བོད་སྐད་དུ། གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ཆེན་པོའོ། །བཅོམ་ལྡན་འདས་དཔལ་ཀུན་ཏུ་བཟང་པོ་ཡེ་ཤེས་བླ་མ་ཆེན་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། སྒྱུ་འཕྲུལ་བླ་མ་ཆེན་པོ་ནི། །སངས་རྒྱས་ཀུན་གྱི་བླ་མ་སྟེ། །རྣལ་འབྱོར་ཀུན་གྱི་གསང་མཆོག་བདེ། །གནས་གསང་བ་ན་བཞུགས་ནས་སུ། །སྙིང་པོ་བླ་མ་འདི་སྐད་བཤད། །དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་གསང་བ་བླ་མའི་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡོན་ཏན་འཕྲིན་ལས་རྡོ་རྗེའི་བདག་ཉིད་ཅན། མ་ལུས་མི་ལུས་ལུས་པ་མེད་པ་ཐམས་ཅད་ཀྱང་སོ་སོ་མ་ཡིན་ཐ་མི་དད་དབྱེར་མེད་པའི་རང་བཞིན་ཏེ། ཤིན་ཏུ་གསང་བ་བླ་མ་ཆེན་པོའི་དབྱིངས་འོག་མིན་གྱི་གནས་མཐའ་དང་དབུས་མེད་པ་ན་གཞི་ཚད་མེད་པའི་ཡེ་ཤེས་ཀྱི་འཁོར་ལོ་གསལ་བ་ལ་ཡེ་ཤེས་རིན་པོ་ཆེ་འབར་བའི་གཞལ་ཡས་ཁད་ནམ་མཁའི་དབྱིངས་ལྟར་རྒྱ་ཕྱོགས་བཅུར་ཡོངས་སུ་མ་ཆད་བ། ཡོན་ཏན་བླ་མ་ཆེན་པོ་དཔག་ཏུ་མེད་པས་རྒྱས་པའི་ཕྱིར་གྲུ་བཞིར་གྱུར་པ། ལྷག་པའི་ཡེ་ཤེས་རིན་པོ་ཆེ་བླ་མའི་གློ་འབུར་བཞིས་མཛེས་ 50a ༄#། །པ།་རྩེ་མོ་ཕྱོགས་བཅུ་དུས་བཞིའི་སངས་རྒྱས་ཀྱི་དཀྱིལ་འཁོར་མ་ལུས་པ་ཐམས་ཅད་སོ་སོ་མ་ཡིན་ཐ་མི་དད་པའི་ངོ་བོ་ཉིད་གཅིག་པའི་ཡེ་ཤེས་བླ་མས་ཀུན་དུ་འཁྱིལ་པ། ཡེ་ཤེས་བླ་མ་བསམ་གྱིས་མི་ཁྱབ་པའི་དབྱིབས་དང ། ཁ་དོག་ལ་སོགས་པ་རྣམ་པ་ཐ་དད་པའི་བྱེ་བྲག་དང་ཁྱད་པར་དུ་གྱུར་པ། སྤགས་པ། ཚད་དཔག་ཏུ་མེད་པ།་ཡེ་ཤེས་རིན་པོ་ཆེ་བླ་མའི་ཕྲེང་བ་དང ། ཆུན་འཕྱང་དང ། ཤར་བུའི་རྒྱན་དང ། གཟུགས་དང ། སྒྲ་དང ། དྲི་དང ། རོ་དང ། རེག་བྱ་ལ་སོགས་པ་མི་སྒྲིབ་པར་གསལ་བར་རང་བྱུང་ལ། གསལ་བའི་རྒྱན་ཁྱད་པར་ཅན་བླ་མས་ཀླུབས་པ། ཚད་མེད་པ་བཞིའི་སྒོ་ནས་འཇུག་པའི་སྒོ་ཁྱུད་ཅན། རྣམ་པར་ཐར་པ་བརྒྱད་ཀྱི་རྟ་བབས་དང་ལྡན་པ། ཕྱི་དང་ནང་མེད་པ་ཀུན་ཏུ་ཡང་བླ་མ་ཆེན་པོ་ནང་དུ་གྱུར་པ། ཤིན་ཏུ་གསང་བ་པས་ཁྱབ་བདལ་བའི་བླ་མ་ཆེན་པོའི་གཞལ་ཡས་ཁང་ན་ཕ་རོལ་ཏུ་ཕྱིན་པ་ལྔའི་ཁྲི། མི་འཇིགས་པ་སེངྒེའི་ཁྲི་དང ། སྟོབས་གླང་པོ་ཆེའི་ཁྲི་དང ། རྫུ་འཕྲུལ་རྟའི་ཁྲི་དང ། དབང་རྨ་བྱའི་ཁྲི་དང ། ཐོགས་པ་མེད་པ་ནམ་མཁའ་ལྡིང་གི་ཁྲི་དང ། རང་བཞིན་གྱི་འོད་གསལ་བ་ཉི་ཟླའི་དཀྱིལ་འཁོར་དང ། གོས་པ་མེད་པ་པདྨ་རིན་པོ་ཆེའི་གདན་བརྩེགས་པ་ནི། ཡེ་ནས་གསང་བ་བླ་མའི་ཕྱིར། །ཡུམ་གྱི་གཞལ་ཡས་ཕྱོགས་བཅུར་འབར། །ཡེ་ནས་ཕ་རོལ་ཕྱིན་པའི་ཕྱིར། །ཐོགས་ 50b པ་མེད་པའི་ཁྲི་རྐང་བརྟན། །རང་བཞིན་ཡེ་ནས་འོད་གསལ་ཕྱིར། །ཉི་ཟླ་བརྩེགས་པའི་གདན་འབར་ཞིང ། །གདོད་ནས་དྲི་མ་མེད་པའི་ཕྱིར། །རྣམ་པར་དག་པ་པདྨོ་གདན། །རེ་བ་ཡིད་བཞིན་སྐོང་བའི་ཕྱིར། །ཡིད་བཞིན་རིན་ཆེན་གཏེར་གྱི་གདན། །མ་བསགས་ལྷུན་གྱིས་རྫོགས་པའི་ཕྱིར། །སྣ་ཚོགས་དཀྱིལ་འཁོར་ཆེན་པོའི་རྒྱན། །ཡོན་ཏན་ཆེན་པོའི་གདན་སྟེང་ན། ། སྐུ་མདུན་དང་རྒྱབ་མེད་པར་ཐམས་ཅད་དུ་ཞལ་བླ་མ་ཐ་ལེ་བར་གསལ་ཞིང་མཚན་དང་དཔེ་བྱད་དུ་ལྡན་པས་ཐམས་ཅད་དུ་བསམ་གྱིས་མི་ཁྱབ་པའི་སྐུ་གསུང་ཐུགས་ཡོན་ཏན་འཕྲིན་ལས་སྣ་ཚོགས་པར་སྣང་བ། ཐབས་དང་ཤེས་རབ་ཀྱི་ཞབས་གཉིས་མཉམ་པའི་བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པ། ཡེ་ཤེས་དྲུག་གི་ཕྱག་ཡེ་ཤེས་རིན་པོ་ཆེ་འབར་བའི་ཕྱག་རྒྱ་ཅན།། སྐུ་གསུང་ཐུགས་བསམ་གྱིས་མི་ཁྱབ་པའི་དབུ་གསུམ་དང་ལྡན་པ། བཅོམ་ལྡན་འདས་དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་བླ་མ་དང ། བཙུན་མོ་དམ་པ་སྲ་བའི་དབྱིངས་ཀྱི་བླ་མ་དང ། དེ་བཞིན་གཤེགས་པ་གཟུགས་ཀྱི་རྒྱལ་པོ་བླ་མ་དང ། བཙུན་མོ་དམ་པ་སྣང་བའི་དབྱིངས་ཀྱི་བླ་མ་དང ། དེ་བཞིན་གཤེགས་པ་ཚོར་བའི་རྒྱལ་པོ་བླ་མ་དང ། བཙུན་མོ་དམ་པ་མཉེན་པའི་དབྱིངས་ཀྱི་བླ་མ་དང ། དེ་བཞིན་གཤེགས་པ་འདུ་ཤེས་ཀྱི་རྒྱལ་པོ་བླ་མ་དང ། བཙུན་མོ་དམ་པ་དྲོ་བའི་དབྱིངས་ཀྱི་བླ་མ་དང ། དེ་བཞིན་གཤེགས་པ་འདུ་བྱེད་ 51a ༄#། །ཀྱི་རྒྱལ་པོ་བླ་མ་དང ། བཙུན་མོ་དམ་པ་བསྐྱེད་པའི་དབྱིངས་ཀྱི་བླ་མ་ལ་སོགས་པ་ཡེ་ཤེས་རྒྱལ་པོ་སྟངས་དཔྱལ་ཀུན་ཀྱང་མཐིང་ག་དང ། དཀར་པོ་དང ། སེར་པོ་དང ། ལེ་བརྒན་དང ། ལྗང་ཁུའི་མདོག་བླ་མར་འཚེར་བ་སྟེ་གཉིས་སུ་མེད་པར་འཁྲིལ་བས་ཆོས་ཀྱི་དབྱིངས་ཀུན་དུ་མཐའ་ཡས་པར་བླ་མ་ཆེན་པོའི་སྤྱོད་པས་ཁྱབ་པ་ནི། འདི་ལྟ་སྟེ། དཔེར་ན།་ཏིལ་གྱི་གང་བུ་འམ་མངར་གྱི་སྦྲམ་བུ་བཞིན་ཀུན་ཏུ་བདེ་བ་ཆེན་པོས་ཁྱབ་པར་བཞུགས་སོ། །དེ་ནས་བྱང་ཆུབ་ཆེན་པོ་རྡོ་རྗེ་མཐོང་དབང་བླ་མ་དང ། བཅུན་མོ་གཟིགས་པར་བྱ་བའི་བླ་མ་དང ། བྱང་ཆུབ་ཆེན་པོ་རྡོ་རྗེ་ཐོས་དབང་བླ་མ་དང ། བཙུན་མོ་གསན་པར་བྱ་བའི་བླ་མ་དང ། བྱང་ཆུབ་ཆེན་པོ་རྡོ་རྗེ་སྣོམ་དབང་བླ་མ་དང ། བཙུན་མོ་བསྣམ་པར་བྱ་བའི་བླ་མ་དང ། བྱང་ཆུབ་ཆེན་པོ་རྡོ་རྗེ་མྱོང་དབང་བླ་མ་དང ། བཙུན་མོ་མྱང་བར་བྱ་བའི་བླ་མ་དང ། བྱང་ཆུབ་ཆེན་པོ་རྡོ་རྗེ་གསོག་ཤེས་བླ་མ་དང ། བཙུན་མོ་སྒྲོན་མའི་བླ་མ་དང ། བྱང་ཆུབ་ཆེན་པོ་རྡོ་རྗེ་གཅོད་ཤེས་བླ་མ་དང ། བཙུན་མོ་གདུག་པའི་བླ་མ་དང ། བྱང་ཆུབ་ཆེན་པོ་རྡོ་རྗེ་འཇུག་ཤེས་བླ་མ་དང ། བཙུན་མོ་ཆར་འབེབས་བླ་མ་དང ། བྱང་ཆུབ་ཆེན་པོ་རྡོ་རྗེ་འདུས་པའི་བླ་མ་དང ། བཙུན་མོ་རྒྱས་པའི་བླ་མ་དང ། འཇོམས་པ་ཆེན་པོ་རྡོ་རྗེ་རེག་གཡས་བླ་མ་དང ། བཙུན་མོ་རྟག་པར་མ་ཡིན་པའི་བླ་མ་དང ། འཇོམས་པ་ཆེན་པོ་རྡོ་རྗེ་རེག་གཡོན་བླ་མ་དང ། བཙུན་ 51b མོ་ཆད་པར་མ་ཡིན་པའི་བླ་མ་དང ། འཇོམས་པ་ཆེན་པོ་རྡོ་རྗེ་རེག་གསང་བླ་མ་དང ། བཙུན་མོ་བདག་ཏུ་མ་ཡིན་པའི་བླ་མ་དང ། འཇོམས་པ་ཆེན་པོ་རྡོ་རྗེ་རེག་འདུས་བླ་མ་དང ། བཙུན་མོ་མཚན་མར་མ་ཡིན་པའི་བླ་མ་དང ། དེ་ལྟ་བུའི་ཚོགས་བརྗོད་ཀྱིས་མི་ལང་བ་དང་གཉིས་སུ་མེད་པར་གསང་བ་དགྱེས་པའི་དབྱིངས་བླ་མ་ན་བཞུགས་སོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་བླ་མ་དེ་ཉིད་ཀྱི་གསང་བ་བླ་མ་འདི་ཉིད་ཀྱི་སྐུ་དང་གསུང་དང་ཐུགས་དང་ཡོན་ཏན་འཕྲིན་ལས་རྡོ་རྗེ་ལས་བྱུང་ངོ ། །ེ་མའོ་དེ་བཞིན་ཉིད་ཀྱི་དབྱིངས་ཉིད་དབང་སྒྱུར་དཀྱིལ་འཁོར་བླ་མའི་ངང ། །ངང་ཉིད་རྣམ་དག་བདེ་མཆོག་གསང་བའི་དབྱིངས། །དབྱིངས་ཉིད་མཉམ་སྦྱོར་བདེ་མཆོག་རིན་ཆེན་གཏེར། །མི་ཟད་གཏེར་ལྡན་བདུད་རྩི་གསང་བའི་བླ། །བླ་མེད་བྱང་ཆུབ་ཐིག་ལེ་ཡ་མཚན་དཀྱིལ་འཁོར་སྣང ། །རང་སྣང་བ་ཉིད་ཏིང་འཛིན་གཟུགས་བརྙན་རྣམ་དག་སྣང་བ་ནི། །སྐུ་གསུང་ཐུགས་ཡོན་ཏན་འཕྲིན་ལས་སེལ་མེད་པའི་ཡིད་བཞིན་རིན་ཆེན་མི་ཟད་པར་ལྡན་པ་རྒྱན་གྱི་འཁོར་ལོ་བླ་མ་རྡོ་རྗེ་མཆོག་གི་གནས་ཉིད་དོ། །རྡོ་རྗེ་གསང་བ་བླ་མའི་ངེས་དོན་དུའོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས། དབྱིངས་དང་ཡེ་ཤེས་གསང་བའི་བདེ་བའི་བླ་མ་ངེས་པའི་གླེང་གཞིའི་ལེའུ་སྟེ་དང་བོའོ།། །།དེ་ནས་བཅོམ་ལྡན་འདས་ཡིད་བྱེད་པ་བླ་མ་རྡོ་ 52a ༄#། །རྗེ་ཀུན་ཏུ་བཟང་པོ་ཐམས་ཅད་མ་ལུས་པའི་ཚུལ་རྡོ་རྗེས་བཙུན་མོ་བྱ་བ་མོ་ཀུན་ཏུ་བཟང་མོའི་བླ་མ་ལ་འཇུག་པར་གྱུར་ཏོ། །གསང་པའི་བླ་མའི་ཚིག་འདི་ཆེད་དུ་བརྗོད་དོ། །ོཾ་ཆོས་ཀྱི་ཆོས་ཉིད་བྱ་བའི་དབྱིངས། །ཀུན་ཏུ་བཟང་མོ་བདེ་བའི་ཡུམ། །མ་གཡོས་རང་བཞིན་དཀྱིལ་འཁོར་ནི། །བདག་ཡིན་བདག་གི་སྤྱོད་ཡུལ་བས། །ཕྱག་རྒྱ་སྣ་ཚོགས་སོ་སོར་གསལ། །ནུབ་ཕྱོགས་འོག་མིན་གནས་མཆོག་ཏུ། །མཆོགས་པདྨའི་གདན་བཏིང་བ། །དུས་གསུམ་རྒྱལ་བ་བཞུགས་པའི་གནས། །རྣམ་པར་ཐར་པའི་སྒོ་བཞི་ལ། །ཕྱག་རྒྱ་བཞི་དང་ཡང་དག་ལྡན། །དབང་མེད་སྐལ་ངན་གསལ་བའི་ཕྱིར། །ནང་གཏན་ཕྱི་རིམ་ལྕགས་དང་ལྡན། །རྒྱལ་བ་ཡོངས་ཀྱི་གསང་བའི་ཆོས། ། སུས་ཀྱང་གཏིང་དཔག་དཀའ་བ་སྟེ། །ཀུན་ཏུ་བཟང་པོ་ཉིད་ཀྱིས་གཟིགས། །ཧོཿ ། དེ་ནས་བཙུན་མོ་བྱ་བ་ཀུན་དུ་བཟང་མོས་གསང་བ་བླ་མའི་ཚིག་འདི་ཆེད་དུ་བརྗོད་དོ། །ོཾ། སེམས་ཀྱི་སེམས་ཉིད་བྱེད་པའི་གཙོ། །ཀུན་ཏུ་བཟང་པོ་རྡོ་རྗེ་ཡིད། །ཡེ་ཤེས་བརྒྱད་ཀྱི་རང་བཞིན་ཏེ། །ཤར་ཕྱོགས་མངོན་དགའ་བསམ་ཡས་ནས། །ནཱི་ལ་ལྟ་བུའི་གཏེར་འབྱིན་པ། །གསང་འདུས་འཕྲུལ་གྱི་ལྡེ་མིག་གིས། །རྣམ་པར་ཐར་པའི་སྒོ་ཕྱེ་སྟེ། །བྱང་ཆུབ་མཆོག་གི་ནང་གཏན་བཀྲོལ། །མ་ཆགས་པདྨའི་གདན་ལ་བཞུགས། །འགྲོ་དོན་བྱང་ཆུབ་ 52b སེམས་བསྐྱེད་དེ། །འགྲོ་ལྔ་སྐྱེ་ཞིང་དབང་དུ་བསྡུས། །སྐུ་གསུང་ཐུགས་ནས་དབང་བསྐུར་རོ། །ཞེས་གླེང་ངོ ། །དེ་ནས་བྱ་བ་མོ་ཀུན་དུ་བཟང་མོས་གསང་བ་བླ་མའི་མཆོད་པ་འདི་ཆེད་དུ་ཕུལ་ལོ། །ོཾ། རིན་ཆེན་པདྨའི་དཀྱིལ་འཇམ་འདི། །འཛུམ་པའི་མདངས་ཀྱིས་འབུལ་ལགས་ཀྱི། །བླ་མེད་འཕྲུལ་གྱི་ལྡེ་མིག་སྟེ། །དགྱེས་མཆོག་རྡོ་རྗེ་གསོར་ནས་ནི། །བདུད་རྩི་ཆར་ཆེན་དབབ་ཏུ་གསོལ། །ཞེས་ཆེད་དུ་གླེང་ངོ ། །དེ་ནས་ཡང་ཡིད་བྱེད་པ་པོ་རྡོ་རྗེ་ཀུན་ཏུ་བཟང་པོས་བདུད་རྩི་བླ་མའི་ཆར་པས་སྣོད་བཅུད་ཀྱི་འཛམ་བུའི་གླིང་ཚིམ་པར་བྱ་བའི་ཕྱིར་གསང་བ་བླ་མའི་ཚིག་འདི་ཆེད་དུ་བརྗོད་དོ། །ོཾ། རྡོ་རྗེ་བླ་མའི་དགྱེས་རབ་འདི། །གསོར་ནས་བདུད་རྩིའི་ཆར་དབབ་ཕྱིར། །འཛུམ་ཞིང་འཁྱིལ་བའི་གནས་སུ་གསོར། །མི་དམིགས་བདེ་དང་སྤྲོ་བ་འདིས། །ཀུན་དུ་བཟང་མོ་དབྱིངས་སུ་བསྐྱིལ། །ཞེས་ཆེད་དུ་གླེང་སྟེ་གཉིས་སུ་མེད་པ་ལས་ཉིད་ཀྱི་སྤྱོད་ཡུལ་ཐམས་ཅད་གསང་བའི་དཀྱིལ་འཁོར་བླ་མ་ཁྱད་པར་དུ་སྤགས་བ་རྡུལ་ཕྲ་མོ་སྙེད་ཐོན་ནས་སྒྱུ་མའི་ཆོ་འཕྲུལ་ཆེན་པོ་བསམ་གྱིས་མི་ཁྱབ་པར་མཛད་པ་ནི། ལ་ལ་ནི། གསང་བ་བླ་མའི་དཀྱིལ་འཁོར་དུ་ཞུགས་ཏེ་ཡན་ལག་ཐམས་ཅད་རྡོ་རྗེར་བྱིན་གྱིས་རློབ། །ལ་ལ་ནི། འགྲོ་བ་དྲུག་གདུལ་བའི་དོན་དུ་ཐུབ་པ་ཆེན་པོ་དྲུག་ཏུ་བཞུགས་པ་འདི་ལྟ་སྟེ། ལྷ་ཡི་གནས་ན་བརྒྱ་བྱིན་མགོན། །ལྷ་མ་ཡིན་ལ་ཐགས་བཟང་རིས། །མི་ 53a ༄#། །ལ་བདུད་འདུལ་ཤཱཀྱ་མགོན། །ཡི་དྭགས་གནས་ན་ཁ་འབར་བདེ། །བྱོལ་སོང་སེངྒེ་ཉིད་དུ་སྨྲ། །དམྱལ་བ་ལ་ནི་གཤིན་རྗེ་མགོན། །སྐུ་དང་ཆ་ལུགས་ཚུལ་སྟོན་ཅིང ། །ལ་ལ་ལྷུམས་ཞུགས་སྐུ་ལ་བལྟམས། །ལ་ལ་ཚུལ་སྲུང་རབ་ཏུ་བྱུང ། །ལ་ལ་བསྙེན་རྫོགས་དཀའ་ཐུབ་བྱེད། །ལ་ལ་དམ་ནོད་འགྲོ་བ་སྒྲོལ། །ལ་ལ་བཅུ་དྲུག་ཆོས་ལ་བཙུད། །ལ་ལ་མེ་འབར་ཆུར་ཡང་འབྲུབ། །ལ་ལ་ནམ་མཁའ་སྒྲ་རུ་འབར། །ལ་ལ་རྡོ་རྗེ་བྲག་ཏུ་སྲ། །ལ་ལ་གསོ་གསོད་ཕམ་རྒྱལ་བྱེད། །ལ་ལ་བཅིང་སྒྲོལ་འགུག་སྒྲོལ་བྱེད། །ལ་ལ་བདུད་འདུལ་ངན་སོང་སྤྱོད། །ལ་ལ་དཀྱིལ་འཁོར་མཆོད་སྤྲིན་འཁྲིལ། །ཀུན་ཀྱང་ཆོས་ཀྱི་འཁོར་ལོ་བསྐོར། །དེ་ལྟར་རྟག་ཏུ་ཆོས་ཀྱི་འཁོར་ལོ་བསྐོར་བ་ནི་འདི་ལྟ་སྟེ། ཐེག་པ་དང་པོ་བཅུ་དྲུག་མགོན། །གཉིས་པ་བཞི་ཡི་ལྟ་སྤྱོད་བསྲུང ། །གསུམ་པ་བཅུ་གཉིས་ངེས་པར་བསྟན། །བཞི་པ་གཉིས་ཀྱི་ལྟ་སྤྱོད་སྤྱངས། །བཞི་པའི་ཐེག་པ་མདོར་བསྡུས་ན། །བླ་མེད་ཐེག་པའི་དབྱིངས་སུ་བཙུད། །ཐེག་པ་བཞི་ཡི་ངེས་འབྱུང་ལ། །ཐེག་པ་གཅིག་གིས་འབྲས་བུར་གནས། །ཀུན་འབྱུང་དཀྱིལ་འཁོར་སྒྱུ་འཕྲུལ་ཆེ། །མང་ལ་འབྲེལ་པས་དྲ་བའི་དོན།། ཐུན་མོང་མིན་པས་གསང་བའི་དོན། །ཐེག་པའི་བཅུད་དེ་སྙིང་པོའི་དབྱིངས། །ཞེས་ཆེད་དུ་གླེང་སྟེ། །སྣོད་བཅུད་ཀྱི་འཇིག་རྟེན་རྒྱལ་བའི་དཀྱིལ་འཁོར་གསང་བར་གནས་བསྒྱུར་བ་ 53b དང ། ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་གསང་བ་བླ་མའི་ཏིང་ངེ་འཛིན་གྱི་གཟིགས་མོས་མཉེས་པར་གྱུར་ཏོ། །དེ་ནས་སྣོད་བཅུད་ཀྱི་འཇིག་རྟེན་ཐམས། ཅད་དང ། སྙིགས་མ་མེད་པར་གསང་བ་བླ་མའི་དཀྱིལ་འཁོར་དུ་མངོན་པར་སངས་རྒྱས་ནས་ཆེད་དུ་བརྗོད་པ་འདི་བརྗོད་དོ། །ེ་མའོ་རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་སྦྱན་དང་མཱ་མ་ཀཱི། །མེ་ལོང་གོས་དཀར་སྒྲོལ་མ་སྟེ། །ནམ་མཁའི་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང ། །ཐམས་ཅད་མ་ལུས་ཆོས་སོ་ཅོག་།སངས་རྒྱས་ཉིད་ལས་གཞན་མ་ཡིན། །སངས་རྒྱས་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་རྙེད་དོ། །ཞེས་བརྗོད་པས་དེ་བཞིན་གཤེགས་པ་ཐམས་ཅད་མཉེས་པར་གྱུར་ཏོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་ཐམས་ཅད་ཀྱིས་ཆེད་དུ་བརྗོད་པ་འདི་གསུངས་སོ། །ེ་མའོ་ཕྱོགས་བཅུའི་སྟོང་ཁམས་ཡེ་ནས་དབེན། །སྲིད་པ་གསུམ་ཉིད་དག་པའི་ཞིང ། །སྙིགས་མ་ལྔ་ཉིད་བདེ་ལྡན་གནས། །ཕུང་པོ་ལྔ་ཉིད་མངོན་སངས་རྒྱས། །ཐམས་ཅད་མཆོག་གི་སྙིང་པོ་བས། །གཞན་དུ་རྒྱལ་བས་ཆོས་མི་བཙལ། །ཉིད་ལས་གཞན་ཞེས་བྱ་བའི་ཆོས། །བཙལ་ཀྱང་རྒྱལ་ 54a ༄#། །བས་མི་རྙེད་དོ། །ཞེས་བརྗོད་པས་ཆོས་ཐམས་ཅད་ཡེ་ནས་སངས་རྒྱས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །དེ་ནས་དབྱིངས་དང་ཡེ་ཤེས་གཉིས་སུ་མེད་པ་ལས་ཆེད་དུ་བརྗོད་པ་འདི་བརྗོད་དོ། །ེ་མའོ་ཡེ་ནས་གསང་བའི་ཆོས། །སྣ་ཚོགས་སྣང་བ་རང་བཞིན་གསང ། །གཞན་དུ་མིན་ལ་ཤིན་ཏུ་གསང ། །གསང་མཆོག་སྙིང་པོ་བླ་ན་མེད། །ཐམས་ཅད་གསང་བའི་དབྱིངས་སུ་ངེས། །བླ་མ་མཆོག་གི་སྙིང་པོ་ལས། །སངས་རྒྱས་སེམས་ཅན་གཉིས་སུ་མེད། །ཅེས་བརྗོད་པས་ཐམས་ཅད་དབྱིངས་སུ་ངེས་པར་མཁྱེན་ཏོ། །དེ་ལྟར་ཡིན་ན་ཡང་འགྲོ་བའི་རྣམ་པར་རྟོག་པས་འགྲོ་བའི་རིགས་བསམ་གྱིས་མི་ཁྱབ་པར་སྨིན་པ་ལ་ཐུགས་རྗེ་ཆེན་པོ་སངས་རྒྱས་ཀྱི་ཆེ་བའི་ཡེ་ཤེས་བསྐྱེད་པའི་ཕྱིར་རྡོ་རྗེ་བླ་མའི་ཚིག་འདི་ཆེད་དུ་བརྗོད་དོ། །ེ་མའོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྦྲུལ། །སྣ་ཚོགས་ལུས་དང་ལོངས་སྤྱོད་དང ། །གནས་དང་སྡུག་བསྔལ་ལ་སོགས་པའི། །བདག་དང་བདག་གིར་སོ་སོར་འཛིན། །སུས་ཀྱང་མ་བཅིངས་བཅིངས་མེད་དེ། །བཅིང་བར་བྱ་བ་ཡོད་མ་ཡིན། །རྣམ་རྟོག་བདག་ཏུ་འཛིན་པ་ཡིས།། ནན་གྱིས་མཁའ་ལ་མདུད་པ་བོར། །བཅིངས་མེད་རྣམ་པར་གྲོལ་མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །སྤྲོས་ཀྱང་ 54b འཕེལ་འགྲིབ་མེད་པའི་དབྱིངས། །དེ་ལྟར་ཡིན་ན་ཡང་དེ་ལྟར་མ་རྟོགས་པ་རྣམས་ལ་ཀུན་རྫོབ་ཀྱི་ཕུང་པོ་བྱང་ཆུབ་ཀྱི་སེམས་བླ་མའི་དཀྱིལ་འཁོར་དུ་སེམས་ཀྱི་ངོ་བོ་བསྐྱེད་པའི་ཕྱིར།། རྡོ་རྗེ་གསང་བའི་ཚིག་འདི་ཆེད་དུ་བརྗོད་དོ། །སྟོང་ཞིང་དབེན་པའི་སེམས་ཉིད་ནི། །རིགས་དང་ཁ་དོག་དབྱིབས་མེད་དེ། །ཅི་ཡང་མེད་ལ་ཅིར་ཡང་སྣང ། །མི་བསྐྱོད་རྫུ་འཕྲུལ་སྣ་ཚོགས་འབྱུང ། །རྒྱལ་པའི་དཀྱིལ་འཁོར་སྣ་ཚོགས་ཀྱང ། །སེམས་ཀྱི་སྒྱུ་འཕྲུལ་ཆེན་པོ་ཡིན། །གཅིག་དང་དུ་མར་མི་དམིགས་ཏེ། །མངོན་ཤེས་དྲུག་གིས་ཐམས་ཅད་བྱེད། ། བླ་མའི་ཏིང་འཛིན་ཆེན་པོ་ཡིས། །དཀྱིལ་འཁོར་ཆེན་པོ་བྱེད་པར་བསྟན། །རྒྱུ་ལྔ་རྐྱེན་བཞིས་བསྡུས་པ་ལ། །རྒྱལ་པའི་དཀྱིལ་འཁོར་ཆེ་ཕྲ་བསྒོམ། །བཞི་ཡི་རིམ་པ་ཚུལ་བཞིན་བྱེད། །རྒྱན་དང་ཕྱག་རྒྱའི་ཚུལ་རྣམས་ཀུན། །ཏིལ་འབྲུའི་ནང་དུ་རི་རབ་སྐྱེད། །སངས་རྒྱས་སྟོང་གི་དཀྱིལ་འཁོར་དང ། །སྟངས་དབྱལ་གཉིས་ཀྱི་ཕྱག་རྒྱ་ཡང ། །རི་རབ་ཏིལ་འབྲུའི་ཚུལ་བཞིན་དུ། །དཔེ་བྱད་རྒྱན་གྱིས་བརྒྱན་སྦྲས་པའོ། །ངེས་པས་བཞི་བཅུ་རྩ་ལྔ་བསྒོམ། །དབྱིངས་དང་ཡེ་ཤེས་སྟངས་དཔྱལ་གཉིས། །དཀྱིལ་འཁོར་ཀུན་གྱི་བྱེད་པ་པོ། །ཧོ། གཟུགས་ནི་རྣམ་པར་སྣང་མཛད་དེ། །ཡུལ་ལ་ཀུན་དུ་བཟང་མོའོ། །ཧོ། ཆེར་བ་རིན་ཆེན་འབྱུང་ལྡན་ཏེ། །ཡུལ་ལ་ཁམས་གསུམ་བྱམས་མའོ། །ཧོ། འདུ་ཤེས་སྣང་བ་མཐའ་ཡས་ཏེ། །ཡུལ་ 55a ༄#། །ལན་བཟའ་དཀར་མོའོ། །ཧོ། འདུ་བྱེད་དོན་ཡོད་གྲུབ་པ་སྟེ། །ཡུལ་ལ་དམ་ཚིག་སྒྲོལ་མའོ། །ཧོ། རྣམ་ཤེས་རྡོ་རྗེ་སེམས་དཔའ་སྟེ། །ཡུལ་ལ་ཡངས་པའི་སྦྱན་ཅན་མའོ། །ཧོ། །མིག་ལས་ཡི་སྙིང་པོ་སྟེ། །ཡུལ་ལ་དཀར་མོ་སྒེག་ཆེན་ནོ། །ཧོ། སྣ་ལ་ནམ་མཁའི་སྙིང་པོ་སྟེ། །ཡུལ་ལ་མེ་ཏོག་དཔལ་ཕྲེང་མའོ། །ཧོ། ལྕེ་ལ་སྤྱན་རས་དབང་ཕྱུག་སྟེ། །ཡུལ་ལ་ཆོས་ཀྱི་དབྱངས་ཅན་ནོ། །ཧོ། རྣ་བར་ཕྱག་ན་རྡོ་རྗེ་སྟེ། །ཡུལ་ལ་ལས་ཀྱི་གར་མཁན་མའོ། །ཧོ། ཀུན་འདུས་སྒྲིབ་པ་རྣམ་སེལ་ཏེ། །ཡུལ་ལ་མེ་ཏོག་ཆར་འབེབས་སོ། །ཧོ། ཀུན་ཤེས་ཀུན་ཏུ་བཟང་པོ་སྟེ། །ཡུལ་ལ་གསལ་བའི་སྒྲོལ་མའོ། །ཧོ། གཅོད་ཤེས་བྱམས་པའི་བདག་ཉིད་དེ། །ཡུལ་ལ་གདུག་པའི་སྤྲིན་འཕྲོ་ཧོ། །འཇུག་ཤེས་འཇམ་དཔལ་གཞོན་ནུ་སྟེ། །ཡུལ་ལ་ཙནྡན་ཆར་འབེབས་སོ། །གཡས་གཉིས་སྟོབས་ཆེན་ཁྲོ་བོ་སྟེ། །ཡུལ་ལ་གདོང་མོ་འཇིགས་ཚུལ་ཧོ། །གཡོན་གཉིས་གཤིན་རྗེའི་གཤེད་པོ་སྟེ། །ཡུལ་ལ་སྡེར་འཕྲོ་འཇིགས་ཚུལ་ཧོ། །གསང་བ་རྟ་མགྲིན་དཔའ་བོ་སྟེ། །ཡུལ་ལ་དུར་ཁྲོད་བདག་མོ་ཧོ། །ལྟེ་བར་བདུད་རྩི་འཁྱིལ་བ་སྟེ། །ཡུལ་ལ་གཏུམ་མོ་འཇིགས་ཚུལ་ཧོ། །རྒྱུད་དྲུག་འཁོར་བའི་གནས་དྲུག་ཏུ། །ཐུབ་དྲུག་ཕྱག་རྒྱ་ཆེན་པོའོ། །ཀུན་ཏུ་སྐུ་དང་ཀུན་ཏུ་གསུང ། །ཀུན་ཏུ་ཐུགས་ཀྱི་ཕྱག་རྒྱ་ཡང ། །ལུས་ངག་ཡིད་ལ་ 55b དེ་བཞིན་ཧོ། །སེམས་ཉིད་སྒྱུ་འཕྲུལ་དྲ་བ་སྟེ། །སྒྱུ་མའི་ཆོ་འཕྲུལ་ཆེན་པོ་ལས། །དྲ་བའི་དཀྱིལ་འཁོར་བཞི་བཅུ་ལྔ། །གསང་བའི་དཀྱིལ་འཁོར་ངེས་པ་ལས། །སྙིང་པོའི་དཀྱིལ་འཁོར་བླ་མ་ཡིན། །ཞེས་བརྗོད་པས་སེམས་ཅན་ཐམས་ཅད་མངོན་པར་རྫོགས་པར་སངས་རྒྱས་ནས་དེ་བཞིན་གཤེགས་པ་ཐམས་ཅད་དང་དབྱེར་མེད་པར་དགྱིས་ཏེ་མཉམ་པ་ཉིད་ཀྱི་དབྱིངས་ན་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས། དབྱིངས་དང་ཡེ་ཤེས་གཉིས་སུ་མེད་པའི་ངང་དུ་སེམས་ཀྱི་རང་བཞིན་ཅིར་ཡང་འགྲུབ་པའི་ལེའུ་སྟེ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད་རང་བཞིན་གཅིག་དང་དུ་མར་དབྱེར་མེད་པའི་རང་བཞིན་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་བླ་མ་འདི་དབྱུང་བར་བཞེས་ནས་ཆེད་དུ་བརྗོད་པ་འདི་གསུངས་སོ། །ོཾ། ཡེ་ཤེས་བླ་མ་རོལ་པ་ཡིས། །ཕྱོགས་བཞི་དབུས་དང་ལྔར་བརྟགས་ན། །དཀྱིལ་འཁོར་བསམ་ཡས་ལྷུན་གྱིས་གྲུབ། །རྫོགས་ཆེན་རྟོགས་པའི་རྣལ་འབྱོར་པས། །ཀུན་འབྱུང་དཀྱིལ་འཁོར་ཆེན་པོར་སྤྱོད། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བཞིས་བརྒྱན་རྡོ་རྗེའི་ཁྱམས། །ཀུན་ཏུ་གྲུ་བཞི་སྒོ་ཁྱུད་ལྡན། །རོལ་མོ་སྣ་ཚོགས་སྤྲིན་ཕུང་བཞིན། །དཀྱིལ་འཁོར་བཞི་བཅུ་གཉིས་ཀྱིས་བརྒྱན། །སེངྒེ་གླང་ཆེན་རྟ་དང་ཁྱུང ། ། 56a ༄#། །ནམ་མཁའ་ལྡིང་གི་ཁྲི་ཆེན་ལ། །ཉི་ཟླ་པདྨ་རིན་པོ་ཆེ། །གདན་ལ་རྫོགས་དང་སེམས་དཔའི་ཚུལ། །འཁོར་ལོ་རྒྱལ་པོ་རྒྱལ་མོ་དང ། །གཡས་ནས་མཐོང་ཐོས་སྣོམ་པ་དང ། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་གཅོད་བྱེད་དང ། །སྣང་བྱེད་གསོག་བྱེད་འཇུག་བྱེད་རྣམས། །བཙུན་མོའི་ཚོགས་དང་བཅས་པར་གནས།། བར་ཁྱམས་ལ་ནི་ཐུབ་དྲུག་དག་།རྒྱུད་དྲུག་སྦྱོང་བའི་ཕྱག་རྒྱར་གནས། །དེ་བཞིན་ཐིག་ལེ་ཆེན་པོ་དག་།མདུན་དང་རྒྱབ་ཏུ་བྱེད་པ་དག་།བྱ་བ་དག་ནི་གནས་པར་བསྟན། །སྒོ་ཁྱུད་བཞི་ལ་འཇོམས་པ་དག་།བཙུན་མོའི་ཚོགས་དང་ལྡན་པར་གནས། །རྡོ་རྗེ་འཁོར་ལོ་རིན་པོ་ཆེ། །པདྨའི་རལ་གྲི་ནོར་བུ་འབར། །ུཏྤལ་ཀླུ་ཤིང་ལ་སོགས་མཚན། །མཛེས་ཚུལ་མཉེས་པའི་ཡོ་བྱད་འཛིན། །མཐིང་ག་དཀར་པོ་སེར་ལེ་བརྒན། །ལྗང་གུ་ལ་སོགས་སྣ་ཚོགས་མདོག་།མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྟུག་གཟི་བྱིན་འབར། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་ཕྲེང་བ་འཁྲིགས་པ་སྟེ། །མཐའ་དབུས་མེད་པར་ཁྱབ་པ་ཡིན། །དཀྱིལ་འཁོར་བསམ་ཡས་ལྷུན་གྱིས་གྲུབ། །ཧོ་ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པ་ཐམས་ཅད་དུ་དཀྱིལ་འཁོར་བླ་མ་ཆེན་པོ་བརྗོད་ཀྱིས་མི་ལང་བ་ཞིང་གི་རྡུལ་སྙེད་དུ་གསལ་བར་གྱུར་ཏོ། །དེ་ནས་དེ་ 56b བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་བླ་མ་འདི་སྐུ་གསུང་ཐུགས་ཡོན་ཏན་འཕྲིན་ལས་འདི་དག་ཕྱུང་ངོ ། ། ཧོ། བདེ་མཆོག་ངོ་མཚར་བྱང་ཆུབ་སེམས་ཆེན་པོ། །ཐིག་ལེ་མཉམ་སྦྱོར་སྒྱུ་འཕྲུལ་བླ་མའི་དབྱིངས། །རྣམ་དག་ཐིག་ལེ་བྱང་ཆུབ་སེམས་ཀྱིས་རོལ། །ངོ་མཚར་རྨད་བྱུང་བླ་མ་ཆེན་པོའི་དབྱིངས།། ཧོ། དམིགས་བྱ་དམིགས་བྱེད་མི་དམིགས་གསང་བའི་དབྱིངས། །ཡེ་ཤེས་རང་རིག་དཀྱིལ་འཁོར་བླ་མ་བསམ་མི་ཁྱབ། །མཉམ་དང་མི་མཉམ་ཀུན་ཁྱབ་གསང་བའི་དབྱིངས། །ཡེ་ཤེས་ཀུན་གསལ་དཀྱིལ་འཁོར་སྤྲོས་མེད་བླ་མའི་ངང ། །ཧོ། རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་ངེས་པའི་བླ་མ་ཆེན་པོ་ལས། དཀྱིལ་འཁོར་སྤྲོས་པའི་ལེའུ་སྟེ་གསུམ་པའོ།། །། དེ་ནས་ཡེ་ཤེས་རྒྱལ་པོ་དེ་བཙུན་མོ་བླ་མའི་དབྱིངས་དང་གཉིས་སུ་མེད་པར་གྱུར་ནས་བདེ་བ་ཆེན་པོ་བྱང་ཆུབ་ཀྱི་སེམས་རིམ་པར་གསལ་བ་ཞེས་བྱ་བའི་དགོངས་བ་རྩེར་ཆིབ་ནས་ཏིང་ངེ་འཛིན་གྱི་རྣམ་པ་ཕྱོགས་བཅུ་དུས་བཞིར་དགོད་པར་བཞེད་ནས་སྐུ་གསུང་ཐུགས་བླ་མའི་དབྱིངས་ནས་འདི་དག་ཕྱུང་ངོ ། །དང་པོ་བླ་མའི་ལུང་བསྟན་པ། །མཚོན་དུ་མེད་པའི་བྱང་ཆུབ་སེམས།། ཡེ་ཤེས་སྙིང་པོ་གསལ་བ་དག་།སྒོམ་པ་རྣམ་གསུམ་དུས་གཅིག་རྫོགས། །བྱང་ཆུབ་སེམས་ཀྱི་ཐིག་ལེ་ལ། །མ་བཀག་ལྷུན་གྱིས་རྫོགས་པས་ན། །དེ་ནི་ཐིག་ལེ་ཆེན་པོའི་དོན། །དེ་ནི་དེ་ 57a ༄#། །བཞིན་ཉིད་ཀྱི་དབྱིངས། །དེ་ནི་ཀུན་དུ་སྣང་བའི་ངང ། །དེ་ནི་རྒྱུ་ཡི་རིམ་པར་ལྡན་ཧོ། །གསང་བ་བླ་མའི་ཚིག་ཏུའོ། །གསང་བ་བླ་མའི་ངེས་དོན་ལས། །གསང་བ་གསུང་གི་དཀྱིལ་འཁོར་གྲགས། །བྷྲུཾ་བི་ཤཝ་བི་ཤུདྡྷེ་བཛྲ་སྭྷའྷཱ། ཧཱུཾ་ཧཱུཾ་ཧཱུཾ་བཛྲ་ཙིཏྟ་ཨོཾ། ། ཨ་ཨ་བཛྲ་པ་ཏ་ས་མ་ཡ་ཨོཾ། ཧཱུཾ་བཛྲ་དྷརྀ་ཀ། མུཾ་དྷཱ་ཏུ་ཨཱི་ཤཝ་རི། ཨོཾ་ཇི་ན་ཇི་ཀ་།ལཱཾ་དྭེ་ཤ་ར་ཏི། སཝཱ་རཏྣ་དྷརྀཀ་།མཱཾ་མོ་ཧ་ར་ཏི། ཨོཾ་ཨཱ་རོ་ལི་ཀ་།པཱཾ་རཱ་ག་ར་ཏི། ཧ་པྲཛྙཱ་དྷརྀཀ། ཏཱཾ་བཛྲ་ར་ཏི། ཀྵི་ཧི་རཱ་ཛཱ་ཡ། ཧཱུཾ་ལཱ་སེ་ས་མ་ཡ་སྟྭཾ། ཏྲཾ་ཨ་གརྦྷ་ཡ། ཏྲཾ་མཱ་ལེ་ས་མ་ཡ་ཧོ། ཧྲཱིཿ ཧ་ཧོ་པདྨ་བནྡྷ་མ།་ཧྲཱིཿ གཱི་ཏི་ར་ཧོཿ ། ཧཾ་ཛི་ཀུ་རུ་པ་ན་ཧྲཱིཿ ། ཨཱ་ནརྀ་ཏྱ་རཱ་ག་ཡཱ་མི། མཻ་དྷ་རྀ་ཎ་སཝཱིཧཱ། ཛཿ དྷུ་པེ་པྲ་བེ་ཤ། ཐལྷིཾ་ནི་ས་ར་མ་བཱ་ཡ་སཝཱཧཱ། ཧཱུཾ་པུཥྤ་ཨ་བཻ་ཤ། ཧཱུཾ་ས་རཱ་ཛཱ་ཡ་སཝཱཧཱ། བཾ་དྷུ་པི་སུ་ཀྵ་ཎི། མཱུཾ་ཤྲཱི་ཨཱ་རཾ་གཱ་ཡ་སཝཱཧཱ། ཧོཿ གནྡྷེ་ཙིཏྟ། ཨོཾ་མུ་ཎེ་ཀྲྀ་སཝཱ་ཧཱ། ཨོཾ་མུ་ཎེ་ཧཱུཾ་དྲུཾ་སཝཱཧཱ། ཨོཾ་མུ་ཎེ་པྲཾ་སཝཱཧཱ། ཨོཾ་མུ་ནེ་སྲུཾ་སཝཱཧཱ། ཨོཾ་མུ་ནེ་ཀྵཾ་སཝཧཱ། ཨོཾ་མུ་ནེ་ཡེ་སཝཱཧཱ། ཧཱུཾ་ཡ་མཱནྟ་ཀྲྀཏ་ཕཊ།་ཨོཾ་མཧཱ་བཛྲ་དྷ་ར་མ་ཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། ཧཱུཾ་པྲཛྙཱ་ནྟ་ཀྲིཏ་ཕཊ། ཨོཾ་མཧཱ་རཏྣ་དྷ་ར་མཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། ཧཱུཾ་པདྨཱ་ནཏ་ཀྲིཏ་ཧཱུཾ་ཕཊ། ཨོཾ་མཧཱ་པདྨ་དྷ་ར་མ་ཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། ཨོཾ་བིགྷཱནྟ་ཀྲིཏ་ཧཱུཾ་ཕཊ། ཨོཾ་མཧཱ་ཀརྨ་དྷ་ར་མ་ཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། ཨོཾ་ཨེ་ཧྱེ་ཧི་བྷ་ག་ཝཱ་ན། མཧཱ་ཀཱ་རུ་ཎི་ཀ་དྲྀ་ཤྱ་ཧོཿ ། ས་མ་སྟྭཾ། ཛཿ ཧཱུཾ་བཾ་ 57b ཏོ་\?\ ། ཨོཾ་ཨཱཾཿ ཧཱུཾ་སཝཱཧཱ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། ཨོཾ་ཨཱཿ ཧཱུཾ་སཝཱཧཱ། ཨོཾ། ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་འཕྲིན་ལས་རྨད་པོ་ཆེ། ། སྐྱོན་བྲལ་བྱང་ཆུབ་སེམས་ཆེན་པོ། །དེ་ཉིད་དུ་ནི་མཉམ་སྦྱོར་བས། །ཕྱག་རྒྱ་བླ་མར་བདག་སྦྱོར་ཅིག། །ོཾ་བཛྲ་ས་མ་ཡ་ཧཱུཾ། ཨོཾ་བཛྲ་ས་མ་ཡ་སྟྭཾ། བཛྲ་ས་མ་ཡ་ཧཱོཿ ། ཛཿ ཧཱུཾ་བཾ་ཧོཿ ། ཞེས་གསུངས་པས། །གསུང་གི་དཀྱིལ་འཁོར་བླ་མ་ཆེན་པོས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་གྲགས། རབ་ཏུ་གྲགས། ཀུན་ཏུ་གྲགས་སོ། །གྲགས་པས་སྣོད་བཅུད་ཀྱི་འཇིག་རྟེན་ཐམས་ཅད་ཀྱི་དཀྱིལ་འཁོར་བླ་མ་ཆེན་པོས་ཁྱབ་པར་གྱུར་ཏོ། །དེ་ནས་ཡང་ཡེ་ཤེས་རྒྱལ་པོ་སྟངས་དཔྱལ་དག་གཉིས་སུ་མེད་པར་རོལ་པ་མཛད་པ་བླ་མ་ལ་ཐིམ་པར་གྱུར་ཏོ། །དེ་ནས་ཡེ་ཤེས་རྒྱལ་པོ་དེ་ཉིད་དང་བྱིན་བསྡུ་བ་ཞེས་བྱ་བ་འདི་སྐུ་གསུང་ཐུགས་རྡོ་རྗེ་ལས་བྱུང་ངོ ། །ོཾ། ཆོས་དབྱིངས་མཉམ་པ་ཆེན་པོ་ལས། །ཡེ་ཤེས་གསལ་བ་རྣམ་པར་དག་།ཆོས་ཀྱི་དབྱིངས་ཀྱི་ཡེ་ཤེས་ཀྱིས། །སྐྱེ་མེད་ཆོས་ལ་དབང་སྒྱུར་ཤོག་།ོཾ་མཧཱ་གུ་ཧྱ་མ་ཤཱུ་ནྱ་ཏ་དྷརྨ་ཛྙཱ་ན་སཝ་བྷཱ་བ་ཨཱཏྨ་ཀོཉཧཾ། ཧཱུཾ། དག་ཅིང་གསལ་བའི་རང་བཞིན་ཏེ། །སྐྱོན་མེད་སེམས་ཉིད་རིན་པོ་ཆེ། །མེ་ལོང་ལྟ་བུའི་ཡེ་ཤེས་ཀྱིས། །སྲིད་བ་གསུམ་ལ་དབང་སྒྱུར་ཤོག་།ོཾ་མ་ཧཱ་གུ་ཧྱ་མཧཱ་ཨཱ་དཪྴ་ཛྙཱ་ན་བཛྲ་སཝཱ་བྷ་བ་ཨཱཏྨ་ཀོཉཧཾ། སཝཱཾ། ཁམས་གསུམ་རེ་སྐོང་རྒྱལ་པོ་ 58a ༄#། །སྟེ། །ཡིད་བཞིན་རིན་ཆེན་གཏེར་གྱི་མཆོག་།མཉམ་པ་ཉིད་ཀྱི་ཡེ་ཤེས་ཀྱིས། །འགྲོ་བ་རེ་སྐོང་རྒྱལ་པོར་ཤོག་།ོཾ་མྷཱ་གུ་ཧྱ་མ་ཧཱ་གུ་ཧྱ་མ་ཧཱ་ས་མནྟ་ཨ་བེ་ཤ་ཛྙཱ་ན་བཛྲ་སཝ་བྷཱ་བ་ཨཱཏྨ་ཀོཉཧཾ། ཉེས་པའི་སྐྱོན་བྲལ་དྲི་མ་མེད། །སྐྱེ་འགག་མེད་པའི་དངོས་གྲུབ་སྟེ། །སོ་སོར་རྟོག་པའི་ཡེ་ཤེས་ཀྱིས། །སྲིད་གསུམ་ཉེས་དམིགས་སེལ་བར་ཤོག་།ོཾ་མཧཱ་གུ་ཧྱ་མ་ཧཱ་པྲ་ཏི་པྲ་བེ་ཤ་ཛྙཱ་ན་བཛྲ་སཝཱ་བྷཱ་བ་ཨཏྨ་ཀོཉཧཾ། ཧཱ། དབྱིངས་ཀྱི་དཀྱིལ་འཁོར་མཐར་ཕྱིན་ཅིང ། །གྲུབ་པ་ལས་ཀྱི་བྱེ་བྲག་ལས། །བྱ་བ་ནན་ཏན་ཡེ་ཤེས་ཀྱིས། །སྐྱེ་འགྲོ་དབྱིངས་སུ་སྒྲོལ་བར་ཤོག། ཨོཾ་མཧཱ་གུ་ཧྱ་མ་ཧཱ་ཀྲིཏ་ཨ་ནུཥྛཱ་ན་ཛྙཱ་ན་བཛྲ་སཝ་བྷཱ་བ་ཨཏྨ་ཀོཉྷཾ། ཨ་ནི་སྟོང་དང་མི་སྟོང་གཉིས། །དབུ་མ་ལ་ཡང་མི་གནས་ཤིང ། །སྟོང་པ་ཆེན་པོའི་ཡེ་ཤེས་ཀྱིས། །མི་འགྱུར་དབྱིངས་ལ་དབང་སྒྱུར་ཤོག་།ོཾ་མཧཱ་གུ་ཧྱ་མཧཱ་ཨ་བེ་ཤ་ཤུནྱཱ་ཏཱ་ཛྙཱ་ན་བཛྲ་སཝཱ་བྷཱ་བ་ཨཱཏྨ་ཀོཉྷཾ། ཨོཾ། བདེ་གཤེགས་སྐུ་ཡི་ངོ་བོ་ལས། །མི་ཤིགས་རྡོ་རྗེ་རྒྱལ་བའི་གཙོ། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་སྐུ་ཡི་གཙོ་བོར་ཤོག། ཨོཾ་མཧཱ་གུ་ཧྱ་སརྦ་ཏ་ཐཱ་ག་ཏ་ཀཱ་ཡ་བཛྲ་སཝ་བྷཱ་བ་ཨཱཏྨ་ཀོཉྷཾ། ཨཾ། བདེ་གཤེགས་གསུང་གི་ངོ་བོ་ལས། །མི་ཤིངས་རྡོ་རྗེ་ཆོས་ཀྱི་དབྱིངས། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་གསུང་གི་ངོ་བོར་ཤོག། ཨོཾ་མཧཱ་ 58b གུ་ཧྱ་སརྦ་ཏ་ཐཱ་ག་ཏ་བཱ་ཀ་བཛྲ་སཝ་བྷཱ་བ་ཨཱཏྨ་ཀོཉྷཾ། ཧཱུཾ། བདེ་གཤེགས་ཐུགས་ཀྱི་གཙོ་བོ་ལས། །མི་ཤིགས་རྡོ་རྗེ་རྡོ་རྗེའི་ཐུགས། །སྔགས་དང་ཕྱག་རྒྱ་ར་ལྡན་པ་ཡིས། །རྡོ་རྗེ་ཐུགས་ཀྱིས་བྱིན་རློབས་ཤོག་།ོཾ་མཧཱ་གུ་ཧྱ་སརྦ་ཏ་ཐཱ་ག་ཏ་ཙིཏྟ་བཛྲ་སཝ་བྷཱ་པ་ཨཱཏྨ་ཀོཉྷཾ། སཝའཾ། མི་འགྱུར་བ་ཡི་ཞིང་ཁམས་ནས། །མ་བསྐྱེད་པ་ཡི་འབྲས་བུ་ལགས། །མ་བསགས་པ་ཡི་ལོངས་སྤྱོད་འབྱུང ། །ཅིར་ཡང་འགྲུབ་པའི་ཡེ་ཤེས་ཀྱིས། །རང་དབང་ཐབས་ཀྱིས་སྒྱུར་པར་ཤོག་།སཝཾ་མཧཱ་གུ་ཧྱ་སརྦ་ཏ་ཐཱ་ག་ཏ་མཧཱ་བུ་ཛ་བཛྲ་སཝ་བྷཱ་བ་ཨཱཏྨ་ཀོཉྷཾ་ཞེས་གསུངས་པས་གསལ་ལ་འབར་བས་ཐིམ་པར་གྱུར་ཏོ། །ེ་མ་ངོ་མཚར་རབ་འབྱམས་ཀྱི། །ངོ་མཚར་ཡ་མཚན་གསང་བའི་ཆོས། །སྒྲ་དང་མིང་ཚིག་ཀུན་ལས་འདས། །སྣ་ཚོགས་སྒྲ་རྣམས་དབྱིངས་སུ་གསལ། གསུང་གཅིག་ཡན་ལག་དཀྱིལ་འཁོར་ནི། །བསམ་གྱིས་མི་ཁྱབ་ཁྱབ་མཆོག་དབྱིངས། །ཐམས་ཅད་གསུང་གི་ཕྱག་རྒྱ་མཆོག་།ཧོ། གསང་བའི་སྙིང་པོ་ངེས་པའི་བླ་མ་ཆེན་པོ་ལས། དཀྱིལ་འཁོར་བསྡུ་བ་དང་གསང་སྔགས་ཀྱི་ལེའུ་སྟེ་བཞི་པའོ།། །།དེ་ནས་ཡེ་ཤེས་རྒྱལ་པོ་དེ་ཉིད་དེ་བཞིན་གཤེགས་པ་ཐམས་ཅད་ཀྱི་ཡན་ལག་ཐམས་ཅད་དཀྱིལ་འཁོར་བླ་མར་ལྷུན་གྱིས་གྲུབ་པའི་དགོངས་བརྩེར་ཆིབ་ནས་རྡོ་རྗེ་བླ་མའི་ཚིག་འདི་ཆེད་དུ་གསུངས་སོ། །སྒྱུ་འཕྲུལ་དྲ་བས་མངོན་རྫོགས་པའི། །ཐམས་ཅད་བྱང་ཆུབ་མཆོག་གི་རྒྱ། །གསང་བ་དེ་ཉིད་ངེས་ 59a ༄#། །པ་ཡི། །སྙིང་པོ་ཕྱག་རྒྱ་འདའ་དཀའ་འོ། །མི་བསྐྱོད་ཉི་མའི་དཀྱིལ་ཡི་གེ་།རིན་ཆེན་ཟླ་བའི་དཀྱིལ་ཡི་གེ་།ལྔ་གཉིས་ཟུང་དུ་སྤྲོས་པ་ལས། །སྦྱར་བའི་ཕྱག་རྒྱ་འབྱུང་བའི་རྒྱུ། །ཧཱུཾ་དང་མུཾ་གཉིས་རྩེ་སྦྱར་ཏེ། །འབྲུ་བརྒྱད་བསྣོལ་ནས་ཐུགས་ཀར་བཀན། །རྒྱལ་བ་ཀུན་དང་མཉམ་སྦྱོར་བ། །བདེ་བ་ཆེན་པོ་སྦྱིན་པའི་རྒྱ། །འབྲུ་བཞི་སྤས་ནས་ཐུགས་ཀར་བཀན། །ཧཱུཾ་བསྒྲེང་རྩེ་མོར་རྡོ་རྗེ་འབར། །ཟླ་བརྟུལ་འབྲུ་སྦས་དྲིལ་གསིལ་ཅིང ། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །མུཾ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འཁོར་ལོ་འབར་བའི་ལྟེ་དབུས་ན། །སྟོན་པ་རྡོ་རྗེ་སེམས་དཔའ་དག་།ཡུམ་མཆོག་ཡངས་མའི་སྦྱན་དང་ནི། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྤས་ནས་ཐུགས་ཀར་བཀན། །ོཾ་བསྒྲེང་རྩེ་མོར་འཁོར་ལོ་འབར།། ཟླ་བཏུལ་འབྲུ་སྦས་དྲིལ་གསིལ་ཅིང ། །འཁྲིལ་བི་འཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །ལཾ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །ཤར་གྱི་འཁོར་ལོའི་རྩིབས་སྟེང་ན། །བདེ་གཤེགས་རྣམ་པར་སྣང་མཛད་དག་།ཡུམ་མཆོག་ཀུན་དུ་བཟང་མོ་དང ། །གཉིས་མེད་ 59b དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །སཝ་རྩེ་འབར་བ་རིན་པོ་ཆེ། །ཟླ་བཏུལ་འབྲུ་སྦས་དྲིལ་གསིལ་ཞིང ། །འཁྲིལ་པའི་ཚུལ་གྱིས་ཆོས་ལ་བརྟན། །འབྲུ་སྦས་བཞི་ནས་ཐུགས་ཀར་བཀན། །མཾ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །ལྷོ་ཕྱོགས་འཁོར་ལོའི་རྩིབས་སྟེང་ནས། །བདེ་གཤེགས་རིན་ཆེན་འབྱུང་ལྡན་དག་།ཡུམ་མཆོག་ཁམས་གསུམ་བྱམས་མ་དང ། །གཉིས་མེད་དབྱིངས་ཀྱི་ངང་དུ་འཁྲིལ། ། འབྲུ་སྦས་བཞི་ནས་ཐུགས་ཀར་བཀན། །ོཾ་བསྒྲེང་རྩེ་མོར་པདྨ་འབར། །ཟླ་བཏུལ་འབྲུ་སྦས་དྲིལ་གསིལ་ཞིང ། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །པཾ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །ནུབ་ཕྱོགས་འཁོར་ལོའི་རྩིབས་སྟེང་ན། །བདེ་གཤེགས་སྣང་བ་མཐའ་ཡས་དག་།ཡུམ་མཆོག་ན་བཟའ་དཀར་མོ་དང ། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །ཧ་བསྒྲེང་རྩེ་མོར་རལ་གྲི་འབར། །ཟླ་བཏུལ་འབྲུ་སྦས་དྲིལ་གསིལ་ཞིང ། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །ཏྲཱཾ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ 60a ༄#། །ལྔའི་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །བྱང་ཕྱོགས་འཁོར་ལོའི་རྩིབས་སྟེང་ན། །བདེ་གཤེགས་དོན་ཡོད་གྲུབ་པ་དང ། ། ཡུམ་མཆོག་དམ་ཚིག་སྒྲོལ་མ་དང ། །གཉིས་མེད་དབྱིངས་ཀྱི་ངང་དུ་འཁྲིལ། །རིན་ཆེན་མྱུ་གུ་གཡས་ཕྱོགས་ན། །སྒེག་ཅིང་འགྱིང་བ་གཡོན་ཕྱོགས་ན། །ས་སྙིང་དཀར་པོ་རྡོ་རྗེའི་རིགས། །ཡུམ་མཆོག་དཀར་མོ་སྒེག་ཆེན་དང ། །དཀྱིལ་འཁོར་བར་ཁྱམས་ཤར་ཕྱོགས་ན། །གཉིས་མེད་དབྱིངས་ཀྱི་ངང་དུ་འཁྲིལ། །རལ་གྲི་འབྱིན་པ་གཡས་ཕྱོགས་ན། །ཕྲེང་བ་བགྲང་བ་གཡོན་ཕྱོགས་ན། །དཀྱིལ་འཁོར་བར་ཁྱམས་ལྷོ་ཕྱོགས་ན། །ནམ་སྙིང་སེར་པོ་རིན་ཆེན་རིགས། །ཡུམ་མཆོག་དཔལ་གྱི་ཕྲེང་བ་དང ། །གཉིས་མེད་དབྱིངས་ཀྱི་ངང་དུ་འཁྲིལ། །པདྨ་དཀར་པོ་གཡས་ཕྱོགས་ན། །པི་ཝང་འགྱེད་པ་གཡོན་ཕྱོགས་ན། །དཀྱིལ་འཁོར་བར་ཁྱམས་ནུབ་ཕྱོགས་ན། །སྤྱན་རས་ལེ་བརྒན་པདྨ་རིགས། །ཡུམ་མཆོག་ཆོས་ཀྱི་དབྱིངས་མཁན་དང ། །གཉིས་མེད་དབྱིངས་ཀྱི་ངང་དུ་འཁྲིལ། །རྡོ་རྗེ་རྩེ་ལྔ་གཡས་ཕྱོགས་ན། །གར་གྱི་ཅོད་པན་གཡོན་ཕྱོགས་ན། །དཀྱིལ་འཁོར་བར་ཁྱམས་བྱང་ཕྱོགས་ན། །ཕྱག་ན་མཐིང་ག་ལས་ཀྱི་རིགས། །ཡུམ་མཆོག་གར་གྱི་ཅོད་པན་ནང ། །གཉིས་མེད་དབྱིངས་ཀྱི་ངང་དུ་འཁྲིལ། །མཛེས་པའི་ཀླུ་ཤིང་གཡས་ 60b ཕྱོགས་ན། །བདུག་སྤོས་འདྲེན་པ་གཡོན་ཕྱོགས་ན། །དཀྱིལ་འཁོར་བར་ཁྱམས་ཤར་ལྷོ་ན། །བྱམས་པ་དཀར་སེར་བདེ་གཤེགས་རིགས། །ཡུམ་མཆོག་བདུག་པའི་སྤྲིན་འཕྲོ་དང ། ། གཉིས་མེད་དབྱིངས་ཀྱི་ངང་དུ་འཁྲིལ། །གསེར་གྱི་འཁོར་ལོ་གཡས་ཕྱོགས་ན། །མེ་ཏོག་འཐོར་བ་གཡོན་ཕྱོགས་ན། །དཀྱིལ་འཁོར་བར་ཁྱམས་ལྷོ་ནུབ་ན། །སྒྲིབ་སེལ་དམར་སེར་རིན་ཆེན་རིགས། །ཡུམ་མཆོག་མེ་ཏོག་ཆར་འབེབས་དང ། །གཉིས་མེད་དབྱིངས་ཀྱི་ངང་དུ་འཁྲིལ། །རིན་ཆེན་སྙེ་མ་གཡས་ཕྱོགས་ན། །སྒྲོན་མ་འདེགས་པ་གཡོན་ཕྱོགས་ན།། དཀྱིལ་འཁོར་བར་ཁྱམས་ནུབ་བྱང་ན། །ཀུན་བཟང་དམར་ལྗང་ལས་ཀྱི་རིགས། །ཡུམ་མཆོག་གསལ་བའི་སྒྲོལ་མ་དང ། །གཉིས་མེད་དབྱིངས་ཀྱི་ངང་དུ་འཁྲིལ། །ུཏྤལ་སྔོན་པོ་གཡས་ཕྱོགས་ན། །ཙནྡན་འཐོར་བ་གཡོན་ཕྱོགས་ན། །དཀྱིལ་འཁོར་བར་ཁྱམས་བྱང་ཤར་ན། །འཇམ་དཔལ་དཀར་ལྗང་རྡོ་རྗེའི་རིགས། །ཡུམ་མཆོག་ཙནྡན་ཆར་འབེབས་དང ། །གཉིས་མེད་དབྱིངས་ཀྱི་ནང་དུ་འཁྲིལ། །ཐུབ་དྲུག་ཕྱག་རྒྱ་ཆེན་པོ་ནི། །རྒྱུད་དྲུག་གནས་ནས་འདྲེན་པ་སྟེ། །གསེག་པར་ཕྱག་རྒྱ་ཚུལ་འཛིན་པས། །སྐུ་མདོག་སེར་པོས་མི་རྣམས་འདྲེན། །པི་ཝང་ཕྱག་རྒྱ་ཚུལ་འཛིན་པས། །སྐུ་མདོག་དཀར་པོ་ལྷ་རྣམས་འདྲེན། །གོ་ཆ་མདུང་ཐུང་ཕྱག་རྒྱ་ཡིས། །སྐུ་མདོག་མཐིང་ནག་ལྷ་མིན་འདྲེན། །རིན་ཆེན་འབར་བའི་ཕྱག་རྒྱ་ཡིས། །སྐུ་མདོག་སྔོན་པོ་ཡི་དྭག་ 61a ༄#། །འདྲེན། །པོ་ཏི་བརྩེགས་པའི་ཕྱག་རྒྱ་ཡིས། །སྐུ་མདོག་སེར་ནག་བྱོལ་སོང་འདྲེན། །མེ་འབར་ཆུ་འབེབས་ཕྱག་རྒྱ་ཡིས། །སྐུ་མདོག་སྔོན་པོ་དམྱལ་བ་འདྲེན་སྒོ་བཞི་ཕྱག་རྒྱ་ཚུལ་གནས་པ། །རྡོ་རྗེ་གནོད་པ་གཡས་ཕྱོགས་ན། །ལྕགས་ཀྱུ་འཕེན་པ་གཡོན་ཕྱོགས་ན། །སྟོབས་ཆེན་ཁྲོ་བོ་ཆེན་པོ་ཡང ། །ཡུམ་མཆོག་རྡོ་རྗེ་ལྕགས་ཀྱུ་དང་གཉིས་མེད་དབྱིངས་ཀྱི་ངང་དུ་འཁྲིལ། །ཎརྀ་མགོ་གདེངས་པ་གཡས་ཕྱོགས་ན། །ཞགས་པ་འཕེན་པ་གཡོན་ཕྱོགས་ན། །ཁྲོ་ཆེན་གཤིན་རྗེ་གཤེད་པོ་ཡང ། །ཡུམ་མཆོག་རྡོ་རྗེ་ཞགས་པ་དང ། །གཉིས་མེད་དབྱིངས་ཀྱི་ངང་དུ་འཁྲིལ། །སྤྲུལ་མགོ་གདེངས་པ་གཡས་ཕྱོགས་ན། །ལྕགས་སྒྲོག་སྡོམ་པ་གཡོན་ཕྱོགས་ན། །ཁྲོ་ཆེན་རྟ་མགྲིན་དཔའ་བོ་དང ། ། ཡུམ་མཆོག་རྡོ་རྗེ་ལྕགས་སྒྲོག་དང ། །གཉིས་མེད་དབྱིངས་ཀྱི་ངན་དུ་འཁྲིལ། །རྒྱ་གྲམ་གནོན་པ་གཡས་ཕྱོགས་ན། །དྲིལ་བུ་འཁྲོལ་བ་གཡོན་ཕྱོགས་ན། །ཁྲོ་ཆེན་བདུད་རྩི་འཁྱིལ་བ་ཡང ། །ཡུམ་མཆོག་རྡོ་རྗེ་དྲིལ་འཁྲོལ་དང ། །བྱང་གི་སྒོ་ནས་དབྱིངས་སུ་འཁྲིལ། །ཀུན་བཟང་མཉམ་གཞག་ཡེ་ཤེས་འཕྲོ། །ཡུམ་འགྱུར་མཉམ་རྫོགས་པདྨའི་དཀྱིལ། ། གཉིས་མེད་དབྱིངས་ཀྱི་གསང་ཆེན་སྤྲོ། །བདེ་མཆོག་ངོ་མཚར་ཐུགས་ཀྱི་དཀྱིལ། །སྤྲོ་བསྡུ་རྡོ་རྗེ་ཐལ་མོ་དག། །བསྒྱུར་བས་རང་སེམས་ཡེ་ཤེས་གསལ། །དེ་ཉིད་ཤེས་རབ་ཐབས་ 61b སུ་རྫོགས། །རྒྱུ་འཕྲུལ་དྲ་བ་ངེས་པའི་བླ་མ་ཆེན་པོ་ལས། ཕྱག་རྒྱ་སྤྲོས་པའི་ལེའུ་སྟེ་ལྔ་པའོ།། །།དེ་ནས་ཡེ་ཤེས་རྒྱལ་པོ་དེ་རྡོ་རྗེ་བཀོད་པའི་གསང་བའི་དམ་ཚིག་རྒྱན་རྣམ་པར་སྤྲོས་པའི་དགོངས་པ་ལ་གཅིག་ཆར་བཞུགས་ཏེ་རྡོ་རྗེ་གསང་བའི་ཚིག་འདི་བརྗོད་དོ། །ཤིན་ཏུ་ཕྲ་བའི་ཏིང་འཛིན་མཆོག་།དཔེ་དང་ཚད་དུ་མི་གཟུང་ཞིང ། །གཞལ་ཡས་ཕྱག་རྒྱ་ལ་སོགས་ཏེ། །མཚོན་དུ་མེད་ལ་སྣང་བར་བསྒོམ། །ཤིན་ཏུ་ཕྲ་བས་རྣམ་སྦྱངས་ཏེ། །རིག་པས་རྒྱ་ཁྱོན་ཚད་མེད་པ། །གཞལ་ཡས་ཕྱག་རྒྱ་ལ་སོགས་པའི། །མཚོན་དུ་མེད་ལ་སྣང་བར་བསྒོམ། །ཕྱི་ནང་གསང་བའི་མཆོད་པ་དང ། །ཚོགས་ཆེན་གཉིས་ལས་འགྲུབ་པ་ཡི། །འདོད་པ་ལྔ་ཡི་ཡོན་ཏན་རྣམས། །ནམ་མཁའི་མཐའ་དང་མཉམ་རྫོགས་ཏེ། །རགས་དང་ཕྲ་དང་འབྲིང་ལ་སོགས། །ཇི་ལྟར་འདོད་པ་རང་གར་བྱ། །ཙ་ཀ་ལི་དང་ཚོན་རྩི་དག་།བྱ་དང་མི་བྱ་མེད་པས་ན། །དེ་ལ་དགག་པར་མ་གསུངས་སོ། ། འགྲོ་དོན་འཚམ་པ་དེ་བཞིན་ཏེ། །སྣ་ཚོགས་མཆོད་པས་རྒྱས་པར་མཆོད། །བདག་ཉིད་ཆེན་པོས་མཆོད་པ་ཡིས། །སངས་རྒྱས་དཀྱིལ་འཁོར་མ་ལུས་མཉེས། །སྲིད་གསུམ་འགྲོ་བ་མ་ལུས་ཀུན། །དགའ་བ་ཆེན་པོས་ཚིམ་པ་ཡིན། །སྒྱུ་འཕྲུལ་དྲ་བའི་དགོངས་པ་ཡིས། །རྒྱལ་བའི་དཀྱིལ་འཁོར་མ་ལུས་དང ། །རིགས་དྲུག་འགྲོ་བ་མངོན་དུ་འགྱུར། །ལུས་ངག་སེམས་ 62a ༄#། །དང་ཆོས་ཐམས་ཅད། །གང་ན་འང་ཡོད་པ་མ་ཡིན་ཏེ། །རྣམ་དག་ཡེ་ཤེས་སྦྱོར་བ་ཡིས། །དབྱིངས་ལ་དབྱིངས་ཉིད་སྒོམ་པ་ཡིས། །ཀུན་བྱས་དབང་ཕྱུག་རིག་པས་འཇུག་།དེ་ནས་དད་ལྡན་གུས་འཇུག་པ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག་།རབ་ཏུ་གཅེས་དང་ཡིད་འཐད་དབུལ། །སྙིང་ཡང་ཡོན་གྱི་མཆོག་ཡིན་ཏེ། །བླ་མ་མཉེས་ཕྱིར་གུས་ལྡན་དབུལ། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཉེས་པ་ཡིན། །གསལ་བའི་དཀྱིལ་འཁོར་སྨོས་ཅི་དགོས། །སྐྱོན་རྣམས་མ་ལུས་ངེས་པ་འབྱང ། །དད་ལྡན་བརྩོན་འགྲུས་བསྐྱེད་བྱས་ན། །ཕན་པའི་དབང་ནོད་ཐེག་ཚད་སྦྱིན། །དེས་ན་དབང་ཕྱུག་རྒྱལ་པོ་ཡིས། །དབང་གི་རིམ་པ་རྣམས་བསྟན་ཏོ། །འགྲོ་ལ་ཕན་ཕྱིར་ལས་རྣམས་སྦྱིན། །གྲུབ་པ་ས་འཛིན་རྒྱལ་པོ་སྦྱིན། །མི་འགྱུར་རབ་འབྱམས་བདེ་ཆེན་ནོ། ། གང་འདོད་རིམ་གྱིས་སྦྱིན་པར་བྱ། །བློ་དང་ལྡན་པས་ཐེག་ཚད་ནོད། །ཡང་ན་སྲས་ཀྱི་དམ་པ་སྟེ། །ཆུད་མ་ཟོས་པར་རྫོགས་དབང་སྦྱིན། །སེམས་ཀྱི་རྣམ་པ་ཉིང་ཁུ་བླུད། །སྒོ་འབྱེད་བདེ་བས་གྱེན་དུ་བསྐྱིལ། །དེ་ནས་དབང་ཕྱུག་ཆེན་པོ་དེས། །མི་འགྱུར་སྔོལ་\?\་མར་སྐུ་བསྐྱོད་ཅིང ། །སེམས་ཀྱི་ཐིག་ལེ་སྒོ་ཕྱེ་སྟེ། །ཚངས་པ་ཆེན་པོའི་དབྱངས་བཞེད་ནས། །གོ་འབྱེད་རྡོ་ 62b རྗེའི་ལྗགས་བརྐྱང་སྟེ། །དད་ལྡན་སྐྱེས་བུ་དབང་བསྐུར་པ། །རྫོགས་པ་ཆེན་པོའི་བདེ་དབང་ནི། །ཆེ་མཆོག་གོང་ན་མེད་པ་ན། །གསང་བའི་དབུ་རྒྱན་གྱི་དབང་དང ། །ཐབས་མཁས་བྱིན་རླབས་ཆེ་བས་ན། །ལས་རྣམས་ཀུན་གྱི་དབང་དང་ནི། །ཁམས་གསུམ་དབང་དུ་བསྡུས་པས་ནི། །སློབ་དཔོན་ཞལ་ཆབ་ཀྱི་དབང་ངོ ། །ཧཱུཾ། ཐབས་མཁས་ཐུགས་རྗེའི་བྱིན་རླབས་ཀྱིས། །རིགས་ཀྱི་བུ་མཆོག་དབང་བསྐུར་ཕྱིར། །གསང་བའི་དབུ་རྒྱན་འདི་བཅིངས་པས། །རིགས་ཀྱི་བུ་མཆོག་དེང་ཕན་ཆད། །འཇིག་རྟེན་ཆེ་བ་ཀུན་གྱི་བླ། །ཆེ་བའི་ཆེ་བ་ཟིལ་གྱིས་གནོན། །སངས་རྒྱས་ཆེ་བའི་མཆོད་གནས་ནི། །རྣལ་འབྱོར་ཆེན་པོ་ཁྱོད་ཉིད་ཡིན། །ོཾ་སརྦ་ཏ་ཐཱ་ག་ཏོ་གུ་ཧྱ་བཛྲ་རཏྣ་མ་ཀུ་ཊཱ་ཏྲཱཾ། བཛྲ་གུ་ཧྱ་སིདྡྷི་ཧཱུཾ། ཧཱུཾ་ཐབས་མཁས་བྱིན་རླབས་ཆེན་པོ་ནི། །སངས་རྒྱས་ཀུན་གྱི་ཐུགས་ཡིན་ཏེ། །བྱིན་རླབས་ཆེན་པོ་རྣམ་བཞི་པོ། །དབང་བསྐུར་གནང་ཕྱིར་གཏད་པས་ན། །རིགས་ཀྱི་བུ་མཆོག་དེང་ཕན་ཆད། ། སེམས་ཅན་ཀུན་ལ་སྙིང་བརྩེའི་ཕྱིར། །མུ་སྟེགས་རྟག་ཆད་ཡན་ཆད་ནས། །སངས་རྒྱས་ཀུན་གྱི་མཛད་སྤྱོད་ལ། ཁྱོད་ཀྱིས་མི་བྱ་གཅིག་ཀྱང་མེད། །རྡོ་རྗེ་སེམས་དཔའི་སྤྱོད་པ་ཡིས། །སེམས་ཅན་ཀུན་གྱི་རེ་བ་བ་སྐོང ། །ོཾ་ས་མ་ཡ་གུ་ཧྱ་ཨེ་བཾ་མ་ཡ་ཨ། སློབ་དཔོན་ཞལ་ཆབ་ཀྱི་དབང་ནི། །ཁམས་གསུམ་ཀུན་ལ་དབང་ཡིད་བཞིན་དུ་སྒྱུར་ཏེ། ཧཱུཾ། ང་ 63a ༄#། །ནི་རྒྱལ་བ་ཀུན་གྱི་བླ། །ཐིག་ལེ་བྱང་ཆུབ་སེམས་ཆེན་པོ། །ང་ནི་ཁྲོ་རྒྱལ་ཀུན་གྱི་རྗེ། །ཡེ་ཤེས་རོལ་པའི་འབྱུང་གནས་གཏེར། །ང་ནི་སྤྱི་དཔལ་བླ་ན་མེད། །སྐྱོན་བྲལ་ཐབས་ཀྱི་རྒྱལ་པོ་ཡིན། །སེམས་ཀྱི་དཀྱིལ་ནས་དྲངས་པའི་ཆུ། །ཁྱེད་ཀྱི་ལྕེ་ལ་ཕབ་པ་འདི། །སྙིང་གི་དཀྱིལ་དུ་གཟུང་བར་བྱོས། །རིགས་ཀྱི་བུ་ཁྱོད་དེང་ཕན་ཆད། །རྡོ་རྗེ་སེམས་དཔའི་ཐུགས་མཆོག་ཟུང་སངས་རྒྱས་ཀུན་གྱི་གཙོ་བོ་ཡིན། །བྱང་ཆུབ་སེམས་དང་མཉམ་པའི་ཕྱིར། །སེམས་དཔའ་ཀུན་གྱི་མཆོད་གནས་ཡིན། །རིགས་ཀྱི་བུ་ཁྱོད་དེང་ཕན་ཆད། །ཕྱི་དང་ནང་དང་གསང་བ་ཡི། ། བསྟན་པ་ཕྱི་ནང་ཟབ་མོ་ཀུན། །སེམས་ཀྱི་དཀྱིལ་དུ་བསྡུས་ནས་ཀྱང ། །རྡོ་རྗེ་ལྕེ་ཡི་སྒོ་ཕྱེ་སྟེ། །བདུད་རྩི་སྨན་མཆོག་དམ་པ་འདིས། །དད་ལྡན་སྐྱེས་བུ་ངོམ་པར་བྱོས། །སེམས་ཀྱི་ཐིག་ལེ་དཀྱིལ་འཁོར་དུ། །ཞི་ཁྲོ་འབྱམས་པའི་གཏེར་སྒོམས་ལ། །སྲིད་པ་གསུམ་ལ་དབང་སྒྱུར་ཅིག་།དབང་ཅན་ཐམས་ཅད་བཀོལ་བར་བྱོས། །སྐྱེ་འགྲོ་ཀུན་ལ་སྙིང་བརྩེའི་ཕྱིར། །གདུལ་བའི་ཕྱག་རྒྱ་འདི་ཡང་སྤྱོད། །དུས་གསུམ་རྩ་བ་གཅད་པར་བྱོས། །ཕྱི་ནང་སྣོད་བཅུད་རྣམ་པར་དག་།རྣམ་དག་ཆེན་པོ་ཉིད་ཀྱི་ལམ། །བྱེད་སྤྱོད་ཐབས་ཚོགས་གཉིས་རྫོགས་པ། །འགྲོ་དོན་བྱང་ཆུབ་སེམས་ཀྱི་དབྱིངས། །སེམས་ཀྱི་ཆུ་འདི་བཏུང་བར་བྱོས། །རྣལ་འབྱོར་ཆེན་པོས་དམ་དུ་ཟུངས། །ཧཱུཾ། དེ་ནས་རིགས་ཀྱི་བུ་མཆོག་དེས། །མཉམ་པའི་དོན་ལ་གཞོལ་བའི་ཕྱིར། ། 63b མེ་ཤེས་རྒྱལ་པོས་འདི་སྐད་གསུངས། །སྙིང་གི་དཀྱིལ་དུ་རྣམ་སྦྱངས་པ། །ཧཱུཾ་ཉིད་རིང་པོས་མཚམས་སྦྱར་ཏེ། །ཐམས་ཅད་བདེ་བ་ཆེན་པོའི་དབྱིངས། །དགེ་སྡིག་ལས་ཀྱིས་མི་བཅོས་ཤིང ། ། སྒོམ་དང་སྒྲུབ་པས་མི་འབྱངས་པའི། །རྣམ་དག་སེམས་ཉིད་རིན་ཆེན་གཏེར། །རྡོ་རྗེ་སྙིང་པོ་ཡེ་ཤེས་ཀྱིས། །ཁྲོ་རྒྱལ་ཀུན་གྱི་གཙོར་གྱུར་ཅིག། །ཤྲཱི་མཧཱ་སུ་ཁ་བཛྲ་བོ་དྷི་ཧཱུཾ་ཧོ། ཨོཾ་ཨཾ། མི་འགྱུར་བ་ཡི་ཡེ་ཤེས་གནས། །མ་བཙལ་ཕྱིན་པས་བདེ་བའི་མཆོག་།མ་བལྟས་གསལ་བས་ཡེ་ཤེས་སྤྱན། །གོང་ན་མེད་པས་ཀུན་གྱི་རྗེ། །ཡེ་ཤེས་རང་བྱུང་བདལ་བ་ལ། །མི་འགྱུར་གཡུང་དྲུངས་ཐོབ་ཤོག་།ོཾ་མཧཱ་གུ་ཧྱ་བྲུཾ་ཛཉཱ་ན་མཎྜལ། ཛཉཱ་ན་གུ་ཧྱ་སིདྡྷི་སཝ་བྷཱ་བ་ཨཱཏྨ་ཀོཉྷཾ། གཟུངས་དང་ཏིང་འཛིན་སྟོབས་དང་མི་འཇིགས་པ། །འགྱུར་བ་མེད་པའི་སྨན་མཆོག་ཐིག་ལེ་ལྔ། །མཚན་མཆོག་རྫོགས་པ་ཆེན་པོས་ལུས་བརྒྱན་ཅིང ། །ོཾ་སརྦ་ཏ་ཐཱ་ག་ཏོ་གུ་ཧྱ་ཨཏྨ་ཨ་བྷི་ཤིཉྩ་ཧོ་ཧ། ཁྱུང་གི་གཤོག་པ་གཡས་གཡོན་གདེངས་པ་ཡིས། །ཀླུ་རྣམས་ཟིལ་གྱིས་གནོན་པར་བྱེད་པ་ལྟར། །སྲིད་གསུམ་ཡོན་ཏན་མཆོག་ཏུ་རྫོགས་པ་ཡི། །སངས་རྒྱས་ཀུན་ལ་མཛེས་པའི་ཅོད་པན་མཆོག་།མཆོག་ཏུ་ཆེ་བས་བདུད་བཞི་ཟིལ་གྱིས་གནོན། །ོཾ་སརྦ་ཏ་ཐཱ་ག་ཏོ་མཧཱ་གུ་ཧྱ་བཛྲ་ཨ་བྷི་ཤིཉྩ་ཧོ། །ཧཱུཾ་བདེ་བ་ཆེན་པོ་རང་གནས་ལ། །ཡེ་ཤེས་རྒྱལ་པོ་སྟངས་དབྱལ་དུ། །འགྱུར་པ་ 64a ༄#། །མེད་པར་ལོངས་སྤྱོད་ཅིང ། །ཐབས་དང་ཤེས་རབ་འཕྲོ་འདུ་ཡིས། །སྐྱེ་འགྲོ་སྲས་སུ་འཛིན་པར་ཤོག་།ོཾ་སརྦ་ཏ་ཐཱ་ག་ཏོ་གུ་ཧྱ་ཨ་ནུ་རཱ་ག་ཏ་བཛྲ་སཝ་བྷཱ་བ་ཨཏྨ་ཀོཉྷཾ། དབྱིངས་ནས་ཉི་ཤར་མཁའ་ལ་རྫོགས་སྲས་འགྱུར། །རྒྱུ་འཕྲུལ་དྲ་བ་བླ་མ་ཆེན་པོ་ལས། རྡོ་རྗེ་བཀོད་པ་གསང་བ་དམ་ཚིག་དང ། དབང་སྦྱིན་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཡེ་ཤེས་རྒྱལ་པོ་ངེས་ཐུགས་རྗེ་ཆེན་པོ་གདུང་བའི་དམ་ཚིག་ལུ་གུ་རྒྱུད་ལ་སྙོམས་པར་ཞུགས་ནས་དམ་ཚིག་སྟན་ཆེན་པོའི་འཕྲིན་ལས་མཛད་དོ། །ེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང ། །ཞིང་བཅུར་ལྡན་པའི་ལོངས་སྤྱོད་ལ། །གསུང་གི་འཕྲོ་འདུ་རྣམ་སྦྱངས་ཏེ། །ལྔ་ཡི་ཚོམ་བུ་ཡང་དག་གསལ། །སྒོ་ལྔ་བྱིན་རླབས་འདྲེན་པའི་མཆོག་།ངོ་མཚར་ངན་འགྲོ་ཐར་བའི་ལམ། །གཙུག་ཏུ་སྣང་མཛད་སེམས་དཔའ་ཆེ། །སྐུར་སྐྱེད་བྱ་ནི་རླབས་རྨད་པོ་ཆེ། །ཕོ་ཉ་མང་པོའི་འཕྲོ་འདུ་ཡིས། །ཞིང་བཅུ་གནས་ནས་བླངས་ནས་སུ། །ཉི་ཟླ་སྟེང་དུ་དེ་བཞག་སྟེ། །ཤེས་པ་གསུམ་པོ་དབྱིངས་སུ་བསྟིམ། །རང་རྒྱུད་འཁོར་བའི་ས་བོན་ལས། །ལྗང་ཁུ་ནི་རུ་འཕང་བསྟོད་དེ། །ནི་ལྗང་ཧཱུཾ་དུ་གནས་བསྒྱུར་ནས། །ཡས་འདུས་མས་འདུས་ཧཱུཾ་ལ་འདུས། །ཧཱུཾ་ནི་བདེ་གཤེགས་ཡེ་ཤེས་ལྔ། ། 64b དཀར་ལ་གསལ་བར་སྐུར་བསྐྱེད་དེ། །བདེ་ཆེན་འོད་ཟེར་འཕྲོ་བས་བརྗིད། །རྡོ་རྗེ་སྔོན་པོ་རྩེ་ལྔ་པ། །ཡབ་ཡུམ་བཅུ་ཡི་བྱིན་རླབས་ཉིད། །ལེ་བརྒན་ཧཱུཾ་ནི་དབྱིངས་སུ་སྦྱོར། །ཀུན་ཏུ་བཟང་མོ་བདེ་བའི་མཁའ། །སངས་རྒྱས་སེམས་ཅན་གཉི་གའི་ཡུམ། །རྡོ་རྗེ་སེམས་དཔའ་སངས་རྒྱས་གཙོ། །སྲས་སུ་གྱུར་པས་བདེ་བའི་མཆོག་།ཞིང་གྱུར་མཆོག་དང་མཆོག་ཕྲན་རྣམས། ། གནས་འདི་ཀུན་བཟང་ཡུམ་གྱི་མཁའ། །ས་འདི་རྡོ་རྗེ་སེམས་དཔའི་ས། །མི་ལྡོག་ཉི་ཟླའི་གདན་སྟེང་ཏུ། །མཁས་པས་སྐུ་ཡི་ཕྱག་རྒྱས་བསྐྱོད། །མཚན་དང་དཔེ་བྱད་ཡང་དག་ལྡན། ། རྟག་ཏུ་སྐུ་མཆོག་གཡུང་དྲུང་སྦྱིན། །ཧོ་རྡོ་རྗེ་གསང་བའི་ཚིག་ཏུའོ། །དེ་ནས་ཡེ་ཤེས་རྒྱལ་པོ་དེས། །གསང་མཆོག་བདེ་བའི་མཆོད་སྤྲིན་གྱིས། །ཕྱོགས་བཅུའི་ཞིང་ཁམས་རྡུལ་སྙེད་ན། །རྒྱལ་བའི་དཀྱིལ་འཁོར་རྡུལ་ཕྲན་སྙེད། །དེ་ཀུན་གསང་མཆོག་མཉེས་བྱའི་ཕྱིར། །ཉིད་ཀྱི་གསང་བའི་རྒྱལ་མོ་དེ། །འཛུམ་པའི་མདངས་ཀྱིས་དབྱིངས་སུ་ཐིམ། །འཁྲིལ་ནས་གསང་བའི་དགོངས་པ་མཛད། །བཅོ་བརྒྱད་ཕྲག་གཉིས་ཧཱུཾ་སྤྲོས་པས། །ཀློང་དུ་ཧཱུཾ་ཆེན་གཅིག་ཏུ་འཁྱིལ། །ཁ་དོག་རྣམ་བཞི་ཡང་དག་ལྡན། །རིགས་བཞི་ལྷ་མོ་རྣམ་སྤྲོས་ཏེ། ། སྟོང་ཁམས་བཀང་ནས་མཆོད་པ་བྱེད། །ལ་ལ་གསང་མཆོག་དབྱིངས་སུ་འཁྲིལ། །ལ་ལ་འདོད་ལྔའི་མཆོད་པ་བྱེད། །རིན་ཆེན་ཁང་པ་སྣ་ཚོགས་དང ། །བླ་རེ་རྒྱལ་མཚན་འཕན་ 65a ༄#། །གདུགས་དང ། །རིན་ཆེན་དོ་ཤལ་སེ་མོ་དོ། །དབྱིབས་ལེགས་རིན་ཆེན་ཕུང་པོས་མཛེས། །བསམ་རྫོགས་རིན་ཆེན་སྡོང་པོ་ཡིས། །རྒྱལ་བའི་དཀྱིལ་འཁོར་མ་ལུས་མཆོད། །ལ་ལ་འགྲོ་བ་རེ་བ་སྐོང ། །ལ་ལ་བདུད་འདུལ་ངན་སོང་སྦྱོང ། །ཀུན་ཀྱང་གསང་བའི་མཆོད་འབུལ་བྱེད། །ཉིད་ཀྱི་གསང་བའི་རྒྱལ་མོ་དང ། །གཉིས་སུ་མེད་པར་འཁྲིལ་ནས་སུ། །འཁྲིལ་ནས་ག་ནའི་མཆོད་པར་བྱེད། །སྟོང་ཁམས་ཡུངས་འབྲུར་གཞུག་ཚུལ་དུ། །ག་ནའི་མཆོད་པ་ཆེན་པོ་ཡིས། །ཐམས་ཅད་མཉེས་པ་ཆེན་པོར་གྱུར། །དེ་ནས་ཡེ་ཤེས་རྒྱལ་པོ་དེ་ཉིད་ཀྱི་གསང་བའི་རྒྱལ་མོ་དང་གཉིས་སུ་མེད་པར་འཁྲིལ་ནས་ཆེད་དུ་བརྗོད་པ་འདི་བརྗོད་དོ། །ེ་མའོ་བདེ་གཤེགས་སྤྱོད་པའི་མཆོག ། སྣ་ཚོགས་སྤྱོད་ལ་རང་བཞིན་གསང ། །མ་ཆགས་པ་ཡི་ངོ་བོ་ལས། །ཆགས་པ་ཆེན་པོའི་སྤྱོད་པ་འབྱུང ། །སྤྱོད་པ་ཆེན་པོ་རྣམ་གཉིས་ལས། །རྟོགས་ནས་ཆགས་པས་སུ་སྤྱོད་པ། །ཡང་དག་ཆགས་པ་ཆེན་པོ་སྟེ། །འདི་ནི་ཚངས་མཆོག་རྒྱལ་པོ་ཡིན། །སེམས་ཀྱི་སྤྱོད་པ་རྣམ་པ་གཉིས། །ཞིང་བཅུ་མཉེས་པའི་ལས་བྱའོ། །ཞེས་ཆེད་དུ་གསུངས་སོ། །དེ་ལྟ་བུས་ཕྱོགས་བཅུ་དུས་བཞིའི་དེ་བཞིན་གཤེགས་པའི་ཞིང་ཁམས་ཀྱིས་བསྡུས་པ་ཐམས་ཅད་མཉེས་པ་ཆེན་པོས་ཐིམ་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ 65b ཆེན་པོ་ལས། ཐུགས་རྗེ་གདུང་བའི་ལེའུ་སྟེ་བདུན་པའོ།། །།དེ་ནས་དེ་བཞིན་གཤེགས་པ་ཡེ་ཤེས་རྒྱལ་པོ་དེ་མཆོད་པ་བླ་མའི་རྒྱན་བཀོད་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་གསུངས་སོ། །སྒྱུ་འཕྲུལ་དྲ་བས་མངོན་རྫོགས་པའི། །དཀྱིལ་འཁོར་བླ་མ་དགོངས་པའི་མཆོག་།བྲོ་གར་འདུ་འཕྲོའི་ཕྱག་རྒྱ་ཡིས། །འཛུལ་ལམ་ནམ་མཁར་འགྲོ་བར་ངེས། །གླུ་ཚིག་སྒྲ་ཡི་ཕྱག་རྒྱ་ཡིས། །ཆོས་ཀྱི་སེམས་དཔའི་དངོས་གྲུབ་ལེན། །བཟའ་དང་བཏུང་བའི་ཕྱག་རྒྱ་ཡིས། །ཡིད་བཞིན་སེམས་དཔའི་དངོས་གྲུབ་ལེན། །རྒྱན་དང་བགོ་བའི་ཕྱག་རྒྱ་ཡིས། །འོད་འབར་བླ་མའི་དངོས་གྲུབ་ལེན། །ཱ་ལི་ཀཱ་ལིའི་ཕྱག་རྒྱ་ཡིས། །ཐམས་ཅད་གྲུབ་ཅིང་རྡོ་རྗེ་ངེས། །རྒྱུ་འབྲས་དབྱིངས་སུ་སྦྱོར་ཤེས་ཤིང ། །བླ་མའི་དགོངས་པ་གང་སྦྱོར་བ། །རིག་འཛིན་རྒྱལ་བའི་ཞིང་དུ་ངེས། །སྐྱེ་བ་རྣམ་གཞི་རྒྱུད་སྦྱངས་ནས། །མཚན་རྫོགས་ས་ལ་གདོན་མི་ཟ། །ཞེས་གསུངས་པས་ཚོགས་ཆེན་པོ་རྣམ་པ་གཉིས་རྫོགས་པར་གྱུར་ཏོ། །དེ་ནས་ཉིད་ཀྱི་བླ་མའི་མཛད་སྤྱོད་ལ་དགྱེས་པ་ཆེན་པོས་གླུ་འདི་བླངས་སོ། །ོཾ། །ཕྱོགས་བཅུ་དུས་བཞི་རྫོགས་པ་ཡི། །ཡེ་ཤེས་དཀྱིལ་འཁོར་ཐིག་ལེ་ཆེ། །བསོད་ནམས་དཀྱིལ་འཁོར་སྐུ་ཡི་ཚོགས། །སྣང་སྟོང་ཐིག་ལེ་ཀུན་དུ་རྫོགས། །ཧོ། །ོཾ། །རྡོ་རྗེ་བསོད་ནམས་ཐིག་ལེ་ཆེ། །རྡོ་རྗེ་ཡེ་ཤེས་དཀྱིལ་འཁོར་ལྡན། །རྡོ་རྗེ་སྒྲ་ཆེན་མཐའ་ཡས་པ། །རྡོ་རྗེ་ 66a ༄#། །རྒྱལ་པོ་ཐིག་ལེ་ཆེ། །ཧོ། ཨོཾ། མི་དམིགས་སྒྱུ་འཕྲུལ་མཉམ་པའི་དབྱིངས། །མཐའ་ཡས་ཀུན་ནས་སྣ་ཚོགས་འཕྲོ། །མཐའ་ཡས་ཀུན་ནས་ལྷུན་གྱིས་ཐིམ། །སྣ་ཚོགས་སྐུ་གསུང་ཐུགས་ཆེན་པོ། །ཧོ།་ཨོཾ། སྐུ་གསུང་ཐུགས་ཀྱི་རྫོགས་པ་ཆེ། །ཡོན་ཏན་འཕྲིན་ལས་ཀུན་ཏུ་རྫོགས། །ཡེ་ནས་ལྷུན་རྫོགས་ཀུན་ཏུ་བཟང ། །འདུས་པའི་རྫོགས་ཆེན་ཐིག་ལེ་ཆེ། །ཧོ། ཨོཾ། ཕྱོགས་བཅུ་འཇིག་རྟེན་རྡུལ་སྙེད་དུ། །རྒྱལ་བའི་དོན་རྣམས་རྡུལ་ཕྲན་སྙེད། །སྤྲུལ་པ་རྡུལ་ཕྲན་བསམ་ཡས་ཀྱི། །སྐད་ཅིག་ཡུད་ལ་ལྷུན་གྱིས་གྲུབ། །ཧོ། ཨོཾ། ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱི་བདག་ཉིད་ཆེ། །སྐུ་གསུང་ཐུགས་ཀྱི་ཀུན་ཏུ་ཁྱབ། །སྐུ་གསུང་ཐུགས་ཀྱི་ཐིག་ལེ་ཆེ། །ཧོ། ཨོཾ། ཐམས་ཅད་ཐིག་ལེ་བླ་མའི་དོན། །སྒྱུ་འཕྲུལ་བླ་མ་ཐིག་ལེའི་དབྱིངས། །དབྱིངས་ཉིད་བྱང་ཆུབ་སེམས་ཆེན་པོ། །སྙིང་པོ་བླ་མ་ངེས་པའི་དོན། །ཐིག་ལེ་ཉིད་ལས་གཡོས་པ་མེད། ། ཧོ།་སྒྱུ་འཕྲུལ་དྲ་བ་བླ་མ་ཆེན་པོ་ལས། །ཚོགས་ཆེན་པོ་རྣམ་པ་གཉིས་མཉེས་པའི་ལེའུ་སྟེ་བརྒྱད་པའོ།། །།དེ་ནས་དེ་བཞིན་གཤེགས་པ་ཡེ་ཤེས་རྒྱལ་པོ་དེ་སྒྱུ་འཕྲུལ་བླ་མ་ཆེན་པོའི་འཇིགས་པ་ཆེན་པོའི་ཚུལ་གྱིས་ཏིང་ངེ་འཛིན་མངོན་པར་འདུ་མཛད་དེ། དེ་ཅིའི་ཕྱིར་ཞེ་ན། བདག་ཏུ་ལྟ་བ་དང་རྨོངས་པའི་དབང་གིས་གབ་པའི་གསང་བ་ཆེན་ 66b བོ་ནི་མ་རྟོགས། སྦས་པའི་གསང་བ་ལ་མངོན་པར་ཞེན་པས་ཆོས་མཉམ་པ་ཉིད་ཀྱི་དོན་ནི། ཕྱལ་བར་བོར། བྲམ་ཟེའི་ངན་སྔགས་མང་པོ་ནི། བློའི་གདེང་དུ་བླངས་ནས་སྙིང་རྗེ་ཆེན་བོའི་ལས་དང་ནི། བྲལ། གནས་སུ་མིང་བཏགས་ནས་ཞེ་སྡང་སྒྲོལ་བའི་ལས་ནི། རྒྱུན་ཏུ་བྱེད། ཐབས་དང་ཤེས་རབ་འདུ་འབྲལ་མེད་པའི་དོན་ནི། མ་རྟོགས། འདོད་ཆགས་སྤྱོད་པའི་ལས་དང་སྐད་ཅིག་ཙམ་ཡང་མ་བྲལ། རང་རིག་པའི་ཡེ་ཤེས་ནི། བློ་ལ་ནུབ། དོན་དམ་པ་ལ་ཀུན་ཏུ་གཏི་མུག་པས་རྒྱུན་ཏུ་ཁེབས། སངས་རྒྱས་ཀྱི་ཆེ་བའི་ཡོན་ཏན་ནི།་མ་རྟོགས། ང་རྒྱལ་ཁེངས་པའི་དྲེགས་པའི་ལས་ནི། རྒྱུན་དུ་བྱེད། ཚད་མེད་པ་བཞིའི་ལས་དང་ནི། བྲལ། ཕྲག་དོག་གི་ཚུབ་མས་ནི། རྒྱུན་དུ་ཁྲིད་དེ་བདག་ཏུ་རྨོངས་པ་དང་རྟོག་པ་ལ་ཞེན་ཏེ་ཡང་དག་པའི་མཐའ་དང་བྲལ་བས་རྒྱུ་དང་འབྲས་བུ་ལ་རྨོངས་ཏེ་སྲིད་པའི་ས་བོན་རྩུབ་མོས་འཕངས་ནས་མཚམས་མེད་པའི་སེམས་ཅན་དམྱལ་བ་རྡོ་རྗེ་དམྱལ་བ་ཆེན་པོར་བསྐལ་པ་ཆེན་པོ་སྟོང་ཕྲག་དྲུག་ཅུར་སྐྱེས་སོ། །དེ་ལས་ཐར་ནས་ཉི་ཚེ་བའི་སེམས་ཅན་དམྱལ་བ་ཆེན་པོར་བསྐལ་པ་ཆེན་པོ་དྲུག་ཏུ་སྐྱེས་སོ། །ལས་ཀྱི་སྒྲིབ་པ་རྩུབ་མོ་དེ་ལས་ཐར་ཏེ་སྔོན་གྱི་སྲིད་པས་མཚམས་སྦྱར་ནས་ཡི་དྭགས་སྲིན་པོ་ཆེན་པོ་ལུས་གཅིག་མགོ་བོ་བརྒྱ་པ། མགོ་བོ་སྣ་ཚོགས་པ། ལུས་བརྒྱ་པ་མགོ་བོ་གཅིག་པ། ལུས་དང་ 67a ༄#། །ཡན་ལག་མང་པོ་འདུག་པ་མཚོན་ཆ་སྣ་ཚོགས་པ་ཐོགས་ཤིང་གདུག་པའི་རྫུ་འཕྲུལ་བའི་རྫུ་འཕྲུལ་མང་པོ་སྟོན་པས་ཀླུའི་རིས་ནས་འབྲས་བུ་ཆེ་བ་མན་ཆད་དབང་དུ་བསྡུས་ནས་ས་བོན་རྩུབ་མོས་མང་པོ་འདེབས་སོ། །དེ་ནས་སྔོན་ལེགས་པར་སྤྱད་པའི་འབྲས་བུས་བསོད་ནམས་དང་ཡེ་ཤེས་ཀྱི་ཚོགས་ཀྱིས་སྐུའི་དབྱིབས་ལེགས་པར་བརྒྱན་པ་ཡེ་ཤེས་ཕྱིན་ཅི་མ་ལོག་པའི་སྤྱན་གྱིས་གཟིགས་ཏེ་ལས་ངན་པའི་སྲིན་པོ་དེ་ཉོན་མོངས་པའི་བག་ཆགས་སྦྱང་བ་དང ། ཁམས་གསུམ་གྱི་སེམས་ཅན་བདེ་བ་ལ་གཞག་པའི་ཕྱིར་ཐུགས་རྗེ་ཆེན་པོའི་ཡེ་ཤེས་སྐྱེས་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་དགྱེས་པ་ཆེན་པོ་ཡེ་ཤེས་ཀྱི་རྒྱལ་པོ་དེ་ཉིད་འཇིགས་བྱེད་ཆེན་པོ་རྒྱལ་བའི་དཀྱིལ་འཁོར་བླ་མ་ཆེན་པོ་སྤྲིན་རྣམ་པར་སྤྲོ་བ་སྒྱུ་འཕྲུལ་བླ་མའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་ཉིད་ཀྱི་བླ་མ་ཆེན་པོའི་དབྱིབས་ནས་ཉིད་ཀྱི་གསང་བའི་བདག་མོ་ཁྲོ་མོའི་རྒྱལ་མོ་ཆེན་མོ་མངོན་དུ་ཕྱུང་སྟེ་ཧི་ཧི་ཞེས་དགྱེས་པའི་གཟི་མདངས་ཀྱིས་པདྨ་རྒྱས་པར་མཛད་དེ་གཉིས་སུ་མེད་པའི་དགྱེས་པ་ཆེན་པོས་ཐིམ་ནས་གསང་བ་བླ་མའི་སྤྲིན་ལས། ཧཱུཾ་ཧཱུཾ་ཧཱུཾ་བཛྲ་ཛྭ་བི་ཥ་ཀྲོ་དྷ་བཛྲ་ཛྭ་ལ་མཎྜ་ལ་ཕཊ་ཕཊ་ཧ་ལ་ཧ་ལ་ཧཱུཾ་ཞེས་བརྗོད་པས་འཇིག་རྟེན་དྲུག་གི་ 67b ཕྱོགས་བཅུ་ཐམས་ཅད་དུར་ཁྲོད་པ་དལ་བ་ཆེན་པོའི་རང་བཞིན་ཁྲག་གི་རྒྱ་མཚོ་དབའ་རླབས་འཁྲུག་པའི་དཀྱིལ་ན་ཀེང་རུས་ཆེན་པོ་རི་རབ་ཀྱི་སྟེང་ན་རྡོ་རྗེ་མེ་དཔུང་དུ་འཁྱིལ་བའི་དབུས་ན་འོག་རྡོ་རྗེ་རྒྱ་གྲ་མ་མིག་མང་རིས་སུ་བྲིས་པ། ཕྱོགས་བཞི་ངོས་བཞི་འབར་བར་ཁྱམས་གསུམ་རྡོ་རྗེ་རིན་པོ་ཆེའི་གློ་འབུར་དུ་མཛེས་པ། སྒོ་བཞི་རྟ་བབས་མུ་ཁྱུད་དུ་བཅས་པ། རྡོ་རྗེ་རིན་པོ་ཆེ་རྒྱ་གྲམ་མཐིང་ག་འབར་བའི་རྩིག་པ་དྲ་བ་རིས་སུ་བརྩིགས་པ། སྟེང་ཡིད་བཞིན་གྱི་རིན་པོ་ཆེ་འབར་བ། རྡོ་རྗེ་རྒྱ་གྲམ་འབར་བའི་བླ་རེ་མིག་མང་དུ་བྲིས་པ། རྩེ་མོ་དབྱིབས་བླ་མས་འོག་མིན་ཀྱི་གནས་ནས་སྲིད་པའི་རྩེ་མོ་མན་ཆད་བུམ་པའི་ཚུལ་དུ་དབྱིབས་རྡོ་རྗེ་རྒྱ་གྲམ་མིག་མང་གཅིག་ཏུ་འཁྱིལ་བ། ཡེ་ཤེས་རྡོ་རྗེ་རྒྱ་གྲམ་གྱི་ཆོ་འཕྲུལ་བླ་མའི་འོད་འབར་བས་ཕྱོགས་བཞིར་འཕྲོས་ཤིང་འཁྲུགས་པས་ཁམས་གསུམ་ཐམས་ཅད་བདལ་བ། རྒྱལ་མཚན་བླ་མ་ཆེན་པོ་དང ། རུ་མཚོན་བླ་མ་ཆེན་པོས་ཕྱོགས་བཞི་གྲ་བཞི་ནས་བསྒྲེང་བ། གསང་བ་བླ་མའི་རྩིག་པས་ཕྱི་རིམ་བསྐོར་བ། རྡོ་རྗེ་རིན་པོ་ཆེའི་ཕྱི་རོལ་གྱི་ཤིང་ལྗོན་པ་བླ་མས་ཕྱོགས་མཚམས་གཏིབས་པ། ཕྱི་དང་ནད་མེད་པ་ཀུན་ཏུ་ཡང་བླ་མ་ཆེན་པོའི་ནང་དུ་གྱུར་པ། ཁམས་གསུམ་ཐམས་ཅད་རྡོ་རྗེ་ར་བའི་རྩིག་པ་འཆོར་བ་མེད་པའི་གཞལ་ཡས་ཁང་ན་ཁྲོ་བོ་དང་ཁྲོ་མོའི་རོལ་པའི་ཕྱག་རྒྱ་སྟོང་ 68a ༄#། །གི་འཇིག་རྟེན་རྡུལ་ཕྲ་མོ་སྙེད་ཐོན་པར་གྱུར་ཏོ། །དེ་ནས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འུར་འུར་དང ། ཆེམ་ཆེམ་དང ། ཤིག་ཤིག་དང ། ཐོར་ཐོར་དང།་གཏོགས་ཤིག་དང ། ཆོམས་ཤིག་དང ། སོད་ཅིག་དང ། དྲོལ་ཞིག་དང ། སྦྱོངས་ཤིག་ལ་སོགས་པས་འཇིག་རྟེན་ན་དབང་ཆེ་ཞིང་དཔའ་རྟུལ་ཆེ་ཞིང་བ་རྟུལ་ཞུགས་ཅན་རྣམས་བརྒྱལ། རབ་ཏུ་བརྒྱལ་བར་གྱུར་ཏོ། །དེ་ནས་དགྱེས་པ་ཆེན་པོས་ཡེ་ཤེས་རྒྱལ་པོ་དེ་ཉིད་དུར་ཁྲོད་བླ་མ་ཆེན་པོར་དགྱེས་ནས་ཁྲག་གི་རྒྱ་མཚོའི་དཀྱིལ་ཀེང་རུས་ཆེན་པོའི་རི་རབ་ཀྱི་སྟེང་ན་རྡོ་རྗེ་མེ་དཔུང་འབར་བའི་ཀློང་དཀྱིལ་ན་རྡོ་རྗེ་ཡེ་ཤེས་ཀྱི་འཁོར་ལོ་རྩིབས་བཞི་པ་ལ་ཉིད་ཀྱི་གསང་བའི་རྒྱལ་མོ་དང ། མཆོད་པ་བླ་མ་ཆེན་པོ་མཛད་དེ་གཉིས་སུ་མེད་པའི་དབྱིངས་ནས་འདི་ཕྱུང་ངོ ། །ཧཱུཾ་བཛྲ་དུ་ཏྲི་ནན་སཱུརྱ་ཙནྟ་པདྨ་མཎྜལ་དེ་བ་ཏིཥྛི་ནཾ་ཞེས་བརྗོད་པས་ཡེ་ཤེས་རིན་པོ་ཆེའི་འཁོར་ལོ་རྩིབས་བཞི་པ་འོད་འབར་བའི་སྟེང་དུ་དུར་ཁྲོད་གདུག་པའི་ཚོགས་སེངྒེ་ལ་སོགས་པ་བླ་མ་ཆེན་པོའི་ཁྲི་བཙུགས་ཏེ། གདན་བླ་མ་ཉི་ཟླ་དང་པདྨ་སྤེལ་བར་བཏིང་བའོ། །དེ་ནས་ཆོ་འཕྲུལ་བླ་མ་ཆེན་པོས་བཏུལ་པ། བསམ་གཏན་བླ་མ་ཆེན་པོ་སྤགས་པ་ཚད་མེད་པ། དམིགས་པ་ཐམས་ཅད་དང་བྲལ་བའི་ཡེ་ཤེས་བླ་མ་ཆེན་པོས་དྲེགས་པ་ཐམས་ཅད་དུས་གཅིག་ཏུ་ 68b བཏུལ་བའི་སྣམ་རྟེན་བླ་མ་ཆེན་པོ་ལ་མཚོན་པ་དང་དམིགས་པའི་ཡུལ་ལས་འདས་པའི་ཕྱག་རྒྱ་བླ་མ་འོད་འབར་བ་བཞུགས་པ་ནི། བཅོམ་ལྡན་འདས་ཡེ་ཤེས་རྒྱལ་པོ་ཆེན་པོ་སྐུ་མཐིང་ནག་ཅིར་ཡང་འགྱུར་བ། རྡོ་རྗེ་ལྗགས་ཀྱི་གསུང་འཕྲུག་སྟོང་གི་སྒྲ་སྒྲོག་པས་སྟོང་ཁམས་ཐམས་ཅད་དུས་གཅིག་ཏུ་འཇིག་པ། ཡེ་ཤེས་མེའི་ཐུགས་ཀྱིས་སྣང་སྲིད་ཀྱི་བུད་ཤིང་དུས་གཅིག་ཏུ་བསྲེགས་པ། སྟེང་འོག་མེད་པར་ཀུན་དུ་སྐྱི་བུང་ཞེས་བྱེད་པ་དབུ་དགུ་ཕྱག་བཅོ་བརྒྱད་པ། ཞབས་རྣམ་པ་བརྒྱད་དུ་གཏམས་པ། ཕྱག་ན་མཚོན་ཆ་སྣ་ཚོགས་བསྣམས་པ། དུར་ཁྲོད་ཀྱི་རྒྱན་གྱིས་བརྒྱན་པ། སྤྱན་འབར་བ་ཉི་ཤུ་རྩ་བདུན་མངའ་ཞིང་རིགས་ལྔའི་དབུ་རྒྱན་གྱིས་བརྒྱན་པ། རྡོ་རྗེ་མཐིང་ག་ཁྱུང་གི་གཤོག་པས་འཇིག་རྟེན་གྱི་ཁམས་ཡོག་པར་བཀབ་པ། ཁྲོས་པའི་རྒྱ་མོ་མཐོང་ནག་འབར་བ་དང་གཉིས་སུ་མེད་པར་བཞུགས་སོ། །གཉིས་སུ་མེད་པའི་དབྱིངས་ནས་ཤར་ཕྱོགས་ཀྱི་འཁོར་ལོའི་རྩིབས་སྟེང་ལ་ཁྲི་དང་ཉི་ཟླའི་སྟེང་དུ་མཧཱ་དེ་བ་དང ། འདོད་པའི་ལྷག་ན་རྒྱལ་དུ་བརྟུལ་བའི་སྟེང་དུ་ཉིད་ཀྱི་གཟུགས་ཀྱི་ཕུང་པོ་དེ་བཅོམ་ལྡན་འདས་བུདྡྷ་ཧེ་རུ་ཀ་སྐུ་མདོག་སེར་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། དུར་ཁྲོད་ཀྱི་རྒྱན་གྱིས་བརྒྱན་པའོ། །ཕྱག་ན་མཚོན་ཆ་སྣ་ཚོགས་བསྣམས་པའོ། །བདེ་གཤེགས་ 69a ༄#། །ཁྲོས་པའི་རྒྱལ་མོ་དང་འཁྲིལ་བ་ཆེན་པོའི་ཚུལ་དུ་བཞུགས་སོ། །ལྷོ་ཕྱོགས་ཀྱི་འཁོར་ལོའི་རྩིབས་སྟེང་ལ་ཁྲི་དང་ཉི་ཟླའི་གདན་སྟེང་དུ་གཤིན་རྗེ་གན་རྒྱལ་དུ་བསྐྱེལ་བའི་གདན་ལ་ཉིད་ཀྱི་ཚོར་བའི་ཕུང་པོ་ལས་བཅོམ་ལྡན་འདས་རཏྣ་ཧེ་རུ་ཀ་སྐུ་མདོག་སྔོ་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ཆ་སྣ་ཚོགས་འཛིན་པ། དུར་ཁྲོད་ཀྱི་རྒྱན་གྱིས་བརྒྱན་པ། རིན་པོ་ཆེ་ཁྲོས་པའི་རྒྱལ་མོ་དང་འཁྲིལ་པ་ཆེན་མོའི་ཚུལ་གྱིས་བཞུགས་སོ། །ནུབ་ཕྱོགས་ཀྱི་འཁོར་ལོའི་རྟིཟྦྶ་སྟེང་ལ་ཁྲི་དང་ཉི་ཟླའི་སྟེང་དུ་ཆུ་བདག་གི་རྒྱལ་པོ་དང་འཁོར་ལོ་ནག་པོ་བྷྀང་གི་རི་ཏི་གན་རྐྱལ་དུ་བསྒྱེལ་བའི་གདན་ལ་ཉིད་ཀྱི་འདུ་ཤེས་ཀྱི་ཕུང་པོ་དེ་བཅོམ་ལྡན་འདས་པདྨ་ཧེ་རུ་ཀ་སྐུ་མདོག་དམར་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ཆ་སྣ་ཚོགས་འཛིན་པ། དུར་ཁྲོད་ཀྱི་རྒྱན་གྱིས་བརྒྱན་པའོ།། པདྨ་ཁྲོས་པའི་རྒྱལ་མོ་དང་འཁྲིལ་བའི་ཚུལ་དུ་བཞུགས་པའོ། །བྱང་ཕྱོགས་འཁོར་ལོའི་རྩིབས་སྟེང་ལ་ཁྲི་དང་ཉི་ཟླའི་གདན་སྟེང་དུ་གནོད་སྦྱིན་སྟོབས་བཟང་གན་རྐྱལ་དུ་བསྒྱེལ་བའི་གདན་ལ་ཉིད་ཀྱི་འདུ་བྱེད་ཀྱི་ཕུང་པོ་དེ་བཅོམ་ལྡན་འདས་ཀརྨ་ཧེ་རུ་ཀ་སྐུ་མདོག་ལྗང་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ 69b ཆ་སྣ་ཚོགས་འཛིན་པ་སྟེ། དུར་ཁྲོད་ཀྱི་རྒྱན་གྱིས་བརྒྱན་པ། ལས་མཆོག་ཁྲོས་པའི་རྒྱལ་མོ་དང་འཁྲིལ་བ་ཆེན་མོའི་ཚུལ་གྱིས་བཞུགས་སོ། །དེ་ནས་དྲེགས་པའི་ཆེན་པོ་ལ་སོགས་པས་གདུག་པའི་སེམས་ཀྱིས་གཏུམ་པའི་རྫུ་འཕྲུལ་སྣ་ཚོགས་བསྟན་པས་མགྲིན་གཅིག་ཏུ་གདུག་པའི་ང་རོས་གཏུམ་པའི་བརླང་ཚིག་ཏུ་སྨྲས་པ། ཐོང་ཐོང་སྙིང་རྗེའི་བདག་པོ་ཅི་འདི་ལྟར་བྱེད་དམ་ཞེས་ཟེར་ཞིང་ཤིན་ཏུ་གཏུམ་པས་རྔམ་མོ། །དེ་ནས་བཅོམ་ལྡན་འདས་དགྱེས་པ་ཆེན་པོས་ཡེ་ཤེས་རྒྱལ་པོ་དེ་ཡང་སྐུ་གཟི་བརྗིད་ཆེན་པོའི་མདངས་སུ་གྱུར་ཏེ་ཐུགས་རྗེ་ཆེན་པོས་འདུལ་བའི་ཐབས་ཀྱིས་སྒྱུ་འཕྲུལ་དྲ་བའི་གསང་སྔགས་བླ་མའི་རྔམ་པའི་དམངས་སྐད་ཆེན་པོ་འདི་དག་ཕྱུང་ངོ ། །ཧཱུཾ་ཧཱུཾ་ཧཱུཾ། ཧ་ཧ་ཧ།་ཁཱ་ཧི་ཁཱ་ཧི་ཁཱ་ཧི་ཞེས་བརྗོད་པས་དབང་ཕྱུག་ཆེན་པོ་ལ་སོགས་པའི་གདུག་པའི་ཚོགས་དེ་དག་གི་སྙིང་དང་དབང་པོ་ཀུན་ཕྱུང་ནས་ནང་རོལ་ཀུན་དྲངས། ཡན་ལག་ཀུན་གཅད་གཏུབས་ཏེ་ཤ་ཟོས། ཁྲག་འཐུངས། རུས་པ་ཀུན་འཆོས་སོ། །དེ་ནས་འཇིགས་བྱེད་ཆེན་པོ་དེ་ཉིད་ཀྱིས་ཧཱུཾ་ཧཱུཾ་ཧཱུཾ་བྷྱོ། །ེ་ཨ་ར་ལི་ཛཱ་ཛཱ་ཞེས་བརྗོད་པས་ཕྱོགས་བཅུའི་འཇིག་རྟེན་གྱི་ཁམས་ནམ་མཁའ་དང་བཅས་པ་ཡུངས་འབྲུ་གཅིག་ཙམ་དུ་ཆུད་པར་བསྡུས་སོ། །དེ་ནས་འབྱུང་པོ་མ་རུངས་པ་ཐམས་ཅད་ཀྱི་ 70a ༄#། །རྗེ་བོའི་ཡང་རྗེའོ། །དྲེགས་པ་ཆེན་པོ་ལ་སོགས་པའི་ཆུང་མ་འབྱུང་མོ་ཐམས་ཅད་ཀྱི་རྗེ་མོའི་ཡང་རྗེ་མོ། སྲིན་མོ་ཆེན་མོ་མི་སྲུན་མོ་དང ། ཚངས་མ་དང ། ཁྲོ་མོ་དང ། དབང་པོ་དང ། འཇུག་སྲེད་མོ་དང ། གཞོན་ནུ་མོ་དང ། དམར་མོ་དང ། བདུད་རྩི་མོ་དང ། ཞི་བ་མོ་དང ། བེ་ཅོན་མོ་དང ། སྲིན་མོ་དང ། ཟ་བ་མོ་དང ། དགའ་བ་མོ་དང ། ར་རོ་ཁྲག་འཐུང་མོ་དང ། གཅིག་པུ་སྤྱོད་མ་དང ། ཡིད་འཕྲོག་མ་དང ། གྲུབ་མོ་དང ། རླུང་མོ་དང ། གསོད་བྱེད་མོ་དང ། མེ་མོ་དང ། ཕག་མོ་དང ། རྒན་བྱད་མོ་དང ། སྣ་ཆེན་མོ་དང ། ཆུ་ལྷ་མོ་དང ། ནག་མོ་ཆེན་མོ་དང ། ར་མགོ་དམར་སེར་ཆེན་མོ་དང ། བུམ་སྣ་སྔོ་ནག་ཆེན་མོ་དང ། གསུས་འཛིན་སྔོ་ནག་ཆེན་མོ་ལ་སོགས་པ་བྲན་དང ། ཡང་བྲན་དང ། གཡོག་དང ། ཡང་གཡོག་ལ་སོགས་པ་འཁོར་ཞིང་གི་རྡུལ་ཀྱང་བསྡུས་སོ། །དེ་ནས་ཡང་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་དགྱེས་པ་བླ་མའི་གསང་བ་ཆེན་པོ་སྤྲིན་འབྱུང་བ་ཞེས་བྱ་བའི་ཏིང་ངེ་འཛིན་ལ་མངོན་པར་འདུ་མཛད་དེ་སྐུ་གསུང་ཐུགས་བླ་མ་ལས་འདི་དག་ཕྱུང་ངོ ། །ོཾ་ཨཱཿ ་ཧཱུཾ། བཛྲ་པདྨ་པྲ་བེ་ཤ་པདྨ་ཧཱུཾ་ཨ་ལ་ལ་ཧོ་ཞེས་བརྗོད་པས་འབྱུང་པོ་མ་རུངས་པ་ཐམས་ཅད་ཤིན་ 70b དུ་ཆགས་པའི་ཡིད་གཡོས་ནས་གསང་བ་རྒྱས་པར་བྱས་ནས་ཁབ་ལེན་གྱི་རྡོ་ལ་ལྕགས་འདུ་བའི་ཚུལ་དུ་བཅོམ་ལྡན་འདས་ཡེ་ཤེས་རྒྱལ་པོའི་སྐུ་ལ་མི་སྲུན་མོ་ལ་སོགས་པ་བརྒྱད་འཁྲིལ་ལོ། །བཅོམ་ལྡན་འདས་སེར་ནག་ཆེན་པོའི་སྐུ་ལ་ཚངས་མ་ལ་སོགས་པ་ལྔ་ཡང་འཁྲིལ་ལོ། །བཅོམ་ལྡན་འདས་སྔོ་ནག་ཆེན་པོའི་སྐུ་ལ་བདུད་རྩི་མོ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་དམར་ནག་ཆེན་པོའི་སྐུ་ལ་ཁྲག་གིས་མྱོས་མ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་ལྗང་ནག་ཆེན་པོའི་སྐུ་ལ་མེ་མོ་ལ་སོགས་པ་ལྔ་འཁྲིལ་ལོ། །དེ་ནས་དགྱེས་པ་ཆེན་པོ་དེ་དག་གིས་ཧཱུཾ་ཞེས་བརྗོད་པས་པདྨའི་ཚོགས་བསྡུས་ཏེ་ཤིན་ཏུ་བཅུམ་པར་གྱུར་ཏོ། །དེ་ནས་དགྱེས་ཏེ་ཧ་ཧ་ཞེས་བརྗོད་པས་ཉིད་ཀྱི་ཤེས་པའི་ཚོགས་རྣམ་པར་ཤེས་པ་བརྒྱད་ལས་དཀར་པོ་ལ་སོགས་པ་བརྒྱད་རང་གི་ལག་ཆ་དང་ངོ་མཚར་དུ་ཆས་ཏེ་ཐོན་པར་གྱུར་ཏོ། །ཐོན་ནས་ཀྱང་འཁོར་ལོ་འབར་བའི་ཕྱི་རོལ་ཤར་ཕྱོགས་ནས་འཁོར་བར་ཁྲོ་བོའི་གཟུགས་ཀྱིས་སྙིང་རྗེ་འཇིགས་ཚུལ་གྱིས་སྟན་ལ་གནས་སོ། །དེ་ནས་དགྱེས་ཏེ་ཧེ་ཞེས་བརྗོད་པས་ཉིད་ཀྱི་ཤེས་པའི་ཡུལ་བརྒྱད་ལས་སེང་གདོང་ཆེན་མོ་ལ་སོགས་པ་བརྒྱད་རང་གི་ལག་ཆ་དང་ངོ་མཚར་དུ་ཆས་ཏེ་ཐོན་ནས་ཡང་འཁོར་ལོ་འབར་བའི་བར་ཁྱམས་སུ་སྙིང་རྗེ་འཇིག་ 71a ༄#། །པའི་ཚུལ་གྱིས་སྟན་ལ་ཤིན་ཏུ་རྔམ་པའི་སྟབས་ཀྱིས་གནས་སོ། །དེ་ནས་དགྱེས་ཏེ་ཕཊ་ཅེས་ཕྱོགས་བཅུའི་ཞིང་མ་ལུས་པར་བསྒྲགས་པས་ཕྱོགས་བཅུའི་ཞིང་མ་ལུས་པར་འགྲོ་བ་རྣམས་ཀྱི་དོན་མ་ལུས་པར་མཛད་པ་ཐུབ་པ་ཆེན་པོ་དྲུག་བཅོམ་ལྡན་འདས་དྲུག་འགྲོ་བ་རྣམས་ཀྱི་དོན་མཛད་ཅིང་འགྲོ་བ་དྲུག་འདུལ་བ་དང ། ཡིད་ཆོས་དབྱིངས་ནས་རོལ་ཏེ་སྤོར་བྱེད་ཉི་ཟེར་ཞགས་པ་ཅན་ལ་སོགས་པ་བརྒྱད་དུ་གྱུར་ཏེ་འབར་བའི་བར་ཁྱམས་གསུམ་པ་ལ་ཞིང་སྐམ་གཤེར་སྤེལ་བའི་གདན་སྟེང་དུ་རང་གི་ལག་ཆ་དང་ཤིན་ཏུ་རྔམ་པའི་སྟབས་ཀྱིས་ཤར་ཕྱོགས་ནས་འཁོར་པར་གནས་སོ། །དེ་ནས་དགྱེས་ཏེ་ཕཊ་ཅེས་བརྗོད་པས་ཉིད་ཀྱི་ཕྱིན་ཅི་ལོག་བཞི་ལས་རྡོ་རྗེ་སྲིང་འགྲོ་མ་ལ་སོགས་པ་བཞི་རང་རང་གི་ལག་ཆ་དང་ངོ་མཚར་དུ་ཆས་ནས་དཀྱིལ་འཁོར་འབར་བ་ཆེན་པོའི་སྒོ་བཞིར་སྙིང་རྗེ་འཇིགས་ཚུལ་གྱི་སྟན་ལ་ཤིན་ཏུ་རྔམ་པའི་གཟུགས་ཀྱིས་ཐབས་དང་ཤེས་རབ་ཀྱི་ཚུལ་དུ་གནས་སོ། །དེ་ནས་དགྱེས་པ་ཆེན་པོའི་སྦྲིན་ལས་བུདྡྷ་རོལ་པའི་ཕྱག་རྒྱ་བཞི་བཅུ་རྩ་གཉིས་ཀྱིས་དུས་གཅིག་ཏུ་ཕཊ་ཅེས་བརྗོད་པས་ཐམས་ཅད་ཁྲོས་ནས་འབྱུང་མོ་ཐམས་ཅད་ཀྱང་རང་གི་གནས་སུ་ཡུད་ཙམ་གྱིས་ཕྱིན་པར་དགྱེའོ། །དེ་ནས་བཅོམ་ལྡན་འདས་ཁྲག་འཐུང་ཆེན་པོ་དེ་ཉིད་ཐུགས་རྗེ་ཆེན་པོས་བདུད་རྩི་འབྱུང་བ་ཞེས་བྱ་བའི་དགོངས་པ་ཅིག་ཆར་ཞུགས་ཏེ། སྐུ་གསུང་ 71b ཐུགས་རྡོ་རྗེ་ལས་འདི་དག་ཕྱུང་ངོ ། །ོཾ་བཛྲ་ཨ་མྲྀ་ཏ་མཧཱ་ཀྲོ་དྷི་ཨཾ་ཨཾ་ཞེས་བརྗོད་པས་དབང་ཕྱུག་ཆེན་པོ་ལ་སོགས་པ་ཐམས་ཅད་བཅོམ་ལྡན་འདས་ཁྲག་འཐུང་ཆེན་པོའི་སྣམ་ལོགས་ནས་ཐོན་ཏོ། །འདམ་ཁུ་བླུད་དེ་དྲན་པ་རྙེད་དོ། །དེ་ནས་ཁྲག་འཐུང་ཆེན་པོ་དེ་དག་ཀུན་ཡ་མཚན་ཆེན་པོར་གྱུར་ཏེ་ཆོ་འཕྲུལ་ཆེན་པོ་མཛད་པ་མཐོང་ངོ ། །དེ་དག་གི་དུས་སུ་འཇིག་རྟེན་དྲུག་ན་གནས་པའི་དྲེགས་པ་ཆེན་པོ་རྣམས་དུས་གཅིག་ཏུ་བརྟུལ་བར་མཐོང་སྟེ་ཤིན་ཏུ་ཞུམ་ཞིང་བྲེད་ནས་མགྲིན་གཅིག་ཏུ་སྨྲས་པ། འབངས་སུ་མཆིའོ་འབངས་སུ་མཆི། །འབངས་སུ་ནན་ཏན་མ་བགྱིས་ན། །མགོ་དང་ལུས་ཀྱང་བརྒྱར་འགས་ཤིང ། །སྙིང་ཡང་གས་ཤིང་གཏུབས་གྱུར་ཅིག་།རུལ་མྱགས་ཚིག་ནས་རླག་པ་དང ། །དམྱལ་བར་ལྟུང་ནས་འབོད་པར་ཤོག་།ཅེས་འབངས་སུ་མཆི་བར་རང་རང་གི་སྨོད་བཙུགས་སོ། །དེ་ནས་དེ་དག་ཀུན་དཀྱིལ་འཁོར་གྱི་གདན་དུ་བཞག་གོ་།དེ་ནས་ཡང་དེ་ཐམས་ཅད་ཀྱིས་མགྲིན་གཅིག་ཏུ་སྨྲས་པ། །རང་རང་གི་ཆུང་མ་དང ། བུ་མོ་དང ། རང་རང་གི་མ་དང ། སྲིང་མོ་རྣམས་དཀྱིལ་འཁོར་དུ་ཕུལ་ཏེ། བདག་ཅག་རྣམས་ཀྱི་མཆིས་འབྲང་དང ། །མ་དང་སྲིང་མོ་བུ་མོ་རྣམས། །དཀྱིལ་འཁོར་ཆེན་པོར་བཞེས་སུ་གསོལ། །དཔའ་བོ་ལྷ་རྗེས་བཞེས་སུ་གསོལ། །བདག་ཅག་འཁོར་ཚོགས་ཐམས་ཅད་ཀྱིས། །འབར་བའི་དཀྱིལ་འཁོར་ཆེན་པོ་འདི། །མིང་ཙམ་འཛིན་པར་སུ་བགྱིད་པ། །ནོར་བུ་རིན་ཆེན་འབར་བ་ལྟར།། 72a ༄#། །དེ་ཡི་དགོས་པ་རྫོགས་པར་བགྱིད། །ཅེས་སྨོད་བཙུགས་སོ། །དེ་ནས་དེའི་མ་དང ། སྲིང་མོ་དང ། ཆུང་མ་དང ། བུ་མོ་རྣམས་ཡུད་ཙམ་གྱིས་ཕྱིན་པར་འོངས་ནས་ལས་ཀྱི་དངོས་གྲུབ་སྩོལ་བ་ལས། དེ་ནས་ཁྲག་འཐུང་ཡེ་ཤེས་ཆེན་པོས་མིང་བཏགས། ལག་ཏུ་རྡོ་རྗེ་བྱིན་ནས་རྡོ་རྗེ་བྲན་དང་ཕོ་ཉར་དབང་བསྐུར་རོ། །དེ་ནས་དཀྱིལ་འཁོར་བ་ཆེན་པོའི་དོན་ཕྱོགས་བཅུ་དུས་བཞིའི་དེ་བཞིན་གཤེགས་པ་རྣམས་ལ་གསལ་ཞིང་འབར་བར་བྱ་བའི་ཕྱིར་ཡེ་ཤེས་རྒྱལ་པོ་དེ་ཉིད་ཀྱི་གསང་བའི་རྒྱལ་མོ་དང་གཉིས་སུ་མེད་པར་གྱུར་ནས་སྐུ་གསུང་ཐུགས་རྡོ་རྗེ་བླ་མ་ལས་འདི་དག་ཕྱུང་ངོ ། །ེ་མའོ་ཡེ་ནས་གསང་བའི་ཆོས། །མཁའ་དབྱིངས་གཉིས་སུ་མེད་པ་ལས། །མཁའ་ལ་བླ་མའི་དཀྱིལ་འཁོར་ཤར། །ཁྲི་བཙུགས་ཉི་དཀྱིལ་གདན་སྟེང་དུ། །དེ་ལ་ལྷ་ཚོགས་གདན་དུ་བཏིང ། །ཧཱུཾ།་འཁོར་ལོ་འབར་བའི་ལྟེ་དབུས་སུ། །ཁྲི་བཤམས་ཉི་དཀྱིལ་ཡ་བདུད་གདོན། །དེ་ཡི་སྟེང་དུ་བསམ་བྱ་བ། །བྱང་ཆུབ་སེམས་ལས་སྐུ་བསྐྱེད་པ། །དཔལ་ཆེན་བླ་མེད་ཧེ་རུ་ཀ་།དབུ་དགུ་ཕྱག་ཀྱང་བཅོ་བརྒྱད་དེ། །སྤྱན་ཡང་འབར་བ་ཉི་ཤུ་བདུན། །དབུ་ལ་རིགས་ལྔའི་དབུ་རྒྱན་གསོལ། །ཞབས་ཀྱང་རྣམ་པ་བརྒྱད་དུ་གཏམས། །རྡོ་རྗེ་མཐིང་ག་ཁྱུང་གི་གཤོག་།འཇིག་རྟེན་ཁམས་ཀྱང་ཡོག་པར་བཀབ། །སྦྲུལ་ནག་འཇིགས་སུ་རུང་བ་དང ། །དུར་ཁྲོད་རྒྱན་གྱིས་བརྒྱན་པའོ། །དབུ་གསུམ་དང་ལ་བྱུང་བ་ 72b ནི། །གཡས་དཀར་གཡོན་དམར་དབུས་མཐིང་ཞལ། །རྣམ་པར་ཐར་པའི་དབུ་གསུམ་གྱིས། །ཁམས་གསུམ་མྱ་ངན་ཟླ་བའི་ཞལ། །དབུ་གསུམ་བར་ནས་རྔམ་པ་ནི། གཡས་སྔོ་གཡོན་ལྗང་དབུས་མཐིང་ཞལ། །ཐབས་དང་ཤེས་རབ་སེམས་ཀྱི་དབུ། །སྲིད་གསུམ་དབྱིངས་སུ་རྫོགས་པའི་ཞལ། །དབུ་གསུམ་མཐའ་ནས་རྔམ་པ་ནི། །གཡས་མཐིང་གཡོན་མཐིང་དབུས་མཐིང་ཞལ།། ཁམས་གསུམ་རེ་བ་སྐོང་བ་ཡི། །ལུང་དང་མན་ངག་སེམས་ཀྱི་དབུ། །འགྱུར་བ་མེད་པའི་མཐིང་ནག་ཞལ། །སྐྱེ་ཤི་རྩ་བ་གཅོད་པའི་ཚེམས། །དབུ་དགུ་རོལ་པའི་བྱིན་རླབས་ལས། །གཡས་གསུམ་ཀློག་སྟོང་ལྟེ་འབྱིན་ཅིང ། །གཡོན་གསུམ་འབྲུག་སྟོང་སྒྲ་སྒྲོག་པ། །དབུ་གསུམ་རྡོ་རྗེ་སེར་ཆེན་འབེབས། །སྤྱན་དགུ་དང་ལ་གཟིགས་པ་ནི། །ཆོས་དབྱིངས་ཀུན་ཏུ་བཟང་པོ་དང ། །ཀུན་ཏུ་བཟང་མོའི་མཁའ་དབྱིངས་ལ། །འགྱུར་བ་མེད་པའི་ཚུལ་གྱིས་གཟིགས། །སྤྱན་དགུ་བར་ནས་གཟིགས་པ་ནི། །རྣམ་པར་གྲོལ་བའི་ཡེ་ཤེས་ཀྱིས། །སྲིད་པའི་སེམས་ཅན་ཐམས་ཅད་ལ། །བྱམས་མགོན་སྙོམས་པའི་སྤྱན་གྱིས་གཟིགས། །སྤྱན་དགུ་མཐའ་ནས་གཟིགས་པ་ནི། །གཡས་གསུམ་ཞེ་སྡང་ཁྲོས་པའི་སྤྱན། །གཟིགས་པས་བདུད་དང་མུ་སྟེགས་སྒྲོལ། །གཡོན་གསུམ་བྱམས་མགོན་སྙོམས་པའི་སྤྱན། །གཟིགས་པས་མཐའ་ཡས་བདེ་ལ་འཇོག་།དབུ་གསུམ་ཡེ་ཤེས་རོལ་པའི་སྤྱན། །གཟིགས་པས་སྐྱེ་འགྲོ་གནས་སུ་སྟོབས། །དབུ་དགུ་རིགས་ལྔའི་དབུ་རྒྱན་དགུ། །ལྔ་དགུ་ 73a ༄#། །བཞི་བཅུ་རྩ་ལྔ་ཡང ། །བུདྡྷ་བཞི་བཅུ་རྩ་ལྔས་བརྒྱན། །སྟོང་པ་ཆེན་པོའི་ཡེ་ཤེས་ཀྱིས། །ཁྱབ་བདལ་ཆེན་པོའི་རྟགས་སུ་བསྣམས། །བཅོ་བརྒྱད་ཕྱག་ན་རོལ་པ་ཡིས། །སྟོར་པ་བཅོ་བརྒྱད་དབྱིངས་སུ་སྦྱོར། །ཞབས་བརྒྱད་ང་རྒྱལ་དྲེགས་པ་འཇོམས། །ཐབས་དང་ཤེས་རབ་ལྡན་པ་ཡིས། །རྡོ་རྗེ་མཐིང་ག་གཤོག་པ་བརྐྱང ། །བཅོ་བརྒྱད་ཕྱག་ན་བསྣམས་པ་ཡིས། །རྡོ་རྗེ་གློ་སྙིང་ཞིང་ཆུང་གཡས། །བནྡྷ་ཞིང་ཆེན་སྟིར་ཆེན་གཡོན། །ནང་ཞགས་ཉི་མ་ཁྱུང་ཆེན་གཡས། །ཞིང་ཆེན་ཟླ་བ་འུག་པ་གཡོན། །མེ་དང་རྒྱ་མཚོ་ག་འུ་གཡས། །རླུང་དང་རིན་ཆེན་རི་རབ་གཡོན། །ཡོན་ཏན་བཅོ་བརྒྱད་དབྱིངས་སུ་རྫོགས། །དང་པོ་རྡོ་རྗེ་དུང་ཆེན་ནི། །ཁམས་གསུམ་དབང་དུ་བསྡུས་ནས་ཀྱང ། །བདུད་དང་མུ་སྟེགས་ཀུན་འཇོམས་པའོ། །གཉིས་པ་སྟིར་ཆེན་གློ་སྙིང་ནི། །སྲིད་པའི་སེམས་ཅན་ཐམས་ཅད་ཀུན། །དམ་ཚིག་སྟན་དབྱིངས་སུ་སྒྲོལ། །གསུམ་པ་སྟིར་ཆུང་རིལ་མིད་ནི། །དུག་གསུམ་རྣམ་པར་སྒྲོལ་བའི་རྟགས། །བཞི་པ་སྟིར་ཆེན་ནང་ཞགས་ནི། །རྒྱུད་ལྔའི་སེམས་ཅན་དབྱིངས་སུ་འདྲེན། །ལྔ་པ་ཉི་ཟླ་ཟུང་དུ་འཛིན། །བྱང་ཆུབ་སེམས་ལས་གཡོས་པ་མེད། །དྲུག་པ་ཁྱུང་དང་འུག་པ་ནི། །མཁའ་འགྲོ་ཐམས་ཅད་འཁོལ་བའི་རྟགས། །བདུན་པ་མེ་དཔུང་རླུང་གིས་འཐོར། །སྲིད་པའི་བག་ཆགས་ཐལ་བར་རློག་།བརྒྱད་པ་རི་རབ་རྒྱ་མཆོ་རྣམས། །ཐམས་ཅད་མ་ལུས་གཡེང་གནས་ཤིང ། །འབྱུང་བ་ 73b ལྔ་ལ་མངའ་བརྙེས་པའོ། །དགུ་པ་རིན་ཆེན་གའུ་ནི། །དངོས་གྲུབ་སྤྲུལ་པ་འབྱུང་བའི་རྟགས། །དགུ་གཉིས་ཟུང་དུ་ལྡན་པ་ལས། །སྟོང་པ་བཅོ་བརྒྱད་དབྱིངས་སུ་རྫོགས། །དུར་ཁྲོད་རྒྱན་གྱིས་བརྒྱན་པ་ནི། །ཐོད་སྐམ་འབར་བའི་ཕྲེང་བ་ཡིས། །ཞི་བ་ཕྱོགས་གཅིག་མྱ་ངན་ཟློ། །མངོན་པར་རྫོགས་པའི་སྐུ་བརྙེས་པའོ། །ཐོད་རློན་འདར་བའི་ཕྲེང་བ་འདི། ཁམས་གསུམ་དབང་དུ་བསྡུས་ནས་སུ། །སྤྲུལ་པའི་སྐུ་ལ་མངའ་བརྙེས་པའོ། །ཐོད་པ་ཕྱེད་ཚལ་ཕྲེང་བས་ནི། །དུག་ལ་\?\་བདུད་རྩིར་སྦྱོར་བ་སྟེ། །ལོངས་སྤྱོད་སྐུ་ལ་མངའ་བརྙེས་པའོ། །ཞིང་ཆེན་རློན་པའི་ན་བཟའ་ནི། །ཆོས་དབྱིངས་མཉམ་པ་ཆེན་པོ་སྟེ། །ཆོས་ཀྱི་སྐུ་ལ་མངའ་བརྙེས་པའོ། །སྟག་ལྤགས་གཡང་གཞིའི་ཤམ་ཐབས་ནི། །འཕྲིན་ལས་རྣམ་བཞིའི་རང་བཞིན་ཏེ། །རྡོ་རྗེའི་སྐུ་ལ་མངའ་བརྙེས་པའོ། །སྤྲུལ་ནག་ཆུན་འཕྱང་མང་པོ་ནི། །ཡེ་ཤེས་ཐམས་ཅད་འབྱུང་བའི་རྟགས། །རྟགས་ཆེན་སྐུ་ལ་མངའ་བརྙེས་པའོ། །ཞབས་བརྒྱད་ལྷ་བརྒྱད་བརྫིས་པ་བཞི། །ང་རྒྱལ་ཅན་རྣམས་ཚར་གཅོད་པའོ། །སངས་རྒྱས་ཁྲོས་པའི་རྒྱལ་མོ་ནི། །ཀྲོ་དྷཱི་ཤཝ་རི་ཡུམ་གྱི་གཙོ། །མཐིང་ནག་འབར་བའི་རལ་པ་ཅན། །རྒྱན་དང་ཆ་ལུགས་གཙོ་དང་མཐུན། །འཁྲིལ་བ་ཆེན་པོའི་ཚུལ་གྱིས་སུ། །བྷནྡྷ་རཀྟ་གཙོ་ལ་སྟོབ། ། འཁྲིལ་བ་ཆེན་པོའི་ཚུལ་དུ་བསམ། །ཤར་ཕྱོགས་འཁོར་ལོའི་རྩིབས་སྟེང་ན། །ཁྲི་དང་ཉི་དཀྱིལ་ཉི་ཟླའི་གདན། །དེ་ཡི་སྟེང་དུ་བསམ་བྱ་བ། །གཟུགས་ཀྱི་ཕུང་པོ་གནས་གྱར་པ། །ཁག་ 74a ༄#། །འཐུང་བུདྡྷ་ཧེ་རུ་ཀ་།དབུ་གསུམ་ཕྱག་དྲུག་ཞབས་བཞིར་བགྲད། །གཡས་ལྗང་གཡོན་སྔོ་དབུས་སེར་ཞལ། །ཕྱག་དྲུག་མངོན་པར་རོལ་པ་ལས། །འཁོར་ལོ་དགྲ་སྟ་ཞགས་པ་གཡས། །བྷནྡྷ་རྡེའུ་ཆུང་ཁ་ཊྭཱཾ་གཡོན། །སེར་ནག་དུར་ཁྲོད་རྒྱན་གྱིས་བརྒྱན། །བདེ་གཤེགས་ཁྲོས་པའི་རྒྱལ་མོ་དང ། །འཁྲིལ་བ་ཆེན་པོའི་ཚུལ་དུ་བསམ།། ལྷོ་ཕྱོགས་འཁོར་ལོའི་རྩིབས་སྟེང་ན། །ཁྲི་དང་ཉི་དཀྱིལ་གཤིན་རྗེའི་གདན། །དེ་ཡི་སྟེང་དུ་བསམ་བྱ་བ། །ཚོར་བའི་ཕུང་པོ་གནས་གྱུར་པ། །ཁྲག་འཐུང་རཏྣ་ཧེ་རུ་ཀ་།དབུ་གསུམ་ཕྱག་དྲུག་ཞབས་བཞིར་བགྲད། །གཡས་སེར་གཡོན་དམར་དབུས་སྔོ་ཞལ། །ཕྱག་དྲུག་མངོན་པར་རོལ་པ་ལས། །རིན་ཆེན་གཤོལ་དང་གཏུན་ཤིང་གཡས། །བྷནྡྷ་དགྲ་སྟ་རྡེའུ་ཆུང་གཡོན། །སྔོ་ནག་དུར་ཁྲོད་རྒྱན་གྱིས་བརྒྱན། །རིན་ཆེན་ཁྲོས་པའི་རྒྱལ་མོ་དང ། །འཁྲིལ་བ་ཆེན་པོའི་ཚུལ་དུ་བསམ། །ནུབ་ཕྱོགས་འཁོར་ལོའི་རྩིབས་སྟེང་དུ། །ཁྲི་དང་ཉི་དཀྱིལ་ཀླུ་ཡི་གདན། །དེ་ཡི་སྟེང་དུ་བསམ་བྱ་བ། །འདུ་ཤེས་ཕུང་པོ་གནས་གྱུར་པ། །ཁྲག་འཐུང་པདྨ་ཧེ་རུ་ཀ་།དབུ་གསུམ་ཕྱག་དྲུག་ཞབས་བཞིར་བགྲད། །གཡས་སྔོ་གཡོན་དམར་དབུས་ལྗང་ཞལ། །ཕྱག་དྲུག་མངོན་པར་རོལ་པ་ལས། །པདྨ་རྡེའུ་ཆུང་སྡུ་གྲི་གཡས། །བྷནྡྷ་ཁ་ཊྭཱཾ་ས་ཕྲེང་གཡོན། །དམར་ནག་དུར་ཁྲོད་རྒྱན་གྱིས་བརྒྱན། །པདྨ་ཁྲོས་པའི་རྒྱལ་མོ་དང ། །འཁྲིལ་ 74b བ་ཆེན་པོའི་ཚུལ་དུ་བསམ། །བྱང་ཕྱོགས་འཁོར་ལོའི་རྩིབས་སྟེང་ན། །ཁྲི་དང་ཉི་དཀྱིལ་གནོད་སྦྱིན་གདན། །དེ་ཡི་སྟེང་དུ་བསམ་བྱ་བ། །འདུ་བྱེད་ཕུང་པོ་གནས་གྱུར་པ། །ཁྲག་འཐུང་ཀརྨ་ཧེ་རུ་ཀ་།དབུ་གསུམ་ཕྱག་དྲུག་ཞབས་བཞིར་བགྲད། །གཡས་དམར་གཡོན་སེར་དབུས་ལྗང་ཞལ། །ཕྱག་དྲུག་མངོན་པར་རོལ་པ་ལས། །རལ་གྲི་ཞགས་པ་རྡེའུ་ཆུང་གཡས། །བྷནྡྷ་ཐོད་དབྱུག་ཁ་ཊྭཱཾ་གཡོན། །ལྗང་ནག་དུར་ཁྲོད་རྒྱན་གྱིས་བརྒྱན། །ལས་མཆོག་ཁྲོས་པའི་རྒྱལ་མོ་དང ། །འཁྲིལ་བ་ཆེན་པོའི་ཚུལ་དུ་བཞུགས། །འཁོར་ལོ་འབར་བའི་ཕྱིར་མིན། །མེ་དཔུང་འབར་བའི་གཞལ་ཡས་ན། །མཁའ་དབྱིངས་གཉིས་སུ་མེད་པ་ལས། །མཁའ་ལས་སྐྱེས་པའི་ཕྲ་མེན་མ། །ཤར་ཕྱོགས་སུ་ནི་བསམ་བྱ་བ། །ས་བདག་བསྒྱེལ་བའི་གདན་སྟེང་དུ། །ཀུན་གཞི་གནས་གྱུར་ཕྲ་མེན་མ། །རྣལ་འབྱོར་སྔོ་ནག་གཽ་རི་མ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གསོལ། །སྤྱུགས་པར་གླུ་བླངས་ཧ་ཧས་བཞད། །སྟི་ར་དབྱུག་པ་གཡས་པ་ན། །བྷནྡྷ་རཀྟ་གཡོན་པ་ན། །སྐྱེ་ཤི་མ་ལ་བརྐྱང་བསྐུམ་བཞུགས། །ལྷོ་ཕྱོགས་ངོས་སུ་བསམ་བྱ་བ། །གསོད་སྐྱེན་བསྒྱེལ་བའི་གདན་སྟེང་དུ། །རྣམ་ཤེས་གནས་གྱུར་ཕྲ་མེན་མ།། རྣལ་འབྱོར་སེར་ནག་ཙཽ་རི་མ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གསོལ། །སྦྱུགས་པས་གླུ་བླངས་ཧ་ཧས་བཞད། །ཐབས་ཀྱིས་མདའ་ 75a ༄#། །དྲངས་གཡས་པ་ན། །ཤེས་རབ་གཞུ་བརྡུངས་གཡོན་པ་ན། །ཡ་མ་ཡེ་ལ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཉི་མ་བསྒྱེལ་བའི་གདན་སྟེང་དུ། །ཉོན་མོངས་གནས་གྱུར་ཕྲ་མེན་མ། །རྣལ་འབྱོར་དམར་ནག་ཕྲ་མོ་ཧ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གྱོན། །སྤྱུགས་པས་གླུ་བླངས་ཧ་ཧས་བཞད། །ཆུ་སྲིན་རྒྱལ་མཚན་གཡས་པ་ན། །བྷནྡྷ་རཀྟ་གཡོན་པ་ན། །སཱུརྱ་ཡེ་ལ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །ཟླ་བ་བསྒྱེལ་བའི་གདན་སྟེང་དུ། །རེག་བྱ་གནས་གྱུར་ཕྲ་མེན་མ། །རྣལ་འབྱོར་དམར་ནག་བེ་ཏ་ལི། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གྱོན། །སྤྱུགས་པས་གླུ་བླངས་ཧ་ཧས་བཞད། །རྡོ་རྗེ་རྩེ་ལྔ་གཡས་པ་ན། །སྟིར་ཆུང་མགོ་གཅོད་གཡོན་པ་ན། །ཙནྡྲ་ཡེ་ལ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །མེ་ལྷ་བསྒྱེལ་བའི་གདན་སྟེང་དུ། །ལྟ་བྱེད་ཕྲ་མེན་གནས་གྱུར་པ། །རྣལ་འབྱོར་དམར་ནག་པུཀྐ་སི། །སྐྲ་འབར་མཆེ་གཙིགས་རྐན་བརྡབས་ཤིང ། །དུར་ཁྲོད་གཡང་གཞི་སློག་པ་གྱོན། །སྤྱུགས་པས་གླུ་བླངས་ཧ་ཧས་བཞད། །སྟི་ར་ཆེན་པོ་གཡས་པ་ན། །ཚེམས་བར་རྒྱུ་འདྲེན་གཡོན་པ་ན། །གྣེ་ཡེ་ལ་བརྐྱང་བསྐུམས་བཞུགས། །ལྷོ་ནུབ་མཚམས་སུ་བསམ་བྱ་བ།། 75b བདེན་བྲལ་བསྒྱེལ་བའི་གདན་སྟེང་དུ། །ཉན་བྱེད་གནས་གྱུར་ཕྲ་མེན་མ། །རྣལ་འབྱོར་མཐིང་ནག་སྨ་ཤ་ནི། །སྐྲ་འབར་མཆེ་གཙིགས་རྐན་བརྡབས་ཤིང ། །སྲོག་ཆགས་ཆེན་པོ་གཡང་གཞི་གྱོན། །སྤྱུགས་པས་གླུ་བླངས་ཧ་ཧས་བཞད། །སྟི་ར་ཆུང་ངུ་གཡོན་པ་ན། །ཙིཏྟ་ཕྱུངས་པ་གཡས་པ་ན། །ནི་རི་ཏི་ལ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །རླུང་ལྷ་བསྒྱེལ་བའི་གདན་སྟེང་དུ། །སྣོམ་བྱེད་གནས་གྱུར་ཕྲ་མེན་མ། །རྣལ་འབྱོར་སེར་ནག་ཙཎྜ་ལི། །སྐྲ་འབར་མཆེ་གཙིགས་རྐན་བརྡབས་ཤིང ། །འཇིགས་སུ་རུང་བའི་སློག་པ་གསོལ། །སྤྱུགས་པས་གླུ་བླངས་ཧ་ཧས་བཞད། །སྟི་ར་ཆུང་ངུ་གཡས་པ་ན། །བྷནྡྷ་བཅད་པ་གཡོན་པ་ན། །བ་ཡ་བེ་ལ་བརྐྱང་བསྐུམ་བཞུགས། །བྱང་ཤར་མཚམས་སུ་བསམ་བྱ་བ། །དབང་ལྡན་བསྒྱེལ་བའི་གདན་སྟེང་དུ། །མྱོང་བྱེད་གནས་གྱུར་ཕྲ་མེན་མ། །རྣལ་འབྱོར་ལྗང་ནག་གྷསྨ་རི། །སྐྲ་འབར་མཆེ་གཙིགས་རྐན་བརྡབས་ཤིང ། །སྟི་ར་ཆེན་པོའི་ཤུན་པ་གསོལ། །སྦྱུགས་པས་གླུ་བླངས་ཧ་ཧས་བཞད། །བྷནྡྷ་རཀྟ་གཡས་པ་ན། །རྩེ་གསུམ་འཁྲུག་པ་གཡོན་པ་ན། །ི་ཤཝ་ར་ལ་བརྐྱང་བསྐུམ་བཞུགས། །དཀྱིལ་འཁོར་དེ་ཡི་ཕྱི་རིམ་དུ། །སྨུག་ནག་འབར་བའི་བར་ཁྱམས་ན། །གསང་བའི་མཁའ་ལས་སྐུར་བསྐྱེད་པ། །ཤར་གྱི་ཕྱོགས་སུ་བསམ་བྱ་བ། །དྲི་ཟ་བསྒྱེལ་བའི་གདན་སྟེང་དུ། །ཀུན་གཞི་ཡུལ་ 76a ༄#། །ལས་གནས་གྱུར་པ། །ཕྲ་མེན་ཐོགས་མེད་སེང་གེའི་གདོང ། །རྣལ་འབྱོར་སེར་ནག་སེངྒེ་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་བསྣོལ་སྟབས་ཤིན་ཏུ་འགྱིང ། །སྟིར་ཆེན་པོ་སྦྲུག་ཅིང་གསོལ། །ིནྡྲ་ཡེ་ལ་བརྐྱང་བསྐུམ་བཞུགས། །ལྷོ་ཡི་ཕྱོགས་སུ་བསམ་བྱ་བ། །གྲུལ་བུམ་བསྒྱེལ་བའི་གདན་སྟེང་དུ། ། རྣམ་ཤེས་ཡུལ་ལ་གནས་གྱུར་པ། །ཕྲ་མེན་དཔའ་བོ་སྟག་གི་གདོང ། །རྣལ་འབྱོར་དམར་ནག་བྱ་གྲི་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་གྱད་ཀྱི་འདོར་ཚུལ་གྱིས། །སྟིར་ཆུང་བསྐྱུར་ནས་འབྲུ་ཚུགས་ལྟ། །ར་ཏྲིའི་གདན་ལ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཡི་དྭགས་བསྒྱེལ་བའི་གདན་སྟེང་དུ། །ཉོན་མོངས་ཡུལ་ལ་གནས་གྱུར་པ། །ཕྲ་མེན་རྟོག་འདུལ་ཝ་ཡི་གདོང ། །རྣལ་འབྱོར་དམར་ནག་སྲི་ཀ་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་སྟིར་ཆེན་ནང་གྲོལ་འདྲུ། །ཧྲི་འདི་གདན་ལ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །གནོད་སྦྱིན་བསྒྱེལ་བའི་གདན་སྟེང་དུ། །རེག་བྱ་ཡུལ་ལ་གནས་གྱུར་བ། །ཕྲ་མེན་བཏང་སྙོམས་སྤྱང་མོའི་གདོང ། །རྣལ་འབྱོར་མཐིང་ནག་ཤཝ་ན་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་རོལ་པ་ཆེན་པོ་ཡིས། །སྟི་ར་ཕྱེད་མར་བཙལ་ནས་གསོལ། ། 76b ཡཀྵའི་གདན་ལ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེང་དུ། །ལྟ་བྱེད་ཡུལ་ལ་གནས་གྱུར་པ། །པྲ་མེན་གཟི་བརྗིད་བྱ་རྒོད་གདོང ། །རྣལ་འབྱོར་དམར་ནག་ཀྲི་ཏ་མ། །མཆུ་བརྡར་རྐན་བརྡབས་གཡང་གཞི་གྱོན། །ཟངས་གྲི་རྣོན་པོ་གཡས་པ་ན། །རྒྱུ་ཞགས་དྲང་བ་གཡོན་པ་ན། །རཀྵ་ས་ལ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེང་དུ། །ཉན་བྱེད་ཡུལ་ལ་གནས་གྱུར་པ། །ཕྲ་མེན་གསལ་བྱེད་དུར་བྱའི་གདོང ། །རྣལ་འབྱོར་རྣལ་མ་ཀངྐ་མ། །མཆུ་བརྡར་རྐན་བརྡབས་གཡང་གཞི་གསོལ། །སྟིར་ཆུང་སྟོད་སྨད་གཡས་གཡོན་ན། །རྔམ་པའི་ཚུལ་གྱིས་ཕྲག་ལ་བཀལ། །རཀྵ་ས་ལ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེང་དུ། །སྣོམ་བྱེད་ཡུལ་ལ་གནས་གྱུར་པ། །ཕྲ་མེན་ས་ལེ་བྱ་རོག་གདོང ། །རྣལ་འབྱོར་དམར་ནག་ཁ་ཁཝ་མ། །མཆུ་བརྡར་རྐན་བརྡབས་གཡང་གཞི་གྱོན། །ཟངས་གྲི་དམར་པོ་གཡས་པ་ན། །བྷནྡྷ་རཀྟ་གཡོན་པ་ན། །རཀྵ་ས་ལ་བརྐྱང་བསྐུམ་བཞུགས། །བྱང་ཤར་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེང་དུ། །མྱོང་བྱེད་ཡུལ་ལ་གནས་གྱུར་པ། །ཕྲ་མེན་རྫོགས་བྱེད་འུག་པའི་གདོང ། །རྣལ་འབྱོར་ལྗང་ནག་ཧུ་ལུ་མ། །མཆུ་བརྡར་རྐན་བརྡབས་གཡང་གཞ་གསོལ། །རྡོ་རྗེ་ལྕགས་ཀྱུ་ 77a ༄#། །གཡས་པ་ན། །སྟིར་ཆུང་སྤྱི་འཇོམས་གཡོན་བ་ན། །རཀྵ་ས་ལ་བརྐྱང་བསྐུམ་བཞུགས། །འབར་བའི་བར་ཁྱམས་ཐ་མ་ལ། །ཐོད་སྐམ་འབར་བའི་གཞལ་ཡས་ན། །ཞིང་ཆེན་བསྣོལ་བའི་གདན་སྟེང་དུ། །ཤར་གྱི་ཕྱོགས་སུ་བསམ་བྱ་བ། །ཉུལ་བྱེད་ཡུལ་ལ་གནས་གྱུར་པ། །སྤོར་བྱེད་ཆེན་མོ་མི་བཟད་མ། །སྣ་ཚོགས་འགྱུར་བའི་སྐུ་མདོག་མ། །ཞིང་ཆེན་རོལ་པའི་སློག་པ་གསོལ། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་སྲིད་གསུམ་འབར། །ཧ་ཧའི་གད་མོས་ཡེ་ཤེས་རོལ། །ཉི་ཟེར་ཞགས་པ་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ལྷོ་ཡི་ཕྱོགས་སུ་བསམ་བྱ་བ། །མི་མགོན་ཐུབ་པ་གནས་གྱུར་པ། །སྤོར་བྱེད་ཆེན་མོ་མདུང་ཐུང་འཕེན། ། རྣལ་འབྱོར་སེར་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འཁྱིལ། །མི་ཡི་གཡང་གཞི་གོས་སུ་གྱོན། །སྤྱུགས་པས་གླུ་བླངས་སྲིད་གསུམ་སྦྱངས། །ཧ་ཧའི་གད་མོས་མི་རྣམས་སྤོར།། རྡོ་རྗེ་མདུང་ཐུང་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཆོས་ཀྱི་དབྱིངས་ལས་གནས་གྱུར་པ། །སྤོར་བྱེད་རྡོ་རྗེ་དྲིལ་འཁྲོལ་མ། །རྣལ་འབྱོར་མཚོན་དུ་མེད་པའི་སྐུ། །རལ་པ་ཁམ་ནག་གྱེན་དུ་འབར། །ཆོས་ཉིད་དབྱིངས་ཀྱི་ན་བཟའ་གསོལ། །སྤྱུགས་པས་གླུ་བླངས་སྟོང་ཁམས་སྤོར། །ཧ་ཧའི་གད་མོས་ 77b དབྱིངས་སུ་སྦྱོར། །གསུང་བསྒྲགས་དྲིལ་བུ་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །ལྷ་མིན་ཐུབ་པ་གནས་གྱུར་པ།། སྤོར་བྱེད་ཐོད་ཕྲེང་སྐར་མདའི་གདོང ། །རྣལ་འབྱོར་སྔོ་ནག་ཉུལ་ཆེན་མ། །སྲོག་ཆགས་ཆེན་པོའི་གཡང་གཞི་གྱོན། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་ཁམས་གསུམ་སྦྱངས། ། ཧ་ཧའི་གད་མོས་ལྷ་མིན་སྤོར། །རྡོ་རྗེ་སྐར་མདའ་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །ལྷ་འདུལ་ཐུབ་པ་གནས་གྱུར་པ། །སྤོར་བྱེད་ཁྱུང་ཐོགས་གནོད་སྦྱིན་མ། །རྣལ་འབྱོར་མཐིང་ནག་ཉུལ་ཆེན་མ། །འཇིགས་བྱེད་གཡང་གཞི་གོས་སུ་གྱོན། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་སྟོང་ཁམས་གྲགས། །ཧ་ཧའི་གད་མོས་ལྷ་རྣམས་སྤོར། །རྡོ་རྗེ་ཁྱུང་ཆེན་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །ཡི་དྭགས་ཐུབ་པ་གནས་གྱུར་པ། །སྤོར་བྱེད་མེ་ཁྱེར་གློག་ཕྲེང་འཛིན། །རྣལ་འབྱོར་དམར་ནག་ཉུལ་ཆེན་མ། །ཡི་དྭགས་མགྲིན་རིང་གཡང་གཞི་གྱོན། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་སྣང་སྲིད་སྦྱངས། །ཧ་ཧའི་གད་མོས་ཡི་དྭགས་སྤོར། །རྡོ་རྗེ་གློག་ཕྲེང་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །བྱོལ་སོང་ཐུབ་པ་གནས་གྱུར་པ།། 78a ༄#། །སྤོར་བྱེད་འཇིགས་ཆེན་སློག་ཤ་རྡེབ། །རྣལ་འབྱོར་སྨུག་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འབར། །སློག་ཆེན་བརྗིད་པའི་གཡང་གཞི་གྱོན། །སྤྱུགས་པས་གླུ་བླངས་སྟོང་ཁམས་གྲགས། །ཧ་ཧའི་གད་མོས་བྱོལ་སོང་སྤོར། །རྡོ་རྗེ་སློག་ཤ་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །བྱང་ཤར་མཚམས་སུ་བསམ་བྱ་བ། །དམྱལ་མགོན་ཐུབ་པ་གནས་གྱུར་པ། །སྤོར་བྱེད་གཤིན་རྗེ་རལ་གྲི་སྐྲ། །རྣལ་འབྱོར་སྔོ་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འབར། །གཤིན་རྗེ་གཡང་གཞི་གོས་སུ་གྱོན། །སྦྱུགས་པས་གླུ་བླངས་སྲིད་གསུམ་སྦྱངས། །ཧ་ཧའི་གད་མོས་དམྱལ་བ་སྤོར། །རྡོ་རྗེ་རལ་གྲི་གཡས་པ་ན། །བྷནྡྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །འབར་བའི་དཀྱིལ་འཁོར་སྒོ་བཞི་ལ། །ཕྱིན་ཅི་ལོག་བཞི་གནས་གྱུར་པ། །ཤར་གྱི་སྒོར་ནི་བསམ་བྱ་བ། །ཕག་ཆེན་པོ་ཡི་གདན་སྟེང་དུ། །རྟ་གདོང་སྲིན་མོའི་གཡང་གཞི་གསོལ། །རྡོ་རྗེ་ལྕགས་ཀྱུ་གཡས་པ་ན། །བྷནྡྷ་རཀྟ་གཡོན་པ་ན། །ཕག་ཆེན་པོ་ཡི་གདན་སྟེང་དུ། །སྟོབས་ཆེན་ཁྲོ་བོ་ཆེན་པོ་དང ། །འཁྲིལ་བ་ཆེན་པོའི་ཚུལ་དུ་བཞུགས། །རྔམ་པའི་ཚུལ་གྱིས་ཕྱིར་བལྟས་པའོ། །ལྷོ་ཡི་སྒོར་ནི་བསམ་བྱ་བ། །ར་གདོང་ཆེན་མོའི་གདན་སྟེང་དུ། །ཕག་གདོང་ཆེན་མོའི་གཡང་གཞི་གྱོན། །ལྕགས་ཀྱི་དྲིལ་ཞགས་གཡས་པ་ན། །བྷནྡྷ་རློན་པ་གཡོན་པ་ན། །ར་གདོང་ཆེན་མོའི་གདན་སྟེང་ 78b དུ། །ཁྲོ་ཆེན་གཤིན་རྗེ་གཤེད་པོ་དང ། །འཁྲིལ་བ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་བལྟས་པའོ། །ནུབ་ཀྱི་སྒོར་ནི་བསམ་བྱ་བ། །བུམ་རྣ་ཆེན་མོའི་གདན་སྟེང་དུ། །དྲེད་གདོང་ཆེན་མོའི་གཡང་གཞི་གྱོན། །ལྕགས་སྒྲོག་མེ་འབར་གཡས་པ་ན། །བྷནྡྷ་རློན་པ་གཡོན་པ་ན། །སྲིན་པོ་བུམ་རྣའི་གདན་སྟེང་དུ། །ཁྲོ་ཆེན་རྟ་མགྲིན་ཆེན་པོ་དང ། །འཁྲིལ་བ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་ཕྱིར་བལྟས་པའོ། །བྱང་གི་སྒོར་ནི་བསམ་བྱ་བ། །གསུས་པོ་ཆེ་ཡི་གདན་སྟེང་དུ། །སྤྱང་གདོང་ཆེན་མོ་གཡང་གཞི་གྱོན། །དྲིལ་བུ་ཐལ་ཆེན་གཡས་པ་ན། །བྷནྡྷ་རློན་པ་གཡོན་པ་ན། ། གསུས་པོ་ཆེ་ཡི་གདན་སྟེང་དུ། །ཁྲོ་ཆེན་བདུད་རྩི་འཁྱིལ་པ་དང ། །འཁྲིལ་པ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་ཕྱིར་བལྟས་པའོ། །ཧོ་བཛྲ་གུ་ཧྱ་ཚིག་ཏུའོ། །གསང་བའི་སྙིང་པོའི་དེ་ཁོ་ན་ཉིད་ངེས་པ་སྒྱུ་འཕྲུལ་བླ་མ་ཆེན་པོ་ལས། བདུད་བཏུལ་བ་དང་ཉིད་ཀྱི་སྐུ་གསུང་ཐུགས་ཀྱི་ཆེ་བའི་ཡོན་ཏན་ཕྱོགས་བཅུར་གསལ་བའི་ལེའུ་སྟེ་དགུ་པའོ།། །།དེ་ནས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་གསུང་གི་དཀྱིལ་འཁོར་ཆེན་པོ་འདི་ཡང་དག་པར་གྲགས་ཤིང་དམ་ཚིག་རྗེས་སུ་འཛིན་པའི་དགོངས་པ་རྩེར་ཆིབ་ནས་སྐུ་གསུང་ཐུགས་རྡོ་རྗེ་ལས་འདི་དག་ཕྱུང་ངོ ། །བྷྲུཾ་བི་ཤཝ་ཀྲོ་དྷ་བཛྲ་ཛྭ་ལ་མཎྜ་ལ་ཙཀྲ་ཧཱུཾ་ཕཊ་ཕཊ་ཕཊ། ཧ་ལ་ཧ་ལ་དུ་ཏྲི་ཙཀྲ་ནཱན། སཱུརྱ་ཙནྡྲ་པདྨ་དེ་བ་ཏིཥྛ་ནཱན། ཧཱུཾ་ཧཱུཾ་ཧ་ཧ་ཧཱུཾ་ཧཱུཾ་བཛྲ་མཧཱ་ཤྲཱི་ཧེ་རུ་ཀ་མཧཱ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཧཱུཾ་བཛྲ་ 79a ༄#། །དྷ་ར་མཧཱ་ཀྲོ་དྷེ་ཤཝ་རི་ཛྭ་ལ་ནི་ཧཱུཾ་ཕཊ། ཨོཾ་སརྦ་ཏ་ཐཱ་ག་ཏ་མཧཱ་ཤྲཱི་ཧེ་རུ་ཀ་མཧཱ་ཙཎྜ་སརྦ་དུཥྚ་ན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཨོཾ་སརྦ་ཏ་ཐཱ་ག་ཏོ་བུདྡྷ་མཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། ཨོཾ་ཏྲཾ་རཏྣ་མཧཱ་ཤྲཱི་ཧེ་རུ་ཀ་མཧཱ་ཙཎྜ་སརྦ་དུཥྣཱ་ན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཏྲཾ་སཱུརྱ་རཏྣ་མཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། ཨོཾ་ཧྲཱིཿ པདྨ་མཧཱ་ཤྲཱི་ཧེ་རུ་ཀ་མཧཱ་ཙཎྜ་སརྦ་དུཥྚཱ་ན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཧྲཱི་ཤཝ་པདྨ་བ་མུ་ཀ་མཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། ཧ་ཀརྨ་མཧཱ་ཤྲཱི་ཧེ་རུ་ཀ་མཧཱ་ཙཎྜ་སརྦ་དུཥྣཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཀརྨ་མཧཱ་ཀྲོ་དྷི་ཤཝ་རི་ཛྭ་ལ་ནི་ཧཱུཾ་ཕཊ། བཛྲ་ཀེའུ་རི་ཧ། བཛྲ་ཙའུ་རི་ཧ། བཛྲ་པྲ་མོ་ཧཱ་ཧ། བཛྲ་བེ་ཏཱ་ལི་ཧ། བཛྲ་པུཀྐ་སི་ཧ། བཛྲ་གྷསྨ་རི་ཧ། བཛྲ་སྨ་ཤཱ་ནི་ཧ། བཛྲ་ཙཎྜ་ལི་ཧ། བཛྲ་སིདྷ་མུ་ཁ་ཧེ། བཛྲ་བྱཱ་གྟརྀ་མུ་ཁ་ཧེ། བཛྲ་སྲི་ལ་མུ་ཁ་ཧེ། བཛྲ་ཤཝ་ན་མུ་ཁ་ཧེ། བཛྲ་གྲྀ་དྷ་མུ་ཁ་ཧེ།་བཛྲ་ཀངྐ་མུ་ཁ་ཧེ། བཛྲ་ཀཱ་ཀ་མུ་ཁ་ཧེ། བཛྲ་ཧུ་ལུ་ཀ་མུ་ཁ་ཧེ། བཛྲ་ཨརྱ་ཏེ་ཙ་ཏེ་ང་ཙ། བཛྲ་ཨ་མོ་གྷ་ཧཱུཾ། བཛྲ་ཨཱ་ལོ་ཀ་པཾ། བཛྲ་བྷསྨི་པཱ་ལ་ཡ་བ་ཏོ་ཧོ། ཨེ་ཧྱེ་ཧི་ཕྲི་ཏ་ཨཱརྱ་ནི་ཙ་ཏུར་བ་ཡ་ཕཊ།་བཛྲ་བེ་ཡོ་གི་པྲ་ཏི་ཨཱརྱ་ནི་ཙ་ཏུར་ཐཱ་ཡ་ཧཱུཾ་ཕཊ། བཛྲ་མུ་ཨ་ནི་ཨ་པྲ་ཏི་ཨཱརྱ་ནི་པ་ཤི་ཀ་ར་ཕཊ། བཛྲ་མུ་ནི་ཨ་པྲ་ཏི་ཨཱརྱ་བ་ནི་ཤི་ཀ་ར་ཕཊ། བཛྲ་མུ་ནི་ཨ་སུཾ་པ་ཨ་ནི་བ་ཤི་ཀ་ར་ཕཊ། བཛྲ་མུ་ནི་ཨ་པྲ་ཏི་ཨཱརྱ་ནི་ཏྲཾ་སུ་པ་ཤི་ཀ་ར་ཕཊ། བཛྲ་མུ་ཏྲི་ནི་ཨ་པྲ་ཏི་ཨཱརྱ་ནི་པ་ཤི་ཀ་ར་ཕཊ། བཛྲ་མུ་ནི་ཨ་དུ་བྲི་ཏི་ཨ་ནི་པ་ཤི་ཀ་ར་ཕཊ། ཨེ་ཧྱེ་ཧི་ཨཱ་ན་ཡ་ཧོ། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། 79b ཛཿ ཧཱུཾ་བཾ་ཧོ། བཛྲ་ཀྲོ་དྷ་ས་མ་ཡ་ཧཱུཾ་ཕཊ་ཅེས་གསུང་གི་དཀྱིལ་འཁོར་གྱིས་སྟོང་གསུམ་གྱི་དཀྱིལ་འཁོར་ཁྱབ་པར་དུས་གཅིག་ཁྱབ་པར་གྲགས་པ་དང ། དམ་ནོད་པ་བཀའ་ཉན་གྱི་ཚོགས་མའི་སྲིན་མོ་ལ་སོགས་པ་རྣམས་ཀྱིས་ཀྱང་སོ་སོའི་སྲོག་གི་སྙིང་པོ་ཕུལ་ལོ། །བཛྲ་མ་ནུ་རཀྵ་སི། བཛྲ་པྲ་མ་ནི། བཛྲ་རཽ་ཏྲི། བཛྲ་བཻཥྞ་བེ། བཛྲ་པིངྒ་ལཾ། བཛྲ་ཀེ་མ་རི། བཛྲ་ཨིནྡྲ་ན། བཛྲ་སུ་ར་ཡ་ཏྲ། བཛྲ་སོ་ཧུ་མྱ། བཛྲ་ཨ་མྲྀ་ཏ། བཛྲད་ན་ཏ། བཛྲ་རཀྵ་སི། བཛྲ་བཀྵ་སི། བཛྲ་ར་ཏི་ཧཾ། བཛྲ་རུ་ཏི་ཧཾ། བཛྲ་ཨེ་ཀ་ཙ་རཾ། བཛྲ་མ་ནོ་ཧ་རཾ། བཛྲ་ས་ནི་དྷ་ཧཾ། བཛྲ་བ་ཡ་བྱ། བཛྲ་མཧཱ་མ་ར་མ་ན། བཛྲ་ཨགྣེ་ཡེ། བཛྲ་ཙ་མུཎྜི། བཛྲ་པུ་ཏྲ་ན། བཛྲ་བ་རུ་ནི། བཛྲ་མཧཱ་ཀ་ལ། བཛྲ་ཏིཀྵྞ་བཾ། བཛྲ་ལམྦོ་དྷ་ར། ཡེ་ཤེས་རྒྱལ་པོ་དགོངས་སུ་གསོལ། །ཁྲོ་ལ་ཁྲོས་པས་ཞི་མཛད་པ། །ཐུགས་རྗེ་ཁྲོ་དཔལ་རྔམ་པའི་ཚོགས། །འབར་བའི་བྱིན་རླབས་རྨད་པོ་ཆེ། །དེ་ཉིད་དུ་ནི་བདག་ལ་སྩོལ། །ོཾ་བཛྲ་ས་མ་ཡ་སྟྭཾ། །ོཾ་བཛྲས་མ་ཡ་ཧོ། །བཛྲ་ས་མ་ཡ་ཕཊ། ཨ་ལི་ཨུ་ལི་ཏ་པ་ལི་དཾ་སྟྭཾ་ཁོ་ན་རཽ་ཏྲི་ཁ་རཾ་ཡོ་ག་ནི་ཁ་རཾ་ཧཱུཾ་ཧ་ཧེ་ཕཊ་ཅེས་བརྗོད་པས། འཇིག་རྟེན་དྲུག་གི་ཕྱོགས་བཅུ་ཀུན། །ཚིག་ཅིང་འབར་བས་ཐམས་ཅད་ཁྱབ། །གསུང་གི་ཁྲོ་ཚོགས་ཆེན་པོ་ཡིས། །ཀུན་ཏུ་ཁྱབ་ཅིང་གང་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཀྱི་དེ་དག་གི་དཀྱིལ་འཁོར་བསྟན་པའི་ཕྱིར་ངེས་པར་བརྗོད་པ་འདི་བརྗོད་དོ། །འབར་བའི་འཁོར་ལོ་རྩིབས་བཞི་པ། །གྲུ་ཆད་བཞིས་ 80a ༄#། །བརྒྱན་པར་ཁྱམས་དང ། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གསུམ་གྱིས་མཛེས། །ཐོད་སྦྲུལ་སྣ་ཚོགས་ཉི་མས་བརྗིད། །འབར་བའི་ཕྲེང་བ་མང་པོ་འཁྲུག་།ཁྱུ་མཆོག་མ་ཧེ་གཟིག་དང་སྟག་།གཏུམ་པ་དོམ་གྱི་སྦར་བས་ནི། །དབང་ཕྱུག་ལྷ་ཆེན་ལ་སོགས་པ། །དྲེགས་པ་ཆེན་པོ་གཏུམ་ཚོགས་མནན། །གདན་དུ་བྱས་ཏེ་སྐུ་བཞུགས་པ། །སྨུག་ནག་སྔོ་ནག་སེར་ནག་དང ། །དམར་ནག་ལྗང་ནག་འཇིགས་པའི་གཟུགས། །དབུ་དགུ་ཕྱག་ནི་བཅོ་བརྒྱད་དང ། །དབུ་གསུམ་ཕྱག་དྲུག་ཞབས་བཞིར་བགྲད། །རྔམ་པའི་སྒྲ་ཆེན་འཇིགས་པར་སྒྲོག་།སྟག་ལུག་སྦྲུལ་དང་ཉི་མར་ཆས། །སྟི་ར་ཆེ་ཆུང་ནང་ཞགས་དང ། །ཁྱུང་དང་ཡིད་བཞིན་ནོར་བུ་དང ། །སྟོང་གི་འཇིག་རྟེན་ཁོར་ཡུག་བཅས། །རྡོ་རྗེ་དུང་ཆེན་གང་བ་དང ། །རལ་གྲི་དགྲ་སྟ་གཤོལ་ལ་སོགས། །རང་གི་ལག་ཆ་སྣ་ཚོགས་དང ། །བཙུན་མོ་འཇིགས་པའི་ཚོགས་དང་བཅས། །གནས་དང་ཡུལ་གྱི་ཕྱག་རྒྱ་དང ། །སྤོར་བྱེད་ཆེན་མོ་བརྒྱད་རྣམས་དང ། ། དབྱུག་པ་མཚོན་ཆ་སྣ་ཚོགས་འཛིན། །སྒོ་བཞིའི་ཕྱག་རྒྱར་མཛེས་པ་དང ། །ལྕགས་ཀྱུ་ལ་སོགས་ཐོད་པས་མཛེས། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ཀྱིས་མཛེས། །རང་གི་སྟན་དང་ལག་ཆར་ཆས། །ཅི་བགྱི་ཞེས་ནི་ཆས་ཏེ་གནས། །ཞེས་གསུངས་པ་དང ། འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ། །སྐུ་གསུང་ཐུགས་བསམ་གྱིས་མི་ 80b ཁྱབ་པའི་དཀྱིལ་འཁོར་གྱིས་གང་ཞིང་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཡེ་ཤེས་རྒྱལ་པོ་དེ་ཉིད་དོན་ཡོད་པའི་འབྲས་བུ་ཆེན་པོ་དམ་ཚིག་ཆེན་པོས་གཟུང་བའི་ཕྱིར་འདའ་བར་དཀའ་བའི་དམ་ཚིག་རྡོ་རྗེ་འདི་གསུངས་སོ། །བླ་མེད་མི་སྤོང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་གཅད། །ཡང་དག་ལམ་དུ་ཞུགས་ལ་བྱམས། །གསང་བའི་དོན་ཕྱིར་སྨྲ་མི་བྱ། །རྩ་བའི་དམ་ཚིག་ཆེན་པོ་ནི། །གདོང་ཆེན་བཅུ་ཡི་དོན་རྟོགས་ཀྱང ། །རྩ་བ་གསུམ་པོ་མི་འདའ་འོ། །ཡན་ལག་དམ་ཚིག་ལྔ་གཉིས་ནི། །གཏི་མུག་འདོད་ཆགས་ཞེ་སྡང་དང ། །ང་རྒྱལ་ཕྲག་དོག་མི་སྤང་ངོ ། ། དཀར་རྩི་དམར་རྩི་དྲི་ཤ་ཆུ། །དག་པའི་སྣོད་བཅུད་མི་དོར་རོ། །སྤྱི་དཔལ་བཅུ་ཡི་མངའ་བརྙེས་ཀྱང ། །ཡན་ལག་བཅུ་པོ་མི་དོར་རོ། །གཞན་ཡང་ཡན་ལག་དམ་ཚིག་རྣམས། །འདའ་བར་མི་མཛད་རྡོ་རྗེ་དམ། །ས་མ་ཡ་ནི་རྡོ་རྗེ་ཆེ། །མི་འདའ་རྒྱལ་བ་ཉིད་ཀྱི་དམ། །བསམ་རྫོགས་ལྷུན་གྲུབ་ཆེ་མཐར་ཕྱིན། །སྲིད་གསུམ་དག་པ་དབང་ཆེན་སྒྱུར། །མི་འཇིགས་ཀུན་ཏུ་བཟང་པོར་སྤྱོད། །ཐེག་པ་མཐའ་ཡས་འདུལ་བའི་ཐབས། །ཇི་སྙེད་སྡོམ་པ་མཐའ་ཡས་པ། །མ་ལུས་རྣམ་དག་ལྷུན་གྱིས་རྫོགས། །ཉམས་འགྱུར་ཉེས་པ་བརྗོད་མི་ལང ། །ཚེ་ཐུང་བསམ་པ་ལོག་པ་དང་།། མྱ་ངན་སྡུག་བསྔལ་ཆེན་པོ་དང ། །དམྱལ་བ་ཉིད་ནི་རྡོ་རྗེ་བྱེད། །དགུ་རྫོགས་བཅུ་ལྡན་གསུམ་གྱིས་སྦྱངས། །བསྐང་བ་ལ་སོགས་མཐའ་ཡས་མཆོག་།ཅེས་གསུངས་པས་དེ་བཞིན་གཤེགས་པ་ 81a ༄#། །ཉིད་དེ་བཞིན་གཤེགས་པ་ཉིད་ཀྱིས་འདུལ་བར་འགྱུར་རོ། །སྒྱུ་འཕྲུལ་དྲ་བ་བླ་མ་ཆེན་པོ་ལས། འཇིགས་བྱེད་ཆེན་པོ་གསུང་གི་དཀྱིལ་འཁོར་དང་དམ་ཚིག་རྡོ་རྗེའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཆོས་ཐམས་ཅད་མན་ངག་བླ་མ་ཆེན་པོའི་སྙིང་པོ་བྱང་ཆུབ་ཀྱི་སེམས་བདེ་བ་ཆེན་པོའི་ངང་དུ་སྙིགས་མ་མེད་པར་བྱུང་བཏབ་པའི་ཕྱིར་སྐུ་གསུང་ཐུགས་བླ་མ་ཆེན་པོའི་ཐིག་ལེ་ཆེན་པོའི་དཀྱིལ་འཁོར་ནས་མན་ངག་བླ་མ་ཆེན་པོའི་སྙིང་པོ་འདི་ཕྱུང་ངོ ། །བྱང་ཆུབ་སེམས་ཀྱི་བདེ་ཆེན་ལ།། རྒྱུ་རྐྱེན་རྟེན་དང་ལེན་བཅས་པའི། །སྐྱོན་མེད་ཐིག་ལེ་ཆེན་པོ་ལས། །མ་རྟོགས་པ་དང་ལོག་པར་རྟོག། ཕྱོགས་རྟོགས་ཡང་དག་ཉིད་མ་རྟོགས། །འདུལ་བ་དགོངས་པ་གསང་བ་དང ། །རང་བཞིན་གསང་བའི་དོན་རྣམས་ནི། །ཡི་གེ་ཚིག་ལ་རབ་བརྟེན་ཏེ། །ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེ་ཐུགས་ལ་གནས། །དཀྱིལ་འཁོར་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག་།དཀྱིལ་འཁོར་གསང་བའི་ཐིག་ལེ་དབྱིངས། །འབྱུང་བ་ཤེས་རབ་རིགས་ཀྱི་ཡུམ། ། བྱེད་པ་རིགས་ཀྱི་གཙོ་བོ་སྟེ། །བྱང་ཆུབ་སེམས་ཀྱི་རྡོ་རྗེའི་ཚོགས། །དབང་པོ་ཡུལ་དུས་རིག་པའི་རྣམས། །བདག་ཉིད་ཆེན་པོ་ལྷག་པར་རྫོགས། །ཐུགས་ཀྱི་ཡེ་ཤེས་ལྔས་བལྟ་ཞིང ། །སྙིང་ 81b པོ་ཐིག་ལེ་མཉམ་སྦྱོར་བས། །བདེ་བའི་ཡེ་ཤེས་ཆེན་པོར་རོལ། །ཡེ་ཤེས་དགྱེས་པ་མཆོག་ཏུ་འདུལ། །ཟད་མེད་ཟག་པ་མེད་པ་ཡིས། །བསོད་ནམས་ཡེ་ཤེས་སྒྱུ་མར་རོལ། །རོལ་མོའི་དཀྱིལ་འཁོར་མཐའ་ཡས་མཆོག་།གསང་བའི་ཐིག་ལེ་ཉིད་ཀྱི་དབྱིངས། །ཕྱོགས་བཅུ་དུས་བཞི་རྫོགས་པའི་དབྱིངས། །སྐུ་གསུང་ཡོན་ཏན་འཕྲིན་ལས་ཐུགས། །གསང་བའི་དཀྱིལ་འཁོར་ཐམས་ཅད་ཀུན། །མ་ལུས་བདག་གིས་དབང་སྒྱུར་རོ། །དབང་སྒྱུར་ཡེ་ཤེས་རོལ་པ་ཡིས། །དཀྱིལ་འཁོར་ལ་གནས་དཀྱིལ་འཁོར་རྫོགས། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྫོགས་ཆེན་རྟོགས་པ་ཆེན་པོ་ཡིས། །རྒྱན་དུ་དཀྱིལ་འཁོར་མ་ལུས་ཐོགས། །རྫོགས་པའི་དཀྱིལ་འཁོར་མཉམ་སྦྱོར་བས། །ཐུགས་ཀྱི་དཀྱིལ་འཁོར་མ་ལུས་འབྱུང ། །ཕྱོགས་བཅུའི་དཀྱིལ་འཁོར་འདུལ་བའི་མགོན། །སྒྱུ་མའི་དཀྱིལ་འཁོར་མ་ལུས་སྒྲོལ། །བྱ་བ་མེད་པའི་དཀྱིལ་འཁོར་སྤྱོད། །ཡེ་ཤེས་རྫོགས་པའི་དཀྱིལ་འཁོར་ལ། །ཐོས་བསམ་སྒོམ་པའི་མཉམ་སྦྱོར་བས། །རང་བྱུང་ཀུན་ནས་ལྷུན་གྱིས་གྲུབ། །འདི་ནི་སངས་རྒྱས་ཐམས་ཅད་ཀྱི། །རང་བཞིན་རྫོགས་པའི་དཀྱིལ་འཁོར་ཡིན། །རྒྱུ་རྐྱེན་རྟེན་དང་ལྡན་པ་ཡི། །ཐམས་ཅད་བྱང་ཆུབ་སེམས་ཀྱི་དབྱིངས། །བྱང་ཆུབ་སེམས་ཀྱི་བདེ་ཆེན་གྱིས། །དཀྱིལ་འཁོར་ཐམས་ཅད་དབྱིངས་སུ་ཐིམ། །ཐིག་ལེ་ཆེན་པོ་བླ་མ་ལས། །སྒྱུ་མ་བྱང་ཆུབ་ལམ་དུ་བསྟན། །སྐྱོན་དང་ཡོན་ཏན་ཐམས་ཅད་ཀྱང ། །བྱང་ཆུབ་ཐིག་ལེ་ཉིད་ཀྱི་ངང ། །སྤྱོད་པ་རྣམ་པ་ཉིད་ཀྱི་ཡང ། །ཐིག་ལེ་ 82a ༄#། །ཆེན་པོའི་ལམ་དུ་ངེས། །སྒྱུ་མ་རོལ་པའི་དཀྱིལ་འཁོར་ཡང ། །ཐིག་ལེ་ཆེན་པོའི་དབྱིངས་སུ་སྦྱོར། །སྡོམ་པ་རྣམ་པ་བཅུ་གསུམ་དང ། །སྤྱི་ཡི་དམ་ཚིག་མཐའ་ཡས་པ། །ཐིག་ལེ་ཆེན་པོའི་ངང་དུ་གསལ། །སྣོད་བཅུད་འཇིག་རྟེན་མ་ལུས་པ། །ཐིག་ལེ་ཉིད་ཀྱི་རོལ་པའི་དབྱིངས། །ཚོགས་ཆེན་རྣམ་པ་གཉིས་པོ་ཡང ། །བྱང་ཆུབ་སེམས་ཀྱི་དབྱིངས་སུ་ངེས། །གཞལ་ཡས་ཁང་དང་རྒྱན་རྣམས་དང ། །ཚོ་འཕྲུལ་བྱང་ཆུབ་སེམས་སུ་ཐིམ། །ཁྲོ་ཚོགས་བདུད་འདུལ་རོལ་པ་ཡང ། །བྱང་ཆུབ་སེམས་སུ་ངེས་པ་ཡིན། །འགྲོ་དྲུག་སེམས་ཅན་གསུམ་པོ་ཡང ། །ཡེ་ཤེས་དྲུག་དང་སྐུ་གསུམ་དུ། །ངེས་པའི་ཐིག་ལེ་ཆེན་པོ་ཡིན། །ལྔ་ཡི་རྟེན་དང་རྐྱེན་བཞི་ཡང ། །དབྱིངས་ཀྱི་མ་དང་དུས་ཀྱི་སྲིང ། །ཐིག་ལེ་ཆེན་པོའི་ངང་དུ་འདུས། །སྔ་ཕྱི་གསུམ་དང་ཡོད་མེད་ཁམས། །སྐུ་གསུང་ཐུགས་སུ་ངེས་བསྟན་པའི། །ཐིག་ལེ་བྱང་ཆུབ་སེམས་སུ་ངེས། །ཕུང་པོ་ཁམས་དང་སྐྱེ་མཆེད་ཀྱང ། །ཕྱག་རྒྱ་བཞི་བཅུ་གཉིས་པོ་ཡང ། །ཐིག་ལེ་ཉིད་ལས་གཞན་ན་མེད། །བཞི་ཡི་ལས་དང་གཅིག་པོ་ཡང ། །ཐིག་ལེ་སེམས་ཀྱི་ངང་དུ་གསལ། །འགྲོ་བའི་དོན་དུ་འབྱུང་བ་ཡི། །དགུ་དང་སྟོང་ཕྲག་བརྒྱ་བཅུ་བཞི། །བྱང་ཆུབ་སེམས་ལས་གཞན་ན་མེད། །བདེ་སྐྱིད་སྡུག་བསྔལ་མང་པོ་ཡང ། །རྟོགས་པ་བདེ་ཆེན་དབྱིངས་ཀྱི་དོན། །ཡེ་ཤེས་ཡེ་ཤེས་རོལ་པ་ཡང ། །རྡོ་རྗེ་སྙིང་པོའི་དབྱིངས་སུ་ངེས། །ཀུན་བཟང་རྡོ་རྗེ་སེམས་དཔའ་དང ། །དུས་གསུམ་རྒྱལ་བ་རྒྱ་མཚོ་རྣམས། །ཉག་ 82b གཅིག་ཡབ་ཏུ་ངེས་པར་རྫོགས། །ཐར་པའི་ལམ་མཆོག་དབྱིངས་ཀྱི་ཡུམ། །ཀུན་ཏུ་བཟང་མོ་ལ་སོགས་ཀྱང ། །ཐིག་ལེ་མ་ཡི་ངང་དུ་གསལ། །གཞལ་ཡས་ཁང་དང་དཀྱིལ་འཁོར་དང ། །བཞུགས་གནས་ཁྱད་པར་མང་པོ་ཡང ། །ཡེ་ཤེས་བདེ་\?\་བོའི་གནས་སུ་བསྡུ། །མཆོད་པའི་རྒྱན་དང་ལོངས་སྤོད་ཀུན། །རིགས་པའི་བྱང་ཆུབ་སེམས་ཆེན་པོ། །ཆོ་འཕྲུལ་ཆེན་པོའི་དང་དུ་འདུས། །རྒྱུ་འབྲས་གཉིས་ཀྱི་ངོ་བོ་དང ། །ཆོས་སོ་ཅོག་གི་རང་བཞིན་རྣམས། །བྱང་ཆུབ་སེམས་སུ་ངེས་པས་ན། །དཀར་ནག་ལས་ཀྱིས་མ་གསུངས་སོ། །བྱང་ཆུབ་སེམས་ཀྱི་བདེ་ཆེན་ནི། །ཅི་ཡང་མེད་ལས་ཅིར་ཡང་སྣང ། །ཅིས་ཀྱང་མ་བཅོས་གཡུང་དྲུང་སྐུ། །ཅིར་མི་མཛད་ལ་ཐམས་ཅད་སྒྲོལ། །དམིགས་པ་མེད་པར་ཀུན་ལ་ཁྱབ། །མ་བསྐོར་རྒྱལ་པོ་ཡང་དག་པ། །མ་སྦྱངས་ཡེ་ཤེས་སྙིང་པོ་ཆེ། །མ་བསྒོམས་གཅིག་ཅར་དོན་གཉིས་རྫོགས། །མ་བསྒྲུབས་རྒྱལ་བ་ཀུན་གྱི་གཙོ། །མ་སྦྱངས་སྐྱོན་དང་ཡོན་ཏན་མེད། །ཚིག་དང་ཡི་གེས་མི་མཚོན་ཏེ། །སངས་རྒྱས་ཉིད་ཀྱིས་རྙེད་པར་དཀའ། །ཀུན་བཟང་རྡོ་རྗེ་སེམས་དཔའ་ཡིས། །རྙེད་ནས་རྫོགས་པའི་དཀྱིལ་འཁོར་སྤྱོད། །སྤྱོད་པས་འགྲོ་བསྒྲོལ་བ་སྟེ། །དེ་ལ་ཉེས་པའི་སྐྱོན་མི་མངའ། །ཞེས་གསུངས་པས་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་དབྱེར་མེད་པར་དགྱེས་ནས་སྟུག་པོས་བརྒྱན་པའི་རྒྱན་ཉིད་ཏུ་བཞུགས་སོ། །སྒྱུ་འཕྲུལ་དྲ་བ་བླ་མ་ཆེན་པོ་ལས། མན་ངག་སྙིང་པོ་བྱང་ཆུབ་སེམས་བདེ་བ་ཆེན་པོའི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཡེ་ཤེས་རྒྱལ་པོ་དེ་ཉིད་དེ་བཞིན་ 83a ༄#། །གཤེགས་པ་རྣམས་ཀྱི་དགོངས་པ་ཡང་དག་པའི་འཕྲིན་ལས་ཆེན་པོ་འདིར་མ་བྱོན་པའི་དེ་བཞིན་གཤེགས་པ་རྣམས་ཀྱི་ཆེད་དུ་སྐུ་གསུང་ཐུགས་ཡོན་ཏན་འཕྲིན་ལས་རྡོ་རྗེ་ལས་བྱུང་ངོ། །ེ་ཡི་ཚོགས་ཀྱི་དཀྱིལ་འཁོར་མཆོག་།འབར་བ་གཏུམ་ཆེན་རྔམ་པ་ལ། །ཁྲོས་པའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག། །བདུད་རྩི་ལྔའམ་ཟས་ལྔ་ལ། །མཚན་མ་མིང་དུ་བཅས་པར་བྱ། །བཀུག་ནས་རྡོ་རྗེའི་ཕུར་པས་གདབ། །རྡུལ་དུ་བྱས་ནས་ཚོགས་ལ་འབུལ། །ེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །བཅིངས་གྱུར་བསྐྱོད་ནས་ཕྱོགས་བཅུར་གཡོས། །མྱོས་འགྱུར་གས་ཏེ་ཚིག་པར་འགྱུར། །བཾ་གྱི་ཚོགས་ཀྱི་དཀྱིལ་འཁོར་མཆོག་།འབར་བའི་གཟི་བརྗིད་ལྷུན་ཆེན་ལ། །ཆགས་པའི་ཡིད་ཀྱིས་མཆོད་སྦྱིན་བྱ། །རྡོ་རྗེ་གསུམ་ཡང་དབང་དུ་འགྱུར། །བདུད་རྩི་ལྔའམ་ཟས་ལྔ་ལ། །མཚན་མ་མིང་དུ་བཅས་པར་བྱ། །རྡོ་རྗེ་ཆགས་པའི་ཕུར་པས་གདབ། །ཆགས་པའི་ཚོགས་ལ་ཐིམ་པར་དབུལ། །བཾ་གྱི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །ཅི་འདོད་དེ་བཞིན་བྱེད་པར་འགྱུར། །མ་ཡི་ཚོགས་ཀྱི་དཀྱིལ་འཁོར་མཆོག་།འབར་བའི་འདུ་འཕྲོའི་གཟི་ཆེན་ལ། །དགའ་བའི་ཡིད་ཀྱིས་མཆོད་སྦྱིན་བྱ། །ཡོན་ཏན་ནམ་མཁའི་མཐའ་དང་མཉམ། །བདུད་རྩི་ལྔའམ་ཟས་ལྔ་ལ། །ཡོན་ཏན་ཡིད་བཞིན་གཏེར་དུ་བརྟག་།ང་རྒྱལ་དགའ་འཕྲོའི་ཕུར་པས་གདབ། །རྡོ་རྗེ་གཟི་བརྗིད་འཕེལ་བར་བརྟག ། 83b མ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །གཟི་བརྗིད་འབར་བའི་འཕྲུལ་ཆེན་སྤྲོ། །ཡིད་བཞིན་ནམ་མཁའི་མཁའ་དང་མཉམ། །ཡ་ཡི་ཚོགས་ཀྱི་དཀྱིལ་འཁོར་མཆོག། གསལ་བའི་གཟི་བརྗིད་འཚེར་བ་ལ། །དང་བའི་ཡིད་ཀྱིས་མཆོད་སྦྱིན་བྱ། །གཏུམ་ཆེན་རྔམ་པོའང་ལྷ་ནེར་འགྱུར། །བདུད་རྩི་ལྔའམ་ཟས་ལྔ་ལ། །གཏུམ་ཆེན་འཁྲུག་པའི་ངོ་བོར་བརྟག། ལྷན་ནེར་གསལ་བའི་ཕུར་པས་གདབ། །འབར་བ་ལྷ་ནེའི་ཚོགས་ལ་དབུལ། །ཡ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །འབར་བ་ལྷ་ནེའི་བྱིན་གྱིས་ཁྱབ། །ཐམས་ཅད་གཡོ་བ་མེད་པར་འགྱུར། ། །་ཐམས་ཅད་རྫོགས་པ་ཆེན་པོ་སྟེ། །ལས་སུ་མ་གྱུར་གཅིག་ཀྱང་མེད། །ལས་ཀྱི་ཁྱད་པར་རྫོགས་པ་ཡི། །སྲིད་པ་གསུམ་དུ་བསྡུས་པ་རྣམས། །བྱིན་གྱིས་མ་བརླབས་གཅིག་ཀྱང་མེད། །རྫོགས་པ་ཆེན་པོའི་འཕྲིན་ལས་ཀྱིས། །སྦྱངས་པས་བསམ་རྫོགས་ལྷུན་གྱིས་གྲུབ། །ཧོ། །སླས་དང་བྱི་མོ་བྲན་མོའི་ཚོགས། །ལྷག་མ་ཁ་ཆུ་འདོད་པ་སྦྱིན། །རང་གི་དམ་ཚིག་རབ་བསྒྲུབས་ཏེ། །གང་འདོད་ལས་དེ་བྱེད་པར་བསྒོ། །ཁྲག་འཐུང་ཆེན་པོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཇི་ལྟར་འདོད་པ་ཐམས་ཅད་ཀུན། །ཐམས་ཅད་མ་ལུས་བྱེད་པ་ཡིན། །མཛོད་ལྡན་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །འདུ་བར་འདོད་ན་འདུལ་བར་བྱེད། །འཕེལ་བར་འདོད་ན་འཕེལ་བར་བྱེད། །སྦོས་མོ་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །རྨོངས་པར་འདོད་ 84a ༄#། །ན་རྨོངས་པར་བྱེད། །མྱོས་པར་འདོད་ན་མྱོས་པར་བྱེད། །སེང་གདོང་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཟ་བར་བྱེད། །རྡུལ་ཆ་ཙམ་ཡང་མེད་པར་བྱེད། །བཞད་གདོང་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་འབྱིན་པར་བྱེད། །ཀུན་ལ་རབ་ཏུ་ཉམས་པར་བྱེད། །། སྤོར་བྱེད་ཆེན་མོ་ལ་སོགས་ཏེ། །ཉུལ་བྱེད་ཆེན་མོ་བརྒྱད་རྣམས་ལ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཉུལ་བར་བྱེད། །མ་ལུས་གནས་ནས་སྤོར་བར་བྱེད། །སླས་དང་བྱི་མོ་བྲན་མོའི་ཚོགས། །བྲོ་གར་གླུ་ཚིག་ཆེན་མོས་ནི། །རྦད་ཅིང་གཏང་བར་བྱ་བ་སྟེ། །ཐམས་ཅད་མ་ལུས་བྱེད་པ་ཡིན། །ལྗོན་ཤིང་དང་ནི་ལྕུག་ཕྲན་ཚལ། །སྡོང་གཅིག་དང་ནི་མེ་རེག་ཏུ། །དང་བ་དགའ་བ་ཆགས་པ་དང ། །ཁྲོས་པས་ཀ་ལི་རབ་ཏུ་བྱ། །ཞེས་གསུངས་པས་འཕྲིན་ལས་རྣམ་པ་བཞི་སྟི་རའི་རྔ་དང་བཅས་པར་ཕྱོགས་བཅུ་འཇིག་རྟེན་གྱི་ཁམས་འདུལ་བར་གྱུར་ཏེ། དེ་ནས་བཅོམ་ལྡན་འདས་ཡེ་ཤེས་རྒྱལ་པོ་འཇིགས་བྱེད་ཆེན་པོ་དེ་ཉིད་དམ་ཚིག་སྟི་རའི་རྔ་བླ་མ་རྡུང་ཞིང་སྟི་ར་རྔམ་པའི་མདངས་འདི་ཕྱུང་ངོ ། །ེ་ཡི་ཚོགས་ཆེན་འབྱམས་པ་རུ། །སྟི་རའི་རྔ་ཆེན་སྒྲ་བསྒྲགས་པས། །ཧཱུཾ་ཧ་ཧེ་ཕཊ་སྒྲ་འབྱིན་ཅིང ། །ཡིག་འབྲུ་བརྒྱད་ཀྱི་བྱིན་རླབས་ཀྱིས། ། 84b རུ་ལུ་ཧཱུཾ་བྷྱོའི་གསུང་སྒྲོག་པ། །ཁྲོ་བོ་རྔམ་པའི་སྒྲ་སྐད་ཀྱིས། །སྲིད་པ་གསུམ་ཆར་བཤིག་ནས་ཀྱང ། །སྟོང་གསུམ་བསྒྲལ་བའི་སྒྲ་འབྱིན་པའོ། །སྟི་ར་རྔ་ཆེན་འདི་བརྡུངས་པས། ། གནོད་སྦྱིན་སྲིན་པོ་ཀུན་བསྒྲལ་ཏེ། །མུ་སྟེགས་ཀུན་གྱི་སྙིང་ཡང་འབྱིན། །སྟི་རའི་རྔ་ཆེན་འདི་བསྒྲགས་པས། །སྟོང་གསུམ་ཁྲོ་བོའི་ཚོགས་ཀྱིས་བཀང ། །ཀུན་ཀྱང་རྔ་བརྡུང་དི་རི་རི། ། རྔ་སྒྲ་ཆེན་པོས་སྟོང་གསུམ་བཤིག་།རྔ་སྒྲ་ཆེན་པོས་བདུད་དཔུང་བསྒྲལ། །རྔ་སྒྲ་ཆེན་པོས་སྲིད་གསུམ་སྦྱངས། །རྔ་སྒྲ་ཆེན་པོས་སྒྲ་བགེགས་འདུལ། །རྔ་སྒྲ་ཆེན་པོས་ངན་སོང་སྦྱངས། །རྔ་སྒྲ་འབྲུག་གི་སྒྲ་བསྒྲགས་པས། །ན་རག་དམྱལ་ཁམས་སྟོང་བར་བྱེད། །རྔ་སྒྲ་སྟུག་ཆེན་རི་རབ་སྙིལ། །སྟི་ར་རྔ་ཆེན་སྒྲ་ཕྱུང་བས། །ཕྱིན་ཅི་ལོག་རྣམས་སྙིང་ཡང་འབྱིན།། རྔ་ཆེན་འབྲུག་གི་སྒྲ་སྒྲོག་ཅིང ། །རྔ་ཐབས་གློག་སྟོང་འགྱུ་བ་བཞིན། །དེ་བཞིན་གཤེགས་པའི་ཐུགས་དམ་བསྐང ། །མ་མོ་མཁའ་འགྲོའི་དམ་ཚིག་བསྐངས། །རྣལ་འབྱོར་རྣམ་ལྔའི་དམ་ཚིག་བསྐུལ། །སྟི་ར་རྔ་ཆེན་འདི་བརྡུངས་པས། །ཉན་ཐོས་མདོ་སྡེ་གནས་ནས་སྦར། །རང་རྒྱལ་ལྟ་བ་དབྱིངས་སུ་སྒྲོལ། །སྟི་རའི་རྔ་ཆེན་འདི་བསྒྲགས་པས། །ལྷ་དང་མི་ཡི་ཐེག་པ་ཡང ། །བླ་མེད་ཐེག་པའི་དབྱིངས་སུ་བཙུད། །སྟི་ར་རྔ་སྒྲ་འདི་བསྒྲགས་པས། །སྟོང་ཁམས་སྟི་རའི་རྔ་སྒྲས་བཀང ། །ཀུན་ཀྱང་རྔ་རྡུང་དི་རི་རི། །རྔ་ཐབས་གློག་སྟོང་ལྕེ་འབྱིན་ 85a ༄#། །ཅིང ། །རྔ་སྐད་འབྲུག་སྟོང་སྒྲ་སྒྲོགས་བས། །བྱིན་རླབས་ལྕགས་ཀྱི་སེར་ཆེན་འབེབས། །སྟོང་གསུམ་འཁྲུག་ཅིང་སྲིད་གསུམ་འཐོར། །རྔ་ཐབས་གཡབ་མོར་པོར་བ་དང ། །ཁ་དང་ཀ་ཡི་རུ་མཚོན་གྱིས། །ཐམས་ཅད་གནམ་ལྕགས་ཆེན་པོས་བཏབ། །ཀ་ལ་ཆེན་པོ་ལ་སོགས་ཏེ། །རྡོ་རྗེ་ལྕགས་འོག་ལྡོགས་པའི་རྣམས། །དུས་གཅིག་ཏུ་ནི་ཙིཏྟ་འབྱིན། །སྟི་ར་ཆེན་པོའི་རྔ་སྒྲ་ཡིས། །སྲིད་པ་ཁྲག་གི་རྒྱ་མཚོར་བསྐྱིལ། །དུས་གཅིག་ཏུ་ནི་དབང་ཆེན་རྫོགས། །རྔ་སྒྲ་རིན་ཆེན་ཁང་པ་བརྩེགས། །བསམ་རྫོགས་ཆེ་ལ་དབང་ཐང་ཐོབ། །རྔ་སྒྲས་གཡོ་བ་མེད་པར་བྱེད། །ཆོས་ལ་འཛུད་པའི་སྒྲ་ཡང་འབྱིན། །རྔ་སྒྲས་ཅི་འདོད་དགོངས་པ་རྫོགས། །བྱང་ཆུབ་སེམས་ལྟར་དེ་མ་ཐག ། ཅེས་གསུངས་པས་དེ་བཞིན་གཤེགས་པ་ཐམས་ཅད་དེ་བཞིན་གཤེགས་པ་ཉིད་ཀྱི་སྦྱོར་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཀྱི་དཀྱིལ་འཁོར་བླ་མ་ཆེན་པོ་མན་ངག་གི་སྙིང་པོ་དང་བཅས་པ་དེ་ལ་ཤིན་ཏུ་རྔམ་པའི་མདངས་ཀྱིས་དགྱེས་པ་ཆེན་པོའི་གླུ་འདི་བླངས་སོ། །ཧཱུཾ། གཏུམ་ཆེན་དུས་མཐའི་མེ་ལྟར་འབར། ། འོད་ཟེར་ཉི་མ་འབུམ་གྱི་གཟི། །ཁྲོ་གཉེར་གློག་སྟོང་འགྱུ་བ་བཞིན། །མཆེ་བ་ཟང་ཡག་ཟ་བྱེད་ཆེ། ཧོ། ཧཱུཾ། རྔམ་པའི་ང་རོ་འབྲུག་སྟོང་ལྡིར། །ཏུག་ཆེམ་རི་རབ་འབུམ་སྙིལ་སྐད། ། 85b ་ལ་ལ་ཡི་གད་རྒྱངས་ཆེ། །སྦྱུགས་པའི་འཐོར་རླུང་གཡེང་བ་ཆེ། ཧོ། ཧཱུཾ། ཁྲོ་བོའི་ཤེས་རབ་འོད་པོ་ཆེ། །ཡེ་ཤེས་དཀྱིལ་འཁོར་ཀུན་ཏུ་གསལ། །འབར་བའི་ཡེ་ཤེས་ཀུན་ཏུ་འཇོམས། ། སྣ་ཚོགས་ཡེ་ཤེས་ཐིག་ལེ་ཆེ། །ཧོ། ཧཱུཾ། ཁྲོ་བོའི་རྒྱལ་པོ་སྤྲིན་ཆེན་པོ། །ཁྲོས་པའི་དཀྱིལ་འཁོར་ཆར་ཆེན་འབེབས། །དཀྱིལ་འཁོར་ཡིད་བཞིན་འབྱུང་བའི་གཏེར། །སྣ་ཚོགས་ཁྲོས་པའི་ཐིག་ལེ་ཆེ། ཧོ། ཧཱུཾ། བདུད་རྣམས་ཀུན་གྱི་བདུད་ཆེན་པོ། །བདུད་ཀྱི་བདུད་དེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇིགས་བྱེད་པ། །འཇིགས་བྱེད་ཆེན་པོ་གདལ་པ་ཆེ། ། ཧཱུཾ། རྡོ་རྗེ་བྲག་ཆེན་སྲ་པ་པོ། །རྡོ་རྗེ་ཆུ་བོ་སྡུད་ཆེན་པོ། །རྡོ་རྗེ་མེ་སྟེ་ཀུན་འབར་ཆེ། །རྡོ་རྗེ་རླུང་སྟེ་འཐོར་རླུང་ཆེ། ཧོ། ཧཱུཾ། སྟོང་གསུམ་ཁྲོ་བོའི་དཀྱིལ་འཁོར་ཚོགས། །འཇིགས་བྱེད་མཚོན་དུ་མེད་པའི་སྐུ། །སྣ་ཚོགས་གསུང་དང་སྣ་ཚོགས་ཐུགས། །འཇིགས་བྱེད་རྔམ་པའི་ཡེ་ཤེས་གཏེར། །ཧོ་ཞེས་བླངས་པས་སྟོང་གསུམ་གྱི་དེ་བཞིན་གཤེགས་པའི་འཇིགས་བྱེད་ཆེན་པོ་རྣམས་དབྱེར་མེད་པས་མཉེས་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས། ལྷུན་གྱིས་གྲུབ་པའི་འཕྲིན་ལས་དང་ཡོངས་སུ་མཉེས་པའི་ལེའུ་སྟེ་བཅུ་གཉིས་པའོ།། །།རྡོ་རྗེ་སེམས་དཔས་གསུངས་པའི་དོན། །གསང་བ་ཀུན་གྱི་བླ་མ་སྟེ། །སྒྱུ་འཕྲུལ་དྲ་བའི་རྒྱལ་པོ་ཡིན། །ངེས་དོན་ཆོས་ཀྱི་སྙིང་པོ་ལས། །འདུལ་བ་མདོ་སྡེ་ཆོས་མངོན་དང ། །དམ་ཚིག་ 86a ༄#། །སྒྲུབ་དང་གྲུབ་པ་དང ། །སྐུ་དང་གསུང་དང་ཐུགས་ཀྱི་རྒྱུད། །སྒྱུ་འཕྲུལ་དྲ་བ་ལས་འཕྲོས་ཏེ། །སྡེ་སྣོད་ཀུན་དང་རྒྱུད་ཀུན་ཡང ། །འབྱུང་ནས་གཏན་ལ་ངེས་པར་འབེབས། །འགྲོ་དྲུག་སེམས་ཅན་གསུམ་པོ་ཡང ། །སྟན་ཆེན་པོའི་དབྱིངས་སུ་བསྟན། །ལིངྒ་པདྨར་བཅས་པ་ཡང ། །གན་ཆེན་པོའི་དབྱིངས་སུ་སྦྱོར། །སྣང་སྲིང་ཁ་དོག་མང་པོ་ཡང། །ག་ན་ཆེན་པོའི་ལམ་དུ་བསྟན། །རང་བཞིན་གསང་བའི་སྙིང་པོ་འདི། །རྟོགས་ནས་སྨྲ་བར་གང་བྱེད་པ། །དེ་ཉིད་ང་ཡིན་དབང་ཡང་རྫོགས། །རྟག་ཏུ་བྱང་ཆུབ་སེམས་ལ་གནས། །ཚེ་འདི་ཉིད་ཀྱིས་མངོན་སངས་རྒྱས། །ནོར་བུ་རིན་ཆེན་འབར་བ་ལྟར། །བསམ་པ་ཐམས་ཅད་ཡིད་བཞིན་འགྲུབ། །ཅེས་གསུངས་པས་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་དབྱེར་མེད་པར་དགྱེས་ཏེ་མཉམ་པ་ཉིད་ཀྱི་དབྱིངས་ན་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་སྒྱུ་འཕྲུལ་བླ་མ་ཆེན་པོ་ལས། གདེང་ཆེན་པོའི་ལེའུ་སྟེ་བཅུ་གསུམ་པའོ།། །།རྟོགས་པའི་རྒྱལ་པོ་སྒྱུ་འཕྲུལ་དྲ་བའི་ལེའུ་སྟོང་ཕྲག་བརྒྱ་པ་ལས་ལུང་གི་སྤྱི་སངས་རྒྱས་ཐམས་ཅད་ཀྱི་གསང་བ་གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ཆེན་པོའི་ལེའུ་ལས་ཐམས་ཅད་མ་ལུས་པར་འཕྲོས་པ་དེ་དག་གི་འབྲས་བུའི་མཆོག་ 86b རྫོགས་སོ།། །། |