rKTs


H699

(e-text produced by ACIP)

see text in transliteration
375a
བོད་སྐད་དུ། རྡོ་རྗེ་གནམ་ལྕགས་མཆུ་ཞེས་བྱ་བའི་གཟུངས། ཐམས་ཅད་མཁྱེན་པ་ལ་ཕྱག་འཚལ་ལོ། །དེ་ནས་ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ཐམས་ཅད་འདུས་ནས་ཀླུ་ཐམས་ཅད་ཀྱི་སྙིང་འཕྲོག་པར་བགྱིད་པ། སྙིང་འགུམ་པར་བགྱིད་པ། ཀླུ་མ་རུངས་པ་རྣམས་ཀྱི་རིགས་ཕུང་བར་འགྱུར་བ། རླུང་དང ། སེར་བའི་སྤྲིན་ཐམས་ཅད་ཟློག་བར་བགྱིད་པ། མེ་ཏོག་དང ། འབྲས་བུ་དང ། ལོ་ཏོག་ཐམས་ཅད་འབྱོར་པར་བགྱིད་པ། རྡོ་རྗེ་གནམ་ལྕགས་མཆུ་ཞེས་བྱ་བའི་གཟུངས་བརྗོད་པར་འཚལ་གྱི། བཅོམ་ལྡན་འདས་ཀྱིས་སེམས་ཅན་ཐམས་ཅད་ཀྱི་དོན་མཛད་པའི་སླད་དུ་བྱིན་གྱིས་བརླབ་ཏུ་གསོལ། དེ་
375b
ནས་བཅོམ་ལྡན་འདས་ཀྱིས་ཚངས་པ་དང ། ཁྱབ་འཇུག་དང ། དབང་ཕྱུག་དང ། རྒྱལ་པོ་ཆེན་པོ་བཞི་ལ་བཀའ་སྩལ་པ། རིགས་ཀྱི་བུ་རྣམས། ངས་སེམས་ཅན་ཐམས་ཅད་ཀྱི་དོན་དང ། འཕགས་པ་ཐམས་ཅད་ཀྱི་བདེན་པས་བྱིན་གྱིས་བརླབས་ཀྱི། ཁྱེད་ཀྱིས་སྨྲོས་ཤིག་ཅེས་བཀའ་སྩལ་པ་དང ། དེ་ནས་ཚངས་པ་དང ། ཁྱབ་འཇུག་དང ། དབང་ཕྱུག་དང ། རྒྱལ་པོ་ཆེན་པོ་བཞིས་གཟུངས་སྔགས་འདི་སྨྲས་ཏེ། དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་ཕྱག་འཚལ་ལོ། །རྡོ་རྗེ་འཛིན་དྲག་པོ་ལ་ཕྱག་འཚལ་ལོ། །ཕ་རོལ་ཟིལ་གྱིས་གནོན་པའི་མཐུ་བོ་ཆེ་རྣམས་ལ་ཕྱག་འཚལ་ལོ།། འཇིག་རྟེན་གསུམ་གྱི་གཙོ་པོ་ལ་ཕྱག་འཚལ་ལོ། །རྒྱལ་པོ་ཆེན་པོ་བཞི་ལ་ཕྱག་འཚལ་ལོ། །རྡོ་རྗེ་གནམ་ལྕགས་འབར་བ་མ་རུངས་པ་དྲག་ཏུ་རྒོད་པ་ལ་ཕྱག་འཚལ་ལོ། །མ་ཐ་མ་ཐ། པྲ་མ་ཐ་པྲ་མ་ཐ། ཛ་ལ་ཏི། བི་ཀྲཱི་ཌ། བཛྲ་ཛ་ཡ་ཛ་ཡ། མཧཱ་བ་ལ་བྷྱོ་ར་བཱི་ར་བ་ར་ཀྲ་མ་ཀྲོ་དྷ་ར་ཛ། པྲ་མ་བྷ་པུ་པུ་མ། པྲ་མ་སཝ་རེ། བྷོ་བྷོ་ནཱ་ག་དེ་བི་དེ། བྱི་ས་ར་མ་དྷ། པྲ་མ་དྷ་ན་དྷེ་ན། མཱུ་ར་དྷཱ་ནཱཾ། སྥོ་ཊ་ཡཱཾ། ཧཱུཾ་ཧཱུཾ། ཕཊ་ཕཊ། བྷ་ར་བྷ་ར། བརྞ་ཙཀྲ། ཧཱ་དྷ་ནི་བྷོ་པ་ན་ནཱ་གེནྡྲ། མ་ཏི་ཀྲ་མ་ཐ་བརྣ་ཙཀྲ་ཎ། ཤི་རི་ཙནྟ་མ་ཎི་ཧཱུཾ་ཏི་ཧཱུཾ་ཏི་ལི་ཧཱུཾ་ཧཱུཾ་ཕཊ་ཕཊ་མུ་དུ་མུ་དུ་མུ་གྱནྟུ། སརྦ་
376a
༄#། །དུཥྚཱན་སྥོ་ཊ་ཡ། ཧྲྀ་ད་ཡ། མ་ཧེ་ཤཝ་ར་ཛྭ་ལི་ཏ། ཏྲི་ཤཱུ་ལ་དྷ་ར་དྷ་ར། ཧ་ན་ཧ་ན། ཧཱུཾ་ཧཱུཾ་ཕཊ་ཕཊ། མུ་ཙི་མུ་ཙི། དུ་དི་བ་བྷ་བ་བྷ། ཀྵ་ཎེ་ཀྵ་ཎེ་ཙ་ཏུར་ཎཱན་མཧཱ་ར་ཛ་ནཱི། ཛྭ་ལི་ཏ་ཤཀྟི། དྷ་ར་དྷ་ར། ཧཱུཾ་ཕཊ། སྥུ་ར་ཕུ་ར། བི་སྥུ་ར་བི་སྥུར་བི་སྥུ་ར། ཙ་ར་རྦ་ཙ་ར་རྦ་ཙ་ར་རྦ། ནཱ་ཤ་ཡ་དུཥྚཱན་ནཱ་ག་ཧྲྀ་ད་ཡ། སྥོ་ཊ་ཡ། ཧཱུཾ་ཧཱུཾ་ཕཊ་ཕཊ། དུཥྚ་ཨཱ་ཤཱ་ནི།་བྷུད་ཏ་མ་ག་ཤི་བཱིརྱ་ཛྭ་ལ། བྷསྨིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སཝཱཧཱ། ས་མ་ཡ་མ་ནུ་སྨ་ར། བྷོ་ནཱ་གཱ་དྷི་པ་ཏི་པི་ཙིནྟུ། བི་བྷོ་ཡ། བྷོ་བྷོ་ཏུ་ཏི་ཏུ་ཏི་ཏུ། ཧཱུཾ་ཧཱུཾ་ཕཊ་ཕཊ་སཝཱཧཱ། བཛྲ་ཨཱ་ཤཱ་ནི་ནཱ་ཤ་ཡ་ཧཱུཾ་ཧཱུཾ་ཕཊ་ཕཊ་སཝཱཧཱ། སརྦ་ནཱ་ག་ཧྲི་ད་ཡཱ་ནི། བི་སྥོ་ཊ་ཀཱ་ཡ་ཧཱུཾ་ཕཊ་སཝཱཧཱ། བུདྡྷ་བི་ལོ་ཀ་ཏི་ཡ་སཝཱཧཱ། བྲཧྨཱ་ཡ་སཝཱཧཱ། བིཥྞུ་མུ་རུ་ཡ་སཝཱཧཱ། མ་ཧེ་ཤཝ་ར་ཛྭ་ལི་ཛྭ་ལི་ཏ་ཏྲི་ཤཱུ་ལཱ་ཡ་སཝཱཧཱ། ཙ་ཏུར་མ་ཧཱ་རཱ་ཛ་ས་མ་དྷ་རཱ་ཡ་སཝཱཧཱ། པི་ཙ་ག་ཏི་ཡ་ཕཊ་སཝཱཧཱ། ཨོཾ་དི་རི་དི་རི་སཝཱཧཱ། ཛྭ་ལི་ཏ་པཱ་ཀ་ཏྲཱ་ཡ་སཝཱཧཱ། ཛུ་ཏི་ཛུ་ཏི་སཝཱཧཱ། ཕཊ་ཕཊ། རྡོ་རྗེ་འབར་བ་གནམ་ལྕགས་མཆུ་ཞེས་བྱ་བའི་གཟུངས་སྔགས་འདི་ཐོས་མ་ཐག་ཏུ་ཀླུ་མ་རུངས་པ་ཐམས་ཅད་ལུས་རུལ་ནས་དྲི་མི་ཞིམ་པ་མནམ་བར་འགྱུར་རོ། །ལུས་སོ་སོར་ཞིག་ཅིང་འཕོ་བར་གྱུར་ནས་བཅོམ་ལྡན་འདས་ཀྱི་ཞབས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བསྐྱབ་ཏུ་གསོལ། ལྷ་དང ། འཇིག་རྟེན་དུ་བཅས་པ་ཐམས་ཅད་ཀྱིས་སྨད་པར་གྱུར། བདག་ཅག་ནི།
376b
མ་རུངས་པར་གྱུར་ཏོ། །བཅོམ་ལྡན་འདས་ཀྱིས་བསྐྱབ་ཏུ་གསོལ། ལྷ་དང ། འཇིག་རྟེན་དུ་བཅས་པ་ཐམས་ཅད་ཀྱིས་སྨད་པར་གྱུར། བདག་ཅག་ནི། མ་རུངས་པར་གྱུར་ཏོ། །བཅོམ་ལྡན་འདས།་སླན་ཆད་འཛམ་བུའི་གླིང་དུ་སེམས་ཅན་རྣམས་ལ་གནོད་པར་མི་བགྱིད། འགུམ་པར་མི་བགྱིད། ཆུང་དུ་ན་མིག་ཀྱང་ལྟ་བར་མི་བགྱིད་ན། སྐབས་ལྟ་བ་ལྟ་ཅི་སྨོས། རྒྱ་མཚོ་ཀླུའི་རྒྱལ་པོ་དང ། ཀླུའི་རྒྱལ་པོ་གདུགས་ལྟ་བུ་དང ། ཀླུའི་རྒྱལ་པོ་མཐུ་ཆེ་བ་དང ། མདངས་ཆེ་བ་དང ། མ་རུངས་པ་ལ་སོགས་ཏེ། ཀླུ་བྱེ་བ་ཁྲག་ཁྲིག་བརྒྱ་སྟོང་གིས་བཅོམ་ལྡན་འདས་ཀྱི་ཞབས་ལ་མགོ་བོས་གཏུགས་ཏེ་ཕྱག་འཚལ་ནས་ཀླུ་ཐམས་ཅད་ཀྱིས་དུས་ཕྱི་མའི་ཚེ་འཛམ་བུའི་གླིང་གི་སེམས་ཅན་ཐམས་ཅད་ལ་གནོད་པར་མི་བགྱིད། མེ་ཏོག་དང ། འབྲས་བུ་དང ། ལོ་ཏོག་དང ། ལོ་མ་དང ། ཡལ་ག་ཐམས་ཅད་སྲུང་བར་བགྱིད། རླུང་དང ། སེར་བ་ཐམས་ཅད་དགག་པར་བགྱིད། དུས་དུས་སུ་ཆར་དབབ་པར་བགྱིད་པར་རང་གི་བྲོའི་ཚིག་གི་ཡི་དམ་དང ། དེ་བཞིན་གཤེགས་པའི་དམ་ཚིག་རྗེས་སུ་བསྲུང་བར་བགྱིའོ། །སེམས་ཅན་ཐམས་ཅད་ཀྱི་རེ་བ་ཡོངས་སུ་སྐོང་བ་དང ། ཡིད་ལ་བསམ་པ་ཡོངས་སུ་རྫོགས་པར་བགྱིད། གནོད་པར་མི་བགྱིད་དོ།། བཅོམ་ལྡན་འདས། ཡོན་ཏན་གྱི་ཁྱད་པར་འདི་དག་ལས་འགལ་བར་བགྱིད་ན། བདག་ཅག་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མ་གྱུར་ཅིག་།བྲོའི་ཚིག་ཀྱང་འདི་ལགས་ཏེ།
377a
༄#། །ཏདྱ་ཐཱ། ཨོཾ་ཏ་གི་ཙ་གི་།གྷུ་ལི་གྷུ་ལི། མུ་ལི་ཤ་ཤ་།གུ་གུ། ཤཱི་ཏཱི། བཱི་ར་མ་ཏི། ཧུ་ཡུ་ཧུ་ཡུ་སཝཱཧཱ། ཆར་ཆེ་བའམ། ཆར་མི་འབབ་པའམ། དུས་མ་ཡིན་པར་ཆར་འབབ་པའམ། རླུང་དང ། སྤྲིན་དང ། སེར་བ་དང ། གྲང་བའི་རླུང་དང ། གནམ་ལྕགས་ལྷུང་བའི་ཚེ་རིག་འཛིན་གྱིས་བྲོ་ཚིག་འདི་ཁང་ཐོག་གམ། ས་མཐོན་པོའམ། རིའི་སྟེང་དུ་ཡང་རུང ། ཁ་ཤར་ཕྱོགས་སུ་བལྟས་ཏེ་ལན་བདུན་སྐད་ཆེན་པོར་བཟླས། ཡུངས་ཀར་ལ་ལན་བདུན་བཟླས་ཏེ་བྱེན་དུ་གཏོར་ན། གཏོར་མ་ཐག་ཏུ་ཀླུ་ཐམས་ཅད་དུམ་བུར་འགྱུར་ཞིང ། ནན་ཏན་བྱས་པས་མྱུར་དུ་ཆར་འདེབས་སོ། །གཟུངས་འདི་ཉིད་ཀྱིས་དྲིལ་བུ་ལ་ལན་ཉི་ཤུ་རྩ་གཅིག་བཟླས་ཏེ་ཡུངས་ཀར་ལ་ལན་ཉི་ཤུ་རྩ་གཅིག་བཟླས་ནས་ནན་ཏུར་དྲག་པོར་བྱས་ཏེ་ཕྱོགས་བཞིར་གཏོར་ན་མཚམས་བཅད་པར་འགྱུར། རྡོ་རྗེ་གནམ་ལྕགས་མཆུ་ལན་བརྒྱད་དུ་བཟླས་པས་ཀླུ་དགུག་པར་བྱ། ལན་གཅིག་དྲན་པས་རླུང་དང་སེར་བ་སླར་བཟློག་པར་བྱའོ། །གནམ་ལགས་ལྷུང་ན་ཡང་ཆུར་འགྱུར་རོ། །རྡོ་རྗེ་བསྐོར་ན། ཕྱོགས་གང་དུ་བསྐོར་བ་དེར་སེར་བ་འབྱོལ་ལོ། །ནང་པར་སྔར་ས་དབེན་པར་འདུག་སྟེ་སྔགས་འདི་ལན་སུམ་ཅུ་རྩ་གཉིས་བཟླས་ན། རླུང་དང ། སྤྲིན་དང ། སེར་བ་ཡང་འགག་པར་འགྱུར་རོ། །ཀླུས་གནོད་པ་མི་བྱེད་ཅིང་ཕྱིས་ཀྱང་མི་
377b
ཚུགས་སོ། །ཡུངས་ཀར་ལ་བསྔགས་ཏེ་ཕྱོགས་བཞིར་གཏོར་ན། ལོ་གཅིག་གི་བར་དུ་མཚམས་བཅད་དེ། རླུང་དང ། སྤྲིན་དང ། སེར་བ་ཡང་མི་གཡོའོ། །ངག་ཉན་ཅིང་ཀུན་ཏུ་སྲུང་པ་དང ། ལས་བྱེད་པར་འགྱུར་རོ། །སྔགས་ཉི་ཤུ་རྩ་གཅིག་བཟླས་ཏེ་དྲིལ་བུ་དཀྲོལ་ན། ཀླད་པ་འགས་ཤིང་ས་ལ་ལྟུང་བར་འགྱུར་ཏེ། གནོད་པ་བྱེད་པ་སེལ་ལོ། །མཆོད་པ་ཚུལ་བཞིན་བསྔགས་པར་བྱས་ཏེ་སྐད་གསལ་བར་བཀླགས་ཏེ་ཕྱོགས་བཞི་སྟེང་འོག་ཏུ་ཡུངས་ཀར་གཏོར་ན། སེར་བ་དང ། རླུང་དང ། ཀླུས་གནོད་པར་བྱེད་པ་བཅིངས་པར་འགྱུར། ལྟས་ངན་པ་དང ། མི་དགེ་བ་དང ། བཀྲ་མི་ཤིས་པ་དང ། གཟའ་དང ། འབྱུང་པོ་དང ། ཤ་ཟ་དང ། གནོད་སྦྱིན་དང ། སྲིན་པོ་ཡང་ཕྱིར་བསྐྲད་པར་འགྱུར། དཔག་ཚད་ཁོར་ཁོར་ཡུག་ཏུ་མཚམས་བཅད་པར་འགྱུར། ནད་དང ། གནོད་པར་སེམས་པ་དང ། ལས་ཀྱི་རྒོལ་བའི་དགྲ་བགེགས་ཐམས་ཅད་བཟློག་པར་འགྱུར་རོ། །ལོ་ཏོག་དང ། འབྲས་བུ་དང ། ཁུ་བ་རྒྱས་པ་དང ། སྨིན་པ་དང ། ཆེ་བར་འགྱུར། འབྱུང་པོ་དང ། གནོད་པ་ཐམས་ཅད་ཀྱིས་མི་ཚུགས་པར་འགྱུར་རོ། །རྡོ་རྗེ་གནམ་ལྕགས་མཆུ་ཞེས་བྱ་བའི་གཟུངས་རྫོགས་སོ།། །།