཁ་ཕུག་ནས་དོར་བར་བྱའོ། ། Pha355b རང་གི་ལུས་ལ་བྱུགས་ན། ཇི་སྲིད་འཚོའི་བར་དུ་གོ་ཆ་བགོས་པའི་ལུས་སུ་འགྱུར། གནོད་སྦྱིན་དང ། སྲིན་པོ་ལ་སོགས་པས་མི་མཐོང་བར་འགྱུར་ཞིང་ལས་ཐམས་ཅད་བྱེད་པར་འགྱུར་ཏེ། ཚེ་བསྐལ་པ་སྟོང་ཐུབ་པར་འགྱུར་རོ། །ཡང་ན་བཟའ་བ་དང་སྙིང་གར་བསྐུ་བ་བྱས་ན། ནག་པོ་ཆེན་པོའི་གཟུགས་སུ་འགྱུར་ཞིང་ལྷ་ཐམས་ཅད་ཀྱི་གཟུགས་སྟོན་པར་འགྱུར་བ་ནས་ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོའི་གཟུགས་དང ། གཟུགས་སྣ་ཚོགས་མང་པོ་སྟོན་པར་འགྱུར། ཟླ་བ་དང ། ཉི་མ་སྟོན་པར་འགྱུར། ལྡོང་རོས་དང ། གིའུ་ཝང་དང ། སཽ་བི་རཱ་ཀ་དང ། གུར་གུམ་དང ། ཀྲ་ཀུ་དྷ་ལ་དོན་ཡོད་པར་གྲུབ་པ་ཁྲི་བཟླས། དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས། ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་པ་བྱས་ཏེ་ཐམས་ཅད་དུ་མི་སྨྲ་བར་བྱ་ཞིང ། འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་བཏགས་ལ་རས་ཀྱི་སྐུ་གཟུགས་ལ་མངོན་དུ་ཕྱོགས་ཏེ་གཙང་མས་གོས་གཙང་མ་བགོས་ལ་ཚེས་བཅོ་ལྔ་ཉ་ལ་ཉིན་ཞག་གཅིག་སྨྱུང་བ་བྱས་ཏེ་ཕྱེ་མ་ཞིབ་ཏུ་བཏགས་ཏེ། ཡང་དོན་ཡོད་པའི་ཞགས་པའི་སྙིང་པོ་དང ། ཁྲོ་བོའི་རྒྱལ་པོ་དང ། དོན་ཡོད་པ་གྲུབ་པའི་རིག་སྔགས་ཀྱི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱས་ལ་།འཕགས་པ་སྤྱན་རས་གཟིགས་དབང་ཕྱུག་གི་ཕྱག་ཏུ་བཞག་སྟེ། Pha356a ༄#། །མཆོད་པ་ཆེན་པོ་བྱས་ནས་རས་ཀྱི་སྐུ་གཟུགས་ལ་མཆོད་པ་བྱས་ལ་ཉིན་ཞག་གཅིག་མྱུང་བ་བྱས་ཏེ། རས་ཀྱི་སྐུ་གཟུགས་ཀྱི་སྤྱན་སྔར་སྐྱིལ་མོ་ཀྲུང་དུ་འདུག་ལ་དོན་ཡོད་པའི་ཞགས་པའི་ཕྱག་རྒྱ་ལན་ཉི་ཤུ་རྩ་གཅིག་བྱ། དོན་ཡོད་པའི་ཞག་པའི་སྙིང་པོ་ལན་ཉི་ཤུ་རྩ་གཅིག་བཟླས་པ་བྱས་ཏེ་བཟླས་བརྗོད་ཀྱི་ཕྱག་རྒྱ་བྱས་ལ།་ཁྲོ་བོའི་གསང་སྔགས་ལན་བདུན་བཟླས་ཏེ། དེའི་འོག་ཏུ་མིག་ལ་བསྐུས་ནས་དོན་ཡོད་པར་གྲུབ་པའི་གཟུངས་བཟླས་པར་བྱས་ན། བསྐུས་པ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་རི་བོ་པོ་ཊ་ལ་དང་བཅས། །གཞལ་མེད་ཁང་དང་བཅས། །བྱང་ཆུབ་སེམས་དཔའི་ཚོགས་དང་བཅས་པའི་རི་བོ་པོ་ཊ་ལ་ན་གནས་པ་མཐོང་བར་འགྱུར་རོ། །བདེ་བ་ཅན་གྱི་འཇིག་རྟེན་གྱི་ཁམས་མཐོང་བར་འགྱུར་ཞིང་དེ་བཞིན་གཤེགས་པ་འོད་དཔག་མེད་ཆོས་འཆད་པ་མཐོང་པར་འགྱུར། ཆོས་བཤད་པ་དེ་ཡང་ཐོས་པར་འགྱུར། ཕྱོགས་བཅུའི་དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་དང་བཅས། ཉན་ཐོས་ཀྱི་དགེ་འདུན་དང་བཅས། སངས་རྒྱས་ཀྱི་ཞིང་གཞལ་མེད་ཁང་དང་བཅས་པ་མཐོང་བར་འགྱུར་ཞིང་ཆོས་འཆད་པའི་གསུང་གི་སྒྲ་དེ་ཡང་ཐོས་པར་འགྱུར་རོ། །འདི་ལྟར་རིགས་ངན་གྱི་རིགས་སུ་སྐྱེས་པ་ Pha356b དང ། མནར་མེད་པ་ལ་གཞོལ་བ་དང ། མཚམས་མེད་པ་ལྔ་བྱེད་པ་གང་ཡིན་པ་ཐམས་ཅད་ཀྱང་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་དང ། འཕགས་པ་སྤྱན་རས་གཟིགས་དབང་ཕྱུག་གི་ཐུགས་རྗེས་དགོངས་པར་འགྱུར་ཞིང་རྨི་ལམ་དུ་སྟོན་པར་མཛད་དོ། །སྡིག་པ་དང་སྒྲེབ་བ་ཐམས་ཅད་རྣམ་པར་སྦྱོང་པར་འགྱུར། མཆོག་ཐམས་ཅད་སྦྱིན་པར་འགྱུར། དོན་ཡོད་པའི་ཞགས་པའི་སྙིང་པོའི་དངོས་གྲུབ་སྦྱིན་པར་འགྱུར། ལྷའི་ལོ་སྟོང་དུ་འཚོ་བར་འགྱུར་ཞིང་ལྷའི་བདེ་བ་ཉམས་སུ་མྱོང་བར་འགྱུར། ནད་ཀྱིས་ཐེབས་པ་ཐམས་ཅད་ལ་མིག་སྨན་འདིས་བསྐུས་ན། ནད་ཐམས་ཅད་ཞི་བར་འགྱུར་ཞིང་རིམས་ཐམས་ཅད་སེལ་བར་འགྱུར་རོ། །དུག་ཐམས་ཅད་ལ་བསྐུས་པ་ཙམ་གྱིས་དུག་མེད་པར་འགྱུར་རོ། །འཇིགས་པ་ཐམས་ཅད་ལ་མིག་ལ་བསྐུས་ན། མི་མཐོང་བར་འགྱུར། ཕྱིར་རྒོལ་བ་དང ། དགྲ་བོ་དང ། གཡོ་ཅན་དང ། ཆོམ་པོ་དང ། རྐུན་པོ་ཐམས་ཅད་ཀྱིས་མི་མཐོང་བར་འགྱུར། མཚོན་གདབ་པའི་འཇིགས་པ་འབྱུང་བར་མི་འགྱུར། འཐབ་པ་དང ། རྩོད་པ་དང ། ཁྲག་ཁྲུག་ལ་མིག་ལ་བསྐུས་ན། ཐམས་ཅད་ལས་རྒྱལ་ཞིང་ལན་ཐེབས་པར་འགྱུར་རོ། །གཡུལ་དོ་ཐམས་ཅད་དུ་མིག་ལ་བསྐུས་ན། གཡུལ་འགྱེད་པ་ལས་རྒྱལ་བར་འགྱུར་ཞིང་དཔུང་གི་མཆོག་རྒྱལ་བར་འགྱུར་རོ། །རྒྱལ་པོའི་ཕོ་བྲང་དུ་འགྲོ་བའི་ Pha357a ༄#། །ཚེ་མིག་ལ་བསྐུས་ན། རྒྱལ་པོ་བཅུན་མོའི་འཁོར་དང་བཅས་པ་དབང་དུ་འགྱུར་རོ། །མི་སྨྲ་བར་གྲོང་ཁྱེར་དུ་སོང་ན། སྐྱེས་པ་དང་བུད་མེད་དང ། ཁྱེའུ་དང ། བུ་མོ་གྲོང་ཁྱེར་ན་གནས་སོ་ཆོག་ཐམས་ཅད་དབང་དུ་འགྱུར་རོ། །མིག་གཡས་པ་ལ་བསྐུས་ན། རིགས་བཞིའི་འཇིག་རྟེན་གང་མིག་གིས་མཐོང་པ་དེ་ཐམས་ཅད་དབང་དུ་འགྱུར་རོ། །མིག་གཡོན་པ་ལ་བསྐུས་ན། རིགས་ངན་ཐམས་ཅད་དབང་དུ་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ཕྱག་གཡས་པ་ནས་བཟུང་སྟེ་དོན་ཡོད་པ་གྲུབ་པའི་རིག་སྔགས་ཀྱི་རྒྱལ་པོ་ལན་སྟོང་རྩ་བརྒྱད་བཟླས་བརྗོད་བྱས་ཏེ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ན། དེ་ནས་དོན་ཡོད་པའི་ཞགས་པའི་སྙིང་པོ་དང ། ཁྲོ་བོའི་རྒྱལ་པོ་དང ། གཟུངས་ཐམས་ཅད་སོ་སོར་ལན་སྟོང་ཕྲག་བརྒྱ་བརྒྱ་བཟླས་པར་འགྱུར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་སྟོང་ཕྲག་དྲུག་ཅུའི་དྲུང་དུ་དགེ་བའི་རྩ་བ་བསྐྱེད་པར་འགྱུར། ཐམས་ཅད་ཀྱིས་བཟུང་བ་བྱས་པར་འགྱུར། དེ་བཞིན་གཤེགས་པ་སྟོང་མཉེས་པར་བྱས་པར་འགྱུར། དེ་བཞིན་གཤེགས་པ་སྟོང་ཕྲག་དྲུག་ཅུ་རྩ་བཞི་མངོན་དུ་མཐོང་བ་ཐོབ་པར་འགྱུར། འཇིག་རྟེན་པའི་དོན་ཐམས་ཅད་འགྲུབ་པར་ Pha357b འགྱུར།་སྡེན་གྱི་སྒྲིབ་པས་མནར་མེད་པའི་གནས་སུ་འགྲོ་བ་ཡོངས་སུ་དག་པར་འགྱུར། ནམ་ཡང་ངན་སོང་དུ་འགྲོ་བར་མི་འགྱུར། ཚེ་རབས་ཚེ་རབས་སུ་སྐྱེ་བ་དྲན་པར་འགྱུར།་ལྷ་ཐམས་ཅད་ཀྱང་མཆོག་སྦྱིན་པར་འགྱུར་ཞིང་རྟག་ཏུ་སྲུང་བ་དང ། བསྐྱབ་པ་དང ། སྦ་བ་བྱེད་པར་འགྱུར་རོ། །ཕྱག་གཡོན་པ་མནན་ཏེ་ལན་སྟོང་རྩ་བརྒྱད་བཟླས་བརྗོད་བྱས་ན། བཟླས་པ་ཙམ་གྱི་མོད་ལ་ལྷ་དང ། ཀླུ་དང ། གནོད་སྦྱིན་དང ། སྲིན་པོ་ལ་སོགས་པ་བཀུག་པར་འགྱུར་ཞིང་ཐམས་ཅད་དབང་དུ་འགྱུར་ཏེ་གནས་སོ། །གང་གི་ཚེ་དགོས་པ་བྱུང་བ་དེའི་ཚེ་དོན་ཡོད་པར་གྲུབ་པའི་རིག་སྔགས་ཀྱི་རྒྱལ་པོ་ལན་བདུན་བཟླས་པ་བྱས་ན། ལྷ་དང ། ཀླུ་ལ་སོགས་པ་ཐམས་ཅད་ཀྱང་ལས་ཐམས་ཅད་བྱེད་ཅིང་རྟག་ཏུ་རྒྱུན་མི་འཆད་བར་ཕྱི་བཞིན་འབྲང་བར་འགྱུར་རོ། །ལྟེ་བའི་གནས་སུ་མནན་ཏེ་ཀླུ་ལ་སོགས་པ་ཐམས་ཅད་ཆར་གྱི་རྒྱུན་འབེབས་པར་འགྱུར་ཏེ། འཛམ་བུའི་གླིང་མཐའ་དག་ཚིམ་པར་བྱེད་པར་འགྱུར་རོ་སྙམ་དུ་ལན་བརྒྱ་རྩ་བརྒྱད་བཟླས་ན། གང་དང་གང་དུ་སོང་བ་དེར་སྐྱེས་པའམ། །བུད་མེད་དམ། །རྒྱལ་པོ་འམ། རྒྱལ་མོའམ་དགེ་སྦྱོང་ངམ། །བྲམ་ཟེའམ། དགེ་བསྙེན་ནམ། དགེ་བསྙེན་མ་ལ་གང་བསམ་པ་དང ། གང་བཅོལ་བ་དང ། གང་སྨྲས་པའི་ལས་དེ་ཐམས་ཅད་སྒྲུབ་པར་འགྱུར་རོ། ། Pha358a ༄#། །དབུ་ནས་བཟུང་སྟེ་བཟླས་ན། ཚངས་པའི་འཇིག་རྟེན་གྱི་བར་དུ་དབང་དུ་བྱས་པར་འགྱུར་ཏེ། ཐམས་ཅད་ལ་དབང་བསྒྱུར་ཅིང་བསྒོ་བ་བཞིན་བྱེད་པར་འགྱུར་རོ། །ཐོག་མར་བཟླས་བརྗོད་སྟོང་རྩ་བརྒྱད་བྱས་ནས་བཟླས་པ་བྱའོ། །ཞབས་གཉིས་མནན་ཏེ་སྟོང་ཕྲག་བཅུ་བཟླས་པ་བྱས་ན། ས་འོག་ཡན་ཆད་དབང་དུ་བྱས་པར་འགྱུར་ཞིང་ལས་ཐམས་ཅད་བྱེད་པར་འགྱུར་ཏེ། མངག་གཞུག་པ་ཐམས་ཅད་བྱེད་པར་འགྱུར་རོ། །པདྨ་ལ་སྟོང་རྩ་བརྒྱད་བཟླས་ནས་པདྨའི་མཚེ་འུར་བོར་ན། པདྨ་ཟད་མི་ཤེས་པ་འབྱུང་ཞིང་པདྨ་དུས་ཐམས་ཅད་པར་འགྱུར་རོ། །ུཏྤ་ལ་ལ་ལན་སྟོང་རྩ་བརྒྱད་བཟླས་ནས་ཨུཏྤ་ལའི་མཚེ་འུར་བོར་ན། ཨུཏྤ་ལ་སྔོན་པོ་ཟད་མི་ཤེས་པ་འབྱུང་བར་འགྱུར་ཞིང་ནམ་ཡང་ཉམས་པར་མི་འགྱུར་ཏེ། དུས་ཐམས་ཅད་དུ་མེ་ཏོག་འབྱུང་བར་འགྱུར་རོ། །དེ་བཞིན་དུ་སྣ་མའི་མེ་ཏོག་དང ། གནྡྷ་བཱཪྵེ་ཀ་དང ། ཡཱུ་ཐི་ཀ་དང ། ན་བ་མཱའི་མེ་ཏོག་རྣམས་ཀྱང་དུས་ཐམས་ཅད་དུ་མེ་ཏོག་འབྱུང་བར་འགྱུར་ཞིང་ཟད་མི་ཤེས་པར་འགྱུར་རོ། །འབྲས་བུ་དང་མེ་ཏོག་ལ་ལན་བརྒྱ་རྩ་བརྒྱད་བཟླས་ཏེ་སྐྱེད་མོས་ཚལ་ལམ། ནགས་ཚལ་གྱི་ནང་དུ་གཏོར་ན། མེ་ཏོག་དང ། འབྲས་བུ་ཟད་མི་ཤེས་ཤིང་དུས་ཐམས་ཅད་པར་འགྱུར་རོ། །དཔལ་ཆེན་མོ་ Pha358b དགུག་པར་འདོད་པས་སྤྲ་ཚིལ་ལས་ལྷ་མོ་དཔལ་ཆེན་མོ་སྐྱིལ་མོ་ཀྲུང་ཕྱེད་དུ་འདུག་པ། རྒྱན་ཐམས་ཅད་ཀྱིས་བརྒྱན་པ། ལུམ་\?\བཏུད་པ། ལག་པ་ན་པདྨ་ཐོགས་པ། བྲང་རྒྱས་པ་བྱས་ལ། འབྲས་བུ་དང ། མེ་ཏོག་དགྲམ་པར་བྱ་ཞིང་ག་བུར་དང ། གླ་རྩི་དང ། ཙནྡན་དཀར་པོས་མཆོད་པ་བྱས་ལ་རས་ཀྱི་སྐུ་གཟུགས་ཀྱི་སྤྱན་སྔར་གཞག་པར་བྱ་ཞིང་སྔར་ཙནྡན་དཀར་པོ་ལས་བྱས་པའི་དཀྱིལ་འཁོར་གྱི་ཆོ་ག་བཞིན་བྱས་ལ། འཕགས་པ་སྤྱན་རས་གཟིགས་དབང་ཕྱུག་རས་ཀྱི་སྐུ་གཟུགས་ལ་ཨ་ག་རུའི་བདུག་པ་དབུལ་བར་བྱ། དཔལ་ལྷ་མོ་ཆེན་མོ་ལ་ཙནྡན་དཀར་པོའི་བདུག་པ་དབུལ་བར་བྱ་ཞིང་གཉིས་ཀ་ལ་མཆོད་པ་དང་བསྙེན་བཀུར་བྱ། གཏོར་མ་དཀར་པོ་དང ། དྲི་ཆབ་དབུལ་བར་བགྱི། །མཆོད་ཡོན་སྟོང་དབུལ་བར་བྱ་སྟེ། རིག་སྔགས་འཆང་ཙན་མ་དུས་གསུམ་དུ་ཁྲུས་བྱ་ཤིང་གོས་གཙང་མ་བགོས་པས་མངོན་དུ་ཕྱོགས་ཏེ་སྐྱིལ་མོ་ཀྲུང་དུ་འདུག་ནས་དོན་ཡོད་པའི་ཞགས་པའི་ཕྱག་རྒྱ་ལན་བདུན་བྱས་ལ་ཅི་རྙེད་པའི་དྲི་དང ། ཕེང་བ་དང ། མེ་ཏོག་ལ་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་ཏེ་དཔལ་ལྷ་མོ་ཆེན་པོའི་མགོ་ལ་གདགས་པར་བྱ། མེ་ཏོག་གཞན་གྱིས་མཆོད་པ་བྱ་ཞིང་ཙནྡན་དཀར་པོ་ལ་ལན་བརྒྱ་རྩ་བརྒྱད་བཟླས་པའི་བདུག་སྤོས་དབུལ་བར་བྱའོ། །དེ་ནས་རིག་སྔགས་ Pha359a ༄#། །འཆང་གིས་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླ་བར་བྱ་ཞིང ། ཡུངས་ཀར་རེ་རེ་ཞིང་བཟླས་ལ་དཔལ་ལྷ་མོ་ཆེན་མོལ་བསྣུན་པར་བྱ་སྟེ།་སྟོང་རྩ་བརྒྱད་ཚང་བ་དང ། དཔལ་ལྷ་མོ་ཆེན་མོ་འབར་བར་འགྱུར་ཞིང་འཕགས་པ་སྤྱན་རས་གཟིགས་དབང་ཕྱུག་གི་དཔྲལ་བ་ནས་འོད་ཟེར་འབྱུང་བར་འགྱུར་རོ། །དཀྱིལ་འཁོར་གྱི་ཡོ་བྱད་གང་ཡིན་པ་ཐམས་ཅད་གསེར་དུ་སྣང་བར་འགྱུར་རོ། །དཔལ་ལྷ་མོ་བཀུག་པར་འགྱུར་ཞིང་ཇི་སྲིད་འཚོའི་བར་དུ་འདའ་བར་མི་འགྱུར་རོ། ། ལྷའི་དཔལ་རྗེས་སུ་སྤྱོད་པར་འདོད་ན། ཉིན་རེ་ཞིང་འཕགས་པ་སྤྱན་རས་གཟིགས་དབང་ཕྱུག་དང ། དཔལ་ལྷ་མོ་ཆེན་པོ་ལ་དུས་གསུམ་དུ་མཆོད་པ་བྱ་ཞིང་མཆོད་ཡོན་གྱི་སྣོད་ཀྱང་གཞག་པར་བྱ། དཀོན་མཆོག་གསུམ་མཆོད་པར་བྱ། སྦྱིན་པར་བྱ། ལོངས་སྤྱོད་པར་བྱ། བསོད་ནམས་ཀྱང་བྱ་ཞིང ། དཔལ་ལྷ་མོ་ཆེན་མོ་ལ་དུས་གསུམ་དུ་མཆོད་པར་བྱའོ། །དཔལ་ལྷ་པོ་ཆེན་མོ་རང་གི་གཟུགས་ཀྱིས་གནས་པར་འདོད་པས་དོན་ཡོད་པའི་རྒྱལ་པོ་ཁྲོ་བོའི་སྙིང་པོ་སྟོང་རྩ་བརྒྱད་བཟླ་བར་བྱ་ཞིང ། ཙནྡན་གྱི་རིམ་བུ་སྟོང་རྩ་བརྒྱད་ཀྱིས་བདུག་པར་བྱ། ཡུངས་ཀར་སྟོང་རྩ་བ་རྒྱད་ཀྱིས་བསྣུན་པར་བྱ་སྟེ། ཡུངས་ཀར་སྟོང་རྩ་བརྒྱད་ཚད་པ་དང ། དཔལ་ Pha359b ལྷ་མོ་ཆེན་མོ་རྒྱན་ཐམས་ཅད་ཀྱིས་བརྒྱན་པ། ལྷའི་ནོར་བུ་དང ། གསེར་དང ། མུ་ཏིག་གི་རྒྱན་གྱིས་བརྒྱན་པའི་ལུས་སྣང་ལ་ཞལ་པདྨ་ཁ་ཕྱེ་བ་ལྟ་བུ། སྤྱན་ཨུཏྤ་ལ་སྔོན་པོ་ལྟར་གསལ་བ། པདྨ་བསྣམས་པ། གདན་པདྨ་ནོར་བུ་དང ། རིན་པོ་ཆེ་དང ། གསེར་མང་པོའི་པདྨའི་ཆར་འབེབས་པ། རིན་པོ་ཆེ་འབར་བའི་བུམ་པ་སྟོང་ཕྲག་བརྒྱ་ཐོགས་པ་ལྷའི་བུ་མོ་དང ། གནོད་སྦྱིན་གྱི་བུ་མོ་བརྒྱ་སྟོང་མང་པོ་ཐམས་ཅད་ལྷའི་རྒྱན་གྱིས་བརྒྱན་པས་ལུས་གསལ་ཞིང་འབར་ལ་མཛེས་པ་མང་པོས་ཡོངས་སུ་བསྐོར་བ་མདུན་ན་འཁོད་པར་འགྱུར་ཏེ། རིག་སྔགས་འཆང་གིས་འཇིགས་པར་མི་བྱ་ཞིང་སེམས་དགའ་བར་བྱས་ལ་གསང་སྔགས་འདི་ལན་བདུན་བཟླ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་ར་ཡ། བོ་དྷི་སཏྭཱ་ཡ། མ་ཧཱ་སྟྭཱ་ཡ། མ་ཧཱ་ཀ་རུ་ཎི་ཀཱ་ཡ། མ་ཧཱ་ཨ་མི་གྷ་བ་ར་དཱ་ཡ། ཏདྱ་ཐཱ་ཨོཾ་པདྨི་ཎི་པདྨ་ཏེ་ཏྲ་པདྨཱཾ་གེ། པདྨ་དྷ་རེ། པདྨ་པ་ཏི། པདྨ་པྲི་ཡེ། པདྨ་གཽ་རཱི། པདྨ་པྲ་བྷེ། པདྨ་ས་ན་པྲ་ཏིཥྛི་ཏེ། ཨ་བ་ལི་ཀི་ཏ་པྲི་ཡེ་བ་ར་དེ་བ་རཱ་དཱ་ཡི་ནི་པྲ་སི་ཏ་པྲ་སཱ་དྷ་ཡ་ཀུ་རུ་ཀུ་རུ། ཨཱརྱ་ཨ་བ་ལོ་ཀི་ཏེ་བ་ར་དེ་ཧུ་རུ་ཧུ་རུ་པ་རཾ་གི་ནི་ཙ་ལ་ཙ་ལ། པདྨ་བི་བྷུ་ཥི་ཏེ་པདྨ་བྲི་ཡེ་པདྨ་གཽ་རཱི་བི་ཙི་ཏྲ་བི་མཱ་ན་དྷ་རེ་བྷ་ར་བྷ་ར་སམྦྷ་ར་སྨ་ར་ས་མ་ཡ། ་ཨ་བ་ལོ་ཀི་ཏེ་ཤཝ་ར་ས་མེ། སཏྱ་ཨ་དྷི་ཥྛི་ཏེ་དེ་བི་ཨ་མི་བྷ་པཱ་ Pha360a ༄#། །ཤ་བ་ར་དེ་ཧཱུཾ། ན་མོ་སྟུ་ཏེ་སཝཱ་ཧཱ། ལན་བདུན་བཟླས་པ་ཙམ་གྱིས་ལྷ་མོ་དཔལ་ཆེན་མོ་ཕྱག་བརྐྱང་སྟེ་རིག་སྔགས་འཆང་གི་སྤྱི་བོར་འཇོག་པར་འགྱུར་ཞིང ། འདི་སྐད་ཅེས་ཀྱང་གསུང་བར་འགྱུར་རོ། །རིགས་ཀྱི་བུ། ཚུར་ཤོག་།ཐུགས་ལས་སྐྱེས་པ། གསུངས་ལས་སྐྱེས་པ་ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་ཁྲོ་བོ་དང་བཅས་པ་གྲུབ་ཀྱི། །དོན་ཡོད་པའི་ཞགས་པ་པདྨ་དྲི་མ་མེད་པའི་དཔལ་ཞེས་བྱ་བའི་གཟུངས་ལ་ཞུགས་ཤིང ། །ངའི་གནས་ལ་རང་གི་ཁྱིམ་བཞིན་དུ་ལས་སུ་བྱ་བ་ཐམས་ཅད་བྱོས་ཤིག་།དེ་ནས་རིག་སྔགས་འཆང་གིས་ཡང་རིག་སྔགས་དང ། གསང་སྔགས་དང ། གཟུང་སྔགས་འདི་ལན་གསུམ་བཟླས་བརྗོད་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སྟྭཱ་ཡ། མ་ཧཱ་སྟྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་བྷ་ག་བ་ཏི་མཱ་ཏྲི་ཛ་ནེ་ཏྲི་བ་ར་བ་ར་ཨ་བ་ལོ་ཀི་ཏ་བ་ར་དེ་ཀཥི་རི་ན་སྲ་བ་ཏུ།་ཨ་མ་བ་ཨ་མ་བ་བི་པུ་ལ་ཀཱི་རྟི་ཀ་རེ་པྲ་བ་ར་བྷུ་ཛེ་ཨ་མོ་གྷ་པཱ་ཤ་ཏི་སྟེ་སཝཱ་ཧཱ། དེའི་འོག་ཏུ་ལྷ་མོ་དཔལ་ཆེན་མོའི་ནུ་མ་གཉིས་ལས་འོ་མའི་རྒྱུན་འབྱུང་བར་འགྱུར་ཏེ། འོ་མའི་རྒྱུན་དེ་ཁས་བཟེད་དེ་འཐུངས་པ་ཙམ་གྱི་མོད་ལ་ལྷའི་མེ་ཏོག་པདྨ་དང ། ཀུ་མུ་ད་ལྟར་འཇམ་པའི་ལྷའི་ལུས་སུ་འགྱུར། །སྐྲ་ཅུང་ཟད་འཁྱིལ་ཅིང་འཁྱིལ་ལ་ Pha360b མིག་ཨུཏྤ་ལ་སྔོན་པོ་ལྟ་བུ་དང ། ཚིག་གསལ་ཞིང་མིའམ་ཅིའི་སྒྲ་དབྱངས་དང་ལྡན་པར་འགྱུར། །དོན་ཡོད་པའི་རྒྱ་མཚོའི་ནོར་བུ་ཆེན་པོ་པདྨ་ལ་རྣམ་པར་ལྟ་བའི་དཔལ་དྲི་མ་མེད་པ་ཞེས་བྱ་བའི་ཆོ་ག་ཞི་བ་མོའི་རྒྱལ་པོ་མངོན་སུམ་དུ་འགྱུར། །ཆོ་ག་ཞིབ་མོ་མང་པོ་འགྲུབ་པར་འགྱུར། ཚེ་ལོ་སྟོང་ཕྲག་བཅུ་ཐུབ་པར་འགྱུར། རྒྱལ་བ་འོད་དཔག་མེད་བྱང་ཆུབ་སེམས་དཔའི་ཚོགས་དང་ཐབས་ཅིག་ཏུ་གཞལ་མེད་ཁང་མཆོག་ན་ཆོས་བགྲོ་བ་མཐོང་བར་འགྱུར། །རྫུ་འཕྲུལ་གྱིས་ནམ་མཁའ་ལ་འགྲོ་བར་འགྱུར། །ནོར་བུ་ཆེན་པོ་པདྨ་ལ་ལྟ་བ་ཞེས་བྱ་བ་དོན་ཡོད་པའི་ཞགས་པ་ཆེན་པོའི་འཁོར་ལོས་བསྒྱུར་བར་འགྱུར། རིག་སྔགས་འཆང་ཐམས་ཅད་ཀྱི་འཁོར་ལོས་བསྒྱུར་བའི་གཙོ་བོ་གཅིག་པུར་འགྱུར། འཕགས་པ་སྤྱན་རས་གཟིགས་དབང་ཕྱུག་གི་སྲས་སུ་འགྱུར། དེ་བཞིན་གཤེགས་པ་ཐམས་ཅད་ཀྱི་སྲས་གཅིག་པུར་འགྱུར། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ། ཅི་དང ། ལྟོ་འཕྱེ་ཆེན་པོ་རྣམས་ཀྱི་བུའི་གཙོ་བོ་གཅིག་པུར་འགྱུར། །རྒྱལ་པོ་ཆེན་པོ་བཞིའི་བུ་གཅིག་པུར་འགྱུར་ཐམས་ཅད་དུ་སྟོབས་དང ། ཕ་རོལ་གནོན་པ་དང ། བརྩོན་འགྲུས་ཐོགས་པ་མེད་པ་དང་ལྡན་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་དང ། དཀྱིལ་འཁོར་ Pha361a ༄#། །རིམ་པར་ཕྱེ་བ་རིག་སྔགས་ཀྱི་རྒྱལ་པོ་གསང་བའི་གཟུངས་ཀྱི་རྒྱལ་པོ་ཆོ་ག་ཞིབ་མོ་ཟབ་པ་དག་མངོན་སུམ་དུ་འགྱུར། ལྷ་ཐམས་ཅད་ཀྱི་གནས་དང ། ཀླུ་ཐམས་ཅད་ཀྱི་གནས་དང ། མི་འམ་ཅི་ཐམས་ཅད་ཀྱི་གནས་དང ། ཕུག་དང ། ཁུང་གི་གནས་ཐམས་ཅད་སྒོ་འབྱེད་པར་འགྱུར། །གནོད་སྦྱིན་དང ། སྲིན་པོའི་གནས་ཐམས་ཅད་སྒོ་འབྱེད་པར་འགྱུར། ཐམས་ཅད་དབང་དུ་འགྱུར་ཞིང་བགྱི་བ་ཅི་མཆིས་ཞེས་བྱ་བ་བྱེད་ཅིང་འདུག་པར་འགྱུར། འཇིག་རྟེན་ཐམས་ཅད་ཀྱི་སྟོན་པ་བླ་མ་གཅིག་པུ་འཇིག་རྟེན་མགོན་པོ་དང་འདྲ་བར་མཆོད་པའི་གནས་སུ་འགྱུར། འཇིག་རྟེན་དང ། འཇིག་རྟེན་ལས་འདས་པའི་གསང་སྔགས་དང ། དཀྱིལ་འཁོར་ཐམས་ཅད་གྲུབ་པ་ཆེན་པོར་འགྱུར། དཔལ་ལྷ་མོ་ཆེན་མོ་འཁོར་དང་བཅས་པ་ལ་སྦྱིན་སྲེག་བྱས་ན། རིག་སྔགས་འཆང་དེ་ལ་བུ་བཞིན་དུ་བྱམས་པས་རང་ཉིད་བསྙེན་བཀུར་ཡོངས་སུ་སྤྱོད་དོ། །འདོད་པ་ཐམས་ཅད་དང ། ཡིད་དུ་འོང་བ་ཐམས་ཅད་ཀྱི་དགོས་པ་བྱེད་པར་འགྱུར་རོ། །ནོར་དང ། འབྲུ་དང ། དབྱིག་དང ། གསེར་དང ། ནོར་བུ་དང ། མུ་ཏིག་དང ། བཻཌཱུརྱ་དང ། ཤཾ་ཁ་ཤི་ལ་དང ། བྱི་རུ་དང ། ས་ལེ་སྦྲམ་དང ། དངུལ་དང ། ལྷའི་ནོར་བུ་རིན་པོ་ཆེའི་བར་ཐམས་ཅད་སྦྱིན་པར་བྱེད་དོ། །ཡུལ་ཀ་ཤི་ཀའི་གོས་ Pha361b བཟང་པོ་མང་པོ་སྦྱིན་པར་བྱེད་ཅིང་ལྷའི་བཟའ་བ་དང་བཏུང་བའི་བར་དང ། བདུད་རྩིའི་བར་དུ་སྦྱིན་པར་བྱེད་དོ། །གནས་ཐམས་ཅད་དུ་སོང་བ་ན་ཡང་རྟག་ཏུ་རྒྱུན་མི་འཆད་པར་བུ་ལ་བྱམས་པའི་ཚུལ་གྱིས་རྟག་ཏུ་ཕྱི་བཞིན་འབྲང་ཞིང་འགྲོ་བར་འགྱུར་རོ། །རིག་སྔགས་འཆང་གི་རང་གི་ཁྱིམ་ཡང་རྒྱལ་པོའི་ཕོ་བྲང་ལྕང་ལོ་ཅན་ཇི་ལྟ་བ་དེ་བཞིན་དུ་རིག་སྔགས་འཆང་གི་གཞལ་མེད་ཁང་མཆོག་ཏུ་འགྱུར་རོ། །རྣམ་ཐོས་ཀྱི་བུའི་གནས་ན་འབྱོར་བ་ཇི་ལྟ་བ་བཞིན་རྒྱས་པར་འགྱུར་རོ། །ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོས་དུས་ཀུན་ཏུ་འོང་བར་འགྱུར་རོ། །གནོད་སྦྱིན་གྱི་སྡེ་དཔོན་ཆེན་པོ་རྡོ་རྗེ་འཆང་ཡང་རིག་སྔགས་འཆང་གི་ཚོགས་ཐམས་ཅད་དང ། གནོད་སྦྱིན་ཆེན་པོ་གསང་པ་པའི་འཁོར་རྣམས་དང ། རྟག་ཏུ་རྒྱུན་མི་འཆད་པར་སྲུང་བ་དང ། བསྐྱབ་པ་དང ། སྦ་བ་བྱེད་པར་འགྱུར་རོ། །དེ་བཞིན་དུ་དཔལ་ལྷ་མོ་ཆེན་མོ་འཁོར་དང་བཅས་པ་དང ། རྣམ་ཐོས་ཀྱི་བུ་གནོད་སྦྱིན་བྱེ་བས་ཡོངས་སུ་བསྐོར་བས་ཉིན་མཚན་དུ་སྲུང་བ་དང ། བསྐྱབ་པ་དང ། སྦ་པ་བྱེད་པར་འགྱུར་རོ། །དེ་ནས་དོན་ཡོད་པའི་རྒྱ་མཚོ་ནོར་བུ་ཆེན་པོ་པདྨ་ལ་ལྷའི་དཔལ་དྲི་མ་མེད་པ་ཞེས་བྱ་བ་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོའི་རྒྱལ་པོ་བཀླགས་པས་འགྲུབ་པར་འགྱུར་ཞིང ། དེ་བཞིན་གཤེགས་པ་དགྲ་ Pha362a ༄#། །བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་དྲུག་ཅུ་རྩ་བཞིའི་རྡུལ་ཕྲ་མོ་སྙེད་ལས་དགེ་བའི་རྩ་བ་བསྐྱེད་པར་འགྱུར། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་གིས་ལྷའི་ནོར་བུ་རིན་པོ་ཆེ་ཆེན་པོ་དང ། ནོར་བུ་རིན་པོ་ཆེ་ཆེན་པོ་སྣ་བདུན་དང ། ལྷའི་གསེར་དང ། གསེར་གྱི་མེ་ཏོག་དང ། དངུལ་གྱི་མེ་ཏོག་མང་པོ་དང ། ལྷའི་གོས་དང ། ལྷའི་རྒྱན་དང ། ལྷའི་དྲི་དང ། མེ་ཏོག་དང ། མེ་ཏོག་ཕྲེང་དང ། བྱུག་པ་རྣམས་རེ་རེ་ཞིང་འཕང་དུ་རིའི་རྒྱལ་པོ་རི་རབ་ཙམ་གྱི་ཕུང་པོ་བྱས་ནས་དེ་དག་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་རྩ་བཞིའི་རྡུལ་ཕྲ་མོ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་དེ་བཞིན་གཤེགས་པ་རེ་རེ་ལ་ཚུལ་དེ་ལྟ་བུས་སོ་སོར་དེ་བཞིན་གཤེགས་པ་ཐམས་ཅད་ལ་ཉིན་རེ་ཞིང་ལོ་གཅིག་གི་བར་དུ་དབུལ་བར་བྱེད། མཆོད་པ་དང ། བསྙེན་བཀུར་བྱེད་ཅིང་དེ་བཞིན་གཤེགས་པ་རེ་རེའི་སྤྱན་སྔར་དྲི་ཞིམ་པོ་དང་ལྡན་པའི་ཏིལ་མར་རྒྱ་མཚོ་ཙམ་གྱིས་བཀང་བའི་མར་མེ་བལྟམ་པར་ Pha362b བྱེད་པའི་བསོད་ནམས་ཀྱི་ཕུང་པོ་དང་ལྡན་པར་འགྱུར། དགེ་བའི་རྩ་བ་ཆེན་པོ་ཡོངས་སུ་བཟུང་བར་འགྱུར་རོ། །གལ་ཏེ་དོན་ཡོད་པའི་རྒྱ་མཚོའི་ནོར་བུ་ཆེན་པོ་པདྨ་ལ་རྣམ་པར་ལྟ་བའི་དཔལ་དྲི་མ་མེད་པ་དོན་ཡོད་པའི་ཞགས་པའི་སྙིང་པོ་འདི་ཀློག་པ་དང ། བཟླས་བརྗོད་བརྒྱ་རྩ་བརྒྱད་བྱེད་པ་འདི་ནི། བསོད་ནམས་ཀྱི་ཕུང་པོ་དེ་དང་ལྡན་པར་འགྱུར་ཞིང ། དགེ་བའི་རྩ་བ་ཆེན་པོ་དང་ལྡན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་བཟུང་བར་འགྱུར། དེ་བཞིན་གཤེགས་པ་ཐམས་ཅད་སྐུ་སྟོན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་ལུང་སྟོན་པར་འགྱུར། དཔལ་ལྷ་མོ་ཆེན་མོ་དེ་ཡང་མཆོག་ཐམས་ཅད་སྦྱིན་པར་འགྱུར། དུས་ཀུན་ཏུ་དེའི་ཁྱིམ་དུ་དཔལ་གནས་པར་འགྱུར་ཏེ། གང་ན་དཔལ་ལྷ་མོ་ཆེན་མོ་གནས་པ་དེར་དེ་བཞིན་གཤེགས་པ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་རྩ་བཞིའི་རྡུལ་ཕྲ་མོ་དང་མཉམ་པས་ཕྱོགས་དེ་ཉིད་དུ་གནས་པར་འགྱུར་ཏེ། དཔལ་ལྷ་མོ་དེ་བཞིན་གཤེགས་པ་ཐམས་ཅད་ཀྱི་ཡུམ་ཡིན་པའི་ཕྱིར་རོ། །ལྷ་དང ། ཀླུ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོའི་གསང་སྔགས་དང ། ཆོ་ག་ཞིབ་མོ་དང ། ཕྱག་རྒྱ་དང ། དཀྱིལ་འཁོར་དང ། ཞི་བ་ Pha363a ༄#། །དང ། རྒྱས་པ་དང ། དྲག་ཤུལ་ལ་སྤྱོད་པ་དང ། ལས་སྣ་ཚོགས་གཞན་དག་པས་དཔལ་ལྷ་མོ་ཆེན་མོ་ལས་མཆོག་ཏུ་བསྟན་ཏོ། །དཔལ་ལྷ་མོ་ཆེན་མོ་ནི། བྱང་ཆུབ་སེམས་དཔའ་ཐམས་ཅད་ཀྱི་ཡུམ་ཡིན་ནོ། །དཔལ་ལྷ་མོ་ཆེན་མོ་ནི། དོན་ཡོད་པའི་མཆོག་སྦྱིན་པའོ། །དོན་ཡོད་པའི་ཞགས་པ་སྦྱིན་པའོ། །དོན་ཡོད་པའི་གྲགས་པ་རྒྱ་ཆེན་པོ་སྦྱིན་པའོ། །དོན་ཡོད་པའི་ནམ་མཁའ་གཞལ་མེད་ཁང་འཆང་བའོ། །དོན་ཡོད་པའི་ཡོན་ཏན་བསྒྲགས་པའི་མཆོག་སྦྱིན་པའོ། །དཔལ་ལྷ་མོ་ཆེན་མོ་ནི། དོན་ཡོད་པ་ཟླ་བ་དང་ཉི་མའི་འོད་བྱེད་པ་གནས་སུ་མ་ཅུ་རྩ་གཉིས་ཀྱི་ནང་ན་དཔལ་ལྷ་མོ་ཆེན་མོ་མཆོག་ཏུ་བསྟན་ཏོ། །དེ་ནས་རིག་སྔགས་འཆང་གཙང་མ་ཁྲུས་ལེགས་པར་བྱས་ལ།་དྲི་ཆུས་བསངས་ཤིང་བ་ལས་བྱུང་བ་ལྔས་བྱུགས་པ། གོས་གཙང་མ་བགོས་པས་ཁ་ཟས་གཙང་མ་བཟའ་བར་བྱ་ཞིང ། ཆང་དང ། ཤ་དང ། བེག་ཅོང་དང ། སྒོག་སྐྱ་དང ། ཀེའུ་རྣམས་དང་འདྲེས་པ་དང ། འབགས་པ་རྣམས་ཡོངས་སུ་སྤང་བར་བྱ། ཁ་ཟས་ངན་པ་དང ། བཏུང་བ་ངན་པ་དང ། གོས་ངན་པ་དང ། དྲི་མ་ཅན་ཡོངས་སུ་སྤང་་ ་བྱ།་སེམས་ཅན་ངན་པ་དང ། རྟེན་པ་དང ། ངན་གཡོ་ཅན་དང ། གསོད་སྐྱེན་ཅན་དང ། སྐྱེ་བོ་ངན་པ་ཅན་དང ། ཁྲེལ་མེད་པ་དང ། སྙིང་རྗེ་མེད་པ་དང ། བྱམས་པ་ Pha363b དང་བྲལ་བ་དང ། ཐུབ་ཚོད་ཅན་གྱི་སྐྱེ་བོ་ངན་པ་ཡོངས་སུ་སྤང་བར་བྱའོ། །གནས་ངན་པ་དང ། གནས་བརྟན་ངན་པ་དང ། སྒོམ་ཉེས་དང ། བཟའ་ཉེས་དང ། གྲིབ་མ་ངན་པ་ཡོངས་སུ་སྤང་བར་བྱ། གཅིག་གིས་གཅིག་འབགས་པའི་ཁ་ཟས་ངན་པ་ཡོངས་སུ་སྤང་བར་བྱ་ཞིང་དྲི་དང་བདུག་སྤོས་ཀྱིས་བསངས་ཏེ་མི་སྨྲ་བར་བཟླས་བརྗོད་བྱམས་པ་དང ། སྙིང་རྗེ་དང ། དགའ་བའི་སེམས་དང ། ཡིད་བདེ་བར་བྱ། བཀྲ་ཤིས་ཚང་བར་བྱ་ཞིང ། སྙིང་དགའ་བ་དང ། མགུ་བ་དང ། རབ་ཏུ་དགའ་བའི་སེམས་སུ་བྱས་ནས་བཟླས་བརྗོད་བྱའོ། ། འཕགས་པ་སྤྱན་རས་གཟིགས་དབང་ཕྱུག་ལ་ཨ་ག་རུའི་བདུག་པ་དབུལ་བར་བྱ། དེ་བཞིན་གཤེགས་པ་ཐམས་ཅད་ལ་དུ་རུ་ཀའི་བདུག་པ་དབུལ་བར་བྱ། དཔལ་ལྷ་མོ་ཆེན་མོ་ལ་ཙནྡན་གྱི་བདུག་སྤོས་དབུལ་བར་བྱ་ཞིང ། དུས་ཇི་ལྟ་བའི་མེ་ཏོག་དབུལ་བར་བྱ་སྟེ། གསང་སྔགས་འདི་ལན་ཉི་ཤུ་རྩ་གཅིག་བཟླས་ཏེ་ཐམས་ཅད་ལ་དབུལ་བར་བྱའོ། ། ན་མོ་རཏྣ་ཏྲ་ཡཱ་ཡ། ན་མཿ ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་པུཥྤ་བི་ལོ་ཀི་ཏེ་གནྡྷ་ས་རེ། ཨ་མོ་གྷ་ཛ་ལ་སཾ་ཝ་ར་ཎི་པདྨེ་སཾ་བྷུ་རི་ཏ་ར་ཏ་ར་མུ་དི་ཏེ་བྷུཾ་སཝཱ་ཧཱ། ལན་ཉི་ཤུ་རྩ་གཅིག་བཟླས་ཏེ་མེ་ཏོག་དང ། བདུག་སྤོས་དང ། དྲི་དང ། མཆོད་ཡོན་དབུལ་ལོ། །འཕགས་པ་སྤྱན་རས་གཟིགས་ Pha364a ༄#། །དབང་ཕྱུག་གི་ཞབས་དྲུང་དུ་སྟོང་རྩ་བརྒྱད་བཟླས། དོན་ཡོད་པའི་ཞགས་པའི་སྙིང་པོ་ལན་བདུན་བཟླས། ཁྲོ་བོའི་རྒྱལ་པོ་ལན་གསུམ་བཟླས་ལ་ཨ་ག་རུའི་བདུག་སྤོས་དབུལ་བར་བྱ་ཞིང་ཇི་སྙེད་པའི་མེ་ཏོག་དབུལ་བར་བྱ། སྤོས་དང་ལྡན་པའི་ཏིལ་མར་གྱི་མར་མེ་བལྟམ་པར་བྱ་ཞིང་དེ་ཉིད་ཀྱི་ཞབས་དྲུང་དུ་སྐྱིལ་མོ་ཀྲུང་དུ་འདུག་ལ་འཕགས་པ་སྤྱན་རས་གཟིགས་དབང་ཕྱུག་ལ་བལྟས་ལ། སྙིང་པོའི་གཟུངས་ལན་བརྒྱ་རྩ་བརྒྱད་བཟླས་ལ་བཟླས་བརྗོད་ཀྱི་ཕྱག་རྒྱ་བྱས་ཏེ་དོན་ཡོད་པའི་ཞགས་པའི་ཕྱག་རྒྱ་ལན་བདུན་བཅིང་བ་བྱས་ན། བཅིངས་པ་ཙམ་གྱི་མོད་ལ་སྐུ་གཟུགས་གཡོ་བར་འགྱུར་ཞིང་སྐུ་ཐམས་ཅད་འབར་བར་འགྱུར། རང་གི་ལུས་སྤུ་ཟིང་ཞེས་བྱེད་པར་འགྱུར། ཐོ་རངས་འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་འགྱུར་ཏེ། ཡིད་ལ་བསམ་པ་ཐམས་ཅད་བཀའ་སྩོལ་བར་འགྱུར། མཆོག་ཐམས་ཅད་སྦྱིན་པར་འགྱུར། འདོད་པའི་མཆོག་ཐམས་ཅད་སྦྱིན་པར་འགྱུར། དབུགས་ཀྱང་འབྱིན་པར་འགྱུར། ཡིད་དུ་འོང་བ་ཐམས་ཅད་ཡོངས་སུ་རྫོགས་པར་བྱེད། ཚེ་འདི་ཉིད་ལ་ནད་ཐམས་ཅད་དང་བྲལ་བར་འགྱུར། དགེ་བའི་རྩ་བའི་ཚོགས་ཐམས་ཅད་དང་ལྡན་པར་འགྱུར། སྒྲིབ་པ་དང་སྡིག་པ་ཐམས་ཅད་ཟད་ཅིང་མཐར་ཐུག་པར་ Pha364b འགྱུར།་ཉོན་མོངས་པ་ཐམས་ཅད་ལས་ཡོངས་སུ་གྲོལ་བར་འགྱུར། ཕས་ཀྱི་རྒོལ་བ་དང ། དགྲ་བོ་ཐམས་ཅད་འཇིག་པར་འགྱུར་ཞིང་མི་ཚུགས་པར་འགྱུར། གཡུལ་ངོར་འཇུག་པའི་ཚེ་རིག་སྔགས་ཀྱི་རྒྱལ་པོ་འདི་ཡུངས་ཀར་ལ་ལན་ཉི་ཤུ་རྩ་གཅིག་བཟླས་ནས་དམག་གི་ནང་དུ་གཏོར་བ་བྱས་ན། ཐམས་ཅད་རེངས་པར་བྱས་པ་དང ། རྨུགས་པར་བྱས་པར་འགྱུར་རོ། །འདིའི་སྙིང་པོ་དང ། གསང་སྔགས་ནི། །འདི་ཡིན་ནོ། །ན་མོ་རཏྣ་ཏྲ་ཡཱ་ཡ། ན་མཿ ་ཨཱརྱ་ཨ་བ་ལོ་ཀི་ཏེ་ཤཝཱ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་མོ་གྷ་པཱ་ཤ་ཧྲྀ་ད་ཡ་པདྨེ་ནི་བ་ར་དེ་ཛྭཱ་ལ་ཛཱ་ལ་པྲ་ས་རི་ཏ་པདྨ་བྷུ་ཛེ་སཝཱ་ཧཱ། སྙིང་པོའི་རིག་སྔགས་སོ། །ོཾ་ཨ་བ་ལོ་ཀི་ཏེ་པདྨི་ནི་བ་རཾ་གི་ནི་ཏུ་རུ་ཏུ་རུ་ཧཱུཾ་སཝཱ་ཧཱ། ཉེ་བའི་སྙིང་པོའི་གཟུངས་སོ། །དོན་ཡོད་པའི་རྒྱ་མཚོའི་ནོར་བུ་པདྨ་རྣམ་པར་ལྟ་བའི་དཔལ་དྲི་མ་མེད་པ། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོའི་གཟུངས་འདི་རྟག་ཏུ་བཟླས་བརྗོད་བྱས་ན། མཚམས་མེད་པ་ལྔ་ཟད་པར་འགྱུར། ལྷ་མོ་དཔལ་ཆེན་མོ་རྟག་ཏུ་རྒྱུན་མི་འཆད་པར་མཆོག་སྦྱིན་པར་འགྱུར། འཕགས་པ་སྤྱན་རས་གཟིགས་དབང་ཕྱུག་དུས་ཀུན་ཏུ་སྟོན་པར་བཞེད་པར་འགྱུར། དེའི་ལུས་ལ་དུག་ཐམས་ཅད་ཀྱིས་མི་ཚུགས་པར་འགྱུར། འཇིགས་པ་ཆེན་པོ་མི་བཟད་པ་བརྒྱད་ལས་ཡོངས་སུ་གྲོལ་ Pha365a ༄#། །བར་འགྱུར། རིམས་ཐམས་ཅད་དང ། ནད་ཐམས་ཅད་ཀྱིས་མི་ཚུགས་པར་འགྱུར་རོ། །གདོན་ཐམས་ཅད་ལ་ཚོན་སྣ་ལྔའི་སྲད་བུ་ལ་ལན་ཉི་ཤུ་རྩ་གཅིག་བཟླས་ཏེ་མདུད་པ་ཉི་ཤུ་རྩ་གཅིག་པོར་ལ་གུ་གུལ་གྱིས་བདུགས་ཏེ་མགུལ་དུ་བཏགས་ན། གདོན་ཐམས་ཅད་ལས་ཡོངས་སུ་གྲོལ་བར་འགྱུར་རོ། །གལ་ཏེ་ནག་པོ་ཆེན་པོ་དང ། མ་མོ་འོངས་ཏེ་རྒྱས་བཏབ་པ་གང་ཡིན་པ་ཡང་གདོན་ཐམས་ཅད་ལས་ཡོངས་སུ་ཐར་པར་འགྱུར་རོ། །སྐུད་པ་ནག་པོས་རིམས་ཉིན་གཅིག་པ་ལས་ཡོངས་སུ་གྲོལ་བར་འགྱུར་རོ། །གཞན་དག་ལ་ནི། ཐམས་ཅད་དུ་སྲད་བུ་དཀར་པོས་བསལ་བར་བྱའོ། །འཐབ་པ་དང ། རྩོད་པ་དང ། ཁྲག་ཁྲུག་ཐམས་ཅད་ལ་གིའུ་ཝང་ལ་ལན་ཉི་ཤུ་རྩ་གཅིག་བཟླས་ཏེ་ཐིག་ལེ་བྱས་ན། ཐམས་ཅད་དུ་ཐོགས་པ་མེད་པར་འགྱུར་རོ། །སྙིང་གར་ཐིག་ལེ་བྱས་ན། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་ལ་སོགས་པ་ཐམས་ཅད་ཀྱིས་མི་མཐོང་བར་འགྱུར་རོ། །ལག་མཐིལ་ལ་ཐིག་ལེ་བྱས་ན། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་གང་ལ་རེག་པ་དབང་དུ་འགྱུར་རོ། །སྨིན་མཚམས་སུ་ཐིག་ལེ་བྱས་ན། རྒྱལ་པོ་བཙུན་མོའི་འཁོར་དང་བཅས་པ་དབང་དུ་འགྱུར་རོ། །མགུལ་བར་བྱུགས་ན། རྗེ་རིགས་ཐམས་ཅད་དབང་དུ་འགྱུར་རོ། །དཔུང་པ་གཉིས་ལ་ Pha365b བྱུགས་ན། རྒྱལ་རིགས་ཐམས་ཅད་དབང་དུ་འགྱུར་རོ། །དཔྲལ་བའི་སྐྲ་མཚམས་སུ་ཐིག་ལེ་བྱས་ན། བྲམ་ཟེ་ཐམས་ཅད་དབང་དུ་འགྱུར་རོ། །ལྟེ་བའི་གནས་སུ་ཐིག་ལེ་བྱས་ན། དམངས་རིགས་ཐམས་ཅད་དབང་དུ་འགྱུར་རོ། །རྐང་པའི་རྗེ་ངར་ལ་བྱུགས་ན། དཔག་ཚད་བརྒྱར་ངལ་བ་མེད་པར་འགྲོ་ཞིང་སླར་ཡང་འོང་བར་འགྱུར་རོ། །རྐང་མཐིལ་ལ་བསྐུས་ན།་ཆུ་ཀླུང་ཆེན་པོའི་ཕ་རོལ་ཕྱིན་པར་འགྱུར་ཞིང་རྒྱ་མཚོའི་བར་དུ་རྒལ་བར་འགྱུར་རོ། །དཔུང་བ་གཉིས་ལ་བྱུགས་ན། གྱད་ཀྱིས་མི་ཐུབ་པར་འགྱུར། པུས་མོ་གཉིས་ལ་བྱུགས་ན།་མེའི་ཕུང་པོ་ཆེན་པོ་འབར་ཞིང་རབ་ཏུ་འབར་བར་ཞུགས་ན་ཙནྡན་དང་སྤུ་ཤེལ་ཙེ་ཇི་བཞིན་དུ་བསིལ་བར་འགྱུར་རོ། །བ་སེར་སྐྱའི་འོ་མ་དང་སྦྱར་ཏེ་མིག་ལ་བསྐུས་ན། མཚན་མོ་ཡང་ཉིན་མོ་བཞིན་དུ་སྣང་བར་འགྱུར་རོ། །གཏེར་ཐམས་ཅད་འབར་བར་འགྱུར་ཞིང་གལ་ཏེ་དེ་བསྐལ་པ་སྟོང་དུ་བཞག་པ་ཞིག་ན་ཡང་འབྱུང་བར་འགྱུར་རོ། །དེ་བཞིན་དུ་ལྟོ་ལ་བསྐུས་ན། ཇི་སྲིད་དུ་ལྟོ་ཆུས་མ་བཀྲུས་པ་དེ་སྲིད་དུ་ཁ་ཟས་དང ། བཏུང་བ་མི་འདོད་པར་འགྱུར་རོ། །ཕོ་མཚན་ལ་བསྐུས་ན། ཁུ་བ་འགགས་པ་བྱས་པར་འགྱུར་རོ། །བ་ལས་བྱུང་བ་ལྔ་དང་བསྲེས་ཏེ་འཐུང་ན། ལུས་དག་ཅིང་དྲི་མ་མེད་ལ་གཙང་ཞིང་སྤྱོད་པ་གཙང་བ་དང་ལྡན་པར་འགྱུར་རོ། །སྒོམ་ཉེས་དང ། བཟའ་ཉེས་དང ། གྲིབ་མ་ངན་པ་ Pha366a ༄#། །དང ། བལྟ་ཉེས་སུ་མི་འགྱུར། འཇིགས་པ་ཐམས་ཅད་ལས་ཡོངས་སུ་གྲོལ་བར་འགྱུར། སྡིག་པ་དང་སྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར། རྨི་ལམ་ངན་པ་དང ། ལྟས་ངན་པ་དང ། བཀྲ་མི་ཤིས་པའི་དངོས་པོ་ཐམས་ཅད་འཇིག་པར་འགྱུར། དུག་དང ། དབྱིག་དུག་དང ། བྱད་ཐམས་ཅད་འཇིག་པར་འགྱུར། གསང་སྔགས་དང ། སྦྱོར་བ་དང ། གཏོར་མ་རྣམས་འཇིག་པར་འགྱུར། འཐབ་པ་དང ། རྩོད་པ་དང ། ཁྲག་ཁྲུག་རྣམས་ཀྱི་ལན་འདེབས་པར་འགྱུར་ཞིང་ཐམས་ཅད་རྒྱལ་བར་འགྱུར།་ཕས་ཀྱི་རྒོལ་བ་དང ། མི་མཛའ་བ་དང ། ཕ་རོལ་གྱི་དཔུང་གི་འཇིགས་པ་ཐམས་ཅད་འབྱུང་བར་མི་འགྱུར་རོ། །ཞུན་མར་དང ། སྦྲང་རྩི་དང་ལྷན་ཅིག་སྦྱར་ཏེ་ཐོ་རངས་ཀྱི་དུས་སུ་མི་སྨྲ་བར་བྱས་ནས་ཟོས་ན། བཀླགས་པས་ཚིགས་སུ་བཅད་པ་སྟོང་འཛིན་པར་འགྱུར་རོ། །སྦྱོར་བ་ཞག་བདུན་བྱས་ན། བསྟན་བཅོས་ཐམས་ཅད་ལ་མངོན་སུམ་དུ་འགྱུར་རོ། །ཞག་ཉི་ཤུ་རྩ་གཅིག་ཏུ་སྦྱོར་བ་བྱས་ན། གསང་སྔགས་ཀྱི་ཆོ་ག་ཞིབ་མོ་དང ། དཀྱིལ་འཁོར་དང ། གསང་སྔགས་དང ། ཕྱག་རྒྱ་རིམ་པར་ཕྱེ་བ་ཐམས་ཅད་ལ་མངོན་སུམ་དུ་འགྱུར་རོ། །ཞག་ཉི་ཤུ་རྩ་གཅིག་ཟླ་བ་གཅིག་ཏུ་སྦྱོར་བ་བྱས་ན། ཐོས་པ་མང་པོ་རྒྱ་མཚོ་བསགས་པར་འགྱུར་རོ། །སྦྱོར་ད་ལོ་ Pha366b གཅིག་གི་བར་དུ་བྱས་ན། ཚེ་ལོ་སྟོང་ཐུབ་པར་འགྱུར་རོ། །འཇིག་རྟེན་ཐམས་ཅད་ན་བླ་མ་གཅིག་པུར་འགྱུར་ཞིང་དགའ་བ་དང ། ཚིག་བཙུན་པར་ཡང་འགྱུར་རོ། །ཏིལ་མར་དང་ལྷན་ཅིག་བསྐོལ་ཏེ་མགོ་ལ་བསྐུས་ན། སྐྲ་ཅུང་ཟད་འཁྱིལ་ཅིང་ལྕང་ལོ་ཅན་དུ་འགྱུར་རོ། །བཞིན་གྱི་དཀྱིལ་འཁོར་ལ་བསྐུས་ན། སྟོན་ཀའི་ཟླ་བ་ཉ་དང་མཚུངས་པར་འགྱུར་ཞིང་མེ་ཏོག་པདྨ་དང ། ཀུ་མུ་ད་ལྟར་འཇམ་པར་འགྱུར། ལུས་ཐམས་ཅད་ལ་བྱུགས་ན། མར་དང་འདྲ་བར་འཇམ་པོར་འབྱུང་ཞིང་རྐང་ལག་ཤིན་ཏུ་གཞོན་ཤ་ཅན་དུ་འགྱུར། རྣ་བ་ལ་བྱུགས་ན། རྣ་བ་ཇི་ཙམ་འདོད་པ་སྐྱེ་བར་འགྱུར། སྣ་ནས་བཏང་ན། ཀླད་པའི་ནད་དོ་ཅོག་འཇིག་པར་འགྱུར་ཞིང་སྣབས་དང་མཆིལ་མ་འབྱུང་བར་མི་འགྱུར། ལྷའི་སྤོས་ཀྱི་དྲི་མནམ་པར་འགྱུར་ཞིང་ནམ་ཡང་ཡིད་དུ་མི་འོང་བའི་དྲི་མནམ་པར་མི་འགྱུར། གཉེར་མ་དང ། སྐྲ་དཀར་སྤངས་པར་འགྱུར། སོ་རྒལ་བ་ཡང་གསར་དུ་སྐྱེ་བར་འགྱུར།་ལྕེ་པདྨའི་ལོ་མ་ལྟར་འཇམ་པར་འགྱུར། མིད་པའི་ནད་དང་སྐེ་འགགས་པ་ཐམས་ཅད་ལས་ཡོངས་སུ་གྲོལ་བར་འགྱུར། འཇམ་ཙམ་དུ་བྱས་ཏེ་སྣ་བ་བཀང་ན། སིམ་པར་བྱེད་ཅིང་ལྷའི་རྣ་བ་དང་ལྡན་པར་འགྱུར། སྒྲ་ཡིད་དུ་འོང་བ་དང ། བཀྲ་ཤིས་པའི་སྒྲ་ཐོས་པར་འགྱུར་རོ། །དེ་ལྟ་བས་ན་གིའུ་ཝང་གི་ཆོ་ག་ཆེན་པོ་བསྒྲུབ་པར་ Pha367a ༄#། །བྱའོ། །དེ་ནས་ལེགས་པར་གྲུབ་པ། མཆོག་ཏུ་དགེ་བ། དགེ་བར་འགྲོ་བ་མིག་རྐང་ཞེས་བྱ་བ་བཤད་པར་བྱ་སྟེ། དོན་ཡོད་པའི་ཞགས་པའི་སྙིང་པོ་འདི་ལན་ཉི་ཤུ་རྩ་གཅིག་བཟླས་ཏེ་ཁྲོ་བོའི་རྒྱལ་པོ་ལན་བདུན་བཟླས་ནས་དོན་ཡོད་པའི་རྒྱ་མཚོའི་ནོར་བུ་པདྨ་ལ་རྣམ་པར་ལྟ་བའི་དཔལ་དྲི་མ་མེད་པ་དོན་ཡོད་པའི་ཞགས་པའི་སྙིང་པོ་འདི་ལན་སྟོང་རྩ་བརྒྱད་བཟླས་ཏེ་གཙང་མས་གོས་གཙང་མ་བགོས་ཤིང་ཁྲུས་ལེགས་པར་བྱས་པས་ཁ་ཟས་དཀར་པོ་ཟོས་ལ་མིག་རྐང་གི་རིལ་བུ་ཁར་བཅུག་ན། ཇི་སྙེད་བཤད་པ་དང ། བཀླགས་པ་འཛིན་པར་འགྱུར། ལྕེ་པདྨ་དང་ཀུ་མུ་དའི་ལོ་མ་ལྟར་འཇམ་པར་འགྱུར། མིའམ་ཅིའི་སྒྲ་དབྱངས་དང་ལྡན་པར་འགྱུར། དེ་ལས་ལྷའི་སྒྲ་ཡང་འབྱུང་བར་འགྱུར། གང་ལ་སྨྲས་པ་དེ་དག་བྲན་ཕོ་དང ། བྲན་མོ་བཞིན་དུ་གནས་པར་འགྱུར། གང་ལ་དྲི་མནམ་པ་དེ་ཡང་དབང་དུ་འགྱུར། ཐ་ན་དུད་འགྲོའི་སྐྱེ་གནས་སུ་གྱུར་པ་ཡང་དབང་དུ་བྱེད་དོ། །འབྱུང་པོ་དང ། གནོད་སྦྱིན་དང ། སྲིན་པོ་དང ། གནོད་སྦྱིན་མོ་དང ། ཡི་དྭགས་དང ། ཤ་ཟ་ལ་སོགས་པ་ཐམས་ཅད་དང ། བརྗེད་བྱེད་དང ། སྡང་བ་དང ། རབ་ཏུ་སྡང་བ་དང ། མི་མ་ཡིན་པ་ཐམས་ཅད་དྲི་དེས་འབྱེར་བར་འགྱུར་ཞིང་ཕྱོགས་བཞིར་དཔག་ཚད་བརྒྱར་བྱེར་ནས་ཐག་རིང་ Pha367b པོ་ན་འཁོད་པར་འགྱུར་རོ། །ཕྱིར་རྒོལ་བ་དང ། སྡང་བ་དང ། རབ་ཏུ་སྡང་བའི་སེམས་དང་ལྡན་པ་ཐམས་ཅད་དྲི་དེས་འབྱེར་བར་འགྱུར་ཞིང་བྱམས་པའི་སེམས་ཀྱི་དབང་དུ་འགྱུར་རོ། །དཔུང་པ་གཡས་པ་ལ་བཏགས་ན། ལག་པས་གླང་པོ་ཆེ་གནོན་པར་འགྱུར་རོ། །སྟོབས་དང ། བརྩོན་འགྲུས་དང ། ཕ་རོལ་གནོན་པ་ཆེན་པོར་འགྱུར་རོ། །གྱད་ཀྱིས་མི་ཐུབ་པར་འགྱུར་རོ། །རྡོ་རྗེ་འཆང་དང་འདྲ་བའི་མཐུ་སྟོབས་སྟོན་པར་འགྱུར་རོ། །མགུལ་དུ་བཏགས་ཏེ་གཡུལ་ངོར་སོང་ན། གཅིག་པུས་དཔུང་གི་ཚོགས་ཡན་ལག་བཞི་ལས་རྒྱལ་བར་འགྱུར་ཞིང་སླར་ཡང་འོང་བར་འགྱུར་རོ། །སྤྱི་བོར་བཞག་སྟེ་རྒྱལ་པོའི་ཕོ་བྲང་དུ་སོང་ན། རྒྱལ་པོའི་བཙུན་མོའི་འཁོར་དང་བཅས་པ་དང ། བློན་པོ་དང ། བློན་པོ་ཆེན་པོ་དང ། བྲམ་ཟེ་མདུན་ན་འདོན་དང་བཅས་པ་དབང་དུ་འགྱུར་ཞིང་སྤྱི་བོ་ལ་དབང་བསྐུར་བར་འགྱུར། ཐམས་ཅད་དུ་ཐོགས་པ་མེད་པ་དང་ལྡན་པར་འགྱུར།་ལག་པ་ལ་བཏགས་ན། གང་ལ་རེག་པ་དེ་ཐམས་ཅད་དབང་དུ་འགྱུར། ནོར་དང ། འབྲུ་དང ། དབྱིག་དང ། ནོར་བུ་དང ། མུ་ཏིག་དང ། གསེར་ལ་རེག་པ་ཙམ་གྱིས་ཟད་མི་ཤེས་པར་འགྱུར། ས་བོན་གདབ་པ་དང ། བརྡ་བ་བྱས་ན། ཟད་མི་ཤེས་པར་འཕེལ་བར་འགྱུར། རིན་པོ་ཆེའི་ལག་པ་དང་འདྲ་བར་འགྱུར། འབྲུའི་ཕུང་པོ་འཕེལ་བར་ Pha368a ༄#། །འགྱུར།་ཉི་མ་རེ་རེ་ཟོས་ན། དྲན་པ་དང་བློ་ཆེན་པོ་འཕེལ་བར་འགྱུར། སྡིག་པ་ཐམས་ཅད་དང་བྲལ་བར་འགྱུར། ནད་ཐམས་ཅད་དང་བྲལ་བར་འགྱུར། རིམས་ཐམས་ཅད་སེལ་བར་འགྱུར། འབྲས་དང ། མཛེ་དང ། ལྷོག་པ་དང ། ལུའུ་ཏ་དང ། ཤུ་བ་དང ། གཡན་པ་དང ། གཡའ་བ་དང ། ཕོལ་མིག་ལ་བྱུགས་པ་ཙམ་གྱིས་འཇིག་པར་འགྱུར་ཞིང་ནམ་ཡང་ཚུགས་པར་མི་འགྱུར་རོ། །སྦྱོར་བ་ཟླ་བ་གཅིག་ཙམ་དུ་བྱས་ན། ཆོ་ག་ཞིབ་མོ་དང ། གསང་སྔགས་རིམ་པར་ཕྱེ་བ་དང ། ཕྱག་རྒྱ་དང ། དཀྱིལ་འཁོར་གྱི་མཆོག་འགྲུབ་པར་འགྱུར་རོ། །དུས་ཀུན་ཏུ་ལུས་ལ་ཐོགས་ན། མཚོན་གཟས་པས་ལུས་ལ་མི་ཚུགས་སོ། །ཆོམ་རྐུན་དང ། གཡོན་ཅན་ཐམས་ཅད་ཀྱིས་གླགས་རྙེད་པར་མི་འགྱུར་རོ། །ཐམས་ཅད་དུ་ཐོགས་པ་མེད་པར་འགྱུར། ཏིལ་མར་དང་ལྷན་ཅིག་བསྐོལ་ཏེ་ཀླད་པ་ན་བ་དང ། རྣ་བ་ན་བ་དང ། སོ་ན་བ་དང ། མིག་ན་བ་དང ། ཀླད་པ་ཕྱེད་ན་བ་ལ་འཇམ་ཙམ་བླུགས་པ་ཙམ་གྱིས་སྡུག་བསྔལ་ཐམས་ཅད་རབ་ཏུ་ཞི་བར་འགྱུར་ཞིང་ཕྱིན་ཆད་ནད་གང་ཡང་འབྱུང་བར་མི་འགྱུར་རོ། །གདོན་སྟོང་ཕྲག་དྲུག་ཅུ་རྩ་བརྒྱད་ལ་ཞུན་མར་དང་ཡུངས་ཀར་བསྲེས་ཏེ་བདུགས་ན། འདུས་ནས་ཕྱོགས་བཅུར་འབྱེར་ཞིང་ནམ་ཡང་གནས་ཀྱི་ས་ཕྱོགས་དེར་འོང་བར་མི་འགྱུར་རོ། །རང་གི་ Pha368b ཡིད་ལ་འདོད་པའི་དགོས་པ་གཞན་ཐམས་ཅད་ཀྱང་བྱེད་པར་འགྱུར་རོ། །དེ་ནས་ལྷ་ཐམས་ཅད་འགུགས་པ་དང ། བྱང་ཆུབ་སེམས་དཔའ་ཐམས་ཅད་སྤྱན་འདྲེན་པ། དེ་བཞིན་གཤེགས་པ་ཐམས་ཅད་ལ་སྐུལ་བ། རིག་སྔགས་འཆང་ཐམས་ཅད་ཀྱི་གྲུབ་པའི་མཐའ། གནོད་སྦྱིན་དང ། སྲིན་པོ་རྣམས་དང ། འབྱུང་པོའི་གདོན་རྣམས་དང ། བརྗེད་བྱེད་དང ། གནོད་སྦྱིན་མོ་རྣམས་དང ། ཡི་དྭགས་དང ། ཤ་ཟ་དང ། སྐེམ་བྱེད་ཐམས་ཅད་འབྱེར་བར་བྱེད་པ། སྡང་བའི་བདུད་རྣམས་གསོད་པ། ནད་ཐམས་ཅད་ཟློག་པ། གདུག་པའི་དུག་རྣམས་ཟློག་པ། མཆེ་བའི་དུག་དང ། གནས་པའི་དུག་དང ། འགྲོ་བའི་དུག་ཐམས་ཅད་ལ་ཐོགས་པ་མེད་པ་གྲུབ་པ། རིམས་ཐམས་ཅད་འཇོམས་པ། ཁྱད་པར་དུ་རིམས་ཉིན་བཞི་པ་འཇོམས་པ། བཞིན་དང་བར་བྱེད་པའི་གཙོ་བོ། །གོས་བདུག་པའི་མཆོག་།གསང་སྔགས་དང ། བྱད་ཐམས་ཅད་དབང་དུ་བྱེད་པའི་མཆོག་།གང་ལ་རྒྱལ་པོ་ཁྲོས་ནས་གཤེད་མས་མཚོན་གཟས་པ་ཡང་བདུག་པ་འདིས་བདུགས་ན། དེ་ཐམས་ཅད་ཞི་བར་འགྱུར་རོ། །དུག་དང ། དུག་སྦྱར་མ་དང ། སྲོག་ཆགས་ལུའུ་ཏ་དང ། སྦྲུལ་གྱིས་ཟིན་པ་དང ། སྲོག་ཆགས་གོ་ན་སེ་དང ། གཞན་ཡང་སྲོག་ཆགས་སྣ་ཚོགས་དུག་དང་བཅས་པ་མཆོག་ཏུ་མི་ཟད་པ་རྣམས་དང ། གལ་ཏེ་ཀླུ་འཇོག་པོས་ཟིན་ན་ཡང་བདུགས་པ་ཙམ་གྱིས་ Pha369a ༄#། །དུག་ཐམས་ཅད་མེད་པར་འགྱུར་རོ། །ནད་ཀུན་འཕྲོག་པ་གྲུབ་པ་སྟེ། །སྡིག་པ་ཐམས་ཅད་འཇིག་བྱེད་པ། །བསོད་ནམས་ཕུང་པོ་ཆེ་དང་མཉམ། །གྲུབ་པ་ལྷ་རྣམས་ཀུན་གྱིས་མཆོད། །བརྒྱ་བྱིན་སུམ་ཅུའི་ལྷ་དང་ནི། །ལྷ་མིན་ལྷན་ཅིག་གཡུལ་འགྱེད་ཚེ། །བདུག་པ་འདི་ཡིས་བདུགས་པ་དང ། ལྷ་མིན་དེ་བཞིན་ཕམ་པར་འགྱུར། ། དྲག་པོ་ཡིས་ནི་སུམ་བརྩེགས་བསྲེགས། །ཁྱབ་འཇུག་གིས་ནི་པ་ལི་བཅིངས། །མིའུ་ཐུང་གིས་ནི་ས་གཞི་མནན། །ལྷ་མིན་དབང་པོས་ཉི་ཟླ་དང ། །གཟའ་རྣམས་ཕམ་བྱས་འཁྲུགས་པར་གྱུར། །བདུག་པའི་རྒྱལ་པོས་ཁྱད་པར་གྱིས། །མིའུ་ཐུང་ནི་ཀུན་ལས་རྒྱལ། །སྒྱུ་མ་བྱེད་པ་སྟོང་ཕྲག་བརྒྱ། །རྟག་ཏུ་རྣམ་པར་རྒྱལ་བར་བྱེད། །བདུག་པའི་རྒྱལ་པོས་སྐྱ་བསེངས་རྣམས། །རྣམ་པར་ཕམ་པར་ཐེ་ཚོམ་མེད། །བདུད་ནི་བྱེ་བ་སྟོང་ཕྲག་བརྒྱ། །འདྲེན་པས་བྱམས་པའི་སྟོབས་ཀྱིས་བཏུལ། །བདུད་ནི་བྱེ་བ་སྟོང་ཕྲག་བརྒྱ།། བདུག་པའི་རྒྱལ་པོའི་མཐུ་སྟོབས་ཀྱིས། །སྡང་བའི་བདུད་ནི་ཡང་དག་ཟད། །རྒྱ་མཚོ་རྣམ་པར་དཀྲུགས་བྱས་པས། །རྒྱ་མཚོར་གནས་ཀུན་གཅེར་པུར་འགྱུར། །སྣོད་གཅིག་གི་ནི་སུམ་ཆ་བསྐམས། །ཡིད་བཞིན་ནོར་བུ་ཆུད་ཟོས་པས། །དོན་ཀུན་གྲུབ་པ་བདག་ཉིད་ཆེས། །བདུག་སྤོས་འདི་ཡིས་བདུགས་བྱས་ནས། །སླར་ཡང་རང་ Pha369b གི་ཁྱིམ་འོངས་ཏེ། །རྟག་ཏུ་རྒྱལ་མཚན་རྩེར་བཏགས་ནས། །བདུག་པ་འདི་ཡིས་བདུགས་བྱས་ཤིང ། །ཉིན་མཚན་བདུན་གྱི་བར་དུ་ནི། །རིན་ཆེན་བདུན་གྱི་ཆར་པ་ཕབ། །དེ་ལྟར་བདུག་པ་སྟོབས་ལྡན་ཡིན། །ལས་ཀྱིས་དོན་ཀུན་སྒྲུབ་པར་བྱེད། །གཡུལ་ཆེན་པོ་ལྷུང་བའི་ཀླུའི་མཚོར་དགའ་བོ་དང ། ཉེ་དགའ་བོས་རྒྱ་མཚོ་ཆེན་པོ་ལ་ལྷུན་པོའི་རི་རབ་ཀྱིས་བསྲུབས་པས། དུག་འཛགས་པ་མགྲིན་སྔོན་གྱིས་དུག་འཐུངས་པས་བདུག་པའི་རྒྱལ་པོས་བསྐོར་བས་དུག་མེད་པར་བྱས་སོ། །བདུག་པའི་རྒྱལ་པོ་འདིའི་མཐུས་བདུད་རྩིར་ཡོངས་སུ་བྱས་སོ། །དེ་ལྟར་བདུག་པའི་རྒྱལ་པོས་དུག་ཐམས་ཅད་འཇོམས་པར་ཐེ་ཚོམ་མེད་དོ། །གླིང་བཞི་པ་ཡི་དྲང་སྲོང་གིས། །དེས་ནི་མཎྜལ་ཕམ་པར་བྱས། །སྟན་ཕྱེད་ལ་ནི་ལོངས་སྤྱོད་པའི། །སྐྲ་ཅན་དབང་པོས་ལྟུང་བར་བྱས། །བདུག་པའི་རྒྱལ་པོ་བསམ་པ་ཡིས། །རྫུན་དུ་སྨྲ་བ་དེ་རྣམས་ཉམས། །དེ་ཕྱིར་བདེན་པར་སྨྲ་བའི་ཕྱིར། །བདུག་པ་འདི་ནི་བདེན་པ་ལྡན། །བདེན་པའི་རྒྱལ་པོས་རབ་ཏུ་བསྒྲགས། །བདེན་པའི་ཆོས་དང་བདེན་པར་སྨྲ། །མཐའ་དག་བསྡུས་ལས་བྱམས་པའི་སེམས། །འཇིག་རྟེན་ཀུན་ལ་རྟག་ཏུ་བྱམས། །སྙིང་རྗེ་དང་ནི་དགའ་བ་ཉིད། །བདུག་པ་གཞན་གྱིས་བདུགས་པ་འདི། །མཚོན་ཆ་ཐམས་ཅད་འཇོམས་པར་བྱེད། །བདེན་པས་བྱིན་གྱིས་བརླབས་པའི་བདུག་པ་ Pha370a ༄#། །འདི་དེ་བཞིན་གཤེགས་པ་ཐམས་ཅད་ཀྱིས་གསུངས་པ། འཇིག་རྟེན་དབང་ཕྱུག་མགོན་པོ་འཇིག་རྟེན་པའི་རྟག་ཏུ་བླ་མར་གྱུར་པའོ། །སེམས་ཅན་ཐམས་ཅད་ལ་ཕན་པའི་དོན་དུ་རིག་སྔགས་འཆང་རྣམས་ཀྱི་ཁྱད་པར་དུ་དམྱལ་བ་བཅུ་དྲུག་གི་འཇིགས་པ་མི་བཟད་པ་དང ། འཇིགས་པ་ཆེན་པོས་སྡུག་བསྔལ་གྱི་ཚོར་བ་མྱོང་བར་འགྱུར་བ་དང ། ཡི་དྭགས་ཀྱི་སྡུག་བསྔལ་གྱི་འཇིགས་པ་ཆེན་པོ་ཆེར་མི་ཟད་པ། རྟག་ཏུ་བཀྲེས་པ་དང་སྐོམ་པས་ཉེན་པ། ཀྱི་ཧུད་ཅེས་སྒྲ་སྒྲོག་པར་བྱེད་པའི་སྐྲག་པ་དེ་ལ་སྐྱབས་མེད་དོ། །སེམས་ཅན་ཐམས་ཅད་རྗེས་སུ་བརྩེ་བས་བརྟན་པར་ཀུན་ཏུ་བལྟ་བར་བྱའོ། །འཇིག་རྟེན་ཐམས་ཅད་ཀྱི་སྐྱབས་སུ་གསུངས་པ་ནི། བདུག་པའི་རྒྱལ་པོ་བླ་ན་མེད་པའོ། །བདུག་པ་འདིས་བདུགས་ཏེ་གང་གི་དོན་དུ་མིང་ནས་སྨོས་པ་ཡང་མ་རུངས་པའམ། ཡང་ན་བྱམས་པ་ཡང་རུང་སྟེ། ཡིད་ལ་བསམ་པ་རྣམས་སྒྲུབ་པར་བྱེད་དོ། །འདིས་བདུགས་ཏེ་བརྗོད་པ་ཙམ་གྱི་མོད་ལ་འདི་རྣམས་ཐམས་ཅད་རྟག་ཏུ་འགྲུབ་པར་བྱེད་དེ། སྤྱན་རས་གཟིགས་དབང་ཕྱུག་གི་གསུང་དགེ་པའོ། །གཟའ་ཟླ་བའམ། གཟའ་ཉི་མ་རྒྱུ་སྐར་ཉམ་བབ་ལ་གནས་པ། སྒྲ་གཅན་གྱིས་ཟོས་པ་རྣམས་དང ། མི་གང་ཡིན་པ་སྐྱེ་བའི་གནོད་པ་དང ། རྒྱལ་པོའམ། ཡང་ Pha370b ན་བུད་མེད་དམ། བློན་པོ་ཆེན་པོ་དང ། བློན་པོ་དང ། བཀྲབས་པ་དང ། མདུན་ན་འདོན་དང ། རྒྱལ་རིགས་དང ། བྲམ་ཟེ་དང ། དམངས་རིགས་དང ། རྗེ་རིགས་དང ། སྐྱེ་བོ་གཞན་དང ། འགྲོགས་པས་གནོད་པ་དང ། འཐབ་པ་ཉིད་དང ། སྡུག་བསྔལ་མི་བཟད་པས་ཉེ་བར་འཚེ་བ་ལ་བདུག་སྤོས་རྒྱལ་པོས་བདུགས་པས་དེའི་སྐད་ཅིག་ལ་དེ་དག་ཐམས་ཅད་མི་འབྱུང་ངོ ། །བཟའ་བ་དང་བཏུང་བ་ཤིན་ཏུ་ཞིམ་པོ་ཐོབ་སྟེ་གོས་མེད་པའི་སྐྱེ་བོས་གོས་དང ། རྒྱན་དང ། ལྷ་རྫས་ཀྱི་དྲི་དང ། ཕྲེང་བ་དང ། བྱུག་པ་དང ། གོས་དང ། བཞོན་པ་དང ། ཁྲི་དང ། ཉེ་བར་བསྟེན་པ་དང ། ལྷབ་ལྷུབ་ཐམས་ཅད་སྐད་ཅིག་གིས་འབྱུང་སྟེ། གལ་ཏེ་ཡང་དག་པར་སྦྱར་བ་ཡིན་ནའོ། །བསམ་པ་དང ། རེ་བ་དང ། ཡིད་ཀྱི་ཤིང་རྟ་ཐམས་ཅད་མངོན་པར་སྨྲས་པས་འགྲུབ་པར་བྱེད་དོ། །འཇིག་རྟེན་དབང་ཕྱུག་གི་གསུང་སྟེ། རྟག་ཏུ་འདི་དག་ཐམས་ཅད་འགྲུབ་བོ། །ཡི་དྭགས་རྣམས་ཀྱིས་ཟས་རྙེད་ཅིང ། ལྷ་རྫས་ཀྱི་གོས་དང ། རྒྱན་མཆོག་རབ་ཏུ་འགྱུར་རོ། །བདག་གི་སྡིག་པ་ཐམས་ཅད་རྟག་ཏུ་གྲོལ་བས་དམྱལ་བ་ལས་གྲོལ་ཏེ་དམྱལ་བ་མི་བཟད་པ་ཐམས་ཅད་ལས་གྲོལ་ལོ། །སྡུག་བསྔལ་ཐམས་ཅད་ལས་གྲོལ་ཏེ། སྐྱེ་བོ་བདེ་བ་ལ་རྩེ་བར་བྱེད་དོ། །བདེ་ཞིང་བདེ་འགྲོར་འགྲོ་ལ་བདེ་བ་ཐམས་ཅད་དུ་ཐོབ་པར་བྱེད་དོ། །བདུག་སྤོས་འདིས་བདུགས་པས་མཆོག་གི་ Pha371a ༄#། །དྲི་སྣོམ་པར་བྱེད་དེ། རྡུལ་དང་མུན་པ་ཅན་ཐམས་ཅད་བདུག་པ་བསྣམས་པས་སངས་པར་བྱེད་དེ། དཔེར་ན། ཉི་མ་ཤར་བས་འཇིག་རྟེན་གྱི་མུན་པ་རྣམ་པར་སངས་པར་བྱེད་པ་བཞིན་ནོ། །བདུག་པའི་རྒྱལ་པོ་འདིས་སྡུག་བསྔལ་ཐམས་ཅད་རྣམ་པར་ཉམས་པར་བྱེད་ཅིང་དམྱལ་བ་ཐམས་ཅད་དང ། སྡིག་པ་དང ། འཇིགས་པ་ཐམས་ཅད་ལས་གྲོལ་ཏེ་ས་བཅུ་པོ་ཐོབ་ཅིང ། བདེ་འགྲོའི་ལམ་བཟང་པོ་བསྟན་པ་དེའི་ཕྱིར་འབད་པ་ཐམས་ཅད་ཀྱིས་བདུག་པའི་རྒྱལ་པོ་འདི་སྦྱར་བར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བདུག་པ་ཆེན་པོའི་རྒྱལ་པོ་ཆེན་པོ་ཆོ་ག་ཞིབ་མོ་དང་རྗེས་སུ་མཐུན་པ་འདི་གསུངས་སོ། །འཇིག་རྟེན་མགོན་པོའི་སྤྱན་སྔར་མཆོད་རྟེན་ལ་སའི་ཕྱོགས་གང་དུ་བདུག་པ་འདིས་བདུག་པར་བྱ་སྟེ། དེ་བཞིན་གཤེགས་པའི་གནས་རྟག་ཏུ་བྱིན་གྱིས་བརླབས་པ་དང ། ཐམས་ཅད་དུ་རྒྱལ་བ་དང ། དེ་བཞིན་དུ་ལུང་བསྟན་པའི་སའི་ཕྱོགས་དེར་གངྒཱའི་བྱེ་མ་བྱེ་བ་ཁྲག་ཁྲིག་སྟོང་ཕྲག་སྙེད་ཀྱི་སངས་རྒྱས་རྣམས་བཞུགས་པ་དེར་རིག་སྔགས་འཆང་གིས་གང་དུ་བདུག་སྤོས་ཀྱི་བདུགས་པས་རྡོ་རྗེ་འཆང་བྱེ་བ་བརྒྱ་སྟོང་ཕྲག་རྣམས་དང ། རྒྱལ་པོ་ཆེན་པོ་བཞི་དཔུང་དང་བཅས། བཞོན་པ་ Pha371b དང་བཅས་པ་དང ། རྟག་ཏུ་རི་གངས་ལྡན་དང ། དེ་བཞིན་དུ་ནོར་བུ་བཟང་པོ་དང ། ལྔ་རྩེ་ན་དང ། གང་བ་བཟང་པོ་དང ། ཀེ་ལཱི་ཀཱི་ལ་དང ། གནོད་སྦྱིན་ཆེན་པོ་ཡང་དག་ཤེས་དང ། མི་ལ་ཞོན་པ་དང ། སངས་རྒྱས་སྟོབས་དང ། སྟོབས་པོ་ཆེ་དང ། སྒྲ་སྒོ་སྐྱོང་དང ། ན་ད་ཀུ་བེ་ར་དང ། རབ་འཇོམས་དང ། ཛྱ་ཊ་བ་ཀ་དང ། སྟོབས་ཀྱི་ལྷ་དང ། རྫུ་འཕྲུལ་ཆེན་པོ་སྟེ། འདི་རྣམས་སྡེ་དང་བཅས། དཔུང་དང་བཅས། བཞོན་པ་དང་བཅས་པས་ཉིན་མཚན་རྟག་ཏུ་གནས་ནས་དེ་བཞིན་ཉིད་དུ་སྲུང་བར་བྱེད་དོ། །བདག་གི་དཔལ་ས་གསུམ་གྱི་ལྷ་མོ་རྟག་ཏུ་མཆོད་པར་བྱེད་དོ། །རྟག་ཏུ་ས་གཞི་གང་དུ་བདུག་པ་རབ་ཏུ་བདུག་པར་བྱ་སྟེ། རྡོ་རྗེ་འཛིན་པ་དང ། དེ་བཞིན་ཉིད་དུ་གསང་བ་པ་དང་བཅས་པ་དང ། ཆོས་འཛིན་པ་ལ་མཁས་པ་རྣམས་རྟག་ཏུ་སྲུང་བར་བྱེད་ཅིང ། དེ་བཞིན་ཉིད་དུ་ཚངས་པ་དང ། དྲག་པོ་ལྷའི་བུ་རྣམས་དང་བཅས་པ་དང ། དེ་བཞིན་ཉིད་དུ་ཁྱབ་འཇུག་དང ། ལྷའི་རིས་སུམ་ཅུ་རྩ་གཉིས་པོ་ཐམས་ཅད་དུ་དུས་རྟག་ཏུ་ཡང་སྲུང་བར་བྱེད་དོ། །ཟླ་བ་དང ། ཉི་མ་དང ། དེ་བཞིན་དུ་སྒྲ་གཅན་དང ། རྒྱུ་སྐར་དང ། སྐར་མའི་ཚོགས་དང ། མཚན་མོའི་ལྷ་རྣམས་ཀྱིས་དུས་རྟག་ཏུ་སྲུང་བར་བྱེད་དོ། །འཇིགས་མ་དང ། དཔལ་མོ་དང ། དུང་ཅན་མའི་ལྷ་རྣམས་དང ། དབྱངས་ཅན་མ་དང ། ས་འཛིན་གྱི་ལྷ་རྣམས་དང ། ཆུ་ལྷ་དང ། ལྗོན་པ་དང ། Pha372a ༄#། །ནགས་ཀྱི་རྩེ་མོའི་ལྷ་དང ། རིའི་ལྷ་དང ། ཆུ་ཀླུང་དང ། ལྟེང་ཀའི་ལྷ་དང ། གཤིན་རྗེ་དང ། ཆུའི་ལྷ་དང ། ལུས་ངན་གྱི་ལྷ་དང ། གཞོན་ནུའི་ལྷ་དང ། ལྷའི་དྲང་སྲོང་བདག་ཉིད་ཆེ་བ་དང ། ལྟེང་ཀའི་ལྷ་དང ། ཆུ་ཀླུང་དང ། ལྟེང་ཀ་དང ། ལྷ་མ་ཡིན་དང་བཅས་པའི་ལྷ་རྣམས་དང ། ཟླ་བ་དང ། ཉི་མ་དང ། དེ་བཞིན་དུ་ལྷ་རྣམས་ཀྱིས་རྟག་ཏུ་སྲུང་བར་བྱེད་དོ། །རྟག་ཏུ་རྗེས་སུ་འབྲང་ཞིང ། ཉིན་མཚན་རྟག་ཏུ་རྒྱུན་མི་འཆད་པར་རྗེས་སུ་འབྲང་སྟེ་སའི་ཕྱོགས་གང་དུ་བདུག་སྤོས་འདིས་བདུགས་པའི་ས་ཕྱོགས་སུ་རྟག་ཏུ་ལྷའི་གནས་སུ་བྱིན་གྱིས་བརླབས་སོ། །འཇིག་རྟེན་དབང་ཕྱུག་དང ། མགོན་པོ་དང ། བླ་མ་དང ། རྣམ་པར་འདྲེན་པ་དང ། འཇིག་རྟེན་གྱི་སྐྱབས་དང ། མཆོག་སྦྱིན་པར་དེ་བཞིན་ཉིད་དུ་རྟག་ཏུ་རྒྱུན་མི་འཆད་པར་གནས་སོ། །གནས་དེར་བདུག་སྤོས་གང་ཡིན་པ་དེ་དག་གིས་མཆོག་ཏུ་བདུག་པར་བྱའོ། །དྲི་མནམས་པ་ཙམ་གྱིས་མྱུར་དུ་སངས་རྒྱས་ཉིད་ཐོབ་བོ་ཞེས་སོ། །སེམས་ཅན་ཀུན་ལ་ཕན་དོན་ཕྱིར། །སྡུག་བསྔལ་ཐམས་ཅད་ལྡོག་བྱེད་པའི། །རྫས་ཀྱི་མིང་རྣམས་བཤད་བྱ་ཡི། །ལྷ་དང་མི་རྣམས་མཉན་པར་གྱིས། ། ག་རུ་དང་རྒྱ་སྤོས་ཉིད། །དེ་བཞིན་ཙནྡན་སེར་པོར་བཅས། །པྲྀཀྐ་ཉིད་དང་གི་ཧཾ་དང ། །ཀུན་ཏུ་རུ་བཅས་མ་ཧེའི་མིག་།རོ་དང་སྲ་རྩི་པོག་ Pha372b ཉིད་དང ། དེ་བཞིན་གུར་གུམ་ན་ལནྡ། ཨ་རུ་ར་བཅས་དཔལ་བསྐོར་བ། །སཱ་མ་ཀཾ་དང་སྤང་སྤོས་བཅས། །པྲི་ཡཾ་གུ་བཅས་ཏུ་རུསྐ། །ཀ་ཡསྠ་དང་བ་ཡསྠ། །ན་མེ་རུ་དང་གླ་སྒང་བཅས། །རུ་ཏ་ཨ་ག་རུ་ནག་ཉིད། །ག་པུར་དང་ནི་གླ་རྩི་ཉིད། །ལཾ་ཀ་གསེར་ཤིང་འབྲས་བུ་དང ། །རྒའི་འོ་མ་གསེར་འོ་མ། །སྣུ་ཧའི་འོ་མ་ཉིད་དང་ནི། །ཐོད་པ་སྐལ་པ་ལྡན་ཉིད་དང ། །སོ་མ་རཱ་ཛ་ཁྱབ་འཇུག་མནོན། །ཤིང་དགའ་རྒྱལ་དང་རྣམ་རྒྱལ་ཉིད། །ནཱ་ཀུ་ལཱི་དྲི་ནཱ་ཀུ་ཡཱི། །ཚངས་པའི་བུ་དང་ཀུ་མུ་དང ། །པདྨའི་ཆུ་བ་སྦྲང་རྩི་དང ། །བུ་རམ་དཀར་པོའི་ཁུ་བ་དང ། །འདི་རྣམས་ལྷན་ཅིག་སྦྱར་བ་ཡི། །བདུག་པའི་མཆོག་འདི་བསྒྲུབ་པར་བྱ། །མཁས་པས་ལེགས་པར་ཁྲུས་བྱས་ཏེ། །གཙང་མས་གཙང་མའི་གོས་བགོས་ཤིང ། །ཟླ་བ་ཉའམ་བཅུ་བཞི་ལ། །བཅུ་གསུམ་པའམ་ཚེས་བརྒྱད་ལ། །རྟག་ཏུ་སྦྱར་བྱ་ཉིན་མཚན་གཟུང ། །སྔགས་ལ་མཁས་པས་བདུག་སྤོས་འདི། །སོ་སོ་སོ་སོར་ཀུན་སྦྱར་ནས། །ཕྱོག་རྒྱ་དཀྱིལ་འཁོར་གསང་སྔགས་དང ། །མེ་ཏོག་བདུག་སྤོས་དྲི་རྒྱ་ཆེན། །མཆོད་པའི་ཆོ་ག་འདི་ཡིས་དང ། །གཏོར་མའི་ལས་ལ་མཁས་པ་དང ། །མཆོད་ཡོན་སྣོད་ནི་གང་བ་དང ། །མགོ་ལའང་དྲི་དང་ཏིལ་མར་གྱི། །མར་མེ་ལེགས་གྲུ་གནས་སུ་ནི། །ལེགས་སྦས་གཙང་མར་གནས་དེ་སྒྲུབ། །ལེགས་སྦས་གཙང་མར་གནས་པ་ཡིས། །སློང་མ་ Pha373a ༄#། །མཆོག་གི་གྲོགས་ཀྱིས་ནི། །དོན་ཡོད་ཞགས་པའི་སྤྱན་སྔ་རུ། །འདུག་ནས་ཡོངས་སུ་དག་པའི་ལུས། །སྡོམ་དང་བྱམས་པའི་སེམས་བཞག་ནས། །སེམས་ཅན་ཀུན་ལ་སྙིང་རྗེའི་བདག་།སངས་རྒྱས་རྗེས་སུ་དྲན་སྒོམ་ཞིང ། །གསང་སྔགས་བཟླས་པ་མཆོག་གྱིས་ཤིག་།དེ་བཞིན་གཤེགས་པ་ཐམས་ཅད་ལ་དམིགས་ཏེ་འཇིག་རྟེན་དབང་ཕྱུག་གི་ཞལ་ནས་བྱུང་བ་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད། ཁྲོ་བོའི་རྒྱལ་པོ་སྟོང་རྩ་བརྒྱད། དོན་ཡོད་གྲུབ་པ་བརྒྱ་རྩ་བརྒྱད་ཚིག་དང་ཡི་གེ་ཤིན་ཏུ་གསལ་བར་བཟླས་ནས་དོན་ཡོད་པའི་རྒྱ་མཚོའི་ནོར་བུ་པདྨ་ལ་རྣམ་པར་ལྟ་བའི་དཔལ་དྲི་མ་མེད་པ་དོན་ཡོད་པའི་ཞགས་པའི་སྙིང་པོ་སྟོང་ཕྲག་བཅུ་བཟླས་ཏེ། དེ་ནས་གསང་སྔགས་འདི་སྟོང་ཕྲག་བརྒྱ་བཟླའོ། །ོཾ་སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨ་མོ་གྷ་ཧྲྀ་ད་ཡན། ཙ་ར་ཙ་ར་ཙ་ར། མ་ཧཱ་ཀུ་རུ་ཎི་ཀཱ་ཡ། སཱ་དྷེ་ཡ་ཧཱུཾ། ཨ་བྷི་ཥིཉྩ་ཡ་ཨ་མོ་གྷ་པཱ་ཤ་ཧ་སྟེ་སཝཱ་ཧཱ། དེ་ནས་གསང་སྔགས་བཟླས་བརྗོད་བྱས་ཏེ་མཉམ་པར་བཞག་ལ་ལས་ཐམས་ཅད་ལ་མཁས་པས་བདུག་སྤོས་ཀྱི་མཆོག་ལ་བཟླས་པ་ཙམ་གྱི་མོད་ལ་བདུག་སྤོས་ཀྱི་རྒྱལ་པོ་ལ་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པར་འགྱུར་རོ། །དོན་ཡོད་པའི་ཞགས་པ་ Pha373b སྣང་བ་རྒྱ་ཆེ་བ། ནོར་བུ་ཆེན་པོའི་སྤྲིན་དྲི་མ་མེད་པ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱིས་རྣམ་པར་གཟིགས་པ། འཕགས་པ་སྤྱན་རས་གཟིགས་དབང་ཕྱུག་གི་མཆོག་སྦྱིན་པའི་འཁོར་ལོས་བསྒྱུར་བ་ཞེས་བྱ་བའི་བདུག་པའི་རྒྱལ་པོ་ཡིན་ཏེ། ཐོག་མར་དེ་བཞིན་གཤེགས་པ་ཐམས་ཅད་ལ་སྔགས་འདི་ལན་བདུན་བཟླས་ཏེ་བདུག་པ་དབུལ་བར་བྱའོ།། ཨོཾ་སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་མ་ཧཱ་ཨ་མོ་གྷ་ཛ་ཡ་ཛ་ཡ་སཝཱ་ཧཱ། དེའི་འོག་ཏུ་བདག་རང་ལ་བདུགས་ན། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རློབ་པར་འགྱུར་རོ། ། བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་བདུགས་པ་ཙམ་གྱི་མོད་ལ་འཕགས་པ་སྤྱན་རས་གཟིགས་དབང་ཕྱུག་གི་སྐུ་སྟོན་པར་འགྱུར་རོ། །དགེ་སྦྱོང་དང་བྲམ་ཟེའི་གཟུགས་ཀྱིས་དེ་དང་ལྷན་ཅིག་སྨྲ་བར་བྱེད་དེ། གང་ལ་སྨྲས་པ་དང ། གང་ལ་གཏམ་བྱས་པ་དེ་ཐམས་ཅད་ཚེ་འདི་ལ་འགྲུབ་པར་འགྱུར་རོ། །དེའི་འོག་ཏུ་མཚན་མོ་རང་གི་གཟུགས་སྟོན་པར་འགྱུར་ཞིང་མཆོག་སྦྱིན་པར་མཛད་དོ། །དོན་ཡོད་པའི་ཞགས་པའི་ཡེ་ཤེས་ཐོབ་པར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། སྔོན་གྱི་སྒྲིབ་པ་དང་སྡིག་པ་དམྱལ་བའི་ཚོར་བ་མྱོང་བར་འགྱུར་བ་ཟད་ཅིང་མཐར་ཐུག་པར་འགྱུར་རོ། །གང་དག་གི་ལུས་ལ་ Pha374a ༄#། །བདུགས་པ་ཙམ་དང ། མཐོང་བ་ཙམ་གྱི་མོད་ལ་ཐམས་ཅད་དབང་དུ་འགྱུར་རོ། །ཡུལ་འཁོར་དང ། གྲོང་ཁྱེར་དང ། གྲོང་རྡལ་དང ། ལྗོངས་དང ། རྒྱལ་པོ་བཙུན་མོའི་འཁོར་དང་བཅས་པ་དང ། བློན་པོ་དང ། བློན་པོ་ཆེན་པོ་དང ། བཀྲབས་པ་དང ། བྲམ་ཟེ་མདུན་ན་འདོན་དང་བཅས་པ་དབང་དུ་འགྱུར་ཞིང་ཐམས་ཅད་བགྱི་བ་ཅི་མཆིས་ཞེས་བྱ་བ་བྱེད་པར་འགྱུར་རོ། །རིགས་བཞིའི་འཇིག་རྟེན་དབང་དུ་འགྱུར་རོ། །ཚེས་བཅུ་བཞི་དང ། བཅོ་ལྔ་དང ། ཚེས་བརྒྱད་ལ་ཁྲུས་ལེགས་པར་བྱས་ཏེ་གོས་གཙང་མ་བགོས་ལ།་བ་ལས་བྱུང་བ་ལྔས་བྱུགས་པས་ཁྱིམ་གྱི་ཕུགས་སུ་དཀྱིལ་འཁོར་བྱས་ལ་མེ་ཏོག་དང་མཆོད་ཡོན་གྱི་སྣོད་གཞག་པར་བྱ། གཏོར་མ་དཀར་པོ་ཉེ་བར་གཞག་པར་བྱ། དེ་བཞིན་གཤེགས་པ་ཐམས་ཅད་ལ་དམིགས་ལ་བྱང་ཆུབ་སེམས་དཔའ་ཐམས་ཅད་ལ་དམིགས་ཏེ་ཕྱོགས་བཞིར་ཕྱག་བྱས་ལ་བདུག་པའི་རྒྱལ་པོ་འདིས་བདུགས་པ་བྱས་ན།་བདུགས་པ་ཙམ་གྱི་མོད་ལ་ཕྱོགས་བཅུ་མཐའ་ཡས་མུ་མེད་པའི་སངས་རྒྱས་ཀྱི་ཞིང་རྣམས་ཀྱི་རྡུལ་ཕྲ་མོ་སྙེད་ཀྱི་དེ་བཞིན་གཤེགས་པས་ཡོངས་སུ་གང་བ་ལ་འདི་ལྟ་སྟེ། སངས་རྒྱས་ཀྱི་ཞིང་རེ་རེར་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་སྟོང་ཕྲག་བརྒྱ་ལ་བདུག་པའི་སྤྲིན་འཁྲིགས་པ། ལྷའི་སྤོས་ཀྱིས་བསྒོས་པ། Pha374b མི་མཉམ་པ་དང་མཉམ་པའི་བདུག་སྤོས་ཆེན་པོ་ཙནྡན་སྦྲུལ་གྱི་སྙིང་པོ་དང ། གོ་ཤིཪྵ་དང ། ཏ་མ་ལའི་ལོ་མ་དང ། བདུག་སྤོས་མང་པོ་ནམ་མཁའི་ངོས་ཁེབས་པས་མཆོད་པར་འགྱུར་རོ། །བྱང་ཆུབ་སེམས་དཔའི་འཁོར་རྣམས་དང ། སུམ་ཅུ་རྩ་གསུམ་ན་གནས་པའི་ལྷ་བརྒྱ་བྱིན་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་ལ་སོགས་པ་འོག་མིན་གྱི་གནས་ན་གནས་པའི་ལྷའི་བར་ཐམས་ཅད་བདུག་པའི་དྲིས་རབ་ཏུ་དགའ་བར་འགྱུར་རོ། །རྒྱུ་སྐར་དང ། སྐར་མའི་ཚོགས་དང ། ཉི་མ་དང ། ཟླ་བ་ཐམས་ཅད་དགའ་བར་འགྱུར་ཏེ། འདི་ལ་ཐེ་ཚོམ་མི་བྱ་ཞིང་ཡིད་གཉིས་བསྐྱེད་པར་མི་བྱའོ། །སྐད་ཆེན་པོས་དོན་ཡོད་པའི་ཞགས་པའི་སྙིང་པོ་བཟླས་པ་བྱས་ན། དེས་ན་སངས་རྒྱས་ཀྱི་ཞིང་ཐམས་ཅད་ན་བཞུགས་པའི་དེ་བཞིན་གཤེགས་པས་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་ཞིང ། རིག་སྔགས་འཆང་དེ་ལ་ཡང་དེ་བཞིན་གཤེགས་པས་བྱིན་གྱིས་རློབ་པར་འགྱུར། དུས་ཀུན་ཏུ་དགོངས་པར་འགྱུར། ཡང་དང་ཡང་དུ་གཟིགས་པའི་ཕྱིར་བྱོན་པར་འགྱུར་རོ། །བདེ་བ་ཅན་ན་བཞུགས་པ་དེ་བཞིན་གཤེགས་པ་ཚེ་དཔག་མེད་དང ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་དང ། མཐུ་ཆེན་ཐོབ་ལ་སོགས་པ་བྱང་ཆུབ་སེམས་དཔའ་ཐམས་ཅད་ཐུགས་རབ་ཏུ་དགྱེས་པར་འགྱུར། རིག་སྔགས་ Pha375a ༄#། །འཆང་ལ་དོན་ཡོད་པ་ཆེན་པོའི་དངོས་གྲུབ་སྩོལ་བར་མཛད་གཟིགས་བཞེད་པར་འགྱུར་རོ། །ཀླུ་ཐམས་ཅད་ལ་བདུགས་པ་ཙམ་གྱིས་དབང་དུ་འགྱུར་ཞིང་ཧ་ཅང་ཆར་ཆེས་ན་གཅོད་པར་བྱེད་ཅིང ། ཆར་མི་འབེབ་ན་འབེབས་པར་བྱེད་དོ། །རླུང་དང ། སེར་བ་དང ། སྤྲིན་ཐམས་ཅད་གཅོད་པར་བྱེད། བདུགས་པ་ཙམ་གྱིས་གདོན་ཐམས་ཅད་འཇིག་པར་འགྱུར། བགེགས་དང་ལོག་འདྲེན་ཐམས་ཅད་ཕྱོགས་བཅུར་དཔག་ཚད་སྟོང་དུ་འབྲོས་པར་འགྱུར། མ་མོའི་གནས་སུ་བདུགས་ན་རླུང་དང ། སེར་བ་དང ། སྤྲིན་ཐམས་ཅད་གཅོད་པར་བྱེད། མ་མོའི་ཚོགས་དང ། ནག་པོ་ཆེན་པོ་ལ་སོགས་པ་འགུགས་པར་འགྱུར་ཞིང་དབང་དུ་གྱུར་ནས་འདུག་པར་འགྱུར། བྱ་བ་ཐམས་ཅད་བྱེད་པར་འགྱུར་རོ། །གཡུལ་འགྱེད་པའི་ཚེ་བདུགས་ན་དཔུང་གི་ཚོགས་ཡན་ལག་བཞི་པའི་དཔུང་ལས་རྒྱལ་བར་འགྱུར། ཐམས་ཅད་དུ་བདུགས་པ་ཙམ་གྱིས་རྒྱལ་བར་འགྱུར། ཐམས་ཅད་དུ་སྦྱར་བར་བྱས་ན་ཀུན་ཏུ་གྲུབ་པ་ཆེན་པོར་འགྱུར་རོ། །བདུག་པའི་ཆོ་གའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་གཅིག་པ། དེ་ནས་རིག་སྔགས་འཆང་རྣམས་ལ་ཕན་པ་དང ། བདེ་བའི་ཕྱིར་ཐིག་ལེ་བྱ་བ་དང ། གདོང་བཀྲུ་བ་དང ། ལུས་བསྐུ་བ་བྱས་ན་ཡ་ལད་ Pha375b དང་གོ་ཆ་བགོས་པ་དང་འདྲ་བར་འགྱུར་བ་བཤད་པར་བགྱི་ཡི། བཅོམ་ལྡན་འདས་གསན་དུ་གསོལ། དོན་ཡོད་པའི་ནོར་བུ་རྒྱ་ཆེན་པོ་རྡོ་རྗེའི་ཞགས་པ་ཞེས་བྱ་བའི་ནོར་བུ་གང་སྦྱོར་བར་བྱས་པ་ཙམ་གྱིས་ཐམས་ཅད་འགྲུབ་པ། བླ་ན་མེད་པ། མཁས་པས་མཛོད་སྤུ་རྣམས་སུ་ཐིག་ལེ་བྱས་ན། ཚོགས་ཀྱི་ནང་དང ། སྐྱེ་བོ་མང་པོའི་ནང་དང ། དགེ་འདུན་གྱི་ནང་དང ། དེ་བཞིན་དུ་རིགས་བྱེད་ཀྱི་ཚོགས་བཞིའི་ནང་དུ་སྐར་མའི་ཚོགས་ཀྱི་ནང་ན་ཟླ་བ་ཚེས་པ་བཞིན་དུ་མཛེས་ཤིང་འཇིགས་པ་མེད་དོ། །ལྷ་རྣམས་ཐམས་ཅད་ཡ་མཚན་སྐྱེ། །དྲག་པོ་ཡི་ནི་ཅོད་པན་འཆང ། །འཇིག་རྟེན་མགོན་པོའི་གཡས་ཀྱི་དབུའི། །དབུ་རྒྱན་རྩེ་ཕྲན་ཟླ་ཚེས་བཞིན། །གདོང་བཀྲུ་བ་ནི་མཆོག་ཡིན་ནོ། །ཟླ་བ་ཉ་བའི་འོད་དང་མཚུངས། །སྨིན་མ་རྣ་བ་དཔྲལ་བ་དང ། །པདྨ་དཀར་ཤམ་ཤིན་ཏུ་འཇམ། །མིག་གཉིས་ཨུཏྤལ་སྔོན་པོ་འདྲ། །སེམས་ཅན་ཐམས་ཅད་དགའ་བས་བལྟ། །དགའ་ཞིང་རྟག་ཏུ་ཚིག་བཙན་འགྱུར། ། དེ་ཡི་མིག་གིས་གང་མཐོང་བ། །ཐམས་ཅད་དབང་དུ་གྱུར་པར་འགྱུར། །སྐྱེས་པ་ལ་ནི་བསྐུ་བྱས་ན། །རྟག་ཏུ་རིགས་སྨྲ་བློ་ཆེ་ཞིང ། །རྟག་ཏུ་ཡ་ལད་གོ་བགོས་པའི། །འཇིགས་པ་མེད་པའི་ལུས་སུ་འགྱུར། །འབྱུང་པོ་རྣམས་ནི་མི་བཟོད་ཅིང ། །གནོད་སྦྱིན་འབྱུང་པོ་གསང་བ་པས། །རྟག་ཏུ་ཐུབ་པར་མི་འགྱུར་རོ། །སྟོབས་ཆེན་ཕ་རོལ་གནོན་པ་དང ། །རྟག་ Pha376a ༄#། །ཏུ་སྲེད་མེད་སྟོབས་ལྡན་ཞིང ། །གླང་ཆེན་སྟོབས་ཀྱི་སྟོབས་ལྡན་འགྱུར། །ལྷ་རྣམས་འདར་ནི་ཡེད་ཡེད་ཅིང ། །ཀླུ་རྣམས་མཚོ་ན་སྐྲག་པར་བྱེད། །གལ་ཏེ་རིག་སྔགས་སྨྲ་བ་ཡིས། །རེག་ན་རི་རབ་ལྷུན་པོ་ཡང ། །གཡོ་བར་འགྱུར་བ་ཐེ་ཚོམ་མེད། །རྟག་ཏུ་སྲེད་མེད་སྟོབས་ལྡན་ཞིང ། །སྟོབས་དང་གཟུགས་དང་རྩལ་ལྡན་འགྱུར། །ནོར་བུ་རྒྱལ་པོ་བླ་ན་མེད། །འདི་ནི་ཐོས་པ་ཙམ་གྱིས་སུ། །སྡིག་པ་ཀུན་ལས་ངེས་གྲོལ་ཞིང ། །དུག་རྣམས་ཐམས་ཅད་འཇོམས་པར་བྱེད། །དཔལ་དང་སྐལ་བཟང་རྟག་ཐོབ་འགྱུར། །གང་གི་ལག་ཏུ་ཐོགས་འགྱུར་བ། །སྒྲིབ་པ་ཀུན་ལས་ངེས་གྲོལ་ཞིང ། །དེ་བཞིན་འཇིག་རྟེན་དགའ་བར་འགྱུར། །དེ་ན་དེ་བཞིན་གཤེགས་ཀུན་གྱི། །ཐུགས་སྐྱེས་གསུང་སྐྱེས་སྲས་སུ་འགྱུར། །འཕགས་པ་སྤྱན་རས་གཟིགས་དབང་ཕྱུག་།བླ་མ་རྟག་ཏུ་རྗེས་འབྲང་ཞིང ། །རིག་སྔགས་སྨྲ་བ་དབུགས་དབྱུང་ཕྱིར། ། དེ་བཞིན་དུ་ནི་སྲུང་བ་དང ། །རྟག་ཏུ་མཆོག་ནི་སྦྱིན་པར་འགྱུར། །འཇིག་རྟེན་མགོན་པོ་ཐུབ་ཆེན་གྱིས། །བསོད་ནམས་ཕུང་པོ་ཆེན་པོ་ཐོབ། །གང་ཞིག་ནོར་བུ་འདི་འཆང་བ་དེ་དེ་བཞིན་གཤེགས་པ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་རྩ་བཞི་སྙེད་ལས་དགེ་བའི་རྩ་བ་བསྐྱེད་པར་འགྱུར། དེ་བཞིན་གཤེགས་ Pha376b པ་དེ་དག་ཐམས་ཅད་མཐོང་ཞིང་དངུགས་འབྱིན་པ་དང ། ཕྱི་བཞིན་འབྲང་བར་འགྱུར་རོ། །དཔལ་དང་སྐལ་པ་བཟང་པོ་ཐམས་ཅད་དང་ལྡན་པར་འགྱུར། རྟག་ཏུ་ལུས་དང་ངག་དང་ཡིད་ཡོངས་སུ་དག་པར་འགྱུར། སེམས་ཅན་ཐམས་ཅད་ཀྱི་མཆོད་པ་གཅིག་པུར་འགྱུར། དགྲ་ཐམས་ཅད་ཀྱིས་མི་སོད་པར་འགྱུར། ཕྱག་ན་རྡོ་རྗེས་དེ་ལ་རྟག་ཏུ་བསྲུང་བ་དང ། བསྐྱབ་པ་དང ། སྦ་བའི་ཕྱིར་གནས་པར་འགྱུར། ཕྱག་ན་པདྨ་ཡང་རྟག་ཏུ་མཆོག་སྦྱིན་པར་འགྱུར་རོ། །རིག་སྔགས་འཆང་འདི་ནི། དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པ་དེ། འདིར་དེ་བཞིན་གཤེགས་པ་ཐམས་ཅད་ཀྱི་ནོར་བུ་ཆེན་པོ་བཟུང་བས་སྡང་བ་བདུད་ལ་སོགས་པ་ཐམས་ཅད་དང ། བགེགས་དང ། ལོག་འདྲེན་ཐམས་ཅད་ལས་རྒྱལ་ཏེ། ཕ་རོལ་ཏུ་ཕམ་པར་མཛད་ནས་ཆོས་ཀྱི་འཁོར་ལོ་བསྐོར་རོ། །འདིས་རྔ་བོ་ཆེ་ལ་བསྐུས་ཏེ་བརྡུངས་ན། ཆོས་ཀྱི་རྔ་བོ་ཆེ་བརྡུངས་པར་འགྱུར་རོ། །གང་དག་སྒྲ་ཐོས་པ་ཙམ་གྱིས་སེམས་ཅན་ཐམས་ཅད་ཀྱི་མཚམས་མེད་པ་ལྔའི་སྡིག་པ་རབ་ཏུ་ཞི་བར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པའི་རི་དྭགས་དང ། བྱ་གང་ཡིན་པ་དེ་དག་ཐམས་ཅད་ཀྱང་ཡོངས་སུ་གྲོལ་བར་འགྱུར་རོ། །འཕགས་པ་ལ་སྐུར་པ་འདེབས་པ་དང ། དམ་པའི་ཆོས་སྤོང་པ་དང ། མནར་མེད་པ་ལ་གཞོལ་ཞིང་གནས་ Pha377a ༄#། །པ་དག་ལས་ཡོངས་སུ་གྲོལ་བར་འགྱུར། དམྱལ་བ་ཆེན་པོ་བཅུ་དྲུག་ལས་ཡོངས་སུ་གྲོལ་བར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། དེ་ལ་དུག་གི་འཇིགས་པ་འབྱུང་བར་མི་འགྱུར། མེའི་འཇིགས་པ་འབྱུང་བར་མི་འགྱུར། མཚོན་གྱི་འཇིགས་པ་འབྱུང་བར་མི་འགྱུར། དུས་མ་ཡིན་པར་འཆི་བའི་འཇིགས་པ་འབྱུང་བར་མི་འགྱུར། རིམས་ཐམས་ཅད་ཀྱི་འཇིགས་པ་འབྱུང་བར་མི་འགྱུར། འདི་དུང་ལ་བསྐུས་ཏེ་བུས་ན། ཆོས་ཀྱི་དུང་ཆེན་པོ་བུས་པར་འགྱུར། ཐ་ན་དུང་གི་སྒྲ་ཐོས་པའི་བར་དེ་དག་ཐམས་ཅད་ཀྱང་སླར་ལྡོག་པར་མི་འགྱུར། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དག་ཀྱང་སྐྱེ་བ་དང ། རྒ་བ་དང ། ནད་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པའི་སྡུག་བསྔལ་ལས་ཡོངས་སུ་གྲོལ་བར་འགྱུར། འདི་ནི། སྐྱེ་བ་ཕྱི་མ་ཡིན་ཏེ། ཤི་ནས་ཐམས་ཅད་རིས་མཐུན་པར་བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེ་བར་འགྱུར་རོ། །ལུས་སྐྱེས་བུ་ཆེན་པོའི་མཚན་དང ། དཔེ་བྱད་ཀྱིས་བརྒྱན་པ། རྒྱན་ཐམས་ཅད་ཀྱིས་ཀླུབས་པ།་པདྨ་ལས་སྐྱིལ་མོ་ཀྲུང་བཅས་ཏེ་སྐྱེ་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་འོད་དཔག་མེད་ལས་མངོན་སུམ་དུ་ཆོས་ཀྱི་གཏམ་ཐོས་པར་འགྱུར་ Pha377b རོ། །ཟླ་བ་ཡར་གྱི་ངོ་ལ་ཅོད་པན་དཀར་པོ་བཅིངས་ཏེ་ནོར་བུ་ཆེན་པོ་འདི་རྒྱལ་མཚན་གྱི་རྩེ་མོ་ལ་བཏགས་ན། བསྒྲེངས་པ་ཙམ་གྱི་མོད་ལ་ཆོས་ཀྱི་རྒྱལ་མཚན་བསྒྲེངས་པར་འགྱུར་རོ། །འདི་རྒྱལ་མཚན་གྱི་རྩེ་མོ་ལ་བཏགས་པ་མཐོང་བ་ཙམ་གྱིས་དེ་བཞིན་གཤེགས་པ་བྱང་ཆུབ་ཀྱི་སྙིང་པོར་ཆོས་ཀྱི་འཁོར་ལོ་བསྐོར་བ་དང ། བདུད་འདུལ་བའི་རྒྱལ་མཚན་བསྒྲེང་བར་རིག་པར་བྱའོ། །འདི་བསྒྲེངས་པ་ཙམ་གྱིས་འཐབ་པ་དང ། རྩོད་པ་དང ། ཁྲག་ཁྲུག་ཐམས་ཅད་ཞི་བར་འགྱུར། གནོད་པ་ཐམས་ཅད་དང ། མི་ངས་དང ། མུ་གེའི་དགོན་པ་རབ་ཏུ་ཞི་བར་འགྱུར། ཆོམ་པོ་དང ། གཡོན་ཅན་དང ། རྐུན་མ་དང ། ཕྱིར་རྒོལ་བ་དང ། མི་མཛའ་བ་འཇིག་པར་འགྱུར། རང་གི་དཔུང་དང ། གཞན་གྱི་དཔུང་དང ། སྡང་བའི་སེམས་ཅན་རབ་ཏུ་ཞི་བར་འགྱུར། དུག་མི་བཟད་པ་དང ། གཅན་གཟན་གཏུམ་པོ་དང ། བྱ་དང ། སྦྲང་བུ་དང ། ཤ་སྦྲང་དང ། བྱི་བ་དང ། སྡིག་སྦྲུལ་དང ། འབྲས་དང ། ལུའུ་ཏ་དང ། དུག་དང ། ཤུ་བ་དང ། ལྷོག་པ་དང ། མཚན་བར་རྡོལ་བ་དང ། སྐེ་བགེགས་པ་ཐམས་ཅད་འཇིགས་པར་འགྱུར། སྡང་བའི་ཀླུ་དང ། སེར་བ་དང ། གྲང་པ་དང ། རླུང་གིས་མི་ཚུགས་ཤིང་ནད་ཐམས་ཅད་རབ་ཏུ་ཞི་བར་འགྱུར་རོ། །བདེ་བ་དང ། དགའ་བ་དང ། ལོ་ལེགས་པ་དང ། སྐྱེ་བོ་མང་པོ་དང ། མི་མང་པོས་ཡོངས་སུ་གང་ Pha378a ༄#། །ཞིང་འབྱོར་པར་འགྱུར། ཆོས་འདོད་ཅིང་ཆོས་ཀྱི་ཀུན་དགའ་ལ་དགའ་བ་དང ། མགུ་བར་འགྱུར། མེ་ཏོག་དང ། འབྲས་བུ་དང ། ལོ་ཏོག་དང ། ཟས་དང ། སྐོམ་རོ་ཞིམ་པ་དང ། ཤིན་ཏུ་འཇམ་པ་ཕུན་སུམ་ཚོགས་པར་འགྱུར། ཐམས་ཅད་དུ་ལྷའི་རེག་པ་དང་བཅས་པའི་བཟའ་བ་དང་བཏུང་བ་འབྱུང་བར་འགྱུར་རོ། ། སྡང་བའི་གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། ཕྲ་མེན་མ་དང ། ཡི་དྭགས་དང ། བརྗེད་བྱེད་དང ། སྲུལ་པོ་དང ། ལུས་སྲུལ་པོ་དང ། སྐེམ་བྱེད་དང ། གྲིབ་མ་དང ། བཟའ་ཉེས་དང ། འགོམ་ཉེས་དང ། བལྟ་ཉེས་དང ། གྲིབ་མ་ངན་པ་ཞི་བར་འགྱུར་ཞིང་མི་ཚུགས་པར་འགྱུར། སེམས་ཅན་དེ་དག་ཐམས་ཅད་ཕན་ཚུན་བྱམས་པའི་སེམས་སུ་འགྱུར། མཆོག་ཏུ་ཡིད་བདེ་བའི་གནས་པས་གནས་པས་གནས་པར་འགྱུར་རོ། །ཡོན་ཏན་དང་ཕན་ཡོན་ཆེན་པོ་དེ་དག་ནི། ནོར་བུའི་རྒྱལ་པོ་ཆེན་པོའི་བྱིན་གྱིས་བརླབས་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱི་སྤྱན་སྔ་ན་བཞིན་འཛུམ་ཞིང་མིག་མི་འཛུམ་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། གྲུབ་པའི་རྫས་ཀྱི་མཆོག་ནོར་བུ་གདགས་པ། དེ་བཞིན་ Pha378b གཤེགས་པ་ཐམས་ཅད་ཀྱི་བྱིན་གྱིས་བརླབས་ཤིང་ལུང་བསྟན་པ། བདག་གི་སྙིང་པོ་ཡིད་བཞིན་གྱི་ནོར་བུ་ཆེན་པོ་སེམས་ཅན་ཐམས་ཅད་ལ་ཕན་པ་དང ། བདེ་བའི་ཕྱིར་ཞུགས་པ་རྗེས་སུ་བསྒྲག་པར་བགྱིའོ། །གསེར་དང ། ན་ལ་ད་དང ། གི་ཝང་དང ། བ་བླ་དང ། ལྡོང་རོས་དང ། པདྨ་དང ། ུཏྤ་ལ་དང ། གུར་གུམ་དང ། ནཱ་ག་པུས་པ་དང ། ཏྭ་ཙ་དང ། ཏ་ར་ག་དང ། ཙནྡན་རྣམ་གཉིས་དང ། སྤྲྀག་ཀ་དང ། ཀཱ་ལ་ཀ་དང ། རུ་རྟ་དང ། ཤུ་ཏི་དང ། པྲི་ཡང་ཀུ་དང ། ཧ་རེ་ཎུ་ཀེ་དང ། སུག་སྨེལ་དང ། ལོ་དྷ་དང ། ཛཱ་ཏ་པ་ཏྲི་ཀ་སུ་མ་ན་དང ། ས་མ་ཀ་དང ། སྲ་རྩི་ཕོག་དང ། ཤིང་ཨརྒའི་འོ་མ་རྣམས་བསགས་ཏེ་ཆ་མཉམ་པར་བྱས་ལ་གསེར་ཉིས་འགྱུར་དུ་བྱས་ཏེ་རྒྱུ་སྐར་བཟང་པོ་དང ། ཚེས་གྲངས་ཤིས་ཤིང་དགེ་བ་ལ་ཁྲུས་ལེགས་པར་བྱས་ཏེ་གོས་གཙང་མ་བགོས་ནས་ཉིན་ཞག་གཅིག་བྱམས་པའི་སེམས་ལ་མཉམ་པར་བཞག་སྟེ་ཕྱེ་མ་ཞིབ་མོར་བྱས་ཏེ་དོན་ཡོད་པའི་ཞགས་པའི་རྒྱལ་པོའི་སྙིང་པོའི་གཟུངས་སྟོང་རྩ་བརྒྱད་བཟླས། ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་ཏེ་གཏོར་ལ་དྲི་ཆབ་བཟང་པོས་སྦངས་ཏེ་སྦྱར་ལ་གསེར་དང་བསྲེས་ལ་ག་པུར་དང ། གླ་རྩིའི་བདུག་པས་བདུགས་ཏེ་ནོར་བུ་ཞོ་གཉིས་པའི་ཚད་དུ་བྱས་ནས་ཕུག་ལ་རས་སྐུད་ཀྱིས་བཏགས་ཏེ་གསེར་གྱིས་གཡོགས་ལ། ཡང་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས། Pha379a ༄#། །ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་ཏེ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་མི་སྨྲ་བར་བསྒྲུབས་པར་བྱས་ལ་དེ་ཉིད་ཀྱི་ཞབས་དྲུང་དུ་གྲིབ་མ་ལ་བསྐམ་པར་བྱ་སྟེ། ཕྱེད་དམ་བཞི་ཆ་གསེར་གྱིས་གཡོགས་པར་བྱ་ཞིང་ཕྱེད་གཡོགས་པར་མི་བྱའོ། །གང་ལ་གསེར་གྱིས་གཡོགས་པ་འདི་ནི། གང་ལ་དོན་ཡོད་པའི་ཞགས་པ་ཡིད་བཞིན་གྱི་ནོར་བུ་ཆེན་པོ་དང་འདྲ་སྟེ། སངས་རྒྱས་ཀྱི་བྱང་ཆུབ་དང ། འཇིག་རྟེན་པ་དང ། འཇིག་རྟེན་ལས་འདས་པ་ལས་ཆེན་པོ་སྒྲུབ་པར་བྱེད་དོ། །གསེར་གྱིས་མ་གཡོགས་པས་ནི། འཇིག་རྟེན་པའི་དགོས་པ་ཐམས་ཅད་སྒྲུབ་པར་བྱེད་དོ། །ནད་ཐམས་ཅད་དང ། གདོན་ཐམས་ཅད་དང ། ལུའུ་ཏ་དང ། འབྲས་དང ། འགོ་བའི་ནད་དང ། ཤུ་བ་དང ། ལྷོག་པ་དང ། མཚན་བར་རྡོལ་བ་དང ། ཕོལ་མིག་དང ། ཤ་བཀྲ་དང ། མིག་ནད་དང ། ཀླད་ནད་དང ། གཞོགས་ཕྱེད་ན་བ་དང ། མགུལ་པ་འགགས་པ་དང ། ཁ་ནད་དང ། སྣ་ནད་དང ། རྣ་བའི་ནད་དང ། སོ་ནད་དང ། རྐན་ན་བ་དང ། ལྕེ་ན་བ་དང ། མཆུ་ན་པ་དང ། སྙིང་ན་པ་དང ། རྩིབས་ལོགས་ན་བ་དང ། ལྟོ་བ་ན་བ་དང ། མཆིན་པ་ན་བ་དང ། རྒྱབ་ན་བ་དང ། གཅིན་སྙི་བ་དང ། ཟུག་གཟེར་དང ། འཁྲུ་བ་དང ། ཕོ་བའི་ནད་དང ། གཞང་འབྲུམ་ཐམས་ཅད་རབ་ཏུ་ཞི་བར་འགྱུར་ཞིང ། རིམས་ཐམས་ Pha379b ཅད་རབ་ཏུ་ཞི་བར་འགྱུར་ཏེ། རིམས་ཉིན་བཞི་པ་དང ། རླུང་ལས་གྱུར་པ་དང ། མཁྲིས་པ་ལས་གྱུར་པ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པ་རྣམས་རབ་ཏུ་ཞི་བར་འགྱུར་རོ། །ལུས་ཀྱི་ནང་གི་ནད་ཐམས་ཅད་ལ་ཆུ་དྲོན་དང་ལྷན་ཅིག་སྦྱིན་ནོ། །ཕ་རོལ་གྱི་ནད་ཐམས་ཅད་དང ། གནོད་པ་ཐམས་ཅད་ལ་བྱུགས་པ་ཙམ་གྱིས་ཡོངས་སུ་གྲོལ་བར་འགྱུར་རོ། །ཐམས་ཅད་དུ་དགོས་པ་ཐམས་ཅད་ལ་སྦྱར་བ་ཙམ་གྱིས་ཐམས་ཅད་འགྲུབ་པར་འགྱུར་ཏེ། ཐེ་ཚོམ་མི་བྱའོ། །གསེར་གྱིས་གཡོགས་པ་དཔུང་པ་ལ་བཏགས་ན། ཐམས་ཅད་དུ་ཐོགས་པ་མེད་པར་འགྱུར་ཏེ། སྟོབས་དང ། བརྩོན་འགྲུས་དང ། ཕ་རོལ་གནོན་པ་ཕྱག་ན་རྡོ་རྗེ་དང ། པདྨ་འཆང་དང་འདྲ་བར་འགྱུར་རོ། །དགོས་པ་ཐམས་ཅད་འགྲུབ་པ་བླ་ན་མེད་པ་རྣམ་པ་གསུམ་པོ་འདི་ལ་སྦྱར་བར་བྱ་སྟེ། ཐིག་ལེ་དང ། གདོང་པ་བཀྲུ་བ་དང ། ལུས་བསྐུ་བའོ། །ཡིད་ལ་ཇི་ལྟར་བསམ་པའི་དགོས་པ་སྒྲུབ་པའི་དེ་ཁོ་ནི་ཉིད་འགྲུབ་པ་སྟེ། ཐེ་ཚོམ་མི་བྱའོ། །རྒྱལ་པོ་བཙུན་མོའི་ཚོགས་དང་བཅས་པ་དང ། སྐྱེ་བོ་དང ། བློན་པོར་བཅས་པ་རྟག་ཏུ་བགྱི་བ་ཅི་མཆིས་ཞེས་བྲན་བཞིན་དུ་དབང་དུ་འགྱུར་རོ། །ནོར་བུ་སྤྱི་གཙུག་ཏུ་བཞག་ནས་རིག་སྔགས་བཟླས་ན། བགེགས་མེད་པར་ཐམས་ཅད་འགྲུབ་པར་འགྱུར་རོ། །ལག་པ་གཡས་པ་ལ་བཏགས་ཏེ་རིག་ Pha380a ༄#། །སྔགས་བཟླས་ན། བཟླས་བརྗོད་ཀྱི་ཆོ་ག་སྟོང་ཕྲག་བརྒྱ་འགྱུར་དུ་བྱས་པར་འགྱུར་ཏེ། ལན་གཅིག་བཟླས་པས་སྟོང་ཕྲག་བརྒྱར་རབ་ཏུ་འཕེལ་བར་འགྱུར་རོ། ། མགུལ་པར་བཏགས་ཏེ་བཅངས་ན། ཁྲུས་མ་བྱས་པ་ཁྲུས་བྱས་པར་འགྱུར། མི་གཙང་བ་གཙང་བར་འགྱུར། ཚངས་པར་མི་སྤྱོད་པ་ཚངས་པར་སྤྱོད་པར་འགྱུར། ཐུབ་པར་མ་བྱས་པ་ཐུབ་པར་བྱས་པར་འགྱུར། སྨྱུང་བར་མ་བྱས་པ་སྨྱུང་བ་བྱས་པར་འགྱུར། ཚིག་མི་བཙན་པ་ཚིག་བཙན་པར་འགྱུར། མ་གྲུབ་པ་གྲུབ་པར་འགྱུར། དམ་ཚིག་མ་ཤེས་པ་དམ་ཚིག་ཤེས་པར་འགྱུར། བྱམས་པའི་སེམས་དང་ལྡན་པར་འགྱུར། སྦྱིན་པ་གང་ཆུང་ཟད་ཅི་སྦྱིན་པ་ཆུང་ངུ་ཡང་སྟོང་ཕྲག་བརྒྱ་འགྱུར་དུ་སྦྱིན་པ་ཆེན་པོ་འཕེལ་བར་འགྱུར།་ཕ་རོལ་ཏུ་ཕྱིན་པ་དྲུག་རྫོགས་པར་འགྱུར། ནོར་བུ་འདི་ལག་མཐིལ་གཡས་པ་ལ་བཏགས་ན། གང་ལ་རེག་པ་དེ་ཟད་མི་ཤེས་པར་འགྱུར་རོ། །སུ་ལ་ཡང་བརྗོད་པར་མི་བྱ་སྟེ།་དེའི་འོག་ཏུ་དེ་དག་ཐམས་ཅད་འཕེལ་བར་འགྱུར་རོ། །རྐེད་པ་ལ་བཏགས་ཏེ་ཆུའི་ནང་དུ་ཞུགས་ན། ཆུ་ཀླུང་ཆེན་པོའི་གཏིང་དུ་སླེབ་པར་འགྱུར་རོ། །དེ་ནས་ནོར་བུ་སྒྲུབ་པར་འདོད་པས་དངུལ་ཤིན་ཏུ་ཡོངས་སུ་དག་པ་ལས་པདྨ་འདབ་མ་སུམ་ཅུ་རྩ་གཉིས་པ་ཁ་ཕྱེ་བ་དབུས་ཀྱི་སྙིང་པོ་དང་ཟེ་བ་ཟ་མ་ཏོག་འདྲ་བ་སོར་བཅུ་དྲུག་པའི་ཚད་དུ་ Pha380b \?\་གསལ་\?\་དེའི་དབུས་སུ་གསེར་གྱི་ནོར་བུ་གཞག་པར་བྱའོ། །བ་ལང་གི་ལྕི་བ་བ་ལང་གི་གཅིན་དང་ལྡན་པས་དཀྱིལ་འཁོར་གྲུ་བཞི་པ་བྱས་ལ་ཚོན་སྣ་ཚོགས་ཀྱིས་བྲི་བར་བྱ་སྟེ། ཁོ་ར་ཁོར་ཡུག་ཏུ་པདྨ་བྲིས་ལ། པདྨའི་དབུས་ཀྱི་ཟེ་བར་དངུལ་ལས་བྱས་པའི་པདྨ་བཞག་སྟེ་བུམ་པ་གང་བ་བཞི་དང ། གཏོར་མའི་བུམ་པ་བཞི་གཞག་པར་བྱ་ཞིང ། མེ་ཏོག་དགྲམ་པར་བྱ།་ཚོན་རྣམ་པ་སྣ་ཚོགས་ཀྱི་བྲི་བར་བྱ། ཨ་ག་རུ་དང ། ཙནྡན་དང ། དུ་རུ་ཀའི་བདུག་པས་བདུག་ཅིང་གཏོར་མ་དཀར་པོ་གཞག་པར་བྱ། འཕན་གདུགས་རྣམ་པ་སྣ་ཚོགས་ཀྱིས་བརྐྱེན་\?\་པར་བྱ། མར་གྱི་མར་མེ་སུམ་ཅུ་རྩ་གཉིས་བལྟམ་པར་བྱ། འབྲས་བུ་དང་མེ་ཏོག་ཕྲེང་སྣ་ཚོགས་གཞག་པར་བྱ། འཕགས་པ་སྤྱན་རས་གཟིགས་དབང་ཕྱུག་མངོན་དུ་ཕྱོགས་པར་བཞག་སྟེ་རིག་སྔགས་འཆང་གཙང་མས་གོས་གཙང་མ་བགོས་ལ་ཉིན་མཚན་གཅིག་སྨྱུང་བ་བྱས་ལ་ཚེས་བཅོ་ལྔ་ནས་ཉི་ཤུ་དགུ་དང་གནམ་སྟོང་གི་བར་དུས་མཚམས་གསུམ་དུ་མཆོད་པར་བྱ་ཞིང ། པདྨ་ཟ་མ་ཏོག་དེ་དང ། འཕགས་པ་སྤྱན་རས་གཟིགས་དབང་ཕྱུག་ལ་ཡང་མཆོད་པ་བྱས་ལ་དཀྱིལ་འཁོར་གྱི་ཤར་ཕྱོགས་སུ་མངོན་དུ་ཕྱོགས་ཏེ་འདུག་ལ་བཟླས་བརྗོད་སྟོང་རྩ་བརྒྱད་བྱ། ཁྲོ་བོའི་རྒྱལ་པོ་སྟོང་རྩ་བརྒྱད་བཟླས་ཏེ་ཡུངས་ཀར་དང ། ཆུས་དབང་བསྐུར་བར་བྱ། དོན་ཡོད་པའི་ཞགས་ Pha381a ༄#། །པའི་ཕྱག་རྒྱ་སྟོང་རྩ་བརྒྱད་བྱ། དེ་བཞིན་དུ་ཁྲོ་བོའི་རྒྱལ་པོའི་ཕྱག་རྒྱ་བྱའོ། །མི་སྨྲ་བར་དགོས་པ་ཐམས་ཅད་བྱས་ན། དེའི་འོག་ཏུ་ཚེས་བཅོ་ལྔ་ཟླ་བ་ཉའི་ནང་པར་གྱི་དུས་མཚམས་སུ་ནོར་བུའི་རྒྱལ་པོ་པདྨ་དང་བཅས་ཏེ་གཅིག་ཏུ་འབར་བར་འགྱུར་ཞིང་འཕགས་པ་སྤྱན་རས་གཟིགས་དབང་ཕྱུག་གི་ཞལ་ནས་སྒྲ་འབྱུང་བར་འགྱུར།་རིག་སྔགས་འཆང་དགའ་བར་འགྱུར། ནམ་མཁའི་དཀྱིལ་ནས་ལེགས་སོ་ཞེས་བྱ་བའི་སྒྲ་འབྱུང་བར་འགྱུར། དེ་བཞིན་གཤེགས་པའི་སྐུ་ཆེན་པོ་མཐོང་བར་འགྱུར། །དེ་ནས་རིག་སྔགས་འཆང་གིས་པདྨ་འབར་བ་དེ་ལག་པ་གཡས་པས་བླང་བར་བྱ་སྟེ། བླངས་པ་ཙམ་གྱི་མོད་ལ་ནམ་མཁའ་ལ་འགྲོ་བར་འགྱུར་ཞིང ། རིག་སྔགས་འཆང་བ་ཐམས་ཅད་ཀྱི་འཁོར་ལོས་བསྒྱུར་བར་འགྱུར། འཁོར་ལོའི་རྒྱལ་པོ་གསེར་གྱི་མདོག་ཅན་བལྟ་ན་སྡུག་པ་ཆེན་པོ་མདུན་ན་གནས་པར་འགྱུར། སྡང་བ་དང ། ཕྱིར་རྒོལ་བ་དང ། མི་མཛའ་བ་ཐམས་ཅད་ཟློག་པར་བྱེད། འཁོར་བྱེ་བ་སྟོང་ཕྲག་བཅུ་གཉིས་དང་ལྡན་པའི་རིག་སྔགས་འཆང་གི་རྒྱལ་པོར་འགྱུར། ཚེ་བསྐལ་པ་སྟོང་ཐུབ་པར་འགྱུར། དོན་ཡོད་པའི་རྣམ་པར་བལྟ་བའི་ནོར་བུ་ཆེན་པོ་རྒྱལ་མཚན་གྱི་རྩེ་མོ་དང་ལྡན་པའི་ཏིང་ངེ་འཛིན་ཐོབ་པར་འགྱུར། དོན་ཡོད་པའི་དྲི་མ་མེད་པ་འབར་བའི་ Pha381b རྩེ་མོ་རྣམ་པར་ལྟ་བ་ཞེས་བྱ་བའི་དོན་ཡོད་པའི་ཞགས་པ་འཐོབ་པར་འགྱུར། ཕྱོགས་བཅུ་ཀུན་གྱི་དེ་བཞིན་གཤེགས་པའི་སངས་རྒྱས་ཀྱི་ཞིང་གི་རྣམ་པར་འཕྲུལ་པ་མཐོང་བར་འགྱུར། དེ་བཞིན་གཤེགས་པ་དེ་དག་ཐམས་ཅད་ཀྱིས་དབུགས་འབྱིན་པར་འགྱུར། ནོར་བུ་ཆེན་པོ་ཡོངས་སུ་དག་པ་རྡོ་རྗེ་ལ་རྣམ་པར་ལྟ་བའི་འོད་ཀྱི་ལུས་རྣམ་པར་དག་པ་ཐོབ་པར་འགྱུར། ལྷ་དང ། ཀླུ་དང ། གནོད་སྦྱིན་དང ། སྲིན་པོ་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་རྣམས་བགྱི་བ་ཅི་མཆིས་ཞེས་དབང་དུ་འགྲོ་བར་འགྱུར། མགོ་བོའི་སྤྱི་བོར་བཏགས་ན་ནོར་བུ་ཆེན་པོའི་རྫུ་འཕྲུལ་གྱིས་ནུབ་ཕྱོགས་སུ་སོང་ནས་བདེ་བ་ཅན་གྱི་རབ་ཏུ་དབྱེ་བ་གཞལ་མེད་ཁང་དང་བཅས། འཁོར་དང་བཅས། ལེགས་པར་བརྒྱན་པའི་དཀྱིལ་འཁོར་དང ། བྱང་ཆུབ་སེམས་དཔའི་ཚོགས་དང་བཅས་པ་མཐོང་བར་འགྱུར་རོ། །དེ་བཞིན་གཤེགས་པ་དེ་དག་ལས་ཆོས་སྣང་བའི་སྒོའི་ཆོས་བཤད་པ་ཆེན་པོ་ཐོབ་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གི་གཟུགས་དང ། རྒྱན་དང ། གཞལ་མེད་ཁང་སྟོན་པར་འགྱུར། མགུལ་དུ་བཏགས་ན། ཕུག་གི་གནས་ཐམས་ཅད་དུ་འཇུག་པར་འགྱུར། ཐམས་ཅད་དུ་རྒྱལ་བའི་རྗེ་དཔོན་དང ། འཁོར་ལོས་བསྒྱུར་བའི་རྒྱལ་པོར་འགྱུར། ཕུག་སྟོང་ Pha382a ༄#། །ཕྲག་དྲུག་ཅུ་རྩ་བཞིའི་སྒོ་འབྱེ་བར་འགྱུར། དཔུང་པ་གཡས་པ་ལ་བཏགས་ན། མི་སྣང་བར་འགྱུར་ཞིང་ལུས་མི་སྣང་བ་གངྒཱའི་ཀླུང་བྱེ་བ་སྟོང་ཕྲག་བརྒྱ་སྙེད་ཀྱི་ལུས་མི་སྣང་བ་རྣམས་ཀྱི་མཆོག་རྗེ་དཔོན་དང་རྒྱལ་པོར་འགྱུར་རོ། །དཔུང་པ་གཡོན་པ་ལ་བཏགས་ན། གནོད་སྦྱིན་དང ། སྲིན་པོ་དང ། འབྱུང་པོ་ལ་སོགས་པ་ཐམས་ཅད་མི་སྣང་བར་བྱས་པར་འགྱུར། ཐམས་ཅད་ཀྱི་གནས་ཀྱི་གཞལ་མེད་ཁང་སྒོ་བྱེ་ཞིང་འདུག་པར་འགྱུར་རོ། །རྐེད་པ་ལ་བཏགས་ན། གཏེར་ཐམས་ཅད་འབྱུང་བར་འགྱུར། པུས་མོ་གཡས་པ་དང ། བརླ་གཡས་པ་ལ་བཏགས་ན། ནགས་ཀྱི་ཕུག་གི་གཞལ་མེད་ཁང་གི་གནས་ཐམས་ཅད་ཀྱི་སྒོ་ཕྱེ་ཞིང ། སྨན་གྱི་དངོས་པོ་ཐམས་ཅད་རང་གི་གཟུགས་ཀྱིས་མདུན་ན་གནས་པར་འགྱུར་ཞིང་ཐམས་ཅད་དབང་དུ་འགྱུར་རོ། །རྐང་པའི་རྗེ་ངར་ལ་བཏགས་ན། རླུང་གི་ཕུང་པོ་དང་པོའི་སྟོབས་ཀྱི་ཤུགས་ཆེན་པོ་དང་ལྡན་པར་འགྱུར་ཞིང་ཅུང་ཟད་ཙམ་སོང་བས་དཔག་ཚད་སྟོང་ཕྲག་བཅུར་འགྲོ་ཞིང་སླར་ཡང་འོང་པར་འགྱུར། ཉིན་མཚན་གཅིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རླུང་ཆེན་པོའི་ཤུགས་ཀྱི་སྟོབས་དང་བརྩོན་འགྲུས་ཀྱིས་སོང་སྟེ་སླར་ཡང་འོང་བར་འགྱུར་ཞིང་གང་གིས་ཀྱང་གནོད་པར་མི་འགྱུར། ཐམས་ཅད་ Pha382b དུ་དགོས་པ་སྒྲུབ་པ་ཐམས་ཅད་གྲུབ་པར་འགྱུར་རོ། །རྐང་མཐིལ་ལ་བཏགས་ན། སའི་འོག་གི་དངོས་གྲུབ་ཆེན་པོ་ཐོབ་པར་འགྱུར་ཞིང ། སའི་འོག་ཕུག་གི་སྒོ་ཐམས་ཅད་བྱེ་བར་འགྱུར་ཏེ། རང་ཇི་ལྟར་འདོད་པ་དེར་འཇུག་ཅིང་འབྱུང་བར་འགྱུར་རོ། །ཁར་བཅུག་ན་ཉི་མ་རེ་རེ་ཚིགས་སུ་བཅད་པ་སྟོང་ལོབས་པར་འགྱུར་རོ། །མིད་པ་ཙམ་གྱིས་ཐོས་པ་རྒྱ་མཚོ་བསགས་པར་འགྱུར་རོ། །ལྕེའི་རྩེ་མོར་བཞག་ན་ལྕེ་པདྨ་དང་ཀུ་མུ་ད་ལྟར་འཇམ་པར་འགྱུར་ཞིང་ཐོས་པ་མང་པོ་འཛིན་པར་འགྱུར། ལག་པ་ལ་བྱུགས་ན་གང་ལ་རེག་པ་དེ་བྲན་བཞིན་དུ་འགྱུར་རོ། །སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་ཐམས་ཅད་བགྱི་བ་ཅི་མཆིས་ཞེས་ཐམས་ཅད་དབང་དུ་འགྱུར་རོ། །ནོར་བུ་སྒྲུབ་པའི་ཆོ་གའོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ལ་དོན་ཡོད་གྲུབ་ཀྱི་བུམ་པ་རབ་མཆོག་ཅེས་བགྱི་བའི་སྒྲུབ་པའི་ཆོ་ག་ཆེན་པོ་མཆིས་ཏེ། དོན་ཡོད་པའི་ཞགས་པའི་སྙིང་པོ་ཡིད་བཞིན་གྱི་ནོར་བུའི་གཟུངས་ཀྱི་མཐུ་བསྟན་པ། ཇི་ལྟ་བ་དེར་དེ་ལྟར་བཅོམ་ལྡན་འདས་བུམ་པ་ཆེན་པོ་མཐུ་སྒྲུབ་པའི་ཆོ་ག་འདི་རྣམ་པར་འཕྲུལ་པ་བསམ་གྱིས་མི་ཁྱབ་པ་སྒྲུབ་པ་འགྲུབ་པར་ Pha383a ༄#། །འགྱུར་བ་ལགས་སོ། །རིག་སྔགས་འཆང་རྣམས་ལ་ཕན་པ་དང་བདེ་བའི་ཕྱིར་དེ་ཁོ་ན་ཉིད་ཡང་དག་པར་སྒྲུབ་པར་འགྱུར་ལགས་སོ། །དེ་ནས་གསེར་རམ་དངུལ་ལམ་ཟངས་སམ་ཁམ་པའི་བུམ་པ་ཚད་དང་ལྡན་ཞིང་ཀུན་ནས་ཤིན་ཏུ་ཟླུམ་པ་མགོའམ། མགྲིན་པར་བྱིན་པའི་ཚད་ཤིན་ཏུ་འཇམ་ཞིང་ཐག་ཐུག་དང་ཤང་ཤོང་མེད་པ།་དབྱིབས་ལེགས་ཤིང་བྱི་དོར་ལེགས་པར་བྱས་པ། ཀུན་ནས་ཡོངས་སུ་གང་བ་ལ་མཚལ་གྱི་མཚོན་གྱིས་པདྨ་འདབ་མ་བརྒྱ་རྩ་བརྒྱད་པ་བྲི་བར་བྱ་སྟེ། མགྲིན་པར་པདྨའི་སྙིང་པོ་དང་ཟེ་བ་བྲི། འཕགས་པ་སྤྱན་རས་གཟིགས་དབང་ཕྱུག་བྲི་བར་བྱ་སྟེ། ཤར་ཕྱོགས་སུ་ཞལ་བྲི། ལྷོར་མི་འཇིགས་པ་སྦྱིན་པའི་ཕྱག་།ནུབ་ཏུ་དབྱིག་འབྱིན་གྱི་ཕྱག། བྱང་དུ་ཡིད་བཞིན་ནོར་བུ་རྒྱན་ཐམས་ཅད་ཀྱིས་བརྒྱན་པ་སྐྱིལ་མོ་ཀྲུང་དུ་བཞུགས་པར་བྱའོ། །པདྨའི་འདབ་མ་ལ་དབང་ཕྱུག་དང ། དབང་ཕྱུག་ཆེན་པོ་དང ། བྲམ་ཟེ་དང ། ལྷ་དང ། དྲང་སྲོང་གི་ཚོགས་དང ། གཤིན་རྗེ་དང ། ཆུ་ལྷ་དང ། རླུང་ལྷ་དང ། ཁྱབ་བདག་དང ། བརྒྱ་བྱིན་དང ། རྡོ་རྗེ་འཆང་དང ། ལྷའི་ཚོགས་གཞན་དག་བྲི་བར་བྱ་ཞིང ། མེ་དང ། རླུང་དང ། ཉི་མ་དང ། ཟླ་བ་དང ། ལྷ་མོ་སྒྲོལ་མ་དང ། ཁྲོ་གཉེར་ཅན་དང ། ཕོ་ཉ་མོ་དཀར་མོ་དང ། ཚོགས་ཀྱི་བདག་པོ་དང ། Pha383b གཞོན་ནུ་དང ། རྒྱལ་པོ་ཆེན་པོ་བཞི་དང ། དྲག་པོ་དང ། ཁྱབ་འཇུག་བྲི་བར་བྱའོ། །པདྨའི་འདབ་མའི་ཁོར་ཡུག་ཏུ་པདྨའི་ཕྲེང་བ་བྲིའོ། །དེ་ནས་བུམ་པ་ཚོན་སྣ་ཚོགས་ཀྱིས་བྲི་བར་བྱ་ཞིང་གསེར་གྱི་རྒྱན་གྱིས་བརྒྱན་པར་བྱ། རིམ་པའི་ཆ་བཀྲ་ཞིང་མཛེས་པར་བྱའོ། །དེ་ནས་ཐང་ཤིང་ལས་པདྨའི་གདན་ཟླུམ་པོ་བུམ་པ་ཤོང་བ་ཙམ་གྱི་ཚད་དུ་བྱས་ལ་དེའི་སྟེང་དུ་བུམ་པ་བཞག་ལ། བུམ་པ་དེ་ཡུངས་ཀར་དཀར་པོས་བཀང་སྟེ་རྒྱན་ཐམས་ཅད་ཀྱིས་བརྒྱན་པར་བྱ། རས་དཀར་པོས་བཅིང་བར་བྱ། སྟེང་དུ་ཡུངས་ཀར་དང ། གླ་རྩི་དང ། ག་པུར་དང ། གི་ཝ་ང་དང ། ལྡོང་རོས་གཞག་པར་བྱ། བུམ་པའི་ཁ་རས་དམར་པོས་གཡོགས་པར་བྱ། རིན་པོ་ཆེ་སྣ་བདུན་གཞག་པར་བྱ། དེ་ནས་རིག་སྔགས་འཆང་གཙང་མས་གོས་གཙང་མ་བགོས་ལ་དཀྱིལ་འཁོར་ཁྲུ་བཞི་གྲུ་བཞི་དང ། འཕང་དུ་ཁྲུ་གང་བ་བྱས་ཏེ་བ་ལང་གི་ལྕི་བ་དང་ས་བསྲེས་པར་ལེགས་པར་བྱུགས་ཏེ་གྲུ་བཞི་ཆ་མཉམ་པར་བྱའོ། ། དེ་ནས་དཀྱིལ་འཁོར་གྱི་སྟེང་དུ་དྲི་ཐམས་ཅད་ཀྱིས་བྱུགས་ལ་དཀྱིལ་འཁོར་གྱི་སྙིང་པོའི་དབུས་སུ་ཙནྡན་དཀར་པོས་དཀྱིལ་འཁོར་ཁྲུ་གང་གྲུ་བཞི་པ་བྱས་ལ། གུར་གུམ་དང་མེ་ཏོག་པདྨས་མཆོད་པར་བྱས་ཏེ་པདྨ་འདབ་མ་སུམ་ཅུ་རྩ་གཉིས་པ་བྲིས་ལ་པདྨའི་ཟེ་བའི་སྟེང་དུ་བུམ་པ་བཞག་སྟེ་འཕན་གདུགས་སྣ་ཚོགས་ཀྱིས་བརྒྱན་པར་བྱ། དཀྱིལ་ Pha384a ༄#། །འཁོར་གྱི་སྙིང་པོ་ཁོར་ཡུག་ཏུ་སྤོས་དང་མེ་ཏོག་སྣ་ཚོགས་དང ། བྱུག་སྤོས་སྣ་ཚོགས་དང ། མཆོད་ཡོན་གྱི་སྣོད་སྣ་ཚོགས་དང ། བུམ་པ་གང་བ་མཛེས་པ་དང ། བདུག་སྤོས་ཀྱི་ཕྱེ་མ་རྣམ་པ་མང་པོ་གཞག་པར་བྱ། མེ་ཏོག་རྣམ་པ་སྣ་ཚོགས་དང ། མེ་ཏོག་ཕྲེང་ཅི་འབྱོར་པ་ཀུན་ཏུ་གཞག་པར་བྱ། མར་གྱི་མར་མེ་བཟང་པོ་བཅུ་དྲུག་བལྟམ་པར་བྱ། ཕྱི་རོལ་གྱི་དཀྱིལ་འཁོར་ཀུན་ནས་པདྨའི་ཕྲེང་བ་བྲི་བར་བྱ། སྒོ་བཞི་ཤིན་ཏུ་མཛེས་པར་བྱ། འཇིག་རྟེན་དབང་ཕྱུག་གི་མཚན་མ་གསལ་བར་བྱ། མདའ་དང་བ་དན་ཁོར་ཡུག་ཏུ་གཞག་པར་བྱ། ཚོན་སྐུད་སྣ་ལྔས་བསྐོར་བར་བྱ། རོ་རྣམ་པ་སྣ་ཚོགས་དང་དཀར་གསུམ་ཅི་འབྱོར་པ་གཞག་པར་བྱ། འབྲས་བུ་སྣ་ཚོགས་དང ། བཟའ་བ་རྣམ་པ་སྣ་ཚོགས་གཞག་པར་བྱ། མེ་ཏོག་སྣ་ཚོགས་གཞག་པར་བྱ། མེ་ཏོག་སྣ་ཚོགས་དགྲམ་པར་བྱ། མེ་ཏོག་ཕྲེང་བ་བཟང་པོ་ཀུན་ཏུ་གཞག་པར་བྱ། བདུག་སྤོས་ཀྱི་སྣོད་དང་བུམ་པ་གང་བ་ཀུན་ཏུ་གཞག་པར་བྱ། པོག་ཕོར་བཞི་གཞག་པར་བྱ། དྲི་ཆབ་ཀྱི་ཕོར་བུ་བཞི་གཞག་པར་བྱ། སྣོད་བཞི་དང་ཁམ་ཕོར་བརྒྱད་གཞག་པར་བྱ། རོ་སྣ་ཚོགས་ཀྱི་གཏོར་མ་དཀར་པོ་རྣམ་པ་མང་པོ་གཞག་པར་བྱ། མར་གྱི་མར་མེ་གང་བ་དྲུག་ཅུ་རྩ་གཉིས་དབུལ་བར་བྱ། འབྲས་ཡོས་དང ། ཡུངས་ཀར་དགྲམ་པར་བྱ། ཆང་ Pha384b དང ། ཤ་དང ། བེག་ཙོང་དང ། ཀེའུ་དང ། འབགས་པ་དང ། ཁ་ཟས་ངན་པ་དང ། བཏུང་བ་དན་པ་སྤང་བར་བྱ། འགོམ་ཉེས་སྤང་བར་བྱ་སྟེ། གཙང་མས་གོས་གཙང་མ་བགོས་ལ་ཟླ་བ་ཉ་ལ་བསྒྲུབ་པར་བྱའོ། །སྲུང་བའི་ཆོ་གས་བདག་བསྲུང་བ་དང ། ཐོར་ཚུགས་བཅིང་བ་དང ། ཕྱོགས་བཅིང་བ་དང ། ཡུལ་བཅིང་བ་དང ། དེ་བཞིན་དུ་གྲོགས་སྲུང་པ་དང ། གཞན་སྲུང་བ་ཡང་བྱའོ། །གུ་གུལ་གྱི་བདུག་པ་དང ། མར་དང ། ཡུངས་ཀར་གྱི་བདུག་པས་བདུག་པར་བྱའོ། །ཙནྡན་དང ། ་ག་རུ་དང ། དུ་རུ་ཀ་དང ། ཀུན་ཏུ་རུའི་བདུག་པ་འདི་ནི། ཡང་དག་པར་བསྟན་ཏོ། །བུམ་པ་སྒྲུབ་པ་འདི་ནི། མཆོག་སྟེ། ཞ་ལྔ་སྨྱུང་བ་བྱས་ནས་གསང་སྔགས་བསྒྲུབ་པར་བྱ་སྟེ། དུས་མཚམས་གསུམ་དུ་བུམ་པ་དང་སངས་རྒྱས་ལ་མཆོད་པ་བྱའོ། །མི་སྨྲ་བར་དཀྱིལ་འཁོར་ལ་མངོན་དུ་ཕྱོགས་ཏེ་སྐྱིལ་མོ་ཀྲུང་དུ་འདུག་ནས་ལག་པ་གཡས་པ་བུམ་པའི་སྟེང་དུ་བཞག་ལ་ཁྲོ་བོའི་རྒྱལ་པོ་སྟོང་རྩ་བརྒྱད་བཟླས་ལ། ཆུ་དང་ཡུངས་ཀར་གྱིས་དབང་བསྐུར་ལ་དོན་ཡོད་པའི་ཞགས་པའི་སྙིང་པོ་སྟོང་ཕྲག་བཅུ་བཟླའོ། །ཡིད་ལ་བྱེད་པའི་རྩེ་གཅིག་པས་སེམས་ཅན་ཐམས་ཅད་ལ་བྱམས་པ་དང ། སྙིང་རྗེ་ལྷུར་ལེན་ཅིང་སངས་རྒྱས་ཡིད་ལ་བྱ་བ་བསྒོམས་ལ་བཟླས་བརྗོད་བྱའོ། །དེའི་འོག་ཏུ་ཚེས་བཅོ་ལྔ་ཉའི་ཐུན་ཐ་མའི་ནང་པར་དབྱིག་གི་བུམ་པ་ཆེར་ Pha385a ༄#། །གཡོ་བར་འགྱུར་ཞིང ། ལེགས་སོ་ཞེས་བྱ་བའི་སྒྲ་ཆེན་པོ་ཡང་གྲག་པར་འགྱུར་ཏེ། བུམ་པ་ཆེན་པོ་དེ་ཡང་འབར་ཞིང་འོད་ཟེར་ཁ་དོག་སྣ་ཚོགས་འབྱུང་བར་འགྱུར། རིག་སྔགས་འཆང་དགའ་བར་འགྱུར། དྲི་མ་མེད་ཅིང་ཡོངས་སུ་དག་ལ་དྲི་མ་དང་བྲལ་བར་འགྱུར། མདོག་ཡོངས་སུ་དག་ཅིང་མེ་ཏོག་པདྨ་དང ། ཀུ་མུ་ད་ལྟར་དཀར་ཞིང་འཇམ་པར་འགྱུར། བུམ་པ་དེའི་སྐུ་གཟུགས་རྣམས་རང་རང་གི་ལུས་ལས་འོད་ཟེར་འབྱུང་བར་འགྱུར་རོ། །དེ་ནས་རིག་སྔགས་འཆང་གིས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེན་པོ་བྱ། རིག་སྔགས་འཆང ། བུམ་པ་སྒྲུབ་པ་འདི་ནི། གྲུབ་བོ། དེའི་འོག་ཏུ་རིག་སྔགས་འཆང་གི་དྲིའི་ཆུ་དང་ཡུངས་ཀར་ལ་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་ནས་དབང་བསྐུར་བ་བྱས་ན། དབང་བསྐུར་མ་ཐག་ཏུ་བུམ་པ་དེ་ལས་སྒྲ་འབྱུང་བར་འགྱུར་ཏེ། རིག་སྔགས་འཆང་ཆེན་པོ། ལེགས་སོ་ལེགས་སོ། །ཁྱོད་ཀྱིས་བུམ་པ་བཟང་པོ་གྲུབ་སྟེ། བུམ་པ་བཟང་པོ་ཇི་ལྟ་བཞིན་དུ་དོན་ཡོད་པའི་སྙིང་པོའི་བུམ་པ་བཟང་པོ་ཡིད་བཞིན་གྱི་ནོར་བུ་ཆེན་པོ་ཡང་དེ་བཞིན་གྱིས་ཇི་ལྟར་འདོད་པ་ལོངས་སྤྱོད་ཅིག། ཡིད་ལ་ཇི་ལྟར་བསམ་ཞིང་བཅོལ་བ་ཐམས་ཅད་གྲུབ་པར་གྱུར་ཅིག། དེ་ནས་མཆོད་པ་ཆེན་པོས་གཞལ་མེད་ Pha385b ཁང་ཆེན་པོ་མཆོད་དེ། བུམ་པ་བཟང་པོ་དེ་གཟུང་བར་བྱ་ཞིང་མཆོད་པ་བྱས་ན། ཡིད་ལ་ཇི་ལྟར་འཐད་པ་དང ། འདོད་པ་ཐམས་ཅད་གྲུབ་པར་འགྱུར་ཏེ། ལེགས་པར་བཤད་པའམ། གཙུག་ལག་གམ། སྙན་དངགས་དང ། གར་གྱི་བསྟན་བཅོས་དང ། རྩིས་ཆོས་དང ། བྱཱ་ཀ་ར་ཎ་དང ། ཆོ་ག་ཞིབ་མོ་སྨྲས་པ་དང ། གསང་སྔགས་སྨྲ་བ་དང ། ནགས་སྒྲུབ་པ་དང ། ཕུག་སྒྲུབ་པ་དང ། བཅུད་ཀྱིས་ལེན་པ་དང ། མིག་སྨན་དང ། གཏེར་སྨྲ་བ་དང ། རིག་བྱེད་ཀྱི་སྔགས་དང ། མདོའི་སྡེ་དང ། དབྱངས་ཀྱིས་བསྙད་པའི་སྡེ་ལ་སོགས་པ་ཆོས་དང ། འདུལ་བ་སྨྲ་བ་དེ་དག་ཐམས་ཅད་འབྱུང་བར་འགྱུར་རོ། །འདི་ལྟ་སྟེ། ཟས་དང ། སྐོམ་དང ། གོས་དང ། རྒྱན་དང ། སྤུད་པ་དང ། གསེར་དང ། དངུལ་དང ། ས་ལེ་སྦྲམ་དང ། མུ་ཏིག་དང ། ིནྡྲ་ནཱི་ལ་དང ། མརྒད་དང ། ཀེ་ཀེ་རུ་དང ། ཤེལ་དང ། མུ་ས་ར་དང ། བཻ་ཌཱུརྱ་དང ། མཐོན་ཀ་དང ། མཐོན་ཀ་ཆེན་པོ་དང ། མེ་ཏོག་དང ། འབྲས་བུ་དང ། གོས་དང ། མལ་ཆ་དང ། གནས་དང ། ཁང་པ་དང ། ལོངས་སྤྱོད་དང ། རྩེད་མོ་རྒྱ་ཆེན་པོ་དང ། རྒྱལ་པོ་ལ་འོས་པའི་ལྷའི་གཞལ་མེད་ཁང་སེམས་ཀྱིས་བསམ་པ་ཙམ་གྱི་མོད་ལ་འབྱུང་བར་འགྱུར་རོ། །མིག་འཕྲུལ་གྱི་གཞལ་མེད་ཁང་དང ། སངས་རྒྱས་ཀྱི་སྤྲུལ་པ་དང ། བྱང་ཆུབ་སེམས་དཔའི་སྤྲུལ་དང ། རྡོ་རྗེ་འཆང་གི་སྤྲུལ་པ་དང ། ལྷ་དང ། ཀླུ་དང ། Pha386a ༄#། །ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། དྲི་ཟ་དང ། ལྟོ་འཕྱེ་ཆེན་པོའི་གཞལ་མེད་ཁང་དང ། གནོད་སྦྱིན་དང ། སྲིན་པོ་དང ། འབྱུང་པོའི་བདག་པོའི་གཞལ་མེད་ཁང་དེ་ཐམས་ཅད་བསམ་པ་ཙམ་གྱིས་འབྱུང་བར་འགྱུར་རོ། །ཆར་ཧ་ཅང་ཆེས་པ་དང ། ཆར་མི་འབབ་པ་དང ། དུས་མ་ཡིན་པའི་ཆར་དང ། གྲང་པ་དང ། རླུང་དང ། སྤྲིན་དང ། སེར་བ་དང ། ཆུ་ཟློག་པར་བྱེད་པ་དེ་ཐམས་ཅད་སྟོན་པར་བྱེད་པ། སྡེ་སྟོན་པར་བྱེད་པ། གཡུལ་འགྱེད་པ་སྟོན་པར་བྱེད་པའམ། གནས་དང ། གཞལ་མེད་ཁང་དང ། དཔལ་སྟོན་པར་བྱེད་པ་དེ་ཐམས་ཅད་སྟོན་པར་བྱེད། དེ་ལ་སོགས་པ་ཐམས་ཅད་བསམ་པ་ཙམ་དང ། སྨོན་པ་ཙམ་གྱིས་འགྲུབ་པར་འགྱུར་རོ། །ནོར་དང ། འབྲུ་དང ། འབྲས་བུ་དང ། མེ་ཏོག་དང ། གཞལ་མེད་ཁང་འབྱུང་བར་འགྱུར། ཇི་ལྟར་བསམ་པ་དེ་ཐམས་ཅད་འབྱོར་པར་འགྱུར་རོ། །གླ་རྩི་དེ་བླངས་ལ་གིའུ་ཝང་དང ། ག་པུར་དང་བསྲེས་ཏེ་ཤིང་ཨརྒའི་འོ་མས་སྤྲུས་ཏེ་རིལ་བུར་བྱས་ནས་བ་སེར་མོའི་འོ་མ་ལ་བདར་ཏེ་དཔྲལ་བར་ཐིག་ལེ་བྱས་ན། ནམ་མཁའ་ལ་འགྲོ་བར་འགྱུར། རིག་སྔགས་འཆང་བྱེ་བ་སྟོང་ཕྲག་བཅུའི་འཁོར་དང་ལྡན་པར་འགྱུར། སྙིང་གར་ཐིག་ལེ་བྱས་ན་མི་སྣང་བར་འགྱུར་ཞིང ། གནོད་སྦྱིན་དང ། སྲིན་པོ་དང ། འབྱུང་པོ་ཐམས་ཅད་ཀྱི་རྗེ་དཔོན་དུ་ Pha386b འགྱུར་རོ། །ལྕེའི་རྩེ་མོ་ལ་རེག་ན་ཉིན་རེ་ཞིང་ཚིགས་སུ་བཅད་པ་སྟོང་བཀླགས་ཤིང་འཛིན་པར་འགྱུར། མིད་ན་ལོ་སྟོང་ཕྲག་བཅུར་འཚོ་བར་འགྱུར། འོ་མ་དང་ལྷན་ཅིག་འཐུངས་ན། ཐོས་པ་མང་པོ་རྒྱ་མཚོ་བསགས་པར་འགྱུར། ཤིང་ཨརྒའི་འོ་མ་དང་ལྷན་ཅིག་ཟོས་ན། རིག་སྔགས་འཆང་ཐམས་ཅད་ཀྱི་འཁོར་ལོས་བསྒྱུར་བར་འགྱུར། ཆོ་ག་ཞིབ་མོ་དང ། གསང་སྔགས་དང ། དཀྱིལ་འཁོར་དང ། ཕྱག་རྒྱ་ཐམས་ཅད་མངོན་དུ་འགྱུར། ལྟེ་བའི་གནས་སུ་ཐིག་ལེ་བྱས་ཏེ་ཆུ་ཀླུང་ཆེན་པོའི་ནང་དུ་ཞུགས་ན། གཏིང་དུ་འབྱིང་བར་མི་འགྱུར་ཞིང་ཕ་རོལ་ཏུ་ཕྱིན་པར་འགྱུར། རྒྱ་མཚོའི་ཕ་རོལ་ཏུ་ཡང་ཕྱིན་པར་འགྱུར། སྤྱི་བོར་ཐིག་ལེ་བྱས་ཏེ་གཡུལ་ངོར་ཞུགས་ན། དཔུང་གི་ཚོགས་ཡན་ལག་བཞི་པས་རྒྱལ་བར་འགྱུར། ཞུན་མར་དང་ལྷན་ཅིག་ཟོས་ན། གླང་པོ་ཆེ་སྟོང་གི་སྟོབས་དང་ལྡན་པར་འགྱུར། ལག་པ་ཡ་གཅིག་གིས་གླང་པོ་ཆེ་བསྐྱོད་པ་དང ། ནམ་མཁའ་ལ་འཕེན་ཅིང་སླར་ཡང་འཛིན་ཏོ། །རིལ་བུ་འདིས་ལག་པ་ལ་བསྐུས་ན། མི་སྟོང་ཐུབ་པར་འགྱུར་རོ། །རིལ་བུ་འདི་ལྷའི་གནས་སུ་བརྐོས་ཏེ་བཞག་ན། ལྷ་ཐམས་ཅད་དབང་དུ་འགྱུར་ཏེ།་དུས་དུས་སུ་ཆར་འབེབས་ཤིང་སད་དང ། རླུང་དང ། སྤྲིན་དང ། སེར་བ་གཅོད་པར་བྱེད། རྒྱལ་པོའི་སྒོར་བརྐོས་ཏེ་བཞག་ན། རྒྱལ་པོའི་བཙུན་མོའི་འཁོར་དང་བཅས་པ་དང ། Pha387a ༄#། །བཀའ་ལ་གཏོགས་པ་དང ། ཞང་བློན་དང ། བྲམ་ཟེ་མདུན་ན་འདོན་དང་བཅས་པ་དབང་དུ་འགྱུར་རོ། །གཙུག་ལག་ཁང་གི་སྒོར་བརྐོས་ཏེ་བཞག་ན། དགེ་སློང་ཐམས་ཅད་བདེ་བའི་རེག་པ་ལ་གནས་པས་གནས་པར་འགྱུར། རྟག་ཏུ་བྱམས་པའི་སེམས་ཀྱིས་གནས་པར་འགྱུར། འཕགས་པའི་དགེ་འདུན་གྱི་ནང་དུ་རྒན་པའི་མཐར་བརྐོས་ཏེ་བཞག་ན། དགེ་སློང་ཐམས་ཅད་ཟས་དང་སྐོམ་འདོད་རྒུ་ཐོབ་པར་འགྱུར་རོ། །ལྷུང་བཟེད་ཀྱི་ནང་དུ་བཞག་སྟེ་གྲོང་ཁྱེར་མང་པོར་བསོད་སྙོམས་ལ་སོང་ན། ཁ་ཟས་རོ་བྲོ་བའི་མཆོག་རྣམ་པ་སྣ་ཚོགས་འབད་མི་དགོས་པར་ཐོབ་པར་འགྱུར་རོ། །སྐུ་གདུང་དང་བཅས་པའི་མཆོད་རྟེན་གྱི་གནས་སུ་བརྐོས་ཏེ་བཞག་ལ་མཆོད་རྟེན་ལ་མཆོད་པ་བྱས་ན། རིལ་བུ་ཇི་སྲིད་དུ་མཆོད་རྟེན་གྱི་གནས་ན་གནས་པ་དེ་སྲིད་དུ་མཆོད་རྟེན་ཆེན་པོ་བརྒྱད་ལ་ཉིན་རེ་ཞིང་མཆོད་པ་ཆེན་པོ་བྱས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་གནས་སུ་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་བརྐོས་ཏེ་བཞག་ལ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ཏེ་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བྱས་ན། རིལ་བུ་ཇི་སྲིད་གནས་ཀྱི་བར་དུ་ཉི་མ་རེ་རེ་ཞིང་འཕགས་པ་སྤྱན་རས་གཟིགས་ Pha387b དབང་ཕྱུག་ལ་མཆོད་པ་བྱས་པར་འགྱུར་རོ། །ལམ་པོ་ཆེར་བརྐོས་ཏེ་བཞག་ན། ཆོམ་པོ་དང ། གཡོན་ཅན་དང ། རྐུན་མ་དང ། མི་དང ། མི་མ་ཡིན་པ་དང ། གཅན་གཟན་ཁྲོ་བོ་རྣམས་བཅིངས་པར་འགྱུར་ཞིང་ཕྱོགས་མཚམས་སུ་འབྱེར་བར་འགྱུར་རོ། །རིའི་རྩེ་མོར་བརྐོས་ཏེ་བཞག་ན། སྨན་གྱི་དངོས་པོ་ཐམས་ཅད་འབར་བར་འགྱུར་ཏེ་ཇི་སྲིད་དུ་རིའི་རྩེ་མོ་སྣང་བ་དེ་སྲིད་དུ་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དང ། བ་ལང་དང ། ཕྱུགས་དང ། མ་ཧེ་དང ། རྟ་ལ་སོགས་པ་འཇིགས་པ་ཐམས་ཅད་ལས་གྲོལ་བར་འགྱུར་ཞིང་སེམས་ཅན་དམྱལ་བ་ཆེན་པོ་བཅུ་དྲུག་གི་འཇིགས་པ་ལས་ཡོངས་སུ་ཐར་པར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། ནད་ཐམས་ཅད་ལས་ཡོངས་སུ་གྲོལ་བར་འགྱུར། དཔག་ཚད་བརྒྱ་ཁོར་ཡུག་ཏུ་ཞི་བ་ཆེན་པོར་འགྱུར། ནད་ཐམས་ཅད་དང་བྲལ་བར་འགྱུར། མགུལ་དུ་བཏགས་ཏེ་བཅང་བར་བྱས་ན། འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་བཞེད་པར་འགྱུར་ཞིང་རྟག་ཏུ་དགོངས་པར་འགྱུར་རོ། །བང་བར་བརྐོས་ཏེ་བཞག་ན། འབྲུ་མང་པོ་འཕེལ་བར་འགྱུར་རོ། ། ཆང་ཡོད་པའི་སྒོར་བརྐོས་ཏེ་བཞག་ན། ཆང་ཐམས་ཅད་རབ་ཏུ་འཕེལ་བར་འགྱུར་རོ། །ཞིང་གི་ནང་དུ་བརྐོས་ཏེ་བཞག་ན། ལོ་ཏོག་མང་པོ་འབྱོར་པར་འགྱུར་རོ། །བྲག་ཕུག་ Pha388a ༄#། །ཏུ་བརྐོས་ཏེ་བཞག་ན། བྲག་ཕུག་གི་སྒོ་བྱེ་བར་འགྱུར་རོ། །ཕུག་གི་སྒོ་ལ་བྱུགས་ན་ཕུག་གི་སྒོ་ཐམས་ཅད་བྱེ་བར་འགྱུར་རོ། །བུ་གའི་གནས་སུ་བྱུགས་ན།་རོ་ཐམས་ཅད་འཛག་པར་འགྱུར་རོ། །ནགས་ཀྱི་ཕུག་ཏུ་བརྐོས་ཏེ་བཞག་ན། ནགས་ཀྱི་ལྷ་ཐམས་ཅད་རང་གི་མདུན་ན་འདུག་པར་འགྱུར་རོ། །དགོས་པ་གང་བྱེད་པ་དེ་གྲུབ་པར་འགྱུར་རོ། །པདྨའི་མཚོའི་ནང་དུ་བརྐོས་ཏེ་བཞག་ན། པདྨ་མང་པོ་བྱུང་བར་འགྱུར་ཞིང་དུས་ཀུན་ཏུ་ལྷའི་དྲི་བསུང་འབྱུང་བར་འགྱུར་རོ། །ཁྱིམ་མཐོན་པོའི་གནས་སུ་བཞག་ན། ཇི་སྲིད་སྣང་བ་དེ་སྲིད་དུ་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་རྣམས་སྲུང་བར་འགྱུར་ཞིང་ཕྱོགས་བཅུ་ཀུན་ནས་དཔག་ཚད་བརྒྱ་མཚམས་བཅད་པར་འགྱུར། ནད་ཐམས་ཅད་ལས་ཡོངས་སུ་གྲོལ་བར་འགྱུར། སྡིག་པ་ཐམས་ཅད་དང ། དགྲ་ཐམས་ཅད་དང ། གདོན་ཐམས་ཅད་དང ། འགོ་བའི་ནད་ཐམས་ཅད་རབ་ཏུ་ཞི་བར་འགྱུར། ཕ་རོལ་གྱི་དཔུང་ཐམས་ཅད་རབ་ཏུ་ཞི་བར་འགྱུར། འགོ་བའི་ནད་ཐམས་ཅད་རྣམ་པར་འཇིག་པར་འགྱུར། གཡུལ་ངོར་ཡུངས་ཀར་དང་བསྲེས་ཏེ་གཏོར་ན།་གཡུལ་འགྱེད་པ་ཆེན་པོ་ཕན་ཚུན་མཛའ་བ་ཆེན་པོར་འགྱུར་རོ། །ནད་ཆེན་པོས་ལུས་བསྐམས་ཤིང་ཚེ་ཟད་པ་དང ། བགེགས་ཆེན་པོས་ཟིན་ལ་དྲི་ཆབ་ཀྱི་བུམ་པར་ Pha388b རིལ་བུ་འདི་བསྲེས་ཏེ་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་ཏེ་ཁྲུས་བྱས་ནས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ན། ཁྲུས་བྱས་པ་ཙམ་གྱི་མོད་ལ་ནད་ཐམས་ཅད་དང ། གནོད་པ་ཐམས་ཅད་ལས་ཡོངས་སུ་ཐར་པར་འགྱུར་རོ། །སྡིག་པ་ཐམས་ཅད་དང ། སྒྲིབ་པ་ཐམས་ཅད་ལས་ཡོངས་སུ་ཐར་བར་འགྱུར། ཚེ་ཡོངས་སུ་ཟད་པའི་ཚེ་སླར་ནུར་བར་འགྱུར། ལྷའི་ལུས་གཟུགས་དང་ལྡན་པར་འགྱུར། དྲི་མ་དང་བྲལ་བ་དང ། སེར་སྣ་དང་བྲལ་བར་འགྱུར། ལས་གཞན་དང་གཞན་སྟོང་ཕྲག་བརྒྱ་བྱེད་པར་འགྱུར་ཏེ། རང་གི་བློས་ཀྱང་ཐམས་ཅད་དུ་སྦྱར་བར་བྱའོ། །ཐམས་ཅད་ལ་ཐོགས་པ་མེད་པའི་ལས་ཅན་དུ་འགྱུར། ཕུག་གི་གནས་ཐམས་ཅད་ཀྱི་རྗེ་དཔོན་དང་རྒྱལ་པོར་འགྱུར། ཚེ་བསྐལ་པ་སྟོང་ཕྲག་བཅུ་གཉིས་ཐུབ་པར་འགྱུར། ཤི་ནས་འཇིག་རྟེན་གྱི་ཁམས་བདེ་བ་ཅན་དུ་པདྨའི་སྙིང་པོ་ལས་རྒྱན་ཐམས་ཅད་ཀྱིས་བརྒྱན་པ།་ནོར་བུ་དང ། གསེར་དང ། དངུལ་དང ། རྡོ་རྗེ་དང ། བཻཌཱུརྱ་དང ། མ་རྒད་དང ། པདྨ་རཱ་ག་དང ། ིནྡྲ་ནཱི་ལ་དང ། མུ་ཏིག་རྣམས་ཀྱིས་ལུས་བརྒྱན་པར་གྱུར་ཏོ། །སྐྲ་བུང་བ་ལྟར་ནག་ཅིང་འཁྱིལ་ལ་འཁྱིལ་བ་དང ། མིག་ཨུཏྤ་ལའི་མཆོག་སྔོན་པོ་ལྟ་བུ་དང ། པགས་པའི་མདོག་གསེར་ལྟ་བུར་འགྱུར་རོ། །ངག་འཇམ་པ་དང ། སྙན་པ་དང ། ཡིད་དུ་ Pha389a ༄#། །འོང་བར་འགྱུར་རོ། །རྒྱལ་བ་འོད་དཔག་མེད་ཀྱི་ཕྱག་བརྐྱང་སྟེ་ཕྱག་སྤྱི་བོ་ལ་འཇོག་པར་འགྱུར་རོ། །ཕྱག་ན་པདྨའི་ཕྱག་མཆོག་སྦྱིན་པས་དབུགས་འབྱིན་ཅིང་ཁྱད་པར་མཆོག་སྦྱིན་པར་འགྱུར་རོ། །པདྨ་ལ་རབ་ཏུ་གནས་པ་རྣམ་པར་གཟིགས་པ་དོན་ཡོད་པའི་སངས་རྒྱས་ཞེས་བྱ་བ་འཕགས་པ་འོད་དཔག་མེད་ལུང་སྟོན་པར་འགྱུར་རོ། །དེ་ནས་ཡུངས་ཀར་དེ་དེ་བཞིན་གཤེགས་པ་སྟོང་ཕྲག་བརྒྱ་ཕྲག་བྱེ་བ་སྙེད་ཀྱི་སྤྱན་དུ་འགྱུར་བ་དང ། གངྒཱའི་ཀླུང་གི་བྱེ་མ་དང་མཉམ་པའི་སངས་རྒྱས་བཅོམ་ལྡན་འདས་རྣམས་ཀྱི་རིང་བསྲེལ་དུ་འགྱུར་ཞིང ། ཁམས་སྣ་ཚོགས་ཀྱི་ཁ་དོག་རྣམ་པ་སྣ་ཚོགས་ཀྱི་མདོག་གི་ངོ་བོ་ཉིད་དུ་འགྱུར་རོ། །ནོར་བུ་རིན་པོ་ཆེ་བདུན་དང་འདྲ་ཞིང་འདི་ལྟ་སྟེ། སྐུ་གདུང་རེ་རེ་ཡང་ཉི་མ་བཞིན་དུ་སོ་སོར་གསལ་བར་འགྱུར་རོ། །ཕྱོགས་བཅུ་ཀུན་ཏུ་འོད་ཟེར་འབྱུང་ཞིང་རྫུ་འཕྲུལ་གྱི་ཆོ་འཕྲུལ་རྣམ་པ་སྣ་ཚོགས་མཛད་དེ་ལུས་རེ་རེ་སྟོན་པར་འགྱུར་རོ། །རིང་བསྲེལ་འདི་མཐོང་བ་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། གཞན་དུ་ཡིད་ལ་མ་བྱས་ན་དེ་དག་གིས་དེ་བཞིན་གཤེགས་པ་ཐམས་ཅད་ཀྱིས་དེ་ལ་སྨད་པར་མི་འགྱུར་རོ། །གཞན་ཡང་ཉལ་ཀར་རང་གི་བློས་བྱམས་པའི་སེམས་ཀྱིས་རིང་བསྲེལ་མངོན་དུ་བྱས་ཏེ་ Pha389b སྨོན་ལམ་གདབ་པར་བྱའོ། །ཅི་འདོད་པ་བསམ་སྟེ་མཆོད་པ་བྱས་ན། བསམ་པ་ཙམ་གྱི་མོད་ལ་སྐད་ཅིག་ཏུ་ཐམས་ཅད་འགྲུབ་པར་འགྱུར་རོ། །རིང་བསྲེལ་གྱི་སྙིང་པོ་འདི་ཇི་ལྟ་བ་བཞིན་དུ་བུམ་པ་བཟང་པོ་འདི་ཡང་བལྟ་བར་བྱ་སྟེ། དེ་གཉིས་ཀ་ཡང་རྫུ་འཕྲུལ་མཛད་པར་སྣང་བ་མཐུན་པ་ཡིན་ཏེ། འདི་ལ་ཐེ་ཚོམ་དང་ཡིད་གཉིས་བསྐྱེད་པར་མི་བྱའོ། ། བུམ་པ་སྒྲུབ་པ་དོན་ཡོད་པའི་ཆོ་གའོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པའི་ཕྱག་གསེར་གྱི་ཁ་དོག་ཅན་བརྐྱང་སྟེ་འཕགས་པ་སྤྱན་རས་གཟིགས་དབང་ཕྱུག་གི་དབུའི་སྤྱི་བོར་བཞག་སྟེ་བཀའ་སྩལ་པ། མཆོག་ཏུ་རྨད་དུ་བྱུང་བ་ཞེས་བྱ་བའི་ཆོ་ག་ཞིབ་མོ་གྲུབ་པ། བླ་ན་མེད་པ། དོན་ཡོད་པ་ཆེན་པོའི་བུམ་པ་སྒྲུབ་པ། རིགས་པ་འཆང་བ་རྣམས་ཀྱིས་བཀླགས་པས་གྲུབ་པ། འཛམ་བུ་གླིང་པའི་རིགས་བཞིའི་འཇིག་རྟེན་ལ་ཕན་པ་དང ། བདེ་བའི་དོན་དུ་རབ་ཏུ་བྱིན་པ་དང ། སྒྲུབ་པ་ཤིན་ཏུ་བཀྲ་ཤིས་པ་བླ་ན་མེད་པ། རང་གི་བྱིན་གྱི་རླབས་ཀྱིས་བྱིན་གྱིས་བརླབས་པ། དོན་ཡོད་པ་ཆེན་པོའི་ཆོ་འཕྲུལ། སངས་རྒྱས་དང་བྱང་ཆུབ་སེམས་དཔའ་བླ་ན་མེད་པ།་སྒྲུབ་པ་ཡང་དག་པར་སྒྲུབ་པ། ཆེ་ཞིང་ཆེ་བ་བྱང་ཆུབ་ཀྱི་སྙིང་པོའི་ཆོས་ཀྱི་འཁོར་ལོ་བསྐོར་བ། དེ་བཞིན་གཤེགས་པ་ཆེན་པོའི་བྱིན་གྱི་རླབས་ཀྱིས་བྱིན་གྱིས་བརླབས་པ། Pha390a ༄#། །སེམས་ཅན་ཐམས་ཅད་ལ་ཕན་པ་དང ། བདེ་བའི་ཕྱིར་དབུགས་འབྱིན་པ་ཆེན་པོ་འཇིག་རྟེན་དུ་བཞག་པ་ནི། སེམས་དཔའ་ཆེན་པོ་ལེགས་སོ་ལེགས་སོ།། མཆོག་ཏུ་སྒྲུབ་པ། བླ་ན་མེད་པ་སྒྲུབ་པ། བཀླགས་པས་འགྲུབ་པ། རྟག་ཏུ་རྗེས་སུ་འབྲང་བར་འགྱུར་བ། རྟག་ཏུ་མཆོག་སྦྱིན་པར་མཛད་པ། རྟག་ཏུ་རྗེས་སུ་སྐྱོང་བར་མཛད་པ་ནི།་སེམས་ཅན་གྱི་བསམ་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་སྤྱན་རས་གཟིགས་དབང་ཕྱུག་ཁྱོད་ལ་ཡོངས་སུ་གཏད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་མཆོག་ཏུ་ཡིད་དགའ་སྟེ་བཞིན་འཛུམ་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་བཏུད་ནས་བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཕྱོགས་བཅུའི་སེམས་ཅན་ཐམས་ཅད་དང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སྲོག་ཆགས་སུ་གྱུར་པ་ཇི་སྙེད་རི་དྭགས་དང ། བྱ་ཇི་སྙེད་པ་དེ་དག་ཐམས་ཅད་བདག་གིས་ཡོངས་སུ་གཟུང་བར་བགྱི་ཞིང ། སྡུག་བསྔལ་ཐམས་ཅད་ལས་ཡོངས་སུ་ཐར་བར་བགྱི་བ་དང ། བྱང་ཆུབ་ཆེན་པོའི་ལམ་ལ་དགོད་པའི་ཕྱིར་སྙིང་རྗེ་ཆེན་པོ་རྣམ་པར་ Pha390b དག་པས་རྗེས་སུ་གཟུང་བར་བགྱིའོ། །བཅོམ་ལྡན་འདས། མངོན་པར་བརྩོན་པ་དེ་དག་ནི། བདག་གིས་ཐམས་ཅད་ཀྱི་མཆོག་ཏུ་ཡོངས་སུ་གྲོལ་བར་བགྱིའོ། །བཅོམ་ལྡན་འདས། ཡང་དག་པར་འགྲུབ་པར་བྱེད་པའི་རིག་པ་འཛིན་པ་ཐམས་ཅད་ཀྱིས་བདག་དྲན་ན། བཅོམ་ལྡན་འདས། སེམས་ཅན་དེ་ནི། བདག་གིས་རྟག་ཏུ་བལྟ་བར་བགྱིའོ། །རྟག་ཏུ་རྗེས་སུ་དྲན་པ་དང ། རྟག་ཏུ་རྗེས་སུ་བསྲུང་བར་བགྱིའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་གཉིས་པ། བཅོམ་ལྡན་འདས། འོན་ཀྱང་དོན་ཁྱད་པར་ཅན་གྱི་ཆེད་དུ་དོན་ཡོད་ཞགས་པའི་སྙིང་པོའི་ཆོ་ག་ཞིབ་མོ་འདི་ཀློག་པ་དང ། སྒྲུབ་པ་དང ། རེག་པ་དང ། མཆོད་པར་བྱེད་པ་ལ་མངོན་པར་བརྩོན་པ་དེ། བདག་ཅག་གིས་བཅོམ་ལྡན་འདས་ཀྱི་ཐུགས་ལས་སྐྱེས་པའི་སྲས་ལྟ་བུར་ཡོངས་སུ་བསྐྱང་བར་བགྱི། ཕྲག་པས་ཡོངས་སུ་བཀུར་བར་བགྱིའོ། །བཅོམ་ལྡན་འདས། དེ་བཞིན་ཉིད་དུ་སེམས་ཅན་ཐམས་ཅད་སྙིང་རྗེ་ཆེན་པོས་ཡོངས་སུ་གཟུང་སྟེ། ཡོངས་སུ་ཐར་པའི་དོན་གྱི་ཆེད་དང ། མཆོག་སྦྱིན་པ་ཡོངས་སུ་རྫོགས་པའི་ཆེད་དང ། རེ་བ་དང ། ཡིད་ཀྱི་ཤིང་རྟ་ཐམས་ཅད་ཡང་དག་པར་དགོངས་པའི་ཆེད་དང ། བདག་གིས་བཅོམ་ལྡན་འདས་ལ་ལྟོས་པ་མེད་པར་བགྱིའོ། །བདག་བཅོམ་ལྡན་འདས་ཀྱི་ཚིམ་པ་མེད་པ་དང ། སེམས་ཅན་ཐམས་ཅད་ཡོངས་སུ་གྲོལ་བའི་ཆེད་དང ། མཆོག་སྦྱིན་པའི་ Pha391a ༄#། །ཆེད་དང ། བསྲུང་བའི་ཆེད་དང ། ཐམས་ཅད་ལ་བྱང་ཆུབ་མཆོག་གི་ལམ་ལ་རབ་ཏུ་དགོད་པའི་ཆེད་དང ། བཅོམ་ལྡན་འདས། ཁྱད་པར་དུ་ཆོ་ག་ཞིབ་མོའི་རྒྱལ་པོ་འདི་ལ་གལ་ཏེ་ཀློག་པ་དང ། སྒྲུབ་པ་དང ། དཀྱིལ་འཁོར་དང ། ཕྱག་རྒྱ་ལ་མངོན་པར་བརྩོན་པར་བྱེད་པ་དང ། འཆང་བར་བྱེད་པ་དང ། འདོན་པར་བྱེད་པ་དང ། མཆོད་པར་བྱེད་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པས་སྒོམ་པར་བྱེད་པ་དང ། ཉན་པར་བྱེད་པ་དང ། ཐ་ན་རྣ་བའི་བུ་གར་ཡང་སྒྲ་ལྷུང་བར་འགྱུར་བ་དེ་ལ་བདག་གིས་བཅོམ་ལྡན་འདས། རྟག་ཏུ་དུས་ཐམས་ཅད་དུ་རྒྱུན་རྗེས་སུ་འབྲང་བར་བགྱི། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་མཆོག་ཐམས་ཅད་དང ། བཀྲ་ཞིང་རྣམ་པར་བཀྲ་བའི་ལྷ་རྫས་ཐམས་ཅད་རྗེས་སུ་སྩལ་བར་བགྱིའོ། །ཆོ་ག་ཞིབ་མོ་ཆེན་པོ་སྒྲུབ་པར་བྱེད་པ་རྣམས་ཕྱིར་མི་ལྡོག་པའི་གནས་ལ་དགོད་པར་བགྱི། ཐ་ན་དུད་འགྲོའི་སྐྱེ་གནས་སུ་སོང་བའི་རི་དྭགས་དང་བྱ་རྣམས་ཀྱིའང་སྒྲ་གྲགས་པ་རྣ་བའི་བུ་གར་ལྷུང་བ་ཙམ་ལས་ཕྱིར་མི་ལྡོག་པའི་གནས་ལ་རབ་ཏུ་འཇུག་པར་བགྱི། བཅོམ་ལྡན་འདས། ཅི་སླར་ཡང་ཡོངས་སུ་དག་པའི་ཡིད་ཀྱིས་བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་ལ་རྟག་ཏུ་ཡང་དག་པར་གནས་པས། དོན་ཡོད་ཞགས་པའི་སྙིང་པོ་འདི་སྒྲུབ་པར་བྱེད་པ་དང ། ཀློག་པར་བྱེད་པ་ Pha391b དང ། དཀྱིལ་འཁོར་དང ། ཕྱག་རྒྱ་དང ། ཆོ་ག་ཞིབ་མོའི་རྒྱལ་པོ་སྒྲུབ་པར་བྱེད་པ་དང ། འཆང་བར་བྱེད་པ་དང ། འདོན་པར་བྱེད་པ་དང ། ཐུན་མཚམས་གསུམ་གྱི་གནས་སུ་གནས་པས་རྗེས་སུ་དྲན་པར་བྱེད་པ་དང ། ཉིན་དང་མཚན་མོར་རི་མོར་བྱེད་པ་འདི་རྣམས་བཅོམ་ལྡན་འདས། མིའི་ལུས་སུ་མི་འགྱུར་ཏེ། མིའི་ལུས་དག་པའི་ལུས་སུ་རིག་པར་བྱ། ལྷ་ཞེས་བྱ་བའི་ལུས་སུ་རིག་པར་བྱའོ། །བཅོམ་ལྡན་འདས། བདག་གིས་རྟག་པར་རྒྱུན་དུ་ཕྲག་པས་ཡོངས་སུ་བཀུར་བར་བགྱི། བཅོམ་ལྡན་འདས། བདག་གི་སྤྱི་བོར་སོན་པ་གཟུང་བར་བགྱི། བཅོམ་ལྡན་འདས། གང་གི་སླད་དུ་ཞེ་ན། བཅོམ་ལྡན་འདས། ལྷའི་ལུས་འདི་ནི། མི་ལུས་སུ་རིག་པར་བགྱི་བ་མ་ལགས་སོ། །གང་གི་སླད་དུ་ཞེ་ན། བཅོམ་ལྡན་འདས། དོན་ཡོད་པའི་ཞགས་པའི་སྙིང་པོ་འདི་མིའི་ལུས་ཀྱི་སྙིང་པོ་དང ། ནང་གི་ཡིད་ལ་གནས་པ་དེས། དེའི་མཐུས་དོན་ཡོད་ཞགས་པའི་སྙིང་པོ་ཆེན་པོའི་མཐུས་མིའི་ལུས་དག་པའི་ལྷའི་ལུས་སུ་འགྱུར་ཏེ། ལྷའི་ལུས་སུ་རིག་པར་བྱའོ། །འཇིག་རྟེན་དབང་ཕྱུག་གི་ལུས་སུ་རིག་པར་བྱའོ། །ཡིད་བཞིན་གྱི་ནོར་བུ་རིན་པོ་ཆེའི་ལུས་སུ་རིག་པར་བྱའོ། །དེ་བཞིན་གཤེགས་པའི་མཛོད་རྒྱ་མཚོ་ཆེན་པོའི་དཀྱིལ་འཁོར་གྱི་ལུས་སུ་རིག་པར་བྱའོ། །དོན་ཡོད་པའི་སྙིང་པོའི་ལུས་སུ་རིག་པར་བྱའོ། །དྲི་མ་དང་བྲལ་ཞིང ། སེར་སྣ་དང་ཕྲག་དོག་སྤངས་པའི་ལུས་སུ་རིག་པར་བྱའོ། །སྡིག་པ་དང ། སྒྲིབ་པ་ཐམས་ཅད་རྣམ་པར་ Pha392a ༄#། །དག་ཅིང་།དྲི་མ་མེད་པའི་ལུས་སུ་རིག་པར་བྱའོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་ཐམས་ཅད་ཀྱིས་མཆོད་པར་བྱ་བ་དང ། བརྗེད་པར་བྱ་བ་དང ། ཕྱག་བྱ་བའི་འོས་སུ་རིག་པར་བྱའོ། །སུམ་ཅུ་རྩ་གསུམ་པའི་ལྷ་རྣམས་ཀྱིས་བསྲུང་བའི་ལུས་སུ་རིག་པར་བྱའོ། །དེ་བཞིན་གཤེགས་པ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་བདུན་ཅུ་རྩ་གཉིས་བསྐྱེད་པའི་དགེ་བའི་རྩ་བ་དང་ཡང་དག་པར་ལྡན་པའི་ལུས་སུ་རིག་པར་བྱའོ། །ཚེ་དཔག་ཏུ་མེད་པའི་ལུས་སུ་རིག་པར་བྱའོ། །བྱང་ཆུབ་སེམས་དཔའ་ཐམས་ཅད་ཀྱིས་དབུགས་ཕྱུང་བའི་ལུས་སུ་རིག་པར་བྱའོ། །ལག་ན་རྡོ་རྗེས་རྡོ་རྗེར་བྱིན་གྱིས་བརླབས་པའི་ལུས་སུ་རིག་པར་བྱའོ། །རྒྱ་མཚོ་ཆེན་པོ་ཟབ་མོའི་ཆུའི་རིགས་དགུ་དང་མཉམ་ཞིང་མཚུངས་པའི་ལུས་སུ་རིག་པར་བྱའོ། །དེ་མ་ཐག་ཏུ་ལྷུན་པོ་ཆེན་པོའི་ལུས་སུ་རིག་པར་བྱའོ། །ནམ་མཁའ་ཆེན་པོ་ཡོངས་སུ་དག་པ་དང ། ནོར་བུ་རིན་པོ་ཆེ་ཆེན་པོ་དང་འདྲ་བར་འགྱུར་ཏེ། ལྷའི་ལུས་དང ། ལྷའི་ཁམས་ཀྱི་སྙིང་པོ་མཉམ་པའི་ལུས་སུ་རིག་པར་བྱའོ། །དེ་ལྟར་མཐུ་ཆེན་པོ་དང ། སྟོབས་ཆེན་པོ་ཞེས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཤིང་ལུང་བསྟན་པར་འགྱུར་ཏེ། ལུས་ཆེན་པོར་ཡང་འགྱུར་རོ། །བཅོམ་ Pha392b ལྡན་འདས། འོན་ཀྱང་སེམས་ཅན་སྒྲུབ་དཀའ་བ། ཁོང་དུ་ཆུད་པར་དཀའ་བ། གཏིང་དཔག་པར་དཀའ་བ། དད་པ་མེད་པ། སེར་སྣས་ཡོངས་སུ་དཀྲིས་པ། སྡིག་པ་དང ། གདུག་པ་དང ། ལྷག་མ་དང ། སྦགས་པ་དང ། ཁྲོ་བ་དང ། ཞེ་གདུག་པ་མང་བ་དེས་ནི། བཅོམ་ལྡན་འདས། སེམས་ཅན་རང་གི་ཉེས་པ་ལགས་ཀྱི། བཅོམ་ལྡན་འདས། བདག་གིས་ཉེས་པ་ནི། མ་ལགས་སོ། ། བཅོམ་ལྡན་འདས། འོན་ཀྱང་བདག་དྲན་པ་ཙམ་གྱིས་སྙིང་པོ་འདི་ཀློག་པ་དང ། ཁ་ཏོན་དུ་བྱེད་པ་དང ། བཟླས་པ་ཙམ་གྱིས་ཡང་དག་པར་དགོངས་པར་བགྱི། མཐོང་བ་སྩལ་བར་བགྱིའོ། །ཡང་དང་ཡང་དུ་བསྐུལ་བར་བགྱིའོ། །བཅོམ་ལྡན་འདས། སེམས་ཅན་དེ་རྣམས་ནི། བདག་ལ་ལྟ་བར་མི་བྱེད་པ་དང ། བསམ་པར་མི་བྱེད་པ་དང ། སེམས་པར་མི་བྱེད་པ་དང ། སྐད་ཅིག་ཡུད་ཙམ་ཐང་གཅིག་ཡིད་ལ་བྱེད་པས་ཀུན་ཏུ་འཛིན་པར་མི་བྱེད་ལགས་ཏེ། གདུག་པའི་བསམ་པ་དང ། གདུག་པའི་སེམས་ཀྱིས་སེམས་ཅན་རང་གི་ཉེས་པས་ཡང་དག་པར་གང་བའི་ལུས་ལགས་སོ། །བཅོམ་ལྡན་འདས། བདག་ནི། སེམས་པ་དང ། དྲན་པ་དང ། རྣམ་པར་ལྟ་བར་བྱེད་པ་ཙམ་གྱི་མོད་ལ་མདུན་དུ་ཉེ་བར་འདུག་པར་བགྱི། །མཐོང་བ་དང ། ཡང་དག་པའི་གཏམ་ཀུན་ཏུ་སྨྲ་བ་དང ། ཡང་དག་པར་འགྲོགས་པར་བགྱིའོ། །སེམས་ཅན་དེ་རྣམས་ནི། རིག་སྔགས་འཆང ། ཐ་ན་སེམས་ཀྱི་ཀུན་ཏུ་རྟོག་པ་ཙམ་ཡང་མི་སྐྱེ་སྟེ། ཡིད་ལ་བྱེད་པ་དང ། སེམས་ Pha393a ༄#། །པར་བྱེད་པ་ཡང་མ་ལགས་སོ། །འདི་ལྟ་སྟེ། དགེ་སྦྱོང་གི་ཆ་བྱད་སྐྲ་བཞར་ཞིང་ངུར་སྨྲིག་ཙམ་འཆང་བའི་ཆ་བྱད་ནི། བྲམ་ཟེ་དང ། རྒྱལ་རིགས་ཀྱི་ཆ་བྱད་དང ། ཚོང་པ་དང ། དེད་དཔོན་ཆེན་པོའི་ཆ་བྱད་དང ། བྱིས་པ་དང ། བཅོམ་ལྡན་འདས་ཀྱི་ཆ་བྱད་དང ། རྒྱལ་པོ་དང ། བློན་པོ་དང ། འགྲོགས་ཤེས་དང ། གོས་དམར་པོ་ཅན་ལ་མཁན་པོ་དང ། སློབ་དཔོན་དང་མཚུངས་པར་མཁན་པོ་དང ། བུ་དང ། བུ་མོ་དང ། མ་དང ། ཕ་དང ། སྲིང་མོར་ཉེ་བར་ལྟ་བར་བྱེད་དོ། །འོན་ཀྱང་མཁས་པ་ནི། ལྷག་པའི་བསམ་པ་ཡང་དག་པར་རྫོགས་པ་ལ་གནས་པས། གཟུགས་དང ། ཁ་དོག་དང ། རྟགས་དང ། དབྱིབས་དང ། སྐད་དང ། ཡང་དག་པའི་གཏམ་སྨྲ་བ་དང ། ཚིག་འབྲུ་དང ། ཡི་གེ་དང ། དུས་ཚིགས་སུ་འགྲོ་བ་ཡང་དག་པར་མཚོན་པར་བྱ། ཡང་དང་ཡང་དུ་གཏམ་ཀུན་ཏུ་སྨྲ་བ་ལ་རྣམ་པར་སྤྱད་པར་བྱ། དེའི་འོག་ཏུ་ཤེས་པར་བྱའོ། །འཕགས་པའི་སེམས་ཅན་ནོ་ཞེས་བལྟ་བར་བྱ། བདག་ལ་ལྟ་བར་འདོད་པ་དང ། བདག་མཐོང་བར་འདོད་པ་དེར་ཉེ་བར་འགྲོ་བར་བགྱིའོ། །དེ་ལྟ་བུའི་ཚོགས་ཤིན་ཏུ་གསལ་བར་མཐོང་བ་སྩལ་བར་བགྱི། རེ་བ་ཐམས་ཅད་དང ། ཡིད་ཀྱི་ཤིང་རྟ་ཡོངས་སུ་རྫོགས་པར་བགྱི། སྐྱེ་བོ་ཆེན་པོའི་དབུས་སུ་ཉོ་བ་དང ། ཚོང་བ་དང ། ཀུན་ཏུ་སྨྲ་བ་དང ། ཡང་དག་པར་སྨྲ་བའི་ཐ་སྙད་ཡང་དག་པར་བགྱི། མདུན་སའི་ Pha393b དབུས་སུ་བསྟན་བཅོས་དང ། སྙན་དངགས་དང ། རིག་བྱེད་དང ། གསང་སྔགས་དང ། རིག་པ་དང ། བརྡ་སྤྲོད་པ་དང ། མདོ་སྡེ་དང ། ཟློས་གར་དང ། དྲི་ཟའི་གླུ་དབྱངས་ཀྱི་ཐ་སྙད་ཡང་དག་པར་བགྱི། བྱང་ཆུབ་སྒྲུབ་པ་ལ་ཚུལ་དང ། འདུལ་བ་དང ། ཐེག་པ་ཆེན་པོའི་ཆོས་ཀྱི་མན་ངག་ལྷག་པར་བགྱི། བྲམ་ཟེ་རྣམས་ལ་སྔོན་རབས་དང ། རིག་བྱེད་དང ། མེའི་སྦྱིན་སྲེག་དང ། བྷ་ར་ཏ་དང ། རཱ་མ་ཡ་ཎ་བསྟན་པར་བགྱི། གསང་སྔགས་སྨྲ་བ་རྣམས་ལ་གསང་སྔགས་ཀྱི་བཟླས་བརྗོད་དང ། དཀྱིལ་འཁོར་དང ། ཕྱག་རྒྱ་དང ། ཆོ་ག་ཞིབ་མོ་དང ། གཟུངས་ཀྱི་བཟླས་བརྗོད་དང ། སྦྱིན་སྲེག་དང ། ཞི་བ་དང ། རྒྱས་པ་དང ། མངོན་སྤྱོད་ལ་སོགས་པ་བསྟན་པར་བགྱི། གང་གིས་བདག་མངོན་སུམ་དུ་མདུན་ན་འདུག་པར་ཅི་ཞིག་གིས་ཤེས་པར་བྱ་ཞེ་ན།་རྣམ་པ་གསུམ་གྱིས་ཤེས་པར་བྱ་སྟེ། ཚིག་སྙན་པ་དང ། འཇམ་ཞིང་གཉེན་པའི་ངག་མི་འགྱུར་ཞིང་ཡོངས་སུ་གསལ་བར་རབ་ཏུ་འབྱེད་པ་ཡིན་པ་དང ། ངག་གསལ་བ་ཡིན་པས་ཏེ།་ཐམས་ཅད་དུ་མཆོག་ཏུ་སྨྲ་ཞིང་སོ་སོར་ཁྱད་པར་དུ་བྱེད་པའོ། །ཁ་ནས་ཨུཏྤ་ལའི་དྲི་དང་ལྡན་པའི་རླུང་གནས་པ་དང ། ལུས་ལས་ཀྱང་གླ་རྩིའི་དྲི་གནས་པས་ཏེ། འོན་ཀྱང་འཇིགས་སུ་རུང་བའི་གཟུགས་ལ་ཤིན་ཏུ་དཔལ་གྱིས་འབར་བར་བྱེད་དོ། །དེས་ན་རིག་སྔགས་འཆང་གིས་གཞན་ནམ། འཇིག་རྟེན་གྱི་རིགས་བཞི་པོ་གང་ཡང་རུང་བ་འདི་འཕགས་པ་སྤྱན་རས་ Pha394a ༄#། །གཟིགས་དབང་ཕྱུག་གོ་།ཞེས་དེ་གསལ་བར་ཤེས་པར་བྱ་སྟེ། འདི་ལ་ཡིད་གཉིས་དང ། དོགས་པ་བསྐྱེད་པར་མི་བྱའོ། །རྨི་ལམ་དུ་ཡང་ཐུན་མཚམས་བཞིར་སྣ་ཚོགས་པའི་གཟུགས་དང་ཁ་དོག་དང་དབྱིབས་སུ་མཐོང་བ་སྩལ་བར་བགྱི། རེ་བ་ཐམས་ཅད་དང ། ཡིད་ཀྱི་ཤིང་རྟའི་མཆོག་རྗེས་སུ་སྩལ་བར་བགྱི། ལྷུན་གྱིས་གྲུབ་པ་ལས་ཕན་པ་ཐམས་ཅད་དང ། ཕུན་སུམ་ཚོགས་པའི་འབྱོར་པ་ཡོངས་སུ་རྫོགས་པར་བགྱི། བཅོམ་ལྡན་འདས། ནམ་དུ་ཡང་རྣམ་པ་གཞན་དུ་མི་འགྱུར་བར་བགྱིའོ། །ཡོངས་སུ་གཏང་བར་མི་བགྱིའོ། །དེས་མཆོག་སྦྱིན་པ་ལ་ལྟོས་པར་མི་བགྱིའོ། །བཅོམ་ལྡན་འདས། རྫུན་དུ་སྨྲ་བ་དེའི་དངོས་གྲུབ་ཡང་དག་པར་རྗེས་སུ་མི་མཐོང་ཞིང ། ལྷ་རྣམས་དེ་ལ་སྲུང་བ་དང ། ཡོངས་སུ་སྐྱོང་བར་མི་བགྱིད་པ་ནི། མ་གཏོགས་སོ། །བཅོམ་ལྡན་འདས། དེ་ཡང་སེམས་ཅན་སྡུག་བསྔལ་ཅན་དེའི་སྐྱོབ་པ་དང ། དཔུང་གཉེན་དང ། སྐྱབས་དང ། འཁྲ་སར་འགྱུར་བར་བགྱི།་གདོན་མི་ཟ་བར་བརྩེ་བ་མེད་པར་འགྱུར་བ་མ་ཡིན་ནོ། །ཞེས་མཆོག་ཏུ་བསྒྲལ་བར་བགྱིའོ། །བཅོམ་ལྡན་འདས། དེ་ལྟར་སྙིང་རྗེས་ཡོངས་སུ་ཟིན་པའི་ཡིད་ཀྱིས་སེམས་ཅན་ཐམས་ཅད་བླ་ན་མེད་པར་བགྱི། ཡང་དག་པར་གཟུང་བར་བགྱི། སེམས་ཅན་འདི་དག་ལ་གདོན་མི་ཟ་བར་བྱང་ཆུབ་ཀྱི་ས་བོན་རྗེས་སུ་གདབ་པར་བགྱིའོ། །དེ་ནས་ཡང་ Pha394b བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་དང ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ་ལེགས་སོ། །སེམས་དཔའ་ཆེན་པོ་མཆོག་གི་སྙིང་རྗེ་ཅན། ཁྱོད་སེམས་ཅན་ལ་མཉེས་གཤིན་པ་གང་གིས་སེམས་ཅན་དེ་རྣམས་ཐམས་ཅད་སྙིང་རྗེ་ཆེན་པོས་ཡོངས་སུ་བཟུང་སྟེ་མཆོད་པར་བྱེད་ཅིང ། འཁོར་བ་ཆེན་པོར་སྤྱོད་པར་བྱེད་པ་ལས་ཡོངས་སུ་ཐར་པ་གང་ཡིན་པ་དང ། བསད་པར་འོས་པ་ཤིན་ཏུ་ཡོངས་སུ་གྱུར་པ། བྱིང་བར་གནས་པ་དང ། བཀྲེས་པ་དང ། སྐོམ་པས་ཉེན་པ་དང ། འཇིགས་པ་དང ། སྐྲག་པ་དང ། ཡིད་འབྱུང་ཞིང་སྐྱོ་བ་དང ། སྡུག་བསྔལ་མང་བ་དེས་ན། སེམས་ཅན་དེའི་དོན་ཡོད་པའི་རྒྱལ་པོའི་སྙིང་པོའི་དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། ཆོ་ག་ཞིབ་མོའི་རྒྱལ་པོ་ཆེན་པོ་འདིའི་མིང་འཛིན་པ་དང ། སྒྲ་རྣ་བའི་བུ་གར་ལྷུང་ཞིང་ཐོས་པར་བྱེད་པ་དེའི་སྡུག་བསྔལ་ཆེས་ཆེ་བ་དེ་རྣམས་དང ། སྡིག་པ་དང ། སྒྲིབ་པ་ཐམས་ཅད་ཡོངས་སུ་གྲོལ་ཏེ་འཇིགས་པ་ཐམས་ཅད་ཞི་བར་འགྱུར་རོ། ། དམྱལ་བའི་འཇིགས་པ་ཆེན་པོ་ལས་འདོན་ཅིང་ཡོངས་སུ་གྲོལ་པར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པ་རྣམས་སྡིག་པ་ཐམས་ཅད་དང ། དམྱལ་བའི་སྡུག་ Pha395a ༄#། །བསྔལ་གྱི་ཚོར་བ་མྱོང་བའི་ལས་ཀྱི་སྒྲིབ་པ་རྣམས་ཡོངས་སུ་ཟད་ཅིང་ཡོངས་སུ་གཏུགས་པར་འགྱུར་རོ། །དེ་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་འཛིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པར་འགྱུར་རོ། །ལན་བདུན་ཐོས་པ་ཙམ་གྱིས་སེམས་ཅན་དེ་རྒལ་བར་འགྱུར་རོ། །ཚོགས་ཆེན་པོ་བསགས་པ་དང ། དེ་བཞིན་གཤེགས་པས་དབུགས་ཕྱུང་བ་ཡིན་ནོ། །བྱང་ཆུབ་ཀྱི་ས་བོན་ཡོངས་སུ་རྫོགས་པར་འགྱུར་རོ། །སྤྱན་རས་གཟིགས་དབང་ཕྱུག་འོན་ཀྱང་སེམས་ཅན་འདི་དག་ནི། འཕགས་པ་སྤྱན་རས་གཟིགས་དབང་ཕྱུག་དོན་ཡོད་ཞགས་པའི་སྙིང་པོ་དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང་བཅས་པའི་ཆོ་ག་ཞིབ་མོ་མཐའ་དག་རྫོགས་པར་ཉན་པར་བྱེད་པ་དང ། ཀློག་པར་བྱེད་པ་དང ། འཆང་དུ་འཇུག་པ་དང ། འདོན་དུ་འཇུག་པ་དང ། མཆོད་པར་བྱེད་པ་དང ། འབྲི་བར་བྱེད་པ་དང ། འབྲིར་འཇུག་པ་དང ། མཆོད་པ་ཆེན་པོ་བྱེད་པ་དེའི་སེམས་ཅན་དེ་རྣམས་ཕྱིར་མི་ལྡོག་པར་རིག་པར་བྱ་སྟེ། འདི་ལ་ཐེ་ཚོམ་དང ། དོགས་པ་བསྐྱེད་པར་མི་བྱའོ། །འོན་ཀྱང་རིལ་བུ་དང ། མིག་སྨན་དང ། བདུག་པ་ལག་ཏུ་ཐོགས་པར་འགྱུར་བ་དེའི་སེམས་ཅན་དེ་རྣམས་ཆེར་དག་ཅིང ། ཀུན་ནས་ཕྱོགས་བཅུ་ Pha395b རྣམས་སུ་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་འཛིན་པར་འགྱུར་རོ། །དེ་བཞིན་གཤེགས་པ་ཐམས་ཅད་མཉེས་པར་བྱས་པར་འགྱུར་རོ། །ཕྱག་ན་པདྨ་དང ། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་དོན་ཡོད་ཞགས་པའི་སྙིང་པོ་དང ། ཀུན་ཏུ་ཁྲོ་བོའི་ཕྱག་རྒྱའི་སྙིང་པོ་འདི་ལན་བདུན་སྨྱུང་བར་གནས་པའི་ཆོ་གས་མཆོད་པ་བྱེད་ཅིང་བཟླས་པ་འབུལ་བར་བྱེད་ཅིང་དབང་བསྐུར་བར་བྱེད་པ་དེ་ནི། མཐོང་བའི་ཆོས་ཉིད་ལ་དེ་བཞིན་གཤེགས་པའི་ལུས་སུ་རིག་པར་བྱའོ། ། དེ་བཞིན་གཤེགས་པའི་ཆོས་ཉིད་དངོས་སུ་མཐོང་སྟེ་དེ་བཞིན་གཤེགས་པའི་མཛོད་ལག་ཏུ་སོན་པར་འགྱུར་ཏེ། ཡིད་ཀྱིས་ཐེ་ཚོམ་མི་བྱའོ། །འཁོན་དང་དྲེགས་པ་ཐམས་ཅད་ཡོངས་སུ་སྤངས་པས་བྱ་སྟེ། སྙིང་རྗེ་ཆེན་པོས་ཡོངས་སུ་བཟུང་བས་སེམས་ཅན་དེ་རྣམས་ཐམས་ཅད་ཀྱི་མཐར་ཐུག་པར་འགྱུར་བར་བྱ་ཞིང་བཟླས་པ་སྦྱིན་པར་བྱའོ། །གང་ཡང་དོན་ཡོད་པའི་དཀྱིལ་འཁོར་ཆེན་པོ་འཆད་པར་བྱེད་པ་དང ། མཐོང་བ་དང ། ལྟ་བར་བྱེད་པ་དང ། རས་རིས་ཆེན་པོ་འདི་ལྟ་བར་བྱེད་པ་དེ་ནི། དེ་བཞིན་གཤེགས་པ་དེ་རྣམས་ཐམས་ཅད་ཀྱི་སངས་རྒྱས་ཀྱི་ཞིང་ཕྱོགས་བཅུ་ཀུན་ཏུ་གངྒཱའི་ཀླུང་གི་བྱེ་མ་དང་མཉམ་པའི་སངས་རྒྱས་ཀྱི་ཞིང་རྣམས་སུ་རྗེས་སུ་ཞུགས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གསང་བ་དམ་ཚིག་ཆེན་ Pha396a ༄#། །པོའི་སྙིང་པོ་ལ་རབ་ཏུ་ཞུགས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྐུ་མཐོང་བར་འགྱུར་རོ། །ཁྲོ་བོའི་རྒྱལ་པོ་འདིས་དབང་བསྐུར་བས། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བར་འགྱུར་རོ། །དེ་ལྟར་ཡོན་ཏན་དང ། ཕན་ཡོན་ཆེན་པོ་དང ། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །དགེ་བའི་རྩ་བ་ཆེན་པོ་ཡོངས་སུ་འཛིན་པར་འགྱུར་རོ། །དེ་བཞིན་དུ་ཕན་ཡོན་ཆེན་པོ་དང ། མཐུ་ཆེན་པོ་དང ། ཡོན་ཏན་ཆེན་པོ་བསྐྱེད་བར་བྱ་བ་ཆོ་ག་ཞིབ་མོའི་རྒྱལ་པོ་ཆེན་པོའི་ཆོ་ག་སྟེ། ཆོ་ག་ཞིབ་མོའི་རྒྱལ་པོ་ཆེན་པོ་འདི་དང ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་མིང་འཛིན་པ་དང ། མཐོང་བ་ཙམ་གྱིས་མཐོང་བའི་ཆོས་ཉིད་ལ་ཆོ་འཕྲུལ་ཆེས་ཆེ་བ་དང ། དེ་བཞིན་གཤེགས་པའི་བྱིན་གྱིས་རློབ་པ་ལྟ་བ་འདི་དག་མཚུངས་སོ། །ཆོ་ག་ཞིབ་མོའི་རྒྱལ་པོའི་དཀྱིལ་འཁོར་དང ། སྙིང་པོ་དང ། ཕྱག་རྒྱ་དང ། གཟུངས་དང ། དོན་ཡོད་པའི་རྒྱལ་པོའི་རྣམ་པར་འཕྲུལ་པ་གླེགས་བམ་དུ་བྲིས་པ་ལྟ་བར་བྱེད་པ་འདི་དག་མཚུངས་སོ། །དེ་བཞིན་གཤེགས་པ་གངྒཱའི་ཀླུང་གི་བྱེ་མ་བྱེ་བ་བརྒྱ་སྟོང་ཕྲག་དང་མཉམ་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཁྲག་ཁྲིག་བརྒྱ་སྟོང་ཕྲག་རྣམས་མཐོང་བར་འགྱུར་རོ། །དེ་བཞིན་གཤེགས་པ་ Pha396b དེ་རྣམས་ཐམས་ཅད་དུ་ཡང་དག་པར་རྗེས་སུ་འབྲང་བར་འགྱུར་རོ། །ཡང་དག་པར་བསྲུང་བའི་ཆེད་དང ། ཡང་དག་པར་དབུགས་འབྱིན་པའི་ཆེད་དུ་མཐོང་བར་གནས་སོ། །གླེགས་བམ་བྲིས་པ་འདི་ཡང་མཐོང་བ་ཙམ་གྱིས་མཚམས་མེད་པའི་ལས་རྣམས་དང ། སྔོན་གྱི་སྒྲིབ་པ་ཐམས་ཅད་ཡོངས་སུ་ཟད་པ་དང ། ཡོངས་སུ་གཏུགས་པར་འགྱུར་རོ། །མཐོང་བའི་ཆོས་ཉིད་ལ་དཔལ་དང ། གཡང་མང་པོ་དང ། གཟི་བརྗིད་དང་ལྡན་པར་འགྱུར་རོ། །ཤི་འཕོས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེ་བར་འགྱུར་རོ། །འདི་ནི། སྐྱེ་བའི་ཐ་མའོ། ། གླེགས་བམ་འདི་མཐོང་ན། ཚེ་དང་བྲལ་བ་ཡང་ཚེ་འཕེལ་བར་འགྱུར། །ནང་རྣམས་དང་བྲལ་བར་འགྱུར་རོ། །སྒྲིབ་པ་དང ། ཁྲོ་བ་དང་བྲལ་བར་འགྱུར་རོ། །མཆོག་ཆེན་པོ་གྲུབ་པར་འགྱུར་རོ། །གྲུབ་པ་ཆེན་པོ་དང ། རྣལ་འབྱོར་གྱི་དབང་ཕྱུག་ཏུ་འགྱུར་རོ། །ཡོན་ཏན་ཕུན་སུམ་ཚོགས་པ་ཐམས་ཅད་དང་ལྡན་པར་ཡང་འགྱུར་རོ། །གླེགས་བམ་འདི་ནི། ཆོས་ཀྱི་དབྱིངས་དང་མཉམ་པའི་དེ་བཞིན་གཤེགས་པ་དང་མཚུངས་པར་རིག་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ཀྱི་སྤྱན་སྔར་བཞིན་འཛུམ་ཞིང་སྙིང་གཡོ་བ་དང་བཅས་པ་འོད་ཟེར་འབར་ཞིང་སྣང་བར་བྱེད་བཞིན་ Pha397a ༄#། །པ།་རྒྱན་བྱེ་བ་ཁྲག་ཁྲིག་བརྒྱ་སྟོང་ཕྲག་གིས་ཡང་དག་པར་བརྒྱན་པའི་ལུས་བཅོམ་ལྡན་འདས་ཀྱི་སྤྱན་སྔར་འདུག་སྟེ་གསོལ་པ། བཅོམ་ལྡན་འདས། བདག་ལ་པདྨོ་ཡངས་པའི་དཀྱིལ་འཁོར་ཆེན་པོར་ཀུན་ནས་དོན་ཡོད་པའི་རས་རིས་བལྟ་བ་དང ། དོན་ཡོད་ཞགས་པའི་སྙིང་པོ་གང་གིས་དོན་ཡོད་པའི་རས་རིས་ཀྱི་བྱ་བས་དེ་རྣམས་ཐམས་ཅད་ལ་སྒྱུ་མ་ལྟ་བུའི་ཏིང་ངེ་འཛིན་གྱི་མཐོང་བའི་རྣམ་འཕྲུལ་སྟོང་ཕྲག་མང་པོ་མཐོང་བ་དང ། རྣམ་པ་སྣ་ཚོགས་གཟུགས་དང ། ཁ་དོག་དང ། རྟགས་མཐོང་བ་དང ། གཟུགས་གཅིག་གི་རྗེས་སུ་འཇུག་པར་མཚུངས་སོ། །ཞེས་མི་འཇུག་གོ། །འདི་ལྟ་སྟེ། དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་ཕྱུག་བདག་ཆེན་པོ་དང ། གཤིན་རྗེ་དང ། ཆུ་ལྷ་དང ། ལུས་ངན་དང ། དྲང་སྲོང་གི་ཚོགས་དང ། གཞོན་ནུ་དང ། དེད་དཔོན་དང ། ཚོང་བ་དང ། རིག་སྔགས་འཆང་དང ། ཟླ་བ་དང ། ཉི་མ་དང ། རྒྱུ་སྐར་དང ། སྐར་མའི་ཚོགས་ལུས་གཅིག་པུས་རྗེས་སུ་འཇུག་པར་འགྱུར་རོ། །བཅོམ་ལྡན་འདས། གང་གིས་མཐོང་བ་ཙམ་གྱི་མོད་ལ་དོན་ཡོད་པའི་ཞགས་པའི་དཀྱིལ་འཁོར་ཆེན་པོ་དང ། དམ་ཚིག་དང ། ཕྱག་རྒྱ་དང ། ཆོ་ག་ཞིབ་མོའི་སྒྲུབ་པ་ཆེན་པོ་དེ་རྣམས་ཐམས་ཅད་གྲུབ་པར་འགྱུར་རོ། །གྲུབ་པའི་དམ་ཚིག་ Pha397b ངེས་\?\་སུ་ཞུགས་པར་འགྱུར་རོ། །དོན་ཡོད་པ་ཆེན་པོའི་གསང་སྔགས་དང ། སྙིང་པོ་དང ། གཟུངས་དང ། དམ་ཚིག་རྗེས་སུ་སྩལ་བར་བགྱིའོ། །སེམས་ཅན་ཐམས་ཅད་ཀྱི་བདེ་བ་བསྒྲུབ་པའི་ཆེད་དུ་བཅོམ་ལྡན་འདས་ཀྱི་སྤྱན་སྔར་མངོན་སུམ་དུ་འདུག་པར་འགྱུར་རོ། །རིག་སྔགས་འཆང་རྣམས་ཀྱི་མཆོག་གི་དངོས་གྲུབ་ཀྱི་ཆེད་དང ། རེ་བ་ཐམས་ཅད་ཡོངས་སུ་རྫོགས་པའི་ཆེད་དུ་ཀློག་པ་དང ། སྒྲུབ་པར་བྱེད་པའོ། །ན་མ་སྟྲཻ་ཡ་དྷྭི་ཀཱ་ནཱཾ་ཏ་ཐཱ་ག་ཏཱ་ནཱཾ། ཨོཾ་ཨ་མོ་གྷ་པདྨ་པཱ་ཤ་ཀྲོ་དྷཱ་ཀཪྵ་ཡ་པྲ་བེ་ཤ་ཡ་མ་ཧཱ་པ་ཤུ་པ་ཏཾ་ཡ་མ་བ་རུ་ཎ་ཀུ་བེ་ར། བྲཧྨ་བེ་ཥ་དྷ་ར། ཨ་མོ་གྷ་ཧྲྀ་ད་ཡ་པདྨ་ཀུ་ལ་ས་མ་ཡཱ་ཡ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སཝཱ་ཧཱ། སྙིང་པོའི་གཟུངས་ཀྱི་ཕྱག་རྒྱ་འདི་འཁོར་གྱི་དཀྱིལ་འཁོར་ཆེན་པོ་འདུས་པར་གསུངས་པ་ཙམ་གྱི་མོད་ལ་རི་དང ། ནགས་དང ། དགོན་པར་བཅས་པ་རྣམ་པར་འགྱུར་བ་དྲུག་ཏུ་རབ་ཏུ་གཡོས་ཏེ་མེ་ཏོག་གི་ཆར་ཆེན་པོ་མངོན་པར་བབ་བོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་རྣམས་ཅ་ཅོའི་སྒྲ་ཆེན་པོ་རིང་དུ་སྒྲོག་པར་བྱེད་དོ། །དོན་ཡོད་ཞགས་པའི་ཆོ་ག་ཞིབ་མོའི་རྒྱལ་པོའི་སྙིང་པོ་འདི་གསུངས་པའི་དེ་མ་ཐག་ཏུ་གནོད་སྦྱིན་དང ། སྲིན་པོ་གདུག་པ་ཐམས་ཅད་དང ། ལོག་འདྲེན་སྡུག་པ་ཅན་རྣམས་ཁས་བུབ་ཏུ་འགྱེལ་ཏེ་འབར་ཞིང ། ཕྱོགས་ཀྱི་གནས་བསྐྱོད་ཅིང་ཁ་ཕྱིར་ཕྱོགས་སོ། །བགེགས་དང ། ལོག་འདྲེན་རྣམས་ Pha398a ༄#། །ཕྱོགས་བཅུར་འབྲོས་པར་བྱེད་དོ། །ངུ་བཞིན་དུ་རྒྱུག་པར་བྱེད་ཅིང་དཔའ་གོང་ཞིང་ཀུན་ཏུ་འཁྱམས་སོ། །འདིར་ནི་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ལྷ་རྫས་ཀྱི་རྒྱན་དང ། གོས་དང ། རས་བཅོས་བུ་རྣམ་པ་སྣ་ཚོགས་པས་མཆོད་པར་བྱེད་ཅིང ། ཆོས་ཀྱི་དགའ་བ་རྗེས་སུ་སྦྱིན་པར་བྱེད་དོ། །ལྷ་རྫས་ཀྱི་མེ་ཏོག་སྣ་ཚོགས་དང ། ལྷ་རྫས་ཀྱི་དྲིའི་མཆོད་པས་མཆོད་པ་བྱེད་པར་གྱུར་ཏོ། །དེ་ནས་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་རྣམས་མེ་ཏོག་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། ཆོས་གོས་དང ། རྒྱལ་མཚན་དང ། བ་དན་དང ། ལྷ་རྫས་ཀྱི་གོས་དང ། སྤུད་པ་དང ། རྒྱན་དང ། ལྷབ་ལྷུབ་སྣ་ཚོགས་པ་ཐོགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ག་ལ་བ་དེ་ལོགས་སུ་དོང་སྟེ་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང ། དེ་བཞིན་གཤེགས་པའི་སྤྱན་སྔར་མཆོད་པ་ཆེས་ཆེ་བ་བྱེད་པར་འགྱུར་རོ། །བཅོམ་ལྡན་འདས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ Pha398b དབང་ཕྱུག་གིས་མཆོད་པ་འགུགས་པ་ནི། མཆོག་ཏུ་རྙེད་པར་དཀའོ། །དོན་ཡོད་པའི་རྒྱལ་པོའི་སྙིང་པོ་རྣམ་པར་ཐར་པའི་དཀྱིལ་འཁོར་གྱི་ཆོ་ག་ཞིབ་མོའི་རྒྱལ་པོ་འདི་དང ། དོན་ཡོད་པའི་རས་རིས་ཀུན་ཏུ་ལྟ་བའི་སྙིང་པོ་འདི་གསུངས་པ་འདི་ནི། དག་པའི་སེམས་དཔའ་ཆེན་པོའོ། །དེ་ནས་ཡང་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །དག་པའི་སེམས་དཔའ་ཆོ་ག་ཤིན་ཏུ་རྒྱས་པ་ཤོད་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་གཟུངས་འདིའི་དོན་ཡོད་པའི་རྣམ་པར་འཕྲུལ་པ་ཤིན་ཏུ་རྒྱས་པ་བཤད་དོ། །གཟུངས་འདིའི་དོན་ཡོད་པའི་རྣམ་པར་འཕྲུལ་པ་ནི། རིག་སྔགས་འཆང་དེས་དོན་ཡོད་པའི་རྒྱལ་པོའི་སྙིང་པོ་ཉི་མ་རེ་རེར་སྟོང་རྩ་བརྒྱད་དུ་བཟླས་པས། སྒྱུ་མ་ལྟ་བུའི་ཏིང་ངེ་འཛིན་གྱིས་གཟུགས་རྣམ་པ་སྣ་ཚོགས་པ་ཡང་དག་པར་མཐོང་བ་དང ། སྒྱུ་མ་ཡང་དག་པར་མཐོང་བའི་ཏིང་ངེ་འཛིན་གྱི་རྣམ་འཕྲུལ་དེ་ཐམས་ཅད་རྗེས་སུ་འཛིན་པར་འགྱུར་ཞིང ། །ཐམས་ཅད་དུ་རྗེས་སུ་ཞུགས་པར་འགྱུར་ལ། ཐམས་ཅད་དུ་དམ་ཚིག་རྟོགས་པར་ཁོང་དུ་ཆུད་པར་འགྱུར་ཏེ། ཐམས་ཅད་དུ་ཕྱག་རྒྱ་དང ། དཀྱིལ་འཁོར་དང ། གསང་སྔགས་ཀྱི་ཆོ་ག་ཞིབ་མོའི་རྗེས་སུ་རབ་ཏུ་གནས་ Pha399a ༄#། །པར་འགྱུར་རོ། །ཐམས་ཅད་དུ་ཏིང་ངེ་འཛིན་གྱི་རྣམ་པར་འཕྲུལ་བ་རྒྱལ་མཚན་གྱི་མཆོག་ཅེས་བྱ་བ་ལ་གནས་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བའི་རྗེས་སུ་སོན་ཅིང་རྗེས་སུ་ཞུགས་པར་འགྱུར་རོ། །དོན་ཡོད་པའི་རིག་སྔགས་ཀྱི་དངོས་གྲུབ་ཡོངས་སུ་རྫོགས་པ་ལ་རབ་ཏུ་གནས་པར་འགྱུར་རོ། །དོན་ཡོད་པའི་རྣམ་པར་འཕྲུལ་པ་དང་ལྡན་པར་འགྱུར་རོ། །དོན་ཡོད་པའི་གཟུགས་དང ། ཁ་དོག་དང ། རྟགས་དང ། དབྱིབས་དང་མཐུན་པར་འགྱུར་རོ། །དོན་ཡོད་པའི་ཡོན་ཏན་ཡོངས་སུ་བསྒྲགས་པ་དང་ལྡན་པར་འགྱུར་རོ། །དོན་ཡོད་པའི་དགེ་བའི་རྩ་བ་དང་ལྡན་པར་འགྱུར་རོ། །དོན་ཡོད་པའི་དེ་བཞིན་གཤེགས་པ་ལུང་བསྟན་པ་ཡོངས་སུ་འཛིན་པར་འགྱུར་རོ། །དོན་ཡོད་པའི་དེ་བཞིན་གཤེགས་པའི་བསོད་ནམས་ཀྱི་ཕུང་པོ་ཆེན་པོ་དགེ་བའི་རྩ་བ་བསྐྱེད་པར་འགྱུར་རོ། །དོན་ཡོད་པར་དེ་བཞིན་གཤེགས་པ་མངོན་སུམ་དུ་མཐོང་ཞིང་བྱིན་གྱིས་རློབ་པ་དང་ལྡན་པར་འགྱུར་རོ། །དོན་ཡོད་པར་དེ་བཞིན་གཤེགས་པའི་རིགས་ཀྱི་རྗེས་སུ་ཞུགས་པར་འགྱུར་རོ། །དོན་ཡོད་པར་རྡོ་རྗེའི་རིགས་ལ་མཉམ་པར་རྗེས་སུ་ཞུགས་པར་འགྱུར་རོ། །དོན་ཡོད་པར་པདྨའི་རིགས་ཀྱི་དམ་ཚིག་བྱིན་གྱིས་བརླབས་པར་འགྱུར་རོ། །དོན་ཡོད་པར་ནོར་བུའི་རིགས་ཀྱི་དམ་ཚིག་རྗེས་སུ་འཛིན་པར་ Pha399b འགྱུར་རོ། །དོན་ཡོད་པར་རྒྱལ་པོའི་རིགས་ཀྱི་དམ་ཚིག་རྗེས་སུ་འཛིན་པར་འགྱུར་རོ། །དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་རྣམ་པར་འཁྲུལ་པ་བྱིན་གྱིས་རླབས་པས་བྱིན་གྱིས་བརླབས་པར་འགྱུར་རོ། །དོན་ཡོད་པ་འཁོར་ལོས་བསྒྱུར་བའི་རིགས་དབང་དུ་གྱུར་ནས་རབ་ཏུ་གནས་པར་བྱིན་གྱིས་བརླབས་པར་འགྱུར་རོ། །དོན་ཡོད་པ་རིག་སྔགས་ཀྱི་དབང་གིས་མངོན་པར་དབང་བསྐུར་བར་འགྱུར་རོ། །དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་མངོན་པར་དབང་བསྐུར་བས་མངོན་པར་དབང་བསྐུར་བར་འགྱུར་རོ། །དོན་ཡོད་པར་ཕྱག་རྒྱ་ཆེན་པོ་རིམ་པར་ཕྱེ་བ་དང ། གསང་སྔགས་ཀྱི་སྒྲུབ་ཐབས་ལ་རབ་ཏུ་གནས་པར་འགྱུར་རོ། །དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་པོར་ཉེ་བར་འགྲོ་བར་བྱིན་གྱིས་བརླབ་པར་འགྱུར་རོ། །དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་བསྐོར་བར་འགྱུར་རོ། །དོན་ཡོད་པར་ཆོས་ཀྱི་རྔ་བོ་ཆེ་རྡུང་བར་འགྱུར་རོ། །དོན་ཡོད་པར་ཆོས་ཀྱི་དུང་འབུད་པར་འགྱུར་རོ། །དོན་ཡོད་པར་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དབྱིངས་ཀྱི་སྙིང་པོར་འགྱུར་རོ། །དོན་ཡོད་པར་ཐོས་པ་ཟབ་མོ་ཆོས་དབྱིངས་ཀྱི་སྙིང་པོ་དང་ལྡན་པར་འགྱུར་རོ། །དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་ Pha400a ༄#། །འཇིག་རྟེན་ལས་འདས་པའི་ལམ་གྱི་ཡན་ལག་བརྒྱད་དང་ལྡན་པར་འགྱུར་རོ། །དོན་ཡོད་པར་འཇིག་རྟེན་པ་དང་ཐུན་མོང་པའི་ཆོས་ཆོ་ག་ཞིབ་མོའི་སྒྲུབ་པའི་དངོས་གྲུབ་ཆེན་པོ་སོ་སོར་ཐོབ་བོ། །དོན་ཡོད་པར་འཇིག་རྟེན་པའི་ལྷའི་དཔལ་ཉམས་སུ་མྱོང་ངོ ། །དོན་ཡོད་པར་སེམས་ཅན་ཐམས་ཅད་ཀྱི་མཆོག་ཏུ་བླ་མར་བྱེད་པ་དང ། གུས་པར་བྱེད་པ་དང ། སྤྱི་བོར་འཇོག་པར་འགྱུར་རོ། །དེ་བཞིན་དུ་ཚོགས་ཆེན་པོའི་ཡོན་ཏན་དང་ལྡན་པ་དང ། ཕན་ཡོན་ཆེན་པོ་རྗེས་སུ་སོན་པར་འགྱུར་རོ། །དོན་ཡོད་པའི་རྒྱལ་པོའི་སྙིང་པོའི་ཆོ་ག་ཞིབ་མོ་རིམ་པར་ཕྱེ་བ་དང་བཅས་པ་ལ་ཕྱག་རྒྱ་དང ། དཀྱིལ་འཁོར་གྱི་སྒྲུབ་པ་དང ། ཞགས་པའི་ཆོ་ག་མཐའ་དག་རྫོགས་པ་གང་ཡིན་པ་འདི་ཉན་པར་འགྱུར་བ་དང ། འཆང་བར་འགྱུར་བ་དང ། འདོན་པར་འགྱུར་བ་དང ། ཀུན་ཆུབ་པར་འགྱུར་བ་དང ། ཚུལ་བཞིན་དུ་ཡིད་ལ་བྱེད་པ་དང ། བཟླས་པའི་ཆོ་ག་བྱེད་པར་འགྱུར་བ་དང ། སངས་རྒྱས་རྗེས་སུ་དྲན་པ་སྒོམ་པར་འགྱུར་བ་དེ་དག་སྐྱེ་བ་འདི་ཉིད་ལ་ལས་ཀྱི་སྒྲིབ་པ་ཐམས་ཅད་དང ། སྡིག་པ་ཐམས་ཅད་ཡོངས་སུ་དག་ཅིང་གསལ་བར་འགྱུར་རོ། །ནད་ཐམས་ཅད་དང ། སྐྱེ་བ་དང ། རྒ་བ་དང ། ན་བ་དང ། འཆི་བ་ལས་ཡོངས་སུ་གྲོལ་བར་འགྱུར་རོ། །འཁོར་བའི་རྒྱ་མཚོའི་ཆུ་བོའི་ཕ་རོལ་ཏུ་འགྲོ་བར་འགྱུར་རོ། །བཅོམ་ལྡན་འདས། འོན་ཀྱང་ Pha400b གང་ལ་ལ་ཞིག་སེམས་ཅན་ཆེས་མང་པོ་ལ་དབང་བྱེད་པར་འགྱུར་ཏེ། དེ་ཡང་བཅོམ་ལྡན་འདས། ཕྱིར་མི་ལྡོག་པར་རིག་པར་བགྱིའོ། །ས་བཅུ་ལ་རབ་ཏུ་གནས་པ་དང་བཅས་པར་བརྗོད་པར་བགྱིའོ། །བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་དོན་ཡོད་པའི་རྒྱལ་པོའི་སྙིང་པོ་འདི་ཆོ་ག་ཞིབ་མོའི་རྒྱལ་པོ་ཆེན་པོ་དང ། ཕྱག་རྒྱ་དང ། དཀྱིལ་འཁོར་དང ། རས་རིས་ཡོངས་སུ་དག་ནས་དད་པ་དང ། གུས་པ་ཡིད་ལ་བྱེད་པ་དང ། དེ་བཞིན་གཤེགས་པ་ཐམས་ཅད་ལ་ལྷག་པའི་བསམ་པ་རབ་ཏུ་དང་བས་འབྲི་བར་འགྱུར་རོ། །འབྲི་མཁན་དད་པ་དང ། གུས་པ་དང ། བྱམས་པ་ཡོངས་སུ་དག་པའི་ཡིད་ཀྱིས་ཡོ་བྱད་ཡོངས་སུ་མ་ཚང་བ་མེད་པའི་མཆོད་པ་དང ། བསྙེན་བཀུར་བའི་དྲི་མཁན་གྱིས་འབྲི་བའམ་འབྲིར་གཞུག་པར་འགྱུར་རོ། །སེམས་ཅན་ཐམས་ཅད་ཀྱི་སྟོབས་དང་མཐུས་བྲིས་པའི་སེམས་ཅན་དེ་ཡང་ཕྱིར་མི་ལྡོག་པར་རིག་པར་བགྱི་སྟེ། འདི་ལ་དོགས་པ་དང་ཡིད་\?\གཉིས་བསྐྱེད་པར་མི་བགྱིའོ། །གཞན་ཡང་སེམས་ཅན་འདི་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་སྐྱེས་པའི་སྲས་སུ་རིག་པར་བགྱི། ཞལ་ལས་སྐྱེས་པ་དང ། ཆོས་ལས་སྐྱེས་པ་དང ། ཆོས་ཀྱི་སྤྲུལ་པ་དང ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པར་འགྱུར་ Pha401a ༄#། །ཏེ།་སེམས་ཅན་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་ལུང་བསྟན་ཏོ། །དེ་ལྟར་རྫུ་འཕྲུལ་ཆེ་བའི་ཕྱིར་ཆོ་ག་ཞིབ་མོའི་རྒྱལ་པོ་དེ་བཞིན་གཤེགས་པ་དང་མཉམ་པ་ཉིད་དུ་རིག་པར་བགྱིའོ། །དེའི་ཕྱིར་འདིའི་ཕན་ཡོན་དང ། ཡོན་ཏན་ཆེན་པོ་ཡོངས་སུ་བསྒྲགས་སོ། །དེ་ནས་དོན་ཡོད་པའི་དངོས་གྲུབ་བླ་ན་མེད་པའི་ཡོ་བྱད་དང་ཆོ་ག་བཤད་པར་བགྱི་སྟེ། རས་ཁྲུ་གཉིས་པའི་ཚད་དུ་བགྱི་ཞིང ། ཀུན་ནས་གྲུ་བཞི་པ། ཤིན་ཏུ་གསལ་བ། ཤིན་ཏུ་བཏགས་པ། ཤིན་ཏུ་གསར་པ། ལེགས་པར་བཏགས་པ་ལ་རི་མོ་མཁན་གཙང་མ་གོས་གཙང་མ་བགོས་པས། ཆང་དང ། ཤ་དང ། ཀུན་དོང་དང ། སྒོག་སྐྱ་དང ། ཀེའུ་དང་འདྲེས་པ་དང ། སྦགས་པ་དང ། ཁ་ཟས་ངན་པ་ཡོངས་སུ་སྤངས་པས་ཚོན་རྣམ་པ་སྣ་ཚོགས་པ་འབར་བ། ལྷག་མ་མ་ཡིན་པ་སྣོད་གསར་པར་བཞག་པས་འབྲིར་གཞུག་པར་བགྱི་སྟེ། འཕགས་པ་སྤྱན་རས་གཟིགས་དབང་ཕྱུག་གི་གཟུགས་བརྙན་རི་མོར་བགྱིའོ། །དོན་ཡོད་པའི་ཞགས་པ་ཞི་བའི་ཞལ་སྤྱན་གསུམ་པ་རལ་པའི་ཅོད་པན་གྱིས་བརྒྱན་པ་ཞལ་བཅུ་གཅིག་པ་བགྱི་སྟེ། ཕྱག་སུམ་ཅུ་སོ་གཉིས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱག་ན་མཚོན་ཆ་སྣ་ཚོགས་ Pha401b དང ། ཞགས་པ་ཐོགས་པ། པདྨ་དཀར་པོའི་ལུས་དང་ཁ་དོག་ཅན། སྣ་ཚོགས་པའི་གོས་འཆང་བ། ཞལ་གཡས་པ་དབང་ཕྱུག་ཆེན་པོའི་ཞལ། གཡོན་པ་སྲེད་མེད་ཀྱི་བུའི་གཟུགས་འཛིན་པ། དབང་ཕྱུག་ཆེན་པོའི་སྟེང་དུ་གཤིན་རྗེའི་གཟུགས། སྲེད་མེད་ཀྱི་བུའི་སྟེང་དུ་ཆུ་ལྷའི་གཟུགས། གཤིན་རྗེའི་སྟེང་དུ་ལུས་ངན་གྱི་གཟུགས་ཞལ་ཁྲོ་གཉེར་ཅན། ཆུ་ལྷའི་སྟེང་དུ་གཞོན་ནུ་ཞལ་ཁྲོ་གཉེར་ཅན། ལུས་ངན་གྱི་སྟེང་དུ་དབང་ཕྱུག་ཆེན་པོའི་གཟུགས་དྲག་པོ་མཆེ་བ་གཙིགས་པའོ། །གཞོན་ནུའི་སྟེང་དུ་དབང་ཕྱུག་དྲག་པོའི་གཟུགས་མཆེ་བ་གཙིགས་པའོ། །དབང་ཕྱུག་གི་སྟེང་དུ་ཉི་མའི་ཞལ། དབང་ཕྱུག་ཆེན་པོའི་སྟེང་དུ་ཟླ་བའི་ཞལ། སྟེང་གི་རལ་པ་ལ་འཕགས་པ་འོད་དཔག་མེད་འོད་འདོམ་གང་དང་བཅས་པའི་ཕྱག་བརྐྱང་བས་དབུགས་འབྱིན་པར་བྱེད་པའོ། །ཕྱག་གཡས་པ་དང ། སྐྲའི་བར་དུ་རླུང་ལྷ་བྱ་སྟེ། ལུས་རྫོགས་པའོ། ། གཞོགས་གཡོན་དུ་མེའི་ལྷ་སྟེ། ལུས་ཕྱེད་པའོ། །སྔར་བཤད་པའི་ཕྱག་རྒྱ་དང་མཚོན་ཆ་ལག་ན་ཐོགས་པ་བགྱིའོ། །གཡས་སུ་འཕགས་པ་ཁྲོ་བོའི་རྒྱལ་པོ་བགྱི་སྟེ། རྒྱན་ཐམས་ཅད་ཀྱིས་རྣམ་པར་བརྒྱན་པ་ཁྲོས་པའི་གཟུགས་སོ། །གཡོན་དུ་རིག་པའི་རྒྱལ་པོ་རྒྱན་ཐམས་ཅད་ཀྱིས་རྣམ་པར་བརྒྱན་པར་བགྱིའོ། །ཁྲོ་བོའི་རྒྱལ་པོ་ནི། Pha402a ༄#། །པདྨ་དང་ཞགས་པ་ཐོགས་པའོ། །རིག་པའི་རྒྱལ་པོ་ནི། ཡིད་བཞིན་གྱི་ནོར་བུ་དང ། མེ་ཏོག་གི་ཕུར་མ་ཐོགས་པར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་ནི། ཞལ་ནས་འོད་ཟེར་འཕྲོ་བཞིན་པ་བགྱི་སྟེ། པདྨའི་གདན་དང ། ལུས་ལ་པདྨའི་ཕྲེང་བ་འཕྱང་བའོ། །འཕགས་པ་སྤྱན་རས་གཟིགས་དབང་ཕྱུག་གི་འོག་གི་པདྨ་ལ་དཀྱིལ་འཁོར་གྱི་ལྷ་མོ་བགྱི་སྟེ། དྲག་པོ་དྲག་ཏུ་དགོད་པ། ཕྱག་བཞི་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། པདྨ་དང ། ཞགས་པ་དང ། དགྲ་སྟ་དང ། རལ་གྲི་ཐོགས་པ། པདྨའི་གདན་ལ་སྐྱིལ་ཀྲུང་ཕྱེད་པས་བཞུགས་པར་བགྱིའོ། །ཁྲོ་བོའི་རྒྱལ་པོའི་རྒྱབ་ཏུ་འཕགས་མ་སྒྲོལ་མ་བགྱི་སྟེ། ཕྱག་ན་གོས་འཛིན་པ།་དབུ་སྨད་པ། རྒྱན་ཐམས་ཅད་ཀྱིས་རྣམ་པར་བརྒྱན་པའོ། །རིག་པའི་རྒྱལ་པོའི་རྒྱབ་ཏུ་དཀར་ཤམ་ཆེན་མོ་བགྱི་སྟེ། རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱག་ཐལ་མོ་སྦྱར་ཞིང་མགོ་སྨད་པའོ། །དཀྱིལ་འཁོར་གྱི་ལྷ་དེ་དག་གི་བར་དུ་གཡས་ངོས་སུ་རིག་སྔགས་འཆང་པུས་མོ་བཙུགས་པ་བགྱི་སྟེ། འཕགས་པ་སྤྱན་རས་གཟིགས་དབང་ཕྱུག་གི་ཞལ་ལ་བལྟ་བཞིན་པ། ལག་ན་མེ་ཏོག་གི་ཕོར་པ་ཐོགས་པ་བགྱིའོ། །ངོས་བཞིར་སངས་རྒྱས་བཅོམ་ལྡན་འདས་ཀྱི་རི་མོ་བགྱི་སྟེ། སྐྱིལ་མོ་ཀྲུང་ Pha402b གིས་བཞུགས་པ། དཀྱིལ་འཁོར་གྱི་རྣམ་པ་སུམ་ཅུ་རྩ་བརྒྱད་རྣམ་པར་འབྱེས་པར་བགྱིའོ། །སྟེང་དུ་སོན་པར་དྲང་སྲོང་རྣམས་དང ། ལྷའི་བུ་བགྱིའོ། །གྲ་བཞིར་རྒྱལ་པོ་ཆེན་པོ་བཞི་བགྱི་སྟེ། གོ་ཆ་དང་ཡ་ལད་བགོས་པའོ། །ཞབས་དག་གི་འོག་ཏུ་དཔལ་ལྷ་མོ་དང ། དབྱངས་ཅན་དང ། འཇིགས་མ་དང ། མཚན་མོའི་ལྷ་མོ་རྣམས་བགྱིའོ། །རས་རིས་ཡོངས་སུ་རྫོགས་པ་ལེགས་པར་བགྱིས་ཤིང ། ལས་བགྱིས་པ་བྲིས་ནས་དེའི་འོག་ཏུ་གསང་བའི་གནས་སུ་བཞག་སྟེ་ཕྱོགས་གཙང་མར་བ་བྱུང་གི་དཀྱིལ་འཁོར་བགྱི་སྟེ། ཀུན་ནས་གྲུ་བཞི་བ་བགྱིའོ། །དེའི་སྟེང་དུ་དྲི་སྣ་ཚོགས་ཀྱི་བྱུག་པ་སྦྱིན་པར་བགྱི། མེ་ཏོག་སྣ་ཚོགས་ཀྱིས་གཅལ་དུ་དགྲམ་པར་བགྱི། གང་བའི་བུམ་པས་སྤྲས་པར་བགྱི། པོག་ཕོར་གྱིས་སྤྲས་པར་བགྱིའོ། །ཙནྡན་དང ། ཀུན་དུ་རུ་དང ། ་ག་རུ་དང ། དུ་རུ་ཀ་དང ། གུ་གུལ་གྱི་བདུག་པ་བསྲེག་ཅིང ། མཆོད་ཡོན་དང ། ཞབས་བསིལ་ཡང་གཞག་པར་བགྱིའོ། །རས་རིས་དཀྱིལ་འཁོར་ལ་མངོན་དུ་ཕྱོགས་པར་བཞག་ནས་རིག་སྔགས་འཆང་གཙང་མས་གོས་གཙང་མ་བགོས་པ་ལེགས་པར་ཁྲུས་བྱས་པས་བགྱི་སྟེ། རས་རིས་ལ་མཆོད་པ་བགྱི་ཞིང ། མར་མེ་བཅུ་དྲུག་སྦར་བར་བགྱིའོ། །དེ་ནས་རས་རིས་ལ་མངོན་དུ་ཕྱོགས་ནས་སྐྱིལ་མོ་ཀྲུང་གིས་འདུག་ནས་ཕྱག་རྒྱ་བཅིང་བར་བགྱིའོ། །དོན་ཡོད་པ་ཆེན་པོའི་ Pha403a ༄#། །སྙིང་པོའི་གསང་སྔགས་ཀྱི་གཟུངས་ཀྱི་དམ་ཚིག་སྟོང་ཕྲག་བཅུར་བཟླའོ། །དོན་ཡོད་རྒྱལ་པོའི་སྙིང་པོ་དང ། ཁྲོ་བོའི་རྒྱལ་པོའི་དུས་གསུམ་དུ་ལན་ཉི་ཤུ་རྩ་གཅིག་བཟླས་པར་བགྱིའོ། །སྟོང་ཕྲག་བཅུ་རྫོགས་པ་དང ། རིག་སྔགས་འཆང་གིས་མགོ་ལ་འབར་བར་བགྱིད་ཅིང ། རས་རིས་དེ་ལ་ཡང་འོད་སྣ་ཚོགས་པ་རྣམས་འབར་བར་བགྱིད་དེ། ཐོ་རངས་སྐྱ་རེངས་སེར་པོའི་ཐུན་མཚམས་ཀྱི་དུས་ཚོད་ལ་ཇི་ལྟ་བ་བཞིན་དུ་རས་རིས་མངོན་པར་འབྲི་ན། འཕགས་པ་སྤྱན་རས་གཟིགས་དབང་ཕྱུག་ལྷའི་ལུས་ཀྱིས་མདུན་དུ་འདུག་སྟེ་རིག་སྔགས་འཆང་ལ་དབུགས་འབྱིན་པར་བགྱིད་ཅིང ། དེ་བཞིན་དུ་སྨྲ་བར་བགྱིད་དེ། རིག་སྔགས་འཆང ། སྨོས་ཤིག་།མཆོག་སྦྱིན་པར་བྱ།་ཡིད་ལ་ཇི་ལྟར་འདོད་པ་དེ་དག་ཐམས་ཅད་སྦྱིན་པར་བྱའོ། །རིག་སྔགས་འཆང་གིས་མཆོག་གཉིས་བསླང་བར་བྱ་སྟེ། འཇིག་རྟེན་པའི་མཆོག་གི་དངོས་གྲུབ་དང ། འཇིག་རྟེན་ལས་འདས་པའི་མཆོག་སངས་རྒྱས་ཉིད་དོ། །གལ་ཏེ་འཇིག་རྟེན་པའི་མཆོག་སློང་བར་བྱེད་ན། དེ་ཐམས་ཅད་སྦྱིན་པར་བགྱིད་དེ། དོན་ཡོད་ཞགས་པའི་རྣམ་པར་ཐར་པའི་དཀྱིལ་འཁོར་ཆོ་ག་ཞིབ་མོའི་རྒྱལ་པོ་ཆེན་པོ་མཆོག་གི་སྒྲུབ་པའི་དངོས་གྲུབ་ཏུ་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་གྲུབ་པའི་དངོས་གྲུབ་ཇི་ Pha403b ལྟ་བ་དེ་བཞིན་དུ་རིག་སྔགས་འཆང་ལ་མཆོག་གི་དངོས་གྲུབ་འགྲུབ་པར་བགྱིད་དོ། །ཞེས་བྱ་བའི་དངོས་གྲུབ་ཆེན་པོར་འགྱུར་རོ། །དངོས་གྲུབ་ཡངས་པར་ཡང་འགྱུར་རོ། །འཇིག་རྟེན་པའི་བྱ་བ་ཐམས་ཅད་ཀྱི་མཆོག་སྒྲུབ་པའི་དངོས་གྲུབ་ཏུ་འགྱུར་རོ། །གཞན་པའི་མཆོག་ཐམས་ཅད་མངོན་པར་བསླངས་ན་སྩོལ་བར་བགྱིད་དེ། འདི་ལྟ་སྟེ། སྔགས་ཀྱི་དངོས་གྲུབ་དང ། མིག་འཕྲུལ་དང ། འོད་ཟེར་གྱི་དྲ་བ་དང ། ལྷའི་གཟུགས་མཐོང་བ་དང ། མི་སྣང་བ་དང ། ནམ་མཁའ་ལ་འགྲོ་བ་དང ། ཁུང་བུར་འཇུག་པ་དང ། ནགས་སུ་འཇུག་པ་དང ། ཀླུའི་གནས་སུ་འཇུག་པ་དང ། མིའམ་ཅིའི་གནས་སུ་འཇུག་པ་དང ། ཆུ་ལ་འཇུག་པ་དང ། ནམ་མཁར་འཇུག་པ་དང ། ས་འོག་ཏུ་འཇུག་པ་དང ། ནོར་སྒྱུར་བ་སྨྲ་བ་དང ། ཞིང་དུ་སྨྲ་བ་དང ། ནོར་བུ་སྨྲ་བ་དང ། གཡུལ་ངོར་འཇུག་པ་དང ། འགུགས་པ་དང ། ཆར་འབེབས་པ་དང ། ཡང་དག་པར་འཛིན་པ་དང ། དབང་དུ་བྱེད་པ་དང ། གནོད་སྦྱིན་ཕྱིར་འབྱིན་པ་དང ། རྣམ་པར་གཡོ་བ་མེད་པར་བྱེད་པ་དང ། ཆུ་ཀླུང་ཆེན་པོ་སྒྲོལ་བ་དང ། རྒྱུ་སྐར་སྨྲ་བ་དང ། སྔགས་སྨྲ་བ་དང ། རྫས་དང ། སྨན་གཡོ་བར་བྱེད་པ་དང ། བཅུད་ཀྱིས་ལེན་སྒྲུབ་པ་དང ། འཕོ་བར་བྱེད་པ་དང ། འབྱིན་པར་བྱེད་པ་དང ། ལོ་ཐོག་སྒྲུབ་པ་དང ། གོས་འདོར་བར་བྱེད་པ་དང ། རྒྱལ་པོ་དབང་དུ་བྱེད་པ་དང ། འཇིག་རྟེན་པའི་སྒྲུབ་པའི་དངོས་གྲུབ་དེ་ཐམས་ Pha404a ༄#། །ཅད་འགྲུབ་པར་བགྱིད་དོ། །དེ་ནས་འཇིག་རྟེན་པ་གཞན་དོན་དུ་གཉེར་ཅིང་འདོད་ན། ཕྱག་གཡས་པ་སྤྱི་བོའི་གཙུག་ཏུ་འཇོག་པར་བྱེད་དེ། བཞག་པ་ཙམ་ཀྱི་མོད་ལ་ལུས་མེད་པ་དྲི་མ་དང་བྲལ་བ་ཡོངས་སུ་དག་པ་ཞེས་བྱ་བའི་ཡོངས་སུ་དག་པའི་ལུས་སོ་སོར་ཐོབ་སྟེ་སྦྲུལ་གྱི་ཤུན་པ་བཞིན་དུ་ལུས་འདོར་བར་བགྱིད་དོ། །བསམ་པ་ཉིད་ཀྱི་མོད་ལ་དེ་མ་ཐག་ཁོ་ནར་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་བར་བགྱིད་དོ། །སྐྱེ་བ་བྱེ་བ་བརྒྱ་སྟོང་ཕྲག་གི་ཚེ་རབས་དྲན་པར་འགྱུར་ཏེ། དེ་མ་ཐག་ཁོ་ནར་དེ་བཞིན་གཤེགས་པ་ཚེ་དཔག་ཏུ་མེད་པས་ལུང་བསྟན་པ་ཐོབ་པའི་མོད་ཉིད་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །འདི་ཉིད་ནི། སྐྱེ་བར་སྐྱེས་པའི་ཐ་མའོ་ཞེས་སོ། །སྒྲིབ་པ་ཐམས་ཅད་དང་བྲལ་བ་དོན་ཡོད་པ་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་སོ་སོར་ཐོབ་ཅིང ། ཏིང་ངེ་འཛིན་གཞན་བྱེ་བ་ཁྲག་ཁྲིག་བརྒྱ་སྟོང་ཕྲག་ཐོབ་བོ། ། ཕྱོགས་བཅུ་ཀུན་གྱི་དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར་ཞིང་ལེགས་སོ་ཞེས་བྱ་བ་རྗེས་སུ་སྩོལ་བར་མཛད་དོ། །བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །ལྷ་ཐམས་ཅད་ཀྱིས་ཀྱང་འདི་ལ་ཀུན་ཏུ་སྲུང་བར་འགྱུར་རོ། །འཇིག་རྟེན་པ་དང ། འཇིག་རྟེན་ལས་འདས་པའི་དངོས་གྲུབ་ཀྱི་མཆོག་གཉིས་པོ་འདི་ནི། མཐོང་ Pha404b བའི་ཆོས་ཉིད་ལ་རྗེས་སུ་སྩོལ་བར་འགྱུར་རོ། །བྱ་བ་གཞན་མང་ཞིང་ཆེས་མང་བ་ཐམས་ཅད་སྒྲུབ་པར་བགྱིད་དོ། །གདོན་གྲོལ་བར་བྱེད་པ་དང ། འབེབས་པ་བྱེད་པ་དང ། མདོ་སྡེ་ལ་རྟོག་དང ། ཚེ་ལ་རྟོག་པ་དང ། ནད་རབ་ཏུ་ཞི་བར་བྱེད་པ་དང ། འབྲས་དང ། ཕོལ་མིག་དང ། ལྷོག་པ་དང ། མཚན་བར་རྡོལ་བ་དང ། རྐང་ཤུ་དང ། ཤ་བཀྲ་དང ། མཛེ་དང ། འབྲུམ་བུ་ཕྲ་མོ་དང ། གཡན་པ་དང ། མེ་དཔལ་དང ། ལྟོ་བ་ན་བ་དང ། མིག་ན་བ་དང ། མགོ་བོ་ན་བ་དང ། གཞོགས་ཕྱེད་ན་བ་དང ། མ་རོ་རྩ་ཀ་དང ། ཕོ་བའི་ནད་དང ། སོ་ན་བ་དང ། མགུལ་པ་ན་བ་དང ། ལྕེ་དང ། རྐན་ན་བ་དང ། ཁ་ན་བ་དང ། སྣ་ན་བ་དང ། རྣ་བ་ན་བ་དང ། སྙིང་ན་བ་དང ། ལྟོ་བ་ན་བ་དང ། རྩིབས་ལོགས་ན་བ་དང ། ལག་པ་ན་བ་དང ། རྐང་པ་ན་བ་དང ། རྗེ་ངར་ན་བ་དང ། སེན་མོ་ན་བ་དང ། རིམས་ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། ཉིན་བཞི་པ་དང ། རྟག་པའི་རིམས་དང ། མཚན་མོ་པ་དང ། ཉིན་མོ་པ་དང ། འདུས་པ་སྟེ། འདི་དག་ཐམས་ཅད་གསང་སྔགས་འདི་བཟླས་པ་ཙམ་གྱིས་རྣམ་པར་ཉམས་པར་བགྱིད་དོ། །སྡིག་པ་དེ་རྣམས་རྣམ་པར་ཉམས་པར་བགྱིད་དོ། །གདུག་པ་ཐམས་ཅད་དང ། ཕྱིར་རྒོལ་བ་དང ། དགྲ་ཐམས་ཅད་རྣམ་པར་ཉམས་པར་བགྱིད་དོ། །དེ་ལྟར་གཟུངས་ཀྱི་སྙིང་པོ་འདི་ནི། སྟོབས་ཆེན་པོ་དང་ལྡན་པས་ཏེ། འཇིག་རྟེན་པའི་དངོས་གྲུབ་ཀྱི་མཆོག་འདི་དག་འགྲུབ་ Pha405a ༄#། །བར་འགྱུར་རོ། །དེ་ནས་ལས་བྱེད་པར་འདོད་ན། དེའི་འོག་ཏུ་རིག་སྔགས་འཆང་གཙང་མ། གོས་གཙང་མ་བགོས་པ་ལེགས་པར་ཁྲུས་བྱས་པས་བགྱི་སྟེ།་དེ་ནས་དོན་ཡོད་པ་ཆེན་པོའི་སྙིང་པོའི་གསང་སྔགས་ཀྱི་གཟུངས་འདི་སྒྲུབ་ཅིང་བཟླས་པས་དེ་དག་འགྲུབ་པར་འགྱུར་རོ། །སྟོང་ཕྲག་བཅོ་བརྒྱད་དུ་བཟླས་པས་སྡིག་པ་ཐམས་ཅད་ཞི་ཞིང་འཇིག་རྟེན་པའི་རིག་སྔགས་ཆེན་པོ་གྲུབ་པར་འགྱུར་རོ། །ཐམས་ཅད་ལ་ལུས་ཐམས་ཅད་དུ་སྒྲུབ་པར་བྱེད་དོ། །དེ་ནས་འཇིག་རྟེན་ལས་འདས་པའི་བཟླས་པའི་ཆོ་ག་སྒྲུབ་པར་འདོད་པའི་རིག་སྔགས་འཆང་དེས་ཉི་མ་རེ་རེ་ཞིང་གཙང་མ་ལེགས་པར་ཁྲུས་བགྱིས་ཤིང་གོས་གཙང་མ་བསྒོས་པས་བགྱིས་ཏེ། ཉ་ལ་ཚེས་གཅིག་ནས་བརྩམས་ཏེ་ཉི་མ་རེ་རེ་ཞིང་སྟོང་ཕྲག་བཅུར་བཟླས་པ་དབུལ་བར་བྱའོ། །བཅུ་གཅིག་པའི་ཕྱོགས་ལ་ཆོས་གསུམ་གྱི་ཉིན་མཚན་ནས་བགྱི་སྟེ། ཉི་མ་རེ་རེ་ཞིང་སྟོང་ཕྲག་ཕྱེད་དང་གཉིས་བཟླས་པ་དབུལ་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བགྱི། བཅོ་ལྔའི་ཉ་ལ་དཀར་གསུམ་གྱི་གཏོར་མ་དབུལ་བར་བགྱི། མཆོད་ཡོན་དང ། ཞབས་བསིལ་དབུལ་བར་བགྱི། དེ་ནས་ཟས་དཀར་གསུམ་བཟའ་བར་བགྱི་ཞིང ། བཅོ་ལྔ་ཉའི་མཚན་མོ་སྟོང་རྩ་བརྒྱད་བཟླས་པ་དབུལ་བར་བགྱིའོ། །ཐུན་ཐ་མ་ལ་འཕགས་པ་སྤྱན་རས་གཟིགས་ Pha405b དབང་ཕྱུག་འོངས་ཏེ། རིག་སྔགས་འཆང་ལེགས་སོ་ཞེས་སྨྲ་བར་བགྱིད་ཅིང ། ཁྱོད་ཀྱིས་དོན་ཡོད་རྒྱལ་པོའི་སྙིང་པོ་མཐའ་དག་ཡོངས་སུ་རྫོགས་པའི་ཆོ་ག་ཞིབ་མོ་དང ། རྣམ་པར་ཐར་པའི་དཀྱིལ་འཁོར་གྲུབ་པོ། །ཕྱག་གཡས་པ་བརྐྱང་ནས་པདྨ་སྩོལ་བར་བགྱིད་དོ། རིག་སྔགས་འཆང་གིས་བླང་བར་བགྱིའོ། །བླངས་པ་ཙམ་གྱི་མོད་ལ་ནམ་མཁའ་ལ་རྫུ་འཕྲུལ་གྱིས་འགྲོ་ཞིང ། གང་དུ་འདོད་པའི་སངས་རྒྱས་ཀྱི་ཞིང་དེར་འགྲོའོ། །དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་དབུགས་འབྱིན་པར་བགྱིད་དོ། །དེ་ནས་སྦྱིན་སྲེག་གི་ཆོ་ག་བགྱིད་པར་འདོད་པས་པདྨའི་སྙིང་པོ་བཟའ་བར་བགྱི། དཀྱིལ་འཁོར་གྱི་ཚད་ལ་པདྨའི་རྩ་བ་དང ། སྡོང་བུ་དང ། ལོ་མ་མར་དང་བསྲེས་པའི་སྦྱིན་སྲེག་བགྱིའོ། །དྲི་ཞིམ་པོའི་ཤིང་ལ་མེ་སྦར་ལ་སྟོང་ཕྲག་བརྒྱད་དུ་སྦྱིན་སྲེག་བགྱིའོ། །སྟོང་ཕྲག་བརྒྱད་རྫོགས་པ་དང ། དཔལ་ལྷ་མོ་ཆེན་མོ་དངོས་སུ་འོངས་ཏེ། དེ་ལ་དྲི་ཞིམ་པོའི་མཆོད་ཡོན་ཕུལ་བས་རིག་སྔགས་འཚང་བགྱི་བ་ཅི་ཡོད་ཅེས་སྨྲ་བར་བགྱིད་དོ།། དེས་བཅོམ་ལྡན་འདས་མ་བདག་ལ་ནོར་མི་ཟད་པ་རྙེད་པ་དང ། གཏེར་རྙེད་པ་རབ་ཏུ་སྩོལ་ཅིག་ཅེས་བརྗོད་པར་བྱའོ། །དེ་ནས་ཁྱོད་ཀྱི་དེ་བཞིན་བྱའོ། །ཞེས་དབུགས་འབྱིན་པར་བྱེད་ཅིང་མི་སྣང་བར་འགྱུར་རོ། །རིག་སྔགས་འཆང་གང་དང་གང་དུ་འགྲོ་བ་དེ་སྡང་དེར་གཏོར་ཆེན་པོ་མཐོང་སྟེ། ནམ་ཡང་ཟད་པར་ཉེ་བར་མི་འགྲོའོ། །སྦྱིན་པར་བགྱི། ལོངས་སྤྱད་པར་བགྱི། དཀོན་ Pha406a ༄#། །མཆོག་གསུམ་ལ་མཆོད་པར་བགྱི། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བགྱི། དཔལ་ལྷ་མོ་ཆེན་མོ་ལ་ཉི་མ་རེ་རེ་ཞིང་སོ་སོའི་ཆི་ཤས་དབུལ་བར་བགྱིའོ། །ུཏྤ་ལ་སྔོན་མོ་དང ། ཙནྡན་གྱི་ཕྱེ་མ་དང ། མར་གསར་བསྲེས་པས་ཨརྒའི་ཤིང་ལ་མེ་སྦར་ཏེ་འཕགས་པ་སྤྱན་རས་གཟིགས་དབང་ཕྱུག་གི་རས་རིས་ཀྱི་མདུན་དུ་ཟླ་ཕྱེད་ཅིག་ཏུ་སྦྱིན་སྲེག་བགྱི་སྟེ། དཔག་ཏུ་མེད་པ་དབུལ་བར་བགྱིས་ན། རྫོགས་པ་ན་ལས་ཐམས་ཅད་ལ་ལོངས་སྤྱོད་པ་ཐོབ་བོ། །རས་རིས་ཀྱི་མདུན་དུ། ཤིང་ཀུན་དང ། ཏིལ་མར་དང ། ཡུངས་ཀར་བསྲེས་ལ་པདྨའི་འདབ་མ་དང ། ཐང་ཤིང་གི་ཡམ་ཤིང་གིས་ཞག་བདུན་དུ་ཐུན་གསུམ་དུ་སྦྱིན་སྲེག་བརྒྱད་བརྒྱ་བྱས་ན། གྲོང་བརྒྱ་ཐོབ་བོ། །ཤིང་མྱ་ངན་མེད་པའི་ཡམ་ཤིང་མར་ལ་བཏགས་པས་ཟླ་ཕྱེད་ཅིག་ཏུ་ཐུན་གསུམ་དུ་སྦྱིན་སྲེག་བརྒྱད་བརྒྱ་བྱས་ན། རྒྱལ་པོ་ཉིད་ཐོབ་པོ། །མཚན་མོ་བདུན་དུ་ཐུན་གསུམ་དུ་ཡམ་ཤིང་གིས་སྦྱིན་སྲེག་བརྒྱད་བརྒྱ་བྱས་ན། གནས་ངེས་པར་སྟན་པའི་ཆོ་ག་སྨྲ་བར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གི་གཟུགས་བརྙན་ལ་མཚན་མོ་བཅུ་གཉིས་སུ་མ་ལ་ཀིའི་མེ་ཏོག་སྟོང་ཕྲག་བརྒྱད་ཀྱིས་མཆོད་པར་བྱ་སྟེ། སངས་རྒྱས་བཅོམ་ལྡན་འདས་ཐམས་ཅད་ལ་མངོན་པར་དད་པ་དང ། ལྷ་དང ། ཀླུ་རྣམས་མངོན་པར་དང་བར་འགྱུར་རོ། ། Pha406b མཆོག་ཐམས་ཅད་དང ། བྱ་བ་ཐམས་ཅད་སྒྲུབ་པར་བྱེད་དོ། །ནོར་བུ་བཟང་པོ་སྤྱན་དྲང་བར་འདོད་པས་སྙིང་གར་མིང་མེད་ཀྱི་སོར་མོ་བཞག་ནས་ཐུན་གསུམ་དུ་བརྒྱད་བརྒྱ་བཟླ་བར་བྱ་སྟེ།་མཚན་མོ་བཅུ་གཉིས་སུ་ལས་རྫོགས་པ་དང ། ནོར་བུ་བཟང་པོ་མཐོང་བ་སྩོལ་བར་བྱེད་དོ། །སྙིང་གར་ཡོངས་སུ་བྱུགས་པ་ཙམ་གྱིས་ཉི་མ་རེ་རེ་ལ་དོང་ཙེ་བརྒྱ་སྩོལ་བར་བགྱིད་དེ། དེ་ཡང་ལྷག་མ་མེད་པར་ཟད་པར་བགྱི་སྟེ། ཡང་དང་ཡང་དུ་སྩོལ་བར་བགྱིད་དོ། །གང་ཡིན་པ་དེ་དང་དེ་མ་བགྱིས་ན། ཕྱིས་སྩོལ་བར་མི་བགྱིད་དོ། །འཕགས་པ་སྤྱན་རས་གཟིགས་དབང་ཕྱུག་ལ་མངོན་དུ་ཕྱོགས་པར་འདུག་ནས་སམ། ཡང་ན་རིང་བསྲེལ་ཅན་གྱི་མཆོད་རྟེན་ནམ། རས་རིས་ལ་མངོན་དུ་ཕྱོགས་པར་གཞག་པར་བགྱིའོ། །སེང་ལྡེང་གི་ཡམ་ཤིང་ཞོ་དང ། སྦྲང་རྩི་དང ། མར་ལ་བཏགས་པས་ཐུན་གསུམ་དུ་བརྒྱད་བརྒྱ་སྦྱིན་སྲེག་བགྱི་སྟེ། ཉི་མ་བདུན་ཡོངས་སུ་རྫོགས་པ་ན་ཟོང་སྟོང་ཕྲག་བཅུ་ཐོབ་བོ། །དེ་ལྟ་བུ་ལ་སོགས་པའི་རྒྱས་པའི་ལས་རྣམས་ཐམས་ཅད་དུ་སྦྱར་བར་བགྱིའོ། །དེ་ནས་མིག་སྨན་སྒྲུབ་པར་འདོད་པའི་རིག་སྔགས་འཆང་དེས་གཙང་མས་བསྒྲུབ་པར་བགྱི་སྟེ། ཁྲུས་བགྱིའོ། །ལྡོང་རོས་ཟངས་ཀྱི་སྣོད་དུ་གཞག་པར་བགྱི་སྟེ། རས་རིས་ལ་མངོན་དུ་ཕྱོགས་ནས་སྐྱིལ་མོ་ཀྲུང་གིས་འདུག་སྟེ་ཚེས་བརྒྱད་དམ་བཅོ་ལྔ་ལ་ཉིན་མཚན་དུ་སྨྱུང་བར་གནས་བས། ཨ་ཤཝཏྠའི་འདབ་མ་བཞིས་དག་བ་ Pha407a ༄#། །པར་བགྱི་སྟེ། ཇི་སྲིད་དུ་དངོས་གྲུབ་རྣམ་པ་གསུམ་དྲོ་བར་བགྱིད་པ་དང ། དུ་བ་འཐུལ་བར་བགྱིད་པ་དང ། འབར་བར་བགྱིད་པ་དེ་སྲིད་དུ་བཟླས་པ་བགྱིའོ། །དྲོ་བར་གྱུར་བ་འདིས་མིག་ལ་བྱུགས་པས་གང་མཐོང་བ་དེ་དབང་དུ་འགྱུར་རོ། །གང་བླངས་པ་དེ་སྙེད་དོ། །འཇིག་རྟེན་ཐམས་ཅད་ཀྱི་མཆོད་པའི་འོས་ཆེན་པོར་འགྱུར་རོ། ། རྒྱལ་པོ་དང ། རྒྱལ་པོའི་བློན་པོ་དང ། བཙུན་མོའི་འཁོར་དང་བཅས་པ་ཐམས་ཅད་ཀྱིས་མཆོད་པ་བྱ་བའི་འོས་སུ་འགྱུར་ཏེ། སྤྱི་བོར་འཇོག་པར་འགྱུར་རོ། །དུ་བ་འཐུལ་བ་འདིས་མིག་ལ་བྱུགས་པས། སོར་མོ་བཅུའི་ཚད་ཀྱི་ས་གཞི་ལ་རྐང་བས་རེག་པས་དཔག་ཚད་སྟོང་ཕྲག་ཏུ་སོང་ནས་སླར་ཡང་འོང་བར་བྱེད་དོ། །དཔག་ཚད་སྟོང་ཕྲག་ཏུ་ཉན་པར་བྱེད་དོ། །དཔག་ཚད་སྟོང་ཕྲག་ཏུ་བལྟ་བར་བྱེད་དོ། །ལོ་སྟོང་ཕྲག་བཅུ་གསུམ་དུ་འཚོ་བར་བྱེད་དོ། །སུ་གང་གིས་ཀྱང་བཀའ་བསྒོ་བར་བྱེད་པར་མི་འགྱུར་རོ། །རྟག་ཏུ་བདེ་བ་དང་བཅས་པ་ཡང་དག་པར་ཐོབ་པ་དང ། རྟག་ཏུ་བླ་མའི་གནས་སུ་བྱ་བར་འགྱུར་རོ། །དེ་བཞིན་གཤེགས་པ་ཐམས་ཅད་ལྷག་པར་མཐོང་བར་འགྱུར་རོ། །འབར་བས་ནི། བདག་ཉིད་གཉིས་ཏེ། འཕུར་བར་བྱེད་པ་དང ། ལོ་སྟོང་ཕྲག་བཅུར་འཚོ་བར་བྱེད་དོ། །དེ་ནས་ལྡོང་རོས་ཀྱི་སྒྲུབ་པ་གཞན་ནི། འཇིག་རྟེན་དང ། འཇིག་རྟེན་ལས་འདས་པའི་སྒྲུབ་པར་བྱེད་པའོ། །དེ་ནས་ཀཱ་ར་བཱི་ར་ Pha407b དང ། ལྡོང་རོས་དཔའ་བོའི་རིན་གྱིས་བླངས་ནས་སྦྱོང་དུ་གཞུག་པར་བགྱི་ཞིང ། བ་བྱུང་ལྔས་ཡང་དག་པར་སྦྱངས་ནས་རྫོགས་པ་ལ་ཞག་གསུམ་དུ་སྨྱུང་བར་གནས་བས་བཅོམ་ལྡན་འདས་དང ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེན་པོ་བྱས་ནས་པདྨའི་འདབ་མ་བཞི་རྣམས་ཀྱིས་ལྡོང་རོས་ལ་རབ་ཏུ་བཀོད་ནས་གསུམ་གྱིས་ཀུན་ཏུ་གཡོགས་ཏེ་ཇི་སྲིད་དུ་དངོས་གྲུབ་རྣམ་པ་གསུམ་དྲོ་བར་བྱེད་པ་དང ། དུ་བ་འཐུལ་བར་བྱེད་པ་དང ། འབར་བར་བྱེད་པ་དེ་སྲིད་དུ་བཟླ་བར་བྱའོ། །དྲོ་བར་བྱེད་བཞིན་པས་ནི། ཐིག་ལེ་བྱས་ནས་ཇི་སྲིད་དུ་སེམས་ཅན་མཐོང་བ་དང ། གང་གིས་བལྟ་བ་དེ་ཐམས་ཅད་དབང་དུ་འགྱུར་རོ། །དུད་འགྲོའི་སྐྱེ་གནས་སུ་སོང་བ་ཚེ་མེད་པ་ཡང་ཚེ་ཉིས་འགྱུར་དུ་འཕེལ་བར་འགྱུར་རོ། །དུ་བ་འཐུལ་བ་ཞིན་པས་ནི།་ཐིག་ལེ་བྱས་པས་རིགས་བཞིའི་འཇིག་རྟེན་ཐམས་ཅད་དེའི་དབང་དུ་འགྱུར་རོ། །སྐྱེས་བུ་ཙམ་གྱི་ས་གཞི་ལ་རྐང་པས་རེག་པས་དཔག་ཚད་སྟོང་ཕྲག་གསུམ་མཐོང་ངོ ། །དཔག་ཚད་སྟོང་ཕྲག་གསུམ་ནས་ཉན་པར་བྱེད་དོ། །ལོ་སྟོང་ཕྲག་བཅུ་གཉིས་སུ་འཚོ་བར་འགྱུར་རོ། །འབར་བར་བྱེད་པས་ནི། ཐིག་ལེ་བྱས་པས་ནམ་མཁའ་ལ་འགྲོ་བར་འགྱུར་རོ། །ལན་གྲངས་ཉི་ཤུར་འཕུར་བར་བྱེད་དོ། །ལྡོང་རོས་ཀྱི་དངོས་གྲུབ་ཐམས་ཅད་ཀྱི་རྒྱལ་པོར་འགྱུར་རོ། །དཔག་ཚད་སྟོང་ཕྲག་གསུམ་དུ་འཕུར་བར་བྱེད་དོ། །ལོ་སྟོང་ཕྲག་བརྒྱད་ཅུར་འཚོ་བར་བྱེད་དོ། ། Pha408a ༄#། །གི་ཝང་སྒྲུབ་པར་འདོད་པས་བ་སེར་སྐྱའི་མར་གྱིས་གི་ཝང་ཡང་དག་པར་སྤྱངས་ཏེ་དཀར་པོའི་བཅོ་ལྔའམ་བརྒྱད་ལ་མཚན་མོ་གསུམ་དུ་སྨྱུང་བར་གནས་པས། བཅོམ་ལྡན་འདས་དང ། སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེན་པོ་བྱས་ནས་རབ་ཏུ་བཀོད་དེ་ལག་པ་གཡས་བས་མནན་ནས་ཇི་སྲིད་དུ་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླ་བར་བྱའོ། །དྲོ་བར་བྱེད་བཞིན་པས་ནི། ཐིག་ལེ་བྱས་པས་གནོད་སྦྱིན་དང ། སྲིན་པོ་དང ། ཡི་དྭགས་དང ། ཤ་ཟ་དང ། འབྱུང་པོ་རྣམས་ཀྱིས་དེ་ལ་རི་མོར་བྱེད་དོ། །གང་སློངས་པ་དེ་སྟེར་རོ། །ཉི་མ་དེ་ནས་བརྩམས་ཏེ་ཚེ་ལོ་སྟོང་ཕྲག་ལྔར་འགྱུར་རོ། །དུ་བ་འཐུལ་བཞིན་པས་ནི། ཐིག་ལེ་བྱས་ན་མི་སྣང་བ་ཐམས་ཅད་ཀྱི་རྒྱལ་པོར་འགྱུར་རོ། །རླུང་གི་ཕུང་པོ་རབ་ཏུ་ཞི་བས་བཞོན་པར་བྱེད་དོ། །དཔག་ཚད་སྟོང་ཕྲག་ཉི་ཤུར་སོང་ནས་སླར་ཡང་འོང་བར་བྱེད་དོ། །ཚེ་ལོ་སྟོང་ཕྲག་དྲུག་ཅུར་འགྱུར་རོ། ། དཔག་ཚད་སྟོང་ཕྲག་དྲུག་ཅུ་རྣམས་མཐོང་བར་བྱེད་དོ། །འབར་བར་བྱེད་པས་ཐིག་ལེ་བྱས་ནས་ནམ་མཁའ་ལ་འགྲོ་བར་འགྱུར་རོ། །བདག་ཉིད་ལན་བརྒྱར་འཕུར་བར་བྱེད་དོ། ། གི་ཝང་གྲུབ་པ་ཐམས་ཅད་ཀྱི་རྒྱལ་པོར་འགྱུར་ཏེ། ལོ་བྱེ་བར་འཚོ་བར་འགྱུར་རོ། །གང་གི་ཚེ་འཆི་བར་འགྱུར་བ་དེའི་ཚེ་གླིང་བཞི་ལ་དབང་པའི་རྒྱལ་པོར་འགྱུར་རོ། །དེ་ནས་ Pha408b བདག་ཉིད་གསེར་གྱི་ཁ་དོག་ཏུ་སྒྲུབ་པར་འདོད་པའི་རིག་སྔགས་འཆང་དེས་ཟླ་ཕྱེད་དྲུག་གི་བར་དུ་བཟླས་པའི་ཆོ་ག་བསྒྲུབ་པར་བགྱིའོ། །དེ་ནས་རིག་སྔགས་འཆང་གཙང་མ་གོས་གཙང་མ་བསྒོས་པས་ལེགས་པར་ཁྲུས་བྱས་ཏེ་སྨན་འདི་རྣམས་བསྒྲུབ་པར་བགྱིའོ། །ཡུཥྨཱ་ཎི་དང ། ལྡོང་རོས་དང ། བ་བླ་དང ། སྦྲང་རྩི་དང ། ས་ཀཱི་དང ། རུ་རྟ་དང ། གུར་གུམ་དང ། གི་ཝང་དང ། ཤིང་མྱ་ངན་མེད་ཀྱི་མེ་ཏོག་དང ། པཱུཎྜུ་ཏྲ་བྱཾ་དང ། འཛམ་བུ་ཆུ་བོའི་སྨན་དང ། གསེར་གྱི་ཕྱེ་མ་དང ། བའི་འོ་མ་དང ། ཤིང་ཨརྒའི་འོ་མ་དང ། གསེར་གྱི་འོ་མ་དང ། སྣུ་ཧའི་འོ་མ་དང ། བྱང་ཆུབ་ཤིང་གི་འོ་མ་དང ། ཁྱབ་འཇུག་གནོན་པའི་འོ་མ་སྟེ། འདི་རྣམས་ཆ་མཉམ་པར་སྦྱར་བར་བྱས་ནས་ཟངས་ཀྱི་སྣོད་དུ་གཞག་པར་བགྱི་ཞིང་དཀྲུག་པར་བགྱི་སྟེ། ཟླ་བ་ཕྱེད་ལ་བའི་འོ་མ་ཉིད་དུ་འགྱུར་ཏེ། འདི་ལ་ཐེ་ཚོམ་མེད་དོ། །རས་རིས་ལ་མངོན་དུ་ཕྱོགས་པར་གཞག་པར་བྱ་ཞིང ། དགོན་པའམ། གཙུག་ལག་ཁང་ངམ། འཆགས་སའམ། སའི་ཕྱོགས་གཙང་མར་རས་རིས་བཞག་ནས་བྱམས་པ་དང ། སྙིང་རྗེ་ཆེན་པོ་དང ། སངས་རྒྱས་དང ། ཆོས་དང ། དགེ་འདུན་རྗེས་སུ་དྲན་པ་དང ། བསྟན་ཞིང་དཔའ་བས་ཕ་རོལ་གནོན་པའི་གོ་ཆ་ཆེན་པོ་བགོས་པ་དང ། འཕགས་པ་སྤྱན་རས་གཟིགས་དབང་ཕྱུག་ལ་མཆོག་ཏུ་དད་ཅིང་གུས་པ་དང ། བྱང་ཆུབ་དོན་དུ་གཉེར་ཞིང་མངོན་ Pha409a ༄#། །པར་འདོད་བཞིན་པས་ཉི་མ་རེ་རེ་ཞིང་ཇི་ལྟར་ནུས་པའི་མཆོད་པ་སྔོན་དུ་འགྲོ་བས་ཟླ་ཕྱེད་དྲུག་ཏུ་བཟླ་བར་བྱའོ། །དེ་ནས་རིག་སྔགས་འཆང་གིས་ཟླ་ཕྱེད་དྲུག་རྫོགས་པ་དང ། སྨན་གྱི་མཆོག་བསྐམས་ལ་ཕྱེ་མ་ཞིབ་མོར་བྱེད་དུ་བཅུག་སྟེ་ཟངས་ཀྱི་སྣོད་དུ་བཞག་ནས་དོན་ཡོད་རྒྱལ་པོའི་སྙིང་པོ་སྟོང་རྩ་བརྒྱད་བཟླས་ཤིང ། ཁྲོ་བོའི་རྒྱལ་པོ་སྟོང་རྩ་བརྒྱད་དུ་བཟླའོ། །དེ་ནས་ཚེས་བཅོ་ལྔའི་ཉ་ལ་མཚན་མོ་གསུམ་དུ་སྨྱུང་བར་གནས་ཏེ་སངས་རྒྱས་བཅོམ་ལྡན་འདས་དང ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེན་པོ་བྱས་ནས་ཕྱོགས་བཞིར་གཏོར་མ་ཆེས་རྒྱ་ཆེ་བ་དབུལ་བར་བགྱིའོ། །དེ་ནས་རིག་སྔགས་འཆང་གིས་སྨན་གྱི་མཆོག་དང ། དངུལ་ཆུ་དང ། ལི་ཁ་ར་དཀར་པོ་དང ། སྦྲང་རྩི་དང་ལྷན་ཅིག་སྦྱར་བར་བྱའོ། །དེ་ནས་སླར་ཡང་སྟོང་ཕྲག་བཅུར་བཟླའོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔ་རུ་ཟངས་ཀྱི་སྣོད་ལ་འབར་བར་བགྱིད་དེ། དྲོ་བར་བགྱིད་དོ། །འོད་ཟེར་ཁ་དོག་སྣ་ཚོགས་པ་རྣམས་འབར་བར་བགྱིད་དོ། །རིག་སྔགས་འཆང་གི་ལུས་འབར་བར་འགྱུར་ཏེ། ས་ཡང་གཡོ་བར་འགྱུར་རོ། །དེ་ནས་རིག་སྔགས་འཆང་བ་བཞིན་འཛུམ་པ་ཡིད་ལ་བྱའོ། །འབར་བ་དེ་དང ། པྲཧྨ་པུ་ཏྲ་ཀའི་མར་དང་ལྷན་ཅིག་སྦྱར་ལ་བདག་གི་ལུས་བསྐུ་བར་བྱའོ། །བསྐུས་བ་ཙམ་ Pha409b གྱི་མོད་ལ་རང་གི་ལུས་ཀྱི་པགས་པ་གསེར་གྱི་མདོག་ཏུ་འགྱུར་རོ། །ལུས་རྡོ་རྗེ་སྙིང་པོ་བཞིན་དུ་མི་ཆོད་པ་དང ། མི་ཕིགས་པར་གྱུར་ནས་འཁོར་བརྒྱ་ཕྲག་སྟོང་དང་བཅས་ཏེ་འཕུར་བར་འགྱུར་རོ། །སྐྲ་ལ་བསྐུས་ན། སྐྲ་སྦུ་གསེར་གྱི་མདོག་ཏུ་འགྱུར་རོ། །སེན་མོ་ལ་བསྐུས་ན། སེན་མོ་གསེར་མདོག་ཏུ་འགྱུར་རོ། །སོ་ལ་བསྐུས་ན། སོ་གསེར་དུ་འགྱུར་རོ། །མི་ལུས་གང་དང་གང་དུ་བསྐུས་པ་དེ་དང་དེ་ཉིད་གསེར་མདོག་ཏུ་འགྱུར་རོ། །ཏིལ་མར་བཞག་སྟེ་བཅུད་ཀྱིས་ལེན་མཆོག་སྲང་གཅིག་ནས་\?\་ཟངས་སྲང་སྟོང་གསེར་དུ་འགྱུར་རོ། །ཏིལ་མར་དང་སྦྱར་བ་ཟངས་གླེབས་པ་ལ་བསྐུས་ཏེ་མེར་བསྲེགས་ན། སྲང་གཅིག་གིས་སྲང་བཅུ་གསེར་དུ་འགྱུར་རོ། །བཅུད་ཀྱིས་ལེན་མཆོག་འདི་དང ། བའི་འོ་མ་དང ། ཞུན་མར་བཞི་ཆ་གཅིག་དང་སྦྱར་ཏེ། མེ་མི་ཆེ་བས་བསྐོལ་ཏེ་ཆོས་པར་རིག་པ་དང ། འདི་དེ་ནས་ཕྱུང་ལ་ཁྲུས་ལེགས་པར་བྱས་ཤིང་གོས་གསར་བ་བགོས་ལ་གཙང་མར་བྱས་ཏེ་ཐོག་མར་བའི་རྣམ་ལྔ་ལ་རེག་པར་བྱའོ། །དེ་ནས་ཆུ་དྲོན་པོ་དང་བཅུད་ཀྱིས་ལེན་གྱི་མཆོག་འདི་བཏུང་བར་བྱའོ། །སྦྱོར་བ་ཞག་བདུན་དུ་བྱས་ན། དེའི་ལུས་རྣམ་པར་དག་པར་འགྱུར་རོ། །སྡིག་པ་ཐམས་ཅད་ཟད་པ་དང ། མོད་ལ་ཉོན་མོངས་པ་ཐམས་ཅད་དང་བྲལ་བ་དང ། ནད་ཐམས་ཅད་བྱང་བ་དང ། མོད་ལ་དུག་ཐམས་ཅད་སེལ་བ་དང ། དུག་སླར་ཞེན་པར་མི་འགྱུར་བ་དང ། མཚོན་གྱིས་མ་ཡིན། ཆུས་འཕྱེར་བར་མི་འགྱུར། མེས་ Pha410a ༄#། །ཚུགས་པར་མི་འགྱུར། ཡང་དུག་མ་རུངས་པ་གཞན་གྱིས་མི་ཚུགས་པར་འགྱུར་རོ། །ཞག་བཅུ་བཞིར་སྦྱོར་བ་བྱས་ན། ནད་ཐམས་ཅད་བྱང་བ་དང ། འདིའི་པགས་པ་རྣམ་པར་དག་པ་དང ། མཉེར་མ་དང ། སྐྲ་དཀར་མེད་པར་འགྱུར་རོ། །ཞག་ཉི་ཤུ་རྩ་གཅིག་སྦྱོར་བ་བྱས་ན། བྱིས་པ་ལོ་བཅུ་པ་པདྨ་དཀར་ཤམ་དང་འདྲ་བའི་མདོག་ཅན་གྱི་ལུས་སུ་འགྱུར་རོ། །པདྨའི་ལོ་མ་དང ། ཀུ་མུ་ད་ལྟར་འཇམ་པ་དང ། ུཏྤ་ལ་སྔོན་པོ་ལྟ་བུའི་མིག་དང ། མི་འམ་ཅིའི་དབྱངས་ལྟ་བུར་མ་ཞུམ་པ་དང ། དབུ་སྐྲ་འཁྱིལ་ལ་འཁྱིལ་ཅིང་བུང་བ་ལྟར་མདོག་ནག་པ་ལྷ་རྫས་ལྟ་བུར་འགྱུར་རོ། །ཟླ་བ་གཅིག་ཏུ་སྦྱོར་བ་བྱས་ན། ལོ་སྟོང་ཕྲག་བཅུར་འཚོ་བར་འགྱུར་རོ། །དགྲ་ཐམས་ཅད་དང ། གནོད་སྦྱིན་དང ། སྲིན་པའི་ཚོགས་ཀྱིས་མི་ཚུགས་པར་འགྱུར་རོ། །འབྱུང་པོ་དང་སྡིག་པ་བྱེད་པ་གཞན་རྣམས་ཀྱིས་ཀྱང་དེ་མི་མཐོང་བར་འགྱུར་རོ། །ལོ་གཅིག་ཚང་བར་བསྙེན་ན། ལྷའི་བུ་མོ་དག་དང་ལྷན་ཅིག་རྩེ་ཞིང ། ལྷ་རྫས་ཀྱི་ལོངས་སྤྱོད་དང ། གཞལ་མེད་ཁང་དང ། ཇི་ལྟར་ལྷ་རྣམས་རྩེ་བ་བཞིན་དུ་འགྱུར་རོ། །དྲོ་བར་གྱུར་པ་སྦྲང་རྩི་དང་ལྷན་ཅིག་ཟོས་ན།་ལོ་ཁྲི་ཉིས་སྟོང་དུ་འཚོ་བར་འགྱུར་རོ། །ནམ་མཁའ་ལ་འགྲོ་བར་འགྱུར་རོ། །ཟངས་སྲང་སྟོང་དང ། བཅུད་ཀྱིས་ལེན་པའི་མཆོག་སྲང་གཅིག་དང ། དངུལ་སྲང་བཅུ་ཟངས་དང་སྦྱར་ Pha410b ཏེ་བཞུ་ན། བཅུད་ཀྱིས་ལེན་མཆོག་དངུལ་སྲང་སྟོང་དུ་འགྱུར་རོ། །སྲང་གཅིག་གིས་ཟངས་སྲང་སྟོང་དངུལ་དུ་འགྱུར་རོ། །ཁ་དོག་སྣ་ཚོགས་ཀྱི་འོད་ཟེར་བྱུང་ན་ནི། ཁ་དོག་སྣ་ཚོགས་སུ་འགྱུར་ཏེ། གཟུགས་མདོག་སྣ་ཚོགས་ཀྱི་ནོར་བུ་རིན་པོ་ཆེ་འཆང་ཞིང ། དངུལ་དང་གསེར་བཞུས་ལ་ཏིལ་མར་དང་ལྷན་ཅིག་བསྐོལ་ཏེ་མགོ་བོ་ལ་བསྐུས་པ་ཙམ་གྱི་མོད་ལ་སྐྲ་མདོག་སྣ་ཚོགས་སུ་འགྱུར་རོ། །ལུས་ལ་བསྐུས་ན། ཁ་དོག་སྣ་ཚོགས་ཀྱི་འོད་ཟེར་འབྱུང་བར་འགྱུར་རོ། །མིག་ལ་བསྐུས་ན། ནམ་མཁའ་ལ་འགྲོ་ཞིང་ཁྱིམ་ཐམས་ཅད་ཀྱི་སྒོ་ཕྱེ་བར་མཐོང་སྟེ།་ཁྱིམ་བདག་ཐམས་ཅད་ཀྱི་དཔོན་པོ་དང ། རྒྱལ་པོར་འགྱུར་རོ། །དཔྲལ་བ་ལ་ཐིག་ལེ་བྱས་ན་མི་སྣང་བར་འགྱུར་རོ། །ཁར་བཅངས་ན། གང་དང་སྨྲ་བ་དེ་ནོར་གྱི་དབང་དང ། བདག་གི་དབང་དུ་འགྱུར་རོ། །ཡང་ན་བ་སེར་སྐྱའི་འོ་མ་མར་དང ། མར་དཀར་དང ། འོ་མ་དང ། བཅུད་ཀྱིས་ལེན་གྱི་མཆོག་འབར་བ་དང་ལྷན་ཅིག་བསྐོར་ཏེ་ཁ་ར་བཞིན་དུ་ལེགས་པར་ཚོས་པ་དང་བླངས་ལ་དོན་ཡོད་པའི་རྒྱལ་པོའི་སྙིང་པོ་བརྒྱ་སྟོང་བཟླས་བརྗོད་བྱས་ཏེ་རིག་སྔགས་འཆང་བ་བདག་ཉིད་བསྐུས་པ་ཙམ་གྱི་མོད་ལ་ཐམས་ཅད་རིག་འཛིན་གྱི་འཁོར་ལོས་བསྒྱུར་བར་འགྱུར་རོ། །བསྐལ་བ་ཆེན་པོ་བཅུར་འཚོ་བར་འགྱུར་རོ། །བར་གྱི་བསྐལ་བར་སངས་རྒྱས་བཅོམ་ལྡན་འདས་མཐོང་བར་འགྱུར་རོ། །བྱང་ཆུབ་ཀྱི་སྙིང་པོ་མཆོག་ཏུ་ལུང་བསྟན་པ་ Pha411a ༄#། །ཐོབ་པར་འགྱུར་རོ། །ཐིག་ལེ་བྱས་ན། ནམ་མཁའ་ལ་འཕུར་བར་འགྱུར་རོ། །ོཾ་ཞེས་བྱ་བའི་སྒྲས་ཚངས་པ་གནས་ནས་ཕྱིར་འབྱུང་བར་འགྱུར་རོ། ། སེ་གོལ་གཏོགས་བ་ཙམ་གྱིས་འོག་མིན་གྱི་བར་དུ་འགྲོ་ཞིང་ཕྱིར་ཡང་འོང་བར་འགྱུར་རོ། །ནམ་གྱི་ཚེ་འཆི་བའི་དུས་བྱེད་པར་འགྱུར་བ་དེའི་ཚེ་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་བར་འགྱུར་རོ། །འདི་ནི། སྐྱེ་བ་ཐ་མ་ཡིན་ཞིང་མངལ་ན་གནས་པ་ལས་ཡོངས་སུ་ཐར་པ་ཡིན་ནོ། །དེ་ནས་དོན་ཡོད་པའི་རིལ་བུ་བརྗོད་པར་བྱ་སྟེ། རིག་སྔགས་འཆང་བ་སྒྲུབ་པར་བྱེད་པ་ལེགས་པར་བསྒྲུབས་ན། རིག་སྔགས་འཆང་བ་ལེགས་པར་ཁྲུས་བྱས་ཤིང་གོས་གཙང་མ་བགོས་ཏེ་གཙང་བར་བྱའོ། །པདྨ་དང ། ལིག་བུ་མིག་དང ། ནཱ་ག་གེ་སར་དང ། གི་ཝང་དང ། ུཏྟ་མ་ར་ཎི་དང ། སྐྱེར་ཁཎྜ་དང ། ་ག་རུ་རྣམས་དེ་བཞིན་དུ་དེ་དག་ཆ་མཉམ་སྟེ་ཞིབ་མོར་བཏགས་ལ་ཁ་ར་དང་སྦྱར་ཏེ་གསེར་དང་དངུལ་གྱིས་དཀྲི་ཞིང་ཟངས་ཀྱིས་ཀྱང་དཀྲིས་ཏེ། ཙནྡན་དཀར་པོའི་གབ་ཚེའི་ནང་དུ་བཅུག་ལ་ལག་པའི་སྙིམ་པར་བཅང་བར་བྱའོ། །ཟླ་བ་ཡར་གྱི་ངོ་ཚེས་བརྒྱད་དང ། བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་སྤྱན་རས་གཟིགས་དབང་ཕྱུག་གི་རས་ཀྱི་སྐུ་གཟུགས་ཀྱི་སྤྱན་སྔར་དོན་ཡོད་པའི་རྒྱལ་པོའི་སྙིང་པོ་སྟོང་རྩ་བརྒྱད་བཟླས་བརྗོད་བྱ། ཁྲོ་ Pha411b བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱ། གསང་སྔགས་སྟོང་རྩ་བརྒྱད་བཟླས་བརྗོད་བྱའོ། །དེ་ནས་འགུལ་བར་གྱུར་ན། དེ་བླངས་ཏེ་ཁར་བཅུག་ན་མི་སྣང་བར་འགྱུར་རོ། ། ལོ་སྟོང་ཐུབ་པར་འགྱུར་རོ། །སོར་བཞི་ཙམ་གྱིས་རྐང་པ་ས་ལ་མི་རེག་པར་འགྱུར་རོ། །དཔག་ཚད་བརྒྱར་འགྲོ་ཞིང་ཕྱིར་ཡང་འོང་བར་འགྱུར་རོ། །མེ་ཏོག་ཅན་གྱི་རིག་འཛིན་འཁོར་ལོས་བསྒྱུར་བར་འགྱུར་རོ། །ལུས་ལས་ཀུ་མུ་ད་དང ། ུཏྤ་ལའི་དྲི་འབྱུང་བར་འགྱུར་རོ། །ུཏྤ་ལ་སྔོན་པོ་དང ། ཙམྤ་ཀ་དང ། ཀེ་ཏུའི་མེ་ཏོག་དང་དེ་དག་ཆ་མཉམ་སྟེ་སྦྱར་ལ་མཁས་པས་སྦྲང་རྩི་དང་ལྷན་ཅིག་སྦྱར་ཏེ་རིལ་བུ་བྱས་ལ་གསེར་དང ། དངུལ་དང ། ཟངས་ཀྱིས་དཀྲིས་ཏེ་ཟླ་བ་ཡར་གྱི་ཚེས་དྲུག་ནས་ཚེས་བརྒྱད་དམ། བཅུ་གཉིས་ནས་བཅུ་བཞིའམ། བཅུ་གསུམ་ནས་བཅོ་ལྔའི་ཚེ་ཉིན་ཞག་གསུམ་དུ་སྨྱུང་བ་བྱའོ། །ཤིན་ཏུ་ཁྲུས་བྱས་ཤིང་གོས་གཙང་མ་བགོས་ཏེ་གཙང་བར་བྱའོ། །སངས་རྒྱས་བཅོམ་ལྡན་འདས་དང ། འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་རས་ལ་བྲིས་པ་ལ་མཆོད་པ་རྒྱ་ཆེན་པོ་བྱས་ཏེ་ཤིང་ཨ་ཤཝཏྠ་ལས་བྱས་པའི་གབ་ཚེའི་ནང་དུ་རིལ་བུ་བཅུག་ནས་ལག་པའི་སྙིམ་པར་བཅུག་ལ་རི་མོའི་སྤྱན་སྔར་ཇི་སྲིད་དུ་ཇི་སྲིད་འཁྲོལ་བའི་སྒྲ་འབྱུང་བ་དེ་སྲིད་དུ་བཟླས་བརྗོད་བྱའོ། །དེ་ནས་གྲུབ་པ་ཡིན་ཏེ། དེ་ལས་ཁར་བཅུག་ན་དཔག་ཚད་སྟོང་དུ་འདི་འགྲོ་བར་འགྱུར་ཞིང་ Pha412a ༄#། །སླར་ཡང་འོང་བར་འགྱུར་རོ། །སོར་བརྒྱད་ཙམ་དུ་རྐང་པས་ལ་མི་རེག་པར་འགྱུར་རོ། །ལོ་སྟོང་ཕྲག་བཅུར་འཚོ་བར་འགྱུར་རོ། །མིག་ཨུཏྤ་ལ་སྔོན་པོ་ལྟ་བུར་འགྱུར་རོ། །ུཏྤ་ལ་སྔོན་པོའི་དྲི་ཁ་ནས་འབྱུང་བར་འགྱུར་རོ། །བཞིན་ཡོངས་སུ་རྒྱས་པ་ཟླ་བའི་དཀྱིལ་འཁོར་ལྟ་བུར་འགྱུར་རོ། །མདོག་པདྨ་ལྟ་བུར་འགྱུར་རོ། །ལུས་ལས་ཙམ་པ་ཀའི་དྲི་འབྱུང་བར་འགྱུར་རོ། །རིག་འཛིན་ནམ་མཁའ་ལ་འགྲོ་བ་ཐམས་ཅད་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཙནྡན་གྱི་ཕྱེ་མ་དང ། ་ག་རུའི་ཕྱེ་མ་དང ། རྒྱ་སྤོས་དང ། ་རུ་ར་དང ། པ་ནི་ན་དང ། དེ་དག་རྣམས་ཆ་མཉམ་སྟེ་ཞིབ་མོར་བཏགས་ལ་དུ་རུ་ཀའི་མར་གྱིས་རིལ་བུར་བྱའོ། །གསེར་དང ། དངུལ་དང ། ཟངས་ཀྱིས་དཀྲིའོ། ། ཙནྡན་དཀར་པོ་ལས་བྱས་པའི་སྒྲོམ་བུར་བྱ་སྟེ། ཚེས་བཅུ་གསུམ་ནས་ཉའི་བར་དུ་ཉིན་ཞག་གསུམ་མི་ཉལ་བར་སངས་རྒྱས་བཅོམ་ལྡན་འདས་དང ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེར་བྱ་ཞིང་གཏོར་མ་ཡང་རྒྱ་ཆེར་བྱིན་ལ། རྩཝ་དུར་བའི་སྟན་ལ་འདུག་སྟེ་ལག་པའི་སྙིམ་པར་བཅུག་ནས་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་ཀྱི་བར་དུ་བཟླས་བརྗོད་བྱའོ། །ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱའོ། །དེ་ནས་རིལ་བུ་འགུལ་བར་འགྱུར་ན། རིག་སྔགས་འཆང་བས་དེས་ན་གྲུབ་པ་ཡིན་ Pha412b པར་རིག་པར་བྱ་སྟེ། རིལ་བུ་གྲུབ་པ་ནི། དེ་ཡིན་ནོ། །དེ་ནས་རིག་སྔགས་འཆང་བས་འཕགས་པ་སྤྱན་རས་གཟིགས་ཀྱི་དབང་ཕྱུག་ལ་མཆོད་པ་བྱས་ཏེ་ནམ་ལངས་ཀ་སྐྱ་རེངས་སེར་པོ་འཆར་བའི་དུས་སུ་བཟའ་བར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་སེམས་ཅན་ཐམས་ཅད་ལ་བྱམས་པའི་སེམས་བྱའོ། །གྲོགས་བྱེད་པ་ལ་ཡང་བྱིན་ཏེ།་རིལ་བུ་གཅིག་ཁར་གཞུག་པར་བྱའོ། །རིལ་བུ་ཁར་བཅུག་པ་ཙམ་གྱི་མོད་ལ་མི་སྣང་བར་འགྱུར་རོ། །ནམ་མཁའ་ལ་འགྲོ་བར་འགྱུར། དཔག་ཚད་ལྔ་སྟོང་དུ་འགྲོ་ཞིང་སླར་ཡང་འོང་བར་འགྱུར། རིལ་བུ་སྒྲུབ་པར་བྱེད་པ་ཚེགས་མེད་པར་གྲུབ་པ་རྣམས་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར། ཚེ་ལོ་ལྔ་སྟོང་ཐུབ་པར་འགྱུར། ཁྲུ་གང་ཙམ་གྱིས་རྐང་པས་ལ་མི་རེག་པར་འགྱུར་རོ། །དེ་ནས་གཏེར་རྐོ་བར་འདོད་པས་གནས་གང་ན་གཏེར་ཡོད་པར་དོགས་པའི་གནས་དེར་བའི་ལྕི་བས་མཎྜལ་བྱས་ལ་མེ་ཏོག་གཏོར་ཞིང་གུ་གུལ་གྱི་བདུག་པས་བདུག་ཅིང ། གཏོར་མ་གཙང་མ་དང ། ཤ་དང་ཁྲག་གི་གཏོར་མ་དང ། ཕྱེ་ཟན་དང ། འབྲས་བུ་དང ། པདྨའི་གཏོར་མ་དང་གཏོར་མ་རྣམ་པ་གསུམ་སྦྱིན་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱའོ། །སྟོང་ཕྲག་བཅུ་བཟླས་བརྗོད་བྱའོ། །སྟོང་ཕྲག་བཅུ་ཚང་བ་དང ། གནས་གང་ན་གཏེར་ཡོད་པའི་གནས་དེར་གཏེར་སྲུང་བ་མངོན་དུ་ Pha413a ༄#། །འབྱུང་ཞིང་གཏེར་འབྱུང་བར་འགྱུར་རོ། །གཏེར་སྲུང་བ་ལ་གཏོར་མ་དང ། མཆོད་ཡོན་སྦྱིན་པར་བྱས་ན་གཏེར་སྲུང་བ་དེ་ཇི་སྲིད་འཚོའི་བར་དུ་ལས་བྱེད་པ་པོར་འགྱུར་རོ། །གང་དུ་མངགས་པ་དང ། གང་བསྒོ་བའི་ལས་དེ་ཐམས་ཅད་བྱེད་པར་འགྱུར་རོ། །ཡུངས་ཀར་དང་ཐལ་བ་ལ་དོན་ཡོད་པའི་རྒྱལ་པོའི་སྙིང་པོ་ལན་བདུན་བཟླས་བརྗོད་བྱས་ཏེ་ཕྱོགས་བཞིར་གཏོར་ན། བགེགས་དང ། ལོག་འདྲེན་དང ། གནོད་སྦྱིན་དང ། སྲིན་པོ་དང ། འབྱུང་པོ་ཐམས་ཅད་བཅིངས་པར་འགྱུར་རོ། ། མཚམས་ཆེན་པོ་བཅིང་བ་བྱས་པར་འགྱུར་རོ། །ལོག་འདྲེན་ཕུང་པར་བྱས་ན། ཡུངས་མར་དང ། ཡུངས་ཀར་དང ། གུ་གུལ་དང ། སྐེ་ཚེའི་འབྲུ་དང ། ལན་ཚཝ་རྣམས་སྦྲང་རྩི་དང་བསྲེས་ལ་ཤིང་ཀཱ་ར་བཱ་རིའི་ཡམ་སྲེག་ཤིང་གིས་མེ་བུས་ཏེ་ཉིན་པར་དུས་གསུམ་དུ་བརྒྱ་རྩ་བརྒྱད་སྦྱིན་སྲེག་བྱས་ན། ལོག་འདྲེན་གྱི་རིགས་ཐམས་ཅད་བཅོམ་པར་འགྱུར་ཞིང་རྣམ་པར་ཞི་བར་འགྱུར་རོ། །དམག་བཅིང་བར་འདོད་པས་ཡུངས་ཀར་དང ། དུག་དང ། སྐེ་ཚེའི་འབྲུ་དང ། ས་བོན་བདུན་རྣམས་སྦྲང་རྩི་དང་སྦྱར་ལ་དམག་གི་མདུན་དུ་ཤིང་ནིམ་པའི་མེ་སྦར་ཏེ་ཐོག་མར་བརྒྱད་བརྒྱ་བྱས་ན། དམག་བཅིངས་པར་འགྱུར་རོ། །ལན་གཉིས་བྱས་ན། ནད་ཆེན་པོ་འབྱུང་བར་འགྱུར་རོ། བརྒྱད་བརྒྱ་བཟླས་ Pha413b བརྗོད་ལན་གསུམ་པ་བྱས་ན། དམག་ཐམས་ཅད་ཞིག་པར་འགྱུར་ཞིང་ཕྱིར་ལན་འགའ་ཡང་འོང་བར་མི་འགྱུར་རོ། །དེ་ནས་དབྱུག་པ་སྒྲུབ་པ་སེང་ལྡེང་ལས་གཤིན་རྗེའི་དབྱུག་པའི་ཚང་ཁྲུ་དོ་པ་བྱའོ། །དེ་ནས་འཕགས་པ་སྤྱན་རས་གཟིགས་ཀྱི་དབང་ཕྱུག་གི་སྤྱན་སྔར་ཟས་དཀར་གསུམ་ཟོས་ཏེ་སྟོང་ཕྲག་བཅུར་བཟླས་བརྗོད་བྱའོ། །དེ་ནས་ཚེས་བཅོ་ལྔ་ཚང་བའི་ཚེ་སྨྱུང་བ་བྱས་ཏེ་དོན་ཡོད་པའི་རྒྱལ་པོའི་སྙིང་པོ་བརྒྱ་རྩ་བརྒྱད་བཟླས་བརྗོད་བྱའོ། །ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་པ་བྱས་ན། དེ་ནས་དབྱུག་པ་འབར་རོ། ། དེ་ནས་གྲུབ་པ་ཡིན་པར་ཤེས་པར་བྱའོ། །དོན་ཡོད་པའི་དབྱུག་པ་ཞེས་བྱ་བའི་སྒྲ་འབྱུང་བར་འགྱུར་རོ། །དེ་ནས་འཕགས་པ་སྤྱན་རས་གཟིགས་ཀྱི་དབང་ཕྱུག་ལ་མཆོད་པ་བྱའོ། །དེ་ནས་རིག་སྔགས་འཆང་བ་དབྱུག་པ་བླངས་ཏེ་ཀུན་ཏུ་ལན་བདུན་བསྐོར་བར་བྱའོ། །དེ་ནས་དབྱུག་པ་དེ་ས་ལ་བརྡབ་པར་བྱའོ། །དབྱུག་པས་ས་ལ་གྲུ་བཞིར་གཞལ་བར་བྱས་ན། ཀུན་ཏུ་གྲུ་བཞི་ལྷམ་པའི་ཁྱིམ་ཆེན་པོ་གཞལ་མེད་ཁང་འབྱུང་བར་འགྱུར་ཏེ། ཕུན་སུམ་ཚོགས་པ་རྣམ་པ་ཐམས་ཅད་ཡོངས་སུ་རྫོགས་པའི་ལྷའི་གཞལ་མེད་ཁང་འབྱུང་བར་འགྱུར་རོ། །བུད་མེད་དང ། སྐྱེས་པ་དང ། ཁྱེའུ་དང ། བུ་མོའི་སྐྱེ་བོས་གང་བར་འགྱུར་རོ། །དེ་ནས་ལྷ་མོ་རྒྱན་ཐམས་ཅད་ཀྱིས་བརྒྱན་པ། བཟང་བ། མཛེས་པ། བལྟ་བར་འོས་ Pha414a ༄#། །པ་ཞིག་འོངས་ནས་རིན་པོ་ཆེ་བདུན་ལས་བྱས་པའི་སྣོད་བུམ་པ་གང་བ་ཞིག་ཐོགས་ཤིང་སྒོའི་ནང་ན་འདུག་གོ་།དེ་ནས་ལྷ་མོ་དེ་ན་རེ། རིག་སྔགས་འཆང་གི་ཁྱིམ་ཡིན་གྱི། ནང་དུ་ཞུགས་ཤིག་།ཅེས་སྨྲ་བར་འགྱུར་རོ། །རིག་སྔགས་འཆང་བས་སྙིང་པོ་མེད་པར་གྱུར་པའི་ཁྱིམ་གཞལ་མེད་ཁང་འདིས་ཅི་ཞིག་བྱ་ཞེས་བརྗོད་བར་བྱའོ། །དེ་ན་རེ། སྣོད་གང་བ་འདི་ལོངས་ཤིག་དང ། རྒྱ་ཆེར་འཕེལ་བར་འགྱུར་རོ་ཞེས་སྨྲ་བར་འགྱུར་རོ། །རིག་སྔགས་འཆང་བས་དྷིག་དྷིག་ཅེས་ཁྲོས་པ་བྱས་པ་དང ། ལྷ་མོ་དེ་དུས་ཏེ་ཇི་ལྟར་ཆར་པ་ཆེར་འབབ་པ་དེ་བཞིན་དུ་འདིའི་མིག་ནས་མཆི་མ་བྱུང་བ་དང་རིག་སྔགས་འཆང་བས་བླང་བར་བྱ་ཞིང་རང་གི་ལུས་ལ་བསྐུ་བར་བྱའོ། །བསྐུས་པ་ཙམ་གྱི་མོད་ལ་འཛམ་བུ་གླིང་གི་གསེར་ལྟ་བུའི་ལུས་སུ་འགྱུར་རོ། །ཙནྡན་སྦྲུལ་གྱི་སྙིང་པོ་དང ། གོ་ཤིཪྵའི་དྲི་ལུས་ལས་འབྱུང་བར་འགྱུར་རོ། །ཁར་བཅུག་ན། ལྷ་རྫས་ཀྱི་ཨུཏྤ་ལའི་དྲི་ཁ་ནས་འབྱུང་བར་འགྱུར་རོ། །མཆི་མ་དེ་མིག་ཏུ་བསྐུས་ན། ལྷ་རྫས་ཀྱི་ཨུཏྤ་ལ་སྔོན་པོ་འདྲ་བའི་ལྷའི་མིག་ཏུ་འགྱུར་རོ། །སྐྲ་ལ་བསྐུས་ན། ལྷའི་རྨ་བྱའི་མདོག་འདྲ་བའི་སྐྲར་འགྱུར་ཞིང་སྐྲ་འཁྱིལ་ལ་འཁྱིལ་བར་འགྱུར་རོ། །རྣ་བའི་བུ་གར་བླུགས་ན། ལྷའི་སྙན་དུ་འགྱུར་ཏེ། དཔག་ཚད་སྟོང་ཕྲག་ Pha414b གསུམ་དུ་ཐོས་པར་འགྱུར་རོ། །དཔག་ཚད་སྟོང་ཕྲག་གསུམ་དུ་མཐོང་བར་འགྱུར་རོ། །འཐུངས་ན། བསྐལ་པ་སྟོང་ཕྲག་བཅུ་འཚོ་བར་འགྱུར་རོ། །བར་གྱི་བསྐལ་བ་རྗེས་སུ་དྲན་པར་འགྱུར་རོ། །གར་ཐབས་དང ། ཏྲོ་ཊ་ཀ་དང ། བརྡ་སྤྲོད་པ་དང ། བསྟན་བཅོས་དང ། བྷ་ར་ཏ་དང ། རཱ་མ་ཡ་ཎ་དང ། སྔོན་གྱི་གཏམ་རྙིང་དང ། ཚུལ་དང ། འདུལ་བ་དང ། སྐྱེས་རབས་དང ། སྙན་དངགས་དང ། བྱེ་བྲག་པ་ཐམས་ཅད་དང ། ཆོ་ག་ཞིབ་མོ་ཐམས་ཅད་དང ། དཀྱིལ་འཁོར་དང ། ཕྱག་རྒྱ་དང ། གསང་སྔགས་དང ། གཟུངས་དང ། མདོ་སྡེ་དང ། ཆོས་མངོན་པ་དང ། ཐེག་པ་ཆེན་པོ་དང ། དེ་དག་ཐམས་ཅད་མངོན་དུ་གྱུར་པར་གནས་སོ། །ཐམས་ཅད་དུ་རྟོགས་པ་ཁོང་དུ་ཆུད་པ་ཆེན་པོར་འགྱུར་རོ། །དེ་ནས་བུད་མེད་དེ་ན་རེ།་རྗེ་བཙུན་དམ་པ་རང་གི་ཁབ་མཆོག་ཏུ་གཤེགས་སུ་གསོལ་ཞེས་སྨྲ་བར་འགྱུར་རོ། །རིག་སྔགས་འཆང་བས་བརྗོད་པར་བྱ་ཞིང་རང་གི་རྐང་བ་རིམ་གྱིས་འཇུག་པར་བྱའོ། ། དེ་ནས་བུད་མེད་དེ་ནུ་མ་གཉིས་སྟོན་པར་བྱེད་ན། རིག་སྔགས་འཆང་བས་ནུ་མ་གཉིས་བཟུང་ལ་བཙིར་ན་དེ་ལས་འོ་མ་འཛག་པར་འགྱུར་རོ། །དེ་ནས་རིག་སྔགས་འཆང་བས་བླང་བར་བྱ། བཏུང་བར་བྱ། རྐང་པ་ལ་བསྐུ་བར་བྱས་ན། བསྐུས་པ་ཙམ་གྱི་མོད་ལ་འཁོར་སྟོང་དང ། ལྷ་མོ་དེ་དང་ལྷན་ཏུ་ནམ་མཁའ་ལ་འཕུར་ཏེ་འགྲོ་བར་འགྱུར་རོ། །རླུང་གི་ Pha415a ༄#། །ཕུང་པོ་དང་པོ་ལ་ཞོན་པར་འགྱུར། རིག་འཛིན་འཁོར་ལོས་བསྒྱུར་བ་སྟོང་ཕྲག་བརྒྱད་ཅུ་རྩ་བཞི་རྣམས་ཀྱི་རིག་འཛིན་འཁོར་ལོས་བསྒྱུར་བའི་རྒྱལ་པོ་དང་དཔོན་པོར་འགྱུར་རོ། །བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་བར་འགྱུར། དེ་ཉིད་རིག་འཛིན་རྣམས་ཀྱི་མཆོག་ཏུ་འགྱུར་ཏེ། འཇིག་རྟེན་པའི་ཆོ་ག་སྒྲུབ་པ་ཡིན་ནོ། །དབྱུག་པ་ལག་པ་གཡས་པས་བཟུང་སྟེ་དོན་ཡོད་པའི་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བྱ་ཞིང་ལན་བདུན་བསྐོར་བ་བྱས་ན། དོན་གང་ཡིན་ལ་སེམས་པ་དང ། གང་འདོད་པ་དེ་དག་ཐམས་ཅད་སྐད་ཅིག་ཏུ་འགྲུབ་པར་འགྱུར་རོ། །གང་དགུག་པ་དེ་དག་ཐམས་ཅད་བཀུག་ཅིང་མདུན་ན་གནས་པར་འགྱུར་རོ། །གནོད་སྦྱིན་དང ། གནོད་སྦྱིན་མོ་དགུག་པར་འདོད་ན་བཙག་གིས་རི་མོ་བྲིས་ལ་དབྱུག་པ་ལ་དོན་ཡོད་པའི་རྒྱལ་པོ་ལན་བདུན་བཟླས་བརྗོད་བྱ་ཞིང ། གནོད་སྦྱིན་དང ། གནོད་སྦྱིན་མོའི་སྟེང་དུ་བསྐོར་པར་བྱའོ། །གུ་གུལ་གྱི་བདུག་པ་སྦྱིན་པར་བྱའོ། །གཏོར་མ་དཀར་པོ་ཅན་གྱི་སྣོད་དབུལ་བར་བྱའོ། །ལན་བདུན་བསྐོར་བ་ཙམ་གྱི་མོད་ལ་གནོད་སྦྱིན་དང ། གནོད་སྦྱིན་མོ་མདུན་ན་འདུག་ཅིང་བཀའ་བཞིན་དུ་བྱེད་པར་འགྱུར་རོ། །གང་བསྒོ་བའི་ལས་དེ་བྱེད་པར་འགྱུར་རོ། །ཐམས་ཅད་མ་ཚང་བ་མེད་པར་སྒྲུབ་པར་འགྱུར་རོ། །ནོར་དང ། འབྲུ་དང ། དབྱིག་ Pha415b དང ། ནོར་བུ་དང ། མུ་ཏིག་དང ། དངུལ་དང ། ས་ལེ་སྦྲམ་དང ། གོས་དང ། མལ་སྟན་དང ། ཆོས་གོས་དང ། རྒྱན་གྱི་རྣམ་པ་ལ་སོགས་པ་སྒྲུབ་པར་བྱེད་པར་འགྱུར་རོ། །གཞན་ཡང་བསྒོ་བ་དེ་ཐམས་ཅད་སྒྲུབ་པར་བྱེད་དོ། །དཔལ་ལྷ་མོའི་མདུན་དུ་བསྐོར་ན། ནོར་གྱི་མཆོག་རྣམ་པ་མང་དུ་སྦྱིན་པར་བྱེད་དོ། །མདུན་ན་རང་གི་ངོ་བོ་གནས་པར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་བྱེད་དོ། །རྣམ་ཐོས་སྲས་ཀྱི་ཞབས་ལ་ལན་བདུན་བརྡབ་ཅིང་དོན་ཡོད་པའི་རྒྱལ་པོ་ལ་ལན་ཉི་ཤུ་རྩ་གཅིག་དྲན་པར་བྱས་ན། རྣམ་ཐོས་ཀྱི་སྲས་རྒྱུག་ཅིང་མདུན་ན་གནས་པར་འགྱུར་རོ། །ནོར་མང་དུ་སྦྱིན་པར་མཛད་དོ། །གང་འདོད་པ་དེ་ཐམས་ཅད་མཛད་པར་འགྱུར་རོ། །མི་སྨྲ་བར་དབྱུག་པ་ལ་ལན་ཉི་ཤུ་རྩ་གཅིག་བཟླས་བརྗོད་བྱ་ཞིང་རྒྱལ་པོའི་སྒོར་ལན་བདུན་བསྐོར་བ་བྱས་ན། རྒྱལ་པོ་དང ། བཙུན་མོའི་འཁོར་རྣམས་བདག་ཉིད་དང ། ནོར་ལ་དབང་བར་འགྱུར་རོ། གྲོང་ཁྱེར་གྱི་སྒོར་བསྐོར་ན། གྲོང་ཁྱེར་ན་གནས་པའི་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་རྣམས་དབང་དུ་འགྱུར་ཞིང་གནས་སོ། །དེ་གཅིག་པུ་མཆོད་པར་འོས་པར་འགྱུར་རོ། །དེ་དག་ཐམས་ཅད་བྲན་ཕོ་དང་བྲན་མོ་བཞིན་དུ་རྗེས་སུ་འབྲང་བར་འགྱུར་རོ། །ལྷ་ཁང་དུ་སོང་ནས་ལྷའི་སྤྱན་སྔར་བསྐོར་ཞིང་དོན་ཡོད་པའི་རྒྱལ་པོའི་སྙིང་པོ་བཟླས་བརྗོད་བྱས་ན། ལྷ་དེ་རང་གི་ངོ་བོ་མདུན་ན་གནས་པར་འགྱུར་རོ། །གང་བསྒོ་ Pha416a ༄#། །བ་དེ་ཐམས་ཅད་བྱེད་པར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་འགྱུར་རོ། །ཉི་མ་འཆར་བའི་ཚེ་ཉི་མའི་མདུན་དུ་བསྐོར་བར་བྱ་ཞིང་དོན་ཡོད་པའི་རྒྱལ་པོའི་སྙིང་པོ་བཟླས་བརྗོད་བྱས་ན། ཉི་མ་བབས་ཏེ་མཆོག་གང་འདོད་པ་དེ་ཐམས་ཅད་སྦྱིན་པར་མཛད་དོ། །ཟླ་བ་ཉའི་ཞལ་དུ་བསྐོར་ཅིང་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱེད་ན། ཟླ་བ་དང ། རྒྱུ་སྐར་དང ། སྐར་མའི་ཚོགས་དང་བཅས་ཏེ་འབབ་པར་འགྱུར་རོ། །མཆོག་བསམ་པ་ཐམས་ཅད་སྦྱིན་པར་མཛད་དོ། །རིང་བསྲེལ་དང་བཅས་པའི་མཆོད་རྟེན་ལ་བསྐོར་བ་བྱེད་ཅིང་དོན་ཡོད་པའི་རྒྱལ་པོ་བཟླས་བརྗོད་བྱེད་ཅིང་དབྱུག་པ་བསྐོར་ན། མཆོད་རྟེན་འབར་ཞིང་སྒྲ་འབྱུང་བར་འགྱུར་རོ། །གང་བསམ་པ་དེ་ཐམས་ཅད་སྨྲ་བར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་མཛད་དོ། །དེ་བཞིན་གཤེགས་པ་ལ་བསྐོར་བ་བྱ་སྟེ། དོན་ཡོད་པའི་ཞགས་པའི་སྙིང་པོའི་བཟླས་བརྗོད་བྱེད་ཅིང་དབྱུག་པ་བསྐོར་ན། དེ་བཞིན་གཤེགས་པ་ཐམས་ཅད་མཐོང་བར་འགྱུར་བ་དང ། དེ་བཞིན་གཤེགས་པ་ཐམས་ཅད་དབུགས་འབྱིན་པར་མཛད་པ་དང ། བསམ་པ་དང་རེ་བ་ཐམས་ཅད་ཡོངས་སུ་རྫོགས་པར་མཛད་པར་འགྱུར་རོ། །ཡང་ན་འཕགས་པ་སྤྱན་རས་གཟིགས་དབང་ཕྱུག་གི་རང་གི་སྐུ་བཞིན་ཐུན་ཐོ་རངས་ཀྱི་ཚེ་མདུན་ན་བཞུགས་པར་འགྱུར་རོ། །མཆོག་བསམ་ Pha416b བ་ཐམས་ཅད་སྦྱིན་པར་མཛད་པར་འགྱུར་རོ། །དགོས་པ་ཐམས་ཅད་གྲུབ་པར་མཛད་པར་འགྱུར་རོ། །དོན་ཡོད་པའི་དབྱུག་པ་རིག་འཛིན་འཁོར་ལོས་བསྒྱུར་བ་གྲུབ་པ་ཐོབ་པར་འགྱུར་རོ། །ཆར་མི་འབབ་པའི་ཚེ་ཀླུའི་གནས་སུ་སོང་སྟེ་དོན་ཡོད་པའི་རྒྱལ་པོའི་སྙིང་པོ་དྲན་པར་བྱ། དབྱུག་པ་བསྐོར་བར་བྱའོ། །བསྐོར་བ་ཙམ་གྱི་མོད་ལ་ཀླུ་རྣམས་ཆར་བའི་རྒྱུན་ཆེན་པོ་འབྱུང་བར་འགྱུར་རོ། །ཅི་འདོད་པའི་ཆར་གྱི་རྒྱུན་འབེབས་སོ། །ཆར་ཆེས་ན། ཁང་ཐོག་ཏུ་དོན་ཡོད་པའི་ཞགས་པའི་སྙིང་པོ་སྐད་དྲག་པོས་བརྗོད་དེ་དབྱུག་པ་བསྐོར་ན། ཆར་ཆེས་པ་འཆད་པར་འགྱུར་རོ། །སེར་བ་འབབ་པའི་ཚེ་སྤྲིན་ལོགས་སུ་བལྟས་དེ་ཁྲོས་པས་ཁྲོ་བོའི་རྒྱལ་པོ་སྐད་ཆེན་པོས་དྲན་པར་བྱ་ཞིང་ཁྲོས་པས་དབྱུག་པ་བསྐོར་ན། སང་དང ། རླུང་དང ། སེར་བ་མི་འབབ་པར་འགྱུར་རོ། །དཔག་ཚད་ཚུན་ཆད་དུ་མཚམས་ཆེན་པོ་ཀུན་ཏུ་བཅད་པར་འགྱུར་རོ། །གདོན་ཀུན་གྱིས་ཟིན་པ་ལ་ཁྲོ་བོའི་རྒྱལ་པོ་ལ་ལན་བདུན་དྲན་པར་བྱ་ཞིང་དབྱུག་པ་བསྟན་ན། གདོན་ཐམས་ཅད་དུ་འབྲོས་པར་འགྱུར་རོ། །བརྗེད་བྱེད་ལ་སོགས་པའི་བར་ལ་བསྟན་པ་ཙམ་གྱིས་འབྲོས་པར་འགྱུར་རོ། །རིམས་ཐམས་ཅད་ལ་དོན་ཡོད་པའི་རྒྱལ་པོའི་སྙིང་པོས་བྱ་བས་ན། བྱབས་པ་ཙམ་གྱི་མོད་ལ་རིམས་ཐམས་ཅད་ལས་ཐར་བར་འགྱུར་རོ། །ཞག་བཞི་པའི་རིམས་ནི། ངུ་ཞིང་འབྲོས་པར་འགྱུར་རོ། །གཡུལ་འགྱེད་ཅིང་འཐབ་ Pha417a ༄#། །པའི་ཚེ་དོན་ཡོད་པའི་རྒྱལ་པོའི་སྙིང་པོ་ཁྲོས་པས་བཟླས་བརྗོད་བྱ། དབྱུག་པ་བསྐོར་བ་བྱས་ན། མཚོན་དང ། དགྲ་སྟ་དང ། ལག་ཆ་ཐམས་ཅད་མི་སྣང་བར་འགྱུར་ཞིང ། ཕ་རོལ་གྱི་དཔུང་རྣམས་ཀྱི་ཧུད་ཀྱི་ཧུད་ཟེར་ཞིང་འབྲོས་པར་འགྱུར་རོ། །འབྲོག་དགོན་པའི་ནང་དུ་འགྲོན་པོ་རྣམས་སོང་བ་ན་དོན་ཡོད་པའི་རྒྱལ་པོ་དྲན་པར་བྱ་ཞིང་དབྱུག་པ་བསྐོར་བ་བྱས་ན། རྐུན་པོ་དང ། ཆོམ་པོ་དང ། མི་རྒོད་དང ། སེངྒེ་དང ། སྟག་དང ། དོམ་དང ། དྲེད་དང ། དུག་མི་བཟད་པ་དང ། གཅན་གཟན་ཁྲོ་བོ་དང ། གླང་པོ་ཆེ་དང ། མ་ཧེ་དང ། དུག་དང་བཅས་པའི་སྲོག་ཆགས་དེ་དག་ཐམས་ཅད་མི་སྣང་བར་འགྱུར་རོ། །རང་གི་ཁྱིམ་དུ་བདེ་བར་འགྲོ་བར་འགྱུར་རོ། མི་ངས་ཐམས་ཅད་དང ། བ་ལང་གི་ནད་དང ། ཕྱུགས་ངས་ཆེན་པོ་དང ། རྟ་ནད་ཆེན་པོ་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོའི་ནད་ཆེན་པོ་བྱུང་བའི་ཚེ་དོན་ཡོད་པའི་རྒྱལ་པོའི་སྙིང་པོ་དང ། ཁྲོ་བོའི་རྒྱལ་པོའི་སྐད་ཆེན་པོས་དྲན་པར་བྱ་ཞིང་དབྱུག་པ་གྲོང་ཁྱེར་གྱི་སྒོ་བཞིར་བསྐོར་བ་བྱས་ན། བསྐོར་བ་ཙམ་གྱི་མོད་ལ་མི་ངས་དང ། གནོད་པ་དང ། ཉོན་མོངས་པ་དང ། འཁྲུག་པ་ཐམས་ཅད་པ་དང ། འཐབ་པ་དང ། རྩོད་པ་དང ། འགྱེད་པ་དང ། མཚང་འདྲུ་བ་ཐམས་ཅད་ཞི་བར་འགྱུར་རོ། །འཇིགས་པ་ཐམས་ཅད་ལས་གྲོལ་ Pha417b པར་འགྱུར་རོ། །བུད་མེད་དང ། སྐྱེས་པ་དགུག་པར་འདོད་ན། གནས་མཐོན་པོར་འདུག་སྟེ་སྐད་ཆེན་པོས་དོན་ཡོད་པའི་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་དྲན་པར་བྱའོ། །དབྱུག་པ་བསྐོར་བར་བྱའོ། །གང་གི་ཆེད་དུ་བྱ་བ་དེ་མིང་བརྗོད་པར་བྱས་ན། དཔག་ཚད་བརྒྱ་ནས་ཀྱང་དེ་འོང་ཞིང་བདག་དང་ནོར་ལ་དབང་བྱ་བར་ཡོད་ཅིང་གནས་པར་འགྱུར་རོ། །ཇི་སྲིད་འཚོའི་བར་དུ་གནས་པར་འགྱུར་རོ། །འོན་ཏེ་ནོར་བུ་བཟང་པོའི་སྲས་དགུག་པར་འདོད་ན། ཟླ་བ་ཡར་གྱི་ངོ་ཚེས་བཅུ་བཞི་ལ་སྨྱུང་བ་བྱས་ཏེ་དབྱུག་པ་ལ་དོན་ཡོད་པའི་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བྱ་སྟེ། ནོར་བཟང་གི་སྲས་ཀྱི་ལྟོ་བའི་སྟེང་དུ་གཞག་པར་བྱ། ཁྲོ་བོའི་རྒྱལ་པོ་བཟླས་བ་བྱས་ན། བཞི་ཐུན་གྱི་ཐོ་རངས་ཙམ་ན་ནོར་བུ་བཟང་པོའི་སྲས་རང་ཉིད་རིག་སྔགས་འཆང་བའི་མདུན་ན་བཞུགས་པར་འགྱུར་ཞིང ། །གསེར་གྱི་དོང་ཙེ་སྟོང་ཕྲག་བཅུ་སྦྱིན་པར་མཛད་དོ། །དེ་ལས་དཀོན་མཆོག་གསུམ་གྱི་སྐུ་སྐལ་དབུལ་བར་བྱ། འཕགས་པ་སྤྱན་རས་གཟིགས་ཀྱི་དབང་ཕྱུག་ལ་མཆོད་པ་བྱ། ནོར་བུ་བཟང་པོའི་སྲས་ལ་མཆོད་ཡོན་གྱི་ཆབ་དབུལ་བར་བྱ། ཉི་མ་རེ་རེ་ཞིང་ནོར་བཟང་གི་སྲས་ལ་མཆོད་ཡོན་གྱི་ཆབ་ཕུལ་ན། ནམ་འཚོའི་བར་དུ་ཉི་མ་རེ་རེ་ཞིང་གསེར་གྱི་དོང་ཙེ་སྟོང་སྦྱིན་པར་མཛད་དོ། །དེ་ནས་རིག་སྔགས་འཆང་བས་ཕྱེད་དམ་བཞི་ཆ་གཅིག་ Pha418a ༄#། །དགོད་པར་བྱ་སྟེ། སྦྱིན་པ་སྦྱིན་པར་བྱ། བསོད་ནམས་བསགས་པར་བྱས་ལ་ནོར་བུ་བཟང་པོའི་སྲས་དང་ལྷན་ཅིག་ཏུ་རྗེས་སུ་ཡི་རང་བར་བྱའོ། །འབྲོག་དགོན་པའི་ནང་དུ་འབྲོག་དགོན་པ་གང་ན་ཆུ་དཀོན་པར་དབྱུག་པ་ལ་ལན་ཉི་ཤུ་རྩ་གཅིག་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱ་ཞིང ། གང་ན་ནེའུ་གསིང་སྔོན་པོ་ཡོད་པའི་གནས་དེར་ས་ལ་ལན་བདུན་བརྡབ་ཅིང་བསྐོར་ཏེ་སྐད་དྲག་པོས་དོན་ཡོད་པའི་རྒྱལ་པོའི་སྙིང་པོ་དྲན་པར་བྱ། འཕགས་པ་སྤྱན་རས་གཟིགས་ཀྱི་དབང་ཕྱུག་ལ་ཉམ་ཐག་ཐག་སྐད་དུ་བྱས་ན། དེ་ནས་གནས་གང་དུ་བརྡབས་པའི་གནས་དེར་ལྷ་རྫས་ཀྱི་ཆུ་ཧ་ཅང་གྲང་བ་ཡང་མ་ཡིན། ཧ་ཅང་དྲོ་བ་ཡང་མ་ཡིན། རོ་དང་ཆས་པ་ཡོད་པའི་རྫིང་བུ་འབྱུང་བར་འགྱུར། རོ། །དེ་ནས་རིག་སྔགས་འཆང་བས་དབྱུག་པ་ལ་ཁྲོ་བོའི་རྒྱལ་པོ་ལན་བདུན་བཟླས་བརྗོད་བྱ་སྟེ། རྫིང་བུའི་ནང་དུ་ཆུ་ལ་བརྡབ་པར་བྱའོ། །དེ་ནས་རྫིང་བུའི་ནང་ནས་མི་སེར་སྐྱ་བོ་ཞིག་བྱུང་སྟེ་རིག་སྔགས་འཆང་བ་ལ་ཐལ་མོ་ཁོང་སྟོང་དུ་སྦྱར་ནས་མདུན་ན་འདུག་སྟེ་རིག་སྔགས་འཆང་བ་ཅི་འདོད་ཅེས་སྨྲ་བར་འགྱུར་རོ། །རིག་སྔགས་འཆང་བས་བདག་ནི།་ཁ་ཟས་ཀྱི་ཆེད་དུ་ལགས་ཀྱི། སྩལ་དུ་གསོལ་ཞེས་བརྗོད་པར་བྱའོ། །དེ་ནས་རིག་སྔགས་འཆང་བས་མི་དེ་ལ་ཤིས་པའི་ཚིག་བརྗོད་པར་བྱའོ། །དེ་ནས་མི་དེ་རྫིང་བུའི་ནང་དུ་ Pha418b ཞུགས་པ་དང ། སྐད་ཅིག་ཐང་གཅིག་ཡུད་ཙམ་ལ་ཁ་ཟས་དང་བཏུང་བའི་རོ་ཞིམ་པོ་རྣམ་པ་སྣ་ཚོགས་ཡོད་པར་བྱེད་ཅིང་རིག་སྔགས་འཆང་བ་ལ་སྦྱིན་པར་བྱེད་དོ། །སྐྱེ་བོ་སྟོང་ཕྲག་བརྒྱའི་སྟོན་མོ་བྱར་ཡོད་ཅིང་ཡོ་བྱད་ཕུན་སུམ་ཚོགས་པ་ཤིན་ཏུ་མང་པོར་འགྱུར་རོ། །གལ་ཏེ་རིག་སྔགས་འཆང་བས་རྫིང་བུ་མེད་པར་མི་བྱེད་ན། རྫིང་བུ་དེ་དུས་རྟག་ཏུ་གནས་པར་འགྱུར་རོ། །མི་སྣང་བར་མི་འགྱུར་ཏེ། སེམས་ཅན་ཐམས་ཅད་དང ། འགྲོན་པོ་ཐམས་ཅད་ཡོ་བྱད་ཐམས་ཅད་ཀྱིས་བྲེལ་བ་མེད་པར་འབྱུང་བར་འགྱུར་རོ། །འོན་ཏེ་དོན་ཡོད་པ་སྣ་ཚོགས་བྱ་བར་འདོད་ན།་རིག་སྔགས་འཆང་བ་དེས་ལན་ཉི་ཤུ་རྩ་གཅིག་བཟླས་བརྗོད་བྱས་པའི་དྲི་ཆུས་ཁྲུས་བྱས་ལ་སྤྱི་གཙུག་བཅིང་བར་བྱའོ། །མི་སྨྲ་བར་དབྱུག་པ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ཏེ་བསྐོར་བར་བྱའོ། །དེ་ནས་འཁོར་དང་སྐྱེ་བོ་མང་པོ་འཁོར་ཞིང་རྨོངས་པར་འགྱུར་རོ། །དེ་ནས་དབྱུག་པ་བསྐོར་བ་བྱས་ན། ཡིད་ལ་ཇི་ལྟར་སེམས་དཔའི་ངོ་བོ་དེ་བཞིན་དུ་ཐམས་ཅད་སྟོན་པར་བྱེད་དོ། །འབྲས་བུ་དང་མེ་ཏོག་གི་ཆར་འབེབས་སོ། །སྒྱུ་མ་རྣམ་པ་སྣ་ཚོགས་སྟོན་པར་བྱེད་དོ། །དེ་ནས་རོ་ལངས་བསླང་བར་འདོད་ན། རིག་སྔགས་འཆང་བ་དེས་ལེགས་པར་ཁྲུས་བྱས་ཤིང་གོས་གསར་པ་བགོས་ཏེ་གཙང་མར་བྱས་ལ་དུར་ཁྲོད་དུ་སོང་སྟེ་དབྱུག་པ་ལ་དོན་ཡོད་པའི་རྒྱལ་པོའི་སྙིང་པོ་ལན་བདུན་བཟླས་བརྗོད་བྱས་ནས་ཁྲོ་བོའི་རྒྱལ་པོ་ Pha419a ༄#། །ལན་བདུན་བཟླས་བརྗོད་བྱེད་ཅིང་དུར་ཁྲོད་ཀྱི་ནང་དུ་བསྐོར་བ་བྱས་ན། དཔག་ཚད་ཚུན་ཆད་དུ་ཀུན་ཏུ་མཚམས་བཅད་པར་འགྱུར་རོ། །བགེགས་ཐམས་ཅད་དང ། གནོད་སྦྱིན་དང ། སྲིན་པོ་མ་རུངས་པ་ཐམས་ཅད་བཅིངས་པར་འགྱུར་རོ། །དེ་ནས་རིག་སྔགས་འཆང་བས་མི་རོ་བླངས་ཏེ་བཀྲུ་བར་བྱའོ། །བའི་རྣམ་ལྔས་སྦྱང་བར་བྱའོ། །བའི་ལྕི་བས་དཀྱིལ་འཁོར་གྲུ་བཞི་ལྷམ་པར་བྱའོ། །སེང་ལྡེང་གི་ཕུར་པ་ཚད་སོར་བཅུ་གཉིས་པ་བཞི་གྲུ་བཞིར་གཟུགས་པར་བྱའོ། །ཚོན་སྣ་ལྔའི་སྐུད་པས་དཀྱིལ་འཁོར་ཀུན་ཏུ་བསྐོར་བར་བྱའོ། །མི་རོ་རས་དཀར་པོས་དཀྲི་བར་བྱས་ལ་དཀྱིལ་འཁོར་དབུས་སུ་གཞུག་པར་བྱའོ། །མེ་ཏོག་གིས་གཏོར་བར་བྱའོ། །གཏོར་མ་དཀར་པོ་གཞག་པར་བྱའོ། །མཆོད་ཡོན་གྱི་ཆུ་གཞག་པར་བྱའོ། །གུ་གུལ་གྱི་བདུག་པ་སྦྱིན་པར་བྱའོ། །རིག་སྔགས་འཆང་བ་ཤར་ཕྱོགས་སུ་ཁ་བལྟས་ཏེ་འདུག་ལ་དབྱུག་པ་ལག་པ་གཡས་པར་བཞག་སྟེ་རིག་པའི་རྒྱལ་པོ་གདོན་པར་བྱའོ། །ཁྲོ་བོའི་རྒྱལ་པོ་ལན་དྲུག་ཅུ་དྲན་པར་བྱའོ། །གཡས་པས་བྱབ་པར་བྱའོ། །ལག་པ་གཡས་པའི་དབྱུག་པས་བརྡབ་པ་བྱས་ན། མི་རོ་དེ་འགུལ་བར་འགྱུར། གཡོ་བར་འགྱུར་ཏེ། ལངས་ཏེ་ཕྱོགས་བཅུར་ལྟ་བར་འགྱུར། རིག་སྔགས་འཆང་བས་དབྱུག་པ་དེ་སྤྱི་བོར་བཞག་པར་བྱས་ན། མི་རོ་དེ་ཚིག་སྨྲ་བར་འགྱུར་རོ། །རིག་སྔགས་འཆང་བས་ Pha419b གསང་སྔགས་དྲན་པར་བྱའོ། །ཡིད་ཀྱིས་བསམ་པར་བྱས་ན། མི་རོ་དེ་ཐམས་ཅད་སྨྲ་བར་འགྱུར་ཏེ། འདས་པ་དང ། མ་འོངས་པ་དང ། ད་ལྟར་བྱུང་བ་དང ། མ་འོངས་པ་ན་འབྱུང་བ་སྨྲ་བར་འགྱུར་རོ། །དེ་ནས་རིག་སྔགས་འཆང་བས་དབྱུག་པ་སྙིང་གར་བཞག་པར་བྱས་ན། ཁྲག་ཏུ་སྐྱུག་བར་འགྱུར། ཁྲག་དེས་ཐིག་ལེ་བྱས་ན། ཁྱིམ་ཐམས་ཅད་ལ་སྒོ་སྲུང་མེད་ཅིང་སྒོ་ཐམས་ཅད་གདངས་པར་འགྱུར་རོ། །བུད་མེད་དང ། སྐྱེས་པ་དང ། ཁྱེའུ་དང ། བུ་མོ་ཐམས་ཅད་དབང་དུ་གྱུར་ཅིང་འདུག་གོ། དབྱུག་པ་སྙིང་གར་བཙིར་ན་སྐྱུག་པར་འགྱུར་རོ། །རིག་སྔགས་འཆང་བས་བླངས་ཏེ་མཐའ་དག་བཟའ་བར་བྱའོ། །ཟོས་པ་ཙམ་གྱིས་ནམ་མཁའ་ལ་འགྲོ་བར་འགྱུར་རོ། །འབྱུང་བོ་ཆེན་པོའི་བདག་པོ་དང ། དབང་ཕྱུག་ཆེན་པོ་འདྲ་བར་འགྱུར་རོ། །ལྷའི་ལོ་སྟོང་དུ་འཚོ་བར་འགྱུར་རོ། །ོཾ་ཞེས་བྱ་བས་དབྱུག་པས་བཙིར་ལ་བསྡིགས་པ་བྱས་ན། དེ་ནས་ལྕེ་འབྱིན་པར་འགྱུར་རོ། །རིག་སྔགས་འཆང་བས་བཅད་ལ་རིག་སྔགས་འཆང་བས་བླང་བར་བྱའོ། །བླངས་པ་ཙམ་གྱིས་ནམ་མཁའ་ལ་འགྲོ་བར་འགྱུར་རོ། །རིག་སྔགས་འཆང་བ་རལ་གྲིའི་འཁོར་ལོས་བསྒྱུར་བར་འགྱུར་རོ། །ལོ་སྟོང་ཕྲག་བཅུར་འཚོ་བར་འགྱུར། རིག་སྔགས་འཆང་བ་བཅོ་བརྒྱད་ཀྱི་འཁོར་གྱིས་བསྐོར་བར་འགྱུར་རོ། །དེ་ནས་རིག་སྔགས་འཆང་བས་མི་རོའི་སྤྱི་བོར་དབྱུག་པས་བརྡབས་ན། སྒྲ་འབྱུང་བར་འགྱུར་ཞིང་ཤི་བའི་རོ་གཅིག་ཏུ་མཁྲེགས་ Pha420a ༄#། །པའི་གསེར་ཡིན་པས་བླང་བ་བྱས་ན། སྲང་གཅིག་གིས་ཟངས་སྲང་སྟོང་གསེར་དུ་འགྱུར་རོ། །དེ་དག་ནི། འཇིག་རྟེན་བ་སྒྲུབ་པའི་ཆོ་ག་ཡིན་ནོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་དག་ནི། སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་བདག་གི་འཇིག་རྟེན་བ་སྒྲུབ་པའི་ཆོ་ག་ལགས་སོ། །དེ་བཞིན་གཤེགས་པ་ཤཱཀྱ་ཐུབ་པས་བཀའ་སྩལ་པ། སེམས་ཅན་ཆེན་པོ། །སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་འཇིག་རྟེན་ལས་འདས་པའི་ཆོ་ག་དམ་པ་གསང་བའི་སྙིང་པོ་དང ། དཀྱིལ་འཁོར་དག་བློ་བརྟན་པོ་འཇིགས་པ་མེད་པ་ཐོབ་པར་འགྱུར་བ་དང ། རིག་སྔགས་འཆང་ཐམས་ཅད་ཀྱི་དམ་པ་སྒྲུབ་པར་བྱེད་པ་དེ་ཁོ་ན་ཉིད་གྲུབ་པར་འགྱུར་བ་དང ། བཀླགས་པ་དང ། དྲན་པ་ཙམ་དང ། སྒྲུབ་པར་བྱེད་པ་ཙམ་གྱིས་དེ་དག་ཐམས་ཅད་གྲུབ་པ་ཆེན་པོ་ཐོབ་པར་འགྱུར་བ་དང ། བསམ་པ་ཆེན་པོ་ཡོངས་སུ་རྫོགས་པ་གྲུབ་པར་འགྱུར་བ་དང ། མཆོག་གྲུབ་པ་ཆེན་པོ་སོ་སོར་ཐོབ་པར་འགྱུར་བ་དང ། རིག་སྔགས་འཆང་བའི་འདོད་པར་གཏོགས་པ་བསམ་པ་ཐམས་ཅད་ཡོངས་སུ་རྫོགས་པར་གྲུབ་པར་འགྱུར་བ་སྨྲོས་ཤིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་ Pha420b རས་གཟིགས་དབང་ཕྱུག་བཅོམ་ལྡན་འདས་ཀྱི་དྲུང་ནས་དབུགས་འབྱིན་པ་དང ། བསྒོ་བ་ཐོས་ནས་ཤིན་ཏུ་ཡིད་དགའ་བ་ཆེན་པོར་འགྱུར་ཏེ། དེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ཏེ་མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། ཆོས་གོས་དང ། གདུགས་དང ། རྒྱལ་མཚན་དང ། བ་དན་དང ། གོས་དང ། རྒྱན་སྣ་ཚོགས་དང ། སྤུད་པ་རྣམ་པ་སྣ་ཚོགས་ཀྱིས་བཅོམ་ལྡན་འདས་ལ་མཆོད་པ་དང་བསྙེན་བཀུར་ཆེན་པོ་བྱས་ཏེ་མཆོད་ནས་འཁོར་གྱི་དཀྱིལ་འཁོར་མང་པོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་དཀྱིལ་འཁོར་གྱི་ལྷར་གཏོགས་པ་དང ། གང་དག་རིག་འཛིན་གྲུབ་པ་དང ། གང་དག་ལྷ་དང ། གླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། གང་དག་དོན་ཡོད་པའི་ཞགས་པའི་རྣམ་པར་གྲོལ་བའི་དཀྱིལ་འཁོར་གྱི་དམ་ཚིག་ལ་རྗེས་སུ་ཞུགས་པ་དང ། གང་དག་རི་པོ་པོ་ཊ་ལ་ན་གནས་པ་དེ་དག་ཐམས་ཅད་ཀྱི་མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་དང ། གོས་དང ། རྒྱན་སྣ་ཚོགས་དང ། ཆས་དང ། སྤུད་པ་སྣ་ཚོགས་ཀྱིས་ Pha421a ༄#། །མཆོད་པ་བྱས་ཏེ་ཡིད་དགའ་བར་གྱུར་ཏོ། །འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་སྟོང་ཕྲག་བརྒྱ་བསྐོར་བ་བྱས། འཁོར་གྱི་དཀྱིལ་འཁོར་དེ་ལ་ཡང་མཆོད་པ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་བཏུད་ནས་བཅོམ་ལྡན་འདས་ཀྱི་སྤྱན་སྔར་མིག་མི་འཛུམ་པར་འདུག་སྟེ་བཅོམ་ལྡན་འདས་ལ་ཚིག་འཇམ་པོ་འཇམ་པོས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ལ་མཆིས་པ་ནི། རྨད་དུ་བྱུང་བ་རྣམ་པར་ལྟ་བ་དོན་ཡོད་པའི་ཆོ་འཕྲུལ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྣམ་པར་གྲོལ་བའི་དཀྱིལ་འཁོར་དང ། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་དེ་ཁོ་ན་ཉིད་རྣམ་པར་འཕྲུལ་པ་རྣམ་པར་སྣང་མཛད་ཀྱི་བྱིན་གྱི་རླབས་དང ། དམ་ཚིག་ཆེན་པོའི་དཀྱིལ་འཁོར་དོན་ཡོད་པའི་རྣམ་པར་ལྟ་བའི་ཞགས་པའི་སྙིང་པོ་དང ། འཇིག་རྟེན་ལས་འདས་པའི་བཀླགས་པ་དང ། སྒྲུབ་པར་བྱེད་པ་གྲུབ་པ་མཆོག་ཏུ་གྱུར་པའི་སྙིང་པོ་དང ། འཇིག་རྟེན་ལས་འདས་པའི་མཆོག་སྒྲུབ་པ་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཤིང་ལུང་བསྟན་པ་ལགས་ཏེ། དེ་དག་གིས་བཅོམ་ལྡན་འདས་ཀྱི་སྤྱན་སྔར་བཅོམ་ལྡན་འདས་ཀྱི་བྱིན་གྱི་རླབས་ཀྱིས་རིག་སྔགས་འཆང་ཐམས་ཅད་མཆོག་ཏུ་གྲུབ་པར་བྱ་བའི་ཕྱིར་དང ། སེམས་ Pha421b ཅན་ཐམས་ཅད་བསྒྲལ་བའི་ཕྱིར་དམྱལ་བ་དང ། ཡི་དྭགས་ཀྱི་གནས་དང ། གཤིན་རྗེའི་འཇིག་རྟེན་སེལ་བ། སྔོན་གྱི་སྒྲིབ་པ་དང ། སྡིག་པ་མི་བཟད་པ་འཇོམས་པ། ངན་སོང་ཐམས་ཅད་སེལ་བ། འཇིག་རྟེན་དང་འཇིག་རྟེན་ལས་འདས་པའི་སྡིག་པ་དང ། སྒྲིབ་པ་ངེས་པར་སྲེག་པར་བྱེད་པ་ཡོངས་སུ་བསྒྲག་པར་བགྱིའོ། །མཚམས་མེད་པ་ལྔ་དང ། སངས་རྒྱས་དང ། བྱང་ཆུབ་སེམས་དཔའ་སྤོང་བ་དང ། དམ་པའི་ཆོས་སྤོང་བ་དང ། མཚམས་མེད་པ་ལ་གཞོལ་བ་དང ། འཕགས་པའི་དགེ་འདུན་ལ་འཁུ་བ་དང ། ཉན་ཐོས་དང ། རང་སངས་རྒྱས་དང ། བྱང་ཆུབ་སེམས་དཔའི་ཚོགས་ཐམས་ཅད་སྤོང་བར་བྱེད་པ་དེ་དག་གིས་མཉན་པ་དང ། མཐོང་བ་ཙམ་དང ། སྡོམ་པ་ཙམ་དང ། ལན་གཅིག་འབད་པ་དང ། འཆད་པ་ཙམ་གྱིས་ཐམས་ཅད་བྱང་བར་འགྱུར་རོ། །ང་མཐོང་བ་ཙམ་གྱིས་ཐམས་ཅད་ཟད་པར་འགྱུར། བྱང་བར་འགྱུར་རོ། ། རིམས་ཐམས་ཅད་དང ། ནད་ཐམས་ཅད་དང ། དྲི་མ་དང ། སེར་སྣ་དང ། ཕྲག་དོག་ཐམས་ཅད་བྲལ་བར་འགྱུར་རོ། །ཉོན་མོངས་པ་དང ། སྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པའི་སྡུག་བསྔལ་སྐྱེ་བ་དང ། རྒ་བ་དང ། འཆི་བ་དང ། ནད་དང ། མྱ་ངན་དང ། སྨྲེ་སྔགས་འདོན་པ་ Pha422a ༄#། །དང ། སྡུག་བསྔལ་བ་དང ། ཡིད་མི་བདེ་བ་ཐམས་ཅད་དང་བྲལ་བར་འགྱུར་རོ། །འཐབ་པ་དང ། རྩོད་པ་དང ། འགྱེད་པ་དང ། ཕུང་བར་བྱེད་པ་དང ། རྡེག་པ་དང ། བསྡིགས་པ་དང ། གསོད་པ་དང ། གཡུལ་འགྱེད་པ་དང ། ཤགས་འགྱེད་པ་དང ། བཙོན་དུ་འཛིན་པ་དང ། ལྕགས་སུ་འཇུག་པ་དང ། རྐུན་མ་དང ། ཟོལ་བ་དང ། མི་རྒོད་དང ། སེངྒེ་དང ། གླང་པོ་ཆེ་དང ། མ་ཧེ་དང ། ནད་ངན་པ་དང ། དམུ་ཆུ་དང ། ཤ་བཀྲ་དང ། མཛེ་དང ། འབྲུམ་བུ་དང ། གཡོན་ཅན་དང ། ཤུ་བ་དང ། ཤུ་བྲན་དང ། གཡན་པ་དང ། ཀླད་པ་ན་བ་དང ། གཞོགས་ཕྱེད་ན་བ་དང ། དོམ་དང ། དྲེད་དང ། གནོད་སྦྱིན་དང ། སྲིན་པོ་དང ། ཡི་དྭགས་དང ། ཤ་ཟ་དང ། བརྗེད་བྱེད་དང ། སྤྲུལ་མ་རུངས་པ་དང ། ཁཝ་གདུག་པ་དང ། སྤྲུལ་ནག་པོ་དང ། སྲོག་ཆགས་གོ་ན་དང ། དྲུག་དང་བཅས་པའི་སྲོག་ཆགས་འཇིགས་པ་སྣ་ཚོགས་དང་བཅས་པ་དང ། མེ་དང ། ཆུ་དང ། དུག་དང ། མཚོན་དང ། གཡང་ས་དང ། ཁྱིམ་རྡིབ་པ་དང ། གྲང་བ་དང ། རླུང་དང ། ཉིན་མཚན་དང ། བྱི་བ་ཁ་གདུག་པའི་འཇིགས་པ་ཐམས་ཅད་ནི། བཀླགས་པ་དང ། ཁ་ཏོན་བྱས་པ་དང ། མཐོང་བ་ཙམ་གྱིས་ཐམས་ཅད་རྣམ་པར་ཞིག་པར་འགྱུར། Pha422b ཕུང་པར་འགྱུར། མོད་ལ་ཕྱེ་མར་བརླགས་པར་འགྱུར་རོ། །ཡོངས་སུ་ཐར་པར་འགྱུར་བ་འདི་ལ་དོགས་པར་མི་བྱ། ཡིད་གཉིས་བསྐྱེད་པར་མི་བྱ། ཐེ་ཚོམ་མི་བྱ། སེམས་གཉིས་སུ་འགྱུར་བ་བསྐྱེད་པར་མི་བྱའོ། །བཅོམ་ལྡན་འདས། བདག་རྟག་ཏུ་མངོན་དུ་དྲན་པར་བགྱི་བ་དང ། རྟག་ཏུ་ཡིད་ལ་བྱེད་པའི་བློ་འབྱུང་བར་བགྱིའོ། །དོན་ཡོད་པའི་ཞགས་པའི་སྙིང་པོ་དང ། ཁྲོ་བོའི་རྒྱལ་པོའི་སྙིང་པོ་ཡང་བཟླ་བར་བགྱིའོ། །རྨད་དུ་བྱུང་བ་རྣམ་པར་ལྟ་བ། དོན་ཡོད་པ་རྣམ་པར་འཕྲུལ་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྣམ་པར་གྲོལ་བའི་དཀྱིལ་འཁོར་དེ་བཞིན་གཤེགས་པ་ཐམས་ཅད་རྨད་དུ་བྱུང་བའི་ཆོ་འཕྲུལ་རྣམ་པར་སྣང་མཛད་ཀྱི་བྱིན་གྱི་རླབས། དམ་ཚིག་ཆེན་པོའི་དཀྱིལ་འཁོར། དོན་ཡོད་པར་རྣམ་པར་ལྟ་བའི་ཞགས་པའི་སྙིང་པོ་ནི། རྟག་ཏུ་རྒྱུན་མི་འཆད་པར་དུས་ཐམས་ཅད་དུ་ཡིད་ལ་ཁ་ཏོན་དུ་བརྗོད་པར་བྱའོ། །རྟག་ཏུ་རྒྱུན་མི་འཆད་པར་རྗེས་སུ་དྲན་པ་བསྒོམ་པར་བྱའོ། །དེ་དག་དྲན་པ་སྒོམ་པ་ཙམ་དང ། དྲན་པ་ཙམ་གྱིས་འཇིག་རྟེན་དང ། འཇིག་རྟེན་ལས་འདས་པའི་ཡོན་ཏན་ཕུན་སུམ་ཚོགས་པ་ཐམས་ཅད་ཐོབ་པར་འགྱུར་རོ། །ཕྱིར་མི་ལྡོག་པ་ཞེས་བྱའོ། །ཕྱིར་མི་ལྡོག་པའི་གནས་ལ་རབ་ཏུ་གནས་པར་འགྱུར་རོ། །དེ་བཞིན་གཤེགས་པ་ཐམས་ཅད་དགོངས་ Pha423a ༄#། །པ་དང ། ལུང་སྟོན་པ་དང ། བྱིན་གྱིས་རློབ་པར་འགྱུར་ན། ལྟ་བ་དང ། ཀློག་པ་དང ། ཁ་ཏོན་བྱེད་པ་དང ། འཕགས་པ་སྤྱན་རས་གཟིགས་ཀྱི་དབང་ཕྱུག་མཐོང་སྟེ་ཕྱག་འཚལ་བ་དང ། མཆོད་པ་དང ། དྲན་པ་དང ། དུས་གསུམ་དུ་ཤིན་ཏུ་གསལ་བར་ཡིད་ལ་བྱེད་པ་དང ། མཆོད་ཅིང་ཕྱག་བྱེད་པ་དེ་ལྟ་སྨོས་ཀྱང་ཅི་དགོས་ཏེ།་སེམས་ཅན་དེ་ནི། ང་དང་འདྲ་བ་ཡིན་པར་རིག་པར་བྱའོ། །འཇིག་རྟེན་དབང་ཕྱུག་གི་བྱིན་གྱིས་བརླབས་པའི་ལུས་ཡིན་པར་རིག་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པ་དང ། དབང་བསྐུར་བས་དབང་བསྐུར་བ་ཡིན་པར་རིག་པར་བྱའོ། །གང་ཞིག་ལན་མང་དུ་ཤིན་ཏུ་ལྷག་པར་བྱེད་པ་ལྟ་སྨོས་ཀྱང་ཅི་དགོས་ཏེ། སེམས་ཅན་དེ་ནི། དེ་བཞིན་གཤེགས་པའི་སྙིང་པོ་ཡིན་པར་རིག་པར་བྱའོ། །བདག་ཀྱང་དུས་ཐམས་ཅད་དུ་རྟག་ཏུ་རྗེས་སུ་དྲན་པར་བགྱིའོ། །དུས་ཐམས་ཅད་དུ་མཐོང་བ་སྦྱིན་པར་བགྱིའོ། །བསམ་པ་དང་རེ་བ་ཐམས་ཅད་ཡོངས་སུ་རྫོགས་པར་བགྱིའོ། །དེའི་ཚེ་བདག་གིས་སེམས་ཅན་ཐམས་ཅད་མྱུར་བ་མྱུར་བར་བྱང་ཆུབ་ཀྱི་སྙིང་པོར་འགྲོ་བ་དང ། ཆོས་ཀྱི་འཁོར་ལོ་བསྐོར་བར་གཞག་པར་བགྱིའོ། །བཅོམ་ལྡན་འདས། བདག་ནི། གོ་ཆ་ Pha423b ཆེན་པོ་བརྟན་པར་ཁས་བླངས་པ་ལ་འཚོལ་བ་ལགས་པས་སེམས་ཅན་ཐམས་ཅད་བསྒྲལ་བའི་ཕྱིར་རེ་བའི་མཆོག་ཐམས་ཅད་ཡོངས་སུ་རྫོགས་པར་བགྱིའོ། །དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། ། སེམས་ཅན་དག་པའི་མཆོག་།ལེགས་སོ། །འདི་ནི། མཆོག་ཏུ་དཀོན་པ་སྟེ། འཇིག་རྟེན་ལས་འདས་པའི་ཆོ་ག་དེའི་མིང་འཛིན་པ་ཙམ་གྱིས་སེམས་ཅན་ཡོངས་སུ་གྲོལ་བར་འགྱུར་ན། ལྟ་བ་དང ། ཀློག་པ་དང ། སྒྲུབ་པ་དང ། སྨྱུང་བའི་ཆོ་ག་བྱེད་པ་དང ། སྡོམ་པ་ལ་གནས་པ་ལྟ་སྨོས་ཀྱང་ཅི་དགོས། སེམས་ཅན་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །སེམས་ཅན་དག་པ། དུས་ལ་བབ་པ་གང་ཡིན་པར་ཤེས་ན་སྨྲོས་ཤིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱི་ཞལ་དུ་བལྟ་ཞིང་བཞིན་འཛུམ་སྟེ་དོན་ཡོད་པ་རྣམ་པར་ལྟར་ལྟ་བའི་ཞགས་པའི་སྙིང་པོ་སྨྲས་སོ། །དུས་གསུམ་དུ་གཤེགས་ཤིང་བཞུགས་པའི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་ Pha424a ༄#། །ཐམས་ཅད་ལ་ཕྱག་འཚལ་ལོ། །འཕགས་པ་བྱམས་པ་ལ་སོགས་པ་འཕགས་པ་བྱང་ཆུབ་སེམས་དཔའི་ཚོགས་ཀྱི་མཆོག་ལ་ཕྱག་འཚལ་ལོ། །འཕགས་པ་རྡོ་རྗེ་འཆང་བའི་དཀྱིལ་འཁོར་གྱི་ལྷ་གཤིན་རྗེ་དང ། ཆུ་ལྷ་དང ། ལུས་ངན་པོ་དང ། དྲང་སྲོང་གི་ཚོགས་ཀྱི་མཆོག་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །འདི་ལྟ་སྟེ། ཨོཾ་སརྦ་ཏ་ཐཱ་ག་ཏ། ཨ་བ་ལོ་ཀི་ཏེ་པཱ་ཤ་ཧྲཱི་ད་ཡ། ཛྭ་ལ་ཛྭ་ལ། བྷ་རྨ་དྷཱ་ཏུ་གརྦྷེ། ཙ་ར་ཙ་ར། མཧཱ་པདྨ་པདྨ་བྷུ་ཛེ། དྷ་ར་དྷ་ར། མ་ཧཱ་པཱ་ཤ་དྷ་རེ། བ་ར་བ་ར་བ་ར་ད། ར་ཤྨི་ཤ་ཏ་ས་ཧ་སྲ་པྲ་ཏི་མཎྜི་ཏ་ཤ་རཱི་རེ། ཏ་ར་ཏ་ར། བི་པུ་ལ་ཏེ་ཛ་དྷ་རེ། བྷ་ར་བྷ་ར། ཥ་ཊ་པཱ་ར་མི་ཏཱ་པ་རི་པཱུ་ར་ཎི། ཀ་ལ་ཀ་ལ། མ་ཧཱ་པྲ་ཏྲཱི། བེ་ཥ་དྷ་རེ། མ་ལ་མ་ལ། སརྦ་པཱ་པ་ཨཱ་བ་ར་ཎ་མཱ་ལ་ཀིལྤི་ཥ། ནཱ་ཤ་ནི། དྷུ་རུ་དྷུ་རུ། བོ་དྷི་སཏྭ། བི་ཤུདྡྷ་བྷུ་རུ་བྷུ་རུ། མཧཱ་སཏྭ། བཏ་ས་ལེ། ཡ་མ་བ་རུ་ཎི། ཀུ་བེ་ར་ཎ་མ་སྐྲི་ཏེ། ཧུ་རུ་ཧུ་རུ་ཧུར། བྲཧྨ། བིཥྞུ། མ་ཧེ་ཤཝ་ར། ཀུ་མཱ་ར། ནནྡི་ཀེ་ཤཝ་ར། ཨཱི་ཤཝ་ར། མ་ཧེ་ཤཝ་ར། དེ་བ་བྲ་ཏྲ། བནྟི་ཏ། Pha424b བནྟི་ཏ། ན་མ་སྐྲྀ་སྟེ། བི་བི་དྷ་མ་ཎི་མོ་ལི་དྷ་རེ། ཨ་མི་ཏཱ་བྷཱ་ཛི་ན། མུ་ཀུ་ཊ། དྷ་རེ། དི་བྱ། མ་ཎི་ཀ་ན་ཀ། བཛྲ་བཻ་ཌཱུརྱ། མ་ར་ཀ་ཏ། པདྨ་རཱ་ག་།ེནྡྲ་ནཱི་ལ་དི་བྱ་མུཀྟི་ཀ། ཨ་ལཾ་ཀྲྀ་ཏ། ཤ་རཱི་ར། ཤཝེ་ཏ། ཡ་ཛྙོ་པ་བཱི་ཏ་དྷ་རེ། ཛ་ཏ་མུ་ཀུ་ཊ། མཎྜི་ཏ་ནཱ་མ། ཙནྡྲ་རཱ་ཛི་ཏ། པདྨ་དྷ་ར། པདྨ་ཨཱ་ས་ན། པདྨ་བྷུ་ཛ། ཏྲི་ལོ་ཙ་ན། ཏྲི་ཤཱུ་ལ་དྷ་ར།་ད་ཤ་དྷ་ར། སརྦཱ་ཏ་ཐཱ་ག་ཏ། ཨ་བྷི་ཥེ་ཀ་ཏ། ས་ར་ས་ར། སརྦ་པཱ་པ་བྲ་ཤ་མ་ན་ཀ་ར། མཧཱ་ཀཱ་རུ་ཎི་ཀ། ཏུ་རུ་ཏུ་རུ། སརྦ་བ་ར་ད་ཡ་ཀ། བོ་དྷི་བོ་དྷི། སརྦ་ཏ་ཐཱ་ག་ཏ་ཨ་བ་ལོ་ཀི་ཏེ། བོ་དྷི་མཎྜ། ཨ་བ་ལོ་ཀི་ཏེ། ལོ་ཀེ་ཤཝ་ར། མ་ཧེ་ཤཝ་ར། ཨ་ཧཱ་ཙིནྟཱ་མ་ཎི། བྷ་ར་བི་ཤཝ་རཱུ་པ། མ་ཧཱ་སཽ་མྱ་བ་དྷ་ན། མ་ཧཱ་ཀཱ་རུ་ཎི་ཀ་།བུདྡྷྱ་བུདྡྷྱ། བོ་དྷ་ཡ་བོ་དྷ་ཡ། བྷ་ག་ཝཱན། སརྦ་ཏ་ཐཱ་ག་ཏ། ཨ་བ་ལོ་ཀི་ཏེ་གརྦྷེ། མ་ཧཱ་པུ་ཎྱ། ཏེ་ཛ་དྷ་ར་པྲ་བ་ར་སིདྡྷི་ཀ་ར་སརྦ་བྱཱ་དྷི་ཧ་ར། སརྦ་སཏྭ་ཡ་བ་ར་སརྦ་དུཿ ་ཁ། པྲ་མོ་ཙ་ཀ་།མ་ཧཱ་ཀཱ་རུ་ཎི་ཀ་ན་མོ་སྟུ་སྟེ་སཝཱ་ཧཱ། བཅོམ་ལྡན་འདས། བདག་གི་འདི་ནི། རྨད་དུ་བྱུང་བ་རྣམ་པར་ལྟ་བའི་ཞགས་པའི་སྙིང་པོའོ། །དོན་ཡོད་པའི་ཞགས་པའི་སྙིང་པོའོ། །རྣམ་པར་གྲོལ་བའི་དཀྱིལ་འཁོར་འཇིག་རྟེན་ལས་འདས་པའི་གཟུངས་ཀྱི་སྙིང་པོའོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའོ། །གཟུགས་ Pha425a ༄#། །སྣ་ཚོགས་ཆེན་པོ་སྒྱུ་མ་ལྟ་བུའི་ཏིང་ངེ་འཛིན་རྣམ་པར་འཕྲུལ་པ། ཕྱག་སྟོང་མངའ་བ། དབུ་སྟོང་མངའ་བ། སྤྱན་སྟོང་གིས་རྣམ་པར་གཟིགས་པ། ཕྱག་བརྒྱ་སྟོང་གིས་བྱིན་གྱིས་བརླབས་པ། གངྒཱའི་ཀླུང་བྱེ་བ་ཁྲག་ཁྲིག་སྟོང་ཕྲག་བཅུའི་བྱེ་མའི་རྡུལ་ཤིན་ཏུ་ཕྲ་བ་དང་མཉམ་པའི་དམ་ཚིག་གི་དཀྱིལ་འཁོར་དུ་རྗེས་སུ་ཞུགས་པ།་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་གསང་བ་ལ་འཇུག་པ། སངས་རྒྱས་ཐམས་ཅད་ཀྱི་ཞིང་དུ་འཇུག་པ། བྱང་ཆུབ་ཀྱི་སྙིང་པོར་བགྲོད་པ། ཆོས་ཀྱི་འཁོར་ལོ་བསྐོར་བ། ཆོས་ཀྱི་སྒྲོན་མེ་འབར་བ། བདུད་ལ་སོགས་པ་མ་རུངས་པ་ཐམས་ཅད་ཀྱི་བདུད་འཇོམས་པ། ཆོས་ཀྱི་དུང་འབུད་པ། ཆོས་ཀྱི་རྒྱལ་མཚན་བསྒྲེང་བ། དམྱལ་བ་ཐམས་ཅད་སེལ་བ། ཆོ་ག་ཞིབ་མོ་ཐམས་ཅད་གྲུབ་པར་མཛད་པ། ཆོ་ག་སྒྲུབ་པ་ཐམས་ཅད་ཀྱི་མཆོག་།ས་བཅུ་ཆེན་པོ་ལ་སོ་སོར་འཇོག་པ།་ཕྱིར་མི་ལྡོག་པའི་གནས་ལ་རྗེས་སུ་འཇུག་པ། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་དང ། བྱིན་གྱི་རླབས་ཀྱིས་བྱིན་གྱིས་བརླབས་པ། དོན་ཡོད་པའི་མཆོག་།ཕུན་སུམ་ཚོགས་པ་ཐོབ་པར་མཛད་པ། དོན་ཡོད་པའི་རྣམ་པར་འཕྲུལ་བའི་རྣམ་པར་སྤྲུལ་པ། དོན་ཡོད་པར་སེམས་རྒྱ་མཚོ་སྙེད་ཡང་དག་པར་ Pha425b འཛིན་པ། དོན་ཡོད་པར་སེམས་ཅན་ས་བོན་ལ་སོ་སོར་འཇོག་པ། དོན་ཡོད་པར་བྱང་ཆུབ་སེམས་དཔའི་སེམས་པར་འཕྲུལ་པ་ལ་འཇུག་པ། དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ཡོངས་སུ་སྒྲོག་པ། དོན་ཡོད་པར་དེ་བཞིན་གཤེགས་པ་ཐམས་ཅད་མཆོད་པ་དང ། བསྙེན་བཀུར་གྱི་སྤྲིན་རབ་ཏུ་བྱེད་པ། དོན་ཡོད་པར་སེམས་ཅན་ཐམས་ཅད་མི་འཇིགས་པའི་ཁྱིམ་དུ་འཛུད་པ། དོན་ཡོད་པར་སྦྱིན་པ་ཆེན་པོའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། དོན་ཡོད་པར་ལྷ་རྫས་ཀྱི་མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། ཆོས་གོས་དང ། གདུགས་དང ། རྒྱལ་མཚན་དང ། བ་དན་དང ། གོས་དང ། རྒྱན་དང ། ཆོས་གོས་སྣ་ཚོགས་དང ། རིན་པོ་ཆེ་བདུན་གྱི་ཆར་འབེབས་སོ། །དོན་ཡོད་པར་ཚེ་ཡོངས་སུ་བརྗེས་ཏེ་སངས་རྒྱས་ཀྱི་ཞིང་ཀུན་ཏུ་བརྒྱན་པ་སྣ་ཚོགས་སུ་དེ་བཞིན་གཤེགས་པ་ཐམས་ཅད་ཡང་དག་པར་ལྟ་བ། དོན་ཡོད་པར་བསོད་ནམས་ཀྱི་ཕུང་པོ་ཆེན་པོ་རབ་ཏུ་རྫོགས་པ། དོན་ཡོད་པར་དགེ་བའི་རྩ་བ་ཆེན་པོ་སྐྱེད་པ། དོན་ཡོད་པར་དེ་བཞིན་གཤེགས་པ་ཐམས་ཅད་ཡང་དག་པར་མཐོང་བ་དང ། གྲུབ་པ་དང ། ཆོ་འཕྲུལ་གྱི་རྣམ་པར་འཕྲུལ་པ་སྟོན་པ། དོན་ཡོད་པར་དབང་ཕྱུག་སྒྲུབ་པ། དོན་ཡོད་ Pha426a ༄#། །པར་རིག་སྔགས་དང ། དཀྱིལ་འཁོར་དང ། ཕྱག་རྒྱ་དང ། རིམ་པར་ཕྱེ་བ་དང ། ཆོ་ག་ཞིབ་མོ་ཡང་དག་པར་སྟོན་པ། དོན་ཡོད་པར་གྲུབ་པ་མཐོང་བ། དོན་ཡོད་པར་ཆོ་ག་མཐོང་བ། དོན་ཡོད་པར་ཚེ་རབ་ཏུ་འཕེལ་བ། དོན་ཡོད་པར་སྙན་པར་གྲགས་པ་རབ་ཏུ་སྟོན་པ། དོན་ཡོད་པར་འཁོར་བ་ལས་རབ་ཏུ་སྒྲོལ་བ། དོན་ཡོད་པར་སྐྱེ་བ་དང ། རྒ་བ་དང ། འཆི་བ་ལས་ཡོངས་སུ་སྒྲོལ་བ། དོན་ཡོད་པར་མཆོག་རབ་ཏུ་སྦྱིན་པ། དོན་ཡོད་པར་བཟླས་བརྗོད་དང ། ཆོ་ག་རབ་ཏུ་རྫོགས་པ། དོན་ཡོད་པར་དྲན་པའི་དགེ་བའི་རྩ་བ་རབ་ཏུ་རྫོགས་པ། དོན་ཡོད་པར་རིག་འཛིན་འཁོར་ལོས་བསྒྱུར་བ་ཐོབ་པར་ཡང་དག་པར་སྟོན་པ། དོན་ཡོད་པར་ལྷའི་གནས་དང ། གཞལ་མེད་ཁང་སུམ་ཅུ་རྩ་གཉིས་ཀྱི་ལྷའི་གནས་སུ་འཇུག་པ། དོན་ཡོད་པར་དགའ་ལྡན་གྱི་གནས་སུ་འཇུག་པ། དོན་ཡོད་པར་འོག་མིན་གྱི་གནས་ཀྱི་བར་དུ་འཇུག་པ། དོན་ཡོད་པར་སུམ་ཅུ་རྩ་གསུམ་གྱི་གནས་སུ་བརྒྱ་བྱིན་ལྷའི་རྒྱལ་པོར་འཇུག་པ། དོན་ཡོད་པར་རི་རབ་ཆེན་པོ་ལག་པ་གཅིག་གིས་སྒུལ་བ། དོན་ཡོད་པར་རྫུ་འཕྲུལ་གྱི་སྟོབས་སྟོན་པ། དོན་ཡོད་པར་མི་སྣང་བ་སྟོན་པ། དོན་ཡོད་པར་སྟོབས་འཕེལ་བ། དོན་ཡོད་པར་གླིང་བཞི་ལ་དབང་བའི་འཁོར་ལོས་བསྒྱུར་བ་སོ་སོར་འཐོབ་པ་སྟོན་པ། དོན་ཡོད་པར་ཡིད་བཞིན་ Pha426b གྱི་ནོར་བུ་ཆེན་པོའི་རིན་པོ་ཆེ་སྣ་ཚོགས་ཀྱི་ཆར་འབེབས་པ། དོན་ཡོད་པར་འབྲུའི་ཆར་འབེབས་པ། དོན་ཡོད་པར་གོས་ཀྱི་ཆར་འབེབས་པ། དོན་ཡོད་པར་རྒྱན་དང ། ཆོས་གོས་དང ། མུ་ཏིག་གི་ཆུན་འཕྱང་དང ། གདུབ་ཀོ་ར་དང ། གསེར་གྱི་ཙོང་ཙོང་དང ། གདུ་བུ་དང ། དཔུང་རྒྱན་སྣ་ཚོགས་ཀྱི་ཆར་འབེབས་པ་ཡང་དག་པར་སྟོན་པ། དོན་ཡོད་པར་རོ་རྣམ་པ་སྣ་ཚོགས་རོའི་མཆོག་རོ་བརྒྱའི་ཁ་ཟས་ཀྱི་ཆར་འབེབས་པ། དོན་ཡོད་པར་སེམས་ཅན་སྣ་ཚོགས་གྲོལ་བ་སྟོན་པ། དོན་ཡོད་པར་བསྟན་བཅོས་དང ། ཚིགས་ལེའུར་བཅས་པ་དང ། ཚུལ་དང ། འདུལ་བ་དང ། མདོ་སྡེ་དང ། ལུང་བསྟན་པ་དང ། ཚིགས་སུ་བཅད་པ་དང ། ཆེད་དུ་བརྗོད་པ་དང ། གླེང་གཞི་དང ། དེ་ལྟ་བུ་བྱུང་བ་དང ། སྐྱེས་པའི་རབས་དང ། ཤིན་ཏུ་རྒྱས་པ་དང ། རྨད་དུ་བྱུང་བའི་ཆོས་ཀྱི་མན་ངག་སྣ་ཚོགས་དང ། ཆོས་མངོན་པ་དང ། ཚོགས་ཀྱི་གཏམ་ཡང་དག་པར་སྟོན་པ་དང ། དོན་ཡོད་པར་ཐེག་པ་ཆེན་པོ་རྣམ་པ་སྣ་ཚོགས་རྒྱ་མཚོ་ལ་འཇུག་པ་དང ། རབ་ཏུ་སྟོན་པ། དོན་ཡོད་པར་གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། བརྗེད་བྱེད་དང ། བགེགས་དང ། ལོག་འདྲེན་སྣ་ཚོགས་ཉེས་པ་དང ། གསོང་བ་དང ། ཤིན་ཏུ་སེལ་བ་ཡང་དག་པར་ Pha427a ༄#། །སྟོན་པ་ཡིན་ནོ། །བཅོམ་ལྡན་འདས། དེ་ལྟར་ན། ཡོན་ཏན་ཆེན་པོ་ཅན་གྱི་གཟུངས་ངན་སོང་ཐམས་ཅད་རབ་ཏུ་ཞི་བར་འགྱུར་པ། ཐམས་ཅད་དུ་མི་འཇིགས་པའི་གནས་རབ་ཏུ་སྟོན་པ། འཇིག་རྟེན་ལས་འདས་པའི་ལམ་ལེགས་པའི་ལམ་རབ་ཏུ་སྟོན་པ། མྱ་ངན་ལས་འདས་པའི་ལམ་རབ་ཏུ་སྟོན་ལ། ཕྱིར་མི་ལྡོག་པའི་གནས་དང ། སངས་རྒྱས་ཉིད་སྦྱིན་པར་མཛད་པ་ལགས་ཏེ། བཅོམ་ལྡན་འདས། དོན་ཡོད་པར་རྣམ་པར་ལྟ་བའི་ཞགས་པའི་སྙིང་པོའི་གཟུངས་ཆེན་པོ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ། ཡོན་ཏན་ཁྱད་པར་ཡོངས་སུ་བསྒྲགས་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསང་བ་ལ་རབ་ཏུ་གནས་པ་ལགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ། མཆོག་ཏུ་དཀོན་པའི་གཟུངས་འདིའི་སྙིང་པོ་འཇིག་རྟེན་ལས་འདས་པ་རྣམ་པར་འཕྲུལ་བ་བཤད་པ་དང ། དེ་བཞིན་གཤེགས་པ་ཐམས་ཅད་དང ། བྱང་ཆུབ་སེམས་དཔའི་ཚོགས་ཐམས་ཅད་རྫུ་འཕྲུལ་རྣམ་པར་འཕྲུལ་པ། གསང་བའི་སྙིང་པོ་ Pha427b ཡོངས་སུ་བསྒྲགས་པ་ལེགས་སོ་ལེགས་སོ། །དེ་དག་ནི། སེམས་ཅན་ཐམས་ཅད་ལ་ལམ་མཆོག་།ཤིན་ཏུ་མཆོག་ཏུ་གྱུར་པ། གྱ་ནོམ་པ། བླ་མ། བླ་ན་མེད་པ། མཆོག་ཏུ་དཀོན་པའི་གཟུངས་ཀྱི་སྙིང་པོ་གསང་བ་ཡོངས་སུ་བསྒྲགས་པ་སྟེ། གང་གིས་འཁོར་བའི་རྒྱ་མཚོའི་ཆུ་བོ་ཆེན་པོ་དང ། སྲིད་པའི་རྒྱ་མཚོ་ལས་སེམས་ཅན་ཕ་རོལ་ཏུ་སྒྲོལ་བ་ཡིན་ནོ། །སྤྱན་རས་གཟིགས་དབང་ཕྱུག་།རིགས་ཀྱི་བུ་ཕོའམ། རིགས་ཀྱི་བུ་མོའམ། དགེ་སློང་ཕའམ། དགེ་སློང་མའམ། དགེ་བསྙེན་ཕའམ། དགེ་བསྙེན་མའམ། དགེ་སྦྱོང་ངམ། བྲམ་ཟེའམ། རྒྱལ་རིགས་དང ། རྗེའུ་རིགས་དང ། དམངས་རིགས་གང་ལ་ལ་ཞིག་གམ། སེམས་ཅན་གཞན་གང་ཡང་རུང་བས་དོན་ཡོད་པར་རྣམ་པར་ལྟ་བའི་སྙིང་པོ་འདི་དང ། རྨད་དུ་བྱུང་བ་རྣམ་པར་ལྟ་བ་དོན་ཡོད་པའི་སྙིང་པོ་དེ་བཞིན་གཤེགས་པ་ཐམས་ཅད་ཀྱི་སྙིང་པོ། རྣམ་པར་གྲོལ་བའི་དཀྱིལ་འཁོར། དེ་བཞིན་གཤེགས་པ་ཐམས་ཅད་རྨད་དུ་བྱུང་བའི་དེ་ཁོ་ན་ཉིད་རྣམ་པར་འཕྲུལ་པ། རྣམ་པར་སྣང་མཛད་ཀྱིས་བྱིན་གྱིས་བརླབས་པ། དམ་ཚིག་ཆེན་པོ་དཀྱིལ་འཁོར་གྱི་མིང་འཛིན་པ་ཙམ་གྱིས་ཀྱང་དགེ་བའི་རྩ་བ་ཆེན་པོ་གསོག་པར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་དང་ལྡན་པར་ཡོངས་སུ་འཛིན་པར་ཡང་འགྱུར་རོ། །གངྒཱའི་ཀླུང་འབུམ་ཕྲག་བྱེ་བ་ Pha428a ༄#། །ཁྲག་ཁྲིག་དགུ་བཅུ་རྩ་གཉིས་ཀྱི་བྱེ་མའི་རྡུལ་ཕྲ་རབ་དང་མཉམ་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་དུ་མཐོང་བ་དང ། མངོན་དུ་ཆོས་ཐོས་པ་དང ། མངོན་དུ་དབྱངས་ཐོས་པ་དང ། མངོན་དུ་ལུང་བསྟན་པ་ཐོས་པར་འགྱུར་བའི་སེམས་ཅན་ཆེན་པོ་དེ་དག་གིས་ནི། བསོད་ནམས་ཀྱི་ཕུང་པོ་ཤིན་ཏུ་ཆེ་བ་དང ། དགེ་བའི་རྩ་བ་ཆེན་པོ་ཡོངས་སུ་བཟུང་བར་འགྱུར་རོ། །སེམས་ཅན་དེ་གཟུངས་གང་ཡིན་པ་དང ། དཀྱིལ་འཁོར་དང ། ཆོ་ག་དང ། མིང་སྣ་ཚོགས་ད་ལྟར་ཐོས་པ་དང ། ཡང་ན་ཀློག་པ་དང ། ཡང་ན་ལྟ་བ་ཙམ་མཐོང་བ་ནི། དེ་དང་མཉམ་པ་ཡིན་ཏེ། རིགས་ཀྱི་བུ་ཕོའམ། རིགས་ཀྱི་བུ་མོ་དེ་ནི། བསོད་ནམས་ཀྱི་ཕུང་པོ་ཆེན་པོའི་དགེ་བའི་རྩ་བ་དང་ལྡན་པར་འགྱུར་བ་ཡང་དེ་དང་མཉམ་པ་ཡིན་ན། དཀའ་བ་བྱེད་པ་ལྟ་སྨོས་ཀྱང་ཅི་དགོས་ཏེ། དེ་བཞིན་གཤེགས་པ་མཉམ་པ་ཉིད་དུ་ཐོས་པ་དང་མཐོང་བར་འགྱུར་རོ། །གང་དག་གཟུངས་འདིའི་དཀྱིལ་འཁོར་འབད་དེ་སྟོབས་དང ། བརྩོན་འགྲུས་ཕ་རོལ་གནོན་པར་བྱེད་པ་དང ། ཚོལ་བ་དང ། འབྲི་བ་དང ། ཀློག་པ་དང ། བཟླས་བརྗོད་ཀྱི་ཆོ་ག་བྱེད་པ་དང ། དཀྱིལ་འཁོར་གྱི་ཆོ་གས་སྒྲུབ་པར་བྱེད་པ་དང ། འབད་པར་བྱེད་པ་དེ་ནི། དཀའ་བ་ཆེན་པོ་ལ་ཞུགས་པ་ཡིན་ནོ། །དེ་དང་མཉམ་པ་ཡིན་ནོ། །དཀའ་བ་གང་ Pha428b ཞེ་ན། ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་བསྐལ་པ་གྲངས་མེད་པ་གསུམ་དུ་དཀའ་བ་ལ་ཞུགས་པ་དང ། སངས་རྒྱས་ཏེ་ཆོས་ཀྱི་འཁོར་ལོ་བསྐོར་བའི་བར་ཡིན་ནོ། །རིགས་ཀྱི་བུ་ཕོའམ། རིགས་ཀྱི་བུ་མོའམ། དགེ་སློང་ཕའམ། དགེ་སློང་མའམ། དགེ་བསྙེན་ཕའམ། དགེ་བསྙེན་མའམ། དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེའུ་རིགས་སམ། དམངས་རིགས་གང་ཡིན་པའམ། སེམས་ཅན་གཞན་གང་ཡང་རུང་བས་གཟུངས་འདིའི་དཀྱིལ་འཁོར་དང ། ཆོ་ག་སྟོབས་ཆེན་པོ་དང ། ཕ་རོལ་གནོན་པའི་བརྩོན་འགྲུས་ཀྱིས་སྒྲུབ་པར་བྱེད་པ་འདི་ནི། འཇིག་རྟེན་ལས་འདས་པའི་ཆོ་ག་ཚོལ་བ་ཡིན་ནོ། །འདི་ལྟ་སྟེ། འབྲི་བ་དང ། ཀློག་པ་དང ། ཁ་ཏོན་བྱེད་པ་དང ། བཟླས་བརྗོད་དང ། ཆོ་ག་དང ། དཀྱིལ་འཁོར་ལྟ་བ་དང ། འཇུག་པ་དང ། དམ་ཚིག་དང ། ཕྱག་རྒྱ་བཅིངས་ཏེ་སྒྲུབ་པ་དང ། འདི་ལྟ་སྟེ། ཐོས་པ་དང ། འཛིན་པ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། སེམས་པ་དང ། དུས་གསུམ་དུ་ལན་གསུམ་དོན་ཡོད་པའི་ཞགས་པའི་སྙིང་པོ་དྲན་པ་དང ། ཁྲོ་བོའི་རྒྱལ་པོས་དབང་བསྐུར་བ་དང ། གཟུངས་འདི་ཡང་ལན་ཉི་ཤུ་རྩ་གཅིག་ཏུ་བཟླས་བརྗོད་དང ། ཆོ་ག་དྲན་པ་དང ། བྱམས་པ་དང ། སྙིང་རྗེ་དང ། བྱམས་པས་སྙིང་བརླན་པ་དང ། སེམས་ Pha429a ༄#། །ཅན་ཐམས་ཅད་ལ་སྙིང་བརྩེ་བ་ལྷུར་བྱེད་པ་དེ་ནི། དཀའ་བ་སྤྱོད་པ་ཆེན་པོ་ལ་ཞུགས་པ་ཡིན་ནོ། །བསྐལ་པ་གྲངས་མེད་པ་གསུམ་དུ་དཀའ་བ་སྤྱོད་པ་ལ་ཞུགས་པ་དང་འདྲ་བའམ། ལྷག་པ་ཡིན་ནོ། །དེའི་ཚེ་འདི་ཉིད་ལ་འབྲས་བུ་ཆེན་པོ་ཐོབ་པར་འགྱུར་བ་དང ། འཇིག་རྟེན་ལས་འདས་པ་ཞེས་བྱ་བ་དང ། སངས་རྒྱས་ཉིད་དུ་སོ་སོར་གནས་པ་ཡིན་ནོ།། །། Ba1b ༄##། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་གསུམ་པ། བསོད་ནམས་ཀྱི་ཕུང་པོ་ཆེན་པོའི་དགེ་བའི་རྩ་བ་བསགས་པར་འགྱུར་རོ། །རྟག་ཏུ་འཇིག་རྟེན་དབང་ཕྱུག་རྗེས་སུ་འབྲང་བར་འགྱུར་རོ། །རྟག་ཏུ་ཕྱག་གཡས་པ་བྱང་ཆུབ་སེམས་དཔའ་དེའི་སྤྱི་བོ་ལ་འཇོག་པར་འགྱུར་རོ། །རྟག་ཏུ་མཆོག་ Ba2a ༄##། །སྦྱིན་པ་མཛད་པར་འགྱུར་རོ། །རྟག་ཏུ་ཞལ་མཐོང་བར་འགྱུར་རོ། །དེ་ལྟར་ན། ཡོན་ཏན་ཆེན་པོ་བརྗོད་པའི་གཟུངས་དང ། དཀྱིལ་འཁོར་དང ། ཕྱག་རྒྱ་དང ། ཆོ་ག་འདི་ནི། མཆོག་ཏུ་དཀོན་པ་ཡིན་ནོ། །གཟུངས་དང ། དཀྱིལ་འཁོར་གྱི་ཆོ་ག་འདི་ཐོས་པ་ཙམ་དང ། རྣ་བའི་བུ་གར་འདིའི་སྒྲ་ལན་བདུན་ངེས་པར་ལྷུང་ན། དེ་འཆི་འཕོ་བ་ཙམ་དང ། བསམ་པ་ཙམ་གྱིས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་ཏེ།་འོད་དཔག་མེད་ཀྱི་སྤྱན་སྔར་ཞབས་ཀྱི་དྲུང་དུ་པདྨ་ལས་བརྫུས་ཏེ་སྐྱེ་བར་འགྱུར་རོ། །རྒྱན་ཐམས་ཅད་ཀྱིས་རྣམ་ Ba2b པར་བརྒྱན་པ་དང ། དེ་བཞིན་གཤེགས་པ་ཐམས་ཅད་ཀྱིས་གསུངས་པའི་མདོ་སྡེ་དང ། ཆོ་ག་ཞིབ་མོ་དང ། དཀྱིལ་འཁོར་དང ། ཕྱག་རྒྱ་རྣམས་ཁ་ཏོན་དུ་ཀུན་ཏུ་གནས་ཤིང ། ཚེ་རབས་དྲན་པར་ཡང་འགྱུར་རོ། །དབང་པོ་དྲུག་ཡོངས་སུ་དག་པ་དང ། མངོན་པར་ཤེས་པ་ལྔ་ཡང་སོ་སོར་ཐོབ་བོ། །ཙམ་ལ་རབ་ཏུ་སྐྱེ་བར་འགྱུར། ལྷའི་གཟུགས་དང ། ཁ་དོག་དང ། རྟགས་དང ། དབྱིབས་ཡོངས་སུ་དག་པ་དེའི་ཕྱིར་སྟོབས་དང ། བརྩོན་འགྲུས་ཀྱིས་སེམས་ཅན་ཐམས་ཅད་སྣ་ཚོགས་འཛིན་པ་དང ། མཉན་པར་བགྱི། བཀླག་པར་བགྱི། ཁ་ཏོན་དུ་བགྱི། སེར་སྣའི་དྲི་མ་དང་བྲལ་བ་དང ། ཕྲག་དོག་དང་བྲལ་བར་བགྱི། སེམས་ཅན་ཐམས་ཅད་བྱམས་པ་དང ། སྙིང་རྗེ་ལ་སོགས་པ་མཆོག་དང་ཡང་དག་པར་ལྡན་པས་བགྱིའོ། །གཟུངས་དང ། དཀྱིལ་འཁོར་གྱི་ཆོ་ག་ Ba3a ༄#། །འདི་མཉན་པར་བགྱི། བལྟ་བར་བགྱི། འཇུག་པར་བགྱིའོ། །ཕྱི་མའི་དུས་དང ། ཕྱི་མའི་ཚེ་མ་ཡིན་པར་ཕུལ་དུ་བྱུང་བའི་དོན་ལ་བརྩོན་པར་བགྱིའོ། །ཞེས་པའོ། །འཇིག་རྟེན་ལས་འདས་པའི་སྒྲུབ་ཐབས་ཀྱི་ཆོ་ག་འདི་ནི། བླ་ན་མེད་པ་ཞེས་བགྱིའོ། །མང་དུ་སྨོས་ཅི་འཚལ་ཏེ། དེ་ལ་འགྲན་སེམས་ཀྱིས་ཀྱང་མཉན་པར་བགྱིའོ། །ཞེས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གཟུངས་འདི་གསུངས་པའི་དེ་མ་ཐག་ཏུ་སྐད་ཅིག་ཐང་གཅིག་ཡུད་ཙམ་གྱིས་པོ་ཊ་ལའི་རི་བོ་འདི་རིན་པོ་ཆེ་སྣ་བདུན་གྱི་རང་བཞིན་དུ་གྱུར་ཏོ། །མེ་ཏོག་གི་ཤིང་ལྗོན་པ་དང ། འབྲས་བུའི་ཤིང་ལྗོན་པ་གང་ཡིན་པ་རྣམས་ཀྱང ། རིན་པོ་ཆེ་སྣ་བདུན་གྱི་རང་བཞིན་གྱི་ཁང་པ་བརྩེགས་པར་རབ་ཏུ་གྱུར་ཏོ། །གངྒཱའི་ཀླུང་གི་ Ba3b བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་རྣམས་འབུམ་ཕྲག་བྱེ་བ་དགུ་བཅུ་རྩ་དགུའི་རྡུལ་ཕྲ་རབ་དང་མཉམ་པར་རབ་ཏུ་གྱུར་ཏོ། །ལྷ་རྫས་ཀྱི་མེ་ཏོག་དང ། འབྲས་བུ་རྣམ་པར་བཀྲ་བ་རྣམ་པ་སྣ་ཚོགས་པ་རྣམས་ཕམ་པར་བྱས་པའི་རྒྱན་རྣམ་པར་བཀྲ་བས་རྣམ་པར་བཀྲ་ཞིང ། དྲིལ་བུ་གཡེར་ཀའི་དྲ་བ་དང ། གསེར་གྱི་དྲིལ་བུ་འཁྲོལ་བའི་བླ་རེས་དཔྱངས་པ་རྣམས་དང ། ལྷ་རྫས་ཀྱི་སེངྒེའི་ཁྲི་ཡོངས་སུ་བཤམས་པ་རྣམས་ཀྱང་རེ་རེ་ཞིང་ཁང་པ་བརྩེགས་པའི་དབུས་ན་སེངྒེའི་ཁྲི་བཤམས་པ་བརྒྱ་སྟོང་ཕྲག་དགུ་བཅུ་རྩ་དགུར་རབ་ཏུ་བྱུང་བར་གྱུར་ཏེ། སེངྒེའི་ཁྲི་ཐམས་ཅད་ལ་ཕྱོགས་བཅུ་ནས་དེ་བཞིན་གཤེགས་པ་ཡང་དག་པར་བྱོན་ཏེ་བཞུགས་སོ། །དེ་བཞིན་གཤེགས་པ་ཐམས་ཅད་ཀྱང་ཕྱག་གསེར་གྱི་ཁ་དོག་ཅན་བརྐྱང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྤྱི་བོའི་གཙུག་ཏུ་ཕྱག་འཇོག་པར་མཛད་ཅིང ། ལེགས་སོ་ཞེས་བྱ་བའི་སྒྲ་བརྗོད་པར་མཛད་དོ། །སྤྱན་རས་གཟིགས་དབང་ཕྱུག། ལེགས་སོ་ལེགས་སོ་མཆོག་ཏུ་ཁྱད་པར་དུ་འཕགས་པའི་འཇིག་རྟེན་ལས་འདས་པའི་ལམ་ཆེན་པོར་རབ་ཏུ་བསྟན་པས། སེམས་ཅན་ཐམས་ཅད་ཕ་རོལ་ཏུ་འགྲོ་བར་བྱེད་པ་དང ། གང་གིས་ཐོས་པ་ཙམ་གྱིས་འཇིག་རྟེན་ལས་འདས་པ་སོ་སོར་ Ba4a ༄#། །ཁྱད་པར་དུ་འཕགས་པའི་སངས་རྒྱས་ཉིད་ཀྱི་ལམ་ཚོལ་བ་ལ་རྗེས་སུ་འགྲོའོ། །འོན་ཀྱང་བཟླས་པ་དང ། འབྲི་བ་དང ། ཀློག་པ་དང ། དཀྱིལ་འཁོར་མཐོང་བ་དང ། འཇུག་པ་ཆེས་མང་བའི་དབང་དུ་བྱས་པའི་སེམས་ཅན་རྣམས་དམ་ཚིག་ལ་རྗེས་སུ་འཇུག་པར་གྱུར་པ་དེ། སྐྱེ་བ་འདི་ཉིད་ལ་དེ་བཞིན་གཤེགས་པའི་ལུས་སུ་རིག་པར་བྱའོ། །དེ་ནས་པོ་ཊ་ལའི་གནས་ཀྱི་རི་བོ་དང ། རྩཝ་དང ། ཤིང་གེལ་པ་དང ། སྨན་དང ། ནགས་དེ་རྣམས་ཐམས་ཅད་ལ་མི་གང་ཙམ་དུ་མཐོ་བ་ཉིད་དང ། ཤིང་རྟའི་འཁོར་ལོའི་ཚད་ཙམ་པའི་རིན་པོ་ཆེ་སྣ་བདུན་གྱི་རང་བཞིན་ཅན་གྱི་པདྨ་རྣམས་རབ་ཏུ་བྱུང་སྟེ། འདབ་མ་ཁ་དོག་སྣ་ཚོགས་པ་དང ། སྡོང་བུ་བཻ་ཌཱུརྱ་དང ། འཛམ་བུ་ཆུ་བོའི་གསེར་གྱི་ཁ་དོག་ལྟར་དམར་བའི་མུ་ཏིག་གི་ཟེའུ་འབྲུ་དང ། ལྷ་རྫས་ཀྱི་མུ་ཏིག་གི་གེ་སར་གྱི་ཁོར་ཡུག་ཏུ་བསྐོར་བ་གང་ཡིན་པ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བཞུགས་ཏེ། བྱང་ཆུབ་སེམས་དཔའ་དེ་རྣམས་ཐམས་ཅད་ཀྱང་ཆོས་ལ་གུས་པས། ཐམས་ཅད་པུས་མོ་བཙུགས་ཏེ་གཟུངས་འདིའི་དཀྱིལ་འཁོར་དང ། ཕྱག་རྒྱ་མཐོང་བའི་དོན་དུ་མུ་ཏིག་གི་དོ་ཤལ་བརྒྱ་སྟོང་རི་བ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ Ba4b དབང་ཕྱུག་ལ་མངོན་པར་བཀབ་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྡོ་རྗེའི་རང་བཞིན་དུ་བྱིན་གྱིས་བརླབས་པ་འདི་ཡང་ཆེས་ཆེར་གཡོས་པར་གྱུར་ཏོ། །ལྷའི་མེ་ཏོག་གི་ཆར་ཆེན་པོ་མང་པོ་རབ་ཏུ་ཕབ་སྟེ་དེ་བཞིན་གཤེགས་པ་ཐམས་ཅད་མཆོད་པའི་དོན་དང ། བྱང་ཆུབ་སེམས་དཔའ་ཐམས་ཅད་མཆོད་པའི་དོན་དང ། གཟུངས་འདིའི་དཀྱིལ་འཁོར་དམ་པ་ལ་མཆོད་པའི་དོན་དུ་ཆར་རབ་ཏུ་ཕབ་བོ། །དེ་ནས་ཡང་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བཞིན་འཛུམ་ཞིང་རྡོ་རྗེ་བསྐོར་བཞིན་དུ་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འཇིག་རྟེན་ལས་འདས་པའི་གཟུངས་ཀྱི་དཀྱིལ་འཁོར་གྱི་ཆོ་ག་འདི་ནི། ཤིན་ཏུ་རྙེད་པར་དཀའ་བ་སྟེ། འདི་ལྟ་བུའི་རྫུ་འཕྲུལ་གྱི་རྣམ་པར་འཕྲུལ་པ་དང ། ཆོ་འཕྲུལ་ནི། དེ་བཞིན་གཤེགས་པ་བསྐྱེད་པ་བལྟ་བར་བགྱི། ཆོས་ཀྱི་འཁོར་ལོ་བསྐོར་བར་བལྟ་བར་བགྱི། དེ་བཞིན་གཤེགས་པ་དང་མཉམ་པ་ཉིད་དུ་བལྟ་བར་བགྱིའོ། །བཅོམ་ལྡན་འདས། མཐུ་ཆེན་པོ་འདི་འཛམ་བུའི་གླིང་ན་མཆོག་ཏུ་དཀོན་པར་བལྟ་བར་བགྱི་སྟེ། འདི་ནི། ཕྱི་མའི་དུས་ཕྱི་མའི་ཚེ་ན་ Ba5a ༄#། །དེ་བཞིན་གཤེགས་པའི་མཛད་པ་དང ། སངས་རྒྱས་ཀྱི་མཛད་པ་བྱེད་པར་འགྱུར་རོ། །གང་གིས་ཐོས་པ་ཙམ་གྱིས་འདི་ལྟ་བུའི་ཡོན་ཏན་དང ། ཕན་ཡོན་སོ་སོར་ཐོབ་བོ། །ཀུན་ཏུ་སྣང་བར་བྱེད་པར་འགྱུར་བ་འདི་ཉིད་ནི། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་མ་གཏོགས་པར་སེམས་ཅན་ཐམས་ཅད་ཀྱི་ནང་ན་གཞན་སུ་ཡང་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ། ཇི་སྐད་སྨྲས་པ་དེ་དེ་བཞིན་ནོ། །ལག་ན་རྡོ་རྗེ། འཛམ་བུའི་གླིང་པའི་སེམས་ཅན་ཐམས་ཅད་མ་དང་ཕར་གྱུར་པ་འདི། གཟུངས་ཀྱི་དཀྱིལ་འཁོར་འདི་དང ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་འདི་སེམས་ཅན་ཐམས་ཅད་ཀྱི་རེ་བ་སྐོང་བ་དང ། སྐྱོབ་པ་དང ། སྐྱབས་དང ། འཇིག་རྟེན་དང་འཇིག་རྟེན་ལས་འདས་པའི་དཔུང་གཉེན་བྱེད་པ་ནས་ཇི་སྲིད་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་སེམས་ཅན་ཐམས་ཅད་སངས་རྒྱས་ཉིད་ཀྱི་བདག་ཉིད་ཀྱི་བར་ལ་རབ་ཏུ་འགོད་པར་བྱེད་དོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྟོབས་དང ། བརྩོན་འགྲུས་དང ། ཕ་རོལ་གནོན་པས་ Ba5b སྔོན་སེམས་ཅན་རྣམས་ལ་ཕན་པའི་དོན་དུ་ཞུགས་པ་ཡིན་ནོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ཉི་མའི་འོད་ཟེར་གྱི་སྙིང་པོ་དྲི་མ་མེད་པ་ཞེས་བྱ་བའི་ནོར་བུ་རིན་པོ་ཆེ་ཆེན་པོ་ཐོགས་ནས་བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེར་དོང་སྟེ་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཞབས་གཉིས་ལ་མགོ་བོས་ཕྱག་འཚལ་ནས་ནོར་བུ་རིན་པོ་ཆེ་ཆེན་པོ་དེ་ཡང་མངོན་པར་དགའ་བར་ཕུལ་ལོ། །ལྷ་རྫས་ཀྱི་མེ་ཏོག་སྣ་ཚོགས་པས་གཅལ་དུ་བཀྲམ་པ་མཆོད་པའི་དོན་དུ་རབ་ཏུ་བཀོད་ནས་རང་གི་སྟན་ལ་འདུག་གོ་།དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དོན་ཡོད་པ་དྲི་མ་མེད་ཅིང་རྣམ་པར་དག་པ་རབ་ཏུ་གསལ་བའི་འོད་ཟེར་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཏིང་ངེ་འཛིན་ལ་སྙོམས་པར་ཞུགས་པ་གང་གིས་སྤྱི་བོའི་གཙུག་ཏུ་གདུགས་ཀྱི་རྣམ་པའི་ཁང་པ་བརྩེགས་པ་ཀུན་ཏུ་གནས་པར་གྱུར་ཏོ། ། ཁང་པ་བརྩེགས་པ་དེ་ལས་ཀྱང་འོད་ཟེར་རྣམ་པ་སྣ་ཚོགས་པ་བྱུང་ངོ ། །འོད་ཟེར་སྣ་ཚོགས་པའི་སྣང་བ་དེས་ཀྱང་ནམ་མཁའི་མཐིལ་དུ་རྫུ་འཕྲུལ་གྱི་རྣམ་པར་འཕྲུལ་པ་ Ba6a ༄#། །དང ། ཆོ་འཕྲུལ་ཆེན་པོ་སྣ་ཚོགས་པ་བསྟན་ཏོ། །འོད་ཟེར་གྱི་སྣང་བ་རེ་རེས་ཀྱང་དེ་བཞིན་གཤེགས་པའི་སྐུ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་རབ་ཏུ་བསྟན་ཏོ། །དེ་བཞིན་གཤེགས་པའི་སྐུ་དེ་རྣམས་ཐམས་ཅད་ཀྱིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སེམས་ཅན་ཆེན་པོ། མཆོག་ཏུ་རྙེད་པར་དཀའ་བའི་གཟུངས་ཀྱི་དཀྱིལ་འཁོར་དང ། ཕྱག་རྒྱ་འདི་བཤད་པ་འདི་ལེགས་སོ་ལེགས་སོ། །འཇིག་རྟེན་ལས་འདས་པ་ཤིན་ཏུ་ཁྱད་པར་དུ་འཕགས་པའི་བྱང་ཆུབ་ཀྱི་སྙིང་པོར་འགྲོ་བར་བྱེད་པའི་ལམ། ཆོས་ཀྱི་འཁོར་ལོ་བསྐོར་བར་བྱེད་པའི་ལམ། ཆོས་ཀྱི་རྣམ་འཕྲུལ་འབར་བར་བྱེད་པ། ཆོས་ཀྱི་རྒྱལ་མཚན་བསྒྲེང་བར་བྱེད་པ། ཆོས་ཀྱི་དུང་འབུད་པར་བྱེད་པ། བདུད་བཞིའི་དཀྱིལ་འཁོར་ལས་རྣམ་པར་རྒྱལ་བར་བྱེད་པ། དེ་བཞིན་གཤེགས་པའི་སྟོབས་བཅུས་གནོན་པར་བྱེད་པ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་རབ་ཏུ་རྫོགས་པར་བྱེད་པ། མི་འཇིགས་པ་བཞིས་གནོན་པར་བྱེད་པ། དེ་བཞིན་ཉིད་དང་ཡང་དག་པའི་མཐའ་ཕ་རོལ་གནོན་པར་བྱེད་པ། ཕ་རོལ་ཏུ་ཕྱིན་པ་བཅུ་རབ་ཏུ་རྫོགས་པར་བྱེད་པའོ། །འདི་ནི། འཕགས་པའི་ལམ་ཡན་ལག་བརྒྱད་སྒོམ་པར་བྱེད་པའོ། །འདི་ Ba6b ནི།་ལམ་རབ་ཏུ་ཉམས་པ་རྣམས་ཀྱི་ལམ་དུ་ཆགས་པར་བྱེད་པ། བསམ་པ་རབ་ཏུ་ཉམས་པ་རྣམས་ཀྱི་བསམ་པ་ཡོངས་སུ་དག་པ། ངན་སོང་དུ་འགྲོ་བར་རྒྱུ་བ་རྣམས་ཀྱི་བདེ་འགྲོའི་ལམ་དུ་འགྲོ་བར་བྱེད་པ། འདི་ནི། བྱང་ཆུབ་ཆེན་པོའི་ས་བོན་དང ། འབྲས་བུ་རབ་ཏུ་སྟོན་པར་བྱེད་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས། བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ། འཇིག་རྟེན་ལས་འདས་པ་ཁྱད་པར་དུ་འཕགས་པ་རྣམ་པར་ཐར་པའི་དཀྱིལ་འཁོར་དོན་ཡོད་པའི་ཞགས་པའི་རྣམ་པར་འཕྲུལ་པ་འཇིག་རྟེན་ལས་འདས་པའི་དཀྱིལ་འཁོར་གྱི་ཉེ་བར་སྤྱོད་པའི་ཆོ་ག་ཤོད་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱི་སྤྱན་སྔ་ནས་བསྐུལ་བ་ཐོབ་ནས་བཅོམ་ལྡན་འདས་ཀྱི་སྤྱན་སྔར་འཇིག་རྟེན་ལས་འདས་པའི་ཆོ་ག་དང ། དཀྱིལ་འཁོར་གྱི་ཉེ་བར་སྤྱོད་པའི་ཆོ་ག་དང ། སྒྲུབ་ཐབས་གསུངས་སོ། །གནས་བཟང་ས་གཞི་དགེ་བ་དང ། །ས་གཞི་གཙང་ཞིང་ནེའུ་གསིང་ལ། ། ལྗོན་ཤིང་མེ་ཏོག་འབྲས་བུས་ཁྱབ། །མེ་ཏོག་འཁྲི་ཤིང་འགྲམ་དང་ནི། །ས་གཞི་མཉེན་ལ་དག་པ་དང ། །གང་དུ་ཆུ་བོ་འབབ་བ་དང ། །གཟི་བརྗིད་ལྡན་ཞིང་ཡིད་དགའ་བ། །ས་ Ba7a ༄#། །གཞི་སེམས་ནི་དགའ་བར་འོས། །ཡིད་ཀྱི་ཤིང་རྟ་རྒྱས་བྱེད་ཅིང ། །གོ་སྐབས་ལེགས་པར་གནས་པ་དང ། །ཤིན་ཏུ་དག་ཅིང་ཐུན་ཚགས་བྲལ། །རུས་པ་གསེག་མ་གྱོ་མོ་དང ། །ཕུབ་མ་སོལ་བ་ཡོངས་སུ་སྤངས། །གཙང་ཞིང་གཙང་ལ་ལེགས་དག་པའི། །ས་གཞི་ཡོངས་སུ་ཟླུམ་པ་དེར། །མཁས་པས་རྒྱར་ནི་གཟིངས་ཚད་དུ། །གཞལ་ནས་ཤིན་ཏུ་རྣམ་འབྱེས་ཤིང ། །གཙང་ཞིང་མཉན་ལ་འཇམ་པར་ཕྱེ། །གནས་དེར་དཀྱིལ་འཁོར་ལེགས་པར་བསྒྲུབས། །སངས་རྒྱས་བྱང་ཆུབ་བླ་ན་མེད། །འཇིག་རྟེན་ལས་འདས་ཁྱད་འཕགས་པར། །དེ་བཞིན་གཤེགས་ཀུན་གྱིས་བྱིན་བརླབས། །ས་ཡི་ཆ་ལས་དབངས་སུ་ནི། །མི་གང་ཚད་དུ་བརྐོ་བར་བྱ། །གཟུངས་དང་དཀྱིལ་འཁོར་དམར་པོ་འམ། །ཡང་ན་གུར་གུམ་ཁ་དོག་དང་།། ས་རྡུལ་དཀར་པོ་སྣུམ་པ་ནི། །མར་གསར་འདྲ་བ་འཇམ་པ་ཡིན། །ས་ཡི་ཁྱད་པར་དབྱེ་བ་དེ། །དེ་བཞིན་གཤེགས་པ་ཀུན་གྱིས་བསྔགས། །བྱང་ཆུབ་སྙིང་པོ་ས་དེར་མཚུངས།། རིང་བསྲེལ་བཞུགས་པའི་མཆོད་རྟེན་དང ། །དེ་ནི་མཚུངས་པར་གྱུར་པ་ཡིན། །བརྐོས་པའི་ནང་དུ་མཁས་པ་ཡིས། །སླར་ཡང་ས་དེ་དགང་བར་བྱ། །ཇི་སྲིད་དོང་བུ་མཉམ་པར་གང ། ། དེ་ནི་དཀྱིལ་འཁོར་ཡང་དག་པའོ། །ཉུང་དང་ལྷག་པ་བསྔགས་པ་མིན། །འདིར་ནི་འགྲུབ་པ་མེད་པར་བསྟན། །ཁྲུ་ནི་སུམ་ཅུ་རྩ་གཉིས་ཚད། །མཁས་པས་དཀྱིལ་འཁོར་ཐིག་དག་ Ba7b གདབ། །ཡང་ན་ཁྲུ་ནི་བཅུ་དྲུག་དང ། །ཡང་ན་ཁྲུ་ནི་བཅོ་ལྔར་བྱ། །མཉམ་ཞིང་གྲཝ་བཞིར་ལེགས་པར་དབྱེ། །བ་ཡི་ལྕི་བ་དག་དང་ནི། །ས་དང་བསྲེས་ཏེ་བསྐུ་བྱ་བ། །ཤིན་ཏུ་ཞེན་པར་བསྡིག་པ་དང ། །འཇམ་ཞིང་མཉན་པར་བྱ་བ་ཡིན། །དེ་ལ་དཀྱིལ་འཁོར་ཐིག་གདབ་པ། །སྣ་ཚོགས་ཚོན་གྱིས་ཀུན་ཏུ་དབྱེ། །སྒོ་བཞི་རྣམ་པར་འབྱེས་པ་དང ། །རྟ་བབས་བཞི་དང་ལྡན་པར་བྱ། །དཀྱིལ་འཁོར་དབུས་ཀྱི་སྙིང་པོ་ནི། །རྣམ་པར་ཕྱེ་སྟེ་གྲུ་བཞི་ཚད། །ཁྲུ་གསུམ་ཡང་ན་ཁྲུ་བཞི་ནི། །ཐིག་སྐུད་ཚོན་གྱིས་རྣམ་པར་དབྱེ། །ནང་གི་ཐིག་གི་ཚད་དག་ཏུ།། མདུང་རྩེ་གསུམ་པ་དག་དང་ནི། །ནོར་བུ་རིན་ཆེན་སྣ་ཚོགས་བྱ། །བར་གྱི་ཐིག་གི་ཚད་དག་ཏུ། །པདྨ་དང་ནི་རྡོ་རྗེ་དང ། །ཀུན་ཏུ་བྲི་བར་བྱ་བ་ཡིན། །ཕྱི་ཡི་ཐིག་གི་ཚད་དག་ཏུ། །རྡོ་རྗེ་རྣམ་པའི་སྟེགས་བུ་དང ། །རིན་ཆེན་སྣ་ཚོགས་གཞལ་མེད་ཁང ། །སྟེགས་བུ་དག་ཀྱང་བྲི་བར་བྱ། །པདྨའི་དབུས་སུ་གཞལ་མེད་ཁང ། །གཞལ་ཡས་ཁང་པ་གནས་པར་བྱ། ། དཀྱིལ་འཁོར་དབུས་ཀྱི་པདྨ་ལ། །རྣམ་པར་སྣང་མཛད་ཐུབ་པ་བྱ། །གཡོན་དུ་འོད་ནི་དཔག་མེད་པ། །གཡས་ཕྱོགས་སུ་ནི་དེ་བཞིན་གཤེགས། །ཤཱཀྱའི་རྒྱལ་པོ་དག་དང་ནི། །དོན་ཡོད་རྒྱལ་པོ་འཇིག་རྟེན་གྱི། །དབང་ཕྱུག་མགོན་ལ་མངོན་སུམ་དུ། །བཏུད་དེ་ཐལ་མོ་སྦྱོར་བ་ནི། །ཕྱག་བཞི་པར་ནི་བྱ་བ་ཡིན། །ཕྱག་གཉིས་ཀྱིས་ནི་སྣ་ཚོགས་པའི། །མེ་ཏོག་རྣམས་ Ba8a ༄#། །ནི་འཆང་བ་དང ། །རྒྱན་རྣམས་ཀུན་གྱིས་བརྒྱན་པར་བྱ། །འོད་དཔག་མེད་པའི་མདུན་དུ་ནི། །ཁྲོ་བོའི་རྒྱལ་པོ་ཕྱག་བཞི་པ། །བཏུད་དེ་ཐལ་མོ་སྦྱོར་བ་དང་།། ལྷ་རྫས་མེ་ཏོག་སྣ་ཚོགས་པ། །ལག་པ་གཉིས་ན་ཐོགས་པ་དང ། །སྣ་ཚོགས་རྒྱན་གྱིས་བརྒྱན་པར་བྱ། །དབུས་ཀྱི་དཀྱིལ་འཁོར་ལེགས་པར་བརྒྱན། །སྣ་ཚོགས་དར་གྱིས་མཛེས་པར་བྱ། །དོན་ཡོད་ཞགས་པའི་ཕྱག་རྒྱ་ཆེ། །པདྨའི་གདན་དང་རྣམ་བརྒྱན་པ། །འབར་བའི་ནང་ན་ཡོད་པར་བྱ། །གྲ་བཞི་དག་ནི་བྱས་ན་ནི། །གཉིས་ཀྱི་བར་གྱི་ཆ་བཞི་སྟེ། །དབུས་ཀྱི་གནས་སུ་འཇིགས་མེད་པ། །ཤར་གྱི་གནས་སུ་གནས་པ་ནི། །ལྷ་མོ་སྒྲོལ་མ་རྣམ་པར་བརྒྱན། །གཡས་ཀྱི་གནས་སུ་གནས་པ་ནི། །གོས་དཀར་མོ་ནི་རྣམ་པར་བརྒྱན། །ནུབ་ཀྱི་གནས་ན་གནས་པ་ནི། །ལྷ་མོ་དཀར་མོ་རྣམ་པར་བརྒྱན། །བྱང་གི་གནས་ན་གནས་པ་ནི། །ལྷ་མོ་པདྨ་མཛེས་དགས་བརྒྱན། །དཀྱིལ་འཁོར་ཕྱི་རིམ་གྲཝ་རྣམས་སུ། །རྒྱལ་ཆེན་བཞི་ནི་གཞག་པར་བྱ། །བར་གྱི་གནས་སུ་བཞག་པ་ནི། །རལ་པ་གཅིག་པ་གཏུམ་པོ་ཤར། །ནུབ་ཏུ་ཕོ་ཉ་བཞིན་སྒྱུར་མ། །གཡས་ཕྱོགས་སུ་ནི་བཞིན་སྒྱུར་མ། །རྡོ་རྗེ་ལྕགས་སྒྲོག་བྱ་བ་ཡིན། །བྱང་དུ་སྲིན་མོ་ཁྲོ་གཉེར་གདོང ། །ཀུན་ཀྱང་མེ་དབུས་འཇིགས་པ་མེད། །དཀྱིལ་འཁོར་དབུས་སུ་དགོད་པ་བཞིན། །ཕྱི་རོལ་ Ba8b ཐིག་ལེ་པདྨོའི་ཕྲེང ། །རྡོ་རྗེ་རྩེ་གསུམ་བཞག་པ་ནི། །ཀུན་ཏུ་འབར་བ་ཕྲེང་བར་བཅས། །ཕྱི་རོལ་དཀྱིལ་འཁོར་ཀུན་ཏུ་ནི། །བྲི་བྱ་རྟགས་དང་ཕྱག་རྒྱ་དང ། །ལྷ་ནི་དབང་ཕྱུག་དབང་ཕྱུག་ཆེ། །ཚངས་པ་ཁྱབ་འཇུག་གཤིན་རྗེ་དང ། །ཆུ་ལྷ་དབང་པོ་ལུས་ངན་པོ། །དབང་སྒྱུར་དགའ་ལྡན་གནས་དག་གི་།ལྷ་ནས་འོག་མིན་གནས་ཀྱི་བར། །ལྷ་རྣམས་བྲི་བར་བྱ་བ་ཡིན། །སུམ་ཅུ་རྩ་གསུམ་ལྷ་རྣམས་དང ། །རྟགས་ནི་རྣམ་པ་སྣ་ཚོགས་དང ། །ཀུན་ཀྱང་པདྨོའི་གདན་ལ་གནས། །དེ་བཞིན་ཆོས་ཀྱི་འཁོར་ལོ་དང ། །རྡོ་རྗེ་རྩེ་ལྔ་རྡོ་རྗེ་དང ། ། ཞགས་པ་དང་ནི་དགྲ་སྟ་དང ། །ལེགས་མཐོང་འཁོར་ལོ་དེ་བཞིན་ནོ། །མདུང་རྩེ་གསུམ་དང་པཊྚི་ས། །ངོས་ལ་དབྱུག་པ་ཐོ་བ་དང ། །རྡོ་རྗེ་དཀྱིལ་འཁོར་པདྨའི་ཕྲེང ། །འཁོར་ལོ་དུང་དང་ག་དཱ་དང ། །རལ་གྲི་དང་ནི་ཏོ་མ་རཾ། །བུམ་པ་གང་བ་དག་དང་ནི། །མི་སྣང་བ་ཡི་འབག་ཤ་དང ། །པདྨ་དང་ནི་ཨུཏྤ་ལ། །རྒྱལ་མཚན་གདུགས་དང་ནོར་བུ་དང ། །དབྱུག་པ་དང་ནི་རྡོ་རྗེ་དང ། །གྲཝ་བཞིར་རྡོ་རྗེས་མཚན་པ་ཡིན། །ནོར་བུ་རྡོ་རྗེ་དག་དང་ནི། །དགྲ་སྟ་རྡོ་རྗེ་དག་དང་ནི། །ཕྱག་རྒྱ་བཞི་དང་དགའ་བ་འཁྱིལ། །བྱ་བ་བུམ་དང་ཀུན་དི་དང ། །རིལ་བ་བྷྲིངྐ་རི་དང་ནི། །རི་དྭགས་ཨེ་ནའི་པགས་པ་དང ། །མཆོད་ཕྱིར་ཐོགས་པའི་སྣམ་བུ་དང ། །སྟེང་དུ་རྒྱུ་སྐར་བཅས་པ་ཡི། །ཟླ་བ་ཉི་མ་དེ་བཞིན་ནོ། །ཀུན་ཀྱང་འབར་བའི་ནང་དུ་ Ba9a ༄#། །འདུག་།སོ་སོ་ཆ་ནི་དབྱེ་བར་བྱ། །མཁས་པས་ཤར་གྱི་སྒོར་བྲི་བ། །འགྱིང་བག་མཐོང་ན་འཇིགས་སུ་རུང ། །ལག་ན་རྡོ་རྗེ་འཇིགས་པ་མེད། །རྡོ་རྗེ་འཆང་བ་འབར་བའི་ནང ། །ཀི་ལི་ཀི་ལ་གཏུམ་པོ་ཆེ། །ལྷོ་ཕྱོགས་ཀྱི་ནི་སྒོ་རུ་གཞག་།ནུབ་ཏུ་རྡོ་རྗེ་པིངྒ་ལ། །མཐོང་ན་འཇིགས་སུ་རུང་བ་ཡིས། །བྱང་དུ་ངེས་པར་གནོད་མཛེས་བྱ། ། ཕྱི་རོལ་དཀྱིལ་འཁོར་ཀུན་ཏུ་ནི། །པདྨའི་ཕྲེང་དང་ཨུཏྤལ་ཕྲེང ། །གྲཝ་དག་དང་ནི་གྲཝ་རྣམས་སུ། །ཀླུ་ཡི་རྒྱལ་པོ་བཞི་རྣམས་བྲི། །སྒོ་སྲུང་བ་དག་བྲི་བ་ནི། །ནོར་བུ་བཟང་དང་གང་བ་བཟང ། །སྟོབས་ཀྱི་ལྷ་དང་ལྔས་རྩེན་ཡིན། །སྒོ་ཡི་གནས་ཀྱི་བར་དག་ཏུ། །ཆུ་བོ་བཞི་ནི་བྲི་བྱ་བ། །གངྒཱ་དང་ནི་སཱི་ཏ་དང ། །པཀྵུ་དང་ནི་སིནྡྷུ་ཡིན། །ཕྲེང་བའི་ནང་རོལ་ཐོག་དག་ཏུ། །དཔལ་གྱི་ལྷ་མོ་བ་སནྟི། །དཔེ་མེད་མ་དང་ས་ཡི་ལྷ། །ལོ་ཏོག་སྨན་གྱི་ལྷ་མོ་དང ། །སྒྲ་དབྱངས་མ་དང་འཇིགས་ལྡན་མ། །དེ་བཞིན་མེ་ཡི་ལྷ་དག་དང ། །འཕྲོག་མ་དང་ནི་དུང་ཅན་མ། །གཏུམ་མོ་དང་ནི་མེ་ཏོག་སོ། །དེ་དག་བྲི་བར་བྱ་བ་ཡིན། །ཁྲུས་བྱས་འབྲི་མཁན་གཙང་མ་ཡིས། །གཙང་མའི་སྣོད་དུ་ཚོན་རྣམས་ནི། །ལྷག་མ་མིན་པས་ཀུན་ཏུ་བྲི། །ཟས་ནི་དཀར་གསུམ་གྲུབ་པར་བྱ། །ཁྱད་པར་འདོད་པས་ཟས་ངན་པ། །སྤང་བར་བྱ་བ་ཉ་ཤ་དང ། །ཙོང་དང་སྒོག་སྐྱ་ཀེའུ་རྣམས་དང ། །འདྲེས་པ་སྤང་བར་བྱ་བ་ Ba9b ནི། །ལོག་འདྲེན་གླགས་ཚོལ་སྤང་ཕྱིར་རོ། །ཁྲུས་བྱས་གོས་ནི་གསར་པ་བགོས། །གཙང་མས་དཀྱིལ་འཁོར་བྲི་བར་བྱ། །དཀྱིལ་འཁོར་རྣམ་པ་སྣ་ཚོགས་ཀྱིས། །ཀུན་ཏུ་བརྒྱན་པར་བྱ་བ་ནི། །བ་དན་རྣམ་པ་སྣ་ཚོགས་དང ། །རྣམ་པ་སྣ་ཚོགས་མདའ་དང་ནི། །ལྷ་རྫས་དར་ནི་དཔྱང་བ་དང ། །བ་དན་ཡང་ནི་དཔྱང་བར་བྱ། །ཚོན་སྐུད་སྣ་ལྔའི་སྲད་བུ་ཡིས། །ཀུན་ཏུ་ཡོངས་སུ་བསྐོར་བར་བྱ། །ཟངས་ལས་བྱས་པའི་པདྨའི་ཚད། །སོར་བཞི་འདབ་མ་བྱེ་བ་དག་།མཛེས་པ་གྲཝ་བཞིར་གཟུགས་པར་བྱ། །སྙིང་པོའི་དཀྱིལ་འཁོར་གྲཝ་རྣམས་སུ། །པདྨ་བརྒྱད་ནི་གཞལ་བ་དག་།གསེར་ལས་བྱས་པ་བཞི་གཞག་ཅིང ། །དེ་བཞིན་དངུལ་ལས་བྱས་པ་བཞི། །ཀུན་ཏུ་བྱི་རུའི་ཕྲེང་བ་དང ། །མུ་ཏིག་ཕྲེང་བ་དེ་བཞིན་ནོ། །ཀུན་ཏུ་གསེར་གྱི་སྲད་བུ་དང ། །རིན་ཆེན་སྣ་ཚོགས་གཞག་པར་བྱ། །སྙིང་པོའི་དཀྱིལ་འཁོར་ཐིག་བར་དུ། །གསེར་གྱི་སྣོད་ནི་བཞི་དག་དང ། །དངུལ་གྱི་སྣོད་ནི་བཞི་གཞག་གོ་།དངུལ་གྱི་བུམ་པ་གང་བ་བཞི་ལ་དངུལ་དང ། གསེར་དང ། ཟངས་ལས་བྱས་པའི་མེ་ཏོག་གིས་སྤྲས་པའི་མགོ་ལྕོགས་ཀྱིས་སྤྲས་པ་གཞག་པར་བྱའོ། །གསེར་གྱི་བུམ་པ་བཞི་བཞག་པ་ལ་མུ་ཏིག་དང ། བྱུ་རུ་དང ། པདྨ་རཱ་ག་དང ། མརྒད་དང ། ིནྡྲ་ནཱི་ལ་དང ། དངུལ་དང ། གསེར་དང ། མེ་ཏོག་གིས་སྤྲས་པའི་མགོ་ལྕོགས་གཞག་པར་བྱའོ། །གླ་རྩི་དང ། ག་བུར་དང ། Ba10a ༄#། །གུར་གུམ་དང ། ལྷ་རྫས་ཀྱི་ཙནྡན་གྱི་ཕྱེ་མས་གསེར་གྱི་སྣོད་བཀང་བ་དང ། དངུལ་གྱི་སྣོད་ཀྱི་ནང་དུ་གསེར་གྱི་མེ་ཏོག་དང ། དངུལ་གྱི་མེ་ཏོག་དང ། ཟངས་ཀྱི་མེ་ཏོག་མུ་ཏིག་གིས་བརྒྱན་ཅིང ། རིན་པོ་ཆེ་སྣ་ཚོགས་པས་སྤྲས་པ་གཞག་པར་བྱ། ཅོད་པན་གྱི་རྒྱལ་མཚན་བཞི་གཞག་པར་བྱ། རིན་པོ་ཆེའི་རྒྱལ་མཚན་བཞི་གཞག་པར་བྱ། ཚོན་སྣ་ཚོགས་ཅན་དང ། དར་དམར་པོ་དཔྱང་བར་བྱ། དངུལ་གྱི་པོག་ཕོར་བཞི་བཞག་སྟེ་ཙནྡན་དང ། གླ་རྩི་དང ། ག་པུར་དང ། གུར་གུམ་གྱི་བདུག་པས་བདུག་པར་བྱ། ས་ལས་བྱས་པའི་བུམ་པ་གསེར་གྱིས་གཡོགས་པའི་ནང་དུ་དྲི་ཆབ་རྣམ་པ་སྣ་ཚོགས་ཀྱིས་བཀང་སྟེ་རིན་པོ་ཆེ་སྣ་བདུན་དང་ལྡན་པར་བགྱིས་ལ་བཀང་བ་ལ་དར་གྱིས་བཅིངས་ལ་རྒྱན་རྣམ་པ་སྣ་ཚོགས་ཀྱིས་བརྒྱན་པའི་སྟེང་དུ་ཟངས་ལས་བྱས་པའི་མེ་ཏོག་གཞག་ནས་སྙིང་པོའི་དཀྱིལ་འཁོར་གྱི་སྟེང་དུ་པདྨའི་སྟེང་དུ་གཞག་པར་བྱའོ། །དེ་ནས་ཕྱི་རོལ་གྱི་དཀྱིལ་འཁོར་ཐོག་ཐག་ཏུ་དྲི་དང ། ཕྱེ་མ་དང ། བྱུག་པ་དང ། མེ་ཏོག་དང ། འབྲས་བུ་ལ་སོགས་པ་རྣམ་པ་སྣ་ཚོགས་དང ། མཆོད་ཡོན་གྱི་ཆབ་ཀྱིས་དངུལ་གྱི་སྣོད་དང ། ཟངས་ཀྱི་སྣོད་བཀང་བ་དྲུག་ཅུ་རྩ་བཞི་གཞག་པར་བྱའོ། །ལྕགས་ཀྱི་སྣོད་བུམ་པ་གང་བ་དྲུག་ཅུ་རྩ་བཞི་གཞག་པར་བྱའོ། །མེ་ཏོག་དང ། མགོ་ Ba10b ལྕོག་དང ། པོག་ཕོར་བཀང་བ་དྲུག་ཅུ་རྩ་བཞི་གཞག་པར་བྱའོ། །གཞག་པར་བྱ་སྟེ། བདུག་པ་སྣ་ཚོགས་ཀྱིས་བདུག་པར་བྱའོ། །སྒོ་བཞིར་དྲི་ཆབ་ཀྱི་བུམ་པ་དར་གྱིས་བརྒྱན་ཅིང་སྤྱད་པ་གཞག་པར་བྱའོ། །སྣ་མའི་མེ་ཏོག་གིས་གདུ་བུའི་སྟེང་དུ་མདའ་ལ་བ་དན་བཏགས་པ་དྲུག་ཅུ་རྩ་བཞི་བཙུགས་ཏེ་ཚོན་སྣ་ཚོགས་ཀྱིས་བཀྲ་བར་བྱས་པའི་མདའ་དང ། ནོར་བུའི་ཕྲེང་བ་རྣམ་པ་སྣ་ཚོགས་ཀྱིས་དཀྱིལ་འཁོར་བརྒྱན་པར་བྱའོ། །དེ་ནས་ཕྱི་རོལ་གྱི་དཀྱིལ་འཁོར་ཐོག་ཐག་ཏུ་ས་དང་བསྲེས་པའི་བའི་ལྕི་བས་དཀྱིལ་འཁོར་བྱས་ལ་དྲི་ཆབ་ཀྱིས་བསྐུས་ཏེ་ཚོན་སྣ་ལྔའི་སྲད་བུས་ཐིག་བཏབ་ལ་སྒོ་བཞི་རྣམ་པར་ཕྱེ་སྟེ་སེང་ལྡེང་གི་ཕུར་བུ་ཚད་སོར་བཅུ་གཉིས་པ་དྲུག་ཅུ་རྩ་བཞི་གདབ་བོ། །ཚོན་སྣ་ལྔའི་སྲད་བུས་དཀྱིལ་འཁོར་ཀུན་ཏུ་བསྐོར་བར་བྱའོ། །བུམ་བུ་དང ། བུམ་པ་དང ། བྱ་མ་བུམ་དྲུག་ཅུ་རྩ་བཞིའི་གཏོར་མ་སྣ་ཚོགས་ཀྱིས་བཀང་བ་བཞག་གོ་།ཁམ་ཕོར་ཟླུམ་པོ་དྲུག་ཅུ་རྩ་བཞི་གཏོར་མ་སྣ་ཚོགས་ཀྱིས་བཀང་བ་གཞག་གོ་།གཏོར་མ་ཚུལ་སྣ་ཚོགས་པ་དྲུག་ཅུ་རྩ་བཞི་སོ་སོར་གཞག་གོ་།སྣོད་ཚོན་སྣ་ལྔ་པ་དྲུག་ཅུ་རྩ་བཞི་ཁ་ཟས་རྣམ་པ་སྣ་ཚོགས་ཀྱིས་བཀང་བ་དང ། བཅའ་བ་རྣམ་པ་སྣ་ཚོགས་བླུགས་པ་དང ། གཏོར་མ་དཀར་པོ་རྣམ་པ་སྣ་ཚོགས་གཞག་གོ་།ཡོ་བྱད་ཐམས་ཅད་ཀྱིས་ཡོངས་སུ་གང་བ་རོ་རྣམ་པ་སྣ་ཚོགས་ཀྱི་ Ba11a ༄#། །གཏོར་མ་གཞག་གོ། འབྲས་བུ་སྣ་ཚོགས་དང ། མེ་ཏོག་སྣ་ཚོགས་དགྲམ་མོ། །ཕྲེང་བ་བརྒྱ་ཉི་ཤུ་རྩ་གཅིག་དཀྱིལ་འཁོར་དུ་དཔྱང་བར་བྱ་སྟེ། བྱང་ཕྱོགས་ཀྱི་དཀྱིལ་འཁོར་ལ་དྲུག་ཅུ་རྩ་བཞི། སྙིང་པོའི་དཀྱིལ་འཁོར་ལ་སུམ་ཅུ་རྩ་གཉིས་གདགས་སོ། །མེ་མར་གྱི་སྡོང་བུ་བཞི་བུད་པར་བྱའོ། །གཏོར་མ་བརྒྱ་དྲུག་ཅུ་རྩ་བཞི་དང ། དཀྱིལ་འཁོར་ཐོག་ཐག་ཏུ་མར་མེ་བུད་པར་བྱའོ། །ཆང་དང ། ཤ་དང ། པེག་ཙོང་དང ། སྒོག་སྐྱ་དང ། ཀེའུ་དང ། ཚོད་སྔོན་དང ། ལ་ཕུག་སྤངས་པའི་གཏོར་མ་གཞན་རྣམ་པ་སྣ་ཚོགས་གཞག་པར་བྱའོ། །དཀྱིལ་འཁོར་གྱི་ཕྱིའི་གྲཝ་བཞིར་དོན་ཡོད་པའི་ཞགས་པའི་མདོ་སྡེ་བཀླག་པར་བྱ་སྟེ། སྒོ་རེ་རེར་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་པར་བྱའོ། །ཆོས་ཀློག་པ་ལེགས་པར་ཁྲུས་བྱས་ཏེ་ལྷ་རྫས་ཀྱི་གོས་ཀྱིས་དཀྲིས་ཏེ་གཙང་མ་ལ་དྲི་རྣམ་པ་སྣ་ཚོགས་ཀྱིས་བསྒོས་པའི་གོས་གཙང་མ་གསར་པ་བགོས་ཏེ་ཆོས་ཀྱི་སྟན་ཤིན་ཏུ་བརྒྱན་པ་ལྷ་རྫས་ཀྱི་སྟན་ལ་འདུག་ནས་ཚིག་འཇམ་པོ་ཚིག་མཉེན་པོས་བཀླག་པར་བྱའོ། །ནུབ་ཀྱི་ཕྱོགས་ཆ་ལ་དཀྱིལ་འཁོར་མཐོན་པོ་ལ་བདེ་བ་ཅན་གྱི་བཀོད་པ་བྲིས་པ་འོད་དཔག་མེད་དང ། འཕགས་པ་སྤྱན་རས་གཟིགས་ཀྱི་དབང་ཕྱུག་དང ། མཐུ་ཆེན་ཐོབ་པའི་གཟུགས་བྲིས་པའི་རས་ཀྱི་སྐུ་ Ba11b གཟུགས་དཀྱིལ་འཁོར་ལ་མངོན་དུ་ཕྱོགས་པར་གཞག་པར་བྱའོ། །ཤར་གྱི་ཕྱོགས་ཆ་ལ་དཀྱིལ་འཁོར་གྲུ་བཞི་མཐོན་པོ་བྱས་ལ་རྣམ་པར་གྲོལ་བའི་དཀྱིལ་འཁོར་ལ་ཤཱཀྱ་ཐུབ་པ་དང ། འཕགས་པ་རྡོ་རྗེ་འཆང་བ་དང ། དོན་ཡོད་པའི་ཞགས་པའི་ཁྲོ་བོའི་གཟུགས་བྲིས་པ་རས་ཀྱི་སྐུ་གཟུགས་དཀྱིལ་འཁོར་ལ་མངོན་དུ་ཕྱོགས་པར་གཞག་གོ ། ལྷོའི་ཕྱོགས་ཆ་ལ་རི་འདྲ་བའི་གནས་མཐོན་པོ་བྱས་ལ་དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོ་དང ། འཇམ་དཔལ་དང ། སྒྲིབ་པ་ཐམས་ཅད་རྣམ་པར་སེལ་བ་དང ། དོན་ཡོད་པའི་ཞགས་པ་རས་ལ་བྲིས་པའི་དཀྱིལ་འཁོར་ལ་མངོན་དུ་ཕྱོགས་པར་གཞག་གོ། །བྱང་གི་ཕྱོགས་ཆ་ལ་ཁྲོ་བོའི་རྒྱལ་པོ་དང ། དེ་བཞིན་གཤེགས་པ་རྣམ་པར་སྣང་མཛད་དང ། བྱམས་པ་དང ། སའི་སྙིང་པོ་བྲིས་པའི་རས་ཀྱི་སྐུ་གཟུགས་དཀྱིལ་འཁོར་ལ་མངོན་དུ་ཕྱོགས་པར་གཞག་གོ་།སྟེགས་བུའི་རྣམ་པར་མཐོན་པོར་བྱས་པ་ཐམས་ཅད་ལེགས་པར་བརྒྱན་པར་བྱའོ། །དར་གྱི་ཕྲེང་བས་བརྒྱན་པར་བྱའོ། །རྒྱན་ཐམས་ཅད་ཀྱིས་བརྒྱན་པ་དང ། བུམ་པ་གང་བ་བཞག་པ་དང ། དྲིས་དཀྱིལ་འཁོར་བྱ་བ་དང ། རོའི་མཆོག་རྣམ་པ་སྣ་ཚོགས་བཟའ་བའི་ངོ་བོ་རྣམ་པ་དུ་མའི་ཁ་ཟས་ཀྱི་རོ་དབུལ་བ་དང ། འབྲས་བུ་རྣམ་པ་སྣ་ཚོགས་དང་ལྡན་པའི་བསོད་ Ba12a ༄#། །སྙོམས་གཞག་པ་དང ། ཙནྡན་དང ། ་ག་རུ་དང ། དུ་རུ་ཀ་དང ། ག་པུར་དང ། གླ་རྩི་དང ། གུར་གུམ་དང་བསྲེས་པའི་བདུག་པ་རས་ཀྱི་སྐུ་གཟུགས་ལ་དབུལ་བར་བྱའོ། །དེ་ནས་རིག་སྔགས་འཆང་བས་དུས་གསུམ་དུ་ཁྲུས་བྱ་ཞིང ། གོས་ལན་གསུམ་བརྗེས་ཏེ་དུས་གསུམ་དུ་བཟླས་བརྗོད་དང ། ཆོ་ག་བྱའོ། །ཚེས་བརྒྱད་ནས་བརྩམས་ཏེ་ཚེས་བཅོ་ལྔ་ཚང་གི་བར་དུ་དོན་ཡོད་པའི་ཞགས་པ་ལན་ཉི་ཤུ་རྩ་གཅིག་བཟླས་བརྗོད་བྱའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱའོ།། དོན་ཡོད་པའི་ཞགས་པའི་ལྕགས་ཀྱུ་ཉི་ཤུ་རྩ་གཅིག་དང ། དོན་ཡོད་པ་རྣམ་པར་ལྟ་བའི་ཞགས་པའི་སྙིང་པོ་དང ། འཇིག་རྟེན་ལས་འདས་པ་རྣམ་པར་འཕྲུལ་པ་ལན་ཉི་ཤུ་རྩ་གཅིག་དང ། རྣམ་པར་གྲོལ་བའི་དཀྱིལ་འཁོར་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ་སྟོང་རྩ་བརྒྱད་བཟླས་བརྗོད་བྱ་བ་དང ། རྣམ་པར་གྲོལ་བའི་དཀྱིལ་འཁོར་གྱི་ཞགས་པའི་སྙིང་པོ་སྟོང་རྩ་བརྒྱད་བཟླས་བརྗོད་བྱའོ། །ཟླ་བ་ཉར་ཐུག་གི་བར་དུ་ཟས་དཀར་གསུམ་བཟའ་བར་བྱའོ། །ཚེས་བཅོ་ལྔའི་ཉིན་མཚན་ཐོག་ཐག་ཏུ་དོན་ཡོད་པའི་ཞགས་པའི་སྙིང་པོ་དཔག་ཏུ་མེད་པར་བཟླས་བརྗོད་བྱའོ། །མཚན་ཐོག་ཐག་བཟླས་བརྗོད་བྱས་ཀྱང་ངལ་བ་མེད་པ་དང ། ལུས་སྙོམས་ Ba12b པ་དང་བྲལ་བས་བཟླས་བརྗོད་བྱའོ། །བྱམས་པ་དང ། སྙིང་རྗེའི་ལྷག་པའི་བསམ་པའི་སེམས་སུ་བྱའོ། །བཟླས་བརྗོད་ཀྱི་ཆོ་ག་ཟིན་ནས་དཀྱིལ་འཁོར་གྱི་བྱ་བ་མཚམས་བཅད་པ་དང ། ཕྱོགས་བཅིང་བ་དང ། བདག་སྲུང་བ་དང ། གཞན་སྲུང་བ་དང ། དཀྱིལ་འཁོར་བསྡམ་པ་བྱས་ནས་དེ་ནས་འཁོར་རྣམས་དཀྱིལ་འཁོར་དུ་དམ་ཚིག་ལ་གཞུག་པར་བྱའོ། །དཀྱིལ་འཁོར་དུ་གཞུག་པ་དང ། དཀྱིལ་འཁོར་གྱི་ལས་ཟིན་ནས་མཆོད་པ་བརྩམ་མོ། །མཆོད་པའི་ཆོ་ག་ཟིན་པ་དང ། དེ་ནས་བཟླས་བརྗོད་བརྩམ་པར་བྱ་སྟེ། དོན་ཡོད་པའི་ཞགས་པའི་དཀྱིལ་འཁོར་གྱི་སྤྱན་སྔར་འདུག་ནས་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱས་ལ་ཁྲོ་བོའི་རྒྱལ་པོ་བརྒྱ་རྩ་བརྒྱད་ཀྱིས་དབང་བསྐུར་རོ། །བཟླས་བརྗོད་ལན་ཉི་ཤུ་རྩ་གཅིག་དང ། དབང་བསྐུར་མ་ཐག་ཏུ་རས་ཀྱི་སྐུ་གཟུགས་དང ། དཀྱིལ་འཁོར་ཐམས་ཅད་ཀུན་ཏུ་འབར་ཞིང་འོད་ཟེར་སྣ་ཚོགས་འབྱིན་ཅིང་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་རོ། །རིག་སྔགས་འཆང་བའི་སྙིང་དགའ་ཞིང་ལུས་འབར་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཤིན་ཏུ་འབར་ཞིང་འོད་འཕྲོ་བ་ཉི་མ་སྟོང་བས་ལྷག་པའི་འོད་ཟེར་ཅན་དོན་ཡོད་པའི་ཞགས་པ་ཚངས་པའི་ཆ་བྱད་འཆང་བ་དཀྱིལ་འཁོར་གྱི་དབུས་ཀྱི་ནང་ནས་མངོན་དུ་གཤེགས་ཏེ་ Ba13a ༄#། །ཕྱོགས་བཅུའི་དཀྱིལ་འཁོར་ཀུན་ལ་རྣམ་པར་གཟིགས་ཤིང་རིག་སྔགས་འཆང་བ་ལེགས་སོ་ཞེས་བྱ་བའི་སྒྲ་ཕྱུང་སྟེ། ཕྱག་གཡས་པ་བརྐྱང་སྟེ་རིག་སྔགས་འཆང་བའི་སྤྱི་བོ་ལ་བཞག་སྟེ་དཀྱིལ་འཁོར་གྱི་མཆོག་ཤིན་ཏུ་བརྒྱན་ཅིང་སྤྲས་པ་འདི་ནི། ཤིན་ཏུ་བཟང་བ་ཡིན་ཏེ། ལེགས་སོ་ལེགས་སོ། །འདི་རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པ་རྣམས་པར་འཕྲུལ་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པ། བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། དེ་བཞིན་གཤེགས་པ་དང ། བྱང་ཆུབ་སེམས་དཔའ་ཐམས་ཅད་ཀྱི་གསང་བ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། སྲིན་པོ་རྣམས་ཀྱི་དམ་ཚིག་གི་དཀྱིལ་འཁོར། བདུད་ཐམས་ཅད་ཕམ་པར་བྱེད་པའི་དཀྱིལ་འཁོར།་བགེགས་དང ། རྣམ་པར་ལོག་འདྲེན་ཐམས་ཅད་འཇོམས་པ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྗེའུའི་རིགས་དང ། དམངས་རིགས་དང ། ཐ་ན་བྱོལ་སོང་གི་སྐྱེ་གནས་སུ་གཏོགས་པའི་བྱ་ཡང་རུང་སྟེ། སེམས་ཅན་ཐམས་ཅད་འཁོར་བའི་གཅོང་རོང་ལས་སྒྲོལ་བ་ Ba13b ཡིན་ནོ། །འདི་ནི། སྡིག་པ་དང ། སྒྲིབ་པ་ཐམས་ཅད་དང ། དམྱལ་བ་དང ། སྡུག་བསྔལ་དང ། ནད་དང ། སྐྱེ་བ་དང ། རྒ་བ་དང ། འཆི་བ་ལས་ཡོངས་སུ་ཐར་པར་བྱེད་ཅིང་འཇིགས་པ་མེད་པའི་ཁྱིམ་དུ་འཇུག་པར་བྱེད་པ་ཡིན་ནོ། །འདི་ནི། རྣམ་པར་ཐར་པར་བྱེད་པ་དཀྱིལ་འཁོར་ཆེན་པོ་སྙིང་པོ་དང ། གསང་སྔགས་སུ་བཅས་པ་རྣམ་པར་གྲོལ་བའི་དཀྱིལ་འཁོར་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ་འདི་རིག་སྔགས་འཆང་བ་དེ་དང་དེས་མིང་བརྗོད་པ་དང ། གང་དྲན་པ་ཙམ་ལ་སོགས་པ་དང ། ལྟ་བ་དང ། ཉན་པ་དང ། མིང་འཛིན་པ་ཡང་འཁོར་བའི་ཕ་རོལ་ཏུ་བརྒལ་བར་འགྱུར་རོ། །ཕྱིར་མི་ལྡོག་པ་ཉིད་དུ་ས་བཅུ་བགྲོད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་འཐོབ་པར་འགྱུར་རོ། །དེ་གང་ཞེ་ན། གང་ཞིག་དཀྱིལ་འཁོར་ཆེན་པོ་འདི་འདྲ་བ་མངོན་དུ་མཐོང་བ་དང ། རྣམ་པར་གྲོལ་བའི་གཟུངས་འཇིག་རྟེན་ལས་འདས་པའི་གསང་སྔགས་ཀྱི་ཚིག་བཟླས་བརྗོད་བྱེད་པ་དང ། ཀློག་པ་དང ། དྲན་པ་དང ། འཆད་པ་དང ། ལན་འགའ་སྨྱུར་བས་མཐོང་བ་དང ། ཐང་གཅིག་དང ། སྐད་ཅིག་དང ། ཡུད་ཙམ་གྱིས་མཐོང་བ་ནི། ང་དང་མཉམ་པ་དང ། མི་མཉམ་པ་ཡིན་ནོ། །ཞེས་སྨྲའོ། །བདག་ནི། སེམས་ཅན་དེ་ལ་དེ་བཞིན་གཤེགས་པ་ཡིན་པར་ཡང་འཛིན་ Ba14a ༄#། །ཏེ།་འཇིག་རྟེན་དང ། འཇིག་རྟེན་ལས་འདས་པ་ཡིན་པས་སྤྱི་བོས་དབང་བསྐུར་བར་བགྱིའོ། །རིག་སྔགས་འཆང་བས་ཟུངས་ཤིག་དང ། མཆོག་ཇི་ལྟར་འདོད་པ་དང ། ཇི་ལྟར་ཡིད་ལ་རེ་བ་དང ། བསམ་པ་དེ་ཐམས་ཅད་རྗེས་སུ་གཟུང་ཞིང་སྦྱིན་པར་མཛད་དོ། །དེའི་ཚེ་རིག་སྔགས་འཆང་བས་ཡིད་ལ་ཇི་ལྟར་བསམ་པའི་མཆོག་སྨྲས་ན། དེ་ཐམས་ཅད་སྦྱིན་པར་མཛད་ཅིང་དོན་ཡོད་པའི་ཡེ་ཤེས་བཀོད་པ་རྣམ་པར་གྲོལ་བ་དྲི་མ་མེད་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་རོ། །གཞན་ཡང་གངྒཱའི་ཀླུང་གི་བྱེ་མ་དང་མཉམ་པ་ཁྲག་ཁྲིག་སྟོང་ཕྲག་བཅུའི་ཏིང་ངེ་འཛིན་ཐོབ་པར་འགྱུར་རོ། །རྫུ་འཕྲུལ་གྱིས་ནམ་མཁའ་ལ་འགྲོ་བར་འགྱུར་རོ། །དཀྱིལ་འཁོར་དེའི་དམ་ཚིག་ཏུ་ཞུགས་པ་ནི། དམ་ཚིག་ཤེས་པའི་རྗེས་སུ་ཞུགས་པ་ཡིན་ཏེ། དེ་དག་ཐམས་ཅད་ས་བཅུ་ལ་རབ་ཏུ་གནས་པ་ཡིན། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བའི་ཕྱིར་མི་ལྡོག་པ་ཐོབ་པར་འགྱུར་བ་ཡིན། ལུང་བསྟན་པ་དང་བྱིན་གྱིས་བརླབས་པར་འགྱུར་བ་ཡིན།་དེ་ནི། མངལ་ན་གནས་པར་སྐྱེ་བའི་ཐ་མ་སྟེ། ཕྱིས་མངལ་ན་གནས་པའི་དྲི་མས་གོས་པར་མི་འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་ Ba14b འགྱུར་རོ། །དེ་པདྨོའི་ནང་ནས་རྒྱན་ཐམས་ཅད་ཀྱིས་བརྒྱན་པར་བརྫུས་ཏེ་སྐྱེས་པར་འགྱུར་རོ། །ཚེ་རབས་ཀུན་ཏུ་ཚེ་རབས་དྲན་པར་འགྱུར་རོ། །དོན་ཡོད་པའི་རྒྱལ་པོའི་ཕུན་སུམ་ཚོགས་པ་ཆོ་ག་ཞིབ་མོའི་རྒྱལ་པོ་རྣམ་པར་གྲོལ་བའི་དཀྱིལ་འཁོར་དེ་བཞིན་གཤེགས་པ་ཐམས་ཅད་ཀྱིས་བྱང་ཆུབ་ཀྱི་སྙིང་པོ་ཆོས་ཀྱི་འཁོར་ལོ་བསྐོར་བ་དམ་ཚིག་ཆེན་པོ་འདི་ཁ་ཏོན་བྱེད་ན། ཕྱོགས་བཅུའི་དེ་བཞིན་གཤེགས་པ་ཐམས་ཅད་སངས་རྒྱས་ཀྱི་ཞིང་ན་བྱང་ཆུབ་ཀྱི་སྙིང་པོ་ལ་བཞུགས་པ་མཐོང་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ལེགས་སོ་ཞེས་བྱ་བ་ཐོབ་པར་འགྱུར་ཏེ། རིགས་ཀྱི་བུ། སྐྱེ་བ་བླངས་པ་ལེགས་པར་སྐྱེ་བ་ཡིན་པས་ལེགས་སོ་ལེགས་སོ། །ཕྱིར་མི་ལྡོག་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གནས་པ་ཡིན་ནོ། །དེ་བཞིན་གཤེགས་པ་དེ་དག་ཐམས་ཅད་དང ། ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་འོད་ཟེར་འབུམ་ཕྲག་བྱེ་བས་མཛེས་པར་གྱུར་ཅིང ། བསོད་ནམས་ཀྱིས་བརྒྱན་པའི་ཕྱག་གསེར་གྱི་མདོག་ཅན་བརྐྱངས་ནས་སྤྱི་ངོར་ཕྱག་འཇོག་ཅིང་དབུགས་འབྱིན་པར་ཡང་མཛད་དོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ཆོས་འབྲེལ་བའི་གཏམ་མངོན་སུམ་དུ་སྒྲོག་པར་མཛད་དོ། །ཐ་ན་དཀྱིལ་འཁོར་ཆེན་པོ་རོལ་མོའི་ Ba15a ༄#། །སྒྲ་རྔ་བོ་ཆེ་དང ། རྔ་བྲན་དང ། དུང་དང ། རྫ་རྔ་དང ། རོལ་མོའི་སྒྲ་གང་དག་གྲག་པ་ལ་སེམས་ཅན་གང་དག་གིས་སྒྲ་དེ་ཐོས་ནས་སྣ་བའི་བུ་ག་ཙམ་དུ་སོང་བ་དེ་ཐམས་ཅད་ཕྱིར་མི་ལྡོག་པར་འགྱུར་ཞིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གནས་པར་འགྱུར་རོ། །ཐ་ན་བྱོལ་སོང་གི་སྐྱེ་གནས་སུ་གཏོགས་པ་བྱའི་རྣ་བར་སྒྲ་ཐོས་པ་དེ་དག་ཐམས་ཅད་ཀྱང་ཕྱིར་མི་ལྡོག་པར་འགྱུར་རོ། །དེ་ལྟར་ན། རྣམ་པར་འཕྲུལ་པའི་ཆོ་འཕྲུལ་ཆེན་པོ་དང་ལྡན་པ་རྣམ་པར་ཐར་པའི་དཀྱིལ་འཁོར་གྱི་ཆོ་ག་མཐུ་ཆེན་པོ་རྣམ་པར་འཕྲུལ་པ་ཡིན་ནོ། །རིགས་ཀྱི་བུ་ཕོའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། སེམས་ཅན་གཞན་གང་ཡང་རུང་བ་དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེའུའི་རིགས་སམ། དམངས་རིགས་སམ། འགའ་ཞིག་གི་རྣམ་པར་གྲོལ་བའི་དཀྱིལ་འཁོར་གྱི་ཆོ་ག་འདི་འཁོར་མང་པོའི་ནང་དུ་ཀློག་པ་དང ། སེམས་ཅན་གང་གིས་སྒྲ་དེ་ཐོས་ནས་སྒྲ་དབྱངས་དེ་དང ། མིང་ཐོས་པ་རྣ་བའི་བུ་གར་སོང་བར་གྱུར་པ་དེ་དག་ཐམས་ཅད་སྒྲིབ་པ་དང ། སྡིག་པ་མི་བཟད་པ་ལས་བྲལ་བར་འགྱུར་རོ། །སྔོན་གྱི་སྒྲིབ་པ་དང ། སྡིག་པ་ལས་རྣམ་པར་གྲོལ་བར་འགྱུར་རོ། ། Ba15b ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྲས་སུ་རིག་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་སྲས་ཀྱི་ཐུ་བོ་ཡིན་ནོ། །རྟག་པར་འཕགས་པ་སྤྱན་རས་གཟིགས་ཀྱི་དབང་ཕྱུག་གྲོགས་མཛད་ཅིང་རྗེས་སུ་འབྲང་བར་འགྱུར་རོ། །རྟག་ཏུ་དབུགས་འབྱིན་པར་མཛད་པར་འགྱུར་རོ། །མཐར་བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་རྟག་ཏུ་རྗེས་སུ་སྲུང་བར་མཛད་དོ། །སེམས་ཅན་གང་ཞིག་དཀྱིལ་འཁོར་དེའི་ས་ཕྱོགས་སུ་སོང་སྟེ་ས་གཞི་སྣང་བ་ཙམ་མཐོང་བ་དེ་དག་ཐམས་ཅད་ཀྱང་ཕྱིར་མི་ལྡོག་པར་འགྱུར་རོ། །ཉོན་མོངས་པ་ཐམས་ཅད་བསྲེགས་ཤིང་སྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །དེའི་ས་རྡུལ་རླུང་གིས་བདས་ཏེ་ལུས་ལ་ཕོག་པ་གང་ཡིན་བ་དེ་དང ། ཐ་ན་སེམས་ཅན་ངན་པ་ཡང་རུང་སྟེ། དེ་དག་ཐམས་ཅད་ཕྱིར་མི་ལྡོག་པར་འགྱུར་བའི་གནས་ལ་རབ་ཏུ་གནས་པར་འགྱུར་རོ། །སྡིག་པ་ཐམས་ཅད་ལས་ཡོངས་སུ་གྲོལ་བ་དང ། འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཐོང་བ་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་དགོངས་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་དབུགས་ཕྱུང་བར་འགྱུར་རོ། །ལྷ་ཐམས་ཅད་ཀྱིས་སྲུང་བར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་ཡོངས་སུ་བཟུང་ Ba16a ༄#། །བར་འགྱུར་རོ། །དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །དེ་ལྟར་ན། སྒྲ་ཐོས་པ་ཙམ་དང ། མིང་འཛིན་པ་ཙམ་གྱིས་འབྲས་བུ་ཆེན་པོ་ཐོབ་པར་འགྱུར་རོ། །དེ་ནས་རྣམ་པར་གྲོལ་བའི་དཀྱིལ་འཁོར་གྱི་སྦྱིན་སྲེག་གི་ཆོ་ག་བཤད་པར་བྱ་སྟེ། སྡིག་པ་དང ། སྒྲིབ་པ་ཐམས་ཅད་སྲེག་ཅིང་སྡུག་བསྔལ་དྲག་པོ་ལས་རྣམ་པར་གྲོལ་བར་འགྱུར་བ་དང ། ཉོན་མོངས་པ་དྲག་པོའི་རྒྱ་མཚོ་དང ། འཁོར་བ་ལས་སྒྲོལ་བ་འགྲུབ་པ། ཕྱིར་མི་ལྡོག་པའི་གནས་བླ་ན་མེད་པར་དབུགས་འབྱིན་པར་མཛད་པ། སངས་རྒྱས་ཐམས་ཅད་དང་བྱང་ཆུབ་སེམས་དཔའ་རྣམས་ཀྱི་འཇིག་རྟེན་ལས་འདས་པའི་ལམ་བླ་ན་མེད་པ་ཡང་དག་པར་རྫོགས་པའི་ལམ་སྟོན་པ། སངས་རྒྱས་དང་བྱང་ཆུབ་སེམས་དཔའ་སྟོན་པ། ལྷའི་སྟེགས་སྦྱིན་སྲེག་བྱས་པ་ཙམ་གྱི་མོད་ལ་ཐེ་ཚོམ་མེད་པར་མེ་ལྷ་དང ། དབང་པོ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། དབང་ཕྱུག་དང་གཤིན་རྗེ་དང ། ཆུ་ལྷ་དང ། ལུས་ངན་པོ་དང ། གཞོན་ནུ་རྣམས་སྦྱིན་སྲེག་བྱས་པ་འདི་ཙམ་གྱི་མོད་ལ་ཐམས་ཅད་འོང་བར་འགྱུར་རོ། །ཐེ་ཚོམ་མེད་པར་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། སྲིན་པོ་དང ། ཤ་ཟ་དང ། གྲུལ་བུམ་ཐམས་ཅད་ Ba16b འོང་བར་འགྱུར་ཞིང ། དེའི་མོད་ལ་རིག་སྔགས་འཆང་བའི་རྐང་པ་གཉིས་ལ་རྟག་ཏུ་འདུད་པར་བྱེད་དོ། །དེ་བཞིན་དུ་ཉིན་མཚན་དུ་ཀུན་ཏུ་སྲུང་བར་འགྱུར་རོ། །རྒྱལ་པོ་ཆེན་པོ་བཞི་དང ། ཕྱག་ན་རྡོ་རྗེ་བདག་ཉིད་ཆེན་པོ་དང ། གནོད་སྦྱིན་གྱི་དབང་པོ་ཆེན་པོ་བཅུ་ཡང་ཕྱོགས་བཅུར་སྲུང་བར་བྱེད་དེ། མི་སྲུན་པ་མ་རུངས་པ་སེལ་ཅིང་དམྱལ་བ་དང ། འཇིགས་པ་མི་བཟད་པ་དང ། དུག་དྲག་པོ་དང ། སེམས་ཅན་མ་རུངས་པ་རྣམས་སེལ་བར་བྱེད་དོ། །དེ་མ་ཐག་ཏུ་བསོད་ནམས་ཆེན་པོའི་ལྷུན་པོ་དང ། བསོད་ནམས་ཆེན་པོའི་ཕུང་པོ་བླ་ན་མེད་པ་སྐྱེ་བར་འགྱུར་རོ། །ཙནྡན་སྲང་ཉི་ཤུ་དང ། ་ག་རུ་སྲང་ལྔ་དང ། དུ་རུ་སྐ་སྲང་བདུན་དང ། ག་བུར་དང ། གླ་རྩི་སྲང་གཅིག་གི་བཞི་ཆ་རེ་རེ་དང ། གུར་གུམ་སྲང་གཅིག་དང ། །ལྕེ་པོག་ཀུན་ཏུ་ར་སྲང་ལྔ་དང ། གུ་གུལ་སྲང་བདུན་དང ། འདི་རྣམས་གཅིག་ཏུ་བསྲེས་ཏེ་ཕྱེ་མར་བྱས་ལ་ཁ་ར་དཀར་པོ་དང ། སྦྲང་རྩིས་རིལ་བུ་ཞོ་རེའི་ཚད་ཙམ་དུ་བྱས་པ་སྟོང་རྩ་བརྒྱད་དང ། ཡུངས་ཀར་དང ། འབྲས་ཡོས་བསྲེས་ཏེ་རིལ་བུ་དང་བསྲེས་ནས་མར་གྱི་ནང་དུ་སྨྱུགས་ཏེ་སྦྱིན་སྲེག་བྱའོ། །ཤིང་སུ་ར་བྷི་དང ། ཤིང་ཨརྒ་དང ། ཤིང་ཤ་མྱའི་ཡམ་ཤིང་གི་མེ་སྦར་ཏེ་སྦྱིན་སྲེག་གི་ཆོ་ག་བྱའོ། །གང་དང་གང་གི་ཚེ་སྟོང་རྩ་བརྒྱད་སྦྱིན་སྲེག་བྱས་ན། དེ་དང་དེའི་ཚེ་སྡིག་པ་དང ། སྒྲིབ་པ་དྲག་པོ་ Ba17a ༄#། །ཐམས་ཅད་སྲེག་པར་འགྱུར་རོ། །དེ་དང་དེའི་ཚེ་དེ་ནད་ཐམས་ཅད་ལས་ཡོངས་སུ་གྲོལ་བར་འགྱུར་རོ། །དེ་དང་དེའི་ཚེ་གཅོང་ཐམས་ཅད་ལས་ཡོངས་སུ་གྲོལ་བར་འགྱུར་རོ། །དེ་དང་དེའི་ཚེ་འཛམ་བུའི་གླིང་གི་སེམས་ཅན་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སློང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་ལ་སོགས་པ་ཐམས་ཅད་ཀྱི་སྡིག་པ་དང ། སྒྲིབ་པ་ཐམས་ཅད་བྱང་བར་འགྱུར་རོ། །སྡིག་པ་ཐམས་ཅད་དང ། བྱུར་ཐམས་ཅད་དང ། གནོད་པ་ཐམས་ཅད་དང ། འཁྲུག་པ་ཐམས་ཅད་དང ། འཐབ་པ་དང ། རྩོད་པ་དང ། གཡུལ་འགྱེད་པ་དང ། ཤགས་འགྱེད་པ་ཐམས་ཅད་དང ། རང་གི་འཁོར་དང ། གཞན་གྱི་འཁོར་གྱི་འཇིགས་པ་ཐམས་ཅད་དང ། ཕྱིར་རྒོལ་བའི་དགྲས་འཇིགས་པ་ཐམས་ཅད་དང ། སེམས་ཅན་མ་རུངས་པ་ཐམས་ཅད་དང ། རྐུན་པོ་དང ། ཟོལ་བ་དང ། མི་རྒོད་པ་དང ། གཅན་གཟན་གཏུམ་པོའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །སེམས་ཅན་དེ་དག་ཐམས་ཅད་འཇིགས་པ་མེད་པར་འགྱུར་རོ། །བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་གང་དག་གིས་དེའི་དྲི་ཚོར་བ་དེ་དག་ཐམས་ Ba17b ཅད་ཀྱང་ཕྱིར་མི་ལྡོག་པར་འགྱུར་ཞིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གནས་པར་འགྱུར་རོ། །ཚེ་བརྗེས་ནས་ཐམས་ཅད་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་བར་འགྱུར་ཞིང ། པདྨོའི་ནང་ནས་བརྫུས་ཏེ་སྐྱེ་བར་འགྱུར་རོ། །བྱོལ་སོང་གི་སྐྱེ་གནས་སུ་གཏོགས་པ་རྐང་གཉིས་དང ། རྐང་བཞི་པ་རྣམས་ཀྱིས་དེའི་དྲི་ཚོར་བ་ཙམ་གྱིས་ཐམས་ཅད་ངེས་པར་ཕྱིར་མི་ལྡོག་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་སངས་རྒྱས་ཉིད་ལས་ཕྱིར་མི་ལྡོག་པར་འགྱུར་ཞིང་མངོན་པར་རྫོགས་པར་འཚང་རྒྱའོ། །རིག་སྔགས་འཆང་བ་དེ་ཇི་ལྟ་ཇི་ལྟར་སྦྱིན་སྲེག་བྱེད་པ་དེ་ལྟ་དེ་ལྟར་དེའི་ལུས་དྲི་མ་མེད་ཅིང་ཡོངས་སུ་དག་པར་འགྱུར་རོ། །སྟོང་རྩ་བརྒྱད་ཚང་ན། རིག་སྔགས་འཆང་བའི་ལུས་འབར་བར་འགྱུར་རོ། །ཕྱོགས་བཅུའི་སངས་རྒྱས་མང་པོའི་སྐུ་མཐོང་བར་འགྱུར་རོ། །དེ་བཞིན་གཤེགས་པའི་སྐུ་དེ་དག་གིས་རིག་སྔགས་འཆང་བ་ལ་ལེགས་སོ་ཞེས་བྱ་བའི་སྒྲ་འབྱིན་ཏེ། རིག་སྔགས་འཆང་བ། ལེགས་སོ་ལེགས་སོ། །འདི་ནི། དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོག་།རྣམ་པར་གྲོལ་བའི་དཀྱིལ་འཁོར། འཇིག་རྟེན་ལས་འདས་པའི་སྦྱིན་སྲེག་གི་ཆོ་ག་ཡིན་ནོ། །འདི་ནི། བདུད་ཐམས་ཅད་རབ་ཏུ་འཇོམས་པའི་སྦྱིན་སྲེག་ཆེན་པོའི་ཆོ་ག་ཡིན་ནོ། །འདི་ནི། གནོད་སྦྱིན་དང ། སྲིན་པོ་ Ba18a ༄#། །དང ། འབྱུང་པོ་དང ། བརྗེད་བྱེད་དང ། བགེགས་དང ། ལོག་འདྲེན་ཚར་གཅོད་བའི་སྦྱིན་སྲེག་ཆེན་པོའི་ཆོ་ག་ཡིན་ནོ། །འདི་ནི། བྱང་ཆུབ་ཀྱི་སྙིང་པོར་སོང་སྟེ་ཆོས་ཀྱི་འཁོར་ལོ་བསྐོར་བའི་སྦྱིན་སྲེག་ཆེན་པོའི་ཆོ་ག་ཡིན་ནོ། །འདི་ནི། བྱང་ཆུབ་ཀྱི་ལམ་བླ་ན་མེད་པ་ཡིན་ནོ། །དེ་ནས་དེ་བཞིན་གཤེགས་པའི་སྐུ་དེ་དག་ཐམས་ཅད་ཀྱིས་ཕྱག་གཡས་པ་གསེར་གྱི་ཁ་དོག་ལྟ་བུ་བརྐྱང་སྟེ་རིག་སྔགས་འཆང་བའི་མགོའི་སྤྱི་བོ་ལ་ཕྱག་འཇོག་པར་མཛད་དོ། །འཕགས་པ་སྤྱན་རས་གཟིགས་དབང་ཕྱུག་གི་རང་གི་ངོ་བོ་ཉིད་ཀྱི་རྒྱན་ཐམས་ཅད་ཀྱིས་བརྒྱན་པ། དོན་ཡོད་པའི་ཞགས་པ་དང་ཚངས་པའི་ཆ་བྱད་འཆང་བ། དབུ་ལྕང་ལོ་ཅོད་པན་གྱིས་བརྒྱན་པ། པདྨ་དང ། མདུང་རྩེ་གསུམ་པ་དང ། ཞགས་པ་ཐོགས་པ། རིག་སྔགས་འཆང་བའི་མདུན་ན་བཞུགས་ཏེ་བཀའ་སྩོལ་པ། རིག་སྔགས་འཆང་བ། ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར། འཇིག་རྟེན་ལས་འདས་པའི་སྦྱིན་སྲེག་གི་ཆོ་ག་ཆེན་པོ་གྲུབ་པ་ལེགས་སོ་ལེགས་སོ། །ཟུངས་ཤིག་དང ། མཆོག་ཇི་ལྟ་བ་དང་ཇི་ལྟར་འདོད་པ་དེ་ཐམས་ཅད་སྦྱིན་ནོ། །དེ་ནས་རིག་སྔགས་འཆང་བས་ཇི་ལྟར་འདོད་པའི་མཆོག་སྨྲས་ན། དེ་ཐམས་ཅད་ཐོབ་པར་འགྱུར་རོ། །འཕགས་པ་སྤྱན་རས་ Ba18b གཟིགས་ཀྱི་དབང་ཕྱུག་གིས་ཕྱག་བརྐྱང་སྟེ་རིག་སྔགས་འཆང་བའི་མགོའི་སྤྱི་བོ་ལ་ཕྱག་བཞག་པ་དང ། ཕྱག་བཞག་མ་ཐག་ཏུ་རིག་སྔགས་འཆང་བ་ནམ་མཁའ་ལ་འགྲོ་བར་འགྱུར་རོ། །ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་འགྲོ་བར་འགྱུར་རོ། །དེ་བཞིན་གཤེགས་པ་ཐམས་ཅད་མངོན་སུམ་དུ་མཐོང་བ་ཐོབ་པར་འགྱུར་རོ། །ཕྱིར་མི་ལྡོག་པ་དང ། ཕྱིར་མི་ལྡོག་པའི་གནས་ཐོབ་པར་འགྱུར་རོ། །སངས་རྒྱས་ཐམས་ཅད་ཀྱི་ཞིང་དུ་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་ཐོབ་པར་འགྱུར་རོ།། སངས་རྒྱས་ཐམས་ཅད་ཀྱི་ཞིང་ལ་བསྙེན་བཀུར་བྱས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་བར་འགྱུར་རོ། །དེ་བཞིན་གཤེགས་པ་འོད་དཔག་མེད་བྱང་ཆུབ་སེམས་དཔའི་འཁོར་དང་བཅས་པ་ཆོས་འཆད་པ་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་མངོན་སུམ་དུ་ཐོབ་པར་འགྱུར་རོ། །དེ་ནས་ཧོཾ་ཁུང་བཤད་པར་བྱ་སྟེ། འཇིག་རྟེན་ལས་འདས་པའི་སྦྱིན་སྲེག་གི་གནས་བླ་ན་མེད་པ་ནི། པདྨ་ཁ་བྱེ་བ་འདྲ་བར་བྱས་པ། ཟླུམ་པོ་ཁྲུ་གསུམ་པས་དང་བའི་ལྕི་བ་བསྲེས་པ་དང་ལྡན་པར་བྱས། པདྨའི་སྙིང་པོ་ལ་ཧོཾ་ཁུང་ཟབས་སུ་བརྐོ་བ་དང ། ཐད་ཀ་ཀུན་དུ་ཁྲུ་གང་པ་བརྐོ་བར་བྱའོ། །ནང་དུ་པདྨ་བཅུ་དྲུག་པ་འབུར་དུ་བྱས་པ་བཞག་ལ་ཚོན་སྣ་ཚོགས་ཀྱིས་པདྨ་དེ་བརྒྱན་པར་བྱའོ། །པདྨའི་ Ba19a ༄#། །ཕྱི་འཁོར་དུ་དཀྱིལ་འཁོར་གྲུ་བཞིར་བྱས་ལ་དྲི་སྣ་ཚོགས་ཀྱིས་གཏོར་བ་དང ། བརྒྱན་པར་བྱའོ། །དཀྱིལ་འཁོར་ཀུན་ཏུ་བུམ་པ་གང་བ་བཞི་དང ། དངུལ་གྱི་སྣོད་གང་བ་བཞི་དང ། མཆོད་ཡོན་གྱི་ཆུས་བཀང་བ་གསེར་གྱི་སྣོད་བཞི་དང ། རོ་སྣ་ཚོགས་ཀྱི་གཏོར་མ་བཞག་པ་ནི། གཏོར་མ་དཀར་གསུམ་རྣམ་པ་སྣ་ཚོགས་དང ། འབྲས་བུ་རྣམ་པ་སྣ་ཚོགས་བཞག་པ་དང ། དྲི་དང་མེ་ཏོག་སྣ་ཚོགས་ཀྱིས་གཏོར་ཏེ་ཕྲེང་བ་རྣམ་པ་སྣ་ཚོགས་དཔྱངས་ལ། དཀྱིལ་འཁོར་ཀུན་ཏུ་ཚོན་སྣ་ལྔའི་བ་དན་གྱིས་མདའ་ལ་བརྒྱན་ཏེ་གཟུགས་པ་དང ། སྒོ་བཞི་ཆ་དབྱེ་བ་དང ། བུམ་པ་བཞག་པ་ནི། ལེགས་པར་བརྒྱན་ཅིང་དྲི་ཆུས་ཡོངས་སུ་བཀང་བ་བྱའོ། །སྒོ་བཞིར་ཆོས་སྨྲ་བ་ཤིན་ཏུ་བརྒྱན་པའི་སྟན་ལ་འདུག་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་པར་བྱའོ། །གྲཝ་བཞིར་ཆོས་སྨྲ་བ་ཆོས་ཀྱི་སྟན་ལེགས་པར་བརྒྱན་པ་ལ་འདུག་ནས་དོན་ཡོད་པའི་ཞགས་པའི་མདོ་སྡེ་བཀླག་པར་བྱའོ། །གསེར་གྱི་མེ་ཏོག་དང ། དངུལ་གྱི་མེ་ཏོག་དང ། ཟངས་ཀྱི་མེ་ཏོག་དང ། རིན་པོ་ཆེ་སྣ་བདུན་གྱིས་མཆོད་པར་བྱའོ།། དེ་ནས་རིག་སྔགས་འཆང་བས་ཁྲུས་བྱས་གོས་གཙང་མ་བགོས་དྲི་ཞིམ་བོས་བསྒོས་ཏེ་གཙང་མར་བྱས་ལ་རིལ་བུ་ལ་དོན་ཡོད་པའི་ཞགས་པའི་སྙིང་པོ་བརྒྱ་རྩ་བརྒྱད་ Ba19b བཟླས་བརྗོད་བྱའོ། །ཁྲོ་བོའི་རྒྱལ་པོ་བརྒྱ་རྩ་བརྒྱད་ཀྱིས་དབང་བསྐུར་རོ། །དོན་ཡོད་པ་རྣམ་པར་ལྟ་བའི་སྙིང་པོ་བརྒྱ་རྩ་བརྒྱད་བཟླས་བརྗོད་བྱའོ། །དེ་ནས་དོན་ཡོད་པ་རྣམ་པར་ལྟ་བའི་འབར་བ་རྣམ་པར་གྲོལ་བའི་དཀྱིལ་འཁོར་གྱི་ཞགས་པའི་སྙིང་པོས་སྟོང་རྩ་བརྒྱད་སྦྱིན་སྲེག་བྱ་བ་ནི། མི་སྨྲ་བར་བྱས་པའི་སེམས་དང ། སྙིང་ཐག་པ་ནས་བརྩེ་བ་དང ། སྙིང་རྗེ་བར་བྱ་བ་ནི། ལས་བླ་ན་མེད་པ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །འདི་ལྟ་སྟེ། ཨོཾ་པདྨ་མ་པཱ་ནི། ཙ་ར་ཙ་ར་པདྨ་བྷུ་ཛེ། ཛྭ་ལ་ཛྭ་ལ་ཧཱུ་ཏ་ཤ་ནེ། བྷུ་རུ་བྷུ་རུ། བི་མོཀྵ་བྷུ་ཛེ། ད་ཧ་ད་ཧ། སརྦྦ་མ་ལ་ན།་ཨ་མོ་གྷ་པ་ནི་བ་ར་དེ། ཧཱུཾ་ཧཱུཾ་ནི་ར་ད་ཧ། པཱ་པཾ། ཤ་མ་ཤ་མ་ནི། ལོ་ཀོཏྟ་ར་ཎི། ས་མནྟ་རཤྨི་བ་ར་དེ། ཏུ་རུ་ཏུ་རུ། པྲ་བ་རེ། ཨ་མོ་གྷ་སིདྡྷི། ཨོཾ་བྷུརྦྷུ་བ། ན་མོསྟུ་ཏེ་སཝཱཧཱ། དེ་ནི།་རྣམ་པར་གྲོལ་བའི་དཀྱིལ་འཁོར་འབར་བ་ཞགས་པ་ཆེན་པོའི་སྙིང་པོ་དང ། གཟུངས་ཀྱི་སྦྱིན་སྲེག་གི་ཆོ་ག་འཇིག་རྟེན་ལས་འདས་བ་བླ་ན་མེད་པ་ཡིན་ནོ། །དེ་ནས་རིག་སྔགས་འཆང་བས་ཐལ་བ་དེས་རྨད་དུ་བྱུང་བ་ཆེན་པོའི་བྱ་བ་ཐམས་ཅད་བྱའོ། །ཐལ་བ་དེས་གང་ལུས་ལ་བྱུགས་པ་དེ་ནི། སྒྲིབ་པ་དང་སྡིག་པ་ཐམས་ཅད་ལས་གྲོལ་ Ba20a ༄#། །བར་འགྱུར་རོ། །དཔྲལ་བར་ཐིག་ལེ་བྱས་ན། དེ་མ་ཐག་ཏུ་ཞག་བཞི་པའི་རིམས་ལས་ཐར་པར་འགྱུར་རོ། །ཞག་གཉིས་པ་དང ། ཞག་གསུམ་པ་དང ། མཚན་མོ་དང ། ཉིན་པར་པ་དང ། ནམ་ཕྱེད་པ་དང ། ཉིན་ཕྱེད་པ་དང ། ལོ་གཅིག་པ་དང ། ཟླ་བ་གཅིག་པ་དང ། ཞག་བདུན་པ་དང ། རྟག་པའི་རིམས་དང ། ལན་འགའ་ཡང་གནས་ཤིང་ཕྱིར་འོང་བར་མི་འགྱུར་རོ། །དཔག་ཚད་བརྒྱ་འདས་ཏེ་འབྲོས་པར་འགྱུར་རོ། །མཚོགས་མར་ཐིག་ལེ་བྱས་ན། གདོན་སྟོང་ཕྲག་བརྒྱད་ཅུ་རྩ་བཞི་ལས་ཐར་པར་འགྱུར་རོ། །ཐམས་ཅད་ཀྱང་ཕྱོགས་བཅུར་དཔག་ཚད་སྟོང་དུ་འབྲོས་པར་འགྱུར་རོ། །ཐལ་བའི་རྡུལ་བྱ་རོག་གི་མཆུ་ལ་གོས་པ་ཕྱོགས་ཀྱི་གནས་གང་དུ་ལྷུང་བ་དེར་གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། བརྗེད་བྱེད་དང ། བགེགས་དང ། ལོག་འདྲེན་ཕྱིར་གནས་པར་མི་འགྱུར་རོ། །ཐམས་ཅད་འབྲོས་སོ། །ཕྱོགས་ཀྱི་གནས་དེར་ལྷུང་ན། སླར་འོང་བར་མི་འགྱུར་རོ། །སྙིང་གར་ཐིག་ལེ་བྱས་ན། ནད་ཐམས་ཅད་ལས་ཐར་པར་འགྱུར་རོ། ། ལྟེ་བའི་གནས་སུ་ཐིག་ལེ་བྱས་ན། ལྟོ་བའི་ནང་གི་ནད་ཐམས་ཅད་མོད་ལ་སོས་པར་འགྱུར་རོ། །གདུག་པས་ཟིན་པ་ལ་བསྐུས་ན། དུག་མེད་པར་འགྱུར་རོ། །དུག་གིས་ Ba20b མྱོས་པ་ལ་བྱིན་ན། དུག་མེད་པར་འགྱུར་རོ། །ཐལ་བས་ཁྲུས་བྱས་ན། བྱད་དང ། གཡེང་བྱེད་དང ། སྔགས་དང ། དུག་ཐམས་ཅད་རྣམ་པར་ཞིག་པར་འགྱུར་རོ། །ཤ་བཀྲ་དང ། མཇེ་དང ། འབྲས་དང ། ཤུ་ཕྲན་མཆེད་པ་དང ། འབྲུམ་བུ་དང ། ལྷོག་པ་དང ། མེ་དབལ་དང ། འབྲུམ་ཕྲན་རྣམས་བྱུང་ན། ཆུ་དྲོན་པོ་དང་སྦྱར་ཏེ་བསྐུས་ལ་མར་ལ་ལན་བདུན་བཟླས་བརྗོད་བྱས་པས་བསྐུས་ན་མོད་ལ་ནད་ཐམས་ཅད་ལས་ཡོངས་སུ་ཐར་བར་འགྱུར་རོ། །སྤྲིན་ལོགས་སུ་གཏོར་ན། སད་དང ། རླུང་དང ། སེར་བ་ཐམས་ཅད་མི་འབབ་བོ། །རླུང་ལྡང་བའི་ལོགས་སུ་གཏོར་ན། རླུང་བསྡམས་པར་འགྱུར་རོ། །ཕྱོགས་བཞིར་གཏོར་ན། མཚམས་ཆེན་པོ་བཅད་པར་འགྱུར་རོ། །ཡུལ་འཁོར་ཀུན་ཏུ་གཏོར་ན།་མེ་ཏོག་དང ། འབྲས་བུ་དང ། ལོ་ཏོག་དང ། མེ་ཏོག་གི་ལྗོན་ཤིང་དང ། ཤིང་གི་ཡལ་ག་དང ། ལྡུམ་ར་དང ། ཀུན་དགའ་ར་བ་དང ། རི་དང ། རྩཝ་དང ། ཤིང་གེལ་པ་དང ། ནགས་ཚལ་ཐམས་ཅད་ལེགས་པར་སྲུང་པར་འགྱུར་རོ། །ཡུལ་འཁོར་ལ་དཔག་ཚད་བརྒྱ་ཚུན་ཆད་ཀུན་ཏུ་མཚམས་ཆེན་པོ་བཅད་པ་བྱས་པར་འགྱུར་རོ། །གྲོང་ཁྱེར་གྱི་སྒོ་བཞིར་གཏོར་ན། དེར་འཇུག་པ་དང ། ཕྱིར་འབྱུང་བའི་སེམས་ཅན་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེ་ Ba21a ༄#། །རིགས་དང ། དམངས་རིགས་དང ། བྱོལ་སོང་གི་སྐྱེ་གནས་སུ་གཏོགས་པ་རྐང་གཉིས་པ་དང ། རྐང་བཞི་པ་དང ། རི་དྭགས་དང ། བྱ་དེ་དག་ཐམས་ཅད་སྒྲིབ་པ་དང ། སྡིག་པ་དང་བྲལ་བར་འགྱུར་རོ། །དགོངས་པ་ཙམ་གྱིས་ནད་དང ། སྡུག་བསྔལ་ཐམས་ཅད་ལས་གྲོལ་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །ཚེ་ཡོངས་སུ་བརྗེས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་ཞིང ། སངས་རྒྱས་ཉིད་དུ་གནས་ཀྱི་བར་དུ་ཕྱིར་མི་ལྡོག་པར་འགྱུར་བའི་གནས་ཐོབ་པར་འགྱུར་རོ། །དུར་ཁྲོད་དམ། རོ་བསྲེགས་པའི་སྟེང་དུ་ཐལ་བས་གཏོར་ན། དམྱལ་བར་སྐྱེས་པའི་སེམས་ཅན་དེ་དག་ཐམས་ཅད་མདོ་ལ་དམྱལ་བ་ནས་ཐར་ཏེ་མངོན་པར་དགའ་བའམ། བདེ་བ་ཅན་དུ་སྐྱེ་བར་འགྱུར་རོ། །གྲོང་ཁྱེར་རམ། གཙུག་ལག་ཁང་ངམ། ལྷའི་གནས་སམ། གྲོང་ངམ། ཁྱིམ་མམ། དགོན་པའི་གནས་སམ། ཡུལ་འཁོར་ཀུན་ཏུ་གཏོར་ན། མཚམས་ཆེན་པོ་བཅད་ཅིང་ཞི་བ་ཆེན་པོར་འགྱུར་རོ། །རྒྱལ་པོའི་ཕོ་བྲང་གི་སྒོར་གཏོར་ན། རྒྱལ་པོ་དང་བཙུན་མོའི་འཁོར་དགྲ་ཐམས་ཅད་ལས་ལེགས་པར་སྲུང་བར་འགྱུར་རོ། །སྐྱེ་བོ་མང་པོའི་ནང་དུ་གཏོར་བ་ཙམ་གྱི་མདོ་ལ་སྐྱེ་བོ་མང་པོ་དེ་དག་ཐམས་ཅད་སྒྲིབ་པ་དང ། སྡིག་པ་དང་བྲལ་བར་འགྱུར་རོ། ། Ba21b ནད་ཐམས་ཅད་དང་བྲལ་བར་འགྱུར་རོ། །གཞན་ཡང་བྱེ་བ་སྟོང་ཕྲག་བརྒྱ་བྱེད་པས་རང་འདོད་པ་ལ་རང་གིས་བློས་ཐམས་ཅད་དུ་སྦྱར་བར་བྱའོ། །དེ་ནས་རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་འཇིག་རྟེན་ལས་འདས་པའི་སྐུ་གཟུགས་རས་ལ་བྲིས་པ་བཤད་པར་བྱའོ། །དར་རམ་རས་གཙང་མ་ལེགས་པར་བཏགས་པ་ཚད་ཁྲུ་དོའམ།་ཁྲུ་གསུམ་མམ། ཁྲུ་བཞི་པ་དེའི་དབུས་སུ་དོན་ཡོད་པའི་ཞགས་པ། འཇིག་རྟེན་དབང་ཕྱུག་ཚངས་པའི་ཆ་བྱད་འཆང་བ། དབུ་ལྕང་ལོ་ཅོད་པན་གྱིས་བརྒྱན་པ། ཅོད་པན་རྒྱལ་བ་འོད་དཔག་མེད་དང་གཡས་སུ་ཟླ་བ་ཚེས་པ་ཅན་གྱིས་བརྒྱན་པ། ཕྱག་བཞི་བ་རྒྱན་ཐམས་ཅད་ཀྱིས་བརྒྱན་པ། སྐྱིལ་མོ་ཀྲུང་བཅས་ཏེ་བཞུགས་པ་བྲི་བ་ནི། རི་བོ་པོ་ཊ་ལ་ལྕུག་མ་མེ་ཏོག་ཅན་སྣ་ཚོགས་ཀྱིས་གང་བ། རིན་པོ་ཆེ་སྣ་ཚོགས་ཀྱི་ལྕུག་མས་གང་བ་བྱའོ། །དེའི་སྟེང་དུ་རྒྱན་ཐམས་ཅད་ཀྱིས་བརྒྱན་པ། སེངྒེའི་ཁྲིའི་ཁྲི་བྱའོ། །སེངྒེའི་ཁྲིའི་སྟེང་དུ་པདྨའི་གདན་བྱའོ། །དེའི་སྟེང་དུ་འཕགས་པ་སྤྱན་རས་གཟིགས་དབང་ཕྱུག་བཞུགས་པར་བྱ་སྟེ། པདྨ་དང ། མདུང་རྩེ་གསུམ་པ་དང ། ཞགས་པ་ཐོགས་ཤིང་གཟུགས་དེ་ཕྱག་དབུགས་འབྱིན་པ་བྱའོ། །དབུའི་གོང་མན་ཆད་གཞལ་མེད་ཁང་ཆེན་པོ་ལྷ་རྫས་རིན་པོ་ཆེ་སྣ་ཚོགས་ཀྱིས་སྤྲས་པ། དབུས་སུ་མཐོ་བ་དང་བཅས་པ་བྱའོ།། Ba22a ༄#། །དབུས་མཐོ་བའི་སྟེང་དུ་དེ་བཞིན་གཤེགས་པ་བདུན་ཚད་དང་མཐུན་པར་པདྨའི་གདན་ལ་བཞུགས་ཤིང་རྒྱན་ཐམས་ཅད་ཀྱིས་བརྒྱན་པའོ། །དེ་བཞིན་གཤེགས་པ་དེའི་གོང་གི་དབུས་སུ་དེ་བཞིན་གཤེགས་པ་རྣམ་པར་སྣང་མཛད་དང ། འོད་དཔག་མེད་དང ། སྤྱན་རས་གཟིགས་དབང་ཕྱུག་འོད་དང ། དེ་བཞིན་གཤེགས་པ་གསུམ་རྒྱན་ཐམས་ཅད་ཀྱིས་བརྒྱན་པ་སྐྱིལ་མོ་ཀྲུང་བཅས་ཏེ་གཞལ་མེད་ཁང་གི་ནང་ན་བཞུགས་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་འོད་འདོམ་གང་པ་ལ་འཁོར་བར་དེ་བཞིན་གཤེགས་པ་སུམ་ཅུ་རྩ་གཉིས་ཀྱིས་བརྒྱན་པར་བྱ། དེ་བཞིན་གཤེགས་པའི་ཉེ་འཁོར་ཀུན་ཏུ་འོད་ཟེར་འབར་བ་སྣ་ཚོགས་དང ། མདུང་རྩེ་གསུམ་པའི་ཕྲེང་བ་བྱའོ། །དེ་ཉིད་ཀྱི་ཉེ་འཁོར་དུ་ལྷ་སུམ་ཅུ་རྩ་གཉིས་བྱའོ། །གོང་གི་དབུས་སུ་རྡོ་རྗེ་འཆང་བ་ཁྲོ་གཉེར་ཅན་རྡོ་རྗེ་གསོར་བར་བྱའོ། །དེ་ནས་ཚངས་པ་དང ། ཁྱབ་འཇུག་དང ། དབང་ཕྱུག་དང ། དབང་ཕྱུག་ཆེན་པོ་དང ། ལྷའི་དབང་ཕྱུག་ཆེན་པོ་དང ། སུམ་ཅུ་རྩ་གསུམ་གྱི་སྙིང་པོའི་དབང་པོ་དང ། འོག་མིན་གནས་ཀྱི་ལྷའི་བུ་དང ། དགའ་ལྡན་གྱི་ལྷའི་བུ་དང ། འཕྲུལ་དགའི་ལྷའི་བུ་དང ། ཟླ་བ་དང ། ཉི་མའི་ལྷའི་བུ་དང ། རྒྱལ་པོ་ཆེན་པོ་བཞི་དང ། གཤིན་རྗེ་དང ། ཆུ་ལྷ་དང ། ལུས་ངན་པོ་དང ། གཞོན་ Ba22b ནུ་དང ། མེ་ལྷ་དང ། ནག་པོ་ཆེན་པོ་དང ། དགའ་བའི་དབང་ཕྱུག་དང ། དགའ་བོ་དང ། ཉེ་དགའ་བོ་དང ། སྟོབས་ལྷ་དང ། གང་བ་བཟང་པོ་དང ། ནོར་བུ་བཟང་པོ་དང ། གནས་གཙང་མའི་རིགས་ཀྱི་ལྷ་དང ། སུམ་ཅུ་རྩ་གསུམ་པའི་ལྷ་དང ། གཞན་འཕྲུལ་དབང་བྱེད་ཀྱི་ལྷ་རྣམས་མེ་ཏོག་སྣ་ཚོགས་དང ། ནོར་བུ་རིན་པོ་ཆེ་སྣ་ཚོགས་ལག་པ་ནས་འཕྲུལ་པ་དང ། མཚོན་ཆ་སྣ་ཚོགས་ཐོགས་པར་བྱ། འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་བཞི་པ། ལྷ་རྣམས་ཀྱི་ཕྱི་རོལ་ཐོག་ཐག་ཏུ་པདྨའི་ཕྲེང་བ་རྡོ་རྗེ་དང ། མདུང་རྩེ་གསུམ་པས་སྤྲས་པའི་པདྨའི་ཕྲེང་བས་ཀུན་ཏུ་འཁོར་བར་བྱ། གཡས་ཕྱོགས་སུ་འཕགས་མ་སྒྲོལ་མ་སྐྱིལ་མོ་ཀྲུང་ཕྱེད་དུ་བཅས་ཏེ་བཞུགས་པ་ཨུཏྤ་ལ་དང ། ནོར་བུ་རིན་པོ་ཆེ་ཕྱག་ན་ཐོགས་པ། རྒྱན་ཐམས་ཅད་ཀྱིས་བརྒྱན་པ། འཕགས་པ་སྤྱན་རས་གཟིགས་དབང་ཕྱུག་གི་ཞལ་དུ་བལྟ་བར་བྱའོ།། དེའི་རྒྱབ་ཏུ་ཁྲོ་གཉེར་མ་མེ་ཏོག་སྣ་ཚོགས་འཆང་བ། རྒྱན་ཐམས་ཅད་ཀྱིས་བརྒྱན་པ་བྱའོ། །གཡོན་དུ་དཀར་མ་ཞས་བྱ་བ་ནི། སྐྱིལ་མོ་ཀྲུང་ཕྱེད་དུ་བཅས་ཏེ། བཞུགས་པ། ཀྲུ་མུད་དང ། ནོར་བུ་རིན་པོ་ཆེ་ལག་ན་ཐོགས་པ། རྒྱན་ཐམས་ཅད་ཀྱིས་བརྒྱན་པ་སྤྱན་རས་གཟིགས་དབང་ཕྱུག་ལ་བལྟ་བར་བྱའོ། །དཀར་མོ་དེའི་རྒྱབ་ཏུ་པདྨ་མཛེས་ Ba23a ༄#། །དགའ་མ། མེ་ཏོག་སྣ་ཚོགས་ཐོགས་པ་རྒྱན་ཐམས་ཅད་ཀྱིས་བརྒྱན་པར་བྱའོ། །ལྷ་མོ་སྒྲོལ་མ་དང ། དཀར་མོའི་འོག་ཏུ་ཕ་རོལ་ཏུ་ཕྱིན་པ་བཅུའི་ལྷ་མོ་ཐམས་ཅད་ཀྱང་དབུ་ཡིད་ཙམ་འདུད་པ། ན་བཟའ་དཀར་པོ་གསོལ་བ། རྒྱན་ཐམས་ཅད་ཀྱིས་བརྒྱན་པར་བྱའོ། །གཡས་ཕྱོགས་སུ་སྲིན་མོ་རལ་པ་གཅིག་མ་གཏུམ་མོ་སྐྱིལ་མོ་ཀྲུང་ཕྱེད་དུ་བཅས་ཏེ་བཞུགས་པ། ཕྱག་བཞི་ལ་ཞགས་པ་དང ། དགྲ་སྟ་དང ། རལ་གྲི་དང ། རྡོ་རྗེ་ལག་ན་ཐོགས་པ་འཕགས་པ་སྤྱན་རས་གཟིགས་དབང་ཕྱུག་ལ་བལྟ་བར་བྱའོ། །གཡོན་དུ་ཕོ་ཉ་མོ་ཞལ་མཆེ་བ་གཙིགས་པ། རྒྱན་ཐམས་ཅད་ཀྱིས་བརྒྱན་པ། ཕྱག་བཞི་ལ་ཞགས་པ་དང ། དགྲ་སྟ་དང ། རྡོ་རྗེ་དང ། མདུང་རྩེ་གསུམ་པ་ཕྱག་ན་ཐོགས་པ། སྐྱིལ་མོ་ཀྲུང་ཕྱེད་དུ་བཅས་ཏེ་བཞུགས་པ། འབར་བའི་ནང་ན་འཇིག་རྟེན་དབང་ཕྱུག་ལ་བལྟ་བར་བྱའོ། །རི་བོ་པོ་ཊ་ལའི་ངོས་ཀྱི་གསེབ་ཏུ་ཀླུའི་རྒྱལ་པོ་དགའ་བོ་དང ། ཉེ་དགའ་བོ་དང ། ཀླུའི་བུ་མོ་ཀླུའི་གནས་དང་བཅས་པ་བྱ་སྟེ། མེ་ཏོག་སྣ་ཚོགས་ཐོགས་ཤིང ། གོང་དུ་བཅོམ་ལྡན་འདས་འཇིག་རྟེན་དབང་ཕྱུག་ལ་འཐོར་བར་བྱའོ། །རིའི་སྨད་དུ་ལྷ་མོ་དཔེ་མེད་མ་དང ། ལྷ་མོ་བ་སནྟི་དང ། སའི་ལྷ་མོ་དང ། དཔལ་ལྷ་མོ་དང ། ལྷ་མོ་འཇིགས་བྱེད་མ་དང ། སྒྲ་དབྱངས་མ་དང ། ལྕགས་སྒྲོག་མ་དང ། དུང་ Ba23b ཅན་མ་སྟེ། རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་དང ། ནོར་བུ་རིན་པོ་ཆེ་ཐོགས་པ་བྱའོ། །གཞལ་མེད་ཁང་གི་གོང་དུ་མཆོད་རྟེན་ཆེན་པོ་བརྒྱད་ཕྲེང་བར་སྦྲེངས་ལ་མཆོད་རྟེན་གྱི་རྒྱན་ཇི་ལྟར་རྒྱན་པ་དེ་ལྟར་བརྒྱན་པར་བྱའོ། །མཆོད་རྟེན་གྱི་འོག་གཡས་རོལ་ཏུ་བཅོམ་ལྡན་འདས་བྱང་ཆུབ་ཀྱི་སྙིང་པོར་གཤེགས་པ་ལ་འཇིག་རྟེན་དབང་ཕྱུག་མངོན་དུ་མཆོད་པ་མཛད་པ་བྱའོ། །འཕགས་པ་རྡོ་རྗེ་འཆང་བ་ཕྱག་ན་རྔ་ཡབ་ཐོགས་པ་བྱའོ། །དེའི་འོག་ཏུ་དྲང་སྲོང་དང ། ལྷའི་བུ་མེ་ཏོག་སྣ་ཚོགས་ཀྱིས་བཅོམ་ལྡན་འདས་ལ་མཆོད་པ་བྱའོ། །གཡོན་ཕྱོགས་སུ་བཅོམ་ལྡན་འདས་ཆོས་ཀྱི་འཁོར་ལོ་བསྐོར་བ་བྱ་སྟེ། ཀུན་དགའ་བོ་དང ། རྡོ་རྗེ་འཆང་བ་ལག་ན་རྔ་ཡབ་ཀྱིས་བཅོམ་ལྡན་འདས་ལ་མངོན་དུ་གཡོབ་པར་བྱའོ། །གཡས་སུ་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་བཅོམ་ལྡན་འདས་ལ་མཆོད་པ་བྱེད་པ་བྱའོ། །གཡོན་ཕྱོགས་སུ་ཁྲོ་བོའི་རྒྱལ་པོ་བཅོམ་ལྡན་འདས་ལ་མཆོད་པ་བྱེད་པ་བྱའོ། །དེའི་འོག་ཏུ་དྲང་སྲོང་དང ། ལྷའི་ཚོགས་བཅོམ་ལྡན་འདས་ལ་མཆོད་པ་བྱེད་པ་བྱའོ། །རས་ཀྱི་སྐུ་གཟུགས་ཀྱི་གཡོན་དང་གཡས་ཀྱི་ཕྱི་རོལ་ཐོག་ཐག་ཏུ་དེ་བཞིན་གཤེགས་པའི་སྐུ་གཟུགས་བརྒྱ་རྩ་བརྒྱད་པདྨོའི་གདན་ལ་ཚད་ཇི་ལྟ་བ་བཞིན་དུ་སྐྱིལ་མོ་ཀྲུང་བཅས་ཏེ་བཞུགས་པ་རྒྱན་ཐམས་ Ba24a ༄#། །ཅད་ཀྱིས་བརྒྱན་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་སེངྒེའི་གདན་གྱི་ཞབས་དྲུང་དུ་རིག་སྔགས་འཆང་བ་བུས་མོ་བཙུགས་ཏེ་མེ་ཏོག་དང ། བོག་ཕོར་དང ། བགྲང་ཕྲེང་ལག་ན་ཐོགས་ཏེ་འཕགས་པ་སྤྱན་རས་གཟིགས་དབང་ཕྱུག་ལ་མངོན་དུ་བལྟ་བར་བྱའོ། །རི་མོ་མཁན་ཁྲུས་བྱས་ཤིང་གོས་གཙང་མ་བགོས་ཏེ་གཙང་བར་བྱས་ལ་རོ་སྣ་ཚོགས་པའི་ཟས་དཀར་གསུམ་བཟའ་བར་བྱའོ། །སྣོད་གསར་བ་གཙང་མའི་ནང་ནས་ཚོན་ལྷག་མ་མ་ཡིན་པས་བྲི་བར་བྱའོ། །འདི་ཡང་ཁ་ཟས་མི་གཙང་བ་སྣ་ཚོགས་དང ། གོས་ངན་པ་མི་གཙང་བ་ཡོངས་སུ་སྤང་བར་བྱའོ། །ཚིག་ངན་པ་དང ། སེམས་ངན་པ་ཡོངས་སུ་སྤང་བར་བྱའོ། །ཆང་དང ། ཤ་དང ། བེག་ཙོང་དང ། སྒོག་སྐྱ་དང ། ཀེའུ་དང་འདྲེས་པ་ཡོངས་སུ་སྤངས་པར་བྱའོ། །ཉི་མ་རེ་རེ་ཞིང་བའི་རྣམ་ལྔ་ལ་རེག་པར་བྱའོ། །དྲི་མ་དང་བྲལ་ཞིང་སེར་སྣ་དང ། ཕྲག་དོག་དང་བྲལ་བར་བྱའོ། །བྱམས་པ་དང ། སྙིང་རྗེའི་ལྷག་པའི་བསམ་པ་དང ། དཀོན་མཆོག་གསུམ་ལ་དད་པ་ལྷག་པར་བྱ་སྟེ། རས་ཀྱི་སྐུ་གཟུགས་བྲི་བར་བྱའོ། །ག་པུར་དང ། གླ་རྩིས་བསྒོས་པའི་ཚོན་སྣ་ཚོགས་ཀྱིས་བྲི་བར་བྱའོ། །དཔེན་ཞིང་འདུ་འཛི་ཡོངས་སུ་སྤང་བར་བྱའོ། །རྨུགས་པ་དང ། གཉིད་ཡོངས་སུ་སྤང་བར་བྱའོ། །དེ་ལྟར་རི་མོ་བྲི་ Ba24b བ་ནི།་ལས་ལེགས་པར་བྱས་པ་ཡིན་ནོ། །ཟླ་བ་ཡར་གྱི་ངོ་ལ་བྲི་བར་བྱའོ། །རྒྱུ་སྐར་ཤིན་ཏུ་བཀྲ་ཤིས་པ་དང ། ཚེས་གྲངས་དང ། ཉི་མ་ཤིན་ཏུ་བཀྲ་ཤིས་པ་ལ་བརྩམ་པར་བྱའོ།། རྒྱུ་སྐར་རྒྱལ་ནི། བཀྲ་ཤིས་པ་ཡིན་ཏེ། དེ་བཞིན་གཤེགས་པ་ཐམས་ཅད་ཀྱིས་བསྔགས་པ། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ། ལྷ་ཐམས་ཅད་ཀྱི་སི་རྗེས་སུ་བཟུང་བ་ཡིན་ནོ། །རིགས་ཀྱི་བུ་དང ། རིགས་ཀྱི་བུ་མོ་དང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་གང་ལ་ལ་ཞིག་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། དེ་བཞིན་གཤེགས་པ་ཐམས་ཅད་རྣམ་པར་གཟིགས་པ། བྱང་ཆུབ་ཆེན་པོའི་དཀྱིལ་འཁོར་གསང་བ། རྣམ་པར་གྲོལ་བའི་དཀྱིལ་འཁོར་གསང་བ། རས་ཀྱི་སྐུ་གཟུགས་ཆེན་པོ་མཐོང་བ་ནི། སྐུ་གཟུགས་མཐོང་བ་ཙམ་གྱི་མདོ་ལ་སྡིག་པ་དང ། སྒྲིབ་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །མཚམས་མེད་པ་ལྔ་བྱེད་པ་དང ། མནར་མེད་པ་ལ་གཞོལ་བ་དང ། དམ་པའི་ཆོས་ཡོངས་སུ་སྤོང་བ་དང ། འཕགས་པ་ལ་སྐུར་བ་འདེབས་པ་དང ། སངས་རྒྱས་དང ། བྱང་ཆུབ་སེམས་ Ba25a ༄#། །དཔའ་དང ། ཉན་ཐོས་དང ། རང་སངས་རྒྱས་ཐམས་ཅད་སྤོང་བར་བྱེད་པ་རྣམས་ཀྱང་མཐོང་བ་ཙམ་ལ་སོགས་པས་སྡིག་པ་ཐམས་ཅད་ཕྱེ་མར་རློག་གོ། རྣམ་པར་གྲོལ་བར་འགྱུར་རོ། །སྡོམ་པ་ཆེན་པོ་ཡང་དག་པར་འཛིན་པར་འགྱུར་རོ། །གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུ་སྙེད་ཀྱི་དེ་བཞིན་གཤེགས་པ་བྱང་ཆུབ་སྙིང་པོ་ལ་མངོན་དུ་གཤེགས་པ་དང ། ཆོས་ཀྱི་འཁོར་ལོ་བསྐོར་བ་མཐོང་བ་དང་འདྲ་བར་རིག་པར་བྱའོ། །རས་ཀྱི་སྐུ་གཟུགས་འདི་མཐོང་བ་ནི། གཞལ་མེད་ཁང་དང་བཅས་པའི་རི་བོ་པོ་ཊ་ལ་ན་འཕགས་པ་སྤྱན་རས་གཟིགས་དབང་ཕྱུག་འཁོར་གྱི་དཀྱིལ་འཁོར་དང་བཅས་ཏེ་མངོན་དུ་བཞུགས་པ་མངོན་དུ་མཐོང་བ་དང་འདྲ་སྟེ། འདི་ལ་ཐེ་ཚོམ་མི་བྱའོ། །ཡིད་གཉིས་བསྐྱེད་པར་མི་བྱའོ། །སེམས་ཀྱི་སྐད་ཅིག་གཅིག་རབ་ཏུ་དང་བ་བྱས་ན། བསོད་ནམས་ཀྱི་ཕུང་པོ་ཆེན་པོ་ཡོངས་སུ་བཟུང་བར་འགྱུར་རོ། །དགེ་བའི་རྩ་བ་ཆེན་པོ་སོགས་པ་དང་ལྡན་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གིས་དགོངས་ཏེ་མཆོག་སྦྱིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་བཟུང་བར་འགྱུར་རོ། །ལུས་དང་སེམས་ཡིད་ལས་བྱུང་བ་ཡོངས་སུ་དག་པར་འགྱུར་རོ། །དབང་པོ་ཐམས་ཅད་ཡོངས་ Ba25b སུ་དག་པར་འགྱུར་རོ། །དྲི་མ་དང་བྲལ་ཞིང་སེར་སྣ་དང ། ཕྲག་དོག་དང་བྲལ་བར་འགྱུར་རོ། །འཇིག་རྟེན་པ་ཐམས་ཅད་དགའ་བ་དང ། བླ་མར་ལྟ་བར་འགྱུར་རོ། །ཚེ་རིང་པོར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་པ་མཉམ་པར་སྐྱེ་བར་འགྱུར་རོ། །ཚེ་རབས་དྲན་པར་འགྱུར་རོ། །པདྨའི་ནང་ནས་བརྫུས་ཏེ་སྐྱེ་བར་འགྱུར་རོ། །མཐོང་བ་ཙམ་གྱི་མདོ་ལ་ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་པ་འོད་དཔག་ཏུ་མེད་པའི་སྐུ་གཟུགས་འདི་གང་གིས་མཆོད་པ་དེ་ནི།་ཕྱོགས་བཅུའི་དེ་བཞིན་གཤེགས་པ་ཐམས་ཅད་མཆོད་པར་འགྱུར་རོ། །འདི་ནི། མངལ་ན་གནས་པའི་ཐ་མ་ཡིན་ཏེ། ཕྱིས་མ་རིག་པའི་མུན་པའི་ནང་དུ་ལྟུང་བར་མི་འགྱུར་རོ། །དེ་ལྟར་ན། མི་མཉམ་པ་དང་འདྲ་བར་ཡིན་ཏེ། རས་ཀྱི་སྐུ་གཟུགས་ཀྱི་ཆོ་ག་འཇིག་རྟེན་ལས་འདས་པ་སྒྲུབ་པའི་ཆོ་ག་འདི་ནི། དམ་པ་ཡིན་ནོ། །དེ་ནས་གསང་སྔགས་ཀྱི་ཆོ་ག་འཇིག་རྟེན་ལས་འདས་པ་སྒྲུབ་པ་བརྗོད་པར་བྱའོ། །གང་གིས་དྲན་བ་ཙམ་གྱི་མདོ་ལ་དེ་བཞིན་གཤེགས་པ་ཐམས་ཅད་མངོན་སུམ་དུ་མཐོང་ནས་འདུག་པ་དང ། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་སྒོ་ཕྱེ་སྟེ་འདུག་པ་དང ། བྱང་ཆུབ་སེམས་དཔའ་ཐམས་ཅད་ཀྱི་མངོན་དུ་མཐོང་བ་སྦྱིན་པར་མཛད་པ་དང ། དཀྱིལ་འཁོར་གྱི་ལྷ་ཐམས་ Ba26a ༄#། །ཅད་མངོན་དུ་སྲུང་བ་དང ། སྐྱོབ་པ་དང ། སྦེད་པར་མཛད་པ་དང ། དཀྱིལ་འཁོར་དང ། ཕྱག་རྒྱ་དང ། གསང་སྔགས་དང ། སྙིང་པོ་དང ། ཆོ་ག་ཞིབ་མོ་ཐམས་ཅད་མངོན་དུ་འགྱུར་རོ། །འཇིག་རྟེན་ལས་འདས་པའི་ལུས་སུ་འགྲོ་བ་ཡོངས་སུ་དག་པར་འགྱུར་རོ། །དུས་གསུམ་དུ་གཤེགས་ཤིང་སོ་སོ་ན་བཞུགས་པའི་དེ་བཞིན་གཤེགས་པ་དང ། བྱང་ཆུབ་སེམས་དཔའ་ཆེན་པོའི་འཕགས་པའི་ཚོགས་མཆོག་ཐམས་ཅད་ལ་ཕྱག་འཚལ་ལོ། །འཕགས་པ་རྡོ་རྗེ་འཆང་བ་དང ། དཀྱིལ་འཁོར་གྱི་ལྷ་ཐམས་ཅད་དང ། རིག་པའི་རྒྱལ་པོ་ལ་ཕྱག་འཚལ་ལོ། །ོཾ་ཨ་མོ་གྷ་ཨ་བ་ལོ་ཀི་ཏེ་མ་ཧཱ་མཎྜལ་པདྨ་སརབ་བོ་དྷི་སཏྭ་ན་མ་སྐྲྀ་ཏེ། བྷ་ར་བྷ་ར། ས་མནྟ་ཨ་བ་ལོ་ཀི་ཏེ་ཨ་མོ་གྷ་མ་ཧཱ། བྲཧཾ། བེ་ཥ་དྷ་ར། དྷ་ར་དྷ་ར། མཧཱ་ཀཱ་རུ་ཎི་ཀ་བོ་དྷ་ཡ་བོ་དྷ་ཡ། མ་ཧཱ་བོ་དྷ་ནི། བོ་དྷི་བོ་དྷི། པདྨ་བི་བོ་དྷ་ནི། སརབ་པཱ་པཾ་ཨནྡྷ་ཀ་ར། པྲ་ཤ་མ་ནི། སརྦབ་དུར་གཏི། བྷཱ་ར་ཀ། མ་ཧཱ་ཀ་རུ་ཎི་ཀ། བ་ཧུ་བི་བི་དྷ། བེ་ཥ་དྷ་ར། སརྦབ་ཏ་ཐཱ་ག་ཏ་ག་རྦེཧ། ཧུ་རུ་ཧུ་རུ། ཨ་མོ་གྷ་ག་རྦྷེ། ཏུ་རུ་ཏུ་རུ། ཨ་མོ་གྷ་པ་ཤ་ཧ་སྟེ། མུ་རུ་མུ་རུ། བི་མོཀཥ་བྷུ་ཛེ། ཀིཥ་ཎི་ཀིཥ། ཎི། སརྦབ་ཨཱ་བ་ར་ཎ་བི་ཤུདྡྷེ། བྷ་ར་བྷ་ར། སརྦབ་ཏ་ཐཱ་ག་ཏེ་པ་རི་བཱུ་ར་ཎི། ཏ་ར་ཏ་ར། ཏཱ་ར་ཡ་མཱ་ན། ཨ་བ་ལོ་ཀཱ་ཡ་པདྨ་བྷུ་ཛེ། མ་ཎི་ཀ་ན་ཀ། བི་བྷུ་ཥི་ཏ། བཱ་ཧུ། ད་མ་ད་མ། Ba26b དུ་ར་དཱ་ནྟཱ་ནཱཾ། མ་ཧཱ་བོ་དྷི་སཏྭ་བ་ར་ད། མ་ཧཱ་ཀཱ་རུ་ཎི་ཀ། སརྦབ་དེ་བ་ག་ཎ་ན་མ་སྐྲྀ་ཏ། རི་ཥི་ག་ན་སྟ་བི་ཏ། ་ཤ་ཏ་ས་ཧ་སྲ་ཙནྡྲ་སཱུ་རྱ་ཨ་ཧེ་རེ་ཀ་།རིཥིམ། ཨ་བ་བྷཱ་སཾ་ཏ། མ་ཧཱ་པ་ཤུ་པ་ཏི།་བེ་ཥ་དྷ་ར། པ་ར་མ། ཤུདྡྷ་སཏྭཱ། ཨ་བ་ལོ་ཀི་ཏེ། ལོ་ཀེ་ཤཝ་ར། མ་ཧེ་ཤཝ་ར། པ་ར་མ། ཀཱ་རུ་ཎི་ཀ། མཎྜེ་ལེ་ཤཝ་ར། སུ་པྲ་བུདྡྷ། མ་ཧཱ་པདྨ། བྷུ་ཛེ་ཤཝ་ར། མ་ཧཱ་བིདྱཱ་དྷ་རེ་ཤཝ་རེ། དྷི་རི་དྷི་རི། མ་ཧཱ་ཀཱ་རུ་ཎི་ཀ། མ་ཧཱ་བི་མོ་ཀཥ། མཎྜལ་དྷ་ར་སརྦབ་ཏ་ཐཱ་ག་ཏེ། གུ་ཧྱ། མུ་དྲ་ས་མ་ཡ་དྷ་ར། མ་ཧཱ་བ་ལ་བིདྱཱ་དྷ་ར། མཧཱ་མ་ཎི་མཽ་ལི་དྷ་ར། ་ཨ་མི་ཏཱ་བྷ། མུ་ཀུ་ཊ་དྷ་ར། དྷུ་རུ་དྷུ་རུ། ས་མནྟ་ཨ་བ་ལོ་ཀི་ཏ། ལོ་ཀེ་ཤཝ་ར། མ་ཧེ་ཤཝ་ར། པ་ཤ་དྷ་རེ་ཤཝ་ར། པ་ར་པ་ར། པ་ར་མ། མ་ཧཱ་མེ་ཏྲི། ཨ་བ་ལོ་ཀི་ཏེ། སརྦབ་སཏྭ་སཾ་ཏ་རཱ་ག་།སིངྒེའི་སིངྷེའི་ཤཱ། པ་རི་པཱུ་ར་ཀ། མཧཱ་བ་ར་པྲ་མོ་ད་ན་ན་མོ་སྟུ་ཏེ་སཝཱཧཱ། འདི་ནི། ཐམས་ཅད་རྣམ་པར་གྲོལ་བའི་དཀྱིལ་འཁོར། བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། དེ་བཞིན་གཤེགས་པ་ཐམས་ཅད་ཀྱི་གསང་བ། འཕགས་པ་སྤྱན་གཟིགས་དབང་ཕྱུག་གི་སྙིང་པོའི་མཆོག་གསང་བ། སྡིག་པ་དང་སྒྲིབ་པ་ཐམས་ཅད་ཡོངས་སུ་སྦྱོང་བ། འཇིག་རྟེན་ལས་འདས་པའི་ལམ་རྣམ་པར་སྦྱོང་བ། དེ་བཞིན་གཤེགས་པ་ཐམས་ཅད་ཀྱི་རིགས་སུ་འཇུག་པ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །དུས་གསུམ་དུ་གཤེགས་པའི་སངས་རྒྱས། Ba27a ༄#། །དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ོཾ་བཱི་ར་བཱི་ར། མ་ཧཱ་མཎྜལ། བི་ཤཝ་རུ་པ་ཥ་ཊ་པཱ་ར་མི་ཏཱ། བ་རི་པཱུ་ར་ཀ། སརྦབ་བོ་དྷི་སཏྭཱ་ན་མྀ་སྐྲ་ཏ། བ་ར་མ་བི་པུ་ལ། བི་མོ་ཀཥ་དྷ་ར། མ་ཧཱ་པཱ་ཤ། བི་ལོ་ཀི་ཏེ། ཨ་མོ་གྷ་པཱ་ཤ་ཛྭ་ལི་ཏ། མ་ཧཱ་ཛྭ་ལ་ཨ་བ་ལོ་ཀི་ཏེ། མ་ཧཱ་མ་ཎ། བིཥྚ་དྷ་ར། ས་མནྟ་ཨ་བྷཱ་སི་ཏ། ཛྭ་ལ་ཛྭ་ལ། མ་ཧཱ་གམྦྷི་ར། བི་མོཀོཥ་པཱ་ཤ་དྷ་ར། བ་ལ་བོ་དྷྱ་དག། ཨཱ་ཀཪྵ་ཀ། ཨོཾ་བྲཧྨ་རཱུ་པ། མ་ཧཱ་ཨ་མོ་གྷ་པཱ་ཤ་ཧཱུཾ་ཧཱུཾ། ཕཊ་ཕཊ། སརྦབ་སཏྭ། པི་ལོ་ཀི་ཏ། བ་ར་པྲ་ད། ན་མོ་སྟུ་ཏེ་སཝཱཧཱ། འདི་ནི། རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་འཇིག་རྟེན་ལས་འདས་པའི་རྣམ་པར་འཕྲུལ་པའོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་བི་བུདྡྷྱ། བི་བུདྡྷྱ། མ་ཧཱ་ཀཱ་རུ་ཎི་ཀ། ཏ་ར་ཏ་ར། ཏ་རཱ་ཡ། མ་ཧཱ་ཨརྞ་བ་པཱ་རཾ། མ་ཧཱ་བྷུ་ཛ་བི་ལོ་ཀཱ་ཡ་ཧཱུཾ་ཕཊ་སཝཱཧཱ། ཉེ་བའི་།སྙིང་པོའོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ།། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་ཨ་མོ་གྷ་པཱ་ཤ་།མ་ཧཱ་དཱ་ན་པཱ་ར་མི་ཏཱ། Ba27b པ་རི་པཱུ་ར་ཡ་ཧཱུཾ། ད་ར་ད་ར། བི་བི་དྷ། པི་ཙི་ཏེ། སརྦྦ་སཏྭ། ཨུ་པ་བྷོ་ག་།སརྦྦ་ཏ་ཐཱ་ག་ཏ། མ་ཧཱ་དཱ་ན། པཱུ་ཛཱ་མེ་གྷ། པྲ་ཝ་རྟ་ཡ། ཏ་ར་ཏ་ར། ཏ་ར་ཡ། མ་ཧཱ་པདྨ་པཱ་ཎི་ཧཱུཾ་ཕཊ་སཝཱཧཱ། འདི་ནི། སྦྱིན་པའི་ཕ་རོལ་ཏུ་ཕྱིན་པའི་ཞགས་པ་ཆེན་པོའི་སྙིང་པོ་སྟེ། གང་གིས་ཡུངས་འབྲུ་ཙམ་ཡང་སྦྱིན་པ་བྱིན་ཏེ་དྲན་པ་ཙམ་གྱིས་ལན་བདུན་བཟླས་བརྗོད་བྱས་ན། མཆོད་སྦྱིན་སྦྱིན་པ་རྣམ་པར་འཕྲུལ་པ་ཆེན་པོ་ཤིན་ཏུ་རྒྱས་པ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་ཨ་མོ་གྷ་ཤཱི་ལ། སཾ་བྷ་ར་སཾ་བྷ་ར།་བྷ་ར་བྷ་ར། མ་ཧཱ་ཤུདྡྷ་སཏྭ། པདྨ་བི་བྷུ་ཤི་ཏ། བྷུ་ཛ་དྷ་ར་དྷ་ར། ས་མནྟ། ཨ་བ་ལོ་ཀི་ཏེ་ཧཱུཾ་ཕཊ་སཝཱཧཱ། གཟུངས་འདི་མྱུང་བ་བྱས་ཏེ་གསོ་སྦྱོང་གི་ཡན་ལག་བརྒྱད་བཟུང་ནས་མི་སྨྲ་བར་ལན་ཉི་ཤུ་རྩ་གཅིག་དན་པར་བྱའོ། །དེ་ནས་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱའོ། །བཟླས་བརྗོད་བྱས་པ་ཙམ་གྱི་མདོ་ལ་ཚུལ་ཁྲིམས་ཡོངས་སུ་དག་པ་ཆེན་པོ་དང་ལྡན་པར་འགྱུར་རོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོའི་དྲི་མང་པོ་ལུས་ལས་འབྱུང་ Ba28a ༄#། །ཞིང་ཕྱོགས་བཅུའི་འཇིག་རྟེན་དུ་གྲགས་པར་འགྱུར་རོ། །གང་ཞིག་ཉི་མ་རེ་རེ་ཞིང་གཟུངས་འདི་དྲན་ན། དེ་ནི། རྟག་ཏུ་ཚུལ་ཁྲིམས་ཡོངས་སུ་དག་པར་འགྱུར་རོ། །དགེ་སློང་གང་ཞིག་ཚུལ་ཁྲིམས་ཉམས་པས་སྨྱུང་བ་བྱས་ཏེ་འདི་བཟླས་བརྗོད་བྱས་པ་ཙམ་གྱི་མདོ་ལ་ཚུལ་ཁྲིམས་ཡོངས་སུ་དག་པར་འགྱུར་རོ། ། ཚུལ་ཁྲིམས་མང་པོ་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་མ་ཧཱ་བཱི་རྱ་ཨ་མོ་གྷ་བི་ལོ་ཀི་ཏེ། བ་ར་བ་ར། དྲི་ཌྷ་བཱི་ཡ། མ་ཧཱ་བ་ལ། བ་ལ་བ་ལ། མ་ཧཱ་བོ་དྷྱ་དག་བ་ལ་བོ་དྷ་ནི།་ཧཱུཾ་ཕཊ་སཝཱཧཱ། གཟུངས་འདི་དུས་རྟག་ཏུ་ཡོངས་སུ་དག་པའི་ཡིད་ཀྱིས་དྲན་པར་བྱས་ན། དྲན་པ་ཙམ་གྱི་མོད་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ནམ་ཡང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་བྲལ་བར་མི་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་ཨ་མོ་གྷ་ཀཥ་ནྟི། Ba28b སརྦྦ་བོ་དྷི་སཏྭ་ཀཥ་མི་ཎ། ཀྵ་ཎ་ཀྵ་ཎ། མ་ཧཱ་མཻ་ཏྲི། ཀཱ་རུ་ཎ། སརྦྦ་སཏྭ་བ་ཏ་ས་ལ། མ་ཧཱ་ཀཱ་རུ་ཎི་ཀ། སརྦྦ་སཏྭ་ཀྵ་མི་ཎ་ཧཱུཾ་ཕཊ་སཝཱཧཱ། གཟུངས་འདི་སེམས་ཅན་དུ་གྱུར་པ་ཐམས་ཅད་ལ་བཟོད་པ་ཆེན་པོ་དང ། བརྩེ་བའི་སེམས་ཀྱིས་དམྱལ་བ་ན་གནས་པ་དང ། བྱོལ་སོང་གི་སྐྱེ་གནས་སུ་གཏོགས་པ་རི་དྭགས་དང ། བྱ་གང་དག་འདས་པ་གང་ཡིན་པ་དང ། གནས་གང་ཡིན་པ་དང ། སྐྱེ་བ་གང་ཡིན་པ་དེ་རྣམས་ལ་སྙིང་རྗེ་བའི་ཕྱིར་གང་ཞིག་གཟུངས་ཀྱི་མཆོག་དྲན་པར་བྱེད་ན། དམྱལ་བའི་སེམས་ཅན་ལས་ཐར་པར་འགྱུར་ཞིང་སྐྱེ་བོ་མང་པོ་གནས་པ་གང་ཡིན་པ་རྣམས་གྲོལ་བར་འགྱུར་རོ། །ནམ་སངས་རྒྱས་ཀྱི་ཞིང་ལ་གནས་ཀྱི་བར་དུ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་སརྦྦ་ཏ་ཐཱ་ག་ཏ། མ་ཧཱ་ཨ་མོ་གྷ། ཀ་རུ་ཎ། དྷྱ་ན་ས་མཱ་དྷི། སརྦྦ་བི་མོཀྵ། ཨ་པྲ་ཀྀ་བྱ་ཀ། ཙུ་རུ་ཙུ་རུ་ཧཱུཾ་ཕཊ་སཝཱཧཱ། གཟུངས་འདི་འཕགས་པ་སྤྱན་རས་གཟིགས་དབང་ཕྱུག་ལ་དམིགས་ནས་ཡིད་རྩེ་གཅིག་ཏུ་བྱས་ཏེ་དྲན་པར་བྱས་ན་དྲན་བ་ཙམ་གྱི་མདོ་ལ་དེ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །གཞན་ཡང་ཏིང་ངེ་ Ba29a ༄#། །འཛིན་སྟོང་ཕྲག་བརྒྱ་སོ་སོར་ཐོབ་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་ཞུགས་པར་འགྱུར་རོ། །བཟླས་བརྗོད་བྱས་པ་ཙམ་གྱིས་ཏིང་ངེ་འཛིན་ཐམས་ཅད་ལ་དབང་སྒྱུར་བར་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་ཨ་མོ་གྷ། མ་ཧཱ་པྲ་ཛཉཱ། ཨ་བ་བྷཱ་ས། སྥ་ར་ཎ་བུདྡྷི། པྲ་ས་ར་པྲ་ས་ར། མ་མནྟ་བདྡྷི། ཨ་བ་ལོ་ཀི་ཏ། བྷ་ག་ཝཱ་ན་པྲ་ཛྙཱ། ཨ་བ་ལོ་ཀི་ཏ། ཙཀུཥུ་ཥེ་མ་ཧཱ་པྲ་ཛྙཱ། བ་ར་ད། པཱ་ཎྀ། མ་ཧཱ་པྲ་ཛཉཱ་དྷ་ར་ཎི། བྷུ་ཛེ་ཧཱུཾ་ཕཊ་སཝཱཧཱ། གཟུངས་འདི་དྲན་པ་ཙམ་གྱི་མདོ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཐབས་དང་ཤེས་རབ་སྣ་སོགས་ཀྱིས་དག་བ་ཆེན་པོའི་བློ་འཕེལ་བར་འགྱུར་རོ། །རྟག་ཏུ་རྒྱན་མི་འཆད་པར་ཕ་རོལ་ཏུ་ཕྱིན་པ་བཅུའི་བློ་དང་ལྡན་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་དང ། འདས་པ་དང ། མ་འོངས་པ་དང ། ད་ལྟར་བྱུང་བའི་སངས་རྒྱས་རྗེས་སུ་དྲན་པའི་ཤེས་རབ་དང་བློར་འགྱུར་རོ། །ལན་འགའ་ཡང་ཕ་རོལ་ཏུ་ཕྱིན་པ་དྲུག་དང་བྲལ་བར་མི་འགྱུར་རོ། །སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་ Ba29b གཏན་དང ། ཤེས་རབ་ཀྱི་བློ་ཉམས་བར་མི་འགྱུར་རོ། །བྱང་ཆུབ་སེམས་ལ་ཐུགས་གི་བར་དང ། རབ་ཏུ་རྨོངས་པར་མི་འགྱུར་རོ། །དོན་ཡོད་པའི་ཕ་རོལ་ཏུ་ཕྱིན་པ་དྲུག་གི་གཟུངས་ཆེན་པོ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཏྡྱ་ཐཱ། ཨ་མོ་གྷ་བི་མོཀཥ། མཎྜ་ལ་མ་ཧཱ་ད་བྷུ་ཏ་བི་མ་ལེ། དྷ་ར་དྷ་ར། དྷི་རི་དྷི་རི། མ་ཧཱ་ད་བྷུ་ཏ། ཨ་མི་ཏ་བྷ། མ་ཀུ་ཊ། དྷ་ར་ཧཱུཾ་ཕཊ་སཝཱཧཱ། དཀྱིལ་འཁོར་དེར་ཡུངས་ཀར་དང ། དྲི་ཆབ་དང་ལྡན་པའི་བུམ་པ་ལ་སྔགས་བཟླས་བརྗོད་བྱས་ནས་ཆུས་ཀུན་ཏུ་ཆག་ཆག་གབ་ན་ཆག་ཆག་གཏབས་པ་ཙམ་གྱི་མདོ་ལ་དཀྱིལ་འཁོར་ཀུན་ཏུ་དཔག་ཚད་གཅིག་གི་ནང་དུ་ས་སྦྱངས་ཏེ་ཡོངས་སུ་དག་པར་འགྱུར་རོ། །ཇི་ལྟར་ཤེལ་གོང་དང ། རིན་པོ་ཆེ་སྣ་ཚོགས་པ་དག་པ་དྲི་མ་མེད་པ་མཛེས་པ་དེ་འདྲ་བའི་ས་གཞིར་འགྱུར་རོ། །ཤིན་ཏུ་དག་པ་དང ། ཤིན་ཏུ་དྲི་མ་མེད་པ་དང ། ཤིན་ཏུ་ཉམས་དགའ་བ་དང ། ཤིན་ཏུ་ཡིད་དུ་འོང་བའི་ས་གཞིར་འགྱུར་རོ། །ཤིན་ཏུ་ས་གཞིར་སྤ་བར་འགྱུར་རོ། །ས་ཕྱོགས་དེའི་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའི་རིགས་དང ། དམངས་རིགས་གང་དག་འཁོད་པ་ Ba30a ༄#། །དེ་དག་ཐམས་ཅད་ཕྱིར་མི་ལྡོག་པའི་ས་ལ་རབ་ཏུ་གནས་པར་འགྱུར་རོ། །དེ་དག་ཐམས་ཅད་ཕྱིར་མི་ལྡོག་པར་འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ཚེ་རབས་དྲན་པར་འགྱུར་རོ། །ནམ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བའི་བར་དུ་བསོད་ནམས་ཀྱི་ཕུང་པོ་ཆེན་པོའི་དགེ་བའི་རྩ་བ་ཆེན་པོ་གསོག་པར་འགྱུར་རོ། །གང་དག་བྱོལ་སོང་གི་སྐྱེ་གནས་སུ་གཏོགས་པའི་རིགས་དང ། བྱ་དེ་དག་ཕྱོགས་དེར་འགྲོ་ཞིང་རབ་ཏུ་འཇུག་པ་དེ་དག་ཐམས་ཅད་ཡོངས་སུ་གྲོལ་བར་འགྱུར་རོ། །བདེ་འགྲོའི་ལམ་ལ་རབ་ཏུ་གནས་པར་འགྱུར་རོ། །གང་གིས་དེའི་ས་ལག་པར་འོངས་ཏེ་རེག་པ་དེ་དག་ཐམས་ཅད་ནད་དང་བྲལ་བ་དང ། ཉོན་མོངས་པ་དང་བྲལ་བ་དང ། རིམས་དང་བྲལ་བ་དང ། སྒྲིབ་པ་མེད་པ་དང ། སྡིག་པ་དང་བྲལ་བར་འགྱུར་རོ། །དེ་དག་ཕྱིས་ལུས་ལ་ཚོར་བའི་ནད་འབྱུང་བར་མི་འགྱུར་རོ། །རྟག་ཏུ་བདེ་བས་ཚིམ་པའི་ལུས་སུ་འགྱུར་རུ། །ས་ཡོངས་སུ་སྦྱོང་བའི་རིག་སྔགས་སོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། ། Ba30b ཏྡྱ་ཐཱ།་ཨོཾ་ཨ་མོ་གྷ་དྲུ་མ། ལ་ཏ་བྲིཀཥ། ཤཾ་ཁ་པ་ཏྲ། པུཥྤ་ཕ་ལ། པ་ཊི་པ་ཨཱ་རོ་ཧ། ན་ཧི་ཌཱ་ག། པུ་ཤཀ་རི་ཎ། ཨུད་ས་ཧྲིད། སུནད་ར་བྲ་པ་ཎི། བི་བི་དྷ། བི་ཙ་ཏྲ། པ་རི་དྷ་ཡ། པདྨ་བྷུ་ཛེ། ས་མ་ས་མ། ས་མནྟེ་ན། པ་རི་མཎྜལ། པ་རི་ཤོ་དྷ་ཡ། མ་ལ་མ་ལ། བི་མ་ལ་བི་མ་ལ་ནི་རྨ་ལ་སུ་བ་རི་ཤུདྡྷ། པདྨ་ཨུཏྤ་ལི་བྷ་ཛ་ལ་མ་ལཱ་ནཱ་བི་ཤུདྡྷེ། ཤོ་དྷ་ཡ་ཤོ་དྷ་ཡ། པ་ར་མ་མ་ཧཱ་ཤུདྡྷ་ཡ། སཏྭ་ཧཱུཾ་ཕཊ། ན་མཿ ་ཏྲི་བྷུ་བ་ནེ་ཧཱུཾ་ཕཊ་སཝཱཧཱ། འདིས་ཙྣྡྣ་དང ། པདྨ་དང ། ཆུ་དང ། ཡུངས་ཀར་ལ་ཡོངས་སུ་བཟླས་ཏེ་ལྗོན་པའི་སྡོང་པོ་དང ། མེ་ཏོག་གི་ཤིང་དང ། འབྲས་བུའི་ཤིང་དང ། སྣ་ཚོགས་པའི་ལྕུག་མ་དང ། རྩཝ་དང ། ཤིང་གེལ་པ་དང ། སྨན་དང ། ཆུ་ཀླུང་དང ། མཚོ་ཕྲན་དང ། ལྟེང་ཀ་དང ། རྫིང་བུ་དང ། འབབ་ཆུ་མཛེས་པའི་སྟེང་དུ་གཏོར་བར་བྱ་སྟེ། དེ་རྣམས་ཐམས་ཅད་ལ་བདུད་རྩི་བླུག་པར་འགྱུར་རོ། །དེ་རྣམས་ཐམས་ཅད་ལ་ལྷ་རྫས་ཀྱི་མེ་ཏོག་དང་འབྲས་བུར་འགྱུར་རོ། །ཐ་ན་ལྷའི་རྩཝ་དང ། ཤིང་གེལ་པ་དང ། སྨན་དང ། ནགས་ཀྱི་བདག་པོར་འགྱུར་རོ། །གང་ལ་རེག་པ་ཙམ་གྱིས་རེག་པ་དེ་ཐམས་ཅད་སེར་སྣའི་དྲི་མ་དང་བྲལ་ཞིང ། ཕྲག་དོག་སྤངས་པར་འགྱུར་རོ། །མཁྲིས་པ་དང ། བད་ཀན་དང ། མཆིལ་མ་དང་བྲལ་ཞིང ། ལུས་ཀྱི་ཕྱི་དང ། ནང་གི་དྲི་མི་ཞིམ་པ་ཐམས་ཅད་ཡོངས་སུ་དག་པར་འགྱུར་རོ་ Ba31a ༄#། །གང་ཡང་ལུས་ཀྱི་ནང་གི་ནད་དང ། གནོད་པ་སྣ་ཚོགས་པ་དེ་ཐམས་ཅད་ཡོངས་སུ་གྲོལ་བར་འགྱུར་ཞིང ། རྣམ་པར་དག་པ་དང ། རྣམ་པར་ཉམས་པ་དང ། ལེགས་པར་ཡོངས་སུ་དག་པ་དང ། དྲི་མ་མེད་པར་འགྱུར་རོ། །ཞེས་སོ། །དེ་ལ་ཆུས་ཁྲུས་བྱས་པ་གང་ཡིན་པ་དེ་རྣམས་ཀྱང་ལྷའི་ཆུ་དང ། བྱང་ཆུབ་ཡན་ལག་གི་ཆུས་ཁྲུས་བྱས་པར་འགྱུར་རོ། །སྡིག་པ་དང ། སྒྲིབ་པའི་དྲི་མ་ཐམས་ཅད་བཀྲུས་པར་འགྱུར་རོ། །དེས་སོ་ཤིང་ཟོས་པ་གང་ཡིན་པ་དེ་རྣམས་ཀྱང་སངས་རྒྱས་ཀྱི་ཡེ་ཤེས་རྗེས་སུ་དྲན་པ་ཆེན་པོ་འཕེལ་བར་འགྱུར་རོ། །མྱ་ངན་ཐམས་ཅད་དང་བྲལ་བར་འགྱུར་ཞིང ། ཞགས་པ་ཐམས་ཅད་ཡོངས་སུ་སྤང་བ་དང ། རྟག་ཏུ་ཁ་ནས་ཨུཏྤ་ལའི་དྲི་བྲོ་བར་འགྱུར་རོ། །ངག་འཇམ་ཞིང་སྙན་པར་ཡང་འགྱུར་ཞིང ། ངག་མཉེན་པར་ཡང་འགྱུར་རོ། །དགའ་བའི་གཏམ་བྱེད་པར་འགྱུར་ཞིང ། སྐྱེ་བོ་ཐམས་ཅད་ཡིད་དགའ་བར་ཡང་འགྱུར་རོ། །མི་འམ་ཅིའི་དབྱངས་སུ་ཡང་འགྱུར་རོ། །བསྟན་བཅོས་དང ། ཆོ་ག་ཞིབ་མོ་དང ། གསང་སྔགས་དང ། ཐེག་པ་ཆེན་པོ་ཐམས་ཅད་ཐོས་པ་ཙམ་གྱིས་ཀུན་ཏུ་འཛིན་པར་བྱེད་ཅིང་ཁ་ཏོན་དུ་ཡང་གནས་པར་བྱེད་དོ། །མེ་ཏོག་དེ་ལམ་ནམས་པ་དང ། ཕྲེང་བ་མགུལ་བར་འཆིང་བར་བྱེད་པ་གང་ཡིན་པ་དེ་རྣམས་ཀྱང་བྱང་ Ba31b ཆུབ་ཡན་ལག་གི་མེ་ཏོག་གི་ཕྲེང་བ་བཅིངས་པར་འགྱུར་རོ། །དེ་བཞིན་གཤེགས་པའི་དབང་གིས་མངོན་པར་དབང་བསྐུར་བར་ཡང་འགྱུར་རོ། །སྣ་ཚོགས་སུ་དག་པར་ཡང་འགྱུར་ཏེ། ལྷའི་དྲི་དང ། རེག་པ་དང་ཡང་དག་པར་ལྡན་པར་འགྱུར་རོ། །ལྕེ་པདྨའི་འདབ་མ་དང་མཚུངས་པར་ཡོངས་སུ་དག་པར་འགྱུར་རོ། །ལྷའི་སོ་དང་མཚུངས་པའི་ཁ་དོག་ཏུ་འགྱུར། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་གང་ལ་གཏམ་སྨྲས་པ་དེ་རྟག་ཏུ་དབང་དུ་འགྱུར་རོ། །ཤི་འཕོས་ཤིང་སྐྱེ་བ་བརྗེས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་ཏེ། པདྨ་ལས་བརྫུས་ཏེ་སྐྱེ་བར་འགྱུར་རོ། །ཚེ་རབས་དྲན་པར་ཡང་འགྱུར་རོ། །ཞེས་པའོ། །འབྲས་བུ་དང ། མེ་ཏོག་དང ། ཆུ་དང ། ནགས་ཀྱི་བདག་པོ་དང ། རྩཝ་དང ། ཤིང་གེལ་པ་དང ། སྨན་ཡོངས་སུ་སྦྱོང་བའི་སྔགས་སོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཏདྱ་ཐཱ། ཨོཾ་ཨ་མོ་གྷ་ཨ་མ་ལེ་ཏྲི་མ་ལེ། བི་མ་ལ། ནིརྱ་ལེ། དི་བྱ་བ་རི་ཤུདྡྷེ་སརྦྦ་མ་ལོ་པ་ཀཪྵི་ཏེ། མཧཱ་བོ་དྷི་སཏྭ་བ་ར་དེ་པྲ་བ་ར་པ་རི་ཤུདྡྷེ། མ་ཧཱ་མ་ཎི་རཏྣ་ཀཱ་ཡ་པ་རི་ཤུདྡྷེ་མ་ཎི་མ་ཎི་ཤོ་དྷ་ནི་མ་ཧཱ་ཨ་མོ་གྷ་ཙིནྟཱ་མ་ཎི་ཤུདྡྷེ། ཧྲི་ད་ཡ་ཤུདྡྷེ་ཀཱ་ཡ་ནིརྨ་ལ་མ་ཧཱ་ Ba32a ༄#། །མ་ཎི་པ་རི་ཤུདྡྷེ། ཧུ་རུ་ཧུ་རུ་པ་བ་ར་པ་ཎཱི་མ་ཧཱ་བུ་ཛ་པ་ར་དེ། ཏུ་རུ་ཏུ་རུ། མ་ཧཱ་སཏྭ་བ་ཏ་ས་ལེ། བ་རི་ཤོ་དྷ་ཡ་མཱཾ། སརྦ་སུ་བི་ཤུདྡྷ་མ་ལེ་སཝཱཧཱ། རིག་སྔགས་འདིས་རིག་སྔགས་འཆང་གི་བདག་ཉིད་ཀྱི་ལུས་ཡོངས་སུ་སྦྱང་བར་བྱ་སྟེ། ཙནྡན་ན་གྱི་ཚུལ་དང ། གུར་གུམ་དང ། གླ་རྩིའི་ཆུ་དང ། ག་བུར་གྱི་ཆུ་དང ། ཡུངས་ཀར་དང ། བ་བྱུང་ལྔ་བསྲེས་པས་རྫ་གསར་པའི་བུམ་པ་བཀང་སྟེ་རིག་སྔགས་འདི་སྟོང་རྩ་བརྒྱད་དུ་བཟླ་བར་བྱའོ། །རས་དཀར་པོས་བཀྲུ་བར་བྱ་ཞིང་ལན་བདུན་དུ་བཏུང་བར་བྱའོ། །ཁྲུས་བྱས་པ་ཙམ་གྱི་མོད་ལ་ཁྲོ་བོའི་རྒྱལ་པོས་བདག་ཉིད་དབང་བསྐུར་བར་བྱའོ། །ཁྲུས་བྱས་པ་ཙམ་དང ། དབང་བསྐུར་བ་ཙམ་གྱིས་བདག་རང་གི་ཕྱི་ནང་ཡོངས་སུ་དག་ཅིང་དྲི་མ་མེད་པར་འགྱུར་རོ། །སྡིག་པ་དང ། སྒྲིབ་པ་དང ། དུག་དང་བྲལ་བར་འགྱུར་རོ། །ཉོན་མོངས་པ་དང ། ནད་དང་བྲལ་བར་འགྱུར་རོ། །རྒ་བ་ལ་སོགས་པ་དང་བྲལ་བར་འགྱུར་རོ། །བགེགས་དང ། ལོག་འདྲེན་དང ། བདུད་ལ་སོགས་པ་ཐམས་ཅད་ལས་ཡོངས་སུ་ཐར་པར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་ལ་སོགས་པ་ཐམས་ཅད་ཡོངས་སུ་སྤངས་པར་འགྱུར་ཞིང ། བར་ཆད་བྱ་བའི་ཕྱིར་རིག་སྔགས་འཆང་བའི་དྲུང་དུ་སླར་འོད་ནུས་པར་མི་འགྱུར་རོ། ། Ba32b རིག་སྔགས་འཆང་བདེ་བར་སྒྲུབ་པ་དང ། བདེ་བར་ཉལ་བ་དང ། བདེ་བར་སད་པ་དང ། ནམ་འཚོའི་བར་དུ་བདེ་བར་གནས་པ་དང ། དྲི་མ་ཐམས་ཅད་སྤངས་པ་དང ། དེ་བཞིན་གཤེགས་པ་ཐམས་ཅད་མཐོང་བ་དང ། བྱང་ཆུབ་སེམས་དཔའ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་མཐོང་སྟེ་ཤི་བའི་དུས་བྱེད་པར་འགྱུར་རོ། །བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་པ་མཉམ་པར་སྐྱེ་བར་འགྱུར་རོ། །པདྨོའི་ནང་ནས་བརྫུས་ཏེ་སྐྱེས་ནས་དེ་བཞིན་གཤེགས་པ་འོད་དཔག་མེད་མངོན་སུམ་དུ་མཐོང་བར་འགྱུར་རོ། །རྒྱན་ཐམས་ཅད་ཀྱིས་བརྒྱན་པ་དང ། ལུས་མཚན་དང་དཔེ་བྱད་ཀྱིས་བརྒྱན་པ་དང ། ཚེ་རབས་དྲན་པར་འགྱུར་རོ། །མཐར་བྱང་ཆུབ་ལ་ཐུག་གི་བར་དུ་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་རོ། །རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོ་འདི་མཐའ་དག་རྫོགས་པར་ཁ་ཏོན་བྱེད་པར་འགྱུར་རོ། །གཞན་ཡང་དེ་བཞིན་གཤེགས་པས་བཀའ་སྩལ་པའི་མདོ་སྡེ་གཞུང་སྣ་ཚོགས་རྣམ་པ་དུ་མ་ཁ་ཏོན་བྱེད་པར་འགྱུར་རོ། །བསྐལ་པ་སྟོང་ཕྲག་བརྒྱ་ཚུན་ཆད་དུ་སྐྱེ་བ་དྲན་པར་འགྱུར་རོ། །ོཾ་ཨ་མོ་གྷ་པདྨ་བི་མ་ལེ། པྲ་ས་ར། ས་མནྟ། མུ་ཁེ་སཝཱཧཱ། དཀྱིལ་འཁོར་ཆར་ཕྱེ་སྟེ་ཐིག་གདབ་པའི་སྔགས་སོ། །ོཾ་ཨ་མོ་གྷ་བི་བི་ Ba33a ༄#། །དྷེ།་རཱུ་པ་པི་ཅི་ཧྲ། གནྡྷ་ར། སནྡྷ་ར། པྲ་བ་ར་བྷུ་ཛེ་སཝཱཧཱ། ཚོ་ན་རྩིའི་སྔགས་དང ། སྐུ་གཟུགས་གཞག་པ་དང ། མཚོན་ཆའི་རྟགས་བྲི་བའི་སྔགས་སོ། ། ོཾ་ཨ་མོ་གྷ་སནྟ་པ་རི་མཎྜ་ལ་པཱ་ཤ་བནྡྷེ་ཧཱུཾ། ཡུངས་ཀར་ལ་ལན་བདུན་བཟླས་བརྗོད་བྱས་པས་དཀྱིལ་འཁོར་བསྡམ་པར་བྱའོ། །ོཾ་ཨ་མོ་གྷ་ས་མནྟ། ད་ཤ་དཀི་\?\་མ་ཧཱ་སཱི་མན། བནྡྷ་ཡ། དྷུ་རུ་དྷུ་རུ་ཧཱུཾ་ཕཊ་སཝཱཧཱ། ཡུངས་ཀར་དང་ཆུ་ལ་ལན་བདུན་བཟླས་བརྗོད་བྱས་པས་མཚམས་བཅད་པའོ། །ོཾ་ཨ་མོ་གྷ་རཀྵ་ཎ་པཱ་ཤ་ཧསྟེ། བྷུ་རུ་བྷུ་རུ་སཝཱཧཱ།་ཡུངས་ཀར་དང ། དྲི་ཆབ་ལ་ལན་བདུན་བཟླས་བརྗོད་བྱས་པས་བདག་སྲུང་བའོ། །ོཾ་ཨ་མོ་གྷ། ཙཱུ་ཏ་མ་ཎི། ཧུ་རུ་ཧུ་རུ། ནཱ་ག་པཱ་ཤ་བནྡྷེ་ཧཱུཾ་སཝཱཧཱ། ལན་ཉི་ཤུ་རྩ་གཅིག་བཟླས་བརྗོད་བྱས་པས་སྤྱི་གཙུག་བཅིང་བའི་སྔགས་སོ། །ོཾ་ཨ་མོ་གྷ་རཀྵ་ས་མནྟེ་ན་མ་ཧཱ་པཱ་ཤེ་དྷུ་རུ་དྷུ་རུ་སཝཱཧཱ། སློབ་མ་དང ། གྲོགས་རྣམས་སྲུང་བ་སྟེ། ཡུངས་ཀར་དང ། ཐལ་བ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་བསྲུང་བར་བྱའོ། །ོཾ་ཨ་མོ་གྷ་།ི་ལ་བི་མ་ལེ། སུ་རུ་སུ་རུ་སཝཱཧཱ། དྲི་ཆུ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་པས་ཁྲུས་བྱ་བའི་སྔགས་སོ། །ོཾ་ཨ་མོ་གྷ་ཨ་མྲྀ་ཏ། བིནྡུ་ཙ་ར་ཙ་ར་སཝཱཧཱ། ཉེ་རེག་བྱ་བའི་སྔགས་སོ། །ོཾ་ཨ་མོ་གྷ་དི་བྱ་བསྟྲེ་ཙུ་རུ་ཙུ་རུ་སཝཱཧཱ། གོས་ཀྱི་སྔགས་ Ba33b སོ། །ོཾ་ཨ་མོ་གྷ་བྷུ་ཛ་ཀ། ཀ་པ་ཙ། བ་ར་དེ། ཙི་རི་ཙི་རི་སཝཱཧཱ། གོ་ཆའི་སྔགས་ཡིན་ཏེ། ཡུངས་ཀར་དང ། གུར་གུམ་གྱི་ཆུས་བྱའོ། །ོཾ་ཨ་མོ་གྷ་བྲཧྨ་བྷུ་ཛེ་པཱརྱནྟེ་ན་ཕྲ་ས་ར་སཝཱཧཱ། མཆོད་ཕྱིར་ཐོགས་ཀྱི་སྔགས་སོ། །ོཾ་ཨ་མོ་གྷ་ཙཱུ་ཌ་མ་ཎི་པདྨེ། ཨ་བྷི་ཥིཉྩ་ཡ། མ་མ་སརྦྦ་ཏ་ཐཱ་ག་ཏ་ཨ་བྷི་ཥེ་ཀ་མ་ཎི་མ་ཎི་སཝཱཧཱ། དབང་བསྐུར་བའི་བསྔགས་སོ། །ོཾ་ཨ་མོ་གྷ་པདྨེ་བ་སུནྡྷ་ར། དྷ་ར་དྷ་ར། དྷ་ར་ཎི། མཎྜེ་ཧཱུཾ། སྟན་གྱི་གསང་སྔགས་སོ། །ོཾ་ཨ་མོ་གྷ་ས་མནྟ་པཱརྱངྐ། བྷུ་བི་སཝཱཧཱ། སྐྱིལ་མོ་ཀྲུང་བཅའ་བའི་སྔགས་སོ། །ོཾ་ཨ་མོ་གྷ་སུ་ར་དྷི།་པདྨེ་པ་ར་པ་ར་ཧཱུཾ། མེ་ཏོག་གི་སྔགས་སོ། །ོཾ་ཨ་མོ་གྷ་བི་བི་དྷ། གནྡྷ། པྲ་ས་རཻ། པཱུརྞ་བྷུ་ཛེ་སཝཱཧཱ། དྲིའི་སྔགས་སོ། །ོཾ་ཨ་མོ་གི་བི་བི་དྷ་ལེ་པ་ན་པྲ་བ་རེ་པི་རི་པི་རི་སཝཱཧཱ།་བྱུག་པའི་སྔགས་སོ། །ོཾ་ཨ་མོ་གྷ་ག་ག་ན་སྥ་ར་ཎ། མ་ཡེ་བྷུ་རུ་བྷུ་རུ་ཧཱུཾ། བདུག་པའི་སྔགས་སོ། །ོཾ་ཨ་མོ་གྷ་ཤུ་ཀླ་ས་ར་ས་ར་ས་ཨ་གྷ་དྷ་ར་བྷི་དྷ་ར་ཧཱུཾ། གཏོར་མའི་སྔགས་ཏེ། ཐམས་ཅད་དུ་བྱའོ། །ོཾ་ཨ་མོ་གྷ། པྲ་བ་ར། ནུ་བི་ལོ་ཀི་ནི། ཀི་རི་ཀི་རི་ཧཱུཾ། ཟས་དང་གཏོར་མའི་སྔགས་སོ། །ོཾ་བི་བི་དྷ། ཨ་མོ་གྷ། ཕ་ལ། པ་ར་པ་ར་ཧཱུཾ། འབྲས་བུའི་སྔགས་སོ། །ོཾ་ཨ་མོ་གྷ་ཨད་བྷུ་ཏ་གནྡྷ་བྷ་རེ་ཧཱུཾ། མཆོད་ཡོན་གྱི་སྔགས་སོ། །ོཾ་ཨ་མོ་གྷ། བི་བི་དྷ། མ་ཎི། བྷུ་ཥ་ཎ། བ་རེ། ཛྭ་ལ་ཛྭ་ལ་ཧཱུཾ། རྒྱན་དང ། ཐོད་ Ba34a ༄#། །དང ། དར་དཔྱང་དང ། མདའ་དང ། ཚོན་སྣ་ལྔ་དང ། ཐིག་སྐུད་ཀྱི་སྔགས་སོ། །ོཾ་ཨ་མོ་གྷ། བི་བི་དྷ། བྷ་ཛ་ན། ཛ་ཡ་ཛ་ཡ་སཝཱཧཱ། སྣོད་ཀྱི་སྔགས་ཏེ།་ཐམས་ཅད་དུ་སྦྱར་རོ། །ོཾ་ཨ་མོ་གྷ། པྲ་བྷ་ར་བྷ་བ་ན། བྷུ་བེ་ཐ་ར་ཐ་ར་སཝཱཧཱ། གཞུག་པའི་སྔགས་སོ། །ོཾ་ཨ་མོ་གྷ་ན་མ་སྐ་ར་ཎ། སརྦྦ་ཏ་ཐཱ་ག་ཏ། ཨོཾ་ཛ་ལེ་ཧཱུཾ། ཕྱག་འཚལ་བ་དང ། ཐལ་མོ་སྦྱར་བའི་སྔགས་སོ། །ོཾ་ཨ་མོ་གྷ་ཙ་ཀྲེ། དུ་རུ་དུ་རུ་པྲ་དུ་རུ་སཝཱཧཱ། བསྐོར་བའི་སྔགས་སོ། །ོཾ་ཨ་མོ་གྷ་ས་མནྟ་བྷ་བ་ནེ་བྷ་བ་བྷ་བ་སཝཱཧཱ། སྤྱན་དྲང་བའི་སྔགས་སོ། །ོཾ་ཨ་མོ་གྷ་ཙིནྟྲ་མ་ཎི་ཨཱ་ཀཪྵ་ཡ་དུ་རུ་དུ་རུ་སཝཱཧཱ། གསོལ་བ་གདབ་པའི་སྔགས་སོ། །ོཾ་ཨ་མོ་གྷ་ནི་རྨནྟ་ཎ། བི་མོཀྵ་མཎྜ་ལེ་མི་ལི་མི་ལི་སཝཱཧཱ།་སྙན་གསན་དབབ་པའི་སྔགས་སོ། །ོཾ་ཨ་མོ་གྷ་མ་ཧཱ་རཤྨི་ཛྭ་ལ་ས་ཧ་སྲ་ཛྭ་ལ་ཛྭ་ལ་ས་མནྟེ་སཝཱཧཱ། མར་མེའི་སྔགས་སོ། །ོཾ་ཨ་མོ་གྷ་པཱ་ཤ་ཧསྟེ་པྲ་ས་ར་གཙྪ་སཝ་བྷཱ་བ་ནཾ་བི་སརྫི་ཏ་སི་ས་ར་ས་ར་ཧཱུཾ་ཕཊ་སཝཱཧཱ། སླར་གཤེགས་སུ་གསོལ་བའི་སྔགས་སོ། །ོཾ་ཨ་མོ་གྷ་པཱ་ཤཱ་བྷནྡྷ་ས་མནྟ་མ་ཧཱ་ས་མ་ཡ་དྲི་ཌྷེ་ཧཱུཾ་ཕཊ་སཝཱཧཱ། དམ་ཚིག་གི་སྔགས་སོ། །ོཾ་ཨ་མོ་གྷ་ས་མནྟེ། པྲ་བ་ར། ས་ར་ས་ར། པྲ་ས་ར་མ་ཧཱ་བྷུ་ཏེ་ཤཱ་ར། དྷི་རི་དྷི་རི། ཧཱུཾ་ཧཱུཾ་ཕཊ་སཝཱཧཱ། གསང་སྔགས་འདིས་ལ་དུ་དང ། མོ་ད་ཀ་ར་དང ། Ba34b ཟན་དང ། རྩ་བ་དང ། སྡོང་བུ་དང ། གཏོར་མ་དཀར་པོ་དང ། ཚོགས་ཆེན་པོའི་བདག་པོའི་གཏོར་མ་སྦྱིན་པ་དང ། མེ་ཏོག་དང ། བདུག་པའི་སྦྱིན་པ་བྱས་ན། ཕྱིས་བགེགས་བྱེད་མི་ནུས་པར་འགྱུར་རོ། །འཇིག་རྟེན་འདས་པའི་དཀྱིལ་འཁོར་གྱི། །ཕྱག་རྒྱ་དེ་ནས་བརྗོད་བྱ་སྟེ། །གང་གིས་གཟུང་བ་ཙམ་གྱིས་ནི། །སྡིག་པ་ཐམས་ཅད་ཞི་བར་འགྱུར།། ལས་དང་ཉོན་མོངས་སྒྲིབ་པ་དང ། །དུག་རྣམས་ཐམས་ཅད་རྣམ་པར་བཅོམ། །རྣམ་གྲོལ་དཀྱིལ་འཁོར་རིགས་ཀྱི་ནི། །དམ་ཚིག་ཕྱག་རྒྱ་ཡང་དག་ཡིན། །ལག་གཉིས་པདྨ་འདྲར་བྱས་ལ། །སོར་མོ་རྣམས་ནི་མཉམ་བཞག་སྟེ། །གུང་མོ་ལྕགས་ཀྱུ་འདྲ་བར་བྱ། །ལག་གཉིས་མཉམ་པར་བཞག་པ་ཡི། །ཕྱག་རྒྱ་རྣམ་གྲོལ་དམ་ཚིག་འདི། །དོན་ཡོད་ཞགས་པར་བྱིན་གྱིས་བརླབས། །འཇིག་རྟེན་འདས་པ་ཁྱད་པར་གྱིས། །ལམ་གྱི་འབྲས་བུ་ཐོབ་པར་བྱེད། །ོཾ་པདྨ་བྷུ་ཛེ། པདྨ་བི་མ་ལེ་སཝཱཧཱ། དམ་ཚིག་རྩེ་མོའི་རྩེ་ཤེས་པས། །རྡོ་རྗེ་པདྨ་རྟག་ཏུ་བྱ། །གུང་མོ་ཅུང་ཟད་བསྐུམས་ནས་ནི། །ལག་གཉིས་པདྨོ་འདྲ་བར་བྱ། །གང་གིས་ཕྱག་རྒྱ་འདི་མཐོང་བ། །འཇིག་རྟེན་རྣམས་ཀྱི་དབང་ཕྱུག་དག་།མཚུངས་པ་མེད་པར་འགྱུར་བ་ཡིན། །རྣམ་གྲོལ་ཕྱག་རྒྱས་དོགས་མེད་པར། །སངས་རྒྱས་མཚུངས་མེད་འགྱུར་བ་ཡིན། །བྱང་ཆུབ་སེམས་དཔའ་ཀུན་གྱིས་ནི། །ཕྱག་བྱས་པ་ཡི་ཕྱག་རྒྱ་ Ba35a ༄#། །འདི། །རྣམ་གྲོལ་དཀྱིལ་འཁོར་རྨད་དུ་བྱུང ། །ོཾ་པདྨེ་སུ་པདྨ། བི་མོཀྵ་མཎྜ་ལ། པདྨ་ལ། པདྨ་བྷུ་ཛེ་སཝཱཧཱ། རྡོ་རྗེ་བཅིང་བ་མཉམ་གཞག་སྟེ། །རྡོ་རྗེ་པདྨོ་གུང་མོ་ནི། །བསྐུམས་ན་དེ་བཞིན་གཤེགས་ཀུན་གྱི། །རྣམ་གྲོལ་གསུང་བའི་ཕྱག་རྒྱ་འདི། །ཡང་དག་གྲོལ་བར་རབ་ཏུ་བསྟེན། །ཕྱག་རྒྱ་འདི་ནི་བསྟན་པས་ནི། །ངན་པར་བྱས་པ་ཐམས་ཅད་འཇིག་།ོམ་ཨ་མོ་གྷ་བཛྲ་པདྨ་བྷུ་ཛེ་མི་ལི་མི་ལི་སཝཱཧཱ། ལག་གཉིས་ཐལ་མོ་ཁོང་སྟོང་ལས། །མདོར་ན་ནོར་བུ་འདྲ་བར་བཅིང ། །ནོར་བུའི་ཕྱག་རྒྱ་རྡོ་རྗེ་འདྲ། །ཡིད་བཞིན་ནོར་བུར་བརྗོད་པ་ཡིན། །ལས་ནི་དོན་ཡོད་ཐམས་ཅད་བྱེད། །དོན་ཡོད་མཆོད་པའི་ཆར་འབེབས་ཤིང ། །དོན་ཡོད་ཕ་རོལ་ཕྱིན་དྲུག་རྫོགས། །དོན་ཡོད་སངས་རྒྱས་རྣམས་དང་ནི། །བྱང་ཆུབ་སེམས་དཔའ་མཐོང་བ་ཡིན། །དོན་ཡོད་རྣམ་གྲོལ་དཀྱིལ་འཁོར་གསང ། །མཚམས་མེད་ལྔ་པོ་སྦྱོང་བར་མཛོད། །ོཾ་ཨ་མོ་གྷ་།མ་ཎི་མ་ཎི།་མ་ཧཱ་མ་ཎི་པདྨ་མ་ཎི་སཝཱཧཱ། རྡོ་རྗེ་པདྨའི་ཐལ་མོ་སྦྱར། །པདྨ་ཁ་བྱེ་འདྲ་བར་རྒྱས། །གུང་མོ་ལྕགས་ཀྱུ་འདྲ་བ་ཡི། །ཕྱག་རྒྱ་འདི་ནི་མཆོག་ཏུ་བཟང ། །ཕྱག་རྒྱ་འདི་ནི་མཐོང་ཙམ་གྱིས། །འབྲས་བུ་ཆེན་པོ་རྨད་དུ་བྱུང ། །འཇིག་རྟེན་འདས་པ་ཁྱད་པར་འཕགས། །དུས་གསུམ་སངས་རྒྱས་མཐོང་བ་ཡིན། །ོཾ་ཨ་མོ་གྷ། བཛྲེ་མཧཱ་པདྨེ། ཛྭ་ Ba35b ལེ་སུ་ཛྭ་ལེ། མ་ཧཱ་ཛྭ་ལེ་སཝཱཧཱ། སྙིང་གར་རྡོ་རྗེ་པདྨ་ཉིད། །རྡོ་རྗེ་བཅིང་བ་ཕུན་སུམ་ཚོགས། །མཛུབ་མོ་ལྕགས་ཀྱུ་འདྲ་བ་ནི། །བཅིང་བར་བྱ་བའི་ཕྱག་རྒྱ་འདི། །གཟི་བརྗིད་ཆེན་པོ་དག་དང་ནི། །སྟོབས་ཆེན་ཕ་རོལ་གནོན་པ་དང ། །ཐམས་ཅད་གྲུབ་པར་བྱེད་པའི་གནས། །ཐམས་ཅད་གྲུབ་པར་རབ་ཏུ་སྦྱིན། །འཇིག་རྟེན་འདས་པ་གྲུབ་པ་ཆེ། །སངས་རྒྱས་ཉིད་ཕྱིར་བླ་ན་མེད། །སྡིག་པ་ཐམས་ཅད་འཕྲོག་པ་གྲུབ། །གསང་སྔགས་གྲུབ་པ་བླ་ན་མེད། །ོཾ་ཨ་མོ་གྷ་སིདྡྷི། སརྦྦ་ཏ་ཐཱ་ག་ཏ་སིདྡྷི། ཨ་བ་ལི་ཀཱ་ཡ་སིདྡྷི། མ་ཧཱ་བི་བུ་ལ་སིདྡྷི། ཀུ་རུ་ཀུ་རུ་སཝཱཧཱ།་རྡོ་རྗེ་ཐལ་མོ་མཉམ་བཞག་སྟེ། །གུང་མོ་གཤིབས་ཏེ་བསྒྲེང་པ་དང ། །སྲིན་ལག་མཐེ་བོང་སོ་སོར་འགྱེད། །གུང་མོ་ཡིད་ཙམ་དགུག་བྱ་བ། །པདྨའི་དབང་ཕྱུག་སེམས་དཔའ་ཆེ། །འཇིག་རྟེན་དབང་ཕྱུག་བླ་མ་སྟེ། །རྟག་ཏུ་རྣམ་གྲོལ་དཀྱིལ་འཁོར་ནི། །བྱང་ཆུབ་སེམས་དཔའ་ཐམས་ཅད་ཀྱིས། །ཕྱག་རྒྱ་བྱས་པ་འདི་ཡིན་ནོ། །ཕྱག་རྒྱ་འདི་དང ། དོན་ཡོད་པའི་སྙིང་པོའི་ཕྱག་རྒྱ་དང ། ཕྱག་རྒྱ་དེ་དག་མཐོང་བ་ནི། འཇིག་རྟེན་དབང་ཕྱུག་མཐོང་བ་དང་འདྲ་བ་ཡིན་ནོ། །ཕྱག་རྒྱ་མཆོག་འདི་མཐོང་བ་ནི། རྣམ་པར་གྲོལ་བའི་དཀྱིལ་འཁོར་མཐོང་བ་དང་འདྲ་བ་ཡིན་ཏེ། ཕྱིར་མི་ལྡོག་པ་ཐོབ་པར་འགྱུར་རོ། །ཕྱག་རྒྱ་འདི་བཅིངས་པ་ཙམ་མཐོང་བའི་མོད་ལ་དམ་ཚིག་ཐམས་ཅད་ཤེས་པར་འགྱུར་རོ། ། Ba36a ༄#། །མཐོང་བ་དང ། བཟུང་བ་ཙམ་གྱི་མོད་ལ་འབྲས་བུ་ཆེན་པོ་འཐོབ་ཅིང་མོད་ལ་སངས་རྒྱས་ཀྱི་བྱང་ཆུབ་བླ་ན་མེད་པ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ོཾ་ཨ་བ་ལོ་ཀི་ཏ། མ་ཧཱ་ཤུདྡྷ་སཏྭ་ས་ར་ས་ར། ས་མནྟ་ཨ་བ་བྷཱ་ས། ཀུཎྜ་ལ། དྷ་ལ་ཨ་མི་ཏཱ་བྷཱ་མུ་ཀུ་ཊ་དྷ་ར་ཛཱ་ཊ་མ་ཀུ་ཊ། ན་བ་བཛྲནྡྲ། མནྜི་ཏ། ཙ་ར་ཙ་ར། སཾ་བྷ་ར། བྷུ་བ་ཎི་ཤཝ་ར་པདྨ་བྷུ་ཛེ་སཝཱཧཱ། ཕྱག་རྒྱ་ཆེན་པོ་བདུན་པོ་དེ་དག་ནི། འཇིག་རྟེན་ལས་འདས་པའི་བྱང་ཆུབ་སྙིང་པོའི་ལམ་གྱི་འབྲས་བུ་སྟོན་པ། རྟག་ཏུ་འཇིག་རྟེན་དབང་ཕྱུག་བླ་མའི་འཇིག་རྟེན་མགོན་པོའི་ཆོས་ཀྱི་དཀྱིལ་འཁོར་བསྐོར་བ་ཡིན་ནོ། །ཕྱག་རྒྱ་བདུན་ནི། ཕྱག་རྒྱ་ཆེན་པོ་བྱེ་བ་ཕྲག་བདུན་གྱིས་ཡོངས་སུ་བསྐོར་བ་ཡིན་ཏེ། ཕྱག་རྒྱ་ཆེན་པོ་བདུན་པོ་དེ་གང་དུ་བཅིངས་ཤིང་ཕྱག་རྒྱ་མཆོག་བཟུང་བ་ནི། ཕྱག་རྒྱ་ཆེན་པོ་བྱེ་བ་ཕྲག་བརྒྱ་བཅིངས་པར་འགྱུར་རོ། །བཟུང་བར་འགྱུར་རོ། །དེ་དག་ཐམས་ཅད་མཆོད་པ་དང ། བསྙེན་བཀུར་བྱས་པར་འགྱུར་རོ། །བསྟོད་པར་འགྱུར་རོ། །མིང་འཛིན་པ་བྱས་པར་འགྱུར་རོ། །ཕྱག་རྒྱ་བདུན་པོ་དེ་དག་ནི། གསང་སྔགས་སྒྲུབ་པ་ཐམས་ཅད་དང ། ཀུན་ Ba36b ཏུ་ལས་ཐམས་ཅད་ལ་སྦྱར་བ་བྱའོ། །ཐམས་ཅད་བྱེད་པའི་ཕྱག་རྒྱ་འཇིག་རྟེན་ལས་འདས་པའི་ལམ་བླ་ན་མེད་པ་ཡིན་ནོ། །གང་ཞིག་ཕྱག་རྒྱ་དེ་དག་བཅིངས་པ་མཐོང་ཞིང་ཁྲུས་ལེགས་པར་བྱས་ཏེ་གཙང་མས་སྒྲུབ་པར་བྱེད་པ་འདི་ནི། ངན་འགྲོར་འགྲོ་བར་མི་འགྱུར། སྔོན་གྱི་སྒྲིབ་པས་དམྱལ་བ་མཐོང་བར་མི་འགྱུར། ཕྱག་རྒྱ་བཅིངས་པ་ཙམ་གྱི་མོད་ལ་ཡང་དག་པར་རྫོགས་པའི་སངས་རྒྱས་བྱ་བ་ཁྲག་ཁྲིག་འབུམ་ཕྲག་བདུན་གྱི་དྲུང་དུ་དགེ་བའི་རྩ་བ་བསགས་པར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་ཀུན་ཏུ་བཟུང་བར་འགྱུར་རོ། །ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ས་བཅུ་ལ་རབ་ཏུ་གནས་པར་འགྱུར་རོ། །ཕྱིར་མི་ལྡོག་པའི་གནས་རབ་ཏུ་ཐོབ་པར་འགྱུར་རོ། །མཚམས་མེད་པ་ལྔ་བྱེད་པ་དང ། དམ་པའི་ཆོས་སྤོང་བ་དང ། འཕགས་པ་ལ་སྐུར་པ་འདེབས་པ་དང ། མནར་མེད་པ་ལ་གཞོལ་བ་རྣམས་ཀྱི་ཅི་སྟེ་ཕྱག་རྒྱ་བཟུང་བ་ཙམ་དང ། བསྟན་པ་ཙམ་གྱི་མོད་ལ་སྡིག་པ་དེ་དག་ཐམས་ཅད་རྣམ་པར་ཞིག་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཡོངས་སུ་བཟུང་བར་འགྱུར་རོ། །ལྷ་དང ། ཀླུ་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་ལ་སོགས་པ་རྣམས་ལས་ལེགས་པར་བསྲུངས་པར་འགྱུར་རོ། །དབང་ཕྱུག་དང ། དབང་ཕྱུག་ཆེན་པོ་དང ། རྒྱལ་ Ba37a ༄#། །པོ་ཆེན་པོ་བཞི་དང ། གཤིན་རྗེ་དང ། ཆུ་ལྷ་དང ། ལུས་ངན་དང ། གཞོན་ནུ་རྣམས་རྟག་ཏུ་རྒྱུན་མི་འཆད་པར་བསྲུང་བ་དང ། བསྐྱབ་པ་དང ། སྦ་བའི་ཕྱིར་རྒྱུན་དུ་རྗེས་སུ་འབྲང་བ་བྱེད་པར་འགྱུར་རོ། །སེམས་ཅན་ཐམས་ཅད་དགའ་བ་མཐོང་བར་འགྱུར་རོ། །མཆོད་རྟེན་དུ་འགྱུར་བ་ཡིན་པར་འདོད་པ་དང ། ལུས་རིང་བསྲེལ་གྱི་སྙིང་པོ་ཡིན་པར་འགྱུར་རོ། །རྡོ་རྗེ་ལྟར་མཁྲེགས་པའི་ལུས་སུ་འགྱུར་རོ། །དུག་གིས་མི་ཚུགས། མེས་མ་ཡིན། མཚོན་གྱིས་མ་ཡིན། ཆུས་མ་ཡིན། དབྱིག་དུག་གི་འཇིགས་པས་མ་ཡིན། སེངྒེས་མ་ཡིན། གཅན་གཟན་གཏུམ་པོས་མ་ཡིན། དུག་མི་བཟད་པས་མ་ཡིན། རྐུན་པོ་དང་མི་རྒོད་ཀྱིས་མ་ཡིན། ཁྱིམ་རྡིབ་པས་མ་ཡིན། གནོད་སྦྱིན་དང ། སྲིན་པོའི་གདོན་ཡང་འོང་བར་མི་འགྱུར། ནད་ཐམས་ཅད་འཇུག་པར་མི་འགྱུར། ལུས་ལ་དུག་སྦྱར་མ་དང ། བྱད་དང ། རྦོད་གཏོང་གི་འཇིགས་པ་འབྱུང་བར་མི་འགྱུར་རོ། །རྟག་ཏུ་སྡིག་པ་ཅན་གྱི་རྨི་ལམ་མཐོང་བར་མི་འགྱུར་རོ། །རྟག་ཏུ་དེ་བཞིན་གཤེགས་པ་ལྟ་བ་མཐོང་བར་འགྱུར་རོ། །བྱང་ཆུབ་སེམས་དཔའ་ལྟ་བ་མཐོང་བར་འགྱུར་རོ། །རྟག་ཏུ་འཕགས་པ་སྤྱན་རས་གཟིགས་དབང་ཕྱུག་མཐོང་སྟེ། རྟག་ཏུ་མཆོག་སྦྱིན་པ་མཛད་པར་འགྱུར་རོ། །ལྷ་ཐམས་ཅད་ཀྱང་རྟག་ཏུ་རྒྱུན་མི་འཆད་པར་ Ba37b འདིས་མཐོང་བར་དགྱེས་པར་འགྱུར་རོ། །རྟག་ཏུ་ཡོན་ཏན་དང ། བསོད་ནམས་འབར་རོ། །དཔལ་གྱི་ལུས་ལ་ཤིན་ཏུ་འབར་བའི་ལུས་སུ་འགྱུར་རོ། །ཐམས་ཅད་དུ་འདི་མཆོད་པར་འོས་པ་ཆེན་པོར་འགྱུར་ཏེ། རྒྱལ་པོ་དང ། བློན་པོ་དང ། བྲམ་ཟེ་དང ། ཁྱིམ་བདག་དང ། བཙུན་མོའི་འཁོར་གྱིས་མཆོད་པར་འོས་པ་ཆེན་པོར་འགྱུར་རོ། །ལྷའི་གནས་སུམ་ཅུ་རྩ་གཉིས་ཀྱི་བར་དུ་ཡང་དགྱེས་པར་འགྱུར་ཏེ། མཆོད་པར་བྱེད་དོ། །ལྷ་རྣམས་ཀྱི་དབང་པོ་བརྒྱ་བྱིན་ལྷའི་བདག་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཤིན་རྗེ་དང ། ཆུ་ལྷ་དང ། ལུས་ངན་པོ་དང ། གཞོན་ནུ་དང ། དྲང་སྲོང་གི་ཚོགས་རྣམས་ཀྱིས་མཆོད་པར་འོས་པ་ཆེན་པོར་འགྱུར་རོ། །སེམས་ཅན་ཐམས་ཅད་ཀྱང་རྟག་ཏུ་དེ་མཐོང་བར་འདོད་པར་འགྱུར་རོ། །རྟག་ཏུ་དགྱེས་པར་སྟོན་པ་བཞེད་པར་འགྱུར་རོ། །རིག་སྔགས་འཆང་བས་ཁྲུས་བྱས་གོས་གཙང་མ་བགོས་ཏེ་གཙང་མར་བྱས་ལ་དྲི་སྣ་ཚོགས་ཀྱིས་ལུས་བསྐུ་བ་དང ། བདུག་པ་སྣ་ཚོགས་ཀྱིས་བདུག་པ་བྱས་ལ། ཙནྡན་དཀར་པོ་དང ། གུར་གུམ་གྱིས་ལག་པ་གཉིས་བསྐུས་ཏེ་ག་པུར་དང ། གླ་རྩིས་བསྐོས་པའི་ས་ཕྱོགས་གཙང་མར་རས་ཀྱི་སྐུ་གཟུགས་ཀྱི་སྤྱན་སྔའམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔའམ། འཕགས་པ་སྤྱན་རས་གཟིགས་དབང་ཕྱུག་གི་སྐུ་ Ba38a ༄#། །གཟུགས་ཀྱི་སྤྱན་སྔར་སྐྱིལ་མོ་ཀྲུང་བཅས་ཏེ་འདུག་ནས་ཕྱག་རྒྱ་འདི་བཅིང་བར་བྱའོ། །མཆོད་རྟེན་རིང་བསྲེལ་ཅན་གྱི་དྲུང་དུ་ཕྱག་རྒྱ་བཅིང་བར་བྱའོ། །སངས་རྒྱས་ལ་མཆོད་པའི་ཚོགས་ཡོན་ཆབ་ལ་སོགས་པ་དབུལ་བར་བྱའོ། །བྱམས་པ་དང ། སྙིང་རྗེའི་སེམས་སུ་བྱའོ། །སེམས་ཅན་ཐམས་ཅད་ལ་ལྷག་པར་བརྩེ་བ་དང ། སྙིང་རྗེའི་སེམས་བསྒོམ་པར་བྱའོ། །སེམས་ཅན་ཐམས་ཅད་ལ་བུ་གཅིག་པ་དང་འདྲ་བར་ཤེས་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་ཡིད་ལ་དྲན་པར་བྱའོ། །སངས་རྒྱས་ཡིད་ལ་བྱེད་པ་དྲན་པ་བསྒོམ་པར་བྱ་སྟེ། ཕྱག་རྒྱ་ཆེན་པོ་བདུན་པོ་དེ་དག་བཅིང་བ་བྱས་ན། ཕྱག་རྒྱ་བྱེ་བ་ཕྲག་བདུན་བཅིངས་པར་འགྱུར་རོ།། དེ་ནས་མཐུ་བརྗོད་པར་བྱའོ། །མཐུ་ནི། འཇིག་རྟེན་ལས་འདས་པ་ཡང་དག་པར་མཐོང་བ་དང ། དོན་ཡོད་པའི་ཞགས་པའི་ཆོ་འཕྲུལ་དང ། རང་བཞིན་གྱི་སྐུ་མངོན་དུ་མཐོང་བ་ཡིན་ནོ། །རྒྱལ་པོའམ། བཙུན་མོའི་ནང་དུའམ། སྐྱེ་བོ་མང་པོའི་ནང་དུ་ཚོགས་པ་དང ། དགེ་སློང་གི་ཚོགས་ཀྱི་དགེ་འདུན་གྱི་ནང་དུའམ། འཁོར་དུ་བཅད་པའི་ནང་དུའམ། རིག་བྱེད་བཞི་ཚོགས་པ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། རྗེའུ་རིགས་དང ། Ba38b དམངས་རིགས་དང་བཅས་པ་དེ་དག་གི་ནང་དུ་དེ་དག་གིས་དོན་ཡོད་པའི་ཞགས་པའི་ཆོ་འཕྲུལ་འཇིག་རྟེན་ལས་འདས་པ་མོད་ལ་མངོན་དུ་མཐོང་བ་དང ། འདས་པའམ། མ་འོངས་པ་དང ། ད་ལྟར་བྱུང་བའི་འཆི་བ་དང ། སྐྱེ་བ་དང ། སྐྱེས་ནས་ཡང་དག་པར་དགེ་བ་དང ། མི་དགེ་བའི་འབྲས་བུ་དང ། དགེ་བ་དང ། མི་དགེ་བས་ཤི་བ་དང ། སྐྱེས་ནས་ཕྱུག་པོའམ། དབུལ་པོའམ། རྒྱལ་པོ་ཐོབ་པའམ། ལྷའི་ལོངས་སྤྱོད་དང ། ལྷའི་གནས་སུམ་ཅུ་རྩ་གཉིས་དང ། བརྒྱ་བྱིན་དང ། ཚངས་པ་དང ། ཁྱབ་འཇུག་དང ། རྟག་ཏུ་དབང་ཕྱུག་ཆེན་པོར་འགྱུར་བ་དང ། ཀླུའི་སྐྱེ་གནས་དང ། ཡི་དྭགས་དང ། གནོད་སྦྱིན་དང ། སྲིན་པོ་གསང་བ་པ་རྣམས་ཀྱིས་དམྱལ་བ་མི་བ་མི་ཟད་པར་སྐྱེ་བ་དང ། མཚམས་མེད་པ་ལ་ཐུག་གི་བར་དུ་མཐོང་བ་དང ། བྲམ་ཟེའི་རིགས་སམ། རྒྱལ་རིགས་སམ། གཞན་ཡང་རིགས་དུ་མ་སྣ་ཚོགས་པར་སྐྱེ་བར་མཐོང་བ་དག་འཇིག་རྟེན་མགོན་པོའི་མཐུས་མངོན་སུམ་དུ་མཐོང་བར་འགྱུར་རོ། །འཇིག་རྟེན་པའི་ལས་བསྒྲུབ་པར་བྱ་བ་དེ་དག་ཐམས་ཅད་བསྟན་པར་བྱ་སྟེ། རྒྱལ་བ་དང ། རྣམ་པར་རྒྱལ་བ་དང ། བདེ་བ་དང ། ལོ་ལེགས་པ་དང ། མི་ངས་དང ། ཡམས་ཀྱི་ནད་དང ། ཕ་རོལ་གྱི་འཁོར་རམ་རང་གི་འཁོར་ལ་གནོད་པ་དང ། དགྲ་དང ། ཕྱིར་རྒོལ་བ་དང ། འགྱེད་པ་དང ། གཡུལ་སྤྲོད་པ་དང ། ཚེ་རིང་བ་དང ། ཚེ་ཐུང་བ་ Ba39a ༄#། །དང ། ནད་འབྱུང་བ་དང ། ནད་མེད་པ་དང ། ཆར་འབབ་པ་དང ། ཤིན་ཏུ་ཆར་འབབ་པ་དང ། ཆར་མི་འབབ་པ་དང ། དུས་མ་ཡིན་པར་འབབ་པ་དང ། དར་བ་དང ། རྒུད་པ་དང ། འབྱོར་པ་དང ། མི་འབྱོར་པ་དང ། འོང་བ་དང ། འགྲོ་བ་དང ། ནོར་དང ། འབྲུ་རྙེད་པ་དང ། འཕེལ་བ་དང ། འབྲི་བ་དང ། ལོ་ཉེས་པ་མཐོང་བ་དང ། འཁོར་བ་ན་ད་ལྟར་གྱི་ལས་གང་ཅུང་ཟད་ལེགས་པར་བྱེད་པ་དང ། ཉེས་པ་བྱེད་པ་དང ། དགེ་བའམ། མི་དགེ་བའམ། འབྲི་བའམ། འཕེལ་བའམ། སྐྱེ་བ་ལེགས་པར་སྐྱེ་བའམ། ངན་པར་སྐྱེ་བ་དང ། བུ་འབྱུང་བ་བུ་ཕོའམ། བུ་མོའམ། བུ་བཟང་པོའམ། བུ་ངན་པའམ། བསོད་ནམས་ཅན་ནམ། བསོད་ནམས་མེད་པ་མངལ་ན་གནས་པ་དེ་དག་བདེན་པ་ཉིད་དུ་མཐོང་སྟེ། ལས་ཀྱི་ཆོ་ག་ལེགས་པར་བྱས་པས་ཐེ་ཚོམ་མི་བྱའོ། །ཚེས་གྲངས་དང ། རྒྱུ་སྐར་དང ། ཉིན་མཚན་བརྗོད་པར་བྱ་མི་དགོས་ཀྱི། བཟླས་བརྗོད་དང ། གཏོར་མ་དང ། གཙང་སྦྲ་དང ། བཀྲུ་བཤལ་དང ། ཤིན་ཏུ་ཁྲུས་བྱ་བ་དང ། གོས་གཙང་མ་བཅང་བ་དང ། བདེན་པར་སྨྲ་བ་དང ། བྱམས་པའི་སེམས་དང ། བླ་མ་ལ་ལེགས་པར་མཉན་པ་དེ་བཟུང་བ་ཁོ་ནར་བྱའོ། །ཟས་དང ། སྐོམ་གཙང་མ་དང ། ཆང་དང ། ཤ་དང ། བེག་ཙོང་དང ། སྒོག་སྐྱ་དང ། ཀེའུ་དང་འདྲེས་པར་བྱས་པའི་འདྲེས་པའི་ཟས་ཡོངས་ Ba39b སུ་སྤང་བ་དང ། ཤིན་ཏུ་འབགས་པ་དང ། དེ་དག་ནི། ཁྱབ་པར་འདོད་པས་ཡོངས་སུ་སྤངས་པར་བྱས་ན། ལས་འདི་ནི། མོད་ལ་ཐམས་ཅད་མངོན་དུ་མཐོང་བར་འགྱུར་རོ། །དཀའ་ཐུབ་སྤྱོད་པ་ལ་བརྙས་སེམས་མི་བྱ། མ་གུས་པ་མི་བྱའོ། ཀློག་ཏུ་ཡང་མི་བྱའོ། །རྗེས་སུ་བསྟན་པ་དེ་དག་ནི། མཆོག་ཡིན་ནོ། །བསྒྲུབ་པར་བྱ་བ་མཆོག་དེ་དག་ནི། འཇིག་རྟེན་དབང་ཕྱུག་མགོན་པོས་བཀའ་སྩལ་པ་ཡིན་ནོ། །དངུལ་ལས་མེ་ལོང་ཆུ་ཞེང་དུ་སོར་བཅུ་དྲུག་པ་བྱས་ལ་ཟངས་ལས་པདྨོའི་གདན་ཁྲུ་གང་གི་ཚང་སྡོང་བུ་དང་བཅས་པར་བྱའོ། ། མེ་ལོང་གི་གོང་དུ་དངུལ་ལམ། གསེར་ལས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་བྱ་སྟེ། ཚད་སོར་བཞི་པ། གདན་པདྨོ་ཕྱག་བཞི་ལ་མདུང་རྩེ་གསུམ་པ་དང ། ཞགས་པ་དང ། པདྨ་དང ། ནོར་བུ་རིན་པོ་ཆེ་ཐོགས་པར་བྱ་བ་ནི། འཇོག་སྦྱོང་ལེགས་པར་བྱས་པ། འཇམ་པོ་འོད་ཕྱིན་པ་ཙམ་དུ་སྦྱང་བར་བྱའོ། །དེ་ནས་རིག་སྔགས་འཆང་བས་མེ་ལོང་གི་གོང་གི་འཇིག་རྟེན་དབང་ཕྱུག་གི་སྐུ་ལ་རིང་བསྲེལ་གཞག་པར་བྱའོ། །ག་བུར་དང ། གླ་རྩིས་སྐུ་ལ་མཆོད་པར་བྱའོ། །མེ་ལོང་གི་ཉེ་འཁོར་ཐོག་ཐག་ཏུ་དངུལ་གྱི་མེ་ཏོག་དང ། གསེར་གྱི་མེ་ཏོག་རིན་པོ་ཆེ་སྣ་ཚོགས་ཀྱིས་སྤྲས་པའི་ཕྲེང་བ་གདགས་པར་བྱའོ། །དབང་བསྐུར་བའི་དར་གདགས་པར་བྱའོ། །དེ་ནས་རིག་སྔགས་འཆང་ Ba40a ༄#། །བས་མེ་ལོང་དེ་ལ་ཉི་མ་རེ་རེ་ཞིང་དུས་གསུམ་དུ་དོན་ཡོད་པའི་ཞགས་པའི་སྙིང་པོ་བརྒྱ་རྩ་བརྒྱད་བཟླས་བརྗོད་བྱ་སྟེ། ཇི་ཙམ་བརྒྱད་སྟོང་ཚང་གི་བར་དུ་བྱའོ། །ཁྲོ་བོའི་རྒྱལ་པོ་དབང་བསྐུར་བར་བྱའོ། །དེ་ནས་མེ་ལོང་འབར་བར་འགྱུར་རོ། །གཅིག་ཁོ་ནར་ཁ་དོག་སྣ་ཚོགས་པར་འབར་བར་འགྱུར་རོ། །འཇིག་རྟེན་དབང་ཕྱུག་གི་སྐུ་གཟུགས་དེ་ལས་ལྷ་རྫས་ཀྱི་ཆུ་འཛག་གོ་།འོད་ཟེར་སྣ་ཚོགས་འབྱུང་ངོ ། །དེ་ནས་རིག་སྔགས་འཆང་བའི་ལུས་འབར་ཞིང་དགའ་བར་འགྱུར་རོ། །དོན་ཡོད་པར་དགའ་བ་དྲི་མ་མེད་པ་ཞེས་བྱ་བ་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོ་གྲུབ་པ་འཐོབ་པར་འགྱུར་རོ། །ལུས་ཤིན་ཏུ་དྲི་མ་མེད་ཅིང་ཡོངས་སུ་དག་པར་འགྱུར་རོ། །དེ་ནས་རིག་སྔགས་འཆང་བས་འཇིག་རྟེན་ཐམས་ཅད་ཀྱི་མངོན་སུམ་དོན་ཡོད་པའི་ཞགས་པ་རྣམ་པར་འཕྲུལ་པ་འགྲུབ་པ་བསྟན་པར་བྱ་དགོས་པས། དེ་ནས་རིག་སྔགས་འཆང་བས་ས་དང་བའི་ལྕི་བ་བསྲེས་པའི་དཀྱིལ་འཁོར་རྒྱར་ཁྲུ་བཞི། འཕང་དུ་ཁྲུ་ངོ་པ་བྱས་པ་ཤིན་ཏུ་མཁྲེགས་པ་ཤིན་ཏུ་འཇམ་པར་བྱའོ། །ཐིག་སྐུད་ཀྱིས་རྣམ་པར་ཕྱེ་སྟེ། ཚོན་སྣ་ཚོགས་རྣམ་པར་དབྱེ་ཞིང་སྒོ་བཞི་རྣམ་པར་ཕྱེ་ནས་དཀྱིལ་འཁོར་གྱི་སྒོ་རྣམ་པར་ཕྱེ་སྟེ་པདྨ་འདབ་མ་བརྒྱད་ཚོན་གྱིས་གསལ་ Ba40b བར་བྲི་ཞིང་པདྨའི་དཀྱིལ་དུ་གེ་སར་དང ། ཟེ་བ་བྱའོ། །སྟེགས་བུ་གྲུ་བཞི་ལ་རིན་པོ་ཆེ་སྣ་ཚོགས་ཀྱིས་བརྒྱན་པ་དང ། སྟེགས་བུའི་གྲཝ་བཞིར་རྒྱལ་པོ་ཆེན་པོ་བཞི་གོ་ཆ་བགོས་པ།་གཏུམ་པ། འཇིགས་པར་བྱེད་པའི་གཟུགས་བྲི་བར་བྱའོ། །སྟེགས་བུའི་དབུས་ཀྱི་གནས་བར་བར་དུ་ལྷ་དབང་ཕྱུག་དང ། དབང་ཕྱུག་ཆེན་པོ་དང ། གཤིན་རྗེ་དང ། ཆུ་ལྷ་དང ། གཞོན་ནུ་དང ། ལུས་ངན་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། ལྷ་དབང་ཕྱུག་དང ། ཕྱག་ན་རྡོ་རྗེ་དང ། རལ་པ་གཅིག་པ་དང ། སྒྲོལ་མ་དང ། དཀར་མོ་དང ། ཁྲོ་གཉེར་མ་དང ། རྡོ་རྗེ་ཕོ་ཉ་མོ་རྣམས་ཚོན་སྣ་ཚོགས་ཀྱིས་བྲི་ཞིང་རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་ཐོགས་པ་བྱའོ། །སྟེགས་བུའི་ཕྱི་རོལ་ཏུ་མདུང་རྩེ་གསུམ་པའི་ཕྲེང་བ་དང ། རྡོ་རྗེ་ཕྲེང་བ་དང ། པདྨའི་ཕྲེང་བ་ཀུན་ཏུ་བྱའོ། །ཕྲེང་བའི་བར་དབུས་དང ། གྲཝའི་བར་དུ་ལྷ་མོ་བརྒྱད་དང ། འཇིགས་བྱེད་མ་དང ། དཔེ་མེད་མ་དང ། བ་སིནྟི་དང ། དཔལ་སྒྲ་དབྱངས་དང ། སའི་ལྷ་མོ་དང ། དུང་ཅན་མ་དན། པུས་པ་དནྟི་རྣམས་རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་དང ། རིན་པོ་ཆེའི་སྣོད་ཐོགས་པ་བྱའོ། །ཕྱི་རོལ་ཐོག་ཐག་ཏུ་ཕྲེང་བའི་བར་བར་དུ་དྲི་སྣ་ཚོགས་ཀྱིས་དཀྱིལ་འཁོར་བསྐུ་ཞིང་ཙནྡན་དཀར་པོ་དང ། གུར་གུམ་གྱི་མཆོད་པ་སྣ་ཚོགས་བྱའོ། །ག་ Ba41a ༄#། །བུར་དང ། གླ་རྩིས་མཆོད་ཅིང ། དཀྱིལ་འཁོར་ཀུན་ཏུ་དར་སྣ་ཚོན་སྣ་ལྔའི་རྒྱལ་མཚན་དང ། མདའ་དང ། རྟ་བབས་ཀྱིས་བརྒྱན་པར་བྱའོ། །དངུལ་གྱི་སྣོད་བཞི་ཅུང་པེང་གིས་བཀང་སྟེ་གཞག་པར་བྱའོ། །དངུལ་གྱི་སྣོད་བཞི་གཏོར་མ་དཀར་གསུམ་གྱིས་དགང་བར་བྱའོ། །དངུལ་གྱི་སྣོད་བཞིར་མཆོད་ཡོན་གྱི་ཆུ་བཞག་པར་བྱའོ། །སྣོད་བརྒྱད་རོ་སྣ་ཚོགས་ཀྱི་གཏོར་མས་དགང་བར་བྱའོ། །འབྲས་བུ་རྣམ་པ་སྣ་ཚོགས་གཞག་པར་བྱའོ། །ཁ་ཟས་བཟའ་བ་དང ། གཏོར་མ་སྣ་ཚོགས་གཞག་པར་བྱའོ། །དྲི་སྣ་ཚོགས་དང ། བྱུག་པས་དངུལ་གྱི་སྣོད་བཀང་སྟེ་གཞག་པར་བྱའོ། །དངུལ་གྱི་པོག་ཕོར་བརྒྱད་ཙནྡན་དང ། ་ག་རུ་དང ། ཏུ་རུ་ཀ་དང ། ག་པུར་དང ། གླ་རྩི་དང ། གུར་གུམ་དང ། སྲ་རྩི་པོག་དང ། པོག་གིས་གང་བར་བྱ་ཞིང ། བདུག་སྤོས་སྣ་ཚོགས་པ་བསྲེག་གོ་།དངུལ་དང ། ཟངས་དང ། གསེར་གྱི་མེ་ཏོག་གི་སྙིང་པོའི་དཀྱིལ་འཁོར་དུ་བཅལ་དུ་དགྲམ་མོ། །ཕྱིའི་དཀྱིལ་འཁོར་དུ། ཇི་ལྟར་རྙེད་པའི་མེ་ཏོག་བཅལ་དུ་དགྲམ་པར་བྱ་སྟེ། ཕྲེང་བ་རྣམས་ཁོ་ར་ཡུག་ཏུ་བསྐོར་ནས་བཞག་སྟེ། དེ་ལ་ཡང་མེ་ལོང་ལེགས་པར་བརྒྱན་པར་བྱས་ནས་དབུས་ཀྱི་དཀྱིལ་འཁོར་གྱི་པདྨའི་གེ་སར་དང ། ཟེའུ་འབྲུ་ལ་ཤར་དུ་ཕྱོགས་པར་གཞག་པར་བྱའོ། །རིག་སྔགས་འཆང་ Ba41b གཙང་མ་ཁྲུས་བྱས་གོས་གཙང་མ་བགོ་བར་བྱ་སྟེ། དཀྱིལ་འཁོར་གྱི་ལས་དང ། བྱ་བ་ཐམས་ཅད་བྱས་ནས་མེ་ལོང་ལ་མངོན་དུ་ཕྱོགས་ཏེ་སྐྱིལ་མོ་ཀྲུང་དུ་འདུག་པར་གྱུར་ནས་འཕགས་པ་དོན་ཡོད་པའི་ཞགས་པའི་སྙིང་པོ་བཟླས་བརྗོད་དབུལ་བར་བྱ་སྟེ། བཟླས་བརྗོད་བརྒྱ་རྩ་བརྒྱད་རྫོགས་པ་དང ། ཁྲོ་བོའི་རྒྱལ་པོས་དབང་བསྐུར་རོ། །དབང་བསྐུར་བ་ཙམ་གྱི་མདོ་ལ་འཇིག་རྟེན་ཐམས་ཅད་ཀྱི་མངོན་སུམ་དང ། འཁོར་ཆེན་པོའི་དབུས་སུ་མེ་ལོང་གི་དབུས་དེར་འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མཐོང་སྟེ། མེ་ལོང་གི་དབུས་དེ་ནས་རིག་སྔགས་འཆང་དེ་ལ་ལེགས་སོ་ཞེས་བྱ་བ་སྦྱིན་པར་མཛད་དོ། །རིག་སྔགས་འཆང་ཆེན་པོ་ལེགས་སོ་ལེགས་སོ། །བདག་ལ་དོན་ཡོད་པའི་མེ་ལོང་ལ་འབེབས་པའི་དེ་ཁོ་ན་ཉིད་དམ་པར་གྱུར་པ་འདི་ཐམས་ཅད་ཡང་དག་པར་མཐོང་སྟེ། འཇིག་རྟེན་དང ། འཇིག་རྟེན་ལས་འདས་པའི་ལས་ཀྱི་འབྲས་བུ་བླ་ན་མེད་པ་ཞེས་བྱ་བ་ཡོངས་སུ་དག་པ་ཉིད་དོ། །རིག་སྔགས་འཆང ། ཁྱོད་ཀྱིས་འབྲས་བུ་ཆེན་པོ་འཇིག་རྟེན་ལས་འདས་པའི་ལམ་མཚུངས་པ་མེད་པ་ཐོབ་བོ། །ཁྱོད་ཀྱིས་དོན་ཡོད་པའི་ཞགས་པའི་སྙིང་པོའི་འཇིག་རྟེན་དང ། འཇིག་རྟེན་ལས་འདས་པའི་སྒྲུབ་པའི་ཆོ་ག་དང ། ཆོ་ག་ཞིབ་མོ་དང ། དཀྱིལ་འཁོར་དང ། ཕྱག་རྒྱ་གྲུབ་བོ། །རིག་སྔགས་འཆང ། འཇིག་ Ba42a ༄#། །རྟེན་དང ། འཇིག་རྟེན་ལས་འདས་པའི་ཆོ་ག་གང་འདོད་པ་སྨྲོས་ཤིག་།དེ་ཐམས་ཅད་སྦྱིན་པར་བྱའོ། །ཞེས་སོ། །དེ་ནས་རིག་སྔགས་འཆང་གིས་མཆོག་གང་དོན་དུ་གཉེར་བ་དེ་བླངས་ན་ཐམས་ཅད་འཕྲལ་ཉིད་དུ་སྦྱིན་པར་བྱེད་དོ། །འཁོར་གྱི་དཀྱིལ་འཁོར་གང་ཡིན་པ་དེར་ཀུན་ནས་འོངས་པའི་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། དམངས་རིགས་དང ། རྗེ་རིགས་དང ། རྒྱལ་པོ་དང ། བློན་པོ་དང ། བཀྲབས་པ་དང ། མདུན་ན་འདོན་དང ། བཙུན་མོའི་འཁོར་དུ་ཀུན་འོངས་པ་དང ། བསོད་ནམས་དང་ལྡན་པའམ། བསོད་ནམས་དང་མི་ལྡན་པའམ། ཡོངས་སུ་དག་པའམ། ལྟ་བ་ངན་པའམ། གཞན་དམྱལ་བ་པའི་སེམས་ཅན་གཏི་མུག་གི་མུན་པ་ལ་ལྷུང་པ། མནར་མེད་པ་ལ་གཞོལ་བ། མཚམས་མེད་པ་ལྔ་བྱེད་པ། འཕགས་པ་ལ་སྐུར་པ་འདེབས་པ། དམ་པའི་ཆོས་སྤོང་བ་གང་ཡིན་པ་དེ་རྣམས་ཐམས་ཅད་ལའང་འཕགས་པ་སྤྱན་རས་གཟིགས་དབང་ཕྱུག་གི་ལུས་དེ་ལ་སྟོན་པར་བྱེད། ཐམས་ཅད་དུ་སྨྲ་བར་བྱེད། ཡང་དག་པར་དབུགས་འབྱིན་པར་བྱེད། ཐམས་ཅད་དུ་རང་གི་ལས་ལ་དགེ་བའམ། མི་དགེ་བའི་འབྲས་བུ་རྣམ་པར་སྨིན་པ་དེ་ཐམས་ཅད་སྟོན་པར་བྱེད་དོ། །རིག་སྔགས་ཀྱིས་ཆོམ་རྐུན་དང ། Ba42b གདོལ་པ་དང ། རིག་སྔགས་སྤོང་ཞིང་ཉམས་པར་བྱེད་པ་དང ། རིག་སྔགས་སུན་འབྱིན་པར་བྱེད་པ་དང ། རིག་སྔགས་ལ་མ་དད་ཅིང་གུས་པས་མི་ཉན་པ་དེའི་མི་མཐོང་བ་ནི། མ་གཏོགས་ཏེ། གཞན་དུ་ན་རང་གི་ལས་ཀྱི་འབྲས་བུ་སྡུག་བསྔལ་རྣམ་པ་སྣ་ཚོགས་ངེས་པར་འབྱུང་བར་མཐོང་ངོ ། །དེ་ནས་སེམས་ཅན་དེ་རྣམས་གང་འདོད་པའི་དོན་ཡིད་ལ་བྱེད་པ་འཇུག་སྟེ། འཇིག་རྟེན་པའམ། འཇིག་རྟེན་ལས་འདས་པ་དེ་ཐམས་ཅད་འཁོར་གྱི་དཀྱིལ་འཁོར་ཆེན་པོར་རང་རང་གི་འབྲས་བུ་ངེས་པར་འབྱུང་བ་བསོད་ནམས་དང ། བསོད་ནམས་མ་ཡིན་པའི་འབྲས་བུ་མཐོང་བར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་མཐོང་ངོ ། །དེ་བཞིན་གཤེགས་པའི་སྐུ་ཆེན་པོ་དང ། ཁང་པ་བརྩེགས་པ་དང་བཅས་པའི་གཞལ་ཡས་ཁང་མཐོང་ངོ ། །པོ་ཊ་ལ་ཀའི་རི་བོའི་གཞལ་ཡས་ཁང་རྣམས་བཅོམ་ལྡན་འདས་ཀྱི་རྣམ་པར་འཕྲུལ་པ་དང་བཅས་པ་དང ། འཕགས་པ་སྤྱན་རས་གཟིགས་དབང་ཕྱུག་འཁོར་དང་བཅས་པ་གཞལ་ཡས་ཁང་ན་ལྷ་དང་ཀླུས་ཡོངས་སུ་བསྐོར་བ་མཐོང་ངོ ། །གཞན་ཇི་ལྟར་ད་ལྟར་གྱི་དགེ་བ་དང ། མི་དགེ་བའམ། ལོ་ལེགས་པ་དང ། ལོ་ཉེས་པའམ། ནད་དང ། འཆི་བ་དང ། ཚེ་ཐུང་བ་དང ། ཚེ་རིང་བ་དང ། རང་གི་དམག་ཚོགས་དང ། ཕ་རོལ་གྱི་དམག་ཚོགས་དང ། གཡུལ་ Ba43a ༄#། །དང ། འཁྲུག་པ་དང ། འཇིགས་པ་དང ། རྒྱལ་པའམ། ཕམ་པའམ། བརླག་པའམ། མ་བརླག་པའམ། ཡམས་དང ། ཆར་ཆེས་པ་དང ། དུས་མ་ཡིན་པའི་ཆར་རམ། ཆར་མེད་པའམ། རླུང་ངམ། སད་དམ། ཚད་པ་ཡང་རུང་སྟེ་དེ་དག་ཐམས་ཅད་མཐོང་ངོ ། །ནོར་དང་ལྡན་པའམ། ཉམས་པའམ། འཕེལ་པའམ། ལོ་ཐོག་གམ། མེ་ཏོག་གམ། འབྲས་བུ་འཕེལ་བ་ཡང་རུང་སྟེ། དེ་དག་ཐམས་ཅད་མཐོང་ངོ ། །ཆོམ་རྐུན་དང ། རྐུན་པོ་དང ། དུག་དང ། མཚོན་ཆའི་འཇིགས་པའམ། རྒྱལ་པོའི་འཇིགས་པའམ། གནོད་སྦྱིན་དང ། སྲིན་པོ་དང ། འབྱུང་པོ་དང ། མཁའ་འགྲོ་མ་དང ། བརྗེད་བྱེད་ཀྱི་འཇིགས་པ་དེ་ཐམས་ཅད་མཐོང་ངོ ། །ནོར་ཆེན་པོའམ། །ནོར་མེད་པ་དེ་ཐམས་ཅད་མཐོང་ངོ ། །འཆི་འཕོ་བ་དང ། སྐྱེ་བ་མཐོང་ངོ ། །བུ་ཐོབ་པ་དང ། གྲོང་དང ། གྲོང་ཁྱེར་དང ། ཡུལ་དང ། ལྗོངས་ཐོབ་པ་དང ། བུད་མེད་ཐོབ་པ་དེ་ཐམས་ཅད་མཐོང་སྟེ། འདི་ལ་དོགས་པ་དང ། ཡིད་གཉིས་དང ། ཐེ་ཚོམ་བསྐྱེད་པར་མི་བྱ་ཞིང ། མཆོག་ཏུ་དད་པ་དང ། གུས་པས་ཤིན་ཏུ་འབད་དེ་ཆོ་ག་འདི་བསྒྲུབ་པར་བྱའོ། ། དོན་ཡོད་ཞགས་པའི་རྣམ་པར་ཐར་པའི་དཀྱིལ་འཁོར་དུ་འཇིག་རྟེན་ལས་འདས་པའི་སྒྲུབ་ཐབས་ཀྱི་ཆོ་ག་རྫོགས་སོ།། །།དེ་ནས་ཡང་གནོད་སྦྱིན་གྱི་སྡེ་དཔོན་ Ba43b ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པའི་ཞགས་པའི་སྙིང་པོ་གསུངས་པ་ཆོ་ག་ཞིབ་མོའི་ཉེ་བར་སྤྱོད་པ་དང་བཅས་པ་དང ། དཀྱིལ་འཁོར་དང་ཕྱག་རྒྱ་རིམ་པར་ཕྱེ་བ་དང ། རས་རིས་ཤིན་ཏུ་ཟབ་པ། ཤིན་ཏུ་གཏིང་དཔག་དཀའ་ཞིང་ཤིན་ཏུ་རྒྱ་ཆེ་ལ། ཤིན་ཏུ་སྒྲུབ་དཀའ་བ་དང ། དཀྱིལ་འཁོར་མང་པོ་དང ། ཕྱག་རྒྱ་མང་པོ་དང ། གསང་སྔགས་མང་པོ་དང ། རས་རིས་མང་པོ་ཡོངས་སུ་བསྒྲགས་པ་རྣམས་ནི། རབ་རིབ་དང་བྲལ་བར་མཐོང་སྟེ། བཅོམ་ལྡན་འདས། རྒྱ་མཚོ་ཆེན་པོ་དུག་ཅན་པ་ཟབ་པ་ལྟ་བུ། ལྷུན་པོ་ཆེན་པོ་དང་མཚུངས་པ་ལྟ་བུ།་སྨིག་རྒྱུ་ལྟ་བུ། རྡུལ་ཕྲ་རབ་ལྟ་བུ། དེ་བཞིན་གཤེགས་པའི་ཡེ་ཤེས་དང་མཚུངས་པ་ལྟ་བུ། བགྲང་བ་ལས་ཡང་དག་པར་འདས་པ། མཚུངས་པ་མེད་པ། གཞལ་དུ་མེད་པ། ཚད་མེད་པ། བསྐལ་པའི་གྲངས་ཀྱིས་བགྲང་བར་བྱ་བ་མེད་པའི་བསྐལ་པའི་ཚད་མ་དང ། བསྐལ་པ་བསམ་གྱིས་མི་ཁྱབ་པའི་ཚད་མ་དང ། ལྷའི་ཡུལ་གྱི་ཚད་མ་དང ། ཀླུའི་ཡུལ་གྱི་ཚད་མ་དང ། སེམས་ཅན་གྱི་ཚད་མ་དང ། དེ་བཞིན་གཤེགས་པའི་བསམ་གྱིས་མི་ཁྱབ་པའི་ཚད་མ་དང ། དེ་བཞིན་གཤེགས་པའི་སྤྱན་ལ་སྣང་བའི་ཚད་ Ba44a ༄#། །མ་དང ། དེ་བཞིན་གཤེགས་པའི་ཡེ་ཤེས་ལ་ཀུན་ཏུ་སྣང་བའི་ཚད་མ་དང ། བྱང་ཆུབ་སེམས་དཔའི་ཡེ་ཤེས་ཀྱི་ཚད་མ་དང ། བདུད་ཀྱི་ཡུལ་གྱི་ཚད་མ་རྣམས་ཀྱིས་ཐོག་མར་དམིགས་པ་མ་ལགས་སོ། །བཅོམ་ལྡན་འདས་བར་དུ་ཡང་དམིགས་པ་མ་ལགས། བཅོམ་ལྡན་འདས། བར་དུ་ཡང་དམིགས་པ་མ་ལགས་སོ། །ཐ་མར་ཡང་མ་ལགས་ན། བཅོམ་ལྡན་འདས། དེ་ཇི་ལྟར་ཡོངས་སུ་ཤེས་པར་བགྱི། སྒྲུབ་ཐབས་ཀྱི་ཆོ་གས་བསྒྲུབ་པར་བྱ་བ་ནི། དུ་ཞིག་ལགས། གསང་སྔགས་ནི། དུ་ཞིག། ཕྱག་རྒྱ་ནི། དུ་ཞིག། དཀྱིལ་འཁོར་ནི། དུ་ཞིག། བྲི་བར་བྱ་བའི་ཕྱག་རྒྱ་ནི། དུ་ཞིག་།ལག་པའི་ཕྱག་རྒྱ་ནི། དུ་ཞིག། བདུག་པའི་སྦྱོར་བ་ནི། དུ་ཞིག་།མིག་སྨན་ནི། དུ་ཞིག་།རིལ་བུ་ནི། དུ་ཞིག་།བདུག་པ་ནི། དུ་ཞིག་།རས་རིས་ནི། དུ་ཞིག་།རྩ་བའི་གསང་སྔགས་ནི། དུ་ཞིག་།སྙིང་པོ་ནི། དུ་ཞིག་།ཉེ་བའི་སྙིང་པོ་ནི། དུ་ཞིག། ཁྲོ་བོའི་གསང་སྔགས་ནི། དུ་ཞིག་།དྲག་པོ་ནི། དུ་ཞིག་།ཞི་བ་ནི། དུ་ཞིག་།ཡི་གེ་གཅིག་པ་ནི། དུ་ཞིག་།ཡི་གེ་གཉིས་པ་ནི། དུ་ཞིག་།ཡི་གེ་གསུམ་པ་ནི། དུ་ཞིག་།ཡི་གེ་བཞི་པ་ནི། དུ་ཞིག་།ཡི་གེ་ལྔ་པ་ནི། དུ་ཞིག་།ཡི་གེ་དྲུག་པ་ནི། དུ་ཞིག་།ཡི་གེ་བདུན་པ་ནི། དུ་ཞིག་།ཡི་གེ་བརྒྱད་པ་ནི། དུ་ཞིག་།ཡི་གེ་དགུ་པ་ནི། དུ་ཞིག། ཡི་གེ་ Ba44b བཅུ་པ་ནི། དུ་ཞིག་ལགས། སྨྱུང་བར་གནས་པ་ཇི་ལྟར་ལགས། ཉིན་མོ་དང་མཚན་མོ་ནི། ཇི་ལྟར། ཁྲུས་ཀྱི་ཆོ་ག་ནི། ཇི་ལྟར། གོས་བསྒོ་བ་ནི། ཇི་ལྟར། ཕྱོགས་བཅིང་བ་ནི་ཇི་ལྟར།་དཀྱིལ་འཁོར་བཅིང་བ་ནི། ཇི་ལྟར། གཙུག་ཏོར་བཅིང་བ་ནི། ཇི་ལྟར། བདག་སྲུང་བ་ནི། ཇི་ལྟར། གཞན་སྲུང་བ་ནི། ཇི་ལྟར། གྲོགས་སྲུང་བ་ནི། ཇི་ལྟར། སློབ་མ་སྲུང་བ་ནི། ཇི་ལྟར། རབ་ཏུ་འཇུག་པ་ནི། ཇི་ལྟར། ཕྱག་བྱ་བ་ནི། ཇི་ལྟར། བསྐོར་བ་བྱ་བ་ནི། ཇི་ལྟར། མཆོད་ཡོན་དང ། ཞབས་བསིལ་འབུལ་བ་ནི། ཇི་ལྟར། གཏོར་མ་འབུལ་བ་ནི།་ཇི་ལྟར། མེ་ཏོག་འབུལ་བ་ནི། ཇི་ལྟར། བདུག་པ་ནི། ཇི་ལྟར། དྲི་ནི། ཇི་ལྟར། མར་མེ་ནི། ཇི་ལྟར། ཉེ་རེག་ནི། ཇི་ལྟར། ལྷ་བཤོས་ནི། ཇི་ལྟར། ཐམས་ཅད་དུ་སྤྱན་དྲང་བ་ནི།་ཇི་ལྟར། སྙན་གསན་དབབ་པ་ནི། ཇི་ལྟར། རྨི་ལམ་བསྐུལ་བ་ནི། ཇི་ལྟར། སྦྱིན་སྲེག་གི་ཆོ་ག་ནི། ཇི་ལྟར་ལགས། ཞི་བ་ཅན་ནི། དུ་ཞིག་ལགས། རྒྱས་པ་ཅན་ནི། དུ་ཞིག་།མངོན་སྤྱོད་ཅན་ནི། དུ་ཞིག་།ཞགས་པ་ནི། དུ་ཞིག་།རྡོ་རྗེ་ནི་།དུ་ཞིག་།པདྨ་ནི་།དུ་ཞིག་།གཤེགས་སུ་གསོལ་བ་ནི། དུ་ཞིག་།ཉེ་བར་འཕོ་བར་བྱེད་པའི་བྱ་བ་ནི། དུ་ཞིག་ལགས། བཅོམ་ལྡན་འདས། དེ་དག་གི་མཚན་ཉིད་ཇི་འདྲ་བ་དང ། རྒྱུ་མཚན་ཇི་འདྲ་བ་དང ། ཀུན་ཏུ་སྤྱོད་པར་འགྱུར་བ་ནི། མི་ཤེས་སོ། །བཅོམ་ལྡན་འདས། བདག་ Ba45a ༄#། །ལས་སྒྲུབ་པའི་ཆོ་ག་དུ་ཞིག་གི་རྗེས་སུ་འབྲང་བར་བགྱི། བཅོམ་ལྡན་འདས། ཇི་ལྟར་ཕྱི་མའི་དུས་ཕྱི་མའི་ཚེ་ན་སེམས་ཅན་རྣམས་ཀྱི་རྗེས་སུ་འབྲང་བར་འགྱུར་རོ། །དངོས་གྲུབ་དུ་ཞིག་རྗེས་སུ་སྩལ་བར་བགྱི། ཇི་ལྟར་སེམས་ཅན་བླ་ན་མེད་པར་འགྱུར་བར་བགྱི། བཅོམ་ལྡན་འདས། འདི་དག་ལ་བདག་འཁྲུགས་པར་གྱུར་ཅིང ། བདག་ལ་སྤོབས་པ་མེད་དོ། །བཅོམ་ལྡན་འདས། བདག་གིས་ཤེས་པར་མི་ནུས་ན། བཅོམ་ལྡན་འདས་ཀྱིས་ཆོ་གའི་མཚན་ཉིད་ཇི་ལྟ་བ་དེ་དག་བདག་ལ་གསུང་དུ་གསོལ། བཅོམ་ལྡན་འདས། བདག་ལ་ཐེ་ཚོམ་མཆིས་པས། བཅོམ་ལྡན་འདས་ཀྱིས་བདག་གི་ཐེ་ཚོམ་གཅད་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་ཞུ་བ་ཡོངས་སུ་ཞུས་པར་གྱུར་པ་གསན་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། མཆོག་ཏུ་རྙེད་པར་དཀའ་བ་འདི་དྲི་བ་ཡོངས་སུ་དྲིས་པ་ནི། ལེགས་སོ་ལེགས་སོ། །ལག་ན་རྡོ་རྗེ། ཁྱོད་ལ་ཡོངས་སུ་འདྲི་བར་བྱེད་པའི་སྤོབས་པ་སྐྱེས་པ་ནི། ལག་ན་རྡོ་རྗེ། སེམས་ཅན་ཐམས་ཅད་ལ་ཕན་པའི་ཕྱིར་དོན་གྱི་ཆེད་ཡོངས་སུ་ཞུས་པའི་ཕྱིར་དང ། རིག་སྔགས་འཆང་ཐམས་ཅད་ཀྱི་ Ba45b མཆོག་འགྲུབ་པའི་དོན་དུ་ཡོངས་སུ་ཞུས་པའི་ཕྱིར་དང ། ལག་ན་རྡོ་རྗེ། འདི་ནི། མཆོག་ཏུ་རྨད་དུ་བྱུང་བས་ཏེ། ཕྱི་བཞིན་དུ་རྗེས་སུ་འབྲང་ངོ ། །ལག་ན་རྡོ་རྗེ། འདི་ནི། སྒྱུ་མ་ལྟ་བུའི་ཏིང་ངེ་འཛིན་དང་མཚུངས་པའོ། །ལག་ན་རྡོ་རྗེ། དོན་ཡོད་ཞགས་པའི་སྙིང་པོའི་ཆོ་ག་ཞིབ་མོའི་རྒྱལ་པོ་ཆེན་པོའི་ཆོ་ག་།རྒྱ་མཚོ་ཆེན་པོ་དུག་ཅན་པ་དང་ཟབ་པར་མཚུངས་པས་ཏེ།་འདི་ནི། གཏིང་དཔག་དཀའ་བའོ། །ལག་ན་རྡོ་རྗེ། རྒྱ་མཚོ་ཆེན་པོ་ཐིགས་པའི་གྲངས་ཀྱིས་བགྲང་བར་ནུས་ཀྱི། ལག་ན་རྡོ་རྗེ། དོན་ཡོད་ཞགས་པའི་སྙིང་པོའི་ཚད་ནི། གཟུང་བར་མི་ནུས་སོ། །ལག་ན་རྡོ་རྗེ། རིའི་རྒྱལ་པོ་རི་རབ་ནི། རྡུལ་ཕྲ་རབ་ཏུ་གཏོར་བའི་གྲངས་ཀྱི་མཐར་ཐུག་པར་བྱ་བར་ནུས་ཤིང ། སླར་ཡང་རིའི་རྒྱལ་པོ་རི་རབ་ཏུ་གནས་པར་འདོད་པས་རང་གི་གནས་སུ་རབ་ཏུ་གཞག་པར་ནུས་ཀྱི། དོན་ཡོད་ཞགས་པའི་སྙིང་པོའི་ཆོ་ག་ཞིབ་མོའི་ཚད་ནི། གཟུང་བར་མི་ནུས་སོ། །དེ་ལྟར་རྒྱ་ཆེ་བ། དེ་ལྟར་གཏིང་དཔག་དཀའ་བ། དེ་ལྟར་ཟབ་པ་སྟེ། ལག་ན་རྡོ་རྗེ། འདས་པ་དང ། མ་འོངས་པ་དང ། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱིས་མཁྱེན་པ་དང ། གཏིང་དཔག་པར་མི་ནུས་སོ། །དོན་ཡོད་ཞགས་པའི་སྙིང་པོའི་ཆོ་ག་ཞིབ་མོའི་ཚད་འཛིན་པར་ནི། མི་ནུས་སོ། །ལག་ན་རྡོ་རྗེ། སྒྱུ་མ་ལྟ་བུ་གང་ཡིན་པ་དེ་དང ། སྙིང་པོ་དང ། ཏིང་ངེ་ Ba46a ༄#། །འཛིན་གང་ཡིན་པ་དེ་དང ། ཞགས་པ་དང ། སྒྱུ་མ་ལྟ་བུའི་ཏིང་ངེ་འཛིན་གྱི་རྣམ་པར་འཕྲུལ་པ་འདི་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སེམས་ཅན་རྣམས་ཀྱི་གཟུགས་དང ། ཁ་དོག་དང ། དབྱིབས་སྣ་ཚོགས་དང ། ཚུལ་སྣ་ཚོགས་སུ་མཐོང་བར་བྱེད་དེ། སེམས་ཅན་ཐམས་ཅད་བསྒྲལ་བའི་ཆེད་དང ། རིག་སྔགས་འཆང་ཐམས་ཅད་ཀྱི་དངོས་གྲུབ་ཀྱི་མཆོག་བསྒྲུབ་པར་བྱེད་པའོ། །ལག་ན་རྡོ་རྗེ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐམས་ཅད་དུ་མཉམ་པར་འགྲོ་བ་སྟེ། གང་དུ་ཆུ་དང་འོ་མ་མཉམ་པས་མཉམ་པ་བཞིན་ནོ། །ཐམས་ཅད་དུ་མཉམ་པས་བྱམས་པ་དང་སྙིང་རྗེ་ཆེན་པོ་རྒྱས་པར་བྱེད་དོ། །དོན་ཡོད་པའི་ཞགས་པས་འགུགས་པར་བྱེད་ལ་སྒྲོལ་བར་བྱེད་དོ། །འཆི་བ་མེད་པའི་ཐད་རྡོ་རྗེའི་དཀྱིལ་འཁོར་དུ་འཇོག་པར་བྱེད་དོ། །དམན་པ་དང ། མཆོག་དང ། བར་མ་དང ། རིགས་མཐོན་པོ་དང ། དམའ་བ་དང ། དམྱལ་བ་དང ། བྱོལ་སོང་གི་སྐྱེ་གནས་དང ། གཤིན་རྗེའི་འཇིག་རྟེན་ལ་སོགས་པ་རྣམས་ཐམས་ཅད་དུ་མཉམ་པར་དྲན་པར་བྱེད་ཅིང་མིང་སྨོས་པ་ཙམ་གྱིས་འཛིན་པར་བྱེད་ཅིང ། སེམས་ཅན་ཐམས་ཅད་བླ་ན་མེད་པར་བྱེད་ལ། དུབ་པ་དང ། ངལ་བ་ Ba46b དང ། ཡིད་ལ་གཅགས་པར་འགྱུར་བ་མེད་དོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། སྲིན་པོ་དང ། འབྱུང་པོ་དང ། བརྗེད་བྱེད་དང ། ཡི་དྭགས་དང ། ནགས་དང ། གཤིན་རྗེའི་གནས་ཇི་སྲིད་དུ། ས་འོག་གི་ནང་དུ་སོན་པ་རྣམས་དང ། སྲིད་པའི་རྩེ་མོ་ནས་མནར་མེད་པའི་མཐར་ཐུག་པ་དང ། ཇི་སྲིད་དུ་འོག་མིན་གྱི་སྲིད་པའི་བར་དུ་གཅིག་ཏུ་སེམས་བསྐྱེད་པས་ཡོངས་སུ་རྒྱུག་གོ་།ལྷ་དང ། ཀླུ་དང་བཅས་པ་ནས་ཇི་སྲིད་དུད་འགྲོའི་སྐྱེ་གནས་ཀྱི་བར་ཐམས་ཅད་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་རྣམས་བླ་ན་མེད་པར་བྱེད་དོ། །དཔེར་ན། ཉི་མའི་འོད་ཟེར་ནི། མུན་པས་མདོངས་པ་ཐམས་ཅད་སེལ་བར་བྱེད། ཛམྦུ་གླིང་ཐམས་ཅད་དུ་མཉམ་པར་སྣང་བར་བྱེད་དོ། །དེ་བཞིན་ཉིད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐམས་ཅད་དུ་སྙིང་རྗེ་ཆེན་པོས་ཀུན་ཏུ་སྣང་བར་བྱེད་ཅིང་ཐམས་ཅད་ལ་ཐམས་ཅད་དུ་མཉམ་པར་གནས་ཏེ་སྡུག་བསྔལ་གྱི་ཚོར་བ་དང ། འཇིགས་པ་མི་བཟད་པ་དང ། ནད་དང ། མྱ་ངན་དང ། སྡུག་བསྔལ་གྱི་འཆིང་བ་རྣམས་ཐམས་ཅད་ཡོངས་སུ་གྲོལ་བར་བྱེད་དོ། །སྐྱེ་བ་དང ། རྒ་བ་དང ། འཆི་བའི་སྡུག་བསྔལ་ཡོངས་སུ་གྲོལ་བར་བྱེད་དོ། །མཐོ་རིས་ལ་གཞོལ་བ་ལ་སོགས་ Ba47a ༄#། །པའི་ལམ་ཐམས་ཅད་དུ་འགོད་པར་བྱེད་དོ། །དེ་ལྟར་ན། སྙིང་རྗེ་ཆེན་པོ་དང ། བྱམས་པ་ཆེན་པོས་ཐམས་ཅད་དུ་མཉམ་པར་རྗེས་སུ་འགྲོ་སྟེ། ཐམས་ཅད་དུ་མཉམ་པར་མཆོག་ཏུ་བྱེད་ཅིང ། ཐམས་ཅད་དུ་མཉམ་པར་བྱང་ཆུབ་ཀྱི་ལམ་ལ་རབ་ཏུ་དགོད་པར་བྱེད་དོ། །ཐམས་ཅད་དུ་མཉམ་པར་སྐྱབས་དང ། དཔུང་གཉེན་དུ་འགྱུར་རོ། །ལག་ན་རྡོ་རྗེ། དེ་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ནི། བརྟན་པ་དང ། གོ་ཆ་དང ། སྤྲོ་བ་ཆེན་པོས་རིག་སྔགས་འཆང་བ་ཐམས་ཅད་དང ། སེམས་ཅན་ཐམས་ཅད་ཀྱི་དོན་གྱི་ཆེད་དུ་ཞུགས་པའོ། །ལག་ན་རྡོ་རྗེ། འདི་ནི། ཐབས་གཅིག་ཏུ་འཇུག་པ་ཆེན་པོ་སྟེ། སེམས་ཅན་ཐམས་ཅད་འཇིགས་པ་ཆེན་པོའི་ལམ་ལས་སོ་སོར་ལྡོག་པར་བྱེད་པའོ། །བདེ་བ་ནས་བདེ་བར་གཤེགས་པའི་ལམ་དུ་འགོད་པར་བྱེད་པའོ། །རྟོག་པ་མེད་ཅིང་རྣམ་པར་རྟོག་པ་མེད་ལ་བསམ་པ་རྣམ་པ་གཞན་དུ་འགྱུར་བ་མེད་དོ། །སེམས་ཀྱིས་ཡིད་ལ་གཅགས་པར་འགྱུར་བ་མེད་དོ། །དེ་ནས་ཡང་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་སྤྱན་སྔ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཡོན་ཏན་བསྔགས་པ་ཆེན་པོ་འདི་ཐོས་ནས་དགའ་བ་དང་ Ba47b མགུ་བ་དང ། ཡིད་རངས་པ་དང ། རབ་ཏུ་རངས་པ་དང ། དགའ་བ་དང ། ཡིད་བདེ་བ་སྐྱེས་ནས་ཆེད་དུ་བརྗོད་པ་ནི། ཆེད་དུ་བརྗོད་པར་གྱུར་ཏོ། །ེ་མ་མགོན་པོ་འཇིག་རྟེན་དབང་ཕྱུག་།ེ་མ་འཇིག་རྟེན་དབང་ཕྱུག་བླ་མ། ཁྱོད་ཀྱི་མིང་གི་ཡོན་ཏན་བསྐྱེད་པས་ངན་འགྲོ་ཐམས་ཅད་གྲོལ་བར་བྱེད་དོ། །ཕྱག་ན་རྡོ་རྗེས་བྱང་ཆུབ་སེམས་དཔའ་ལ་སྨྲས་པ། འདི་ནི།་འཇིག་རྟེན་གྱི་བླ་མ་མགོན་པོ། འདི་ནི། འཇིག་རྟེན་གྱི་ཡབ་ཆེན་པོ། འདི་ནི། འཇིག་རྟེན་སྒྲོལ་བར་བྱེད་པའི་མགོན་པོ། ཐུབ་པ་ཉིན་མོའི་ཉི་མའོ། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་ལྟ་བུར་ལག་ན་རྡོ་རྗེ་ཇི་ལྟར་སྨྲ་བར་བགྱིད། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅན་སོང་ལ་མངོན་པར་ཕྱག་འཚལ་ནས་ཡོངས་སུ་ཞུས་ཤིག་།མཆོག་ཏུ་གྱུར་པའི་ཚིག་གིས་ཆོ་ག་ཇི་ལྟ་བ་བཞིན་དུ་སྙིང་པོ་དང ། དེ་ཁོ་ན་ཉིད་ཀྱི་རང་བཞིན་དེ་རྣམས་སྟོན་པར་བྱེད་དོ། །དོན་ཡོད་ཞགས་པའི་སྙིང་པོའི་ཆོ་ག་ཞིབ་མོའི་སྒྲུབ་པའི་དངོས་གྲུབ་ཇི་ལྟ་བ་བཞིན་དུ་སྟོན་པར་འགྱུར་ཞིང་ལུང་འབོགས་པར་བྱེད་དོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་ཟབ་མོ་ཟབ་པ་རྟོགས་ཤིང་ཁོང་དུ་ཆུད་དེ་སེངྒེའི་རྩལ་གྱིས་འགྲོ་ཞིང ། རྡོ་རྗེ་བསྐོར་བར་བྱེད་བཞིན་པས་ Ba48a ༄#། །ཟླ་བ་མཛེས་པ་དྲི་མ་མེད་པའི་མེ་ཏོག་བཟུང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ག་ལ་བ་དེར་དོང་སྟེ་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཞབས་གཉིས་ལ་མགོ་བོས་ཕྱག་འཚལ་ནས་ལན་གསུམ་བསྐོར་བ་བྱས་ཏེ་ཟླ་བ་མཛེས་པ་དྲི་མ་མེད་པའི་མེ་ཏོག་ཕུལ་ཏེ། པུས་མོ་གཡས་པའི་ལྷ་ང་ས་ལ་བཙུགས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ནི། ཤིན་ཏུ་རྨོངས་པ་དང་ལྡན་པ། དྲན་པ་ཡོངས་སུ་ཉམས་པ། བློའི་དཔའ་ཞུམ་པ་སྟེ། དོན་ཡོད་ཞགས་པའི་སྙིང་པོའི་གསང་སྔགས་དང ། ཕྱག་རྒྱ་མང་པོ་དང ། རས་རིས་ཀྱི་སྒྲུབ་པའི་ཆོ་ག་ཤིན་ཏུ་རྒྱས་པ་འདི་དང ། དེ་དག་མི་ཤེས་སོ། །སྔོན་མ་ནི། དུ་ཞིག། བར་མ་ནི། དུ་ཞིག་།ཐ་མ་ནི། དུ་ཞིག་།རྩ་བའི་གསང་སྔགས་ནི། དུ་ཞིག་།སྙིང་པོ་ནི། དུ་ཞིག་།ཉེ་བའི་སྙིང་པོ་ནི། དུ་ཞིག་།ཇི་སྲིད་དུ་ཡི་གེ་བཅུ་པའི་བར་གྱི་གསང་སྔགས་ནི། དུ་ཞིག། དཀྱིལ་འཁོར་དང ། ཆོ་ག་ཞིབ་མོ་དང ། རས་རིས་ནི། དུ་ཞིག་ལགས། བཅོམ་ལྡན་འདས། བདག་ལ་སྐབས་དབྱེ་ Ba48b བར་གསོལ་ཞེས་སོ། །དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཕྱག་ན་རྡོ་རྗེ་ལ་བརྩེ་བའི་དོན་དུ་ཟླ་བ་མཛེས་པ་དྲི་མ་མེད་པའི་མེ་ཏོག་བླངས་ནས་བཅོམ་ལྡན་འདས་ལ་མཆོད་པའི་དོན་དུ་ནམ་མཁའི་དབྱིངས་སུ་གཏོར་ཏོ། །གཏོར་མ་ཐག་ཏུ་བཅོམ་ལྡན་འདས་ཀྱི་དབུའི་སྟེང་གི་མཚམས་སུ་འཁོར་ལོའི་རྣམ་པར་གནས་སོ། །དཔག་ཚད་ལྔ་བརྒྱར་ཁྱབ་ཅིང་ས་གཞི་ལས་གྱེན་དུ་འཕགས་པ་ཉིད་ཀྱིས་ཇི་སྲིད་འོག་མིན་གྱི་གནས་ཀྱི་བར་དུ་གནས་ཏེ། བཻ་ཌཱུརྱ་སྔོན་པོ་ཆེན་པོའི་སྡོང་བུ་ལ་ཛམྦུ་ཆུ་བོའི་གསེར་གྱི་དྲིལ་བུ་དཔྱངས་པའི་བ་དན་བཅིངས་པས་མཛེས་ཤིང་འབར་བར་ཡོངས་སུ་གྱུར་ཏོ། །འཁོར་ལོའི་རྣམ་པ་ལེགས་པར་ཡོངས་སུ་འཁོར་བ་ནི།་ཉི་མ་བྱེ་བ་བརྒྱ་སྟོང་ཕྲག་པས་ལྷག་པའི་ཀུན་ཏུ་སྣང་བ། ལེགས་པར་ཡོངས་སུ་དག་པ། ཡོངས་སུ་བྱང་བ་ཤིན་ཏུ་དྲི་མ་མེད་པའི་གསེར་གྱི་མཆོད་སྡོང་རྣམ་པར་མཛེས་པར་ཤིན་ཏུ་གནས་པ། ནོར་བུ་རིན་པོ་ཆེ་ཆེན་པོ་སྣ་ཚོགས་པས་སྤྲས་པ་དགའ་བར་བྱ་བ། ཡིད་ཀྱི་ཤིང་རྟ་རབ་ཏུ་ཚིམ་པར་བྱེད་པ་དང ། དགའ་བར་བྱ་བ་མཐོང་བ། ལྷ་དང ། ལྷ་མ་ཡིན་གྱི་ཕྱག་བྱ་བར་འོས་པ་དང ། རྗེད་པར་བྱ་བར་འོས་པ་དང ། དྲང་སྲོང་རྣམས་ཀྱིས་བསྟོད་པར་འོས་པ་དང ། སངས་རྒྱས་བཅོམ་ལྡན་འདས་རྣམས་ཀྱིས་ལུང་ Ba49a ༄#། །བསྟན་པར་འོས་པ་སྟེ། ཐམས་ཅད་དུ་ཟླ་བ་མཛེས་པ་དྲི་མ་མེད་པའི་མེ་ཏོག་གི་གེ་སར་ལ་དེ་བཞིན་གཤེགས་པའི་སྐུ་བཞུགས་པའི་རིན་པོ་ཆེ་སྣ་བདུན་གྱི་ཁང་པ་བརྩེགས་པར་འཁོར་གྱི་དཀྱིལ་འཁོར་གྱིས་ཡོངས་སུ་བསྐོར་ནས་བཞུགས་པ་ལ་གདུགས་ཀུན་ནས་ཡོངས་སུ་འཁོར་བའི་ལྷ་རྫས་ཀྱི་གཞལ་མེད་ཁང་དང ། ལྷ་དང ། ཀླུ་དང ། ཆུས་བྱུང་དང ། ལྷའི་བུ་མོ་དང ། ཀླུའི་བུ་མོ་དང ། མི་འམ་ཅིའི་བུ་མོ་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། མིའམ་ཅི་དང ། ལྟོ་འཕྱེ་ཆེན་པོ་དང ། རིག་སྔགས་འཆང་དང ། རིག་པ་འཛིན་པ་བརྒྱ་སྟོང་ཕྲག་གིས་ལྷ་རྫས་ཀྱི་མེ་ཏོག་སྣ་ཚོགས་པའི་གཞལ་མེད་ཁང་དང ། ལྷ་རྫས་ཀྱི་རྒྱན་དང ། གོས་དང ། ལྷབ་ལྷུབ་ཀྱིས་བརྒྱན་ཅིང ། དར་དཔྱངས་དང ། བ་དན་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། ཆོས་གོས་དང ། གདུགས་དང ། རྒྱལ་མཚན་དང ། བ་དན་རྣམས་ཐོགས་ཏེ་བཅོམ་ལྡན་འདས་དང ། འཁོར་གྱི་དཀྱིལ་འཁོར་ལ་མཆོད་པ་བྱེད་པར་འགྱུར་ཏེ། ལྷ་རྫས་སྣ་ཚོགས་པའི་མཆོད་པའི་སྤྲིན་གྱི་ཆར་འབབ་པར་གྱུར་ཅིང ། ལྷའི་དྲི་ཟའི་གླུ་དབྱངས་ཡང་དག་པར་ལེན་ཅིང ། རྔ་དང ། ཕེག་རྡོབ་རྣམས་ཀྱིས་མཆོད་པའི་དོན་དུ་རོལ་མོ་བྱེད་པར་གྱུར་ཏོ། །པོ་ཊ་ལའི་རི་བོར་ Ba49b གཞལ་མེད་ཁང་འཁོར་གྱི་དཀྱིལ་འཁོར་དང་བཅས་པར་ཅ་ཅོའི་སྒྲ་ཆེན་པོ་སྒྲོག་པར་གྱུར་ཏོ། །པོ་ཊ་ལ་ཀར་གནས་པའི་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་གང་ཡིན་པ་རྣམས་ཀྱང་སེམས་ཚིམ་པ་ཐོབ་ཅིང ། རྨད་དུ་བྱུང་བ་ཐོབ་བོ། །དེ་བཞིན་གཤེགས་པའི་རིགས་ཀྱི་དཀྱིལ་འཁོར་བའི་ལྷ་གང་ཡིན་པ་རྣམས་དང ། པདྨའི་རིགས་ཀྱི་དཀྱིལ་འཁོར་གྱི་ལྷ་གང་ཡིན་པ་རྣམས་དང ། རྡོ་རྗེའི་རིགས་ཀྱི་དཀྱིལ་འཁོར་བའི་ལྷ་གང་ཡིན་པ་རྣམས་དང ། ནོར་བུའི་རིགས་ཀྱི་དཀྱིལ་འཁོར་བའི་ལྷ་གང་ཡིན་པ་རྣམས་དང ། གླང་པོའི་རིགས་ཀྱི་དཀྱིལ་འཁོར་གྱི་ལྷ་གང་ཡིན་པ་དང ། དཀྱིལ་འཁོར་ཆེན་པོའི་ལྷ་གང་ཡིན་པ་དེ་རྣམས་ཐམས་ཅད་མཆོག་ཏུ་ཡ་མཚན་པ་དང་ལྡན་ཞིང ། རྨད་དུ་བྱུང་བ་ཐོབ་སྟེ་སེམས་ཚིམ་པ་སྐྱེས་ལ་ངོ་མཚར་བ་ཐོབ་ནས་བཅོམ་ལྡན་འདས་ལ་ལྟ་བར་བྱེད་བཞིན་དུ་ཀུན་ཏུ་གནས་པར་གྱུར་ཏོ། །ཟླ་བ་དང ། ཉི་མ་དང ། རྒྱུ་སྐར་དང ། སྐར་མའི་ཚོགས་དང ། ལྷ་དང ། མཚན་མོའི་ལྷ་དང ། དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཞོན་ནུ་དང ། དགའ་བྱེད་དབང་ཕྱུག་དང ། ཚོགས་ཀྱི་དབང་ཕྱུག་དང ། ནག་པོ་ཆེན་པོ་དང ། དབང་ཕྱུག་དང ། དབང་ཕྱུག་ཆེན་པོ་ Ba50a ༄#། །དང ། ཚངས་རིས་ཀྱི་ལྷའི་བུ་དང ། རྒྱལ་པོ་ཆེན་པོ་བཞི་དང ། ནོར་བུ་བཟང་པོ་དང ། གང་བ་བཟང་པོ་དང ། སྟོབས་ཀྱི་ལྷ་དང ། གཤིན་རྗེ་དང ། ཆུ་ལྷ་དང ། ལུས་ངན་གྱི་ལྷ་རྣམས་དང ། གཞོན་ནུའི་ལྷ་རྣམས་གདུགས་ཀྱི་ཡུ་བ་ནས་བཟུང་ནས་བཅོམ་ལྡན་འདས་ལ་མཆོད་པ་བྱེད་པར་གྱུར་ཏོ། །ལྷའི་གཞལ་མེད་ཁང་ཆེན་པོ་ལྷའི་རྣམ་པར་སྤྲུལ་པའི་མཆོད་པའི་སྤྲིན་གྱི་མཆོད་པ་བྱེད་དོ། །གདུགས་ཀྱི་རྣམ་པའི་ཁོར་ཡུག་གི་ནང་དུ་དགའ་ལྡན་གྱི་ལྷ་དང ། འོག་མིན་གྱི་ལྷ་དང ། ལྷའི་གནས་ཐམས་ཅད་དུ་ལྷའི་བུས་ཡོངས་སུ་བསྐོར་བ་གང་ཡིན་པ་དེ་ནམ་མཁའ་ལ་མཆོད་པའི་སྤྲིན་ཆེན་པོས་བཅོམ་ལྡན་འདས་ཤཱཀྱ་ཐུབ་པ་དང ། སྤྱན་རས་གཟིགས་ཀྱི་དབང་ཕྱུག་འཁོར་གྱི་དཀྱིལ་འཁོར་ལ་མཆོད་པ་བྱེད་དོ། །སའི་ལྷ་དང ། ཀླུ་དང ། གནོད་སྦྱིན་དང ། སྲིན་པོ་དང ། དྲི་ཟ་གང་ཡིན་པ་རྣམས་དང ། ས་གཞིའི་ལྷ་དང ། ཆུའི་ལྷ་དང ། ནགས་ཀྱི་ལྷ་དང ། ལོ་ཐོག་གི་ལྷ་དང ། སྨན་གྱི་ལྷ་གང་ཡིན་པ་དེ་རྣམས་ཐམས་ཅད་སའི་མཐིལ་གྱི་གཞལ་ཡས་ཁང་དེ་སྦྱོང་བར་བྱེད་པར་གྱུར་ཏེ། དྲི་སྣ་ཚོགས་པའི་ཆུས་ཆག་ཆག་འདེབས་ཤིང ། དྲི་སྣ་ཚོགས་པའི་ཕྱེ་མས་བྱུག་པར་བྱེད། མེ་ཏོག་སྣ་ཚོགས་བཅལ་དུ་འགྲེམ་ཞིང ། བདུག་པ་སྣ་ཚོགས་ཀྱིས་ Ba50b བདུགས་ནས་སའི་དཀྱིལ་འཁོར་ཡང་དག་པར་བརྒྱན་པར་གྱུར་ཏོ། །དེ་ལྟར་རྣམ་པར་འཕྲུལ་བའི་གོ་སྐབས་རྒྱ་ཆེན་པོ་ནི། དེ་བཞིན་གཤེགས་པའི་ཁྱུ་མཆོག་དེ་བཞིན་གཤེགས་པའི་དམ་ཚིག་བྱིན་གྱིས་རློབ་པའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་དེ་ལྟ་བུའི་རྫུ་འཕྲུལ་གྱི་རྣམ་པར་འཕྲུལ་པ་ཆེན་པོ། ཡངས་པ་རྒྱ་ཆེན་པོ་མཐོང་ནས་ཤིན་ཏུ་ཡ་མཚན་པ་ཐོབ་ཅིང་རྨད་དུ་བྱུང་བ་ཐོབ་སྟེ། འདི་ལྟར་སེམས་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་བསྟན་པ་ནི། ཤིན་ཏུ་ཡ་མཚན་ནོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་སླར་ཡང་གསོལ་བ་བཏབ་བོ། །བཅོམ་ལྡན་འདས། སྐབས་དབྱེ་བར་མཛོད་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། དོགས་པ་བསལ་བ་དང ། ཐེ་ཚོམ་གཅོད་པ་ལ་རྗེས་སུ་གཟུང་ངོ ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེར་ Ba51a ༄#། །ལོགས་སུ་ཐལ་མོ་སྦྱར་བ་བཏུད་ནས་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་སྤྱན་སྔར་འཁོད་ནས་མིག་མི་འཛུམ་ཞིང ། བཞིན་རབ་ཏུ་འཛུམ་པ་ལུས་འོད་ཟེར་འབར་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ལ་དོན་ཡོད་ཞགས་པའི་དཀྱིལ་འཁོར་དང ། པདྨ་ཡངས་པའི་རྣམ་པར་འཕྲུལ་བ་དང ། པདྨ་གཙུག་ཏོར་གྱི་ནོར་བུའི་དཀྱིལ་འཁོར་དང ། དོན་ཡོད་ཞགས་པའི་གསང་བ་སྒྱུ་མ་ལྟ་བུའི་སྙིང་པོ་དང་ཕྱག་རྒྱ་དང ། ཀུན་ཏུ་སྤྱན་རས་གཟིགས་ཀྱི་དཀྱིལ་འཁོར་ཆེན་པོའི་རིམ་པར་ཕྱེ་བ་མཆིས་ཏེ། བཅོམ་ལྡན་འདས། དེ་དག་བདག་གིས་བཅོམ་ལྡན་འདས་ཀྱི་སྤྱན་སྔར་ཡོངས་སུ་བསྒྲག་པར་བགྱིའོ། །སྒྲུབ་པ་སླ་ཞིང ། བཀླགས་པས་འགྲུབ་པ་དམ་ཚིག་མཆོག་ཏུ་གྱུར་པའི་སྙིང་པོ་ཉེ་བར་བསྟན་པར་བགྱིའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ཕྱག་གསེར་གྱི་ཁ་དོག་ཅན། འོད་ཟེར་སྣ་ཚོགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གིས་ཡང་དག་པར་བརྒྱན་པ་བརྐྱང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་སྤྱི་བོའི་གཙུག་ཏུ་འཇོག་པར་མཛད་ཅིང ། སེམས་ཅན་དག་པ་ཆེན་པོ་ལེགས་སོ་ལེགས་སོ། །སྤྱན་རས་ Ba51b གཟིགས་ཀྱི་དབང་ཕྱུག། ད་ལྟ་དེའི་དུས་ལ་བབ་པར་ཤེས་ན་སྨྲོས་ཤིག། དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱིས་བསྐུལ་བར་རིག་ནས་ཕྱོགས་བཅུར་ཀུན་ཏུ་བལྟས་ཏེ། དེ་བཞིན་གཤེགས་པ་ཐམས་ཅད་ལ་ཕྱག་བྱས་ནས་དེ་བཞིན་གཤེགས་པ་ཐམས་ཅད་ལ་ཀུན་ཏུ་བལྟས་ཏེ་རྩ་བའི་གསང་སྔགས་དོན་ཡོད་ཞགས་པའི་པདྨ་གཙུག་ཏོར་གྱི་ནོར་བུ་དོན་ཡོད་ཞགས་པའི་སྙིང་པོ་གསུངས་སོ། །དོན་ཡོད་པའི་སྙིང་པོའི་དཀྱིལ་འཁོར་དུ་པདྨ་གཙུག་ཏོར་གྱི་གསང་བའི་རྣམ་པར་འཕྲུལ་པ་དྲིས་པའི་དཀྱིལ་འཁོར་གྱི་ཆོ་ག་དང་པོ་ནི། དུས་གསུམ་དུ་གཤེགས་ཤིང་རབ་ཏུ་བཞུགས་པའི་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་དོན་ཡོད་པ་གསང་བའི་དཀྱིལ་འཁོར་གྱི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདས་པ་དང ། མ་བྱོན་པ་དང ། ད་ལྟར་བྱུང་བའི་རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་རིགས་ཀྱི་སྙིང་པོའི་དམ་ཚིག་རྣམས་ལ་ཕྱག་འཚལ་ལོ། །ཡང་དག་པར་སོང་བ་རྣམས་ལ་ཕྱག་འཚལ་ལོ། །ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །བློ་གྲོས་ཆེན་པོ་ Ba52a ༄#། །འཕགས་པ་ཤཱ་རདྭ་ཏིའི་བུ་ལ་ཕྱག་འཚལ་ལོ། །འཕགས་པ་བྱམས་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པའི་ཚོགས་ཀྱི་མཆོག་རྣམས་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཕགས་པ་འོད་དཔག་ཏུ་མེད་པ་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །པདྨོའི་གཙུག་ཏོར་གྱི་དཀྱིལ་འཁོར་འཆང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ཅན་ལ་ཕྱག་འཚལ་ལོ། །དྲང་སྲོང་ཆེན་པོ་འཕགས་པའི་ཚོགས་ཀྱི་མཆོག་རྣམས་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ལོ། །རྣམ་པར་ཐར་པའི་དཀྱིལ་འཁོར་འཕགས་པ་སྤྱན་རས་གཟིགས་དབང་ཕྱུག་གི་ཞལ་ནས་གསུངས་པ། དོན་ཡོད་པའི་རྒྱལ་པོའི་པདྨ་གཙུག་ཏོར་གྱི་སྙིང་པོ་དེ་བཞིན་གཤེགས་པའི་སྤྱན་སྔར་གསུངས་པ་འདི་བདག་གིས་ད་ལྟར་འཁོར་ཆེན་པོ་ལ་བཤད་པར་བགྱིའོ། །ཏདྱ་ཐཱ། ཨོཾ་པདྨོ་ཥྞི་ཥ་བ་ར་ད་ཧཱུཾ། ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀ། ཙི་རི་ཙི་རི། པི་རི་པི་རི། ཙི་རི་ཙི་རི། པ་ར་མ་ཀཱ་རུ་ཎི་ཀཱ། སི་རི་སི་རི། ཙི་རི་ཙི་རི། པི་རི་པི་རི། བི་རི་བི་རི། Ba52b མ་ཧཱ་པདྨ་ཧ་སྟཾ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ། མ་ཧཱ་ཤུདྡྷ་སྟྭ། ཨེ་ཧྱེ་ཧི། བུདྷྱ་བུདྷྱ། བྷཱ་བ་དྷཱ་བ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུདྡྷ་སཏྭ། ཀ་ར་ཀ་ར།་ཀི་རི་ཀི་རི། ཀུ་རུ་ཀུ་རུ། མ་ཧཱ་སྠཱེ་མ་པྲཔྟ། ཙ་ལ་ཙ་ལ། སྙྩ་ལ། བི་ཙ་ལ། ཨི་ཊྚ། ཨེ་ཊྚ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། མ་ཧཱ་བི་མ་ལ། པདྨོ་ཥྞཱི་ཥ་བི་ར་ཛ་སཱ་དྷ་ཡ་ཧཱུཾ་ཧཱུཾ། ཨེ་ཧྱེ་ཧི། མ་ཧཱ་ཀ་རུ་ཎི་ཀ། མ་ཧཱ་བ་ཤུ་པ་ཏི། བཾ་ཥ་དྷ་ར། དྷ་ར་དྷ་ར། མ་ཧཱ་པདྨོ་ཥྞི་ཥ་དྷ་ར། ས་ར་ས་ར། སརྦ་ཨཱ་པ་ར་ཎ་ཧ་ར། ཙ་ར་ཙ་ར། སརྦ་བིདྱ་དྷ་ར་ན་མསྐྲི་ཏེ།་ཧ་ར་ཧ་ར་སརྦ་ཀིལྦི་ཥ་ཧ་ར། ཧཱ་ཧཱ་ཧཱ་ཧཱ། ཧཱི་ཧཱི་ཧཱི་ཧཱི། ཧཱུ་ཧཱུ་ཧཱུ་ཧཱུ། ཨོཾ་ཀཱ་ར་བྲྷམ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། མ་ཧཱ་པདྨ་ཛྭ་ལ་དྷ་ར། ཏ་ར་ཏ་ར། ས་ར་ས་ར། པ་ར་པ་ར། པདྨ་པཱ་ཤ་དྷ་ར། ཙ་ར་ཙ་ར། བ་ར་བ་ར། བ་ར་རཤྨི་ཤ་ཏ་ས་ཧ་སྲ། པྲ་ཏི་མཎྜི་ཏ་ཤ་རཱི་རཱ་ཡ། ཛྭ་ལ་ཛྭ་ལ། ཏ་པ་ཏ་པ། བྷ་ག་ཝཱན་སོ་མ་ཨཱ་དི་ཏྱ་ཡ་མ།་བ་ར་ཎུ། ཀུ་བེ་ར། བྲཧྨ། ཨིནྡ། རྀ་ཥི་ག་ཎ། དེ་བ་ག་ཎ་ཨ་བྷྱ་རྩི་ཏ། ཙ་ར་ཎ། སུ་རུ་སུ་རུ། ཙུ་རུ་ཙུ་རུ། པུ་རུ་པུ་རུ། མུ་རུ་མུ་རུ། ས་ན་ཏ་ཀུ་མཱ་ར། རུ་ཏྲ། བཱ་ས་བ།་བིཥྞུ། དྷ་ན་ད། དེ་བ་རི་ཥི། ནཱ་ཡ་ཀ། བ་ཧུ། བི་བི་དྷ། བེ་ ་དྷ་ར། མ་ཧཱ་པདྨ་དཎྜ་དྷ་ར། པཱ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཐ་ར་ཐ་ར། གྷ་ར་གྷ་ར། Ba53a ༄#། །ཡ་ར་ཡ་ར། ལ་ར་ལ་ར། ཧ་ར་ཧ་ར། པ་ར་པ་ར། ས་ར་ས་ར། ཙ་ར་ཙ་ར། བ་ར་བ་ར། མ་ཧཱ་བ་ར་དཱ་ཡ་ཀ། ས་མནྟ་མཎྜ་ལ། ཨ་བ་ལོ་ཀི་ཏ། ལོ་ཀེ་ཤཝ་ར།་མ་ཧེ་ཤཝ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། བྷ་ག་ཝཱན་ཨཱརྱ་ཨ་བ་ལོ་ཀི་ཏེ་ཤཝ་ར། རཀྵ་རཀྵ། མ་མ་སརྦ་བྷ་ཡེ་བྷྱཿ ། སརྦ་བྷ་ཡེ་བྷྱཿ ། སརྦ་ཨུ་པ་ཏྲ་བེ་བྷྱཿ ། སརྦ་གྲ་ཧེ་བྷྱཿ ། སརྦ་ཛྭ་ར་བྷྱཿ ། སརྦ་བྱ་དྷི་བྷྱཿ ། བདྡྷ་བནྡྷ་ན་ཏཱ་ཌ་ན་ཏརྫ་ན། ར་ཛ། ཙཽ་ར། ཏསྐ་ར། ཨགྣི། ཨུ་ད་ཀ། བི་ཥ། ཤསྟྲ། པ་རི་མོ་ཙ་ཀ། ཀ་ཎ་ཀ་ཎ།་ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར། ཨིནྡྲི་ཨ་བ་ལ། བོདྷྱཾ་ག། ཙ་ཏུ་རཱ་རྱ་ས་ཏྱ། སཾ་པྲ་ཀཱ་ཤ་ཀ། ཏ་མ་ཏ་མ། ད་མ་ད་མ། ས་མ་ས་མ། ས་མ་ས་མ། མ་ཧཱ་ཏ་མོནྡྷ་ཀ་རི་བ་དྷ་མ་ཎ། ཥ་ཊ་པཱ་ར་མི་ཏཱ་པ་རི་པཱུ་ར་ཀ། མི་ལི་མི་ལི། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཋི་ཋི་ཋི་ཋི། ཊུ་ཊུ་ཊུ་ཊུ། ཋུ་ཋུ་ཋུ་ཋུ། ཨེ་ནེ་ཡ་ཙ་རྨ་ཀྲྀ་ཏ་པ་རི་ཀ་ར་ཨེ་ཧྱེ་ཧི། ཨཱི་ཤཝ་ར། མ་ཧཱེ་ཤཝ་ར། པདྨེ་ཤཝ་ར། མ་ཧཱ་བྷུ་ཏ་ག་ཎ། སཾ་བྷ་ཉྫ་ཀ། མ་ཧཱ་སིདྡྷི་སཝ་ར། ཀུ་རུ་ཀུ་རུ། པ་ར་པ་ར། ཀ་ཊ་ཀ་ཊ། མ་ཊ་མ་ཊ། བི་ཤུདྡྷ་བི་ཥ་ཡ། ནི་བཱ་སི་ན།་མ་ཧཱ་ཀཱ་རུ་ཎི་ཀཱ། ཤཝེ་ཏ་ཡཛྙོ་པ་བཱི་ཏ་རཏྣ་མ་ཀུ་ཊ་མཱ་ལཱ་དྷ་ར། སརྦ་ཛྙཱ་ཤི་ར་སི་ཀྲི་ཏ་མ་ཀུ་ཊ་མ་ཧ་དྦྷཱུ་ཏ། ཀ་མ་ལཱ་ལཾ་ཀྲྀ་ཏ། ཀ་ར་ཏ་ལ། དྷྱ་ན་སཱ་མ་དྷི། བི་ Ba53b མོཀྵ་པྲ་ཀམྤ། བ་ཧུ་ས་ཏ་སནྟ་ཏི། པ་རི་པཱ་ཙ་ཀ། མེ་ཧཱ་ཀཱ་རུ་ཎི་ཀ། སརྦ་ཀརྨ་ཨཱ་པ་ར་ཎ་བི་ཤོ་དྷ་ཀ། སརྦ་བཱ་དྷི་པྲ་མོ་ཙ་ཀ། སརྦ་ཨཱ་ཤཱ་པ་རི་བཱུ་ར་ཀ། སརྦ་སྟྭ། ས་མ་ཤཝ་ས་ཀ། ཨོཾ་པདྨོ་ཥྞཱི་ཥ་པཱ་ཤ་ཧྲྀ་ད་ཡ་མཎྜ་ལ་ན་མོ་སྟུ་ཏེ་སཝཱཧཱ། འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་ཞགས་པའི་པདྨ་གཙུག་ཏོར་གྱི་གསང་བའི་སྙིང་པོའི་དཀྱིལ་འཁོར་འདི་གསུངས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ས་གཞི་ཆེར་གཡོས་པར་གྱུར་ཏེ། རི་དང ། ནགས་དང་དགོན་པར་བཅས་པ་རྣམ་པར་འགྱུར་བ་དྲུག་ཏུ་གཡོས་པར་གྱུར་ཏོ། །ཀུན་ནས་སའི་མཐིལ་འདི་ཡང་རིན་པོ་ཆེ་སྣ་བདུན་གྱི་རང་བཞིན་གྱི་པདྨའི་གདན་ཀུན་ནས་བཏིང་བར་གྱུར་ཏོ། །བཅོམ་ལྡན་འདས་ཕྱག་ན་པདྨའི་ལྟེ་བའི་གནས་ན་པདྨ་ཆེན་པོ་གྱེན་དུ་འཕགས་པ། འདབ་མ་སྟོང་བ། རིན་པོ་ཆེ་སྣ་བདུན་གྱི་རང་བཞིན། བཻ་ཌཱུ་རྱ་སྔོན་པོ་ཆེན་པོའི་སྡོང་བུ་དང ། འཛམ་བུ་ཆུ་བོའི་གསེར་གྱི་སྙིང་པོ་དང ། མུ་ཏིག་དམར་པོའི་ཟེའུ་འབྲུ་དང ། ལྷའི་མུ་ཏིག་ཆེན་པོའི་གེ་སར་དང་གཅིག་ཏུ་འབབ་པར་གྱུར་པ་འོད་ཟེར་སྣ་ཚོགས་པ་འབྱིན་པར་བྱེད་པས་ཏེ། འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་དང ། ཤེལ་དང ། དངུལ་གྱི་ཁ་དོག་ཏུ་སྣང་བཞིན་པས་འབར་ཞིང ། རྣམ་པར་གསལ་ལ་ལྷང་ངེའོ། །ཕྱོགས་བཅུ་ Ba54a ༄#། །ཀུན་ཏུ་སངས་རྒྱས་ཀྱི་ཞིང་རྣམས་སུ་ཀུན་ཏུ་སྣང་བར་བྱེད་དོ། །ལྷའི་གནས་དང ། ཀླུའི་གནས་དང ། གནོད་སྦྱིན་དང ། སྲིན་པོའི་གནས་དང ། དྲི་ཟའི་གནས་དང ། ལྷ་མ་ཡིན་གྱི་གནས་དང ། ནམ་མཁའ་ལྡིང་གི་གནས་དང ། མི་འམ་ཅིའི་གནས་དང ། ལྟོ་འཕྱེ་ཆེན་པོའི་གནས་རྣམས་ཀུན་ཏུ་སྣང་བར་བྱེད་དོ། །རབ་ཏུ་ཚིམ་པར་བྱེད་དོ། །ཡང་དག་པར་སྐུལ་བར་བྱེད་དོ། །ཡང་དག་པར་དབུགས་འབྱིན་པར་བྱེད་དོ། །དམྱལ་བ་ཆེན་པོ་བཅུ་དྲུག་པོ་རྣམས་ཀུན་ཏུ་སྣང་ཞིང ། རེག་པས་དམྱལ་བ་ཆེན་པོ་དེ་རྣམས་ཀྱང་པདྨ་ཅན་ཆེན་པོར་སྐྱེས་པར་གྱུར་ཏོ། །སེམས་ཅན་དམྱལ་བ་དེ་རྣམས་ཀུན་ཀུན་ནས་སྣང་ཞིང་རེག་པ་ཙམ་གྱིས་དེ་རྣམས་ཐམས་ཅད་ཡོངས་སུ་གྲོལ་ཏེ། བསམས་པ་ཙམ་གྱི་མོད་ལ་བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེས་ཤིང ། ལྷའི་ལུས་ལ་རྒྱན་དང ། ལྷུབ་ལྷུབ་དང ། གོས་དང ། སྤུད་པས་རྣམ་པར་བརྒྱན་ཅིང ། སྐྱེ་བ་ནས་སྐྱེ་བར་སྐྱེ་བ་དྲན་པར་སྐྱེས་སོ། །དེ་བཞིན་དུ་དུད་འགྲོའི་སྐྱེ་གནས་སུ་སོང་བ་རྣམས་ཀུན་ནས་སྣང་བས་རི་དྭགས་དང ། བྱ་དེ་དག་ཐམས་ཅད་ཀྱང་དུད་འགྲོའི་སྐྱེ་གནས་ལས་ཡོངས་སུ་གྲོལ་ཏེ་མཐོ་རིས་སུ་རྣ་རྒྱན་དྲི་མ་མེད་ཅིང་གཡོ་བ་འཛིན་པར་སྐྱེས་སོ། །དེ་བཞིན་དུ་ཕྱོགས་བཅུ་ཀུན་ཏུ་སེམས་ཅན་ཐམས་ཅད་ཀུན་ཏུ་ Ba54b སྣང་ཞིང་རེག་པ་དེ་རྣམས་ཐམས་ཅད་ས་ཆེན་པོ་བརྒྱད་པ་ལ་རབ་ཏུ་གནས་པར་གྱུར་ཏོ། །དེས་ཀྱང་འཁོར་ཆེན་པོར་ཀུན་ཏུ་འོངས་པའི་བྱང་ཆུབ་སེམས་དཔའི་ཚོགས་ཆེན་པོ་དེ་རྣམས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཕྱིར་མི་ལྡོག་པ་ཉིད་ལ་རབ་ཏུ་བཀོད་པར་གྱུར་ཏོ། །རིག་སྔགས་འཆང་གི་འཁོར་གང་ཡིན་པ་ཐམས་ཅད་ཀྱང་དོན་ཡོད་པ་པདྨའི་གཙུག་ཏོར་ཆེན་པོའི་སྙིང་པོ་གསང་བ་དོན་ཡོད་ཞགས་པའི་དངོས་གྲུབ་སོ་སོར་ཐོབ་པར་གྱུར་ཏོ། །ཀླུའི་རྒྱལ་པོའི་འཁོར་གང་ཡིན་པ་དེ་ཐམས་ཅད་ཀྱང་ཡིད་བཞིན་གྱི་ནོར་བུའི་རྒྱལ་མཚན་སོ་སོར་སྣང་བར་གྱུར་ཏོ། །ལྷའི་འཁོར་གང་ཡིན་པ་དེ་རྣམས་ཐམས་ཅད་ཀྱང་འོད་འབར་བའི་ཏིང་ངེ་འཛིན་སོ་སོར་ཐོབ་བོ། །གནོད་སྦྱིན་དང་སྲིན་པོ་གང་ཡིན་པ་དེ་རྣམས་ཐམས་ཅད་རིན་པོ་ཆེའི་གཞལ་མེད་ཁང་དུ་གནས་པར་གྱུར་ཏོ། །འབྱུང་པོའི་འཁོར་གང་ཡིན་པ་དེ་རྣམས་ཐམས་ཅད་གཟི་བརྗིད་དྲི་མ་མེད་པའི་ཏིང་ངེ་འཛིན་སོ་སོར་ཐོབ་པར་གྱུར་ཏོ། །ལྷ་མ་ཡིན་གྱི་འཁོར་གང་ཡིན་པ་དེ་རྣམས་ཐམས་ཅད་རྡོ་རྗེའི་གོ་ཆ་དང ། རྡོ་རྗེ་རྒྱལ་མཚན་གྱི་ཡ་ལད་བགོས་པར་གྱུར་ཏོ། །ནམ་མཁའ་ལྡིང་གི་འཁོར་གང་ཡིན་པ་ཐམས་ཅད་ཀྱང་རྡོ་རྗེ་མཆུ་རྩེ་མོ་ཆེན་པོ་སྟོབས་ཀྱི་ཤུགས་རྗེས་སུ་ཐོབ་པར་གྱུར་ཏོ། །མི་འམ་ཅི་དང ། ལྟོ་འཕྱེ་ཆེན་པོའི་འཁོར་གང་ཡིན་པ་ཐམས་ཅད་ Ba55a ༄#། །ཀྱང་ལུས་དང ། ངག་དང ། ཡིད་ཡོངས་སུ་དག་པར་གྱུར་ཏོ། །དགེ་བསྙེན་དང ། དགེ་བསྙེན་མ་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་གང་ཡིན་པ་དེ་རྣམས་ཐམས་ཅད་སྐྱེ་བ་དང ། རྒ་བ་དང ། འཆི་བའི་སྡུག་བསྔལ་ལས་ཡོངས་སུ་གྲོལ་བར་གྱུར་ཏོ། །བཅོམ་ལྡན་འདས་ཀྱིས་ཀྱང་སྐུ་ལས་ཉི་མའི་ཏོག་ཅེས་བྱ་བའི་འོད་ཟེར་ཆེན་པོ་རྣམ་པར་སྦྲོས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཐུགས་ཀར་རྗེས་སུ་ཞུགས་སོ། །སྤྱན་རས་གཟིགས་དབང་ཕྱུག་གི་ཐུགས་ཀར་ཞུགས་མ་ཐག་ཏུ་གནོད་སྦྱིན་གྱི་སྡེ་དཔོན་ཆེན་པོ་སྙག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། དོན་ཡོད་ཞགས་པའི་པདྨ་གཙུག་ཏོར་གྱི་གསང་པའི་རྣམ་པར་འཕྲུལ་པ་ལ་ལྟོས་ཤིག་།ལག་ན་རྡོ་རྗེས་གསོལ་པ། བཅོམ་ལྡན་འདས། བདག་གིས་མཐོང་ལགས་སོ། །སེམས་དཔའ་དག་པ། བདག་གིས་མཐོང་ལགས་སོ། ། སེམས་དཔའ་ཆེན་པོ་དག་པ། འདིའི་རྣམ་པར་འཕྲུལ་པ་བསམ་གྱིས་མི་ཁྱབ་པ་པདྨའི་དབང་ཕྱུག་དོན་ཡོད་པའི་ཞགས་པའི་སྙིང་པོ། པདྨ་གཙུག་ཏོར་གྱི་གསང་བའི་སྙིང་པོའི་དཀྱིལ་འཁོར་ཤིན་ཏུ་ཟབ་པ། ཤིན་ཏུ་རྒྱ་ཆེ་བ། རྨད་དུ་བྱུང་བ་ཆེན་པོ། དངོས་གྲུབ་མཆོག་སྒྲུབ་པར་བྱེད་པ་ནི། བཅོམ་ལྡན་འདས། མཐའ་དག་རྒྱས་པར་གསུངས་ཤིག། Ba55b གསང་སྔགས་རིམ་པར་ཕྱེ་བ་དང ། རིག་སྔགས་དང་དཀྱིལ་འཁོར་རྨད་དུ་བྱུང་བ། ཉེ་བར་སྤྱོད་པའི་ཆོ་ག་དང་བཅས་པ་ནི། སེམས་ཅན་ཐམས་ཅད་ཀྱི་སྡིག་པ་རྣམ་པར་འཇོམས་པའི་དོན་དང ། རིག་སྔགས་འཆང་རྣམས་ཀྱི་མཆོག་འགྲུབ་པའི་དོན་དུ་དེ་བཞིན་གཤེགས་པའི་སྤྱན་སྔར་གསུངས་ཤིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། དོན་ཡོད་ཞགས་པའི་སྙིང་པོའི་མཆོག་ཏུ་གསང་བ། གཙུག་ཏོར་ཐམས་ཅད་ཀྱི་དཀྱིལ་འཁོར་སེམས་ཅན་ཐམས་ཅད་ཀྱི་དོན་གྱི་ཆེད་དུ་སྡིག་པ་ཐམས་ཅད་ཉམས་པར་བྱེད་པ། སྒྲིབ་པ་ཐམས་ཅད་རྣམ་པར་སྦྱོང་བར་བྱེད་པ།་དྲི་མ་དང་རྙོག་མ་ཐམས་ཅད་སེལ་བར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། བཀྲ་མི་ཤིས་པ་ཐམས་ཅད་ཟློག་པར་བྱེད་པ། སྡིག་པ་དང ། མ་རུངས་པའི་སེམས་ཅན་ཕྱིར་རྒོལ་བ་དང ། དགྲའི་འཇིགས་པ་རབ་ཏུ་ཞི་བར་བྱེད་པ། བགེགས་དང ། ལོག་པར་འདྲེན་པ་ཐམས་ཅད་ཚར་གཅོད་པར་བྱེད་པ། བདུད་ལ་སོགས་པའི་རུངས་པ་ཐམས་ཅད་འཇོམས་པར་བྱེད་པ། དུག་དང ། མཚོན་ཆ་དང ། མེ་དང ། ཆུའི་འཇིགས་པ་དང ། མཆེ་བའི་དུག་དང ། སེངྒེ་དང ། རྒྱལ་པོ་དང ། གནོད་སྦྱིན་རྣམས་ཟློག་པར་བྱེད་ Ba56a ༄#། །པ།་དུག་དང ། བྱང་སྟེམས་དང ། གཡེང་བྱེད་དང ། ཕྱེ་མའི་སྦྱོར་བ་ཐམས་ཅད་རྣམ་པར་ཉམས་པར་བྱེད་པ། དོན་ཡོད་ཞགས་པའི་སྙིང་པོ་དེ་ཁོ་ན་ཉིད་གཅེས་པ་རྨད་དུ་བྱུང་བ་དེ་ཁོ་ན་ཉིད་ཀྱི་སྙིང་པོའི་སྒྲུབ་པ་བླ་ན་མེད་པ་བཀླགས་པས་གྲུབ་པ་འདི་རྗེས་སུ་ཟུངས་ཤིག། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཞིན་འཛུམ་ཅིང ། གདོང་ཁྲོ་གཉེར་དང་བྲལ་བས་རྡོ་རྗེ་བསྐོར་བར་བྱེད་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བཅོམ་ལྡན་འདས། དོན་ཡོད་པའི་ཞགས་པའི་སྙིང་པོ་དམ་པར་གྱུར་པ་གསང་བ་པདྨ་གཙུག་ཏོར་གྱི་དཀྱིལ་འཁོར་དེ་རྣམས་དུ་ཞིག་ལགས་པ་དེ་དག་བཅོམ་ལྡན་འདས་ཀྱིས་གསུངས་ཤིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་གསོལ་བ་བཏབ་པར་རིག་ནས་ཕྱག་གཡས་པས་ལྟེ་བའི་པདྨའི་ཕྱག་རྒྱའི་རྣམ་པ་ལ་རེག་གོ་།རེག་མ་ཐག་ཏུ་ཕྱག་གཡས་པའི་པདྨ་ལ་སྙིང་པོ་རིག་སྔགས་དེ་ཡང་པདྨའི་སྟེང་དུ་འདུག་སྟེ། རང་གི་ངོ་བོ་གཞལ་མེད་ཁང་ཚངས་པའི་ཆ་བྱད་འཆང་བ་དོན་ཡོད་པའི་གཟུགས་སྤྱན་གསུམ་པ། ཕྱག་བཞི་པ། རྒྱན་ Ba56b ཐམས་ཅད་གྱི་རྣམ་པར་བརྒྱན་པ། ནོར་བུ་གསེར་གྱི་ཅོད་པན་ཅན། འོད་དཔག་མེད་ཀྱི་ཅོད་བན་གྱིས་བརྒྱན་པ། རལ་བའི་ཅོད་པ་ན་པདྨའི་གཙུག་ཏོར་གྱིས་སྤུད་པ། ཟླ་བ་ཕྱོད་པས་རྣམ་པར་མཛེས་པ། ཞགས་པ་འཆང་བ། པདྨའི་གཙུག་ཏོར་འཆང་བ་དང ། ནོར་བུའི་བྱུག་པ་འཆང་བ་དང ། རྡོ་རྗེའི་དབྱུག་པ་འཆང་བ། སྐྱིལ་མོ་ཀྲུང་གིས་བཞུགས་པ།་འོད་ཟེར་འབར་བས་ཡང་དག་པར་བརྒྱན་པ། གོས་རྣམ་པར་བཀྲ་བ་སྣ་ཚོགས་དང ། སྤྱན་ཉི་མ་དང ། ཟླ་བས་ལྷག་པར་འབར་བས་རྣམ་པར་མཛེས་པ། པདྨ་རྣམས་ཀྱི་སྟེང་ན་མཛེས་བཞིན་པ། དེ་བཞིན་གཤེགས་པ་ཐམས་ཅད་ཐུགས་མཉེས་པར་བྱེད་པ། བྱང་ཆུབ་སེམས་དཔའ་ཐམས་ཅད་ཀྱི་ཕྱག་བྱ་བར་འོས་པ། ལྷ་ཐམས་ཅད་ཀྱིས་མཆོད་པར་འོས་པ། ཀླུ་ཐམས་ཅད་ཀྱིས་རྗེས་སུ་གཟུང་བར་འོས་པ། དྲང་སྲོང་ཐམས་ཅད་ཀྱིས་དགའ་བར་འོས་པ། ལྷ་མ་ཡིན་པ་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་ཐམས་ཅད་ཀྱིས་རྗེས་སུ་འགྲོ་བར་འོས་པ། སེམས་ཅན་ཐམས་ཅད་ཀྱི་བླ་མར་འོས་པ་མཐོང་སྟེ། དེ་ལྟ་བུའི་སྣང་བ་རྒྱ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དེ་ཁོ་ན་ཉིད་གཅེས་པའི་སྙིང་པོར་གྱུར་པའི་སྙིང་པོ་ཉེ་བར་བསྟན་ནོ། །དེ་ནས་གནོད་སྦྱིན་གྱི་སྡེ་དཔོན་ཆེན་ Ba57a ༄#། །པོ་ལག་ན་རྡོ་རྗེས་འཁོར་གྱི་དཀྱིལ་འཁོར་ཆེན་པོ་དེ་མཐོང་བ་ཙམ་གྱི་མོང་ལ་སྙིང་པོ་གསང་བ་དོན་ཡོད་པའི་པདྨ་དྲི་མ་མེད་པའི་གཙུག་ཏོར་འོད་ཟེར་འབར་བའི་ཏིང་ངེ་འཛིན་སོ་སོར་ཐོབ་པར་གྱུར་ཏོ། །ཏིང་ངེ་འཛིན་སོ་སོར་ཐོབ་པ་གང་གིས་སྒྱུ་མ་ལྟ་བུའི་ཏིང་ངེ་འཛིན་གྱི་ནང་དུ་ཆུད་པར་གྱུར་ཏོ། །དེ་རྣམས་ཐམས་ཅད་རབ་ཏུ་མ་གུ་བའི་ཡིད་ཀྱིས་ཞབས་དག་གི་རྗེས་ལ་ཕྱག་འཚལ་བར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་ཞགས་པའི་སྙིང་པོའི་གསང་སྔགས་འདི་སྨྲས་སོ། །ོཾ་ཨ་མོ་གྷ་པཱ་ཤ་ཧྲི་ད་ཡ་པདྨོ་ཥྞི་ཥ་ཀུ་མཱ་ར་པེ་ཥ་དྷ་ར། པདྨེ་ཤཝ་ར། ཨཱ་བ་ཤ་ཡ། སརྦ་ཨ་མོ་གྷ་ཀུ་ལ་ས་མ་ཡ་ཧྲྀ་ད་ཡ། སརྦ་སིདྡྷི་ཨ་མོ་གྷ་པྲ་ཡཙྪ་པདྨ་པདྨ་ཧཱུཾ་ཧཱུཾ་ན་མོ་སྟུ་ཏེ་སཝཱཧཱ། འདི་ནི། དོན་ཡོད་ཞགས་པའི་སྙིང་པོ་བཀླགས་པས་གྲུབ་པའི་སྒྲུབ་ཐབས་སོ། །ོཾ་ཨ་མོ་གྷ་པདྨོ་ཥྣཱི་ཥ་ཤཝ་ར།་པདྨེ་ཤཝ་ར། ས་མནྟ་ཡ་སརྦ་ཏ་ཐཱ་ག་ཏ་ནཱཾ། ཨ་མོ་གྷ་པདྨོ་ཥྞཱི་ཥ་ས་མ་ཡཾ་ཨཱ་ཀཪྵ་ཡ། པྲ་བེ་ཤ་ཡ། སརྦ་ཀརྨ་སིདྡྷིཾ་པྲ་ཡཙྪ་མེ་ཨ་བ་ལོ་ཀི་ཏེ་ཤཝ་ར་ཧཱུཾ་ཧཱུཾ། མ་ཧཱ་པདྨོ་ཥྞཱི་ཥ་བྷུ་ཛེ་སཝཱཧཱ། རིགས་ཀྱི་རྒྱལ་པོའི་གསང་སྔགས་སོ། །ོཾ་མ་ཧཱ་ཙཎྜ་པདྨེ་ཤཝ་ར་བི་བི་དྷ་རཱུ་པ། བི་ཀ་ཊ། པདྨ་དཾ་ཥྚཱ་ཀ་ར་ལ་བྷཱི་ཥ་ཎ། བྐྟྲ་སརྦ་དུཥྚ་ཧྲྀ་ད་ཡཾ་ཁཱ་ད་ Ba57b ཡ།་བིགྷྣཾ། པདྨ་དྷརྀ་ཀ། ཙི་ཊི། དྲི་ཊྀ་ཧཱུཾ་སཝཱཧཱ། ཁྲོ་བོའི་རྒྱལ་པོའི་རིགས་ཀྱི་སྙིང་པོའོ། །ནང་གི་དཀྱིལ་འཁོར་གྱི་གསང་བའི་ལས་རྣམས་སོ། །ོཾ་ཨ་མོ་གྷ་པདྨོ་ཥྞཱི་ཥ་པདྨ་པཱ་ཤ་ཀྲོ་དྷ་ཀ། མཱ་ཡི་ཀརྨ་པྲ་བེ་ཤ་ཡ་མ་ཧཱ་པཱ་ཤུ་པ་ཏི། ཡ་མ། བ་རུ་ཎ། ཀུ་བེ་ར། བྲཧྨ་བེ་ཥ་དྷ་ར། མ་ཧཱ་ཙཎྜ་བེ་ག་ཨ་མོ་གྷ་ཀུ་ལ་ས་མ་ཡ་པདྨ་ཧཱུཾ་ཧཱུཾ། ཁྲོ་བོའི་རྒྱལ་པོ་དོན་ཡོད་ཞགས་པའི་པདྨ་གཙུག་ཏོར་གྱི་སྙིང་པོའོ། །དེ་ནས་དོན་ཡོད་པའི་སྙིང་པོའི་ལས་རྣམས་སུ་འགྱུར་ཏེ། དྲན་པ་ཙམ་གྱི་མོད་ལ་དུས་གསུམ་གྱི་དེ་བཞིན་གཤེགས་པ་ཐམས་ཅད་དང་མཉམ་པས་གཅིག་ཏུ་མཚུངས་པར་འགྱུར་རོ། །ཚེ་དཔག་མེད་དང་མཉམ་པའི་ལུས་སུ་འགྱུར་རོ། །ཕྱོགས་བཅུའི་སངས་རྒྱས་ཀྱི་ཞིང་རྣམས་ཐམས་ཅད་དང་མཉམ་པའི་དེ་བཞིན་གཤེགས་པ་ཐམས་ཅད་དང་མཚུངས་ཤིང་མཉམ་པ་ཉིད་དུ་འགྱུར་རོ། །མཚུངས་ཤིང་མཉམ་པ་ཉིད་ཀྱི་དེ་བཞིན་གཤེགས་པ་ཐམས་ཅད་མཉམ་པ་ཉིད་དུ་མཐོང་ངོ ། །པདྨའི་ཕྱག་གི་ཏིང་ངེ་འཛིན་རྣམས་དང ། པདྨའི་གཙུག་ཏོར་གྱི་ཕྱག་གིས་འཇིག་རྟེན་དབང་ཕྱུག་དང་མཉམ་པ་ཉིད་དུ་འགྱུར་རོ། །པདྨའི་གཙུག་ཏོར་བཅིངས་པ་ཉིད་ཀྱིས་སྦྱིན་པའི་གཙུག་ཏུ་མངོན་པར་དབང་བསྐུར་ན། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་མངོན་པར་དབང་བསྐུར་རོ། །པདྨའི་གཙུག་ཏོར་གྱིས་དོན་ཡོད་པར་དབང་བསྐུར་བ་ Ba58a ༄#། །གང་ཡིན་པ་དེ། པདྨའི་གཙུག་ཏོར་གྱི་སྙིང་པོ་རྒྱས་པར་གྱུར་པ་ཐོབ་སྟེ། ཏིང་ངེ་འཛིན་བརྒྱ་སྟོང་ཕྲག་དང ། བླ་ན་མེད་པའི་དཔལ་འཐོབ་བོ། །རིགས་ཀྱི་རྒྱལ་པོའི་གསང་སྔགས་རྒྱས་པར་གྱུར་པ་པདྨའི་གཙུག་ཏོར་གྱི་དཀྱིལ་འཁོར་དུ་རིགས་ཀྱི་རྒྱལ་པོ་ལེགས་པར་གྲུབ་པར་འགྱུར་ཏེ། ཐམས་ཅད་དུ་རིགས་ཀྱི་རྒྱལ་པོའི་དངོས་གྲུབ་བཟང་པོ་རྣམས་འོང་པར་འགྱུར་རོ། །རིགས་ཀྱི་རྒྱལ་པོའི་གསང་སྔགས་ཀྱི་རྒྱལ་པོ་དང ། རིག་སྔགས་ཀྱི་རྒྱལ་པོ་མཆོག་གི་དངོས་གྲུབ་ཐམས་ཅད་རབ་ཏུ་སྦྱིན་པར་བྱེད་དོ། ། པདྨོའི་ཕྱག་གིས་རྗེས་སུ་འཇུག་ཅིང ། དོན་ཡོད་པའི་རིགས་ཀྱི་དངོས་གྲུབ་ཇི་ལྟ་བ་བཞིན་དུ་འགྲུབ་སྟེ། བཀླགས་པས་གྲུབ་པ་འདི་ལ་ཐེ་ཚོམ་མེད་དོ། །པདྨ་གཙུག་ཏོར་གྱི་རིགས་ཀྱི་དངོས་གྲུབ་དང ། པདྨ་ཡངས་པའི་དཀྱིལ་འཁོར་རམ། དོན་ཡོད་ཞགས་པའི་དཀྱིལ་འཁོར་དུ་བཀླགས་ནས་བཟླས་བ་ཙམ་གྱིས་འགྲུབ་སྟེ། རིགས་ཀྱི་རྒྱལ་པོ་དང ། རིག་སྔགས་ཀྱི་རྒྱལ་པོ་གང་ཡིན་པ་དེ་ཐམས་ཅད་དུ་དབང་ཕྱུག་ཏུ་འགྱུར་རོ། །དཀྱིལ་འཁོར་རྣམས་ཀྱི་ཆོ་ག་ཞིབ་མོ་དང ། ཕྱག་རྒྱས་བྱང་ཆུབ་སེམས་དཔའ་ཐམས་ཅད་ཀྱི་རིགས་ཐུན་མོང་པ་ཐམས་ཅད་དུ་རྒྱལ་པོའི་བྱ་བ་བྱེད་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་རྣམས་དང ། སངས་རྒྱས་ཀྱི་ཞིང་བརྒྱ་ཕྲག་རྣམས་དང ། Ba58b གངྒཱའི་ཀླུང་གི་བྱེ་མ་དང་མཉམ་པའི་ཞིང་དུ་རྒྱལ་པོར་འགྱུར་རོ། །རིགས་ཀྱི་རིག་པས་ལྷའི་དབང་ཕྱུག་དང ། ལྷའི་ཚོགས་རྣམས་ཀྱི་དབང་ཕྱུག་ཏུ་འགྱུར་རོ། །རྟག་ཏུ་ཡང་གནོད་སྦྱིན་རྣམས་དང ། སྲིན་པོ་རྣམས་སུ་གྱུར་པ་དང ། དྲི་ཟ་རྣམས་དང ། གནོད་སྦྱིན་རྣམས་དང ། སྲིན་པོ་རྣམས་ཀྱི་དེ་བཞིན་ཉིད་དུ་ཐམས་ཅད་དུ་རྒྱལ་པོ་དང་དབང་ཕྱུག་ཏུ་རྟག་ཏུ་འགྱུར་ཏེ། ཐེ་ཚོམ་མེད་དོ། ནམ་མཁའ་ལྡིང་རྣམས་དང ། མི་འམ་ཅི་རྣམས་དང ། ལྷོ་འཕྱེ་ཆེན་པོ་རྣམས་དང ། ཐམས་ཅད་དུ་ཇི་སྲིད་བྱང་ཆུབ་ལ་ཡང་དག་པར་གནས་ཀྱི་བར་དུ་རིགས་ཀྱི་རྒྱལ་པོར་འགྱུར་རོ། །དེ་ནས་ཁྲོ་བོའི་རྒྱལ་པོ་དྲན་པ་ཙམ་དང ། དྲག་པོ་དེ་ཡིད་ལ་སེམས་པ་ཙམ་གྱི་མོད་ལ་འཕྲལ་དུ་རི་རབ་ལྟུང་བར་བྱེད་ཅིང ། ཁོར་ཡུག་གི་རི་རྣམ་པར་འཐོར་བར་བྱེད་དོ། །རྒྱ་མཚོ་ཆེན་པོ་ཀུན་ནས་དཀྲུག་ཅིང་རྒྱ་མཚོ་ཆེན་པོ་ཉེ་བར་སྐྱེ་བར་བྱེད་དོ། །ཀུན་ཏུ་གསལ་བར་བྱེད་དོ། །ཀླུའི་གནས་ཐམས་ཅད་དུ་ཀླུའི་གནས་འབར་བར་ཡང་བྱེད་དོ། །བགེགས་དང་ལོག་པར་འདྲེན་པ་ཐམས་ཅད་ཀྱི་སྐད་ཅིག་ཙམ་གྱིས་སྟེང་དུ་བདུག་པར་བྱེད་དོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། གཟའ་དང ། བརྗེད་བྱེད་དང ། མི་བཟད་པ་དེ་རྣམས་ཐམས་ཅད་ཁྲོ་བོའི་རྒྱལ་པོ་དྲན་པ་ཙམ་གྱིས་འཇིགས་པར་འགྱུར་རོ། །ཁྲོ་བོའི་རྒྱལ་པོའི་གསང་བ་པ་ཐམས་ཅད་ཀྱི་རིགས་ Ba59a ༄#། །ཀྱི་དམ་ཚིག་ལ་གནས་པ་དང ། དཀྱིལ་འཁོར་དུ་ཕྱག་རྒྱ་གནས་པ་དང ། གསང་སྔགས་ཀྱི་ལྷ་གཞན་གང་ཡིན་པ་རྣམས་ཀྱིས་ཁྲོ་བོའི་རྒྱལ་པོ་དྲན་པ་ཙམ་གྱིས་དེ་རྣམས་ཐམས་ཅད་རིག་སྔགས་འཆང་ལ་སྐྱབས་སུ་འགྲོ་བར་བྱེད་དོ། །དེ་རྣམས་ཐམས་ཅད་རྗེས་སུ་འབྲང་བར་འགྱུར་ཞིང་གནས་པར་བྱེད་དོ། །འགའ་ཞིག་གང་དུ་འགྲོ་བའམ་འདུག་པ་དེ་ལ་དབང་པོ་དང ། སྐབས་གསུམ་པའི་ལྷ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཤིན་རྗེས་དང ། ཆུ་ལྷ་དང་ཀླུའི་རྒྱལ་པོ་རྒྱ་མཚོ་དང ། དགའ་བོ་དང ། ཉེ་དགའ་བོ་དང ། གཞོན་ནུ་དང ། སྡེ་དཔོན་དང ། དེ་བཞིན་དུ་རྒྱལ་པོ་ཆེན་པོ་བཞི་དུས་རྟག་ཏུ་རིག་སྔགས་འཆང་གི་རྗེས་སུ་འབྲང་བར་བྱེད་དོ། །ཐེ་ཚོམ་མེད་དོ། །ཁྲོས་པའི་ལས་རྣམས་སམ། དེ་བཞིན་དུ་དྲག་པོའི་ལས་རྣམས་ཐམས་ཅད་ཀྱང་ཧཱུཾ་ཡིག་ཙམ་གྱིས་དེ་ལ་དངོས་གྲུབ་མཐོང་ངོ ། ། ཕྱིར་རྒོལ་བ་དང ། དགྲ་དང ། སེམས་ཅན་མ་རུངས་པ་ཤིན་ཏུ་མི་བཟད་པ་རྣམས་དང ། ཕ་རོལ་གྱི་དམག་ཚོགས་དང ། འཇིགས་པ་དང ། རྣམ་པར་འགྲས་པའི་སྐྱེ་བོ་དང ། སྡིག་པ་དེ་རྣམས་ཐམས་ཅད་ཧཱུཾ་ཡིག་གིས་མཆོག་ཏུ་གཟིར་བ་ཙམ་གྱིས་ཐལ་བར་འཇིགས་པར་འགྱུར་རོ། །སྡང་བ་དང ། ངན་སེམས་པའི་སེམས་ཅན་དང ། བྱས་པ་ Ba59b མི་གཟོ་བ་དང ། བྱས་པ་ལ་འཁོན་པ་ཐམས་ཅད་དྲག་པོའི་ཧཱུཾ་ཡིག་བཟླས་པ་ཙམ་གྱིས་སྐད་ཅིག་ལ་སྲེག་སྟེ། དཔེར་ན་མེས་ཕྱེ་མ་ལེབ་བཞིན་ནོ། །ལས་གཞན་སྟོང་ཕྲག་རྣམས་དང ། ལས་བརྒྱ་སྟོང་ཕྲག་ཉིད་བཟླས་པ་ཙམ་གྱིས་འགྲུབ་སྟེ། དྲན་པ་ཙམ་གྱི་མདོ་ལ་ལས་ཐམས་ཅད་འགྲུབ་བོ། །དེ་ནས་དོན་ཡོད་པ་པདྨའི་གཙུག་ཏོར་དྲན་པ་ཙམ་གྱིས་བྱ་བ་ཐམས་ཅད་ནི། གཉིས་སུ་འགྱུར་ཏེ། ཇི་ལྟར་གང་ཅུང་ཟད་ཡིད་ལ་བྱེད་པས་ལས་བྱེད་དོ། །དཀྱིལ་འཁོར་རམ། གནས་རྣམས་པ་གཞན་ཐམས་ཅད་དུ་ཇི་ལྟར་ཡིད་ལ་བྱེད་པའི་བྱ་བ་ཐམས་ཅད་དུ་བྱེད་དོ། །ཞེས་སོ། །འཕགས་པ་དོན་ཡོད་པའི་ཞགས་པའི་ཆོ་ག་བཞི་བ་མོའི་རྒྱལ་པོ། བམ་པོ་བཅོ་ལྔ་པ། དེ་ནས་གསང་སྔགས་ལ་འཇུག་པ་རྣམས་ཀྱི་དགོངས་པ་ཐམས་ཅད་སོ་སོར་འགྲུབ་པར་འགྱུར་བ་ནི། ཨོཾ་ཞེས་བྱ་བ་དོན་ཡོད་པའི་ཞགས་པ་པདྨ་གཙུག་ཏོར་གྱི་དཀྱིལ་འཁོར་ཐམས་ཅད་དུ་གསང་སྔགས་ཡི་གེ་གཅིག་པའོ། །འཇིག་རྟེན་མགོན་པོའི་སྤྱན་སྔར་འབུམ་དྲན་པར་བྱས་ན། ས་དང་པོ་ལ་གནས་པར་འགྱུར་རོ། །སྔོན་གྱི་སྡིག་པ་བསགས་པ་སེམས་ཅན་དམྱལ་བ་མི་བཟད་པ་གང་ཅི་ཡང་རུང་བ་དེ་དག་ཐམས་ཅད་ཇི་ལྟར་རླུང་གིས་ཕྱག་དར་གཏོར་བ་བཞིན་འཇིག་པར་འགྱུར། དངོས་གྲུབ་ཐམས་ཅད་ཐོབ་པར་འགྱུར་རོ། །དོན་ཐམས་ Ba60a ༄#། །ཅད་རྗེས་སུ་འཇུག་པར་འགྱུར། དེ་བཞིན་གཤེགས་པ་ཐམས་ཅད་དང ། གང་དཀྱིལ་འཁོར་གྱི་ལྷ་གཞན་དག་ཀྱང་དགྱེས་པར་འགྱུར་ལ། འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཆོག་སྦྱིན་པ་མཛད་དོ། །གསང་སྔགས་ཨོཾ་ཞེས་བྱ་བ་དྲན་ནས་ཚེ་འཕོས་པ་ནི། འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་རོ། །གསང་སྔགས་ཀྱི་ཡི་གེ་གཅིག་པའོ། །ོཾ་བྷུ། ཡི་གེ་གཉིས་པ་འབུམ་བཟླས་བརྗོད་བྱས་ན། ས་གཉིས་པ་ཐོབ་པར་འགྱུར་རོ། །དེ་བཞིན་གཤེགས་པ་སྣང་བ་མཐའ་ཡས་ཀྱི་སྤྱན་སྔར་འདུག་པར་འགྱུར་ཞིང་མཆོག་ཐམས་ཅད་རྗེས་སུ་སྦྱིན་པར་མཛད། སྡིག་པ་ཐམས་ཅད་ཀྱང་རྣམ་པར་དག་པར་མཛད། སྔོན་གྱི་ནད་ཀྱང་སོས་པར་འགྱུར། ནོར་གྱི་དབང་ཕྱུག་ནོར་བུ་བཟང་པོའི་བུ་དབང་དུ་འགྱུར་ཞིང་ཉེ་བར་གནས་པར་འགྱུར་རོ། །མི་གང་གིས་ཀྱང་ཕྱིར་ཞིང་བར་ཆད་བྱེད་ནུས་པར་མི་འགྱུར། ཚེ་འཕོས་ནས་རི་གྲུ་འཛིན་དུ་སྐྱེ་བར་འགྱུར། དོན་ཡོད་པའི་ཞིགས་པའི་དངོས་རྒུབ་ཀྱང་ཐོབ་པར་འགྱུར་རོ། །ོཾ་པདྨེ། གསང་སྔགས་ཀྱི་ཡི་གེ་གསུམ་པ་འབུམ་བཟླས་བརྗོད་བྱས་ན། ས་གསུམ་པ་ལ་ཡང་དག་པར་འཇུག་པར་འགྱུར། །པདྨ་ཡངས་པའི་དཀྱིལ་འཁོར་གྱི་ཕགས་རྒྱ་དང ། གསང་སྔགས་གང་ Ba60b ཡིན་པ་ཐམས་ཅད་ལ་ཞུགས་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གཞོན་ནུའི་ཆ་བྱད་ཅན་མདུན་ན་བཞུགས་པར་འགྱུར་ཞིང་འདོད་པ་ཐམས་ཅད་ཀྱི་མཆོག་རྗེས་སུ་སྦྱིན་པར་མཛད། དོན་ཡོད་པའི་ཞགས་པའི་པདྨ་གཙུག་ཏོར་དཀྱིལ་འཁོར་གྱི་སྟོན་པར་མཛད། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་རྣམས་སྟོན་པར་མཛད། ཐམས་ཅད་དུ་དངོས་གྲུབ་རྗེས་སུ་སྦྱིན་པར་མཛད་དོ། །ོཾ་པདྨ་ཧྲཱིཿ ། གསང་སྔགས་ཡི་གེ་བཞི་པ་འབུམ་བཟླས་བརྗོད་བྱས་ན། ས་བཞི་པ་ལ་འཇུག་པར་འགྱུར། འཕགས་པ་དེ་བཞིན་གཤེགས་པ་མི་འཁྲུགས་པའི་སྐུ་མདོག་གསེར་གྱི་ཁ་དོག་ཅན་མདུན་ན་བཞུགས་ཤིང་དཔུང་པ་བརྐྱང་ནས་ཕྱག་སྤྱི་བོར་འཇོག་པར་མཛད་ལ་རིག་སྔགས་འཆང་བ་ལེགས་སོ། །ཞེས་བྱ་བ་རྗེས་སུ་སྦྱིན་པར་མཛད་དེ། རིག་སྔགས་འཆང ། ཚུར་ཤོག་ཁྱོད་ཀྱི་སྡིག་པ་དང་སྒྲིབ་པ་ཐམས་ཅད་ཡོངས་སུ་དག་སྟེ་རང་གི་ངོ་བོ་ཐམས་ཅད་ཤིན་ཏུ་དྲི་མ་མེད་པར་ཡོངས་སུ་དག་གོ། མིའི་འཇིག་རྟེན་འདི་ནས་ཚེ་འཕོས་ནས་ངའི་སངས་རྒྱས་ཀྱི་ཞིང་དུ་འོང་ཞིང་ཚེ་རབས་དྲན་པར་འགྱུར། །ཕྱིར་ཞིང་ནམ་ཡང་མངལ་ན་གནས་པས་གོས་པར་མི་འགྱུར། །འཇིག་རྟེན་བ་དགོས་པ་ཐམས་ཅད་འགྲུབ་པར་འགྱུར་རོ། །ོཾ་པདྨ་བྷུ་ ། གསངས་སངས་ཡི་གེ་ལྔ་པ་འབུམ་བཟླས་བརྗོད། Ba61a ༄#། །བྱས་ན།་ས་ལྔ་པ་ལ་གནས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་བླ་མ་རབ་ཏུ་སྟོན་པ་མཛད། སྒྲིབ་པ་ཐམས་ཅད་ཡོངས་སུ་ཟད་པར་འགྱུར། རིག་སྔགས་འཆང་ལ་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་ཏེ། རིག་སྔགས་འཆང ། ལེགས་སོ་ལེགས་སོ། །ཁྱོད་ལ་བསོད་ནམས་ཀྱི་ཕུང་པོ་ཆེན་པོ་སྐྱེས་ཏེ། རིག་སྔགས་འཆང ། ཁྱོད་དགེ་བའི་རྩ་བ་ཆེན་པོ་བསྐྱེད་པས། རིག་སྔགས་འཆང ། ཁྱོད་ཚེ་བརྗེས་ན་དེ་བཞིན་གཤེགས་པ་བྱེ་བ་ཁྲག་ཁྲིག་དགུ་བཅུ་རྩ་གཉིས་ཀྱི་དྲུང་དུ་དགེ་བའི་རྩ་བ་མཚུངས་བར་བསྐྱེད་པར་འགྱུར་ཞིང་ངའི་སངས་རྒྱས་ཀྱི་ཞིང་དུ་སྐྱེ་བར་འགྱུར། ཁྱོད་ཀྱིས་དོན་ཡོད་པའི་ཞགས་པ་པདྨ་གཙུག་ཏོར་གྱི་སྙིང་པོ་དང ། གསང་བའི་དཀྱིལ་འཁོར་དང ། ཕྱག་རྒྱ་ཆེན་པོ་རིམ་པར་ཕྱེ་བ་གྲུབ་ཅིང ། རིག་སྔགས་འཆང ། ཁྱོད་སྒྲིབ་པ་དང་སྡིག་པ་ཐམས་ཅད་སྤངས་ཀྱི། བྱ་བ་ཐམས་ཅད་གྱིས་ཤིག་།ཡིད་ལ་བྱ་བའི་སྒྲུབ་པ་ཐམས་ཅད་ཇི་ལྟར་འདོད་པ་བཞིན་དེ་དག་ཐམས་ཅད་ཤིན་ཏུ་འགྲུབ་པར་འགྱུར་རོ། །ོཾ་པདྨ་ཨ་བ་ལོ་ཀི་ཏེ། གཟུངས་སྔགས་ཡི་གེ་དྲུག་པ་འབུམ་བཟླས་བརྗོད་བྱས་ན། ས་དྲུག་པ་ཐོབ་སྟེ་འཇུག་པར་འགྱུར། དེ་བཞིན་གཤེགས་པ་ Ba61b ཐམས་ཅད་སྣང་བ་མཛད་པར་འགྱུར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་མོ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་གཟིགས་ཤིང་མངོན་སུམ་དུ་སྟོན་པ་མཛད། དབུགས་འབྱིན་པར་མཛད་དོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨ་གཟིགས་པའི་རྒྱལ་མཚན་རིག་སྔགས་འཆང་དེ་ལ་ཡང་དག་པར་དབུགས་འབྱིན་པར་མཛད་དོ། །རིག་སྔགས་འཆང ། ངའི་སངས་རྒྱས་ཀྱི་ཞིང་དུ་བྱང་ཆུབ་སྙིང་པོའི་མཐར་ཐུག་གི་བར་དུ་ཚུར་ཤོག་།ལས་བྱས་པ་ནི། ཤིན་ཏུ་ཡོངས་སུ་ཟད་ཅིང་ཁྱོད་ཀྱིས་སེམས་ཅན་དམྱལ་བའི་སྒོ་རྣམས་བཅད། ཁྱོད་ཀྱིས་སངས་རྒྱས་ཀྱི་ཞིང་ཐམས་ཅད་ཀྱི་སྒོ་རྣམས་ནི། ཕྱེ། ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་ས་བོན་དང ། རིགས་ཀྱི་སྤྱི་ནི། ཁོང་དུ་ཆུད། ཁྱོད་ཀྱིས་དོན་ཡོད་པའི་ཞགས་པ་པདྨ་གཙུག་ཏོར་གྱི་སྙིང་པོ་དང ། གསང་བའི་དཀྱིལ་འཁོར་ནི། གྲུབ། ཁྱོད་ཀྱིས་ཐམས་ཅད་དུ་གནས་ཀྱི་སྒོ་རྣམས་ནི། ཕྱེ་བས་འཇིག་རྟེན་དང ། འཇིག་རྟེན་ལས་འདས་པའི་ལས་སྒྲུབ་པ་རྣམས་ཇི་ལྟར་ཡིད་ལ་བྱས་པ་བཞིན་ལས་ཐམས་ཅད་བྱོས་ཤིག་།ོཾ་པདྨ་ཛཱ་ལ་ཧཱུཾ་དྷྲིཀ། ཡི་གེ་བདུན་པ་འབུམ་བཟླས་བརྗོད་བྱས་མ་ཐག་ཏུ་ཏིང་ Ba62a ༄#། །འཛིན་པདྨ་དྲི་མ་མེད་པ་སྒྲིབ་པ་དང་བྲལ་བ་དག་པ་ཞེས་བྱ་བ་ཐོབ་པར་འགྱུར་ལ། ཏིང་ངེ་འཛིན་གང་ཐོབ་བས་ལུས་ཤིན་ཏུ་འབར་བར་འགྱུར་ཞིང་འོད་ཟེར་ཁ་དོག་སྣ་ཚོགས་སུ་འགྱུར། ས་བདུན་པ་ལ་གནས་པར་འགྱུར། ལུས་ཀྱི་སྣང་བ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སངས་རྒྱས་ཀྱི་ཞིང་ཐམས་ཅད་ཀྱི་གནས་རྣམས་སྣང་བར་བྱེད་ཅིང ། གང་དང་གང་དུ་འོད་ཟེར་རིན་པོ་ཆེ་འབར་བ་སྣ་ཚོགས་དག་འབབ་པ་ལས་མེ་ཏོག་གི་ཆར་སྣ་ཚོགས་པ་རྣམས་འབྱུང་བར་འགྱུར་ལ། དེ་བཞིན་གཤེགས་པ་ཐམས་ཅད་ལ་མཆོད་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པའི་པདྨ་འོད་ཟེར་འབར་བ་གསེར་གྱི་མདོག་ཅན་དཔུང་པ་བརྐྱང་སྟེ། ཕྱག་གཡས་པས་རིག་སྔགས་འཆང་གི་སྤྱི་བོར་འཇོག་ཅིང་ལེགས་སོ་ཞེས་བྱ་བ་ཡང་སྦྱིན་ལ་དབུགས་ཕྱིན་པར་མཛད་དེ། རིག་སྔགས་འཆང ། ལེགས་སོ་ལེགས་སོ། །འདི་ནི། སངས་རྒྱས་བཅོམ་ལྡན་འདས་རྣམས་ཀྱི་སྙིང་པོ་གསང་བ་བཟླས་བརྗོད་ཀྱི་ཆོ་ག་མཆོད་པའི་མཆོག་ཡིན་ནོ། །འདི་ནི། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་གསང་བ་གཅེས་པའི་དཀྱིལ་འཁོར་དོན་ཡོད་པའི་ཞགས་པ་པདྨ་གཙུག་ཏོར་ Ba62b གྱི་སྙིང་པོ་ཡང་དག་པའོ། །རིག་སྔགས་འཆང ། ཁྱོད་ཀྱིས་དཀྱིལ་འཁོར་མཐའ་དག་རྫོགས་པ་དང ། པདྨ་གཙུག་ཏོར་གྱི་སྙིང་པོ་ཆོ་ག་ཞིབ་མོ་དང ། དོན་ཡོད་པའི་ཞགས་པ་རྣམ་པར་སྤྲུལ་པ་གྲུབ་ཀྱི། རིག་སྔགས་འཆང ། ངའི་སངས་རྒྱས་ཀྱི་ཞིང་དུ་སོང་ལ་སངས་རྒྱས་ཀྱི་མཛད་པ་གྱིས་ཤིག་།ོཾ་ཨ་མོ་གྷ་མ་ཎི་པདྨེ། གཟུངས་སྔགས་ཀྱི་སྙིང་པོ་ཡི་གེ་བརྒྱད་པ་འབུམ་བཟླས་བརྗོད་བྱས་ན། ལུས་ཤིན་ཏུ་ཡོངས་སུ་དག་ཅིང་དྲི་མ་མེད་པར་འགྱུར། བཟླས་བརྗོད་བྱས་པ་ཙམ་གྱིས་ནོར་བུ་རིན་པོ་ཆེ་ཆེན་པོ་ཤེལ་ལྟར་ཕྱི་ནང་ཤིན་ཏུ་ཡོངས་སུ་དག་སྟེ། དེ་ལྟར་རིག་སྔགས་འཆང་གི་ལུས་ཡོངས་སུ་དག་པར་འགྱུར། ས་བརྒྱད་པ་ལ་གནས་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་རང་གི་ལུས་ཡོངས་སུ་དག་པ་རང་གི་གཟུགས་ཀྱི་ངོ་བོ་སྟོན་ཅིང ། རིག་སྔགས་འཆང་གི་མདུན་ན་གནས་ལ་རིག་སྔགས་འཆང་ཡང་དག་པར་དབུགས་འབྱིན་པར་མཛད་དེ། ཕྱག་གཡས་པ་མགོའི་སྤྱི་བོར་འཇོག་པར་མཛད། ལེགས་སོ་ཞེས་བྱ་བ་ཡང་སྦྱིན་པར་མཛད་དེ། རིག་སྔགས་འཆང་ལེགས་སོ་ལེགས་སོ། །རིག་སྔགས་འཆང ། ཁྱོད་ལྷག་པའི་བསམ་པ་དམ་པ་དགའ་བ་ལ་ཞུགས་སོ། །རིག་སྔགས་འཆང་སངས་རྒྱས་ཀྱི་ཞིང་མཉམ་པར་འབྲེལ་བའི་ Ba63a ༄#། །འཇིག་རྟེན་རྣམ་པར་བལྟ་བར་ཚུར་ཤོག། དེར་ཁྱོད་ཀྱིས་སངས་རྒྱས་ཀྱི་མཛད་པ་བྱེད་བར་འགྱུར་རོ། །ཁྱོད་ཀྱིས་དོན་ཡོད་པའི་ཞགས་པ་པདྨ་གཙུག་ཏོར་གྱི་སྙིང་པོ་དཀྱིལ་འཁོར་གསང་བ་གྲུབ་ཀྱི། འཇིག་རྟེན་དང་འཇིག་རྟེན་ལས་འདས་པའི་སྒྲུབ་པ་དམ་པ་བྱ་བ་ཐམས་ཅད་གྱིས་ཤིག་།ོཾ་པདྨ་ལོ་ཙ་ནེ་ཧུ་རུ་ཧཱུཾ། གསང་སྔགས་ཀྱི་སྙིང་པོ་ཡི་གེ་དགུ་པ་འབུམ་བཟླས་བརྗོད་བྱས་ན། ས་དགུ་པ་ལ་གནས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྲས་ཀྱི་གཙོ་བོར་འགྱུར།་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་དགུ་བཅུ་རྩ་དགུ་དག་རིག་སྔགས་འཆང་ལ་མངོན་སུམ་དུ་སྟོན་ཅིང ། སངས་རྒྱས་ཀྱི་ཡུལ་རྣམ་པར་སྤྲུལ་པ་སྣ་ཚོགས་སྟོན་པར་མཛད། རིག་སྔགས་འཆང་གི་སྤྱི་བོར་ཐམས་ཅད་ཀྱི་ཕྱག་འཇོག་པར་མཛད། ལེགས་སོ་ཞེས་བྱ་བ་ཡང་སྦྱིན་པར་མཛད་དེ། རིག་སྔགས་འཆང ། ཆེན་པོ་ལེགས་སོ་ལེགས་སོ། །ཁྱོད་ཀྱིས་ངལ་ཞིང་སྦྱང་བའི་ལས་ལེགས་པར་སྒྲུབ་པ་བྱས་སོ། །ཁྱོད་ཀྱིས་འཇིག་རྟེན་པ་དང ། འཇིག་རྟེན་ལས་འདས་པ་སངས་རྒྱས་ཉིད་དུ་སྒྲུབ་པ་སྟེ། དོན་ཡོད་པའི་ཞགས་པའི་དཀྱིལ་འཁོར་ཆོ་ག་ཞིབ་མོ་སྒྲུབ་པ་དང ། མདོ་སྡེ་ལུང་བཅས་པ་སྒྲུབ་པ་ Ba63b འཇིག་རྟེན་གྱི་འདྲེན་པས་བསྟེན་པ་གང་ཡིན་པ་དེ་དག་ཐམས་ཅད་གྲུབ་པ་ཡིན་ནོ། །ོཾ་པདྨོ་ཥྞི་ཥ་བིམ་ལ་ཧཱུཾ་ཕཊ། གསང་སྔགས་ཀྱི་སྙིང་པོ་ཡི་གེ་བཅུ་པ་འབུམ་བཟླས་བརྗོད་བྱས་ན། ཕྱིར་མི་ལྡོག་པ་ཉིད་དུ་གྱུར་ནས་ས་བཅུ་པ་ལ་གནས་པར་འགྱུར་ཞིང ། ལྷ་དང་མིའི་སྐྱེ་རྒུ་དག་།འདི་ནི། དེ་བཞིན་གཤེགས་པའོ་ཞེས་བརྗོད་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར། དོན་ཡོད་པའི་པདྨ་གཙུག་ཏོར་གྱི་འཁོར་ལོས་བསྒྱུར་བར་འགྱུར་ཏེ། ཐེ་ཚོམ་མི་བྱའོ། །གསང་སྔགས་བཅུ་པའི་སྒྲུབ་པ་དེ་ཁོ་ན་ཉིད་ཀྱི་དངོས་གྲུབ་བླ་ན་མེད་པ་འདི་ནི། དོན་ཡོད་པའི་ཞགས་པའི་སྙིང་པོ་རྣམ་པར་སྤྲུལ་པ་བཟླས་བརྗོད་ཙམ་གྱིས་འགྲུབ་པ་ཡིན་ཏེ། བདག་གིས་སྔར་བསྟན་པ་ཐམས་ཅད་ལ་ལྷག་པར་ཞེན་པ། གཙང་མ། གཙང་སྦྲ་སྤྱོད་པ། གོས་གཙང་མ་བགོས་པ། བྱམས་པའི་སེམས་དང་སྙིང་རྗེ་སྐྱེས་པ། བདེན་པར་སྨྲ་བ། བླ་མ་ལ་གུས་པ།་དཀོན་མཆོག་གསུམ་ལ་དད་པ་ཆེ་བ། བླ་མ་དང་སློབ་དཔོན་ལ་རྟག་ཏུ་མཆོད་པ་བྱེད་པ་འདི་ནི། བཟླས་བརྗོད་ཀྱི་ཆོ་ག་ཡིན་ཏེ། སངས་རྒྱས་ཀྱི་བྱང་ཆུབ་བླ་ན་མེད་པར་བསྟན་ཏོ། །དེ་ནས་གནོད་སྦྱིན་གྱི་སྡེ་དཔོན་ལག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་རབ་ཏུ་འཛུམ་ལ་ལག་ Ba64a ༄#། །ན་རྡོ་རྗེ་བསྐོར་བཞིན་དུ་མགོ་བཏུད་ནས་སྨྲས་པ། སེམས་དཔའ་ཆེན་པོ་གཟུངས་ཀྱི་གསང་སྔགས་ཀྱི་གཞི་དོན་ཡོད་པའི་ཞགས་པ་པདྨ་གཙུག་ཏོར་དཀྱིལ་འཁོར་གྱི་སྙིང་པོ་གསང་བ་ཆེན་པོ་འདི་ནི། ཤིན་ཏུ་རྙེད་པར་དཀའ་སྟེ། གཟུངས་སྔགས་ཀྱི་སྙིང་པོ་རེ་རེ་པོ་འདི་དག་ནི། བཟླས་བརྗོད་ཙམ་གྱིས་སངས་རྒྱས་ཀྱི་མཛད་པ་བྱེད་པར་འགྱུར་ན། སྤྱན་རས་གཟིགས་དབང་ཕྱུག་གང་ཆེས་དལ་ཞིང་དུབ་པར་བཟླས་བརྗོད་སྒྲུབ་པ་དང ། ཆོ་ག་རྒྱས་པར་སྒྲུབ་པ་ལྟ་སྨོས་ཀྱང་ཅི་དགོས། ཉིན་ཞག་གཅིག་བསྙེན་གནས་ལ་གནས་ཤིང་ཟས་བསླངས་པ་དང ། འབྲས་བུ་དང ། ལྡུམ་བུ་དང ། རྩ་བ་བཟའ་བ་ཟོས་ནས་རིག་སྔགས་འདི་བསྒྲུབས་ན། སྤྱན་རས་གཟིགས་དབང་ཕྱུག་དེའི་དངོས་གྲུབ་ཇི་ལྟ་བུ་ཞིག་འབྱུང་བར་འགྱུར། སྤྱན་རས་གཟིགས་དབང་ཕྱུག་གིས་སྨྲས་པ། ལག་ན་རྡོ་རྗེ། ཉིན་ཞག་གཅིག་སྨྱུང་བ་ལ་གནས་ཤིང་ཉིན་ཞག་གཅིག་ཙམ་བཟླས་བརྗོད་བྱས་པ་ཙམ་གྱིས་འབྲས་བུ་འགྲུབ་པར་འགྱུར་བ་ནི། ལག་ན་རྡོ་རྗེ། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ།་དགེ་བསྙེན་ནམ། དགེ་བསྙེན་པའམ། གཞན་ཡང་དགེ་སྦྱོང་མགོ་བྲེགས་པ། རིགས་ཀྱི་གཙོ་བོ་བྲམ་ཟེའམ། རྒྱལ་རིགས་སམ། སྐྱེས་པའམ། བུད་མེད་ Ba64b དམ།་ཁྱེའུ་འམ། བུ་མོའམ། རྗེའུ་རིགས་སམ། དམངས་རིགས་གང་ལ་ལ་སྐད་ཅིག་ཐང་གཅིག་ཡུད་ཅམ་མམ། དུས་ཚིགས་གཅིག་གམ། དུས་ཚིགས་གཉིས་སམ། དུས་ཚིགས་གསུམ་ཡོངས་སུ་རྫོགས་པར་གཞན་མི་སྨྲ་བར་དོན་ཡོད་པའི་ཞགས་པ་པདྨ་གཙུག་ཏོར་གྱི་སྙིང་པོ་ཁྲོ་བོའི་རིགས་ཀྱི་གསང་སྔགས་རིམ་པར་ཕྱེ་བ་གཟུངས་སྔགས་ཆེན་པོའི་སྙིང་པོ་བཅུ་པོ་འདི་ལན་གཅིག་དྲན་ནམ། ཀློག་གམ། མིང་གཟུང་བ་ཡང་དྲན་ནམ། ལག་ན་རྡོ་རྗེ། དུས་ཚིགས་གཅིག་ཏུ་དྲན་པ་ཙམ་གྱིས་ཀྱང་དེའི་མཚམས་མེད་པ་བྱེད་པ་མནར་མེད་པར་གཞོལ་བ། བསྐལ་པར་གནས་པ་ཡང་དེས་ཐམས་ཅད་རྣམ་པར་དག་པར་འགྱུར་ལ། སྡིག་པ་དང་སྒྲིབ་པ་བསགས་པ་རྣམས་ཟད་པར་འགྱུར། ལུས་ཡོངས་སུ་དག་ཅིང་དྲི་མ་མེད་པར་འགྱུར། སྒྲིབ་པ་དང་སྡིག་པ་དང་བྲལ་བར་འགྱུར། ཚེ་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་པདྨ་དག་ལས་བརྫུས་ཏེ་སྐྱེ་བར་འགྱུར། ཆེ་རབས་སུ་ཚེ་རབས་དྲན་པར་འགྱུར། ནམ་ཡང་ངན་འགྲོར་འགྲོ་བར་མི་འགྱུར། བསྐལ་པ་བྱེ་བ་འབུམ་ཕྲག་བརྒྱད་ཅུར་འཁོར་ལོས་བསྒྱུར་བ་མཆོག་ཏུ་འགྱུར། བསྐལ་པ་བྱེ་བ་འབུམ་ཕྲག་བརྒྱད་ཅུར་འཇིག་རྟེན་གྱི་ཁམས་བདེ་བ་ཅན་དུ་བདེ་བ་མྱོང་བར་འགྱུར། བསྐལ་པ་འབུམ་ཕྲག་དྲུག་ཅུ་རྩ་གཉིས་སུ་འཇིག་རྟེན་གྱི་ཁམས་མངོན་པར་དགའ་བར་ Ba65a ༄#། །བདེ་བ་མྱོང་བར་འགྱུར། བསྐལ་བ་འབུམ་ཕྲག་བདུན་ཅུ་རྩ་གཉིས་སུ་འཇིག་རྟེན་གྱི་ཁམས་འཇིག་རྟེན་རྣམ་པར་གཟིགས་པར་སྐྱེ་བར་འགྱུར། ཚེ་རབས་སུ་ཚེ་རབས་དྲན་པར་འགྱུར། བསྐལ་པ་འབུམ་ཕྲག་དྲུག་ཅུ་རྩ་གཉིས་སུ་ནོར་བུ་དབང་བའི་འཁོར་ལོས་བསྒྱུར་བར་འགྱུར། བསྐལ་པ་ཁྲི་ཕྲག་བརྒྱད་ཅུར་འཕགས་པ་སྤྱན་རས་གཟིགས་དབང་ཕྱུག་གི་གནས་རི་གྲུ་འཛིན་དུ་བདེ་བ་མྱོང་བར་འགྱུར། བསྐལ་བ་སྟོང་ཕྲག་དགུ་བཅུ་རྩ་དགུར་འོག་མིན་གྱི་ལྷ་རྣམས་ཀྱི་ནང་དུ་སྐྱེ་བར་འགྱུར། བསྐལ་པ་འབུམ་ཕྲག་བརྒྱད་ཅུར་དགའ་ལྡན་གྱི་ལྷ་རྣམས་ཀྱི་ནང་དུ་བདེ་བ་མྱོང་བར་འགྱུར། །བསྐལ་པ་འབུམ་ཕྲག་སུམ་ཅུ་རྩ་གསུམ་གྱི་ནང་དུ་བརྒྱ་བྱིན་ཉིད་བྱེད་པར་འགྱུར། བསྐལ་པ་འབུམ་ཕྲག་ལྔ་བཅུ་རྩ་གཉིས་སུ་ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་འཇུག་བར་འགྱུར། བསྐལ་པ་སྟོང་ཕྲག་ཉི་ཤུར་འཁོར་ལོས་བསྒྱུར་བའི་རྒྱལ་སྲིད་ལ་སྤྱོད་པར་འགྱུར་ཏེ་ནམ་ཡང་མིའི་མངལ་དུ་སྐྱེ་བར་མི་འགྱུར་ཞིང་གང་དང་གང་དུ་སྐྱེ་བར་འགྱུར་བ་ཐམས་ཅད་དུ་བརྫུས་ཏེ་སྐྱེ་བར་འགྱུར། ཐམས་ཅད་དུ་ཚེ་རབས་དྲན་བར་འགྱུར་ཏེ། ལག་ན་རྡོ་རྗེ། དེ་ལྟར་རིག་སྔགས་ལན་གཅིག་དྲན་པ་ཙམ་གྱིས་དགེ་བའི་རྩ་བ་བསོད་ནམས་ཀྱི་ཕུང་པོ་ཆེན་པོ་དང་ལྡན་ Ba65b བར་འགྱུར་རོ། །ལག་ན་རྡོ་རྗེ། གལ་ཏེ་གང་ཞིག་ཞག་གཅིག་གམ། ལན་གཅིག་སྨྱུང་བ་ལ་གནས་ཏེ་བཟླས་བརྗོད་དང་བཅས་པ་བྱད་ན། ལག་ན་རྡོ་རྗེ། དེ་ནི། ཚེ་འདི་ཉིད་ལ་མི་བདག་ཉིད་ཀྱི་ངོ་བོ་ཉིད་སྒྲིབ་པ་དང་བྲལ་ནས་དོན་ཡོད་པ་ཆེན་པོ་དྲི་མ་མེད་པ་ཞེས་བྱ་བའི་ཏིང་ངེ་འཛིན་འཐོབ་བོ། །དོན་ཡོད་པ་བཀོད་པའི་ཏིང་ངེ་འཛིན་ཐོབ་བོ། །པདྨ་གསལ་བ་རྣམ་པར་འཕྲུལ་པའི་ཏིང་ངེ་འཛིན་འཐོབ་བོ། །དོན་ཡོད་པ་དྲི་མ་མེད་པ་སྣང་བ་ཞེས་བྱ་བའི་ཏིང་འཛིན་འཐོབ་བོ། །དོན་ཡོད་པ་རྣམ་པར་གཟིགས་པའི་རྒྱལ་མཚན་ཞེས་བྱ་བའི་ཏིང་ངེ་འཛིན་འཐོབ་བོ། །པདྨ་གཙུག་ཏོར་མཐར་ཕྱིན་པའི་རྒྱལ་མཚན་ཞེས་བྱ་བའི་ཏིང་ངེ་འཛིན་འཐོབ་བོ། །དོན་ཡོད་པ་འབར་བའི་གཙུག་ཏོར་གྱི་སྙིང་པོ་གསང་བ་གྲུབ་པ་འཐོབ་བོ། །དེ་བཞིན་གཤེགས་པ་བྱེ་བ་ཁྲག་ཁྲིག་དགུ་བཅུ་རྩ་གཉིས་དང ། དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་ལ་དགེ་བའི་རྩ་བ་བསྐྱེད་པར་འགྱུར། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་པདྨ་དག་ལས་བརྫུས་ཏེ་སྐྱེ་བར་འགྱུར་ཏེ། འདི་ནི། དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོ་དང ། དོན་ཡོད་པ་པདྨ་གཙུག་ཏོར་གྱི་ཆོ་ག་མཐའ་དག་རྫོགས་པ་དང ། ཕྱག་རྒྱ་དང་བཅས་པ་ཆོ་ག་ཞིབ་མོའི་མཐའ་དག་རྫོགས་པར་ཁ་ཏོན་དུ་ལོབས་པ་ Ba66a ༄#། །འགྱུར་ཞིང ། དོན་ཡོད་པའི་རིག་སྔགས་འཆང་འཁོར་ལོས་བསྒྱུར་བར་འགྱུར་རོ། །དོན་ཡོད་པའི་ཞགས་པའི་སྙིང་པོ་པདྨ་གཙུག་ཏོར་གྱི་དཀྱིལ་འཁོར་གྱི་སྙིང་པོ་གསང་སྔགས་སྒྲུབ་པའི་ཆོ་ག་སྟེ། སྒྲུབ་པའི་ཆོ་ག་གཉིས་པའོ།། །།དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བཅོམ་ལྡན་འདས་དོན་ཡོད་པ་པདྨ་གཙུག་ཏོར་གྱི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་བྱ་བའི་ཆོ་ག་དང ། སྒྲུབ་པའི་ཆོ་ག་དང་བཅས་པ་བཤད་པར་གསོལ། བཅོམ་ལྡན་འདས། རིག་སྔགས་འཆང་ཀུན་གྱིས་འགྲུབ་པ། བསམ་པ་ཡོངས་སུ་རྫོགས་པ། དངོས་གྲུབ་སྒྲུབ་པའི་ཆོ་ག་དེ་ཁོ་ན་བཤད་དུ་གསོལ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། བྱ་བའི་ཆོ་ག་དང ། སྒྲུབ་པའི་ཆོ་ག་བཤད་པར་བྱ་ཡི། ཉོན་ཅིག། ལག་ན་རྡོ་རྗེ། གསང་སྔགས་རྩ་བ་དོན་ཡོད་པའི་ཞགས་པ་པདྨ་གཙུག་ཏོར་གྱི་སྙིང་པོ་གསང་བ་འདིའི་རིག་སྔགས་འཆང་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། Ba66b དགེ་བསྙེན་ནམ། དགེ་བསྙེན་མ་ལན་གཅིག་ཙམ་དྲན་པ་ཡིད་ལ་བྱེད་པ་ཡོངས་སུ་དག་པའི་བདག་ཉིད་སྙིང་རྗེ་ཆེན་པོ་དང ། བྱམས་པ་དང་ལྡན་པའི་བསམ་པས་སེམས་ཅན་ལ་དམིགས་པའི་སེམས་ཅན་གང་ཡང་རུང་བ་ངན་སོང་གསུམ་དུ་སྐྱེ་བར་མི་འགྱུར་ཏེ། སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། ཡི་དྭགས་ཀྱི་ཡུལ་རྣམས་ཀྱི་གནས་དེ་དག་མེད་དེ། དེ་ལྟར་སེམས་ཅན་ཐམས་ཅད་སྒྲུབ་པ་དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །ལན་གཉིས་བརྗོད་པ་ཙམ་གྱིས་ནད་ཐམས་ཅད་རབ་ཏུ་ཞི་བར་འགྱུར་རོ། །ལན་གསུམ་བརྗོད་པ་ཙམ་གྱིས་ནད་ཐམས་ཅད་རབ་ཏུ་ཞི་བར་འགྱུར་ཏེ། དུག་དང ། འབྲུམ་བུ་དང ། འབྲས་དང ། ལྷོག་པ་དང ། རྐང་ཤུ་དང ། མཛེ་དང ། གཡན་པ་ལ་སོགས་པ་ཐམས་ཅད་འཇིགས་པར་འགྱུར་རོ། །ལན་བཞི་བརྗོད་པ་ཙམ་གྱིས་དབྱིག་དུག་དང ། བྱད་ཐམས་ཅད་སེལ་བར་འགྱུར་རོ། །ལན་ལྔ་བརྗོད་པ་ཙམ་གྱིས་འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །ལན་དྲུག་བརྗོད་པ་ཙམ་གྱིས་འཇིག་པ་དང ། གདོན་དང ། རིམས་ཐམས་ཅད་འཇིག་པར་འགྱུར་རོ། །ལན་བདུན་བརྗོད་པ་ཙམ་གྱིས་དུས་མ་ཡིན་པར་འཆི་བས་འཇིགས་པ་ཐམས་ཅད་དང ། སེམས་ཅན་ཐམས་ཅད་ཀྱི་ནད་དང ། ཡམས་ཀྱི་ནད་ཐམས་ཅད་རབ་ཏུ་ཞི་བར་ Ba67a ༄#། །འགྱུར་རོ། །ལག་ན་རྡོ་རྗེ། དེ་ལྟ་བས་ན། སེམས་ཅན་ཐམས་ཅད་ཀྱི་དོན་དུ་ཉིན་རེ་ཞིང་གཞན་མི་སྨྲ་བར་ལན་བདུན་དྲན་པར་བྱའོ། །སེམས་ཅན་གང་ལ་ལ་སེམས་ཅན་དམྱལ་བར་གཞོལ་བ་ཤི་བ་དང ། དགེ་སློང་གང་ལ་ལ་བསླབ་པའི་སྡོམ་པ་དང ། ཚུལ་ཁྲིམས་ཀྱི་སྡོམ་པ་རལ་བ་དང ། མཁན་པོ་དང ། སློབ་དཔོན་ལ་གུས་པར་མ་བྱས་པ་ཤི་བ་དེའི་དོན་དུ་བྱེ་མ་གཙང་མ་བླངས་ལ་ལན་བདུན་བཟླས་བརྗོད་བྱས་ན། དུར་ཁྲོད་དམ། རོ་བསྲེགས་པའམ། འཆད་པ་དེར་བྱེ་མ་གཏོར་བར་བྱའོ། །གང་དང་གང་ན་སེམས་ཅན་གང་དག་གི་རུས་པ་ཡོད་སར་བྱེ་མ་གཏོར་མ་ཐག་ཏུ་དེ་དང་དེར་བྱེ་མ་བབ་པའི་སེམས་ཅན་དམྱལ་བའམ། ཡི་དྭགས་སམ། ཤ་ཟར་སྐྱེས་པའམ། གནོད་སྦྱིན་ནམ། སྲིན་པོའི་སྐྱེ་གནས་སུ་སྐྱེས་ན། དེ་དེའི་མོད་ལ་ཚེ་བརྗེས་ནས་ཐམས་ཅད་མཐོ་རིས་སུ་གཞོལ་བར་འགྱུར་ཞིང ། ནམ་ཡང་སེམས་ཅན་དམྱལ་བར་གཞོལ་བར་མི་འགྱུར་རོ། །ཡང་ན་གྲོ་ག་ལ་བྲིས་ནས་མཆོད་རྟེན་གྱི་ནང་དུ་བཅུག་པའི་གནས་དེར་རྐང་པ་གཉིས་པའམ། རྐང་པ་བཞི་པ་གང་དག་ཉེ་བར་འོངས་པ་དེ་དག་ཐམས་ཅད་གྲིབ་མ་ཕོག་པ་ཙམ་གྱིས་སྡིག་པ་དང་སྒྲིབ་པ་ཐམས་ཅད་རྣམ་པར་དག་ཅིང ། ཐམས་ཅད་མཐོ་རིས་སུ་གཞོལ་བར་འགྱུར་རོ། །ཐ་ན་རི་དྭགས་དང ། བྱ་དང ། ཐ་ན་ Ba67b ལྡང་ཀོ་ཀ་དང ། ནེའུ་ལེ་དང ། སྡིག་པ་དང ། སྦྲུལ་དང ། ཁྱི་དང ། རུས་སྦལ་དང ། ལག་འགྲོ་དང ། དཀྱིལ་འཁོར་དེ་ལ་གྲིབ་མ་བབ་པ་ཙམ་གྱིས་ཐམས་ཅད་ཀྱི་ལས་ཀྱི་སྒྲིབ་བ་རྣམས་རྣམ་པར་དག་པར་འགྱུར་ཞིང ། དེ་དག་ཐམས་ཅད་མཐོ་རིས་ཀྱི་འཇིག་རྟེན་དུ་གཞོལ་བར་འགྱུར་རོ། །དུང་ལ་ལན་བདུན་བཟླས་བརྗོད་བྱས་ནས་གནས་མཐོན་པོར་བུས་ན།་སེམས་ཅན་གནག་དག་དུང་དེའི་སྒྲ་ཐོས་པ་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དང ། རི་དྭགས་དང ། བྱ་དང ། དུད་འགྲོའི་སྐྱེ་གནས་སུ་གཏོགས་པ་དེ་དག་ཐམས་ཅད་མཐོ་རིས་ཀྱི་འཇིག་རྟེན་དུ་གཞོལ་བར་འགྱུར་རོ། །གང་དག་ཚུལ་ཁྲིམས་ཡོངས་སུ་དག་པ་དང ། སེམས་ཅན་གང་དག་སྦྱིན་པ་ལ་དགའ་བ་དང ། གང་དག་བསྙེན་གནས་ལ་ཉེ་བར་གནས་པ་དང ། གང་དག་སྐྱབས་གསུམ་གཟུང་བ་དང ། གང་དག་བྱང་ཆུབ་སེམས་དཔའི་སྡོམ་པས་བསྡམས་པ་དེ་དག་ཀྱང་དུང་གི་སྒྲ་ཐོས་ན། སེམས་ཅན་དེ་དག་ཐམས་ཅད་ཕྱིར་མི་ལྡོག་པར་འགྱུར་ཞིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་འགྱུར་ལ། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། ཚེ་རབས་སུ་ཚེ་རབས་དྲན་པར་འགྱུར་རོ། །ཙནྡན་ལ་ལན་བདུན་བཟླས་བརྗོད་བྱས་ནས་དགེ་འདུན་གྱི་ཀུན་དགའ་ར་བའམ། མཆོད་རྟེན་གྱི་འཁོར་སའམ། Ba68a ༄#། །དགེ་འདུན་གྱི་ནང་ངམ། སྐྱེ་བོ་མང་བོའི་ནང་ངམ། རྒྱལ་པོའི་ཕོ་བྲང་དུ་བདུགས་ན། གང་དག་དེར་དྲི་མ་ནམས་པའི་སེམས་ཅན་དེ་དག་ཐམས་ཅད་སངས་རྒྱས་ཀྱི་སྐུ་ཡོངས་སུ་རྫོགས་པར་འགྱུར་རོ། །ཆོས་གོས་ལ་བདུགས་ནས་གང་གིས་ལུས་ལ་གྱོན་པ་དེའི་སྡིག་པ་དང ། སྒྲིབ་པ་ཐམས་ཅད་རྣམ་པར་འཇིག་པར་འགྱུར་རོ། །ལུས་ལ་བབ་པ་ཙམ་གྱིས་དྲི་མ་དང ། སེར་སྣ་དང ། སྐྱོན་ཐམས་ཅད་སྤངས་པར་འགྱུར་རོ། །གོས་བཅངས་པ་ཙམ་གྱིས་འཇིག་རྟེན་ཐམས་ཅད་དབང་དུ་འགྱུར་རོ། ། བདག་ཉིད་ཀྱིས་གོས་དེ་བདུགས་ནས་རྒྱལ་པོའི་ཕོ་བྲང་དུ་ཞུགས་ན། རྒྱལ་པོ་བཙུན་མོ་དང ། འཁོར་དང་བཅས་པ་དབང་དུ་འགྱུར། མཆོད་གནས་ཆེན་པོར་འགྱུར། འཇིག་རྟེན་ཐམས་ཅད་ཀྱི་བླ་མར་ཡང་འགྱུར་རོ། །འཕགས་པའི་དགེ་འདུན་གྱི་ནང་དུ་ཞུགས་ན། དགེ་སློང་ཐམས་ཅད་ཀྱི་མཆོད་གནས་ཆེན་པོར་འོས་པར་འགྱུར་རོ། །སྐྱེ་བོ་མང་པོའི་ནང་དུ་ཞུགས་ན། ནོར་ཆེན་པོར་འཕེལ་བར་འགྱུར་ཞིང་མཆོད་པ་ཆེན་པོའི་འོས་སུ་འགྱུར་རོ། །རིའི་རྩེ་མོའི་ཉི་མ་འཆར་བའི་ཁར་བདུགས་ནས་གསང་སྔགས་རྩ་བ་ལན་བདུན་བཟླས་བརྗོད་བྱས་ན། མོད་ལ་ཉི་མ་འབབ་པར་འགྱུར་ཞིང་འདོད་པ་མཆོག་ཀུན་རྗེས་སུ་སྦྱིན་པར་བྱེད་དོ། །གུ་གུལ་དང་བསྲེས་ནས་ལྷ་ཆེན་པོའི་མདུན་དུ་ Ba68b བདུག་པར་བྱ་ཞིང་གསང་སྔགས་རྩ་བ་ལན་བདུན་བྱ་བ་པ་བྱས་ན། མོད་ཉིད་ལ་ལྷ་ཆེན་པོ་འབབ་པར་འགྱུར་ཞིང་རིག་སྔགས་འཆང་གི་མདུན་དུ་འདུད་གནས་བསར་པ་ཐམས་ཅད་ཡོངས་སུ་སྐོང་བར་བྱེད་དོ། །བོ་ལ་དང ། ཙནྡན་དང ། གུ་གུལ་བསྲེས་ནས་སྲེད་མེད་ཀྱི་བུའི་མདུན་དུ་བདུག་པར་བྱ་ཞིང་གསང་སྔགས་རྩ་བས་ལན་ཉི་ཤུ་རྩ་གཅིག་ལུས་ཀྱི་ཡན་ལག་ལ་བྱ་བ་པ་བྱས་ན། སྲེད་མེད་ཀྱི་བུ་རང་གི་གཟུགས་ཀྱིས་མདུན་ན་འདུག་ཅིང་འདོད་པ་མཆོག་ཀུན་རྗེས་སུ་སྦྱིན་པར་བྱེད་ལ། དངོས་པོ་སྣ་ཚོགས་ཀྱང་སྦྱིན་པར་བྱེད་དོ། །ཡུངས་ཀར་དང་བསྲེས་ནས་ཚངས་པ་ལ་བདུག་ཅིང་གསང་སྔགས་རྩ་བ་ལན་བཅུ་བཞི་བྱབ་པ་བྱས་ན། ཚངས་པ་རང་གཟུགས་ཀྱིས་མདུན་ན་འདུག་ལ་མཆོག་ཐམས་ཅད་སྦྱིན་པར་བྱེད་དོ། །པདྨའི་བྱེ་མ་དང་བསྲེས་ནས་ནག་པོ་ཆེན་པོ་དང ། མ་མོའི་ཚོགས་ལ་བདུགས་ན། ནག་པོ་ཆེན་པོ་དང ། མ་མོའི་ཚོགས་འཁོར་དང་བཅས་པ་རང་གི་གཟུགས་ཀྱིས་མདུན་ན་འདུག་ཅིང་མཆོག་དང ། བྱ་བ་སྒྲུབ་པ་ཐམས་ཅད་སྦྱིན་པར་བྱེད་དོ། །ནཱ་ག་པུཥྤ་དང ། སྦྲུལ་གྱི་ཤུན་པ་དང ། བསྲེས་པའི་བདུག་པ་ཀླུའི་མཚོར་བདུག་ཅིང་གསང་སྔགས་རྩ་བ་ལན་བདུན་ཡུངས་ཀར་ལ་བཟླས་བརྗོད་བྱས་ནས་ཀླུའི་མཚོར་གཏོར་ལ། དོན་ཡོད་པའི་ཞགས་པའི་སྙིང་པོའི་མདོ་ལན་གཅིག་བརྗོད་ Ba69a ༄#། །ཅིང་དྲན་པར་བྱས་ན། ཀླུ་དང ། ཀླུ་མོ་དང ། ཀླུའི་བུ་པོ་དང ། ཀླུའི་བུ་མོ་ཐམས་ཅད་གནས་ཀུན་ནས་བྱུང་ནས་རིག་སྔགས་འཆང་གི་རྐང་གཉིས་ལ་འདུད་ཅིང་གང་བསྒོ་བ་དེ་དག་ཐམས་ཅད་བྱེད་ལ་འདོད་པ་ཐམས་ཅད་སྦྱིན་ཞིང་དབང་དུ་འགྱུར་རོ། །ལན་གསུམ་སྦྱར་ན། ཀླུའི་རྒྱལ་པོ་རྒྱ་མཚོ་ཡང་འོང་ངོ ། ། ཀླུའི་རྒྱལ་པོ་དགའ་བོ་དང ། ཉེ་དགའ་བོ་ཡང་འོང་ཞིང་ཐམས་ཅད་བསྒོ་བ་བཞིན་བྱེད་ལ་དབང་དུ་གྱུར་ནས་འདུག་གོ་།གནོད་སྦྱིན་དང ། སྲིན་པོ་དགུག་པར་འདོད་པས་དུར་ཁྲོད་ཀྱི་ནང་དུ་མི་རོ་བསྲེགས་པའི་སོལ་བས་བདུག་ལ། གསང་སྔགས་རྩ་བ་གསང་མཐོན་པོས་ལན་བདུན་བརྗོད་ཅིང་དྲན་ན་གནོད་སྦྱིན་དང་སྲིན་པོ་དག་རྒྱུག་ཅིང་འོང་ལ།་རིག་སྔགས་འཆང་གི་རྐང་པ་གཉིས་ལ་བཏུད་ནས་རྗེ་བཙུན་བཀའ་སྩོལ་ཅིག་ཅེས་ཟེར་བ་དང ། དེའི་ཚེ་རིག་སྔགས་འཆང་གིས་དེ་བསྒོ་བ་ཇི་ལྟ་བ་བཞིན་དུ་བྱས་ན།་བསྒོ་བ་ཐམས་ཅད་བྱེད་ལ་མངག་པའི་ལས་བྱེད་པར་འགྱུར་ཅིང ། ཇི་སྲིད་འཚོའི་བར་དུ་འདུག་གོ། ཐོད་པ་སྦྱར་བ་ལ་ལན་བདུན་བཟླས་བརྗོད་བྱས་ནས་ཐོད་པ་བཀང་པའི་བདུག་པས་བདུགས་ན་འབྱུང་པོ་ཐམས་ཅད་ཀུན་ནས་འོང་ཞིང་ཐམས་ཅད་དབང་དུ་འགྱུར་ལ། ལས་བྱེད་པར་འགྱུར་རོ། །གནོད་སྦྱིན་མོ་དབབ་པར་འདོད་པས་ Ba69b བཅག་གིས་གནོད་སྦྱིན་མོ་བྲིས་ལ། བ་ལང་གི་ལྕི་བའི་དཀྱིལ་འཁོར་བྱས་པར་བྱེས་པདྨའི་རི་མོ་བྲི་ཞིང་ཕྱེའི་གཏོར་མ་ལྟ་བུར་བྱས་པ་བཞག་ལ་བདུག་པ་འདིས་བདུག་ཅིང ། གསང་སྔགས་བརྒྱ་རྩ་བརྒྱད་བཟླས་བརྗོད་བྱ། ཡུངས་ཀར་ལ་ལན་བདུན་བཟླས་བརྗོད་བྱས་ནས་གནོད་སྦྱིན་མོ་ལ་བརྡེག་པ་བྱས་ན། གནོད་སྦྱིན་མོ་རང་གི་གཟུགས་ཀྱིས་མདུན་དུ་འདུག་ཅིང ། ལྷའི་འཇིག་རྟེན་གྱི་བར་དུ་འགྲོ་ལ་སླར་ཡང་འོང་སྟེ། དོན་གསང་བ་ཐམས་ཅད་བསྒོ་བ་ཙམ་གྱིས་བྱེད་པར་འགྱུར་རོ། །ཡང་ན་མའམ། ཆུང་མའམ། སྲིང་མོ་ཡིན་ནོ་ཞེས་སྨྲ་བར་བྱ་སྟེ། གལ་ཏེ་མར་བྱས་ན། བུ་ལ་སྡུག་པ་ལོངས་སྤྱོད་དང ། གཞལ་མེད་ཁང་ཐམས་ཅད་ཀྱི་ནང་དུ་འཇུག་ལ་རྒྱལ་པོའི་བུ་བཞིན་ཡོངས་སུ་སྐྱོང་བར་བྱེད་དོ། །གལ་ཏེ་སྲིང་མོར་བྱས་ན། རྣམ་ཐོས་ལ་འགྲན་པར་འགྱུར་རོ། །གལ་ཏེ་ཆུང་མར་བྱས་ན། སུམ་ཅུ་རྩ་གསུམ་གྱི་བདག་པོ་ལྟར་དགའ་བའི་ལོངས་སྤྱོད་དག་ལ་རྩེར་འཇུག་པར་བྱེད་དོ། །ལྷ་མོ་དཔལ་ལ་བདུག་ལ་གསང་སྔགས་རྩ་བ་ལན་བདུན་བཟླས་བརྗོད་བྱ་ཞིང་ལྷ་མོ་དཔལ་གྱི་མགོ་ལ་བྱུགས་ན། ལྷ་མོ་ཆེན་མོ་དཔལ་རང་གི་གཟུགས་ཀྱིས་མདུན་ན་འདུག་ཅིང ། ནོར་གྱི་ཕུང་པོ་ཆེན་པོ་འབུལ་བར་བྱེད་དེ། ནམ་འཚོའི་བར་དུ་ཁྱིམ་ན་འདུག་ཅིང་ནོར་ཆེན་པོ་ཉིད་འཕེལ་བར་འགྱུར་རོ། །རྣམ་ཐོས་ཀྱི་བུ་ལ་བདུག་ Ba70a ༄#། །ན།་གསེར་སྲང་སྟོང་སྦྱིན་པར་བྱེད་དོ། །ནོར་བུ་བཟང་པོའི་བུ་ལ་བདུགས་ན། གསེར་གྱི་དོད་ཙེ་སྟོང་སྦྱིན་པར་བྱེད་དོ། །ཚལ་གསེབ་ཏུ་བདུགས་ན། ཚལ་ན་གནས་པའི་ལྷ་རང་གི་གཟུགས་ཀྱིས་མདུན་ན་འདུག་ཅིང ། རྫས་དང ། སྨན་ཐམས་ཅད་རང་གི་གཟུགས་ཀྱིས་མདུན་ན་འདུག་གོ་།རི་རྣམས་ལ་བདུགས་ན། རྩཝ་དང ། ཤིང་གེལ་པ་དང ། སྨན་དང་རྫས་ཐམས་ཅད་འབར་བར་འགྱུར་རོ། །གྲོང་ཁྱེར་བཞིའི་སྒོ་རྣམས་སུ་བདུགས་ན། གྲོང་ཁྱེར་ཀུན་ཏུ་ཡམས་ཀྱི་ནད་དང ། གནོད་པ་དང ། ནད་འགོ་བ་དང ། ནད་ཐམས་ཅད་དང ། འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །འབྲོག་ཏུ་བདུགས་ན། རྐུན་མོ་དང ། གཡོན་ཅན་དང ། གནོད་བྱེད་དང ། སེངྒེ་དང ། སྟག་དང ། སྦྲུལ་དང ། དྲེད་དང ། དོམ་གྱི་འཇིགས་པ་ཐམས་ཅད་འབྱུང་བར་མི་འགྱུར་ཞིང ། རི་དྭགས་གཏུམ་པོའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །རིམས་ཐམས་ཅད་ལ་བདུགས་ན། རིམས་ཐམས་ཅད་ལས་ཐར་པར་འགྱུར་རོ། ། སྡིག་པ་ཐམས་ཅད་འགེགས་པ་ཙནྡན་གྱི་བདུག་པ་སྒྲུབ་པའི་ཆོ་ག་སྟེ་གསུམ་པའོ།། །།དེ་ནས་ཐིག་ལེ་ཡང་དག་པར་བཤད་པར་བྱ་སྟེ། རིགས་ཀྱི་ Ba70b རྒྱལ་པོའི་གསང་སྔགས་སྒྲུབ་པ་ནི། ཉི་མའི་གཟི་བརྗིད་དང་མཚུངས་ཤིང་སྐར་མའི་རྣམ་པ་ལྟར་འབར་བ་ཡིན་ཏེ། གཟི་བརྗིད་ཀྱི་རྒྱལ་པོ་དེ་གཉིས་ཀྱིས་འབར་བར་འགྱུར་བ་ནི། བསོད་ནམས་ཀྱི་ཕུང་པོ་རྣམ་པར་འཕེལ་ལོ། །ལྷ་རྣམས་ཀྱི་ནང་ན་ལྷའི་དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང་བཅས་པས་རྟག་ཏུ་མཆོད་པའི་གནས་སུ་འགྱུར་ཞིང ། རིག་སྔགས་འཆང་གིས་ཐེ་ཚོམ་མི་བྱའོ། །དཔྲལ་བའི་སྟེང་དུ་ཐིག་ལེ་བྱེད་པ་ནི། རྟག་ཏུ་མཛེས་པ་ཡིན་ཏེ། ཉི་མ་ལྟར་འོད་ཟེར་གྱི་དྲ་བ་སྟོང་གིས་གསལ་ཤིང་ཤེལ་ལྟར་དག་པ་མདོག་དཀར་བ་དྲི་ཞིམ་པ་དང ། གླང་པོ་ཆེའི་བྱ་བ་དང ། དཔྲལ་བ་དང ། བ་ལང་གི་གནས་ལྟར་སྐྱོན་མེད་ཅིང་མཉམ་པར་མཐུན་ལ་ཤིན་ཏུ་དུལ་བ། དེད་དཔོན་གཅིག་པུའི་ནོར་བུར་གྱུར་ཞིང་གསང་སྔགས་འབུམ་བཟླས་པས་ལེགས་པར་སྒྲུབ་པ། གསེར་དང ། གོས་ལྟར་ཀུན་ཏུ་འབར་བ་ནི། ཐིག་ལེ་ཡིན་ནོ། །སྨིན་མཚམས་ཀྱི་བར་དབྲལ་བ་ན་ཤིན་ཏུ་ཕྲ་བ་རྟག་ཏུ་རྟག་པར་མཛེས་པ་ནི། ཟླ་བ་ཉ་བ་མཁའ་ལ་འགྲོ་བ་ལྟ་བུ་ཡིན་ལ། སྐྱེ་བོའི་དབུས་ན་གསལ་བ་ནི། རྒྱུ་སྐར་གྱི་རྒྱལ་པོ་ཟླ་བ་དབུས་ན་གནས་པ་བཞིན་རང་གི་འཁྲོ་གྱི་དབུས་ན་ལྷ་རྣམས་ཀྱི་རྒྱལ་པོ་དབང་པོ་བརྒྱ་བྱིན་ལྟ་བུ་ཡིན་ལ། སྐྱེ་བོའི་དབུས་ན་ནི། འཇིག་རྟེན་གྱི་རྒྱལ་པོ་གདུགས་གཅིག་པ་ལྟར་འབར་བ་ཡིན། །འཇིག་རྟེན་གྱི་ནང་ན་གདུགས་གཅིག་པ་བདེ་ Ba71a ༄#། །བར་གཤེགས་པ་ལྟར་ཤིན་ཏུ་དུལ་བ་ཡིན་ལ། ཤཱཀྱའི་རིགས་ཀྱི་རྒྱུད་ལྟར་སེམས་ཅན་ཐམས་ཅད་ལ་ཕན་པར་འདོད་པ་དེ་བཞིན་དུ་ནོར་བུ་མཆོག་རྣམ་པར་དག་པ་ནི། སེམས་ཅན་ཐམས་ཅད་ལ་ཕན་པར་འདོད་པ་ཡིན་ནོ། །ལྷ་དང་བཅས་པའི་འཇིག་རྟེན་ན་ཇི་ལྟར་འཇིག་རྟེན་དབང་ཕྱུག་གཅིག་པུ་ལྟར་མཆོ་ག་དང ། རབ་མཆོག་སེམས་ཅན་ཐམས་ཅད་ཀྱི་དོན་དུ་སྦྱིན་པར་བྱེད་དེ། དེ་ལྟར་ཐིག་ལེ་ནོར་བུའི་མཐུ་ནི། འདོད་པ་ཐམས་ཅད་རབ་ཏུ་སྦྱིན་པར་བྱེད་དོ། །ལྷ་དང ། ཀླུ་དང ། གནོད་སྦྱིན་དང་བཅས་པ་དབང་དུ་འགྱུར་ཞིང ། སུམ་ཅུ་རྩ་གསུམ་གྱི་བདག་པོ་དབང་པོ་དབང་དུ་འགྱུར་བར་རྗེས་སུ་འགྲོ་བ་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་འདོད་པར་གྱུར་པ་ཐམས་ཅད་ཀྱང་དབང་དུ་འགྱུར་བ་ནི། ནམ་མཁའ་ལ་སྐར་མ་ལྟར་དབྲལ་བར་རྟག་ཏུ་དབང་དུ་གྱུར་པ་ཡིན་ཏེ། སེམས་ཅན་ཐམས་ཅད་ཀྱི་མགོ་བོས་རྐང་པའི་དྲུང་དུ་རྟག་ཏུ་འདུད་ལ་མེས་མི་འཚིག་།ཆུས་མི་ཁྱེར་ཞིང ། ལུས་ལ་དུག་དང ། སྦྱར་བའི་དུག་དང ། ཕྱེ་མའི་དུག་དང ། བྱད་མི་བཟད་པ་དང ། ངན་སྔགས་དང ། སྡང་བའི་རྣམ་པས་མི་ཚུགས་པར་འགྱུར་ཏེ། ནོར་བུ་ལྟ་བུའི་མཐུས་དེ་དག་ཐམས་ཅད་ཀྱིས་མི་ཚུགས་པར་འགྱུར་རོ། །རིམས་དང ། སྡུག་བསྔལ་བ་དང ། ནད་དང ། རླུང་དང ། ཀླད་ནད་ཆེན་པོ་ལ་ཐིག་ལེ་བྱས་པ་ལྟ་བུར་མོད་ལ་ Ba71b དེ་དག་ཐམས་ཅད་རབ་ཏུ་ཞི་བར་འགྱུར། སེམས་ཅན་བཙོན་དུ་བཟུང་བ་འམ། ཆད་པས་བཅད་པ་འམ། བཅིང་བར་འོས་པ་ལ་ཐིག་ལེ་ལྟ་བུ་བྱས་པས་དེ་དག་ཐམས་ཅད་ལས་ཐར་བར་འགྱུར་རོ། །སྨིན་མཚམས་དཔྲལ་བར་ཐིག་ལེ་ལྟ་བུ་བྱས་ན། དེའི་མོད་ལ་གནོད་སྦྱིན་སྟོང་དང ། སྲིན་པོ་དྲག་པོའི་གཟུགས་ཅན་གདོན་བརྒྱ་སྟོང་རྣམས་ལུས་ལ་འཇུག་པར་མི་འགྱུར་ཞིང ། གླང་པོ་ཆེ་དང ། རི་དྭགས་ཀྱི་བདག་པོའི་ཁྱུ་དང ། ཆོམ་རྐུན་དང ། ཤོད་ཀྱི་ལམ་དང ། རིའི་ལམ་དང ། རི་སུལ་དང ། དམ་གྲོག་དང ། གློག་དང ། གླང་དང ། སྦྲུལ་དང ། སྡང་འཇིགས་ཀྱི་འཇིགས་པ་ཐམས་ཅད་ཞི་བར་འགྱུར་རོ། །ཐིག་ལེ་ལྟ་བུའི་མཐུས་དགྲའི་སྡེ་སྟོང་སྙེད་ཀྱི་ནང་ན་འགྱེད་པ་ལས་མྱུར་བ་ཉིད་དུ་རྒྱལ་བར་འགྱུར། གཡུལ་དང ། འཐབ་མོ་དང ། ཐ་སྙད་མོད་ཉིད་ལ་ཞི་བར་འགྱུར་རོ། །དེའི་ཚེ་ནོར་བུ་གཙུག་གི་སྤྱི་བོར་བཏགས་པ་གང་ཡིན་པ་དང ། ཐིག་ལེ་ཡང་བྱས་ནས་འཁོར་ལོ་ལ་བྱུགས་ལ་ཕ་རོལ་གྱི་དམག་ཚོགས་གཡུལ་གྱི་ནང་དུ་ཞུགས་ན། བདག་ཉིད་གཅིག་པུས་དཔུང་ཚོགས་ཡན་ལག་བཞི་པ་ལས་རྒྱལ་བར་འགྱུར། འདིས་ཐམས་ཅད་དུ་ཞུགས་པ་ཙམ་གྱིས་ཕམ་པ་བྱས་པར་འགྱུར་ཞིང་ཕྱོགས་བཅུར་འབྲོས་ལ་ཐམས་ཅད་འཇིགས་པར་འགྱུར་རོ། །ཐིག་ལེ་བྱས་ནས་རྒྱལ་པོའི་ཕོ་བྲང་དུ་ཞུགས་ན། རྒྱལ་པོ་དང ། བཙུན་མོ་དང ། འཁོར་དང་བཅས་པ་དབང་དུ་གྱུར་ནས་ཉེ་བར་འཁོད་དོ། །ཇི་སྲིད་འཚོའི་བར་དུ་མཆོད་ Ba72a ༄#། །གནས་སུ་འགྱུར་རོ། །དཔུང་པ་གཡས་པར་ནོར་བུ་བཏགས་ལ་ཡན་ལག་དང ། ཡན་ལག་དག་ཏུ་ཐིག་ལེ་བྱས་ན། ཐམས་ཅད་དུ་རྒྱལ་བ་འཐོབ་ཅིང་རེག་པ་ཙམ་གྱིས་དབང་དུ་འགྱུར་ལ། དོན་གང་དང་གང་བསྒྲུབས་པ་དེ་དང་དེ་ཐམས་ཅད་འཐོབ་པར་འགྱུར་རོ། །རིལ་བུ་དག་ནི་ཁར་བཅུག་ནས། །ལྷན་ཅིག་འདུག་ལ་སྨྲས་ན་ནི། །ཐམས་ཅད་དབང་དུ་འོང་བར་འགྱུར། །རྒྱལ་པོ་དང་ནི་བཙུན་མོ་འམ། །དགེ་སྦྱོང་དང་ནི་བྲམ་ཟེ་དང ། །རྒྱལ་རིགས་དང་ནི་དམངས་རིགས་ཉིད། །སྐྱེས་པ་དང་ནི་བུད་མེད་དང ། །ཁྱེའུ་དང་བུ་མོ་རྣམས་ཀྱང་རུང ། །དེ་དག་ཐམས་ཅད་དབང་དུ་འགྱུར། །ཀུན་ཏུ་མདག་པའི་ལས་རྣམས་བྱེད། །རིལ་བུ་ཟོས་པ་ཙམ་གྱིས་ནི། །ནད་རྣམས་ཐམས་ཅད་རྣམ་པར་འཇིག་།གང་གི་ཉིན་བཞི་པ་ཡི་རིམས། །གང་དག་ཁོངས་སྐེམ་ནད་ཀྱིས་ཉམས། །གང་ཞིག་རྟག་པའི་རིམས་ཀྱིས་བཏབ། །གང་དུ་འཐབ་མོ་འབྱུང་བ་དང ། །དེ་བཞིན་སྐྱེ་བོ་སྡང་སེམས་ཅན། །བདག་ལ་གྲིབ་གནོན་གཞན་གྲིབ་གནོན། །སྐེམ་བྱེད་སྐེམ་པ་བརྗེད་བྱེད་དང ། །གང་ཞིག་གདོན་གཞན་མི་བཟད་པ། །སྡིག་པའི་ལས་ནི་ཀུན་ཏུ་སྤྱོད། །སྔོན་གྱི་ལས་ནི་མི་བཟད་པ། །དེ་ཀུན་སྐད་ཅིག་ཙམ་གྱིས་འཇིག་།རིལ་བུས་ཁྲུས་བྱས་ཙམ་གྱིས་ནི། །འབྲས་དང་ཤུ་བར་གྱུར་རྣམས་དང ། །ལྷོག་པ་དང་ནི་རྐང་ཤུ་དང ། །མཚན་བར་རྡོལ་དང་མེ་དབལ་དང ། །ཁྱི་རྔོ་མཛེ་དང་རྐང་པའི་ནད།། Ba72b མི་བཟད་དེ་རྣམས་ཀུན་དང་ནི། །གང་དག་ནོར་རྒྱས་སྡང་བས་ཟིན། །བྱུགས་པ་ཙམ་གྱི་མོད་ལ་ནི། །ཐམས་ཅད་དུག་མེད་ཞི་བར་འགྱུར། །རིལ་བུ་ཐམས་ཅད་ལས་བྱེད་པ། །ལྷ་རྫས་ཤི་བ་སོས་པར་བྱེན། རིལ་བུ་དག་ནི་འཆང་བྱེད་ཅིང ། །ཐིག་ལེ་དག་ནི་བྱས་པ་ཡིས། །ཐམས་ཅད་དུ་ནི་མཆོད་པ་འཐོབ། །ཐམས་ཅད་དུ་ནི་ནོར་དག་འདུ། །དཔལ་འདོད་པ་ནི་དཔལ་ཐོབ་ཅིང ། །འབྲུ་འདོད་འབྲུ་ཡི་ཕུང་པོ་འཕེལ། །ལྷ་རྣམས་དག་ནི་དགའ་འགྱུར་ཞིང ། །ཀླུ་རྣམས་ཀྱང་ནི་དགའ་དང་བཅས། །གནོད་སྦྱིན་སྲིན་པོ་དྲི་ཟ་དང ། །ལྷ་མིན་མཁའ་ལྡིང་མི་འམ་ཅི། །ལྟོ་འཕྱེ་ཆེན་པོ་ཐམས་ཅད་དང ། །འབྱུང་པོ་རྣམས་ཀྱང་དགའ་དང་བཅས། །རྟག་ཏུ་ཕྱག་བྱའི་གནས་འགྱུར་ཞིང ། །ཐམས་ཅད་དབང་དུ་གྱུར་ནས་འཁོད། །འཁོད་ཀུན་བྲན་བྱེད་ཅི་བྱ་ཟེར། །གང་ཞིག་རིལ་བུ་དེ་དག་བསྟེན། །རིལ་བུ་ཐིག་ལེ་རྟག་བྱེད་ལ། །དེ་བཞིན་གཤེགས་ཀུན་དགོངས་པ་མཛད། །འཕགས་པ་སྤྱན་རས་གཟིགས་ཀྱི་དབང ། །དེ་ཉིད་རིག་ལ་རྟག་ཏུ་ནི། །མཆོག་སྦྱིན་དུས་ཀུན་གཟིགས་པར་མཛད། །བསོད་ནམས་ཕུང་པོ་སྟོང་དག་ནི། །ཉི་མ་རེ་རེ་གསོག་པར་བྱེད། །འཇིག་རྟེན་པ་ཡི་བདེ་སྤྱད་ཅིང ། །འཇིག་རྟེན་ཕ་རོལ་ཤིན་ཏུ་བདེ། །ཚེ་བརྗེ་བ་ནི་འཕོས་ནས་སུ། །བདེ་བ་ཅན་དུ་མོད་ལ་འགྲོ། །གང་དང་གང་དུ་སྐྱེ་བ་ནི། །ཚེ་རབས་རྟག་ཏུ་ཚེ་རབས་དྲན། །ལག་ན་རྡོ་རྗེ་གནོད་སྦྱིན་ཆེ། །གནོད་སྦྱིན་བྱེ་བས་ཡོངས་བསྐོར་ཅིང ། །གཡེལ་བ་མེད་པར་ཉིན་མཚན་དུ། །དུས་ཀུན་ཏུ་ནི་སྲུང་བ་དང་།། Ba73a ༄#། །སྐྱོབ་དང་སྦེད་དང་སྲུང་བར་བྱེད། །གང་ཞིག་བུ་ནི་མེད་པ་དང ། །བུད་མེད་བུ་ནི་འདོད་པ་ལ། །རིལ་བུ་གཅིག་ཅིག་སྦྱར་ནས་སུ། །མཉམ་པར་བཞག་པས་གསང་\?\་སྔགས་ནི། །མཁས་པས་ཟླ་བ་ཡར་གྱི་ངོར། །འབུམ་ནི་ཚང་བར་བཟླས་ནས་སུ། །ཟླ་བ་ཉ་སྟེ་བཅོ་ལྔ་ལ། །སྐྱེས་པ་བུད་མེད་ཁྲུས་བྱ་ཞིང ། །ཡན་ལག་ཡན་ལག་ཐིག་ལེ་བྱ། །དཀོན་མཆོག་གསུམ་ནི་ལེགས་མཆོད་ཅིང ། །བྲམ་ཟེ་དག་ཀྱང་མཆོད་སྟོན་བྱེད། །སྲུང་བའི་ཆོ་ག་བྱས་ནས་སུ། །གཏོར་མ་དཀར་གསུམ་མང་པོ་བཤམས། །བདག་ཉིད་རྒྱན་གྱིས་བརྒྱན་ནས་སུ། །གོས་གཙང་རྣམས་ནི་བགོ་བར་བྱ། །བྱམས་པའི་སེམས་ལ་ཡང་དག་གནས། །སྙིང་རྗེ་སེམས་ཅན་སྡུག་པར་བྱེད། །བསམ་པ་དག་ཅིང་ངེས་པ་དང ། །བླ་མར་རྟག་ཏུ་གུས་པར་བྱ། །མེ་ཏོག་སྣ་ཚོགས་རབ་དགང་ཞིང ། །སྤོས་དང་བྱུག་པ་སྣ་ཚོགས་དང ། །དུ་རུས་ཙནྡན་ས་ལ་ཀི། ལྷ་ཡི་བདུག་པས་བདུག་བྱ་ཞིང ། །བུ་རམ་འོ་མ་བདུན་དང་ནི། །རིལ་བུ་ལེགས་སྦྱར་བཟའ་བར་བྱ། །གསང་བ་འདི་འཐུངས་མོད་ལ་ནི། །བཏུང་དང་ཁ་ཟས་བཟའ་བར་བྱ། །མགོན་པོ་སྤྱན་རས་གཟིགས་ཀྱི་དབང ། །མཆོག་སྦྱིན་མཛད་པར་མཆོད་པར་བྱ། །བྱམས་མཛད་དེ་ཡི་ཞབས་དྲུང་དུ། །མཚན་མོ་ཉལ་དང་ནང་པར་ནི། །མཐོང་བ་མཆོག་འདི་ཐོབ་པར་འགྱུར། །འཕགས་པ་སྤྱན་རས་གཟིགས་ཀྱི་དབང ། །མཆོག་སྦྱིན་རང་གཟུགས་སྟོན་མཛད་ཅིང ། ། Ba73b མཆོག་ཉིད་དམ་པ་སྦྱིན་པར་མཛད། །བུད་མེད་དེ་ནི་བུ་བསྐྱེད་ཅིང ། །གཟུགས་བཟང་མཆོག་ཏུ་བལྟ་ན་སྡུག། སྟོབས་ལྡན་གཟུགས་ནི་ཕུན་སུམ་ཚོགས། །ལྷ་ཡི་དཔལ་གྱི་རྗེས་སུ་འགྲོ། །ཆོ་\?\་མཁས་ཤིང་གསལ་བ་དང ། །ཚེ་རིང་དབང་ཕྱུག་ཚད་མེད་འགྱུར། །དཔའ་བོ་དགྲ་ལས་རྒྱལ་བ་དང ། །སྡང་བ་ཐམས་ཅད་འཇོམས་པར་འགྱུར། །ཡང་ན་དྲན་པའི་བློ་བསྐྱེད་པར་འདོད་པས་ཐོས་པ་ལ་བརྟེན་ནས་འདུག་ཅིང ། རིག་སྔགས་འཆང་གཙང་མ་ཞག་བདུན་དུ་ཉིན་རེ་ཞིང་མར་དང་འོ་མ་བསྐོལ་བ་དེར་རིལ་བུ་བདུན་བཅུག་སྟེ་ཟན་མ་ཟོས་པའི་སྔོན་རོལ་དུ་ལན་ཉི་ཤུ་རྩ་གཅིག་བཟླས་བརྗོད་བྱས་ནས་འཇམ་ཙམ་པ་འཐུངས་ལ་ཕྱིས་ཁ་ཟས་བཟའ་བར་བྱ། ཞག་བདུན་གྱིས་ཐོས་པའི་རྒྱ་མཚོ་ཆེན་པོ་བསགས་པར་འགྱུར་ཏེ། བསྟན་བཅོས་ཐམས་ཅད་དང ། ཆོས་ལུགས་དང ། འདུལ་བ་དང ། སྙན་ངག་དང ། བརྡ་སྤྲོད་པ་དང ། མདོའི་སྡེ་དང ། དབྱངས་ཀྱིས་བསྙད་པའི་སྡེ་དང ། ཚིགས་སུ་བཅད་པའི་སྡེ་དང ། གླེང་གཞིའི་སྡེ་དང ། ཆེད་དུ་བརྗོད་པའི་སྡེ་དང ། དེ་ལྟ་བུ་བྱུང་བའི་སྡེ་དང ། སྐྱེས་པ་རབས་ཀྱི་སྡེ་དང ། ཆོས་མངོན་པ་དང ། རྩིས་དང ། ཆོ་ག་ཞིབ་མོ་དང ། གསང་སྔགས་དང ། ཕྱག་རྒྱ་ཐམས་ཅད་དང ། ཐེག་པ་ཆེན་པོ་ཐམས་ཅད་ཁ་ཏོན་དུ་ལོབས་པར་འགྱུར་རོ། །ཞག་ཉི་ཤུ་རྩ་གཅིག་ཏུ་སྦྱར་བ་བྱས་ན།་སྟོབས་ཆེན་པོའི་བརྩོན་འགྲུས་ཀྱིས་ཕ་རོལ་གནོན་པར་འགྱུར་ཏེ། གླང་པོ་ཆེ་ཁྲིའི་སྟོབས་སུ་འགྱུར་རོ། །ཟླ་བ་གཅིག་ཙམ་སྦྱར་བ་བྱས་ན། ལོ་ལྔ་བརྒྱར་འཚོ་ཞིང་གཉེར་མ་དང ། སྐྲ་དཀར་སྤངས་ Ba74a ༄#། །ལ་སྐྲ་ལྕང་ལོ་འཁྱིལ་ཤིང་འཁྱིལ་བར་འགྱུར་བ་དང ། ལུས་ཀྱི་མདོག་དཀར་ཤམ་ལྟ་བུར་འགྱུར་རོ་ལོ་གཅིག་ཏུ་སྦྱར་ན། ལྷའི་སྨན་བཅུད་ཀྱིས་ལེན་མཆོག་ལ་འཇུག་ཅིང་ནམ་མཁའི་སྟེང་དུ་ལྷ་རྣམས་དང་ལྷན་ཅིག་མཐུན་པར་འགྱུར་ལ། བརྒྱ་བྱིན་དང་ཡང་ལྷན་ཅིག་འགྲན་པར་འགྱུར། ལྷ་རྣམས་ཀྱི་ལྷ་མོའི་ཚོགས་དང ། ལྷའི་གཞལ་མེད་ཁང་ན་རྩེ་ཞིང་དགའ་བར་བྱེད་ལ་རིན་པོ་ཆེ་སྣ་བདུན་གྱི་གཞལ་མེད་ཁང་གི་གནས་ན་གནས་པར་འགྱུར། ཉི་མ་ལྟ་བུར་འོད་གཏོང་ཞིང་རྒྱུ་ལ་གནས་པ་བཟང་པོ་རྣམས་ཀྱིས་འགྲོ་བར་བྱེད། གཟི་བརྗིད་ཤིན་ཏུ་གསལ་བ་མི་བཟོད་ཅིང་རྣམ་པར་དག་པར་འགྱུར་རོ། །ཞེས་བྱ་བ་ལ་ཐེ་ཚོམ་མི་བྱའོ། །ལས་ཐམས་ཅད་སྒྲུབ་པའི་ཐིག་ལེ་དང ། རིལ་བུ་སྒྲུབ་པའི་ཆོ་ག་སྟེ་བཞི་པའོ།། །།དེ་ནས་མི་སྣང་བར་བྱ་བ་དང ། ནམ་མཁའ་ལ་འགྲོ་བ་སྨན་གྱི་མཆོག་དོན་ཡོད་པའི་མཐུས་གྲུབ་པ་བཤད་པར་བྱ་སྟེ། རིག་སྔགས་འཆང་བ་རྣམས་ཀྱི་གྲུབ་པའི་མཆོག་དེ་ཁོ་ན་ཉིད་ཡིན་ནོ། །སྨན་དངུལ་ཆུ་དང ། བྲཧྨཱ་ཀྵི་ར་དང ། སུ་པརྞ་ཀྵི་ར་དང ། ཤེལ་སྔོ་སངས་དང ། ཀུ་ཀྵི་དང ། སུ་གནྡྷི་དང ། ཀིཾ་ཀུཥྛ་སྐྱོན་མེད་པ་དང ། ུཏྤ་ལ་བཟང་པོ་དང ། པདྨ་ཀྵ་དང ། གུ་གུལ་དང ། ཕེ་ལུ་པ་ཏ་ཏྲ་དང ། གུར་གུམ་དང ། ནཱ་ག་པུཥྤ་དང་བཅས་པ་དང ། སྤང་སྤོས་དང ། ཤི་རི་ཥའི་མེ་ཏོག་དང ། ཙནྡན་དཀར་པོ་དང་བཅས་པ་བསྲེས་ནས་ཞིབ་ཏུ་བཏགས་པའི་ཕྱེ་མ་ལ་དོན་ཡོད་པ་པདྨ་གཙུག་ཏོར་གྱི་ Ba74b གསང་བའི་རིགས་ཀྱི་རྒྱལ་པོའི་སྔགས་ཀྱིས་ཤིན་ཏུ་བརྩོན་པར་ལན་བརྒྱད་བརྒྱ་བཟླས་བརྗོད་བྱ་ཞིང་ཁྲོ་བོའི་གསང་སྔགས་ལན་བརྒྱད་སྟོང་བཟླས་བརྗོད་བྱས་པས་ལན་ཉི་ཤུ་རྩ་གཅིག་ཏུ་དབང་བསྐུར་ལ། ཡི་གེ་གཅིག་པ་ལ་ལན་འབུམ་བཟླས་བརྗོད་བྱ། དེའི་ཚེ་གསང་སྔགས་བཅུ་པོ་སོ་སོར་ལན་ཉི་ཤུ་རྩ་རེ་རེ་བཟླས་བརྗོད་བྱ་སྟེ། གསང་སྔགས་ཐམས་ཅད་རྫོགས་པར་བཟླས་བརྗོད་བྱས་ནས་སྨན་དོན་ཡོད་པར་རྒྱ་ཆེ་བ་གསལ་བ་ཞེས་བྱ་བ་སྨན་གྱི་མཆོག་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་བཞག་ལ་གྲིབ་མ་ལ་བསྐམ་པར་བྱའོ། །ཡང་དོན་ཡོད་པའི་ཞགས་པའི་གཙུག་ཏོར་གྱིས་ལན་བརྒྱ་རྩ་བརྒྱད་བཟླས་བརྗོད་བྱས་ནས་སྣོད་གཙང་མའི་ནང་དུ་བཅུག་ལ་ནམ་དགོས་པ་བྱུང་བ་དེའི་ཚེ་ཐམས་ཅད་དུ་བསྒྲུབས་པའི་དགོས་པ་ཐམས་ཅད་ལ་སྦྱར་བར་བྱའོ། །དེ་ནས་རིག་སྔགས་འཆང་གཙང་མར་གྱུར་པས་ལུས་ལེགས་པར་ཁྲུས་བྱས་ལ་སྤོས་ཆུས་བྱུགས་ཏེ་གོས་གཙང་མ་བགོ་བར་བྱ། སྨན་གྱི་མཆོག་འདི་ཡུངས་མར་གྱིས་སྦྲུས་ལ་རང་གི་ལུས་ལ་བྱུགས་པར་བྱ་སྟེ། ལན་གཅིག་བསྐུས་པ་ཙམ་གྱིས་མི་སྣང་བར་འགྱུར་ལ། གནས་གསང་བར་བྱ་བའི་སྒོ་བཅད་པ་ཐམས་ཅད་མཐོང་བར་འགྱུར། གནས་ཐམས་ཅད་དུ་ཇི་ལྟར་འདོད་པ་བཞིན་དུ་འཇུག་པར་འགྱུར། དོན་ཐམས་ཅད་བྱེད་པར་འགྱུར། འབྱུང་པོ་དང ། གནོད་སྦྱིན་དང ། སྲིན་པོ་དང ། ཤ་ཟ་ལ་སོགས་པའི་གཙོ་བོ་རྒྱལ་པོར་ Ba75a ༄#། །འགྱུར་ཞིང་དེ་དག་ཐམས་ཅད་དབང་དུ་འགྱུར་ཏེ། ཅི་བགྱི་ཞེས་བྱ་བ་བྱེད་ལ་ཇི་སྲིད་འཚོའི་བར་དུ་ཉེ་བར་གནས་ནས་ལས་སུ་བྱ་བའི་དགོས་པ་ཐམས་ཅད་ཀྱི་རྗེས་སུ་འཇུག་པར་འགྱུར་རོ། །ཀླུའི་གནས་ཀྱི་སྒོ་བཅད་པ་ཐམས་ཅད་ན་འདུག་ལ་ཀླུ་འཁོར་དང་བཅས་པ་ཐམས་ཅད་མདུན་དུ་འཁོད་ནས་བྱ་བ་ཐམས་ཅད་ལ་ཅི་བགྱི་ཞེས་བྱ་བ་བྱེད་པར་འགྱུར་ཞིང ། ལས་སུ་བྱ་བ་དང་དགོས་པ་ཐམས་ཅད་བྱེད་པར་འགྱུར། ཇི་སྲིད་འཚོའི་བར་དུ་ཉེ་བར་འཁོད་ཅིང་ཉིན་མཚན་དུ་གནས་ལ། དེ་ནས་ཀླུ་ཐམས་ཅད་བསྒོ་བ་བཞིན་བྱེད་པར་འགྱུར་རོ། །སྨན་ལ་སིཾ་ཧ་ཛི་ཧཝཱ་དང ། བའི་འོ་མ་དང་སྦྱར་བས་མགོ་ཀུན་བྱུགས་ན་ཇི་ལྟ་བ་ཡིད་ལ་བྱས་པ་དང ། རང་གི་བློས་འདོད་པའི་ངོ་བོ་སྣ་ཚོགས་སྟོན་པར་བྱེད། གནས་སུ་གཏོགས་པ་ཐམས་ཅད་ཇི་ལྟར་འདུག་པ་བཞིན་སྟོན་པར་བྱེད། གནས་སུ་གཏོགས་པ་ཐམས་ཅད་འཁོར་གྱི་ནང་ན་ཇི་ལྟར་རྣམ་པར་སྤྲུལ་པའི་གཟུགས་སྣ་ཚོགས་སྟོན་པར་བྱེད། ཇི་སྲིད་འཚོའི་བར་དུ་འཕེལ་བ་རྣམས་སྟོན་པར་བྱེད་ཅིང་བྱ་བ་ཐམས་ཅད་བྱེད་དོ། །སྤོས་ཀྱི་ཏིལ་མར་དང་སྦུས་ནས་བྱིན་པ་དང་རྐང་པ་ལ་བསྐུས་ན། ནམ་མཁའ་ལ་འཕགས་པར་འགྱུར་ཞིང ། ནམ་མཁའ་ལ་འགྲོ་བར་འགྱུར་ལ་གང་དུ་འདོད་པ་དེར་འགྲོ་བར་འགྱུར། ཆུའི་སྟེང་དུ་འགྲོ་ཞིང་ནམ་ཡང་ཕྱི་རས་ལ་རྐང་པ་འཇོག་པར་མི་འགྱུར། ལག་པ་གཡས་པ་ལ་བསྐུས་ན། གང་དང་གང་ལ་ Ba75b ལག་པ་རེག་པ་དེ་འོང་བར་འགྱུར་ལ་སུས་ཀྱང་མཐོང་བར་མི་འགྱུར། བུད་མེད་གཞོན་ནུའི་འོ་མ་དང་བསྲེས་ནས་མིག་ལ་བསྐུས་ནས་རྒྱལ་པོའི་ཕོ་བྲང་དུ་ཞུགས་ན། མཐོང་བར་མི་འགྱུར་ཞིང ། དོན་འདོད་པ་གང་ཡིན་པ་བྱེད་དོ། །དོན་གྱི་རྫས་གང་ཡིན་པ་བླངས་ཀྱང་སུས་ཀྱང་མི་མཐོང་ངོ ། །བུད་མེད་གང་དང་ཕྲད་ན། སུས་ཀྱང་མི་མཐོང་ལ་ཇི་སྲིད་འཚོའི་བར་དུ་འདུག་ཀྱང་སུས་ཀྱང་མི་ཤེས་སོ། །ཁར་བྱུགས་ནས་གང་དང་གང་ན་བྲོ་གར་བྱེད་པ་དང ། བཞད་གད་བྱེད་པ་ཉིད་ཀྱི་ནང་དུ་ཞུགས་ན། བྱ་བ་ཐམས་ཅད་བྱེད་ལ། ལུས་ནི། སུས་ཀྱང་མི་མཐོང་ངོ ། །བུམ་པ་ལ་བྱུགས་ནས་ཆུས་བཀད་ན། ཆུའི་རྒྱུན་སྣང་ལ་བུམ་པ་དེ་ནི། མི་མངོན་ནོ། །གཞོང་པ་ཆུས་བཀང་བ་དེའི་དབུས་སུ་བྱུགས་ན། ཆུ་དེ་གང་བར་སྣང་ལ་གཞོང་པ་དེ་ནི། མི་སྣང་ངོ ། །བདག་ཉིད་ལ་བྱུགས་ནས་བུམ་པ་ཆུས་བཀང་བ་ལག་ན་ཐོགས་ན། བུམ་པ་ལས་ཆུ་འབྱུང་བ་ནི། སྣང་ལ། མི་དེའི་ལུས་ནི། མི་སྣང་ངོ ། །མིག་ལ་བསྐུས་ནས་སྐྱེ་བོ་མང་པོའི་ནང་དུ་ཞུགས་ན། མི་མཐོང་བར་འགྱུར་ལ། དེའི་སྒྲ་ནི། ཐོས་ཤིང ། རང་གི་ལུས་ནི། མི་མངོན་ནོ། །གནས་སུ་གཏོགས་པ་ཐམས་ཅད་དུ་ཞུགས་ན། རང་གི་ལུས་ཁྲུས་མ་བྱས་ཀྱི་བར་དུ་མི་མཐོང་ངོ ། །སུ་ཡང་རུང་བའི་མིག་ལ་བསྐུས་ལ་ལུས་ལ་ཡང་བསྐུས་ན། དེ་དག་ཐམས་ཅད་མི་མཐོང་བར་འགྱུར་ཞིང ། གང་དང་གང་དུ་འགྲོ་བ་དེ་དང་དེར་མི་སྣང་བར་འགྱུར་ལ་ཁྲུས་བྱས་པ་ཙམ་གྱིས་ཕྱིར་སྣང་བར་འགྱུར་རོ། །ལུས་ཀུན་ལ་བསྐུས་ནས་མཛོད་ཆེན་པོའི་ནང་དུ་ཞུགས་ན། Ba76a ༄#། །མི་མཐོང་བར་འགྱུར་ལ། གསེར་དང ། དངུལ་དང ། ཕྲ་མེན་དང ། ནོར་བུ་དང ། མུ་ཏིག་དང ། བྱི་རུ་དང ། དུང་དང ། མན་ཤེལ་དང ། རྡོ་རྗེ་དང ། བཻ་ཌཱུརྱ་དང ། མྲྒད་དང ། མཐོང་ཀ་དང ། གོས་དང ། སྤུད་པ་དང ། རྒྱན་དང ། ལྷབ་ལྷུབ་གང་ཡང་རུང་བ་ཉིད་འདོད་ན། ཐམས་ཅད་བླངས་ནས་སོང་ན་སུས་ཀྱང་མི་མཐོང་ལ་གང་དགའ་བར་འགྲོ་བར་འགྱུར་རོ། །ཇི་སྲིད་དུ་ཁྲུས་མ་བྱས་པ་དེ་སྲིད་དུ་རང་མི་མངོན་ལ། ཁྲུས་བྱས་ན་ཐད་དུ་མཐོང་ངོ ། །རིག་སྔགས་འཆང་བུད་མེད་ཀྱི་ནང་དུ་འཇུག་པར་འདོད་པ་གཙང་མར་ཁྲུས་བྱའོ། །དེ་ནས་སྤོས་ཆུས་ཁྲུས་བྱ་འོ། །དེའི་འོག་ཏུ་བ་གཅིན་གྱིས་ཁྲུས་བྱའོ། །ཡང་གུར་གུམ་གྱིས་ཁྲུས་བྱ་འོ། །དེའི་འོག་ཏུ་བའི་རྣམ་ལྔས་ཁྲུས་བྱ་འོ། །དེའི་འོག་ཏུ་བའི་ཏིལ་མར་དང་ལྷན་གཅིག་བསྲེས་པ་དེས་ལུས་བསྐུ་བར་བྱ་འོ། །དེའི་འོག་ཏུ་བུད་མེད་གཞོན་ནུའི་ནུ་ཞོ་དང་སྦྱར་བས་མིག་ལ་བསྐུས་ལ། དེ་ནས་རིལ་བུ་གསུམ་དཔུང་པ་གཡས་པ་ལ་གདག་པར་བྱ་འོ། །དེ་ནས་གོས་གཙང་མ་བགོས་ནས་གསང་སྔགས་བརྗོད་ཅིང་དྲན་པར་བྱས་ལ་རྒྱལ་པོའི་ཕོ་བྲང་དུ་ཞུགས་ན་མི་མཐོང་བར་འགྱུར་ཏེ། ལུས་སུས་ཀྱང་མི་མཐོང་ངོ ། །ཉི་མ་གཅིག་གམ། ཉི་མ་གཉིས་སམ། ཉི་མ་བདུན་ནམ། ཉི་མ་བཅུ་བཞི་འམ། Ba76b ཉམ་\?\་ཉི་ཤུ་རྩ་གཅིག་ཏུ་ཁྲུས་བྱས་ལ་བུད་མེད་དེ་དག་གི་ནང་ན་རྩེ་ཞིང་དགའ་བར་བྱེད་ལ། ཡོངས་སུ་སྤྱོད་པར་བྱེད་ཀྱང་སུས་ཀྱང་མི་ཤེས་ལ་འཇུག་ཅིང་ཕྱིར་འགྲོ་བ་ན་སུས་གླགས་མི་རྙེད་དེ། ཇི་སྲིད་དུ་ཁྲུས་མ་བྱས་པའི་བར་དུ་རང་གི་ལུས་མི་སྣང་བར་འགྱུར་རོ། །ཕུག་ཏུ་འཇུག་ན། ལུས་ཀུན་སྤོས་ཀྱི་ཏིལ་མར་གྱིས་བྱུགས་ལ་ཕུག་ཏུ་ཞུགས་ན་ཕུག་གི་སྒོ་ཐམས་ཅད་ཕྱེ་བར་འགྱུར་གྱི། གནས་དེའི་ནང་དུ་ཞུགས་ལ་ཇི་ལྟ་ཇི་ལྟར་ལས་སུ་བྱ་བ་དེ་ལྟ་དེ་ལྟར་གྱིས་ཤིག་།ཆུའི་ནང་དུ་ཞུགས་ན། ཇི་ལྟར་ཁྱིམ་གྱི་ནང་ན་འདུག་པ་བཞིན་ཆུས་མི་བརླན་ལ། ཆུས་གོས་པར་ཡང་མི་འགྱུར་རོ། །མེའི་ནང་དུ་ཞུགས་ན། མེས་ལུས་ལ་མི་རེག་ཅིང་ཙནྡན་ལྟར་བསིལ་བར་འགྱུར་རོ། །ཀླུའི་གནས་མཚོར་ཞུགས་ན། གནས་ན་འཁོད་པ་རྣམས་ཀྱིས་དེ་མི་མཐོང་གི་ཇི་ལྟར་རང་གིས་ཡིད་ལ་ལས་སུ་བྱ་བར་འདོད་པའི་ལས་ཀྱི་རྣམ་པ་གཞན་དག་ཀྱང་གྱིས་ཤིག་།མི་སྣང་བར་བྱ་བ་རིལ་བུའི་སྒྲུབ་པའི་ཆོ་ག་འོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་དྲུག་པ། དེ་ནས་སྦྱིན་སྲེག་གི་ཆོ་ག་བཤད་པར་བྱ་སྟེ། ལས་ཐམས་ཅད་ཀྱི་དོན་སྒྲུབ་པར་བྱེད་པ། དངོས་གྲུབ་ཐམས་ཅད་བྱེད་པའི་གནས། སྡིག་པ་ཐམས་ཅད་འཕྲོག་པ། དེ་བཞིན་དུ་སྒྲིབ་པ་ཐམས་ཅད་རྣམ་པར་དག་པ། རིག་སྔགས་ཐམས་ཅད་ Ba77a ༄#། །ཀྱི་དངོས་གྲུབ་བླ་ན་མེད་པ། གནོད་སྦྱིན་ཐམས་ཅད་རབ་ཏུ་ཞི་བར་བྱེད་པ། སྡིག་པ་ཐམས་ཅད་འཇོམས་པར་བྱེད་པ། སངས་རྒྱས་ཐམས་ཅད་ཀྱི་ལེགས་པར་རྒྱལ་བ་སྦྱིན་པ། དགྲ་ཐམས་ཅད་ཟློག་པར་བྱེད་པ། འཐབ་པ་དང ། རྩོད་པ་ཉིད་དང ། འགྱེད་པ་དང ། མཚོན་ཆའི་དྲ་བ་ཐམས་ཅད་ལས་སྒྲོལ་བར་བྱེད་པ། གྲུབ་པ་དོན་ཡོད་པ། མཆོག་ཏུ་རྙེད་པར་དཀའ་བ། རིག་སྔགས་འཆང་ཐམས་ཅད་ཀྱི་དངོས་གྲུབ་ཐམས་ཅད་དུ་གསང་སྔགས་དང་དཀྱིལ་འཁོར་གྱི་དངོས་གྲུབ། ཕྱག་རྒྱ་འཕོ་བ་དང ། དེ་ཁོ་ན་ཉིད་ཀྱི་རིམ་པར་ཕྱེ་བའི་སྒྲུབ་པ་ལས་ཐམས་ཅད་དུ་མཆོག་གི་དངོས་གྲུབ་ཀྱང་འགྲུབ་སྟེ། འདི་ལ་ཐེ་ཚོམ་མེད་དོ། །བདེ་བ་ཐམས་ཅད་རྟག་ཏུ་རབ་ཏུ་སྦྱིན་པ་དང ། དབང་ཕྱུག་མ་ཡིན་པ་ཐམས་ཅད་ཀྱི་སྒྲུབ་པ་དང ། འགུགས་པ་དང ། ལྷ་དང ། ཀླུ་ཐམས་ཅད་སྤྱན་འདྲེན་པ་དང ། གནོད་སྦྱིན་དང ། སྲིན་པོ་ཐམས་ཅད་རབ་ཏུ་འཇོམས་པ་དང ། བདུད་དང ། འབྱུང་པོ་དང ། ཤ་ཟ་དང ། གདོན་མི་བཟད་པ་དང ། བརྗེད་བྱེད་མི་བཟད་པ་དང ། ཚངས་པའི་སྲིན་པོ་རྣམས་ཐམས་ཅད་ཐམས་ཅད་དུ་སྒྲོལ་བར་བྱེད་པར་གྲུབ་པ་དང ། ཉིན་མོ་དང་མཚན་མོའི་དུས་རྟག་ཏུ་ཚར་གཅོད་པར་ཐེ་ཚོམ་མེད་དོ། །རིམས་ཐམས་ཅད་རྟག་ཏུ་རབ་ཏུ་ཞི་བར་ Ba77b བྱེད་པ།་ནད་ཐམས་ཅད་ཟློག་པར་བྱེད་པ། དུག་ཐམས་ཅད་གསོད་པར་བྱེད་པ། འཕྲལ་དུ་སྲེག་བླུགས་བྱིན་པ་ཙམ་གྱིས་ཐམས་ཅད་དུ་རྟག་ཏུ་གནང་ཆེན་པོ་དང ། ཐམས་ཅད་དུ་ཐམས་ཅད་དུ་མཐོང་ན་དགའ་བ་དང ། འཇིག་རྟེན་ཐམས་ཅད་ཀྱི་བླ་མར་མཆོད་པར་བྱ་བ་དང ། ཐམས་ཅད་དུ་སྟོབས་དང་བརྩོན་འགྲུས་དང་ཕ་རོལ་གནོན་པ་དང ། དེ་བཞིན་གཤེགས་པ་རྟག་ཏུ་མཐོང་བ་ཡང་སྦྱིན་པར་འགྱུར་ཏེ། འདི་ལ་ཐེ་ཚོམ་མེད་དོ། །བྱང་ཆུབ་སེམས་དཔའ་རྟག་ཏུ་ཀུན་ཏུ་སྣང་བ་དང ། དུས་ཐམས་ཅད་ཀྱི་ཚེ་ལས་ཐམས་ཅད་ལ་ཤིན་ཏུ་དགའ་བ་དང ། སྐྱེ་བ་ནས་སྐྱེ་བར་ཚིག་བཙུན་པར་འགྱུར་རོ། །ཐམས་ཅད་དུ་བླ་མ་ལ་སྲི་ཞུ་ཆེ་བ་དང ། ཐམས་ཅད་དུ་མཆོད་པར་འོས་པའི་བླ་མའོ། །དེ་ནས་དཔལ་ལྡན་རྡོ་རྗེ་འཛིན་པས་རྟག་ཏུ་ཡང་སྲུང་བ་དང ། ཡོངས་སུ་སྐྱོང་བར་བྱེད་པ་དང ། རྒྱལ་པོ་ཆེན་པོ་བཞི་དང ། གཤིན་རྗེ་དང ། ཆུ་ལྷ་ཉིད་ཀྱིས་ཀྱང་དུས་རྟག་ཏུ་སྲུང་བ་དང ། སྐྱོབ་པ་དང ། སྦ་བར་བྱེད་པར་ཐེ་ཚོམ་མེད་དོ། །དབང་ཕྱུག་དང ། དབང་ཕྱུག་ཆེན་པོ་དང ། ལྷའི་བུ་སྟོང་ཕྲག་དགུ་བཅུ་རྩ་དགུ་དང ། ལྷའི་བུ་རྫུ་འཕྲུལ་ཆེ་བ་རྣམས་ཀྱིས་སྲུང་བ་དང ། བསྐྱབ་པ་དང ། སྦ་བར་བྱེད་ཅིང ། རྟག་ཏུ་ལེགས་པར་ཁ་ལོས་བསྒྱུར་བར་གནས་པར་འགྱུར་རོ། །ཚངས་པ་དང ། ཁྱབ་འཇུག་དང ། དབང་ཕྱུག་ཆེན་ Ba78a ༄#། །པོ་དང ། དྲག་པོ་དང ། གཞོན་ནུ་དང ། ནོར་བུ་བཟང་པོ་དང ། སྟོབས་ཀྱི་ལྷ་དང ། གང་བ་བཟང་པོ་དང ། ལྔས་རྩེན་དང ། གར་མཁན་མཆོག་སྟེ། འདི་རྣམས་ཀྱིས་རྟག་ཏུ་སྲུང་བ་དང ། སྐྱོབ་པར་བྱེད་ཅིང་གནས་ཏེ། འདི་ལ་ཐེ་ཚོམ་མེད་དོ། །མེའི་ལྷ་གཟི་བརྗིད་ཆེན་པོ་དང ། ཉི་མ་དང ། ཟླ་བ་དང ། རྒྱུ་སྐར་གྱི་ལྷ་རྣམས་ཀྱིས་སྲུང་བ་དང ། བསྐྱབ་པ་དང ། སྦ་བར་བྱེད་ཅིང ། མཆོག་ཏུ་མཆོད་པ་བྱེད་པས་གནས་པར་འགྱུར་རོ། །སྦྱིན་སྲེག་ཙམ་འདི་ནི། བྱ་བ་ཐམས་ཅད་བླ་ན་མེད་པའི་དངོས་གྲུབ་རྣམས་ལའོ། །འབྲས་འཐུག་པོ་ཆེ་དང ། ཡུངས་ཀར་དང ། གུ་གུལ་དང ། མར་དང ། སྦྲད་རྩི་བསྲེས་པས་སྦྱིན་སྲེག་སྟོང་ཕྲག་བརྒྱད་བྱས་ན། འཕགས་པ་སྤྱན་རས་གཟིགས་དབང་ཕྱུག་གིས་ཐམས་ཅད་མཆོག་སྦྱིན་པར་འགྱུར་ཏེ། བྱ་བ་ཐམས་ཅད་སྒྲུབ་པར་བྱེད་པར་འགྱུར་རོ། །ཙནྡན་དང ། པདྨའི་ཆུ་བ་དང ། འབྲས་ཡོས་དང ། ཡུངས་ཀར་དང ། ་ག་རུ་དང ། ཞོ་དང ། སྦྲང་རྩི་དང ། མར་བསྲེས་པས། ས་མྱའི་ཤིང་གི་ཞི་བའི་མེ་སྦར་ཏེ་སྟོང་ཕྲག་བརྒྱད་ཏུ་སྦྱིན་སྲེག་བྱ་འོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མདུན་དུ་ཉེ་བར་གནས་ཏེ་མཆོག་ཐམས་ཅད་སྦྱིན་པར་འགྱུར་རོ། །བྱ་བ་ཐམས་ཅད་ཀྱི་དངོས་གྲུབ་ཏུ་ཡང་ Ba78b འགྱུར་རོ། །ཡིད་ཀྱི་ཤིང་རྟ་ཐམས་ཅད་ཡོངས་སུ་རྫོགས་པར་ཡང་འགྱུར་རོ། །ཆོ་ག་ཞིབ་མོ་ཐམས་ཅད་ཀྱི་དངོས་གྲུབ་ཏུ་ཡང་འགྱུར་རོ། །ཐམས་ཅད་དུ་དོན་ཡོད་པ་ཐོགས་པ་མེད་པའི་དངོས་གྲུབ་ཏུ་ཡང་འགྱུར་རོ། །བསོད་ནམས་ཐམས་ཅད་འགུགས་པའི་དངོས་གྲུབ་ཏུ་ཡང་འགྱུར་རོ། །དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། ཆོ་ག་ཞིབ་མོ་དང ། སྒྲུབ་པའི་ཆོ་ག་ཐམས་ཅད་ཀྱི་མཆོག་གི་དངོས་གྲུབ་ཏུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གསང་བ་ལ་རྗེས་སུ་ཞུགས་པར་འགྱུར་རོ། ། སེང་ལྡེང་དང ། ནིམ་པའི་ཤིང་གི་ཡམ་ཤིང་གིས་འབྲས་སཱ་ལུ་དང ། ཏིལ་དང ། ཡུངས་ཀར་དང ། ཞོ་དང ། མར་དང ། ལན་ཚཝ་དང་བསྲེས་པའི་སྦྱིན་སྲེག་སྟོང་ཕྲག་བརྒྱད་བྱས་ན། བགེགས་དང ། ལོག་པར་འདྲེན་པ་དང ། གནོད་སྦྱིན་དང ། སྲིན་པོའི་གདོན་ཐམས་ཅད་དང ། གདུག་པ་དང ། ཕྱིར་རྒོལ་བ་དང ། དགྲ་ཐམས་ཅད་རབ་ཏུ་ཞི་བར་བྱེད་དོ། ། འཐབ་པ་དང ། རྩོད་པ་དང ། འགྱེད་པ་ཐམས་ཅད་ལས་སྒྲོལ་བར་བྱེད་དོ། །མཚོན་ཆ་ཐམས་ཅད་ལས་རྒྱལ་བར་འགྱུར་རོ། །ཕ་རོལ་གྱི་དམག་ཚོགས་དང ། ཕྱིར་རྒོལ་བ་དང ། དགྲ་ཐམས་ཅད་ལས་རྒྱལ་བ་སྦྱིན་པར་འགྱུར་རོ། །ཙནྡན་དང ། འབྲས་ཡོས་དང ། ཞོ་དང ། སྦྲང་རྩི་དང ། མར་བསྲེས་པའི་པདྨའི་སྦྱིན་སྲེག་སྟོང་ཕྲག་བརྒྱད་བྱས་ན། Ba79a ༄#། །ཡུལ་འཁོར་དང ། རི་བྲག་དང ། གྲོང་དང ། གྲོང་ཁྱེར་དང ། ལྗོངས་རྣམས་སུ་ཀུན་ནས་དཔག་ཚད་སྟོང་ཕྲག་གཅིག་ཁོ་ར་ཁོར་ཡུག་ཏུ་ཞི་བ་ཆེན་པོར་འགྱུར་རོ། །སེམས་ཅན་ཐམས་ཅད་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་རྣམས་ལ་བསྲུང་བ་དང་བསྐྱབ་པའི་ཆེད་དུ་ཡང་དག་པར་སྒྲུབ་པར་འགྱུར་རོ། །ནད་ཐམས་ཅད་ཐམས་ཅད་དུ་རབ་ཏུ་ཞི་བར་འགྱུར་རོ། །གཅན་གཟན་གཏུམ་པོ་ཐམས་ཅད་དང ། སྦྲུལ་གདུག་པ་དང ། མ་རུངས་པ་ཐམས་ཅད་བྱམས་པར་འགྱུར་རོ། །རྒྱལ་པོ་དང ། ཡུལ་འཁོར་དང ། བཙུན་མོའི་འཁོར་གྱིས་ཡོངས་སུ་བསྐོར་བ་ཐམས་ཅད་ཤིས་པ་དང ། བདེ་བར་འགྱུར་རོ། །མ་ཏཾ་ག་དང ། ཡུངས་ཀར་དང ། མར་དང ། ཀླུ་ཤིང་གི་མེ་ཏོག་དང ། འབྲས་ཡོས་རྣམས་བསྲེས་པས་ཨརྒའི་ཤིང་གི་ཡམ་ཤིང་གི་མེ་སྦར་ལ་སྟོང་ཕྲག་བརྒྱད་སྦྱིན་སྲེག་བྱས་ན། ཆར་མི་འབབ་པར་བྱེད་པ་ལ་དེ་ནས་ཀླུ་ཆེན་པོ་རྣམས་ཀྱིས་ཆར་གྱི་རྒྱུན་འབྱིན་པར་བྱེད་དེ། ཇི་སྲིད་ཆར་པ་འབབ་པར་འདོད་པའི་བར་དུའོ། །ལོ་ཐོག་དང ། ཤིང་དང ། རྩཝ་དང ། ཤིང་གེལ་པ་དང ། སྨན་གྱི་རྫས་དང ། མེ་ཏོག་དང ། འབྲས་བུ་རྣམས་ཡོངས་སུ་རྫོགས་པར་བྱེད་དོ། །ལེགས་པར་ཡོངས་སུ་རྫོགས་པར་འགྱུར་རོ། །ཀླུའི་རྒྱལ་པོ་ཆེན་པོ་འཁོར་དང་བཅས་པ་ཐམས་ Ba79b ཅད་ཀྱིས་དགའ་བ་ཆེན་པོར་འགྱུར་ཞིང ། དུས་དུས་སུ་ཇི་ལྟ་བ་བཞིན་དུ་ཆར་གྱི་རྒྱུན་འབྱིན་པར་བྱེད་དོ། །ཧ་ཅང་ཆར་ཆེས་ན། དེ་ཉིད་ཀྱི་ཐལ་བས་སྟོང་ཕྲག་བརྒྱད་དུ་སྦྱིན་སྲེག་བྱས་ན། ཧ་ཅང་ཆར་ཆེས་པ་རབ་ཏུ་ཞི་བར་བྱེད་དོ། །འབྲས་ཡོས་དང ། གོ་ལ་དང ། ཡུངས་ཀར་དང ། གཏུམ་པོའི་ས་བོན་མར་དང་བསྲེས་པའི་སྦྱིན་སྲེག་བྱས་ན། རླུང་དང་སེར་བ་ཐམས་ཅད་ཟློག་པར་བྱེད་དོ། །དཔག་ཚད་སྟོང་ཕྲག་ཁོར་ཡུག་ཏུ་མཚམས་ཆེན་པོ་བཅིང་བར་བྱས་པར་འགྱུར་རོ། །རླུང་བཅིང་བ་ལ་ཡུངས་ཀར་དང ། འབྲས་ཐུག་པོ་ཆེའི་སྦྱིན་སྲེག་སྟོང་ཕྲག་བརྒྱད་བྱས་ན། རླུང་གི་དཀྱིལ་འཁོར་ཐམས་ཅད་བཅིང་བར་བྱས་པར་འགྱུར་ཏེ། ཇི་སྲིད་དུ་བེ་རཾ་བྷའི་རླུང་གི་བར་དུ་བཅིངས་པར་འགྱུར་རོ། །ཀླུ་བཅིང་བ་ལ་ནི། ཡུངས་ཀར་དང ། ཏིལ་གྱི་སྦྱིན་སྲེག་སྟོང་ཕྲག་བརྒྱད་བྱས་ན། ལོ་བཅུ་གཉིས་སུ་ཀླུ་བཅིངས་པ་བྱས་པར་འགྱུར་རེ། །ནད་ཐམས་ཅད་རབ་ཏུ་ཞི་བར་བྱ་བ་ལ་ནི།་ཡུངས་ཀར་མར་དང་བསྲེས་པའི་སྦྱིན་སྲེག་སྟོང་ཕྲག་བརྒྱད་བྱས་ན། ནད་ཐམས་ཅད་རབ་ཏུ་ཞི་བར་བྱེད་དོ། །ཕ་རོལ་གྱི་དམག་ཚོགས་ཟློག་པ་ལ་ནི། ཀཱ་ར་བཱི་རའི་ཤིང་གི་མེ་སྔར་ཏེ་ནིམ་པའི་འདབ་མ་དང ། ལན་ཚཝ་དང ། ཕུབ་མའི་སྦྱིན་སྲེག་སྟོང་ཕྲག་བརྒྱད་བྱས་ན། ཕ་རོལ་གྱི་དམག་ཚོགས་དང ། ཕྱིར་རྒོལ་བ་དང ། དགྲ་ཐམས་ Ba80a ༄#། །ཅད་རྣམ་པར་ཉམས་པར་བྱེད་དོ། །ཇི་སྲིད་འཚོའི་བར་དུ་ཕྱིས་འབྱུང་བར་མི་འགྱུར་རོ། །ཕྱོགས་བཅིང་བ་ལ་དཔག་ཚད་སྟོང་ཕྲག་ཁོར་ཡུག་གིས་སོ། །ཏིལ་དང ། ཡུངས་ཀར་དང ། འབྲས་ཡོས་དང ། པདྨའི་འདབ་མ་མར་དང་བསྲེས་པས་སྦྱིན་སྲེག་སྟོང་ཕྲག་བརྒྱད་བྱས་ན། དཔག་ཚད་སྟོང་ཕྲག་ཁོར་ཡུག་ཏུ་མཚམས་ཆེན་བོ་བཅིང་བ་བྱས་པར་འགྱུར་རོ། །ལོག་འདྲེན་ཐམས་ཅད་བཅིང་བ་ལ་ནི། ཡུངས་ཀར་ནག་པོ་དང ། ཏིལ་ནག་དང ། སྲན་མ་དང ། ཏིལ་དང་མར་སྲེས་པས་སྦྱིན་སྲེག་སྟོང་ཕྲག་བརྒྱད་བྱས་ན། བགེགས་དང ། ལོག་འདྲེན་དང ། བདུད་ལ་སོགས་པ་མ་རུངས་པ་དང ། གནོད་སྦྱིན་དང ། སྲིན་པོ་རྣམས་བཅིང་བ་བྱས་པར་འགྱུར་རོ། །གནོད་སྦྱིན་འབྱིན་པ་ལ་ནི། བྷཾ་གའི་ས་བོན་དང ། ལན་ཚཝ་དང ། ཏིལ་མར་བསྲེས་པས་སྦྱིན་སྲེག་སྟོང་ཕྲག་བརྒྱད་བྱས་ན། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། བརྗེད་བྱེད་ལ་སོགས་པ་ཐམས་ཅད་འཇིག་རྟེན་ཐམས་ཅད་ཀྱི་མངོན་སུམ་དུ་ངེས་པར་འབྱིན་པར་འགྱུར་རོ། །ཡམས་དང ། ཉེ་བར་འཚེ་བ་དང ། ནད་འགོ་བ་ཐམས་ཅད་དང ། འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །དགེ་ལེགས་ཐམས་ཅད་འབྱུང་བར་འགྱུར་རོ། །བྲམ་ཟེ་ Ba80b དབང་དུ་བྱེད་པ་ལ་འབྲས་ཡོས་དང ། རྒའི་ཡམ་ཤིང་མར་གྱིས་བཏགས་པས་སྦྱིན་སྲེག་སྟོང་ཕྲག་བརྒྱད་བྱས་ན། བྲམ་ཟེ་ཐམས་ཅད་དབང་དུ་འགྱུར་རོ། །རྒྱལ་རིགས་དབང་དུ་བྱེད་པ་ལ་བུ་རམ་དང ། མར་དང ། འབྲས་ཡོས་དང ། རྒའི་འདབ་མས་སྦྱིན་སྲེག་སྟོང་ཕྲག་བརྒྱད་བྱས་ན། རྒྱལ་རིགས་ཐམས་ཅད་དབང་དུ་བྱེད་པར་འགྱུར་རོ། །དམངས་རིགས་དབང་དུ་བྱེད་པ་ལ་མྱོས་བྱེད་ཀྱི་འབྲས་བུ་དང ། དོང་ཀའི་སྦྱིན་སྲེག་སྟོང་ཕྲག་བརྒྱད་བྱས་ན། དམངས་རིགས་ཐམས་ཅད་དུ་བྱེད་པའི་མཆོག་འགྲུབ་བོ། །རྗེ་རིགས་དབང་དུ་བྱེད་པ་ལ་མར་རྣམ་པ་གསུམ་གྱིས་བསྲེས་པའི་སྦྱིན་སྲེག་སྟོང་ཕྲག་བརྒྱད་བྱས་ན། རྗེ་རིགས་ཐམས་ཅད་དབང་དུ་བྱེད་དོ། །སྣ་མའི་མེ་ཏོག་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན། བུད་མེད་ཐམས་ཅད་དབང་དུ་བྱེད་པར་འགྱུར་རོ། །གཞོན་ནུ་མ་དབང་དུ་བྱེད་པ་ལ་ཆུའི་མེ་ཏོག་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན། གཞོན་ནུ་མ་ཐམས་ཅད་དབང་དུ་བྱེད་པར་འགྱུར་རོ། །འཇིགས་པ་ཐམས་ཅད་རབ་ཏུ་ཞི་བར་བྱེད་པ་ལ་འབྲུ་དང་མར་གྱི་སྦྱིན་སྲེག་སྟོང་ཕྲག་བརྒྱད་བྱས་ན། འཇིགས་པ་དང ། འཐབ་མོ་དང ། འཐབ་པ་དང ། རྩོད་པ་དང ། འགྱེད་པ་ཐམས་ཅད་རབ་ཏུ་ཞི་བར་བྱེད་དོ། །ནོར་དང་འབྲུ་འཕེལ་བར་བྱེད་པ་ལ་འབྲུ་བདུན་མར་གྱིས་བཏགས་པའི་སྦྱིན་ Ba81a ༄#། །སྲེག་སྟོང་ཕྲག་བརྒྱད་བྱས་ན། ནོར་དང ། འབྲུ་འཕེལ་བར་འགྱུར་རོ། །དབང་ཕྱུག་ཐོབ་པ་ལ་ཡུངས་ཀར་དང ། མདྡྷཱཿ ་དང ། སྦྱིན་སྲེག་སྟོང་ཕྲག་བརྒྱད་བྱས་ན།་དབང་ཕྱུག་ཆེན་པོ་འཕེལ་བར་འགྱུར་རོ། །ཡུལ་ཐོབ་པ་ལ་ཚ་བ་གསུམ་མར་དང ། མདྡྷཱ་དང་བསྲེས་པའི་སྦྱིན་སྲེག་སྟོང་ཕྲག་བརྒྱད་བྱས་ན། ཡུལ་ཆེན་པོ་ཐོབ་པར་འགྱུར་རོ། །གྲོང་གི་དོན་དུ་ཀཱ་ར་བཱི་རའི་མེ་ཏོག་དང ། ཡུངས་ཀར་དང ། འབྲས་ཡོས་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན། གྲོང་རྙེད་པར་འགྱུར་རོ། །གཏེར་གདོན་པ་ལ་ནི། པདྨའི་ཆུ་བ་མར་དང་བསྲེས་པའི་སྦྱིན་སྲེག་སྟོང་ཕྲག་བརྒྱད་བྱས་ན། གཏེར་ཆེན་པོ་སོ་སོར་རྙེད་དོ། །གནོད་སྦྱིན་སྤྱན་དྲང་བར་འདོད་པས། གུ་གུལ་དང ། གཏུམ་པོའི་ས་བོན་དང ། སྦྲང་རྩི་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན། གནོད་སྦྱིན་རང་གི་གཟུགས་ཀྱིས་མདུན་དུ་ཉེ་བར་འདུག་སྟེ། ཅི་བསྒོ་བ་བྱེད་ཅིང་ལས་ཐམས་ཅད་བྱེད་པར་འགྱུར་རོ། །འདོད་པའི་གཟུགས་ཅན་མ་སྤྱན་དྲང་བར་འདོད་པས་འབྲས་ཡོས་དང ། ཡུངས་ཀར་དང ། ཞོ་དང ། སྦྲང་རྩི་དང ། མར་གྱིས་བཏགས་པའི་དྲི་དང ། པྲི་ཡང་ཀུའི་ས་ཀཱ་ར་བཱི་རའི་ཤིང་ཡམ་ཤིང་གི་མེ་སྦར་ནས་སྦྱིན་སྲེག་སྟོང་ཕྲག་བརྒྱད་བྱས་ན། དེའི་འོག་ཏུ་འདོད་པའི་གཟུགས་ཅན་ Ba81b མ་འོངས་ཏེ། ཇི་ལྟར་འདོད་པ་བཞིན་དུ་སྤྱོད་པར་བྱེད་དོ། །རྣམ་པ་གསུམ་བརྗོད་པར་བྱ་སྟེ། མ་དང ། ཆུང་མ་དང ། སྲིང་མོ་འོ། །གལ་ཏེ་མ་ཡིན་ན། བུ་ལ་ཞེན་པས་ནོར་དང ། འབྲུ་དང ། ལོངས་སྤྱོད་ཆེན་པོ་རྣམ་པར་འཕེལ་ཞིང་ཕུན་སུམ་ཚོགས་པར་བྱེད་དེ། ཇི་སྲིད་འཚོའི་བར་དུ་མི་འབྲལ་བར་ཀུན་ཏུ་གནས་པར་བྱེད་དོ། །གལ་ཏེ་ཆུང་མ་ཡིན་ན། རྣམ་པ་སྣ་ཚོགས་པའི་དགའ་བ་དུ་མས་རྩེ་ཞིང་ལོངས་སྤྱོད་ལ་ཡོངས་སུ་སྤྱོད་པར་བྱེད་དེ། རྣམ་པ་སྣ་ཚོགས་པའི་གོས་དང ། རྒྱན་དང ། ལྷབ་ལྷུབ་དང ། དྲི་དང ། ཕྲེང་བ་དང ། བྱུག་བ་དང ། བཟའ་བ་དང ། བཏུང་བ་རྣམ་པ་སྣ་ཚོགས་པའི་རོ་བྲོ་བའི་ལོངས་སྤྱོད་ལ་ཡོངས་སུ་སྤྱོད་ཅིང ། རྣམ་པ་སྣ་ཚོགས་པའི་མལ་སྟན་དང ། ནོར་དང ། འབྲུ་དང ། མཛོད་དང ། བང་བ་དང་བཅས་པ་རྣམ་པར་འཕེལ་བ་ལ་ཡོངས་སུ་སྤྱོད་དེ། ཇི་སྲིད་འཚོའི་བར་དུ་གྲིབ་མ་བཞིན་དུ་རྗེས་སུ་འབྲང་བར་འགྱུར་རོ། །སྲོག་ཀྱང་ཡོངས་སུ་གཏོང་བར་བྱེད་དོ། ། གལ་ཏེ་སྲིང་མོ་ཡིན་ན། དེའི་ཚེ་རྣམ་པ་སྣ་ཚོགས་པའི་དབང་ཕྱུག་དང ། ལྷའི་གཞལ་མེད་ཁང་ན་ལོངས་སྤྱོད་ལ་ཡོངས་སུ་སྤྱོད་ཅིང ། ཇི་སྲིད་འཚོའི་བར་དུ་བསྙེན་བཀུར་དང ། རིམ་གྲོ་བྱེད་དོ། །ཕ་རོལ་གྱི་དམག་ཚོགས་ཟློག་པ་ལ་ཕུབ་མ་དང ། ལན་ཚཝའི་སྦྱིན་སྲེག་གིས་དཔག་ཚད་བརྒྱ་སྟོང་ཕྲག་གི་ནང་དུ་དགྲ་མི་འབྱུང་སྟེ། སྦྱིན་སྲེག་ Ba82a ༄#། །སྟོང་ཕྲག་བརྒྱད་བྱས་ན། གཡུལ་དང ། འཁྲུག་པ་ཆེན་པོ་ལས་རྒྱལ་བར་འགྱུར་རོ། །ཉི་མ་འབབ་པར་བྱེད་པ་ལ་རིའི་རྩེ་མོར་སྦྲང་རྩི་དང ། ན་ལེ་ཤམ་དང ། འབྲས་འཐུག་པོ་ཆེ་དང ། མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན། ཉིན་རེ་རེ་ཞིང་ཉི་མ་འབབ་པར་བྱེད་དེ། མཆོག་ཐམས་ཅད་རྗེས་སུ་སྩོལ་བར་བྱེད་ཅིང ། ཇི་སྲིད་འཚོའི་བར་དུ་འདོད་པ་ཙམ་གྱིས་བསྙེན་བཀུར་དང ། རིམ་གྲོ་བྱེད་ཅིང་ཉེ་བར་གནས་སོ། །ཟླ་བ་དང ། རྒྱུ་སྐར་དང ། སྐར་མའི་ཚོགས་འབབ་པར་འདོད་པས་གནས་མཐོན་པོར་ཚ་བ་གསུམ་དང ། རྒྱམ་ཚཝ་དང ། ལན་ཚཝ་དང ། འོ་མ་དང ། སྦྲང་རྩི་དང ། མར་གྱིས་བཏགས་པའི་སྦྱིན་སྲེག་བྱས་ན། ཟླ་བ་དང ། རྒྱུ་སྐར་དང ། སྐར་མའི་ཚོགས་འབབ་པར་བྱེད་དེ། འདོད་པ་དང ། ཡིད་ཀྱི་ཤིང་རྟ་དང ། སྐལ་པ་དང ། དབང་ཕྱུག་ཐམས་ཅད་ཆེར་འཕེལ་བ་རབ་ཏུ་སྦྱིན་ནོ། །ཇི་སྲིད་འཚོའི་བར་དུ་ཉེ་བར་གནས་ཏེ། ཇི་སྲིད་འཚོའི་བར་དུ་སྲུང་བ་དང ། སྐྱོབ་པ་དང ། སྦ་བ་བྱེད་པར་འགྱུར་རོ། །ཉི་མ་རེ་རེ་ཞིང་མཐོང་བར་འདོད་ན་འབབ་པར་བྱེད་དོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་དང ། བུད་མེད་དང ། སྐྱེས་ Ba82b པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེ་རིགས་དང ། དམངས་རིགས་ཐམས་ཅད་འགུགས་པ་ལ་ཏིལ་དང ། ཡུངས་ཀར་དང ། འབྲས་འཐུག་པོ་ཆེ་དང ། སྨན་སྣ་ཚོགས་དང ། ཞོ་དང ། སྦྲང་རྩི་དང ། མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན། འགུགས་པ་ཆེན་པོའི་དངོས་གྲུབ་ཏུ་འགྱུར་ཏེ། འཇིག་རྟེན་ཐམས་ཅད་དགའ་བར་ཡང་འགྱུར་རོ། །རྒྱལ་པོ་དང ། བཙུན་མོའི་འཁོར་དང་གཡོག་ཏུ་བཅས་པ་འཁོར་དུ་འགྱུར་ཏེ། རྟག་ཏུ་དེ་ཉིད་ཀྱི་རྗེས་སུ་འབྲང་བར་འགྱུར་ལ།་ངག་གི་རྗེས་སུ་འཇུག་པར་འགྱུར་རོ། །བདག་ཉིད་ཀྱིས་སམ་ནོར་གྱིས་ཀྱང་རུང་སྟེ། ཐམས་ཅད་དུ་བླ་མ་གཅིག་པུར་མཆོད་པ་ཆེན་པོ་བྱེད་པར་འགྱུར་རོ། །སྦྱིན་སྲེག་གི་ཆོ་གའི་སྒྲུབ་ཐབས་སོ།། །།དེ་ནས་མིག་འཕྲུལ་བཤད་པར་བྱ་སྟེ། དོན་ཡོད་པ་པདྨ་གཙུག་ཏོར་གྱི་རིག་སྔགས་ཀྱིས་སེམས་ཅན་ཐམས་ཅད་ལ་ཕན་པའི་དོན་གྱི་ཆེད་དུ་ལས་ཐམས་ཅད་བྱེད་པ། དགེ་བ་ལ་མཁས་པ་རྣམས་ཀྱི་བདེ་བ་སྦྱིན་པ། རྟག་ཏུ་དབུལ་པོ་རྣམས་ཀྱི་བདེ་བ་ཐོབ་པར་བྱེད་པའོ། །དེ་ནས་རྟོགས་པའི་མོད་ལ་འབྲུ་མཆོག་ཏུ་འཕེལ་བར་འགྱུར་ཞིང ། འཇིག་རྟེན་ཐམས་ཅད་ཀྱི་བླ་མ་ཉིད་དུ་མཆོད་པར་བྱ་བ་དང ། མི་འཇིགས་པ་དང ། དབང་ཕྱུག་སྦྱིན་ཞིང ། ལོངས་སྤྱོད་ཆེན་པོ་འཕེལ་བ་དང ། རྒྱལ་ Ba83a ༄#། །པོའི་བདེ་བ་དང་ལྡན་པ་དང ། ཕྱོགས་ཕྱོགས་སུ་རབ་མཆོག་སྦྱིན་པར་བྱེད་དོ། །གི་ཝཾ་དང ། ཅུ་གང་དང ། ལྡོང་རོས་དང ། མུ་ཟི་དང ། པདྨ་གེ་སར་དང ། ུཏྤ་ལ་སྔོན་པོ་དང ། ལི་ཁ་ར་དང ། གུར་གུམ་དང ། རྒྱ་མཚོའི་ལྦུ་བ་དང ། གཉིས་དང ། གསེར་གྱི་འདབ་མ་སྟོང་ཕྲག་སྦྱར་ཏེ་ཕྱེ་མ་ཤིན་ཏུ་ཞིབ་མོར་བྱས་ལ་ལེགས་པར་བསྒོངས་ལ་ག་པུར་དང ། གླ་རྩི་ཙམ་གྱིས་བླངས་ལ་སྔགས་ཀྱི་སྟོང་ཕྲག་བརྒྱད་བཟླས་པ། མཁས་པས་རྣམ་པ་གསུམ་དུ་སྦྱར་བར་བྱ་སྟེ། སྐྱེ་བོས་གང་བ་ཉིད་ལ་ལྔ་མཉམ་པའོ། །དེ་ནས་རིག་སྔགས་འཆང་གིས་མིག་སྨན་གྱི་སྙིང་པོས་སྟོང་རྩ་བརྒྱད་བཟླས་ལ་མིག་ལ་བྱུག་པར་བྱ་སྟེ། མི་སྣང་བར་འགྱུར་རོ། །སྐྱེ་བོ་མང་པོའི་དབུས་སུ་ནམ་མཁའ་ལ་ཉེ་བར་གནས་པར་བྱེད་དོ། །ཧཱུཾ་ཡིག་གིས་མཐོང་བར་བྱའོ། །ནམ་མཁའ་ལ་འགྲོ་བར་བྱེད་དོ། །གནས་པར་བྱེད་དོ། །ཉལ་བར་བྱེད་དོ། །རྒྱུག་པར་བྱེད་དོ། །བསྐུས་ན། ལུས་ལ་མེ་འབར་བར་མཐོང་སྟེ། དེ་སྟོན་པར་བྱེད་དོ། །དུ་བའི་རྒྱལ་མཚན་སྟོན་པར་བྱེད་དོ། །རྐང་པའི་མཐིལ་ལ་ཀུན་ཏུ་བྱུགས་ན། ཆུ་བོ་དང ། ཆུ་ཀླུང་ཆེན་པོའི་སྟེང་ནས་འགྲོ་སྟེ། རྐང་པ་ལ་ཆུས་གོས་པར་མི་འགྱུར་རོ། །མེ་ཆེན་པོ་འབར་བའི་ནང་དུ་འཇུག་སྟེ། སྲེག་པར་མི་བྱེད་ཅིང ། བ་སྤུའི་ཁུང་བུ་གཅིག་ཀྱང་འབྱི་ Ba83b བར་མི་འགྱུར་རོ། །ཕྱེ་མས་ཕྱོགས་བཞིར་ནམ་མཁའ་ཀུན་ཏུ་གཏོར་ན། མེ་ཏོག་དང ། འབྲས་བུ་སྣ་ཚོགས་པའི་ཆར་གྱི་རྒྱུན་ལྟུང་བར་བྱེད་དོ། །རིན་པོ་ཆེ་སྣ་ཚོགས་ཀྱི་གཞལ་མེད་ཁང་མཐོང་བར་བྱེད་དོ། །ལུས་མཐའ་དག་ལ་བྱུག་པར་བྱ་ཞིང ། སྐྱེ་བོའི་མིག་སྨན་བསྐུ་ཞིང ། ཕྱེ་མས་གཏོར་ནས་ལྗོངས་ཆེན་པོའི་ནང་དུ་འཇུག་པར་བྱ་སྟེ། དེ་ཅུང་ཟད་ཀྱང་མི་མཐོང་ངོ ། །ཇི་ལྟར་ཡིད་ལ་བྱེད་པ་བཞིན་དུ་རྨོངས་པ་ཆེན་པོའི་སྒྱུ་མ་སྟོན་པར་བྱེད་དེ། རྒྱལ་པོ་དང ། དམག་སྡེ་ཆེན་པོ་དང ། དྲང་སྲོང་གི་གཟུགས་དང ། གསེར་གྱི་བུམ་པ་ཅན་དང ། མིའི་སེངྒེ་དང ། ཕག་དང ། དགའ་བྱེད་ཀྱི་མཚན་ཉིད་དང ། རོལ་རྙེད་མ་འཕྲོག་པ་དང ། ཟླ་འོད་མགོ་བོ་ཡོངས་སུ་གཏོང་བ་སྟོན་པར་བྱེད་དོ། །འཇོམས་པ་དང ། གསོད་པ་དང ། སྲོག་འདོར་བ་སྟོན་པར་བྱེད་དོ། །མེ་ཏོག་གི་ཆར་རམ། འབྲས་བུའི་ཆར་རམ། རླུང་དང ། སྤྲིན་དང ། སེར་བ་དང ། འབྲུའི་ཆར་སྟོན་པར་བྱེད་དོ། །རྣམ་པ་སྣ་ཚོགས་པའི་རྣམ་འགྱུར་རྣམས་སྟོན་པར་བྱེད་དོ། །གཞལ་མེད་ཁང་ཆེན་པོའི་རྣམ་པ་རྣམས་བསམ་པ་ཙམ་གྱིས་སྟོན་པར་བྱེད་དོ། །དགེ་འདུན་གྱི་ནང་དུ་འཇུག་ན། རྣམ་པར་འཕྲུལ་པ་རྣམ་པ་སྣ་ཚོགས་པ་ལ་སོགས་པ་ཡ་མ་ཟུང་གཞལ་དུ་མེད་པ་སྟོན་པར་བྱེད་དོ། །བདག་ཉིད་ཀྱི་མགོ་བོ་ལ་བསྐུས་ནས་མགྲིན་པ་ཙམ་གྱིས་དྲི་ཟ། ཏིལ་མར་བསྒོས་ Ba84a ༄#། །པའི་ཕྱེ་མས་གཏོར་བར་བྱ་ཞིང ། མིག་སྨན་གྱིས་བྱུག་པར་བྱ། ཕྱེ་མས་ལུས་མཐའ་དག་ལ་བདག་པར་བྱ། རྐང་པ་ལ་བྱུག་པར་བྱ་སྟེ། དགེ་འདུན་ཕྱི་ནང་དུ་ཞུགས་ན། ཡང་དག་པར་ཤེས་བཞིན་དང ། ཞི་བ་དང ། དུལ་བ་དང ། ཟུང་ཙམ་དུ་མཐོང་ངོ ། །དེ་ནས་ཞུགས་པ་ཙམ་གྱིས་མེའི་ཁམས་སུ་མཐོང་བར་བྱེད་དོ། ། སེམས་པར་མཐོང་བར་བྱེད་དོ།། །།ནམ་མཁའ་ལ་གནས་པར་བྱེད་དོ། །འཆག་པར་བྱེད་དོ། །འདུག་པར་བྱེད་ཅིང་མལ་སྟན་ལ་རྟོག་པར་བྱེད་དོ།། འོང་བར་བྱེད་ཅིང ། འགྲོ་བར་བྱེད་དོ། །མེ་ཏོག་འབབ་པར་བྱེད་དོ། །ནམ་མཁའ་ལ་རྔའི་སྒྲ་སྟོན་པར་བྱེད་དོ། །རིག་བྱེད་བཞི་པའི་ནང་དུ་ཤིང་ཨརྒའི་འོ་མས་བསྒོས་ནས་བྱུགས་པ་ཙམ་གྱིས་འཇིག་རྟེན་གསུམ་པའི་གཟུགས་སུ་མཐོང་བར་བྱེད་དོ། །ལྷའི་གར་མཁན་སྣ་ཚོགས་པའི་གཟུགས་སུ་མཐོང་བར་བྱེད་དོ། །ཇི་ལྟ་ཇི་ལྟར་མིད་ལ་བྱེད་བཞིན་པའི་བྷ་ར་ཏ་དང ། དགའ་བྱེད་རྣམས་མཐོང་བར་བྱེད་དོ། །འཁོར་ཆེན་པོའི་དབུས་སུ་རྣམ་པ་སྣ་ཚོགས་པའི་གར་མཁན་རྣམས་སུ་སྟོན་པར་བྱེད་དོ། ། རྒྱལ་པོའི་ཕོ་བྲང་དུ་རྒྱལ་པོ་ཆེན་པོ་འཁོར་དང་བཅས་པའི་དབུས་སུ་ལྷའི་གར་མཁན་སྣ་ཚོགས་པ་རྣམས་སུ་མཐོང་བར་བྱེད་དོ། །གླིང་གི་དབང་ཕྱུག་འཁོར་ལོས་ Ba84b བསྒྱུར་\?\་བའི་རྒྱལ་པོ་སྣ་ཚོགས་པ་དང ། མནྡྷཱ་ཏ་དང ། ཡིད་ལྡན་དང ། ཤིང་རྟ་བཅུ་པ་དང ། རིན་ཆེན་འོད་དང ། དྲག་པོས་འོད་བྱིན་དང ། མི་བདག་དང ། མངའ་བདག་དང ། ཚོང་པ་དང ། དེད་དཔོན་དང ། ཞི་བ་དང ། མཆེ་བཟང་དང ། སྙིང་རྗེ་ཅན་དང ། པདྨ་དཀར་པོ་ལ་སོགས་པ་རྣམས་དང་ལྷན་ཅིག་པའི་གར་མཁན་རྣམས་སུ་མཐོང་ངོ ། །རིན་པོ་ཆེའི་ཆར་དང ། གོས་ཀྱི་ཆར་དང ། སྤུད་པའི་ཆར་དང ། ལྷབ་ལྷུབ་ཀྱི་ཆར་མཐོང་བར་བྱེད་དོ། །མེ་ཏོག་གི་གཞལ་མེད་ཁང་དང ། འབྲས་བུའི་གཞལ་མེད་ཁང་མཐོང་བར་བྱེད་དོ། །གཞལ་མེད་ཁང་ལ་སོགས་པ་རྣམ་པ་སྣ་ཚོགས་པ་མཐོང་བར་བྱེད་དོ། །དེ་ལྟར་ན་མིག་སྨན་དང ། ཕྱེ་མ་མཐུ་ཆེན་པོ་བསྐུ་བ་དང ། སྦྱོར་བས་གཞལ་མེད་ཁང་དང ། གར་མཁན་དང ། གཞལ་མེད་ཁང་མཐོང་བར་བྱེད་དེ། ཇི་སྲིད་སྒྲ་སྒྲོག་དང ། འཇིགས་བྱེད་དང ། བུམ་པ་དང ། གཞལ་མེད་ཁང་མཐོང་བ་དང ། ཧ་ནུ་མའི་གཞལ་མེད་ཁང་མཐོང་བར་བྱེད་པ་དང ། གར་མཁན་རྨོངས་པ་ཆེན་པོའི་གཞལ་མེད་ཁང་མཐོང་བར་བྱེད་དོ། །ཇི་སྲིད་བདུད་འཇོམས་པ་ལ་སོགས་པ་དམག་སྡེ་སྣ་ཚོགས་པའི་མཆོག་གི་གཟུགས་ཀྱི་བར་དུ་མཐོང་བར་བྱེད་དོ། །སྟོབས་དང ། བརྩོན་འགྲུས་ཆེན་པོ་མཐོང་བར་བྱེད་དོ། །མིག་སྨན་དང ། ཕྱེ་མའི་སྦྱོར་བ་གསུམ་ཙམ་གྱིས་དངོས་གྲུབ་ནི། བསྐུ་བ་དང ། བཀླགས་ Ba85a ༄#། །པ་དང ། ཡང་དག་པར་སྦྱར་བས་ཚེའི་དངོས་གྲུབ་ཆེན་པོར་འགྱུར་རོ། །སྒྱུ་མའི་རྣམ་འཕྲུལ་སྣ་ཚོགས་པ་འགྲུབ་སྟེ། ཡིད་བཞིན་གྱི་ནོར་བུ་ཇི་ལྟ་བ་དེ་བཞིན་དུ་རབ་ཏུ་སྦྱོར་བའི་དངོས་གྲུབ་ཏུ་འགྱུར་རོ། །རབ་ཏུ་སྦྱར་བ་ཙམ་གྱིས་དངོས་གྲུབ་ཆེན་པོ་རྒྱ་ཆེ་བ་འཇིག་རྟེན་ཐམས་ཅད་ཀྱི་མངོན་སུམ་དུ་འགྲུབ་པར་འགྱུར། སྒྲུབ་པའི་དངོས་གྲུབ་བླ་ན་མེད་པའི་ཆོ་ག་རྨོངས་པ་ཆེན་པོའི་ཆོ་ག་འོ། །དེ་ནས་དཀྱིལ་འཁོར་བཤད་པར་བྱ་སྟེ། དེ་ཁོ་ན་ཉིད་ཀྱི་དངོས་གྲུབ་བླ་ན་མེད་པ་དང ། དོན་ཡོད་ཞགས་པའི་པདྨ་གཙུག་ཏོར་གྱི་དངོས་གྲུབ་དང ། རིག་པ་འཛིན་པ་ཐམས་ཅད་ཀྱི་དངོས་གྲུབ་ཀྱི་དེ་ཁོ་ན་ཉིད་བླ་ན་མེད་པ་འོ། །དང་པོར་སྡིག་པ་ཟད་པར་བྱེད་པ་དེ་བཞིན་དུ་སྒྲིབ་པ་ཐམས་ཅད་རྣམ་པར་ཉམས་པར་བྱེད་པ། འདོད་པ་ཐམས་ཅད་ཀྱི་དངོས་གྲུབ་དང ། དོན་ཡོད་པའི་དངོས་གྲུབ་བླ་ན་མེད་པ་དང ། སྔགས་ཀྱི་དངོས་གྲུབ་དང ། མཆོག་གི་དངོས་གྲུབ་དང ། གཟུངས་ཐོབ་པའི་དངོས་གྲུབ་རྣམས་དང ། ས་བཅུ་ལ་རབ་ཏུ་འཇུག་པར་བྱེད་པ་གྲུབ་པ། སངས་རྒྱས་ཉིད་ཀྱི་སྒྲུབ་ཐབས་དེ་ཁོ་ན་ཉིད་མཐོང་བ་རྨད་དུ་བྱུང་བ། བྱང་ཆུབ་ཀྱི་སྙིང་པོར་ཉེ་བར་འགྲོ་བར་བྱེད་པ། རྡོ་རྗེ་གདན་གྱི་གནས་སུ་ཡང་དག་པར་ལྷག་པར་གནས་པ། ཆོས་ཀྱི་འཁོར་ལོ་བསྐོར་བར་བྱེད་པ། བདུད་འཇོམས་ཤིང་ཚར་ Ba85b གཅོད་པ། བགེགས་ཐམས་ཅད་ལྷུང་བར་བྱེད་པ། སངས་རྒྱས་ཀྱི་ཞིང་གི་གནས་མཐོང་བར་བྱེད་པ། དེ་ཉིད་ལས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རློབ་པའི་གནས་དང་མཉམ་པ། སེམས་ཅན་ཐམས་ཅད་དང་ཐུན་མོང་པ་འོ། །དེ་ནས་པོ་ཊ་ལ་ཀའི་གཞལ་མེད་ཁང་དང་མཉམ་པའི་གནས། དོན་ཡོད་པ་སྤྱན་རས་གཟིགས་དབང་ཕྱུག་གི་གནས།་སྐད་ཅིག་ལ་མནར་མེད་པའི་གནས་དང ། མཚམས་མེད་པ་ལྔ་རྣམ་པར་སྦྱོང་བར་བྱེད་པ། དེ་བཞིན་གཤེགས་པ་ཐམས་ཅད་ཀྱི་གསང་བའི་གནས་དང་མཉམ་པ། དེ་བཞིན་དུ་སངས་རྒྱས་ཐམས་ཅད་ཀྱི་རིགས་ཀྱི་མཆོག་བྱང་ཆུབ་སེམས་དཔའི་གཞིའི་གནས། དེ་བཞིན་དུ་རྡོ་རྗེ་སྙིང་པོའི་དགེ་བ་འཕེལ་བ་དེ་བཞིན་གཤེགས་པའི་རིགས་ཀྱི་རིག་སྔགས་ཀྱི་དངོས་གྲུབ་དང ། དེ་བཞིན་དུ་པདྨའི་རིགས་དང ། དེ་བཞིན་དུ་ནོར་བུའི་རིགས་དང ། དེ་བཞིན་དུ་རྡོ་རྗེའི་རིགས་ཀྱི་དངོས་གྲུབ་དང ། དཀྱིལ་འཁོར་གྱི་གཙོ་བོ་གཅིག་པུར་ཞུགས་པ་དཀྱིལ་འཁོར་གྱི་མཆོག་རི་རབ་ཆེན་པོ་དང་མཉམ་པའི་གནས། དེ་བཞིན་དུ་རྒྱ་མཚོ་ཆེན་པོ་ལྟ་བུ་ཁྱད་པར་དུ་འཕགས་པའི་གནས་ཐམས་ཅད་དུ་སོན་པ། ཡིད་བཞིན་གྱི་ནོར་བུའི་མཆོག་རབ་ཏུ་སྦྱིན་པ། དཔག་བསམ་ཤིང་དང་མཚུངས་པའི་གནས། ཡིད་ཀྱི་ཤིང་རྟ་ཐམས་ཅད་ཡོངས་སུ་རྫོགས་པར་བྱེད་པ། རེ་བ་ Ba86a ༄#། །ཕུན་སུམ་ཚོགས་པར་བྱེད་པའི་གནས། ཐམས་ཅད་དུ་མཆོག་སྦྱིན་པ་པོ་འདི་ནི། བྱང་ཆུབ་ཀྱི་ས་བོན་གྱི་གནས་ཏེ། སེམས་ཅན་ཐམས་ཅད་རྟག་ཏུ་སྒྲོལ་བར་བྱེད་པ། དོན་ཡོད་པའི་གནས་གསང་ཞིང་རྡོ་རྗེ་བྱིན་གྱིས་རློབ་པ་བླ་ན་མེད་པའོ། །བསོད་ནམས་ཐམས་ཅད་འགུགས་པར་བྱེད་པའི་གནས། དགེ་བའི་རྩ་བ་ཐམས་ཅད་རྣམ་པར་འཕེལ་བར་བྱེད་པ། འདི་ནི། བསོད་ནམས་ཀྱི་ཕུང་པོའི་གནས། ཆོས་ཀྱི་མཛོད་དང་རྟག་ཏུ་མཉམ་པ། སངས་རྒྱས་ཀྱི་མཛོད། མཛོད་ཆེན་པོ་སྤྱན་རས་གཟིགས་ཀྱི་མཛོད་ལ་མཁས་པ། རྟག་ཏུ་པདྨའི་མཛོད། དེ་བཞིན་དུ་དེ་བཞིན་གཤེགས་པ་ཐམས་ཅད་ཀྱི་མཛོད། རྡོ་རྗེའི་མཛོད། དེ་བཞིན་དུ་ནོར་བུ་ཆེན་པོ་ཉིད་ཀྱི་མཛོད། རྒྱ་མཚོ་ཆེན་པོ་ལྟར་ཟབ་པ། མི་གཡོ་བ། མི་འགུལ་བ། ཟིལ་གྱིས་མི་གནོན་པའོ། །བདུད་དང ། ལོག་པར་འདྲེན་པ། བགེགས་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། སྲིན་པོ་ཐམས་ཅད་ཀྱིས་སྡང་བའི་སེམས་ཀྱིས་འཇུག་པར་མི་ནུས་སོ། །དེ་ལ་མི་གཡོ་བའི་གནས་རྙེད་དཀའ་ཞིང་བླ་ན་མེད་པའོ། །དཀྱིལ་འཁོར་གྲུ་བཞི་པར་བྱ་སྟེ། བ་བྱུང་དང་ཡང་དག་པར་ལྡན་པ་ཁྲུ་སུམ་ཅུ་རྩ་གཉིས་པ་བྱའོ། །ཡང་ན་ཁྲུ་བརྒྱད་པར་བྱ་སྟེ། དེ་ཕྱེད་དང་གཉིས་ཀྱི་ཁྲུའི་ཚད་ཀྱི་ཐིག་སྐུད་ཀྱིས་ཚད་རྣམ་པར་ཕྱེ་སྟེ་གདབ་པར་ Ba86b བྱའོ། །གྲ་བཞི་མཉམ་པར་ཕྱེ་བ། ལོགས་བཞི་ལེགས་པར་རྣམ་པར་ཕྱེ་བ། ཤིན་ཏུ་འཇམ་པ། ཤིན་ཏུ་ལེགས་པར་བཅག་པ། བསྙེན་ལ་འཇམ་ཞིང་བརྒྱན་པ། ས་གཞི་བཻ་ཌཱུརྱའི་ཁ་དོག་ལ་དཀྱིལ་འཁོར་མཛེས་པ་ཐིག་གིས་ཆར་རྣམ་པར་དབྱེ་བར་བྱ་སྟེ། སྒོ་བཞི་རྣམ་པར་ཕྱེ་བ། སྐུད་པ་ལ་ཚོན་སྣ་ལྔ་བྱིན་ཏེ་དབུས་ཀྱི་དཀྱིལ་འཁོར་གྱི་སྙིང་པོར་གྲུ་བཞི་པར་རྣམ་པར་དབྱེའོ། །ཁྲུ་གཉིས་ཀྱི་ཚད་ཀྱི་རེ་ཁཱ་ལྔ་རྣམ་པར་དབྱེའོ། །དབུས་ཀྱི་དཀྱིལ་འཁོར་གྱི་སྙིང་པོར་པདྨ་འདབ་མ་སུམ་ཅུ་རྩ་གཉིས་པ་ཀུན་ནས་རྒྱས་པ་བྲི་བར་བྱ་སྟེ། དབུས་ཀྱི་པདྨའི་གེ་སར་ལ་དོན་ཡོད་པ་པདྨའི་གཙུག་ཏོར་བྱ་སྟེ། པདྨ་ཕྱེད་ཁ་བྱེ་བའི་པདྨའི་འདབ་མའི་སྟེང་དུ་པདྨ་ལ་ཞལ་གསུམ་པར་བྲི་བར་བྱ་སྟེ། བདེ་བའི་གཟུགས་དང་མཚན་གྱིས་བརྒྱན་པ། གཙུག་ཏོར་གྱི་རྣམ་པ་འབར་བའི་སྙིང་པོ་ལ་ཁོར་ཡུག་ཏུ་ཡོངས་སུ་བསྐོར་བ་བྲིའོ། །གཞོགས་གཡས་སུ་འཕགས་པ་སྤྱན་རས་གཟིགས་དབང་ཕྱུག་གི་གཟུགས་རལ་པའི་ཅོད་པན་གྱིས་བརྒྱན་པ། དབུ་ལ་འོད་དཔག་མེད་འབར་བའི་སྙིང་པོའི་ལུས་ཅན་ནོ། །གཞོགས་གཡོན་དུ་འཕགས་པ་སྤྱན་རས་གཟིགས་དབང་ཕྱུག་གི་གཟུགས་རལ་པ་དང་རྒྱན་བཅངས་པ། འབར་བའི་སྙིང་པོའི་ལུས་དང་དབུ་ལ་པདྨ་གཙུག་ཏོར་གྱི་ཁོར་ཡུག་ཏུ་འོད་ཟེར་སྣ་ཚོགས་འབར་བའོ། །ཕྱི་རོལ་ཏུ་ཙམ་པ་ཀ་དང ། བཱཪྵི་ཀ་དང ། Ba87a ༄#། །ུཏྤ་ལ་སྔོན་པོའི་མེ་ཏོག་གི་ཕྲེང་བ་བཅིང་བར་བྱའོ། །དེ་ནས་དཀྱིལ་འཁོར་གྱི་སྙིང་པོའི་གྲ་བཞིའི་གནས་རྣམས་སུ་རྒྱལ་པོ་ཆེན་པོ་བཞི་བྲི་བར་བྱ་སྟེ། གོ་ཆ་དང ། ཡ་ལད་བགོས་པ། དྲག་པོའི་གཟུགས་ཅན། འཇིགས་པར་བྱེད་པ། འབར་བའི་ཕྲེང་བའི་སྙིང་པོའི་ལུས་སོ། །དཀྱིལ་འཁོར་གྱི་རེ་ཁཱ་སྔོན་མ་ལ་རྡོ་རྗེ་དང ། མདུང་རྩེ་གསུམ་པའི་རེ་ཁཱ་འབར་བ་དང་བཅས་པ་བྲི་བར་བྱའོ། །རེ་ཁཱ་རིམ་པར་ཕྱེ་བ་གཉིས་པ་ལ་མེ་ཏོག་གི་རེ་ཁཱ་བྲི་བར་བྱའོ། །གསུམ་པ་ལ་ནོར་བུ་རིན་པོ་ཆེ་ཆེན་པོའི་སྐུད་པ་རེ་ཁཱ་བྲི་བར་བྱའོ། །རེ་ཁཱ་བཞི་པ་ལ་ལག་པའི་ཕྱག་རྒྱ་མཚོན་ཆ་སྣ་ཚོགས་པ་འཛིན་པ་བྲི་བར་བྱའོ། །རེ་ཁཱ་ལྔ་པ་ལ་ཁ་ཁྱེར་གྱི་རྣམ་པ་བྲི་བར་བྱ་སྟེ། ཚོན་སྣ་ཚོགས་པས་རྣམ་པར་ཕྱེ་བ་རྣམ་པར་བཀྲ་བའོ། །དཀྱིལ་འཁོར་གྱི་ཕྱིའི་ཁོར་ཡུག་ཏུ་མཚན་མའི་ཕྱག་རྒྱ་མཚོན་ཆ་སྣ་ཚོགས་པ་རྣམས་བྲི་བར་བྱའོ། །དཀྱིལ་འཁོར་གྱི་སྒོ་བཞི་རྣམས་སུ་གནོད་སྦྱིན་ཆེན་པོ་བཞི་བྱ་སྟེ། དྲག་པོ་དྲག་ཏུ་རྒོད་པའི་གཟུགས་ཅན། མཆེ་བ་གཙིགས་པ། བཞིན་རྣམ་པར་འགྱུར་བ། བུམ་པ་གང་བ་ཐོགས་པ། སྐྲ་བརྫེས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ཐོད་པའི་ཅོད་པན་ཅན། འབར་བའི་སྙིང་པོའི་ལུས་ཅན་རི་བོའི་གདན་ལ་གནས་པར་བྱའོ། །དཀྱིལ་འཁོར་གྱི་རེ་ཁཱའི་ཕྱི་རོལ་ཏུ་ Ba87b ཕྲེང་སུམ་འགྱུར་དུ་བྲི་བར་བྱའོ། །པདྨ་དང ། ུཏྤ་ལ་སྔོན་པོ་དང ། ཙམ་པ་ཀ་དང ། སྣ་མའི་མེ་ཏོག་དང ། བཱཪྵི་ཀ་དང ། ་དྷི་མུཀྟ་ཀ་རྣམས་རྣམ་པར་དབྱེ་བར་བྱའོ། །དེ་ནས་རིག་སྔགས་འཆང་གིས་དཀྱིལ་འཁོར་ལེགས་པར་བྲི་བར་བྱས་ནས་ཤིན་ཏུ་རྣམ་པར་ཕྱེ་བ། ཤིན་ཏུ་མཁས་པ། དཀྱིལ་འཁོར་གྱི་ཁོར་ཡུག་ཏུ་རྒྱན་དང ། རྟ་བབས་བཞིས་མཛེས་པར་བྱས་པ། ཁོར་ཡུག་ཏུ་མདའ་དང ། ཚོན་སྣ་ཚོགས་ཀྱིས་རྣམ་པར་བཀྲ་བའི་བ་དན་དང ། གདུགས་དང ། རྒྱལ་མཚན་དང ། བ་དན་དང ། བླ་རེ་དང ། དར་དཔྱངས་དང ། ཁོར་ཡུག་ཏུ་བུམ་པ་གང་བ་བཅུ་དྲུག་དང ། གཏོར་མའི་བུམ་པ་བཅུ་དྲུག་དང ། དེ་བཞིན་དུ་བདུག་པའི་སྣོད་བཅུ་དྲུག་དང ། གཞོང་པ་བཅུ་དྲུག་ཏུ་རབ་ཏུ་བརྗོད་དོ། །ཁམ་པོར་བཅུ་དྲུག་ཏུ་བཤད་པ་དང ། དྲི་སྣ་ཚོགས་པའི་སྣོད་དང ། ལྷུང་བཟེད་བཅུ་དྲུག་ཉིད་དང ། མཆོད་ཡོན་གྱི་སྣོད་བཅུ་དྲུག་དང ། དངུལ་གྱི་སྣོད་བཞི་དང ། དྲིའི་ཕྱེ་མ་རྣམས་བཞག་ཅིང ། གཏོར་མའི་བུམ་པ་བཅུ་དྲུག་བཞག་ནས་པོག་ཕོར་བཞིའི་ནང་དུ། ཙནྡན་དང ། ་ག་རུ་དང ། དུ་རུ་ཀ་དང ། པོག་དང ། གུ་གུལ་གྱི་བདུག་པ་སྲེག་ཅིང ། དེ་བཞིན་དུ་སྤྲིཀྐ་དང ། སྲ་རྩི་པོག་དང ། གུར་གུམ་དང ། གླ་རྩི་དང ། བོ་ལ་དང ། ག་པུར་ཙམ་དང་ཡང་དག་པར་ལྡན་པའོ། །དཀྱིལ་འཁོར་གྱི་ལྷ་ཐམས་ཅད་ཀྱི་བྱུག་པ་འདི་ཉེ་བར་གཞག་པར་བྱའོ།། Ba88a ༄#། །ཙནྡན་དང ། གུར་གུམ་དང ། དེ་བཞིན་དུ་ཛེ་གྷ་དང ། པལླི་ཀའི་ཕྱེ་མ་རྣམས་ཐམས་ཅད་ཡང་དག་པར་སྦྱར་བ་འདིས་ཕྱེ་མར་སྦྱར་བས་བསྒོས་པའོ། །མེ་ཏོག་སྣ་ཚོགས་གཅལ་དུ་བཀྲམ་ཞིང ། ཇི་ལྟར་འདོད་པ་ཇི་ལྟར་སྟོང་པ་དང ། ཇི་ལྟར་ཐོབ་པའི་མེ་ཏོག་མཛེས་པ་མངོན་པར་གཏོར་བར་བྱའོ། །དཀྱིལ་འཁོར་གྱི་ཁོར་ཡུག་ཏུ་དྲིའི་ཆུས་གང་བའི་བུམ་པ་མ་རེག་པ་དང ། གསེར་དང ། དངུལ་ལས་བྱུང་བའི་སྣོད་གསར་པ་ཉིད་དང ། ཟངས་དང ། ས་ལས་བྱུང་བའི་མཆོག་དང ། དྲི་སྣ་ཚོགས་སྦྱར་བས་དགང་བར་བྱའོ། །བུམ་པ་དང ། བཀྲ་ཤིས་བཅིང་བར་བྱ་ཞིང ། པི་ཝཾ་དང ། གོས་བཟང་པོ་དང ། རྒྱན་དང ། ལྷབ་ལྷུབ་རྣམས་ཀྱིས་བརྒྱན་པར་བྱའོ། །རིང་བསྲེལ་པདྨའི་སྟེང་དུ་བཞག་ནས་བུམ་པ་དང ། གཙུག་ཏོར་གྱི་མཚན་ཉིད་དང ། སྣ་མའི་མེ་ཏོག་དང ། གདུ་བུ་བྱས་ནས་གཞག་པར་བྱའོ། །དབུས་ཀྱི་སྙིང་པོའི་དཀྱིལ་འཁོར་དུ་སྙིང་པོ་དང ། ཉེ་བའི་སྙིང་པོ་ཉིད་ཀྱི་གསང་སྔགས་སྟོང་ཕྲག་བརྒྱད་བཟླས་སོ། །དེ་ནས་གཏོར་མའི་ལས་ལ་མཉམ་པར་བཞག་ནས་སྣ་ཚོགས་པའི་གཟུགས་རྣམ་པ་སྣ་ཚོགས་དང ། དཀར་པོ་དང ། དེ་བཞིན་དུ་སྣ་ཚོགས་པའི་གཟུགས་ཉིད་དང ། སྣ་ཚོགས་པའི་རོ་གཞག་པར་བྱའོ། །རྣམ་པ་སྣ་ཚོགས་སུ་ཕྱེ་བའི་སྣ་ཚོགས་པའི་གཟུགས་དང ། སྣ་ཚོགས་པའི་རྣམ་པ་ Ba88b དང ། སྣ་ཚོགས་པའི་ཁ་དོག་དང ། རོ་ཉིད་དང ། སྣ་ཚོགས་པའི་ཡུལ་དུ་རྒྱུ་བ་སྟེ། འདི་ནི། གཏོར་མར་བརྗོད་དེ། འབྱོར་པའི་གཏོར་མར་བཤད་དོ། །དཀྱིལ་འཁོར་གྱི་ཁོར་ཡུག་ཏུ་རྒྱན་གདགས་ཏེ། སྣ་ཚོགས་པའི་འབྲས་བུ་རྒྱ་ཆེན་པོ་དང ། སྣ་ཚོགས་པའི་ལོ་མ་སྔོན་པོའི་ཕྲེང་བ་དང ། མར་མེའི་ཕྲེང་བ་བརྒྱ་རྩ་བརྒྱད་དང ། ཇི་ལྟར་རྙེད་པའི་མར་དང ། ཏིལ་མར་གྱིས་ཀུན་ནས་བཀང་བ་བརྒྱ་རྩ་བརྒྱད་དོ། །བདག་དངོས་གྲུབ་འདོད་པ་རྣམས་ཕྱེ་དང ། ལ་ཕུག་དང ། དཀར་དང ། ལ་དུ་དང ། སྲན་མ་མུད་གའི་ལ་དུ་དང ། འབྲས་བུ་རྣམས་དེ་བཞིན་དུ་ལོག་འདྲེན་ལ་གཏོར་མར་བྱིན་པས་ལས་ཐམས་ཅད་བདེ་བླག་ཏུ་འགྲུབ་བོ། །ཕྱེའི་ཟན་དང ། ཞོའི་ཉིད་ཁུ་དང ། ལོ་མ་སྔོན་པོ་ཉིད་དང ། གནོད་སྦྱིན་དང་།སྲིན་པོ་ཀུན་ནས་ཕྱོགས་བཞིར་གནས་པ་རྣམས་ལ་གཏོར་མར་སྦྱིན་པར་བྱའོ། །ཞོའི་ཟན་དང ། འོ་མ་ཡང་སྟེ། འདི་ནི། འབྱུང་པོའི་གཏོར་མར་བཤད་དོ། །ལོ་མའི་གོང་བུ་དང ། ཕྱེ་དང ། འབྲས་འཐུག་པོ་ཆེའི་ཟན་དང ། དེ་བཞིན་དུ་འཁུར་བ་ཟླུམ་པོ་སྟེ། འདི་ནི། ཕྱོགས་བཞིར་ཡི་དྭགས་དང་ཤ་ཟ་རྣམས་ལ་གཏོར་མར་སྦྱིན་པར་བྱའོ། །འབྲས་འཐུག་པོ་ཆེ་དང ། འོ་མའི་ཟན་ནི། ཟླ་བ་དང ། ཉི་མའི་ཚོགས་ཀྱིས་ལྷན་ཅིག་པའི་ལྷ་དང ། རྒྱུ་སྐར་རྣམས་ཀྱི་གཏོར་མར་བྱའོ། །རྟག་ཏུ་ཙནྡན་གྱི་ཆུ་དང ། དེ་བཞིན་དུ་མེ་ཏོག་དང ། འོ་མའི་ཟན་ནི། Ba89a ༄#། །མཚན་མོའི་ལྷ་ལ་གཏོར་མར་སྦྱིན་པར་བྱ་སྟེ། ལས་ཀྱི་དངོས་གྲུབ་བླ་ན་མེད་པའོ། །འབྲུ་བདུན་མཛེས་པ་ཆེན་པོ་དང ། ཤིང་སྣུ་ཧ་མཆོག་ཏུ་མཛེས་པ། འདྲས་ཨཱ་མ་ཁུ་བསྐོལ་བ་མཛེས་པ་དང ། ཞོ་དང་འོ་མ་སོ་སོར་མཉམ་པ་དང ། མེ་ཏོག་དང ། འབྲས་བུ་དང་བཅས་པ་རྣམ་པ་བདུན་པོ་སའི་དཀྱིལ་འཁོར་གྱི་ལྷ་ལ་གཏོར་མར་སྦྱིན་པར་བྱའོ། །ས་ཀུརྒ་དང ། རྩབ་མོ་དང ། འབྲས་འཐུག་པོ་ཆེ་བཙོས་པའི་ཁུ་བ་དང་ལྡན་པ་འདི། རླུང་ལྷའི་གཏོར་མར་བརྗོད་དེ། རླུང་གི་དཀྱིལ་འཁོར་ཐམས་ཅད་དགྱེས་པར་བྱེད་དོ། ། ཞོ་དང ། འོ་མ་བསྐོལ་བ་དང ། འབྲས་འཐུག་པོ་ཆེ་དང ། ཧཝགས་དང་བཅས་ཤིང ། བུ་རམ་དང་བཅས་པར་ལྡན་པ། འཁུར་བ་ཟླུམ་པོ་དང ། མར་གྱིས་གང་བའི་འཁུར་བ་འདི་ནི། ཀླུའི་རྒྱལ་པོ་རྣམས་ཀྱི་གཏོར་མར་བརྗོད་དེ། ལས་ཐམས་ཅད་སྒྲུབ་པའོ། །འཁུར་བ་ཟླུམ་པོ་དང ། བ་བྱུང་ལྔ་དང ། པུ་ཤེལ་ཙ་དང ། མ་ལ་ཡའི་ཙནྡན་དང ། འབྲས་འཐུག་པོ་ཆེ་དང ། ཞབས་བསིལ་དང ། མཆོད་ཡོན་རྣམས་བདུད་ཀྱི་དཀྱིལ་འཁོར་ལ་གཏོར་མར་སྦྱིན་པར་བྱའོ། །གུར་གུམ་གྱི་ཆུ་དང ། འབྲས་འཐུག་པོ་ཆེ་ལ་དྲི་བཟང་པོས་བསྒོས་ཏེ་ཆུ་ཀླུང་གི་རྒྱལ་པོ་ལ་གཏོར་མར་སྦྱིན་པར་བྱའོ། །ཐམས་ཅད་དུ་ལས་ཐམས་ཅད་སྒྲུབ་པར་བྱེད་དོ། །རྩཝ་དུར་བའི་ཆུ་དང ། འོ་མ་དང ། གཏུམ་པའི་ས་བོན་བཙོས་པ་དང ། Ba89b འབྲས་འཐུག་པོ་ཆེ་ནི། ཚངས་པའི་སྲིན་པོ་ཉིད་དང ། གསང་བ་པ་རྣམས་ལ་གཏོར་མར་དབུལ་བར་བྱ་སྟེ། ཐམས་ཅད་རིགས་པས་སོ། །འདི་ནི། གཏོར་མར་བརྗོད་དོ། །བགེགས་རྣམས་ཀྱི་དཀྱིལ་འཁོར་སྒྲུབ་པར་བྱེད་པ་ལ་བགེགས་རྣམས་ཇི་སྲིད་འཚོའི་བར་དུ་དགའ་བར་འགྱུར་ཏེ། ཐེ་ཚོམ་མེད་དོ། །དེའི་ཕྱིར་རིག་སྔགས་འཆང་མཁས་པས་ཐམས་ཅད་ལེགས་པར་བསྒྲུབ་པར་བྱའོ། །ཞོ་དང ། འོ་མ་དང ། འོ་ཐུག་དང ། བུ་རམ་དང ། མར་དང ། ལི་ཁར་དང་ལྡན་པ་འདིས་བདག་སྐྱེས་པའི་རྒྱུ་སྐར་གྱི་ལྷ་ལ་གཏོར་མར་སྦྱིན་པར་བྱ་སྟེ། ཚེའི་དངོས་གྲུབ་དང ། དེ་བཞིན་དུ་རྒྱས་པ་དང ། ཞི་བ་དང ། སྡིག་པ་ཐམས་ཅད་ཟློག་པར་བྱེད་དོ། །འདི་ནི། གཏོར་མར་བརྗོད་དེ། རིག་སྔགས་འཆང་རྣམས་ཀྱི་བདེ་བ་ཐོབ་པའོ། །བྱ་བ་གང་ཡིན་པ་དེ་རྣམས་ལ་བདག་གི་གཏོར་མ་ཐུན་གསུམ་དུ་བྱས་ན། རིག་སྔགས་འཆང་རྣམས་ཀྱི་རིག་སྔགས་དང ། གསང་སྔགས་བདེ་བླག་ཏུ་འགྲུབ་སྟེ། ཐེ་ཚོམ་མེད་དོ། །དེའི་བགེགས་ཐམས་ཅད་དང ། སྡིག་པ་དང ། སྔག་བ་རྣམས་ནམ་ཡང་བར་དུ་གཅོད་པར་མི་ནུས་ཏེ། ནམ་ཡང་ཕྱིས་སྡིག་པ་མི་འབྱུང་ངོ ། །རྟག་ཏུ་གཏོར་མ་རྒྱས་པ་ཐོབ་པར་བྱེད་ཅིང ། སྟོབས་དང་བརྩོན་འགྲུས་དང་ལྡན་པ་དང ། ཐམས་ཅད་ཐོགས་པ་མེད་པར་འགྱུར་རོ། །དེ་ལྟ་བུ་བྱེད་བཞིན་པའི་རིག་སྔགས་སྨྲ་བའི་མཁས་པ་དེ་བགེགས་རྣམས་ཐམས་ Ba90a ༄#། །ཅད་ཀྱིས་དེ་ནམ་དུ་ཡང་མཐོང་བར་མི་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟས་སྡང་བར་བྱེད་པ་མེད་དོ། །ནད་མེད་ཅིང ། རྒྱལ་པོའི་དཔལ་མིན་མེད་ལ། སྐེམ་བྱེད་དང ། སྐེམ་པ་མེད་ལ་བརྗེད་བྱེད་དང ། ཀླུ་དང ། གཟའ་དང ། རིམས་མེད་ཅིང་ཐམས་ཅད་ཀྱི་ཚེ་ཅུང་ཟད་ཀྱང་མེད་དོ། །དུག་མེད་ཅིང་སྦྱར་བའི་དུག་ཉིད་ཀྱང་མེད་ལ། བྱད་སྟེམས་ཐམས་ཅད་ཀྱང་ནམ་ཡང་མི་ཡོང་སྟེ། ཀུན་ནས་དཔག་ཚད་སྟོང་ཕྲག་ཏུ་རིང་དུ་འབྲོས་པར་བྱེད་དོ། །ཀུན་ནས་སྟོབས་ཉིད་རྒྱས་པ་དང ། དེ་བཞིན་དུ་ཡང་དགའ་བ་དང ། དེ་བཞིན་དུ་ཡང་སྟོབས་དང ། བརྩོན་འགྲུས་དང ། གཟི་བརྗིད་འཕེལ་བར་འགྱུར་རོ། །ཐམས་ཅད་དུ་ཕྱག་རྒྱ་དང ། གསང་སྔགས་དང ། ཆོ་ག་ཞིབ་མོ་ཐམས་ཅད་ཀྱི་དངོས་གྲུབ་ཐོབ་པར་བྱེད་དོ། །ཚེ་རིང་དུ་འཕེལ་ཞིང ། ལྷ་དང ། མི་རྣམས་ཀྱི་མཆོད་པའི་འོས་སུ་འགྱུར་རོ། །སྐྱེས་པའི་རྒྱུ་སྐར་གྱི་ལྷ་གང་ཡིན་པ་ཡང་དྲི་ཡོངས་སུ་འཛིན་པར་འགྱུར་ཞིང ། དེ་རྣམས་ཐམས་ཅད་ཀྱི་ཇི་སྲིད་འཚོའི་བར་དུ་སྟོབས་དང ། བརྩོན་འགྲུས་འཕེལ་བར་བྱེད་པར་ཐེ་ཚོམ་མེད་དོ། །དེ་ལ་དགྲ་མི་འབྱུང་ཞིང་ནམ་དུ་ཡང་ཕྱིར་རྒོལ་བ་དང ། དགྲ་བོ་མེད་དེ་ཕྱག་རྒྱ་འཛིན་པ་ཉིད་མེད་ཀྱང་དཀྱིལ་འཁོར་གྱི་མཆོག་ཏུ་ཞུགས་པ་ཙམ་གྱི་མོད་ལའམ། ཡང་ན་འཇུག་པའི་ Ba90b དཀྱིལ་འཁོར་མཐོང་བ་ཙམ་ལ་དེ་རྣམས་ཀྱི་ལུས་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་བྱིན་གྱིས་བརླབས་པའི་ལུས་སུ་འགྱུར་རོ། དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞིའི་དྲུང་དུ་བསོད་ནམས་ཀྱི་ཕུང་པོ་རབ་ཏུ་སྐྱེ་བར་འགྱུར་ཏེ། རི་རབ་ཆེན་པོ་དང་མཉམ་པའི་བསོད་ནམས་ཀྱི་ཕུང་པོ་ཆེན་པོ་ཡོངས་སུ་འཛིན་པར་འགྱུར་རོ། །དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་སྙེད་དགུ་བཅུ་རྩ་དགུ་དང་མཉམ་པའི་དྲུང་དུ་དགེ་བའི་རྩ་བ་ཆེན་པོ་དང་ཡང་དག་པར་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གསང་བ་དང ། ཆོ་ག་ཞིབ་མོ་དང ། གསང་སྔགས་རྣམས་ཀྱི་དངོས་གྲུབ་ཆེན་པོ་སོ་སོར་རྙེད་དོ། །བྱང་ཆུབ་སེམས་དཔའ་ཐམས་ཅད་ཀྱི་རིས་ཐུན་མོང་བའི་ཚོགས་བསྡུས་པའི་སར་བགྲོད་དེ་ཕྱིར་མི་ལྡོག་པར་འགྱུར་རོ། །སུམ་ཅུ་རྩ་གཉིས་ཀྱི་ལྷའི་གནས་ན་གནས་པ་དང ། ལྷའི་དབང་པོ་བརྒྱ་བྱིན་དང ། སུམ་ཅུ་རྩ་གསུམ་གྱི་ལྷའི་ཚོགས་དང་ལྷན་ཅིག་ཐམས་ཅད་དུ་བསྲུང་བ་དང ། བསྐྱབ་པ་དང ། སྦ་བའི་ཆེད་དུ་ཡང་དག་པར་སྒྲུབ་པར་འགྱུར་རོ། །ལག་ན་རྡོ་རྗེ་དང ། རིག་པ་འཛིན་པའི་དབང་པོ་དུ་མ་རིག་པ་འཛིན་པ་བྱེད་པའི་ཚོགས་ཀྱིས་ཡོངས་སུ་བསྐོར་ཞིང་རྟག་ཏུ་ Ba91a ༄#། །རྗེས་སུ་འབྲང་བ་རྣམས་བསྲུང་བ་དང ། བསྐྱབ་པ་དང ། སྦ་བའི་ཆེད་དུ་ཡང་དག་པར་སྒྲུབ་པར་འགྱུར་རོ། །སྟོབས་ཆེན་པོ་དང ། བརྩོན་འགྲུས་དང ། ཕ་རོལ་གནོན་པ་དང ། མདངས་ཀྱི་རྣམ་པ་སོ་སོར་རྙེད་པར་འགྱུར་རོ། །དཀྱིལ་འཁོར་མཐོང་བ་ཙམ་གྱི་མོད་ལ་བསྐལ་པ་བྱེ་བར་བརྒྱུད་ནས་བསགས་པའི་སྡིག་པ་དང ། སྒྲིབ་པ་དང་།མཚམས་མེད་པ་ལྔའི་འགྲོ་བ་རྣམས་དང ། མནར་མེད་པ་ལ་གཞོལ་བ་དེ་ཐམས་ཅད་ཡོངས་སུ་ཟད་ཅིང་ཡོངས་སུ་གཏུགས་པར་འགྱུར་རོ། །ཐམས་ཅད་རབ་ཏུ་ཞི་བར་བྱེད་དོ། །དོན་ཡོད་པའི་བྱ་བའི་དངོས་གྲུབ་སོ་སོར་རྙེད་དོ། །སྒྲིབ་པ་དང ། ཉོན་མོངས་པའི་རྙོག་པའི་དྲི་མ་དང ། སེར་སྣའི་དྲི་མ་ཐམས་ཅད་དང་བྲལ་བར་འགྱུར་རོ། །འཇིག་རྟེན་ཐམས་ཅད་དགའ་བ་དང ། བླ་མ་ཆེན་པོ་མཆོད་པར་འོས་པར་འགྱུར་རོ། །དེ་བཞིན་གཤེགས་པ་ཐམས་ཅད་མཐོང་བར་འདོད་པར་ཡང་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གིས་རྟག་ཏུ་མཆོག་སྩོལ་བར་བྱེད་ཅིང་བླ་མར་འགྱུར་རོ། །འཆི་འཕོས་ཏེ་སྐྱེ་བ་བརྗེས་པ་ན་བསམ་པ་ཉིད་ཀྱི་མོད་ལ་བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེ་བར་འགྱུར་རོ། །དཀྱིལ་འཁོར་གྱི་སློབ་དཔོན་ལ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་བླ་མར་ཤེས་པར་བྱ། མཆོད་པར་བྱ། འོད་དཔག་ Ba91b མེད་དང ། སྤྱན་རས་གཟིགས་དབང་ཕྱུག་དང ། མཐུ་ཆེན་ཐོབ་ཀྱི་བཀོད་པ་དང་འདྲ་བར་བལྟ་བར་བྱའོ། །དེ་ན་རིག་སྔགས་འཆང་དཀྱིལ་འཁོར་གྱི་སློབ་དཔོན་དེས་ཀྱང་དཀྱིལ་འཁོར་དུ་འཇུག་པ་བྱས་ནས་ཀུན་ནས་མཚམས་བཅིང་བ་བྱས་ཤིང ། སྲུང་བའི་ཆོག་ག་བྱས་ལ། བདག་བཅིང་བ་དང ། གཙུག་ཏོར་བཅིང་བ་དང ། མཚམས་བཅིང་བ་བྱས་ཏེ། དེའི་འོག་ཏུ་ཁ་ཤར་དུ་ཕྱོགས་ཏེ་དཀྱིལ་འཁོར་ལ་མངོན་དུ་ཕྱོགས་པས་སྐྱིལ་མོ་ཀྲུང་གིས་འདུག་ལ། དོན་ཡོད་པ་པདྨའི་།ཙུག་ཏོར་སྟོང་ཕྲག་བརྒྱད་བཟླས་བར་བྱའོ། །གུ་གུལ་ལ་ལན་བརྒྱ་རྩ་བརྒྱད་བཟླས་པའི་བདུག་སྤོས་དབུལ་བར་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་དབུས་ཀྱི་སྙིང་པོའི་དཀྱིལ་འཁོར་དུ་པདྨའི་གེ་སར་གྱི་དབུས་སུ་ཚངས་པའི་ཆ་བྱད་འཆང་བ། པདྨ་དང་ཞགས་པ་ཐོགས་ཏེ་བཞེངས་ནས་ཕྱོགས་བཅུར་རྣམ་པར་གཟིགས་པར་མཛད་དེ་རིག་སྔགས་འཆང་ལ་བཀའ་སྩལ་པ། རིག་སྔགས་འཆང ། ལེགས་སོ་ལེགས་སོ། །ཁྱོད་ཀྱིས་རིག་པ་འཛིན་པ་གྲུབ་བོ། །དོན་ཡོད་པའི་ཞགས་པ་པདྨ་གཙུག་ཏོར་གྱི་རིག་པའི་རྒྱལ་པོ་འདི་རྗེས་སུ་ཟུངས་ཤིག། རིག་སྔགས་འཆང ། ཇི་ལྟར་ཡིད་ལ་བྱེད་པ་བཞིན་དུ་འདོད་པའི་མཆོག་ཐམས་ཅད་སྦྱིན་པར་འགྱུར་རོ། །འདི་ནི། རིག་སྔགས་འཆང་དེ་རྣམས་ཀྱི་མངལ་དུ་གནས་པའི་སྐྱེ་བའི་ཐ་མ་ཡིན་ཏེ། སྐྱེ་བ་བརྗེས་ནས་ཐམས་ཅད་དུ་པདྨ་ལས་བརྫུས་ཏེ་སྐྱེ་བར་འགྱུར་ Ba92a ༄#། །རོ། །ཐམས་ཅད་དུ་ཚེ་རབས་དྲན་པར་འགྱུར་ཞིང་ཐམས་ཅད་དུ་སྐྱེ་བ་དྲན་པར་འགྱུར་རོ། །སྐྱེ་བ་ནས་སྐྱེ་བ་ཐམས་ཅད་དུ་དོན་ཡོད་ཞགས་པའི་དཀྱིལ་འཁོར་མཐའ་དག་དང ། ཆོ་ག་ཞིབ་མོའི་རྒྱལ་པོ་མཐའ་དག་ཁ་ཏོན་དུ་བྱེད་དོ། །དོན་ཡོད་ཞགས་པའི་གཙུག་ཏོར་དྲི་མ་མེད་པ་ཁ་ཏོན་དུ་ཀུན་ཏུ་གནས་སོ། །དེ་ནས་རིག་སྔགས་འཆང་གིས་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་མཆོད་ཡོན་དང ། ཞབས་བསིལ་དབུལ་བར་བྱ། ཨ་ག་རུའི་བདུག་པ་དབུལ་བར་བྱ། མེ་ཏོག་ཇི་ལྟར་འབྱོར་པ་དབུལ་བར་བྱ། གཤེགས་སུ་གསོལ་བར་བྱ་སྟེ། དེས་འཕགས་པ་སྤྱན་རས་གཟིགས་དབང་ཕྱུག་མི་སྣང་བར་འགྱུར་རོ། །དེ་ལྟ་བུ་བྱས་ནས་རིག་སྔགས་འཆང་ནམ་མཁའ་ལ་འགྲོའོ། །དོན་ཡོད་པའི་གཙུག་ཏོར་པདྨ་དྲི་མ་མེད་པའི་འོད་ཟེར་གྱི་བཀོད་པ་ཞེས་བྱ་བའི་ཏིང་ངེ་འཛིན་སོ་སོར་ཐོབ་སྟེ། རིག་པ་འཛིན་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་རྩ་བཞིས་ཡོངས་སུ་བསྐོར་བར་འགྱུར་ཞིང ། པདྨའི་རིགས་ཀྱི་འཁོར་ལོས་བསྒྱུར་བར་འགྱུར་རོ། །ཚེ་ལོ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུར་འགྱུར་རོ། །དཀྱིལ་འཁོར་གྱི་ཆོ་ག་དང ། སྒྲུབ་ཐབས་ཀྱི་ཆོ་གའོ།། །།དེ་ནས་དེའི་རས་རིས་བཤད་པར་བྱ་སྟེ། དོན་ཡོད་པའི་ཞགས་པ་པདྨ་གཙུག་ཏོར་གྱི་རིག་པས་རས་ཁྲུ་བཞི་པ་བྱས་ནས་སམ། ཡང་ན་དར་ལ་བལ་ཚོན་སྣ་ཚོགས་པས་རྣམ་པར་ཕྱེ་སྟེ། ལྷའི་གཟུགས་མཆོག་ཏུ་ Ba92b མཛེས་པ། ཕྱག་གཉིས་པ་འོད་ཟེར་གྱིས་འཁོར་བར་བྱའོ། །རས་རིས་སྒྲུབ་པ་ནི། དཀར་པོའི་ཕྱོགས་ཀྱི་ཚེས་བཅོ་ལྔ་ལ་ཚོན་ལྷག་མ་མིན་པ་སྣོད་གསར་པར་བཞག་པས་རི་མོ་མཁན་གཙ་མ་ལེགས་པར་ཁྲུས་བྱས་པས་འབྲིར་གཞུག་པར་བྱའོ། །དབུས་སུ་འཕགས་པ་སྤྱན་རས་གཟིགས་དབང་ཕྱུག་ཚངས་པའི་ཆ་བྱད་འཆང་བ། པདྨ་རྒྱས་པས་ཡོངས་སུ་བསྐོར་བ་བྱ་སྟེ། ཁོར་ཡུག་ཏུ་འོད་འདོམ་གང་བ། ཀུན་ནས་འབར་བའི་ཕྲེང་བ་ཅན་ཕྱག་བཞི་པ། ཞལ་གསུམ་པ། རལ་པའི་ཅོད་པན་གྱིས་བརྒྱན་པ། ཟླ་བ་ཚེས་པས་སྤྲས་པ། འོད་དཔག་མེད་ཀྱི་ཅོད་པན་འཆང་བ། མདུང་རྩེ་གསུམ་འཆང་བ། པདྨའི་འདབ་མ་རྣམ་པར་བཀྲ་བའི་པདྨའི་ཞགས་པ་འཆང་བ། ཕྱག་གཡོན་པར་པདྨ་འཆང་བ། པདྨའི་སྟོང་དུ་པདྨ་གཙུག་ཏོར་བྱའོ། །འདབ་མ་ཕྱེད་ཁ་ཕྱེ་བའི་དབུས་ཀྱི་པདྨའི་འདབ་མ་ལ་འཕགས་པ་སྤྱན་རས་གཟིགས་དབང་ཕྱུག་མགུལ་ཡན་ཆད་ཙམ་ཅོད་པན་འཆང་བ། དབུ་འབར་བའི་སྙིང་པོར་ཡོད་པར་བྲི་བར་བྱའོ། །ཕྱག་གཅིག་ནི། དབུགས་འབྱིན་པ་འཆང་ཞིང ། རིན་པོ་ཆེའི་ཆར་འབེབས་པ། འབར་བའི་སྙིང་པོ་ཅན་རྒྱན་ཐམས་ཅད་ཀྱིས་རྣམ་པར་བརྒྱན་པ། སྣ་ཚོགས་པའི་གོས་འཆང་བ་བྱའོ། །པདྨའི་གདན་ལ་ཀླུའི་རྒྱལ་པོ་དགའ་བོ་དང ། ཉེ་དགའ་བོ་མགོ་བོ་དགུ་པ། ཀླུས་ཡོངས་སུ་བསྐོར་བ་དང་བཅས་པ་ཐལ་མོ་འཆང་ཞིང་ལུས་ཕྱེད་པར་བྱའོ། །ཉ་དང ། ཆུ་སྲིན་དང ། མེ་ཏོག་སྣ་ཚོགས་དང ། ནོར་བུ་ཤེལ་དང ། ངག་པ་དང ། Ba93a ༄#། །ངུར་པ་དང ། ཤང་ཤང་ཏེའུས་ཡང་དག་པར་བརྒྱན་པའི་ཁ་ཁྱེར་དང་བཅས་པས་སྤྲས་པའོ། །གཞོགས་གཡས་སུ་སྒྲོན་མ་རྒྱན་ཐམས་ཅད་ཀྱིས་བརྒྱན་པ། ཐལ་མོ་སྦྱར་བ་སྨད་དེ་འཛིན་པ་འབར་བའི་སྙིང་པོའི་ལུས་ཅན་བྱའོ། །གཡོན་དུ་གོས་དཀར་མོ་གོས་དཀར་པོ་འཆང་བ། རྒྱན་ཐམས་ཅད་ཀྱིས་རྣམ་པར་བརྒྱན་པ། འབར་བའི་སྙིང་པོའི་ལུས་ཅན་ཐལ་མོ་སྨད་དེ་འཆང་པའོ། །གཞོགས་གཡས་སུ་ཁྲོ་གཉེར་ཅན་སྐྱིལ་ཀྲུང་ཕྱེད་པས་བཞུགས་པ་བྱའོ། །དེའི་འོག་ཏུ་དཀར་ཤམ་མ་གོས་དཀར་པོ་འཆང་བ་བྱེད་དོ། །གཡོན་དུ་སྲིན་མོ་རལ་པ་གཅིག་མ་བྱ་སྟེ། ཕྱག་བརྒྱད་པ། དྲག་མོ་དྲག་ཏུ་རྒོད་པའི་ཕོ་ཉ་མོ་བྱའོ། །བཞིན་ཁྲོ་གཉེར་ཅན་ཐམས་ཅད་སྐྱིལ་ཀྲུང་ཕྱེད་པས་བཞུགས་པ། རྒྱན་ཐམས་ཅད་ཀྱི་རྣམ་པར་བརྒྱན་པ། ཐམས་ཅད་པདྨའི་གདན་ལ་བཞུགས་པ་བྱའོ། །སྟེང་དུ་ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། ལྷའི་དབང་པོ་རྣམས་ནམ་མཁའ་ནས་བཅོམ་ལྡན་འདས་དང ། བཅོམ་ལྡན་འདས་ལ་མཆོད་པ་བྱེད་བཞིན་པ་བྱའོ། །འོག་ཏུ་པདྨ་ལ་གཤིན་རྗེ་དང ། ཆུ་ལྷ་དང ། ལུས་ངན་དང ། གཞོན་ནུ་རྣམས་ཁྲུས་བྱ་སྟེ་སྐྱིལ་ཀྲུང་ཕྱེད་པས་བཞུགས་པ་བྱའོ། །རྒྱལ་པོ་ཆེན་པོ་བཞི་རྣམས་བྱ་སྟེ། དྲག་པོའི་གཟུགས་སྐྱིལ་ཀྲུང་ཕྱེད་པས་བཞུགས་ཏེ། དེ་རྣམས་ཐམས་ཅད་ཀྱང་པདྨ་འཛིན་པའི་གཟུགས་སུ་བྱའོ། །རིག་སྔགས་འཆང་ནི། བཅོམ་ལྡན་ Ba93b འདས་དང ། འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་པདྨའི་གདན་ལ་རིག་སྔགས་འཆང་པུས་མོ་བཙུགས་པ་བྱ་སྟེ། པོག་ཕོར་དང ། ལག་ན་མེ་ཏོག་གི་ཕོར་པ་དང ། བགྲང་ཕྲེང་འཛིན་པ། བཅོམ་ལྡན་འདས་ཀྱི་ཞལ་ལ་ལྟ་བར་བྱེད་བཞིན་པ་བྱའོ། །དེ་ལྟ་བུའི་རས་རིས་ཀྱི་བྱ་བ་པདྨ་ཡངས་པའི་དཀྱིལ་འཁོར་མཐའ་དང ། རས་རིས་དཀྱིལ་འཁོར་མཐའ་དག་གི་ནང་དུ་གཏོགས་པར་འགྱུར་རོ། །མཐོང་བ་ཙམ་གྱི་མོད་ལ་སྡུག་བསྔལ་དང ། སྡིག་པ་དང ། ངན་འགྲོ་ཐམས་ཅད་རྣམ་པར་ཉམས་པར་བྱེད་དོ། །ཐམས་ཅད་རབ་ཏུ་ཞི་བར་འགྱུར་རོ། །འགྲོ་བ་ཐམས་ཅད་གཅོད་པར་འགྱུར་རོ། །ཉེས་པར་བྱས་པ་ཐམས་ཅད་འཇོམས་པར་ཡང་འགྱུར་རོ། །སྡིག་པ་དང ། སྒྲིབ་པ་ཐམས་ཅད་དང ། མཚམས་མེད་པ་ལྔ་ལས་རྣམ་པར་ཐར་པར་བྱེད་དོ། །མཐོང་བ་ཙམ་གྱི་མོད་ལ་དོན་ཡོད་པའི་དངོས་གྲུབ་སོ་སོར་ཐོབ་བོ། །སེམས་ཅན་ཐམས་ཅད་ཀྱིས་ཀུན་ཏུ་བསྐོར་བར་བྱ་བ་དང ། མཆོད་པར་བྱ་བའི་འོས་སུ་འགྱུར་རོ། །དགོངས་པ་ཐམས་ཅད་ལེགས་པར་གྲུབ་པར་བྱེད་པར་འགྱུར་རོ། །བདེ་བར་བྱེད་པར་འགྱུར་རོ། །ནོར་དང་གཟུགས་བྱེད་པ་དང ། བཀྲ་ཤིས་དང ། ལོངས་སྤྱོད་དང་།རིགས་དང ། དབང་ཕྱུག་དང ། སྟོབས་དང ། སྤོབས་པ་དང ། བསོད་ནམས་དང ། སྐ་པ་བཟང་པོར་བྱེད་པ་དང ། བདག་ཉིད་ཆེན་པོའི་ཡོན་ཏན་གྱི་བྱེ་བྲག་འཕེལ་བ་དང ། བསོད་ནམས་བསགས་པ་དང ། དགེ་བའི་རྩ་བ་མངོན་པར་འཕེལ་བ་དང ། ཕུན་སུམ་ཚོགས་པར་བྱེད་དོ། །མཐོ་ Ba94a ༄#། །བ་ཙམ་གྱི་མོད་ལ་ལས་སུ་བྱ་བར་འོས་པའི་བྱ་བ་ཐམས་ཅད་བྱེད་དོ། །དེ་ལྟར་རས་རིས་མཐོང་བ་ཙམ་གྱི་མོད་ལ་ཡོན་ཏན་གྱི་བྱེ་བྲག་ལྷག་པར་རྟོགས་པར་འགྱུར་རོ། ། ཞེས་སོ། །རས་རིས་སྒྲུབ་པའི་ཆོ་ག་དང ། སྒྲུབ་ཐབས་ཀྱི་ཆོ་གའོ།། །།དེ་ནས་ཕྱག་རྒྱ་བཤད་པར་བྱ་སྟེ། ཕྱག་རྒྱ་རྣམས་ཀྱི་དོན་ཡོད་པའི་འཁོར་ལོས་བསྒྱུར་བ། ཕྱག་རྒྱ་ཆེན་པོ་བླ་ན་མེད་པ། འཇིག་རྟེན་དབང་ཕྱུག་གིས་རྒྱས་བཏབ་པ། སེམས་ཅན་ཐམས་ཅད་ལ་ཕན་པར་བྱེད་པ། དོན་ཡོད་པའི་ཕྱག་རྒྱ་ཐམས་ཅད་དང་སྒྲུབ་ཐབས་ཐམས་ཅད་ཀྱི་དངོས་གྲུབ་བླ་ན་མེད་པ། སྡིག་པ་ཐམས་ཅད་ཟད་པར་བྱེད་པ་ཉིད་དང ། ཕྱག་རྒྱའི་དམ་ཚིག་གི་དངོས་གྲུབ་བླ་ན་མེད་པ། ཕྱག་རྒྱ་བཟུང་བ་ཙམ་གྱིས་མནར་མེད་པ་ཡང་སྐེམ་པར་བྱེད་པ། དམྱལ་བ་པ་རྣམས་སྐེམ་པར་བྱེད་པ་སྟེ། གང་གིས་བཟུང་བ་ཙམ་ལ་སོགས་པས་དམྱལ་བ་པའི་སེམས་ཅན་ཐམས་ཅད་གྲོལ་བར་བྱེད་ཅིང་སྐེམ་པར་བྱེད་དོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་དང ། རྒྱལ་བ་དེ་རྣམས་ཐམས་ཅད་ཀྱིས་དགོངས་པར་འགྱུར་རོ། །ཕྱོགས་བཅུ་ཀུན་ཏུ་གཟིགས་པར་འགྱུར་ཏེ། ཐེ་ཚོམ་མེད་དོ། །དུས་གསུམ་གྱི་རྒྱལ་བ་དང ། བྱང་ཆུབ་སེམས་དཔའི་ཚོགས་ཐམས་ཅད་དང ། དེ་བཞིན་དུ་པདྨའི་ཕྱག་གིས་རྟག་ཏུ་མཆོག་སྦྱིན་པ་དང ། རྟག་ཏུ་མཐོང་བར་འདོད་པ་དང ། ལྷ་རྣམས་ཀྱིས་རྟག་ཏུ་ Ba94b སྲུང་བར་བྱེད་ཅིང་དགའ་བ་དང ། འོག་མིན་གྱི་ལྷ་དང ། ལྷའི་དབང་པོ་བརྒྱ་བྱིན་དང ། སུམ་ཅུ་རྩ་གསུམ་པའི་ལྷ་ཐམས་ཅད་ཀྱིས་སྲུང་བར་བྱེད་ཅིང་ཀུན་ནས་ཡོངས་སུ་སྐྱོང་བར་བྱེད་དེ། ཐམས་ཅད་ལ་ཆོ་ག་བཞིན་དུ་བདག་ཉིད་ཀྱི་སྙིང་ལས་སྐྱེས་པའི་བུ་བཞིན་དུ་དགེ་བ་དང ། སྟོབས་དང ། བརྩོན་འགྲུས་ཉིད་དང ། མདངས་ཀྱང་རབ་ཏུ་འཇིག་པར་ ་ཅིང ། དེ་བཞིན་དུ་ཡང་ཚེ་འཕེལ་ལོ། །ཕྱག་རྒྱ་འདི་རྣམས་བཟུང་བས་བཀྲ་མི་ཤིས་པ་ཐམས་ཅད་ཉམས་པར་བྱེད་དོ། །བགེགས་ཐམས་ཅད་ཉམས་པར་བྱེད་ཅིང ། བདུད་དང ། ལོག་པར་འདྲེན་པ་དང ། གདུག་པའི་གནོད་སྦྱིན་རྣམ་པར་ཉམས་པར་བྱེད་དོ། །གདུག་པའི་སྲིན་པོ་དང ། ཡི་དྭགས་ཐམས་ཅད་ཀྱང་ཕྱག་རྒྱ་འཛིན་བཞིན་པའི་སྐད་ཅིག་དེ་ལ་མགོ་བོ་ཚལ་པ་བདུན་དུ་འགས་ཤིང་མིག་འབྱིན་པར་བྱེད་དོ། །བརྒྱ་བྱིན་དང ། ཚོགས་དང་བཅས་པའི་གདུག་པ་ཐམས་ཅད་རབ་ཏུ་ཉམས་པར་བྱེད་དོ། །དེའི་ཕྱིར་ཡང་དག་པར་འཛིན་པར་བྱེད་པ་ལ་ལག་པའི་ཐལ་མོ་པདྨ་འདྲ་བ། པདྨ་འབྱུང་བའི་གཙུག་ཏོར་དོན་ཡོད་ཞགས་པའི་ཕྱག་རྒྱས། སྡིགས་མཛུབ་ཡོངས་སུ་དཀྲིས་ལ། མཐེ་བོང་གི་སོར་མོ་དང ། གུང་མོའི་སོར་མོ་རབ་ཏུ་བརྐྱང་ལ་ལྕགས་ཀྱུའི་རྣམ་པར་བཀུག་སྟེ་མིང་མེད་དང ། མཐེའུ་ཆུང་ལག་པའི་ནང་དུ་བཅུག་ནས་རྟག་ཏུ་སྙིང་གའི་གནས་སུ་གཞག་པར་བྱ་སྟེ། འདི་ནི། དོན་ཡོད་པ་པདྨ་གཙུག་ཏོར་གྱི་རྩ་བའི་གསང་སྔགས་ཀྱི་སྔགས་དང་ཕྱག་རྒྱར་བརྗོད་ Ba95a ༄#། །དོ། །དེ་བཟུང་བ་ཙམ་དང ། ཕྱག་རྒྱ་དང ། གསང་སྔགས་བརྗོད་པ་ཉིད་ཀྱིས་དུས་གསུམ་དུ་གཤེགས་པའི་སངས་རྒྱས་ཀྱི་ཞིང་ཐམས་ཅད་རྣམ་པར་འགྱུར་བ་དྲུག་ཏུ་གཡོས་ཏེ། ཆར་འབབ་པར་བྱེད་དོ། །མེ་ཏོག་གི་ཆར་དང ། ལྷ་རྫས་ཀྱི་གོས་དང ། རྒྱན་དང ། ལྷབ་ལྷུབ་རྣམས་མཆོད་པའི་དོན་དུ་ཀུན་ནས་ཆར་འབབ་བོ། །དུས་གསུམ་དུ་གཤེགས་པའི་སངས་རྒྱས་དང ། བྱང་ཆུབ་སེམས་དཔའི་ཚོགས་དང་བཅས་པ་ཐམས་ཅད་ཀྱི་བསོད་ནམས་ཀྱི་ཕུང་པོ་ཆེན་པོ་སྟོང་ཕྲག་བསྐྱེད་དོ། །ཕྱག་རྒྱ་དེ་བཟུང་པ་ཙམ་གྱི་སྐད་ཅིག་དེ་ལ་ཕྱག་རྒྱ་གངྒཱའི་ཀླུང་གི་བྱེ་མ་དང་མཉམ་པ་བྱེ་བ་སྟོང་ཕྲག་བྱེ་བའི་གྲངས་སུ་བགྲངས་པའི་ཕྱག་རྒྱ་བཅིངས་པར་འགྱུར་རོ། །ཕྱག་རྒྱ་དེ་བཟུང་བ་ཙམ་གྱིས་དེ་བཞིན་གཤེགས་པ་ཐམས་ཅད་དང ། དེ་བཞིན་དུ་ཐུབ་པ་རྣམ་པར་སྣང་མཛད་ཀྱི་ཕྱག་རྒྱས་བྱིན་གྱིས་རློབ་བོ། །རི་རབ་ཀྱི་ཚད་དང་མཉམ་པའི་རིན་པོ་ཆེ་སྣ་བདུན་གྱི་རིན་པོ་ཆེའི་ཕུང་པོར་བྱས་ཏེ་དུས་གསུམ་དུ་གཤེགས་པའི་དེ་བཞིན་གཤེགས་པ་སོ་སོ་སོ་སོ་ལ་ཕུལ་བ་དང ། རྒྱལ་བ་ཐམས་ཅད་ཀྱི་བསོད་ནམས་ཀྱི་ཕུང་པོ་ཐོབ་པའི་གྲངས་ཀྱི་ཚོགས་ཉིད་ཀྱང་ཕྱག་རྒྱ་བཅིངས་པ་ཙམ་གྱིས་འདིའི་འབྲས་བུར་འགྱུར་ཏེ། དེ་བཞིན་གཤེགས་པས་ཉིན་མཚན་རྟག་ཏུ་རྣམ་པར་གཟིགས་པར་ཐེ་ཚོམ་མེད་དོ། །ཞེས་སོ། །ཕྱག་རྒྱ་འདི་ཉིད་ལས་ Ba95b གཡས་པའི་མཛུབ་མོ་བརྐྱངས་ཏེ་རྩ་བའི་གསང་སྔགས་ལན་གཅིག་བརྗོད་དོ། །ཕྱག་རྒྱ་འདི་ནི། དོན་ཡོད་ཞགས་པའི་གཙུག་ཏོར་དྲི་མ་མེད་པའི་ཆུ་སྐྱེས་ཀྱི་སྟོབས་སྤྱན་རས་གཟིགས་ཀྱི་སྙིང་པོ་ཞེས་བྱ་སྟེ། ཐམས་ཅད་དུ་ལས་ཐམས་ཅད་ལེགས་པར་ཐོབ་པར་བྱེད་དོ། །ཕྱག་རྒྱ་འདི་བཅིངས་པ་ཙམ་གྱིས་ཀྱང་བསོད་ནམས་ཀྱི་ཚོགས་ཐམས་ཅད་དང ། སྤྱན་རས་གཟིགས་དོན་ཡོད་པ་དྲི་མ་མེད་པའི་དངོས་གྲུབ་ཏུ་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གཟིགས་པ་དག་པའི་སྙིང་པོའི་ཕྱག་རྒྱ་ཡང་དག་པར་འཛིན་པར་འགྱུར་རོ། །སྡིག་པ་དང ། ངན་འགྲོ་དང ། ལོག་པར་ལྟུང་བའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །ཕྱག་རྒྱ་འདི་བཟུང་བ་ཙམ་དང ། དང་པོ་བཅིངས་བ་ཙམ་གྱིས་རི་རབ་ཆེན་པོ་ལྟར་འགྱུར་ཏེ། བདུད་དང་བགེགས་ལ་སོགས་པ་ཐམས་ཅད་དང ། འབྱུང་པོ་དང ། འབྱུང་པོ་དང ། གནོད་སྦྱིན་དང ། སྲིན་པོ་ཐམས་ཅད་ཀྱིས་མི་འགུལ་ཞིང་མི་གཡོ་ལ་ཟིལ་གྱིས་མི་ནོན་ཡང་འགྱུར་རོ། །ཕྱིར་རྒོལ་པ་དང ། དགྲའི་འཇིགས་པ་ཐམས་ཅད་ནས་ཡོངས་སུ་གྲོལ་ལོ། །དེ་བཞིན་གཤེགས་པ་གངྒའི་ཀླུང་གི་བྱེ་མ་དང་མཉམ་པ་བྱེ་བ་བརྒྱ་སྟོང་ཕྲག་དགུ་བཅུ་རྩ་དགུའི་དྲུང་དུ་དགེ་བའི་བསོད་ནམས་ཀྱི་ཚོགས་ཆེན་པོ་ཀུན་ཏུ་འཛིན་པར་འགྱུར་རོ། །དགེ་བའི་རྩ་བ་བསྐྱེད་པ་དང་ལྡན་པར་འགྱུར་རོ། ། Ba96a ༄#། །དེ་བཞིན་གཤེགས་པ་ཐམས་ཅད་ཀྱི་སྐུ་མངོན་སུམ་དུ་མཐོང་བ་དང་ལྡན་པར་འགྱུར་རོ། །ཕྱག་རྒྱའི་གསང་བའི་ལྷག་པར་འདྲེན་པ་འདི་བཅིང་བཞིན་པ་དེ་དེ་བཞིན་གཤེགས་པའི་ཕྱག་རྒྱ་གང་ཅུང་ཟད་ཡོད་པ་དེ་མིག་གིས་གསལ་བར་མཐོང་ངོ ། །ཐམས་ཅད་དུ་རབ་ཏུ་འཆིང་ཞིང་འཛིན་པར་འགྱུར་རོ། །གང་ཡང་འཕགས་པ་སྤྱན་རས་གཟིགས་དབང་ཕྱུག་གི་སྒྱུ་མ་ལྟ་བུའི་ཏིང་ངེ་འཛིན་གྱི་ཕྱག་རྒྱ་གང་ཡིན་པ་དང ། ཕྱག་སྟོང་གི་ཕྱག་རྒྱ་གང་ཡིན་པ་དང ། ནོར་བུའི་རིགས་ཀྱི་དཀྱིལ་འཁོར་གྱི་ཕྱག་རྒྱ་གང་ཡིན་པ་དང ། གླང་པོའི་རིགས་ཀྱི་དཀྱིལ་འཁོར་གྱི་ཕྱག་རྒྱ་གང་ཡིན་པ་དང ། དོན་ཡོད་ཞགས་པའི་ཡངས་པ་རྒྱ་ཆེན་པོའི་དཀྱིལ་འཁོར་གང་ཡིན་པ་དང ། རྟ་མགྲིན་གྱི་ཕྱག་རྒྱ་གང་ཡིན་པ་དང ། མགྲིན་སྔོན་གྱི་ཕྱག་རྒྱ་གང་ཡིན་པ་དང ། གཞན་ཕྱག་རྒྱའི་དམ་ཚིག་གསང་བ་རྣམ་པ་སྣ་ཚོགས་པ་གང་ཡིན་པ་དེ་རྣམས་ཐམས་ཅད་ཀྱང་ཕྱག་རྒྱ་འདི་གཅིག་པུ་བཅིངས་པ་ཙམ་གྱིས་དེ་རྣམས་ཐམས་ཅད་བཅིངས་པར་འགྱུར་ཞིང་ཡང་དག་པར་གཟུང་བར་འགྱུར་ལ། ཀུན་ཏུ་བཅིངས་པ་དང ། མཆོད་པར་ཡང་འགྱུར་རོ། །འདི་ནི། ཕྱག་རྒྱ་ཐམས་ཅད་ཀྱི་ཕྱག་རྒྱའི་གསང་བའི་དཀྱིལ་འཁོར་དུ་གདུགས་གཅིག་པུར་གྱུར་པ་སྟེ། ཇི་ལྟར་འཕགས་པ་སྤྱན་རས་གཟིགས་དབང་ཕྱུག་གི་སྒྱུ་མ་ Ba96b ལྟ་བུའི་ཏིང་ངེ་འཛིན་གྱི་རྣམ་པར་འཕྲུལ་པ་བཞིན་དུ་ཕྱག་རྒྱ་འདི་ནི། སྒྱུ་མ་ལྟ་བུའི་ཕྱག་རྒྱའི་རྣམ་པར་འཕྲུལ་པ་སྟེ། ལས་ཐམས་ཅད་ལ་ཕྱག་རྒྱ་འདི་སྦྱར་ན། གང་དང་གང་ལ་རབ་ཏུ་སྦྱར་བ་དེ་ཐོགས་པ་མེད་པར་འགྲུབ་བོ། །ཕྱག་རྒྱ་འདི་ཉིད་ལས་མཛུབ་མོའི་སོར་མོ་གཉིས་བརྐྱངས་ལ་ལྕགས་ཀྱུའི་རྣམ་པ་ཙམ་དུ་བཀུག་པ་འདི་ནི། གནས་པའི་ཕྱག་རྒྱ་འདི་སྤྱན་དྲངས་པ་དང ། འབོད་པ་དང ། ཡང་དག་པར་བསྐུལ་བ་དང ། མཆོད་པའི་སྤྲིན་ཉིད་ཀྱང་ཡིན་ཏེ། དམ་ཚིག་དང ། ཕྱག་བྱེད་པ་དང ། འཇུག་པ་དང ། བསྐོར་བ་བྱེད་པ་ཉིད་དང ། གདན་དང ། ཕྱོགས་བཅིངས་པ་དང ། དཀྱིལ་འཁོར་བཅིངས་པ་དང ། མཚམས་བཅིངས་པ་ཞེས་པ་དང ། གཙུག་ཏོར་བཅིང་བ་དང ། བདག་སྲུང་བ་དང ། གཞན་སྲུང་བ་དང ། དེ་བཞིན་ཉིད་དུ་གྲོགས་སྲུང་བ་དང ། ཁྲུས་དང ། གོས་བགོ་བ་དང ། ཉེ་རེག་བྱེད་པ་ཉིད་དང ། སྦྱིན་སྲེག་དང ། དེ་བཞིན་དུ་སྔགས་བཟླས་པ་དང ། བདུག་པ་དང ། མེ་ཏོག་དང ། དྲི་དང ། ཕྲེང་བ་དང ། བྱུག་པ་དང ། གཏོར་མ་འབུལ་བའི་ལས་དང ། དེ་བཞིན་དུ་གཤེགས་སུ་གསོལ་བ་ཉིད་དང ། དེ་བཞིན་དུ་འགུགས་པ་སྟེ། ཐམས་ཅད་ལ་ཕྱག་རྒྱ་འདི་བྱའོ། །ས་བཅུ་གནོན་པའི་ཕྱག་རྒྱ་དང ། གསང་སྔགས་བཅུ་ལ་ཡང་ཕྱག་རྒྱ་འདི་བྱ་སྟེ། སྙིང་པོ་དང ། ཉེ་བའི་སྙིང་པོ་འདི་ཉིད་ཀྱང་ཐམས་ཅད་དུ་སྦྱར་བར་བྱའོ།། Ba97a ༄#། །ཁྲོ་བོའི་རྒྱལ་པོ་ཉིད་དང ། མངོན་པར་དབང་བསྐུར་བ་དང ། རིགས་ཀྱི་གསང་སྔགས་དང ། གཞན་ལ་ཡང་ཕྱག་རྒྱ་འདི་དང ། ཕྱག་རྒྱ་འདིའི་སྙིང་པོ་དང ། ཉེ་བའི་སྙིང་པོ་ཉིད་ཀྱང་རབ་ཏུ་སྦྱར་བར་བྱའོ། །ཁྲོ་བོའི་རྒྱལ་པོའི་མངོན་པར་དབང་བསྐུར་བ་དང ། རིགས་ཀྱི་གསང་སྔགས་གཞན་ལ་ཡང་གནས་ཐམས་ཅད་དུ་སྦྱར་བར་བྱའོ། །ཞེས་སོ། །ཕྱག་རྒྱའི་ཆོ་ག་དང ། སྒྲུབ་ཐབས་ཀྱི་ཆོ་གའོ།། །།ཕྱག་རྒྱ་གསུམ་ནི་རྣམ་སྤྲུལ་པ། །ཕྱག་རྒྱ་དེ་དག་ཡང་དག་བསྟན། །བཟང་པོ་གཙོ་བོ་ཆེན་པོ་སྟེ། །མཆོག་དང་རབ་མཆོག་ཉིད་ཡིན་ནོ། །ཕྱག་རྒྱ་གྱ་ནིམ་བླ་ན་མེད། འཇིག་རྟེན་འདྲེན་པས་བསྟན་པ་ཡིན། །སྙིང་པོ་དེ་ཉིད་གྱུར་པ་སྟེ། །ཕྱག་རྒྱ་དཀྱིལ་ཆེན་ལེགས་པར་བསྒྲུབས། །སངས་རྒྱས་བྱང་ཆུབ་ཕྱག་རྒྱ་འདི། །དུས་གསུམ་གཏོགས་པའི་དེ་བཞིན་གཤེགས། །ཀུན་གྱིས་འདི་ནི་བྱིན་གྱིས་བརླབས། །ཕྱག་རྒྱ་དུས་གསུམ་གཤེགས་པ་ཡི། །དེ་བཞིན་གཤེགས་པས་ཕྱག་རྒྱར་བཏབ། །དེ་བཞིན་སངས་རྒྱས་ཆེན་པོ་པ། །ཐུབ་པ་སྣང་མཛད་ཀྱིས་ཀྱང་བཏབ། །དེ་བཞིན་གཤེགས་པའི་རིགས་དཀྱིལ་གྱི། །གསང་ཉིད་ཀུན་ཏུ་བཞུགས་པ་ཡིན། །དེ་ནས་གསང་སྔགས་གསང་བ་ཉིད། །དངོས་གྲུབ་བླ་མེད་བཤད་པར་བྱ། །ོཾ་ཨ་མོ་གྷ་ཧྲི་ད་ཡ། པདྨོཥྞཱི་ཥ་ཨཱ་ཀཪྵ་ཡ། སཱ་དྷ་ Ba97b ཡ།་བྷ་ར་སཾ་བྷ་ར། མ་ཧཱ་པདྨེ་སཝཱཧཱ། བསྐུལ་བ་དང ། སྤྱན་དྲང་བ་དང ། གཤེགས་སུ་གསོལ་བའི་སྔགས་སོ། །ོཾ་པདྨོཥྞཱི་ཥ་ཨ་མོ་གྷ་མཎྜ་ལེ་ཧཱུཾ། དཀྱིལ་འཁོར་སྲུང་བ་དང ། ཕྱོགས་བཅིངས་བ་དང ། མཚམས་བཅད་པ་དང ། དྲི་ཆབ་དང ། ཆུ་དང ། ཡུངས་ཀར་བསྲེས་པ་ལ་ལན་བདུན་བཟླས་བརྗོད་བྱས་པས་བྱའོ། །ོཾ་པདྨ་ཤི་ཁ་རེ་ཧཱུཾ། སྤྱི་གཙུག་བཅིང་བ་ཡིན་ཏེ། ལན་བདུན་བཟླས་བརྗོད་བྱས་པས་སོ། །ོཾ་པདྨོཥིཎཱི་ཨ་མོ་གྷ་ཛ་ལེ་ཧཱུཾ། ཁྲུས་བྱ་བའི་སྔགས་ཏེ། ཡུངས་ཀར་དང ། ཆུ་ལ་ལན་བདུན་བཟླས་བརྗོད་བྱས་པས་སོ། །ོཾ་བི་མ་ལེ་ཤུདྡྷེ་ཧཱུཾ།་ཉེ་རེག་བྱ་བའི་སྔགས་སོ། །ོཾ་སཾཙྪ་ད་ཡ་པདྨེ་ཧཱུཾ། གོས་བགོ་བའི་སྔགས་སོ། །ོཾ་མི་ལི་མི་ལི་ཤུདྡྷེ་ཧཱུཾ། ལུས་ཡོངས་སུ་སྦྱང་བའི་སྔགས་ཏེ། བའི་རྣམ་ལྔའི་ཆུ་ལ་ལན་བདུན་བཟླས་བརྗོད་བྱས་པས་སོ། །ོཾ་པདྨོ་ཥྞཱི་ཥ་ཨ་མོ་གྷ་ཨ་བྷི་ཥི་ཉྩ་ཨཱ་ཏམ་ཤུདྡྷེ་ཧཱུཾ། དབང་བསྐུར་བའི་སྔགས་ཏེ། དྲེ་ཆབ་ལ་ལན་བདུན་བཟླས་བརྗོད་བྱས་པས་སོ། །ོཾ་པདྨ་ཀ་པ་ཙེ། དྲྀ་ཌྷ་བནྡྷ་ཧཱུཾ་ཛྭ་ལ་སཝཱཧཱ། གོ་ཆའི་སྔགས་ཏེ། ལན་ཉི་ཤུ་རྩ་གཅིག་བཟླས་བརྗོད་བྱས་པས་སོ། །ོཾ་བཛྲ་ཨ་དྷིཥྛཱ་ན་པདྨེ་ཧཱུཾ། བྱིན་གྱིས་བརླབ་པའི་སྔགས་སོ། །ོཾ་ཛྭ་ལ་པདྨེ་དྷ་ར་དྷ་ར་ཧཱུཾ། སའི་སྔགས་སོ། །ོཾ་པདྨ་ཨ་ཤྲ་ཡ། རུ་ཧ་ཙ་ལ་ཙ་ལ་ཧཱུཾ། གདན་གྱི་སྔགས་སོ། །ོཾ་དི་བྱ་པདྨེ་མཾ། མེ་ཏོག་གི་སྔགས་སོ། །ོཾ་པདྨ་ཨ་མོ་གཧ་སཾ་བར་ཎི་ Ba98a ༄#། །སཝཱཧཱ།་བདུག་སྤོས་ཀྱི་སྔགས་སོ། །ོཾ་པདྨ་གནྡྷ་ཨཱི་ཤཝ་རི་ཧཱུཾ། བྱུག་སྤོས་ཀྱི་སྔགས་སོ། །ོཾ་པདྨ་པྲ་ཀརྞྀ་དྷ་ར་ཎི་ས་མེ་སཝཱཧཱ། འབྲས་ཡོས་དང་མེ་ཏོག་དགྲམ་པའི་སྔགས་སོ། །ོཾ་པདྨ་ཛ་ལེ་སུ་གནྡྷ་བ་ཏི་ཧཱུཾ། མཆོད་ཡོན་དབུལ་བའི་སྔགས་སོ། །ོཾ་ཤུ་ཀླ་བ་རེ་ར་ས་ཡ་ཤུདྡྷེ་ཧཱུཾ། ལྷ་བཤོས་ཀྱི་སྔགས་སོ། །ོཾ་སུ་རུ་སུ་རུ་ཀུམྦྷ་བ་ཏི་སཝཱཧཱ། གཏོར་མའི་སྔགས་སོ། །ོཾ་མ་ཧཱ་པདྨ་ཨ་ཤྲི་ནི་སཱ་དྷ་ཡ་ཧཱུཾ། གཏོར་མ་ཟར་གཞུག་པའི་སྔགས་སོ། །ོཾ་ཕ་ལ་བི་ཤུདྡྷེ་པྲ་བ་ར་ཧཱུཾ། འབྲས་བུའི་སྔགས་སོ། །ོཾ་བྲ་བ་ར་པུཥྤེ་ཛ་ཡ་སཝཱཧཱ། ཕྲེང་བའི་སྔགས་སོ། །ོཾ་ཛྭ་ལ་ཛྭ་ལ་ཡ་ར་ས་ར་ས་གྲྀ་ཎི་ཧཱུཾ། གཏོར་མ་བཅོས་པའི་སྔགས་སོ། །ོཾ་པདྨ་དཱི་པ་ཡ་ཛྭ་ལ་ཧཱུཾ། མར་མེའི་སྔགས་སོ། །ོཾ་ས་མ་པདྨ་བྷུ་བ་ཎེ་ཥུ་ས་ར་ཧཱུཾ། འཇུག་པའི་སྔགས་སོ། །ོཾ་པདྨོ་ཥྞཱི་ཥ་ཨ་མོ་གྷ་མུ་ནི་ཧཱུཾ། ཕྱག་བྱ་བའི་སྔགས་སོ། །ོཾ་ཙ་ཀྲ་མཎྜ་ལེ་ས་མནྟ་པདྨེ་ཧཱུཾ། བསྐོར་བའི་སྔགས་སོ། །ོཾ་ས་མནྟ་པྲ་ཀིརྞ་པདྨེ་སཾ་བྷ་ར་ཧཱུཾ། མེ་ཏོག་དོར་བའི་སྔགས་སོ། །ོཾ་པདྨ་ས་མ་ཡ་ཨུཥྞཱ་ཥི་མ་ཧཱ་ཨ་མོ་གྷ་ས་མ་ཡ་ཧཱུཾ། དམ་ཚིག་གི་སྔགས་སོ། །ོཾ་ས་མནྟ་སཱ་དྷ་ར་ཎི་དྷར་པདྨེ་ཧཱུཾ་ཕཊ། སྐྱིལ་མོ་ཀྲུང་གི་སྔགས་སོ། །ོཾ་ཨ་པ་རི་མི་ཏ་ཛྭ་ལ་པདྨེ་ཧཱུཾ། བགྲང་ཕྲེང་གི་སྔགས་སོ། །ོཾ་ཤ་ཏ་ས་ཧ་ས་ཛྭ་ལི་ཏ་པདྨེ་དྷ་ར་དྷ་ར་ཧཱུཾ། བཟླས་བརྗོད་ཀྱི་སྔགས་སོ། །ོཾ་ས་མནྟ་དྷ་ Ba98b རི་ཤ་པདྨེ་ཧཱུཾ། རྨི་ལམ་གྱི་སྔགས་སོ། །ོཾ་ས་མནྟ་རཀྵ་ར་ཎི་པདྨེ་ཧཱུཾ། སྲུང་བའི་སྔགས་སོ། །ོཾ་ས་མནྟ་མེ་རུ་དྲི་ཌྷ་སྠི་རི་ཧཱུཾ། ར་བའི་སྔགས་སོ། །ོཾ་ས་མནྟ། ཛྭ་ལཱ་མ་ལ་གརྦྷེ་ཛྭ་ལ་ཛྭ་ལ་མ་ཧཱ་པདྨ་ཛྭ་ལེ་ཧཱུཾ། མེའི་སྔགས་སོ། །ོཾ་དྷུ་རུ་དྷུ་རུ་པྲ་ས་ར་དྷུ་རི་མནྟྲེ་སཝཱཧཱ། སྦྱིན་སྲེག་གི་སྔགས་སོ། །ོཾ་ས་མནྟ་པྲ་ཛྭ་ལི་ཏེ་བུདྡྷེ་ས་མ་ཡ་ཧཱུཾ། སྲེག་བླུགས་ཀྱི་སྔགས་སོ། །ོཾ་ས་མནྟ་ཨ་བ་ལོ་ཀི་ཏེ་གུ་ཧྱེ་བཱ་ཡུ་ཛ་བེ་པདྨ་བི་གི་ནི་སཝཱཧཱ། ནམ་མཁའ་ལ་འགྲོ་བའི་སྔགས་སོ། །ོཾ་ཤུ་བྷ་ཤ་སྟ་དྷཱ་རི་ཎི་པདྨ་བྷུ་ཛེ་ཧཱུཾ། མཚོན་ཆའི་སྔགས་སོ། །ོཾ་ས་མནྟ་ཨཱ་ཀཪྵི་ཎི་པྲ་ས་ར་གུ་ཧྱེ་ཧཱུཾ།་དྲང་བའི་སྔགས་སོ། །ན་མཿ ་ཏྲི་བྷུ་བ་ན་ཨཱི་ཤཝ་རཱ་ཡ། ལོ་ཀེ་ཤཝ་ར་ཡ། མ་ཧཱ་ཤཝ་རཱ་ཡ། དྷ་ར་དྷ་ར། ས་མནྟ། ཨ་བ་ལོ་ཀི་ཏ་གུ་ཧྱེ། ཨཱ་གྩྪ་བྷ་ག་ཝཱ་ན་དྷི་རི་དྷི་རི། མ་ཧཱ་བི་རི། མ་ཎི་ཀ་ན་ཀ་བཛྲ་བཻ་ཌཱུ་རྱ་མ་ར་ཀ་ཏ་པདྨ་རཱ་ག་ཨིནྡྲ་ནཱི་ལ་མ་ཧཱ་མུཀྟི་ཀ་བི་བྷུ་ཥི་ཏ་ཤ་རི་ར་མ་ཧཱ་པདྨེ་བྷུ་ཛ། ཨ་མོ་གྷ་པཱ་ཤ་དྷ་ར། ས་མནྟ་ཨ་བ་ལོ་ཀི་ཏ། བ་ར་དཱ་བ་ར་དཱ་ཡ་ཀ། ཛྭ་ལ་ཛྭ་ལ།་ས་མནྟ་ཨ་བ་ལོ་ཀི་ཏ། ཨཱ་གྩྪ་ཨཱ་གཙྪ། བྷ་ག་ཝཱ་ན་ཤཱི་གྷྲཾ་ས་མ་ཡ་མ་ནུ་སྨར། བི་བི་དྷ་བེ་ཥ་དྷ་ར། ཡ་མ་བ་རུ་ཎ་ཀུ་བེ་ར་ན་མ་སྐྲྀ་ཏ། ཨཱི་ཤཝ་ར། མ་ཧེ་ཤཝ་ར། པདྨེ་ཤཝ་ར། ལོ་ཀེ་ཤཝ་ར།་ཨེ་ཧི་བྷ་ག་ཝཱ་ན། ཤཱི་གྷྲཾ་ཨཱ་གཙྪ། སརྦ་བིདྱ་མཎྜ་ལ། ས་མ་ཡ་མ་ནུ་སྨ་ར། ད་རི་ཤ་ན་སཝ་ར་པ་ན། བི་བི་དྷ་ཏེ་ཛ་དྷ་ར། ས་མནྟ་ར་ཤྨི། ཛྭ་ལ་གྲྦྷ་ཤ་རཱི་ར། མ་ཧཱ་ཀཱ་རུ་ཎི་ཀ་ Ba99a ༄#། །སཽ་མ་སྱ་མུ་ཁ། པ་རི་པཱུ་ར་ཎ་ཙནྡྲ་མཎྜ་ལ་ན་མཿ ཙཎྡྲ་ཛ་ཊ་དྷ་ར།་ཨ་མི་ཏཱ་བྷཱ། མ་ཀུ་ཊ་དྷ་ར། མ་ཧཱ་པྲ་ཧྨཾ་བེ་ཥ་དྷ་ར། ཏྲི་ལོ་ཙ་ན་ཨ་མོ་གྷ་བ་ར་ད། བྷུ་རུ་བྷུ་རུ། མ་ཧཱ་ཀཱ་རུ་ཎི་ཀ།་པདྨ་པཱ་ཤཱ་ཨ་བ་ལོ་ཀི་ཏེ་ཤུ་དྡྷ་སྟྭ་བ་ར་ད་ཡ་ཀ་།ན་མོསྟུ་ཏེ་སཝཱཧཱ། འཕགས་པ་སྤྱན་རས་གཟིགས་དབང་ཕྱུག་གཤེགས་སུ་གསོལ་བའི་སྔགས་སོ། །རིག་སྔགས་འདིས་གུ་གུལ་ནག་པོ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ནས་འཕགས་པ་སྤྱན་རས་གཟིགས་དབང་ཕྱུག་ལ་བདུག་པར་བྱའོ། །བདུགས་པ་ཙམ་གྱི་མོད་ཉིད་ལ་འཕགས་པ་སྤྱན་རས་གཟིགས་དབང་ཕྱུག་གི་གཟུགས་ཀྱི་སྟོན་པར་མཛད་ཅིང་མཆོག་ཐམས་ཅད་སྦྱིན་བར་མཛད་དོ། །གལ་ཏེ་མཚམས་མེད་པ་ལྔ་བྱེད་པ་མནར་མེད་པར་གཞོལ་བ་དེས་ཀྱང་བདུགས་པ་ཙམ་གྱིས་ངེས་པར་སྟོན་པར་མཛད་ན། དགེ་སློང་ཚངས་པ་ལེགས་པར་སྤྱོད་པ། བསམ་པ་དག་པ། དད་པ་ཅན། མོས་པ་ལ་ལྟ་སྨོས་ཀྱང་ཅི་དགོས། མོད་ཉིད་ལ་རང་གི་གཟུགས་རང་གི་ངོ་བོ་ཡོངས་སུ་དག་པ་མངོན་སུམ་དུ་སྟོན་པར་མཛད་ཅིང ། མཆོག་ཐམས་ཅད་སྦྱིན་པར་མཛད་ལ། དོན་ཡོད་པ་ཆེན་པོའི་དངོས་གྲུབ་སྦྱིན་པར་མཛད་དོ། །དྲག་པོ་ལ་བདུགས་ན། གཟུགས་མངོན་སུམ་དུ་མདུན་ན་འདུག་ཅིང ། འདོད་པ་དང ། དགོས་པའི་དངོས་གྲུབ་ཐམས་ཅད་སྦྱིན་པར་བྱེད་དོ། །སྲེད་མེད་ Ba99b ཀྱི་བུ་ལ་བདུགས་ན། གཟུགས་བརྙན་འགུལ་ཞིང ། ཚིག་འབྱིན་ལ་ཡིད་ལ་བསམ་པ་ཐམས་ཅད་མངོན་དུ་ཕྱོགས་བར་བྱེད། རྟག་ཏུ་རྗེས་སུ་འབྲང་བར་འགྱུར། སྟོབས་དང ། ཤུག་དང ། བརྩོན་འགྲུས་དང ། ཕ་རོལ་གནོན་པར་བྱེད་པའི་དངོས་གྲུབ་སྦྱིན་པར་བྱེད་དོ། །མ་མོའི་གནས་སུ་ནག་པོ་ཆེན་པོ་ལ་བདུགས་ན། ནག་པོ་ཆེན་པོ་མ་མོའི་ཚོགས་དང་བཅས་པ་དབང་དུ་གྱུར་ནས་འདུག་ལ་ལས་དང ། བྱ་བ་ཐམས་ཅད་གྲུབ་པར་བྱེད། ཐམས་ཅད་དུ་དབང་ཕྱུག་ཆེན་པོ་སྒྲུབ་པར་བྱེད་དོ། །ཚོགས་ཀྱི་དབང་ཕྱུག་ལ་བདུགས་ན། བགེགས་དང་ལོག་འདྲེན་ཐམས་ཅད་བཅིངས་པར་འགྱུར་རོ། །འདོད་པའི་དབང་ཕྱུག་ལ་བདུགས་ན། སྤང་པ་དང ། འདུ་བ་དང ། བར་ཆད་བྱེད་པ་གཞན་གང་ཡིན་པ་དེ་དག་ཐམས་ཅད་བཅིངས་པར་འགྱུར་ཞིང་མི་སྣང་བར་འགྱུར་རོ། །རྒྱལ་པོའི་སྒོར་བདུགས་ན། རྒྱལ་པོའི་བཙུན་མོའི་འཁོར་དང་བཅས་པ་བཀུག་ནས་དབང་དུ་འགྱུར་ཏེ། ཉེ་བར་གནས་ལ་འདོད་པ་དང ། བྱ་བ་ཐམས་ཅད་བྱེད་དོ། །ཉི་མ་ཤར་བའི་ཚེ་ཉི་མར་མངོན་དུ་ཕྱོགས་ནས་བདུགས་ན། ཉི་མ་འབབ་ཅིང་འདོད་པའི་དངོས་གྲུབ་ཐམས་ཅད་སྦྱིན་པར་བྱེད་དོ།། ཟླ་བ་ཉ་ལ་བདུགས་ན། ཟླ་བ་འབབ་ཅིང་དབང་ཕྱུག་འབྱོར་པ་ཆེན་པོ་སྦྱིན་པར་བྱེད་དོ། །རྣམ་ཐོས་ཀྱི་བུ་ལ་བདུགས་ན། ནོར་བསལ་བ་ཆེན་པོ་སྦྱིན་པར་བྱེད་དོ། །ལྷ་མོ་ཆེན་ Ba100a ༄#། །མོ་དཔལ་ལ་ལ་བདུགས་ན། དཔལ་འཐོབ་པར་འགྱུར་རོ། །གདོན་ཐམས་ཅད་ལ་བདུགས་ན། བདུགས་པ་ཙམ་གྱིས་འབབ་ཅིང་ཕྱོགས་བཅུར་འབྲོས་སོ། །ཟིན་པའམ་མ་ཟིན་པ་ལ་འདུགས་ན། མོད་ལ་འོང་ངོ ། །དུར་ཁྲོད་ཀྱི་མི་རོ་ལ་བདུགས་ན། རོ་ལངས་ལྡང་བར་འགྱུར་རོ། །ཐོད་པ་ལ་བདུགས་ན། འབབ་ཅིང་གར་བྱེད་གླུ་ལེན་རྒྱུག་པར་བྱེད་ཅིང་རྦོད་གཏོང་བྱེད་དོ། །རྡོ་རྗེ་ལ་བདུགས་ན། འབར་རོ། །མདུང་རྩེ་གསུམ་པ་ལ་བདུགས་ན། འབབ་པར་བྱེད་དོ། །འཁོར་ལོ་ལ་བདུགས་ན། ནམ་མཁའ་ལ་འགྲོའོ། །ཐག་པ་ལ་བདུགས་ན། སྦྲུལ་བཞིན་འཁྲིལ་བར་བྱེད། རྫ་མ་དང་བུམ་པ་ལ་བདུགས་ན། འབབ་པར་བྱེད་ཅིང་རང་ཉིད་འགྱུར་བར་བྱེད་ལ་ཕན་ཚུན་འགྲོ་བར་བྱེད་དོ། །ལྷུང་བཟེད་ལ་བདུགས་ན། རང་ཉིད་འགྲོ་བར་བྱེད་དོ། །རལ་གྲི་ལ་བདུགས་ན། འབབ་པར་བྱེད་ཅིང་འབར་བར་བྱེད་ལ་རང་ཉིད་འགྲོ་བར་བྱེད་དོ། །དུང་ལ་བདུགས་ནས་བུས་ན།་སྒྲ་གང་དུ་གྲགས་པ་དེ་དག་ཐམས་ཅད་དུ་འཐབ་པ་དང ། འཐབ་མོ་དང ། རྩོད་པ་དང ། ་པ་དང ། ཡམས་ཀྱི་ནད་དང ། གནོད་པ་དང ། འགོ་བའི་ནད་དང ། འཁྲུག་པ་དང ། ནད་ཐམས་ཅད་དང ། ཉོན་མོངས་པ་ཐམས་ཅད་དང ། སྡིག་པ་དང ། གདུག་པ་ཐམས་ཅད་དང ། དགྲ་ཐམས་ཅད་ལས་ཐར་པར་འགྱུར་ཞིང ། སྒྲིབ་པ་ཐམས་ཅད་ Ba100b ཟད་པར་འགྱུར་རོ། །རིམས་ཐམས་ཅད་ལ་བདུགས་ན། རིམས་ཐམས་ཅད་ཞི་བར་འགྱུར་རོ། །རིམས་ཉིན་བཞི་བ་ལ་བདུག་ཅིང་གསང་སྔགས་ཀྱང་རྗེས་སུ་དྲན་ན། རིམས་ཉིན་བཞི་པ་ཀུ་ཅོ་འདོན་ཅིང་འབྲོས་པར་འགྱུར་རོ། །ཀླུའི་མཚོར་བདུགས་ན། མོད་ཉིད་ལ་ཆར་གྱི་རྒྱུན་ཆེན་པོ་འབབས་པར་བྱེད་དོ། །ཆར་ཆེས་ན་གནས་མཐོན་པོར་བདུགས་ན། ཆར་ཆེས་པ་གཅོད་པར་བྱེད་དོ། །སྤྲིན་ལ་མངོན་དུ་ཕྱོགས་ནས་བདུགས་ན། གྲང་ལྷགས་དང ། རླུང་དང ། སེར་བ་ཐམས་ཅད་གཅོད་པར་བྱེད་ལ། ལོ་གཅིག་གི་བར་དུ་མཚམས་ཆེན་པོ་བཅད་པར་འགྱུར་རོ། །རི་མཐོན་པོའི་རྩེར་བདུགས་ན། ཕྱོགས་བཞི་ཐམས་ཅད་ཀྱི་ཕ་རོལ་གྱི་དམག་ཚོགས་དང ། ཕྱིར་རྒོལ་བ་དང ། ཕས་ཀྱི་དགྲ་ཐམས་ཅད་དང ། དཔག་ཚད་སྟོང་གི་བར་དུ་རྨུགས་པ་དང ། རེངས་པ་དང ། བཅིངས་པར་འགྱུར་ལ་དཔག་ཚད་སྟོང་གི་བར་དུ་མཚམས་ཆེན་པོ་བཅད་པར་འགྱུར་རོ། །བདག་ཉིད་ལ་བདུགས་ན།་སེམས་ཅན་ཐམས་ཅད་ལ་མཆོད་པའི་གནས་ཆེན་པོར་འགྱུར་ལ་སེམས་ཅན་ཐམས་ཅད་དབང་དུ་འགྱུར་རོ། །བུ་མོ་ལ་བདུགས་ན། བག་མར་བླངས་པར་འགྱུར་རོ། །ཚོང་ཟོང་ལ་བདུགས་ན། རིན་ཆེ་བར་ལོན་པར་འགྱུར་རོ། །བང་བ་ལ་བདུགས་ན། འབྲུ་འཕེལ་བ་མང་པོར་འགྱུར་རོ། །བཏུང་བའི་གནས་སུ་བདུགས་ན། བཏུང་བ་འཕེལ་བ་མང་ Ba101a ༄#། །པོར་འགྱུར་རོ། །གོས་ལ་བདུགས་ན། གོས་ཐོབ་པར་འགྱུར་རོ། །མེ་ཏོག་དང་འབྲས་བུ་ལ་བདུགས་ན། གང་ལ་བྱིན་པ་དེ་དག་བདག་ཉིད་དམ་ནོར་གྱི་སྒོ་ནས་དབང་དུ་འགྱུར་རོ། །ཕྲེང་བ་ལ་བདུགས་ན། གསང་སྔགས་ལན་བདུན་བཟླས་བརྗོད་བྱས་ན་གང་གི་མགོ་ལ་བཅིངས་པ་དེ་ལ་འབབ་པར་བྱེད་ཅིང ། ཡ་མཚན་བྱུང་བ་དང ། འབྱུང་བ་སྨྲའོ། །འཕགས་པ་རྡོ་རྗེ་འཆང་ལ་བདུགས་ན། རིག་སྔགས་ཆེན་པོའི་དངོས་གྲུབ་ཐོབ་པར་འགྱུར་ཞིང ། འཕགས་པ་རྡོ་རྗེ་འཆང་སྟོན་པར་མཛད་ལ། དགོས་པ་ཐམས་ཅད་སྒྲུབ་པར་མཛད་དོ། །གནོད་སྦྱིན་མོའི་གཟུགས་བྲིས་པ་ལ་བདུགས་ལ་གསང་སྔགས་ལན་བདུན་དྲན་པར་བྱས་ན། གནོད་སྦྱིན་མོ་འོངས་ནས་འདོད་པ་ཐམས་ཅད་སྦྱིན་ཞིང་ལས་བྱེད་པར་འགྱུར་ལ་ཇི་སྲིད་འཚོའི་བར་དུ་ཉེ་བར་འདུག་གོ་།སྦྱོར་བ་མོ་ལ་བདུགས་ན་།སྦྱོར་བ་མོ་ཐམས་ཅད་དང ། མཁའ་འགྲོ་མ་ཐམས་ཅད་དབང་དུ་གྱུར་ནས་ཇི་སྲིད་འཚོའི་བར་དུ་ཉེ་བར་འདུག་གོ་།འདོད་རྒུར་སྒྱུར་བའི་གཟུགས་ཅན་མ་ལ་བདུགས་ན། འདོད་རྒུར་སྒྱུར་བའི་གཟུགས་ཅན་མ་འོངས་ནས་ཆུང་མར་བྱའོ། །ཞེས་སྨྲ་ན། ཇི་སྲིད་འཚོའི་བར་དུ་ཡོ་བྱད་དང ། ལོངས་སྤྱོད་དུ་བྱ་བ་ཐམས་ཅད་སྒྲུབ་པར་བྱེད་ལ་འདོད་པའི་ཡོན་ཏན་ལྔ་ལ་རྩེ་བས་དགའ་བར་འགྱུར་པ་དང ། རྣམ་ཐོས་ཀྱི་བུ་ལ་འགྲན་ Ba101b པར་འགྱུར་རོ། །དྲིལ་བུ་ལ་བདུགས་ནས་སྒྲ་དཀྲོལ་ན། འཇིགས་པ་ཐམས་ཅད་ལས་ཐར་བར་འགྱུར་ལ། སྲུང་བ་ཆེན་པོ་བྱས་པར་འགྱུར། ཁྱིམ་གྱི་ནང་དུ་དཀྲོལ་ན། འབྱུང་པོ་དང ། གནོད་སྦྱིན་དང ། སྲིན་པོ་དང ། ཡི་དྭགས་དང ། བརྗེད་བྱེད་དང ། གྲིབ་གནོན་ཐམས་ཅད་བྱུང་ནས་ཕྱོགས་བཅུར་འབྲོས་པར་འགྱུར་རོ། །ོཾ་ཨ་མོ་གྷ་བཱ་ཤ་པདྨ་ཨུཥྞཱི་ཥ། ཏ་ར་ཏ་ར། ཨ་བ་ཏ་རཾ་ཏུ། བྷ་བན་གཙྪ་ཏུ། སཝ་བྷཱ་བཱ་ནཱན་།ཏུ་རུ་ཏུ་རུ། མ་ཧཱ་པདྨ་བྷུ་ཛེ་སཝཱཧཱ། སླར་གཤེགས་སུ་གསོལ་བའི་སྔགས་ཏེ། བདུག་སྤོས་གུ་གུལ་དང ། ཆུ་དང ། ཡུངས་ཀར་དང་བསྲེས་པ་ལ་ལན་བདུན་བཟླས་བརྗོད་བྱས་ན། ཐམས་ཅད་དུ་སླར་གཤེགས་སུ་གསོལ་བའི་སྔགས་བྱས་པར་འགྱུར་རོ། །གསང་སྔགས་རིམ་པར་ཕྱེ་བའི་ཆོ་ག་དང ། སྒྲུབ་པའི་ཆོ་གའོ།། །།དེ་ནས་ལྷ་མོ་ཆེན་མོ་སྒྲོལ་མ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ག་ལ་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཞབས་ལ་མགོ་བོས་ཕྱག་འཚལ་ནས་ལྷའི་མཆོད་པའི་སྤྲིན་ཆེན་པོས་མཆོད་དེ་ལན་གསུམ་བསྐོར་བ་བྱས་ནས་མགོ་བཏུད་དེ་ཐལ་མོ་སྦྱར་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བཅོམ་ལྡན་འདས། Ba102a ༄#། །རིག་སྔགས་ཆེན་པོ་འཇིག་རྟེན་དུ་ཆེར་བསྟན་ལགས་སོ། །གསང་བ་ཆེན་པོའི་དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། ཆོ་ག་ཞིབ་མོ་དང ། དོན་ཡོད་པའི་ཞགས་པ་པདྨ་གཙུག་ཏོར་གྱི་རིག་སྔགས་ཀྱི་རྒྱལ་པོ་ཆེན་པོའི་སྙིང་པོ་རིག་སྔགས་འཆང་ཐམས་ཅད་ཀྱི་དོན་དང ། སེམས་ཅན་ཐམས་ཅད་ལ་ཕན་པ་དང ། བདེ་བར་བགྱི་བའི་སླད་དུ་ཛམྦུའི་གླིང་དུ་བཞག་ལགས་སོ། །བཅོམ་ལྡན་འདས། བདག་གིས་ཀྱང་དོན་ཡོད་པ་པདྨ་གཙུག་ཏོར་གྱི་རིག་སྔགས་ཀྱི་རྒྱལ་པོ་དེའི་སྙིང་པོ་དང ། ཆོ་ག་ཞིབ་མོ་དོན་ཡོད་པར་སྒྲོལ་བ། དྲི་མ་མེད་པ། པདྨ་གཙུག་ཏོར་གྱི་ཞགས་པ་ཞེས་བགྱི་བ་རིག་སྔགས་ཀྱི་རྒྱལ་པོའི་སྙིང་པོ་བཤད་པར་བགྱི་སྟེ། རིག་སྔགས་འཆང་གང་གིས་དྲན་པ་ཙམ་གྱིས་བདག་བཀུག་ཅིང་གཡར་དྲངས་པར་འགྱུར། རིག་སྔགས་འཆང་གིས་རིག་སྔགས་སྒྲུབ་ཅིང་ཡོངས་སུ་སྤྱོད་པ་ལ་རིམ་གྲོ་བགྱི་བ་དང ། རིག་སྔགས་འཆང་སྒྲུབ་པའི་དངོས་གྲུབ་མཆོག་སྩོལ་བར་བགྱི་བ་དང ། བསམ་པ་ཐམས་ཅད་ཡིད་བཞིན་དུ་ཡོངས་སུ་བསྐང་བར་བགྱི་བ་དེ་དག་གིས་བཅོམ་ལྡན་འདས་ཀྱི་སྤྱན་སྔར་འཁོར་མང་པོ་འདུས་པའི་མངོན་སུམ་དུ་རིག་སྔགས་ཀྱི་རྒྱལ་པོ་བཤད་པར་བགྱིའོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ལྷ་མོ་སྒྲོལ་མ་ལ་འདི་སྐད་ཅེས་བཀའ་སྩལ་ཏོ། །ལྷ་མོ་ཆེན་མོ་སྒྲོལ་ Ba102b མ།་རང་གི་རིག་སྔགས་ཀྱི་རྒྱལ་པོ་དེ་བཞིན་གཤེགས་པ་ངའི་བྱིན་གྱི་རླབས་ཀྱི་ཕྱག་རྒྱས་བྱིན་གྱིས་བརླབ་ཀྱི། ཤོད་ཅིག་།དེ་ནས་ལྷ་མོ་ཆེན་མོ་སྒྲོལ་མ་བཅོམ་ལྡན་འདས་ཀྱི་སྤྱན་སྔར་དོན་ཡོད་པར་སྒྲོལ་བ། དྲི་མ་མེད་པ། པདྨ་གཙུག་ཏོར་གྱི་ཞགས་པ་ཞེས་བྱ་བ་རིག་སྔགས་ཀྱི་སྙིང་པོ་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏཱ་ཐཱ་ག་ཏཱ་ནཱཾ། ཤཱཀྱ་རཱ་ཛཱ་ཡ་ཨ་དྷིཥྛི་ན་ན་མསྐྲྀ་ཏཱ་ནཱཾ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མཿ ་ཏཱ་རཱ་ཡ། མ་ཧཱ་དེ་བི། ཨོཾ་ཏཱ་ར་ཎི་ཏཱ་ར་ཎི་ཏཱ་རེ། པདྨ་བི་བྷུ་ཥི་ཏ་ཏཱ་རེ། མ་ཎི་ཀ་ན་ཀ་བི་ཙི་ཏྲི་ཏ་མཱ་ལ། ཛ་ཊ་མ་ཀུ་ཊ་ནན། དི་ཏ་པདྨེ། དྷུ་རུ་དྷུ་རུ། པདྨ་པཱ་ཤ་བྷུ་ཛེ། ཨ་མོ་གྷ་པཱ་ཤ་ཧསྟེ། ཏཱ་ར་ཡ་བྷ་ག་བ་ཏི། མ་ཧཱ་སིདྡྷི། བ་ར་དེ། ཏུ་རུ་ཏུ་རུ། མ་ཧཱ་ཏཱ་ར་ཎི་བ་ར་དེ། སཱ་དཱ་ཡ་སཱ་དཱ་ཡ། སིདྡྷེ། ཨ་མོ་གྷ་བ་ར་དེ་སཝཱཧཱ། ཨོཾ་ཨ་མོ་གྷ་པདྨི་ནི་ཏཱ་རེ་སཝཱཧཱ། སྙིང་པོའོ། །ོཾ་མ་ཎི་ཏཱ་རེ་ཧཱུཾ། ཉེ་བའི་སྙིང་པོའོ། །བཅོམ་ལྡན་འདས། འདི་ནི།་བདག་གི་གསང་སྔགས་ནོར་བུ་རིན་པོ་ཆེ་ཆེན་པོའི་སྙིང་པོ། །དོན་ཡོད་པའི་ཞགས་པ། པདྨ་གཙུག་ཏོར་གྱི་རིག་སྔགས་ཀྱི་སྙིང་པོའི་ཞགས་པ་ཆོ་ག་ཞིབ་མོའི་རིག་སྔགས་འཆང་བ་རྣམས་ཀྱི་བསམ་པ་ཡོངས་སུ་རྫོགས་པར་བགྱི་བ་དང ། སེམས་ཅན་ཐམས་ཅད་ལ་མཆོག་སྩལ་བ་རབ་ཏུ་སྩལ་བར་བགྱི་བའི་སླད་དུ་རྗེས་སུ་སྩལ་བ་ལགས་སོ། ། Ba103a ༄#། །བཅོམ་ལྡན་འདས། རིག་སྔགས་ཀྱི་རྒྱལ་པོ་འདིའི་ཡོ་བྱད་དང ། ཆོ་ག་བཤད་པར་བགྱི་སྟེ། དུ་རུ་ཀ་དང ། གུ་གུལ་དང ། སྤྲྀག་ཀ་གཅིག་ཏུ་བགྱིས་ལ། གསང་སྔགས་ཀྱི་སྙིང་པོ་འདིས་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་བཅོམ་ལྡན་འདས་བདག་ལ་བདུགས་ན། བདུགས་པ་ཙམ་གྱི་མོད་ལ་བཅོམ་ལྡན་འདས་བདག་དགུག་པ་དང ། གཡར་དྲངས་པར་འགྱུར་ལགས་སོ། །བཅོམ་ལྡན་འདས། རིག་སྔགས་འདི་སྒྲུབ་པའི་ཚེ་རང་གི་གཟུགས་ཀྱིས་མདུན་ན་མཆིས་ཤིང་བསམ་པ་ཐམས་ཅད་ཡིད་བཞིན་དུ་དངོས་གྲུབ་རྗེས་སུ་སྩལ་བར་བགྱི། བགེགས་དང ། ལོག་འདྲེན་ཐམས་ཅད་བཟློག་པར་བགྱི། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་ཐམས་ཅད་བཟློག་པར་བགྱི། འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་ཐམས་ཅད་རབ་ཏུ་ཞི་བར་བགྱི། བསམ་པ་ཐམས་ཅད་ཡིད་བཞིན་དུ་རྫོགས་པར་བགྱི། མཆོག་སྩལ་བར་བགྱི། བདེ་ལེགས་དང ། དགེ་ལེགས་བསྲུང་བ་དང ། བསྐྱབ་པ་དང ། སྦ་བར་བགྱིའོ། །བཅོམ་ལྡན་འདས། མཆིས་ཉལ་བ་ན་བདུག་སྤོས་ཀྱི་རྒྱལ་པོ་འདིས་བདག་ལ་བདུགས་ཤིང ། བདག་གི་སྙིང་པོ་ནོར་བུ་རིན་པོ་ཆེ་ཆེན་པོའི་སྙིང་པོ་གསུམ་པོ་དེ་དག་ལན་ཉི་ཤུ་རྩ་གཅིག་བརྗོད་ན། བདུགས་པ་ཙམ་གྱི་མོད་དང ། དྲན་པ་ Ba103b ཙམ་གྱིས་བཅོམ་ལྡན་འདས་བདག་ཉིད་ཀྱི་ངོ་བོ་རང་གི་གཟུགས་ཡོངས་སུ་དག་པ་བསྟན་ཅིང ། མངོན་སུམ་དུ་མཆིས་པར་བགྱི། མཆོག་ཐམས་ཅད་རྗེས་སུ་སྩལ་བར་བགྱི། བྱུང་བ་དང་འབྱུང་བའི་བཀའ་མཆིད་བགྱིའོ། །དྲན་པ་ཙམ་གྱི་མོད་ལ་དོན་ཡོད་པ་པདྨ་གཙུག་ཏོར་གྱི་ཞགས་པའི་སྙིང་པོ་འདི་དྲན་པ་ཙམ་གྱིས་བཅོམ་ལྡན་འདས། བདག་རིག་སྔགས་འཆང་དེའི་མདུན་དུ་མཆིས་ཤིང་བསམ་པ་ཐམས་ཅད་ཡིད་བཞིན་དུ་ཡོངས་སུ་རྫོགས་པར་བགྱི། སྡང་བ་དང ། སྡིག་པ་ཐམས་ཅད་དང ། བགེགས་དང་ལོག་འདྲེན་ཐམས་ཅད་སོ་སོར་བཟློག་པར་བགྱི། དངོས་གྲུབ་ཆེན་པོ་སྒྲུབ་པ་རྗེས་སུ་སྩལ་བར་བགྱི། བཀྲ་ཤིས་ཀྱི་སྒྲ་ཐམས་ཅད་འབྱུང་བར་བགྱི། རིག་སྔགས་ཀྱི་དངོས་གྲུབ་ཐམས་ཅད་རྗེས་སུ་སྩལ་བར་བགྱི། ཆོ་ག་ཞིབ་མོ་དང ། དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བའི་དངོས་གྲུབ་ཐམས་ཅད་རྗེས་སུ་སྩལ་བར་བགྱི། བསོད་ནམས་དྲང་བའི་དངོས་གྲུབ་ཐམས་ཅད་རྗེས་སུ་སྩལ་བར་བགྱི། དུས་མ་ཡིན་པར་འཆི་བ་ཐམས་ཅད་སོ་སོར་བཟློག་པར་བགྱི། སྡིག་པ་དང ། སྒྲིབ་པ་ཐམས་ཅད་རྣམ་པར་དག་པར་བགྱི། རྟག་ཏུ་རྗེས་སུ་འབྲང་བར་བགྱི། རྟག་ཏུ་རྒྱུན་མི་འཆད་པར་རིག་སྔགས་འཆང་གི་བགེགས་དང་ལོག་འདྲེན་ཐམས་ཅད་སོ་སོར་བཟློག་པར་བགྱི། ནད་ཐམས་ཅད་བསལ་བར་བགྱིའོ། །བཅོམ་ལྡན་འདས། Ba104a ༄#། །རིག་སྔགས་འཆང་འགུམ་པའི་ཚེ་རྣམ་པར་ཤེས་པ་ཐ་མ་ལ་བབ་པ་སྟེ། བཅོམ་ལྡན་འདས། བདག་གིས་རྟག་ཏུ་མངོན་སུམ་དུ་བསྟན་ཅིང་མདུན་ན་ཉེ་བར་མཆིས་པར་བགྱི། སངས་རྒྱས་ཡིད་ལ་བགྱིད་པ་ཤིན་ཏུ་དྲན་པས་དུས་ལས་འདའ་བར་བགྱིད་པ་དང ། ཇི་ལྟར་སྦྲུལ་པགས་པ་བརྗེས་པ་བཞིན་ལུས་བརྗེས་ནས་འཇིག་རྟེན་གྱི་ཁམས་བདེ་བ་ཅན་གྱི་སྐལ་པ་དང་མཉམ་པར་པདྨ་དག་ལས་བརྫུས་ཏེ་སྐྱེ་ལ་རྒྱན་ཐམས་ཅད་ཀྱིས་བརྒྱན་པ་དང ། ཚེ་རབས་སུ་ཚེ་རབས་དྲན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་བཟུང་ཞིང་བྱིན་གྱིས་བརླབས་པར་འགྱུར། ལུས་རྡོ་རྗེར་འགྱུར། སངས་རྒྱས་ཀྱི་ཞིང་ཐམས་ཅད་དུ་ཆུད་པར་འགྱུར། ས་བཅུ་ལ་གནས་པར་ཡང་འགྱུར། ཕྱིར་མི་ལྡོག་པའི་ས་ལ་གནས་པར་ཡང་འགྱུར། དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པར་ཡང་འགྱུར། དགེ་བའི་རྩ་བ་ཐམས་ཅད་བསྐྱེད་པར་ཡང་འགྱུར། དེ་བཞིན་གཤེགས་པ་ཐམས་ཅད་མངོན་སུམ་དུ་སྟོན་པར་འགྱུར། བསོད་ནམས་ཀྱི་ཚོགས་ཐམས་ཅད་བསགས་པར་འགྱུར། སྡིག་པ་དང ། སྒྲིབ་པ་དང ། སྡིག་པ་ཐམས་ཅད་ཡོངས་སུ་དག་པར་འགྱུར་རོ། དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བའི་དམ་ཚིག་རྟོགས་པ་དང ། གསང་ Ba104b བའི་དཀྱིལ་འཁོར་ཆེན་པོའི་དམ་ཚིག་བྱང་ཆུབ་ཀྱི་སྙིང་པོའི་མཐར་ཐུག་པའི་བར་དུ་འཚལ་བར་འགྱུར་བ་ལགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ལྷ་མོ་ཆེན་མོ་སྒྲོལ་མ་ལ་ལེགས་སོ་ཞེས་བྱ་བ་བྱིན་ཏེ། ལྷ་མོ་ཆེན་མོ་ལེགས་སོ་ལེགས་སོ། །རིག་སྔགས་ཀྱི་རྒྱལ་པོ་འདི་ཁྱོད་ཀྱིས་བཤད་པ་མཆོག་ཏུ་ལེགས་སོ། །ཆོ་ག་ཞིབ་མོ་འདི་ཡོངས་སུ་རྫོགས་པར་བྱ་བ་དང ། རིག་སྔགས་འཆང་དེ་ཡང་ཡོངས་སུ་བསྲུང་བའི་ཕྱིར་དང ། ཡོངས་སུ་བསྐྱང་བའི་ཕྱིར་དང ། དངོས་གྲུབ་རབ་ཏུ་སྦྱིན་པའི་ཕྱིར་ཁྱོད་ཀྱིས་ཡོངས་སུ་བསྐྱང་བར་བྱའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང ། རྒྱལ་པོ་ཆེན་པོ་བཞི་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། ལྷ་རྣམས་ཀྱི་དབང་པོ་བརྒྱ་བྱིན་དང ། ཚོགས་ཀྱི་བདག་པོ་ནག་པོ་ཆེན་པོ་དང ། རིག་སྔགས་དང་དཀྱིལ་འཁོར་གྱི་ལྷ་དུ་མ་དང ། ནོར་བུ་བཟང་པོའི་བུ་དང ། ལྔ་རྩེན་དང ། གར་མཁན་མཆོག་དང ། སྟོབས་ཅན་དང ། སྟོབས་པོ་ཆེ་དང ། ལྗང་སྔོ་དང ། དུང་ཅན་དང ། དེ་བཞིན་དུ་འཇིགས་བྱེད་དང ། དབྱངས་ལྡན་མ་དང ། དཔེ་མེད་མ་དང ། ལྷ་མོ་ཆེན་མོ་དཔལ་དང ། རལ་པ་གཅིག་མ་དང ། མེ་ཏོག་ཚེམས་ཏེ། ཐམས་ཅད་འདུས་ནས་མཐུན་པར་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་ Ba105a ༄#། །གཡས་བའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ཀྱང་ཕྱི་མའི་དུས་ཕྱི་མའི་ཚེ་རིག་སྔགས་འཆང་དེ་དང ། རིག་སྔགས་སྨྲ་བའི་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་ཡང་སྐྱེས་པའམ། བུད་མེད་དམ་ཁྱེའུ་འམ། བུ་མོ་གང་ཞིག་དོན་ཡོད་པའི་ཞགས་པ་གཙུག་ཏོར་འདི་སྒྲུབ་པར་བགྱིད་དམ། ཀློག་པར་བགྱིད་དམ། འདོན་ཏམ། ཐ་ན་མིང་ཙམ་ཡང་འཛིན་པར་བགྱིད་ན། བཅོམ་ལྡན་འདས། དེ་ལ་བདག་ཅག་ཀུན་ནས་མ་གྲུབ་པར་རྟག་ཏུ་རྗེས་སུ་འབྲང་ཞིང་བསྲུང་བར་བགྱི། ཡོངས་སུ་བསྐྱང་བར་བགྱི། གཟི་བརྗིད་གཞུག་པར་བགྱི། དངོས་གྲུབ་ཆེན་པོའི་བསམ་པ་ཡོངས་སུ་རྫོགས་པར་བགྱི། བསམ་པ་ཐམས་ཅད་ཀྱི་མཆོག་ཡོངས་སུ་རྫོགས་པར་བགྱི། ཉེས་པར་བགྱིས་པ་ཐམས་ཅད་སོ་སོར་བཟློག་པར་བགྱི། སྡིག་པ་དང ། སྒྲིབ་པ་ཐམས་ཅད་ཡོངས་སུ་སྦྱང་བར་བགྱི། བྱང་ཆུབ་ཀྱི་སྙིང་པོ་ལ་མཐར་ཐུག་གི་བར་དུ་རྟག་ཏུ་རྗེས་སུ་འབྲང་བར་བགྱིའོ། །བཅོམ་ལྡན་འདས་ཀྱིས་འདི་སྐད་དུ་གྲོགས་པོ་དག་ལེགས་སོ་ལེགས་སོ། །ཁྱེད་ཀྱིས་བྱ་བ་དེ་ལྟར་ཡིན་ཏེ། རིག་སྔགས་ Ba105b ཀྱི་རྒྱལ་པོ་ཆེན་པོ་འདི་ངས་གཏམས་ཤིང་ཡོངས་སུ་གཏད་དོ་ཞེས་བཀའ་སྩལ་ཏོ། །དོན་ཡོད་པའི་ཞགས་པ་པདྨ་གཙུག་ཏོར་གྱི་རྡོ་རྗེ་ཆེན་པོའི་སྙིང་པོ་གསང་བ་རྫོགས་སོ།། །། རྣམ་པར་ཐར་པ་ཆེན་པོའི་དཀྱིལ་འཁོར་གྱི་སྙིང་པོ་གསང་བ་བསྟན་པ་བཀླགས་པས་གྲུབ་པ་ཆོ་ག་ཞིབ་མོ་རྒྱས་པ་མཆོག་ཏུ་གསང་བ་མཐའ་དག་རྫོགས་པ་ཡོངས་སུ་རྫོགས་སོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་མིག་མི་འཛུམ་པར་བཅོམ་ལྡན་འདས་ཀྱི་ཞལ་དུ་བལྟས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འདིས་ན་བདག་ལ་པདྨ་ཡངས་པའི་དཀྱིལ་འཁོར་པདྨའི་རིགས་ཀྱི་སྙིང་པོར་འགྱུར་པ་གསང་བ་དེ་ཁོ་ན་ཉིད་བསྟན་པ་མཆིས་ཏེ། རྣམ་པར་ཐར་པའི་དཀྱིལ་འཁོར་གྱི་གསང་བའི་དོན་ཡོད་པའི་ཞགས་པའི་སྙིང་པོ་ཁྲོ་བོའི་རྒྱལ་པོ་རིག་སྔགས་ཀྱི་རྒྱལ་པོའི་སྙིང་པོ་བཅོམ་ལྡན་འདས་ཀྱི་སྤྱན་སྔར་ངོ་བོ་ཐ་དད་པ་དང ། ཕྱག་རྒྱ་ཐ་དད་པ་དང ། སྔགས་ཐ་དད་པ་དང ། དཀྱིལ་འཁོར་དང ། གཟུགས་བྲི་བ་ཡོངས་སུ་བསྒྲག་པར་བགྱི། སེམས་ཅན་ཐམས་ཅད་རྗེས་སུ་གཟུང་བའི་སླད་དུ་རིག་སྔགས་འཆང་བ་རྣམས་ཀྱི་དེ་ཁོ་ནར་གྱུར་པ་ནི། འདི་ལགས་ཏེ། རིག་སྔགས་འཆང་བ་ཐམས་ཅད་ཀྱི་གནས་གསང་ Ba106a ༄#། །བའི་དཀྱིལ་འཁོར་པདྨ་ཡངས་པའི་དམ་ཚིག་དོན་ཡོད་པའི་ཞགས་པ་སྒྲུབ་པའི་ཆོ་ག་རྗེས་སུ་སྩལ་བར་བགྱི་ན། བཅོམ་ལྡན་འདས། དེ་བདག་ལ་གནང་བར་མཛད་ཅིང ། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་བྱིན་གྱིས་བརླབ་པ་དང ། དེ་བཞིན་གཤེགས་པའི་རིགས་དང ། པདྨའི་རིགས་དང ། ནོར་བུའི་རིགས་དང ། རྡོ་རྗེའི་རིགས་དང ། སྤྱིའི་དམ་ཚིག་འགྲུབ་པར་འགྱུར། སྤྱིའི་བྱིན་གྱི་རླབས་དང ། རིག་སྔགས་ཀྱི་རྒྱལ་པོའི་དཀྱིལ་འཁོར་དང ། གཟུགས་བྲི་བ་དང ། ཕྱག་རྒྱ་རིམ་པར་ཕྱེ་བ་ལ་རྗེས་སུ་འཇུག་པར་འགྱུར། ཆོ་ག་ཞིབ་མོ་སྒྲུབ་པ་ཐམས་ཅད་ཀྱི་དངོས་གྲུབ་དེ་ཁོ་ན་ཉིད་དུ་འགྱུར། དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་དང ། བྱང་ཆུབ་སེམས་དཔའ་དཀྱིལ་འཁོར་དུ་འཇུག་པའི་དམ་ཚིག་བྱིན་གྱི་རླབས་ཀྱི་དེ་ཁོ་ན་ཉིད་དུ་འགྱུར་ལགས་སོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སྙིང་རྗེ་ཆེན་པོ་དང་ལྡན་པ་དོན་ཡོད་པའི་ཞགས་པའི་དམ་ཚིག་རྣམ་པར་ཐར་པ་ཆེན་པོའི་དཀྱིལ་འཁོར་རྣམ་པར་འཕྲུལ་པ། བྱང་ཆུབ་སེམས་དཔའ་ཐམས་ Ba106b ཅད་ཀྱི་དམ་ཚིག་དཀྱིལ་འཁོར་ཆེན་པོ་དང ། ཕྱག་རྒྱ་རིམ་པར་ཕྱེ་བ་ཆོ་ག་ཞིབ་མོ་དེའི་དུས་ལ་དབབ་པར་ཤེས་ན་ཤོད་ཅིག་།ངས་བྱིན་གྱིས་བརླབས་ཤིང་རྗེས་སུ་ཡི་རང་ལ་ཕྱག་རྒྱ་ཆེན་པོས་བཏབ་ནས་བྱིན་གྱིས་བརླབས་སོ། །སྔོན་གྱི་དེ་བཞིན་གཤེགས་པ་གངྒཱའི་ཀླུང་གི་བྱེ་བ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུའི་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་སོ། །སེམས་ཅན་ཐམས་ཅད་ཀྱི་དོན་དུ་དེ་ཁོ་ན་ཉིད་ཀྱི་དངོས་གྲུབ་བླ་ན་མེད་པ་ཕྱག་རྒྱ་དང ། དཀྱིལ་འཁོར་དང ། དམ་ཚིག་ཆེན་པོར་བྱིན་གྱིས་བརླབས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཞིན་འཛུམ་ཞིང ། དེ་བཞིན་གཤེགས་པ་ཐམས་ཅད་ཀྱི་གསང་བ་རྣམ་པར་ཐར་པའི་དཀྱིལ་འཁོར་རྣམ་པར་འཕྲུལ་པ་བཀོད་པ་དོན་ཡོད་པ་མཐོང་བའི་ཏིང་ངེ་འཛིན་མངོན་སུམ་དུ་བྱས་ནས་ཏིང་ངེ་འཛིན་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སངས་རྒྱས་ཀྱི་ཞིང་ཐམས་ཅད་འོད་ཟེར་གྱིས་སྣང་བར་བྱས། ལྷའི་གནས་ཐམས་ཅད་སྣང་བར་བྱས། ཀླུའི་གནས་ཐམས་ཅད་སྣང་བར་བྱས། གནོད་སྦྱིན་དང་སྲིན་པོའི་གནས་ཐམས་ཅད་སྣང་བར་བྱས། འབྱུང་པོའི་གནས་ཐམས་ཅད་སྣང་བར་བྱས། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོའི་ Ba107a ༄#། །གནས་ཐམས་ཅད་སྣང་བར་བྱས། སའི་འོག་ཏུ་གཏོགས་པ་འོག་ནས་གནས་པ་ཐམས་ཅད་སྣང་བར་བྱས། བར་སྣང་གི་གནས་ནམ་མཁའ་ལ་རྒྱུ་བའི་ལྷ་རྣམས་སྣང་བར་བྱས་ཤིང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ནས་གཡོ་བ་ཆེན་པོར་འགྱུར་བ་དང ། གཡོ་བའི་མཐུ་དེས་དེ་དག་ཐམས་ཅད་བསྐུལ་བར་གྱུར་ཏོ། །བསྐུལ་བ་ཙམ་གྱི་མོད་ཉིད་ལ་དེ་དག་ཐམས་ཅད་ལྷགས་ཏེ། རི་གྲུ་འཛིན་ན་འཁོར་མང་པོ་འདུས་པར་མཐུན་པར་ལྷགས་ནས་འཁོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་འཁོར་མང་པོ་འདུས་པར་མཁྱེན་ནས་དོན་ཡོད་པའི་ཞགས་པའི་ཆ་བྱད་དུ་ཞུགས་ཤིང་བཅོམ་ལྡན་འདས་ཀྱི་སྤྱན་སྔར་འདུག་ནས་འདི་ལྟར་དེ་བཞིན་གཤེགས་པའི་གསང་བ་ཐམས་ཅད་དུ་རིགས་སྤྱིའི་དམ་ཚིག་གི་ཚུལ་དུ་ཞུགས་ལ། རལ་པའི་ཐོར་ཚུགས་ཀྱིས་བརྒྱན་ཞིང་རྒྱལ་བ་འོད་དཔག་མེད་ཐོར་ཚུགས་སུ་ཐོགས་པ། ཚངས་པའི་གཟུགས་ཅན་ཕྱག་བཅོ་བརྒྱད་པ་རང་གི་ངོ་བོ་ཞགས་པ་ཐོགས་པ། ཐལ་མོ་སྦྱར་བ། སྐུ་ཕྱེད་ན་ཕྱག་གཡོན་པ་བརྟེན་པ། མདུང་རྩེ་གསུམ་པ་བསྣམས་པ། རིལ་པ་སྤྱི་བླུགས་དང ། བགྲང་ཕྲེང་བསྣམས་པ། པདྨ་བསྣམས་པ། པདྨའི་ཕྱག་རྒྱ་བསྣམས་པ། ཡིད་བཞིན་གྱི་ནོར་བུ་དང་རྒྱལ་མཚན་ Ba107b བསྣམས་པ། མེ་ཏོག་གི་ཕུར་མ་དང ། བཱི་ཛ་པཱུ་ར་བསྣམས་པ། དབུགས་འབྱིན་པར་མཛད་པ། རིན་པོ་ཆེའི་ཆར་འབེབས་པར་མཛད་པ། ཐལ་མོ་སྦྱར་བའི་ཕྱག་རྒྱ་མཛད་པ། སྤྱི་བོར་ཕྱག་རྒྱ་མཛད་པ། དམ་ཚིག་གི་ཕྱག་རྒྱ་མཛད་པ། པདྨ་ཡངས་པའི་ཕྱག་རྒྱ་མཛད་པ། རྡོ་རྗེའི་རིགས་ཀྱི་དམ་ཚིག་གི་ཕྱག་རྒྱ་མཛད་པ། དེ་བཞིན་གཤེགས་པ་དང ། ནོར་བུའི་ཕྱག་རྒྱ་མཛད་པ། གཟུགས་ཞི་བ། སྤྱན་གསུམ་པ། མཆོད་ཕྱིར་ཐོགས་པ། གདན་པདྨ། སྐུ་འོད་ཟེར་སྣ་ཚོགས་འབར་བ། སྒྲོལ་མ་བདུན་རྗེས་སུ་འབྲང་བ། ཕ་རོལ་ཏུ་ཕྱིན་པ་བཅུས་བསྐོར་བ།་བརྒྱ་བྱིན་དང ། ཚངས་པ་དང ། གཤིན་རྗེ་དང ། ཆུ་ལྷ་དང ། ལུས་ངན་པོས་བསྐོར་བ། དབང་ཕྱུག་དང ། དབང་ཕྱུག་ཆེན་པོ་དང ། ཚངས་པ་དང ། ལྷའི་བུ་དང ། སྲེད་མེད་ཀྱི་བུ་དང ། དབང་ཆེན་དང ། རྒྱ་མཚོ་དང ། དགའ་བོ་དང ། ཉེ་དགའ་བོ་འཁོར་དང་བཅས་པ་བཅོམ་ལྡན་འདས་ཤཱཀྱ་ཐུབ་པའི་སྤྱན་སྔར་འཁོད་ནས་མིག་མི་འཛུམ་ཞིང་བཞིན་འཛུམ་པས། མེ་ཏོག་སྣ་ཚོགས་པ་རྣམས་བཅོམ་ལྡན་འདས་ལ་འཐོར་ཏེ། འདི་ལྟ་སྟེ། མེ་ཏོག་ཤཝ་ལ་དང ། ཏ་མ་ལ་དང ། ཙམ་པ་ཀ་དང ། ་ཏི་མུཀྟ་ཀ་དང ། ཤོ་ཀཱ་བརྟ་དང ། ཁ་བྱེ་འཁྱིལ་བ་དང ། གནྡྷ་བཪྵི་ཀ་དང ། མཐོན་ཀ་དང ། མཐོན་ཀ་ཆེན་པོ་དང ། ཀ་དམ་པ་དང ། མདོག་མཛེས་པ་དང ། སུ་མ་ནྱ་ཀ་དང ། སྐྱ་སྣར་དང ། ཆེར་གསལ་ Ba108a ༄#། །བ་དང ། དྲི་མེད་གཟི་བརྗིད་དང ། དྲི་དགའ་དང ། རབ་སིམ་དང ། པ་ལ་ཤ་དང ། ཟ་བ་དང ། མ་རཎྜ་ཀ་དང ། གཟི་བརྗིད་བསིལ་དང ། དྲི་མེད་དང ། གཟི་ཡངས་ལྡན་དང ། ཤིན་ཏུ་བསྟན་དང ། ལྷ་དགའ་དང ། ཡིད་དགའ་དང ། ཡུ་ཐི་ཀ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། ུཏྤ་ལ་དང ། ུཏྤ་ལ་དམར་པོ་དང ། ཏ་ར་ཎ་གུ་ཧྱ་དང ། གསེར་དང ། དངུལ་དང ། རིན་པོ་ཆེ་རྣམ་པ་སྣ་ཚོགས་ཀྱི་མེ་ཏོག་རྣམས་ཀྱིས་བཅོམ་ལྡན་འདས་ལ་མཆོད་པ་བྱེད་པ་ནི། མངོན་སུམ་དུ་རྣམ་པར་ཐར་པའི་དཀྱིལ་འཁོར་གསང་བ་དོན་ཡོད་པའི་རྒྱལ་པོ་འདི་སྨྲས་སོ། །དུས་གསུམ་དུ་གཤེགས་ཤིང་བཞུགས་པ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་གསང་བ་རིགས་ཀྱི་དམ་ཚིག་ལ་ཕྱག་འཚལ་ལོ། །རིག་སྔགས་ཀྱི་རྒྱལ་པོ་དོན་ཡོད་པ་རྣམ་པར་ཐར་པའི་དཀྱིལ་འཁོར་རིགས་དང ། ཕྱག་རྒྱ་ཐམས་ཅད་ལ་ཕྱག་འཚལ་ལོ། །འདས་པ་དང ། མ་འོངས་པ་དང ། ད་ལྟར་བྱུང་བའི་རང་སངས་རྒྱས་དང ། ཉན་ཐོས་ཀྱི་དགེ་འདུན་ཐམས་ཅད་ལ་ཕྱག་འཚལ་ལོ། །ཡང་དག་པར་རྟོགས་པ་རྣམས་ལ་ཕྱག་འཚལ་ལོ། །ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །བློ་གྲོས་ཆེན་པོ་དང་ལྡན་པ་ཤཱ་རདྭ་ཏིའི་བུ་ལ་ཕྱག་འཚལ་ Ba108b ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ་འཕགས་པའི་ཚོགས་ཀྱི་མཆོག་རྣམས་ལ་ཕྱག་འཚལ་ལོ། །འཕགས་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །དྲང་སྲོང་ཆེན་པོ་དེ་དག་དང ། འཕགས་པའི་ཚོགས་ཀྱི་མཆོག་དེ་དག་ལ་ཕྱག་འཚལ་ནས་འཕགས་པ་སྤྱན་རས་གཟིགས་དབང་ཕྱུག་གི་ཞལ་ནས་བྱུང་བ། དོན་ཡོད་པའི་རྒྱལ་པོ་རྣམ་པར་ཐར་པའི་དཀྱིལ་འཁོར་གྱི་སྙིང་པོ་དེ་བཞིན་གཤེགས་པའི་མངོན་སུམ་དུ་གསུངས་པ་འདི་འཁོར་མང་པོའི་ནང་དུ་བདག་གིས་ད་བཟླའོ། བདག་གི་དགོས་པ་ཐམས་ཅད་གྲུབ་པར་གྱུར་ཅིག་།འཇིགས་པ་ཐམས་ཅད་དུ་སྲུང་བར་གྱུར་ཅིག་།ཏདྱ་ཐཱ། ཨོཾ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀ་།བི་རི་བི་རི། པི་རི་པི་རི། ཙི་རི་ཙི་རི། པ་ར་མ་མ་ཧཱ་ཀ་རུ་ཎི་ཀ་།སི་རི་སི་རི། ཙི་རི་ཙི་རི། བི་རི་བི་རི། བི་རི་བི་རི། མ་ཧཱ་པདྨ་ཧསྟ། ཀ་ལ་ཀ་ལ།་ཀི་ལི་ཀི་ལི། ཀུ་ལུ་ཀུ་ལུ། མཧཱ་ཤུདྡྷ་སཏྭ། ཨེ་ཧྱེ་ཧི། བུདྡྷྱ་བུདྡྷྱ། དྷཱ་བ་དྷཱ་བ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུདྡྷ་སཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་ Ba109a ༄#། །སྠཱ་མ་པྲཱབྟ། ཙ་ལ་ཙ་ལ། སཉྩ་ལ་སཉྩ་ལ། བི་ཙ་ལ་བི་ཙ་ལ། ཨེ་ཊ་ཊ་ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ་།མ་ཧཱ་བ་ཤུ་པ་ཏི། བེ་ཥ་དྷ་ར་།དྷ་ར་དྷ་ར། ས་ར་ས་ར། ཙ་ར་ཙ་ར། ཧ་ར་ཧ་ར། ཧཱ་ཧཱ་ཧཱ་ཧཱ། ཧཱི་ཧཱི་ཧཱི་ཧཱི། ཧཱུ་ཧཱུ་ཧཱུ་ཧཱུ། ཨོཾ་ཀཱ་ར་པྲཧྨ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། པ་ར་པ་ར། ཙ་ར་ཙ་ར། བྷ་ར་བྷ་ར། རཤྨི་ཤ་ཏ་ས་ཧ་སྲ་པྲ་ཏི། མཎྜི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། བྷ་ག་ཝན། སོ་མ་ཨཱ་དི་ཏྱ། ཡ་མ་བ་རུ་ཎ་ཀུ་བེ་ར་བྲཧྨ་ཨིནྡྲ་རི་ཥི་དེ་བ་ག་ཎ། ཨ་བྷྱ་རྩི་ཏ་ཙི་ར་ཎ།་སུ་རུ་སུ་རུ། ཙུ་རུ་ཙུ་རུ། པུ་རུ་པུ་རུ། མུ་རུ་མུ་རུ། ས་ནད་ཀུ་མ་རཱ། རུ་དྲ་བཱ་ས་བ། བིཥྞུ་དྷ་ན་ད། བཱ་ཡུ་དེ་བ་རི་ཥི་ནཱ་ཡ་ཀ་།བི་ནཱ་ཡ་ཀ་།བ་ཧུ་བི་བི་དྷ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི།་དྷུ་རུ་དྷུ་རུ། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། མ་ར་མ་ར། པ་ར་པ་ར། ཙ་ར་ཙ་ར། བ་ར་བ་ར། བ་ར་དཱ་ཡ་ཀ་།ས་མནྟ་ཨ་བ་ལོ་ཀི་ཏེ། བི་ལོ་ཀི་ཏེ། ལོ་ཀེ་ཤཝ་ར། མ་ཧེ་ཤཝ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང ། གནོད་པ་ཐམས་ཅད་དང ། ཡམས་ཀྱི་ནད་ཐམས་ཅད་དང ། གདོན་ཐམས་ཅད་དང ། ནད་ཐམས་ཅད་ལས་སྲུང་དུ་གསོལ། སྲུང་དུ་ Ba109b གསོལ།་གནོད་པ་དང ། འཆིང་བ་དང ། རྡེག་པ་དང ། བསྡིགས་པ་དང ། རྒྱལ་པོ་དང ། ཆོམ་རྐུན་དང ། གནོད་བྱེད་དང ། མེ་དང ། ཆུ་དང ། དུག་དང ། མཚོན་ལས་ཡོངས་སུ་ཐར་བར་མཛད་པ།་ཀ་ཎ་ཀ་ཎ། ཀི་ནི་ཀི་ནི། ཀུ་ཎུ་ཀུ་ཎུ། ཙ་ར་ཙ་ར། ཨིནྡྲི་ཡ། བ་ལ་བོ་དྷྱངྒ། མཱ་ར་ཀ་།ཙུ་ཏུ་རཱ་རྱ་ས་ཏྱ་ས་མ་པྲ་ཀཱ་ཤཱ་ཀ་ཏ་མ་ཏ་མ། ད་མ་ད་མ། ཤ་མ་ཤ་མ། ས་མ་ས་མ། མ་ཧཱ་ཏ་མཱན་དྷ་ཀ་ར། བྷི་དྷ་མན། ཥ་ཊ་པཱ་ར་མི་ཏཱ། པ་རི་པཱུ་ར་ཀ་།མི་ལི་མི་ལི། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཋི་ཋི་ཋི་ཋི། ཋུ་ཋུ་ཋུ་ཋུ། ཨེ་ཎེ་ཡ་ཙརྨ་ཀྲྀ་ཏ། པ་རི་ཀ་ར། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ་མ་ཧེ་ཤཝ་ར། མ་ཧཱ་བྷུ་ཏ། ག་ཎ་བྷཾ་ཛ་ཀ་།ཀུ་རུ་ཀུ་རུ། པ་ར་པ་ར། ཀ་ཊ་ཀ་ཊ། མ་ཊ་མ་ཊ། བི་ཤུདྡྷ་བི་ཥ་ཡ་ནི་པཱ་ས་ནི། མ་ཧཱ་ཀཱ་རུ་ཎི་ཀ་།ཤཝེ་ཏ་ཡཛྙོ་པ་པཱི་ཏ་ཡ། རཏྣ་མ་ཀུ་ཊ། མཱ་ལཱ་དྷ་ར། སརྦ་ཛྙཱ་ཤི་ར་སི་ཀྲི་ཏ། ཛ་ཊཱ་མ་ཀུ་ཊ་མཧཱ་ད་བྷུ་ཏ། ཀ་མ་ལ་ཀྲི་ཏ། ཀ་ར་ཏ་ལ། དྷྱ་ན་ས་མ་དྷི། བི་མོ་ཀྵ། ཨ་པྲ་ཀམྤྱ། པ་ཧུ་ས་ཏྭ། སནྟ་ཏི། པ་རི་པཱ་ཙ་ཀ་།མ་ཧཱ་ཀཱ་རུ་ཎི་ཀ་།སརྦ་ཀརྨ་ཨཱ་བ་ར་ཎ་བི་ཤོ་དྷ་ཀ་།སརྦ་བྱཱ་དྷི་བ་རི་མོ་ཙ་ཀ་།སརྦ་ཨཱ་ཤཱ་བ་པི་པཱུ་ར་ཀ་།སརྦ་སཏྭ། སཾ་མཱ་ཤཝཱ་ས་ན་ཀ་ར་ན་མོ་སྟུ་ཏེ་སཝཱཧཱ། ཨོཾ་པྲམྷ་བེ་ཥ་དྷ་ར། དྷ་ར་དྷ་ར།་དྷི་རི་དྷི་རི། དྷུ་རུ་དྷུ་རུ། ས་མནྟ། ཛྭ་ལ་ཨ་མོ་གྷ་ཧཱུཾ། དོན་ཡོད་པའི་སྙིང་པོ་ཨ་ཡི་གེ་གཅིག་པོ་ནི། ཀུན་ནས་གསང་བ། དེ་བཞིན་གཤེགས་པའི་རིགས་ཀྱི་དམ་ཚིག་དང ། པདྨ་ Ba110a ༄#། །ཡངས་པའི་དཀྱིལ་འཁོར་དུ་ཞུགས་པ། རིགས་ཐམས་ཅད་ཀྱི་སྤྱིའི་ཡིན་ཏེ། བཀླགས་པས་གྲུབ་པའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་ཡི་གེ་གཅིག་པོ་ཀུན་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བ་སྤྱིའི་རྣམ་པར་ཐར་པའི་དཀྱིལ་འཁོར་སྨྲས་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་ཤིང་ལྷའི་མེ་ཏོག་གི་ཆར་རབ་ཏུ་བབ་ལ། ཀུན་ནས་རིན་པོ་ཆེའི་ཆར་རབ་ཏུ་བབ་བོ། །དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་སྟོང་ཀུན་ནས་གཤེགས་ནས་ནམ་མཁའི་དཀྱིལ་ལ་རྫུ་འཕྲུལ་གྱིས་བཞུགས་སོ། །དོན་ཡོད་པའི་རིམ་པར་ཕྱེ་བའི་སྤྲིན་ལྷའི་རིན་པོ་ཆེའི་སྣ་བདུན་ཕབ་ལ་འབབ་པས་ཁེབས་པ་དང ། ལྷའི་རིན་པོ་ཆེ་སྣ་བདུན་གྱི་མེ་ཏོག་རྣམས་དང ། ལྷའི་རྒྱན་དང ། གོས་སྣ་ཚོགས་པའི་ཆར་བཅོམ་ལྡན་འདས་དང ། འཕགས་པ་སྤྱན་རས་གཟིགས་དོན་ཡོད་པའི་རྒྱལ་པོའི་ཚུལ་དུ་ཞུགས་པ་ལ་མཆོད་པ་དང ། བཀུར་སྟི་བྱ་བའི་ཕྱིར་རབ་ཏུ་ཕབ་བོ། །སངས་རྒྱས་བཅོམ་ལྡན་འདས་དེ་དག་གིས་ཀྱང་ལེགས་སོ། །ཞེས་བྱ་བའི་སྒྲ་འབྱིན་པར་མཛད། སེམས་ཅན་དག་པ་ཆེན་པོ་ཁྱོད་ཀྱིས་སངས་རྒྱས་འབྱུང་བ་མཆོག་བསྟན་པ་ལེགས་སོ། །འདི་ Ba110b ལྟ་སྟེ།་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བའི་ཕྱག་རྒྱ་དང ། དཀྱིལ་འཁོར་དང ། རིག་སྔགས་ཀྱི་གནས་རིམ་པར་ཕྱེ་བ་རྣམ་པར་ཐར་པའི་དཀྱིལ་འཁོར་དང ། ཡི་གེ་གཅིག་པའི་རྗེས་སུ་ཞུགས་པ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཉི་མ་གཅིག་ཤར་བ་ཡིན་ནོ། །གང་འདས་པ་དང ། མ་འོངས་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྡུལ་ཕྲ་མོ་སྙེད་ཀྱི་སངས་རྒྱས་འབྱུང་བ་རྫོགས་པར་སངས་རྒྱས་འབྱུང་བ་གཅིག་གིས་ཐམས་ཅད་ཀྱི་རྗེས་སུ་ཞུགས་པ་ཡིན་ཞིང ། སྙིང་པོ་ཡི་གེ་གཅིག་གི་རྗེས་སུ་ཞུགས་པ་ཡིན་ལ། ཕྱག་རྒྱ་དང ། དཀྱིལ་འཁོར་རིམ་པར་ཕྱེ་བ་དང ། དམ་ཚིག་གཅིག་གིས་རྗེས་སུ་ཞུགས་པ་ཡིན་ནོ། །དོན་ཡོད་པའི་རྣམ་པར་འཕྲུལ་པ་རྣམ་པར་ཐར་པའི་དཀྱིལ་འཁོར་དེ་བཞིན་གཤེགས་པའི་གསང་བ་བཟང་པོ་འདི་ནི། དོན་ཡོད་པའི་གསང་སྔགས་ཀྱི་ཞགས་པས་དྲངས་ཤིང་སྐུ་གཅིག་གི་དམ་ཚིག་ལ་བཀོད་པ་ཡིན་ཏེ། དེ་ནས་དོན་ཡོད་པའི་ཞགས་པ་ཞེས་བྱ་བར་བྱིན་གྱིས་བརླབས་སོ། །སྙིང་པོ་ཡི་གེ་གཅིག་པའི་གཟུངས་སྔགས་ནི། རྟག་ཏུ་བཀླགས་པས་གྲུབ་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པ་ཡིན་ནོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་ Ba111a ༄#། །དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སྙིང་རྗེ་ཆེན་པོ་དང་ལྡན་པ། ལེགས་སོ་ལེགས་སོ། །དེ་ཁོ་ན་ཉིད་སྒྲུབ་པ་གྲུབ་པ།་དེ་བཞིན་གཤེགས་པའི་རིགས་སྤྱིའི་དམ་ཚིག་ཐམས་ཅད་གྲུབ་པ། དོན་ཡོད་པའི་ཞགས་པའི་སྙིང་པོ་སྒྲུབ་པ་བཀླགས་པས་འགྲུབ་པ་འདི་ནི། མཆོག་ཏུ་བཟང་བ་ཡིན་གྱི།་ཡོན་ཏན་གྱི་ཕུང་པོ་ཤོད་ཅིག། སྙིང་པོ་ཡི་གེ་གཅིག་པ་འདི་ནི། དོན་ཡོད་པའི་ཞགས་པ་སྒྲུབ་པའི་ཆོ་ག་སྒྲུབ་པ་བདེ་བ། བཀླགས་པས་གྲུབ་པ། ཕྱག་རྒྱ་དང ། དཀྱིལ་འཁོར་དང ། སྐུ་གཟུགས་རི་མོ་དང་བཅས་པ་སྒྲུབ་པའི་ཆོ་ག་བླ་ན་མེད་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དོན་ཡོད་པའི་ཞགས་པ་པདྨ་ཡངས་པའི་དཀྱིལ་འཁོར་དང ། པདྨའི་རིགས་ཀྱི་རྣམ་པར་ཐར་པའི་དཀྱིལ་འཁོར་དང ། དེ་ཁོ་ན་ཉིད་ཀྱི་དམ་ཚིག་གསང་བ་ཆེན་པོ་དང ། རིགས་སྤྱིའི་སྒྲུབ་པ་བཀླགས་པས་འགྲུབ་པ་འདིའི་ཡོ་བྱད་དང ། ཆོ་ག་བཤད་པར་བགྱི་ཡི། བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ། བཅོམ་ལྡན་འདས། གང་གིས་དྲན་པ་ཙམ་གྱིས་བདག་མདུན་ན་ཉེ་བར་མཆིས་ཤིང ། བསམ་པ་ཐམས་ཅད་ཡིད་ Ba111b བཞིན་དུ་ཡོངས་སུ་རྫོགས་པར་བགྱི། རིག་སྔགས་ཀྱི་དངོས་གྲུབ་ཐམས་ཅད་རྗེས་སུ་སྩལ་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། སྤྱན་རས་གཟིགས་དབང་ཕྱུག་ལེགས་སོ་ལེགས་སོ། །དེ་ལྟར་ཁྱོད་ཀྱིས་སེམས་ཅན་ཐམས་ཅད་བསྒྲལ་བར་བྱ་ཞིང ། རིག་སྔགས་འཆང་རྣམས་ཀྱི་དངོས་གྲུབ་དམ་པ་མཆོག་དེ་ཁྱོད་ཀྱིས་རབ་ཏུ་སྦྱིན་པར་གྱིས་ཤིག་།དོན་ཡོད་པའི་ཞགས་པའི་སྙིང་པོ་གསང་བའི་དམ་ཚིག་དང ། ཡི་གེ་གཅིག་པོ་རིགས་སྤྱིའི་རྗེས་སུ་ཞུགས་པ་དེ་བཞིན་གཤེགས་པས་བྱིན་གྱིས་བརླབས་ཀྱི། ཡོ་བྱད་དང ། སྒྲུབ་པའི་ཆོ་ག་ཤོད་ཅིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱིས་དབུགས་ཕྱུང་བདག་ཐོས་ནས་སྙིང་ཤིན་ཏུ་དགའ་སྟེ་ཡོ་བྱད་དང ། ཆོ་ག་སྨྲས་པ། བཅོམ་ལྡན་འདས་ཀྱིས་མངོན་སུམ་ཉིད་དུ་སྡིག་པ་སྲེག་ཅིང་མ་ལུས་པར་ཟད་པར་བགྱིད་པ། སེམས་ཅན་དམྱལ་བ་རྩ་བ་ནས་འབྱིན་པའི་དཀྱིལ་འཁོར་གྱི་ཆོ་ག་སྨྲས་པ། དཀྱིལ་འཁོར་གྲུ་བཞིར་བྱས་ནས་སུ། །དབུས་སུ་པདྨའི་འཁོར་ལོ་བྱ། །ཚོན་རྩི་སྣ་ཚོགས་རྣམ་པར་དབྱེ། །པདྨ་ཟེ་བའི་དབུས་སུ་ནི། སྤྱན་རས་གཟིགས་དབང་བཞུགས་པར་བྱ། །བུམ་པ་བཀང་དང་འཕན་རྣམས་ཀྱིས། །དཀྱིལ་འཁོར་ཀུན་ནས་བརྒྱན་པར་བྱ། །མེ་ཏོག་སྣ་ཚོགས་ལེགས་པར་དགྲམ། །སྤོས་དྲི་ Ba112a ༄#། །བཟང་པོས་བསྒོས་པ་ཡི། །མར་མེའི་ཕྲེང་བ་ཀུན་ཏུ་བུད། །མཆོད་ཡོན་ཆུ་དག་གཞག་པར་བྱ། །གུ་གུལ་དང་ནི་ས་ལླ་ཀི་། ག་རུ་དང་དུ་རུ་སྐ། །བདུག་སྤོས་སྣོད་བཞི་དག་ནས་བདུག་།རིག་སྔགས་འཆང་བ་ཁྲུས་བྱས་ནས། །གོས་གཙང་བགོས་ཏེ་སྨྱུང་བ་ལ། །ཉེ་བར་གནས་ནས་ཚེས་བརྒྱད་དམ། །བཅུ་བཞིའམ་ཚེས་ནི་བཅོ་ལྔ་སྟེ། །ཟླ་བ་ཡར་གྱི་ངོ་ལ་བསྒྲུབ། །ཤར་དུ་ཁ་བལྟས་འདུག་ནས་སུ། །དོན་ཡོད་ཞགས་པ་དུས་གསུམ་དུ། །ཉི་ཤུ་རྩ་གཅིག་བཟླས་བརྗོད་བྱ། །སྙིང་པོའང་བརྒྱ་རྩ་བརྒྱད་དུ་བཟླས། །ཡི་གེ་གཅིག་པོ་འབུམ་དུ་ནི། །མཚན་མོ་བར་ཆད་མེད་པར་བཟླས། །སྐྱ་རེངས་ཤར་ནས་འཇིག་རྟེན་དབང ། །ཟེ་བའི་དབུས་ན་འབར་འགྱུར་ཞིང ། །འགུལ་འགྱུར་འགུལ་བ་དེ་ཡིས་ནི། །དམྱལ་བ་ཆེན་པོ་བཅུ་དྲུག་གི། སྒོ་རྣམས་དག་ནི་དབྱེ་བར་འགྱུར། །དམྱལ་བའི་གནས་ནས་ཤུགས་ཆེན་གྱིས། །གཡོ་ལ་གཡོས་པ་ཙམ་དེས་ནི། །དམྱལ་བའི་ཚོར་ཀུན་རྣམ་པར་འཇིག་།དམྱལ་བ་དེ་ཡང་རྣམ་པར་འཇོམས། །སེམས་ཅན་དམྱལ་བ་དེ་དག་ནི། །ཐར་ནས་ཕྱོགས་བཅུར་རྒྱུག་པ་ཡི། །དམྱལ་བའི་སྡུག་བསྔལ་ཀུན་ལས་གྲོལ། །མཐོ་རིས་ལམ་དུ་ཞུགས་པར་འགྱུར། །དུད་འགྲོའི་སྐྱེ་གནས་ཀྱི་སྡུག་བསྔལ་ཐམས་ཅད་དུ་དུད་འགྲོ་རྣམས་ལས་ཡོངས་སུ་གྲོལ་བར་འགྱུར། །བདག་ཉིད་ཀྱི་སྒྲིབ་པ་དང ། སྡིག་ Ba112b པ་དང ། སྡུག་བསྔལ་མི་བཟད་པ་ཐམས་ཅད་མཐར་གཏུགས་པར་ཡོངས་སུ་ཟད་པར་འགྱུར། འཁོར་བའི་སྡུག་བསྔལ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །གལ་ཏེ་སྡིག་པ་ཐམས་ཅད་ཟད་པར་གྱུར་ན། དེའི་ཚེ་འཕགས་པ་སྤྱན་རས་གཟིགས་དབང་ཕྱུག་གི་སྐུ་མདོག་གསེར་གྱི་མདོག་ཅན་སྟོན་པར་མཛད་ལ་མཆོག་ཐམས་ཅད་སྦྱིན་པར་མཛད་དོ། །དོན་ཡོད་པ་དྲི་མ་མེད་པའི་ཡེ་ཤེས་རྒྱ་མཚོ་བཀོད་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར། སྒྲིབ་པ་དང་པྲལ་བ་སེམས་ཅན་གྱི་རྒྱན་རྣམ་པར་དག་པའི་བདག་ཉིད་ཀྱི་ངོ་བོ་ཐོབ་པར་འགྱུར། དེ་བཞིན་གཤེགས་པ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུ་པོ་རྣམས་མོད་ཉིད་ལ་མངོན་སུམ་དུ་སྟོན་པར་མཛད་ལ། དེ་བཞིན་གཤེགས་པ་དེ་དག་ཐམས་ཅད་ཀྱི་ཕྱག་གཡས་པ་མགོའི་སྤྱི་བོར་འཇོག་པར་མཛད། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར། དགེ་བའི་རྩ་བ་ཆེན་པོ་ཡོངས་སུ་བཟུང་བར་འགྱུར། འཇིག་རྟེན་པ་ཀུན་གྱིས་གཅིག་པུ་མཆོད་པ་ཆེན་པོ་བྱས་པར་འགྱུར། གཤིན་རྗེ་དང ། ཆུ་ལྷ་དང ། ལུས་ངན་དང ། ཟླ་བ་དང ། ཉི་མ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་རང་གི་གཟུགས་ཀྱིས་མངོན་སུམ་དུ་སྟོན་ཅིང ། ཉེ་འཁོར་ལ་ཀུན་ནས་སྲུང་བ་དང ། སྐྱོབ་པ་དང ། སྦེད་པ་བྱེད་པར་འགྱུར། དངོས་གྲུབ་དང ། དགོས་པ་ཐམས་ཅད་གྲུབ་པར་འགྱུར། Ba113a ༄#། །གལ་ཏེ་སྡིག་པ་ཐམས་ཅད་ཟད་པར་མ་གྱུར་ན། དེའི་ཚེ་འཕགས་པ་སྤྱན་རས་གཟིགས་དབང་ཕྱུག་གི་སྐུ་མདོག་གསེར་གྱི་ཁ་དོག་ཅན་དུ་མི་མཐོང ། དེས་སྒྲིབ་པ་དང ། སྡིག་པ་མ་ལུས་པར་ཤེས་པར་བྱ་སྟེ། དེ་ཉིད་དུ་བཟླས་བརྗོད་ཀྱི་ཆོ་ག་སྨྱུང་བ་གཉིས་པ་བྱས་པ་དང ། སྡིག་པ་དང ། སྒྲིབ་པ་ཐམས་ཅད་རྩ་བ་དང་བཅས་པ་ཐམས་ཅད་ཕྱུང་བར་འགྱུར་རོ། །གལ་ཏེ་བཟླས་བརྗོད་ཀྱི་ཆོ་ག་སྨྱུང་བ་གསུམ་པ་བྱེད་ན། བཟླས་བརྗོད་ཀྱི་ཆོ་ག་གསུམ་རྫོགས་པ་དང ། འཕགས་པ་སྤྱན་རས་གཟིགས་ཀྱི་ཕྱག་གཡས་པ་བརྐྱང་ནས་རིག་སྔགས་འཆང་བཏེག་སྟེ་མོད་ལ་འཇིག་རྟེན་གྱི་ཁམས་བདེ་བ་ཅན་དུ་འོད་དཔག་མེད་ཀྱི་སྤྱན་སྔར་འཇོག་པར་མཛད་ལ་མངོན་སུམ་དུ་བཞུགས་སོ། །དེ་བཞིན་གཤེགས་པ་ཚེ་དཔག་མེད་ཀྱིས་དབུགས་འབྱིན་པར་མཛད་ཅིང་ཕྱག་སྤྱི་བོར་འཇོག་པར་མཛད་དེ། ཚེ་དཔག་ཏུ་མེད་པར་འགྱུར་རོ། །གལ་ཏེ་སེམས་ཅན་གཞན་རིགས་ཀྱི་བུའམ། རིགས་ཀྱི་བུ་མོའམ། དགེ་སྦྱོང་ངམ། བྲམ་ཟེའམ། སྐྱེས་པའམ། བུད་མེད་དམ། ཁྱེའུ་འམ། བུ་མོའམ། ཐ་ན་དུད་འགྲོའི་སྐྱེ་གནས་སུ་སོང་བ་གང་ཞིག་སྡིག་པ་དང ། སྒྲིབ་པ་ཟད་པར་འདོད་ན། རིག་སྔགས་འཆང་ཁྲུས་བྱས་ལ་གོས་གཙང་མ་བགོས། སྨྱུང་བ་བྱས་པ་དེས་དཀྱིལ་འཁོར་ལ་མངོན་དུ་ཕྱོགས་པར་ Ba113b བཞག་ལ་རིག་སྔགས་འཆང་ཆོ་ག་བྱེད་པས་གསང་སྔགས་རྗེས་སུ་དྲན་པར་བྱས་ནས་རྨ་བྱའི་སྒྲོས་བྱབ་པར་བྱའོ། །དེ་ཙམ་གྱིས་ཡོན་ཏན་གྱི་ཁྱད་པར་ཐོབ་པར་འགྱུར་ཏེ། སྡིག་པ་དང ། སྒྲིབ་པ་ཐམས་ཅད་ཟད་པར་འགྱུར། ནད་ཐམས་ཅད་དང ། གདུག་པ་ཐམས་ཅད་དང ། ན་པ་ཐམས་ཅད་དང ། མཚམས་མེད་པ་ཐམས་ཅད་ཟད་པར་འགྱུར་ཏེ། ཐེ་ཚོམ་མེད་དོ། །སྒྲིབ་པ་དང་བྲལ་བ་ཉིད་ཐོབ་པར་འགྱུར་ཞིང་ཚིག་གཟུང་བར་འོས་པར་འགྱུར། ལྷ་ཐམས་ཅད་ཀྱིས་བཟུང་ཞིང་ཀུན་ནས་སྲུང་བར་འགྱུར། དེ་བཞིན་གཤེགས་པའི་གསུང་ཐོབ་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གཟིགས་བཞེད་པར་འགྱུར། ཚེ་རིང་བ་དང ། སྒྲིབ་པ་དང ། ནད་དང་བྲལ་བར་འགྱུར། ཚེ་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར། ཚེ་རབས་སུ་ཚེ་རབས་དྲན་པར་འགྱུར། དགེ་བའི་རྩ་བ་བསོད་ནམས་ཀྱི་ཚོགས་ཐམས་ཅད་དང་ལྡན་པར་འགྱུར་ཏེ། སྙིང་རྗེ་དང ། བྱམས་པ་ཆེན་པོ་ཡིད་ལ་བྱ་བ་རྩེ་གཅིག་ཏུ་བྱ་ཞིང་སྨྱུང་བ་དང ། བཟླས་བརྗོད་བྱའོ། །སྡིག་པ་དང ། སྒྲིབ་པ་ཟད་པར་བྱ་བའི་དཀྱིལ་འཁོར་ཆེན་པོའི་ཆོ་གའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ།་བམ་པོ་བཅུ་བདུན་པ། དེ་ནས་རྟག་ཏུ་བཟླས་པའི་དཀྱིལ་འཁོར་གྱི་ཆོ་ག་བཤད་པར་བྱ་སྟེ། དཀྱིལ་འཁོར་གྱི་ཚད་ཇི་ལྟ་བ་བཞིན་དུ་ལེགས་པར་ཕྱེ་བ། གྲུ་བཞི་ Ba114a ༄#། །པ།་རྒྱར་གཟིངས་ཀྱི་ཚད་ཀྱིས་ཤིན་ཏུ་རྣམ་པར་ཕྱེ་བ་བྱ་སྟེ། དྲིའི་ཚོན་རྩི་རྣམ་པར་བཀྲ་བ་ཀུན་ནས་པདྨའི་ཕྲེང་བ་དང ། རྡོ་རྗེའི་གེ་སར་ལ་བརྟེན་པའི་དབུས་སུ་པདྨ་བྱའོ། །རྡོ་རྗེའི་ཐིག་སྐུད་ཀྱིས་ཀུན་ནས་བསྐོར་བའི་དབུས་ཀྱི་པདྨའི་གེ་སར་ལ་འཕགས་པ་སྤྱན་རས་གཟིགས་དབང་ཕྱུག་ཚངས་པའི་ཆ་བྱད་འཛིན་པ་དགོད་པར་བྱའོ། །ཉི་མ་རེ་རེ་ཞིང་མེ་ཏོག་དང་བདུག་པ་དབུལ་བར་བྱ་ཞིང ། ཉི་མ་རེ་རེ་ཞིང་ཨ་ག་རུའི་བདུག་པ་དང ། ཁྲུས་བྱས་གོས་གཙང་མ་བགོས་ཏེ་དོན་ཡོད་རྒྱལ་པོའི་བཟླས་བརྗོད་དང ། ཕྱག་རྒྱ་བཅིང་བར་བྱའོ། །ཡི་གེ་གཅིག་པོའི་སྙིང་པོའི་བཟླས་བརྗོད་ཐུན་གསུམ་དུ་ལན་གསུམ་མམ། ལན་བདུན་ནམ། ལན་ཉི་ཤུ་རྩ་གཅིག་ཏུ་བཟླའོ། །ཟས་ངན་པ་བཅུ་ཡོངས་སུ་སྤང་བར་བྱ་ཞིང ། སེམས་ཅན་ངན་པ་ཡང་སྤང་བར་བྱའོ། །སྒྲུབ་ཐབས་ཀྱི་དེ་ཁོ་ན་ཉིད་ལས་ཐམས་ཅད་དུ་འཇིག་རྟེན་པའི་བྱ་བ་ཐམས་ཅད་འགྲུབ་བོ། །འཇིགས་པ་ཆེན་པོ་མི་བཟད་པ་བརྒྱད་པོ་དེ་རྣམས་ལས་གྲོལ་ལོ། །དོན་ཡོད་པའི་རྒྱལ་པོ་དྲན་པས་ནད་ཐམས་ཅད་རྣམ་པར་ཉམས་པར་བྱེད་དོ། །དུག་དང ། སྦྱར་དུག་དང ། བྱད་སྟེམས་དང ། གདོན་ཐམས་ཅད་དང ། འཇིགས་པ་དང ། སྡང་བ་དང ། སྐྲག་པ་དང ། རིམས་དང ། ནད་ཐམས་ཅད་དང ། ཕོལ་མིག་དང ། ལྷོག་པ་དང ། མཚན་པར་རྡོལ་བ་དང ། གཡན་པ་ Ba114b དང ། རྐང་ཤུ་དང ། མཛེ་དང ། མགོ་བོ་ན་བ་དང ། མིག་ན་བ་དང ། རྣ་བ་ན་བ་དང ། སྣ་ན་བ་དང ། ཁ་ན་བ་དང ། རྐན་ན་བ་དང ། མགུལ་ན་བ་དང ། སྙིང་ན་བ་དང ། ལྟོ་ན་བ་དང ། སོ་དང ། མཆུན་བ་དང ། ལག་པ་ན་བ་དང ། རྩིབ་ལོགས་ན་བ་དང ། ཆུ་སོ་ན་བ་དང ། ཕོ་བའི་ནད་དང ། མ་ཞུ་བ་དང ། རྐང་པ་ན་བ་དང ། རྒྱབ་ན་བ་དང ། ཡན་ལག་དང་ཉིང་ལག་ཐམས་ཅད་ན་བ་དང ། ཚད་པ་དང ། གཞང་ནད་དང ། གཅིན་ནད་དང ། གསུད་པ་དང ། འཁོག་པ་ལ་ལན་གཅིག་བརྗོད་དེ་བྱས་པ་ཙམ་གྱིས་ཐམས་ཅད་སེལ་བར་བྱེད་དེ། མྱུར་དུ་རབ་ཏུ་ཞི་བར་བྱེད་ཅིང་སྐད་ཅིག་དེ་ཉིད་ལ་ཡང་དག་པར་གནས་པར་བྱེད་དོ། །འཇིག་རྟེན་པའི་བྱ་བ་གཞན་ཐམས་ཅད་འགྲུབ་པར་འགྱུར་རོ། །དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུའི་དགེ་བའི་རྩ་བ་ཉི་མ་རེ་རེ་ཞིང་བསྐྱེད་པར་འགྱུར་རོ། །བསོད་ནམས་ཆེན་པོ་དང་ལྡན་པར་འགྱུར་རོ། །ཚིག་བཙུན་པར་ཡང་འགྱུར་རོ། །འཇིག་རྟེན་ཐམས་ཅད་ཀྱི་བླ་མར་ཡང་འགྱུར་རོ། །མཆོད་པའི་འོས་ཆེན་པོར་འགྱུར་རོ། །དོན་ཆེ་ཞིང་ཆེ་བ་དག་འོང་བར་འགྱུར་རོ། །དབང་ཕྱུག་དང ། དཔོན་པོ་ལྷུན་གྱིས་གྲུབ་པ་ཉིད་དུ་རྙེད་དོ། །རྒྱལ་པོ་དང ། བཙུན་མོའི་འཁོར་དང ། གཡོག་ཏུ་བཅས་པས་གཅིག་ཏུ་མཆོད་པར་འོས་པར་འགྱུར་རོ། །ཉི་མ་རེ་རེ་ཞིང་འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་ Ba115a ༄#། །རོ། །རྟག་ཏུ་ཡང་དེ་བཞིན་གཤེགས་པའི་སྐུ་མཐོང་བ་སོ་སོར་ཐོབ་བོ། །སངས་རྒྱས་ཀྱི་ཞིང་ཡང་དག་པར་བརྒྱན་པ་མཐོང་ངོ ། །ཚེས་བརྒྱད་དང་བཅོ་ལྔ་ལ་པོ་ཊ་ལ་ཀའི་རི་བེའི་གཞལ་མེད་ཁང་འཕགས་པ་སྤྱན་རས་གཟིགས་དབང་ཕྱུག་གི་གནས་ན་འཕགས་པ་སྤྱན་རས་གཟིགས་དབང་ཕྱུག་བཞུགས་ཏེ་འཁོར་ཆེན་པོ་ལ་ཆོས་སྟོན་པར་མཛད་པ་དང ། འོད་དཔག་མེད་བདེ་བ་ཅན་གྱི་གནས་ན་བཞུགས་པ་མཐོང་སྟེ། ཇི་སྲིད་བྱང་ཆུབ་སྙིང་པོའི་བར་དུ་མཐོང་ངོ ། །འཆི་འཕོས་པ་ན་བསམས་པ་ཉིད་ཀྱི་མོད་ལ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་ཏེ། རྒྱན་ཐམས་ཅད་ཀྱིས་རྣམ་པར་བརྒྱན་པར་པདྨ་ལས་བརྫུས་ཏེ་སྐྱེ་བར་འགྱུར་རོ། །སྒྲིབ་པ་དང་བྲལ་ཞིང་རྣམ་པར་འཕྲུལ་པ་བྱིན་གྱིས་རློབ་པ་དོན་ཡོད་པའི་འོད་ཟེར་ཞེས་བྱ་བའི་ཏིང་ངེ་འཛིན་སོ་སོར་ཐོབ་བོ། །ཏིང་ངེ་འཛིན་གང་ཞིག་ཐོབ་པས་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་སྙེད་ལས་འདས་པའི་དེ་བཞིན་གཤེགས་པ་ཐམས་ཅད་ལ་མངོན་པར་ཕྱག་བྱས་ནས་སེ་གོལ་གཏོགས་པ་ཙམ་ཉིད་ལ་སླར་ཡང་འོང་བ་དེ་ལྟ་བུའི་ཏིང་ངེ་འཛིན་སོ་སོར་ཐོབ་བོ། །ཏིང་ངེ་འཛིན་གཞན་ཁྲག་ཁྲིག་བརྒྱ་སྟོང་ཕྲག་སོ་སོར་ཐོབ་ཅིང ། བཟླས་པའི་ཆོ་ག་གཅིག་པུས་ལས་ཐམས་ཅད་སྒྲུབ་པར་འགྱུར་རོ། །ཞེས་ Ba115b སོ། །བཟླས་པའི་དཀྱིལ་འཁོར་ཆེན་པོའི་ཆོ་གའོ། །དེ་ནས་ཁྲུས་ཀྱི་དཀྱིལ་འཁོར་བཤད་པར་བྱ་སྟེ། ཁྲུས་བྱེད་པ་ལ་མཁས་པ་གང་གིས་དྲི་མ་ཐམས་ཅད་སེལ་བར་བྱེད་ཅིང་མཛེས་པ། སྡིག་པ་ཐམས་ཅད་རྣམ་པར་ཉམས་པར་བྱེད་པ། དངོས་གྲུབ་ཐམས་ཅད་བྱེད་པའི་དེ་ཁོ་ན་ཉིད་བསོད་ནམས་དང་གཟི་བརྗིད་རབ་ཏུ་འཕེལ་བར་བྱེད་པ། ནད་ཐམས་ཅད་སེལ་བར་གྲུབ་པ།་སྡིག་པ་དང ། སྡིག་ཏོ་ཉམས་པར་བྱེད་པ། དེ་བཞིན་དུ་ཟད་པ་དང་ཉམས་པ་བཅོམ་པ། དུག་དང་བྱད་སྟེམས་ཉམས་པ། ནད་ཡུན་རིང་པོ་ཡོངས་སུ་སྤངས་པ། དེ་བཞིན་དུ་གཅོད་ཡུན་རིང་པོ་དང་རིམས་ཡོངས་སུ་སྤངས་པ་སྟེ། འདི་དག་ཁྲུས་ཀྱིས་འགྲུབ་སྟེ། རིག་སྔགས་གང་ཡིན་པ་དེས་འགྲུབ་པར་དོན་ཡོད་པ་སྤྱན་རས་གཟིགས་དབང་ཕྱུག་གིས་ཡོངས་སུ་བསྒྲགས་སོ། །བགེགས་ཀྱིས་རེག་པ་གང་ཡིན་པ་དང ། གྲིབ་གནོན་གྱི་གདོན་མི་བཟད་པས་རེག་པ་གང་ཡིན་པ་དང ། ཕ་རོལ་གྱི་དམག་ཚོགས་ཀྱི་འཇིགས་པ་མི་བཟད་པ་དང ། འཐབ་པ་དང ། རྩོད་པ་ལ་ཡང་དགྲ་རྣམས་ཀྱིས་ཕམ་པ་དང ། སྐྱེ་བོ་སྡང་བ་དང ། གང་གི་འཁྲུག་པའི་གཡུལ་དུ་སོང་བ་དང ། རྒྱུ་སྐར་གྱིས་བཅོམ་པ་གང་ཡིན་པ་དང ། བློའི་སྐྱེ་བ་ཟད་པ་དང ། མ་ནིང་དང ། ཉམས་པའི་མ་ནིང་དང ། དབང་པོ་ཉམས་པའི་བར་གང་ཡིན་པ་རྣམས་དང ། བུ་མི་འཚོ་བ་གང་ཡིན་པ་རྣམས་ཀྱི་བུ་མཐུན་པར་སྐྱེ་བར་འགྱུར་ Ba116a ༄#། །རོ། །བསད་ཅིང་གཞོམ་པ་ཐོབ་པ་གང་ཡིན་པ་དང ། འཆིང་བ་དང ། གསོད་པར་སོང་བ་གང་ཡིན་པ་དང ། ཆོམ་རྐུན་ནམ། རྐུན་མོའི་ནང་ངམ། གནོད་སྦྱིན་ནམ། སྲིན་པོའི་ནང་དུ་སོང་བ་གང་ཡིན་པ་དང ། གཅན་གཟན་གཏུམ་པོའི་ནང་དུ་སོང་བ་གང་ཡིན་པ་དང ། མཆེ་བ་གདུག་པ་དང ། དུག་གི་ཁྲོད་དུ་སོང་བས་དུག་འཇིགས་པ་མི་བཟད་པ་ཟོས་པ་གང་ཡིན་པ་དང ། ཁྱིམ་རྡིབ་པ་དང ། གཡང་ས་དང ། བྱི་བ་ཁ་གདུག་པའི་འཇིགས་པ་རྣམས་དང ། མི་མངོན་པར་སྡིག་པ་བྱེད་པ་གང་ཡིན་པ་དང ། མཚམས་མེད་པ་བྱེད་པ་གང་ཡིན་པ་དང ། འཕགས་པ་ལ་སྐུར་པ་འདེབས་པ་དང ། དམ་པའི་ཆོས་སྤོང་བ་འདི་རྣམས་དཀྱིལ་འཁོར་དུ་ཁྲུས་བྱས་པས་ཐམས་ཅད་ཡང་དག་པར་ཟད་པར་འགྲོ་ཞིང ། མྱུར་དུ་ཐམས་ཅད་རྣམ་པར་ཉམས་པར་བྱེད་དེ། རྩཝ་རྣམས་མེས་སྲེག་པ་བཞིན་དུ་སྔོན་བསགས་པའི་མི་བཟད་པའི་ལས་འདི་དག་ཐམས་ཅད་རྣམ་པར་ཉམས་པར་བྱེད་དོ། །འཇིག་རྟེན་ཐམས་ཅད་ཀྱི་བླ་མ་དང ། རྟག་ཏུ་མཆོད་པར་འོས་པར་འགྱུར་རོ། །ཚེ་ཡུན་རིང་པོར་གནས་ཏེ། རྟག་ཏུ་བདེ་བ་དང ། དགའ་བར་བྱེད་དོ། །ཇི་སྲིད་འཚོའི་བར་དུ་ནད་མེད་ཅིང་རིམས་མེད་པ་ཉིད་དུ་གནས་སོ། །བདེ་བླག་ཏུ་བྱ་བ་བྱེད་ཅིང ། དེའི་སྐྱེ་བ་བདུན་དྲན་པར་འགྱུར་རོ། །ལྷ་ Ba116b རྣམས་ཀྱིས་རྟག་ཏུ་སྲུང་བར་བྱེད་ཅིང ། མཐར་ཐུག་རྟག་ཏུ་དཔལ་འབར་བར་བྱེད་དོ། །སངས་རྒྱས་རྣམས་རྟག་ཏུ་མཐོང་བ་དང ། རྟག་ཏུ་འཇིག་རྟེན་དབང་ཕྱུག་གི་མཆོག་སྦྱིན་\?\་པར་བྱེད་པ་དང ། རྟག་ཏུ་མཐོང་པར་འདོད་པ་ཡང་ཐུན་མཚམས་རྟག་ཏུ་མངོན་སུམ་དུ་མཐོང་བས་གནས་པར་བྱེད་དོ། །རྟག་ཏུ་རིག་སྔགས་དང ། དཀྱིལ་འཁོར་གྱི་ལྷ་དང ། རིག་སྔགས་ཀྱི་དངོས་གྲུབ་ཏུ་འགྱུར་ཏེ། རྟག་ཏུ་དཀྱིལ་འཁོར་གྱི་མཆོག་གང་ཡིན་པ་ཡང་སྒྲུབ་པར་བྱེད་དོ། །རྒྱར་གཟིངས་ཀྱི་ཚད་ཀྱི་དཀྱིལ་འཁོར་གྲུ་བཞི་པ་བྱ་སྟེ། ཚོན་སྣ་ཚོགས་པས་རྣམ་པར་ཕྱེ་བའི་དཀྱིལ་འཁོར་གྱི་མཆོག་བྲི་བར་བྱའོ། །མེ་ཏོག་དང་འབྲས་བུ་སྣ་ཚོགས་པས་བཀྲ་བ། སྒོ་བཞི་ཀུན་ནས་རྣམ་པར་ཕྱེ་བ་དང ། ལས་རྣམས་ལེགས་པར་ཟིན་ནས་དབུས་ཀྱི་དཀྱིལ་འཁོར་གྱི་སྙིང་པོར་འཁོར་ལོ་ཡང་དག་པར་བྲིའོ། །པདྨའི་ལྟེ་བ་དང ། སྙིང་པོ་ཉིད་ཀྱང་འབར་བར་བྱའོ། །ཟུར་དང་ཟུར་རྣམས་སུ་ཞགས་པ་འབར་བ་པདྨ་ལ་གནས་པ་བྱའོ། །རིག་སྔགས་འདོད་པས་ཁྲུས་དང་གཏོར་མ་དཀར་པོ་ཡང་འདིར་དགོད་པར་བྱའོ། ། ག་རུའི་བདུག་པ་དབུལ་ཞིང ། དཀྱིལ་འཁོར་གྱི་ཆོ་ག་ཇི་ལྟ་བ་བཞིན་དུ་དཀྱིལ་འཁོར་ལེགས་པར་བརྒྱན་པར་བྱའོ། །ལས་གཞན་སྒྲུབ་པ་ནི། རོ་སྣ་ཚོགས་པའི་གཏོར་མས་མཆོད་པར་བྱ་ཞིང་སྣ་ཚོགས་པའི་བདུག་སྤོས་དབུལ་ལོ། །བུམ་པ་ Ba117a ༄#། །ཆུས་བཀང་ནས་རྫས་ཀྱི་ཕྱེ་མ་རྣམས་དེར་གཞུག་ཅིང ། རིན་ཆེན་སྣ་བདུན་བཅུག་སྟེ་དེ་ལ་རྒྱ་དར་གྱིས་བཅིངས་ལ། དོན་ཡོད་ཞགས་པ་བརྒྱ་དང ། སྙིང་པོ་ཉིད་ཀྱང་ལན་བརྒྱར་བཟླས་སོ། །ཡི་གེ་གཅིག་པ་བརྒྱ་རྩ་བརྒྱད་དུ་བཟླའོ། །ཙནྡན་དང ། ས་མཱི་དང ། སི་རི་ཥ་དང ། ཧབ་ཤང་ཙིའུ་དང ། གུར་གུམ་དང ། ཡུངས་ཀར་དང ། པདྨ་གེ་སར་རྣམས་ལེགས་པར་བཏགས་ནས་བུམ་པ་བཀང་བར་བྱ་སྟེ། འདི་རྣམས་ཀྱིས་ཁྲུས་བྱའོ། །ཉེའུ་ཤིང་ཤུ་ཏི་དང ། བིལ་བ་སྟེ། འདི་རྣམས་ཀྱིས་ཉེད་པ་དང ། རྟག་ཏུ་སྔོན་དུ་བྱབ་པར་བྱས་ལ། དེ་ནས་མཁས་པས་ཁྲུས་བྱའོ། །དེ་ནས་སྲུང་བའི་ཆོ་ག་ནི། དོན་ཡོད་རྒྱལ་པོས་བྱའོ། །དེ་ནས་རྩཝ་དུར་བ་བཏིང་ནས་དེ་ལ་སྐྱིལ་མོ་ཀྲུང་གིས་འདུག་སྟེ་བུམ་པའི་ཆུས་ཁྲུས་བྱ་ཞིང ། པདྨའི་ཕྱག་རྒྱ་ཡང་བྱེད་དུ་གཞུག་གོ་།དེ་ནས་གཙང་མ་གོས་གཙང་མ་བགོས་ཏེ་གཙུག་ཏོར་བཅིང་པར་བྱ་ཞིང ། སྔོན་དུ་བཟླས་པ་འབུལ་བ་དང ། བསྐོར་བ་བྱས་ནས་སྒོ་དང་སྒོ་ནས་ཕྱག་བྱའོ། །ཤར་གྱི་སྒོ་རུ་ཞུགས་ལ་དབུས་ཀྱི་དཀྱིལ་འཁོར་གྱི་སྙིང་པོར་སྐྱིལ་ཀྲུང་གིས་འདུག་ལ། དོན་ཡོད་པའི་རྒྱལ་པོས་ལན་བདུན་དུ་བྱབ་པར་བྱའོ། །ལག་ཏུ་རྡོ་རྗེ་དང ། བགྲང་ཕྲེང་གིས་མངོན་པར་དབང་བསྐུར་ཞིང ། ཆུ་དང ། ཡུངས་ཀར་དང ། ཕྱག་རྒྱས་དབང་བསྐུར་ Ba117b བར་བྱའོ། །དེ་ནས་དཀོན་མཆོག་གསུམ་ལ་མཆོད་པ་བྱའོ། །འདི་ནི། ཁྲུས་ཀྱི་གཙོ་བོར་འཇིག་རྟེན་དབང་ཕྱུག་གིས་གསུངས་སོ། །སེམས་ཅན་ཐམས་ཅད་ལ་ཕན་པའི་དོན་གྱི་ཆེད་དང ། རིག་སྔགས་འཆང་རྣམས་ལ་ཁྱད་པར་དུ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་དང ། ལྷ་ཐམས་ཅད་ཀྱིས་མཆོད་པ་དང ། དོན་ཡོད་པའི་ཕུན་སུམ་ཚོགས་པ་གདོན་མི་ཟ་བར་བྱེད་དོ། །གང་དང་གང་དུ་ལས་ལ་ངེས་པར་སྦྱར་བ་ཐམས་ཅད་དུ་དོན་ཡོད་པའི་དངོས་གྲུབ་ཐོབ་པར་འགྱུར་ཏེ། ཐམས་ཅད་དུ་འདི་ལ་ཐེ་ཚོམ་མེད་དོ། །སྔགས་ཀྱི་དངོས་གྲུབ་བླ་ན་མེད་པ་མ་གྲུབ་པ་ཡང་གྲུབ་པར་འགྱུར་ཏེ། དོན་ཡོད་པའི་དངོས་གྲུབ་ཐོབ་ཅིང་འཕྲལ་ཉིད་དུ་འབྲས་བུ་མཐོང་བ་ཡིན་ནོ། །ལུས་ཡོངས་སུ་དག་ཅིང་ཤིན་ཏུ་དྲི་མ་མེད་པ་དང ། ལེགས་པར་ཁྲུས་བྱས་པར་དེ་བརྗོད་པར་བྱའོ། །སྡིག་པ་ཐམས་ཅད་ཉམས་པར་བྱེད་པ། ཉོན་མོངས་པ་ཐམས་ཅད་ཟད་པར་བྱེད་པ། ནད་ཐམས་ཅད་ལས་ཡོངས་སུ་གྲོལ་བར་བྱེད་པ་སྟེ། མདོར་ན་ཐམས་ཅད་དུ་དངོས་གྲུབ་སོ་སོར་རྙེད་ཅིང ། དཔལ་ཆེན་པོར་ལྷག་པར་འགྲོའོ། །རིག་སྔགས་དོན་དུ་གཉེར་བ་ཐོབ་སྟེ། རིག་སྔགས་དོན་ཡོད་པའི་དངོས་གྲུབ་ཀྱི་དེ་ཁོ་ན་ཉིད་ལས་བུ་འདོད་པས་ནི། བུ་ཐོབ་བོ། །ནོར་འདོད་པས་ནི། ནོར་ཐོབ་བོ། །དབང་ཕྱུག་འདོད་པས་ནི། དབང་ཕྱུག་ཐོབ་བོ། །མྱུར་དུ་དཔལ་ Ba118a ༄#། །འདོད་པས་ནི། དཔལ་ཐོབ་བོ། །མངོན་པར་འདོད་པ་ཐམས་ཅད་འཕྲལ་དུ་ཡོངས་སུ་རྫོགས་པར་བྱེད་དོ། །ཞེས་སོ། །ཁྲུས་ཀྱི་དཀྱིལ་འཁོར་གྱི་ཆོ་གའོ།། །། དེ་ནས་ནོར་བུའི་སྒྲུབ་ཐབས་ཀྱི་ཆོ་ག་དང ། དཀྱིལ་འཁོར་གྱི་ཆོ་ག་བཤད་པར་བྱ་སྟེ། ཡིད་བཞིན་གྱི་ནོར་བུའི་སྒྲུབ་པ་རྨད་དུ་བྱུང་བ། དོན་ཡོད་པའི་ནོར་བུའི་དངོས་གྲུབ་དང ། བྱ་བ་ཐམས་ཅད་སྒྲུབ་པར་བྱེད་པ། ཐམས་ཅད་དུ་ལྟུང་བའི་སྡུག་བསྔལ་ལས་བྱུང་བའི་འཇིགས་པ་ཐམས་ཅད་ལས་སྐྱོབ་པར་བྱེད་པ། བསོད་ནམས་ཐོབ་པ་མངོན་པར་ཐར་པར་བྱེད་པ། མཚོན་ཆ་དང ། ཁོང་སྒྲིལ་གཅོག་པར་བྱེད་པར་ཐེ་ཚོམ་མེད་དོ། །སྡིག་པ་ཐམས་ཅད་རྣམ་པར་ཉམས་པར་བྱེད་པ། མཚམས་མེད་པ་ཟད་པར་བྱེད་པ། རྟག་ཏུ་གསོད་པ་མེད་པའི་གནས་ཐམས་ཅད་དུ་སོན་པར་བྱེད་པ། རྟག་ཏུ་འཁྲུགས་པ་དང ། གཡུལ་ངོ་ལས་རྒྱལ་བ་སྦྱིན་པར་འགྱུར་རོ། །ཆོམ་རྐུན་གྱི་ནང་ནས་གྲོལ་བར་འགྱུར་ཞིང ། རྐུན་མོ་ལས་ཀྱང་སྒྲོལ་བར་བྱེད་དོ། །གཅན་གཟན་གཏུམ་པོ་སེངྒེ་དང ། གླང་པོ་ཆེ་དང ། དོམ་དང ། གཟིག་དང ། དྲེད་དང ། ཁྱི་དང ། ཕག་དང ། ལྕེ་སྤྱང་རྣམས་ལས་ནོར་བུའི་རྒྱལ་པོ་གང་དུ་གནས་པའི་མོད་ལ་ཐམས་ཅད་དུ་སྒྲོལ་བར་བྱེད་དོ། །དུག་དང ། སྦྲུལ་ཐམས་ཅད་དམ། མཆེ་བ་གདུག་པ་དང ། སྦྲུལ་ Ba118b གོ་ན་ས་དང ། བ་ཏ་ས་ནཱ་བྷ་དང ། དུག་ཉིད་དང ། དུག་ཤྲིངྒ་དང ། དུག་མུ་སྟ་ཀ་ཉིད་དང ། དར་དའི་དུག་དང ། ལུས་ལ་བྱས་པ་དང ། མི་བཟད་པའི་དུག་དང ། དུག་ཧ་ལ་ཧ་ལ་དང ། སྡིག་\?\་པ་ལ་སོགས་པ་གང་ཡིན་པ་དང ། མཐོང་བའི་དུག་གང་ཡིན་པ་དང ། དབུགས་ཀྱི་དུག་མི་བཟད་པ་གང་ཡིན་པ་དང ། རེག་པའི་དུག་འཇིགས་པ་དང ། འཇོག་པོས་ཀྱང་ཟིན་པ་དང ། གཞན་ཡང་སྲོག་ཆགས་མི་བཟད་པ་རྣམ་པ་སྣ་ཚོགས་པའི་དུག་མི་བཟད་པ་རྣམས་དཀྱིལ་འཁོར་མཐོང་བ་ཙམ་དང ། ནོར་བུ་རེག་པ་ཙམ་གྱིས་དེ་རྣམས་ཐམས་ཅད་འཕྲལ་དུ་དུག་མེད་པར་འགྱུར་རོ། །གལ་ཏེ་གང་གར་འབབ་པའི་དུག་འཐུངས་ཀྱང་འཕྲལ་དུ་འཇོམས་པར་བྱེད་དོ། །ནམ་མཁའ་ལྡིང་གིས་སྦྲུལ་ཉིད་དང་ཀླུ་བཞིན་ནོ།། མེས་མི་འཚིག་གོ། སླར་ཡང་ཆུས་འཁྱེར་བར་མི་འགྱུར་རོ། །བྱི་བ་ཁ་གདུག་པའི་འཇིགས་པ་མི་འབྱུང ། དེ་ལ་རྒྱལ་པོ་ཁྲོ་བར་མི་བྱེད་དོ། །ནམ་ཡང་ཕྱིར་རྒོལ་བ་དང ། དགྲ་དང ། འཐབ་མོ་དང ། འཁྲུལ་འཁོར་བྱེད་པ་དང ། སྡང་པ་གང་ཡིན་པ་དེ་རྣམས་མེད་དེ། ཆོ་ག་འདི་ནི། མཆོག་གོ་།དུག་དང ། བྱད་སྟེམས་དང ། ཕྱེ་མའི་སྦྱོར་བ་ལ་སོགས་པ་ཐམས་ཅད་སྐད་ཅིག་དེ་ལ་ཉམས་པར་བྱེད་དོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཡི་དྭགས་དང ། སྐེམ་བྱེད་དང ། བརྗེད་བྱེད་དང ། གསང་བ་པ་དང ། བགེགས་ Ba119a ༄#། །དང ། ལོག་འདྲེན་རྣམས་དཀྱིལ་འཁོར་མཐོང་བ་ཙམ་དང ། ནོར་བུ་བཟུང་བ་ཉིད་ཀྱིས་ཐམས་ཅད་འབྲོས་པར་བྱེད་དེ། འདི་ལ་ཐེ་ཚོམ་མེད་དོ། །འདི་ཐམས་ཅད་ཀྱིས་ཐུན་མོང་དུ་ནོར་བུའི་དཀྱིལ་འཁོར་མཐོང་བ་ལ། བསམ་པ་གང་ཡིན་པའི་བསམ་པ་དེ་ཐམས་ཅད་ཡིད་ལ་དོན་དུ་གཉེར་བར་བྱ་བ་གང་ཡིན་པ་རྣམས་ཀྱང་ནོར་བུ་བཟུང་བ་ཉིད་ལ་ཐམས་ཅད་མྱུར་དུ་ཕུན་སུམ་ཚོགས་པར་བྱེད་དོ། །ཚེ་འཕེལ་བ་དང ། སྔགས་ཀྱི་དངོས་གྲུབ་བླ་ན་མེད་པ་འགྲུབ་བོ། །བཀྲ་ཤིས་པ་དང ། དམ་པ་དང ། བསོད་ནམས་དང ། དག་པ་དང ། སྡིག་པ་ཉམས་པ་དང ། རྨི་ལམ་ངན་པ་ཉམས་པ་དང ། འཕྲལ་དུ་རྨི་ལམ་བཟང་པོར་བྱེད་པ་ཉིད་དང ། རྟག་ཏུ་སངས་རྒྱས་དང ། བྱང་ཆུབ་སེམས་དཔའ་མཐོང་བ་དང ། རྟག་ཏུ་ལྷ་རྣམས་འགུགས་པ་ཉིད་དང ། རྟག་ཏུ་འབྱོར་པ་ཐམས་ཅད་བྱེད་པ་དང ། རྟག་ཏུ་ཟླ་བ་ཉ་བ་ལྟར་འོད་ཟེར་འབར་བས་རྣམ་པར་མཛེས་པ་དང ། ཚིག་བཙུན་པ་དང ། རྟག་ཏུ་དགའ་བ་དང ། ཐམས་ཅད་དུ་མཆོད་པར་བྱ་བའོ། །དེ་ནས་རིག་སྔགས་འཆང་གིས་རྫས་ཀྱི་སྦྱོར་བ་བྱ་སྟེ། ཆ་མཉམ་པར་ལེགས་པར་ཕྱེ་ལ་གཙོ་བོའི་རྗེས་སུ་འབྲང་བར་བྱའོ། །འདི་ལྟ་སྟེ། རྒྱལ་བ་དང ། རྣམ་པར་རྒྱལ་བ་དང ། ནཱ་ཀུ་ལི་དང ། དྲིའི་ནཱ་ཀུ་ལི་དང ། ་རུ་ར་དང ། ལག་པ་དང ། དབང་པོ་ལག་པ་དང ། དྲིའི་པྲི་ཡང་ Ba119b ཀུ་དང ། རྒྱ་སྤོས་དང ། འཁོར་ལོ་དང ། འཁོར་ལོ་ཆེན་པོ་དང ། ཁྱབ་འཇུག་གནོན་པ་དང ། སོ་མ་རཱ་ཛ་དང ། སུ་ན་ན་ད་དང ། པདྨ་གེ་སར་དང ། མ་ལ་ཡའི་ཙནྡན་ན་ལ་ད་དང ། གུར་གུམ་དང ། བ་བླ་དང ། ུཏྤ་ལ་སྔོན་པོ་དང ། ཀླུ་ཤིང་གི་མེ་ཏོག་དང ། ཙམ་པ་ཀའི་མེ་ཏོག་དང ། པ་ཊཱ་དང ། བྲག་སྐྱེས་དང ། སྤང་སྤོས་དང ། ས་མཱ་མ་ཀ་རྣམས་མཉམ་པར་བྱས་ཏེ་ཕྱེ་མ་ཞིབ་མོར་ལེགས་པར་བཏགས་ལ་པུ་ཤེལ་ཙི་དང ། ཙནྡན་གྱི་ཆུས་སྦྲུས་ཏེ་ཟངས་ཀྱི་སྣོད་དུ་བཞག་ལ། ཁྲུས་ཀྱི་དཀྱིལ་འཁོར་གྱི་སྟེང་དུ་བཀོད་དེ་དོན་ཡོད་ཞགས་པའི་སྙིང་པོ་བརྒྱ་རྩ་བརྒྱད་བཟླས་ནས་སྙིང་པོ་བརྒྱ་རྩ་བརྒྱད་ཉིད་དང ། ཡི་གེ་གཅིག་པ་འབུམ་དུ་བཟླས་པས་རྫས་ཀྱི་སྣོད་འབར་བར་བྱེད་དོ། །དེ་ནས་ནོར་བུ་མགོ་བོ་ལ་བཅིངས་པའམ། ལག་པ་ལ་བཅིངས་ལ་གཟུང་བར་བྱ་སྟེ། མཆོག་ཏུ་སྐལ་པ་བཟང་པོ་ཐོབ་ཅིང ། དབང་ཕྱུག་གི་མཆོག་དང ། དཔོན་པོ་ཐོབ་བོ། །རྗེ་རིགས་བུ་མེད་པས་ཀྱང་མི་དང་ནོར་འཕེལ་བར་འགྱུར་རོ། །རྒྱལ་པོ་དང ། དགྲ་རབ་ཏུ་འཇོམས་ཤིང་།སྲུང་བའི་མཆོག་ཏུ་རྙེད་པར་དཀའ་བ་སྟེ། ནོར་བུ་གང་དུ་གནས་པ་དེར་གློག་གི་གནོད་པ་མེད་དོ། །དེར་བྱི་བ་ཁ་གདུག་པའི་འཇིགས་པ་དང ། གཡོ་བ་མི་འབྱུང་ངོ ། །ནོར་བུའི་རྒྱལ་པོ་གང་དུ་གནས་པའི་གནས་འདི་མཆོད་རྟེན་དུ་བཀུར་རོ། །སུམ་ཅུ་རྩ་གསུམ་ན་གནས་པའི་ལྷ་རྣམས་ཀྱིས་རྟག་ཏུ་སྲུང་བར་བྱེད་ཅིང ། རྟག་ཏུ་ Ba120a ༄#། །ཡང་རྒྱལ་པོ་ཆེན་པོ་བཞི་དང ། ལག་ན་རྡོ་རྗེ་སྟོབས་པོ་ཆེས་རྟག་ཏུ་ཡང་སྲུང་ཞིང ། དུས་རྟག་ཏུ་རྗེས་སུ་འབྲང་བར་འགྱུར་ཏེ། ཐེ་ཚོམ་མེད་དོ། །དཀྱིལ་འཁོར་བཤད་པར་བྱ་སྟེ། རྒྱར་གཟིངས་ཀྱི་ཚད་ཀྱི་ལོགས་བཞི་པ། ཟུར་བཞི་པ། ཤིན་ཏུ་བཅགས་པ། ལེགས་པར་སྦྱར་བ་མཆོག་ཏུ་མཛེས་པ་བྱའོ། །ཁོར་ཡུག་ཏུ་མེ་ཏོག་སྣ་ཚོགས་ཀྱི་མགོ་ལྕོགས་ཀྱི་བཀྲ་བ་བྲིས་ལ་ཤར་གྱི་སྒོ་རྣམ་པར་ཕྱེ་སྟེ་དབུས་ཀྱི་དཀྱིལ་འཁོར་གྱི་པདྨ་རྡོ་རྗེའི་དཀྱིལ་འཁོར་གྱིས་ཡོངས་སུ་བསྐོར་པའི་དབུས་ཀྱི་པདྨའི་གེ་སར་ལ་ཡང་འཇིག་རྟེན་དབང་ཕྱུག་དགོད་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་རྫས་ཀྱི་སྣོད་གཞག་པར་བྱ་ཞིང་མེ་ཏོག་གཅལ་དུ་བཀྲམ་པར་བྱ་ལ། དཀྱིལ་འཁོར་བརྒྱན་པར་བྱ་སྟེ། དྲི་དང ། ཡོན་ཆབ་དབུལ་བར་བྱ་ཞིང ། ཙནྡན་གྱི་བདུག་པ་བསྲེག་གོ། ཉིན་མཚན་དུ་གོས་གཙང་མ་བགོ་ཞིང་བཅིང་བར་བྱ། ཤིན་ཏུ་དྲི་མ་མེད་པའི་སེམས་སུ་འགྱུར་བར་བྱ། བྱམས་པ་དང ། སྙིང་རྗེ་མཆོག་ཏུ་འགྱུར་བར་བྱ་ཞིང ། དེ་ནས་ནོར་བུའི་རྫས་བསྒྲུབ་བོ། །ཞེས་སོ། །ནོར་བུའི་དཀྱིལ་འཁོར་གྱི་ཆོ་གའོ།། །། དེ་ནས་ལྡོང་རོས་ཀྱི་མིག་སྨན་གྱི་ཆོ་གའི་དཀྱིལ་འཁོར་བཤད་པར་བྱ་སྟེ། རྒྱར་གཟིངས་ཀྱི་ཆེས་མཐར་ཐུག་པས་དཀྱིལ་འཁོར་གྲུ་བཞི་པ་བྱས་ཏེ་དྲི་སྣ་ཚོགས་དང ། རྣམ་ Ba120b པར་བཀྲ་བའི་རིག་སྔགས་འཆང་ནི། གྲ་རྣམས་སུ་མཁས་པས་བྲི་བར་བྱའོ། །དབུས་ཀྱི་དཀྱིལ་འཁོར་གྱི་སྙིང་པོར་པདྨ་འདབ་མ་ཕྱེད་ཁ་བྱེ་བའོ། །ལག་པ་གཉིས་ཀྱི་དབུས་སུ་པདྨ་གེ་སར་རྒྱས་པ་འཆང་བའོ། །ཤར་གྱི་སྒོ་རྣམ་པར་ཕྱེ་བ་བྱ་སྟེ། ལྡོང་རོས་དངུལ་གྱི་སྣོད་དུ་བཞག་ནས་དཀྱིལ་འཁོར་དུ་པདྨའི་སྟེང་དུ་དགོད་པར་བྱའོ། །སྣོད་ཀྱི་ཁོར་ཡུག་ཏུ་དར་དམར་པོའི་གོས་བཟང་པོས་གཡོགས་པར་བྱའོ། །ཡང་ན་པདྨའི་འདབ་མའམ། ཡང་ན་བྱང་ཆུབ་ཤིང་གི་འདབ་མའམ། ཡང་ན་ཤིང་འཛམ་བུའི་འདབ་མས་གཡོགས་པར་བྱའོ། ། ག་རུའི་བདུག་པ་དབུལ་བར་བྱའོ། །འཕགས་པ་སྤྱན་རས་གཟིགས་དབང་ཕྱུག་དོན་ཡོད་ཞགས་པའི་གཟུགས་འཛིན་པ་པདྨའི་འདབ་མའི་དྲུང་དུ་དགོད་པར་བྱའོ། །མེ་ཏོག་དང་དྲིས་མཆོད་པར་བྱ། རིག་སྔགས་འཆང་གིས་དཀར་གསུམ་ཟོས་ལ་འཕགས་པའི་ཡན་ལག་བརྒྱད་ཀྱི་བསྙེན་གནས་སུ་འགྱུར་བར་བྱའོ། །ཡང་ན་ཉིན་མཚན་དུ་སྨྱུང་བར་གནས་པར་བྱ། ཟླ་བ་ཡར་ངོའམ། ཚེས་བཅོ་ལྔའི་ཉའམ། ཚེས་བཅུ་བཞིའམ། ཚེས་བརྒྱད་ལ་གཙང་མར་ཁྲུས་བྱས་ཏེ་གོས་གཙང་མ་བགོ་བར་བྱ། དོན་ཡོད་ཞགས་པའི་སྙིང་པོ་བརྒྱ་རྩ་བརྒྱད་བཟླ་ཞིང ། སྙིང་པོ་བརྒྱ་རྩ་བརྒྱད་ཀྱང་བཟླ་བར་བྱ། ཡི་གེ་གཅིག་པ་སྟོང་ཕྲག་བཅུར་བཟླས་ལ། དཀྱིལ་འཁོར་ཉེ་བར་སྤྲས་ཤིང་མེ་ཏོག་དང ། Ba121a ༄#། །བདུག་པ་དང ། དྲི་དང་མར་མེ་དང ། གཏོར་མ་དབུལ་བར་བྱའོ། །དེ་ནས་ཡུངས་ཀར་ལ་ལན་ཉི་ཤུ་རྩ་གཅིག་བཟླ་བར་བྱ་སྟེ། དཀྱིལ་འཁོར་གྱི་སྟེང་དུ་འཕང་བར་བྱའོ། །འཕངས་པ་ཙམ་གྱི་མོད་ལ་འཕགས་པ་སྤྱན་རས་གཟིགས་དབང་ཕྱུག་གི་ལུས་ལས་འོད་ཟེར་སྣ་ཚོགས་འབྱིན་པར་བྱེད་དོ། །ལྡོང་རོས་ཀྱི་སྣོད་དེ་ཡང་འབར་བར་བྱེད་དེ། འབར་བ་ཙམ་གྱི་མོད་ལ་མིག་ལ་བསྐུས་ན། ནམ་མཁའ་ལ་འགྲོའོ། །དོན་ཡོད་པའི་ཡེ་ཤེས་ཡངས་པ་ཡིད་བཞིན་གྱི་ནོར་བུའི་འོད་ཟེར་གྱི་བཀོད་པ་ཞེས་བྱ་བའི་ཏིང་ངེ་འཛིན་སོ་སོར་ཐོབ་བོ། །དོན་ཡོད་པའི་འཁོར་ལོ་ཀུན་ནས་རྣམ་པར་གཟིགས་པ་ཞེས་བྱ་བའི་རིག་སྔགས་འཆང་གི་འཁོར་ལོས་བསྒྱུར་བར་འགྱུར་ཏེ། རིག་སྔགས་འཆང་གི་འཁོར་ལོས་བསྒྱུར་བ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུས་ཡོངས་སུ་བསྐོར་བར་འགྱུར་རོ། །ཐམས་ཅད་དུ་གནས་ཀྱི་མངའ་བདག་རྒྱལ་པོར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་འགྲོ་ཞིང ། ཚེ་བསྐལ་པ་དཔག་ཏུ་མེད་པར་འགྱུར་རོ། །རྒྱལ་བ་འོད་དཔག་མེད་ཀྱི་ཅོད་པན་འཆང་བར་འགྱུར་རོ། །དོན་ཡོད་པ་དྲི་མ་མེད་པའི་སྤྱན་ཞེས་བྱ་བའི་རྫུ་འཕྲུལ་སོ་སོར་ཐོབ་སྟེ། རྫུ་འཕྲུལ་གང་གི་སེ་གོལ་གཏོགས་པ་ཙམ་གྱིས་སངས་རྒྱས་ཀྱི་ཞིང་གངྒཱའི་ Ba121b ཀླུང་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུར་འགྲོ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དོན་ཡོད་པའི་དངོས་གྲུབ་ཡངས་པའི་མཆོད་པར་འགྱུར་ཞིང་སྐད་ཅིག་གིས་སླར་ཡང་འོང་བར་བྱེད་དོ། །རང་གི་ལུས་ལ་འོད་ཟེར་བརྒྱ་སྟོང་ཕྲག་དུ་མ་འབར་བར་བྱེད་དོ། །གང་འདོད་པ་ཐམས་ཅད་བྱེད་དོ། །དེ་ནས་དུ་བ་འཐུལ་བཞིན་པ་ནི། བསྐུས་ན་མི་སྣང་བར་འགྱུར་ཏེ། མི་སྣང་བའི་རིག་པ་འཛིན་པ་ཐམས་ཅད་ཀྱི་འཁོར་ལོས་བསྒྱུར་བ་རིག་སྔགས་འཆང་གི་རྒྱལ་པོར་འགྱུར་རོ། །ལྷ་དང ། ཀླུ་དང་གནོད་སྦྱིན་དང ། སྲིན་པོ་དང ། འབྱུང་པོ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོའི་གནས་ཀྱི་སྒོ་ཐམས་ཅད་བྱེ་ནས་གནས་ཏེ། གང་དུ་འདོད་པ་དེར་འཇུག་པར་བྱེད་དོ། །གནས་ཐམས་ཅད་ན་གནས་པ་རྣམས་འབངས་སུ་གྱུར་ནས་གནས་ཏེ། ཅི་བསྒོ་བ་བྱེད་དོ། །སེམས་ཅན་ཐམས་ཅད་ཀྱང་རྗེས་སུ་འབྲང་བར་འགྱུར་རོ། །རྒྱལ་པོ་དང ། བཙུན་མོའི་འཁོར་གཡོག་དང་བཅས་པས་མཆོད་པ་དང ། བླ་མར་བྱ་བའི་གནས་གཅིག་པུར་འགྱུར་རོ། །བཀའ་བསྒོ་བ་ཡང་བདག་ཉིད་དང ། ནོར་གྱིས་ཀྱང་བྱེད་ཅིང་གནས་སོ། །དབུ་བ་འབྱུང་བཞིན་པ་བསྐུས་ན། ཆོ་ག་ཞིབ་མོ་དང ། ཕྱག་རྒྱ་དང ། དཀྱིལ་འཁོར་ཐམས་ཅད་དང ། དེ་བཞིན་གཤེགས་པ་ཐམས་ Ba122a ༄#། །ཅད་རིགས་ཀྱི་གསང་བའི་དམ་ཚིག་མངོན་དུ་གྱུར་ནས་གནས་ཏེ། མ་འོངས་པ་དང ། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱིས་གསུངས་པ་རྣམས་མངོན་དུ་གྱུར་ནས་གནས་སོ། །ལྷ་དང ། ཀླུ་དང ། གནོད་སྦྱིན་དང ། སྲིན་པོ་དང ། འབྱུང་པོ་ཐམས་ཅད་ཡང་དག་པར་རྗེས་སུ་འབྲང་ཞིང ། བསྲུང་བ་དང ། བསྐྱབ་པ་དང ། སྦ་བའི་ཆེད་དུ་རྟག་པ་ཁོ་ནར་རྗེས་སུ་འགྲོའོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་མངོན་སུམ་དུ་མཐོང་བ་སྦྱིན་པར་འགྱུར་རོ། །དོན་ཡོད་པའི་འོད་ཟེར་དང་ལྡན་པ་ཞེས་བྱ་བའི་ཏིང་ངེ་འཛིན་སོ་སོར་ཐོབ་སྟེ། སའི་སྟེང་ནས་སོར་བཞི་ཚད་དུ་འཕགས་པའི་ནམ་མཁའ་ལ་གནས་སོ། །ལྡོང་རོས་ལ་བཟླས་ནས་མིག་ལ་བསྐུས་ནས་མིག་གིས་གང་མཐོང་བ་དེ་དབང་དུ་གྱུར་ནས་གནས་ཏེ། རྒྱལ་པོ་དང ། བཙུན་མོའི་འཁོར་དང ། བློན་པོ་དང ། བཀྲབས་པ་དང ། མདུན་ན་འདོན་དང ། དཔུང་གི་ཚོགས་ཡན་ལག་བཞི་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེ་རིགས་དང ། མདངས་རིགས་རྣམས་དབང་དུ་གྱུར་ནས་གནས་སོ། །ཐ་ན་རི་དྭགས་དང ། བྱ་ཡང་ལྟ་བར་བྱེད་བཞིན་དུ་དབང་དུ་གྱུར་ནས་ཉེ་བར་གནས་སོ། །འདིས་བྱུགས་པས་མིག་གི་ Ba122b ནད་དང ། གནོད་པ་དང ། སྡིག་པ་དང ། སྒྲིབ་པ་ཐམས་ཅད་རྣམ་པར་ཉམས་པར་བྱེད་དོ། །ལུས་ཀྱི་གདུང་བ་དང ། སེམས་ཀྱི་གདུང་བ་ཐམས་ཅད་དང ། རྨི་ལམ་ངན་པ་དང ། མཚན་མ་ངན་པ་དང ། བཀྲ་མི་ཤིས་པར་གྱུར་པ་ཐམས་ཅད་རྣམ་པར་ཉམས་པར་བྱེད་དོ། །སྐྱེ་བ་བརྗེས་ནས་ཀྱང་སྤྱན་ལྔ་ཡོངས་སུ་དག་པ་སོ་སོར་ཐོབ་བོ། །ཚེ་རབས་དྲན་པར་ཡང་སྐྱེ་བར་འགྱུར་རོ། །འཇིགས་པ་དང ། སྒྲིབ་པ་དང་བྲལ་ཞིང ། དོན་ཡོད་པ་ལེགས་པར་རབ་ཏུ་གནས་པ་ཀུན་ཏུ་གཟིགས་པ་ཞེས་བྱ་བའི་ལུས་དག་པ་སོ་སོར་ཐོབ་བོ། །ཀུན་ནས་དོན་ཡོད་པའི་དཀྱིལ་འཁོར་གྱི་གསང་བ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་སོ་སོར་ཐོབ་བོ། །དེ་བཞིན་གཤེགས་པ་ཐམས་ཅད་ཀུན་ཏུ་གཟིགས་པའི་རྒྱལ་མཚན་ཞེས་བྱ་བ། བྱང་ཆུབ་སེམས་དཔའི་དབང་བསྐུར་བ་སོ་སོར་ཐོབ་བོ། །བྱང་ཆུབ་སེམས་དཔའ་ཐམས་ཅད་དང་རྟག་ཏུ་ཡང་འགྲོགས་ཤིང་གནས་པ་དང ། དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པར་འགྱུར་རོ། །ཞེས་མིག་སྨན་གྱི་དཀྱིལ་འཁོར་གྱི་ཆོ་གའོ།། །།དེ་ན་བདུག་པ་རིམ་པར་ཕྱེ་བའི་ཆོ་ག་བཤད་པར་བྱ་སྟེ། རིག་སྔགས་འཆང་ཐམས་ཅད་ཀྱི་མཆོག་ཏུ་རྨད་དུ་བྱུང་བ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་མཆོད་པའི་དོན་དང ། དེ་ Ba123a ༄#། །བཞིན་དུ་འཇིག་རྟེན་གསུམ་པོ་ཐམས་ཅད་འགུགས་པ་གྲུབ་པ་དང ། ལྷ་ཐམས་ཅད་སྤྱན་དྲང་བ་དང ། དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་རྣམས་སྡིགས་པར་བྱེད་པ། གནོད་སྦྱིན་དང ། སྲིན་པོ་དང ། ཤ་ཟ་དང ། གདོན་མ་རུངས་པ་དེ་རྣམས་ཐམས་ཅད་བདུག་པའི་དྲིས་འབྲོས་པར་བྱེད་པར་ཐེ་ཚོམ་མེད་དོ། །བགེགས་དང ། ལོག་པར་འདྲེན་པ་ཉིད་དང ། སྡང་བ་དང ། དེ་བཞིན་དུ་བདུད་ཀྱང་རུང་སྟེ། བདུག་པའི་དྲིས་རྣམ་པར་ཞིག་པར་འགྱུར་ཞིང ། ཡན་ལག་དང ། ཉིང་ལག་རྣམ་པར་འཐོར་བར་བྱེད་དོ། །རང་གི་དམག་དང ། ཕ་རོལ་གྱི་དམག་ཚོགས་དང ། ཤིན་ཏུ་འགྲས་པ་དང ། ཕྱིར་རྒོལ་བ་དང ། དེ་བཞིན་དུ་དགྲ་བོ་ཉིད་དང ། སྐྱེ་བོ་སྡང་བ་དང ། གང་དུ་འཐབ་པ་དང ། རྩོད་པ་དང ། འགྱེད་པ་དང ། གཡུལ་ཉིད་ཀྱང་བདུག་པའི་དྲིས་ཐམས་ཅད་རབ་ཏུ་ཞི་བར་འགྱུར་བར་ཐེ་ཚོམ་མེད་དོ། ། གལ་ཏེ་སྐྱེས་པའམ། བུད་མེད་དམ། ཁྱེའུ་འམ། བུ་མོའམ། དགེ་སྦྱོང་ངམ། བྲམ་ཟེ་ཉིད་དང ། དེ་བཞིན་དུ་དགེ་བསྙེན་དང ། དགེ་བསྙེན་མ་དང ། དགེ་སློང་དང ། དགེ་སློང་མ་དང ། རྒྱལ་པོའམ། རྒྱལ་ཕྲན་དང ། དེ་བཞིན་དུ་རྒྱལ་མོ་དང ། བཙུན་མོའི་འཁོར་ཀྱང་རུང་སྟེ། ལེགས་པར་ཁྲུས་བྱས། གོས་གཙང་མ་བགོས་ནས་བདུག་ Ba123b སྤོས་འདིས་བདུགས་ན། གང་གིས་བདུག་པའི་དྲི་མ་ནམས་པ་དང ། དེ་ལུས་ལ་རེག་པ་ཙམ་གྱིས་སྡིག་པ་ཐམས་ཅད་ལས་རྣམ་པར་གྲོལ་ལོ། །སྒྲིབ་པ་ཐམས་ཅད་རྣམ་པར་དག་པའི་བདག་ཉིད་ཐོབ་པར་འགྱུར་ཏེ། འདི་ལ་ཐེ་ཚོམ་མེད་དོ། །མཚམས་མེད་པ་ལྔའི་སྡིག་པ་རྣམས་འཕྲལ་དུ་ཐམས་ཅད་རྣམ་པར་དག་པར་འགྱུར་རོ། །ཞེས་སོ། །བདུག་པ་འདི་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དྲིས་ཀུན་ཏུ་འགེངས་ཏེ་སུམ་ཅུ་རྩ་གསུམ་པའི་ལྷའི་གནས་ནས་ཇི་སྲིད་ཚངས་པའི་འཇིག་རྟེན་གྱི་བར་དྲིས་ཀུན་ཏུ་འགེངས་སོ། །སྟོབས་དང་ཤུགས་ཆེན་པོས་ལྷའི་གནས་ཐམས་ཅད་འགུལ་བར་བྱེད་ཅིང་སྐྱོད་པར་བྱེད་དོ། །ཆུ་རྒྱུན་གྱི་ཀླུ་རྣམས་འགུལ་བར་བྱེད་ཅིང་རི་རབ་ལས་གཞན་པའི་རི་གང་ཡིན་པ་འདར་ཡེད་ཡེད་བྱེད་དོ། །གསང་བར་གནས་པ་རྣམས་རྣམ་པར་སྐྲག་པར་བྱེད་དོ། །དམྱལ་བ་བཅུ་དྲུག་གི་འཇིགས་པ་རྣམས་རྣམ་པར་ཞིག་པར་བྱེད་དོ། །དེ་བཞིན་དུ་སའི་མཐིལ་ཐམས་ཅད་ཀྱང་དཀར་བསིལ་དུ་སྣང་བར་འགྱུར་རོ། །དམྱལ་བ་བའི་སེམས་ཅན་རྣམས་ཤིན་ཏུ་སྦྱངས་པ་དང ། སྡུག་བསྔལ་མི་བཟད་པ་དེ་རྣམས་ཐམས་ཅད་ཡོངས་སུ་གྲོལ་ཏེ་བདེ་བ་ཅན་དུ་ཡང་འགྲོའོ། །མཐོ་རིས་ཐམས་ཅད་དུ་ཇི་ལྟ་བ་བཞིན་དུ་གནས་སོ། །དམྱལ་བ་ཐམས་ཅད་ཉམས་ཏེ་པདྨ་ཅན་དུ་རབ་ཏུ་འགྱུར་རོ། །ཉི་ཚེ་བའི་དམྱལ་ Ba124a ༄#། །བ་རྣམ་པ་སྣ་ཚོགས་པ་གཞན་རྣམས་དང ། ས་འོག་གི་ནང་དུ་སོང་བ་གང་ཡིན་པ་དང ། དགོན་པ་དང ། རི་དང ། ཚང་ཚིང་དང ། དགོན་དུང་དང ། གཡང་སར་གནས་པའི་དམྱལ་བའི་སྡུག་བསྔལ་མྱོང་བ་གང་ཡིན་པ་དེ་རྣམས་ཐམས་ཅད་བདུག་པའི་དྲིས་ཡོངས་སུ་གྲོལ་ལོ། །མི་གཙང་བ་ཟ་བའི་གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་གང་ཡིན་པ་རྣམས་དང ། བཤང་བ་དང ། ལྕི་བ་ཟ་བ་གང་ཡིན་པ་རྣམས་དང ། མཆིལ་མ་དང ། སྣབས་ཟ་བ་གང་ཡིན་པ་རྣམས་དང ། འདྲེས་པ་ཟ་བ་གང་ཡིན་པ་དེ་རྣམས་ཐམས་ཅད་བདུག་པའི་དྲི་མ་ནམས་པ་ཙམ་གྱིས་ཡོངས་སུ་གྲོལ་ནས་འཕྲལ་ཉིད་དུ་ལྷའི་འཇིག་རྟེན་དུ་སྐྱེའོ། །རྣམ་པ་སྣ་ཚོགས་པའི་རོ་བྲོ་བའི་མཆོག་དང ། དྲི་ཞིམ་པོའི་ཁ་ཟས་རྙེད་པར་འགྱུར་རོ། །དུད་འགྲོའི་སྐྱེ་གནས་སུ་སོང་བའི་སྲོག་ཆགས་རི་དྭགས་དང ། བྱ་རྣམས་ཐམས་ཅད་དྲིལ་མནམས་པ་ཙམ་གྱིས་ནད་ཐམས་ཅད་ལས་ཡོངས་སུ་གྲོལ་ལོ། །བདུག་པ་མནམས་པ་ཙམ་འདིས་ནད་ཐམས་ཅད་ལས་ཡོངས་སུ་གྲོལ་ལོ། །རིམས་ཐམས་ཅད་ལས་ཡོངས་སུ་གྲོལ་ལོ། །ན་བ་ཐམས་ཅད་ལས་ཡོངས་སུ་གྲོལ་ལོ། །འབྲས་དང ། ཕོལ་མིག་དང ། ལྷོག་པ་དང ། མེ་དབལ་དང ། ཤུ་བ་དང ། མཛེ་དང ། གཡན་པ་དང ། མིག་ན་བ་དང ། མགོ་ན་ Ba124b བ་དང ། གཞོགས་ཕྱེད་ན་བ་དང ། རྣ་བ་ན་བ་དང ། སྣང་བ་དང ། སོ་ན་བ་དང ། ཁ་ན་དང ། སྦ་བ་དང ། འཇིགས་པ་དང ། སྐྲག་པ་དང ། ནད་འགོ་བ་དང ། འཁྲུག་པའི་སྡུག་བསྔལ་ཐམས་ཅད་བདུག་པའི་དྲི་མནམས་པ་ཙམ་གྱིས་རབ་ཏུ་ཞི་བར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་དེ་དང ། དོན་ཡོད་པའི་རྒྱལ་པོའི་སྙིང་པོའི་མཐུས་སྡུག་བསྔལ་མྱོང་བར་འགྱུར་བའི་ལས་ཀྱི་སྒྲིབ་པ་ཐམས་ཅད་རྣམ་པར་ཉམས་པར་བྱེད་ཅིང ། རྣམ་པར་གྲོལ་ཏེ་མི་འཇིགས་པའི་གྲོང་དུ་འགྲོ་བར་འགྱུར་རོ། །དེ་ནས་རྫས་རྣམས་ཀྱི་རང་གི་ཆ་ཤས་རྣམ་པར་ཕྱེ་བ་དང་ལྡན་པ་བཤད་པར་བྱ་སྟེ། ཙནྡན་སྲང་གསུམ་དང ། ་ག་རུ་སྲང་གསུམ་དང ། ཏུ་རུ་སྐ་སྲང་ལྔ་དང ། གུར་གུམ་སྲང་བཅུ་དང ། སྤྲི་ཀ་སྲང་གཉིས་དྣྔ། ན་ལནད་སྲང་གཉིས་དང ། མ་ཧེའི་མིག་སྲང་ཉི་ཤུ་དང ། སྲ་རྩི་པོག་སྲང་བཅུ་དང ། བོ་ལ་སྲང་གསུམ་དང ། སལླ་ཀི་སྲང་བརྒྱད་དང ། རྒྱ་སྤོས་སྲང་གཉིས་དང ། སྤང་སྤོས་སྲང་གཅིག་དང ། ཤཱ་མ་ཀ་སྲང་གཅིག་དང ། གནྡྷ་པ་ཏྲ་སྲང་གཅིག་དང ། པདྨ་གེ་སར་སྲང་གཅིག་དང ། ཤྲཱི་རཱི་མའི་མེ་ཏོག་སྲང་གཅིག་དང ། ལི་ཁ་ར་དཀར་པོ་སྲང་བཅུ་དང ། དྲིའི་པྲི་ཡང་ཀུ་སྲང་གཅིག་དང ། པུ་ཤེལ་ཙི་སྲང་ལྔ་དང ། སྟག་སེན་སྲང་གཅིག་དང ། སུག་སྨེལ་སྲང་གསུམ་དང ། བཱ་ལ་ཀ་སྲང་ལྔ་དང ། གུར་གུམ་དང ། གླ་རྩི་ Ba125a ༄#། །ཚོར་བ་སྟེ། ཐམས་ཅད་ལགས་པར་རྣམ་པར་དབྱེ་བར་བྱས་ནས་ཕྱེ་མར་བྱས་ལ་མཐར་ཐམས་ཅད་གཅིག་ཏུ་བསྡོམས་ཏེ་སྦྲང་རྩིས་སྦྲུ་བར་བྱའོ། །ཚེས་བཅོ་ལྔ་ལ་རྒྱུ་སྐར་དང ། ཚེས་གྲངས་ཀྱི་ལྷ་དགེ་བ་ལ་རིག་སྔགས་འཆང་གཙང་མར་གྱུར་པས་གོས་གཙང་མ་བགོས་ཏེ་ལེགས་པར་ཁྲུས་བྱས་པར་གྱུར་པས་བརྟུལ་ཞུགས་སྤྱད་པས་བདུག་པའི་མཆོག་སྦྱར་བར་བྱའོ། །དེ་ནས་བདུག་པའི་རྒྱལ་པོ་སྒྲུབ་པའི་དཀྱིལ་འཁོར་གྲུ་བཞི་པ་ཚད་ཤིན་ཏུ་རྣམ་པར་ཕྱེ་བ་བྱ་སྟེ། གཟིངས་ཀྱི་ཚད་ཀྱི་ཤིན་ཏུ་བཅགས་པ། འཇམ་ཞིང་བསྙེན་པ་ལ་ཚོན་རྣམ་པ་སྣ་ཚོགས་པས་སྒོ་བཞི་ཤིན་ཏུ་རྣམ་པར་ཕྱེ་བ་མཛེས་པར་བྲི་བར་བྱའོ། །དབུས་ཀྱི་དཀྱིལ་འཁོར་གྱི་སྙིང་པོར་པདྨའི་ཕྲེང་བ་བྲིའོ། །དབུས་ཀྱི་པདྨ་ཕྱེད་ཁ་བྱེ་བའི་ཕྲེང་བ་བྲི་སྟེ། ལག་པ་གཉིས་ཐོན་ནས་སྣ་ཚོགས་པའི་སྤྲིན་འཁྲིགས་པ་འཛིན་པར་བྱེད་པའོ། །དེའི་སྟེང་དུ་བདུག་པའི་སྣོད་བཀོང་ནས་མེའི་ཁ་དོག་ཅན་གྱི་གོས་ཀྱིས་གཡོགས་ལ། དཀྱིལ་འཁོར་གྱི་གྲ་བཞིན་རྣམས་སུ་རླུང་གི་རྒྱལ་པོ་བྲིའོ། །སྒོ་བཞིར་ཞགས་པ་བྲིས་ནས་ཁོར་ཡུག་ཏུ་ལག་པའི་ཕྱག་རྒྱའོ། །པདྨའི་ཕྲེང་བ་ལས་ངེས་པར་ཐོན་པའོ། །བདུག་སྤོས་འཁྱིལ་བ་འཆིང་བར་བྱེད་པ་དཀྱིལ་འཁོར་གྱི་སྟེང་དུ་སྤྲས་པར་བྱའོ། །ཇི་ལྟར་འབྱོར་པའི་གཏོར་མ་དང་ Ba125b མེ་ཏོག་དབུལ་བར་བྱ། མཆོད་ཡོན་གྱི་སྣོད་དང ། གང་བའི་བུམ་པ་དང ། བ་དན་དང ། རྒྱན་དང ། སྐྱུད་པ་དམར་པོས་མཚམས་བཅིངས་པ་དང ། དཀྱིལ་འཁོར་ལ་དངུལ་དང ། གསེར་གཞག་ཅིང ། ཁོར་ཡུག་ཏུ་མར་མེའི་ཕྲེང་བ་དང ། དྲི་སྣ་ཚོགས་རྒྱ་ཆེན་པོའོ། །འཕགས་པ་སྤྱན་རས་གཟིགས་དབང་ཕྱུག་བཀོད་ནས་ཁ་ཤར་དུ་ཕྱོགས་ནས་པདྨའི་ཕྲེང་བ་ལ་ཉེ་བར་དགོད་པར་བྱའོ། །དེ་ནས་རིག་སྔགས་འཆང་གིས་བདུག་པའི་རྒྱལ་པོ་ལ་ཡོངས་སུ་བཟླ་བར་བྱ་སྟེ། ཉི་མ་བདུན་ལ་ཐུན་གསུམ་དུ་དོན་ཡོད་པའི་རྒྱལ་པོ་བརྒྱ་རྩ་བརྒྱད་བཟླ་ཞིང་སྙིང་པོ་བརྒྱ་རྩ་བརྒྱད་བཟླའོ། །དོན་ཡོད་པའི་སྙིང་པོ་ཡི་གེ་གཅིག་པའི་བཟླས་བརྗོད་འབུམ་རྫོགས་པ་སྟེ། སྟོང་ཕྲག་བརྒྱ་རྫོགས་པ་ནི། བཟླས་བརྗོད་ཀྱི་ཆོ་གའོ། ། དེ་ནས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱ་ཞིང ། སླར་ཡང་དོན་ཡོད་པའི་རྒྱལ་པོའི་བཟླས་བརྗོད་ཉི་ཤུ་རྩ་གཅིག་དང ། ཁྲོ་བོའི་རྒྱལ་པོའི་བཟླས་བརྗོད་ཉི་ཤུ་རྩ་གཅིག་བྱའོ། །དེ་ནས་ཐོག་མར་སངས་རྒྱས་བཅོམ་ལྡན་འདས་ལ་བདུག་པ་དབུལ་བར་བྱ། དེ་ནས་འཕགས་པ་སྤྱན་རས་གཟིགས་དབང་ཕྱུག་ལ་བདུག་པ་དབུལ་ལོ། །འདི་ནི། བདུག་པ་སྒྲུབ་པའི་ཆོ་ག་གྲུབ་པར་འགྱུར་རོ། །བདུག་པའི་རྒྱལ་པོ་འདིས་བྱ་བ་དེ་སྒྲུབ་པར་འགྱུར་རོ། །གལ་ཏེ་རིག་སྔགས་འཆང་གིས་ཡུངས་ Ba126a ༄#། །ཀར་གྱི་འབྲས་བུ་གཅིག་གི་ཚད་ཙམ་གྱི་བདུག་པས་དེ་བཞིན་གཤེགས་པ་ཐམས་ཅད་མཆོད་པར་འདོད་པ་དང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དྲི་གཅིག་གིས་རྒྱས་པར་འདོད་པ་དང ། བདུག་པའི་སྤྲིན་འཁྲིགས་པས་ཀུན་ནས་གཡོགས་པར་འདོད་པ་དང ། དྲི་སྣ་ཚོགས་པའི་ཆར་འབེབས་པར་བྱེད་པར་འདོད་པ་དེས་བདུག་པའི་རྒྱལ་པོས་བདུག་པ་དེ། རིག་སྔགས་འཆང་གིས་རྟག་ཏུ་རྒྱུན་མི་འཆང་པར་མངོན་པར་བརྩོན་པར་བྱའོ། །དེ་ནས་རིག་སྔགས་འཆང་གིས་ཉི་མ་རེ་རེ་ཞིང་སངས་རྒྱས་བཅོམ་ལྡན་འདས་དང ། འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་དཀྱིལ་འཁོར་བྱས་ལ་མེ་ཏོག་གཅལ་དུ་བཀྲམ་པར་བྱའོ། །མཆོད་ཡོན་དང ། ཞབས་བསིལ་ཡང་གཞག་པར་བྱ། བདུག་པའི་རྒྱལ་པོ་འདིས་བདུག་པར་བྱ་ཞིང ། དོན་ཡོད་པའི་རྒྱལ་པོ་དུས་གཅིག་ཏུ་བརྗོད་པར་བྱ་སྟེ། ཕྱོགས་བཅུར་བདུག་པའི་པོག་ཕོར་དབུལ་བར་བྱའོ། །དེ་བཞིན་གཤེགས་པ་ཐམས་ཅད་ཡིད་ལ་བྱེད་པར་འགྱུར་བ་དང ། སེམས་ཅན་འབྱུང་པོ་ཐམས་ཅད་ལ་བྱམས་པ་བསྒོམ་པར་བྱ། སངས་རྒྱས་ཀྱི་ཞིང་དུ་གཏོགས་པ་ཐམས་ཅད་དྲི་མ་མེད་པའི་སེམས་ཀྱིས་ཡིད་ལ་བསྒོམ་པར་བྱ། དཀྱིལ་འཁོར་ལ་མེ་ཏོག་དང ། བདུག་ Ba126b པ་དང ། མཆོད་ཡོན་དང ། ཞབས་བསིལ་ཕུལ་ཏེ་ཡི་གེ་གཅིག་པ་ཡིད་ལ་བརྗོད་ཅིང ། ཕྱག་རྒྱ་ཡང་ལན་གཅིག་བཅིངས་ལ་ཕྱག་བྱའོ། །ཞེས་སོ། །ཕུལ་བ་ཙམ་གྱི་མོད་ལ་ཕྱོགས་རེ་རེ་ཞིང་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུའི་སངས་རྒྱས་བྱེ་བ་ལ་དྲིས་ཁྱབ་པར་བྱེད་ཅིང ། བདུག་པ་ཆེན་པོ་འཁྲིགས་པས་ནམ་མཁའི་མཐིལ་དུ་ཁྱབ་པར་འགྱུར་རོ། །དྲི་སྣ་ཚོགས་ཀྱི་ཆར་འབབ་པར་འགྱུར་ཏེ། བཅོམ་ལྡན་འདས་མཆོད་པའི་ལས་སངས་རྒྱས་ཀྱི་ཞིང་རེ་རེ་ཞིང་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་ཕྲག་ཕྱེ་བ་དགུ་བཅུ་རྩ་དགུའི་སངས་རྒྱས་བཅོམ་ལྡན་འདས་ལ་མཆོད་པར་འགྱུར་རོ། །དེ་བཞིན་གཤེགས་པ་ཐམས་ཅད་མཆོད་པས་དེ་བཞིན་གཤེགས་པ་དེ་རྣམས་ཐམས་ཅད་རིག་སྔགས་འཆང་ལ་དུས་སུ་དོན་ཡོད་པའི་རྒྱལ་པོ་དྲན་པར་བྱེད་པ་བསྲུང་བའི་དོན་དང ། ཕྱག་རྒྱ་འཆིང་བར་བྱེད་པ་དེ་བསྲུང་བའི་དོན་དུ་ལེགས་སོ་ཞེས་བྱ་བའི་སྒྲ་རྗོད་པར་བྱེད་དོ། །དེ་བཞིན་གཤེགས་པ་ཐམས་ཅད་བྱམས་པ་རྒྱས་པར་བྱེད་པ་དེ་བཞིན་དུ་བྱའོ། །དོན་ཡོད་པ་ཆེན་པོའི་དངོས་གྲུབ་ཀྱང་སྦྱིན་པར་བྱེད་དོ། །དེ་བཞིན་གཤེགས་པ་དེ་རྣམས་ཀྱི་དྲུང་དུ་བསོད་ནམས་ཀྱི་ཚོགས་ཆེན་པོ་ཉེ་བར་གསོག་པར་བྱེད་དོ། །དེ་བཞིན་གཤེགས་པ་རེ་རེ་ཞིང་བྱེ་བ་ Ba127a ༄#། །བརྒྱ་སྟོང་ཕྲག་གི་དྲུང་དུ་བསོད་ནམས་ཀྱི་ཕུང་པོ་དང ། དགེ་བའི་རྩ་བ་ཉེ་བར་གསོག་པར་བྱེད་དོ། །ཇི་ལྟར་རིག་སྔགས་འཆང་དེ་བཞིན་གཤེགས་པ་མཆོད་པའི་ཆོ་ག་བྱེད་བྱེད་པ་དེ་བཞིན་དུ་རྣམ་པ་དུ་མ་དེ་བཞིན་གཤེགས་པ་རེ་རེ་ཞིང་གི་སྤྱན་སྔར་རབ་ཏུ་འབྱུང་བར་འགྱུར་རོ། །རིག་སྔགས་འཆང་ཉི་མ་བདུན་དུ་རབ་ཏུ་བརྩོན་པས་དེ་བཞིན་གཤེགས་པ་དང ། བླ་མ་མཆོད་དོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་མངོན་སུམ་དུ་མཐོང་བ་སྩོལ་བར་བྱེད་དོ། །དེ་རྣམས་ཐམས་ཅད་ཀྱིས་དབུགས་འབྱིན་པར་བྱེད་ལ་མཆོག་རབ་ཏུ་སྩོལ་བར་འགྱུར་རོ། །དོན་ཡོད་པའི་དངོས་གྲུབ་རྗེས་སུ་སྩོལ་བར་འགྱུར་རོ། །ཕྱིར་མི་ལྡོག་པ་ལ་རབ་ཏུ་གནས་པར་འགྱུར་རོ། །ས་བཅུ་ཡང་དག་པར་གནོན་ཏེ་མངོན་པར་ཤེས་པ་ལྔར་འགྱུར་རོ། །འཇིག་རྟེན་པའི་བདུག་པ་སྒྲུབ་པའི་ཆོ་གའོ།། །།དེ་བཞིན་ཉིད་དུ་འཇིག་རྟེན་ལས་འདས་པ་ལ་འཆི་འཕོ་བ་ན་དེ་བཞིན་གཤེགས་པའི་སྤྱན་སྔའི་ཞབས་དྲུང་དུ་པདྨ་ལ་བརྫུས་ཏེ་སྐྱེ་བར་འགྱུར་རོ། །ཚེ་རབས་དྲན་པར་ཡང་འགྱུར་རོ། །དེ་བཞིན་གཤེགས་པའི་སངས་རྒྱས་ཀྱི་ཞིང་གང་དང་གང་དུ་འགྲོ་བར་བྱེད་པ་དེ་ཐམས་ཅད་དུ་ཡང་དེ་བཞིན་གཤེགས་པས་རིག་སྔགས་འཆང་ལ་ལུང་སྟོན་ Ba127b པར་འགྱུར་རོ། །ཕྱིས་ཀྱང་སྐྱེ་བ་གཞན་དུ་སྐྱེ་བར་མི་འགྱུར་རོ། །ལུས་འདི་ཉིད་ཀྱིས་དེ་བཞིན་གཤེགས་པ་ཐམས་ཅད་ལ་བསྙེན་བཀུར་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སོང་སྟེ་སངས་རྒྱས་བཅོམ་ལྡན་འདས་ཀྱི་ཆོས་ཀྱི་འཁོར་ལོ་བསྐོར་བར་བྱེད་དོ། །ཚེ་དཔག་ཏུ་མེད་པར་འགྱུར་རོ། །དེ་བཞིན་གཤེགས་པ་ཚེ་དཔག་ཏུ་མེད་པ་ཇི་ལྟ་བ་དེ་བཞིན་དུ་འདིའི་རྫུ་འཕྲུལ་དང ། རྣམ་པར་འཕྲུལ་པའི་ཁྱད་པར་སོ་སོར་ཐོབ་བོ། །འདི་ནི། འཇིག་རྟེན་ལས་འདས་པའི་བདུག་པ་སྒྲུབ་པའི་ཁྱད་པར་རོ།། །།དེ་ནས་འཇིག་རྟེན་པའི་བདུག་པ་སྒྲུབ་པའི་ཆོ་ག་བརྒྱ་སྟོང་ཕྲག་དུ་མ་འགྲུབ་པར་བྱེད་དོ། །ཇི་ལྟར་ཇི་ལྟར་བདུག་པ་ཉིད་ཡིད་ལ་བྱེད་པ་དེ་ལྟ་དེ་ལྟར་ཐམས་ཅད་ཡང་དག་པར་འགྲུབ་པར་འགྱུར་རོ། ། ཀླུའི་གནས་སུ་བདུགས་ན། བདུགས་པ་ཙམ་གྱི་མོད་ལ་ཀླུའི་རྒྱལ་པོས་ཆར་རྒྱུན་ཆེན་པོ་འབྱིན་པར་བྱེད་དོ། །རྒྱལ་པོའི་སྒོར་བདུགས་ན། རྒྱལ་པོ་དང ། བཙུན་མོའི་འཁོར་གཡོག་དང་བཅས་པ་དབང་དུ་གྱུར་ནས་གནས་སོ། །སྐྱེ་བོ་མང་པོའི་དབུས་སུ་བདུགས་ན། རིགས་བཞིའི་འཇིག་རྟེན་དབང་དུ་གྱུར་ནས་གནས་སོ། །བདག་ཉིད་ལ་བདུགས་ན། ཐམས་ཅད་དུ་མཆོད་པའི་འོས་ཆེན་པོར་འགྱུར་རོ། །ནད་ཐམས་ཅད་ལ་བདུགས་ན། ནད་ཐམས་ཅད་ཡོངས་སུ་གྲོལ་བར་བྱེད་དོ། །དུག་ལ་བདུགས་ན། དུག་མེད་པར་ Ba128a ༄#། །འགྱུར་རོ། །མཚམས་ཀྱི་ནང་དུ་བདུགས་ན། མེ་ཏོག་དང ། འབྲས་བུ་ཐམས་ཅད་རོ་ཞིམ་པ་དང ། ལེགས་པར་བསྲུངས་པར་འགྱུར་རོ། །ལོ་ཐོག་ལ་བདུགས་ན། འབྲུའི་ཕུང་པོ་ཆེན་པོར་འགྱུར་རོ། །ཁྱིམ་མམ། གཙུག་ལག་ཁང་ངམ། གྲོང་ངམ། གྲོང་ཁྱེར་ལ་བདུགས་ན། དུག་དང ། སྦྱར་དུག་དང ། དུག་དང་བཅས་པའི་སྲོག་ཆགས་ཐམས་ཅད་ནམ་ཡང་མི་འབྱུང་ངོ ། །གཡུལ་གྱི་དབུས་སུ་བདུགས་ན། ཆེར་རྒྱལ་བར་འགྱུར་རོ། །བདག་ཉིད་དམ། གཞན་རྣམས་སམ། དོན་འཐུན་པ་རྣམས་ལ་བདུགས་ན། ལམ་དུ་འགྲོ་བ་ན་ཆོམ་རྐུན་དང ། གཡོན་ཅན་དང ། རྐུན་མོ་དང ། གཅན་གཟན་གཏུམ་པོའི་འཇིགས་པ་ཐམས་ཅད་མི་སྣང་བར་འགྱུར་ཞིང ། བདེ་བ་དང ། ལེགས་པས་རང་གི་ཁྱིམ་དུ་འོང་ངོ ། །དཔག་ཚད་སྟོང་དུ་འགྲོ་ཡང་ངལ་བ་མེད་ཅིང ། སླར་ཡང་འོང་བར་བྱེད་དོ། །དུང་ལ་བདུགས་ནས་མཐོན་པོར་བུས་ན། ཇི་སྲིད་དུང་གི་སྒྲ་ཐོས་པ་དེ་སྲིད་དུ་གནོད་པ་ཐམས་ཅད་དང ། འཇིགས་པ་ཐམས་ཅད་དང ། ནད་ཐམས་ཅད་དང ། མཚོན་ཆ་དང ། འཐབ་མོ་དང ། འཐབ་པ་དང ། རྩོད་པ་དང ། འགྱེད་པ་དང ། ཕྱིར་རྒོལ་བ་དང ། དགྲ་བོ་དང ། སྡང་བ་དང ། རབ་ཏུ་སྡང་བའི་སེམས་ཅན་ཐམས་ཅད་རྣམ་པར་ཉམས་པར་བྱེད་དོ། །ཡམས་ཐམས་ཅད་ Ba128b དང ། ཉེ་བར་འཚེ་བ་དང ། ནད་འགོ་བ་ཐམས་ཅད་དང ། འཁྲུགས་པ་ཐམས་ཅད་རྣམ་པར་ཉམས་པར་བྱེད་དོ། །བདེ་བ་དང ། ལོ་ལེགས་པ་དང ། དགའ་བར་འོས་པར་འགྱུར་རོ། །དགེ་བའི་རྩ་བ་ཐམས་ཅད་འདོད་པར་འགྱུར་རོ། །ནད་མེད་པ་དང ། གནོད་པ་མེད་པ་དང ། རིམས་མེད་པ་དང ། ཐང་ཆད་པ་མེད་པར་ཇི་སྲིད་འཚོའི་བར་དུ་གནས་སོ། །ཁང་པའི་སྟེང་མཐོན་པོར་ཕྱོགས་བཞིར་བདུགས་ན། རླུང་དང ། སད་དང ། སྤྲིན་གྱི་སེར་བ་ཐམས་ཅད་བཅིངས་པར་འགྱུར་ཏེ། ཇི་སྲིད་ཡིད་ལ་བྱེད་པ་ནར་མར་ཡོད་པ་དེ་སྲིད་དུ་མཚམས་བཅིངས་པར་བྱས་པར་འགྱུར་རོ། །ཁྱིམ་གྱི་ནང་དུ་བདུགས་ན། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། བྲན་ཕོ་དང ། བྲན་མོ་ཐམས་ཅད་དང ། ཇི་སྲིད་དུ་རྐང་གཉིས་པ་དང ། རྐང་བཞི་པ་ཐམས་ཅད་བྱམས་པའི་ཡིད་དུ་འགྱུར་ཏེ། དབང་དུ་གྱུར་ནས་གནས་སོ། །ཇི་སྲིད་འཚོའི་བར་དུ་བསྙེན་བཀུར་བྱེད་དོ། ། སླར་ཡང་ཡིད་གཞན་དུ་མི་འགྱུར་རོ། །འཆི་བའི་དུས་ཀྱི་ཚེ་བདུགས་ན། དྲི་མནམས་པའི་མཐུ་དེས་སངས་རྒྱས་རྗེས་སུ་དྲན་པ་སྐྱེས་ཏེ། དེ་བཞིན་གཤེགས་པ་བྱེ་བ་ཕྲག་དགུ་བཅུ་རྩ་དགུ་མངོན་སུམ་དུ་མཐོང་བ་སོ་སོར་ཐོབ་ཏེ། ཕྱིས་ཀྱང་ངན་འགྲོ་ལོག་པར་ལྟུང་བར་འགྲོ་བར་མི་འགྱུར་རོ། །དགེ་བའི་རྩ་བའི་ཚོགས་ཐམས་ཅད་ཡང་ Ba129a ༄#། །དག་པར་འཛིན་པར་འགྱུར་རོ། །འཆི་འཕོ་བ་ན་བདེ་བ་ཅན་གྱི་འཇིག་རྟེན་གྱི་ཁམས་སམ། མངོན་པར་དགའ་བར་སྐྱེས་ཏེ། འདི་ལ་དོགས་པ་དང ། ཡིད་གཉིས་བསྐྱེད་པར་མི་བྱ་ཞིང ། ཐེ་ཚོམ་བསྐྱེད་པར་མི་བྱའོ། །ཞེས་སོ། །མ་མོའི་དཀྱིལ་འཁོར་གྱི་ཁྱིམ་ལ་བདུགས་ན། ནག་པོ་ཆེན་པོ་ལ་སོགས་པ་མ་མོའི་ཚོགས་ཀྱིས་ཡོངས་སུ་བསྐོར་བ་དབང་དུ་འགྱུར་ཏེ། མདུན་དུ་ཉེ་བར་གནས་པར་བྱེད་དོ། །ལྷ་དང ། ཀླུ་དང ། གནོད་སྦྱིན་དང ། སྲིན་པོ་ཐམས་ཅད་དང ། ནག་པོ་ཆེན་པོའི་གཟུགས་བརྙན་གྱི་སྤྱི་བོའི་གཙུག་ཏུ་བདུགས་ན། བདུགས་པ་ཙམ་གྱི་མོད་ལ་ཁ་ནས་ཁྲག་སྐྱུག་གོ་།རིག་སྔགས་འཆང་གིས་དེ་བླངས་ཏེ་ཐིག་ལེ་བྱས་ནས་ནམ་མཁའ་ལ་ལྡིང་བར་བྱེད་དོ། །མིག་ལ་བྱུགས་ན། མི་སྣང་བར་འགྱུར་ཏེ། བདེ་བླག་ཏུ་འབྱུང་པོའི་བདག་པོ་ཆེན་པོར་འགྱུར་རོ། །ལྟོ་བར་ཡོངས་སུ་བྱུགས་ན། གནོད་སྦྱིན་དང ། སྲིན་པོའི་དཔོན་པོའོ། །ལུས་མཐའ་དག་ལ་བྱུགས་ན། སྟོབས་དང ། བརྩོན་འགྲུས་དང ། རྩལ་ཆེན་པོ་ནག་པོ་ཆེན་པོ་དང་མཚུངས་པའི་ཤུགས་སུ་འགྱུར་ཏེ། དེ་ཉིད་ཀྱི་གཟུགས་སུ་འགྱུར་རོ། །འཁོར་གྱི་ཚོགས་ཆེན་པོར་ཡང་འགྱུར་རོ། །ཚངས་པ་ལ་བདུགས་ན། བདུགས་པ་ཙམ་གྱི་མོད་ལ་འོ་མ་འཛག་པ་བླང་བར་བྱ་ Ba129b སྟེ།་ལུས་ལ་བྱུག་པར་བྱའོ། །ཚངས་པ་དང་འདྲ་བའི་སྟོབས་དང་ཤུགས་སུ་འགྱུར་ཏེ། ནམ་མཁའ་ལ་འགྲོ་བར་བྱེད་དོ། །ཁྱབ་འཇུག་ལ་བདུགས་ན། བདུགས་པ་ཙམ་གྱི་མོད་ལ་ལུས་ལ་པ་ལ་ཤའི་ཁ་དོག་གི་དྲིའི་ཆུ་འཛག་སྟེ། རིག་སྔགས་འཆང་གི་ལུས་ལ་བྱུག་པར་བྱའོ། །སྲེད་མེད་ཀྱི་བུའི་གཟུགས་དང ། སྟོབས་དང ། ཤུགས་འཆང་བར་འགྱུར་ཏེ། ལག་ན་འཁོར་ལོ་ཐོགས་པས་ནམ་མཁའ་ལ་འགྲོའོ། །དབང་ཕྱུག་ཆེན་པོ་ལ་བདུགས་ན། དབང་ཕྱུག་ཆེན་པོའི་ལུས་ལ་རྡུལ་འབྱུང་ཏེ། རིག་སྔགས་འཆང་གི་ལུས་ལ་བྱུག་པར་བྱའོ། །དབང་ཕྱུག་ཆེན་པོའི་གཟུགས་སུ་འགྱུར་ཏེ། ལག་ན་མདུད་རྩེ་གསུམ་དང ། སྟོབས་དང ། བརྩོན་འགྲུས་དང ། རྩལ་གྱིས་འབྱུང་པོའི་བདག་པོ་ཆེན་པོར་འགྱུར་ཏེ། ནམ་མཁའ་ལ་འགྲོའོ། །ཐམས་ཅད་ལ་དོན་ཡོད་རྒྱལ་པོའི་བཟླས་བརྗོད་ལན་གསུམ་གསུམ་རྣམ་པར་སྦྱིན་པར་བྱའོ། །སྙིང་པོ་ཡི་གེ་གཅིག་པས་སྤྱི་བོར་བཟླས་བརྗོད་ལན་བདུན་དུ་བཟླས་བརྗོད་སྦྱིན་པར་བྱའོ། །སྤྲ་ཚིལ་ལས་བྱུང་བའི་ཀླུ་མགོ་བོ་དགུ་པ་སོར་བཞི་པའི་ཚད་དུ་བྱ་སྟེ། གསེར་གྱིས་གཡོགས་པར་བྱ་ཞིང་དྲིའི་དཀྱིལ་འཁོར་བྱ་སྟེ།་དཀྱིལ་འཁོར་གྱི་སྟེང་དུ་གཞག་པར་བྱའོ། །དོན་ཡོད་པའི་རྒྱལ་པོས་ལན་བརྒྱ་རྩ་བརྒྱད་དུ་བཟླའོ། །བདུག་པ་འདིས་བདུགས་པས་ཀླུ་ལྡང་བར་བྱེད་དོ། །རིག་སྔགས་ Ba130a ༄#། །འཆང་གིས་འཇིགས་པ་མེད་པར་བྱ་སྟེ། ཁྲོ་བོའི་རྒྱལ་པོ་ཡུངས་ཀར་ལ་བཟླས་ཏེ་སྤྱི་བོའི་གཙུག་ཏུ་བརྡེགས་ན། ལྡིང་བར་བྱེད་དོ། །གང་དུ་འདོད་པ་དེར་གནས་ནས་ཀླུ་ཆེན་པོའི་མཚོ་དང ། གནས་དང ། གཞལ་མེད་ཁང་རབ་ཏུ་འབྱུང་ངོ ། །ཆུ་གང་ཡིན་པ་དེ་རྣམས་ཀྱང་འཐུང་བར་བྱེད་པ་དང ། ཁྲུས་བྱེད་པའི་བུད་མེད་དང ། སྐྱེས་པ་དང ། ཁྱེའུ་དང ། བུ་མོའམ། ཐ་ན་དུད་འགྲོའི་སྐྱེ་གནས་སུ་སོང་བས་འཐུང་བ་དང ། ཁྲུས་བྱེད་པ་དེ་རྣམས་ཐམས་ཅད་ཀྱང་ནད་རྣམས་དང་བྲལ་བར་འགྱུར་རོ། །སྡིག་པ་དང ། སྒྲིབ་པ་བྲེལ་བ་དང ། འཇིགས་པ་ཐམས་ཅད་དང་བྲལ་བར་ཡང་འགྱུར་རོ། །ཀླུ་རྣམས་ཀྱང་དུས་སུ་ཆར་གྱི་རྒྱུན་ཆེན་པོ་འབྱིན་པར་བྱེད་ཅིང ། ཆར་འབེབས་པར་བྱེད་དོ། ། དུས་དུས་སུ་མེ་ཏོག་དང ། འབྲས་བུ་དང ། ལོ་ཐོག་རྣམས་རྫོགས་པར་བྱེད་དེ། རོ་ཞིམ་པོའི་རོ་མྱོང་བར་འགྱུར་རོ། །ཕྱིར་ཞིང་ལོག་པར་ལྟུང་བར་འགྲོ་བར་མི་འགྱུར་རོ། ། ཕུག་དང་ཁུང་བུའི་སྒོར་འཁྲུལ་འཁོར་གྱི་སྒོ་གླེགས་ལ་བདུགས་ན། བྱེ་ཞིང་གཅོག་པར་འགྱུར་རོ། །འཁྲུག་པའི་དུས་སུ་བདུགས་ན། ཕམ་པར་འགྱུར་རོ། །ལག་མཐིལ་ལ་བདུགས་ན། གང་དང་གང་ལ་རེག་པ་ཐམས་ཅད་དུ་དབང་དུ་བྱེད་དོ། །བདུག་པའི་དཀྱིལ་འཁོར་གྱི་ཆོ་གའོ།། །།དེ་ནས་སྨན་གྱི་དཀྱིལ་འཁོར་གྱི་ཆོ་ག་བཤད་ Ba130b པར་བྱ་སྟེ། དོན་ཡོད་པར་ཐམས་ཅད་དུ་གཞན་གྱིས་མི་ཐུབ་པ། ནད་ཐམས་ཅད་སེལ་བར་གྲུབ་པ། ཐམས་ཅད་དུ་དུག་འཇོམས་པར་བྱེད་པ། ན་བ་ཐམས་ཅད་སེལ་བར་གྲུབ་པ།་སྡང་བ་ཐམས་ཅད་ལྡོག་པར་བྱེད་པ། འབྱུང་པོ་ཐམས་ཅད་ལ་མི་འཇིགས་པ། མཚོན་དང ། མེ་དང ། ཆུ་དང ། དུག་རབ་ཏུ་འཇོམས་པ། རྟག་ཏུ་སྲུང་བ་དང་སྐྱོབ་པ་དང་སྦ་བར་བྱེད་པ། དགྲ་རྣམས་དང ། གཞན་རྒྱལ་བ་ཟློག་པར་བྱེད་པ། རྒྱལ་པོ་དང ། རྒྱལ་ཕྲན་ནམ། བཙུན་མོའི་འཁོར་དུ་སོང་བ་དང་གཙོ་བོ་རྟག་ཏུ་དབང་དུ་བྱེད་ཅིང་ཐམས་ཅད་དུ་ཐོགས་པ་མེད་པར་འགྱུར་རོ། །ཕ་རོལ་གྱི་དམག་ཚོགས་དང ། འཁྲུག་པ་དང ། གཡུལ་རྣམས་རྟག་ཏུ་རབ་ཏུ་འཇོམས་པར་བྱེད་པ། གང་གི་ཚེ་ཆོམ་རྐུན་གྱི་ནང་དུ་སོང་བ་ཉིད་དང ། དོན་འཐུན་གྱི་ནང་དང ། རྐུན་མོ་དང ། སེངྒེ་དང ། སྟག་གི་ནང་དུ་སོང་བ་དེའི་ཚེ་ཐམས་ཅད་དུ་སྨན་གྱི་རྒྱལ་བ་སྟེར་རོ། །ཚེ་རིང་པོར་འགྱུར་ཏེ། རྟག་ཏུ་པདྨའི་ཕྱག་གིས་མཆོག་སྦྱིན་པར་འགྱུར་རོ། །ལྷ་རྣམས་ཀྱིས་རྟག་ཏུ་སྲུང་བར་བྱེད་དོ། །གནོད་སྦྱིན་དང ། སྲིན་པོ་དང ། ཀླུ་དང ། ལྷ་མ་ཡིན་དང ། ནམ་མཁའ་ལྡིང་ཉིད་དང ། མིའམ་ཅི་དང ། ལྟོ་འཕྱེ་ཆེན་པོ་ཉིད་དང ། མི་མ་ཡིན་གདུག་པ་གང་ཡིན་པ་དེ་རྣམས་ཐམས་ཅད་ཉིན་དང་མཚན་དུ་བསྲུང་བའི་དོན་དུ་ཡང་དག་པར་སྒྲུབ་པར་འགྱུར་ཏེ། ཐེ་ཚོམ་ Ba131a ༄#། །མེད་དོ། །རྒྱལ་པོ་ཆེན་པོ་རྣམ་ཐོས་སྲས་དང ། རྒྱལ་པོ་ཆེན་པོ་ཡུལ་འཁོར་སྲུང་དང ། རྒྱལ་པོ་ཆེན་པོ་འཕགས་སྐྱེས་པོ་དང ། མིག་མི་བཟང་དཔུང་དང་བཞོན་པ་དང་བཅས་པ་དང ། སྐབས་གསུམ་པའི་ལྷའི་དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། ལྷ་དེ་རྣམས་ཐམས་ཅད་མཐུན་པས་རྟག་ཏུ་སྲུང་བར་བྱེད་དོ། །སངས་རྒྱས་ཀྱིས་རྣམ་པར་གཟིགས་ཤིང ། རྟག་ཏུ་ཡང་མཐོང་བ་སྩོལ་བར་མཛད་དོ། །གང་སྨན་ལག་ཏུ་ཕྱིན་པར་འགྱུར་བ་འདི་ཡང་ནས་ཡང་དུ་རིག་སྔགས་ཀྱི་དངོས་གྲུབ་མྱུར་དུ་ཐོབ་བོ། །བྱད་སྟེམས་འཕོ་བ་མེད་དོ། །དེ་ལ་དུག་མེད་ཅིང་སྡིག་པ་མེད་ལ། མི་བཟད་པའི་སྦྱོར་བ་དང ། ཕྱེ་མའི་སྦྱོར་བས་གནོན་པར་མི་འགྱུར་རོ། །སྔོན་གྱི་སྒྲིབ་པ་ཉམས་པར་བྱེད་དེ། དེ་བཞིན་དུ་ཡང་སྡིག་པ་ཐམས་ཅད་དང ། རྨི་ལམ་ངན་པ་དང ། མཚན་མ་ངན་པ་གང་ཡིན་པ་དང ། གཞན་རྣམ་པ་སྣ་ཚོགས་པའི་སྡང་བ་ཉིད་དེ། དེ་རྣམས་ཐམས་ཅད་མྱུར་དུ་རྣམ་པར་ཉམས་པར་བྱེད་དོ། །སྨན་གང་དུ་གནས་པའི་དཔག་ཚད་ཁོར་ཡུག་ཏུ་སྲུང་བ་དང ། དེ་བཞིན་ཉིད་དུ་མཚམས་བཅིང་བར་བྱེད་དོ། །བགེགས་དང ། ལོག་པར་འདྲེན་པ་ཐམས་ཅད་དང ། དེ་བཞིན་དུ་བདུད་དམ་སྡང་བ་དེ་རྣམས་ Ba131b ཐམས་ཅད་རབ་ཏུ་འབྲོས་པར་བྱེད་དོ། །སྨན་གང་དུ་གནས་པར་གདོན་རབ་ཏུ་འབྲོས་པར་བྱེད་དོ། །མཁའ་འགྲོ་མ་གང་ཡིན་པ་དང ། རྣལ་འབྱོར་མ་གང་ཡིན་པ་དང ། སྐེམ་བྱེད་དང ། གཟའ་དང ། བརྗེད་བྱེད་དང ། གྲིབ་གནོན་གང་ཡིན་པ་དང ། མི་བཟད་པ་དེ་རྣམས་ཐམས་ཅད་རབ་ཏུ་ཞི་བར་འགྲོ་བར་འགྱུར་རོ། །ལྷ་རྣམས་དེར་གནས་པར་བྱེད་ཅིང ། འཁྲུལ་འཁོར་ལ་སྨན་ཨ་ག་རུ་དེ་མཆོག་གོ་།ཞེས་སོ། །རྒྱལ་བས་དབུགས་འབྱིན་པར་མཛད་ཅིང ། དངོས་གྲུབ་ཐམས་ཅད་ཀྱི་དེ་ཁོ་ན་ཉིད་སྩོལ་བར་མཛད་དོ། །རྟག་ཏུ་འཇིག་རྟེན་དབང་ཕྱུག་གིས་མཆོག་སྩོལ་ཞིང ། རྟག་པའི་མཐར་མཐོང་བ་སྩོལ་བར་འགྱུར་རོ། །དོན་ཡོད་པའི་ཞགས་པ་མྱུར་དུ་འགྲུབ་སྟེ། སྨན་འཆང་བ་ལ། སྨན་གང་དུ་གནས་པར་གང་གིས་ཀྱང་གླགས་མི་རྙེད་དོ། །དོན་ཡོད་པའི་མཆོག་སྦྱིན་པ་ཞེས་བྱ་བ་ཡིད་བཞིན་གྱི་ནོར་བུ། སྨན་གྱི་མཆོག་།རབ་ཏུ་འབད་པས་བཅངས་པས་ལེགས་པར་བསྒྲུབ་པར་བྱ་བ། དངོས་གྲུབ་ཀྱི་མཆོག་།ལས་ཐམས་ཅད་བྱེད་པ་དེ་ཉིད་དེའི་ཚེ་ཤི་བ་ཡང་དག་པར་འཚེ་བར་བྱེད་པ། ལོ་རྫོགས་པར་བསྟེན་ཏེ་སྔགས་དང་ཕྱག་རྒྱས་གསོ་བར་བྱའོ། །ལོ་སྟོང་ཕྲག་ཏུ་རྟག་ཏུ་བདེ་བ་དང ། དགའ་བར་བྱེད་དོ། །དབང་ཕྱུག་དང ། ནོར་ཐོབ་པ་དང ། འབྲུ་འཕེལ་བ་དང ། བླ་ན་མེད་པ་དང ། རྒྱལ་པོ་ Ba132a ༄#། །དགའ་བར་འགྱུར་ཏེ་རྟག་ཏུ་གནས་པ། །འབངས་དང ། ཅི་བགྱི་དང ། མཆོད་པ་ཆེན་པོ་རྙེད་དོ། །ཐམས་ཅད་དུ་དེ་དག་རྟག་ཏུ་ཚིག་བཙུན་པའོ། །ཐོས་པས་དངོས་གྲུབ་མཆོག་གྱུར་པའི། །རྫས་ཀྱང་འདིར་ནི་བཤད་བྱ་སྟེ། །ཙནྡན་རྒྱ་སྤོས་རུ་རྟ་དང ། །སྤྲི་ཀ་ཤིང་ཚ་བཱ་ལ་ཀ་།བྲག་སྐྱེས་སྤང་སྤོས་སཱ་མ་ཀང ། །སུག་སྨེལ་གླ་སྒང་ན་ལ་ད། །པདྨ་ཨུཏྤལ་པྲི་ཡང་ཀུ། ཤིང་ཀུན་འདབ་མ་ཚ་བ་གསུམ། །ཤི་རི་ཤ་ཡི་མེ་ཏོག་དང ། །དེ་བཞིན་པ་རི་པཻ་ལ་བ། །འདི་རྣམས་ཆ་ནི་མཉམ་པར་ལྡན། །ཐམས་ཅད་ལེགས་གཞལ་ལེགས་པར་སྦྱར། །གསང་སྔགས་བརྒྱ་རྩ་བརྒྱད་བཟླས་ལ། །ཁྲོ་བོའི་རྒྱལ་པོས་དབང་བསྐུར་ཏེ། །ཡི་གེ་གཅིག་པས་སྟོང་ཕྲག་བཅུར་བཟླའོ། །འདིར་སྨན་རྣམས་བགྲང་ཕྲེང་གི་ཚད་ཙམ་དུ་བསྒོངས་ནས་གྲིབ་མ་ལ་ཡོངས་སུ་བསྐམ་པར་བྱའོ། །གླ་རྩི་དང ། ག་ཕུར་གྱིས་བླངས་ལ་ལེགས་པར་སྦྱོར་བའི་བྱ་བ་བྱས་པ་དང ། དཀྱིལ་འཁོར་དུ་འཇུག་པ་ནི། ཇི་ལྟ་བ་བཞིན་དུ་དཀྱིལ་འཁོར་གྱི་བྱ་བ་དང ། ཕྱག་རྒྱ་དང ། གསང་སྔགས་དང ། དམ་ཚིག་ལ་རབ་ཏུ་འཇུག་པ་ལ།་ཤར་གྱི་སྒོར་ཕྱག་བྱས་ནས་དཀྱིལ་འཁོར་མཆོག་ལ་བསྐོར་བ་བྱ་སྟེ། སྒོ་དང་སྒོ་རུ་ཕྱག་བྱ་ཞིང ། ཤར་གྱི་སྒོ་རུ་འཇུག་པར་བྱའོ། །དབུས་ཀྱི་དཀྱིལ་འཁོར་ Ba132b གྱི་སྙིང་པོར་འཕགས་པ་སྤྱན་རས་གཟིགས་དབང་ཕྱུག་ལ་མངོན་དུ་ཕྱོགས་པར་པདྨའི་གེ་སར་ལ་འདུག་ནས་དོན་ཡོད་བའི་རྒྱལ་པོའི་བཟླས་བརྗོད་བརྒྱ་རྩ་བརྒྱད་དང ། ཁྲོ་བོའི་རྒྱལ་པོའི་བཟླས་བརྗོད་བརྒྱ་རྩ་བརྒྱད་བྱ་སྟེ། མངོན་པར་དབང་བསྐུར་བར་བྱ་ཞིང ། ཕྱག་རྒྱ་དང ། གསང་སྔགས་ལེགས་པར་བསྒྲུབ་བོ། །དེ་ནས་མཆོད་པས་འཇིག་རྟེན་མགོན་པོའི་དངོས་གྲུབ་མཐོང་བར་བྱེད་ཅིང་རྟག་ཏུ་གཡོ་བར་བྱེད་ལ་འཇིག་རྟེན་མགོན་པོའི་འོད་ཟེར་གྱི་སྦྱིན་སྲེག་རབ་ཏུ་གྲོལ་ལོ། །དཀྱིལ་འཁོར་བཤད་པར་བྱ་སྟེ། གྲུ་བཞི་པོ་ཀོ་ལའི་ཚད་དུ་ཆ་ལེགས་པར་ཕྱེ་བ་གྲུ་བཞི་དང ། སྒོ་བཞི་ཡོད་པ། ཐེམ་སྐས་ཀྱི་རིམ་པ་ཅན་དུ་ཚོན་སྣ་ཚོགས་ཀྱི་སྐུད་པས་ཐིག་གདབ་ཅིང་དཀྱིལ་འཁོར་གྱི་སྙིང་པོ་མཛེས་པར་བྱ། དཀྱིལ་འཁོར་གྱི་དབུས་ཀྱི་སྙིང་པོ་པདྨ་མཆོག་ཁ་ཕྱེ་བ་འདབ་མ་བརྒྱ་རྩ་བརྒྱད་པ། སྙིང་པོ་དང ། ཟེ་བ་ཤིན་ཏུ་མཛེས་པ། སྙིང་པོ་ལས་པདྨ་བྱུང་པ། ཁ་ཕྱེད་བྱེ་བ་དང ། ལག་པ་གཉིས་བྱུང་བས་པདྨའི་འདབ་མ་འཛིན་པ་བྲིས་པར་དངུལ་གྱི་སྣོད་ཀྱི་ནང་དུ་སྨན་བཀང་སྟེ་དར་གྱིས་ཁ་གཡོགས་ནས་པདྨའི་འདབ་མའི་སྟེང་དུ་གཞག་པར་བྱ།་འཕགས་པ་སྤྱན་རས་གཟིགས་དབང་ཕྱུག་རྟག་ཏུ་ཚངས་པའི་ཆ་བྱད་དུ་བཞུགས་པ། དར་གྱི་ཅོད་པན་བཅིངས་ཤིང་བརྒྱན་པ་པདྨའི་སྟེང་དུ་བཞུགས་པར་བྱའོ། །དཀྱིལ་ Ba133a ༄#། །འཁོར་ཕྱི་རོལ་ཀུན་ཏུ་ཕྱག་རྒྱའི་རྟགས་རྣམས་གསལ་པར་ཕྲིའོ། །སྒོ་སྒོར་དོན་ཡོད་པའི་ཞགས་པ་པདྨའི་སྟེང་དུ་བཞག་པ་ཁ་དོག་དང་འོད་ཟེར་འབར་བ་བྲིའོ། །གྲ་གྲར་བུམ་པ་གང་བར་བྲིའོ། །དཀྱིལ་འཁོར་ཀུན་ཏུ་འཕན་དང ། བུམ་པ་གང་བ་དང ། འབྲས་བུ་དང ། མེ་ཏོག་བསྲེས་པ་མཛེས་པས་བརྒྱན་པར་བྱའོ། །གཏོར་མ་རྣམ་པ་སྣ་ཚོགས་གཞག་པར་བྱའོ། །མཆོད་ཡོན་གྱི་ཆུ་དབུལ་བར་བྱ། ཙནྡན་དང ། ་ག་རུའི་བདུག་སྤོས་དང ། སྤོས་སྣ་ཚོགས་དབུལ་བར་བྱ། དཀྱིལ་འཁོར་ཀུན་ཏུ་མར་མེའི་ཕྲེང་བ་དང ། མེ་ཏོག་ཕྲེང་བ་དགོད་ཅིང ། ཀུན་ཏུ་འབྲས་ཡོས་དང ། ཡུངས་ཀར་དགྲམ་པར་བྱའོ། །རིག་སྔགས་འཆང་གཙང་མར་གྱུར་པས་ལེགས་པར་ཁྲུས་བྱ་ཞིང་གོས་གཙང་མ་བགོས་པ་འཇིགས་པ་མེད་པས་ཟླ་བ་ཡར་གྱི་ངོ་ཉ་ལ་བསྒྲུབ་པར་བྱ་སྟེ། སེམས་ཅན་ཐམས་ཅད་ལ་བརྩེ་བར་གྱུར་ཅིང་བྱམས་པའི་སེམས་དང ། སྙིང་རྗེའི་བདག་ཉིད་ཅན་གྱིས་བསྒྲུབ་པར་བྱའོ། །གང་གིས་ལག་གིས་བཟུང་བ་ཙམ་དང ། རེག་པ་ཙམ་གྱི་མོད་ལ་དེ་དགའ་བ་འཐོབ་ཅིང་སྡིག་པ་ཐམས་ཅད་འཇིགས་པར་འགྱུར། སྔོན་གྱི་སྒྲིབ་པ་རྣམས་འཇིགས་པར་འགྱུར། མཚམས་མེད་པ་བྱེད་པ་རྣམས་ལས་གྲོལ་བར་འགྱུར། མོད་ལ་ནད་ཐམས་ཅད་འབྱང་ཞིང་ངན་འགྲོ་ཐམས་ཅད་འཇིག་ Ba133b པར་བྱེད་པ། བསོད་ནམས་ཆེན་པོའི་སྟོབས་ཀྱི་དངོས་གྲུབ་སྨན་གྱི་དེ་ཁོ་ན་ཉིད་མཐོང་བ་ནི། སངས་རྒྱས་ཐམས་ཅད་ཀྱིས་ལུང་བསྟན་ཅིང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པ། བྱང་ཆུབ་སེམས་དཔའ་རྣམས་ཀྱིས་བསྔགས་པ། འདྲེན་པ་འཇིག་རྟེན་དབང་ཕྱུག་གིས་སྤྲུལ་པ། དཀྱིལ་འཁོར་གྱི་ལྷ་ཐམས་ཅད་ཀྱིས་བསྔགས་པ།་རིག་སྔགས་འཆང་གི་དབང་པོ་ཐམས་ཅད་ཀྱིས་ཕྱག་བྱས་པ། ལྷ་ཐམས་ཅད་ཀྱིས་བསྲུངས་པ། ཀླུའི་དབང་པོ་ཐམས་ཅད་རྗེས་སུ་འབྲང་བ། སུམ་ཅུ་རྩ་གསུམ་གྱི་ལྷའི་དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཤིན་རྗེ་དང ། ཆུ་ལྷ་དང ། ཀུ་བེ་ར་དང ། ཉི་མ་དང ། ཟླ་བས་མཆོད་པ་དེ་བཞིན་དུ་རྒྱུ་སྐར་གྱི་ཚོགས་དང ། གཟའ་ཀུན་དང ། མཇུག་རིང་དང ། དེ་བཞིན་དུ་གཟའི་ཁྱིམ་དང ། ཐམས་ཅད་དུ་བཀྲ་ཤིས་ཀྱིས་མཆོད་པ། ཆོ་ག་ཞིབ་མོ་ཐམས་ཅད་དང ། དེ་བཞིན་དུ་དཀྱིལ་འཁོར་དང ། ཕྱག་རྒྱ་དང ། བཟླས་བརྗོད་ཐམས་ཅད་དང ། གསང་སྔགས་ཐམས་ཅད་ཀྱི་རྗེས་སུ་ཞུགས་པ། རིགས་སྤྱིའི་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་འབུམ་ཕྲག་དྲུག་ཅུ་རྩ་བཞིའི་དེ་བཞིན་གཤེགས་པ་རྣམས་ཀྱིས་སྨན་གྱི་མཆོག་དབང་བསྐུར་བ། དུས་གསུམ་གྱི་དེ་བཞིན་གཤེགས་པ་རྣམས་ཀྱིས་ལུང་བསྟན་པ། Ba134a ༄#། །ཡིད་བཞིན་གྱི་ནོར་བུ་ཐམས་ཅད་དང་མཐུན་པའི་སྨན་གྱི་རྫས་བཀྲ་ཤིས་པ་བྱེ་བ་ཁྲག་ཁྲིག་གམ། ལྷག་པར་གྱུར་པ་གཞན་གང་ཡང་མེད་དོ། ། སྨན་དེ་ལྟ་བུ་ནི། རྟག་ཏུ་མཆོག་གཙོ་བོ་འབྱིན་པ་འཇིག་རྟེན་དབང་ཕྱུག་དང་འདྲ་བ་ཡིན་ནོ། །དེའི་ཕྱིར་ཐམས་ཅད་སྨན་འཆང་བར་འདོད་པས་གནས་གང་ཡང་རུང་བར་སྦྱར་བར་བྱ་སྟེ། གཙང་མ་ལེགས་པར་ཁྲུས་བྱས་པ་དེས་སྦྱར་བར་བྱའོ། །ཇི་ལྟ་ཇི་ལྟར་བཀྲ་ཤིས་ཀྱི་བསམ་པ་ཡིད་ལ་བྱེད་པ་དེ་ལྟ་དེ་ལྟར་བསམ་པ་ཡིད་ལ་བྱེད་པ་ཡངས་སུ་རྫོགས་པར་འགྱུར་ཏེ། སྦྱར་བ་ཙམ་གྱི་མོད་ལ་ཐམས་ཅད་འགྲུབ་པར་འགྱུར། འདོད་པ་ཐམས་ཅད་ཀྱི་བསམ་པ་ཡོངས་སུ་རྫོགས་པར་འགྱུར། རིག་སྔགས་འཆང་གཙང་མར་གྱུར་པ་གོས་གཙང་མ་བགོས་པ་སྤོས་ཆུས་ལེགས་པར་ཁྲུས་བྱས་ལ་ཉིན་རེ་སྨན་རེ་རེ་དོན་ཡོད་པའི་རྒྱལ་པོས་བཟླས་བརྗོད་བྱས་ཏེ་ཟོས་ན། ཟོས་པ་ཙམ་གྱི་མོད་ལ་དེ་བཞིན་གཤེགས་པ་ཐམས་ཅད་དང ། བྱང་ཆུབ་སེམས་དཔའ་ཐམས་ཅད་དང ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་དགོངས་ཤིང་སྣང་བ་རྣམ་པར་དག་པར་འཐོབ་པར་འགྱུར། ཉིན་ཞག་གསུམ་དུ་སྦྱར་ན། ངག་རྣམ་པར་དག་པ་འཐོབ་བོ། །ཉིན་ཞག་ལྔར་སྦྱར་ན། དྲན་པ་རྣམ་ Ba134b པར་དག་པ་འཐོབ་བོ། །ཉིན་ཞག་བདུན་དུ་སྦྱར་ན། རིག་སྔགས་ཆེན་པོའི་ཆོ་ག་ཞིབ་མོ་རྣམ་པར་དག་པ་འཐོབ་བོ། །ཉིན་ཞག་བཅུ་བཞིར་སྦྱར་ན། དོན་ཡོད་པའི་ཞགས་པ་དེ་ཁོ་ན་ཉིད་ཀྱི་དངོས་གྲུབ་ཀྱི་དམ་ཚིག་ཆེན་པོ་འཐོབ་བོ། །ཉིན་ཞག་ཉི་ཤུ་རྩ་གཅིག་ཏུ་སྦྱར་ན། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་དང ། ཕྱག་རྒྱ་དང ། དཀྱིལ་འཁོར་ཆེན་པོའི་དམ་ཚིག་གི་དངོས་གྲུབ་ཐོབ་བོ། །དེ་བཞིན་གཤེགས་པ་ཐམས་ཅད་ཀྱི་གསང་པ་དེ་ཁོ་ན་ཉིད་ཀྱི་དམ་ཚིག་གི་དངོས་གྲུབ་ཐོབ་བོ། །ཟླ་བ་གཅིག་གི་བར་དུ་སྦྱར་ན། འཕགས་པ་སྤྱན་རས་གཟིགས་དབང་ཕྱུག་གིས་དངོས་གྲུབ་སྒྱུ་མ་ལྟ་བུས་བརྒྱན་པ་ཐོབ་ཅིང་ཚེ་ལོ་སྟོང་ཐུབ་པར་འགྱུར་རོ། །ཟླ་བ་གསུམ་དུ་སྦྱར་ན། ལུས་ཡོངས་སུ་དག་པ་དང ། མདོག་ཡོངས་སུ་དག་པ་འཐོབ་བོ། །ལོག་གཅིག་ཚང་བར་སྦྱར་ན། དོན་ཡོད་པའི་དངོས་གྲུབ་རིག་སྔགས་འཆང་འཁོར་ལོས་སྒྱུར་བར་འགྱུར་ཏེ། མིག་མཐོན་མཐིང་མདོག་བུང་བ་ལྟ་བུ་སྐྲ་རལ་བུ་འཁྱིལ་བར་འགྱུར། ཚེ་ལོ་བདུན་པ་ལྟ་བུའི་གཟུགས་དང་མཐུན་པར་འགྱུར་ལ། ཚེ་བསྐལ་པ་འབུམ་ཐུབ་པར་འགྱུར་རོ། །བདར་ནས་བདག་ཉིད་ལ་བྱུགས་ན། གང་དྲི་མནམས་པ་ཙམ་གྱིས་བགེགས་དང ། ལོག་འདྲེན་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། Ba135a ༄#། །ཤ་ཟ་དང ། ཡི་དྭགས་དང ། སྐེམ་བྱེད་དང ། བརྗེད་བྱེད་དང ། གྲིབ་གནོན་ཐམས་ཅད་དང ། གདོན་ཐམས་ཅད་དང ། གདུག་པ་ཐམས་ཅད་དང ། དགྲ་ཐམས་ཅད་དཔག་ཚད་སྟོང་དུ་འབྲོས་སོ། །གལ་ཏེ་མྱུར་དུ་མི་འབྲོས་ན་ནི། སྤྱི་བོ་དུམ་བུ་འབུམ་དུ་མི་འབྲོས་ན་ནི། སྤྱི་བོ་དུམ་བུ་འབུམ་དུ་འགས་ཤིང་ཡན་ལག་དང ། ཡན་ལག་རྣམས་ཞིག་པར་འགྱུར་ལ། བུ་དང་ཆུང་མར་བཅས་པ་འཇིག་པར་འགྱུར། སྔོན་གྱི་སྡིག་པ་དང་སྒྲིབ་པ་རྣམས་ཀྱིས་མི་ཚུགས་པར་འགྱུར། སེམས་ཅན་དམྱལ་བ་མྱོང་བར་འགྱུར་བ་མཚམས་མེད་པ་ལྔ་དག་འཇིག་པར་འགྱུར། རྨི་ལམ་ངན་པ་དང ། ལྟས་ངན་པ་དང ། མི་ཤིས་པ་དང ། བཀྲ་མི་ཤིས་པའི་དངོས་པོ་ཐམས་ཅད་འཇིག་པར་འགྱུར། སྤོས་མནམས་པ་ཙམ་གྱིས་རྒྱལ་པོ་དང ། རྒྱལ་པོའི་བློན་པོ་དང ། བྲམ་ཟེ་དང ། ཁྱིམ་བདག་དང ། རྒྱལ་རིགས་དང ། རྗེའུ་རིགས་དང ། དམངས་རིགས་ཅི་བགྱི་ཞེས་བྱ་བ་བྱེད་ལ། དབང་དུ་གྱུར་ནས་འཁོད་དོ། །བྱུགས་པ་ཙམ་གྱིས་འབྲས་དང ། ཕོལ་མིག་དང ། ལྷོག་པ་དང ། མེ་དབལ་དང ། རྐང་ཤུ་དང ། གཡན་པ་དང ། མཛེ་དང ། ཁྱི་རྔོ་དང ། ཤུ་བ་དང ། འབྲུམ་བུ་ཕྲ་མོ་དང ། རྨ་དང ། ཁོང་གི་རྨ་ཡོངས་སུ་སོས་པར་འགྱུར། དུག་ཐམས་ཅད་དང ། ཟོས་པ་དང ། དུག་མྱོས་དང ། སྦྱར་དུག་དྲག་པོ་དང ། Ba135b དུག་སྦྱར་མ་དང ། སྦྱར་དུག་ཕྱེ་མ་དང ། བྱད་རྣམས་ལ་བསྐུས་པ་ཙམ་དང ། ཆུ་དྲོན་པོ་འཐུངས་པ་ཙམ་གྱིས་དུག་མེད་པར་འགྱུར་རོ། །དྲི་ཙམ་གྱིས་ཀླུའི་རྒྱལ་པོ་འཇོག་པོའི་དུག་ཀྱང་མེད་པར་འགྱུར་རོ། །རིགས་ཉིན་བཞི་པས་ཐེབས་པ་ལ་དཔྲལ་བར་བསྐུས་ན། ཀུ་ཅོ་འདོན་ཅིང་འབྲོས་སོ། །རིམས་ཐམས་ཅད་དང ། ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། རླུང་ལས་གྱུར་པ་དང ། མཁྲིས་པ་ལས་གྱུར་པ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པ་དང ། ཝ་བ་དང ། ཕོ་བའི་ནད་དང ། མཆིན་བ་ན་བ་དང ། ལྟོ་བ་ན་བ་དང ། སྐྲན་དང ། གཅིན་སྲི་བ་དང ། སྙིང་ན་བ་དང ། རྩིབ་ལོགས་ན་པ་དང ། མགུལ་བ་ན་བ་དང ། ཁ་ན་བ་དང ། འཁྱིལ་ཞིང་ན་བ་དང ། ཚད་པ་དང ། མདོམས་ན་བ་དང ། ཡན་ལག་དང ། ཉིང་ལག་ན་བ་ཆུ་དྲོན་པོ་འཐུངས་པ་ཙམ་གྱིས་ཡོངས་སུ་སོས་པར་འགྱུར་རོ། །གཞོགས་ཕྱེད་ན་བ་དང ། མགོན་བ་དང ། མིག་ན་བ་དང ། རྣ་བ་ན་བ་ལ་བསྐུས་པ་ཙམ་གྱིས་སོས་པར་འགྱུར་རོ། །ཐིག་ལེ་བྱས་ན། ཆོམ་རྐུན་དང ། གནོད་བྱེད་དང ། མེ་དང ། ཆུ་དང ། བྱི་བ་ཟ་བས་འཇིགས་པ་དང ། གཅན་གཟན་ཁྲོ་བོས་འཇིགས་པ་ལས་ཐར་པར་འགྱུར་ཞིང ། འཇིགས་པ་ཐམས་ཅད་ལས་ཡོངས་སུ་ཐར་པར་འགྱུར་རོ། །ཉེས་པར་བྱས་པ་ཐམས་ཅད་ཡོངས་ Ba136a ༄#། །སུ་ཐར་པར་འགྱུར་རོ། །ལག་པ་གདེངས་པའི་འཇིགས་པ་འབྱུང་བར་མི་འགྱུར། མི་མ་ཡིན་པ་གང་གིས་ཀྱང་མདངས་འཕྲོག་པར་མི་ནུས་ཤིང་བར་ཆད་བྱ་བར་མི་ནུས་སོ། །མཁའ་འགྲོ་མ་ཐམས་ཅད་མཐོང་བ་ཙམ་གྱིས་དབང་དུ་གྱུར་ནས་འཁོད་དོ། །རྒྱལ་པོ་བཙུན་མོ་དང ། འཁོར་དང་བཅས་པའི་མཆོད་གནས་ཆེན་པོར་འགྱུར། གཞན་ཡང་གང་དང་གང་དུ་སྦྱར་བ་རང་གི་བློས་བྱེ་བ་ཕྲག་འབུམ་སྦྱར་ན། ལས་སྒྲུབ་པར་བྱེད་དེ། སྨན་གྱི་མཆོག་ཤིན་ཏུ་འབད་པས་བསྒྲུབ་པར་བྱའོ། །སྨན་གྱི་དཀྱིལ་འཁོར་གྱི་ཆོ་གའོ།། །།དེ་ནས་དེའི་ཕྱིར་གསེར་གྱི་རི་ལུའི་དཀྱིལ་འཁོར་བཤད་པར་བྱ་སྟེ། འཇིག་རྟེན་དབང་ཕྱུག་གི་དོན་ཡོད་པའི་སྙིང་པོ། དེ་བཞིན་གཤེགས་པ་ཐམས་ཅད་ཀྱི་དོན་ཡོད་པའི་རྣམ་པར་གཟིགས་པ། དེ་བཞིན་གཤེགས་པ་པདྨ་གཙུག་ཏོར་གྱི་རྒྱལ་པོ་ཞེས་བྱ་བས་བྱིན་གྱིས་བརླབས་པ། དེ་བཞིན་གཤེགས་པ་རྣམ་པར་སྣང་མཛད་དང ། དེ་བཞིན་གཤེགས་པ་རིན་ཆེན་སྙིང་པོས་བྱིན་གྱིས་བརླབས་པ། དེ་བཞིན་གཤེགས་པ་འཇིག་རྟེན་དབང་ཕྱུག་འོད་ཀྱིས་བཀའ་སྩལ་པ། གཞན་ཡང་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུས་གསུངས་ཤིང་བསྔགས་བ། བྱིན་གྱིས་བརླབས་པ། དབང་བསྐུར་བ། Ba136b རྗེས་སུ་ཐུགས་རངས་པར་མཛད་པ། ལུང་བསྟན་པ། མགོན་པོ་འཕགས་པ་སྤྱན་རས་གཟིགས་དབང་ཕྱུག་གི་གཙུག་གི་ནོར་བུ་ཅོད་པན་འཆང་བ། རྒྱལ་པ་འོད་དཔག་མེད་ཀྱི་གཙུག་ཏོར་གྱི་མཚན་ཉིད་ཀྱི་ཐིག་ལེ་ཡིད་བཞིན་གྱི་ནོར་བུ་རྒྱལ་མཚན་གྱི་ནོར་བུ་ཆེན་པོའི་རྒྱལ་པོ་མཆོག་ཏུ་གྲུབ་པ། རིག་སྔགས་དང ། དཀྱིལ་འཁོར་དང ། ཕྱག་རྒྱ་དང ། ཆོ་ག་ཞིབ་མོ་ཐམས་ཅད་ཀྱི་གསང་བ། དེ་བཞིན་གཤེགས་པ་ཐམས་ཅད་གྱི་རིགས་དམ་ཚིག་སྤྱི། སྐུའི་སྙིང་པོ་གང་གིས་མཐོང་བ་ཙམ་ལ་སོགས་པ་འདིར་ཚང་བར་བསྟན་པ་ལྟ་སུ་ཞིག་གིས་ནུས་མོད་ཀྱི།་འོན་ཀྱང་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་དང ། དུས་གསུམ་གྱི་དེ་བཞིན་གཤེགས་པ་རྫོགས་པར་མངོན་སུམ་དུ་མཐོང་བ་དང་འདྲ་བར་འགྱུར་ཞིང ། དེ་བཞིན་གཤེགས་པ་དེ་དག་ཉིད་མངོན་སུམ་དུ་མཆོད་པར་བཟུང་བ་དང ། ལུང་སྟོན་པ་འཐོབ་པར་འགྱུར། དེ་བཞིན་གཤེགས་པ་དེ་དག་གི་མངོན་སུམ་དུ་དགེ་བའི་རྩ་བ་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ། །ནོར་བུ་གསེར་གྱི་ཁ་དོག་ཏུ་བསྟན་པའི་རིལ་བུ་འདི་གང་གིས་མཐོང་ཞིང་འཆང་བ་ནི། དགེ་བའི་རྩ་བ་བསོད་ནམས་ཀྱི་ཕུང་པོ་ཆེན་པོ་བསྐྱེད་བསྐྱེད་པར་འགྱུར། ནོར་བུ་རིལ་བུ་འདི་མཐོང་བ་ཙམ་གྱིས་སྒྲིབ་པ་དང ། སྡིག་པ་ཐམས་ཅད་དང ། གདུག་པ་དང ། མཚམས་མེད་པ་ལྔ་དང ། མནར་མེད་པར་གཞོལ་བ་དང ། དམ་པའི་ Ba137a ༄#། །ཆོས་སྤོང་བ་དང ། འཕགས་པ་ལ་སྐུར་པ་འདེབས་པ་དང ། སྔོན་གྱི་ཚེ་རབས་ནས་བསགས་པའི་སྒྲིབ་པ་ཐམས་ཅད་རྣམ་པར་འཇིག་ཅིང་སྤང་བར་འགྱུར། རིམས་དང ། ནད་ཐམས་ཅད་ལས་ཡོངས་སུ་ཐར་པར་འགྱུར། གང་གི་ལག་ན་སྨན་འདི་ཡོད་པར་འགྱུར་བའི་སེམས་ཅན་དེ་ནི། ལུང་བསྟན་པར་འགྱུར་རོ། །རིལ་བུ་གང་ལ་ཡོད་པ་ནི།་ཕྱིར་མི་ལྡོག་པར་ལུང་བསྟན་ཅིང ། མགོན་པོ་ས་བཅུ་དག་ལ་གནས། །རྟག་ཏུ་མཆོད་རྟེན་གྱུར་པ་སྟེ། །སྐུ་གདུང་སྙིང་པོའི་བདག་ཉིད་ཅན། །རྟག་ཏུ་སངས་རྒྱས་བདག་ཉིད་འགྱུར། །དུས་གསུམ་དག་ལ་བཞུགས་པ་ཡི། །སངས་རྒྱས་དེ་བཞིན་གཤེགས་པ་གང ། །སངས་རྒྱས་དཔའ་བོ་དེ་ཀུན་གྱི། །སྲས་གཅིག་ཏུ་ནི་བརྗོད་པ་ཡིན། །འདི་ནི་དེ་བཞིན་གཤེགས་པའི་སྲས། །ཐུགས་ལས་སྐྱེས་དང་ཞལ་ལས་སྐྱེས། །ཆོས་ཀྱི་དབྱིངས་སྤྲུལ་ཆོས་ལས་སྐྱེས། །འཇིག་རྟེན་དབང་ཕྱུག་མཆོག་སྦྱིན་མགོན། །རྟག་ཏུ་རྗེས་སུ་འབྲང་བར་འགྱུར། །ཕྱག་གཡས་རྟག་ཏུ་སྤྱི་བོར་ནི། །འཇོག་མཛད་འདི་ནི་ཐེ་ཚོམ་མེད། །རིལ་བུ་མཐོང་བ་ཙམ་གྱིས་ནི། །སྡུག་བསྔལ་ཀུན་ལས་རབ་ཏུ་གྲོལ། །སྡིག་པ་ཐམས་ཅད་ལྷག་པར་འཚེད། །སྒྲིབ་པ་ཐམས་ཅད་རྣམ་པར་དག་།དེ་ནི་ངན་འགྲོར་འགྲོ་མི་འགྱུར། །ཕྱིར་ཞིང་གནས་མཆོག་ཞི་བ་འཐོབ། །འཇིག་རྟེན་འདྲེན་པ་འོད་དཔག་མེད། ། Ba137b མགོན་པོ་རྟག་ཏུ་མངོན་སུམ་མཐོང ། །བདེ་བ་ཅན་དུ་འཇུག་པར་བྱེད། །གང་ན་དེ་ཡི་མངོན་དགའ་བ། །དེ་བཞིན་གཤེགས་པ་མི་འཁྲུགས་པ། །རྟག་ཏུ་མི་འཁྲུགས་པར་འགྱུར་ཞིང ། །དེ་བཞིན་མི་གཡོ་མི་འགུལ་ཏེ། །སེམས་དཔའ་རི་རབ་ཆེ་དང་མཉམ། །གཟུང་དུ་མེད་པས་མཆོ་དང་འདྲ། །དེ་ལ་བགེགས་དང་ལོག་འདྲེན་དག་།ནམ་ཡང་འཇུག་པར་མི་འགྱུར་ལ། །སེམས་དཔའ་ཕྱག་བྱའི་གནས་སུ་འགྱུར། །གང་ལ་ནོར་རྒྱལ་འདི་ཡོད་ལ། །རྒྱལ་པོ་ཆེན་པོ་བཞི་པོ་དག་།དཔུང་དང་བཅས་པ་བཀོལ་དང་བཅས། །རྟག་ཏུ་སྲུང་ཕྱིར་གནས་བྱེད་དེ། ། འདིར་ནི་ཉིན་མཚན་དེ་བཞིན་ནོ། །ལྷ་ཚོགས་ཐམས་ཅད་སྲུང་བར་ནི། །ཐེ་ཚོམ་མེད་པར་བྱེད་པར་འགྱུར། །གཟི་བརྗིད་དཔལ་ཡང་རབ་ཏུ་འཕེལ། །དེ་ལ་ལེགས་པར་འཇུག་པར་འགྱུར། །འཇིགས་མེད་རྟག་ཏུ་རྨི་ལམ་ནི། །དངོས་པོ་ཆེན་པོ་སྣ་ཚོགས་མཐོང ། །གྲུ་འཛིན་རི་ལ་གཞལ་མེད་ཁང ། །ཚལ་དང་བཅས་ཤིང་རིན་ཆེན་བཅས། །གནས་དང་བཅས་པ་མཐོང་བར་འགྱུར། །ལྷ་དང་ཀླུ་དང་གནོད་སྦྱིན་དང ། །དྲི་ཟ་ལྷ་མིན་གསང་བ་པ། །ནམ་མཁའ་ལྡིང་དང་མི་འམ་ཅི། །དེ་བཞིན་ལྟོ་འཕྱེ་འཁོར་དང་བཅས། །བྱང་ཆུབ་སེམས་དཔའི་འཁོར་རྣམས་ནི། །ཀུན་ནས་བསྐོར་བ་མཐོང་བར་འགྱུར། །རིན་ཆེན་ལྷ་ཡི་སེངྒེའི་གདན། །ཁང་པ་བརྩེགས་པ་རིན་ཆེན་དང ། །ནོར་བུ་ཆེན་པོས་བརྒྱན་པ་དང ། ། Ba138a ༄#། །འཇིག་རྟེན་དབང་ཕྱུག་ཐུབ་པའི་གཙོ། །པདྨ་སྙིང་པོ་ལ་ཞུགས་ནས། །དོན་ཡོད་ཞགས་པའི་ཕྱག་རྒྱ་དང ། །དཀྱིལ་འཁོར་བཅས་པའི་ཆོས་བསྟན་ཏོ། །གསུང་ཀུན་ཐོབ་པར་གྱུར་ནས་ནི། །ཐུབ་པ་རང་གི་ངོ་བོ་མཐོང ། །དེ་ལྟར་རྨི་ལམ་བཟང་རྨི་བ། །ཉིན་གཅིག་བཞིན་དུ་མཐོང་བར་འགྱུར། །ནོར་བུ་རྒྱལ་པོའི་མཐུ་ནི་དེ་འདྲ་བས། ། དེ་བས་མི་ཡིས་འབད་པ་ཆེན་པོས་གཟུང ། །དགེ་སྦྱོང་བྲམ་ཟེ་ཉིད་དང་རྒྱལ་རིགས་དང ། །དམངས་རིགས་ཉིད་དམ་ཡང་ན་རྒྱལ་པོ་འམ། །བཙུན་མོ་སྲས་སམ་དཔུང་གི་གཙོ་བོ་འམ། །སྐྱེས་པའམ་བུད་མེད་ཁྱེའུ་དང་བུ་མོ་དག་།ནོར་བུའི་རྒྱལ་པོ་རྟག་ཏུ་འཆང་བྱེད་པ། །དེ་ནི་སྟོན་པ་ཉིད་དང་འདྲ་བར་འགྱུར། །ཆོམ་རྐུན་གྱིས་ནི་མི་སླུ་ཞིང ། །གནོད་བྱེད་ཀྱིས་ནི་འཇིགས་མི་འགྱུར། །འཇིགས་པ་མི་བཟད་བརྒྱད་ལས་ཐར། །དེ་ལ་དུག་དང་སྦྱར་བའི་དུག་།སྦྱར་དུག་དྲག་པོས་མི་ཚུགས་ཤིང ། །དེ་ལ་བྱད་ཀྱིས་ཚུགས་མི་འགྱུར། །གང་ལ་ནོར་བུའི་རྒྱལ་པོ་ཡོད། །དེ་ལ་ནད་ཀྱིས་མི་ཚུགས་ཤིང ། །ན་བས་མ་ཡིན་སྡིག་པས་མིན། །པདྨ་ཆུ་ཡིས་མི་ཆགས་ལྟར། །རྟག་ཏུ་ཆགས་པ་མེད་པར་གནས། །གཡུལ་འགྱེད་པ་ཡི་ནང་ན་འམ། །འཐབ་བམ་འགྱེད་དམ་རྩོད་པ་ན། །ལན་ཐེབས་རྟག་ཏུ་རྒྱལ་བར་ནི། །ཐོབ་པར་འགྱུར་ཏེ་ཐེ་ཚོམ་མེད། །དེ་ནས་རྫས་ Ba138b ནི་བཤད་བྱ་སྟེ། །སྨན་ནི་བཀྲ་ཤིས་དང་ལྡན་པ། །གྲུབ་པའི་མཐའ་སྟེ་མཆོག་ཏུ་གཙང ། །འཇིག་རྟེན་མགོན་དང་མཉམ་པར་གསུངས། ། ག་རུ་དང ། ཙནྡན་དང ། པདྨ་དང ། ུཏྤ་ལ་དང ། ཤི་རི་ཤའི་མེ་ཏོག་དང ། ་པ་མརྒ་དང ། མེ་རུ་དང ། ན་ལ་ད་དང ། ཆུ་སྲིན་གྱི་སེན་མོ་དང ། ཀ་ན་ཀའི་འབྲས་པུ་དང ། ཙནྡན་གྱི་འབྲས་བུ་དང ། པདྨའི་འབྲས་བུ་དང ། རྡོ་དྲེག་དང ། མ་ད་དང ། བཙོད་དང ། སཱུ་ཀ་རི་དང ། མ་ཀ་ཊཱི་དང ། ཛ་ཡ་དང ། བི་ཛ་ཡ་དང ། པ་རི་ཕེ་ལ་བ་དང ། ར་ས་དང ། བཱི་རཱ་དང ། དྷྱ་མ་ཀ་ཀ་དང ། རྒྱ་སྤོས་དང ། བུ་སཱ་དང ། ་བརྟ་ཀ་དང ། རུ་རྟ་དང ། བྱ་གྲ་ན་ཁ་དང ། པ་ཏ་ཏྲ་དང ། ཏྲ་ཙ་དང ། ཀ་ད་མ་བཱ་རཱ་དང ། པྲི་ཡང་ཀུ་དང ། གི་ཝང་དང ། སྤྲི་ཀ་དང ། སྨྱིག་རྐང་དང ། ཡུངས་ཀར་དང ། ནཱ་ག་པུཥྤ་དང ། ེ་ལ་དང ། ལྡོང་རོས་དང ། གུར་གུམ་དང ། ག་བུར་དང ། གླ་རྩི་དང ། སྤང་སྤོས་དང ། ན་ལེ་ཤམ་དཀར་པོ་དང ། སུ་མ་དང ། ཉེའུ་ཤིང་དང ། ཤུ་ཏི་དང ། སྦྲང་རྩི་དང ། ཙམ་པ་ཀ་སྟེ། ད་བཞིན་རྫས་ནི་དེ་དག་ཀུན། །སུ་ཝརྞ་ནི་དཀར་པོས་སྦྱར། །རིལ་བུ་ནམ་གཅིག་ཙམ་དུ་ནི། །སྐྱེས་བུ་མཁས་པས་བྱ་བ་ཡིན། །སུ་ཝརྞ་ས་ནི་བཀབ་ནས་སུ། །རྫས་རྣམས་བསྲེས་ནས་སྦྱར་བར་བྱ། །ཆ་རྣམས་འཕེལ་བར་བྱ་བ་སྟེ། །གླ་རྩི་ཡིས་ནི་དྲི་བསྐྱེད་དོ། །ཕྱེ་མ་ཞིབ་མོར་བཏགས་ནས་སུ། །ཙནྡན་དཀར་པོའི་ཆུ་སྦྱར་ནས། །གྲིབ་མ་ལ་ནི་བསྐམ་པར་ Ba139a ༄#། །བྱ། །ཚེས་བརྒྱད་དག་ནས་བརྩམས་ནས་ནི། །ཚེས་ནི་བཅོ་ལྔ་ཉ་ཡི་བར། །ཉིན་གཅིག་བཞིན་དུ་དོན་ཡོད་པའི། །རྒྱལ་པོས་བརྒྱ་རྩ་བརྒྱད་དུ་བཟླས། ། ཁྲོ་བོའི་རྒྱལ་པོས་ཉིན་གཅིག་བཞིན། །ལན་བདུན་བར་དུ་དབང་བསྐུར་རོ། །ཕྱག་རྒྱས་དབང་བསྐུར་བར་ཡང་བྱ། །དེ་ནས་ཚེས་ནི་བཅོ་ལྔ་སྟེ། །ཉ་ལ་ཆུ་དང་ཡུངས་ཀར་དག་།དཀྱིལ་འཁོར་དུ་ནི་གཞག་པར་བྱ། །དེ་ནས་ནོར་བུའི་རྒྱལ་པོ་ནི། །བཞག་པའི་དཀྱིལ་འཁོར་བཤད་པར་བྱ། །ཆ་རྣམས་མ་ནོར་ལེགས་པར་དབྱེ། །རྒྱར་ནི་ཀོ་ལའི་ཚལ་དུ་བྱ། །ཤིན་ཏུ་འཇམ་ལ་བྱི་བདར་ལེགས། །ཚོན་རྩི་སྣ་ཚོགས་མཛེས་པ་དང ། །དཀྱིལ་འཁོར་མཆོག་ནི་ཐིག་གདབ་པོ། །སྒོ་བཞི་གདོད་ཅིང་གྲ་བཞི་གདོད། །ཀུན་ནས་ཤིན་ཏུ་ཆ་ཕྱེ་ཞིང ། །དཀྱིལ་འཁོར་སྙིང་པོ་ཆ་ཕྱེ་བ། །ཚད་དང་ཤིན་ཏུ་ལྡན་པར་བྱ། །པདྨ་ཆེན་པོ་བཞི་དག་དང ། །དེ་བཞིན་ཕྱག་དང་སྤྱན་དུ་བཅས། །དོན་ཡོད་དངོས་གྲུབ་བྲི་བར་བྱ། །ནོར་བུ་རྒྱལ་པོ་འཆང་བ་ཡིས། །ཕྱག་རྒྱར་བཅས་པ་བྲི་བར་བྱ། །ཆུ་ཡི་རྒྱ་མཚོའི་ནང་དུ་ནི། །ལས་ཀྱི་རྡོ་རྗེ་ལེགས་པར་བྲི། །དཀྱིལ་འཁོར་སྙིང་པོ་དམ་པ་ལ། ། ཀུན་ནས་ཁ་ཁྱེར་རྣམ་པ་དང ། །མེ་ཏོག་སྣ་ཚོགས་པ་དག་བྲི། །དཀྱིལ་འཁོར་ཕྱི་རོལ་ཀུན་ཏུ་ནི། །ནོར་བུ་པདྨ་ལེགས་པར་བྲི། །སྒོ་བཞི་ཡི་ནི་གནས་རྣམས་སུ། །པདྨ་ཞགས་ Ba139b པ་མདུང་རྩེ་གསུམ། །རྡོ་རྗེའི་ཚུལ་མཆོག་ལེགས་པར་བྲི། །གྲ་བཞི་ཡི་ནི་གནས་རྣམས་སུ། །ལག་ནི་ནོར་བུ་ཡོད་པ་བྲི། །པདྨའི་སྟེང་ན་རབ་ཏུ་གནས། །དཀྱིལ་འཁོར་བཟང་པོ་འཕན་ཕྲན་དང ། །བུམ་པ་རྐང་དང་མེ་ཏོག་དང ། །བདུག་པ་འབྲས་བུ་རྣམས་ཀྱིས་བརྒྱན། །གཏོར་མ་རྣམ་པ་སྣ་ཚོགས་དག་།ཅི་བདོག་བུངས་ཆེར་གཞག་པར་བྱ། །ཀུན་ཏུ་མར་མེ་ཕྲེང་བ་དང ། ། མཆོད་ཡོན་ཆུ་དང་ཨ་ག་རུ། །ཙནྡན་བདུག་སྤོས་དབུལ་བར་བྱ། །ནོར་བུ་རྒྱལ་པོ་འཇིགས་མེད་པ། །སྣོད་བཟང་ལེགས་པར་བཀང་ནས་སུ། །རྒྱ་དར་ལ་ཡིས་ཁ་གཡོགས་ཏེ། །དཀྱིལ་འཁོར་དེ་ཉིད་རིག་པས་གཞག་།དཀྱིལ་འཁོར་སྙིང་པོར་འཇིག་རྟེན་དབང ། །བཞག་སྟེ་དེ་ནས་ལས་རྡོ་རྗེ། །སྣོད་ཀྱི་སྟེང་དུ་བཞག་པ་ནི། །ནོར་བུ་དཀྱིལ་འཁོར་བྱ་བ་ཡིན། །དེ་ནས་རིག་སྔགས་འཆང་གིས་དོན་ཡོད་པའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱ། ཁྲོ་བོའི་རྒྱལ་པོས་ལན་བདུན་དབང་བསྐུར་བར་བྱ། དེ་ནས་གསང་སྔགས་ཡི་གེ་གཅིག་པོ་འབུམ་ཚང་བར་བཟླས་བརྗོད་བྱ་སྟེ། འབུམ་བཟླས་བརྗོད་བྱས་ན། ནོར་བུའི་རྒྱལ་པོ་འབར་བར་འགྱུར་རོ། །དེ་ནས་རིག་སྔགས་འཆང་གི་ལག་།གཡས་དང་ལྡན་པས་བཟུང་ནས་ནི། ། ཆང་པ་དམ་དུ་བསྡམ་པར་བྱ། །བསྡམས་པ་ཙམ་གྱི་མོད་དག་ལ། །རྫུ་འཕྲུལ་གྱིས་ནི་མཁའ་ལ་འགྲོ་།ནོར་བུ་དྲི་མ་མེད་པ་དོན་ཡོད་པའི་རྣམ་པར་འཕྲུལ་བ་བཀོད་པ་ཞེས་བྱ་བ་ Ba140a ༄#། །རིག་སྔགས་འཆང་གི་འཁོར་ལོས་བསྒྱུར་བ་འཐོབ་ལ། འཁོར་རིག་སྔགས་འཆང་འཁོར་ལོས་བསྒྱུར་བ་བྱེ་བ་ཕྲག་འབུམ་ཡོད་པར་འགྱུར། ཁུང་གི་སྒོ་ཐམས་ཅད་ཕྱེ་བར་འགྱུར། སངས་རྒྱས་ཀྱི་ཞིང་ཐམས་ཅད་ཕྱེ་བར་འགྱུར། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་དང ། དཀྱིལ་འཁོར་དང ། ཕྱག་རྒྱ་དག་ཁ་ཏོན་དུ་ལོབས་པར་འགྱུར། སངས་རྒྱས་ཀྱི་ཞིང་ཐམས་ཅད་དུ་འཇུག་པར་འགྱུར། དེ་བཞིན་གཤེགས་པ་ཐམས་ཅད་ལ་ཕྱག་འཚལ་བ་དང ། འདུད་པ་དག་གིས་གསོང་པོར་སྨྲ་བར་བྱེད། ཐམས་ཅད་དུ་ཡང་དོན་ཡོད་པའི་དཀྱིལ་འཁོར་རྣམ་པར་ཐར་པའི་དཀྱིལ་འཁོར་རྣམ་པར་ཕྱེ་བ་ཐོབ་པར་འགྱུར། ཚེ་བསྐལ་པ་འབུམ་ཕྲག་བདུན་ཅུ་རྩ་གཉིས་སུ་རིང་བར་འགྱུར། དོན་ཡོད་པའི་པདྨའི་འཁོར་ལོ་མདུན་ནས་འགྲོ་བར་འགྱུར་རོ། །གལ་ཏེ་འབར་བར་མ་གྱུར་ན། སྔར་བསྟན་པའི་ཡོན་ཏན་གྱི་ཁྱད་པར་རྣམས་ཐོབ་པར་འགྱུར་ལ། མཉམ་པ་ཉིད་ཀྱིས་དེ་བཞིན་གཤེགས་པ་དང་འདྲ་བའི་ནོར་བུ་རྒྱལ་པོའི་རིལ་བུ་ནི། འཇིག་རྟེན་དང ། འཇིག་རྟེན་ལས་འདས་པའི་ལས་རྣམས་སྒྲུབ་པ་ཡིན་ནོ། །ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ལ། གང་དང་གང་དུ་སྐྱེ་བའི་ཚེ་རབས་ཐམས་ཅད་དུ་ཚེ་རབས་དྲན་ Ba140b པར་འགྱུར། ནོར་བུའི་རོལ་བུ་འདི་མཐོང་བཙམ་གྱིས་དུས་གསུམ་གྱི་དེ་བཞིན་གཤེགས་པ་མངོན་སུམ་དུ་མཐོང་ཞིང་བལྟ་བར་འགྱུར། འཕགས་པ་སྤྱན་རས་གཟིགས་དབང་ཕྱུག་མངོན་དུ་མཐོང་ཞིང་རྟག་ཏུ་བལྟ་བར་འགྱུར། རིལ་བུ་གང་གི་ལུས་ལ་ཡོད་པ་དེ་ཡང་ཕྱིར་མི་ལྡོག་པར་རིག་པར་བྱའོ། །དེ་བཞིན་གཤེགས་པའི་རིང་བསྲེལ་གྱི་སྙིང་པོ་མཆོད་རྟེན་དང་མཉམ་པ་ཞེས་བྱ་བ་སྟེ། འདི་ལ་སོམ་ཉི་དང ། ཡིད་གཉིས་བསྐྱེད་པར་མི་བྱའོ། །མཐོང་བ་དང་རེག་པ་ཙམ་གྱི་མོད་ལ་སྔོན་གྱི་ལས་ཀྱི་སྒྲིབ་པ་གྲངས་དང་བགྲང་བའི་ཚུལ་གྱིས་བསྐལ་པ་འབུམ་དུ་བསགས་པ་མནར་མེད་པའི་གནས་སུ་འགྲོ་བར་འགྱུར་བ། མཚམས་མེད་པ་ལྔ་བྱེད་པ། འཕགས་པ་ལ་སྐུར་པ་འདེབས་པ། དམ་པའི་ཆོས་སྤོང་བ་དེ་དག་ཐམས་ཅད་དུས་གསུམ་གྱི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཐུ་དང ། འཕགས་པ་སྤྱན་རས་གཟིགས་དབང་ཕྱུག་གི་ནོར་བུའི་རྒྱལ་པོའི་མཐུས་ཐམས་ཅད་ཟད་པར་འགྱུར། སེམས་ཅན་དམྱལ་བའི་འགྲོ་བ་དག་ལས་ཡོངས་སུ་ཐར་པར་འགྱུར། བདེ་འགྲོའི་ལམ་ལ་གཞོལ་བར་འགྱུར། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེ་ལྟ་བས་ན། ལེགས་པར་སྒྲུབ་པ་མཐར་ཐུག་པར་བྱ་ཞིང་བསྒྲུབ་པར་བྱ། Ba141a ༄#། །མཐུ་སྟོབས་ཀྱིས་སྦྱར་བར་བྱ། ཤིན་ཏུ་གསལ་ཞིང་རབ་ཏུ་གསལ་བའི་བསམ་པ་འབད་པས་སྦྱར་བར་བྱ། རང་གི་ཤ་དང་ཁྲག་ཀྱང་ཡོངས་སུ་བཏང་ནས་བཙལ་བར་བྱ་ཞིང ། ཆོ་ག་ཞིབ་མོའི་རྒྱལ་པོ་ཡོངས་སུ་བཙལ་བར་བྱ་བ་ཡིན་ན། ཕྱི་རོལ་གྱི་དངོས་པོ་ནོར་དང ། འབྲུ་དང ། དབྱིག་དང ། གསེར་དང ། དངུལ་དང ། གོས་དང ། རྒྱན་རྣམས་ཡོངས་སུ་བཏང་ནས་ཡོངས་སུ་བཙལ་བར་བྱ་བ་ལྟ་སྨོས་ཀྱང་ཅི་དགོས་ཏེ། སྲོག་གཏང་བར་བྱའོ། དེ་གཏང་བར་མི་བྱའོ། །དོན་ཡོད་པའི་ཞགས་པའི་སྙིང་པོའི་རྣམ་པར་ཐར་པའི་དཀྱིལ་འཁོར་རིམ་པར་ཕྱེ་བ་སྒྲུབ་པ་འདི་བརྩལ་བར་བྱ་ཞིང་བསྒྲུབ་པར་བྱའོ། །འདིས་དུས་ཕྱི་མའི་ཚེ་ན་སེམས་ཅན་ཐམས་ཅད་ལ་སངས་རྒྱས་ཀྱི་མཛད་པ་བྱེད་པར་འགྱུར། སེམས་ཅན་ཐམས་ཅད་ཡང་དག་པ་ཉིད་ཀྱི་དད་པས་སངས་རྒྱས་ཉིད་དུ་མངོན་པར་རྫོགས་པར་འཚང་རྒྱ་བར་འགྱུར། ཕྱིར་མི་ལྡོག་པར་འགྱུར་ཞིང་ནམ་ཡང་ངན་འགྲོ་ལོག་པར་འགྲོ་བར་མི་འགྱུར་རོ། །ནོར་བུའི་རིལ་བུ་སྒྲུབ་པའི་དཀྱིལ་འཁོར་གྱི་ཆོ་གའོ།། །།དེ་ནས་དེའི་ཕྱིར་དོན་ཡོད་པ་ཡངས་པའི་དཀྱིལ་འཁོར་ཆེན་པོ་དོན་ཡོད་པ་ཆེན་པོའི་རྣམ་པར་འཕྲུལ་པའི་དངོས་གྲུབ་ཀྱི་སྨན་ནོར་བུ་དང ། གསང་སྔགས་རྣམས་བཤད་པར་བྱ་སྟེ། སྨན་ནོར་བུ་དང ། གསང་སྔགས་ Ba141b དང།་དཀྱིལ་འཁོར་དང ། ཕྱག་རྒྱའི་མཐུ་དེས་ཕྱི་མའི་དུས་ཕྱི་མའི་ཚེ་ན་རིག་སྔགས་འཆང་རྣམས་ཀྱི་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་སྤྱིའི་གསང་བའི་དཀྱིལ་འཁོར་རྣམ་པ་སྣ་ཚོགས་སྒྱུ་མ་ལྟ་བུའི་ངོ་བོ་ཉིད་བསྟན་པ་ཡང་དག་པར་སྟོན་པར་མཛད། བཀླགས་པས་གྲུབ་པ། རིགས་ཀྱི་དམ་ཚིག་སྤྱིའི་གསང་བ་ཐམས་ཅད་དུ་ཉེ་བར་སྟོན་པར་མཛད་དོ། །རིག་སྔགས་འཆང་རྣམས་ཀྱི་ངལ་བ་འབྲས་བུ་མེད་པ་གཞན་དུ་འགྱུར་བ་མེད་དོ། །ངལ་བ་དང ། དུབ་པ་དང ། འབད་པའི་བཟླས་བརྗོད་ཀྱི་ཆོ་ག་འབྲས་བུ་མེད་པར་མི་འགྱུར་པར་བྱ་བའི་ཕྱིར་རང་གི་སེམས་ཀྱི་རྒྱུད་དད་པ་དང ། གུས་པ་དང ། གསང་ཆེན་དང ། གསང་བར་བྱ་བ་གཞན་ལ་བསྟན་པར་མི་བྱ་སྟེ། དངོས་གྲུབ་མེད་པར་མི་འགྱུར་རོ། །དེ་ལྟ་བས་ན། གསང་སྔགས་སྒྲུབ་པ་ནི། ཤིན་ཏུ་གསང་བར་བྱ་ཞིང་ལེགས་པར་སྨྱུང་བ་བྱས་ལ་འབད་པར་བྱ། ཁ་ཟས་ངན་པ་སྤང་བར་བྱ།་གོས་ངན་པ་དང ། སེམས་ངན་པ་ཡང་ཡོངས་སུ་སྤང་བར་བྱ། མི་སྲུན་པ་དང ། མི་བདེན་པ་དང ། ཕྲ་མ་དང ། སེམས་ཅན་སུན་འབྱིན་པར་བྱེད་པ་དང ། གསང་སྔགས་རྐུ་བ་དང ། ཆོ་ག་ཞིབ་མོ་བརྐུ་བར་བྱ་བ་དང ། ཕྱག་རྒྱ་དང ། དཀྱིལ་འཁོར་རྐུ་བར་བྱེད་པ་དེ་དག་གི་རྟོགས་པ་ནི། གང་ན་ཡང་མེད་དེ། དུས་གསུམ་གྱི་མགོན་པོས་སྨད་ཅིང་ Ba142a ༄#། །བྱང་ཆུབ་སེམས་དཔས་ཀྱང་སྨད་ལ། མགོན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཀྱང་སྨད་པ་ཡིན་ནོ། །སེམས་ཅན་སྡོང་དུམ་བསྲེགས་པ་འདི། གསང་བསུན་འབྱིན་མ་རུངས་པ། འཇིག་རྟེན་འདི་དང་ཕ་རོལ་ཏུ། །རྟག་ཏུ་སྨད་པར་བྱ་བ་ཡིན། །ལྷ་རྣམས་ཀྱིས་ནི་ཡོངས་སུ་བཏང ། །མ་རུངས་པས་ནི་བདུད་ཀྱིས་ཟོས། །མ་རུངས་པས་ནི་བགེགས་ཀྱིས་ཟོས། །བསླབ་གཞི་ཚུལ་ཁྲིམས་ཉམས་པ་དང ། །མགོན་པོའི་བསྟན་པ་སུན་འབྱིན་པ། །དེ་ལ་དངོས་གྲུབ་ཇི་ལྟར་འབྱུང ། །དེ་ལ་སྐྱོབ་པ་གང་ཡང་མེད།། མགོན་མེད་ཀུན་ཏུ་སྨད་པ་ཡིན། །དེ་བས་དེ་ལ་དངོས་གྲུབ་ནི། །ཆུང་ངུའང་མེད་ལ་ཉེས་པ་ཡིས། །གསང་སྔགས་དང་ནི་སྨན་མི་འགྲུབ། །ཉེས་པ་དེ་དག་རང་གིས་བྱས། །གཞན་ཡང་མ་རུངས་བྱེད་པ་ཡིན། །དེ་བས་སེམས་ཅན་མཁས་ལ་སྦྱིན། །སློབ་པ་འདོད་ཅིང་ཡོན་ཏན་དགའ། །སྙིང་རྗེའི་བདག་ཉིད་བྱམས་ལ་གནས། །སེམས་ཅན་ཀུན་ལ་བརྩེ་བའི་མཆོག། དེ་ཡི་ལག་ཏུ་སྦྱིན་བྱ་སྟེ། །དེ་ཡི་དངོས་གྲུབ་བླ་ན་མེད། །གསང་བ་འདི་ནི། ཤིན་ཏུ་གསང་བ་ཡིན་ཏེ། འཇིག་རྟེན་དབང་ཕྱུག་གི་སྙིང་པོ་གསང་བ་དེ་ཡང་རིག་སྔགས་འཆང་རྣམས་ཀྱི་དེ་ཁོ་ན་ཉིད་ཀྱི་གསང་བ་དང ། གསང་སྔགས་དང ། ཕྱག་རྒྱ་བསྒྲུབ་སླ་སྟེ། བཀླགས་པས་འགྲུབ་པ་དེ་བཞིན་དུ་སྨན་ནོར་བུ་འདི་ལ་རྟག་ཏུ་འཇུག་ཅིང་དངོས་གྲུབ་ཀྱི་དེ་ཁོ་ན་ཉིད་ར་ Ba142b ཏུ་སྟོན་པར་བྱེད་པ་ཡིན་ནོ། །རིག་སྔགས་འཆང་ནི་བདག་ཉིད་ཀྱིས། །མཆོག་ཏུ་གསང་བ་བསྒྲུབ་བྱ་བ། །རིག་སྔགས་འཆང་ནི་གཙང་མ་ཡིས། །ཁྲུས་བྱས་གོས་གཙང་གྱོན་བྱེད་ལ། །འདིར་ནི་ཉིན་ཞག་སྨྱུང་བ་དང ། །དད་དང་གུས་པས་མཆོད་པ་བྱ། །དོན་ཡོད་འཁོར་ལོ་སྒྲུབ་བྱེད་པས། །དངོས་གྲུབ་དཀྱིལ་འཁོར་དམ་པ་སྒྲུབ། །སྨན་སྤྲི་ཀ་དང ། ཙནྡན་གྱི་ཕྱེ་མ་དང ། ་ག་རུ་དང ། པདྨ་གེ་སར་དང ། པདྨ་དང ། པདྨའི་ལྡུམ་བུ་དང ། པདྨའི་འདབ་མ་དང ། དེ་བཞིན་དུ་གིའུ་ཝང་དང ། ལྡོང་རོས་དང ། ཙམ་པ་ཀ་དང ། སུ་མ་ན་སྟེ། དེ་བཞིན་ཆ་ནི་མཉམ་སྦྱར་ཏེ།། ཕྱེ་མ་དག་ཏུ་བྱས་ནས་ནི། །དེ་ནས་དོན་ཡོད་རྒྱལ་པོ་ཡིས། །ཚེས་བརྒྱད་ནས་ནི་བཅོ་ལྔའི་བར། །བརྒྱ་རྩ་བརྒྱད་དུ་བཟླས་བརྗོད་བྱ། །ཁྲོ་བོའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱས་ནས་དབང་བསྐུར་རོ། །དེའི་འོག་ཏུ་ཆ་ལྔར་བྱ་སྟེ། མིག་བསྐུ་བ་དང ། རིལ་བུ་དང ། ཕྱེ་མ་དང ། ཏིལ་མར་ཚོས་པ་དང ། ཁ་གདོང་བཀྲུ་ཞིང་ཁྲུས་བྱའོ། །མིག་སྨན་ནི། སོའུ་བྱི་རེ་དང་ལྷན་ཅིག་སྦྲུས་ལ་དོན་ཡོད་པའི་རྒྱལ་པོས་བརྒྱ་སྟོང་བཟླས་བརྗོད་བྱའོ། །རིལ་བུ་ནི། སྦྲང་རྩི་དཀར་པོ་དང་ལྷན་ཅིག་སྤྲུའོ། །ཕྱེ་མ་ནི། འཇིག་རྟེན་དབང་ཕྱུག་ལ་ཕུལ་བའི་མེ་ཏོག་དང་ལྷན་ཅིག་སྦྲུའོ། །ཏིལ་མར་བཙོས་པ་ནི། བྲཧྨ་ཏི་ལ་སྟེ། ཤིང་པ་ལ་ཤའི་མར་དང་ལྷན་ཅིག་སྦྲུའོ། །ཁ་གདོང་བཀྲུ་བ་ནི། ཙནྡན་དཀར་པོའི་ཆུ་དང་ལྷན་ཅིག་ Ba143a ༄#། །སྤྲུ་ཞིང ། སུ་མ་ན་དང ། གུར་གུམ་དང ། སྤོས་ཆུས་ལྷན་ཅིག་བཀྲུས་ལ་སོ་སོར་བརྒྱ་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོས་ཉི་ཤུ་རྩ་གཅིག་བཟླས་བརྗོད་བྱས་ནས་དབང་བསྐུར་བར་བྱའོ། །དེ་ནས་རིག་སྔགས་འཆང་ཉིན་ཞག་གཅིག་སྨྱུང་བ་བྱས་པས་གཅིག་ཏུ་བཀྲུས་ཏེ་དངུལ་གྱི་སྣོད་ཀྱི་ནང་དུ་བཅུག་ལ། སོ་སོར་བརྒྱ་རྩ་བརྒྱད་བཟླས་བརྗོད་བྱས་ནས་ཤར་ཕྱོགས་ཀྱི་སྒོ་ནས་དཀྱིལ་འཁོར་དུ་གཞག་པར་བྱ་སྟེ། དཀྱིལ་འཁོར་མཆོག་ལ་ཕྱག་དང་བསྐོར་བ་བྱས་ལ་དེ་ནས་སོ་སོར་དར་གྱིས་ཁ་བཅད་དེ་དཀྱིལ་འཁོར་གྱི་སྙིང་པོར་བཞག་ལ་དོན་ཡོད་པའི་རྒྱལ་པོ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱས་ནས་དབང་བསྐུར་བར་བྱ། དབང་བསྐུར་བར་བྱས་ནས་ཀྱང་རིག་སྔགས་འཆང་གིས་དབང་བསྐུར་བར་བྱ། དེ་ནས་དཀྱིལ་འཁོར་སྙིང་པོར་ནི། །འཇིག་རྟེན་དབང་ཕྱུག་མཆོད་བྱ་སྟེ། །བདུག་སྤོས་ལྔ་དག་དབུལ་བྱ་བ། ། ག་རུ་དང་ཙནྡན་དང ། །སྤྲི་ཀ་གུ་གུལ་དུ་རུ་ཀ། མཆོད་ཡོན་སྣོད་ནི་ལྔ་དབུལ་ཞིང ། །གཏོར་མ་ལྔ་ནི་ད་གང་བྱ་སྟེ། །རོ་ལྡན་སྣ་ཚོགས་དག་གིས་དགང ། །རོ་ལྡན་འབྲས་བུ་སྣ་ཚོགས་པའི། །གཏོར་མ་ཆ་ལྔ་དབུལ་བར་བྱ། །ཀུན་ཏུ་ཕྲེང་བ་ཉི་ཤུ་དང ། །མར་མེ་ཉི་ཤུ་ལྔ་དག་དང ། །སྤོས་ཀྱི་ཕྱེ་མ་ལྔ་དག་དང ། །སྤོས་ཀྱི་ Ba143b ཆ་ལྔར་ཕྱེ་བས་བྱུག། འཕན་ཕྲན་ཉི་ཤུ་རྩ་ལྔ་གདགས། །ཚོན་རྩི་ལྔ་ཡིས་མཛེས་པར་བྱ། །གསེར་དང་དངུལ་གྱིས་གཡོགས་པ་ཡི། །བུམ་པ་གང་བ་ཉི་ཤུ་ལྔ། །རིན་པོ་ཆེ་ནི་ལྔ་གཞུག་གོ། སྒོ་བཞི་གྲ་བཞིར་བུམ་པ་བརྒྱད། །རྒྱ་དང་ཉི་ཤུ་རྩ་ལྔ་ཉིད། །དཀྱིལ་འཁོར་མེ་ཏོག་འབྲས་ཡོས་དང ། །ཡུངས་ཀར་ཉིད་ཀྱིས་མངོན་པར་དགྲམ། །སློབ་དཔོན་བླ་མ་མཆོད་པ་ནི།། གོས་དང་སྣོད་དང་ཡོན་གྱིས་སོ། །ཐུབ་པ་འཇིག་རྟེན་དབང་ཕྱུག་ལྟར། །སྟོན་པའི་འདུ་ཤེས་བསྐྱེད་ནས་སུ། །དཀྱིལ་འཁོར་སློབ་དཔོན་མཆོད་བྱས་ནས། །དེ་ནས་དཀྱིལ་འཁོར་གཤེགས་པར་གསོལ། །དེ་ནས་ལས་རྣམས་བྱ་བ་ནི། །ཇི་ལྟར་ཡིད་ལ་སྣ་ཚོགས་བྱ། །དོན་ཡོད་ཆེན་པོའི་གཞལ་མེད་ཁང ། །རིག་སྔགས་འཆང་གིས་རྟག་ཏུ་གསང ། །དེ་ཉིད་དངོས་གྲུབ་བསྒྲུབ་སླ་བ། །དེ་བཞིན་ནོར་བུ་སྨན་སྔགས་སོ། །དོན་འདི་ཤིན་ཏུ་བཀྲ་ཤིས་སོ། །མཁས་པ་མི་ཡིས་བྱ་བ་ཡིན། །ཕྲ་མའི་ཚིག་ཀྱང་མི་བསྟེན་ཏེ། །བརྫུན་ནི་ནམ་ཡང་སྨྲ་མི་བྱ། །འདི་ནི་གྲུབ་པའི་དེ་ཉིད་དེ། །དེ་ལ་འགྲུབ་པ་ཐེ་ཚོམ་མེད། །འདིར་ནི་དཀྱིལ་འཁོར་བཤད་པར་བྱ། །ཀུན་ནས་གྲུ་བཞི་ལྷམ་པ་སྟེ། །གྲ་བཞི་ཆ་ནི་ལེགས་པར་དབྱེ། །ཀོ་ལའི་ཚད་དེ་ལེགས་པ་དང ། །སྣ་ཚོགས་ཚོན་གྱི་ཐིག་སྐུད་ཀྱིས། །དཀྱིལ་འཁོར་དམ་པ་ཐིག་གདབ་བོ། །དཀྱིལ་འཁོར་དབུས་ཀྱི་སྙིང་པོར་ནི།། Ba144a ༄#། །འཁོར་ལོ་བཟང་པོ་བྲི་བར་བྱ། །དབུས་ཀྱི་ལྟེ་བར་པདྨོ་ཡི། །འཁོར་ལོ་གསལ་བ་བྲི་བར་བྱ། །པདྨའི་སྙིང་པོ་གསེར་དང་ནི། །དངུལ་ལམ་ཙནྡན་ལས་བྱས་པ། །འབར་བ་འཇིག་རྟེན་དབང་ཕྱུག་བཞུགས། །འཁོར་ལོ་ཀུན་ཏུ་རྩིབས་དང་ནི། །མུ་ཁྱུད་དག་གིས་ཆ་དབྱེའོ། །དཀྱིལ་འཁོར་སྙིང་པོའི་གྲ་རྣམས་དེར། །ལྷ་ཡི་དབང་པོ་ཚངས་པ་དང ། །ཁྱབ་འཇུག་དབང་ཕྱུག་ཆེན་པོ་བྲི། །ཀུན་ཏུ་ཁ་ཁྱེར་རྣམ་པ་དང ། །པདྨ་ཕྲེང་བ་རྣམས་བྱའོ། །དཀྱིལ་འཁོར་ཕྱི་རོལ་ཀུན་ཏུ་ནི། །རྟགས་དང་ཕྱག་རྒྱ་རྣམས་བྲི་སྟེ། །རྡོ་རྗེ་དགྲ་སྟ་མདུང་རྩེ་གསུམ། །རལ་གྲི་ཞགས་པ་ཐོ་བ་དང ། །གཤིན་རྗེ་བེ་ཅོན་པདྨ་གདུགས། །དབྱུག་ཏོ་མངའ་བོ་ཆེ་རྣམས་སོ། །གྲ་རྣམས་ཀུན་ཏུ་ཕྲེང་བ་དང་།། མེ་ཏོག་རྣམ་པ་སྣ་ཚོགས་དགྲམ། །སྒོ་སྒོ་དེར་ནི་དཀྱིལ་འཁོར་གྱི། །ལྷ་སྟེ་གཤིན་རྗེ་ཆུ་ལྷ་དང ། །ལུས་ངན་དང་ནི་གཞོན་ནུ་བྲི། །དཀྱིལ་འཁོར་གྲ་བཞི་རྣམས་སུ་ནི།། རྒྱལ་པོ་ཆེན་པོ་བཞི་པོ་དག། གོ་ཆ་ལེགས་པར་བགོས་པ་དང ། །ཁྲོ་བོར་ལྟ་བ་འཇིགས་བྱེད་བྲི། །འདི་ནི་དཀྱིལ་འཁོར་མཆོག་ཡིན་ཏེ། །དཀྱིལ་འཁོར་གྱི་ནི་དགོས་པ་རྣམས།། ལེགས་པར་ཡོངས་སུ་རྫོགས་པར་ནི། །རིག་སྔགས་ཇི་བཞིན་བསྟན་པ་ཡིན། །དེ་ནས་ལེགས་པར་ཁྲུས་བྱས་ལ། །གོས་གཙང་བགོས་པ་འཇིགས་མེད་པས། །སྨན་མཆོག་ Ba144b བཟུང་སྟེ་ལས་བྱའོ། །རྨོངས་པའི་དྲ་བ་སྣ་ཚོགས་དང ། །སྒྱུ་མ་ལྟ་བུའི་རྣམ་སྤྲུལ་པ། །གང་གིས་ངན་འགྲོ་ཐར་འགྱུར་བ། །སེམས་ཅན་ཀུན་ལ་བསྟན་པར་བྱ། །རྟག་ཏུ་དགའ་དང་དད་པ་དང ། །གུས་པ་དེ་ཉིད་ཐོབ་པར་འགྱུར། །རིག་སྔགས་འཆང་གིས་སྒྲུབ་པའི་མཆོག། དངོས་གྲུབ་དེ་ཉིད་ཐོབ་པར་འགྱུར། །རིག་སྔགས་འཆང་གིས་སྔར་ཁྲུས་བྱས་ལ་རྫས་ཀྱི་དྲི་ཆབ་གཙང་མ་དོན་ཡོད་པའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱ། །ཙནྡན་གྱི་ཆུ་ལ་བརྒྱ་རྩ་བརྒྱད་བཟླས་བརྗོད་བྱས་ནས་སྐྲ་ཡན་ཆད་ཙམ་བྱུགས་ལ་ཚོད་ཟིན་པར་བསྐུས་ནས་ཁ་གདོང་བཀྲུ་བར་བྱའོ། །མིག་སྨན་ལ་བརྒྱ་རྩ་བརྒྱད་བཟླས་བརྗོད་བྱས་ནས་བསྐུས་ན། མིག་བཟང་བར་འགྱུར་རོ། །བརྒྱ་རྩ་བརྒྱད་ཚང་བར་བཟླས་བརྗོད་བྱས་ནས་བདག་ཉིད་དང་ཕྱོགས་བཅུར་གཏོར་རོ། །དེ་བཞིན་དུ་ཏིལ་མར་ལ་བརྒྱ་རྩ་བརྒྱད་བཟླས་བརྗོད་བྱས་ནས་སྐྲ་ཡན་ཆད་བསྐུ་བ་དང ། ཚོད་ཟིན་པར་བསྐུ་བ་དང ། ལུས་རྐང་མཐིལ་ཡན་ཆད་བསྐུའོ། །ཡི་གེ་གཅིག་པོ་ཡིད་ལ་བྱ་བ་ལ་སེམས་བྱམས་པ་ཉིད་ལ་གནས་ནས་རྒྱལ་པོ་དང ། བཙུན་མོའི་སྒོའམ། སྐྱེ་བོའི་ནང་ངམ། འདུས་པ་ཆེན་པོའམ། དགེ་འདུན་གྱི་ནང་ངམ། ཚོགས་དང་ཕྲད་པའམ། དེ་བཞིན་དུ་གཞན་དག་ཀྱང་རུང་སྟེ། དེ་དག་ཐམས་ཅད་ཀྱིས་འཇིག་རྟེན་མགོན་པོའི་གཟུགས་དང ། Ba145a ༄#། །ཁ་དོག་ཏུ་མཐོང་ཞིང་སའི་སྟེང་ནས་རྐང་པ་ཁྲུ་གང་ཙམ་གྱིས་སྤགས་ཏེ་འདུག་ལ། ཇི་ལྟ་ཇི་ལྟར་འདུལ་བ་རྣམས་ཀྱི་དད་པ་དེ་ལྟ་དེ་ལྟར་གཟུགས་རྣམས་སྟོན་པར་བྱེད་དེ། རྒྱལ་པོའམ། འཁོར་ལོས་བསྒྱུར་པའམ། མིའི་སེངྒེའམ། ཕག་གམ། སྲེད་མེད་ཀྱི་བུར་སྟོན་པའམ། ཚངས་པ་དང ། སུམ་ཅུ་རྩ་གསུམ་གྱི་དབང་པོའམ། དབང་ཕྱུག་ཆེན་པོ་མིག་གསུམ་པའམ། གཞོན་ནུའམ། ཆུ་ལྷའམ། གཤིན་རྗེའམ། རྣམ་ཐོས་ཀྱི་བུའམ། དེ་བཞིན་དུ་རྒྱལ་པོ་ཆེན་པོ་བཞིའམ། ནག་པོ་ཆེན་པོའམ། དགའ་བྱེད་དབང་ཕྱུག་གམ། སེར་སྐྱའམ། གསང་བ་པའམ། ལག་ན་རྡོ་རྗེ་སྟོབས་པོ་ཆེའམ། ནོར་བུ་བཟང་པོའི་བུའམ། གང་བ་བཟང་པོའམ། སྟོབས་ཀྱི་ལྷ་འམ། གར་མཁན་མཆོག་གམ། རླུང་ལྷའམ། དྲང་སྲོང་ཉིད་དེ་ཇི་ལྟར་གཟུགས་རྣམ་པ་སྣ་ཚོགས་ཡིད་ལ་བྱས་པ་ཐམས་ཅད་སྟོན་པར་བྱེད་དོ། །མེ་ཏོག་དང ། འབྲས་བུ་སྣ་ཚོགས་པ་ཉིད་འབྱུང་བར་བྱེད་དོ། །དེ་བཞིན་དུ་དགེ་འདུན་གྱི་ནང་དུ་ཞུགས་ན། དེ་སངས་རྒྱས་ཀྱི་གཟུགས་དང ། གཟུགས་སྣ་ཚོགས་སུ་སྣང་ཞིང་གཞལ་མེད་ཁང་གི་རྣམ་པ་དག་ཀྱང་སྟོན་པར་བྱེད་དོ། །ཇི་ལྟར་འདོད་པར་འགྱུར་བ་ཡིད་ལ་བྱས་པ་དེ་ལྟར་གཟུགས་རྣམས་སྟོན་པར་བྱེད་དོ། །འཁོར་ Ba145b ཚོགས་པའམ། དགོན་པའམ། འཆགས་དག་ཀྱང་སྨན་ནོར་བུ་དང ། གསང་སྔགས་ཀྱི་མཐུས་གཟུགས་སྣ་ཚོགས་སུ་སྟོན་པར་བྱེད་དོ། །འགྲོན་པོ་འབྲོག་གི་ནང་དུ་ཕྱིན་པ་ཉམ་ཐག་པ། འཇིགས་པ་མི་བཟད་པ། ཆུ་མེད་པ། དགོན་པར་མགོན་མེད་པ། སྡུག་བསྔལ་དྲག་པོ་དེ་ལྟ་བུའི་ནང་དུ་ཆུད་པའི་སྐྱེ་བོ་སྡུག་པར་གྱུར་པ། སྐྱབས་མེད་པ། མགོན་མེད་པར་གྱུར་པ། སྐྱོ་བ་པ་མེད་པ། དཔུང་གཉེན་མེད་པར་གྱུར་པ་ན་དེ་ལ་རིག་སྔགས་འཆང་གིས་ཕྱེ་མ་འདིས་ཕྱོགས་བཞིར་མཚམས་གཅད་པར་བྱ། ཕྱེ་མས་དཀྱིལ་འཁོར་གྱི་ཚུལ་དུ་རི་མོ་བྲིས་ལ་རིལ་བུ་ལ་དཀྱིལ་འཁོར་གྱི་དབུས་སུ་གཞག་གོ་།ཡུངས་ཀར་ལ་ཏིལ་མར་གྱི་རྒྱལ་པོས་བསྐུས་ལ་དོན་ཡོད་པའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱས་ཏེ་དབང་བསྐུར་ནས་ཁྲོ་བོའི་རྒྱལ་པོ་ཧཱུཾ་ཞེས་བྱ་བས་ཕྱག་རྒྱ་བཅིངས་ལ་ས་ལ་བསྣུན་ཅིང་ཕྱོགས་བཞིར་གཏོར་བར་བྱ་བ་ཕྱག་རྒྱ་དང་ལྡན་པར་བྱས་བ་ཙམ་གྱིས་ཆུ་བཟང་པོ་རྣམ་པ་སྣ་ཚོགས་འབབ་ཅིང་རྫིང་འབྱུང་བར་འགྱུར། ཚལ་དང ། ཉེ་བའི་ཚལ་དང ། མེ་ཏོག་དང ། འབྲས་བུ་སྣ་ཚོགས་དང་ལྡན་པའི་གཞལ་མེད་ཁང་འབྱུང་བར་འགྱུར། ཕྱེ་མའི་དཀྱིལ་འཁོར་དེ་ལས་གྲོང་ཁྱེར་དང ། ཁང་བཟང་འབྱུང་བར་འགྱུར། ཁྱིམ་གྱི་གནས་ལྔ་སྟོང་འབྱུང་བར་འགྱུར་ཞིང་བདེ་བ་དང ། ལོ་ལེགས་པ་ Ba146a ༄#། །དང ། ཉམས་དགའ་བ་དང ། སྐྱེ་བོ་དང ། མི་མང་པོས་གང་བ་འབྱུང་བར་འགྱུར། ཉོ་ཚོང་དང ། བ་ལང་དང ། མ་ཧེ་དང ། རྟ་དང ། གླང་པོའི་གནས་དག་འབྱུང་བར་འགྱུར། དགེ་སྦྱོང་དང ། བྲམ་ཟེ་དང ། ཚོང་པ་དང ། ཁྱིམ་དང ། ཁང་པ་བཟང་པོ་དག་འབྱུང་བར་འགྱུར་ཏེ། ཇི་སྲིད་དུ་བསམ་པ་དེ་སྲིད་དུ་འདུག་གོ་།ཆུ་དང་ཡུངས་ཀར་ལ་ལན་བདུན་བཟླས་བརྗོད་བྱས་ནས་ཕྱོགས་བཞིར་གཏོར་ན། མི་སྣང་བར་འགྱུར་རོ། །ཡུངས་ཀར་དེ་གཡུལ་འགྱེད་པའི་ནང་དུ་གཏོར་ན། དཔུང་གི་ཚོགས་ཡན་ལག་བཞི་དང་ལྡན་པར་འབྱུང་བར་འགྱུར་ཏེ། ངེས་ཕ་རོལ་གྱི་དམག་ཚོགས་དང ། དགྲ་འཇིགས་ཤིང་འཇོམས་པར་བྱེད་པ་ལས་རྒྱལ་བར་འགྱུར་རོ། །གྲོང་ཁྱེར་ཕྱོགས་བཞི་ཀུན་ཏུ་གཏོར་ན། གཏོར་བ་ཙམ་གྱི་མོད་ལ་འོབས་བཅད་ཅིང་ར་བ་ཁ་ཁྱེར་གྱིས་བསྐོར་ལ་གྲོང་ཁྱེར་ཀུན་ཏུ་སྐྱེས་བུ་གོ་ཆ་བགོས་པ་དག་སྣང་བས་གྲོང་ཁྱེར་མནན་པའམ།་གཙེ་བར་སུས་ཀྱང་མི་ནུས་སོ། །མཚན་མོར་དྲིའི་ཏིལ་མར་དེ་ཉིད་ཡུངས་ཀར་ལ་བསྐུས་ཏེ། བརྒྱ་རྩ་བརྒྱད་བཟླས་བརྗོད་བྱས་ནས་ཆང་བ་གང་མེའི་ནང་དུ་གཏོར།་ཆང་བ་གང་ཕྱོགས་བཞི་ཀུན་ཏུ་གཏོར་ན། ཀུན་ནས་མར་མེའི་ཕྲེང་བ་འབྱུང་བར་འགྱུར་ལ། ཇི་སྲིད་དགོས་པ་དེ་སྲིད་དུ་འབར་རོ། །གཙུག་ལག་ཁང་ངམ། Ba146b དགོན་པའམ། རིའམ། ཕུག་གམ། འཆག་སའི་གནས་སམ། ཁྱིམ་དུ་གཏོར་ན། མར་མེའི་ཕྲེང་བ་འབྱུང་བར་འགྱུར་ལ། ཆུ་དང་ཡུངས་ཀར་གྱིས་མི་སྣང་བར་འགྱུར་།གྲོང་ཁྱེར་གྱི་སྒོར་ཡུངས་ཀར་གཏོར་ན། གཏོར་བ་ཙམ་གྱི་མོད་ལ་དགྲ་ཐམས་ཅད་དང ། ཕ་རོལ་གྱི་དམག་ཚོགས་ཀྱི་གྲོང་ཁྱེར་མི་སྣང་བར་འགྱུར་རོ། །གང་ན་ཕྱིར་རྒོལ་བ་དང ། ཕ་རོལ་གྱི་དམག་ཚོགས་གནས་པའི་གྲོང་ངམ། གྲོང་ཁྱེར་རམ། ཚུལ་གྱི་ནང་ངམ། དགོན་པའི་གནས་སུ་གཏོར་ན། འབྲོག་དགོན་པ་འབྱུང་བར་འགྱུར་ལ། ཐམས་ཅད་ཕན་ཚུན་ངོ་མི་ཤེས་ནས་འཇིགས་ཤིང་སྐྲག་པ་ཆེན་པོས་རབ་ཏུ་འབྲོས་པར་བྱེད་དོ། །དགྲའི་ཚོགས་ཀྱི་ནང་དུ་གཏོར་ན། མཚོན་ཆ་ཐམས་ཅད་དང ། འགྱེད་པའི་གོ་ཆ་ཐམས་ཅད་མི་སྣང་ཞིང་གཅེར་བུར་འགྱུར་རོ། །ཞལ་ཆེ་འགྱེད་པའི་ནང་དུ་གཏོར་ན། འགྱེད་ཟླ་གཙོ་བོ་དེ་གཅེར་བུར་འགྱུར་རོ། །དགྲའི་སྟེང་དུ་གཏོར་ན། མེ་འབར་བ་འབྱུང་བར་འགྱུར་ཏེ། དེ་དག་ལ་སོགས་པ་ཡིད་ལ་ཇི་ལྟར་བྱས་པའི་ལས་འབུམ་སྙེད་བྱེད་དོ། །དེ་ནས་ལས་རྒྱ་ཆེན་པོ་བྱེད་པར་འདོད་པའི་རིག་སྔགས་འཆང་གཙང་མ་ལེགས་པར་ཁྲུས་བྱས་པ་སྤོས་ཀྱིས་ལུས་བསྐུས་པ་དེས་ཡུངས་ཀར་དང ། ཏིལ་མར་གྱི་རྒྱལ་པོས་བསྐུས་པ་ལ་བརྒྱ་རྩ་བརྒྱད་བཟླས་བརྗོད་བྱས་ནས་འཕགས་པ་སྤྱན་རས་གཟིགས་དབང་ཕྱུག་ལ་གཏོར་ Ba147a ༄#། །བར་བྱ། ཁྲོ་བོའི་རྒྱལ་པོས་ལན་བདུན་དབང་བསྐུར་ནས་ཕྱག་རྒྱ་བཅས་པའི་ལག་པས་རིལ་བུ་སྤྱི་བོར་བཞག་ལ་ཕྱེ་མས་གདབ་པར་བྱ། ཏིལ་མར་གྱི་རྒྱལ་པོས་རྐང་པ་ལ་བྱུག་པར་བྱ། དོན་ཡོད་པའི་རྒྱལ་པོ་ལན་གཅིག་དྲན་པར་བྱ་སྟེ། ཡོངས་སུ་སྦྱང་པའི་ལས་ལྷན་ཅིག་བྱ་བ་ལེགས་པར་བྱས་པས་འཕགས་པ་སྤྱན་རས་གཟིགས་དབང་ཕྱུག་གི་གཟུགས་གཡོ་སྟེ་གར་དགའ་བར་འགྲོ་ལ། གཟུགས་བརྙན་གང་དུ་འགྲོ་བ་དེ་ཉིད་དུ་རང་འགྲོ། ལྷའི་སྟེང་དུ་གཏོར་ན། ལྷ་ལྷའི་གནས་ནས་འཕོ་ཞིང་གར་དགའ་བ་དེར་འགྲོའོ། །ཕྱེ་མས་ལྷའི་སྟེང་དུ་གཏོར་ན། ཁྲོ་བོའི་རྒྱལ་པོ་ཧཱུཾ་ཞེས་བྱ་བ་མི་སྣང་བར་འགྱུར་རོ། །ཏིལ་མར་གྱི་རྒྱལ་པོ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ལ་བདག་ཉིད་ཀྱི་པུས་མོ་དང་བྱིན་པ་ལ་བསྐུས་ན། ནམ་མཁའ་ལ་འགྲོ་བར་འགྱུར་རོ། །རྐང་མཐིལ་ལ་བསྐུས་ན་སའི་སྟེང་ན་རྐང་པ་སོར་བཞི་ཙམ་མི་རེག་གོ་།རྡོའི་སྟེང་དུ་རྐང་པ་བཞག་པ་དང ། རྐང་རྗེས་བྱུང་བའི་སྟེང་དུ་རྫ་མ་དང ། བུམ་པ་དང ། བུམ་བུ་བཞག་པའི་རྐུབ་ལ་བསྐུས་ན། སོར་བཞི་ཙམ་གྱི་ཚང་དུ་ནམ་མཁའ་ལ་འདུག་གོ་།ཡུངས་ཀར་ལ་བཟླས་བརྗོད་བྱས་ནས་མེས་སྦྱིན་སྲེག་བྱས་པའི་ཐལ་བ་དེ་བླངས་ནས་ལན་བརྒྱ་རྩ་བརྒྱད་བཟླས་བརྗོད་བྱས་ལ། ཏིལ་མར་གྱིས་སྦྲུས་ Ba147b པ་ལ་ཁྲོ་བོའི་རྒྱལ་པོས་བརྒྱ་རྩ་བརྒྱད་དབང་བསྐུར་ནས་མིག་ལ་བསྐུས་ན། མིག་གསུམ་སྟོན་ཅིང་དབང་ཕྱུག་ཆེན་པོའི་གཟུགས་སུ་སྟོན་པར་བྱེད་དོ། །ཐལ་བས་ལུས་ལ་བྱུགས་ན། ཚངས་པའི་གཟུགས་སུ་སྟོན་ཏོ། །ཤིང་ཡལ་ཤ་དང ། པརྞ་ཤ་བསྲེས་པས་ལུས་ལ་བྱུགས་ན། སྲེད་མེད་ཀྱི་བུའི་སྟོབས་དང ། ཤུགས་དང ། གཟུགས་སུ་སྟོན་ཏོ། །ཏིལ་མར་ཆེན་པོས་ཁར་བསྐུས་ལ་ཐལ་བས་དཔྲལ་བར་ཐིག་ལེ་བྱས་ན། གཞོན་ནུའི་གཟུགས་སུ་སྟོན་ཏོ། །ཡུངས་ཀར་གྱི་འབྲུ་ཁ་དོག་སྣ་ཚོགས་ཅན་ལ་ཏིལ་མར་ཆེན་པོ་བྱུགས་པས་བསྐུས་ལ་དོན་ཡོད་པའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱ། ཕྱག་རྒྱས་བརྒྱ་རྩ་བརྒྱད་དབང་བསྐུར་ཅིང་ཁྲོ་བོའི་རྒྱལ་པོས་བརྒྱ་རྩ་བརྒྱད་དབང་བསྐུར་ལ། དེ་ནས་དངུལ་གྱི་སྣོད་ཀྱི་ནང་དུ་བཞག་།དེ་ནས་ལས་ཐམས་ཅད་བྱེད་དེ། ནམ་མཁའ་ལ་གཏོར་ན། ནོར་བུ་དང ། རིན་པོ་ཆེའི་ཆར་འབབ་པར་སྟོན་ཏོ། །དེ་བཞིན་གཤེགས་པ་མཆོད་པའི་ཚེ་ནམ་མཁའ་ལ་གཏོར་ན། མེ་ཏོག་གི་ཆར་སྣ་ཚོགས་འབབ་པར་འགྱུར། འདུས་པའི་ནང་དུ་ནམ་མཁའ་ལ་གཏོར་ན། འབྲས་བུ་དང ། ནོར་གྱི་རྒྱུན་སྣ་ཚོགས་པ་སྟོན་ཏོ། །ཚལ་གྱི་ནང་དུ་གཏོར་ན། མེ་ཏོག་དང ། འབྲས་བུ་སྣ་ཚོགས་པ་སྟོན་ཏོ། །རི་ཕུག་ཏུ་གཏོར་ན། རྫས་དང ། སྨན་སྣ་ཚོགས་སྟོན་ཏོ། །མཆོད་རྟེན་རྙིང་པའམ། གཙུག་ལག་ཁང་ངམ། ལྷའི་གནས་སུ་གཏོར་ན། ཡོ་བྱད་ཐམས་ཅད་ཀྱིས་ཡོངས་སུ་གང་ཞིང་རྫོགས་པ་གང་བ་བཟང་པོ་ཡངས་པ་གནས་ཀྱི་མཆོག་སྟོན་ཏོ། །གྲོང་ཁྱེར་སྟོང་པར་གཏོར་ Ba148a ༄#། །ན།་འཚོ་བའི་ཡོ་བྱད་ཐམས་ཅད་ཕུན་སུམ་ཚོགས་ཤིང་ཡོངས་སུ་རྫོགས་པ་དང ། ཡུལ་གྱི་རྒྱལ་པོ་དང ། སླས་དང ། བཀྲབས་པ་དང ། མདུན་ན་འདོན་པ་དང ། བློན་པོ་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དག་སྟོན་ཏོ། །ཡང་ཁྲོ་བོའི་རྒྱལ་པོ་ཧཱུཾ་ཞེས་བྱ་བས་གཏོར་ན། དཔུང་གི་ཚོགས་ཡན་ལག་བཞི་པ་སྟོན་ཏོ། །དུར་ཁྲོད་ཀྱི་ནང་དུ་གཏོར་ན། ཤི་བའི་རུས་པ་གང་དང་གང་ལ་བབ་པ་དེ་དང་དེ་གང་དུ་སེམས་ཅན་དམྱལ་བའམ། དུད་འགྲོའི་སྐྱེས་གནས་སམ། གཤིན་རྗེའི་འཇིག་རྟེན་ནམ། ལྷ་མ་ཡིན་ནམ། ནམ་མཁའ་ལྡིང་ངམ། དྲི་ཟའམ། མི་འམ་ཅིའམ། ལྟོ་འཕྱེ་ཆེན་པོའམ། བྱའམ། ཉའམ། རུས་སྦལ་གྱི་རིགས་སུ་སྐྱེས་པའམ། ལྷའི་འཇིག་རྟེན་ནམ། སངས་རྒྱས་ཀྱི་ཞིང་དུ་སྐྱེས་པ་དེའི་རུས་པའམ། ཐོད་པ་ལ་ཚིག་འབྱུང་བར་འགྱུར་ལ། གང་དུ་སྐྱེས། པ་དེའི་གཏམ་ཡང་སྨྲའོ། །གང་དང་གང་གི་སྐྱེས་གནས་སུ་སྐྱེས་པ་དེ་ཐམས་ཅད་སྨྲ་ལ་ཐབས་ཇི་ལྟར་བྱ་བ་དེ་སྨྲའོ། །ཡུངས་ཀར་དེས་ཀྱང་རུས་གོང་འབྲེལ་བའམ།་ཤི་བའི་རོའམ། རུས་པ་འཐོར་བ་ལ་བབ་ན། བབ་པ་ཙམ་གྱི་མོད་ལ་སེམས་ཅན་དམྱལ་བ་ལས་ཡོངས་སུ་ཐར་ནས་འཇིག་རྟེན་གྱི་ཁམས་བདེ་བ་ Ba148b ཅན་དུ་སྐྱེ་བར་འགྱུར་རོ། །ཟོང་བཀྲམ་པའི་ནང་དུ་གཏོར་ན། ཐམས་ཅད་མི་མངོན་པར་འགྱུར་རོ། །ནམ་མཁའ་ལ་གཏོར་ན། སྐར་མ་རྣམས་མི་མཐོང་བར་འགྱུར་རོ། །སྐྱེ་བོ་མང་པོའི་ནང་དུ་གཏོར་ན། ཐམས་ཅད་གཅེར་བུར་འགྱུར་རོ། །འདུས་པའི་ནང་དུ་གཏོར་ན། ཐམས་ཅད་བྲོ་རྡུང་བར་བྱེད་དོ། །དགེ་འདུན་གྱི་ནང་དུ་གཏོར་ན། དགེ་སློང་ཐམས་ཅད་བསམ་གཏན་འཐོབ་པར་འགྱུར་རོ། །ཚོགས་ཀྱི་གཙོ་བོ་ལ་གཏོར་ན། རྣལ་འབྱོར་སྤྱོད་པར་འགྱུར་རོ། །མཁའ་འགྲོ་མའི་ཚོགས་ཀྱི་ནང་དུ་གཏོར་ན། ཐམས་ཅད་བོང་བུ་དང ། ཝ་དང ། ཁྱིའི་གཟུགས་ཅན་དུ་འགྱུར་རོ། །སྦྱོར་མའི་སྒོར་གཏོར་ན། སྦྱོར་མ་ཐམས་ཅད་འབར་ལ་མ་ཧེའི་གཟུགས་ཅན་དུ་སྣང་ངོ ། །ཤི་བའི་སྟེང་དུ་གཏོར་ན། བྲོ་རྡུང་བར་བྱེད་དོ། །ཐོད་པའི་སྟེང་དུ་གཏོར་ན། བྲོ་རྡུང་བར་བྱེད་ཅིང་རྒྱུག་ལ་ཕན་ཚུན་རྒྱུག་པར་བྱེད་དོ། །ལམ་གྱི་བཞིར་མདོར་གཏོར་ན། གནོད་སྦྱིན་དང ། སྲིན་པོ་དང ། འབྱུང་པོ་ཐམས་ཅད་རང་གི་གཟུགས་ཀྱིས་མདུན་ན་ཉེ་བར་འཁོད་ལ་ཇི་སྲིད་འཚོའི་དབང་དུ་གྱུར་ནས་འཁོད་དོ། །ཉིན་གཅིག་བཞིན་བདག་ཉིད་ལ་གཏོར་ན། མཆོད་པ་ཆེན་པོའི་གནས་སུ་འགྱུར་ཏེ། གཞན་ཡང་རང་གི་བློ་རྣམས་ཀྱིས་ལས་འབུམ་སྙེད་བྱེད་དོ། །དོན་ཡོད་པ་ཆེན་པོ་རྣམ་པར་འཕྲུལ་པའི་དཀྱིལ་འཁོར་སྒྱུ་མ་ Ba149a ༄#། །ལྟ་བུའི་ཆོ་གའོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞི་བ་མོའི་རྒྱལ་པོ། བམ་པོ་བཅོ་བརྒྱད་པ། དེ་ནས་དེའི་ཕྱིར་གདུགས་པ་ཆེན་པོ་དང ། ལག་ན་རྡོ་རྗེའི་གཟུགས་བསྟན་པའི་ཆོ་ག་བཤད་པར་བྱ་སྟེ། གང་གིས་ལྷ་རྣམས་མྱུར་དུ་འོང་བ་དང ། ཕྱག་ན་རྡོ་རྗེའི་གཟུགས་མྱུར་དུ་སྟོན་ཏོ། །རྡོ་རྗེའི་སྐུ་དང་སྟོབས་པོ་ཆེ། །རྟ་མགྲིན་དང་ནི་མགུལ་སྔོན་དང ། །དེ་བཞིན་རྟ་ནི་རྒོད་མའི་ཁ། །བདུད་རྩི་འཁྱིལ་ལྡན་གཟུགས་པོ་ཆེ། །ལོག་འདྲེན་རྣམས་ནི་རབ་འཇོམས་དང ། །ཁྲོ་རྒྱལ་དེ་བཞིན་འཇིགས་བྱེད་སྤྱན། །ཀི་ལིའི་ཀི་ལིའི་རྒྱལ་པོ་ཆེ། །ཁྲོ་བོ་འཆོལ་བ་སྟོབས་པོ་ཆེ། །དེ་བཞིན་རྡོ་རྗེ་ས་འོག་གཟུགས། །རྡོ་རྗེ་རྩེ་མོ་དེ་ཉིད་དང ། །ཀླུ་ཆེན་རབ་འཇོམས་སྤྱན་ཡངས་དང ། །སོག་མ་མེད་ནི་འདུལ་བ་དང ། །དེ་བཞིན་ཐིགས་ཁྲོ་ཁྲོས་ཆེན་དང ། །དེ་བཞིན་མཆེ་བ་གཙིགས་མཛད་དང ། ། རྒྱལ་པོ་ཆེན་པོ་རྡོ་རྗེའི་སྒྲོག་།ཀླུ་ཡི་དབང་པོ་སྟོབས་ཀྱིས་གནོན། །མགོན་པོ་གོས་སྔོན་གྱོན་པ་དང ། །དབྱུག་སྔོན་དགྲ་ལས་རྒྱལ་བ་དང ། །འཇིག་རྟེན་དབང་ཕྱུག་པདྨའི་ལྟེ། །ཕྱག་ན་པདྨ་པདྨ་བྱུག་།དེ་བཞིན་འཇིགས་པ་བརྒྱད་སེལ་དང ། །དེ་བཞིན་མཆོད་རྟེན་འཇིག་རྟེན་བླ། །སྣ་ཚོགས་གཟུགས་ཏེ་བཟང་པོ་དང ། །སྲེད་མེད་ Ba149b བུ་དང་ཚངས་པ་དང ། །དྲག་པོ་དཎྜི་དབང་ཕྱུག་དང ། །ནག་པོ་ཆེན་པོ་གཞོན་ནུ་དང ། །གཤིན་རྗེ་དང་ནི་ཆུ་ལྷ་ཉིད། །ཉི་མ་དང་ནི་ཟླ་བ་དང ། །རྒྱུ་སྐར་སྒྲ་གཅན་མཇུག་རིང་དང ། །དེ་བཞིན་གཟའ་དང་ལྷ་མ་ཡིན། །ནམ་མཁའ་ལྡིང་དང་མི་འམ་ཅི། །གནོད་སྦྱིན་སྲིན་པོ་ལྟོ་འཕྱེ་ཆེ། །འབྱུང་པོ་དཔལ་ལྡན་རྣམ་ཐོས་བུ། །དེ་བཞིན་ཡུལ་སྐྱོང་མིག་མི་བཟང ། །འཕགས་སྐྱེས་དེ་ཉིད་མཐོང་བ་དང ། མིའུ་ཐུང་དང་ནི་དྲང་སྲོང་གཟུགས། །ནོར་བུ་བཟང་སྲས་གང་བ་བཟང ། །སྣ་ཚོགས་གཟུགས་ཅན་སྟོན་པ་དང ། ། རྒྱལ་པོ་དང་ནི་དེད་དཔོན་དང ། །ཚོང་དཔོན་དེ་བཞིན་ཁྱིམ་བདག་དང ། །བྲམ་ཟེ་དང་ནི་རྒྱལ་རིགས་དང ། །དགེ་སྦྱོང་སྟག་དང་སེངྒེ་དང ། །ཁྱུ་མཆོག་དེ་བཞིན་ནགས་ཀྱི་ལྷ། །ཤིང་ལྷ་དེ་བཞིན་ལོ་ཏོག་ལྷ། །གངྒཱ་སཱི་ཏ་ཡ་མུ་ན། །ཟླ་བ་སྐལ་ལྡན་རུས་སྦལ་ཉ། །ལག་འགྲོ་དང་ནི་ཐོད་པ་ཅན། །སྐལ་ཡོད་དེ་བཞིན་འབྲས་བུ་དང ། །མེ་ཏོག་རྒྱ་རླབས་ཆེན་པོ་དང ། །སྣ་ཚོགས་གཟུགས་དང་རྣམ་སྣ་ཚོགས། །དེ་ལྟར་དགུག་པ་བསྟན་པ་དང ། །དེ་ལྟར་སླར་གཤེགས་གསོལ་བ་ཉིད། །སྦྱིན་སྲེག་དྲ་བ་འདི་ཉིད་ཀྱིས།། རྒྱུ་འཕྲུལ་རྨད་བྱུང་གསང་སྔགས་གྲུབ། །རྫས་གྲུབ་ནོར་བུ་ཏིལ་མར་གྲུབ། །དོན་ཡོད་ཞགས་པ་བསྒྲུབ་པའི་ཕྱིར། །དེ་ཉིད་དངོས་གྲུབ་རབ་སྟོན་པ། །མཆོད་རྟེན་དགོན་ Ba150a ༄#། །པ་གཙུག་ལག་ཁང ། །ལྷ་ཡི་གནས་དང་དེ་བཞིན་གྲོང ། །གྲོང་ཁྱེར་ཉིད་དང་འབབ་ཆུའི་དོང ། །མཚེའུ་དང་ལྟེང་ག་ཆུ་བོ་དང ། །རྫིང་དང་དེ་བཞིན་ཆར་འབབ་དང ། །འབྲུག་སྒྲོག་དང་ནི་གློག་འགྱུར་དང ། །གཞན་ཡང་མེ་ནི་འབར་བ་དང ། །དུད་པའི་ཕུང་པོ་བདེ་འགྱེད་དང ། །སྐྱེས་བུ་གོ་ཆ་གྱོན་པ་དང ། །དེ་བཞིན་མཚོན་ཆ་སྣ་ཚོགས་མཐོང ། །ཁྱུ་མཐོང་གྲུབ་པ་མཐོང་བ་དང ། །དེ་ཉིད་རྨད་དུ་བྱུང་བ་སྟེ། །རྫས་ཉུང་སྦྱར་བ་ཉུང་གྱུར་ཀྱང ། །དེ་ཉིད་དངོས་གྲུབ་བླ་ན་མེད། །སེམས་ཅན་རྣམས་ལ་ཕན་འཚལ་ནས། །བཅོམ་ལྡན་དེ་ཉིད་བདག་གིས་བཤད། །རིག་སྔགས་འཆང་རྣམས་བཀླགས་པས་འགྲུབ། །དབུལ་པོ་རྣམས་ནི་ནོར་འཐོབ་ཅིང ། །སྡང་བ་རྣམས་ནི་བྱམས་པར་བགྱིད། །མུ་སྟེགས་གཞན་རྣམས་དད་པར་བགྱིད། །མཁས་པ་རྣམས་ནི་དགའ་བར་བགྱིད། །གདུལ་དཀའ་རྣམས་ནི་ཐར་པར་འཚལ།། དགེ་སློང་རྣམས་ནི་བསམ་གཏན་འཐོབ། །ཏིང་འཛིན་བླ་ན་མེད་པ་འཐོབ། །ཆོས་འདོད་རྣམས་ནི་སངས་རྒྱས་མཐོང ། །སྡིག་པ་བྱེད་རྣམས་སྡིག་པ་འཇིག་།མི་རིགས་བྱས་རྣམས་ཐར་པ་འཐོབ། །མཚམས་མེད་ལྔ་རྣམས་རྣམ་དག་དོན། །དབུགས་མ་ཕྱིན་རྣམས་དབུགས་འབྱིན་མཆོག་།མ་དུལ་བ་རྣམས་དེ་བཞིན་འདུལ། །མ་ Ba150b རྒལ་བ་རྣམས་སྒྲོལ་བའི་གྲུ། །ཐར་པའི་ལམ་དུ་འགྲོ་བར་གནས། །མ་གྲོལ་ངན་འགྲོ་ཀུན་ལས་གྲོལ། །སྡིག་པ་ཀུན་ལས་རྣམ་པར་གྲོལ། །ལུང་མ་བསྟན་པ་ལུང་སྟོན་བྱེད། །སྐྱོན་དང་དྲི་མ་སྡིག་པ་རྣམས། །ཐམས་ཅད་མོད་ལ་སྤོང་བགྱིད་དེ། །དེ་ལ་སོགས་པའི་ལས་རྣམས་ནི། །བཀླགས་པས་གྲུབ་པ་བགྱིད་པ་ལགས། །འཇིག་རྟེན་པ་དང་འཇིག་རྟེན་འདས། །དོན་གྱི་དངོས་གྲུབ་བླ་ན་མེད། །གང་དང་གང་དུ་སྦྱོར་བ་བགྱིད། །དགོས་པ་ཐམས་ཅད་འགྲུབ་པར་འགྱུར། །ཡིད་ལ་བསམ་པ་འགྲུབ་པར་འགྱུར། །འདིར་ནི་ཡིད་ཀྱིས་རྣམ་བསམ་པ། །ཇི་ལྟར་ཡིད་ལ་འདོད་པ་དང ། །ཇི་ལྟར་ངོ་བོ་ཀུན་བསམ་པ། །དེ་ལྟར་རྣམ་འཕྲུལ་སྟོན་པར་བགྱི། །ཚེས་གྲངས་རྒྱུ་སྐར་སྦྱར་མི་འཚལ། །སྨྱུང་བ་བགྱི་བ་མི་འཚལ་ཏེ། །ཆོ་ག་ཇི་བཞིན་དུས་ཇི་བཞིན། །ཆོ་ག་རིག་སྔགས་རྒྱལ་པོ་བཟླས། །རིག་སྔགས་འཆང་བ་གཙང་གྱུར་ཅིང ། །ལེགས་པར་ཁྲུས་བགྱིས་གོས་གཙང་དག་།བགོས་པ་བདེན་པར་སྨྲ་བ་དང ། །བླ་མ་ལ་ནི་གུས་བྱེད་པ། །རྟག་ཏུ་བྱམས་པའི་སེམས་ལ་གནས། །སེམས་ཅན་ཀུན་ལ་བརྩེ་བའི་མཆོག་།སྡོམ་ལ་གནས་ཤིང་ཚངས་པར་སྤྱོད། །ཆོས་མ་ཡིན་པ་སྤོང་བྱེད་པ། །གལ་ཏེ་དེ་ཉིད་གྲུབ་འདོད་ན། །སྒོག་སྐྱ་ཤ་དང་ཀུན་དོང་དང ། །འདྲེས་དང་ཟ་འཕྲོ་སྦགས་ Ba151a ༄#། །པ་སྤང ། །སེམས་ཅན་ངན་པ་སུན་འབྱིན་པ། །རིག་སྔགས་རྐུ་དང་ཆོ་ག་རྐུ། །ཆོས་སྐུ་གསང་སྔགས་རྐུ་པ་དང ། །དེ་བཞིན་རྐུན་མོ་ཆོམ་རྐུན་དང་།། སེར་སྣ་རྟག་ཏུ་སྤང་བར་གྱིས། །དེ་དག་ལ་ནི་དངོས་གྲུབ་མེད། །མ་རུངས་པ་ཡི་དམ་ཚིག་ཉམས། །ཡིད་གཅུགས་པ་ནི་མེད་པར་བྱེད། །སྡིག་པའི་ཆོས་ནི་ཀུན་ཏུ་སྤྱོད། །དེ་བཞིན་གཤེགས་པ་ཀུན་གྱིས་སྨད། །བྱང་ཆུབ་སེམས་དཔའ་རྣམས་ཀྱིས་སྨད། །རྟག་ཏུ་ཆོས་ཀྱི་སྡོང་དུམ་འགྱུར། །ཤི་ནས་སེམས་ཅན་དམྱལ་བར་གཞོལ། །རྟག་ཏུ་སྨད་པའི་གནས་སུ་འགྱུར། །དབུལ་པོ་ལུས་ནི་བསྐམས་པ་དང ། །མཛེ་དང་ཁྱི་རྔོ་ས་འདེབས་པ་དང ། །སྡུག་བསྔལ་རྐུན་མ་ཆོས་སུན་འབྱིན། །ཆོས་རྐུ་བ་ཡི་ལུས་ཅན་ནི། །འཇིག་རྟེན་འདིར་ནི་བདེར་མི་འགྱུར། །འཇིག་རྟེན་ཕ་རོལ་ག་ལ་བདེ། །སེམས་ཅན་དམྱལ་བར་གཞོལ་བ་ཡིན། །དེ་ལྟ་བས་ན། ཆེན་པོ་འདོད་པས་ནི། རྟག་ཏུ་དམ་པའི་ཆོས་ཀྱི་རྗེས་སུ་འབྲང་བར་བྱ་ཞིང་རྟག་ཏུ་དཀོན་མཆོག་གསུམ་དང ། ཕ་དང ། མ་དང ། བླ་མ་དང ། སྟོན་པ་ནི། སྐྱོབ་པ་དང ། སྐྱབས་དང ། དཔུང་བསྙེན་མཛད་པ། སྟོན་པ་མཆོག་སྦྱིན་པ། དངོས་གྲུབ་དང ། མི་འཇིགས་པ་སྦྱིན་པ། རྒ་ཤི་ལས་ཐར་པར་བྱེད་པ། དབང་ཕྱུག་སྦྱིན་པ། ནོར་ Ba151b སྦྱིན་པ། ལོངས་སྤྱོད་སྦྱིན་པ། དང་བ་མཆོག་བསྐྱེད་པ་དེ་ཉིད་འཇིག་རྟེན་གྱི་བླ་མ། མགོན་པོ། འཇིག་རྟེན་དབང་ཕྱུག་ཆེན་པོ། དབང་ཕྱུག་མགོན་པོ། །མཆོག་སྦྱིན་པར་མཛད་པ། གཟུགས་སྣ་ཚོགས་སྟོན་པར་མཛད་པ། དངོས་གྲུབ་སྣ་ཚོགས་སྦྱིན་པར་བགྱིད་པ། མགོན་པོ་སྡུག་བསྔལ་སྣ་ཚོགས་ལས་ཡོངས་སུ་ཐར་པར་བགྱིད་པ། ནད་སྣ་ཚོགས་སྦྱོར་བར་གྲུབ་པ། རིན་པོ་ཆེ་སྣ་ཚོགས་རབ་ཏུ་སྦྱིན་པར་བགྱིད་པ། འཇིག་རྟེན་གྱི་སྡིག་པ་སྣ་ཚོགས་སེལ་བར་བགྱིད་པ། བླ་མ་ལ་གུས་པ་སྣ་ཚོགས་བགྱིད་བ་ལགས་ཏེ། དེ་ལྟ་བས་ན། རྟག་ཏུ་འབད་པས་དགོས་པ་ཐམས་ཅད་རབ་ཏུ་སྦྱིན་པར་བགྱིད་པ། རྟག་ཏུ་འབད་པས་ཤིན་ཏུ་གུས་པར་བགྱིད་པ་ལགས་སོ། །དེ་ནས་རྫས་ཀྱི་སྨན་སྒྲུབ་པ་དང ། བཟླས་བརྗོད་ཀྱི་ཆོ་ག་བཤད་པར་བགྱིད་དེ། སེངྒེའི་ལྕེ་དང ། སྙིང་དང ། མིག་དང ། དེ་བཞིན་དུ་ཉ་ཕྱིས་ཀྱི་ཕྱེ་མ་དང ། ལྡོང་རོས་དང ། བྲཧྨའི་འོ་མ་དང ། གུ་གུལ་དང ། པདྨ་དང ། པདྨའི་ཟེ་བ་དང ། ུཏྤལ་སྔོན་པོ་དང ། ནཱ་ག་པུས་པ་དང ། ལི་ཤི་དང ། རྒྱ་སྤོས་དང ། དེ་བཞིན་དུ་གིའུ་ཝང་དང ། གླ་རྩི་དང ། ག་པུར་དང ། གུར་གུམ་དང ། ཙནྡན་དཀར་པོ་དང ། སྤྲིག་ཀ་དང ། ཏེ་ཛ་བ་ཏི་སྟེ། དེ་ལྟར་ཆ་མཉམ་པར་བྱས་པ་དེ་དག་ཐམས་ཅད་ཕྱེ་མ་ཞིབ་མོར་བྱས་ལ་དངུལ་གྱི་སྣོད་ Ba152a ༄#། །བཀང་སྟེ་དར་གྱིས་གཡོགས། དོན་ཡོད་པའི་རྒྱལ་པོ་སྤྱན་རས་གཟིགས་དབང་ཕྱུག་གི་མདུན་དུ་དུས་གསུམ་དུ་ཁྲི་བཟླས་བརྗོད་བྱའོ། །དུས་གསུམ་དུ་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱས་པས་དབང་བསྐུར་ཞིང་ཕྱག་རྒྱས་ཀྱང་ཉི་ཤུ་རྩ་གཅིག་ཏུ་དབང་བསྐུར་རོ། །ཁྲི་ཚང་ནས་ཆ་ལྔ་བྱས་ཏེ་ཕྱེ་མ་དང ། ཏིལ་མར་དང ། ནོར་བུ་དང ། མིག་བསྐུ་བ་དང ། ཏིལ་མར་ཚོས་པ་དང་ཆ་ལྔའོ། །ཕྱེ་མའི་པདྨ་མུ་རུ་ཀའི་ཕྱེ་མ་དང་སྦྱར་ལ་བཟླས་བརྗོད་བྱའོ། །ཁྲོ་བོའི་རྒྱལ་པོས་ནི། ལྔ་སྟོང་ངོ ། །ཏིལ་མར་ནི། མ་ཧཱ་རུ་ཏི་རས་འགྲུབ་སྟེ། བརྒྱ་སྟོང་བཟླས་བརྗོད་བྱའོ། །ཁྲོ་བོའི་རྒྱལ་པོས་བཞི་སྟོང་ངོ ། །ནོར་བུ་ནི། སྦྲུལ་གྱི་ཁྲག་གིས་སྦྲུས་ཏེ་ཁྲི་ཆིག་སྟོང་བཟླས་བརྗོད་བྱའོ། །ཁྲོ་བོའི་རྒྱལ་པོས་ལྔ་སྟོང་ལྔ་བརྒྱའོ། །མིག་སྨན་ནི། རྨ་བྱའི་མིག་ཆུ་དང ། འུག་པའི་མིག་དང ། ཀླད་པ་དང་སྦྱར་ལ་ཁྲི་ཆིག་སྟོང་བཟླས་བརྗོད་བྱའོ། །ཁྲོ་བོའི་རྒྱལ་པོ་སྟོང་རྩ་བརྒྱད་དོ། །བྲཧྨ་ཏེ་ལ་སྲང་ཉི་ཤུ་།གནྡྷ་ར་བ་ཏེ་ལ་སྲང་བརྒྱད། ཡུངས་མར་ལ་སྲང་བཅུ་དྲུག་།འོ་མ་ལ་སྲང་བརྒྱ། བ་སེར་མོ་གྲུས་མའི་འོ་མ་དང ། བའི་ལྕི་བ་དང ། བ་གཅིན་སྲང་བདུན། དུ་རུ་ཀའི་མར་ཁུ་སྲང་གཉིས་ཏེ། རྫས་འདི་རྣམས་ཆུ་དང་བསྲེས་ནས་པདྨའི་སྡོང་བུས་དཀྲུགས་ཤིང་ཟངས་སྣོད་དུ་ Ba152b བཙོའོ། །མཉམ་པར་བཞག་པས་གསང་སྔགས་བཟླས། །ཆོ་ག་དག་གིས་བསྲུང་བར་བྱ། །ཆོ་ག་བཞིན་དུ་གཏོར་མ་སྦྱར། །མེ་ཏོག་བདུག་སྤོས་དག་གིས་བདུག་།ཏིལ་མར་མཆོག་ནི་བསྒྲུབ་པར་བྱ། །ཆུང་ངུར་མེ་བུད་གྲུབ་པ་མཆོག་།སྤོས་ཀྱི་ཤིང་གིས་བུད་པ་བཟང ། །འདི་ལྟར་གྲུབ་པར་ཤེས་པ་དང ། །ཁྲོ་བོའི་རྒྱལ་པོས་དབང་བསྐུར་བ། །ཉི་ཤུ་གཅིག་ཏུ་དབང་བསྐུར་རོ། །ཏིལ་མར་དེ་ནི་སྣོད་གཙང་མ། །ཟངས་སྣོད་ཡང་ན་དངུལ་སྣོད་བཟང ། །སྨིག་མའི་སྣོད་དུ་གཞག་པར་བྱ། །དེ་ནས་རིག་སྔགས་བརྒྱད་སྟོང་དང ། །ཁྲོ་བོའི་རྒྱལ་པོ་བརྒྱད་སྟོང་ཉིད། །སོ་སོ་དག་ཏུ་བཟླས་བརྗོད་བྱ། །དཀྱིལ་འཁོར་ཡོངས་སུ་རྫོགས་པ་དེར་གཞག་པར་བྱ་བ་ནི། ཇི་ལྟར་དཀྱིལ་འཁོར་གྱི་ཆོ་གར་བྱ་བ་དེ་ལྟར་བྱས་ནས་བཞག་ཅིང་སློབ་དཔོན་གྱི་ལས་ཀྱང་བྱ་སྟེ། ཇི་ལྟར་དཀྱིལ་འཁོར་སྒྲུབ་པ་དང ། འཇུག་པ་དང ། དམ་ཚིག་དང ། ཕྱག་རྒྱ་དང ། དབང་བསྐུར་བ་དང ། མཆོད་པ་དང ། དཀྱིལ་འཁོར་བསྐོར་བ་དང ། ཕྱག་བྱ་བ་དང ། སྤྱིའུ་གཙུག་བཅིང་བ་དང ། ཕྱག་རྒྱ་བཅིང་བ་དང ། སྲུང་བའི་ཆོ་ག་དང ། ཉེ་རེག་བྱ་བ་དང ། གོས་བགོ་བ་དང ། མཆོད་ཕྱིར་ཐོགས་པ་སྟེ། དཀྱིལ་འཁོར་གྱི་སློབ་དཔོན་ཀུན་གྱིས་དེ་དག་ཐམས་ཅད་བསྟན་པར་བྱའོ། །དེ་ནས་དཀྱིལ་འཁོར་གྱི་དབུས་ཀྱི་སྙིང་པོར་བཞག་ལ་རིག་སྔགས་ Ba153a ༄#། །འཆང་སྦྱང་བའི་ཆོ་ག་བྱས་པས་འཕགས་པ་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོས་ཀྱང་སྟོང་རྩ་བརྒྱད་དུ་དབང་བསྐུར། ཕྱག་རྒྱས་ཀྱང་སྟོང་རྩ་བརྒྱད་དུ་དབང་བསྐུར་ལ་ཕྱག་རྒྱ་བཅིངས་ནས་རྣམ་པ་གསུམ་འདྲ་བར་དབང་བསྐུར་རོ། །དེ་ནས་ལས་ཐམས་ཅད་བྱས་ཏེ་ཡུངས་ཀར་དཀར་པོ་གྲུབ་པ་ལ་རིག་སྔགས་འཆང་གིས་བརྒྱད་སྟོང་བཟླས་བརྗོད་བྱས་ལ་པདྨའི་མཆོག་གཙོ་བོ་གཙང་བ། གཙང་མར་བྱས་པ། ལེགས་པར་བཀྲུས་པ།་སྦྱངས་པ། ཕྱེ་མ་ཞིབ་ཏུ་བཏགས་པ། ཐལ་བ་ལྟ་བུ་ལ་བརྒྱད་སྟོང་བཟླས་བརྗོད་བྱས་ནས་སྣོད་དགང ། གུ་གུལ་དང ། ཙནྡན་དང ། ་ག་རུ་དང ། སྤྲིག་ཀ་ལ་བརྒྱ་རྩ་བརྒྱད་བཟླས་བརྗོད་བྱས་ནས་སྣོད་ཀྱི་ནང་དུ་བཀང་ལ། དབུས་ཀྱི་དཀྱིལ་འཁོར་དམ་པའི་སྟེང་དུ་སོ་སོར་གཞག་གོ་།དེ་ནས་ཁྲོ་བོའི་རྒྱལ་པོས་དབང་བསྐུར་ཅིང་ཕྱག་རྒྱས་ཀྱང་དབང་བསྐུར་བ་བྱས་ན། གང་གི་ཚེ་དོན་དུ་བྱ་བ་བྱུང་བའི་ཚེ་བྱ་བ་ཐམས་ཅད་བྱེད་དོ། །གསེར་རམ། ཡང་ན་དངུལ་ལམ། ཟངས་ལས་པདྨའི་ཚལ་དུ་བྱས་པ་འདབ་མ་ཉི་ཤུ་རྩ་གཅིག་དང ། སྙིང་པོ་དང ། ཟེ་བ་ཅན་དང ། དེ་བཞིན་དུ་སོར་བཅུ་གཉིས་པའི་ཚད་ལ་སྡོང་བུ་སོར་བཅུ་དྲུག་པའི་ཚད་རྡོ་རྗེའི་རྣམ་པ་ཅན་ Ba153b དུ་བྱ།་སྐུད་པ་དམར་པོའི་ཞགས་པ་པདྨའི་ཚོན་དམར་པོས་བཞེན་པ། གཞོན་ནུས་བཀལ་པ་གྲུབ་པ་དེ་དག་ལ་བརྒྱ་སྟོང་བཟླས་བརྗོད་བྱ། ཁྲོ་བོའི་རྒྱལ་པོས་དབང་བསྐུར་ཅིང་ཕྱག་རྒྱས་ཀྱང་དབང་བསྐུར་བ་བྱས་ལ་མཁས་པས་གསང་བའི་གནས་སུ་གཞག་གོ་།གང་གི་ཚེ་དོན་དུ་བྱ་བ་བྱུང་བ་དེའི་ཚེ་ལས་ཐམས་ཅད་གྲུབ་པ་སྟོན་ཏོ། །ཤིན་ཏུ་གཙང་ཞིང་གཙང་བར་བྱ་སྟེ། སུ་ལ་ཡང་མི་སྦྱིན་ནོ། །སངས་རྒྱས་རྣམས་ལ་སྐུ་བརྙས་པར་གྱུར་པ། དམ་ཚིག་ཉམས་པ་ལ་བགེགས་འཇུག་པར་འགྱུར་ཞིང ། འཕྲལ་དུ་མཚམས་མེད་པ་ལྔ་བྱེད་པ་རྨོངས་པའི་དྲ་བ་དེ་ལ་དངོས་གྲུབ་ནམ་ཡང་ཤེས་པར་མི་འགྱུར་རོ། །གཞན་ནི། བླ་མ་ལ་གུས་ཤིང ། སངས་རྒྱས་ཆོས་ལ་སྟོན་བྱེད་པ། ། འཕགས་པའི་ཚོགས་ལ་དད་པ་དང ། །བྱམས་སེམས་སྙིང་རྗེའི་བདག་ཉིད་ཅན། །དེ་ཡི་ལག་ཏུ་རབ་ཏུ་སྦྱིན། །བདག་གི་སྲོག་བཞིན་གཏད་པར་བྱ། །དེ་དག་དངོས་གྲུབ་མཆོག་སྦྱིན་ཏེ། །བཀླགས་དང་མཐོང་བ་ཙམ་གྱིས་ནི། །ཇི་ལྟར་ཡིད་ལ་བྱས་པ་བཞིན། །རྗེས་སུ་མཐུན་པའི་ལས་བྱེད་དོ། །འཇིག་རྟེན་འདིར་ནི་རྟག་ཏུ་བདེ། །འཇིག་རྟེན་ཕ་རོལ་བདེ་བ་ཡིན། །འགྲོ་བ་ལམ་ནི་བདེ་བར་འགྲོ་།གང་ན་འོད་དཔག་མེད་པ་བཞུགས། །བདེ་བ་ཅན་དུ་རྟག་ཏུ་འགྲོ། །བརྫུས་ཏེ་སྐྱེས་ཏེ་པདྨ་ལས། །རྒྱན་རྟགས་ Ba154a ༄#། །ཀུན་གྱིས་རྣམ་པར་བརྒྱན། །ཚེ་རབས་དག་ནི་དྲན་འགྱུར་ཏེ། །སྔོན་གྱི་ཚེ་རབས་དྲན་པར་འགྱུར། །དེ་ནས་རིག་སྔགས་འཆང་རྨོངས་པ་ཆེན་པོའི་དམ་ཚིག་སྟོན་པར་འདོད་པ་གཙང་མས་ལེགས་པར་ཁྲུས་བྱ། གོས་གཙང་མ་བགོས་ནས་ཉིན་ཞག་གཅིག་སྨྱུང་བ་བྱས་པས་ལག་ན་རྡོ་རྗེ་དང ། འཕགས་པ་སྤྱན་རས་གཟིགས་དབང་ཕྱུག་ཞལ་མངོན་དུ་བཞག་སྟེ་མེ་ཏོག་དང ། བདུག་སྤོས་དབུལ་ཞིང་འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་དང ། ཕྱག་ན་རྡོ་རྗེའི་སྐུ་གཟུགས་ལ་མཆོད་པ་ཡང་བྱ། འཕགས་པ་སྤྱན་རས་གཟིགས་དབང་ཕྱུག་ལ་ཨ་ག་རུའི་བདུག་སྤོས་ཀྱིས་བདུག་།ལག་ན་རྡོ་རྗེ་ལ་གུ་གུལ་གྱི་བདུག་སྤོས་ཀྱིས་བདུག་།འཕགས་པ་སྤྱན་རས་གཟིགས་དབང་ཕྱུག་ལ་ལྷ་བཤོས་དཀར་པོ་དབུལ། ལག་ན་རྡོ་རྗེ་ལ་རོ་སྣ་ཚོགས་དང་ལྡན་པའི་ལྷ་བཤོས་ཕུལ་ལ་ཉིན་པར་དོན་ཡོད་པའི་རྒྱལ་པོ་བཟླས་བརྗོད་བྱ། མཚན་མོར་ཁྲོ་བོའི་རྒྱལ་པོ་ངལ་བ་མེད་པར་བཟླས་བརྗོད་བྱ་སྟེ། ཁ་གདོང་ཁྲོ་གཉེར་མེད་པ་དང ། དྲི་མ་དང་སེར་སྣ་མེད་པས་ནམ་ལངས་ཀྱི་བར་དུ་བཟླས་བརྗོད་བྱས་པ་དང ། འཕགས་པ་སྤྱན་རས་གཟིགས་དབང་ཕྱུག་འབར་བར་འགྱུར་ལ། ལག་ན་ Ba154b རྡོ་རྗེ་ཡང་པུས་མོ་འཛུགས་པར་འགྱུར་ཏེ། དེ་གཉིས་ཀྱི་མིག་ནས་འཛག་པ་རིག་སྔགས་འཆང་གིས་བླངས་ནས་ཐིག་ལེ་བྱས་ན་མི་སྣང་བར་འགྱུར་རོ། །མིག་ལ་བསྐུས་ན།་ནམ་མཁའ་ལ་འགྲོའོ། །ཁར་བཅུག་ན། རིག་སྔགས་དང ། ཆོ་ག་ཞིབ་མོ་དང ། གསང་སྔགས་དང ། དཀྱིལ་འཁོར་མངོན་དུ་འགྱུར་རོ། །ལག་ན་རྡོ་རྗེའི་སྟོབས་དང ། ཤུགས་དང ། བརྩོན་འགྲུས་ཀྱིས་ཕ་རོལ་གནོན་པར་འགྱུར། ལག་ན་རྡོ་རྗེའི་རང་གི་གཟུགས་ཀྱིས་མདུན་ན་ཉེ་བར་འདུག་ཅིང་འདོད་པ་ཐམས་ཅད་ཀྱི་མཆོག་རྗེས་སུ་སྦྱིན་པར་བྱེད་ལ། རང་གི་གཟུགས་ཀྱིས་སྤྱོད་པར་བྱེད། ལག་ན་རྡོ་རྗེའི་སྟོབས་དང ། ཤུགས་དང ། བརྩོན་འགྲུས་ཀྱིས་ཕ་རོལ་གནོན་པ་རྗེས་སུ་སྦྱིན་པར་བྱེད།་དེ་ལྟར་ལག་ན་རྡོ་རྗེས་འགུགས་པར་འགྱུར་རོ། །ཉི་མ་འཆར་བའི་དུས་སུ་ཏིལ་མར་ཆེན་པོ་རན་པར་བདག་ཉིད་ལ་བསྐུ། མིག་སྨན་གྱིས་མིག་བྱུག་།ཕྱེ་མས་གཏོར་ཞིང་བདག་ཉིད་ལ་ཐིག་ལེ་བྱ། ནོར་བུ་མགོ་ལ་བཞག་ནས་གུ་གུལ་གྱིས་བདུག་།བདག་ཉིད་གོས་ངུར་སྨྲིག་བགོས་ནས་སངས་རྒྱས་ཡིད་ལ་བྱ་བ་བསྒོམ་ཞིང ། ཞི་བ་དང་དུལ་བའི་ཡིད་ཀྱིས་སྡེ་ཙན་གྱི་ནང་ངམ་དགེ་འདུན་གྱི་ནང་དུ་འཇུག་པར་བྱའོ། །དེ་ནས་དགེ་སློང་དེ་དག་གིས་སྡེ་ཅན་གྱི་ནང་དུ་ཞུགས་སམ། དགེ་འདུན་གྱི་ནང་དུ་ཞུགས་ Ba155a ༄#། །པའི་རིག་སྔགས་འཆང་དེ་བཅོམ་ལྡན་འདས་ཀྱི་སྐུ་དང ། མདོག་དང ། རྟགས་དང ། སྤྱོད་ལམ་དུ་མཐོང་སྟེ། མཚན་ཉི་ཤུ་རྩ་བརྒྱད་ཡོད་པ་འོད་འདོམ་གང་བ། སྟན་པདྨ། བརྒྱ་བྱིན་དང་ཚངས་པའི་མདུན་གྱིས་བདར་བའི་ལྷ་ཚོགས་སྣ་ཚོགས་ཀྱིས་གཟུགས་མཐོང་བར་སྟོན་ཏོ། །དགེ་སློང་དེ་དག་གིས་ཀྱང་དེ་བཞིན་གཤེགས་པའི་སྐུ་དང ། མདོག་ཏུ་མཐོང་ནས་ཐམས་ཅད་ཞབས་གཉིས་ལ་འདུད་པར་བྱེད་དོ། །རིག་སྔགས་འཆང་དེས་བརྙས་པར་མི་བྱ་ཞིང ། བདག་ལ་བསྟོད་པར་ཡང་མི་བྱ། བརྙས་པ་ཙམ་གྱིས་ཁྱོད་ཀྱི་བསོད་ནམས་ཡོངས་སུ་ཉམས་པར་མི་འགྱུར་བར་བྱའོ། །འཕགས་པའི་དགེ་སློང་གི་དགེ་འདུན་རྫུ་འཕྲུལ་ཆེན་པོས་སྟོབས་བཅུ་དང་ལྡན་པར་དབུགས་དབྱུང་བར་བྱ་སྟེ། རྒྱུ་དེས་ན། བརྙས་པར་མི་བྱའོ། །དེ་ནས་གྲོང་ཁྱེར་དང ། རྒྱལ་པོའི་ཕོ་བྲང་དུ་འཇུག་པར་བྱ། དེ་ནས་འདུས་པའི་ནང་དུ་འཇུག་པར་བྱ། དེ་ནས་གྲོང་དང ། ཚང་ཚིང་དང ། ཡུལ་དང ། རི་བྲག་གི་ནང་དུ་འཇུག་པར་བྱ། དེ་ནས་བཙུན་མོའི་ནང་དུ་འཇུག་པར་བྱ་སྟེ། ཡུལ་གྱི་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དེ་དག་ཐམས་ཅད་ཀྱིས་ཀྱང་སངས་རྒྱས་ཀྱི་སྐུ་དང ། མདོག་དང ། རྟགས་དང ། དབྱིབས་སུ་མཐོང་ཞིང་མཆོད་པ་ཆེན་པོ་ Ba155b དང ། རིམ་གྲོ་སྣ་ཚོགས་བྱེད་པར་འགྱུར་ལ། དེ་བཞིན་གཤེགས་པ་སངས་རྒྱས་ཡིན་ནོ། །ཞེས་སྨྲ་སྟེ། དེ་བཞིན་གཤེགས་པའི་ཆོ་ག་འཐོབ་བོ། །ཡུངས་ཀར་དང ། ཏིལ་མར་གྱིས་རང་གི་འཁོར་གྱིས་སྤྱི་བོར་གཏོར་ཅིང་བྱུགས་ན། ཐམས་ཅད་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོའི་གཟུགས་སུ་སྟོན་ཏོ། །རྐང་པ་ཏིལ་མར་གྱིས་བསྐུས་ན། སའི་སྟེང་ནས་སོར་བརྒྱད་ཙམ་གྱིས་སྤགས་ཏེ་ནམ་མཁའ་ལ་འགྲོ་སྟེ། ཇི་སྲིད་དུ་མ་བཀྲུས་པ་དེ་སྲིད་དུ་སངས་རྒྱས་ཀྱི་ཆ་བྱད་དུ་སྟོན་ཏོ། །མགོན་པོ་སྤྱན་རས་གཟིགས་མཐོང་བར་འདོད་པའི་རིག་སྔགས་འཆང་དེ་ནང་པར་སྔར་ལངས་ནས་གཙང་མ་ཁྲུས་བྱས་ཏེ་གོས་གཙང་མ་བགོས་ནས་ཁང་སྟེང་དུ་འདུག་ལ་ཡུངས་ཀར་ལ་ཏིལ་མར་གྱིས་བྱུགས་ནས་ཕྱོགས་བཞིར་གཏོར་ན། རྒྱལ་པོ་དང ། བློན་པོ་དང ། རྒྱལ་རིགས་དང ། བྲམ་ཟེ་དང ། བཙུན་མོ་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་སྒྱུ་མ་ཆེན་པོས་རྨོངས་པར་འགྱུར་རོ། །དེ་ནས་རིག་སྔགས་འཆང་དེས་ནོར་བུ་བཞིས་དབུ་རྒྱན་དང་ཕྲེང་བ་བྱས་ལ་མགོ་ལ་གདགས་སོ། །ཏིལ་མར་གྱིས་ཡན་ལག་ཙམ་ལ་བསྐུ་བར་བྱ། དཔྲལ་བར་ཐིག་ལེ་བྱ། མིག་སྨན་གྱིས་མིག་བསྐུ། ཕྱེ་མས་བདག་ཉིད་ལ་ Ba156a ༄#། །གདབ།་རས་བཟང་པོ་ཡུག་གཅིག་བགོ་།བྱང་ཆུབ་སེམས་དཔའི་ཆ་བྱད་དུ་བགྱི་བ་དང ། ནོར་བུ་དང ། གདུ་བུ་དང ། དབུང་རྒྱན་དང ། གསེར་སྐུད་ཀྱིས་བཅིངས་ན། དེ་དག་ཐམས་ཅད་རྒྱན་དང ། སྤུད་པ་དང ། ནོར་བུ་དང ། དངུལ་དང ། རྡོ་རྗེ་དང ། བཻ་ཌཱུརྱ་སྣ་ཚོགས་ལ་སོགས་པས་ལུས་བརྒྱན་པར་སྣང་ངོ ། ། ལག་ན་པདྨ་ཐོགས་ན། འཕགས་པ་སྤྱན་རས་གཟིགས་དབང་ཕྱུག་གི་གཟུགས་སུ་སྣང་ངོ ། །ཡིད་ལ་ཇི་ལྟར་བསམ་པ་དོན་ཡོད་པའི་ཞགས་པའི་ཚུལ་དང ། འཇིགས་པ་བརྒྱད་དང ། ཚངས་པའི་ཚུལ་དང ། ཡིད་བཞིན་ནོར་བུ་དང ། རྒོད་མའི་ཁ་དང ། མགུལ་སྔོན་དང ། རྟ་མགྲིན་དུ་སྟོན་ཏོ། །ཇི་ལྟར་གཟུགས་ཡིད་ལ་བྱས་པ་དེ་ལྟར་སྟོན་ཏེ།་ཇི་སྲིད་དུ་ཐིག་ལེ་ཡོད་ཅིང་དབུ་རྒྱན་ཐོགས་པ་དེ་སྲིད་དུ་ཚུལ་སྣ་ཚོགས་སྟོན་པར་བྱེད་དོ། །ཏིལ་མར་དང ། ཡུངས་ཀར་དང་བསྲེས་ནས་ཀི་ཀུཥྛ་དང་ལྷན་ཅིག་སྦྲུས་ནས་ལག་པ་གཡས་ན་རྡོ་རྗེ། དཔྲལ་བར་དབང་ཕྱུག་ཆེན་པོའི་ཐིག་ལེ་བྱས་ནས་པདྨའི་ཕྱེ་མ་གཏོར་ལ། ནོར་བུ་སྤྱི་གཙུག་ཏུ་བཅིང ། མིག་སྨན་གྱིས་མིག་བསྐུ།་གུ་གུལ་གྱིས་བདུགས་ལ་ཤེས་རབ་ཅན་ཁྲོ་བོའི་ལྟ་བའི་ཚུལ་བྱས་ན། མངོན་སུམ་དུ་རྡོ་རྗེ་འཆང་གི་གཟུགས་སུ་སྣང་སྟེ། དེ་ལ་ཐེ་ཚོམ་མི་བྱའོ། །ཇི་སྲིད་ Ba156b དུ་བདག་ཁྲུས་མ་བྱས་པ་དེ་སྲིད་དུ་རྡོ་རྗེའི་གཟུགས་ཅན་དུ་སྣང་ལ། ལས་སྣ་ཚོགས་བྱེད་ཅིང་མི་དང ། འཇིག་རྟེན་ཐམས་ཅད་ཀྱིས་རྡོ་རྗེ་འཆང་ཉིད་དུ་སེམས་ཏེ། དེ་ལ་ཐེ་ཚོམ་མི་བྱའོ། །སེངྒེའི་ཁྲག་གིས་ཏིལ་མར་དང ། ནོར་བུ་སྦྲུས་ནས་ལུས་ལ་བསྐུས་ན། མིའི་སེངྒེ་ཆེན་པོའི་གཟུགས་སུ་སྟོན་ཏོ། །ཕག་གི་ཁྲག་གིས་སྦྲུས་ནས་ལུས་ལ་བསྐུས་ན།་ཕག་གི་གཟུགས་ཆེན་པོར་སྟོན་ཏོ། །ཏིལ་མར་དང ། ཕྱེ་མ་ལྷན་ཅིག་སྦྲུས་ནས་ཡུང་བ་དང ། ཤིང་པ་ལ་ཤའི་མདོག་ཏུ་བྱས་ལ་ལུས་ལ་བསྐུས་ན། སྲེད་མེད་ཀྱི་བུའི་གཟུགས་སུ་སྟོན་ཏོ། །རིག་སྔགས་འཆང་གིས་པདྨ་དང ། ཏིལ་མར་ལྷན་ཅིག་སྦྲུས་ལ་བསྐུས་ན། དབང་ཕྱུག་ཆེན་པོའི་གཟུགས་སུ་སྟོན་ཏོ། །ཤིང་ཨརྒའི་འོ་མ་དང ། ཏིལ་མར་དང ། མཉམ་པར་སྦྱར་ལ་ལུས་ལ་བསྐུས་ན། ཚངས་པའི་གཟུགས་སུ་སྟོན་ཏོ། །གླང་པོ་ཆེའི་ཁྲག་དང་ཏིལ་མར་སྦྱར་ནས་ལུས་ལ་བསྐུས་ན། ཚོགས་ཀྱི་དབང་ཕྱུག་ཆེན་པོའི་གཟུགས་སུ་སྟོན་ཏོ། །རའི་ཁྲག་དང་སྦྲུས་ནས་ལུས་ལ་བྱུགས་ན། རའི་གཟུགས་སུ་སྟོན་ཏོ། །ཏིལ་མར་དང ། ཐིང་ཤིང་དང ། པདྨའི་ཕྱེ་མ་དང ། གླང་པོ་ཆེའི་ཁྲག་དང་ལྷན་ཅིག་སྦྱར་ནས་ལུས་ལ་བསྐུས་ན། ནག་པོ་ཆེན་པོའི་གཟུགས་མངོན་སུམ་དུ་རང་གི་གཟུགས་སྟོན་ལ། གང་དང་གང་དག་ལ་ཐིག་ལེ་བྱས་ན། མ་ Ba157a ༄#། །མོའི་ཚོགས་ཀྱི་གཟུགས་སུ་སྟོན་ཏོ། །སྦྲུལ་གྱི་ཁྲག་དང ། པགས་པ་དང ། ཏིལ་མར་གྱི་རྒྱལ་པོ་དང་ལྷན་ཅིག་སྦྲུས་ལ་སྒལ་ཚིགས་སུ་བསྐུ་ཞིང་དཔུང་པ་གཡོན་པར་ཡང་བསྐུས་ན། ཀླུའི་རྒྱལ་པོ་ཆེན་པོའི་གཟུགས་སུ་སྟོན་ཏེ། ཇི་ལྟ་ཇི་ལྟར་ཁྲག་དང་སྦྱར་ཞིང་ཇི་ལྟ་ཇི་ལྟར་ཡིད་ལ་བསམ་པ་དེ་ལྟ་དེ་ལྟར་གཟུགས་སྟོན་ཏོ། །དེ་ནས་གཞལ་མེད་ཁང་ལྟ་བར་འདོད་ན། ཡུངས་ཀར་ལ་ཏིལ་མར་གྱིས་བསྐུས་ནས་དགེ་འདུན་གྱི་ནང་དུ་སྟེང་འོག་ཏུ་གཏོར། ཕྱེ་མས་ནོར་བུ་རྒྱལ་མཚན་གྱི་རྩེ་མོ་ཀུན་ཏུ་བསྐུས་ན། དགེ་འདུན་རྒན་རིམ་དུ་བཀོད་པའི་དབུས་སུ་གཞལ་མེད་ཁང་ཆེན་པོ་རྒྱན་གྱིས་བརྒྱན་པ་སྟོན། དགེ་སློང་རྣམས་ཀྱི་སྟེང་དུ་གཏོར་ན། དགེ་སློང་ཐམས་ཅད་གཟུགས་སྣ་ཚོགས་ཡིད་ལ་ཇི་ལྟར་བྱས་པ་བཞིན་རྒྱལ་པོའི་གཟུགས་སུ་སྣང་བ་དང ། གཞན་དག་བློན་པོ་དང ། གཞན་དག་བཀྲབས་པ་དང ། གཞན་དག་མདུན་ན་འདོན་པ་དང ། གཞན་དག་ཡོངས་སུ་སྤྱོད་པའི་གཟུགས་སུ་སྟོན་ལ་ཡུངས་ཀར་ལ་བསྐུས་པས་གཏོར་ན། སླར་ཡང་དགེ་སློང་རྣམས་སུ་སྣང་ངོ ། །ཤིང་ཨརྒའི་འོ་མ་ཡུངས་ཀར་ལ་བསྐུས་ནས་དགེ་འདུན་གྱི་དབུས་སུ་དགེ་སློང་རྣམས་ཀྱི་མལ་སྟན་གྱི་སྟེང་དུ་གཏོར་ན། ཇི་ལྟར་དགེ་སློང་ཐམས་ཅད་འཁོད་པ་ལྟར་སྣང་ངོ ། ། Ba157b རལ་པའི་ཐོར་ཚུགས་ཀྱིས་བརྒྱན་པ་ལ་གཏོར་ན། རྒན་མོ་འཁར་བ་ཐོགས་པ་སྒུར་པོ་ལྟག་དགྱེ་སྐྲ་དཀར་ཅན་ཉམ་ཆུང་བར་སྣང་ངོ ། །མལ་སྟན་གྱི་སྟེང་དུ་ཡུངས་ཀར་གཏོར་བ་གལ་ཏེ་མཚན་ཐོག་ཐག་བཞག་ན། གཟུགས་གཞན་དུ་མི་འགྱུར་རོ། །ལུག་གི་སྟེང་ན་སྣོད་ཡོད་པ་ལ་གཏོར་ན། དེ་ཐུར་མའི་གཟེབ་དང ། སྦྲུལ་ནག་པོ་སྣང་ངོ ། །སྣོད་ཀྱི་སྟེང་དུ་གཏོར་ན། ཁམ་ཕོར་དུ་སྣང་བར་འགྱུར་རོ། །བཏུང་བའི་སྣོད་སྦྲང་རྩིས་བྱུགས་པའི་སྟེང་དུ་གཏོར་ན། ཕྱག་དར་གྱི་ཕུང་པོར་སྣང་ངོ ། །གྲོང་ཁྱེར་གྱི་སྒོ་དང་གྲོང་ཁྱེར་ཀུན་ཏུ་གཏོར་ན།་གྲོང་ཁྱེར་ཀུན་ནས་མི་སྣང་བར་འགྱུར་རོ། །གྲོང་ཁྱེར་ཀུན་ལ་ཡུངས་ཀར་དང་པདྨའི་ཕྱེ་མ་གཏོར་ན། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་མི་སྣང་བ་ཐམས་ཅད་སྣང་བར་འགྱུར་རོ། །སེངྒེའི་ཁྲག་དང་སྦྱར་ནས་དུད་འགྲོའི་སྐྱེ་གནས་ཀྱི་སྟེང་དུ་གཏོར་ན། ལམ་གྱི་བཞི་མདོ་ཐམས་ཅད་དུ་སེངྒེའི་གཟུགས་སུ་སྟོན་ཏོ། །དེ་དྲག་ཅིང་གཏུམ་ལ་ཡན་ལག་མཆོག་གི་གཟུགས་དང་ལྡན་པའི་སྟེང་དུ་གཏོར་ན། ཐམས་ཅད་ཝའི་གཟུགས་སུ་སྣང་ལ་ཕྱོགས་བཅུར་རྒྱུག་གོ་།གཡུལ་འགྱེད་སར་གཏོར་ན། ཐམས་ཅད་གཉིད་ལོག་པར་བྱས་པར་འགྱུར་ལ་མཚོན་ཆ་ཐམས་ཅད་དང ། གོ་ཆ་ཐམས་ཅད་མི་སྣང་བར་འགྱུར་རོ། །མེའི་ནང་དུ་གཏོར་ན། མི་སྣང་བ་རྣམས་སྣང་བར་འགྱུར་རོ། ། Ba158a ༄#། །ཏིལ་མར་དང་སྦྱར་ནས་མེའི་ནང་དུ་གཏོར་ན། རྟག་ཏུ་འབར་བར་འགྱུར་རོ། །ཆུའི་ནང་དུ་གཏོར་ན། ཆུ་མི་མངོན་པར་འགྱུར་རོ། །བུམ་པ་ཆུས་བཀང་བ་ལ་གཏོར་ན། སྲོག་ཆགས་ཆུའི་ནང་ན་གནས་པ་ཐམས་ཅད་ཆུའི་ནང་ནས་འབྱུང་ཞིང་ཐང་ལ་གནས་སོ། །ཚལ་གྱི་ནང་དུ་ཡུངས་ཀར་གྱིས་གཏོར་ན། མེ་ཏོག་དང་འབྲས་བུ་མི་སྣང་བར་གྱུར་པ་ཐམས་ཅད་སྣང་ཞིང་ཤིང་སྐམ་པོ་དང ། ཚལ་གྱི་མཐར་མེ་ཏོག་དང་འབྲས་བུ་ཐམས་ཅད་སྟོན་ཏོ། །ནམ་མཁའ་ལ་གཏོར་ན། ཕྱོགས་བཞིའི་དགེ་འདུན་གྱི་ནང་ངམ། འདུས་པའི་ནང་ངམ། སྐྱེ་བོ་མང་པོའི་ནང་དུ་མེ་ཏོག་གི་ཆར་རྣམ་པ་སྣ་ཚོགས་དག་འབབ་སྟེ། ལྷའི་དྲི་ལེགས་པར་སྨིན་པ་ཡིད་དགའ་བ་སིམ་པར་བྱེད་པ་འབབ་བོ། །ལས་དང་ལྡན་པའམ། བཟོའི་གནས་ཀྱི་ལས་ཏེ། ལས་ཀྱི་སྣོད་ཐམས་ཅད་ལ་ཏིལ་མར་གྱི་རྒྱལ་པོས་བྱུགས་ལ་ཕྱེ་མས་བསྐུ། པདྨ་ཆེན་པོའི་ཕྱེ་མས་དཀྱིལ་འཁོར་གྱི་གནས་བསྐུ། ཡུངས་ཀར་གྱིས་ཕྱོགས་བཞིར་གཏོར་ལ། དེ་ནས་ལས་ཀྱི་བཟོ་བཟང་པོ་ཇི་ལྟ་བ་བཞིན་སྟོན་པར་འདོད་ན། ལས་ཀྱི་སྣོད་དེ་དང་དེ་དག་ཉིད་གཡོ་ལ། ལས་ཀྱི་བཟོའི་ཚུལ་བཟང་པོས་མཐར་ཕྱིན་པ་རྣམ་པ་དུ་མ་དག་སྟོན་པར་བྱེད་ལ་ཉོ་ཚོང་བྱེད་པ་འབྱུང་སྟེ། གལ་ཏེ་ཕྱིར་ཟློག་པ་མ་བྱས་ན། Ba158b རིན་ཇི་ལྟ་ཇི་ལྟར་བ་དེ་ལྟ་དེ་ལྟར་ཉོ་ཚོང་བྱེད་དོ། །ཆུ་དང་ཡུངས་ཀར་གྱིས་བཟློག་པ་བྱས་ན། མི་སྣང་བར་འགྱུར་ལ། དཔག་ཚད་བརྒྱ་སྟོང་ཙམ་གྱི་བར་དུ་ཁྲིད་ན། དེ་དང་དེ་ཉིད་དུ་མི་སྣང་བར་འགྱུར་རོ། །རྫ་མཁན་གྱི་འཁོར་ལོ་ལ་ཕྱེ་མས་བྱུག་ཅིང་ཡུངས་ཀར་ཆགས་པར་བྱས་ལ། པདྨ་ཆེན་པོའི་ཕྱེ་མས་གཏོར་ན། འཇིམ་པ་བཞག་ལ་སྣོད་ཀྱི་ངོ་བོ་ཇི་ལྟར་འདོད་པ་བཞིན་བྱ་སྟེ། སྣོད་ངོ་བོ་དངུལ་ལས་བྱས་པའམ། གསེར་ལས་བྱས་པའམ། ཟངས་ལས་བྱས་པའམ། ལྕགས་ལས་བྱས་པའམ། ལྕགས་ལྔ་ལས་བྱས་པ་རིན་པོ་ཆེ་བཟང་པོ་སྣ་ཚོགས་ཀྱིས་སྦྲས་པ་ཇི་ལྟ་བ་དེ་ལྟ་བུའི་སྣོད་བཀྲ་བ་རྣམ་པ་སྣ་ཚོགས་དག་འབྱུང་བར་འགྱུར་ལ། ཉོ་ཚོང་བྱེད་པ་ཡང་འབྱུང་སྟེ། རིན་ཆེན་པོས་ཚོང་བྱེད་དོ། །ཡུངས་ཀར་གྱི་ཕྱེ་མ་དང ། པདྨའི་ཕྱེ་མ་ལྷན་ཅིག་སྦྱར་ནས་ཚོང་འདུས་ཀྱི་དབུས་སུ་གཏོར་ན། ཀུན་ཏུ་ཟོང་བཀྲམ་པའི་སྣོད་མི་སྣང་བར་བྱས་པ་ཐམས་ཅད་སྣང་བར་བྱེད་དོ། །ཐག་པའི་སྟེང་དུ་གཏོར་ན་སྦྲུལ་ཆེན་པོ་སྟོན་ཏོ། །ཁྱིམ་དང ། ར་བའི་ངོས་དང ། སྒོ་དང ། ཤིང་སྦྱར་བ་དང ། ཀ་བའི་སྟེང་དུ་གཏོར་ན། ཁང་པ་དང ། ར་བ་དང ། འཁོར་གྱི་ཁྱམས་རྣམས་སྤྲུལ་དུ་སྟོན་ཏོ། །ཇི་སྲིད་དུ་ཆུ་དང་ཡུངས་ཀར་གྱིས་བཟློག་པ་མ་བྱས་པ་དེ་སྲིད་དུ་སྤྲུལ་པ་རྣམས་འདུག་གོ་།བཟློག་པ་བྱས་ན། མི་སྣང་བར་འགྱུར་རོ། ། Ba159a ༄#། །གཙུག་ལག་ཁང་ངམ། ལྷའི་གནས་སམ། ཁང་བཟང་གི་ངོས་ལ་གཏོར་ན། སྦྲུལ་ཆེན་པོར་སྣང་ངོ ། །ལྷའི་སྟེང་དུ་གཏོར་ལ་མིག་སྨན་གྱིས་བསྐུ། རིལ་བུས་ཐིག་ལེ་བྱས་ན། ལྷའི་གཟུགས་བརྙན་དེ་ཀུ་ཅོ་འདོན་ཅིང་འགྲོ་སྟེ། གར་འདོད་པ་དེར་འགྲོའོ། །བཟློག་པ་བྱས་ན། ཕྱིར་འདུག་གོ་།སངས་རྒྱས་ཀྱི་སྐུ་གཟུགས་ཀྱི་ཞབས་ལ་བྱུགས་ལ་ཕྱེ་མས་གཏོར་ན། སངས་རྒྱས་ཀྱི་སྐུ་གཟུགས་གཡོ་བར་མཛད། བཞུད་པར་མཛད་དོ། །འཇུག་པར་མཛད་དོ། །འཆག་པར་མཛད་དོ། །ཙནྡན་ལ་བཟླས་བརྗོད་བྱས་ནས་བདུགས་ན། ཕྱིར་བཞུགས་སོ། །བུམ་པ་སྦྲང་རྩིས་བསྐུས་པ་རྣམས་ལ་གཏོར་ན། གཡོ་བར་བྱེད་དོ། །ཇི་ཙམ་དུ་ཕྱིར་བཟློག་པ་མ་བྱས་པ་དེ་ཙམ་དུ་གཡོའོ། །ཆུ་དང་ཡུངས་ཀར་གྱིས་བཟློག་ན། ཕྱིར་འདུག་གོ་།དེ་ནས་རྡོ་རྗེ་བསྐྱོད་པར་འདོད་ན། སྤོས་ཀྱི་དཀྱིལ་འཁོར་བྱས་ལ་མེ་ཏོག་བཀྲམ་སྟེ་གུ་གུལ་གྱི་བདུག་པས་བདུག་།དེ་ཡང་ཡུངས་ཀར་དང་ཕྱེ་མ་དང་བཅས་པ་གཏོར་ལ་དོན་ཡོད་པའི་རྒྱལ་པོ་ལན་བདུན་བཟླས་བརྗོད་བྱས་ན། རྡོ་རྗེ་དཀྱིལ་འཁོར་ལས་ལངས་ནས་ནམ་མཁའ་ལ་འགྲོ་བར་བྱེད་དོ། །འཕར་བར་བྱེད། འདུག་པར་བྱེད། འབར་བར་བྱེད་ཅིང ། ཕན་ཚུན་འགྲོ་བར་བྱེད། མཐོ་བར་འགྲོ་བར་བྱེད། དམའ་བར་འགྲོ་བར་བྱེད། རྣམ་པར་འགྲོ་ Ba159b བར་བྱེད། འབར་བ་ཆེན་པོས་འབར་བར་བྱེད་དེ། ཇི་སྲིད་དུ་ཟློག་པ་མ་བྱས་པ་དེ་སྲིད་དུ་ནམ་མཁའ་ལ་འགྲོའོ། །ཆུ་དང་ཡུངས་ཀར་གྱིས་བཟློག་པ་བྱས་ན། དེ་ཉིད་དུ་སྣང་ངོ ། ། དེ་ནས་འཁོར་ལོ་བསྐྱོད་པར་འདོད་ན། དཀྱིལ་འཁོར་གྲུ་བཞི་པ་བྱས་ལ་སྤོས་སྣ་ཚོགས་ཀྱིས་བྲིས་ནས་མེ་ཏོག་སྣ་ཚོགས་དགྲམ་པར་ཡང་བྱ། གུ་གུལ་གྱི་བདུག་པས་ཀྱང་བདུགས་ནས་འཁོར་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་ཏིལ་མར་གྱི་རྒྱལ་པོས་བསྐུ། ཕྱེ་མས་བསྐུ། ལྟེ་བའི་དབུས་སུ་ཐིག་ལེ་བྱས་ནས་དཀྱིལ་འཁོར་གྱི་དབུས་སུ་གཞག་པར་བྱ། དེ་ལ་ཡང་ཡུངས་ཀར་དང ། པདྨ་ཆེན་པོའི་ཕྱེ་མས་གདབ་པར་བྱ། འཁོར་ལོ་ཀུན་ནས་གུ་གུལ་གྱི་བདུག་པས་བདུག་ཅིང་སེ་གོལ་གྱི་སྒྲ་ཡང་བྱས་ན། འཁོར་ལོ་དེ་དཀྱིལ་འཁོར་ལས་ལངས་ནས་ནམ་མཁའ་ལ་འཕར་ཞིང་སྡང་བ་ཐམས་ཅད་ལ་འབབ་པར་བྱེད་དེ། གལ་ཏེ་གཡུལ་འགྱེད་པར་འབབ་ན། དེའི་ཚེ་དགྲ་ཐམས་ཅད་ཀྱི་མགོ་གཅོད་པར་བྱེད། སྡང་བ་ཐམས་ཅད་དང ། ཕྱིར་རྒོལ་བ་ཐམས་ཅད་ལ་བབ་ན། འཇིག་པར་བྱེད། བགེགས་ཐམས་ཅད་ལ་འབབ་པ་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། བརྗེད་བྱེད་དང ། གདོན་རྣམས་ལ་འབབ་པ་དང ། ཀླུ་སྡང་བ་ཐམས་ཅད་ལ་བབ་ན། འཇིག་པར་བྱེད་དེ། ཇི་སྲིད་དུ་ཟློག་པ་མ་བྱས་ Ba160a ༄#། །པ་དེ་སྲིད་དུ་འཕར་རོ། །ཆུ་དང་ཡུངས་ཀར་གྱིས་བཟློག་པ་བྱས་ན། སླར་དཀྱིལ་འཁོར་ལ་འདུག་གོ་།མདུང་རྩེ་གསུམ་པ་བསྐྱོད་བར་འདོད་ན། དཀྱིལ་འཁོར་བྱས་ལ་ཐོད་པ་གཞག་པར་བྱ། མེ་ཏོག་དགྲམ་པ་ཡང་བྱ། གུ་གུལ་གྱི་བདུག་པས་ཀྱང་བདུགས་ལ། མདུང་རྩེ་གསུམ་པ་ལ་ཏིལ་མར་གྱི་རྒྱལ་པོས་བསྐུ། ཕྱེ་མས་གདབ་ཅིང་ཐིག་ལེ་བྱ། རྩེའི་རྒྱུན་གསུམ་ལ་པདྨ་ཆེན་པོའི་ཕྱེ་མས་གཏོར་ནས་ཐོད་པའི་སྟེང་དུ་གཞག་པར་བྱ། ཡུངས་ཀར་གྱིས་གཏོར་ཞིང་ཧཱུཾ་ཞེས་སེ་གོལ་བྱས་\?\་ན་མདུང་རྩེ་གསུམ་པ་འབར་བར་བྱེད། ལྡང་བར་བྱེད། ནམ་མཁའ་ལ་འགྲོ་བར་བྱེད། ཀུན་ཏུ་འབར་བར་བྱེད། འགྲོ་བར་བྱེད། ཕྱོགས་བཅུར་འཕར་བར་བྱེད་དེ། ཇི་སྲིད་དུ་ཟློག་པ་མ་བྱས་པ་དེ་སྲིད་དུ་འཕར་བར་བྱེད་དོ། །ཆུ་དང་ཡུངས་ཀར་གྱིས་བཟློག་པ་བྱས་ན། སླར་དཀྱིལ་འཁོར་ལ་འདུག་གོ་།དུང་ལ་ཏིལ་མར་གྱིས་བྱུགས་ལ་ཕྱེ་མས་གཏོར་ལ་ཐིག་ལེ་བྱ། ཡུངས་ཀར་གྱིས་ཀྱང་ཕྱི་ནང་གཏོར་ལ་བུས་ན། ཇི་སྲིད་དུ་སྒྲ་ཐོས་པ་དེ་སྲིད་ཀྱི་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་བྲོ་རྡུང་བར་བྱེད། རྒྱུག་པར་བྱེད། མཆོད་པར་བྱེད་ཅིང ། ཕྱོགས་བཅུར་རབ་ཏུ་རྒྱུག་པར་བྱེད་དོ། །གཡུལ་ངོར་བུས་ན། འགྱེད་པའི་མི་ཐམས་ཅད་དང ། Ba160b མཚོན་ཆ་ཐམས་ཅད་དང ། གོ་ཆ་ཐམས་ཅད་བཏང་ནས་བྲོ་རྡུང་བར་བྱེད། གཅེར་བུར་འབྱུང་བར་བྱེད། ཕྱོགས་བཅུར་རྒྱུག་པར་བྱེད་དོ། །གལ་ཏེ་དུང་ལན་བདུན་བུས་ན། ཕྱིར་རྒོལ་བ་དང ། ཕ་རོལ་གྱི་དམག་ཚོགས་དེས་ཉོན་མོངས་པ་སྐྱེད་པར་འགྱུར། ཇི་སྲིད་དུ་ཟློག་པ་མ་བྱས་པ་དེ་སྲིད་མཆོད་ཞིང་ཕྱོགས་བཅུར་རྒྱུག་གོ་།སྦོས་ཆུས་བཟློག་ཅིང་ཁྲུས་བྱས་ན། ཕྱིར་བདེ་བར་གནས་པར་འགྱུར་ལ། རྟག་ཏུ་རྒྱལ་བ་དང ། དཔལ་གྱི་མཆོག་སྦྱིན་པར་འགྱུར་རོ། །དེ་ནས་སྒྱུ་མ་དེ་ཁོ་ན་ཉིད་སྒྲུབ་པའི་གསང་སྔགས་དང ། རྣམ་པར་འཕྲུལ་པའི་དངོས་གྲུབ་ཀྱི་དཀྱིལ་འཁོར་བཤད་པར་བྱ་སྟེ། སྒྱུ་འཕྲུལ་གྱི་དྲ་བ་རྣམ་པར་འཕྲུལ་བའི་དཀྱིལ་འཁོར་གང་དུ་དཀྱིལ་འཁོར་ཡོངས་སུ་རྫོགས་ཤིང ། ཀུན་ནས་རྒྱན་པར་ཡུངས་ཀར་དང ། ཏིལ་མར་གྱི་རྒྱལ་པོ་དང ། ཕྱེ་མར་བསྲེས་པས་བྱུགས་པ་དང ། ཐིག་ལེས་ཀྱང་དབང་བསྐུར་ཅིང་པདྨ་ཆེན་པོའི་ཕྱེ་མས་བྱུགས་ལ་ལག་པ་པདྨའི་ཕྱག་རྒྱ་དང ། ཧཱུཾ་ཞེས་བྱ་བའི་སྒྲ་བརྗོད་ན། བརྗོད་པ་ཙམ་དང ། ཡུངས་ཀར་གྱིས་གཏོར་བའི་མོད་ལ་གཏོར་མའི་སྣོད་དང ། སྣོད་རྫ་མ་དང ། བུམ་པ་དང ། བུམ་པ་བཀང་པ་ཐམས་ཅད་དང ། མཚོན་ཆ་ཐམས་ཅད་དང ། དཀྱིལ་འཁོར་གྱི་སྟེང་ནས་ནམ་མཁའ་ལ་སོར་བཞི་ཙམ་གྱིས་སྒྲགས་ཏེ་འདུག་ལ་ཇི་སྲིད་དུ་དཀྱིལ་འཁོར་གྱི་ལས་སུ་བྱ་བ་ Ba161a ༄#། །ཐམས་ཅད་རྫོགས་རྫོགས་ཀྱི་བར་དུ་ནམ་མཁའ་ལ་འདུག་གོ་།རིག་སྔགས་འཆང་བ་སའི་སྟེང་གི་སོར་བཞི་ཙམ་གྱི་ཚད་ཀྱི་སྟེང་གི་ནམ་མཁའ་ལ་འདུག་གོ་།ལས་སུ་བྱ་བ་ཐམས་ཅད་ཟིན་ནས་དཀྱིལ་འཁོར་གྱི་ཡོ་བྱད་དྲི་ཆབ་ཀྱི་ཆོ་གས་དབང་བསྐུར་ན། གཏོར་མ་དང ། སྣོད་རྫ་མ་དང ། བུམ་པ་དང ། བུམ་བུ་ཐམས་ཅད་རང་ཉིད་འཕར་བར་བྱེད་ལ་སླར་ཡང་རང་གི་གནས་སུ་འདུག་གོ་།གོ་ཆ་དེ་ལྟ་བུ་ནི། དཀྱིལ་འཁོར་ཐམས་ཅད་ལ་བྱ་སྟེ། ཐམས་ཅད་དུ་ཡོན་ཏན་སྟོན་པར་སྣང་ལ།་བྱས་པ་ཙམ་གྱིས་ལས་ཐམས་ཅད་སྒྲུབ་པར་འགྱུར་ཏེ། ཐེ་ཚོམ་མི་བྱའོ། །ཞེས་བཤད་དོ། །དེའི་ཕྱིར་པདྨའི་དངོས་གྲུབ་བཤད་པར་བྱ་སྟེ། གསེར་རམ། དངུལ་ལམ། ཟངས་ལས་ཤིན་ཏུ་ལེགས་ཤིང་མཛེས་པ་སྙིང་པོ་དང ། ཟེ་བ་དང་བཅས་ཤིང་སྡོང་བུ་ཚད་དང་ལྡན་པར་བྱས་ལ། འདབ་མ་ཕྱེད་ཁ་ཕྱེ་བ་འཁོར་བར་འདབ་མ་དྲུག་ཅུ་རྩ་བཞི་ཡོད་པ་ཁྲུ་གང་ཙམ་གྱི་ཚད་སྡོང་བུ་དང ། སྙིང་པོ་དང ། ཟེ་བའི་ཚད་སོར་བཞི་ཙམ་དུ་བྱས་པ་ལ་ཏིལ་མར་གྱི་རྒྱལ་པོས་བསྐུ། པདྨའི་ཕྱེ་མ་དང ། མིག་སྨན་དང ། མིག་བསྐུ་བ་དང ། ཐིག་ལེར་བྱས་པ་དང་བཅས་པས་ཀུན་ལེགས་པར་བསྐུས་ལ། པདྨའི་སྡོང་བུའི་བར་དུ་ནོར་བུ་རིན་པོ་ཆེ་བཞག་ནས་ལན་སྟོང་རྩ་བརྒྱད་ Ba161b བཟླས་བརྗོད་བྱ། ཁྲོ་བོའི་རྒྱལ་བོས་ལན་བདུན་གྱི་བར་དུ་དབང་བསྐུར་ནས་རིག་སྔགས་འཆང་གཙང་མ་ལེགས་པར་ཁྲུས་བྱས་ལ་གོས་གཙང་མ་བགོས་པས་ཏིལ་མར་གྱིས་བདག་ཉིད་ལ་བསྐུ་བར་བྱ། མིག་བསྐུ་བ་དང ། ཐིག་ལེ་དང ། བདུག་པས་བདག་ཉིད་ཀྱིས་ལུས་ལ་བདུག་པར་བྱའོ། །ལག་པ་གཡས་པ་ལ་ནོར་བུ་གདགས། ལག་པ་གཡོན་པར་པདྨ་བཟུང་ལ་བཅོམ་ལྡན་འདས་ཀྱི་སྤྱན་སྔར་འདུག་སྟེ་འཁོར་གྱི་ནང་དུ་བཅོམ་ལྡན་འདས་ལ་པདྨའི་མཆོད་པ་འབུམ་བྱ་སྟེ། པདྨ་འབུམ་འབྱུང་བར་འགྱུར་རོ། །མཆོད་པའི་ཆོ་ག་བྱས་ནས་ཆུ་དང ། ཡུངས་ཀར་གྱིས་བཏབ་ན་ཡང་འབྱུང་བར་འགྱུར་རོ། །པདྨ་སྤྲུལ་པ་གང་ཡིན་པ་དེ་དག་ཐམས་ཅད་ཆུའི་ནང་དུ་པོར་ན། པདྨ་མགལ་མེ་བསྐོར་བ་ལྟར་འཁོར་བར་འགྱུར་ལ། པདྨ་འབུམ་རྣམས་ཆར་དུ་འབབ་པར་འགྱུར་རོ། །པདྨའི་ཆུའི་ནང་དུ་གཞག་པར་བྱ་བ་ནི། མཚོ་བྲན་ནམ། ལྟེང་ཀའམ། ཆུ་བོའམ། ཆུ་བོ་ཆེན་པོའམ། འོབས་སམ། རྫིང་ངམ། མཚོའི་ནང་གང་རུང་བའི་གནས་སུ་བཞག་ན། གནས་དེ་དང་དེ་ཐམས་ཅད་དུ་པདྨའི་མཚོ་ཆེན་པོ་འབྱུང་སྟེ། ཇི་སྲིད་དུ་པདྨ་མ་ཕྱུང་བ་དེ་སྲིད་དུ་དུས་རྟག་ཏུ་པདྨའི་མཚོར་འདུག་སྟེ། སྟོན་ཀའམ། དགུན་ནམ། དཔྱིད་དམ། སོས་ཀ་ཚ་བའི་དུས་སུ་རྟག་ཏུ་པདྨའི་མཚོར་འདུག་གོ་།ཚལ་གྱི་འགྲམ་དུ་ཞུགས་ནས་ཡུངས་ཀར་ Ba162a ༄#། །ལ་ཏིལ་མར་གྱིས་བསྐུས་པ་ཕྱེ་མ་དང་སྦྱར་ནས་མེ་ཏོག་གང་ཡང་རུང་བ་ཞིག་ལག་གིས་བཟུང་སྟེ་བསྐོར་ལ་ཡུངས་ཀར་གྱིས་གཏོར་ན། ཚལ་གྱི་མཐའི་ཤིང་ཐམས་ཅད་ལ་མེ་ཏོག་རྒྱས་པར་སྣང་ངོ ། །དགེ་འདུན་གྱི་ནང་ངམ། ཚོགས་པའི་ནང་ངམ། རྒྱལ་པོའི་ཕོ་བྲང་འཁོར་རམ། སྐྱེ་བོའི་ནང་དུ་མེ་ཏོག་ཇི་སྙེད་པ་ལག་གིས་བསྐོར་ལ་ཡུངས་ཀར་གྱིས་གཏོར་ན། མེ་ཏོག་མང་པོ་འབྱུང་བར་འགྱུར་རོ། །ཆུ་དང་ཡུངས་ཀར་གྱིས་ཐམས་ཅད་དུ་ཟློག་པར་བྱེད་པ་ཡིན་ནོ། །འབྲས་བུ་ཇི་སྙེད་པ་ལག་གིས་བཟུང་ནས་ཡུངས་ཀར་གྱིས་གཏོར་ན། འབྲས་བུའི་ཆར་འབབ་པར་འགྱུར་རོ། །གོས་ལག་པས་བཟུང་ནས་ཡུངས་ཀར་གྱིས་གཏོར་ཏེ་བསྐོར་ན། གོས་དང་བླ་རེ་སྣ་ཚོགས་སྟོན་པར་བྱེད་དོ། །རྒྱན་ལག་པས་བཟུང་ནས་ཡུངས་ཀར་གྱིས་གཏོར་ན། ལྷའི་རྒྱན་བཟང་པོ་སྣ་ཚོགས་པ་ལག་ཏུ་འབྱུང་བར་འགྱུར་ཞིང་སྐྱེ་བོ་འདུས་པ་ཐམས་ཅད་ཀྱི་རྒྱན་དུ་བྱེད་ལ། ཐམས་ཅད་ལ་རྒྱན་བཏགས་པར་འགྱུར་རོ། །ཡུངས་ཀར་དང ། ཆུས་བཟློག་པར་བྱའོ། །ཡུངས་ཀར་ལ་ཏིལ་མར་གྱིས་བསྐུས། ཕྱེ་མས་བསྒོ། །གིའུ་ཝང་དང ། གུར་གུམ་དང ། ཤིང་ཀུན་དང ། སྣུ་ཧཝའི་འོ་མས་ཀྱང་བསྒོས་ལ་དེ་དག་གཅིག་ཏུ་བྱས་ནས་གྲིབ་མ་ལ་བསྐམ་མོ། །དེ་ནས་འབྲས་བུ་གཅིག་ Ba162b ཁར་བཅུག་ལ་ཕྱོགས་བཞིར་གཏོར་ན། ཁ་ནས་མེ་འབར་བར་སྣང་ཞིང་ལུས་ལས་འབར་བ་སྣ་ཚོགས་འབྱུང་བར་སྣང་སྟེ། ཇི་སྲིད་དུ་ཡུངས་ཀར་ཁ་ན་ཡོད་པའི་བར་དུ་ལུས་ལས་འོད་ཟེར་འབར་བ་ཁ་དོག་རྣམ་པ་སྣ་ཚོགས་འབྱུང་ངོ ། །ཏིལ་མར་དང་ལྷན་ཅིག་བཏགས་པའི་སྙིང་པོར་བྱ། ཀོང་བུར་ཏིལ་མར་གྱི་རྒྱལ་པོས་བཀང་སྟེ་མར་མེ་འབུམ་སྟོན་པར་བྱེད་དོ། །མེ་ཐབ་ཁུང་བུའི་ནང་དུ་བཅུག་ན། ཇི་སྲིད་དུ་མ་ཕྱུང་བ་དེ་སྲིད་དུ་མེ་འབར་བར་སྟོན་ཏེ། །མར་མེའི་སྡོང་བུའི་ནང་དུ་བཅུག་ལ་མ་ཕྱུང་ན། རྟག་ཏུ་འབར་རོ། ། མགལ་མེ་འབར་བའི་ནང་དུ་བཅུག་ན། འབར་བའི་འཕྲེང་བ་འབུམ་སྙེད་དུ་སྣང་ངོ ། །གཏོར་མའི་རྫ་མ་དང ། བུམ་པའི་ནང་དུ་གཏོར་ན། གཏོར་མའི་རྫ་མ་དང ། བུམ་པ་ཐམས་ཅད་འབར་བར་སྣང་ངོ ། །ལག་ཆ་དང ། མཚོན་ཆ་ཐམས་ཅད་ལ་བྱུགས་ན། གཅིག་ཏུ་འབར་བར་འགྱུར་རོ། །བདག་ཉིད་ཀྱི་ལུས་ལ་བྱུགས་ལ་རིལ་བུ་གཙང་མ་སྤྱི་བོར་བཞག་ན། ལུས་ཐམས་ཅད་གཅིག་ཏུ་འབར་བར་སྣང་བ་ནས་ལུས་རིལ་བསྲེགས་པ་ལྟར་སྣང་ངོ ། །འོ་མ་དང་ཡུངས་ཀར་གྱིས་གཏོར་ན། ལུས་སླར་སྣང་བར་འགྱུར་རོ། །ལག་པ་དང་རྐང་པ་ལ་བསྐུས་ལ་རིལ་བུ་གཙང་མ་འབར་བ་ལག་པ་གཡས་པས་བཟུང་བའམ། རྐང་པའི་མཐེ་བོས་བཟུང་ན། ལག་པ་དང ། རྐང་པ་གཅིག་པུ་འབར་བ་དང ། འབྲེལ་བར་སྣང་ངོ ། །འདུས་ Ba163a ༄#། །པའི་ནང་ངམ། སྐྱེ་བོ་འདུས་པ་མང་པོའམ། རྒྱལ་པོའི་འཁོར་རམ། སྡེ་ཅན་གྱི་ནང་ངམ། རིག་བྱེད་བཞིའི་ནང་ཐམས་ཅད་དུ་ཡན་ལག་ཉམས་པར་སྣང་ངོ ། །དྲི་ཆབ་དང་ཡུངས་ཀར་གྱིས་གཏོར་ན། ལུས་སླར་རྫོགས་པར་འགྱུར་རོ། །མཚན་མོའི་རིལ་བུ་བསྲེགས་བ་ལམ་གྱི་བཞི་མདོར་བཞག་ནས་ཡུངས་ཀར་གྱིས་ཕྱོགས་བཞིར་གཏོར་ན། མར་མེ་འབུམ་ཕྲག་བྱེ་བ་སྣང་ངོ ། །ཀུན་ནས་ཕྱོགས་བཞིར་ཆུ་དང་ཡུངས་ཀར་གྱིས་བཟློག་པར་བྱ་བ་ཡིན་ནོ། །ཚལ་ཆེན་པོའི་མཐའ་དང ། ནང་དུ་གཏོར་ལ་ཤིང་གཅིག་ལ་རིལ་བུ་གཙང་མ་བཞག་ན། ཤིང་དང ། རྩཝ་དང ། ཤིང་གེལ་པ་དང ། འདབ་མ་དང ། ལོ་མ་ཐམས་ཅད་གཅིག་ཏུ་འབར་བར་སྣང་ངོ ། །རིའི་རྩེ་མོར་མར་མེ་བུས་ནས་རི་ཀུན་ཏུ་གཏོར་ན། རི་ཀུན་ནས་གཅིག་ཏུ་འབར་ཞིང་མཆེད་པར་སྣང་ལ་སེམས་ཅན་ཐམས་ཅད་ཀུན་ནས་ངོ་མཚར་དུ་འཛིན་པར་འགྱུར་རོ། །རྐུན་མ་དང ། གཡོན་ཅན་དང ། གནོད་བྱེད་དང ། ཕ་རོལ་གྱི་དམག་ཚོགས་དང ། སྡང་བ་དང ། ཕྱིར་རྒོལ་བ་དང ། ཕས་ཀྱི་དགྲ་ཐམས་ཅད་དང ། སྡང་སེམས་ཅན་ནས་རི་དྭགས་གཏུམ་པོ་དང ། བྱ་ལ་སོགས་པའི་བར་རི་ལ་གནས་པ་རྣམས་དེའི་མཚན་མོ་ཉིད་ཕྱོགས་བཅུ་ཀུན་ཏུ་བྲོས་ཤིང་ཧ་ཧ་ཞེས་བྱ་བའི་སྒྲ་འབྱིན་ཏོ། །སྤོས་ཆབ་ཀྱིས་བཟློག་པར་ Ba163b འགྱུར་རོ། །གཟུགས་བརྙན་གྱི་སྟེང་དུ་གཏོར་ལ་གཙང་མའི་རིལ་བུ་འབར་བར་བཞག་ན། གཟུགས་བརྙན་ཐམས་ཅད་གཅིག་ཏུ་འབར་བར་འགྱུར་ཏེ། སྤོས་ཆུ་དང ། ཡུངས་ཀར་གྱིས་བཟློག་པར་འགྱུར་རོ། །མར་མེའི་རིལ་བུ་གྲོང་ཁྱེར་གྱི་ཤར་ཕྱོགས་ཀྱི་སྒོར་སྦར་སྟེ་གནས་གཙང་མར་བཞག་།དཀྱིལ་འཁོར་གཅིག་བྱས་ནས་གཏོར་མའི་ཆོ་ག་བུམ་པ་བཀང་བ་བཞག་།གྲོང་ཁྱེར་ཀུན་ཏུ་ཡུངས་ཀར་གྱིས་གཏོར་ཞིང་དོན་ཡོད་པའི་རྒྱལ་པོ་ཡང་དྲན་པར་བྱས་ན། གྲོང་ཁྱེར་ཀུན་ནས་མར་མེའི་ཕྲེང་བ་འབར་བ་གཅིག་ཏུ་སྣང་ངོ ། །གྲོང་ཁྱེར་གྱི་སྒོ་བཞིར་དཀྱིལ་འཁོར་གྱི་ཆོ་ག་བྱས་ལ་ཤར་ཕྱོགས་ཀྱི་སྒོ་ནས་ཞུགས་ན། གང་གྲོང་ཁྱེར་ན་གནས་པ་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དེ་དག་ཐམས་ཅད་དགའ་བ་ཆེན་པོ་རྒྱ་ཆེ་བས་ཚིམ་པར་འགྱུར་རོ། །གྲོང་ཁྱེར་དེ་ན་གང་སྡང་བའི་སེམས་ཅན་ཕྱིར་རྒོལ་བ་དང ། ཕས་ཀྱི་དགྲ་དང ། ཆོམ་རྐུན་དང ། གཡོན་ཅན་དང ། གནོད་བྱེད་དང ། གླགས་ཚོལ་བར་གྱུར་པ་གནོད་སྦྱིན་དང ། སྲིན་པོ་དང ། ཡི་དྭགས་དང ། ཤ་ཟ་དང ། བརྗེད་བྱེད་དང ། མི་མ་ཡིན་པ་གང་ཡང་རུང་བ་གྲོང་ཁྱེར་དེ་ན་གནས་པ་དེ་དག་ལང་ལོང་དུ་གྱུར་ཅིང་གདུགས་ལ་ངུ་ཞིང་ཧ་ཧ་ཞེས་སྒྲ་འབྱིན་ཅིང་གྲོང་ཁྱེར་གྱི་སྒོར་བྱུང་ནས་ཕྱོགས་བཅུར་རབ་ཏུ་འབྲོས་སོ། །གྲོང་ཁྱེར་དེ་ཡང་ཀུན་ནས་ Ba164a ༄#། །གནོད་པ་མེད་ཅིང་འཁྲུག་པ་མེད་པར་འགྱུར། འཇིགས་པ་དང ། གནོད་པ་དང ། ནད་འགོ་བ་དང ། འཁྲུག་པ་ཐམས་ཅད་དང ། ནད་ཐམས་ཅད་རབ་ཏུ་ཞི་བར་འགྱུར། མཚན་མོ་འདས་ནས་སྤོས་ཆུ་དང ། ཡུངས་ཀར་གྱིས་གྲོང་ཁྱེར་གྱིས་སྒོར་གཏོར་ཞིང་དབང་བསྐུར་ན། བཟློག་པར་འགྱུར་རོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། །བམ་པོ་བཅུ་དགུ་པ། ལྡོང་རོས་དང ། མཐིང་ཤུན་གྱི་ཕྱེ་མ་དང ། ཡུངས་ཀར་དང ། མ་ཧཱ་ཏཻ་ལ་དང ། རྒའི་འོ་མ་དང ། ཕ་གུའི་འོ་མ་དང་གཅིག་ཏུ་སྦྱར་རོ། །ཉའི་མིག་མཁྲིས་པ་དང་བཅས་པ་དང ། ནཱ་ག་པུས་པ་དང ། པདྨའི་ཆུ་རྣམས་ཀྱང་ལྷན་ཅིག་ཏུ་ཕྱེ་མས་ཞིབ་མོར་བྱའོ། ། ཕྱེ་མ་སྔ་མ་ལེགས་པར་སྦྱར་ལ་ཆུས་རིལ་བུར་བྱས་པ་དང ། ཕྱེ་མས་གཞན་ཡང་བཅང་ངོ ། །ཕྱེ་མས་འདི་དང ། པདྨ་ཆེན་པོའི་ཕྱེ་མ་བཅང་བ་ལྷན་ཅིག་ཏུ་བསྲེས་པའི་ཕྱེ་མས་ལུས་བསྐུས་ལ་ཕྱོགས་བཞིར་ཡུངས་ཀར་གཏོར་ཏེ། རིལ་བུ་ཁར་བཅུག་ལ་ཧཱུཾ་ཞེས་བྱ་བ་བསྡམས་ཏེ་བརྗོད་ན། དེའི་ལུས་ལས་ཆུ་འཛག་ཅིང ། དེ་ཁོ་ན་བཞིན་དུ་རྣ་བ་གཉིས་ཀྱང་ལྷ་རྫས་ཀྱི་ཆུ་འབྱུང་བར་སྣང ། ལུས་ལས་སྤོས་ཀྱི་རིགས་ཡིད་དུ་འོང་བ་རབ་ཏུ་སིམ་པར་བྱེད་པ་འབྱུང་བ་ནི། ནད་ཐམས་ཅད་གྲུབ་པར་སྣང་ Ba164b སྟེ།་རྒྱལ་བའི་ཕྱག་བཞིན་ནོ། །ཡུངས་ཀར་གྱི་ཕྱེ་མ་བླངས་ཏེ་ནམ་མཁའ་ལ་གཏོར་ལ་རིལ་བུ་ལག་པས་བསྐོར་ན། ཆར་ཆེན་པོ་འབབ་པར་འགྱུར་རོ། །རིལ་བུ་ནམ་མཁའ་ལ་འཕངས་ན། མི་འབབ་བོ། །གཡུལ་ཆེན་པོ་འགྱེད་པའི་ནང་དུ་ཕྱེ་མ་དེ་ཡུངས་ཀར་དང་བསྲེས་ཏེ་ནམ་མཁའ་ལ་གཏོར་ལ་རིལ་བུ་དེ་ཡང་ཁར་བཅུག་སྟེ་སྟེང་དུ་བལྟས་ལ་ཧཱུཾ་ཞེས་བྱ་བའི་སྒྲས་པོས་ལ་གནམ་ལྕགས་ཆེན་པོ་འབབ་སྟེ་ཡིད་མི་འཆད་པ་དང ། སྡུག་བསྔལ་བསྐྱེད་པར་འགྱུར་རོ། །ཆུའི་ནང་དུ་ཞུགས་ཏེ་ཕྱེ་མ་དེ་གཏོར་ལ་ཡུངས་ཀར་དང ། རིལ་བུ་ཆུའི་ནང་དུ་གདབ་པར་བྱ། ཕྱོགས་བཞིར་ཡུངས་ཀར་གཏོར་ཏེ་ཏིལ་མར་གྱིས་ལུས་ལ་བསྐུས་ན། ཀླུ་ཆེན་པོའི་གཟུགས་སུ་སྣང་ངོ ། །རིལ་བུ་དང་ཡུངས་ཀར་མེའི་མདོག་ལྟ་བུ་ཆུ་དང་བསྲེས་པའི་ཡུངས་ཀར་ནམ་མཁའ་ལ་གཏོར་ན། འབྲུག་སྒྲ་ཆེན་པོ་འབྱུང་ཞིང་གློག་ཆེན་པོ་གསལ་བ་སྣང་བར་འགྱུར་རོ། །ཆུའི་ནང་ནས་འབྱུང་ན། མི་སྣང་བར་འགྱུར་རོ། །ཁྲོན་པའི་ནང་དུ་འབབ་ན། ཆུ་ལུང་ནས་ཕྱོགས་ཀུན་ཏུ་འབབ་པར་འགྱུར་རོ། །རྫ་མའམ། བུམ་པའམ། རྫིའུ་འམ། རིལ་བ་ཕྲྀངྒ་རའམ། རིལ་བ་ལ་ཕྱེ་མས་བྱུགས་ཏེ། དེའི་སྟེང་དུ་ཡུངས་ཀར་གྱིས་གཏོར་ནས་ཆུས་བཀང་སྟེ་ཁྲུས་བྱས་ན། དེ་ཆུ་འབབ་པར་སྣང་ཞིང་དེའི་སྣོད་ནི། མི་སྣང་བར་འགྱུར་རོ། །གཞན་ཡང་དགོས་པ་ Ba165a ༄#། །མང་པོ་བྱེད་དེ་མཆོག་ཏུ་གྲུབ་པ་ཡིན་ནོ། །དེ་ནས་རི་ཆེན་པོའི་འབྲུ་མར་གྱི་རྒྱལ་པོ་བྱས་ཏེ་འབྲུ་མར་གཞན་དང ། དེ་བཞིན་དུ་ཏིལ་ལས་བྱས་འབྲུ་མར་གྱི་རྒྱལ་པོ་དེ་བཞིན་དུ་སྦྱར་རོ། །ལག་པ་དང་རྐང་པ་བཞག་ལ་འདིར་ཉམས་དྲོད་ཀྱང་ཤེས་པར་བྱའོ། །བཞག་པ་ཐམས་ཅད་ཉམས་དྲོད་ཤེས་པར་བྱ་བ་ནི། མར་སར་བཞིན་དུ་འཇམ་པར་འགྱུར་ཞིང་སྐད་ཅིག་དེ་ཉིད་ལ་མཐོ་བ་དང ། དམའ་བ་ཇི་ལྟར་ཡིད་ལ་འདོད་པ་བཞིན་དུ་རི་ཡང་འགྱུར་རོ། །སྙིང་པོ་ཐུར་མ་འདྲ་བ་དང ། ཟླུམ་པོའམ།་ཡང་ན་ལྕུག་མ་ལྟ་བུར་བྱས་པས་ཀ་བ་ཡང་འདུད་པ་དང ། རི་ཡང་དམའ་བའམ། ཡང་ན་མཐོན་པོར་འགྱུར་བར་བྱེད་དོ། །ཡུངས་ཀར་དང་པདྨ་ཆེན་པོའི་ཕྱེ་མ་ལྷན་ཅིག་བསྲེས་པ་འབྲུ་མར་གྱི་རྒྱལ་པོས་བསྒོས་པ་ཕྱོགས་བཞིར་ཀུན་ཏུ་གཏོར་ན། རི་ཐམས་ཅད་མི་སྣང་ཞིང་འབྲོག་དགོན་པ་སྣང་བར་འགྱུར་རོ། །ཡང་རི་བོར་སྣང་བར་འགྱུར་རོ། །ཡང་ན། མིས་བགྲོད་པར་མི་ནུས་པའི་རིའི་རྩེ་མོ་ན་སེངྒེ་དང ། སྟག་གི་གང་ལྕུག་མ་དང་ཚེར་མ་ཅན་གྱི་ཤིང་ལྗོན་པ་སྣ་ཚོགས་ཀྱིས་གང་བའམ། རྩུབ་པའམ།་དུམ་བུའམ། ཁོང་སྟོང་དུ་སྣང་བར་འགྱུར་རོ། །ཅི་སྟེ་རིག་སྔགས་འཆང་འཕགས་པ་སྤྱན་རས་གཟིགས་དབང་ཕྱུག་གི་ཕོ་བྲང་རི་བོ་པོ་ཏ་ལའི་གཞལ་མེད་ཁང་ Ba165b མཐོང་བར་འདོད་ན། དེ་ནས་རིག་སྔགས་འཆང་གིས་ཞག་བདུན་གྱི་ངར་དུ་ནས་ཀྱི་འོ་ཐུག་གི་ཟས་ཟོས་ཏེ་གཙང་མ་ཤིན་ཏུ་ཁྲུས་བྱས་པ་གོས་གཙང་མ་བགོས་པས་རིའི་གསེབ་ཏུ་ཞུགས་ལ། ས་ཕྱོགས་གཙང་མའི་གནས་དེར་ཤིང་དྲི་ཞིམ་པོའི་མེ་སྦར་བ་ལ་ཡུངས་ཀར་ཕྱེ་མ་དང་བསྲེས་པ་འབྲུ་མར་གྱི་རྒྱལ་པོ་དང་སྦྱར་ལ་འབྲས་སོ་བ་དང་བསྲེས་པ་སྟོང་རྩ་བརྒྱད་ཞག་བདུན་དུ་དུས་གསུམ་དུ་སྦྱིན་སྲེག་བྱའོ། །ལྷ་བཤོས་དང་གཏོར་མ་དཀར་པོ་འབུལ་ལོ། །དེ་ནས་རིག་སྔགས་འཆང་གིས་ཚེས་བརྒྱད་ལ་ཉིན་ཞག་གཅིག་སྨྱུང་བ་བྱས་ལ་ཤིན་ཏུ་ཁྲུས་བྱས་པ་གཙང་མས་སྤོས་སྣ་ཚོགས་ཀྱིས་ལུས་བསྐུས། གོས་བཟང་པོ་གཙང་མ་བགོས་ཏེ་འབྲུ་མར་གྱི་རྒྱལ་པོས་རང་གི་ལུས་ལ་བསྐུས། ཕྱེ་མས་ལུས་བྱུགས། མིག་སྨན་གྱིས་མིག་བསྐུས། ཐིག་ལེ་བྱས་ལ་ནོར་བུས་མགོ་བཅིང་ཞིང་མགུལ་བ་དང ། དཔུང་པ་དང ། རྐེད་པར་ཡང་བཅིངས་ལ་ཡུངས་ཀར་དང་མཚལ་བསྲེས་པས་རེའི་ཕྱོགས་བཞིར་གཏོར་བར་བྱ། པདྨ་ཆེན་པོའི་ཕྱེ་མ་དེ་ཡང་ཕྱོགས་བཞིར་གཏོར། རང་གི་ལག་པ་གཡོན་པས་ཞགས་པ་དང ། པདྨ་བཟུང་ཞིང་གཡས་པས་རྣམ་པར་ལྟ་བ་བསྣང་བ་དང ། དོན་ཡོད་པ་ཆེན་པོས་དྲི་མ་མེད་པའི་ཕྱག་རྒྱ་བཟུང་སྟེ། དོན་ཡོད་པའི་ཞགས་པའི་མདོ་ལན་གཅིག་བཟླས་བརྗོད་བྱས་ན། ཇི་ལྟར་དོན་ཡོད་པའི་ཞགས་པའི་ Ba166a ༄#། །མདོ་སྡེ་བཤད་པ་ལས་བསྟན་པ་དེ་ལྟར་རི་བོ་པོ་ཊ་ལའི་གཞལ་མེད་ཁང་མཐོང་བར་འགྱུར་རོ། །རིག་སྔགས་འཆང་དེ་ཡང་འཕགས་པ་སྤྱན་རས་གཟིགས་དབང་ཕྱུག་གི་གཟུགས་སུ་སྣང་བར་འགྱུར་རོ། །ཇི་ལྟར་རི་བོ་པོ་ཊ་ལའི་གཞལ་མེད་ཁང་བཞིན་དུ་རི་དེ་ལ་ཡང་གཞལ་མེད་ཁང་སྣང་སྟེ། རི་དེ་ལ་རིན་པོ་ཆེའི་ཤིང་ལྗོན་པ་སྣ་ཚོགས་སྣང་ངོ ། །མེ་ཏོག་སྣ་ཚོགས་ཀྱི་གཞལ་མེད་ཁང་སྣང་ངོ ། །སཱ་ལ་དང ། ཏཱ་ལ་དང ། ཏཱ་མ་ལ་དང ། ཙམ་པ་ཀ་དང ། ་ཤོ་ཀ་དང ། ་དྷི་མུཀྟ་ཀ་དང ། བ་རི་ཤ་ཀ་དང ། ཀ་དམ་པ་དང ། ནཱི་ལ་དང ། པ་ཊ་ལ་དང ། པ་ལཱ་ཤ་དང ། ུ་དུམ་བ་ར་དང ། དོང་ཀའི་མེ་ཏོག་སྣ་ཚོགས་དང ། སྣ་མའི་མེ་ཏོག་དང ། ཏ་ར་ཎ་དང ། ན་ལ་མ་ལི་ཀ་དང ། ཀུ་བ་བྱ་ཀ་སྣ་ཚོགས་སྣང་བར་འགྱུར་རོ། །བྱའི་ཚོགས་སྣ་ཚོགས་ཀྱིས་ལེགས་པར་བརྒྱན་པ་དང ། རི་དྭགས་ཀྱི་ཚོགས་སྣ་ཚོགས་ཀྱིས་གང་བ་སྣང་བར་འགྱུར་རོ། །གང་གི་ཚེ་ཕྱིར་བསྡུ་བ་བྱེད་པར་འདོད་པ་དེའི་ཚེ་གནས་གཞན་དུ་འགྲོ་བར་བྱའོ། །གཞན་ཡང་དགོས་པ་སྣ་ཚོགས་ལ་རང་གི་བློ་གྲོས་ལ་ཇི་ལྟར་སྣང་བ་བཞིན་བྱའོ། །དགོས་པ་ཐམས་ཅད་ལ་རབ་ཏུ་སྦྱར་བ་ནི། བཀླགས་པ་ཙམ་གྱིས་འགྲུབ་པར་འགྱུར་རོ། །དོན་ཡོད་པའི་ཞགས་པ་ཆེན་པོའི་དཀྱིལ་འཁོར་གྱི་རིག་ Ba166b སྔགས་འཆང་གི་ཆོ་ག་གསང་བའོ།། །།དོན་ཡོད་པའི་སྒྱུ་མ་རྣམ་པར་འཕྲུལ་བ་ཞེས་བྱ་བའི་སྒྲུབ་པའི་ཆོ་ག་ནི། དེ་ནས་དེའི་འོག་ཏུ་ཕྱག་རྒྱ་བྲི་བའི་དཀྱིལ་འཁོར་བཤད་པར་བྱ་སྟེ། རྟགས་མཚོན་ཕྱག་རྒྱའི་དེ་ཉིད་ནི། །པདྨ་རྒྱས་དང་སྣ་ཚོགས་མཚོན། །པདྨ་ཁ་ནི་ཕྱེད་བྱེ་བ། །ཕྱག་དག་ན་ནི་རབ་ཏུ་འཛིན། །ཕྱག་གཉིས་ཕྱུང་ཞིང་བརྐྱང་ནས་ཀྱང་།། བསྐུམ་པའམ་འཛིན་སྟངས་དེ་ཉིད་ཀྱིས། །ཀུན་ནས་ཕྲེང་བ་འབར་བའི་རྟགས། །མཚོན་ཆ་ཕྱག་རྒྱ་བསྣམས་པ་ནི། འདི་ལྟ་སྟེ། རལ་གྲི་དང ། མདུང་ཐུང་དང ། མདའ་པོ་ཆེ་དང ། མདུང་རྩེ་གསུམ་པ་དང ། ཡིད་བཞིན་གྱི་ནོར་བུ་དང ། རྒྱལ་མཚན་དང ། རྡོ་རྗེ་དང ། རྡོ་རྗེ་ཕྲེང་ཟླུམ་དང ། ལས་ཀྱི་རྡོ་རྗེ་དང ། ཟུར་གསུམ་མ་ཞེས་བྱ་བ་དང ། འཁོར་ལོ་དང ། དུང་དང ། ཐོ་བ་དང ། ཞགས་པ་དང ། དགྲ་སྟ་དང ། དབྱུག་ཐོ་དང ། མེ་ཏོག་གི་ཐུམ་པོ་དང ། བུམ་པ་གང་བ་དང ། རིན་པོ་ཆེའི་སྣོད་དང ། པདྨའི་ཕྲེང་དང ། རྡོ་རྗེ་ཕྲེང་ཟླུམ་དང ། ུཏྤ་ལའི་ཕྲེང་བ་དང ། མེ་ཏོག་གི་ཕྲེང་བ་དང ། པདྨ་དང ། ུཏྤ་ལ་དང ། ཟླ་བ་དང ། རི་རབ་དང ། མེ་ལོང་དང ། ཀླུ་དང ། མཆོད་ཕྱིར་ཐོགས་དང ། ཟླ་བ་དང ། ཉི་མའི་རྒྱལ་མཚན་དང ། གདུགས་དང ། བེ་ཅོན་དང ། གཤིན་རྗེའི་བེ་ཅོན་དང ། ཆུ་སྲིན་གྱི་ཁ་དང ། སྔགས་དེའི་ཕྲེང་བ་དང ། མདུང་རྩེ་གསུམ་པའི་ཕྲེང་ཟླུམ་དང ། བསྡིགས་པ་དང ། Ba167a ༄#། །བསྒྱིངས་པ་དང ། དབུགས་འབྱིན་པ་དང ། མི་འཇིགས་པ་དང ། མཆོག་སྦྱིན་པ་དང ། ཐལ་མོ་སྦྱར་བ་དང ། གླེགས་བམ་བསྣམས་པ་དང ། མཁར་གསིལ་དང ། ལྷུང་བཟེད་དང ། གདུགས་དང ། དབུ་རྒྱན་དང ། ནོར་བུ་བརྒྱུས་པ་དང ། གསེར་སྐུད་དང ། མུ་ཏིག་གི་ཕྲེང་བ་དང ། གདུ་བུ་དང ། དཔུང་རྒྱན་དང ། རྣ་ཆ་དང ། མེའི་ཐབ་ཁུང་ངོ ། །ཀུན་ནས་འབར་ཕྲེང་ཕྱག་རྒྱ་དེ། །སྣ་ཚོགས་རྨད་དུ་བྱུང་བས་སྨྲས། །མཚོན་ཆ་སྣ་ཚོགས་བསྣམས་པ་ཡི། །པདྨ་འཛིན་ལ་རབ་ཏུ་གནས། །རས་ལ་བྲིས་པའམ་དཀྱིལ་འཁོར་རམ། །རྩིག་པའམ་གང་ཡང་རུང་བ་ལ། །ཚོན་རྩི་རྣམ་པ་སྣ་ཚོགས་ཀྱིས། །གང་དུ་བྲིས་པ་མཐོང་བ་དེ། ངན་འགྲོ་སེམས་ཅན་དམྱལ་བར་ནི། །ཕྱིར་ཡང་འགྲོ་བར་མི་འགྱུར་རོ། །འཇིག་རྟེན་དབང་གིས་རྟག་མཆོག་སྦྱིན། །སྡིག་པ་ཐམས་ཅད་རྣམ་པར་སྤངས། །གང་ཞིག་ཉེས་བྱས་མི་བཟད་པ། །མཚམས་མེད་ལྔ་པོ་བྱེད་པ་ཉིད། །མནར་མེད་པ་ཡི་གནས་དང་ནི། །དམྱལ་བ་གཞན་དུ་གཞོལ་པ་གང ། །ཕྱག་རྒྱ་དེ་དག་མཐོང་ཙམ་གྱིས། །འགྲོ་བ་ཐམས་ཅད་ཟད་པར་འགྱུར། །སྐྱེ་དང་འཆི་ལས་རྣམ་པར་གྲོལ། །འཁོར་བའི་རྒྱ་མཚོ་རྒལ་བར་འགྱུར། །དེ་དག་སྐྱེ་བ་ཕྱིར་མར་ནི། །ཕྱིར་ཡང་མངལ་གྱིས་མི་གོས་ཏེ། །ཡང་དང་ཡང་དུ་པདྨ་ལས། །བརྫུས་ཏེ་སྐྱེ་བ་དག་ Ba167b ཏུ་འགྱུར། །རྟག་ཏུ་བདེ་བ་ཅན་དུ་འགྲོ། །གང་ན་འདྲེན་པ་ཚེ་དཔག་མེད། །བཞུགས་པའི་སྤྱན་སྔར་རྟག་ཏུ་དེར། །སྐྱེ་འགྱུར་ཐེ་ཚོམ་མི་ཟ་ཞིང ། །དོན་རྣམས་བདེ་བར་འགྲུབ་འགྱུར་ཞིང ། །རིག་སྔགས་སྣ་ཚོགས་བདེ་བར་འགྲུབ། །དེ་བར་དཀྱིལ་འཁོར་འགྲུབ་འགྱུར་ཞིང ། །རྟག་ཏུ་མི་ལྡོག་ས་ནས་འགྱུར། །ཕྱག་རྒྱ་འདི་དག་མཐོང་ཙམ་གྱིས། །སངས་རྒྱས་བྱང་ཆུབ་དང་མཉམ་འགྱུར། །དུས་གསུམ་གཤེགས་པའི་སངས་རྒྱས་ལ། །བླ་མེད་དགེ་རྩ་བསྐྱེད་པར་འགྱུར། །འཇིག་རྟེན་འདི་དང་ཕ་རོལ་ཏུ། །བསོད་ནམས་ཕུང་པོ་ཆེན་པོ་འཐོབ། །དེ་ནས་དཀྱིལ་འཁོར་རབ་བཤད་པ། །དེ་ཉིད་འགྲུབ་པའི་ཕྱག་རྒྱ་རྣམས། །འཇིག་རྟེན་འདི་དང་ཕ་རོལ་ཏུ། །འདོད་པ་ཐམས་ཅད་རབ་ཏུ་སྦྱིན། །སྡིག་པ་ཐམས་ཅད་མོད་ལ་སེལ། །གང་ཞིག་མཚམས་མེད་བྱེད་པ་དག་།མི་བཟད་མནར་མེད་གནས་པ་ཡི། །སྡིག་པ་ཐམས་ཅད་འཇིག་པར་འགྱུར། །དམྱལ་བའི་སྒོ་རྣམས་བཅད་ནས་ནི། །མཐོ་རིས་སྒོ་ཕྱེ་ཐེ་ཚོམ་མེད། །སྒོ་ཕྱེ་གྱུར་པ་རྣམས་ལ་ནི། །སངས་རྒྱས་ཞིང་རྣམས་སྣང་བར་འགྱུར། །དེ་བཞིན་གཤེགས་པ་ཐམས་ཅད་ཀྱིས་དགོངས་པ། མགོན་པོ་འཇིག་རྟེན་དབང་ཕྱུག་གི་ཕྱག་རྒྱའི་དཀྱིལ་འཁོར་མཐོང་བ་ཙམ་གྱིས་སེམས་ཅན་ཕྱིར་མི་ལྡོག་པར་འགྱུར་རོ། །ཕྱག་རྒྱའི་དཀྱིལ་འཁོར་འདི་མཐོང་ན། ཤི་འཕོས་པའི་མོད་ལ་བདེ་བ་ཅན་དུ་སྐྱེ་བར་ Ba168a ༄#། །འགྱུར་རོ། །དཀྱིལ་འཁོར་འདིར་ཞུགས་པ་ཙམ་གྱིས་གང་ན་ཐུབ་པ་འདྲེན་པ་འོད་དཔག་མེད་བཞུགས་པའི་ཕོ་བྲང་དུ་མྱུར་དུ་འཇུག་པར་འགྱུར་རོ། ། དཀྱིལ་འཁོར་གྲུ་བཞི་ལྷམ་པ་ལ། །ཀུན་ནས་ཆ་ནི་མཛེས་པར་བྱ། །གྲུ་བཞི་གོ་ལའི་ཚད་ཙམ་ལ། །སྒོ་བཞི་ཐེམ་སྐས་བཞི་ཡིས་བརྒྱན། །ཤིན་ཏུ་ལེགས་པར་བསྐུས་དང་ལྡན། །འཇམ་ཞིང་མཉེན་ལ་མཉམ་པ་ཡི། །ས་ཡི་ཆ་དང་ལྡན་པ་ལ། །དཀྱིལ་འཁོར་ཤེས་རབ་ཅན་གྱིས་དབྱེ། །དཀྱིལ་འཁོར་དེ་ཉིད་ཐིག་བཏབ་ལ། །ཕྱག་རྒྱ་བྲི་བ་རྣམ་པར་དབྱེ། །ཕྱོགས་བཞིའི་ཆ་ནི་མཉམ་པ་ཡི། །དབུས་ན་དཀྱིལ་འཁོར་སྙིང་པོ་ཡིན། །གྲུ་བཞི་པ་ལ་ཀུན་ནས་ཁ་ཁྱེར་གྱི་རྣམ་པ་དང ། མདུང་རྩེ་གསུམ་པའི་ཕྲེང་བ་རྣམ་པར་དབྱེའོ། །གྲུ་བཞི་པའི་དབུས་སུ་ཕྱག་རྒྱ་དོན་ཡོད་པའི་ཞགས་པའི་ཕྱག་རྒྱ་ཀུན་ནས་འབར་བ་བླ་ན་མེད་པ་དང ། ཕྱག་རྒྱ་རྒྱན་གྱིས་བརྒྱན་པ་ཚོན་རྩི་སྣ་ཚོགས་ཀྱིས་བྲིའོ། །དབུས་ཀྱིས་དཀྱིལ་འཁོར་གྱི་ཕྱི་རོལ་གྱི་ཕྱག་རྒྱ་བྲི་བ་ཡང་ཤིན་ཏུ་འབྱིན་པར་བྱའོ། །དཀྱིལ་འཁོར་ཀུན་ནས་གོས་དང ། བ་དན་དང ། རྒྱལ་མཚན་གྱིས་བརྒྱན་ལ་ཀུན་ཏུ་ཡུངས་ཀར་དཀར་པོ་གཏོར་རོ། །ཕྱག་རྒྱའི་དཀྱིལ་འཁོར་གྱི་ཕྱི་རོལ་གྱི་གནས་སུ་ཕྱོགས་བཞི་ཀུན་ཏུ་བྱ་བ་ནི། བ་ལང་གི་ལྕི་བ་ས་དང་བསྲེས་པས་ཤིན་ཏུ་ལེགས་ Ba168b པར་བྱུགས་པ་དང་ལྡན་པ་ལ་ཚོན་རྩིའི་ཕྱེ་མས་ཁ་ཁྱེར་གྱི་རྣམ་པ་དང ། ཀུན་ནས་པདྨའི་ཕྲེང་བ་ཆེན་པོ་དང ། མཚོན་ཆ་བྲིས་ལ་འདིའི་སྒོ་བཞི་ཡང་རྣམ་པར་འབྱེས་པར་བྲིའོ། །ཇི་ལྟར་ཕྱག་རྒྱ་དང་མཐུན་པའི་རོ་སྣ་ཚོགས་ཀྱིས་གཏོར་མ་གཞག་པར་བྱ་སྟེ། ཕྱག་རྒྱ་རེ་རེ་ལ་ཡང་མཆོད་ཡོན་ཕུལ་ལ་དབྱིབ་མོ་དང ། ཕྲུ་བ་དང ། བུམ་པ་དང ། ཁམ་ཕོར་དང ། རྫེའུ་གཏོར་མས་བཀང་ལ་གཞག་གོ་།ཀུན་ཏུ་བུམ་པ་གང་བ་དང ། །བདུག་སྤོས་ཀྱི་ནི་སྣོད་དག་དང ། །མེ་ཏོག་འབྲས་བུ་སྣ་ཚོགས་དང ། །གཏོར་མ་དཀར་པོ་དག་གིས་བཀང ། །མེ་ཏོག་རྣམ་པར་བཀྲམ་བྱས་ལ། །ཀུན་ཏུ་ཕྲེང་བས་གཞག་པར་བྱ། །ཕྲེང་བ་བཟང་པོ་བཞག་ནས་ཀྱང ། །དེ་བཞིན་ཀུན་ཏུ་བདུག་སྤོས་དབུལ། ། ག་རུ་དང་ཙནྡན་དང ། དུ་རུ་ཀ་དང ། ས་ལ་ཀི་དང ། སྤྲི་ཀ་དང ། གུ་གུལ་དང ། སྲ་རྩི་པོག་དང ། སྒྲོན་ཤིང་དང ། གླ་རྩི་དང ། ག་པུར་གྱི་བདུག་པ་འདི་དག་གིས་བདུགས་ལ། གཏོར་མ་དང ། མེ་ཏོག་དང ། ལྷ་བཤོས་དབུལ་ལོ། །ཕྱག་རྒྱའི་དཀྱིལ་འཁོར་དུ་འཇུག་པས་དོན་ཡོད་པའི་རྒྱལ་པོ་དྲན་པར་བྱས་ཏེ་བསྐོར་ལ་ཕྱག་རྒྱའི་དཀྱིལ་འཁོར་ལ་ཕྱག་བྱ་ཞིང་ཕྱག་རྒྱ་ཐམས་ཅད་ལ་མེ་ཏོག་བཀྲམ་ཞིང་མེ་ཏོག་གཏོར་རོ། །གང་ཕྱག་རྒྱའི་དེ་ཁོ་ན་ཉིད་གསང་བ་འདི་དང ། ཕྱག་རྒྱའི་དཀྱིལ་འཁོར་འདི་སྒྲུབ་པ་གང་ Ba169a ༄#། །དགོས་པ་ལ་སྔར་དཀྱིལ་འཁོར་ཕྱག་རྒྱ་དང་བཅས་པ་ལ་མཆོག་ཏུ་མཛེས་པར་བྱས་ལ། ཕྱིས་ལས་ཐམས་ཅད་བྱའོ། །རིག་སྔགས་འཆང་བ་གཙང་མ་ཡིས། །གཙང་མ་ཡི་ནི་གོས་བགོས་ལ། །ཇི་ལྟར་དཀྱིལ་འཁོར་ཆོ་ག་བཞིན། །དཀྱིལ་འཁོར་དུ་ནི་གཞུག་པར་བྱ། །ཇི་ལྟར་དཀྱིལ་འཁོར་ལ་བགོས་པ། ། དེ་བཞིན་དུ་ནི་ལས་བྱའོ། །ཕྱག་རྒྱའི་དཀྱིལ་འཁོར་བླ་མེད་པ། །དཀྱིལ་འཁོར་འདིར་ནི་ཞུགས་ཙམ་གྱིས། །ཐུབ་པ་སྣང་མཛད་ཀྱིས་གསུངས་པའི། །སྤྱི་ཡི་རིགས་ནི་ཐམས་ཅད་དུ། །ཕྱག་རྒྱ་དཀྲིགས་དང་གཏམས་རྣམས་ཀྱིས། །དམ་ཚིག་ཀུན་ཏུ་ཤེས་པར་འགྱུར། །སྤྱི་རིགས་ཀུན་གྱི་ཆོ་ག་ཡིས། །དམ་ཚིག་རྗེས་ཞུགས་དེ་བཞིན་ནོ། །དཀྱིལ་འཁོར་ཀུན་ཏུ་ཞུགས་པ་དང ། །རྒྱལ་བས་ལུང་ནི་བསྟན་པར་འགྱུར། །ཀུན་གཟིགས་དེ་བཞིན་གཤེགས་པ་ཡིས། །ཕྱག་ནི་སྤྱི་བོར་འཇོག་པར་མཛད། ། ཆོས་ཀྱི་རོ་ནི་བདུད་རྩི་ཡི། །གཟི་བརྗིད་མོད་ལ་འཇུག་པར་འགྱུར། །རྣམ་སྣང་མཛད་གསུང་དཀྱིལ་འཁོར་དུ། །དོན་ཡོད་དངོས་གྲུབ་སྩོལ་བ་མཛད། །ཕྱག་རྒྱའི་དཀྱིལ་འཁོར་གང་བཞུགས་པ། །ཀུན་ཏུ་སྤྱི་ཡི་རིགས་རྣམས་ཀྱི། །དོན་ཡོད་དངོས་གྲུབ་མཆོག་མྱུར་ཐོབ། །སངས་རྒྱས་བྱེ་བ་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་ཕྲག་ Ba169b དགུ་བཅུ་རྩ་དགུའི་དེ་བཞིན་གཤེགས་པའི་དྲུང་དུ་དགེ་བའི་རྩ་བ་བསྐྱེད་པར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་ཏེ། ཡོན་ཏན་གྱི་ཕན་ཡོན་འདི་དག་ནི། ཚེ་འདི་ཡིན་པར་ཁོང་དུ་ཆུད་པར་བྱའོ། །བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེས་པར་འགྱུར་རོ། །ཚེ་རབས་སུ་ཚེ་རབས་དྲན་ཞིང་འོད་ཟེར་བྱེ་བ་འབར་བའི་ལུས་དང་ལྡན་ཞིང ། ཚེ་བསྐལ་པ་བརྒྱ་སྟོང་དཔག་ཏུ་མེད་པར་འགྱུར་རོ། །ཡོན་ཏན་ཐམས་ཅད་དྲི་མ་མེད་པར་སྣང་བ་དོན་ཡོད་པའི་རྣམ་པར་འཕྲུལ་པ་བསྟན་པ་བཀོད་པ་ཞེས་བྱ་བའི་ཏིང་ངེ་འཛིན་འཐོབ་སྟེ། གང་ཏིང་ངེ་འཛིན་ཐོབ་པས་སྒྱུ་མ་ཆེན་པོ་ལྟ་བུའི་རྣམ་པར་འཕྲུལ་པའི་རྫུ་འཕྲུལ་གྱི་ཆོ་འཕྲུལ་སྟོན་པར་བྱེད་དོ། ། དཀྱིལ་འཁོར་ཐམས་ཅད་ཀྱི་ལྷའི་སྤྱིའི་རིགས་དེ་བཞིན་གཤེགས་པའི་རིགས་ཀྱི་བྱིན་གྱི་རླབས་ཀྱིས་རྗེས་སུ་འཇུག་པར་འགྱུར་རོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། ལྟོ་འཕྱེ་ཆེན་པོ་དང ། མི་དང་མི་མ་ཡིན་པ་ཐམས་ཅད་དབང་དུ་གྱུར་ནས་རྟག་ཏུ་རྗེས་སུ་འབྲང་བར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་དཀྱིལ་འཁོར་རྣམས་འབྱོར་བ་གཟིགས་ནས་སྲུང་བ་དང ། སྐྱོབ་པ་དང ། སྦ་བ་མཛད་པར་འགྱུར་རོ། །སེམས་ཅན་ Ba170a ༄#། །ཐམས་ཅད་ཕྱི་བཞིན་འབྲང་ཞིང་མཆོད་པ་ཆེན་པོ་བྱེད་པར་འགྱུར་རོ། །རྒྱལ་པོ་བཙུན་མོ་དང ། འཁོར་དང་བཅས་པ་རྣམས་ཀྱིས་མཆོད་པའི་འོས་ཆེན་པོར་འགྱུར་རོ། །སེམས་ཅན་ཐམས་ཅད་གཅིག་ཏུ་བླ་མར་བྱེད་པར་འགྱུར་རོ། །ནད་ཐམས་ཅད་མེད་པར་འགྱུར་རོ། །སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །མཚན་མ་བྲི་བའི་ཕྱག་རྒྱའི་དཀྱིལ་འཁོར་གྱི་ཆོ་གའོ།། །།དེ་ནས་སྦྱིན་སྲེག་གི་ཆོ་གའི་དཀྱིལ་འཁོར་བཤད་པར་བྱ་སྟེ། རིག་སྔགས་འཆང་བ་རྣམ་དག་གི་།འདི་ཉིད་སྒྲུབ་པ་བསྒྲུབ་པའི་ཕྱིར། །སྤྱི་ཡི་རིགས་རྣམས་ཐམས་ཅད་ཀྱི། །ཆོ་ག་ཞིབ་མོ་བླ་མེད་ཡིན། །གང་གིས་སྦྱིན་སྲེག་བྱས་ཙམ་གྱིས། །ཕྱོགས་ཀུན་རྣམ་པར་གཟིགས་པ་ཡིན། །དེ་བཞིན་གཤེགས་ནས་བྱོན་འགྱུར་ཞིང ། །བྱང་ཆུབ་སེམས་དཔའ་དགོངས་པར་འགྱུར། །རིགས་རྣམས་དངོས་གྲུབ་རྗེས་སྩོལ་ཅིང ། །རྟག་ཏུ་སྲུང་བ་མཛད་པར་འགྱུར། །མགོན་པོ་འཕགས་པ་སྤྱན་རས་གཟིགས། །ཐེ་ཚོམ་མེད་པར་མྱུར་དུ་བྱོན། །མགོན་པོ་འཁོར་བཅས་གནས་ཉིད་ན། །རང་གི་གཟུགས་སུ་མཐོང་བར་འགྱུར། །འདོད་པ་ཐམས་ཅད་རྟག་ཏུ་སྩོལ། །རྟག་ཏུ་མཆོག་ནི་སྩོལ་བ་ཉིད། །ཉིན་དང་མཚན་དུ་རྟག་པར་ནི། །རྣམ་པར་གཟིགས་འགྱུར་ཐེ་ཚོམ་མེད། ། Ba170b དཀྱིལ་འཁོར་བཤད་པར་བྱ་སྟེ། དཀྱིལ་འཁོར་གྲུ་བཞི་ཤིན་ཏུ་མཛེས་པར་བྱ་བ་ནི། རྒྱ་ཆེན་པོ་ཀོ་ལའི་ཚད་ཙམ་ལ་ལེགས་པར་བྱུགས་པ། ཤིན་ཏུ་འཇམ་པ། ཤིན་ཏུ་གསལ་བ། གྲུ་བཞི་སྒོ་བཞི་དང ། ཐེམ་སྐས་བཞི་དང་ལྡན་པ། རྣམ་པར་འབྱེས་པ། མཆོག་ཏུ་མཛེས་པ། དབུས་ཀྱི་དཀྱིལ་འཁོར་གྱི་སྙིང་པོར་ཡང་བྱའོ། །མེ་ཡི་གནས་ཀྱི་དཀྱིལ་འཁོར་ནི། །གྲུ་བཞི་ཉིད་ཀྱི་རྣམ་པ་ལ། །ཀུན་ནས་ཐེམ་སྐས་བཞི་དག་དང ། །སྟེང་དུ་གྲ་ནི་བཞི་པ་བྱ། །རྟག་ཏུ་པདྨའི་སྙིང་པོ་དང ། །སྙིང་པོ་རྒྱས་པའི་སྟེང་དུ་ཡང ། ། ཀུན་ནས་འདབ་མ་མཛེས་པར་བྱ། །གྲ་བཞིར་པདྨའི་ཕྲེང་བ་བྱ། །དེ་བཞིན་དུ་གྲ་གཉིས་ཀར་རྡོ་རྗེ་པདྨ་དང་བཅས་པའོ། །གསུམ་པར་མདུང་རྩེ་གསུམ་པདྨ་དང་བཅས་པའོ། ། བཞི་པར་འཁོར་ལོ་པདྨ་དང་བཅས་པའོ། །ལྔ་པར་བུམ་པ་གང་བ་གཞག་གོ་།སྣ་ཚོགས་ཚོན་གྱིས་རྣམ་མཛེས་པའི། །ཀུན་ནས་འདབ་མའི་མྱུ་གུ་བྱ། །རིན་ཆེན་སྣོད་ནི་བཀང་བ་དང ། །མེ་ཏོག་ཕྲེང་དང་ངང་པ་དང ། །ཕྱེ་མ་པདྨར་བཅས་པ་དང ། །དེ་བཞིན་མེ་ཏོག་རིགས་དག་ཉིད། །དེ་བཞིན་སྣ་ཚོགས་བརྒྱན་པ་འོ། །ནུབ་ཀྱི་གནས་དག་གྲ་དག་ཏུ། །པདྨའི་འདབ་མ་ཨུཏྤལ་བཅས། །བུམ་པ་དུར་བས་བཀང་བ་བྲི། །རྩ་བའི་བུམ་པ་དབུ་མ་ལ། །འདིར་ནི་ཁ་ཁྱེར་ཐིག་ཀྱང་གདབ། །དེ་ནས་དཀྱིལ་འཁོར་མཛེས་བྱ་ Ba171a ༄#། །བ། །ཐིག་གིས་ཀུན་ནས་ཆ་མཉམ་ཞིང ། །སྒོ་བཞི་མཛེས་པར་བྱ་བ་ནི། །ཚོན་སྣ་ལྔ་ཡི་སྐུད་པས་གདབ། །མེ་འབར་མདོག་ཅན་བྲི་བ་ནི། །ཀུན་ནས་འབར་བའི་ཕྲེང་བ་ཅན། །གྲ་དང་གྲར་ནི་མེ་ལྷ་བྲི། །ལུས་ནི་མེ་མདོག་འབར་བ་དང ། །ལག་ན་མེ་འབར་འཛིན་པ་དང ། །མཚན་མ་སྣ་ཚོགས་གཞན་དག་ཀྱང ། །ཆོ་ག་བཞིན་དུ་བྲི་བར་བྱ། །དཀྱིལ་འཁོར་གྱི་ནི་ཆོ་ག་བཞིན། །བ་དན་མདའ་དང་སྣ་ལྔ་ཡི། །སྐུད་པས་བུམ་པ་གང་དཀྲིས་དང ། །དེ་བཞིན་བདུག་སྤོས་སྣོད་དག་གིས། །ཀུན་ནས་དཀྱིལ་འཁོར་བརྒྱན་པར་བྱ། །སྣ་ཚོགས་གཟུགས་ཅན་རྒྱ་ཆེ་ཡི། །སྣ་ཚོགས་རོ་ཡི་གཏོར་མ་གཞག་།རྫེའུ་དང་ཁམ་ཕོར་རྣམ་གསུམ་གྱི། །དཀར་པོས་བཀང་བ་གཞག་པར་བྱ། །རྫེའུ་དང་དབྱིབ་མོ་བུམ་པ་ནི། །གཏོར་མས་བཀང་པ་ཀུན་ཏུ་གཞག་།འབྲས་བུ་རྣམ་པ་སྣ་ཚོགས་གཞག་།ཀུན་ནས་མེ་ཏོག་དགྲམ་བྱ་ཞིང ། །ཕྲེང་བ་སྣ་ཚོགས་གཞག་པར་བྱ། །འབྲས་ཡོས་ཡུངས་ཀར་གཏོར་ནས་ནི། །ཀུན་ཏུ་མར་མེ་འབར་བ་དང ། །སྣ་ཚོགས་དྲི་དང་དེ་བཞིན་དུ། །དྲི་ཡི་ཕྱེ་མ་ལྷ་བཤོས་དང ། །དཀྱིལ་འཁོར་ཀུན་ལ་གཞག་པར་བྱ། །དཀྱིལ་འཁོར་དག་ནི་ཐམས་ཅད་ལ། །བླུགས་གཟར་དུར་བ་རྟག་ཏུ་གཞག་།ཤིང་ནི་ཨརྒ་ཤི་མི་དང ། །ཡུངས་ཀར་འབྲས་ནི་སོ་བ་དང་།། Ba171b ཞུན་མར་དང་ནི་མར་དཀར་དང ། །ཀུན་ཏུ་རུ་ཀ་ཙནྡན་དཀར། །སྦྱིན་སྲེག་ཆོ་གར་འདིར་བཞག་སྟེ། །དུས་གསུམ་རྟག་ཏུ་རིག་འཛིན་གྱིས། །སྦྱིན་སྲེག་བརྒྱ་རྩ་བརྒྱད་དུ་བྱ། ། རིག་པ་འཛིན་པ་གཙང་མ་ཡི། །གཙང་མ་ཡི་ནི་གོས་བགོས་ལ། །དཀར་གསུམ་གྱི་ནི་ཟས་བཟའ་ཞིང ། །གཞན་ནི་བཟའ་དང་སྤྱད་མི་བྱ། །དཀྱིལ་འཁོར་གྱི་ནི་ནུབ་སྒོ་ནས། །དཀྱིལ་འཁོར་ཤེས་པ་འཇུག་བྱ་ཞིང ། །དརྦྷའི་སྟན་ལ་སྐྱིལ་ཀྲུང་དུ། །ཤར་ཕྱོགས་ཁ་བལྟས་འདུག་པར་བྱ། །བྱམས་པའི་སེམས་ལ་མཉམ་བཞག་སྟེ། །དོན་ཡོད་རྒྱལ་པོ་དྲན་བྱ་ཞིང ། །སྔ་དྲོའི་དུས་སུ་སྦྱིན་སྲེག་བྱ། །གུང་ལ་སློབ་མ་གཞུག་བྱ་ཞིང ། །སྤྱི་ཡི་རིགས་ཀྱི་སྲེག་བླུགས་ནི། །ཕྱེ་མ་རེད་དུས་སུ་བྱ་བའོ། །གང་ཞིག་དཀྱིལ་འཁོར་དུ་ཞུགས་ལ། །སྦྱིན་སྲེག་དཀྱིལ་འཁོར་དེ་ཉིད་དང ། །གྲུབ་པ་ཀུན་ཏུ་ཆོ་ག་ཡི། །བདག་ཉིད་དབང་བསྐུར་མེ་ཀུན་གྱིས། །སྦྱིན་སྲེག་བྱེད་པའི་མཆོག་ཏུ་གསུངས། །ཀུན་ཏུ་གནས་ནི་ཐམས་ཅད་ན། །རྒྱས་པ་གནས་མཆོག་རཝ་གཅིག་དང ། །ག་ར་གེ་དེ་བཞིན་ཕུར་བུ་དང ། །མདུན་ན་འདོན་པ་མེ་ལྷ་ནི། །སྦྱིན་སྲེག་བྱེད་པ་འཇིག་རྟེན་པ།། མཚུངས་ཞེས་སྟོན་པས་ལུང་བསྟན་ཏོ། །འཇིག་རྟེན་འདས་པའི་ལས་སྒྲུབ་པ། །རིག་འཛིན་དབང་པོ་ཆེན་པོ་དང ། །ཕྱག་ན་རྡོ་རྗེ་ཚངས་པ་དང ། །ཁྱབ་འཇུག་དབང་ཕྱུག་ Ba172a ༄#། །ཆེན་པོ་དང ། །མཉམ་པ་པས་ཀྱང་ལྷག་པ་ཉིད། །མེ་ཡི་སྦྱིན་སྲེག་བྱེད་པ་ལ། །དེ་བཞིན་གཤེགས་ཀུན་བྱིན་གྱིས་རློབ། །གལ་ཏེ་ཞག་བདུན་དུས་གསུམ་དུ། །དེ་ལ་སོགས་པའི་ལས་རྣམས་ནི། །མེ་ལ་སྦྱིན་སྲེག་བྱེད་པ་ལ། །མོད་ལ་མངོན་ཤེས་ལྔ་ཐོབ་ཅེས། །དེ་སྐད་འཇིག་རྟེན་འདྲེན་པ་གསུང ། །ལས་ནི་བྱས་ནས་དེ་ནས་ནི། །སྦྱིན་སྲེག་ལས་ནི་བརྩམ་པར་བྱ། །སྲེག་བླུགས་སྦྱིན་སྲེག་བྱས་ཙམ་གྱིས། །ལས་རྣམས་ཐམས་ཅད་འགྲུབ་པར་འགྱུར། །ལྷ་རྣམས་རྟག་ཏུ་འོང་འགྱུར་ཞིང ། །དེ་བཞིན་གཤེགས་ཀུན་དགྱེས་པར་འགྱུར། །བྱང་ཆུབ་སེམས་དཔའ་བྱོན་ནས་ནི། །མོད་ལ་མཐོང་བའི་སྦྱིན་པར་མཛོད། །སྡིག་པ་ཐམས་ཅད་སྲེག་པར་འགྱུར། །ཤིན་ཏུ་མི་བཟད་སྔོན་གྱི་ལས། །སྲེག་བླུགས་ཙམ་གྱི་མོད་ལ་སྲེག་།འབར་བའི་མེ་ཡིས་ཕྱེ་ལེབ་བཞིན། །དེ་ལ་སོགས་པའི་སྡིག་པ་ནི། །སྲེག་འགྱུར་འདིར་ནི་ཐེ་ཚོམ་མེད། །སྡང་བའི་ཕྱིར་ནི་རྒོལ་ཉིད་དང ། །མི་བཟད་ཕས་ཀྱི་དགྲ་རྣམས་དང ། །ཕ་རོལ་དཔུང་གིས་འཇིགས་པ་ཉིད། །དེ་བཞིན་དུ་ཡང་རྒྱལ་པོའི་དཔུང་།། དེ་ཀུན་སྦྱིན་སྲེག་བྱས་ཙམ་གྱིས། །མི་སྣང་བར་འགྱུར་ཐེ་ཚོམ་མེད། །དེ་བཞིན་མི་ངས་གཅོད་ཀུན་དང ། །ནད་ཀུན་རབ་ཏུ་ཞི་བར་འགྱུར། །མུ་གེའི་དགོན་པའི་འཇིགས་ Ba172b ཉིད་ཀྱང ། །སྦྱིན་སྲེག་བྱས་པ་ཙམ་གྱིས་འཇིག་།གནོད་སྦྱིན་སྲིན་པོ་འབྱུང་པོ་དང ། །དེ་བཞིན་གཤེགས་དང་ལོག་འདྲེན་དང ། །ཤ་ཟ་བརྗེད་བྱེད་ཡི་དྭགས་དང ། །དེ་བཞིན་རྣམ་པ་སྣ་ཚོགས་གདོན། །འདི་ཀུན་སྦྱིན་སྲེག་བྱས་ཙམ་གྱིས། །འཇིག་པར་འགྱུར་བར་ཐེ་ཚོམ་མེད། །རྟག་ཏུ་འཇིགས་མེད་ལོ་ལེགས་ཤིང ། །གླིང་དང་བདེ་བར་འགྱུར་བ་ཡིན།། རྟག་ཏུ་སེམས་ཅན་ཐམས་ཅད་ནི། །ཀུན་ཏུ་རྒྱལ་བར་འགྱུར་བ་ཡིན། །རྒྱལ་པོ་དཔུང་དང་བཅས་པ་ཉིད། །བཙུན་མོར་བཅས་པ་ཉིད་ཀྱང་ནི། །རྟག་པར་ཀུན་ཏུ་གསལ་བར་ནི།། མི་འཇིགས་སྦྱིན་པར་ཐེ་ཚོམ་མེད། །རྟག་ཏུ་ནད་མེད་འགྱུར་བ་དང ། །དགའ་ཞིང་ཡིད་ནི་བདེ་བ་དང ། །ལུས་ཅན་དག་ནི་ཐམས་ཅད་ལ། །རྟག་ཏུ་དགའ་བར་བྱེད་ཅིང་གནས། ། རྟག་ཏུ་མེ་ཡི་ལྷ་ཉིད་ནི། །རྒྱུན་དུ་མཐོང་བར་འདོད་པ་ཡིས། །མེ་ལ་སྦྱིན་སྲེག་བྱས་ཙམ་གྱིས། །མེ་ལྷ་ཉིད་ནི་བཞུགས་གྱུར་ཏེ། །རྟག་ཏུ་ལས་ནི་ཐམས་ཅད་མཛད། །རྒྱུན་དུ་ཕྱི་བཞིན་འབྲང་བར་འགྱུར། །ལྷ་ནི་རྟག་ཏུ་འོང་འགྱུར་ཞིང ། །ཐམས་ཅད་དུ་ནི་མཐོང་བ་སྟེར། །རྒྱུ་སྐར་ཟླ་བ་ཉི་མ་དང ། །གཤིན་རྗེ་དང་ནི་ཆུ་ལྷ་དང ། །རྒྱལ་པོ་ཆེན་པོ་བཞི་པོ་དག་།དཔུང་བཅས་བཞོན་པར་བཅས་པ་ཡང ། །ཉིན་དང་མཚན་དུ་རྟག་པར་ནི། །རྗེས་འབྲང་སྲུང་འགྱུར་ཐེ་ཚོམ་མེད། །ཅི་སྟེ་རིག་སྔགས་འཆང་དོན་ཡོད་པའི་རྒྱལ་པོའི་ Ba173a ༄#། །སྙིང་པོ་སྒྲུབ་པར་འདོད་ན། རིག་སྔགས་འཆང་གཙང་མ་དེས་ཤིན་ཏུ་ཁྲུས་བྱས་ལ་གོས་གཙང་མ་བགོ་བར་བྱ། ཉིན་ཞག་གཅིག་སྨྱུང་བ་བྱ་ཞིང ། ཤིང་ཨརྒའི་ཡམ་ཤིང་སྲེག་གི་མེ་སྦར་ལ་པདྨ་དང ། ཞུན་མར་དང ། འབྲས་སོ་བའི་སྦྱིན་སྲེག་བརྒྱད་བརྒྱ་བྱས་ནས་སྲེག་བླུགས་ལན་གཅིག་བྱས་པས། མཚམས་མེད་པ་ལྔ་བྱེད་པ་ཡང་འགྲུབ་པར་འགྱུར་ཏེ། འདི་ལ་ཐེ་ཚོམ་དང ། ཡིད་གཉིས་བསྐྱེད་པར་མི་བྱའོ། །དེ་བཞིན་གཤེགས་པ་ཐམས་ཅད་ཀྱི་སྤྱིའི་རིགས་ཀྱི་དངོས་གྲུབ་འདོད་ན། རིག་སྔགས་འཆང་དེས་བྱང་ཆུབ་ཀྱི་ཤིང་གི་མེ་སྦར་ལ་རིགས་སྤྱིར་པདྨ་དང ། ུཏྤལ་སྔོན་པོ་དང ། ཡུངས་ཀར་དཀར་པོ་དང་ཞུན་མར་བསྲེས་པའི་སྦྱིན་སྲེག་བརྒྱད་བརྒྱ་བྱས་ན། དེ་བཞིན་གཤེགས་པ་ཐམས་ཅད་ཀྱི་སྤྱིའི་རིགས་ཀྱི་དངོས་གྲུབ་འཐོབ་སྟེ། ཐམས་ཅད་ཆོ་ག་ཆེན་པོ་ཞིབ་མོ་དང ། སྦྱིན་སྲེག་ཆེན་པོའི་ཆོ་གར་འགྱུར་རོ། །དེ་ནས་ཕ་རོལ་གྱི་དམག་ཚོགས་གཞོམ་པར་འདོད་ན། རིག་སྔགས་འཆང་གཙང་མ་དེས་ཤིན་ཏུ་ཁྲུས་བྱས་ལ་གོས་གཙང་མ་བགོས། སེང་ལྡེང་གི་མེ་སྦར་ལ། ཞོ་དང ། ཞུན་མར་དང ། ཡུངས་ཀར་དང ། གུ་གུལ་གྱི་སྲེག་བླུགས་ཀྱིས་སྦྱིན་སྲེག་བརྒྱད་སྟོང་བྱས་ན། དཔག་ཚད་སྟོང་ཚུན་ཆད་ཀྱི་ཕ་རོལ་གྱི་ Ba173b དམག་ཚོགས་བཅིང་བ་བྱས་པར་འགྱུར་རོ། །ཕ་རོལ་གྱི་དམག་ཚོགས་དང ། དགྲ་གཞོམ་པར་འདོད་པ་དང ། དཔུང་གཞིག་པར་འདོད་ན། དེ་ནས་རིག་སྔགས་འཆང་གིས་ཤིང་ཀར་བ་ཀའི་མེ་སྦར་ལ། སྦྲུལ་གྱི་པགས་པ་བརྗེས་པ་དང ། སྐེ་ཙེའི་ས་བོན་དང ། ལན་ཚཝ་འབྲས་སཱ་ལུ་དང་བསྲེས་པ་ཡུངས་ཀར་མར་དང་སྦྱར་བའི་སྦྱིན་སྲེག་བྱས་ན་དཔག་ཚད་སྟོང་ཚུན་ཆད་ཀྱི་ཕ་རོལ་གྱི་དམག་ཚོགས་དང ། དགྲ་ལ་གནམ་ལྕགས་ཆེན་པོ་དང ། རླུང་གྲང་མོ་འབབ་པས་ཕོངས་པ་དང ། ཡིད་མི་བདེ་བ་སྐྱེ་བར་འགྱུར། དགྲ་ཐམས་ཅད་རྣམ་པར་འཇིག་པར་འགྱུར་རོ། །ཀླུས་ཆར་འབེབས་པར་འདོད་ན། རིག་སྔགས་འཆང་དེས་ཉིན་ཞག་གཅིག་སྨྱུང་བ་བྱས་ལ། ཤིན་ཏུ་ཁྲུས་བྱས་པ་གཙང་མས་དྲི་སྣ་ཚོགས་དང ། མེ་ཏོག་ཕྲེང་བ་དང ། ཡུངས་ཀར་དང ། ཤ་ཏ་པུས་པ་ཞུན་མར་དང་སྦྱར་བའི་སྦྱིན་སྲེག་མཚན་གཅིག་ལ་དུས་གསུམ་དུ་བྱས་ན། ཀླུའི་རྒྱལ་པོས་ཆར་གྱི་རྒྱུན་ཆེན་པོ་འབེབས་ཏེ། འཛམ་བུའི་གླིང་མཐའ་དག་ཏུ་ཞག་བདུན་གྱི་བར་དུ་ཆར་འབབ་པར་འགྱུར་རོ། །ཆར་དེ་ཉིད་ཧ་ཅང་ཆེས་ན། ཐལ་བ་ནམ་མཁའ་ལ་གཏོར་ན། ཧ་ཅང་ཆེས་པ་འཆད་པར་འགྱུར་རོ། །ཡང་མེ་ལྷ་འོང་བར་འདོད་ཅིང་རང་གི་གཟུགས་སུ་མཐོང་བར་འདོད་ན། རིག་སྔགས་འཆང་གཙང་མ་དེས་ Ba174a ༄#། །གོས་གཙང་མ་བགོས་ལ་ཉིན་ཞག་གཅིག་གནས་པར་གྱུར་པས་ཤིང་སྣ་མའི་མེ་སྦར་ལ་འབྲས་སོ་བ་དང ། ཞུན་མར་དང ། བུ་རམ་ཤ་ཁར་དང་བཅས་པ་དང ། ཚ་བ་གསུམ་དང ། སྣ་མའི་མེ་ཏོག་བསྲེས་པ་བརྒྱད་སྟོང་སྦྱིན་སྲེག་བྱའོ། །བརྒྱད་སྟོང་ཚང་བ་དང ། མེ་ལྷ་མེའི་ནང་ནས་ལུས་ཕྱེད་ཕྱུང་སྟེ་འདུག་ནས་རིག་སྔགས་འཆང་ལ་ཅི་བགྱི་བཀའ་སྩོལ་ཅིག་ཅེས་ཟེར་ཞིང ། ཇི་ལྟར་རིག་སྔགས་འཆང་གི་ཆོ་གའི་དོན་དུ་འགྱུར་བ་དེ་བཞིན་དུ་སྨྲའོ། །ཐམས་ཅད་སྦྱིན་པ་ཞེས་བྱ་བ།་མཆོག་ཐམས་ཅད་སྦྱིན་པ་ཞེས་བྱ་བ། བདུད་རྩི་འབར་བ་ཞེས་བྱ་བའི་མེའི་ཁ། ཁའི་མཆོག་སྦྱིན་པར་བྱེད་དོ། །གང་བདུད་རྩི་འབར་བའི་མེའི་ཁ་ཐོབ་པས་གང་དུ་དབུགས་ཕྱུང་བ་དང ། རྡུབས་པ་དེར་མེ་འབར་བ་འབྱུང་བར་འགྱུར་རོ། །གང་དུ་ཕུ་ཞེས་བྱས་པ་དེར་མེ་འབྱུང་བར་འགྱུར་རོ། །མུན་ནག་ཏུ་དབུགས་ཕྱུང་ན། མེ་འབར་བ་སྣང་བར་འགྱུར་རོ། །ཙནྡན་དཀར་པོའི་སྦྱིན་སྲེག་སྟོང་རྩ་བརྒྱད་བྱས་པས་འཕགས་པ་སྤྱན་རས་གཟིགས་དབང་ཕྱུག་ཉིད་ཀྱི་གཟུགས་སྟོན་པར་མཛད་དོ། །ས་བོན་བདུན་གྱི་སྦྱིན་སྲེག་གིས་ནད་ཐམས་ཅད་ཞི་བར་བྱེད་དོ། །འབྲས་སོ་བའི་སྦྱིན་སྲེག་གིས་ནི། རྒྱལ་པོ་དབང་དུ་བྱེད་དོ། །ཕུབ་མ་དང་ལན་ཚཝའི་སྦྱིན་སྲེག་གིས་ནི། ཞེ་ Ba174b འགྲས་པར་བྱེད་དོ། །འབྲས་ཡོས་དང་ཡུངས་ཀར་གྱི་སྦྱིན་སྲེག་གིས་ནི། སེམས་ཅན་ཐམས་ཅད་དབང་དུ་བྱེད་དོ། །ཡུངས་ཀར་དང ། གུ་གུལ་དང ། ཞུན་མར་གྱི་སྦྱིན་སྲེག་གིས་ནི། གནོད་སྦྱིན་འགུགས་སོ། །ཀཱ་ར་བཱི་རའི་མེ་ཏོག་དང ། གུ་གུལ་ཞུན་མར་དང་སྦྱར་བའི་སྦྱིན་སྲེག་གིས་ནི། སྲིན་མོ་འགུགས་སོ། །དེ་བཞིན་དུ་འདིར་ལས་ཐམས་ཅད་བྱེད་དོ། །སྦྱིན་སྲེག་གི་དཀྱིལ་འཁོར་གྱི་ཆོ་གའོ།། །།རི་མོའི་དཀྱིལ་འཁོར་གྱི་སྒྲུབ་པའི་ཆོ་ག་བཤད་པར་བྱ་སྟེ། ཀུན་ཏུ་ཐུན་མོང་སྒྲུབ་པའི་མཆོག་།དགེ་བའི་ལས་ཀུན་བྱེད་པ་སྟེ། །སངས་རྒྱས་ཐམས་ཅད་མཐོང་འགྱུར་ཞིང ། །བླ་མེད་བསོད་ནམས་ཆེན་པོ་གསོག་།དོན་ཡོད་རྒྱལ་པོ་དེ་ཉིད་ནི། །རྣམ་པ་སྣ་ཚོགས་གཟུགས་དག་ཏུ།། འཇིག་རྟེན་འདྲེན་པ་སྣང་བར་བྱ། །མཐུ་དང་དངོས་གྲུབ་སྣ་ཚོགས་པའི། །འཇིག་རྟེན་པ་ཡི་གཟུགས་བྱ་བ། །གྲུབ་པ་སྣ་ཚོགས་བྱེད་པའི་གནས། །སོ་སོའི་གཟུགས་སུ་བྱ་བ་ནི། ། རས་སམ་ཡང་ན་དར་དག་ལ། །འཇིགས་པ་མེད་པས་གཟུགས་བྱའོ། །དོན་ཡོད་པ་ཡི་རྒྱལ་པོ་ནི། །ཁྲུ་གང་ཙམ་གྱི་ཚད་དམ་ཡང་ན་ཚད་ཤིན་ཏུ་རྣམ་པར་འབྱེད་པདྨའི་མདོག་ལྟ་བུ་ཕྱག་བརྒྱད་པ། དབུ་གསུམ་པ། དེ་བཞིན་དུ་སྤྱན་གསུམ་པ་ཞི་བའི་ཞལ་དུ་བྲི་བར་བྱ་སྟེ། དེ་བཞིན་དུ་ཞགས་པ་འཛིན་པ་དང ། པདྨ་འཛིན་པ་དང ། མདུང་རྩེ་ Ba175a ༄#། །གསུམ་པ་དང ། རིལ་བ་སྤྱི་བླུགས་འཛིན་པ་དང ། ཡིད་བཞིན་གྱི་ནོར་བུ་དང ། བེ་ཙོན་དང ། དབུགས་འབྱིན་པ་དང ། བགྲང་ཕྲེང་དང ། མེ་ཏོག་ཐུམ་པོ་འཛིན་པར་བྱའོ། །གཡོན་དུ་ནི། དཀར་མོའོ། །གཡས་སུ་འཕགས་མ་སྒྲོལ་མ་ཐལ་མོ་སྦྱར་ལ་དབུ་ཡིད་ཙམ་འདུད་པ། རྒྱན་ཐམས་ཅད་ཀྱིས་བརྒྱན་པའོ། །འཕགས་པ་སྤྱན་རས་གཟིགས་དབང་ཕྱུག་ནི། རལ་བའི་ཐོར་ཚུགས་ཅན། དབུ་རྒྱན་འོད་དཔག་མེད་ཀྱིས་བརྒྱན་པ། གཡས་ཕྱོགས་ཀྱི་དབུ་ཟླ་བ་ཚེས་པས་བརྒྱན་པ། རི་དྭགས་ཀྱི་པགས་པ་མནབས་པ། མཆོད་ཕྱིར་ཐོགས་པ། རྒྱན་ཐམས་ཅད་ཀྱིས་བརྒྱན་པ། འོད་འདོམ་གང་དང་ལྡན་པའོ། །ནང་རིམ་དུ་པདྨའི་ཕྲེང་བའོ། །རིམ་པ་གཉིས་པར་རྡོ་རྗེ་ཕྲེང་བ་ལྕགས་ཀྱུ་དང་བཅས་པར་བྱའོ། །རིམ་པ་གསུམ་པར་ནོར་བུ་རིན་པོ་ཆེའི་ཕྲེང་བ་དང ། རིན་པོ་ཆེ་སྣ་ཚོགས་མཛེས་པའོ། །རིམ་པ་བཞི་པར་མདུང་རྩེ་གསུམ་པའི་ཕྲེང་བའོ། །རིམ་པ་ལྔ་པར་ཀུན་ནས་འབར་བའི་ཕྲེང་བའོ། །སྟེང་དང་གཡས་ཕྱོགས་ཀྱི་གནས་སུ་དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་མེ་ཏོག་སྣ་ཚོགས་ཐོགས་པར་བྱའོ། །གཡོན་དུ་གཞོན་ནུ་དང ། གཤིན་རྗེ་དང ། ཆུ་ལྷ་དང ། ལུས་ངན་དང ། དབང་ཕྱུག་དང ། ལྷའི་བུ་རྣམས་བྱ་བ་ནི། མེ་ཏོག་སྣ་ཚོགས་ Ba175b ཐོགས་པར་བྱའོ། །ལྷ་མོ་སྒྲོལ་མའི་རྒྱབ་ཏུ་ཁྲོ་བོའི་རྒྱལ་པོ་དོན་ཡོད་པའི་ཞགས་པ་བྱ་བ་ནི། ཁྲོས་པ། གཏུམ་པའི་གཟུགས་འཆང་བ། ཕྱག་བཞི་པ། འབར་བའི་ནང་དུ་བཞུགས་པ། སྐུ་རྒྱན་ཐམས་ཅད་ཀྱིས་བརྒྱན་པ། རལ་པ་འཆང་བ། འོད་དཔག་མེད་ཀྱི་དབུ་རྒྱན་ཅན། སྤྱན་གསུམ་པ། གཡས་པ་ཟླ་བས་བརྒྱན་ཅིང་རལ་གྲི་འཛིན་པ་དང ། ཞགས་པ་འཛིན་པ་དང ། མདུང་རྩེ་གསུམ་པ་འཛིན་པ་དང ། དགྲ་སྟ་འཛིན་པར་བྱའོ། །དཀར་མོའི་རྒྱབ་ཏུ་རིག་སྔགས་ཀྱི་རྒྱལ་པོ་དབུ་གསུམ་པ་བྱ་བ་ནི། ཞི་བའི་ཞལ་རས་ཅན། རྒྱན་ཐམས་ཅད་ཀྱིས་བརྒྱན་པ། དབུ་རྒྱན་རྒྱལ་བ་འོད་དཔག་མེད་ཅན་ཐོགས་པ། པདྨ་འཛིན་པ། ནོར་བུ་རིན་པོ་ཆེ་འཛིན་པར་བྱའོ། །འོག་ཏུ་ཕོ་ཉ་མོ་དང ། དབྱངས་ཅན་དང ། དུང་ཅན་མ་དང ། དཔལ་མོ་དང ། གནས་མོ་དང ། དཔེ་མེད་མ་དང ། རལ་པ་གཅིག་མ་དང ། ཕོ་ཉ་མོ་ཞི་བ་དང ། ལོ་ཏོག་གི་ལྷ་དང ། སའི་ལྷ་དང ། རྒྱལ་པོ་ཆེན་པོ་བཞི་བྱའོ། །སྟེང་དང་གཡས་གཡོན་དུ་སངས་རྒྱས་ཀྱི་སྐུ་གཟུགས་སྐྱིལ་མོ་ཀྲུང་བཅས་པ་སོར་བཞི་བའི་ཚད་ཙམ་བྱའོ། །ཉི་མ་དང་ཟླ་བའི་ལྷ་རྒྱུ་སྐར་དང་བཅས་པ་བྱའོ། །རི་མོའི་གཟུགས་ཀྱི་ཕྱི་རོལ་གྱི་རིམ་པ་ཀུན་ཏུ་ཕྱག་རྒྱ་དང ། ཕྱག་མཚན་སྣ་ཚོགས་རྫོགས་པར་བྲིའོ། །ཀླུ་བརྒྱད་བྱ་ཞིང་ཀུན་ནས་འབར་བ་དང་བཅས་པར་བྱའོ། །རིག་སྔགས་དངོས་ Ba176a ༄#། །གྲུབ་བླ་མེད་པའི། །རི་མོའི་ཆོ་གའི་གནས་འདི་ནི། །སྡིག་པ་ཐམས་ཅད་མོད་ལ་སེལ། །མཚམས་མེད་ལྔ་པོ་སྦྱོང་བར་བྱེད། །ཕྱག་རྒྱ་དང ། དཀྱིལ་འཁོར་དང་བཅས་པའི་རི་མོའི་གཟུགས་གྲུབ་པ་འདི་ནི། སྤྱིའི་རིགས་ཐམས་ཅད་དུ་འཇུག་པ་སྟོན་པ་ཡིན་ནོ། །ཕྱིའི་རིགས་ཐམས་ཅད་ཀྱི་དེ་ཁོ་ན་ཉིད་ཀྱི་རི་མོའི་དཀྱིལ་འཁོར་འདི་ནི།་དུས་གསུམ་དུ་གཤེགས་པའི་སངས་རྒྱས་དང ། དེ་བཞིན་དུ་བྱང་ཆུབ་སེམས་དཔས་ཀྱང་བྱིན་གྱིས་བརླབས་པའོ། །དོན་ཡོད་པའི་བྱིན་གྱིས་བརླབས་ཀྱི་རི་མོ་འདི་ནི།་ཐུབ་པ་རྣམ་པར་སྣང་མཛད་ཀྱིས་བྱིན་གྱིས་བརླབས་པ་སྟེ། དོན་ཡོད་པའི་ཞགས་པའི་དེ་ཁོ་ན་ཉིད་སྙིང་པོར་གྱུར་པ་དེ་ཁོ་ན་ཉིད་གསང་བ་འདི་མཐོང་བ་ཙམ་གྱིས་རྣམ་པར་ཐར་པ་འཐོབ་ཅིང་ལུང་བསྟན་པར་འགྱུར་རོ། །མཐོང་བ་ཙམ་གྱིས་ཆོ་ག་ཞིབ་མོ་བླ་ན་མེད་པ་ཐམས་ཅད་འགྲུབ་བོ། །རྣམ་པར་སྣང་མཛད་འཁོར་གྱི་དཀྱིལ་འཁོར་ཆེན་པོ་དང་ལྡན་པར་སྣང་བ་བྱེད་པ་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་མངོན་སུམ་དུ་མཐོང་བར་འགྱུར་རོ། །དཀྱིལ་འཁོར་ཆེན་པོ་འཁོར་བཅས་ཀྱི། །རིག་སྔགས་ཆོ་ག་བླ་མེད་པ། །སྤྱི་རིགས་ཡང་དག་འབྱུང་བ་ནི། །ཐུབ་པ་རྣམ་སྣང་མཛད་ཀྱིས་བསྟན། །དེ་བཞིན་གཤེགས་རིགས་གྲུབ་པ་དང་།། Ba176b གང་ཡང་པདྨའི་རིགས་དེ་བཞིན། །ནོར་རིགས་དེ་ཉིད་འབྱུང་བ་དང ། །རྡོ་རྗེའི་རིགས་གང་བླ་མེད་པ། །སྤྱི་རིགས་འདི་ཉིད་མཐོང་བ་ནི། །རི་མོ་མཐོང་བའི་ཁྱད་པར་ཡིན། །ཕྱིར་ཡང་ངན་འགྲོར་མི་འགྲོ་ཞིང ། །དམྱལ་བ་ངན་འགྲོའི་སྒོ་བཅད་དེ། །མཐོ་རིགས་ཀྱི་ནི་སྒོ་ཡང་ཕྱེ། །བླ་ན་མེད་པ་སྟོན་པ་ཡི། །ཕྱག་རྒྱའི་རི་མོའི་དཀྱིལ་འཁོར་འདི། །བསོད་ནམས་བླ་ན་མེད་པ་ཡིན། །ཅི་སྟེ་དོན་ཡོད་པའི་འཇིག་རྟེན་དབང་ཕྱུག་གི་གཟུགས་མཐོང་བར་འདོད་ན། རིག་སྔགས་འཆང་དེས་ཙནྡན་དཀར་པོ་ལས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་སོར་བརྒྱད་ཀྱི་ཚད་ཙམ་ལ། གནད་ཀྱིས་གནས་ཀྱི་ཆའི་སོ་ཚད་ཤིན་ཏུ་རྣམ་པར་མཛེས་པ། དབུ་དང ། མགུལ་དང ། རྐེད་པ་དང ། པུས་མོ་དང ། ཡན་ལག་དང ། ཞབས་ཀྱི་ཚིགས་དང ། ཕྱག་སོར་དང ། ཕྱག་སོར་གྱི་ཚིགས་དང ། སེན་མོ་ཐམས་ཅད་ཀྱི་ཆའི་མཉམ་ཞིང་མཛེས་པ་དང ། རལ་པ་དང ། སེན་མོ་ཚད་ཤིན་ཏུ་མཛེས་ཤིང་ཅོད་པན་གྱི་རྒྱལ་བའི་གཡས་ཕྱོགས་ན་ཟླ་གམ་ཞི་བའི་གཟུགས་ཅན་སྤྱན་གསུམ་ཕྱག་བཞི་ཤིན་ཏུ་མཛེས་པ་དང ། དབུ་སྐྲ་ཤིན་ཏུ་མཛེས་པ། རྒྱན་ཐམས་ཅད་ཀྱིས་བརྒྱན་པའི་གཟུགས་དང་ལྡན་པ། ཞགས་པ་འཛིན་པ། གཡོན་པ་འོད་དཔག་ཅན་ཕྱག་ན་པདྨ་བསྣམས་པ། ཕྱག་གཡས་པ་མདུང་རྩེ་གསུམ་པ་དང ། Ba177a ༄#། །དབུགས་འབྱིན་ཅིང་རྟག་ཏུ་མཆོག་སྦྱིན་པར་མཛད་པ། པདྨའི་གདན་ལ་བཞུགས་པར་བྱའོ། །སྒྲོལ་མ་དང ། དཀར་མོ་ཡང་འོད་འདོམ་གང་དང་བཅས་པར་དགོད་དོ། །མགོན་པོ་ཤིན་ཏུ་མཛེས་པ། ནོར་བུ་དང ། མུ་ཏིག་གི་རྒྱན་གྱི་མཚམས་སུ་གསེར་གྱི་རྒྱན་གྱིས་གཡོགས་པའི་ཅོད་པན་ནམ། ཡང་ན་སྤྱི་གཙུག་ཏུ་རིང་བསྲེལ་བཞག་པར་བྱས་ལ། ཙནྡན་དཀར་པོའི་དཀྱིལ་འཁོར་བྱ་ཞིང་གུར་གུམ་དང ། གླ་རྩི་དང ། ག་བུར་གྱིས་མཆོད་ལ་དཀྱིལ་འཁོར་གྱི་སྙིང་པོ་འདིའི་དབུས་སུ་པདྨ་གེ་སར་དང་བཅས་པའི་འདབ་མ་སུམ་ཅུ་རྩ་གཉིས་པ་བྲིས་ལ་དེའི་དབུས་སུ་འཇིགས་པ་མེད་པས་འཇིག་རྟེན་དབང་ཕྱུག་དར་གྱི་ཅོན་པན་གྱིས་བཅིངས་པ་བཞག་ལ།་ཨ་ག་རུ་དང ། ཙནྡན་གྱི་བདུག་པ་དབུལ་ཞིང་མེ་ཏོག་དགྲམ་པར་བྱ། མེ་ཏོག་གི་ཕྲེང་བས་མཆོད་པར་བྱའོ། །རིག་སྔགས་འཆང་གཙང་མར་གྱུར་པ་ཤིན་ཏུ་ཁྲུས་བྱས་པ་གོས་གཙང་མ་བགོས་པས་སྨྱུང་བ་བྱས་ལ་མགོན་པོ་འཇིག་རྟེན་དབང་ཕྱུག་མངོན་དུ་ཕྱོགས་པར་སྐྱིལ་མོ་ཀྲུང་བཅས་ཏེ་འདུག་ལ་མཆོད་ཡོན་དང ། ལྷ་བཤོས་ཕུལ་ལ་བྱམས་པའི་སེམས་ལ་མཉམ་པར་བཞག་སྟེ་སངས་རྒྱས་རྗེས་སུ་དྲན་པ་བསྒོམ་མོ། །སེམས་ཅན་ཐམས་ཅད་ལ་བརྩེ་བར་གྱུར་པའི་ཏིང་ངེ་འཛིན་ཡང་བསྒོམ་ཞིང ། Ba177b གཏམ་གཞན་མི་སྨྲ་བར་ཤིན་ཏུ་ཡོངས་སུ་སྦྱར་བ་ལེགས་པར་སྤྱོད་ཅིང ། གཞན་འཇིགས་པ་མེད་པས་བདག་སྲུང་བ་དང ། ཕྱོགས་བཅིང་བ་དང ། དཀྱིལ་འཁོར་བཅིང་བ་བསྲུང་བ་དང་བཅས་པ་ཡང་བྱས་ལ་བཟླས་བརྗོད་དེ་ཉིད་སྟོང་རྩ་བརྒྱད་དང ། ཕྱག་རྒྱ་ཡང་སྟོང་རྩ་བརྒྱད་བརྩམས་ན། འཕགས་པ་སྤྱན་རས་གཟིགས་དབང་ཕྱུག་འབར་ཞིང་གཡོ་བ་དང ། བདག་ཀྱང་འབར་བ་དང ། སྙིང་དགའ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་མཆོག་སྦྱིན་པར་མཛད་པའི་ཕྱག་སྤྱི་བོར་བཞག་སྟེ་ལེགས་སོ་ལེགས་སོ། །རིག་སྔགས་འཆང་ཁྱོད་ཀྱིས་མཆོད་པ་དམ་པ་དང ། གསང་སྔགས་ཀྱི་ཆོ་ག་ཆེན་པོ་བྱས་སོ། །སྒྲུབ་པ་དམ་པ་བྱས་སོ། །དེ་བཞིན་གཤེགས་པའི་སྤྱི་རིགས་འདི་དང ། དེ་བཞིན་གཤེགས་པའི་རིགས་ཐམས་ཅད་ཀྱི་ཆོ་ག་ཞིབ་མོ་གསང་བ་དང ། ཕྱག་རྒྱ་དང ། དཀྱིལ་འཁོར་གྱི་ཆོ་ག་དང ། ཐམས་ཅད་དུ་སྤྱིའི་དངོས་གྲུབ་རིག་སྔགས་འཆང་ཁྱོད་ལ་འགྲུབ་ཀྱི། དོན་ཡོད་པའི་ཞགས་པའི་སྙིང་པོ་རྗེས་སུ་ཟུངས་ཤིག་དང ། རིག་སྔགས་འཆང་ཇི་ལྟར་ཡིད་ལ་བྱེད་པ་དེ་ལྟར་འདོད་པ་དང ། མཆོག་ཐམས་ཅད་ཇི་ལྟར་ཡིད་ལ་བསམ་པ་དེ་ཐམས་ཅད་རྗེས་སུ་སྦྱིན་ནོ། །འདི་ནི། ཁྱོད་ཀྱི་སྐྱེ་བའི་འཁོར་བ་ཐ་མ་ཡིན་ཏེ། སྐྱེ་བ་དང ། རྒ་བ་དང ། འཆི་བ་དང ། མངལ་དུ་གནས་པ་ལས་ཡོངས་སུ་གྲོལ་བར་ Ba178a ༄#། །འགྱུར་རོ། །རིག་སྔགས་འཆང ། ཁྱོད་ཤི་འཕོས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེ་བར་འགྱུར་རོ། །དེ་བཞིན་གཤེགས་པ་ཚེ་དཔག་མེད་མངོན་སུམ་དུ་མཐོང་བར་འགྱུར། མངོན་སུམ་དུ་ཆོས་ཉན་པར་འགྱུར་རོ། །བྱང་ཆུབ་ཀྱི་སྙིང་པོ་ལ་གནས་ཀྱི་བར་ཚེའི་ཚད་བསྐལ་བ་བརྒྱ་སྟོང་དཔག་ཏུ་མེད།་གྲངས་མེད། བགྲང་དུ་མེད་པར་འགྱུར་རོ། །ཞེས་ཚིག་ཏུ་གསུང་ངོ ། །དེ་ནས་རིག་སྔགས་འཆང་གིས་ཁྲོ་བོའི་རྒྱལ་པོ་གང་ལ་ཁྲོ་བོའི་རྒྱལ་པོ་མེ་ཏོག་གམ། ཅོད་པ་ན་ལ་མངོན་པར་གཏོར་ན། དེས་ན་འཕགས་པ་སྤྱན་རས་གཟིགས་དབང་ཕྱུག་རང་གི་སྐུར་བཞུགས་ཏེ། རིག་སྔགས་འཆང་ནམ་མཁའ་ལ་འགྲོ་ཞིང་དོན་ཡོད་པའི་ཡེ་ཤེས་བཀོད་པ་དྲི་མ་མེད་པ་ཞེས་བྱ་བའི་ཏིང་ངེ་འཛིན་འཐོབ་བོ། །ཡངས་པ་ཆེན་པོས་རྣམ་པར་ཐར་བའི་དཀྱིལ་འཁོར་དོན་ཡོད་པའི་ཞགས་པའི་དངོས་གྲུབ་ཐོབ་པར་འགྱུར་རོ། །སྐུ་གཟུགས་སྒྲུབ་པ་དེ་ཁོ་ན་ཉིད་ཅེས་པ་འདི་གལ་ཏེ་རིག་སྔགས་འཆང་སྐལ་པ་ཆུང་བ་མནར་མེད་པར་གཞོལ་བ། མཚམས་མེད་པ་ལྔ་བྱེད་པ་དེ་ལན་གཅིག་ངེས་པར་སྒྲུབ་པ་ཙམ་གྱིས་མདུན་དུ་རང་གི་གཟུགས་ཀྱིས་ངེས་པར་མཆིས་པར་བགྱིའོ། །གལ་ཏེ་དེ་བཞིན་གཤེགས་པ་ཐམས་ཅད་དང ། དུས་གསུམ་དུ་ Ba178b གཤེགས་པའི་སངས་རྒྱས་ལ་སྡང་བས་ཁྲག་དབྱུང་བར་སེམས་བསྐྱེད་པ་དེས་ཀྱང་དེ་བཞིན་གཤེགས་པ་ཐམས་ཅད་དང ། དུས་གསུམ་དུ་གཤེགས་པ་སངས་རྒྱས་གྱིས་དགོངས་པའི་དམ་ཚིག་ཆེན་པོས་བྱིན་གྱིས་བརླབས་དེ་རིག་སྔགས་འཆང་སྒྲུབ་ན་རྨི་ལམ་དུ་བདག་གིས་གཟུགས་མཐོང་བ་སྩལ་བར་བགྱི་ཞིང ། ཡིད་ལ་བསམ་པ་ཐམས་ཅད་ཡོངས་སུ་རྫོགས་པར་བགྱིའོ། །མཆོག་ཐམས་ཅད་རྗེས་སུ་སྩལ་བར་བགྱི་ཞིང ། སྡིག་པ་དང་སྒྲིབ་པ་ཐམས་ཅད་རྣམ་པར་དག་པར་བགྱིའོ། །དྲི་མ་མེད་པར་རྣམ་པར་ཐར་པའི་འོད་ཟེར་གྱི་དཀྱིལ་འཁོར་ལ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་འཐོབ་བོ། །སད་ནས་འཇིག་རྟེན་པ་ཐམས་ཅད་ཀྱི་མཆོད་པའི་འོས་ཆེན་པོ་གཅིག་པུར་འགྱུར་རོ།། སྐྱེ་བོ་ཐམས་ཅད་ཀྱིས་མཆོད་པར་བྱ་བ་ཆེན་པོར་འགྱུར་རོ། །སྒྲིབ་པ་དང་བྲལ་ཞིང་རྣམ་པར་དག་པ། སྒོ་ཀུན་ཏུ་དྲི་མ་མེད་པར་སྣང་བ་ཞེས་བྱ་བའི་ལུས་ཡོངས་སུ་དག་པ་འཐོབ་པར་འགྱུར་རོ། །སེམས་ཅན་གང་དག་གིས་དེ་མཐོང་བར་གྱུར་པ་དེ་དག་ཐམས་ཅད་སྒྲིབ་པ་དང་བྲལ་བར་འགྱུར་རོ། །ནད་ཐམས་ཅད་དང་བྲལ་ཞིང་ཉོན་མོངས་པ་དང་བྲལ་བར་འགྱུར་རོ། །གདོལ་པས་ཀྱང་དད་པ་དང ། གུས་པས་སྒྲུབ་པ་རྣམ་པ་གསུམ་དང ། ཆོ་ག་གཞན་གྱིས་ཀྱང་ངེས་པར་ཡིད་ལ་བསམ་པ་ཐམས་ཅད་ཡོངས་སུ་རྫོགས་ Ba179a ༄#། །པར་བགྱི། རང་གི་གཟུགས་ཀྱིས་མཐོང་བ་སྩལ་བར་བགྱི་ན། མིར་གྱུར་བ་དད་པའི་རྗེས་སུ་འབྲང་བ་སྡོམ་བརྩོན་ཅན་གྱིས་ལྟ་སྨོས་ཀྱང་ཅི་འཚལ་ཏེ།་དྲན་པ་ཙམ་གྱིས་བདག་རང་གི་གཟུགས་ཀྱིས་མདུན་ན་མཆིས་པར་བགྱི་ཞིང ། ཡིད་ལ་བསམ་པ་ཐམས་ཅད་ཡོངས་སུ་རྫོགས་པར་བགྱི་སྟེ། འདི་ལ་ཐེ་ཚོམ་དང ། ཡིད་གཉིས་བསྐྱེད་པར་མི་བྱའོ། །དེ་ལྟ་མོད་ཀྱི། བཅོམ་ལྡན་འདས། སེམས་ཅན་ཚེ་གཅིག་པུ་པ་དེ་ལ་རིག་སྔགས་གྲུབ་པའི་དངོས་གྲུབ་རྗེས་སུ་སྩལ་བར་བདག་གིས་རྔོ་མི་ཐོགས་ལགས་སོ། །གང་ཡང་ཕྱི་མའི་དུས་ན་དགེ་སློང་དག་དང ། རིག་སྔགས་འཆང་བའི་སེམས་ཅན་སེར་སྣ་ཅན། སེམས་གྱ་གྱུ་བ། ཡིད་གཉིས་སུ་མི་བྱེད་པ།་ངོ་གཉིས་ཅན། སེར་སྣ་ཅན། བྱས་པ་མི་གཟོ་བ། ཕ་རོལ་གྱི་རྫས་ལ་བརྐམ་ཆགས་ཅན། གསང་སྔགས་རྐུ་བ། ཡི་གེ་རྒུ་བ། གདུག་པ། ཕྲག་དོག་ཆེ་བ། ཁེངས་པ།་གཞན་གྱི་རྫས་འཕྲོག་པ། མཁན་པོ་དང་སློབ་དཔོན་ཕྱག་རྒྱ་དང་དཀྱིལ་འཁོར་སྟོན་པའི་བླ་མ་ལ་མ་གུས་པ། རིག་སྔགས་ཀྱི་ཆོ་ག་ཞིབ་མོ་འདི་སྟོན་པ་ལ་མ་གུས་པ་ཉིད་བརྐམ་ཆགས་ཅན། བྱས་པ་མི་གཟོ་བ་ཉིད་དག་འབྱུང་སྟེ། སེམས་ཅན་དེ་དག་ལ་བསྐྱང་བར་བསྟན་པའམ། དངོས་གྲུབ་བསྟན་པར་རྔོ་མི་ཐོགས་སོ།། Ba179b བདག་ལ་ཡང་བརྙས་པར་བགྱིད་པའི་སེམས་ཅན་དེ་ལྟ་བུ་མང་དུ་འབྱུང་སྟེ། བདག་ལ་ཡང་སུན་པར་བགྱིད་པ། བདག་ལ་ཡང་མ་གུས་པར་བགྱེད་པ། ཀུན་ནས་མནར་སེམས་དང ། སྡང་བས་ཁྲག་འབྱིན་པར་བགྱིད་པ་དག་འབྱུང་བར་འགྱུར་རོ། །བདག་ལ་ཡང་འཁུ་བར་བགྱིད་པ། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་དང ། སྤྱིའི་རིགས་ཀྱི་དམ་ཚིག་སུན་པར་བགྱིད་པའི་སེམས་ཅན་དེ་ནི། སྨད་པར་འོས་པ་ཞེས་བརྗོད་པར་བགྱིའོ། །རིག་སྔགས་ཀྱི་ཆོ་ག་ཞིབ་མོ་དང ། དམ་ཚིག་ཀུན་ནས་འཇོམས་པར་བགྱིད་པའི་གདོལ་བ་ཞེས་རིགས་པར་བགྱིའོ། །དེ་བཞིན་གཤེགས་པ་ཐམས་ཅད་ཀྱི་གསང་བ་ཀུན་ནས་འཇོམས་པ་ཞེས་རིག་པར་བགྱིའོ། །དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང ། གསང་བ་དང ། དཀྱིལ་འཁོར་ཀུན་ནས་འཇོམས་པ་ཞེས་རིག་པར་བགྱིའོ། །བྱང་ཆུབ་སེམས་དཔའ་ཐམས་ཅད་ཀྱི་དམ་ཚིག་དང ། གསང་བ་དང ། རིག་སྔགས་འཆང་གི་དཀྱིལ་འཁོར་དང ། ཕྱག་རྒྱ་ཀུན་ནས་འཇོམས་པ་ཞེས་རིག་པར་བགྱིའོ། །དེ་དག་གིས་བདག་ལ་སྨད་པས་སེམས་ཅན་དེ་དག་གི་སྡིག་པས་གདོལ་བ་ཞེས་བགྱི་སྟེ། དགེ་སློང་དག་དང ། རིག་སྔགས་འཆང་དེ་དག་ནི། སྨོད་པར་འོས་པར་རིག་པར་བགྱིའོ། །ཚིག་པ་ཀ་བ་ཚིག་ Ba180a ༄#། །པ་ལྟ་བུ།་རིག་སྔགས་ཉམས་པ། ལོག་འདྲེན་གྱིས་ཟིན་པ། དཀྱིལ་འཁོར་གྱི་ལྷ་ཐམས་ཅད་ཀྱིས་སྨད་པ་ཞེས་བགྱིའོ། །འཇིག་རྟེན་པ་དང་འཇིག་རྟེན་ལས་འདས་པ་ཆུད་གཞན་པ། རིག་སྔགས་ཉམས་པ། དམྱལ་བར་གཞོལ་བ་དེ་དག་ནི། བདག་གིས་མ་ནོངས་ཏེ། བདག་གིས་ཡོངས་སུ་སྤངས་པ་མ་ལགས་སོ། །དེ་ལྟ་མོད་ཀྱི་དུས་གསུམ་དུ་གཤེགས་པའི་དེ་བཞིན་གཤེགས་པ་ཡོངས་སུ་སྤངས་པ། དུས་གསུམ་དུ་གཤེགས་པའི་བྱང་ཆུབ་སེམས་དཔའ་ཡོངས་སུ་སྤངས་པ།་རྡོ་རྗེ་དམ་ཚིག་དང ། དཀྱིལ་འཁོར་དང ། ཕྱག་རྒྱ་ཐམས་ཅད་སྤངས་པ། ཐུབ་པ་རྣམ་པར་སྣང་མཛད་ཀྱི་དམ་ཚིག་ཆེན་པོའི་དཀྱིལ་འཁོར་དང ། དམ་ཚིག་ཡོངས་སུ་སྤངས་པས་བགེགས་དང་ལོག་འདྲེན་ཐམས་ཅད་དང ། སྡང་བ་ཐམས་ཅད་ཀྱིས་ཟིན་ཅིང་ནད་ཀྱིས་ཡོངས་སུ་ཟིན་པར་འགྱུར་བ་དེ་དག་ནི། བདག་གིས་མ་ནོངས་ཏེ། བདག་གིས་ཡོངས་སུམ་སྤངས་སོ། །དེ་ལྟ་མོད་ཀྱི། རིག་སྔགས་བསྲེགས་པ། དཀྱིལ་འཁོར་དང་དམ་ཚིག་བསྲེགས་པ། ཕྱག་རྒྱ་བྱེད་པ་དང་བཅས་པར་བསྲེགས་པ། གསང་བ་བསྲེགས་པ། དེ་བཞིན་གཤེགས་པའི་དམ་ཚིག་དང་རིགས་སུན་པར་བྱེད་པ། སྡིག་པའི་དགེ་སློང་མང་པོ་དེ་དག་ནི། དེས་ན་བསྐལ་པ་མང་པོ་རྡུལ་ཕྲ་མོ་ Ba180b བསགས་པའི་བསྐལ་པར་སྡུག་བསྔལ་ཉམས་སུ་མྱོང་སྟེ། འཇིག་རྟེན་འདི་དང་འཇིག་རྟེན་ཕ་རོལ་གྱི་བདེ་བ་ཅན་མེད་དོ། །དེ་ལྟ་བས་ན། སེམས་ཅན་རིག་སྔགས་ཀྱི་ཆེད་དུ་རིག་སྔགས་རྗེས་སུ་སེམས་པས་བྱམས་པའི་སེམས་སུ་བྱའོ། །གང་གི་དྲུང་དུ་ཕྱག་རྒྱ་དང་གསང་སྔགས་རིམ་པ་ཕྱེ་བ་དང ། རིག་སྔགས་གསང་བ་རྙེད་པར་འགྱུར་བ་དེ་ལ་དེས་གུས་པ་ཆེན་པོ་དང ། བླ་མར་བགྱིད་པ་ཆེན་པོ་བསྐྱེད་པར་བགྱི། ཕ་དང་མ་དང་འདྲ་བའི་སེམས་བསྐྱེད་པར་བགྱི། ཕ་དང་མའི་གུས་པ་བགྱི། སྟོན་པའི་གུས་པ་བགྱི། རང་གི་ཤ་དང ། ཁྲག་དང ། རྐང་ཡང་གཏང་བར་བགྱི། གོས་དང ། རྒྱན་དང ། བཟའ་བ་དང ། བཏུང་བ་དང ། སྟན་དང ། བགོ་བས་རིམ་གྲོ་དང ། མཆོད་པ་བགྱི་སྟེ། དེ་ལ་ནི། བདག་གིས་མཆོད་པར་བགྱི། རྗེ་དཔོན་དང ། བླ་མར་བགྱིའོ། །རྟག་ཏུ་འབྲང་བར་བགྱི། དྲན་པ་ཙམ་གྱིས་ཀྱང་བདག་གི་གཟུགས་མཐོང་བ་རྗེས་སུ་སྩལ་བར་བགྱི། རྒྱུན་དུ་རྗེས་སུ་འབྲང་བར་བགྱི། བདག་རྒྱུན་དུ་རྗེས་སུ་འབྲང་བ་ནི། ཇི་ལྟར་ཆབ་ཀྱི་ནང་དུ་ཏིལ་མར་གྱི་ཐིགས་པ་སྩལ་བ་ལྟར་དངོས་གྲུབ་ཀུན་ཏུ་མཆི་བར་བགྱི། རྒྱ་མཚོའི་དུས་རླབས་བཞིན་དུ་ཐམས་ཅད་དུ་མཆི་བར་བགྱིའོ། །བདག་གིས་ཞགས་པ་དང ། ལྕགས་ཀྱུས་དམྱལ་བ་ཐམས་ཅད་དྲང་བར་བགྱི། བདེ་བ་ Ba181a ༄#། །གཤེགས་པའི་ལམ་ལ་སོ་སོར་གཞག་པར་བགྱི། སྟོབས་དང ། བརྩོན་འགྲུས་དང ། གཟི་བརྗིད་ཆེན་པོ་འཇུག་པར་བགྱི། ཐམས་ཅད་དུ་སྒྲུབ་པ་དང ། དངོས་གྲུབ་དང ། མཆོག་སྩལ་བར་བགྱིའོ། །དེ་ནས་ཙནྡན་གྱི་གཟུགས་འདི་མཐོང་བས་འཕགས་པ་སྤྱན་རས་གཟིགས་དབང་ཕྱུག་ཉིད་ཀྱི་གཟུགས་མཐོང་སྟེ། དེ་མཚུངས་པར་འཚལ་བར་བགྱིས་ཏེ། བདག་རང་གི་གཟུགས་ཀྱིས་རྒྱུན་ཁོ་ནར་གནས་པར་བགྱིའོ། །གང་ན་ཆོ་ག་འདི་གནས་པ་དེ་མཆོད་རྟེན་དང་བཅས་པར་མཚུངས་པར་རིག་པར་བགྱིའོ། །ས་ཕྱོགས་དེ་ནི། སྟོན་པ་བླ་མ་བཞུགས་པའི་གནས་སུ་རིག་པར་བགྱིའོ། །གང་ན་དུས་གསུམ་དུ་གཤེགས་པའི་དེ་བཞིན་གཤེགས་པའི་སྤྱིའི་དམ་ཚིག་གནས་པ་འདི་སངས་རྒྱས་ཀྱི་གནས་སོ་ཞེས་རིག་པར་བགྱིའོ། །དེ་གསང་བའི་དཀྱིལ་འཁོར་རྨད་དུ་བྱུང་བ་ཞེས་རིག་པར་བགྱིའོ། །ལྷ་ཐམས་ཅད་ཀྱི་གནས་དང་དམ་ཚིག་གོ་ཞེས་རིག་པར་བགྱིའོ། །དེ་བཞིན་གཤེགས་པའི་རིགས་ཐམས་ཅད་ཀྱི་གནས་བྱང་ཆུབ་ཀྱི་སྙིང་པོ་དང ། ཆོས་ཀྱི་འཁོར་ལོ་བསྐོར་བ་དང ། བདུད་འདུལ་བ་དང ། ཡོངས་སུ་མྱ་ངན་ལས་འདས་པ་ཆེན་པོ་ཡང་དག་པར་སྟོན་པའི་གནས་སོ་ཞེས་རིག་པར་བགྱིའོ། །ས་ཕྱོགས་འདིར་རིན་པོ་ཆེ་སྣ་ Ba181b བདུན་གྱི་གཞལ་མེད་ཁང་གི་གནས་བཀོད་པས་བརྒྱན་པར་རིག་པར་བགྱི་སྟེ། དེ་ལ་ཐེ་ཚོམ་དང་ཡིད་གཉིས་བསྐྱེད་པར་མི་བྱའོ། །དེ་ནས་དེའི་འོག་ཏུ་གནས་ཐམས་ཅད་དུ་གཏོགས་པའི་དངོས་གྲུབ་ཆེན་པོ་སྒྱུ་མ་ཆེན་པོའི་རྣམ་པར་འཕྲུལ་པའི་གནས་བྱེད་པར་འདོད་པ་དང ། དགོས་པ་ཐམས་ཅད་བྱེད་པར་འདོད་ན། རིག་སྔགས་འཆང་དེས་དྲི་སྣ་ཚོགས་ལ་འཕགས་པ་སྤྱན་རས་གཟིགས་དབང་ཕྱུག་གི་གཟུགས་སོར་བཅུ་དྲུག་པ། ཤིན་ཏུ་མཛེས་པ། སྐུ་ཤིན་ཏུ་ཚད་དང་ལྡན་པ། ཕྱག་དྲུག་པ། དེ་བཞིན་དུ་ཞལ་གསུམ་པ་བྱ་སྟེ། དང་པོ་ནི། ཞི་བའི་ཞལ་རས་ཅན། ཚངས་པའི་ཆ་བྱད་འཆང་བ། སྤྱན་གསུམ་པ། རལ་པའི་ཐོར་ཚུགས་ཀྱིས་བརྒྱན་པ། འོད་དཔག་མེད་པའི་དབུ་རྒྱན་འཆང་བ། ཟླ་བ་མ་ཅན་ནོ། །ཞལ་གཡས་པ་ནི། ཁྲོ་བོའི་རྒྱལ་པོའི་གཟུགས་ཅན། གཟུགས་བསྒྱུར་བ། སྤྱན་གསུམ་པ། རལ་པའི་ཐོར་ཚུགས་ཀྱི་སྟེང་གི་རལ་པ་ལ་འོད་དཔག་མེད་པའི་དབུ་རྒྱན་འཆང་བ། ཟླ་གམ་གཡས་ཕྱོགས་ན་གནས་པའོ། །གཡོན་པ་ནི། ཞལ་ཁྲོ་གཉེར་ཅན། ཁྲོས་པའི་ལྟ་སྟངས་སུ་ལྟ་བ། སྤྱན་གསུམ་པ། རལ་པའི་ཐོར་ཚུགས་འཆང་བ། འོད་དཔག་མེད་པའི་དབུ་རྒྱན་འཆང་བ། གཡས་ཕྱོགས་ཟླ་གམ་ཅན། རྒྱན་ཐམས་ཅད་ཀྱིས་བརྒྱན་པ། འོད་འདོམ་གང་གིས་ལེགས་པར་བརྒྱན་ Ba182a ༄#། །པ།་ཞགས་པ་ཐོགས་པ། པདྨ་ཐོགས་པ། མདུད་རྩེ་གསུམ་པ་ཐོགས་པ། དགྲ་སྟེ་ཐོགས་པ། དབུགས་འབྱིན་པ། རིན་པོ་ཆེའི་དབྱུག་པ་ཐོགས་པ།་པདྨའི་གདན་ལ་བཞུགས་པའོ། །གཡས་ན་ལྷ་མོ་སྒྲོལ་མ་ཐལ་མོ་སྦྱར་ཅིང་འདུད་པའོ། །གཡོན་ན་དཀར་མོ་ཐལ་མོ་སྦྱར་ཏེ་ཡིད་ཙམ་དུ་འདུད་པ། རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་ཀྱིས་ལེགས་པར་བརྒྱན་པར་བྱའོ། །ཞབས་ཀྱི་དྲུང་དུ་རིག་སྔགས་འཆང་གསེར་གྱི་རྒྱན་གྱིས་བརྒྱན་པ། ལག་ན་མེ་ཏོག་ཐོགས་པ། འཕགས་པ་སྤྱན་རས་གཟིགས་དབང་ཕྱུག་ལ་ཁ་བལྟས་ནས་པུས་མོ་བཙུགས་ཏེ་འདུག་པར་བྱའོ། །ལྷག་མ་མ་ཡིན་པའི་ཚོན་རྩིས་ཚད་དང་མ་འདྲེས་པར་སྤྱན་དང ། སྨིན་མ་དང ། མཆུ་དང ། སེན་མོའི་གནས་སུ་སྦྱར་བར་བྱའོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་བ། དེ་ནས་རྫས་བཤད་པར་བྱ་སྟེ། འཇིགས་པ་མེད་པས་སྤོས་ཀྱི་རིགས་ཙནྡན་དང ། ཏ་ག་ར་དང ། པུ་ཤེལ་ཙི་དང ། ལི་ཤི་དང ། ནཱ་ག་པུཥྤ་དང ། སྤྲི་ཀ་དང ། རྒྱ་སྐྱེགས་དང ། ཁ་པ་ཎི་ཁ་དང ། སྤང་སྤོས་དང ། ན་ལ་ད་དང ། གུར་གུམ་དང ། གླ་རྩི་དང ། ག་བུར་དང ། སྒྲོན་ཤིང་དང ། གནྡྷ་པྲི་ཡང་ཀུ་དང ། ཀུན་ཏུ་རུ་དང ། ཤ་ཁ་ར་དང ། པདྨ་གེ་སར་དང ། དུ་རུ་ཀ་དང ། Ba182b ཏིལ་མར་དང ། སྤྲ་ཚིལ་དང་ལྷན་ཅིག་སྦྱར་བའི་ཕྱེ་མ་ཞིབ་མོ་ཤིན་ཏུ་འཇམ་པ། ཤིན་ཏུ་མཉེན་པ་མཆོག་འདི་གཙང་བ་གཙང་སྦྲ་སྤྱོད་པས་ཐུབ་པ་འཕགས་པ་སྤྱན་རས་གཟིགས་དབང་ཕྱུག་དགེ་ཞིང་ཤིན་ཏུ་དུལ་བ། རབ་ཏུ་ཞི་བའི་རྣམ་པར་ཤིན་ཏུ་མཛེས་པར་བྱའོ། །གསང་སྔགས་བརྒྱད་སྟོང་བཟླས་བརྗོད་བྱས་པས་ལན་གཅིག་སྒྲུབ་པ་ནི། མཆོག་ཡིན་ཏེ། འདི་ཡོངས་སུ་རྫོགས་ནས་ཁྲོ་བོའི་རྒྱལ་པོས་ཐམས་ཅད་ལ་མངོན་དུ་གཏོར་ཏེ། དེ་ནས་རིག་སྔགས་འཆང་གིས་ལས་བརྩམ་མོ། །དེ་ནས་རིག་སྔགས་འཆང་གཙང་མར་གྱུར་པས་གོས་གཙང་མ་བགོས་ཏེ་ཤིན་ཏུ་ཁྲུས་བྱས་ལ་དྲིས་བྱུགས་པས་དཀྱིལ་འཁོར་གྲུ་བཞི་ཤིན་ཏུ་མཛེས་པ། གསལ་བ་ཀོ་ལའི་ཚད་ཙམ་གྱི་དཀྱིལ་འཁོར་བཟང་པོ་ལེགས་པར་བྱུགས་པ་ཤིན་ཏུ་གསལ་བ་བྱའོ། །དྲི་སྣ་ཚོགས་ཀྱིས་བྱུགས་པ་ཤིན་ཏུ་འཇམ་པ་ལ་ཙནྡན་དཀར་པོ་དང ། གུར་གུམ་གྱིས་དབུས་སུ་ལས་ཀྱི་དཀྱིལ་འཁོར་རྣམ་པར་ཕྱེ་བ་བྲི་བར་བྱའོ། །འདིར་པདྨ་ཡང་བྱས་ཏེ། འདབ་མ་བརྒྱ་རྩ་བརྒྱད་པ་གེ་སར་དང་སྙིང་པོར་བཅས་པ། ཤིན་ཏུ་མཛེས་པ། ཤིན་ཏུ་བཟང་བ། ཙནྡན་དང་གུར་གུམ་གྱིས་བྲི་བར་བྱ་སྟེ། དེར་ཚོན་རྩི་གཞན་ནི། སྤྱད་པར་མི་བྱའོ། །བུམ་པ་སྤོས་ཆུས་བཀང་བ་དང ། དེ་བཞིན་དུ་དྲི་ཆུ་དང ། གཏོར་མ་ཐམས་ཅད་དྲི་སྣ་ཚོགས་ Ba183a ༄#། །ཀྱིས་བསྒོས་པ་དང ། ཅི་ཡོད་པའི་གཏོར་མ་བཞག་སྟེ། དེ་ནས་འདིར་དཀྱིལ་འཁོར་བྱ་བའི་གནས་སམ། དགོན་པའམ། ཁྱིམ་མམ། གང་དུ་གནས་པར་འགྱུར་བ་དེར་ཁྲུ་གང་ཚད་དམ། ཁྲུ་དོའམ། ཁྲུ་གསུམ་མམ། ལྷག་པར་ཡང་བྱའོ། །དེ་བཞིན་དུ་བདུག་སྤོས་དང ། ཙནྡན་དང ། ་ག་རུ་དང ། དུ་རུ་ཀ་དང ། ཀུན་ཏུ་རུའོ། །བ་དན་ཁ་དོག་སྣ་ཚོགས་པས་དཀྱིལ་འཁོར་ཀུན་ནས་བརྒྱན་པར་བྱའོ། །མེ་ཏོག་ཕྲེང་བ་དགྲམ་བྱ་ཞིང ། །དྲི་དང ། བྱུག་པ་དེ་ཉིད་དང ། ཀུན་ཏུ་མར་མེའི་ཕྲེང་བའོ།། དེ་ནས་དྲི་ལས་བྱས་པའི་འཕགས་པ་སྤྱན་རས་གཟིགས་དབང་ཕྱུག་དཀྱིལ་འཁོར་གྱི་དབུས་སུ་པདྨའི་གེ་སར་གྱི་སྟེང་དུ་བཞག་པ་ལ་རིག་སྔགས་འཆང་མངོན་དུ་ཕྱོགས་པར་སྐྱིལ་མོ་ཀྲུང་བཅས་ཏེ་འདུག་ནས་གཞན་མི་སྨྲ་བར་བཟླས་བརྗོད་བརྒྱད་སྟོང་བརྩམ་པར་བྱའོ། །བརྒྱད་སྟོང་རྫོགས་པ་དང ། འཕགས་པ་སྤྱན་རས་གཟིགས་དབང་ཕྱུག་གི་སྐུ་ལས་འོད་ཟེར་སྣ་ཚོགས་འབྱུང་ཞིང་ས་ཆེར་གཡོ་བར་འགྱུར། རང་གི་ལག་པ་གཡས་པ་འབར་བར་འགྱུར་རོ། །གཟུགས་བརྙན་ལས་རིག་སྔགས་འཆང་ལེགས་སོ་ལེགས་སོ། །ཁྱོད་ཀྱིས་འདོད་པའི་ལས་ཐམས་ཅད་གྲུབ་པའོ། །དོན་ཡོད་པ་ཆེན་པོའི་འཁོར་ལོ་རྣམ་པར་འཕྲུལ་པའི་དངོས་གྲུབ་དང ། ཐམས་ཅད་དུ་དགོས་པ་གྲུབ་པ་ Ba183b དེ་ཁོ་ན་ཉིད་གྲུབ་བོ། །ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་འདི་མཆོག་ཏུ་གྲུབ་པའོ། །ཁྱོད་ཀྱིས་སྒྲུབ་པའི་ཆོ་ག་རྒྱ་ཆེར་མཆོག་ཏུ་སྒྲུབ་བོ། །ཞེས་སྒྲ་འབྱུང་ངོ ། །དེ་ནས་རིག་སྔགས་འཆང་གི་དགོས་པ་ཡོངས་སུ་རྫོགས་པའི་དཀྱིལ་འཁོར་གྱི་ཆོ་ག་ཇི་ལྟར་དགོས་པར་བྱ་སྟེ། སློབ་མ་གཞུག་པ་དང ། དམ་ཚིག་ནི། འདིར་དགོས་པ་ཞེས་བྱའོ།། དེ་ནས་རིག་སྔགས་འཆང་གང་གི་ཚེ་དགོས་པ་བྱུང་བ་དེའི་ཚེ་དྲི་ལས་བྱས་པའི་མགོན་པོ་ལ་སྔར་མཆོད་པ་བྱ་སྟེ། དེ་ནས་དགོས་པ་ཐམས་ཅད་འགྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མདུན་དུ་བཞག་ལ་བཟླས་བརྗོད་བརྒྱ་རྩ་བརྒྱད་བྱས་ན། དགོས་པ་སྣ་ཚོགས་རྨི་ལམ་དུ་སྟོན་ཅིང ། ཇི་ལྟར་བསམ་པ་ཐམས་ཅད་སྟོན་པར་འགྱུར་ཏེ། དེའི་མདུན་དུ་ཙནྡན་དཀར་པོ་ལས་དཀྱིལ་འཁོར་བྱས་ལ། ཙནྡན་དཀར་པོའི་སྦྱིན་སྲེག་བརྒྱ་རྩ་བརྒྱད་བྱའོ། །དེ་ནས་ཐལ་བ་ལ་བཟླས་བརྗོད་ལན་བརྒྱ་རྩ་བརྒྱད་བྱ་སྟེ། རང་གི་ལུས་མཐའ་དག་ཁྱབ་པར་བསྐུ་ཞིང ། ཐལ་བ་དེ་ཉིད་དང ། ཡུངས་ཀར་གྱི་བྱུག་པ་ཕྱོགས་བཞིར་གཏོར་ན། འཇིག་རྟེན་དབང་ཕྱུག་གི་གཟུགས་ཇི་ལྟར་དེ་ལྟར་འཇིག་རྟེན་ཐམས་ཅད་ཀྱིས་མངོན་སུམ་དུ་མཐོང་སྟེ། ཇི་སྲིད་དུ་ཕྱིར་བསྡུ་བ་མ་བྱས་པ་དེ་སྲིད་དུ་འཇིག་རྟེན་དབང་ཕྱུག་གི་གཟུགས་སུ་སྣང་བར་འགྱུར་རོ། །དྲི་ཆུ་དང་ཡུངས་ཀར་གྱིས་མངོན་དུ་ Ba184a ༄#། །ཕྱོགས་པར་གཏོར་ན་ཕྱིར་བསྡུ་བ་བྱས་པར་འགྱུར་རོ། །ཐལ་བ་དེས་རབ་ཏུ་བདུགས་ཏེ་དུར་ཁྲོད་ཀྱི་ནང་དུ་ཞུགས་ན། འབྱུང་པོའི་དབུང་དང ། འཁོར་དང་བཅས་པ་མདུན་ན་ཉེ་བར་གནས་པར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་ཐམས་ཅད་མདུན་ན་ཉེ་བར་གནས་ཤིང་དབང་དུ་གྱུར་ནས་གནས་ཏེ་བདག་དང་ནོར་གྱིས་བགྱི་བ་ཅི་མཆིས་ཞེས་བྱ་བ་བྱེད་དོ། །རང་ལ་བྱུགས་ཏེ་ཚོགས་ཀྱི་ནང་ངམ། དགེ་འདུན་གྱི་ནང་དུ་ཞུགས་ན། སྟོན་པ་མཐོང་བ་ཇི་ལྟ་བ་དེ་ལྟར་རིག་སྔགས་འཆང་སྣང་ཞིང་མཐོང་སྟེ། མཆོད་པའི་འོས་ཆེན་པོར་འགྱུར་རོ། །ཕྱག་བྱ་བའི་འོས་སུ་འགྱུར། དོན་དང་མཆོད་པ་ཆེན་པོ་འཐོབ་པར་འགྱུར་རོ། །ཐལ་བས་ལུས་བསྐུས་ཏེ་ཀླུའི་མཚོར་ཞུགས་ན། ཀླུའི་རྒྱལ་པོ་སྟོང་ཕྲག་དྲུག་ཅུ་རྩ་བརྒྱད་ཐམས་ཅད་དབང་དུ་གྱུར་ནས་གནས་ཏེ་བཀའ་བཞིན་བྱེད་པར་འགྱུར་ཞིང ། ཇི་སྲིད་འཚོའི་བར་དུ་ཉེ་བར་གནས་པར་འགྱུར་རོ། །རང་ལ་བྱུགས་ཏེ་རྒྱལ་པོའི་ཕོ་བྲང་དུ་ཞུགས་ན། རྒྱལ་པོའི་བཙུན་མོ་དང་འཁོར་དུ་བཅས་པ་རྣམས་དབང་དུ་འགྱུར་ཏེ། ཅི་བགྱི་ཞེས་བྱ་བ་བྱེད་ཅིང་མདུན་ན་ཉེ་བར་གནས་པར་འགྱུར་རོ། །འཇིག་རྟེན་གྱི་བླ་མ་ཇི་ལྟ་བ་དེ་བཞིན་དུ་མཆོད་པ་ཆེན་པོ་འབྱུང་བར་འགྱུར། དོན་ཆེན་པོ་དང་མཆོད་པ་ཆེན་པོ་འཐོབ་པར་འགྱུར་རོ། །ཇི་སྲིད་ Ba184b འཚོའི་བར་དུ་ཉེ་བར་གནས་པར་འགྱུར་ཏེ། སྟོན་པ་འདྲེན་པ་ཇི་ལྟ་བ་བཞིན་ནོ། །གང་དང་གང་ལ་ཐལ་བས་རེག་པ་ཙམ་གྱིས་དེ་དང་དེའི་ནད་ཐམས་ཅད་བྲལ་བར་འགྱུར། སྡིག་པ་དང་སྒྲིབ་པ་ཐམས་ཅད་རྣམ་པར་དག་པར་འགྱུར། ངན་འགྲོའི་སྒོ་ཐམས་ཅད་བཅད་པར་འགྱུར། མཆོག་ཏུ་བདེ་བ་དང་ལྡན་པར་འགྱུར་རོ། །ཤི་འཕོས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །བྱས་པ་མི་གཟོ་བ། གསང་སྔགས་ཀྱི་གདོལ་པ། མ་གུས་པ། བླ་མ་མི་བྱེད་པ། རློམ་སེམས་དང་ང་རྒྱལ་དང་ལྡན་པ། བདུད་ཀྱི་ཕྱོགས་པ། སྐྱེས་བུ་གཏི་མུག་ཅན། གསོག་པ་ལ་ཞེན་པ། ཁེངས་པ། ང་རྒྱལ་ཅན་དེ་དག་གིས་གང་དུ་ཡང་དངོས་གྲུབ་ཡང་དག་པར་རྗེས་སུ་མི་མཐོང་ངོ ། །དེ་དག་ཡུན་རིང་པོར་ཐར་པ་མི་རྙེད་པས་དུས་གསུམ་གྱི་དེ་བཞིན་གཤེགས་པ་དང ། བྱང་ཆུབ་སེམས་དཔའ་དང ། གང་ཡང་རིག་སྔགས་ཀྱི་དཀྱིལ་འཁོར་གྱི་ལྷ་རྣམས་ཀྱིས་སྨད་པ། སྐྱེ་བ་རྒྱུད་ལ་དངོས་གྲུབ་བསྲེགས་པ། འཇིག་རྟེན་འདི་དང་ཕ་རོལ་ཆུད་གསོན་པ་དག་ནི། མ་གཏོགས་ཏེ། དེ་ལྟ་མོད་ཀྱི། འདིར་བདག་གིས་ཅུང་ཟད་ཀྱང་མ་ནོངས་ཏེ། སྡུག་བསྔལ་མང་པོ་དང་ཆེན་པོའི་སེམས་ཅན་དགྲོལ་བར་རྔོ་མི་ཐོགས་ལགས་སོ། །སངས་རྒྱས་ཐུགས་རྗེ་ཆེན་པོས་བཀའ་སྩལ་པའི་ཡིད་ལ་བགྱི་བསྐལ་པ་བགྲངས་པར་ཡིད་ལ་ Ba185a ༄#། །བགྱིས་པས་དགྲོལ་བར་རྔོ་མི་ཐོགས་ལགས་སོ། །དེ་ལྟ་མོད་ཀྱི། སྡུག་བསྔལ་མང་པོ་བརྒྱུད་པར་ཉམས་སུ་མྱོང་བར་འགྱུར་རོ། །དངོས་གྲུབ་ནི། བྱམས་པས་འཐོབ་སྟེ། བྱམས་པ་དང་གསང་སྔགས་ཀྱི་གོ་ཆ་བགོས་པ། བྱམས་པའི་རལ་གྲི་ཐོགས་པ། སེམས་ཅན་ཐམས་ཅད་ལ་ཕན་ཞིང་མཉེས་གཤིན་པ་ལ་དེ་ཁོ་ན་ཉིད་སྒྲུབ་པའི་དངོས་གྲུབ་འདི་དག་འཇིག་རྟེན་འདྲེན་པས་རྗེས་སུ་གནང་ངོ ། །མགོན་པོ་འདི་མཐོང་བ་ཙམ་གྱིས་སྤོས་ཀྱི་གཟུགས་ཀྱི་འཇིག་རྟེན་མགོན་པོ་མཐོང་བ་དང ། འཇིག་རྟེན་འདྲེན་པ་རང་གི་གཟུགས་སུ་མངོན་སུམ་དུ་མཐོང་བ་མཚུངས་པ་ཉིད་དུ་ཁོང་དུ་ཆུད་པར་བགྱིའོ། །སངས་རྒྱས་བྱེ་བ་གངྒཱའི་ཀླུང་གི་བྱེ་མ་དང་མཉམ་པར་མངོན་སུམ་དུ་མཐོང་བ་ཁོ་ན་དང ། འཇིག་རྟེན་གྱི་མགོན་པོ་མཐོང་བ་མཚུངས་པ་ཁོ་ནར་ཁོང་དུ་ཆུད་པར་བགྱི་སྟེ། འདི་ལྟར་ཤེས་པར་བྱའོ། །དེ་ནས་ཕྱིར་མི་ལྡོག་པའི་གནས་རིག་སྔགས་འཆང་གི་འཁོར་ལོས་བསྒྱུར་བ་ཆེན་པོ་སྒྲུབ་པར་འདོད་པའི་དགེ་སློང་ངམ། རིགས་ཀྱི་བུའམ། རིགས་ཀྱི་བུ་མོའམ། རྒྱལ་པོའམ། བློན་པོ་ཆེན་པོའམ། རིག་སྔགས་འཆང་ངམ། གཞན་གང་ཡང་རུང་བའི་རིག་སྔགས་འཆང་གི་ཕྱིར་མི་ལྡོག་པའི་གནས་ཐོབ་པར་འདོད་པ་དང ། དུས་གསུམ་དུ་གཤེགས་ Ba185b པའི་སངས་རྒྱས་མཐོང་བར་འདོད་པ་དང ། འཕགས་པ་སྤྱན་རས་གཟིགས་དབང་ཕྱུག་གི་གནས་མཐོང་བར་འདོད་པ་དང ། རིག་སྔགས་འཆང་གི་དཀྱིལ་འཁོར་གྱི་ལྷ་ཐམས་ཅད་མཐོང་བར་འདོད་པ་དང ། འཕགས་པ་རྡོ་རྗེ་འཛིན་མཐོང་བར་འདོད་པ་དང ། དེ་བཞིན་གཤེགས་པའི་རིགས་ཐམས་ཅད་ཀྱི་སྤྱིའི་དམ་ཚིག་མཐོང་བར་འདོད་པ་ན་ཆོ་ག་འདི་བསྒྲུབ་པར་བྱ་སྟེ། སྙིང་པོ་དང་བཅས། བྱ་བ་དང་བཅས་པ་དེས་མྱུར་བ་དང ། ཤིན་ཏུ་མྱུར་བ་དང ། མགྱོགས་པར་འཇིག་རྟེན་ཐམས་ཅད་ཀྱི་མངོན་སུམ་དུ་ཆོ་འཕྲུལ་རྨད་དུ་བྱུང་བར་གསང་བ་སྟོན་པར་མཐོང་སྟེ། འདི་ལ་སོམ་ཉི་དང ། ནེམ་ནུར་བསྐྱེད་པར་མི་བྱའོ། །ཐེ་ཚོམ་དང ། ཡིད་གཉིས་བསྐྱེད་པར་མི་བྱའོ། །དེ་ནས་རིག་སྔགས་འཆང་གིས་འཕགས་པ་སྤྱན་རས་གཟིགས་དབང་ཕྱུག་གསེར་གྱི་མདོག་ཅན་སོར་བཞིའི་ཆད་ཙམ། ཚངས་པའི་ཆ་བྱད་འཆང་བ། རལ་པའི་ཐོར་ཚུགས་ཀྱིས་བརྒྱན་པ་བྱ་སྟེ། ཤིན་ཏུ་ཚད་དང་ལྡན་པ། ཆ་བྱད་མཛེས་པ། ཆ་ཤིན་ཏུ་རྣམ་པར་མཛེས་པ། ཕྱག་གཉིས་པ། སྤྱན་གསུམ་པ། འོད་དཔག་མེད་པའི་དབུ་རྒྱན་ཅན། གཡས་ན་ཟླ་བ་ཚེས་པ། ཕྱག་གཡོན་པདྨ་དང ། རིལ་བ་སྤྱི་བླུགས་བསྣམས་པ། ཕྱག་གཡས་མི་འཇིགས་པ་སྦྱིན་པ། སྐུའི་ནང་ག་བུར་དང ། གླ་རྩི་དང་རིང་སྲེལ་གྱིས་བཀང་པ། གཡས་ན་ལྷ་མོ་སྒྲོལ་མ་ Ba186a ༄#། །དངུལ་ལས་བྱས་པ་ཐལ་མོ་སྦྱར་ཏེ་ཡིད་ཙམ་འདུད་པ། གསེར་གྱི་རྒྱན་གྱིས་བརྒྱན་པ་དང ། གཡོན་ན་དངུལ་ལས་དཀར་མོ་ཐལ་མོ་སྦྱར་ཏེ་ཡིད་ཙམ་འདུད་པ་པདྨའི་གདན་ལ་བཞུགས་པར་བྱའོ། །སྟེང་གི་གཡས་ཕྱོགས་ན་འོད་དཔག་མེད་སྐྱིལ་མོ་ཀྲུང་བཅས་ཏེ་བཞུགས་པ་དང ། གཡོན་ན་ཤཱཀྱའི་རྒྱལ་པོ་སྐྱིལ་མོ་ཀྲུང་བཅས་ཏེ་བཞུགས་པ་དགོད་པར་བྱའོ། །འོད་འདོམ་གང་དང་བཅས་པས་ལེགས་པར་བརྒྱན་པར་བྱ་ཞིང་གནད་དང་གནད་ཤིན་ཏུ་རྣམ་པར་འབྱེས་པ། སྐྲ་དང ། དཔྲལ་བ་དང ། སྨིན་མ་དང ། ཤངས་དང ། སྙན་དང ། ཞལ་དང ། མགུལ་པ་དང ། དཔུང་པ་དང ། ནུ་མ་དང ། རྐེད་པ་དང ། བརླ་དང ། པུས་མོ་དང ། བྱིན་པ་དང ། ཞབས་དང ། ཕྱག་གི་སོར་མོ་མཉམ་ཞིང་ཐམས་ཅད་དུ་མཛེས་པ། སྐུ་ཆུ་ཞེནས་གབ་ཅིང་མཐོན་དམན་རན་པ། མཆོད་ཕྱིར་ཐོགས་པ་དཀར་པོ་འཆང་བར་བྱའོ། །ལས་ཤིན་ཏུ་ཡོངས་སུ་རྫོགས་ཤིང་ཤིན་ཏུ་མཐར་ཕྱིན་པ་དང ། འཕགས་པ་སྤྱན་རས་གཟིགས་དབང་ཕྱུག་གི་གཟུགས་ཟིན་པར་རིག་ནས་རིག་སྔགས་འཆང་གིས་རྒྱུ་སྐར་བཟང་པོའི་ཟླ་བ་ཉ་བའམ། ཚེས་བརྒྱད་དམ། བཅོ་ལྔའམ། བཅུ་གསུམ་མམ། བཅུ་བཞིའམ། རྒྱུ་སྐར་བཀྲ་ཤིས་པ་རྒྱལ་གྱི་ཉི་མ་དང་མཐུན་པ་རྙེད་ནས་དཀྱིལ་ Ba186b འཁོར་བསྒྲུབ་པར་བྱ་སྟེ། དཀྱིལ་འཁོར་ཤིན་ཏུ་མཛེས་པར་བྱ་བ་ནི། གྲུ་བཞི་ལ་ཆ་ལེགས་པར་ཕྱེད་པ། ཀོ་ལའི་ཚད་ཙམ་ལ་ཐེམ་སྐས་བཞིས་བརྒྱན་པ། ཁྲུ་གསུམ་པར་རྣམ་པར་དབྱེ་བར་བྱ་སྟེ། ཆུང་བ་དང ། ལྷག་པར་མི་བྱའོ། །ལེགས་པར་བྱུགས་པ། ཤིན་ཏུ་འཇམ་པ། སྙི་བ། མཉེན་པ། དབྱིབས་ལེགས་པ་ལ་ཚོན་རྩི་སྣ་ཚོགས་ཀྱིས་རྣམ་པར་དབྱེ་ཞིང་དཀྱིལ་འཁོར་དམ་པ། ཐིག་གདབ་པ་ཤིན་ཏུ་རྣམ་པར་མཛེས་པ། སྒོ་བཞི་པ་ལ་དཀྱིལ་འཁོར་གྱི་དབུས་ཀྱི་སྙིང་པོར་པདྨའི་རིགས་ཀྱི་དཀྱིལ་འཁོར་དོན་ཡོད་པའི་ཞགས་པའི་དཀྱིལ་འཁོར་བྲིའོ། །ཕྱི་རོལ་གྱི་དཀྱིལ་འཁོར་གྱི་གནས་སུ་ཆ་རྣམ་པ་བརྒྱད་དུ་ཕྱེ་ལ། ལྷོའི་གྲའི་གནས་སུ་དེ་བཞིན་གཤེགས་པའི་རིགས་སྣ་ཚོགས་ཀྱིས་བྲིའོ། །དེ་ནས་ཕྱང་གི་གྲར་བྲི་བ་ནི། རྡོ་རྗེའི་རིགས་ཀྱི་དཀྱིལ་འཁོར་ཚོན་རྩི་སྣ་ཚོགས་ཀྱིས་རྣམ་པར་བཀྲ་བར་བྲིའོ། །དེ་ནས་ནུབ་ཀྱི་གྲར་བྲི་བ་ནི། ནོར་བུའི་རིགས་ཀྱི་དཀྱིལ་འཁོར་སྣ་ཚོགས་ཀྱིས་རྣམ་པར་བཀྲ་བར་བྲིའོ། །དེ་ནས་ཤར་གྱི་གྲར་གླང་པོ་ཆེའི་རིགས་ཀྱི་དཀྱིལ་འཁོར་ཚོན་རྩི་སྣ་ཚོགས་ཀྱིས་རྟག་ཏུ་ཤིན་ཏུ་མཛེས་པ་དང ། ཤིན་ཏུ་གསལ་བར་བྲིའོ། །ཤར་ཕྱོགས་ཀྱི་དཀྱིལ་འཁོར་གྱི་སྒོར་རི་བོ་པོ་ཊ་ལ་མེ་ཏོག་དང་ཤིང་ལྗོན་པ་སྣ་ཚོགས་ཀྱིས་ལེགས་པར་བརྒྱན་པ་རིའི་ལྷ་དང་བཅས་པ་བྲིའོ། །ལྷོ་ཕྱོགས་ Ba187a ༄#། །ཀྱི་སྒོར་རི་རབ་ཀླུའི་རྒྱལ་པོ་དགའ་བོ་དང་ཉེ་དགའ་བོས་ཀུན་ནས་དཀྲིས་པ་དང ། སུམ་ཅུ་གསུམ་པའི་རིས་ཀྱི་ལྷ་བྲིའོ། །བྱང་ཕྱོགས་ཀྱི་སྒོར་ནི། སྤོས་ཀྱི་ངད་ལྡང་དྲི་ཟའི་ཚོགས་ཀྱིས་གང་བ་ཤིང་ལྗོན་པ་སྣ་ཚོགས་ཀྱིས་ཤིན་ཏུ་མཛེས་པ་བྲིའོ། །ནུབ་ཕྱོགས་ཀྱི་སྒོར་རི་ཏི་སེ་ལྷ་རྣམས་ཀྱི་གནས་མེ་ཏོག་སྣ་ཚོགས་དང ། ཁྲི་ཤིང་དང ། ཤིང་ལྗོན་པ་སྣ་ཚོགས་མཆོག་གིས་རྟག་ཏུ་གང་བ་བྲིའོ། །ལེགས་པར་ཟིན་ནས་ཀུན་ཏུ་ནི། མདུང་རྩེ་གསུམ་པའི་བར་ཕྲེང་ངོ ། །དེ་བཞིན་གཤེགས་པའི་རིགས་སུ་དེ་བཞིན་གཤེགས་པ་དང ། རྡོ་རྗེའི་རིགས་ཉིད་གཞག་གོ་།ནོར་བུའི་རིགས་སུ་དེ་བཞིན་གཤེགས་པ་གཞག་ཅིང་དེ་བཞིན་གཤེགས་པའི་རིགས་དང ། ཐམས་ཅད་རྡོ་རྗེ་འཛིན་པ་བཞག་ན། སྤྱིའི་རིགས་གྲུབ་བོ། །ལྷ་མོ་སྒྲོལ་མ་ནི། རི་བོ་པོ་ཊ་ལ་ལ་གཞག་གོ་།རི་རབ་ལ་ནི། གོས་དཀར་མོའོ། །དཔེ་མེད་མ་ནི། ཏི་སེའི་རྩེ་མོར་རོ། །སྒྲོལ་མ་བདུན་ནི། སྤོས་ཀྱི་ངད་ལྡང་ལ་གཞག་གོ་།ཤར་ཕྱོགས་ཀྱི་སྒོར་ཕོ་ཉ་མོ་བདུན་གྱིས་ཡོངས་སུ་བསྐོར་བའོ། །ལྷོ་ཕྱོགས་ཀྱི་སྒོར་ནི། སྲིན་མོ་རལ་པ་གཅིག་མ་སྲིན་མོ་བདུན་གྱིས་ཡོངས་སུ་བསྐོར་བའོ། །ནུབ་ཕྱོགས་ཀྱི་སྒོར་རྡོ་རྗེ་ལུ་གུ་རྒྱུད་ལུ་གུ་རྒྱུད་བདུན་གྱིས་ཡོངས་སུ་བསྐོར་བའོ། །བྱང་ཕྱོགས་ཀྱི་ Ba187b སྒོར་ཁྲོ་གཉེར་ཅན་མོ་ཁྲོ་གཉེར་ཅན་བདུན་གྱིས་ཡོངས་སུ་བསྐོར་བའོ། །དེ་ནས་འཇིགས་པ་མེད་པས་མགོན་པོ་འཇིག་རྟེན་གྱི་བླ་མའི་གཟུགས་གསེར་གྱི་མདོག་ཅན་རིང་བསྲེལ་དང་ལྡན་པ་དོན་ཡོད་པའི་རྒྱལ་པོ་རྣམ་པར་འཕྲུལ་པའི་དཀྱིལ་འཁོར་གྱི་སྙིང་པོ་པདྨ་རྒྱ་ཆེན་པོའི་དཀྱིལ་འཁོར་དུ་གཞག་པར་བྱའོ། །གྲར་རྒྱལ་པོ་ཆེན་པོ་བཞི་སྟོབས་པོ་ཆེ་གོ་ཆ་བགོས་པ། དྲག་ཤུལ་གྱི་གཟུགས་ཅན། མཚོན་ཆ་འབར་བ་ཐོགས་པ་གཞག་པར་བྱའོ། །གང་ཞིག་ཐུབ་པ་རྣམ་པར་སྣང་མཛད་ཀྱི་སྤྲུལ་པ། སྤྱིའི་རིགས་ཡང་དག་པར་འབྱུང་བ། དོན་ཡོད་པའི་རྒྱལ་པོ་རྣམ་པར་འཕྲུལ་པ། འཇིག་རྟེན་དབང་ཕྱུག་མཆོག་སྦྱིན་པ་དང་བཅས་པ། དོན་ཡོད་པའི་ཞགས་པ་རྣམ་པར་འཕྲུལ་པ་བསྒྲུབ་པའི་ཆེད་དུ་ཆོ་ག་སྣ་ཚོགས་དྲན་པ་བྱའོ། །སེམས་ཅན་ཀུན་ལ་ཕན་པའི་ཕྱིར། །རྣམ་ཐར་དཀྱིལ་འཁོར་དེ་ཉིད་ནི། །ལེགས་པར་སྒྲུབ་པ་མཐོང་ཙམ་དང ། །བཀླགས་པས་དངོས་གྲུབ་བླ་མེད་འགྱུར། །དེ་བས་རྟག་ཏུ་འབད་པ་ཡིས། །སྒྲུབ་པར་བྱེད་པ་ནི་མཁས་སོ། །དེ་ནས་རིག་སྔགས་འཆང་གཙང་མར་གྱུར་པ་ཤིན་ཏུ་ཁྲུས་བྱས་པ་གོས་གཙང་མ་བགོས་པས་དར་དང་བ་དན་སྣ་ཚོགས་བཟང་པོས་དཀྱིལ་འཁོར་བརྒྱན་པར་བྱའོ། །རོ་བྲོ་བའི་མཆོག་རྒྱ་ཆེན་པོས་སྣོད་སྣ་ཚོགས་ལེགས་པར་བཀང་བ་དང ། གསེར་དང་དངུལ་ Ba188a ༄#། །གྱི་སྣོད་དུ་མཆོད་ཡོན་འབུལ་ཞིང་རོ་སྣ་ཚོགས་ཀྱི་གཏོར་མ་གཞག་པར་བྱའོ། །དེ་བཞིན་དུ་འབྲས་བུ་སྣ་ཚོགས་གཞག་པར་བྱའོ། །གཟུགས་རྣམ་པ་སྣ་ཚོགས་པའི་ཁ་ཟས་ཀྱི་གཏོར་མ་ཡང་བསྒྲུབ་བོ། །མེ་ཏོག་སྣ་ཚོགས་བཀྲམ་ཞིང་གཏོར་མ་སྣ་ཚོགས་ཀྱིས་བཀང་བ་དང ། བུམ་པ་དང ། རྫེའུ་དང ། ཕོར་ཟླུམ་དང ། ཁམ་པོ་དང ། དབྱིབ་མོ་དག་ཀྱང་དགང་ངོ ། །ཀུན་ཏུ་དྲི་ཆུས་བསྒོས་པ་ཡི། །རྒྱ་ཆེན་གཏོར་མ་ཀུན་ཏུའོ། །སྣ་ཚོགས་པ་ཡི་པོག་ཕོར་ནས། །སྣ་ཚོགས་བདུག་སྤོས་དབུལ་བ་ནི། ། ག་རུ་དང ། ཙནྡན་དང ། སྤྲིག་ཀ་དང ། དུ་རུ་སྐ་དང ། ཀུན་ཏུ་རུ་དང ། གུ་གུལ་དང ། སྒྲོན་ཤིང་དང ། ཤྲི་བེ་ཊཥྚ་ཀ་དང ། ས་ར་དང ། ས་ར་ཛ་ར་ས་དང ། དེ་བཞིན་དུ་ག་པུར་དང ། གླ་རྩི་དང ། གུར་གུམ་དང ། ཤ་ཁ་རའི་བདུག་སྤོས་འདི་དག་ནི། རབ་ཏུ་ཕུལ། ཐམས་ཅད་དུ་སྒྲུབ་པ་བླ་ན་མེད་པ་ཡིན་ནོ། །སྣ་ཚོགས་པ་ཡི་དྲི་དག་དང ། །ཕྱེ་མ་བྱུག་པ་སྣ་ཚོགས་ཉིད། །ཤེས་རབ་ཅན་གྱིས་ཀུན་ཏུ་ནི། །དཀྱིལ་འཁོར་དག་ལ་གཞག་པར་བྱ། །ལྷ་རྫས་ཀྱི་རིན་པོ་ཆེ་སྣ་བདུན་གྱི་མེ་ཏོག་དང ། དངུལ་གྱི་མེ་ཏོག་དང ། ཟངས་ཀྱི་མེ་ཏོག་དང ། བྱི་རུ་དང་ནི་མུ་ཏིག་དང ། །ིནྡྲ་ནཱི་ལ་དག་དང་ནི། །པདྨ་རཱ་ག་དག་ཀྱང་ངོ ། །གསེར་དང་དངུལ་གྱི་བུམ་པ་རིན་ Ba188b པོ་ཆེ་སྣ་བདུན་ཅན་ཡང་གྲ་བཞིར་གཞག་པར་བྱའོ། །འབྲས་ཡོས་དང ། ཡུངས་ཀར་དང་བསྲེས་པས་དཀྱིལ་འཁོར་དུ་ཀུན་ཏུ་གཏོར་རོ། །ཀུན་ནས་མེ་ཏོག་ཕྲེང་བ་ནི། །རྨད་བྱུང་དཀྱིལ་འཁོར་ལ་གཞག་ཅིང ། །ཀུན་ནས་མར་མེའི་ཕྲེང་བ་དང ། །དཀྱིལ་འཁོར་རྨད་དུ་བྱུང་ལ་གཞག་།རིག་སྔགས་འཆང་ཉིན་ཞག་གཅིག་གནས་པར་གྱུར་པས་ཡང་བཟླས་བརྗོད་རྒྱ་ཆེར་བྱས་ལ་ཆོ་གས་སྲུང་བ་དང ། ཕྱོགས་བཅིང་བ་དང ། ཀུན་ནས་དཀྱིལ་འཁོར་བཅིང་བ་བྱས་ལ་དཀྱིལ་འཁོར་གྱི་ལས་བྱའོ། །དེ་ནས་སློབ་མ་གཞུག་པར་བྱ་སྟེ། བླ་མ་མཁན་པོའམ། སློབ་དཔོན་ནམ། ཕའམ། རྒྱལ་པོའམ། བློན་པོ་ཆེན་པོ་ལ་དམ་ཚིག་དང ། ཕྱག་རྒྱ་དང ། དཀྱིལ་འཁོར་གསང་བ་བསྟན་ཏེ། མགོན་པོ་འཇིག་རྟེན་གྱི་བླ་མ་མཐོང་ཞིང་དཀྱིལ་འཁོར་རྨད་དུ་བྱུང་བ་མཐོང་ནས་ཕྱག་བྱ་ཞིང་མཆོད་པ་དང ། མེ་ཏོག་དང ། བདུག་སྤོས་དབུལ་བར་བྱས་ལ་བསྐོར་བ་བྱའོ། །དེ་ནས་རིག་སྔགས་འཆང་གིས་ཐམས་ཅད་ལ་བྱམས་པའི་སེམས་མཉམ་པར་བཞག་སྟེ་སྐྱིལ་མོ་ཀྲུང་བཅས་ནས་འདུག་ལ་མི་སྨྲ་བར་ཡ་མཚན་དུ་སྣང་བར་མཐོང་གི་བར་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱས་ལ་དཀྱིལ་འཁོར་ཀུན་ཏུ་ཁྲོ་བོའི་རྒྱལ་པོས་ལན་བརྒྱ་རྩ་བརྒྱད་དབང་བསྐུར་ཞིང ། ཡུངས་ཀར་དང ། ཆུ་དང་མེ་ཏོག་གིས་དཀྱིལ་འཁོར་ཀུན་ཏུ་ལན་བརྒྱ་རྩ་ Ba189a ༄#། །བརྒྱད་གཏོར་བའི་མོད་ལ་རྟག་ཏུ་ཕྱག་རྒྱ་ལན་བརྒྱ་རྩ་བརྒྱད་བཅིངས་ལ་དཀྱིལ་འཁོར་དུ་མེ་ཏོག་དང ། བདུག་སྤོས་དང ། དྲི་ཕུལ་ནས་མགོན་པོ་འཇིག་རྟེན་དབང་ཕྱུག་དོན་ཡོད་པའི་ཞགས་པ་མཐོང་ན་དོན་ཡོད་པ་ཉིད་མཆོད་པར་བྱའོ། །དེ་ནས་མགོན་པོ་ཕྱག་ན་རྡོ་རྗེ་དང ། རིག་སྔགས་ཀྱི་རྒྱལ་པོ་བླ་ན་མེད་པ་མཆོད་པ་བྱེད་དོ། །དེ་ནས་ལྷ་མོ་སྒྲོལ་མ་དང ། ཀུན་ཏུ་ལྷ་མོ་ཐམས་ཅད་ལའོ། །དེ་ནས་དཀྱིལ་འཁོར་གྱི་ལྷ་ཐམས་ཅད་ལའོ། །དེ་ནས་རིའི་རྒྱལ་པོ་རྣམས་ལ་གནས་པའི་རིའི་ལྷ་ཐམས་ཅད་ལའོ། །ཐམས་ཅད་དང་སྒོ་བསྲུངས་ལ་རྟག་ཏུ་མཆོད་པ་བྱའོ། །དེ་ནས་ཕྱོགས་བཞི་ཀུན་ཏུ་རིག་སྔགས་འཆང་གིས་རྟག་ཏུ་མཆོད་ནས་སྐྱིལ་མོ་ཀྲུང་བཅས་ཏེ་འདུག་ལ་འཇིགས་པ་མེད་པས་ལག་པའི་ཕྱག་རྒྱ་བཅིང་བར་བྱའོ། །བྱམས་པའི་སེམས་དང་སྙིང་རྗེའི་ལྷག་པའི་བསམ་པ་ཉིད་ཀྱིས་དོན་ཡོད་པའི་ཞགས་པ་རྟག་ཏུ་དྲན་པར་བྱ་ཞིང་སངས་རྒྱས་རྗེས་སུ་དྲན་པ་བསྒོམ་མོ། །གསང་སྔགས་བརྗོད་མ་ཐག་ཏུ་དཀྱིལ་འཁོར་དང་ས་གཞི་གཡོ་ཞིང་གང་དཀྱིལ་འཁོར་དུ་ཞུགས་པའི་མོད་ལ་སྙིང་དགའ་བ་དང ། སེམས་བདེ་བ་ཐོབ་བོ། །འོད་ཟེར་བྱེ་བ་ཁ་དོག་སྣ་ཚོགས་རྣམ་པར་བཀྲམ་པ་འབྱུང་ཞིང་དཀྱིལ་འཁོར་གྱི་སྙིང་པོ་ན་དོན་ཡོད་པའི་ཞགས་པ་འགུལ་ Ba189b བར་འགྱུར་དཀྱིལ་འཁོར་གྱི་སྙིང་པོ་འབར་བར་འགྱུར། དེ་བཞིན་གཤེགས་པ་ཐམས་ཅད་དང ། དེ་བཞིན་དུ་ཕྱག་ན་རྡོ་རྗེ་འབར་བར་འགྱུར། དཀྱིལ་འཁོར་ལ་གནས་པའི་ལྷ་དང ། ལྷ་མོ་ཐམས་ཅད་འབར་བར་འགྱུར། ལྷ་གཡོ་བར་འགྱུར་ཞིང་དཀྱིལ་འཁོར་ཀུན་ནས་ལེགས་སོ་ཞེས་སྒྲ་གྲགས་པར་འགྱུར་རོ། །དེ་ནས་ཇི་ལྟར་གསེར་བཀོད་པ་དེ་ལྟར་དབུས་ཀྱི་དཀྱིལ་འཁོར་གྱི་སྙིང་པོ་དང ། མགོན་པོ་དེ་བཞིན་གཤེགས་པ་ཤཱཀྱ་ཐུབ་པ་དང ། འཕགས་པ་སྤྱན་རས་གཟིགས་དབང་ཕྱུག་དང ། ཕྱག་ན་རྡོ་རྗེ་དང ། སྒྲོལ་མ་དང ། དཀར་མོ་གསེར་གྱི་མདོག་གིས་བཀོད་པ་ཆེན་པོའི་དཀྱིལ་འཁོར་ཀྱི་ནང་ནས་བཞེངས་པར་འགྱུར། སྐུ་གསེར་མདོག་ཅན་གཟུགས་བཟང་པོས་བདག་ཉིད་ཀྱིས་རང་གི་ངོ་བོ་སྟོན་པ་སྣང་བར་འགྱུར། ཕྱོགས་བཅུ་ཀུན་ཏུ་རྟག་ཏུ་གཟིགས་པར་འགྱུར་རོ། །ཐམས་ཅད་དུ་རྟག་ཏུ་སེམས་བརྟན་པོར་བྱ་སྟེ། རིག་སྔགས་འཆང་བྱམས་པ་དང་བཅས་པའི་སེམས་བརྟན་པོར་གྱུར་པས་མེ་ཏོག་དང་རོལ་མོའི་སྒྲ་དབུལ་ཞིང་དོན་ཡོད་པའི་རྒྱལ་པོ་ཡང་དྲན་པར་བྱའོ། །དེ་ནས་དེ་བཞིན་གཤེགས་པས་ཕྱག་གསེར་གྱི་མདོག་ཅན་བརྐྱངས་ཏེ། རིག་སྔགས་འཆང་གི་སྤྱི་བོར་བཞག་ནས་ལགས་སོ། །ཞེས་བྱ་བ་སྦྱིན་པར་མཛད་ཅིང་རིག་སྔགས་འཆང་ཁྱོད་ཀྱིས་དོན་ཡོད་པའི་ཞགས་ Ba190a ༄#། །པའི་སྙིང་པོ་དང ། ཆོ་ག་ཞིབ་མོ་མཐའ་དག་དང ། དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་གྲུབ་སྟེ། སྐྱེས་བུ་དམ་པ་ཁྱོད་བདེ་བ་ཅན་གྱི་འཇིག་རྟེན་གྱི་ཁམས་སུ་ལུང་བསྟན་གྱི། རང་གི་ངོ་བོ་ཉིད་ཀྱིས་ཡོངས་སུ་དག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་སྐྱེས་བུ་དམ་པ་ཁྱོད་རང་གི་ངོ་བོ་ཕྱིར་མི་ལྡོག་པ་དང ། དོན་ཡོད་པའི་རིག་སྔགས་འཆང་གིས་འཁོར་ལོ་བསྒྱུར་བར་འགྱུར་བར་བྱོས་ཤིག་།དཀྱིལ་འཁོར་འདི་ལ་བརྟེན་བའི་སྐྱེ་བོ་དགེ་བ་དང་ལྷག་པའི་བསམ་པ་ལ་ཞུགས་པ། སེམས་ཅན་ཐམས་ཅད་བླ་ན་མེད་པའི་མྱ་ངན་ལས་འདས་པར་ལུང་བསྟན་གྱི་བར་དུ་ཕྱིར་མི་ལྡོག་པར་འགྱུར་རོ། །ཅི་སྟེ་སེམས་ཅན་ངན་པ་རིག་སྔགས་ཀྱི་གདོལ་པ་སྨད་པ་དག་དེར་ཞུགས་ན། གཟུགས་བརྙན་ལས་ཁྲག་འཛག་ཅིང་སྒྲ་མི་བཟད་པ་འབྱུང་སྟེ། མགོན་པོ་འདི་མི་མཐོང ། ས་འདི་གཡོ་བར་མི་འགྱུར། དཀྱིལ་འཁོར་འདི་འབར་བར་མི་འགྱུར་ཏེ། དེའི་ཚེ་རིག་སྔགས་འཆང་ལ་རྨི་ལམ་དུ་སྟོན་ཏེ། དེ་ཉིད་ཀྱང་གཞན་དུ་མི་འགྱུར་རོ། །ཇི་ལྟར་མངོན་སུམ་དེ་བཞིན་དུ་རྨི་ལམ་དུ་སྟོན་ཅིང་ཡིད་ལ་བསམ་པ་ཐམས་ཅད་ཡོངས་སུ་རྫོགས་པར་འགྱུར། དེ་ལྟ་བས་ན། རིག་སྔགས་འཆང་ལེགས་པར་ Ba190b བརྟག་ཅིང་སོ་སོར་བརྟགས་ཏེ་སེམས་ཅན་དཀྱིལ་འཁོར་དུ་གཞུག་པར་བྱའོ། །སྒྲུབ་པ་པོ་བདེན་པར་སྨྲ་བ་དང ། དབང་པོ་ཡང་དག་པར་བསྡམས་པ། སེམས་ཅན་ཐམས་ཅད་ལ་བྱམས་པ། སེམས་ཅན་ཐམས་ཅད་ལ་བརྩེ་པ་ཅན། གཞན་ལ་ཡང་དག་པར་སྨྲ་བ། ཚིག་བརྟགས་པ་དད་པ་ཅན། གུས་པ་དང་ལྡན་པ་ཉིད། མར་འཛིན་པ། ཕར་འཛིན་པ།་དཀོན་མཆོག་གསུམ་ལ་སྐྱབས་སུ་སོང་བ། རྟག་ཏུ་བླ་མ་ལ་གུས་པ་ཉིད་ཀྱི་སེམས་ཅན་འདི་དག་གཞུག་པར་བྱའོ། །རབ་ཏུ་བག་ཡོད་པ་དང ། རྟག་ཏུ་གཙང་ཞིང་གཙང་སྦྲ་དང་ལྡན་པ་དང ། ཁ་ཟས་ངན་པ་དང ། ལྷག་མ་དང ། འབགས་པ་དང ། འདྲེས་པ་དང ། གཅིག་ཏུ་བསྲེས་པ་དང ། ཅུང་ཟད་བཀྲུས་པ་དང ། ཆང་དང ། ཤ་དང ། ཀུན་དོང་དང ། སྒོག་སྐྱ་དང ། ཀེའུ་དང་བསྲེས་པའི་ཁ་ཟས་དག་སྤང་བར་བྱ་ཞིང ། རང་གི་ཁ་འཕྲོ་ཡང་སྤང་བར་བྱའོ། །ལྷག་མ་ནི། རྟག་ཏུ་སྤང་བར་བྱ་སྟེ། འདི་དག་སྒྲུབ་པའི་ཆོ་ག་ལ་དྲན་པར་བྱའོ། །ལག་པ་འབགས་པས་གདོང་ལ་རེག་པར་མི་བྱ། ལྷུང་བཟེད་དོར་བར་མི་བྱའོ། །རྟག་ཏུ་ཁམ་ཕྱེད་ཕྱེད་དུ་གཅོད་པ་དང ། མཆོག་ཏུ་འབགས་པ་འདི་དག་ནམ་ཡང་བཟའ་བར་མི་བྱའོ། །གཙང་མས་ཟས་གཙང་མ་བཟའ་ཞིང་ལག་པའི་སོར་མོ་བསྡམས་པས་ཁ་གདོང་ལ་གོས་པ་ལ་མི་རེག་པར་འདི་དག་ཟ་བ་ཉིད་ནི། མཆོག་ཏུ་ Ba191a ༄#། །མཛེས་ཤིང ། བློ་དང་ལྡན་པ་ཡིན་ནོ། །དེ་ནས་རིག་སྔགས་འཆང་གིས་ལས་ཤིན་ཏུ་ཡོངས་སུ་རྫོགས་པར་བྱས་ཤིང་དཀྱིལ་འཁོར་གྱི་བྱ་བ་ལེགས་པར་རྫོགས་ན། དེ་ལ་ཁྲག་འཛག་པར་མི་འགྱུར་རོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གིས་ཕྱག་བརྐྱང་པས་རིག་སྔགས་འཆང་གི་ལག་པ་ནས་བཟུང་ནས་དཀྱིལ་འཁོར་གྱི་ནང་དུ་འཇུག་པར་མཛད་ཅིང་ཤིན་ཏུ་དྲི་མ་མེད་པར་སྣང་བ་ཞེས་བྱ་བའི་ནོར་བུ་ཉིད་ཀྱི་མགུལ་པ་ནས་བཀྲོལ་ཏེ་རིག་སྔགས་འཆང་གི་འགུལ་དུ་འདོགས་པར་མཛད་དོ། །སྤྱི་བོར་ཕྱག་འཇོག་པར་མཛད་ཅིང་འདི་ལ་སྲས་ཀྱི་ཐུ་བོ་ཞེས་གསུང་ངོ ། །མགུལ་པར་ནོར་བུ་བཅིངས་པ་ཙམ་གྱི་མོད་ལ་དེ་ནམ་མཁའ་ལ་འགྲོ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དམ་ཚིག་དང་དཀྱིལ་འཁོར་མཐོང་བར་གྱུར། བྱང་ཆུབ་ཀྱི་སྙིང་པོ་ལ་ཐུག་གི་བར་དུ་རིགས་ཐམས་ཅད་དུ་དོན་ཡོད་པའི་རིག་སྔགས་འཆང་གི་རྒྱལ་པོ་འཁོར་ལོས་བསྒྱུར་བར་འགྱུར་རོ། །དོན་ཡོད་པའི་རྒྱལ་པོའི་ཆོ་ག་ཞིབ་མོ་དང ། དཀྱིལ་འཁོར་ཆེན་པོ་རྟག་ཏུ་མངོན་དུ་འགྱུར་ཞིང་རྒྱལ་མཚན་གྱི་རྩེ་མོ་ཉིད་སྨིན་མཚམས་ན་འདུག་པར་འགྱུར་རོ། །རྒྱ་ཆེན་པོ་དྲི་མ་མེད་པར་སྣང་བ་དོན་ཡོད་པའི་ཡེ་ཤེས་རྣམ་པར་ Ba191b འཕྲུལ་པ་ཞེས་བྱ་བའི་ཏིང་ངེ་འཛིན་ཐོབ་སྟེ། གང་ཏིང་ངེ་འཛིན་རྗེས་སུ་ཐོབ་པས་འཇིག་རྟེན་པ་ཐམས་ཅད་ཀྱི་དངོས་གྲུབ་རྣམ་པར་འཕྲུལ་པའི་ཆོ་འཕྲུལ་སྟོན་པར་འགྱུར་རོ། ཕྱག་རྒྱ་དང ། དཀྱིལ་འཁོར་དང ། ཆོ་ག་ཞིབ་མོ་དང ། སྒྲུབ་པ་དང ། དམ་ཚིག་དང ། གསང་བ་ཐམས་ཅད་ཀྱི་མཐུ་ཆེན་པོ་སྟོན་པར་འགྱུར་རོ། །དོན་ཡོད་པ་ཆེན་པོའི་འཁོར་ལོས་བསྒྱུར་བའི་རྣམ་པར་འཕྲུལ་པ་ཐམས་ཅད་སྟོན་པར་འགྱུར་རོ། །དོན་ཡོད་པའི་དམ་ཚིག་གི་བྱིན་གྱི་རླབས་དང ། དེ་བཞིན་གཤེགས་པའི་གསང་བའི་དམ་ཚིག་མཐའ་ཡས་པ་འཐོབ་སྟེ། གང་དམ་ཚིག་ཐོབ་པས་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་དང་མཚུངས་པར་ཤེས་པར་འགྱུར་རོ། །དེ་བཞིན་གཤེགས་པའི་དམ་ཚིག་མཉམ་པ་ཉིད་ཀྱི་རྣམ་པར་འཕྲུལ་བ་སྟོན་པར་འགྱུར་རོ། །དེ་ནས་རིག་སྔགས་འཆང་དཀྱིལ་འཁོར་གྱི་ཆོ་གའི་བྱ་བ་ཐམས་ཅད་ཡོངས་སུ་རྫོགས་པར་བྱས་ནས་སྤྱན་རས་གཟིགས་དབང་ཕྱུག་རིང་བསྲེལ་དང་བཅས་པ་དེ་ཡང་ས་ཕྱོགས་དཔེན་པའི་གནས་གཙང་མར་གོས་གཙང་མའི་གདན་བཤམས་ལ་དེའི་སྟེང་དུ་གཞག་པར་བྱའོ། ། ག་རུའི་བདུག་སྤོས་འབུལ་ཞིང་ཉིན་གཅིག་བཞིན་དུ་ནང་པར་སྔར་གཞན་མི་སྨྲ་བར་བཟླས་བརྗོད་བརྒྱ་རྩ་བརྒྱད་བྱ་སྟེ། རིག་སྔགས་ཀྱི་རྒྱལ་པོས་མཆོད་པ་དབུལ་བར་བྱའོ། །དེ་ནས་འཕགས་ Ba192a ༄#། །པ་སྤྱན་རས་གཟིགས་དབང་ཕྱུག་གི་གཟུགས་བརྙན་འབར་བར་འགྱུར་ཏེ། ཉིན་གཅིག་བཞིན་དུ་འཕགས་པ་སྤྱན་རས་གཟིགས་དབང་ཕྱུག་གཟུགས་བརྙན་སྨྲ་བར་འགྱུར་རོ། །ཚིག་འབྱིན་པར་འགྱུར་རོ། །ད་ལྟར་གྱི་བཞིན་དུ་དེ་ཐམས་ཅད་སྨྲ་བར་འགྱུར་ཏེ། དགེ་བ་དང ། མི་དགེ་བ་དང ། འདས་པ་དང ། མ་འོངས་པ་དང ། ད་ལྟར་བྱུང་བ་དེ་ཐམས་ཅད་སྨྲ་བར་འགྱུར་རོ། །ཚེ་རིང་བའམ། ཚེ་ཡོངས་སུ་ཟང་བ་དེ་ཐམས་ཅད་སྟོན་ཅིང་སྨྲ་བར་འགྱུར་རོ། །རྒྱལ་པོ་བརྗེ་བའམ། དགྲ་འཐབ་པའམ། ཕ་རོལ་གྱི་དམག་ཚོགས་འཐབ་པའམ། ལོ་ཉེས་པ་དང ། མི་ངས་དང ། དགོན་པ་དང ། ནད་དང ། ན་བ་དང ། གདོན་དང ། གནོད་པ་དང ། འཚེ་བ་དང ། གྲང་བ་དང ། རླུང་དང ། ཚ་བ་དང ། སེར་བ་དང ། ཆོམ་པོའི་འཇིགས་པ་དང ། རྐུན་པོའི་འཇིགས་པ་དང ། གཅན་གཟན་གཏུམ་པོའི་འཇིགས་པ་དང ། སྦྲུལ་གདུག་པའི་འཇིགས་པ་དང ། བདེ་བ་དང ། ལོ་ལེགས་པ་དང ། འབྲས་བུ་འཕེལ་བ་དང ། འབྲུ་འཕེལ་བ་དེ་ཐམས་ཅད་སྨྲ་བར་འགྱུར་ཞིང ། དེའི་ཐབས་ཐམས་ཅད་ཀྱང་རབ་ཏུ་སྟོན་པར་འགྱུར་རོ། །རིག་སྔགས་འཆང་ལ་ཉིན་གཅིག་བཞིན་དུ་ཁྱད་པར་དུ་གྱུར་པ་རྣམ་པ་མང་པོ་རབ་ཏུ་སྟོན་པར་འགྱུར་རོ། །ཁ་ཅིག་ལ་བསྟན་པར་མི་བགྱི་ Ba192b སྟེ།་སྡང་སེམས་ཅན་རིག་སྔགས་ཀྱི་གདོལ་པ། རྐུན་མ། བྱས་པ་མི་གཟོ་བ་བླང་བ། འཕགས་པའི་དགེ་འདུན་ལ་འཁུ་བ། འཕགས་པའི་དགེ་འདུན་ལ་འཕྲོག་པ། བསླང་པ་མི་འདོད་པ་དང་ཡང་དག་པར་ལྡན་པ་དེ་དག་གི་ལག་ཏུ་བསྟན་པར་མི་བགྱི། རྣ་བར་བསྒྲག་པར་མི་བགྱི། སྐྲའི་རྩེ་མོ་ཙམ་དུ་སྣང་བ་ཡང་བསྟན་པར་མི་བགྱིའོ། །ཆོ་ག་ཞིབ་མོ་འདི་ནི། ཡི་གེའི་འབྲུ་གཅིག་ཀྱང་བསྟན་པར་མི་བགྱིའོ། །རྗེས་སུ་འཇུག་པར་མི་བགྱིའོ། །དེ་ནས་རིག་སྔགས་འཆང་བ་དངོས་གྲུབ་མཆོག་ཐོབ་པར་འགྱུར་ཏེ། མཆོག་ཏུ་ཡིད་བརྟན་པ། རྣམ་པར་ཐར་པ་མཆོག་གི་དཀྱིལ་འཁོར་གསང་བ་ཐོབ་པར་འགྱུར་རོ། །གང་གི་དྲུང་ནས་རིག་སྔགས་ཀྱི་རྒྱལ་པོའི་རིག་སྔགས་ཀྱི་དཀྱིལ་འཁོར་ཆེན་པོ་ལག་ཏུ་འཐོབ་པར་འགྱུར་བ་དེ་ལ་སྟོན་པ་དང ། བླ་མའི་འདུ་ཤེས་སྐྱེད་པར་བགྱིད། བདག་དང་འདྲ་བར་མཆོད་པ་སྣ་ཚོགས་ཀྱིས་གུས་པར་བགྱིད་ན། བདག་ལ་གུས་པ་དང ། བླ་མར་བགྱིད་པ་ལགས། མཆོད་པ་དང ། བརྗེད་པ་བགྱིད་པ་ལགས་སོ། །དེ་ལྟ་པས་ན། དད་པའི་རྗེས་སུ་འབྲང་བས་བྱམས་པ་བསྒོམས་པ་དང ། སྙིང་རྗེ་བསྐྱེད་པས་དངོས་གྲུབ་ཆེན་པོ་འཐོབ་པར་འགྱུར་རོ། །ཅི་སྟེ་བགྱི་བ་འདི་ལས་འདའ་བར་མི་བགྱིད་པའི་སེམས་ཅན་དེ་ལ་བདག་གིས་རྟག་པར་རྒྱུན་མི་ཆད་པར་དྲན་པ་དང ། བདག་བརྗོད་པ་ཙམ་གྱིས་རང་ Ba193a ༄#། །གི་ཤིན་ཏུ་ཡོངས་སུ་དག་པའི་རང་གི་ངོ་བོས་བདག་མདུན་ན་མཆིས་པར་བགྱི་ཞིང ། ཡིད་ལ་རེ་བ་ཐམས་ཅད་དང ། མཆོག་ཡོངས་སུ་རྫོགས་པར་བགྱིའོ། །ཅི་སྟེ་བདག་ཇི་ལྟར་དམ་བཅས་པ་ལས་གཞན་དུ་བགྱི་ན་བདག་གིས་སངས་རྒྱས་བཅོམ་ལྡན་འདས་དེ་དག་ལ་བསླུས་པ་ལགས་སོ། །རིག་སྔགས་ཀྱི་གདོལ་པ་རྐུན་མར་གྱུར་པ་ལ་ནི། མི་བགྱིད་དེ། དམ་བཅས་པ་བཞིན་དུ་སྨྲ་བར་མི་བགྱིད་དེ། རིག་སྔགས་འཆང་གིས་རྟག་ཏུ་གཙང་བར་བགྱིད། རྟག་ཏུ་འཛུམ་པ་དང ། རྟག་ཏུ་བྱམས་པ་དང ། སྙིང་རྗེ་སྒོམ་པ་ཡིད་ལ་བགྱིད་ན། དེ་ལ་བདག་གིས་རྟག་ཏུ་ཡོན་ཏན་ཕུན་སུམ་ཚོགས་པ་ཐམས་ཅད་འཐོབ་པར་འགྱུར་བར་བགྱི། དེ་དགེ་བའི་སྤྱོད་པ་ཐམས་ཅད་དང་ལྡན་པར་བགྱི། དོན་ཡོད་པ་ཡངས་པ་ཆེན་པོའི་དངོས་གྲུབ་རྗེས་སུ་སྩལ་བར་བགྱིའོ། །སེམས་ཅན་ཐམས་ཅད་ཀྱི་བསམ་པ་ཐམས་ཅད་ཡོངས་སུ་རྫོགས་པར་བགྱི་བ་ལ་རྒྱ་མཚོའི་དུས་རླབས་ལྟར་ཐམས་ཅད་ཀུན་ཏུ་མཆི་བར་བགྱིའོ། །ངན་སོང་དང ། ངན་འགྲོ་དང ། ལོག་པར་ལྟུང་བ་ཐམས་ཅད་ཡོངས་སུ་ཟད་པར་བགྱི་བའི་སླད་དུ་བདག་དགའ་བས་ཀུན་ཏུ་མཆི་བར་བགྱིའོ། །སེམས་ཅན་གང་ལ་བྱམས་པ་དང ། སྙིང་རྗེ་མཆིས་པའི་སེམས་ཅན་ཕ་རོལ་དེ་རྣམས་ཀྱི་བསམ་པ་ཕུན་སུམ་ཚོགས་པ་ Ba193b ཡོངས་སུ་རྫོགས་པར་བགྱིའོ། །དེ་ལྟ་བས་ན། རིག་སྔགས་འཆང་གིས་ཤིན་ཏུ་སྡོམ་པས་བསྡམས་ཤིང་རིག་སྔགས་བརྗོད་པར་བགྱིའོ། །ཡོངས་སུ་གཏོང་བའི་ལག་པར་བགྱི་ཞིང་སྤར་ཆུམས་པར་མི་བགྱི་སྟེ། ལག་པ་བརྐྱང་བར་བགྱིའོ། །གཏོང་པ་མང་བས་དེ་བཞིན་གཤེགས་པ་དམ་ཚིག་ལ་གནས་པར་བགྱིའོ། །སྔར་ལེགས་པར་སྤྱད་པར་བགྱི་སྟེ། དོན་ཡོད་པའི་རྒྱལ་པོའི་སྤྱད་པ་བགྱི་ཞིང་རྟག་ཏུ་ཡིད་ལ་བགྱིའོ། །དེ་ནས་བདག་དང་ཆོས་ཀྱི་མཆོག་ལ་དགའ་བ་ཞེས་བགྱིའོ། །རང་གི་གཟུགས་བརྙན་བྱ་བའི་དཀྱིལ་འཁོར་གྱི་ཆོ་གའོ། །དེས་ཁྲོ་བོའི་རྒྱལ་པོ་བཤད་པར་བྱ་སྟེ། དོན་ཡོད་རྒྱལ་པོ་རྨད་བྱུང་ཚེ། །ཀུན་ཏུ་དངོས་གྲུབ་ཐོགས་མེད་ཅིང ། །དཀྱིལ་འཁོར་ཀུན་ལ་དབང་བསྐུར་བ། །སྡང་བ་ཐམས་ཅད་རབ་ཏུ་འཇོམས། །བདུད་དང་བགེགས་ནི་རྣམ་པར་འཇིག་།གནོད་སྦྱིན་སྲིན་པོ་གསང་བ་པ། །འབྱུང་པོ་ཐམས་ཅད་རབ་ཏུ་འབྲོས། །གདོན་གྱི་གཙོ་བོ་སྐྲོད་བྱེད་ཅིང ། །སྡང་བ་ཐམས་ཅད་རབ་ཏུ་འཇོམས། །སྡང་བའི་ཀླུ་རྣམས་རྣམ་འཇིགས་ཤིང ། །འཇིགས་འཕོངས་རྣམས་ལ་མི་འཇིགས་སྩོལ། །རིག་འཛིན་རྣམས་ལ་གྲུབ་སྩོལ་པ། །དོན་ཡོད་ཞགས་པའི་དངོས་གྲུབ་མཆོག་།དུས་གསུམ་གཤེགས་པའི་སངས་རྒྱས་སྟོན། །སྤྱི་ཡི་རིགས་ནི་རབ་སྟོན་པ། །དོན་ཡོད་སྤྱི་ཡི་གསང་བ་ནི། །རྟག་ཏུ་གཞན་མིན་སྙིང་པོ་ཉིད། ། Ba194a ༄#། །ཁྲོ་བོའི་རྒྱལ་པོ་བླ་མེད་པ། །དེ་ནི་བདག་གིས་རབ་ཏུ་བཤད། །བཅོམ་ལྡན་འདས་ཀྱི་སྤྱན་སྔར་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་རྒྱལ་པོས་ཁྲོ་བོའི་གཟུགས་སུ་གནས་ཏེ་སྡང་བ་ཐམས་ཅད་འཇིགས་པར་བྱེད་པར་གྱུར་ཅིང་ལག་ན་ཞགས་པ་ཐོགས་ཏེ་ཁྲོ་བོ་འདི་སྨྲས་སོ། །ན་མཿ སརྦ་ཏ་ཐཱ་ག་ཏ། ཨཱརྱ་ཨ་བ་ལོ་ཀི་ཏེ་ཤཝ་ར་བཛྲ་དྷ་རེ་བྷྱཿ ། ཨོཾ་ཙ་ར་ཙ་ར། ཙུ་རུ་ཙུ་རུ། མ་ཧཱ་ཀཱ་རུ་ནི་ཀ་།ཙི་རི་ཙི་རི། བི་རི་བི་རི། མ་ཧཱ་པདྨ་ཧཱསྟ། ཀ་ལ་ཀ་ལ། ཀུ་ལུ་ཀུ་ལུ། མ་ཧཱསྠ། མ་པྲ་བ་ཏེ། ཙ་ར་ཙ་ར། ཙ་ཙ་ར་ནི་ཤཱ་ཙ་རེ། ཤཱ་ར་ཨེ་ཧྱེ་ཧི། བུདྡྷྱ་བུདྡྷྱ། དྷཱ་བ་དྷཱ་བ། ཀི་ཎི་ཀི་ཎི། པ་ར་མ་ཤུདྡྷ་སཏྭ། ཀ་ར་ཀ་ར། ཀི་རི་ཀི་རི། མ་ཧཱ་པ་ཤུ་པ་ཏི། བེ་ཥ་དྷ་ར། ཧཱ་ཧཱ་ཧཱི་ཧཱི་ཧཱུ་ཧཱུ། ཨོ་ཀ་ར་བྲཧྨ་བེ་ཥ་དྷ་ར། ས་ར་ས་ར། བ་ར་བ་ར། བ་ར་རཤྨི་ཤ་ཏ་ས་ཧ་སྲ། པྲད་ཏི་མཎྜི་ཏ། ཤ་རཱི་རཱ་ཡ། ཛྭ་ལ་ཛྭ་ལ། སུ་རུ་སུ་རུ། མུ་རུ་མུ་རུ། ས་ནད་ཀུ་མཱ་ར། རུ་ཏྲ་བིཥྞུ་བཱ་ས་བ། དྷ་ན་ད། རི་ཥ་ཎ་ཡ་ཀ་།བ་ཧུ་བི་བི་དྷ། བེ་ཥ་དྷ་ར། དྷ་ར་དྷ་ར། ས་མནྟ། ཨ་བ་ལོ་ཀི་ཏ། བི་ལོ་ཀི་ཏ། ལོ་ཀེ་ཤ་ར། མ་ཧེ་ཤཝ་ར། མུ་ཡ་མུ་ཡ། མུ་མ་ཙ་མུ་མ་ཙ། བྷནྡྷ་བྷནྡྷ་ན་ཏཱ་ད་ན་ཏརྫ་ན། རཱ་ཛ་ཏསྐར། ཨགྣི་ཨུ་ད་ཀ་།བི་ཥ་ཤསྟྲ་པ་ར་མི་མོ་ཙ་ཀ་།མ་ཎ་ཀ་ཎ། ཙ་ལ་ཙ་ལ། བོ་དྷྱཾ་ག་།ལ་ཏུ་རཱ་རྱས་སཏྱ་ Ba194b སི་པྲ་ཀཱ་ཤ་ཀ་ཏ་མ་ཏ་མ། ས་མ་ས་མ། མ་ས་མ་ས། མ་ཧཱ་ཏ་མོ་ཉ་དྷ་ཀཱ་ར། པྲ་ཤ་མ་ན། མི་ལི་མི་ལི། ཨེ་ཎེ་ཡ། ཙརྨ་པ་རི་ཀ་ར། ཨེ་ཧྱེ་ཧི། མ་ཊ་མ་ཊ། བི་ཤུདྡྷ་བི་ཥ་ཡ་ནི་བཱ་སི་ན། མ་ཧཱ་ཀཱ་རུ་ཎི་ཀ། ཤཝེ་ཏ་ཡཛྙོ་པ་བི་ཏ། རཏྣ་ཀུ་ཊ་མ་ལཱ་དྷ་ར། སརྦ་ཛྙཱ་ཤི་ར་སི་པྲི་ཏ། ཀ་ར་པུ་ཊ། ས་མཱ་དྷི་ཨ་པྲ་ཀ་མ་བྱ། ཥ་ཊ་པཱ་ར་མི་ཏ་པ་རི་པཱུ་ར་ཀ་།མ་ཧཱ་སརྦ་སཏྭ་སནྟ་ཏི་པ་རི་པཱ་ཙ་ཀ་།སརྦ་མ་ར་དུཥྚ་པྲ་མརད་ཀ་།སརྦ་སིདྡྷ་ཨཱ་ཤཱ་པ་རི་པཱུ་ར་ཀ་། བྷི་ཥཉྩི་ཏུ་མཱཾ། སརྦ་ཏ་ཐཱ་ག་ཏཱ་བྷི་ཥེ་ཀཻ་ར། བྷ་ག་ཝཱན། ཨ་མོ་གྷ་རཱ་ཛ་ཧཱུཾ་ཕཊ། ན་མོསྟུ་ཏེ་སཝཱཧཱ། ཁྲོ་བོའི་རྒྱལ་པོ་དོན་ཡོད་པའི་ཞགས་པའོ། །ོཾ་བི་ཀྲི་ཏ་དཾཥྚེ། ཨ་མོ་གྷ་ས་མ་ཡེ་ཨ་བྷི་ཥཉྩྀ་མཱཾ། སརྦ་བིདྱ་ཨ་མོ་གྷ་ཨ་བྷི་ཥེ་ཀཻ་རུ། ཧཱུཾ་མི་ལི་མི་ལི་སཝཱཧཱ། དེ་ཁྲོ་བོའི་རྒྱལ་པོའི་སྙིང་པོའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པ་ཆེན་པོའི་སྙིང་པོ་གསུངས་མ་ཐག་ཏུ་དེ་ནས་རི་ཆེན་པོ་པོ་ཊ་ལ་རྣམ་པ་དྲུག་ཏུ་རབ་ཏུ་གཡོ་བར་བརྩམས་ཏེ་ཀླུའི་ཚོགས་ནི། འཁྲུགས་སོ། །ལྷའི་ཚོགས་ཐམས་ཅད་ནི། དགའ་བར་གྱུར་ཏོ། །སྡང་བའི་གནོད་སྦྱིན་དང ། སྲིན་པོ་དང ། བགེགས་དང ། ལོག་འདྲེན་ནི། འབར་བར་གྱུར་ཏོ། །བདུད་ལ་སོགས་པ་སྡང་བ་ནི། ཡང་དག་པར་རབ་ཏུ་ཞི་བར་གྱུར་ཏོ། །ངན་སོང་གི་སྡུག་བསྔལ་ཐམས་ཅད་ནི། རབ་ཏུ་ཞིའོ། །དཀྱིལ་འཁོར་གྱི་ལྷ་ཐམས་ཅད་ནི། མཆོག་ Ba195a ༄#། །ཏུ་དགའ་བར་གྱུར་ཏོ། །སྡང་བ་དང ། རབ་ཏུ་སྡང་བ་ཐམས་ཅད་དང ། ཐམས་ཅད་ནི། མི་སྣང་བར་གྱུར་ཏོ། །ནད་ཐམས་ཅད་ནི། རབ་ཏུ་ཞིའོ། །རིམ་ཐམས་ཅད་ལས་ནི། རྣམ་པར་གྲོལ་ལོ། །ཉོན་མོངས་པའི་སྒྲིབ་པ་ཐམས་ཅད་ལས་ནི་ཡོངས་སུ་གྲོལ་ལོ། །མེ་ཏོག་གི་ཆར་ཆེན་པོ་རབ་ཏུ་བབ་སྟེ་དེ་བཞིན་གཤེགས་པ་ལ་མཆོད་པར་གྱུར་ཏོ། །སེམས་ཅན་ཐམས་ཅད་ངན་སོང་གི་སྡུག་བསྔལ་ཐམས་ཅད་ལས་ཡོངས་སུ་གྲོལ་བར་གྱུར་ཏོ། །དེ་ནས་དུས་གསུམ་དུ་གཤེགས་པའི་དེ་བཞིན་གཤེགས་པ་དང ། དཀྱིལ་འཁོར་ལ་བརྟེན་པའི་ལྷ་རྣམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཚིག་གཅིག་ཏུ་ལེགས་སོ་ཞེས་བྱ་བ་བྱིན་ཏེ་ལེགས་སོ་ལེགས་སོ། །སྙིང་རྗེ་ཆེན་པོ་ཅན། མཆོག་ཏུ་དོན་ཡོད་པའི་རིག་སྔགས་འདི་སྨྲས་ཟིན་གྱི། དེ་བཞིན་གཤེགས་པའི་རིགས་ཐམས་ཅད་དང ། རིགས་སྤྱིའི་དམ་ཚིག་དང ། སྙིང་པོ་དང ། ཁྲོ་བོའི་དེ་ཁོ་ན་ཉིད་གསང་བ་དང ། དཀྱིལ་འཁོར་དང ། སྒྲུབ་པའི་ཆོ་ག་དོན་ཡོད་པའི་རྒྱལ་པོའི་དཀྱིལ་འཁོར་རབ་ཏུ་སྨྲོས་ཤིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པའི་ཞགས་པའི་སྙིང་པོ་ཁྲོ་བོའི་རྒྱལ་པོའི་ Ba195b དཀྱིལ་འཁོར་དེ་བཞིན་གཤེགས་པའི་སྤྱན་སྔར་བཤད་དོ། །དཀྱིལ་འཁོར་གྲུ་བཞི་པ། ཤིན་ཏུ་མཛེས་པ། ཀོ་ལའི་ཚད་ཙམ་ཤིན་ཏུ་རྣམ་པར་མཛེས་པའི་གྲུ་བཞི་དང ། སྒོ་བཞི་དང ། ཐེམ་སྐས་བཞི་དང ། རྟ་བབས་དང ། མདའི་ཁ་ཁྱེར་དང ། ཀུན་ནས་རྡོ་རྗེའི་རྣམ་པ་དག་ཀྱང་བྱ་སྟེ། ཚོན་རྩི་སྣ་ཚོགས་རྣམ་པར་མཛེས་པའི་ཐིག་སྐུད་ཀྱིས་དཀྱིལ་འཁོར་ཐིག་གདབ་པར་བྱའོ། །རི་མོ་མཁན་གཙང་མས་སྣོད་གསར་བ་དང ། བིར་གཙང་མས་དཀྱིལ་འཁོར་དམ་པ་ལེགས་པར་བྲིའོ། །དཀྱིལ་འཁོར་སྙིང་པོ་རྣམ་དབྱེ་བ། ། དབུས་སུ་ལེགས་པར་རྣམ་ཕྱེ་ལ། །ཀུན་ནས་པདྨའི་ཕྲེང་བ་དང ། །རྡོ་རྗེ་མདུང་རྩེ་གསུམ་པ་དགོད། །དབུས་སུ་འཁོར་ལོ་རྟ་བྲི་བ། །ཤིན་ཏུ་བལྟ་སྡུག་འཁོར་ལོ་དགོད། ། དབུས་དེར་རྒྱལ་བ་གཞག་པར་བྱ། །ཤཱཀྱའི་རྒྱལ་པོ་དེ་བཞིན་གཤེགས། །གཡས་སུ་ཁྲོ་བོའི་རྒྱལ་པོ་ཡི། །འཇིག་རྟེན་དབང་ཕྱུག་འདྲེན་པ་པོ། །གཡོན་དུ་རྡོ་རྗེ་འཛིན་གཞག་པ། །རྔ་ཡབ་རྡོ་རྗེ་ལག་ཐོགས་གཞག་།དེའི་འོག་ཏུ་འོད་ཟེར་དང་ལྡན་པར་བྱ་བ་ནི། ལྕགས་ཀྱུ་དང ། དགྲ་སྟ་དང ། གོ་ཆ་དང ། དབྱུག་པ་དང ། ཞགས་པ་དང ། དགྲ་སྟ་ལུ་གུ་རྒྱུད་ཅན་དང ། མདུང་རྩེ་གསུམ་པ་དང ། གླེགས་བམ་མོ། །འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་དཀར་ཤམ་ཆེན་མོ་དང ། གོས་དཀར་མོ་དང ། Ba196a ༄#། །དཀར་མོ་ཆེན་མོ་རལ་པ་ཅན་དང ། དབྱུག་པ་དང ། རིལ་པ་སྤྱི་བླུགས་ཕྱག་ན་ཐོགས་པ་བྱའོ། །དེའི་འོག་ཏུ་སྲིན་མོ་རལ་པ་གཅིག་མ་ཞེས་བྱ་བ་ནི།་མཆེ་བ་གཙིགས་པ་འཇིགས་སུ་རུང་ཞིང་མི་སྡུག་པ་སྦྲུལ་སེ་རལ་ཁར་ཐོགས་པ། ཕྱག་བཞི་པ། གཡས་པ་ན་རྡོ་རྗེ་དང་དགྲ་སྟ། གཡོན་པའི་སོར་མོ་གཅིག་ལྷ་མ་ཡིན་དང་ལོག་འདྲེན་ལ་བསྡིགས་ཤིང་ཁྲག་འཛག་པའི་མགོ་བོའི་ཅོ་ཏོ་ནས་འཛིན་པ་དང ། ཁྲག་གི་སྣོད་ཡོངས་སུ་འཛིན་པ། གླང་པོ་ཆེའི་པགས་པ་རློན་པའི་སྟོད་གཡོགས་འཕྱང་བ་དང ། སྨད་གཡོགས་ཅན་བྱའོ། །མཐའི་གྲར་པདྨ་དང ། རྡོ་རྗེ་གཞག་པ་ནི། འབར་བའི་ཕྲེང་བ་ཅན་ཤིན་ཏུ་བཟང་པོ་གཞག་པར་བྱའོ། །ཤར་ཕྱོགས་ཀྱི་སྒོར་རྡོ་རྗེ་འཇིགས་བྱེད་མིག་དེའི་སྐུ་འབར་བའི་ཕྲེང་བ་ཅན་གཞག་པར་བྱའོ། །ལྷོ་ཕྱོགས་ཀྱི་སྒོར་ཀི་ལ་ཀི་ལ་ཞེས་བྱ་བའི་རྡོ་རྗེའི་ལོག་འདྲེན་དེ་ཉིད་རྡོ་རྗེ་དང ། དགྲ་སྟ་དང ། ཞགས་པ་ཕྱག་ན་ཐོགས་པར་བྱའོ། །ནུབ་ཕྱོགས་ཀྱི་སྒོར་པདྨ་ཆེན་པོའི་རིགས་མཛེས་མ་ཞེས་བྱ་བའི་ཕོ་ཉ་མོ་བྱ་བ་ནི། ཕྱག་ན་པདྨ་ཐོགས་པར་བྱའོ། །བྱང་ཕྱོགས་ཀྱི་སྒོར་རྡོ་རྗེ་ཆེན་པོའི་རྩེ་མོ་ཞེས་བྱ་བའི་ཆོ་གས་རྡོ་རྗེ་དང་ཞགས་པ་ཕྱག་ན་ཐོགས་པའོ། །དེ་ནས་འཇུག་པའི་སྒོར་ཙནྡན་གྱི་ཆུ་གུར་གུམ་དང ། གླ་རྩི་དང ། Ba196b ག་པུར་གྱིས་བསྒོས་པའི་ཆུས་བུམ་པ་བཀང་ལ་རས་དཀར་པོས་དཀྲིས་ཤིང་བརྒྱན་པ། རིན་བོ་ཆེ་སྣ་བདུན་ཅན་རྟག་ཏུ་གཞག་པར་བྱའོ། །ཇི་སྙེད་པའི་གཏོར་མ་སྣ་ཚོགས་ཡོངས་སུ་བཤམས་པས་ཀྱང་མཆོད་པར་བྱ། རྣམ་པ་སྣ་ཚོགས་པས་དཀྱིལ་འཁོར་ལེགས་པར་བརྒྱན་བར་བྱའོ། །བདུག་སྤོས་ཀྱིས་བཀང་བ་དང ། མར་མེའི་ཕྲེང་བ་དང ། མེ་ཏོག་དང ། དྲི་དང ། བྱུག་པས་མཆོད་པར་བྱའོ། །ཇི་སྲིད་འཇུག་གི་བར་དུ་སློབ་མ་རྣམས་ཆོ་གས་བསྲུངས་ལ། དེ་ནས་དོན་ཡོད་པའི་སྙིང་པོ་བཟླས་བརྗོད་བྱ་ཞིང་དོན་ཡོད་པའི་ཁྲོ་བོས་དབང་བསྐུར་བར་བྱའོ། །དབང་བསྐུར་བ་ཙམ་གྱིས་ཀྱང་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་བཟུང་བར་འགྱུར་རོ། །འཇིག་རྟེན་གྱི་མགོན་པོའི་བྱིན་གྱི་རླབས་ཀྱིས་དེ་བཞིན་གཤེགས་པའི་རིགས་ཐམས་ཅད་ཀྱི་དམ་ཚིག་གི་རྗེས་སུ་ཞུགས་པར་འགྱུར་རོ། །དོན་ཡོད་པའི་ཞགས་པའི་རིགས་ཀྱི་དམ་ཚིག་དང ། དངོས་གྲུབ་ཐམས་ཅད་མངོན་དུ་འགྱུར་རོ། །གང་བསམ་པ་དང ། གང་བཅོལ་བ་དེ་ཐམས་ཅད་འབྱོར་པར་འགྱུར་རོ། །དེ་བཞིན་དུ་དམ་ཚིག་ཐམས་ཅད་ཀྱི་རྗེས་སུ་ཞགས་པར་འགྱུར་རོ། །དམ་ཚིག་དང ། དཀྱིལ་འཁོར་དང ། གསང་སྔགས་དང ། ཕྱག་རྒྱ་དང ། ཆོ་ག་ཞིབ་མོ་ཐམས་ཅད་མངོན་དུ་འགྱུར་རོ། །སྡིག་པ་དང ། Ba197a ༄#། །གདུག་པ་དང ། ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །དེ་བཞིན་གཤེགས་པའི་ཡོན་ཏན་ཐམས་ཅད་དང་ལྡན་པར་འགྱུར་རོ། །ལྷ་དང ། ལྷ་མ་ཡིན་དང ། ཀླུ་དང ། གནོད་སྦྱིན་དང ། དྲི་ཟ་དང ། གསང་བ་པ་དང ། རིག་སྔགས་འཆང་གི་གནས་ཁང་ཕུག་དྲི་མ་མེད་པ་དང ། ནམ་མཁའི་རྗེས་སུ་རྒྱུ་བ་དང ། ཆུ་ན་རྒྱུ་བ་དང ། ནགས་དང ། སྐྱེད་མོས་ཚལ་ན་སྤྱོད་པའི་རིག་སྔགས་འཆང་གི་འཁོར་ལོས་བསྒྱུར་བའི་དྲུག་ཆ་ལ་ཐམས་ཅད་དུ་དབང་པར་འགྱུར་རོ། །གསང་བ་པ་ཐམས་ཅད་ཀྱང་འདིའི་མངག་གཞུག་པར་འགྱུར་རོ། །གང་ཞིག་དེ་ལ་མི་ཕན་པར་འདོད་པའི་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་གང་རིག་སྔགས་འཆང་ལ་མི་ཕན་པར་སེམས་པ་དེ་ཐམས་ཅད་ཀྱི་དེ་དག་གི་གནས་དང ། ལུས་ཉིད་རྣམ་པར་གཞིག་པའི་ཕྱིར་སྡིག་བ་རྣམས་འབབ་པར་འགྱུར་རོ། །དེ་ནས་དངུལ་ལས་ཁྲོ་བོའི་རྒྱལ་པོ་སོར་བཅུ་གཉིས་ཀྱི་ཚད་ཙམ་བྱས་ཏེ། ཤིན་ཏུ་མཛེས་པ། ཤིན་ཏུ་ཚད་དང་ལྡན་པ། ཞལ་གསུམ་པ། རལ་པའི་ཐོར་ཚུགས་བཅིངས་པ། རྒྱན་ཐམས་ཅད་ཀྱིས་བརྒྱན་པ། རྒྱལ་བ་འོད་ Ba197b དཔག་ཏུ་མེད་པའི་དབུ་རྒྱན་ཅན། ཟླ་བ་དབུ་ལ་ཐོགས་པ། ཞལ་དང་པོ་ཁྲོ་བོའི་གཟུགས། གཡོན་པ་དང་གཡས་པ་ཞི་བའི་གཟུགས། ཞལ་ཅུང་ཟད་འཛུམ་པ། སྤྱན་གསུམ་པ། ཕྱག་བཞི་པ། པདྨ་འཛིན་པ། ཞགས་པ་འཛིན་པ། རལ་གྲི་དང་མདུང་རྩེ་གསུམ་པ་འཛིན་པའོ། །གཡས་སུ་ལྷ་མོ་སྒྲོལ་མ་མེ་ཏོག་འབུལ་བ། རྒྱན་ཐམས་ཅད་ཀྱིས་བརྒྱན་པའོ། །གཡོན་དུ་ལྷ་མོ་རིག་སྔགས་ཀྱི་རྒྱལ་མོ་ནོར་བུ་རིན་པོ་ཆེ་ཆེན་པོ་འབུལ་བ། རྒྱན་ཐམས་ཅད་ཀྱིས་བརྒྱན་པའོ། །འཇིག་རྟེན་དབང་ཕྱུག་གི་ཞབས་ཀྱི་དྲུང་དུ་རིག་སྔགས་འཆང་པུས་མོ་བཙུགས་པ། ལག་ན་པོག་ཕོར་དང་བགྲང་ཕྲེང་ཐོགས་ཏེ་བཅོམ་ལྡན་འདས་ལ་བལྟའོ། །གཟུགས་བརྙན་དེ་ཉིད་ཀྱི་མདུན་དུ་ཙནྡན་དཀར་པོའི་དཀྱིལ་འཁོར་བྱ་ཞིང་གུར་གུམ་གྱིས་མཆོད་པ་བྱའོ། །དཀྱིལ་འཁོར་དེའི་སྟེང་དུ་ཁྲོ་བོའི་རྒྱལ་པོ་བཞག་སྟེ་དེའི་སྤྱན་སྔར་བཟླས་བརྗོད་སྟོང་ཕྲག་བརྒྱ་བྱའོ། །དེ་ནས་གཟུགས་བརྙན་དེ་འགུལ་ཞིང་གཡོ་པར་འགྱུར། འཆག་པར་འགྱུར། འོད་ཟེར་འབྱུང་བར་འགྱུར། ཚིག་འབྱིན་པར་འགྱུར། ལེགས་སོ་ཞེས་བྱ་བ་སྦྱིན་པར་འགྱུར། ཕྱག་གཡས་པ་སྤྱི་བོར་འཇོག་པར་འགྱུར། ཡིད་ལ་བསམ་པ་དང ། མཆོག་ཐམས་ཅད་ཡོངས་སུ་རྫོགས་པར་འགྱུར་རོ། །རིག་སྔགས་འཆང་བ་དེ་ཡང་བདག་ཉིད་འབར་ Ba198a ༄#། །བར་འགྱུར། ནམ་མཁའ་ལ་འཕགས་པར་འགྱུར་ཞིང་དོན་ཡོད་པ་ཡངས་པར་སྣང་བ། དངོས་གྲུབ་དྲི་མ་མེད་པར་གྲགས་པ་ཞེས་བྱ་བའི་རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་གི་འཁོར་ལོས་བསྒྱུར་བ་བརྒྱ་སྟོང་ཕྲག་དྲུག་ཅུ་རྩ་བརྒྱད་པོ་རྣམས་ཀྱི་གཙོ་བོ་དང ། རྒྱལ་པོར་འགྱུར་རོ། །ཚེ་ལྷའི་བསྐལ་པ་ཁྲག་ཁྲིག་བརྒྱ་སྟོང་ཕྲག་བདུན་ཅུ་རྩ་གཉིས་སུ་འགྱུར་རོ། །བསྐལ་པའི་མཇུག་རྫོགས་ཏེ་དེ་ཉིད་ཀྱི་མཚན་མོ་འདས་པ་དང ། བྱང་ཆུབ་མངོན་པར་རྫོགས་པར་འཚང་རྒྱའོ། །ཇི་ལྟར་བདེ་བ་ཅན་བཞིན་དུ་འཇིག་རྟེན་གྱི་ཁམས་འདི་གཞལ་མེད་ཁང་གི་རྣམ་པར་འཕྲུལ་པར་འགྱུར་ཞིང ། ཚེའི་ཚད་བསྐལ་པ་དཔག་ཏུ་མེད་པར་འགྱུར་རོ། །དོན་ཡོད་པའི་རྣམ་པར་ཐར་པའི་དཀྱིལ་འཁོར་དང ། ཕྱག་རྒྱ་དང ། ཆོ་ག་ཞིབ་མོ་ཐམས་ཅད་ཀྱི་ཆོས་སྟོན་པར་འགྱུར་རོ། །དེའི་འོག་ཏུ་འཇིག་རྟེན་པའི་སྒྲུབ་པ་ནི། དེ་ཉིད་ཀྱི་སྤྱན་སྔར་བཟླས་བརྗོད་བརྒྱ་སྟོང་བྱའོ། །བཟླས་བརྗོད་རྫོགས་པའི་མོད་ལ་འཕགས་པ་སྤྱན་རས་གཟིགས་དབང་ཕྱུག་ཁྲོ་བོའི་རྒྱལ་པོ་རང་གི་གཟུགས་ཀྱིས་མདུན་ན་བཞུགས་པར་འགྱུར་ཏེ། འཇིག་རྟེན་པའི་ཆོ་ག་ཞིབ་མོ་དང ། གསང་སྔགས་དང ། ཕྱག་རྒྱ་དང ། དཀྱིལ་འཁོར་ཐམས་ཅད་དང ། Ba198b མིག་འཕྲུལ་དང ། བཞད་གད་དང ། ཕུར་པས་གདབ་པ་དང ། སྲེག་པ་དང ། འཕང་བ་དང ། གསད་པ་དང ། དབང་དུ་བྱ་བ་དང ། སྒྱུ་མ་བསྟན་པ་དང ། བདག་སྲུང་བ་དང ། གཞན་སྲུང་བ་དང ། མི་སྣང་བའི་ཆོ་ག་སྨྲ་བ་དང ། ནོར་སྒྱུར་བ་སྨྲ་བ་དང ། ས་གཞི་སྨྲ་བ་དང ། རྒྱུ་བ་དང ། ནམ་མཁའ་ལ་འགྲོ་བ་དང ། ཆུ་རྒལ་བ་དང ། མེ་དང ། ཆུ་དང ། དུག་དང ། མཚོན་ཆ་ལས་རྒལ་བ་དང ། རྨོངས་བྱེད་དང ། རྨུགས་བྱེད་དང ། རེངས་བྱེད་དང ། བཅིང་བ་དང ། རྒྱ་མཚོ་ཆེན་པོ་བསྐྱོད་པ་དང ། རོ་ལངས་བསླང་པ་དང ། ཤི་བ་གསོ་བ་དང ། ཟླ་བ་དང ། ཉི་མ་དབབ་པ་དང ། དགུག་པ་དང ། བདེན་པ་བསྟན་པ་དང ། ནད་ལ་སོགས་པ་ཐམས་ཅད་རབ་ཏུ་ཞི་བ་དང ། དགོས་པ་ཐམས་ཅད་འགྲུབ་པར་འགྱུར་རོ། །གནོད་སྦྱིན་དགུག་པ་དང ། སྲིན་པོ་དགུག་པ་དང ། ཀླུ་དང ། ལྷ་དགུག་པ་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དགུག་པ་དང ། གཏང་བ་དང ། དགོས་པ་ལ་སོགས་པ་ཐམས་ཅད་འགྲུབ་པར་འགྱུར་རོ། །དྲན་པ་ཙམ་གྱི་མོད་ལ་དངོས་གྲུབ་ཐམས་ཅད་ཐོབ་པར་འགྱུར་རོ། །ལས་ཐམས་ཅད་བྱེད་པར་འགྱུར་རོ། །བཀླགས་པ་ཙམ་གྱིས་ལས་དང ། དངོས་གྲུབ་དང ། སྒྲིབ་པ་ཐམས་ཅད་སྟོན་པར་འགྱུར། ཕྱིར་རྒོལ་བ་དང ། དགྲ་དང ། ཕ་རོལ་གྱི་དམག་ཚོགས་དང ། འཐབ་པ་དང ། རྩོད་པ་དང ། འགྱེད་པ་དང ། སྡང་བའི་སེམས་ Ba199a ༄#། །ཅན་ཐམས་ཅད་ཕྱིར་བཟློག་པར་འགྱུར་རོ། །དྲན་པ་ཙམ་གྱིས་མཆོག་ཏུ་འགྲུབ་པར་འགྱུར་ཏེ། སྐལ་པ་ངན་པ་དང ། ནོར་ཆུད་ཟ་བ་དང ། མི་འགྲུབ་པ་དང ། སྡིག་པའི་རྨི་ལམ་ངན་པ་དང ། ལྟས་ངན་པ་དང ། སྒྲིབ་པ་དང ། སྡིག་པ་གཞིག་པར་བྱ་བ་ལ་མཆོག་ཏུ་གྲུབ་པ་ཡིན་ནོ། །ཁྲོ་བོའི་རྒྱལ་པོའི་ཞབས་ནས་བཟུང་སྟེ་བཟླས་བརྗོད་སྟོང་རྩ་བརྒྱད་བྱས་ན། སྔོན་བསགས་པའི་བསོད་ནམས་དང་སྐལ་པ་མངོན་དུ་འགྱུར་ཏེ། ཚེའི་མཐར་ཐུག་གི་བར་དུ་དཔལ་ཆེན་པོ་དང ། ཆེ་བ་ཉམས་སུ་མྱོང་བར་འགྱུར་རོ། །ཞལ་དུ་བལྟས་ཏེ་བཟླས་བརྗོད་སྟོང་རྩ་བརྒྱད་བྱས་ན། དབང་ཕྱུག་ཆེན་པོའི་དངོས་གྲུབ་ཐོབ་པར་འགྱུར་རོ། །རྐེད་པའི་གནས་ནས་བཟུང་སྟེ་བཟླས་བརྗོད་བརྒྱ་རྩ་བརྒྱད་བྱས་ན། སྔོན་གྱི་ཚེ་རབས་རྗེས་སུ་དྲན་པར་འགྱུར། རྒྱལ་པོ་བཙུན་མོ་དང ། འཁོར་དང་བཅས་པ་རྣམས་དབང་དུ་གྱུར་ནས་གནས་ཏེ། བདག་ཉིད་དང་ནོར་གྱིས་ཇི་སྲིད་འཚོའི་བར་དུ་ཉེ་བར་གནས་པར་འགྱུར་རོ། །ཅོད་པན་ལ་ལན་བརྒྱ་རྩ་བརྒྱད་ཡོངས་སུ་བཟླས་ཏེ་ཁྲོ་བོའི་རྒྱལ་བོའི་དབུ་ལ་བཅིངས་ན། ངེས་པར་དབང་བསྐུར་བ་འཐོབ་པར་འགྱུར་ཏེ། འདི་ལ་ཐེ་ཚོམ་དང ། ཡིད་གཉིས་བསྐྱེད་པར་མི་བྱའོ། །འཕགས་བ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་གཅིག་པ། དེ་ Ba199b ནས་ཕྱག་ན་རྡོ་རྗེ་དོན་ཡོད་པའི་རྫུ་འཕྲུལ་རྣམ་པར་འཕྲུལ་པའི་ཆོ་འཕྲུལ་གྱི་འཁོར་གྱི་དཀྱིལ་འཁོར་དེར་ནམ་མཁའ་ལས་བབས་ནས་འཁོར་གྱི་དཀྱིལ་འཁོར་ཆེན་པོའི་མདུན་དུ་བཅོམ་ལྡན་འདས་ལ་མཆོད་པ་ཆེན་པོ་དང ། བཀུར་སྟི་མངོན་དུ་བྱས་ཏེ་བཅོམ་ལྡན་འདས་ལ་ལན་བརྒྱ་སྟོང་དུ་བསྐོར་བ་བྱས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་མཆོད་པ་བྱས་ནས་ཕྱག་འཚལ་ཏེ་སོང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེ་ལོགས་སུ་སོང་སྟེ་ཕྱིན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལྷ་རྫས་ཀྱི་མཆོད་པ་ཆེན་པོས་མཆོད་པ་བྱས་སོ། །མེ་ཏོག་དང ། བདུག་སྤོས་དང ། དྲི་དང ། ཕྲེང་བ་དང ། བྱུག་པ་དང ། གོས་དང ། རྒྱན་དང ། ལྷབ་ལྷུབ་དང ། སིལ་སྙན་དང ། ཕེག་རྡོབ་པ་རྣམ་པ་སྣ་ཚོགས་ཀྱིས་མཆོད་ནས་ལན་བདུན་བསྐོར་བ་བྱས་སོ། །རི་པོ་ཊ་ལའི་གཞལ་མེད་ན་གནས་པའི་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དེ་དག་གིས་ཀྱང་མཆོད་པ་བྱས་སོ། །དཀྱིལ་འཁོར་གྱི་ལྷ་དེ་དག་ལ་ཡང་མཆོད་པ་བྱས་སོ། །འཁོར་ཆེན་པོ་དེ་དག་ལ་ཡང་མཆོད་པ་བྱས་སོ། ། Ba200a ༄#། །ལྷན་ཅིག་ལྷགས་པའི་འཁོར་དེ་དག་ཐམས་ཅད་ལ་ཡང་མཆོད་པ་དང ། མངོན་དུ་བསྟོད་པ་དང ། ཕྱག་བྱས་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ཡུད་ཙམ་ཞིག་ཅང་མི་སྨྲ་བར་གྱུར་ཏོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་འགྱིང་བག་ཅན། བརྗིད་བག་གི་འགྲོས་ཀྱིས་ལངས་ནས་བཅོམ་ལྡན་འདས་གང་ན་བ་དེ་ལོགས་སུ་སོང་སྟེ་ཕྱིན་ནས་རྡོ་རྗེ་གསོར་ཞིང་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་གྱི་ཆོ་ག་ཞིབ་མོ་འདི་ཤིན་ཏུ་ཟབ་པ།་ཤིན་ཏུ་རྟོགས་པར་དཀའ་བ་རྒྱ་མཚོ་ཆེན་པོ་ལྟ་བུར་ཤིན་ཏུ་ཟབ་པ། རི་རབ་ཆེན་པོ་ལྟ་བུ་ཤིན་ཏུ་མི་གཡོ་ཞིང་མི་འགུལ་བ། མཆོག་ཏུ་རྙེད་པར་དཀའ་བ། ཤིན་ཏུ་གཟུང་བར་དཀའ་བའི་ཕྱག་རྒྱ་མང་པོ་དང ། གསང་སྔགས་མང་པོ་དང ། དཀྱིལ་འཁོར་སྒྲུབ་པ་མང་པོ་དང ། རི་མོར་སྐུ་གཟུགས་བྲི་བ་མང་པོ་དང ། སྒྲུབ་པ་གསང་བ་ Ba200b རྣམ་པ་མང་པོ་དང ། དེ་བཞིན་གཤེགས་པའི་རྣམ་པར་འཕྲུལ་བ་མང་བོ་དང ། འཕགས་པ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པ་དོན་ཡོད་པ་བཀླགས་པས་འགྲུབ་པར་འགྱུར་བ་མང་པོ་ལ་བཅོམ་ལྡན་འདས། བདག་མཆོག་ཏུ་ཡ་མཚན་དུ་གྱུར་ན། ཇི་ལྟར་སྒྲུབ་པར་རྔོ་ཐོགས། ཇི་ལྟར་ངེས་པར་གཟུང་བ་རྔོ་ཐོགས་ལགས།་གསང་སྔགས་ཐ་དད་པ་དང ། ཕྱག་རྒྱ་ཐ་དད་པ་དང ། དཀྱིལ་འཁོར་སྒྲུབ་པ་ཐ་དད་པ་དང ། རས་ཀྱི་རི་མོའི་སྐུ་གཟུགས་ཐ་དད་པ་དང ། གཏོར་མ་ཐ་དད་པ་དང ། མེ་ཏོག་དང ། བདུག་སྤོས་དང ། དྲི་དང ། ཕྲེང་བ་དང ། བྱུག་པ་དང ། མཆོད་ཡོན་དང ། ཞབས་བསིལ་དང ། སྤྱན་དྲངས་བ་དང ། གཤེགས་སུ་གསོལ་བ་དང ། དགུག་པ་དང ། དམ་ཚིག་དང ། ཁྲུས་དང ། སྨྱུང་བ་དང ། ཕྱག་རྒྱ་བཅིང་བ་དང ། རབ་ཏུ་འཇུག་པ་དང ། བཟླས་བརྗོད་དང ། སྦྱིན་སྲེག་དང ། སླར་གཤེགས་སུ་གསོལ་བའམ།་ངེས་པར་གཟུང་བའམ། དྲན་པར་བགྱི་བར་རྔོ་ཐོགས། བཅོམ་ལྡན་འདས། རྨོངས་པ་ཆེན་པོ་སེམས་ཀྱི་སྤྱོད་པ་རྨུགས་པར་གྱུར་པའི་རིགས་ཀྱི་བུ་རྣམས་སམ།་རིགས་ཀྱི་བུ་མོ་རྣམས་སམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེའུ་རིགས་ Ba201a ༄#། །སམ།་དམངས་རིགས་སམ། རིག་སྔགས་སམ། རིག་སྔགས་འཆང་དེ་རྣམས་ཀྱིས་དོན་ཡོད་པའི་ཆོ་ག་ཞིབ་མོའི་རྒྱལ་པོ་འདི་ངེས་པར་གཟུང་བར་ཇི་ལྟར་རྡོ་ཐོགས། རིག་སྔགས་འཆང་དེ་རྣམས་ཀྱིས་ཇི་ལྟར་སྒྲུབ་པར་རྡོ་ཐོགས། བཅོམ་ལྡན་འདས། བདག་གི་སྙིང་ལ་མཆོག་ཏུ་ཡ་མཚན་སྐྱེས་པ་དེ་དག་བཅོམ་ལྡན་འདས་ཀྱིས་ཐེ་ཚོམ་གཅད་པའི་སླད་དུ་བཀའ་སྩལ་དུ་གསོལ། བཅོམ་ལྡན་འདས། ཐེ་ཚོམ་གཅད་པའི་སླང་དུ་ཞུས་པ་ལུང་བསྟན་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། དངོས་གྲུབ་ཀྱི་སྤྱོད་པ་གསང་བ་རྣམ་པ་སྣ་ཚོགས་གསང་སྔགས་སྒྲུབ་པ་པོ་སྒྲུབ་པ་ལ་གང་གི་ཚེ་དངོས་གྲུབ་ལས་དབུགས་ཕྱུང་བ་དེའི་ཚེ་བློ་གྲོས་ཆེན་པོའི་ཆེན་པོར་འབོགས་པར་འགྱུར། དངོས་གྲུབ་ཆེན་པོ་འགྲུབ་པར་འགྱུར། །བསོད་ནམས་ཀྱི་ཕུང་པོ་ཆེན་པོའི་ཆེན་པོ་རབ་ཏུ་སྐྱེ་བར་འགྱུར། དགེ་བའི་རྩ་བ་ཆེན་པོའི་ཆེན་པོ་དང་ལྡན་པར་འགྱུར།་ཕ་རོལ་ཏུ་བྱིན་པ་དྲུག་གི་དངོས་གྲུབ་ཆེན་པོའི་ཆེན་པོ་འཐོབ་པར་འགྱུར་རོ། །ལག་ན་རྡོ་རྗེས་གསོལ་པ། བཅོམ་ལྡན་འདས། དངོས་གྲུབ་གང་གིས་ Ba201b སྒྲུབ་པའི་ཆོ་གའི་དངོས་གྲུབ་འཐོབ་པར་འགྱུར་བའི་དངོས་གྲུབ་དམ་པ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ། གད་ལ་ཡུངས་ཀར་གྱི་འབྲུ་ཙམ་གྱི་བྱང་ཆུབ་ཀྱི་ས་བོན་གྱི་འབྲས་བུ་ཐོབ་པ་ཡོད་པ་དེ་ལ་ལག་ན་རྡོ་རྗེ། དངོས་གྲུབ་དམ་པ་མྖྒོ་ཏུ་འགྱུར་རོ། །ལག་ན་རྡོ་རྗེ། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་དམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། གཞན་ཡང་སུ་ཡང་རུང་བ་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་གང་གི་ལག་ཏུ་དེ་བཞིན་གཤེགས་པའི་སྐུའི་རིང་བསྲེལ་ཡུངས་ཀར་གྱི་འབྲུ་ཙམ་ཞིག་ཐོབ་པར་གྱུར་ལ། དེས་རིང་བསྲེལ་དེ་ཟ་མ་ཏོག་གི་ནང་དུ་བཅུག་སྟེ་ཉིན་གཅིག་བཞིན་དུ་མཆོད་པ་དང ། དཀྱིལ་འཁོར་དང ། ཁྲུས་ལ་སོགས་པ་བྱེད་ཅིང་བདུག་པ་དང ། དྲི་དང ། ཕྲེང་བ་དང ། ཕྱེ་མ་དང ། གོས་དང ། གདུགས་དང ། རྒྱལ་མཚན་དང ། བ་དན་དག་གིས་མཆོད་པ་བྱེད་ན། ལག་ན་རྡོ་རྗེ། རིག་སྔགས་འཆང་དེ་དངོས་གྲུབ་དམ་པ་དང ། མཆོག་དང ། བླ་ན་མེད་པ་འཐོབ་པར་འགྱུར་རོ། །གང་དང་གནང་དུ་དགོས་པར་སྦྱར་བ་དེ་དང་དེར་དངོས་གྲུབ་ཆེན་པོ་མཆོག་ཏུ་འགྱུར། རིང་བསྲེལ་ཡུངས་ཀར་གྱི་འབྲུ་ཙམ་ཞིག་ལ་མཆོད་པ་བྱས་པ་རིགས་ཀྱི་ Ba202a ༄#། །བུའམ།་རིགས་ཀྱི་བུ་མོའམ། དགེ་སྦྱོང་ངམ། རྒྱལ་རིགས་སམ། དམངས་རིགས་སམ། གཞན་བུད་མེད་དམ། སྐྱེས་པའམ། ཁྱེའུའམ། བུ་མོ་དེ་དག་གིས་དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་དང་མཉམ་པ་ལ་སྐད་ཅིག་གཅིག་གིས་མཆོད་པ་བྱས་པར་འགྱུར། བརྗོད་པ་དང ། གུས་པ་དང ། བསྟོད་པ་དང ། ཕྱག་བྱས་པར་འགྱུར་རོ། །དེ་བཞིན་གཤེགས་པ་དེ་དག་གི་དྲུང་དུ་དགེ་བའི་རྩ་བ་བསྐྱེད་པར་འགྱུར། དེ་དག་གི་དྲུང་དུ་བསོད་རྣམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །དེ་བཞིན་གཤེགས་པ་དེ་དག་གི་དྲུང་དུ་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་གང་སུ་ཡང་རུང་བ་དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། སྐྱེས་པའམ། བུད་མེད་དམ། ཁྱེའུ་འམ།་བུ་མོ་དེ་དག་དེ་བཞིན་གཤེགས་པའི་བྱིན་གྱི་རླབས་ཀྱིས་བརླབས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པར་འགྱུར་རོ། །ཤེས་རབ་དང་ཐབས་ལ་མཁས་པའི་དགེ་བའི་རྩ་བ་དཔག་ཏུ་མེད་པར་འགྱུར་རོ། །རིག་སྔགས་འཆང་ཆེན་པོའི་དངོས་གྲུབ་དཔག་ཏུ་མེད་པར་འགྱུར་རོ། །དོན་ཡོད་པའི་ཆོ་ག་ཞིབ་མོའི་ Ba202b དཀྱིལ་འཁོར་དང ། ཕྱག་རྒྱ་དང ། གསང་སྔགས་ཀྱི་དངོས་གྲུབ་དཔག་ཏུ་མེད་པ་ཐོབ་པར་འགྱུར་རོ། །དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་པར་ཐར་པའི་དཀྱིལ་འཁོར་གྱི་ཆོ་ག་ཞིབ་མོའི་རྒྱལ་པོ་ཆེན་པོའི་རིག་སྔགས་རིམ་པར་ཕྱེ་བའི་དངོས་གྲུབ་དཔག་ཏུ་མེད་པ་འཐོབ་པར་འགྱུར་རོ། །ལག་ན་རྡོ་རྗེ། དེ་ལྟར་རིང་བསྲེལ་ཡུངས་ཀར་གྱི་འབྲུ་ཙམ་ཞིག་ལ་མཆོད་པ་བྱེད་པ་དེ་ཡོན་ཏན་ཆེན་པོར་བརྗོད་པའི་རྣམ་པར་འཕྲུལ་པའི་བྱིན་གྱི་རླབས་ཀྱིས་རྫུ་འཕྲུལ་གྱི་ཏིང་ངེ་འཛིན་འཐོབ་པར་ཡང་དག་པར་འགྱུར་རོ། །དེ་ལྟར་དངོས་གྲུབ་ཆེན་པོ་འཐོབ་པར་འགྱུར་རོ། །དེ་ལྟ་མོད་ཀྱི། ལག་ན་རྡོ་རྗེ། ཁྱོད་སོང་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་པ་སྤྱན་རས་གཟིགས་དབང་ཕྱུག་ལ་ཡོངས་སུ་དྲིས་ཤིག་།དྲིས་པ་དེའི་ལན་ལྡོན་པར་འགྱུར་རོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དགའ་བ་དང ། མགུ་བ་དང ། ཡིད་རངས་པ་དང ། རབ་ཏུ་དགའ་བ་དང ། ཡིད་བདེ་བ་སྐྱེས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སོང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེ་ལོགས་སུ་སོང་སྟེ་ཕྱིན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་རྐང་ Ba203a ༄#། །བ་གཉིས་ལ་མགོ་བོས་ཕྱག་བྱས་ཏེ་ལན་གསུམ་བསྐོར་བ་བྱས་ནས་བཞིན་འཛུམ་པ་དང ། གདོང་ཁྲོ་གཉེར་མེད་པས་འཕགས་པ་སྤྱན་རས་གཟིགས་དབང་ཕྱུག་ལ་མིག་མི་འཛུམ་པར་བལྟ་ཞིང་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་འདུག་ནས་རྡོ་རྗེ་གསོར་ཞིང་གདོང་དུ་བལྟས་ཏེ་རྟོག་ཅིང་འདུག་གོ་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། ཁྱོད་མི་གཡོ་བར་མདུན་དུ་འདུག་སྟེ་རྡོ་རྗེ་གསོར་ཞིང་ང་ལ་ཅི་ཞིག་བལྟ། ཅི་ཞིག་ཡོངས་སུ་དྲི་བར་འདོད། ཅི་ཞིག་གསོལ་བ་འདེབས་པར་འདོད། ལག་ན་རྡོ་རྗེ། དེ་ང་ལ་སྨྲོས་ཤིག་།ལག་ན་རྡོ་རྗེ། ཁྱོད་ལ་སྐབས་ཕྱེའི། ཡོངས་སུ་དྲིས་ཤིག་དང ། དྲིས་པ་དེ་ཐམས་ཅད་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བཅོམ་ལྡན་འདས། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་ཤིན་ཏུ་རྟོགས་པར་དཀའ་བ། ཤིན་ཏུ་ཟབ་པ། བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་གསང་ Ba203b སྔགས་མང་པོ་དང ། ཕྱག་རྒྱ་མང་པོ་དང ། དཀྱིལ་འཁོར་སྒྲུབ་པ་མང་པོ་དང ། རས་ཀྱི་སྐུ་གཟུགས་བྲི་བ་མང་པོ་ཡོངས་སུ་བསྒྲགས་པ་འདི་བཅོམ་ལྡན་འདས། ཇི་ལྟར་ངེས་པར་གཟུང་བར་ནུས། དངོས་གྲུབ་ཇི་ལྟར་ཤེས་པར་བགྱི། རྒྱ་མཚོ་ཆེན་པོ་ལྟར་ཟབ་ཆེ་བ། རི་རབ་དང་མཚུངས་པར་མི་གཡོ་བ། ནམ་མཁའ་ལྟར་མཐར་ཐུག་པ་མ་མཆིས་པ། ཤིན་ཏུ་རྟོགས་པར་དཀའ་བ་འདི་ཇི་ལྟར་ཤེས་པར་བགྱི། གནས་ནི། གང ། འགྲོ་བ་ནི། གང ། འབྱུང་བ་ནི། གང ། སྒྲུབ་པའི་གནས་ནི། གང ། དངོས་གྲུབ་དམ་པའི་གནས་ནི། གང ། སྔ་མ་ནི། གང ། ཕྱི་མ་ནི།་གང ། དབུས་ནི། གང ། ཐ་མ་ནི། གང་ལགས་དེང་དུ་ཡོངས་སུ་ཞུའོ། །དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། གསང་སྔགས་དང ། སྒྲུབ་པའི་ཆོ་ག་དང ། དམ་ཚིག་སོ་སོ་ཐ་དད་པ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་རྒྱལ་པོ་ཆེན་པོའི་ཆོ་ག་ཞིབ་མོ། །བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་ཆེན་པོ་རིམ་པར་ཕྱེ་སྟེ་རྗེས་སུ་བཟུང་བ་དེ་ངེས་པར་གཟུང་བར་ཇི་ལྟར་ནུས། བཅོམ་ལྡན་འདས། བདག་གི་ཐེ་ཚོམ་ཆེན་པོ་དང ། མཆོག་ཏུ་ངོ་མཚར་དུ་གྱུར་པ་དེ་ཐུགས་རྗེ་ཆེན་པོས་བདག་ལ་བཀའ་སྩལ་དུ་གསོལ། ཇི་ལྟར་གྲུབ་ན། ཕྱག་རྒྱ་དང་གསང་སྔགས་དང་བཅས་པའི་དཀྱིལ་འཁོར་རིམ་པར་ཕྱེ་བ་དང ། རས་ཀྱི་རི་མོའི་ Ba204a ༄#། །ཆོ་ག་མཐའ་དག་ངེས་པར་བཟུང་བར་འགྱུར་བ་ཐེ་ཚོམ་གཅད་པའི་སླད་དུའོ། །སེམས་དཔའ་ཆེན་པོས་བཀའ་སྩལ་དུ་གསོལ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། ཡུན་རིང་པོ་ཞིག་ནས་སྤོབས་པ་གང་ཞིག་སྐྱེས་ཏེ་ང་ལ་ཡོངས་སུ་འདྲི། ལག་ན་རྡོ་རྗེ། ཉོན་ཅིག་དང་བཤད་པར་བྱའོ། །གང་ཡང་ཕྱོགས་བཅུའི་སངས་རྒྱས་ཞིང་ཐམས་ཅད་ཀྱི་སངས་རྒྱས་བཅོམ་ལྡན་འདས་ནི། ཁ་དོག་གཅིག་པ། རྟགས་གཅིག་པ། ཆོས་གཅིག་ལ་ཞུགས་པ། དབྱིངས་དང ། ཁམས་དང ། སྙིང་པོ་གཅིག་པ། སངས་རྒྱས་འབྱུང་བ་དང ། ཆོས་ཀྱི་འཁོར་ལོ་རབ་ཏུ་བསྐོར་བ་གཅིག་པའོ། །དེ་ལྟ་མོད་ཀྱི། ལག་ན་རྡོ་རྗེ། གང་འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དེ་དག་ནི། སངས་རྒྱས་ཀྱི་ཞིང་སྣ་ཚོགས་པ་ཉིད་དང ། རྫུ་འཕྲུལ་གྱི་རྣམ་པར་འཕྲུལ་པ་དང ། སྐུ་ཚེའི་འདུ་བྱེད་སྣ་ཚོགས་པ་ཉིད་དང ། སེམས་ཅན་ཡོངས་སུ་སྨིན་པར་མཛད་པ་སྣ་ཚོགས་པ་ཉིད་དང ། ལུང་བསྟན་པ་སྣ་ཚོགས་པ་ཉིད་དང ། ཉན་ཐོས་དང་རང་སངས་རྒྱས་ཀྱི་དགེ་འདུན་སྣ་ཚོགས་པ་ཉིད་དང ། བྱང་ཆུབ་སེམས་དཔའི་ཚོགས་སྣ་ཚོགས་པ་ཉིད་དང ། གཞན་ཡང་ Ba204b སངས་རྒྱས་ཀྱི་སྐུ་ཐ་དད་པ་ཉིད་དུ་ཡང་དག་པར་ཤེས་སོ། །དེ་ལྟ་མོད་ཀྱི། ལག་ན་རྡོ་རྗེ། དེ་བཞིན་དུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་བའི་ཞགས་བ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་པར་ཐར་པའི་དཀྱིལ་འཁོར་འདི་ཡང་གཅིག་ཉིད་ལས་དེ་ཐམས་ཅད་དུ་རྗེས་སུ་འགྲོའོ། །སྒྱུ་མ་ལྟ་བུའི་ཏིང་ངེ་འཛིན་གྱི་རྣམ་པར་འཕྲུལ་པ་སྣ་ཚོགས་ཀྱིས་རྣམ་པར་འཕྲུལ་པའི་རྫུ་འཕྲུལ་གྱི་དངོས་གྲུབ་ཀྱི་གནས་དང ། སེམས་ཅན་ཡོངས་སུ་སྨིན་པར་བྱེད་པའི་གནས། བསམ་པ་ཡོངས་སུ་རྫོགས་པར་བྱེད་པ་ལ་ཇི་ལྟ་ཇི་ལྟར་དུལ་བར་བྱེད་པ་དེ་ལྟ་དེ་ལྟར་དངོས་གྲུབ་རྗེས་སུ་འཐོབ་ཅིང་དེ་ལྟ་དེ་ལྟར་བསམ་པ་དག་པ་འཐོབ་པར་འགྱུར་རོ། །དེ་ལྟ་དེ་ལྟར་དགེ་བའི་རྩ་བ་ཆེན་པོ་བསྐྱེད་པར་འགྱུར་རོ། །དེ་ལྟ་དེ་ལྟར་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །དེ་ལྟ་དེ་ལྟར་དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར་རོ། །དེ་ལྟ་དེ་ལྟར་བྱང་ཆུབ་སེམས་དཔའི་ཡུལ་ལ་རྣམ་པར་འཕྲུལ་བ་སྒྱུ་མ་ལྟ་བུའི་ཏིང་ངེ་འཛིན་གྱི་རྫུ་འཕྲུལ་གྱི་ཆོ་འཕྲུལ་དང་ལྡན་པར་འགྱུར་རོ། །དེ་ལྟ་དེ་ལྟར་གཟུངས་དང་ཏིང་ངེ་འཛིན་ཡོངས་སུ་དག་པ་འཐོབ་པར་འགྱུར་རོ། །དེ་ལྟར་དཔའ་བར་འགྲོ་བའི་ཏིང་ངེ་འཛིན་འཐོབ་པར་འགྱུར་རོ། །རྡོ་རྗེ་ལྟ་བུའི་ཏིང་ངེ་འཛིན་དང ། རྒྱལ་མཚན་གྱི་རྩེ་མོའི་དཔུང་རྒྱན་གྱི་ཏིང་ངེ་འཛིན་དང ། ཉོན་མོངས་པ་སྤོང་བའི་ཏིང་ངེ་ Ba205a ༄#། །འཛིན་དང ། སྤྱན་རས་གཟིགས་དབང་ཕྱུག་གི་ཏིང་ངེ་འཛིན་དང ། རྣམ་བར་ཐར་བའི་ཏིང་ངེ་འཛིན་དང ། འོད་ཟེར་རབ་ཏུ་འགྱེད་པའི་ཏིང་ངེ་འཛིན་དང ། དགའ་བ་སྤོང་པའི་ཏིང་ངེ་འཛིན་དང ། སྟོབས་བཀོད་པའི་ཏིང་ངེ་འཛིན་དང ། ཆོས་ལ་རྣམ་པར་ལྟ་བའི་ཏིང་ངེ་འཛིན་དང ། ལག་ན་རིན་ཆེན་ཕྱག་རྒྱའི་ཏིང་ངེ་འཛིན་དང ། དྲི་མ་མེད་པའི་འབྱུང་གནས་ཀྱི་ཏིང་ངེ་འཛིན་དང ། རྣམ་པར་སྣང་མཛད་ཀྱི་སྙིང་པོའི་ཏིང་ངེ་འཛིན་དང ། ནི་མ་རབ་ཏུ་གྲོལ་བའི་ཏིང་ངེ་འཛིན་དང ། རིན་པོ་ཆེའི་སྙིང་པོའི་ཏིང་ངེ་འཛིན་དང ། ཟླ་བའི་སྙིང་པོའི་ཏིང་ངེ་འཛིན་དང ། ཀུན་ཏུ་ལྟ་བའི་འོད་ཟེར་གྱི་ཏིང་ངེ་འཛིན་དང ། ཆོས་ཀྱི་སྒྲོན་མའི་ཏིང་ངེ་འཛིན་དང ། དེ་བཞིན་གཤེགས་པ་ཐམས་ཅད་ཀྱི་སྤྱི་གཙུག་ལ་རྣམ་པར་ལྟ་བའི་ཏིང་ངེ་འཛིན་དང ། ཡུལ་ལ་རྣམ་པར་འཕྲུལ་པ་ཀུན་ཏུ་བཀོད་པའི་ཏིང་ངེ་འཛིན་དང ། སྒྲོན་མ་འབར་བའི་ཏིང་ངེ་འཛིན་དང ། ཆགས་པ་མེད་པའི་ཏིང་ངེ་འཛིན་དང ། ཕྱིར་མི་ལྡོག་པའི་འབྱུང་གནས་ཀྱི་ཏིང་ངེ་འཛིན་དང ། ཟླ་བ་རྫོགས་པའི་ཏིང་ངེ་འཛིན་དང ། ཤིན་ཏུ་རབ་ཏུ་གནས་པའི་ཏིང་ངེ་འཛིན་དང ། ཤིན་ཏུ་རབ་ཏུ་སངས་རྒྱས་པའི་ཏིང་ངེ་འཛིན་དང ། ཀུན་ནས་དཀྱིལ་འཁོར་འགྲོ་བ་ཡོངས་སུ་དག་པའི་ཏིང་ངེ་འཛིན་དང ། ཉི་མ་ཀུན་ཏུ་ལྟ་བའི་ཏིང་ངེ་འཛིན་དང ། ཡིད་གཉིས་ཡང་དག་པར་འཇོམས་པའི་ཏིང་ངེ་འཛིན་དང ། ཀུན་ཏུ་ཕྱག་རྒྱའི་རྣམ་ Ba205b པའི་ཏིང་ངེ་འཛིན་དང ། ཀུན་ནས་དཀྱིལ་འཁོར་ཡོངས་སུ་དག་པའི་ཏིང་ངེ་འཛིན་དང ། ཕྱག་རྒྱའི་མཚན་ཉིད་ལ་ཀུན་ཏུ་ལྟ་བའི་ཏིང་ངེ་འཛིན་དང ། དཀྱིལ་འཁོར་ཡོངས་སུ་དག་པ་ཡང་དག་པར་འཛིན་པའི་ཏིང་ངེ་འཛིན་དང ། ཀུན་ཏུ་ལྟ་བའི་འོད་ཟེར་གྱི་ཏིང་ངེ་འཛིན་དང ། པདྨ་བཀོད་པའི་ཏིང་ངེ་འཛིན་དང ། དོན་ཡོད་པའི་ཀུན་ཏུ་ལྟ་བའི་ཏིང་ངེ་འཛིན་དང ། དོན་ཡོད་པ་དྲི་མ་མེད་བའི་ཏིང་ངེ་འཛིན་དང ། ཀུན་ཏུ་དོན་ཡོད་པ་དྲི་མ་མེད་པའི་རྣམ་པར་འཕྲུལ་པའི་ཏིང་ངེ་འཛིན་དང ། རྒྱ་ཆེན་པོ་དབུགས་འབྱིན་པ་དོན་ཡོད་པ་རིན་པོ་ཆེའི་ཏིང་ངེ་འཛིན་དང ། དཔུང་རྒྱན་གྱི་ཏིང་ངེ་འཛིན་དང ། དཔུང་རྒྱན་གྱི་རྒྱལ་མཚན་གྱི་ཏིང་ངེ་འཛིན་དང ། རྒྱལ་མཚན་གྱི་རྩེ་མོའི་དཔུང་རྒྱན་གྱི་ཏིང་ངེ་འཛིན་དང ། སྒྲིབ་པ་ཐམས་ཅད་རྣམ་པར་དག་པའི་ཏིང་ངེ་འཛིན་དང ། དོན་ཡོད་པའི་ལྕགས་ཀྱུའི་ཏིང་ངེ་འཛིན་དང ། པདྨའི་ལྕགས་ཀྱུའི་ཏིང་ངེ་འཛིན་དང ། དྲི་མ་མེད་པའི་ལྕགས་ཀྱུའི་ཏིང་ངེ་འཛིན་དང ། ཀུན་ནས་འདྲེན་པའི་ལྕགས་ཀྱུའི་ཏིང་ངེ་འཛིན་དང ། དོན་ཡོད་པའི་འོད་ཟེར་གྱི་ལྕགས་ཀྱུའི་ཏིང་ངེ་འཛིན་དང ། ཀུན་ཏུ་ལྟ་བའི་གཟི་བརྗིད་ཀྱི་ཏིང་ངེ་འཛིན་དང ། རྟོགས་པ་དྲི་མ་མེད་པ་ཐོབ་པའི་ཏིང་ངེ་འཛིན་དང ། ཀུན་ཏུ་ལྟ་བ་རབ་ཏུ་གསལ་བའི་ཏིང་ངེ་འཛིན་དང ། རྣམ་པ་ཐམས་ཅད་ཡོངས་སུ་རྫོགས་པའི་ཏིང་ངེ་འཛིན་དང ། ཏིང་ངེ་འཛིན་གྱི་གཙོ་བོ་ལྔ་བཅུ་རྩ་གཉིས་པོ་འདི་དག་འཐོབ་པར་འགྱུར་ཏེ། ཏིང་ངེ་འཛིན་རེ་རེ་ལ་ Ba206a ༄#། །ཡང་འཁོར་བྱེ་བ་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་དང་མཉམ་པ་དེ་ཐམས་ཅད་རྗེས་སུ་འཐོབ་པར་འགྱུར་རོ། །ལག་ན་རྡོ་རྗེ། དོན་ཡོད་པའི་ཞགས་པའི་སྙིང་པོ་རྣམ་པར་འཕྲུལ་པར་འདིའི་བྱིན་གྱི་རླབས་ཀྱིས་ཀྱང་དོན་ཡོད་པའི་ཞགས་པའི་སྙིང་པོ་ཀློག་པ་དང ། འཆང་བ་དང ། བརྗོད་པ་དང ། སྒྲུབ་པ་དང ། ཕྱག་རྒྱ་འཆིང་བས་ཡོན་ཏན་དེ་དག་འཐོབ་པར་འགྱུར་རོ། །ལག་ན་རྡོ་རྗེ། དོན་ཡོད་པའི་ཞགས་པའི་སྙིང་པོ་འཆང་བ་དང ། བརྗོད་པ་དང ། ཀློག་པ་དང ། ཁ་ཏོན་བྱེད་པ་དང ། ཉིན་ལན་གསུམ་མཚན་ལན་གསུམ་དྲན་པར་བྱེད་ན། ལག་ན་རྡོ་རྗེ། སེམས་ཅན་དེ་དངོས་གྲུབ་དོན་ཡོད་པ་འཐོབ་པར་འགྱུར་ཏེ། རྣམ་པར་འཕྲུལ་པ་དོན་ཡོད་པ་དང ། དེ་བཞིན་གཤེགས་པ་ལྟ་བ་དོན་ཡོད་པ་འཐོབ་པ་དང ། གཟུངས་དོན་ཡོད་པ་འཐོབ་པ་དང ། ཏིང་ངེ་འཛིན་དོན་ཡོད་པ་འཐོབ་པ་དང ། བསོད་ནམས་གསོག་པ་དོན་ཡོད་པ་འཐོབ་པ་དང ། དེ་བཞིན་གཤེགས་པའི་ཡུལ་ལ་རྣམ་པར་འཕྲུལ་པ་དོན་ཡོད་པ་དང ། བྱང་ཆུབ་སེམས་དཔའི་ཡུལ་ལ་རྣམ་པར་འཕྲུལ་པ་དོན་ཡོད་པ་དང ། དེ་བཞིན་གཤེགས་པའི་བྱིན་གྱི་རླབས་ཀྱི་རྣམ་པར་འཕྲུལ་པ་དོན་ཡོད་པ་དང ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་དོན་ཡོད་པ་དང ། བྱང་ཆུབ་ཀྱི་སྙིང་པོར་འགྲོ་བ་དོན་ཡོད་པ་དང ། ཆོས་ཀྱི་འཁོར་ལོ་རབ་ཏུ་བསྐོར་བ་དོན་ཡོད་པ་དང ། Ba206b ཕྱིར་མི་ལྡོག་པའི་གནས་སུ་འགྲོ་བ་དོན་ཡོད་པ་དང ། བློ་རྒྱས་པ་དོན་ཡོད་པ་དང ། ཤེས་རབ་ཟབ་མོ་རྣམ་པར་འཕེལ་བ་དོན་ཡོད་པ་དང ། ཕ་རོལ་ཏུ་ཕྱིན་པ་བཅུ་ཡོངས་སུ་རྫོགས་པ་དོན་ཡོད་པ་དང ། དེ་བཞིན་གཤེགས་པ་ཐམས་ཅད་ལ་མཆོད་པ་དང ། རིམ་གྲོ་དང ། བླ་མ་ལ་གུས་པར་བྱ་བ་དོན་ཡོད་པ་དེའི་ཕྱིར་ལག་ན་རྡོ་རྗེ། དོན་ཡོད་པའི་ཞགས་པ་ཞེས་མིང་དུ་གདགས་པ་བྱས་ན། ལག་ན་རྡོ་རྗེ། རིག་སྔགས་འཆང་རྣམས་ལ་ཇི་ལྟར་རྨོངས་པ་སྐྱེ་བ་འགྱུར། སེམས་འཁྲུག་པར་འགྱུར། དྲན་པ་དང་བློ་གྲོས་རྨོངས་པར་འགྱུར་ཏེ། དེའི་གནས་ན་མི་སྣང་ན་སུ་ཞིག་སྨྲ་བར་ནུས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ནི། དོན་ཡོད་པ་སྟེ། དེ་བཞིན་གཤེགས་པའི་ཡེ་ཤེས་གང་ཡིན་པ་དེ་དོན་ཡོད་པའི་ཞགས་པའི་མིང་དུ་དམིགས་སོ། །བྱང་ཆུབ་སེམས་དཔའ་རྣམས་ཀྱི་ཡེ་ཤེས་ནི། དོན་ཡོད་པ་དང ། ཡེ་ཤེས་དོན་ཡོད་པ་གང་ཡིན་པ་དེ་དོན་ཡོད་པའི་ཞགས་པའི་སྙིང་པོའི་མིང་དུ་དམིགས་སོ། །སྒྱུ་མ་ལྟ་བུའི་ཏིང་ངེ་འཛིན་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པའི་དོན་ཡོད་པ་སྟེ། སྒྱུ་མ་ལྟ་བུ་གང་ཡིན་པ་དེ་དོན་ཡོད་པའི་ཞགས་པའོ། །ཡེ་ཤེས་གང་ཡིན་པ་དེ་ཞགས་པའོ། །དེའི་སྙིང་པོའོ། །སྙིང་པོ་གང་ཡིན་པ་དེ་དོན་ཡོད་པའི་ཞགས་པའི་སྙིང་པོ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ Ba207a ༄#། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་ཞེས་དོན་ཡོད་པའི་ཞགས་བའི་སྙིང་པོའི་མིང་དུ་དམིགས་སོ། །གང་ཡིད་ལ་སེམས་བ་དང ། གང་དོན་དུ་གཉེར་བ་དེ་ཐམས་ཅད་འདྲེན་པར་འགྱུར། འགུགས་པར་འགྱུར། ལེན་པར་འགྱུར་ཏེ། ཤིན་ཏུ་རིང་པོ་ནས་ཀྱང་ཡེ་ཤེས་ཀྱི་ཞགས་པས་འགུགས་པར་འགྱུར་རོ། །ལག་ན་རྡོ་རྗེ།་དེ་བས་ན། དེ་དོན་ཡོད་པའི་ཞགས་པའི་སྙིང་པོའི་མིང་དུ་དམིགས་སོ། །ལག་ན་རྡོ་རྗེ། གང་གིས་ཏིང་ངེ་འཛིན་འདི་འཐོབ་པ་དེ་ལ་ཇི་ལྟར་རྨོངས་པ་སྐྱེ་བར་འགྱུར། །བློ་དམན་པར་འགྱུར་ཏེ། གནས་འདི་ནི། མི་སྣང་ངོ ། །ལག་ན་རྡོ་རྗེ། གཞན་ཡང་གཟུངས་ཀྱི་སྒོ་དུ་མ་འཐོབ་སྟེ། གང་གིས་གཟུངས་འཐོབ་པ་དེས་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་འདིའི་གསང་སྔགས་མཐའ་དག་རྫོགས་པ་དང ། གསང་སྔགས་དང ། ཕྱག་རྒྱ་དང ། གསང་སྔགས་རིམ་པར་ཕྱེ་བ་དང ། དཀྱིལ་འཁོར་ཁ་ཏོན་ཉིད་དུ་གནས་ཏེ། ཐམས་ཅད་སོ་སོར་ཡང་དག་པར་ཤེས་སོ། །འདི་ལྟ་སྟེ། དོན་ཡོད་པའི་རྒྱ་མཚོ་ཞེས་བྱ་བའི་གཟུངས་དང ། དོན་ཡོད་པའི་ལྕགས་ཀྱུ་ཞེས་བྱ་བའི་གཟུངས་དང ། དོན་ཡོད་པའི་པདྨའི་ལྕགས་ཀྱུ་ཞེས་བྱ་བའི་གཟུངས་དང ། དོན་ཡོད་པར་རབ་ཏུ་གནས་པ་ཞེས་བྱ་བའི་གཟུངས་དང ། དོན་ཡོད་པ་རྣམ་པར་སྣང་མཛད་ཀྱི་ཟ་མ་ཏོག་ཅེས་བྱ་བའི་གཟུངས་དང ། Ba207b དོན་ཡོད་པ་ལྷུན་པོའི་སྙིང་པོ་ཡངས་པ་ཞེས་བྱ་བའི་གཟུངས་དང ། དོན་ཡོད་པ་དྲི་མ་མེད་པའི་པདྨ་ཞེས་བྱ་བའི་གཟུངས་དང ། དོན་ཡོད་བའི་འོད་ཟེར་རབ་ཏུ་སྣང་བ་ཞེས་བྱ་བའི་གཟུངས་དང ། དོན་ཡོད་པའི་ཡིད་བཞིན་གྱི་ནོར་བུའི་རྒྱལ་མཚན་ཞེས་བྱ་བའི་གཟུངས་དང ། དོན་ཡོད་པ་རྣམ་པར་འཕྲུལ་པའི་འོད་ཟེར་ཞེས་བྱ་བའི་གཟུངས་དང ། དོན་ཡོད་པའི་ཕྱག་རྒྱ་ཞེས་བྱ་བའི་གཟུངས་དང ། དོན་ཡོད་པའི་རྡོ་རྗེ་ཞེས་བྱ་བའི་གཟུངས་དང ། དོན་ཡོད་པར་རབ་ཏུ་གནས་པ་ཞེས་བྱ་བའི་གཟུངས་དང ། དོན་ཡོད་པ་ཡངས་པ་སྣང་བ་ཞེས་བྱ་བའི་གཟུངས་དང ། དོན་ཡོད་པའི་དངོས་གྲུབ་ཅེས་བྱ་བའི་གཟུངས་དང ། དོན་ཡོད་པ་དྲི་མ་མེད་པའི་འབྱུང་གནས་ཞེས་བྱ་བའི་གཟུངས་དང ། དོན་ཡོད་པའི་བློ་རྒྱས་པ་ཞེས་བྱ་བའི་གཟུངས་དང ། དོན་ཡོད་པའི་འབར་བའི་ཕྱག་རྒྱ་ཞེས་བྱ་བའི་གཟུངས་དང ། དོན་ཡོད་པ་ཉི་མའི་སྙིང་པོ་ཞེས་བྱ་བའི་གཟུངས་དང ། དེ་བཞིན་གཤེགས་པ་དང ། བྱང་ཆུབ་སེམས་དཔའ་ཐམས་ཅད་ཀྱི་དཀྱིལ་འཁོར་གསང་བ་དོན་ཡོད་པ་ཞེས་བྱ་བའི་གཟུངས་འཐོབ་སྟེ། གང་གིས་གཟུངས་དེ་རྣམས་ཐོས་པ་ཙམ་གྱིས་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་པར་ཐར་པའི་དཀྱིལ་འཁོར་གྱི་ཕྱག་རྒྱ་དང ། གསང་སྔགས་རིམ་པར་ཕྱེ་བའི་དཀྱིལ་འཁོར་མཐའ་དག་རྫོགས་པ་དང ། གསང་ Ba208a ༄#། །སྔགས་དང ། ཆོ་ག་དང ། ཆོ་ག་ཞིབ་མོ་རྒྱ་ཆེན་པོ་ཁ་ཏོན་དུ་གནས་ཤིང་ཐམས་ཅད་སོ་སོ་ཡང་དག་པར་ཤེས་ཏེ། གང་གིས་མཐུ་འདི་རབ་ཏུ་ཐོབ་པའི་རྨོངས་པ་སྐྱེས་པར་འགྱུར། དྲན་པ་ཉམས་པར་མི་འགྱུར། དྲན་པ་ཞན་པར་མི་འགྱུར། དྲན་པ་རྨུགས་པར་མི་འགྱུར། དྲན་པ་འཁུམས་པར་མི་འགྱུར། དྲན་པ་མི་བརྟན་པར་མི་འགྱུར། དྲན་པ་གཞན་དུ་རྒྱུ་བར་མི་འགྱུར། འདོད་ཆགས་དང ། ཞེ་སྡང་དང ། གཏི་མུག་དང ། ང་རྒྱལ་དང ། སེར་སྣ་དང ། ཕྲག་དོག་གི་རྗེས་སུ་འགྲོ་བར་མི་འགྱུར། དྲན་པ་སྡིག་པ་ཅན་དུ་མི་འགྱུར་རོ། །དྲན་པ་འཇིག་རྟེན་པའི་མི་དགེ་བ་བྱེད་པར་མི་འགྱུར་ཏེ། རྟག་ཏུ་བློ་ཡངས་ཤིང་རབ་ཏུ་གསལ་བར་འགྱུར་རོ། །རྟག་ཏུ་མི་མཉམ་པ་དང་མཉམ་པའི་དྲན་པ་དང ། བློ་རྒྱ་མཚོ་ལྟ་བུར་འགྱུར་རོ། །རྟག་ཏུ་དྲན་པ་ཟབ་ཅིང་རྒྱ་མཚོ་ཆེན་པོ་བསགས་པ་ལྟ་བུར་འགྱུར་རོ། །ལག་ན་རྡོ་རྗེ། དོན་ཡོད་པའི་ཞགས་པའི་སྙིང་པོའི་གཟུངས་ཆོ་ག་ཞིབ་མོའི་རྒྱལ་པོ་དེ་ལྟར་གོ་སྐབས་ཡངས་པ་ལ་གང་གིས་གཟུངས་འདི་ཐོབ་པ་དེ་ལག་ན་རྡོ་རྗེ། ཇི་ལྟར་དྲན་པ་རྨོངས་པར་འགྱུར། གཞན་ཡང་ཚད་མེད་གྲངས་མེད་དཔག་ཏུ་མེད་པའི་ལུས་ཡོངས་སུ་དག་པ་དང ། ཡིད་ཡོངས་སུ་དག་པ་དང ། སེམས་ཡོངས་སུ་དག་པ་དང ། མདངས་ཡོངས་སུ་དག་པ་དང ། མིག་ཡོངས་སུ་དག་པ་དང ། Ba208b རྣ་བ་ཡོངས་སུ་དག་པ་དང ། སྣ་ཡོངས་སུ་དག་པ་དང ། ལྕེ་ཡོངས་སུ་དག་པ་འཐོབ་པར་འགྱུར་རོ། །དོན་ཡོད་པའི་ཞགས་པའི་སྙིང་པོ་བཀླགས་པ་ཙམ་དང ། མཉན་པ་ཙམ་དང ། མཐོང་བ་ཙམ་དང ། ལྷག་པའི་བསམ་པ་ཙམ་གྱིས་དེ་རྣམས་ཡོན་ཏན་གྱི་ཕན་ཡོན་ཆེན་པོ་འདི་འཐོབ་སྟེ། གང་གིས་མཐུ་འདི་རབ་ཏུ་ཐོབ་པ་དེ་ལ་ལག་ན་རྡོ་རྗེ། ཇི་ལྟར་རྨོངས་པ་སྐྱེ་བར་འགྱུར། དེ་ལྟ་མོད་ཀྱི། ལག་ན་རྡོ་རྗེ། ཡུད་ཙམ་ཞིག་སྡོད་ཅིག་དང ། དེ་བཞིན་གཤེགས་པའི་འཁོར་མང་པོའི་དབུས་སུ་ཇི་ལྟར་མངོན་སུམ་དུ་འགྱུར་བ་བཅོམ་ལྡན་འདས་ཀྱི་སྤྱན་སྔར་བབ་པར་བསྟན་པར་བྱའོ། །དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་པར་ཐར་པའི་དཀྱིལ་འཁོར་གྱི་ཆོ་ག་རྣམ་པར་འཕྲུལ་པའི་ཆོ་འཕྲུལ་གྱི་རྫུ་འཕྲུལ་དམ་པའི་ཡུལ་གྱི་མཐུ་ཆེན་པོའི་ཆེན་པོ་བསྟན་པར་བྱའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་དྲུང་ནས་དོན་ཡོད་པའི་ཡོན་ཏན་བཀོད་པའི་རྣམ་པར་འཕྲུལ་པའི་ཏིང་ངེ་འཛིན་འདི་དག་དང ། གཟུངས་ཀྱི་སྒོ་འདི་དག་མངོན་སུམ་དུ་ཐོས་ནས་དགའ་བ་དང ། མགུ་བ་དང ། ཡིད་རངས་པ་དང ། རབ་ཏུ་དགའ་བ་དང ། ཡིད་བདེ་བ་སྐྱེས་ཏེ། སྙིང་དགའ་བས་དགའ་བ་ཆེན་པོ་ཉིད་ Ba209a ༄#། །ཐོབ་པར་གྱུར་ནས་སྨྲས་པ། བདག་ལུས་དང་སེམས་ཤིན་ཏུ་སྦྱངས་པས་ཡོངས་སུ་དགའ་བ་ཡིད་ལ་བགྱིད་པས་ངེས་པར་གནས་པར་བགྱིའོ། །ཡིད་ལ་བགྱིད་པ་མཆོག་ཏུ་དགའ་བ་དང ། ངོ་མཚར་དུ་གྱུར་པ་དང ། སོམ་ཉིར་དུ་གྱུར་པ་དང་བྲལ་བ་དང ། འགྱོད་པ་མ་མཆིས་པས་གནས་པར་བགྱིའོ། །རྣམ་པར་ཐར་པའི་དཀྱིལ་འཁོར་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་ཞགས་པའི་སྙིང་པོའི་མཐུའི་རྣམ་པར་འཕྲུལ་པ་འདི་ནི། མཆོག་ཏུ་རྙེད་པར་དཀའ་བའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་དྲི་མ་མེད་པར་ཀུན་ཏུ་སྣང་བའི་ནོར་བུ་རིན་པོ་ཆེ་ཆེན་པོ་ཆོས་ཀྱི་དགའ་བར་ཕུལ་ནས་རྐང་པ་གཉིས་ལ་མགོ་བོས་ཕྱག་བྱས་ཏེ་ལན་གསུམ་བསྐོར་བ་བྱས་ནས་སོང་སྟེ་ཆེད་དུ་བརྗོད་པ་འདི་ཆེད་དུ་བརྗོད་ཅིང ། འགྱིང་བག་དང ། བརྗིད་བག་གི་འགྲོས་ཀྱིས་སོང་ནས་རང་གི་སྟན་ལ་འདུག་སྟེ་བཞིན་འཛུམ་པས་བཅོམ་ལྡན་འདས་ཀྱི་ཞལ་དུ་བལྟས་ནས་སྙིང་ཡོངས་སུ་དགའ་བས་བཅོམ་ལྡན་འདས་ལ་རྟོག་ཅིང་འདུག་གོ་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ Ba209b ཕྱུག་ངོ་མཚར་མཆོག་ཏུ་རྨད་དུ་བྱུང་བ། སྙིང་རྗེ་དམ་པ་རྒྱ་ཆེན་པོའི་ལྷག་པའི་བསམ་པའི་དམིགས་པས་སེམས་ཅན་ཐམས་ཅད་བསྒྲལ་བའི་ཕྱིར་འོད་ཟེར་དྲི་མ་མེད་པར་སྣང་བའི་ནོར་བུ་རིན་པོ་ཆེ་ཆེན་པོ་དེ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་ཕུལ་ཏེ་ནམ་མཁའ་ལ་འཕགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་བ་སྤྱན་རས་གཟིགས་དབང་ཕྱུག་གིས་ནོར་བུ་རིན་པོ་ཆེ་དེ་ནམ་མཁའི་དཀྱིལ་དུ་འཕགས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཆེར་གཡོས་པར་གྱུར་ཏོ།། འོད་ཟེར་གྱི་སྣང་བ་ཆེན་པོ་ཉི་མ་བྱེ་བ་བརྒྱ་སྟོང་བས་ལྷག་པའི་འོད་ཟེར་བྱུང་བར་གྱུར་ཏོ། །སྣང་བ་གང་གིས་འཛམ་བུའི་གླིང་གི་སེམས་ཅན་ཐམས་ཅད་ཀྱི་ལུས་ལ་རེག་པ་ཙམ་གྱིས་སྡིག་པ་ཐམས་ཅད་དང ། དམྱལ་བ་དང ། ཡི་དྭགས་དང ། དུད་འགྲོའི་སྐྱེ་གནས་དང ། གཤིན་རྗེའི་འཇིག་རྟེན་དུ་ངན་སོང་གི་འགྲོ་བ་ལས་ཡོངས་སུ་གྲོལ་བར་གྱུར་ཏོ། །གང་ཡང་གླིང་བཞི་པའི་ཡི་དྭགས་དང ། དམྱལ་བ་དེ་དག་ལ་ཡང་སྣང་བ་དེས་སྣང་བར་གྱུར་པས་ཉི་ཚེ་བའི་དམྱལ་བ་རྣམས་ཀྱི་གཏུབས་པ་མེད་པར་གྱུར་ཏེ། སེམས་ཅན་དེ་དག་ཀྱང་ཡོངས་སུ་ཐར་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་བ་མཉམ་པར་སྐྱེས་ཏེ། ལུས་ཡོངས་སུ་དག་པར་གྱུར་ཏོ། །གང་ཡང་མནར་མེད་བའི་དམྱལ་བ་ཆེན་པོ་བཅུ་དྲུག་པོ་དེ་ Ba210a ༄#། །དག་འོད་ཟེར་གྱི་སྣང་བ་དེས་རེག་པས་དམྱལ་བ་དེ་དག་ཐམས་ཅད་དུ་པདྨའི་མཚོ་བྱུང་བར་གྱུར་ཏེ། སེམས་ཅན་དེ་དག་ཀྱང་ཡོངས་སུ་ཐར་ནས་རྒྱན་ཐམས་ཅད་ཀྱིས་བརྒྱན་ཏེ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་བ་མཉམ་པར་པདྨ་ལས་བརྫུས་ཏེ་སྐྱེས་སོ། །གྲང་བའི་དམྱལ་བ་གང་ཡིན་པ་དེ་དག་ཀྱང་དྲོ་ཞིང་བདེ་བ་དང ། རེག་ན་བདེ་བར་གྱུར་ཏོ། །ཚ་བའི་དམྱལ་བ་གང་ཡིན་པ་དེ་དག་ཀྱང་བསིལ་བར་གྱུར་ཅིང་རེག་ན་བདེ་བ་དང ། རབ་ཏུ་དགའ་པར་གྱུར་ཏོ། །གང་ཡང་དུད་འགྲོའི་སྐྱེ་གནས་སུ་སོང་བ་རི་དྭགས་དང ། བྱ་དང ། ཐ་ན་སྦྲང་བུ་དང ། ཤ་སྦྲང་དག་ཀྱང་འོད་ཟེར་དེས་རེག་པས་དུད་འགྲོའི་སྐྱེ་གནས་སུ་སོང་བ་དེ་དག་ཐམས་ཅད་དགའ་ལྡན་དུ་ལྷ་རྣམས་ཀྱི་ནང་དུ་སྐྱེས་སོ། །སེམས་ཅན་གང་དག་བཅིངས་པར་གྱུར་པ་དེ་དག་ཀྱང་འོད་ཟེར་དེས་རེག་པས་སེམས་ཅན་བཅིངས་པ་ལས་ཡོངས་སུ་གྲོལ་བར་གྱུར་ཏོ། །སུ་མི་འདོད་པ་དང ། ལྕགས་སྒྲོག་དང ། ལྕགས་ཀྱུ་ལུ་གུ་རྒྱུད་ཀྱིས་བཅིངས་པ་དེ་དག་ཀྱང་དུམ་བུར་གྱུར་ཏོ། །གང་སྣོད་མ་ཡིན་པ་དེ་ཡང་འོད་ཟེར་དེས་ཕོག་པས་མཐོང་བ་ཡོངས་སུ་དག་པ་འཐོབ་བོ། །གང་ཤ་བཀྲ་དང་མཛེའི་ནད་ཀྱིས་ལག་པ་དང ། རྐང་པ་དང ། རྣ་བ་དང ། སྣ་མ་ཚང་བ་ཡང་འོད་ཟེར་དེས་ཕོག་པས་ལུས་ཡོངས་སུ་རྫོགས་པ་དང ། ལུས་མོངས་སུ་དག་པར་གྱུར་ Ba210b ཏོ། །གང་འབྲས་བུའི་ཤིང་ལྗོན་པ་དང ། མེ་ཏོག་གི་ཤིང་ལྗོན་པ་ཡོངས་སུ་བསྐམས་པར་གྱུར་པ་ཡང་འོད་ཟེར་དེས་རེག་པས་མེ་ཏོག་དང ། འདབ་མ་དང ། འབྲས་བུ་བྱུང་བར་གྱུར་ཏོ། སངས་རྒྱས་ཀྱི་ཞིང་དུ་གཏོགས་པ་གང་དུ་འོད་ཟེར་བབ་པའི་སངས་རྒྱས་ཀྱི་ཞིང་དུ་གཏོགས་པ་དེ་ན་ཡང་སངས་རྒྱས་ཀྱི་ཞིང་སོ་སོའི་དེ་\?\་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་དགུ་བཅུ་རྩ་དགུ་སྙེད་བཞུགས་ཏེ། དེ་བཞིན་གཤེགས་པ་སོ་སོའི་རིན་པོ་ཆེ་སྣ་བདུན་གྱི་ཁང་པ་བརྩེགས་པའི་གཞལ་མེད་ཁང་དང ། སེངྒེའི་ཁྲི་དང་བཅས་པའི་གཞལ་མེད་ཁང་བྱུང་བར་གྱུར་ཏོ། །ནམ་མཁའི་དཀྱིལ་གང་དུ་འོད་ཟེར་གྱི་སྣང་བས་རེག་པའི་ནམ་མཁའི་དཀྱིལ་དེར་ཡང་ཕྱོགས་བཅུ་ཀུན་ཏུ་རིན་པོ་ཆེའི་རང་བཞིན་གྱི་སྤྲིན་བརྩེགས་པས་ཁེབས་པར་གྱུར་ཏེ། ལྷ་རྫས་ཀྱི་ནོར་བུ་རིན་པོ་ཆེ་ཆེན་པོ་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་རྒྱན་དང ། ཅོད་པན་དང ། དཔུང་རྒྱན་དང ། གདུ་བུ་དང ། དོ་ཤལ་དང ། སེ་མོ་དོ་དང ། རྣ་རྒྱན་དང ། གསེར་གྱི་སྐུད་པ་སྣ་ཚོགས་ཀྱི་ཆར་རབ་ཏུ་འབབ་བོ། །ཚོན་ཁ་དོག་རྣམ་པ་སྣ་ཚོགས་པའི་ལྷ་རྫས་ཀྱི་གོས་རྨད་དུ་བྱུང་བ་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་མེ་ཏོག་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་བྱུག་པ་སྣ་ཚོགས་ཀྱི་ཆར་རབ་ཏུ་འབབ་བོ། ། Ba211a ༄#། །ལྷ་རྫས་ཀྱི་བདུག་པ་སྣ་ཚོགས་དང ། ཙནྡན་སྦྲུལ་གྱི་སྙིང་པོའི་ཆར་རབ་ཏུ་འབབ་བོ། །ཚོན་ཁ་དོག་སྣ་ཚོགས་བའི་ལྷ་རྫས་ཀྱི་གོས་དང ། བ་དན་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་མེ་ཏོག་སྣ་ཚོགས་པདྨ་དང ། ཀུ་མུ་ད་དང ། པདྨ་དཀར་བོ་དང ། ུཏྤ་ལ་སྔོན་པོ་དང ། པ་རུ་ཤ་ཀ་དང ། ཙམ་པ་ཀ་དང ། ་དྷི་མུཀྟ་ཀ་དང ། ་ཤོ་ཀ་དང ། སྐྱ་སྣར་དང ། ཀ་དམ་པ་དང ། མནྡཱ་ར་བ་དང ། མནྡཱ་ར་བ་ཆེན་པོའི་མེ་ཏོག་གི་ཆར་རབ་ཏུ་བབས་ཏེ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱེད་དོ། །བཅོམ་ལྡན་འདས་ཤཱཀྱ་ཐུབ་པའི་ཡང་རིན་པོ་ཆེ་སྣ་བདུན་གྱི་ཁང་པ་བརྩེགས་པ་ཡང་དག་པར་གནས་པར་གྱུར་ཏེ། གྲུ་བཞི་པ་ཀ་བ་བཞི་དང ། སྒོ་བཞི་དང་ལྡན་པ། ཤིན་ཏུ་འབར་བ། ལྷ་རྫས་ཀྱི་མེ་ཏོག་སྣ་ཚོགས་ལ་ལན་ཀན་གྱིས་ཡོངས་སུ་བསྐོར་ཅིང་མུ་ཏིག་གི་དྲ་བ་སྣ་ཚོགས་ཀྱིས་བརྒྱན་པ། གསེར་གྱི་དྲིལ་བུ་སྣ་ཚོགས་འཕྱང་བ། གོས་སྣ་ཚོགས་ཀྱི་ཕྲེང་བས་མཛེས་པར་བྱས་པ། ཆུ་ཤིང་གི་རྒྱལ་མཚན་སྣ་ཚོགས་བསྒྲེངས་པ། ནོར་བུ་རིན་པོ་ཆེ་སྣ་ཚོགས་བཀྲམ་པ། གྲར་ལྷ་རྫས་ཀྱི་རྔ་ཡབ་སྣ་ཚོགས་ཀྱིས་མཛེས་པར་བྱས་པ། གོ་སྐབས་རྒྱ་ཆེ་བའི་འཁོར་གྱི་དཀྱིལ་འཁོར་ཆེན་པོ་འབྱུང་ཞིང་སྣང་ངོ ། །ནམ་མཁའི་དཀྱིལ་ན་ཡང་ལྷ་རྣམས་ལྷ་རྫས་ཀྱི་མེ་ཏོག་ Ba211b དང ། བདུག་སྤོས་དང ། དྲི་དང ། ཕྲེང་བ་དང ། བྱུག་པ་དང ། ཕྱེ་མ་དང ། ཆོས་གོས་དང ། གདུགས་དང ། རྒྱལ་མཚན་དང ། བ་དན་དང ། རོལ་མོའི་སྒྲ་སྣ་ཚོགས་དང ། སིལ་སྙན་དང ། ཕེག་རྡོབ་པས་བཅོམ་ལྡན་འདས་ལ་མཆོད་པ་བྱེད་ཅིང་འཁོད་དེ། དེ་ལྟར་དོན་ཡོད་པའི་ཆོ་འཕྲུལ་གྱི་རྣམ་པར་འཕྲུལ་པའི་བྱིན་རླབས་རྨད་དུ་བྱུང་བ་ཆེན་པོའི་ཆེན་པོ་རབ་ཏུ་བསྟན་ཅིང་ཡ་མཚན་རྨད་དུ་བྱུང་བའི་རྫུ་འཕྲུལ་གྱི་རྣམ་པར་འཕྲུལ་པ་ཆེན་པོའི་ཆེན་པོར་བསྟན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་རྫུ་འཕྲུལ་གྱི་རྣམ་པར་འཕྲུལ་པའི་ཆོ་འཕྲུལ་འདི་བསྟན་ནས་རྣམ་པར་འཕྲུལ་བའི་བཀོད་པ་ཆེན་པོས་རང་གི་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་སོང་སྟེ་ཕྱིན་ནས་བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ་བཅོམ་ལྡན་འདས་ལ་མངོན་དུ་བལྟས་ནས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས། བདག་ལ་དོན་ཡོད་པའི་ཞགས་པའི་སྙིང་བོ་རྣམ་པར་ཐར་པའི་དཀྱིལ་འཁོར་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། ཕྱག་རྒྱ་དང་ Ba212a ༄#། །དཀྱིལ་འཁོར་རིམ་པར་ཕྱེ་བ། གསང་སྔགས་ཀྱི་སྙིང་པོ་གསང་བ། རིག་སྔགས་ཀྱི་རྒྱལ་པོ་ཆེན་པོ། བདག་གི་སྙིང་པོ་གསང་བ། རིག་སྔགས་ཀྱི་རྒྱལ་པོ་དོན་ཡོད་པའི་ལྕགས་ཀྱུ་དང ། དོན་ཡོད་པའི་ཁྲོ་བོའི་ལྕགས་ཀྱུ་དང ། རིག་སྔགས་ཀྱི་རྒྱལ་པོ་དོན་ཡོད་པར་འདྲེན་བ་ནོར་བུ་རིན་པོ་ཆེ་ཆེན་པོ་གསུམ་མཆིས་ཏེ། བཅོམ་ལྡན་འདས། བདག་གིས་དེ་བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་ནང་དུ་ཡོངས་སུ་བསྒྲགས་པར་བགྱིའོ། །གང་གིས་དྲན་པ་ཙམ་གྱིས་དོན་ཡོད་པའི་སྙིང་པོའི་ཆོ་ག་ཞིབ་མོ་ཕྱག་རྒྱ་དང ། དཀྱིལ་འཁོར་དང ། གསང་སྔགས་དང ། ཆོ་ག་རིམ་པར་ཕྱེ་བ་མཐའ་དག་རྫོགས་པར་མངོན་དུ་གནས་པར་འགྱུར་ཏེ། ཐམས་ཅད་སོ་སོ་ཉིད་དུ་གནས་སོ། །གསང་སྔགས་འདིས་གཟིར་བས་ཐམས་ཅད་དུ་མངོན་དུ་གནས་སོ། །དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སེམས་ཅན་དག་པ་ཆེན་པོ། ཁྱོད་ཀྱིས་སྤྱན་རས་གཟིགས་དབང་ཕྱུག་གི་སྙིང་པོ་རིག་སྔགས་ཀྱི་རྒྱལ་པོ་དོན་ཡོད་པའི་ལྕགས་ཀྱུ་སྨྲས་པ་ལེགས་སོ་ལེགས་སོ། །རིག་སྔགས་འཆང་ཐམས་ཅད་ཀྱི་དོན་དང ། སེམས་ཅན་ཐམས་ཅད་ཀྱི་དོན་ཆེན་པོའི་ཕྱིར་སེམས་ཅན་དག་པ་ཆེན་པོ། Ba212b ཁྱོད་ཀྱིས་དེའི་དུས་ལ་བབ་པར་ཤེས་ན་ད་སྨྲོས་ཤིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱིས་བསྐུལ་བར་རིག་ནས་བཞིན་འཛུམ་ཞིང་མིག་མི་འཛུམ་པར་བཅོམ་ལྡན་འདས་ག་ལ་བ་དེ་ལོགས་སུ་མངོན་དུ་ཕྱོགས་ཏེ་བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་ནང་དུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་ལྕགས་ཀྱུ་དོན་ཡོད་པའི་ཞགས་པ་འདི་སྨྲས་སོ། །དུས་གསུམ་དུ་གཤེགས་ཤིང་སོ་སོ་ན་བཞུགས་པའི་དེ་བཞིན་གཤེགས་པ་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འཕགས་པ་རྡོ་རྗེ་འཛིན་རིག་སྔགས་ཀྱི་དབང་པོ་ཆེན་པོ་འཁོར་གྱི་ཚོགས་དང་བཅས་པ་ལ་ཕྱག་འཚལ་ལོ། །དཀྱིལ་འཁོར་གྱི་རིག་སྔགས་ཀྱི་ལྷ་ཐམས་ཅད་དང ། ཕྱག་རྒྱ་དང ། གསང་སྔགས་རིམ་པར་ཕྱེ་བ་དང ། ཆོ་ག་ཞིབ་མོ་ཐམས་ཅད་ལ་ཕྱག་འཚལ་ལོ། །རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་འདས་པ་དང ། མ་བྱོན་པ་དང ། ད་ལྟར་བྱུང་བ་ཐམས་ཅད་ལ་ཕྱག་འཚལ་ལོ། །འཕགས་པ་བྱམས་པ་ལ་སོགས་པ་དགའ་ལྡན་གྱི་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་གྱི་ཚོགས་ལ་ཕྱག་འཚལ་ལོ། །འཕགས་བ་དེ་བཞིན་གཤེགས་པ་འོད་དཔག་མེད་བདེ་བ་ཅན་ན་གནས་པའི་བྱང་ཆུབ་སེམས་དཔའ་ཆེན་པོའི་དཀྱིལ་འཁོར་གྱི་ཚོགས་ Ba213a ༄#། །ལ་ཕྱག་འཚལ་ལོ། །ཕྱོགས་བཅུ་མཐའ་ཡས་མུ་མེད་པའི་འཇིག་རྟེན་གྱི་དེ་བཞིན་གཤེགས་པ་དང ། དཀྱིལ་འཁོར་གསང་བ་དང ། ཕྱག་རྒྱ་རིམ་པར་ཕྱེ་བ་ཆོ་ག་ཞིབ་མོ་དང་བཅས་པ་ཐམས་ཅད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་རིག་སྔགས་དང ། དཀྱིལ་འཁོར་ཐམས་ཅད་ཀྱི་སྐུ་སེམས་ཅན་ཐམས་ཅད་ལ་བྱམས་པ་ཀུན་ནས་དོན་ཡོད་པའི་དཀྱིལ་འཁོར་གྱི་རིག་སྔགས་ཀྱི་རྒྱལ་པོ་ལ་ཕྱག་འཚལ་ལོ། །བགེགས་དང ། ལོག་འདྲེན་དང ། སྡང་བ་དང ། བདུད་ལ་སོགས་པ་ཐམས་ཅད་རབ་ཏུ་ཞི་བར་མཛད་པའི་སེམས་དཔའ་ཆེན་པོ་མཆོག་སྦྱིན་ལྕགས་ཀྱུ་ལ་ཕྱག་འཚལ་ལོ། །ཏདྱ་ཐཱ། ཨོཾ་ཨཱ་ཀཪྵ་ཡ། པདྨ་ཧ་སྟེ། མཧཱ་ཨ་མོ་གྷ་ཨཾ་ཀུ་ཤི། ཙ་ར་ཙ་ར། ཙ་ཙ་ར། སཾ་ཙ་ར། ས་མནྟེ་ན། མ་ཧཱ་པཱ་ཤ་།ཾ་ཀུ་ཤ་།བྷུ་ཛ་བར་ད་བྷུ་ཛ་ཨཾ་ཀུ་ཤ་པཱ་ཤ་དྷ་ར། དྷ་ར་དྷ་ར། ས་མནྟ་མུཎྜ། མནྟ་མུཎྜ་ལ། པ་ཊ་ལ་དྷ་ར་ཨཾ་ཀུ་ཤ་།པཱ་ཤེ་ན། དྷ་རཱ་ཡ། ཧཱུཾ་ཧཱུཾ་མ་ཧཱ་བྲཧྨ། བེ་ཥ་དྷ་ར་ཨ་མོ་གྷ་རཱུ་པ། ཨཾ་ཀུ་ཤ་དྷ་ར། ཏ་ར་ཏ་ར།་ཏ་ཏ་ར། ས་མནྟྲ་རཱ་ཡ། མ་ཧཱ་མུཎྜ། མཎྜ་ལ། ཨ་མོ་གྷ་ཨཾ་ཀུ་ཤ་བ་ར་ད། མ་ཧཱ་ཀཱ་རུ་ཎི་ཀ་།ཏྲི་ལོ་ཙ་ན། བ་ཤུ་པ་ཏི། བ་ཤ་དྷ་ར། ཨཱི་ཤཝ་ར། མ་ཧེ་ཤཝ་ར། པ་ར་མ་ Ba213b ཀཱ་རུ་ཎི་ཀ་།མ་ཧཱ་བྷུ་ཏེ། ཤཝ་ར་ཡ་མ་བ་རུ་ཎ། ན་མ་སྐྲྀ་ཏ། ཀུ་མཱ་ར། ཏྲཻ་ལོཀྱ་བ་ར་ད། མ་ཧཱ་ཀ་ཤ་མ་ཀ་།ཤཱ་ས་ཀ། རཀྵ་ཀ་མ་ཧཱ་བིདྱ། ཨ་མོ་གྷ། མཎྜ་ལ། པཱུ་ཛི་ཏེ། རཏྣ་མ་ཀུ་ཊ། མཱ་ལཱ་དྷ་ར། དྷུ་རུ་དྷུ་རུ། མ་ཧཱ་ཨཾ་ཀུ་ཤ་ཨ་ཀྵ་དྷ་ར་ཧཱུཾ་ཧཱུཾ། བྷ་ར་བྷ་ར། སཾ་བྷ་ར་སཾ་བྷ་ར། ས་མནྟ་མུཎྜ་མཎྜ་ལཾ་པཱུ་ར་ཡ། ཧཱུཾ་ཧཱུཾ། ཧྲྀ་ད་ཡ་ཨཾ་ཀུ་ཤི་། བ་ལོ་ཀཱ་ཡ། མན་སཱ་དྷ་ཡ་སིདྡྷི་ར། ཨཱ་ཀཪྵ་ཡ་མུཎྜ་མནྟ་མཎྜ་ལ། པ་ཊ་ལ། བིགྷྣི་ན་པྲ་སཱ་དྷ་ཡ་མཱ་རཾ། ཧ་ར་ཧ་ར། སརྦ་པྲ་བ་ཀི་ལ་བི་ཥ་མ་ལ། མཱ་ད་སརྱ། ཧུ་རུ་ཧུ་རུ། མ་ཧཱ་ཨ་ཀུ་ཤི་ཧཱུཾ་ཧཱུཾ། བུདྡྷ་བུདྡྷ། བོ་དྷ་ཡ་བོ་དྷ་ཡ།་ཏུ་རུ་ཏུ་རུ། མ་ཧཱ་བོ་དྷི་སཏྭ་ཨཾ་ཀུ་ཤ་རཏྣ་པཱ་ཤ་དྷ་ར། ནཱ་ནཱ་བི་ཙ་ཏྲ། ཨཱ་བྷ་ར་ཎ་བི་བྷུ་ཥི་ཏ། ཨ་མི་ཏཱ་བྷཱ། ཛི་ན་མ་ཀུ་ཊ་དྷ་ར། དྷ་ར་དྷ་ར། པདྨ་པཱ་ཤ་ཨཾ་ཀུ་ཤ་དྷ་ར། སརྦ་བིདྱ་མནྟྲ་མུཎྜ་མཎྜ་ལ། པྲ་བ་ར་སཱ་དྷ་ཡ་སཱ་དྷ་ཡ། བི་ཤཝ་རཱུ་པ་དྷ་ར། ས་ཧ་སྲ་བྷུ་ཛ། ས་ཧ་སྲ་ནེ་ཏྲ། སོ་སོ་མ་མུ་ཁ་བ་ར་མ་ཧཱ་ཀཱ་རུ་ཎི་ཀ་སཏྭ་བཏ་ས་ལ། སརྦ་མནྟྲ་མུཎྜ་པྲ་ས་དྷ་ཀ་།པདྨ་བ་ར་ད་ས་དཱ་ན་མོསྟུ་ཏེ། ཨ་མོ་གྷ་ཀུ་ཤ་།པདྨ་བྷུ་ཛ་སཝཱཧཱ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འདོ་སྨྲས་མ་ཐག་ཏུ་རི་བོ་པོ་ཊ་ལ་ཆེན་པོ་བྲག་དང ། ནགས་ཚལ་དང ། སྐྱེད་མོས་ཚལ་དུ་བཅས་བའི་གནས་ཀྱི་གཞལ་མེད་ཁང་རྣམ་པ་དྲུག་ཏུ་རབ་ཏུ་གཡོས་ཏེ། ལྷ་རྫས་ཀྱི་མེ་ཏོག་གི་ཆར་ཆེན་པོ་བཀྲ་བོ། ། Ba214a ༄#། །དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་པར་ཐར་པའི་དཀྱིལ་འཁོར་ཕྱག་རྒྱ་དང ། གསང་སྔགས་དང་བཅས་པའི་དཀྱིལ་འཁོར་རིམ་པར་ཕྱེ་བའི་ཆོ་ག་ཞིབ་མོ་འདི་ཡང་སོ་སོ་ལེའུར་ཕྱེ་བ་མཐའ་དག་རྫོགས་པར་ནམ་མཁའ་ལ་གནས་སོ། །གང་གསང་སྔགས་ཀྱི་ཡིག་འབྲུ་ཡང་གསེར་ལ་བཻ་ཌཱུ་རྱས་ཡི་གེར་བྲིས་པ་སྤྲིན་གྱི་རིམ་པ་ན་སྣང་སྟེ། ཡི་གེའི་ཕྲེང་བ་མཉམ་ཞིང་གསལ་ལ་ཟུར་ཕྱིན་པར་བྲིས་པ། ཐིག་གི་ཕྲེང་བ་གཤིབས་པས་བརྒྱན་པ་སྣང་ངོ ། །གང་ལག་པའི་ཕྱག་རྒྱ་ཡང་པདྨའི་ནང་ནས་བྱུང་བ། ཕྱག་རྒྱ་བཅིང་བ་སྣ་ཚོགས་འོད་ཟེར་འབར་བ་ནམ་མཁའ་ལ་གནས་སོ། །གང་མཚན་མའི་ཕྱག་རྒྱ་ཡང་རིན་པོ་ཆེ་སྣ་བདུན་གྱི་པདྨ་ལ་རབ་ཏུ་གནས་པའི་ནམ་མཁའ་ལ་གནས་པར་གྱུར་ཏོ། །གང་རས་ཀྱི་རི་མོའི་སྐུ་གཟུགས་གཟུགས་རྣམ་པ་སྣ་ཚོགས་འཛིན་པ། རྣམ་པར་བཀྲ་བ། ཆོ་ག་དང ། ཡོ་བྱད་དང་བཅས་པ་རིམ་པར་ཕྱེ་བ་བྲིས་པ་ཡང་ནམ་མཁའ་ལ་གནས་སོ། །གང་དཀྱིལ་འཁོར་རིམ་པར་ཕྱེ་བ་དེ་དཀྱིལ་འཁོར་རྣམ་པ་སྣ་ཚོགས་གྲུ་བཞི་པ་གྲ་བཞི་ཆ་མཉམ་པ་རྣམ་པར་ཕྱེ་བ། དཀྱིལ་འཁོར་ཤིན་ཏུ་སྤྲས་ཤིང་བརྒྱན་པ། གཟུགས་རྣམ་པ་སྣ་ཚོགས་ཀྱིས་མཛེས་པའི་གཞལ་མེད་ཁང་ཡང་ནམ་མཁའ་ལ་གནས་པའོ། །དཀྱིལ་ Ba214b འཁོར་ཆེན་པོ་ན་གནས་པའི་རིག་སྔགས་ཀྱི་ལྷ་ཕོ་ཉ་དང ། ཁྲོ་བོ་དང་བཅས་པ་གཞལ་མེད་ཁང་ན་རྗེས་སུ་རྒྱུ་བ་དག་ཀྱང་ནམ་མཁའི་དཀྱིལ་ན་གནས་ཏེ། བཅོམ་ལྡན་འདས་ལ་མཆོད་པ་བྱེད་དོ། །ཕྱོགས་སོ་སོའི་དེ་བཞིན་གཤེགས་པ་མང་པོ་བྱེ་བ་ཁྲག་ཁྲིག་བརྒྱ་སྟོང་གངྒའི་ཀླུང་གི་བྱེ་མ་སྙེད་ཀྱང་ཕྱོགས་བཅུ་ཀུན་གྱི་ནམ་མཁའི་དཀྱིལ་ན་དེ་བཞིན་གཤེགས་པའི་སྐུ་བཞུགས་པར་གྱུར་ཏོ། །དེ་བཞིན་གཤེགས་པའི་སྐུ་དེ་དག་ཐམས་ཅད་ཀྱིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སྤྱན་རས་གཟིགས་དབང་ཕྱུག་།ལེགས་སོ་ལེགས་སོ། །རིག་སྔགས་ཀྱི་མཆོག་དམ་པ། དོན་ཡོད་པའི་ལྕགས་ཀྱུའི་རིག་སྔགས་ཀྱི་རྒྱལ་པོ་མཐའ་དག་རྫོགས་པར་སྨྲས་པ་གང་གིས་དོན་ཡོད་པའི་ཞགས་པའི་སྙིང་པོ་རྣམ་པར་ཐར་པའི་དཀྱིལ་འཁོར་གྱི་ཆོ་ག་ཞིབ་མོའི་གསང་སྔགས་དང ། ཕྱག་རྒྱ་དང ། གསང་སྔགས་རིམ་པར་ཕྱེ་བ་དེ་དག་ཐམས་ཅད་དོན་ཡོད་པའི་ལྕགས་ཀྱུའི་གསང་སྔགས་ཀྱི་ཞགས་པས་ཀུན་ནས་དྲངས་སོ། །འཁོར་འདིའི་ནང་ན་ནམ་མཁའི་དཀྱིལ་ན་རབ་ཏུ་གནས་པ་དེ་ཕྱི་མའི་ཚེ་ཕྱི་མའི་དུས་ན་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དགེ་སྦྱོང་ངམ། བྲམ་ཟེའམ། རྒྱལ་རིགས་སམ། Ba215a ༄#། །རྗེའུ་རིགས་སམ། དམངས་རིགས་སམ། གཞན་སུ་ཡང་རུང་བ་བུད་མེད་དམ། སྐྱེས་བའམ། ཁྱེའུའམ། བུ་མོ་རིག་སྔགས་འཛིན་པ་ཐམས་ཅད་ཀྱིས་དོན་ཡོད་པའི་ཞགས་པའི་ལྕགས་ཀྱུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་གཟུངས་འདི་དྲན་པར་བྱེད་ན། ལན་གཅིག་དྲན་པ་ཙམ་གྱིས་ཀྱང་མདོ་ལ་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ། རྣམ་པར་ཐར་པའི་དཀྱིལ་འཁོར་གྱི་ཕྱག་རྒྱ་དང ། གསང་སྔགས་དང ། དཀྱིལ་འཁོར་རིམ་པར་ཕྱེ་བ་དང ། ཆོ་ག་ཞིབ་མོ་དེ་ཐམས་ཅད་སོ་སོར་དེ་ལ་ཁ་ཏོན་ཉིད་དུ་གནས་ཏེ། དེ་དག་ཐམས་ཅད་རིམ་གྱིས་དྲན་པ་དང ། བློ་རྒྱ་མཚོ་བསགས་པ་དང ། ཤེས་རབ་འཕེལ་བར་འགྱུར་རོ། །གསང་སྔགས་དང ། ཕྱག་རྒྱ་དང ། གསང་སྔགས་རིམ་པར་ཕྱེ་བ་སོ་སོ་ལ་བློ་འཇུག་པར་འགྱུར་རོ། །ནམ་ཡང་བློ་དམན་པར་མི་འགྱུར་ཞིང་ནམ་ཡང་བརྗེད་ངས་བར་མི་འགྱུར་རོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། མཆོག་ཆེན་པོ་སྦྱིན་པ། ལག་ན་པདྨ། མཆོག་ཏུ་སྙིང་རྗེ་ཅན་ཁྱོད་ཀྱིས་ཆོ་ག་རྒྱ་ཆེན་པོ་ Ba215b ས་པ་ལེགས་སོ་ལེགས་སོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་རྫུ་འཕྲུལ་གྱི་རྣམ་པར་འཕྲུལ་པའི་ཆོ་འཕྲུལ་གྱི་ཡོན་ཏན་མཐའ་ཡས་པ་འདི་མཐོང་ནས་དབུགས་ཆར་འབྱིན་པར་གྱུར་ཅིང་མཆོག་ཏུ་དགའ་བ་ཐོབ་བོ། །དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱི་སྤྱན་སྔར་འཁོར་འདིའི་ནང་དུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་པའི་ལྕགས་ཀྱུའི་བྱ་བའི་ཡོ་བྱད་དང ། ཆོ་ག་བཤད་དོ། །བཅོམ་ལྡན་འདས། དེ་ནས་རིག་སྔགས་འཆང་གང་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་པའི་ཞགས་པ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་བའི་དཀྱིལ་འཁོར་འདི་སྒྲུབ་པར་འཚལ་བ་དང ། གང་ཡང་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ཕའམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། གཞན་སུ་ཡང་རུང་བ་བདུ་མེད་དམ། སྐྱེས་བའམ། ཁྱེའུའམ། བུ་མོའམ། དོན་ཡོད་པའི་ཞགས་པའི་སྙིང་པོ་འདི་བཀླག་པར་འཚལ་བ་དང ། བསྟན་པར་འཚལ་བ་དང ། བཟླས་བརྗོད་ཀྱི་ཆོ་ག་བགྱི་བར་འཚལ་བ་དང ། མཐའ་དག་རྫོགས་པ་ Ba216a ༄#། །སྒྲུབ་པར་འཚལ་བ་དེས་སྔོན་རོལ་ཏུ་ཕྱོགས་བཅུར་ཐལ་མོ་སྦྱར་ཏེ་ཕྱག་འཚལ་ནས་ཤར་ཕྱོགས་སུ་ཁ་བལྟས་ཏེ་མཆིས་ལ་གཞན་མི་སྨྲ་བར་དོན་ཡོད་པའི་ལྕགས་ཀྱུའི་སྙིང་པོ་འདི་ལན་གསུམ་དྲན་པར་བགྱི་ཞིང ། ཡང་ཐལ་མོ་སྦྱར་ཏེ་ཕྱག་བགྱིའོ། །དེས་ན་དྲན་པ་ཙམ་གྱི་མདོ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཀུག་པར་འགྱུར་ཏེ། རི་བོ་པོ་ཊ་ལའི་གཞལ་མེད་ཁང་དང་བཅས་པ་དང ། འཁོར་གྱི་དཀྱིལ་འཁོར་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང་བཅས་པ་བཀུག་པར་འགྱུར་རོ།། །།འཕགས་བ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་གཉིས་པ། དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་ཕྱག་རྒྱ་དང་བཅས་པ་གསང་སྔགས་རིམ་པར་ཕྱེ་བའི་ཆོ་ག་ཞིབ་མོ་དང ། སྒྲུབ་པའི་ཆོ་གའི་རྣམ་པ་རྒྱ་ཆེན་པོ་མཐའ་དག་རྫོགས་པ་འདི་ཡང་བཀུག་པར་འགྱུར་རོ། །དཀྱིལ་འཁོར་གནས་པའི་རིག་སྔགས་ཀྱི་ལྷ་འཁོར་དང་བཅས་པ་བཀུག་པར་འགྱུར་ཏེ། ཐམས་ཅད་ཡིད་རབ་ཏུ་དགའ་བར་གྱུར་པས་དངོས་གྲུབ་དམ་ Ba216b པ་རྗེས་སུ་སྩོལ་བར་འགྱུར་རོ། །དེ་ནས་དོན་ཡོད་པའི་རྒྱལ་པོའི་སྙིང་པོ་དྲན་པར་བགྱི་སྟེ། ཇི་ལྟར་ཤིན་ཏུ་རྒྱ་ཆེར་ཡིད་ལ་བགྱིས་པ་དེ་ལྟར་སྒྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཉིད་ཀྱི་ཁ་ནས་དྲན་པ་མཉན་ཞིང་རྒྱ་ཆེ་བ་དང ། བློ་དང་མདངས་དྲི་མ་མ་མཆིས་པ་འཇུག་པར་བགྱིད་དེ། ཞུགས་པ་ཙམ་གྱི་མོད་ལ་ལྕེ་པདྨའི་འདབ་མ་ལྟ་བུར་འཇམ་པར་འགྱུར་ཞིང ། ཁ་ནས་ཨུཏྤ་ལའི་དྲི་འབྱུང་བར་འགྱུར་རོ། །དབྱངས་སྙན་ཅིང་མཉེན་པ་དང ། འཇམ་པ་དང ། ཟབ་པ་དང ། ཚིག་རྣམ་པར་དག་པར་འགྱུར་རོ། །མིའམ་ཅིའི་དབྱངས་དང ། སྒྲ་སྙན་པ་དང ། དབྱངས་མཉེན་པ་དང ། དགའ་བར་བྱེད་པའི་དབྱངས་སུ་འགྱུར་ཞིང་ཀ་ལ་པིང་ཀའི་དབྱངས་སུ་འགྱུར་རོ། །ཅི་སྟེ་དུས་གསུམ་དུ་དྲན་པར་བགྱིད་ན།་གསང་སྔགས་དང ། ཆོ་ག་ཞིབ་མོ་དང ། དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། ཆོ་ག་ཐམས་ཅད་དང ། དེ་བཞིན་གཤེགས་པ་ཐམས་ཅད་ཀྱི་རིགས་སྤྱིའི་དངོས་གྲུབ་དེ་རྫོགས་པར་འགྱུར་ཞིང་སྤྱོད་པར་འགྱུར་རོ། །བགེགས་དང ། ལོག་འདྲེན་དང ། བདུད་ལ་སོགས་པ་སྡང་བའི་འཇིགས་པ་ཐམས་ཅད་དང་བྲལ་བར་འགྱུར་རོ། ། སྔོན་གྱི་སྒྲིབ་པ་དང ། དམྱལ་བར་མཆི་བའི་སྡིག་པ་ཐམས་ཅད་དང་བྲལ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ། རིག་སྔགས་ཀྱི་རྒྱལ་པོ་ཆེན་ Ba217a ༄#། །པོ་དོན་ཡོད་པའི་ལྕགས་ཀྱུ་འདི་ལན་གསུམ་དྲན་པར་བགྱིས་པ་ཙམ་གྱིས་སྐད་ཅིག་དེ་ཉིད་ཀྱི་མོད་ལ་བདག་རང་དང ། རང་གཞན་ཀྱི་དང ། སློབ་མ་དང ། བསྙེན་བཀུར་དང ། འཁོར་དང་བཅས་པ་མི་གཙང་བ་ཡང་གཙང་བར་འགྱུར། ཡོངས་སུ་མ་དག་པ་ཡང་ཤིན་ཏུ་ཡོངས་སུ་དག་པར་འགྱུར་རོ། །དྲི་མ་དང་བཅས་པ་ཡང་ཤིན་ཏུ་དྲི་མ་མ་མཆིས་པར་འགྱུར་རོ། །ཞེ་སྡང་དང་བཅས་པ་ཡང་ཞེ་སྡང་དང་བྲལ་བར་འགྱུར་རོ། །གཏི་མུག་དང་བཅས་པ་ཡང་གཏི་མུག་དང་བྲལ་བར་འགྱུར་རོ། །འདོད་ཆགས་དང་བཅས་པ་ཡང་འདོད་ཆགས་དང་བྲལ་བར་འགྱུར་རོ། །སྒྲིབ་པ་དང་བཅས་པ་ཡང་སྒྲིབ་པ་དང་བྲལ་བར་འགྱུར་རོ། །བགེགས་དང་བཅས་པ་དང ། བདུད་དང་ལོག་འདྲེན་གྱིས་ཡོངས་སུ་ཟིན་པ་ཡང་བགེགས་དང་ལོག་འདྲེན་དང ། བདུད་ལ་སོགས་པ་དང་བྲལ་བར་འགྱུར་རོ། །སེམས་ཀྱི་སྡིག་པ་ཡང་སྡིག་པ་དང་བྲལ་བར་འགྱུར་རོ། །ཐུན་མོང་མ་ཡིན་པ་ཡང་ཐུན་མོང་དུ་གྱུར་ཅིང་སྲུང་བར་འགྱུར་རོ། །མི་སྨྲ་བའི་བརྟུལ་ཞུགས་མ་མཆིས་པ་ཡང་མི་སྨྲ་བའི་བརྟུལ་ཞུགས་ཆེན་པོ་དང་ལྡན་པར་འགྱུར་རོ། །སྨྱུང་བ་མ་བགྱིས་པ་ཡང་སྨྱུང་བ་བགྱིས་པར་འགྱུར་རོ། །རིག་སྔགས་ཀྱི་གནས་དང་ཡུལ་དང་དཀྱིལ་འཁོར་ཐམས་ཅད་དུ་ཚངས་པར་མི་སྤྱོད་པ་ཡང་ Ba217b ཚངས་པར་སྤྱོད་པ་ཆེན་པོར་འགྱུར་རོ། །ཚངས་པའི་གནས་ཆེན་པོ་ལ་གནས་པར་འགྱུར་རོ། །དགེ་པ་མི་སྦྱོད་པ་ཡང་དགེ་བ་ཆེན་པོ་དང་ལྡན་པར་འགྱུར་རོ། །ཆོས་མི་སྤྱོད་པ་ཡང་ཆོས་སྤྱོད་པ་ཆེན་པོ་དང་ལྡན་པར་འགྱུར་རོ། །བསོད་ནམས་མི་བགྱིད་པ་ཡང་བསོད་ནམས་ཀྱི་ཕུང་བ་འཕེལ་བར་འགྱུར་རོ། །དུལ་བའི་སྤྱོད་པ་མ་མཆིས་པ་ཡང་དུལ་བའི་སྤྱོད་པ་ཆེན་པོ་དང་ལྡན་པར་འགྱུར་རོ། །དཀྱིལ་འཁོར་དང ། ཕྱག་རྒྱ་དང ། གསང་སྔགས་མི་མཐོང་བ་དང ། དམ་ཚིག་མ་མཆིས་པ་ཡང་དཀྱིལ་འཁོར་དང ། ཕྱག་རྒྱ་དང ། གསང་སྔགས་མཐོང་བ་དང ། དམ་ཚིག་འཚལ་བར་འགྱུར་རོ། །རིག་སྔགས་ཀྱི་གནས་དང ། འཁོར་ཐམས་ཅད་དུ་སངས་རྒྱས་དང ། ཆོས་མཐོང་བར་མི་འཚལ་བ་ཡང་བྱང་ཆུབ་དང ། ཆོས་དང ། དམ་ཚིག་དང་ལྡན་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་མ་བསམ་པ་ཡང་བྱང་ཆུབ་སེམས་དཔའ་ཐམས་ཅད་ཀྱིས་བསམ་པར་འགྱུར་རོ། །སངས་རྒྱས་ཀྱི་ས་བོན་གྱི་ཡུལ་དུ་མ་གྱུར་པ་ཡང་བྱང་ཆུབ་ཀྱི་ས་བོན་དང་ལྡན་པར་འགྱུར་རོ། །ཕ་རོལ་ཏུ་ཕྱིན་པ་དྲུག་གི་སྤྱོད་པ་དང་མི་འབྲལ་ཞིང་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བགྱི་བ་ལ་མཁས་པར་འགྱུར་རོ། །ཚུལ་ཁྲིམས་དང་མི་འབྲལ་ཞིང་ཏིང་ངེ་འཛིན་རབ་ཏུ་འཐོབ་པར་འགྱུར་རོ། །སྦྱིན་པ་དང་ཡོངས་སུ་གཏོང་བ་དང་མི་འབྲལ་ཞིང་ Ba218a ༄#། །སྦྱིན་པ་དང ། ཡོངས་སུ་གཏོང་བ་དང ། སྦྱིན་པའི་ཚོགས་ཆེན་པོ་དང་ལྡན་པར་འགྱུར་རོ། །བཟོད་པ་དང་མི་འབྲལ་ཞིང་བཟོད་པ་ཆེན་པོའི་བཟོད་པའི་རྗེས་སུ་སྤྱོད་པར་འགྱུར་རོ། །བརྩོན་འགྲུས་དང་མི་འབྲལ་ཞིང་བརྩོན་འགྲུས་ཀྱི་སྟོབས་ཆེན་པོའི་གོ་ཆ་བརྟན་པ་བགོས་པར་འགྱུར་རོ། །བསམ་གཏན་དང་མི་འབྲལ་ཞིང་བསམ་གན་ཆེན་པོ་འཐོབ་བ་དང ། ཏིང་ངེ་འཛིན་དང་ལྡན་པར་འགྱུར་རོ།། ཤེས་རབ་དང་ཐབས་ལ་མཁས་པ་རྒྱ་ཆེན་པོར་འགྱུར་རོ། །རིག་སྔགས་དང ། གསང་སྔགས་ཉམས་པ་ཡང་གསང་སྔགས་དང ། ཕྱག་རྒྱ་ཡོངས་སུ་ཚང་བ་དང ། ཆོ་ག་ལ་མཁས་པར་འགྱུར་རོ། །དགེ་པའི་བཤེས་གཉེན་དང་བྲལ་བ་ཡང་དགེ་བའི་བཤེས་གཉེན་ཆེན་པོའི་ལམ་ལ་རབ་ཏུ་གནས་པར་འགྲུབ་པར་འགྱུར་རོ། །འཇིགས་རྟེན་ཐམས་ཅད་དུ་སྙིང་དུ་སྡུག་པ་དང ། བླ་མར་བགྱིས་པར་འགྱུར་རོ། །སེམས་ཅན་ཐམས་ཅད་ཀྱིས་མཆོད་པ་དང ། མངོན་དུ་ཕྱག་བགྱི་བར་འགྱུར་རོ། །ཚིག་བཙུན་པར་འགྱུར་རོ། །བསམ་པ་ཡོངས་སུ་དག་པར་ཡང་འགྱུར་རོ། །དེ་ལྟར་དོན་ཡོད་པ་ཆེན་པོའི་ཆོ་ག་རྒྱ་ཆེན་པོ་འདི་དག་ནི། ཐམས་ཅད་དུ་དངོས་གྲུབ་དོན་ཡོད་པ། མཆོག་ཏུ་རྙེད་པར་དཀར་བ། དགེ་བ་དོན་ཡོད་པ་འདི་དོན་ཡོད་པའི་ལྕགས་ཀྱུས་འདྲེན་པར་བགྱིད་དོ།། Ba218b དངོས་གྲུབ་ཐམས་ཅད་འགུགས་པར་བགྱིད་དོ། །སྒྲུབ་པ་ཐམས་ཅད་འདྲེན་པར་བགྱིད་དོ། །སངས་རྒྱས་ཀྱི་ཆོས་ཇི་སྙེད་པ་དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང ། མི་འཇིགས་པ་བཞི་དང ། འཕགས་པའི་ལམ་ཡན་ལག་བརྒྱད་དང ། དེ་བཞིན་ཉིད་དང ། ཡང་དག་པའི་མཐའ་དང ། དོན་དམ་པ་དང ། སྟོང་པ་ཉིད་འདྲེན་པར་བགྱིད་དེ། དོན་ཡོད་པའི་ལྕགས་ཀྱུ་འདིས་འདྲེན་པར་བགྱིད། ཡངས་པར་བགྱིད། དངོས་གྲུབ་མཆོག་འདྲེན་པར་བགྱིད་དོ། །དེ་ལྟར་མཐུ་ཆེ་བ་དང ། ཕན་ཡོན་ཆེ་བ་དང ། ཡོན་ཏན་ཆེན་པོར་བརྗོད་པས་བསོད་ནམས་ཀྱི་འབྲས་བུ་ཆེན་པོ་སྩོལ་བར་བྱིད་དོ།། དེ་ལྟར་དགེ་བའི་རྩ་བ་ཆེན་པོ་དང་ལྡན་ཞིང་ཀུན་ཏུ་གསོག་པར་བགྱིད་པས་རིག་སྔགས་ཀྱི་རྒྱལ་པོ་དོན་ཡོད་པའི་ལགས་ཀྱུ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་ནི། མཆོག་ཏུ་གྲུབ་པ་བླ་ན་མེད་པ་ལགས་སོ། །དེ་ནས་རིག་སྔགས་འཆང་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ང ། །དགེ་སློང་མའམ། དགེ་བསྙེན་ནམ། དགེ་བསྙེན་མའམ། དགེ་སྦྱོང་ང ། བྲམ་ཟེའམ།་རྒྱལ་རིགས་སམ། རྗེའུ་རིགས་སམ། དམངས་རིགས་སམ། གཞན་སུ་མང་རུང་བ་བུད་མེད་དམ། སྐྱེས་བའམ། ཁྱེའུའམ། བུ་མོ་འཕགས་བ་སྤྱན་རས་གཟིགས་ Ba219a ༄#། །དབང་ཕྱུག་རང་གི་གཟུགས་ཀྱིས་དགུག་པར་འཚལ་བ་དང ། འཕགས་པ་སྤྱན་རས་གཟིགས་དབང་ཕྱུག་བདག་ཉིད་ཀྱི་རང་གི་གཟུགས་སུ་མཐོང་བར་འཚལ་ན། དེས་ཆོ་ག་འདི་བགྱིའོ། །གཙང་མ་ཤིན་ཏུ་ཁྲུས་བགྱིས་པ། གོས་གཙང་མ་བསྒོས་པ། བའི་རྣམ་ལྔའི་ཆུས་བསང་བའི་མཆོད་ཕྱིར་ཐོགས་བཏགས་པས་རས་དམར་པོའི་སྐུད་པའི་མཆོད་ཕྱིར་ཐོགས་ཁ་དོག་བཟང་པོ་གནས་བདུན་དུ་ཡོངས་སུ་གཟུང་སྟེ། མཚོག་མ་དང ། སྤྱི་གཙུག་བཅིང་བ་དང ། གནས་གསུམ་པ་དཔུང་པ་གཉིས་སུ་བཅིང་པ། ལག་ངར་གཉིས་སུ་བཅིང་བ་དང ། དེ་ནས་རྐེད་པར་བཅིངས་པ་ས་ཕྱོགས་གཙང་མར་འདུག་ནས་སམ། གནས་གཞན་གང་ཡང་རུང་བ་དབེན་ཞིང་འཁྲུགས་པ་མ་མཆིས་པ་དང ། དཀྱིལ་འཁོར་གྱི་སྟེགས་གྲུ་བཞི་པ་ཤིན་ཏུ་རྣམ་པར་མཛེས་པ། གྲུ་བཞིའི་ཚད་ཙམ་ལ་འཕང་སོར་བརྒྱད་ཀྱི་ཚད་ཙམ་ཀུན་ནས་ཟླུམ་པོ་ལེགས་པར་བྱུགས་པ་ཤིན་ཏུ་འཇམ་པར་བགྱིའོ། །དེ་ནས་ཚོན་སྣ་ཚོགས་ཀྱི་སྐུད་བས་རྣམ་པར་མཛེས་པར་ཐིག་གདབ་ཅིང་ཚོན་རྩི་སྣ་ཚོགས་ཀྱིས་བྲི་བར་བགྱིའོ། །སྙིང་པོའི་དཀྱིལ་འཁོར་ནི། ཁྲུ་གང་ཙམ་གྱི་ཚད་ལ་གྲུ་བཞི་པ། རྣམ་པར་ཕྱེ་བ། ཤིན་ཏུ་མཛེས་པ། གྲུ་བཞི་ཀུན་ཁ་ཁྱེར་གྱི་རྣམ་པ་ཅན་བགྱིའོ། །དབུས་སུ་ Ba219b པདྨ་བགྱིའོ། །འདབ་མ་བརྒྱ་རྩ་བརྒྱད་པ། འདབ་མ་ཐམས་ཅད་ལ་ལྕགས་ཀྱུ་བྲི་ཞིང་དབུས་ཀྱི་སྙིང་པོ་གེ་སར་དང་བཅས་པ་རིན་པོ་ཆེ་སྣ་ཚོགས་ཀྱིས་བརྒྱན་པ་བགྱིའོ། །འོད་ཀྱི་ཕྲེང་བ་ཟླུམ་པོ་ཚོན་རྩི་སྣ་ཚོགས་ཀྱིས་རྣམ་པར་མཛེས་པར་བགྱིའོ། །སྙིང་པོའི་དཀྱིལ་འཁོར་གྱི་གྲ་བཞིར་ལྕགས་ཀྱུ་དང་ཞགས་པ་ཀུན་ནས་ཟླུམ་པོ་ཡང་བགྱིའོ། །ཕྱི་རོལ་གྱི་དཀྱིལ་འཁོར་ཀུན་ཏུ་མཚན་མའི་ཕྱག་རྒྱ་སྣ་ཚོགས་ཀྱང་བྲི་བར་བགྱིའོ། །དཀྱིལ་འཁོར་གྱི་གྲ་བཞིར་རྣམ་པར་ཕྱེ་བར་རྒྱལ་པོ་ཆེན་པོ་བཞི་འབར་བའི་ནང་ན་གོ་ཆ་བགོས་པ། དྲག་ཤུལ་གྱི་གཟུགས་ཅན་འཇིགས་པར་བགྱིད་པ་བྲིའོ། །སྒོ་བཞི་རྣམ་པར་ཕྱེ་བར་ཡང་དཀྱིལ་འཁོར་གྱི་ལྷ་བྲི་བར་བགྱི་སྟེ། ཤར་ཕྱོགས་ཀྱི་སྒོར་རྡོ་རྗེ་འཆང་ཞི་བའི་གཟུགས་ཅན་བཞིན་འཛུམ་པ། རྡོ་རྗེ་འགྱིང་བག་ཅན་དུ་འཛིན་པ། རི་རབ་ཀྱི་སྟེང་ན་འབར་བའི་ནང་ན་མཆིས་པ་བྲིའོ། །ལྷོ་ཕྱོགས་ཀྱི་སྒོར་ཁྲོ་བོའི་རྒྱལ་པོ་དྲག་ཤུལ་གྱི་གཟུགས་ཅན་འཇིགས་པར་བགྱིད་པ། པདྨ་དང་ཞགས་པ་ཐོགས་པ། མེ་ཏོག་ཁ་ཕྱེ་བའི་སྟེང་ན་འབར་བའི་ནང་ན་མཆིས་པའོ། །ནུབ་ཕྱོགས་ཀྱི་སྒོར་དབང་པོ་རྡོ་རྗེ་ཐོགས་པ། མིག་གསུམ་པ་རིའི་སྟེང་ན་འབར་བའི་ནང་ན་མཆིས་པ་བྲིའོ། །བྱང་ཕྱོགས་ཀྱི་སྒོར་དོན་ཡོད་པའི་ཞགས་པ་གདོང་ཁྲོ་གཉེར་ཅན། པདྨ་དང་ཞགས་པ་ཐོགས་པ། པདྨའི་འདབ་མའི་སྟེང་ན་འབར་བའི་ Ba220a ༄#། །ནང་ན་ལྕགས་ཀྱུ་དང་ལྷན་ཅིག་མཆིས་པ་བྲིའོ། །དཀྱིལ་འཁོར་ཁོར་ཁོར་ཡུག་ཏུ་གོས་དང ། བ་དན་དང ། མངའ་དང ། རྒྱལ་མཚན་ཀུན་གྱིས་བརྒྱར་པར་བགྱིའོ། །ཚོན་སྣ་ལྔའི་སྐུད་པས་ཁོར་ཁོར་ཡུག་ཏུ་དཀྲི་བར་བགྱིའོ། །གཏོར་མ་ཐམས་ཅད་དཀར་པོ་གཞག་གོ་།དཀྱིལ་འཁོར་གྱི་ཕྱི་རོལ་ཀུན་ཏུ་དངུལ་དང ། གསེར་གྱི་སྣོད་རྣམ་པ་སྣ་ཚོགས་པ་གཞག་གོ་།སྙིང་པོའི་དཀྱིལ་འཁོར་ཁོར་ཁོར་ཡུག་ཏུ་དངུལ་གྱི་སྣོད་བཀང་བ་བཞི་དང ། འོ་མས་བཀང་བ་ཞི་དང ། མཆོད་ཡོན་དང ། ཞབས་བསིལ་བའི་སྣོད་བཞི་དང ། དྲིའི་སྣོད་བཞི་དང ། དྲིས་བཀང་བའི་སྣོད་བཞི་དང ། དངུལ་གྱི་ཕོག་ཕོར་ཨ་ག་རུ་དང ། ཙནྡན་དང ། དུ་རུ་ཀའི་བདུག་སྤོས་བསྲེགས་པ་བཞི་གཞག་གོ་།ཕྱི་རོལ་གྱི་དཀྱིལ་འཁོར་ཁོ་ར་ཁོར་ཡུག་ཏུ་ས་ལས་བྱས་པའི་སྣོད་བཀང་བ་དང ། གཏོར་མའི་སྣོད་བུམ་པ་ཡོངས་སུ་བཀང་བ་དྲུག་ཅུ་རྩ་བཞི་དང ། བདུག་པ་སྣ་ཚོགས་བསྲེགས་པའི་པོག་ཕོར་བརྒྱད་འཇིགས་པ་མེད་པར་གཞག་པར་བགྱིའོ། །དེ་ནས་རིག་སྔགས་འཆང་གིས་ཚེས་བཅུ་བཞི་ནས་ཟླ་བ་ཉ་ཆེས་བཅོ་ལྔའི་བར་གྱི་ཉིན་ཞག་གཅིག་སྨྱུང་བ་བགྱིས་པས། འབྲས་ཡོས་དང ། ཡུངས་ཀར་ལ་དོན་ཡོད་པའི་རྒྱལ་པོའི་སྙིང་པོས་ལན་བརྒྱ་རྩ་བརྒྱད་ཡོངས་སུ་བཟླས་པས་ Ba220b དཀྱིལ་འཁོར་དུ་གཏོར་བར་བགྱིའོ། །ཡུངས་ཀར་དང ། དྲི་ཆབ་ལ་ཁྲོ་བོའི་རྒྱལ་པོས་ལན་བརྒྱ་རྩ་བརྒྱད་ཡོངས་སུ་བཟླས་པས་དཀྱིལ་འཁོར་ཀུན་ཏུ་གཏོར་ཞིང་དཀྱིལ་འཁོར་དབང་བསྐུར་བར་བགྱིའོ། །དཀྱིལ་འཁོར་གྱི་ཕྱི་རོལ་དུ་མར་མེ་དྲུག་ཅུ་རྩ་བཞི་སྦར་བར་བགྱིའོ། །མེ་ཏོག་ཇི་སྙེད་པ་མང་པོ་བཀྲམ་ཞིང་ཁོ་ར་ཁོར་ཡུག་ཏུ་ཕྲེང་བ་གཞག་པར་བགྱིའོ། ། རིག་སྔགས་འཆང་གིས་དོན་ཡོད་པའི་ལྕགས་ཀྱུས་ཡུངས་ཀར་ལ་ལན་ཉི་ཤུ་རྩ་གཅིག་ཡོངས་སུ་བཟླས་པས་དཀྱིལ་འཁོར་ཀུན་དང ། ཕྱོགས་བཞི་དང ། སྟེང་དང ། འོག་ཏུ་གཏོར་ན། དཀྱིལ་འཁོར་བཅིང་བ་བགྱིས་པར་འགྱུར་རོ། །ཕྱོགས་བཅིང་བ་དང ། སྤྱི་གཙུག་བཅིང་བ་དང ། བདག་སྲུང་བ་བགྱིས་པར་འགྱུར་རོ། །བགེགས་དང ། ལོག་འདྲེན་དང ། འབྱུང་པོ་དང ། གནོད་སྦྱིན་དང ། སྲིན་པོ་དང ། བདུད་ལ་སོགས་པ་ཐམས་ཅད་བཅིངས་པར་འགྱུར་རོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་གང་དག་མཐོང་བ་དང ། དེ་བཞིན་གཤེགས་པའི་བསླབ་པའི་གཞི་འཛིན་པ་དེ་ཐམས་ཅད་བཀུག་པར་འགྱུར་རོ། །དཀྱིལ་འཁོར་ཀུན་ནས་བསྲུང་བའི་སླད་དུ་གཤིན་རྗེ་དང ། ཆུ་ལྷ་དང ། གཞོན་ནུ་དང ། ཀུ་བེ་ར་དང ། རྒྱལ་པོ་ཆེན་པོ་བཞི་དཔུང་དང ། འཁོར་དང་བཅས་པ་ Ba221a ༄#། །ལྕགས་ཀྱུ་དང ། ཞགས་པས་བཀུག་པར་འགྱུར་ཏེ། དཀྱིལ་འཁོར་ཀུན་ནས་སྲུང་བ་དང ། བསྐྱབ་པ་དང ། སྦ་བ་བགྱིད་པར་འགྱུར་རོ། །འོག་གི་སའི་ལྷ་མོ་སའི་འོག་ན་གནས་པ་རྣམས་དང་ལྷན་ཅིག་དཀྱིལ་འཁོར་བསྲུང་བ་དང ། བསྐྱབ་པ་དང ། སྦ་བའི་སླད་དུ་མཆིས་པར་འགྱུར་རོ། །སྟེང་ནས་ནམ་མཁའ་ལ་ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། བརྒྱ་བྱིན་དང ། མཚན་མོའི་ལྷ་དང ། ཉི་མ་དང ། ཟླ་བ་རྒྱུ་སྐར་བཅས་པར་བསྲུང་བ་དང ། བསྐྱབ་པ་དང ། སྦ་བ་བགྱིས་པར་འགྱུར་རོ། །དེ་ནས་རིག་སྔགས་འཆང་གིས་ཕྱག་བགྱི་བའི་ལས་བགྱི་སྟེ། རིག་སྔགས་འཆང་གིས་རྩཝ་ཀུ་ཤའི་སྟེང་དུ་ཤར་ཕྱོགས་ཀྱི་སྒོར་དཀྱིལ་འཁོར་ལ་མངོན་དུ་ཕྱོགས་པར་སྐྱིལ་མོ་ཀྲུང་བཅས་ཏེ་མཆིས་ལ་གཞན་མི་སྨྲ་བར་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་ཡོངས་སུ་བཟླས་པ་བགྱིས་ལ། དཀྱིལ་འཁོར་གྱི་སྙིང་པོར་འཕགས་པ་སྤྱན་རས་གཟིགས་དབང་ཕྱུག་བཞག་པར་བགྱི་ཞིང་མེ་ཏོག་རེ་རེ་ལ་བཟླས་བརྗོད་བགྱིས་པས་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་དོར་བར་བགྱིའོ། །དེ་ནས་ཁྲོ་བོའི་རྒྱལ་པོས་ཡུངས་ཀར་གྱི་འབྲུ་རེ་རེ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་པས་གཏོར་བར་བགྱིའོ། །དེ་ནས་འཕགས་པ་སྤྱན་རས་གཟིགས་ Ba221b དབང་ཕྱུག་གི་སྙིང་པོ་དོན་ཡོད་པའི་ཞགས་པའི་ལྕགས་ཀྱུས་བཟླས་བརྗོད་སྟོང་རྩ་བརྒྱད་བགྱིས་པས་དབུལ་བར་བགྱིའོ། །རིལ་བུ་རེ་རེ་ལ་བཟླས་བརྗོད་བགྱིས་པའི་བདུག་སྤོས་དབུལ་བར་བགྱིའོ། །ཡུངས་ཀར་རེ་རེ་ལ་བཟླས་བརྗོད་བགྱིས་ལ་སྙིང་པོའི་དཀྱིལ་འཁོར་གྱི་སྟེང་དུ་དོར་བར་བགྱིའོ། །སྟོང་རྩ་བརྒྱད་རྫོགས་པ་དང ། ཐུན་ཐ་མའི་ནམ་ནངས་ཀར་གྱ་ནོམ་པ། ཡིད་དུ་འོང་ཞིང་དགའ་བ་དང ། རབ་ཏུ་དགའ་བར་བགྱིད་པར་ས་གཡོ་བར་འགྱུར་ཞིང ། སྒྲ་མཉེན་པ་དང ། སྙན་ཅིང་འཇེབས་པ་དང ། ཡིད་དུ་འོང་བ་ཟབ་མོ་ཟབ་མོ་དང ། ཀ་ལ་པིངྐ་དང ། མིའམ་ཅིའི་སྒྲ་དབྱངས་ལྟ་བུ་འབྱུང་བར་འགྱུར་ཏེ། རིག་སྔགས་འཆང་གི་སེམས་བརྟན་པོར་བགྱི་ཞིང་མཆོག་ཏུ་དགའ་བར་ཡིད་ལ་བགྱིད་པས་བཟླས་བརྗོད་བགྱིའོ། །དེ་ནས་དཀྱིལ་འཁོར་གྱི་སྙིང་པོ་ནས་འོད་ཟེར་རྣམ་པ་སྣ་ཚོགས་མང་པོ་འབྱུང་ཞིང་ཕྱོགས་དང ། ཕྱོགས་མཚམས་ཀུན་ཏུ་མཆི་ཞིང་སྣང་བར་འགྱུར་ཏེ། ནམ་མཁའི་དཀྱིལ་ན་སྤྲིན་བརྩེགས་པའི་ཕུང་པོ་བཞིན་དུ་འོད་ཟེར་གྱི་གདུགས་སུ་གྱུར་ནས་གནས་པར་འགྱུར་རོ། །དེ་ནས་སྔོན་མ་བྱུང་བའི་དྲི་ཞིམ་པོ་རྨད་དུ་བྱུང་བ་འབྱུང་བར་འགྱུར་ཞིང་ལྷའི་ཙནྡན་དང ། གོ་ཤིཪྵའི་ཙནྡན་དང ། ཙནྡན་སྦྲུལ་གྱི་སྙིང་པོ་དང ། ག་པུར་དང ། གླ་རྩིའི་དྲི་འབྱུང་སྟེ། དཔག་ཚད་བརྒྱ་ཁོར་ཁོར་ཡུག་ཏུ་དྲི་གནས་པར་ Ba222a ༄#། །འགྱུར་རོ། །ལྷ་རྫས་ཀྱི་བདུག་སྤོས་ཀྱི་དྲི་ཞིམ་པོ་སྔོན་མ་བྱུང་བ་རྨད་དུ་བྱུང་བ་བཻ་ཌཱུརྱ་སྔོན་པོའི་སྤྲིན་བརྩེགས་པ་ལྟ་བུའི་བདུག་སྤོས་ཀྱི་སྤྲིན་ནམ་མཁའི་དཀྱིལ་ན་གནས་པར་ཡང་འགྱུར་ཏེ། ཕྱོགས་བཅུ་ཀུན་ཏུ་བདུག་སྤོས་ཀྱི་དྲི་རྒྱས་པར་འགྱུར་རོ། །དེ་ནས་སྙིང་པོའི་དཀྱིལ་འཁོར་གྱི་དབུས་ནས་འཕགས་པ་སྤྱན་རས་གཟིགས་དབང་ཕྱུག་བདག་ཉིད་ཀྱི་རང་གི་གཟུགས་ཀྱིས་འབྱུང་བར་འགྱུར་ཏེ། ཚངས་པ་བཟང་པོའི་ཆ་ལུགས་ཅན། རལ་པའི་ཐོར་ཚུགས་ཀྱིས་བརྒྱན་པ། དོན་ཡོད་པའི་ཞགས་པའི་གཟུགས་སུ་ལག་པ་བཞི་པ། པདྨ་དང་ཞགས་པ་ཐོགས་པ། རྒྱལ་བ་འོད་དཔག་ཏུ་མེད་པའི་དབུ་རྒྱན་ཅན། དབུ་རྒྱན་ཟླ་བ་ཚེས་པས་བརྒྱན་པ། མདུང་རྩེ་གསུམ་པ་ཐོགས་ཤིང་དབུགས་འབྱིན་པ། རྒྱན་ཐམས་ཅད་ཀྱིས་བརྒྱན་པ། མཚན་དང་དཔེ་བྱད་བཟང་པོས་བརྒྱན་པ། རང་གི་འོད་དང་གཟི་བརྗིད་ཀྱིས་ཤིན་ཏུ་འབར་བ། བཞིན་འཛུམ་ཞིང་ཉི་མ་སྟོང་བས་ལྷག་པའི་འོད་ཟེར་གྱི་སྣང་བ་དང་ལྡན་པ། ཁྲུ་བརྒྱད་ཙམ་གྱིས་ལུས་བཟང་པོས་དཀྱིལ་འཁོར་གྱི་སྙིང་པོའི་པདྨའི་སྟན་ལས་ལངས་ཏེ། ནམ་མཁའ་ལ་མཆིས་ནས་ཞི་བའི་གཟུགས་ཅན་བྱམས་པའི་སེམས་དང ། སྙིང་རྗེ་ཆེན་པོ་ཡིད་ལ་བགྱིས་པས་དཀྱིལ་འཁོར་ཀུན་ཏུ་ལྟ་ཞིང་ཕྱོགས་བཅུར་རྟོག་པར་བགྱིད་ Ba222b \?\། །དེ་ནས་རིག་སྔགས་འཆང་ལ་ལེགས་སོ་ཞེས་བྱ་བའི་སྒྲ་འབྱུང་སྟེ། རིག་སྔགས་འཆང་ཆེན་པོ་ལེགས་སོ་ལེགས་སོ། །ལག་པ་གཡས་པ་བརྐྱང་བའི་ལག་མཐིལ་ཤིན་ཏུ་བཟང་པོ་འོད་ཟེར་བྱེ་བ་བརྒྱ་སྟོང་ཕྲག་སྟོང་གིས་ལེགས་པར་བརྒྱན་པའི་ལག་པ་རིག་སྔགས་འཆང་གི་སྤྱི་བོར་འཇོག་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གིས་ལག་པ་སྤྱི་བོར་བཞག་མ་ཐག་ཏུ་དེ་ནས་རིག་སྔགས་འཆང་དེ་ནམ་མཁའ་ལ་མཆིས་ཏེ། དོན་ཡོད་པའི་ཞགས་པ་དང ། ལྕགས་ཀྱུ་རྒྱ་ཆེན་པོ་འོད་ཟེར་སྣང་བ་བཀོད་པ་རྣམ་པར་འཕྲུལ་པ་ཞེས་བྱ་བ་སྒྱུ་མ་ལྟ་བུའི་ཤུགས་ཀྱི་དཀྱིལ་འཁོར་ཞེས་བྱ་བའི་ཏིང་ངེ་འཛིན་འཐོབ་སྟེ། ཏིང་ངེ་འཛིན་གཞན་ཡང་བྱེ་བ་ཁྲག་ཁྲིག་བརྒྱ་སྟོང་གི་བྱེ་མ་སྙེད་འཐོབ་བོ། །ཀུན་ཏུ་དོན་ཡོད་པར་ལྟ་བ་ནོར་བུའི་སྙིང་པོ་རྒྱ་ཆེན་པོར་གྲགས་པ་དོན་ཡོད་པའི་ལྕགས་ཀྱུའི་གཟུངས། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་གཟུངས་འཐོབ་པར་འགྱུར་ཏེ། གང་གིས་གཟུངས་ཐོབ་པའི་མོད་ལ་དོན་ཡོད་པའི་ཞགས་པའི་སྙིང་པོའི་ཕྱག་རྒྱ་དང ། གསང་སྔགས་རིམ་པར་ཕྱེ་བའི་ཆོ་ག་ཞིབ་མོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་མཐའ་དག་རྫོགས་པར་ཁ་ཏོན་ཉིད་དུ་གནས་སོ། །གཞན་ཡང་པདྨ་རྒྱ་ཆེན་པོའི་དཀྱིལ་ Ba223a ༄#། །འཁོར་མཐའ་དག་དང ། རྡོ་རྗེའི་རིགས་དང ། དེ་བཞིན་གཤེགས་པའི་རིགས་དང ། ནོར་བུའི་རིགས་དང ། གླང་པོ་ཆེའི་རིགས་དང ། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་དང ། གསང་བ་ཆེན་པོའི་སྙིང་པོ་དང ། ཕྱག་རྒྱ་དང་བཅས་པའི་གསང་སྔགས་རིམ་པར་ཕྱེ་བ་གསང་བ་དང ། ཆོ་ག་ཞིབ་མོའི་རྣམ་པ་ཐམས་ཅད་ཁ་ཏོན་ཉིད་དུ་གནས་སོ། །རིག་སྔགས་འཆང་གི་འཁོར་ལོས་བསྒྱུར་བ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་དགུ་བཅུ་རྩ་གཉིས་པ་རྣམས་ཀྱི་གཙོ་བོ་དང ། མཆོག་དང ། རིག་སྔགས་འཆང་གི་འཁོར་ལོས་བསྒྱུར་བའི་རྒྱལ་པོར་འགྱུར་རོ། །དེ་ནས་རིག་སྔགས་འཆང་འཕགས་པ་སྤྱན་རས་གཟིགས་དབང་ཕྱུག་གིས་རིག་སྔགས་འཆང་དེ་ལ་སྨྲས་པ། རིག་སྔགས་འཆང ། ཇི་ལྟར་ཡིད་ལ་བྱེད་པ་དང ། བསམ་པ་སྨྲོས་ཤིག་དང ། མཆོག་དེ་ཐམས་ཅད་རྗེས་སུ་སྦྱིན་པར་བྱའོ། །དེ་ནས་རིག་སྔགས་འཆང་གིས་ཇི་ལྟར་ཡིད་ལ་བསམ་པ་དང ། མཆོག་མངོན་པར་འདོད་པ་དེ་ཐམས་ཅད་སྨྲ་ཞིང་མཆོག་ཡིད་ལ་རེ་བ་ཐམས་ཅད་སྦྱིན་པར་འགྱུར་རོ། །གཞན་ཡང་འཇིག་རྟེན་པ་དང ། འཇིག་རྟེན་ལས་འདས་པའི་དགོས་པ་སྣ་ཚོགས་ད་ལྟར་བྱུང་བ་རྣམས་སྨྲ་ཞིང་འདས་པ་དང ། མ་འོངས་པ་དང ། ད་ལྟར་ Ba223b བྱུང་བ་སྨྲའོ། །ལོ་ལེགས་པ་དང ། ལོ་ཉེས་པ་དང ། བདེ་བ་དང ། ནད་དང ། འཇིགས་བ་དང ། ལྷག་པར་འཇིགས་པ་དང ། ཕ་རོལ་གྱི་དམག་ཚོགས་དང ། རང་གི་དམག་ཚོགས་དང ། ཕྱིར་རྒོལ་བ་དང ། དགྲ་བོ་དང ། ཡམས་ཀྱི་ནད་དང ། མི་ངས་དང ། གནོད་པ་དང ། ནད་འགོ་བ་དང ། འཚེ་བ་དང ། གཟའ་འཐབ་པ་དང ། འཐབ་མོ་དང ། རྩོད་པ་དང ། མཚང་འདྲུ་བ་དང ། འགྱེད་པ་དང ། གཡུལ་འགྱེད་པ་དང ། ཆར་ཆེས་པ་དང ། ཆར་དཀོན་པ་དང ། དུས་མ་ཡིན་པའི་ཆར་དང ། ཚེ་རིང་བ་དང ། ཚེ་ཐུང་བ་དང ། ཚེ་ཡོངས་སུ་ཟད་པ་དང ། དུས་མ་ཡིན་པར་འཆི་བ་དང ། འབྱོར་པ་དང ། རྒུད་པ་དང ། དགེ་བ་དང ། མི་དགེ་བ་དང ། སྐྱེ་བ་དང ། འགག་པ་དང ། འགྲུབ་པ་དང ། མི་འགྲུབ་པ་དང ། བགེགས་དང ། བགེགས་མེད་པ་དང ། བདུད་ཀྱི་བར་ཆད་དང ། འབྲུ་འཕེལ་བ་དང ། ནོར་འཕེལ་བ་དང ། ནད་མང་བ་དང ། ནད་དང་བྲལ་བར་འགྱུར་བ་གང་ཡིན་པ་དེ་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་རིག་སྔགས་འཆང་ལ་སྨྲ་བར་འགྱུར་རོ། །སེམས་ཅན་དམྱལ་བ་དང ། ཡི་དྭགས་དང ། ལྷ་མ་ཡིན་གྱི་འཇིག་རྟེན་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། གྲུལ་བུམ་དང ། མིའམ་ཅི་དང ། ལྟོ་འཕྱེ་ཆེན་ Ba224a ༄#། །པོ་དང ། མི་དང ། མི་མ་ཡིན་པ་དང ། དུད་འགྲོའི་སྐྱེས་གནས་པ་རི་དྭགས་དང ། བྱའི་སྐྱེ་བ་དང ། འཆི་བ་དེ་ཐམས་ཅད་ཕྱིན་ཅི་མ་ལོག་པར་སྨྲ་ཞེས་དེ་དག་གི་ཐབས་ཐམས་ཅད་ཀྱང་སྟོན་པར་འགྱུར་རོ། །ལྷར་སྐྱེ་བ་དང ། ཀླུར་སྐྱེ་བ་དང ། སངས་རྒྱས་ཀྱི་ཞིང་དུ་འགྲོ་ཞིང་སྐྱེ་བ་དང ། རྒྱལ་པོ་ཉིད་དང ། བུད་མེད་དང ། སྐྱེས་པ་ཉིད་དང ། བུ་རྙེད་པ་དེ་ཐམས་ཅད་སྨྲ་བར་འགྱུར་རོ། །བྲམ་ཟེའི་རིགས་སུ་སྐྱེ་བ་དང ། རྒྱལ་རིགས་སུ་སྐྱེ་བ་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུར་སྐྱེ་བ་དེ་ཐམས་ཅད་སྨྲ་བར་འགྱུར་རོ། །གཞན་ཡང་རིགས་མཐོན་པོ་དང ། དམའ་བ་དང ། སྨད་པའི་རིགས་སུ་སྐྱེ་བ་སྣ་ཚོགས་དེ་དག་ཐམས་ཅད་སྟོན་ཅིང་སྨྲ་ལ། ཐབས་ཀྱང་བསྟན་པར་འགྱུར་རོ། །དེ་ནས་རིག་སྔགས་འཆང་གིས་ཇི་ལྟར་བསམ་པའི་དོན་དེ་ཐམས་ཅད་འཕགས་པ་སྤྱན་རས་གཟིགས་དབང་ཕྱུག་དང་མངོན་སུམ་དུ་སྨྲ་ཞིང་ཐམས་ཅད་གཏམ་ཟེར་རོ། །གཞན་ཡང་འཕགས་པ་སྦྱན་རས་གཟིགས་དབང་ཕྱུག་གིས་འཇིག་རྟེན་པའི་མཆོག་སྣ་ཚོགས་དང ། སྒྲུབ་པ་དང ། གྲུབ་པ་དེ་ཐམས་ཅད་དེ་ལ་སྩོལ་བར་བགྱིད་དེ། འདི་ལྟ་སྟེ་ནོར་བསྒྱུར་བ་སྨྲ་བ་དང ། ཞིང་སྨྲ་བ་དང ། མིག་སྨན་གྱི་དངོས་གྲུབ་དང ། མི་སྣང་བ་དང ། མིག་འབྲུལ་ Ba224b \?\། གཏེར་སྨྲ་བ་དང ། ཕུག་ཏུ་འཇུག་པ་དང ། ནགས་སུ་འཇུག་པ་དང ། སྤྲོ་བ་དང ། དབང་དུ་བྱ་བ་དང ། དབབ་པ་དང ། རོ་ལངས་པ་དང ། ནད་ཞི་བར་བྱ་བ་དང ། གོས་འཐོབ་པ་དང ། གྲོང་འཐོབ་པ་དང ། ཡུལ་གྱི་བདག་པོ་ཉིད་དང ། ཆུ་ཀླུང་ཆེན་པོ་རྒལ་བ་དང ། དུག་བཟའ་བ་དང ། གསང་སྔགས་སྣ་ཚོགས་སྒྲུབ་པའི་དངོས་གྲུབ་པ་དང ། འཇིགས་པ་ཆེན་པོ་བརྒྱད་ཞི་བར་བྱ་བ་དང ། དགུག་པ་དང ། དྲན་པ་དེ་ཐམས་ཅད་སྩོལ་བར་བགྱིད་དོ། །གཞན་ཡང་ཇི་ལྟར་ཡིད་ལ་བགྱིད་པ་དེ་ཐམས་ཅད་སྩོལ་བར་བགྱིད་དོ། །དེ་དག་ཐམས་ཅད་ཀྱི་དགོས་པ་ཐམས་ཅད་དོན་ཡོད་པའི་ཞགས་པའི་ལྕགས་ཀྱུའི་སྙིང་པོས་འདྲེན་ཅིང ། དོན་ཡོད་པའི་ཞགས་པས་བཅིངས་པར་འགྱུར་རོ། །བསམས་པ་དང ། དོན་དུ་གཉེར་བ་དང ། ཡིད་ལ་རེ་བའི་དགོས་པ་དེ་ཐམས་ཅད་ཤིན་ཏུ་རིང་པོ་ནས་ཀྱང་དོན་ཡོད་པའི་ཞགས་པས་བཅིངས་ནས་ཞགས་པ་ཐམས་ཅད་དྲངས་ཏེ་ལག་ཏུ་ཐོབ་པར་འགྱུར་རོ། །སྒྲུབ་པ་མཆོག་གི་དངོས་གྲུབ་ཀྱི་དེ་ཁོ་ན་ཉིད་ཐམས་ཅད་འགྲུབ་པར་འགྱུར་ཏེ། མི་སྣང་བར་གྱུར། རིག་སྔགས་འཆང་བ་ནམ་མཁའ་ལ་མཆི་བར་འགྱུར་རོ། །འཇིག་རྟེན་གྱི་ཁམས་གང་དུ་སངས་རྒྱས་ཀྱི་ཞིང་ཁམས་གང་དང་གང་དུ་མཆི་འཚལ་བ་དེ་དང་དེ་ཐམས་ཅད་དུ་མཆི་བར་ Ba225a ༄#། །འགྱུར་ཏེ། ཐམས་ཅད་དུ་གཙོ་བོར་འགྱུར་རོ། །ཐམས་ཅད་དུ་མཆོད་པར་འགྱུར་རོ། །ཅི་སྟེ་རྨི་ལམ་མཐོང་བར་འཚལ་ན་གུ་གུལ་ལ་ལན་བརྒྱ་རྩ་བརྒྱད་ཡོངས་སུ་བཟླས་ནས། ཉལ་ཀར་འཕགས་པ་སྤྱན་རས་གཟིགས་དབང་ཕྱུག་ལ་བདུག་སྤོས་སུ་ཕུལ་ཏེ་ཉལ་ན། འཕགས་པ་སྤྱན་རས་གཟིགས་དབང་ཕྱུག་རྒྱལ་པོའི་ཆ་བྱད་དུ་མཐོང་བ་སྩོལ་ཅིང ། གང་བསམ་པ་དང ། གང་དྲིས་པ་དེ་ཐམས་ཅད་སྨྲ་བར་འགྱུར་རོ། །ཇི་ལྟར་བསམ་པའི་མཆོག་སྩོལ་ཅིང་སྒྲིབ་པ་དང་སྡིག་པ་ཐམས་ཅད་མ་མཆིས་པར་འགྱུར་རོ། །སྟོབས་དང ། བརྩོན་འགྲུས་དང ། མདངས་འཇུག་པར་འགྱུར་རོ། །ཚངས་པ་དགུག་པར་འཚལ་ཞིང་མཐོང་བར་འཚལ་ན། དེའི་ཚེ་ཤིང་ཨརྒའི་འོ་མ་དང ། གུ་གུལ་དང ། རྒྱ་སྐྱེགས་རིལ་བུར་བགྱིས་པ་ལ་བཟླས་བརྗོད་བརྒྱ་རྩ་བརྒྱད་བགྱིས་ལ། ཚངས་པ་ལ་བདུག་སྤོས་སུ་ཕུལ་ན། ཚངས་པ་རང་གི་གཟུགས་ཀྱིས་མདུན་ན་མཆིས་ཤིང་མཆོག་འཚལ་བ་ཐམས་ཅད་རྗེས་སུ་སྩོལ་ཏོ། །ཚངས་པའི་འཇིག་རྟེན་ལ་ཐུག་པའི་བར་གྱི་ཚངས་པའི་གནས་དང་གཞལ་མེད་ཁང་མཐོང་བར་འགྱུར་ཞིང་ཚངས་བའི་གཟུགས་ཀྱི་ཆ་བྱད་འཆང་བའི་མཆོག་སྩོལ་བར་འགྱུར་རོ། །ལྷའི་གནས་ཐམས་ཅད་དུ་མེས་བོ་ཡིན་ནོ་ཞེས་ཚིག་མངོན་པར་བརྗོད་བར་\?\་ Ba225b འགྱུར་རོ། །འཇིག་རྟེན་ཐམས་ཅད་དང ། འཛམ་བུའི་གླིང་པའི་མི་བུད་མེད་དང ། སྐྱེས་བ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དེ་ཐམས་ཅད་ཐམས་ཅད་དུ་ཚངས་པའོ་ཞེས་སེམས་པར་འགྱུར་རོ། །རྒྱལ་པོ་བཙུན་མོ་དང ། འཁོར་དུ་བཅས་པས་མཆོད་པའི་སྤྲིན་ཆེན་པོ་བགྱིད་པར་འགྱུར་རོ། །དེ་ནས་སྲེད་མེད་ཀྱི་བུ་དགུག་པར་འཚལ་ན། དེས་ལྷའི་གནས་སུ་སྲེད་མེད་ཀྱི་བུའི་གཟུགས་བརྙན་གྱི་མདུན་དུ་ཉེ་བར་སྦྱིན་སྲེག་གི་ཆོ་ག་བགྱི་སྟེ། རིག་སྔགས་འཆང་གཙང་མར་གྱུར་པ། ཤིན་ཏུ་ཁྲུས་བགྱིས་པ། གོས་གཙང་མ་བགོས་པ། སྣ་མ་དང་ཤིང་ཨརྒའི་ཡ་མ་སྲེག་ཤིང་གི་མེ་སྦར་བ་ལ་གུ་གུལ་དང ། ཡུངས་ཀར་དང ། སྦྲང་རྩི་དང ། ཞུན་མར་བསྲེས་པའི་སྦྱིན་སྲེག་བརྒྱ་སྟོང་བགྱིའོ། །བརྒྱ་སྟོང་རྫོགས་པ་དང ། སྲེད་མེད་ཀྱི་བུ་རང་གི་གཟུགས་ཀྱིས་མདུན་ན་མཆིས་ཤིང་རིག་སྔགས་འཆང ། ལེགས་སོ་ལེགས་སོ། །ཞེས་སྨྲའོ། །སྒྲུབ་པ་དམ་པ་འདི་དོན་ཡོད་པའི་ལྕགས་ཀྱུས་འགུགས་ཤིང་རིག་སྔགས་ཀྱི་རྒྱལ་པོའི་ཆོས་ལུགས་ཆེན་པོས་བཀུག་ན། རིག་སྔགས་འཆང་ཅི་ཞིག་ཀྱང ། དགོས་པ་ནི། ཅི་ཞིག་ཡོད། མཆོག་ནི། ཅི་ཞིག་དོན་དུ་གཉེར་བ་དེ་སྨྲོས་ཤིག་དང ། ཐམས་ཅད་རྗེས་སུ་སྦྱིན་པར་བྱའོ། །དེ་ནས་རིག་སྔགས་འཆང་གིས་དོན་ Ba226a ༄#། །གང་ཡིད་ལ་བསམས་ཏེ་སྨྲས་པ་དེ་ཐམས་ཅད་སྩོལ་བར་འགྱུར། གཟུགས་སྣ་ཚོགས་པའི་མཆོག་ཀྱང་རྗེས་སུ་སྩོལ་བར་འགྱུར་རོ། །གཞན་ཡང་གཟུགས་སྣ་ཚོགས་པ་མཆོག་གཙོ་བོ་དང ། དགོས་པའི་ལས་སྒྲུབ་པའི་མཆོག་རྗེས་སུ་སྩོལ་བར་འགྱུར་རོ། །དེ་ནས་ལྷ་ཆེན་པོ་དགུག་པར་འཚལ་ན། རིག་སྔགས་འཆང་གཙང་མ་ཤིན་ཏུ་ཁྲུས་བགྱིས་པ་གོས་གཙང་མ་བགོས་པ་དེས་ལྷའི་གནས་སུ་མཆིས་པ་ལ་ལྷ་ཆེན་པོའི་མདུན་དུ་གུ་གུལ་དང ། པདྨའི་ཕྱེ་མ་དང་ཞུན་མར་བསྲེས་པའི་སྦྱིན་སྲེག་སྟོང་རྩ་བརྒྱད་བགྱིའོ། །སྟོང་རྩ་བརྒྱད་རྫོགས་པ་དང ། ལྷ་ཆེན་པོ་རང་གི་གཟུགས་ཀྱིས་མདུན་ན་མཆིས་པར་འགྱུར་རོ། །དེ་ནས་ནག་པོ་ཆེན་པོ་དགུག་པར་འཚལ་ན། རིག་སྔགས་འཆང་ཤིན་ཏུ་ཁྲུས་བགྱིས་པ་གོས་གཙང་མ་བགོས་པས་དུར་ཁྲོད་དུ་མཆིས་ལ། ཟླ་བ་མར་གྱི་ངོའི་ཆེས་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་པས་པདྨ་གསར་པའི་ཕྱེ་མ་དང ། གུ་གུལ་དང ། རའི་ཁྲག་དང ། ཡུངས་ཀར་དང ། ཞུན་མར་དང་སྦྱར་བ་བརྒྱད་སྟོང་དོན་ཡོད་པའི་ལྕགས་ཀྱུའི་བཟླས་བརྗོད་ཀྱིས་དུར་ཁྲོད་ཀྱི་ཤིང་གི་མེ་ལ་བཟླས་བརྗོད་བགྱིའོ། །ར་ཁྲག་གི་གཏོར་མ་དང་འབྲས་ཐུག་པོ་ཆེའི་ཆན་གྱིས་ལྷ་བཤོས་དང ། མེ་ཏོག་དམར་པོ་དབུལ་བར་བགྱིའོ། Ba226b ལས་འདི་ཡོངས་སུ་རྫོགས་པར་བགྱིས་ན། ནག་པོ་ཆེན་པོ་མ་མོའི་ཚོགས་ཀྱི་འཁོར་དང་བཅས་པ་མདུན་ན་མཆིས་ཤིང་རིག་སྔགས་འཆང་ལ་ལེགས་སོ་ཞེས་བྱ་བ་གསོལ་ཏེ།་རིག་སྔགས་འཆང་ལེགས་སོ་ལེགས་སོ། །སྒྲུབ་པའི་ཆོ་ག་བཟང་པོ་འདིས་བདག་ཡོངས་སུ་མགུ་ཡི། རིག་སྔགས་འཆང་སྨྲོས་ཤིག་དང ། མཆོག་རྗེས་སུ་སྦྱིན་པར་བགྱིའོ། །མཆོག་འདོད་པ་ཐམས་ཅད་རྗེས་སུ་ལོངས་ཤིག་དང ། ཇི་ལྟར་ཡིད་ལ་བྱེད་པ་རེ་བ་དེ་ཐམས་ཅད་རྗེས་སུ་སྦྱིན་པར་བགྱིའོ། །ཁྱོད་བསྲུང་བ་དང ། ཡོངས་སུ་བསྐྱང་བའི་དོན་དུ་བདག་རྟག་ཏུ་རྗེས་སུ་འབྲང་བར་བགྱིའོ། །དེ་ནས་རིག་སྔགས་འཆང་གིས་མཆོད་ཡོན་དང་ཞབས་བསིལ་དབུལ་བར་བགྱིའོ། །ཇི་ལྟར་བསམ་པ་དེ་མངོན་སུམ་དུ་སྨྲས་ན། གང་དོན་དུ་གཉེར་བ་དེ་ཐམས་ཅད་འཐོབ་ཅིང་ཐམས་ཅད་དུ་རྗེས་སུ་འབྲང་བར་འགྱུར་རོ། །ཐམས་ཅད་དུ་ཐམས་ཅད་བགྱིད་པར་འགྱུར་རོ། །དྲན་པ་ཙམ་ལ་སོགས་པས་ལས་ཐམས་ཅད་བགྱིད་ཅིང་ཉེ་བར་གནས་པར་འགྱུར་རོ། །རྟག་ཏུ་ལྟ་ཞིང་སྤྱིར་ཐམས་ཅད་བགྱིད་པར་འགྱུར་རོ། །གཞན་ཡང་དགོས་པ་སྣ་ཚོགས་དང ། ལས་སུ་བགྱི་བ་བགྱིད་པར་འགྱུར་རོ། །མ་མོའི་ཚོགས་ཀྱི་འཁོར་ཐམས་ཅད་དབང་དུ་གྱུར་ནས་གནས་ཏེ། ལས་ཐམས་ཅད་བསྒོ་བ་བཞིན་དུ་བགྱིད་པར་འགྱུར་ཏེ། ནམ་ཡང་ Ba227a ༄#། །ཉམས་པར་མི་བགྱིད་དོ། །ཐམས་ཅད་རྗེས་སུ་འབྲང་ཞིང་ལས་ཐམས་ཅད་བགྱིད་བར་འགྱུར་རོ། །ཅི་སྟེ་འདོད་པའི་གཟུགས་ཅན་མ་དགུག་པར་འཚལ་ན། དེ་ནས་རིག་སྔགས་འཆང་གཙང་མ་ཤིན་ཏུ་ཁྲུས་བགྱིས་པ་གོས་གཙང་མ་བསྒོས་པས་ཤིན་ཏུ་དྲི་ཞིམ་པོའི་དྲིས་ལུས་ལྷག་པར་བསྒོས་ལ། གང་ན་མེ་ཏོག་གི་ཤིང་ལྗོན་པ་མཆིས་པ་དེར་མཆིས་ལ་ཟླ་བ་མར་གྱི་ངོའི་ཚེས་བཅུ་བཞིའི་ཉིན་ཞག་གཅིག་སྨྱུང་བ་བགྱིས་པས་ཤིན་ཏུ་དྲི་ཞིམ་པའི་དྲིའི་ཤིང་གི་མེ་སྦར་བ་ལ་པུ་ཤེལ་ཙི་དང ། ཏ་ཀ་ར་དང ། སྤང་སྤོས་དང ། ཡུངས་ཀར་དང ། ཞོ་དང ། སྦྲང་རྩི་དང ། ཞུན་མར་དང་སྦྱར་བའི་སྦྱིན་སྲེག་ལན་སྟོང་རྩ་བརྒྱད་བགྱིའོ། །གླ་རྩི་དང ། ག་པུར་དང ། ཙནྡན་གྱི་ཆུས་བསྒོས་པའི་འབྲས་ཡོས་དང ། མེ་ཏོག་གིས་བཀང་བའི་མཆོད་ཡོན་གྱི་སྣོད་བུམ་པ་གསར་པ་བརྒྱད་སྩལ་ལོ། །དཀར་གསུམ་གྱི་གཏོར་མས་བཀང་བ་ག་པུར་གྱིས་བསྒོས་པའི་གཏོར་མའི་བུམ་པ་གསུམ་སྩལ་ལོ། །མེ་ཏོག་ཤིན་ཏུ་དྲི་ཞིམ་པོ་སྩལ་བར་བགྱི་ཞིང་གླ་རྩི་དང ། ཙནྡན་དང ། ག་པུར་དང ། ཀུན་ཏུ་རུའི་བདུག་སྤོས་སྩལ་བར་བགྱིའོ། །དེ་ནས་ལས་ཡོངས་སུ་རྫོགས་པ་དང ། འདོད་པའི་གཟུགས་ཅན་མ་བཟང་མོ་དེ་ལྷའི་གཞལ་མེད་ཁང་དུ་མཆི་ཞིང་མདུན་ན་མཆིས་ཏེ་དེ་མཐོང་ Ba227b ནས་མའམ། སྲིང་མོའམ། ཆུང་མའམ། ལས་བྱེད་པའམ། མངག་གཞུག་མའམ། ཕོ་ཉ་མ་རྣམས་ཇི་ལྟ་བུར་ཇི་ལྟར་ཚིག་ཏུ་བརྗོད་པ་དེ་ལ་སྨྲོས་ཤིག་དང ། ཅི་སྟེ་མར་གྱུར་ན།་དེའི་ཚེ་བུ་བཞིན་དུ་སྙིང་ནས་ཡོངས་སུ་སྐྱོང་བར་བྱེད་དོ། །ནོར་དང ། འབྲུ་དང ། དབྱིག་དང ། གསེར་དང ། གོས་དང ། རྒྱན་དང ། ལྷབ་ལྷུབ་དང ། མལ་ཆས་ཡོངས་སུ་སྐྱོང་བར་བགྱིད་དོ། །ཅི་སྟེ་སྲིང་མོར་གྱུར་ན། དེའི་ཚེ་ལོངས་སྤྱོད་ཐམས་ཅད་ཀྱིས་ཡོངས་སུ་སྐྱོང་བར་བགྱིད་དོ། །ཇི་ལྟར་ཡིད་ལ་བསམ་པའི་བུད་མེད་དཔག་ཆད་བརྒྱའི་ཕ་རོལ་ནས་ཀྱང་བཀུག་སྟེ། ཡོངས་སུ་ལོངས་སྤྱད་པའི་ཕྱིར་ཡོངས་སུ་སྤྱོད་པར་བགྱིད་ཅིང ། ཕྱིར་ཡང་དེ་ཉིད་དུ་གཏོང་བར་བགྱིད་དོ། །ཅི་སྟེ་ཆུང་མར་གྱུར་ན། དེ་དང ། ལྷ་རྫས་ཀྱི་གཞལ་མེད་ཁང་དམ་པ་ཡོངས་སུ་ལོངས་སྤྱོད་པའི་གཞལ་མེད་ཁང་མཐོང་སྟེ། ལྷ་རྫས་ཀྱི་བཟའ་བ་དང ། བཏུང་བ་དང ། ལོངས་སྤྱོད་སྩོལ་བར་བགྱིད་དོ། །རོ་བྲོ་བའི་མཆོག་རོ་བརྒྱ་དང་ལྡན་པ་ཆེས་ཁྱད་པར་དུ་འཕགས་པའི་ལོངས་སྤྱོད་སྩོལ་བར་བགྱིད་དོ། །མཆོག་ཏུ་དགའ་བའི་རྩེད་མོས་འདོད་པའི་ཡོན་ཏན་ལྔའི་ལོངས་སྤྱོད་ལ་ཡོངས་སུ་སྤྱོད་པར་བགྱིད་དོ། །ལྷ་རྫས་ཀྱི་དྲི་དང ། མེ་ཏོག་དང ། ཕྲེང་བ་དང ། བྱུག་པ་དང ། ལྷ་རྫས་ཀྱི་གོས་དང ། རྒྱན་དང ། ལྷབ་ལྷུབ་ཀྱིས་བརྒྱན་པའི་གཞལ་མེད་ཁང་དུ་འགྱུར་རོ། །ནོར་དང ། Ba228a ༄#། །འདྲུ་དང ། མཛོད་དང ། བང་བ་ཡོངས་སུ་གང་ཞིང་མཆིས་པར་འགྱུར་རོ། །ནོར་བུ་དང ། གསེར་དང ། རྡོ་རྗེ་དང ། བཻ་ཌཱུརྱ་དང ། གསེར་དང ། ཤངྐ་ཤི་ལ་དང ། བྱི་རུ་དང ། དངུལ་དང ། ས་ལེ་སྦྲམ་དང ། དངུལ་སྐྱོགས་དཔག་ཏུ་མེད་པ་ཐོབ་པའི་གཏེར་སྩོལ་བར་བགྱིད་དོ། །རྟ་དང ། བ་ལང་དང ། མ་ཧེ་དང ། ཕྱུགས་དང ། བྲན་ཕོ་དང ། བྲན་མོ་རབ་ཏུ་མང་པོ་མང་པོར་འཕེལ་ཞིང་མཆིས་པར་འགྱུར་རོ། །མལ་ཆའི་ལོངས་སྤྱོད་སྣ་ཚོགས་སྩོལ་པར་བགྱིད་དོ། །ལྷ་རྫས་ཀྱི་ཆུང་མའི་ལོངས་སྤྱོད་བུད་མེད་གཟུགས་སྣ་ཚོགས་པའི་འཁོར་བརྒྱ་དང་ལྡན་པ་ཉིན་གཅིག་བཞིན་དུ་གནས་པར་འགྱུར་རོ། །ཡོ་བྱད་ཐམས་ཅད་ཕུན་སུམ་ཚོགས་པས་ཇི་སྲིད་འཚོའི་བར་དུ་གནས་པར་འགྱུར་རོ། །ཚེ་ལྷའི་ལོ་སྟོང་ཐུབ་པར་འགྱུར་རོ། །རིག་སྔགས་འཆང་གིས་བག་ཡོད་པར་བགྱིད་སྟེ། དཀོན་མཆོག་གསུམ་ལ་མཆོག་ཏུ་གུས་པ་དང ། འཕགས་པ་སྤྱན་རས་གཟིགས་དབང་ཕྱུག་དང ། རྡོ་རྗེ་འཛིན་ལ་མཆོག་ཏུ་གུས་པར་བགྱིའོ། །རྟག་ཏུ་སྦྱིན་པ་ལ་མངོན་པར་དགའ་བར་བགྱི་ཞིང་སེམས་ཅན་ཐམས་ཅད་ལ་མཆོག་ཏུ་སྙིང་བརྩེ་བར་བགྱིའོ། །གཞན་དུ་མི་སྨྲ་བར་བགྱིའོ། །གལ་ཏེ་ལས་བྱེད་པར་གྱུར་ན། དེའི་ཚེ་རྒྱལ་པོ་ལ་བགྱི་བ་བཞིན་དུ་ལས་ཐམས་ཅད་བགྱིད་ Ba228b དེ། ཤིན་ཏུ་ཡོངས་སུ་རྫོགས་ཀྱི་བར་དུ་ལས་ལ་མངོན་པར་བརྩོན་པར་འགྱུར་རོ། །ཅི་སྟེ་མངག་གཞུག་མར་གྱུར་ན། གནས་གང་དུ་མངགས་པ་དེའི་གནས་ཐམས་ཅད་དུ་མཆིས་ཏེ། དཔག་ཚད་སྟོང་གི་ཕ་རོལ་ཏུ་མཆི་ཞིང ། སྐད་ཅིག་གིས་སླར་ཡང་མཆིའོ། །ཐམས་ཅད་དུ་གཏེར་ཆེན་པོ་འབྱིན་པར་བགྱིད། འདྲེན་པར་བགྱིད་དོ། །དཔག་ཚད་སྟོང་གི་ཕ་རོལ་ནས་བུད་མེད་འགུགས་པར་བགྱིད་ཅིང ། ནོར་དང ། འབྲུ་དང ། གླང་པོ་ཆེ་དང ། མ་ཧེ་དང ། རྟ་དག་འགུགས་པར་བགྱིད་དོ། །སླར་ཡང་གཏོང་བར་བགྱིད་དོ། །བྲག་ཡོད་པས་བསྒོ་བར་བགྱིད་དེ། བདག་ཉིད་ཤིན་ཏུ་རིང་པོའི་ཡུལ་དང ། གནས་སུ་འཕེན་པར་བགྱིད། གནོད་སྦྱིན་དང ། སྲིན་པོ་དང ། འབྱུང་པོ་དང ། ལྷ་མ་ཡིན་གྱི་གནས་སུ་འདེགས་པར་བགྱིད་དེ། དེར་སྲོག་གི་བར་ཆད་དུ་མི་འགྱུར་བར་བགྱིད་དོ། །ཅི་སྟེ་ཕོ་ཉ་མོར་གྱུར་ན། ཕྱོགས་བཅུ་ཐམས་ཅད་དུ་མཆི་སྟེ། ལྷའི་འཇིག་རྟེན་དུ་མཆིའོ། །ཀླུའི་འཇིག་རྟེན་དུ་མཆིའོ། །ལྷ་མ་ཡིན་གྱི་གནས་སུ་མཆིའོ། །ནམ་མཁའ་ལྡིང་གི་གནས་སུ་མཆིའོ། །མིའམ་ཅིའི་གནས་སུ་མཆིའོ། །ལྟོ་འཕྱེ་ཆེན་པོའི་གནས་སུ་མཆིའོ། །གནོད་སྦྱིན་དང ། སྲིན་པོའི་གནས་སུ་མཆིའོ། །འབྱུང་པོའི་གནས་སུ་མཆི་ཞིང་ཐམས་ཅད་དུ་ཕོ་ཉའི་བྱ་བ་བགྱིས་ནས་སླར་མཆིའོ། །སྐད་ཅིག་གིས་དཔག་ཚད་སྟོང་དུ་མཆི་ཞིང་ Ba229a ༄#། །སླར་མཆིའོ། །སྐད་ཅིག་གིས་དཔག་ཚད་སྟོང་དུ་ཐམས་ཅད་དུ་ཕྱིན་ནས་ཕོ་ཉའི་བྱ་བ་བགྱིད་དོ། །ཇི་སྲིད་སའི་འོག་གི་བར་དུ་འཇུག་ཅིང་ཕྱིར་ཡང་མཆིའོ། །བྱ་བ་ཤིན་ཏུ་ཡོངས་སུ་རྫོགས་པར་བགྱིས་ནས་བག་ཡོད་པས་ཡང་ལས་ཐམས་ཅད་བགྱི་སྟེ། ཉིན་གཅིག་བཞིན་དུ་མཆོད་ཡོན་དང ། རྐང་པ་བཀྲུ་བ་སྩལ་བར་བགྱིའོ། །ཐམས་ཅད་ཀྱི་གནས་ཐམས་ཅད་དུ་བྱིན་ཅིང་བྱ་བ་འགྲུབ་པ། བླ་ན་མ་མཆིས་པར་འགྱུར་རོ། །གནོད་སྦྱིན་མོ་དགུག་པར་འཚལ་ན། རིག་སྔགས་འཆང་དེས་གཞན་གྱིས་མ་རེག་པའི་ཤིང་ལེབ་གསར་པ་ལ་གནོད་སྦྱིན་དང ། གནོད་སྦྱིན་མོ་རྒྱན་ཐམས་ཅད་ཀྱིས་བརྒྱན་པ་བྲི་བར་བགྱི་ཞིང ། གནས་དབེན་ཞིང་འཁྲུག་པ་མ་མཆིས་པ་གཙང་མའི་གནས་སུ་གཞག་པར་བགྱིའོ། །རིག་སྔགས་འཆང་གཙང་མ་ཤིན་ཏུ་ཁྲུས་བགྱིས་པས་གོས་གཙང་མ་བགོས་པས་འོ་མ་དང ། འབྲས་ཐུག་པོ་ཆེའི་ཆན་གྱི་གཏོར་མ་སྩལ་བར་བགྱིའོ། །ཤིང་ཀཱ་ར་བཱི་རའི་མེ་སྦར་བ་ལ་ཡུངས་ཀར་དང ། གུ་གུལ་དང ། རའི་ཁྲག་དང ། ཞུན་མར་དང་བསྲེས་པའི་སྦྱིན་སྲེག་སྟོང་རྩ་བརྒྱད་བགྱིའོ། །སྟོང་རྩ་བརྒྱད་རྫོགས་པ་དང ། མེ་ཏོག་དམར་པོ་སྩལ་ན། གནོད་སྦྱིན་མོ་དེ་ཡང་རང་གི་གཟུགས་ཀྱིས་མདུན་ན་མཆིས་ཏེ་རིག་སྔགས་འཆང་སློངས་ Ba229b ཤིག་ཅེས་སྨྲ་བར་འགྱུར་རོ། །རིག་སྔགས་འཆང་གིས་ཁྱོད་ངའི་ཅི་བགྱི་ཞེས་བྱ་བ་བྱེད་པ་ཡིན་ནོ། །ངའི་ལས་ཐམས་ཅད་བྱེད་པ་ཡིན་ནོ། །ང་ལ་དབྱིག་མང་པོ་བྱིན་ཅིག་ཅེས་བརྗོད་པར་བགྱིའོ། །དེའི་ཚེ་གནོད་སྦྱིན་དང་གནོད་སྦྱིན་མོ་དེ་ལྟར་ལེགས་སོ་ཞེས་སྨྲས་ནས་མི་སྣང་བར་འགྱུར་རོ། །གང་གི་ཚེ་དགོས་པ་བྱུང་བ་དེའི་ཚེ་ཡུངས་ཀར་དང ། གུ་གུལ་ལ་ཡོངས་སུ་བཟླས་ནས་མེར་གཏོར་ན། དེ་མཆི་ཞིང་ཅི་བགྱི་ཞེས་བྱ་བ་ཐམས་ཅད་བགྱིད་པར་འགྱུར། དབྱིག་སྟོང་སྩོལ་བར་འགྱུར། ཇི་སྲིད་འཚོའི་བར་དུ་མཆིས་པར་འགྱུར།་རྟག་ཏུ་ཅི་བགྱི་བའི་བྱ་བ་བགྱིད་པར་འགྱུར་རོ། །དེ་ནས་ལྷ་མ་ཡིན་གྱི་བུ་མོ་དགུག་པར་འཚལ་ནས་རིག་སྔགས་འཆང་དེས་སྤྲ་ཚིལ་ལས་ལྷ་མ་ཡིན་གྱི་བུ་མོ་རྒྱན་ཐམས་ཅད་ཀྱིས་བརྒྱན་པ་བགྱིའོ། །དེ་ནས་རིག་སྔགས་འཆང་གིས་གནས་འཁྲུག་པ་མ་མཆིས་པ་དང ། དབེན་པ་དང ། ས་ཕྱོགས་གཙང་མའི་གནས་སུ་གཞག་པར་བགྱིའོ། །རིག་སྔགས་འཆང་གཙང་མ་ཤིན་ཏུ་ཁྲུས་བགྱིས་པ་གོས་གཙང་མ་བགོས་པས་ཞག་གསུམ་ཟན་གཅད་པར་བགྱིས་ལ། དེའི་མདུན་དུ་སྐྱིལ་མོ་ཀྲུང་བཅས་ཏེ་མཆིས་ལ་གུ་གུལ་གྱི་བདུག་སྤོས་སྩལ་ཅིང་དཀར་གསུམ་གྱི་གཏོར་མ་སྩལ་བར་བགྱིའོ། །དོན་ཡོད་པའི་ལྕགས་ཀྱུ་བཟླས་བརྗོད་ཡུངས་ཀར་ལ་བཟླས་པས་བུ་མོ་དེ་ལ་ Ba230a ༄#། །ལན་སྟོང་རྩ་བརྒྱད་བརྡེག་པར་བགྱིའོ། །ལས་ཡོངས་སུ་རྫོགས་པ་དང ། དེ་ནས་ལྷ་མ་ཡིན་གྱི་བུ་མོ་དེ་རང་གི་གཟུགས་ཀྱིས་མདུན་ན་མཆིས་ཏེ།་གང་དང་གང་དུ་དགོས་པ་དེ་དང་དེར་དགོས་པའི་རྗེས་སུ་འབྲང་བར་འགྱུར་རོ། །དེ་ལས་ཐམས་ཅད་བགྱིད་པར་འགྱུར། ཐམས་ཅད་དུ་མཆི་བར་འགྱུར། ཇི་སྲིད་འཚོའི་བར་དུ་མཆིས་པར་འགྱུར་རོ། །ཅི་སྟེ་སྲིན་པོ་དང ། སྲིན་མོ་འགུག་པར་འཚལ་ན། གུ་གུལ་དང ། བ་ལང་གི་ཤ་སྐམ་པོ་དང་ལྷན་ཅིག་བསྲེས་པ་ལ་དོན་ཡོད་པའི་ལྕགས་ཀྱུས་ལན་སྟོང་རྩ་བརྒྱད་བཟླས་བརྗོད་བགྱིས་པས་དུར་ཁྲོད་དུ་མཚན་ཐོག་ཐག་བདུགས་ན་སྲིན་པོའི་གནས་ཐམས་ཅད་ཀྱི་སྒོ་ཕྱེ་བར་འགྱུར་ཏེ། སྲིན་པོ་དང ། སྲིན་མོ་རྣམས་དབང་དུ་གྱུར་ནས་གནས་ཏེ། ཅི་བགྱི་བའི་བྱ་བ་བགྱིད་པར་འགྱུར། ཅི་བསྒོ་བ་དེ་བགྱིད་པར་འགྱུར་རོ། །རྟག་ཏུ་ཕྱི་བཞིན་འབྲང་ཞིང་ཇི་སྲིད་འཚོའི་བར་དུ་མཆིས་པར་འགྱུར་རོ། །གདུགས་གཅིག་བཞིན་དུ་དངུལ་ཆུ་སྲང་ཁྲི་སྩོལ་བར་བགྱིད་དོ། །དེ་ནས་རིག་སྔགས་འཆང་གིས་ཆ་གསུམ་དུ་དབྱེ་བར་བགྱི་སྟེ། ཆ་གཅིག་ནི། དཀོན་མཆོག་ལ་མཆོད་པར་བགྱིའོ། །ཆ་གཉིས་པ་ནི། ཉིན་གཅིག་བཞིན་དུ་སྦྱིན་པར་གཏང་ངོ ། །སྲིན་མོ་རྣམས་ལ་ཟན་དང ། ཚོད་སྔོན་རློན་པའི་གཏོར་མ་སྩལ་བར་ Ba230b བགྱིའོ། །དེ་ནས་སྲིན་པོ་འཁོར་དང་བཅས་པ་དེ་རྣམས་ཚིམ་པར་འགྱུར་རོ། །དེ་ནས་འཁོར་དང་བཅས་པ་ཤིན་ཏུ་མགྱོགས་བར་འགྱུར་ཏེ། ཤུགས་ཆེན་པོས་དགོས་པ་ཐམས་ཅད་སྒྲུབ་ཅིང་ནམ་ཡང་གཞན་དུ་བགྱིད་པར་མི་འགྱུར་རོ། །གཏོར་མ་གཙང་མ་སྩལ་བར་བགྱིའོ། །ཅི་སྟེ་ཤ་ཟ་དང ། ཤ་ཟ་མོ་དགུག་པར་འཚལ་ན། བ་ལང་གི་མཁྲིས་པ་དང ། དེའི་སོ་དང ། གུ་གུལ་དང ། ཤིང་ཨརྒའི་འོ་མ་སྦྱར་ཏེ་ལམ་གྱི་བཞི་མདོར་བདུག་པར་བགྱི་ཞིང ། ལྷག་མ་དང་འཕགས་པའི་གཏོར་མ་སྩལ་ན། ཤ་ཟ་མོ་དེ་མཆི་ཞིང་རིག་སྔགས་འཆང་གི་མདུན་དུ་མཆིས་ཏེ། ཅི་བགྱི་བའི་བྱ་བ་བགྱིད་པའི་བྲན་དུ་འགྱུར། ལས་ཐམས་ཅད་བགྱིད་པར་འགྱུར་རོ། །དཔག་ཚད་སྟོང་གི་ཕ་རོལ་ཏུ་མཆི་ཞིང ། སྐད་ཅིག་གིས་སླར་ཡང་མཆིའོ། །དགོས་པ་ཐམས་ཅད་སྒྲུབ་པར་བགྱིད་དོ། །དུས་གསུམ་དུ་གཏོར་མ་ལྷག་མའི་གཏོར་མ་སྒོ་དྲུང་དུ་སྩལ་བར་བགྱིའོ། །ཉིན་གཅིག་བཞིན་དུ་གསེར་གྱི་དོང་རྩེ་བརྒྱ་སྔགས་སུ་འཇོག་པར་འགྱུར་ཏེ། དེས་ཐམས་ཅད་ཟད་པར་བགྱིས་ནས་ཕྱིར་ཞིང་འཕེལ་བར་འགྱུར་རོ། །ཅི་སྟེ་རྒྱལ་པོའི་བཙུན་མོ་དགུག་པར་འཚལ་ན། རིག་སྔགས་འཆང་གཙང་མ་ཤིན་ཏུ་ཁྲུས་བགྱིས་པ་གོས་གཙང་མ་བགོས་པ་དེས་ཡུངས་ཀར་དཀར་པོ་དང ། སྐེ་ཚེའི་ས་བོན་དང ། གིའུ་ཝང་དང ། པདྨའི་འདབ་མ་དང ། Ba231a ༄#། །རྒྱམ་ཚ་དང ། ལན་ཚཝ་བསྲེས་པ་ལན་བརྒྱ་རྩ་བརྒྱད་ཡོངས་སུ་བཟླས་ནས་ཕྱེ་མའི་རྫས་སུ་བགྱིས་ལ་ཡུངས་ཀར་དང ། སྐེ་ཚེའི་ས་བོན་དང ། སྦྲང་རྩིའི་ས་བོན་ལན་གཅིག་མཉེས་ལ་ཡང་ལན་སྟོང་རྩ་བརྒྱད་བཟླས་བརྗོད་བགྱིས་ཏེ། རྒྱལ་པོའི་སྒོའམ། ལམ་གྱི་བཞི་མདོའམ། ལམ་པོ་ཆེའམ། གྲོང་ཁྱེར་གྱི་སྒོར་གཏོར་ན། གང་དེར་གོམ་པ་བོར་བ་ཙམ་གྱིས་དབང་དུ་གྱུར་ནས་གནས་ཏེ་ཅི་བགྱི་བའི་བྱ་བ་བགྱིད་དོ། །རྒྱལ་པོ་བཙུན་མོའི་འཁོར་དང་བཅས་པ་བཀུག་ཅིང་དབང་དུ་འགྱུར་རོ། །ཐམས་ཅད་དུ་ཅི་བགྱི་བ་བྱ་བ་བགྱིད་ཅིང ། བསྒོ་བ་བཞིན་བགྱིད་པར་འགྱུར་རོ། །གང་བསླངས་པ་དེ་སྟེར་ཏེ། དངུལ་དང ། གསེར་དང ། གོས་དང ། རྒྱན་དང ། ལྷབ་ལྷུབ་དང ། སྤུད་པ་དང ། བཞོན་པ་དང ། མལ་ཆ་དང ། འབྲུ་ལ་སོགས་པ་སྩོལ་བར་བགྱིད་དོ། །གང་སྨྲས་པ་དེ་བགྱིད་ཅིང་གང་བསྒོ་བ་བགྱིད་པར་འགྱུར་རོ། །དེའི་ཡུལ་གཅིག་ཏུ་ཡང་འཇིག་རྟེན་གསུམ་པོ་ཐམས་ཅད་ཀྱིས་མཆོད་པ་ཆེན་པོ་བགྱིད་པར་འགྱུར་ཞིང་ཐམས་ཅད་དབང་དུ་འགྱུར་རོ། །དེ་ནས་བྲམ་ཟེ་དབང་དུ་བགྱི་བར་འཚལ་ན། རིག་སྔགས་འཆང་དེས་ནས་དང ། ཏིལ་དང ། འབྲས་སཱ་ལུ་དང ། ཞོ་དང ། སྦྲང་རྩི་དང ། ཞུན་མར་དང་བསྲེས་པའི་སྦྱིན་སྲེག་སྟོང་ Ba231b རྩ་བརྒྱད་བགྱིས་ནས་རིག་བྱེད་བཞི་དང་ལྡན་པའི་བྲམ་ཟེ་ཐམས་ཅད་ཀྱིས་སྤྱི་བོར་བཀུར་བ་གཅིག་པུར་འགྱུར་རོ། །ཐམས་ཅད་དུ་མཆོད་པར་བགྱིད་པར་འགྱུར་ཞིང་བྲམ་ཟེ་ཐམས་ཅད་ལ་དབང་བགྱིད་པ་ཐོགས་པ་མེད་པར་འགྱུར་རོ། །རྒྱལ་རིགས་དབང་དུ་བགྱི་བར་འཚལ་ན། ཏིལ་དང ། འབྲས་ཐུག་ཆེན་པོ་དང ། སྲན་མུད་ག་དང ། ཞོ་དང ། སྦྲང་རྩི་དང ། ཞུན་མར་བསྲེས་པའི་སྦྱིན་སྲེག་བགྱི་སྟེ། སྦྱིན་སྲེག་སྟོང་རྩ་བརྒྱད་ཀྱི་བར་དུ་བགྱིས་ན། ཐམས་ཅད་ལ་དབང་བསྒྱུར་ཞིང་མཆོད་པའི་འོས་ཆེན་པོར་འགྱུར་རོ། ། ཐམས་ཅད་དབང་དུ་འགྱུར་བར་བགྱིད་དོ། །ཇི་སྲིད་འཚོའི་བར་དུ་བགྱིད་དེ་ཅི་བགྱི་བ་བགྱིད་ཅིང་བསྒོ་བ་བཞིན་བགྱིད་པར་འགྱུར་རོ། །དེ་ནས་དམངས་རིགས་དབང་དུ་བགྱི་བར་འཚལ་ན། ལན་ཚཝ་དང ། འབྲས་སཱ་ལུའི་ཕུབ་མ་དང ། སུ་མུ་ཁའི་ས་བོན་དང ། ཞོ་དང ། སྦྲང་རྩི་དང ། ཞུན་མར་སྦྱར་བའི་སྦྱིན་སྲེག་བརྒྱ་སྟོང་བགྱིས་ན། དམངས་རིགས་ཐམས་ཅད་བྲན་དུ་གྱུར་ནས་གནས་ཏེ། ཇི་སྲིད་འཚོའི་བར་དུ་མཆིས་པར་འགྱུར་རོ། །དགྲ་དང ། ཕྱིར་རྒོལ་བ་དང ། ཕས་ཀྱི་དགྲ་ཐམས་ཅད་ཟློག་པར་འཚལ་ན། རིག་སྔགས་འཆང་དེས་ཤིང་མངར་གྱི་ཤིང་གི་མེ་སྦར་བ་ལ། ས་བོན་བདུན་དང ། ཞོ་དང ། སྦྲང་རྩི་དང ། ཞུན་མར་དང་སྦྱར་བའི་སྦྱིན་སྲེག་བརྒྱད་སྟོང་བགྱིའོ། །བརྒྱད་སྟོང་རྫོགས་པ་དང ། Ba232a ༄#། །དགྲ་དང ། ཕྱིར་རྒོལ་བ་དང ། པས་ཀྱི་དགྲ་ཐམས་ཅད་ཟློག་པར་འགྱུར་རོ། །ཕ་རོལ་གྱི་དམག་ཚོགས་ཐམས་ཅད་ཟློག་དང་འཚལ་ན། ཤིང་ཚེར་མ་ཅན་གྱི་མེ་སྦར་བ་ལ་འབྲས་ཡོས་དང ། ཡུངས་ཀར་དང ། ཞོ་དང ། སྦྲང་རྩི་དང ། ཞུན་མར་དང་སྦྱར་བའི་སྦྱིན་སྲེག་བརྒྱད་སྟོང་བགྱིའོ། །བརྒྱད་སྟོང་རྫོགས་ན། ཕ་རོལ་གྱི་དམག་ཚོགས་ཐམས་ཅད་ཟློག་པར་འགྱུར་རོ། །གཡུལ་འགྱེད་པ་ཟློག་པར་འཚལ་ན། སྐེ་ཚེའི་ས་བོན་དང ། གུ་གུལ་དང ། བྷེངྒའི་ས་བོན་དང ། ཞོག་ཆུ་དང ། ཞུན་མར་དང་སྦྱར་བའི་སྦྱིན་སྲེག་བརྒྱད་སྟོང་བགྱིས་ན་གཡུལ་འགྱེད་པའི་ནང་དུ་སོན་པའི་སེམས་ཅན་ཐམས་ཅད་སླར་ཟློག་པར་འགྱུར་ཞིང ། ཐམས་ཅད་དུ་རྒྱལ་བ་ཐོབ་པར་འགྱུར་རོ། །དེ་ནས་གདོན་ཐམས་ཅད་ལས་ཐར་བར་བགྱི་བར་འཚལ་ན། རིག་སྔགས་འཆང་དེས་བདུག་པ་འདི་སྦྱར་བར་བགྱི་བར་འཚལ་ཏེ། ཀྵེ་མ་ཀ་དང་ཤིང་མངར་དང ། །ཙ་རོང་དང་ནི་གུ་གུལ་དང ། །མུ་ར་ཡཀྵ་མུར་དང ། །བྷུ་ཏ་ཀ་ཤི་མཉམ་བར་གཞལ། །ཕུབ་མ་དང་ནི་བ་ལ་ཀ་།ཁྱིམ་བྱའི་སྒོ་ངའི་ཤུན་ལྤགས་དང ། །སྤྲུལ་ལྤགས་དང་ནི་ཡུངས་རྣམ་གཉིས། །བྷ་གའི་ས་བོན་བ་ལང་མཁྲིས། །ཉ་དང་ལེགས་པར་སྦྱར་བགྱིས་ཏེ། །ར་ཡི་གཅིན་གྱིས་བསྒོས་བ་ལ། །ལྕགས་ཀྱུའི་གསང་སྔགས་ Ba232b བཟླས་པ་ཡིས། །བདུག་པ་དམ་པའི་གཙོ་བོ་འདི། །ཐམས་ཅད་དུ་ནི་རིགས་པ་སྟེ། །སྟོང་ཕྲག་བརྒྱད་ཅུ་རྩ་བཞི་གདོན། །གང་དག་ས་སྟེང་གནས་པ་རྣམས། །བདུག་པའི་དྲི་འདིས་འཇིག་འགྱུར་ཞིང ། །མི་བཟད་གདོན་རྣམས་འབྲོས་པར་འགྱུར། །ཕྱོགས་བཅུ་དག་ན་གཡོ་འགྱུར་ཞིང ། །སུམ་ཅུའི་ལྷ་དང་རི་རབ་གཡོ། །གནོད་སྦྱིན་སྲིན་པོའི་གནས་དག་དང ། །སྡང་བའི་སྲོག་ཆགས་ཆེན་པོ་འཚིག་།གཞན་ཡང་སྣ་ཚོགས་དུག་བཅས་པའི། །སྲོག་ཆགས་ཐམས་ཅད་འཇིག་འགྱུར་བ། །དྲི་ཙམ་གྱིས་ནི་དོགས་པ་མེད། ། བདུག་པ་འདིས་ནི་བདུགས་བྱས་ན། །དེར་ནི་རིམ་ནད་མི་གནས་ཏེ། །ཉིན་གཅིག་པ་ཡི་རིམས་དང་ནི། །ཉིན་གཉིས་པ་དང་བཞི་པའི་རིམས། །གང་ཡང་མི་བཟད་ཁྱབ་འཇུག་རིམས། །དེ་དག་ཐམས་ཅད་འཇིག་འགྱུར་ཞིང ། །སྐད་ཅིག་གིས་ནི་གཏན་ནས་འཇོམས། །འཕགས་པ་དོན་ཡོད་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་གསུམ་པ། དེ་ནས་མིག་བསྐུ་བའི་སྨན་བརྗོད་པར་བྱའོ། །གདོན་ཐམས་ཅད་འཇོམས་པ་གང་གིས་མིག་ལ་བསྐུས་པ་ཙམ་གྱིས་གདོན་མ་རུངས་པ་འབྲོས་པར་འགྱུར་རོ། །རོ་སྟོད་ཀྱི་ནད་ཐམས་ཅད་འཇོམས་པར་འགྱུར་ཏེ། མིག་ལ་བསྐུས་པ་ཙམ་གྱིས་དེ་ཐམས་ཅད་མེད་པར་འགྱུར་ཏེ་དོགས་པ་མི་བྱའོ། །མིག་གི་ནད་ནི། ལིང་ Ba233a ༄#། །ཏོག་དང ། སྐྱ་བོར་གྱུར་པ་དང ། རབ་རིབ་དང ། ཆུ་བུར་ཅན་དང ། ཆུ་ཟག་པ་དང ། ཚག་པོ་དང ། ཧ་ས་ར་ཛ་དང ། བྱིས་པའི་མཆི་མ་དང ། མིག་ཏུ་སྨེ་བ་བྱུང་བ་དང ། ཁྲག་དང ། རླུང་དང ། བད་ཀན་དང ། མཁྲིས་པ་དང ། རྡུལ་འབྱུང་བ་དང ། འབྲུམ་བུ་དང ། གཡའ་བ་དང ། མིག་བསྐམས་པ་དང ། ལྡོངས་པ་དང ། ཀླད་པ་ན་བ་དང ། ཀླད་པའི་གཞོགས་ཕྱེད་ན་བ་དང ། ཁ་ནད་དང ། ཁ་ན་བ་དང ། དཔྲལ་བ་ན་བ་དེ་དག་ཐམས་ཅད་འཇོམས་པར་འགྱུར་རོ། །མིག་སྨན་གྱིས་མིག་བསྐུས་པ་ཙམ་གྱིས་རིམས་ཐམས་ཅད་རབ་ཏུ་ཞི་བར་འགྱུར་བ་དང ། ནད་ཐམས་ཅད་སེལ་བ་དང ། མོད་ལ་ཉོན་མོངས་པ་ཐམས་ཅད་སྤོང་བ་དང ། སྡིག་པ་ཐམས་ཅད་རྣམ་པར་འཇིག་པར་འགྱུར་རོ། །དེ་ལྟར་ན་མིག་སྨན་མཆོག་ཏུ་གྲུབ་པ། བགེགས་ཐམས་ཅད་སེལ་བ་དང ། མ་རུངས་པ་ཐམས་ཅད་རབ་ཏུ་ཞི་བར་བྱེད་པ།་སེམས་ཅན་ཐམས་ཅད་ལ་དབང་བྱེད་པ། ཐམས་ཅད་དུ་རྒྱལ་བར་བྱེད་པ། མིག་སྨན་རྟག་ཏུ་མཆོག་ཏུ་དཀོན་པ། གསད་པ་ལ་ཐུག་པ་ཐར་བར་བྱེད་པ། བཙོན་ར་ནས་གང་ཐར་པར་བྱེད་པ། རྒྱལ་པོ་དག་གང་ལ་ཁྲོས་པ་ལས་དགོད་ཅིང་སྨྲ་བར་འགྱུར་ཏེ། ནམ་འཚོའི་བར་དུ་རྟག་ཏུ་དུ་བཞིན་ཡོངས་སུ་སྐྱོང་ཞིང་གནས་ Ba233b བ།་དུག་ཐམས་ཅད་མོད་ལ་མེད་པར་བྱེད་པ་ནི། མིག་སྨན་མཆོག་ཡིན་ནོ། །བསམ་པ་ངན་ཅིང་སྡང་བའི་སེམས་ཅན་དང ། དགྲ་དང ། ཕྱིར་རྒོལ་བ་དང ། དགྲ་དང་འགྱེད་བ་དག་མིག་སྨན་གྱིས་བསྐུས་པས། མཐོང་ན་དབང་དུ་འགྱུར་ཏེ་གནས་སོ། །མ་ཧེ་གཏུམ་པོ་དང ། གླང་པོ་ཆེ་དང ། རླུང་དང ། སེར་བ་དང ། སྟེང་ཁ་མཐོན་པོ་ནས་གཡང་དུ་ལྟུང་བ་དང ། མེའི་ཕུང་པོ་དང ། ཁྱིམ་རྡིབ་པ་དང ། གཡང་སར་ལྟུང་བ་རྣམས་མིག་སྨན་གྱིས་མིག་བསྐུས་པས་མཐོང་ན་ཞི་བར་འགྱུར་ཞིང ། གཞན་ཡང་བྱ་བ་རྣམ་པ་སྣ་ཚོགས་བྱེད་དེ། འདི་ལ་དོགས་པར་མི་བྱའོ། །ཡུང་བ་དང ། སྐྱེར་པ་དང ། ན་ལེ་ཤམ་དང ། པི་པི་ལིང་དང ། ཤི་རི་ག་བེ་ར་དང ། འབྲས་བུ་གསུམ་དང ། ུཏྤལ་སྔོན་པོ་དང ། ལྡོང་རོས་དང ། གུར་གུམ་ལ་སོགས་པའི་མིག་སྨན་དང ། རྒྱམ་ཚཝ་དང ། སྤང་སྔོས་དང ། རྒྱ་མཚོའི་དབུ་བ་དང ། དུང་ཕྱེ་དང་འདི་རྣམས་ལྷན་ཅིག་ཏུ་ཕྱེ་མ་ཞིབ་མོར་བྱས་པ་ལ་གསང་སྔགས་ལན་བདུན་བཟླས་ཏེ་ག་པུར་དང ། གླ་རྩིར་བསྣན་པའི་མིག་བསྐུ་བའི་སྨན་ལྕགས་ཀླུའི་རིག་སྔགས་ཀྱི་རྒྱལ་པོའི་གསང་སྔགས་སྟོང་རྩ་བརྒྱད་བཟླས་བརྗོད་བྱས་ཏེ་མིག་བསྐུས་ན། དྲི་མ་ཐམས་ཅད་སེལ་ཅིང་སྡིག་པ་དང ། གཞན་སྡུག་བསྔལ་ཐམས་ཅད་ལས་གྲོལ་བར་འགྱུར་རོ། །མུན་ Ba234a ༄#། །པ་ཐམས་ཅད་ཀྱི་ནང་དུ་ཉི་མ་བཞིན་དུ་སྐྱེ་བ་ཐམས་ཅད་ཀྱི་ནང་དུ་མཛེས་པར་འགྱུར་རོ། །དེ་ནས་རིལ་བུ་བཤད་པར་བྱ་སྟེ། སྡིག་པ་ཐམས་ཅད་རྣམ་པར་འཇིག་པ། ནད་ཐམས་ཅད་སེལ་བར་འགྲུབ་པ། བགེགས་ཐམས་ཅད་མེད་པར་བྱེད་པ། གདོན་ཐམས་ཅད་རྣམ་པར་འཇོམས་པ། སྒྲིབ་པ་ཐམས་ཅད་རྣམ་པར་སྦྱོང་བ། མོད་ལ་དུག་ཐམས་ཅད་མེད་པར་བྱེད་པ། ཉོན་མོངས་པའི་དྲི་མ་ཐམས་ཅད་སེལ་བ། བཅིངས་པ་ཐམས་ཅད་གཅོད་པར་བྱེད་པ། གཡུལ་ཐམས་ཅད་ལས་རྒྱལ་བ་སྦྱིན་ཞིང་དགེ་བ། དགྲ་ཐམས་ཅད་རབ་ཏུ་འཇོམས་པ། རབ་ཏུ་ཀུན་ཐམས་ཅད་རབ་ཏུ་འཇོམས་པ། རྒྱལ་པོའི་སྒོར་མཛེས་པར་འགྱུར་བ། ནོར་དང་འབྲུ་འཕེལ་བར་འགྱུར་བ། རྒྱལ་པོ་དང ། རྐུན་པོ་དང ། ཆུ་དང ། མེ་དང ། དུག་དང ། གླང་པོ་ཆེ་མེད་པར་བྱེད་པ། སྦྲུལ་མ་རུངས་པ་དང ། བྱི་བའི་དུག་གིས་འཇིགས་པ་དང ། ཁྱིམ་འཇིགས་པ་དང ། རི་སྙིལ་བ་དང ། སེངྒེ་དང ། སྟག་དང ། དོམ་ལ་སོགས་པ་རབ་ཏུ་རྒྱུ་བ་དང ། གནོད་པ་དང ། བཅིངས་པའི་ཚེ་འགྲོ་བར་དཀའ་བ་འབྱུང་བ་དང ། ནད་དང་རིམས་འཇོམས་པ་དང ། དུས་མ་ཡིན་པར་འཆི་བ་མེད་པར་བྱེད་པ། ཚེ་དང་ནད་མེད་པར་བྱེད་པ་འཕེལ་བ། སྐྱེས་པ་དང ། Ba234b བུད་མེད་དང ། གཞོན་ནུ་མ་རྣམས་མཆོག་ཏུ་བདེ་བར་འགྱུར་བ་སྟེ། གང་གིས་རིལ་བུ་བཅངས་ན། ཐམས་ཅད་དུ་རྒྱལ་བ་འཐོབ་ཅིང་གདོན་འབྱུང་བར་མི་འགྱུར། རྣམ་པར་ལོག་འདྲེན་གྱིས་མ་ཡིན་ནོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། བརྗད་བྱེད་མ་རུངས་བ་རྣམས་རིལ་བུ་མཐོང་བ་ཙམ་གྱིས་ཕྱོགས་བཅུར་བྲོས་པར་འགྱུར་རོ། །འདིར་བྱིས་པ་གསོད་པར་མི་བྱེད་དོ། །སྨན་འདི་ལ་རེགས་ཙམ་གྱིས་ཁྱིམ་དེར་དུས་མ་ཡིན་པར་འཆི་བ་དང ། ན་བ་ཐམས་ཅད་དང ། ནད་ལས་ཡོངས་སུ་གྲོལ་བར་འགྱུར་རོ། །འབྲས་དང ། ཕོལ་མིག་དང ། ལྷོག་པ་དང ། འབྲུམ་ཕྲན་མཆེད་པ་དང ། ཤུ་བ་དང ། གཡན་པ་དང ། མཛེ་དང ། འབྲུམ་བུ་མཆེད་པ་དང ། ཤ་བཀྲ་ལ་བསྐུས་པ་ཙམ་གྱིས་བྱང་བར་འགྱུར་རོ། །ལུས་ཐམས་ཅད་དུ་ཞུགས་པའི་ནད་ལ་ཆུ་དྲོན་པོ་དང ། འཐུངས་པ་ཙམ་ལ་སོགས་པ་ས་ཡོངས་སུ་བྱང་བར་འགྱུར་རོ། །འཇིགས་སྐྲག་པ་ཐམས་ཅད་ལས་རྟག་ཏུ་རྒྱལ་བར་འགྱུར་རོ། །འཇིགས་པ་ཆེན་པོ་ལས་ཐམས་ཅད་རྗེས་སུ་འབྲང་བར་འགྱུར་རོ། །གནས་ཐམས་ཅད་དུ་སོང་བ་ལ་སྦྱར་བ་བྱས་ན། ཐམས་ཅད་འཁོར་བར་འགྱུར་རོ། །དེ་ནས་རྫས་སུ་བྱ་བ་ནི། པུ་ཤེལ་ཙི་དང ། ཙནྡན་དང ། རྒྱ་སྤོས་དང ། རུ་རྟ་དང ། རྡོ་དྲེག་དང ། པ་ཏྲ་དང ། ཚ་མ་ཀ་དང ། Ba235a ༄#། །ཤི་མི་དང ། པདྨ་པ་ཏྲ་དང ། ུཏྤ་ལ་དང ། ན་ལ་དང ། འབྲས་བུ་གསུམ་དང ། ཚ་བ་གསུམ་དང ། སུག་སྨེལ་དང ། བཙོད་དང ། སུ་ག་རི་དང་ར་ཛ་ཎྱ་རྣམ་གཉིས་དང ། སྤྲི་ཀ་དང ། སྲ་རྩི་པོག་དང ། གུར་གུམ་ལ་སོགས་པ་དང་རབ་ཏུ་ལྡན་པ་དང ། དེ་དག་ཀུན་བསྲེས་ཏེ་ཞིབ་མོར་བཏགས་ལ་ཁ་ར་དང་།ཆུ་དང་སྦྱར་བས་རིལ་བུ་བྱས་ལ་གསང་སྔགས་བརྒྱད་བརྒྱ་བཟླས་བརྗོད་བྱས་ཏེ་གྲིབ་མ་ལ་བསྐམས་པ་དེ་ནི། སྨན་གྲུབ་པ་ཡིན་ཏེ། ཐམས་ཅད་རྒྱལ་བར་བྱེད་ཅིང་དག་བ་ཡིན་ནོ། །རྔ་དང ། རྔ་བོ་ཆེ་དང ། དུང་ལ་རི་ལུ་མཆོག་བསྐུས་ཏེ། གནས་མཐོན་པོར་སོང་སྟེ་དུང་གི་སྒྲ་དང ། རྔ་བོ་ཆེ་དང ། རྫ་རྔ་ཇི་སྲིད་དུ་ཐོས་པ་དེ་སྲིད་ཙམ་དུ་འཇིགས་པ་མེད་པར་འགྱུར་རོ། །དུག་དང་བཅས་པ་ནི། ཐམས་ཅད་དུག་མེད་པར་འགྱུར་ཏེ། དོགས་པ་མི་བྱའོ། །ནད་ཐམས་ཅད་དང ། མི་ངས་ཐམས་ཅད་དང ། ཡམས་ཀྱི་ནད་དང ། ལོ་ཉེས་ཐམས་ཅད་རབ་ཏུ་ཞི་བར་འགྱུར་རོ། །བདེ་ཞིང་ལོ་ལེགས་པ་ཉིད་དུ་འགྱུར་རོ། །གང་དག་མཚམས་མེད་པ་བྱེད་པའི་སེམས་ཅན་སྡིག་པ་ཅན་དམྱལ་བ་ལ་གཞོལ་བ་དག་གིས་སྒྲ་ཐོས་པ་ཙམ་གྱིས་སྡིག་པ་ཐམས་ཅད་བྱང་སྟེ། བདེ་བར་འཆི་བའི་དུས་བྱས་ནས་བདེ་བ་ཅན་དུ་སྐྱེ་བར་འགྱུར་རོ། །གོས་ལ་བདུགས་ན། Ba235b བདག་ཉིད་མཆོད་པ་ཆེན་པོ་འཐོབ་ཅིང་ཐམས་ཅད་ལ་དབང་བྱེད་པར་གནས་པ་དང ། དོན་གྲུབ་པ་བླ་ན་མེད་པ་ཡིན་ནོ། །ནོར་དང་འབྲུ་རབ་ཏུ་འཕེལ་ཞིང་དགོས་པ་སྒྲུབ་པོ་བླ་ན་མེད་པ་ཡིན་ནོ། །ཐམས་ཅད་མཆོད་པ་དང ། རྟག་ཏུ་ཚིག་གཟུང་བར་འོས་པར་འགྱུར་རོ། །རྒྱལ་པོ་གང་ལ་ཁྲོས་པ་ལས་རྒོད་ཅིང་སྨྲ་བར་འགྱུར་རོ། །བུད་མེད་རྣམས་ཀྱི་གནང་ཆེན་དུ་འགྱུར་ཞིང་།རྟག་ཏུ་ནད་མེད་པར་འགྱུར་རོ། །རྟག་ཏུ་བརྩོན་འགྲུས་དང་ལྡན་པ་དང ། སྟོབས་དང་ལྡན་པ་དང ། རྟག་ཏུ་དཔལ་དང་ལྡན་པ་དང ། གཟི་བརྗིད་དང་ལྡན་པ་དང ། རྟག་ཏུ་གླང་པོ་ཆེ་བཅུའི་སྟོབས་དང་ལྡན་པ་དང ། ཤི་ནས་མཐོ་རིས་སུ་སྐྱེ་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ལ་མཆིས་པ་ནི། དོན་ཡོད་པའི་ཞགས་པའི་ལྕགས་ཀྱུ་ཞེས་བྱ་བ་དོན་ཡོད་པའི་ལྕགས་ཀྱུའི་གཟུངས་ཆེན་པོའི་ཆོ་ག་ཞིབ་མོའི་དཀྱིལ་འཁོར་དང ། དོན་ཡོད་པའི་ཞགས་པའི་སྙིང་པོ་དང ། དཀྱིལ་འཁོར་ཆེན་པོ་ལྟ་བ་དང ། སྒྲུབ་པ་དང ། བཀླགས་པས་འགྲུབ་པ། དོན་ཡོད་བ་ཆེན་པོ་རྣམ་པར་འཕྲུལ་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་དམ་ཚིག་གྲུབ་ Ba236a ༄#། །པ་ལགས་སོ། །གང་གིས་པདྨ་རྒྱས་པའི་དཀྱིལ་འཁོར་ཆེན་པོ་མཐའ་དག་དང ། ཕྱག་རྒྱ་དང ། རིམ་པར་ཕྱེ་བ་དང ། གསང་སྔགས་དང ། ཆོ་ག་དང ། བདེ་བར་སྒྲུབ་པ་མཐའ་དག་ནི། རིགས་ཀྱི་སྤྱི་ཐམས་ཅད་ཀྱི་དམ་ཚིག་ཆེན་པོའི་རྗེས་སུ་འཇུག་པ་འགྲུབ་པར་འགྱུར་བ་ལགས་སོ། །འདི་ལྟ་སྟེ། དེ་བཞིན་གཤེགས་པའི་རིགས་དང ། པདྨའི་རིགས་དང ། རྡོ་རྗེའི་རིགས་དང ། ནོར་བུའི་རིགས་ཀྱི་དཀྱིལ་འཁོར་ཆེན་པོ་འོད་དཔག་ཏུ་མེད་པའི་སྙིང་པོ་མཆོག་དང་པོ་རྡོ་རྗེ་རིན་པོ་ཆེ་རྩེ་མོའི་མཆོག་དང་པོའི་དཀྱིལ་འཁོར་གྱི་དམ་ཚིག་ལ་ཐམས་ཅད་དུ་རྗེས་སུ་ཞུགས་ཤིང་དམ་ཚིག་ཤེས་པར་འགྱུར་བ་དང ། ཐམས་ཅད་དུ་བྱིན་གྱིས་བརླབས་པར་འགྱུར་བ་དེ་རིག་སྔགས་འཆང་བ་དེ་ཐམས་ཅད་མཆོག་ཏུ་གྲུབ་པར་བགྱི་བའི་ཕྱིར་དང ། སེམས་ཅན་ཐམས་ཅད་ལ་རྗེས་སུ་བརྩེ་བའི་སླད་དུ་བདག་གིས་བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་དབུས་སུ་བསྒྲག་པར་བགྱིའོ། །རིགས་བཞིའི་འཇིག་རྟེན་གྱི་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་རྣམས་ཀྱི་སྡིག་པ་དང ། སྒྲིབ་པ་ཐམས་ཅད་རྣམ་པར་གཞིག་པའི་ཕྱིར་བཤད་པར་བགྱིའོ། །གྲུབ་པ་ཡང་དག་པར་རྗེས་སུ་སྩལ་བར་བགྱིའོ། །དེ་ནས་བཅོམ་ལྡན་འདས་དེ་བཞིན་ Ba236b གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ་ཆེན་པོ། ཁྱོད་ཀྱིས་དགེ་བའི་རྩ་བ་རྣམས་དག་ཅིང་ཤིན་ཏུ་ཡོངས་སུ་དག་པ་ཡིན་ཏེ། ལེགས་སོ་ལེགས་སོ། །རིག་སྔགས་འཆང་བ་ཐམས་ཅད་དང ། སེམས་ཅན་ཐམས་ཅད་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་རྣམས་ལ་བསྟན་པར་བྱ་བ་ཤོད་ཅིག་།དེ་བཞིན་གཤེགས་པ་ཐམས་ཅད་ཀྱིས་སྤྱན་རས་གཟིགས་དབང་ཕྱུག་ལ་རིགས་ཐམས་ཅད་ཀྱི་སྤྱིའི་གྲུབ་པ་དམ་ཚིག་གི་རྗེས་སུ་འཇུག་པར་བྱིན་གྱིས་བརླབས་སོ། །ངས་ཀྱང་དེ་བཞིན་དུ་དེ་དག་བྱིན་གྱིས་བརླབས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་བཅོམ་ལྡན་འདས་ཀྱི་སྤྱན་སྔར་དོན་ཡོད་པའི་རྒྱས་པའི་པདྨའི་སྙིང་པོའི་དཀྱིལ་འཁོར་ཆེན་པོ་བཤད་པ། དོན་ཡོད་པའི་ལྕགས་ཀྱུའི་ཡང་དག་པ་མཆོག་གྲུབ་པ། སྒྲུབ་པ་དམ་པ་ནི། ས་དང་བའི་ལྕི་བས་དཀྱིལ་འཁོར་གྲུ་བཞི་བྱ་བ་ནི། ཤིན་ཏུ་མཛེས་པ་ཤིན་ཏུ་འཇམ་པར་བྱའོ། །ཚོན་སྣ་ལྔས་རྣམ་པར་དབྱེ་བ་ནི། གྲ་དང་བཅས་པར་རྣམ་པར་དབྱེ་བར་བྱའོ། །ཚོན་སྣ་ཚོགས་ཀྱིས་བྲི་བ་ Ba237a ༄#། །དང ། དཀྱིལ་འཁོར་གྲུ་བཞིར་ཐིག་གདབ་པ་ནི། མཉམ་པར་ཐིག་གིས་དབྱེ་བར་བྱ་སྟེ། སྒོ་བཞིར་ཆ་དབྱེ་བར་བྱའོ། །ཆུ་ཞེང་དུ་ཁྲུ་བཞི་ཚད་ཙམ་དུ་དབྱེ་བར་བྱའོ། །དབུས་ཀྱི་དཀྱིལ་འཁོར་གྱི་སྙིང་པོ་ནི། ཚད་ཁྲུ་དོ་བར་བྱས་ལ། ཚོན་སྣ་ལྔའི་སྒལ་བུ་དང ། ཚོན་ས་ལས་དབྱེ་བར་བྱའོ། །དབུས་ཀྱི་དཀྱིལ་འཁོར་གྱི་སྙིང་པོ་ལ་པདྨ་དཀར་པོ་ཁ་བྱེ་བ་ཟླུམ་པོར་བྱའོ། །པདྨ་བྱེ་བའི་དབུས་སུ་ཞགས་པ་དང ། ལྕགས་ཀྱུ་དང ། པདྨ་གནས་པར་བྱ་བ་ནི། ཀླུ་མགོ་གདེངས་ཀ་འདྲ་བ་ལྕགས་ཀྱུ་དང་བཅས་པ་དང ། ལག་པ་དང་བཅས་པས་པདྨའི་ལྕགས་ཀྱུ་འཛིན་པ་དང ། འབར་བའི་ནང་ན་འདུག་པར་བྱའོ། །ཚོན་སྣ་ཚོགས་ཀྱིས་བྲིའོ། །པདྨ་ཁ་ཕྱེ་བའི་ཕྱི་རོལ་གྱི་སྒལ་བུ་ནི།་ལྕགས་ཀྱུ་དང་བཅས་པའི་སྒལ་བུར་བྱའོ། །ནང་དང་ཕྱིའི་བར་དུ་ནི། རིན་པོ་ཆེ་སྣ་ཚོགས་ཀྱིས་བརྒྱན་པར་བྱའོ། །ལྕགས་ཀྱུའི་ཕྱི་རོལ་གྱི་སྒལ་བུ་ནི། ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་གིས་བྱའོ། །ཟླ་བ་ཡིད་དུ་འོང་བ་དྲི་མ་མེད་པའི་ཕྱི་རོལ་གྱི་སྒལ་བུ་ནི། མདུང་རྩེ་གསུམ་པ་བྲི་བར་བྱའོ། །མདུང་རྩེ་གསུམ་པའི་ཕྲེང་བའི་ཕྱི་རོལ་གྱི་སྒལ་བུ་ནི། ཕྱག་རྒྱ་ཕྱག་ན་ཐོགས་པ་བྲི་བར་བྱ་སྟེ། མཚོན་ཆ་སྣ་ཚོགས་དང ། མེ་ཏོག་སྣ་ཚོགས་དང ། ཀུན་ལ་འབར་བའི་ཕྲེང་བ་དང ། འོད་ཟེར་ཁ་དོག་སྣ་ཚོགས་ Ba237b \?\་བར་བྱའོ། །ཕྱག་གི་ཕྱག་རྒྱའི་ཕྱི་རོལ་གྱི་སྒལ་བུ་ནི། སྟེགས་བུ་དང་འདྲ་བར་བྱའོ། །སྟེགས་བུའི་ཕྱི་རོལ་གྱི་སྒལ་བུ་ནི། འཁོར་བར་ལྕགས་ཀྱུ་བྲི་བར་བྱའོ། །སྙིང་པོའི་དཀྱིལ་འཁོར་གྱི་གྲཝར་ནི། རྒྱལ་པོ་ཆེན་པོ་བཞི་གོ་བགོས་པ་ལྕགས་ཀྱུ་དང ། མདུང་རྩེ་གཅིག་པ་ཐོགས་པ་འབར་བའི་ནང་ན་འདུག་པ་རྒྱན་ཐམས་ཅད་ཀྱིས་བརྒྱན་པ་སྐྱིལ་མོ་ཀྲུང་ཕྱེད་དུ་བཅས་ཏེ་པདྨོའི་གདན་ལ་འདུག་པར་བྱའོ། །དཀྱིལ་འཁོར་གྱི་ཕྱི་རོལ་ཐོག་ཐག་ཏུ་འཇིགས་པ་མེད་པས་ཕྱག་མཚན་རྣམས་ཐམས་ཅད་པདྨ་ལ་འདུག་པར་བྲི་བར་བྱའོ། །སྒོ་བཞིའི་གནས་སུ་པདྨའི་དཀྱིལ་འཁོར་གྱི་ལྷ་རྣམས་བྲི་བ་ནི། ཤར་གྱི་སྒོར་ལག་ན་རྡོ་རྗེ། ལྷོར་རལ་པ་གཅིག་མ། ནུབ་ཏུ་རྡོ་རྗེ་ལྕགས་སྒྲོག་མ། བྱང་དུ་ཕོ་ཉ་མོ་དང ། རིག་སྔགས་ཀྱི་ལྷ་མོ་རྣམས་བྲི་བར་བྱའོ། །དཀྱིལ་འཁོར་གྱི་ཕྱི་རོལ་གྱི་སྒལ་བུ་ནི། མེ་ཏོག་གི་སྟེགས་བུ་འདྲ་བས་བྱའོ། །ཕྱི་རོལ་གྱི་དཀྱིལ་འཁོར་ནི། ཀུན་ཏུ་བའི་ལྕི་བས་བྱའོ། །ཕྱི་རོལ་གྱི་དཀྱིལ་འཁོར་དེ་ལ་ནས་ཕྱེས་པདྨ་བྲི་བར་བྱའོ། །དཀྱིལ་འཁོར་ཀུན་ཏུ་བུམ་པ་གང་བ་དང ། དར་བཏགས་པའི་མདའ་དང ། དྲིའི་སྣོད་བཀང་བས་བརྒྱན་ཅིང་བྱུག་པའི་ཆུ་དགང་བ་དང ། བདུག་སྤོས་སྣོད་ཀྱིས་བརྒྱན་པ་དང ། མེ་ཏོག་སྣ་ཚོགས་ཀྱིས་བརྒྱན་པ་དང ། དྲི་ཆབ་དང ། མཆོད་ཡོན་གྱི་ཆབ་དང ། འབྲས་བུ་དང ། ཡོན་ཆབ་དང ། དངུལ་གྱི་མེ་ཏོག་དང ། གསེར་གྱི་ Ba238a ༄#། །མེ་ཏོག་དང ། ཟངས་ཀྱི་མེ་ཏོག་གིས་འཇིགས་པ་མེད་བར་བརྒྱན་པར་བྱའོ། །མུ་ཏིག་དང ། བྱི་རུ་དང ། རིན་པོ་ཆེ་བཻ་ཌཱུརྱ་སྔོན་པོ་དང ། མརྒད་དང ། པདྨ་རཱ་ག་རྣམས་ཀྱིས་དེ་བཞིན་དུ་བརྒྱན་ཏོ། །དཀྱིལ་འཁོར་ཀུན་ཏུ་དུང་དང ། བིལ་བ་དང ། རྩཝ་དརྦྷ་དང ། གསེར་དང ། དངུལ་གྱིས་བརྒྱན་པར་བྱའོ། །དཀྱིལ་འཁོར་གྱི་དོན་དུ་མཆོད་པའི་ཕྱིར་དཀྱིལ་འཁོར་གྱི་ལྷ་བཀྲ་ཤིས་པ་རྣམས་དང ། སྒོ་བཞིའི་གནས་སུ་དྲི་ཆབ་ཀྱི་བུམ་པ་དར་གྱིས་བརྒྱན་ཏེ་གཞག་པར་བྱའོ། །དཀྱིལ་འཁོར་གྱི་ཕྱི་རོལ་ཐོག་ཐག་ཏུ་རོ་སྣ་ཚོགས་ཀྱི་གཏོར་མ་བཞག་པ་དང ། བུམ་པ་དང ། བྱ་མ་བུམ་དང ། བུམ་པ་དང ། རྟེ་གུ་དང ། ཁམ་ཕོར་དང ། བུམ་པ་གང་བ་རྣམས་བྱས་ཏེ་གཞག་གོ་།པོག་ཕོར་དང ། གཏོར་མ་བཟང་པོ་སྣ་ཚོགས་དང ། མེ་ཏོག་སྣ་ཚོགས་དགྲམ་པར་བྱ། ཕྲེང་བ་བཟང་པོས་བརྒྱན་པར་བྱ། ཚོན་སྣ་ལྔ་པའི་བ་དན་གདགས། ཚོན་སྔ་ལྔ་པའི་སྲད་བུ་སེང་ལྡེང་གི་ཕུར་པ་ལ་བཏགས་པ་གཟུགས་པར་བྱའོ། །ཀུན་ཏུ་མར་མེ་ཕྲེང་བ་དང ། མར་མེའི་སྡོང་བུ་བཞི་ཡང་དེ་བཞིན་ནོ། །མཁས་པས་དཀྱིལ་འཁོར་གྱི་ནང་དུ་བདུག་པ་དབུལ་བ་ནི། ཨ་ག་རུ་དང ། ཙནྡན་དང ། དུ་རུ་སྐ་དང ། སྤྲ་ཀ་རྣམས་ཀྱིས་བདུགས་པ་ག་བུར་དང ། གླ་རྩིས་བསྒོས་པ་བྱའོ། །དཀྱིལ་འཁོར་གྱི་ཕྱི་རོལ་གྱི་བདུག་པ་ནི། གུ་གུལ་དང ། Ba238b སལ་ཀི་དང ། ཀུན་ཏུ་རུའི་བདུག་པ་དབུལ་བར་བྱའོ། །དེ་ནས་རིག་སྔགས་འཆང་བས་གོས་གསར་པ་བགོས་ཏེ་གཙང་མར་བྱས་ནས་མཎྜལ་གྱི་ལས་སུ་བྱ་བའི་ཆོ་ག་དང ། ལྕགས་ཀྱུའི་རིག་སྔགས་བཟླས་བརྗོད་བྱ་བ་དང ། སློབ་མ་གཞུག་ཅིང་དཀྱིལ་འཁོར་གྱི་དམ་ཚིག་དང ། ཕྱག་རྒྱ་དང ། བའི་རྣམ་ལྔ་ལ་རེག་པར་བྱ་སྟེ། མཁས་པས་ཕྱག་རྒྱ་དང ། གསང་སྔགས་བརྗོད་ཅིང་དོན་ཡོད་པའི་ལྕགས་ཀྱུའི་རིག་སྔགས་ཆེན་མོ་ནི། ཐམས་ཅད་ལ་སྦྱར་བར་བྱའོ། །མཚམས་བཅིང་བ་དང ། ཕྱོགས་བཅིང་བ་དང ། སྤྱི་གཙུག་བཅིང་བ་དང ། འཇུག་པ་དང ། དམ་ཚིག་དང ། ཁྲུས་བྱ་བ་དང ། གོས་བགོ་བ་དང ། ཕྱག་འཚལ་བ་དང ། བསྐོར་བ་དང ། དེ་དག་ཐམས་ཅད་ལ་སྦྱར་བར་བྱའོ། །སྦྱིན་སྲེག་དང ། བཟླས་བརྗོད་ཀྱི་ཆོ་ག་ཞི་བ་དང ། རྒྱས་པ་དང ། མངོན་སྤྱོད་དང ། དགུག་པ་དང ། སྤྱན་དྲང་བ་དང ། གཤེགས་སུ་གསོལ་བ་དང ། དེ་བཞིན་དུ་ཡང་དག་པར་སྤྲུལ་པ་དང ། ལས་ཐམས་ཅད་ལ་རིག་སྔགས་འཆང་བས་ཐམས་ཅད་དུ་སྦྱར་ན་མྱུར་ཞིང་རྫོགས་པར་འཆང་ཞིང ། དེས་ན་གྲུབ་པ་བླ་ན་མེད་པར་འགྱུར་རོ། །བགྲང་ཕྲེང་དང ། མཁྲིག་མའི་གདུ་བུ་དང ། སྲད་བུ་སེ་རལ་ཁ་གཙང་མ་དང ། རྩ་དརྦྷ་དང ། ཡུངས་ཀར་དང ། ཆུ་དང་བསྲེ་བ་དང ། རྩ་དརྦྷའི་སྟན་ལ་མཆོད་ཕྱིར་ཐོགས་ཏེ་སྐྱིལ་མོ་ Ba239a ༄#། །ཀྲུང་བཅས་ནས་ལས་བྱ་ཞིང་པདྨ་དང ། མཆོད་ཡོན་གྱི་དཀྱིལ་འཁོར་ལ་དབུལ་བ་དང ། དེ་དག་རྟག་ཏུ་རྒྱུན་མི་འཆད་པར་དུས་ཐམས་ཅད་དུ་ངེས་པར་བྱའོ། །དོན་ཡོད་པའི་ལྕགས་ཀྱུའི་རིག་སྔགས་དྲན་པར་བྱ་སྟེ། གྲུབ་པ་མཆོག་དང ། ལས་ཐམས་ཅད་སྒྲུབ་པ་དང ། གང་དང་གང་དགོས་པ་ལ་དྲན་པར་བྱའོ། །གསང་སྔགས་དེ་ཉིད་ཀྱིས་སླར་གཤེགས་སུ་གསོལ་ལོ། །གསང་སྔགས་གཞན་དང་བསྲེ་བར་མི་བྱ་སྟེ། ཕྱག་རྒྱ་དང ། གསང་སྔགས་འདི་ནི། དཔའ་བོ་གཅིག་ཏུ་བཀླགས་པས་གྲུབ་པའི་མཆོག་།སངས་རྒྱས་ཐམས་ཅད་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་པ། འཕགས་པ་སྤྱན་རས་གཟིགས་དབང་ཕྱུག་གིས་ཀྱང་བྱིན་གྱིས་བརླབས་པ་སྟེ། ཡང་དག་པར་འགྲུབ་ཅིང་མཆོག་སྦྱིན་པར་བྱེད་པ་ཡིན་ནོ། །དོན་ཡོད་པའི་ལྕགས་ཀྱུའི་དཀྱིལ་འཁོར་དམ་པའི་དཀྱིལ་འཁོར་འདི་མཐོང་བ་ནི། སྡིག་པ་ཐམས་ཅད་རྣམ་པར་དག་ཅིང་སྒྲིབ་པ་དང་སྡིག་པ་ཐམས་ཅད་དང ། སྔོན་གྱི་སྒྲིབ་པ་མི་བཟད་པ་རྣམས་སྔར་བསགས་པ་རྣམས་རྣམ་པར་ཞིག་པར་འགྱུར་རོ། །འཇིག་རྟེན་པའི་གྲུབ་པ་བདེ་བ་དང ། འཇིག་རྟེན་ཕ་རོལ་ཏུ་འབྲས་བུ་ཆེན་པོ་བདེ་བ་དང ། ཤི་བའི་དུས་བྱས་ནས་བདེ་བ་ཅན་ Ba239b དུ་ཡོང་སྟེ་པདྨའི་ནང་ནས་རྒྱལ་བའི་སྤྱན་སྔར་བརྫུས་ཏེ་སྐྱེ་བ་དང ། ཁ་ཏོན་བྱེད་ན་ཚེ་རབས་དྲན་པར་འགྱུར་བ་དང ། གང་ཞིག་འཆད་པ་ནི། དེ་བཞིན་གཤེགས་པའི་སངས་རྒྱས་ཀྱི་ཞིང་སྟོང་ཕྲག་བྱེ་བ་ཁྲག་ཁྲིག་སྙེད་ཐམས་ཅད་ཀྱི་སྒོ་ཕྱེ་སྟེ་འདུག་ཅིང་གང་དུ་འདོད་པ་དེར་འཇུག་པར་འགྱུར་རོ། །རྒྱལ་བ་ཐམས་ཅད་ཀྱིས་རྣམ་པར་གཟིགས་ཤིང་སྤྱི་བོར་ཕྱག་བཞག་སྟེ་དབུགས་འབྱིན་པར་མཛད་ཅིང་དུས་ཀུན་ཏུ་བླ་ན་མེད་པའི་བྱང་ཆུབ་ཏུ་ལུང་སྟོན་པར་འགྱུར་རོ། །འདི་ནི། སྐྱེ་བའི་ཐ་མ་ཡིན་ཏེ། ཆོས་ཀྱི་འཁོར་ལོ་བསྐོར་བའི་བར་དང ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་ཡིན་གྱི། གཞན་དུ་སྐྱེ་བར་མི་འགྱུར་རོ། །འཇིག་རྟེན་འདི་ན་དགའ་བར་འགྱུར་ཞིང་བླ་མ་དང ། ཆོས་ཅན་དང ། ནོར་གྱི་མཆོད་པ་དང ། སེམས་ཅན་ཀུན་གྱིས་མཆོད་པར་འོས་པ་ནི། སྟོན་པ་དེ་བཞིན་གཤེགས་པ་བཞིན་དུ་འགྱུར་རོ། །ནོར་དང་འབྲུ་འཕེལ་བ་དང ། གོས་དང་རྒྱན་གྱིས་བརྒྱན་པ་དང ། རྒྱལ་པོ་དང ། བཙུན་མོར་བཅས་པ་ཐམས་ཅད་བྱ་བ་ཅི་ཡོད་ཅེས་བྲན་བཞིན་དུ་གནས་པར་འགྱུར་རོ། །ལྕགས་ཀྱུའི་དཀྱིལ་འཁོར་དུ་ཞུགས་པ་ནི། ཕྱིར་མི་ལྡོག་པ་ཐོབ་པར་འགྱུར་རོ། །འདི་ངན་འགྲོར་ཡང་འགྲོ་བར་མི་འགྱུར་ཞིང་རྟག་ཏུ་བདེ་ཞིང་དགའ་བ་དང ། སེམས་ཅན་ཐམས་ཅད་དགའ་བ་དང ། བྱམས་པར་འགྱུར་ Ba240a ༄#། །རོ། །ལྷ་ཐམས་ཅད་ཀྱིས་ལུས་ཅན་ཤིན་ཏུ་སྲུང་བར་འགྱུར་རོ། །ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་རྣམས་ཀྱིས་མཆོད་པ་འགྱུར་རོ། །བསོད་ནམས་ཀྱི་ཕུང་པོ་འཕེལ་བར་འགྱུར་ཞིང་ཉི་མ་བཞིན་དུ་གཟི་བརྗིད་འབར་བར་འགྱུར་རོ། །སྡུག་ཅིང་བཟང་བ་མཆོག་ཏུ་བལྟ་བར་འོས་པར་འགྱུར་རོ། དཔལ་གྱིས་དུས་རྟག་ཏུ་འབར་ཞིང་ཤིན་ཏུ་རྒྱས་པར་འགྱུར་རོ། །དེ་བཞིན་གཤེགས་པ་འབུམ་ཕྲག་བྱེ་བ་ཁྲག་ཁྲིག་དགུ་བཅུ་རྩ་གཉིས་གངྒཱའི་ཀླུང་གི་བྱེ་མ་དང་མཉམ་པ་སྙེད་ཀྱི་དེ་བཞིན་གཤེགས་པ་རྣམས་ཀྱི་དྲུང་ནས་དགེ་བའི་རྩ་བ་ཆེན་པོ་ཡོངས་སུ་བཟུང་བར་འགྱུར་རོ། །བསོད་ནམས་ཆེན་པོ་དང་ལྡན་པར་འགྱུར་རོ། །ལྕགས་ཀྱུའི་དཀྱིལ་འཁོར་དུ་གང་ཞིག་ཞུགས་པ་ཙམ་དང ། དཀྱིལ་འཁོར་དེ་ལྟ་བུ་ལ་མེ་ཏོག་གཅིག་དབུལ་བ་དང ། རིལ་བུ་གཅིག་ཙམ་གྱིས་བདུག་པ་འབུལ་བའི་སེམས་ཅན་དེ་དག་ནི། གངྒཱའི་ཀླུང་གི་བྱེ་མ་དགུ་བཅུ་རྩ་དགུ་པ་འབུམ་ཕྲག་བྱེ་བ་ཁྲག་ཁྲིག་སྙེད་ཀྱི་སངས་རྒྱས་ཀྱི་ཞིང་གི་མེ་ཏོག་སྣ་ཚོགས་ཀྱིས་ལེགས་པར་བརྒྱན་པར་འགྱུར་རོ། །སངས་རྒྱས་ཀྱི་ཞིང་རེ་རེར་ཡང་གངྒཱའི་ཀླུང་གི་བྱེ་མ་དགུ་བཅུ་རྩ་དགུ་འབུམ་ཕྲག་བྱི་བ་ཁྲག་ཁྲིག་སྙེད་ཀྱི་དེ་བཞིན་གཤེགས་པ་རྣམས་ལ་སྣ་ཚོགས་ཀྱིས་མཆོད་ Ba240b དང་བྱས་པར་འགྱུར་རོ། །བདུག་པ་མང་པོ་རྣམ་པར་ཕྱེ་བའི་སྤྲིན་ལས་ཙནྡན་སྤྲུལ་གྱི་སྙིང་པོ་དང ། གོ་ཤིཪྴའི་བདུག་པ་འབྱུང་བར་འགྱུར་རོ། །དེ་བཞིན་གཤེགས་པ་ཐམས་ཅད་ལ་མཆོད་པའི་སྤྲིན་རིམ་པར་ཕྱེ་བ་རབ་ཏུ་འཁྲིགས་པར་འགྱུར་རོ། །དེ་ལ་སངས་རྒྱས་བཅོམ་ལྡན་འདས་ཐམས་ཅད་ཀྱིས་ལེགས་སོ་ཞེས་བྱ་བ་རབ་ཏུ་སྦྱིན་པར་མཛད་དེ།་རིགས་ཀྱི་བུ་ལེགས་སོ་ལེགས་སོ། །དེ་བཞིན་གཤེགས་པ་རྣམས་ལ་མཆོད་པ་འདི་ནི། མཆོག་ཏུ་གྲུབ་པ་བླ་ན་མེད་པ་ཡིན་ནོ། །དེ་དག་གིས་མེ་ཏོག་དང ། བདུག་པས་དཀྱིལ་འཁོར་མཆོད་པ་ནི། བསོད་ནམས་ཀྱི་ཕུང་པོ་ཆེན་པོའི་དགེ་བའི་རྩ་བ་ཡོངས་སུ་རྫོགས་པ་དང ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །སྒྲུབ་པ་ཆེན་པོ་འགྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཆོག་སྦྱིན་པ་མཛད་པར་འགྱུར་རོ། །རྟག་ཏུ་མཐོང་བར་བཞད་པར་འགྱུར་རོ། །རྟག་ཏུ་རྗེས་སུ་འབྲང་བར་འགྱུར་རོ། །རྟག་ཏུ་དོན་ཡོད་པའི་ལྕགས་ཀྱུ་གྲུབ་པ་གྲུབ་པར་འགྱུར་རོ། །ཚིག་གཟུང་བར་བྱ་བར་འགྱུར་རོ། །རྟག་ཏུ་བཞིན་འཛུམ་པར་འགྱུར་རོ། །རྒྱལ་པོ་ཆེན་པོ་བཞི་དང ། གཤིན་རྗེ་དང ། ཆུ་ལྷ་དང ། ལུས་ངན་པོ་དང ། གཞོན་ནུ་དང ། དབང་ཕྱུག་དང ། དབང་ཕྱུག་ཆེན་པོ་དང ། ལྷའི་བུ་རྣམས་སྲུང་བ་དང ། སྦེད་པ་དང ། སྐྱོབ་ Ba241a ༄#། །པའི་ཕྱིར་རྗེས་སུ་འབྲང་བ་ཆེན་པོར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཕྱག་རྒྱས་བཏབ་ཅིང་བྱིན་གྱིས་བརླབས་པར་འགྱུར་རོ། ། དེའི་ས་ཕྱོགས་ཀྱང་མཆོད་རྟེན་སྙམ་དུ་སེམས་ཤིང་མཆོད་རྟེན་རིང་བསྲེལ་ཅན་དུ་འགྱུར་རོ། །སེམས་ཅན་གང་དག་དེ་ལ་བལྟ་བའི་ཕྱིར་སོང་བའི་སེམས་ཅན་དེ་དག་སྡིག་པ་དང ། སྒྲིབ་པ་དང ། དུག་ཐམས་ཅད་ལས་ཡོངས་སུ་ཐར་བར་འགྱུར་རོ། །འཇིགས་པ་དང ། རིམས་དང ། མྱ་ངན་ཐམས་ཅད་ལས་བྲལ་བར་འགྱུར་རོ། །ནད་དང་བྲལ་བར་འགྱུར་རོ། །རྟག་ཏུ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །རྟག་ཏུ་འཇིག་རྟེན་ཐམས་ཅད་ཀྱི་བླ་མར་འགྱུར་རོ། །དགྲ་ཐམས་ཅད་ལས་ཕྱིར་རྒོལ་བ་ཐམས་ཅད་དང ། མི་མཛའ་བའི་འཇིགས་པ་ལས་ཐར་བར་འགྱུར་རོ། །དུས་མ་ཡིན་པའི་འཇིགས་པ་ལས་ཡོངས་སུ་ཐར་པར་འགྱུར་རོ། །འདི་ནས་ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ཐ་ན་རི་དྭགས་དང ། བྱ་དག་གནས་ཏེ་ཕྱོགས་སུ་ཉེ་བར་སོང་བ་དེ་དག་སྒྲིབ་པ་ཐམས་ཅད་དང ། དེའི་སྔོན་གྱི་ཚེ་ལ་ཡོངས་སུ་བསགས་པ་དེ་དག་ལྷག་མ་མ་ལུས་པར་ཡོངས་སུ་བྱང་བར་འགྱུར་རོ། །དེ་དག་ཐམས་ཅད་བདེ་འགྲོ་ལ་གཞོལ་བར་ Ba241b འགྱུར་རོ། །ངན་སོང་དང་ངན་འགྲོའི་འཇིགས་པ་མེད་པར་མཐར་བྱང་ཆུབ་ལ་ཐུག་གི་བར་དུའོ། །དེ་ནས་དོན་ཡོད་པའི་ལྕགས་ཀྱུ་རས་ལ་སྐུ་གཟུགས་བྲི་བའི་ཆོ་ག་བརྗོད་པར་བྱ་སྟེ། གནས་ཐམས་ཅད་དུ་བླ་ན་མེད་པ་འགྲུབ་པ་ནི། སྡིག་པ་ཐམས་ཅད་མོད་ལ་སྲེག་པར་བྱེད་པ་དང ། ཉོན་མོངས་པ་ཐམས་ཅད་འཕྲོག་པ་དེ་བཞིན་དུ་ནད་ཐམས་ཅད་སེལ་བ། སྒྲིབ་པ་ཐམས་ཅད་རྣམ་པར་སྦྱོང་བ། འཇིགས་པ་ཐམས་ཅད་ལས་རྣམ་པར་ཐར་པ། སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་གང་དཀྱིལ་འཁོར་ཆེན་པོར་ཀུན་ཏུ་ལུང་བསྟན་པ། མི་འཇིགས་པ་སྦྱིན་པ། མཆོག་ཏུ་དཀོན་པ། ཡིད་ལ་རེ་བ་ཐམས་ཅད་འཕྲལ་དུ་ཡོངས་སུ་རྫོགས་པར་འགྱུར་བ། བཀྲ་ཤིས་ཐམས་ཅད་སྒྲུབ་པ།་བསོད་ནམས་ཐམས་ཅད་གསོག་པ། མྱུར་དུ་ནོར་དང་འབྲུ་སྦྱིན་པར་མཛད་པ། སྒྲུབ་པ་ཡང་དག་པར་གྲུབ་པར་བྱ་བའི་ཕྱིར་གསང་སྔགས་འགྲུབ་པ། བཟླས་བརྗོད་འགྲུབ་པ། ཡིད་ལ་རེ་བ་ཐམས་ཅད་ཡོངས་སུ་རྫོགས་པར་འགྲུབ་པ། ཕ་རོལ་ཏུ་ཕྱིན་པ་བཅུ་ཡོངས་སུ་རྫོགས་པ། དེ་ཁོ་ན་ཉིད་རྣམ་པར་མཐོང་བ་ཞེས་བྱ་བའི་བསོད་ནམས་ཆེན་པོ་སྐྱེ་བར་འགྱུར་རོ། །ནམ་བྱང་ཆུབ་ཡང་དག་པར་འཐོབ་ཀྱི་བར་དུ་དགེ་བའི་རྩ་བ་ཆེན་པོ་རབ་ཏུ་སྐྱེ་བར་འགྱུར་རོ། །དོན་ཡོད་པའི་ལྕགས་ཀྱུ་ཆོ་འཕྲུལ་ཆེན་པོའི་རས་ཀྱི་ Ba242a ༄#། །སྐུ་གཟུགས་ཆེན་པོ་མཐོང་བ་ལ་སོགས་པ་ནི། ཕྱིས་ངན་འགྲོའི་གནས་སུ་མི་འགྲོ་ཞིང་སྡིག་པའི་ལས་ཀྱིས་མི་གོས་པ་དང ། སྔོན་གྱི་སྒྲིབ་པ་དང ། སྡིག་པ་ཐམས་ཅད་རྣམ་པར་འཇིག་པ་དང ། སྡིག་པ་ཐམས་ཅད་རྣམ་པར་སེལ་བ་དང ། ངན་སོང་ལས་ཐར་བར་འགྱུར་བ་དང ། དམྱལ་བ་མི་ཟད་པ་རྣམས་ལས་ཐར་བར་འགྱུར་རོ། །ཚེ་རབས་ཀུན་ཏུ་བདེ་བ་དང ། ད་ལྟར་གྱི་འདི་ལ་མཆོག་ཏུ་དཀོན་པའི་བདེ་བ་ལྷུན་གྱིས་གྲུབ་པ་ཐོབ་པར་འགྱུར་རོ། །བཀྲེན་པ་ཡང་ལོངས་སྤྱོད་དང ། ཕྱུག་པོ་མཚུངས་པ་མེད་པ་མཆོག་ཏུ་མོད་ལ་ཐོབ་པར་འགྱུར་རོ། །ལྷའི་དཔལ་ཐོབ་པར་འགྱུར་རོ། །འཁོར་བཟང་པོ་བདོག་པར་འགྱུར་རོ། །རྒྱལ་པོ་རྣམས་ཀྱིས་བླ་མར་བྱ་ཞིང་རྟག་ཏུ་དུས་ཐམས་ཅད་དུ་མཆོད་པར་འོས་པར་འགྱུར་རོ། །དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དང ། བུད་མེད་དང ། སྐྱེས་པ་རྣམས་རྟག་ཏུ་དབང་དུ་བྱ་སྟེ་འདུག་ཅིང ། ཐམས་ཅད་བསྙེན་བཀུར་བྱེད་ཅིང་འདུག་པ་ནི། རས་ཀྱི་སྐུ་གཟུགས་ལ་མཆོད་པ་བླ་ན་མེད་པ་ཡིན་ནོ། །རས་གྲུ་བཞི་ཁྱོན་ཀུན་ཁྲུ་གང་ངམ། ཁྲུ་དོ་པ་ལ་ལེགས་པར་བརྟགས་པ། རས་འཇམ་པོ་ཐགས་རན་བཟང་པོ་མཉེན་པོ་ཤིན་ཏུ་དག་པར་བཀྲུས་པ་གཙང་མར་བྱས་པའམ། ཡང་ན་ Ba242b དར་ཡུག་གམ། ཡང་ན་མོན་དར་རམ། ཤུན་ཕྲགས་ལ་ཟླ་བ་ཡར་གྱི་ཚེས་བཅོ་ལྔ་ཚང་བའི་བར་དུ་རས་ཀྱི་སྐུ་གཟུགས་བླ་ན་མེད་པ་བྲི་བར་བྱའོ། །སྣོད་གཙང་མ་གསར། པའི་ནང་དུ་ཚོན་ལྷག་མ་མ་ཡིན་པ་བླུགས་ཏེ་རས་ཀྱི་སྐུ་གཟུགས་གསལ་བར་བྲི་བ་ནི། ཚོན་སྣ་ཚོགས་ཀྱིས་རྣམ་པར་དབྱེ་བར་བྱའོ། །དབུས་སུ་འཕགས་པ་སྤྱན་རས་གཟིགས་དབང་ཕྱུག་མགོན་པོ་བྲི་བ་ནི། སྐྱིལ་མོ་ཀྲུང་བཅས་ཏེ་བཞུགས་པ། སྤྱན་གསུམ་པ། ཞལ་གསུམ་པ། མཆོག་ཏུ་བཟང་བ། ཞལ་དང་པོ་ནི། མཛེས་ཤིང་སྡུག་པ། དབུ་ལྕང་ལོ་དང་ཐོར་ཚུགས་ཀྱིས་བརྒྱན་པ། ཅོད་པན་ལ་འོད་དཔག་མེད་ཀྱིས་བརྒྱན་པ། དབུ་སྐྲ་འཁྱིལ་བར་བྱའོ། །མེ་ཏོག་གི་ཕྲེང་བ་བཅིང་བར་བྱའོ། ། ཕྲེང་བའི་གོང་དུ་འོད་དཔག་མེད་བྱའོ། །ཅོད་པན་ལ་ཟླ་བ་ཕྱེད་པ་དང ། འོད་འདོམ་གང་བྱའོ། །ཀུན་ཏུ་ལྕགས་ཀྱུ་བྱའོ། །ཀུན་ཏུ་འབར་བའི་ཕྲེང་བ་བྱའོ། །ཕྱག་བཞི་ལ་ཕྱག་གཡོན་ན་པདྨའི་ལྕགས་ཀྱུ། གཡས་ན་མདུང་རྩེ་གསུམ་པའི་ལྕགས་ཀྱུ། གཡོན་གཅིག་ན་དོན་ཡོད་པའི་ཞགས་པའི་ལྕགས་ཀྱུ། གཡས་གཅིག་ན་རྡོ་རྗེ་ལྕགས་ཀྱུ་དབུགས་འབྱིན་པར་བྱའོ། །གདན་སེངྒེའི་པདྨོ་བྱའོ། །གཡོན་དུ་ལྷ་མོ་སྒྲོལ་མའོ། །གཡས་སུ་དཀར་མོ་སྟེ། མེ་ཏོག་སྣ་ཚོགས་ཐོགས་པ། བཅོམ་ལྡན་འདས་ Ba243a ༄#། །ཀྱི་ཞལ་དུ་ལྟ་བ། རྒྱན་ཐམས་ཅད་ཀྱིས་བརྒྱན་པ། པདྨ་ལ་བཞུགས་པ། འབར་བའི་ནང་ན་བཞུགས་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་རྒྱབ་ཏུ་རིན་པོ་ཆེའི་ཤིང་ལྕུག་ཕྲན་དང ། ཡལ་ག་དང ། ཆས་པ་རིན་པོ་ཆེ་སྣ་ཚོགས་ཀྱིས་སྤྲས་པར་བྱའོ། །ནེ་ཙོ་དང ། རི་སྐེགས་དང ། ཤང་ཤང་ཏེའུ་དང ། རྨ་བྱ་དང ། བྱ་ཀ་ལ་པིངྐ་རིན་པོ་ཆེའི་གསེབ་ན་རྒྱུ་བར་བྱའོ། །ཤིང་གི་གོང་སྤྱི་བོ་ལ་ཁང་བུ་བརྩེགས་མ་དང་བཅས་པའི་གཞལ་མེད་ཁང་གི་ནང་དུ་དེ་བཞིན་གཤེགས་པ་གསུམ་རྒྱན་ཐམས་ཅད་ཀྱིས་བརྒྱན་པ་བཞུགས་པར་བྱའོ། །སྤྱན་རས་གཟིགས་དབང་ཕྱུག་གི་གཡོན་དུ་སྲིན་མོ་རལ་པ་གཅིག་མ་བྱའོ། །གཡས་སུ་ལག་ན་རྡོ་རྗེ་ཁྲོས་པའི་གད་མོ་འབྱིན་པའི་གཟུགས་མཆེ་བ་གཙིགས་པ། སྐྲ་གྱེན་དུ་བརྗེས་པ། ལྕང་ལོ་དང་ཅོད་པན་གྱིས་བརྒྱན་པ། རྡོ་རྗེ་ཐོགས་ཤིང་རྡོ་རྗེ་གསོར་བ། ནམ་མཁའ་ལ་བལྟ་བར་བྱའོ། །སྨད་དུ་གཤིན་རྗེ་དང ། ཆུ་ལྷ་དང ། ལུས་ངན་པོ་དང ། གཞོན་ནུ་དང ། རྒྱལ་པོ་ཆེན་པོ་བཞི་བྱའོ།། གོང་དུ་དབང་པོ་དང ། དབང་ཕྱུག་དང ། དབང་ཕྱུག་ཆེན་པོ་ལྷའི་བུ་བཅོམ་ལྡན་འདས་ལ་མཆོད་པ་བྱེད་པ་བྱའོ། །གཡས་ཕྱོགས་སུ་ཚངས་པ་དང ། ཁྱབ་ Ba243b འཇུག་དང ། དབང་ཕྱུག་ཆེན་པོ་རྣམས་བཏུད་དེ་བཅོམ་ལྡན་འདས་ལ་མཆོད་པ་བྱེད་པའོ། །གཡོན་དུ་དགའ་བོ་དང ། བསྙེན་དགའ་བོ་དང ། ཀླུའི་རྒྱལ་པོ་རྒྱ་མཚོ་རྣམས་བཅོམ་ལྡན་འདས་ལ་མཆོད་པ་བྱེད་པའོ། །གཡས་ཀྱི་གནས་གཅིག་ཏུ་རིག་སྔགས་འཆང་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་པུས་མོ་བཙུགས་ཏེ་བཅོམ་ལྡན་འདས་ཀྱི་ཞལ་དུ་ལྟ་ཞིང་མེ་ཏོག་སྣ་ཚོགས་ཀྱི་སྡོང་བུ་དང ། པོག་ཕོར་དང ། བགྲང་ཕྲེང་ལག་ན་ཐོགས་པར་བྱའོ། །ཕྱོགས་བཞི་ངོས་ཀུན་ཏུ་རིས་བསྐོར་བ་ལ་རི་དྭགས་ཀྱི་ཚོགས་སྣ་ཚོགས་ཀྱིས་གང་བ། ཤིང་སྣ་ཚོགས་མེ་ཏོག་དང ། ལྕུག་མ་ཅན་བྱའོ། །རྫིང་བུ་ཆུ་ཟག་པ་བྱའོ། །འབྲས་བུ་སྣ་ཚོགས་ཅན་གྱི་ཤིང་དང་ལྕུག་མ་བྱའོ། །གནས་སོ་སོར་དྲང་སྲོང་རྣམས་དང ། གྲུལ་བུམ་གྱི་ཤིང་བྱའོ། །ཚུལ་དེ་ལྟར་དོན་ཡོད་པའི་ལྕགས་ཀྱུ་རས་ལ་བྲིས་ཏེ་གནས་གཙང་མ་དབེན་པར་བཞག་ལ་རིག་སྔགས་འཆང་བས་འབད་པ་ཆེན་པོས་མཆོད་པར་བྱའོ། ། ག་རུ་དང ། དུ་རུ་སྐ་དང ། ཙནྡན་གྱི་བདུག་པ་དབུལ་བར་བྱའོ། །ཅི་ནུས་པར་དོན་ཡོད་པའི་ལྕགས་ཀྱུའི་རིག་པའི་རྒྱལ་པོ་བཟླས་བརྗོད་བྱའོ། །ཉི་མ་རེ་རེ་རས་ལ་སྐུ་གཟུགས་བྲིས་པ་མཐོང་བ་ཙམ་གྱི་མོད་ལ་མཚམས་མེད་པ་ལྔ་ལ་སོགས་པའི་སྡིག་པ་དང ། སྒྲིབ་པ་དང ། Ba244a ༄#། །མནར་མེད་པར་གཞོལ་བ་དང ། དམ་པའི་ཆོས་སྤོང་བ་རྣམས་ཡོངས་སུ་དག་ཅིང་ཟད་པར་འགྱུར་རོ། །འཇིག་རྟེན་དང ། འཇིག་རྟེན་ལས་འདས་པ་དང ། སྡུག་བསྔལ་གྱི་འཇིགས་པ་མི་བཟད་པ་དང ། ནད་ཐམས་ཅད་ཡོངས་སུ་ཟད་པ་དང ། རྣམ་པར་དག་པར་འགྱུར་རོ། །རྣམ་པར་འཇིག་པར་འགྱུར་རོ། །དྲི་མ་དང་བྲལ་བར་འགྱུར་རོ། །སེར་སྣ་དང་ཕྲག་དོག་དང་བྲལ་བར་འགྱུར་རོ། །གཟུངས་གྲུབ་པ་ཆེན་པོ་སོ་སོར་ཐོབ་པར་འགྱུར་རོ། །མཐོང་བ་ཙམ་གྱི་མོད་ལ་དེ་མ་ཐག་ཏུ་འབྲས་བུ་ཆེན་པོ་རྙེད་པ་རྒྱ་ཆེན་པོར་འགྱུར་རོ། །ལན་འགའ་ཡང་ལོག་པར་ལྟུང་བར་མི་འགྱུར་རོ། །དེ་བཞིན་གཤེགས་པ་ཐམས་ཅད་མཐོང་བ་ཐོབ་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །ལྷ་ཐམས་ཅད་ཀྱིས་རྒྱུན་དུ་བསྲུངས་ཤིང་རྗེས་སུ་བཟུང་བར་འགྱུར་རོ། །རས་ཀྱི་སྐུ་གཟུགས་འདིའི་འཕགས་པ་སྤྱན་རས་གཟིགས་དབང་ཕྱུག་མཐོང་བ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་ཞལ་མངོན་དུ་མཐོང་བ་དང་འདྲ་བར་རིག་པར་བྱའོ། །གང་ཞིག་རས་ཀྱི་སྐུ་གཟུགས་འདི་ལ་ལེགས་པར་འགྱུར་བའི་ཚུལ་གྱིས་བྱ་བ་བྱེད་པ་དང ། མཆོད་པ་དང ། བསྙེན་བསྐུར་བྱེད་པ་དེ་ནི། ཕྱོགས་ Ba244b \?\་ཏུ་ཀུན་གྱི་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་དགུ་བཅུ་རྩ་དགུ་དང་མཉམ་པའི་དེ་བཞིན་གཤེགས་པ་འབུམ་ཕྲག་བྱེ་བ་ཁྲག་ཁྲིག་སྙེད་ཀྱི་སངས་རྒྱས་ཀྱི་ཞིང་ལ་མཆོད་པར་འགྱུར་རོ། །དེ་ནས་རང་རང་གི་སངས་རྒྱས་ཀྱི་ཞིང་ན་རབ་ཏུ་བཞུགས་པའི་དེ་བཞིན་གཤེགས་པ་དེ་དག་གི་བསོད་ནམས་ཀྱི་ཕུང་པོ་ཆེན་པོ་ཡོངས་སུ་བཟུང་བར་འགྱུར་རོ། །དགེ་བའི་རྩ་བ་རྒྱ་ཆེན་པོ་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་ཕྱིར་མི་ལྡོག་པའི་གནས་ཐོབ་པར་འགྱུར་རོ། །དགེ་བ་བསམ་པ་ཡོངས་སུ་དག་པ་ཆེན་པོ་དང་ལྡན་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་རིག་སྔགས་འཆང་ཐམས་ཅད་གྲུབ་པར་བགྱི་བའི་ཕྱིར་དང ། སེམས་ཅན་གྱི་དོན་དང ། ཕན་པ་དང ། བདེ་བར་བགྱི་བའི་ཕྱིར་དང ། སྡིག་པ་དང ། སྒྲིབ་པ་ཐམས་ཅད་ལས་ཡོངས་སུ་གྲོལ་བར་བགྱི་བའི་ཕྱིར་དོན་ཡོད་པའི་ལྕགས་ཀྱུ་རིག་སྔགས་ཀྱི་རྒྱལ་པོ་རིམ་པར་ཕྱེ་བ་རྣམས་བསྟན་པ་ལགས་སོ། །བཅོམ་ལྡན་འདས། ཡང་བདག་ལ་མཆིས་པ་ནི། དོན་ཡོད་པའི་ལྕགས་ཀྱུའི་ཁྲོ་བོའི་རྒྱལ་པོ་དཀྱིལ་འཁོར་ཏེ། Ba245a ༄#། །རིག་སྔགས་འཆང་ཐམས་ཅད་ཁྲོ་བོ་ཆེན་པོའི་ལས་གྲུབ་པ་མཆོག་ཏུ་འགྱུར་བ་དང ། བསམ་པ་དང ། ཡིད་ལ་རེ་བ་ཐམས་ཅད་ཡོངས་སུ་རྫོགས་པར་འགྱུར་བ་དང ། མ་རུངས་པ་བརྩོན་པ་མེད་པ། བརྩེ་བའི་བསམ་པ་མེད་པ་ནི། གནོད་སྦྱིན་དང ། སྲིན་པོ་ཐམས་ཅད་དང ། འབྱུང་པོ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་ཐམས་ཅད་ཐག་འཇུག་པ། མ་རུངས་པའི་བགེགས་དང ། ལོག་འདྲེན་ཐམས་ཅད་རབ་ཏུ་དུལ་བར་མཛད་པ། བདུད་ལ་སོགས་པ་མ་རུངས་པ་ཐམས་ཅད་རབ་ཏུ་ཞི་བ་དང ། ཕུང་བར་བྱེད་པ། སེམས་ཅན་མ་རུངས་པ་ཐམས་ཅད་སྐྲག་པར་བྱེད་པ། ཕྱིར་རྒོལ་བ་དང ། དགྲ་ཐམས་ཅད་འཆིང་བ་དང ། གཅོད་པ་དང ། འབིགས་པ་དང ། རྡུང་བ་དང ། གཏོར་བ་དང ། ལུས་རྣམ་པར་ཞིག་པར་བྱེད་པ་དེ་ནས་བཅོམ་ལྡན་འདས་འདིར་བདག་གིས་པདྨོ་རྒྱས་པའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོའི་དཀྱིལ་འཁོར་གྱི་སྐབས་སུ་བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་ནང་དུ་དོན་ཡོད་པའི་ཁྲོ་བོའི་ལྕགས་ཀྱུ་བརྗོད་པར་བགྱི་སྟེ། དཀྱིལ་འཁོར་དང་ཆོ་ག་ཞིབ་མོ་ཐམས་ཅད་དུ་སྲུང་བར་བྱེད་པ། འཆོས་པར་བྱེད་པ། དམ་ Ba245b ཚིག་འཛིན་པ། གནས་ཐམས་ཅད་ལ་རྗེས་སུ་སྐྱོང་བ་སྟེ། དེ་ནི། སྒྲུབ་པར་བྱེད་པ། སྒྲུབ་པ་འགྲུབ་པར་བྱེད་པའི་མཆོག་དེ་བཅོམ་ལྡན་འདས་ཀྱི་ཐུགས་བརྩེ་བ་ཆེན་པོའི་སླད་དུ་བཅོམ་ལྡན་འདས་ཁྲོ་བོའི་རྒྱལ་པོ་ཆེན་པོ་བྱིན་གྱིས་བརླབས་ཤིང་རྗེས་སུ་གནང་བ་མཛོད་ཅིག་དང ། རིག་སྔགས་འཆང་ཐམས་ཅད་མཆོག་ཏུ་འགྲུབ་པའི་སྙིང་པོ་དག་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བགྱི་བའི་སླད་དུ་བཅོམ་ལྡན་འདས་རྗེས་སུ་སྩལ་བར་བགྱིའོ། །དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སྤྱན་རས་གཟིགས་དབང་ཕྱུག་ཕྱག་རྒྱ་ཆེན་པོས་ཕྱག་རྒྱས་བཏབ་སྟེ་ངས་ཀྱང་བྱིན་གྱིས་བརླབས་སོ། །སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཀྱང་ཕྱག་རྒྱས་བཏབ་ཅིང་བྱིན་གྱིས་བརླབས་ཀྱི། སྨྲོས་ཤིག་།སྤྱན་རས་གཟིགས་དབང་ཕྱུག་།རིག་སྔགས་འཆང་ཐམས་ཅད་གསང་བ་ལག་ན་རྡོ་རྗེ་དང ། རྡོ་རྗེ་འཆང་བ་དང ། རྡོ་རྗེའི་སྙིང་པོ་ཐམས་ཅད་དམ་ཚིག་ལ་གནས་པའི་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་ Ba246a ༄#། །མིའམ་ཅི་དང ། ལྟོ་འཕྱེ་ཆེན་པོ་ཐམས་ཅད་ཀྱིས་ཡོངས་སུ་བཟུང་བ་སྨྲོས་ཤིག་།སྤྱན་རས་གཟིགས་དབང་ཕྱུག་།རིག་སྔགས་འཆང་ཐམས་ཅད་ཀྱི་བསམ་པ་ཡོངས་སུ་རྫོགས་པའི་གོ་སྐབས་དང ། མཆོག་གྲུབ་པར་བྱོས་ཤིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱིས་བཀས་བསྒོ་ཞིང་དབུགས་ཕྱུང་བ་ཐོས་ནས་སྙིང་དགའ། སྨིན་མ་བསྐུམས། དཔྲལ་བ་ཕྱེད་ཁྲོས་པར་བྱས། གདོང་ཁྲོ་གཉེར་དུ་བྱས། མཆེ་བ་ནི་གཙིགས། སྤྱན་རས་གཟིགས་ཀྱིས་ལུས་འཁོར་མང་པོའི་ནང་དུ་བཅོམ་ལྡན་འདས་ཀྱི་སྤྱན་སྔར་འདུག་ནས་དོན་ཡོད་པའི་ཞགས་པས་ཁྲོ་བོའི་རྒྱལ་པོ་འདི་སྨྲས་པ། དུས་གསུམ་ན་བཞུགས་པའི་དེ་བཞིན་གཤེགས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐམས་ཅད་དང ། འཕགས་པ་རྡོ་རྗེ་འཆང་བ་དང ། དཀྱིལ་འཁོར་ཆེན་པོའི་ལྷ་རྣམས་ལ་ཕྱག་འཚལ་ལོ། །འདས་པ་དང ། མ་འོངས་པ་དང ། ད་ལྟར་བྱུང་བའི་རང་སངས་རྒྱས་དང ། འཕགས་པ་ཉན་ཐོས་ཀྱི་དགེ་འདུན་རྣམས་ལ་ཕྱག་འཚལ་ལོ། །ཡང་དག་པར་སོང་བ་རྣམས་ལ་ཕྱག་འཚལ་ལོ། །ཡང་དག་ Ba246b ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །ཤཱ་ར་དྭ་ཏིའི་བུ་བློ་གྲོས་ཅན་ལ་ཕྱག་འཚལ་ལོ། །དྲང་སྲོང་ཆེན་པོའི་ཚོགས་ལ་ཕྱག་འཚལ་ལོ། །རྒྱལ་ཚབ་ཏུ་དབང་བསྐུར་བ་བྱམས་པ་ལ་སོགས་པ་བྱང་ཆུབ་སེམས་དཔའི་ཚོགས་ཐམས་ཅད་ལ་ཕྱག་འཚལ་ལོ། །ཁམས་གསུམ་པའི་བདག་པོ་ནག་པོ་ཆེན་པོའི་མ་མོའི་ཚོགས་ཀྱིས་བསྐོར་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཔག་མེད་ལ་ཕྱག་འཚལ་ལོ། །ཁྲོ་བོའི་རྒྱལ་པོ་རིག་སྔགས་ཀྱི་རྒྱལ་པོ་ཆེན་པོའི་ཚོགས་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཏདྱ་ཐཱ། ཨོཾ་བེ་ཀྲྀ་ཏ། བ་ད་ན་མ་ཧཱ་ཀྲོ་དྷ་རཱ་ཛཱ། བྷ་ཡཾ་ཀ་ར། མ་ཧཱ་དཾཥྚ། ཨཊྚ་ཧ་ས། ཛྭ་ལ་ཛྭ་ལ། མ་ཧཱ་ཛྭ་ལ། མཱ་ལ་མ་ཧཱ་རོ་ཏྲ། རཱུ་པ་པ་བྷ་ཡཾ་ཀ་ར་ན།་ཧ་ན་ཧ་ན། སརྦ་དུཥྚ། ཡཀྵ་རཀྵ་སན། ད་ཧ་ད་ཧ། སརྦ་དུཥྚ། ནཱ་གཱ་ནན། པ་ཙ་པ་ཙ། སརྦ་དུཥྚ། བིགྷྣཱན། བི་ནཱ་ཡ་ཀཱན་པཱ་ཏ་ཡ། པཱ་ཏ་ཡ། སརྦ་དུཥྚ་སཏྭཱ་ནཱཾ། བྷོ་བྷོ་མ་ཧཱ་ཀྲོ་དྷ་རཱ་ཛ། མ་ཎི་ཀ་ན་ཀ་བཛྲ་བཻ་ཌཱུརྱ་ཨ་ལང་ཀྲྀ་ཏི་ཤ་རཱི་རན། བཛྲ་པ་ར་ཤུ་པཱ་ཤ་ཧ་སྟཱ་ཡ། མ་ཧཱ་པདྨ་ཨཾ་ཀུ་ཤ་བྷུ་ཛཱ་ཡ། མ་ཧཱ་པདྨ་ཨཱ་ས་ནཱ་ཡ། མ་ཧཱ་པདྨ་བི་ཀ་ Ba247a ༄#། །ཙ་གརྦྷཱ་ཡ། ཨ་མོ་གྷ་ཨ་པྲ་ཏི་ཧ་ཏ། བ་ལ་པཱ་ར་ཀྲ་མཱ་ཡ། ས་ཧ་སྲ། བིདྱཱ་ཡ། སརྦ་བྷཱུ་ཏ་བྷ་ཡཾ་ཀ་རཱ་ཡ། སརྦ་དེ་བ་བྷ་བ་ན། ཀ་མ་པ་ཨུ་ད་བྷ་བཱ་ཡ། མ་ཧཱ་བི་ཀྲྀ་ཏ་བ་ད་ནཱ་ཡ། ན་ར་སིཾ་ཧ་མུ་ཁཱ་ཡ། དྷ་ར་དྷ་ར། བཛྲ་ཛྭ་ལ། དྷུ་རུ་དྷུ་རུ། མ་ཧཱ་ཙཎྜ། བེ་ག་དྷ་ར། ཙ་ར་ཙ་ར། ཙ་ཅ་ར། ཙ་ཙ་ར། ནི་ཤཱ་ཙ་ར། ཨཱི་ཤཝ་ར། བྷརྀ་ཀུ་ཊཱི་མུ་ཁ། ཧཱུཾ་ཧཱུཾ་ཕཊ། ས་ར་ས་ར། པྲ་ས་ར་པྲ་ས་ར། སརྦ་པཱ་པ་ཀལྤི་ཥ་ཧཱ་ར། མ་ཧཱ་མ་ཎི། ཏེ་ཛ་དྷ་ར། པདྨ་ཧསྟ། ཨོཾ་པདྨ་ཨཾ་ཀུ་ཤ་བྷུ་ཛེ། ཏ་རཱ་ཡ། མནྟྲ་མ་ཡ། བིགྷྣཱཾ། ཤཱ་སཱ་ཡ། དུཥྚན། ནཱ་ཤ་ཡ། སརྦ་པཱ་པ་བ་ར་ཎ། ཧཱུཾ་ཕཊ་སཝཱ་ཧཱ། པཱ་ཤ་ཧསྟཱ་ཡ་སཝཱཧཱ། པདྨ་དྷ་རཱ་ཡ་སཝཱཧཱ། ས་མཱ་ཤཝཱ་ས་ཀཱ་ཡ་སཝཱ་ཧཱ། ཨ་མོ་གྷ་བྷ་ར་དྷ་ར་ཡ་སཝཱཧཱ། ཀྲོ་དྷ་རཱ་ཛཱ་བྷ་ཡཾ་ཀ་རཱ་ཡ་སཝཱཧཱ། བྲཧྨ་བེ་ཥ་དྷ་རཱ་ཡ་སཝཱཧཱ། ཏྲཻ་ལོ་ཀྱ་པཱུ་ཛི་ཏཱ་ཡ་སཝཱཧཱ། ཡ་མ་བ་རུ་ཎ། ཀུ་བེ་ར། ན་མཿ ཀྲི་ཏཱ་ཡ་སཝཱཧཱ། བཛྲ་དྷ་ར་པཱུ་ཛི་ཏ་ཡ་སཝཱཧཱ། མ་ཧཱ་ཀཱ་ལ་མ་ཏྲི་ག་ཎ། བན་དི་ཏ། པཱུ་ཛི་ཏཱ་ཡ་སཝཱཧཱ། དེ་བ་ག་ཎ། བན་དི་ཏ་ཡ་སཝཱཧཱ། ནཱ་གཱ་ཨ་ཀཪྵཱ་ཡ་སཝཱཧཱ། ཨོཾ་བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། སརྦ་མཎྜལ་ཨ་དྷཱིཥྛི་ཏ་ས་མ་ཡ་སཝཱཧཱ། སརྦ་མུ་དྲ་ཨ་དྷིཥྛི་ཏ་མུ་དྲཱ་ཡ་སཝཱཧཱ། ཨོཾ་ཨ་མོ་གྷ་བ་ར་དེ། མ་ཧཱ་དཾ་ཥྚ། ཨཾ་ཀུ་ཤ་བཛྲེ་ཧཱུཾ། མ་ཧཱ་པདྨ། ཨ་ཤཝ་ས་དྷ་ར། ན་མོ་སྟུ་ Ba247b ཏེ།་ཨ་མོ་གྷ་ཨཾ་ཀུ་ཤ་ཧཱུཾ་ཕཊ་སཝཱ་ཧཱ། ཁྲོ་བོའི་རྒྱལ་པོ་ཆེན་པོའི་གཟུངས་འདི་སྨྲས་པ་དང ། ལྷའི་གནས་དང་བཅས་པ་དང ། རི་རབ་དང་བཅས་པའི་རྒྱ་མཚོ་གནས་དང་བཅས་པ་དང ། གཞལ་མེད་ཁང་རྣམས་ཀུན་ཏུ་འགུལ་ལོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །མ་རུངས་པའི་ཀླུ་དང ། ལྷ་མ་ཡིན་དང ། གནོད་སྦྱིན་དང ། སྲིན་མོ་དང ། འབྱུང་པོ་དང ། ཤ་ཟ་ཐམས་ཅད་དང ། བདུད་ལ་སོགས་པ་དང ། ལོག་འདྲེན་མ་རུངས་པ་དང ། གདོན་མ་རུངས་པ་རྣམས་ཁ་སྦུབ་ཏུ་འགྱེལ་ལོ། །མ་རུངས་པ་ཐམས་ཅད་ཀྱི་ཁྱིམ་ཀུན་ཏུ་ཚིག་སྟེ་འབར་བ། ཀུན་ཏུ་འབར། རབ་ཏུ་འབར། འབར་བ་གཅིག་ཏུ་གྱུར་ཅིང་བསྲེགས་པ་དང ། དུ་ཞིང་འདྲེ་ལྡོག་སྟེ་ཚོར་བ་དྲག་པོ་མི་བཟད་པ་ཆེན་པོ་མྱོང་ངོ ། །ལྷ་ཐམས་ཅད་ཤིན་ཏུ་འཁྲུགས་ཤིང་སྐྲག་གོ་།བདུད་ཀྱི་རིགས་རྣམས་བྲེད་ནས་ཁས་བཏགས་སོ། །འཇིག་རྟེན་གསུམ་གྱི་བདག་པོ་ཐམས་ཅད་ཀུན་ཏུ་འཁྲུགས་སོ། །རྒྱ་མཚོར་གནས་པའི་ཀླུ་དང ། རྒྱ་མཚོའི་ཀླུ་ཆེན་པོ་དགའ་བོ་དང ། བསྙེན་དགའ་བོ་དག་ཀྱང་ཀུན་ཏུ་འཁྲུགས་ཤིང་ཤིན་ཏུ་སྐྲག་སྟེ་སྙིང་འདར་རོ། །གཞན་ཡང་སའི་སྟེང་ན་ཀླུ་སྟོང་ཕྲག་བརྒྱ་གནས་པ་དང ། རྒྱ་མཚོའི་ཆུའི་ནང་གི་ཀླུ་གང་དག་དང ། རི་ལ་གནས་པ་གང་ཡིན་པ་དེ་དག་ཐམས་ཅད་ Ba248a ༄#། །ཀུན་ཏུ་འཁྲུགས། སྐྲག་ཅིང་གཅིག་ཏུ་འབར་བར་གྱུར་ཅིང་གདུངས་སོ། །རྒྱལ་པོ་ཆེན་པོ་བཞི་རྣམས་གནས་ན་འདུག་ན་ཡང་སྐྲག་གོ་།ནག་པོ་ཆེན་པོ་དང ། ཚོགས་ཆེན་པོའི་གཙོ་བོ་དང ། མ་མོའི་ཚོགས་ཀྱིས་བསྐོར་བ་དེ་དག་ཐམས་ཅད་སྐྲག་ཅིང་སྙིང་འདར་རོ། །གནས་ལ་བརྟེན་པའི་བདུད་ཀྱི་གནས་རྣམས་འདར་རོ། །འབུར་ཀུན་ཏུ་འབར་ཏེ་གནས་དང་བཅས་པར་སྲེག་གོ་།དེ་ནས་འཁོར་དེའི་ནང་གི་ལྷ་དང ། ཀླུ་རྣམས་བཅོམ་ལྡན་འདས་ཀྱི་སྟེང་རོལ་ནས་བཅོམ་ལྡན་འདས་ལ་མཆོད་པ་བྱ་བའི་ཕྱིར་མེ་ཏོག་སྣ་ཚོགས་འཐོར་རོ། །ལྷ་རྫས་ཀྱི་རྒྱན་སྤུད་པ་སྣ་ཚོགས་དང ། ཆོས་གོས་ཀྱི་ཆར་པ་འབེབས་སོ། །མཆོད་པའི་ལས་བྱེད་ཅིང་ཙནྡན་གྱི་ཆུའི་ཆར་པས་ས་ལ་ཆག་ཆག་འདེབས་སོ། །ལྷ་རྫས་ཀྱི་གསེར་དང ། དངུལ་གྱི་མེ་ཏོག་དང ། རིན་པོ་ཆེ་སྣ་བདུན་རྣམ་པ་སྣ་ཚོགས་ཀྱི་ཆར་པས་བཅོམ་ལྡན་འདས་ལ་མཆོད་པ་བྱེད་དོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལུས་འབར་ཞིང་རྡོ་རྗེ་གསོར་ཏེ་ཤིན་ཏུ་འགྱིང་བག་ཏུ་སེངྒེའི་འགྲོས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ག་ལ་བ་དེ་ལོགས་སུ་སོང་སྟེ་ཉེ་བར་ཕྱིན་ནས་བྱང་ཆུབ་སེམས་དཔའ་སེམས་ Ba248b དཔའ་ཆེན་པོ་བཅོམ་ལྡན་འདས་སྤྱན་རས་གཟིགས་དབང་ཕྱུག་གི་ཞབས་ལ་མགོ་བོས་ཕྱག་འཚལ་ནས་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་གི་རིན་པོ་ཆེ་སྣ་ཚོགས་ཀྱིས་སྤྲས་པའི་ཕྲེང་བ་བཅོམ་ལྡན་འདས་ཕྱག་ན་པདྨ་ལ་ཕུལ་ཏེ། ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་གི་ཕྲེང་བ་རིན་པོ་ཆེ་སྣ་ཚོགས་ཀྱིས་སྤྲས་པ་འདི་དབུལ་ལ་ལོངས་སྤྱོད་པའི་ཕྱིར་དང ། བདག་ལ་ཐུགས་བརྩེ་བའི་སླད་དུ་ཐུགས་རྗེ་ཆེན་པོས་བཞེས་སུ་གསོལ། གང་གིས་བདག་ཡུན་རིང་པོར་ཕན་པ་དང ། བདེ་བར་འགྱུར་ལགས་སོ། །ཁྲོ་བོ་ཆེན་པོའི་ཡང་ཆེན་པོ་བཤད་ཅིང་གང་དྲན་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །གང་དག་བདུད་མ་རུངས་པ་དང ། གང་དག་ཀླུ་མ་རུངས་པ་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་མ་རུངས་པ་དང ། ལོག་འདྲེན་མ་རུངས་པ་རྣམས་ཁྱིམ་དང་བཅས་ཏེ་ལུས་ཀུན་ཏུ་ཚིག་ཅིང་རབ་ཏུ་འབར་ནས་ཁ་སྦུབ་ཏུ་འགྱེལ་ཅིང་སྲེག་གོ་།ཤི་ལ་ཐུག་པ་དང་སྲོག་བསྐམས་པར་འགྱུར་བའི་དོན་ཡོད་པའི་ལྕགས་ཀྱུའི་ཁྲོ་བོའི་རྒྱལ་པོ་ནི། དུས་ཐམས་ཅད་དུ་མགོའི་སྤྱི་བོར་བླང་བར་བགྱིའོ། །བཅད་དོ། །སྒོམ་མོ། །མཆོད་དོ། །རྒྱས་པར་བགྱིའོ། །རིག་སྔགས་འཆང་གང་གི་ལག་ན་ Ba249a ༄#། །ཁྲོ་བོའི་རྒྱལ་པོ་འཆང་བར་འགྱུར་བ་དང ། རིགས་ཀྱི་བུ་དང ། རིགས་ཀྱི་བུ་མོ་དང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དང ། དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་ཀྱི་ལག་ན་ཐོགས་པའམ། ལུས་ལ་ཐོགས་པའམ། ལྟ་བའམ། བྲི་བའམ། ཐ་ན་ཁྲོ་བོའི་རྒྱལ་པོ་ཉན་པ་ཙམ་དེ་ཡང་བཅོམ་ལྡན་འདས་བདག་གིས་ཁུར་དུ་བསྐུར་བར་བགྱིའོ། །སྤྱི་བོས་བླང་བར་བགྱིའོ། །བསྲུང་བར་བགྱིའོ། །ཡོངས་སུ་བསྐྱབ་པར་བགྱིའོ། །བསམ་པ་དང ། ཡིད་ལ་རེ་བ་ཐམས་ཅད་ཡོངས་སུ་རྫོགས་པར་བགྱིའོ། །གྲུབ་པ་ཆེན་པོའི་ཆེན་པོ་རྗེས་སུ་སྩལ་བར་བགྱིའོ། །གནོད་སྦྱིན་དང ། སྲིན་པོ་དང ། བགེགས་དང ། ལོག་འདྲེན་མ་རུངས་པ་ཐམས་ཅད་སོ་སོར་བསལ་བར་བགྱིའོ། །རྟག་ཏུ་རྗེས་སུ་འབྲང་ཞིང་བསྲུང་བ་དང ། བསྐྱབ་པ་དང ། སྦ་བར་བགྱིའོ། །རྟག་ཏུ་དུས་ཐམས་ཅད་དུ་མཐོང་བ་རྗེས་སུ་སྩལ་བར་བགྱིའོ། །རྟག་ཏུ་རྒྱུན་མི་འཆད་པར་ཡོ་བྱད་ཐམས་ཅད་ཀྱིས་མི་བྲེལ་ཅིང་ཕུན་སུམ་ཚེགས་པར་ཡོངས་སུ་བསྐྱང་བར་བགྱིའོ། །ལུས་ལ་སྟོབས་དང ། བརྩོན་འགྲུས་དང ། གཟི་བརྗིད་བསྐྱེད་ཅིང་བསོད་ནམས་དང ། ཡེ་ཤེས་ཀྱི་གྲོགས་བགྱིའོ། །དགྲ་ཐམས་ Ba249b ཅད་སོ་སོར་བསལ་བར་བགྱིའོ། །ནོར་དང ། འབྲུ་དང ། བཟའ་བ་དང ། བཏུང་བ་དང ། གོས་དང ། སྤུད་པ་དང ། རྒྱན་རྗེས་སུ་སྩལ་བར་བགྱིའོ། །བུ་གཅིག་པ་འདྲ་བར་རྗེས་སུ་བསྐྱང་བར་བགྱིའོ། །དད་པ་དང ། གུས་པས་དུས་ཀུན་ཏུ་མཆོག་ཏུ་མོས་པར་བགྱིའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་ཁྱོད་ཀྱིས་ཁས་བླངས་པ་མཆོག་ཏུ་བཟང་པོ་བྱས་པ་འདི་ལེགས་སོ་ལེགས་སོ་ཞེས་སྨྲས་ཏེ། ལག་པ་གཡས་པ་བརྐྱང་ནས་ཟླ་བ་ཡིད་དུ་འོད་བ་དྲི་མ་མེད་པའི་མེ་ཏོག་གི་ཕྲེང་བ་རིན་པོ་ཆེ་སྣ་ཚོགས་ཀྱིས་སྤྲས་པ་བླངས་ཏེ་ལག་ན་རྡོ་རྗེ་ལ་རྗེས་སུ་བརྩེ་བའི་ཕྱིར་དང ། དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་ལོངས་སྤྱོད་པའི་ཕྱིར་དང ། དཀྱིལ་འཁོར་ན་གནས་པའི་ལྷ་ཐམས་ཅད་ཀྱིས་ཡོངས་སུ་ལོངས་སྤྱོད་པའི་ཕྱིར་དང ། ལྷ་དང ། ཀླུ་དང ། གནོད་སྦྱིན་དང ། དྲི་ས་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ། ཐམས་ཅད་དཀྱིལ་འཁོར་གང་ཡིན་པ་འདིར་འདུག་ཅིང་དམ་ཚིག་ལ་གནས་པ་རྣམས་ཡོངས་སུ་ལོངས་སྤྱོད་པའི་ཕྱིར་ཇི་ལྟ་བ་བཞིན་དུ་འདུག་སྟེ་དེ་བཞིན་ Ba250a ༄#། །གཤེགས་པའི་དབུའི་གོང་དུ་གཏོར་རོ། །དེ་ནས་ཕྲེང་བ་དེ་ནམ་མཁའ་དེ་ལ་གཏོར་མ་ཐག་ཏུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་དབུའི་སྟེང་དུ་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་དེ་ཁང་བུ་བརྩེགས་པ། རིན་པོ་ཆེ་སྣ་ཚོགས་ཀྱིས་སྤྲས་པ། འོད་འཚེར་བ། ཀ་བ་བཞི་དང ། སྒོ་བཞི་ལེགས་པར་རྣམ་པར་འབྱེས་པ། གྲུ་བཞི་ལྷམ་པ། ཆུ་ཞེང་ཤིན་ཏུ་རྒྱ་ཆེ་བ། ཤིན་ཏུ་ནང་ཡངས་པ། མེ་ཏོག་ཀ་ད་ལྱ་དག་གིས་མཛེས་པ། གཞལ་མེད་ཁང་སྣ་ཚོགས་སུ་གྱུར་ཏེ་གནས་སོ། །དེ་དག་བྱང་ཆུབ་སེམས་དཔའི་དབུའི་སྟེང་ཐད་ཀར་དེ་བཞིན་དུ་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་རིན་པོ་ཆེ་སྣ་ཚོགས་སྤྲས་པའི་ཁང་པུ་བརྩེགས་པའི་གཞལ་མེད་ཁང་དུ་ཤིན་ཏུ་གནས་སོ། །དེ་ལག་ན་རྡོ་རྗེ་དབུའི་སྟེང་གི་ཐད་ཀར་ཡང་ཟླ་བ་ཡིད་དུ་འོང་བ་དྲི་མ་མེད་པ་མེ་ཏོག་ཁང་བུ་བརྩེགས་པར་ཤིན་ཏུ་གནས་སོ། །དེ་འཕགས་པ་སྤྱན་རས་གཟིགས་དབང་ཕྱུག་གི་སྟེང་ཐོག་ཐག་ཏུ་ཡང་ཟླ་བ་ཡིད་དུ་འོང་བའི་དྲི་མ་མེད་པའི་མེ་ཏོག་ཁང་བུ་བརྩེགས་པ། ནོར་བུ་རིན་པོ་ཆེ་ཆེན་པོ་སྣ་ཚོགས་ཀྱིས་སྤྲས་པ། མེ་ཏོག་ཀ་ད་ལྱས་མཛེས་པར་བྱས་ཏེ་གནས་སོ། །ཁང་བུ་བརྩེགས་པའི་ཉེ་འཁོར་ཀུན་གཤིན་རྗེ་དང ། ཆུ་ལྷ་ Ba250b དང ། ལུས་ངན་པོ་དང ། དགའ་བོ་དང ། ཉེ་དགའ་བོ་དང ། དབང་ཕྱུག་དང ། དབང་ཕྱུག་ཆེན་པོ་ལྷའི་བུ་དང ། ཆངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་རྣམས་ལག་ན་རྡ་ཡབ་ཐོགས་ནས་གཡོབ་ཅིང་འདུག་གོ་།དེ་དག་ཀྱང་འཁོར་འདུས་པ་ཆེན་པོ་མང་པོས་ཡོངས་སུ་བསྐོར་ཅིང་མདུན་དུ་བྱས་སོ། །དཀྱིལ་འཁོར་གྱི་རིག་པའི་རྒྱལ་པོའི་ལྷ་དེ་དག་ཐམས་ཅད་ཀྱང་ནམ་མཁའ་ལ་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་ཁང་བུ་བརྩེགས་པའི་ཕྲེང་བ་རིན་པོ་ཆེ་སྣ་ཚོགས་ཀྱིས་སྤྲས་པའི་ཁང་བུ་བརྩེགས་པའི་ནང་ན་འཁོད་པ་ནི། ཉི་མ་དང་ཟླ་བ་སྤ་བ་བཞིན་དང ། ནམ་མཁའ་ལ་ཟླ་བ་ཉ་བ་ན་རྒྱུ་སྐར་དང ། སྐར་མའི་ཚོགས་ཀྱིས་ཡོངས་སུ་བསྐོར་བ་སྤ་བ་བཞིན་དུ་སྤ་བར་གནས་སོ། །མེ་ཏོག་དེ་དག་གི་ནང་ན་ལྷ་རྫས་ཀྱི་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་སྣ་ཚོགས་དང ། ལྷ་རྫས་ཀྱི་པདྨ་དང ། ཀུ་མུད་དང ། པུཎྜ་རཱི་ཀ་དང ། མནྡཱ་ར་བ་དང ། མ་ཧཱ་མནྡཱ་ར་བ་དང ། མེ་ཏོག་རོ་ཙ་དང ། མ་ཧཱ་རོ་ཙ་དང ། མེ་ཏོག་ས་ལ་དང ། ཏཱ་ལ་ཀ་དང ། མེ་ཏོག་ཏ་མ་ལ་དང ། ཙམ་པ་ཀ་དང ། མེ་ཏོག་ཨ་དྷི་མུཀྟ་དང ། མེ་ཏོག་ཨ་ཤོ་ཀ་དང ། མེ་ཏོག་པ་ཏ་ལ་དང ། མེ་ཏོག་ནཱི་ལ་དང ། མ་ཧཱ་ནཱ་ལ་དང ། མེ་ཏོག་གནྡྷ་བྷཪྵ་ཀ་དང ། མེ་ཏོག་སུ་མན་དང ། ཏ་ར་ཎ་ Ba251a ༄#། །དང ། ཀུ་ཡ་ཀའི་མེ་ཏོག་གི་ཆར་གྱི་རྒྱུན་ཕབ་བོ། །བཅོམ་ལྡན་འདས་ལ་མཆོད་པ་དང ། དཀྱིལ་འཁོར་ཆེན་པོ་ལ་མཆོད་པའི་ཕྱིར་དང ། ལྷ་རྫས་ཀྱི་ཆོས་གོས་སྤུད་པ་དང ། རྒྱན་སྣ་ཚོགས་ཀྱི་ཆར་འབབ་ཅིང་ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་མཆོད་དོ། །དེ་ལྟར་ན་ཆོ་འཕྲུལ་ཆེ་བའི་ཆེ་བ་དག་སྣང་ངོ ། །རོལ་མོའི་སྒྲ་ཡན་ལག་ལྔ་པ་དག་ཀྱང་མ་བརྡུངས་པར་ནམ་མཁའ་ལ་སྒྲ་བྱུང་ངོ ། །འཕགས་པ་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་བཞི་པ། དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སེམས་ཅན་དག་པ་ཆེན་པོ། མཆོག་ཏུ་དཀོན་པའི་ཁྲོ་བོའི་རྒྱལ་པོ་འདི་སྨྲས་ཏེ། རིག་སྔགས་འཆང་ཐམས་ཅད་མཆོག་ཏུ་གྲུབ་པར་བྱ་བའི་ཕྱིར་མ་རུངས་པ་ཐམས་ཅད་འཇོམས་པ། སྡིག་པ་ཐམས་ཅད་སྲེག་པ་བཤད་པ་ལེགས་སོ་ལེགས་སོ། །འདི་ནི། ཕྱི་མའི་ཚེ་ཕྱི་མའི་དུས་ན་རིག་སྔགས་འཆང་བ་རྣམས་ཀྱིས་ལན་གཅིག་དྲན་པ་ཙམ་གྱིས་དགོས་པ་ཐམས་ཅད་བྱེད་པར་འགྱུར་ Ba251b རོ། །ཡིད་ལ་རེ་བ་ཐམས་ཅད་ཡོངས་སུ་རྫོགས་པར་འགྱུར། འཕགས་པ་སྤྱན་རས་གཟིགས་དབང་ཕྱུག་མཐོང་བ་སྦྱིན་པར་འགྱུར། གནས་ཐམས་ཅད་གཏོགས་པའི་གྲུབ་པ་ཆེན་པོ་རབ་ཏུ་སྟོན་པར་འགྱུར། རིག་སྔགས་འཆང་བ་རྣམས་ཀྱིས་ཡངས་ཤིང་རྒྱ་ཆེ་བའི་ཆེན་པོ་ཐམས་ཅད་བྱེད་པར་འགྱུར། ཕྱི་མའི་ཚེ་ཕྱི་མའི་དུས་ན་འདི་ནི། འཇིག་རྟེན་ལས་འདས་པ་གཅིག་པོ་མཆོག་འགྲུབ་པར་འགྱུར་ཏེ། ལས་སྒྲུབ་པ་ཡང་དག་པར་འགྲུབ་པའི་ཕྱིར་རོ། །དེ་ནས་ཁྲོས་པའི་གད་རྒྱངས་སྤྱི་གཙུག་འབར་བ་ཞེས་བྱ་བའི་གནོད་སྦྱིན་གྱི་སྡེ་དཔོན་ཆེན་པོ་གནོད་སྦྱིན་ཆེན་པོ་སྟོང་ཕྲག་བརྒྱའི་བདག་པོ། སྟོབས་ཆེ་བ། དཔུང་ཆེ་བ། བརྟན་ཞིང་ཕ་རོལ་གནོན་པ་ཆེན་པོ་གང་གི་ལག་མཐིལ་གཅིག་གིས་རིའི་རྒྱལ་པོ་ལྷུན་པོ་ཆེན་པོ་འགུལ་བར་བྱེད་པ། ལྷའི་གནས་གཞལ་མེད་ཁང་དང་བཅས་ཏེ་རྒྱ་མཚོ་ཆེན་པོ་ན་གནས་ཏེ། འཁོར་བྱེ་བ་ཕལ་པོ་ཆེ་དང་ལྡན་པ། དྲག་པོ་གཟི་བརྗིད་དྲག་པོ་སྟོབས་ཆེ་བ། ཕ་རོལ་གྱི་དཔུང་འཇོམས་པར་བྱེད་པ་དེ་སྟན་ལས་ལངས་ནས་བཅོམ་ལྡན་འདས་ག་ལ་བ་དེ་ལོགས་སུ་སོང་སྟེ་ཉེ་བར་ཕྱིན་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་ཞབས་ལ་བཏུད་དེ་འདི་ Ba252a ༄#། །སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཁྲོ་བོའི་རྒྱལ་པོ་ཆེན་པོའི་གཟུངས་རིག་སྔགས་ཀྱི་རྒྱལ་པོ་ཤིན་ཏུ་མི་བཟད་པའི་གསང་སྔགས་བཤད་པས་ནི། བཅོམ་ལྡན་འདས་གཞལ་མེད་ཁང་དང་བཅས་པ་བསྲེགས་སོ། །གནོད་སྦྱིན་དུ་མ་སྟོང་ཕྲག་བྱེ་བ་ཁྲག་ཁྲིག་འཁོར་དང་བཅས་པ་འབར་བ་གཅིག་ཏུ་གྱུར་ཏེ་བསྲེགས་སོ། །བཅོམ་ལྡན་འདས། བདག་ནི། ཞིག་སྟེ་ཚིག་ཅིང་ཞུ་བར་གྱུར་ཏོ། །བཅོམ་ལྡན་འདས། དེ་ལ་བདག་གིས་ཇི་ལྟར་བསྒྲུབ་པར་བགྱི། བདག་ལ་སྐྱོབ་པ་སུ་ལགས། དཔུང་གཉེན་དུ་འགྱུར་བ་སུ་ལགས། བཅོམ་ལྡན་འདས། བདག་ནི། སྲོག་རྣམ་པར་ཞིག་པའོ། །བདུད་ཀྱི་ཞགས་པས་བཅིངས་སོ། །བཅོམ་ལྡན་འདས། བདག་ལ་ཕན་གདགས་སུ་གསོལ། བདེ་བར་གཤེགས་པ། བདག་ལ་བསྐྱབ་ཏུ་གསོལ། དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་ཁྲོས་པའི་གད་རྒྱངས་སྤྱི་གཙུག་འབར་བ་གནོད་སྦྱིན་གྱི་སྡེ་དཔོན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །གནོད་སྦྱིན་གྱི་སྡེ་དཔོན་ཆེན་པོ་ཁྱོད་མ་འཇིགས་པར་ཁྲོ་བོའི་རྒྱལ་པོ་ལྕགས་ཀྱུའི་དཀྱིལ་ Ba252b པར་གྱི་རྗེས་སུ་སོང་ཞིག་།བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་སྐྱབས་སུ་ཉེ་བར་སོང་ཞིག་།བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་འདི་ནི། ཁྱོད་ཀྱི་སྐྱབས་དང ། དཔུང་གཉེན་དང ། སྐྱོབ་པ་དང ། རྟེན་དུ་འགྱུར་ཏེ། གང་གིས་འཁོར་གྱི་ཚོགས་དང་བཅས་པའི་གནོད་སྤྱིན་སྟོང་ཕྲག་བརྒྱའི་སྲོག་དང་བྲལ་བར་མི་འགྱུར་བ་ཡིན་ནོ། །ཀྱེ་གནོད་སྦྱིན་ཆེན་པོ་མྱུར་བ་མྱུར་བར་སོང་སྟེ་སྐྱབས་སུ་འགྲོ་བར་བྱོས་ཤིག་།དེ་ནས་ཁྲོས་པའི་གད་རྒྱངས་སྤྱི་གཙུག་འབར་བ་གནོད་སྦྱིན་གྱི་སྡེ་དཔོན་ཆེན་པོ་བཅོམ་ལྡན་འདས་ཀྱིས་དབུགས་ཕྱུང་བ་རྟོགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ག་ལ་བ་དེ་ལོགས་སུ་སོང་སྟེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་དུ་ཞིང་བརྒྱལ་ནས་ལག་པ་བརྐྱངས་ཏེ་ཞབས་ལ་བཏུད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་བསྐྱབ་ཏུ་གསོལ། ཐུགས་རྗེ་ཆེན་པོ། བདག་བསྐྱབ་ཏུ་གསོལ། བདག་ལ་སྲོག་སྩོལ་བར་མཛད་དུ་གསོལ། བཅོམ་ལྡན་འདས། བདག་ནི། བསྲེགས་ཤིང་གཅིག་ཏུ་འབར་ Ba253a ༄#། །བར་གྱུར་ཏོ། །བཅོམ་ལྡན་འདས། གནོད་སྦྱིན་དུ་མ་སྟོང་ཕྲག་བརྒྱ་བྱེ་བ་འཁོར་དང་བཅས་པ་སྲོག་དང་འབྲལ་བར་འགྱུར་རོ། །ཤེས་པ་ནི། སྟོར། སྟོབས་དང་བརྩོན་འགྲུས་སྤྲོ་བར་བྱེད་པ་ནི། ཉམས་ན། བཅོམ་ལྡན་འདས། བདག་གིས་ལུས་སུ་ཞིག་གསོ་བར་བགྱིད། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཁྲོས་པའི་གད་རྒྱངས་སྤྱི་གཙུག་འབར་བའི་གནོད་སྦྱིན་གྱི་སྡེ་དཔོན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །ཀྱེ་གནོད་སྦྱིན་གྱི་སྡེ་དཔོན་ཆེན་པོ་ཉོན་ཅིག་།ང་ཇི་སྲིད་སྟོན་གྱི་བར་དུ་ཡུད་ཙམ་ཞིག་སྡོད་ཅིག་།གནོད་སྦྱིན་གྱི་བདག་པོ་ཁྱོད་ཀྱིས་འཛམ་བུའི་གླིང་གི་སེམས་ཅན་མང་པོ་ལ་རྣམ་པར་གཙེ་བར་བྱས།་ཁྱོད་ཀྱིས་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་མང་པོ་ནི། ཟོས་ན། ཁྱོད་ཀྱིས་འཕགས་པའི་སྤྱན་མང་པོ་ནི། ཉམས་པར་བྱས། ཁྱོད་ཀྱིས་རིག་སྔགས་དང ། དཀྱིལ་འཁོར་དང ། ཆོ་ག་ཞིབ་མོ་མང་པོའི་བར་ཆད་ནི། བྱས། གྲུབ་པ་རྣམས་ནི། མེད་པར་བྱས། མ་གྲུབ་པ་རྣམས་ཀྱང་མེད་པར་བྱས། སྐལ་པ་ཅན་མང་པོ་ནི། མེད་པར་བྱས། སྐལ་བ་མེད་པ་ནི། ཡོད་པར་བྱས། མི་འཚེ་བ་དང་སྲོག་དང་ལོངས་སྤྱོད་ཀྱི་བདེ་བ་ནི། མེད་པར་བྱས། འཚེ་བ་དང ། སྲོག་རྣམ་ Ba253b པར་འཇིག་པ་ནི། འཕེལ་བར་བྱས། ཁྱོད་ཀྱིས་ལེགས་པར་བཤད་པ་ནི། ཡོངས་སུ་བོར། ཁྱོད་ཀྱིས་ཉེས་པར་བཤད་པ་དང ། སེར་སྣ་ནི། མང་དུ་བྱས། རིག་སྔགས་འཆང་ཐམས་ཅད་དང ། སེམས་ཅན་ཐམས་ཅད་ལ་ཁྱོད་ནག་པོ་དང ། རྣམ་པར་འཇིག་པར་རབ་ཏུ་གནས། ཁྱོད་ཀྱིས་ངན་སེམས་ཐམས་ཅད་ནི། སྤེལ། ཁྱོད་ཀྱིས་དགེ་བའི་རྩ་བ་རྣམས་ནི། ནུབ་པར་བྱས། ལྷ་དང་བཅས་པའི་འཇིག་རྟེན་ན་ཁྱོད་ཤིན་ཏུ་མི་བཟད་པ་སྡིག་པ་ཅན་ཡིན། གཤིན་རྗེའི་འཇིག་རྟེན་གྱི་གནས་དང་བཅས། བདུད་དང་བཅས། ཚངས་པ་དང་བཅས་པའི་ནང་ན་ཁྱོད་གཅིག་པུ་ངན་སེམས་ཅན་བར་ཆད་བྱེད་པར་སྐྱེས་པ་ཡིན་ཏེ། རྒྱུ་དེས་ན་གནས་སྐབས་འདི་འདྲ་བ་ཐོབ་པ་ཡིན་པས་ཀྱེ་གནོད་སྦྱིན་གྱི་བདག་པོ་དམ་ཚིག་དང ། བསླབ་པ་དང ། སྡོམ་པ་ཁས་བླང་བ་དང ། དགེ་བའི་ཆོས་བྱོས་ཤིག་།འོན་ཏང་ཁོ་བོ་ཁྱོད་ཀྱི་སྐྱབས་དང ། དཔུང་གཉེན་དུ་འགྱུར་བར་བྱའོ། །ཁྱོད་སྡུག་བསྔལ་བས་ཉམ་ཐག་པ་དང ། བཅིངས་པ་མི་བཟད་པ་དང ། མེ་འབར་བ་མི་བཟད་པའི་འཇིགས་པ་ལས་ངས་ཡོངས་སུ་ཐར་བར་བྱའོ། །མཐོ་རིས་ཀྱི་ལམ་དུ་འཇུག་པར་བྱའོ། །དེ་ནས་ཁྲོས་པའི་གད་རྒྱངས་སྤྱི་གཙུག་འབར་བ་གནོད་སྦྱིན་གྱི་སྡེ་དཔོན་ཆེན་པོ་འཁོར། Ba254a ༄#། །གནོད་སྦྱིན་བྱེ་བ་ཁྲག་ཁྲིག་བརྒྱ་སྟོང་དུ་མས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཞབས་གཉིས་ལ་བཏུད་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེང་སླན་ཆད་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཁྱོད་ཀྱི་བཀའ་ལུང་བཞིན་བགྱིས་ཏེ་དམ་ཚིག་ལ་གནས་པར་བགྱིའོ། །ཆོས་ཀྱི་རྗེས་སུ་སེམས་པ་དང ། དཀོན་མཆོག་གསུམ་ལ་སྐྱབས་སུ་མཆིས་པ་ལ་གནས་པར་བགྱིའོ། །ཁྲོ་བོའི་རྒྱལ་པོ་འདི་དང ། རིག་སྔགས་ཀྱི་རྒྱལ་པོ་ལྕགས་ཀྱུའི་གཟུངས་དང ། ཆོ་ག་ཞིབ་མོ་དང ། གང་ཡང་རིགས་ཀྱི་བུ་དང ། རིགས་ཀྱི་བུ་མོ་དང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་ཡོངས་སུ་བསྐྱང་བར་བགྱིའོ། །དོན་ཡོད་པའི་ལྕགས་ཀྱུའི་གཟུངས་རིག་སྔགས་ཀྱི་རྒྱལ་པོ་འདི་འཆང་བ་དང ། ཀློག་པ་དང ། འདོན་པ་དང ། བཟླས་བརྗོད་ཀྱི་ཆོ་ག་ཀུན་སྤྱོད་པ་དེ་ལ་ནི། བདག་གནོད་སྦྱིན་བརྒྱ་སྟོང་དུ་མ་རྣམས་ཀྱིས་འོག་དང ། བླ་དང ། ཕྱོགས་བཞི་ཀུན་ཏུ་ Ba254b བསོད་ནམས་སུ་དམིགས་ཏེ། བསྲུང་བ་དང ། སྦ་བ་དང ། བསྐྱབ་པར་བགྱིའོ། །ཡོངས་སུ་བསྐྱང་བར་བགྱིའོ། །ལུས་ལ་སྟོབས་དང ། སྤྲོ་བ་དང ། གཟི་བྱིན་མང་དུ་བསྐྱེད་པར་བགྱིའོ། །དེའི་ཡུལ་ཕྱོགས་སུ་འཐབ་པ་དང ། རྩོད་པ་དང ། འགྱེད་པ་དང ། མཚང་འདྲུ་བ་དང ། མ་ལེགས་པ་དང ། ལོ་ཉེས་དང ། མི་ངས་དང ། རིམས་དང ། གནོད་པ་དང ། འཁྲུག་པ་དང ། ཉམ་ཐག་པར་བྱེད་པའི་གདོན་དང་བཅས་པ་དང ། ནད་དང ། གཅོང་དང ། ཉོན་མོངས་པ་དང ། སྒྲིབ་པ་ཐམས་ཅད་རབ་ཏུ་ཞི་བར་བགྱིའོ། །རབ་ཏུ་བསལ་བར་བགྱིའོ། །རྐུན་པོ་དང ། ཟོལ་མི་རྒོད་དང ། གཅན་གཟན་ཁྲོ་བོའི་འཇིགས་པ་རྣམས་བསལ་བར་བགྱིའོ། །དུས་མ་ཡིན་པར་འཆི་བའི་འཇིགས་པ་ལས་སོ་སོར་བཟློག་པར་བགྱིའོ། །རྨི་ལམ་ངན་པ་དང ། ལྟས་ངན་པ་དང ། བཀྲ་མི་ཤིས་པ་བྱུང་བ་ཐམས་ཅད་སོ་སོར་བཟློག་པར་བགྱིའོ། །ཆར་ཆེས་པ་དང ། ཆར་མི་འབབ་པ་དང ། དུས་མ་ཡིན་པའི་ཆར་དང ། སད་དང ། ཐན་པ་དང ། བྱི་བའི་འཇིགས་པ་རྣམས་སོ་སོར་བསལ་བར་བགྱིའོ། །དབེན་པ་དང ། ཉམས་དགའ་བ་དང ། ལོ་ལེགས་པ་དང ། འབྱོར་བ་སྦྱར་བར་བགྱིའོ། །སེམས་ཅན་མི་དགེ་བ་སྤྱོད་པ་ལས་བཟློག་པར་བགྱིའོ། །དགེ་བ་ལ་སྦྱོར་བར་བགྱིའོ། །སེམས་ཅན་དགེ་བ་སྤྱོད་པ་རྣམས་ Ba255a ༄#། །ཀྱི་གྲོགས་བདག་འཁོར་དང་བཅས་པས་བགྱིའོ། །ཡང་དག་པར་དད་པས་རྗེས་སུ་འབྲང་བར་བསྒྲུབ་པར་བགྱིའོ། །བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དང ། དགེ་སྦྱོང་དང ། བྲམ་ཟེ་དང ། སེམས་ཅན་ཐམས་ཅད་བུ་གཅིག་པ་བཞིན་དུ་ཡོངས་སུ་བསྐྱང་བར་བགྱིའོ། ཆོས་ལ་ཞུགས་པའི་ཡིད་དང ། ངོ་ཚ་ཤེས་པ་དང ། ཁྲེལ་ཡོད་པས་གནས་པར་བགྱིའོ། །ཐམས་ཅད་དུ་བདག་མཆི་བར་བགྱིའོ། །ཇི་ལྟར་རང་གི་སྲོག་འདི་ཡོངས་སུ་བསྐྱང་བ་བཞིན་དུ་གཟུངས་དང ། རིག་སྔགས་གྲུབ་པ་འདི་ཡང་ཡོངས་སུ་བསྐྱང་བར་བགྱིའོ། །སྤྱི་བོས་བླང་བར་བགྱིའོ། །ཁུར་དུ་བཀུར་བར་བགྱིའོ། །སྒྲུབ་པར་འགྲུབ་པ་ཆེན་པོ་སྩལ་བར་བགྱིའོ། ། བགེགས་དང ། ལོག་འདྲེན་ཐམས་ཅད་དང ། སེམས་ཅན་མ་རུངས་པ་དང ། གནོད་སྦྱིན་ཆད་པས་གནོད་པ་སོ་སོར་བཟློག་པར་བགྱིའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཁྲོས་པའི་གད་རྒྱངས་སྤྱི་གཙུག་འབར་བ་གནོད་སྦྱིན་གྱི་སྡེ་དཔོན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །གནོད་སྦྱིན་གྱི་སྡེ་དཔོན་ཆེན་པོ། ལེགས་སོ་ལེགས་སོ། །ཁྱོད་ཀྱིས་དེ་བཞིན་དུ་བྱ་བར་རིགས་སོ། །སེམས་ཅན་ཐམས་ཅད་རྗེས་སུ་ Ba255b གཟུང་བ་ཆེན་པོས་གཟུང་བར་བྱའོ། །རིག་སྔགས་འཆང་བ་ལ་བདག་ཉིད་ཀྱིས་བསྲུང་བ་དང ། བཅང་བར་བྱའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་དེ་སྐྱབས་གསུམ་ལ་གནས་ཤིང་དཀྱིལ་འཁོར་ཆེན་པོའི་དམ་ཚིག་དང ། དེ་བཞིན་གཤེགས་པའི་བསླབ་པའི་ཚིག་འཛིན་པ་ལ་གནས་པར་གྱུར་ཏེ། །རིགས་ཐམས་ཅད་ཀྱི་དམ་ཚིག་དང་ལྡན་པར་གྱུར་ཏོ། །དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །ཡོན་ཏན་གྱི་ཕུང་པོ་མཆོག་ཏུ་བཟང་བ་ལ་གནོད་སྦྱིན་གྱི་བདག་པོ་ཁས་ལེན་དུ་བཅུག་ཅིང་བཞག་པ་ལེགས་སོ་ལེགས་སོ། །ཁྲོ་བོའི་རྒྱལ་པོའི་ཆོ་ག་ཉེ་བར་སྤྱད་པ་དེ་སྨྲོས་ཤིག་།རིག་སྔགས་འཆང་དེ་རྣམས་ཇི་ལྟར་མཆོག་འགྲུབ་པར་འགྱུར་བ་དང ། ལན་གཅིག་དྲན་པ་ཙམ་གྱིས་ཇི་ལྟར་ཇི་ལྟར་མྱུར་བ་མྱུར་བར་ལས་སྒྲུབ་པ་འགྲུབ་པར་འགྱུར་བ་དང ། ཇི་ལྟར་དྲན་པ་ཙམ་གྱིས་ཇི་ལྟར་བསམ་པ་དང ། ཡིད་ལ་རེ་བ་འབྱོར་པར་འགྱུར་བ་དང ། དོན་ཡོད་པའི་ལྕགས་ཀྱུ་ཁྲོ་བོའི་རྒྱལ་པོ་འདི་མྱུར་དུ་འགྲུབ་པར་འགྱུར་པ་དེ་ལྟར་བྱིན་གྱི་རླབས་ཀྱིས་བྱིན་གྱིས་རློབས་ཤིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ Ba256a ༄#། །དབང་ཕྱུག་བཅོམ་ལྡན་འདས་ཀྱིས་བཀའ་ལུང་སྩལ་བ་རྟོགས་ནས་ཉེ་བར་བཤད་པའི་ཆོ་ག་སྨྲས་པ། བཅོམ་ལྡན་འདས། རིག་སྔགས་འཆང་བ། རིགས་ཀྱི་བུའམ། རིགས་ཀྱི་བུ་མོའམ། དགེ་བསྙེན་ནམ། དགེ་བསྙེན་མ་གང་ཡིན་པའམ། གཞན་དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་རྣམས་ཁྲོ་བོའི་རྒྱལ་པོ་འདི་སྒྲུབ་པར་འདོད་ན། དེ་ཟླ་བ་ཡར་གྱི་ངོའི་ཚེས་བཅོ་ལྔ་ལ་འབྲས་ཆན་དང ། འོ་མ་ཟ་ཞིང་ནང་པར་སྔར་ལངས་ལ་འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་ཀྱི་སྤྱན་སྔར་སྐྱིལ་མོ་ཀྲུང་བཅས་ཏེ་འདུག་ནས་མི་སྨྲ་བར་གཎྜི་བརྡུང་བའི་དུས་ལ་བབ་ཀྱི་བར་དུ་འབྲས་ཆན་ཁྱོར་བ་བཀང་སྟེ་གཏོར་མ་བརྒྱ་རྩ་བརྒྱད་དབུལ་བར་བྱས་ན། དེས་ཁྲོ་བོའི་རྒྱལ་པོ་སྒྲུབ་པའི་ཆོ་ག་དེ་དག་འགྲུབ་པར་འགྱུར་ཞིང་མཆོག་ཏུ་འགྲུབ་པར་འགྱུར་རོ། །དེ་ལྟར་བསྒྲུབས་ནས་བཟླས་བརྗོད་གཅིག་དང ། དྲན་པ་གཅིག་གིས་ཐམས་ཅད་དུ་འགྲུབ་པར་བྱས་ན། ཐམས་ཅད་དུ་བྱ་བ་ཐམས་ཅད་མཆོག་ཏུ་འགྲུབ་པར་འགྱུར་རོ། །དེ་ནས་རིག་སྔགས་འཆང་བ་ལས་བྱེད་པར་འདོད་ཅིང ། དོན་ཡོད་པའི་ཞགས་པའི་སྙིང་པོ་སྒྲུབ་པར་འདོད་ན། ཁྲོ་ Ba256b བོའི་རྒྱལ་པོ་ལན་གཅིག་དྲན་པར་བྱའོ། །དྲན་པ་ཙམ་གྱི་མོད་ལ་བགེགས་དང ། ལོག་འདྲེན་ཐམས་ཅད་སྐྲག་པར་འགྱུར་ཞིང ། དཔག་ཚད་ཚུན་ཆད་དུ་རིག་སྔགས་འཆང་བའི་དྲུང་དུ་འོང་བར་མི་ནུས་ཏེ་རྒྱང་རིང་པོ་ན་འདུག་གོ་།འདི་ལན་གཅིག་དྲན་པ་ཙམ་གྱིས་བཟླས་བརྗོད་དང ། ཆོ་ག་དང ། སྒྲུབ་པ་བདེ་བར་འགྲུབ་ཅིང་དགོས་པ་སྒྲུབ་པ་ཐམས་ཅད་གྲུབ་པ་བླ་ན་མེད་པ་ཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པར་མཛད་པར་འགྱུར་རོ། །དཔག་ཚད་ཚུན་ཆད་དུ་འབར་བའི་ལྕགས་ཀྱུ་ཆེན་པོ་འཕང་དུ་རི་ཆེན་པོ་ཙམ་\?\་འབྱུང་བར་འགྱུར་ཏེ། དཔག་ཚད་གསུམ་གྱི་ཚད་ཙམ་དང ། འོག་ཏུ་གཡང་སར་གྱུར་ཏེ། སུ་ཡང་འོང་མི་ནུས་སོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་དང་བཅས་པས་གནས་དེར་འོང་བར་མི་ནུས་ན། མི་མ་ཡིན་པ་ཕལ་པ་དང ། བགེགས་དང ། ལོག་འདྲེན་རྣམས་ཀྱིས་ལྟ་སྨོས་ཀྱང་ཅི་དགོས་ཏེ། གནས་མེད་དོ། །རིག་སྔགས་འཆང་བ་འཇིགས་པ་མེད་པར་ཡང་དགོས་པ་ཐམས་ཅད་གྲུབ་པ་སྒྲུབ་པར་བྱེད་དོ། བགེགས་མེད་པར་ཐམས་ཅད་དུ་སྒྲུབ་པ་གྲུབ་པ་འཐོབ་པར་འགྱུར་རོ། །དེ་ནས་རིག་སྔགས་འཆང་བ་ལས་ Ba257a ༄#། །ཐམས་ཅད་བྱ་བར་འདོད་ཅིང་གདོན་བསལ་བར་འདོད་ན། གུ་གུལ་དང ། ཡུངས་ཀར་ལ་ལན་གཅིག་བཟླས་བརྗོད་བྱས་ཏེ་གདོན་ལ་བདུག་པ་སྦྱིན་པར་བྱའོ། །ཡུངས་ཀར་གྱིས་བརྡེག་པར་བྱའོ། །ལན་གཅིག་དྲན་པར་བྱའོ། །ལག་པ་གཡས་པའི་མཛུབ་མོ་ཁྲོས་པས་བསྡིགས་པར་བྱའོ། །བདུག་པ་དང ། བརྡེག་པ་དང ། དྲན་པ་ལྷན་ཅིག་ཏུ་བྱས་ན། མོད་ལ་གདོན་ཐམས་ཅད་འཇིགས་པར་འགྱུར་རོ། །ཅི་སྟེ་ནག་པོ་ཆེན་པོ་རང་ཉིད་དམ། ལྷ་མ་ཡིན་གྱི་དབང་པོའམ། སྒྲ་གཅན་ནམ།་འཇིགས་བྱེད་ཀྱང་འཇིགས་པར་བྱེད་ན། གདོན་གཞན་འོང་བར་ལྟ་ག་ལ་འགྱུར་ཏེ། མོད་ལ་གཅིག་ཏུ་འཇིགས་པར་འགྱུར་རོ། །འབྱུང་པོ་དང ། གདོན་གྱིས་ཡོངས་སུ་ཟིན་པ་ཐམས་ཅད་ལ་དུར་ཁྲོད་ཀྱི་ཐལ་བ་ལ་ལན་གཅིག་བཟླས་བརྗོད་བྱས་ཏེ་སྤྱི་བོར་གཏོར་ཞིང་ལན་གཅིག་དྲན་པར་བྱས་ན། མོད་ལ་འབྱུང་པོ་དང ། གདོན་འབྲོས་པར་འགྱུར་རོ། །ན་ལ་ད་དང ། ན་ད་ནི་དྲ་ཀ་བ་ཙ་དང ། གུ་གུལ་དང ། ཧ་ས་དང ། བ་ལ་ཀ་དང ། མ་ཏུ་ལ་དང ། པདྨ་དང ། པུཥྤ་རྣམ་གཉིས་དང ། ར་ཛ་ནི་དང ། ཡུངས་ཀར་དང ། ཤིང་ཀུན་དང ། ན་ར་པདྨ་དང ། བི་ཤ་ར་དང ། ཙན་ཏྲི་ཀ་རྣམས་རའི་གཅིན་གྱིས་སྦྲུས་ཏེ་རིལ་བུ་ནས་ཀྱི་འཛེལ་མ་ཙམ་བྱས་ཏེ་གྲིབ་མ་ལ་བསྐམས་ལ། Ba257b ལྕགས་ཀྱུ་ལན་བདུན་བཟླས་པ་བྱས་ནས་ལས་ཐམས་ཅད་ལ་བདུག་པ་མཆོག་གི་རིལ་བུ་གཅིག་བདུག་པ་བྱས་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རི་དང ། ནགས་ཚལ་དང ། གཅོང་རོང་དང་བཅས་པ་རྣམས་འགུལ་ལོ། །རྒྱ་མཚོ་ཆེན་པོ་ནི། འཁྲུགས་སོ། །རི་རབ་ཆེན་པོ་ནི། གཡོས་སོ། །སུམ་ཅུ་རྩ་གསུམ་གྱི་གནས་གཞལ་མེད་ཁང་དང་བཅས་པ་ནི། ཆེར་གཡོས་ཏེ་འགུལ་ལོ། །ལྷ་ཐམས་ཅད་སྐྲག་གོ་།ལྷ་མ་ཡིན་ཐམས་ཅད་དུ་ཞིང་ཕྱོགས་ཕྱོགས་སུ་འབྲོས་སོ། །ས་ནི། གཡོས་སོ། ། ཀླུ་གང་དག་རྒྱ་མཚོན་གནས་པ་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཡི་དྭགས་དང ། བརྗེད་བྱེད་དང ། གསང་བ་པ་དང ། ཚངས་པའི་སྲིན་པོ་དང ། བགེགས་དང ། གདོན་མི་བཟད་པ་གཞན་མ་རུངས་པ་དེ་དག་ཐམས་ཅད་ནི། དྲི་ཚོར་བ་ཙམ་གྱིས་རྣམ་པར་ཞིག་པར་འགྱུར་ཏེ། དོགས་པར་མི་བྱའོ། །ལུས་རྣམ་པར་ཞིག་པར་འགྱུར། བཅོམ་སྟེ་རུས་པ་ལྷགས་པར་འགྱུར། འཆི་བདག་གི་ཞགས་པའི་ཁར་འགྲོ་བར་འགྱུར། དེས་རྣམ་པར་ཞིག་པར་འགྱུར་བ་དེ་ལ་དོགས་པར་མི་བྱའོ། །དུག་དང་བཅས་པ་ནི། མོད་ལ་དུག་མེད་པར་འགྱུར་རོ། །ཀླུ་འཇོག་པོ་དང ། ནོར་རྒྱས་ཀྱིས་གལ་ཏེ་ཟིན་པའམ། སྦྲུལ་གྱིས་ཟིན་པ་ལ་བདུག་པ་དང ། བྱུགས་པ་ཙམ་གྱིས་ཐམས་ཅད་དུ་ Ba258a ༄#། །དུག་མེད་པར་འགྱུར་རོ། །གང་དག་འཇིག་རྟེན་ན་དུག་སྣ་ཚོགས་མི་བཟད་པ་ཡོད་པ་ལ་བདུག་པའི་དྲི་ཙམ་དང ། བསྐུས་པ་དང ། རིལ་བུ་ཙམ་གྱིས་མོད་ལ་དུག་ཐམས་ཅད་མེད་པར་འགྱུར་ཏེ། ཐེ་ཚོམ་མི་བྱའོ། །འབྲས་དང ། ཕོལ་མིག་དང ། ལཱུ་ཏ་དང ། ཤུ་བ་དང ། ཤ་བཀྲ་དང ། རྐང་ཤུ་དང ། མཛེ་དང ། འབྲུམ་བུ་དང ། ལྷོག་པ་རྣམ་པ་མང་པོ་དང ། ནད་མཆེད་པ་དང ། ཝ་བའི་ཕྲེང་བ་དང ། ཁོང་འབྲས་དང ། རྐུབ་ན་བ་དང ། སྐྲན་དང ། ཁྲུ་བ་དང ། རྩིབ་ལོགས་ན་བ་དང ། སྙིང་ག་ན་བ་དང ། གྲེ་བ་འགགས་པ་དང ། རྣ་བ་ན་བ་དང ། སོ་ན་བ་དང ། མིག་ན་བ་དང ། མགོ་བོ་ན་བ་དང ། གཞོགས་ཕྱེད་ན་བ་ལ་རིལ་བུས་བསྐུས་པ་ཙམ་དང ། ཆུ་དྲོན་འཐུངས་པ་ཙམ་དང ། བདུགས་པ་ཙམ་དང ། བསྣམས་པ་ཙམ་གྱིས་ཐམས་ཅད་དེ་མ་ཐག་ཏུ་རབ་ཏུ་ཞི་བར་འགྱུར་ཏེ། ཐམས་ཅད་ལ་རིལ་བུ་དམ་པ་ལན་གཅིག་བཟླས་བརྗོད་བྱས་ཏེ། བྱིན་ན། ཐམས་ཅད་དུ་དགོས་པ་ཐམས་ཅད་བྱེད་པ་བླ་ན་མེད་པ་ཡིན་ནོ། །ཤིན་ཏུ་ཆར་ཆེ་བ་དང ། ཆར་མི་འབབ་པ་དང ། དུས་མ་ཡིན་པའི་ཆར་དང ། རླུང་དང ། སེར་བ་དང ། འབྱུང་པོ་དང ། མ་མོའི་ཚོགས་དང ། མཚོའི་ཀླུ་དེ་དག་ཐམས་ཅད་དབང་དུ་འགྱུར་རོ། །ཆར་དུས་སུ་འབེབས་སོ། །ལོ་ཏོག་དང ། འབྲས་བུ་དང ། མེ་ཏོག་ཡོད་པར་འགྱུར་རོ།། Ba258b ཕྱིས་སེར་བ་མི་འབབ་བོ། །སད་དང ། རླུང་དང ། ཐན་པ་མི་འབྱུང་ངོ ། །ཕུན་སུམ་ཚོགས་པ་ཐམས་ཅད་གྲུབ་པར་བྱེད་ཅིང་བཀྲ་ཤིས་པ་ཐམས་ཅད་གྲུབ་པར་བྱེད་དོ། །རིམས་དྲག་པོ་མ་རུངས་བ་ཀུན་ཏུ་འཇུག་པའི་རིམས་མི་བཟད་པ་དང ། འདས་པ་མི་བཟད་པ་དྲག་པོའི་རིམས་དང ། རིམས་དྲག་པོའི་འཇིགས་པ་ཆེན་པོ་དང ། མེ་འབར་བ་ཤིན་ཏུ་ཚ་བ་དང ། ཞག་བཞི་པའི་རིམས་མི་བཟད་པ་དང ། གྲང་བའི་རིམས་སྡུག་བསྔལ་ཆེན་པོ་དང ། རིམས་གང་དག་འཆི་བའི་ཞགས་པ་འབར་བ། འཁྲུག་པ་དྲག་པོ་མི་བཟད་པ་དང ། ཟློས་པའི་རིམས་གསོ་དཀའ་བ་དང ། ཉིན་གཅིག་པའི་རིམས་དང ། ཉིན་གཉིས་པའི་རིམས་དང ། ཉིན་གསུམ་པའི་རིམས་དང ། དེ་བཞིན་དུ་རླུང་ལས་གྱུར་པ་དང ། བད་ཀན་ལས་གྱུར་པ་དང ། མཁྲིས་པ་ལས་གྱུར་པ་དང ། མཆིལ་མ་ལས་གྱུར་པའི་རིམས་དང ། རིམས་རྙིང་པ་དང ། ཟུག་གཟེར་དང ། གཞང་འབྲུམ་དང ། གཅིན་སྙི་བ་མི་ཟད་པ་དང ། རིམས་ཐམས་ཅད་ལ་བདུགས་པ་ཙམ་གྱིས་ཐེ་ཚོམ་མེད་པར་རྣམ་པར་འཇིགས་པར་འགྱུར་རོ། །ནམ་མཁའ་ལྡིང་གི་གདོན་དང ། གང་དག་མིའམ་ཅིའི་གདོན་དང ། ལྟོ་འཕྱེ་ཆེན་པོའི་གདོན་དང ། མི་མ་ཡིན་པའི་གདོན་དང ། གང་\?\་དག་གཞན་མིའི་གདོན་ཐམས་ཅད་བདུག་པས་བདུགས་པ་དེས་མོད་ལ་ཐམས་ཅད་རྣམ་པར་བྲལ་བར་འགྱུར་རོ། །ལྕགས་ཀྱུའི་གསང་སྔགས་དམ་པ་ལན་གཅིག་ Ba259a ༄#། །དྲན་པར་བྱས་ན། སྐེམ་བྱེད་དང ། བསྐམས་པ་དང ། བརྗེད་བྱེད་དང ། གདོན་ར་ཟ་ཡག་ཤྨཱ་དང ། བདག་ཉིད་ངན་པར་བྱུང་བ་དང ། གྲིབ་གནོན་དང ། འཐབ་པ་དང་རྩོད་པ་གང་དུ་སྐྱེ་བོ་ཞེ་སྡང་བ་རྣམས་འབྱུང་བ་དང ། གང་དུ་གནོད་པ་དང ། འཁྲུག་པ་དང ། ཉོན་མོངས་པ་མང་པོ་རྣམས་ལ་ཡིད་དུ་འོང་བ་བདུག་པ་ཙམ་གྱིས་ཐམས་ཅད་ལས་དེ་ཐར་བར་འགྱུར་རོ། །རྒྱལ་པོ་ཁྲོས་པ་དང ། གང་ཞིག་རྐུན་པོ་དང ། མི་རྒོད་ཀྱི་ནང་དུ་སོང་བ། གཅོང་རོང་བགྲོད་དཀའ་བའི་ནང་དུ་སོང་ངམ། དོག་པ་མི་བཟད་པའི་ནང་དུ་ཆུད་པ་ལ་ལྕགས་ཀྱུ་ལན་གཅིག་དྲན་པ་དང ། བདུག་པ་མཆོག་གིས་བདུགས་ན། ཐམས་ཅད་དུ་རྟག་ཏུ་བདེ་བར་འགྲོ་བ་དང ། གང་དང་གང་དུ་འགྲོ་བ་ན་བདེ་བར་འགྱུར་རོ། །དེའི་ལུས་ལ་མེས་མི་ཚུགས། ཆུ་ཆེན་པོས་འཁྱེར་བར་མི་འགྱུར་རོ། །ལྕགས་ཀྱུའི་རིག་སྔགས་དྲན་པ་དང ། བདུག་པ་མཆོག་གིས་བདུགས་ན། ཐམས་ཅད་དུ་ཕ་རོལ་ཏུ་ཕྱིན་པ་དང ། བདེ་ཞིང་ལེགས་པ་ཤིན་ཏུ་རྒྱས་པར་འགྱུར་རོ། །དེའི་ལུས་ལ་མཚོན་གྱིས་མི་ཚུགས། དུག་གིས་མ་ཡིན། གསང་སྔགས་མཆོག་ཏུ་དྲག་པོས་མ་ཡིན། དེ་ལ་བྱད་ཀྱིས་མི་ཚུགས། ནད་ཀྱིས་མ་ཡིན། ཉོན་མོངས་པ་དྲག་པོས་མ་ཡིན་ནོ། །གསང་སྔགས་དྲན་པ་ཙམ་དང ། བདུག་པས་བདག་བདུག་པ་ནི། ཐམས་ཅད་དུ་འཇིགས་པ་ཐམས་ཅད་ Ba259b ལས་ཐར་བར་འགྱུར་ཏེ། འདི་ལ་དོགས་པར་མི་བྱའོ། །དགྲ་དང་ཕྱིར་རྒོལ་བའི་མི་སེམས་ཅན་མ་རུངས་པ་མི་བཟད་པ་རྣམས་དང་འཐབ་མོ་འགྱེད་ཅིང་གཡུལ་འགྱེད་པ་ན་བདག་ཉིད་བདུག་པས་བདུག་ཅིང་རིག་སྔགས་ལན་གཅིག་དྲན་པར་བྱས་ན། ས་ཐམས་ཅད་དུ་རྒྱལ་བར་འགྱུར་ཏེ། མཐོང་བ་ཙམ་ལ་དོགས་པར་མི་བྱའོ། །གང་ཞིག་རིག་སྔགས་འགྲུབ་པར་མི་འགྱུར་བ་དང ། གང་ཞིག་བགེགས་ཀྱིས་ཟིན་ཏེ་ཉམས་པ་དང ། བློ་ཞན་ཅིང་ལེ་ལོ་ཅན་ལ་བདུག་པ་འདི་སྦྱར་བར་བྱ་ཞིང་གསང་སྔགས་ལན་གཅིག་བཟླས་བརྗོད་བྱས་ན། དེས་མཆོག་ཏུ་དཀོན་པ་འགྲུབ་པར་འགྱུར་རོ། །སྐལ་བ་མེད་པ་བདག་ཉིད་བདུག་པ་དང ། རིལ་བུ་མཆོག་གིས་བཀྲུ་བ་དང ། མིག་བསྐུ་བ་དང ། མཆོག་ཐིག་ལེ་བྱས་ན། ཐམས་ཅད་དུ་སྐལ་བ་ཅན་དང ། དགའ་བ་དང ། དབང་ཕྱུག་མཚུངས་པ་མེད་པར་འགྱུར་རོ། །ནོར་དང་འབྲུ་འཕེལ་ཞིང་རྒྱལ་པོ་དང་འདྲ་བར་འགྱུར་རོ། །ཐམས་ཅད་དུ་སྟོབས་ཐོགས་པ་མེད་པར་འགྱུར་རོ། །ཐམས་ཅད་དུ་མཆོག་གྲུབ་པ་དང ། རྟག་ཏུ་རྒྱུན་མི་འཆད་པར་དུས་ཐམས་ཅད་དུ་གནོད་སྦྱིན་གྱི་སྡེ་དཔོན་ཆེན་པོ་བཞིས་བསྲུང་བ་དང ། བསྐྱབ་པ་དང ། སྦ་བར་བྱ་བའི་ཕྱིར་ཉིན་མཚན་དུ་རྗེས་སུ་འབྲང་ཞིང་གནས་པར་འགྱུར་རོ། །བསྲུང་བའི་ཕྱིར་རྒྱལ་པོ་ཆེན་པོ་བཞི་དཔུང་འཁོར་དང་བཅས་པ་རིག་སྔགས་ཀྱི་རྗེས་སུ་འབྲང་བར་འགྱུར་ Ba260a ༄#། །རོ། །བདེ་བ་ཐམས་ཅད་ཀྱིས་ཚིམ་པར་ཐོབ་པར་འགྱུར་རོ། །གནས་གཅིག་ནས་རིལ་བུ་བདུན་བླངས་པ་ལས་ཁྲོ་བོའི་ལྕགས་ཀྱུ་ལན་ཉི་ཤུ་རྩ་གཅིག་བཟླས་བརྗོད་བྱའོ། །དེ་ནས་རིག་སྔགས་འཆང་བའམ། གཞན་གང་རུང་བ་ནས་དགེ་སྦྱོང་དང ། བྲམ་ཟེ་བཀྲེན་པ་སྡུག་ཕོངས་པའི་བུད་མེད་དམ། སྐྱེས་པའམ། ཁྱེའུ་འམ། བུ་མོའི་དོན་དུ་རིལ་བུ་གཅིག་གིས་ཁྲུས་བྱ། གཅིག་གིས་བདག་བདུག་།གཅིག་གིས་གོས་བདུག་།གཅིག་ནི། བའི་རྣམ་ལྔ་དང་སྦྱར་ཏེ་བཏུང་བར་བྱ། གཅིག་ནི། མགོའི་སྤྱི་བོར་གཞག་།གཅིག་ནི་དཔུང་པ་གཡས་པར་གདགས། རིལ་བུ་གཅིག་ནི། རྐེད་པར་བཏགས་ན། ཐམས་ཅད་དུ་འབྱོར་པ་ཐོབ་པར་འགྱུར་ཞིང་ཐམས་ཅད་དུ་མཆོག་བླ་ན་མེད་པ་འགྲུབ་པར་འགྱུར་རོ། །བསམ་པ་འགྲུབ་པར་འགྱུར་རོ། །རྒུད་པ་ཐམས་ཅད་རྣམ་པར་ཞིག་པར་འགྱུར་རོ། །རྨ་དང ། ཉམ་ཆུང་བ་དང ། དེ་བཞིན་དུ་ཆག་གྲུགས་དང ། བགེགས་ཀྱིས་ཟིན་པ་དང ། གདོན་ར་ཟ་ཡག་ཤྨཱས་ཟིན་པ་དེ་དག་ཐམས་ཅད་རབ་ཏུ་སྦྱར་བ་ཙམ་གྱིས་རྣམ་པར་ཞིག་པར་འགྱུར་ཏེ། དགོས་པར་མི་བྱའོ།། སྒྲིབ་པ་ཐམས་ཅད་རྣམ་པར་ཞིག་པར་འགྱུར་ཏེ། སྔོན་བསགས་པའི་སྒྲིབ་པ་ཐམས་ཅད་མོད་ལ་རྣམ་པར་ཞིག་པར་འགྱུར་ཏེ། གསང་སྔགས་བསྟན་པ་དང ། གསང་སྔགས་ Ba260b ལན་\?\་ཅིང་དྲན་པ་དང ། བདུག་པ་མྖྒོ་གིས་བདུགས་པར་བྱས་པས་དོགས་པར་མི་བྱའོ། །མནར་མེད་པ་དང ། མི་བཟད་པའི་སྡིག་པ་དང ། དུག་དང ། སེམས་ཅན་མ་རུངས་པ་དང ། ལས་ངན་པ་དང ། ཕུང་བ་རྣམས་ཐམས་ཅད་མོད་ལ་མེད་པར་འགྱུར་རོ། །མེས་ཕྱེ་མ་ལེབ་བཞིན་རྟག་ཏུ་མྱུར་དུ་སྲེག་པར་འགྱུར་རོ། །གསང་སྔགས་ལང་ཅིག་དྲན་པར་བྱ་ཞིང་བདུག་པ་འདིས་བདུགས་ན། དུས་མ་ཡིན་པར་འཆི་བ་ཐམས་ཅད་ཞིག་པར་འགྱུར་རོ། །ཐམས་ཅད་དུ་སྦྱར་བ་ལ་དོགས་པར་མི་བྱའོ། །འཁོར་ལོས་བསྒྱུར་བ་ཐམས་ཅད་ཀྱི་ཁྲོ་བོའི་ལྕགས་ཀྱུ་སྤྱི་གཙུག་འབར་བ་ཞེས་བྱ་བའི་བདུག་པའི་རྒྱལ་པོས་ཁྱིམ་དང ། སྒོ་ཆེན་པོར་ནམ་ལངས་ཀ་དང ། མུན་སྲོས་ཀར་བདུག་ཅིང་གསང་སྔགས་ལན་གཅིག་དྲན་པར་བྱས་ན། ཁྱིམ་གྱི་ནང་དེར་གང་དག་མི་སྣང་བར་འདུག་པར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། བརྗེད་བྱེད་དང ། གྲིབ་གནོན་མ་རུངས་པ་དང ། མི་མ་ཡིན་པ་ཐམས་ཅད་སྣང་བཞིན་དུ་ཕྱིར་འབྱུང་ཞིང་ངུས་ཏེ། ཀྱི་ཧུད་ཟེར་བའི་སྒྲ་འབྱིན་པར་འགྱུར་རོ། །ཁྱིམ་གང་ཡིན་པ་འགུལ་བ་དང ། ཁྱིམ་དང་རྟ་བབས་རྣམས་འབབ་པར་འགྱུར་ཞིང ། དམྱལ་བའི་སྲུང་མ་མི་བཟད་པ་ཐམས་ཅད་ཕྱོགས་བསླད་པར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ལྷ་མ་ཡི་ Ba261a ༄#། །དང ། ནམ་མཁའ་ལྡིང་དང ། དྲི་ཟ་དང ། མིའམ་ཅི་དང ། ལྟོ་འཕྱེ་ཆེན་པོ་དང ། ཀླུ་མཐུ་བོ་ཆེ་ཐམས་ཅད་བདུག་པའི་དྲི་བླ་ན་མེད་པས་སྐྲག་པར་འགྱུར་རོ།། བསམ་པ་ངན་པ་གང་དག་གནས་པའི་ཁྱིམ་ཐམས་ཅད་འབར་བ་དང ། ལུས་བསྲེགས་པ་དང ། ཕྱོགས་དང་ཕྱོགས་མཚམས་འཁྲུལ་བ་དང ། བདུག་པའི་རྒྱལ་པོའི་མཐུས་འཇིགས་པ་མི་བཟད་པ་ཐམས་ཅད་རབ་ཏུ་ཞི་བར་འགྱུར་རོ། །གཡུལ་འགྱེད་པ་དང ། འཐབ་མོ་དང ། རྩོད་པ་དང ། འཐབ་ཅིང་འགྱེད་པ་ཐམས་ཅད་རབ་ཏུ་ཞི་བར་འགྱུར་ཞིང་རྟག་ཏུ་རྒྱལ་བར་འགྱུར་རོ། །བདེ་ཞིང་ལེགས་པར་རྒྱལ་བ་འགྲུབ་པ་དང ། ཐམས་ཅད་དུ་དཔལ་ཐོབ་པར་འགྱུར་རོ། །ལྷ་དང ། ལྷ་མ་ཡིན་དང ། དྲི་ཟ་དང ། གནོད་སྦྱིན་དང ། སྲིན་པོ་དང ། ཀླུ་རྣམས་ཀྱིས་བསྲུང་བའི་ཕྱིར་ཉིན་མཚན་དུ་རྗེས་སུ་འབྲང་བར་འགྱུར་རོ། །དེ་བཞིན་དུ་རྗེས་སུ་སྐྱོང་བ་དང ། དུས་ཐམས་ཅད་བླ་ན་མེད་པའི་གཟི་བྱིན་སྐྱེད་པར་བྱེད་དོ། །ཁྲོ་བོའི་ལྕགས་ཀྱུ་བླ་ན་མེད་པ་གྲུབ་པའི་ཐིག་ལེ་བརྗོད་པར་བྱའོ། །ཐིག་ལེ་སྐར་མ་ལྟ་བུ་ནི། །ལྷ་ཡི་ཉི་མ་བཞིན་དུ་དཔའ། །ཉི་མ་བྱེ་བའི་འོད་དང་མཚུངས། །བསོད་ནམས་གཟི་བརྗིད་དག་གིས་འབར། །མུན་ཁྲོད་སྒྲོན་ཆེན་འོད་བཞིན་དུ། །མུན་པའི་ནང་ན་སྣང་བར་འགྱུར། །ཚོགས་ཀྱི་དཀྱིལ་ན་མཛེས་པ་ Ba261b ནི། །སྐར་མའི་ཚོགས་དང་ཟླ་བ་བཞིན། །བསོད་ནམས་བྱེ་བ་སྟོང་ཕྲག་དང ། །དཔག་མེད་གཞལ་དུ་མེད་པ་ཡིས། །ལུས་འདི་དག་ནི་བརྒྱན་པར་འགྱུར། །མཁའ་ལ་རིན་ཆེན་མཆོད་སྡོང་ལྟར། །མཚན་དང་དཔེ་བྱད་བཟང་པོས་བརྒྱན། །རིལ་བུ་སྟེན་པ་བྱས་ན་ནི། །ལུས་ནི་བསོད་ནམས་ཚོགས་ཀྱིས་བསྐྱེད། །གང་ཞིག་ལུས་ནི་འབར་བ་དང ། །ཤིན་ཏུ་བཟང་པོ་ཁོ་ནར་འགྱུར། །འཇིག་རྟེན་མགོན་པོ་དུས་རྟག་ཏུ། །ཕྱག་ནི་སྤྱི་བོར་འཇོག་པར་མཛད། །རྟག་ཏུ་མཆོག་ནི་སྦྱིན་པ་དང ། །ཀུན་ཏུ་བླ་མེད་གྲུབ་པར་འགྱུར། །ཆོ་ག་ཞིབ་མོ་འགྲུབ་པ་དང ། །གསང་སྔགས་འགྲུབ་ཅིང་ཕྱག་རྒྱ་དང ། །དཀྱིལ་འཁོར་འགྲུབ་ཅིང་དཀྱིལ་འཁོར་གྱི། །རིམ་པར་ཕྱེ་བ་འགྲུབ་འགྱུར་ཏེ། །ཀུན་ཏུ་འགྲུབ་པ་བླ་ན་མེད། །གིའུ་ཝང་དང ། གུར་གུམ་དང ། རུ་རྟ་ཆ་བསྙམས་ཏེ་སྦྱར་ལ་ཁྲོ་བོའི་ལྕགས་ཀྱུའི་གསང་སྔགས་བརྒྱ་རྩ་བརྒྱད་བཟླས་བརྗོད་བྱས་ལ། ཚངས་པར་སྤྱོད་པ། མཉམ་པར་བཞག་པ། ཁྲུས་ལེགས་པར་བྱས་པ། གོས་གཙང་མ་བགོས་ཤིང་གཙང་མས་ཟླ་བ་ཡར་གྱི་ངོ་ཚེས་བཅུ་གསུམ་སྐར་མ་རྒྱལ་ལ་བབ་པའི་ཚེ་ཆུ་གཙང་མ་དང་ཞིབ་ཏུ་བཏགས་ལ་རྒྱ་ཤུག་གི་འབྲུ་ཙམ་བྱས་ཏེ་གྲིབ་མ་ལ་བསྐམས་ལ། གང་གི་ཚེ་དགོས་པ་རྩོམ་པ་དེའི་ཚེ་ཁྲོ་བོའི་རྒྱལ་པོའི་ལྕགས་ཀྱུ་ལ་ལན་ཉི་ཤུ་རྩ་གཉིས་བཟླས་བརྗོད་བྱས་ཏེ་སྨིན་མཚམས་སུ་ཐིག་ Ba262a ༄#། །ལེ་བྱའོ། །སྨིན་མཚམས་སུ་ཐིག་ལེ་བཟང་པོ་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པ་མཚན་ཉིད་བཞིན་དུ་ཐིག་ལེ་བྱས་ཏེ་བྱིན་གྱིས་བརླབས་པ་བྱས་པའི་མོད་ལ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་མཚན་ཉིད་རྣམ་པར་མཛེས་པའི་ཐིག་ལེ་དང་མཉམ་པར་མཚུངས་པར་བརྒྱན་པར་འགྱུར། ཐམས་ཅད་དུ་མཆོད་པར་བྱ་བ་དང ། རྟག་ཏུ་བླ་མ་ལ་གུས་པས་དམ་ཚིག་མ་ཉམས་པ་དང ། རྒྱལ་པོ་དང་མཚུངས་པའི་བློན་པོ་དང ། བཙུན་མོའི་ནང་དུ་སོང་ན།་ཐམས་ཅད་དགའ་བར་འགྱུར་ཞིང་ཐམས་ཅད་དུ་མཆོད་པར་འོས་པར་འགྱུར་རོ། །སེམས་ཅན་ཀུན་གུས་པ་དང ། དགའ་བ་ཇི་ལྟར་འཇིག་རྟེན་འདྲེན་པ་ལ་བྱ་བ་བཞིན་བྱེད་དོ། །ནོར་དང ། འབྲུ་དང ། ལྷའི་དཔལ་ཐོབ་པར་འགྱུར་རོ། །ལྷ་ཐམས་ཅད་ཀྱིས་མཆོད་པར་འགྱུར་རོ། །དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། འཇིག་རྟེན་སྐྱོང་བགྲགས་ཆེན་དང ། ཀླུ་རྣམས་ཀྱིས་རྟག་ཏུ་མཆོད་པར་འོས་པ་ཆེན་པོར་འགྱུར་རོ། །གནོད་སྦྱིན་དང ། དྲི་ཟ་དང ། གསང་བ་པ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་རྣམས་ཀྱིས་རྟག་ཏུ་མཆོད་པ་ཆེན་པོར་འགྱུར་རོ། །དབང་ཕྱུག་དང ། སྟོབས་དང ། བརྩོན་འགྲུས་དང ། Ba262b ཚ་འཕེལ་བར་འགྱུར་རོ། །ནད་མེད་པ་དང ། རིམས་ནད་མེད་པ་དང ། སྡིག་པ་ཐམས་ཅད་སྤངས་པ་དང ། སྒྲིབ་པ་ཐམས་ཅད་ལས་རྣམ་པར་གྲོལ་བ་དང ། ཉོན་མོངས་པའི་དྲི་མ་དང ། སྡིག་པ་དང ། དགྲ་ཐམས་ཅད་རབ་ཏུ་འཇོམས་པ་དང ། དམག་གི་གཡུལ་འགྱེད་པའི་ནང་དུ་རྟག་ཏུ་ཐམས་ཅད་དུ་རྒྱལ་བ་སྦྱིན་པར་འགྱུར་རོ། །དགྲ་དང ། ཕྱིར་རྒོལ་བ་རྣམས་ལས་གནས་ཐམས་ཅད་དུ་རྟག་ཏུ་ཀུན་ཏུ་རྒྱལ་བ་ཆེན་པོ་སྦྱིན་པར་འགྱུར་རོ། །ཐིག་ལེ་ད་ལྟ་བུ་བྱས་ཏེ་ཁྲོ་བོའི་ལྕགས་ཀྱུ་ལན་གཅིག་དྲན་པར་བྱས་ལ་ཡུངས་ཀར་ལན་གཅིག་བཟླས་བརྗོད་བྱས་ཏེ་ཕུག་གི་སྒོར་གཏོར་ན། ཕུག་ཐམས་ཅད་སྒོ་གདངས་པར་འགྱུར་རོ། །ཇི་ལྟར་དགའ་བར་འཇུག་པར་འགྱུར་རོ། ལན་གསུམ་ཞུགས་ཀྱི་བར་དུ་སྒོ་གཏན་འཇུག་པའི་གནས་སུ་ཁྲོ་བོའི་ལྕགས་ཀྱུ་འབའ་ཞིག་བཟླས་བརྗོད་བྱས་ན། དེའི་ཚེ་ལྷའི་བུ་མོ་རྒྱན་ཐམས་ཅད་ཀྱིས་བརྒྱན་པ། བཟང་ཞིང་མཛེས་པ། བལྟ་བར་འོས་པ། མཆོག་ཏུ་མདོག་སྡུག་ཅིང་འཁྲིག་པ་དང་ལྡན་པ། དཔལ་གྱིས་ཤིན་ཏུ་དཔའ་ཞིང་འབར་བ། བཞིན་འཛུམ་པ། ལུས་ངོ་ཚ་ཚ་ལྟར་བྱེད་པ། འགྲོས་འགྱིང་བག་ཏུ་འོང་བར་འགྱུར་ཏེ། སྤྱི་བོ་ཡིད་ཙམ་བཏུད་ནས་གསེར་གྱི་སྣོད་རིན་པོ་ཆེས་བཀང་བ་ཐོགས་ཏེ་རིག་སྔགས་འཆང་ལ་འབུལ་བར་བྱེད་དོ། །རིག་སྔགས་འཆང་བས་ཅང་མི་སྨྲ་བར་བྱའོ། །རིན་པོ་ཆེའི་སྣོད་ཀྱང་བླང་ Ba263a ༄#། །བར་མི་བྱའོ། །གསང་སྔགས་འབའ་ཞིག་དྲན་པར་བྱ་ཞིང ། ཡུངས་ཀར་གྱིས་གཞོན་ནུ་མ་ལ་བརྡེག་པར་བྱའོ། །ཅི་སྟེ་མི་སྡུག་པ་འབྱིན་ཅིང་བཞིན་བསྒྱུར་བ།་ཁྲོ་བོའི་གཟུགས་མཆུ་འཕྱང་བ། མཆེ་བ་གཙིགས་པ། སྐྲ་རལ་པ་སེར་ལ་གྱེན་དུ་བརྫེས་ལ་རལ་པ་ཅོད་པན་གྱིས་བརྒྱན་པར་སྟོན་ན། རིག་སྔགས་འཆང་བས་སྐྲག་པར་མི་བྱའོ། །ཁྲོ་བོའི་ལྕགས་ཀྱུ་འབའ་ཞིག་དྲན་པར་བྱའོ། །ཡང་ཡུངས་ཀར་གྱིས་མགོའི་སྤྱི་བོར་བརྡེག་ཅིང་ཁྲོས་པའི་གཟུགས་ཀྱིས་དྲན་པར་བྱས་ན། དེའི་ཚེ་དེ་ས་ལ་འགྱེལ་ཏེ་འདྲེ་ལྡོག་ཅིང་ཀྱེ་རིག་སྔགས་འཆང་ཐུགས་རྗེ་ཅན་ཁྱོད་རིག་སྔགས་འཆང་ཁྱབ་འཇུག་གི་གཟུགས་ཅན་གུམ་མོ་གུམ་མོ་ཞེས་སྒྲ་འབྱིན་ཏོ། །དེ་ནས་རིག་སྔགས་འཆང་པས་རྗེས་སུ་བརྟགས་ཏེ་གལ་ཏེ་ཁ་ཆུ་དབུ་བར་འབྱུང་ན། རིག་སྔགས་འཆང་བས་དེ་བླངས་ལ་རྐང་པ་དང་བྱིན་པར་བསྐུས་ན་རླུང་གི་ཕུང་པོ་བདུན་པའི་རླུང་ལ་ཞོན་ཏེ་ནམ་མཁའ་ལ་འགྲོ་བར་འགྱུར་རོ། །རིག་སྔགས་འཆང་བའི་འཁོར་ལོས་བསྒྱུར་བར་འགྱུར་ཞིང་རིག་སྔགས་འཆང་བའི་འཁོར་བརྒྱ་ཕྲག་བྱེ་བ་དགུ་བཅུ་རྩ་དགུས་བསྐོར་བར་འགྱུར་རོ། ། སྐད་ཅིག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྱི་མཐར་སོང་ཞིང་སླར་ཡང་འོང་བར་འགྱུར་རོ། །གལ་ཏེ་རེག་ན་ནི། སྐྱེས་ནས་ལོ་བཅུ་དྲུག་ལོན་པ་དང་ Ba263b འདྲ་ཞིང་སྐྲ་ཡིད་ཙམ་འཁྱིལ་ཞིང་འཁྱིལ་བ། རྣམ་ཆག་དུ་བུ་དྲི་མ་མེད་ཅིང་སྤེན་ཏོག་འཕྱང་བ་དང ། མཁྲིག་མ་གདུ་བུས་བརྒྱན་པ། ལུས་པདྨ་འདྲ་ཞིང་དཀར་ཤམ་དུ་འགྱུར་རོ། ། ཚེ་བསྐལ་པ་སྟོང་ཕྲག་བདུན་ཅུ་རྩ་གཉིས་ཐུབ་པར་འགྱུར་རོ། །རིག་སྔགས་འཆང་བའི་འཁོར་ལོས་བསྒྱུར་བ་སྟོང་ཕྲག་དགུ་བཅུ་རྩ་གཉིས་ཀྱི་འཁོར་གྱིས་བསྐོར་བར་འགྱུར་རོ། །གནས་ཐམས་ཅད་དུ་དཔོན་པོར་འགྱུར་རོ། །གལ་ཏེ་ཐིག་ལེ་བྱས་ཏེ་མི་སྣང་བར་གྱུར་ན། གནོད་སྦྱིན་དང ། སྲིན་པོ་དང ། འབྱུང་པོ་ཐམས་ཅད་ཀྱི་ཁྱིམ་སྒོ་ཕྱེ་སྟེ་འདུག་པར་འགྱུར་རོ། །གནོད་སྦྱིན་དང ། སྲིན་པོ་དང ། འབྱུང་པོ་འཁོར་དང་བཅས་པ་ཐམས་ཅད་བགྱི་བ་ཅི་མཆིས་ཞེས་དབང་དུ་འགྱུར་ཞིང་བཀའ་བཞིན་དུ་འཇུག་གོ་།མངགས་པའི་དགོས་པ་ཐམས་ཅད་བྱེད་པར་འགྱུར་རོ། །ཁྱིམ་ཐམས་ཅད་དུ་རེ་རེར་ཡང་དབོན་པོ་དང ། བཀའ་བཞིན་བྱེད་པའི་རྒྱལ་པོར་འགྱུར་རོ། །གལ་ཏེ་མཚོག་མར་ཐིག་ལེ་བྱས་ན་བརྒྱ་བྱིན་དང ། ལྷ་རྣམས་ཀྱི་དབང་པོ་སུམ་ཅུ་རྩ་གསུམ་པའི་རིས་ཀྱི་བདག་པོའི་ལྷ་དང ། སུམ་ཅུ་རྩ་གསུམ་གྱི་རིས་ཀྱི་ལྷའི་བུ་དང་བཅས་པ་ཐམས་ཅད་ཀྱིས་མཆོད་པར་འགྱུར་ཏེ།་རིག་སྔགས་འཆང་བ་ལ་བྱ་བ་ཐམས་ཅད་ཀྱིས་བསྙེན་བཀུར་བྱེད་པར་འགྱུར་རོ། །ཤིན་ཏུ་མཐོང་བའི་ལྷའི་རིགས་ཀྱི་ལྷ་རྣམས་དང་ལྷན་ཅིག་ཏུ་རྩེ་དགའ་ཀུན་ཏུ་སྤྱོད་པར་ Ba264a ༄#། །འགྱུར་རོ། །ཚེ་ལྷའི་ལོ་སྟོང་ལེགས་པར་ཐུབ་པར་འགྱུར་རོ། །ལྟེ་བའི་གནས་སུ་ཐིག་ལེ་བྱས་ཏེ་ཀླུ་མཚོར་ཞུགས་པ་ཙམ་གྱིས་མོད་ལ་ཀླུའི་རྒྱལ་པོ་དཔུང་དང་གཡོག་ཏུ་བཅས་ཆུང་མ་དང ། བུ་མོ་གཞོན་ནུ་མའམ། ཐམས་ཅད་མདུན་ན་འདུག་ཅིང་འདི་སྐད་ཅེས་སྨྲས་ཏེ། རིག་སྔགས་འཆང་བ་བཀའ་སྩོལ་ཅིག་དང ། ལས་བགྱི་བ་དང ། དགོས་པ་ཐམས་ཅད་བགྱི་ཞིང་རྣམ་འཚོའི་བར་དུ་ཉེ་བར་གནས་པར་བགྱིའོ། །ཡོ་བྱད་ཐམས་ཅད་ཀྱིས་མི་བྲལ་བར་བསྒྲུབ་པར་བགྱིའོ། །ཀླུའམ་ལྷའི་ལོངས་སྤྱོད་མཆོག་ཏུ་ལོངས་སྤྱད་པས་རྩེ་བར་བགྱིའོ། །ལྷའི་ལོ་སྟོང་གི་བར་དུ་རྗེས་སུ་གནས་པར་བགྱིའོ། །ནོར་ཐམས་ཅད་རྗེས་སུ་སྩལ་བར་བགྱིའོ། །རིན་པོ་ཆེ་རྣམ་པ་སྣ་ཚོགས་གསེར་དང ། དངུལ་དང ། བཻ་ཌཱུརྱ་དང ། ཤངྐ་ཤི་ལ་དང ། བྱི་རུ་དང ། ས་ལེ་སྦྲམ་དང ། གསེར་དང ། མུ་ཏིག་དང ། ིནྡྲ་ནཱི་ལ་དང ། མ་ར་ཀ་ཏ་དང ། པདྨ་རཱ་ག་དང ། བཻ་ཌཱུརྱ་དང ། ཤིན་ཏུ་བཟང་པོ་རྣམས་སུ་སྩལ་བར་བགྱིའོ། །ལྷ་རྫས་ཀྱི་བཟའ་བ་མཆོག་དང ། ལྷ་རྫས་ཀྱི་ནོར་གྱི་ཕུང་པོས་བང་མཛོད་རྣམས་རབ་ཏུ་དགང་བར་བགྱིའོ། །ཤིན་ཏུ་ཆར་ཆེས་པ་གཅད་པར་བགྱིའོ། །ཆར་དཀོན་པ་ན་ཆར་བབ་པར་བགྱིའོ། །དུས་མ་ཡིན་པའི་ཆར་གཅད་པར་བགྱིའོ། །དུས་སུ་ཆར་དབབ་པ་དང ། Ba264b དུས་སུ་ཆར་བའི་རྒྱུན་འབྱུང་བར་བགྱིའོ། །ལྷ་རྫས་ཀྱི་མེ་ཏོག་སྣ་ཚོགས་དང ། ལྷ་རྫས་ཀྱི་འབྲས་བུ་སྣ་ཚོགས་ཉེ་བར་བསྒྲུབ་བར་བགྱིའོ། །ནམ་འཚོའི་བང་དུ་གནས་ཏེ་བསྙེན་བཀུར་བགྱིའོ། །རིག་སྔགས་འཆང་བའི་རྐང་པ་སྤྱི་བོས་བླང་བར་བགྱིའོ། །རིག་སྔགས་འཆང་བ་དེའི་ཚིག་དང ། བསམ་པ་རྗེས་སུ་བསྐྱང་བར་བགྱིའོ། །དཔུང་པ་གཉིས་ཀྱི་བར་དུ་ཐིག་ལེ་བྱས་ན། གླང་པོ་ཆེ་སྟོང་གི་སྟོབས་ཡོད་པར་འགྱུར་ཏེ། ཕྱིར་རྒོལ་བ་དང ། དགྲ་ཐམས་ཅད་ཀྱི་སྟོབས་ཀྱིས་མི་ཐུབ་པར་འགྱུར་རོ། །འཐབ་ཅིང་དམག་གི་གཡུལ་འགྱེད་པ་ཐམས་ཅད་ཀྱི་ནང་དུ་ཕ་རོལ་གནོན་པའི་སྟོབས་ཐོགས་པ་མེད་པ་རྒྱལ་བ་སྦྱིན་པར་འགྱུར་རོ། །ལྷ་མ་ཡིན་ཀུན་ལས་ཀྱང་རྒྱལ་བར་འགྱུར་རོ། །ལྷ་ཐམས་ཅད་འདི་ལ་བསྲུང་བ་དང ། སྦ་བ་དང ། བསྐྱང་བའི་ཕྱིར་རྟག་ཏུ་ཞམ་འབྲིང་དུ་འབྲང་བར་འགྱུར་རོ། །འཐབ་པ་དང ། རྩོད་པ་དང ། འགྱེད་པ་དང ། དངོགས་འབྱིན་པ་དང ། མཚང་འདྲུ་བ་དང ། གཡུལ་འགྱེད་པ་ཐམས་ཅད་དུ་རྒྱལ་བ་སྦྱིན་པར་འགྱུར་རོ། །ལྟོ་བར་ཐིག་ལེ་བྱས་ཏེ་ཁྲོ་བོའི་ལྕགས་ཀྱུའི་རིག་སྔགས་ལན་གཅིག་དྲན་པར་བྱས་པ་ཡིད་ལ་ཇི་ལྟར་བསམ་པ་ཇི་བཞིན་བྱས་ན། ཅི་འདོད་པའི་ཁ་ཟས་ཐོབ་པར་འགྱུར་ཏེ། འཁོར་ཉི་ཤུ་དང་བཅས་པས་ཇི་ལྟར་འདོད་པ་ཐོབ་པར་འགྱུར་རོ། །སྐེར་ཐིག་ལེ་བྱས་ཏེ་ཁྲོ་བོའི་ལྕགས་ཀྱུ་སྐེར་ལན་གཅིག་བཟླས་བརྗོད་ Ba265a ༄#། །བྱེད་ཅིང་རྒྱལ་པོའི་ཕོ་བྲང་དུ་སོང་ན། ཇི་ཙམ་འདོད་པའི་གོས་དང ། སྤུད་པ་དང ། རྒྱན་འཐོབ་པར་འགྱུར་རོ། །རྟག་ཏུ་རྒྱལ་པོ་དང ། བཙུན་མོའི་འཁོར་དང་བཅས་པས་མཆོད་པར་འོས་པའི་མཆོག་ཏུ་འགྱུར་རོ། །དབང་ཕྱུག་ཆེན་པོའི་ཆེན་པོ་ཐོབ་པ་གྲུབ་པར་འགྱུར་རོ། །ལག་མཐིལ་དུ་ཐིག་ལེ་བྱས་ཏེ་ལན་གཅིག་བཟླས་བརྗོད་བྱས་ན། གང་ལ་རེག་པ་དེ་དབང་དུ་འགྱུར་རོ། །གང་འདོད་པ་དེ་ཐམས་ཅད་སྦྱིན་ཞིང་བསྒོ་བ་དེ་ཐམས་ཅད་བྱེད་པར་འགྱུར་རོ། །ལག་པ་གཡས་པ་ལ་བསྐུས་ལ་ལན་གཅིག་བཟླས་བརྗོད་བྱས་ཏེ་གྲོང་ཁྱེར་གྱི་སྒོ་ལ་བརྡབས་ན། གྲོང་ཁྱེར་ན་གནས་པའི་གནོད་སྦྱིན་དང ། སྲིན་པོ་ཐམས་ཅད་དབང་དུ་འགྱུར་ཏེ། མདུན་ན་གནས་ཤིང་དེ་ཐམས་ཅད་བསྒོ་བ་བཞིན་བྱེད་པར་འགྱུར་རོ། །གྲོང་དེ་ན་སྐྱེ་བོ་གང་དག་གནས་པ་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་དེ་ཐམས་ཅད་དབང་དུ་འགྱུར་ཏེ། མདུན་ན་གནས་ཤིང་ཇི་སྲིད་གྲོང་ཁྱེར་དེར་འདུག་པར་འདོད་པས་དེ་སྲིད་དུ་ཐམས་ཅད་ཅི་བྱ་བ་ཐམས་ཅད་བྱེད་ཅིང་གནས་པ་དང ། མདུན་ན་འདུག་པར་འགྱུར་རོ། །ལག་པ་གཡོན་པ་ལ་བསྐུས་ཏེ་རྒྱལ་པོའི་སྒོ་ལ་བརྡབས་ན། ཇི་སྲིད་འདུག་པར་འདོད་པ་དེ་སྲིད་དུ་ཐམས་ཅད་དབང་དུ་གྱུར་པ་སྦྱིན་པར་འགྱུར་རོ། །ལག་པ་གཡས་པ་ལ་བསྐུས་ཤིང་ལན་གཅིག་བཟླས་བརྗོད་བྱ་སྟེ། Ba265b \?\་གི་གསང་བའི་སྒོ་ལ་བརྡབ་བ་བྱས་ན། གསང་བའི་ཁྱིམ་ཐམས་ཅད་སྒོ་ཕྱེ་སྟེ་འདུག་ཅིང་ཁྱིམ་ན་གནས་པ་དེ་དག་ཐམས་ཅད་དབང་དུ་གྱུར་ཏེ་འདུག་གོ་།རྐང་པ་གཉིས་ལ་བསྐུ་ཞིང་གསང་སྔགས་ལན་གཅིག་དྲན་པར་བྱས་ཏེ་དུར་ཁྲོད་དུ་སོང་ན། དུར་ཁྲོད་ན་གནས་པའི་གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་ཐམས་ཅད་མདུན་ན་གནས་ཤིང་དབང་དུ་འགྱུར་བ་དང ། ཁྱིམ་གྱི་སྒོ་ཐམས་ཅད་ཕྱེ་བ་དང ། ཐམས་ཅད་བྱ་བ་ཅི་ཡོད་པ་བྱེད་པར་འགྱུར་རོ། །བྲལ་གཉིས་ལ་བསྐུས་ཏེ་ནགས་ཚལ་གྱི་ནང་དུ་ཞུགས་ན། ཞུགས་པ་ཙམ་གྱིས་ཁྱིམ་ན་གནས་པ་ཐམས་ཅད་མདུན་ན་གནས་ཤིང་ཁྱིམ་གྱི་སྒོ་ཐམས་ཅད་ཕྱེ་སྟེ་འདུག་པར་འགྱུར་རོ། །སྨན་གྱི་རྫས་ཐམས་ཅད་དང ། རྩཝ་དང ། ཤིང་གེལ་བའི་སྨན་དང ། རྩཝ་དང ། མགོ་ལྕོག་གི་ནགས་ཚལ་གྱི་རང་གི་ངོ་བོ་ཐམས་ཅད་ཇི་ལྟར་འདོད་པ་བླང་བ་བཞིན་དུ་མདུན་ན་འདུག་པར་འགྱུར་རོ། །དཔལ་ལྷ་མོ་ཆེན་མོའི་ནུ་མའི་བར་དུ་བསྐུ་ཞིང་ཁྲོས་པས་གསང་སྔགས་ལན་གཅིག་བཟླས་བརྗོད་བྱས་ཤིང་གུ་གུལ་ལ་བཟླས་བརྗོད་བྱས་ཏེ་བདུག་པ་དབུལ་ཞིང་མིག་མི་འཛུམ་པར་བལྟས་ན། དཔལ་ལྷ་མོ་ཆེན་མོ་བཀའ་སྩོལ་ཅིང་མཆོག་ཐམས་ཅད་སྦྱིན་པར་བྱེད་དོ། །ནོར་ཤིན་ཏུ་མང་པོ་རྙེད་པ་སྦྱིན་པར་མཛད་དོ། །དཔལ་ལྷ་མོ་ཆེན་མོ་རྟག་ཏུ་ཁྱིམ་ན་གནས་པར་འགྱུར་རོ། །ཡོ་བྱད་རྣམས་ Ba266a ༄#། །ཐམས་ཅད་ཀྱིས་ཡོངས་སུ་སྐྱོང་བར་འགྱུར་རོ། །ནམ་འཚོའི་བར་དུ་བསྙེན་བཀུར་བྱེད་པར་འགྱུར་རོ། །མིའི་འོ་མ་དང་ལྷན་ཅིག་ཏུ་བདར་ལ་ལན་གཅིག་བཟླས་བརྗོད་བྱས་ཏེ་མིག་ལ་བསྐུས་ན། གཏེར་ཐམས་ཅད་མཐོང་བར་འགྱུར་རོ། །མཚན་མོ་ཡང་ཉིན་པར་བཞིན་མཐོང་བར་འགྱུར་རོ། །མཆུའི་ཐོར་ཏོ་ལ་ཐིག་ལེ་བྱ་ཞིང་ལན་གཅིག་བཟླས་བརྗོད་བྱས་ན། གང་ལ་སྨྲ་བ་དེ་དབང་དུ་འགྱུར་ཞིང་གང་འདོད་པ་དེ་ཐམས་ཅད་ཐོབ་པར་འགྱུར་རོ། །ཚིག་གཟུང་བར་བྱ་བར་འགྱུར་རོ། །ཁ་ནས་ཨུཏྤ་ལའི་དྲི་མནམ་པར་འགྱུར་རོ། ། གདོན་ལ་ཐིག་ལེ་བྱས་ན། ཟིན་པ་དང ། མ་ཟིན་པ་འབབ་པར་འགྱུར་རོ། །གདོན་ཐམས་ཅད་ལ་ཐིག་ལེ་བྱས་ཤིང་ལན་ཅིག་གསང་སྔགས་དྲན་པར་བྱས་ན། མོད་ལ་ཚངས་པའི་སྲིན་པོ་ལ་སོགས་པའི་བར་དུ་ཐམས་ཅད་དུ་ཞིང་འབྲོས་པར་འགྱུར་རོ། །ཐིག་ལེ་ཙམ་དང་དྲན་པ་ཙམ་གྱིས་ཐམས་ཅད་ལས་ཡོངས་སུ་ཐར་བར་འགྱུར་རོ། །འཇིགས་པ་ཐམས་ཅད་ལ་ཐིག་ལེ་བྱས་ན། ཡོངས་སུ་ཐར་བར་འགྱུར་རོ། །ཕྲག་པ་གཉིས་ལ་ཐིག་ལེ་བྱ་ཞིང་ཁྲོ་བོ་ལན་གཅིག་དྲན་པར་བྱས་ན། ཕྲག་པ་གཉིས་འབར་བར་འགྱུར་རོ། །མཚལ་དང་སྦྱར་ཏེ་དྲི་ཆབ་དང་བསྲེས་ནས་ལག་པ་དང་རྐང་བ་ལ་བསྐུས་ཤིང་གསང་སྔགས་ལན་བདུན་དྲན་པར་བྱས་ནས་ཕུ་ཞེས་བྱས་ན་མེ་འབར་བར་འགྱུར་ཏེ། ཇི་ཙམ་འདོད་ཀྱི་བར་དུ་འབར་བ་འབྱུང་བར་འགྱུར་ Ba266b རོ། །མཆུ་ལ་བསྐུ་ཞིང་བཟླས་བརྗོད་བྱས་ན། དབུགས་རྒྱུ་བ་རྣམས་མེ་འབར་བ་འབྱུང་བར་འགྱུར་རོ། །ལུས་མཐའ་དག་བསྐུ་ཞིང་གསང་སྔགས་མང་དུ་བཟླས་བརྗོད་བྱས་ན། ལུས་མཐའ་དག་འབར་བར་འགྱུར་རོ། །ཆུ་དང ། ཉུང་ཀར་གྱིས་བསྐྲད་ནས་བུམ་པ་དང ། བུམ་པ་ལ་ཞི་བའི་ཐིག་ལེ་བྱས་ཏེ་དྲི་ཆུས་སྟེང་དུ་གཏོར་བ་དང་བཅས་པ་བྱས་ན། ཕྱིར་ཡང་གནས་པར་འགྱུར་རོ། །རལ་གྲི་དང ། གཏུན་ཤིང་དང ། དགྲ་སྟ་དང ། འཁོར་ལོ་དང ། མདུང་རྩེ་གསུམ་པ་དང ། རྡོ་རྗེ་དང ། ཐོ་བ་དང ། མདའ་བོ་ཆེ་དང ། མདུང་ལ་བསྐུ་ཞིང་རྗེས་སུ་དྲན་པར་བྱས་ན། སྐད་ཅིག་དུ་ཐམས་ཅད་འབར་བར་འགྱུར་རོ། །ལྷུང་བཟེད་ལ་བསྐུས་ན། འབར་བར་འགྱུར་རོ། །མགོ་ལ་བསྐུས་ན། སྐྲ་འབར་བར་འགྱུར་རོ། །དུང་ལ་བསྐུས་ཏེ་གནས་མཐོན་པོར་བུས་ན། སྒྲ་གང་ཐོས་པ་ཙམ་གྱིས་སེམས་ཅན་ཐམས་ཅད་ཀྱི་ཁྲོ་བ་ཐམས་ཅད་དང ། སྡིག་པ་ཐམས་ཅད་རབ་ཏུ་ཞི་བར་འགྱུར་རོ། །ངན་པ་དང་མ་རུངས་པ་ཐམས་ཅད་ཞི་བར་འགྱུར་རོ། །སྤྲིན་ལོགས་སུ་བུས་ན། རླུང་སྤྲིན་དང ། སེར་བ་ཐམས་ཅད་ཞི་བར་འགྱུར་རོ། །གྲོང་ཁྱེར་གྱི་སྒོ་བཞིར་བུས་ན། བྱུར་དང་གནོད་པ་ཐམས་ཅད་དང ། ལོ་ཉེས་དང ། ནད་མ་རུངས་པ་དང ། འཐབ་པ་དང ། རྩོད་པ་དང ། འགྱེད་པ་དང ། མཚང་འདྲུ་བ་དང ། མི་བདེ་བ་དང ། འཁྲུག་པ་ཐམས་ཅད་ཞི་བར་འགྱུར་རོ། །འབྱུང་པོ་དང ། གནོད་སྦྱིན་དང ། སྲིན་པོ་དང ། ཤ་ཟ་དང ། ཡི་ Ba267a ༄#། །དྭགས་དང ། སྐེམ་བྱེད་དང ། གྲིབ་གནོན་གྱི་འཇིགས་པ་ཐམས་ཅད་འབྱུང་བར་མི་འགྱུར་རོ། །རིམས་ཐམས་ཅད་ཞི་བར་འགྱུར་རོ། །ནད་ཐམས་ཅད་ཞི་བར་འགྱུར་རོ། །གསང་སྔགས་དང ། བྱད་དང ། རྦོད་གཏོང་དང ། དུག་གི་འཇིགས་པ་ཐམས་ཅད་ལས་ཡོངས་སུ་ཐར་བར་འགྱུར་རོ། །རྒྱལ་པོའི་སྒོར་བུས་ན། ཕ་རོལ་གྱི་དམག་ཚོགས་ཀྱིས་འཇིགས་པ་ཐམས་ཅད་དང ། དགྲ་དང ། ཕྱིར་རྒོལ་བའི་འཇིགས་པ་ཐམས་ཅད་རབ་ཏུ་ཞི་བར་འགྱུར་ཞིང་ལན་འགའ་ཡང་འབྱུང་བར་མི་འགྱུར་རོ། །བ་ལང་འཆི་བ་དང ། ཕྱུགས་འཆི་བ་དང ། མི་འཆི་བ་དང ། རྟ་འཆི་བ་དང ། གླང་པོ་ཆེ་འཆི་བ་དང ། རྔ་མོ་འཆི་བ་དང ། བྱུར་དང ། ལོ་ཉེས་པ་དང ། ནད་དང ། མིག་ནད་དང ། ནད་ཐམས་ཅད་ཀྱི་འཇིགས་པ་ཆེན་པོ་འབྱུང་བ་ལ་ཁང་པའི་སྟེང་དུ་སྐད་དྲག་པོས་ལན་གཅིག་དུང་འབུད་ཅིང་བཟླས་བརྗོད་བྱས་ན། བུས་པ་ཙམ་གྱི་མོད་ལ་ཐམས་ཅད་རབ་ཏུ་ཞི་བར་འགྱུར་རོ།། ཆར་མི་འབབ་པའི་ཚེ་ཀླུའི་གནས་མཚོ་འགྲམ་དུ་བུས་ན་མོད་ལ་ཀླུའི་རྒྱལ་པོ་རྣམས་ཆར་པའི་རྒྱུན་གཏོང་བར་འགྱུར་རོ། །ཆར་ཆེས་པའི་ཚེ་སྤྲིན་ལོགས་སུ་བུས་ན། ཤིན་ཏུ་ཆར་ཆེ་བ་ཞི་བར་འགྱུར་རོ། །ལན་འགའ་ཡང་མཚན་མ་ངན་པ་དང ། བཀྲ་མི་ཤིས་པ་འབྱུང་བར་མི་འགྱུར་རོ། །མཚམས་ཆེན་པོ་བཅད་ན། རི་མཐོན་པོའི་ཁར་བུས་ཏེ་ཇི་ Ba267b ཙམ་དུང་སྒྲ་ཐོས་པ་དེ་ཙམ་དུ་ཆུན་ཆད་མཚམས་ཆེན་པོ་བཅད་པ་བྱས་པར་འགྱུར་རོ། །དཀྱིལ་འཁོར་མཚམས་བཅད་ན། བསྐོར་ཞིང་བུས་ན་དཀྱིལ་འཁོར་གྱི་མཚམས་བཅད་པར་བྱས་པར་འགྱུར་རོ། །དེ་ནས་ཁྲོ་བོའི་རྒྱལ་པོའི་སྦྱིན་སྲེག་གི་ཆོ་ག་གྲུབ་པ་བླ་ན་མེད་པ་ཐམས་ཅད་བྱ་བ་ལ་སེམས་ཅན་ཐམས་ཅད་ཞི་བར་བྱ་བ་ལ་ནས་དང ། ཉུངས་ཀར་དང ། མར་བསྲེས་ལ་ཤིང་ཨརྒའི་མེ་བུས་ཏེ་ལན་ཉི་ཤུ་རྩ་གཅིག་སྦྱིན་སྲེག་བྱས་པ་ཙམ་གྱིས་དཔག་ཚད་ཀྱི་ནང་ཀུན་ཏུ་ཞི་བ་ཆེན་པོར་འགྱུར་རོ། །ཡམས་ཀྱི་ནད་ཀྱི་གནོད་པ་ཐམས་ཅད་དང ། འཐབ་པ་དང ། རྩོད་པ་དང ། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །ལན་བརྒྱ་རྩ་བརྒྱད་སྦྱིན་སྲེག་བྱས་ན། དཔག་ཚད་སྟོང་ཚུན་ཆད་ཀུན་ཏུ་ཞི་བ་ཆེན་པོའི་ལས་བྱས་པར་འགྱུར་རོ། །རྒྱས་པ་བྱས་ན། ཡུངས་ཀར་དང ། འབྲས་སཱ་ལུ་དང ། ཀ་ར་དང ། སྦྲང་རྩི་དང ། མར་དང་བསྲེས་ཏེ་སྦྱིན་སྲེག་བྱ་བ་ནི། ལན་བདུན་སྦྱིན་སྲེག་བྱས་ན་དཔག་ཚད་བརྒྱ་ཀུན་ཏུ་རྒྱས་པ་ཆེན་པོར་འགྱུར་རོ། །ལན་ཉི་ཤུ་རྩ་གཅིག་སྦྱིན་སྲེག་བྱས་ན། དཔག་ཚད་བརྒྱ་ཚུན་ཆད་རྒྱས་པ་ཆེན་པོར་འགྱུར་རོ། །ལན་བརྒྱ་རྩ་བརྒྱད་སྦྱིན་སྲེག་བྱས་ན། དཔག་ཚད་བརྒྱ་སྟོང་ཀུན་ཏུ་རྒྱས་པ་ཆེན་པོར་འགྱུར་རོ། །ཤིང་དྲི་མི་ཞིམ་པའི་མེ་བུས་ཏེ་འབྲས་ཀྱི་ཕུབ་མ་དང ། ལན་ཚཝ་དང ། ཡུངས་ཀར་མར་དང་བསྲེས་ཏེ་ཤིང་ཚེར་མ་ཅན་གྱི་ཡམ་སྲེག་ཤིང་གི་མེ་སྦར་ཏེ་སྦྱིན་ Ba268a ༄#། །སྲེག་ལན་བདུན་ནམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བྱས་ན། ཡིད་ལ་ཇི་ལྟར་སེམས་ཤིང་འདོད་པ་ཐམས་ཅད་དུ་མངོན་སྤྱོད་ཀྱི་ལས་རྣམས་བྱེད་པར་འགྱུར་རོ། །གསང་སྔགས་གྲུབ་པར་འདོད་ན། འབྲས་ཡོས་དང ། ཉུངས་ཀར་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་ཤིང་ཨརྒའི་ཡམ་སྲེག་ཤིང་གི་མེ་སྦར་ཏེ་སྦྱིན་སྲེག་ལན་བདུན་བྱས་ན། རང་གི་ཁྲོ་བོའི་གསང་སྔགས་སྒྲུབ་པ་འགྲུབ་པར་འགྱུར་རོ། །ལན་བཅུ་བཞི་བྱས་ན། དོན་ཡོད་པའི་ལྕགས་ཀྱུ་འགྲུབ་པར་འགྱུར་རོ། ། ཉི་ཤུ་རྩ་གཅིག་བཟླས་བརྗོད་དང་སྦྱིན་སྲེག་བྱས་ན། དོན་ཡོད་པའི་ཞགས་པའི་སྙིང་པོ་འགྲུབ་པར་འགྱུར་རོ། །ལན་བརྒྱ་རྩ་བརྒྱད་བཟླས་བརྗོད་སྦྱིན་སྲེག་བྱས་ན། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་སྤྱི་འགྲུབ་པར་འགྱུར་བ་འདི་ལྟ་སྟེ། དེ་བཞིན་གཤེགས་པའི་རིགས་དང ། ནོར་བུའི་རིགས་དང ། པདྨའི་རིགས་དང ། རྡོ་རྗེའི་རིགས་རྣམས་སོ།། གཞན་ཡང་ཁྲོ་བོ་ཆེན་པོ་སྟོང་ཕྲག་བརྒྱ་མཆོག་ཏུ་གྲུབ་པ་ཆེན་པོར་འགྱུར་རོ། །ཏིལ་དང ། འབྲས་དང ། སོ་བ་དང ། ཞོ་དང ། སྦྲང་རྩི་དང ། མར་རྣམས་སྦྱར་ཏེ་ཆང་བ་བདུན་སྦྱིན་སྲེག་བྱས་ན།་བྲམ་ཟེ་ཐམས་ཅད་དབང་དུ་འགྱུར་རོ། །ལན་བརྒྱ་རྩ་བརྒྱད་སྦྱིན་སྲེག་བྱས་ན། བརྒྱ་བྱིན་ལ་སོགས་པ་ལྷ་ཐམས་ཅད་ལྷའི་ཚོགས་དང་བཅས་པ་ཡང་འོང་ཞིང་རིག་སྔགས་ Ba268b འཆང་བ་ལ་བསྙེན་བཀུར་བྱེད་ཅིང་དབང་དུ་འགྱུར་རོ། །ཉི་མ་དང་ཟླ་བ་དག་ཀྱང་འོང་བར་འགྱུར་ཞིང་རིག་སྔགས་འཆང་བའི་རྐང་པ་ལ་འདུད་པར་འགྱུར་རོ། །གནོད་སྦྱིན་དང ། སྲིན་པོ་དབང་དུ་བྱ་ན། འབྲས་སཱ་ལུ་དང ། ཏིལ་དང ། ཡུངས་ཀར་དང ། གུ་གུལ་དང ། ཞོ་དང ། སྦྲང་རྩི་རྣམས་མར་དང་བསྲེས་ཏེ་སྦྱིན་སྲེག་ལན་ཉི་ཤུ་རྩ་གཅིག་བྱས་ན་གནོད་སྦྱིན་དང ། སྲིན་པོའི་ཚོགས་རྣམས་དབང་དུ་འགྱུར་རོ། །ཀླུ་ཆར་འབེབས་པར་བྱས་ན། འབྲས་ཡོས་དང ། ཡུངས་ཀར་དང ། ནཱ་ག་པུཥྤ་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་ལན་ཉི་ཤུ་རྩ་གཅིག་སྦྱིན་སྲེག་བྱས་ན་ཀླུ་རྣམས་ཆར་བའི་རྒྱུན་ཆེན་པོ་འབེབས་པར་འགྱུར་ཏེ། ཇི་ཙམ་འདོད་པར་ཆར་བའི་རྒྱུན་གཏོང་ཞིང་འབེབས་སོ། །ཤིན་ཏུ་ཆར་ཆེ་བ་གཅོད་ན། དེ་ཉིད་ཀྱི་ཐལ་བ་ནམ་མཁའ་ལ་གཏོར་ན་ཤིན་ཏུ་ཆར་ཆེ་བ་གཅོད་པར་འགྱུར་རོ། །ཕ་རོལ་གྱི་གཡུལ་བཟློག་པར་འདོད་ན། སྐེ་ཚེའི་འབྲུ་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་ལན་ཉི་ཤུ་རྩ་གཅིག་སྦྱིན་སྲེག་བྱའོ། །འཐབ་པ་དང ། རྩོད་པ་དང ། འགྱེད་ཅིང་མཚང་འདྲུ་བ་ཐམས་ཅད་ལ་པྲི་ཡང་ཀུའི་མེ་ཏོག་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་ལན་ཉི་ཤུ་རྩ་གཅིག་སྦྱིན་སྲེག་བྱས་ན། ཐམས་ཅད་དུ་རྒྱལ་བར་འགྱུར་རོ། །འཐབ་རྩོད་དང ། འགྱེད་པ་རྣམས་ཀྱི་སྨྲ་བའི་ལན་ཐེབས་པར་འགྱུར་རོ། །ནད་ཐམས་ཅད་ཞི་བར་ Ba269a ༄#། །བྱ་བ་ལ་སྲན་ཀུ་ལ་ན་ཐ་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་སྦྱིན་སྲེག་ལན་ཉི་ཤུ་རྩ་གཅིག་བྱས་ན། ནད་ཐམས་ཅད་རབ་ཏུ་ཞི་བར་འགྱུར་རོ། །བུད་མེད་དབང་དུ་བྱ་ན། སུ་མ་ནའི་མེ་ཏོག་གིས་ལན་ཉི་ཤུ་རྩ་གཅིག་སྦྱིན་སྲེག་བྱས་ན་བུད་མེད་ཐམས་ཅད་མཆོག་ཏུ་དབང་དུ་བྱེད་པའི་དམ་པ་ཡིན་ཞིང་ཐམས་ཅད་དུ་མཆོག་གྲུབ་པར་འགྱུར་རོ། །དེ་ནས་སྡིག་པ་ཐམས་ཅད་རྣམ་པར་སྦྱང་བར་འདོད་ན། རིག་སྔགས་འཆང་བ་དེ་འབྲས་སཱ་ལུ་དང ། ཏིལ་དང ། ཡུངས་ཀར་དང ། པདྨའི་འདབ་མ་དང ། ཞོ་དང་སྦྲང་རྩི་རྣམས་མར་དང་སྦྱར་ཏེ་ལན་ཉི་ཤུ་རྩ་གཅིག་སྦྱིན་སྲེག་བྱས་ན་སྡིག་པ་དང་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །འོན་ཏེ་ཁྲོ་བོའི་རྒྱལ་པོ་སྒྲུབ་པར་འདོང་ན། སེང་ལྡེང་གི་ཕྱེ་མ་དང ། ཡུངས་ཀར་དང ། གུ་གུལ་རྣམས་མར་དང་སྦྱར་ཏེ་སྦྱིན་སྲེག་བྱས་ན་ཐམས་ཅད་དུ་ཁྲོ་བོའི་གསང་སྔགས་གྲུབ་པ་ཆེན་པོ་འགྲུབ་པར་འགྱུར་ཞིང་ཁྲོ་བོའི་གསང་སྔགས་ཐམས་ཅད་སྤྱན་དྲངས་པར་འགྱུར་རོ། །འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་ལྔ་པ།། །།དེ་ནས་ཧཱུཾ་ཞེས་བྱ་བ་དྲན་པས་ཁྲོ་བོའི་རྒྱལ་པོ་གཤེགས་པར་འགྱུར་རོ། །ལས་འགྲུབ་པ་སྟོན་པ་དང ། མཐོང་བ་སྦྱིན་པ་དང ། འདོད་པའི་མཆོག་ཐམས་ཅད་རབ་ཏུ་སྦྱིན་པར་འགྱུར་རོ།། Ba269b འོན་ཏེ་འཕགས་པ་སྤྱན་རས་གཟིགས་དབང་ཕྱུག་དང་ཁྲོ་བོའི་རྒྱལ་པོ་སྤྱན་དྲང་བར་འདོད་ན། ཤིང་སུ་ར་བིས་མེ་སྦར་ལ་འབྲས་ཡོས་དང ། པདྨ་དང ། ུཏྤ་ལ་དང ། ཡུངས་ཀར་དང ། ཙནྡན་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་བརྒྱ་རྩ་བརྒྱད་སྦྱིན་སྲེག་བྱའོ། །རིག་སྔགས་འཆང་བས་ཁྲུས་ལེགས་པར་བྱ་ཞིང་གོས་གཙང་མ་བགོས་ཏེ་གཙང་བར་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་དང་ཁྲོ་བོའི་རྒྱལ་པོའི་སྐུ་མདུན་ན་བཞུགས་ཤིང་རིག་སྔགས་འཆང་བ་དབུགས་འབྱིན་པར་མཛད་དོ། །མཆོག་གང་འདོད་ཅིང་གསོལ་བའི་མཆོག་དེ་ཐམས་ཅད་སྦྱིན་པར་མཛད་དོ། །ཕྱག་གཡས་པ་མགོ་བོའི་སྤྱི་བོར་འཇོག་པར་མཛད་དོ། །གལ་ཏེ་སྐལ་པ་ཆུང་བ་ཞིག་སྟེ་མངོན་དུ་ཞལ་མི་མཐོང་ན། དེའི་ཚེ་རྨི་ལམ་དུ་བསྟན་ཏེ་ཐམས་ཅད་བཀའ་སྩོལ་ཅིང་ཇི་ལྟར་འདོད་པའི་མཆོག་སྦྱིན་ཏེ། གསང་སྔགས་གྲུབ་པ་ཆེན་པོ་དང ། ཆོ་ག་ཞིབ་མོ་གྲུབ་པ་དང ། དཀྱིལ་འཁོར་དང ། ཕྱག་རྒྱ་དང ། རིམ་པར་ཕྱེ་བ་གྲུབ་པ་སྦྱིན་ནོ། །དམ་ཚིག་གྲུབ་པ་ཆེན་པོ་རབ་ཏུ་སྟོན་ཏོ། །དབང་ཕྱུག་ཐོབ་པར་བྱ་ན། འབྲས་སོ་བ་སྟུ་ར་ས་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་སྦྱིན་སྲེག་བརྒྱ་རྩ་བརྒྱད་བྱས་ན།་དབང་ཕྱུག་སོ་སོར་ཐོབ་པར་འགྱུར་རོ། །གྲོང་ཐོབ་པར་བྱ་ན། ཏནྟུ་ལི་ཡ་ཁ་དང ། ཞོ་དང ། སྦྲང་རྩི་རྣམས་མར་དང་སྦྱར་ཏེ་ལན་བརྒྱ་རྩ་བརྒྱད་སྦྱིན་སྲེག་བྱས་ན། གྲོང་ཐོབ་པར་ Ba270a ༄#། །འགྱུར་རོ། །ཡུལ་གྱི་བདག་པོར་བྱ་ན། འབྲས་སཱ་ལུ་དང ། རས་བལ་ས་བོན་རྣམས་མར་དང་བསྲེས་ཏེ་བརྒྱ་རྩ་བརྒྱད་སྦྱིན་སྲེག་བྱས་ན། ཡུལ་ཐོབ་བར་འགྱུར་རོ། །མི་སྣང་བ་བྱས་ན། སྐེ་ཚེ་དང ། ལན་ཚཝའི་སྦྱིན་སྲེག་བྱའོ། །ནམ་མཁའ་ལ་འགྲོ་བར་བྱ་ན། ཤཱ་ཏ་པད་ཏྲི་ཀའི་མེ་ཏོག་གི་སྦྱིན་སྲེག་བྱའོ། །སངས་རྒྱས་ཀྱི་སྐུ་མཐོང་བར་བྱ་ན།་ཤི་ལི་དང ། ཙནྡན་གྱི་ཕྱེ་མ་དང ། དུ་རུ་ཀ་རྣམས་ཏིལ་དང་སྦྱར་ཏེ་ལན་བརྒྱ་རྩ་བརྒྱད་སྦྱིན་སྲེག་བྱས་ན། དེ་བཞིན་གཤེགས་པའི་སྐུ་མང་པོ་མཐོང་བར་འགྱུར་རོ། །དེ་བཞིན་གཤེགས་པ་དེ་དག་གིས་རིགས་སྔགས་འཆང་བ་ལེགས་སོ་ལེགས་སོ་ཞེས་གསུངས་ཞིང་དབུགས་འབྱིན་ཏོ། །དེ་བཞིན་གཤེགས་པ་དེ་དག་ཐམས་ཅད་ཀྱིས་མགོའི་སྤྱི་བོར་ཕྱག་འཇོག་ཅིང་མཆོག་གྲུབ་པ་ཆེན་པོ་སྩོལ་བར་མཛད་དོ། །ཐམས་ཅད་དུ་མཆོད་པ་འོས་པར་ཆེན་པོར་འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་པ་མཉམ་པར་སྐྱེ་བར་འགྱུར་རོ། །ཚེ་རབས་དྲན་པར་འགྱུར་རོ། །འཇིག་རྟེན་ཀུན་གྱི་བླ་མར་འགྱུར་རོ། །དགྲ་ཐམས་ཅད་གཞོམ་པར་འདོད་ན། འབྲས་མ་གྲུགས་པས་སྦྱིན་སྲེག་བྱའོ། །གཏེར་བསྐུལ་ན། དེ་ནས་དོན་ཡོད་པ་ཆེན་པོའི་སྤྱན་སྔར་བརྗོད་པར་བྱ་སྟེ། ཁྲོ་བོའི་རྒྱལ་པོའི་དངོས་གྲུབ་ཆེན་པོ་སྒྱུ་མའི་དངོས་གྲུབ་བླ་ན་མེད་པ། བཀླགས་པས་གྲུབ་པ་སོ་སོར་ Ba270b བསྟན་པའི་དངོས་གྲུབ་བླ་ན་མེད་པ་གྲུབ་པ། རིག་སྔགས་འཆང་གི་རྣམ་པར་འཕྲུལ་པ་སྟོན་པ་ལྷུར་ལེན་པ། བདེ་བ་སྐྱེད་པ་ལ་མཁས་པ་རྣམས་ཀྱི་རིག་སྔགས་འཆང་གི་དངོས་གྲུབ་ཀྱི་དེ་ཁོ་ན་ཉིད། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་མཆོག་ཏུ་གསང་བ། བྱང་ཆུབ་སེམས་དཔའ་རྣམས་ཀྱི་རྫུ་འཕྲུལ་གྱི་རྣམ་པར་འཕྲུལ་པ། དོགས་སུ་ཞུགས་པ་རྣམས་ཀྱི་རབ་ཏུ་སྒྲུབ་པ། དད་པའི་རྗེས་སུ་འབྲང་བ་རྣམས་རྣམ་པར་སེལ་བ། དོན་གྱི་སྟེགས་མཆོག་ཏུ་གྲུབ་པ། མལ་ཆ་དང་སྟན་མེད་བ་རྣམས་ཀྱི་གོས་སེམས་ཅན་ཐམས་ཅད་ཀྱི་མཆོད་པར་བྱ་བ་ཆེན་པོ་ཐམས་ཅད་དུ་ལས་ཐམས་ཅད་ལེགས་པར་གྲུབ་བ། སྡིག་པ་དང་སྒྲིབ་པ་ཐམས་ཅད་འཕྲོག་པ། གདུག་པ་ཐམས་ཅད་འཇོམས་པ། རྒྱལ་པོ་མཉེས་པར་བྱེད་པ། རྣམ་པར་ཐར་པ་དང ། དུལ་བའི་གྲོང་ཁྱེར་ཉིད་དེ། དགེ་བསྙེན་རྣམས་ཀྱི་མཆོག་ཏུ་སྐྱིད་པ། དགེ་བསྙེན་མ་རྣམས་ཀྱི་དགའ་བ་འཕེལ་བར་བྱེད་པ། རིགས་པའི་རྒྱལ་པོའི་ཡོན་ཏན་རྨད་དུ་བྱུང་བའི་དེ་ཁོ་ན་ཉིད་སྒྲུབ་པ་གྲུབ་པ་རྣམས་གཙང་མ་གཙང་སྦྲར་སྤྱོད་པ། གོས་གཙང་མ་བགོས་ཏེ་བཟའ་བ་མཆོག་།ཤིན་ཏུ་གསང་བ་དང ། བག་ཡོད་ཅིང་བདེན་པར་སྨྲ་བ། དཀོན་མཆོག་གསུམ་ལ་མཆོག་ཏུ་དད་པ། བླ་མ་ལ་གུས་པ། རྟག་པར་རྒྱུན་དུ་བྱམས་པའི་སེམས་ལ་མཉམ་པར་བཞག་པ། སེམས་ཅན་ཐམས་ཅད་ལ་བརྩེ་བར་གྱུར་པ། སྦྱིན་པ་ལ་མངོན་ Ba271a ༄#། །པར་དགའ་བའི་ཡིད་ཅན། འབྱུང་པོ་ཐམས་ཅད་ལ་བརྩེ་བའི་སེམས་དང་བྱམས་པས་བླ་ན་མེད་པའི་སྒྲུབ་པ་འདི་བྱའོ། །བསླབ་པ་དང་སྡོམ་པ་བླངས་པ། དོན་ཡོད་པ་ཆེན་པོའི་སྒྱུ་མ་བླ་ན་མེད་པ་ནི། འདིའོ། །གི་ཝང་དང ། སྤྲི་ཀ་དང ། པུ་ཤེལ་རྩེ་དང ། ཙནྡན་དང ། ལྡོང་རོས་དང ། ཤིང་ཀུན་དང ། སྤང་སྤོས་དང ། ན་ལ་ད་དང ། རུ་ཏ་དང་བཅས་པ་དང ། དེ་བཞིན་དུ་འབྲས་དགང་སྟེ། འདི་རྣམས་ཐམས་ཅད་ཆ་བསྙམས་ཏེ་ཕྱི་མར་བྱས་ནས་ཐམས་ཅད་ཞིབ་མོར་བཏགས་ལ་ག་པུར་དང ། གླ་རྩིས་བསྒོས་ཏེ་སྙིགས་མ་འདི་དག་ཚ་བའི་ཏིལ་མར་གྱིས་བཙོས་པ། ཉེའུ་ཤིང་དང ། བིལ་བ་དང ། མེ་ཏོག་བརྒྱ་བ་དང ། པུཥྐ་ར་དང ། གནྡྷ་པྲི་ཡང་ཀུ་དང ། རྒྱ་སྤོས་དང ། ས་མུ་སྟ་དང ། པྲ་པུཎྜ་རཱི་ཀ་དང ། ཤིང་མངར་རྣམས་ཆུ་བྲེ་བདུན་གང་བར་སྦྱིན་པར་བྱ་སྟེ་དྲུག་ཆ་ལྷག་མར་ལུས་པ་དང ། སྙིངས་མ་བྲེ་གང་དང ། འོ་མའི་སྙིགས་མ་པོར་ཏེ་ཏིལ་མར་སྲང་གཉིས་ལ་རྟག་ཏུ་བརྩོ་པར་བྱའོ། །ལེགས་པར་གྲུབ་པའི་གསང་སྔགས་བཟླས་བརྗོད་བྱས་ལ་གཏོར་མ་དང ། དཀྱིལ་འཁོར་དུ་མེ་ཏོག་དང ། དྲི་བཟང་པོའི་བདུག་པ་དང ། ཏིལ་མར་བཙོ་བའི་ཆོ་ག་བཞིན་དུ་རབ་ཏུ་སྦྱར་ལ་གང་ལས་གྲུབ་པ་ཁྱད་པར་དུ་བསྐྱེད་ཅིང་བབས་པའི་ཏིལ་མར་བྱས་པ་སྲུང་བའི་ཆོ་ག་བྱ་སྟེ། སྣོད་གཙང་མ་བཀང་ནས་སླར་ཡང་གསང་སྔགས་ལན་ཉི་ཤུ་རྩ་ Ba271b གཅིག་ཏུ་བཟླས་བརྗོད་བྱས་ནས་གསང་བའི་གནས་སུ་གཞག་པར་བྱའོ། །དེ་ནས་ལས་ཐམས་ཅད་བྱེད་དུ་གཞུག་སྟེ། རིག་སྔགས་འཆང་ཁྲུས་ལེགས་པར་བྱས་པ། དྲིས་བསྒོས་པའི་ཏིལ་མར་རྟག་ཏུ་ལུས་ལ་བྱུགས་པ་འདིས་ལུས་དེ་མི་སྣང་གཞིང་དངོས་པོ་མེད་པར་སྟོན་པར་བྱེད་དོ། །ངག་ཐོས་ལ་རེག་པར་མི་བྱེད་དོ། །གང་གིས་ལུས་ཁྲུས་མ་བྱས་ཀྱི་བར་དེ་སྲིད་དུ་བདག་ཉིད་མི་སྣང་སྟེ། ལུས་མི་མཐོང་ངོ ། །དཔྲལ་བར་ཐིག་ལེ་བྱས་ནས་ཡན་ལག་དང ། ཉིང་ལག་རྣམས་ལ་རེག་སྟེ་གསང་སྔགས་ལན་གཅིག་བཟླས་བརྗོད་བྱས་ན། ནམ་མཁའ་ལ་འགྲོ་བར་འགྱུར་ཏེ། སྐད་ཅིག་ལ་དགའ་བར་བྱེད་པ་དང ། ལྷ་དང་བཅས་པའི་རིག་སྔགས་འཆང་གི་དབང་པོ་མཁའ་ལ་སྤྱོད་པ་རྣམས་ཀྱིས་ལྷན་ཅིག་ཏུ་ཏིལ་མར་མགོ་ལ་བྱུགས་པས་མདོག་སྔོ་བ་དང ། སྐྲ་ཅུང་ཟད་ལི་ཞིང་འཁྱིལ་བར་འགྱུར་རོ། །ཏིལ་མར་གྲུབ་པའི་རིག་སྔགས་འཆང་ཐམས་ཅད་ཀྱི་འཁོར་ལོས་བསྒྱུར་བའི་མངའ་བདག་ཏུ་འགྱུར་རོ། །རེག་པ་ཙམ་གྱིས་ཚེ་བསྐལ་བ་ཁྲི་ཐུབ་པར་འགྱུར་རོ། །ལུས་པདྨ་དཀར་ཤམ་ལྟ་བུར་འགྱུར་རོ། །ལུས་རྡོ་རྗེ་ལྟར་བརྟན་པ་དང ། གནས་ཀྱི་སྒོ་ཐམས་ཅད་བྱེ་སྟེ་འདུག་གོ ། གང་དུ་འདོད་པར་འཇུག་པར་བྱེད་དོ། །དཀྱིལ་འཁོར་སྒྲུབ་པའི་དུས་སུ་རིག་སྔགས་འཆང་ལ་ཐིག་ལེ་བྱས་ནས་ལག་ཏུ་རྡོ་རྗེ་དང་ནོར་བུ་བྱས་ན། ནམ་མཁའ་ལ་འཕུར་བར་འགྱུར་ Ba272a ༄#། །ཏེ།་མོད་ལ་དཀྱིལ་འཁོར་གྲུབ་པ་སྟོན་པར་བྱེད་དོ། །ཏིལ་མར་གྱིས་རྐང་པ་ལ་བྱུགས་ན། ནམ་མཁའ་ལ་འོང་བར་བྱེད་དོ། །ལུས་ལ་བྱུགས་ན། མི་སྣང་བར་སྟོན་པར་བྱེད་དོ། །མཚལ་དང་ཏིལ་མར་ལྷན་ཅིག་སྦྱར་ཏེ་ཡན་ལག་དང ། ཉིང་ལག་ཐིག་ལེ་བྱས་ན། ལུས་འབར་བའི་སྙིང་པོ་མཐོང་བར་བྱེད་དོ། །འདི་དག་རིག་སྔགས་འཆང་གི་རྣམ་འཕྲུ་ལ་སོ་སོར་བསྟན་པའོ། །ཡུངས་ཀར་ལ་བཟླས་ཏེ་ལན་གཅིག་བསྐུས་སམ། དཀྱིལ་འཁོར་གྱི་སྟེང་དུ་གཏོར་ན། དཀྱིལ་འཁོར་གཡོ་བར་འགྱུར་ཏེ། འཁོར་ལོ་བཞིན་དུ་བསྐོར་བར་བྱེད་དོ། །གཏོར་མའི་སྣོད་གང་བ་རྣམས་དང ། བུམ་པ་གང་བ་རྣམས་སོར་མོ་བརྒྱད་ཀྱི་ཚད་དུ་ནམ་མཁའ་ལ་འཕགས་ཏེ་འདུག་གོ་།རང་ཉིད་སེ་གོལ་གྱི་སྒྲས་ཡོངས་སུ་འདོན་པར་བྱེད་ན། སླར་ཡང་སྣོད་ནམ་མཁའ་ལ་འཕགས་ཏེ་འདུག་པ་རང་རང་གི་གནས་པར་འགྱུར་རོ། །འདི་རྣམས་དཀྱིལ་འཁོར་དགོས་པ་བླ་ན་མེད་པའི་དངོས་གྲུབ་བོ། །དེ་ནས་སེངྒེའི་ཁྲག་དང་ཏིལ་མར་ལྷན་ཅིག་སྦྱར་ཏེ་བདག་ཉིད་ཀྱི་ལུས་ལ་བྱུགས་ན། མི་ཡི་སེངྒེ་ཆེན་པོའི་གཟུགས་སུ་མཐོང་བར་འགྱུར་ཏེ། ཇི་སྲིད་ལུས་ཁྲུས་མ་བྱས་པ་དེ་སྲིད་དུ་མིའི་སེངྒེར་ཀུན་ཏུ་གནས་སོ། །གཞན་ཡང་ཇི་ལྟར་བསམ་པ་བཞིན་དུ་ནམ་མཁའ་ལ་འཕགས་ཏེ་འདུག་པ་དང ། མི་སྣང་བར་འགྱུར་བ་དང ། མེ་ Ba272b འབར་བ་སྟོན་པར་བྱེད་དོ། །ཕག་གི་ཁྲག་དང་སྦྱར་ན། ཕག་གི་གཟུགས་སུ་སྟོན་པར་བྱེད་དོ། །ཤུགས་དང་སྟོབས་ཆེན་པོར་སྟོན་པར་བྱེད་དོ། །གླང་པོ་ཆེའི་ཁྲག་དང་སྦྱར་བས་ཚོགས་ཀྱི་དབང་ཕྱུག་ཆེན་པོའི་གཟུགས་སུ་སྟོན་པར་བྱེད་དོ། །རྟའི་ཁྲག་དང་སྔོན་པོ་ལྷན་ཅིག་སྦྱར་བ་ལུས་ལ་བྱུགས་པ་ཙམ་གྱིས་རྟ་མགྲིན་གྱི་གཟུགས་སུ་སྟོན་པར་བྱེད་དེ། ཇི་སྲིད་ཁྲུས་མ་བྱས་པ་དེ་སྲིད་དུ་མཐོང་བར་བྱེད་དོ། །བ་ལང་གི་མཁྲིས་པ་དང་ལྷན་ཅིག་སྦྱར་ན། ཁྱུ་མཆོག་ཆེན་པོ་ལ་ཞོན་པར་མཐོང་བར་འགྱུར་རོ། །ཉའི་མཁྲིས་པ་དང་ལྷན་ཅིག་སྦྱར་ན། ཀླུའི་རྒྱལ་པོ་ཆུ་བདག་ཆེན་པོའི་གཟུགས་སུ་མཐོང་བར་འགྱུར་རོ། །སྦྲུལ་དམར་པོའི་ཁྲག་དང་བསྲེས་ནས་སྦྱར་ན། སྦྲུལ་ཆེན་པོའི་གཟུགས་སུ་མཐོང་བར་འགྱུར་རོ། །རའི་ཁྲག་དང་བསྲེས་པས། ར་ཆེན་པོའི་གཟུགས་སུ་མཐོང་བར་འགྱུར་རོ། །པདྨའི་ལོ་མ་དང ། ཕྱེ་མ་དང ། རྩ་བ་དང་བཅས་པ་དང ། འདབ་མ་དང ། མེ་ཏོག་དང ། སྡོང་བུ་དང་བཅས་པ་ཏིལ་མར་གྱིས་ལྷན་ཅིག་སྦྱར་བས་ཡུངས་ཀར་ལ་བསྐུས་ཏེ་ལུས་ལ་བྱུགས་ལ་ཏིལ་མར་གྱི་ཐིག་ལེ་བྱའོ། །མཁས་པས་ཡན་ལག་དང་ཉིང་ལག་ལ་བྱུག་པ་བྱས་ན། རྒྱལ་པོ་ཆེན་པོའི་ཆ་ལུགས་སུ་མཐོང་བར་འགྱུར་ཏེ། མ་མོའི་ཚོགས་དང་བཅས་པས་ཡོངས་སུ་བསྐོར་བས་དགོས་པ་སྣ་ཚོགས་པ་དང ། རྒྱལ་པོའི་དགོས་པ་རྣམས་བྱེད་པར་འགྱུར་རོ། །ཡིད་ལ་བསམ་པའི་དགོས་པ་ཐམས་ཅད་སྒྲུབ་ Ba273a ༄#། །པར་བྱེད་པར་འགྱུར་རོ། །ལྡོང་རོས་ཀྱི་མིག་སྨན་དང་ལྷན་ཅིག་བསྲེས་ནས་མིག་ལ་བྱུགས་ན། འཁོར་ཆེན་པོའི་དབུས་སུ་སྤྱན་རས་གཟིགས་དབང་ཕྱུག་གི་གཟུགས་སུ་མཐོང་བར་འགྱུར་རོ། །རིག་པའི་རྒྱལ་པོ་བཟླས་ཏེ་ཡུངས་ཀར་དེ་ནམ་མཁའ་ལ་གཏོར་ན། འབྲས་བུ་སྣ་ཚོགས་ཀྱི་ཆར་འབབ་པར་མཐོང་བར་འགྱུར་རོ། །པདྨའི་སྙིང་པོས་སྦྱར་ན། པདྨ་ཆེན་པོའི་ཆར་འབྱུང་བར་འགྱུར་རོ། །ུཏྤ་ལ་སྔོན་པོའི་ཁུ་བས་སྦྱོར་ན། ཨུཏྤ་ལ་སྔོན་པོ་ཆེན་པོའི་ཆར་འབྱུང་བ་མཐོང་བར་འགྱུར་རོ། །ཇི་ལྟར་མེ་ཏོག་གི་ཁུ་བས་སྦྱར་ན་དེ་ལྟ་དེ་ལྟར་མེ་ཏོག་གི་ཆར་ཆེན་པོ་འབྱུང་བར་འགྱུར་རོ། །ཇི་ལྟར་ཡིད་ལ་འདོད་པའི་གཟུགས་དང ། ཁ་དོག་དང ། རྟགས་དང ། དབྱིབས་སུ་མཐོང་བར་འདོད་པ་དེ་ལྟ་དེ་ལྟར་ལྷའི་ཏིལ་མར་རྙིང་པ་དང་ལྷན་ཅིག་སྦྱར་ན། དེ་ལྟ་དེ་ལྟར་དེ་དང་དེ་ཉིད་ཀྱི་གཟུགས་སུ་མཐོང་བར་འགྱུར་རོ། །གཞལ་ཡས་ཁང་ཡང་མཐོང་བར་འགྱུར་རོ། །ལག་པས་ནོར་བུ་གཅིག་བླངས་ཏེ་ཡིད་ལ་རྗེས་སུ་དྲན་པར་བྱས་ན། རྣམ་པ་སྣ་ཚོགས་པ་དུ་མའི་བདག་ཉིད་དུ་མཐོང་བར་འགྱུར་རོ། །གོས་དང ། རྒྱན་སྣ་ཚོགས་པ་རྣམས་སྟོན་པར་བྱེད་དོ། །ལག་པས་སྣོད་ལ་བཟུང་ན། སྣོད་སྣ་ཚོགས་པ་སྟོན་པར་བྱེད་དོ། །ལག་པས་བུམ་པ་ལ་བཟུང་ན། བུམ་པ་བརྒྱ་སྟོང་ཕྲག་སྟོན་པར་བྱེད་དོ།། Ba273b རྐང་པའི་མཐིལ་ལ་བསྐུས་ན། གང་དུ་རྡོ་བ་ལ་རྐང་པ་བཞག་པ་དེ་དང་དེ་ཉིད་དུ་རྐང་པའི་རྗེས་འཇོག་པར་བྱེད་དེ། མར་གསར་ལ་ཉེ་བར་འཇོག་པ་ཇི་ལྟ་བ་བཞིན་དུ་མར་གསར་མཉེན་པ་བཞིན་དུ་རྡོ་བ་ཡང་འདྲ་བར་འགྱུར་རོ། །གཏུན་ཤིང་ལ་བྱུགས་ན། རྟགས་འབྱུང་བར་འགྱུར་རོ། །མ་མོའི་དཀྱིལ་འཁོར་གྱི་གནས་སུ་ཞུགས་ན། མ་མོའི་ལྷ་རྣམས་ཀྱི་སོ་སོའི་ཐ་དད་པའི་རྡུལ་བཟུང་སྟེ་ཏིལ་མར་དང་ལྷན་ཅིག་སྤྱར་ནས་སོ་སོའི་གདོང་ལ་བྱུགས་ན། ལྷ་དེ་དང་དེ་ལྟ་བུའི་གཟུགས་སུ་སྟོན་པར་བྱེད་དོ། །གཞན་ཡང་དགོས་པ་རྣམ་པ་སྣ་ཚོགས་པ་རྣམས་རང་གི་འདོད་པའི་བློས་ལས་བྱའོ། །དེ་ནས་བློ་འཕེལ་བར་བྱེད་པ་ནི། ཏིལ་མར་དང་འོ་མ་ལྷན་ཅིག་ཟོས་ན། བློ་དང་དྲན་པ་ཆེན་པོ་འཕེལ་བར་འགྱུར་རོ། །ནུབ་གསུམ་གྱི་སྦྱོར་བས་ཚིགས་སུ་བཅད་པ་སྟོང་ཀློག་པར་བྱེད་ཅིང་འཛིན་པར་བྱེད་དོ། །ཞག་བདུན་གྱི་སྦྱོར་བས་བློ་གྲོས་རྒྱ་མཚོ་ཆེན་པོ་ལྟ་བུ་འཕེལ་བར་བྱེད་ཅིང་གསོག་པར་བྱེད་དོ། །ཞག་བཅུ་བཞིའི་སྦྱོར་བས་ཚེ་ལྷའི་ལོ་སྟོང་དུ་འགྱུར་རོ། །ཞག་ཉི་ཤུ་རྩ་གཅིག་གི་སྦྱོར་བས། བཅུད་ལེན་སྒྲུབ་པའི་དངོས་གྲུབ་འབྱུང་བར་འགྱུར་ཏེ། གཉེར་མ་དང ། སྐྲ་དཀར་སྦངས་པ་དང ། སྐྲ་ཅུང་ཟད་འཁྱིལ་བར་འགྱུར་རོ། །ལུས་འཇམ་ཞིང་མཉེན་པ་དང ། པདྨའི་ཁ་དོག་དང་འདྲ་བར་འགྱུར་རོ། །སྐྱེས་ནས་ལོ་བཅུ་ལོན་པ་དང་འདྲ་བར་གཟུགས་དང ། ལང་ཚོ་དང་ལྡན་པར་ Ba274a ༄#། །འགྱུར་རོ། །གླང་པོ་ཆེ་སྟོང་ཕྲག་བཅུའི་སྟོབས་སུ་འགྱུར་རོ། །ཞག་ཉི་ཤུ་རྩ་བརྒྱད་ཀྱི་སྦྱོར་བས་གླང་པོ་ཆེས་སྲུང་གི་སྟོབས་སུ་འགྱུར་རོ། །ཞག་སུམ་ཅུ་སོ་ལྔའི་སྦྱོར་བས་ནམ་མཁའ་ལྡིང་ཆེན་པོའི་སྟོབས་སུ་འགྱུར་རོ། །ཞག་བཞི་བཅུ་རྩ་གཉིས་ཀྱི་སྦྱོར་བས་ལྷ་མ་ཡིན་གྱི་དབང་པོ་སྒྲ་གཅན་དང་འདྲ་བར་བརྩོན་འགྲུས་དང ། སྟོབས་ཆེན་པོར་འགྱུར་རོ། །ཞག་བཞི་བཅུ་རྩ་དགུའི་སྦྱོར་བས་རི་རབ་ལྷུན་པོ་ཆེན་པོའི་དཀྱིལ་འཁོར་དང་འདྲ་བར་འགྱུར་ཏེ། ཀླུའི་རྒྱལ་པོ་གའ་བོ་དང ། ཉེ་དགའ་བོས་ཡོངས་སུ་བསྐོར་བ་མི་གཡོ་ཞིང་མི་སྒྲུལ་བ། རེག་པར་བྱ་བ་མ་ཡིན་ཞིང་མི་མཐོང་བ། མི་མ་ཡིན་པ་རྣམས་ཀུན་ཏུ་སྤྱོད་པ། ལྷ་རྣམས་ཐམས་ཅད་ཀྱིས་ཕྱག་བྱས་ཤིང ། ཕྱག་བྱ་བའི་འོས་སུ་གྱུར་པ། དྲང་སྲོང་རྣམས་ཀྱི་བསྟོད་པའི་འོས་སུ་གྱུར་པ། གནོད་སྦྱིན་དང་སྲིན་པོ་རྣམས་ཀྱི་ཕྱག་བྱ་བའི་འོས་སུ་གྱུར་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པ། བྱང་ཆུབ་སེམས་དཔའ་ཐམས་ཅད་ཀྱི་རབ་ཏུ་བསྔགས་པའི་འོས་སུ་གྱུར་པ། རིག་སྔགས་འཆང་བའི་དབང་པོ་ཐམས་ཅད་ཀྱི་གསང་བའི་དམ་ཚིག་གྲུབ་པ། ལྷའི་དབང་པོ་རྣམས་ཀྱིས་ལྷན་ཅིག་འགྲན་པའི་འོས་སུ་གྱུར་པ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་རྣམས་ཀྱི་མངོན་དུ་སྨྲ་བའི་འོས་སུ་གྱུར་པ། ཀླུའི་དབང་པོ་ Ba274b ཐམས་ཅད་ཀྱི་ཉེ་བར་བསྒྲོད་པར་བྱ་བ་སྟེ། དེ་ལྟར་དོན་ཡོད་པའི་ལྕགས་ཀྱུའི་ཁྲོ་བོའི་རྣམ་པར་འཕྲུལ་པ་ཞེས་བྱ་བ་ཏིལ་མར་གྱི་རྒྱལ་པོའི་རྣམ་པར་འཕྲུལ་པ་ཡོན་ཏན་ཆེན་པོ་རྨད་དུ་བྱུང་བ་བརྒྱ་སྟོང་ཕྲག་གིས་གང་བའོ། །ཏིལ་མར་གྱི་རྒྱལ་པོའི་རིག་སྔགས་འཆང་འདིས་ཏིལ་མར་གྱི་རྒྱལ་པོ་རལ་གྲི་ལ་བྱུགས་ན། བྱུགས་པ་ཙམ་གྱིས་རལ་གྲི་འབར་བར་འགྱུར་རོ། །རིག་སྔགས་འཆང་གི་འཁོར་ལོས་བསྒྱུར་བར་འགྱུར་ཏེ། རལ་གྲིའི་རིག་སྔགས་འཆང་གི་འཁོར་ལོས་བསྒྱུར་བ་ཐམས་ཅད་ཀྱི་མཆོག་ཏུ་འགྱུར་རོ། །རྡོ་རྗེ་ལ་བྱུགས་ན། རྡོ་རྗེ་འབར་བར་འགྱུར་ཏེ། རིག་སྔགས་འཆང་གི་འཁོར་ལོས་བསྒྱུར་བ་ནམ་མཁའ་ལ་འགྲོ་ཞིང ། རྡོ་རྗེ་རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ།། འཁོར་ལོ་ལ་བྱུགས་ན། འཁོར་ལོ་འབར་བར་འགྱུར་ཏེ། རིག་སྔགས་འཆང་ནམ་མཁའ་ལ་འགྲོ་བར་འགྱུར་རོ། །བལྟ་ན་སྡུག་པའི་འཁོར་ལོའི་རིག་སྔགས་འཆང་གི་འཁོར་ལོས་བསྒྱུར་བར་མོད་ལ་འགྱུར་རོ། །དགྲ་ཐམས་ཅད་རབ་ཏུ་འཇོམས་སོ། །མདུང་རྩེ་གསུམ་པ་ལ་བྱུགས་ན། འབར་བར་འགྱུར་ཏེ། རིག་སྔགས་འཆང་གི་འཁོར་ལོས་བསྒྱུར་བར་འགྱུར་ཏེ། ནམ་མཁའ་ལ་གནས་པར་བྱེད་དོ། །སྟོབས་དང ། བརྩོན་འགྲུས་དང ། ཕ་རོལ་གནོན་པ་དབང་ཕྱུག་ཆེན་པོ་དང་འདྲ་བར་འགྱུར་རོ། །འབྲས་དང ། ཕོལ་མིག་ Ba275a ༄#། །དང ། ལྷོག་པ་དང ། མེ་དཔལ་དང ། ཤུ་བ་དང ། མཛེ་དང ། རྐང་ཤུ་དང ། རྩའི་རྨ་དང ། མགུལ་བ་འགགས་པ་དང ། རྣ་བའི་རྩ་ནད་དང ། མཚན་བར་རྡོལ་བ་དང ། རྨུ་ཆུ་དང ། སྐན་དང ། རླུང་དང ། མཁྲིས་པ་དང ། བད་ཀན་དང ། འདུས་པ་ཉིད་ལ་ཡང་མཁས་པས་ཆུ་དྲོན་མོ་འཐུངས་པ་ཙམ་དང ། བྱུགས་པ་ཙམ་གྱིས་ནད་ཐམས་ཅད་སེལ་ལོ། །ཏིལ་མར་གྱིས་ནད་ཐམས་ཅད་སེལ་བ་དེ་བཞིན་དུ་རྩིབ་ལོགས་ན་བ་དང ། ཚད་པ་དང ། སྙིང་ན་བ་དང ། མཆིན་པ་ན་བ་དང ། བཤང་བ་འཁྱིམ་པ་དང ། ཕོ་བའི་ནད་ཀྱི་ཉེས་པ་དེ་རྣམས་ཐམས་ཅད་འཐུངས་བ་ཙམ་གྱིས་རྣམ་པར་འཇིག་པར་ཐེ་ཚོམ་མེད་དོ། །ཉམས་པ་དང ། ཟད་པ་དང ། དེ་བཞིན་དུ་རྒྱལ་པོའི་དཔལ་བཅོམ་པ་དང ། གསོས་སྤྱད་ངན་པ་རྣམས་བསྐུས་པ་ཙམ་མམ། ཟོས་པ་ཙམ་གྱིས་སྟོབས་དང་ལྡན་པར་འགྱུར་རོ། །ལུས་རྣམས་རྒྱས་པ་དང ། མགུ་བ་དང ། སྤྲོ་བ་ཆེན་པོར་འགྱུར་རོ། །གདོན་རྣམ་པ་སྣ་ཚོགས་པར་གསུང་བ་དང ། བརྗེད་བྱེད་མི་བཟད་པ་ལ་ཡང་རེག་པ་ཙམ་གྱིས་དེ་དག་ཐམས་ཅད་རྣམ་པར་འཇིག་པར་ཐེ་ཚོམ་མེད་དོ། །བྱད་མི་བཟད་པ་དང ། སྡུག་བསྔལ་དང ། དུག་དང ། སྦྱར་དུ་ཉིད་ཀྱང་རེག་པ་ཙམ་གྱིས་རྣམ་པར་འཇིགས་པར་འགྱུར་རོ། །བརྟན་པ་དང ། གཡོ་བའི་དུག་གང་ཡིན་པ་དང ། མཆེ་བའམ། སྦྲུལ་གོ་ཎ་ས་དང ། སྡིག་ Ba275b པ་ཡང་རུང ། སྲིན་བུ་དང ། ཕྱེ་མ་ལེབ་གདུག་བའམ། ནོར་རྒྱས་ཀྱི་བུ་དང ། འཇོག་པོའམ། སྦྲུལ་གྱིས་མཐོང་བའི་དུག་གམ། དབུགས་ཀྱི་དུག་མི་བཟད་པ་གང་ཡིན་པ་དང ། རེག་པའི་དུག་གང་ཡིན་པ་དང ། ཧ་ལ་ཧ་ལའི་དུག་གང་ཡིན་པ་དང ། གཞན་དར་དའི་དུག་གང་ཡིན་པ་དང ། རྩེ་བའི་དགུ་གང་ཡིན་པ་དང ། སྡོང་བུའི་དུག་དང ། འདབ་མའི་དུག་དང ། མེ་ཏོག་གི་དུག་དང ། མདངས་ཀྱི་དུག་གང་ཡིན་པ་དང ། གཞན་དུག་རྣམ་པ་སྣ་ཚོགས་པ་དེ་རྣམས་ཐམས་ཅད་རྣམ་པར་འཇིག་པར་འགྱུར་རོ། །ཏིལ་མར་རེག་པ་ཙམ་གྱིས་ལམ་མཆོག་དང ། ལམ་གོལ་བར་སོང་བ་རྣམས་དང ། རྒྱལ་པོའི་སྒོ་དྲུང་དུ་སོང་བ་ཡང་རུང ། གསད་པར་འོས་པར་གྱུར་པ་གང་ཡིན་པ་དང ། བཅིངས་པར་གྱུར་པ་གང་ཡིན་པ་དང ། འཐབ་པ་དང ། རྩོད་པ་དང ། འགྱེད་པ་གང་ཡིན་པ་དང ། གཞན་ཡང་དགྲའི་གཟེབ་དང ། ཕ་རོལ་གྱི་དམག་ཚོགས་ཀྱི་འཇིགས་པ་ཉིད་དང ། མི་མཛའ་བ་དང ། ཕྱིར་རྒོལ་བ་གང་ཡིན་པ་ཡང་ཏིལ་མར་འདི་མངོན་པར་སྦྱར་བས་སྐད་ཅིག་དེ་ལ་ཐམས་ཅད་འཇོམས་སོ། །རྒྱལ་པོ་ཁྲོས་པ་གང་ཡིན་པ་འཛུམ་བཞིན་དུ་བཀའ་སྩོལ་ཏོ། །གཡུལ་འགྱེད་པའི་ནང་དུའམ། ཕན་ཚུན་འཐབ་བཞིན་པ་ཐམས་ཅད་ལ་ཏིལ་མར་རྒྱལ་པོ་བླན་མེད་པས་རྟག་ཏུ་རྒྱལ་བ་སྟེར་རོ། །མཁས་པས་མིག་ལ་བྱུགས་ན། མི་ཐུབ་ཅིང་ཐམས་ཅད་དུ་འགྲོ་བར་འགྱུར་རོ། །གཞན་ Ba276a ༄#། །གྱིས་ཀྱང་དགོས་པ་ཐམས་ཅད་ལ་རབ་ཏུ་སྦྱར་བར་བྱ་སྟེ། དངོས་གྲུབ་ཀྱི་གནས་ཐམས་ཅད་ཀྱི་མཆོག་ཡིན་པའི་ཕྱིར་རོ། །དེ་ནས་ཁྲོ་བོ་ལྕགས་ཀྱུ་བླ་ན་མེད་པ། སྡིག་ཐམས་ཅད་སེལ་བ། མོད་ལ་གདུག་པ་ཐམས་ཅད་འཇིགས་པར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། མོད་ལ་ཐམས་ཅད་དུ་གྲུབ་པ་བླ་ན་མེད་པ།་ནད་ཐམས་ཅད་ཞི་བ། དེ་ཁོ་ན་ཉིད་ཁྲོ་བོ་ལྕགས་ཀྱུ་བླ་ན་མེད་པའི་རས་རིས་ཀྱི་སྐུ་གཟུགས་བརྗོད་བར་བྱ་སྟེ། རས་རིས་ཀྱི་སྐུ་གཟུགས་བླ་ན་མེད་པ་འདི་མཐོང་བ་ཙམ་གྱི་མོད་ལ་བསོད་ནམས་ཀྱི་ཕུང་པོ་ཆེན་པོ་ཐོབ་པ་དང ། དགེ་བའི་རྩ་བ་ཆེན་པོ་བསྐྱེད་པར་འགྱུར་བ་དང ། རིག་པའི་གནས་ཐམས་ཅད་རྟོགས་པར་ཁོང་དུ་ཆུད་བར་འགྱུར་བ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་གཉིས་མཐོང་བ་དང ། མཆོད་པ་དང ། རིམ་གྲོར་བྱ་བ་དང ། ཞེ་སར་བྱ་བ་དང ། བླ་མར་བྱས་པ་དང ། དེ་བཞིན་གཤེགས་པ་དེ་རྣམས་ཀྱི་སྤྱན་སྔར་བསོད་ནམས་ཀྱི་ཕུང་པོ་ཆེན་པོའི་དགེ་བའི་རྩ་བ་དང་ལྡན་པར་འགྱུར་བ་དང ། རས་རིས་ཀྱི་སྐུ་གཟུགས་གང་ཡིན་པ་འདི་མཐོང་པ་ཙམ་གྱི་མོད་ལ་མཐའ་ཀླས་པ་ཙམ་དང་འདི་མཚུངས་པར་འགྱུར་ཏེ། འདི་དང་མཚུངས་པའི་བསོད་ནམས་ཀྱི་ཕུང་པོའི་དགེ་ Ba276b བའི་རྩ་བ་བསྐྱེད་པར་འགྱུར་རོ། །དེ་བཞིན་གཤེགས་པ་དང ། བྱང་ཆུབ་སེམས་དཔའ་ཐམས་ཅད་དང ། ལྷ་ཐམས་ཅད་ཀྱིས་དགོངས་པར་འགྱུར་རོ། །རས་གྲུ་བཞི་པ་གྲུ་བཞིར་ཆ་མཉམ་པ། ཤིན་ཏུ་ཐགས་བཟང་བ། ཤིན་ཏུ་གསར་བ། ཤིན་ཏུ་འཇམ་པ། མཆོག་ཏུ་མཛེས་པ། ཁྲུ་གཉིས་པའི་ཚད་ཁ་ཚར་མ་བཅད་པ། སྐྲ་དང་བྲལ་བའམ། ཡང་ན་དར་གཙང་མ་གྲུ་བཞི་ཤིན་ཏུ་རྣམ་པར་འབྱེས་པ་ལ་རི་མོ་མཁན་གཙང་མ་སྨྱུང་བར་གནས་པས། ལྷག་མ་མ་ཡིན་པའི་ཚོན་སྣོད་གསར་བར་བཞག་ལ་ཚོན་སྣ་ཚོགས་རྣམ་པར་འབྱེས་པས་འཕགས་པ་དོན་ཡོད་ཞགས་པའི་ཁྲོ་བོའི་ལྕགས་ཀྱུ་བྲི་བར་བྱའོ། །འཕགས་པ་སྤྱན་རས་གཟིགས་དབང་ཕྱུགས་ཞལ་བཞི་པ། ཞལ་དང་པོ་ནི། ཞི་བ། སྤྱན་གསུམ་པ། རལ་པའི་ཅོད་པན་གྱིས་བརྒྱན་པ། འོད་དཔག་མེད་ཅོད་པན་དུ་འཆང་བ། ཟླ་བས་ཉེ་བར་མཛེས་པ། ཕྱག་བཞི་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། གཡས་པའི་ཞལ་དྲག་པོའི་གཟུགས་ཅན་འཇིགས་པར་བྱེད་པ། ཚེམས་ཀྱིས་མ་མཆུ་མནན་པ། དབུ་སྐྲ་གྱེན་དུ་བརྗེས་པའི་རལ་པའི་ཐོར་ཚུགས་ཀྱིས་བརྒྱན་པ། གཡོན་པ་དྲག་པོ་ཆེན་པོ་མཆེ་བ་གཙིགས་པ། ཞལ་རྣམ་པར་འགྱུར་བ། དབུ་སྐྲ་འཁྱིལ་ཞིང་གྱེན་དུ་བརྫེས་པའི་རལ་པ་ཀུན་ཏུ་བཅིངས་པ། འོད་དཔག་མེད་ཀྱི་ཅོད་པན་ཅན། དྲག་ཏུ་བཞད་པའོ།། Ba277a ༄#། །ཞི་བའི་ཞལ་རལ་པའི་ཅོད་པན་གྱི་རྒྱན་པའི་སྟེང་དུ་སྐུ་ཕྱེད་པའི་ཁྲོ་བོའི་རྒྱལ་པོ་འབར་བའི་སྙིང་པོར་ཆུད་བ་བྱ་སྟེ། སྐུ་ཨུཏྤ་ལ་སྔོན་པོའི་ཁ་དོག་ཅན་དབུ་སྐྲ་དམར་པོ་ཅུང་ཟད་འཁྱིལ་བ། འོད་དཔག་མེད་ཀྱི་ཅོད་པན་ཅན། རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱག་གཉིས་ཀྱི་གཅིག་གིས་རལ་གྲི་དང ། གཉིས་པས་ཐོ་བ་འབར་བ་ཅན་བྱའོ། །ཕྱག་གཅིག་གིས་པདྨ་འཆང་བ་སྟེ། པདྨའི་གེ་སར་འབར་བའི་བསྙེན་པ་ཅན་ནོ། །གཉིས་པས་ལྕགས་ཀྱུ་དང་མདུང་རྩེ་གསུམ་སྟེ། གཡས་པ་ནའོ། །གཡོན་པས་ཁྲོ་བོ་ཆེན་པོ་དྲག་པོ་དྲག་ཏུ་རྒོད་པའི་གཟུགས་ཅན། དོན་ཡོད་པའི་ཞགས་པ་འཛིན་པའོ། །གཡས་པ་དབུགས་འབྱིན་པའི་རིན་པོ་ཆེ་ཆེན་པོའི་ཆར་འབེབས་པ། ཕྱག་ཐམས་ཅད་འབར་བའི་སྙིང་པོ་འོད་ཟེར་ཁ་དོག་སྣ་ཚོགས་པ་བྱ་སྟེ། པདྨའི་གདན་ལ་སྐྱིལ་མོ་ཀྲུང་གིས་བཞུགས་པ་བྱའོ། །རྒྱ་མཚོའི་སྙིང་པོར་རི་རབ་ལ་གནས་པ། ཀླུའི་རྒྱལ་པོ་དགའ་བོ་དང་ཉེ་དགའ་བོས་དཀྲིས་པ་བྱའོ། །ཉ་དང ། ཆུ་སྲིན་དང ། ནོར་བུ་རིན་པོ་ཆེ་སྣ་ཚོགས་ཀྱིས་དཀྲིས་པ། པདྨ་དང ། ུཏྤ་ལ་དང ། ཀུ་མུ་ད་དང ། པདྨ་དཀར་པོས་གཅལ་དུ་བཀྲམ་པ། ངང་པ་དང ། བཞད་དང ། ངུར་པ་དང ། ཤང་ཤང་ཏེའུས་ཁྱབ་པ་བྱའོ། །གཡས་ལོགས་སུ་ལྷ་མོ་སྒྲོལ་མ་དབུ་ཅུང་ཟད་དུད་པ། ཐལ་མོ་སྦྱར་བ་འཆང་བ། རྒྱན་ Ba277b ཐམས་ཅད་ཀྱིས་རྣམ་པར་བརྒྱན་པ། འཛེམ་བག་དང་བཅས་པ་བྱའོ། །དཀར་ཤ་མ་ཆེན་པོ་ཐལ་མོ་སྦྱར་ཏེ་ཅུང་ཟད་འདུད་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། འཛེམ་བག་དང་བཅས་པ་བྱའོ། །སྲིན་མོ་ཆེན་མོ་རལ་པ་གཅིག་མ་ཁྲག་འཛག་པའི་ཐོད་པ་དང ། དྲག་མོ་དྲག་ཏུ་རྒོད་པ་བྱ་སྟེ། འབར་བའི་སྙིང་པོར་ཁྲོ་བོ་ལྕགས་ཀྱུ་ལ་བལྟ་བཞིན་པ། ལག་པ་བཞི་པ། ལག་ན་རལ་གྲི་དང ། དགྲ་སྟ་དང ། ཞགས་པ་དང ། རྡོ་རྗེ་ཐོགས་པ། རྒྱན་ཐམས་ཅད་ཀྱིས་རྣམ་པར་བརྒྱན་པར་བྱའོ། །གཡོན་ཕྱོགས་སུ་གནོད་སྦྱིན་གྱི་དབང་པོ་བྱ་སྟེ། ཞལ་ཁྲོ་གཉེར་ཅན་དྲག་པོ། དབུ་སྐྲ་གྱེན་དུ་བརྫས་པ། འཇིགས་པར་བྱེད་པ། འབར་བའི་སྙིང་པོར་པུས་མོ་གཡས་པ་བཙུགས་པ། རལ་གྲི་དང ། དགྲ་སྟ་ཐོགས་པ། ཕྱག་གཉིས་ཐལ་མོ་སྦྱར་བ་འཆང་བ། རྒྱན་ཐམས་ཅད་ཀྱིས་རྣམ་པར་བརྒྱན་པ། ཁྲོ་བོའི་རྒྱལ་པོ་ལྕགས་ཀྱུ་ལ་ངེས་པར་བལྟ་བཞིན་པ། ཁོ་ར་ཁོར་ཡུག་ཏུ་འོད་འདོམ་གང་བ། འོད་ཟེར་སྣ་ཚོགས་འབར་བ་བྱའོ། །ལྕགས་ཀྱུ་དང་བཅས་པའི་ཁོ་ར་ཁོར་ཡུག་གི་སྟེང་དུ་ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཤིན་རྗེ་དང ། ཆུ་ལྷ་དང ། ལུས་ངན་པོ་བྱ་སྟེ། མེ་ཏོག་སྣ་ཚོགས་ཀྱི་ཕུར་མ་ཐོགས་ཏེ་མཆོད་པ་བྱེད་བཞིན་པ་བྱའོ། །ཁྲོ་བོའི་རྒྱལ་པོ་དོན་ཡོད་པའི་ལྕགས་ཀྱུའི་རྒྱབ་ཏུ་རིན་པོ་ཆེ་སྣ་བདུན་ལས་བྱུང་བའི་ཤིང་ Ba278a ༄#། །ལྗོན་པ་བྱ་སྟེ། ཡལ་ག་དང ། འདབ་མ་དང ། ལོ་མ་རྣམ་པར་བཀྲ་བར་བྱའོ། །ཁྲོ་བོའི་རྒྱལ་པོའི་ཞབས་ཀྱི་དྲུང་དུ་རིག་སྔགས་འཆང་བྱ་སྟེ། བུས་མོ་བཙུགས་པ་མེ་ཏོག་སྣ་ཚོགས་ཐོགས་ཤིང་ལག་ན་བགྲང་ཕྲེང་འཛིན་པ། ཁྲོ་བོའི་རྒྱལ་པོ་ལ་སྟེང་དུ་བལྟ་བཞིན་པ་བྱའོ། །ཞབས་གཉིས་པའི་དྲུང་གི་གནས་སུ་ཕོ་ཉ་མོ་བྱ་སྟེ།་ཟུར་མིག་ཅན་དྲག་མོ། ལག་ན་རལ་གྲི་ཐོགས་པ། རྣམ་པར་འགྱུར་བ། ཕྱག་ཐལ་མོ་སྦྱར་བ། རྒྱན་ཐམས་ཅད་ཀྱི་རྣམ་པར་བརྒྱན་པ་བྱའོ། །རས་རིས་ཀྱི་སྐུ་གཟུགས་ཀྱི་བྱ་བ་ཡོངས་སུ་མཐར་ཕྱིན་ནས་བྱིན་གྱིས་བརླབས་ཏེ་དེའི་འོག་ཏུ་གསང་བའི་གནས་སུ་གཞག་པར་བྱའོ། །དེའི་དྲུང་དུ་གཙང་མས་ཟས་མི་བཟའ་བར་དེའི་སྤྱན་སྔར་ཁྲོ་བོ་ལྕགས་ཀྱུ་བརྒྱ་རྩ་བརྒྱད་བཟླས་བརྗོད་བྱ་སྟེ། མེ་ཏོག་དང ། བདུག་པ་དང ། མཚེད་ཡོན་དང ། ཞབས་བསིལ་ཇི་ལྟར་རྙེད་པ་དབུལ་བར་བྱའོ། །རས་རིས་ཀྱི་སྐུ་གཟུགས་སྒྲུབ་པའི་ཆོ་ག་འདིས་སྒྲུབ་པའི་ཆོ་ག་རྒྱས་པ་གཞན་ཡང་བྱའོ། །དེའི་འོག་ཏུ་རིག་སྔགས་འཆང་གིས་ཉི་མ་རེ་རེར་རས་རིས་ཀྱི་མདུན་དུ་གཙང་མས་ཟས་མི་ཟ་བར་དེའི་སྤྱན་སྔར་མེ་ཏོག་དང ། བདུག་སྤོས་ཕུལ་ནས་ཁྲོ་བོའི་རྒྱལ་པོ་ལན་གཅིག་བཟླས་པར་བྱའོ། །དེ་ནས་ལས་ཐམས་ཅད་དང་དགོས་པ་ཐམས་ཅད་བྱའོ། །འདི་ནི། དེ་ཁོ་ན་ཉིད་ Ba278b ཀྱི་དངོས་གྲུབ་བཀླགས་པས་འགྲུབ་པ་སྟེ། རིག་སྔགས་འཆང་གི་གསང་བ་མཆོག་གི་ལས་བསྒྲུབ་པར་བྱའོ། །དེ་ནས་སྐུ་གཟུགས་མཐོང་བ་ཙམ་ལ་སོགས་པས་མཚམས་མེད་པ་ལྔ་དང ། མནར་མེད་པ་ལ་གཞོལ་བ་དང ། དམ་པའི་ཆོས་སྤོང་བ་རྣམས་འདི་མཐོང་བ་ཙམ་གྱིས་ཐམས་ཅད་ཡོངས་སུ་དག་པར་འགྱུར་རོ། །སྡིག་པ་ཐམས་ཅད་དང ། སྒྲིབ་པ་ཐམས་ཅད་དང ། སྔོན་གྱི་སྒྲིབ་པ་བསགས་པ་དང་བཅས་པ་དང ། བསྐལ་པ་བརྒྱར་བསགས་པའི་སྡིག་པ་དེ་དག་ཐམས་ཅད་རྣམ་པར་འཇིག་པར་འགྱུར་རོ། །ནད་དང་འཇིགས་པ་ཐམས་ཅད་ལས་ཡོངས་སུ་གྲོལ་བར་འགྱུར། སྡིག་པ་ཐམས་ཅད་དང ། དགྲ་ཐམས་ཅད་དང ། ཕྱིར་རྒོལ་བ་ཐམས་ཅད་དང ། མི་མཛའ་བ་རྣམ་པར་འཇིགས་པར་འགྱུར་རོ།། རས་རིས་ཀྱི་སྐུ་གཟུགས་ཤིན་ཏུ་ཆུང་བ་བྱེད་པ་གང་ཡིན་པ་དེ་ཡང་ཕན་བར་བྱེད་པར་འགྱུར་ཏེ། མེ་ཏོག་གམ། བདུག་པ་དང ། དྲིའམ། བྱུག་པའམ། དཀྱིལ་འཁོར་དང་བཅས་པ་བྱེད་པའམ། ཁྲུས་ཀྱི་བུམ་པ་གང་བཀོད་པའམ། རྡུལ་སེལ་བར་བྱེད་པ་ཙམ་ཡང་རུང་སྟེ། རིག་སྔགས་འཆང་དེའི་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མས་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུའི་དེ་བཞིན་གཤེགས་པའི་དྲུང་དུ་ Ba279a ༄#། །དགེ་བའི་རྩ་བ་ཆེན་པོ་བསྐྱེད་པར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་ཡོངས་སུ་འཛིན་པར་འགྱུར་རོ། །ཕ་རོལ་ཏུ་ཕྱིན་བ་དྲུག་ཡོངས་སུ་རྫོགས་པར་ཡང་འགྱུར་རོ། །མཚམས་མེད་པ་ལྔ་རྣམ་པར་སྦྱངས་ཤིང་བསྐལ་བའི་མཐར་ཐུག་པར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་གཟིགས་འདོད་པར་འགྱུར་རོ། །སྐྱེ་བ་རྗེས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་ཏེ། པདྨ་ལས་བརྫུས་ཏེ་སྐྱེ་བར་འགྱུར་རོ། །སྐྱེ་བའི་སྐྱེ་བ་དྲན་པར་ཡང་འགྱུར་རོ། །རྣམ་པར་གྲོལ་བའི་དཀྱིལ་འཁོར་གསང་བ་པདྨ་ཡངས་པའི་དཀྱིལ་འཁྲོ་དོ་ཉོད་ཞགས་པའི་སྙིང་པོ། དོན་ཡོད་པའི་ཁྲོ་བོ་ལྕགས་ཀྱུའི་གཟུངས་འདི་ཡང་མཐའ་དག་ཡོངས་སུ་རྫོགས་པར་ཁ་ཏོན་དུ་གནས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་རིགས་ཀྱི་དམ་ཚིག་གསང་བ་རྣམས་དང ། གསང་སྔགས་རིམ་པར་ཕྱེ་མ་དང ། ཕྱག་རྒྱ་དང ། གསང་སྔགས་དང ། དཀྱིལ་འཁོར་རིམ་པར་ཕྱེ་བ་དང ། ཆོ་ག་ཞིབ་མོ་ཐམས་ཅད་མངོན་སུམ་དུ་འགྱུར་རོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་རོ། །དེ་བཞིན་གཤེགས་པ་ཐམས་ཅད་མངོན་སུམ་དུ་མཐོང་བར་འགྱུར་རོ། །ཡོན་ཏན་ཐམས་ཅད་ཀྱི་ཕ་རོལ་ཏུ་ Ba279b ཕྱིན་པ་ཡོངས་སུ་རྫོགས་པར་ཡང་འགྱུར་རོ། །དགེ་བའི་རྩ་བ་ཐམས་ཅད་ཡང་དག་པར་སྡུད་པར་ཡང་འགྱུར་རོ། །བསོད་ནམས་ཀྱི་ཚོགས་ཆེན་པོ་དང་ལྡན་པར་འགྱུར་རོ། །འཇིག་རྟེན་ཐམས་ཅད་ཀྱི་བླ་མར་ཡང་འགྱུར་རོ། །ཚིག་བཙན་པར་ཡང་འགྱུར་རོ། །འཇིག་རྟེན་ཐམས་ཅད་དགའ་བར་ཡང་འགྱུར་རོ། །ཐམས་ཅད་དུ་མཆོད་པར་འོས་པར་ཡང་འགྱུར་རོ།། རིག་སྔགས་ཐམས་ཅད་གྲུབ་པར་འགྱུར་རོ། །ཡིད་ལ་བསམ་པ་ཐམས་ཅད་ཡོངས་སུ་རྫོགས་པར་འགྱུར་ཞིང ། དགོས་པ་ཐམས་ཅད་གྲུབ་པར་ཡང་འགྱུར་རོ། །ཐམས་ཅད་དུ་ཐོགས་པ་མེད་པ་མཁས་པའི་བློ་རུ་འགྱུར་རོ། །དེ་ནས་ཁྲོ་བོའི་ལྕགས་ཀྱུའི་དཀྱིལ་འཁོར་ཆོ་ག་ཞིབ་མོ་ཐམས་ཅད་ཀྱི་དཀྱིལ་འཁོར་དང ། གསང་བའི་ཕྱག་རྒྱ་བླ་ན་མེད་པ་བཤད་པར་བགྱིའོ། །འཁོར་ཡུག་ཏུ་ཐེམ་སྐས་བཞི་དང་ལྡན་པ། ས་དང་བ་བྱུང་བསྲེས་པའི་དཀྱིལ་འཁོར་གྲུ་བཞི་པ་བྱ་སྟེ། གཟིངས་ཀྱི་རྒྱ་དང་ཚད་མཉམ་པ། ཤིན་ཏུ་ཚད་ལ་བབ་ཅིང་ལེགས་པར་རྣམ་པར་འབྱེས་པ། ལེགས་པར་བྱུགས་ཤིང་ཤིན་ཏུ་འཇམ་པ། འཇམ་ཞིང་མཉེན་པ་དང་ལྡན་པའོ། །ཚོན་སྣ་ཚོགས་པས་རྣམ་པར་ཕྱེ་བ་དང ། དཀྱིལ་འཁོར་མཆོག་གི་ཐིག་བཏབ་ལ། །སྣ་ཚོགས་ཚོན་རྩིས་རྣམ་པར་དབྱེ། །སྒོ་བཞི་ཤིན་ཏུ་རྣམ་འབྱེས་པ། །འཁོར་ཡུག་ཐེམ་སྐས་བཞི་དང་ལྡན། །རྟ་བབས་བཞི་ཡིས་ Ba280a ༄#། །བརྒྱན་པ་སྟེ། །དབུས་ཀྱི་དཀྱིལ་འཁོར་སྙིང་པོར་ཡང ། །ཤིན་ཏུ་རྣམ་འབྱེས་ཚད་ལ་བབ། །ཁྲུ་ཡི་ཚད་དུ་བྱ་བའོ། །དཀྱིལ་འཁོར་གྲུ་བཞི་མཉམ་བ་ཡི།། སྙིང་པོའི་དཀྱིལ་འཁོར་དབུས་སུ་ཡང ། །མཁས་པས་ཤིན་ཏུ་རྣམ་འབྱེས་པའོ། །པདྨ་འདབ་མ་བཅུ་གཉིས་བྱ། །ལྕགས་ཀྱུ་ཕྱོགས་དང་རྩེ་གསུམ་དང ། །གེ་སར་པདྨའི་ཁོར་ཡུག་ཏུ། །སྙིང་པོར་གྱུར་པའི་དབུས་མཆོག་ལ། །ཁྲོ་བོ་ཞགས་པ་ཡང་བྱའོ། །དྲག་པོའི་གཟུགས་ཅན་འཇིགས་པར་བྱེད། །རལ་གྲི་དང་ནི་དགྲ་སྟའི་ཕྱག་།རལ་བའི་ཅོད་པན་གྱིས་བརྒྱན་ཅིང ། །རྒྱན་རྣམས་ཀུན་གྱིས་རྣམ་པར་བརྒྱན། །ལུས་ཕྱེད་པ་དང ། ཞགས་པས་ཀུན་ནས་དཀྲིས་པ། །མདུང་རྩེ་གསུམ་པ་ནམ་མཁའ་ལ་ཕྱིར་ཕྱོགས་པ། པདྨ་དང་བཅས་ལ་བྱས་པ་ལ་གྲ་གྲར་འབར་བའི་གདོང་བྱའོ། །མདུང་རྩེ་གསུམ་དང་པདྨ་ལ་རབ་ཏུ་གནས་པ། །དྲག་པོའི་ཞལ་འཇིགས་པར་བྱེད་པ་ཆེན་པོ་མཆེ་བ་རྣམ་པར་གཅིགས་པ།་ཞལ་འཇིགས་སུ་རུང་བ་འབར་བའི་སྙིང་པོར་ཆུད་པའོ། །ནང་གི་རི་མོ་ལ་ལྕགས་སྒྲོག་དང་མདུང་རྩེ་གསུམ་པའི་གདོང་བྲི་བར་བྱ་སྟེ། འབར་བའི་སྙིང་པོ་དང་བཅས་པ། ཁ་དོག་སྣ་ཚོགས་པའི་ཚོན་རྩིས་བྱའོ། །རི་མོ་གཉིས་པའི་ནང་དུ་པདྨ་ཁ་ཕྱེད་བྱེ་བ། གསེར་འབར་བ་དང་བཅས་པའི་པདྨ་བྱའོ། །རི་མོ་གསུམ་པའི་ནང་དུ་འཁོར་ལོའི་རྣམ་པའོ། །མུ་ Ba280b ཁྱུད་ཀྱི་ཕྱི་རོལ་ཏུ་ལག་པའི་ཕྱག་རྒྱ་ཡང་བྲི་བར་བྱ་སྟེ། མཚོན་ཆ་སྣ་ཚོགས་པ་འཛིན་པའོ། །རལ་གྲི་དང ། ཞགས་པ་དང ། མདུང་རྩེ་གསུམ་དང ། ཙ་བ་ལ་དང ། མདུང་རྩེ་གཉིས། དུང་དང ། ཏིརྱ་དང ། འཁོར་ལོ་དང ། རྩེ་གསུམ་ཁ་གདེངས་དང ། ཐོ་བ་དང ། མདུང་དང ། རལ་གྲི་དང ། ནོར་བུ་དང ། མདུང་རྩེ་གསུམ་དང ། མདའ་བོ་ཆེ་དང ། ལས་ཀྱི་རྡོ་རྗེ་དང ། རྩེ་ལྔ་དང ། པཪྵ་སཱུ་ལ་དང ། རྡོ་རྗེ་ཟུར་གསུམ་དང ། པདྨ་དང ། རྩེ་གསུམ་དག་ཁ་དོག་སྣ་ཚོགས་འབར་བ་ཁོར་ཡུག་ཏུ་ཡོངས་སུ་བསྐོར་བ་བྲི་བར་བྱའོ། །ཁ་ཁྱེར་བྱི་རྣམ་པས་བརྒྱན་པ་ལ་ཁ་ཁྱེར་གྱི་ཕྱི་རོལ་དཀྱིལ་འཁོར་གྱི་གནས་སུ་མཚན་མ་སྣ་ཚོགས་བྲི་བར་བྱ་སྟེ། རིགས་ཆེན་པོ་བཞི་ཐུན་མོང་བའི་དཀྱིལ་འཁོར་གྱི་ཕྱག་རྒྱ་བྲི་བར་བྱའོ། །ཤར་གྱི་གནས་སུ། དེ་བཞིན་གཤེགས་པའི་རིགས་ཀྱི་མཚན་མའི་ཕྱག་རྒྱ་ཡང་བྲི་བར་བྱའོ། །ལྷོ་རུ་པདྨ་ཡངས་པའི་མཚན་མ་དཀྱིལ་འཁོར་གྱི་ཕྱག་རྒྱའོ། །ནུབ་ཀྱི་གནས་ཀྱི་དཀྱིལ་འཁོར་དུ་ནོར་བུའི་རིགས་ཀྱི་མཚན་མའི་ཕྱག་རྒྱ་རྣམས་ཀྱང་བྲི་བར་བྱའོ། །བྱང་དུ་རྡོ་རྗེའི་རིགས་ཀྱི་མཚན་མའི་ཕྱག་རྒྱ་ཡང་དག་པར་བྲིའོ། །ཤར་གྱི་སྒོ་རུ་དེ་བཞིང་ཤེས་པའི་རིགས་ཀྱི་ཁོར་བོའི་རྒྱལ་པོ་སྒོ་རུ་བྲི་བར་བྱའོ། །ལྷོ་རུ་པདྨ་ཡངས་པའི་དཀྱིལ་འཁོར་གྱི་ཁྲོ་བོ་རྣམས་སོ། །ནུབ་ཏུ་ནོར་བུའི་རིགས་ཀྱི་ཁྲོ་བོའོ། །བྱང་དུ་རྡོ་རྗེའི་རིགས་ཀྱི་ཁོར་བོ་བྲི་བར་བྱའོ། །ཁྲོ་བོ་ Ba281a ༄#། །ཐམས་ཅད་ཀྱི་གཟུགས་འབར་བའི་སྙིང་པོ། རྒྱན་ཐམས་ཅད་ཀྱིས་རྣམ་པར་བརྒྱན་པ། ལག་པ་བཞི་པ་མཚོན་ཆ་སྣ་ཚོགས་པ་འཛིན་པ་བྱའོ། །རི་རབ་ལ་གནས་པ་སྐྱིལ་མོ་ཀྲུང་ཕྱེད་པ་ལུས་ཅུང་ཟད་བསྐུམ་པ་བྱའོ། །ཕྱིའི་རི་མོའི་དཀྱིལ་འཁོར་དུ་ནོར་བུ་དང ། རྡོ་རྗེ་དང ། མེ་ཏོག་དང ། མདུང་རྩེ་གསུམ་པ་དག་གོ་།ཁོར་ཡུག་ཏུ་ཁ་ཁྱེར་འབར་བས་དཀྱིལ་འཁོར་གྱི་ཁོར་ཡུག་ཏུ་བརྒྱན་པའོ། །ལྷབ་ལྷུབ་དང ། བ་དན་དང ། རྒྱལ་མཚན་དང ། ཚོན་སྣ་ལྔ་པའི་སྐུད་པས་ཀུན་ནས་དཀྱིལ་འཁོར་ལ་ཡང་དག་པར་བརྒྱན་པའོ། །རོ་བྲོ་བའི་མཆོག་དང་ལྡན་པའི་གཏོར་མས་གང་བའི་སྣོད་ཅི་འབྱོར་པ་དང ། གཏོར་མའི་ལས་ཀྱི་ཆོ་གས་འབྱོར་པ་དང་རྗེས་སུ་མཐུན་པར་གཞག་པར་བྱའོ། །བུམ་པ་གང་བ་དང ། པོག་ཕོར་དང ། བུམ་པ་དང ། བུམ་པ་དང ། གཏོར་མ་དཀར་པོས་བཀང་བ་དང ། འབྲས་བུ་རྣམ་པ་སྣ་ཚོགས་པ་ཉིད་དང ། དྲི་དང ། ཕྲེང་བ་དང ། བྱུག་པ་དང ། མེ་ཏོག་ཀུན་ནས་བཅལ་དུ་དགྲམ་མོ། །འབྲས་ཡོས་དང ། ཡུངས་ཀར་གྱིས་གཏོར་བར་བྱའོ། །སྙིང་པོའི་དཀྱིལ་འཁོར་གྱི་གྲར་མཆོད་ཡོན་དང ། ཞབས་བསིལ་གྱི་སྣོད་དང ། རིན་པོ་ཆེ་སྣ་བདུན་རབ་ཏུ་དགྲམ་མོ། །དྲིའི་ཆུས་བཀང་བའི་བུམ་པ་དང ། ལེགས་པར་བརྒྱན་པའི་བུམ་པ་བྱས་ནས་མཁས་ Ba281b པས་དར་བཟང་པོ་བཅིངས་ཏེ་དབུས་ཀྱི་དཀྱིལ་འཁོར་དུ་གཞག་པར་བྱའོ། །སྒོ་བཞིར་དྲི་ཆབ་ཀྱི་གང་བའི་བུམ་པ་དར་གྱིས་བཅིངས་པ་གཞག་པར་བྱའོ། །མཁས་པས་སྒོ་དང་སྒ་རུ་ནི། བུ་རམ་དང ། ཤ་ཀ་ར་དང ། སྦྲང་རྩིའི་རོ་དང ། གཏོར་མ་གཞག་པར་བྱའོ། །མདུང་རྩེ་གསུམ་ལ་ཞོ་དང ། འོ་མ་དང ། ཟན་དང ། མཆོག་གི་བཟའ་བ་མ་ཉམས་པས་ཤིན་ཏུ་མཛེས་པའི་གཏོར་མ་གཞག་པར་བྱའོ། །དེ་བཞིན་དུ་འཁུར་བ་དང ། འཁུར་བ་ཟླུམ་པོ་ཉིད་དང ། སྣུམ་འཁུར་དང ། བེ་ཊི་མ་ཀ་དང ། ས་རཱའི་ལ་དུ་དང ། མུ་ད་གའི་ལ་དུ་བ་ཧཝགས་དང ། ཁ་ཡYཱ་ནི་བཟང་པོ་རྣམས་གཞག་པར་བྱའོ། །གཏོར་མའི་ལས་ལ་ཁོར་ཡུག་ཏུ་མེ་ཏོག་བཟང་པོ་དགྲམ་ཞིང་ཕྲེང་བས་བརྒྱན་པར་བྱའོ། །འབྲུའི་རྣམ་པ་སྣ་ཚོགས་བཞག་པར་བྱའོ། །འབྲས་བུའི་ངོ་བོ་རྣམ་པ་སྣ་ཚོགས་པ་དང ། ནེའུ་གསིང་སྔོ་བསངས་དང ། ལོ་མ་མཛེས་པ་བཀྲམ་སྟེ་གཞག་པར་བྱའོ། །ཁོར་ཡུག་ཏུ་མར་མེའི་ཕྲེང་བ་དང ། དེ་བཞིན་དུ་ཨ་ག་རུ་དང ། ཙནྡན་སྤྲི་ཀ་དང ། དུ་རུ་ཁ་དང ། དཔལ་གྱིས་དཀྲིས་པ་དང ། གུ་གུལ་དང ། ཀུན་ཏུ་རུ་དང ། སྦྲང་རྩི་དང ། ཧཝགས་སྦྱར་བའི་བདུག་པ་སྟེ། བདུག་པ་འདི་དག་དབུལ་བར་བྱའོ། །དཀྱིལ་འཁོར་གྱི་ཁོར་ཡུག་ཏུ་བདུག་པ་འཐུལ་བའི་པོག་ཕོར་གཞག་པར་བྱ་སྟེ། དཀྱིལ་འཁོར་གྱི་ལྷ་ལ་བདུག་པ་དབུལ་བར་བྱའོ། །ཕྱོགས་བཅིངས་ Ba282a ༄#། །པ་དང ། དཀྱིལ་འཁོར་བཅིང་བ་བྱ་སྟེ། གཙུག་ཏོར་བཅིང་ཞིང་བདག་སྲུང་བ་དང ། གཞན་སྲུང་བ་བྱའོ། །དེའི་འོག་ཏུ་འཇུག་པར་བྱའོ། །རིག་སྔགས་དཀྱིལ་འཁོར་མཐོང་བ་དང་ཕྱག་བྱ་ཞིང ། བསྐོར་བ་ཉིད་དང ། དམ་ཚིག་ཀྱང་སྦྱིན་པར་བྱའོ། །རྟག་ཏུ་གསང་བའི་ལས་བྱས་ཏེ། དེ་ཁོ་ན་བཞིན་དུ་གསང་སྔགས་བཟླས་པ་ཡང་བྱའོ། །དཀྱིལ་འཁོར་གྱི་ཆོ་ག་ཚད་མ་ལས་དགོས་པ་འདི་དག་ཐམས་ཅད་བྱས་ནས་དེའི་འོག་ཏུ་རིག་སྔགས་འཆང་གིས་ལས་ཐམས་ཅད་ཀྱི་དངོས་གྲུབ་བླ་ན་མེད་པའོ། །རྒྱལ་བ་རིགས་བཞིས་ཡོངས་སུ་བསྐོར་བའི་དཀྱིལ་འཁོར་དུ་ཞུགས་པ་དེ་དག་ཐམས་ཅད་ནི། འགྲོ་བ་བཟང་པོར་སྐྱེ་བར་འགྱུར་རོ། །དེ་བཞིན་དུ་བདེ་བ་ཅན་དུ་འོད་དཔག་མེད་ཀྱི་སྤྱན་སྔར་པདྨ་ལས་བརྫུས་ཏེ་སྐྱེ་བར་ཐེ་ཚོམ་མེད་དོ། །ལྷའི་གཟུགས་ཤིན་ཏུ་མཛེས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། འཇིག་རྟེན་ལས་འདས་པའི་དངོས་གྲུབ་ཆེན་པོ་ཐོབ་པར་འགྱུར་ཏེ། འདི་ལ་ཐེ་ཚོམ་མི་བྱའོ། །འཇིག་རྟེན་པའི་དཀྱིལ་འཁོར་གྱི་དངོས་གྲུབ་བླ་ན་མེད་པ་དང ། ཆོ་ག་ཞིབ་མོའི་དངོས་གྲུབ་དང ། ཕྱག་རྒྱའི་དངོས་གྲུབ་དང ། ཁྲོ་བོའི་རྒྱལ་པོ་དངོས་གྲུབ་བླ་ན་མེད་པ་དང ། སྡིག་པ་དང ། སྒྲིབ་པ་ཐམས་ཅད་སེལ་བ་དང ། མོད་ལ་གདུག་པ་ཐམས་ཅད་འཇིག་ Ba282b བ་དང ། དགྲ་ཐམས་ཅད་ཟློག་པ་དང ། མོད་ལ་ནད་ཐམས་ཅད་རབ་ཏུ་ཞི་བ་དང ། དགོས་པ་ཐམས་ཅད་དང ། ཐམས་ཅད་དུ་དངོས་གྲུབ་བླ་ན་མེད་པ་གང་ཡིན་པ་གྲུབ་པར་འགྱུར་རོ། །འཇིག་རྟེན་ཐམས་ཅད་ཀྱི་མངའ་བདག་དང་རྟག་ཏུ་དགའ་བར་འགྱུར་རོ། །དེ་རྟག་ཏུ་རྗེས་སུ་འབྲང་བར་འགྱུར་རོ། །རྟག་ཏུ་རྒྱལ་པོ་དང་བློན་པོར་བཅས་པ་རྣམས་ཀྱིས་དུས་རྒྱུན་དུ་བླ་ན་མེད་པའི་མཆོད་པའི་གནས་སུ་འགྱུར་རོ། །གཞན་ཡང་ལྗོངས་ཐམས་ཅད་བལྟ་ཞིང་མཆོད་པས་རྗེས་སུ་འབྲང་བར་འགྱུར་རོ། །དེ་བཞིན་ཉིད་དུ་ཡང་དགེ་སྦྱོང་རྣམས་དང ། བྲམ་ཟེ་རྣམས་དང ། རྒྱལ་རིགས་དང ། རྗེ་རིགས་དང ། དམངས་རིགས་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་ཐམས་ཅད་ཀྱང་དགའ་བར་འགྱུར་རོ། །རྟག་ཏུ་ཚིག་བཙན་པ་དང ། རྟག་ཏུ་ལྷ་རྣམས་ཀྱིས་མངོན་པར་བསྲུངས་པ་དང ། སྐབས་གསུམ་གྱི་དབང་པོ་དང ། རྡོ་རྗེ་འཆང་བ་ཉིད་དང ། རྡོ་རྗེ་སྙིང་པོ་བདག་ཉིད་ཆེན་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཞོན་ནུ་དང ། དགའ་བྱེད་དབང་ཕྱུག་དང ། གཤིན་རྗེ་དང ། ཆུ་ལྷ་ཉིད་དང ། དེ་བཞིན་དུ་རྒྱལ་པོ་ཆེན་པོ་བཞི་རྣམས་རྟག་ཏུ་རྗེས་སུ་འབྲང་བར་འགྱུར་རོ། །ཁྲོ་བོའི་དཀྱིལ་འཁོར་དུ་ཞུགས་ཤིང་མཐོང་བ་ལ་ཡང་དུས་རྟག་ཏུ་སྲུང་བ་དང ། རྗེས་སུ་འབྲང་བར་འགྱུར་ཏེ། ཐེ་ཚོམ་མི་བྱའོ། ། Ba283a ༄#། །ཡུན་རིང་དུ་འཚོ་བར་འགྱུར། རྟག་ཏུ་སྨྲ་བ་ཉུང་ཞིང་མཁས་པ་དང ། ཐམས་ཅད་དུ་དངོས་གྲུབ་ཐོབ་བར་འགྱུར་རོ། །དཀྱིལ་འཁོར་མཐོང་བ་དང ། འཇུག་པ་ལ་དགའ་བར་འགྱུར། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་ཀྱང་དགྱེས་པ་དང་བཅས་པས་བྱིན་གྱིས་རློབ་པར་འགྱུར་རོ། །སངས་རྒྱས་རྣམས་དང ། འཇིག་རྟེན་ལས་འདས་པ་དང ། དེ་བཞིན་གཤེགས་པས་དབུགས་འབྱིན་པར་འགྱུར། སངས་རྒྱས་ཐམས་ཅད་ཀྱི་ཐུགས་ལས་སྐྱེས་པའི་སྲས་ཇི་ལྟ་བ་བཞིན་ནོ། །འདི་ནི། དེ་རྣམས་ཀྱི་མངལ་གྱི་གནས་སུ་སྐྱེ་བའི་ཐ་མ་ཡིན་ནོ། །རྟག་ཏུ་སྐྱེ་བ་དྲན་པར་འགྱུར་ཏེ། འདི་ལ་ཐེ་ཚོམ་མི་བྱའོ། །སངས་རྒྱས་ཀྱི་བྱང་ཆུབ་ཏུ་འགྲོ་བ་དང ། རྟག་ཏུ་རྒྱལ་བ་རྣམས་ཀྱི་དེ་ཁོ་ན་ཉིད་མཐོང་བ་དང ། རྟག་ཏུ་སངས་རྒྱས་ཐམས་ཅད་ལ་མངོན་སུམ་དུ་ཆོས་ཉན་པར་ཐེ་ཚོམ་མེད་དོ། །འདི་ནི། སྐྱེ་བའི་ཐ་མ་ཡིན་ཏེ། ཇི་སྲིད་དུ་སངས་རྒྱས་ཀྱི་བྱང་ཆུབ་ཏུ་རྫོགས་པར་སངས་རྒྱས་པར་འགྱུར་རོ། །དགོས་པ་གཞན་རྣམ་པ་སྣ་ཚོགས་པ་དང ། ཁྲོ་བོ་ལྕགས་ཀྱུའི་ལས་བརྒྱ་ཕྲག་སྟོང་རྣམས་རང་གི་འདོད་པའི་བློས་བྱའོ། །ཐམས་ཅད་བུ་ལན་གཅིག་བཟླས་བརྗོད་བྱས་ལ། ཐམས་ཅད་དུ་ལས་ཐམས་ཅད་བྱའོ། །བཀླགས་པས་འགྲུབ་པའི་ཆོ་གའོ།། །།དེ་ནས་བྱང་ཆུབ་སེམས་དཔའ་ Ba283b སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱི་ཞལ་དུ་བལྟས་ཏེ་བཞིན་འཛུམ་པས་ཁྲོ་བོ་ཆེན་པོ་ལྕགས་ཀྱུའི་གཟུངས་ཀྱི་ཀུན་ཏུ་སྣང་བཞིན་པའི་འོད་ཟེར་སྣ་ཚོགས་འབར་བའི་སྙིང་པོ་ལུས་ལས་ཕྱུང་ངོ ། །གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཏུ་སྣང་བར་བྱས་སོ། །འོད་ཟེར་གྱི་བ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་རིན་པོ་ཆེ་སྣ་བདུན་གྱི་ཆར་འབབ་པའི་སྙིང་པོ་རབ་ཏུ་འབེབས་པར་འདོད་པའི་དོན་དང ། ལྷའི་མེ་ཏོག་སྣ་ཚོགས་ཀྱི་ཆར་འབེབས་པའི་དོན་དང ། ལྷའི་དྲི་དང ། མཐུན་པར་གསལ་བའི་དྲི་དང་རྗེས་སུ་མཐུན་པའི་དྲི་རྣམ་པར་བཀྲ་བའི་ཆར་རྣམས་ཀྱིས་བཅོམ་ལྡན་འདས་དང ། འཕགས་པ་རས་གཟིགས་དབང་ཕྱུག་ལ་ཕབ་བོ། །རབ་ཏུ་དགྱེས་པའི་ཐུགས་ཀྱིས་ལྷའི་ཆུ་གསལ་ཞིང་རྒྱ་ཆེ་བ། དྲིའི་འཕྲོ་བས་རྣམ་པར་མཛེས་པའི་དཔྲལ་བའི་ཆུ་མུ་ཏིག་དང་མཉམ་ཞིང་མཚུངས་པ། ཛཱ་ཏིའི་འབྲས་བུ་དང་འདྲ་བར་རྣམ་པར་མཛེས་པའི་དཔྲལ་བའི་ལྷའི་ཆུས་ཡོངས་སུ་དབང་བསྐུར་ཏེ། ཐིགས་པ་ནམ་མཁའ་དང་མཉམ་པ་བཞུ་བའི་མིག་འབྲས་ལ་ལྷུང་བའི་ཆུ། སྐར་མ་ལས་རབ་ཏུ་ལྷུང་བའི་གོས། དེ་ལྟ་བུའི་དཔྲལ་བར་ཐིག་ལེ་འབར་བ་ཉི་མ་དང ། སྨིག་རྒྱུ་རྣམ་པར་མཛེས་པའི་འོད་ཟེར་ས་ལ་ལྷུང་སྟེ་བཅོམ་ལྡན་འདས་ཀྱི་ Ba284a ༄#། །སྤྱན་སྔར་ཞབས་ཀྱི་དྲུང་དུ་ལྷུང་ངོ ། །པདྨའི་འདབ་མ་བརྒྱ་སྟོང་ཕྲག་ཁ་བྱེ་བ་ལྟར་རབ་ཏུ་འཛུམ་པས་རྣམ་པར་མཛེས་པ། པདྨའི་ཟེ་འབྲུ་ལྟར་མཉེན་པ་བྱུང་བར་གྱུར་ཏོ། །བཻ་ཌཱུརྱའི་སྡོང་བུ་ཉི་མ་བརྒྱ་སྟོང་ཕྲག་པས་ལྷག་པའི་མཐུ་སྟོབས་དང་ལྡན་པའི་འོད་ཟེར་སྣང་བས་འབར་བཞིན་པ། བཅོམ་ལྡན་འདས་ལ་མི་གང་གི་ཚད་ལྟ་བུར་གནས་པར་གྱུར་ཏོ། །དེ་ནས་རིག་པ་འཛིན་པའི་དབང་པོ་ཆེན་པོ་རྡོ་རྗེ་འཆང་གིས་ཆུའི་ཐིགས་པ་འདབ་མ་མཉམ་པ། བཻ་ཌཱུརྱ་མཆོག་ཏུ་མཛེས་ཤིང་འབར་བ་པདྨ་ཁ་བྱེ་བ་དེ་མཐོང་ནས་ཐུགས་ངོ་མཚར་དང ། ཡ་མཚན་སྐྱེས་ཏེ་བཅོམ་ལྡན་འདས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཞབས་གཉིས་ལ་ཕྱག་འཚལ་ཏེ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། ཤིན་ཏུ་ངོ་མཚར་བ་མཐོང་ལགས་སོ། །རྨད་དུ་བྱུང་བའི་ཆོ་འཕྲུལ་ཆེན་པོ་མཐོང་ལགས་སོ། །སེམས་དཔའ་ཆེན་པོ། བདག་གིས་ལྟད་མོའི་མཆོག་མཐོང་ལགས་སོ། །སེམས་དཔའ་དག་པ་ཆེན་པོ། ཁྱོད་ཀྱིས་བདག་གི་ལྟད་མོའི་ཐེ་ཚོམ་མེད་པར་མཛོད་ཅིག་ཅེས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལགས་ན་རྡོ་ Ba284b རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། བདག་ལ་དོན་ཡོད་པ་པདྨ་དྲི་མ་མེད་པ་ཆུ་སྐྱེས་ཀྱི་ཞབས་ཀྱི་ལྕགས་ཀྱུ་ཞེས་བྱ་བ། དོན་ཡོད་ཞགས་པའི་སྙིང་པོ། རིག་སྔགས་ཀྱི་རྒྱལ་པོའི་དཀྱིལ་འཁོར་ཆེན་པོ་དང ། ཕྱག་རྒྱ་དང ། ལྷ་རྣམས་ཡོད་དེ། དེ་བདག་གིས་བཅོམ་ལྡན་འདས་ཀྱི་སྤྱན་སྔར་འཁོར་ཆེན་པོའི་དབུས་སུ་དེ་བཞིན་གཤེགས་པའི་སྤྱན་སྔར་ཡོངས་སུ་བསྐྲག་པར་བགྱིའོ། །དེའི་མཐུ་དང ། རིག་སྔགས་ཀྱི་རྒྱལ་པོའི་མཐུ་སྟོབས་ཀྱི་རྫུ་འཕྲུལ་གྱི་ཆོ་འཕྲུལ་གྱི་རྣམ་པར་འཕྲུལ་པ་འདི་མཐོང་ངོ ། །དེའི་མཐུས་པདྨ་འདི་བྱུང་ངོ ། །རིག་སྔགས་ཀྱི་རྒྱལ་པོ་འདི་བདག་གི་དཔྲལ་བ་ནས་ཕྱུང་བས་ཆོ་འཕྲུལ་གྱི་རྣམ་པར་འཕྲུལ་པ་རྒྱ་ཆེ་ཞིང་ཆེ་བ་དང་ཡང་དག་པར་ལྡན་པར་གྱུར་ཏོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཞབས་གཉིས་ལ་མགོ་བོས་ཕྱག་བྱས་ནས་ལན་གསུམ་བསྐོར་བ་བྱས་ཏེ་མཆོད་པ་བྱས་ནས་སོང་ངོ ། །བཅོམ་ལྡན་འདས་ག་ལ་བ་དེ་ལོགས་སུ་སོང་ནས་བཅོམ་ལྡན་འདས་ཀྱི་སྤྱན་སྔར་འདུག་སྟེ་བྱིས་པའི་ཆ་བྱད་བཟུང་ནས་བཅོམ་ལྡན་འདས་ལ་བསིལ་ཡབ་གཡོབ་པར་བྱེད་བཞིན་དུ་འདུག་གོ་།དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་ Ba285a ༄#། །དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ། དོན་ཡོད་པ་པདྨའི་དྲི་མ་མེད་པ་ཆུ་སྐྱེས་ཀྱི་ཞགས་པའི་སྙིང་པོ་ཞེས་བྱ་བ། དོན་ཡོད་པའི་ཞགས་པའི་སྙིང་པོ་རིག་སྔགས་ཀྱི་རྒྱལ་པོའི་དཀྱིལ་འཁོར་ཆེན་པོ་དང ། ཕྱག་རྒྱ་དང ། ལྷ་རྣམས་སྨྲོས་ཤིག། གང་གིས་སྨྲས་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གསང་བའི་དཀྱིལ་འཁོར་རིམ་པར་ཕྱེ་བ་དང ། ཕྱག་རྒྱ་དང ། གསང་སྔགས་འདི་རྣམ་པར་དབྱེ་བ་བྱས་པར་འགྱུར་རོ། །བསྒྲིབས་པ་མེད་པར་དཀྱིལ་འཁོར་མཐོང་བ་ཀུན་ཏུ་གནས་པར་བྱེད་དོ། །ཆོ་ག་ཞིབ་མོ་ཐམས་ཅད་དང ། གསང་སྔགས་དང ། དམ་ཚིག་དང ། ཕྱག་རྒྱ་རྣམས་རྗེས་སུ་མཐུན་པར་ཕྱོགས་ཏེ་གནས་པར་བྱེད་དོ། །དཀྱིལ་འཁོར་གྱི་དམ་ཚིག་གི་དེ་ཁོ་ན་ཉིད་དང ། རིག་སྔགས་ཀྱི་རྒྱལ་པོའི་ལྷ་ཐམས་ཅད་མདུན་ན་ཉེ་བར་གནས་པར་བྱེད་དོ། །སྒྲུབ་པའི་དེ་ཁོ་ན་ཉིད་ཀྱི་དངོས་གྲུབ་མཐོང་བར་འགྱུར་རོ། །རིག་སྔགས་འཆང་ཕྱིས་ཀྱང་རྣམ་པ་གཞན་དུ་མི་འགྱུར་རོ། །ལས་ཐམས་ཅད་སྒྲུབ་པའི་ཆོ་ག་རྣམས་ལ་ལེགས་པར་སྒྲུབ་པའི་ཆོ་གར་ཡང་འགྱུར་རོ། །རྟག་ཏུ་རིག་སྔགས་འཆང་གི་རྗེས་སུ་འབྲང་ཞིང ། ཕྱི་བཞིན་ཕྱི་བཞིན་ལྷན་གཅིག་རྗེས་སུ་འབྲང་ Ba285b བར་འགྱུར་རོ་ཞེས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱིས་གནང་བར་རིག་ནས་སེམས་ཅན་ཐམས་ཅད་ལ་རྗེས་སུ་བརྩེ་བའི་དོན་དུ་རིག་སྔགས་འཆང་ཐམས་ཅད་ཀྱི་མཆོག་གི་སྒྲུབ་པ་བཀླགས་པས་གྲུབ་པ་བཅོམ་ལྡན་འདས་ཀྱིས་སྤྱན་སྔར་འཁོར་ཆེན་པོའི་དབུས་སུ་བཞིན་འཛུམ་ཞིང་མིག་མི་འཛུམ་པས་རིག་སྔགས་ཀྱི་རྒྱལ་པོ་འདི་སྨྲས་སོ། །དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང ། བྱང་ཆུབ་སེམས་དཔའ་རབ་འབྱམས་ཐམས་ཅད་དང ། དེ་བཞིན་གཤེགས་པའི་གསང་བའི་དཀྱིལ་འཁོར་དང ། ཕྱག་རྒྱ་དང ། གསང་སྔགས་རབ་འབྱམས་རྒྱ་མཚོ་རྣམས་ལ་ཕྱག་འཚལ་ལོ། །འཕགས་པ་རྡོ་རྗེ་འཛིན་པ་དང ། རིགས་ཐམས་ཅད་ཀྱི་གསང་བ་དང ། རིག་སྔགས་འཆང་གི་དབང་པོར་བཞུགས་པ་རྣམས་ལ་ཕྱག་འཚལ་ལོ། །འདས་པ་དང་མ་བྱོན་པ་དང ། ད་ལྟར་བྱུང་བའི་འཕགས་པ་ཉན་ཐོས་ཀྱི་དགེ་འདུན་རྣམས་དང ། རང་སངས་རྒྱས་ཐམས་ཅད་ལ་ཕྱག་འཚལ་ལོ། །དཀྱིལ་འཁོར་གྱི་གསང་བ་ཐམས་ཅད་དང ། རིག་སྔགས་ཀྱི་རྒྱལ་པོ་ཆེན་པོའི་སྒྲུབ་པ་གྲུབ་པ་རྣམས་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕག་ Ba286a ༄#། །པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ཅན། རིག་སྔགས་ཐམས་ཅད་ཀྱི་དཀྱིལ་འཁོར་གྱི་རྒྱལ་པོའི་བདག་ཉིད་ཆེན་པོའི་རྣམ་པར་འཕྲུལ་པ་གྲུབ་པ་རྣམས་དང ། ཕྱག་རྒྱ་ཐམས་ཅད་ལ་ཕྱག་འཚལ་ལོ། །ཏདྱཱ་ཐཱ། ཨོཾ་བ་མི་ལེ། བི་མ་ལ་གརྦྷེ། བི་མ་ལ་ཨམྦུ་ཛ་པདྨེ་སཱུརྱ་བརྩ་མེ། ས་ཧ་སྲ་རསྨི་ཀི་ར་ཎེ་མ་ཧཱ་རསྨི་ཛྭཱ་ལ་ཨ་བ་བྷཱ་ཥི་ཏེ། ཙ་ར་ཙ་ར། ཙ་ར་ཙ་ར། སཉྩ་ར་པདྨོ་ད་རི་པདྨ་གརྦྷེ། པདྨ་བྷུ་ཛེ། སུ་བི་མ་ལ་ཨམྦུ་ཛ་བི་མ་ལེ་མ་ཎེ་ཀ་ན་ཀ་བཛྲ་བཻ་ཌཱུརྱ་ཨིནྡྲ་ནཱི་ལ་མ་ར་ཀ་ཏ། པདྨ་རཱ་ག་བི་བི་དྷ་མ་ཧཱ་མ་ཎི་རཏྣ་ལཾ་ཀྲྀ་ཏ་ཤ་རཱི་རེ། དྷ་ར་དྷ་ར། མ་ཧཱ་པདྨ་དྷ་ར། པ་ར་པ་ར། པ་ར་ཤུ། པཱ་ཤ་དྷ་ར། ས་ར་ས་ར་ས་མནྟ་བཻ་རོ་ཙ་ན། སརྦ་ཏ་ཐཱ་ག་ཏ་གུ་ཧྱ་ཨ་དྷིཥྛི་ཏེ། ཀུ་ལ་ས་མ་ཡ་པ་རི་པཱུ་ར་ཎི། བ་ར་བ་ར། བཛྲ་ཛ་ལ་མཱ་ལཱ་གརྦྷེ། བཛྲ་བཛྲེ་བཛྲ་ཨ་དྷིཥྛི་ཏ་པདྨེ་ཧཱུཾ་ཧཱུཾ། མ་ཎི་མ་ཎི། མ་ཧཱ་མ་ཎི། ཙིནྡཱ་མ་ཎི་པཱ་ཤ་དྷ་ར། ཧུ་རུ་ཧུ་རུ་པདྨ་པདྨ་གཽ་ར་པདྨ་པཱ་ཎི་བ་ར་དེ། ཨ་མོ་གྷ་པདྨེ། ཨོཾ་པདྨེ་ནི་པདྨ་མ་ཎི་བཛྲ་དྷ་རཱ། སརྦ་ཏ་ཐཱ་ག་ཏ་ཀུ་ལ་སཱ་ནཱ་མྱ་ས་མ་ཡ་ཨ་དྷིཥྛི་ཏེ། མ་ཧཱ་བི་པུ་ལ་བྷུ་ཛེ། བྷ་ར་བྷ་ར། སམྦྷ་ར། བྷུ་རུ་བྷུ་རུ། བྷུ་རི་ཎི། བྷི་རི་བྷི་རི། ས་མནྟ་ཨ་པ་ལོ་ཀི་ཏ་བཱིརྱཱ་རཱ་ཛེ་པྲ་ས་ར་པྲ་ས་ར་སནྟ་བི་མ་ལེ། སརྦ་བིདྱཱ་མཎྜ་ལ་དེ་བ་ཏཱ་ན་མསྐྲྀ་ཏེ། ཏ་ར་ཏ་ར། ཏཱ་ར་ཡ་ཏཱ་ Ba286b ར་ཡ།་ས་མནྟ་པ་རི་པཱུ་ར་ཎི་སརྦ་བོ་དྷི་སཏྭཱ་ཨ་བྷི་ཥེ་ཙ་ནི་སརྦ་ཏ་ཐཱ་ག་ཏ་ཨ་མོ་གྷ་ཨ་བྷི་ཥི་ཀྟི་ཨ་བྷི་ཥིཉྩ་ཡ་མཾ་སརྦ་བིདྱཱ་མཎྜ་ལ་ཀུ་ལ་ས་མ་ཡ་ཨ་བྷི་ཥེ་ཀཻ། སརྦ་ཏ་ཐཱ་ག་ཏ་པཱ་ཎི་བ་ར་དེ། པདྨ་གཽ་རེ་པདྨ་པྲ་བྷེ། པདྨ་བི་ཀ་ཙམྦུ་ཛ་གརྦྷེ། ཧཱུཾ་ཧཱུཾ། བཛྲེ་བཛྲེ། བཛྲེ་པདྨ་ཏ་ཐཱ་ག་ཏ་ཀུ་ལ་ཨ་དྷིཥྛི་ཏེ། ཨ་མོ་གྷ་བ་ར་དེ། སརྦ་སཱ་པ་རི་པཱུ་ར་ཎི་སརྦ་པཱ་པ་དུཿ ཁ་པྲ་ཤ་མ་ནི། ཨ་མོ་གྷ་ཧྲྀ་ད་ཡ་སིདྡྷི་སཱ་དྷ་ཡ་བི་མ་ལེ་ཧཱུཾ་ཕཊ། ཨོཾ་བ་ར་དེ་པདྨ་བྷུ་ཛེ་ན་མོསྟུ་ཏེ་པདྨ་སུ་ཏེ་སཝཱཧཱ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པ་དྲི་མ་མེད་པ་པདྨོའི་ཆུ་སྐྱེས་ཀྱི་པདྨའི་ལྕགས་ཀྱུ་དོན་ཡོད་ཞགས་པའི་སྙིང་པོ་རིགས་ཀྱི་རྒྱལ་པོ་གཟུངས་ཆེན་པོ་ཀུན་ནས་རྣམ་པར་སྣང་བར་བྱེད་པ། དེ་བཞིན་གཤེགས་པ་ཐམས་ཅད་ཀྱི་ཐུན་མོང་གི་རིགས་ཀྱི་དམ་ཚིག་གི་ཕྱག་རྒྱའི་སྙིང་པོ་འདི་སྨྲས་པའི་དེ་མ་ཐག་གི་འོག་ཏུ་པདྨ་ཟེ་འབྲུ་དང་བཅས་པའི་གེ་སར་གསལ་བར་རྣམ་པར་བྱེ་སྟེ། དཔེར་ན། གྲོང་ཁྱེར་གྱི་ཕྱོགས་གཅིག་གི་སྒོ་བྱེ་ནས་རྒྱལ་མོ་བྱུང་བ་བཞིན་དུ་ལྷའི་གཟུགས་བལྟ་ན་སྡུག་པ་འོད་མཐའ་ཡས་པ་ཕྱག་བཞི་པ་རྒྱན་གྱིས་རྣམ་པར་བརྒྱན་པ། ཕྱག་ན་པདྨ་དོན་ཡོད་ཞགས་པའི་ངོ་བོའི་ཞགས་པའི་ཕྱག་དང ། ཡིད་བཞིན་གྱི་ནོར་བུའི་རིན་པོ་ཆེའི་རྒྱལ་མཚན་ཆེན་པོའི་ཕྱག་དང ། མདུང་རྩེ་གསུམ་པའི་ཕྱག་།སྤྱན་ Ba287a ༄#། །གསུམ་པ། ཞལ་གསུམ་པ། ཟླ་བའི་ཅོད་པན་འཆང་བ། ཞི་བཞི་ཞིང་འཛུམ་པའི་ཞལ། སྐུ་ལ་འོད་ཟེར་སྣ་ཚོགས་འབར་བའི་སྙིང་པོ་པདྨ་དང་སེངྒེའི་གདན་ལ་བཞུགས་པ། པདྨ་ཁ་བྱེ་བའི་སྙིང་པོར་བཅོམ་ལྡན་འདས་ཀྱི་སྤྱན་སྔར་འཁོད་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་མགོ་བོས་ཕྱག་འཚལ་ཞིང་ཐལ་མོ་སྦྱར་བ་བཏུད་དེ་བཅོམ་ལྡན་འདས་ཀྱི་སྤྱན་སྔར་འདུག་སྟེ་མིག་མི་འཛུམ་པར་བལྟ་ཞིང་འཁོད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས། དོན་ཡོད་པ་པདྨ་དྲི་མ་མེད་པ་ཆུ་སྐྱེས་ཀྱི་ཞགས་པའི་ལྕགས་ཀྱུ་རིག་སྔགས་ཀྱི་རྒྱལ་པོ་བུད་མེད་ཀྱི་གཟུགས་འཛིན་པ་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ་ཆེན་པོ། ཁྱོད་ཅིའི་ཕྱིར་མི་འཛུམ་པར་བལྟ། མཆོག་ཅི་དོན་དུ་གཉེར་བཞིན་དུ་འཁོད་ཅེས་སོ། །རིག་སྔགས་ཀྱིས་རྒྱལ་མོས་གསོལ་པ། བཅོམ་ལྡན་འདས། བདག་དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་རྣམས་ཀྱི་སྤྱིའི་ཕྱག་རྒྱ་དང ། སྔགས་དང ། དམ་ཚིག་གསང་བའི་རྗེས་སུ་འཇུག་པར་བགྱིའོ། །བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རིག་སྔགས་ཀྱི་རྒྱལ་ Ba287b མོ་ཉོན་ཅིག་།ཁྱོད་དེ་བཞིན་གཤེགས་པ་ཐམས་ཅད་ཀྱིས་ཐམས་ཅད་དུ་དམ་ཚིག་གི་དཀྱིལ་འཁོར་དང ། ཕྱག་རྒྱའི་གསང་བར་ལུང་བསྟན་ཅིང ། ཁྱོད་དེ་བཞིན་གཤེགས་པ་རྣམ་པར་སྣང་མཛད་ཀྱིས་དཀྱིལ་འཁོར་ཐམས་ཅད་ཀྱི་མཆོག་ཏུ་ལུང་བསྟན་ནོ། །ངས་ཀྱང་དེ་བཞིན་གཤེགས་པ་ཐམས་ཅད་ཀྱི་གསང་བ་དང ། དཀྱིལ་འཁོར་དང ། ཕྱག་རྒྱའི་དམ་ཚིག་ཐམས་ཅད་ཀྱི་མཆོག་ཏུ་འགྱུར་བར་ལུང་བསྟན་ནོ། །ཏུཎྜཱ་དང ། དཀར་ཤམ་དང ། སྒྲོལ་མ་དང ། ཁྲོ་གཉེར་ཅན་དང ། པདྨ་རིགས་མཛེས་མ་དང ། ལྷ་མོ་ཆེན་པོ་ཀི་ལཱི་ཀི་ལཱ་དང ། རྡོ་རྗེ་ཕོ་ཉ་མོ་དང ། དྲི་མེད་བྱེད་མ་དང ། པདྨའི་སྤྱན་མ་དང ། རྡོ་རྗེ་ལུ་གུ་རྒྱུད་མ་དང ། རྡོ་རྗེ་ཁྲོ་གཉེར་ཅན་དང ། ལྷ་མོ་པདྨ་རབ་སྣང་མ་དང ། པདྨ་སྤྱོད་བྱེད་མ་དང ། རིག་སྔགས་ཀྱི་རྒྱལ་མོ་ཆེན་མོ་དོན་ཡོད་པའི་ཕྱག་དང ། ལོངས་སྤྱོད་ལྡན་མ་དང ། དཔལ་མོ་དང ། འཇིགས་མ་དང ། དཔེ་མེད་མ་དང ། དབྱངས་ཅན་མ་དང ། རལ་གཅིག་མ་སྤྱན་སྟོང་པ། ཕྱག་སྟོང་པ། དབུ་སྟོང་པ། དོན་ཡོད་པའི་པདྨ་དང ། རིན་ཆེན་ལྷ་མོ་དང ། རིན་ཆེན་འབྱུང་གནས་དང ། འཇིག་རྟེན་དབང་ཕྱུག་ཉིད་དང ། རིག་པའི་དབང་ཕྱུག་ཉིད་དང ། ལྷ་མོ་ཆེན་མོ་ཕྱག་རྒྱའི་དབང་ཕྱུག་དང ། རིགས་ཀྱི་དཀྱིལ་འཁོར་གྱི་ལྷ་མོ་དང ། ཧུ་ཧཝ་བཟླས་པའི་སྦྱིན་སྲེག་དང ། ཞི་བའི་ལས་དང ། ལྷ་མོ་རིགས་མཛེས་མ་དང ། རིག་སྔགས་འཆང་ཆེན་མོ་རྡོ་རྗེ་མཛེས་པ་ཉིད་དང ། ཕྱག་ན་འཁོར་ལོ་ Ba288a ༄#། །གྲུབ་པ་དང ། དེ་བཞིན་དུ་རལ་གྲི་བཟང་པོའི་རིག་པ་འཛིན་པ་དང ། ཁྲོ་བོ་ཉིད་དང ། ཁྲོ་བོའི་རྒྱལ་པོ་དང ། དུས་ཀྱི་མཚན་མོ་དང ། ཞལ་རྣམ་པར་འགྱུར་མ་དང ། མཆེ་བ་གཙིགས་མ་དང ། སེར་སྐྱ་མ་ཉིད་དང ། རང་གསལ་མ་དང ། ཕྱག་ན་རིན་ཆེན་མ་ཉིད་དང ། སའི་དཀྱིལ་འཁོར་གྱི་ལྷ་མོ་དང ། དེ་བཞིན་དུ་རྫས་ཡོངས་སུ་འཛིན་པའི་ལྷ་མོ་དང ། མཆོད་ཡོན་དང ། ཞབས་བསིལ་དང ། གཏོར་མ་ཉིད་ཀྱི་ལྷ་དང ། ་གྲི་ཎི་དང ། མེ་ཏོག་དང ། བདུག་པ་དང ། ཕྲེང་བ་དང ། བྱུག་པའི་ལྷ་དང ། ཐམས་ཅད་དུ་རྗེས་སུ་སོང་བའི་ལྷ་མོ་ཁྱོད་དང ། གསང་སྔགས་ཐམས་ཅད་ལ་དབང་སྒྱུར་མ་དང ། བུད་མེད་ཀྱི་གཟུགས་འཛིན་པའི་རིག་སྔགས་ཀྱི་རྒྱལ་པོའི་མཆོག་སྒྲོལ་བར་བྱེད་པ་དང ། བདག་གི་གསང་སྔགས་ཐམས་ཅད་འཛིན་པའི་རིག་སྔགས་ཀྱི་རྒྱལ་མོའི་མཆོག་མ་དང ། རིག་སྔགས་འཆང་གི་དབང་མོ་དང ། རིགས་ཀྱི་གསང་སྔགས་དང ། དེ་བཞིན་གཤེགས་པ་ཐམས་ཅད་ཀྱིས་རིག་སྔགས་ཀྱི་རྒྱལ་མོ་ཆེན་མོ་ངེས་པར་སྦྱིན་པ། འཇིག་རྟེན་དབང་ཕྱུག་སྐྱེས་པ་ཉིད་དུ་དཔྲལ་བའི་སྨིན་མའི་བར་དུ་ལྷའི་ཆུའི་དངུལ་ལས་ངེས་པར་སྐྱེས་ཤིང་བྱུང་བ། སྐར་མའི་རྣམ་པ་དང་མཚུངས་པ། སྣ་ཚོགས་པའི་གཟུགས་ཅན་དུ་གྱུར་པའོ། །ཞེས་ལས་སྣ་ཚོགས་དང ། དབྱངས་ཅན་གང་ཡིན་པ་འདི་འཆང་བར་བྱེད་དོ། །ཞེས་དེ་བཞིན་གཤེགས་ Ba288b པས་ལུང་བསྟན་པ་དང་དུ་བླངས་ནས་གསུངས་སོ། །རིག་སྔགས་ཐམས་ཅད་ཀྱི་དངོས་གྲུབ་མཉམ་པར་སྐྱོབ་པ་ཐོབ་པ་དང ། དེ་བཞིན་དུ་ཆོ་ག་ཞིབ་མོའི་སྒྲུབ་པ་དང ། ཕྱག་རྒྱ་དང ། གསང་སྔགས་ཐམས་ཅད་ཀྱི་དངོས་གྲུབ་རྣམ་པ་སྣ་ཚོགས་པ་དང ། དོན་ཡོད་པའི་དངོས་གྲུབ་ཀྱང་ཐོབ་པར་བྱེད་དོ། །དོན་ཡོད་པའི་འབྲས་བུ་མཐོང་བ་དང ། བཀླགས་པས་གྲུབ་པའི་རྒྱུ་མཚན་གཞན་དང ། ཐམས་ཅད་དུ་རིགས་སྤྱིའི་དཀྱིལ་འཁོར་དང ། ཕྱག་རྒྱའི་དངོས་གྲུབ་ཀྱི་ཕྱིར་དང ། སྤྱིའི་དཀྱིལ་འཁོར་དང ། ཕྱག་རྒྱའི་དམ་ཚིག་ཉིད་ཀྱང་འདི་དྲན་པ་ཙམ་གྱིས་ཐམས་ཅད་ཐོབ་པར་བྱེད་དོ། །དཀྱིལ་འཁོར་དང ། ཕྱག་རྒྱ་དང ། གསང་སྔགས་དང ། ལྷ་དེ་དག་ཐམས་ཅད་ཀྱང་དྲན་པ་ཙམ་གྱིས་རྗེས་སུ་འབྲང་བར་འགྱུར་བར་ཐེ་ཚོམ་མེད་དོ། །རིག་སྔགས་ཀྱི་རྒྱལ་པོའི་དཀྱིལ་འཁོར་དང་ལྷ་རྣམས་དམ་ཚིག་ལ་ཀུན་ཏུ་གནས་པར་བྱེད་དོ། །དེ་ལྟ་བས་ན། འབད་པ་ཐམས་ཅད་ཀྱིས་ཟུངས་ཤིག་།དེ་བཞིན་དུ་ཐུབ་པ་རྣམ་པར་མཛད་པ་དང ། ཤཱཀྱའི་རྒྱལ་པོས་རིག་སྔགས་ཀྱི་རྒྱལ་པོར་ལུང་བསྟན་པ། དེ་བཞིན་གཤེགས་པ་ཐམས་ཅད་ཀྱིས་མིང་ཀུན་ཏུ་གཟིགས་ཤིང་ཐམས་ཅད་དུ་རྗེས་སུ་འགྲོ་བ་སྟེ། དེའི་ཕྱིར་སྤྱན་རས་གཟིགས་པདྨ་ཞེས་བྱ་བ་རིག་སྔགས་ཀྱི་རྒྱལ་པོ་བླ་ན་མེད་པ། རྡོ་རྗེའི་དངོས་གྲུབ་དངོས་གྲུབ་ཆེན་པོ། པདྨ་རིགས་ཀྱི་དངོས་གྲུབ་བླ་ན་མེད་པ། དེ་བཞིན་གཤེགས་པའི་ Ba289a ༄#། །རིགས་ཀྱི་དངོས་གྲུབ་སྒྲུབ་པ་གྲུབ་པ། དཀྱིལ་འཁོར་ཆེན་པོའི་རིགས་དང ། ནོར་བུ་ཆེན་པོའི་རིགས་ཀྱི་དམ་ཚིག་གི་དངོས་གྲུབ་སྒྲུབ་པར་གྲུབ་པ། དོན་ཡོད་པའི་སྙིང་པོའི་དཀྱིལ་འཁོར་ཐམས་ཅད་དུ་མཆོག་གི་དངོས་གྲུབ་མཆོག་གི་དང་པོ་རྡོ་རྗེའི་རིགས་སུ་བསྟན་པ། རྡོ་རྗེ་རྩེ་མོ་ཆེན་པོའི་ལྷ་དང ། དེ་བཞིན་དུ་རྡོ་རྗེ་ས་འོག་དངོས་གྲུབ་ཀྱི་ཕྱིར་རྡོ་རྗེ་ཕྲེང་བ་རིམ་པར་ཕྱེ་བའི་གྲངས་དང ། རྡོ་རྗེ་མཆུའི་མཆོག་གི་དངོས་གྲུབ་རྣམས་ལ་སྤྱན་རས་གཟིགས་པདྨ་དང ། པདྨ་མཛེས་པ་དང ། དེ་བཞིན་དུའམ། མིང་སྨོས་པ་ཙམ་གྱིས་མོད་ལ་རྗེས་སུ་འབྲང་ཞིང་འོང་བར་བྱེད་དོ། །དེ་བཞིན་དུ་རྡོ་རྗེ་དབང་པོ་དང ། རྡོ་རྗེ་འཛིན་པ་དང ། ལག་ན་རྡོ་རྗེ་དང ། དབང་ཕྱུག་ཆེན་པོ་རྣམས་རྟག་ཏུ་རྗེས་སུ་འབྲང་བར་འགྱུར་རོ། །དེ་ལྟ་བས་ན། རྟག་ཏུ་ཤེས་པས་རིག་སྔགས་སྨྲ་བ་དང ། མིང་གང་གིས་མཆོག་འཛིན་པ་ལ་དེ་བཞིན་གཤེགས་པས་རྟག་ཏུ་རྣམ་པར་གཟིགས་པར་འགྱུར་རོ། །དེ་བཞིན་ཉིད་དུ་བྱང་ཆུབ་སེམས་དཔའ་ཐམས་ཅད་དང ། ཐུབ་པ་རྣམ་པར་སྣང་མཛད་ཀྱིས་རྟག་ཏུ་ལུང་སྟོན་པར་འགྱུར་བར་ཐེ་ཚོམ་མེད་དོ། བཅོམ་ལྡན་འདས་ཀྱིས་རིག་སྔགས་ཀྱི་རྒྱལ་པོ་འདི་ལུང་བསྟན་མ་ཐག་ཏུ་ས་རྣམ་པར་འགྱུར་བ་དྲུག་ཏུ་གཡོས་སོ། །གཡོས། རབ་ཏུ་གཡོས། མགུལ། རབ་ཏུ་འགུལ། ལྡེག་ Ba289b རབ་ཏུ་ལྡེག་།འུར་འུར། རབ་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ་མོ། །ལྷའི་མེ་ཏོག་གི་ཆར་བབ་སྟེ་འདི་ལྟ་སྟེ། ཟླ་བ་མདོག་མཛེས་དང ། དྲི་མེད་མདོག་མཛེས་དང ། མདོག་མཛེས་ཆེན་པོ་དང ། མནྡཱ་ར་བ་དང ། མནྡཱ་ར་བ་ཆེན་པོ་དང ། པདྨ་དང ། ཀུ་མུ་དང ། པདྨ་དཀར་པོ་དང ། ུཏྤ་ལ་སྔོན་པོ་དང ། ུཏྤ་ལ་དམར་པོ་དང ། མྱ་ངན་འཚང་དང ། སྐྱ་ནར་དང ། པུནྣཱ་ག་དང ། གནྡྷ་ཀ་བྷཪྵི་ཀ་དང ། ཀོནྟ་དང ། ་དྷི་མུཀྟ་ཀ་དང ། བཱ་ལཱ་ཤ་དང ། མཐོན་ཀ་དང ། མཐོན་ཀ་ཆེན་པོ་དང ། ཙམ་པ་ཀ་དང ། སཽ་གནྡྷི་ཀ་དང ། སནྡྷཱ་བཱ་ར་ཎཱ་དང ། ནཱ་ག་པུཥྤ་དང ། སྣམ་དང ། ཡཱུ་ཐི་ཀ་དང ། ནཱ་བ་མཱ་ལི་ཀ་དང ། ཏ་ར་ཎ་དང ། མ་རུ་བ་ཀ་དང ། ཀུ་བྱ་ཀའི་མེ་ཏོག་གི་ཆར་འབབ་པའི་དོན་དང ། ཚོན་རྩི་སྣ་ཚོགས་པས་བཙོས་པའི་ལྷའི་གོས་ཀྱི་ཆར་འབབ་པའི་དོན་དང ། རིན་པོ་ཆེ་སྣ་བདུན་གྱི་ལྷའི་རྒྱན་དང ། ལྷབ་ལྷུབ་དང ། རྒྱན་ཆའི་ཆར་འབབ་པའི་དོན་དང ། ལྷའི་གསེར་གྱི་མེ་ཏོག་གི་ཆར་འབབ་པའི་དོན་དང ། ལྷའི་དྲི་ཙནྡན་དང ། ཏ་མཱ་ལ་དང ། ག་པུར་དང ། གླ་རྩི་དང ། གུར་གུམ་དང ། ལྷའི་གོས་དང ། དྲི་བཟང་པོས་བགོས་པའི་ཕྱེ་མའི་ཆར་འབབ་པའི་དོན་དང ། ལྷའི་དྲི་ཆབ་ཀྱི་ཆར་འབབ་པའི་དོན་དང ། མ་དཀྲོལ་བར་ནམ་མཁའི་མཐིལ་དུ་རོལ་མོའི་སྒྲ་འབྱུང་བ་དང ། སུམ་ཅུ་རྩ་གཉིས་པའི་རིས་ཀྱི་ལྷའི་བུ་མེ་ཏོག་སྣ་ཚོགས་འཐོར་བར་བྱེད་པ་དང ། གོས་དང ། རིན་པོ་ཆེ་ Ba290a ༄#། །སྣ་ཚོགས་འཚེར་བར་བྱེད་པ་དང ། སུམ་ཅུ་རྩ་གསུམ་པའི་རིས་ཀྱི་ལྷའི་མུ་ཏིག་གི་དོ་ཤལ་དང ། གདུ་བུ་དང ། དཔུང་རྒྱན་དང ། རྒྱན་ཟླ་གམ་ཅན་དང ། མུ་ཏིག་དམར་པོ་དང ། ཀ་ཤི་ཀའི་གོས་སྣ་ཚོགས་པ་འཐོར་བར་བྱེད་པར་གྱུར་ཏོ། །ལྷའི་དབང་པོ་བརྒྱ་བྱིན་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཤིན་རྗེ་དང ། ཆུ་ལྷ་དང ། གཞོན་ནུ་དང ། རྒྱལ་པོ་ཆན་པོ་བཞི་དང ། དབང་ཕྱུག་ལ་སོགས་པ་ལྷའི་བུ་འབུམ་ཕྲག་དགུ་བཅུ་རྩ་དགུས་ལྷའི་གཞལ་ཡས་ཁང་རྣམ་པ་སྣ་ཚོགས་པ་དང ། ལྷའི་གོས་དང ། མེ་ཏོག་དང ། དྲི་དང ། ཕྲེང་བ་དང ། བྱུག་པ་རྣམས་དང ། རིན་པོ་ཆེ་སྣ་བདུན་ལས་བྱུང་བའི་གདུགས་སྣ་ཚོགས་པ་རྣམས་ནམ་མཁའི་མཐིལ་ཏུ་ཀུན་ཏུ་གཏོར་ནས་བཅོམ་ལྡན་འདས་ཤཱཀྱ་ཐུབ་པ་དང ། འཕགས་པ་སྤྱན་རས་གཟིགས་དབང་ཕྱུག་དང ། ཕྱག་ན་རྡོ་རྗེ་དང ། རིག་སྔགས་ཀྱི་རྒྱལ་པོའི་འཁོར་ལ་མཆོད་པའི་སྤྲིན་ཆེན་པོར་གྱུར་ཏེ་མཆོད་པ་ཆེན་པོ་བྱེད་པར་གྱུར་ཏོ། །རྫུ་འཕྲུལ་ཆེན་པོའི་ཆོ་འཕྲུལ་ཆེན་པོ་མཐོང་བར་གྱུར་ཏོ། །དངོས་གྲུབ་ཆེན་པོའི་མཚན་མ་བྱང་བར་གྱུར་པ་རྣམས་ཡང་དག་པར་མཐོང་ངོ ། །ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ན་དེ་བཞིན་གཤེགས་པའི་འཁོར་གྱི་དཀྱིལ་འཁོར་ཐམས་ Ba290b ཅད་ཡང་དག་པར་མཐོང་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་རྣམས་ཀུན་ཏུ་ཡང་དག་པར་བྱེའོ། །ལྷའི་གཞལ་ཡས་ཁང་སྣ་ཚོགས་པ་བྱུང་བར་གྱུར་པ་མཐོང་ངོ ། །དེ་ནས་ཡང་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བཅོམ་ལྡན་འདས་ག་ལ་བ་དེ་ལོགས་སུ་སོང་ནས་ལྷགས་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཞབས་གཉིས་ལ་མགོ་བོས་ཕྱག་འཚལ་ཏེ་རྡོ་རྗེ་གསོར་བཞིན་དུ་བཅོམ་ལྡན་འདས་ཀྱི་སྤྱན་སྔར་འཁོད་ནས་བཞིན་འཛུམ་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རྫུ་འཕྲུལ་གྱི་རྣམ་པར་འཚལ་བ་ཆེ་ཞིང་ཆེ་བ་ཡང་དག་པར་སྣང་བ་དང ། མཆོད་པའི་སྤྲིན་གྱི་ཆར་ཆེ་ཞིང་ཆེ་བ་རབ་ཏུ་འབབ་པ་དང ། བཅོམ་ལྡན་འདས། དངོས་གྲུབ་ཀྱི་མཚན་མ་ཆེ་ཞིང་ཆེ་བ་སྣང་བ་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང་ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་ཡིན་པའི་འཁོར་ཆེན་པོ་འདུས་པར་གྱུར་པའི་རིག་སྔགས་ཀྱི་རྒྱལ་པོ་སྐྱེས་པར་མཐོང་བར་སྣང་བ་དང ། ཆོ་འཕྲུལ་ཆེ་ཞིང་ཆེ་བ་སྣང་བ་དང ། རྫུ་འཕྲུལ་གྱི་རྣམ་པར་འཕྲུལ་པ་མཐོང་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་རིག་སྔགས་ཆེན་ Ba291a ༄#། །པོ་འབྱུང་བར་སྣང་བ་ནི། བཅོམ་ལྡན་འདས། རྒྱུ་ཅི་ལགས། རྐྱེན་ཅི་ལགས། འདི་ཅིའི་མཐུས་སྔོན་གྱི་མཚན་མ་ཡང་དག་པར་སྣང་བ་ལགས། འདི་རྫུ་འཕྲུལ་གྱི་རྣམ་པར་འཕྲུལ་པ་གང་ཞིག་ཡང་དག་པར་སྣང་བ་ལགས། བཅོམ་ལྡན་འདས། བདག་གིས་སེམས་ལ་ཐེ་ཚོམ་དེ་སྐྱེས་པར་གྱུར་པས་དེ་ངེས་པར་བསྟན་དུ་གསོལ། ཞུ་བ་ལུང་སྟོན་པར་འགྱུར་བ་གང་གིས་བདག་གི་དོགས་པ་རྣམ་པར་སེལ་བ་དང ། སོམ་ཉི་རྣམ་པར་སེལ་བར་བྱེད་པས་བཅོམ་ལྡན་འདས་ཀྱིས་བདག་ལ་སྐབས་དབྱེ་རུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། ངེས་པར་བསྟན་པར་བྱ་ཡི། ཉོན་ཅིག་།ལག་ན་རྡོ་རྗེ། འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྒྱུ་མ་ལྟ་བུའི་ཏིང་ངེ་འཛིན་གྱི་རྣམ་པར་འཕྲུལ་པའོ། །སྒྱུ་མ་ལྟ་བུའི་ཏིང་ངེ་འཛིན་དང ། རྡོ་རྗེ་ལྟ་བུའི་ཏིང་ངེ་འཛིན་དང ། དཔའ་བར་འགྲོ་བའི་ཏིང་ངེ་འཛིན་ལ་སོགས་པ་ཏིང་ངེ་འཛིན་གངྒཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུས་རྣམ་པར་འཕྲུལ་པའོ། །ལག་ན་རྡོ་རྗེ། སྤྱན་རས་གཟིགས་དབང་ཕྱུག་གི་ Ba291b མཐུས་རྫུ་འཕྲུལ་གྱི་ཆོ་འཕྲུལ་སྣང་བར་བྱེད་དོ། །དོན་ཡོད་པ་རྣམ་པར་འཕྲུལ་པ་ཀུན་ཏུ་སྣང་བའི་དཀྱིལ་འཁོར་ཆེན་པོ་དང ། ཆོ་ག་ཞིབ་མོ་དང ། གསང་སྔགས་དང ། གཟུངས་དང ། རིག་སྔགས་ཀྱི་རྒྱལ་པོའི་རྣམ་པར་འཕྲུལ་པ་དང ། རིག་སྔགས་ཀུན་ཏུ་སྣང་བ་དང ། རིག་སྔགས་ཀྱི་རྒྱལ་པོ་རྣམ་པར་སྣང་བར་བྱེད་དོ། །དེའི་མཐུས་སྣང་བ་འདི་དང ། རྫུ་འཕྲུལ་གྱི་རྣམ་པར་འཕྲུལ་པ་དང ། ཆོ་འཕྲུལ་འདི་སྣང་ངོ ། །ལག་ན་རྡོ་རྗེ། རིག་སྔགས་ཀྱི་རྒྱལ་པོ་འདི་མཐོང་བ་དང ། མིང་བཟུང་བ་ཙམ་གྱིས་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་གཉིས་ཀྱི་རྡུལ་ཕྲ་རབ་དང་མཉམ་པ་མངོན་སུམ་དུ་མཐོང་བ་དང ། མཚན་བཟུང་བའི་དགེ་བའི་རྩ་བ་བསྐྱེད་པའི་བསོད་ནམས་ཀྱི་ཕུང་པོ་དང་ལྡན་པ་ཡོངས་སུ་འཛིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་དང ། རིག་སྔགས་དང ། ཕྱག་རྒྱ་དང ། གསང་སྔགས་རིམ་པར་ཕྱེ་བ་དང ། སྙིང་པོའི་མཐུ་རབ་ཏུ་འཇུག་པར་འགྱུར་རོ། །དམ་ཚིག་གི་དཀྱིལ་འཁོར་གསང་བར་རབ་ཏུ་ཞུགས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་ཆོ་ག་ཞིབ་མོའི་རྗེས་སུ་འཇུག་པར་འགྱུར་རོ། །རིག་སྔགས་ཀྱི་རྒྱལ་པོ་འདི་ལན་གཅིག་བཟླས་པ་དེ་རྣམས་ཀྱང་དེ་བཞིན་གཤེགས་པ་རྣམས་ཀྱི་དྲུང་དུ་འདས་པ་དང ། མ་འོངས་པ་དང ། ད་ལྟར་བྱུང་བའི་དུས་གསུམ་ Ba292a ༄#། །དུ་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱི་སྙིང་པོ་དང ། ཕྱག་རྒྱ་དང ། གསང་བའི་དཀྱིལ་འཁོར་གྱི་དམ་ཚིག་དང ། གསང་སྔགས་ཆེན་པོ་རིམ་པར་ཕྱེ་བའི་སྒྲུབ་པ་ལ་རྗེས་སུ་འཇུག་པར་འགྱུར་རོ། །དེ་ཅིའི་ཕྱིར་ཞེ་ན། ལག་ན་རྡོ་རྗེ། རིག་སྔགས་ཀྱི་རྒྱལ་པོ་འདི་ནི། རྫུ་འཕྲུལ་ཆེ་བའི་ཕྱིར་ཏེ། འདི་ལྟ་སྟེ། འདི་ནི། དེ་བཞིན་གཤེགས་པ་ཐམས་ཅད་ཀྱི་འདས་པ་དང ། མ་འོངས་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཀྱི་དྲུང་དུ་སྙིང་པོ་དང ། ཕྱག་རྒྱ་རིམ་པར་ཕྱེ་བ་དང ། དཀྱིལ་འཁོར་གསང་བ་ལ་རབ་ཏུ་ཞུགས་ཤིང་དབང་བསྒྱུར་བའི་རྗེས་སུ་ཞུགས་པ་ནི། རིག་སྔགས་ཀྱི་རྒྱལ་པོའི་སྙིང་པོར་གྱུར་པ་གཅིག་བུའོ། །འདི་ལྟ་སྟེ། འོ་མ་དང ། ཆུ་ཡང་དག་པར་འབྱུང་བ་བཞིན་ནོ། །སྙིང་པོ་གཅིག་པོ་འདི་རིགས་ཐམས་ཅད་ཀྱི་དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། ཆོ་ག་ཞིབ་མོའི་རྗེས་སུ་ཞུགས་པའོ། །དེས་ན་ལག་ན་རྡོ་རྗེ། ཁྱོད་ཀྱིས་རིག་སྔགས་ཀྱི་རྒྱལ་པོ་འདི་ཀུན་ནས་རྗེས་སུ་འཇུག་པ་ཞེས་བྱའོ། །ལག་ན་རྡོ་རྗེ། རྒྱུ་དེས་ན། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་རིག་སྔགས་ཀྱི་རྒྱལ་པོ་འདིའི་མིང་ལན་གཅིག་བཟུང་བ་ཙམ་གྱིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱི་དྲུང་དུ་ Ba292b གསང་བ་ཐམས་ཅད་ཀྱི་སྙིང་པོ་དང ། གཟུངས་དང ། གསང་སྔགས་དང ། ཕྱག་རྒྱ་རིམ་པར་ཕྱེ་བ་དང ། ཆོ་གཞིབ་མོ་རབ་ཏུ་སྟོན་པ་དང ། མཚན་གཟུང་བར་བྱས་པར་འགྱུར་རོ། །དུས་གསུམ་དུ་གཤེགས་པའི་དེ་བཞིན་གཤེགས་པ་དེ་རྣམས་ཀྱི་དྲུང་དུ་བསོད་ནམས་ཀྱི་ཕུང་པོ་ཆེན་པོ་ཡོངས་སུ་གཟུང་བར་འགྱུར་རོ། །དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་དེ་རྣམས་དང ། བྱང་ཆུབ་སེམས་དཔའ་ལེགས་སོ་ཞེས་བྱ་བ་སྩོལ་བར་འགྱུར་རོ། །དོན་ཡོད་པ་ཡངས་པ་ཆེན་པོའི་དངོས་གྲུབ་རབ་ཏུ་སྩོལ་བར་འགྱུར་རོ། །མཆོག་ཏུ་གྲུབ་པ་ཆེན་པོར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྤྱིའི་རིགས་ཀྱི་དམ་ཚིག་གི་དངོས་གྲུབ་སོ་སོར་རྙེད་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་འཕྲུལ་པ་དང ། རིག་སྔགས་ཀྱི་སྙིང་པོ་དང ། ཏིང་འཛིན་དང ། རྫུ་འཕྲུལ་གྱི་ཡུལ་དང ། བྱང་ཆུབ་སེམས་དཔའི་སེམས་ཀྱི་རྒྱན་དང ། ཕ་རོལ་ཏུ་ཕྱིན་པ་དྲུག་གི་རྗེས་སུ་སོང་བར་འགྱུར་རོ། །རིག་སྔགས་ཀྱི་རྒྱལ་པོའི་དཀྱིལ་འཁོར་གྱི་ལྷ་ཐམས་ཅད་རྗེས་སུ་སྦྱོར་ཞིང་དམ་ཚིག་གི་རྗེས་སུ་འཇུག་པར་འགྱུར་རོ། །ལག་ན་རྡོ་རྗེ། དེ་བཞིན་དུ་རིག་སྔགས་ཀྱི་རྒྱལ་པོའི་མཐུ་ཆེན་པོས་རྣམ་པར་འཕྲུལ་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པ། བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་འཕྲུལ་པའོ། ། Ba293a ༄#། །ལག་ན་རྡོ་རྗེ། དེ་བས་ན། དེ་རྣམས་རིག་སྔགས་ཀྱི་རྒྱལ་པོའི་མཐུ་ཆེན་པོའོ། །ལག་ན་རྡོ་རྗེ། རིག་སྔགས་ཀྱི་རྒྱལ་པོ་འདི་མེ་ཏོག་གམ། བདུག་པའམ། དྲི་དང ། བྱུག་པ་དང ། རོལ་མོ་གཅིག་གིས་མཆོད་པ་དང ། ལན་གཅིག་ཙམ་གྱིས་ཀྱང་དུས་གསུམ་དུ་གཤེགས་པའི་དེ་བཞིན་གཤེགས་པ་དེ་རྣམས་ཀྱི་སྙིང་པོ་གསང་བ་དང ། མཆོད་པ་རྣམས་བྱས་པ་དང ། མཉེས་པར་བྱས་པ་དང ། ཀློག་པར་བྱས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བའི་དམ་ཚིག་དང ། དཀྱིལ་འཁོར་དང ། ཕྱག་རྒྱ་དང ། གསང་སྔགས་དང ། གཟུགས་དང ། རིམ་པར་ཕྱེ་བ་དང ། ཆོ་ག་ཞིབ་མོའི་རྒྱལ་པོ་མཆོད་པར་བྱས་པར་འགྱུར་རོ། །རིག་སྔགས་ཀྱི་རྒྱལ་པོ་འདི་དྲན་པ་ཙམ་གྱིས་གནོད་སྦྱིན་དང ། སྲིན་པོ་དང ། བགེགས་དང ། ལོག་པར་འདྲེན་པ་དང ། བདུད་ཀྱི་རིགས་ཀྱི་ལྷ་དེ་རྣམས་ཐམས་ཅད་ཕྱོགས་དང ། ཕྱོགས་མཚམས་རྣམས་སུ་འབྲོས་པར་བྱེད་དོ། །ཡམས་ཐམས་ཅད་དང ། ཉེ་བར་འཚེ་བ་ཐམས་ཅད་དང ། ནད་འགོ་བ་ཐམས་ཅད་དང ། གདོན་ཐམས་ཅད་དང ། ནད་ཐམས་ཅད་དང ། འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་རྣམས་ཐམས་ཅད་དང ། གཏམ་ངན་གྱི་འཇིགས་པ་རྣམས་རབ་ཏུ་ཞི་བར་བྱེད་དོ། །གདུག་པ་ཐམས་ཅད་དང ། Ba293b ཕྱིར་རྒོལ་བ་ཐམས་ཅད་དང ། མི་མཛའ་བ་རྣམས་རབ་ཏུ་ཞི་བར་བྱེད་དོ། །སྡིག་པ་དང་སྒྲིབ་པ་ཐམས་ཅད་རྣམ་པར་གྲོལ་བར་བྱེད་དོ། །མཚམས་མེད་པ་ལྔ་ལ་སོགས་པ་སྡིག་པ་དང ། སྒྲིབ་པ་དང ། ཉོན་མོངས་པ་རྣམས་རྣམ་པར་གྲོལ་བར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་དབུགས་འབྱིན་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །ལྷ་རྣམས་ཐམས་ཅད་ཀྱིས་ཀྱང་ཀུན་ཏུ་སྲུང་བར་འགྱུར་རོ། །ལག་ན་རྡོ་རྗེ། རིག་སྔགས་འཆང་གི་དབང་པོ་རྗེས་སུ་འབྲང་བར་འགྱུར་ཞིང ། སྲུང་བ་དང ། སྐྱོབ་པ་དང ། སྤེད་པར་བྱེད་དོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅུ་རྟག་ཏུ་རྗེས་སུ་འབྲང་བར་འགྱུར་རོ། །རྒྱལ་པོ་ཆེན་པོ་བཞི་ཡང་དཔུང་དང་བཅས་འཁོར་དང་བཅས་པས་ཀུན་ནས་ཕྱོགས་བཞིར་སྲུང་བར་བྱེད་དོ། །ཐམས་ཅད་དུ་ཆོ་ག་ཞིབ་མོ་དང ། གསང་སྔགས་དང ། ཕྱག་རྒྱའི་དངོས་གྲུབ་མཆོག་སྦྱིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་དངོས་གྲུབ་ཆེན་པོ་སྦྱིན་པར་འགྱུར་རོ། །པདྨ་ཡངས་པའི་དཀྱིལ་འཁོར་འདི་དང ། དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་གྱི་གསང་བ་དོན་ཡོད་པའི་དེ་ཁོ་ན་ཉིད་ཀྱི་དངོས་གྲུབ་ཏུ་འགྱུར་རོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་ Ba294a ༄#། །འཕྱེ་ཆེན་པོ་དང ། སྲིན་པོ་ཐམས་ཅད་ཀྱང་རྟག་ཏུ་རྗེས་སུ་འབྲང་བར་འགྱུར་རོ། །སེམས་ཅན་ཐམས་ཅད་ཀྱི་དྲུང་དུ་མཆོད་པ་ཆེན་པོ་བྱེད་པར་འགྱུར་རོ། །བཀྲ་ཤིས་དང ། ཡིད་ལ་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །གཤེད་བྱེད་དང ། བྱད་སྟེམས་དང ། གསང་སྔགས་དང ། རོ་ལངས་དང ། སེམས་སྒྱུར་བ་དང ། སྦོད་གཏོང་གི་སྦྱོར་བ་དང ། མཁའ་འགྲོ་མ་རྣམས་ཐམས་ཅད་འབྱེར་བར་བྱེད་དོ། །དུག་དང ། སྦྱར་དུག་དང ། ཕྱེ་མའི་སྦྱོར་བ་རྣམས་ཐམས་ཅད་འབྱེར་བར་བྱེད་དོ། །རིམས་རྣམས་ཐམས་ཅད་འབྱེར་བར་འགྱུར་རོ། །ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། ཉིན་བཞི་པ་དང ། མཚན་གཅིག་པ་དང ། ཉིན་གཅིག་པ་དང ། གྲང་བའི་རིམས་དང ། རླུང་ལས་གྱུར་པ་དང ། མཁྲིས་པ་ལས་གྱུར་པ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པ་དང ། མགོ་གཟེར་དང ། ཕོལ་མིག་དང ། གཡན་པ་དང ། མིག་ནད་དང ། གཞོགས་ཕྱེད་ན་བ་དང ། མ་རི་ཙ་ཀ་དང ། མཚན་བར་རྡོལ་བ་དང ། ཕོ་བའི་ནད་དང ། བཤང་བ་འཁྱིལ་བ་དང ། རྣ་བ་ན་བ་དང ། སོ་ན་བ་དང ། རྩིབ་ལོགས་ན་བ་དང ། མཆིན་པ་ན་བ་དང ། ཚད་པ་དང ། གཅིན་ནད་དང ། གསུད་པ་དང ། ལྟོ་བ་ན་བ་དང ། ལག་པ་ན་བ་དང ། རྐང་པ་ན་བ་དང ། ཡན་ལག་ན་བ་དང ། ཉིང་ལག་ན་བ་ Ba294b དེ་དག་ཐམས་ཅད་དྲན་པ་ཙམ་གྱིས་རྣམ་པར་འཇིག་པར་བྱེད་དོ། །ཤ་བཀྲ་དང ། མཛེ་དང ། འབྲས་དང ། ཕོལ་མིག་དང ། ལྷོག་པ་དང ། རྐང་ཤུ་དང ། མེ་དཔལ་དང ། ཤུ་བ་དང ། འབྲུམ་བུ་ཕྲ་མོ་དང ། རྨ་དང ། མགྲིན་པ་འགགས་པ་དེ་དག་ཐམས་ཅད་བྱབས་པ་ཙམ་གྱིས་རྣམ་པར་འཇིག་པར་བྱེད་དོ། །ཕྱིས་ཀྱང་ནམ་ཡང་ཚུགས་པར་མི་འགྱུར་རོ། །འདི་དེ་ལྟར་གོ་སྐབས་ཡངས་ལ་རྒྱ་ཆེ་བ་ཡིན་ནོ། །ལག་ན་རྡོ་རྗེ། རིག་སྔགས་ཀྱི་རྒྱལ་པོ་དོན་ཡོད་པ་པདྨ་དྲི་མ་མེད་པའི་ཆུ་སྐྱེས་ཀྱི་ཞགས་པ། རིག་སྔགས་ཀྱི་རྒྱལ་པོ། དོན་ཡོད་ཞགས་པའི་སྙིང་པོ་ཞེས་བྱ་བ། དུས་གསུམ་དུ་གཤེགས་པའི་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པ། རྡོ་རྗེ་གསང་བའི་སྙིང་པོ། དམ་ཚིག་བྱིན་གྱིས་རློབ་པའི་རྣམ་པར་འཕྲུལ་པ་ཞེས་བྱའོ། །དེ་ནས་ཡང་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་སྤྱན་སྔར་ཞུས་པའི་དགེ་མཚན་དང་བཀྲ་ཤིས་པ། གསང་བ་བྱིན་གྱིས་རློབ་པ། རིག་སྔགས་ཀྱི་རྒྱལ་པོ་ཆེན་པོའི་རྣམ་པར་འཕྲུལ་པ་ཐོས་ནས་ཚིམ་པ་དང ། མགུ་བ་དང ། ཡིད་རངས་པ་དང ། རབ་ཏུ་དགའ་བ་དང ། དགའ་བ་དང ། ཡིད་བདེ་བ་སྐྱེས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རིག་སྔགས་ཀྱི་རྒྱལ་པོ་ཡོན་ཏན་ཕུན་སུམ་ཚོགས་པ་ཐམས་ཅད་ཀྱི་མཆོག་སྦྱིན་པར་བྱེད་པ་འདི་ནི། ཤིན་ཏུ་དཀོན་ནོ། །བཅོམ་ལྡན་འདས། རིག་སྔགས་ Ba295a ༄#། །ཀྱི་རྒྱལ་པོ་དགེ་བའི་རྩ་བ་ཐམས་ཅད་དང ། བསོད་ནམས་ཀྱི་ཚོགས་ཐམས་ཅད་དང ། གསང་བའི་དཀྱིལ་འཁོར་གྱི་དམ་ཚིག་གི་དངོས་གྲུབ་བླ་ན་མེད་པ་ཐམས་ཅད་ཡང་དག་པར་རྫོགས་པར་བྱེད་པའི་རིག་སྔགས་ཀྱི་རྒྱལ་པོ་མཆོག་ཏུ་དཀོན་ཏེ། དེ་བཞིན་གཤེགས་པ་དང་མཉམ་པར་བལྟ་བར་བགྱིའོ། །དེ་བཞིན་གཤེགས་པ་བྱང་ཆུབ་ཀྱི་སྙིང་པོ་དང ། དམ་པའི་ཆོས་ཀྱི་འཁོར་ལོ་བསྐོར་བ་དང་མཉམ་པའོ། །བཅོམ་ལྡན་འདས། རིག་སྔགས་ཀྱི་རྒྱལ་པོ་འཕགས་པ་སྤྱན་རས་གཟིགས་དབང་ཕྱུག་གིས་དཔྲལ་པའི་པར་ནས་ངེས་པར་བྱུང་བ་ནི། རིག་པ་འཛིན་པ་དེ་དག་ཐམས་ཅད་ལ་ཕན་པའི་དོན་དང ། དངོས་གྲུབ་མཐོང་བའི་དེ་ཁོ་ན་ཉིད་ཀྱི་སྒྲུབ་པ་གྲུབ་པའི་ཆེད་དུ་འགྱུར་རོ། དགེ་བའི་རྩ་བ་མཆོག་ཏུ་ཉེ་བར་བསགས་པར་འགྱུར་བ་ལས་གཞན་མ་ཡིན་ནོ། །རིག་སྔགས་ཀྱི་རྒྱལ་པོ་འདི་དྲན་པ་ཙམ་གྱིས་བསོད་ནམས་ཀྱི་ཕུང་པོ་དགེ་བའི་རྩ་བའི་ཚོགས་གཞལ་དུ་མེད་པ་དང ། ཚད་མེད་པ་དང ། གྲངས་མེད་པ་ཉེ་བར་བསགས་པར་འགྱུར་གྱི། གཞན་དུ་མ་ཡིན་ནོ། །བཅོམ་ལྡན་འདས། ཉིན་མཚན་དུ་ཡང་རིག་སྔགས་ཀྱི་རྒྱལ་པོ་འདི་དྲན་པར་བགྱི། སྐད་ཅིག་ཀྱང་མི་བརྗེད་པར་བགྱིའོ། །བཅོམ་ལྡན་འདས། ཅི་སྟེ་སླར་ཡང་སྔ་དྲོའམ། ཉིན་མོའམ་མཚན་མོའམ། ཟླ་བའམ། ལོར་ཡང་རུང་སྟེ། རིག་ Ba295b སྔགས་ཀྱི་རྒྱལ་པོ་འདི་བརྗེད་ན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བརྗེད་པར་འགྱུར། ཡོངས་སུ་དོར་བར་འགྱུར། བསོད་ནམས་ཀྱི་ཚོགས་ཐམས་ཅད་ཡོངས་སུ་དོར་བར་འགྱུར་རོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བཀའ་སྩལ་པ། ལག་ན་རྡོ་རྗེ། དེ་དེ་བཞིན་ནོ། །ཇི་ལྟར་ཁྱོད་ཀྱིས་སྨྲས་པ་དེ་དེ་བཞིན་ཏེ། རིག་སྔགས་ཀྱི་རྒྱལ་པོ་འདི་ལག་ཏུ་སོན་པར་འགྱུར་བའི་སེམས་ཅན་དེ་ནི། དགེ་བའི་རྩ་བ་ཆུང་དུ་སྐྱེད་པ་མ་ཡིན་ནོ། །ལག་ན་རྡོ་རྗེ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུའི་དུས་གསུམ་མཉམ་པ་ཉིད་ཀྱི་དེ་བཞིན་གཤེགས་པ་རྣམས་མ་མཐོང་བ་དང ། བསྙེན་བཀུར་མ་བྱས་པ་དང ། ཕྱག་རྒྱ་དང ། དཀྱིལ་འཁོར་དང ། དམ་ཚིག་དང ། གསང་སྔགས་རིམ་པར་ཕྱེ་བ་དང ། རིག་སྔགས་ཀྱི་ཆོ་ག་ཞིབ་མོའི་རྒྱལ་པོ་མ་ཐོས་ཤིང་མ་ཞུགས་པ་གང་ཡིན་པ་དེས་ན། ལག་ན་རྡོ་རྗེ། རིག་སྔགས་ཀྱི་རྒྱལ་པོ་འདི་དེའི་ལག་ཏུ་ཕྱིན་པར་མི་འགྱུར་རོ། །མི་ཐོས་ཤིང་མི་མཐོང་ལ། མིང་གི་སྒྲ་གྲགས་པ་ཙམ་དུ་འང་མི་འགྱུར་རོ། །ལག་ན་རྡོ་རྗེ། རིག་སྔགས་ཀྱི་རྒྱལ་པོ་འདི་གང་གི་ལག་ཏུ་སོན་པར་འགྱུར་བ་དེས་ནི། ལག་ན་རྡོ་རྗེ། གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུའི་དུས་གསུམ་མཉམ་པ་ཉིད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་ Ba296a ༄#། །པར་རྫོགས་པའི་སངས་རྒྱས་རྣམས་དེའི་ལག་ཏུ་སོན་པར་འགྱུར་རོ། །དེ་བཞིན་གཤེགས་པ་དེ་རྣམས་ཀྱི་དྲུང་དུ་རིགས་ཀྱི་དམ་ཚིག་གི་དཀྱིལ་འཁོར་དང ། ཕྱག་རྒྱ་དང ། གསང་སྔགས་རིམ་པར་ཕྱེ་བ་དང ། སྙིང་པོ་དང ། གསང་བའི་ཆོ་ག་ཞིབ་མོ་ཐམས་ཅད་ལག་ཏུ་སོན་པར་འགྱུར་རོ། །གནས་ཐམས་ཅད་དུ་སོང་ཞིང་རྗེས་སུ་ཞུགས་པར་འགྱུར་རོ། །ཐམས་ཅད་རྗེས་སུ་སོང་ཞིང་དམ་ཚིག་ཤེས་པར་འགྱུར་རོ། །རིག་སྔགས་ཐམས་ཅད་དང ། གསང་སྔགས་རིམ་པར་ཕྱེ་བ་དང ། ཕྱག་རྒྱ་ཡང་དག་པར་སྤྱོད་པར་འགྱུར་རོ། །རིག་སྔགས་འཆང་ཐམས་ཅད་ཀྱི་མཆོག་དང ། གཙོ་བོ་དང ། ཐུ་བོར་གྱུར་རོ། །དེ་བཞིན་གཤེགས་པ་དེ་རྣམས་ཐམས་ཅད་ཀྱི་དྲུང་ན་སྲས་ཀྱི་གཙོ་བོར་དུས་གསུམ་དུ་གཤེགས་པའི་དེ་བཞིན་གཤེགས་པ་རྣམས་ཀྱི་ལུང་སྟོན་པར་འགྱུར་རོ། །དགེ་བའི་རྩ་བ་ཉེ་བར་སྟོན་པ་དང ། བསོད་ནམས་ཀྱི་ཚོགས་ཡོངས་སུ་འཛིན་པར་འགྱུར་རོ། །ལག་ན་རྡོ་རྗེ། རིག་སྔགས་ཀྱི་རྒྱལ་པོ་འདི་གང་གི་ལག་ཏུ་སོན་ཅིང་ཐོབ་པར་འགྱུར་བའི་སེམས་ཅན་གང་ཡིན་པ་དེ་ནི། དེའི་ཡོན་ཏན་དང ། ཕན་ཡོན་གཞན་དུ་མེད་པར་ཐོབ་པར་འགྱུར་རོ། །རིག་སྔགས་ཀྱི་རྒྱལ་པོ་འདི་གང་གི་ལག་ཏུ་སོན་པར་འགྱུར་བ་དེ། སངས་རྒྱས་ཀྱི་ཕུན་སུམ་ཚོགས་པ་ཐམས་ཅད་སོ་སོར་རྙེད་པར་ Ba296b འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་རིག་སྔགས་ཀྱི་རྒྱལ་པོ་འདི་སྨྲས་ནས་རང་གི་གཟུགས་ཀྱི་བདག་ཉིད་ཀྱི་དངོས་པོ་པདྨའི་ཟེ་འབྲུའི་དབུས་སུ་རིག་སྔགས་ཀྱི་རྒྱལ་པོ་འཕགས་པར་བལྟས་ནས་དོན་ཡོད་པ་ཡིད་བཞིན་ནོར་བུའི་འོད་ཅེས་བྱ་བ་ནོར་བུ་རིན་པོ་ཆེ་ཆེན་པོ་རིག་སྔགས་ཀྱི་རྒྱལ་པོ་བཅོམ་ལྡན་འདས་ལ་ཕུལ་བར་གྱུར་ཏོ། །ོཾ་ཨ་མོ་གྷ་ཙིནྟ་མཎི་བ་ར་ད་པདྨེ་ཛྭ་ལ་ཛྭ་ལ་ན་བྷུ་ཛེ་ཧཱུཾ། འདི་ནི། དོན་ཡོད་པ་པདྨ་དྲི་མ་མེད་པའི་ཆུ་སྐྱེས་ཀྱི་ཞགས་པའི་རྩ་བའི་སྙིང་པོའོ། ། འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་ཕུལ་བའི་དེ་མ་ཐག་པ་དེ་ནས་རིག་སྔགས་ཀྱི་རྒྱལ་པོ་ཐམས་ཅད་བཅོམ་ལྡན་འདས་ཀྱི་སྤྱན་སྔ་ན་བཅོམ་ལྡན་འདས་ལ་སྤྱན་མི་འཛུམ་པར་བལྟ་ཞིང་འཁོད་དོ། །བཅོམ་ལྡན་འདས་ཤཱཀྱ་ཐུབ་པས་དོན་ཡོད་པ་ཡིད་བཞིན་ནོར་བུའི་འོད་རིག་སྔགས་ཀྱི་རྒྱལ་པོ་ནོར་བུ་རིན་པོ་ཆེ་ཆེན་པོ་དེ་ལ་ཡང་རིག་སྔགས་ཀྱི་རྒྱལ་པོས་སྤྱི་བོ་ནས་དབང་བསྐུར་རོ། །བཅོམ་ལྡན་འདས་ཀྱིས་རིག་སྔགས་ཀྱི་རྒྱལ་པོ་འདིས་དབང་བསྐུར་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རི་དང ། ནགས་དང ། འབྲོག་དགོན་པར་བཅས་པ་རྣམས་རྣམ་པར་འགྱུར་བ་དྲུག་ཏུ་གཡོས་སོ། །ཕྱོགས་བཅུ་ཀུན་ནས་དེ་བཞིན་གཤེགས་པ་ཐམས་ཅད་མཐོང་བར་གྱུར་ཏོ། །དེས་ན་དུས་ Ba297a ༄#། །གསུམ་དུ་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ནམ་མཁའི་དབྱིངས་སུ་རྫུ་འཕྲུལ་གྱིས་བཞུགས་ཏེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ལེགས་སོ་ཞེས་བྱ་བ་བྱིན་ཏེ། ཤཱཀྱ་ཐུབ་པ་མཆོག་ཏུ་རྙེད་པར་དཀའ་བའི་མངོན་པར་དབང་བསྐུར་བའི་རྒྱལ་པོ་འདིས་མངོན་པར་དབང་བསྐུར་བ་འདི་ལེགས་སོ་ལེགས་སོ། །དུས་གསུམ་དུ་གཤེགས་པའི་དེ་བཞིན་གཤེགས་པ་སྔ་མ་རྣམས་ཀྱིས་ཀྱང་དེ་བཞིན་དུ་རིག་པའི་རྒྱལ་པོ་འདིས་དབང་བསྐུར་རོ། །ངེད་ཐམས་ཅད་ཀྱིས་ཀྱང་ཚིག་གཅིག་ཏུ་མཐུན་པས་དོན་ཡོད་པ་ཡིད་བཞིན་ནོར་བུའི་འོད་ལ་རིག་སྔགས་ཀྱི་རྒྱལ་པོ་ཆེན་པོས་མངོན་པར་དབང་བསྐུར་རོ། །དུས་གསུམ་དུ་གཤེགས་པའི་དེ་བཞིན་གཤེགས་པ་དེ་རྣམས་ཀྱང་ཕྱག་གསེར་གྱི་ཁ་དོག་ཅན་བརྐྱང་ནས་དེ་རྣམས་ཐམས་ཅད་ལ་རིག་པའི་རྒྱལ་པོས་སྤྱི་པོའི་གཙུག་ནས་མངོན་པར་དབང་བསྐུར་རོ། །འདི་ནི། མངོན་པར་དབང་བསྐུར་བའི་ཕྱག་རྒྱ་མངོན་པར་དབང་བསྐུར་བ་དང་ལྡན་པའོ། །ོཾ་ཨ་མོ་གྷ་བཻ་རོ་ཙ་ན་མཧཱ་མུ་དྲ་མ་ཎི་པདྨ་ཛྭ་ལ་བྲ་ཝརྦ་ཡ་ཧཱུཾ། ཕྱག་རྒྱ་ཆེན་པོས་མངོན་པར་དབང་བསྐུར་མ་ཐག་ཏུ་བཅོམ་ལྡན་འདས་ལ་ལེགས་སོ་ཞེས་བྱ་བ་བྱིན་ཏེ་རང་རང་གི་སངས་རྒྱས་ཀྱི་ཞིང་དུ་ Ba297b གཤེགས་ནས་མི་སྣང་བར་གྱུར་ཏོ། །དེ་ནས་རིག་པའི་རྒྱལ་པོ་དེ་དེ་བཞིན་གཤེགས་པ་ཐམས་ཅད་ཀྱིས་ཕྱག་རྒྱས་དབང་བསྐུར་བ་རིག་ནས་བཅོམ་ལྡན་འདས་ལ་གཡས་སུ་བསྐོར་བ་གསུམ་བྱས་ནས་ཐལ་མོ་སྦྱར་བ་བཏུད་དེ་ཕྱག་བྱས་ནས་སྤྱན་སྔར་འདུག་སྟེ་སེམས་པར་གྱུར་ཏོ། །དེ་ནས་བཅོམ་ལྡན་འདས་རིག་སྔགས་འཆང་དེའི་རིག་པའི་རྒྱལ་པོ་སེམས་པར་གཟིགས་ནས་ཇི་ལྟར་དེ་ལྟར་ཡིད་ལ་བྱེད་པ་ཡང་དག་པར་རབ་ཏུ་གསལ་བར་མཛད་དོ། །ོཾ་ཨ་མོ་གྷ་མཎྜ་ལ་པདྨ་ཨ་བྷི་ཥེ་ཀཾ་མ་ཎི་བཛྲ་སརྦ་ཏ་ཐཱ་ག་ཏ་ཨ་བྷི་ཥེ་ཀེ་ཧཱུཾ། རིག་པའི་རྒྱལ་པོ་དེས་དཀྱིལ་འཁོར་དུ་མངོན་པར་དབང་བསྐུར་བས་མངོན་པར་དབང་བསྐུར་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱིས་གསང་བའི་དཀྱིལ་འཁོར་རིགས་ཐུན་མོང་པའི་དམ་ཚིག་རྡོ་རྗེ་ཆེན་པོའི་ཚུལ་གྱིས་ས་གཞི་བྱིན་གྱིས་བརླབས་སོ། །དེ་བཞིན་གཤེགས་པའི་རིགས་དང ། པདྨའི་རིགས་དང ། རྡོ་རྗེའི་རིགས་དང ། ནོར་བུའི་རིགས་རྣམ་པར་ཐར་པ་ཆེན་པོའི་དཀྱིལ་འཁོར་བཅོམ་ལྡན་འདས་ཀྱི་སྤྱན་སྔར་ཆེར་འཁྲིགས་པའི་དཀྱིལ་འཁོར་དུ་བརྟགས་པ་མཐོང་ངོ ། །རང་རང་གི་དག་པའི་རྩ་བས་རིག་པའི་རྒྱལ་པོའི་དཀྱིལ་འཁོར་པའི་ལྷ་ཐམས་ཅད་མཐོང་ངོ ། །རྨད་དུ་བྱུང་བའི་ཆོ་འཕྲུལ་ཆེ་ཞིང་ཆེ་བ་དག་བྱུང་ངོ ། །དོན་ཡོད་པའི་རྣམ་པར་འཕྲུལ་པ་ཆེན་པོ་ཤིན་ཏུ་ངོ་མཚར་བ་དག་མཐོང་ངོ ། །དེ་ནས་བྱང་ཆུབ་ Ba298a ༄#། །སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དཀྱིལ་འཁོར་ཆེན་པོའི་རྣམ་པར་འཕྲུལ་པ་འདི་ལྟ་བུ་མཐོང་ནས་དོན་ཡོད་པའི་མཆོད་པའི་ནོར་བུ་རྡོ་རྗེ་བྱིན་གྱིས་རློབ་པ། དེ་བཞིན་གཤེགས་པའི་མངོན་པར་དབང་བསྐུར་བ། བཅོམ་ལྡན་འདས་ཀྱིས་རྗེས་སུ་གནང་བ་དང་ལྡན་པའོ། །ོཾ་ཨ་མོ་གྷ་པུ་ཛ་མ་ཎི་པདྨ་བཛྲེ་ཏ་ཐཱ་ག་ཏ་བི་ལོ་ཀི་ཏེ་ས་མནྟ་པྲ་ས་ར་ཧཱུཾ། འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པ་མཆོད་པའི་ནོར་བུའི་སྙིང་པོ་བྱིན་མ་ཐག་ཏུ་མཆོད་པ་རྒྱ་ཆེན་པོ་རྣམ་པ་སྣ་ཚོགས་པ་དུ་མ་རབ་ཏུ་བྱུང་སྟེ། ཇི་ལྟར་རང་རང་གི་ཆོ་ག་ཇི་ལྟ་བ་བཞིན་དུ་མཆོད་པ་ཆེན་པོ་རྣམས་རབ་ཏུ་བྱུང་ངོ ། །ལྷ་རྫས་རྣམ་པ་སྣ་ཚོགས་པ་རྣམ་པར་བཀྲ་བ་ཡངས་པ་རྒྱ་ཆེན་པོ་གོ་སྐབས་ཀུན་ཏུ་གནས་པར་གྱུར་ཏོ། །དེ་བཞིན་གཤེགས་པའི་རྣམ་པར་འཕྲུལ་པ་ཆེ་ཞིང་ཆེ་བའི་བྱིན་གྱིས་བརླབས་ཀྱི་བཀོད་པ་རིག་སྔགས་ཀྱི་དཀྱིལ་འཁོར་ཆེན་པོ་ཡང་དག་པར་མཐོང་ངོ ། །དེ་ནས་རིག་པའི་རྒྱལ་པོ་དོན་ཡོད་པ་པདྨ་དྲི་མ་མེད་པ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལས་རིང་པོར་འཕགས་པ་སྤྱན་རས་གཟིགས་དབང་ཕྱུག་ལས་མངོན་དུ་ཕྱོགས་ནས་སྟན་ལ་འདུག་གོ་།དེ་ནས་བཅོམ་ Ba298b ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཕྱག་ན་རྡོ་རྗེ། འཕགས་པ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པ། ཏིང་ངེ་འཛིན་གྱི་སྟོབས་བྱིན་གྱིས་རློབ་པའི་ཁྱད་པར་ཕྱག་རྒྱ་ཆེན་པོ་དང ། གསང་སྔགས་དང ། གཟུངས་དང ། ཆོ་ག་ཞིབ་མོའི་མཐུ་སྟོབས་པདྨ་ཡངས་པ་ཆེན་པོའི་གསང་བ་དོན་ཡོད་ཞགས་པའི་རྣམ་པར་འཕྲུལ་པ། རིག་པའི་རྒྱལ་པོའི་དེ་ཁོ་ན་ཉིད་ཀྱི་སྙིང་པོ་གྲུབ་པ། དམ་ཚིག་དང་རྗེས་སུ་མཐུན་པ། མཐུ་སྟོབས་དང་ཡོན་ཏན་འབྱུང་བ་ལ་ཕན་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོའི་རྣམ་པར་འཕྲུལ་པ། ཡིད་ཀྱི་ཤིང་རྟ་རེ་བ་ཐམས་ཅད་ཀྱི་མཆོག་རབ་ཏུ་སྦྱིན་པ་ལ་ལྟོས། འཕགས་པ་སྤྱན་རས་གཟིགས་དབང་ཕྱུག་གིས་རེ་བ་ཐམས་ཅད་ཡོངས་སུ་རྫོགས་པར་རྗེས་སུ་སྦྱིན་ཏེ། རིག་པའི་རྒྱལ་པོ་འདི་ཕྱི་མའི་དུས་ཕྱི་མའི་ཚེ་སངས་རྒྱས་ཀྱི་མཛད་པ་བྱེད་པར་འགྱུར་རོ། །རིག་པའི་རྒྱལ་པོ་འདིས་སེམས་ཅན་ཐམས་ཅད་ཀྱི་སྣང་བར་བྱེད་པར་འགྱུར་རོ། །སྐྱབས་དང ། དཔུང་གཉེན་དང ། འཁྲ་ས་དང ། ཡིད་ཀྱི་ཤིང་རྟ་རེ་བ་ཐམས་ཅད་ཡོངས་སུ་རྫོགས་པར་བྱེད་དོ། །སྡིག་པ་ཐམས་ཅད་རབ་ཏུ་ཞི་བར་བྱེད་དོ། ། དགྲ་ཐམས་ཅད་རབ་ཏུ་འདུལ་བར་བྱེད་དོ། །བགེགས་དང་ལོག་པར་འདྲེན་པ་ཐམས་ཅད་རྣམ་པར་འཇིག་པར་བྱེད་དོ། །ཆར་ཆེས་པ་རབ་ཏུ་ཞི་བར་བྱེད་དོ། །ཆར་མེད་ན་ཆར་འབེབས་ Ba299a ༄#། །སོ། །རླུང་དང ། སད་དང ། སེར་བཟློག་པར་བྱེད་དོ། །མུ་གེའི་དགོན་པ་རབ་ཏུ་ཞི་བར་བྱེད་དོ། །མུ་གེའི་དགོན་པ་རབ་ཏུ་ཞི་བར་བྱེད་དོ། །ནད་ཐམས་ཅད་ཟློག་པར་བྱེད་དོ། །གདུག་པ་ཐམས་ཅད་རབ་ཏུ་ཞི་བར་བྱེད་དོ། །ཚེ་དང་ནད་མེད་པ་འཕེལ་བར་བྱེད་དོ། །བསོད་ནམས་སྦྱིན་པ་དང ། དབང་ཕྱུག་སྦྱིན་པ་དང ། ནོར་སྦྱིན་པ་དང ། འབྲུ་འཕེལ་བར་བྱེད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པ་དྲི་མ་མེད་པའི་ཆུ་སྐྱེས་ཀྱི་གཟུངས་ཀྱི་སྙིང་པོའི་ཡོ་བྱད་དང ། ཆོ་ག་བཀླགས་པས་འགྲུབ་པའི་དངོས་གྲུབ་གསུངས་སོ། །དེ་ནས་སྙིང་པོ་འདི་བཀླགས་པས་འགྲུབ་པར་འགྱུར་ཏེ། རིག་པའི་རྒྱལ་པོ་བཀླགས་པས་དཀྱིལ་འཁོར་གྱི་ལྷ་ཐམས་ཅད་འགུགས་པར་འགྱུར་རོ། །སྟོང་ཕྲག་བརྒྱ་བཟླས་པས་པདྨོ་ཡངས་པའི་དཀྱིལ་འཁོར་དང ། གཞལ་མེད་ཁང་གི་རྒྱན་མཐའ་དག་དང ། རིག་པའི་རྒྱལ་པོ་དང་བཅས་པའི་ལྷ་རྣམས་དང ། དེ་བཞིན་གཤེགས་པ་ཐམས་ཅད་དང ། འཕགས་པ་སྤྱན་རས་གཟིགས་དབང་ཕྱུག་གི་གཞལ་མེད་ཁང་དང ། དཀྱིལ་འཁོར་དང ། གཞལ་མེད་ཁང་མཐའ་དག་མཐོང་ངོ ། །དེ་ལ་ལྷ་རྣམས་རབ་ཏུ་འཇུག་པར་བྱེད། དམ་ཚིག་ཤེས་པར་ཡང་འགྱུར་རོ། །རིག་སྔགས་ཀྱི་དཀྱིལ་འཁོར་དུ་མངོན་པར་དབང་བསྐུར་བར་ Ba299b ཡང་འགྱུར་རོ། །ཕྱག་རྒྱ་རིམ་པར་ཕྱེ་བ་དང་རྗེས་སུ་མཐུན་པར་ཡང་འགྱུར་རོ། །དང་པོ་རྨི་ལམ་མཐོང་བ་ཙམ་གྱིས་འགྲོའོ། །གཉིས་པར་རྨི་ལམ་མཐོང་བ་ལ་དེ་བཞིན་གཤེགས་པའི་རིགས་ཀྱི་དཀྱིལ་འཁོར་མཐོང་ངོ ། །དེ་བཞིན་གཤེགས་པ་དང་བྱང་ཆུབ་སེམས་དཔའི་ཚོགས་ཐམས་ཅད་དང ། རིག་སྔགས་ཀྱི་དཀྱིལ་འཁོར་གྱི་རང་གི་རྒྱན་དང ། དཀྱིལ་འཁོར་བརྟགས་པ་མཐོང་ངོ ། །གཞལ་ཡས་ཁང་རྒྱ་ཆེན་པོ་དང་བཅས་པ་ཡང་མཐོང་ངོ ། །དེར་ཡང་རབ་ཏུ་འཇུག་པར་བྱེད་དེ། དམ་ཚིག་ཀྱང་འཛིན་པར་བྱེད་དོ། །ཕྱག་རྒྱ་དང ། དཀྱིལ་འཁོར་དང ། གསང་སྔགས་དང ། མངོན་པར་དབང་བསྐུར་བ་ཡང་སོ་སོ་ཐོབ་བོ། །རིག་སྔགས་དང་བཅས་པའི་དངོས་གྲུབ་རབ་ཏུ་ཐོབ་བོ། །གསུམ་པར་རྨི་ལམ་མཐོང་བ་ན་རྡོ་རྗེ་རིགས་ཀྱི་དཀྱིལ་འཁོར་མཐོང་སྟེ། དེ་བཞིན་གཤེགས་པ་དང་བྱང་ཆུབ་སེམས་དཔའི་ཚོགས་ཐམས་ཅད་དང ། རིག་སྔགས་ཀྱི་དཀྱིལ་འཁོར་གྱི་ལྷ་རྣམས་དང་བཅས་པ་རང་གི་རྒྱན་དང་དཀྱིལ་འཁོར་ཏུ་བརྟགས་པ་དང ། གཞལ་མེད་ཁང་རྒྱ་ཆེན་པོ་དང་བཅས་པ་མཐོང་ངོ ། །དེ་ལ་ཡང་རྡོ་རྗེ་འཆང་རབ་ཏུ་འཇུག་པར་བྱེད་དོ། །དམ་ཚིག་གི་ཕྱག་རྒྱ་སྦྱིན་པར་བྱེད་དོ། །མངོན་པར་དབང་བསྐུར་བས་མངོན་པར་དབང་བསྐུར་བར་བྱེད་དོ། །རིག་སྔགས་ཐམས་ཅད་དང ། དོན་ཡོད་པའི་རིམ་པར་ཕྱེ་བའི་དངོས་གྲུབ་ཆེན་པོ་དང ། མངོན་པར་དབང་བསྐུར་བས་ Ba300a ༄#། །མངོན་པར་དབང་བསྐུར་བར་བྱེད་དོ། །རྡོ་རྗེའི་རིག་སྔགས་ཀྱི་དངོས་གྲུབ་ཆེན་པོ་དང ། དམ་ཚིག་ཐམས་ཅད་སོ་སོར་ཐོབ་བོ། །བཞི་པར་རྨི་ལམ་མཐོང་བ་ན་ནོར་བུའི་རིགས་ཆེན་པོའི་དཀྱིལ་འཁོར་དང ། ཕྱག་རྒྱའི་རིམ་པར་ཕྱེ་བ་དང ། ཆོ་ག་ཞིབ་མོ་དང ། དཀྱིལ་འཁོར་མཐོང་ངོ ། །དེ་བཞིན་གཤེགས་པ་དང ། བྱང་ཆུབ་སེམས་དཔའི་ཚོགས་ཐམས་ཅད་ལྷའི་ཚོགས་དང ། དཀྱིལ་འཁོར་དུ་གནས་པའི་ལྷ་དང ། རིག་པའི་རྒྱལ་པོ་ཡང་མཐོང་སྟེ། དེ་ལ་ཡང་རབ་ཏུ་འཇུག་པར་བྱེད་དོ། །ཕྱག་རྒྱ་དང ། དམ་ཚིག་དང ། ཆོ་ག་དང་བཅས་པ་རྗེས་སུ་འཐོབ་སྟེ། མངོན་པར་དབང་བསྐུར་བ་ཡང་རབ་ཏུ་འཐོབ་བོ། །དངོས་གྲུབ་ཆེན་པོ་དང ། མཆོག་སྦྱིན་ཡང་སོ་སོ་འཐོབ་ཅིང་ཐམས་ཅད་དུ་མངོན་པར་དབང་བསྐུར་བར་ཡང་འགྱུར་རོ། །ལྔ་པར་རྨི་ལམ་མཐོང་བ་ན་རྣམ་པར་ཐར་བའི་དཀྱིལ་འཁོར་དུ་བརྟགས་པ་དང ། དོན་ཡོད་ཞགས་པའི་དཀྱིལ་འཁོར་དུ་བརྟགས་པ་དང ། པོ་ཊ་ལ་ཀའི་རིའི་གཞལ་མེད་ཁང་དང་བཅས་པ་མཐོང་ངོ ། །དེ་བཞིན་གཤེགས་པ་དང ། བྱང་ཆུབ་སེམས་དཔའི་ཚོགས་ཐམས་ཅད་དང ། ལྷ་དང་བཅས་པ་དང ། རིག་པའི་རྒྱལ་པོའི་དཀྱིལ་འཁོར་གྱི་ལྷ་རྣམས་མཐོང་སྟེ། དེ་ལ་ཡང་འཕགས་པ་སྤྱན་རས་གཟིགས་དབང་ཕྱུག་རང་ཉིད་སེམས་ཅན་ Ba300b དེ་ལ་རབ་ཏུ་འཇུག་པར་བྱེད་དོ། །དམ་ཚིག་དང་ཕྱག་རྒྱ་དང ། དཀྱིལ་འཁོར་དང ། གསང་སྔགས་དང ། གཟུངས་ཀྱི་དངོས་གྲུབ་སོ་སོར་འཐོབ་བོ། །རང་ཉིད་ཀྱང་དོན་ཡོད་པའི་རིག་སྔགས་ཀྱི་དབང་གིས་མངོན་པར་དབང་བསྐུར་ཏེ་མངོན་པར་དབང་བསྐུར་བར་བྱེད་དོ། །ཆོ་ག་ཞིབ་མོ་ཐམས་ཅད་དང ། དངོས་གྲུབ་ཀྱང་རྗེས་སུ་སྩོལ་པར་བྱེད་དོ། །མཆོག་ཐམས་ཅད་རབ་ཏུ་སྦྱིན་པ་སོ་སོར་འཐོབ་བོ། །དྲུག་པར་རྨི་ལམ་མཐོང་བ་ན་དཀྱིལ་འཁོར་ཆེན་པོ་མཐོང་སྟེ། འཕགས་པ་སྤྱན་རས་གཟིགས་དབང་ཕྱུག་ཕྱག་སྟོང་པ་མཐོང་ངོ ། །གཞལ་མེད་ཁང་དང་བཅས་པའི་བྱང་ཆུབ་སེམས་དཔའི་ཚོགས་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་མཐོང་སྟེ། དེ་ལ་ཡང་རབ་ཏུ་འཇུག་པར་བྱེད་དོ། །ཕྱག་རྒྱ་དང ། གསང་སྔགས་དང ། དམ་ཚིག་དང ། མངོན་པར་དབང་བསྐུར་བ་སོ་སོར་འཐོབ་སྟེ། རིག་སྔགས་ཐམས་ཅད་ཀྱི་དངོས་གྲུབ་ཀྱི་མཆོག་སྦྱིན་པ་སོ་སོར་འཐོབ་བོ། །བདུན་པར་རྨི་ལམ་ཆེན་པོ་མཐོང་བས་དེ་བཞིན་གཤེགས་པ་བྱང་ཆུབ་ཀྱི་སྙིང་པོར་གཤེགས་ནས་རྡོ་རྗེའི་གདན་ལ་བཞུགས་པ་མཐོང་སྟེ། ཆོས་ཀྱི་འཁོར་ལོ་བསྐོར་བ་དང ། བདུད་འདུལ་བ་མཐོང་ངོ ། །དེ་ལ་ཡང་དེ་བཞིན་གཤེགས་པ་རྣམ་པར་སྣང་མཛད་ཕྱག་གསེར་གྱི་ཁ་དོག་ཅན་བརྐྱང་སྟེ་རང་ཉིད་ཕྱག་གིས་བཟུང་ནས་རབ་ Ba301a ༄#། །ཏུ་འཇུག་པར་བྱེད་དོ། །རང་ཉིད་མངོན་པར་དབང་བསྐུར་ཞིང་མངོན་པར་དབང་བསྐུར་བར་བྱེད་དོ། །དེ་བཞིན་གཤེགས་པའི་རིགས་ཐམས་ཅད་ཀྱི་དམ་ཚིག་དང ། ཕྱག་རྒྱ་དང ། གསང་སྔགས་ཀྱི་དངོས་གྲུབ་ཀྱི་མཆོག་སྦྱིན་པ་རྗེས་སུ་སྩོལ་བར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་སྟོན་པར་བྱེད་དོ། །ནད་སྣ་ཚོགས་པ་དང་ལྡན་པའི་འཇིག་རྟེན་པ་ཐམས་ཅད་རིག་སྔགས་འཆང་གི་རྒྱལ་པོ་གཅིག་པོར་འགྱུར། སྐྱེ་བ་བརྗེ་བ་འཆི་འཕོ་བའི་དུས་སུ་དྲན་པ་ཉེ་བར་གནས་ཤིང་དུས་བྱེད་པར་འགྱུར་རོ། །བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེ་བའི་སྐལ་བ་དང་བཅས་པར་འགྱུར་རོ། །དོན་ཡོད་པའི་རིག་སྔགས་འཆང་གི་འཁོར་ལོས་བསྒྱུར་བར་སྐྱེ་བར་འགྱུར་རོ། །དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུས་མཆོད་པར་བྱེད་དོ། །ཡང་དག་པར་རྫོགས་པའི་སངས་རྒྱས་མངོན་སུམ་དུ་མཐོང་ནས་ཉེ་བར་སྟོན་པར་བྱེད་དོ། །ཐམས་ཅད་དུ་ཡང་དེ་རྣམས་རང་རང་གི་སངས་རྒྱས་ཀྱི་ཞིང་ཉེ་བར་སྟོན་པར་བྱེད་དོ། །ཐམས་ཅད་དུ་ཡང་རང་གི་གསང་བ་དེ་བཞིན་གཤེགས་པ་རྣམ་པར་སྣང་མཛད་ཀྱི་དམ་ཚིག་ཉེ་བར་སྟོན་པར་བྱེད་དོ། །བསྐལ་པ་བརྒྱ་སྟོང་ཕྲག་གི་བར་དུ་ཡང་སྔོན་གྱི་སྐྱེ་བ་རྗེས་སུ་དྲན་པར་བྱེད་དོ། །དེ་ Ba301b བཞིན་གཤེགས་པའི་ཁྱུ་མཆོག་ཐམས་ཅད་ཀྱི་རྫུ་འཕྲུལ་དང ། རྣམ་པར་འཕྲུལ་བ་དང ། ཏིང་ངེ་འཛིན་དང ། གསང་བའི་དམ་ཚིག་དང ། དཀྱིལ་འཁོར་གྱི་རིམ་པར་ཕྱེ་བ་དང ། གསང་སྔགས་དང ། གཟུངས་སྔགས་རྣམས་ལ་མངོན་དུ་ཕྱོགས་པར་འགྱུར་རོ། །སྐྱེ་བ་སྐྱེ་བར་ཡང་རང་གི་བསོད་ནམས་ཀྱི་ལས་ཀྱི་ཚོགས་དགེ་བའི་རྩ་བ་རྗེས་སུ་དྲན་པར་འགྱུར་རོ། །ཐམས་ཅད་དུ་གནས་ཐམས་ཅད་ཡོངས་སུ་དག་པའི་ལས་ཀྱི་སྒྲུབ་ཐབས་ཀྱི་ཆོ་གའི་དངོས་གྲུབ་ཏུ་འགྱུར་རོ། །ཞེས་རྩ་བའི་སྙིང་པོའི་དངོས་གྲུབ་བླ་ན་མེད་པ་བཀླགས་པས་འགྲུབ་པའོ། །དེ་ནས་འདིའི་ཡོ་བྱད་དང་ཆོ་ག་སེམས་ཅན་ཐམས་ཅད་ཀྱི་རེ་བ་ཡོངས་སུ་རྫོགས་པར་བྱེད་པའི་དངོས་གྲུབ་ཏུ་འགྱུར་རོ། །སྡིག་པ་ཐམས་ཅད་ངེས་པར་སྲེག་པ་ལ་བརྒྱ་རྩ་བརྒྱད་བཟླས་པས་སྡིག་པ་དང ། སྒྲིབ་པ་ཐམས་ཅད་རྣམ་པར་ཉམས་པར་བྱེད་དོ། །གང་དང་གང་གི་ལས་ཀྱི་སྒྲིབ་པ་རྣམས་རྗེས་སུ་བཅིངས་པར་འགྱུར་རོ། །དེ་ཡང་ཉི་མ་བདུན་གྱིས་རང་གི་ལུས་དེ་ཡང་རང་གི་གཟུགས་ཀྱིས་ངེས་པར་འགྲོ་སྟེ། མདུན་དུ་ཉེ་བར་འདུག་སྟེ་སྦྱིན་པར་བྱེད་པ་དང ། སྔོན་གྱི་སྒྲིབ་པ་ཉེ་བར་བསགས་པ་འདི་དང ། སྡིག་པ་ཐམས་ཅད་ཡོངས་སུ་ཟད་པ་ཉིད་དང ། དགེ་བའི་རྩ་བ་ཐམས་ཅད་ཡོངས་སུ་རྫོགས་པ་དང ། བདག་ཞུམ་པ་དང ། འཁྲུགས་པ་མཐའ་དག་བཟླས་པ་ཙམ་གྱིས་ཡང་དག་པར་སྨྲ་བར་ Ba302a ༄#། །བྱེད་ཅིང་མི་སྣང་བར་བྱེད་དོ། །རིམས་ཐམས་ཅད་ལ་སྐུད་པ་དཀར་པོ་ལ་མདུད་པ་ཉི་ཤུ་རྩ་གཅིག་བྱ་སྟེ། བརྒྱ་རྩ་བརྒྱད་བཟླས་པས་རིམས་ཐམས་ཅད་ཡོངས་སུ་གྲོལ་བར་བྱེད་དོ། །ནད་ཐམས་ཅད་ལ་བྱབས་པས་ཡོངས་སུ་གྲོལ་བར་བྱེད་དོ། །མཚོན་ཆས་སམ། རྨ་བྱའི་སྒྲོས་ས་མ། མདས་ཀྱང་རུང་སྟེ་ནད་ཐམས་ཅད་ལས་ཡོངས་སུ་གྲོལ་བར་བྱེད་དོ། །གདོན་ཐམས་ཅད་ལ་ཚོན་སྐུད་སྣ་ལྔའི་སྐུད་པ་ལ་མདུད་པ་ལན་ཉི་ཤུ་རྩ་གཅིག་བྱས་ཏེ་བཟླས་བརྗོད་ལན་བརྒྱ་རྩ་བརྒྱད་བྱས་ཏེ་གདོན་གྱིས་ཟིན་པ་དེའི་མགུལ་པར་བཅིངས་ཏེ་ལན་བདུན་དུ་བྱབ་པར་བྱའོ། །གུ་གུལ་བདུག་པ་སྦྱིན་པར་བྱེ། བཟླས་བརྗོད་ལན་བདུན་བྱ་བཞིན་པ་དང་བཅས་པས་གང་དང་གང་གི་གདོན་གྱིས་ཟིན་པར་གྱུར་པ་དེ་ཡང་རང་གི་ལུས་ཀྱིས་ངེས་པར་འགྲོ་སྟེ། རིག་སྔགས་འཆང་གི་མདུན་དུ་ཉེ་བར་འདུག་ནས་ཐམས་ཅད་སྨྲ་བར་བྱེད་དོ། །རང་གིས་དྲིས་པ་དེ་ཐམས་ཅད་སྨྲ་བར་བྱེད་དོ། །བཀའ་བསྒོ་བ་ཐམས་ཅད་བྱེད་པར་འགྱུར་རོ། །འཐབ་པ་དང ། འཐབ་རྩོད་དང ། རྩོད་པ་དང ། འགྱེད་པ་རྣམས་ཐམས་ཅད་ལ་སྨྲ་བའི་མཆོག་ཏུ་འགྱུར་རོ། །གཞན་ཡང་བསམ་གཏན་དང ། སྦྱིན་སྲེག་གིས་ཡོངས་སུ་གྲོལ་ལོ། །ཁར་མུར་ཏེ་རྒྱལ་པོ་ཁབ་ཏུ་ཞུགས་ན། རྒྱལ་པོ་འཁོར་དང་བཅས་པ་དབང་དུ་གྱུར་ནས་གནས་སོ། །དུག་འཐུངས་ Ba302b པས་ཆུ་ལ་ཡོངས་སུ་བཟླས་ཏེ་སྦྱིན་པར་བྱ་སྟེ། དུག་མེད་པར་འགྱུར་རོ། །དུག་གིས་ཟོས་པ་ལ་བྱབ་བར་བྱ་སྟེ། དུག་མེད་པར་འགྱུར་རོ། །དུག་དང ། བྱད་སྟེམས་དང ། གསང་སྔགས་དང ། ཕྱེ་མའི་སྦྱོར་བ་ཐམས་ཅད་ལ་དྲི་དང་བསྲེས་པའི་བུམ་པ་ལ་སྟོང་ཕྲག་བརྒྱད་ཡོངས་སུ་བཟླས་པ་བྱས་ལ་བཀྲུ་བར་བྱ་སྟེ། བཀྲུས་པ་ཙམ་གྱི་མདོ་ལ་ཐམས་ཅད་ཉམས་པར་བྱེད་དོ། །གང་ཡང་ལུས་ཟད་པ་དང ། ཉམས་པ་དང ། བསྐམས་པ་དང ། རྒྱལ་པོའི་དཔལ་མེད་པ་དང ། ལུས་ཡོངས་སུ་གདུངས་པ་ལ་རིག་སྔགས་འཆང་དེས་མ་རིག་པས་དྲིལ་ཆུས་ཡོངས་སུ་གང་བའི་བུམ་པ་དགུ་ཡུངས་ཀར་གྱིས་གཏོར་ཏེ་སྟོང་ཕྲག་བརྒྱད་ཡོངས་སུ་བཟླས་བརྗོད་བྱའོ། །དེ་ནས་ཨཱནྟ་ར་ས་སྟ་དང ། པཱི་ཀ་དང ། ་ཊ་དང ། བིལ་བ་དང ། ཤུ་ཏི་དང ། ཉེའུ་ཤིང་དང ། ེ་ཀསྠཱ་ན་དང ། མོ་ལོ་ཀྱ་དང ། ལུས་ཀྱི་མར་གྱིས་བསྐུ་མཉེ་བྱས་ནས་ལན་བརྒྱ་རྩ་བརྒྱད་བཟླས་བརྗོད་བྱས་ཏེ་ཨཱ་ཊ་བྱུག་པར་བྱའོ།། གཟུགས་བརྙན་བྱ་སྟེ། གོང་བུ་དེ་མཚོན་ཆས་དུམ་བུ་བརྒྱད་དུ་བྱ་སྟེ། སྣོད་ཡོངས་སུ་གང་བ་བཞིར་འཕང་བར་བྱ་ཞིང ། སྣོད་གང་བ་བཞི་མཚམས་བཞིར་འཕང་བར་བྱའོ། །དེ་ནས་སྙིང་པོས་ལན་བརྒྱ་རྩ་བརྒྱད་དུ་བྱབ་པར་བྱའོ། །དེ་ནས་ནེའུ་གསིང་སྔོན་པོ་གང་དུ་ཆུ་རྒྱུན་འབབ་པར་དྲིའི་ཆུའི་བུམ་པས་ཁྲུས་བྱས་ཤིང་གོས་དཀར་པོ་དགུས་གཡོགས་ Ba303a ༄#། །པར་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱ་ཞིང ། དཀོན་མཆོག་གསུམ་ལ་མཆོད་པ་བྱའོ། །ཇི་ལྟར་འབྱོར་པའི་བྲམ་ཟེའི་སྟོན་མོ་ཡོན་དང་བཅས་པ་བྱའོ། །དེ་ནས་རང་ཉིད་བྱམས་པ་དང་ལྡན་པར་བྱའོ། །ཇི་ལྟར་འབྱོར་པ་གྱ་ནོམ་པ་གྱ་ནོམ་པས་དཀར་བའི་ཟས་ཀྱི་བཟའ་བ་དང ། བཏུང་བས་ཚིམ་པར་བྱའོ། །དེ་ནས་དཔལ་མེད་པ་ཐམས་ཅད་དང ། ནད་ཐམས་ཅད་དང ། བགེགས་དང ། ལོག་པར་འདྲེན་པ་ཐམས་ཅད་ཀྱིས་མ་རིག་པ་དང ། འབྱུང་པོ་དང ། གནོད་སྦྱིན་དང ། སྲིན་པོ་དང ། གྲིབ་གནོན་དང ། བརྗེད་བྱེད་དང ། བགེགས་དང ། ལོག་འདྲེན་གྱིས་ཟིན་པ་ལས་ཡོངས་སུ་གྲོལ་ལོ། །བཟའ་ཉེས་དང ། འགོམ་ཉེས་དང ། འཇིགས་པ་ཐམས་ཅད་ལས་ཡོངས་སུ་གྲོལ་པར་བྱེད་དོ། །ལུས་ཀྱི་ཕུང་པོ་ཡོངས་སུ་རྫོགས་པར་འགྱུར་རོ། །ཐམས་ཅད་དུ་འཇིགས་པ་འཇིགས་པར་བྱེད་པའི་འཇིགས་པ་མེད་པར་འགྱུར་རོ། །སྡིག་པ་དང ། སྒྲིབ་པ་དང་ཀུན་ནས་ཉོན་མོངས་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །རིང་དུ་འཚོ་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །སྐྱེ་བ་བརྗེས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །སྐྱེ་བའི་སྐྱེ་བ་དྲན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་རྟག་ཏུ་ཡང་དགོངས་པར་ Ba303b འགྱུར་རོ། །བྱང་ཆུབ་སེམས་དཔའ་དང ། ལྷ་ཐམས་ཅད་ཀྱིས་ཇི་སྲིད་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱི་བར་དུ་ངེ་འཛིན་པར་འགྱུར་རོ། །མིག་ན་བ་ལ་པ་ལ་ཤའི་ཆུ་དང ། ཤིང་མངར་གྱི་ཆུ་དང ། དྲི་མ་མེད་པའི་ཆུ་ལ་ལན་བརྒྱ་རྩ་བརྒྱད་ཡོངས་སུ་བཟླས་ཏེ་སྦྱར་བར་བྱ་སྟེ། མིག་ནད་འཕྲལ་དུ་ཞི་བར་བྱེད་དོ། །མགོ་བོའི་ཟུག་རྡུ་དང ། གཞོགས་ཕྱེད་ན་བ་ལ་མར་དང་ཏིལ་མར་ལ་ལན་བརྒྱ་རྩ་བརྒྱ་ཡོངས་སུ་བཟླས་ནས་འཇམ་པར་བསྲོས་པས་སྨན་ཤུ་ཏི་ལ་བསྒོས་ནས་མགོ་ལ་སྐུ་མཉེ་བྱས་ན་།མགོ་བོའི་ནད་ཐམས་ཅད་དང ། གཞོགས་ཕྱེད་ན་བའི་ནད་ཐམས་ཅད་ཡོངས་སུ་གྲོལ་ལོ། །སོའི་ཟུག་རྡུལ་མེ་ཏོག་སྣ་མ་དང ། སོ་ཤིང་ལ་ལན་བརྒྱ་རྩ་བརྒྱད་དུ་ཡོངས་སུ་བཟླས་ནས་བཟའ་བར་བྱས་ན། སོའི་ཟུག་རྡུ་ཡོང་སུ་གྲོལ་ལོ། །རྣ་བའི་ཟུག་རྡུ་ལ་ཤུ་ཏི་དང་ཏིལ་མར་ལ་བརྒྱ་རྩ་བརྒྱད་ཡོངས་སུ་བཟླས་པས་བཀང་བར་བྱ་སྟེ། རྣ་བའི་ཟུག་རྡུ་ཐམས་ཅད་ཡོངས་སུ་གྲོལ་ལོ། །ཁ་ན་བ་ལ་སྨན་མ་ཤཱུ་རོའི་ཆུ་དང ། མར་ལ་བརྒྱ་རྩ་བརྒྱད་བཟླས་ནས་འཇམ་པར་བསྲོས་པ་བཏུང་བར་བྱ་སྟེ་ཁའི་ནད་ཐམས་ཅད་ཡོངས་སུ་གྲོལ་ལོ། །ལྟོ་བའི་ཟུག་རྡུ་ལ་ལན་ཚཝ་དང ། ཆུ་ལ་ལན་བརྒྱ་རྩ་བརྒྱད་ཡོངས་སུ་བཟླས་ནས་བཏུང་བར་བྱ་སྟེ། ལྟོ་བའི་ཟུག་རྡུ་ཡོངས་སུ་གྲོལ་ལོ། །སྙིང་གི་ཟུག་རྡུ་ལ་སོ་སོ་ Ba304a ༄#། །རྩལ་མ་དང ། གོ་སྙོད་དང ། བུ་སྐ་རའི་རྩ་བ་རྣམས་བཞི་འགྱུར་གྱི་ཆུའི་སུམ་ཆ་ལྷག་མར་ལུས་ཀྱི་བར་དུ་བསྐོལ་བར་བྱས་ནས་བཏུང་བར་བྱའོ། །ལན་བརྒྱད་བཟླས་པས་སྙིང་གི་ཟུག་རྡུ་དང ། གཞོགས་ན་བ་དང ། མཆིན་པ་ན་བ་དང ། མཚན་བར་རྡོལ་བ་དང ། གསུད་པ་དང ། སྐྱུག་བྲོ་བ་དང ། གཅིན་ནད་རྣམས་ཏེ། དེ་བཞིན་དུ་ནད་ཐམས་ཅད་འཕྲལ་དུ་སེལ་བར་འཇིག་རྟེན་གྱི་མགོན་པོས་འདི་གསུངས་སོ། །རྒྱལ་པོའི་འཇིགས་པས་འཇིགས་པ་རྣམས་ཀྱིས་ཡུངས་ཀར་ལ་ཡོངས་སུ་བཟླས་ནས་རྒྱལ་པོ་རྣམས་ཀྱི་སྒོར་གཏོར་བར་བྱ་སྟེ། རྒྱལ་པོའི་འཇིགས་པས་འཇིགས་པ་ཐམས་ཅད་ཡོངས་སུ་གྲོལ་བར་འགྱུར་ཏེ། ཐམས་ཅད་དུ་ཡང་རྒྱལ་བ་སྟེར་བར་འགྱུར་རོ། །ན་ལེ་ཤམ་ལ་སྟོང་རྩ་བརྒྱད་ཡོངས་སུ་བཟླས་ཏེ་ན་ལེ་ཤམ་གྱི་འབྲས་བུ་ཁའི་རྩེ་མོར་བཅུག་སྟེ་བཅངས་ན། གང་སྨྲས་པ་དེ་དབང་དུ་འགྱུར་རོ། །གང་བླངས་པ་དེ་སོ་སོར་རྙེད་དོ། །གནས་ཐམས་ཅད་དུ་འགྲོ་བ་རྣམས་ལ་རྒྱལ་བའི་མཆོག་ཆེན་པོ་སྦྱིན་པར་འགྱུར་རོ། །ཀླུའི་ཆར་འབེབས་པ་ལ་བལ་པོ་སེའུའི་ལྕུག་མས་བྱ་སྟེ། གང་དུ་འདོད་པ་དེར་ཀླུའི་ཆར་འབེབས་སོ། །ཀླུའི་མཚོར་སོང་ནས་མཚན་མོ་བདུན་དུ་ཞོ་དང ། སྦྲང་རྩི་དང ། མར་དང ། ཡུངས་ཀར་གྱི་སྦྱིན་སྲེག་ལན་སྟོང་རྩ་བརྒྱད་དུ་བྱས་ན། Ba304b གཏེར་ཆེན་པོ་རྙེད་པར་འགྱུར་རོ། །དབང་ཕྱུག་ཐོབ་པ་ལ་འབྲས་ཡོས་དང ། ཡུངས་ཀར་དང ། མར་དང་བསྲེས་པས་སྦྱིན་སྲེག་ལན་སྟོང་རྩ་བརྒྱད་དུ་བྱས་ན། དབང་ཕྱུག་ཆེན་པོ་སོ་སོར་ཐོབ་པར་འགྱུར་རོ། །དགྲ་འཇོམས་པ་ལ་སཱ་ལུའི་ཕུབ་མ་དང ། ལན་ཚཝ་དང ། ཚ་བའི་ཏིལ་མར་དང་བསྲེས་པས་ལན་སྟོང་རྩ་བརྒྱད་སྦྱིན་སྲེག་བྱས་ན། དགྲ་ཐམས་ཅད་མེད་པར་འགྱུར་རོ། །དགྲ་རྣམས་ཐམས་ཅད་རབ་ཏུ་འདུལ་བར་འགྱུར་རོ། །སྐྲོད་པར་འདོད་པས་དེ་ཉིད་ཀྱི་ཐལ་བ་ལས་ལན་ཉི་ཤུ་རྩ་གཅིག་ཏུ་བཟླས་ཏེ་དགྲའི་སྒོར་གཏོར་བར་བྱ་སྟེ། མཚན་མོ་གཅིག་ཏུ་མི་གནས་ཏེ། ཕྱོགས་དང་ཕྱོགས་མཚམས་སུ་འབྲོས་པར་བྱེད་དོ། །འཁྲུག་པའི་གཡུལ་ངོར་འཇུག་པར་འདོད་པས་ཡུངས་ཀར་ལ་ལན་སྟོང་ཕྲག་བརྒྱད་དུ་ཡོངས་སུ་བཟླས་ཏེ་འཁྲུག་པའི་གཡུལ་ངོའི་དབུས་སུ་གཏོར་བར་བྱ་སྟེ། ཐམས་ཅད་དུ་རྨུགས་པ་དང ། རེངས་པ་དང ། རྨོངས་པར་འགྱུར་ཏེ་ཐམས་ཅད་དུ་རྒྱལ་པ་སྟེར་བར་འགྱུར་ཞིང ། ཐམས་ཅད་ཕྱོགས་དང་ཕྱོགས་མཚམས་རྣམས་སུ་འབྲོས་པར་བྱེད་དོ། །གནས་ན་གནས་པ་ཐམས་ཅད་ཀྱི་ཡང་རྒྱལ་བ་སྟེར་བར་འགྱུར་རོ། །ཐམས་ཅད་དུ་ཐོགས་པ་མེད་པའི་སྟོབས་དང ། བརྩོན་འགྲུས་དང ། ཕ་རོལ་གནོན་པར་འགྱུར་རོ། །ལྡོང་རོས་ལ་ལན་སྟོང་ཕྲག་བརྒྱད་ཡོངས་སུ་བཟླས་ཏེ་མིག་གི་མིག་སྨན་དུ་ Ba305a ༄#། །བྱས་ན།་མི་སྣང་བར་འགྱུར་ཏེ། འབྱུང་པོ་དང ། གནོད་སྦྱིན་དང ། སྲིན་པོ་ཐམས་ཅད་ཀྱིས་མི་མཐོང་བར་འགྱུར་རོ། །གི་ཧཾ་ལ་ལན་སྟོང་ཕྲག་བརྒྱད་ཡོངས་སུ་བཟླས་ཏེ་ཐིག་ལེ་བྱས་ནས་བུ་ག་ཐམས་ཅད་དུ་རབ་ཏུ་འཇུག་པར་བྱེད་ཅིང ། བུ་གའི་སྒོ་ཐམས་ཅད་བྱེ་སྟེ་སྒོར་གནས་པར་བྱེད་དོ། །གང་དུ་འདོད་པ་དེར་འཇུག་པར་བྱེད་དོ། །གི་ཧཾ་གིས་སྙིང་གར་ཐིག་ལེ་བྱས་ནས་གང་དུ་འཇུག་པར་བྱེད་པ་དེ་དང་དེ་ཉིད་དུ་མཆོད་པ་ཆེན་པོར་འགྱུར་ཏེ། ནོར་ཆེ་བ་དང ། འབྲུ་འཕེལ་བ་ཐོབ་བོ། །ལག་པ་གཉིས་ལ་བྱུགས་པས་གང་ལ་རེག་པ་དེ་དབང་དུ་འགྱུར་ཏེ། གང་བླངས་པ་དེ་ཐམས་ཅད་སོ་སོར་རྙེད་དོ། །རྒྱལ་པོ་དབང་དུ་བྱེད་པར་འདོད་པས་ལག་པ་གཡས་པ་ལ་གི་ཧཾ་གིས་བྱུགས་ནས་ལན་སྟོང་རྩ་བརྒྱད་ཡོངས་སུ་བཟླས་ཏེ་རྒྱལ་པོའི་སྒོ་ལ་ཐལ་ལྕག་སྦྱིན་པར་བྱ་སྟེ། རྒྱལ་པོ་དང་བརྩུན་མོ་སྲས་དང་འཁྲོ་དང་བཅས་པ་བདག་ཉིད་དང ། ནོར་གྱིས་ཀྱང་དབང་དུ་འགྱུར་རོ། །བུད་མེད་དབང་དུ་བྱེད་པ་ལ་མེ་ཏོག་དང་འབྲས་བུ་ལ་ལན་སྟོང་ཕྲག་བརྒྱ་རྩ་བརྒྱད་དུ་ཡོངས་སུ་བཟླས་ནས་སྦྱིན་པར་བྱ། ཡང་ན་མངག་པར་བྱ་སྟེ། འཕྲལ་ཉིད་དུ་དབང་དུ་བྱེད་པར་འགྱུར་རོ། །གང་དུ་འདོད་པ་དེ་དང་དེ་ཉིད་དུ་འགྲོའོ། །སླར་ཡང་འོང་ངོ ། །ཡང་ན་མིང་སྨོས་པས་ནམ་མཁའ་ལ་འཕང་བར་བྱ་སྟེ། གང་གི་མིང་ Ba305b སྨོས་པ་དེ་འགུགས་པར་འགྱུར་ཞིང ། མཚན་མོ་འོང་བར་བྱེད་དོ། །མཐུ་སྟོབས་ཀྱིས་སླར་ཡང་ཕྱིར་ལྡོག་སྟེ་འགྲོའོ། །སྐྱེས་པ་དབང་དུ་བྱེད་པ་ལ་ཛཱ་ཏི་དང ། སྣ་མའི་མེ་ཏོག་ལ་ལན་བདུན་ཡོངས་སུ་བཟླས་ཏེ་སྦྱིན་པར་བྱའོ། །ཡང་ན་མངག་པར་བྱ་སྟེ། རེག་པ་ཙམ་གྱིས་བདག་ཉིད་དང ། ནོར་གྱིས་ཀྱང་དབང་དུ་བྱེད་པར་འགྱུར་རོ། །གང་སྨྲས་པ་དང ། གང་བླངས་པ་དེ་ཐམས་ཅད་བྱེད་དོ། །འབངས་དང་ཅི་བསྒོ་བ་བྱེད་པར་འགྱུར་རོ། །གཞོན་ནུ་མ་དབང་དུ་བྱེད་པ་ལ་འབྲས་བུ་ལ་ལན་བརྒྱ་རྩ་བརྒྱད་ཡོངས་སུ་བཟླས་ཏེ་སྦྱིན་པར་བྱ་བའམ། མངག་པར་བྱ་སྟེ། བཟུང་བ་ཙམ་གྱིས་དབང་དུ་འགྱུར་རོ། །གྲིབ་མ་བཞིན་དུ་རྗེས་སུ་འབྲང་བར་འགྱུར་ཞིང ། ཇི་སྲིད་འཚོ་བར་ཉེ་བར་གནས་པར་འགྱུར་རོ། །རྗེ་རིགས་དབང་དུ་བྱེད་པ་ལ་བ་ཤ་ཀའི་མེ་ཏོག་ལ་ལན་བརྒྱ་རྩ་བརྒྱད་ཡོངས་སུ་བཟླས་ཏེ་སྦྱིན་པར་བྱ་སྟེ། དབང་དུ་གྱུར་ནས་ཉེ་བར་གནས་སོ། །བྲམ་ཟེ་དབང་དུ་བྱེད་པས་ཞོ་དང་འོ་མའི་བཟའ་བ་ལ་ལན་བརྒྱ་རྩ་བརྒྱད་ཡོངས་སུ་བཟླས་ནས་སྦྱིན་པར་བྱ་སྟེ། བྲམ་ཟེ་དབང་དུ་བྱེད་པར་གྲུབ་བོ། །རྒྱལ་རིགས་དབང་དུ་བྱེད་པ་ལ་བུ་རམ་དང་འོ་མ་ལ་ལན་བརྒྱ་རྩ་བརྒྱད་ཡོངས་སུ་བཟླས་ནས་སྦྱིན་པར་བྱ་སྟེ། དབང་དུ་འགྱུར་རོ། །དམངས་རིགས་དབང་དུ་བྱེད་རྤ་ལ་གང་དང་གང་གི་བཟའ་བ་ལ་ལན་བརྒྱ་རྩ་བརྒྱད་ཡོངས་སུ་བཟླས་ཏེ་སྦྱིན་པར་བྱ་སྟེ། ཟོས་པ་ཙམ་གྱི་ Ba306a ༄#། །མོད་ལ་དབང་དུ་འགྱུར་རོ། །རང་གི་འདོད་པའི་བྱ་བ་གཞན་རྣམ་པ་སྣ་ཚོགས་པ་བྱ་བ་རྣམས་ནི། བཀླགས་པས་གྲུབ་པར་འགྱུར་རོ། །དོན་ཡོད་པ་པདྨའི་ཆུ་སྐྱེས་ཀྱི་རྩ་བའི་སྙིང་པོའི་ཡོ་བྱད་དང ། ཆོ་གའི་སྒྲུབ་ཐབས་སོ།། །།དེ་ནས་དོན་ཡོད་པའི་ཕྱག་རྒྱ་དབང་བསྐུར་བའི་གཟུགས་ཀྱི་ཡོ་བྱད་དང ། ཆོ་གར་འགྱུར་ཏེ། གཟུངས་འདིའི་རིག་སྔགས་འཆང་གིས་དྲན་པ་ཙམ་དང ། བཀླགས་པ་དང ། ཕྱག་རྒྱ་བཟུང་བ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་ཡིད་བཞིན་གྱི་ནོར་བུའི་གསང་བའི་ཕྱག་རྒྱ་དང ། དབང་བསྐུར་བའི་ཕྱག་རྒྱ་དྲན་པར་འགྱུར་རོ། །རིག་པའི་རྒྱལ་པོའི་གཟུངས་སྟོང་ཕྲག་བཟླས་པ་འདིས་དུས་གསུམ་དུ་གཤེགས་པའི་དེ་བཞིན་གཤེགས་པ་ཐམས་ཅད་ཀྱི་གསང་བའི་ཕྱག་རྒྱས་མངོན་པར་དབང་བསྐུར་བར་འགྱུར་རོ། །རིག་སྔགས་འཆང་དེས་ཀྱང་དང་པོར་རྨི་ལམ་གྱི་ནང་དུ་མཐོང་ངོ ། །དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་རྣམ་པར་སྣང་མཛད་ཡིད་བཞིན་ནོར་བུའི་ཕྱག་རྒྱའི་དབང་བསྐུར་བས་མངོན་པར་དབང་བསྐུར་བར་བྱེད་དོ། །དེ་ཡང་དེ་བཞིན་གཤེགས་པའི་རིགས་ཀྱི་མངོན་པར་དབང་བསྐུར་བ་དང ། དཀྱིལ་འཁོར་དང ། ཕྱག་རྒྱ་ལ་རབ་ཏུ་འཇུག་པར་བྱེད་དོ། །དེ་བཞིན་གཤེགས་པ་རང་རང་ Ba306b རྣམས་ཀྱང་དེ་བཞིན་གཤེགས་པའི་གསང་བའི་དབང་བསྐུར་བ་རྗེས་སུ་སྦྱིན་པར་འགྱུར་རོ། །ལེགས་སོ་ཞེས་བྱ་བའི་སྒྲ་བརྗོད་བར་མཛད་དོ། །སངས་རྒྱས་ཀྱི་ཞིང་ཐམས་ཅད་ཀྱི་སྒོ་རྣམས་བྱེ་བར་གྱུར་པའི་སྒོར་མཐོང་ངོ ། །གང་དུ་འདོད་པ་དེར་འཇུག་གོ། །དེས་ཀྱང་དེ་བཞིན་གཤེགས་པའི་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་དང་མཉམ་པའི་སངས་རྒྱས་བཅོམ་ལྡན་འདས་རྣམས་རིག་སྔགས་འཆང་དེ་སྲིད་འཚོའི་བར་རྟག་ཏུ་རྗེས་སུ་འབྲང་བར་འགྱུར་རོ། །རྟག་ཏུ་མཐོང་བ་དང་ལྡན་པར་གནས་སོ། །སྟོང་ཕྲག་གཉིས་པ་བཟླས་པས་གཉིས་པར་རྨི་ལམ་མཐོང་བར་བལྟའོ། །པདྨའི་རིགས་ཀྱི་དཀྱིལ་འཁོར་གང་ལ་ཡང་ཡིད་བཞིན་གྱི་ནོར་བུའི་ཕྱག་རྒྱ་དང ། གཟུངས་དང ། གཞལ་མེད་ཁང་མཐའ་དག་ཡོངས་སུ་རྫོགས་པར་མཐོང་ངོ ། །དེར་ཡང་དུས་གསུམ་དུ་གཤེགས་པའི་གཞལ་མེད་ཁང་ཐམས་ཅད་མཐོང་ངོ་།། དེ་བཞིན་གཤེགས་པའི་གཞལ་མེད་ཁང་མཐོང་ངོ ། །དེ་ལ་ཡང་དེ་བཞིན་གཤེགས་པ་པདྨའི་རིགས་ཐམས་ཅད་ཀྱིས་ཡིད་བཞིན་གྱི་ནོར་བུའི་ཕྱག་རྒྱའི་དབང་བསྐུར་བས་མངོན་པར་དབང་བསྐུར་བར་འགྱུར་རོ། །རང་རང་གི་དེ་བཞིན་གཤེགས་པའི་གསང་བའི་ཕྱག་རྒྱས་མངོན་པར་དབང་བསྐུར་བ་དང ། དཀྱིལ་འཁོར་རྣམས་སྟོན་པར་ Ba307a ༄#། །མཛད་དོ། །རིག་སྔགས་འཆང་རང་ཉིད་ལ་ཡང་མངོན་པར་དབང་བསྐུར་པར་བྱེད་དོ། །ལེགས་སོ་ལེགས་སོ། །ཞེས་བྱ་བའི་སྒྲ་རྗོད་པར་བྱེད་དོ། །པདྨོ་ཡངས་པའི་དཀྱིལ་འཁོར་ཐམས་ཅད་དུ་ཡང་ཕྱག་རྒྱས་མངོན་པར་དབང་བསྐུར་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པ་ཡིད་བཞིན་གྱི་ནོར་བུ་ཆེན་པོའི་ཕྱག་རྒྱས་མངོན་པར་དབང་བསྐུར་བས་མངོན་པར་དབང་བསྐུར་བར་འགྱུར་ཞིང ། ཡོངས་སུ་འཛིན་པར་འགྱུར་རོ། །སྟོང་ཕྲག་གསུམ་པ་བཟླས་པས་རྨི་ལམ་ཆེན་པོ་གསུམ་པ་བསྟན་པ་མཐོང་སྟེ། གཞལ་མེད་ཁང་མཐའ་དག་ཏུ་རབ་ཏུ་གནས་པའི་རྡོ་རྗེའི་རིགས་ཀྱི་ཕྱག་རྒྱ་དང ། མངོན་པར་དབང་བསྐུར་བ་རྗེས་སུ་སྩོལ་བར་མཛད་དོ། །དེ་བཞིན་གཤེགས་པ་ཐམས་ཅད་དུས་གསུམ་དུ་གཤེགས་ཤིང་རབ་ཏུ་བཞུགས་པའི་དེ་བཞིན་གཤེགས་པའི་ཡིད་བཞིན་གྱི་ནོར་བུ་རྡོ་རྗེ་བྱིན་གྱིས་རློབ་པའི་མངོན་པར་དབང་བསྐུར་བ་དང་ཕྱག་རྒྱ་ཡང་མཐོང་ངོ ། །དེ་ཡང་དུས་གསུམ་དུ་གཤེགས་པའི་དེ་བཞིན་གཤེགས་པ་རྣམས་ཐམས་ཅད་རིག་སྔགས་འཆང་ལ་རྡོ་རྗེ་ཕྱག་རྒྱས་མངོན་པར་དབང་བསྐུར་བ་དང ། ཡིད་བཞིན་གྱི་ནོར་བུའི་ཕྱག་རྒྱས་མངོན་པར་དབང་བསྐུར་བས་ཡིད་བཞིན་གྱི་ནོར་བུའི་ཕྱག་རྒྱས་མངོན་པར་དབང་བསྐུར་བར་ Ba307b མཛད་དོ། །རང་རང་རྣམས་ཀྱང་རྡོ་རྗེའི་ཕྱག་རྒྱས་མངོན་པར་དབང་བསྐུར་བ་རྗེས་སུ་སྩོལ་བར་མཛད་དོ། །དེ་བཞིན་གཤེགས་པ་ཐམས་ཅད་རྡོ་རྗེའི་དམ་ཚིག་ལ་རབ་ཏུ་འཇུག་པར་མཛད་དོ། །རྡོ་རྗེ་བྱིན་གྱིས་བརླབས་པའི་མངོན་པར་དབང་བསྐུར་བ་ལེགས་སོ་ལེགས་སོ་ཞེས་བྱ་བའི་སྒྲ་རྗོད་པར་མཛད་དོ། །དེ་བཞིན་གཤེགས་པ་ཐམས་ཅད་རྡོ་རྗེའི་རིགས་ཡང་དག་པར་བྱིན་གྱིས་རློབ་པའི་དངོས་གྲུབ་ཉེ་བར་སྟོན་པར་མཛད་དོ། །ཐམས་ཅད་དུ་རྡོ་རྗེའི་རིགས་ཀྱི་ཕྱག་རྒྱས་མངོན་པར་དབང་བསྐུར་བར་འགྱུར་རོ། །སྟོང་ཕྲག་བཞི་པ་བཟླས་པས་ནོར་བུའི་རིགས་ཀྱི་དཀྱིལ་འཁོར་ཆེན་པོའི་ཕྱག་རྒྱའི་དབང་བསྐུར་བ་ཐོབ་བོ། །དེ་ལ་ཡང་ནོར་བུའི་རིགས་ཆེན་པོའི་དཀྱིལ་འཁོར་གྱི་ཕྱག་རྒྱའི་དབང་བསྐུར་བ་ཐོབ་བོ། །རྨི་ལམ་སྟོན་པ་དེ་ཡང་དུས་གསུམ་པའི་དེ་བཞིན་གཤེགས་པ་ནོར་བུའི་ཕྱག་རྒྱས་དབང་བསྐུར་བའི་དཀྱིལ་འཁོར་རྣམས་མཐོང་ངོ ། །དུས་གསུམ་པའི་དེ་བཞིན་གཤེགས་པ་དེ་རྣམས་ཐམས་ཅད་ཀྱང་རིག་སྔགས་འཆང་དེ་ལ་ནོར་བུའི་རིགས་ཀྱི་དམ་ཚིག་གསང་བ་དང ། ཕྱག་རྒྱ་དང ། དཀྱིལ་འཁོར་དང ། མངོན་པར་དབང་བསྐུར་བས་ཀྱང་མངོན་པར་དབང་བསྐུར་བར་བྱེད་དོ། །རང་རང་རྣམས་ཀྱང་དེ་བཞིན་གཤེགས་པ་དེ་རྣམས་ཀྱི་ནོར་བུ་གསང་བའི་ཕྱག་རྒྱས་དབང་བསྐུར་བ་གཙུག་གི་ནོར་བུ་བྱིན་ Ba308a ༄#། །གྱིས་རློབ་པ་དང ། ཡིད་བཞིན་གྱི་ནོར་བུའི་ཕྱག་རྒྱས་མངོན་པར་དབང་བསྐུར་བར་བྱེད་དོ། །དེ་བཞིན་གཤེགས་པ་ཐམས་ཅད་སངས་རྒྱས་ཀྱི་ཞིང་གི་ནོར་བུའི་དཀྱིལ་འཁོར་རྣམས་ཉེ་བར་སྟོན་པར་མཛད་དོ། །ཡིད་བཞིན་གྱི་ནོར་བུའི་དངོས་གྲུབ་ཀྱི་དམ་ཚིག་གི་དབང་བསྐུར་བ་དང ། ཡིད་བཞིན་གྱི་ནོར་བུའི་ཕྱག་རྒྱས་མངོན་པར་དབང་བསྐུར་བར་བྱའོ། །ལེགས་སོ་ལེགས་སོ་ཞེས་བྱ་བའི་སྒྲ་རྗོད་པར་བྱེད་ཅིང་རྟག་ཏུ་རྗེས་སུ་འབྲང་བར་འགྱུར་རོ། །དེ་བཞིན་གཤེགས་པ་དེ་རྣམས་ཀྱང་ཇི་སྲིད་སངས་རྒྱས་ཀྱི་བར་དུ་དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་བྱིན་གྱིས་རློབ་པར་ཡང་དག་པར་དགོངས་པར་འགྱུར་རོ། །ཡིད་བཞིན་གྱི་ནོར་བུའི་རིགས་ཆེན་པོའི་ཕྱག་རྒྱས་མངོན་པར་དབང་བསྐུར་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་ནོར་བུའི་རིགས་ཀྱི་གསང་བའི་སྙིང་པོའི་མཆོག་ཏུ་འགྱུར་རོ། །བཟླས་པ་ལྔ་པས་རྨི་ལམ་ཆེན་པོའི་ཕྱག་རྒྱ་སྟོན་པར་བྱེད་པ་ནི། དཀྱིལ་འཁོར་ཆེན་པོ་མཐའ་དག་རྫོགས་པར་ཕྱིར་མི་ལྡོག་པའི་གནས་ཀྱི་མངོན་པར་དབང་བསྐུར་བས་མངོན་པར་དབང་བསྐུར་བར་མཐོང་ངོ ། །དེ་བཞིན་གཤེགས་པ་ཐམས་ཅད་ཀྱིས་ཀྱང་ཕྱིར་མི་ལྡོག་པ་ཆེན་པོའི་དཀྱིལ་འཁོར་ཆེན་པོར་མངོན་པར་དབང་བསྐུར་བར་མཛད་དོ། །དཀྱིལ་འཁོར་ཐམས་ཅད་ Ba308b དང ། ཕྱག་རྒྱ་ཆེན་པོ་མངོན་པར་དབང་བསྐུར་བར་འགྱུར་རོ། །བཟླས་པ་དྲུག་བས་རྨི་ལམ་ཡང་དག་པར་སྟོན་པ་ནི། དེ་བཞིན་གཤེགས་པ་ཐམས་ཅད་བྱང་ཆུབ་ཀྱི་སྙིང་པོར་གཤེགས་ཏེ་རྡོ་རྗེའི་གདན་བྱིན་གྱིས་རློབ་པས་བྱིན་གྱིས་བརླབས་ཏེ་མངོན་པར་དབང་བསྐུར་བར་འགྱུར་རོ། །དུས་གསུམ་པའི་དེ་བཞིན་གཤེགས་པ་ཐམས་ཅད་བཞུགས་པ་མཐོང་སྟེ་སེངྒེའི་གདན་ལ་བཞུགས་པའོ། །དེ་བཞིན་གཤེགས་པ་དེ་རྣམས་ཀྱང་རང་རང་གི་རིག་སྔགས་འཆང་ཕྱིར་མི་ལྡོག་པར་མངོན་པར་དབང་བསྐུར་བར་མཛད་དོ། །ལེགས་སོ་ལེགས་སོ་ཞེས་བྱ་བའི་གསུང་རྗོད་པར་མཛད་དོ། །དགོངས་པ་ཆེར་བརྟན་པས་དགོངས་པར་འགྱུར་རོ། །ཇི་སྲིད་སངས་རྒྱས་ཀྱི་བྱང་ཆུབ་ལ་མཐར་ཐུག་གི་བར་དུ་དེ་བཞིན་གཤེགས་པ་ཐམས་ཅད་རྗེས་སུ་འབྲང་བར་འགྱུར་རོ། །བཟླས་པ་བདུན་པས་རྨི་ལམ་ཆེན་པོ་སྟོན་ཏེ། དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ཏེ་ཆོས་ཀྱི་འཁོར་ལོ་བསྐོར་བ་དང ། བདུད་འདུལ་བ་དང ། དམ་པའི་ཆོས་ཀྱི་ཆར་འབེབས་པ་དང ། ཆོས་ཀྱི་སྒྲོན་མེ་སྦོར་བ་དང ། ཆོས་ཀྱི་རྒྱན་མཚན་སྒྲེང་བ་དང ། དམ་པའི་ཆོས་ཀྱི་དུང་འབུད་པ་དང ། དེ་བཞིན་གཤེགས་པ་ཐམས་ཅད་ཕྱག་རྒྱ་ཆེན་པོས་མངོན་པར་དབང་བསྐུར་བ་མཐོང་ངོ ། །དེ་བཞིན་གཤེགས་པ་དེ་རྣམས་ཀྱིས་ཀྱང་ཕྱག་རྒྱས་མངོན་པར་དབང་བསྐུར་བ་དང ། ཆོས་ཀྱི་འཁོར་ལོ་ Ba309a ༄#། །བསྐོར་བ་དང ། བདུད་འདུལ་བ་དང ། ཕྱག་རྒྱས་དབང་བསྐུར་བས་མངོན་པར་བསྐུར་པར་མཛད་དོ། །ལེགས་སོ་ལེགས་སོ་ཞེས་བྱ་བའི་སྒྲ་རྗོད་པར་མཛད་དོ། །ཕྱག་རྒྱ་ཆེན་པོ་དང ། དཀྱིལ་འཁོར་དང ། ཀུན་ནས་གསང་བ་དང ། རྣམ་པར་ཐར་པའི་དཀྱིལ་འཁོར་དེ་ཁོ་ན་ཉིད་ཀྱི་དངོས་གྲུབ་དང ། མངོན་པར་དབང་བསྐུར་བར་མཛད་དོ། །དེ་བཞིན་དུ་བཀླགས་པ་དང ། བཟླས་པ་ཙམ་གྱིས་ཆོ་ག་དང ། ལས་ཀྱི་འབྲས་བུ་སྟོན་པར་མཛད་དོ། །དོན་ཡོད་པའི་ནོར་བུ་རྣམ་པར་སྣང་མཛད་ཀྱི་ཕྱག་རྒྱ་ཆེན་པོའི་གཟུངས་ཀྱི་རྣམ་པར་འཕྲུལ་པའི་ཆོ་ག་འདི་ཡང་རྣམ་པར་སྤྱོད་པར་འགྱུར་རོ། །འདི་བཀླགས་པ་དང་དྲན་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་རྣམ་པར་སྣང་མཛད་ཀྱི་དཀྱིལ་འཁོར་ཆེན་པོར་རྗེས་སུ་འཇུག་པར་འགྱུར་རོ། །ཐམས་ཅད་དུ་གནས་ལ་གནས་པའི་དམ་ཚིག་ཤེས་པར་འགྱུར་རོ། །བཟླས་པ་ཙམ་གྱི་མོད་ལ་དུས་གསུམ་དུ་གཤེགས་པའི་དེ་བཞིན་གཤེགས་པ་ཐམས་ཅད་ཀྱིས་མཚན་ནས་སྨོས་ནས་མངོན་སུམ་དུ་སྟོན་པར་མཛད་དོ། །དེ་བཞིན་གཤེགས་པ་རྣམ་པར་སྣང་མཛད་སྟོན་པར་མཛད་པར་འགྱུར་རོ། །མཚན་སྨོས་ནས་འཛིན་པར་འགྱུར་རོ། །དེ་བཞིན་གཤེགས་པ་ཐམས་ཅད་རྣམ་པར་སྣང་མཛད་ཀྱི་ཕྱག་རྒྱ་འཛིན་པར་འགྱུར་རོ། །དེ་བཞིན་གཤེགས་ Ba309b ཐམས་ཅད་ཀྱི་གསང་བའི་མཆོག་ཏུ་འགྱུར་རོ། །སྡིག་པ་དང ། སྒྲིབ་པ་དང ། གདུག་པ་ཐམས་ཅད་དང ། མཚམས་མེད་པ་ལྔ་ལ་སོགས་པ་སྔོན་གྱི་སྡིག་པ་དང ། སྒྲིབ་པ་རྣམ་པར་འཇོམས་པར་བྱེད་དོ། །བཀླགས་པ་ཙམ་དང ། ལན་གཅིག་བཟླས་པ་ཙམ་གྱིས་དེ་ཐམས་ཅད་ཡོངས་སུ་ཟད་པ་དང ། ཡོངས་སུ་གཏུགས་པར་འགྱུར་རོ། །སེམས་ཅན་གྱི་སྡིག་པའི་ཆོས་གང་ཅུང་ཟད་ཀུན་ཏུ་སྤྱད་པ་དང ། མཚམས་མེད་པ་ལྔ་བྱེད་པ་མནར་མེད་པ་ལ་མཆོག་ཏུ་གཞོལ་བའི་སེམས་ཅན་དེའི་མདུན་དུ་ལན་གསུམ་དུ་དབྱངས་གསང་བསྟོད་པས་བརྗོད་ཅིང་དྲན་པར་བྱ་སྟེ། དེའི་སྒྲ་ཐོས་པ་ཙམ་གྱི་མོད་ལ་སྡིག་པ་དང ། སྒྲིབ་པ་ཐམས་ཅད་དང ། མཚམས་མེད་པར་སོང་བ་ཐམས་ཅད་དང ། མནར་མེད་པ་ལ་མཆོག་ཏུ་གཞོལ་བ་རྣམས་ཡོངས་སུ་དག་པར་འགྱུར་རོ། །སེམས་ཅན་དེ་ཡང་སྡིག་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ཡང་ན་སྡིག་པ་ཅན་གྱི་སེམས་ཅན་ཤི་བར་གྱུར་པས་བསོད་ནམས་ཀྱི་དོན་དུ་བསོད་ནམས་འདོད་པས་སེམས་ཅན་དེའི་དོན་དུ་ཡུངས་ཀར་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་སེམས་ཅན་དེའི་དོན་དུ་རོ་བསྲེགས་པའམ། མཆོད་པའམ། སྦས་པའམ། རུས་པའི་རྐང་རུས་སམ། དུར་ཁྲོད་ཀྱི་དབུས་སུ་དེའི་སྟེང་དུ་གདབ་ཅིང་དེར་གཏོར་བར་བྱའོ། །གཏོར་བ་ཙམ་གྱི་མོད་ལ་ Ba310a ༄#། །སེམས་ཅན་དེ་གང་དང་གང་དུ་སྐྱེས་པ་དེ་དང་དེ་ཉིད་དུ་སེམས་ཅན་དེའི་ལུས་ལ་བྱང་ཆུབ་ཆེན་པོའི་ཡན་ལག་གི་ཆུའི་དྲིའི་མཆོག་བསྒོས་པར་འགྱུར་རོ། ། འཕྲལ་ཉིད་དུ་དམྱལ་བ་དང ། དུད་འགྲོ་དང ། ཡི་དྭགས་དང ། གཤིན་རྗེའི་འཇིག་རྟེན་དང ། ལྷ་མ་ཡིན་གྱི་ལུས་ལས་ཡོངས་སུ་གྲོལ་བར་འགྱུར་རོ། །སྡིག་པ་དང་སྒྲིབ་པ་ཐམས་ཅད་ཡོངས་སུ་ཟད་པར་འགྱུར་རོ། །དེར་ཡང་ངན་འགྲོ་རྣམས་ལས་འཕོས་པར་འགྱུར་ཞིང ། བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །འདི་ལ་སོ་མ་ཉི་དང ། ཡིད་གཉིས་བསྐྱེད་པར་མི་བྱའོ། །གང་གི་ཚེ་ནད་དྲག་པོས་ཐེབས་པར་གྱུར་པ་དེའི་ཚེ་རིག་སྔགས་འཆང་གིས་རྣམ་པར་བཟླས་བརྗོད་བརྒྱ་རྩ་བརྒྱད་སྦྱིན་པར་བྱ་སྟེ། དེ་ཡང་ནད་ཡུན་རིང་པོ་ལས་གྲོལ་ཏེ་རང་གི་གནས་སུ་འགྱུར་རོ། །ནད་ཀྱི་སྡུག་བསྔལ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །སྤྱི་བོའི་གཙུག་ཏུ་ཕྱག་རྒྱས་བཏབ་སྟེ་ལན་ཉི་ཤུ་རྩ་གཅིག་བརྗོད་པར་བྱ་སྟེ། འཕྲལ་ཉིད་དུ་ཡོངས་སུ་གྲོལ་ལོ། །གལ་ཏེ་ནག་པོ་ཆེན་པོས་རང་གི་ཕྱག་རྒྱས་བཏབ་ན། དེ་ལྟར་དེ་ཉིད་ལ་བལྟས་པས་ཕྱག་རྒྱ་ཐམས་ཅད་འབྱེད་པར་འགྱུར་རོ། །གལ་ཏེ་ཡུན་རིང་དུ་མ་གྲོལ་ན། གང་གིས་ཕྱག་རྒྱས་བཏབ་པར་གྱུར་པ་དེ་མིག་གཉིས་པོ་དག་འབྱིན་ Ba310b པར་འགྱུར། །གདོན་གྱིས་ཟིན་པ་ཐམས་ཅད་ལ་ཚོན་སྐུད་སྣ་ལྔའི་སྐུད་པ་ལ་བཟླས་བརྗོད་ཉི་ཤུ་རྩ་གཅིག་བྱས་ནས་མདུད་བ་ཉི་ཤུ་རྩ་གཅིག་བྱས་ལ་བཅིང་བར་བྱ་སྟེ། གདོན་དང་བརྗེད་བྱེད་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ནད་ཐམས་ཅད་ལ་སྐུད་པ་དཀར་པོས་བཅིང་བར་བྱ་སྟེ། ནད་ཐམས་ཅད་ལས་ཡོངས་སུ་གྲོལ་ལོ། །འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་རྣམས་ཐམས་ཅད་དུ་འགྲོ་བ་ལ་ལན་བརྒྱ་རྩ་བརྒྱད་ཡོངས་སུ་བཟླས་ཏེ་ཁ་ཏོན་དུ་བཟུང་ན། ཐམས་ཅད་དུ་སྨྲ་བའི་མཆོག་ཏུ་འགྱུར་རོ། །ན་ལེ་ཤམ་དང ། རྒྱ་སྤོས་དང ། རུ་རྟ་དང ། ཡུང་བ་གཉིས་དང ། རོའི་མིག་སྨན་ལ་སྔགས་སྟོང་རྩ་བརྒྱད་དུ་བཟླས་ལ་ཕྱེ་མ་ཞིབ་མོར་བྱས་ཏེ། མིག་སྨན་དང་མཉམ་པར་སྦྱར་ནས་གདོན་གྱིས་ཟིན་པ་རྣམས་ཀྱི་མིག་ལ་བསྐུས་ན། བསྐུས་པ་ཙམ་གྱི་མོད་ལ་གདོན་ཐམས་ཅད་ལས་ཡོངས་སུ་གྲོལ་ལོ། །གལ་ཏེ་ཡུན་རིང་པོར་མ་གྲོལ་ན། གདོན་གྱི་མིག་གཉིས་འབྱིན་པར་འགྱུར་རོ། །རིམས་ཉིན་བཞི་པ་ལ་མིག་གཉིས་ལ་བསྐུ་བར་བྱའོ། །གལ་ཏེ་ཡུན་རིང་དུ་མ་གྲོལ་ན། མགོ་བོ་ཚལ་པ་བདུན་དུ་འགས་པར་འགྱུར་རོ། ། ལུས་ལ་མེ་འབར་བར་འགྱུར་རོ། །རིམས་ཐམས་ཅད་ལ་བསྐུས་པ་ཙམ་གྱིས་ཡོངས་སུ་གྲོལ་ལོ། །གལ་ཏེ་ཡུན་རིང་དུ་མགྲོལ་ན། མགོ་བོ་དུམ་བུ་བདུན་དུ་འགས་པར་འགྱུར་རོ།། Ba311a ༄#། །དུག་གིས་ཟོས་པའི་མིག་ལ་བསྐུ་བར་བྱ་ཞིང་མངག་གཞུག་པར་བྱའོ། །དུག་འཐུངས་པ་ལ་བསྐུས་ན། དུག་མེད་པར་འགྱུར་རོ། །ཤི་བའི་མིག་ལ་བསྐུས་ན། ལྡང་བར་འགྱུར་ཏེ། དེ་སྨྲ་བར་བྱེད་དོ། །ཆུ་དང་ཡུངས་ཀར་བརྡེགས་ན། སླར་ཡང་འགྱེལ་བར་བྱེད་དོ། །མགོ་བོའི་ཟུག་རྡུ་དང ། གཞོགས་ཕྱེད་ན་བ་རྣམས་ཀྱི་མིག་ལ་བསྐུ་སྟེ། ཕྱག་རྒྱ་ཐམས་ཅད་འཇིག་པར་བྱེད་དོ། །རྒྱལ་པོ་ཁྲོས་པ་གང་གིས་སྐྱེ་བོ་གནས་ནས་འབྱིན་པ་དང ། དེ་བཞིན་དུ་མཚོན་ཆ་མང་པོ་འབབ་པ་དང ། ཕྱིར་རྒོལ་བ་དང ། དགྲ་བོ་ཉིད་ལ་ཡང་འདིས་བསྐུས་པའི་མིག་གིས་བལྟས་ན། ཐམས་ཅད་དགའ་བར་འགྱུར་རོ། །དེ་རྣམས་ཐམས་ཅད་རྟག་ཏུ་དབང་དུ་གྱུར་ནས་གནས་ཏེ་འདི་ལ་ཐེ་ཚོམ་མི་བྱའོ། ། དོན་ཡོད་པའི་ཕྱག་རྒྱའི་དབང་བསྐུར་བའི་སྙིང་པོ་དང ། གཟུངས་ཀྱི་ཆོ་གའི་སྒྲུབ་ཐབས་སོ།། །།དེ་ནས་དོན་ཡོད་པའི་དཀྱིལ་འཁོར་ཆེན་པོ་པདྨའི་དབང་བསྐུར་བའི་ནོར་བུའི་གཟུངས་ཀྱི་སྙིང་པོའི་ཡོ་བྱད་དུ་འགྱུར་ཏེ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་རིགས་ཐུན་མོང་བར་རྗེས་སུ་འཇུག་པར་འགྱུར་རོ། །སྟོང་རྩ་བརྒྱད་བཟླས་པས་མི་ཕམ་པའི་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་པདྨ་ཆེན་པོའི་དབང་བསྐུར་བ་ཡིད་བཞིན་གྱི་ནོར་བུའི་པདྨ་བཅིངས་པས་སྤྱི་བོར་མངོན་པར་ Ba311b དབང་བསྐུར་བར་འགྱུར་ཏོ། །དེ་ནས་དུས་གསུམ་པའི་དེ་བཞིན་གཤེགས་པ་དེ་རྣམས་ཀྱིས་བཟླས་པ་ཙམ་གྱི་མོད་ལ་དེའི་རྨི་ལམ་མཐོང་བ་ཉེ་བར་སྟོན་པར་བྱེད་དོ། །དཀྱིལ་འཁོར་ཆེན་པོ་ཡངས་པའི་རྣམ་པར་འཕྲུལ་པ་ཡང་དག་པར་མཐོང་བ་དང ། ཆོ་འཕྲུལ་སྟོན་པར་བྱེད་དོ། །གཞལ་ཡས་ཁང་དང་བཅས། རྣམ་པར་འཕྲུལ་པ་དང་བཅས། ལྷའི་ཚོགས་དང་བཅས་པའི་རིག་པའི་རྒྱལ་པོའི་དཀྱིལ་འཁོར་པའི་ལྷ་རྣམས་ཉེ་བར་སྟོན་པར་བྱེད་དོ། །འདི་ལྟ་སྟེ། དེ་བཞིན་གཤེགས་པའི་རིགས་ཀྱི་དཀྱིལ་འཁོར་དང ། པདྨའི་རིགས་ཀྱི་དཀྱིལ་འཁོར་དང ། རྡོ་རྗེའི་རིགས་ཀྱི་དཀྱིལ་འཁོར་དང ། ནོར་བུའི་རིགས་ཀྱི་དཀྱིལ་འཁོར་དང ། དོན་ཡོད་ཞགས་པའི་སྙིང་པོ་རྣམ་པར་ཐར་པའི་དཀྱིལ་འཁོར་གྱི་དཀྱིལ་འཁོར་ཆེན་པོ་དང ། རྣམ་པར་སྣང་མཛད་ཀྱི་སྙིང་པོའི་དཀྱིལ་འཁོར་ཆེན་པོ་དེ་རྣམས་ཐམས་ཅད་ཀྱང་སོ་སོ་སོ་སོའི་དཀྱིལ་འཁོར་དུ་དབང་བསྐུར་བས་མངོན་པར་དབང་བསྐུར་རོ། །རིག་པའི་རྒྱལ་པོའི་དཀྱིལ་འཁོར་གྱི་ལྷ་རྣམས་མཐའ་དག་ཉེ་བར་སྟོན་པར་བྱེད་དོ། །ཇི་སྲིད་དུ་བྱང་ཆུབ་ཀྱི་སྙིང་པོར་གཤེགས་པ་དང ། ཆོས་ཀྱི་འཁོར་ལོ་བསྐོར་བ་དང ། བདུད་འདུལ་བའི་བར་གྱི་དཀྱིལ་འཁོར་ཉེ་བར་སྟོན་པར་བྱེད་དོ། །དུས་གསུམ་པའི་དེ་བཞིན་གཤེགས་པ་དེ་རྣམས་ཀྱིས་ཀྱང་དཀྱིལ་འཁོར་ཆེན་པོ་དེ་རྣམས་ཀྱིས་སོ་སོ་སོ་སོའི་དཀྱིལ་འཁོར་ Ba312a ༄#། །དུ་མངོན་པར་དབང་བསྐུར་བས་མངོན་པར་དབང་བསྐུར་བར་མཛད་དོ། །དཀྱིལ་འཁོར་གྱི་མཆོག་ཐམས་ཅད་དུ་མངོན་པར་དབང་བསྐུར་བས་མངོན་པར་དབང་བསྐུར་བར་མཛད་དོ། །དེ་ནས་རིག་སྔགས་འཆང་དེ་དེ་ལྟ་བུའི་རྨི་ལམ་ཆེན་པོ་མཐོང་ནས་དགའ་བ་ཆེན་པོ་རྒྱས་པར་འགྱུར་རོ། །དགའ་བ་དང་རབ་ཏུ་མགུ་བའི་སྙིང་དེས་ཀྱང་དོན་ཡོད་པ་པདྨ་དྲི་མ་མེད་པའི་མངོན་པར་དབང་བསྐུར་བའི་ཏིང་ངེ་འཛིན་སོ་སོར་ཐོབ་བོ། །དེ་བཞིན་གཤེགས་པ་དེ་རྣམས་ཀྱིས་ཀྱང་རིག་སྔགས་འཆང་དེ་ལ་ལེགས་སོ་ལེགས་སོ། །ཞེས་བརྗོད་པར་མཛད་དེ། རིག་སྔགས་འཆང་ཆེན་པོ་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོའི་རིགས་ཐུན་མོང་པའི་དམ་ཚིག་གིས་མངོན་པར་དབང་བསྐུར་བས་ཁྱོད་མངོན་པར་དབང་བསྐུར་རོ། །གྲུབ་པ་ཐོབ་པ་དེ་རྣམས་རིག་སྔགས་འཆང་ཆེན་པོ་དང ། དཀྱིལ་འཁོར་གྱི་གསང་བའི་རྗེས་སུ་འཇུག་ཅིང་།དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོར་འགྱུར་རོ། །ཞེས་སོ་སོར་སོང་ངོ ། །དེ་ནས་རིག་སྔགས་འཆང་གིས་བཟླས་པ་ཙམ་དང ། བཀླགས་པ་ཙམ་གྱིས་དེ་མ་ཐག་པར་རྒྱ་ཆེན་པོའི་ཡོན་ཏན་གསལ་བ་དེ་ལྟ་བུ་སྐྱེ་བར་འགྱུར་རོ། །སླར་ཡང་འདིའི་གོང་ནས་གོང་དུ་རྣམ་པར་འཕྲུལ་པ་སྟོན་པར་བྱེད་དོ། །རིག་སྔགས་འཆང་གང་ཡང་རིགས་ Ba312b ཀྱི་བུའམ། རིགས་ཀྱི་བུ་མོ་གཞན་གང་ཡང་རུང་བར་གྱུར་ཀྱང་རུང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མར་གྱུར་ཀྱང་རུང་སྟེ་དུས་གསུམ་པའི་དེ་བཞིན་གཤེགས་པ་ཐམས་ཅད་ལ་མཆོད་པ་དང ། དབང་བསྐུར་བ་བྱེད་པར་འདོད་པ་དས་གཟུངས་ཀྱི་སྙིང་པོ་འདིའི་བགྲང་ཕྲེང་ངམ། ཅོད་པན་ནམ། དར་དཔྱངས་སམ། དབུ་རྒྱན་ལ་ལན་སྟོང་རྩ་བརྒྱད་དུ་ཡོངས་སུ་བཟླས་ཏེ་དེ་བཞིན་གཤེགས་པའི་དབུ་ལ་བཅིངས་ན། སྤྱན་རས་གཟིགས་དབང་ཕྱུག་གིས་མངོན་པར་དབང་བསྐུར་ཏེ། རིག་སྔགས་འཆང་དེའམ། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མས་གསང་བའི་དཀྱིལ་འཁོར་ཆེན་པོ་རེ་རེའི་དུས་གསུམ་པའི་དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའི་ཚོགས་འཁོར་དང་བཅས་པ་རྣམས་ཀྱིས་རིན་པོ་ཆེ་སྣ་བདུན་ལས་བྱུང་བའི་རྣམ་པར་སྣང་མཛད་ཀྱི་སྙིང་པོའི་ནོར་བུ་རིན་པོ་ཆེའི་ཡིད་བཞིན་གྱི་ནོར་བུའི་རིན་པོ་ཆེའི་དབུ་རྒྱན་འོད་ཟེར་སྣ་ཚོགས་བརྒྱ་སྟོང་ཕྲག་འབར་བས་ཡང་དག་པར་བརྒྱན་པའི་དབུ་བརྒྱན་ཆེན་པོ་དང ། དར་དཔྱངས་ཀྱིས་དབང་བསྐུར་བས་དེ་བཞིན་གཤེགས་པ་ཐམས་ཅད་མངོན་པར་དབང་བསྐུར་བར་འགྱུར་ཞིང ། བྱང་ཆུབ་སེམས་དཔའི་ཚོགས་འཁོར་དང་བཅས་པ་མངོན་པར་ Ba313a ༄#། །དབང་བསྐུར་བར་འགྱུར་རོ། །དེ་ལྟར་རྒྱ་ཆེ་ཞིང་ཡངས་པ་ཆེ་བའི་གཞལ་མེད་ཁང་འདི་མཆོད་པ་དང་བསྙེན་བཀུར་བ་ཉེ་བར་གནས་པར་འགྱུར་རོ། ། གང་གིས་དུས་གསུམ་པའི་དེ་བཞིན་གཤེགས་པ་བྱང་ཆུབ་སེམས་དཔའི་འཁོར་དང་བཅས་པ་ཐམས་ཅད་དང ། དཀྱིལ་འཁོར་གྱི་ལྷ་རྣམས་ལ་དབང་བསྐུར་བ་དང ། མཆོད་པ་དང ། བསྙེན་བཀུར་བ་ཆེན་པོར་བྱས་པར་འགྱུར་རོ། །སྙིང་པོ་འདི་བཟླས་པ་ཙམ་གྱིས་རིག་སྔགས་འཆང་གི་སྡིག་པ་དང ། སྒྲིབ་པ་དང ། གདུག་པ་ཐམས་ཅད་རབ་ཏུ་ཞི་བར་འགྱུར། རྣམ་པར་ཉམས་པར་བྱེད། རྣམ་པར་ཞིག་པར་བྱེད། ལུས་དང་ངག་དང་ཡིད་ཡོངས་སུ་དག་པར་འགྱུར་རོ། །ཉོན་མོངས་པ་དང ། སྒྲིབ་པ་དང་བྲལ་ཞིང་ངེས་པར་གྲོལ་བར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་གསོག་པར་འགྱུར་རོ། །དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །དངོས་གྲུབ་ཆེན་པོའི་མཆོག་ཏུ་འགྱུར་རོ། །ཐམས་ཅད་དུ་ཐོགས་པ་མེད་པར་འགྱུར་རོ། །མཆོད་པ་དང ། བསྙེན་བཀུར་བ་དང ། ཚིག་བཙུན་པར་འགྱུར་རོ། །སྡིག་པ་ཐུན་ཚགས་དང་བྲལ་བར་འགྱུར་རོ། ། ལུས་ལ་དྲི་བཟང་པོ་འབྱུང་བར་འགྱུར་རོ། །རྟག་ཏུ་དེ་དྲན་པས་ཁ་ནས་ཨུཏྤ་ལའི་དྲི་འབྱིན་ནོ། །ལུས་ཙནྡན་གྱི་དྲིས་བསྒོས་པར་འགྱུར་རོ། །སེམས་ཅན་ཐམས་ཅད་ Ba313b མཆོག་ཏུ་བྱམས་པ་དང ། མཆོད་པའི་འོས་སུ་འགྱུར་རོ། །ཐམས་ཅད་དུ་དངོས་གྲུབ་ཆེན་པོའི་མཆོག་ཏུ་འགྱུར་རོ། །བགེགས་དང་ལོག་པར་འདྲེན་པ་ཐམས་ཅད་རབ་ཏུ་འདུལ་བར་འགྱུར་རོ། །འབྱུང་པོ་དང ། གནོད་སྦྱིན་དང ། སྲིན་པོ་དང ། ཡི་དྭགས་དང ། ཤ་ཟ་ཐམས་ཅད་མཐོང་བ་ཙམ་གྱིས་རིང་དུ་འབྲོས་པར་འགྱུར་རོ། །ཇི་སྲིད་འཚོའི་བར་དུ་ཉེ་བར་གནས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གིས་མཆོག་སྦྱིན་པར་འགྱུར་རོ། །རྟག་ཏུ་ཡང་མཐོང་བར་འབྱུང་བར་འགྱུར་རོ། །རིག་པའི་རྒྱལ་པོ་ཡང་རྟག་པར་རྒྱུན་དུ་རྗེས་སུ་འབྲང་བར་འགྱུར་རོ། །དུས་རྒྱུན་དུ་རྟག་ཏུ་མཐོང་བ་རྗེས་སུ་འབྲང་བར་འགྱུར་རོ། །རྟག་ཏུ་རྗེས་སུ་འབྲང་བ་དང ། དངོས་གྲུབ་ཏུ་འགྱུར་རོ། །ཐམས་ཅད་དུ་དཀྱིལ་འཁོར་གྱི་སློབ་དཔོན་དུ་མངོན་པར་དབང་བསྐུར་བར་འགྱུར་རོ། །ཐམས་ཅད་དུ་དོན་ཡོད་པའི་དངོས་གྲུབ་ཀྱི་མཆོག་ཏུ་འགྱུར་རོ། །དོན་ཡོད་པ་པདྨའི་དཀྱིལ་འཁོར་གྱི་དབང་བསྐུར་བའི་གཟུངས་སོ།། །།དེ་ནས་དོན་ཡོད་པའི་ནོར་བུའི་མཆོད་པའི་སྤྲིན་གྱི་ཉེ་བར་སྤྱོད་པའི་ཆོ་གར་འགྱུར་ཏེ། དྲན་པ་དང ། བཀླགས་པ་དང ། བཟླས་པ་ཙམ་གྱིས་གཞལ་མེད་ཁང་ཆེན་པོ་རྒྱ་ཆེ་བ་ཡངས་པའི་མཐུ་སྟོབས་ཡངས་བ་འབྱུང་བར་འགྱུར་རོ། །མཐུ་སྟོབས་ཆེན་པོའི་ཡོན་ཏན་འབྱུང་ཞིང་མཆོད་པའི་སྤྲིན་གྱི་ཆར་ཆེན་པོ་འབབ་ Ba314a ༄#། །པར་འགྱུར་རོ། །དེ་བཞིན་གཤེགས་པ་ཐམས་ཅད་ལ་མཆོད་པའི་སྤྲིན་གྱི་ཆར་ཆེན་པོ་འབབ་པར་འགྱུར་རོ། །བསོད་ནམས་ཀྱི་ཕུང་པོའི་ཚོགས་ཀྱི་རྣམ་པར་འཕྲུལ་པ་ཆེན་པོ་འབྱུང་བར་འགྱུར་རོ། །རིག་པའི་རྒྱལ་པོ་འདི་དྲན་པ་ཙམ་དང ། བཟླས་པ་ཙམ་གྱི་མོད་ལ་ཕྱོགས་བཅུའི་སངས་རྒྱས་ཀྱི་ཞིང་ཀུན་ཏུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ཆེན་པོར་མཆོད་པའི་སྤྲིན་གྱི་ཆར་ཆེན་པོ་འབབ་པར་འགྱུར་རོ། །འདི་ལྟ་སྟེ། པདྨ་དང ། ུཏྤ་ལ་དང ། ཀུ་མུད་དང ། པདྨ་དཀར་པོ་དང ། མནྡཱ་ར་བ་དང ། མནྡཱ་ར་བ་ཆེན་པོ་དང ། མདོག་མཛེས་དང ། མདོག་མཛེས་ཆེན་པོ་དང ། མཉྫུ་ཥ་ཀ་དང ། ཟླ་བ་མཛེས་པ་དང ། དྲི་མ་མེད་པ་སྟེ། ལྷ་རྫས་ཀྱི་མེ་ཏོག་སྣ་ཚོགས་ཀྱི་ཆར་འབྱུང་བར་འགྱུར་རོ། །འདི་ལྟ་སྟེ། སྐམ་ལས་སྐྱེས་པའི་མེ་ཏོག་སཱ་ལ་དང ། ཏ་མཱ་ལ་དང ། ཙམ་པ་ཀ་དང ། མྱ་ངན་འཚང་དང ། ་ཏི་མུཀྟ་ཀ་དང ། སྐྱ་ནར་དང ། མཐོན་ཀ་དང ། མཐོན་ཀ་ཆེན་པོ་དང ། ཀ་དམ་པ་དང ། དོང་ཀ་དང ། སིནྡྷུ་བཱ་རི་ཀའི་མེ་ཏོག་དང ། སྣ་མའི་མེ་ཏོག་དང ། ཡཱུ་ཐི་ཀ་དང ། མཱ་ལི་ཀ་གས་ར་པ་དང ། ཏ་ར་ཎ་དང ། ཀུ་པྱ་ཀ་དང ། མུ་རུ་བ་ཀའི་མེ་ཏོག་གི་ཆར་འབབ་པར་འགྱུར་རོ། །ལྷ་རྫས་སྣ་ཚོགས་པ་རྣམས་དང ། ཀུ་མུ་དེའི་རིགས་རྣམས་དང ། གཟུགས་དང ། ཁ་དོག་སྣ་ཚོགས་པ་དང ། རི་དང ། Ba314b ཆུ་དང ། དགོན་དུང་དང ། ཐིབས་པོ་དང ། ཆུ་རླབས་དང ། ནགས་དང ། ནགས་འདབ་དང ། སྐྱེད་མོས་ཚལ་དང ། ཆུ་ཀླུང་དང ། ལྟེང་ཀ་དང ། རྫིང་བུ་དང ། ་སཱ་ཧི་ཏ་དང ། ཕུག་དང ། དགོན་པར་འབབ་པའི་ས་ལས་སྐྱེས་པའི་མེ་ཏོག་དང ། དྲི་མ་མེད་པའི་ལྷ་རྫས་དང ། ལྷ་རྫས་ཀྱི་དྲི་བཟང་དང ། ཡིད་དུ་འོང་བའི་གཟུགས་དང ། ཁ་དོག་དང ། ཤིན་ཏུ་གཞོན་ཤ་ཆགས་པ་དང ། རབ་ཏུ་སིམ་པར་བྱེད་པའི་རེག་པ་ལས་སྐྱེས་པའི་ཆར་འབབ་པར་བྱེད་དོ། །མེ་ཏོག་ཆེན་པོ་དང ། མེ་ཏོག་སྐྱེས་པ་རྣམས་ཀྱི་ཕུང་པོ་ཆེན་པོ་གཅལ་དུ་བཀྲམ་པ་རྣམས་བཅོམ་ལྡན་འདས་ཀྱི་སྤྱན་སྔར་མཆོད་པའི་སྤྲིན་དུ་འབྱུང་བར་འགྱུར་རོ། །དེ་བཞིན་དུ་དྲན་པ་དང ། བསམ་པ་ཙམ་གྱིས་མེ་ཏོག་གི་མཆོད་པ་ཆེན་པོ་བྱེད་དོ། །འདི་ལྟ་སྟེ། དྲན་པ་དང་བསམ་པ་ཙམ་གྱིས་གོས་དང་རྒྱན་རྣམ་པ་སྣ་ཚོགས་རྣམ་པར་བཀྲ་བའི་མཆོད་པའི་སྤྲིན་ཆེན་པོ་ཕྱོགས་བཅུ་ཀུན་ཏུ་དེ་བཞིན་གཤེགས་པ་ཐམས་ཅད་ཀྱི་མཆོད་པར་འབྱུང་བར་འགྱུར་རོ། ། འདི་ལྟ་སྟེ། དོ་ཤལ་དང ། གདུ་བུ་རྒྱན་ཅན་དང ། དཔུང་རྒྱན་དང ། རྣ་རྒྱན་དང ། གསེར་སྐུད་དང ། མུ་ཏིག་གི་དྲི་བ་དང ། རྐེད་ཆིངས་དང ། ཉིས་བསྐོར་དང ། སུམ་བསྐོར་དང ། སྐར་མའི་ཕྲེང་བ་དང ། གཙུག་ཏོར་འཆིང་བ་དང ། ཟླ་བ་ཕྱེད་བ་ཅན་དང ། གསེར་ཕྱེད་པ་དང ། གདུ་བུ་རྒྱན་ཅན་ཟླ་བ་ཕྱེད་པ་དང ། ཤང་ཤང་ཏེའུ་ཅན་དང ། དབུ་རྒྱན་དང ། ཅོད་པན་གྱི་ Ba315a ༄#། །དྲ་བ་དང ། གསེར་གྱི་དྲ་བ་དང ། ་བི་ཀ་དང ། ཀརྞཱ་ཕལ་ཀ་དང ། བྲེ་ཙ་ཀ་དང ། ཏམྤའི་སྐུད་པ་དང ། མཆོད་ཕྱིར་ཐོགས་དང ། ཀསྤའི་ཕྲེང་བ་དང ། གསེར་གྱི་ཕྲེང་བ་དང ། རིན་པོ་ཆེས་སྤྲས་པའི་ཕྲེང་བ་དང ། རིན་པོ་ཆེ་སྣ་བདུན་གྱི་དྲིལ་བུ་དང ། རྣ་བ་གང་བ་དང ། གཙུག་ཏོར་འཆིང་བ་དང ། ཡོངས་སུ་དཀྲིས་པ་དང ། གཙུག་གི་ནོར་བུའི་ཆར་རབ་ཏུ་འབབ་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་མཆོད་པའི་སྤྲིན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གསང་བ་རྣམས་ཀྱི་མཆོད་པའི་སྤྲིན་ཆེན་པོར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གསང་བ་རྣམས་ཀྱི་མཆོད་པའི་སྤྲིན་ཆེན་པོར་གྱུར་ནས་རང་རང་གི་གཞལ་མེད་ཁང་གི་འབྱོར་པར་རབ་ཏུ་འགྱུར་རོ། །ཆར་དང ། ཚོན་སྣ་ཚོགས་སུ་བཙོས་པའི་ཕྱོགས་བྲལ་གྱི་གོས་སྣ་ཚོགས་པའི་མཆོད་པའི་སྤྲིན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཕྱོགས་བཅུའི་སངས་རྒྱས་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་རྣམས་དང་རྗེས་སུ་མཐུན་པའི་རི་མོའི་གོས་དང ། རི་མོའི་གཞལ་མེད་ཁང་གི་མཆོད་པའི་སྤྲིན་གྱི་ཆར་འབེབས་སོ། །འདི་ལྟ་སྟེ། ཡུལ་ཀ་ཤི་ཀའི་གོས་ཚོན་སྣ་ཚོགས་སུ་བཙོས་པ་དང ། གོས་ Ba315b གྱི་གཞལ་མེད་ཁང་དང ། དར་གོས་རྣམས་ཀྱི་ཆར་འབེབས་སོ། །འདི་ལྟ་སྟེ། ཉི་མའི་འོད་དང ། ཟླ་བ་དང ། སེངྒེ་སྐྱེས་དང ། དར་ཐོད་དང ། ཀ་ཤི་དང ། ཀོ་ས་ལ་པའི་མིའི་དབང་པོ་དང ། ཉི་མ་དང ། ཟླ་བའི་སྣང་བ་དང ། པདྨོ་དང ། ུཏྤ་ལ་ཅན་གྱི་ཁ་དོག་དང ། ཀོ་དྲི་ཀཱ་དང ། གསེར་གྱི་གདུ་བུ་དང ། མུ་ཏིག་གི་འབྲས་བུ་དང ། ཀླུའི་གོ་ཆ་དང ། རྣམ་པར་སྣང་བ་དང ། ལྷའི་རྒྱན་དང ། མེ་ཏོག་སྣ་མ་དང ། ཀོ་ཤ་དང ། ཙམ་པ་ཀ་དང ། ཁ་དོག་ཅན་དང ། ད་རི་ཐོད་ཅན་དང ། གནྡྷ་རའི་ཚོགས་དང ། ཟླ་བའི་རྒྱན་ཅན་དང ། དོང་ཀའི་མེ་ཏོག་ཅན་དང ། པདྨ་དཀར་པོ་ཅན་ཞེས་བྱ་བ་དང ། བ་མ་ལཾ་ཀ་དང ། ཀོ་ཤཱ་ཏ་ཀི་དང ། རྫོགས་པར་འཕེལ་བར་བྱེད་པ་ཅན་དང ། སྔོན་གྱི་ཡུལ་དང་གླིང་དང་ལྡན་པ་ཀུན་ནས་འོད་གསལ་བ་དང ། གདུ་བུ་རིང་པོ་དང ། དགའ་བ་འཁྱིལ་བ་དང ། རྒྱན་བསྐོར་བ་དང ། སྣ་མའི་མེ་ཏོག་གི་ཁ་དོག་ཅན་དང ། ཀནདའི་འདབ་མ་ཅན་དང ། དཀྵི་ཎཱ་ཀཾ་དང ། ཀཉྩི་ནཱ་སའི་ཁ་དོག་ཅན་ནམ་བསྐོར་བ་དང ། གསར་མདོག་དང ། རིན་པོ་ཆེའི་མདོག་དང ། ཟླ་བའི་ཁ་དོག་གི་ལག་པ་དང ། མེའི་ཁ་དོག་ཅན་དང ། བཻ་ཌཱུརྱའི་ཁ་དོག་ཅན་དང ། ནམ་མཁའི་ཁ་དོག་ཅན་དང ། ཀ་ནག་ནི་ཤུ་ཀཾ་དང ། ཀུན་ནས་འཁྱིལ་ཞིང་ཡིད་བདེ་བའི་བ་སྤུ་རྣམ་པར་སྣང་ཞིང་རྣམ་པར་གསལ་བ་ཅན་དང ། ཀུན་ནས་འོད་གསལ་ཞིང་དྲི་མ་མེད་པའི་རིག་སྔགས་ Ba316a ༄#། །འཆང་གི་ཅོད་པན་ཅན་ཡང་ངོ ། །ཞེས་གོས་རྣམ་པ་སྣ་ཚོགས་པ་གཞལ་དུ་མེད་པའི་ཆར་འབེབས་ཏེ། བཅོམ་ལྡན་འདས་རྣམས་གཞལ་དུ་མེད་པའི་མཆོད་སྤྲིན་དང་བཅས་པའི་ཆར་འབེབས་སོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་དུ་གནས་པའི་རིག་སྔགས་ཀྱི་ལྷ་ཐམས་ཅད་དང ། བྱང་ཆུབ་སེམས་དཔའི་ཚོགས་རྣམས་དང ། རྡོ་རྗེ་འཆང་དང ། རིག་སྔགས་འཆང་གི་དབང་པོ་རིག་སྔགས་འཆང་གི་ཚོགས་ཀྱིས་ཡོངས་སུ་བསྐོར་བའི་མཆོད་པའི་སྤྲིན་དུ་འགྱུར་རོ། །དེ་ལྟར་རིག་སྔགས་དྲན་པ་ཙམ་གྱིས་དེ་བཞིན་དུ་རྣམ་པ་སྣ་ཚོགས་པའི་མཆོད་པར་འགྱུར་རོ། །དྲི་སྣ་ཚོགས་པའི་ཆུ་གཞལ་དུ་མེད་པ་དང ། དྲིའི་ཕྱེ་མ་གཞལ་དུ་མེད་པ་དང ། བདུག་པ་གཞལ་དུ་མེད་པའི་མཆོད་པར་འགྱུར་རོ། །འདི་ལྟ་སྟེ། ཙནྡན་གོ་ཤིཪྵ་དང ། ཏ་མ་ལིའི་འདབ་མ་དང ། ཙནྡན་དང ། ཙནྡན་དམར་པོ་དང ། པདྨ་ཅན་དང ། དྲི་ཞིམ་པ་དང ། ས་ར་ལཾ་དང ། གུར་གུམ་དང ། གོས་དང་ལྡན་པ་དང ། དྲི་དང་ལྡན་པ་དང ། པུ་ཤེལ་ཙེ་དང ། རྒྱ་སྤོས་དང ། ཏུ་རུ་ཀ་དང ། སྤྲི་ཀ་དང ། བོལ་དང ། སྲ་རྩི་པོག་དང ། ན་མེ་རུ་དང ། ཤྲཱི་བེཥྚ་ཀ་དང ། པོག་དང ། སལླ་ཀི་དང ། གུ་གུལ་གྱི་བདུག་པ་དང ། ཧཝགས་དང ། སྦྲང་རྩི་དང ། ལྔ་བསྐོར་བ་དང ། ཀ་ཛོ་ཀ་དང ། བལླི་ Ba316b ཀའི་ཤིང་དང ། བལླི་ཀ་དང ། ག་པུར་དང ། གླ་རྩི་དང ། རྣམ་པ་སྣ་ཚོགས་རྣམ་པར་བཀྲ་བའི་བདུག་པ་གཞན་སྦྱར་བ་རྣམས་དང ། དྲིའི་ཆུའི་རྣམ་པ་རྣམས་དང ། རྣམ་པ་སྣ་ཚོགས་པས་བསྒོས་པའི་ཕྱེ་མ་དང་ལྡན་པ་འབྱུང་བར་འགྱུར་རོ། །དེ་བཞིན་གཤེགས་པ་མཆོད་སྤྲིན་གྱི་ཆར་འབེབས་སོ། །སྒྲོན་མའི་ཤིང་སྣ་ཚོགས་པ་སྦར་བ་གཞལ་དུ་མེད་པས་སྣང་བར་བྱེད་བཞིན་པ་འབར་བར་བྱེད་དོ། །ཕྱོགས་བཅུ་རྣམས་སུ་ཀུན་ནས་སྒྲོན་མེའི་ཤིང་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དང་མཉམ་པའི་སྒྲོན་མའི་ཤིང་རབ་ཏུ་འབྱུང་ངོ ། །འདི་ལྟ་སྟེ། ཏུ་རུ་ཀའི་ཏིལ་མར་དང ། ཙམ་པ་ཀའི་ཏིལ་མར་དང ། ུཏྤ་ལའི་ཏིལ་མར་དང ། སྣ་མའི་ཏིལ་མར་དང ། བཪྵི་ཀའི་ཏིལ་མར་དང ། ཀོནྟའི་ཏིལ་མར་དང ། ་ཏི་མུཀྟ་ཀའི་ཏིལ་མར་དང ། པ་ལ་ཤའི་ཏིལ་མར་དང ། ཙནྡན་གྱི་ཏིལ་མར་དང ། ཛཱ་ཏིའི་འབྲས་བུའི་ཏིལ་མར་དང ། བལླའི་ཏིལ་མར་དང ། ་ཤོ་གནྡྷ་ལ་སོགས་པའི་ཏིལ་མར་ལ་སྒྲོན་མེ་རབ་ཏུ་བྱེད་དོ། ། དེ་བཞིན་གཤེགས་པ་མཆོད་པའི་སྤྲིན་དུ་འགྱུར་རོ། །འདི་ལྟ་སྟེ། རོ་བརྒྱ་པའི་ཁ་ཟས་རྣམས་ཕྱོགས་བཅུའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡུལ་དང་དུས་སུ་ཉེ་བར་བཞུགས་པ་རྣམས་ཀྱི་སྤྱན་སྔར་རབ་ཏུ་འབྱུང་བར་འགྱུར་རོ། །འདི་ལྟ་སྟེ། རོ་བྲོ་བའི་མཆོག་རྣམ་པ་སྣ་ཚོགས་པའི་གཟུགས་དང ། རྣམ་པ་ Ba317a ༄#། །དང ། ཞིམ་ཞིང་མངར་བ་མྱང་བར་འོས་པ་དགའ་བར་བྱ་བ་ཡིད་དགའ་བ། ཙོ་ལེ་ཛྱོ་དང ། ཚིམ་པར་འོས་པ་དང ། དྲིའི་རིགས་ལྷ་རྫས་རྣམ་པ་སྣ་ཚོགས་པས་དུས་གསུམ་དུ་གཤེགས་པའི་བཅོམ་ལྡན་འདས་དེ་བཞིན་གཤེགས་པ་འཁོར་གྱི་ཚོགས་དང་བཅས་པ་དང ། བྱང་ཆུབ་སེམས་དཔའི་ཚོགས་འཁོར་དང་བཅས་པ་དང ། ཉན་ཐོས་ཀྱི་དགེ་འདུན་དང་བཅས་པ་དང ། རིག་སྔགས་ཀྱི་དཀྱིལ་འཁོར་གྱི་ལྷ་དང་བཅས་པ་རྣམས་ཀུན་ཏུ་ཚིམ་པར་བྱེད་པའི་འབྲས་བུ་རྣམ་པ་སྣ་ཚོགས་པ་དང ། རོ་བྲོ་བའི་མཆོག་རྣམ་པ་སྣ་ཚོགས་པ་དང ། སྦྲང་རྩི་མངར་པོའི་རོ་མྱོང་བ་དང་ལྡན་པ་བཅོམ་ལྡན་འདས་འཁོར་གྱི་ཚོགས་དང་བཅས་པའི་སྤྱན་སྔར་རབ་ཏུ་འབྱུང་བར་འགྱུར་ཏེ། དེ་བཞིན་གཤེགས་པ་ཐམས་ཅད་ཚིམ་པར་བྱེད་པའི་མཆོད་པའི་སྤྲིན་ཆེན་པོར་འགྱུར་རོ། །འདི་ལྟ་སྟེ། ལྷ་རྫས་ཀྱི་རོལ་མོའི་སྒྲ་རྣམ་པ་སྣ་ཚོགས་བ། དགའ་བར་འོས་པའི་རོལ་མོའི་ཕེག་རྡོབ་པ་རྣམས་དང ། འདི་ལྟ་སྟེ། དབྱངས་ཀྱི་ཡན་ལག་ལྔ་དང་ལྡན་པའི་མིའམ་ཅི་དང ། དྲི་ཟའི་གླུ་དབྱངས་རྣམ་པ་སྣ་ཚོགས་པ་དང་བཅས་པ་དང ། ཀླུའི་བུ་མོ་དང ། ལྷ་མ་ཡིན་གྱི་བུ་མོ་དང ། ལྷའི་བུ་མོ་དང ། ཆུ་ལས་བྱུང་བའི་བུ་མོ་རྣམས་ཀྱིས་རྣམ་པ་ཐ་དད་རྣམ་པ་སྣ་ཚོགས་པའི་གསང་སྔགས་ཀྱི་གླུ་དབྱངས་ཀྱི་རོལ་མོའི་ Ba317b སྒྲ་རབ་ཏུ་འཁྲོལ་བཞིན་པ་རྣམས་ཀྱིས་ཕྱོགས་བཅུའི་དེ་བཞིན་གཤེགས་པ་དེ་རྣམས་ཐམས་ཅད་ཀྱིས་དུས་གསུམ་པའི་རོལ་མོ་ཆེན་པོའི་མཆོད་པའི་སྤྲིན་དུ་འགྱུར་རོ། །རྣམ་པ་སྣ་ཚོགས་པར་མཛེས་པའི་བསྟོད་པའི་རྣམ་པས་རོལ་མོའི་ཆོ་ག་ཞིབ་མོ་ཇི་ལྟ་བ་བཞིན་ཏུ་གསང་བའི་ཕྱག་རྒྱ་དང ། དཀྱིལ་འཁོར་གྱི་རིམ་པར་ཕྱེ་བ་དང་རྗེས་སུ་མཐུན་པས་ཡང་དག་པར་བསྟོད་པར་འགྱུར་རོ། །བྱང་ཆུབ་སེམས་དཔའི་ཚོགས་དང་བཅས་པའི་རིག་སྔགས་ཀྱི་ལྷ་དང ། དཀྱིལ་འཁོར་གྱི་ལྷས་རྗེས་སུ་འཛིན་པར་འགྱུར་རོ། །ཡང་དག་པར་བསྟོད་པ་རྣམས་ཀྱང་མཚན་སྨོས་པས་ཡང་དག་པར་བསྟོད་པ་བྱས་པར་འགྱུར་རོ། །དེ་བཞིན་དུ་ཡངས་པ་དང་ལྡན་པའི་གཟུངས་འཕགས་པ་སྤྱན་རས་གཟིགས་དབང་ཕྱུག་གིས་གསུངས་པ། མཆོག་ཐམས་ཅད་དུ་མཆོད་པའི་སྤྲིན་དུ་གྱུར་པ། བླ་ན་མེད་པ་དཔག་བསམ་གྱི་ཤིང་ལྟ་བུའོ། །སྣ་ཚོགས་པའི་རྫུ་འཕྲུལ་དང ། རྣམ་པར་འཕྲུལ་པ་སྒྱུ་མ་ལྟ་བུའི་ཏིང་ངེ་འཛིན་བྱིན་གྱིས་རློབ་པའི་རྣམ་པར་འཕྲུལ་པས་རིག་སྔགས་འཆང་ཐམས་ཅད་ཀྱི་རྨད་དུ་བྱུང་བའི་མཆོག་གི་དངོས་གྲུབ་སྟེར་བར་བྱེད་པའོ། །སེམས་ཅན་ཐམས་ཅད་ཀྱི་མ་དང་ཕར་གྱུར་པའོ། །སེམས་ཅན་ཐམས་ཅད་ཀྱི་བསམ་པ་ཡང་དག་པར་གྱུར་པའོ། །གསང་སྔགས་འཛིན་པ་ཐམས་ཅད་ཀྱི་མཆོག་གི་དངོས་གྲུབ་དང ། བསམ་པ་ཡོངས་ Ba318a ༄#། །སུ་རྫོགས་པར་བྱེད་པའོ། །སེམས་ཅན་ཐམས་ཅད་ཀྱི་སྡིག་པ་དང ། ཉོན་མོངས་པ་དང ། སྒྲིབ་པ་ཐམས་ཅད་ཡོངས་སུ་སྤྱོད་པར་བྱེད་པའོ། །ནད་ཐམས་ཅད་སེལ་བར་བྱེད་པའོ། །སྡུག་བསྔལ་མི་བཟད་པ་གདུག་པ་ཐམས་ཅད་འཇོམས་པར་བྱེད་པའོ། །བཀྲ་ཤིས་པ་དང ། ཡིད་ཀྱི་ཤིང་རྟ་ཐམས་ཅད་ཡོངས་སུ་རྫོགས་པར་བྱེད་པའོ། །དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་སྐུལ་བར་བྱེད་པའོ། །བྱང་ཆུབ་སེམས་དཔའ་ཐམས་ཅད་ཀྱི་དབུགས་འབྱིན་པར་བྱེད་པའོ། །རིག་སྔགས་ཀྱི་དཀྱིལ་འཁོར་གྱི་ལྷ་ཐམས་ཅད་སྤྱན་འདྲེན་པར་བྱེད་པའོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་རྣམས་སྟོན་པར་བྱེད་པའོ། །ཀླུ་ཐམས་ཅད་འགུགས་པར་བྱེད་པའོ། །གནོད་སྦྱིན་དང ། སྲིན་པོ་དང ། འབྱུང་པོ་དང ། ཡི་དྭགས་དང ། ཤ་ཟ་དང ། བགེགས་དང ། ལོག་པར་འདྲེན་པ་ཐམས་ཅད་ཟློག་པར་བྱེད་པའོ། །སེམས་ཅན་ཐམས་ཅད་ཀྱི་མཆོག་གི་དངོས་གྲུབ་སྦྱིན་པར་བྱེད་པའོ། །དབུགས་མ་ཕྱིན་པ་རྣམས་ཀྱི་དབུགས་འབྱིན་པར་བྱེད་པའོ། །མ་གྲོལ་བ་རྣམས་གྲོལ་བར་བྱེད་པའོ། །སྐྱབས་མེད་པ་རྣམས་ཀྱི་སྐྱབས་སོ། །དཔུང་གཉེན་མེད་པ་རྣམས་ཀྱི་དཔུང་གཉེན་ནོ། །མགོན་མེད་པ་རྣམས་ཀྱི་མགོན་དུ་གྱུར་པའོ། །འཁྲ་ས་མེད་པ་རྣམས་ཀྱིས་ Ba318b འཁྲ་སའོ། །བསྙེན་གནས་མ་བྱས་པ་རྣམས་ལ་བསྙེན་གནས་སྦྱིན་པའོ། །གཙང་སྦྲ་མ་བྱས་པ་རྣམས་ལ་གཙང་སྦྲར་སྤྱོད་པའོ། །མི་ཚངས་པར་སྤྱོད་པའི་གནས་ལ་ཞེན་པ་རྣམས་ལ་ཚངས་པར་སྤྱོད་པའི་གནས་སྦྱིན་པའོ། །ཐུབ་པའི་བརྟུལ་ཞུགས་མ་བྱས་པ་རྣམས་ལ་ཐུབ་པའི་བརྟུལ་ཞུགས་སྦྱིན་པའོ། །ཆོས་མ་ཡིན་པ་ལ་སྤྱོད་པ་རྣམས་ཆོས་ལ་སྦྱོར་བའོ། །མི་དགེ་བའི་ལས་ཀྱི་ལམ་ལ་སྤྱོད་པ་རྣམས་དགེ་བའི་ཆོས་ལ་སྦྱོར་བའོ། །འཇིགས་པས་ཉམ་ཐག་པ་རྣམས་ལ་མི་འཇིགས་པ་སྦྱིན་པའོ། །དབུལ་བོ་རྣམས་ལ་ནོར་སྦྱིན་པའོ། །འབྲུ་དང་བཟའ་བ་དང་བྲལ་བ་རྣམས་ལ་འབྲུ་འཕེལ་བ་ཆེན་པོ་སྦྱིན་པའོ། །མུ་གེས་ཉམ་ཐག་པ་རྣམས་ལ་སྐྱ་རྒྱལ་གྱིས་ཚོགས་པ་ལ་ངེས་པར་སྦྱོར་བར་བྱེད་པའོ། །ལམ་ཉམས་པ་རྣམས་ཀྱི་ལམ་སྟོན་པར་བྱེད་པའོ། །དུས་མ་ཡིན་པར་འཆི་བར་འགྱུར་བ་རྣམས་ཀྱི་དུས་མ་ཡིན་པའི་འཆི་བ་སོ་སོར་འགོག་པའོ། །ལོང་བ་རྣམས་ཀྱི་མིག་སྦྱིན་པར་བྱེད་པའོ། །འོན་པ་རྣམས་རྣ་བ་སྦྱིན་པར་བྱེད་པའོ། །སྣ་ཉམས་པ་རྣམས་ཀྱི་སྣ་རྣམ་པར་སྦྱོང་བར་བྱེད་པའོ། །རེག་པ་མེད་པ་རྣམས་ཀྱི་བདེ་བའི་རེག་པ་ལ་ངེས་པར་སྦྱོར་བར་བྱེད་པའོ། །ལོངས་སྤྱོད་ཀྱིས་ཉམ་ཐག་པ་རྣམས་ཀྱི་ལོངས་སྤྱོད་སྦྱིན་པར་བྱེད་པའོ། །དྲན་པ་ཉམས་པ་རྣམས་ཀྱི་དྲན་པ་ཡོངས་སུ་སྦྱོང་བར་བྱེད་པའོ། ། Ba319a ༄#། །བསམ་པ་ཉམས་པ་རྣམས་ཀྱི་བསམ་པ་ཡོངས་སུ་དག་པར་བྱེད་པའོ། །ཚུལ་ཁྲིམས་ཉམས་པ་རྣམས་ཀྱི་ཚུལ་ཁྲིམས་སྦྱིན་པའོ། །སྦྱིན་པ་ལ་རྒྱབ་ཀྱིས་ཕྱོགས་པ་རྣམས་ལ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའོ། །བརྩོན་འགྲུས་ཉམས་པ་རྣམས་ལ་སྟོབས་དང་བརྩོན་འགྲུས་ཀྱི་མཆོག་སྦྱིན་པའོ། །བཟོད་པ་དང་བྲལ་བ་རྣམས་ལ་བཟོད་པ་དང་ཞི་བ་སྦྱིན་པའོ། །བསམ་གཏན་ཉམས་པ་རྣམས་ལ་བསམ་གཏན་དང་ཏིང་ངེ་འཛིན་ནི། ཡོངས་སུ་རྫོགས་པར་བྱེད་པའོ། །ཤེས་རབ་ཉམས་པ་རྣམས་ལ་ཤེས་རབ་ཀུན་ཏུ་སྣང་བ་དང ། བློ་གསལ་བ་དང ། ཤེས་རབ་ཆེན་པོའི་སྣང་བ་ཡོངས་སུ་རྫོགས་པར་བྱེད་དོ། །དམ་ཚིག་མི་ཤེས་པ་རྣམས་ལ་དམ་ཚིག་སྦྱིན་པའོ། །ཕྱག་རྒྱ་དང་བྲལ་བ་རྣམས་ཀྱི་ཕྱག་རྒྱ་ཡོངས་སུ་སྦྱོར་བར་བྱེད་པའོ། །རིག་སྔགས་དང ། གསང་སྔགས་ལ་མི་མཁས་པ་རྣམས་ལ་རིག་སྔགས་དང ། གསང་སྔགས་རབ་ཏུ་སྦྱིན་པའོ། །མུ་སྟེགས་རྣམས་ལ་མུ་སྟེགས་སྨྲ་བ་དང ། འཇུག་ངོགས་བཟང་པོ་དང་ལམ་རབ་རབ་ཏུ་སྒྲུབ་པར་བྱེད་པའོ། །སངས་རྒྱས་ཀྱི་བྱང་ཆུབ་ལས་རྒྱབ་ཀྱིས་ཕྱོགས་པ་རྣམས་ལ་སངས་རྒྱས་ཀྱི་བྱང་ཆུབ་ཆེན་པོའི་མཆོག་སྦྱིན་པའོ། །འཁོར་བ་ལས་མ་བསྒྲལ་བ་རྣམས་སྒྲོལ་བར་བྱེད་པའོ། ། Ba319b མུན་པས་ལོང་བར་བྱེད་ཅིང་བསྒྲིབས་པ་རྣམས་ལ་མྱོས་པའི་མུན་པ་སེལ་བ་སྦྱིན་པར་བྱེད་པའོ། །སྒྲིབ་པར་བྱ་བ་རྣམས་ཀྱི་སྒྲིབ་པ་དང་བྲལ་བར་བྱེད་པའོ། །མཚམས་མེད་པ་ལྔའི་འགྲོ་བ་རྣམས་ཀྱིས་མཚམས་མེད་པ་ལྔ་སྦྱོང་བར་བྱེད་པའོ། །ངག་ཉམས་པ་རྣམས་ཀྱི་ངག་རྣམ་པར་དག་པར་བྱེད་པའོ། །མ་གྲུབ་པ་རྣམས་ལ་མཆོག་གི་དངོས་གྲུབ་སྦྱིན་པའོ། །ཐུན་ཚགས་དང་བཅས་པ་རྣམས་ཀྱི་ཐུན་ཚགས་དང་བྲལ་ཞིང་ཡོངས་སུ་དག་པར་བྱེད་པའོ། །དན་པ་རྣམས་ལ་མཆོག་སྦྱིན་པའོ། །མྱ་ངན་ལས་མ་འདས་རྣམས་ཀྱི་མྱ་ངན་ལས་འདས་པའི་མཆོག་གོ་།བརྡ་མི་ཕྲད་པ་རྣམས་ལ་བརྡ་སྤྲོད་པར་བྱེད་པའོ། །ཀུན་ནས་འཁྲུགས་པ་རྣམས་ཀྱི་སེམས་གནས་པའི་མཆོག་གོ་།མཆོག་མེད་པ་རྣམས་ལ་མཆོག་སྦྱིན་པའོ། །རྨི་ལམ་ངན་པ་མཐོང་བ་རྣམས་ལ་རྨི་ལམ་ཆེན་པོའི་མཆོག་སྟོན་པའོ། །བཀྲེས་པ་རྣམས་ལ་ཁ་ཟས་ཀྱི་མཆོག་སྦྱིན་པའོ། །སྐོམ་པ་རྣམས་བཏུང་བ་ཆེན་པོའི་རོ་ལ་ཡོངས་སུ་ལོངས་སྤྱོད་པར་བྱེད་པའོ། །གཅེར་བུ་རྣམས་ཀྱི་གོས་དང་བསྒོ་བ་སོ་སོར་ཐོབ་ཅིང་གྲུབ་པའོ། །མཛེ་ཅན་རྣམས་ཀྱི་མཛེ་དང་བྲལ་བར་བྱེད་པའོ། །ཤ་བཀྲ་ཅན་རྣམས་ཀྱི་ཤ་བཀྲ་ཡོངས་སུ་སྦྱོང་བར་བྱེད་པའོ། །རིམས་ཀྱིས་བཏབ་བ་རྣམས་ཀྱི་རིམས་དང་བྲལ་བར་བྱེད་པའོ། །གདོན་གྱིས་ཟིན་པ་རྣམས་ཀྱི་གདོན་དང ། གཤེད་བྱེད་ Ba320a ༄#། །པ་དང ། གདུལ་དཀའ་བ་རྣམས་འདུལ་བར་བྱེད་པའོ། །དགྲ་བོ་ཕྱིན་ཅི་ལོག་པ་རྣམས་ཀྱི་དགྲ་རྣམས་དང་བྲལ་བར་བྱེད་པའོ། །དབུལ་པོ་རྣམས་ལ་ནོར་སྦྱིན་པར་འགྱུར་རོ། །བུ་བཟའ་ཅན་རྣམས་ཀྱི་བུ་བཟའ་ཆེར་འཕེལ་བར་འགྱུར་རོ། །མུན་པས་ལོང་པར་བྱས་པར་ཐམས་ཅད་ཀྱི་སྒྲོན་མའི་ཤིང་དང ། ཉི་མའི་འོད་ཟེར་སྟོང་གིས་ཀུན་ཏུ་སྣང་བའོ། །རྒྱལ་པོས་བཅོམ་པ་རྣམས་ལ་ལོངས་སྤྱོད་རྒྱ་ཆེན་པོ་ཆེར་སྦྱིན་པའོ། །འཁོན་པ་རྣམས་གཅིག་ཏུ་བྱེད་པའོ། །སེར་སྣ་ཅན་རྣམས་ཀྱི་སེར་སྣ་ཤིན་ཏུ་འཇོམས་པའོ། །འདོད་ཆགས་ལ་ཆགས་པ་རྣམས་ཀྱི་འདོད་ཆགས་རབ་ཏུ་འཇོམས་པའོ། །རྨོངས་པ་ཆུང་བ་མ་ཡིན་པ་རྣམས་ཀྱི་རྨོངས་པ་དང་བྲལ་བར་འགྱུར་རོ། །མི་དགེ་བའི་ལམ་གྱིས་རབ་ཏུ་ཉམས་པ་རྣམས་ཀྱིས་དགེ་བའི་ལམ་གྱི་ཡིད་ཆོས་ཀྱི་ནང་དུ་ཆུད་པར་འགྱུར་རོ། །གཞན་གྱི་དབང་དུ་གྱུར་པའི་སེམས་ཅན་རྣམས་ཀྱི་འཇིགས་པ་མེད་པར་འགྱུར་ཞིང ། ཡིད་ཆོས་ཀྱི་ནང་དུ་ཆུད་པར་འགྱུར་རོ། །ལོག་པར་ལྟུང་བ་རྣམས་ཀྱིས་ཤེས་རབ་དང ། བློ་དང ། ཤེས་བཞིན་དང ། བཀྲམ་པ་རྣམས་ཀྱི་བློ་བསྙེན་པར་འགྱུར། སངས་རྒྱས་མ་མཐོང་བ་རྣམས་དེ་བཞིན་གཤེགས་པ་ཐམས་ཅད་མཐོང་བར་འདོད་པར་འགྱུར་རོ། །ཆོས་ཐོས་པ་དང་བྲལ་བ་རྣམས་ཀྱི་ཆོས་ཆེན་པོའི་རོ་རྒྱ་ཆེན་པོ་ཐོས་པར་ Ba320b འགྱུར་རོ། །དགེ་འདུན་ལ་བསྙེན་བཀུར་བྱེད་པ་དང་བྲལ་བ་རྣམས་ཀྱིས་ལྷ་དང་ཉན་ཐོས་ཀྱི་དགེ་འདུན་ལ་བསྙེན་བཀུར་བྱེད་པར་འགྱུར་རོ། །དབང་པོ་ཉམས་པ་རྣམས་ཀྱི་དབང་པོ་ཡོངས་སུ་རྫོགས་པར་འགྱུར་རོ། །ཡན་ལག་རྣམ་པར་ཉམས་པའི་སེམས་ཅན་རྣམས་ཀྱི་སོ་སོའི་ཡན་ལག་ཡོངས་སུ་རྫོགས་པར་འགྱུར་རོ། །བྱང་ཆུབ་སེམས་དཔའ་མཐོང་བ་དང་བྲལ་བ་རྣམས་ཀྱི་བྱང་ཆུབ་སེམས་དཔའི་ཚོགས་ཆེན་པོ་མཐོང་བར་འགྱུར་རོ། །ལྷས་ཡོངས་སུ་སྤངས་པ་རྣམས་ཀྱི་ལྷའི་ཚོགས་ཐམས་ཅད་ཀྱིས་ཡང་དག་པར་འཛིན་པར་འགྱུར་རོ། །ཉོན་མོངས་པ་དང་སྒྲིབ་པས་དཀྲིས་པའི་སེམས་རྣམས་ཀྱི་ཉོན་མོངས་པ་དང ། སྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ཕྱག་ན་རྡོ་རྗེ། དོན་ཡོད་པའི་མཆོད་པའི་ནོར་བུའི་སྙིང་པོའི་གཟུངས་སྤྱན་རས་གཟིགས་དབང་ཕྱུག་གིས་གསུངས་པ་ནི། དེ་ལྟར་རྫུ་འཕྲུལ་ཆེ་སྟེ། དེ་བཞིན་གཤེགས་པ་ཐམས་ཅད་ཀྱི་མཆོད་པའི་སྤྲིན། བྱང་ཆུབ་སེམས་དཔའ་ཐམས་ཅད་ཀྱི་མཆོད་པའི་སྤྲིན། སངས་རྒྱས་ཀྱི་ཞིང་ཐམས་ཅད་དུ་རིན་པོ་ཆེ་སྣ་བདུན་གྱི་མཆོད་པའི་སྤྲིན་གྱི་ཆར་འབེབས་པ། སངས་རྒྱས་ཀྱི་ཞིང་གི་དེ་བཞིན་གཤེགས་པ་ཐམས་ཅད་དང་མཚུངས་པར་དུས་གསུམ་དུ་གཤེགས་ཤིང་བཞུགས་པ་རྣམས་ཀྱི་དཔག་བསམ་གྱི་ཤིང་ཆེན་པོའི་མཆོད་པའི་སྤྲིན་གྱི་ཆར་འབེབས་པར་བྱེད་པའི་ Ba321a ༄#། །མཆོད་སྤྲིན་འབྱུང་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་རིག་སྔགས་ཀྱི་དཀྱིལ་འཁོར་གྱི་ཁོ་ན་ཉིད་སྒྲུབ་པར་བྱེད་པ། རྨད་དུ་བྱུང་བའི་དངོས་གྲུབ་ཡང་དག་པར་སྟོན་པར་བྱེད་པའོ། །རིག་སྔགས་ཀྱི་དཀྱིལ་འཁོར་གྱི་ལྷ་ཐམས་ཅད་དང ། རིག་པའི་རྒྱལ་པོའི་ལྷ་རྣམས་དང ། གསང་སྔགས་ཀྱི་ལྷ་ཐམས་ཅད་སྤྱན་འདྲེན་ཞིང་འགུགས་པར་བྱེད་པའོ། །འདི་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའོ། །འདི་ནི། ཐམས་ཅད་དུ་གསང་བའི་སྒོ་སྟོན་པར་བྱེད་པའོ།། ལག་ན་རྡོ་རྗེ། དོན་ཡོད་པའི་མཆོད་པའི་སྙིང་པོའི་གཟུངས་འདི་ནི། དུས་མ་ཡིན་པའི་ཆར་དང ། མུ་གེ་དང ། དུས་ཀྱི་ཆུ་རྣམ་པར་ཉམས་པ་ལ་སོ་སོར་བསྐྱེད་པའོ། །དེ་ནས་རིག་སྔགས་འཆང་གཙང་མས་ཁྲུས་བྱས་གོས་གཙང་བ་བསྒོས་ཏེ་ཡིད་རྩེ་གཅིག་ཏུ་བྱས་ན། སེམས་ཅན་ཐམས་ཅད་ལ་མཆོག་ཏུ་བརྩེ་བ་དང ། བྱམས་པའི་སེམས་བསྒོམ་པར་བྱའོ། །མཆོད་རྟེན་གྱི་ཡན་ལག་དང་ཉེ་བའམ། ཁང་སྟོང་ངམ། རི་བོའམ། ནགས་ཐིབས་པོ་དང ། དགོན་པ་དང ། སྐྱེད་མོས་ཚལ་ལམ། དགེ་འདུན་གྱི་ཀུན་དགའ་ར་བའམ། ཆུ་ཀླུང་ངམ། མཚེའུ་འམ། རྫིང་བུའམ། ཀླུ་གནས་པའི་མཚོའམ། ལྷའི་གནས་སམ། རྒྱལ་པོའི་ཕོ་བྲང་ཡང་རུང་སྟེ། དེར་རིག་སྔགས་འཆང་གཙང་མར་གནས་པས་ས་ Ba321b གཞི་ཡོངས་སུ་བརྟགས་པ་ཆ་མཉམ་པ་མཛེས་པར་ཁྲུ་གཉིས་ཀྱི་ཚད་ཀྱི་དཀྱིལ་འཁོར་བྱས་ལས་དང་བ་བྱུང་དུ་ལྡན་པས་གྲུ་བཞི་པར་ཆ་གཞལ་སྟེ་ལེགས་པར་བྱི་དོར་བྱས་ལ་ཤིན་ཏུ་འཇམ་པར་བྱའོ། །དེའི་སྟེང་དུ་ཙནྡན་དང ། དྲིའི་ཆུས་བྱུག་པར་བྱའོ། །གུར་གུམ་གྱིས་རྣམ་པ་སྣ་ཚོགས་པའི་མཚན་མ་དང ། ཕྱག་རྒྱ་རྣམས་རི་མོར་འབྲིའོ། །དེ་ལ་དཀྱིལ་འཁོར་གྱི་དབུས་ཀྱི་སྙིང་པོ་ཀླུ་མགོ་བོ་དགུ་པ་སྐྱིལ་མོ་ཀྲུང་གིས་འདུག་པ་བྲིའོ། །གྲ་བཞིའི་ནང་དུ་ཆུད་པར་དོན་ཡོད་ཞགས་པ་བྲིའོ། །དཀྱིལ་འཁོར་གྱི་ཕྱི་རོལ་གྱི་ཁོར་ཡུག་ཏུ་ཇི་ལྟར་ཐོབ་པའི་ཕྱག་རྒྱ་དང ། གསང་སྔགས་རྣམས་བྲི་བར་བྱའོ། །བསྒོ་བཞི་རྣམ་པར་དབྱེ་བར་བྱ་སྟེ། ཇི་ལྟར་འབྱོར་བའི་གཏོར་མ་སྣ་ཚོགས་པའི་རོའི་གཏོར་མ་དཀར་པོ་དང ། མེ་ཏོག་དང ། བདུག་པ་དང ། དྲི་དང ། མར་མེ་དང ། གང་བའི་བུམ་པ་དང ། གཏོར་མ་དང ། བདུག་པའི་པོག་ཕོར་གྱིས་ཉེ་བར་མཛེས་པར་བྱའོ། །རིག་སྔགས་འཆང་གིས་ཆེས་མངོན་དུ་དོན་ཡོད་ཞགས་པ་ལན་བདུན་བཟླས་པར་བྱའོ། །ཁྲོ་བོའི་རྒྱལ་པོ་ལ་ལན་གཅིག་བཟླས་པས་མངོན་པར་དབང་བསྐུར་བར་བྱའོ། །དོན་ཡོད་པའི་ལྕགས་སྐྱུ་དང ། ཁྲོ་བོ་ལྕགས་ཀྱུ་དུས་གཅིག་ཏུ་བརྗོད་དོ། །རིག་སྔགས་ཀྱི་རྒྱལ་པོ་ལན་གསུམ་དུ་བརྗོད་པར་བྱའོ། །དེ་ནས་རིག་སྔགས་འཆང་གིས་དཀྱིལ་འཁོར་ལ་མངོན་དུ་ཕྱོགས་ཏེ་ Ba322a ༄#། །བཟླས་པའི་ཆོ་ག་བྱའོ། །དོན་ཡོད་པའི་མཆོད་པ་ནོར་བུའི་སྙིང་པོ་ལན་སྟོང་རྩ་བརྒྱད་དུ་བཟླས་བརྗོད་བྱའོ། །ནཱ་ག་གེ་སར་དང ། ནཱ་ལ་དི་ན་དང ། རྒྱ་སྤོས་དང ། གུར་གུམ་དང ། ཙནྡན་དང ། ཡུངས་ཀར་དང ། ལི་ཁ་ར་མཉམ་པར་སྦྱར་བའི་གདུག་པལ་བཟླས་བརྗོད་བརྒྱ་རྩ་བརྒྱད་བྱ་སྟེ། ཀླུའི་དཀྱིལ་འཁོར་དུ་བདུག་པ་དབུལ་བར་བྱའོ། །ཀླུའི་ལྟེ་བའི་སྟེང་དུ་བདུག་སྤོས་ཀྱི་པོག་ཕོར་གང་བ་གཞག་པར་བྱའོ། །ལན་སྟོང་རྩ་བརྒྱད་དུ་བཟླས་པའི་མོད་ཉིད་ལ་ཀླུའི་ཞགས་པ་ཆེན་པོ་ལས་ཆར་གྱི་རྒྱུན་ཆེན་པོ་འབྱིན་ཏེ། ཇི་སྲིད་འདོད་པའི་བར་དུ་ཆར་འབེབས་སོ། །ཀླུའི་རྒྱལ་པོའི་མིང་ནས་བཟུང་སྟེ་བཟླས་པར་བྱའོ། །ཀླུའི་རྒྱལ་པོ་རྒྱ་མཚོ་དང ། དགའ་བོ་དང ། ཉེ་དགའ་བོ་དང ། ནོར་རྒྱས་ཀྱི་བུ་དང ། འཇོག་པོ་དང ། ཧུ་ལུ་དང ། ུ་ལཾ་བུ་ལ་དང ། ཆུ་ལྷ་དང ། ཡིད་ལྡན་དང ། ེ་ལའི་འདབ་མ་དང ། ཀླུའི་རྒྱལ་པོ་ཀུན་ནས་འཁོར་བའི་གདུགས་ཏེ། ཀླུའི་རྒྱལ་པོ་རྣམས་ལས་གཅིག་སྨོས་པར་བྱ་སྟེ། ཀླུའི་རྒྱལ་པོ་དེ་རྣམས་ཀྱི་བདེན་པར་དམ་བཅས་པས་རྣམ་པར་བཞག་པའི་མོད་ཉིད་ལ་ཆར་གྱི་རྒྱན་འབྱིན་པར་བྱེད་དེ། ཇི་སྲིད་འདོད་ཀྱི་བར་དུ་ཀུན་ནས་སྦྱོར་བས་ཆར་སྟོང་ཕྲག་འབེབས་སོ། །ཡང་ན་ཡུངས་ཀར་ལ་སྟོང་རྩ་བརྒྱད་དུ་བཟླས་པས་ཀླུའི་རྒྱལ་པོའི་ Ba322b སྙིང་གའི་སྟེང་དུ་སྦྱིན་སྲེག་བྱའོ། །སྦྱིན་སྲེག་བྱས་པ་ཙམ་གྱི་མོད་ལ་འཕྲལ་ཉིད་དུ་སྟོང་ཕྲག་དུ་མར་ཨ་བི་རཱ་ཡཾ་ཆར་གྱི་རྒྱན་འབྱིན་པར་བྱེད་དོ། །སྤར་མོ་གང་གིས་ཉིན་མཚན་གཅིག་ཏུ་རྒྱུན་མི་འཆད་པར་ཆར་འབེབས་སོ། །སྤར་མོ་གསུམ་གྱིས་ཉིན་མཚན་གསུམ་དུ་འབེབས་སོ། །སྦར་མོ་བདུན་གྱིས་ཉིན་མཚན་བདུན་དུ་ཆར་གྱི་རྒྱུན་ཆེན་པོ་ཀླུའི་རྒྱལ་པོས་འབྱིན་བར་བྱེད་དོ། །ཡང་དག་པ་ཁོ་ནར་ཆར་གྱི་རྒྱུན་ལྟུང་ངོ ། །ཡང་ན་ཀླུའི་རས་རིས་བྱ་སྟེ། ཁྲུ་གང་གི་ཚད་ལ་ཀུན་ནས་གྲུ་བཞི་པའི་ཚད་ཀྱི་རས་ལ་རི་མོར་བྱའོ། །དེའི་དབུས་སུ་རིག་པའི་རྒྱལ་བོ་འཕགས་པ་སྤྱན་རས་གཟིགས་དབང་ཕྱུག་བྲི་བར་བྱ་སྟེ། སྐྱིལ་མོ་ཀྲུང་གིས་འདུག་པ། ཕྱག་བཞི་པ། རལ་གྲི་དང ། རྩེ་གསུམ་དང ། ཞགས་པ་དང ། པདྨ་ཐོགས་པར་བྱའོ། །ཞལ་ཁྲོ་གཉེར་ཅན་རྒྱན་ཐམས་ཅད་ཀྱིས་རྣམ་པར་བརྒྱན་བ། རལ་བའི་ཅོད་པན་གྱིས་སྤུད་པ། འོད་དཔག་མེད་ཀྱི་ཅོད་པན་ཅན་རལ་བ་ཟླ་བ་ཕྱེད་པས་ཉེ་བར་མཛེས་པ། འོད་འདོམ་གང་བས་ཡང་དག་པར་བརྒྱན་པ། ཆུ་དང་བཅས་པའི་པདྨའི་གདན་བྱའོ། །ཀླུའི་རྒྱལ་པོ་དེ་དག་བུས་མོ་གཡས་དང་གཡོན་པ་བཙུགས་པ་བྱའོ། །ཀླུའི་གདེངས་ཀ་དང་བཅས་པ་ཐལ་མོ་འཆང་བས་སྐྱབས་སུ་འགྲོ་བར་བྱའོ། །དེ་ནས་རིག་སྔགས་དེས་རས་རིས་དེ་ལ་མངོན་དུ་ཕྱོགས་དེ་སྨྲ་བ་བཅད་ནས་དོན་ཡོད་པའི་མཆོད་པའི་ནོར་བུའི་སྙིང་པོའི་གཟུངས་སྟོང་རྩ་ Ba323a ༄#། །བརྒྱད་དུ་བཟླས་པར་བྱ་སྟེ། ཡུངས་ཀར་ལ་ལན་སྟོང་རྩ་བརྒྱད་བཟླས་ནས་ཀླུའི་རྒྱལ་པོ་རྒྱ་མཚོ་ལ་བསྣུན་པར་བྱའོ། །སྟོང་རྩ་བརྒྱད་རྫོགས་པ་དང ། ཆར་གྱི་རྒྱུན་ཆེན་པོ་འབབ་པར་བྱེད་དོ། །གལ་ཏེ་ལོ་སྟོང་དུ་ཆར་མི་འབབ་པར་འགྱུར་བ་ལས་འཕྲལ་ཉིད་དུ་ལྷས་ཆར་འབེབས་པར་བྱེད་པ་ཐེ་ཚོམ་མེད་དོ། །རླུང་དང ། སད་དང ། སེར་བའི་དུས་སུ་དེའི་རས་རིས་ཁང་བའི་སྟེང་དུ་བཞག་སྟེ། རླུང་དང ། སད་དང ། སེར་བ་ཐམས་ཅད་ཕྱིར་ཞིང་མི་འབྱུང་ངོ ། །ཕྱོགས་གང་དུ་རས་རིས་རྣམ་པར་ལྟ་བར་བྱེད་པ་དེའི་ཕྱོགས་ཀྱི་གནས་སུ་རླུང་དང ། སད་དང ། སེར་བ་མི་འབབ་སྟེ། རིའམ་དགོན་དུང་འཁྲིགས་པར་ཡང་མི་འབབ་བོ། །ཡང་ན་རིག་སྔགས་འཆང་གིས་རས་རིས་དེ་བཟུང་ནས་ཀླུའི་གནས་ཀྱི་མཚོར་སོང་ནས་གནས་ཀྱི་མཚོ་དེར་གཞག་པར་བྱའོ། །དོན་ཡོད་ཞགས་པའི་མཆོད་པའི་ནོར་བུའི་སྙིང་པོའི་གཟུངས་སྟོང་རྩ་བརྒྱད་དུ་ཆུ་ལ་བཟླས་ཏེ་གནས་པའི་མཚོ་རུ་འཕང་བར་བྱའོ། །འཕགས་པ་ཙམ་གྱི་མོད་ལ་གནས་དེར་གནས་པའི་ཀླུ་ཁྱེའུའི་གཟུགས་ཀྱིས་ལུས་ཕྱེད་གནས་དེ་ནས་ཐོན་ཏེ་རས་རིས་དེ་ལ་ཕྱག་འཚལ་བར་བྱེད་དོ། །རིག་སྔགས་འཆང་བ་ལ་སྨྲས་པ། རིག་སྔགས་འཆང་གི་བཀའ་བསྒོ་བ་ཅི་ཡིན་པ་བདག་གིས་བགྱིའོ་ཞེས་སོ། །རིག་སྔགས་འཆང་གིས་སྨྲ་ Ba323b བར་བྱ་སྟེ། ཀླུ་ཆེན་པོ། འཛམ་བུའི་གླིང་ཀུན་ཏུ་ལྟ་བར་གྱིས་ཤིག་།ཁྱེའུ་དེ་ཡང་ཕྱོགས་བཞི་ཀུན་ཏུ་རྣམ་པར་ལྟ་བར་བྱེད་དོ། །ཇི་ལྟ་ཇི་ལྟར་མཚན་མ་མཐོང་བ་དེ་ལྟ་དེ་ལྟར་རིག་སྔགས་འཆད་ལ་མཚན་མ་སྨྲ་བར་འགྱུར་ཏེ། ལེགས་པར་བྱས་པའམ། ཉེས་པར་བྱས་པ་དེ་ཐམས་ཅད་སྨྲ་བར་བྱེད་དོ། །དེ་ནས་རིག་སྔགས་འཆང་གིས་བརྗོད་པར་བྱ་སྟེ། ཀླུ་ཆེན་པོ། ཆར་ཕོབ་ལ་ཚིམ་པར་གྱིས་ཤིག་།ཛམ་བུ་གླིང་པའི་རྩཝ་དང་ནགས་ཀྱི་བདག་པོ་དང ། རི་དང ། ཚང་ཚིང་དང ། དགོན་པ་དང ། ཞིང་དང ། ཀུན་དགའ་ར་བ་རྣམས་ཐམས་ཅད་དུ་ཆར་གྱི་རྒྱུན་འབྱིན་པར་གྱིས་ཤིག། ལྷའི་ཆུས་ཀུན་ནས་ཆར་ཕོབ་ཅིག་།སེམས་ཅན་ཐམས་ཅད་ཀྱི་ལྷའི་ཆུའི་ཆར་གྱི་རྒྱུན་ཆེན་པོ་ཕོབ་ཅིག། ཀླུའི་ཁྱེའུ་ལ་སྨྲས་པ། ཀྱེ་བཅུད་ལེན་མཆོག་ཏུ་གྱ་ནོམ་པའི་རིག་སྔགས་ཀྱི་གཞི་བྱིན་ཅིག་ཅེས་རིག་སྔགས་འཆང་གིས་བརྗོད་པར་བྱའོ། །ཀླུའི་ཁྱེའུ། བདུད་རྩི་བཅུད་ཀྱི་ལེན་གྱི་མཆོག་ཟུངས་ཤིག་ཅེས་སོ། །དེ་ནས་ཀླུའི་ཁྱེའུ་དེ་རིག་སྔགས་འཆང་ལ་མངོན་དུ་ཕྱོགས་ཏེ་ཐལ་མོ་སྦྱར་ནས་ཉེ་བར་འདུག་གོ། རིག་སྔགས་འཆང་གིས་ཀླུ་ཆེན་པོ་ཉོན་ཅིག་ཅེས་བརྗོད་པར་བྱའོ། །དེ་ནས་རིག་སྔགས་འཆང་གིས་རྟེན་ཅིང་འབྲེལ་པར་འབྱུང་བ་བསྟན་པར་བྱ། །འཕགས་པའི་བདེན་པ་བཞི་པོ་རྣམས་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང ། འཕགས་ Ba324a ༄#། །པའི་ལམ་ཡན་ལག་བརྒྱད་པ་བསྟན་པར་བྱའོ། །དོན་ཡོད་ཞགས་པའི་མདོ་ཡང་བསྟན་པར་བྱའོ། །གང་གི་ཚེ་རིག་སྔགས་འཆང་དེ་ལྟ་བུའི་དེ་བཞིན་གཤེགས་པའི་ཆོས་སྟོན་བཞིན་པ་ན་ཀླུའི་ལུས་ལས་བདུག་པ་འཁྲིགས་པའི་སྤྲིན་ཆེན་པོ་ངེས་པར་ཐོན་ཏེ། ནམ་མཁའི་དཀྱིལ་དུ་གཡོགས་པར་བྱེད་ཅིང་གནས་སོ། ། ཆོས་སྟོན་པའི་སྐད་ཅིག་ཐང་གཅིག་ཡུད་ཙམ་དེ་ལ་ཆར་གྱི་རྒྱུན་ཆེན་པོ་འབེབས་པར་བྱེད་དེ། སའི་མཚོ་དེར་ཆར་པ་འབབ་པ་མ་ཡིན་ནོ། །རིག་སྔགས་འཆང་དང ། རས་རིས་ཀྱི་སྟེང་དུ་ཀླུའི་ཁྱེའུ་དེ་རས་རིས་དེ་ལ་མཆོད་པ་བྱེད་དོ། །རིག་སྔགས་འཆང་དེ་ལ་ཡོན་དང་བཅས་པས་ཆོས་ལ་མཆོད་པ་འབུལ་བར་བྱེད་དེ། རིག་སྔགས་འཆང་གིས་སྨྲས་པ། རིག་སྔགས་འཆང་གི་སར་ཁྱོད་ཞུགས་ཤིག་།དེ་རྣམས་འདི་སྐད་ཅེས་རིག་སྔགས་འཆང་རང་གི་ཁྱིམ་གྱིས་ཆོག་གོ་།རིག་སྔགས་འཆང་གིས་སྨྲ་བར་བྱ་སྟེ།་གལ་ཏེ་དགེ་བ་བཅུའི་ལས་ཀྱི་ལམ་འཁོར་དང་བཅས་པ་ཡང་དག་པར་ལེན་པར་བྱེད་ན། དེའི་ཚེ་ང་ཁྱོད་ཀྱི་གནས་མཆོག་ཏུ་འཇུག་པར་བྱའོ། །གལ་ཏེ་མི་བྱེད་ན། འཇུག་པར་མི་བྱའོ་ཞེས་སོ། །དེ་ནས་ཁྱེའུ་དེ་གལ་ཏེ་བྱེད་ན། དགེ་བ་སྟོན་པ་མཐོང་བ་དེའི་ཚེ་རང་གི་གཟུགས་ཀྱིས་གནས་པར་བྱེད་དེ། ལྷ་རྫས་ཀྱི་རྣ་རྒྱན་དྲི་མ་མེད་པ་གཡོ་བ། Ba324b སྐྲའི་ཅོད་པན་འཆང་བ། རྒྱན་ཐམས་ཅད་ཀྱིས་རྣམ་པར་བརྒྱན་པའོ། །གལ་ཏེ་མི་བྱེད་ན། ཁྱེའུ་དེའི་གཟུགས་མི་སྣང་བར་འགྱུར་ཏེ། སླར་ཡང་མི་མཐོང་ངོ ། །ཡང་ན་རྫུ་འཕྲུལ་ཆེན་པོ་ཅན་གྱི་ཀླུའི་རྒྱལ་པོ་མཐོང་བར་འདོད་པའི་རིག་སྔགས་འཆང་དེས་ཟངས་ཀྱི་འདབ་མ་ལ་དོན་ཡོད་པའི་མཆོད་པའི་ནོར་བུའི་སྙིང་པོའི་གཟུངས་དེའི་སྟེང་དུ་བྲི་བར་བྱ་སྟེ། སྦྲང་རྩིས་བྱུག་པར་བྱའོ། །ཡུངས་ཀར་ལ་ལན་བརྒྱ་རྩ་བརྒྱད་དུ་ཡོངས་སུ་བཟླས་ཏེ་གཏོར་བར་བྱ་སྟེ། གནས་པའི་མཚོ་དེར་འཕང་བར་བྱའོ། །གུ་གུལ་ཞོ་གཅིག་ཚད་ཀྱིས་མཆོད་ནས་བདུག་པ་སྦྱིན་པར་བྱའོ། །ཇི་སྲིད་དུ་གུ་གུལ་ཕྱེད་ཀྱི་ཆ་ཤས་ཀྱི་ལྷག་མ་ལས་ཀྱི་བར་དུ་བསྲེག་པར་བྱའོ། །སྐད་ཅིག་ཡུད་ཙམ་ཐང་གཅིག་དེ་ལ་ཀླུའི་རྒྱལ་པོ་རྒྱ་མཚོ་བྲམ་ཟེའི་གཟུགས་ཀྱིས་ཀླུའི་མཚོར་ཉེ་བར་འདུག་སྟེ། རིག་སྔགས་འཆང་ལ་ཤིས་བརྗོད་པར་བྱེད་དོ། །རིག་སྔགས་འཆང་གིས་ཀྱང་ནད་མེད་པར་གྱུར་ཅིག་ཅེས་བརྗོད་པར་བྱའོ། །ཀྱེ་ཆོས་ཀྱི་དོན་གྱི་ཚིག་ཉོན་ཅིག་།ཆོས་དང་འཇིག་རྟེན་མང་པོ་ཡང་སྐྱོངས་ཤིག་ཅེས་སོ། །བྲམ་ཟེ་དེ་ཡང་དགའ་སྟེ་རིག་སྔགས་འཆང་ཅི་འདོད་པའི་དོན་གང་ཡིན་པའི་དོན་དེ་སྨྲོས་ཤིག་དང ། ཐམས་ཅད་སྨྲ་བར་འགྱུར་རོ། །ཞེས་བརྗོད་པར་བྱེད་དོ། །དེ་ནས་དེ་བཞིན་གཤེགས་པ་ཆེན་པོ་བདུན་དང ། བྱང་ཆུབ་སེམས་དཔའ་ཆེན་པོ་བདུན་དང ། ཉན་ཐོས་ཆེན་པོ་བཞིའི་མཚན་ Ba325a ༄#། །ནས་སྨོས་པར་བྱའོ། །དེ་ནས་བྲམ་ཟེ་དེ་རྣམས་པ་དེ་ལྟ་བུའི་ཚིག་གི་སྒྲ་ཐོས་ནས་ཡིད་རབ་ཏུ་དགའ་སྟེ་སྙིང་མགུ་བ་ཆེན་པོར་གྱུར་ནས་རིག་སྔགས་འཆང་ལ་ལེགས་སོ་ཞེས་བྱ་བའི་སྒྲ་བརྗོད་པར་བྱའོ། །ལེགས་སོ་ལེགས་སོ་ཞེས་སྒྲ་འབྱིན་པར་བྱེད་དོ། །མཚན་ཤིན་ཏུ་བསྔགས་པ་གང་ཡིན་པ་དེ། ཁྱོད་ཀྱིས་ཡོངས་སུ་འཛིན་པ་དང ། ལེགས་པར་ཡོངས་སུ་གྲགས་པའི་མཚན་ཤིན་ཏུ་མཉན་པར་འོས་པ་མཆོག་ཏུ་རྙེད་པར་དཀའ་བ་སྟེ། མཚན་ཁྱོད་ཀྱིས་ཡོངས་སུ་བསྒྲགས་པ་མཆོག་ཏུ་རྙེད་པར་དཀའ་བ་ཉིད་རིག་སྔགས་འཆང་གང་གིས་འདི་ལྟ་སྟེ། སེམས་ཅན་དེ་རིན་པོ་ཆེ་དོན་ཡོད་པ་ཆེན་པོའི་རྣམ་པར་འཕྲུལ་བའི་མཚན་འཛིན་པར་བྱེད་པ་སེམས་ཅན་རྣམས་ཀྱི་མཆོག་ཐོས་པར་བྱེད་དོ། །ཞེས་སོ། །དེ་ནས་བྲམ་ཟེ་དེ་བྲམ་ཟེའི་གཟུགས་ཀྱི་ཆ་བྱད་དེ་མི་སྣང་བར་བྱས་ནས་ཀླུའི་རྒྱལ་པོ་རྒྱ་མཚོའི་གཟུགས་ཀྱི་ཆ་བྱད་དང ། རྟགས་ཀྱིས་ཇི་ལྟ་བ་བཞིན་དུ་རིག་སྔགས་འཆང་གི་མདུན་དུ་འདུག་སྟེ་སྨྲ་བར་ཡང་བྱེད་དོ། །རིག་སྔགས་འཆང་མཆོག་ཇི་ལྟར་མངོན་པར་འདོད་པ་སྨྲོས་ཤིག། དེ་ཐམས་ཅད་རྗེས་སུ་སྩལ་བར་བགྱིའོ། །དེ་ནས་རིག་སྔགས་འཆང་གིས་ཇི་ལྟར་མངོན་པར་འདོད་པའི་མཆོག་ཐམས་ཅད་བརྗོད་པ་དེ་སྟེར་བར་འགྱུར་རོ། །ཡང་ན་མཆོག་ཏུ་འཇུག་ Ba325b པར་བྱེད་དོ། །ཀླུའི་རྒྱལ་པོ་འཁོར་དང་བཅས་པ་ཐམས་ཅད་དབང་དུ་གྱུར་ནས་ཉེ་བར་གནས་སོ། །ལས་ཐམས་ཅད་བཀའ་བསྒོ་བ་ཙམ་གྱིས་བྱེད་པར་འགྱུར་ཏེ། འདི་ལ་དོགས་པ་དང ། ཡིད་གཉིས་བསྐྱེད་པར་མི་བྱའོ། །སྦྱར་བ་ཙམ་གྱི་མོད་ལ་བྱ་བ་འདི་རྣམས་ཐམས་ཅད་འགྲུབ་པར་འགྱུར། དེ་ནས་རས་རིས་བླངས་ཏེ་རྒྱལ་མཚན་གྱི་རྩེ་མོ་ལ་བཏགས་པར་བྱས་ནས་ཞིང་དང་ཀུན་དགའ་ར་བ་ཐམས་ཅད་ལ་གཡས་ཕྱོགས་སུ་བསྐོར་བར་བྱ་སྟེ། རླུང་དང ། ཚད་པ་དང ། སད་དང ། སེར་བ་དང ། སྦྲང་བུ་དང ། སྦྲང་བུ་མཆུ་རིང་དང ། ཆ་ག་པ་དང ། བྱི་བ་དང ། ནེ་ལེ་དང ། ཁྱི་དང ། ལྕེ་སྤྱང་དང ། གྲོག་སྤུར་དང ། སྦྲུལ་གོ་ཎ་ས་དང ། སྡིག་པ་དང ། སྦྲང་བུ་ཏྲེ་མ་བུ་ག་དང ། སྦྲང་བུ་ཏྲེལ་ཊ་དང ། སྦྲུལ་གདུག་པ་དང ། དུག་གི་འཇིགས་པ་འབྱུང་བར་མི་འགྱུར་ཏེ། འཕྲལ་ཉིད་དུ་ཡོངས་སུ་གྲོལ་བར་འགྱུར་རོ། །ལོ་ཐོག་དང ། མེ་ཏོག་དང ། འབྲས་བུ་རྣམས་ལེགས་པར་ཡོངས་སུ་སྨིན་པར་འགྱུར་རོ། །རོ་བཟང་བ་དང ། ལེགས་པར་སྨིན་པར་འགྱུར་ཏོ། །དོན་ཡོད་པའི་ནོར་མཆོད་པའི་སྙིང་པོའི་ཀླུའི་ཆར་འབེབས་པའི་ཆོ་གའོ། །དེ་ནས་འཐབ་པ་དང ། རྩོད་པ་དང ། འགྱེད་པ་དང ། ཕ་རོལ་གྱི་དམག་ཚོགས་དང ། འབྲོག་དགོན་པའི་འཇིགས་པ་རབ་ཏུ་ཞི་བར་འདོད་པའི་རིག་སྔགས་འཆང་དེས་རིག་པའི་རྒྱལ་པོ་འབའ་ཞིག་རས་ལ་བྲི་བར་བྱ་སྟེ། དཔལ་ Ba326a ༄#། །ལྷ་མོའི་གཟུགས་དང ། ཁ་དོག་དང ། རྟགས་དང ། དབྱིབས་དང ། རྒྱན་ཐམས་ཅད་ཀྱིས་རྣམ་པར་བརྒྱན་པ། འོད་དཔག་མེད་ཀྱི་ཅོད་པན་འཆང་བའི་རྒྱལ་པོ་ཆེན་པོ་བཞི་བྲི་བར་བྱའོ། །ཚོན་སྣ་ཚོགས་པ་རྣམ་པར་བཀྲ་བའི་རྒྱལ་མཚན་གྱི་མཆོག་གདགས་པར་བྱའོ། །ཀླུའི་རྒྱལ་པོའི་ཕོ་བྲང་དུ་འཇུག་པར་བྱའོ། །དོན་ཡོད་པའི་ཞགས་པའི་ནོར་བུའི་སྙིང་པོའི་གཟུངས་འདི་བརྗོད་པར་བྱ་ཞིང་འཇུག་པར་བྱ་སྟེ། དང་པོར་རྒྱལ་མཚན་གྱི་མཆོག་མཐོང་བ་ཙམ་གྱི་མོད་ལ་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་ཐམས་ཅད་ཀྱི་ནད་ཐམས་ཅད་དང ། འཇིགས་པ་ཐམས་ཅད་དང ། སྒྲིབ་པ་ཐམས་ཅད་དང ། སྡིག་པ་ཐམས་ཅད་དང ། ནད་ཐམས་ཅད་ཡོངས་སུ་གྲོལ་ལོ། །ཉེས་པར་བྱས་པ་དང ། སྡིག་པ་ཐམས་ཅད་ཡོངས་སུ་གྲོལ་ལོ། །དུག་དང ། བྱད་སྟེམས་དང ། ཕྱེ་མའི་སྦྱོར་བའི་དུག་དང ། དུག་གི་འཇིགས་པ་ཐམས་ཅད་ཡོངས་སུ་གྲོལ་ལོ། །དགྲའི་འཇིགས་པ་ཐམས་ཅད་ཡོངས་སུ་གྲོལ་ལོ།། སྡིག་པ་ཐམས་ཅད་ཡོངས་སུ་གྲོལ་ལོ། །རྒྱལ་མཚན་གྱི་མཆོག་ལ་བཏགས་པ་མཐོང་ནས་མཐོང་བ་ཙམ་གྱི་མོད་ཁོ་ན་ལ་སྔོན་གྱི་སྡིག་པ་དང ། སྒྲིབ་པ་དང ། མཚམས་མེད་པ་ལྔའི་འགྲོ་བ་རྣམས་ལས་ཡོངས་སུ་གྲོལ་བར་འགྱུར་ཏེ། འདི་ལ་ཐེ་ཚོམ་དང ། ཡིད་གཉིས་བསྐྱེད་པར་མི་བྱའོ། །དང་པོར་གྲོང་ཁྱེར་གྱི་རྒྱལ་པོའི་ཕོ་བྲང་དུ་རྒྱལ་མཚན་གྱི་མཆོག་ Ba326b འདི་ཞུགས་བཅམ་གྱི་མོད་ལ་མི་ངས་དང ། མུ་གེ་དང ། ཡམས་ཀྱི་ནད་དང ། འགྲོག་དགོན་པའི་ཉེ་བར་འཚེ་བ་དང ། འགོ་བའི་ནད་དང ། འཁྲུག་པ་ཐམས་ཅད་དང ། གདོན་དང ། འབྱུང་པོ་དང ། གནོད་སྦྱིན་དང ། སྲིན་པོ་དང ། ཡི་དགས་དང ། ཤ་ཟ་དང ། གྲིབ་གནོན་དང ། རྗེད་བྱེད་ཐམས་ཅད་དང ། ལོག་པར་འདྲེན་པའི་འཇིགས་པ་མི་བཟད་པ་ཐམས་ཅད་རབ་ཏུ་ཞི་བར་བྱེད་དོ། །འཐབ་པ་དང ། འཐབ་མོ་དང ། རྩོད་པ་དང ། འགྱེད་པའི་འཇིགས་པ་ཐམས་ཅད་རབ་ཏུ་ཞི་བར་བྱེད་དོ། །ཕ་རོལ་གྱི་དམག་ཚོགས་དང ། ཕྱིར་རྒོལ་བ་དང ། དགྲའི་འཇིགས་པ་ཐམས་ཅད་རབ་ཏུ་ཞི་བར་བྱེད་དོ། །ཆོམ་རྐུན་དང ། གཡོན་ཅན་དང ། རྐུན་མོའི་འཇིགས་པ་ཐམས་ཅད་རབ་ཏུ་ཞི་བར་བྱེད་དོ། །རྨི་ལམ་ངན་པ་དང ། མཆན་མ་ངན་པ་བཀྲ་མི་ཤིས་པའི་དངོས་པོ་ཐམས་ཅད་རྣམ་པར་ཉམས་པར་བྱེད་དོ། །ཡུལ་དང ། གྲོང་དང ། དགོན་པ་པ་དང ། ནགས་ཚང་ཚིང་དང ། གྲོང་ཁྱེར་དང ། རྒྱལ་པོའི་ཕོ་བྲང་རྣམས་ཐམས་ཅད་དུ་ཡང་བདེ་བ་བྱེད་པར་འགྱུར་རོ། །ལོ་ལེགས་པ་དང ། དགའ་བར་འོས་པ་དང ། སེམས་ཅན་ཐམས་ཅད་ཉེ་བར་འཚེ་བ་མེད་པ་དང ། ནད་མེད་པར་འགྱུར་རོ། །སེམས་ཅན་དེ་རྣམས་ཐམས་ཅད་དུ་ཡང་ཕན་ཚུན་དུ་དགའ་བ་དང ། རབ་ཏུ་མགུ་བ་ཆེན་པོས་ཕན་ཚུན་བྱམས་པའི་སེམས་སུ་འགྱུར་རོ། །དོན་ཡོད་པའི་མཆོད་པའི་ནོར་བུའི་སྙིང་པོའི་གཟུངས་འདི་ཡིད་ Ba327a ༄#། །རྩེ་གཅིག་པས་ཚེས་བཅོ་ལྔའི་ཉ་ལ་ཉིན་མཚན་ཐོག་ཐག་ཏུ་སྨྱུང་བར་གནས་པས་གཙང་མ་གོས་གཙང་མ་བགོ་བར་བྱའོ། །བ་བྱུང་ལྔའི་ཉེ་རེག་གིས་གཙང་སྦྲ་དང ། ཁྲུས་དང ། དྲིའི་ཆུ་ཙམ་གྱིས་རྗེས་སུ་མཐུན་པའི་བྱུག་པ་བྱས་ཏེ་སྐྱིལ་མོ་ཀྲུང་དུ་འདུག་ནས་རིག་པའི་རྒྱལ་པོ་ལ་མངོན་དུ་ཕྱོགས་ནས་བཟླས་བརྗོད་བྱའོ། ། མཚན་ཐོག་ཐག་ཏུ་མཆོད་པ་ཆེན་པོ་རྒྱུན་མི་འཆད་པར་བསྒྲུབ་པར་བྱའོ། །དྲིའི་ཏིལ་མར་གྱི་མེ་དབུལ་བར་བྱ་ཞིང ། བགྲང་ཕྲེང་དཔག་ཏུ་མེད་པ་བྱས་པའི་བཟླས་བརྗོད་དབུལ་བར་བྱའོ། །ལན་རེ་རེ་བཟླས་པས་ལན་བརྒྱ་སྟོང་ཕྲག་ཡོངས་སུ་བཟླས་པར་འགྱུར་རོ། །ཇི་སྲིད་དུ་རིག་པའི་རྒྱལ་པོའི་བྲིས་སྐུ་འབར་བར་བྱེད་དེ། འདི་ལྟ་སྟེ། འོད་ཟེར་སྣ་ཚོགས་པ་འབྱིན་པར་བྱེད་དོ། །རིག་སྔགས་འཆང་དགའ་བར་བྱེད་ཅིང་སྤྱི་བོའི་གཙུག་ནས་འབར་བར་བྱེད་དོ། །ནམ་མཁའ་ནས་རིག་སྔགས་འཆང ། ཁྱོད་ཀྱིས་བཟླས་བརྗོད་ཀྱི་ཆོ་ག་མཆོག་ཏུ་བྱས་པ་ལེགས་སོ་ལེགས་སོ་ཞེས་སྒྲ་འབྱིན་པར་བྱེད་དོ། །འདི་ནི། རིག་སྔགས་འཆང་རྣམས་ཀྱི་མཆོག་གི་བཟླས་པའི་ཆོ་ག་སྟེ། ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་རྣམ་པར་ཐར་པའི་དཀྱིལ་འཁོར་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་པར་གྲུབ་བོ། །ཁྱོད་ཀྱིས་དོན་ཡོད་པའི་མཆོད་པའི་ Ba327b ནོར་བུའི་སྙིང་པོའི་གཟུངས་ཀྱི་དངོས་གྲུབ་ཀྱང་གྲུབ་བོ། །ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། ཐུན་མོང་གི་སྙིང་པོ་དང ། གཟུངས་སྨྲས་པས། རིག་པ་འཛིན་པའི་མཆོག་དེ་ཐམས་ཅད་རྗེས་སུ་མཐུན་པར་སྩོལ་བར་འགྱུར་རོ། །འདི་ལྟ་སྟེ། གསང་སྔགས་ཀྱི་དངོས་གྲུབ་བམ། གཟུངས་ཀྱི་དངོས་གྲུབ་བམ། ཆོ་ག་ཞིབ་མོའི་དངོས་གྲུབ་བམ། རིགས་ཐུན་མོང་བའི་དཀྱིལ་འཁོར་གྱི་དེ་བཞིན་གཤེགས་པའི་དངོས་གྲུབ་བམ། ཕྱག་རྒྱའི་དམ་ཚིག་གི་དངོས་གྲུབ་བམ། ནམ་མཁའ་ལ་འགྲོ་བའམ། མི་སྣང་བའམ། གཟུགས་སྣ་ཚོགས་སུ་བསྒྱུར་བའམ། མིག་འཕྲུལ་ལམ། རྫུ་འཕྲུལ་སྟོན་པའམ། ཀླུའི་གཞལ་མེད་ཁང་ངམ། ལྷའི་གཞལ་མེད་ཁང་ངམ། གནོད་སྦྱིན་གྱི་གཞལ་མེད་ཁང་ངམ། དྲི་ཟའི་གཞལ་མེད་ཁང་ངམ། ལྷ་མ་ཡིན་གྱི་གཞལ་མེད་ཁང་ངམ། ནམ་མཁའ་ལྡིང་གི་གཞལ་མེད་ཁང་ངམ། མིའམ་ཅིའི་གཞལ་མེད་ཁང་ངམ། ལྟོ་འཕྱེ་ཆེན་པོའི་གཞལ་མེད་ཁང་ངམ། ཉི་མའི་གཞལ་མེད་ཁང་ངམ། ཟླ་བའི་གཞལ་མེད་ཁང་ངམ། སྐར་མའི་ཚོགས་ཀྱི་གཞལ་མེད་ཁང་ངམ། རྒྱུ་སྐར་གྱི་གཞལ་མེད་ཁང་ངམ། སྲིན་པོའི་གཞལ་མེད་ཁང་ངམ། འདོད་པའི་གཟུགས་ཀྱི་གཞལ་མེད་ཁང་ཡང་རུང་སྟེ་དེ་ཐམས་ཅད་རྗེས་སུ་འཛིན་ནོ། །འདི་ནི། ཁྱོད་ཀྱིས་བྱ་བ་ཐམས་ཅད་བཀླགས་ Ba328a ༄#། །པས་འགྲུབ་ཅིང་བཟླས་པ་ཙམ་གྱིས་འགྲུབ་པར་འགྱུར་རོ། །ཀྱེ་རིག་སྔགས་འཆང ། བྱ་བ་རྣམ་པ་སྣ་ཚོགས་པ་དེ་རྣམས་རྗེས་སུ་འཛིན་ནོ། །འདི་ལྟ་སྟེ།་ནོར་སྒྱུར་བར་སྨྲ་བ་དང ། ཞིང་སྨྲ་བ་དང ། ནོར་བུ་སྨྲ་བ་དང ། ཞགས་པའི་དངོས་གྲུབ་དང ། མིག་སྨན་སྒྲུབ་པ་དང ། ཐིག་ལེ་སྒྲུབ་པ་དང ། དབང་ཕྱུག་དང ། བློན་པོ་དང ། བཀྲབས་པ་དང ། མདུན་ན་འདོན་ཉིད་དང ། སྟོབས་ཆེ་བ་ཉིད་དང ། ལོངས་སྤྱོད་ལ་དམིགས་པ་དང ། ཡུལ་གྱི་བདག་པོ་ཉིད་དང ། དབང་ཕྱུག་དང ། ནོར་འཕེལ་བ་དང ། གཏེར་གཡོ་བ་དང ། ཉོ་ཚོང་གི་གྲོགས་བྱེད་པ་དང ། འགུགས་པ་དང ། ཁུང་དུ་འཇུག་པ་དང ། རིལ་འཇུག་པ་དང ། ནགས་སུ་འཇུག་པ་དང ། མེ་ལ་འཇུག་པ་དང ། ས་འོག་ཏུ་འཇུག་པ་དང ། ཀླུའི་ཆར་འབེབས་པ་དང ། ཆར་གྱི་རྒྱུན་དང ། སེར་བའི་རྒྱུན་དང ། སེར་བ་འབེབས་པ་དང ། གྲོང་ལྟ་བ་དང ། གཡུལ་དུ་འཇུག་པ་དང ། རིག་སྔགས་འཆང་ཉིད་དང ། སངས་རྒྱས་ཀྱི་ཞིང་མཐོང་བ་ཉིད་དང ། ལྡོང་རོས་ཀྱི་མིག་སྨན་སྒྲུབ་པ་དང ། རལ་གྲི་སྒྲུབ་པ་དང ། རྡོ་རྗེ་སྒྲུབ་པ་དང ། རྩེ་གསུམ་སྒྲུབ་པ་དང ། འཁོར་ལོ་སྒྲུབ་པ་དང ། དུང་སྒྲུབ་པ་དང ། གཏུན་ཤིང་སྒྲུབ་པ་དང ། དགྲ་སྟ་སྒྲུབ་པ་དང ། མདའ་བོ་ཆེ་སྒྲུབ་པ་དང ། ཐོ་བ་སྒྲུབ་པ་དང ། དྲིལ་བུ་སྒྲུབ་པ་དང ། རྫས་སྒྲུབ་པ་དང ། Ba328b སྨན་སྒྲུབ་པ་དང ། བཅུད་ཀྱིས་ལེན་སྒྲུབ་པ་དང ། རོ་ལངས་སློང་བར་བྱེད་པ་དང ། རང་གི་གནས་འབེབས་པ་དང ། གོས་འབེབས་པ་དང ། རིམས་འབེབས་པ་དང ། ཤི་བ་སློང་བར་བྱེད་པ་དང ། གདོན་ཐམས་ཅད་འབེབས་པ་དང ། ཐོད་པ་འབེབས་པ་དང ། བུམ་པའི་འབེབས་པ་དང ། བུམ་བུ་འབེབས་པ་དང ། ལྟེང་ཀ་འབེབས་པ་དང ། དྲིལ་བུ་འབེབས་པ་དང ། ཐོ་བ་འབེབས་པ་དང ། རལ་གྲི་འབེབས་པ་དང ། མེ་ལོང་འབེབས་པ་དང ། པདྨ་འབེབས་པ་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་འབེབས་པ་དང ། མཛེས་པར་བྱེད་པ་དང ། གར་བྱེད་པ་དེ་རྣམས་ཐམས་ཅད་བཀླགས་པས་གྲུབ་པ་དང ། བཟླས་པས་གྲུབ་པས་རིག་སྔགས་འཆང་རྗེས་སུ་འཛིན་ཏེ། དོན་མཐའ་ཡས་ཤིང་དོན་མཐའ་ཡས་པ་དེ་རྣམས་ཐམས་ཅད་གྲུབ་པའི་ཆེད་དུ་གྱིས་ཤིག་ཅེས་སོ། །དགོས་པ་ཐམས་ཅད་ཡོངས་སུ་རྫོགས་པར་བྱེད་དེ། རིག་སྔགས་འཆང ། ཁྱོད་དགེ་བ་འགྲུབ་ཅིང་རིག་པ་སྟེ། རིག་སྔགས་འཆང་གྲུབ་པ་ཁྱོད་ཀྱིས་འཇིག་རྟེན་དང་འཇིག་རྟེན་ལས་འདས་པའི་བྱ་བ་བྱེད་པར་འགྱུར་རོ། །རིག་སྔགས་འཆང ། ཁྱོད་ཤི་འཕོས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོའོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་ཁྱོད་ཕྱིར་མི་ལྡོག་པར་ལུང་བསྟན་ནོ། །འདི་ནི། སྐྱེ་བ་ཐ་མ་སྟེ། མངལ་གྱི་དྲི་མས་མ་གོས་པར་པདྨ་ལས་ Ba329a ༄#། །བརྫུས་ཏེ་སྐྱེ་བར་འགྱུར་རོ། །སྐྱེ་བའི་སྐྱེ་བ་དྲན་པར་ཡང་འགྱུར་རོ། །ཁྱོད་དགེ་པའི་རྩ་བ་ཐམས་ཅད་ལ་མངོན་པར་ཕྱོགས་པ་དང ། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་དང ། ཕྱག་རྒྱ་དང ། གསང་སྔགས་དང ། གཟུངས་ཀྱི་རིམ་པར་ཕྱེ་བ་དང ། ཆོ་ག་ཞིབ་མོ་ལ་ཇི་སྲིད་བྱང་ཆུབ་ལ་མཐར་ཐུག་པའི་བར་དུ་མངོན་དུ་ཕྱོགས་པར་འགྱུར་རོ། །དེ་བཞིན་དུ་སྒྲས་ལུང་སྟོན་པར་བྱེད་པ་སྨྲས་ནས་མི་སྣང་བར་འགྱུར་རོ། །དེ་ནས་རིག་པའི་རྒྱལ་པོའི་རས་རིས་དེའི་སྨིན་མའི་བར་ནས་འོད་ཟེར་ཁ་དོག་སྣ་ཚོགས་པ་རྣམ་པར་བཀྲ་ཤིང་བཀྲ་བ་འབྱིན་པར་བྱེད་དེ། དེ་མ་ཐག་ཏུ་ཀུན་ནས་སྣང་བར་བྱེད་དོ། །ཀུན་ནས་སྣང་བར་བྱས་ནས་ཀྱང་རིག་སྔགས་འཆང་གི་ལུས་ལ་བབ་སྟེ་མི་སྣང་བར་འགྱུར་རོ། །མི་སྣང་བར་གྱུར་པའི་དེ་མ་ཐག་ཏུ་རིག་སྔགས་འཆང་དེས་ཏིང་ངེ་འཛིན་སྟོང་ཕྲག་བརྒྱ་ཐོབ་པར་འགྱུར་རོ། །འདི་ལྟ་སྟེ། ཕྱིར་མི་ལྡོག་པའི་ཏིང་ངེ་འཛིན་དང ། རྣམ་པར་སྣང་བར་བྱེད་པའི་ཏིང་ངེ་འཛིན་དང ། ཀུན་ནས་སྒོའི་ཏིང་ངེ་འཛིན་དང ། ཀུན་ནས་འོད་ཀྱི་དཀྱིལ་འཁོར་གྱི་ཏིང་ངེ་འཛིན་དང ། འོད་ཡངས་པའི་དཀྱིལ་འཁོར་གྱི་ཏིང་ངེ་འཛིན་དང ། དོན་ཡོད་པ་རྣམ་པར་འཕྲུལ་པའི་ཏིང་ངེ་འཛིན་དང ། དོན་ཡོད་པ་མཆོད་པའི་ནོར་བུའི་ཏིང་ངེ་འཛིན་ Ba329b དང ། དོན་ཡོད་པའི་ནོར་བུ་ཞེས་བྱ་བའི་ཏིང་ངེ་འཛིན་དང ། དངོས་གྲུབ་གསལ་བ་ཞེས་བྱ་བའི་ཏིང་ངེ་འཛིན་དང ། ཀུན་ཏུ་གཟིགས་པ་ཞེས་བྱ་བའི་ཏིང་ངེ་འཛིན་དང ། ཕྱག་རྒྱ་རིམ་པར་ཕྱེ་བའི་ཏིང་ངེ་འཛིན་དང ། དཀྱིལ་འཁོར་གསང་བའི་ཏིང་ངེ་འཛིན་དང ། དོན་ཡོད་པའི་གཟུངས་ཀྱི་ཏིང་ངེ་འཛིན་དང ། ཀུན་ཏུ་གཟིགས་པའི་ནོར་བུའི་རྒྱལ་པོའི་ཏིང་ངེ་འཛིན་དང ། དུས་ཀྱི་རྗེས་སུ་འབྲང་བའི་ཏིང་ངེ་འཛིན་དང ། པདྨ་མཆོག་ཅེས་བྱ་བའི་ཏིང་ངེ་འཛིན་དང ། པདྨ་རྣམ་པར་བལྟ་བ་ཞེས་བྱ་བའི་ཏིང་ངེ་འཛིན་དང ། ཞགས་པ་རབ་ཏུ་གནས་པ་ཞེས་བྱ་བའི་ཏིང་ངེ་འཛིན་དང ། རྟག་པར་ཁོང་དུ་ཆུད་བ་ཞེས་བྱ་བའི་ཏིང་ངེ་འཛིན་དང ། རྒྱལ་པོའི་འོད་ཟེར་ཞེས་བྱ་བའི་ཏིང་ངེ་འཛིན་དང ། རྒྱུ་སྐར་ཀུན་ཏུ་གཟིགས་པ་ཞེས་བྱ་བའི་ཏིང་ངེ་འཛིན་དང ། དངོས་གྲུབ་ཀྱི་འོད་ཟེར་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང ། ཀུན་ནས་ནོར་བུའི་གཟི་བརྗིད་ཅེས་བྱ་བའི་ཏིང་ངེ་འཛིན་དང ། དབང་ཕྱུག་གིས་མཐུ་སྟོབས་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང ། འོད་ཟེར་ཀུན་ནས་སྣང་བ་ཞེས་བྱ་བའི་ཏིང་ངེ་འཛིན་དང ། བློ་ཡང་དག་པར་འཛིན་པ་ཞེས་བྱ་བའི་ཏིང་ངེ་འཛིན་དང ། གསལ་བར་ཁོང་དུ་ཆུད་པ་ཞེས་བྱ་བའི་ཏིང་འཛིན་དང ། ཕྱག་རྒྱ་ཀུན་ཏུ་གཟིགས་ཞེས་བྱ་བའི་ཏིང་ངེ་འཛིན་དང ། ཕྱག་རྒྱ་ཀུན་ཏུ་གཟིགས་པའི་པདྨ་ཞེས་བྱ་བའི་ཏིང་ངེ་འཛིན་དང ། རྟག་པར་ཆར་འབེབས་པ་ཞེས་བྱ་བའི་ཏིང་ Ba330a ༄#། །ངེ་འཛིན་དང ། དྲི་མ་མེད་པའི་སྙིང་པོ་ཞེས་བྱ་བའི་ཏིང་ངེ་འཛིན་དང ། དངོས་གྲུབ་ཡངས་པ་ཞེས་བྱ་བའི་ཏིང་ངེ་འཛིན་དང ། མེ་ཏོག་ལྡན་པ་ཞེས་བྱ་བའི་ཏིང་ངེ་འཛིན་དང ། ཀུན་ནས་ཀུན་ཏུ་གཟིགས་པ་ཞེས་བྱ་བའི་ཏིང་ངེ་འཛིན་དང ། ཀུན་ནས་ཀུན་ཏུ་རྣམ་པར་སྦྱོང་བ་ཞེས་བྱ་བའི་ཏིང་ངེ་འཛིན་དང ། ལྕེའི་མཆོག་དང་ལྡན་པ་ཞེས་བྱ་བའི་ཏིང་ངེ་འཛིན་དང ། ཡི་ག་རྣམ་པར་དག་བ་ཞེས་བྱ་བའི་ཏིང་ངེ་འཛིན་དང ། ཆུ་ཡོངས་སུ་སྦྱོང་བ་ཞེས་བྱ་བའི་ཏིང་ངེ་འཛིན་དང ། གཟི་བརྗིད་དང་ལྡན་པ་ཞེས་བྱ་བའི་ཏིང་ངེ་འཛིན་དང ། ཡངས་པར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་དང ། བློ་འགུགས་པར་བྱེད་པ་ཞེས་བྱ་བའི་ཏིང་ངེ་འཛིན་དང ། མེ་ཏོག་མངོན་པར་བཀྲམ་པ་ཞེས་བྱ་བའི་ཏིང་ངེ་འཛིན་དང ། རྣམ་པར་འཕྲུལ་པ་བཀོད་པ་ཞེས་བྱ་བའི་ཏིང་ངེ་འཛིན་དང ། གཟུངས་རྣམ་པར་དག་ཅིང་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང ། གཟི་བརྗིད་ཡན་ལག་ཅེས་བྱ་བའི་ཏིང་ངེ་འཛིན་དང ། ཐམས་ཅད་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་སོ་སོར་ཐོབ་བོ། །མདོར་བསྡུ་ན་ཏིང་ངེ་འཛིན་འདི་རྣམས་བཀླགས་པ་ཙམ་དང ། བཟླས་པ་ཙམ་གྱིས་འཇིག་རྟེན་བའི་སྒྲུབ་པའི་དངོས་གྲུབ་སོ་སོར་ཐོབ་བོ། །གང་ཞིག་བཟླས་པ་ཙམ་གྱིས་འཇིག་རྟེན་པའི་ཏིང་ངེ་འཛིན་དང ། གསང་སྔགས་དང ། རྣམ་པར་འཕྲུལ་པ་རྣམས་ Ba330b སོ་སོར་ཐོབ་བོ། །ཏིང་ངེ་འཛིན་གཞན་དེ་རྣམས་ནི། ཏིང་ངེ་འཛིན་གྱི་རྣམ་པར་འཕྲུལ་པའི་དངོས་གྲུབ་སོ་སོར་ཐོབ་བོ། །ལག་ན་རྡོ་རྗེ་འཇིག་རྟེན་ལས་འདས་པའི་ཏིང་ངེ་འཛིན་གཞན་ཡང་བཀླགས་པས་གྲུབ་པ་དང ། བཟླས་པ་ཙམ་ལས་སོ་སོར་ཐོབ་བོ། །གང་གིས་འཇིག་རྟེན་ལས་འདས་པའི་དངོས་གྲུབ་དེ་བཞིན་གཤེགས་པ་ཐམས་ཅད་ཀྱི་གསང་བ་རིམ་པར་ཕྱེ་བ་དང ། དཀྱིལ་འཁོར་དང ། གསང་སྔགས་དང ། ཕྱག་རྒྱ་དེ་བཞིན་གཤེགས་པ་ཐམས་ཅད་ཀྱི་རིགས་ཐུན་མོང་པར་གྱུར་པ་མཐོང་བའི་དངོས་གྲུབ་སོ་སོར་ཐོབ་བོ། །ཏིང་ངེ་འཛིན་གྱི་རྣམ་པར་འཕྲུལ་པ་གང་གིས་དེ་བཞིན་གཤེགས་པ་ཐམས་ཅད་ཀྱིས་དུས་གསུམ་པའི་ཏིང་ངེ་འཛིན་དང ། དཀྱིལ་འཁོར་གྱི་གསང་བ་དང ། གསང་སྔགས་དང ། ཕྱག་རྒྱ་དང ། སྤྱི་གཙུག་ཀུན་ཏུ་གཟིགས་པར་འགྱུར་རོ། །ཕྱག་རྒྱ་དང ། གསང་སྔགས་དང ། དཀྱིལ་འཁོར་དང ། ཆོ་ག་ཞིབ་མོ་གང་ཡིན་པ་དེ་རྣམས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བའི་རྒྱལ་མཚན་གྱི་མཆོག་ཏུ་ཀུན་ཏུ་གནས་སོ། །གང་གིས་སྐྱེ་བ་བརྗེས་པའི་མོད་དང ། བསྒོམས་པའི་མོད་ལ་རྒྱལ་མཚན་གྱི་མཆོག་དང་ལྡན་པའི་སྒོ་མཆོག་ཏུ་གནས་སོ། །འདི་ལྟ་སྟེ། དོན་ཡོད་པའི་ཡེ་ཤེས་བཀོད་པ་ཞེས་བྱ་བའི་ཏིང་ངེ་འཛིན་དང ། དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་དང ། རྒྱལ་མཚན་རྩེ་མོའི་ Ba331a ༄#། །དཔུང་རྒྱན་ཞེས་བྱ་བའི་ཏིང་ངེ་འཛིན་དང ། གཟུངས་ཀྱི་བདག་པོ་ཞེས་བྱ་བའི་ཏིང་ངེ་འཛིན་དང ། དགེ་བའི་མེ་ཏོག་གཙང་མ་ཞེས་བྱ་བའི་ཏིང་ངེ་འཛིན་དང ། སྦྱི་གཙུག་ཀུན་ཏུ་རྣམ་པར་བལྟ་བ་ཞེས་བྱ་བའི་ཏིང་ངེ་འཛིན་དང ། སེངྒེ་རྣམ་པར་རྩེ་བ་ཞེས་བྱ་བའི་ཏིང་ངེ་འཛིན་དང ། འོད་འབར་བར་བྱེད་པ་ཞེས་བྱ་བའི་ཏིང་ངེ་འཛིན་དང ། གཟི་བརྗིད་ལྡན་པ་ཞེས་བྱ་བའི་ཏིང་ངེ་འཛིན་དང ། རིན་ཆེན་འབྱུང་གནས་ཞེས་བྱ་བའི་ཏིང་ངེ་འཛིན་དང ། གཟུངས་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང ། རྣམ་པར་སྣང་མཛད་ཀྱི་སྙིང་པོ་ཞེས་བྱ་བའི་ཏིང་ངེ་འཛིན་དང ། དྲི་མ་མེད་པའི་འོད་ཅེས་བྱ་བའི་ཏིང་ངེ་འཛིན་དང ། ནོར་བུ་རིན་པོ་ཆེ་ཆེན་པོའི་ཆར་འབེབས་པར་བྱེད་པ་ཞེས་བྱ་བའི་ཏིང་ངེ་འཛིན་དང ། དོན་ཡོད་པ་དྲི་མ་མེད་པའི་བདག་པོ་ཞེས་བྱ་བའི་ཏིང་ངེ་འཛིན་དང ། དོན་ཡོད་པ་ཟབ་མོའི་སྒྲ་སྒྲོག་པ་ཞེས་བྱ་བའི་ཏིང་ངེ་འཛིན་དང ། དོན་ཡོད་པའི་དངོས་གྲུབ་ཀྱི་ཞགས་པ་ཞེས་བྱ་བའི་ཏིང་ངེ་འཛིན་དང ། དོན་ཡོད་པའི་རྒྱལ་མཚན་ཞེས་བྱ་བའི་ཏིང་ངེ་འཛིན་དང ། ཡིད་བཞིན་གྱི་ནོར་བུའི་འོད་ཀྱི་སྣང་བ་རྒྱས་པ་ཞེས་བྱ་བའི་ཏིང་ངེ་འཛིན་སྟེ། འདི་རྣམས་ལ་སོགས་པའི་ཏིང་ངེ་འཛིན་མང་པོ་རྣམས་སོ་སོར་ཐོབ་ཅིང་ཏིང་ངེ་འཛིན་གཞན་འཇིག་རྟེན་ལས་འདས་པ་བརྒྱ་སྟོང་ཕྲག་བཀླགས་པ་དང ། བཟླས་པ་ཙམ་གྱིས་འགྲུབ་ Ba331b པར་འགྱུར་རོ། །རིག་པའི་རྒྱལ་པོའི་གཟུངས་ཀྱི་སྙིང་པོ་འདི་ཡོན་ཏན་ཆེ་བ་དང ། ཕན་ཡོན་ཆེ་བ་དང ། རྫུ་འཕྲུལ་དང ། རྣམ་པར་འཕྲུལ་པ་ཆེ་བ་སྟེ། དོན་ཡོད་པ་ལྕགས་ཀྱུའི་ཆོ་ག་ཞིབ་མོ་ལ་དོན་ཡོད་པ་ནོར་བུའི་མཆོད་པ་ཞེས་བྱ་བའི་གཟུངས་འཕགས་པ་སྦྱན་རས་གཟིགས་དབང་ཕྱུག་གིས་དོན་ཡོད་ཞགས་པའི་སྙིང་པོའི་གཟུངས་གསུངས་པ། སེམས་ཅན་ཐམས་ཅད་ལ་ཕན་པ་རྗེས་སུ་འཕྲང་བ། དགེ་བའི་རྩ་བ་ཐམས་ཅད་སྐྱེ་བར་བྱེད་པ། སྡིག་པ་དང ། སྒྲིབ་པ་ཐམས་ཅད་རྣམ་པར་སྦྱོང་བར་བྱེད་པ། གཟུངས་ཀྱི་ཚིག་གི་སྙིང་པོ་གང་ཞིག་བཀླགས་པ་ཙམ་དང ། བཟླས་པ་ཙམ་གྱིས་འདི་རྣམས་བྱེད་པའི་དངོས་གྲུབ་སོ་སོར་ཐོབ་བོ། །སྒྲུབ་པ་འདི་རྣམས་ཐམས་ཅད་ནི། ལས་ཀྱི་རྣམ་པར་འཕྲུལ་དུ་འགྱུར་བ་མ་ཡིན་ནོ། །དེ་ནས་རིག་སྔགས་འཆང་དེ་སྨྱུང་བར་གནས་ཏེ་བཟླས་པ་གཅིག་དང ། བཀླགས་པའི་དངོས་གྲུབ་ཀྱིས་དེ་ལྟ་བུའི་རྒྱས་ཤིང་གསལ་བ་ཐོབ་བོ། །དེ་ཁོ་ན་ཉིད་ཀྱི་དངོས་གྲུབ་ཀྱང་སོ་སོར་འཐོབ་སྟེ།་དོན་རྒྱ་ཆེ་བ་དང ། ལོངས་སྤྱོད་དང་ལྡན་པ་དང ། གཟུངས་ཀྱི་དངོས་གྲུབ་ཆེན་པོ་སོ་སོར་ཐོབ་བོ། །བཀོད་པ་ཡངས་པ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་དང ། གཟུངས་ཀྱི་གསང་བ་སོ་སོར་ཐོབ་བོ། །དཔག་བསམ་གྱི་ཤིང་ཡང་དག་པར་གང་བའི་ཆར་འབེབས་པ་དང ། གཟུངས་ཀྱི་རྣམ་པར་འཕྲུལ་པའི་བཀོད་པ་སོ་སོར་ཐོབ་བོ། །ཡིད་བཞིན་གྱི་ནོར་བུ་ཆེན་པོའི་རྒྱ་ Ba332a ༄#། །མཚོ་དང ། རིན་པོ་ཆེ་སྣ་བདུན་གྱི་ཆར་འབེབས་པ་དང ། ཀུན་ནས་ཀུན་ཏུ་གཟིགས་པའི་རྒྱལ་མཚན་གྱི་གཟུངས་ཀྱི་གསང་བའི་ཆར་འབེབས་པའི་དངོས་གྲུབ་སོ་སོར་ཐོབ་བོ། །ཀུན་ནས་གསེར་གྱི་རྒྱལ་མཚན་གྱི་ཆར་འབེབས་པའི་གཟུངས་ཀྱི་བཀོད་པ་རྣམ་པར་བལྟས་པ་དང ། དོན་ཡོད་པའི་བཀོད་པ་རབ་འབྱམས་ཀྱི་དངོས་གྲུབ་རབ་ཏུ་ཐོབ་བོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་ལྟ་བའི་རྒྱལ་མཚན་གྱི་གཟུངས་ཀྱི་རྣམ་པར་འཕྲུལ་པ་སོ་སོར་ཐོབ་བོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་དང ། དཀྱིལ་འཁོར་རྣམ་པར་ལྟ་བའི་དངོས་གྲུབ་སོ་སོར་ཐོབ་བོ། །རྣམ་པར་ཐར་པའི་དཀྱིལ་འཁོར་ཡངས་པ་ཐམས་ཅད་སོ་སོར་ཐོབ་བོ། །ཕན་ཡོན་ཆེན་པོ་དང ། རྣམ་པར་འཕྲུལ་བ་ཆེན་པོ་བྱིན་གྱིས་བརླབས་པ་འདི་རྣམས་སོ་སོར་ཐོབ་བོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རློབ་པས་བྱིན་གྱིས་བརླབས་པས་དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་གང་བཀླགས་པ་ཙམ་གྱིས་ཡོན་ཏན་དང་ཕན་ཡོན་རྗེས་སུ་བསྔགས་པ་དང ། རྣམ་པར་འཕྲུལ་པ་ཆེན་པོ་སོ་སོར་ཐོབ་བོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་མཆོག་ཏུ་དགའ་བ་སྐྱེས་ཤིང་མཆོག་ཏུ་སྐྱི་བུང་ཞེས་བྱེད་པ་སྐྱེས་ནས་བཅོམ་ལྡན་འདས་ Ba332b ཤཱཀྱ་ཐུབ་པའི་ཞབས་ལ་བཏུད་དེ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་ཆེན་པོ་འཕགས་པ་སྦྱན་རས་གཟིགས་དབང་ཕྱུག་གིས་གསུངས་པའི་དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་གང་ཡིན་པ་འདི་མཆོག་ཏུ་རྙེད་པར་དཀའོ། །ཡིད་བཞིན་གྱི་ནོར་བུར་གྱུར་པའི་སྙིང་པོའི་གཟུངས་གང་ཡིན་པ་ནི། མཆོག་ཏུ་རྙེད་པར་དཀའོ། །མཐུ་ཆེན་པོ་དང ། ཕན་ཡོན་ཆེན་པོ་དང ། ཡོན་ཏན་ཆེན་པོ་སྐྱེད་པ་དང་མཐུན་པ་རྣམ་པར་འཕྲུལ་པ་དང ། ཆོ་འཕྲུལ་ཆེ་བར་བལྟ་བར་བྱའོ། །དེ་ཅིའི་སླད་དུ་ཞེ་ན། བཅོམ་ལྡན་འདས། རིག་པའི་རྒྱལ་པོ་དང ། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ།་དགེ་སྦྱོང་ངམ། བྲམ་ཟེའམ། རྒྱལ་རིགས་སམ། བུད་མེད་དམ། སྐྱེས་པའམ། ཁྱེའུའམ། བུ་མོ་ཡང་རུང་སྟེ་ལན་གཅིག་བཟླས་པ་དང ། དྲན་པ་ཙམ་དང ། བཀླགས་པ་ཙམ་གྱིས་བསོད་ནམས་ཀྱི་ཕུང་པོ་དང ། དགེ་བའི་རྩ་བ་དང་ལྡན་པར་འགྱུར་རོ། །བཅོམ་ལྡན་འདས། སྡིག་པ་ཐམས་ཅད་ཟད་པར་གྱུར་པ་དེ་ཅི་ལགས། བཅོམ་ལྡན་འདས། འཇིག་རྟེན་པ་རྣམས་འགྲུབ་པར་འགྱུར་བ་ཅི་ལགས། འཇིག་རྟེན་ལས་འདས་པའི་ལམ་ཡོངས་སུ་དག་པར་འགྱུར་བ་ཅི་ལགས། བཅོམ་ལྡན་འདས། དེ་བཞིན་གཤེགས་ Ba333a ༄#། །པ་རྣམ་པར་གཟིགས་པར་འགྱུར་བ་ཅི་ལགས། བཅོམ་ལྡན་འདས། འཕགས་པ་སྤྱན་རས་གཟིགས་དབང་ཕྱུག་གིས་རྟག་ཏུ་མཆོག་སྩལ་བ་དེ་ཅི་ལགས། བཅོམ་ལྡན་འདས། བདག་ལ་དེའི་སྐབས་དབྱེ་བར་མཛད་དུ་གསོལ། དེ་ལྟ་བུའི་ཕན་ཡོན་ཕུལ་དུ་བྱུང་བ་ནི། བཅོམ་ལྡན་འདས། མཆོག་ཏུ་ངོ་མཚར་བར་གྱུར་པའོ། །བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ། ལེགས་སོ་ལེགས་སོ། །ལག་ན་རྡོ་རྗེ། མཆོག་ཏུ་རྙེད་པར་དཀའ་བའི་དྲི་བ་དྲིས་པ་དེ་ངས་ཇི་ལྟ་བ་བཞིན་དུ་ད་ལྟ་བཤད་པར་བྱ་ཡི། ཉོན་ཅིག། ལག་ན་རྡོ་རྗེ། འདི་ནི། བཀླགས་པ་ཙམ་གྱི་མོད་དང ། བརྗོད་པ་ཙམ་གྱི་མོད་ལ་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་རྟག་ཏུ་དགའ་བ་དང་བཅས་པས་ཕྱག་གཡས་སྤྱི་བོར་འཇོག་པར་བྱེད་དོ། །མངོན་སུམ་དུ་རང་གི་གཟུགས་ཀྱིས་མདུན་ན་ཉེ་བར་གནས་ཏེ་དབུགས་འབྱིན་པར་ཡང་བྱེད་དོ། །དེ་ཇི་ལྟར་ཞེ་ན། འདི་ནི། འཕགས་པ་སྤྱན་རས་གཟིགས་དབང་ཕྱུག་རང་བཞིན་གྱིས་ལུས་ཡོངས་སུ་དག་པ་གཟུང་བའི་གཟུངས་ཀྱི་སྙིང་པོའོ། ། འདི་ནི།་དོན་ཡོད་པའི་རང་བཞིན་གྱི་སྙིང་པོའོ། །འདི་ནི། སྒྱུ་མ་ལྟ་བུའི་ཏིང་ངེ་འཛིན་དང ། གཟུངས་ཀྱི་རྣམ་པར་འཕྲུལ་པའོ། །འདི་ནི། འཕགས་པ་སྤྱན་རས་གཟིགས་དབང་ Ba333b ཕྱུག་གི་རང་བཞན་མཐོང་བའོ། །འདི་ནི། བཅུ་གཅིག་ཞལ་མཐོང་བའོ། །འདི་ནི། འཕགས་པ་སྦྱན་རས་གཟིགས་དབང་ཕྱུག་གི་སྣ་ཚོགས་གཟུགས་མཐོང་བའོ། །འདི་ནི། འཕགས་པ་སྦྱན་རས་གཟིགས་དབང་ཕྱུག་གི་སྦྲུལ་པའི་སྦྲིན་མཐོང་བའོ། །འདི་ནི། མགྲིན་པ་སྔོན་པོ་དང ། སྲེད་མེད་ཀྱི་བུའི་གཟུགས་མཐོང་བའོ། །འདི་ནི། འཇིག་རྟེན་གསུམ་མཐོང་བའོ། །རྟ་མགྲིན་མཐོང་བའོ། །འདི་ནི། པདྨོ་ཡངས་པ་གསང་བའི་དཀྱིལ་འཁོར་མཐོང་བའོ། །འདི་ནི། དེ་བཞིན་གཤེགས་པ་ཐམས་ཅད་ཀྱི་མཆོད་པའི་སྤྲིན་གྱི་རྣམ་པར་འཕྲུལ་པའོ། །འདི་ནི། རྡོ་རྗེའི་སྙིང་པོ་ཆེན་པོ་མཐོང་བའོ། །འདི་ནི། མགོའི་སྙིང་པོ་ཆེན་པོའོ། །འདི་ནི། སྣ་ཚོགས་པའི་གཟུགས་ཀྱི་རང་བཞིན་མཐོང་བའོ།། འདི་ནི།་དོན་ཡོད་པའི་གཟུགས་དང ། དོན་ཡོད་པའི་དངོས་གྲུབ་ཀྱི་རྣམ་པར་འཕྲུལ་པའོ། །འདི་ནི། དེས་ཐམས་ཅད་དུ་འགུགས་པས་ན། ཞགས་པར་བརྗོད་པར་བྱའོ། །དོན་ཡོད་པ་ཡིད་བཞིན་གྱི་ནོར་བུའི་མཆོད་པའི་སྙིང་པོའི་གཟུངས་སུ་བརྗོད་པར་བྱ་སྟེ། དོན་ཡོད་ཞགས་པའི་སྙིང་པོ་འཕགས་པ་སྤྱན་རས་གཟིགས་དབང་ཕྱུག་དམ་པར་གྱུར་པའི་ངོ་བོ་ཉིད་ཀྱི་སྐུ་གཞན་དུ་གྱུར་བ་མཐོང་བ་མཚུངས་པ་སྟེ། དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་འདི་དག་མཐོང་བ་དང་མཚུངས་པར་འགྱུར་རོ། །བཀླགས་ Ba334a ༄#། །པ་དང ། བརྗོད་པ་ཙམ་གྱི་མོད་ལ་དུས་གསུམ་དུ་གཤེགས་པ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྲས་གཅིག་པུར་འགྱུར་རོ། །དེ་བཞིན་གཤེགས་པ་ཐམས་ཅད་ཡོངས་སུ་དག་པའི་སྐུ་ཤིན་ཏུ་དྲི་མ་མེད་ཅིང་ཡོངས་སུ་དག་པ་དང་མཉམ་པར་འགྱུར་ཏེ། དེ་བཞིན་གཤེགས་པའི་སྙིང་པོའི་སྐུར་ཡང་འགྱུར་རོ། །དུས་གསུམ་པའི་དེ་བཞིན་གཤེགས་པ་ཐམས་ཅད་ཀྱིས་ཕྱིར་མི་ལྡོག་པར་ལུང་སྟོན་ཅིང ། བླ་ན་མེད་པའི་སངས་རྒྱས་ཀྱི་བྱང་ཆུབ་ཏུ་ལུང་སྟོན་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་རྟག་ཏུ་རྒྱུན་མི་འཆད་པར་མཐོང་བར་འགྱུར་རོ། །ལྷ་ཐམས་ཅད་ཀྱིས་ཡང་དག་པར་དབུགས་འབྱིན་པར་འགྱུར་རོ། །བདུད་ལ་སོགས་པ་དང ། གདུག་པའི་རྨི་ལམ་དང ། ལོག་པར་འདྲེན་པ་ཐམས་ཅད་ཚར་བཅད་པར་བྱས་པར་འགྱུར་རོ། །བཅིང་པ་ལྔས་བཅིངས་ཤིང་གཟིར་བ་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། ཡི་དྭགས་དང ། གྲུལ་བུམ་དང ། བརྗེད་བྱེད་དང ། ཚངས་པ་སྲིན་པོ་རྣམས་ཐམས་ཅད་རིང་དུ་འབྲོས་པར་འགྱུར་རོ། །རིམས་ཐམས་ཅད་དང ། ནད་ཐམས་ཅད་དང ། འབྲས་དང ། ཕོལ་མིག་དང ། རྩོག་ཤུ་དང ། ལྷོག་པ་དང ། མཚན་པར་རྡོལ་པ་དང ། གཡན་པ་དང ། མཛེ་དང ། རྐང་ཤུ་ཐམས་ཅད་རྣམ་པར་ཉམས་པ་བྱེད་དོ། །ལུས་ཀྱི་གཟེར་ཐམས་ཅད་ Ba334b ཉེ་བར་ཞི་བར་བྱེད་དོ། །ཇི་ལྟར་ཤེལ་ཡོངས་སུ་དག་པ་ཇི་ལྟ་བ་བཞིན་དུ་དེ་བཞིན་གཤེགས་པའི་སྐུ་ཡོངས་སུ་དག་པར་འགྱུར་རོ། །ཚིག་བཙན་པར་ཡང་འགྱུར་རོ། །གསང་སྔགས་དང ། ཆོ་ག་ཞིབ་མོ་ཐམས་ཅད་ཀྱི་དངོས་གྲུབ་ཏུ་ཡང་འགྱུར་རོ། །འཇིག་རྟེན་ཐམས་ཅད་དགའ་བར་ཡང་འགྱུར་རོ། །རྒྱལ་པོ་དང ། བྲམ་ཟེ་དང ། རྒྱལ་རིགས་དང ། ཁྱིམ་བག་གིས་ཆེར་མཆོད་པར་བྱ་བར་འགྱུར་རོ། །སེམས་ཅན་ཐམས་ཅད་ཀྱི་མཆོད་པར་འོས་པ་གཅིག་པུར་འགྱུར་རོ། །ནོར་དང་འབྲུ་འཕེལ་བར་ཡང་འགྱུར་རོ། །བསམ་པ་དང ། ཡིད་ཀྱི་ཤིང་རྟ་ཐམས་ཅད་ཡོངས་སུ་རྫོགས་པར་ཡང་འགྱུར་རོ། །ཆོམ་རྐུན་དང ། གཡོ་ཅན་དང ། རྐུན་པོས་རྣམ་པར་སྐྲག་པ་དང ། གཅན་གཟན་ཁྲོ་བོ་དང ། གཡངས་དང ། ཁྱིམ་རྡིབ་པ་དང ། གསོད་པ་དང་འཚེ་བ་དང ། གཅན་གཟན་ཁྲོ་བོའི་འཇིགས་པ་རྣམས་ཐམས་ཅད་འབྱུང་བར་མི་འགྱུར་རོ། །མེ་དང་ཆུས་དུས་བྱེད་པ་དང ། རླུང་དང ། ཚད་པ་དང ། སད་དང ། སེར་བ་རྣམས་ཀྱིས་མི་ཚུགས་སོ། །དགྲ་ཐམས་ཅད་ཀྱིས་འཇིགས་པར་མི་འགྱུར་རོ། །ཐམས་ཅད་བྱམས་པའི་ཡིད་དུ་འགྱུར་རོ། །བུད་མེད་དང ། སྐྱེས་པ་དང ། ཁྱེའུ་དང ། བུ་མོ་ཐམས་ཅད་དབང་དུ་གྱུར་པར་བྱེད་དོ། །འདི་ནི། བཀླགས་པ་ཙམ་གྱིས་འཇིག་རྟེན་པ་རྣམས་ཀྱི་ཡོན་ཏན་ཆེན་པོ་བསྐྱེད་པ་དང ། རྣམ་པར་འཕྲུལ་པར་འགྱུར་རོ། །དེ་འཆི་འཕོ་བའི་དུས་ཀྱི་ཚེ་དེ་བཞིན་གཤེགས་ Ba335a ༄#། །པ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་གཉིས་མངོན་སུམ་དུ་མཐོང་བར་འགྱུར་ཏེ། རིགས་ཀྱི་བུ་ཆུར་ཤོག་།བདེ་བ་ཅན་གྱི་འཇིག་རྟེན་གྱི་ཁམས་སུ་སོང་དང ། ཁྱོད་ཀྱིས་ལམ་ཡོངས་སུ་དག་པར་བྱས་པའོ། །འཆི་བའི་དུས་སུ་གྱུར་པ་ན་བསམ་པ་ཉིད་ཀྱི་མོད་ལ་པདྨོ་ལས་བརྫུས་ཏེ་སྐྱེ་བར་འགྱུར་རོ། །རྒྱན་ཐམས་ཅད་ཀྱིས་རྣམ་པར་བརྒྱན་པ་དང ། ཚེ་རབས་དྲན་པར་ཡང་འགྱུར་རོ། །དེ་བཞིན་གཤེགས་པ་འོད་དཔག་མེད་མངོན་སུམ་དུ་མཐོང་བ་ཙམ་གྱིས་ཕྱིར་མི་ལྡོག་པར་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་འགྱུར་རོ། །རྣམ་པར་ཐར་པའི་དཀྱིལ་འཁོར་དང ། པདྨོ་ཡངས་པའི་གསང་བ་མཐའ་དག་རྫོགས་པ་དང ། དོན་ཡོད་ཞགས་པའི་སྙིང་པོ་འི་ཆོ་ག་ཞིབ་མོ་མངོན་དུ་འགྱུར་ཞིང་ཁ་ཏོན་དུ་ཀུན་ཏུ་གནས་སོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་རྗེས་སུ་དྲན་པར་བྱེད་དོ། ། ཐམས་ཅད་དུ་སངས་རྒྱས་ཀྱི་ཞིང་ཀུན་ཏུ་དེ་བཞིན་གཤེགས་པ་ཐམས་ཅད་ཀྱིས་མངོན་སུམ་དུ་མཚུངས་པར་ལྷན་ཅིག་ལུང་སྟོན་པ་སོ་སོར་ཐོབ་སྟེ། ནམ་དུ་ཡང་ཕྱིར་ཞིང་རྣམ་པར་གྲོལ་བར་འགྱུར་བ་དང ། ཇི་སྲིད་དུ་སངས་རྒྱས་ཀྱི་བྱང་ཆུབ་ཏུ་བསྟན་པའི་བར་དང ། ཇི་སྲིད་དུ་ཡོངས་སུ་མྱ་ངན་ལས་འདས་པའི་ལུས་སུ་གྱུར་གྱི་བར་དུ་འཇིག་རྟེན་ Ba335b ལས་འདས་པའི་ཕན་ཡོན་དང ། རྣམ་པར་འཕྲུལ་པ་བཀླགས་པས་གྲུབ་པར་འགྱུར་རོ། །དེ་ནས་བཟླས་པ་ཙམ་གྱིས་དངོས་གྲུབ་བཤད་པར་བྱ་སྟེ། སྔ་དྲོ་གཅིག་བཟླས་པ་ཙམ་གྱི་མོད་ལ་མཚམས་མེད་པ་ལྔའི་སྡིག་པ་དང ། མནན་རི་མེད་པའི་མཐར་གཏུགས་པའི་སྡིག་པ་དང ། རི་རབ་ལྷུན་པོ་ཆེན་པོ་བདུན་གྱི་ཚད་ཙམ་བ་སྦུའི་ཁོར་བུ་རེར་སྒྲིབ་པ་བསགས་པ་དང ། བསྐལ་པ་སྟོང་ཕྲག་ཏུ་བསགས་པའི་སྔོན་གྱི་སྡིག་པ་དང་སྒྲིབ་པ་དེ་རྣམས་ཐམས་ཅད་སྔ་དྲོ་གཅིག་བཟླས་པ་ཙམ་གྱིས་སྡིག་པ་དང་ལས་ཀྱི་སྒྲིབ་པ་རྣམ་པར་ཉམས་པར་བྱེད་དེ། ཟད་པ་དང ། ཡོངས་སུ་གཏུགས་པར་འགྱུར་རོ། །དམྱལ་བའི་འགྲོ་བ་ཆེན་པོ་བཅུ་དྲུག་ཏུ་གཞོལ་བ་དེ་རྣམས་ཐམས་ཅད་སྐད་ཅིག་གཅིག་གིས་ཡོངས་སུ་གྲོལ་ལོ། །སྨྱུང་པར་གནས་པ་གཅིག་གིས་བཟླས་པ་དུས་གསུམ་པའི་དེ་བཞིན་གཤེགས་པའི་སངས་རྒྱས་ཀྱི་ཞིང་རྣམས་སུ་ཀུན་ཏུ་བཟང་པོ་ཆེན་པོ་ཉིད་ཐོབ་བོ། །གང་ཡང་དེ་བཞིན་གཤེགས་པའི་རིགས་དང ། པདྨོ་ཡངས་པའི་རྣམ་པར་ཐར་པའི་དཀྱིལ་འཁོར་དང ། དོན་ཡོད་ཞགས་པའི་སྙིང་པོ་ཐམས་ཅད་དུ་དངོས་སུ་རྗེས་སུ་འཇུག་པར་བྱེད་དོ། །ཐམས་ཅད་དུ་དམ་ཚིག་ཆེན་པོ་ཡང་དག་པར་འཛིན་པར་འགྱུར་རོ། །འཕགས་པ་སྦྱན་རས་གཟིགས་དབང་ཕྱུག་རང་གི་གཟུགས་ཀྱིས་དངོས་སུ་མཐོང་བ་སྦྱིན་པར་བྱེད་དོ། །དུས་གསུམ་པའི་དེ་བཞིན་ Ba336a ༄#། །གཤེགས་པ་རྣམས་རང་གི་གཟུགས་ཀྱིས་དངོས་སུ་མཐོང་བར་ཉེ་བར་གནས་པར་བྱེད་དོ། །དཀྱིལ་འཁོར་བའི་ལྷ་ཐམས་ཅད་དངོས་སུ་རྗེས་སུ་འདྲང་ཞིང་གནས་ཏེ། རྟག་ཏུ་རྣམ་པར་བལྟ་བར་འགྱུར་ཞིང ། ཆེར་བཅིངས་པར་འགྱུར་རོ། །རིག་པའི་རྒྱལ་པོ་ཐམས་ཅད་ཀྱང་རྟག་ཏུ་རྗེས་སུ་འབྲང་ཞིང་དངོས་སུ་མཐོང་བར་གནས་པར་བྱེད་དོ། །བརྒྱ་སྟོང་ཕྲག་བཟླས་པ་ཙམ་གྱིས་ལྕེ་རྡོ་རྗེ་ལྟར་བརྟན་པར་འགྱུར་ཞིང ། རྡོ་རྗེའི་སྙིང་པོ་དང་མཉམ་ཞིང་མཚུངས་པ་དང ། པདྨའི་འདབ་མ་ལྟ་བུའི་ཁ་དོག་དང་འདྲ་བར་འགྱུར་ཏེ།་ཕྱིར་ཞིང་དེའི་ལུས་ལ་རེག་པ་ངན་པ་འབྱུང་བར་མི་འགྱུར་རོ། །ཕྱིར་ཞིང་ལུས་འཕོ་བར་ཡང་མི་ནུས་ཤིང ། ཡོངས་སུ་དག་ཅིང་དྲི་མ་མེད་པའི་ལུས་སུ་འགྱུར་རོ། །ལུས་པདྨ་དཀར་པོའི་ཁ་དོག་དང་མཚུངས་པར་ཡང་འགྱུར་རོ། །གདུག་པ་ཐམས་ཅད་དང ། ཕྱིར་རྒོལ་བ་དང ། དགྲ་ཐམས་ཅད་དང ། འབྱུང་པོ་དང ། གནོད་སྦྱིན་དང ། སྲིན་པོ་ཐམས་ཅད་དང ། བགེགས་དང ། ལོག་པར་འདྲེན་པ་རྣམས་དང ། ཀླུ་མ་རུངས་པ་མི་བཟད་པ་དང ། བདུད་ཀྱི་རིས་ཀྱི་ལྷ་ཐམས་ཅད་ཀྱིས་ལུས་དང་ཕུང་པོ་ལ་བཟའ་བར་མི་འགྱུར་རོ། །ལུས་པདྨ་དཀར་པོའི་ཁ་དོག་དང་མཚུངས་པར་འགྱུར་རོ། །ལྷ་རྣམས་ལྷན་ཅིག་ཏུ་རྗེས་སུ་རྒྱུ་བར་བྱེད་དོ། །ཁ་ནས་ལྷ་རྫས་ཀྱི་ཨུཏྤ་ལ་སྔོན་པོའི་དྲི་འབྱུང་བར་འགྱུར་རོ། །ལུས་ལ་ལྷ་རྫས་ Ba336b ཀྱི་ཙནྡན་གྱི་དྲིས་བསྒོས་པར་འགྱུར་རོ། །རྐང་པ་དང་ལག་པ་གཞོན་ཤ་ཅན་དུ་འགྱུར་རོ། །མིག་གིས་ལེགས་པར་མཐོང་བར་འགྱུར་རོ། །བཞིན་གྱི་དཀྱིལ་འཁོར་ཡོངས་སུ་རྒྱས་པར་འགྱུར་རོ། །སྙན་པ་ཐོས་པར་ཡང་འགྱུར་ཞིང་ལྷ་རྫས་ཀྱི་དྲི་ཚོར་བར་ཡང་འགྱུར་རོ། །བཟང་པོ་ལ་རིག་པའི་ལུས་སུ་འགྱུར་རོ། །སྐྲ་བུང་བ་དང་མཚུངས་ཤིང་འཁྱིལ་བའི་སྐྲ་རུ་འགྱུར་རོ། ། ནམ་ཡང་ཕྱིར་ཞིང་ལུས་ཀྱི་ནང་གི་རླུང་གི་ལས་དང ། དྲི་ངན་པས་བསྒོས་པར་མི་འགྱུར་རོ། །དྲི་མ་ཐམས་ཅད་བསལ་བར་འགྱུར། འཇམས་པ་དང ། སྙན་པ་དང ། མཉེན་པའི་ངག་ཏུ་ཡང་འགྱུར་རོ། །ལྷའི་ང་རོ་དང ། ང་རོ་བཟང་བ་དང ། ང་རོ་ཟབ་པ་སྙན་ཅིང་མཉེན་པ་དང ། མིའམ་ཅིའི་སྒྲ་ལྟ་བུ་དང ། ཀ་ལ་པིང་ཀའི་སྒྲ་དབྱངས་སུ་འགྱུར་རོ། །མཛེས་པར་འགྲོ་བ་དང ། ཟབ་པར་འགྲོ་བར་ཡང་འགྱུར་རོ། །ལག་མཐིལ་ཤིན་ཏུ་འཇམ་པ་དང ། སོར་མོ་རིང་བ་དང ། ལག་པའི་རི་མོ་ཤིན་ཏུ་རྣམ་པར་བཀྲ་བར་ཡང་འགྱུར་རོ། །སེངྒེའི་འགྲོས་དང་རྩལ་གྱིས་འགྲོ་བར་འགྱུར་རོ། །ཐམས་ཅད་དུ་ཐོགས་པ་མེད་པའི་འགྲོས་སུ་འགྱུར་རོ། །སེམས་ཅན་ཐམས་ཅད་ཀྱི་གཙོ་བོ་གཅིག་པུར་མཆོད་པའི་འོས་སུ་ཡང་འགྱུར་རོ། །དེ་ནས་དཔལ་རྣམ་ཐོས་སྲས་རྗེས་སུ་མཐུན་པར་རྗེས་སུ་འབྲང་བར་འགྱུར་རོ། །ཚིག་མི་མཐུན་པ་ཡང་རྗེས་སུ་མཐུན་པར་འགྱུར་རོ། །ཐམས་ཅད་དུ་ངག་རྣམ་པར་ Ba337a ༄#། །དག་པར་ཡང་འགྱུར་རོ། །འཇིག་རྟེན་པའི་བཟླས་པའི་དངོས་གྲུབ་བོ། །འཇིག་རྟེན་ལས་འདས་པ་ནི། སྐྱེ་བ་བརྗེས་ནས་པགས་པ་གསེར་གྱི་ཁ་དོག་ལྟ་བུ་དང ། བསམ་པ་ཉིད་ཀྱི་མོད་ལ་སྐྱེ་བར་འགྱུར་ཏེ། འོད་དཔག་མེད་ཀྱི་སྤྱན་སྔར་མདུན་གྱི་པདྨའི་སྙིང་པོ་ལས་བརྫུས་ཏེ་སྐྱེ་བར་འགྱུར་ཞིང ། རྒྱན་ཐམས་ཅད་ཀྱིས་རྣམ་པར་བརྒྱན་པ་དང ། ཚེ་རབས་དྲན་པར་ཡང་འགྱུར་རོ། །དུས་གསུམ་དུ་གཤེགས་ཤིང་བཞུགས་པའི་དེ་བཞིན་གཤེགས་པ་ཐམས་ཅད་ཀྱི་ལུང་བསྟན་པ་དང ། མངོན་པར་དབང་བསྐུར་པའི་མཆོག་བྱང་ཆུབ་ཏུ་ལུང་སྟོན་པ་དང ། མངོན་པར་དབང་བསྐུར་རོ། །དེ་བཞིན་གཤེགས་པའི་རྣམ་པར་འཕྲུལ་པ་བྱིན་གྱིས་རློབ་པས་ཀྱང་བྱིན་གྱིས་བརླབས་སོ། ། ཞེས་པ་འཇིག་རྟེན་ལས་འདས་པའི་བཟླས་པའི་ཆོ་གའི་དངོས་གྲུབ་བོ། །དེ་ནས་བསོད་ནམས་ཀྱི་ཕུང་པོ་བརྗོད་པར་བྱ་སྟེ། འདི་བཟླས་པ་ཙམ་གྱིས་བསོད་ནམས་ཀྱི་ཕུང་པོ་དང ། དགེ་བའི་རྩ་བ་དང་ལྡན་པར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ཡང་རུང་བས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནོར་བུ་རིན་པོ་ཆེ་ཆེན་པོ་སྣ་བདུན་གྱིས་ཡོངས་སུ་བཀང་བར་བྱས་པ་དང ། གསེར་གྱི་མེ་ཏོག་དང ། དངུལ་གྱི་མེ་ཏོག་གིས་ཡོངས་སུ་བཀང་ནས་ Ba337b དུས་གསུམ་པའི་དེ་བཞིན་གཤེགས་པ་ཐམས་ཅད་ཀྱིས་ཉི་མ་རེ་རེ་ཞིང་དེ་བཞིན་གཤེགས་པ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་བ་ལ་ནོར་བུ་རིན་པོ་ཆེ་ཆེན་པོ་སྣ་བདུན་དང ། གསེར་གྱི་མེ་ཏོག་དང ། དངུལ་གྱི་མེ་ཏོག་གིས་བཀང་ནས་ཕུལ་བ་དེ་བས་ཀྱང་དགེ་བ་དང ། བསོད་ནམས་ཀྱི་ཕུང་པོ་ཆེས་མང་བར་བསྐྱེད་དོ། །གང་ཞིག་དུས་གསུམ་པའི་དེ་བཞིན་གཤེགས་པ་མཆོད་ཅིང ། ཉི་མ་རེ་རེ་ཞིང་དེ་བཞིན་གཤེགས་པ་མཆོད་པ་དེ་ཁོ་ན་བཞིན་དུ་འདི་བཟླས་པ་ཙམ་གྱི་དགེ་བའི་རྩ་བ་དང ། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །དེ་རྣམས་གང་གིས་ནོར་བུ་རིན་པོ་ཆེ་ཆེན་པོ་བྱིན་པས་དེ་རྣམས་ཀྱི་དགེ་བའི་རྩ་བ་བཅུ་དྲུག་གི་ཆར་ཡང་མི་ཕོད་དོ། །དེ་བཞིན་དུ་བསོད་ནམས་ཀྱི་ཕུང་པོ་དང ། དགེ་བའི་རྩ་བ་ཆེན་པོ་བསྐྱེད་པར་འགྱུར་རོ། །ཞེས་སོ། །འཇིག་རྟེན་པའི་ཆོ་ག་སྣ་ཚོགས་པའི་ཚོགས་དང ། འཇིག་རྟེན་ལས་འདས་པའི་བསོད་ནམས་ཀྱི་ཕུང་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱེ་བ་བརྒྱ་སྟོང་ཕྲག་རྣམས་ནོར་བུ་རིན་པོ་ཆེ་ཆེན་པོ་སྣ་བདུན་གྱིས་བཀང་བ་རིན་པོ་ཆེ་སྣ་བདུན་གྱི་མེ་ཏོག་དང ། གསེར་དང ། དངུལ་གྱི་མེ་ཏོག་གིས་བཀང་པ་རྣམས་ཀྱིས་དུས་གསུམ་པའི་དེ་བཞིན་གཤེགས་པ་ཐམས་ཅད་ལ། དེ་བཞིན་གཤེགས་པ་རེ་རེ་ཞིང་ལ་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཏུ་ Ba338a ༄#། །བཀང་ནས་ཕུལ་བར་འགྱུར་རོ། །མཆོད་པའི་སྤྲིན་ཆེན་པོར་འགྱུར་ཏེ། ཇི་སྲིད་བྱང་ཆུབ་སྙིང་པོ་ལ་མཐར་ཐུག་གི་བར་དུ་མི་ཟད་དེ། དེ་ལྟ་བུའི་བསོད་ནམས་ཀྱི་ཕུང་པོ་ཆེན་པོ་ཡོངས་སུ་འཛིན་པར་འགྱུར་ཞིང ། བསོད་ནམས་ཀྱི་ཕུང་པོ་ཆེན་པོར་ཡང་འགྱུར་ཏེ། བསོད་ནམས་ཀྱི་ཕུང་པོ་དང་ལྡན་པར་ཡང་འགྱུར་རོ། །འཇིག་རྟེན་དང་འཇིག་རྟེན་ལས་འདས་པའི་བཟླས་པའི་དངོས་གྲུབ་དང ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །དེ་བཞིན་དུ་ཕན་ཡོན་ཆེན་པོ་དང ། སྦྱིན་པ་ཡོངས་སུ་གཏོང་བ་ཆེན་པོ་གང་ཡིན་པ་དང ། བཟླས་བའི་ཆོ་ག་ཆེན་པོ་དང ། མཆོད་པའི་སྤྲིན་ཆེན་པོར་འགྱུར་རོ། །དེ་བཞིན་དུ་ཡོན་ཏན་བསྐྱེད་པ་དང ། རྣམ་པར་འཕྲུལ་པའི་ཆོ་གའི་ཁྱད་པར་སོ་སོར་ཐོབ་བོ། །དུས་རྟག་པར་རྒྱུན་དུ་བཟླས་པའི་ཆོ་ག་དང་ལྡན་པར་འགྱུར་བར་བྱའོ། །རྟག་ཏུ་ཡང་བྱང་ཆུབ་སེམས་དཔའ་ཐམས་ཅད་མཐོང་འདོད་པར་འགྱུར་རོ། །རྟག་ཏུ་ཡང་དགེ་བའི་རྩ་བ་དང་ཡང་དག་པར་འགྲོགས་པར་འགྱུར་རོ། །ལག་ན་རྡོ་རྗེ། གང་ཡང་རིག་པའི་རྒྱལ་པོའི་ཆོ་ག་ཞིབ་མོ་དོན་ཡོད་པའི་ནོར་བུའི་སྙིང་པོ་འདི།་ཐ་ན་སྒྲ་ཙམ་ཡང་རྣ་བའི་བུ་གར་ལྟུང་བར་འགྱུར་བ་དང ། བྲིས་པ་རྣམས་བལྟ་བ་དང ། པོ་ཏིའམ། ཡི་གེ་འམ། རྩིག་པའམ། གྱ་ང་ལ་བྲིས་པ་ལྟ་བར་བྱེད་པ་དེ། མཚམས་ Ba338b མེད་པ་ལྔའི་སྡིག་པ་ཐམས་ཅད་ཡོངས་སུ་ཟད་ཅིང ། ཡོངས་སུ་གཏུགས་པར་འགྱུར་རོ། །སྔོན་བསགས་པའི་མནར་མེད་པར་གཞོལ་པའི་སྡིག་པ་དང ། སྒྲིབ་པ་དེ་ཐམས་ཅད་རྣམ་པར་ཉམས་པར་བྱེད་དོ། །ཡོངས་སུ་གཏོགས་པར་འགྱུར་རོ། །ཤི་འཕོས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་ཏོ། པདྨ་ལས་བརྫུས་ཏེ་སྐྱེ་བར་འགྱུར་རོ། །ནམ་ཡང་ཕྱིས་མངལ་དུ་གནས་པའི་དྲི་མས་གོས་པར་མི་འགྱུར་རོ། །ཇི་སྲིད་དུ་བྱང་ཆུབ་ལ་མཐར་ཐུག་གི་བར་དུ་སངས་རྒྱས་ཀྱི་ཞིང་གང་དང་གང་དུ་སྐྱེ་བར་འགྱུར་བའི་སངས་རྒྱས་ཀྱི་ཞིང་ཐམས་ཅད་དུ་པདྨ་ལས་སྐྱེ་བར་འགྱུར་ཞིང་ཚེ་རབས་དྲན་པར་ཡང་འགྱུར་རོ། །ཕྱག་ན་རྡོ་རྗེས་གསོལ་པ། བཅོམ་ལྡན་འདས། ཇི་ལྟར་ཆོ་ག་ཞིབ་མོའི་རྒྱལ་པོ་དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་འདི་བྲི་བར་བྱ། བཅོམ་ལྡན་འདས། འབྲི་བཞིན་པ་དེའི་བསོད་ནམས་ཀྱི་ཕུང་པོ་རབ་ཏུ་བསྐྱེད་པ་ཅི་ལགས། དགེ་བའི་རྩ་བ་ཅི་དང་ཡང་དག་པར་ལྡན་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ། འདིའི་ཡོན་ཏན་དང ། ཕན་ཡོན་དཔག་ཏུ་མེད་དེ། དོན་ཡོད་པའི་ལྕགས་ཀྱུའི་རིག་པའི་རྒྱལ་པོ་འདིའི་དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་འབྲི་བཞིན་པའི་བསོད་ནམས་ཀྱི་ཕུང་པོ་རབ་ཏུ་སྐྱེ་སྟེ། ཕན་ཡོན་དཔག་ཏུ་མེད་པ་དང ། ཡོན་ཏན་དཔག་ཏུ་མེད་པ་ལས་བྱུང་པའི་རྣམ་པར་ Ba339a ༄#། །འཕྲུལ་པ་སོ་སོར་ཐོབ་བོ། །གང་ཡང་དོན་ཡོད་པའི་ཞགས་པའི་ལྕགས་ཀྱུ་རིག་པའི་རྒྱལ་པོ་དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་འདི་འབྲི་བར་འགྱུར་བ་ཉོན་ཅིག་།ལག་ན་རྡོ་རྗེ། རྒྱ་མཚོ་ཆེན་པོའི་འོག་ཏུ་དཔག་ཆེད་སྟོང་ཕྲག་བརྒྱད་ཅུ་རྩ་བཞི་པ། མཆུ་དང་ཞེང་དུ་དཔག་ཚད་སྟོང་ཕྲག་བརྒྱད་ཅུ་རྩ་བཞི་པ་དེ་ལས་ཆུའི་ཐིགས་པའི་ཚད་ཀྱི་ཐིགས་པ་རེ་རེའི་གྲངས་སུ་བྱེད་པར་འདོད་པའམ། དེ་ལྟ་བུའི་ཚད་ཀྱི་ངོས་གཉིས་པར་མཚོ་ཆེན་པོ་ལས་ཐིགས་པ་རེ་རེ་ནས་བཅུ་པར་བྱ་སྟེ། དེ་ལ་ཐིགས་པ་རེ་རེ་ནས་བགྲངས་ཏེ་གཏོར་བར་བྱའོ། །དེ་ནས་རྒྱ་མཚོ་ཆེན་པོ་ཆུའི་ཐིགས་པའི་གྲངས་ཀྱིས་ཟད་པར་འགྱུར་ཞིང་ཆུ་སྐམ་པར་བྱེད་དོ། །མཚོ་ཆེན་པོ་གཉིས་པ་ལས་ཆུས་ཡོངས་སུ་གང་བར་འགྱུར་གྱི། དོན་ཡོད་པའི་ལྕགས་ཀྱུ་རིག་པའི་རྒྱལ་པོ་འདི་དང ། དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་ཀྱི་ཆོ་ག་ཞིབ་མོ་དེ་འབྲི་བཞིན་པའི་བསོད་ནམས་ཀྱི་ཕུང་པོའི་ཚད་ནི། གཟུང་བར་ནུས་པ་མ་ཡིན་ནོ། །དེ་ལྟར་རྒྱ་ཆེ་བ། དེ་ལྟར་ཟབ་པ། དེ་ལྟར་ཡངས་པའི་ཡོན་ཏན་བསྐྱེད་པར་བྱ་བ་ནི། དོན་ཡོད་པ་ནོར་བུའི་མཆོད་པའི་སྙིང་པོའི་གཟུངས་ཀྱི་ཆོ་ག་ཞིབ་མོའི་ཆོ་གའི་རྒྱལ་པོའོ། །ལག་ན་རྡོ་རྗེ། འོན་ཀྱང་རིའི་རྒྱལ་པོ་རི་རབ་ཆེན་པོ་ནི། དཔག་ཚད་སྟོང་ཕྲག་བརྒྱད་ཅུ་རྩ་བཞི་འོག་ཏུ་རྒྱ་མཚོ་ཆེན་པོའི་ Ba339b ནང་དུ་ནུབ་བོ། །དཔག་ཚད་སྟོང་ཕྲག་བརྒྱད་ཅུ་རྩ་བཞི་སྟེང་ཉིད་དུ་གནས་སོ། །སྐྱེས་བུ་སྟོབས་ཆེན་པོ་དང་ལྡན་པར་གྱུར་པ་གང་ལ་ལ་རིའི་རྒྱལ་པོ་རི་རབ་ཆེན་པོ་གང་ཡིན་པ་ཡང་ཡུངས་ཀར་གྱི་འབྲས་བུའི་ཚད་ཙམ་དུ་བྱེད་པ་དང ། ངོས་གཉིས་པར་རྒྱ་མཚོ་ཆེན་པོའི་རིའི་རྒྱལ་པོ་རི་རབ་ཆེན་པོ་ཆོ་ག་དེ་ལྟ་བུ་ལ་ཡུངས་ཀར་གྱི་འབྲས་བུ་ཙམ་དུ་བྱས་པ་ལས་སླར་ཡང་རིའི་རྒྱལ་པོ་རི་རབ་ཏུ་རབ་ཏུ་གནས་པར་བྱེད་པར་ནུས་ཀྱི། ཆོ་ག་ཞིབ་མོའི་རྒྱལ་པོ་གང་ཡིན་པ་འདི་འབྲི་བཞིན་པའི་བསོད་ནམས་ཀྱི་ཕུང་པོའི་དགེ་བའི་རྩ་བ་ནི། མི་ནུས་ཏེ།་དེ་བཞིན་གཤེགས་པ་ཐམས་ཅད་ཀྱི་སྦྱན་དང ། དེའི་གསུང་ཚད་གཟུང་བར་མི་ནུས་སོ། །དེ་བཞིན་དུ་ཡོན་ཏན་དང ། ཕན་ཡོན་རྒྱ་ཆེ་ཞིང་བསོད་ནམས་ཀྱི་ཕུང་པོ་ཆེན་པོ་ཡོངས་སུ་འཛིན་ཏེ། དགེ་བའི་རྩ་བ་ཆེན་པོ་བསྐྱེད་པར་བྱིན་གྱིས་བརླབས་པར་འགྱུར་རོ། །ཞེས་སོ། །རྡོ་རྗེ་འཛིན་པས་གསོལ་པ། བཅོམ་ལྡན་འདས། རིག་པའི་རྒྱལ་པོའི་ཆོ་ག་ཞིབ་མོ་དང ། ཕྱག་རྒྱ་འདི་ཇི་ལྟར་བྲི་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་ཉོན་ཅིག། རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེ་རིགས་སམ། དམངས་རིགས་སམ། བུད་མེད་དམ། སྐྱེས་པའམ། ཁྱེའུ་ Ba340a ༄#། །འམ།་བུ་མོ་གང་ལ་ལ་ཆོ་ག་ཞིབ་མོའི་རྒྱལ་པོ་འདི་འབྲི་བར་བྱེད་པ་དེ། ཕྱག་རྒྱ་དང ། གསང་སྔགས་རིམ་པར་ཕྱེ་བ་དང ། དཀྱིལ་འཁོར་གྱི་ལས་དང ། ཡོ་བྱད་དང་བཅས་པའི་ཆོ་གས་དོན་ཡོད་པའི་ནོར་བུའི་པདྨ་ཞགས་པའི་སྙིང་པོའི་གཟུངས། དོན་ཡོད་ཞགས་པའི་སྙིང་པོ་འཕགས་པ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པའི་འཁོར་ལོ། དཀྱིལ་འཁོར་ཆེན་པོ་དང ། ཕྱག་རྒྱ་དང ། དཀྱིལ་འཁོར་ཆེན་པོའི་ཀླུའི་ཞགས་པའི་རྣམ་པར་འཕྲུལ་པ་འདི་འབྲི་བར་བྱེད་དོ། ། དེས་ཡོངས་སུ་དག་པའི་ངག་དང ། ཡིད་ཀྱིས་དང ། ལྷག་པའི་བསམ་པ་དང ། གུས་པ་དང་བཅས་པ་དང ། ཡིད་དེར་གྱུར་པ་དང ། མཆོད་པའི་མཆོག་དང ། གུས་པ་ལ་སོགས་པའི་འབྲི་མཁན་གྱིས་བྲི་བར་བྱའོ། །མཆོག་ཏུ་གུས་པ་དང ། ཞེས་དང་བཅས་པས་ཁ་ཟས་མི་མཐུན་པ་སྤངས་ཏེ་ལེགས་པར་ཡོང་སུ་རྫོགས་པའི་ཁ་ཟས་རོ་བྲོ་བའི་མཆོག་དང ། ལེགས་པར་འདུས་བྱས་ཤིང་ཡིད་དགའ་བའི་མེ་ཏོག་དང ། འབྲས་བུའི་བཏུང་བ་གུས་པ་དང་བཅས་པས་གནས་སུ་གི་ཝཾ་གི་དཀྱིལ་འཁོར་དང ། མེ་ཏོག་གཅལ་དུ་བཀྲམ་ནས་དྲིས་བདུགས་ཏེ་དར་གྱིས་སྦྲས་པའི་ཆོས་ཀྱི་སྟན་ལ་བདུག་པས་བྲི་བར་བྱའོ། །ལེགས་པར་ཁྲུས་བྱས་ཤིང ། མགོ་ལ་དྲིས་བྱུག་།ལུས་ལ་གོས་བསྒོས་ལ་ Ba340b མཆོད་པར་བྱའོ། །ཚེས་བརྒྱད་དམ་བཅོ་ལྔ་ལ་སོ་སོའི་ཆ་ཤས་དང་བཅས་པའི་དཀྱིལ་འཁོར་རྣམ་པར་ཕྱ་ནས་གཏོར་མ་དང ། ཉེ་བར་སྤྱོད་པ་དབུལ་བར་བྱའོ། །མཆོག་ཏུ་དགའ་བའི་ཡིད་ཀྱིས་བྱ་སྟེ། ཡོན་དང་བཅས་པས་གསེར་གྱི་སྣ་རྒྱན་སྦྱིན་པར་བྱའོ། །བྲི་བར་བྱ་བ་ཡོངས་སུ་མ་སྤངས་པར་དོན་ཡོད་པར་བྱའོ། །ལག་པ་བརྐྱང་བས་བྱའོ། །ལེགས་པར་སྦྱངས་པ་བྱས་པས་བྱའོ། །འདིའི་ཆོ་གས་འབྲི་བར་བྱེད་པ་གང་ཡིན་པ་དེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བའི་དམ་ཚིག་དང ། དཀྱིལ་འཁོར་དང ། ཕྱག་རྒྱ་རིམ་པར་ཕྱེ་བ་དང ། གསང་བ་བྲིས་པར་འགྱུར་རོ། །འདི་ལྟ་སྟེ། དེ་བཞིན་གཤེགས་པའི་རིགས་དང ། ནོར་བུའི་རིགས་དང ། པདྨའི་རིགས་དང ། རྡོ་རྗེའི་རིགས་གང་ཅི་ཡིན་པ་དང ། དེ་བཞིན་གཤེགས་པ་རྣམ་པར་སྣང་མཛད་ཀྱི་སྙིང་པོའི་དཀྱིལ་འཁོར་ཆེན་པོ་དེ་ཐམས་ཅད་འབྲི་བར་འགྱུར་རོ། །འདི་ལྟ་སྟེ། ཆུ་གང་ཡིན་པ་ཐམས་ཅད་ཆུ་ཀླུང་ཆེན་པོ་དང ། རྒྱ་མཚོ་ཆེན་པོའི་རྗེས་སུ་ཞུགས་ནས་རོ་གཅིག་ཏུ་འགྱུར་རོ། །འདི་ལ་སྟེ། ཉི་མ་ཤར་བ་ན་མུན་པས་ལྡོངས་པ་ཐམས་ཅད་ཀུན་ཏུ་སྣང་བར་བྱེད་དོ། །དེ་ཁོ་ན་བཞིན་དུ་དོན་ཡོད་པའི་ལྕགས་ཀྱུའི་རིག་པའི་རྒྱལ་པོའི་སྙིང་པོ་འདི་དང ། དོན་ཡོད་པའི་ནོར་བུའི་མཆོད་པའི་སྙིང་པོ་འདི་དང ། དོན་ཡོད་པའི་ཞགས་པའི་ནོར་བུ་པདྨའི་སྙིང་པོ་འཕགས་པ་སྤྱན་རས་གཟིགས་ Ba341a ༄#། །དབང་ཕྱུག་གི་སྙིང་པོ་དང ། རྣམ་པར་འཕྲུལ་པ་དང ། དཀྱིལ་འཁོར་དང ། དཀྱིལ་འཁོར་ཆེན་པོ་དང ། ཕྱག་རྒྱ་དང ། དཀྱིལ་འཁོར་པའི་ཀླུའི་ཞགས་པའི་རྣམ་པར་འཕྲུལ་པ་འདི་ཐམས་ཅད་དུ་མཚུངས་པར་དེ་བཞིན་གཤེགས་པ་ཐམས་ཅད་ཀྱི་གསང་བའི་རྗེས་སུ་འཇུག་གོ་།དམ་ཚིག་དང ། ཕྱག་རྒྱ་དང ། སྙིང་པོ་རྣམས་མཚུངས་པར་དུས་གསུམ་པའི་དེ་བཞིན་གཤེགས་པའི་རིགས་སུ་རབ་ཏུ་སྐྱེས་པའོ། །ཐམས་ཅད་དུ་མཚུངས་པར་མཆོད་པའི་སྤྲིན་གྱི་རྣམ་པར་འཕྲུལ་པའོ། །གང་ཡང་དུས་གསུམ་པའི་དེ་བཞིན་གཤེགས་པའི་རྡུལ་ཕྲ་རབ་དང་ལྷན་ཅིག་པའི་དེ་བཞིན་གཤེགས་པའི་གསུང་གི་ཐ་སྙད་དེ་ཁོ་ན་ཉིད་ཡང་དག་པའི་སྙིང་པོའོ། །དོན་ཡོད་པ་ནོར་བུ་མཆོད་པའི་སྙིང་པོའི་གཟུངས་དང ། དོན་ཡོད་པ་ནོར་བུ་པདྨའི་ཞགས་པའི་སྙིང་པོ་དང ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དང ། གཟུངས་ཀྱི་རྣམ་པར་འཕྲུལ་པ་དང ། འཁོར་ལོ་དང ། དཀྱིལ་འཁོར་ཆེན་པོ་དང ། ཕྱག་རྒྱའི་དཀྱིལ་འཁོར་པ་དང ། ཀླུའི་ཞགས་པའི་རྣམ་པར་འཕྲུལ་བ་དང ། དེ་བཞིན་གཤེགས་པ་རྣམ་པར་སྣང་མཛད་ཀྱིས་གསུངས་པ་དེ་ཐམས་ཅད་གསང་བའི་དམ་ཚིག་གཅིག་ཏུ་བྱིན་གྱིས་བརླབས་སོ། །རྒྱུ་དེའི་ཕྱིར་འདི་ནི། དོན་ཡོད་ཞགས་པའི་དོན་ཡོད་པའི་ལས་སྒྲུབ་པར་བྱེད་པའི་མཐུ་སྟོབས་ཀྱི་དངོས་ Ba341b གྲུབ་སྟེ། དོན་ཡོད་ཞགས་པའི་སྙིང་པོ་དང ། དོན་ཡོད་ཞགས་པའི་རྣམ་པར་འཕྲུལ་པའོ། །ཞེས་བརྗོད་པར་བྱའོ། །དེ་བཞིན་དུ་འབྲི་བཞིན་པའི་དགེ་པའི་རྩ་བ་དང ། བསོད་ནམས་ཀྱི་ཕུང་པོ་ཡོངས་སུ་འཛིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གསང་བ་དང་མཚུངས་པ་གཅིག་གིས་མཚུངས་པའོ། །དོན་ཡོད་པའི་ཞགས་པའི་ལྕགས་ཀྱུའི་སྙིང་པོའི་ཆོ་ག་ཞིབ་མོར་བྱིན་གྱིས་བརླབས་སོ། །འབྲི་བར་བྱེད་པ་དང ། འདོན་པར་བྱེད་པ་དང ། ཀློག་པར་བྱེད་པ་དང ། བཟླས་པ་ནི། མཆོད་པའི་སྤྲིན་དུ་བྱིན་གྱིས་བརླབས་སོ། །དེའི་ཕྱིར་འདི་ནི། རིག་སྔགས་འཆང་གིས་ལེགས་པར་རབ་ཏུ་དང་བ་དང་ལས་ལ་སྤྲོ་ཞིང་བརྩོན་པས་བྱའོ། །ཤིན་ཏུ་གསལ་བ་དང ། སྤྲོ་བ་དང ། མཆོག་ཏུ་དགའ་བ་དང ། དད་པས་བྲི་བར་བྱའོ། །ཤིན་ཏུ་འབད་པས་ཕྱག་རྒྱ་དང ། གསང་སྔགས་ཀྱི་སྙིང་པོ་དང ། གཟུངས་དང ། ཕྱག་རྒྱའི་དཀྱིལ་འཁོར་དང ། ཀླུའི་ཞགས་པའི་རྣམ་པར་འཕྲུལ་པ་བྲི་བར་བྱ། བཀླག། པར་བྱ་མཉན་པར་བྱའོ། །མཐུ་སྟོབས་ཀྱིས་མཉན་པར་བྱའོ། །མཐུ་སྟོབས་ཀྱིས་བྲི་བར་བྱ། མཐུ་སྟོབས་ཀྱིས་མཆོད་པ་དང་བསྙེན་བཀུར་བྱའོ། །མཐུ་སྟོབས་ཀྱིས་དམ་པའི་ཆོས་མཆོད་པ་དང ། གུས་པས་འདྲི་བར་བྱེད་པ་པོ་དང ། འབྲི་བཞིན་པ་ལ་བསྙེན་བཀུར་དང ། བླ་མ་ལ་སྲི་ཞུ་བྱེད་པར་བྱའོ། །འདི་ནི། མཆོག་ཏུ་གསང་བའོ། །དོན་ཡོད་ཞགས་པའི་རྣམ་ Ba342a ༄#། །པར་ཐར་པའི་དཀྱིལ་འཁོར་གྱི་གསང་བའོ། །ནོར་བུ་རིན་པོ་ཆེ་ཆེན་བོ་དེ་བཞིན་གཤེགས་པ་ཐམས་ཅད་ཀྱི་གསང་བ་དང ། དཀྱིལ་འཁོར་དང ། ཕྱག་རྒྱ་དང ། གཟུངས་ཀྱི་གསང་བ་བྱིན་གྱིས་བརླབས་པ་ནི། གཉིས་ཏེ། གཅིག་ནི། དོན་ཡོད་པའི་མཆོད་པའི་སྙིང་པོའི་གཟུངས་སོ། །གཉིས་པ་ནི། དོན་ཡོད་པའི་ནོར་བུའི་པདྨ་ཞགས་པའི་སྙིང་པོའོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་རྣམ་པར་འཕྲུལ་པ་དང ། འཁོར་ལོ་དང ། དཀྱིལ་འཁོར་ཆེན་པོའི་སྙིང་པོ་དང ། ཕྱག་རྒྱ་དང ། དཀྱིལ་འཁོར་ཆེན་པོའི་ཀླུའི་ཞགས་པས་རྣམ་པར་འཕྲུལ་པས་སྤྲུལ་པའོ། །འདི་ནི། ཡིད་བཞིན་གྱི་ནོར་བུ་རིན་པོ་ཆེ་ཆེན་པོར་འགྱུར་བ་སྟེ། དོན་ཡོད་པའི་དཔག་བསམ་གྱི་ཤིང་གི་མཆོད་པ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་དོན་ཡོད་པའི་ཞགས་པའི་གསང་བ་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པའོ། །འཕགས་པ་སྤྱན་རས་གཟིགས་དབང་ཕྱུག་དམ་པར་གྱུར་པའི་སྙིང་པོ་དོན་ཡོད་པའི་ཡིད་བཞིན་གྱི་ནོར་བུ་སྟེ། འདི་ནི། གཉིས་པར་རིག་སྔགས་འཆང་རྣམས་ཀྱི་ནོར་བུ་རིན་པོ་ཆེ་ཆེན་པོ་སྟེ། དོན་ཡོད་པའི་རྣམ་པར་འཕྲུལ་པ་སྒྱུ་མ་ལྟ་བུའི་ཏིང་ངེ་འཛིན་གྱི་རྣམ་པར་འཕྲུལ་པ་ཡིན་ནོ། །དེ་ནས་ཕྱག་ན་རྡོ་རྗེ་ལ་སོགས་པ་རིག་སྔགས་འཆང་ཐམས་ཅད་ཀྱི་དབང་པོ་དུ་མ་རིག་སྔགས་ Ba342b འཆང་བརྒྱ་སྟོང་ཕྲག་གིས་ཡོངས་སུ་བསྐོར་བ་དང ། རིག་པའི་རྒྱལ་པོའི་ལྷ་བརྒྱ་སྟོང་ཕྲག་དུ་མ་དང ། དཀྱིལ་འཁོར་གྱི་ལྷ་བརྒྱ་སྟོང་ཕྲག་དུ་མ་དང ། དབང་པོ་དང་ལྷའི་དབང་པོ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། གཙང་མའི་གནས་ཀྱི་རིས་ཀྱི་ལྷའི་བུ་བརྒྱ་སྟོང་ཕྲག་རྣམས་དང ། གཤིན་རྗེ་དང ། ཆུ་ལྷ་དང ། ལུས་ངན་པོ་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོའི་ཚོགས་སྟོང་ཕྲག་རྣམས་ཀྱིས་དེ་ལྟ་བུའི་གསུང་གི་སྒྲ་དབྱངས་ཐོས་ནས་དགའ་བ་དང ། མགུ་བ་དང ། ཡིད་རངས་པ་དང ། རབ་ཏུ་མགུ་བ་དང ། དགའ་བ་དང ། ཡིད་བདེ་བ་སྐྱེས་པར་གྱུར་ཏོ། །དེ་བཞིན་དུ་གཉིས་པར་ནོར་བུ་རིན་པོ་ཆེ་ཆེན་པོ་ཉན་པ་ལ་དེ་རྣམས་ཐམས་ཅད་ལྷན་ཅིག་ཏུ་མཐུན་པར་རྒྱལ་པོ་ཆེན་པོ་བཞི་སྔོན་དུ་འགྲོ་བས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ལ་མེ་ཏོག་དང ། བདུག་པ་དང ། དྲི་དང ། ཕྲེང་བ་དང ། བྱུག་པ་དང ། རོལ་མོ་དང ། ཕེག་རྡོབ་པ་སྣ་ཚོགས་པས་མཆོད་པ་བྱེད་པར་གྱུར་ཏོ། །འཕགས་པ་སྤྱན་རས་གཟིགས་དབང་ཕྱུག་དེ་ལ་ཡང་མཆོད་པར་གྱུར་ཅིག་།རིག་པའི་རྒྱལ་པོ་དེ་ལ་ཡང་མཆོད་པར་བྱེད་དོ། །བཅོམ་ལྡན་འདས་ལ་ལན་བརྒྱ་སྟོང་ཕྲག་དུ་མར་བསྐོར་བ་བྱས་ནས་ལེགས་སོ་ཞེས་བརྗོད་པར་བྱེད་ Ba343a ༄#། །དེ།་བཅོམ་ལྡན་འདས། ལེགས་སོ་ལེགས་སོ། །བཅོམ་ལྡན་འདས། མཆོག་ཏུ་རྙེད་པར་དཀའ་བ་གང་ཡིན་པ་དང ། བཅོམ་ལྡན་འདས། གཉིས་པར་ནོར་བུ་རིན་པོ་ཆེ་ཆེན་པོ་དོན་ཡོད་ཞགས་པའི་སྙིང་པོ་རྣམ་པར་ཐར་པའི་དཀྱིལ་འཁོར་ཛམྦུའི་གླིང་དུ་རབ་ཏུ་བཞག་གོ་ཞེས་སོ། །བཅོམ་ལྡན་འདས་ཀྱིས་ཀྱང་བྱིན་གྱིས་བརླབས་སོ། །འཕགས་པ་སྤྱན་རས་གཟིགས་དབང་ཕྱུག་གིས་གསུངས་པའོ། །འདི་ནི། དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོར་གྱུར་པ་ཐུན་མོང་པར་མཚུངས་པའོ། །ཐམས་ཅད་དུ་གསང་བ་ཕྱག་རྒྱ་དང ། གསང་སྔགས་རིམ་པར་ཕྱེ་བ་དང ། དཀྱིལ་འཁོར་ཐམས་ཅད་དང ། དེ་བཞིན་གཤེགས་པ་ཐམས་ཅད་ཀྱི་མཆོད་པའི་སྤྲིན་གྱི་རྣམ་པར་འཕྲུལ་པ་མཆོག་ཏུ་རྙེད་པར་དཀའ་བར་གསུངས་པའོ། །བཅོམ་ལྡན་འདས། བདག་དེ་དག་ཐམས་ཅད་མཐུན་པར་གྱུར་པས་ལྷན་ཅིག་པ་ཁོ་ནར་རྟག་ཏུ་རྗེས་སུ་འབྲང་ཞིང ། རིག་པའི་རྒྱལ་པོ་འདི་ཡང་དག་པར་རྗེས་སུ་འབྲང་བར་བགྱིའོ། །འདི་ཡོངས་སུ་བསྲུང་བར་བགྱིའོ། །འདི་ལྟ་སྟེ། འཛིན་པ་དང ། འདོན་པ་དང ། མཆོད་པ་དང ། བསྙེན་བཀུར་བྱེད་པ་དང ། འབྲི་བ་དང ། འབྲིར་འཇུག་པ་དང ། ཉན་པ་དང ། བཟླས་པའི་ལས་སུ་འགྱུར་བར་བགྱིའོ། །རིག་སྔགས་འཆང་དེ་ལ་ཡང་རྟག་ཏུ་རྒྱུན་མི་འཆད་པར་བསྲུང་བ་དང ། བསྐྱབ་པ་དང ། Ba343b སྦ་བར་བགྱིའོ། །དངོས་གྲུབ་ཀྱང་སྩལ་བར་བགྱིའོ། །རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དགེ་སྦྱོང་ངམ།་བྲམ་ཟེའམ། རྒྱ་རིགས་སམ། བུད་མེད་དམ། སྐྱེས་པའམ། ཁྱེའུ་འམ། བུ་མོ་གང་ཡིན་པ་དེའི་ཡང་ཆོ་ག་ཞིབ་མོའི་རྒྱལ་པོ་འདིའི་མིང་ཐོས་པ་ཙམ་གྱིས་ཀྱང་དེ་ལ་བདག་ཅག་ཐམས་ཅད་མཐུན་པར་རྟག་ཏུ་རྗེས་སུ་འབྲང་བར་བགྱི། སྲུང་བ་དང ། བསྐྱབ་པ་དང ། སྦ་བ་དང ། སྟོབས་དང ། བརྩོན་འགྲུས་དང ། མདངས་དང ། དགའ་བསྒྲུབ་པར་བགྱི། སྡིག་པ་དང ། སྒྲིབ་པ་ཐམས་ཅད་རབ་ཏུ་ཞི་བར་བགྱི། ནད་ཐམས་ཅད་བསལ་བར་བགྱི། འཇིགས་པ་དང ། འཐབ་མོ་དང ། འཐབ་པ་དང ། རྩོད་པ་དང ། འགྱེད་པ་ཐམས་ཅད་རབ་ཏུ་ཞི་བར་བགྱི།་ཡམས་དང ། ཉེ་བར་འཚེ་བ་དང ། ནད་འགོ་བ་དང ། འཁྲུག་པ་དང ། མུ་གེ་དང ། མི་ངས་དང ། འབྲོག་དགོན་པའི་འཇིགས་པ་ཐམས་ཅད་སོ་སོར་ཕྱིར་བཟློག་པར་བགྱི། བདེ་བ་ལ་ཡང་དག་པར་རེག་པ་དང ། མཆོག་ཏུ་དགའ་བ་བསྒྲུབ་པར་བགྱི། བསྲུང་བར་བགྱི། ཡོངས་སུ་བསྐྱང་བར་བགྱི། དོན་མེད་པ་ཡང་སོ་སོར་བཟློག་པར་བགྱི། དོན་ལ་ཡང་ཡང་དག་པར་སྦྱར་བར་བགྱི། དོན་ཐམས་ཅད་རྗེས་སུ་སྩལ་བར་བགྱི། རྟག་ཏུ་མཆོག་སྩལ་བར་བགྱིའོ། །བཅོམ་ལྡན་འདས། ཤིན་ཏུ་རྒྱས་པའི་ཆོ་ག་ཆོ་ག་ཞིབ་མོའི་ཡོ་བྱད་དུ་དགོངས་པ་འོ། །དེ་ནས་ Ba344a ༄#། །ཡང་བཅོམ་ལྡན་འདས་ཀྱིས་ཕྱག་ན་རྡོ་རྗེ་སྔོན་དུ་འགྲོ་བས་རྒྱལ་པོ་ཆེན་པོ་བཞི་དང ། རིག་པའི་རྒྱལ་པོའི་ལྷ་དེ་རྣམས་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་དེ་རྣམས་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ་ལེགས་སོ། །དྲང་སྲོང་ཆེན་པོ། དེ་ལྟ་བུ་བྱེད་པ་དེ་རྣམས་ཡོངས་སུ་བསྐྱང་བར་བྱ།་བསྲུང་བར་བྱ། དངོས་གྲུབ་ཀྱང་སྦྱིན་པར་བྱའོ། །ངས་ཆོ་ག་ཞིབ་མོའི་རྒྱལ་པོ་རྒྱ་མཚོའི་དཀྱིལ་འཁོར་དང ། གསང་སྔགས་དང ། དཀྱིལ་འཁོར་གྱི་ཆོ་ག་ཞིབ་མོ་འདི་ཡོངས་སུ་བསྲུང་བའི་ཆེད་དང ། སེམས་ཅན་དེ་རྣམས་ཐམས་ཅད་ཡོངས་སུ་བསྲུང་བའི་ཆེད་དང ། སེམས་ཅན་ཐམས་ཅད་བསྲུང་བའི་ཆེད་དང ། ཡོངས་སུ་བསྐྱང་བའི་ཆེད་དུ་གྲོགས་པོ་རྣམས་ལ་རྗེས་སུ་གཏད་དོ། །འདི་ཡང་བསྲུང་བར་བྱའོ། །ཞེས་སོ། །དེ་ནས་ཡང་བཅོམ་ལྡན་འདས་ཀྱིས་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །ཕྱག་རྒྱ་དང ། དཀྱིལ་འཁོར་གྱི་རིམ་པར་ཕྱེ་བའི་ཆོ་ག་སྨྲོས་ཤིག་།དོན་ཡོད་པའི་ནོར་བུའི་མཆོད་པའི་སྙིང་པོའི་གཟུངས་ཀྱི་གསང་བ་དང ། རིག་སྔགས་འཆང་ཐམས་ཅད་ཀྱི་སྙིང་པོའི་གསང་བ་མཆོག་གི་དངོས་གྲུབ་འདི་ཐམས་ཅད་དུ་ཐུན་མོང་པའི་སྙིང་པོ་གྲུབ་པའོ། །དེ་ནས་བྱང་ཆུབ་སེམས་དཔའ་ཆེན་ Ba344b པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པ་ལྕགས་ཀྱུའི་ཆོ་ག་ཞིབ་མོའི་རྒྱལ་པོའི་རིག་པའི་རྒྱལ་པོ་དོན་ཡོད་པ་ནོར་བུ་མཆོད་པའི་སྙིང་པོའི་གཟུངས་ཀྱི་ཕྱག་རྒྱ་དང ། དཀྱིལ་འཁོར་གྱི་ཆོ་ག་དང ། རས་རིས་རྣམས་གསུངས་པ། དེ་ནས་འདིའི་དཀྱིལ་འཁོར་བཤད་པར་བྱའོ། །དོན་ཡོད་པ་མཆོད་པའི་ནོར་བུའི་སྙིང་པོ་བླ་ན་མེད་པ་ནི།་དཀྱིལ་འཁོར་གྲུ་བཞི་པ་བྱས་ཏེ་ཀུན་ནས་ཤིན་ཏུ་རྣམ་པར་ཕྱེ་བ། ས་དང་བ་བྱུང་གིས་ལེགས་པར་བྱུགས་ཤིང་ཤིན་ཏུ་འཇམ་པ་ལ་ཚོན་སྣ་ཚོགས་པས་བཀྲ་བའི་སྲད་བུས་ཆར་གཞལ་ཅིང་བཅད་ལ་དཀྱིལ་འཁོར་བླ་ན་མེད་པའི་དབུས་ཀྱི་དཀྱིལ་འཁོར་གྱི་སྙིང་པོར་བདག་གི་ཁྲུས་ཚད་ཀྱིས་ཀུན་ནས་ཁྲུ་བཞི་པ་སྒོ་བཞི་རྣམ་པར་ཕྱེ་བ་བྱའོ། ། ཐམས་ཅད་དུ་གསང་བ་ཐུན་མོང་པའི་དཀྱིལ་འཁོར་དང ། དབུས་ཀྱི་དཀྱིལ་འཁོར་གྱི་སྙིང་པོར་ཡང་པདྨ་བྱ་སྟེ། པདྨ་སྟོང་ཕྲག་གིས་ཤིན་ཏུ་མཛེས་པ་ལྔ་ལྔའོ། །པདྨ་དཀར་པོ་བླ་ན་མེད་པ་ལ་ཟེ་འབྲུ་དང ། གེ་སར་གྱི་ཚད་ལ་བབ་པ། ཡིད་བཞིན་གྱི་ནོར་བུའི་གེ་སར་དང ། ཟེ་འབྲུ་བཀྲ་བའི་དྲ་བའི་སྙིང་པོ་ལུས་དང་ལག་ཏུ་འཆང་ཞིང ། ལག་པའི་ཕྱག་རྒྱ་གཡོན་པ་དང ། གཡས་པས་བྱའོ། །དར་དཔྱངས་དང་འཁྱིལ་བས་སྤ་བ། ཟུར་ཟུར་དུ་དཔག་བསམ་གྱི་ཤིང་ཤིན་ཏུ་ཚད་ལ་བབ་པ་ཆོ་ག་ཇི་ལྟ་བ་བཞིན་ Ba345a ༄#། །དུ་བྱེད་དུ་གཞུག་གོ་།སྙིང་པོའི་འཁོར་གྱི་རེ་ཁ་ཡང་ཆོ་ག་ཇི་ལྟ་བ་བཞིན་དུ་ཤིན་ཏུ་ཚད་དང་ལྡན་པར་བྱའོ། །མེ་ཏོག་དང་འབྲས་བུ་སྣ་ཚོགས་པ་བྱ་ཞིང ། དེ་ནས་མེ་ཏོག་གི་བར་དུ་རེ་ཁ་བྱའོ། །རྒྱན་སྣ་ཚོགས་ཀྱིས་རྣམ་པར་བརྒྱན་པ། གོས་སྣ་ཚོགས་པ་མཛེས་པའོ། །སྣ་ཚོགས་པའི་རྒྱན་གྱི་ཕྱི་རོལ་ཏུ་པདྨ་དང ། ུཏྤལ་སྔོན་པོའི་ཕྲེང་བའི་རི་མོའོ། །ུཏྤལ་སྔོན་པོའི་ཕྱི་རོལ་ཏུ་ནོར་བུ་རིན་པོ་ཆ་སྣ་ཚོགས་པས་རྣམ་པར་བཀྲ་བའི་རི་མོ་འབར་བའི་ཕྲེང་བས་མཛེས་པའོ། །མེ་ཏོག་སྣ་མ་དང་ཙམ་པ་ཀའི་ཕྲེང་བ་དག་ལ་སྔགས་ཀྱི་ནོར་བུའི་རི་མོ་ཡང་བྱའོ། །དེའི་ཕྱི་རོལ་གྱི་ཁོར་ཡུག་ཏུ་སྣམ་བུའི་རྣམ་པ་བྱའོ། །རི་བོ་ལ་སྣ་ཚོགས་པའི་ལྗོན་ཤིང་དང་ལྕུག་མ་བཀྲམ་པ་དང ། མེ་ཏོག་སྣ་ཚོགས་ཀྱིས་ཉེ་བར་མཛེས་པའོ། །ཁོར་ཡུག་ཏུ་ཆུ་འབབ་པའི་སྙིང་པོའི་དཀྱིལ་འཁོར་འདི་འབྲི་ཞིང ། ཕྱི་རོལ་གྱི་དཀྱིལ་འཁོར་གྱི་ཁོར་ཡུག་ཏུ་གང་བྲི་བར་བྱ་སྟེ། དཀྱིལ་འཁོར་བླ་ན་མེད་པ་།ཕྱག་རྒྱ་སྣ་ཚོགས་དང ། མེ་ཏོག་སྣ་ཚོགས་དང ། བུམ་པ་དང ། མཆོད་པའི་རིན་པོ་ཆེའི་སྣོད་སྣ་ཚོགས་པ་དང ། གང་བའི་བུམ་པ་སྣ་ཚོགས་པ་བྲིའོ། །མཚན་མ་དང ། ཕྱག་རྒྱ་དང ། རིན་པོ་ཆེ་སྣ་ཚོགས་པའི་ཡལ་ག་དང ། པདྨ་དང ། ུཏྤལ་འཆང་བ་དང ། གོས་དང ། རྒྱན་སྣ་ཚོགས་པ་ཐོགས་པ་བྱའོ། །ཕྱིའི་དཀྱིལ་འཁོར་གྱི་ཁོར་ཡུག་ཏུ་མེ་ཏོག་སྣ་ཚོགས་པ་ཀུ་མུ་ད་དང ། Ba345b པདྨ་དཀར་པོ་དང ། མནད་ར་བ་དང ། ་ཏི་མུཀྟ་ཀ་དང ། ཝཪྵི་ཀ་དང ། ཙམ་པ་ཀ་དང ། ུཏྤལ་སྔོན་པོ་དང ། སྣ་མ་དང ། སྐྱ་ནར་དང ། ཡཱུ་ཐེ་ཀ་དང ། ཀ་དམ་པའི་མེ་ཏོག་གི་ཕྲེང་བས་མཛེས་པར་བྱའོ། །སྒོ་བཞིའི་གནས་སུ་རྒྱན་ཐམས་ཅད་ཀྱིས་རྣམ་པར་བརྒྱན་པར་བྱ་སྟེ། རིན་པོ་ཆེའི་ལྕུག་མ་སྣ་ཚོགས་པ་དང ། བུམ་པ་གང་བ་ཐོགས་པར་བྱའོ། །དཀྱིལ་འཁོར་གྱི་སྙིང་པོར་བ་ངན་གྱིས་བརྒྱན་པར་བྱའོ། །གང་བའི་བུམ་པ་ཡོངས་སུ་བསགས་པ་དང ། མེ་ཏོག་དང ། འབྲས་བུ་སྣ་ཚོགས་པ་དང ། སྣ་ཚོགས་པའི་གཟུགས་དང ། བཟའ་བའི་ཁ་ཟས་རོ་བྲ་བའི་མཆོག་གཞག་པར་བྱ། སྣ་ཚོགས་པའི་བདུག་པས་བདུགས་ལ་བདུག་པའི་སྤོག་ཕོར་ཡོངས་སུ་བཤམ་པར་བྱའོ། །རིག་སྔགས་འཆང་གཙང་མས་གོས་གཙང་མ་བགོ་བར་བྱ། ལེགས་པར་ཁྲུས་བྱས་ཤིང་དྲི་བཟང་པོའི་དྲིས་བསྐོས་ཏེ། རྣམ་པ་སྣ་ཚོགས་པའི་བདུག་པས་བདུགས་ལ། བ་བྱུང་ལྔས་ཉེ་རེག་བྱ་སྟེ། དོན་ཡོད་པ་ནོར་བུའི་མཆོད་པའི་སྙིང་པོའི་གཟུངས་འདི་ལན་སྟོང་རྩ་རྒྱད་དུ་བཟླས་པར་བྱའོ། །དུས་གསུམ་དུ་གཤེགས་པའི་དེ་བཞིན་གཤེགས་པ་རྡུལ་ཕྲ་རབ་ཀྱི་གྲངས་དང་མཉམ་པ་ཡིད་ལ་བྱའོ། །མཆོད་པའི་སྤྲིན་ཆེན་པོ་ཡིད་ལ་བྱ་ཞིང་བཟླ་སྟེ། ཕྱོགས་བཅུ་ཀུན་ནས་སངས་རྒྱས་ཀྱི་ Ba346a ༄#། །ཞིང་ཐམས་ཅད་ཀྱི་ནང་དུ་གཏོགས་པའི་སངས་རྒྱས་བཅོམ་ལྡན་འདས་རྣམས་སངས་རྒྱས་ཀྱི་ཞིང་རེ་རེའི་དུས་གསུམ་དུ་གཤེགས་པའི་དེ་བཞིན་གཤེགས་པ་རྡུལ་ཕྲ་རབ་རྣམས་དེ་བཞིན་གཤེགས་པའི་མཆོད་པའི་སྤྲིན་གྱིས་ཇི་ལྟར་དཀྱིལ་འཁོར་དུ་ཡོངས་སུ་བསགས་ཤིང་རྣམ་པ་སྣ་ཚོགས་སུ་གཞལ་དུ་མེད་པས་ཇི་ལྟ་བ་བཞིན་དུ་ཡོངས་སུ་བསགས་པའི་དེ་བཞིན་གཤེགས་པ་རེ་རེ་ཡང་དཀྱིལ་འཁོར་ཆེན་པོ་གཞལ་དུ་མེད་པ་བརྒྱ་སྟོང་ཕྲག་ཡོངས་སུ་བསགས་པས་བཅོམ་ལྡན་འདས་ཀྱི་སྤྱན་སྔར་མཆོད་པའི་སྤྲིན་ཆེན་པོ་བྱེད་དོ། །སྣ་ཚོགས་པའི་གོས་དང ། སྣ་ཚོགས་པའི་རྒྱན་དང ། ལྷབ་ལྷུབ་དང ། ལྷ་རྫས་ཀྱི་མེ་ཏོག་དང ། ལྷ་རྫས་ཀྱི་དྲི་སྣ་ཚོགས་པ་དང ། ལྷ་རྫས་ཀྱི་བདུག་སྤོས་སྣ་ཚོགས་པ་དང ། ལྷ་རྫས་ཀྱི་འབྲས་བུ་དང ། མེ་ཏོག་སྣ་ཚོགས་པ་དང ། རོ་བརྒྱ་པའི་ཁ་ཟས་ཀྱི་མཆོག་རོ་བྲོ་བའི་མཆོག་རྣམ་པ་སྣ་ཚོགས་པ་དང ། སྒྲོན་མའི་ཤིང་སྣ་ཚོགས་པ་བརྒྱ་སྟོང་ཕྲག་རྣམས་ཀྱིས་དེ་བཞིན་གཤེགས་པ་རེ་རེའི་འཁོར་གྱི་དཀྱིལ་འཁོར་དང་བཅས་པ་ལ་མཆོད་པའི་སྤྲིན་ཆེན་པོ་བྱེད་དོ། །ཡན་ལག་ལྔ་དང་ལྡན་པའི་ལྷ་རྫས་ཀྱི་རོལ་མོའི་སྒྲ་རྣམས་ཀྱིས་མཆོད་པའི་སྤྲིན་བྱེད་དོ། །དེ་ལྟ་བུའི་ཆོ་ག་རྣམས་ཕྱོགས་བཅུ་རྣམས་སུ་སངས་རྒྱས་ཀྱི་ཞིང་རེ་རེའི་དེ་བཞིན་གཤེགས་པ་རེ་ Ba346b རེའི་མཆོད་པའི་སྤྲིན་ཆེན་པོས་དུས་གསུམ་དུ་གཤེགས་པའི་དེ་བཞིན་གཤེགས་པ་རྡུལ་ཕྲ་རབ་ཀྱི་གྲངས་རྣམས་མཆོད་པར་འགྱུར་ཏེ། འཁོར་གྱི་དཀྱིལ་འཁོར་དང་བཅས་པ་ཐམས་ཅད་དུ་ལྷུན་གྲུབ་ཏུ་འབྱུང་བར་འགྱུར་རོ། །དཀྱིལ་འཁོར་ཆེན་པོ་གཞལ་དུ་མེད་པའི་མཆོད་པའི་སྤྲིན་གྱིས་མཆོད་པར་བྱེད་དོ། །གང་ཡང་དཀྱིལ་འཁོར་ཆེན་པོ་དེར་རྗེས་སུ་ཞུགས་པའི་སེམས་ཅན་དགེ་སྦྱོང་དང ། བྲམ་ཟེ་དང ། རྒྱལ་རིགས་དང ། རྗེ་རིགས་དང ། དམངས་རིགས་དང ། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་གང་ཡིན་པ་དེ་རྣམས་ཐམས་ཅད་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །དེ་ལ་མཐོང་བར་འདོད་པ་དང ། རྗེས་སུ་ཡི་རང་བ་དང ། ལྷན་ཅིག་འགྲོ་བའམ། ཐ་ན་ཐོས་པ་ཙམ་གང་ཡིན་པ་དེ་ཐམས་ཅད་ཕྱིར་མི་ལྡོག་པར་འགྱུར་ཞིང་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །སྦྱིན་པ་ཆེན་པོ་ཡོངས་སུ་གཏོང་བ་ཡོངས་སུ་གཏོང་བར་འགྱུར། བསོད་ནམས་ཀྱི་ཕུང་པོ་དང ། དགེ་བའི་རྩ་བ་བསྐྱེད་པར་འགྱུར་རོ། །སེམས་ཅན་རེ་རེའི་ཡང་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་ཕྲག་དགུ་བཅུ་རྩ་དགུ་དང་མཉམ་པ་དེའི་དྲུང་དུ་དགེ་བའི་རྩ་བ་དང ། བསོད་ནམས་ཀྱི་ཕུང་པོ་བསྐྱེད་པར་འགྱུར་རོ། །དཀྱིལ་འཁོར་མཐོང་བ་ཙམ་གྱི་མོད་དང ། རྗེས་སུ་ཡི་རང་བ་ཙམ་གྱི་མོད་ Ba347a ༄#། །ལ་འཕྲལ་ཉིད་དུ་མཚམས་མེད་པ་ལྔའི་སྡིག་པ་ཡོངས་སུ་ཟད་པར་འགྱུར་རོ། །ནད་ཐམས་ཅད་ལས་ཡོངས་སུ་གྲོལ་བར་ཡང་འགྱུར་རོ། །སེམས་ཅན་ཐམས་ཅད་ཀྱི་བླ་མ་གཅིག་པུར་འགྱུར་རོ། །འཆི་འཕོ་ཞིང་སྐྱེ་བ་བརྗེ་བའི་དུས་སུ་སོན་ཏེ་འཆི་བའི་མཐར་ཐུག་པ་ན་དེ་བཞིན་གཤེགས་པ་བྱེ་བ་ཕྲག་དགུ་བཅུ་རྩ་གཉིས་མངོན་སུམ་དུ་སྟོན་ཞིང་སྣང་བར་འགྱུར་རོ། །ལམ་ཉེ་བར་སྟོན་པར་བྱེད་ཅིང་དབུགས་འབྱིན་པར་བྱེད་དོ། །སངས་རྒྱས་ཀྱི་ཞིང་སྣ་ཚོགས་པ་རྣམས་སུ་སྐལ་པ་མཉམ་པ་ཉིད་ཀྱི་སྐྱེ་བར་བྱེད་དོ། ། རྒྱན་ཐམས་ཅད་ཀྱི་བརྒྱན་པར་པདྨ་ལས་བརྫུས་ཏེ་སྐྱེ་བར་འགྱུར་རོ། །སྐྱེས་པ་ཙམ་གྱི་མོད་ལ་སྐྱེ་བ་ཐམས་ཅད་རྗེས་སུ་དྲན་པར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བ་ཕྱག་རྒྱ་དང ། གསང་སྔགས་རིམ་པར་ཕྱེ་བ་དང ། ཆོ་ག་ཞིབ་མོ་དང ། དོན་ཡོད་ཞགས་པའི་རྣམ་པར་ཐར་བའི་དཀྱིལ་འཁོར་མཐའ་དག་རྫོགས་པར་ཁ་ཏོན་དུ་གནས་པར་བྱེད་དོ། །ཇི་སྲིད་སངས་རྒྱས་ཀྱི་བྱང་ཆུབ་ལ་མཐར་ཐུག་གི་བར་དུ་ཐམས་ཅད་རྒྱལ་མཚན་གྱི་རྩེ་མོར་བཅིངས་ཏེ་གནས་པར་བྱེད་དོ། །ཞེས་སོ། །འདི་ནི། སྐྱེ་བའི་ཐ་མར་འགྱུར་ཏེ། མཆོད་པ་དང ། དཀྱིལ་འཁོར་གྱི་ཆོ་ག་འདི། ཐ་ན་དུད་འགྲོའི་སྐྱེ་གནས་སུ་སོང་བའི་རི་དྭགས་དང ། བྱ་དེ་དག་ཐམས་ཅད་ཕྱིར་མི་ལྡོག་པར་འགྱུར་ཞིང་ཕ་རོལ་ Ba347b ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་ཏེ། མིར་གྱུར་པ་རྣམས་ཀྱིས་ལྟ་ཅི་སྨོས་སོ། །དེ་ལྟར་ཡོན་ཏན་དང ། ཕན་ཡོན་ཆེན་པོའི་མཆོད་པ་ཆེན་པོ་དང ། དཀྱིལ་འཁོར་གྱི་ཆོ་གའོ། །དོན་ཡོད་པ་ནོར་བུའི་མཆོད་པའི་སྙིང་པོའི་གཟུངས་ཀྱི་རྣམ་པར་འཕྲུལ་པ་དང ། ཕན་ཡོན་གྱི་ཆོ་གའི་སྒྲུབ་ཐབས་སོ།། །།དེ་ནས་རིག་པའི་རྒྱལ་པོའི་རས་རིས་བཤད་པར་བྱ་སྟེ། སེམས་ཅན་ཐམས་ཅད་ལ་ཕན་པར་བྱེད་པ། སྡིག་པ་ཐམས་ཅད་སེལ་བ། འཕྲལ་དུ་ནད་ཐམས་ཅད་ཟློག་པར་བྱེད་པ། དངོས་གྲུབ་ཐམས་ཅད་བྱེད་པའི་གནས་མཆོག་ཐམས་ཅད་སྦྱིན་པ་བཤད་པར་བྱའོ། །རས་སམ། གོས་གཞན་ནམ། རྒྱ་དར་ཀུན་ནས་ཁྲུ་བཞི་པ་ལ་གཙང་མས་གཙང་མའི་གནས་སུ་རི་མོ་མཁན་གཙང་མ་ཉིད་ཀྱིས་ཁྲུས་བྱས་གོས་གཙང་མ་བགོས་ཏེ་དྲི་སྣ་ཚོགས་པས་བདུགས་ལ། ཚོན་སྣ་ཚོགས་པ་རྣམ་པར་བཀྲ་ཞིང་ལྷག་མ་མ་ཡིན་པ་སྣོད་གསར་པར་བཞག་པས་རས་རིས་བླ་ན་མེད་པ་བྲི་བར་བྱའོ། །དབུས་སུ་དེ་བཞིན་གཤེགས་པ་ཤཱཀྱ་ཐུབ་པ་བྱ་སྟེ། གཞལ་ཡས་ཁང་གི་ཁང་པ་བརྩེགས་པར་སེངྒེའི་ཁྲི་ལ་པདྨའི་རྫིང་བུར་ཀླུའི་རྒྱལ་པོ་དགའ་བོ་དང ། ཉེ་དགའ་བོ་དང་བཅས་པས་བཅོམ་ལྡན་འདས་ལ་མེ་ཏོག་འཐོར་བར་བྱེད་བཞིན་པའོ། །གཡོན་དུ་འཕགས་པ་སྤྱན་རས་གཟིགས་དབང་ཕྱུག་བྱ་སྟེ། དོན་ཡོད་ཞགས་པའི་སྐྱིལ་ཀྲུང་ཕྱེད་པས་ Ba348a ༄#། །བཞུགས་པ། རལ་པའི་ཅོད་པན་གྱིས་བརྒྱན་པ། ཚངས་པའི་ཆ་བྱད་འཆང་བ། རྒྱན་ཐམས་ཅད་ཀྱིས་རྣམ་པར་བརྒྱན་པ། འོད་དཔག་མེད་ཀྱི་ཅོད་པན་ཅན།་ཕྱག་བཞི་པ། སྤྱན་གསུམ་པ། མདུང་རྩེ་གསུམ་འཛིན་པ་དང ། པདྨ་འཛིན་པ་དང ། ཞགས་པ་འཛིན་པ་དང ། ནོར་བུ་རིན་པོ་ཆེ་འཛིན་པ། བཅོམ་ལྡན་འདས་ལ་ཉེ་བར་འདུད་པར་བྱེད་བཞིན་པའོ། །གཡས་སུ་རིག་པའི་རྒྱལ་པོ་བྱ་སྟེ། ཕྱག་བཞི་པ། འཕགས་མ་སྒྲོལ་མའི་ཆ་བྱད་འཆང་བ། འོད་དཔག་མེད་ཀྱི་ཅོད་པན་ཅན། རྒྱན་ཐམས་ཅད་ཀྱིས་རྣམ་པར་བརྒྱན་པ། སྣ་ཚོགས་པའི་གོས་འཛིན་པ། པདྨ་དང ། ཞགས་པ་དང ། རལ་གྲི་འཆང་ཞིང ། ནོར་བུ་རིན་པོ་ཆེ་ཆེན་པོའི་རྒྱལ་མཚན་ཐོགས་ཏེ། བཅོམ་ལྡན་འདས་ལ་ཉེ་བར་འདུད་པར་བྱེད་པ། སྐྱིལ་ཀྲུང་ཕྱེད་པས་བཞུགས་པའོ། །འཕགས་པ་སྤྱན་རས་གཟིགས་དབང་ཕྱུག་གི་རྒྱབ་ཏུ་ལྷ་མོ་སྒྲོལ་མ་བྱ་སྟེ། ཐལ་མོ་སྦྱར་བ་སྨད་པ་རྒྱན་ཐམས་ཅད་ཀྱིས་རྣམ་པར་བརྒྱན་པའོ། །ལྷ་མོ་སྒྲོལ་མའི་རྒྱབ་ཏུ་གོས་དཀར་མོ་བྱ་སྟེ། རྒྱན་ཐམས་ཅད་ཀྱིས་རྣམ་པར་བརྒྱན་པ་རབ་ཏུ་བཞད་ཅིང ། སྨིན་མ་དཔྲལ་བར་གཡོ་ཞིང་བཅོམ་ལྡན་འདས་ལ་ཟུར་མིག་གིས་ལྟ་བར་བྱེད་པ་བྱའོ། །རིག་པའི་རྒྱལ་པོའི་རྒྱབ་ཏུ་འཕགས་པ་དཔལ་མཛེས་པ་བྱ་སྟེ། རྒྱན་ཐམས་ཅད་ཀྱིས་ Ba348b རྣམ་པར་བརྒྱན་པ། བཅོམ་ལྡན་འདས་ལ་ལྟ་བར་བྱེད་བཞིན་པ། སྣ་ཚོགས་པའི་མེ་ཏོག་གི་ཕུར་མ་འཆང་བར་བྱེད་པའོ། །ཐམས་ཅད་ལ་པདྨའི་གདན་བྱ་སྟེ། སྐྱིལ་ཀྲུང་ཕྱེད་པས་བཞུགས་པ་བྱའོ། །གོས་དཀར་པོའི་རྒྱབ་ཏུ་ཁྲོ་བོ་ཆེན་པོ་ལྕགས་ཀྱུ་བྱའོ། །དཀར་པོའི་གཞོགས་སུ་དོན་ཡོད་པའི་ལྕགས་ཀྱུ་བྱའོ། །རིག་པའི་རྒྱལ་པོའི་འོག་ཏུ་རལ་པ་གཅིག་མ་བྱ་སྟེ།་ཕྱག་བརྒྱད་པ། ཞལ་མཆེ་བ་གཙིགས་པ། རལ་པ་གྱེན་དུ་བརྫེས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། མཚོན་ཆ་སྣ་ཚོགས་པ་འཛིན་པ་སྟེ། རལ་གྲི་དང ། དགྲ་སྟ་དང ། ཞགས་པ་དང ། རལ་གྲི་དང ། མདུང་རྩེ་གསུམ་དང ། རྡོ་རྗེ་དང ། པདྨ་འཆང་བ་བྱ་ཞིང ། སྡིགས་མཛུབ་བྱེད་པ་བྱའོ། །སྟེང་དུ་ཕྱོགས་པ་སྐྱིལ་ཀྲུང་ཕྱེད་པས་བཞུགས་པ། བཅོམ་ལྡན་འདས་ལ་ལྟ་བར་བྱེད་བཞིན་པའོ། །ཁང་པ་བརྩེགས་པའི་སྟེང་དུ་དེ་བཞིན་གཤེགས་པ་བདུན་བྱ་སྟེ། འོད་དཔག་མེད་ཀྱང་དབུས་སུ་བྱའོ། །ལྷས་མཆོད་པ་བྱེད་བཞིན་པ་བྱའོ། །ཕྱག་གཡོན་དང་གཡས་སུ་རྡོ་རྗེ་འཛིན་པ། བཅོམ་ལྡན་འདས་ལ་ཟས་གསར་པ་འདྲེན་པར་བྱེད་བཞིན་པའོ། །གཞོགས་གཡས་དང་གཡོན་དུ་ཁྲོ་བོའི་རྒྱལ་པོ་རྡོ་རྗེ་འཆང་བ་བྱའོ། །འོག་གི་གཞོགས་གཡས་སུ་རྒྱལ་པོ་ཆེན་པོ་བཞི་བྱའོ། །གཞོགས་གཡོན་དུ་གཤིན་རྗེ་དང ། ཆུ་ལྷ་དང ། ལུས་ངན་པོ་དང ། གཞོན་ནུ་རྣམས་ Ba349a ༄#། །རང་རང་གི་མཚོན་ཆ་འཛིན་པ་བྱ་སྟེ། ཐམས་ཅད་གླུ་ལེན་བཞིན་པ་བྱའོ། །བཅོམ་ལྡན་འདས། འོག་ཕྱོགས་ཀྱི་རྫིང་བུའི་གཡས་ལོགས་སུ་རིག་སྔགས་འཆང་པུས་མོ་བཙུགས་པ་བྱ་སྟེ། བདུག་པའི་པོག་པོར་དང ། མེ་ཏོག་འཛིན་ཅིང་བགྲང་ཕྲེང་ཐོགས་པ། བཅོམ་ལྡན་འདས་ལ་ལྟ་བར་བྱེད་བཞིན་པ་བྱའོ། །རས་རིས་ཀྱི་ཁོ་ར་ཁོར་ཡུག་ཏུ་རི་བོ་བྲི་བར་བྱ་སྟེ། སྣ་ཚོགས་མེ་ཏོག་གི་མགོ་ལྕོག་བཀྲམ་ཞིང ། རིན་པོ་ཆེའི་ལྗོན་ཤིང་སྣ་ཚོགས་པས་བརྒྱན་པ། ཆུ་བོ་འབབ་ཅིང་རྗེས་སུ་སྤྱོད་པ་རི་དྭགས་དང ། བྱས་ཡང་དག་པར་བརྒྱན་པར་བྱའོ། །སྣ་ཚོགས་པའི་རིའི་ལྷ་དང ། ཤང་ཤང་ཏེ་འུས་ཀུན་ཏུ་ཁྱབ་པ། རྣམ་པ་སྣ་ཚོགས་པའི་ཀླུའི་གདེངས་ཀ་དང་མཚུངས་པ་གནས་སུ་གནས་པ་བྱའོ། །དེ་ནས་ཡོངས་སུ་སྦྱང་བ་བྱས་ཏེ་ཟིན་པ་དང ། རས་རིས་ལ་ཚོན་སྣ་ཚོགས་པས་བཀྲ་བར་བྱའོ། །དེ་ནས་རིག་སྔགས་འཆང་གཙང་མས་གོས་གཙང་མ་བགོ་བར་བྱའོ། །ལེགས་པར་ཁྲུས་བྱ་སྟེ། སྐྱིལ་མོ་ཀྲུང་གིས་འདུག་སྟེ་སྨྲ་བ་བཅད་ལ་དོན་ཡོད་ཞགས་པའི་སྙིང་པོ་ལན་བརྒྱ་རྩ་བརྒྱད་དང ། རིག་པའི་རྒྱལ་པོའི་གཟུངས་ལན་བརྒྱ་རྩ་བརྒྱད་དུ་བཟླའོ། །དེའི་ཚེ་རས་རིས་འབར་བར་འགྱུར་རོ། །འོད་ཟེར་ཁ་དོག་སྣ་ཚོགས་པ་འབྱིན་པར་བྱེད་དེ། ཕྱོགས་བཅུ་ཀུན་ཏུ་ Ba349b སྣད་བར་བྱེད་དོ། །རིག་སྔགས་འཆང་དགའ་ཞིང་འདོད་པར་འགྱུར་ཏེ། རིག་སྔགས་འཆང་གིས་བདག་གི་དོན་ཡོད་ཞགས་པའི་སྙིང་པོ་དང ། དོན་ཡོད་ཞགས་པའི་ལྕགས་ཀྱུ་དང ། རིག་པའི་རྒྱལ་པོའི་སྙིང་པོ་འདིའི་དངོས་གྲུབ་ཏུ་ཤེས་པར་བྱའོ། །དེ་ནས་ལས་ཐམས་ཅད་བྱེད་དུ་གཞུག་ཅིང་འཇིག་རྟེན་དང་འཇིག་རྟེན་ལས་འདས་པའི་མཆོག་འགྲུབ་པར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། རྒྱལ་པོ་འམ། བློན་པོའམ། བྲམ་ཟེ་འམ། རྒྱལ་རིགས་སམ། ཁྱིམ་བདག་གམ། དགེ་བསྙེན་ནམ། དགེ་བསྙེན་མའམ། བུད་མེད་དམ། སྐྱེས་པའམ། ཁྱེའུའམ། བུ་མོ་གང་རས་རིས་ཆེན་པོ་འདི་མཐོང་ན། མཐོང་བ་ཙམ་གྱི་མོད་ལ་མཚམས་མེད་པ་ལྔའི་སྡིག་པ་རྣམ་པར་སྦྱངས་ཤིང་ཐུན་ཚགས་སུ་འགྱུར་རོ། །མནར་མེད་པའི་སྡིག་པ་དང ། སྒྲིབ་པ་རྣམས་འཕྲལ་དུ་ཡོངས་སུ་གྲོལ་ལོ། །བསོད་ནམས་ཀྱི་ཚོགས་དགེ་བའི་རྩ་བ་ཆེན་པོ་བསྐྱེད་པར་འགྱུར་རོ། །རིག་པའི་རྒྱལ་པོའི་དཀྱིལ་འཁོར་ལ་འདོད་པ་ཐམས་ཅད་དང ། ཡིད་ཀྱི་ཤིང་རྟ་དང ། འདོད་པའི་དངོས་གྲུབ་ཐམས་ཅད་དང ། རིགས་ཐུན་མོང་པ་ལ་འཇུག་པའི་ཐམས་ཅད་དུ་ཐུན་མོང་པའི་དམ་ཚིག་དང ། དེ་ཁོ་ན་ཉིད་དང ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རློབ་པ་དང ། ཐམས་ཅད་དུ་དངོས་གྲུབ་ Ba350a ༄#། །བྱེད་པའི་གནས། རྡོ་རྗེའི་གདན་གྱི་དཀྱིལ་འཁོར་མཆོག་བྱང་ཆུབ་ཀྱི་སྙིང་པོ་ཉེ་བར་བགྲོད་པར་བྱེད་པ། དེ་ཁོ་ན་ཉིད་ཀྱི་ཆོས་ཀྱི་འཁོར་ལོ་བསྐོར་བར་བྱེད་པའི་དཀྱིལ་འཁོར་ཕྱིར་མི་ལྡོག་པར་འཇུག་པར་བྱེད་པ། དེ་བཞིན་གཤེགས་པ་ཐམས་ཅད་ཀྱིས་གསང་བའི་དཀྱིལ་འཁོར་གནས་ཐམས་ཅད་དུ་སོན་པའི་དངོས་གྲུབ། ཆོ་ག་ཞིབ་མོའི་དཀྱིལ་འཁོར་ཐམས་ཅད་དུ་འཇུག་པར་བྱེད་པ། ཕྱག་རྒྱ་ཐམས་ཅད་འགུགས་པར་བྱེད་པའི་ཕྱག་རྒྱ་དང ། སངས་རྒྱས་ཀྱི་ཞིང་ཐམས་ཅད་དུ་རབ་ཏུ་འཇུག་པར་བྱེད་པ་བཤད་པར་བྱའོ། །དེ་ནས་རིག་སྔགས་འཆང་གི་གནས་ཡོངས་སུ་བརྟགས་ཏེ་སའི་ཆ་མཛེས་པར་གཙུག་ལག་ཁང་ངམ། དགོན་པའམ། གནས་ཉིད་དམ། རི་ཕུག་གམ།་ཚང་ཚིང་ངམ། རྒྱལ་པོའི་གནས་སམ། ལམ་གྱི་བཞི་མདོའམ། གཞན་ཡང་བྲང་སའམ། དགེ་འདུན་གྱི་ཀུན་དགའ་ར་བའམ། སྐྱེད་མོས་ཚལ་ལམ། ནགས་འདབས་ཉིད་དང ། ཀུན་དགའ་ར་བའམ། ཆུ་ཀླུང་ངམ། ལྟེང་ཀའམ། འབབ་ཆུའི་དོང་ངམ། མཚོ་ཕྲན་ནམ། མཚེའུ་དག་དང ། རྫིང་བུ་རྣམ་པར་བཀྲ་བའམ། དེ་བཞིན་གཤེགས་པའི་ཚོན་ནམ། ནེའུ་གསིང་སྔོན་པོའམ། མེ་ཏོག་སྐྱེ་བའི་གནས་སམ། ཐམས་ཅད་དུ་རྗེས་སུ་མཐུན་པར་བརྟག་པར་བྱའོ། །གནས་གཙང་མར་མ་ཉམས་པའི་མོད་ Ba350b ལ་དཀྱིལ་འཁོར་དེར་དགོད་པར་བྱ་སྟེ། ས་དང ། བ་བྱུང་དང་ཡང་དག་པར་ལྡན་པའི་དཀྱིལ་འཁོར་གྲུ་བཞི་བྱའོ། །ཁོར་ཡུག་ཏུ་ཁྲུ་བཞི་པ། ལེགས་པར་བྱུགས་ཤིང་ཤིན་ཏུ་འཇམ་པ། བཻ་ཌཱུ་རྱའི་ཁ་དོག་ཏུ་བྱའོ། །དཀྱིལ་འཁོར་ལ་ཚོན་སྣ་ཚོགས་པ་མཛེས་པས་ཕྱེ་བའི་ཐིག་བཏབ་སྟེ་ཆ་མཉམ་པར་ཕྱེ་ནས་ཟུར་བཞི་པ། ལོགས་བཞི་བ། སྒོ་བཞི་རྣམ་པར་ཕྱེ་བའི་དཀྱིལ་འཁོར་མཆོག་གི་ཐིག་གདབ་བོ། །དབུས་ཀྱི་དཀྱིལ་འཁོར་གྱི་སྙིང་པོར་ཡང་དཀྱིལ་འཁོར་ཁྲུའི་ཚད་ལ་རེ་ཁ་ལྔ་བྱས་པ་སྣ་ཚོགས་པའི་གཟུགས་མཛེས་པས་ཐིག་གདབ་བོ། །པདྨའི་རི་མོ་དང ། མདུང་རྩེ་གསུམ་དང ། རྡོ་རྗེའི་རི་མོ་གསུམ་པ་དག་གོ་།ུཏྤ་ལ་བཞི་པའམ། ནོར་བུ་རིན་པོ་ཆེ་ཆེན་པོ་ནི། ལྔ་པར་བཤད་དོ། །སྙིང་པོའི་དཀྱིལ་འཁོར་གྱི་ཁོ་ར་ཡུག་ཏུ་འབར་བའི་ཕྲེང་བ་བྱེད་དུ་གཞུག་གོ་།དབུས་ཀྱི་དཀྱིལ་འཁོར་གྱི་གནས་སུ་པདྨ་དཀར་པོ་ཞེས་བྱ་བ་འདབ་མ་སུམ་ཅུ་རྩ་གཉིས་པ་གེ་སར་དང ། ཟེའུ་འབྲུ་དང་བཅས་པའི་པདྨ་བྱ་སྟེ། དེ་ལ་རིག་པའི་ལྷ་མོ་གཟུགས་ཇི་ལྟར་མཛེས་པ་དགོད་པར་བྱའོ། །ཇི་ལྟར་རས་རིས་འདི་ལ་གཟུགས་པདྨ་དཀར་པོ་ཞེས་བྱ་བ་དེ་ལྟ་བུ་བྲིས་ནས་དཀྱིལ་འཁོར་གྱི་ལྷ་རྣམས་མཛེས་པ་དང ། ཞི་བ་དང ། ཁྲོ་གཉེར་ཅན་དང ། དྲག་པོ་སྣ་ཚོགས་པའི་གཟུགས་འཆང་བ། མཚོན་ཆ་སྣ་ཚོགས་ཐོགས་པ་དཀྱིལ་འཁོར་གྱི་ཚད་ཇི་ལྟ་བ་ Ba351a ༄#། །བཞིན་དུའོ། །རྒྱན་ཐམས་ཅད་ཀྱིས་རྣམ་པར་བརྒྱན་པ། གོས་སྣ་ཚོགས་པ་འཆང་བ། སྐྱེས་པ་ལོ་བཅུ་དྲུག་པའི་གཟུགས་དང ། བུད་མེད་ལོ་བཅུ་དྲུག་པའི་གཟུགས་འཛིན་པ་བསྲེས་པ་རྟག་ཏུ་བྲིས་ནས་པདྨའི་གདན་གྱིས་བརྒྱན་ཅིང ། ཐམས་ཅད་པདྨ་འཆང་བ་བྱེད་དུ་གཞུག་གོ་།སྙིང་པོའི་དཀྱིལ་འཁོར་གྱི་གྲ་བཞིར་རྒྱལ་པོ་ཆེན་པོ་བཞི་བྱེད་དུ་བཞུགས་ཏེ་གོ་ཆ་དང་ཡ་ལད་བསྒོས་པ། དྲག་པོའི་གཟུགས་འཇིགས་པར་བྱེད་པའོ། །ཕྱིའི་དཀྱིལ་འཁོར་རྣམ་པར་ཕྱེ་བ་བྱ་སྟེ། ཁོར་ཡུག་ཏུ་མཚན་མའི་ཕྱག་རྒྱ་ཐམས་ཅད་ལ་པདྨའི་གདན་འཆང་བའོ། །སྒོ་བཞིའི་གནས་རྣམས་སུ་དཀྱིལ་འཁོར་གྱི་ལྷ་བྱའོ། །གངྒཱ་དང ། ཤི་ཏཱ་དང ། འཇིགས་མ་དང ། དཔེ་མེད་མ་དང ། ནོར་བུ་བཟང་པོ་དང ། ཀི་ལི་ཀི་ལི་དང ། གཙིགས་ཞལ་མ་སྟེ། དཀྱིལ་འཁོར་གྱི་ལྷ་འདི་རྣམས་བྲི་བར་བྱའོ། །ཕྱི་རོལ་གྱི་ཁོར་ཡུག་ཏུ་རི་བོའི་ཕྲེང་བ་དག་ལ་མེ་ཏོག་དང ། ལྗོན་ཤིང་སྣ་ཚོགས་པའི་ལྕུག་མས་ཁྱབ་ཅིང ། ཚོན་སྣ་ཚོགས་པས་རྣམ་པར་འབྱེས་པ་བྲི་བར་བྱའོ། །དཀྱིལ་འཁོར་གྱི་བྱ་བ་ལེགས་པར་མཐར་ཕྱིན་པ་དང ། དེ་ནས་དཀྱིལ་འཁོར་གྱི་རྒྱན་ལ་ཁོ་ར་ཁོར་ཡུག་ཏུ་ཚོན་སྣ་ལྔས་མཛེས་པའི་བ་དན་བརྒྱ་དང ། སྣ་ཚོགས་པའི་གཟུགས་མཛེས་པ་དང ། རྣམ་པར་བཀྲ་བའི་བུམ་པ་གང་བ་དང ། གཏོར་མ་དང ། དྲིལ་བུ་མཛེས་པ་དང་ Ba351b གང་བའི་བུམ་པ་དང ། བུམ་བུ་དང ། དྲི་སྣ་ཚོགས་ཀྱི་ཆུས་ཡོངས་སུ་གང་བ་དང ། རོ་སྣ་ཚོགས་པའི་གཏོར་མ་བཞག་ནས་ཁམ་པོར་དང ། རིལ་བ་གང་བ་དང ། དྲི་སྣ་ཚོགས་ཀྱི་བྱུག་པ་དང ། བདུག་པ་སྣ་ཚོགས་པས་མཛེས་པ་དང ། མེ་ཏོག་གི་ཕྲེང་བ་གཅལ་དུ་བཀྲམ་པ་དང ། འབྲས་ཡོས་དང ། ཡུངས་ཀར་ཉིད་དང ། སྣ་ཚོགས་པའི་འབྲས་བུ་རྣམས་དང ། བཟའ་བའི་རྣམ་པ་གཟུགས་སྣ་ཚོགས་པ་བཞག་ནས་འབྲས་བུ་སྣ་ཚོགས་མཛེས་པ་རྣམས་བཞག་སྟེ་ཁོར་ཡུག་ཏུ་མར་མེའི་ཕྲེང་བ་དང ། གསེར་དང ། དངུལ་ལས་བྱུང་བའི་སྣོད་དྲས་གང་བ་རྣམས་གཞག་གོ་།ཐམས་ཅད་ཇི་ལྟར་འབྱོར་པ་བྱ་སྟེ། དཀྱིལ་འཁོར་གཞལ་དུ་མེད་པ་ལས་དམན་པ་ཉིད་དུ་མི་བྱའི། ལྷག་པ་ཉིད་བྱེད་དུ་བཞུག་གོ་།དཀྱིལ་འཁོར་གྱི་ལས་རྣམས་ཇི་ལྟ་བ་བཞིན་དུ་གུས་པ་དང ། སྟོབས་དང ། བརྩོན་འགྲུས་ཀྱིས་བྱའོ། །རིག་སྔགས་འཆང་གིས་གཙང་བར་གྱུར་ནས་ལེགས་པར་ཁྲུས་བྱས་ཏེ་གོས་གཙང་མ་བགོས་ནས་སྲུང་བའི་ཆོ་གས་ཕྱོགས་བཅིང་བ་དང ། དཀྱིལ་འཁོར་བཅིང་བ་དང ། མཚམས་བཅིང་བ་དང ། སྲུང་བ་ཆེན་པོ་ཡང་བྱེད་དུ་གཞུག་གོ་།དེ་ནས་གསང་སྔགས་ཀྱི་ལས་དང ། ཕྱག་རྒྱའི་ལས་བླ་ན་མེད་པར་བྱའོ། །དེ་ནས་སེམས་ཅན་གཞུག་པར་བྱ་སྟེ། དཀྱིལ་འཁོར་གང་འདོད་པར་བཅུག་ནས་ཐམས་ཅད་ཀྱི་དམ་ཚིག་དང ། ཕྱག་རྒྱ་སྦྱིན་དུ་གཞུག་གོ ། Ba352a ༄#། །ཕྱག་བྱས་དང ། བསྐོར་བ་ལ་ཐམས་ཅད་བཅུག་ནས་སྙན་གསན་དབབ་པ་དང ། སྤྱན་དྲང་བར་བྱ། ལས་ཀྱི་ཆོ་གས་གཏོར་མ་སྦྱིན་པར་བྱ། མེ་ཏོག་དང་བདུག་པ་དབུལ་བར་བྱ། བཟླས་པའི་ལས་རྣམས་དང ། ལས་ཐམས་ཅད་མདོར་བསྡུས་པ་བྱས་ནས་གཤེགས་སུ་གསོལ་བ་འདིར་བྱའོ། །དཀྱིལ་འཁོར་ན་གནས་པའི་ལྷ་རྣམས་ལ་གཏོར་མའི་ལས་ཀྱི་ཆོ་ག་དང ། དེ་བཞིན་དུ་མེ་ཏོག་དང་བདུག་པ་ཕུལ་བ་ནས་དཀྱིལ་འཁོར་ན་གནས་པ་རྣམས་གཤེགས་སུ་གསོལ་ལོ། ། གང་གི་ཚེ་གསང་སྔགས་རྣམས་དང ། ཆོ་ག་ཞིབ་མོ་ཆེན་པོའི་གཟུངས་རབ་ཏུ་འཇུག་པ་ན་སའི་མཐིལ་དུ་རས་རིས་འབར་བའི་མོད་ལ་འོད་ཟེར་འབྱིན་པར་བྱེད་དེ། དཀྱིལ་འཁོར་མཐོང་ཞིང་རིག་སྔགས་འཆང་ཡང་བར་སྣང་ལ་གནས་སོ། །དེའི་སྐད་ཅིག་ལ་ཏིང་ངེ་འཛིན་ཐོབ་སྟེ་དཀྱིལ་འཁོར་ཏུ་ཞུགས་པའི་མོད་ལ་ཆོ་ག་ཞིབ་མོའི་དངོས་གྲུབ་བླ་ན་མེད་པ་དང ། དངོས་གྲུབ་ཐམས་ཅད་རྟག་ཏུ་མྱུར་དུ་འབྱུང་ལ། རིག་པའི་རྒྱལ་པོའི་དཀྱིལ་འཁོར་གྱི་དབུས་ནས་ལེགས་སོ་ཞེས་བྱ་བའི་སྒྲ་ཐོས་པར་འགྱུར་རོ། །རིག་པའི་རྒྱལ་པོའི་དངོས་གྲུབ་བླ་ན་མེད་པ་དང ། དོན་ཡོད་ཞགས་པའི་དངོས་གྲུབ་བརྗོད་དོ། །ཇི་ལྟར་ཡིད་ལ་བྱེད་པ་ཐམས་ཅད་མྱུར་དུ་འཛིན་ཏོ། །འཇིག་རྟེན་དང་འཇིག་རྟེན་ Ba352b ལས་འདས་པའི་དངོས་གྲུབ་ཐོབ་སྟེ། འདི་ལ་ཐེ་ཚོམ་མེད་དོ། །སེམས་ཅན་དཀྱིལ་འཁོར་དུ་ཞུགས་པ་གང་ཡིན་པ་དེ་རྣམས་ཐམས་ཅད་ཕྱིར་མི་ལྡོག་པ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་ཡང་འགྱུར་རོ། །བྱང་ཆུབ་ཀྱི་སྙིང་པོར་འདུག་ནས་ཆོས་ཀྱི་འཁོར་ལོ་བསྐོར་བར་བྱེད་དོ། །སེམས་ཅན་གང་དཀྱིལ་འཁོར་དེ་མཐོང་ནས་སྡིག་པ་དང ། སྒྲིབ་པ་ཐམས་ཅད་དང ། མཚམས་མེད་པ་ལྔ་ལ་སོགས་པ་རྣམས་དང ། མནར་མེད་པར་གཞོལ་བ་དེ་ཐམས་ཅད་རྣམ་པར་ཉམས་པར་བྱེད་ཅིང་བདེ་བླག་ཏུ་སངས་རྒྱས་ཉིད་དུ་འགྲོའོ། །དེ་ནས་དོན་ཡོད་པའི་ལྕགས་ཀྱུའི་ཆོ་ག་ཞིབ་མོ་ཆེན་པོ་དང ། ཁྲོ་བོ་ལྕགས་ཀྱུ་དང ། རིག་པའི་རྒྱལ་པོ་དང ། དོན་ཡོད་ཞགས་པའི་སྙིང་པོའི་དཀྱིལ་འཁོར་ཆེན་པོར་དེ་བཞིན་གཤེགས་པ་ཐམས་ཅད་ཀྱི་རིགས་ཐུན་མོང་པའི་ཕྱག་རྒྱ་དགེ་བའི་ལས་ཐམས་ཅད་བྱེད་པ། འབྱུང་པོ་ཐམས་ཅད་སྐྲག་པར་བྱེད་པ། གནོད་སྦྱིན་དང་སྲིན་པོ་ཐམས་ཅད་འབྲོས་པར་བྱེད་པ། བགེགས་ཐམས་ཅད་རྣམ་པར་སྐྲག་པར་བྱེད་པ། འདོད་པའི་རིས་རྣམས་སྲེག་བར་བྱེད་པ། གདུག་པའི་ཀླུ་རྣམས་འཁྲུག་པར་བྱེད་པ། སའི་མཐིལ་གཡོ་བར་བྱེད་པ། ལྷའི་མེ་ཏོག་དང ། རིན་པོ་ཆེ་སྣ་ཚོགས་ཀྱིས་མཛེས་པ་དང ། ལྷའི་གོས་དང ། ལྷབ་ལྷུབ་ཀྱི་ཆར་འབེབས་པར་བྱེད་པ། དུས་གསུམ་དུ་ Ba353a ༄#། །གཤེགས་པའི་སངས་རྒྱས་རྣམས་ཡང་དག་པར་སྐུལ་བར་བྱེད་པ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་སྙན་གསན་འབེབས་པར་བྱེད་པ།་སུམ་ཅུ་རྩ་གསུམ་གྱི་གནས་ན་གནས་པའི་ལྷ་ཐམས་ཅད་སྤྱན་འདྲེན་པར་བྱེད་པ། བྱང་ཆུབ་སེམས་དཔའ་ཐམས་ཅད་ཀྱི་དབུགས་འབྱིན་པར་བྱེད་པ། རིག་པའི་རྒྱལ་པོ་དང ། དཀྱིལ་འཁོར་གྱི་ལྷ་ཐམས་ཅད་འགུགས་པར་བྱེད་པ། བདེ་བ་ཐམས་ཅད་དང ། ཕྱིར་མི་ལྡོག་པའི་གནས་ཐོབ་པར་བྱེད་པ། བླ་ན་མེད་པ་བྱང་ཆུབ་ཀྱི་སྙིང་པོར་འགྲོ་བར་བྱེད་པ། ཆོས་ཀྱི་འཁོར་ལོ་བསྐོར་བར་བྱེད་པ། ཆོས་ཀྱི་སྒྲོན་མ་འབར་བར་བྱེད་པ། ཆོས་ཀྱི་དུང་འབུད་པར་བྱེད་པ། ཕྱག་རྒྱ་དང་ཆོས་ཀྱི་རྒྱལ་མཚན་སྒྲེང་བར་བྱེད་པ། ཆོ་ག་ཞིབ་མོ་དང་གསང་སྔགས་བླ་ན་མེད་པ་ཐམས་ཅད་གྲུབ་པ། འདོད་པ་ཐམས་ཅད་རབ་ཏུ་སྦྱིན་པ། ཕྱག་རྒྱ་དང ། མཆོག་ཐམས་ཅད་སྦྱིན་པར་བྱེད་པ། གསང་སྔགས་ཐམས་ཅད་འཆང་བ། གཟུངས་རྣམས་ཀྱིས་ཁྱད་པར་གྲུབ་པ། དེ་བཞིན་གཤེགས་པ་ཐམས་ཅད་ཀྱི་ཐུན་མོང་གི་གསང་བའི་དཀྱིལ་འཁོར་ཐམས་ཅད་དུ་འཇུག་པར་བྱེད་པ། གང་གིས་རྣམ་པར་སྣང་མཛད་དང ། ཐུབ་པ་བརྒྱད་པའི་དམ་ཚིག་གི་གནས་ཐམས་ཅད་ལ་གནས་པ། སྡིག་པ་ཐམས་ཅད་ཉམས་ Ba353b པར་བྱེད་པ། སྒྲིབ་པ་ཐམས་ཅད་རྣམ་པར་དག་པར་བྱེད་པ། ཀུན་ནས་ཉོན་མོངས་པ་རྣམས་སྲེག་པར་བྱེད་པ། རྟག་ཏུ་འཁོར་བ་ལས་འདོན་པར་བྱེད་པ། བདུད་དང་མ་རུངས་པ་རྣམས་ལས་སྒྲོལ་བ་པོ། རྟག་ཏུ་ཆོས་ཀྱི་ཟམ་སྟེགས་མཆོག་།རྒ་བ་དང ། སྐྱེ་བ་དང ། འཆི་བ་ལས་གྲོལ་བར་བྱེད་པ། སྲིད་པ་མི་བཟད་པ་སྟོན་པར་ནུས་པ། ཚུལ་ཁྲིམས་དང ། གཏོང་བ་དང ། བརྩོན་འགྲུས་དང ། བསམ་གཏན་དང ། ཤེས་རབ་དང ། ཏིང་འཛིན་རྣམས་ཀྱི་དྲི་ཞིམ་པོ་སྦྱིན་ཞིང་སྲུང་བར་བྱེད་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པ།་སྦྱིན་པའི་རིན་པོ་ཆེའི་ཕུང་པོ་ཆེན་པོ་རྟག་ཏུ་སྦྱིན་པ། སངས་རྒྱས་དང ། བྱང་ཆུབ་སེམས་དཔའ་དང ། ལྷ་ཐམས་ཅད་ལ་མཆོད་པར་བྱེད་པ། བསམ་པ་ཐམས་ཅད་ཡོངས་སུ་རྫོགས་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་བྱིན་གྱིས་རློབ་པ། སྒྱུ་མ་ལྟ་བུའི་ཏིང་ངེ་འཛིན་རྣམ་པར་འཕྲུལ་པ་ཐམས་ཅད་སྟོན་པར་བྱེད་པ། གཟུགས་སྣ་ཚོགས་དང ། རྫུ་འཕྲུལ་སྣ་ཚོགས་ཀྱི་རྣམ་པར་འཕྲུལ་པ་མཐོང་བར་བྱེད་པ། རྫུ་འཕྲུལ་ཡོངས་སུ་རྫོགས་པར་བྱེད་པ། ཆོས་ཀྱི་དབྱིངས་ཀྱི་ཕྱག་རྒྱ་རབ་ཏུ་སྟོན་པར་བྱེད་པ། ཆོས་ཀྱི་དབྱིངས་ཀྱི་སྙིང་པོ་འདི་ལ་གནས་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ། མ་རུངས་པ་ཐམས་ཅད་དང ། གདོན་དང་ནད་ཐམས་ཅད་རྟག་ཏུ་རྣམ་ Ba354a ༄#། །པར་འཇིག་པར་བྱེད་པ། ཕྱིར་རྒོལ་བ་དང ། དགྲ་དང ། ཕ་རོལ་གྱི་དམག་ཚོགས་ཐམས་ཅད་ཟློག་པར་བྱེད་པ་སྒྲུབ་པར་བྱེད་པའོ། །འཇིགས་པ་རྣམས་ཐམས་ཅད་དང ། འཇིགས་པ་མི་བཟང་བ་བརྒྱད་པོ་རྣམས་ཀྱིས་འཇིགས་པ་མེད་པའོ། །དྲུག་དང ། བྱད་སྟེམས་དང ། ཕྱེ་མའི་སྦྱོར་བ་ཐམས་ཅད་ཉམས་པར་བྱེད་པར་ཐེ་ཚོམ་མེད་པ་ཞེས་བྱ་བ་བཤད་པར་བྱའོ། །ལག་པ་གཉིས་ལྡོག་ནས་ལག་པ་གཉིས་ཀྱི་མཐེ་བོའི་སོར་མོ་དང ། སྡིགས་མཛུབ་ཉིད་བསྐུམས་ལ་སོར་མོ་གསུམ་བརྐྱངས་ལ་སྙིང་གའི་གནས་སུ་གཞག་པར་བྱ་སྟེ། འདི་ནི། དོན་ཡོད་པའི་ལྕགས་ཀྱུའི་ཕྱག་རྒྱ་ཡིད་བཞིན་གྱི་ནོར་བུ་དང་མཉམ་པར་མཆོག་སྦྱིན་པ་སྟེ། ཕྱག་རྒྱ་བརྒྱ་སྟོང་ཕྲག་བྱེ་བ་གཉིས་ཙམ་དུ་བཅིངས་པར་འགྱུར་རོ། །གཞན་ཡང་དེ་བཞིན་གཤེགས་པའི་རིགས་ཀྱི་ཕྱག་རྒྱ་དང ། པདྨ་ཡངས་པའི་དཀྱིལ་འཁོར་གྱི་ཕྱག་རྒྱ་གང་ཡིན་པ་དང ། རྡོ་རྗེ་རིགས་ཀྱི་ཕྱག་རྒྱ་གང་ཡིན་པ་དང ། ནོར་བུའི་རིགས་ཀྱི་ཕྱག་རྒྱ་གང་ཡིན་པས་ཏེ། ཕྱག་རྒྱ་སོ་སོ་སོ་སོ་བ་འདི་རྣམས་ཐམས་ཅད་ཕྱག་རྒྱ་བྱེ་བ་བརྒྱ་སྟོང་ཕྲག་རྣམས་སུ་འགྱུར་རོ། །བསོད་ནམས་ཀྱི་ཕུང་པོ་རབ་ཏུ་བྱེད་དོ། །ཕྱག་རྒྱ་འདི་ནི། ཡིད་བཞིན་གྱི་ནོར་བུའི་མཆོག་སྦྱིན་པ་པོ། འཇིག་རྟེན་དབང་ཕྱུག་མགོན་པོ་དོན་ཡོད་པའི་སྙིང་པོའོ། ། Ba354b ཤིན་ཏུ་གསང་བའི་ལས་ཐམས་ཅད་དུ་དོན་ཡོད་པའོ། །དུས་གསུམ་པའི་དེ་བཞིན་གཤེགས་པ་ཐམས་ཅད་ཀྱི་བླ་ན་མེད་པ་དང་རིགས་ཐུན་མོང་བའི་གསང་བ་དང ། དམ་ཚིག་ཐམས་ཅད་དུ་མཐོང་བའོ། །ཕྱག་རྒྱ་འདིའི་ཇི་ལྟར་བའི་འདོད་པ་ཐམས་ཅད་དང ། ཡིད་ཀྱི་ཤིང་རྟ་ཡོངས་སུ་རྫོགས་པར་འགྱུར་པའོ། །མཆོག་ཐམས་ཅད་སྦྱིན་པར་འགྱུར་བའོ།། ཕྱག་རྒྱ་འདི་ཉིད་ཀྱིས་གུང་མོའི་སོར་མོས་མཐེ་བོང་གི་སོར་མོ་བསྐུམས་ལ་སྡིགས་མཛུབ་གྱིས་བསྡིགས་པར་བྱ། མིད་མེད་དང ། མཐེ་ཆུང་དག་གཅིག་ཏུ་བརྐྱང་ལ་སེན་མོས་སེན་མོ་མཉམ་པར་བཞག་ནས་སྙིང་གའི་གནས་བཞག་སྟེ། ཁྲོ་བོའི་ལྟ་བ་དང་མཚུངས་པར་བཞག་པས་ཧཱུཾ་ཡིག་གིས་བཅིང་བར་བྱའོ། །འདི་ནི། ཁྲོ་བོ་ལྕགས་ཀྱུའི་ཕྱག་རྒྱ་ཁྲོ་བོ་ཐམས་ཅད་ཀྱི་མཆོག་དང ། གཙོ་བོར་བརྗོད་པར་བྱ་སྟེ། རིགས་བྱེ་བ་བརྒྱ་སྟོང་ཕྲག་རྣམས་ཀྱི་ཐུན་མོང་བའི་ཕྱག་རྒྱ་ཐམས་ཅད་རབ་ཏུ་འཇུག་པར་འགྱུར་རོ། །ཕྱག་རྒྱ་འཛིན་པ་ཙམ་གྱིས་ཁྲོ་བོའི་ཕྱག་རྒྱ་དང ། དེ་བཞིན་གཤེགས་པའི་རིགས་སུ་བརྗོད་པ་དང ། དེ་བཞིན་དུ་པདྨའི་རིགས་གང་ཡིན་པ་དང ། རྡོ་རྗེའི་རིགས་སུ་བརྗོད་པ་གང་ཡིན་པ་དང ། ཁྲོ་བོའི་རྡོ་རྗེ་དྲག་པོས་འཇིགས་པར་བྱེད་དོ། །ཁྲོ་བོའི་རྒྱལ་པོ་འདི་ནི། ཐམས་ཅད་དུ་ཁྲོ་བོའི་རྒྱལ་པོར་བརྗོད་པར་བྱ་སྟེ། ནོར་བུའི་རིགས་གང་ཡིན་པའི་ཁྲོ་བོ་རྣམས་ཀྱི་ཕྱག་རྒྱ་རྣམས་གདུག་པ་རྣམས་ Ba355a ༄#། །འཇིགས་པ་སྦྱིན་པའོ། །ཐམས་ཅད་དུ་ཕྱག་རྒྱའི་གཙོ་བོ་ཞེས་བྱ་བ་ཁྲོ་བོའི་རྒྱལ་པོ་བླ་ན་མེད་པའོ། །དེ་བཞིན་དུ་ཁྲོ་བོ་ལྕགས་ཀྱུའི་ཕྱག་རྒྱ་འདི་འཆིང་བཞིན་པ། རི་རབ་ལྷུན་པོ་བརྒྱ་སྟོང་ཕྲག་དང ། རྒྱ་མཚོ་ཡང་སྐེམ་པར་བྱེད་དོ། །རི་རབ་ལྷུན་པོའི་རི་ནི། རྡུལ་ཕྲ་རབ་ཇི་ལྟ་བར་རྣམ་པར་འཐོར་བར་བྱེད་དོ། །རྒྱ་མཚོ་ཐམས་ཅད་ཀྱང་སྐེམ་པར་བྱེད་དོ། །རི་དང ། རི་བོ་ཡང་ཉམས་པར་བྱེད་དོ། །ལྷ་མ་ཡིན་མ་རུངས་པ་རྣམས་དང ། ལྷ་མ་ཡིན་གྱི་དབང་པོ་སྒྲ་གཅན་དང ། དེའི་གནས་ཀྱི་ཀླུ་མ་རུངས་པ་རྣམས་སྲེག་པར་བྱེད་དོ། །དེ་བཞིན་དུ་གནོད་སྦྱིན་དང ། སྲིན་པོ་དང ། འབྱུང་པོ་དང ། གདོན་མ་རུངས་པ་དང ། གེགས་བྱེད་པའི་ལྷ་མ་རུངས་པ་གང་ཡིན་པ་དང ། བདུད་ཀྱི་རིགས་རྣམས་གཅིག་ཏུ་འབར་བར་འགྱུར་ལ། ཕྱག་རྒྱ་འཛིན་པ་ཙམ་གྱིས་དེ་ལྷ་རྣམས་ཐམས་ཅད་རྟག་ཏུ་ཉམས་པར་བྱེད་ཅིང ། སྐད་ཅིག་དེ་ལ་འཇིགས་པར་བྱེད་དོ། ། ཕྱག་རྒྱ་འཛིན་པ་ཙམ་གྱིས་ཕྱིར་རྒོལ་པ་དང ། དགྲ་དང ། དེ་བཞིན་དུ་མ་རུངས་པའི་སེམས་ཅན་འཇིགས་པར་བྱེད་པ་དེ་རྣམས་ཐམས་ཅད་སྐྱབས་སུ་འགྲོ་བར་བྱེད་དོ། །ཕྱག་རྒྱ་དང ། གསང་སྔགས་དང ། དཀྱིལ་འཁོར་ཐམས་ཅད་དུ་བྱ་བ་ཐམས་ཅད་འགྲུབ་པར་བྱེད་དོ། །ཐམས་ཅད་འགྲུབ་པ་དོན་ཡོད་ཅིང་དགེ་བ་ཐམས་ཅད་འགྲུབ་པར་བྱེད་དོ། །ཕྱག་རྒྱ་ Ba355b འདི་ཉིད་ལས་སྡིགས་མཛུབ་གཉིས་རྡོ་རྗེའི་རྣམ་པར་བསྐུམས་ལ་གུང་མོ་ཡིད་ཙམ་བསྐུམས་ཏེ་མིང་མེད་དང ། མཐེ་བོང་གིས་སོར་མོའི་སེན་མོས་སེན་མོ་མཉམ་པར་བཞག་སྟེ། མཐེའུ་ཆུང་བརྐྱང་ནས་སྙིང་གའི་གནས་སུ་བཞག་པ་འདི་ནི། རིག་པའི་ཕྱག་རྒྱ་ཆེན་པོ། དོན་ཡོད་པའི་ཕྱག་རྒྱ་རྨད་དུ་བྱུང་བ་ཆེན་པོ། དེ་བཞིན་གཤེགས་པ་ཐམས་ཅད་དུ་རིགས་ཐུན་མོང་པའི་ཕྱག་རྒྱ། རིག་པའི་རྒྱལ་པོ་ཐམས་ཅད་ཀྱི་བླ་ན་མེད་པ། འཇིག་རྟེན་གྱི་ཁམས་མགོན་པོས་སྙན་པར་བརྗོད་ཅིང་ལུང་བསྟན་པ། དེ་བཞིན་གཤེགས་པ་ཐམས་ཅད་ཀྱིས་དེ་བཞིན་གཤེགས་པའི་རིགས་ཀྱི་གཙོ་བོ་ཞེས་བརྗོད་པ། དེ་བཞིན་དུ་པདྨའི་རིགས་ཀྱི་གཙོ་བོ་དང ། རྡོ་རྗེའི་རིགས་ཀྱི་གཙོ་བོ་ཞེས་བརྗོད་པ་དང ། དེ་བཞིན་དུ་ནོར་བུའི་རིགས་ཀྱི་གཙོ་བོ་དང ། རིགས་པའི་རྒྱལ་པོ་དང ། ཕྱག་རྒྱ་དང ། གསང་སྔགས་དང ། དཀྱིལ་འཁོར་ཐམས་ཅད་དུ་གཙོ་བོ་སྟེ། གང་གིས་ཕྱག་རྒྱ་འདི་འཆིང་བ་དེ། གངྒཱའི་ཀླུང་གི་བྱེ་མ་བྱེ་བ་བརྒྱ་སྟོང་ཕྲག་གི་ཕྱག་རྒྱ་རྣམས་ཇི་ལྟ་བ་བཞིན་དུ་བཅིངས་པར་འགྱུར་རོ། །སྡིག་པ་དང ། ཉོན་མོངས་པ་མི་བཟད་པ་དང ། གདུག་པ་ཐམས་ཅད་རྣམ་པར་ཉམས་པར་བྱེད་དོ། །བསོད་ནམས་ཀྱི་ཕུང་པོ་བརྒྱ་སྟོང་ཕྲག་བསྐྱེད་པར་འགྱུར་རོ། །དགེ་བའི་རྩ་བ་རྣམས་ཀུན་ནས་བསྐྱེད་པར་འགྱུར་རོ། །ཕྱག་རྒྱ་འཛིན་ Ba356a ༄#། །པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱིས་རྣམ་པར་གཟིགས་པར་བྱེད་ཅིང་དགོངས་བར་བྱེད་དེ། ཐེ་ཚོམ་མེད་དོ། །བྱང་ཆུབ་སེམས་དཔའ་ཐམས་ཅད་དུ་མཆོག་སྦྱིན་པར་འགྱུར་རོ། །ལྷ་རྣམས་ཀྱིས་རྟག་པར་རྒྱུན་ཏུ་སྲུང་བར་བྱེད་དོ། །ཕྱག་རྒྱ་འདིའི་ཕན་ཡོན་སྔར་བརྗོད་པས་གཞལ་དུ་མེད་ཅིད་གྲངས་མེད་ལ་ཚད་མེད་པར་རབ་ཏུ་བསྒྲགས་ཤིང་ཐེ་ཚོམ་མེད་དོ། །ཕྱག་རྒྱ་འདི་མཐོང་བ་དང ། བཅིངས་པ་ཙམ་གྱིས་བསོད་ནམས་ཀྱི་ཕུང་པོ་རབ་ཏུ་བསྐྱེད་དོ། །ལག་པ་གཡས་པའི་མཐིལ་དུ་གཅིག་བརྐྱངས་ལ་དཔུང་པ་བརྐུམས་ཏེ། མིང་མེད་དང ། མཐེ་བོང་གི་སོར་མོ་འདུད་ལ་མཐེ་ཆུང་བསྐུམ་པར་བྱའོ། །མིང་མེད་ཀྱི་མཐར་རེག་ལ་གུང་མོ་བསྐུམས་ལ་སྡིགས་མཛུབ་རབ་ཏུ་བརྐྱངས་ཏེ་སྙིང་གའི་གནས་སུ་འདི་གཡོ་བ་ཙམ་མོ། །མེ་ཏོག་གམ། དྲི་དང ། བདུག་པ་དང ། ཕྲེང་བ་དང ། བྱུག་པ་དང ། གོས་སམ། རྒྱན་དང ། སྡུད་པ་རྣམས་ཀྱང་ལག་པ་གཡོན་དུ་བཟུང་ནས་དབུལ་བར་བྱ་སྟེ། དེ་བཞིན་གཤེགས་པ་དང ། བྱང་ཆུབ་སེམས་དཔའ་ཐམས་ཅད་དང ། ལྷ་རྣམས་དང ། དེ་བཞིན་དུ་རིག་པའི་རྒྱལ་པོ་རྣམས་དང ། དེ་བཞིན་དུ་དཀྱིལ་འཁོར་བའི་ལྷ་རྣམས་ཀྱི་དེ་རྣམས་ཐམས་ཅད་མཆོད་པར་འགྱུར་རོ། །ལྷ་རྫས་ཀྱི་མཆོད་པ་བླ་ན་མེད་པ་དང ། Ba356b མཆོག་དང ། རབ་མཆོག་དང ། གྱ་ནོམ་པའི་མཆོད་པ་འདི་རྣམས་བྱེད་དེ། རོ་སྣ་ཚོགས་པའི་བཟའ་བ་རྣམས་དང ། རོ་བརྒྱ་བའི་འབྲས་བུ་རྣམ་པ་སྣ་ཚོགས་དང ། བཏུང་བ་རྣམ་པ་སྣ་ཚོགས་པ་བདུད་རྩི་བཅུད་ཀྱིས་ལེན་གྱི་མཆོད་པ་འདི་རྣམས་བྱེད་དོ། །ཕྱོགས་བཅུ་རྣམས་སུ་ཀུན་ནས་རིན་པོ་ཆེ་སྣ་བ་དུན་གྱི་ཆར་འབྱུང་ངོ ། །གསེར་དང་དངུལ་གྱི་མེ་ཏོག་བླ་ན་མེད་པ་དང ། རིན་པོ་ཆེ་རྣམ་པ་སྣ་ཚོགས་རྣམ་པར་བཀྲ་བ་ཉི་མ་དང་གཟི་བརྗིད་མཚུངས་པས་འབར་བར་བྱེད་དོ། །ཕྱག་རྒྱ་འཛིན་པ་ཙམ་གྱིས་དོན་ཡོད་པ་མཆོད་པའི་ནོར་བུ་ཞེས་བྱ་བ་འདི་ཡིད་བཞིན་གྱི་ནོར་བུ་སྟེ། རྟག་ཏུ་ཕྱག་རྒྱའི་གསང་བ་དང ། གསང་སྔགས་རྣམས་ཡིད་ཀྱིས་བསམ་པས་དེ་རྣམས་ཐམས་ཅད་འབྱུང་བར་འགྱུར་རོ། །དཔག་བསམ་གྱི་ཤིང་དང་མཉམ་ཞིང་མཚུངས་པར་ཇི་ལྟར་ཡིད་ལ་བསམ་པ་བཞིན་དུ་མཆོད་པ་ཐམས་ཅད་བྱེད་དེ། སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་བྱེ་བ་བརྒྱ་སྟོང་ཕྲག་སྟོང་རྣམས་ཀྱི་སངས་རྒྱས་ཀྱང་རེ་རེའི་དུས་གསུམ་པ་དེ་བཞིན་གཤེགས་པ་རྣམས་ཕྱག་རྒྱ་འདིའི་མཐུས་བླ་ན་མེད་པའི་མཆོད་པ་ཐམས་ཅད་ཀྱིས་མཆོད་པར་བྱེད་དོ། །དེའི་ཕྱིར་ཕྱག་རྒྱ་འདི་རྟག་ཏུ་བྱེད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ཕྱག་རྒྱ་འཛིན་བཞིན་པ་ནི། མཆོད་པ་བླ་ན་མེད་པ་དང ། ཚེགས་ཆུང་ངུས་མཆོད་པ་ཆུང་དུ་ཡང་ཚད་མེད་ Ba357a ༄#། །པར་རབ་ཏུ་འགྱུར་རོ། །སྦྱིན་པའི་བསོད་ནམས་ཀྱི་ཕུང་པོ་བསམ་གྱིས་མི་ཁྱབ་ཅིང་མཚུངས་པ་མེད་པ་བྱེད་དོ། །རི་རབ་ལྷུན་པོ་བྱེ་བ་བརྒྱ་སྟོང་ཕྲག་རྣམས་དང ། རིན་པོ་ཆེ་སྣ་བདུན་གྱི་ཕུང་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བཀང་སྟེ་དེ་བཞིན་གཤེགས་པ་རེ་རེ་ལ་ཕུལ་བ་དེ་བཞིན་དུ། ཕྱག་རྒྱ་འཛིན་བཞིན་པས་དེ་བཞིན་གཤེགས་པ་རེ་རེ་ལ་དེ་ལྟ་བུའི་མཆོད་པའི་ཆོ་ག་བྱེད་དོ། །དེ་ལྟ་བུའི་ཕྱག་རྒྱའི་ཆོ་གའི་རྣམ་པར་འཕྲུལ་པ་ནི། འདྲེན་པ་འཇིག་རྟེན་དབང་ཕྱུག་གིས་བྱིན་གྱིས་བརླབས་པའོ། །ཕྱག་རྒྱ་འདི་ཉིད་ལས་སྡིགས་མཛུབ་གུང་མོ་ལ་རེག་པ་ནི། དཀྱིལ་འཁོར་དུ་དབང་བསྐུར་བ་དང ། མཚམས་བཅིང་བ་དང ། སྤྱན་དྲང་བ་དང ། དམ་ཚིག་ལ་འཇུག་པ་དང ། བསྐོར་བ་བྱེད་པ་དང ། མེ་ཏོག་དང ། བདུག་པ་དང ། དེ་བཞིན་དུ་དྲི་དང ། མར་མེ་དང ། ཕྲེང་བ་དང ། བྱུག་པ་དང ། གཏོར་མ་འབུལ་བར་བྱེད་པ་དང ། དེ་བཞིན་དུ་ཁྲུས་དང ། ཉེ་རེག་ཉིད་དང ། གོས་བགོ་བ་དང ། གཙུག་ཏོར་བཅིང་བ་དང ། སྲུང་བ་དང ། གཞན་སྲུང་བ་དང ། དེ་བཞིན་ཉིད་དུ་གྲོགས་སྲུང་བ་དང ། བཟླས་བཞིན་པ་དང་མཉམ་པ་ཉིད་དང ། སྐྱིལ་མོ་ཀྲུང་བཅིང་བ་དང ། སྦྱིན་སྲེག་གི་ལས་དང ། གཞན་སྤྱན་དྲང་བ་ཉིད་དང ། གསང་སྔགས་སྤྱན་དྲང་བ་ཉིད་དང ། དངོས་གྲུབ་སྒྲུབ་པ་ Ba357b ཉིད་དང ། ཐམས་ཅད་ནས་ཐམས་ཅད་དུ་བྱ་བ་ཐམས་ཅད་ཕྱག་རྒྱ་འདིས་བྱེད་དེ། གནས་ཐམས་ཅད་དུ་སོང་བ་དང ། གནས་གྲུབ་པ་དང ། བྱ་བ་ཐམས་ཅད་ལེགས་པར་བསྔགས་པ་དང ། ཐམས་ཅད་དུ་མཆོག་གི་ཕྱག་རྒྱ་དོན་ཡོད་པའི་ལས་རབ་ཏུ་གྲུབ་པ་དང ། ཡོན་ཏན་ཐམས་ཅད་བསྐྱེད་པ་དང ། ཐམས་ཅད་དུ་རིགས་ཐུན་མོང་བའི་དཀྱིལ་འཁོར་དུ།་དོན་ཡོད་པ་སྒྲུབ་པ་པོའི་ཕྱག་རྒྱ་དོན་ཡོད་པའི་ཆོ་ག་ཞིབ་མོ་སྒྲུབ་པར་བྱེད་པའོ། །དོན་ཡོད་པའི་ལས་ཞེས་བྱ་བའི་ཕྱག་རྒྱ་འདི་དོན་ཡོད་པའི་མཆོག་སྦྱིན་པ་ཞེས་བྱ་བ་བརྗོད་པར་བྱའོ། །ཕྱག་རྒྱ་ཆེན་པོ་ལྔ་པོ་འདི་རྣམས་རྨད་དུ་བྱུང་བའི་དེ་ཁོ་ན་ཉིད་མཐོང་བ་དང ། དོན་ཡོད་པ་ཐོས་པ་ཉིད་དང ། དོན་ཡོད་པའི་འབྲས་བུ་མཐོང་བ་དང ། དོན་ཡོད་པའི་བསོད་ནམས་བསགས་པའི་དེ་ཁོ་ན་ཉིད་དང ། དོན་ཡོད་པར་སྡིག་པ་ཉམས་པ་དང ། སྒྲིབ་པ་ཐམས་ཅད་ཟད་པ་དང ། ཉོན་མོངས་པ་ཐམས་ཅད་རྣམ་པར་འཇོམས་པའི་ཕྱག་རྒྱ་དང ། དོན་ཡོད་པར་སངས་རྒྱས་རྣམས་མཐོང་བ་དང ། དོན་ཡོད་པར་སངས་རྒྱས་ཀྱི་ཞིང་མཐོང་བ་དང ། དོན་ཡོད་པར་ཚེ་འཕེལ་བར་བྱེད་པའི་ཕྱག་རྒྱ་དང ། དོན་ཡོད་པར་དངོས་གྲུབ་ཀྱི་མཆོག་སྦྱིན་པར་བྱེད་པ་མཆོག་ཏུ་གྱུར་པའོ། །སྙིང་པོ་དང ། ཕྱག་རྒྱ་འདི་འཇིག་རྟེན་དབང་ཕྱུག་གིས་སེམས་ཅན་ཐམས་ཅད་ལ་ཕན་པའི་དོན་དུ་བསྒྲགས་པའོ། །རིག་ Ba358a ༄#། །སྔགས་འཆང་རྣམས་ཀྱིས་ཁྱད་པར་དུ་ཉིན་མཚན་དུ་དང ། ཐུན་མཚམས་སུ་ཡང་ཕྱག་རྒྱ་འདི་འཆིང་ན། བཀྲ་ཤིས་པའི་མཆོག་བསོད་ནམས་དང ། དག་པ་དང ། སྡིག་པ་ཉམས་པ་དང ། དོན་ཡོད་པའི་དངོས་གྲུབ་དམ་པར་གྱུར་པའི་མཆོག་སྦྱིན་པར་བྱེད་དོ། །འདི་ནི། ཐར་པ་མཆོག་གི་གནས་མྱ་ངན་ལས་འདས་པ་མཆོག་ཏུ་དགེ་བའོ། །ཕྱག་རྒྱའི་གསང་སྔགས་རྣམས་སུ་འགྱུར་ཏེ། ཨོཾ་ཨ་མོ་གྷཱཾ་ཀུ་ཤ་ཛྭ་ལཾ་ཧཱུཾ། ཨོཾ་ཨ་མོ་གྷ་ཀྲོ་དྷ་དཾཥྚེ་ཧཱུཾ། ཨོཾ་བིདྱཱ་རཱ་ཛ་པདྨེ་ཛྭ་ལཾ་ཧཱུཾ། ཨོཾ་ཨ་མོ་གྷ་བི་བིདྡྷ་ཨ་མོ་གྷ་ཙིནྟཱ་མ་ཎི་པྲ་ཝརྟྟ་ཡ་ཧཱུཾ། ཨོཾ་ཨ་མོ་གྷཾ་སརྦ་ཏྲ་སཱ་དྷ་ཡ་ཤི་བེ་ཧཱུཾ། ཕྱག་རྒྱ་འཛིན་པའི་སྔགས་སོ། །དེ་ནས་དགེ་བའི་ལས་ཐམས་ཅད་བྱེད་པའི་གསངས་སྔགས་ཐམས་ཅད་དུ་སྒྲུབ་པའི་ཐབས་ཀྱི་དེ་ཁོ་ན་ཉིད་ཀྱི་གནས་ཐམས་ཅད་ལ་འཇུག་པར་བྱེད་པ་བཤད་པར་བྱ་སྟེ། ཨོཾ་ཨ་མོ་གྷ་མཎྜ་ལེ་ཧཱུཾ། དཀྱིལ་འཁོར་བཅིང་བའོ། །ོཾ་ས་མནྟ་ཤུ་བྷི་པྲི་ཐི་བཱི་ས་ཧཱ་ཧཱུཾ། ས་ཡོངས་སུ་སྦྱོང་བའི་སྔགས་སོ། །ོཾ་ཨ་མོ་གྷ་པ་རོ་ཤོ་དྷ་ནི་ཧཱུཾ། དཀྱིལ་འཁོར་ཡོངས་སུ་སྦྱོང་པའི་སྔགས་སོ། །ོཾ་ཨ་མོ་གྷ་པྲི་ཐི་བཱི་ས་རསྠ་ལེ་ཧཱུཾ། ས་དང་བ་བྱུང་གི་སྔགས་སོ། །ོཾ་ཨ་མོ་གྷ་ཛྭ་ལ་ཤྲ་བ་ཎེ་ཧཱུཾ། ཆུའི་སྔགས་སོ། །ོཾ་ཨ་མོ་གྷ་ཨ་མྲྀ་ཏ་བ་རེ་སཝཱཧཱ། Ba358b དབང་བསྐུར་བའི་སྔགས་སོ། །ོཾ་ཨ་མོ་གྷ་བི་བྷཀྟ་བྷ་བ་ན་བ་རེ་ཧཱུཾ། ཐིག་རྣམ་པར་དབྱེ་བའི་སྔགས་སོ། །ོཾ་ནཱ་ནཱ་རཏྣ་བ་རེ་ཛྭ་ལ་ཧཱུཾ། ཚོན་རྩིའི་རི་མོའི་སྔགས་སོ། །ོཾ་ཛྭ་ལ་བི་མ་ལེ་ཨ་མོ་གྷ་ཤུདྡྷེ་ཧཱུཾ། ཁྲུས་ཀྱི་སྔགས་སོ། །ོཾ་སིདྡྷི་ཛྭ་ལེ་ཨ་མོ་གྷ་བུདྡྷི་ཧཱུཾ། ཉེ་རེག་གི་སྔགས་སོ། །ོཾ་ཨ་མོ་གྷ་བ་སྟེ་ཙྪ་ད་ཧཱུཾ། གོས་བསྒོ་བའི་སྔགས་སོ། །ོཾ་ཨ་མོ་གྷ་མ་ཎི་ཧཱུཾ། གཙུག་ཏོར་བཅིང་བའི་སྔགས་སོ། །ོཾ་ཨ་མོ་གྷ་རཀྵ་ཎ་བ་ར་ད་ཧཱུཾ། བདག་སྲུང་བའི་སྔགས་སོ། །ོཾ་སཏྭ་རཀྵ་ཎ་ཨ་མོ་གྷ་དཾཥྚེ་ཧཱུཾ། ཐམས་ཅད་དུ་གཞན་བསྲུང་ཞིང་བདེ་བའི་ཆེད་དུ་སྲུང་བའི་སྔགས་སོ། །ོཾ་ཨ་མོ་གྷ་པྲ་བི་ཤ་བྷུ་བ་ནེ་ཧཱུཾ། གནས་སུ་འཇུག་པའི་སྔགས་སོ། །ོཾ་ན་མོ་ཨ་མོ་གྷ་བ་ཏི་ཧཱུཾ། ཕྱག་བྱེད་པའི་སྔགས་སོ། །ོཾ་ཨ་མོ་གྷ་ཙ་ཀྲེ་ཧཱུཾ། བསྐོར་བའི་སྔགས་སོ། །ོཾ་ས་མ་ཡ་སིདྡྷ་ཨ་མོ་གྷ་བ་ཏི་ཧཱུཾ། དམ་ཚིག་གི་སྔགས་སོ། །ོཾ་ཨ་མོ་གྷ་པུཥྤེ་པྲ་བ་ཙ་གནྡྷི་ནི་ཛ་ཡ་སཝཱཧཱ། མེ་ཏོག་དང ། དྲི་དང ། ཕྲེང་བ་དང ། བྱུག་པ་དང ། བདུག་པའི་སྔགས་སོ། །ོཾ་ཨ་མོ་གྷ་ས་ར་སཾ་པཱུ་ར་ཎི་ར་ས་ར་ས་གྲ་བ་ཏི་ཧཱུཾ། ཐམས་ཅད་དུ་གཏོར་མའི་སྔགས་སོ། །ོཾ་ཨ་མོ་གྷ་ཏུ་ཊི་སཝཱཧཱ།་མར་མེའི་སྔགས་སོ། །ོཾ་ཨ་མོ་གྷ་བ་ཏི་ཙ་ར་བི་ཙ་ར་སཉྩ་ར་སཝཱཧཱ། ཐམས་ཅད་དུ་གནས་པ་དང ། གནས་ཐམས་ཅད་དུ་སོང་བ་ན་རིག་པའི་རྒྱལ་པོས་བྱའོ། ། Ba359a ༄#། །ཐམས་ཅད་དུ་ལས་ཐམས་ཅད་བྱེད་པ་རིག་པའི་གསང་སྔགས་སྦྱར་བར་བྱའོ། །གཤེགས་སུ་གསོལ་བ་ཉིད་ཀྱང་སྔགས་འདིས་བྱའོ། །ལས་ཤིན་ཏུ་རྒྱས་པ་གཞན་ཐམས་ཅད་ནི། རིག་པའི་རྒྱལ་པོས་བྱའོ། །ལེགས་པར་བྱས་པའི་ལས་དང ། བྱ་བ་རྣམས་དང ། བྱ་བ་ཐམས་ཅད་སྒྲུབ་པར་བྱེད་པ་གཞན་རྣམས་ནི།་དོན་ཡོད་པའི་ལྕགས་ཀྱུ་དང ། ཁྲོ་བོ་ལྕགས་ཀྱུ་དང ། རིག་པའི་རྒྱལ་པོའི་གསང་སྔགས་ཆེན་བོ་དང ། དཔའ་བོ་གཅིག་པའི་གསང་སྔགས་འདི་རྣམས་དང ། དེ་བཞིན་གཤེགས་པ་ཐམས་ཅད་ཀྱི་རང་གི་ལས་རྣམས་བྱའོ། །རྩ་བའི་རིག་པ་འདི་ཉིད་ཀྱིས་ལས་ཐམས་ཅད་བྱའོ། །དེ་ལས་ཕྱི་རོལ་ཏུ་གྱུར་པའི་རིག་པ་གཞན་ནི། མེད་དོ། །རིག་པ་འདི་ནི།་བཀླགས་པས་གྲུབ་པའོ། །དེ་ནས་དེ་ལ་ཡངས་ཤིང་རྒྱ་ཆེ་བའི་བརྩོན་པ་བྱ་སྟེ། འབྱོར་བ་ཇི་ལྟ་བ་དང ། ཚད་ཇི་ལྟ་བ་དང ། ཇི་ལྟར་གསལ་པ་རྣམས་འབྱོར་བ་དང་བཅས་ཤིང་ཡོངས་སུ་རྫོགས་པ་དང ། ཤིན་ཏུ་གསལ་བར་བྱ་བ་རྣམས་བྱའོ། །གཙང་མ་གཙང་མས་ཁྲུས་བྱས་ཏེ་གོས་གཙང་མ་བསྒོ་བར་བྱ། དད་པ་དང ། གུས་པ་དང ། མཆོག་ཏུ་དང་བ་བསྐྱེད་པར་བྱ། བདེན་པར་སྨྲ་བར་བྱ། བདེན་པར་ཕྱི་རོལ་ཏུ་འབྱུང་བར་བྱ། བདེན་པར་སྤྲོ་བ་དང་བརྩོན་པས་འབྱུང་བར་བྱ། ལྐོག་ཏུ་སྨྲ་བ་དང ། ཕྲ་མ་དང ། སེར་ Ba359b སྣ་མེད་པར་འགྱུར་བར་བྱ། ལག་ཡངས་པར་བྱ། སངས་རྒྱས་ཀྱི་བྱང་ཆུབ་ཀྱི་ལམ་དང ། བཀླགས་པས་གྲུབ་པའི་རིག་པ་འདི་སྒྲུབ་པར་བྱེད་པར་འགྱུར་བར་བྱ། སེམས་ཅན་ཐམས་ཅད་ལ་བརྩེ་བ་མཆོག་ཏུ་བྱ། བྲི་བར་བྱ། འབྲིར་གཞུག་པར་བྱ། བཀླག་པར་བྱ། ཁ་ཏོན་དུ་བྱ། མཆོད་པར་བྱ། རི་མོར་བྱ། ཀུན་ཆུབ་པར་བྱ། ཆོ་ག་ཞིབ་མོའི་རྒྱལ་པོ་ཆེན་པོ་འདི་གསུངས་པ་དང ། དོན་ཡོད་ཞགས་པའི་རྣམ་པར་ཐར་པའི་དཀྱིལ་འཁོར་ཡང་དག་པར་རྨད་དུ་བྱུང་བ་འདི། བྱང་ཆུབ་སེམས་དཔའ་ཐམས་ཅད་ཀྱི་ཕྱག་བྱས་པ། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་ཐུན་མོང་གི་གསང་བ། དཀྱིལ་འཁོར་རིམ་པར་ཕྱེ་བ་ཐམས་ཅད་ཀྱི་གསང་བ་ཕྱག་རྒྱ་དང ། གསང་སྔགས་ཐམས་ཅད་ཀྱི་གསང་བའི་ཆོ་ག་ཞིབ་མོ་འདི་འཕགས་པ་སྤྱན་རས་གཟིགས་དབང་ཕྱུག་གིས་གསུངས་སོ། །དེ་ནས་ཡང་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། མི་གང་ཡིན་པ་རྣམས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་འཁོར་གྱི་དཀྱིལ་འཁོར་ཆེན་པོ་དང་བཅས་པ་ག་ལ་བ་དང ། དེ་བཞིན་གཤེགས་པ་མངོན་སུམ་དུ་གྱུར་པ་ག་ལ་བ་དེར་དོང་ Ba360a ༄#། །སྟེ་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་སོང་སྟེ་ཞབས་གཉིས་ལ་མགོ་བོས་ཕྱག་འཚལ་ཏེ་ཐལ་མོ་སྦྱར་བར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་བདག་གིས་གཟུང་བར་བགྱིའོ། །དོན་ཡོད་པའི་ལྕགས་ཀྱུ་ཆོ་ག་ཞིབ་མོའི་རྒྱལ་པོ་ཡང་ལྷག་པའི་རྒྱལ་པོ་ཆོ་ག་ཞིབ་མོ་འདི་ཡོངས་སུ་བསྲུང་བའི་དོན་དང ། མི་ནུབ་ཅིང་རྒྱས་པར་འགྱུར་རོ། །ཆོ་ག་ཞིབ་མོའི་རྒྱལ་པོ་ཇི་ལྟ་རྙེད་པ་དེ་བཞིན་བྲིས་པ་འདི་ཡོངས་སུ་རྫོགས་སོ།། །།འདི་ནི། སྔོན་གྱི་ལོ་ཙཱ་བ་མཁས་པ་བཞི་ཙམ་གྱིས་བགོས་ནས་བསྒྱུར་བ་ལ་བར་སྐབས་བར་སྐབས་སུ་ཆད་ཅིང་མཇུག་མ་ཚང་བ་ལས། བླ་མ་དུས་ཀྱི་འཁོར་ལོ་པ་ཆེན་པོ་ཆོས་གྲགས་དཔལ་བཟང་པོའི་ཕྱག་ནས་རྒྱ་དཔེ་བྱུང་ཞིང ། ཆད་པ་སོབས་པ་དང ། མཇུག་སྒྱུར་ཅིག་ཅེས་བཀས་བསྐུལ་བ་ལ་བརྟེན་ནས་བམ་པོ་བཅུ་པའི་ནང་དུ། ལས་ཀྱི་དོན་ཀུན་སྒྲུབ་པར་བྱེད། །ཅེས་པ་ནས། གསང་སྔགས་བཟླས་པ་མཆོག་གྱིས་ཤིག་།ཅེས་པའི་བར་དང ། བམ་པོ་བཅུ་གཉིས་པའི་ནང་དུ་བཅོམ་ལྡན་འདས། འོན་ཀྱང་དོན་ཁྱད་པར་ཅན་གྱི་ཆེད་དུ་ཞེས་པ་ནས་རིག་སྔགས་འཆང་ Ba360b གི་ལུས་འབར་བར་འགྱུར་ཏེ་ཞེས་པའི་བར་དང ། བམ་པོ་བཅུ་གསུམ་པའི་ནང་དུ་དཀྱིལ་འཁོར་གྱི་ཆོ་ག་འདི་ཐོས་པ་ཙམ་དང་ཞེས་པ་ནས། མི་གང་ཚད་དུ་བསྐོར་བར་བྱ། །ཞེས་པའི་བར་དང ། བམ་པོ་བཅུ་བཞི་པའི་ནང་དུ་པདྨ་དང ། ཆུ་དང ། ཡུངས་ཀར་ལ་ཡོངས་སུ་བཟླས་ཏེ་ཞེས་པ་ནས་རས་དཀར་པོས་བཀྲུ་བར་བྱ་ཞིང་ལན་བདུན་དུ་ཞེས་པའི་བར་དང ། བམ་པོ་བཅུ་བཞི་པ་དང་བཅོ་ལྔ་པའི་མཚམས་སུ་དངུལ་གྱི་པོག་ཕོར་བརྒྱད་དང་ཞེས་པ་ནས་གནས་རྣམ་པ་གཞན་ཐམས་ཅད་དུ་ཇི་ལྟར་ཡིད་ལ་བྱེད་པའི་བྱ་བ་ཐམས་ཅད་དུ་བྱེད་དོ། །ཞེས་པའི་བར་དང ། བམ་པོ་བཅུ་དྲུག་པ་དང་བཅུ་བདུན་པའི་མཚམས་སུ་དེ་ནས་སྦྱིན་སྲེག་གི་ཆོ་ག་བཤད་པར་བྱ་སྟེ་ཞེས་པ་ནས་ཕྱག་རྒྱའི་ཆོ་ག་དང ། སྒྲུབ་ཐབས་ཀྱི་ཆོ་གའོ། །ཞེས་པའི་བར་དང ། བམ་པོ་བཅུ་བདུན་པ་ཞེས་པ་དང ། དེ་མ་ཐག་པར་བམ་པོ་བཅོ་བརྒྱད་པའི་མཚམས་སུ་དེ་ནས་རྟག་ཏུ་བཟླས་པའི་དཀྱིལ་འཁོར་གྱི་ཆོ་ག་བཤད་པར་བྱ་སྟེ་ཞེས་པ་ནས་འཇིག་རྟེན་མགོན་པོའི་འོད་ཟེར་གྱི་སྦྱིན་སྲེག་རབ་ཏུ་གྲོལ་ལོ། །ཞེས་པའི་བར་རྣམས་ཀྱི་ཧོར་ཁོང་བས་བས་ཤིང་མཇུག་ཡོངས་སུ་རྫོགས་པར་ཤཱཀྱའི་དགེ་སློང་རིན་ཆེན་གྲུབ་ཀྱིས་བསྒྱུར་ཅིང་ཞུས་པའི་ཡི་གེ་པ་ནི། ཡོ་ག་པ་གྲུབ་པ་དཔལ་བཟང་པོའོ། །ཀུན་ཏུ་ལྷ་མོ་ཐམས་ཅད་ལའོ། །ཞེས་པ་ནས་གཏེར་བསྐུལ་ན་ཞེས་པའི་བར་རྒྱ་དཔེ་ལ་མི་འདུག་གོ་།འགྲོ་བ་སེམས་ཅན་ཐམས་ཅད་ལ་ཕན་པར་གྱུར་ཅིག་་ |