རྒྱ་གར་སྐད་དུ། ཨཱརྱ་བིདྱ་རཱ་ཛཱ་ཤཝ་ས་མ་ཧ་ནཱ་མ། བོད་སྐད་དུ། འཕགས་པ་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ 126b ཕྱག་འཚལ་ལོ། །དེ་ནས་བཅོམ་ལྡན་འདས་ལ་གླིང་བཞི་པའི་དབང་ཕྱུག། འབྱུང་པོའི་བདག་པོ་ཆེན་པོ། མཆེ་བ་གཙིགས་པ། སེར་སྐྱ་ཞེས་བྱ་བས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ནི་འབྱུང་པོ་ཐམས་ཅད་ཀྱི་བདག་པོ་ལགས་ཏེ་བདག་ནི་གླིང་བཞི་པའི་འཇིག་རྟེན་གྱི་ཁམས་ན་མཆིས་པའི་འབྱུང་པོ་ཐམས་ཅད་ལ་འཚེ་བར་བགྱིད། རྡེག་པར་བགྱིད། འཆིང་བར་བགྱིད། འཇིག་རྟེན་གྱི་ཁམས་འདི་ནས་འཇིག་རྟེན་གྱི་ཁམས་གཞན་དུ་འཕེན་པར་བགྱིད། ཡན་ལག་དང ། ཉིད་ལག་རྣམས་རྣམ་པར་གཅོད་པར་བགྱིད་ལགས་སོ། །བཅོམ་ལྡན་འདས། གང་གི་ཚེ་བདག་བཀྲེས་པར་གྱུར་པ་ན་དབུགས་གཏོང་སྟེ་དབུགས་དེས་གླིང་བཞི་པའི་འཇིག་རྟེན་གྱི་ཁམས་ཀུན་ཏུ་འགེངས་པར་བགྱིད་ཅིང ། བཅོམ་ལྡན་འདས། བདག་མི་དང ། མི་མ་ལགས་པ་ཐམས་ཅད་ཀྱི་གཟི་བྱིན་འཕྲོག་པར་བགྱིད་ལགས་ཏེ་དབུགས་ཆེན་པོས་སེམས་ཅན་རྣམས་རེག་མ་ཐག་ཏུ་བྲོ་ནད་སྣ་ཚོགས་དག་འབྱུང་ལགས་སོ། །བཅོམ་ལྡན་འདས། གང་ན་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བགྱི་བ་འདི་སྤྱོད་པ་དེར་བདག་གིས་དབུགས་ཀྱིས་མི་ཚུགས་པ་དང ། འབྱུང་པོ་རྣམས་འཚེ་བར་མི་འགྱུར་བ་དང ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་སངས་རྒྱས་དང ། 127a ༄#། །ཆོས་དང ། དགེ་འདུན་རྣམས་ལ་ཕྱག་བགྱིས་\?\་ནས་མགོའམ། མགུལ་དུ་བཏགས་ཏེ་འཆང་བ་དེར་རླུང་ལས་གྱུར་པ་དང ། མཁྲིས་པ་ལས་གྱུར་བ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པའི་བྲོ་ནད་རྣམས་འབྱུང་བར་མི་འགྱུར་པར་བདག་གི་དེང་སླན་ཆད་དེ་བཞིན་གཤེགས་པའི་སྤྱན་སྔར་ཡི་དམ་འཚལ་ལགས་སོ། །ཏདྱ་ཐཱ། ཌ་ར་ཌ་ར། ཌ་ཌ་ར། ཌ་ཌ་ར། ཐ་ར་ཐ་ར། ཐ་ཐ་ར་ཐ་ཐ་ར། མ་ར་མ་ར། མ་མ་ར། མ་མ་ར། ཧུ་དྷུ་ཧུ། ཧ་ཧ་ཧ། ས་ར་ས་ར་ས་ར། ཙུ་ཙུ་ཙུ། བུ་བུ་བུ། ཀི་ལི་ཀི་ལི་ཀི་ལི། སརྦ་བྷུ་ཏ་ཨ་དྷི་པ་ཏེ། དྲ་དྲ་དྲ། བྲ་བྲ་བྲ། ཁུ་ཁུ་ཁུ། ཀྲ་ཀྲ་ཀྲ། ཡ་ས་ཡ་ས་ཡ་ས། པཱཎྜ་རེ། པཎྜ་རེ། པཎྜ་རེ། ཧུ་ལུ་ཧུ་ལུ་ཧུ་ལུ། ཧུ་ཧུ་ཧུ། བདག་ལ་སྲུངས་ཤིག་།སྲུངས་ཤིག་།ཙི་ལི་ཙི་ལི་ཙི་ལི། མི་ལི་མི་ལི་མི་ལི། ཁྴོ་ཁྴོ་ཁྴོ། གཽ་རཱི་གཽ་རཱི་གཽ་རཱི། བདག་གི་ནད་ཐམས་ཅད་རབ་ཏུ་ཞི་བར་གྱུར་ཅིག་སཝཱཧཱ། མཧཱ་ཤཝཱ་ཧཱ་ཡ་སཝཱཧཱ། མཧཱ་བྷུ་ཏ་ཨ་བྷི་པ་ཏ་ཡེ་སཝཱཧཱ། གཽ་རཱེ་ཡེ་སཝཱཧཱ། ཨུ་གྲཱ་ཡ་སཝཱཧཱ། བདག་བདེ་ལེགས་སུ་གྱུར་ཅིག། དཥྚྲི་ཀ་རཱ་ལ་པིདྒ་ལ་ཨཱཛྙཱ་བ་ཡ་ཏི་སཝཱཧཱ། འཕགས་པ་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་པྲཛྙཱ་ཝ་རྨ་དང ། ཞུས་ཆེན་གྱི་ལོཙྪ་བ་བནྡེ་ཡེ་ཤེས་ 127b སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། |