rKTs


H775

(e-text produced by ACIP)

see text in transliteration
360a
རྒྱ་གར་སྐད་དུ། སཝ་སྟྱ་ཡ་ན་གཱ་ཐཱ།
360b
བོད་སྐད་དུ། བདེ་ལེགས་སུ་འགྱུར་བའི་ཚིགས་སུ་བཅད་པ། ཐམས་ཅད་མཁྱེན་པ་ལ་ཕྱག་འཚལ་ལོ། །འཇིག་རྟེན་འདྲེན་པའི་དྲུང་དུ་ནི། །ལྷ་ཞིག་ཉེ་བར་སོང་ནས་སུ། །གང་གིས་རྟག་ཏུ་བདེ་ལེགས་པ། །བདག་གིས་ཞུ་ཡི་བཅོམ་ལྡན་གསུངས། །དམ་པས་དེ་དག་གསན་པ་དང ། །འཇིག་རྟེན་འདྲེན་པས་ལུང་བསྟན་པ། །གང་གིས་ཀུན་ཏུ་བདེ་ལེགས་སུ། །འགྱུར་བ་ལྟ་ཁྱོད་ལེགས་པར་ཉོན། །གང་ཞིག་དེ་བཞིན་གཤེགས་པ་ལ། །དད་པ་མི་གཡོ་ལེགས་རབ་བསྟན། །གང་ཞིག་དགེ་བ་ཚུལ་ཁྲིམས་ཅན། །དེ་དག་ཀུན་ཏུ་བདེ་ལེགས་འགྱུར། །གང་ཞིག་ཕ་དང་མ་དག་དང ། །བུ་དང་བུ་མོ་བྲན་དག་ལ། །རྟག་ཏུ་ལེགས་པར་བསྙེན་བཀུར་བ། །དེ་དག་ཀུན་ཏུ་བདེ་ལེགས་འགྱུར། །གང་ཞིག་དགྲ་བཅོམ་གྲགས་པ་ལ། །ལེགས་པར་རབ་དང་ཡོན་འབུལ་དང་།། ལྷ་ཡི་བཀའ་བཞིན་བྱེད་པ་དག་།དེ་དག་ཀུན་ཏུ་བདེ་ལེགས་འགྱུར། །གང་གིས་ལུས་དང་ངག་དང་ནི། །ཡིད་ལ་ཉེས་བྱས་མེད་པ་དང ། །གང་ཞིག་རྣམ་གསུམ་རབ་བསྡམས་པ། །དེ་དག་ཀུན་ཏུ་བདེ་ལེགས་འགྱུར། །གང་ཞིག་འབྱུང་བོ་ཐམས་ཅད་ལ། །ཚད་མེད་ཀུན་ཏུ་མི་འཁྲུགས་པ། །བྱམས་པའི་སེམས་ནི་སྒོམ་བྱེད་པ། །དེ་དག་ཀུན་ཏུ་བདེ་ལེགས་འགྱུར། །གང་ཞིག་སྡུག་བསྔལ་ཀུན་སྤང་ཕྱིར། །འཕགས་པའི་ལམ་གྱི་ཡན་ལག་བརྒྱད། །བདེ་བ་འདྲེན་པ་ལེགས་བསྒོམ་པ། །དེ་དག་ཀུན་ཏུ་བདེ་ལེགས་འགྱུར། །གང་གིས་འདུས་བྱས་ཐམས་ཅད་ཀྱིས།།
361a
༄#། །སྟོང་ཉིད་རྟག་ཏུ་ལེགས་མཐོང་ཞིང ། །དེ་ནི་སེམས་ལ་གནས་གྱུར་པ། །དེ་དག་ཀུན་ཏུ་བདེ་ལེགས་འགྱུར། །གང་གིས་ལུས་ཀྱི་དྲི་མེད་ཆོས། །མངོན་སུམ་བྱས་ནས་རྒྱུ་བ་དང ། །དགྲ་བཅོམ་རྣམ་གྲོལ་སེམས་ལྡན་པ། །དེ་དག་ཀུན་ཏུ་བདེ་ལེགས་འགྱུར། །གང་གིས་འདོད་ཆགས་ཞེ་སྡང་དང ། །གཏི་མུག་རྣམས་དང་ཆགས་བྲལ་ཞིང ། །ཡེ་ཤེས་འཁྲུག་མེད་སྐྱེས་གྱུར་པ། །དེ་དག་ཀུན་ཏུ་བདེ་ལེགས་འགྱུར། །གང་ཞིག་ལྷར་བཅས་འཇིག་རྟེན་གྱི། །མགོན་པོ་ཡང་སྲིད་སྤངས་པ་ཡི། །སངས་རྒྱས་ཁོང་དུ་ཆུད་གྱུར་པ།། དེ་དག་ཀུན་ཏུ་བདེ་ལེགས་འགྱུར། །བདེ་ལེགས་སུ་འགྱུར་པའི་ཚིགས་སུ་བཅད་པ་རྫོགས་སོ།། །།