༄##། །རྒྱ་གར་སྐད་དུ། ཨཱརྱ་བྷ་དྲ་ཀལྤི་ཀ་ནཱ་མ་མཧཱ་ཡཱ་ན་སཱུ་ཏྲ། །བོད་སྐད་དུ། འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ་བམ་པོ་དང་པོ། སངས་ 2a ༄#། །རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དབྱར་གནས་པར་བཞུགས་ནས་དབྱར་ཟླ་གསུམ་འདས་པ་དང་ཆོས་གོས་མཛད་དོ། །ཆོས་གོས་མཛད་ནས་ཆོས་གོས་མན་པས་ཏེ་ལྷུང་བཟེད་ཐོགས་ནས་ཡངས་པ་ཅན་གྱི་གྲོང་ཁྱེར་ག་ལ་བདེར་དགེ་སློང་འབུམ་ 2b དང་ཡང་ཐབས་ཅིག་།བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་སྙེད་དང་ཡང་ཐབས་ཅིག་ཏུ་གཤེགས་ཏེ་བྱོན་ནས་ཚལ་ཆེན་པོར་གཤེགས་པ་དན་ནང་དུ་ཡང་དག་འཇོག་ལས་བཞེངས་སོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་དེའང་ནང་དུ་ཡང་དག་འཇོག་ལ་ཞུགས་པ་ལས། ནང་དུ་ཡང་དག་འཇོག་ལས་ལངས་ཏེ་དགེ་སློང་གི་འཁོར་དང ། དགེ་སློང་མའི་འཁོར་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོའི་འཁོར་དག་དང་ལྷན་ཅིག་ཏུ་སྟན་བཏིང་བ་ལ་འདུག་ 3a ༄#། །གོ་།བྱང་ཆུབ་སེམས་དཔའ་དེ་དག་ཀྱང་སྣང་བ་ཐོབ་པ། གཟུངས་ཐོབ་པ། ཏིང་ངེ་འཛིན་ཐོབ་པ།་མངོན་པར་ཤེས་པ་ལྔ་དང་ལྡན་པ། ཚིག་གཟུང་པར་འོས་པ། ཚུལ་འཆོས་པ་མེད་པ། ཤེས་ཀྱི་ཁེ་དང་ཆགས་སེམས་དང་བྲལ་བ། ཟང་ཟིང་མེད་པར་ཆོས་སྟོན་པ། ཆོས་ཟབ་མོ་ལ་བཟོད་པའི་ཕ་རོལ་ཏུ་སོན་པ། མི་འཇིགས་པ་ཐོབ་པ། བདུད་ཀྱི་ལས་ལས་ཡང་དག་པར་འདས་པ། ལས་ཀྱི་སྒྲིབ་པ་སྤངས་པ།་ཆོས་ཀྱི་རང་བཞིན་ལ་ཐེ་ཚོམ་མེད་པ་ཐོབ་པ། བསྐལ་པ་གྲངས་མེད་པར་སྨོན་ལམ་ཤིན་ཏུ་བརྩམས་པ། བཞིན་འཛུམ་པ། གསོང་པོར་སྨྲ་བ། ཁྲོ་གཉེར་མེད་པ། ཚིགས་སུ་བཅད་པའི་དབྱངས་ཀྱིས་སྨྲ་བ། སེམས་ 3b ཟིལ་གྱིས་མི་ནོན་པ། སྤོབས་པ་རྒྱུན་མི་ཆད་པ། མཉམ་པ་ཉིད་ལ་བཟོད་པ་ཐོབ་པ། འཁོར་མཐའ་ཡས་པ་ཟིལ་གྱིས་གནོན་ཅིང་མི་འཇིགས་པ་ཐོབ་པ། ཚིག་གཅིག་གིས་བསྐལ་པ་བྱེ་བ་ཚར་ཕྱིན་པར་སྟོན་པ་ལ་མཁས་པ། ཆོས་ཐམས་ཅད་ལ་སྒྱུ་མ་དང ། སྨིག་རྒྱུ་དང ། ཆུ་ཟླ་དང ། རྨི་ལམ་དང ། བྲག་ཅ་དང་མཚུངས་པར་མོས་པ། ཤེས་པ་མི་འཇིགས་པ་ཚད་མེད་པ། སེམས་ཅན་གྱི་སེམས་ཀྱི་རྒྱུ་བ་ཕྲ་མོའི་ཚུལ་དང་སྤྱོད་པ་སྣ་ཚོགས་ཤེས་པ་ལ་མོས་པ། དགེ་བ་རྒྱ་ཆེ་བ། སེམས་ཐོགས་པ་མེད་པ། ལྷག་པའི་ང་རྒྱལ་མེད་ཅིང་བཟོད་པ་དང་ལྡན་པ། དགེ་བ་ཇི་ལྟ་བ་བཞིན་དུ་རླབས་ཆེ་བ། སངས་རྒྱས་ཀྱི་ཞིང་གི་བཀོད་པ་མཐའ་ཡས་པར་སྨོན་ལམ་རབ་ཏུ་བཟུང་བ། འཇིག་རྟེན་གྱི་ཁམས་གྲངས་མེད་པའི་སངས་རྒྱས་རྗེས་སུ་དྲན་པའི་ཏིང་ངེ་འཛིན་རྟག་པར་རྒྱུན་དུ་གྱུར་པ། སངས་རྒྱས་དཔག་ཏུ་མེད་པ་ལ་གསོལ་བ་འདེབས་པ་ལ་མཁས་པ། ལྟ་བ་ཐ་དད་པ་དང ། བག་ལ་ཉལ་བ་དང ། ཀུན་ནས་དཀྲིས་པའི་ཉོན་མོངས་པ་རབ་ཏུ་ཞི་བར་བྱེད་པ་ལ་མཁས་པ། ཏིང་ངེ་འཛིན་གྱིས་རྣམ་པར་རོལ་པ་བརྒྱ་སྟོང་སྒྲུབ་པ་ལ་མཁས་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་བྱམས་པ་ལ་སོགས་པ་དང ། འཇམ་དཔལ་གཞོན་ནུར་གྱུར་པ་དང ། སྤྱན་རས་གཟིགས་དབང་ཕྱུག་དང ། འབྲུག་སྒྲ་ 4a ༄#། །དང ། དགེ་བ་བརྒྱ་སྟོང་གི་མེ་ཏོག་ཀུན་ཏུ་རྒྱས་པའི་བློ་དང ། སྒྲུབ་པ་མཐའ་ཡས་པའི་བློ་ཅན་གློག་གིས་རབ་ཏུ་བརྒྱན་པའི་སྒྲ་དབྱངས་དང ། ཆགས་པ་མེད་པའི་མཐའ་དང་ལྡན་པའི་བློ་ཅན་དང ། རྣམ་པར་བསྒྲགས་པའི་རྒྱལ་པོ་དང ། མཐུན་པ་དང་མི་མཐུན་པ་མཐོང་བར་གྱུར་པ་དང ། གསེར་སྟུག་པོ་བསགས་པའི་འོད་གཟི་བརྗིད་ཀྱི་རྒྱལ་པོ་དང ། དཔག་ཚད་བརྒྱར་རྣམ་པར་བལྟ་ཞིང་འགྲོ་བ་དང ། སྤོབས་པ་བརྩེགས་པ་དང ། ཡེ་ཤེས་ཕུང་པོ་དང ། མཐོང་བ་དོན་ཡོད་དང ། བཟང་སྐྱོང་ལ་སོགས་པ་དང ། སྐྱེས་བུ་དམ་པ་བརྒྱད་པོ་གང་སྤོས་ཀྱི་གླང་པོ་དང ། རིན་ཆེན་མཐའ་ཡས་མཛོད་དང ། ཤེས་རབ་བརྩེགས་པ་དང ། མཆོད་པ་བཀོད་པ་དང ། སེངྒེ་རྣམ་པར་སྒྲོག་པའི་སྒྲ་དབྱངས་ཀྱི་རྒྱལ་པོ་དང ། བླའི་བཀོད་པས་ལེགས་པར་བརྒྱན་པ་ལ་གནས་པ་དང ། སེངྒེའི་སྟབས་ཀྱིས་འགྲོ་བ་དང ། སྤོབས་པ་མཐའ་ཡས་པར་སྒྲུབ་པ་ལ་འཇིགས་པ་མེད་པ་དང ། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་སོགས་པ་དང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གང་དག་རྒྱལ་པོ་ཆེན་པོ་བཞི་རྣམས་དང ། བརྒྱ་བྱིན་དང ། ཚངས་པ་དང ། དབང་བསྒྱུར་དང ། ཚངས་པ་ཆེན་པོ་དང ། ཀླུའི་རྒྱལ་པོ་དང ། གནོད་སྦྱིན་གྱི་ 4b བདག་པོ་དང ། ལྷ་མ་ཡིན་གྱི་བདག་པོ་དང ། ནམ་མཁའ་ལྡིང་གི་བདག་པོ་དང ། མི་འམ་ཅིའི་བདག་པོ་དང ། ལྟོ་འཕྱེ་ཆེན་པོའི་བདག་པོ་དང ། དྲི་ཟའི་བདག་པོ་དང ། དེ་དག་ཐམས་ཅད་བཅོམ་ལྡན་འདས་ག་ལ་བ་དེར་དོང་སྟེ་བཅོམ་ལྡན་འདས་ལ་མེ་ཏོག་སིལ་མས་གཏོར་ནས་འཁོད་པར་གྱུར་ཏོ། དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ཉིན་ཞག་བདུན་ཟས་ཅད་དེ་འཆག་ཅིང་འགྲེང་ལ་འདུག་བཞིན་དུ་གློས་མ་ཕབ་པར་རྨུགས་པ་དང ། གཉིད་མེད་པར་མངོན་པར་བརྩོན་པར་གྱུར་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་ཆོས་གང་རྫོགས་པར་བགྱིས་ན། སེམས་ཅན་ཐམས་ཅད་ཀྱི་བསམ་པ་དང་སྤྱོད་པ་འཚལ་བར་འགྱུར་བ་དང ། སངས་རྒྱས་རྣམས་ཀྱི་དགོངས་པའི་བཀའ་ལ་འཇུག་པར་འགྱུར་བ་དང ། ཕྱིན་ཅི་ལོག་ཏུ་སྟོན་པ་ལས་མི་སྟོན་པར་འགྱུར་བ་དང ། སྒྲ་ཇི་ལྟ་བ་བཞིན་དུ་བདེན་པ་ཤེས་པ་ལ་རྗེས་སུ་འཇུག་པར་འགྱུར་བ་དང ། ད་ལྟར་གྱི་སངས་རྒྱས་ཐམས་ཅད་ལ་སྒྲིབ་པ་མེད་པར་འགྱུར་བ་དང ། འདི་ལྟ་སྟེ། སངས་རྒྱས་དང་འགྲོགས་པ་འཐོབ་ཅིང་མཐོང་བ་དང ། ཆོས་ཀྱིས་ངེས་པ་འཐོབ་པར་འགྱུར་བ་དང ། འཇིག་རྟེན་གྱི་ཆོས་ལའང་སྤྱོད་ལ་འཇིག་རྟེན་པས་ཀྱང་མི་གོས་པར་འགྱུར་བ་དང ། སྙོམས་ 5a ༄#། །པར་འཇུག་པ་ལ་གནས་ཀྱང་དེ་དེས་སྐྱེ་བར་མི་འགྱུར་བ་དང ། མྱ་ངན་ལས་འདས་པའི་ཆོས་ལ་སྤྱོད་ཀྱང་ཡོངས་སུ་མྱ་ངན་ལས་འདའ་བར་མི་འགྱུར་བ་དང ། སངས་རྒྱས་ཀྱི་སྨོན་ལམ་ཡོངས་སུ་རྫོགས་པར་མ་བགྱིས་པར་ཉན་ཐོས་དང ། རང་སངས་རྒྱས་ཀྱི་ཆོས་ལ་སྤྱོད་ཀྱང་ཐེག་པ་དེ་དག་གིས་ངེས་པར་མི་འབྱུང་བར་འགྱུར་བ་དང ། སངས་རྒྱས་རྗེས་སུ་དྲན་པ་ལ་སེམས་ནག་ནོག་མ་མཆིས་པར་འགྱུར་བ་དང ། ཁམས་སྣ་ཚོགས་ལའང་འཇུག་ལ་ཐམས་ཅད་ཀྱི་རྗེས་སུའང་འཇུག་པར་འགྱུར་བ་དང ། ཞུ་བ་དང ། སྤོབས་པའི་བསམ་པ་ལ་ཟིལ་གྱིས་ནོན་པར་མི་འགྱུར་བ་དང ། སངས་རྒྱས་ཀྱི་ཞིང་གི་བཀོད་པ་མཐའ་ཡས་པ་རབ་ཏུ་འཛིན་ཅིང་ཤེས་རབ་མ་ལུས་པར་འཐོབ་པར་འགྱུར་བ་དང ། སེམས་ཅན་རྣམས་ཡོངས་སུ་སྨིན་པར་བགྱིད་ལ་སེམས་ཅན་གྱི་འདུ་ཤེས་ལའང་མི་གནས་པར་འགྱུར་བ་དང ། ཆོས་ཀྱང་སྟོང་ལ་དམིགས་པ་ལའང་མི་གནས་པ་དང ། མྱ་ངན་ལས་འདས་པའང་སྨྲ་ལ་ཉེ་བར་ཞི་བ་གང་ཡང་མི་དམིགས་པར་འགྱུར་བ་དང ། བྱང་ཆུབ་ཀྱི་ཕྱིར་ཡང་སྤྱོད་ལ་མི་གནས་པར་ཡང་འགྱུར་བ་དང ། མཆིས་པ་དང་མ་མཆིས་པ་ཡོངས་སུ་སྤངས་ཀྱང་རྒྱ་ཆེན་པོ་ལ་མོས་པར་འགྱུར་བར་བགྱིད་པ་དག་།བཅོམ་ལྡན་འདས། བདག་མ་འཚལ་བཞིན་དུ་ 5b ནི་མི་ཞུ་ན། འོན་ཀྱང་བཅོམ་ལྡན་འདས་ཀྱིས་བསྟན་དུ་གསོལ། དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །ལྷ་མི་གནོད་སྦྱིན་དྲི་ཟ་འཁོར་མང་པོ། །མཐའ་ཡས་ཇི་ལྟར་མོས་བཞིན་ཚོགས་ལགས་པས། །བྱང་ཆུབ་སེམས་དཔའ་རྣམས་ཀྱི་སྤྱོད་པ་དག། །འཇིག་རྟེན་དག་གི་མགོན་པོ་འོད་མཛད་པ། སྨྲ་བའི་ཟླ་བ་ལ་ནི་ཞུ་ལགས་ན། །གོ་རིམས་བཞིན་དུ་བདག་ལ་ལུང་བསྟན་གསོལ། །བྱང་ཆུབ་སྤྱོད་མཆོག་ཡོན་ཏན་ཐོས་ནས་ནི། །སྐྱེ་བོ་ཕལ་ཆེན་འདུན་གྱུར་བྱང་ཆུབ་བརྩོན། །བྱང་ཆུབ་ཡོན་ཏན་མཆོག་ལ་དད་པ་བསྐྱེད་ནས། །ཡོན་ཏན་ཀུན་མཐར་ཕྱིན་ལ་ཞུ་ལགས་ན། །གྲགས་པ་མཐའ་ཡས་དག་གི་སེམས་མཁྱེན་ཏ་མ། །རྒྱལ་བ་མ་གཏོགས་དཔང་གཞན་བདག་ལ་མེད། །རྒྱལ་བའི་ཡོན་ཏན་ལྷ་མི་ཤིན་ཏུ་སྐོམ། །སྟོབས་བཅུའི་སྤྱོད་པ་རྣམ་པར་ཕྱེ་སྟེ་གསུངས། །ཡོན་ཏན་མཆོག་སྤྱོད་བྱང་ཆུབ་ཡོན་ཏན་བྱུང ། །གྲགས་མཛེས་ཚུལ་ཆེན་ཁྱོད་ཀྱི་མཁྱེན་སྤྱོད་གསུངས། །ཅི་ནས་ཡེ་ཤེས་འོད་ཟེར་འཕྲོ་བགྱིད་ཅིང ། །ནག་པོའི་རྩ་ལག་དཔུང་བཅས་འཇོམས་བགྱིད་ལ། །ཅི་ནས་སྟོང་གསུམ་མྱུར་དུ་གཡོ་བགྱིད་པ། །དེ་འདྲའི་བྱང་ཆུབ་སྤྱོད་པ་བདེ་གཤེགས་གསུངས། །ཅི་ནས་མཚན་གྱི་མེ་ཏོག་རྒྱས་འགྱུར་ཞིང ། ཅི་ནས་མཐའ་ཡས་དབྱངས་ལྡན་འགྱུར་བ་དང ། །ཅི་ 6a ༄#། །ནས་རི་རབ་འདྲ་བའི་ཏིང་འཛིན་འགྱུར། །དེ་འདྲའི་བྱང་ཆུབ་སེམས་སྤྱོད་བཤད་དུ་གསོལ། །མཉམ་མེད་མཚུངས་མེད་གཡོ་མེད་ཚུལ་འཆོས་མེད། །ང་རྒྱལ་དགྲ་བཅོམ་དྲི་གསུམ་དྲི་བྲལ་བ། །དགེ་སྦྱོང་མཆོག་སྟེ་མཁས་པའི་ཚོགས་ཀྱིས་བསྟོད། །ཁྱོད་ལ་མི་མཆོག་དག་གི་སྤྱོད་པ་ཞུ། །རྟོགས་བློ་བརྟན་པོ་དྲན་ལྡན་མེ་ཏོག་གསུངས། །འཁྲུལ་མེད་ལེགས་སྤྱད་སྤྱོད་མངའ་སྨྲ་བའི་མཆོག་།དྲི་བསལ་སྐྱེས་བཟང་ཁྱུ་མཆོག་ཕན་མཛད་པ། །ཅི་ནས་རྒྱལ་འགྱུར་དེ་ལྟར་བདག་ལ་གསུངས། །ཁྱོད་ལས་ཉིན་མཚན་དག་ཏུ་འདི་དག་གིས། །མཉན་ནས་བྱང་ཆུབ་སྤྱོད་པ་ཡང་དག་ལ། །ཡིད་ལ་བྱེད་པ་གཞན་མེད་བདེ་བ་ཡིས། །སྤྱོད་པ་འདི་ལ་མཆོག་ཏུ་སྤྱོད་པར་འགྱུར། ། ཅི་ནས་ཏིང་འཛིན་ལྡན་ཞིང་གཟུངས་ལྡན་དང ། །ཅི་ནས་བློ་དང་ཤེས་རབ་སྤོབས་ལྡན་དང ། །ཕྱོགས་མཐའ་ཡས་པར་སངས་རྒྱས་མཐོང་བ་དང ། །ཚུལ་དང་ཚུལ་མིན་དྲི་བ་འདྲི་བ་དང ། ཇི་ལྟར་ཡེ་ཤེས་མཚུངས་མེད་འགྱུར་བ་དང ། །དགེ་བ་སྒོ་བརྒྱ་དག་ནི་སྒྲུབ་པ་དང ། །འཆད་པ་ལ་ནི་འཁྲུལ་པ་མེད་འགྱུར་བ། །སྟོབས་བཅུའི་སྤྱོད་པ་ཁྱོད་ལ་ཞུ་ལགས་སོ། །སྲིད་པའི་བདེ་ལ་ཆགས་ཏེའང་མི་ཞུའོ། །ཡུལ་གྱིས་བསྒྱུར་སླད་དུ་ཡང་མི་ཞུ་འོ། །རྒྱལ་བའི་བདུད་རྩི་ལ་ནི་བདག་ལེགས་འདུན། །སྟོབས་བཅུའི་སྤྱོད་པ་ 6b བདག་ལ་མྱུར་དུ་གསུངས། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། ། མཆོག་ཏུ་དགའ་བའི་རྒྱལ་པོ། ལེགས་སོ། ལེགས་སོ། །ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཡོད་དེ། བྱང་ཆུབ་སེམས་དཔའ་ཏིང་ངེ་འཛིན་དེ་དང་ལྡན་ན། ཡོན་ཏན་དེ་དག་ཐོབ་པར་འགྱུར་རོ། །གཞན་ཡང་ཕ་རོལ་ཏུ་ཕྱིན་པ་བརྒྱ་ཉི་ཤུ་རྩ་གཅིག་ཡོངས་སུ་རྫོགས་པར་འགྱུར་རོ། །ཏིང་ངེ་འཛིན་སྟོང་ཕྲག་བརྒྱད་ཅུ་རྩ་བཞི་འཐོབ་པར་འགྱུར་རོ། །གཟུངས་སྟོང་ཕྲག་བརྒྱད་ཅུ་རྩ་བཞི་འཐོབ་པར་འགྱུར་རོ། །སེམས་ཅན་ཐམས་ཅད་ཀྱི་སྤྱོད་པ་ལ་འཇུག་པ་མཁས་པའང་རྟོགས་པར་འགྱུར་རོ། ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ། །མཆོག་ཏུ་དགའ་བའི་རྒྱལ་པོ། ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་དེ་གང་ཞེ་ན། འདི་ལྟ་སྟེ། ཇི་སྐད་སྨྲས་པ་དེ་བཞིན་དུ་བྱེད་པ་ཉིད་དོ། །ཇི་ལྟར་བྱས་པ་དེ་བཞིན་དུ་སྨྲ་བ་ཉིད་དོ། །ལུས་དག་པར་བྱེད་དོ། །ངག་དག་པར་བྱེད་དོ། །སེམས་དག་པར་བྱེད་དོ། །ཕན་པར་འདོད་པ་ཉིད་དོ། །བྱམས་པའི་སེམས་དང་ལྡན་པ་ཉིད་དོ། །སྙིང་རྗེ་ཉིད་མི་སྤོང་བའོ། །འདོད་པ་དག་ལ་དོན་དུ་ 7a ༄#། །མི་གཉེར་བ་ཉིད་དོ། །ཆོས་དོན་དུ་གཉེར་བ་ཉིད་དོ། །དད་པ་ཆུད་ཟ་བར་མི་བྱེད་པའོ། །རང་གིས་དམ་བཅས་པ་ཀུན་ཏུ་སྤྱོད་པ་ཉིད་དོ། །ངེས་པའི་ཚིག་ལ་མཁས་པའོ། །སེམས་ཅན་སྒྲོལ་བའོ། །ཅང་ཤེས་ཀྱི་ལས་ཅན་ནོ། །ལུས་ལ་མི་བརྐམ་པ་ཉིད་དོ། །སེམས་རྒྱུ་བ་མེད་པ་ཉིད་དོ། །སྡུག་བསྔལ་དང་ལྡན་པ་རྣམས་ལ་ཚིམ་པར་བྱེད་པ་ཉིད་དོ། །བདེ་བ་དང་ལྡན་པ་རྣམས་ལ་གཟེངས་བསྟོད་པའོ། །བག་མེད་པ་རྣམས་ལ་འདོམས་པའོ། །བརྩོན་པ་རྣམས་ལ་འཆོས་པའོ། །ཆོས་ལ་འགྱོད་པ་དག་སེལ་བ་ཉིད་དོ། །སེམས་ཅན་གྱི་འདུ་ཤེས་ལ་མི་གནས་པའོ། །དངོས་པོའི་འདུ་ཤེས་ཀྱིས་རྟོག་པ་མེད་པའོ། །འཛིན་པ་ཡོངས་སུ་གཅོད་པའོ། །མཚན་མ་རྣམ་པར་འཇིག་པ་ཉིད་དོ། །མཉམ་པར་གཞག་པ་ལ་གཡོ་བ་མེད་པའོ། །རྟག་ཏུ་ཡེ་ཤེས་འཚོལ་བའོ། །འཇིག་རྟེན་པའི་གཏམ་རྣམ་པར་སྤོང་བ་ཉིད་དོ། །འཇིག་རྟེན་ལས་འདས་པའི་གཏམ་འཚོལ་བ་ཉིད་དོ། །དྲན་པ་ཉམས་པ་མེད་པ་ཉིད་དོ། །ཆོས་རྣམས་ལ་བརྗོད་པ་མེད་པ་ཉིད་དོ། །ཇི་ལྟར་བྱ་བ་བཞིན་དུ་འཇུག་པའོ། །སྤྱོད་པ་སྒྲུབ་པའོ། །འཇིག་རྟེན་ཤེས་པ་ཉིད་དོ། །ལས་ལ་མངོན་པར་ཡིད་ཆེས་པ་ཉིད་དོ། །མ་དད་པ་ཡོངས་སུ་སྤོང་བ་ཉིད་དོ། །མོས་པ་མང་པ་ཉིད་དོ། །སངས་རྒྱས་ཡིད་ལ་བྱེད་པའོ། །འཕེལ་བ་སྟོན་པའོ། ། 7b བསོད་ནམས་ཀྱི་རྗེས་སུ་ཡི་རང་བ་ཉིད་དོ། །སངས་རྒྱས་ལ་གསོལ་བ་འདེབས་པ་ཉིད་དོ། །སྦྱིན་གནས་ལ་ཕྱག་འཚལ་པ་ཉིད་དོ། །བསྔགས་པ་བརྗོད་པ་ཉིད་དོ། །ང་རྒྱལ་མེད་པ་ཉིད་དོ། །དགེ་བའི་རྩ་བས་ངོམས་པ་མེད་པ་ཉིད་དོ། །སྦྱོར་བས་རྟག་ཏུ་མངོན་པར་བརྩོན་པའོ། །སྒྲུབ་པ་མི་སྤོང་ཞིང་རྫོགས་པར་བྱེད་པ་ཉིད་དོ། །རྒྱུ་རྐྱེན་གྱི་ལས་བྱ་བ་ལ་འཇིག་རྟེན་ན་རྒྱ་ཆེ་བའོ། །དམ་བཅས་པ་མི་འདྲལ་བའོ། །གཞི་གཅིག་ཏུ་མི་འཇོག་པ་ཉིད་དོ། །འདི་ཁོ་ན་བདེན་ནོ་ཞེས་མངོན་པར་ཞེན་པ་མེད་པའོ། །འདོད་པའི་ཁམས་ལ་ཁྱིམ་མོ་ཞེས་བརྗོད་པས་མི་འཇུག་པའོ། །གཟུགས་ཀྱི་ཁམས་ལ་མངོན་པར་ཞེན་པ་མེད་པའོ། །གཟུགས་མེད་པའི་ཁམས་ཀྱི་རང་བཞིན་མ་ཡིན་པའོ། །ཇི་ལྟར་མངོན་པར་འདུ་བྱེད་པའི་འབྲས་བུ་ལ་མངོན་པར་ཡིད་ཆེས་པ་ཉིད་དོ། །ཡོ་བྱད་ལ་བགོ་བཤའ་བྱེད་ཅིང་སེམས་མཉམ་པ་ཉིད་དོ། །སེམས་ཅན་ཐམས་ཅད་ལ་གཡོས་མི་སྟོན་པ་ཉིད་དོ། ། སངས་རྒྱས་རྣམས་ལ་མི་སླུ་བ་ཉིད་དོ། །བྱང་ཆུབ་སེམས་དཔའ་རྣམས་ལ་རྣམ་པར་མཐོ་མི་འཚམ་པའོ། །བསྟན་པ་ལ་ངན་དུ་མི་བརྗོད་པ་ཉིད་དོ། །རིགས་པ་དང་ལྡན་པ་དང།་རིགས་པ་དང་ལྡན་པ་མ་ཡིན་པ་ལ་ཞེ་སྡང་མེད་པའོ། །ཕ་རོལ་གྱི་སྡེ་རྙེད་པ་ལ་མི་གནས་པའོ། །བསམ་པ་རྫོགས་པར་བྱ་བ་མི་སྤོང་བའོ། །ང་རྒྱལ་སྤོང་བའོ། །ཁོང་ཁྲོ་བ་སྤོང་ 8a ༄#། །བའོ། །གཏི་མུག་ཡང་དག་པར་འཇོམས་པའོ། །རྙེད་པ་ལ་ཀུན་ཏུ་མི་སྤྱོད་པའོ། །ངན་ངོན་ཙམ་གྱིས་ཆོག་ཤེས་པའོ། །ཤེས་ཀྱི་ཁེ་སྤོང་བའོ། མ་རྙེད་པ་ལ་མི་དགའ་བ་མེད་པའོ། །རྙེད་པས་ཁེངས་པ་མེད་པའོ། །ཅི་རྙེད་པ་ལ་བགོ་བཤའི་ངང་ཚུལ་ཅན་ཉིད་དོ། །གསོག་པར་མི་བྱེད་པ་ཉིད་དོ། །མི་སྙན་པར་ཟེར་བ་དང་དུ་ལེན་པ་ཉིད་དོ། །ཚིག་སྲུང་བའོ། །བློ་གསལ་པར་བྱེད་པའོ། །རིགས་པ་དང་ལྡན་པ་ལ་བསྐུལ་མ་འདེབས་པའོ། །རིགས་པ་དང་ལྡན་པ་མ་ཡིན་པ་ལ་མི་བརྟེན་པའོ། །ཕྱིར་ཞིང་འདྲི་བའོ། །ནང་དུ་ཡང་དག་འཇོག་མི་སྤོང་བའོ། །དགོན་པ་ཡོངས་སུ་མི་གཏོང་བའོ། །རྟག་ཏུ་སྦྱངས་པའི་ཡོན་ཏན་ལ་གནས་པའོ། །སྟོང་པ་ཉིད་ལ་མོས་པའོ། །དངོས་པོས་ཡོངས་སུ་ཚིམ་པ་མ་ཡིན་པའོ། །ཕུང་པོ་ལ་མི་གནས་པའོ། །ཁམས་རྣམས་འདུལ་བའོ། །སྐྱེ་མཆེད་ལ་མི་དམིགས་པ་ཉིད་དོ། །ཡུལ་ལ་མི་བསྟོད་པའོ། །ཕྱིན་ཅི་ལོག་སྤོང་བའོ། །སེམས་བརྟན་པོར་སྒྲུབ་པའོ། །འཕགས་པའི་གནས་པའོ། །སེམས་ལ་བརྐམ་ཆགས་མེད་པ་ཉིད་དོ། །སྦྱིན་གནས་ཀྱི་ས་ཐོབ་པ་ཉིད་དོ། །མངོན་པར་འདུ་བྱེད་པ་ཤིན་ཏུ་སྦྱངས་པའོ། །སྦྱིན་པས་རྣམ་པར་སྨིན་པ་མི་ལེན་པའོ། །ཚུལ་ཁྲིམས་ཀྱིས་མི་སྙེམས་པ་ཉིད་དོ། །བཟོད་པས་རྟོགས་པ་མེད་པའོ། །བརྩོན་འགྲུས་ཀྱིས་ཆུད་ཟ་བ་མེད་ 8b པའོ། །བསམ་གཏན་གྱིས་སྐྱེ་བ་མེད་པའོ། །ཤེས་རབ་ཀྱིས་ཆུད་ཟ་བ་མེད་པའོ། ས་ལ་འཇུག་པའི་ཕ་རོལ་ཏུ་ཕྱིན་པ་མཉམ་པ་ཉིད་དོ། །རང་གི་ཡོན་ཏན་གྱིས་སྙེམས་པ་མེད་པ་ཉིད་དོ། །གཞན་གྱི་ཡོན་ཏན་ལ་སུན་མི་འབྱིན་པའོ། །འཁོར་བ་ལ་མི་གནས་པའོ། །མྱ་ངན་ལས་འདས་པ་ལ་མི་དམིགས་པ་ཉིད་དོ། །ཐར་པ་ལ་དབང་དུ་གྱུར་པའོ། །མྱ་ངན་ལས་འདས་པ་ལ་མ་ཆགས་པའོ། །དེས་པ་ལ་གནས་པའོ། །བཞིན་འཛུམ་པའོ། །ཁྲོ་གཉེར་དང་བྲལ་བ་ཉིད་དོ། །གསོང་པོར་སྨྲ་བ་ཉིད་དོ། །འོས་པའི་ཤེས་རབ་དང་ལྡན་པས་གསར་བུ་དང ། བར་མ་དང ། རྒན་རབས་ལ་བཀུར་སྟི་བྱེད་པའོ། །རྣམ་པར་འཚེ་བ་མེད་པ་ཉིད་དོ། །རྩོད་པ་ཞི་བར་བྱེད་པའོ། །ཞི་བ་ལ་བསྔགས་པ་བརྗོད་པའོ། །ཚོགས་པ་ལ་མངོན་པར་བརྩོན་པའོ། །མཛའ་བ་དང་མི་མཛའ་བ་ལ་སེམས་མཉམ་པ་ཉིད་དོ། །གཟུངས་འཚོལ་པའོ། །སེམས་ཅན་རྣམས་ལ་ནི་མ་ལ་སྲི་ཞུ་ཆེ་བ་ལྟ་བུའོ། །མཛངས་པ་ལ་ནི་པ་ལ་སྲི་ཞུ་ཆེ་བ་ལྟ་བུའོ། །བླ་མ་རྣམས་ལ་ནི་མཁན་པོ་ལ་སྲི་ཞུ་ཆེ་བ་ལྟ་བུའོ། །བྱང་ཆུབ་སེམས་དཔའ་རྣམས་ལ་ནི་སངས་རྒྱས་ལ་གུས་པ་ལྟ་བུའོ། །སྒྲུབ་པ་རྫོགས་པར་བྱེད་པ་ཉིད་དོ། །དེ་བཞིན་གཤེགས་པ་ལ་བཀུར་སྟི་བྱེད་པའོ། །དགེ་བ་ལ་མོས་པ་ཉིད་དོ། །དཀོན་མཆོག་གསུམ་ལ་ཞུམ་པ་མེད་པས་བཀུར་སྟི་བྱེད་པའོ། །ཐ་སྙད་ལ་མི་ 9a ༄#། །གནས་པར་དང་དུ་ལེན་པ་ཉིད་དོ། །ལུས་ལ་མི་ལྟ་བ་ཉིད་དོ། །སྲོག་ལ་ལྷག་པར་ཆགས་པ་མེད་པ་ཉིད་དོ། །འཚོ་བ་དག་པར་བྱེད་པའོ། །བསོད་སྙོམས་ལ་རྒྱུ་བ་དག་བརྩོན་པ་མི་སྤོང་པའོ། །ཚོགས་པའི་གནས་ཡོངས་སུ་སྤོང་པའོ། །ཁྱིམ་པ་རྣམས་ལ་མི་བསྟོད་པའོ། །རབ་ཏུ་བྱུང་བ་རྣམས་ཀྱི་ནང་ན་འདུ་འཛི་ལ་མི་གནས་པའོ། །ཚུལ་འཆོས་པ་མེད་པ་ཉིད་དོ། །ཁ་གསག་མེད་པ་ཉིད་དོ། །སྙན་པར་སྨྲ་པ་ཉིད་དོ། །བྱང་ཆུབ་ཡང་དག་པར་ལེན་དུ་འཇུག་པ་ཉིད་དོ། །རང་བཞིན་གྱིས་ཞུམ་པ་མེད་པ་ཉིད་དོ། །ཚུལ་བཞིན་ལ་འཇུག་པའོ། །ཕྱིར་ཞིང་སངས་རྒྱས་ལ་བསྟོད་པ་ཉིད་དོ། །ཆོས་ལ་རབ་ཏུ་སེམས་པ་ཉིད་དོ། །དགེ་འདུན་ལ་རྟག་ཏུ་རྗེས་བྱེད་པའོ། ། ཤེས་པ་དང་ལྡན་པ་རྣམས་ལ་རྟག་ཏུ་མཆོད་པ་བྱེད་པའོ། །མཛངས་པ་རྣམས་ལ་རྟག་ཏུ་བརྟེན་པའོ། །བསམ་གཏན་པ་རྣམས་ལ་རྟག་ཏུ་སྲུང་པའོ། །རིགས་པ་དང་ལྡན་པ་རྣམས་ལ་རྟག་ཏུ་བསྐུལ་མ་འདེབས་པའོ། །སངས་རྒྱས་ཀྱི་ཆོས་རྣམས་ལ་རྟག་ཏུ་རྟོན་པའོ། །ཆོས་རྣམས་ལ་རྟག་ཏུ་སྒོམ་པའོ། །བསོད་ནམས་ལ་རྟག་ཏུ་ཡིད་ཆེས་པ་ཉིད་དོ། །སེམས་ཅན་རྣམས་ལ་རྟག་ཏུ་ཡངས་པའོ། །དད་པ་དང་ལྡན་པ་རྣམས་ལ་རྟག་ཏུ་བྱམས་པའོ། །སྡུག་བསྔལ་དང་ལྡན་པ་རྣམས་སེལ་བའོ། །སྤྱོད་ལམ་དག་པར་བྱེད་པའོ། ། 9b ངོ་ཚ་ཤེས་པ་དང་ཁྲེལ་ཡོད་པའོ། །ངོ་ཚ་བ་དང་འཇིགས་པ་སྟོན་པའི་ཚུལ་ཅན་ནོ། །སྤྱོད་པ་ངན་པ་སྤོང་པ་ཉིད་དོ། །ཆོ་ག་ལ་བརྟེན་པའོ། །སྤོང་པ་ལ་མངོན་དུ་ཕྱོགས་པའོ། ། འཕགས་པའི་གནས་པ་འཚོལ་པའོ། །དྲན་པ་ཉེ་བར་གཞག་པ་སྒོམ་པའོ། །ཡང་དག་པར་སྤོང་བ་བསྟེན་པའོ། །དབང་པོ་རྣམས་འཛིན་པའོ། །སྟོབས་རྣམས་ཟིལ་གྱིས་མི་ནོན་པའོ། །བྱང་ཆུབ་ཀྱི་ཡན་ལག་རྣམས་ལྷག་པར་མཐོང་བའོ། །ལམ་ལ་ཕྱིན་ཅི་མ་ལོག་པ་ཉིད་དོ། །ཞི་གནས་རྒྱ་ཆེ་བའོ། །ལྷག་མཐོང་ལ་བསྐུལ་མ་འདེབས་པའོ། །སེམས་བརྗེད་ངས་པ་མེད་པ་ཉིད་དོ། །ཆོས་ལ་མངོན་པར་དགའ་བའོ། །དམིགས་པ་ལས་ཡང་དག་པར་འདས་པའོ། །མི་གནས་པ་ལ་མི་སྐྲག་པའོ། །དམིགས་པ་མེད་པ་ལ་བག་མེད་པའི་འདུ་ཤེས་དང་བྲལ་བའོ། །བྱང་ཆུབ་སེམས་དཔའི་སྤྱོད་པ་ཀུན་ཏུ་སྲུང་བ་ཉིད་དོ། །སངས་རྒྱས་ཀྱི་སྤྱོད་པ་ཚད་མེད་པར་བྱེད་པའོ། །མི་མཐུན་པའི་སྤྱོད་པ་ལ་སྨོད་པ་ཉིད་དོ། ། སྔོན་གྱི་མངོན་པར་འདུ་བྱེད་པ་ལ་ཡིད་བྱུང་བའོ། །རང་གི་ལས་ཡོངས་སུ་སྦྱོང་ཞིང་འདུལ་བ་མ་ཡིན་པ་སྤོད་པའོ། །བསྟན་པ་སུན་མི་འབྱིན་པའོ། །ཐེ་ཚོམ་མི་འཛིན་པའོ། ། དུས་སུ་སྤྱོད་པ་ཉིད་དོ། །དུས་མ་ཡིན་པ་རྣམ་པར་སྤོང་པ་ཉིད་དོ། །འགྲོ་བ་དང་ལྡོག་པ་ལ་མཁས་པའོ། །ཚོད་ཤེས་པ་ཉིད་དོ། །ཡོ་བྱད་ཀྱིས་ཆོག་ཤེས་པའོ། །མངོན་པར་ཤེས་པ་ 10a ༄#། །རྒྱ་ཆེ་བའོ། །ཏིང་ངེ་འཛིན་ཁོང་དུ་ཆུད་པའོ། །སྤྱོད་པའི་བྱེ་བྲག་ཅན་ནོ། །སྙིང་སྟོབས་རྒྱ་ཆེ་བའོ། །དེ་བཞིན་གཤེགས་པ་རྣམས་ཀྱི་བསྟན་པའོ། །མི་དམིགས་པས་ཡོངས་སུ་བཟུང་བའོ། །བརྩོན་པ་དང་ལྡན་པ་རྣམས་ཚིམ་པར་བྱེད་པའོ། །སངས་རྒྱས་ཀྱི་སྲས་རྣམས་ཀྱིས་བསྒོམ་པའོ། །བྱང་ཆུབ་སེམས་དཔའ་རྣམས་ཀྱི་ནོར་ཡིན་ནོ། །སངས་རྒྱས་རྣམས་ཀྱི་གནས་པའོ། །མཁས་པ་རྣམས་ཀྱི་སྤྱོད་པའོ། །ཅང་ཤེས་ཀྱི་འགྲོས་ཀྱི་སྤྱོད་ཡུལ་བའོ། །ཆོས་སྨྲ་བ་རྣམས་ཀྱི་སྤྱོད་ཡུལ་ལོ། །མོས་པ་མང་བ་རྣམས་ལ་བསྐུལ་མ་འདེབས་པའོ། །འཇིག་རྟེན་གསུམ་གྱི་མགོན་པོ་མཐོང་བའི་ཚུལ་ཅན་ནོ། །ནོར་དོན་དུ་གཉེར་བ་རྣམས་ཀྱི་མཛོད་དོ། །རྣམ་པར་སྨིན་པ་དང་ལྡན་པ་རྣམས་ཀྱི་ཞིང་ངོ ། གདུངས་པ་རྣམས་ཀྱི་ཀུན་དགའ་ར་བའོ། །གཟུངས་ཐོབ་པ་རྣམས་ཀྱི་སྐྱེད་མོས་ཚལ་ལོ། །ཏིང་ངེ་འཛིན་ཐོབ་པ་རྣམས་ཀྱི་རྫིང་ངོ ། །ཆོས་དཀར་པོ་དང་ལྡན་པ་རྣམས་ཀྱིས་མའོ། །གཏམ་ལ་མོས་པ་རྣམས་ཀྱི་གནས་སོ། །མཚན་རྣམས་ཀྱི་རྒྱུའོ། །དཔེ་བྱད་རྣམས་རྣམ་པར་འབྱེད་པའོ། །སངས་རྒྱས་ཀྱི་ཞིང་ཡང་དག་པའི་གནས་སོ། །གཟུངས་རབ་ཏུ་ཐོབ་པའོ། །སྒྲུབ་པ་ཁོང་དུ་ཆུད་པའོ། །ཤིན་ཏུ་རིགས་པར་སྨྲ་བ་ཉིད་དོ། །བདུད་ཀྱི་ཡུལ་ལས་འདས་པའོ། །དཔའ་བོ་རྣམས་ཀྱི་ཡུལ་ལོ། །ཉོན་མོངས་པ་འཇོམས་པའོ། །མི་དགེ་བ་འཇིལ་པའོ། །སྨོན་ 10b ལམ་དང་ལྡན་པ་རྣམས་རྒྱན་ནོ། །བདུད་ཀྱིས་མི་ཕྱེད་པའོ། །བསྟན་པ་ཟད་མི་ཤེས་པའོ། །མུ་སྟེགས་ཅན་རྣམས་ཀྱིས་ཤེས་པར་དཀའ་བའོ། །འཇིག་རྟེན་དང་མི་མཚུངས་པའོ། །ཉན་ཐོས་ཀྱི་ཆོས་ལས་འདས་པའོ། །རང་བྱང་ཆུབ་ཀྱིས་ངེས་པར་མ་འབྱུང་བའོ། །ཐམས་ཅད་མཁྱེན་པ་ཉིད་ལ་ཡང་དག་པར་ཞུགས་པའོ། །སེམས་ཅན་གྱི་འགྲོ་བ་ལ་འཇུག་པའོ། །ཡང་དག་པར་ཇི་ལྟ་བ་བཞིན་དུ་བསྐུལ་མ་འདེབས་པའོ། བཟའ་བ་འདོད་པ་རྣམས་དགའ་བར་བྱེད་པའོ། །བཏུང་བ་འདོད་པ་རྣམས་ཀྱི་རོ་བྲོ་བའོ། །མྱ་ངན་ལས་འདས་པར་འགྲོ་བ་རྣམས་ཀྱི་སྙིང་པོའོ། །མྱ་ངན་ལས་འདས་པར་འགྲོ་བ་རྣམས་ཀྱི་ཤིང་རྟའོ། །ཕ་རོལ་ཏུ་འགྲོ་བ་རྣམས་ཀྱི་གྲུའོ། །རྒལ་འདོད་པ་རྣམས་ཀྱི་གཟིངས་སོ། ། སྙིང་རྗེ་ཅན་རྣམས་ཀྱི་མར་མིའོ། །ཆོས་སྟོན་པ་རྣམས་ཀྱི་སྐར་མདའོ། །མི་སླུ་བར་འདོད་པ་རྣམས་ཀྱི་གནས་སོ། །སྦྱིན་པར་འདོང་པ་རྣམས་ཀྱི་ནོར་ཡིན་ནོ། །གྲོལ་བར་འདོད་པ་རྣམས་ཀྱི་རིགས་པའོ། །རྩེད་མོ་དོན་དུ་གཉེར་བ་རྣམས་དང་བར་བྱེད་པའོ། །ཉན་པར་བསམ་པ་ཅན་རྣམས་ཀྱི་རྒྱ་མཚོའོ། །ཏིང་ངེ་འཛིན་ཐོབ་པ་རྣམས་ཀྱི་རི་རབ་པོ། །མིག་ལ་དགའ་བ་རྣམས་ཀྱི་དབང་པོའོ། །བལྟ་འདོད་པ་རྣམས་ཀྱི་བཀོད་པའོ། །སེམས་དང་ལྡན་པ་རྣམས་དགའ་བའོ། །ཕྱིར་མི་ལྡོག་པ་རྣམས་ཀྱི་གནས་སོ། །མི་སྐྱེ་བའི་བཟོད་པ་ 11a ༄#། །ཐོབ་པ་རྣམས་ཀྱི་བསམ་པའོ། །ལས་དང་པོ་པ་རྣམས་ཀྱི་སྒོམ་པའོ། །སྐྱེས་བུ་ཤེས་པ་དང་ལྡན་པ་རྣམས་ཀྱི་རྒྱལ་མཚན་ནོ། །ཞི་གནས་ལ་བསྐུར་སྟི་བྱེད་པ་རྣམས་ཀྱི་བྱང་ཆུབ་བོ། །བདག་མེད་པར་སྨྲ་བ་རྣམས་ཀྱི་སྲེད་མེད་ཀྱི་བུའོ། །ཐམས་ཅད་མཁྱེན་པ་ཉིད་ཀྱི་ལམ་མོ། །ཡེ་ཤེས་དང་རྣམ་པར་གྲོལ་བ་རྣམས་ཀྱི་སྐྱེ་བ་མཉམ་པ་ཉིད་དོ། །ལྷ་རྣམས་ཀྱིས་བསྔགས་པའོ། །ཀླུ་རྣམས་ཀྱིས་རྗེད་པའོ། །མི་རྣམས་ཀྱིས་མཆོད་པའོ། །སློབ་པ་རྣམས་ཀྱིས་ངོ་མཚར་དུ་བྱས་པའོ། །མི་སློབ་པ་རྣམས་ཀྱིས་ཕྱག་བྱས་པའོ། །བྱང་ཆུབ་སེམས་དཔའ་རྣམས་ཀྱིས་བསྟོད་པའོ། །ཆོས་ཀྱི་རྗེ་རྣམས་ཀྱིས་བསྒོམས་པའོ། །དབང་པོ་སྦས་པ་རྣམས་ཀྱི་གྲོང་ཁྱེར་རོ། །ཐབས་མཁས་པ་རྣམས་ཀྱི་ཚུལ་ལོ། །བརྩོན་པ་རྣམས་ཀྱི་རྙིད་པའོ། །ཐེ་ཚོམ་རྣམས་སེལ་བའོ། །ཡིད་གཉིས་གཅོད་པའོ། །ཉོན་མོངས་པ་རྣམས་སེལ་བའོ། །བྱང་ཆུབ་སེམས་དཔའ་རྣམས་ཀྱི་གཟུངས་སོ། །ནད་པ་རྣམས་ཀྱི་སྨན་པའོ། །ཕྱིན་ཅི་ལོག་པ་རྣམས་གསོ་པའོ། །ཟུག་རྡུ་རྣམས་འབྱིན་པའོ། །བརྩོན་པར་འདོད་པ་རྣམས་ཡིད་ལ་བྱེད་པའོ། །སྒྲོག་པར་འདོད་པ་རྣམས་ཀྱི་མི་འཇིགས་པའོ། །སྨྲ་བར་འདོད་པ་རྣམས་ཀྱི་སོ་སོ་ཡང་དག་པར་རིག་པ་རྒྱ་ཆེ་བའོ། །རྣམ་པར་འཕྲུལ་བར་འདོད་པ་རྣམས་ཀྱི་རྫུ་འཕྲུལ་ལོ། །ཉན་འདོད་པ་རྣམས་ 11b ཀྱི་འགྲོ་བའོ། །བལྟ་འདོད་པ་རྣམས་ཀྱི་མིག་གོ་།མྱ་ངན་ལས་འདས་པའི་ལམ་མོ། །ངན་སོང་རྣམས་སྤོང་བའོ། །འདོད་པ་དང ། གཟུགས་དང ། གཟུགས་མེད་པ་དག་ལས་འདས་པའོ། །སངས་རྒྱས་ཀྱི་ཞིང་དག་རྣམ་པར་སྒྲུབ་པའོ། །རྡོ་རྗེ་ལྟ་བུའི་ཏིང་ངེ་འཛིན་ལེན་པའོ། །སྲིད་པ་ཐ་མ་པ་དག་སེངྒེའི་གདན་ལ་འདུག་པའོ། །ཆུད་ཟ་བ་མེད་པར་དོན་དུ་གཉེར་བ་རྣམས་ཀྱི་དགེ་བའི་རྩ་བ་ཐམས་ཅད་དོ། །སྐྱེ་བ་རྣམས་དགའ་བར་བྱེད་པའོ། །ལྷུང་བ་རྣམས་འདེགས་པའོ། །རྩོམ་པ་རྣམས་བརྟན་པོར་བྱེད་པའོ། །སྤྱོད་པའི་ཁམས་རྣམ་པར་སྒྲུབ་པའོ། །སྙོམས་ལས་བྱེད་པ་དག་ཡིད་བྱེད་པའོ། །ཐེག་པ་གསུམ་མཉམ་པ་ཉིད་ཀྱི་བཀའ་ཡིན་ནོ། །འཛིན་པ་ཐམས་ཅད་སྤངས་པའོ། །ཐམས་ཅད་མཁྱེན་པ་ཉིད་ཡོངས་སུ་རྫོགས་པའོ། །དོན་དམ་པ་སྨྲ་བ་རྣམས་ཀྱི་སྒོ་མཐའ་ཡས་པ་སྒྲུབ་པ་རབ་ཏུ་ཐོབ་པའོ། །སྟོང་པ་ཉིད་སྨྲ་བ་རྣམས་ཀྱི་ཆོས་ཆུད་མི་ཟ་བའོ། །སྨོན་ལམ་གྱི་སྒོའི་ཤུགས་མཐར་ཕྱིན་པའོ། །མཚན་མ་མེད་པ་ལ་མོས་པ་རྣམས་ལ་བརྡ་སྤྲོད་པའོ། །མཐོང་བ་དང ། བཏང་སྙོམས་ལ་མོས་པ་རྣམས་ཀྱི་དུས་གསུམ་མཉམ་པ་ཉིད་དོ། །ཐམས་ཅད་ཀྱི་རྗེས་སུ་སོང་བ་ལ་ཐབས་མཁས་པའོ། །བྱང་ཆུབ་ཡོངས་སུ་སྟོན་པའོ། །ཕ་རོལ་པོས་དཔའ་དགོང་དུ་མེད་པའོ། །ཆོས་སྨྲ་བ་ལ་མ་འཁྲུལ་བར་འཚོལ་བ་ཉིད་དོ། །ཟང་ཟིང་ 12a ༄#། །མེད་པར་ཆོས་སྨྲ་བ་ལ་ཡང་དག་པར་བརྟེན་པའོ། །ཆོས་མཉན་པ་ལ་གཡེང་བ་མེད་པའོ། །འཁོར་ལ་བརྙས་པ་མེད་པའོ། །ཆོས་ཀྱི་སྦྱིན་པ་ལ་བར་ཆད་མེད་པའོ། །ངེས་པ་རྣམས་ཀྱི་དྲི་བ་ལ་ངོ་མཚར་དུ་བྱེད་པའོ། །འགྱོད་པ་རྣམ་པར་སེལ་བའོ། །སྦྱོར་བ་ལ་རྒྱུན་ཆད་པ་མེད་པའོ། །ཡེ་ཤེས་ཀྱི་ཚོགས་ཡོངས་སུ་མི་གཏོང་པའོ། །འཛིན་པ་ལ་གནས་པ་རྣམས་ཀྱི་རྣམ་པར་གྲོལ་བའོ། །མ་རུངས་པ་རྣམས་དུལ་བར་བྱེད་པའོ། །ཉོན་མོངས་པ་རྣམས་འདོར་བའོ། །མི་གནས་པ་ལ་སྤྱོད་པའོ། །རྗེས་སུ་དྲན་པ་འདོད་པ་རྣམས་ཀྱི་དྲན་པའོ། །བྱང་ཆུབ་སེམས་དཔའ་རྣམས་སློང་བར་བྱེད་པའོ། །འཁོར་བཞི་ལ་སྟོན་པའོ། །རོ་བྲོ་བ་རྣམས་ཀྱི་ནང་ན་མངར་བའོ། ། རྣམ་པར་འཕྲུལ་པར་འདོད་པ་རྣམས་ཀྱི་སྒྲ་སྒྲོག་པའོ། །སྲིད་པ་ལས་ལྡོག་པར་འདོད་པ་རྣམས་ཀྱི་སྒོ་འབྱེད་པའོ། །མྱ་ངན་ལས་འདས་པར་ཐར་པའོ། །ལུས་བདེ་བའོ། །སེམས་བདེ་བའོ། །མཁས་པ་རྣམས་དགའ་བའོ། །ཡི་དམ་ལ་བརྟན་པ་རྣམས་མི་གཏོང་བའོ། །དེ་བཞིན་གཤེགས་པའི་ཡོན་ཏན་ལས་མི་ལྡོག་པའོ། །དགེ་བའི་རྩ་བ་རྣམས་ཀྱི་གནས་སོ། །མི་དགེ་བ་རྣམས་ངེས་པར་འཇོམས་པའོ། །འཆལ་བའི་ཤེས་རབ་ཅན་རྣམས་ཀྱི་བསླབ་པའོ། །རིགས་པ་ལ་གནས་པ་རྣམས་ཀྱི་གནས་སོ། །བསླུ་བ་མེད་པར་ 12b མཚོན་པའོ། །སངས་རྒྱས་ཀྱི་སྣང་བ་སྒྲུབ་པའོ། །ཡེ་ཤེས་ཀྱི་ཕུང་པོའི་སྣང་བའོ། །སངས་རྒྱས་ཀྱི་ཤིང་སྟོན་པའོ། །དྲི་བ་བྱེ་བ་སྙེད་འདྲི་བའོ། །ཆོས་དཀར་པོ་དག་ལ་རྟོག་པའོ། ། སྐྱོ་བའི་བློ་ཅན་རྣམས་ཀྱི་དམིགས་པའོ། །ཤེས་རབ་ཆུང་བ་རྣམས་ཆུད་མི་ཟ་བའོ། །རིག་པ་ཅན་རྣམས་དགའ་བར་འགྱུར་བའོ། །སྨྲ་འདོད་པ་རྣམས་ཀྱི་སྤྱོད་པའི་རྒྱུའོ། །ཆོས་སྟོན་པ་རྣམས་སྲུང་བའོ། རྒྱུ་ཐམས་ཅད་ཡོངས་སུ་ཤེས་པའོ། །ཆོས་ཐམས་ཅད་ལ་ཐབས་མཁས་པའོ། །རྟོག་པའི་ཐབས་གྲུབ་པའོ། །དེ་ཁོ་ན་ཡང་དག་པ་ཇི་ལྟ་བ་བཞིན་མཐོང་བའོ། །བདག་ལ་བརྡ་སྤྲོད་པའོ། །གཞན་དག་ཡང་དག་པར་ཚིམ་པར་བྱེད་པའོ། །དྲ་བ་གཅོད་པའོ། །མ་རིག་པ་སེལ་བའོ། །ཕུང་པོ་རྣམས་ཡོངས་སུ་ཤེས་པའོ། །རྣམ་པར་ཤེས་པ་ཡོངས་སུ་ཤེས་པའོ། །མིང་དང་གཟུགས་སྡུད་པའོ། །སྐྱེ་མཆེད་དྲུག་མཐོང་བའོ། །རེག་པ་ཡོངས་སུ་ཤེས་པའོ། །ཚོར་བ་ཤེས་པའོ། །སྲེད་པ་རབ་ཏུ་ཞི་བར་བྱེད་པའོ། ། ཉེ་བར་ལེན་པ་པོར་བའོ། །སྲིད་པ་ཆད་པའོ། །སྐྱེ་བ་ཆོམས་པའོ། །རྒ་ཤི་ལས་འདས་པའོ། །སྡུག་བསྔལ་ཤིན་ཏུ་སྦྱངས་པའོ། །བདེ་བ་ལ་ཀུན་ཏུ་རངས་པའོ། །སྡུག་བསྔལ་དང་ཡིད་མི་བདེ་བ་རྣམ་པར་སེལ་བའོ། །གྲུབ་པ་རྣམས་གནས་པར་སྦྱོར་པའོ། །དཔྱོད་པ་རྣམས་ཚིམ་པར་བྱེད་པའོ། །སྣང་བ་སྐྱོན་མེད་པའོ། །ཆོས་ཀྱིས་རྗེས་སུ་བསྒྲགས་པའོ། ། 13a ༄#། །སྐྱེས་བུ་གྲགས་པ་ཅན་རྣམས་ཀྱི་མཐུ་རྩལ་ལོ། །འབྱུང་པོ་དྲི་མ་ཅན་རྣམས་འཁྲུ་པའོ། །འཇིགས་ཚོགས་ལ་ལྟ་བ་རྣམས་ངེས་པར་འཇོམས་པའོ། ། ཐོས་པ་ཀུན་ཏུ་འཛིན་པའོ། །ཆོས་རྣམས་ཀུན་ཏུ་འཛིན་པའོ། །བྱང་ཆུབ་འཁྲུལ་པ་མེད་པ་ཉིད་དོ། །དགེ་བ་ཐམས་ཅད་འཇུག་པ་མི་ལྡོག་པའོ། །དགེ་བ་ཕལ་ཆེར་བསགས་པའོ། །བློ་བསྒྲུབ་པའི་གཞིའོ། །བརྩོན་པ་དང་ལྡན་པ་རྣམས་ཀྱི་ཆོས་ཀྱི་ཚུལ་ལོ། །འཕགས་པའི་དགེ་འདུན་འཕེལ་བར་བྱེད་པའོ། །ཕས་ཀྱི་རྒོལ་བ་རྣམས་ཚར་གཅོད་པའོ། ། ཆོས་སྨྲ་བ་རྣམས་ལ་ལེགས་སོ། །ཞེས་བརྗོད་པའོ། །བྱང་ཆུབ་སེམས་དཔའ་རྣམས་ཀྱི་སྤྱོད་པའོ། །རྩེད་མོ་འདོད་པ་རྣམས་ཀྱི་ཟླ་བའོ། །ལས་ཀྱི་མཐའ་དོན་དུ་གཉེར་བ་རྣམས་ཀྱི་ཉི་མའོ། །སློབ་པར་འདོད་པ་རྣམས་ཀྱི་བསྟན་བཅོས་སོ། །ཕུ་དུད་དང་བཅས་པ་རྣམས་ཀྱི་རྒྱལ་པོའོ། །མཁས་པ་རྣམས་ཀྱི་འདྲེན་པའོ། །ཆོས་དཀར་པོ་རྣམས་ཀྱི་ས་བོན་ནོ། །རྣམ་པར་སྨིན་པའི་འབྲས་བུའི་བདུད་རྩིའོ། །སྐྱེ་བ་དྲན་པའི་བཞིའོ། །སྐྱེ་བ་རབ་ཏུ་ཐོབ་པའོ། །བྱིས་པའི་ཆོས་རྣམས་ལ་སྨོད་པའོ། །དེ་བཞིན་གཤེགས་པའི་ཆོས་ཀྱི་ཡོན་ཏན་ཡང་དག་པའོ། །སྟོན་པ་དང་འཛིན་པ་རྣམ་པར་སྨིན་པ་མཐའ་ཡས་པའོ། །ཐམས་ཅད་མཁྱེན་པ་ཉིད་ཀྱི་གནས་སོ། །སྟོན་པ་ན་བདེ་འགྲོ་ཐོབ་ 13b པར་འགྱུར་བའོ། །ཡི་གེར་འབྲི་བ་ན་འཇིགས་པ་ཐམས་ཅད་སྤོང་པའོ། །རྒལ་ནས་ཕྱིར་ལྡོག་པ་མེད་པའོ། །རྟོགས་པ་བརྗོད་པའི་གནས་སོ། །འཇིག་རྟེན་ཐམས་ཅད་ཀྱི་བསྟན་པ་མ་ནོས་པའོ། །འདས་པའི་སངས་རྒྱས་ཐམས་ཅད་ཀྱིས་གསུངས་པའོ། །ད་ལྟར་གྱི་སངས་རྒྱས་རྣམས་ཀྱི་ཡེ་ཤེས་ཀྱི་གཏེར་རོ། །མ་འོངས་པའི་སངས་རྒྱས་རྣམས་ཀྱི་དགོངས་པ་ཡོངས་སུ་རྫོགས་པར་བྱེད་པའོ། །ཡང་དག་པའི་ཡེ་ཤེས་འཁྲུག་པ་མེད་པ་མྱུར་དུ་འཐོབ་པར་འགྱུར་བའི་སངས་རྒྱས་ཀྱི་ཕྱག་ལས་བྱུང་བའི་ཕྱག་རྒྱའོ། །སངས་རྒྱས་ཀྱི་ཡོན་ཏན་ཡོངས་སུ་དྲི་བར་འདུན་པ་ལ་ངོམས་པ་མེད་པའོ། །ཁོང་ཁྲོ་བའི་རྣམ་པར་རིག་པ་རབ་ཏུ་ཞི་བའོ། །ཐབས་མཁས་པ་རབ་ཏུ་ཐོབ་པའོ། །སའི་ཁམས་བསྒོམས་པའོ། །ཆུའི་ཁམས་ལ་འཇུག་པའོ། །མེའི་ཁམས་ལ་སྙོམས་པར་འཇུག་པའོ། །རླུང་གི་ཁམས་གནས་པར་བྱེད་པའོ། །ནམ་མཁའི་ཁམས་རྣམ་པར་ཐར་པ་སྒྲུབ་པའོ། །རྣམ་པར་ཤེས་པའི་ཁམས་སྟོན་པར་བྱེད་པའོ། །འདུས་བྱས་ལ་ཡིད་བྱུང་བའོ། །བག་ལ་ཉལ་ཟློག་པའོ། །ཁོང་ཁྲོ་བ་སེལ་བའོ། །བཏང་སྙོམས་སུ་འདོར་བའོ། །རང་གི་གནས་པ་ལ་མཁས་པའོ། །གཞན་གྱི་གནས་པ་ལ་མཁས་པའོ། །བརྗོད་པ་འདོད་པ་རྣམས་ཀྱི་ཡི་གེའོ། །སྒྲུབ་པ་རྣམས་ལ་མངོན་པར་ཞེན་པ་མེད་པའོ། །ངར་འཛིན་པ་སྤོང་བའོ། །ང་ཡིར་འཛིན་པ་ 14a ༄#། །འདོར་བའོ། །མོས་པ་བཟློག་པའི་གནས་སོ། །སེམས་འཇིགས་པ་དང་བཅས་པའོ། །སེམས་ཁྱི་དང་མཚུངས་པས་བསྟེན་པའོ། །རྒྱ་ཆེ་བ་ལ་འཇུག་པའོ། །ཕྲ་བ་རྟོགས་པར་བྱེད་པའོ། །ངལ་བ་རྣམས་ཀྱི་གྲིབ་མའོ། །ཆུ་བོ་ལས་སྒྲོལ་བའོ། །ཕས་ཀྱི་རྒོལ་བ་རྣམས་ཀྱིས་མི་ཕྱེད་པའོ། །དེས་པ་རྣམས་ཀྱི་འཁར་བའོ། ། དགེ་བའི་བཤེས་གཉེན་ལ་བསྙེན་བཀུར་བྱེད་པའོ། །རྨུགས་པ་དང་གཉིད་རྣམས་སྤོང་བའོ། །རྒོད་པ་ལས་འདས་པའོ། །ཐེ་ཚོམ་སྤོང་བའོ། །འདོད་པ་ལ་འདུན་པ་སེལ་བའོ། །ལེ་ལོ་ཡོངས་སུ་སྤོང་བའོ། །བདག་ཏུ་མི་དམིགས་པའོ། །སེམས་ཅན་དུ་མི་སྟོན་པའོ། །སྲོག་ཏུ་མི་གནས་པའོ། །ཆོས་ལ་བརྗིད་ངས་པ་མེད་པའོ། །ཕྱིན་ཅི་ལོག་མེད་པའི་གཏམ་སྨྲ་བའོ། །རིགས་པར་སྨྲ་བའོ། །མངོན་པར་འདུ་བྱེད་པ་ལ་ལེགས་པར་བསམས་པའོ། །ཅང་ཤེས་ཀྱི་ངོ་བོའོ། །ཞུམ་པ་མེད་པའི་ངོ་བོའོ། །སྦྱིན་པ་དང་ཡེ་ཤེས་ལ་མོས་པ་ཉིད་དོ། །འཁོར་གྱི་ནང་དུ་ཞུམ་པ་མེད་པར་འགྲོ་བ་ཉིད་དོ། །གཞན་ལ་མི་སྨོད་པ་ཉིད་དོ། །རང་གི་ཡོན་ཏན་མི་བརྗོད་པའོ། །བྱང་ཆུབ་ཀྱི་ཕྱིར་རྟག་ཏུ་གནས་པའོ། །སྦྱོར་བར་བརྩམས་པའོ། །ཕྱོགས་འགའ་ལ་ཡུན་རིང་དུ་མི་གནས་པའོ། །ཡོངས་སུ་འཛིན་པ་སྤོང་བའོ། །བཀྲ་ཤིས་པར་ཡང་དག་པར་སྤྱོད་པའོ། །ལུས་ཀྱི་ངོ་བོ་ 14b མ་ཡིན་པའོ། །སེམས་ཞུམ་པ་མེད་པ་ཉིད་དོ། །གནས་པ་ལ་མཁས་པའོ། །རྗེས་སུ་དྲན་པ་སྒོམ་པའོ། །མི་གཡོ་ཞིང་ང་རྒྱལ་མེད་པའོ། །རྣམ་པར་གྲོལ་བ་འཚོལ་བའོ། །ཐེ་ཚོམ་ངེས་པར་བྱེད་པའོ། །ཚངས་པའི་གནས་པ་བསྐྱེད་པའོ། །བྱམས་པའི་སེམས་མཉམ་པ་ཉིད་དོ། །སྙིང་རྗེས་རྗེས་སུ་འཛིན་པ་ཉིད་དོ། །དགའ་བས་རང་ལ་དགའ་བར་ཉམས་སུ་མྱོང་བ་ཉིད་དོ། །བཏང་སྙོམས་པ་ན་རྗེས་སུ་ཆགས་པ་དང ། ཁོང་ཁྲོ་བ་སེལ་བའོ། །ཚུལ་ཁྲིམས་ཀྱིས་གཞན་རྗེས་སུ་འཛིན་པའོ། །ཏིང་ངེ་འཛིན་སྒྲུབ་པ་ལ་འཇུག་པའོ། ། ཆོས་ཐམས་ཅད་ལ་ཤེས་རབ་ཀྱིས་རྣམ་པར་གྲོལ་བར་འཇུག་པའོ། །ཡི་གེ་སྒྲུབ་པ་ཁོང་དུ་ཆུད་པའོ། །ངེས་པའི་ཚིག་ལ་མཁས་པའོ། །བརྗོད་པ་རྟོགས་པའོ། །སྒྲ་ལ་འཇུག་པའོ། །མཁས་པའི་ངོ་བོ་དོན་དུ་གཉེར་བ་ཉིད་དོ། །འདོད་པ་མེད་པར་ཆོས་ཀྱི་སྦྱིན་པ་རབ་ཏུ་སྒྲོག་པ་ཉིད་དོ། །བློ་གཅིག་ཏུ་ངེས་པ་ལ་མངོན་པར་དགའ་བ་མེད་པའོ། །ཚུལ་གཅིག་པ་ལ་ཡོངས་སུ་སྐྱོ་བ་མེད་པའོ། །བྱང་ཆུབ་ལ་བླང་དོར་མེད་པའོ། །ཆོས་ཐམས་ཅད་ཆུད་ཟ་བ་མེད་པའོ། །ཇི་ལྟ་བ་བཞིན་ཡོངས་སུ་སྟོན་པའོ། །སེམས་ཅན་ཐམས་ཅད་ལ་སླུ་བ་མེད་པ་ཉིད་དོ། །སྨོན་ལམ་བརྟན་པོ་ཡོངས་སུ་རྫོགས་པར་བྱེད་པའོ། །ཉིན་མཚན་དུ་སྦྱོར་བ་ལ་རྒྱུན་ཆད་པ་མེད་པའོ། །བྱང་ཆུབ་སེམས་དཔའི་སྤྱོད་པའོ། །སེམས་ཅན་ 15a ༄#། །གྱི་ཁམས་ལ་འཇུག་པའོ། །ཐམས་ཅད་མཁྱེན་པ་ཉིད་སྒྲུབ་པ་སྟེ། མཆོག་ཏུ་དགའ་བའི་རྒྱལ་པོ། འདི་ནི་ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །སྤྱོད་པ་དག་བྱེད་འཕགས་པ་རྣམས་ཀྱི་ལམ། །རྗེས་སུ་མཐུན་པའི་ཚུལ་ཡིན་སེམས་སྦྱངས་པ། །སྤོབས་པའི་སྙིང་པོ་བྱང་ཆུབ་ཡན་ལག་ཚུལ། །ཏིང་འཛིན་འདི་ནི་བདེ་བར་གཤེགས་པའི་ནོར། །བདུད་འདུལ་དྲི་བྲལ་ཁོང་ནས་ཁྲོ་བ་སྤོངས། །སྲིད་པའི་སྲེད་པ་གཅོད་བྱེད་ཤེས་རབ་དང ། །སྙན་དང་གྲགས་པའི་ཡོན་ཏན་ལེགས་འབྱོར་ཅིང ། །ཁམས་གསུམ་དག་ལས་ངེས་འབྱུང་མཐར་ཡང་ཕྱིན། །ཡེ་ཤེས་ས་ཡིན་དགེ་བའི་ལམ་ཡང་ཡིན། །འཕགས་པའི་རིགས་ཡིན་བདུད་རྣམས་ཕུང་བྱེད་པ། །སྲིད་ལས་ཐར་བྱེད་བདེ་བར་གཤེགས་པས་བསྟོད། །ཏིང་འཛིན་འདི་ནི་བདེ་བར་གཤེགས་པའི་ནོར། །ཤིན་ཏུ་མཉམ་འཇུག་ཚུལ་ནི་བྱེ་བའི་སྒོ། །རྗེས་སུ་རྟོགས་བྱེད་ཚིམ་བྱེད་གཅོད་བྱེད་ཅིང ། ། སྡུག་བསྔལ་བཅོམ་པ་བདེ་བའི་རྗེས་འཇུག་པ། །ཏིང་འཛིན་འདི་ནི་བདེ་གཤེགས་སྤྱོད་པ་ཡིན། །བྱང་ཆུབ་ཡན་ལག་མེ་ཏོག་དྲན་རྟོགས་བྱེད། །ངོ་ཚ་ཤེས་པར་ལེགས་ 15b གནས་དགེ་བ་བསྡུས། བྱང་ཆུབ་ཡན་ལག་ཕྲེང་བ་བདེ་གཤེགས་དགྱེས། །ཏིང་འཛིན་མཆོག་དེ་འདི་ནི་གསུངས་པ་ཡིན། བྱང་ཆུབ་ཡན་ལག་ཕྲེང་བ་རྣམ་ཐར་པ། །རབ་ཏུ་སྐྱེ་བྱེད་ཞིང་གི་ཕ་མཐར་ཕྱིན། །ཟླ་བའི་འོད་བྱེད་སྣང་བྱེད་སྲིད་གསུམ་འདས། །ཆོས་མཆོག་འདི་ཀུན་ཟླ་བས་བསྟོད་པ་ཡིན། །སེམས་གཡེངས་ཚུལ་འཆོས་ཤེས་ཁེ་རྙེད་པ་དག ། སྤངས་ནས་དགོན་པར་བརྟེན་པར་འགྱུར་བྱ་ཞིང ། །སྦྱོར་བ་རྣམ་གསུམ་དག་པར་འགྱུར་བྱ་ན། །ཏིང་ངེ་འཛིན་འདི་ཡང་དག་སྒྲུབ་པར་གྱིས། །ཕ་རོལ་འཆིང་དང་གཡོ་དང་ཤེས་ཁེའི་རྒྱུ། །སྤངས་ནས་རང་གི་ཡོན་ཏན་མི་བརྗོད་པར། །ཆོས་གོས་གསུམ་དང་བསོད་སྙོམས་སྤྱོད་པར་ཤོག་།འདི་ལ་སྦྱོར་གྱུར་གསོག་འཇོག་བྱེད་མ་གྱུར། །འཕགས་པ་བགོད་པའི་ངང་ཚུལ་ལྡན་བྱ་ཞིང ། །གལ་ཏེ་ཏིང་འཛིན་མྱུར་ཐོབ་འདོད་ན་ནི། །མཁས་པས་རྟག་ཏུ་དྲི་བ་བརྩམ་པར་གྱིས། །དྲིས་ནས་ཡང་དག་སྒྲུབ་ལའང་གནས་པར་གྱིས། །ཚོགས་ལས་ཐག་རིང་ཞི་ནས་དགར་འགྱུར་དང ། །འགྲོ་ཀུན་ལ་ནི་མཛའ་བས་མཉེན་བྱ་ཞིང ། །ཚུལ་འཆོས་གཞི་ཡི་གྲགས་པ་གཞར་བཏང་ན། །ཏིང་འཛིན་ཞི་བ་འདི་ནི་བཙལ་བར་གྱིས། །ངོ་ཚ་ཤེས་གོས་དབེན་པའི་རོ་ཡི་ཟས། །བསམ་གཏན་མལ་ཆ་སྟན་དང་དབེན་པའི་ཁྱིམ། །བདག་མེད་རྟོགས་ལ་རྟག་ཏུ་དགའ་བྱེད་ན། །མཁས་པ་གཞན་གྱི་ 16a ༄#། །བདེ་ལ་འདོད་མི་འགྱུར། །གལ་ཏེ་ཏིང་འཛིན་འདི་མྱུར་ཐོབ་འདོད་ན། །ཁྲོས་པས་སྨྲས་ན་གཞན་ལ་བཟོད་པ་དང ། །ང་རྒྱལ་བསྐྱེད་མི་བྱ་ཞིང་ང་བྲལ་བྱ། །ལས་ཀྱི་རྣམ་པར་སྨིན་ལའང་མངོན་དད་གྱིས། །ངན་སོང་ལམ་དང་དམིགས་ལ་མི་བརྟེན་ཅིང ། །འཕགས་པའི་འགྲོ་བ་སྟོང་ལའང་མི་བརྟེན་པར། །ཉིན་མཚན་བརྩོན་འགྲུས་སྟོབས་ལ་བརྩམ་བྱ་ན། །ཚུལ་གཞན་མིན་པའི་ཏིང་འཛིན་འདི་ཐོབ་བྱ། །མཐའ་གཉིས་ཡིད་འོང་མ་ཡིན་ལམ་སྤངས་པ། །ཡང་དག་ཚུལ་འདི་ལམ་ནི་མཉམ་པ་སྟེ། །མ་བྱས་སྐྱེ་མེད་ཆོས་ནི་སུས་མཐོང་བ། །སྒྲུབ་པ་འདི་ལ་སངས་རྒྱས་དགྱེས་པར་འགྱུར། །མཆོག་ཏུ་དགའ་བའི་རྒྱལ་པོ། འདི་ནི་ཆོས་ཐམས་ཅད་ཀྱི་ཚུལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཅེས་བྱ་སྟེ། དེ་ཐོབ་པའི་བྱང་ཆུབ་སེམས་དཔས་ནི་ཆོས་ཐམས་ཅད་ཕྱིན་ཅི་མ་ལོག་པ་ཉིད་དུ་རྟོགས་སོ། །ཆོས་ཐམས་ཅད་མི་གནས་པར་རྟོགས་སོ། །ཆོས་ཐམས་ཅད་སྐྱེ་བ་མེད་པར་རྟོགས་སོ། །སངས་རྒྱས་ཀྱི་ཆོས་ཐམས་ཅད་བྱས་པ་མེད་པར་རྟོགས་སོ། །ཆོས་ཐམས་ཅད་གསོག་ཏུ་རྟོགས་སོ། །ཆོས་ཐམས་ཅད་གསོབ་ཏུ་རྟོགས་སོ། །ཆོས་ཐམས་ཅད་སྙིང་པོ་མེད་པར་རྟོགས་སོ། །གཞན་གྱིས་ཟིལ་གྱིས་མི་ནོན་ཏོ། །འགྲོ་བ་ལྔ་ལས་ 16b རྒལ་ཏོ། །བདུད་རླག་པར་བྱེད་དོ། །སེམས་ཅན་ཐམས་ཅད་དགའ་བར་འགྱུར་རོ། །མཁས་པ་རྣམས་ཀྱིས་མཆོད་པར་བྱ་བ་ཡིན་ནོ། །ཆོས་ཉིད་ཐམས་ཅད་མཐོང་ངོ ། །ཟླ་བ་ལྟར་ལྷང་ངེར་སྣང་ངོ ། །སེམས་ཅན་ཐམས་ཅད་ཀྱི་སེམས་ཀྱི་རྒྱུ་བ་རབ་ཏུ་ཤེས་སོ། །བསམ་པ་དག་པ་རྣམས་ལ་བསྐུལ་མ་འདེབས་པ་ཡིན་ནོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཤེས་པ་ཡིན་ནོ། །སྤྱོད་པའི་ས་རྗེས་སུ་ཐོབ་བོ། །བདག་མེད་པ་ཉིད་ལ་འཇུག་གོ། ངེས་པར་འབྱུང་བར་བྱ་བའི་ཁམས་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་མངོན་པའི་ང་རྒྱལ་མེད་པའི་ས་རྗེས་སུ་ཐོབ་པོ། །སྒྲིབ་པ་ལས་འདས་སོ། །མིང་དང་གཟུགས་ཀྱི་རང་བཞིན་རབ་ཏུ་ཤེས་སོ། །ངེས་པའི་ཚིག་གི་སྒོ་ནས་སངས་རྒྱས་རྣམས་ཀྱིས་བསྟན་པ་རྗེས་སུ་རྟོགས་སོ། །མཚན་སུམ་ཅུ་རྩ་གཉིས་རབ་ཏུ་ཐོབ་བོ། །རྙེད་པ་དང་མ་རྙེད་པས་གཏུགས་པ་ལས་འདས་སོ། །འཇིག་རྟེན་ན་གོས་པ་མེད་པ་ཉིད་ཐོབ་བོ། །སེམས་ཅན་རྣམས་ཀྱི་གནས་ཡིན་ནོ། །མྱ་ངན་ལས་འདས་པའི་སྒོ་འབྱེད་དོ། །སྦྱིན་པ་པོ་ཡིན་ནོ། །འཆི་བ་མེད་པར་སྟོན་པ་ཡིན་ནོ། །མྱ་ངན་ལས་འདས་པ་ཁོང་དུ་ཆུད་པ་ཡིན་ནོ། །སེམས་ཅན་རྣམས་ཀྱི་གདུང་བ་སིལ་ཏོ། །སེམས་ཅན་རྣམས་ཀྱི་ཐེ་ཚོམ་གཅོད་པ་ཡིན་ནོ། །དབང་པོ་དྲུག་པོ་དག་གིས་མི་གོས་པ་ཡིན་ནོ། །ཡི་གེའི་སྒོ་བཅུ་དྲུག་ལ་ 17a ༄#། །འཇུག་པའི་གཟུངས་ཐོབ་པོ། །ཡི་གེ་བཅུ་དྲུག་འདོད་པ་གང་ཞེ་ན། ཨ་ཞེས་བྱ་བ་དང ། ར་ཞེས་བྱ་བ་དང ། པ་ཞེས་བྱ་བ་དང ། ཙ་ཞེས་བྱ་བ་དང ། ན་ཞེས་བྱ་བ་དང ། ད་ཞེས་བྱ་བ་དང ། ས་ཞེས་བྱ་བ་དང ། ག་ཞེས་བྱ་བ་དང ། ཐ་ཞེས་བྱ་བ་དང ། པ་ཞེས་བྱ་བ་དང ། བ་ཞེས་བྱ་བ་དང ། ཀྵ་ཞེས་བྱ་བ་དང ། ཆ་ཞེས་བྱ་བ་དང ། པ་ཞེས་བྱ་བ་དང ། ཋ་ཞེས་བྱ་བ་དང ། ཌྷ་ཞེས་བྱ་བ་སྟེ། འདི་དག་ནི་བཅུ་དྲུག་གོ་།རྣམ་པ་བཅུ་དྲུག་ལ་འཇུག་པའི་གཟུངས་ལས་ནི་མཐའ་ཡས་པས་བསྒྲུབ་པའི་སའང་ཐོབ་བོ། །ཆོས་ཐམས་ཅད་ཡ་མ་བརླར་རབ་ཏུ་ཤེས་སོ། །ངེས་པར་བྱེད་དོ། །སེམས་ཅན་ཐམས་ཅད་ཀྱི་བསམ་པ་ཤེས་པ་དག་སྐྱེད་པར་བྱེད་དོ། །དེ་ལ་ཉོན་མོངས་པ་ཐམས་ཅད་ཡོད་པ་མ་ཡིན་ནོ། །བྱིས་པ་ཐམས་ཅད་ཀྱིས་གཟུང་བའི་ཆོས་དེ་ཁོ་ན་རབ་ཏུ་ཤེས་སོ། །འཇུག་པར་བྱེད་དོ། །སེམས་ཅན་རྣམས་ཚིམ་པར་བྱེད་དོ། །ལེགས་པར་སྨྲས་པས་མཆོད་སྦྱིན་བྱེད་དོ། །འཆི་བ་མེད་པའི་མཆོད་སྦྱིན་ཉེ་བར་འཇོག་གོ་།སངས་རྒྱས་ཀྱི་མཛད་པ་ཐམས་ཅད་མཁྱེན་པ་ཉིད་དུ་བྱེད་དོ། །ཡོངས་སུ་ཤེས་པ་རྗེས་སུ་འཐོབ་པོ། །བདག་དང་གཞན་གྱི་སོམ་ཉི་གཅོད་དོ། །སེམས་ཅན་རྣམས་ཀྱི་འགྱོད་པ་བསལ་བར་ཡིད་མ་བླངས་པའོ། །བྱ་ 17b ཀ་ལ་པིངྐའི་སྒྲ་དབྱངས་ལྟ་བུ་འཐོབ་བོ། །མཉམ་པ་ཉིད་ཀྱིས་རྗེས་སུ་འཐོབ་བོ། །སེངྒེའི་སྒྲ་སྒྲོག་པ་ཡིན་ནོ། །དེས་པ་ཡིན་ནོ། །བཟོད་པའི་ཕ་རོལ་ཏུ་ཕྱིན་པ་ལ་ཞུགས་ནས་སྙིང་རྗེ་ཆེན་པོ་ཡོངས་སུ་རྫོགས་པར་བྱེད་དོ། །བདུད་ཀྱི་ཡུལ་ལས་འདས་སོ། །དབྱངས་སྙན་པ་ཉིད་ཡོངས་སུ་རྫོགས་པར་བྱེད་དོ། །ང་རྒྱལ་སྤང་བའི་ཕྱིར་བཟོད་པ་ཐོབ་པོ། །བསམ་གཏན་ཟབ་མོའི་བསམ་གཏན་པ་ཡིན་ནོ། །འགྲོ་བ་ལས་རྒྱལ་བའི་ཆོས་སྟོན་ཏོ། །གཏིང་ཐོབ་པ་ཡིན་ནོ། །ཆོས་ཐམས་ཅད་ལ་སྟོབས་དང་མཐུ་ཆེ་བ་རྗེས་སུ་འཐོབ་པོ། །ཆོས་ཐམས་ཅད་ཀྱི་སྒོ་ནས་ཤེས་པའི་ཕྱིར་ཤེས་པ་པོ་ཡིན་ནོ། །སེམས་ཅན་ཐམས་ཅད་ཀྱི་སྤྱོད་པ་དྲན་ནོ། །བསྐལ་པ་གྲངས་མེད་པ་ནས་ཆོས་རྣམས་ཀྱི་ཆོས་དེ་བཞིན་ཉིད་མངོན་པར་རྟོགས་སོ། །རྒོལ་བ་ཐམས་ཅད་ཤེས་སོ། །སྐྱོ་བའི་བསམ་པ་ཐམས་ཅད་སྤོང་བ་འཐོབ་བོ། །བྱང་ཆུབ་མྱུར་དུ་རྟོགས་སོ། །ལྷ་རྣམས་ཀྱིས་བསྟོད་དོ། །ཤེས་པས་ཆོས་ཐམས་ཅད་ཀྱི་རྗེས་སུ་འཇུག་གོ་།དོན་ཐོབ་པར་བྱ་བ་ལ་མཁས་པ་ཡིན་ནོ། །དེ་ལ་ཆོས་ཐམས་ཅད་ཡང་དག་པར་སྣང་ངོ ། །ཟས་སུ་བདུད་རྩི་ཟའོ། །ཐེ་ཙོམ་ཐམས་ཅད་གཅོད་དོ། བག་ཆགས་ཀྱི་མཚམས་སྦྱོར་བ་འདོར་རོ། །སྙིང་རྗེ་ཆེན་པོས་འགེབས་སོ། །དགོངས་པ་དྲན་ནོ། །སྔོན་གྱི་གནས་རྗེས་སུ་དྲན་པ་བསྒོམ་མོ། མྱ་ངན་ལས་འདས་པའི་ཡོན་ 18a ༄#། །ཏན་སྤྱོད་པ་མྱུར་བར་རྟོགས་སོ། །ཚོགས་ཀྱི་མཆོད་པ་བྱས་པ་འཐོབ་བོ། །ང་རྒྱལ་ཐམས་ཅད་གཅོག་གོ་།མཐུའི་ས་ངེས་པར་རྗེས་སུ་འཐོབ་བོ། ། སྣ་ཚོགས་པ་ཉིད་ལ་འཇུག་གོ་།སྒྲུབ་པ་ཤེས་སོ། །སྨིན་པ་ཐམས་ཅད་ཤེས་སོ། །སངས་རྒྱས་ཀྱི་ཞིང་རྒྱས་པར་བྱེད་དོ། །ཕུང་པོའི་བདུད་འཇོམས་སོ། །དགོངས་པའི་བཀའ་མྱུར་དུ་རྟོགས་སོ། །དེ་ལས་བདུད་མྱུར་དུ་རླག་པར་བྱེད་དོ། །ཕས་ཀྱི་རྒོལ་པ་མྱུར་དུ་འདུལ་ལོ། །འཇིག་རྟེན་གྱི་ཁམས་དཔག་ཏུ་མེད་པ་དག་ན་སངས་རྒྱས་མཐོང་ངོ ། །ཆོས་ཀྱང་ཉན་ཏོ། །དམ་པའི་ཆོས་བརྗེད་པ་མེད་དོ། །ཇི་ལྟར་བསམ་པ་བཞིན་ཏིང་ངེ་འཛིན་གྱི་རྣམ་པར་རོལ་པ་སྒྲུབ་པའང་རྗེས་སུ་འཐོབ་སྟེ། །ཏིང་ངེ་འཛིན་འདི་ཐོབ་པའི་བྱང་ཆུབ་སེམས་དཔའ་ནི་བག་ཡོད་པས་ཐམས་ཅད་མཁྱེན་པ་ཉིད་དུ་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་གལ་ཏེ་དེ་འདོད་ན་སྐྱེ་བ་གཅིག་ཁོ་ནས་སམ། འདོད་ན་སྐྱེ་བ་གཉིས་སམ། །གསུམ་མམ། བཞི་ནས་བསྐལ་བའི་བར་གྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་ཕྱིར་ཞེ་ན།་འདི་ལྟར་ཏིང་ངེ་འཛིན་འདི་ནི་ཐམས་ཅད་མཁྱེན་པ་ཉིད་ཀྱི་ཕྱིར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སྟོབས་ 18b བཅུའི་སྤྱོད་པ་ཚུལ་འདི་འཛིན་པ་ནི། མ་འཁྲུལ་མ་འཁྲུགས་འདྲ་བ་ཡོད་མིན་ལ། །འཆི་མེད་བདུད་རྩི་འཐོབ་ཅིང་ལྷ་ཡུལ་དང ། །མི་ཡུལ་དཔལ་བྱེད་མཚུངས་མེད་རྩོམ་པར་འགྱུར། །སྟོབས་བཅུས་བསྟོད་པ་ཚུལ་འདི་འཛིན་པ་ནི། །དགའ་བྱེད་ཉོན་མོངས་རྡུལ་དང་ཐབ་འཇོམས། །གསོལ་བའི་ཚིག་གིས་ལྷ་མི་དགའ་བར་བྱེད། །རྒྱལ་བའི་ཡོན་ཏན་འོས་མིན་སྲིད་མུན་སེལ། །སྟོབས་བཅུ་ཐོབ་བྱ་ཕྱིར་ནི་འདི་སྤྱོད་ན། །འགྲོ་ངན་འཇོམས་ཤིང་འགྲོ་བ་ངན་ལ་མཁས། །ལྷ་མི་གཞན་བློ་ངན་སེལ་དགའ་བར་གྱུར། །བློ་ལྡན་ལམ་མཁས་གཞན་སྤྱོད་རྣམ་པར་འབྱེད། །ཚུལ་འདི་སྤྱོད་པ་སྲིད་འགྲོ་ཡངས་པ་སྤོང ། །སྲིད་སོང་ལོག་པ་རྣམས་ལ་བསྐུལ་འདེབས་ཤིང ། །ལྷ་མི་ཇི་ལྟར་འདོད་བཞིན་སྤྱོད་བྱེད་ལ། །མཐུ་ལྡན་དྲི་མེད་ཟླ་འདྲའི་མིག་ཏུ་འགྱུར། །བྱ་བ་འདི་སྤྱོད་མཚུངས་པ་མེད་པ་ཡིན། །དེ་ལ་ལྷ་མི་རྟག་ཏུ་དགའ་བར་འགྱུར། །བློ་ལྡན་སྲིད་འགྲོ་མི་དགའ་ཡུལ་འཁྲུལ་མེད། །འཁོར་ལ་སྒྲ་སྒྲོག་ཚུལ་བརྒྱ་རྣམ་པར་འབྱེད། །རྒྱལ་བ་ཡོན་ཏན་གྲོང་ལྡན་བདུད་རྩིའི་ཚུལ། །འདི་འཛིན་རང་གིས་ལེན་བཅུག་རྣམ་འབྱེད་པ། །སྦྱིན་བདག་མཚན་རབ་མཛེས་པ་སུམ་ཅུ་གཉིས། །ཐོབ་པས་ལྷ་དང་མི་རྣམས་དགའ་བར་བྱེད། །འདི་ལ་སྤྱོད་པ་མཐའ་འཁོབ་ཚོགས་སེལ་ཅིང ། །སྐྱེ་དགུ་མང་ 19a ༄#། །འདུལ་ཡོན་ཏན་ཕལ་ཆེན་འབྱེད། །གཡོན་ཅན་ཡུལ་དང་འགྲོ་མཁས་མྱུར་བར་ནི། །དགེ་སྦྱོང་མཆོག་འགྱུར་ལྷ་མིས་ཡོན་ཏན་བསྟོད། །འཆི་མེད་ནོར་མཆོག་དག་ནི་ཐོབ་འདོད་ན། །སྤྱད་པ་འདི་སྤྱོད་མྱུར་དུ་རྒྱལ་བར་འགྱུར། །གྲགས་ལྡན་ཡོན་ཏན་མཆོག་ཐོབ་དྲི་བསུང་གཏོད། །ལྷ་མི་འཇིགས་མེད་གྲོང་ཁྱེར་ཞི་བར་སྒྲོལ། །ཚུལ་འདི་སྤྱོད་པ་འཆི་བ་མེད་ལ་དགའ། །གནས་ན་གནས་ཚེ་ཕྱོགས་བཅུའི་བདེ་གཤེགས་བསྟོད། །དེ་ནི་གཏམ་བརྗོད་ལྷ་མི་རྣམས་དགའ་ལ། །ཕན་འདུལ་མཉམ་བཞག་སྙན་པ་སྤྱོད་མཆོག་སྨྲ། །ལྷ་དང་ལྷ་མིན་ས་སྟེང་སྡུག་བསྔལ་ལས། །འདའ་བར་བྱེད་ཅིང་བདུད་དཔུང་ལ་རླག་པར་བྱེད། །རྒྱལ་བའི་ཐད་སོང་མཆོད་བྱེད་འགྲོ་གནས་མཁས། །སྲིད་འགྲོ་སྤོང་དྲན་རྟོགས་མཁས་ཡོན་ཏན་འཛིན། །ཏིང་འཛིན་ཞི་བ་མཆོག་འདི་འཛིན་པ་ན། །དབང་པོ་ཞི་ཞིང་ཡེ་ཤེས་མཆོག་འཛིན་ལ། །བསེ་རུ་ལྟ་བུར་སྤྱོད་ཅིང་ངར་མི་འཛིན། །ཆོས་ཀྱི་སྐར་མདའ་རྟག་ཏུ་འབར་བའང་ཡིན། །ཡེ་ཤེས་རྒྱ་མཚོ་འདི་ནི་སྟོན་པ་དག། །དངོས་པོའི་ཚུལ་ལ་སྐད་ཅིག་པར་ཡང་རྟོགས། །སྲིད་གསུམ་དག་ན་འདི་ནི་གདུགས་བཞིན་ཏེ། །ལྷ་མང་རྒྱལ་པོ་དེ་ལ་བསྟོད་པར་བྱེད། །ཞི་བ་བལྟ་དཀའ་འདི་ལ་འབད་པ་དག་།ཉོན་མོངས་ཉམས་ཐག་དག་ནི་སེལ་བྱེད་ཅིང ། །བདེ་བར་གཤེགས་ 19b ཀྱི་འགྲོ་བར་འགོག་པ་བརྗོད། །ཉོན་མོངས་རྒྱུན་ཆད་སྲིད་གསུམ་འདུལ་བར་བྱེད། །ཏིང་འཛིན་མཆོག་རབ་འདི་དག་ཐོབ་པ་ནི། །གཞན་གྱི་སྤྱོད་པ་དྲན་ལས་བདག་གིས་བསྟེན། ། གང་གིས་བདེ་གཤེགས་མཁྱེན་པ་མང་ཤེས་ཤིང ། །ཚུལ་རྣམས་ཐམས་ཅད་ལ་ནི་གནས་པ་ཡིན། །འདི་སྒྲུབ་པ་ནི་སངས་རྒྱས་རིགས་ཡིན་ཞིང ། །སྒྲུབ་པ་བྱེ་བ་མང་པོ་ཆུབ་པར་བྱེད། །སྡུག་བསྔལ་ཅན་གྱི་རེག་པ་རྟག་སེལ་ཅིང ། །མི་དེ་འཆི་པ་མེད་པ་སྟོན་པ་ཡིན། །མཐོང་དགའ་ཚིག་སྙན་ཡོན་ཏན་གྲགས་པས་འཕགས། །ཡོན་ཏན་དག་གིས་ཀུན་དུ་མངོན་མཛེས་ལ། །འཁོར་གྱི་ནང་དུ་ཕྱིན་ན་ནམ་མཁའ་ལ། །སྟོན་ཟླ་ཐ་ཆུངས་ཟླ་བ་ཉ་བ་བཞིན། །ཏིང་ངེ་འཛིན་ཏེ་འདི་དག་བསྟེན་པ་ནི། །འཁོར་བ་ནའང་འཁོར་དང་ལོངས་སྤྱོད་དང ། །རུས་རིགས་གྲགས་པ་བདེ་བར་གཤེགས་ཀྱིས་མཁྱེན། །དེ་ཡི་སྤོབས་པ་རྒྱ་མཚོ་ཇི་བཞིན་ནོ། །རྨད་དུ་བྱུང་བའི་མདོ་འདི་སྤྱོད་པ་ནི། །ཆོས་ཀྱི་ངོ་བོ་བདག་མེད་ཚུལ་དག་ལ། །རིང་པོར་མི་ཐོགས་རྟོགས་ཤིང་སྟོན་པར་བྱེད། །སྟོང་གསུམ་དག་གི་སྨན་པར་མྱུར་དུ་འགྱུར། །འཆི་བ་མེད་པར་ཐོབ་པར་སྦྱོར་བ་ན། །སྟོང་གསུམ་འཇིག་རྟེན་མི་རྣམས་ཇི་སྙེད་དང ། །གངྒཱའི་ཀླུང་གི་བྱེ་སྙེད་སེམས་ཅན་ཁམས། །དེ་ལས་བརྒལ་ཏེ་ཡེ་ཤེས་སྒོ་ཡང་འཐོབ། །གང་ཞིག་ལྷག་པའི་བསམ་པས་འདི་ 20a ༄#། །སྦྱོར་བ། །དུག་དང་མཚོན་དང་མེས་ཀྱང་མི་ཚུགས་ཤིང ། །རྒྱལ་པོས་བཀྲབས་ལྷུང་ཁུ་སྒོའི་འཇིགས་པའང་མེད། །རྒྱལ་པོ་སྲིན་པོའི་འཇིགས་པའང་འབྱུང་མི་འགྱུར། །ཚིག་བཞི་པོ་ནི་འཛིན་པར་བྱེད་པ་ན། །ཁྱིམ་ནས་འཆི་མེད་ནོར་ཆུད་ཟོས་མི་འགྱུར། །མི་དང་སྐེམ་དང་གདོན་གྱིས་མེ་ཚུགས་ཤིང ། །ལོང་དང་ཞར་དང་རྨོངས་པར་མི་འགྱུར་རོ། །ཏིང་འཛིན་ཞི་བ་འདི་ལ་སྦྱོར་བྱེད་པ། །དེ་ལ་གང་དག་གཟུངས་ཀྱི་གཏེར་ཡང་སྩོལ། །གང་ཞིང་འདི་སྦྱོར་དེ་ཚེ་བདེ་བར་གཤེགས། །བྱེ་བ་དྲུག་ཅུ་གཉིས་པོའང་དགོངས་པར་འགྱུར། །གལ་ཏེ་བྱང་ཆུབ་མྱུར་དུ་རེག་འདོད་ཅིང ། །གལ་ཏེ་ཡོན་ཏན་ཞིང་མཆོག་འདོད་བྱེད་པས། །མདོ་མཆོག་ཚུལ་འདི་ལ་ནི་སྦྱོར་བ་ནི། ། ཐམས་ཅད་མཁྱེན་པ་དེ་ཡི་ལག་ཏུ་འཐོབ། །དེ་བས་མཉན་ཏེ་འདིར་ནི་སེམས་ཅན་གང ། །བྱང་ཆུབ་དོན་དུ་དགེ་ལ་དགའ་བྱ་ན། །ཞག་བཞིའི་བར་དུ་ལེགས་པར་བརྩོན་བྱས་པས། །སྟོབས་བཅུ་དག་གི་ནོར་ནི་འཐོབ་པར་འགྱུར། །ཏིང་འཛིན་མཆོག་མ་ལ་ནི་འཇུག་བྱེད་པ། །རྐང་གཉིས་མཆོག་མ་བྱེ་བ་བརྒྱད་ཅུ་དང ། །གཞན་ཡང་རྒྱལ་བ་ཁྲག་ཁྲིག་དྲུག་ཅུ་རྣམས། །གང་དག་དེ་ལ་རྟག་ཏུ་དགོངས་པར་འགྱུར། །གང་གིས་མཉན་པ་རྙེད་པ་ལེགས་རྙེད་ལ། །འདི་ཉན་ནས་ཀྱང་འདི་ལ་མོས་བྱེད་པ། །དེ་ 20b དག་ཡིད་གཉིས་སྤངས་ཏེ་བྱང་ཆུབ་ལ། །དེ་དག་ཐེ་ཚོམ་འཁོར་བར་ཕྱིར་མི་མཐོང ། །དེ་བས་ཉན་ཏེ་ཡང་དག་སྤྱོད་འདི་ལ། །བརྩོན་དང་ཡོན་ཏན་དག་ལ་དགའ་བྱ་ན། །མདོ་འདི་བྲིས་ནས་ཀྱང་ནི་འཆང་བྱེད་པ། །ཐམས་ཅད་མཁྱེན་ཉིད་ངེས་པར་ལག་ཏུ་འཐོབ། །ངས་མངོན་ཤེས་ཏེ་བསྐལ་པ་བརྒྱ་འདས་ན། །སྤོབས་པའི་ཏོག་ཅེས་བྱ་བའི་རྒྱལ་པོ་བྱུང ། །དེ་ནི་ཏིང་འཛིན་མཆོག་འདི་བསྟན་པ་དག། །རྒྱལ་པོའི་བུ་སྟེ་ཟླ་བ་དཔལ་གྱིས་ཉན། །རྒྱལ་སྲིད་སྤངས་ནས་མྱུར་བར་རབ་བྱུང་སྟེ། །དེས་ནི་ཉིན་མཚན་གཅིག་ཏུ་ཉན་ནས་ཀྱང ། །དེ་ཐུན་ཐ་མ་དག་ལ་དུས་ལས་འདས། །ཞིང་གཞན་དག་ཏུ་དེ་ནི་བརྫུས་ཏེ་སྐྱེས། །ཇི་ལྟར་གངྒཱའི་བྱེ་མ་དེ་བས་ཀྱང ། །མང་བོའི་ཞག་ཏུ་མཚུངས་པ་མེད་ལ་མཆོད། ། བྱང་ཆུབ་རྗེས་སུ་དེ་རྟོགས་བྱ་བའི་ཕྱིར། །ཀུན་ལས་ཏིང་ངེ་འཛིན་འདི་བསྐལ་པར་ཉན། །རྒྱལ་བ་མར་མེ་མཛད་ལུང་སྟོན་པ་གང ། །རིན་ཆེན་གཙུག་ཏོར་ཞེས་བྱའི་རྒྱལ་དེ་བྱུང ། །དེ་ལྟར་འདི་ཐོས་འབྲས་བུ་ཆེ་བས་ན། །དེ་ཕྱིར་ཐོས་ནས་ལེ་ལོར་མི་བྱའོ། །ལྷ་མི་རྣམས་ལ་སྙན་པའི་དབྱངས་དག་གིས། །རབ་ཏུ་རྟོགས་པར་བྱ་ཞིང་མཆོད་བྱ་ལ། ། ངས་ནི་རིན་ཆེན་གཏེར་དག་ཕྱེ་ཟིན་གྱི། །སྟོབས་བཅུ་པོ་ཡི་ནོར་འདི་གཟུང་བར་གྱིས། །མཆོག་ཏུ་དགའ་བའི་རྒྱལ་པོ། སྔོན་འབྱུང་བ་འདས་པའི་དུས་བསྐལ་པ་གྲངས་མེད་པའི་ 21a ༄#། །ཡང་ཆེས་གྲངས་མེད་པ་བྱུང་བ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པའི་རྒྱན་བཀོད་པའི་དབྱངས་ཀྱི་ང་རོ་སྙན་པར་འབྲུག་སྒྲ་སྒྲོགས་པ་བཞེས་བྱ་བ་བྱུང་སྟེ། །དེའི་གསུང་རབ་ལ་ཆོས་སྨྲ་བ་སྤོབས་པ་མཐའ་ཡས་པའི་ཡོན་ཏན་ཏོག་གི་རྒྱལ་མཚན་རྣམ་པར་འཕྲུལ་པ་ཞེས་བྱ་བ་ཞིག་བྱུང་ནས་དེ་ཏིང་ངེ་འཛིན་འདེ་སྟོན་པའི་ཚེ་རྒྱལ་པོའི་བུ་སྐྱེ་བོ་མང་པོ་ལ་བསོད་ནམས་ཀྱི་རྣམ་པར་སྨིན་པ་དག་པར་སྒྲ་སྒྲོགས་པས་འབུམ་རི་བོའི་གོས་གྱོན་གྱོན་པ་བསྐོན་ཏེ་འདི་སྙམ་དུ་སེམས་ཅན་ཐམས་ཅད་ཀྱིས་ཏིང་ངེ་འཛིན་འདི་ཐོབ་པར་གྱུར་ཅིག་ཅེས་སེམས་བསྐྱེད་དོ། །དེ་དགེ་བའི་རྩ་བ་དེས་ན། གངྒཱའི་ཀླུང་བརྒྱད་ཅུའི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་དགྱེས་པར་བྱས་ནས་ཐམས་ཅད་ལས་ཏིང་ངེ་འཛིན་འདི་ཉན་ཏེ་མ་བསྟན་པའི་ཆོས་ཐམས་ཅད་ཀྱང་སྣང་ངོ ། །རྟག་ཏུ་བརྫུས་ཏེ་བྱུང་བར་གྱུར་བའི་སྐྱེ་བའང་དྲན་ནོ། །རྒྱལ་པོའི་བུ་སྐྱེ་བོ་མང་པོ་ལ་བསོད་ནམས་ཀྱི་རྣམ་པར་སྨིན་པ་དག་པར་སྒྲ་སྒྲོག་པ་དེ་སངས་རྒྱས་ཀྱི་ཞིང་ཡོན་ཏན་དཔག་ཏུ་མེད་པ་བཀོད་པར་ཚེ་དཔག་མེད་ཅེས་བྱ་བར་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཏོ། །དགེ་སློང་ཆོས་སྨྲ་བ་སྤོབས་པ་མཐའ་ཡས་པའི་ཡོན་ 21b ཏན་ཏོག་གི་རྒྱལ་མཚན་རྣམ་པར་འཕྲུལ་པའི་ང་རོ་ཞེས་བྱ་བ་དེ་ནི་དེ་བཞིན་གཤེགས་པ་སྤྱན་ཆེན་པོ་ཞེས་བྱ་བར་གྱུར་ཏོ། །རྒྱལ་པོའི་བུ་དེས་ཏིང་ངེ་འཛིན་འདི་ཐོས་པས་བསྐལ་པ་འབུམ་ཕྲག་བདུན་ཅུར་མངོན་པར་འདུས་བྱས་པའི་ལས་ཀྱི་སྒྲིབ་པ་རྣམས་སྤངས་སོ། །རྣམ་པར་འབྱེད་པའི་ལེའུ་དང ། །སྒོ་མཐའ་ཡས་པས་བསྒྲུབ་པའི་གཟུངས་དང་ཡང་སྐྱེ་བ་ཐམས་ཅད་དུ་མ་བྲེལ་ཏེ། །ཆུང་དུ་ན་སེ་གོལ་གཏོགས་པ་ཙམ་ཡང་མ་བྲལ་བར་གྱུར་ཏོ། །གཞན་ཡང་དེ་བཞིན་གཤེགས་པ་ཞལ་གསལ་ཟླ་བ་དྲི་མ་མེད་པ་དཔལ་གྱི་སྙིང་པོ་གཟི་བརྗིད་ཅེས་བྱ་བ་བྱུང་སྟེ། དེས་དེ་ལ་ཏིང་ངེ་འཛིན་འདི་བསྟན་ཅིང་བཤད་པ་ན་ཚོང་དཔོན་གྱི་བུ་རྒྱ་ཆེར་མཛེས་ཤིང་བཀོད་པ་ལེགས་སེམས་ཀྱིས་དེ་ལ་ཉན་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། །ཆུང་མ་བདུན་ཅུ་དང ། དཔག་ཚད་གཅིག་ཁོར་ཡུག་ཙམ་གྱི་གཏེར་བཞི་དང ། སྐྱེད་མོས་ཚལ་བརྒྱ་ཕྲག་བཅོ་བརྒྱད་དག་སྤངས་ནས་དེ་གོས་བཀྲམ་པའི་ས་གཞི་ལ་རྐང་པ་ནམ་ཡང་འཇོག་པར་མ་གྱུར་ཏོ། །དེ་རབ་བྱུང་ནས་ལོ་ཁྲིའི་བར་དུ་བཤང་གཅི་དང་གྲ་ལ་མ་གཏོགས་པར་ནམ་ཡང་འདུག་པ་དང ། མཆིལ་ལྷམ་བགོས་མ་མྱོང་སྟེ། །རྨུགས་པ་དང་གཉིད་དང་བྲལ་ནས་འཆག་པ་ལ་མངོན་དུ་བརྩོན་པར་གྱུར་ཏོ། །དེ་ལོ་ཁྲི་པོ་དེ་དག་འདས་ནས་དེས་སངས་རྒྱས་ཐམས་ཅད་ 22a ༄#། །ཅད་ཀྱི་བཀའ་དང ། ངེས་བའི་ཚིག་དང ། དབྱངས་སྡུད་པ་བཞེས་བྱ་བའི་གཟུངས་དང ། སྒྲ་ཐམས་ཅད་ལ་འཇུག་པར་ཁོང་དུ་ཆུད་པ་ཞེས་བྱ་བའི་ཏིང་ངེ་འཛིན་ཐོབ་སྟེ། དེ་ལ་ལྷ་དྲུག་འབུམ་སྙེད་པོ་དེ་དག་ཀྱང་བསྙེན་བཀུར་བྱེད་པ་ལ་བརྩོན་པར་གྱུར་ཏོ། །ལུས་དང་སེམས་མཆོག་ཏུ་དག་པར་སྒྲུབ་པའི་ཚེ་ལྷོ་ཕྱོགས་ན་འཇིག་རྟེན་གྱི་ཁམས་ཡོན་ཏན་ཐམས་ཅད་ཀྱིས་རབ་ཏུ་བརྒྱན་པར་དེ་བཞིན་གཤེགས་པ་ཡིད་འཐད་ཅེས་བྱ་བར་ད་ལྟར་བྱང་ཆུབ་མངོན་པར་རྫོགས་པར་སངས་རྒྱས་སོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་གཉིས་པ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དཔེར་ན་གངྒཱའི་བྱེ་མ་སྙེད། །བསྐལ་པ་མཐའ་ཡས་དྲན་གྱུར་ཏེ། །གང་ཚེ་སྤོབས་པའི་དབྱངས་ཞེས་བྱ། །འཇིག་རྟེན་མགོན་པོ་བྱུང་བར་གྱུར། །དེ་ཡི་གསུང་རབ་དག་ལ་ནི། །དགེ་སློང་ཆོས་འཛིན་མཁས་པ་བྱུང ། །དེ་ཡིས་ཏིང་འཛིན་འདི་བཤད་པ། །རྒྱལ་པོའི་བུ་དེས་ཉན་ནས་ནི། །དེ་ཡི་གོས་ཀྱང་བསྐོན་བྱས་ཏེ། །ཡོངས་སུ་བསྔོ་བ་བྱས་ནས་ཀྱང ། །མགོན་པོ་སངས་རྒྱས་དེས་མཐོང་ནས། །ཚེ་དཔག་མེད་པ་བྱང་ཆུབ་འཐོབ། །སྔོན་གང་ལས་རྣམས་བྱས་གྱུར་པའི། །དེ་ཡི་རྣམ་ 22b པར་སྨིན་པ་དག་།ཡེ་ཤེས་ཕུང་པོ་འདི་ཐོས་པས། །མ་ལུས་པར་ནི་ཐམས་ཅད་ཟད། །གཞན་ཡང་སངས་རྒྱས་དྲི་མེད་ཟླས། །ཏིང་ངེ་འཛིན་ནི་བཤད་པ་ན། །ཚོང་དཔོན་བུ་ཡིས་ཉན་ནས་ནི། །ཁྱིམ་དག་སྤངས་ནས་ངེས་བྱུང་སྟེ། །གཉིད་དང་འདོད་པ་མེད་གྱུར་ཅིང ། །མཆིལ་ལྷམ་བགོས་པར་མ་གྱུར་པར། །དེ་ཡིས་ལོ་ནི་སྟོང་ཕྲག་བཅུར། ། ཏིང་ངེ་འཛིན་ནི་བསྒོམས་པ་བྱས། །འདི་ཐོས་ཙམ་གྱི་མོད་ལ་ནི། །བྱང་ཆུབ་མཆོག་ནི་ཐོབ་གྱུར་ཏེ། །ཕྱིར་ཞིང་ཁྱིམ་ནོར་འདོད་པ་དང ། །ལོངས་སྤྱོད་དག་ལ་དགའ་མ་གྱུར། ། སངས་རྒྱས་མཐའ་ཡས་དེས་མཐོང་ནས། །ཐམས་ཅད་དག་ལ་ཡོངས་ཞུས་ཏེ། །དེ་ཡིས་ཚུལ་ཀུན་འཇུག་པ་ནི། །མྱུར་བར་རྗེས་སུ་རྟོགས་པར་གྱུར། །ཏིང་འཛིན་འདི་ལ་སྦྱོར་བྱེད་དེས། །ཡིད་དུ་འཐད་ཅེས་བྱ་བ་ཡིན། །བསམ་པ་ཡོངས་སུ་རྫོགས་མཛད་པ། །བྱང་ཆུབ་དེ་ནི་མྱུར་དུ་འཐོབ། །ཕྱི་མའི་དུས་ན་འབྱུང་བ་ནི། །ཡེ་ཤེས་ཕྱག་རྒྱ་འདི་ཉན་ཀྱང ། །ལོངས་སྤྱོད་མེད་ཅིང་བདེ་བ་མེད། །རབ་ཏུ་བྱུང་བར་འདུན་པའང་མེད། །གཅིག་ལ་གཅིག་ནི་སྤྱོ་བ་དང ། །གཤེ་བ་དང་ནི་བསྡིགས་པ་དང ། །སྨོད་པ་དང་ནི་སྒྲོག་བྱེད་ཀྱང ། །སངས་རྒྱས་འགྱུར་བར་བྱ་ཞེས་ཟེར། །ཁྱིམ་ན་སྡུག་བསྔལ་སྟོང་ཡོད་པ། །བཟོད་འགྱུར་འདོད་པའི་རྒྱུ་དག་ལ། །ལྟོས་ནས་ཉོན་མོངས་བྲན་གྱུར་ཀྱང ། །སངས་རྒྱས་ 23a ༄#། །འགྱུར་བར་བྱ་ཞེས་ཟེར། །དེ་དག་གི་ནི་རྨི་ལམ་དུ། །སངས་རྒྱས་མཐོང་ནས་དབུགས་འབྱིན་ཅིང ། །མངོན་པའི་ང་རྒྱལ་འབྱུང་གཞན་ཡང ། ། ང་ལ་བྱང་ཆུབ་ཐེ་ཚོམ་མེད། །དོན་ཕྱིར་མ་ཡིན་དེ་དག་གིས། །མདོ་འདི་སྒྲ་ཙམ་ཉན་ནས་ཀྱང ། །དབུགས་དག་འབྱིན་བྱེད་བདག་གིས་ནི། །རིང་པོ་མི་ཐོགས་བྱང་ཆུབ་འཐོབ། །དེ་ཡི་ཡང་དག་ཚུལ་འདི་ནི། །ཇི་བཞིན་ཐོས་ཤིང་ཉན་བྱས་ཀྱང ། །འཛིན་མེད་ཕྱིར་ཞིང་ཆགས་མེད་པ། །བར་སྣང་གི་ནི་རླུང་བཞིན་ནོ། །འདི་ལ་མང་པོ་ཁ་ཅིག་དག་།བྱང་ཆུབ་དོན་ཕྱིར་རོ་བྱུང་ཡང ། །ཕན་ཚུན་ཤེས་ཁེའི་གཞི་དག་ལས། །ཉེས་པ་དག་ནི་བསྐྱེད་པར་འགྱུར། །ཤིན་ཏུ་དབུལ་ཞིང་ཤེས་རབ་དམན། །ཐོས་པ་ཙམ་གྱིས་ང་རྒྱལ་ཅན། །གཞན་ལ་སྙེམས་པར་བྱེད་པ་དེས། །བདག་གིས་བྱང་ཆུབ་མཐར་ཕྱིན་སྙམ། །སྐུ་གདུང་རྙེད་དང་འོད་མཐོང་དང ། །རྒྱལ་བ་མཆོད་པས་སྤུ་ཟིང་བྱེད། །བྱང་ཆུབ་ཐོབ་པར་ཤེས་འགྱུར་བས། །ཅུང་ཟད་ཙམ་གྱིས་ངོ་མཚར་བྱེད། །བྱང་ཆུབ་ཤིན་ཏུ་རིང་གྱུར་པའི། །གང་དེའི་གཡོ་འདི་དག་གིས་ཀྱང ། །ཉམས་པར་བྱས་ནས་ཕྱིར་ཞིང་ནི། །དེ་ཡི་རྒྱལ་བ་ཤིན་ཏུ་རིང ། །མདོ་འདི་དག་ནི་ཉན་ནས་ཀྱང ། །བྱང་ཆུབ་ཐོབ་པར་འགྱུར་ཤེས་ཤིང ། །ཚེ་དཔག་མེད་གྱུར་བལྟ་བྱ་སྙམ། ། 23b སངས་རྒྱས་མྱུར་དུ་བལྟ་བྱ་སྙམ། །དམིགས་པ་དག་ལ་གནས་པ་ཡི། །བྱང་ཆུབ་ཤིན་ཏུ་རིང་བ་སྟེ། །ཡང་དག་མཐའ་ལ་གང་མི་བརྩོན། །དེ་དག་ལ་ནི་ལུང་མི་བསྟན། །ཚོང་དཔོན་གྱི་ནི་བུ་འདི་ཡིས། །ནོར་མཛོད་གང་ཡིན་བཏང་མཐོང་ནས། །དེ་དག་རབ་ཏུ་བྱུང་ནས་ཕྱིས། །སློང་མོ་སྟེར་བའི་ཁྱིམ་ལ་ཆགས། །འདི་འདྲའི་ཏིང་ངེ་འཛིན་ནི་གང ། །མར་མེ་མཛད་ལས་ངས་སྔོན་ཐོས། །ཡང་དག་པ་ནི་མི་ཤེས་པ། །དེ་ནི་གང་ཡང་འབྱུང་མི་འགྱུར། །རིན་ཆེན་རིན་ཐང་མེད་འདོད་ཕྱིར། །རྒྱ་མཚོར་ཤ་ནའི་ཁུར་ཁྱེར་ལྟར། །བློན་པོ་དེ་དག་རབ་བྱུང་ནས། །ཤེས་ཁེའི་མཆོད་ལ་རག་ལས་སོ། །འདི་ལ་ཐོས་དང་ཚུལ་ཁྲིམས་དང ། །རབ་ཏུ་བྱུང་བས་དག་མི་འགྱུར། །བྱང་ཆུབ་ལམ་ནི་བསྒྲུབས་འདི་ལ། །བག་ཡོད་པར་ནི་གནས་པར་གྱིས། །ཕྱི་མའི་དུས་ན་གང་ཞིང་གིས། །བཤད་པའི་ཚེ་ན་ཉན་ནས་ཀྱང ། །དེ་ཉིད་ལ་ནི་རྙེད་བའི་རྒྱུས། །ཕྱིར་ཞིང་མི་སྙན་པ་དག་ཟེར། །མདུན་ནས་ཀྱང་ནི་ཕྱག་འཚལ་ལ། །ལེགས་སོ་ཞེས་ནི་སྦྱིན་བྱེད་ཅིང ། །དེ་ལ་ཆོས་གོས་དབུལ་བྱེད་ཀྱང ། །མི་སྙན་པ་དག་ཟེར་བར་འགྱུར། །མཆི་མ་དག་ཀྱང་བླགས་བྱས་ཤིང ། །བདག་ཉིད་དབུལ་བ་བྱས་ནས་ཀྱང ། །དགེ་འདུན་ནང་དུ་དེ་ལ་ནི། །སྡིག་པ་བྱེད་ཅེས་ཕྱིར་ཞིང་སྨྲ། །སློབ་དཔོན་ལ་ནི་མཆོད་མི་བྱེད། །བླ་མ་དག་ལ་རི་མོ་མེད། །ཅུང་ཟད་ཙམ་གྱིས་ཁྲོ་བྱེད་ 24a ༄#། །ཅིང ། །ཁྱིམ་སུན་འབྱིན་དང་ལྡན་པ་ཡིན། །ཕ་རོལ་བསོད་ནམས་མ་དད་ཅིང ། །རང་གི་སྐྱོན་ལ་མི་སེམས་པར། །གཞན་གྱི་མཆོད་པ་ཤེས་ནས་ནི། །ཕྲག་དོག་མི་བཟད་སྐྱེད་པར་བྱེད། །བདག་གིས་གདུགས་དང་རྒྱལ་མཚན་དང ། །ཆོས་གོས་དང་ནི་མེ་ཏོག་གིས། །སྐུ་གདུང་དག་ནི་མཆོད་བྱས་ནས། །བྱང་ཆུབ་ཐོབ་པར་འགྱུར་ཞེས་ཟེར། །མདོ་འདི་དག་ནི་ཉན་ནས་ཀྱང ། བདེ་བ་ཐམས་ཅད་སྤངས་བྱས་ཏེ། །སྒྲུབ་པ་དག་ལ་གནས་པ་ནི། །ང་ཡི་ཡང་དག་མཆོད་འདི་ཡིན། །དཔེར་ན་རབ་འབྱོར་མཆོད་བྱེད་ལྟར། །བདག་གི་ཕུང་པོ་སྤངས་ནས་ཀྱང ། །ཆོས་ཉིད་དེ་ལ་མཆོད་བྱེད་ཀྱི། །སྐུ་གདུང་གཟུགས་ལ་ཅི་ཞིག་མཆོད། །མདོ་འདི་སྒོམ་པར་བྱེད་པ་ན། ། སྲོག་ལ་དགའ་བ་སྤང་བྱ་སྟེ། །དགོན་པར་རྟག་ཏུ་གནས་བྱ་ཞིང ། །འཚོ་བའི་འཇིག་རྟེན་ཟད་པར་བྱ། །མཆོག་དགའ་རྒྱལ་པོ་ང་ལས་ནི། །སྒྲུབ་པ་དག་ནི་ཉན་ནས་ཀྱང ། །མི་དང་ལྷན་ཅིག་རྒྱ་བ་ན། །ནམ་ཡང་ཡིད་བརྟན་མི་བྱ་སྨྲ། །འདི་བདེན་འདི་ནི་མི་བདེན་ཞེས། །བདག་སྨྲ་བ་ན་དེ་དག་ནི། །དགའ་བས་མི་སྙན་བརྗོད་བྱེད་པ། །དེ་ཚེ་བདག་ནི་ཉམས་པར་འགྱུར། །བྱང་ཆུབ་མཆོག་ལ་ཕྱིར་ཞིང་ནི། །ཤེས་ཁེའི་སྤྱོད་ཡུལ་འདུན་པ་མེད། །དེ་དག་བྱང་ཆུབ་བཀུར་སྟི་ཅན། །དེ་དག་རྣམ་གྲོལ་ཤིན་ཏུ་རིང ། །སྡོམ་པས་ 24b བསྒྲུབས་ཏེ་ངས་ཐོབ་པ། །ང་ཡི་བདག་ཉིད་ཆེན་པོ་དང ། །རྫུ་འཕྲུལ་གང་ཡང་རུང་བདག་།འདི་དག་ཐམས་ཅད་འདིར་མཐོང་ངམ། །ཤེས་ཀྱི་ཁེ་དང་རྙེད་སྤངས་ནས། །རི་དྭགས་བཞིན་དུ་དགོན་པ་ན། །དབེན་པ་དག་ཏུ་བསྟེན་བགྱིས་ཏེ། །ས་དང་ཚུལ་ཁྲིམས་གཟུངས་རྣམས་སྤྱོད། །བདེན་མིན་ངས་ནི་མ་སྨྲས་པ། །ཁྱོད་ལ་བྱིན་གྱིས་བརླབ་བྱ་སྟེ། །ཕྱེ་དུས་མི་ཟད་པ་ཡི་ཚེ། །མདོ་སྡེ་འདི་ཡང་ཁྱོད་ལ་ནི། །ཚེ་དཔག་མེད་དང་འཇིག་རྟེན་མགོན། །མི་འཁྲུགས་དེ་བཞིན་འོད་ཟེར་གཏོང ། །དེ་ལ་བྱེ་བ་དྲུག་ཅུ་པོ། །སངས་རྒྱས་འཁོར་བཅས་ཀུན་མཐོང་ངམ། །སྟོན་པ་འཁོར་བཅས་དེ་དག་ནི། །ཕྱི་མའི་དུས་ན་ཆོས་ཀྱང་སྐྱོང ། །མདོ་འདི་ཆོས་ཀྱི་ཕྱག་རྒྱ་སྟེ། །ཕྱི་མའི་ཚེ་ན་སྒྲུབ་པར་འགྱུར། །ཡོངས་སུ་གཏད་པ་འདི་ཉན་ཚེ། ། སྟོང་གསུམ་དག་ཀྱང་གཡོས་གྱུར་ཏེ། །ལྷ་ཡིས་ལེགས་སོ་ཞེས་བྱིན་ཞིང ། །མེ་ཏོག་མང་པོའི་ཆར་བ་བབ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་བྱང་ཆུབ་སེམས་དཔའ་སུམ་ཁྲི་དང་ལྷན་ཅིག་ཏུ་ལུས་འདར་ལ་མཆི་མ་ཟག་ཅིང་སྐྱེ་བུང་ཞེས་བྱེད་ལ། མཆན་ཁུང་ནས་རྡུལ་བྱུང་བཞིན་དུ་སྟན་ལས་ལངས་ཏེ་བཅོམ་ལྡན་འདས་ག་ལ་བདེར་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་ཚིག་མཐུན་པར་འདི་སྐད་ཅེས་གསོལ་ཏོ། །བཅོམ་ལྡན་འདས། སླད་མའི་དུས་ན་བརྡེག་བཙོག་ལ་ཉེ་བར་གནས་ 25a ༄#། །པ་དང ། །ཆོས་སྨྲ་བ་ལ་བརྙས་པ་དང ། ཐམས་ཅད་མཁྱེན་པའི་ཡེ་ཤེས་མ་མཆིས་པ་དང ། བསྟན་པ་འཇིག་པ་དང ། ཡེ་ཤེས་མཐོང་བ་ཆུང་བ་དང ། ཆོས་དཀར་པོ་རྣམ་པར་གཞིག་པ་དང ། འཚོ་བའི་མཐར་གྱུར་པ་དེའི་ཚེ་ན་ལུས་དང་སྲོག་ཡོངས་སུ་བཏང་སྟེ། བདེ་བར་གྲགས་པ་ཐམས་ཅད་བདག་གིས་རལ་གྲི་ལྟ་བུས་གཅད་པར་བགྱི་ཞིང་དེ་བཞིན་གཤེགས་པའི་ལམ། གཏེར་སྣ་ཚོགས་པ། སྤོབས་པ་ཕྱིན་ཅི་མ་ལོག་པ། ཕྱག་རྒྱ། དགེ་བའི་རྩ་བ་ལེགས་པར་སྡུད་པའི་རྒྱ་མཚོ།་གཟུངས་ཀྱི་རིགས་བདུད་ཟིལ་གྱིས་གནོན་པ། ཐམས་ཅད་མཁྱེན་པ་ཉིད་དུ་བསྒྲུབ་པ་ལ་རྗེས་སུ་རྟོགས་པའི་མདོ་སྡེ་འདི་དང་འདི་ལྟ་བུ་དག་བྲིས་ནས་འཆང་པ་དང ། སྟོན་པར་བགྱིད་ལགས་སོ། །བཅོམ་ལྡན་འདས། བདག་ཅག་སེམས་ཅན་དམྱལ་བ་ན་མཆིས་སུ་ལགས་ཀྱང་ཏིང་ངེ་འཛིན་རིན་པོ་ཆེ་འདིའི་སླད་དུ་ནི་སྤྲོ་བར་བགྱིད་ལགས་སོ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །འཇིག་རྟེན་མགོན་པོ་མ་གཏོགས་པར། ། དབང་གཞན་སུ་ཡང་མ་མཆིས་ན། །ཅི་ནས་བྱང་ཆུབ་བདག་འདུན་དང ། །བདག་གི་བསམ་པ་མཁྱེན་ལགས་སམ། །རྒྱལ་བ་སླད་དུས་འཇིགས་ཆེན་ཚེ། །བདག་གི་ 25b ལུས་དང་སྲོག་དག་ནི། །མ་ལུས་པར་ནི་སྤངས་གྱུར་ཀྱང ། །ཏིང་ངེ་འཛིན་འདི་གཟུངས་པར་བགྱི། །གལ་ཏེ་བསྐལ་པ་ཚད་མེད་པར། །སེམས་ཅན་དམྱལ་གནས་མཆིས་གྱུར་ཀྱང ། །ཏིང་ངེ་འཛིན་འདི་འཆང་བ་དང ། །རྟག་ཏུ་དེ་ལ་སྤྲོ་བར་བགྱི། །སེམས་ཅན་ཐམས་ཅད་གཉེར་ནས་ནི། །ཟང་ཟིང་མ་མཆིས་ཆོས་བསྟན་བགྱི། །འདུ་བྱེད་ཐམས་ཅད་སྤངས་ནས་ཀྱང ། །སྲོག་ཆགས་རྣམས་ཀྱི་དོན་དག་བགྱི། །སླད་དུས་ཉེ་བར་གནས་པ་ན། །བདག་གི་ལུས་སྲོག་རུས་པ་དང ། །ཤ་དང་ཆུ་རྒྱུས་ཞིག་ཀྱང་རུང ། །བདག་གིས་ལེ་ལོ་མི་བགྱིའོ། ། བཤེས་འཕྲིན་ཐམས་ཅད་སྤངས་ནས་ནི། །དགོན་གནས་དག་ཏུ་མཆིས་བགྱི་ཞིང ། །བྱམས་པས་སེམས་ཅན་ཁྱབ་བགྱི་སྟེ། །ནད་མེད་འགྱུར་བའི་སྨན་སྩལ་བགྱི། །སྤྱོད་ཡུལ་ལོག་པ་གང་དེ་དག་།དེ་དག་གིས་ནི་མི་བསླབ་ཅིང ། །ཅི་ནས་མདོ་འདི་སྤྱད་པ་ཡང ། །ཡང་དག་ཇི་བཞིན་སྤྱད་པར་བགྱི། །ཇི་ལྟར་སངས་རྒྱས་མཁྱེན་པ་ལྟར། །རྟག་ཏུ་བག་མཆིས་པར་ཡང་བགྱི། །འདི་ལ་ཐོག་མར་མཆི་བ་བདག་།སེམས་ཅན་རྣམས་ལའང་སྤྲོ་བར་བགྱི། །ཞུགས་ཀྱི་ཕུང་པོར་མཆོངས་ཀྱང་རུང ། །འཇིགས་ཆེན་སྨོན་ཆོས་འཚལ་ཀྱང་རུང ། གྲགས་པ་དང་ནི་མཆོད་སླད་དུ། བྱང་ཆུབ་མཆོག་ནི་སྟོན་མི་བགྱིད། །ཆོས་ཀྱི་རྣམ་གྲགས་འདི་བཤད་པ་ན་གངྒཱའི་ཀླུང་བདུན་ཅུའི་བྱེ་མ་དང་མཉམ་པའི་སེམས་ 26a ༄#། །ཅན་གང་དག་འཇིག་རྟེན་གྱི་ཁམས་གྲངས་མེད་པ་ནས་ལྷགས་ཏེ་དེ་དག་གིས་འདི་ཐོས་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །བྱང་ཆུབ་སེམས་དཔའ་སྟོང་པོ་དེ་དག་ཐམས་ཅད་ཀྱིས་ཀྱང་ཏིང་ངེ་འཛིན་འདི་ཐོབ་བོ། །ཕྱི་མའི་ཚེ་ན་གང་དག་ཆོས་སྨྲ་བ་ལྷ་འབུམ་ཕྲག་བཅུ་པོ་དེ་དག་ཀྱང་སྤྲོ་བར་མཛད་ནས་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷ་དུང་ཕྱུར་ཕྲག་བདུན་པོ་བདག་ཀྱང་གང་དག་ཆོས་རྣམས་ལ་ཆོས་ཀྱི་མིག་རྣམ་པར་དག་གོ་།འཁོར་བཞི་པོ་མིའི་སྐྱེ་རྒུ་བྱེ་བ་ཕྲག་བཅོ་བརྒྱད་དག་གིས་ཀྱང་གང་དག་ཆོས་རྣམས་ལ་ཆོས་ཀྱི་མིག་སྐྱེས་སོ། །ངན་སོང་གསུམ་པོ་ཐམས་ཅད་ཀྱང་རབ་ཏུ་ཞི་བར་གྱུར་ཏོ། །བཅོམ་ལྡན་འདས་ཀྱི་འོད་ཀྱིས་ཀྱང་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་དང་མཉམ་པ་དག་ཏུ་སྣང་བར་གྱུར་ཏོ། །དེའི་མདོ་ལ་སྲིད་པའི་རྩེ་མོ་ནས་མནར་མེད་པའི་བར་གྱི་སེམས་ཅན་ཐམས་ཅད་བདེ་བར་གྱུར་ཏོ། །བཅོམ་ལྡན་འདས་ཀྱི་འོད་དེ་ལས་རིན་པོ་ཆེ་བཀོད་པ་མཐའ་ཡས་པའི་པདྨ་འདབ་མ་འབུམ་ཡོད་པ་བྱེ་བ་ཁྲག་ཁྲིག་བྱུང་བར་གྱུར་ནས་པདྨ་ཐམས་ཅད་ལའང་བཅོམ་ལྡན་འདས་ཤཱཀྱ་ཐུབ་པ་ཇི་ལྟ་བ་བཞིན་དུ། དེ་བཞིན་གཤེགས་པ་རྣམས་འཁོར་དེ་ལྟ་བུ་དག་དང་ 26b བཞུགས་ཏེ། མཆོག་ཏུ་དགའ་བའི་རྒྱལ་པོའང་ཐམས་ཅད་ལ་གསོལ་བ་འདེབས་ལ། །སངས་རྒྱས་དེ་དག་ཐམས་ཅད་ཀྱིས་ཀྱང་ཏིང་ངེ་འཛིན་འདི་བཀའ་སྩལ་ནས་སེམས་ཅན་གྲངས་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་མཛད་དོ། །འདི་ནི་བྱང་ཆུབ་སེམས་དཔའི་སྤྱོད་པ་ལ་འཇུག་པ་སྟོན་པ་སྤྱོད་པ་ཡོངས་སུ་དག་པར་བྱེད་པ་ཞེས་བྱ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་བཀའ་སྩལ་པ། མཆོག་ཏུ་དགའ་བའི་རྒྱལ་པོ། དེ་ལྟ་བས་ན། སྦྱིན་པ་ལྷུར་མ་བྱེད་པར་ཆོས་ལ་མཆོད་པ་བྱ་བའི་ཕྱིར་ནི་མཆོད་པ་གྱིས་ཤིག་།མཆོག་ཏུ་དགའ་བའི་རྒྱལ་པོ།་སྔོན་བྱུང་བ་འདས་པའི་དུས་བསྐལ་པ་གྲངས་མེད་པ་མང་པོ་དག་བྱུང་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་སྡུག་མཛེས་པ་རྣམ་པར་ངེས་པའི་འོད་ཀྱི་གཟི་བརྗིད་ཀྱི་རྒྱལ་པོ་ཞེས་བྱ་བ་ཞིག་བྱུང་སྟེ། སྐུ་ཚེའི་ཚད་ནི་དཔག་ཏུ་མེད་དོ། །སངས་རྒྱས་ཀྱི་ཞིང་གི་བཀོད་པ་ནི་མཐའ་ཡས་སོ། །འཁོར་ནི་གྲངས་མེད་དོ། །ཕྱི་མའི་དུས་ལྔ་བརྒྱ་པ་ཐ་མའི་ཚེ་དེའི་ཆོས་སྨྲ་པ་རིན་པོ་ཆེའི་ལུས་མཐའ་ཡས་པར་གྲགས་པ་སྤྱོད་པའི་མཛོད་ཅེས་བྱ་བ་ཞིག་བྱུང་ 27a ༄#། །བར་གྱུར་ཏེ། དེ་ཏིང་ངེ་འཛིན་འདི་སྟོན་པ་ན་དགེ་སློང་གཞན་དག་གིས་བསྟན་པ་ཐམས་ཅད་ལས་བསྙིལ་བར་གྱུར་ཏོ། །དེ་ནས་ཆོས་སྨྲ་བའི་ཞུམ་པ་མེད་པའི་སེམས་ཀྱིས་ལུས་དང་སྲོག་ལ་མི་བལྟ་བར་འདི་ལྟར་དུར་ཁྲོད་དུ་གནས་བཅས་ནས་རྩ་བ་དང་འབྲས་བུ་ཟ་ཞིང་ཏིང་ངེ་འཛིན་འདི་བསྟན་པའི་ཚེ་དེ་ལས་ཆོས་མཉན་པའི་ཕྱིར་རྒྱལ་ཆེན་བཞིའི་རིས་ཀྱི་ལྷ་དག་ནས་བཟུང་སྟེ་འོག་མིན་གྱི་བར་གྱི་ལྷ་རྣམས་ལྷགས་སོ། །དེའི་ཚེ་འཁོར་ལོས་བསྒྱུར་བའི་རྒྱལ་པོ་སྐྱེ་བོ་མང་པོ་མངོན་པར་དགའ་ཞིང་མྱ་ངན་མེད་པའི་ང་རོ་ཞེས་བྱ་བ་ཞིག་བྱུང་སྟེ། དེས་ཆོས་སྨྲ་བ་དེ་ལས་ཏིང་ངེ་འཛིན་འདི་ཉན་ཏོ། །ཉན་ནས་ཀྱང་ཆོས་སྨྲ་བ་དེ་ལ་མི་འཇིགས་པ་བྱིན་ཏེ། དགེ་སློང ། སངས་རྒྱས་ཀྱིས་ཡང་དག་པར་བཀའ་སྩལ་པའི་ཏིང་ངེ་འཛིན་འདི་སྟོན་ཅིག། བདག་ནི་ཁྱོད་ལ་སྲུང་ཞིང་སྐྱོབ་པ་ལགས་སོ། །དེས་བུ་སྟོང་ཡང་དེའི་སྲུང་མར་བཀོད་ལ།་ཐོགས་པ་མེད་པའི་སེམས་ཀྱིས་སྲོག་ཆགས་སུམ་ཁྲི་ཞིག་ཀྱང་བདེ་བའི་ཡོ་བྱད་ཐམས་ཅད་སྦྱོར་དུ་བཅུག་གོ། །ཆོས་སྨྲ་བ་བདེ་བར་གནས་པར་བྱས་པ་དེས་ཀྱང་བསྐལ་པ་ཕྱེད་ཀྱི་བར་དུ་ཏིང་ངེ་འཛིན་འདི་བསྟན་ཏེ། དགེ་བའི་རྩ་བ་དེ་བྱས་པས་ཆོས་སྨྲ་བ་དང ། རྒྱལ་པོ་བུ་དང་བཅས་ཤིང་སྐྱེ་བོའི་འཁོར་དང་བཅས་པ་དང ། ཚོགས་པ་ 27b ཐམས་ཅད་ཀྱིས་བསྐལ་པ་བརྒྱད་ཅུར་སངས་རྒྱས་གཏམས་པ་བྱེ་བ་སུམ་ཁྲི་མཉེས་པར་བྱས་ཏེ་ཐམས་ཅད་ལས་ཏིང་ངེ་འཛིན་འདི་ཐོབ་བོ། བསམ་པ་ཇི་ལྟ་བ་བཞིན་དུ་སངས་རྒྱས་ཀྱི་ཞིང་ཡང་ཡོངས་སུ་འཛིན་པར་འགྱུར་ཏོ། །མཆོག་ཏུ་དགའ་བའི་རྒྱལ་པོ། དེའི་ཚེ་ན་ཆོས་སྨྲ་བ་དེ་གལ་ཏེ་ཁྱོད་གཞན་ཞིག་ཡིན་པ་སྙམ་དུ་སེམས་ན། དེ་དེ་ལྟར་མི་བལྟ་སྟེ། དེ་བཞིན་གཤེགས་པ་ཚེ་དཔག་མེད་ནི་ཆོས་སྨྲ་བ་དེར་གྱུར་ཏོ། །དེ་བཞིན་གཤེགས་པ་མི་འཁྲུགས་པ་ནི་འཁོར་ལོས་བསྒྱུར་བའི་རྒྱལ་པོར་གྱུར་ཏོ། ། བསྐལ་པ་བཟང་པོ་པའི་སངས་རྒྱས་སྟོང་ནི་རྒྱལ་པོའི་བུ་རྣམས་སུ་གྱུར་ཏོ། །མཆོག་ཏུ་དགའ་བའི་རྒྱལ་པོ་ལ་སོགས་ཏེ་བྱང་ཆུབ་སེམས་དཔའ་སུམ་ཁྲི་པོ་འདི་དག་ནི་འདི་ལྟར་ཆོས་སྨྲ་བ་དེའི་བསམ་པ་ཇི་ལྟ་བ་བཞིན་བདེ་བར་སྦྱོར་བ་དང ། སྲུང་ཞིང་སྐྱོང་བར་གྱུར་ཏོ། །མཆོག་ཏུ་དགའ་བའི་རྒྱལ་པོ། འདི་ནི་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་ཡིན་ཏེ། དེ་ལྟ་བས་ན། ཡང་དག་པར་སྒྲུབ་པར་གནས་པས་བྱང་ཆུབ་སེམས་དཔའི་ཏིང་ངེ་འཛིན་འདི་ནི་གུས་པ་དང་བཅས་པར་ཟུངས་ཤིག ། ཆོངས་ཤིག། ལྷོགས་ཤིག། བྲི་བར་གྱིས་ཤིག། སྟོན་ཅིག་།དེ་ནས་བཅོམ་ལྡན་འདས་ཀྱིས་དེའི་ཚེ་ཚོགས་སུ་བཅད་པ་འདི་དག་བཀའ་སྩལ་ཏོ། །གང་གིས་བསྐལ་པ་ 28a ༄#། །བྱེ་བ་སྟོང་ཚང་བར། །སེམས་ཅན་ཀུན་ལ་བདེ་བ་བྱིན་པ་བས། །ལ་ལས་བྱང་ཆུབ་མཆོག་སེམས་གཅིག་བསྐྱེད་པ། །དེ་ཡི་བསོད་ནམས་དཔེར་ཡང་བཟོད་མི་འགྱུར། །ཕྱོགས་བཅུ་དག་ན་སེམས་ཅན་ཇི་སྙེད་པ། །དེ་དག་ཐམས་ཅད་རང་རྒྱལ་གྱུར་དེ་ལ། །འདེ་བ་ཀུན་གྱིས་བསྐལ་པར་བཀུར་བྱས་ཀྱང ། །འདི་ལྟར་བྱང་ཆུབ་མཆོག་ཙམ་བསོད་ནམས་མེད། །འཇིག་རྟེན་སེམས་ཅན་ཀུན་སངས་རྒྱས་གྱུར་ཏེ། །དེ་དག་བསམ་པ་ཇི་བཞིན་བསྐལ་མཆོད་པས། །ལ་ལས་བྱང་ཆུབ་མཆོག་སེམས་གཅིག་བསྐྱེད་པ། །དེ་ཡི་བསོད་ནམས་དཔེར་ཡང་བཟོད་མི་འགྱུར། །གང་གིས་སངས་རྒྱས་ཆོས་རྣམས་བསྲུང་བའི་ཕྱིར། །ཚིག་བཞིའི་ཚིགས་བཅད་མི་ཡིས་གུས་བྱེད་པས། །ལ་ལས་བྱང་ཆུབ་ཡོངས་སུ་བསྲུང་བའི་ཕྱིར། །བྱང་ཆུབ་སེམས་ཀྱི་བསོད་ནམས་དེ་འདྲ་མེད། །འཇིག་རྟེན་ཁམས་འདིའི་སེམས་ཅན་གང་སུ་དག། དེ་དག་ཐམས་ཅད་བྱང་ཆུབ་བཀོད་པ་བས། །ལ་ལས་ཕུང་པོ་མེད་པའི་ཚིག་ཉན་ན། །སྐྲག་མེད་དེ་ཡི་བསོད་ནམས་ཁྱད་པར་འཕགས། །གངྒཱའི་ཀླུང་ཕྲག་བྱེ་བ་བྱེ་སྙེད་ཀྱི། །བསྐལ་པར་བྱང་ཆུབ་སེམས་དཔས་རིན་པོ་ཆེ། །འབྱོར་བ་ཀུན་གྱིས་ཞིང་བཀང་སྤྱིན་བྱིན་པས། །ལ་ལས་བྱང་ཆུབ་བསྲུངས་འདི་ཁྱད་པར་འཕགས། །རྒྱལ་བས་གནང་ 28b བའི་བྱང་ཆུབ་བསྲུང་བྱ་བ། །བསམ་གྱིས་མི་ཁྱབ་པ་ཡི་ཏིང་འཛིན་འདི། །གང་ཞིག་ཚིག་བཞིའི་ཚིགས་བཅད་བསྲུང་དེའི། །ཚིག་ཀུན་གྱིས་ནི་བརྗོད་པར་མི་ནུས་སོ། །གང་ཞིག་ཏིང་འཛིན་འདི་བྲིས་འཆང་བྱེད་པ། །དུས་བྱེད་ཚེ་ན་སངས་རྒྱས་ཕལ་ཆེན་མཐོང ། །དེ་ནི་དྲན་ལྡན་གཞར་ཡང་རྨོངས་པ་མེད། །གང་དུ་འདོད་པ་དེར་ནི་སྐྱེ་བ་ལེན། །ཏིང་འཛིན་རྒྱལ་པོ་ལ་ནི་དགའ་བྱེད་པ། །བྱང་ཆུབ་མ་ཐོབ་བར་དུ་ལུས་བདེ་ཞིང ། །དེ་བཞིན་སེམས་བདེ་མཐོ་རིས་སུ་ཡང་འགྲོ་།འཕགས་དང་ཕྲད་ཅིང་སྡུག་བསྔལ་གཞར་མི་མྱོང ། །རྒྱལ་བ་རྣམས་ཀྱི་མཛོད་ཡིན་འོད་མཐའ་ཡས། །སྒོ་མོ་སྟོང་ཕྲག་ཁྲི་ལ་འདུག་པ་དག་།སྟོབས་མཆོག་གནས་ཏེ་ང་ཡིས་བསྟན་པར་བྱས། །ཏིང་འཛིན་བྱང་ཆུབ་འདི་ལ་སྦྱོར་བར་གྱིས། །ངས་ནི་ཚིག་གིས་བརྗོད་ནུས་དེ་སྙེད་དོ། །ཁྱོད་ཀྱིས་བྱ་བ་དག་ནི་འདི་ཡིན་ཏི། །ཛི་སྲིད་བར་དུ་དེར་འདུག་སྦྱོར་གྱིས་དང ། །ཕྱི་མའི་དུས་ན་གདུངས་པར་མི་འགྱུར་རོ། །ཇི་ལྟར་ལག་ཏུ་འོངས་བཞིན་ངས་བཤད་དེ། །ལྷག་པའི་བསམ་པས་སྤྱོད་པ་སྦྱོར་གྱིས་ཤིག་།བྱམས་པས་བྱ་བ་མང་པོ་ངས་བྱས་པས། །ཕ་ཡིས་བུ་ལ་གདམས་པ་བཞིན་དུ་བྱ། །དེ་ནས་བཅོམ་ལྡན་འདས་ཀྱིས་ཏིང་ངེ་འཛིན་འདི་བསྟན་ནས་ཏིང་ངེ་འཛིན་འདི་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་མཆོག་ཏུ་དགའ་ 29a ༄#། །བའི་རྒྱལ་པོའང་སྙོམས་པར་ཞུགས་ཏེ་ཏིང་ངེ་འཛིན་འདི་ཞག་བདུན་དུ་ཆོས་རབ་ཏུ་རྣམ་པར་འབྱེད་པས་རབ་ཏུ་རྣམ་པར་འབྱེད་དོ། །དེ་ནས་ཡངས་པ་ཅན་གྱི་ནང་རོལ་ན་ལི་ཙ་བའི་བརྒྱད་ཁྲི་བཞི་སྟོང་དང ། ཡངས་པ་ཅན་གྱི་ཕྱི་རོལ་ན་ལི་ཙ་བའི་བརྒྱད་ཁྲི་བཞི་སྟོང་འཁོད་པ་དག་འདི་སྙམ་དུ་སེམས་པར་གྱུར་ཏེ། སྐྱེ་བོ་མང་པོ་ལ་ཕན་པའི་ཕྱིར་དང ། སྐྱེ་བོ་མང་པོ་ལ་བདེ་བའི་ཕྱིར་དང ། འཇིག་རྟེན་ལ་ཐུགས་བརྩེ་བའི་ཕྱིར་དང ། ལྷ་དང་མི་རྣམས་ལ་ཕན་པ་དང ། བདེ་བའི་དོན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ནང་དུ་ཡང་དག་འཇོག་ལ་ཞུགས་པ། དེ་བཞིན་གཤེགས་པའི་ཏིང་ངེ་འཛིན་ལས་བཞེངས་པར་བདག་ཅག་གི་ནང་ནས་སུས་གསོལ་བ་གདབ་སྙམ་མོ། །དེ་ནས་ནང་རོལ་ན་འཁོད་པའི་ལི་ཙ་བའི་རྣམས་ཚེ་དང་ལྡན་པ་ཤཱ་རིའི་བུ་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། བཙུན་པ་ཤཱ་རིའི་བུ། ཚེ་ཐུང་བའི་དུས་ན་སངས་རྒྱས་འབྱུང་བའང་དཀོན་ལ། དད་པའང་དཀོན་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཉམ་པར་བཞག་པ་ 29b དེ་བདག་ཅག་ལ་ཐུགས་བརྩེ་བའི་སླད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཏིང་ངེ་འཛིན་དེ་ལས་ལེགས་པར་བཞེངས་སུ་གསོལ་ཅིག ། དེ་ནས་ཚེ་དང་ལྡན་པ་ཤཱ་རིའི་བུས་ལི་ཙ་བའི་དེ་དག་ལས་ཚེག་དེ་ཐོས་ནས་བཅོམ་ལྡན་འདས་ག་ལ་བ་དེར་སོང་སྟེ་བཅོམ་ལྡན་འདས་བསམ་གཏན་གྱིས་བསམ་གཏན་དུ་ཞུགས་ཤིང ། ཏིང་ངེ་འཛིན་གྱིས་ཏིང་ངེ་འཛིན་དུ་ཞུགས་པ་དག་བཙལ། ཡོངས་སུ་བཙལ་ཀྱང་དེ་བཞིན་གཤེགས་པའི་གནས་པ་མངོན་པར་མ་རྟོགས་སོ། །དེ་ནས་ཚེ་དང་ལྡན་པ་ཤཱ་རིའི་བུ་གནས་བརྟན་མཽངྒལ་གྱི་བུ་ཆེན་པོ་ག་ལ་བ་དེར་སོང་སྟེ། ལི་ཙ་བའི་རྣམས་ཀྱི་བསམ་པ་དང ། རང་བཞིན་དེ་ཉིད་སྨྲས་སོ། །དེ་ནས་མཽངྒལ་གྱི་བུ་ཆེན་པོས་རྫུ་འཕྲུལ་གྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་ནས་དེ་བཞིན་གཤེགས་པ་ཏིང་ངེ་འཛིན་ལས་བཞེངས་པར་གསོལ་བའི་ཕྱིར་ཚངས་པའི་འཇིག་རྟེན་མན་ཆད་དབྱངས་ཀྱིས་གོ་བར་བྱས་ཀྱང་མ་བཞེངས་སོ། །དེ་བཞིན་དུ་ཚེ་དང་ལྡན་པ་ཤཱ་རིའི་བུ་དང ། ཚེ་དང་ལྡན་པ་མཽངྒལ་གྱི་བུ་ཆེན་པོ་དང ། ཀུན་ཤེས་ཀཽཎྜི་ནྱ་དང ། ཚེ་དང་ལྡན་པ་བཟང་པོ་དང ། ལག་བཟང་དང ། མིང་ཆེན་དང ། བ་ལང་བདག་དང ། སྒྲ་གཅན་འཛིན་དང ། གང་པོ་དང ། རབ་འབྱོར་དང ། ཀཱ་ཏྱཱའི་ 30a ༄#། །བུ་དང ། འོད་སྲུང་དང ། ཀུན་དགའ་བོ་དང ། གང་པོ་ངན་དང ། ཀ་པི་ན་ཆེན་པོ་དང ། ཉེ་བར་འཁོར་དང ། བྱང་ཆུབ་སེམས་དཔའ་བྱམས་པའང་བྱང་ཆུབ་སེམས་དཔའ་ལྔ་སྟོང་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་ལྷགས་ཏེ། བཅོམ་ལྡན་འདས་ལ་འཁོར་བར་བསྐོར་ནས་རང་རང་གི་སྟན་ལ་འཁོད་དོ། །རྒྱལ་པོ་ཆེན་པོ་བཞི་རྣམས་དང ། ལྷའི་དབང་པོ་བརྒྱ་བྱིན་དང ། ཤིན་དུ་འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷའི་བུ་རྣམས་ཀྱང་འདོད་པ་ན་སྤྱོད་པའི་ལྷའི་བུ་དཔག་ཏུ་མེད་པ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཉིད་ལ་འདུད་ཅིང་ཕྱོགས་གཅིག་ཏུ་འཁོད་པར་གྱུར་ཏོ། །ཚངས་པ་དང ། འོད་གསལ་དང ། དགེ་རྒྱས་དང ། འབྲས་བུ་ཆེ་བ་ནས་གནས་གཙང་མའི་རིས་ཀྱི་ལྷའི་བར་དུ་དེ་བཞིན་དུ་སྦྱར་ཏེ། །ལྷའི་བུ་དཔག་ཏུ་མེད་པ་དག་དང་ལྷན་ཅིག་ཏུ་བཅོམ་ལྡན་འདས་ཉིད་ལ་འདུད་ཅིང་ཕྱོགས་གཅིག་ཏུ་འཁོད་པར་གྱུར་ཏོ། །དེའི་ཚེ་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་དེ་ཞག་བདུན་དུ་ཡིད་ལ་གཞན་མི་བྱེད་པར་ནང་དུ་ཡང་དག་འཇོག་ལ་ཞུགས་པར་གྱུར་ཏོ། །དེས་ 30b ཞག་བདུན་འདས་པ་དང་བསམ་དཔྱད་དེ་ནང་དུ་ཡང་དག་འཇོག་ལས་ལངས་ནས་བྱང་ཆུབ་སེམས་དཔའ་ཡོན་ཏན་ལ་དབང་དུ་གྱུར་པ་དག་དང ། འཁོར་གྱི་ཁྱམས་ག་ལ་བ་དེར་དོང་སྡེ་ལྷགས་ནས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ནས་སྟན་ལ་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་མཁྱེན་བཞིན་དུ་བཞེངས་ཏེ་ཐམས་ཅད་དང་ལྡན་པའི་འཁོར་གླང་པོ་ཆེའི་ལྟ་སྟངས་ཀྱིས་གཟིགས་ནས་ཅང་མི་གསུང་བར་བཞུགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཆོས་ཀྱི་བཀའ་མཆིད་འབེལ་བ་བཀའ་སྩལ་པའི་དུས་ལ་བབ་སྟེ། དེ་ལྟ་ལགས་པས། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཁྱོད་ཅི་དང་ཅི་འདོད་པ་དེ་བཞིན་གཤེགས་པ་ལ་ཞུས་ཤིག་དང ། ངས་ཞུ་བ་ཞུས་པ་དེ་དང་དེ་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང ། བྱང་ཆུབ་ 31a ༄#། །སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏེ། བཅོམ་ལྡན་འདས། འདི་ན་བདག་གཅིག་བུ་དབེན་བར་ཞུགས་ཏེ་ནང་དུ་ཡང་དག་འཇོག་ལ་ཞུགས་པ་ན་འདི་སྙམ་དུ། གང་དག་བྱང་ཆུབ་སེམས་དཔའ་འདི་དག་བྱང་ཆུབ་ཀྱི་དོན་དུ་ཡང་དག་པར་འགྲུབ་པར་འགྱུར་བ་དང ། དེ་དག་བྱང་ཆུབ་ཀྱི་དོན་དུ་ཕ་རོལ་ཏུ་ཕྱིན་པ་དག་གིས་དགེ་བའི་རྩ་བ་གསོག་པར་འགྱུར་རོ་སྙམ་བགྱིད་ན། བཅོམ་ལྡན་འདས། དེ་ལ་ཕ་རོལ་ཏུ་ཕྱིན་པ་སེམས་ཅན་རྣམས་ལ་ཕན་འདོགས་པ་ཞིག་གམ། ཕ་རོལ་ཏུ་ཕྱིན་པ་བྱང་ཆུབ་ལ་ཕན་འདོགས་པ་ཞིག་གམ། ཕ་རོལ་ཏུ་ཕྱིན་པ་ཟག་པ་དང་བཅས་པ་ཞིག་གམ། ཕ་རོལ་ཏུ་ཕྱིན་པ་ཟག་པ་མེད་པ་ཞིག་གམ་ཞེས་དེ་ལྟར་བརྟགས་ཏེ། ཅི་ནས་ཀྱང་ཕ་རོལ་ཏུ་ཕྱིན་པ་གང་ལ་བྱང་ཆུབ་སེམས་དཔའ་ཡང་དག་པར་འཕེལ་བ་དང ། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ཚུལ་ཐོག་མ་དང ། བར་དང ། ཐ་མའི་བར་ལེགས་པར་གཟུང་བ་བསྐྱེད་བ་དང ། ཐབས་ལ་མཁས་པའི་སྤྱོད་པ་དེ་དག་མཆོག་ཏུ་དགའ་བ་ཆེས་མང་པོ་རབ་ཏུ་ཐོབ་པར་བགྱི་བའི་སླད་དུ་བཅོམ་ལྡན་འདས་ཀྱིས་རྒྱ་ཆེར་བཀའ་སྩལ་དུ་གསོལ། བཅོམ་ལྡན་འདས་ཀྱི་བཀའ་སྩལ་པ། མཆོག་ཏུ་དགའ་བའི་ 31b རྒྱལ་པོ། །ལེགས་སོ། །མཆོག་ཏུ་དགའ་བའི་རྒྱལ་པོ། ཁྱོད་གང་གི་ཕྱིར་དེ་བཞིན་གཤེགས་པ་ལ་དོན་འདི་ཉིད་དྲི་བར་སེམས་པ་ཁྱོད་ལེགས་སོ། །དེ་ལྟ་མོད་ཀྱི་ཁྱོད་ཀྱིས་འདས་པའི་སངས་རྒྱས་བྱེ་བ་ཕྲག་དགུ་བཅུ་དག་ལས་ཀྱང་ཞུ་བ་འདི་ཉིད་ཞུས་སོ། །མཆོག་ཏུ་དགའ་བའི་རྒྱལ་པོ། དེའི་ཕྱིར་ཤིན་ཏུ་ལེགས་པར་ཉོན་ལ་ཚུལ་བཞིན་དུ་ཡིད་ལ་ཟུངས་ཤིག་དང་ངས་བཤད་དོ། །བཅོམ་ལྡན་འདས། དེ་ལྟར་འཚལ་ལོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ། འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྣང་བར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་གྱི་ཕ་རོལ་ཏུ་ཕྱིན་པ་དྲུག་ཡོད་དོ། །སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཀུན་ནས་ཉོན་མོངས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གཞན་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །བྱང་ཆུབ་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །ཡེ་ཤེས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །བདག་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཐོབ་པའི་ཕ་ 32a ༄#། །རོལ་ཏུ་ཕྱིན་པ་དྲུག་ཡོད་དོ། །རེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པ་གསུམ་ལྟ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ལས་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལམ་ཤིན་ཏུ་སྦྱངས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྩོན་པ་མི་འདོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བྱ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །བྱ་བ་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རློམ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྩམས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དགེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣོ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཟབ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྣ་ཚོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བཀོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐུབ་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཆོས་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐམས་ཅད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཉམས་པ་མེ་པའི་ཕ་རོལ་ཏུ་ཕྱིན་ 32b པ་དྲུག་ཡོད་དོ། །བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་བསྒྲུབས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྟན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྟུན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ངོ་མས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བླ་ན་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གཡེང་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མི་འཁོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐུན་མོང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐུན་མོང་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་བགེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ངོ་བོ་ཉིད་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །དངོས་པོ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཐའ་ཡས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཚོལ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒལ་བའི་ཕ་རོལ་ཏུ་ཕྱིན་པ་དྲུག་ 33a ༄#། །ཡོད་དོ། །མངོན་པར་དགའ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐོས་པ་འཛིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་བར་ཡུན་རིང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བསམ་གཏན་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་ཤེས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་པའི་བཟོའི་གནས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །བྱམས་པས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྙིང་རྗེས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དགའ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བཏང་སྙོམས་ཀྱིས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལོག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཡང་དག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་ 33b མེད་པའི་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ང་རྒྱལ་གྱི་ཕ་རོལ་ཏུ་ཕྱིན་པ་དྲུག་ཡོད་དོ། །བཟོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕན་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕན་མི་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རིག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རིག་པའི་ཁྱད་པར་ལ་གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དྲན་པ་ཉམས་པ་མེད་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སངས་རྒྱས་འབྱུང་བ་རབ་ཏུ་འཐོབ་པ་ཁྱིམ་གྱི་དངོས་པོ་ལ་གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ངེས་པར་འབྱུང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མང་དུ་ཐོས་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རབ་ཏུ་བྱུང་བའི་ངང་ཚུལ་རྒྱུན་མི་ཆད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་ཤེས་པ་ལ་གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལུས་འདོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྡན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་མང་པོའི་ཕ་རོལ་ཏུ་ཕྱིན་པ་ 34a ༄#། །དྲུག་ཡོད་དོ། །རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འོད་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །འོད་མཐའ་ཡས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དགའ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་དག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་པའི་ཆོས་ལས་འདས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྐྱེ་བ་བཀོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རིགས་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་ཕུན་སུམ་ཚོགས་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་རྣམ་པར་དག་སྐྱེད་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱོགས་རྣམ་པར་ལྟ་བའི་ཕ་རོལ་ཏུ་ཕྱིན་པ་དྲུག་ཡོད་དོ། ། ཡོངས་སུ་ཤེས་པ་ཡོངས་སུ་སྒྲོག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བག་ཡོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྫི་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མྱ་ 34b ངན་ལས་འདས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དབང་ཆེ་བར་གྲགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བསྐུལ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྗེད་ངས་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཚན་སུམ་ཅུ་རྩ་གཉིས་དང་དཔེ་བྱད་རྣམས་ཕན་ཚུན་འབྲེལ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་འབྱུང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །དུས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །དུས་ཤེས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་དང་མཐུན་པར་འཇུག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྟོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྤོང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྡོ་རྗེ་ལྟ་བུའི་ཕ་རོལ་ཏུ་ཕྱིན་པ་དྲུག་ཡོད་དོ། །མུན་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཟིལ་གྱིས་མི་ནོན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བདུད་ཀྱི་དཔུང་འཇོམས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གཡོ་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྐད་ཅིག་གཅིག་དང་ལྡན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཉམ་པར་མ་བཞག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཡོངས་སུ་སྨིན་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །ཐམས་ 35a ༄#། །ཅད་མཁྱེན་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དང་དུ་ལེན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྟོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཡིད་བྱུང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །གཞན་ལ་དགེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །གཞན་གྱི་ཕ་རོལ་ཏུ་ཕྱིན་པ་དྲུག་ཡོད་དོ། །དེ་བཞིན་དུ་སྦྱར་ཏེ་ཡང་དག་པར་སྤོང་བ་རེ་རེའི་ཕ་རོལ་ཏུ་ཕྱིན་པ་དྲུག་དྲུག་གོ་།རྫུ་འཕྲུལ་གྱི་རྐང་པ་བཞི་པོ་རེ་རེའི་ཡང་ཕ་རོལ་ཏུ་ཕྱིན་པ་དྲུག་དྲུག་གོ། བསམ་གཏན་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།དྲན་པ་ཉེ་བར་གཞག་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ། །བདེན་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ ། དབང་པོ་ལྔ་པོ་རེ་རེའི་ཡང་ཕ་རོལ་ཏུ་ཕྱིན་པ་དྲུག་དྲུག་གོ་།སྟོབས་ལྔ་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།བྱང་ཆུབ་ཀྱི་ཡན་ལག་བདུན་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ། འཕགས་པའི་ལམ་ཡན་ལག་བརྒྱད་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་ 35b གོ་།ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།རིག་པ་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།རྣམ་པར་གྲོལ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དགེ་སློང་གིས་འཁོར་ཉེ་བར་འོང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།སོ་སོ་ཡང་དག་པར་རིག་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།ཡོངས་སུ་སྐྱོ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།སྦྱིན་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།ཚུལ་ཁྲིམས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།བཟོད་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།བརྩོན་འགྲུས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།བསམ་གཏན་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།ཤེས་རབ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།མིག་དང ། རྣ་བ་དང ། སྣ་དང ། ལྕེ་དང ། ལུས་དང ། སེམས་ཀྱི་ཕ་རོལ་ཏུ་ཕྱིན་པ་དྲུག་གོ་།གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།བདག་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དོན་གྱི་ཕ་རོལ་ཏུ་ཕྱིན་པ་དྲུག་གོ་།རྟོགས་པའི་ཕ་རོལ་ཏུ་ཕྱིན་པ་དྲུག་གོ་།སྤྲོ་བའི་ཕ་རོལ་ཏུ་ཕྱིན་པ་དྲུག་གོ་།སྟོང་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།མཚན་མ་ 36a ༄#། །མེད་པའི་ཕ་རོལ་ཏུ་ཕྱིན་པ་དྲུག་གོ་།སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།གཞན་གྱི་ཕ་རོལ་ཏུ་ཕྱིན་པ་དྲུག་གོ་།རྣམ་པར་སྨིན་པ་གཞན་གྱི་ཕ་རོལ་ཏུ་ཕྱིན་པ་དྲུག་གོ་།སྦྱོར་བའི་ཕ་རོལ་ཏུ་ཕྱིན་པ་དྲུག་གོ་།དེ་བཞིན་གཤེགས་པའི་སྟོབས་བཅུ་པོ་དག་གིའང་ཕ་རོལ་ཏུ་ཕྱིན་པ་དྲུག་གོ་།མི་འཇིགས་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།སྙིང་རྗེ་ཆེན་པོའི་ཕ་རོལ་ཏུ་ཕྱིན་པ་དྲུག་གོ་།ཤའི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།ལྷའི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།ཤེས་རབ་ཀྱི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།ཆོས་ཀྱི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།སངས་རྒྱས་ཀྱི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།རང་བྱུང་གི་ཕ་རོལ་ཏུ་ཕྱིན་པ་དྲུག་གོ་།རྣམ་པར་རོལ་པའི་ཕ་རོལ་ཏུ་ཕྱིན་པ་དྲུག་གོ་།གཏིང་དཔག་དཀའ་བའི་ཕ་རོལ་ཏུ་ཕྱིན་པ་དྲུག་གོ་།སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་པོ་རེ་རེའི་ཕ་རོལ་ཏུ་ཕྱིན་པ་དྲུག་དྲུག་གོ་།མཁས་པའི་ཕ་རོལ་ཏུ་ཕྱིན་པ་དྲུག་གོ་།ཇི་ལྟ་བ་བཞིན་གྱི་ཕ་རོལ་ཏུ་ཕྱིན་པ་དྲུག་གོ་།རང་བཞིན་མཐོང་བའི་ཕ་རོལ་ཏུ་ཕྱིན་པ་དྲུག་གོ་།འདོད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ་།གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ་།གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ 36b ཏུ་ཕྱིན་པ་དྲུག་གོ་།དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གོ་།རིགས་ཀྱི་སའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།བརྒྱད་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།རྒྱུན་དུ་བཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།ལན་གཅིག་ཕྱིར་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།ཕྱིར་མི་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དགྲ་བཅོམ་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།རང་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གོ་།བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་དྲུག་གོ་།ཟད་པ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ། མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ་།བྱིན་གྱིས་རླབས་ཀྱི་ཕ་རོལ་ཏུ་ཕྱིན་པ་དྲུག་གོ་།དམ་པའི་ཆོས་གནས་པའི་ཕ་རོལ་ཏུ་ཕྱིན་པ་དྲུག་གོ་།མངོན་པར་ཤེས་པས་ཕ་རོལ་ཏུ་ཕྱིན་པ་དྲུག་གོ་།སྤྱོད་ལམ་གྱི་ཕ་རོལ་ཏུ་ཕྱིན་པ་དྲུག་གོ་།ཕན་པར་འདོད་པའི་ཕ་རོལ་ཏུ་ཕྱིན་པ་དྲུག་གོ་།ཉོན་མོངས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།སྤངས་པའི་ཕ་རོལ་ཏུ་ཕྱིན་པ་དྲུག་གོ་།ཚེའི་འདུ་བྱེད་འདོར་བ་ལ་དབང་སྒྱུར་བའི་ཕ་རོལ་ཏུ་ཕྱིན་པ་དྲུག་གོ་།མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།ཆོ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གོ་།བསྟན་པ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།རིང་བསྲེལ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།མཆོག་ཏུ་དགའ་ 37a ༄#། །བའི་རྒྱལ་པོ། དེ་ལྟ་བས་ན། བྱང་ཆུབ་སེམས་དཔའ་ནི་ཕ་རོལ་ཏུ་ཕྱིན་པ་བརྒྱ་ཉི་ཤུ་རྩ་གཅིག་པོའི་བསམ་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་ཁྱད་པར་ཅན་ཉིད་འཐོབ་པར་འགྱུར་རོ། །མཚུངས་པ་མེད་པ་ཉིད་འཐོབ་པར་འགྱུར་རོ། །གཞན་ལ་རག་མ་ལས་པའི་ཤེས་པ་ཉིད་ཐོབ་པར་འགྱུར་རོ། །འདུས་བྱས་ཐམས་ཅད་ཟིལ་གྱིས་ཀྱང་གནོན་ལ་སྲིད་པའང་ཡང་དག་པར་འགྲུབ་པར་བྱེད་དོ། །ཐེ་ཚོམ་ཐམས་ཅད་གཅོད་པ་ཡང་དག་པར་འགྲུབ་པར་འགྱུར་རོ། །ཐམས་ཅད་མཁྱེན་པ་ཉིད་འཐོབ་པར་ཡང་དག་པར་འགྲུབ་པར་འགྱུར་རོ། །དེས་ཕ་རོལ་ཏུ་ཕྱིན་པ་འདི་དག་ཡོངས་སུ་རྫོགས་པར་བྱས་པས་ཏིང་ངེ་འཛིན་བརྒྱད་ཁྲི་བཞི་སྟོང་དག་འཐོབ་པར་འགྱུར་རོ། །གཟུངས་ཀྱི་སྒོ་མོ་བརྒྱད་ཁྲི་བཞི་སྟོང་དག་སྒྲུབ་པར་འགྱུར་རོ། །སངས་རྒྱས་ཀྱི་རྣམ་པར་རོལ་པ་ལྔ་བརྒྱ་དག་སྒྲུབ་པར་འགྱུར་རོ། །སེམས་ཅན་ཐམས་ཅད་ཀྱི་སྤྱོད་པའི་ཡུལ་ལ་མཁས་པ་ཉིད་དུ་འགྱུར་རོ། །དེ་སྐད་ཅེས་བཀའ་སྩལ་བ་དང ། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སངས་རྒྱས་ཀྱི་ཡུལ་ངེས་པར་སྟོན་པ་ཞེས་བགྱི་བའི་ཆོས་ཀྱི་རྣམ་གྲངས་འདི་མདོར་ 37b བསྡུས་ཏེ་བཀའ་སྩལ་གྱི། དོན་རྒྱས་པར་ཕྱེ་སྟེ་མ་གསུངས་པས་བདག་གྱིས་མ་འཚལ་ལོ། །དེ་ལྟ་ལགས་པས། བཅོམ་ལྡན་འདས་ཀྱིས་སྐྱེ་བོ་མང་པོ་ལ་ཕན་པའི་ཕྱིར་དང ། སྐྱེ་པོ་མང་པོ་ལ་བདེ་བའི་ཕྱིར་དང ། སྐྱེ་བ་མང་མོ་ལ་ཐུགས་བརྩེ་བའི་ཕྱིར་དང ། ལྷ་དང་མི་རྣམས་ཀྱི་དོན་དང ། ཕན་པ་དང་བདེ་བར་འགྱུར་བ་དེ་རྒྱ་ཆེར་ལེགས་པར་བཤད་དུ་གསོལ།་འདེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་རྒྱ་ཆེར་བཤད་དོ། །བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་བཅོམ་ལྡན་འདས་ཀྱི་ལྟར་ཉན་པ་དང ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། དེ་ལ་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཏུ་སེམས་མ་བསྐྱེད་པ་བྱང་ཆུབ་ཀྱི་ཕྱིར་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་ལ་དགའ་བའི་ངོ་བོ་ཡིན་ཡང་སྔོན་ཡང་དག་པར་རྫོགས་པའི་སངས་རྒྱས་དང ། སེམས་ཅན་གཞན་སུ་ཡང་རུང་བ་དག་ལ་ 38a ༄#། །བྱང་ཆུབ་ཅེས་རབ་ཏུ་རྗོད་པར་མི་བྱེད་ཅིང་སྨོན་པའི་སེམས་ཡོད་པ་གང་ཡིན་པ་དེ་ནི་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་སྣང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕ་རོལ་ཏུ་ཕྱིན་པའི་ཆོས་དང ། བྱང་ཆུབ་ཏུ་སེམས་བསྐྱེད་པས་བྱང་ཆུབ་ཏུ་སེམས་སྐྱེ་བ། །སྦྱིན་པ་སྔོན་དུ་འགྲོ་བའམ། ཚུལ་ཁྲིམས་སྔོན་དུ་འགྲོ་བའམ། བཟོད་པ་སྔོན་དུ་འགྲོ་བའམ། བརྩོན་འགྲུས་སྔོན་དུ་འགྲོ་བའམ། བསམ་གཏན་སྔོན་དུ་འགྲོ་བའམ།་ཤེས་རབ་སྔོན་དུ་འགྲོ་བ་ཞིག་གམ་ཞེས་བདག་ཉིད་དཔྱོད་པར་བྱེད་པ་གང་ཡིན་པ་དེ་ནི་སྣང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ལ་དམིགས་པའི་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་གང་ཡིན་པ་དེ་དག་ནི་འཇིག་རྟེན་གྱི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་རྣམས་སྦྱིན་པས་སྡུད་པར་བྱེད་པ་ན་བྱང་ཆུབ་ཀྱི་ཕྱིར་གདམས་དག་མི་སྟོན་པར་སེམས་ཅན་འདི་དག་བདེ་བར་གྱུར་ཅིག་པ་དེ་ནི་སེམས་ཅན་ལ་ 38b དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱིས་སེམས་ཅན་བདེ་བར་བྱེད་པ་དེ་ནི་སེམས་ཅན་ལ་དམིགས་པའི་ཚུལ་ཁྲིམས་སོ། །སྟོང་པ་ཉིད་ཤེས་པ་མེད་པར་སེམས་ཅན་ཐམས་ཅད་ལ་བཟོད་པར་བྱེད་པ་དེ་ནི་སེམས་ཅན་ལ་དམིགས་པའི་བཟོད་པའོ། །སེམས་ཅན་རྣམས་རྣམ་པར་གྲོལ་བར་བྱ་བའི་ཕྱིར་བརྩོན་འགྲུས་རྩོམ་པ་དེ་ནི་སེམས་ཅན་ལ་དམིགས་པའི་བརྩོན་འགྲུས་སོ། སེམས་ལ་འཛིན་པ་མེད་པར་བྱ་བའི་ཕྱིར་བདག་ཏུ་དམིགས་པའི་བསམ་གཏན་སེམས་ལ་འཛིན་པ་མེད་པ་དེ་ནི་སེམས་ཅན་ལ་དམིགས་པའི་བསམ་གཏན་ནོ། །དམིགས་པའི་འདུ་ཤེས་དང་ལྡན་པའི་ཤེས་རབ་ཀྱིས་སེམས་ཅན་རྣམས་བསྐྱབ་པའི་ཕྱིར་བྱང་ཆུབ་ཏུ་ཡོངས་སུ་བསྔོ་ཞིང་བྱང་ཆུབ་མངོན་པར་རྫོགས་པར་སངས་རྒྱས་པར་བྱ་བ་གང་ཡིན་པ་དེ་ནི་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡི་དམ་ལ་བརྟན་པ་ལྷག་པའི་བསམ་པས་བྱང་ཆུབ་ཀྱི་ཕྱིར་ཡོངས་སུ་བསྔོས་པ་གང་ཡིན་པ་དེ་ནི་བྱང་ཆུབ་ཀྱི་ཕྱིར་གནས་པའི་སྦྱིན་པའི་ཕ་རོལ་ཏུ་ཕྱིན་པའོ། །རྟོག་པ་མེད་པའི་ཚུལ་ཁྲིམས་བྱང་ཆུབ་ཀྱི་ཕྱིར་ཡོངས་སུ་བསྔོ་ཞིང་བཅབས་པ་མེད་པ་དེ་ནི་བྱང་ཆུབ་ཀྱི་ཕྱིར་གནས་པའི་ཚུལ་ཁྲིམས་ཀྱི་ཕ་ 39a ༄#། །རོལ་ཏུ་ཕྱིན་པའོ། །ནམ་བྱང་ཆུབ་ཀྱི་བར་དུ་སྡུག་བསྔལ་ཐམས་ཅད་བཟོད་པ་བརྟན་པར་སྨོན་པ་དེ་ནི་བྱང་ཆུབ་ཀྱི་ཕྱིར་གནས་པའི་བཟོད་པའི་ཕ་རོལ་ཏུ་ཕྱིན་པའོ། །ནམ་ཐམས་ཅད་མཁྱེན་པ་ཉིད་མ་ཐོབ་ཀྱི་བར་དུ་བསྐལ་པ་གྲངས་མེད་པའི་བར་དུ་སྤྱོད་པ་རྒྱུན་མ་བཅད་པ་དེ་ནི་བྱང་ཆུབ་ཀྱི་ཕྱིར་གནས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དམིགས་སུ་མེད་པས་རབ་ཏུ་བྱེ་བ་བསམ་གཏན་གྱི་ཕ་རོལ་ཏུ་ཕྱིན་པ་ཆོས་ཀྱི་འདུ་ཤེས་རབ་ཏུ་ཕྱེ་བ་མ་ཡིན་ཞིང་བྱང་ཆུབ་ཁོང་དུ་ཆུད་པ་དེ་ནི་བྱང་ཆུབ་ཀྱི་ཕྱིར་གནས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ནམ་བྱང་ཆུབ་ཀྱི་བར་དུ་ཆོས་ཐམས་ཅད་ལ་བསམ་གྱིས་མི་ཁྱབ་པ་དང ། བརྟག་ཏུ་མེད་པས་རབ་ཏུ་ཕྱེ་བ་ཇི་ལྟ་བ་བཞིན་མངོན་པར་རྟོགས་པར་ནི་བྱང་ཆུབ་ཀྱི་ཕྱིར་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གནས་པའི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་འཁོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ནམ་བྱང་ཆུབ་ཀྱི་བར་དུ་འཁོར་བ་ན་ལོངས་སྤྱོད་ཆེན་པོ་འཐོབ་པའི་སྦྱིན་པའི་ཕ་རོལ་ཏུ་ཕྱིན་པ་ཟད་པར་མི་འགྱུར་བ་གང་ཡིན་པ་དེ་ནི། འཁོར་བར་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚེའི་ཚད་ཡོངས་སུ་རྫོགས་པའི་བར་དུ་འཁོར་ 39b བ་ན་གནས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གནོད་སེམས་མེད་པར་ཕ་རོལ་ལ་སྙིང་བརྩེ་བའི་སྤྱོད་པས་ཉེ་བར་གནས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །བསྐལ་པ་གྲངས་མེད་པར་སྐྱོ་བ་མེད་པས་དགེ་བའི་ཆོས་རྣམས་ལ་སྦྱོར་བ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བ་ལ་དམིགས་པའི་བསམ་གཏན་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཕ་རོལ་ཏུ་ཕྱིན་པ་འདི་དག་ལྷག་པར་མཐོང་བའི་ཆེད་དུ་བྱང་ཆུབ་ཏུ་ཡོངས་སུ་བསྔོ་བ་དང ། ལས་ཀྱི་གནས་དང ། བཟོའི་གནས་ཐམས་ཅད་ཇི་ལྟ་བ་བཞིན་ཤེས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་ཀུན་ནས་ཉོན་མོངས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་འདོད་པའི་ཡོན་ཏན་སྔོན་དུ་བཏང་སྟེ་སེམས་ཅན་རྣམས་ཡོངས་སུ་སྨིན་པར་བྱེད་པ་ནི། དཔེར་ན། སེངྒེའི་རྒྱལ་པོའི་བུས་ཆུང་མ་སྟོང་ཕྲག་བརྒྱད་ཅུ་རྩ་བཞི་པོ་རྣམས་ནམ་ཐམས་ཅད་མཁྱེན་པ་ཉིད་ཀྱི་བྱང་ཆུབ་ལམ་བཀོད་གྱི་བར་དུ་སྐྱབས་གསུམ་དུ་འགྲོ་ཞིང་མིའི་གནས་ན་འཁོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་ 40a ༄#། །པའི་སྦྱིན་པའི་ཕ་རོལ་ཏུ་ཕྱིན་པའོ། །དཔེར་ན། ར་གཅིག་པའི་རྫིང་བུར་སེམས་ཅན་ལ་དམིགས་པའི་ཚུལ་ཁྲིམས་འདི་བྱམས་པས་ཡོངས་སུ་བསྔོས་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕ་རོལ་དང་མཐུན་པར་བྱ་བའི་ཕྱིར་འདོད་པའི་ཡོན་ཏན་ལ་མི་སྨོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །བརྩོན་འགྲུས་ཀྱིས་ཕ་རོལ་སྐྲག་པར་བྱེད་དེ། །དཔེར་ན། ཀུ་ཤའི་རྒྱལ་པོའི་བུའི་རྟོགས་པ་བརྗོད་པ་ལས་རྒྱ་ཆེར་ཤེས་པར་བྱ་བ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཏུ་ལྟ་བ་ལས་བྱུང་བའི་བསམ་གཏན་ངར་འཛིན་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱིས་ཆོ་ལོ་དང ། རྒྱན་པོ་དང ། བྱ་ལོང་གི་རྩེད་མོ་ལ་མངོན་པར་དགའ་ཞིང་ཡེ་ཤེས་ཕ་རོལ་ཏུ་ཕྱིན་པ་དམིགས་པ་དང་བཅས་པས་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་གཞན་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞི་ན། འདོད་ 40b པའི་ཡོན་ཏན་གྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་གཞན་ལ་ཕན་འདོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །བྱམས་པས་གཞན་ལ་གནོད་པར་མི་གནས་པ་གང་ཡིན་པ་དེ་ནི་གཞན་ལ་ཕན་འདོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་དེ་ལ་བཟོད་ཅིང་མི་སྨོད་པ་གང་ཡིན་པ་དེ་ནི་གཞན་ལ་ཕན་འདོགས་པའི་བཟོད་པའི་ཕ་རོལ་ཏུ་ཕྱིན་པའོ། །ལྷ་དང་མིའི་རིས་ཀྱི་ཕུན་སུ་ཚོགས་པ་སྒྲུབ་པར་འགྱུར་བའི་བརྩོན་འགྲུས་ནི། དཔེར་ན། བརྒྱ་བྱིན་གྱིས་གསོལ་བ་བཏབ་པས་བྲམ་ཟེ་ཆེན་པོ་ཀིན་ཏུ་ཞེས་བྱ་བས་སེམས་ཅན་རྣམས་མཐོ་རིས་སུ་བཀྱེ་བ་གང་ཡིན་པ་དེ་ནི་གཞན་ལ་ཕན་འདོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཆོས་དེ་ལ་སེམས་ཀྱིས་སྦྱོར་བ་གང་ཡིན་པ་དེ་ནི་གཞན་ལ་ཕན་འདོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྱང་ཆུབ་ཀྱི་ཕྱིར་ཡང་དག་པར་འཛིན་དུ་འཇུག་ཅིང་རྐྱེན་དེ་དག་གིས་སེམས་ཅན་ཚིམ་པར་བྱེད་པ་གང་ཡིན་པ་དེ་ནི་གཞན་ལ་ཕན་འདོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་གསུམ་པ། དེ་ལ་གནས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དམིགས་པར་ལྷུང་བའི་སྦྱིན་པ་རྣམ་པར་བགེད་པ་ལ་རེ་པས་ཕྱེ་བ་གང་ 41a ༄#། །ཡིན་པ་དེ་ནི་གནས་ཀྱི་སྦྱིན་པའི་ཕ་རོལ་ཏུ་ཕྱིན་པའོ། །དངོས་པོ་ལ་གནས་པའི་ཚུལ་ཁྲིམས་གང་ཡིན་པ་དེ་ནི་གནས་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སེམས་ཅན་ལ་དམིགས་པའི་བཟོད་པ་གང་ཡིན་པ་དེ་ནི་གནས་ཀྱི་བཟོད་པའི་ཕ་རོལ་ཏུ་ཕྱིན་པའོ། །རྣམ་པར་རྟོགས་པ་ཅན་གྱི་བརྩོན་འགྲུས་གང་ཡིན་པ་དེ་ནི་གནས་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཏུ་ཞུགས་པའི་བསམ་གཏན་གང་ཡིན་པ་དེ་ནི་ནས་ཀྱི་བསམ་གཏན་གྱི་ཕ་རོལ་ཏུ་ཕྱིན་པའོ། ། ཞི་བ་དང་ཉེ་བར་ཞི་བའི་ཆོས་རྣམས་ལ་རྟོག་ངས་རབ་ཏུ་ཕྱི་ཞིང་ཀུ་ནས་དཀྲིས་པར་འདུག་པ་གང་ཡིན་པ་དེ་ནི་གནས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གནས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་ཕྱིར་མི་སྐྱེ་བའི་ཆོས་ལ་བཟོད་པ་དང་རབ་ཏུ་ལྡན་པའི་སྦྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་མི་དམིགས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་རྣམས་ལ་ཇི་ལྟ་བ་བཞིན་བཟོད་པ་གང་ཡིན་པ་དེ་ནི་བཟོད་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་མི་དམིགས་པར་གནས་པའི་བརྩོན་འགྲུས་ 41b གང་ཡིན་པ་དེ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཆོས་ལ་མཉམ་པ་ཉིད་དང་ལྡན་པའི་སེམས་གང་ཡིན་པ་དེ་ནི་བསམ་གཏན་ཕྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་ཇི་ལྟ་བ་བཞིན་དུ་ཡོངས་སུ་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་ཏུ་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་ཡེ་ཤེས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྒྱུན་མི་ཆད་པར་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཐབས་མཁས་པས་རབ་ཏུ་ཕྱེ་བ་གང་ཡིན་པ་དེ་ནི་ཡེ་ཤེས་ཀྱི་སྦྱིན་པའི་ཕ་རོལ་ཏུ་ཕྱིན་པའོ། །ཇི་ལྟར་ཚིགས་སུ་བཅད་པ་ལྔ་བརྒྱ་བྱ་བ་དང ། ཡ་མཚན་ཅན་དགུ་བཅུ་རྩ་དྲུག་པོ་ཐམས་ཅད་རྣམ་པར་སྤོང་བས་རབ་ཏུ་ཕྱེ་བ་སྡུག་བསྔལ་སྤང་བ་དང ། ཡང་དག་པའི་ལྟ་བ་སྤང་བར་བྱ་བ་མ་ཡིན་པས་རབ་ཏུ་ཕྱེ་བ་དང ། བདེ་འགྲོ་བ་སྒྲུབ་པར་བྱེད་པ་གང་ཡིན་པ་དེ་ནི་ཡེ་ཤེས་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཡེ་ཤེས་རྣམ་པས་སྡུག་བསྔལ་བཟོད་ཅིང་གང་དག་འདོད་ཆགས་མི་སྨོད་པར་ཕ་རོལ་པོ་ཡོངས་སུ་སྨིན་པར་བྱེད་པས་ཕྱེ་བ་གང་ཡིན་པ་དེ་ནི་ཡེ་ཤེས་ཀྱི་བཟོད་པའི་ཕ་རོལ་ཏུ་ཕྱིན་པའོ། །ཇི་ལྟར་རྟའི་རྒྱལ་པོ་རྡོག་ལྡན་བདག་ཉིད་སྡུག་བསྔལ་དང་དུ་ལེན་ཅིང་གང་དག་བརྩོན་འགྲུས་ཀྱིས་བདག་དང་གཞན་ལ་ཕན་པ་དང་བདེ་བའི་ཕྱིར་ 42a ༄#། །གནས་པ་འདི་ལྟར་འགྲོན་པོ་ལྔ་བརྒྱ་ཐར་པར་བྱས་པ་དང ། འདི་ལྟར་རི་དྭགས་ཀྱི་རྒྱལ་པོ་སེངྒེས་འགྲོན་པོ་རྣམས་ཐར་པར་བྱས་པ་གང་ཡིན་པ་དེ་ནི་ཡེ་ཤེས་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་ཡང་བསྐྱེད། གཟུགས་མེད་པའང་བསྐྱེད། ཉན་ཐོས་ཀྱི་ཆོས་ཀྱང་བསྐྱེད་མོད་ཀྱི། གང་དག་དེ་དག་གིས་ངེས་པར་མི་འབྱུང་བ་གང་ཡིན་པ་དེ་ནི་ཡེ་ཤེས་ཀྱི་བསམ་གཏན་གྱི་ཕ་རོལ་ཏུ་ཕྱིན་པའོ། །ཡེ་ཤེས་ཀྱིས་ཆོས་ཇི་ལྟ་བའི་ཕྱིར་འདི་ལྟར་སྨན་ཆེན་པོ་དང ། འདི་ལྟར་བྱང་ཆུབ་ཀུན་ཏུ་རྒྱུའི་མི་དགེ་བ་བཅུ་རྣམས་སྤོང་བ་སེམས་ཅན་སུ་ལའང་མེད་པ་གང་ཡིན་པ་དེ་ནི་ཡེ་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་བདག་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདག་ལོངས་སྤྱོད་ཆེན་པོ་གྲུབ་པར་ཡོངས་སུ་བསྔོས་པ་གང་ཡིན་པ་དེ་ནི་བདག་ལ་ཕན་འདོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །བདེ་འགྲོ་ལྷ་དང་མིར་སྐྱེ་བར་སྒྲུབ་པའི་ཚུལ་ཁྲིམས་གང་ཡིན་པ་དེ་ནི་བདག་ལ་ཕན་འདོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། བཟོད་པ་ཐོབ་པའི་རྣམ་པར་སྨིན་པ་མཛེས་ཤིང་ཁ་དོག་མཆོག་ཏུ་རྒྱས་པ་ཐོབ་པ་དང ། དབང་ཆེ་བར་གྲགས་པར་འགྱུར་པ་གང་ཡིན་པ་དེ་ནི་བདག་ལ་ཕན་འདོགས་ 42b པའི་བཟོད་པའི་ཕ་རོལ་ཏུ་ཕྱིན་པའོ། །བྱང་ཆུབ་ཀྱི་ཕྱིར་གཞན་ལ་རག་མ་ལས་པར་སྤྱོད་ཅིང ། བདག་ཉིད་ཀྱི་བརྩོན་འགྲུས་ཀྱིས་དཔྱོད་པ་བྱེད་པ་གང་ཡོན་པ་དི་ནི་བདག་ལ་ཕན་འདོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་བསྐྱེད་པས་འཇིག་པའི་བསྐལ་པ་དང ། འཆགས་པའི་བསྐལ་པ་བདུན་གྱི་བར་དུ་འཇིག་རྟེན་འདིར་མི་འོང་བ་གང་ཡིན་པ་དེ་ནི་བདག་ལ་ཕན་འདོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཕ་རོལ་གྱི་ངོར་མི་བལྟ་ཞིང་ལུས་ཀྱི་ལས་དང ། དག་གི་ལས་དང ། ཡིད་ཀྱི་ལས་བདེན་པའི་རྗེས་སུ་འཇུག་པ་གང་ཡིན་པ་དེ་ནི་བདག་ལ་ཕན་འདོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བདག་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཐོབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་རྣམ་པར་སྨིན་པ་ལོངས་སྤྱོད་ཆེན་པོ་འཐོབ་པ་གང་ཡིན་པ་འདི་དང ། བྱང་ཆུབ་ཀྱི་ཕྱིར་ཡོངས་སུ་བསྔོ་བ་གང་ཡིན་པ་དེ་ནི་འཐོབ་པའི་སྦྱིན་པའི་ཕ་རོལ་ཏུ་ཕྱིན་པའོ། །རྙེད་པ་ཆེན་པོའི་ཕྱིར་སེམས་ལ་ཀུན་ནས་ཉོན་མོངས་པ་མེད་པ་གང་ཡིན་པ་དང ། བྱང་ཆུབ་ཀྱི་ཕྱིར་ཡོངས་སུ་བསྔོ་བ་གང་ཡིན་པ་དེ་ནི་འཐོབ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་ཀྱི་ཕྱིར་གཞན་ལ་གནོད་པ་མི་བྱེད་ཅིང་དམ་པའི་ཆོས་ཡོངས་སུ་ 43a ༄#། །སྤོང་བར་མི་འགྱུར་བ་གང་ཡིན་པ་དེ་ནི་འཐོབ་པའི་བཟོད་པའི་ཕ་རོལ་ཏུ་ཕྱིན་པའོ། །བརྟུན་པའི་བརྩོན་འགྲུས་ཚད་མེད་པ་གང་ཡིན་པ་དེ་ནི་འཐོབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱ་བ་ཐམས་ཅད་མངོན་པར་སྒྲུབ་པའི་ཏིང་ངེ་འཛིན་ཐོབ་པ་གང་ཡིན་དེ་ནི་འཐོབ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་འཐོབ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཐོབ་པའི་པ་རོལ་ཏུ་ཕྱིན་པ་དྲུག་གོ་།དེ་ལ་རེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དམིགས་པས་བསྐྱེད་པའི་སྦྱིན་པ་བྱང་ཆུབ་ཀྱི་ཕྱིར་ཡོངས་སུ་བསྔོས་པ་གང་ཡིན་པ་དེ་ནི་རེ་བའི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་ངག་དམིགས་པ་ཅན་གྱི་ཚུལ་ཁྲིམས་རྣམ་པར་སྨིན་པ་བྱང་ཆུབ་ཀྱི་ཕྱིར་སྦྱོར་བ་གང་ཡིན་པ་དེ་ནི་རེ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཇི་ལྟ་བ་བཞིན་མཐོང་བ་གང་ཡིན་པར་ཆོས་རྣམས་ལ་སོ་སོར་བརྟགས་པས་དང་དུ་ལེན་པ་གང་ཡིན་པ་དེ་ནི་རེ་བའི་བཟོད་པའི་ཕ་རོལ་ཏུ་ཕྱིན་པའོ། །ལུང་དུ་མ་བསྟན་པའི་ཤེས་པས་ཆོས་དེ་དང་དེ་དག་ལ་བརྩོན་ཞིང་ཕ་རོལ་གནོན་པ་གང་ཡིན་པ་དེ་ནི་རེ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་གྱི་ཕ་རོལ་ཏུ་ཕྱིན་ 43b པ་བྱང་བར་བྱས་པའི་སྤོང་བ་ལ་མཚན་མང་མི་འཛིན་པ་གང་ཡིན་པ་དེ་ནི་རེ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ལུང་དུ་མ་བསྟན་པ་ཁོང་དུ་ཆུད་པར་བྱ་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱི་བོར་སོན་པར་འགྱུར་རམ། མི་འགྱུར་རམ། ཡུན་ཇི་ཙམ་གྱིས་འགྱུར། །སུ་ཞིག་གིས་འགྱུར་སྙམ་པ་གང་ཡིན་པ་དེ་ནི་རེ་བའི་ཤེས་རབ་གྱི་ཕ་རོལ་ཏུ་ཕྱིན་པ་སྟེ། འདི་དག་ནི་རེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པ་གསུམ་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདུས་བྱས་ཀྱི་ཐབས་ཀྱང་རྒྱུན་མི་གཅོད་ལ། འབྲས་བུ་འདུས་མ་བྱས་སྦྱིན་པར་བྱེད་པ་གང་ཡིན་པ་དེ་ནི་རྣམ་པ་གསུམ་ལྟ་བའི་སྦྱིན་པའི་ཕ་རོལ་ཏུ་ཕྱིན་པའོ། །ལམ་ལ་ཞུགས་པའི་ཚུལ་ཁྲིམས་གང་ཡིན་པ་དེ་ནི་རྣམ་པ་གསུམ་ལྟ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕྱི་དང་ནང་གི་ཆོས་རྣམས་ལ་མི་རྟག་པ་དང ། སྡུག་བསྔལ་བ་དང ། བདག་མེད་པས་རབ་ཏུ་ཕྱེ་བ་གང་ཡིན་པ་དང ། ཆོས་འདི་དག་ལ་བཟོད་པ་གང་ཡིན་པ་དེ་ནི་རྣམ་པ་གསུམ་ལྟ་བའི་བཟོད་པའི་ཕ་རོལ་ཏུ་ཕྱིན་པའོ། །ཐོགས་པ་མེད་པའི་ཡེ་ཤེས་ཀྱི་དམིགས་པ་དང་ལྡན་ཞིང་ལྷག་མཐོང་སྔོན་དུ་འགྲོ་བའི་སེམས་ཀུན་ནས་ཉོན་མོངས་པ་མེད་པ་གང་ཡིན་པ་དེ་ནི་རྣམ་པ་གསུམ་ལྟ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་དང ། ལྷག་མཐོང་དང་ 44a ༄#། །མ་བྲལ་བས་ཉོན་མོངས་པ་དེ་དག་རབ་ཏུ་ཞི་བར་བྱ་བའི་ཕྱིར་གནས་པ་གང་ཡིན་པ་དེ་ནི་རྣམ་པ་གསུམ་ལྟ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྟེན་ཅིང་འབྲེལ་བར་འབྱུང་བ་དང་མི་འགལ་བར་ཐབས་དང་ཤེས་རབ་ལ་མཁས་པས་ཡོངས་སུ་ཟིན་པས་ཉོན་མོངས་པ་སྤོང་བའི་ཕྱིར་གནས་པ་ནི་མ་ཡིན་གྱིས།་ཇི་ལྟ་བ་བཞིན་ཡོངས་སུ་ཤེས་ཤིང་སྨོན་ལམ་གྱི་དུས་སུ་ཡོངས་སུ་སྨིན་པར་བྱེད་པ་དང་ལྡན་པའི་གང་ཡིན་པ་དེ་ནི་རྣམ་པ་གསུམ་ལྟ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྣམ་པ་གསུམ་ལྟ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལས་བྱས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསྡུ་བའི་དངོས་པོ་དང་ལྡན་པས་སེམས་ཅན་རྣམས་ལ་སྦྱིན་པ་གང་ཡིན་པ་དེ་ནི་ལས་བྱེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱིས་སྐྱེ་བོ་མང་པོ་སྨིན་པར་བྱེད་པ་གང་ཡིན་པ་དེ་ནི་ལས་བྱེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན། སྲེག་པའི་སྐྱེས་པའི་རབས་ལས་མེ་བསད་པ་དང ། སེམས་ཅན་ཐར་པར་བྱས་པ་ལྟ་བུ་སྟེ། དེའང་གང་གི་ཕྱིར་བལྟ་ཞེ་ན། །བསྡུ་བའི་དངོས་པོའི་ཕྱིར་སྐྱེ་བོ་རྣམས་ལ་སྙན་པར་སྨྲ་བའོ། །བཟོད་པའི་ཕ་རོལ་ཏུ་ཕྱིན་པས་སྐྱེ་བོ་མང་པོ་ཡོངས་སུ་སྨིན་པར་བྱ་བའི་ཕྱིར་ 44b གནས་པ་གང་ཡིན་པ་དེ་ནི། དཔེར་ན། ཀ་ལིངྐའི་རྒྱལ་པོས་ལུས་དུམ་བུ་བརྒྱད་དུ་གཏུབས་ཀྱང་བཟོད་པ་མ་བཏང་བ་དང ། ཇི་ལྟར་མགོ་བཅད་ཀྱང་སྡུག་བསྔལ་གྱི་ཚོར་བ་དང་ཏུ་ལེན་པའི་བར་དུ་སྦྱར་ཏེ། ཐམས་ཅད་དུ་དཀའ་བ་སྤྱད་པ་དེ་ནི་ལས་བྱེད་པའི་བཟོད་པའི་ཕ་རོལ་ཏུ་ཕྱིན་པ་སྟེ། དེའང་གང་གི་ཕྱིར་བལྟ་ཞེ་ན། བསྡུ་བའི་དངོས་པོའི་ཕྱིར་དོན་སྤྱོད་པའོ། །སྙིང་རྗེ་ཆེན་པོ་སྔོན་དུ་བཏང་སྟེ། དུས་ཤེས་པ་དང་ལྡན་པའི་བརྩོན་འགྲུས་ཀྱིས་སྐྱེ་བོ་མང་པོ་ཡོངས་སུ་སྨོན་པར་བྱ་བ་དང ། སེམས་ཅན་རྣམས་ལ་སྐུལ་བར་བྱེད་པ་གང་ཡིན་པ་དེ་ནི་ལས་བྱེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དེའང་གང་གི་ཕྱིར་བལྟ་ཞེ་ན། བསྡུ་བའི་དངོས་པའི་ཕྱིར་དོན་མཐུན་པའོ། །བསམ་གཏན་ཡོངས་སུ་སྦྱང་བར་མ་བྱས་ཤིང་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པས་ཆོས་ཐམས་ཅད་ལ་ཐོགས་པ་མེད་པ་གང་ཡིན་པ་དེ་ནི་ལས་བྱེད་པའི་བསམ་གཏན་གྱི་ཕ་རོལ་ཏུ་ཕྱིན་པ་སྟེ།་དེའང་གང་གི་ཕྱིར་བལྟ་ཞེ་ན། རྣམ་པར་ཐར་པ་སྟོང་པ་ཉིད་ཀྱི་སྒོའི་ཕྱིར་རོ། །ཤེས་རབ་ཀྱིས་དགེ་བའི་ཆོས་ཐམས་ཅད་ལ་རྨོངས་པ་མེད་པར་གནས་ཤིང ། སྐྱེ་བོ་མང་པོ་བྱང་ཆུབ་ཀྱི་ཕྱིར་ཡང་དག་པར་འཛིན་དུ་འཇུག་པ་དང ། དངོས་པོ་ཇི་ལྟ་བ་བཞིན་ཡོངས་སུ་ཤེས་ལ། ཆུང་དུ་ན་རྣམ་པར་ཐར་པ་སྨོན་པ་མེད་པའི་སྒོ་ཡོངས་སུ་བཟུང་བ་གང་ཡིན་པ་ 45a ༄#། །དེ་ནི་ལས་བྱེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ལས་བྱེད་པའི་ཕ་རོལ་ཏུ་ཕྱི་པ་དྲུག་གོ་།དེ་ལ་ལམ་ཤིན་ཏུ་སྦྱངས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་ལྟ་བ་ལ་ཞུགས་ཤིང་ལྟས་དང་དགེ་མཚན་སྤངས་པའི་སྦྱིན་པ་ལྡན་པ་མ་ཡིན་པར་ཡོངས་སུ་བསྔོས་པ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཡང་དག་པའི་ངག་དང ། ཡང་དག་པའི་འཚོ་བ་དང ། ཡང་དག་པའི་ལས་ཀྱི་མཐའ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་མ་བཏང་བ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་བཟོད་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་མི་དམིགས་པ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དམིགས་པ་མེད་པའི་ཏིང་ངེ་འཛིན་ལ་མ་གཡེང་བ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །མཚན་མར་འཛིན་པ་མེད་པས་ཤེས་རབ་ཡང་དག་པའི་ལྟ་བ་དང་ལྡན་ལ་ཡང་དག་པའི་དྲན་པ་བསྐྱེད་པའི་བྱང་ཆུབ་ཀྱི་ཕྱོགས་གཅིག་པ་མཐར་ཕྱིན་པར་བྱ་བ་དང ། །ཕྱིར་མི་ལྡོག་པར་ 45b བྱ་བའི་ཕྱིར་གནས་པ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ལམ་ཤིན་ཏུ་སྦྱངས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་བརྩོན་པ་མི་འདོར་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དངོས་པོ་ཐམས་ཅད་ཡོངས་སུ་གཏོང་བ་བྱང་ཆུབ་ཀྱི་ཕྱིར་ཐབས་མཁས་པས་ཡོངས་སུ་བསྔོས་པ་གང་ཡིན་པ་དེ་ནི་བརྩོན་པ་མི་འདོར་བའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་རྣམས་བདེ་འགྲོ་ཐོབ་པར་བྱ་བའི་ཕྱིར་མི་དམིགས་པ་སྔོན་དུ་བཏང་བ་ཉམས་པ་མེད་པའི་ཚུལ་ཁྲིམས་ལ་གནས་པ་གང་ཡིན་པ་དེ་ནི། དཔེར་ན། དགའ་ལྡན་ནས་བྱང་ཆུབ་སེམས་དཔའ་འཆི་འཕོ་བ་ན་སྟོང་གསུམ་གཡོ་བ་དང ། གནས་པར་བྱ་བའི་ཕྱིར་སངས་རྒྱས་ཀྱི་ཞིང་ཡོངས་སུ་དག་པ་ཕུན་སུམ་ཚོགས་པ་འཛིན་པ་དེ་ནི་བརྩོན་པ་མི་འདོར་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བཟོད་པས་ཕ་རོལ་གྱི་དགེ་བའི་རྩ་བ་བསྒྲུབ་པའི་ཕྱིར་ཉེ་བར་གནས་ཤིང་འཇིག་རྟེན་གྱི་ཆོས་བརྒྱད་ཀྱིས་མི་གོས་པ་གང་ཡིན་པ་དེ་ནི་བརྩོན་པ་མི་འདོར་བའི་བཟོད་པའི་ཕ་རོལ་ཏུ་ཕྱིན་པའོ། །བརྩོན་འགྲུས་ཀྱིས་ཐམས་ཅད་མཁྱེན་པའི་ཡེ་ཤེས་ཡང་དག་པར་འཛིན་པ་དང ། སེམས་ཅན་རྣམས་ལ་བྱམས་པས་ཡོངས་སུ་བསྔོས་པ་གང་ཡིན་པ་དེ་ནི་བརྩོན་པ་མི་འདོར་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྙོམས་ 46a ༄#། །བར་འཇུག་པའི་རྣམ་པ་ཐམས་ཅད་སྒྲུབ་པའི་བསམ་གཏན་ཚད་མེད་པ་ཡོངས་སུ་འཛིན་པ་གང་ཡིན་པ་དེ་ནི་བརྩོན་པ་མི་འདོར་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་མཁས་པར་བྱ་བའི་ཕྱིར་དང ། གང་མངོན་པར་ཤེས་པས་ངེས་པར་འབྱུང་བའི་ཕྱིར་སྨོན་ལམ་ཡོངས་སུ་བསྔོས་པའི་ཤེས་རབ་ལ་གནས་པ་གང་ཡིན་པ་དེ་ནི་བརྩོན་པ་མི། འདོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྩོན་པ་མི་འདོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྩོན་པ་མི་འདོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མྱ་ངན་ལས་འདས་པ་དང་ལྡན་པའི་སྦྱིན་པ་གང་ཡིན་པ་དེ་ནི་རིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །འདོད་ཆགས་དང་བྲལ་བར་ཡོངས་སུ་བསྔོས་པས་ཚུལ་ཁྲིམས་གང་ཡིན་པ་དེ་ནི་རིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འགོག་པར་ཡོངས་སུ་བསྔོས་པས་བཟོད་པ་གང་ཡིན་པ་དེ་ནི་རིགས་པའི་བཟོད་པའི་ཕ་རོལ་ཏུ་ཕྱིན་པའོ། །ཉེ་བར་ཞི་བ་རྩོམ་པའི་བརྩོན་འགྲུས་གང་ཡིན་པ་དེ་ནི་རིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ལྟ་བར་གྱུར་པ་རབ་ཏུ་ཞི་བར་བྱེད་པ་དང ། ཉོན་མོངས་པ་འཇོམས་པར་བྱེད་པའི་བསམ་གཏན་གང་ཡིན་པ་དེ་ནི་རིགས་པའི་བསམ་ 46b གཏན་གྱི་ཕ་རོལ་ཏུ་ཕྱིན་པའོ། །སྔགས་དང ། སྨན་དང ། གཙུག་ལག་དང ། ས་གཡོ་བ་ཤེས་པ་དང ། དུས་ཚིགས་དང ། ལོ་ཤེས་པ་དང ། ཡི་གེ་ཤོས་པ་དང ། མངོན་པར་ཤེས་པ་དང ། སྙིང་རྗེ་ཆེན་པོ་དང ། བདེ་འགྲོ་དང ། ངན་འགྲོའི་ལམ་རྗེས་སུ་ཤེས་པར་གནས་ཤིང ། ཐམས་ཅད་མཁྱེན་པ་ཉིད་ཀྱི་ཕྱིར་མངོན་པར་ཞེན་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རིགས་པའི་ཕ་རོལ་ཏུ་ཕྱིན་པ་དྲུག་སྟེ། དེ་དག་ནི་མི་འཇིགས་པ་བཞི་ལས་བལྟ་བར་བྱའོ། །དེ་ལ་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ལ་ཕན་པའི་ཕྱིར་ཡོངས་སུ་བསྔོ་ཞིང་བདག་ཉིད་ཀྱང་སྦྱིན་པ་བྱེད་ལ་གཞན་དག་ཀྱང་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་བྱེ་བར་གཏོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་ལ་དམིགས་པའི་བྱམས་པ་སྒྲུབ་པ་གང་ཡིན་པ་དེ་ནི་བྱ་བར་གཏོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལས་ཀྱི་རྣམ་པར་སྨིན་པ་ལ་རྟོན་པའི་བཟོད་པ་གང་ཡིན་པ་དེ་ནི་བྱ་བར་གཏོགས་པའི་བཟོད་པའི་ཕ་རོལ་ཏུ་ཕྱིན་པའོ། །དགེ་བ་བཅུ་དང་ལྡན་པའི་བརྩོན་འགྲུས་གང་ཡིན་པ་དེ་ནི་བྱ་བར་གཏོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མི་རྟག་པ་དང ། སྡུག་བསྔལ་པ་དང ། 47a ༄#། །བདག་མེད་པ་ལ་དམིགས་པའི་བསམ་གཏན་གང་ཡིན་པ་དེ་ནི་བྱ་བར་གཏོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དགེ་བའི་ཆོས་རྣམས་ཆུད་མི་ཟ་བར་བྱ་བ་དང ། མི་དགེ་བའི་ཆོས་རྣམས་སྤང་བར་བྱ་བའི་ཕྱིར་ཐབས་མཁས་པས་སྐྱེ་བོ་མང་པོ་ལ་ཕན་འདོགས་པའི་ཤེས་རབ་གང་ཡིན་པ་དེ་ནི་བྱ་བར་གཏོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱ་བ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པའི་ཡོན་ཏན་གྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་བྱ་བར་གཏོགས་པ་མ་ཡིན་པས་སྦྱིན་པའི་ཕ་རོལ་ཏུ་ཕྱིན་པའོ། །བྱ་བ་མ་ཡིན་པའི་འབྱུང་བའི་ཚུལ་ཁྲིམས་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྲེད་པས་ཡོངས་སུ་བསྔོས་ཤིང་སེམས་ཅན་ཡོངས་སུ་སྨིན་པར་བྱེད་པའི་ཡུལ་ལ་བཟོད་པ་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་གད་མོ་དང ། དགའ་བ་དང ། རྩེད་མོ་དང ། སྔགས་དང ། སྨྲ་བ་དང ། བརྗོད་པ་དང ། ཆོ་ལོ་དང ། རྒྱན་པོ་དང ། ཡོ་བྱད་རྣམས་ཀྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་བྱ་བ་མ་ཡིན་པར་ 47b གཏོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བཏང་སྙོམས་དང་བྱང་ཆུབ་ཀྱི་ཡན་ལག་གིས་ཕྱེ་བའི་བསམ་གཏན་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤིན་ཏུ་སྦྱངས་པ་དང་ལྡན་པའི་ཤེས་རབ་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དཔེར་ན། རྒྱལ་པོའི་བུ་བླུན་པོ་ལྐུགས་པ་ལྟ་བུ་སྟེ། འདི་དག་ནི་བྱ་བ་མ་ཡིན་པར་གཏོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རློམ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་ཡོངས་སུ་བསྔོ་བ་དང་བྲལ་བའི་སྦྱིན་པ་གང་ཡིན་པ་དེ་ནི་རློམ་པའི་སྦྱིན་པའི་ཕ་རོལ་ཏུ་ཕྱིན་པའོ། །བདག་ཚུལ་ཁྲིམས་དང་ལྡན་པ་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་རློམ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ང་རྒྱལ་དང་ལྡན་པའི་བཟོད་པ་གང་ཡིན་པ་དེ་ནི་རློམ་པའི་བཟོད་པའི་ཕ་རོལ་ཏུ་ཕྱིན་པའོ། ། རྩོམ་པ་རྒྱས་པར་བྱེད་པ་གང་ཡིན་པ་དེ་ནི་རློམ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྒོམ་ཞིང་གཏོང་བ་གང་ཡིན་པ་དེ་ནི་རློམ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐོས་པའི་བདག་ཉིད་བྱང་ཆུབ་ཏུ་ཡོངས་སུ་བསྔོས་བ་གང་ཡིན་པ་དེ་ནི་རློམ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རློམ་པའི་ཕ་རོལ་ཏུ་ཕྱིན་ 48a ༄#། །པ་དྲུག་སྟེ། དེ་ག་ལས་བལྟ་ཞེ་ན། ཆོས་མཉམ་པ་དག་ལས་སོ། །དེ་ལ་བརྩམས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོང་བ་གང་ཡིན་པ་དེ་ནི། དཔེར་ན། སེམས་ཅན་རྣམས་ཀྱི་དོན་གྱི་ཕྱིར་རྒྱ་མཚོ་ཆེན་པོར་ལུས་ཡོངས་སུ་གཏོང་བ་ལྟ་བུ་སྟེ། དེ་ནི་བརྩམས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱི་རང་བཞིན་བལྟ་བ་དང་རྒོད་པ་སྤངས་པ་གང་ཡིན་པ་དེ་ནི་བརྩམས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཐ་ན་མགོ་བཅད་ཀྱང་མི་འཁྲུགས་པ་གང་ཡིན་པ་དེ་ནི་བཙམས་པའི་བཟོད་པའི་ཕ་རོལ་ཏུ་ཕྱིན་པའོ། །བྱ་བ་ཐམས་ཅད་ཟིལ་གྱིས་མནན་ཏེ་རྩོམ་པ་གང་ཡིན་པ་དེ་ནི། དཔེར་ན། རྒྱ་མཚོ་ཆེན་པོ་སྐམ་པར་འབད་པ་ལྟ་བུ་སྟེ། དེ་ནི་བརྩམས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བཙུན་མོའི་འཁོར་གྱི་ནང་གནས་ཀྱང་བསམ་གཏན་བཞི་ཆུད་མི་ཟ་བ་གང་ཡིན་པ་དེ་ནི་བརྩམས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདུ་བྱེད་ཐམས་ཅད་སྒྱུ་མ་ལྟ་བུར་མཐོང་བ་དང་ལྡན་ཞིང་ཟབ་མོ་མི་དམིགས་པ་དང་ལྡན་པའི་ཤེ་རབ་རྨོངས་པ་མེད་པ་གང་ཡིན་པ་དེ་ནི་བརྩམས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྩམས་པའི་ཕ་རོལ་ཏུ་ཕྱིན་པ་དྲུག་སྟེ། དེ་ 48b དག་ནི་རྫུ་འཕྲུལ་གྱི་རྐང་པ་བཞི་ལས་བལྟ་བར་བྱའོ། །དེ་ལ་དགེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བག་ཆགས་ཀྱི་མཚམས་སྦྱོར་བ་འཇོམས་པར་བྱེད་པའི་སྦྱིན་པ་གང་ཡིན་པ་དེ་ནི་དགེ་བའི་སྦྱིན་པའི་ཕ་རོལ་ཏུ་ཕྱིན་པའོ། །འཕགས་པའི་ཚུལ་ཁྲིམས་ཀྱི་ཕྱིར་ཐམས་ཅད་ཡོངས་སུ་གཏོང་བར་གནས་པ་དང ། བག་མེད་པ་རྣམ་པར་སྤོང་བ་དང ། ངན་འགྲོ་སེལ་བ་ལ་ཉེ་བར་གནས་པའི་ཚུལ་ཁྲིམས་གང་ཡིན་པ་དེ་ནི་དགེ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཐམས་ཅད་ལ་བཟོད་ཅིང་དགེ་བའི་ཆོས་ལ་རྩོད་པ་མེད་པ་གང་ཡིན་པ་དེ་ནི་དགེ་བའི་བཟོད་པའི་ཕ་རོལ་ཏུ་ཕྱིན་པའོ། །བྱ་བར་གཏོགས་པ་ཐམས་ཅད་ལ་བརྩོན་འགྲུས་ཞུམ་པ་མེད་པ་གང་ཡིན་པ་དེ་ནི་དགེ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་གྱི་ངོ་བོ་ཉིད་ཡུལ་མཉམ་པ་ཉིད་ལ་ཞུགས་པ་བསམ་པ་ཇི་ལྟ་བ་བཞིན་སེམས་འདུལ་བའི་ཕྱིར་གནས་པ་གང་ཡིན་པ་དེ་ནི་དགེ་བའི་བསམ་གཏན་གྱི་ཕ་རོལ་ཏུ་ཕྱིན་པ་སྟེ། དཔེར་ན། རྒྱལ་པོ་ཆེན་པོ་ལེགས་མཐོང་འདོད་པའི་རྣམ་པར་རྟོག་པ་དང ། །གནོད་སེམས་ཀྱི་རྣམ་པར་རྟོག་པ་དང ། རྣམ་པར་འཚེ་བའི་རྣམ་པར་རྟོག་པ་དག་ལས་འདས་པ་ལྟ་བུའོ། །ཐམས་ཅད་ལ་མི་གནས་པའི་ཤེས་རབ་གང་ཡིན་པ་དེ་ནི་དགེ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེའང་སྙིང་རྗེ་ཆེན་པོ་ 49a ༄#། །ལས་བལྟ་བར་བྱ་བ་སྟེ། འདི་དག་ནི་དགེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣོ་བས་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དམིགས་པ་ལ་གནས་པའི་སྦྱིན་པ་གང་ཡིན་པ་དེ་ནི་རྣོ་བའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་རློམ་སེམས་མེད་ཅིང་དངོས་པོ་བཅབས་པ་མེད་པ་གང་ཡིན་པ་དེ་ནི་རྣོ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་ཇི་ལྟ་བ་བཞིན་དུ་བཟོད་ཅིང་ཕྱིན་ཅི་ལོག་མེད་པས་བསྐྱེད་པ་གང་ཡིན་པ་དེ་ནི་རྣོ་བའི་བཟོད་པའི་ཕ་རོལ་ཏུ་ཕྱིན་པའོ། །མོས་པ་ཇི་ལྟ་བ་བཞིན་ལ་ཕྱིར་ལྡོག་པ་མེད་པར་གནས་པ་གང་ཡིན་པ་དེ་ནི་རྣོ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པས་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣོ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔར་གྱུར་པ་ན་ཉན་ཐོས་ཀྱི་ཕ་རོལ་ཏུ་ཕྱིན་པ་རྣམས་མ་ལུས་པར་ཤེས་ཤིང ། རང་སངས་རྒྱས་ཀྱི་ཕ་རོལ་ཏུ་ཕྱིན་པ་རྣམས་མ་ལུས་པ་ཤེས་ཀྱང་འདོད་ཆགས་དང་བྲལ་བའང་མ་ཡིན།་སོ་སོའི་སྐྱེ་བོའང་མ་ཡིན། སྦྱིན་གནས་ཀྱང་མ་ཡིན་ལ། སྨོན་ལམ་གྱིས་སྐྱེས་པ་ལ་ཡང་མངོན་པར་ཞེན་པ་མེད་པ་གང་ཡིན་པ་དེ་ནི་རྣོ་བའི་ཤེས་རབ་ཀྱི་ཕ་ 49b རོལ་ཏུ་ཕྱིན་པ་སྟེ། འདི་དག་ནི་རྣོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དམིགས་པའི་སྦྱིན་པ་གང་ཡིན་པ་དེ་ནི་ཟབ་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་དང་མཐུན་པར་གནས་པའི་ཚུལ་ཁྲིམས་ཞེན་པ་མེད་པ་དེ་ལ་མ་ཆགས་པས་མཁས་པས་རྣམས་ཀྱིས་བསྔགས་པའི་ཚུལ་ཁྲིམས་གང་ཡིན་པ་དེ་ནི་ཟབ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟེ། །དེ་ག་ལས་བལྟ་ཞེ་ན། དང་པོ་བྱང་ཆུབ་ཏུ་སེམས་བསྐྱེད་པ་དང ། ལྷག་པའི་བསམ་པ་ལ་འཇུག་པ་ལས་སོ། །བདག་མེད་པ་དང་ལྡན་པའི་བཟོད་པའི་ཕ་རོལ་ཏུ་ཕྱིན་པ་རྣམ་པར་སྨིན་པ་དང ། རྣམ་པར་སྨིན་པ་མ་ཡིན་པ་དང ། རྣམ་པར་སྨིན་པ་དང་བཅས་ལ་རྣམ་པར་རྟོག་པ་མེད་པ་གང་ཡིན་པ་དེ་ནི་ཟབ་པའི་བཟོད་པའི་ཕ་རོལ་ཏུ་ཕྱིན་པ་སྟེ། དེ་ག་ལས་བལྟ་ཞེ་ན། ཆོས་འཚོལ་བའི་སྤྱོད་པ་དང་ལྡན་པ་ལས་སོ། །ཁམས་གསུམ་ལའང་མངོན་པར་ཞེན་པ་མེད་པ་ཡིན་ལ། མྱ་ངན་ལས་འདས་པ་ལ་རློམ་སེམས་སུའང་མི་བྱེད་པ་གང་ཡིན་པ་དེ་ནི་ཟབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དེ་ག་ལས་བལྟ་ཞེ་ན། མུ་སྟེགས་ཅན་གྱི་ཤེས་པ་ཟིལ་གྱིས་གནོན་པ་ལས་སོ། །ལམ་དང་བསམ་གཏན་ཤིན་ཏུ་ཟབ་པ་གང་ཡིན་པ་དེ་ནི་ཟབ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ 50a ༄#། །ཕ་རོལ་ཏུ་ཕྱིན་པ་ཆོས་དགེ་བར་བཏགས་པ་དང་མི་འགལ་བར་ཐམས་ཅད་དུ་ཐོགས་པ་མེད་པས་ཕྱེ་བ་ཉེ་བར་ཞི་བ་དང་རྒྱུ་མཐུན་པ་སྤྲོས་པ་མེད་པ་ལ་གནས་པ་གང་ཡིན་པ་དེ་ནི་ཟབ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཟབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྣ་ཚོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་སྦྱིན་པའི་ཕ་རོལ་ཏུ་ཕྱིན་པ་སྣ་ཚོགས་སྟེར་བ་གང་ཡིན་པ་དེ་ནི། སྦྱིན་པའི་ཕ་རོལ་ཏུ་ཕྱིན་པ་སྟེ། དེའི་རྣམ་པར་སྨིན་པ་གང་ཞེ་ན་ལུས་ལ་དཔེ་བྱད་སྣ་ཚོགས་པ་དང ། སྤོབས་པ་ཕུན་སུམ་ཚོགས་པ་གང་ཡིན་པ་དེ་ནི་སྣ་ཚོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སངས་རྒྱས་ཀྱི་ཞིང་ཡོངས་སུ་འཛིན་པར་བྱེད་ཅིང་བསམ་པ་རྫོགས་པ་ཉེ་བར་གནས་པ་གང་ཡིན་པ་དེ་ནི་སྣ་ཚོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སངས་རྒྱས་ཀྱི་ཞིང་སྐྱོན་དང་བྲལ་བ་དེ་ནི་སེམས་ཅན་རྣམས་ལ་གནོད་སེམས་མེད་པར་གྱུར་ཅིག་།ཅེས་ཡོངས་སུ་བསྔོ་བ་གང་ཡིན་པ་དེ་ནི་སྣ་ཚོགས་པའི་བཟོད་པའི་ཕ་རོལ་ཏུ་ཕྱིན་པའོ། །ཉན་ཐོས་དང ། རང་སངས་རྒྱས་དང ། བྱང་ཆུབ་སེམས་དཔའི་འཁོར་སྨིན་པར་བྱེད་པ་གང་ཡིན་པ་དེ་ནི་སྣ་ཚོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འཁོར་དྲེགས་པ་དང ། འདོད་ཆགས་ཅན་གྱི་ནང་ན་གནས་ཀྱང་སེམས་ལ་ 50b བརྗེད་ངེས་པ་མེད་ཅིང་དྲན་པར་ཡོངས་སུ་བསྔོ་བའི་སེམས་གང་ཡིན་པ་དེ་ནི་སྣ་ཚོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐབས་མཁས་པས་ཡོངས་སུ་ཟིན་པའི་ཤེས་རབ་ཐམས་ཅད་དུ་བརྗེད་ངས་པ་མེད་ཅིང་ཆོས་ཟབ་མོ་སྟོན་པ་ལ་གཞན་ལ་རག་མ་ལས་པ་གང་ཡིན་པ་དེ་ནི་སྣ་ཚོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་སྣ་ཚོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཀོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་ཀྱིས་སངས་རྒྱས་ཀྱི་ཞིང་བཟའ་བ་དང་བཏུང་བ་ཕུན་སུམ་ཚོགས་པ་གང་ཡིན་པ་དེ་ནི་བཀོད་པའི་སྦྱིན་པའི་ཕ་རོལ་ཏུ་ཕྱིན་པའོ། །འཁོར་ཐམས་ཅད་ལ་བརྙས་པ་མེད་པ་གང་ཡིན་པ་དེ་ནི་བཀོད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། སངས་རྒྱས་ཀྱི་ཞིང་ལག་མཐིལ་ལྟར་མཉམ་ཞིང་ཀ་ཙ་ལིནྡི་ཀ་ལྟར་རེག་ན་འཇམ་པ་རིན་པོ་ཆེ་སྣ་ཚོགས་ཀྱི་སྤྲས་པ་དག་འགྲུབ་ཅིང་བག་ཡོད་པར་འགྱུར་བ་གང་ཡིན་པ་དེ་ནི་བཀོད་པའི་བཟོད་པའི་ཕ་རོལ་ཏུ་ཕྱིན་པའོ། །འཁོར་ཚད་མེད་པ་གང་ཡིན་པ་དེ་ནི་བཀོད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འོད་དང་མཚན་ཕུན་སུམ་ཚོགས་ཤིང་བསམ་པའི་སྐྱོན་དང ། རྣམ་པར་སྨིན་པ་དང ། དྲེགས་པ་དང ། ཉོན་མོངས་པ་དང་བྲལ་བ་གང་ཡིན་པ་དེ་ནི་བཀོད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྒྱུ་མ་ལྟ་བུའི་ཏིང་ངེ་འཛིན་ཐོབ་ནས་ཐ་ན་དུད་འགྲོའི་ 51a ༄#། །སྐྱེ་གནས་སུ་གྱུར་པའི་སེམས་ཅན་རྣམས་ལ་ཆོས་སྟོན་ཀྱང་བརྗེད་ངེས་པ་མེད་པ་གང་ཡིན་པ་དེ་ནི་བཀོད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བཀོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐུག་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྒྲིབ་པ་མེད་པའི་སེམས་ཀྱིས་ཡོངས་སུ་གཏོང་བ་གང་ཡིན་པ་དེ་ནི་ཐུག་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཉོན་མོངས་པ་བྱུང་བ་སེལ་བར་འགྱུར་བ་གང་ཡིན་པ་དེ་ནི་ཐུག་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། སེམས་ཅན་གྱི་འདུ་ཤེས་རྒྱ་ཆེ་ཞིང་ཐུག་པ་མེད་པ་སྒོམ་ལ་མ་ཞུམ་པ་དང ། འཇིགས་པ་མེད་པས་རབ་ཏུ་ཕྱེ་བ་གང་ཡིན་པ་དེ་ནི་ཐུག་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཡེ་ཤེས་ལ་དམིགས་པས་ཕ་རོལ་གནོན་པ་གང་ཡིན་པ་དེ་ནི་ཐུག་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་མེད་པ་ལ་བཟོད་པར་གནས་ཤིང་ཡུལ་ལ་ལོངས་སྤྱོད་པའི་བསམ་གཏན་བརྗེད་ངས་པ་མེད་པ་གང་ཡིན་པ་དེ་ནི་ཐུག་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་སྤོབས་པ་ཕུན་སུམ་ཚོགས་པ་དང་ལྡན་པས་སྟོན་པ་ཐམས་ཅད་ལ་ཐུག་པ་མེད་པའི་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་ཐམས་ 51b ཅད་ལ་ཐོགས་པ་མེད་པ་གང་ཡིན་པ་དེ་ནི་ཐུག་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐུག་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱམས་པ་སྔོན་དུ་འགྲོ་བའི་སྦྱིན་པས་ཡི་དྭགས་ཀྱི་ཡུལ་རྣམ་པར་སྦྱོང་བར་བྱེད་པ་གང་ཡིན་པ་དེ་ནི་སེམས་ཅན་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །དུད་འགྲོའི་སྐྱེ་གནས་རྣམ་པར་སྦྱོང་བར་བྱེད་པའི་ཚུལ་ཁྲིམས་གང་ཡིན་པ་དེ་ནི་སེམས་ཅན་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཉེས་པ་བྱས་པ་ཐམས་ཅད་བཟོད་ཅིང་སེམས་ཅན་དམྱལ་བ་སྦྱོང་བར་བྱེད་པ་གང་ཡིན་པ་དེ་ནི་སེམས་ཅན་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །བསྡུ་བའི་དངོས་པོ་རྣམ་པ་བཞི་དང་མཐུན་པར་ཕ་རོལ་གནོན་ཅིང་ལྷ་མ་ཡིན་གྱི་སྐྱེ་བ་ཡོངས་སུ་སྦྱོང་བ་གང་ཡིན་པ་དེ་ནི་སེམས་ཅན་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཉིད་ཉེ་བར་བཟུང་ནས་སེམས་ཅན་ལ་བདེ་བ་སྒྲུབ་པ་ནི། དཔེར་ན། མི་འཁྲུག་པའི་ཐུགས་དམ་ལས་ཕ་རོལ་གྱི་གཞི་ལས་འཚོ་ཞིང་ཐུགས་དམ་བཅུ་མཛད་པ་ལྟ་བུ་དང ། མི་རྣམས་ཡོངས་སུ་སྦྱོང་བར་འགྱུར་བ་གང་ཡིན་པ་དེ་ནི་སེམས་ཅན་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཀུན་རྫོབ་ཀྱི་བདེན་པ་ལ་གནས་ནས་སེམས་ཅན་ 52a ༄#། །རྣམས་ལ་ཆོས་རྒྱ་ཆེན་པོ་རབ་ཏུ་དབྱེ་བ་འབྱེད་ཅིང་སྟོན་ལ། ཉོན་མོངས་པ་རྣམ་པར་བྱང་བ་ལ་གནས་པ་གང་ཡིན་པ་དེ་ནི་སེམས་ཅན་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་ཆོས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འདོད་པས་སྦྱིན་པ་གང་ཡིན་པ་དེ་ནི་ཆོས་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྨོན་པ་མེད་པའི་ཏིང་ངེ་འཛིན་གྱི་རྣམ་པར་ཐར་པའི་སྐྱེས་པའི་ལུས་དང ། ངག་དང ། སེམས་ཀྱི་སྔོམ་པ་གང་ཡིན་པ་དེ་ནི་ཆོས་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། སྙིང་རྗེ་ཆེན་པོ་ལ་དམིགས་པའི་བཟོད་པ་གང་ཡིན་པ་དེ་ནི་ཆོས་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །རྫུ་འཕྲུལ་གྱི་རྐང་པ་སྔོན་དུ་འགྲོ་བའི་ཕ་རོལ་གནོན་པ་གང་ཡིན་པ་དེ་ནི་ཆོས་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་སྔོན་དུ་འགྲོ་བའི་བསམ་གཏན་གང་ཡིན་པ་དེ་ནི་ཆོས་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སོ་སོ་ཡང་དག་པར་རིག་པ་ལས་བྱུང་བའི་གཟུངས་ཇི་སྙེད་པ་དེ་དག་གི་ཡི་གེ་ལ་དཔྱོད་པར་བྱེད་ཅིང་ཕུལ་བ་མ་ཡིན་པས་སྒྲ་ཐམས་ཅད་ཤེས་ 52b ཤིང་སྟོན་ལ། མི་འཇིགས་པ་བཞི་ཡོངས་སུ་འཛིན་ཅིང་ཕྱིར་མི་ལྡོག་པའི་སྟོན་པ་གང་ཡིན་པ་དེ་ནི་ཆོས་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཆོས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ལ་འཛིན་པ་མེད་པར་འགྱུར་བའི་སྦྱིན་པའི་ཕ་རོལ་ཏུ་ཕྱིན་པ་སྟེ། སེམས་ལ་འཛིན་པ་མེད་པའི་ཕྱིར། གང་བདེན་པའི་བསམ་པས་ཡོངས་སུ་བསྔོ་བ་གང་ཡིན་པ་དེ་ནི་ཞི་གནས་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྒྲིབ་པ་ལྔ་སྤོང་བ་གང་ཡིན་པ་དེ་ནི་ཞི་གནས་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མི་རྟག་པ་དང ། སྡུག་བསྔལ་བར་རྟོག་པའི་ཤེས་པ་ལ་བཟོད་པར་བརྗོད་པ་གང་ཡིན་པ་དེ་ནི་ཞི་གནས་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆོས་རྣམས་འཚོལ་བར་འབད་པ་གང་ཡིན་པ་དེ་ནི་ཞི་གནས་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཏིང་ངེ་འཛིན་བྱང་ཆུབ་ཀྱི་ཡན་ལག་འདི་ཡོངས་སུ་བཟུང་བའི་ཉོན་མོངས་པ་ཞི་བར་འགྱུར་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཞི་གནས་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་ཞི་གནས་ལ་དགའ་བ། ཞི་གནས་ལ་ 53a ༄#། །དམིགས་པ། ཞི་གནས་ལ་སྒོམ་པ། ཞི་གནས་ལ་འབབ་པ། ཞི་གནས་སྔོན་དུ་འགྲོ་ཞིང་རྣམ་པར་ཐར་པ་བརྒྱད་ཐོབ་ལ་གཞན་གྱིས་མ་བསྟན་པར་ཉན་ཐོས་དང ། རང་སངས་རྒྱས་ཀྱི་སར་མི་ལྟུང་བ་གང་ཡིན་པ་དེ་ནི་ཞི་གནས་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་གི་དང ། གང་གི་ཚེ་དང ། གང་ཟག་གང་ལའང་རྟོག་པ་མེད་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྔོན་གྱི་མཐའ་དང་ཕྱི་མའི་མཐའ་ལྷག་པར་མཐོང་བ་བསགས་པས་མི་དམིགས་པས་ངེས་པར་གྱུར་པའི་སྡོམ་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཀུན་ནས་དཀྲིས་ཏེ་འདུག་པ་མ་ཡིན་པའི་སེམས་ཀྱིས་ཆོས་ཐམས་ཅད་ལ་མཉམ་པ་ཉིད་དུ་ལྷག་པར་མཐོང་བའི་བཟོད་པ་སེམས་ཅན་དང ། སྲོག་དང ། གང་ཟག་དང ། གསོ་བའི་འདུ་ཤེས་དང་བྲལ་བ་གང་ཡིན་པ་དེ་ནི་ལྷག་མཐོང་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །ལྷག་མཐོང་ལ་དམིགས་ཤིང་ལྷག་མཐོང་སྐྱེད་པར་བྱེད་པའི་བརྩོན་འགྲུས་གང་ཡིན་པ་དེ་ནི་ 53b ལྷག་མཐོང་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ལྷག་མཐོང་སྔོན་དུ་འགྲོ་ཞིང་ལྷག་མཐོང་གི་དབང་དུ་བྱས་ནས་བསམ་གཏན་ཐམས་ཅད་ཉེ་བར་ལེན་ལ་ཐབས་མཁས་པ་གང་ཡིན་པ་འདིས་ཀྱང་མངོན་པར་ཞེན་པ་མེད་པ་དང་ལྡན་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདོད་པ་རྣམས་ལ་ཐུག་པ་མེད་པ་གང་ཡིན་པ་དེ་ནི་གང་བསམ་གཏན་གྱི་ངོ་བོ་ཉིད་མ་ཡིན་པ་དང ། ཆོས་ལ་རྨོངས་པ་མེད་པ་གང་ཡིན་པ་དང ། བྱང་ཆུབ་ཀྱི་ཕྱིར་ཐོགས་པ་མེད་པའི་ཤེས་པ་གང་ཡིན་པ་དང ། ཟག་པ་མེད་པར་ཞུགས་ཤིང་སྙིང་རྗེ་ཆེན་པོའི་འདུས་བྱས་དང་ལྡན་པས་བདག་ཡོངས་སུ་སྨིན་པར་བྱེད་པ་དང ། སེམས་ཅན་ཡོངས་སུ་སྨིན་པར་བྱེད་པ་དང ། རང་གི་ལས་མ་གཡོས་པ་གང་ཡིན་པ་དང ། ལྷག་མཐོང་ལ་དམིགས་པའི་ཤེས་རབ་ཀྱིས་ཕ་རོལ་ཏུ་ཕྱིན་པ་སྟེ། འདི་དག་ནི་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐམས་ཅད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་ཐམས་ཅད་དབུལ་བ་མ་ཡིན་པའི་འཐོབ་པའི་ཕྱིར་སྦྱིན་པ་ཡོངས་སུ་བསྔོས་པ་གང་ཡིན་པ་དེ་ནི་ཐམས་ཅད་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་ཐམས་ཅད་ལ་བདེ་བར་ཡོངས་སུ་བསྔོས་པ་ནི་སྙིང་རྗེ་ཆེན་པོས་ཡོངས་སུ་བསྔོས་ 54a །ལ།་ཡེ་ཤེས་ཡོངས་སུ་རྫོགས་པའི་རྒྱུ་མཐུན་པ་འགྱོད་པ་མེད་པའི་རྩ་བ་རྣམ་པར་སྨིན་པ་གྲུབ་པ་གང་ཡིན་པ་དེ་ནི་ཐམས་ཅད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕྱིར་མི་ལྡོག་པའི་ཆོས་སྒྲུབ་ཅིང་ཡི་དམ་བརྟན་པོར་འཛིན་པ་གང་ཡིན་པ་དེ་ནི་ཐམས་ཅད་པའི་བཟོད་པའི་ཕ་རོལ་ཏུ་ཕྱིན་པའོ། །དད་པ་སྔོན་དུ་འགྲོ་བའི་ཤེས་རབ་ཀྱིས་ཡོངས་སུ་ཟིན་པའི་རྩོལ་བ་གང་ཡིན་པ་དེ་ནི་ཐམས་ཅད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དཔྱོད་པ་ཡང་དག་པ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པ་སྦྱོར་བ་དཔག་ཏུ་མེད་པ་ཐོགས་པ་མེད་པ་མི་དམིགས་པ་དང་ལྡན་པ་གང་ཡིན་པ་དེ་ནི་ཐམས་ཅད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་རིགས་ཀྱི་ཆོས་ལ་གནས་ཤིང་དད་པ་དང ། བརྩོན་འགྲུས་དང ། དྲན་པ་དང ། ཏིང་ངེ་འཛིན་གྱིས་བརྟན་པ་འགྱོད་པས་ཞུམ་པ་མེད་པར་སྦྱོར་ཞིང་ཐབས་མཁས་པས་ཡོངས་སུ་ཟིན་པ་འཇིག་རྟེན་པ་དང ། སློབ་པ་དང ། མི་སློབ་པ་དང ། རང་སངས་རྒྱས་ཀྱི་ཤེས་པ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆོས་ཐམས་ཅད་མཁྱེན་པ་ལས་བྱུང་བ་གང་ཡིན་པ་དེ་ནི་ཐམས་ཅད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི། ཐམས་ 54b ཅད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་རང་གི་སེམས་ཀྱིས་སྦྱིན་པ་གང་ཡིན་པ་དེ་ནི་ཕྱོགས་གཅིག་པའི་སྦྱིན་པའི་ཕ་རོལ་ཏུ་ཕྱིན་པའོ། །ཆོས་ལ་ཁ་ཅིག་ཏུ་ཚུལ་ཁྲིམས་ཀྱི་འདུ་ཤེས། ཁ་ཅིག་ཏུ་ནི་འཆལ་པའི་ཚུལ་ཁྲིམས་ཀྱི་འདུ་ཤེས་གང་ཡིན་པ་དེ་ནི་ཕྱོགས་གཅིག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དམིགས་པ་གནས་པའི་བཟོད་པ་གང་ཡིན་པ་དེ་ནི་ཕྱོགས་གཅིག་པའི་བཟོད་པའི་ཕ་རོལ་ཏུ་ཕྱིན་པའོ། །རྣམ་པར་དབྱེ་བའི་བརྩོན་འགྲུས་གང་ཡིན་པ་དེ་ནི་ཕྱོགས་གཅིག་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དངོས་པོ་ལ་དམིགས་པའི་བསམ་གཏན་གང་ཡིན་པ་དེ་ནི་ཕྱོགས་གཅིག་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྤྱོད་པ་དང ། སེལ་བའི་འདུ་ཤེས་ལ་རྟོག་པ་གང་ཡིན་པ་དེ་ནི་ཕྱོགས་གཅིག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་གནས་རྣམས་དང ། སོ་སོའི་སྐྱེ་བོ་རྣམས་ལ་སེམས་མཉམ་པ་ཉིད་ཀྱིས་སྦྱིན་པ་གང་ཡིན་པ་དེ་ནི་ཉམས་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །མི་གནས་པའི་སྡོམ་པ་གང་ཡིན་པ་དེ་ནི་ཉམས་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ 55a ༄#། །ཕྱིན་པའོ། །འཇིག་རྟེན་གྱི་ཆོས་བརྒྱད་ཀྱིས་བསྒྱུར་དུ་མེད་པ་གང་ཡིན་པ་དེ་ནི་ཉམས་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །བདུད་ཀྱི་མཐུ་ཁོང་དུ་ཆུད་པས་ཇི་ལྟར་ཉམ་ཐག་ཀྱང་བརྩོན་འགྲུས་མི་འདོར་བ་གང་ཡིན་པ་དེ་ནི་ཉམས་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྒྲིབ་པ་མེད་པའི་ཆོས་ལ་ལྷག་པར་མོས་ཤིང་ཡུལ་ལ་མཉམ་པ་ཉིད་རབ་ཏུ་ཐོབ་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཉམས་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་དང་འཇིག་རྟེན་ལས་འདས་པའི་ཆོས་རྣམས་ལ་ཐོགས་པ་མེད་པར་འགྱུར་བ་གང་ཡིན་པ་དེ་ནི་ཉམས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་དག་ནི་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡོངས་སུ་བརྟས་པའི་ངོ་བོས་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །ལེ་ལོ་མེད་པའི་ཚུལ་ཁྲིམས་གང་ཡིན་པ་དེ་ནི་བཅོས་མ་མ་ཡིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བསམ་པ་ཡང་དག་པར་འཕགས་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བཟོད་པའི་ཕ་རོལ་ཏུ་ཕྱིན་ 55b པའོ། །ཡོ་བྱད་དང་ཟང་ཟིང་གི་ཆེད་མ་ཡིན་པར་ཐམས་ཅད་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མངོན་པར་ཞེན་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྗེས་སུ་སྲུང་བ་མེད་པར་གཞན་ལ་ཕན་འདོགས་པར་འགྱུར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ཉི་བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབུལ་པོས་གཞན་ལ་ཕན་པའི་ཕྱིར་ཡོངས་སུ་བསྔོས་ལ་བདག་ཉིད་རྣམ་པར་སྨིན་པ་བདེ་བའི་ཕྱིར་ཞུགས་པ་མ་ཡིན་པ་གང་ཡིན་པ་དེ་ནི་དབུལ་པོ་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །བདེ་བ་འགྲོར་ཡོངས་སུ་བསྔོ་བ་དང་བྲལ་བའི་སྡོམ་པ་གང་ཡིན་པ་དེ་ནི་དབུལ་པོ་མ་ཡིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཟང་ཟིང་གི་ཕྱིར་བཟོད་པ་གང་ཡིན་པ་དེ་ནི་དབུལ་པོ་མ་ཡིན་པ་བཟོད་པའི་ཕ་རོལ་ཏུ་ཕྱིན་པའོ། །ཟང་ཟིང་དང་འབྲེལ་བའི་ལུས་དང་སེམས་ཀྱི་རྩོལ་བ་གང་ཡིན་པ་དེ་ནི་དབུལ་པོ་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚངས་པར་སྐྱེ་བར་ཡོངས་སུ་བསྔོས་པའི་བསམ་ 56a ༄#། །གཏན་བསྐྱེད་པ་གང་ཡིན་པ་དེ་ནི་དབུལ་པོ་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཉོན་མོངས་པ་དང་ཉེ་བར་སྤྱོད་པ་འདྲེས་པ་མང་པོ་ཐོབ་ནས་གནས་ཏེ་སྐྱོན་རྟོགས་ཀྱང་མི་སྤོང་ཞིང་སྨོད་པར་མི་བྱེད་པ་གང་ཡིན་པ་དེ་ནི་དབུལ་པོ་མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཉན་ཐོས་དང ། རངས་སངས་རྒྱས་ལ་མི་གནས་པའི་སྦྱིན་པ་བྱང་ཆུབ་ལས་ཕྱིར་མི་ལྡོག་པ་གང་ཡིན་པ་དེ་ནི་ཕྱིར་མི་ལྡོག་པའི་སྦྱིན་པའི་ཕ་རོལ་ཏུ་ཕྱིན་པའོ། །བྱང་ཆུབ་ཇི་སྲིད་པའི་བར་དུ་ཚུལ་ཁྲིམས་རྒྱུན་ཆད་པ་མེད་པ་གང་ཡིན་པ་དེ་ནི་ཕྱིར་མི་ལྡོག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འཇིག་རྟེན་ལས་འདས་པ་ཉན་ཐོས་ཀྱི་དང ། རང་སངས་རྒྱས་ཀྱིས་ལས་འདས་པ་གང་ཡིན་པ་དེ་ནི་ཕྱིར་མི་ལྡོག་པའི་བཟོད་པའི་ཕ་རོལ་ཏུ་ཕྱིན་པའོ། །ནམ་ཐམས་ཅད་མཁྱེན་པ་ཐོབ་ཀྱི་བར་དུ་ཐབས་མཁས་པས་ཡོངས་སུ་ཟིན་པའི་བརྩོན་འགྲུས་གང་ཡིན་པ་དེ་ནི་ཕྱིར་མི་ལྡོག་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་འདོད་པའི་ཡོན་ཏན་ལ་ལོངས་སྤྱོད་ཅིང་དུས་ཐམས་ཅད་དུ་ཐབས་མཁས་པའི་ཤེས་རབ་ཀྱིས་སྤྱོད་པ་གང་ཡིན་པ་ 56b དེ་ནི་ཕྱིར་མི་ལྡོག་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐན་དགེ་སྦྱོང་དང ། བྲམ་ཟེ་དང ། ཉན་ཐོས་དང ། རང་སངས་རྒྱས་ཀྱིས་མི་འཕྲོག་ཅིང་འཇིག་རྟེན་ལས་འདས་པའི་ཡང་དག་པའི་ལྟ་བ་ལས་བྱུང་བ་སྙིང་རྗེ་ཆེན་པོས་ཉེ་བར་བརྟན་པའི་ཤེས་རབ་རྒྱ་ཆེན་པོ་གང་ཡིན་པ་དེ་ནི་ཕྱིར་མི་ལྡོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐྱོ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་སྦྱིན་པའི་ཕ་རོལ་ཏུ་ཕྱིན་པའོ། །ཐོས་པ་ཉུང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཞེ་སྡང་དང་ཞེ་སྡང་མ་ཡིན་པ་ལ་མི་ལྟ་བར་གནས་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་བཟོད་པའི་ཕ་རོལ་ཏུ་ཕྱིན་པའོ། །རོ་མྱང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་གྱི་ཕ་རོལ་ཏུ་ཕྱིན་པ་བདག་མེད་པ་ལས་ཕྱི་རོལ་ཏུ་གྱུར་བའི་བཟོད་པ་གང་ཡིན་པ་དེ་ནི་རྣམ་པར་སྒྲུབ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་གྱི་བྱ་བ་ལ་གཞོལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་ཤེས་རབ་ཀྱི་ཕ་ 57a ༄#། །རོལ་ཏུ་ཕྱིན་པ་སྟེ། འདི་དག་ནི་རྣམ་པར་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་དག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣམ་པར་སྨིན་པ་ལ་རེ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་དག་པའི་སྦྱིན་པའི་ཕ་རོལ་ཏུ་ཕྱིན་པའོ། །ལེ་ལོ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་དག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དམིགས་པ་མེད་པའི་ཆོས་དང་ལྡན་པའི་བཟོད་པ་གང་ཡིན་པ་དེ་ནི་དག་པའི་བཟོད་པའི་ཕ་རོལ་ཏུ་ཕྱིན་པའོ། །བདག་དང་གཞན་ལ་གནོད་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་དག་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དངོས་པོ་མེད་པ་དང་དམིགས་པ་མེད་པའི་སྟོབས་བསྐྱེད་པ་ཐོབ་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི། དག་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྒྲིབ་པ་ཐམས་ཅད་བསལ་ཅིང་ཕྱིན་ཅི་ལོག་མེད་པ་རྣམ་པར་སྒོམ་པ་གང་ཡིན་པ་དེ་ནི་དག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་དག་པའི་ཕ་རོལ་ཏུ་ཕྱིན་པའི་དྲུག་གོ་།དེ་ལ་བརྟན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་སྦྱིན་པ་སྦྱིན་པར་བྱེད་པ་ན་བདུད་ཀྱིས་སྤྲུལ་ནས་དབྱེ་བར་མི་ནུས་ཤིང་གདུང་བ་མེད་པར་བདོག་པ་ཐམས་ཅད་ཡོངས་ 57b སུ་གཏོང་བ་གང་ཡིན་པ་དེ་ནི་བརྟན་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དགེ་མཚན་དང་བཀྲ་ཤིས་ལ་མི་གནས་ཤིང་བྱང་ཆུབ་ཏུ་ངེས་པར་བསྔོ་བ་གང་ཡིན་པ་དེ་ནི་བརྟན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྗེས་སུ་ཆགས་པ་དང་ཁོང་ཁྲོ་བ་མེད་ཅིང་ཐུན་མོང་མ་ཡིན་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟན་པའི་བཟོད་པའི་ཕ་རོལ་ཏུ་ཕྱིན་པའོ། །མཁས་པས་སྙེམས་པ་མེད་ཅིང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྒྱུར་བྱེད་ནས་མི་བསྐྱོད་པ་གང་ཡིན་པ་དེ་ནི་བརྟན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཡོངས་སུ་སྨིན་པར་བྱ་བའི་ཕྱིར་ཡོངས་སུ་བསྔོས་པ་དང ། དབང་པོ་དང ། སྙོམས་པར་འཇུག་པ་དག་བརྟན་པར་བྱ་བའི་ཕྱིར་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ལ་ངེས་པར་རྟོག་པའི་བཟོད་པས་ངེས་པར་བྱུང་ཞིང་ཐམས་ཅད་དུ་རྨོངས་པ་མེད་པར་གནས་བའི་ཤེས་རབ་གང་ཡིན་པ་དེ་ནི་བརྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྟན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྟུན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དམིགས་པ་མེད་པར་གནས་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟན་པའི་སྦྱིན་པའི་ཕ་རོལ་ཏུ་ཕྱིན་པའོ། །སྙེམས་པ་ 58a ༄#། །མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟུན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྗེས་སུ་ཆགས་པ་དང་ཁོང་ཁྲོ་བ་སྤོང་བ་ལ་དམིགས་པའི་བཟོད་པ་གང་ཡིན་པ་དེ་ནི་བརྟུན་པའི་བཟོད་པའི་ཕ་རོལ་ཏུ་ཕྱིན་པའོ། །ངར་འཛིན་པ་དང ། སྡུག་བསྔལ་སྣ་ཚོགས་སྤང་བ་དང ། སྨད་པའི་ཕྱིར་བདག་གི་ངལ་བ་སྤངས་ནས་སྟོང་པ་ཉིད་ཀྱི་རྗེས་སུ་མཐུན་པ་གང་ཡིན་པ་དེ་ནི་བརྟུན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །གང་མི་རྟག་པས་ཡིད་བྱུང་སྟེ་རྟེན་ཅིང་འབྲེལ་པར་འབྱུང་བའི་སྟོབས་རྙེད་ཅིང་ཡོངས་སུ་གཏུགས་པ་མེད་པས་ཕྱེ་བ་གང་ཡིན་པ་དེ་ནི་བརྟུན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདོད་ཆགས་དང་བྲལ་བར་ཞུགས་པ་གཉིས་སུ་མེད་པས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་བརྟུན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྟུན་པའི་ཕ་རོལ་ཏུ་ཕྱིན་པ་དྲུག་གོ ། དེ་ལ་ངོམས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པ་ཐར་པར་ཡོངས་སུ་བསྔོ་ཞིང་འཁོར་བར་ཡོངས་སུ་མི་བསྔོ་བ་གང་ཡིན་པ་དེ་ནི་ངོམས་པའི་སྦྱིན་པའི་ཕ་རོལ་ཏུ་ཕྱིན་པའོ། །ནག་ནོག་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་ 58b དཔའི་ངོམས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནག་ནོག་ཅན་གང་ཡིན་པ་ཡོད་དེ། ཚུལ་ཁྲིམས་དེས་ན་ཉན་ཐོས་ཀྱི་སའམ། རང་སངས་རྒྱས་ཀྱི་སར་སྨོན་པ་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནག་ནོག་ཅན་ནོ། །སངས་རྒྱས་ཀྱི་ཡོན་ཏན་གྱི་བཀོད་པ་དཔག་ཏུ་མེད་པ་དག་འགྲུབ་པར་བྱེད་ཅིང་བླ་ན་མེད་པའི་སྨོན་ལམ་འདོད་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་བཟོད་པའི་ཕ་རོལ་ཏུ་ཕྱིན་པའོ། །འདུས་བྱས་རྣམས་ལ་ལྷག་པར་ཆགས་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མཐུན་པ་དང་མི་མཐུན་པས་རབ་ཏུ་ཕྱེ་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྣམ་པར་ཐར་པའི་སྒོ་གསུམ་ཡོངས་སུ་བཟུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི། ངོམས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པ་བྱང་ཆུབ་ཀྱི་ཕྱིར་ཡོངས་སུ་མི་བསྔོ་བ་གང་ཡིན་པ་དེ་ནི་འཇིག་རྟེན་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་རྣམ་པ་བདུན་གང་ཡིན་པ་དེ་ནི་འཇིག་རྟེན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་བཟོད་པ་གང་ 59a ༄#། །ཡིན་པ་དེ་ནི་འཇིག་རྟེན་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་འདུ་འཛིན་ན་གང་ཡིན་པ་དེ་ནི་འཇིག་རྟེན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་འཇིག་རྟེན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་གྱི་ཆོས་རྣམས་འདྲིས་པར་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཇིག་རྟེན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་འཇིག་རྟེན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་ཕྱིར་ཆོས་ཀྱི་སྦྱིན་པ་དང ། ཟང་ཟིང་པ་མངོན་པར་བསྒྲུབས་པའི་བསོད་ནམས་ཀྱི་རྣམ་པར་སྨིན་པའི་བསམ་པ་འགྲུབ་ལ། མྱུར་དུ་མྱ་ངན་ལས་འདས་པ་ཞི་བ་མཆོག་ཐོབ་པར་འགྱུར་རོ། ཞེས་བཅོམ་ལྡན་འདས་ཀྱིས་ཇི་སྐད་གསུངས་པ་གང་ཡིན་པ་དེ་ནི་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཉན་ཐོས་དང་རང་སངས་རྒྱས་ཀྱི་ཆོས་རྣམས་ཀྱི་སྡོམ་པ་ཤིན་ཏུ་བསལ་ཞིང ། གང་ན་བག་ཆགས་ཀྱི་ཉིང་མཚམས་སྦྱོར་བ་འགོག་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཚུལ་ཁྲིམས་ 59b ཀྱི་ཕ་རོལ་ཏུ་ཕྱིན་པའོ། །ཟག་པ་མེད་པའི་ཆོས་རྣམས་ཀྱིས་བཟོད་པ་གང་ཡིན་པ་དེ་ནི་འཇིག་རྟེན་ལས་འདས་པའི་བཟོད་པའི་ཕ་རོལ་ཏུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་ཐོབ་པས་རྣམ་བྱང་ཆུབ་ཀྱི་བར་དུ་སེམས་ཅན་ཡོངས་སུ་སྨིན་པར་བྱ་བའི་ཕྱིར་རྩོལ་བ་གང་ཡིན་པ་དེ་ནི་འཇིག་རྟེན་ལས་འདས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའི་ཆོས་ལ་དབང་པོ་དང་ཡེ་ཤེས་ཡོངས་སུ་རྫོགས་པར་བྱ་བའི་ཕྱིར་ཏིང་ངེ་འཛིན་དུ་གནས་པ་གང་ཡིན་པ་དེ་ནི་འཇིག་རྟེན་ལས་འདས་པའི་བསམ་གཏན་ཀྱི་ཕ་རོལ་ཏུ་ཕྱིན་པའོ། །ཉན་ཐོས་དང་རང་སངས་རྒྱས་རྣམས་དང་ཐུན་མོང་མ་ཡིན་པ་བྱང་ཆུབ་ཕྱོགས་གཅིག་པ་ཐམས་ཅད་མཁྱེན་པའི་ཡེ་ཤེས་མཐར་ཕྱིན་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཞི་པ། །དེ་ལ་བླ་ན་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་ཞིང་དུ་བྱང་རབ་སེམས་དཔའ་དབང་བསྐུར་བའི་བཀོད་པ་ཚད་མེད་པ་དང ། ང་རྒྱལ་ལ་གནས་པའི་སེམས་ཅན་རྣམས་ཀྱི་མོས་པའི་རྣམ་པར་སྨིན་པ་བསྐལ་བ་གྲངས་མེད་པར་རྒྱུན་མི་ 60a ༄#། །ཆད་པ་གང་ཡིན་པ་དེ་ནི་བླ་ན་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཆོས་ཀྱི་འདུ་ཤེས་ལ་གནས་ནས་ངན་སོང་གསུམ་ཡོངས་སུ་སྤངས་ཏེ་སངས་རྒྱས་ཀྱི་ཞིང་ཡོངས་སུ་འཛིན་པ་གང་ཡིན་པ་དེ་ནི་བླ་ན་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའི་འཁོར་གསེར་གྱི་མདོག་ལྟ་བུར་འགྱུར་བ།་གནོད་སེམས་ཐམས་ཅད་ཆུང་བ་གང་ཡིན་པ་དེ་ནི་བླ་ན་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཇི་ལྟར་བྱང་ཆུབ་སེམས་དཔའ་མི་འཁྲུགས་པའི་ཡི་དམ་མ་བཏང་བ་གང་ཡིན་པ་དེ་ནི་བླ་ན་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཁྱིམ་བར་གྱུར་པ་བཙུན་མོའི་འཁོར་ན་གནས་ཀྱང་བསམ་གཏན་བཞི་ཆུད་མི་ཟ་ལ་འདི་ལྟར་སངས་རྒྱས་ཀྱི་ཞིང་དུ་འཁོར་ཉོན་མོངས་པ་ཆུང་པའི་རྣམ་པར་སྨིན་པ་གང་ཡིན་པ་དེ་ནི་བླ་ན་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སངས་རྒྱས་ཀྱི་ཞིང་ཡོངས་སུ་འཛིན་ཅིང་ཚེ་དཔག་ཏུ་མེད་པ་དང ། བཀོད་པ་དཔག་ཏུ་མེད་པ་དང ། འཁོར་དཔག་ཏུ་མེད་པའི་ནང་དུ་སྤོབས་པ་གང་ཡིན་པ་དེ་ནི་བླ་ན་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བླ་ན་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཡེང་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའི་སྦྱིན་པའི་ཕ་ 60b རོལ་ཏུ་ཕྱིན་པ་ཡོངས་སུ་བསྔོ་བའི་རྣམ་པར་སྨིན་པས་མངོན་པར་ཤེས་པ་མྱུར་བར་འགྱུར་བ་གང་ཡིན་པ་དེ་ནི་གཡེང་བ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ས་གང་ན་གང་གི་འཕགས་པའི་ཆོས་རྣམས་རྒྱུན་མི་ཆད་པར་གནས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་གང་ཡིན་པ་དེ་ནི་གཡེང་བ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དགེ་བའི་ཆོས་ཐམས་ཅད་སྒྲུབ་པར་བྱེད་པ་གང་ཡིན་པ་དེ་ནི་གཡེང་བ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཡིད་བྱུང་བས་རབ་ཏུ་བསྐྱེད་པ་དང ། མྱ་ངན་ལས་འདས་པས་རབ་ཏུ་བསྐྱེད་པ་དང ། འདོད་ཆགས་དང་བྲལ་བས་རབ་ཏུ་བསྐྱེད་པ་དང ། མ་དད་པ་རྣམས་ཀྱི་དྲན་པ་དང ། སངས་རྒྱས་རྣམས་ཀྱི་དགེ་བའི་རྩ་བ་ལས་བརྩམས་པ་གང་ཡིན་པ་དེ་ནི་གཡེང་བ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་ལ་གནས་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འཇུག་པ་དང ། འདོད་པ་ན་སྤྱོད་པའི་ཆོས་རྣམས་ལྷག་པར་མཐོང་ཡང་མི་སྤོང་ལ། སྐྱོན་དང་སྐྱོན་མེད་བ་རྟོགས་པ་གང་ཡིན་པ་དེ་ནི་གཡེང་བ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །་ཕ་རོལ་ཏུ་ཕྱིན་པ་དྲུག་ཀྱང་སྤྱོད་ཅིང་འཇིག་རྟེན་གྱི་ཆོས་ཐམས་ཅད་ཀྱང་སྤྱོད་ལ་སྐྱོན་དང་སྐྱོན་མེད་པའང་རྟོགས་པ་དང ། བྱང་ཆུབ་སེམས་དཔའི་ཆོས་རྣམས་ཀྱང་སྤྱོད་ 61a ༄#། །ལ་སྐྱོན་དང་སྐྱོན་མེད་པའང་རྟོགས་པ་གང་ཡིན་པ་དེ་ནི་གཡེང་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་གཡེང་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མི་འཁོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་དམིགས་པ་མེད་པ་ལ་གནས་པའི་སྦྱིན་པ་གང་ཡིན་པ་དེ་ནི་མི་འཁོར་བའི་སྦྱིན་པའི་ཕ་རོལ་ཏུ་ཕྱིན་པའོ། །ཉན་ཐོས་དང ། རང་སངས་རྒྱས་དང ། སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་གང་ཡིན་པ་དེ་ནི་མི་འཁོར་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ངར་འཛིན་པ་དང ། ང་ཡིར་འཛིན་པ་ཆད་ཅིང ། རྗེས་སུ་ཆགས་པ་དང ། ཁོང་ཁྲོ་བ་ལས་དབེན་པ་གང་ཡིན་པ་དེ་ནི་མི་འཁོར་བའི་བཟོད་པའི་ཕ་རོལ་ཏུ་ཕྱིན་པའོ། །དེ་སེམས་ཅན་གཞན་གྱི་ངོར་བལྟ་ཞིང་ཡེ་ཤེས་ལས་མི་ལྡོག་པ་ཕ་རོལ་གནོན་པ་གང་ཡིན་པ་དེ་ནི་མི་འཁོར་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མཐོང་བ་དང ། ཐོས་པ་དང ། དྲན་པའི་ཆོས་རྣམས་ཡོངས་སུ་ཤེས་པར་བྱ་བའི་ཕྱིར་གནས་པའི་བསམ་གཏན་གང་ཡིན་པ་དེ་ནི་མི་འཁོར་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐེ་ཚོམ་ཡང་དག་པར་བཅོམ་ཞིང་མཚན་མ་མེད་པས་རབ་ཏུ་ཕྱེ་ལ། བྱང་ཆུབ་ཏུ་ཕྱོགས་གཅིག་པ་ཐམས་ཅད་མཁྱེན་པའི་ཡེ་ཤེས་ 61b ཁྱད་པར་དུ་འཕགས་པའི་ཤེས་རབ་གང་ཡིན་པ་དེ་ནི་མི་འཁོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མི་འཁོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཇི་སྲིད་དུ་དམ་པའི་ཆོས་མ་ནུབ་ཀྱི་བར་དུ་རྣམ་པར་སྨིན་པ་སེམས་ཅན་དང་ལྷན་ཅིག་ཏུ་འཇུག་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཁོར་བའི་སྦྱིན་པའི་ཕ་རོལ་ཏུ་ཕྱིན་པའོ། །དགའ་ལྡན་གྱི་གནས་ན་གནས་པ་ནས་བཟུང་སྟེ་ནམ་མྱ་ངན་ལས་འདས་པའི་བར་དུ་རབ་ཏུ་འཇུག་པ་སྤང་བའི་ཕྱིར་གནས་པ་བཀྲ་ཤིས་པ་གང་ཡིན་པ་དེ་ནི་འཁོར་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ཡོངས་སུ་སྨིན་པར་བྱ་བའི་ཕྱིར་གནས་ཤིང་དུས་སུ་ཡོངས་སུ་བསྔོས་ལ། ཡང་དག་པ་དེ་ཁོ་ན་དང་ལྷན་ཅིག་པའི་བཟོད་པ་འཁོར་བ་དང་མཐུན་པ་གང་ཡིན་པ་དེ་ནི་འཁོར་བའི་བཟོད་པའི་ཕ་རོལ་ཏུ་ཕྱིན་པའོ། །ཇི་ལྟར་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་སྨོན་ལམ་དང ། ཇི་ལྟར་རྐང་བཀྲ་གདུལ་བའི་ཕྱིར་སྐྱེ་བོ་མང་པོ་ལ་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་འཁོར་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་གང་ཡིན་ཞིག་སྒྲིབ་པ་མེད་པར་སྟོན་པའི་ཏིང་ངེ་འཛིན་ལས་བྱུང་བ་ལ་སྙོམས་པར་འཇུག་པ་ན་སེམས་ཅན་ཐམས་ཅད་ཀྱིས་བདེ་བ་རབ་ཏུ་འཐོབ་པ་ 62a ༄#། །གང་ཡིན་པ་དེ་ནི་འཁོར་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །བདག་གི་དོན་བྱང་ཆུབ་ཀྱི་སྐུ་དང་མོས་པ་སྣ་ཚོགས་པ་དག་གི་དོན་ཀུན་ནས་ཤེས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཁོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཁོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐུན་མོང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་སྨོན་ལམ་གྱིས་ཡོངས་སུ་བསྔོས་པ་གང་ཡིན་པ་དེ་ནི་ཐུན་མོང་བའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་རླབས་ཏུ་སྦྱོར་བར་ཡོངས་སུ་བཟུང་བའི་ཉེ་བར་ལེན་པ་དང་བཅས་པའི་ཚུལ་ཁྲིམས་གང་ཡིན་པ་དེ་ནི་ཐུན་མོང་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱིན་གྱིས་བརླབས་ཡོངས་སུ་བཟུང་བའི་བཟོད་པ་གང་ཡིན་པ་དེ་ནི་ཐུན་མོང་པའི་བཟོད་པའི་ཕ་རོལ་ཏུ་ཕྱིན་པའོ། །སྙིང་རྗེ་དང་མཚུངས་པར་ལྡན་པའི་བརྩོན་འགྲུས་གང་ཡིན་པ་དེ་ནི་ཐུན་མོང་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ལ་ཕན་པའི་ཕྱིར་དུས་སུ་ཡོངས་སུ་སྨིན་པར་བྱ་བ་དང ། ཡོངས་སུ་བསྔོ་བའི་བསམ་གཏན་གང་ཡིན་པ་དེ་ནི་ཐུན་མོང་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བག་ཆགས་ཀྱི་མཚམས་སྦྱོར་བ་ལ་རྨོངས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཐུན་ 62b མོང་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐུན་མོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐུན་མོང་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོབས་པ་ཁོང་དུ་ཆུད་པར་བྱ་བའི་ཕྱིར་སྒྲུབ་པ་དང ། གང་སྤོབས་བ་སྣ་ཚོགས་བསྐྱེད་པ་འགྲུབ་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཐུན་མོང་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་ཁྱིམ་ལ་མངོན་པར་མི་དགའ་བའི་ཚུལ་ཁྲིམས་གང་ཡིན་པ་དེ་ནི་ཐུན་མོང་མ་ཡིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། རྟོན་པ་ཐུན་མོང་མ་ཡིན་པ་ཟབ་མོའི་ཆོས་ལ་བཟོད་པ་གང་ཡིན་པ་དེ་ནི་ཐུན་མོང་མ་ཡིན་པའི་བཟོད་པའི་ཕ་རོལ་ཏུ་ཕྱིན་པའོ། དཔག་ཏུ་མེད་པར་འབྱུང་བའི་བརྩོན་འགྲུས་གང་ཡིན་པ་དེ་ནི་ཐུན་མོང་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སེམས་ཅན་ལ་སྒོམ་པ་དང ། ཆོས་ལ་ལྷག་པའི་བསམ་པས་བསྒོམ་པ་དང ། སྟོང་པ་ཉིད་ཀྱི་རྣམ་པའི་བསམ་གཏན་གང་ཡིན་པ་དེ་ནི་ཐུན་མོང་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དོན་སོ་སོ་ཡང་དག་པར་རིག་པ་དང ། ངེས་པའི་ཚིག་སོ་སོ་ཡང་དག་པར་རིག་པ་དང ། ཆོས་སོ་སོ་ཡང་དག་པར་རིག་པའི་རྗེས་སུ་ཞུགས་པ་དང ། ཆོས་གཉིས་རྟོགས་པ་ལས་འབྱུང་བ་དང ། ཅང་ཤེས་ཀྱི་ལས་གཉིས་ལ་རབ་ཏུ་ཤེས་པ་གང་ཡིན་པ་དེ་ 63a ༄#། །ནི་ཐུན་མོང་མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐུན་མོང་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་བགེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པ་ལས་བྱུང་བ་དང ། སྦྱིན་པའི་ཕ་རོལ་ཏུ་ཕྱིན་པ་འགྲུབ་པ་གང་ཡིན་པ་དེ་ནི་རྣམ་པར་བགེད་པའི་སྦྱིན་པའི་ཕ་རོལ་ཏུ་ཕྱིན་པའོ། །དེ་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་ཅི་རིགས་པར་ལུས་ལ་ཡན་ལག་དང ། ཉིང་ལག་ཡོངས་སུ་རྫོགས་པ་གང་ཡིན་པ་དེ་ནི་རྣམ་པར་བགེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འཁོར་གྱི་ནང་ན་ངེས་པར་གནས་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བཟོད་པའི་ཕ་རོལ་ཏུ་ཕྱིན་པའོ། །དོན་ཐམས་ཅད་གྲུབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྔོན་གྱི་གནས་ཤེས་པ་མངོན་སུམ་དུ་བྱ་བའི་ཕྱིར་ཤེས་པ་ལ་གནས་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བདེན་པ་ཡོད་པ་ལ་རབ་ཏུ་རྟོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་ 63b དག་ནི་རྣམ་པར་བགེད་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཇི་ལྟར་ཆུ་བོ་ནཻ་རཉྫ་ནའི་འགྲམ་དུ་ཟས་རྙེད་ནས་དཀའ་བ་སྤྱད་པ་སྤྱོད་པར་ཀུན་ཏུ་སྟོན་པར་བྱིན་གྱིས་བརླབས་པ་གང་ཡིན་པ་དེ་ནི་རྣམ་པ་སྨིན་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཇི་ལྟར་རྒྱུ་སྐར་ཉིས་སྟོང་ལྔ་བརྒྱའི་སྤྲུལ་པ་ལ་ཞུགས་ཤིང་ཆུ་བོ་གངྒཱའི་འགྲམ་ན་མི་དམིགས་པར་གནས་པ་གང་ཡིན་པ་དེ་ནི་རྣམ་པར་སྨིན་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལུས་དང་ངག་དང ། སེམས་དམིགས་པ་མེད་པས་ཕྱེ་བའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྨིན་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །རྣམ་པར་བརྟགས་པ་མེད་པའི་རྩོལ་བ་གང་ཡིན་པ་དེ་ནི་རྣམ་པར་སྨིན་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འགོག་པའི་ས་ལ་གནས་པའི་བསམ་གཏན་གང་ཡིན་པ་དེ་ནི་རྣམ་པར་སྨིན་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཟད་པ་མེད་པར་འགྱུར་བའི་ལྷག་མཐོང་གི་ཤེས་རབ་གང་ཡིན་པ་དེ་ནི། རྣམ་པར་སྨིན་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངོ་བོ་ཉིད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རློམ་སེམས་མེད་པའི་ 64a ༄#། །སྦྱིན་པ་གང་ཡིན་པ་དེ་ནི་ངོ་བོ་ཉིད་ཀྱི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ལ་རློམ་སེམས་མེད་པའི་ཚུལ་ཁྲིམས་གང་ཡིན་པ་དེ་ནི་ངོ་བོ་ཉིད་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བདག་མེད་པར་བཟོད་པ་གང་ཡིན་པ་དེ་ནི་ངོ་བོ་ཉིད་ཀྱིས་བཟོད་པའི་ཕ་རོལ་ཏུ་ཕྱིན་པའོ། །བདག་མེད་པར་དམིགས་པའི་བརྩོན་འགྲུས་གང་ཡིན་པ་དེ་ནི་ངོ་བོ་ཉིད་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཕྱི་དང་ནང་ལ་མི་གནས་པའི་བསམ་གཏན་གང་ཡིན་པ་དེ་ནི་ངོ་བོ་ཉིད་ཀྱི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་ཕྱིན་ཅི་ལོག་མེད་པར་བཏང་སྙོམས་པ་གང་ཡིན་པ་དེ་ནི་ངོ་བོ་ཉིད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ངོ་བོ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དངོས་པོ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མ་འོངས་པའི་སེམས་སྦྱིན་པ་ལ་མ་ཞུགས་པ་གང་ཡིན་པ་དེ་ནི་དངོས་པོ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཟད་པས་རབ་ཏུ་ཕྱེ་བའི་སྡོམ་པ་གང་ཡིན་པ་དེ་ནི་དངོས་པོ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དགེ་བའི་འདུ་ཤེས་ཅན་དང ། མི་དགེ་བའི་འདུ་ཤེས་ཅན་དུ་སྤྲོས་པ་མེད་པ་གང་ཡིན་པ་དེ་ནི་དངོས་པོ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ལམ་ལ་རྩོལ་པ་གང་ཡིན་པ་དེ་ནི་དངོས་པོ་མེད་པའི་བརྩོན་ 64b འགྲུས་ཀྱི་ཕ་རོལ་ཏུ་ཕྱིན་པའོ། །ཁམས་གསུམ་ལ་མངོན་པར་ཞེན་པ་མེད་པའི་སེམས་གང་དུ་ཇི་ལྟ་བ་བཞིན་རྗེས་སུ་སོང་བ་གང་ཡིན་པ་དེ་ནི་དངོས་པོ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདེ་ལ་འདུས་བྱས་ཀྱི་འདུ་ཤེས་ཅན་དང ། གང་འདུས་མ་བྱས་ཀྱི་འདུ་ཤེས་ཅན་མེད་པར་རྣམ་པར་སྤྱོད་པ་གང་ཡིན་པ་དེ་ནི་དངོས་པོ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། །འདི་དག་ནི་བྱང་ཆུབ་སེམས་དཔའི་དངོས་པོ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་དཔག་ཏུ་མེད་པའི་ཕྱིར་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་རྒྱ་ཆེ་བའི་སྦྱིན་པའི་ཕ་རོལ་ཏུ་ཕྱིན་པའོ། །ཐམས་ཅད་དུ་འགྲོ་བའི་ཚུལ་ཁྲིམས་གང་ཡིན་པ་དེ་ནི་རྒྱ་ཆེ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྦྱོར་བ་ལ་མི་ལྟོས་པའི་བཟོད་པ་གང་ཡིན་པ་དེ་ནི་རྒྱ་ཆེ་བའི་བཟོད་པའི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་ལས་བྱུང་བའི་བརྩོན་འགྲུས་གང་ཡིན་པ་དེ་ནི་རྒྱ་ཆེ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཏིང་ངེ་འཛིན་སྟོང་ཕྲག་བརྒྱད་ཅུ་སྒྲུབ་པར་བྱེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱ་ཆེ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་དང ། རྣམ་པར་བྱང་བ་ཁོང་དུ་ཆུད་ཅིང་སྨོན་ལམ་མཁས་འཆེས་པ་གང་ཡིན་པ་ 65a ༄#། །དེ་ནི་རྒྱ་ཆེ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྱིར་མི་ལྡོག་པའི་ཆོས་དང་ལྡན་པར་འགྱུར་བ་རྣམ་པ་བཅུ་དྲུག་དང་ལྡན་པའི་སྦྱིན་པ་གང་ཡིན་པ་དེ་ནི་རྒྱས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་རྡུལ་ཙམ་ལ་འཇིགས་པར་ལྟ་བར་དམ་བཅས་གང་ཡིན་པ་དེ་ནི་རྒྱས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྗེས་སུ་ཆགས་པ་དང ། ཁོང་ཁྲོ་བ་སྤངས་པའི་བཟོད་པ་གང་ཡིན་པ་དེ་ནི་རྒྱས་པའི་བཟོད་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་མེད་པ་ལ་རབ་ཏུ་སྦྱོར་བའི་བརྩོན་འགྲུས་གང་ཡིན་པ་དེ་ནི་རྒྱས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོ་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་རྒྱས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། ། ཐོགས་པ་མེད་པར་སྟོན་པའི་ཤེས་རབ་གང་ཡིན་པ་དེ་ནི་རྒྱས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྒྱས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤེས་རབ་དང་མཚུངས་པར་ལྡན་པའི་སྦྱིན་པ་གང་ཡིན་པ་དེ་ནི་མཐའ་ཡས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཕན་པར་ 65b འདོད་པའི་ཆོས་དང་མཚུངས་པར་ལྡན་པའི་ཚུལ་ཁྲིམས་གང་ཡིན་པ་དེ་ནི་མཐའ་ཡས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྣམ་པར་ཐར་པའི་སྒོ་གསུམ་ལ་བཟོད་པ་གང་ཡིན་པ་དེ་ནི་མཐའ་ཡས་པའི་བཟོད་པའི་ཕ་རོལ་ཏུ་ཕྱིན་པའོ། །ཡང་དག་པར་ཤིན་ཏུ་སྦྱངས་པའི་གཞིའི་བརྩོན་འགྲུས་གང་ཡིན་པ་དེ་ནི་མཐའ་ཡས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱམས་པ་ལ་སྦྱོང་ཞིང་བྱང་ཆུབ་ཀྱི་ཡན་ལག་ལ་དམིགས་པའི་བསམ་གཏན་གང་ཡིན་པ་དེ་ནི་མཐའ་ཡས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སོ་སོ་ཡང་དག་པར་རིག་པའི་ཤེས་རབ་གང་ཡིན་པ་དེ་ནི། མཐའ་ཡས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚོལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། རབ་ཏུ་བྱུང་བ་ལྷུང་བཟེད་ཐོགས་ནས་ཇི་སྙེད་པ་ཡང་དག་པར་བགེད་པ་གང་ཡིན་པ་དེ་ནི་ཚོལ་བའི་སྦྱིན་པའི་ཕ་རོལ་ཏུ་ཕྱིན་པའོ། །སྦྱངས་པའི་ཡོན་ཏན་གྱི་ཚུལ་ཁྲིམས་གང་ཡིན་པ་དེ་ནི་ཚོལ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཐོས་པའི་གཞི་དང ། དགེ་བའི་གཞི་དག་ལས་སྡུག་བསྔལ་ལ་མི་མཇེད་པ་ནི། དཔེར་ན། རྒྱལ་བོའི་མགོ་དང ། བཙུན་མོ་ཡོངས་སུ་གཏོང་བ་ལྟ་བུ་དང ། གང་གི་ཚེ་ཡང་དག་པར་སོ་སོར་བརྟགས་ 66a ༄#། །པས་དང་དུ་ལེན་པ་གང་ཡིན་པ་དེ་ནི་ཚོལ་བའི་བཟོད་པའི་ཕ་རོལ་ཏུ་ཕྱིན་པའོ། །མར་མེ་མཛད་ཀྱི་སྔོན་རོལ་ཏུ་སྡུག་བསྔལ་བས་དགེ་བ་ལེགས་པར་སྒྲུབ་པ་ན་ཡོངས་སུ་མི་སྐྱོ་བ་གང་ཡིན་པ་དེ་ནི་ཚོལ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རྟོག་དཔྱོད་དང་བཅས་པའི་བསམ་གཏན་ལྷག་མཐོང་གིས་ཤས་ཆེ་བ་གང་ཡིན་པ་དེ་ནི་ཚོལ་བའི་བསམ་གཏན་ཀྱི་ཕ་རོལ་ཏུ་ཕྱིན་པའོ། །རྟེན་ཅིང་འབྲེལ་པར་འབྱུང་བའི་གཏན་ཚིགས་ཀྱིས་སྟོང་པ་ཉིད་ཀྱི་དོན་ཚོལ་བ་གང་ཡིན་པ་དེ་ནི་ཚོལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཚོལ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྒལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབུལ་པོ་འཇོམས་པར་འགྱུར་པ་ཁྱིམ་བདག་རིན་པོ་ཆེ་སྒྲུབ་པར་བྱེད་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྒལ་བའི་སྦྱིན་པའི་ཕ་རོལ་ཏུ་ཕྱིན་པའོ། །གང་གི་ཚེ་དགེ་བ་བཅུའི་ལས་ཀྱི་ལམ་དག་ཀུན་ནས་སྲུང་བ་རྣམ་པར་སྨིན་པ་སྐྱེ་བོ་གཞན་ལ་སྟོབ་པའི་ཚུལ་ཁྲིམས་གང་ཡིན་པ་དེ་ནི་བརྒལ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སོ་སོར་བརྟགས་པའི་སྟོབས་ཀྱི་དང་དུ་ལེན་པ་གང་ཡིན་པ་དེ་ནི་བརྒལ་བའི་བཟོད་པའི་ཕ་རོལ་ཏུ་ཕྱིན་པའོ། །འདོད་པའི་རྣམ་པར་རྟོག་པ་སྤང་པའི་ཕྱིར་ངེས་ 66b པར་འབྱུང་བའི་རྣམ་པར་རྟོག་པ་གང་ཡིན་པ་དེ་ནི་བརྒལ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རྣམ་པར་འཚེ་བ་སྤང་བའི་ཕྱིར་སྙོམས་པ་མེད་པའི་བསམ་གཏན་གང་ཡིན་པ་དེ་ནི་བརྒལ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཁམས་གསུམ་པའི་སྡུག་བསྔལ་གྱི་མཚན་ཉིད་ལ་ཉེ་བར་རྟོག་པ་བདག་མེད་པས་ངེས་པར་འབྱུང་བ་གང་ཡིན་པ་དེ་ནི་བརྒལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྒལ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་དགའ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པ་ཐམས་ཅད་འབྱོར་བར་བྱ་བའི་ཕྱིར་ལྷ་དང་མེའི་འགྲོ་བར་རྣམ་པར་སྨིན་པར་འགྱུར་བའི་སྦྱིན་པའི་ཕ་རོལ་ཏུ་ཕྱིན་པ་ང་རྒྱལ་མེད་པ་གང་ཡིན་པ་དེ་ནི་མངོན་པར་དགའ་བའི་སྦྱིན་པའི་ཕ་རོལ་ཏུ་ཕྱིན་པའོ། །ལྷ་དང་མིའི་འགྲོ་བ་དག་ཏུ་ཚེ་རིང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་མངོན་པར་དགའ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་གང་ཡིན་པ་དེ་ནི་མངོན་པར་དགའ་བའི་བཟོད་པའི་ཕ་རོལ་ཏུ་ཕྱིན་པའོ། །རྩོལ་བ་དང་བཅས་པའི་བརྩོན་འགྲུས་འབྲས་བུ་ཡོད་པ་གང་ཡིན་པ་དེ་ནི་མངོན་པར་དགའ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཉིད་ཡོན་ཏན་གྱི་རྣམ་པ་ཐོབ་པར་བྱ་བའི་ཕྱིར་དང ། བདག་དང་གཞན་ལ་ཕན་པའི་རྣམ་པར་ 67a ༄#། །སྨིན་པའི་རྒྱུའི་ཕྱིར་དང ། སྨོན་ལམ་ཐོབ་པར་བྱ་བའི་ཕྱིར་དང ། ཡང་དག་པར་ཇི་ལྟ་བ་བཞིན་དུ་རྟོགས་པར་འགྱུར་བའི་བསམ་གཏན་གང་ཡིན་པ་དེ་ནི་མངོན་པར་དགའ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །དེ་བཞིན་གཤེགས་པའི་སྤྱོད་པ་ཐམས་ཅད་ཁོང་དུ་ཆུད་པར་བྱེད་པའི་ཕྱིར་ཆོས་ཉན་པ་ནི་མངོན་པར་དགའ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མངོན་པར་དགའ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ནོར་དང་ཟས་དང་གོས་ལ་སོགས་པ་ལ་མ་ཆགས་ཤིང ། ལན་ལ་རེ་བ་མེད་པའི་ཚུལ་གྱིས་ཡོངས་སུ་གཏོང་བར་བྱེད་པ་ནི། མངོན་པར་དགའ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ངེས་པར་འབྱུང་བ་དང་ལྡན་པ་ཁྱིམ་ན་གནས་པའི་ཚུལ་ཁྲིམས་གང་ཡིན་པ་དེ་ནི་མངོན་པར་དགའ་བ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འགྱོད་པ་བཟོད་པ་གང་ཡིན་པ་དེ་ནི་མངོན་པར་དགའ་བ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །སྡུག་བསྔལ་སྤང་བའི་ཕྱིར་བརྩོན་པ་གང་ཡིན་པ་དེ་ནི་མངོན་པར་དགའ་བ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རིས་མེ་འཐུན་པར་སོང་སྟེ་སྡུག་བསྔལ་ཡང་དག་པར་འབྱུང་བ་དང་ 67b རྗེས་སུ་ཆགས་པ་དང ། ཁོང་ཁྲོ་བ་དང་མཚུངས་པར་ལྡན་པའི་མཚན་ཉིད་ཅན་གྱི་བསམ་གཏན་གང་ཡིན་པ་དེ་ནི་མངོན་པར་དགའ་བ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་དམིགས་པ་ཅན་ཁམས་གསུམ་ལ་མངོན་པར་དགའ་བ་མེད་པའི་ཤེས་རབ་གང་ཡིན་པ་དེ་ནི་མངོན་པར་དགའ་བ་མེད་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐོས་པ་འཛིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་ཟག་ལ་ཆོས་ཀྱི་སྦྱིན་པ་གང་ཡིན་པ་འདི་དང ། སྟོན་པ་དང ། ཁ་ཏོན་བྱེད་དུ་འཇུག་པ་དང ། འཛིན་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་སྦྱིན་པའི་ཕ་རོལ་ཏུ་ཕྱིན་པའོ། །དགེ་བའི་རྩ་བའི་ཆོས་ཀྱི་ཚིག་བདུན་གྱིས་ལུས་དང ། ངག་དང ། སེམས་ཀྱི་ཚུལ་ཁྲིམས་ཡོངས་སུ་སྤྱོད་པར་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལེགས་པར་གསུངས་པའི་ཚིག་གཅིག་ཙམ་གྱི་ཆེད་དུ་སྡུག་བསྔལ་དང་དུ་ལེན་པ་གང་ཡིན་པ་དེ་ནི་ཐོས་པ་འཛིན་པའི་བཟོད་པའི་ཕ་རོལ་ཏུ་ཕྱིན་པ་སྟེ། བྱང་ཆུབ་སེམས་དཔའ་བྲམ་ཟེར་གྱུར་པ་ན་སྐྱེས་པའི་རབས་ཁོང་དུ་ཆུད་པར་བྱ་བའི་ནོད་དུ་གདོལ་པ་ལས་མཉན་པའི་ 68a ༄#། །ཕྱིར་ལོ་བཅུ་གཉིས་སུ་བཀུར་སྟི་བྱེད་པ་གང་ཡིན་པ་དེ་ནི་ཐོས་པ་འཛིན་པའི་བཟོད་པའི་ཕ་རོལ་ཏུ་ཕྱིན་པའོ། །ངེས་པར་འབྱུང་བ་ལ་དམིགས་པའི་བརྩོན་འགྲུས་གང་ཡིན་པ་དེ་ནི་ཐོས་པ་འཛིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སེམས་མི་རྟག་པ་ལ་དམིགས་པ་གང་ཡིན་པ་དེ་ནི་ཐོས་པ་འཛིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སློབ་དཔོན་གྱི་དཔེ་མཁྱུད་མེད་པས་མཛའ་བ་དང་མི་མཛའ་བ་རྣམས་ཡང་དག་པའི་དགེ་བ་སྦྱོར་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐོས་པ་འཛིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་བར་ཡུན་རིང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་སྐྱེ་བའི་ཆོས་ལ་བཟོད་པར་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོས་རྣམ་པར་མཐོ་འཚམ་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། སྨོན་ལམ་གྱིས་ཡོངས་སུ་བསྔོས་པའི་བཟོད་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བཟོད་པའི་ 68b ཕ་རོལ་ཏུ་ཕྱིན་པའོ། །ཐོས་པར་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་མེད་པའི་རྣམ་པར་ཡོངས་སུ་བསྔོས་པ་བསམ་གཏན་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཕྱིར་མི་ལྡོག་པའི་སའི་ཤེས་རབ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསྡུ་བའི་དངོས་པོ་བཞིས་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ལེགས་པར་སྤྱོད་པ་རྣམ་པ་གསུམ་གྱིས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལུས་དང ། སེམས་དང ། སོ་སོར་བརྟགས་པའི་བཟོད་པ་དང ། ཆོས་ལ་བཟོད་པ་ནི་བཟོད་པ་བཞི་པོ་སྟེ། བཟོད་པ་གང་ཡིན་པ་དེ་དག་ནི་རྒྱུན་ཆད་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཡང་དག་པའི་སྤོང་བ་བཞིས་མ་ཐོགས་ཤིང་ཀུན་ནས་དཀྲིས་པ་མེད་པ་གང་ཡིན་པ་དེ་ནི་རྒྱུན་ 69a ༄#། །ཆད་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་བཞིས་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བདེན་པ་བཞི་རབ་ཏུ་ཤེས་པ་གང་ཡིན་པ་དེ་ནི་རྒྱུན་ཆད་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདོག་པ་ཐམས་ཅད་ཡོངས་སུ་གཏོང་བའི་སྦྱིན་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་སྦྱིན་པའི་ཕ་རོལ་ཏུ་ཕྱིན་པ་ཡིན་ལ། དེ་རྣམ་པར་ཐར་པའི་སྒོ་སྟོང་པ་ཉིད་ལ་བལྟ་བར་བྱ་བ་དེའང་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕན་པའི་སེམས་ཀྱིས་གང་སྐྱེ་བ་དང ། འདོད་པ་ན་སྤྱོད་པར་ཡོངས་སུ་བསྔོས་པའི་ཚུལ་ཁྲིམས་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཡོངས་སུ་བརྟུལ་ན་རྗེས་སུ་མཐུན་པའི་ཡུལ་ལ་དང་དུ་ལེན་པའི་བཟོད་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་ 69b བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་སེམས་ཀྱི་མོས་པ་ཇི་ལྟ་བ་བཞིན་དུ་ཡོངས་སུ་སྨིན་པར་བྱས་པའི་བརྩོན་འགྲུས་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དུས་ཤེས་པ་དང་རབ་ཏུ་ལྡན་པའི་ཚད་མེད་པ་བྱམས་པ་དང ། སྙིང་རྗེ་གཉིས་པོ་འདི་དག་གིས་ཕ་རོལ་སྡུག་བསྔལ་བ་དག་བདེ་བར་བྱེད་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དཔྱོད་པ་ལ་རབ་ཏུ་སྦྱོར་ཞིང་དུས་དང་དུས་མ་ཡིན་པ་ལ་ལྟོས་པ་བྱམས་པ་དང ། སྙིང་རྗེ་བདག་ཉིད་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པས་བྱིན་གྱིས་བརླབས་པས་གང་དང་གང་དུ་འདོད་པར་འགྱུར་བ་གང་ཡིན་པ་དེ་ནི་བསམ་གཏན་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་དང་རབ་ཏུ་ལྡན་པའི་ཚུལ་ཁྲིམས་གང་ཡིན་པ་དེ་ནི་བསམ་གཏན་གྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་ཀྱི་ངོ་བོ་མཉམ་པ་ཉིད་དུ་བརྟགས་པའི་ 70a ༄#། །བཟོད་པ་གང་ཡིན་པ་དེ་ནི་བསམ་གཏན་གྱི་བཟོད་པའི་ཕ་རོལ་ཏུ་ཕྱིན་པའོ། །སེམས་ཀྱི་ཀུན་ནས་དཀྲིས་པ་རྣམ་པར་སེལ་བའི་བརྩོན་འགྲུས་གང་ཡིན་པ་དེ་ནི་བསམ་གཏན་གྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཐོས་པའི་བདག་ཉིད་ཀྱི་ཤེས་རབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱི་བསམ་གཏན་གྱི་ཕ་རོལ་ཏུ་ཕྱིན་པའོ། །འདོད་ཆགས་རབ་ཏུ་ཞི་བའི་ཤེས་རབ་ཀྱི་བསམ་གཏན་གང་ཡིན་པ་དེ་ནི། བསམ་གཏན་གྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བསམ་གཏན་ཡོངས་སུ་བསྔོས་པས་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མར་མེ་ཕུལ་བའི་རྣམ་པར་སྨིན་པ་ལྷའི་མིག་འགྲུབ་པར་འགྱུར་བ་གང་ཡིན་པ་དེ་ནི་མངོན་པར་ཤེས་པའི་སྦྱིན་པའི་ཕ་རོལ་ཏུ་ཕྱིན་པའོ། །ལྷའི་རྣ་བ་འགྲུབ་པར་འགྱུར་བ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་ཞིག་པ་གང་ཡིན་པ་དེ་ནི་མངོན་པར་ཤེས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྔོན་གྱི་གནས་རྗེས་སུ་དྲན་པ་འགྲུབ་པར་བྱེད་པ་གཉིས་སུ་མེད་པའི་ཡེ་ཤེས་ཀྱིས་ཡོངས་སུ་བསྔོས་པའི་བཟོད་པ་གང་ཡིན་པ་དེ་ནི་མངོན་པར་ཤེས་པའི་བཟོད་པའི་ཕ་རོལ་ཏུ་ཕྱིན་པའོ། །སེམས་ཅན་ལ་དམིགས་ཤིང་འཇིག་རྟེན་པའི་དགེ་ 70b བའི་རྩ་བ་ཡང་དག་པར་འགྲུབ་པ་གང་ཡིན་པ་དེ་ནི་མངོན་པར་ཤེས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རྫུ་འཕྲུལ་སྒྲུབ་པ་དང ། འགོག་པར་ཤེས་པ་རྒྱས་པར་བྱེད་པ་དང ། སྙོམས་པར་འཇུག་པ་ཡོངས་སུ་འཛིན་པའི་བསམ་གཏན་གང་ཡིན་པ་དེ་ནི་མངོན་པར་ཤེས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དེ་ལས་བྱུང་བ་སེམས་ཀྱི་རྣམ་གྲངས་ཤེས་པའི་མངོན་པར་ཤེས་པ་དང ། ཟག་པ་ཟད་པར་འགྱུར་བའི་མངོན་པར་ཤེས་པ་དང ། འགོག་པའི་སྙོམས་པར་འཇུག་པ་ལས་བྱུང་བའི་ཤེས་རབ་གང་ཡིན་པ་དེ་ནི་མངོན་པར་ཤེས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མངོན་པར་ཤེས་པའི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་འཇིག་རྟེན་པའི་བཟོའི་གནས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟར་བཟོ་གཞན་དེ་དག་གི་ནང་ནས་འཇིག་རྟེན་པའི་བཟོ་ལེགས་པར་འགྱུར་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྐྱེ་བོ་མང་པོ་དགའ་བར་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །བཟོ་ཐམས་ཅད་ལ་མ་ལུས་པར་ཤེས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མྱུར་བར་མངོན་དུ་བྱུང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཡིད་བཞིན་དུ་འགྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མི་འཁོར་བར་ 71a ༄#། །ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཇིག་རྟེན་པའི་བཟོའི་གནས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱམས་པས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ཐམས་ཅད་ཡོངས་སུ་བསྐྱབ་པའི་དོན་དུ་སེམས་ཀྱི་སྦྱིན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པ་སྟེ། དཔེར་ན་རི་བོང་བདག་ཉིད་གཏོང་བ་ནི་ང་ཟོ་ལ་འདིར་འདུག་ཅིག་ཅེས་བྱ་བ་ལྟ་བུའོ། །སྙིགས་མའི་དུས་ཀྱི་ཚེ་སྨོན་ལམ་གྱི་དབང་གིས་སྐྱེ་བ་བྱས་ནས་སེམས་ཅན་རྣམས་དགེ་བ་བཅུའི་ལས་ཀྱི་ལམ་ཡང་དག་པར་འཛིན་དུ་འཇུག་ཅིང་རབ་ཏུ་འགོད་པར་བྱེད་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་ཚུལ་འཁྲིམས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན་སྲེག་པའི་སྐྱེས་པའི་རབས་དང ། ནེ་ཙོའི་སྐྱེས་བའི་རབས་ལྟ་བུའོ། དུས་ཤེས་པ་དང་མཚུངས་པར་ལྡན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པ་སྟེ། དཔེར་ན་ཡུལ་ཀ་ཤིའི་རྒྱལ་པོ་མགོ་བཅད་ཀྱང་སེམས་མི་འཁྲུགས་པ་ལྟ་བུའོ། །སྐྱེ་བོ་མང་པོ་མཐོ་རིས་སུ་འགྲོ་བར་འགྱུར་བ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན། 71b བྲམ་ཟེའི་བུ་ཀུན་ཏུ་བཟང་དང ། ཀུན་ཏུ་རྒྱུ་བླ་ཅན་གཉིས་བརྙས་པ་བཟོད་པ་ལྟ་བུ་སྟེ། ད་ནི་བྱམས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚད་མེད་པ་མངོན་པར་བསྒྲུབས་པའི་བསམ་གཏན་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་རྣམ་པར་སྨིན་པར་བྱ་བའི་ཕྱིར་དཔེར་ན་སྐྱེད་པ་པོ་དང ། སྨན་ཆེན་གྱིས་རྒྱལ་པོའི་གྱོས་པོ་ཚར་བཅད་ཀྱང་རྣམ་པར་མཐོ་བརྩམས་པའང་མེད་ལ། ཆུ་བོར་ཡང་མ་ཞུགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱམས་པས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྙིང་རྗེས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་བདེ་བར་བྱ་བའི་སེམས་ཀྱིས་སྦྱིན་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་སྦྱིན་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་རྡུལ་ཙམ་གྱིས་བདག་ཀྱང་ཉམས་པ་མེད་པ་ཡིན་ལ། སྐྱེ་བ་མེད་པས་གཞན་ལའང་རྗེས་སུ་སྟོན་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཚིག་ངན་བརྗོད་པ་དག་བདག་དང་དུ་ལེན་པའི་རིགས་ཅན་ཡང་ཡིན་ལ། གཞན་ལའང་བཟོད་པ་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་བཟོད་པའི་ཕ་རོལ་ཏུ་ 72a ༄#། །ཕྱིན་པའོ། །བརྩོན་འགྲུས་བརྩམས་པས་ཡོངས་སུ་སྐྱོ་བ་མེད་པར་དགེ་བའི་ཆོས་རྣམས་ཚོལ་བ་དང ། སེམས་ཅན་མང་པོ་སྒྲོལ་བ་དང ། སེམས་ཅན་རྣམས་ངེས་པར་འབྱིན་པ་ལ་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ངན་སོང་གིས་ཡིད་བྱུང་བ་རྣམས་དགའ་བར་བྱེད་པའི་བསམ་གཏན་གང་ཡིན་པ་དེ་ནི་སྙིང་རྗེ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ངན་སོང་རྣམ་པར་སྤྱོད་པའི་ཕྱིར་ཡོངས་སུ་སྐྱོ་བ་མེད་པ་དང ། ཆོས་ཀྱི་སྦྱིན་པ་བྱ་བའི་ཕྱིར་ཡོངས་སུ་སྐྱོ་བ་མེད་པ་དང ། སེམས་ཅན་ཡོངས་སྨིན་པར་བྱ་བའི་ཕྱིར་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་སྙིང་རྗེས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགའ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མཆོག་ཏུ་དགའ་བ་སྔོན་དུ་འགྲོ་བའི་སྦྱིན་པ་གང་ཡིན་པ་དེ་ནི་དགའ་བའི་སྦྱིན་པའི་ཕ་རོལ་ཏུ་ཕྱིན་པའོ། །ཤིན་ཏུ་སྦྱངས་པའི་སྒྲུབ་པའི་ཚུལ་ཁྲིམས་གང་ཡིན་པ་དེ་ནི་དགའ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ངོ་ཚ་ཤེས་པ་དང་ཁྲེལ་ཡོད་པ་ལས་བྱུང་བའི་བཟོད་པ་གང་ཡིན་པ་དེ་ནི་དགའ་བ་ལ་དམིགས་ 72b པའི་བཟོད་པའི་ཕ་རོལ་ཏུ་ཕྱིན་པའོ། །གནོད་སེམས་མེད་པར་བདག་དང་གཞན་བདེ་བར་བྱེད་ལ། ཉེས་པར་མི་སེམས་ཤིང་ལེགས་པར་སེམས་པ་དང ། འགྱོད་པ་དང ། གདུང་བ་མེད་པ་གང་ཡིན་པ་དེ་ནི་དགའ་བ་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མི་དགའ་བ་རབ་ཏུ་ཞེ་བར་འགྱུར་བ་དང ། སེམས་རྣམ་པར་དག་པར་འགྱུར་བ་དང ། ཀུན་ནས་དཀྲིས་པ་སེལ་བར་འགྱུར་བ་དང ། འདོད་ཆགས་སྤོང་བར་འགྱུར་བ་གང་ཡིན་པ་དེ་ནི་དགའ་བ་ལ་དམིགས་པའི་བསམ་གཏན་ཀྱི་ཕ་རོལ་ཏུ་ཕྱིན་པའོ། ། བཏང་སྙོམས་བྱང་ཆུབ་ཀྱི་ཡན་ལག་ཡོངས་སུ་བཟུང་ཞིང་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང་མཚུངས་པར་ལྡན་པ་རྣམ་པར་ཐར་པའི་སྒོ་སྨོན་པ་མེད་པའི་བྱིན་གྱི་རླབས་ཀྱིས་གནས་ཞི་བ་ཐོགས་པ་མེད་པ་ཕྱིན་ཅི་མ་ལོག་པ་གང་ཡིན་པ་དེ་ནི་དགའ་བ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་དགའ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཏང་སྙོམས་ཀྱིས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་མཉམ་པ་ཉིད་ཀྱི་རྣམ་པར་སྨིན་པ་ལམ་གྱི་རྒྱུད་བཅད་ཅིང་སེམས་མ་གཏུགས་པའི་སྦྱིན་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །གདུང་བ་མེད་ཅིང་སྙིང་བརྩེ་བའི་ 73a ༄#། །སེམས་ཀྱི་ཤིན་ཏུ་སྦྱངས་པ་བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སེམས་མི་བརྐམ་ཞིང་མཚན་མ་མེད་པ་མངོན་པར་བསྒྲུབས་ལ་ཕྱི་དང་ནང་ལ་དཔྱོད་པ་ལྟད་མོ་སྤངས་པའི་བཟོད་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །འདུས་བྱས་ཀྱི་ངོ་བོ་ཀུན་ཤེས་པ་དང་ལྡན་པའི་བཏང་སྙོམས་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཞི་གནས་སྔོན་དུ་འགྲོ་ཞིང་ལྷག་མཐོང་གི་སྟོབས་བསྐྱེད་པ་ཐམས་ཅད་དུ་འགྲོ་བའི་བསམ་གཏན་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོ་ལ་དམིགས་པའི་མཐར་ཕྱིན་པ་ལམ་ཤིན་ཏུ་སྦྱངས་པའི་ཤེས་རབ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བཏང་སྙོམས་ཀྱིས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལོག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དཔེར་ན། བྲམ་ 73b ཟེ་བེལ་མཆུ་འགྲམ་གནས་ཡངས་པ་ན་གཞན་ཡོངས་སུ་སྨིན་པར་བྱ་བ་དང་མཐུན་པར་མཆོད་སྦྱིན་བྱེད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །དམིགས་པ་ཅན་གྱི་ཚུལ་ཁྲིམས་དེ་བྱེད་ཅིང་སྤྱོད་ལ་བདག་ཏུ་འཛིན་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བརྟུལ་ཞུགས་ཀྱི་གནས་ཀྱི་ནགས་ཚལ་ཡངས་པ་ན་སྐྱོ་བ་མེད་པར་སྤྱོད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་བྱ་བ་རྣམས་སྒྲུབ་ཅིང་རིག་བྱེད་ཀྱང་རྟོགས་ལ་ཆ་ལུགས་དེས་གཞན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་བསྐྱེད་པས་དེའི་ངོ་བོ་ལ་གནས་ཤིང་དེས་མངོན་པར་དགའ་བ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྲམ་ཟེའི་ཆ་ལུགས་ཀྱིས་སེམས་ཅན་རྣམས་ཡོངས་སུ་སྨིན་པར་བྱེད་ཅིང་རྗེས་སུ་མཐུན་པར་འཇུག་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ལོག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ 74a ༄#། །ཡང་དག་པའི་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཡིན་ཞེ་ན། འཇིག་རྟེན་པའི་བྱ་བ་ལ་འཇུག་ཅིང་སྦྱིན་པ་ཡོད་དོ། །མཆོད་སྦྱིན་ཡོད་དོ། །སྦྱིན་སྲེག་ཡོད་དོ། །ལས་ལེགས་པར་བྱས་པ་དང ། ལས་ཉེས་པ་བྱས་པ་རྣམས་ཀྱི་འབྲས་བུ་རྣམ་པར་སྨིན་པ་ཡོད་དོ། ཞེ་གང་དེ་ལྟ་བུའི་སེམས་ཀྱིས་སྦྱིན་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སངས་རྒྱས་མ་བྱུང་བ་ན་བྱང་ཆུབ་སེམས་དཔའ་སྡིག་པའི་གྲོགས་པོའི་དབང་གིས་སྡིག་པ་མི་བྱེད་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དཔེར་ན། རིའི་རྒྱལ་པོ་གངས་ཅན་ལ་བྱང་ཆུབ་སེམས་དཔའ་ནེ་ཙོར་གྱུར་པས་ཤིང་སྐམ་པོ་མི་སྤོང་བ་སྔོན་བདག་འདིར་དགའ་བར་བྱས་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །བདག་དང་གཞན་ལ་གནོད་པར་མི་བྱེད་པར་ཞུགས་པའི་ལྟ་བ་ནི། དཔེར་ན་ཚོང་པ་ཨ་ཤུ་ལ་ལྟ་བུ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཤེས་རབ་ཀྱིས་ཡོངས་སུ་སྦྱང་བ་བྱས་པའི་བསམ་གཏན་བཞི་ཐོབ་པ་གང་ཡིན་པ་དེ་ནི་ཡང་དག་པའི་ལྟ་བས་ 74b ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ལ་ཕན་པའི་ཕྱིར་ཉེ་བར་གནས་པའི་ཤེས་རབ་ནི། དཔེར་ན་བྱང་ཆུབ་སེམས་དཔའ་ཀུན་ཏུ་རྒྱུ་འདི་ལྟར་གཅིག་བུས་ཚོགས་སུ་བཅད་པ་སྟོང་ཕྲག་བརྒྱད་ཅུ་རྩ་བཞི་བཀོད་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་མ་བྱུང་བ་ན་བྱང་ཆུབ་སེམས་དཔའ་ཐ་ན་རྨི་ལམ་ནའང་སེར་སྣའི་སེམས་མི་བསྐྱེད་ན། དངོས་སུ་ལྟ་མོས་ཀྱང་ཅི་དགོས་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཐ་ན་སྲོག་འགགས་ཀྱང་ཁ་ན་མ་ཐོ་བ་རྡུལ་ཙམ་ལའང་བསླབ་པ་ལས་མི་འདའ་བ་གང་ཡིན་པ་དེ་ནི། གནས་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཚེ་རབས་དེ་དང་དེ་དག་ཏུ་མངའ་བདག་ཏུ་གྱུར་པ་ནའང་བཟོད་པའི་རང་བཞིན་དང་ལྡན་པ་ཡིན་ཞིང་མཉེན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །ཚེ་རབས་ཐམས་ཅད་དུ་གཞན་གྱིས་བསྟན་པ་དང ། མ་བསྟན་པ་བྱང་ཆུབ་ཀྱི་ཕྱིར་རྗེས་སུ་ 75a ༄#། །སྟོན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚེ་རབས་དེ་དང་དེ་དག་ན་ལེགས་པར་བསམ་པ་སེམས་པ་ཡིན་ཞིང་ལེགས་པར་སྤྱད་པའི་ལས་བྱེད་ལ། དེ་ནི་ཤིན་ཏུ་དུལ་བའི་རང་བཞིན་དེ་ལྟ་བུར་གྱུར་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སློབ་དཔོན་མེད་པར་འཇིག་རྟེན་པ་དང ། འཇིག་རྟེན་ལས་འདས་པའི་བྱ་བ་ཁོང་དུ་ཆུད་ན་སེམས་ཅན་གྱི་ཚོགས་གཞན་ལ་དེ་ལྟ་བུའི་ཡེ་ཤེས་དེ་མེད་ཅིང་གང་གིས་ལུས་ཀྱི་ལས་སེམས་ཅན་དང་མཐུན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་མཁས་པས་ཡོངས་སུ་ཟིན་པའི་སྦྱིན་པ་གང་ཡིན་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་དམིགས་པ་མེད་པའི་སེམས་ཀྱི་སྦྱིན་པ་གང་ 75b ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་སོ། །ཕྱིར་མི་ལྡོག་པའི་ས་ལ་བཟོད་པ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བཟོད་པའོ། །འདུ་བྱེད་ཐམས་ཅད་ལ་མི་གནས་ཤིང་ཀུན་ནས་དཀྲིས་པ་མེད་པའི་རྩོལ་བ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བརྩོན་འགྲུས་སོ། །བདག་ཏུ་འདུ་ཤེས་ཀྱང་མེད་ཅིང་བདག་མེད་པར་འདུ་ཤེས་ཀྱང་མེད་ལ། ཕྱི་དང་ནང་ལ་མི་གནས་པའི་བསམ་གཏན་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བསམ་གཏན་ནོ། ཉན་ཐོས་དང ། རང་སངས་རྒྱས་ཀྱི་ཆོས་དང་མ་འདྲིས་པའི་ཤེས་རབ་ཐམས་ཅད་མཁྱེན་པ་ཉིད་ལ་མངོན་པར་ཞེན་པ་མེད་པ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། འདི་དག་ནི་མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་གནས་མེད་པར་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་ཁམས་གསུམ་ལ་མངོན་པར་དགའ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པ་དཔེར་ན། མར་མེ་མཛད་ཀྱི་ལྟ་བུ་གང་ཡིན་པ་དེ་ནི་གནས་མེད་པར་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །མ་གཏོགས་པའི་ཚུལ་ཁྲིམས་གང་ཡིན་པ་དེ་ནི་གནས་མེད་པའི་ཚུལ་ཁྲིམས་སོ། ། 76a ༄#། །ཆོས་ཐམས་ཅད་ལ་རློམ་སེམས་མེད་པའི་སེམས་ཀྱི་བཟོད་པ་གང་ཡིན་པ་དེ་ནི་གནས་མེད་པའི་བཟོད་པའོ། མི་དམིགས་པར་སྤྱོད་པའི་བརྩོན་འགྲུས་གང་ཡིན་པ་དེ་ནི་གནས་མེད་པའི་བརྩོན་འགྲུས་སོ། །བྱང་ཆུབ་སེམས་དཔའ་མཐོང་བའི་ས་ཐོབ་པའི་ཕྱིན་ཅི་མ་ལོག་པའི་བསམ་གཏན་གང་ཡིན་པ་དེ་ནི་གནས་མེད་པའི་བསམ་གཏན་ནོ། །ཉོན་མོངས་པ་ཟད་པར་འགྱུར་བའི་ཤེས་རབ་གང་ཡིན་པ་དེ་ནི་གནས་མེད་པར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། །འདི་དག་ནི་གནས་མེད་པར་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ང་རྒྱལ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་ང་རྒྱལ་གྱི་བདུད་བཅོམ་ནས་སྦྱིན་པ་སྦྱིན་པར་བྱེད་ཅིང ། སངས་རྒྱས་ཀྱི་ཞིང་ཕུན་སུམ་ཚོགས་པ་སྒྲུབ་པར་འགྱུར་བ་གང་ཡིན་པ་དེ་ནི་ང་རྒྱལ་གྱི་སྦྱིན་པའི་ཕ་རོལ་ཏུ་ཕྱིན་པའོ། །ངན་སོང་གསུམ་སྦྱོང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་ང་རྒྱལ་གྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མཚན་རྣམ་པར་སྨིན་པར་འགྱུར་བ་དང ། མཛེས་པར་འགྱུར་བའི་བཟོད་པ་གང་ཡིན་པ་དེ་ནི་ང་རྒྱལ་གྱི་བཟོད་པའི་ཕ་རོལ་ཏུ་ཕྱིན་པའོ། །ནོར་བུ་རིན་པོ་ཆེའི་ཕྱིར་རྒྱ་མཚོ་ཆེན་པོ་སྐམ་པར་སྤྲོ་བ་དང ། གང་གིས་རང་གི་ 76b ཆོས་མངོན་པར་འབྱུང་བའི་བརྩོན་པ་གང་ཡིན་པ་དེ་ནི་ང་རྒྱལ་གྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཉོན་མོངས་པ་ཟིལ་གྱིས་གནོན་པར་འགྱུར་ཞིང་བསམ་པ་ཇི་ལྟ་བ་བཞིན་ཡེ་ཤེས་སྐྱེ་བར་འགྱུར་བའི་བསམ་གཏན་གང་ཡིན་པ་དེ་ནི་ང་རྒྱལ་གྱི་བསམ་གཏན་གྱི་ཕ་རོལ་ཏུ་ཕྱིན་པའོ། །ང་རྒྱལ་དང ། ལྟ་བ་ཀུན་ཏུ་འཇོམས་པར་འགྱུར་བའི་ཤེས་རབ་གང་ཡིན་པ་དེ་ནི་ང་རྒྱལ་གྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ང་རྒྱལ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཟོད་པ་ལས་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་མཐར་འགྲོ་བའི་སེམས་ཀྱི་སྦྱིན་པ་གང་ཡིན་པ་དེ་ནི་བཟོད་པ་ལས་བྱུང་བའི་སྦྱིན་པའི་ཕ་རོལ་ཏུ་ཕྱིན་པ་སྟེ། དཔེར་ན་བདུད་ཀྱིས་སེམས་ཅན་དམྱལ་བ་བསྟན་པས་སྦྱིན་པ་སྦྱིན་པར་བྱེད་པ་བསལ་བར་མི་ནུས་པ་ནི་སྔོན་གྱི་ཚུལ་ལས་ཤེས་པར་བྱ་བ་ལྟ་བུའོ། །ཕྱིར་མི་ལྡོག་པའི་ཚུལ་ཁྲིམས་གང་ཡིན་པ་དེ་ནི་བཟོད་པ་ལས་བྱུང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དཔེར་ན་རྒྱལ་པོའི་བུ་བསོད་ནམས་འོད་འཕྲོ་འདེ་ལྟར་རྣལ་འབྱོར་ལ་མངོན་དུ་ཕྱོགས་པ་སྦྱིན་པ་ལ་དབང་དུ་གྱུར་པ་ཞིག་བྱུང་བས་ཉི་མ་གཅིག་པ་ཤིང་རྟ་དང ། རྟ་དང ། བཞོན་པ་དང ། གླང་པོ་དང ། གླང་པོ་ཆེ་དང ། དཔག་ཚད་ཁོར་ཡུག་ཙམ་གྱི་གདུགས་དང ། མུ་ཏིག་གི་དོ་ཤལ་ཕྲེང་བ་བརྒྱ་དང ། གོས་ 77a ༄#། །སྦྱིན་པ་དང ། རིན་པོ་ཆེའི་ཅོད་པན་དང ། མཆིལ་ལྷམ་སྟོང་ཕྲག་བརྒྱ་རི་བ་དང ། བུད་མེད་སྟོང་ཕྲག་བརྒྱད་ཅུ་དང ། སིལ་སྙན་དང ། རྒྱལ་པོའི་ཕོ་བྲང་འཁོར་དང ། སྐྱེད་མིག་ཚལ་དང ། མིག་སྦྱིན་པ་དང ། མགོ་དང་རྐང་པ་བཅད་ནས་སྦྱིན་པ་སྦྱིན་པར་བྱེད་པ་གང་ན་གང་གི་བཟོད་པ་གང་ཡིན་པ་དེ་ནི་བཟོད་པ་ལས་བྱུང་བའི་བཟོད་པའི་ཕ་རོལ་ཏུ་ཕྱིན་པའོ། །མི་གནས་པའི་བརྩོན་འགྲུས་གང་ཡིན་པ་དེ་ནི་བཟོད་པ་ལས་བྱུང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན་རྟའི་རྒྱལ་པོ་རྔོག་ལྡན་གྱིས་སེམས་ཅན་རྣམས་སྒྲོལ་བ་ལྟ་བུའོ། །དགེ་བའི་ཁ་དོག་ཅན་ལུས་ཀྱི་མཚན་ཡོངས་སུ་སྦྱངས་པ་ལས་བྱུང་བའི་བསམ་གཏན་གང་ཡིན་པ་དེ་ནི་བཟོད་པ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །དཔེར་ན་དགེ་སློང་ཡེ་ཤེས་མཆོག་གྲོང་ཁྱེར་དུ་འཇུག་པ་ཞིག་བྱུང་བ་འདུ་ཤེས་ཐ་དད་དུ་མི་བྱེད་ཅིང་སེམས་མཉམ་པའི་ཤེས་རབ་གང་ཡིན་པ་དེ་ནི་བཟོད་པ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་ལྟར་ནེ་ཙོའི་སྐྱེས་བའི་རབས་ལས་ཁོང་དུ་ཆུད་པར་བྱ་སྟེ། འདི་དག་ནི་བཟོད་པ་ལས་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འོད་སྲུང་ལས་ཚངས་པར་སྤྱོད་པ་སྤྱད་ནས་རྙེད་པ་ 77b དང ། བཀུར་སྟིས་དམ་པའི་ཆོས་ནུབ་པར་མ་གྱུར་ཅིག་ཅེས་ཡོངས་སུ་བསྔོས་པ་དང ། སངས་རྒྱས་འོད་སྲུང་ལ་བྲམ་ཟེའི་བུ་སྐར་འོད་སྐྱོང་གིས་རང་གི་ལུས་ཀྱི་གོས་དང ། མེ་ཏོག་སར་བ་ལྔ་དང ། མེ་ཏོག་རྙིང་པ་ལྔ་པོ་དག་གིས་མངོན་པར་བཀབ་སྟེ། གང་གི་རྣམ་པར་སྨིན་པས་ལོ་ལྔ་བརྒྱར་དམ་པའི་ཆོས་དང ། ལོ་ལྔ་བརྒྱར་དམ་པའི་ཆོས་ཀྱི་གཟུགས་བརྙན་ཡང་འབར་བ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །གཞན་གྱི་ཚུལ་ཁྲིམས་འཆལ་བ་སེལ་བར་འགྱུར་བའི་ཚུལ་ཁྲིམས་ནི། དཔེར་ན་སྐྱེ་མཆེད་མ་ཚང་བ་གཏོང་བ་ལྟ་བུ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྡུག་བསྔལ་ཐོབ་ཀྱང་སྒྱིད་ལུག་པ་མེད་པ་ནི། དཔེར་ན་འགྲོན་པའི་ཆེད་དུ་རྒྱ་མཚོ་ཆེན་པོའི་ནང་དུ་ཆུ་སྲིན་མ་ཀ་རའི་ཐད་དུ་ཕྱིན་པ་དང ། འབྲོག་དང་ཆུའི་ནང་དུ་ཁྲུ་བརྒྱ་ཙམ་དུ་སོང་བའི་བཟོད་པ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །ལྷ་དང་མིའི་རིས་ཀྱི་ཕུན་སུམ་ཚོགས་པ་སྒྲུབ་པར་འགྱུར་བའི་བརྩོན་འགྲུས་ནི། དཔེར་ན་བརྒྱ་བྱིན་གྱིས་གསོལ་བ་བཏབ་པས་བྲམ་ཟེ་ཆེན་པོ་ཀིན་ཏུ་ཞེས་བྱ་བས་སེམས་ཅན་རྣམས་མཐོ་རིས་སུ་བཀྱེ་བ་གང་ཡིན་པ་དེ་ 78a ༄#། །ནི་ཕན་འདོགས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་ལ་སངས་རྒྱས་ཀྱིས་ལེན་པ་མེད་པར་བསྒྲགས་པའི་བསམ་གཏན་ནི། དཔེར་ན་བྱང་ཆུབ་སེམས་དཔའ་སྟོན་པར་གྱུར་པས་བྱང་ཆུབ་སེམས་དཔའ་རྣམས་ཚངས་པའི་འཇིག་རྟེན་དང ། འོད་གསལ་ནས་འདུ་ཤེས་མེད་པའི་སྐྱེ་མཆེད་ཀྱི་བར་དུ་བཀོད་པ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སེམས་ཅན་རྣམས་ཀྱི་ཆེད་དུ་བྱས་པ་ནི། དཔེར་ན་རྒྱལ་པོ་བྱམས་ཐོབ་དང ། རྒྱལ་པོ་མིག་བཟང་དང ། རྒྱལ་པོའི་བུ་ཆོས་འདོད་ཀྱིས་འཇིག་རྟེན་པ་དང ། འཇིག་རྟེན་ལས་འདས་པའི་ཆོས་རྣམས་དང ། དགེ་བ་བཅུའི་ལས་ཀྱི་ལམ་རྣམས་རབ་ཏུ་སྒྲོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདིར་སྐྱེས་པའི་རབས་མང་པོ་ནས་ཁོང་དུ་ཆུད་པར་བྱ་བ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ལྔ་པ། །དེ་ལ་ཕན་མི་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་སྔོན་དུ་འགྲོ་བའི་སེམས་ཀྱིས་འདོད་ 78b པའི་ཡོན་ཏན་ལ་འཇུག་པའི་སྦྱིན་པ་དམིགས་པ་དང་བཅས་པར་ཡོངས་སུ་བསྔོས་པ་གང་ཡིན་པ་དེ་ནི་ཕན་མི་འདོགས་པའི་སྦྱིན་པའི་ཕ་རོལ་ཏུ་ཕྱིན་པ་སྟེ། དཔེར་ན་མར་མེ་མཛད་ལ་མེ་ཏོག་ཨུཏྤལ་ལྔ་ཕུལ་བ་དང ། རྣམ་པར་སྨིན་པ་ཐམས་ཅད་དུ་མི་འབྱུང་བ་དང ། གང་དམ་པའི་ཆོས་ནུབ་པར་འགྱུར་བ་དེ་ནི་ཕན་མི་འདོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཐབས་མཁས་པ་མེད་ཅིང་དངོས་པོའི་འདུ་ཤེས་ཅན་གྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རོ་མྱང་བ་ཅུང་ཟད་ཙམ་གྱི་ཕྱིར་སྡུག་བསྔལ་ལ་ཇི་མི་སྙམ་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་ཆོས་དང་རབ་ཏུ་ལྡན་པའི་བརྩོན་འགྲུས་གང་ཡིན་པ་དེ་ནི་ཕན་མི་འདོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚངས་པའི་འཇིག་རྟེན་ཀྱི་ཚེའི་མཐས་གཏུགས་པ་སྲིད་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །མ་བསྒྲགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ནི། དཔེར་ན་དེ་བཞིན་གཤེགས་པས་གསུངས་ཤིང་བཤད་པ་ན་ཆོས་དེ་སྙེད་ཅིག་བསྒྲགས་ཤིང་བཤད་ལ། ཆོས་ཇི་སྙེད་ལུས་ལ་དེ་སྙེད་ཅིག་མ་ 79a ༄#། །བསྒྲགས་པ་དེ་ནི་ཕན་མི་འདོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་དག་ཐམས་ཅད་ཀྱང་ཡོངས་སུ་མྱ་ངན་ལས་འདས་པའི་དམ་པའི་ཆོས་ནུབ་པར་བལྟ་བར་བྱ་སྟེ། འདི་དག་ནི་ཕན་མི་འདོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྔོན་མར་མེ་མཛད་ལ་བྱང་ཆུབ་སེམས་དཔས་སྦྱིན་པ་ཕུལ་བ་གང་ཡིན་པ་དེ་ནི་ལྷག་མ་དང་བཅས་པའི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་ངག་ལྷག་པར་ལྷག་མ་དང་བཅས་ཤིང་མི་མོས་པ་མང་ལ་བདག་ཏུ་དམིགས་པ་དམིགས་པ་ལ་གནས་པའི་ཚུལ་ཁྲིམས་གང་ཡིན་པ་དེ་ནི་ལྷག་མ་དང་བཅས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་ངེས་པར་འབྱུང་བའི་བཟོད་པ་གང་ཡིན་པ་དེ་ནི་ལྷག་མ་དང་བཅས་པའི་བཟོད་པའི་ཕ་རོལ་ཏུ་ཕྱིན་པའོ། །བར་ཆད་དང་བར་ཆད་མེད་པར་གནས་པའི་བརྩོན་འགྲུས་གང་ཡིན་པ་དེ་ནི་ལྷག་མ་དང་བཅས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དམིགས་པ་ལ་དམིགས་པའི་བསམ་གཏན་གང་ཡིན་པ་དེ་ནི་ལྷག་མ་དང་བཅས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐོས་པའི་བདག་ཉིད་དང ། བསམས་པའི་བདག་ཉིད་ཀྱི་ཤེས་རབ་གང་ཡིན་པ་དེ་ནི་ལྷག་མ་དང་བཅས་པའི་ཤེས་རབ་ཀྱི་ཕ་ 79b རོལ་ཏུ་ཕྱིན་པའོ། །རྒྱུ་གང་གིས་ན་གནས་ཀྱི་ཕ་རོལ་ཏུ་ཕྱིན་པའི་མིང་ཐོབ་ཅེ་ན། ཁ་ཕྱིར་ཕྱོགས་པ་ལ་ཉན་ཐོས་དང ། རང་སངས་རྒྱས་ཀྱི་ཆོས་ཀྱི་རྣམ་པར་སྨིན་པ་མེད་ལ། བྱང་ཆུབ་ཀྱི་འབྱོར་པའང་མེད་དེ། དེ་དག་ནི་ས་བཅུ་ལས་ལྡོག་པའི་ཆོས་སུ་ཤེས་པར་བྱ་སྟེ། འདི་དག་ནི་བྱང་ཆུབ་སེམས་དཔའི་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པའི་འབྲས་བུ་ཐམས་ཅད་འཁོར་བར་ཡོངས་སུ་བསྔོ་བ་སྟེ། དཔེར་ན་རང་སངས་རྒྱས་བདུན་བརྒྱ་ལ་སྦྱིན་པ་གང་ཡིན་པ་དེ་ནི་ལྷག་མ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བའི་ཚུལ་ཁྲིམས་གང་ཡིན་པ་དེ་ནི་ལྷག་མ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ངན་སོང་དུ་སྐྱེ་བས་འཇིགས་པའི་བཟོད་པ་གང་ཡིན་པ་དེ་ནི་ལྷག་མ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །བདུད་ཀྱི་ལས་ཀྱིས་ཀུན་ནས་དཀྲིས་པའི་བརྩོན་འགྲུས་གང་ཡིན་པ་དེ་ནི་ལྷག་མ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚེའི་ཚད་ཀྱི་མཐར་ཐུག་པའི་བསམ་གཏན་གང་ཡིན་པ་དེ་ནི་ལྷག་མ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ལྟ་བ་སྔོན་དུ་འགྲོ་ཞིང་སྡུག་བསྔལ་སྤོང་བ་ལ་མོས་པའི་ཤེས་རབ་གང་ཡིན་པ་དེ་ནི་ལྷག་མ་མེད་པའི་ཤེས་རབ་ 80a ༄#། །ཀྱི་ཕ་རོལ་ཏུ་ཕྱིན་པའོ། །དེ་ཅིའི་ཕྱིར་ཕ་རོལ་ཏུ་ཕྱིན་པའི་མིང་ཐོབ་ཅེ་ན། དེ་དག་ནི་བྱང་ཆུབ་ཐོབ་པ་འཇིག་རྟེན་པ་དང་མཐུན་པར་སྤྱོད་པ་དེས་ན།་ཕ་རོལ་ཏུ་ཕྱིན་པའི་མིང་ཐོབ་སྟེ། འདི་དག་ནི་བྱང་ཆུབ་སེམས་དཔའི་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་རིག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བླ་མ་རྣམས་ལ་རེ་བ་མེད་པར་སྦྱིན་པ་གང་གི་རྣམ་པར་སྨིན་པས་བསྐལ་པ་སྟོང་དུ་འཇིག་རྟེན་པའི་ཟང་ཟིང་ལ་སྤྱོད་ཅིང་གནས་ཀྱང་ལུས་ཀྱི་མཐུ་ཉམས་པ་མེད་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། བྱང་ཆུབ་ཀྱི་སྙིང་པོ་དམ་པ་མཆོག་ཐོབ་པས་ཆོས་ཐམས་ཅད་ལ་འགྱོད་པ་མེད་པར་འགྱུར་ཞིང ། གང་གིས་ཐམས་ཅད་མཁྱེན་པ་ཉིད་རྫོགས་པར་བྱང་ཆུབ་པའི་ཚུལ་ཁྲིམས་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་ཐམས་ཅད་མཁྱེན་པ་ཉིད་ལ་དམིགས་ཤིང ། དམིགས་སུ་མེད་པའི་ཆོས་རྣམས་ལ་བཟོད་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །ལམ་ལ་གནས་པའི་སྒྲིབ་པ་ལྔ་རབ་ཏུ་ཞི་བར་འགྱུར་བའི་བརྩོན་འགྲུས་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། ། 80b བྱང་ཆུབ་མངོན་པར་རྫོགས་པར་སངས་རྒྱས་པས་ལྷའི་མིག་དང ། སྔོན་གྱི་གནས་རིག་པ་འཐོབ་པར་འགྱུར་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཟག་པ་ཟད་པར་བྱེད་པ་སངས་རྒྱས་ཀྱི་སྤྱན་འཐོབ་པར་འགྱུར་ལ་རྟག་ཏུ་ཆོས་ཐམས་ཅད་མངོན་དུ་སྣང་བར་འགྱུར་བའི་ཤེས་རབ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་རིག་པ་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིག་པའི་ཁྱད་པ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་གིས་དམ་པའི་ཆོས་གནས་པར་བྱེད་ཅིང་བསྟན་པ་ལ་འཇུག་པའི་ཆོས་གནས་པ་གང་ཡིན་པ་དེ་ནི་རིག་པའི་ཁྱད་པར་ལ་གནས་པའི་སྦྱིན་པའི་ཕ་རོལ་ཏུ་ཕྱིན་པའོ། །གང་ན་དེ་བཞིན་གཤེགས་པ་བག་ཆགས་ཀྱི་མཚམས་སྦྱོར་བ་དང་བྲལ་བ་ཐ་ན་ལུས་ཀྱི་རྣམ་པར་རྟོག་པ་དང ། ངག་གི་རྣམ་པར་རྟོག་པ་མེད་པ་གང་ཡིན་པ་དེ་ནི་ཚུལ་ཁྲིམས་སོ། །འཇིག་རྟེན་པའི་ཆོས་ལས་རྟོག་པ་མེད་པ་གང་ཡིན་པ་དེ་ནི་བཟོད་པའོ། །ཉན་ཐོས་དང་རང་སངས་རྒྱས་རྣམས་ཀྱིས་ཟིལ་གྱིས་མ་ནོན་པས་མྱ་ངན་ལས་འདས་པ་ཇི་སྲིད་བར་དུས་ཐམས་ཅད་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཐམས་ཅད་ཀྱི་སེམས་ 81a ༄#། །ཀྱི་རྣམས་གྲངས་ཤེས་ཤིང་སྒྲ་ལ་རྟོག་པ་གང་ཡིན་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའོ། །དུས་ཤེས་པ་ལས་མི་འདའ་ཞིང་བདག་ཡོངས་སུ་གྲོལ་བར་བྱེད་པའི་ཤེས་རབ་གང་ཡིན་པ་དེ་ནི་རིག་པའི་ཁྱད་པར་ལ་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རིག་པའི་ཁྱད་པར་ལ་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་འབྱུང་བའི་དུས་ན་ལོངས་སྤྱོད་ཆེན་པོར་འགྱུར་ཞིང་ཚད་མེད་པ་གཟུང་བའི་ཕྱིར་གང་འཕགས་པ་རྣམས་ལ་སྦྱིན་པ་བྱིན་པ་གང་ཡིན་པ་དེ་ནི་སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་སྦྱིན་པའོ། ། ཐར་པར་ཡོངས་སུ་བསྔོས་ཤིང་ཉོན་མོངས་པ་ཟད་པར་བྱ་བ་དང ། སངས་རྒྱས་འབྱུང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སྟོན་པ་མངོན་སུམ་དུ་གྱུར་པ་ན་སྦྱངས་པའི་ཡོན་ཏན་ལ་སྐྱོ་བ་མེད་པར་འགྱུར་བའི་བཟོད་པ་ནི། དཔེར་ན་འོད་སྲུང་ཆེན་པོའི་ལྟ་བུ་གང་ཡིན་པ་དེ་ནི་བཟོད་པའོ། །སྨོན་ལམ་དང་ལྡན་པའི་བརྩོན་འགྲུས་ནི། དཔེར་ན་རྒྱལ་པོ་བསོད་ནམས་འཕགས་ཀྱི་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །སངས་རྒྱས་རྗེས་སུ་དྲན་པ་ལ་དམིགས་པའི་བསམ་ 81b གཏན་གང་ཡིན་པ་དེ་ནི་བསམ་གཏན་ནོ། །ངེས་པར་འབྱེད་པས་ཡོངས་སུ་བསྔོས་པའི་ཤེས་རབ་ནི། དཔེར་ན་སངས་རྒྱས་འོད་སྲུང་གི་ཚེ་ལྔ་པོ་དག་གི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ཉམས་པ་མེད་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཞན་གྱི་བསམ་པ་ཇི་ལྟ་བ་བཞིན་སྦྱིན་པ་གང་ཡིན་པ་དེ་ནི་སྦྱིན་པའོ། །ལུས་དང་ངག་ཡོངས་སུ་སྲུང་བ་ཉེ་བར་སྒྲུབ་པ་ལ་བརྩོན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམ་པའི་ཆོས་ནུབ་པའི་དུས་སུ་ཡི་དམ་བརྟན་པ་ཟབ་མོ་ལ་བཟོད་པ་ལས་ངེས་པར་འབྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཉེ་བར་སྒྲུབ་པ་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སྟོང་པ་ཉིད་ཀྱི་རྣམ་པས་ཡོངས་སུ་བཟུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཡིད་མི་བདེ་བས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དྲན་པ་ཉམས་པ་མེད་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་འབྱུང་བ་རབ་ཏུ་འཐོབ་པ་ཁྱིམ་གྱི་དངོས་པོ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡན་ལག་ལྔ་ཕུན་སུམ་ཚོགས་པའི་སྦྱིན་པ་སྟེ། ལྔ་གང་ཞེ་ན། སྟན་ཕུན་སུམ་ཚོགས་པ་དང ། ཡུལ་ 82a ༄#། །ཕུན་སུམ་ཚོགས་པ་དང ། འཁོར་ཕུན་སུམ་ཚོགས་པ་དང ། འདོད་པར་བྱ་བ་ཕུན་སུམ་ཚོགས་པ་དང ། ཆགས་པར་བྱ་བ་ཕུན་སུམ་ཚོགས་པ་གང་ཡིན་པ་དེ་ནི་སྦྱིན་པའོ། །མངོན་པར་ཞེན་པ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་དུ་འདུ་ཤེས་པ་སྤངས་པའི་བཟོད་པ་གང་ཡིན་པ་དེ་ནི་བཟོད་པའོ། །མཉམ་པ་ཉིད་དུ་མཐོང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །མཉམ་པ་ཉིད་དུ་རྟོགས་པའི་སེམས་སྨོན་པ་མེད་པ་ལ་དམིགས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཕགས་པའི་བདེན་པའི་ཚུལ་གྱིས་ངེས་པར་འབྱུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སངས་རྒྱས་འབྱུང་བ་རབ་ཏུ་འཐོབ་པའི་ཁྱིམ་གྱི་དངོས་པོ་ལ་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངེས་པར་འབྱུང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པ་མེད་པའི་སྦྱིན་པ་དང་ལྡན་པ་མ་ཡིན་པའི་སེམས་ཀྱིས་སྦྱིན་པ་གང་ཡིན་པ་དེ་ནི་སྦྱིན་པའོ། །མྱ་ངན་ལས་འདས་པ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། ། ཁམས་གསུམ་གྱིས་ཡིད་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །དྲན་པ་ཉེ་བར་གཞག་པ་ལས་ངེས་པར་བྱུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ 82b སོ། །བྱམས་པ་ལ་གནས་ཤིང་སྲིད་པ་ལ་སྨོད་པར་གནས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཡིད་མི་བདེ་བས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ངེས་པར་འབྱུང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མང་དུ་ཐོས་པ་སྒྲུབ་ཕ་རོལ་ཏུ་ཕྱིན་པ་དྲུག་གང་ཞེ་ན། གདམས་ངག་དང་ལྡན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཆོས་ཡོངས་སུ་གཟུང་བའི་དོན་དུ་ལུས་དང་སྲོག་གཏོང་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམ་པའི་ཆོས་ནུབ་པའི་དུས་ཀྱི་ཚེ་ཆོས་ཡོངས་སུ་གཟུང་བའི་དོན་དུ་གང་བྱང་ཆུབ་སེམས་དཔའ་བདག་ཉིད་ཡོངས་སུ་གཏོང་བའི་བཟོད་པ་གང་ཡིན་པ་དེ་ནི་བཟོད་པའོ། །གཟུངས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྟེན་ཅིང་འབྲེལ་པར་འབྱུང་བས་རབ་ཏུ་ཕྱེ་བའི་བསམ་གཏན་ཡིན་པ་དེ་ནི་བསམ་གཏན་ནོ། །སོ་སོ་ཡང་དག་པར་རིག་པས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མང་དུ་ཐོས་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རབ་ཏུ་བྱུང་བའི་ངང་ཚུལ་རྒྱུན་མི་ཆད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་སྨྲ་བ་རྣམས་ཀྱིས་གཞན་གྱི་བསམ་པ་ཇི་ལྟ་བ་བཞིན་བསྟན་པ་ཡང་དག་པར་ལེན་དུ་འཇུག་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སྙིང་རྗེ་ཆེན་ 83a ༄#། །པོས་ཡོངས་སུ་བསྒོས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལྷག་པའི་ང་རྒྱལ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །བསྒོམས་པའི་སྟོབས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །མི་སྐྱེ་བའི་ཆོས་ལ་བཟོད་པ་དང་ལྡན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རབ་ཏུ་བྱུང་བའི་ངང་ཚུལ་རྒྱུན་མི་ཆད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་ཤེས་པ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྗེས་དང་མ་བྲལ་ཞིང་སློང་བ་ལ་ཡོངས་སུ་གཏོང་བས་བཟུང་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །མི་གནས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །འགྱོད་པ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། སྨོན་ལམ་གྱིས་རྣམ་པར་འཕྲུལ་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སྣང་བས་རྣམ་པར་དཔྱད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྦྱོར་པའི་སའི་རྣམ་པ་ལ་དམིགས་པས་ལེགས་པར་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་ཤེས་པ་ལ་གནས་པའི་ཕ་རོལ་ཏུ་ 83b ཕྱིན་པ་དྲུག་གོ་།དེ་ལ་མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དེ་བཞིན་གཤེགས་པའི་མཆོད་རྟེན་དང་པོར་ཞལ་བསྲོ་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལམ་ལ་ཞུགས་པའི་ཤེས་རབ་ཀྱི་དབང་པོ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཡང་དག་པའི་མཐའ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །གཟུགས་ཀྱི་འདུ་ཤེས་རྣམ་པར་བཤིག་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྣམ་པར་ཐར་པས་ངེས་པར་བྱུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ལྷག་མཐོང་གི་ཡོ་བྱད་ཞི་གནས་ཀྱིས་ལ་གནས་པ་གཟུངས་ཀྱིས་ཡོངས་སུ་སྦྱང་བ་བྱས་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ།་འདི་དག་ནི་མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལུས་འདོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སོ་སོར་བརྟག་པའི་སྟོབས་ཅན་མི་མཛའ་བ་རྣམས་ལ་ཡོངས་སུ་གཏོང་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཉམ་ཆུང་བ་རྣམས་ལ་མཐུ་མི་སྟོན་པས་ཉམས་པ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལས་ཀྱི་སྒྲིབ་པ་ལ་ཇི་མི་སྙམ་པའི་བཟོད་པ་གང་ཡིན་པ་དེ་ནི་བཟོད་པའོ། །མི་མཛའ་བ་སྤངས་པའི་བརྩོན་འགྲུས་ནི་དཔེར་ན་རྒྱལ་པོའི་བུ་དགེ་བའི་བློ་གྲོས་ཀྱི་ལྟ་བུ་ 84a ༄#། །གང་ཡིན་པ་དེ་ནི་བརྩོན་འགྲུས་སོ། །སྙིགས་མའི་དུས་ཀྱི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཐར་པ་ལ་གནས་པས་ངེས་པར་འཁོར་བར་བྱ་བར་སྦྱོར་དུ་འཇུག་པའི་ཤེས་རབ་ནི། དཔེར་ན་ཀུན་ཏུ་རྒྱུ་རྟོགས་བྱེད་ཀྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ལུས་འདོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཁོར་བར་ངན་སོང་གསུམ་གྱི་ཕྱིར་སྦྱིན་པ་ནི། དཔེར་ན་རི་དྭགས་ལ་རྔོན་བྱེད་པའི་རྣམ་པར་སྨིན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སངས་རྒྱས་འབྱུང་བ་དང་བྲལ་བའི་ཚུལ་ཁྲིམས་ནི། དཔེར་ན་ལྷ་ཆེན་པོས་གཅིག་ནས་གཅིག་ཏུ་བསྟན་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །བརྙས་པས་སྡུག་བསྔལ་བར་གྱུར་ཀྱང་འཁྲུག་པ་མེད་པའི་བཟོད་པ་ནི། དཔེར་ན་བཟོད་པ་སྨྲ་བའི་ལྟ་བུ་གང་ཡིན་པ་དེ་ནི་བཟོད་པའོ། །ཚོགས་ཆེན་པོའི་གནས་སྐབས་ཐོབ་པས་སྒྱིད་ལུག་པ་མེད་པའི་བརྩོན་འགྲུས་ནི། དཔེར་ན་རྒྱ་མཚོ་ཆེན་པོར་ནོར་བུ་རིན་པོ་ཆེ་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །བཙུན་མོའི་འཁོར་གྱིས་མི་འཕྲོགས་པའི་བསམ་གཏན་ནི། དཔེར་ན་རྒྱལ་པོ་གཞོན་ནུ་སེངྒེའི་ལྟ་བུ་གང་ཡིན་པ་དེ་ནི་བསམ་གཏན་ནོ། །ཡུལ་གྱི་ནང་དུ་སོང་ཡང་ཡོངས་སུ་གཏོང་བ་ཐམས་ཅད་ལ་ 84b དམིགས་པའི་ཤེས་རབ་ནི། དཔེར་ན་ཡུལ་ཀ་ཤིའི་རྒྱལ་པོས་མགོ་བྱིན་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ཡོངས་སུ་སྨིན་པར་བྱ་བའི་སྦྱིན་པ་ནི། དཔེར་ན་རྒྱ་མཚོ་ཆེན་པོའི་རུས་སྦལ་ལྟ་བུ་གང་ཡིན་པ་དེ་ནི་སྦྱིན་པའོ། །གཞན་ལ་ཕན་པར་བརྩོན་པའི་ཚུལ་ཁྲིམས་ནི། དཔེར་ན་འགྲོན་པོ་རྣམས་སྦྲུལ་ཆེན་པོས་བསྐོར་བ་ལས་སེངྒེས་ཐར་པར་བྱས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །མཉན་པའི་ཕྱིར་བཟོད་པ་ནི། དཔེར་ན་དྲང་སྲོང་ལྷའི་རྒྱལ་པོས་ཚིགས་སུ་བཅད་པའི་ཕྱིར་མགོ་ཡོངས་སུ་བཏང་བ་ལྟ་བུ་གང་ཡིན་པ་དེ་ནི་བཟོད་པའོ། །བྲམ་ཟའི་ཁྱིའུས་དོན་ཇི་ལྟ་པ་བཞིན་དུ་བསམ་པའི་རེག་པ་ལྔ་སྤང་བའི་ཕྱིར་གནས་ཤིང་གཞན་ལ་བརྩེ་བར་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །བསམ་གཏན་ནི།་དཔེར་ན་མུ་སྟེགས་བྱེད་རྩིབས་ཀྱི་མུ་ཁྱུད་བྱུང་བ་གཞན་ལ་སྙིང་བརྩེ་བ་དང་ལྡན་པ་ལྟ་བུ་གང་ཡིན་པ་དེ་ནི་བསམ་གཏན་ནོ། །སྐྱེ་བོ་མང་པོ་ཡོངས་སུ་སྨིན་པར་བྱེད་པའི་ཤེས་རབ་ནི། དཔེར་ན་སྲེག་པའི་སྐྱེས་པའི་རབས་ཀྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། །འདི་དག་ནི་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་ 85a ༄#། །པ་མང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཇིག་རྟེན་ལ་ཕན་པར་བྱ་བའི་སྦྱིན་པ་ནི། དཔེར་ན་བེལ་མའི་ལྟ་བུ་གང་ཡིན་པ་དེ་ནི་སྦྱིན་པའོ། །ཚངས་པའི་འཇིག་རྟེན་ལ་གནས་ཏེ་ཛམྦུའི་གླིང་གི་མི་རྣམས་ལས་བྱ་བ་ལ་འཇུག་པར་བྱེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་གྱི་ཕྱིར་བདག་ཡོངས་སུ་གཏོང་བའི་བཟོད་པ་ནི། དཔེར་ན་རྒྱ་མཚོ་ནི་ཤི་བའི་རོ་དང་མི་གནས་པས་སེམས་ཅན་རྣམས་དགྲོལ་བའི་དོན་དུ་རྒྱ་མཚོ་ཆེན་པོར་བདག་ཉིད་ཡོངས་སུ་གཏོང་བ་ལྟ་བུ་གང་ཡིན་པ་དེ་ནི་བཟོད་པའོ། །སྐྱེ་བོ་མང་པོ་ཡོངས་སུ་སྨིན་པར་འགྱུར་བའི་བརྩོན་འགྲུས་ནི། དཔེར་ན་རྒྱ་མཚོར་དེད་དཔོན་བསོད་ནམས་ཁྱིམ་ལག་རྐྱལ་གྱིས་རྒལ་བ་ལས་རིག་པར་བྱ་བ་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །གཞན་ལ་ཕན་པར་ཡོངས་སུ་བསྔོས་པའི་བསམ་གཏན་ནི། དཔེར་ན་བྲམ་ཟེའི་བུ་ནོར་གྱི་བློ་གྲོས་ཀྱིས་སེམས་ཅན་རྣམས་བདེ་བ་ལ་སྦྱར་བའི་ཕྱིར་ལོ་སྟོང་ཕྲག་བརྒྱད་ཅུར་བྱམས་པ་བསྒོམས་པ་གང་ཡིན་པ་དེ་ནི་བསམ་གཏན་ནོ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་རྣམས་ལས་ཤིན་ཏུ་རྣམ་པར་གདོན་མི་ཟ་བའི་ཤེས་རབ་ནི། དཔེར་ན་རྒྱལ་པོ་བློ་བཟང་གིས་སྔོན་གྱི་ཚུལ་ཤིང་ལོ་ལས་རིག་པར་བྱ་བ་ལྟ་བུ་གང་ཡིན་ 85b པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་མང་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡོངས་སུ་མྱ་ངན་ལས་འདས་པའི་སྦྱིན་པའི་རྣམ་པར་སྨིན་པ་མི་ལྡོག་པ་ནི། དཔེར་ན་རྒྱལ་རིགས་ཀྱིས་ཆུ་བོ་གངྒཱར་དེ་ལ་སོགས་པའི་སྦྱིན་པའི་ལྟ་བུ་གང་ཡིན་པ་དེ་ནི་སྦྱིན་པའོ། །བཏང་སྙོམས་ཡོངས་སུ་བཟུང་ཞིང་ཕྱིར་མི་ལྡོག་པ་ཟག་པ་ཟད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བྱང་ཆུབ་ཐོབ་པའི་བཟོད་པ་གང་ཡིན་པ་དེ་ནི་བཟོད་པའོ། །ལུས་ཀྱི་འདུ་བྱེད་འདོར་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཆོས་ལ་བཏང་སྙོམས་ལས་རབ་ཏུ་ཕྱེ་བས་བྱང་ཆུབ་ཀྱི་སྙིང་པོར་སྐྱོ་བ་མེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །བྱང་ཆུབ་ཀྱི་ཡེ་ཤེས་སྟོན་པས་ཤེས་རབ་ཀྱིས་རབ་ཏུ་བཟུང་བ་ནི། དཔེར་ན་བྲམ་བའི་བུ་བྱིས་པ་དཔེར་བརྗོད་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མྱ་ངན་ལས་འདས་པའི་སྦྱིན་པ་ནི། དཔེར་ན་དགའ་བའི་སྔོན་གྱི་ཚུལ་ལས་ཤེས་པར་བྱ་བ་གང་ཡིན་པ་དེ་ནི་སྦྱིན་པའོ། །འདུས་བྱས་ཀྱིས་ཡིད་བྱུང་ཞིང་མྱ་ངན་ལས་འདས་པའི་བསམ་པ་ཅན་གྱི་ཚུལ་ཁྲིམས་ནི། དཔེར་ 86a ༄#། །ན་བྱང་ཆུབ་སེམས་དཔའ་བརྩོན་འགྲུས་ལ་སྤྱོད་པའི་སྔོན་གྱི་ཚུལ་གང་ཡིན་པ་དེ་ནི་ཚུལ་ཁྲིམས་སོ། །ཆགས་པ་མེད་པའི་བཟོད་པ་ནི། དཔེར་ན་ཡུལ་ཀ་ཤིའི་རྒྱལ་པོ་མགོ་བཅད་ཀྱང་འཁྲུག་པ་མེད་པ་གང་ཡིན་པ་དེ་ནི་བཟོད་པའོ། །སེར་སྐྱའི་གནས་ནས་བྱུང་སྟེ་བསོད་སྙོམས་ལེན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཚངས་པར་སྤྱོད་ཅིང་ཡན་ལག་བཞི་དང་ལྡན་པ་སྤུ་ཟིང་ཞེས་བྱེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །གྲོང་ཁྱེར་དང་མཚུངས་པའི་ཤེས་རབ་ནི། དཔེར་ནི་འཇིག་རྟེན་པ་མ་ལུས་པ་ཐམས་ཅད་སྙོམས་པར་ཞུགས་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྡུག་བསྔལ་བར་འགྱུར་བ་རྣམས་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །རུས་སྦལ་གྱི་སྐྱེས་པའི་རབས་ཀྱི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །མངོན་དུ་སྡུག་བསྔལ་བས་ལུས་དང་ངག་ལ་གནོད་པ་མེད་པའི་བཟོད་པ་ནི་དཔེར་ན་བཟངས་བརྩམས་ཡན་ལག་བཅད་ཀྱང་འཁྲུག་པ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །སངས་རྒྱས་འབྱུང་བ་ན་བརྩོན་པ་ནི། དཔེར་ན་སངས་རྒྱས་ 86b མངོན་སུམ་དུ་བྱེད་ཅིང་དེ་བཞིན་གཤེགས་པའི་ཏིང་ངེ་འཛིན་རྒྱ་མཚོ་ལ་ལོ་སུམ་ཁྲིའི་བར་དུ་རྨུགས་པ་དང་གཉིད་མི་འབྱུང་བ་གང་ཡིན་པ་དེ་ནི་བརྩོན་འགྲུས་སོ། །བཙུན་མོའི་འཁོར་ན་གནས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཁོར་བ་ན་གང་དུས་དང་མཚུངས་པར་ལྡན་པའི་ཤེས་རབ་གང་དང་གང་དུ་བདག་དང་གཞལ་ཕན་པར་འགྱུར་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འོད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། མར་མེའི་ཕྲེང་བ་སྦྱིན་པ་གང་ཡིན་པ་དེ་ནི་སྦྱིན་པའོ། གཞན་ལ་ཕན་པའི་ཚུལ་ཁྲིམས་ནི། དཔེར་ན་སྲེག་པའི་སྐྱེས་པའི་རབས་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །ཆོས་ལ་ངེས་པར་རྟོག་པའི་བཟོད་པ་གང་ཡིན་པ་དེ་ནི་བཟོད་པའོ། །འབྲུ་མར་གྱི་སྦྱིན་པ་ལ་བརྩོན་པ་གང་ཡིན་པ་དེ་ནི་བརྩོན་འགྲུས་སོ། །བྱང་ཆུབ་སེམས་དཔའ་བསྐལ་པ་དང་པོ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཆོས་ལ་བཟོད་པ་ལས་ངེས་པར་བྱུང་བའི་ཤེས་རབ་ནི། དཔེར་ན་བྲམ་ཟེའི་བུ་སྤྲིན་གྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འོད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་འོད་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐབས་ལ་མཁས་ 87a ༄#། །པའི་སྦྱིན་པའི་ཕ་རོལ་ཏུ་ཕྱིན་པ་གང་གི་རྣམ་པར་སྨིན་པས་སངས་རྒྱས་ཀྱི་ཞིང་མཐའ་ཡས་པར་སངས་རྒྱས་ཀྱི་འོད་ཀྱིས་འགེངས་པ་གང་ཡིན་པ་དེ་ནི་སྦྱིན་པའོ། །མི་སྐྱེ་བའི་ཆོས་ལ་བཟོད་པ་ཐོབ་པས་ཡོངས་སུ་བསྔོ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཆོས་ལ་འདུ་ཤེས་པའི་བཟོད་པ་ཡོངས་སུ་བསྔོ་བ་གང་ཡིན་པ་དེ་ནི་བཟོད་པའོ། །སྟོང་པ་ཉིད་ལ་སྒོམ་པར་དགའ་བའི་བརྩོན་འགྲུས་ཡོངས་སུ་བསྔོ་བ་གང་ཡིན་པ་དེ་ནི་བརྩོན་འགྲུས་སོ། །ཕྱིར་མི་ལྡོག་པའི་བསམ་གཏན་ཡོངས་སུ་བསྔོ་བ་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ལ་གནས་པའི་ཤེས་རབ་ཐམས་ཅད་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་སྟེ།་འདི་དག་ནི་འོད་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤི་བ་ལ་ཐུག་པའི་སྦྱིན་པ་གང་གི་རྣམ་པར་སྨིན་པས་དགའ་ལྡན་ནས་ཤི་འཕོས་པ་ན་ཡི་དྭགས་རྣམས་ཀྱི་བཀྲེས་པ་ཕྱིད་པ་གང་ཡིན་པ་དེ་ནི་སྦྱིན་པའོ། །ཤི་བ་ལ་ཐུག་པ་རྣམས་བཅིངས་པ་ལས་དགྲོལ་བའི་ཕྱིར་བདག་ཉིད་གཏོང་བའི་ཚུལ་ཁྲིམས་ནི། དཔེར་ན་རྒྱལ་པོའི་བུ་ལེགས་བྱིན་གྱི་སྔོན་གྱི་ཚུལ་གང་ཡིན་པ་དེ་ནི་ཚུལ་ཁྲིམས་སོ། །བཟོད་པ་ནི་ 87b དཔེར་ན་ཉའི་སྐྱེས་པའི་རབས་ལས་གྲོག་སྦུར་དེ་དག་གིས་བདག་གི་ཤ་ཟས་ནས་བདེ་བར་གྱུར་ན་ལེགས་སོ་ཞེས་བྱ་བ་གང་ཡིན་པ་དེ་ནི་བཟོད་པའོ། །རྟའི་རྒྱལ་པོ་རྡོག་ལྡན་སྡུག་བསྔལ་བ་རྣམས་ལ་སྙིང་བརྩེ་བའི་ཕྱིར་བརྩོན་པ་གང་ཡིན་པ་དེ་ནི་བརྩོན་འགྲུས་སོ། །ནད་ཀྱི་བར་གྱི་བསྐལ་པའི་བསམ་གཏན་ནི། དཔེར་ན་བྲམ་ཟེའི་བུ་དེ་བི་དྷ་ཛམྦུའི་གླིང་དུ་རེག་པ་ལྔ་ཞི་བར་བྱེད་པ་ལྟ་བུ་གང་ཡིན་པ་དེ་ནི་བསམ་གཏན་ནོ། །ཚོང་པ་ལྔ་བརྒྱ་དང་རྒྱལ་པོའི་སྲས་མོ་བུ་མོ་ལྔ་བརྒྱ་དག་ཐར་པར་བྱས་པ་དང ། སྲིན་མོ་བྱེ་བ་ཕྲག་ལྔ་མིར་བྱས་པའི་ཤེས་རབ་ནི། དེད་དཔོན་གྱི་སྔོན་གྱི་ཚུལ་ལས་ཤེས་པར་བྱ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉན་ཐོས་དང་རང་སངས་རྒྱས་ཀྱི་ཐེག་པ་ལ་རེ་བ་མེད་ཅིང་མི་དམིགས་པས་བླ་ན་མེད་པའི་བྱང་ཆུབ་ཏུ་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །མི་ལྟ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དེའི་ངོ་བོ་མ་ཡིན་པའི་བཟོད་པ་གང་ཡིན་པ་དེ་ནི་བཟོད་པའོ། །ཐབས་མཁས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རིག་པ་སྐྱེས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །མཉམ་པ་ཉིད་ཀྱི་སའི་ཤེས་ 88a ༄#། །རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགའ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན།་སངས་རྒྱས་འབྱུང་བ་ན་སེམས་ཅན་ཐམས་ཅད་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །སངས་རྒྱས་འབྱུང་བའི་དུས་སུ་རྣམ་པར་སྨིན་པའི་ཚུལ་ཁྲིམས་ནི། དཔེར་ན་གཞོན་ནུ་དཔལ་མཐུའི་སྔོན་གྱི་ཚུལ་ལྟ་བུའོ། །བཟོད་པ་ནི། དཔེར་ན་རྒྱལ་པོ་བསོད་ནམས་རྒྱ་ཆེན་གྱིས་བདག་འབའ་ཞིག་བདེ་བར་མ་གྱུར་ཅིག་།བདག་ཀྱང་བདེ་བར་གྱུར་ལ་གང་གཞན་ཡང་བདེ་བར་གྱུར་ཅིག། ཅེས་གང་སྨྲས་པ་ལྟ་བུ་གང་ཡིན་པ་དེ་ནི་བཟོད་པའོ། །གཟུངས་རབ་ཏུ་ཐོབ་པར་འགྱུར་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་རྣམས་ཀྱི་རྣམ་པར་སྨིན་པ་བདེ་བར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ཕྱིར་མི་ལྡོག་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དགའ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་དག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མངོན་པར་ཞེན་པ་མེད་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཤིན་ཏུ་སྦྱངས་བ་བྱང་ཆུབ་ཀྱི་ཡན་ལག་སྒྲུབ་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། 88b །ལུས་ལ་མི་ལྟ་བ་དང ། སྲོག་ལ་མི་ལྟ་བའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་རྣམ་པར་འབྱེད་པ་བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྟོག་པ་མེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །བྱང་ཆུབ་སྒྲུབ་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་དག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་པའི་ཆོས་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣམ་པར་སྨིན་པ་འདུས་མ་བྱས་དང ། ལམ་བདེ་བ་སྒྲུབ་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལམ་ལ་ཞུགས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བྱང་ཆུབ་ལ་ཐེ་ཙོམ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །མཐོང་བའི་ཆོས་ལ་བདེ་བ་སྒྲུབ་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །འགོག་པའི་སྙོམས་པར་འཇུག་པ་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །དྲན་པ་ཉེ་བར་གཞག་པ་ཡོངས་སུ་སྦྱང་བ་བྱས་ཤིང ། བདེན་པ་ཡོངས་སུ་གཟུང་བ་བྱ་བ་བྱས་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཇིག་རྟེན་པའི་ཆོས་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྐྱེ་བ་བཀོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐྱེས་པ་ཙམ་ 89a ༄#། །གྱིས་སྟོང་གསུམ་དུ་སྦྱིན་པ་སྦྱིན་པར་བྱེད་པ་གང་ཡིན་པ་དེ་ནི་སྦྱིན་པའོ། །སྐྱེས་པ་ཙམ་གྱིས་སེམས་ཅན་ཐམས་ཅད་བདེ་བར་གྱུར་པ་གང་ཡིན་པ་དེ་ནི་ཚུལ་ཁྲིམས་སོ། །སྐྱེས་པ་ཙམ་གྱིས་སེམས་ཅན་གནོད་སེམས་ཅན་རྣམས་གནོད་པ་མི་བྱེད་པ་གང་ཡིན་པ་དེ་ནི་བཟོད་པའོ། །སྐྱེས་པ་ཙམ་གྱིས་སེམས་ཅན་སྟོང་ཕྲག་རྣམས་མྱ་ངན་ལས་འདས་པ་ལ་བརྩོན་པ་ནི། དཔེར་ན་འོད་སྲུང་དང་པོར་རབ་ཏུ་བྱུང་བ་གང་ཡིན་པ་དེ་ནི་བརྩོན་འགྲུས་སོ། །སྐྱེས་པ་ཙམ་གྱིས་སེམས་ཅན་རྣམས་དྲན་པ་ཐོབ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྐྱེས་པ་ཙམ་གྱིས་སེམས་ཅན་དམྱལ་བར་གྱུར་པ་ཆོས་བརྗོད་པ་རྣམས་ཐ་ན་ཀུན་ཏུ་བརྗོད་ཅིང་མངོན་པར་བརྗོད་པའི་ཤེས་རབ་སྟེ། འདི་དག་ནི་སྐྱེ་བ་བཀོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིགས་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཁོར་གྱི་ལོངས་སྤྱོད་ཆེན་པོའི་སྦྱིན་པ་གང་ཡིན་པ་དེ་ནི་སྦྱིན་པའོ། །འཁོར་ཁ་ན་མ་ཐོ་བ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །འཁོར་གཅིག་ལ་གཅིག་མངོན་པར་དགའ་བའི་བཟོད་པ་གང་ཡིན་པ་དེ་ནི་བཟོད་པའོ། །འཁོར་མ་བཏང་བར་རང་གི་བྱ་བ་རྣམས་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་ 89b འགྲུས་སོ། །ལེགས་པར་བསམ་པ་སེམས་ཤིང་འཁོར་དུལ་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཁོར་ཐམས་ཅད་ཀྱི་ཤེས་རབ་གང་ཡིན་པ་དེ་ནི། ཤེས་རབ་སྟེ།་འདི་དག་ནི་རིགས་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་ཕུན་སུམ་ཚོགས་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདུས་པ་ཆེན་པོ་དག་ལ་ལོ་ལྔའི་བར་དུ་ཡང་དག་པར་ལེན་དུ་འཇུག་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སྐྱེ་བོ་མང་པོའི་འབྱོར་བ་སྐྱོ་བ་མེད་པའི་ཚུལ་ཁྲིམས་ནི། དཔེར་ན་ཀུན་ཏུ་རྒྱུ་རྟོགས་བྱེད་ཀྱི་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་མང་པོའི་ཕྱིར་བཟོད་པ་ནི། དཔེར་ན་ནོར་ལྔ་བྲེ་གང་གི་ཕྱིར་རྒྱ་མཚོ་ཆེན་པོར་ཆུ་སྲིན་མ་ཀ་རའི་ཁར་ཞུགས་པ་དང ། ཡང་དཔེར་ན། ནོར་ལྔ་བྲེ་གང་གི་ཕྱིར་ཁྲོན་པར་སོང་བ་གང་ཡིན་པ་དེ་ནི་བཟོད་པའོ། །སྐྱེ་བོ་མང་པོ་ལ་བསྐྱབ་པའི་ཕྱིར་བརྩོན་པ་ནི། དཔེར་ན་ནོར་བུའི་ཕྱིར་རྒྱ་མཚོ་ཆེན་པོ་སྐམ་པར་བརྩམས་པ་གང་ཡིན་པ་དེ་ལྟ་བུ་སྟེ། དེ་ནི་བརྩོན་འགྲུས་སོ། །མུ་སྟེགས་བྱེད་རྩིབས་ཀྱི་མུ་ཁྱུད་ཀྱི་བསམ་གཏན་སེམས་ཅན་ལ་ཕན་པ་དང་ལྡན་པ་གང་ཡིན་པ་དེ་ནི་བསམ་གཏན་ནོ། །སྐྱེ་བོ་མང་པོ་ལ་ཕན་པའི་ཕྱིར་བརྩོན་པའི་ཤེས་རབ་ནི། དཔེར་ན་རི་དྭགས་ཀྱི་རྒྱལ་པོ་བློ་བཟང་གྱིས་རི་དྭགས་ལྔ་བརྒྱ་རྒྱར་ཆུད་པ་ 90a ༄#། །པ་རྣམས་གཞན་རི་བོང་དང་ལྷན་ཅིག་ཏུ་ཐར་པར་བྱས་ནས་འབྲོས་སུ་བཏང་བ་དང ། ཛམྦུའི་གླིང་པའི་སེམས་ཅན་ཐམས་ཅད་དགེ་བ་བཅུའི་ལས་ཀྱི་ལམ་དག་ལ་བཀོད་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཁོར་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྲ་མའི་ཚིག་སྤངས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །བྱམས་པ་ལ་དམིགས་པ་ཐོགས་པ་མེད་པའི་སེམས་ཀྱི་ཚུལ་ཁྲིམས་ཀྱི་གོ་བགོས་པ་གང་ཡིན་པ་དེ་ནི་ཚུལ་ཁྲིམས་སོ། །སེམས་མཉམ་པའི་བཟོད་པ་གང་ཡིན་པ་དེ་ནི་བཟོད་པའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ཟང་ཟིང་མེད་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །གཟུངས་རབ་ཏུ་ཐོབ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རྣམ་པར་གྲོལ་བས་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཡོངས་སུ་དག་པ་བསྐྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ནད་པ་མགོན་མེད་པ་རྣམས་ལ་གསོས་སྦྱིན་པ་གང་ཡིན་པ་དེ་ནི་སྦྱིན་པའོ། །སྡུག་བསྔལ་ 90b གྱིས་ཉམ་ཐག་པ་རྣམས་ཡོངས་སུ་སྐྱོབ་པ་གང་ཡིན་པ་དེ་ནི་ཚུལ་ཁྲིམས་སོ། །བླ་མས་སྤྱོ་བ་བཟོད་ཅིང་མི་ཁྲོ་བ་གང་ཡིན་པ་དེ་ནི་བཟོད་པའོ། །མངལ་ན་ཀུན་ཏུ་རྨོངས་པ་གསོ་བར་བྱེད་པ་དང ། བསྟན་པ་ལས་མངོན་པར་འཕགས་པ་རྣམས་ལ་སྟོན་པ་དང ། དགེ་སློང་མ་རྣམས་ལ་རྗེས་སུ་སྲུང་བའི་བརྩོན་འགྲོས་གང་ཡིན་པ་དེ་ནི་བརྩོན་འགྲུས་སོ། །གཞན་ལ་ཕན་པའི་ཕྱིར་མ་ལ་བསྙེན་བཀུར་བྱེད་པ་གང་ཡིན་པ་དེ་ནི་བསམ་གཏན་ནོ། །སྐྱེ་བ་མང་པོའི་འགྱོད་པ་སེལ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་ཡོངས་སུ་དག་པ་བསྐྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱོགས་རྣམ་པར་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐོགས་པ་མེད་པར་མིག་སྦྱིན་པ་གང་ཡིན་པ་དེ་ནི་སྦྱིན་པའོ། །སྒྲིབ་པ་མེད་པའི་སེམས་ཀྱི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བསམ་པ་ངེས་པའི་བཟོད་པ་གང་ཡིན་པ་དེ་ནི་བཟོད་པའོ། །སྐྱོ་བ་མེད་པའི་མངོན་པར་ཤེས་པ་མ་བསྒྲུབས་པ་སྒྲུབ་པ་གང་ཡིན་པ་དེ་ནི་བརྩོན་འགྲུས་སོ། །ལྷའི་མིག་གི་ཕྱིར་ཡོངས་སུ་སྦྱང་བ་བྱས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྒྲ་དང་བརྡ་རབ་ཏུ་རྟོགས་པར་བྱེད་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཕྱོགས་རྣམ་པར་ལྟ་བའི་ 91a ༄#། །ཕ་རོལ་ཏུ་ཕྱིན་པ་དྲུག་གོ་།དེ་ལ་ཡོངས་སུ་ཤེས་པ་སྒྲོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་རྣམ་པར་སྨིན་པ་སེམས་ཅན་རྣམས་ལ་ཡོངས་སུ་བསྔོས་ཤིང ། གཞན་ལ་ཕན་པའི་རྣམ་པར་སྨིན་པ་གང་ཡིན་པ་དེ་ནི་སྦྱིན་པའོ། །བག་ཆགས་ཀྱི་མཚམས་སྦྱོར་བ་དང་བྲལ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སྙིང་རྗེ་མེད་པ་མ་ཡིན་པ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཟིལ་གྱིས་ནོན་པ་མེད་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཆད་མེད་པས་ཡོངས་སུ་བཟུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ངེས་པར་འབྱེད་པའི་ཆ་དང་མཐུན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཡོངས་སུ་ཤེས་པ་སྒྲོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བག་ཡོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཏུ་ཡོངས་སུ་བསྔོས་པའི་སྦྱིན་པ་ནི། དཔེར་ན་བློན་པོ་ས་གའི་ལྟ་བུ་གང་ཡིན་པ་དེ་ནི་སྦྱིན་པའོ། །གནད་བཅད་པ་ལ་གནས་ཀྱང་ལས་ལ་རྟོན་པའི་ཚུལ་ཁྲིམས་ནི། དཔེར་ན་རྔོན་པ་དཔའ་རྟོགས་ཀྱིས་སེངྒེའི་གནད་དུ་བསྣུན་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །ལེགས་པར་གསུངས་པའི་དོན་དུ་མེའི་ཕུང་པོར་མཆོངས་པའི་བཟོད་པ་གང་ཡིན་ 91b པ་དེ་ནི་བཟོད་པའོ། །འདུས་བྱས་ལ་འབར་བར་མཐོང་ཞིང་མྱ་ངན་ལས་འདས་པའི་བསམ་པ་ཅན་གྱི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྒྱལ་སྲིད་ཐམས་ཅད་སྤངས་ཏེ་གཅིག་བུར་རི་ལ་ཉོན་མོངས་པ་ཅན་མ་ཡིན་པར་གནས་ཤིང་གྲགས་པ་དང་འཁོར་མང་པོར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རོ་མྱང་བ་མེད་པའི་ཤེས་རབ་གང་ཡིན་པ་དེ་ནི། དཔེར་ན་རྒྱལ་པོའི་བུ་མཉམ་སེམས་ཀྱིས་རྒྱལ་སྲིད་བཏང་ནས་ཁ་ན་མ་ཐོ་བ་མེད་པའི་ལས་ཇི་སྙེད་པ་དག་གང་ཡིན་སྙམ་ནས་དྲི་མ་དང་བྲལ་བར་གྱུར་པ་གང་ཡིན་པ་དེ་ནི་ཤེས་རབ་སྟེ། འདི་དག་ནི་བག་ཡོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྫི་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལེན་པ་མང་པོ་རྣམས་ལ་ཐོགས་པ་མེད་པའི་སེམས་ཀྱིས་སྦྱིན་པ་གང་ཡིན་པ་དེ་ནི་སྦྱིན་པའོ། །གཡོ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བསྒོམས་པ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་མཉམ་པ་ཉིད་ལ་གནས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཕྱིར་མི་ལྡོག་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཆོས་ཐམས་ཅད་རྣམ་པར་འཇོག་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྫི་བ་མེད་པའི་ཕ་རོལ་ཏུ་ 92a ༄#། །ཕྱིན་པ་དྲུག་གོ་།དེ་ལ་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡི་དྭགས་ཀྱི་འཇིག་རྟེན་ལ་དམིགས་ཤིང་གང་སེམས་ཅན་སྡུག་བསྔལ་བ་མཐོང་ན་སྦྱིན་པ་གང་ཡིན་པ་དེ་ནི་སྦྱིན་པའོ། །དུད་འགྲོའི་གནས་སུ་ཕྱིན་ནས་སེམས་ཅན་སྡུག་བསྔལ་བ་མཐོང་ན་ཡིད་བྱུང་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམིགས་པ་མེད་པ་ཐོས་པ་དང ། རེག་པར་དཀའ་བ་མཐོང་ན་བཟོད་པ་གང་ཡིན་པ་དེ་ནི་བཟོད་པའོ། །ལོག་པ་སྤོང་བའི་རབ་ཏུ་དབྱེ་བ་ལ་ཡིད་བྱུང་བའི་བརྩོན་འགྲུས་ནི། དཔེར་ན་ཀུན་ལས་བུད་མེད་སྤངས་པ་ལྟ་བུ་གང་ཡིན་པའོ། །ཐར་པ་ལ་དམིགས་པའི་བསམ་གཏན་ནི། དཔེར་ན་ཤིང་ཛམྦུའི་གྲིབ་མ་ལྟ་བུ་གང་ཡིན་པ་དེ་ནི་བསམ་གཏན་ནོ། །འཁོར་བའི་སྐྱོན་རབ་ཏུ་ཞི་བར་བྱེད་པའི་ཤེས་རབ་ནི། དཔེར་ན་རྒྱལ་པོ་རབ་ཏུ་འབྱུང་བའི་ཕྱིར་ཁྱིམ་ནས་བྱུང་བ་དང ། དཔེར་ན་སྤུ་ཟིང་ཞེས་བྱེད་པའི་ཤེས་རབ་ཡོངས་སུ་དཀར་བའི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབང་ཆེ་བར་གྲགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྙིང་རྗེ་མེད་པ་མ་ཡིན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལྷག་པའི་ང་རྒྱལ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ 92b སོ། །མ་ཞུམ་པའི་བཟོད་པ་གང་ཡིན་པ་དེ་ནི་བཟོད་པའོ། །བླ་མ་ལ་བསྙེན་བཀུར་བྱས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཡོངས་སུ་སྨིན་པར་བྱ་བའི་བསམ་གཏན་ནི། དཔེར་ན་རྒྱལ་པོའི་བུ་མེ་ཏོག་ལྟ་བུའི་གང་ཡིན་པ་དེ་ནི་བསམ་གཏན་ནོ། །རབ་ཏུ་བྱུང་བ་གང་གི་ཡན་ལག་དང་ཉིང་ལག་གཏུབས་ཀྱང་ནམ་ཡང་ཉམས་པར་མ་གྱུར་བའི་ཤེས་རབ་དོན་དམ་པ་དང་ལྡན་པ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དབང་ཆེ་བར་གྲགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསྐུལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་ལེན་དུ་འཇུག་ཅིང་སྤྲོས་པ་དང་བཅས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཕན་པའི་དངོས་པོ་དང་ལྡན་ཞིང་ལེགས་པར་སྦྱིན་པ་བསྐུལ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དུལ་བའི་གནས་སུ་གདམས་ངག་རྗེས་སུ་སྟོན་པའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་མཉན་པ་དང་བསྒྲགས་པ་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཡང་དག་པར་ལེན་དུ་འཇུག་པའི་བསམ་གཏན་ནི། དཔེར་ན་འཁོར་ལོས་བསྒྱུར་བའི་རྒྱལ་པོ་མིག་བཟང་ཀྱི་ལྟ་བུ་གང་ཡིན་པའོ། །ཐེ་ཙོམ་ཅན་གྱི་ཐེ་ཙོམ་གཅོད་ཅིང་དོར་བར་འདོང་པ་རྣམས་ལ་ཆོས་བསྟན་པའི་ཕྱིར་རྗེས་སུ་སྲུང་ལ་རབ་ཏུ་འཇོག་པ་བཏང་སྙོམས་ 93a ༄#། །ཅན་གྱི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་བསྐུལ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་བརྗེད་ངེས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཁ་ཏོན་དང་ལྡན་པ་རྣམས་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །དཀོན་མཆོག་གསུམ་ལ་མི་ཕྱེད་པ་ཐོབ་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཐོས་པའི་ཕྱིར་བཟོད་ཅིང་ལུས་ཀྱི་སྡུག་བསྔལ་བཟོད་པ་ནི། དཔེར་ན་བགོ་བ་ངེས་པའི་ཡན་ལག་བཅད་པ་ལྟ་བུ་གང་ཡིན་པ་དེ་ནི་བཟོད་པའོ། །མན་ངག་དང་ཁ་ཏོན་བྱ་བའི་བརྩོན་འགྲུས་གཞན་ལ་རྗེས་སུ་སྲུང་བ་གང་ཡིན་པ་དེ་ནི་བརྩོན་།འགྲུས་སོ། །བསམ་གཏན་པས་དུས་སུ་ཡང་དག་པར་ལེན་དུ་འཇུག་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རྙེད་པ་དང ། བཀུར་སྟི་ལ་མི་རྟོག་པའི་སྤྱོད་ལམ་ལ་གནས་ནས་ཆོས་སྦྱིན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་བརྗེད་ངས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཞབས་ཤིན་ཏུ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞབས་ས་ལ་འཇོག་པ་ན་སྙོམས་པ་དང ། འདེགས་པ་ན་སྙོམས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །བདེ་བར་གནས་པ་གང་ཡིན་པ་དེ་ 93b ནི་ཚུལ་ཁྲིམས་ཀྱི་རྣམ་པར་སྨིན་པའོ། །གཞན་གྱིས་ཉམས་པར་བྱར་མི་ནུས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །འཁྲུལ་པ་མེད་པར་གནས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། ཞབས་རེག་པས་སེམས་ཅན་བདེ་བར་འགྱུར་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གོ་ཆས་ཇི་ལྟར་འདོད་པ་བཞིན་སྐྱེ་བར་འགྱུར་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་ཞབས་ཤིན་ཏུ་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་ལོ་རྩིབས་སྟོང་དང་ལྡན་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཁོར་ལོས་སྤྲས་པ་སྒྲུབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྩིབས་ཕན་ཚུན་མ་འདྲེས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །འདོད་ཆགས་ཀྱི་དབང་གིས་མི་གོས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །བུམ་པ་ལྟ་བུ་དང ། བཀྲ་ཤིས་དང ། གཡུང་དྲུང་འཁྱིལ་བས་བརྒྱན་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །འཁོར་ལོའི་འོད་འགྱེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །འོད་སྣ་ཚོགས་གཏོང་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་འཁོར་ལོ་རྩིབས་ཏོང་དང་ལྡན་པ་སྒྲུབ་པར་བྱེད་པའི་ 94a ༄#། །ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་རྟིང་པ་ཡངས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྟིང་པ་ཡངས་ཤིང་ཤིན་ཏུ་སྲབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྟིང་པ་ཡངས་པ་ཟླུམ་ཞིང་ཤིན་ཏུ་མཁྲེགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །རྟིང་པ་ཡངས་ཤིང་ཡོངས་སུ་རྫོགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །རྟིང་པ་ཡངས་ཤིང་སྟབས་ལེགས་པར་བཞུད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། ། རྟིང་པ་ཡངས་ཤིང་མདོག་སྣུམ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །རྟིང་པ་ཡངས་ཤིང་ལེགས་པར་གྲུབ་ལ་མཁྲང་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་རྟིང་པ་ཡངས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཞབས་ལོང་བུའི་ཚིགས་མི་མངོན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞབས་ལོང་བུའི་ཚིགས་མི་མངོན་ཤིང་ཤིན་ཏུ་མཁྲེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞབས་ལོང་བུའི་ཚིགས་མི་མངོན་པ་ཆུ་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། ཞབས་ལོང་བུའི་ཚིགས་མི་མངོན་ཞིང་འཇམ་ལ་མདངས་དང་ལྡན་པ་གང་ཡིན་པ་དེ་ནི་བཟོད་པའི་ 94b རྣམ་པར་སྨིན་པའོ། །ཞབས་ལོང་བུའི་ཚིགས་མི་མངོན་ཞིང་མཐོན་དམན་མེད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཞབས་ལོང་བུའི་ཚིགས་མི་མངོན་ཞིང་ཡངས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཞབས་ལོ་བུའི་ཚིགས་མི་མངོན་ཞིང་སྤ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཞབས་ལོང་བུའི་ཚིགས་མི་མངོན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སོར་མོ་རིང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སོར་མོ་རིང་ལ་མི་མཉམ་པ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སོར་མོ་རིང་ལ་ཤིན་ཏུ་འབྲེལ་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སོར་མོ་རིང་ཞིང་སྣུམ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སོར་མོ་རིང་ལ་རིམས་གྱིས་གཞོལ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །སོར་མོ་རིང་ལ་སེན་མོ་ཟངས་ཀྱི་མདོག་ལྟ་བུ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སོར་མོ་རིང་ལ་ཚིགས་མི་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སོར་མོ་རིང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཕྱག་དང་ཞབས་དྲ་བ་ཅན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྱག་དང་ 95a ༄#། །ཞབས་དྲ་བ་ཅན་ཚང་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཤིན་ཏུ་གནས་ཤིང་མཉམ་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་མི་རྩུབ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་གསེར་གྱི་མདོག་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་ཤིན་ཏུ་མཁྲེགས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་སྤ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཕྱག་དང་ཞབས་དྲ་བ་ཅན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་བྱིན་པ་རི་དྭགས་ཨེ་ན་ཡའི་ལྟ་བུའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལེགས་པར་སྐྱེས་པ་ཡོངས་སུ་རྫོགས་ཤིང་རིམ་གྱིས་པ་གཞོལ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །འཇམ་ཞིང་མི་མངོན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཤིན་ཏུ་སྤྲས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། ། གཤེགས་པར་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཀུན་ནས་ཤིན་ཏུ་རྣམ་པར་ཕྱེ་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཁ་ 95b དོག་སྣང་བ་མཐོང་ན་དགའ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་བྱིན་པ་རི་དྭགས་ཨེ་ན་ཡའི་ལྟ་བུའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་གསང་བའི་སྦུབས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གསང་བའི་སྦུབས་ཁ་དོག་མཛེས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཤིན་ཏུ་སྦས་པ་གང་ཡིན་པ་དེ་ནི་ཚུལ་ཁྲིམས་ཀྱིས་རྣམ་པར་སྨིན་པའོ། །ཚེམས་ཚང་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཕྱག་གི་རི་མོ་སྙོམས་ཤིང་ཤིན་ཏུ་ལེགས་པར་གྱུར་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མི་འཇིགས་པ་སྦྱིན་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གཞན་བལྟ་བའི་ཕྱིར་སྤྲུལ་པ་ཉེ་བར་སྒྲུབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་གསང་བའི་སྦུབས་ཀྱི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་ལྟེ་བ་ཟབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟབ་ཅིང་རིམ་པར་འཚམ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ལྟེ་བ་གཟི་བྱིན་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཟབ་ཅིང་མདངས་ཡོད་པ་གང་ཡིན་པ་དེ་ནི་བཟོད་པའི་རྣམ་པར་སྨིན་ 96a ༄#། །པའོ། །ལྟེ་བ་ཡངས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ལྟེ་བ་རྒྱས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། ། ལྟེ་བ་མ་ཞུམ་ཞིང་སྦ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ལྟེ་བ་ཟབ་པའི་ཕ་རོལ་ཏུ་ཕྱིན་པ་དྲུག་གོ ། འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་དྲུག་པ། །དེ་ལ་རྣམ་པར་སྨིན་པ་སྤུ་རེ་རེའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐུའི་སྤུ་གྱེན་དུ་ཕྱོགས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མདོག་མཐོན་མཐིང་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སྣུམ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཁ་དོག་མཛེས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །གཡས་སུ་འཁྱིལ་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཕན་ཚུན་མ་འཛིངས་ཤིང་མི་འགྲེང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྤུ་རེ་རེའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་གསེར་གྱི་མདོག་ཅན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གསེར་མདོག་གསེར་གྱི་ཁ་དོག་ཅན་གང་ཡིན་པ་དེ་ནི་ 96b སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གསེར་གྱི་མདོག་ཅན་མདངས་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །གསེར་གྱི་མདོག་ཅན་སྐྱོན་མེད་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །གསེར་གྱི་མདོག་ཅན་བལྟར་རུང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །གསེར་གྱི་མདོག་ཅན་དྲི་མ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གསེར་གྱི་མདོག་ཅན་འོད་རྒྱ་ཆེ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་གསེར་གྱི་མདོག་ཅན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སྐུ་རོ་སྟོད་སེངྒེ་འདྲ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐུ་རིམ་པར་འཚམ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སྐུ་རོ་སྟོད་ལེགས་པར་འབྲེལ་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སྐུ་རོ་སྟོད་མཁྲེགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སྐུ་རོ་སྟོད་བལྟ་ན་བཟང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །སྐུ་རོ་སྟོད་ཤིན་ཏུ་ཡངས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སྐུ་རོ་སྟོད་སེངྒེའི་ལྟ་བུ་མི་ཤིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། །འདི་དག་ནི་རྣམ་པར་ 97a ༄#། །སྨིན་པ་སྐུ་རོ་སྟོད་སེངྒེ་དྲ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་བདུན་མཐོ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདུན་མཐོ་བ་ཡོངས་སུ་རྫོགས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མཐོ་བ་བཀྲ་ཤིས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །མཐོང་ན་ཡིད་དགའ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མཐོ་བ་སྙོམས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མཐོ་ཞིང་མ་ཞུམ་ལ་མཛེས་པ་གང་ཡིན་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །འཇམ་ཞིང་སྣུམ་ལ་དང་ཞིང་གསལ་བ་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་བདུན་མཐོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཕྱག་རིང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདུག་སྤོས་ཀྱི་སྦྱིན་པ་དང་གཏོང་བའི་སྦྱིན་པས་ཕྱག་རིང་བ་མ་བཅད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མི་མཐོ་ཞིང་གནས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཚིགས་སྲ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །རིམ་གྱིས་གཞོལ་ཞིང་རིང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། ། 97b ཕྱག་སྟོབས་ལ་ཕ་རོལ་གནོད་པས་བསྐྱོད་དུ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མཐོང་ན་མདངས་དང་ལྡན་ཞིང་འདོད་པར་འགྱུར་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཕྱག་རིང་བའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་སྐུ་འཁྲིལ་བག་ཆགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤིན་ཏུ་འཁྲིལ་བག་ཆགས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གཡོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཕྱོགས་ཤིན་ཏུ་རྣམ་པར་འབྱེས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སྐུ་རིམ་པར་འཚམ་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཚིགས་མི་མངོན་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །བལྟ་ན་སྡུག་ཅིང་སེམས་ཅན་ཐམས་ཅད་དགའ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྐུ་འཁྲིལ་བག་ཆགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་མགུར་དུང་ལྟ་བུའི་ཕ་རོལ་ཏུ་ཕྱིན་པ་དྲུག་གང་ཞེ་ན། དུང་ལྟར་བྱིན་གྱིས་ཟླུམ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཤིན་ཏུ་གནས་ 98a ༄#། །པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །རྩེའུ་ཆུང་མི་མངོན་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ལེགས་པར་གྲུབ་ཅིང་སྙོམས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཤིན་ཏུ་གཞོན་ཤ་ཆགས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གཅད་དུ་མེད་ཅིང་དབྱེར་མེད་ལ་མི་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་མགུར་དུང་ལྟ་བུའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སྒྲོས་བིམྤ་ལྟར་དམར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྒྲོས་བིམྤ་ལྟར་དམར་ཞིང་འཛུམ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྒྲོས་བིམྤ་ལྟར་དམར་ཞིང་ལེགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ལྟག་འོག་ལེགས་པར་འབྱོར་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །གསུང་བ་དང་མི་གསུང་བར་གྱུར་པ་ན་རྟག་ཏུ་བལྟ་ན་ཡིད་དུ་འོང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །བྱུ་རུ་ལྟར་སྣང་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །བལྟ་ན་བརྟག་ཏུ་རུང་ཞིང་ལྟ་བས་མི་ངོམས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྒྲོས་བིམྤ་ལྟར་ 98b དམར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཚེམས་མཆེ་བ་དཀར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤིན་ཏུ་དཀར་བ་གང་ཡིན་པ་དེ་ནི་གོས་དཀར་པོ་སྦྱིན་པའི་རྣམ་པར་སྨིན་པའོ། །དཀར་ཞིང་མདངས་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །བར་གྱི་དྲི་མ་བསལ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཚེམས་དཀར་ཞིང་མཁྲེགས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །དྲི་ཞིམ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཡིད་དུ་འོང་ཞིང་མདངས་དང་ལྡན་ལ་འོད་གསལ་བ་བལྟ་བས་མི་ངོམས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཚེམས་མཆེ་བ་དཀར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚེམས་མཉམ་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེམས་སྟག་འོག་མཉམ་གང་ཡིན་པ་དེ་ནི་སེམས་མཉམ་པས་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཚེམས་སྟག་འོག་ཕྱིར་མ་གྱེད་ཅིང་ལེགས་པར་གྲུབ་པ་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཀུན་ནས་ཐགས་བཟང་བ་གང་ཡིན་པ་དེ་ནི་བཟོད་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཚེམས་ཟླུམ་པ་གང་ཡིན་པ་དེ་ནི་བརྩོན་འགྲུས་ 99a ༄#། །ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མ་གྲུགས་ཤིང་ཆུ་སྒོ་མ་དོད་ལ་སྲ་བ་གང་ཡིན་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །འོག་མའང་ལྟག་མ་དང་འཚམ་ལ་ལྟག་མའང་འོག་མ་དང་འཚམ་པ། མཚམས་ཐད་ཀར་འབྱོར་བ་བལྟ་ན་སྡུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཚེམས་མཉམ་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚེམས་བཞི་བཅུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེམས་བཞི་བཅུ་ཚང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཚེམས་ཐགས་བཟང་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཚེམས་མ་གཙིགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཚེམས་རྣོ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཚེམས་ལེགས་པར་གྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཚེམས་ཤིན་ཏུ་བརྟན་ཞིང་ཡིད་དུ་འོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཚེམས་ཞི་བཅུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྗགས་རིང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྙན་གྱི་བུ་ག་རྒྱ་ཆེར་འགེབས་པ་གང་ཡིན་པ་དེ་ནི་སྦྱིན་པའི་རྣམ་པར་ 99b སྨིན་པའོ། །ལྗགས་དྲི་མས་མ་སྤགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ལྗགས་རྐན་ལ་གཞར་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ལྗགས་ཤིན་ཏུ་རྒྱ་ཆེ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མཚན་དང་ལྡན་པར་གྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །དེ་པདྨ་འདབ་མ་བརྒྱ་པའི་ཁ་དོག་ཏུ་ལེགས་པར་གནས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྗགས་རིང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཚངས་པའི་དབྱངས་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབྱངས་གསང་མཐོ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །དགའ་བར་འགྱུར་བའི་དབྱངས་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །དབྱངས་སྣ་ཚོགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །དབྱངས་ཟིལ་གྱིས་མི་ནོན་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །དབྱངས་རྒྱུན་ཆད་པ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སྒྲ་དང་བརྡའ་ཐམས་ཅད་ལ་དབྱངས་སྙན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་ཚངས་པའི་དབྱངས་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།གཞན་ཡང་ 100a ༄#། །ལུས་དང་སེམས་བདེ་བར་བྱེད་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྣར་སྙན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྙིང་ལ་སིམ་པར་བྱེད་པ་གང་ཡིན་པ་དེ་ནི་བཟོད་པའི་འོ། །འཁོར་ཐམས་ཅད་མི་འདོར་བར་གོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བྱ་ཀ་ལ་པིངྐའི་སྒྲ་ལྟ་བུའི་དབྱངས་གང་ཡིན་པ་དེ་ནི་བསམ་གཏན་གྱིའོ། །ཐེ་ཚོམ་གཅོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཚངས་པའི་དབྱངས་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཚན་རོ་བྲོ་བའི་མཆོག་དང་ལྡན་པར་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞལ་ཟས་ཐམས་ཅད་ཐུགས་སུ་བྱོན་ཅིང་རོ་བྲོ་བའི་མཆོག་དང་ལྡན་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞལ་ཟས་གསོལ་ནས་བདེ་བར་འཇུ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཞལ་ཟས་མཛེས་པར་གསོལ་བ་གང་ཡིན་པ་དེ་ནི་བཟོད་པའི་འོ། །ཞལ་ཟས་མང་ཉུང་འདྲ་བར་འཇུ་ཞིན་ཁམས་འཁྲུག་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཟི་བྱིན་དང་ལྡན་པ་གང་ཡིན་པ་དེ་ནི་བསམ་གཏན་གྱིའོ། །མྱུར་དུ་སྡང་བར་རུང་ལ་ཧ་ཅང་ཡང་མི་གྲང་ཧ་ཅང་ཡང་མི་ཚ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ 100b ནི་རོ་བྲོ་བའི་མཆོག་དང་ལྡན་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་འགྲམ་པ་སེངྒེའི་ལྟ་བུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འགྲམ་པ་སེངྒེའི་ལྟ་བུ་རྒྱས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །འགྲམ་པ་སེངྒེའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །འགྲམ་པ་སེངྒེའི་ལྟ་བུ་ལེགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མཐོང་ན་དབང་ཆེ་བར་གྲགས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཐམས་ཅད་དུ་མ་ཉམས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མདོག་འཇམ་ཞིང་ལྟན་སྡུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་འགྲམ་པ་སེངྒེའི་ལྟ་བུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཞལ་སྲོག་ཆགས་གོ་བའི་མདོག་ལྟ་བུ་བསྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞལ་སྲོག་ཆགས་གོ་བའི་མདོག་འདྲ་ཞིང་མཁྲེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞལ་སྲོག་ཆགས་གོ་བའི་མདོག་འདྲ་བར་ཤིན་ཏུ་ངེས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཞལ་སྲོག་ཆགས་གོ་བའི་མདོག་ལྟ་བུར་སྤ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཞལ་གཉེར་མ་མེད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་ 101a ༄#། །པར་སྨིན་པའོ། །ཞལ་སྙོམས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཟླ་བ་དང་ཉི་མའི་འོད་ལྟ་བུར་ཐམས་ཅད་ཀྱིས་ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་ཞལ་སྲོག་ཆགས་གོ་བའི་མདོག་ལྟ་བུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་སྤྱན་མཐོན་ཏིང་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགའ་བར་འགྱུར་བའི་སྤྱན་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སྤྱན་གྱི་དཀྱུས་རིང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྤྱན་ལེགས་པ་དང་ལྡན་པ་གང་ཡིན་པ་དེ་ནི་བཟོད་པའི་འོ། །སྤྱན་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐག་རིང་པོར་གཟིགས་པ་དང་འབྲེལ་བ་གང་ཡིན་པ་དེ་ནི་བསམ་གཏན་གྱིའོ། །མ་ལུས་པ་གཟིགས་ཤིང་མཐའ་ཡས་པར་གཟིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་པའི་སྤྱན་མཐོན་མཐིང་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཤངས་མཐོ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤངས་མཐོ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཤངས་དཀྱུས་ 101b རིང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཤངས་མདངས་དང་ལྡན་པ་གང་ཡིན་པ་དེ་ནི་བཟོད་པའི་འོ། །ཤངས་ཡིད་དུ་འོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མཐོང་ན་དགའ་ལ་ངོམས་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཡིད་དུ་འཐད་པའི་དྲི་སྣོམ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ།་འདི་དག་ནི་བྱང་ཆུབ་སེམས་དཔའི་ཤངས་མཐོ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་མཛོད་སྤུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མཛོད་སྤུ་དཀར་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །མཛོད་སྤུ་གྱས་སུ་འཁྱིལ་བ་གང་ཡིན་པ་དེ་ནི། ཚུལ་ཁྲིམས་ཀྱིའོ། །མཛོད་སྤུ་སྤ་ཞིང་ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །མཛོད་སྤུ་རིང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཞིན་ཏུ་འཁྱིལ་ཅིང་ལེགས་པར་གནས་པ་གང་ཡིན་པ་དེ་ནི་བསམ་གཏན་གྱིའོ། ། འོད་མཐའ་ཡས་པས་ཁྱབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་མཛོད་སྤུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་དབུ་གཙུག་ཏོར་དང་ལྡན་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མཐོན་མཐིང་འཁྱིལ་བར་གྲུབ་པ་གང་ཡིན་པ་དེ་ནི་སྦྱིན་ 102a ༄#། །པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གཡས་སུ་འཁྱིལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྡུལ་གྱིས་མ་གོས་པ་གང་ཡིན་པ་དེ་ནི་བཟོད་པའི་འོ། །སྤྱི་གཙུག་བལྟར་མི་མངོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྟག་ཏུ་བལྟ་བར་བྱ་བ་གང་ཡིན་པ་དེ་ནི་བསམ་གཏན་གྱིའོ། །ཆར་དང་རླུང་གིས་མི་ཤིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་དབུ་གཙུག་ཏོར་དང་ལྡན་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་མངོན་པར་འབྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བར་ཆད་མེད་པར་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་བའི་རྣམ་པར་སྨིན་པའོ། །ཤིན་ཏུ་དུལ་བར་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷ་མཐའ་ཡས་པ་དག་ཉེ་བར་འོང་བ་གང་ཡིན་པ་དེ་ནི་བཟོད་པའི་འོ། །གནོད་སྦྱིན་དག་གིས་སྒོམ་མདངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ནམ་མཁའ་ལ་སྤྱན་དྲངས་པ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བོ་མཛའ་བ་ཐམས་ཅད་ལ་མི་ལྟ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་མངོན་པར་འབྱུང་བའི་ཕ་རོལ་ 102b ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་དུས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚལ་མེ་ཏོག་རྒྱས་པའི་དུས་སུ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། ། དུས་ཚིགས་ཀྱི་མཆོག་ཏུ་ཕྱིན་པའི་ཚེག་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུ་སྐར་བཟང་པོ་དང་ལྡན་པ་གང་ཡིན་པ་དེ་ནི་བཟོད་པའི་འོ། །སྙོམས་པར་གཤེགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ངན་སོང་ཐམས་ཅད་རབ་ཏུ་ཞི་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ངན་སོང་དུ་སོང་བའི་སེམས་ཅན་ཐམས་ཅད་སྣང་བར་བྱས་ནས་གཅིག་ལ་གཅིག་སྨྲ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། །འདི་དག་ནི་དུས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དུས་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཉིད་ལོག་པ་ན་ཐུན་ཐ་མ་ལ་བྱུང་སྟེ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །བདག་ཉིད་རབ་ཏུ་བྱུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུན་པ་ཅན་བཀའ་སྩལ་ཏེ་བཏང་པ་གང་ཡིན་པ་དེ་ནི་བཟོད་པའི་འོ། རབ་ཏུ་བྱུང་བ་ལ་བརྟེན་ནས་ཡུལ་ཀ་ཤི་ཀའི་ན་བཟའ་སྤངས་ཏེ་ཆོས་གོས་བཞེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་རེག་པར་མཛད་པ་གང་ཡིན་པ་དེ་ནི་བསམ་གཏན་གྱིའོ། །ཡུལ་མ་ག་དྷའི་བདག་པོ་ཡོངས་སུ་སྨིན་པར་མཛད་པའི་སླད་དུ་གྲོང་ཁྱེར་ 103a ༄#། །དུ་གཤེགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་སྨིན་པ་སྟེ། འདི་དག་ནི་དུས་ཤེས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐུགས་བརྩེ་བའི་སླད་དུ་རྒྱལ་པོའི་ཁབ་ཏུ་བསོད་སྙོམས་ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ལྷ་རྣམས་ལ་ཆོས་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱལ་པོའི་ཁབ་ཏུ་གཤེགས་ནས་རི་ལ་བཞུགས་པ་གང་ཡིན་པ་དེ་ནི་བཟོད་པའི་འོ། །སྐུ་དྲང་པོར་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ལ་དགོངས་པ་གང་ཡིན་པ་དེ་ནི་བསམ་གཏན་གྱིའོ། །རྟེན་ཅིང་འབྲེལ་བར་འབྱུང་བ་ལ་རྣམ་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་དང་མཐུན་པར་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སློང་མོ་ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་སྨིན་པའོ། །སྒྱུ་རྩལ་ཤེས་ཀྱི་བུ་རིང་དུ་འཕུར་དང་རངས་བྱེད་ཀྱི་བུ་ལྷག་སྤྱོད་ཀྱི་ཐད་དུ་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདི་ནི་ལམ་མ་ཡིན་ནོ་ཞེས་སྤངས་ནས་གཤེགས་པ་གང་ཡིན་པ་དེ་ནི་བཟོད་པའི་འོ། །ལོ་ 103b དྲུག་ཏུ་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཁའ་ཁྱབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱིའོ། །མི་སྤྱོད་སྙམ་ནས་ཞལ་ཟས་གསོལ་ཏེ་བྱང་ཆུབ་ཀྱི་སྙིང་པོར་བཞུད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། །འདི་དག་ནི་འཇིག་རྟེན་དང་མཐུན་པར་འཇུག་པའི་ཕ་རོལ་ཏུ་ཕྱིན་པ་དྲུག་གོ་དེ་ལ་རྟོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདུད་འདུལ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྟོང་གསུམ་གྱི་སེམས་ཅན་ཐམས་ཅད་ལ་བདེ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཐམས་ཅད་ལ་དམིགས་ཤིང་དམ་བཅས་པ་མི་འདྲལ་བ་གང་ཡིན་པ་དེ་ནི་བཟོད་པའི་འོ། །སྟོང་གསུམ་ལ་སྒྲིབ་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་བཞི་ལ་སྙོམས་པར་འཇུག་པ་གང་ཡིན་པ་དེ་ནི་བསམ་གཏན་གྱིའོ། །རིག་པ་གསུམ་རྗེས་སུ་འཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྟོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེར་སྐྱའི་གནས་ན་ལོར་ཉེ་བར་བསྙེན་པ་གང་ཡིན་པ་དེ་ནི་སྤོང་བའི་སྦྱིན་པའི་ཕ་རོལ་ཏུ་ཕྱིན་པའོ། །འགོག་པ་ལ་བརྩོན་ཞིང་ཁམས་གསུམ་ལ་མི་གནས་པ་གང་ཡིན་པ་དེ་ནི་ཚུལ་ 104a ༄#། །ཁྲིམས་ཀྱིའོ། །མི་སྐྱེ་བ་ལ་དམིགས་པ་གང་ཡིན་པ་དེ་ནི་བཟོད་པའི་འོ། །སེམས་ཅན་ལ་ལྟ་བའི་སྙིང་རྗེ་དང་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱོན་སྤོང་བ་ངེས་པར་འབྱེད་པའི་ཆ་དང་མཐུན་པ་གང་ཡིན་པ་དེ་ནི་བསམ་གཏན་གྱིའོ། །ཡན་ལག་བརྒྱད་རབ་ཏུ་ཐོབ་ཅིང་མ་སྤགས་ལ་ནག་ནོག་མེད་པའི་ཚུལ་ཁྲིམས་ཅན་འདོད་ཆགས་སྤང་བའི་ཕྱིར་དང ། མ་རིག་པ་གཞོམ་པའི་ཕྱིར་རིག་པ་བསྐྱེད་ཅིང་ཆོས་ཐམས་ཅད་ལ་སྒྲིབ་པ་མེད་ལ་སྤོང་བ་ཆེན་པོ་གང་ཡིན་པ་དེ་ནི་སྤོང་བའི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་སྤོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྡོ་རྗེ་ལྟ་བུའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྡོ་ཇེ་ལྟ་བུའི་ཏིང་ངེ་འཛིན་སྒྲུབ་པ་ཐོབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །དམིགས་པ་མི་འདོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕྱིན་ཅི་མ་ལོག་པར་འཛིན་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་མཐུན་པར་འཇུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རང་གི་ཡོན་ཏན་ཤེས་ནས་བག་ཆགས་ཀྱི་མཚམས་སྦྱོར་བ་སྤོང་བ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཐམས་ཅད་ཀྱི་བསམ་པ་དང་ཤེས་པ་མ་ལུས་པར་མངོན་པར་རྫོགས་པར་བྱང་ཆུབ་པ་གང་ཡིན་པ་ 104b དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྡོ་རྗེ་ལྟ་བུའི་ཕ་རོལ་ཏུ་ཕྱིན་པ་དྲུག་གོ། དེ་ལ་མུན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་མངོན་པར་རྫོགས་པར་འཚང་རྒྱ་པ་ན་གང་དག་ལྷ་རྣམས་འཇིག་རྟེན་གྱི་མགོན་པོ་རྒྱལ་བར་གྱུར་ཅིག་།རྒྱལ་བར་གྱུར་ཅིག་།ཅེས་བརྗོད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ངན་སོང་རབ་ཏུ་ཞི་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དབང་པོ་ཚང་བ་གང་ཡིན་པ་དེ་ནི་བཟོད་པའི་འོ། །སེམས་ཅན་རྣམས་ལ་ཉོན་མོངས་པས་མི་གནོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སིལ་སྙན་མ་དཀྲོལ་བར་སྒྲ་འབྱུང་བ་གང་ཡིན་པ་དེ་ནི་བསམ་གཏན་གྱིའོ། །སྟོང་གསུམ་དུ་སྦྱིན་པ་དག་སྦྱིན་ཞིང་བསོད་ནམས་དག་བྱེད་པ་དང ། ལྷ་རྣམས་ཀུན་དགའ་བའི་སྒྲ་བརྗོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མུན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟིལ་གྱིས་མི་ནོན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྟོང་གསུམ་དག་ན་ཤིང་ལྗོན་པ་དག་ལས་དུས་མ་ཡིན་པར་མེ་ཏོག་དང་འབྲས་བུ་དག་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སེམས་ཅན་རྣམས་སྡུག་བསྔལ་གྱི་ཚོར་བ་ཐམས་ཅད་དང་བྲལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། 105a ༄#། །སེམས་ཅན་ཐམས་ཅད་ཤིན་ཏུ་དབང་པོ་ཚང་བར་གྱུར་པ་གང་ཡིན་པ་དེ་ནི་བཟོད་པའི་འོ། །ལག་མཐིལ་ནས་ཉེ་བར་བཟུང་སྟེ། སྟོང་གསུམ་དག་ན་བླ་ན་མེད་པ་བཅུ་ཟིལ་གྱིས་མི་ནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། གཅིག་ལ་གཅིག་བསྔགས་པ་མང་པོ་བརྗོད་ཅིང་ལྷ་རྣམས་ལ་བདུད་རྩི་སྟོབས་པ་གང་ཡིན་པ་དེ་ནི་བསམ་གཏན་གྱིའོ། །བདུད་བཞི་བཅོམ་པ་དང་མི་མཉམ་པ་དང་མཉམ་པའི་ཡེ་ཤེས་མངོན་པར་རྫོགས་པར་སངས་རྒྱས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཟིལ་གྱིས་མི་ནོན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བདུད་ཀྱི་དཔུང་འཇོམས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྟོང་གསུམ་གྱི་འཇིག་རྟེན་གྱི་ཁམས་སུ་བྱང་ཆུབ་མངོན་པར་རྫོགས་པར་འཚང་རྒྱ་བ་ན་སེམས་ཅན་ཐམས་ཅད་བཀྲེས་པ་དང་བྲལ་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཉོན་མོངས་པའི་བདུད་སུ་ལའང་གནོད་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷའི་བུའི་བདུད་སུ་ལའང་གནོད་པ་མེད་པ་གང་ཡིན་པ་དེ་ནི་བཟོད་པའི་འོ། །འཆི་བདག་གི་བདུད་སུ་ལའང་གནོད་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཕུང་པོའི་བདུད་སུ་ལའང་གནོད་པ་མེད་པ་ 105b གང་ཡིན་པ་དེ་ནི་བསམ་གཏན་གྱིའོ། །དགོངས་པ་ཇི་ལྟ་བ་བཞིན་མངོན་པར་རྫོགས་པར་སངས་རྒྱས་ཤིང ། ཐམས་ཅད་མཁྱེན་པ་ཉིད་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བདུད་ཀྱི་དཔུང་འཇོམས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཡོ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་སྙིང་པོར་སྐྱེལ་མོ་ཀྲུང་བཅས་པ་ལ་སྐྱོ་བ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །བདུད་མཐོང་ན་འཇིགས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལུས་ལ་དམིགས་པ་གང་ཡིན་པ་དེ་ནི་བཟོད་པའི་འོ། །སེམས་ལ་དམིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དམ་བཅས་པ་ལས་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཀྱི་ཕྱིར་ཇི་སྐད་སྨྲས་པ་དེ་བཞིན་བྱེད་པ་ཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་གཡོ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྐད་ཅིག་གཅིག་དང་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐད་ཅིག་གཅིག་དང་ལྡན་པའི་ཤེས་རབ་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་སེམས་དེའི་སྦྱོར་བ་ཉེ་བར་སྒྲུབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །གཉེན་པོས་འཇོམས་པ་ 106a ༄#། །གང་ཡིན་པ་དེ་ནི་ཚུལ་ཁྲིམས་ཀྱིའོ། །ང་རྒྱལ་ཀུན་ཏུ་འཇོམས་པ་གང་ཡིན་པ་དེ་ནི་བཟོད་པའི་འོ། །གཞན་གྱི་བསམ་པ་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྟེན་ཅིང་འབྲེལ་བར་འབྱུང་བ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་དུས་གསུམ་དུ་མ་བརྗེད་པ་མོས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་སྐད་ཅིག་གཅིག་དང་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཉམ་པར་མ་བཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤའི་མིག་གིས་སེམས་ཅན་རྣམས་ལ་གཟིགས་ནས་སྡུག་བསྔལ་བར་གྱུར་པ་རྣམས་ལ་བདེ་བ་ཉེ་བར་སྒྲུབ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ལྷའི་མིག་གིས་དར་བ་དང་རྒུད་པ་གཟིགས་ནས་འཇིག་རྟེན་གྱི་ཐར་པ་ཉེ་བར་སྒྲུབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། ཉན་ཐོས་རྣམ་པར་འཇོག་ཅིང་གཞན་ལ་བརྩེ་བ་གང་ཡིན་པ་དེ་ནི་བཟོད་པའི་འོ། །རྫུ་འཕྲུལ་དང་ཆོ་འཕྲུལ་ཉེ་བར་སྒྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཀྱིས་ལྷའི་སེམས་གཟིགས་ནས་ཆོས་སྟོན་པ་ནི། དཔེར་ན་བྲམ་ཟེའི་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །དུས་མཁྱེན་ནས་སྨོན་ནས་ཤེས་པས་ཆོས་སྟོན་པ་ 106b གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མཉམ་པར་མ་བཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་སྙིང་པོར་ཟང་ཟིང་མེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། ། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་ཚུལ་ཁྲིམས་ཀྱིའོ། །དགའ་བ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བཟོད་པའི་འོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བརྩོན་འགྲུས་ཀྱིའོ། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བསམ་གཏན་གྱིའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡོངས་སུ་སྨིན་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་བསྙེས་ནས་གང་དག་སེམས་ཅན་ཡོངས་སུ་སྨིན་པར་མཛད་པའི་ཕྱིར་བཏང་སྙོམས་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གསོལ་བ་མ་བཏབ་པར་ཆོས་མི་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐེག་པ་དམན་པ་ལ་མོས་པ་ 107a ༄#། །རྣམས་ལ་ལུས་དམན་པ་མངོན་པར་སྤྲུལ་པ་གང་ཡིན་པ་དེ་ནི་བཟོད་པའི་འོ། །ལྟང་རྒྱས་འོད་སྲུང་ལ་གདམས་ངག་སྟོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ཀྱིས་ཞུ་བ་ཞུས་པ་ལ་སྐྱོ་བ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཞུས་པའི་ལན་འདེབས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཡོངས་སུ་སྨིན་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འབྲས་བུ་ཡོད་པའི་ཆོས་སྟོན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སངས་རྒྱས་ཀྱིས་མཛད་པ་འབྲས་བུ་ཡོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ངེས་པའི་ཚིག་ཐམས་ཅད་ལ་སྤོངས་པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་ལ་བརྗེད་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐམས་ཅད་དུ་འགྲོ་བའི་ལམ་གྱི་སྟོབས་གང་ཡིན་པ་དེ་ནི་བསམ་གཏན་གྱིའོ། །མི་འཇིགས་པ་རྟོགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ།་འདི་དག་ནི་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐམས་ཅད་མཁྱེན་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐམས་ཅད་མཁྱེན་པའི་ཡེ་ཤེས་ 107b ཐོགས་པ་མེད་པའི་སྤྱན་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །འཁོར་གྱི་སེམས་ཚར་གཅད་པ་དང་སེམས་རབ་ཏུ་འཛིན་པ་མཁྱེན་ནས་ཆོས་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསྙེན་པར་དཀའ་བ་ལ་ཞེས་དང་བཅས་པས་ཉན་པ་གང་ཡིན་པ་དེ་ནི་བཟོད་པའི་འོ། །དུས་མཁྱེན་ནས་ཆོས་སྟོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྷག་ཆད་མེད་པར་ཆོས་སྟོན་པ་ལ་མཁས་པ་གང་ཡིན་པ་དེ་ནི་བསམ་གཏན་གྱིའོ། །མོས་པ་ཇི་ལྟ་བ་བཞིན་ཐེག་པའི་གཏམ་གོ་བར་མཛད་ཅིང་ཆེད་དུ་བརྗོད་པ་འཇུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཐམས་ཅད་མཁྱེན་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལམ་སླ་བ་མྱུར་བས་ངེས་པར་བྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །བདེ་བར་མྱུར་དུ་ཡོངས་སུ་སྨིན་པར་བྱས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སངས་རྒྱས་ཀྱི་བསྟན་པ་གཞན་དུ་འགྱུར་བ་གང་ཡིན་པ་དེ་ནི་བཟོད་པའི་འོ། །དུས་གསུམ་ལ་གཞོལ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་རྣམས་ལ་ཇི་ལྟར་འདོད་པ་བཞིན་དུ་སྙོམས་པར་འཇུག་པ་ 108a ༄#། །གང་ཡིན་པ་དེ་ནི་བསམ་གཏན་གྱིའོ། །ཐ་དད་དུ་མི་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡོངས་སུ་མྱ་ངན་ལས་འདས་པའི་སྐུ་གདུང་དང་བསྟན་པའི་འབྲས་བུ་འགྲུབ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཡོངས་སུ་མྱ་ངན་ལས་འདས་པའི་ཚུལ་ཁྲིམས་རྗེས་སུ་དྲན་པ་ལ་ཉམས་པ་མེད་པར་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་གང་ཡིན་པ་དེ་ནི་བཟོད་པའི་འོ། །ཡོངས་སུ་མྱ་ངན་ལས་འདས་པའི་བསྟན་པ་ལ་ཉན་ཐོས་གནས་པ་བརྩོན་འགྲུས་བརྩམས་པ་ལ་བར་ཆད་མི་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པར་འཕྲུལ་བ་མཐར་གྱིས་སྙོམས་པར་འཇུག་པ་ཞེས་བྱ་བ་འཐོབ་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་ལས་འདས་པའི་ཤེས་རབ་ཀྱི་དབང་པོ་ལ་རབ་ཏུ་སྤྱོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དང་དུ་ལེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟར་སེམས་ 108b བསྟན་པ་ལ་སེམས་ཅན་རྣམས་རྙེད་པ་དང་བཀུར་སྟི་ལ་ལོངས་སྤྱོད་ཅིང་ཡུལ་ལ་སྤྱོད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །བྷ་ར་དྷྭ་ཛ་ཁྲོས་ཀྱང་མ་འཁྲུགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཛེས་ལྡན་མོའི་ཕྱིར་མུ་སྟེགས་པ་ཁྲི་ཉིས་སྟོང་གིས་མི་སྙན་པར་བསྒྲགས་པ་གང་ཡིན་པ་དེ་ནི་བཟོད་པའི་འོ། །ཡིད་ཀྱིས་མཐུ་སྟོབས་བསྟན་པ་ནི། དཔེར་ན་བྱང་ཆུབ་སེམས་དཔའ་སེངྒེར་གྱུར་པ་ན་གནད་དུ་ཕོག་ཀྱང་དང་དུ་ལེན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བཀུར་སྟི་མ་བྱས་ཀྱང་དང་དུ་ལེན་པ་གང་ཡིན་པ་དེ་ནི་བསམ་གཏན་གྱིའོ། །བསམ་གཏན་གྱི་ཕྱིར་འདྲི་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་དང་དུ་ལེན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྟོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་བསྟན་པ་གང་གིས་འོག་མིན་གྱི་གནས་ནས་བཟུང་ནས་སངས་རྒྱས་ཀྱི་ཞིང་རྣམས་སུ་དབྱངས་ཀྱིས་གོ་བར་བྱེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སྟོང་གསུམ་དག་ཏུ་འོད་བཏང་ནས་སེམས་ཅན་རྣམས་རྟོགས་པར་བྱས་ཤིང་བདེ་བར་བྱས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དམ་པའི་ཆོས་ཀྱི་ཆར་ཕབ་པའི་མཆོད་རྟེན་དུ་རལ་པ་ཅན་བདུན་བཏུལ་པ་གང་ཡིན་པ་དེ་ནི་བཟོད་པའི་འོ། །ལྟེང་རྒྱས་འོད་སྲུང་ 109a ༄#། །དད་པར་བྱས་པའི་རྣམ་པར་འཕྲུལ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བྲམ་ཟེའི་སེམས་ཀྱིས་བསམ་པ་མ་དོན་དུ་རྣམ་པར་གཟིགས་ནས་ངའི་རུས་ནི་ཆེ་གེ་མོ་ཞིག་གོ་ཞེས་བཀའ་སྩལ་པ་གང་ཡིན་པ་དེ་ནི་བསམ་གཏན་གྱིའོ། །དུས་མཁྱེན་ནས་འདུལ་བ་ནི། དཔེར་ན་དགའ་བོའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྟོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བེལ་མས་བྲམ་ཟེ་རྣམས་ལ་སྦྱིན་པ་བྱིན་ནས་ཐམས་ཅད་ཀྱང་བྱང་ཆུབ་ཀྱི་ཕྱིར་རབ་ཏུ་བཀོད་པ་ནི། དཔེར་ན་སྐྱེ་རྒུའི་བདག་མོ་ཆེན་མོ་གཽ་ཏ་མའི་ལ་དགེ་འདུན་ལ་ཕུལ་ཅིག་ཅེས་བཀའ་སྩལ་པའི་ཚིག་དེས་ན་དགེ་སློང་བརྒྱ་སྟོང་དུལ་བར་བྱས་པ་ལྟ་བུ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཡོངས་སུ་མྱ་ངན་ལས་འདས་པའི་སྡོམ་པ་ནི། དཔེར་ན་རྒྱལ་པོའི་བུ་ཟླ་བ་དང ། རྐང་བཀྲའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བཟོད་པ་ནི། དཔེར་ན་བཟོད་སྨྲས་ལྷ་བྱེ་བ་བརྒྱད་ཅུ་ཡོངས་སུ་སྨིན་པར་བྱས་པ་ལྟ་བུ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ནི། དཔེར་ན་བྲམ་ཟེའི་བུ་ལྔ་བརྒྱས་བྱང་ཆུབ་སེམས་དཔའ་མངོན་པར་ཤེས་པ་ལྔ་ 109b དང་ལྡན་པ་བསྐྲད་པ་དང ། བདུད་རངས་པར་གྱུར་པ་ལྟ་བུར་གྱུར་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོབས་བསྐྱེད་བའི་ཕྱིར་ཐོས་ནས་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འདི་ལྟར་ངས་གང་དུ་སྤོབས་པ་བསྐྱེད་པར་འཆར་ཀ་ཁྱོད་ཀྱིས་ཀྱང་སྤོབས་པ་སྐྱེད་ཅིག་ཅེས་བཀའ་སྩལ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡིད་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་བྱུང་བས་སྦྱིན་པ་བྱིན་པ་ནི། དཔེར་ན་རིག་པ་འདོན་པ་དང ། རྙེད་པ་དང ། བཀུར་སྟི་ལྟ་བུ་གང་ཡིན་པ་དེ་ནི་སྦྱིན་པའོ། །འདི་ལྟར་ཤཱཀྱ་རྣམས་ལ་ལས་རྣམས་ནི་ཆུད་ཟ་བར་མི་འགྱུར་རོ་ཞེས་པ་གང་བཏུལ་བ་གང་ཡིན་པ་དེ་ནི་ཚུལ་ཁྲིམས་སོ། །འདི་ལྟར་དཔལ་སྦས་ཀྱི་དྲུང་དུ་གཤེགས་པ་དེ་ནི་བཟོད་པའི་འོ། །འདི་ལྟར་སོག་མ་མེད་བཏུལ་བ་གང་ཡིན་པ་དེ་ནི་བརྩོན་འགྲུས་སོ། ། བྱང་ཆུབ་མངོན་པར་རྫོགས་པར་སངས་རྒྱས་ནས་ཅང་མི་གསུང་བར་བསམ་གཏན་གྱིས་བཞུགས་པ་ལ་གསོལ་བ་འདེབས་པ་གང་ཡིན་པ་དེ་ནི་བསམ་གཏན་ནོ། །འདི་ལྟར་སྦྲུལ་གདུག་པ་ལ་བརྟེན་ནས་ཐེག་པ་མཆོག་གསུང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཡིད་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་ལ་ 110a ༄#། །དགེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཞན་ལ་བརྩེ་བའི་ཕྱིར་རང་གི་བདེ་བ་སྤངས་ཤིང་བདོག་པ་ཐམས་ཅད་གཏོང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའོ། །འདི་ལྟར་བྱང་ཆུབ་སེམས་དཔའ་པདྨའི་སྙིང་པོས་བརྩོན་འགྲུས་གྱི་ཕྱིར་ངའི་རྒྱུས་ན་ཁྱོད་དགའ་བར་གྱུར་ཅིག་།ཁྱོད་ཀྱི་ཕྱིར་ནི་ང་བསྣུན་ཀྱང་རུང་ཞེས་སྨྲས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདི་ལྟར་བྱས་པ་གཟོ་བའི་རུས་སྦལ་ཤེས་བཞིན་དུ་ཚོང་པ་རྣམས་བསྒྲལ་གང་ཡིན་པ་དེ་ནི་བཟོད་པའི་འོ། །འདི་ལྟར་ཉ་ལ་གྲོག་སྦུར་རྣམས་ཀྱིས་ཟོས་ཀྱང་ཆུར་མ་སོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྲོག་ཆགས་རྣམས་ཀྱི་ཆེད་དུ་སྲིད་པ་ནི་མི་གཡོ་བ་གང་ཡིན་པ་དེ་ནི་བསམ་གཏན་གྱིའོ། །ཀུ་རུ་ཞེས་བྱ་བའི་མདོ་སྡེ་ལས་དཔེར་བྱ་བ་འབྱུང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གཞན་ལ་དགེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པ་བྱིན་ནས་དུལ་བར་བྱས་པ་གང་ཡིན་པ་དེ་ནི་སྦྱིན་པའི་འོ། །རི་བོང་གིས་བྲམ་ཟེད་ལ་ཟོ་ལ་ནག་ཚལ་འདུག་ཅིག་ཅེས་སྨྲས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚངས་པས་ཤ་ཟའི་གཟུགས་ཀྱིས་སེམས་ཅན་རྣམས་ལ་བདེ་འགྲོར་ཁྲིད་ 110b པ་གང་ཡིན་པ་དེ་ནི་བཟོད་པའི་འོ། །བྱང་ཆུབ་མ་ཐོབ་པའི་ཕྱིར་ངེས་པར་བྱུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ཀྱིའོ། །སྤྱི་བོ་དང་རིགས་གསུམ་གྱི་བསམ་གཏན་གང་ཡིན་པ་དེ་ནི་བསམ་གཏན་ནོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གཞན་གྱི་ཕ་རོལ་ཏུ་ཕྱིན་པ་དྲུག་གོ། དེ་ལ་ཡང་དག་པའི་སྤོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྡིག་པ་མི་དགེ་བ་མ་སྐྱེས་པ་རྣམས་མི་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་པོའང་གང་ཞེ་ན། སོ་སོར་བརྟགས་པའི་སྟོབས་ཀྱིས་མོངས་པ་ཀུན་ཏུ་མི་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མི་དག་པའི་རྣམ་པར་སྨིན་པ་མི་སྡུག་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་སོ། །མི་དགེ་བའི་ངོ་བོ་ཁོང་དུ་ཆུད་པ་གང་ཡིན་པ་དེ་ནི་བཟོད་པའི་འོ། །མི་སྐྱེ་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་སོ། །གཞན་ཡང་དག་པར་ལེན་དུ་འཇུག་པ་གང་ཡིན་པ་དེ་ནི་བསམ་གཏན་ནོ། །སྡིག་པ་མི་དགེ་བ་གཏན་དུ་མི་སྐྱེ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སྡིག་པ་མི་དགེ་བ་མ་སྐྱེས་པ་རྣམས་མི་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྐྱེས་པ་རྣམས་སྤོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉོན་མོངས་པ་སྐྱེས་པའི་ 111a ༄#། །སྐྱོན་མཐོང་ནས་འདོར་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །དེ་ལ་སྨོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་སྤོང་ཞིང་འབར་བ་མེད་པ་གང་ཡིན་པ་དེ་ནི་བཟོད་པའི་འོ། །ཉོན་མོངས་པ་ཤེས་ཤིང་ཤེས་པས་ཉོན་མོངས་པ་ཟིལ་གྱིས་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གང་ལ་རྟོག་ཅིང་དཔྱོད་པ་གང་ཡིན་པ་དེ་ནི་བསམ་གཏན་གྱིའོ། །སྤོང་བ་དང་མི་སྐྱེ་བ་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྐྱེས་པ་རྣམས་སྤོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགེ་བ་ལ་འདུན་ཅིང་རྨོངས་པ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམས་པར་སྨིན་པའོ། །དགེ་བ་ཐོབ་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྟོང་པ་ཉིད་ཀྱི་རྣམ་པས་དགེ་བ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ལུས་དང་སེམས་ཀྱིས་ཕ་རོལ་གནོན་པ་ལ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐོབ་པ་དང་མཚན་མ་མེད་པར་འཛིན་པ་ལ་མི་བརྗེད་པ་གང་ཡིན་པ་དེ་ནི་བསམ་གཏན་གྱིའོ། །ཐོབ་པའི་རྒྱུ་ལ་མི་སྐྱེ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་ 111b དག་ནི་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགེ་བ་སྐྱེས་པ་རྣམས་ཕྱིར་ཞིང་གནས་པར་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགེ་བ་སྐྱེས་པ་རྣམས་ཆུད་ཟ་བ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །དེ་དག་ལ་མངོན་པར་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱོར་བ་ལས་སྡོད་པ་ལས་ངེས་པར་བྱུང་བ་གང་ཡིན་པ་དེ་ནི་བཟོད་པའི་འོ། །ཀུན་ཏུ་སྲུང་ཞིང་ཀུན་ནས་མ་རྨོངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསྒོམས་པའི་སྟོབས་ཅན་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་བསྔོ་བ་ཐམས་ཅད་ཀྱི་རྗེས་སུ་འཇུག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དགེ་བའི་ཆོས་སྐྱེས་པ་རྣམས་ཕྱིར་ཞིང་གནས་པར་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དེ་ལ་འདུན་པ་སྤོང་བ་དང་ལྡན་པའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་པའང་གང་ཞེ་ན། འདུན་པ་དེ་སྐྱེ་བ་ལ་ཐོགས་པ་མེད་པ་གང་ཡིན་པ་དེ་ནི་སྦྱིན་པའི་འོ། །འདུན་པ་དེ་མི་གཏོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། དུན་པ་དེ་བརྗོད་པ་གང་ཡིན་པ་དེ་ནི་བཟོད་པའི་འོ། །འདུན་པ་ངེས་པར་བྱུང་བ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དེ་ལ་རྟོག་པ་གང་ཡིན་པ་དེ་ནི་བསམ་གཏན་ 112a ༄#། །གྱིའོ། །འདུན་པ་དེ་ལ་ངེས་པར་ཐོབ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདུན་པ་སྤོང་བ་དང་ལྡན་པའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཅང་མི་སྨྲ་བས་ཐོབ་པའི་བརྩོན་འགྲུས་གང་ཡིན་པ་དེ་ནི་སྦྱིན་པའི་འོ། །བརྩོན་འགྲུས་ལ་རེག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡིད་དུ་འོང་བའི་བརྩོན་འགྲུས་གང་ཡིན་པ་དེ་ནི་བཟོད་པའི་འོ། །ཐོབ་པར་རྩོམ་ཞིང་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །དེས་པ་ལ་ཆོག་ཤེས་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་བསྔོ་བ་ཐམས་ཅད་ཀྱི་རྗེས་སུ་སོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ལ་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་སྦྱིན་པའི་འོ། །དེ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བ་དང་འཇིག་པ་རྟོགས་པ་གང་ཡིན་པ་དེ་ནི་བཟོད་པའི་འོ། །མཚན་མ་མེད་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཀུན་ནས་དཀྲིས་པ་དང་བྲལ་པ་ 112b གང་ཡིན་པ་དེ་ནི་བསམ་གཏན་གྱིའོ། །བག་ལ་ཉལ་ཀུན་ནས་འཇོམས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སེམས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དཔྱོད་པ་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དཔྱོད་པ་ལ་མི་དགའ་བ་མེད་པ་གང་ཡིན་པ་དེ་ནི་སྦྱིན་པའི་འོ། །ཡང་དག་པ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིགས་པར་རྟོགས་པ་གང་ཡིན་པ་དེ་ནི་བཟོད་པའི་འོ། །རྣམ་པར་གནོན་པ་ཐམས་ཅད་ཀྱི་རྗེས་སུ་སོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བག་ཆགས་ཁོང་དུ་ཆུད་པ་གང་ཡིན་པ་དེ་ནི་བསམ་གཏན་གྱིའོ། །བག་ཆགས་སྤོང་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་དཔྱོད་པ་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་དང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། །དམིགས་པ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཁྱིམ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསམ་གཏན་དང་པོ་མ་ཉམས་པ་གང་ཡིན་པ་དེ་ནི་བཟོད་པའི་འོ། །ཡན་ལག་ལྔ་སྤོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྩེ་གཅིག་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །ཡན་ལག་ལྔ་ལྡན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ 113a ༄#། །བསམ་གཏན་དང་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་གཉིས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་གཏན་གཉིས་པ་ལ་མཚན་མར་འཛིན་པ་སྤོང་ཞིང་ཏུ་སྦྱངས་པ་གང་ཡིན་པ་དེ་ནི་སྦྱིན་པའི་འོ། །བར་ཆད་མེད་པར་ཤེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྟོག་པ་གང་ཡིན་པ་དེ་ནི་བཟོད་པའི་འོ། །ཤུགས་མི་གཏོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་དམིགས་ཤིང་སྙོམས་པར་འཇུག་པ་གང་ཡིན་པ་དེ་ནི་བསམ་གཏན་གྱིའོ། །བདག་དང་གཞན་ལ་ཕན་པ་དང་ལྡན་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་གཉིས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་གསུམ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་གཏན་གསུམ་པའི་རོ་མྱང་བ་སྤངས་པ་གང་ཡིན་པ་དེ་ནི་སྦྱིན་པའི་འོ། །རོ་མྱང་བ་མེད་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དགའ་བ་དོན་དུ་གཉེར་བ་གང་ཡིན་པ་དེ་ནི་བཟོད་པའི་འོ། །ཀུན་ནས་འཛིན་ཅིང་མ་བརྗེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བློ་བརྟན་པ་གང་ཡིན་པ་དེ་ནི་བསམ་གཏན་གྱིའོ། །ཟག་པ་ཟད་པའི་རྒྱུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་གསུམ་ 113b པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་བཞི་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །བསམ་གཏན་བཞི་པའི་བདེ་བ་ལ་རྟོག་ཅིང་སྤོང་བ་གང་ཡིན་པ་དེ་ནི་སྦྱིན་པའི་འོ། །སྡུག་བསྔལ་ལ་རྟོག་ཅིང་སྤོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ནུབ་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །བཏང་སྙོམས་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དྲན་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་དག་པ་ཐོབ་ནས་འཆི་བ་མེད་པར་ཡོངས་སུ་བསྔོས་པ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་བསམ་གཏན་བཞི་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དེ་ལ་ལུས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་པོའང་གང་ཞེ་ན། ལུས་ལ་མི་སྡུག་པ་རྟོག་པ་གང་ཡིན་པ་དེ་ནི་སྦྱིན་པའི་འོ། །དེ་ལ་རྟོག་པ་ལ་མི་ལྟ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། བདག་མེད་པ་ལ་མོས་པ་གང་ཡིན་པ་དེ་ནི་བཟོད་པའི་འོ། །གཡོ་བ་མེད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ངོ་བོ་ཉིད་མཐོང་བ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བ་མེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལུས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚོར་བ་དྲན་པ་ 114a ༄#། །ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདེ་བའི་ཚོར་བ་ལ་ལྷག་པར་ཆགས་པ་མེད་པ་གང་ཡིན་པ་དེ་ནི་སྦྱིན་པའི་འོ། །ཚོར་བ་སྡུག་བསྔལ་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྟོང་པ་ཉིད་ལ་མོས་པ་གང་ཡིན་པ་དེ་ནི་བཟོད་པའིའོ། །ཚོར་བ་ལ་མངོན་པར་ཞེན་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདེ་བའི་ཚོར་བ་ལ་མི་ལྟ་བ་གང་ཡིན་པ་དེ་ནི་བསམ་གཏན་གྱིའོ། །ཚོར་བ་ཐམས་ཅད་ལ་མཉམ་པ་ཉིད་ཀྱིས་སྤོང་བ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་ཚོར་བ་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོང་བ་ལ་དམིགས་པའི་སེམས་མཐོང་བ་གང་ཡིན་པ་དེ་ནི་སྦྱིན་པའི་འོ། །སེམས་དེའི་སྐྱོན་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཡོ་བ་མེད་པ་ལ་རྣམ་པར་དཔྱོད་པ་གང་ཡིན་པ་དེ་ནི་བཟོད་པའི་འོ། །སེམས་ཀྱི་སྤྱོད་ཡུལ་ཡང་བ་བཟློག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་གྱི་ཕྱིར་སེམས་དགའ་བར་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །རྐྱེན་ལ་རག་ལས་པ་མཐོང་ནས་མཚན་མ་མེད་པ་བསྒོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་སེམས་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་ 114b དྲུག་གོ་།དེ་ལ་ཆོས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་རྣམས་ཀྱི་རྣམ་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །ཆོས་རྣམས་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་རྣམས་ལ་སྐྱེ་བས་དབེན་པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་ལ་ལྟ་བ་མཆོག་ཏུ་འཛིན་པ་སྤངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་རྣམས་ལ་མངོན་པར་ཞེན་པ་སྤངས་པ་གང་ཡིན་པ་དེ་ནི་བསམ་གཏན་གྱིའོ། །རྟེན་ཅིང་འབྲེལ་བར་འབྱུང་ལ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གོ་།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བདུན་པ། དེ་ལ་སྡུག་བསྔལ་འཕགས་པའི་བདེན་པ་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྡུག་བསྔལ་ཡོངས་སུ་གཏོང་བར་མཐོང་བ་གང་ཡིན་པ་དེ་ནི་སྦྱིན་པའི་འོ། །སྡུག་བསྔལ་ལ་ཡིད་བྱུང་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྡུག་བསྔལ་གསོབ་ཏུ་མཐོང་བ་གང་ཡིན་པ་དེ་ནི་བཟོད་པའི་འོ། །སྡུག་བསྔལ་ཆེན་པོར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྡུག་བསྔལ་གྱི་རང་བཞིན་མཐོང་བ་གང་ཡིན་པ་དེ་ནི་བསམ་གཏན་གྱིའོ། །སྡུག་བསྔལ་ཡོངས་སུ་ཤེས་པ་མཐོང་བ་གང་ཡིན་ 115a ༄#། །པ་དེ་ནི་ཤེས་རབ་ཀྱི་སྟེ། འདི་དག་ནི་སྡུག་བསྔལ་འཕགས་པའི་བདེན་པ་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཀུན་འབྱུང་བའི་བདེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཀུན་འབྱུང་བ་ཡོངས་སུ་གཏོང་བའི་སེམས་གང་ཡིན་པ་དེ་ནི་སྦྱིན་པའི་འོ། །ཀུན་འབྱུང་བའི་ཉེས་དམིགས་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚོགས་པ་ལས་བྱུང་བ་ལས་དཔྱོད་པ་གང་ཡིན་པ་དེ་ནི་བཟོད་པའི་འོ། །སྲིད་པའི་འཁོར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་ནས་དཀྲིས་པ་དང ། བག་ལ་ཉལ་བ་འཇོམས་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ངེས་པར་སྤོང་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཀུན་འབྱུང་བའི་བདེན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འགོག་པའི་བདེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འགོག་པ་ལ་རེག་པར་བྱས་ནས་སྨོན་པ་ནུབ་པ་སྒོམ་པ་གང་ཡིན་པ་དེ་ནི་སྦྱིན་པའི་འོ། །འགོག་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུ་ཤེས་འགོག་པ་གང་ཡིན་པ་དེ་ནི་བཟོད་པའི་འོ། །ཚོར་བ་འགོག་པ་ལ་གང་ཡིན་པ་དེ་ནི་བརྩོན་འགྲུས་ཀྱིའོ། །དབེན་པ་ལ་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །འགོག་པ་མངོན་སུམ་དུ་བྱ་བའི་ཕྱིར་སྙོམས་པར་འཇུག་ 115b པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འགོག་པའི་བདེན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ལམ་གྱི་བདེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལམ་གྱི་གྲོགས་ཐོབ་པ་གང་ཡིན་པ་དེ་ནི་སྦྱིན་པའི་འོ། །ལམ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལམ་གཞན་མ་ཡིན་པའི་དེ་བཞིན་ཉིད་གང་ཡིན་པ་དེ་ནི་བཟོད་པའི་འོ། །ལམ་གྱི་དམིགས་པ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལམ་ལ་མ་རྨོངས་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་དངོས་པོ་ཇི་ལྟ་བ་བཞིན་ལམ་གྱིས་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལམ་གྱི་བདེན་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་དད་པའི་དབང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན།་དད་ནས་ཚུལ་ཁྲིམས་འཆལ་པ་སྤོང་བ་གང་ཡིན་པ་དེ་ནི་སྦྱིན་པའི་འོ། །དད་པ་རྗེས་སུ་སྒོམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དད་པའི་མཆོག་ཏུ་དགའ་བ་ཐོབ་པ་གང་ཡིན་པ་དེ་ནི་བཟོད་པའི་འོ། །དད་པའི་གནས་ཡང་དག་པ་ཀུན་ནས་རབ་ཏུ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པའི་དབང་པོ་དང་མཚུངས་པར་ལྡན་པའི་དད་པ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཀྱི་སྣོད་དུ་གྱུར་པའི་དད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དད་པའི་དབང་པོའི་ 116a ༄#། །ཕ་རོལ་ཏུ་ཕྱིན་པ་དྲུག་གོ། དེ་ལ་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བརྩོན་འགྲུས་ཀྱི་དབང་པོ་ཡིད་ལ་བཅགས་པ་མེད་ཅིང་ཕ་རོལ་གནོན་པ་གང་ཡིན་པ་དེ་ནི་སྦྱིན་པའི་འོ། །འདུས་བྱས་ལ་ལྷག་པར་ཞེན་པ་མེད་ཅིང་འདུས་མ་བྱས་ལ་བལྟ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱ་བ་ཐམས་ཅད་ལ་ཐོགས་པ་མེད་པ་གང་ཡིན་པ་དེ་ནི་བཟོད་པའི་འོ། །ཐག་རིང་པོ་ཡོངས་སུ་བསྔོ་བའི་སྨོན་ལམ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་དེའི་ངོ་བོ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པའི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པ་མཐོང་ནས་ཁྱིམ་ཡོངས་སུ་འཛིན་པའི་སྐྱོན་སྤོང་བ་གང་ཡིན་པ་དེ་ནི་སྦྱིན་པའི་འོ། །འདུས་བྱས་ཀྱི་འབྲས་བུ་དང་འཇིག་རྟེན་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཉོན་མོངས་པས་སྐྱོ་བ་མེད་ཅིང་སྡུག་བསྔལ་བར་མི་སེམས་པ་གང་ཡིན་པ་དེ་ནི་བཟོད་ 116b པའིའོ། །ཆོས་རྣམས་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་ཞི་བ་དག་པ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཐམས་ཅད་ལ་ཆོས་རྣམས་ཀྱིས་རྒྱས་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་དྲན་པའི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་གྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེགས་ཆུང་དུས་ཉེ་བའི་ཉོན་མོངས་པ་འདོར་བའི་ཏིང་ངེ་འཛིན་གྱི་དབང་པོ་གང་ཡིན་པ་དེ་ནི་སྦྱིན་པའི་འོ། །ཏིང་ངེ་འཛིན་ལ་བརྟེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཏིང་ངེ་འཛིན་ཤིན་ཏུ་གནས་པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་ཀྱི་རྣམ་པ་ལ་དམིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཏིང་ངེ་འཛིན་རྩེ་གཅིག་པ་གང་ཡིན་པ་དེ་ནི་བསམ་གཏན་གྱིའོ། །ཏིང་ངེ་འཛིན་སྟོབས་ཅན་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་གྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་དངོས་པོ་ཐམས་ཅད་བརྟགས་ནས་སྤོང་བའི་ཤེས་རབ་གང་ཡིན་པ་དེ་ནི་སྦྱིན་པའི་འོ། །མངོན་པར་ཞེན་པ་མེད་པའི་ཤེས་རབ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། 117a ༄#། །སེམས་ཅན་གྱི་ཉོན་མོངས་པ་བཟོད་པའི་ཤེས་རབ་གང་ཡིན་པ་དེ་ནི་བཟོད་པའི་འོ། །རང་བཞིན་གྱིས་རྟོགས་པ་འཛིན་པའི་ཤེས་རབ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་ཞི་བ་ལ་དམིགས་པའི་ཤེས་རབ་གང་ཡིན་པ་དེ་ནི་བསམ་གཏན་གྱིའོ། །ཐར་པ་མི་སྒྲུབ་པའི་ཤེས་རབ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཤེས་རབ་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དད་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དད་པ་མི་འཕྲོག་པ་ནི། དཔེར་ན་རྒྱལ་པོ་གཞོན་ནུ་སེངྒེའི་ལྟ་བུ་གང་ཡིན་པ་དེ་ནི་སྦྱིན་པའིའོ། །ཚུལ་ཁྲིམས་ཀྱིས་བསྒོམས་པ་ཉམས་པ་ནི། དཔེར་ན་གླང་པོ་ཆེའི་ཕྲུ་གུས་མེ་ལོང་མ་དྲན་ནས་ཟས་ཡི་ཟ་བ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རུས་པ་སོ་སོར་གྱེས་ཀྱང་བྱམས་པ་མི་གཏོང་བ་ནི། དཔེར་ན་སྲོག་ཆགས་སུ་གྱུར་པ་རྣམས་ལ་བྱང་ཆུབ་སེམས་དཔའ་ཞི་བའི་ལྟ་བུ་གང་ཡིན་པ་དེ་ནི་བཟོད་པའི་འོ། །ཐོགས་པ་མེད་པའི་བརྩོན་འགྲུས་ནི། དཔེར་ན་རྒྱ་མཚོ་ཆེན་པོ་སྐེམ་པ་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་བཟང་གི་ཁང་བཟང་དུ་བསམ་གཏན་བསྐྱེད་པ་ན་རྣམ་པར་རྟོག་པ་རྣམས་འཇོག་པར་བྱེད་པ་གང་ཡིན་པ་དེ་ནི་བསམ་གཏན་ 117b གྱིའོ། །འཕགས་པ་ངེས་པར་འབྱུང་བའི་ཤེས་རབ་ནི། དཔེར་ན་བརྩོན་འགྲུས་སྤྱོད་པའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དད་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤིན་ཏུ་བཟོད་ཅིང་ཕ་རོལ་གནོན་པ་གང་ཡིན་པ་དེ་ནི་སྦྱིན་པའི་འོ། །མཐུ་ཅན་ལ་གཞན་གྱིས་གནོད་པ་བྱས་ཀྱང་དེ་ལ་དང་དུ་ལེན་པ་ནི། དཔེར་ན་རྒྱལ་པོའི་བུ་ཀུ་ཤའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྤྱོད་པ་ཐོས་ཀྱང་དང་དུ་ལེན་པ་ནི། དཔེར་ན་མིག་བཟང་བཙུན་མོ་དམ་པས་ཡི་ཆད་ཀྱང་དང་དུ་ལེན་པ་ལྟ་བུ་གང་ཡིན་པ་དེ་ནི་བཟོད་པའི་འོ། །སྲེད་པས་མི་འཕྲོག་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ཐམས་ཅད་པ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བ་ལས་འདས་ཀྱང་རྗེས་སུ་འཇུག་པའི་ཤེས་རབ་ནི། དཔེར་ན་བྲམ་ཟེའི་བུ་བླ་མའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷ་ཡུལ་དག་དྲན་པ་རྒྱུན་མི་ཆད་ཀྱང་ལྷའི་འདོད་པ་དག་ལ་ལྷག་པར་ཆགས་པ་མེད་པ་གང་ཡིན་པ་དེ་ནི་ 118a སྦྱིན་པའི་འོ། །ལྷའི་བུ་མོ་དག་གི་ཉེས་དམིགས་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞལ་མེད་ཁང་དག་ལ་མངོན་པར་དགའ་བ་མེད་པ་གང་ཡིན་པ་དེ་ནི་བཟོད་པའི་འོ། །ལྷར་གྱུར་ནས་ཐར་པ་ལ་རེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྷའི་འཁོར་གྱི་འདུ་འཛི་ལ་མི་གནས་པ་གང་ཡིན་པ་དེ་ནི་བསམ་གཏན་གྱིའོ། །ལྷ་རྣམས་ཆོས་སྟོན་པ་ལ་མངོན་པར་ཆགས་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་གྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དངོས་པོ་ཡོངས་སུ་བཏང་ནས་ཏིང་ངེ་འཛིན་ལ་དགའ་བ་ནི། དཔེར་ན་རྒྱལ་པོ་ལྷ་ཆེན་པོས་རྒྱལ་སྲིད་པོར་ཏེ་རབ་ཏུ་བྱུང་བའི་ལྟ་བུ་གང་ཡིན་པ་དེ་ནི་སྦྱིན་པའི་འོ། །སེམས་ཀྱི་སྦྱོར་བ་ལུས་དང་ངག་གི་ལྷག་མ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལེགས་པར་བྱེད་པའི་ལས་བྱེད་པ་གང་ཡིན་པ་དེ་ནི་བཟོད་པའི་འོ། །ཆོས་ཇི་ལྟ་བ་བཞིན་དུ་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོང་པའི་ཆོས་ལ་ལྷག་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པའི་ཆོས་ཀྱིས་མ་གཏུགས་པ་གང་ཡིན་པ་དེ་ནི་ 118b དཔེར་ན་རྫ་མཁན་གྱི་ཁྱིམ་དུ་སྨན་ཆེན་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་གྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མགོ་ཡོངས་སུ་བཏང་ཡང་སྒྱིད་མ་ལུག་པ་ནི། དཔེར་ན་ཡུལ་ཀ་ཤིའི་རྒྱལ་པོ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གཞན་ལ་བརྩེ་བའི་ཕྱིར་བདག་ཉིད་ཡོངས་སུ་གཏོང་བ་ནི། དཔེར་ན་འགྲོན་པོའི་དོན་དུ་བྱང་ཆུབ་སེམས་དཔའ་གནོད་སྦྱིན་ལ་བདག་ཉིད་བཏང་སྟེ་མིའི་གཏོར་མ་བདེ་བར་ཕྱིན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མུ་ཏིག་གི་ཕྱིར་རྒྱ་མཚོར་ལན་གསུམ་དུ་འགྲོན་ནི་ཏས་ཕུག་ཀྱང་བཟོད་པ་གང་ཡིན་པ་དེ་ནི་བཟོད་པའི་འོ། ། ལེགས་སྡུག་སྡུག་བསྔལ་ཐོབ་ནས་སྦྱིན་པ་མི་སྦྱིན་ཞིང་སེམས་ཞུམ་པས་ལན་བདུན་དུ་རྒྱ་མཚོ་ཆེན་པོར་ཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་རྣམས་སུ་ཇི་ལྟར་འདོད་པ་བཞིན་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བསམ་གཏན་གྱིའོ། །སྟོན་པ་བཏང་བ་ན་བྱང་ཆུབ་སེམས་དཔའ་གསོལ་བ་འདེབས་ཀྱིས་ཚུལ་ལེགས་པར་ཆོམ་རྐུན་གཡག་པོ་ཁོང་དུ་ཆུད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ 119a ༄#། །ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དགེ་བ་སྤོང་བའི་དྲན་པ་གང་ཡིན་པ་དེ་ནི་སྦྱིན་པའི་འོ། ཡིད་དུ་འོང་བའི་འདུ་ཤེས་ལ་གནས་པའི་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་རྣམས་ཀྱི་བརྡ་དྲན་པ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ཆུང་མི་ཟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོབས་རྣམས་རྣམ་པར་སྒོམ་པ་གང་ཡིན་པ་དེ་ནི་བསམ་གཏན་གྱིའོ། །དྲན་པ་དང་ཐར་པའི་སྟོབས་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་རྣམ་པར་འབྱེད་པས་སྐྱོན་སྤོང་བ་གང་ཡིན་པ་དེ་ནི་སྦྱིན་པའི་འོ། །ཆོས་རྣམ་པར་འབྱེད་པས་ཐར་པ་དང་མཐུན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཐའ་གཉིས་ཡོངས་སུ་སྤོང་བ་གང་ཡིན་པ་དེ་ནི་བཟོད་པའི་འོ། །ཆོས་རྣམ་པར་འབྱེད་པ་རྒྱུན་མི་འཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་རྣམ་པར་འབྱེད་པ་སྒྲོ་མི་འདོགས་པ་གང་ཡིན་པ་དེ་ནི་བསམ་གཏན་གྱིའོ། །འདི་དག་ཐམས་ཅད་ལ་མི་འཛིན་པར་སྒོམ་པ་གང་ཡིན་པ་དེ་ནི་ཤེས་རབ་ 119b ཀྱི་སྟེ།་འདི་དག་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། རྟོགས་ནས་རྗེས་སུ་ཆགས་པའི་དངོས་པོ་སྤོང་བ་གང་ཡིན་པ་དེ་ནི་སྦྱིན་པའི་འོ། །བརྩོན་འགྲུས་བླ་ན་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བརྩོན་འགྲུས་ལ་མངོན་པར་ཞེན་པ་མེད་པ་གང་ཡིན་པ་དེ་ནི་བཟོད་པའི་འོ། །བདག་དང ། སེམས་ཅན་དང ། སྲོག་དང ། གསོ་བ་བསལ་བ་ལ་མི་གནས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་ཏུ་སྦྱོར་བ་རྣམས་ལ་ཇི་མི་མཇེད་པ་གང་ཡིན་པ་དེ་ནི་བསམ་གཏན་གྱིའོ། །བདག་ཉིད་དཔྱོད་ཅིང་བཟོ་ཐམས་ཅད་སྒྲུབ་ལ་ས་བདུན་པའི་ཤེས་པ་ཡོངས་སུ་མ་གཏུགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤིན་ཏུ་སྦྱངས་པ་ཡང་དག་བྱང་ཆུབ་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་ཤིན་ཏུ་སྦྱངས་པ་གང་ཡིན་པ་དེ་ནི་སྦྱིན་པའི་འོ། །སེམས་ཤིན་ཏུ་སྦྱངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་བ་ལ་བརྐམ་པ་མེད་པ་གང་ཡིན་པ་དེ་ནི་བཟོད་པའི་འོ། །ཤིན་དུ་སྦྱངས་པ་རྒྱུན་མི་ཆད་པ་གང་ཡིན་པ་དེ་ནི་ 120a ༄#། །བརྩོན་འགྲུས་ཀྱིའོ། །ཤིན་དུ་སྦྱངས་པ་སྒོམ་པའི་སོ་སོར་བརྟགས་པ་གང་ཡིན་པ་དེ་ནི་བསམ་གཏན་གྱིའོ། །ཤིན་ཏུ་སྦྱངས་པ་ཡང་དག་པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ཏིང་ངེ་འཛིན་འཕགས་པ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཐོབ་པ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཏིང་ངེ་འཛིན་གྱི་ཡན་ལག་འཛིན་པ་གང་ཡིན་པ་དེ་ནི་བཟོད་པའི་འོ། །ཏིང་ངེ་འཛིན་རྒྱུན་ཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟ་ཞིང་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྟོགས་པ་དང་ལྡན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། དགའ་བ་ཅི་སྤངས་ཀྱང་གདུང་པ་མེད་པ་གང་ཡིན་པ་དེ་ནི་སྦྱིན་པའི་འོ། །ལུས་དང ། ངག་བཏང་སྙོམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་གྱིས་དབེན་པ་ལ་མི་གནས་པ་ 120b གང་ཡིན་པ་དེ་ནི་བཟོད་པའི་འོ། །སྒྱུ་མ་ལ་མི་གནས་པ་མི་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་མ་གཏུགས་ཤིང་ཡིད་བྱུང་བ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་སྐད་ཅིག་པར་རྟོག་ཅིང་དང་དུ་ལེན་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཕགས་པ་ཡང་དག་པའི་ལྟ་བ་རྟོགས་པ་གང་ཡིན་པ་དེ་ནི་སྦྱིན་པའི་འོ། །ཁོང་དུ་ཆུད་ནས་ཀུན་ནས་ཉོན་མོངས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཁོང་དུ་ཆུད་ནས་རིགས་པ་རྟོགས་པ་གང་ཡིན་པ་དེ་ནི་བཟོད་པའི་འོ། །ངེས་པར་བརྟགས་ནས་གཞན་ལ་ཕན་པ་ཐོབ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཐའ་ཡས་པ་ལ་དཔྱོད་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་སྨིན་པ་སྡུག་པ་གང་ཡིན་པ་དེ་ནི་ཤེས་ཀྱི་སྟེ། འདི་དག་ནི་ཡང་དག་པའི་ལྟ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་རྟོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་རྟོག་པའི་རྣམ་པར་སྨིན་པར་བྱེད་པ་སྤོང་བ་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་རྟོག་པ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྐྱེན་ཇི་ལྟ་ 121a ༄#། །བ་རྣམས་ལ་ས་དང་ས་མ་ཡིན་པ་ཡོངས་སུ་ཤེས་པ་གང་ཡིན་པ་དེ་ནི་བཟོད་པའི་འོ། །ཡང་དག་པའི་རྟོག་པ་སྦྱོར་བ་ཐམས་ཅད་ལ་མི་བསྟེན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡང་དག་པའི་རྟོག་པའི་དབང་གིས་ཡོངས་སུ་བསྔོས་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པ་དང ། འཇིག་རྟེན་ལས་འདས་པ་རྣམས་ཡང་དག་པ་དང ། ཡང་དག་པ་མ་ཡིན་པར་ཡང་དག་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་རྟོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ངག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚིག་སྐྱོན་མེད་པ་གང་ཡིན་པ་དེ་ནི་སྦྱིན་པའི་འོ། །ཚིག་རིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཕགས་པའི་ཚིག་གང་ཡིན་པ་དེ་ནི་བཟོད་པའི་འོ། །སོ་སོ་ཡང་དག་པར་རིག་པའི་ཚིག་སྒྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འཇིག་རྟེན་པ་མངོན་པར་དགའ་བའི་ཚིག་གང་ཡིན་པ་དེ་ནི་བསམ་གཏན་གྱིའོ། །ཚིག་བདེན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ངག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ལས་ཀྱི་མཐའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་ལས་ཀྱི་མཐའི་འབྲས་བུ་ཡོད་པ་གང་ཡིན་པ་དེ་ནི་སྦྱིན་པའི་འོ། །ཡང་ 121b དག་པའི་ལས་ཀྱི་མཐའི་བསམ་པ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པའི་ལས་ཀྱི་མཐའ་ལ་མི་དམིགས་པའི་སྦྱོར་བ་གང་ཡིན་པ་དེ་ནི་བཟོད་པའི་འོ། །ཡང་དག་པའི་ལས་ཀྱི་མཐའ་ཐམས་ཅད་དུ་མི་འཇུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གནས་པ་མེད་པ་ཡོངས་སུ་བཟུང་བ་གང་ཡིན་པ་དེ་ནི་བསམ་གཏན་གྱིའོ། །ཡང་དག་པའི་ལས་ཀྱི་མཐའ་མ་བརྟགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ལས་ཀྱི་མཐའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་འཚོ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་འཚོ་བ་ལ་དགའ་བ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པའི་ཉེ་བར་འཚོ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཡོངས་སུ་སྨིན་པར་བྱ་བའི་སྙིང་རྗེ་གང་ཡིན་པ་དེ་ནི་བཟོད་པའི་འོ། །ཆོས་རྟོགས་པས་ཉེ་བར་འཚོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་མེད་པས་ཉེ་བར་འཚོ་བ་གང་ཡིན་པ་དེ་ནི་བསམ་གཏན་གྱིའོ། །ཟང་ཟིང་མེད་པས་ཉེ་བར་འཚོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་འཚོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་རྩོལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐམས་ཅད་སྤངས་ཏེ་དགོན་པའི་གནས་ 122a ༄#། །མེ་འདོར་བ་གང་ཡིན་པ་དེ་ནི་སྦྱིན་པའི་འོ། །ལུས་དང ། ངག་ཡང་དག་པ་ལ་སྦྱོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དམིགས་པ་ལ་མི་གནས་པ་གང་ཡིན་པ་དེ་ནི་བཟོད་པའི་འོ། །གཟུངས་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྡ་ལ་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །གནོད་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་རྩོལ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་དྲན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་འདུས་བྱས་ལ་མི་ལྟ་བའི་དྲན་པ་གང་ཡིན་པ་དེ་ནི་སྦྱིན་པའི་འོ། །ཆོས་ཐམས་ཅད་ཀྱི་སྐྱོན་དང་ཡོན་ཏན་འཇལ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། རྒྱུན་མི་ཆད་པ་གང་ཡིན་པ་དེ་ནི་བཟོད་པའི་འོ། །བག་ཡོད་པའི་རྣམ་པར་སྨིན་པ་དྲན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཐམས་ཅད་ཀྱི་ཡང་དག་པའི་ཐོབ་པ་ལ་བརྗེད་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཞི་གནས་བསྒོམས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་དྲན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ཏིང་ངེ་འཛིན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་ཏིང་ངེ་འཛིན་ལ་མངོན་པར་དགའ་བ་གང་ཡིན་པ་དེ་ནི་སྦྱིན་པའི་ 122b འོ། །ཡང་དག་པའི་ཏིང་ངེ་འཛིན་ཤིན་ཏུ་གནས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པའི་ཏིང་ངེ་འཛིན་གྱི་སྒོ་མོ་རྣམ་པར་འགྲོལ་བ་དང་ལྟ་བ་གང་ཡིན་པ་དེ་ནི་བཟོད་པའི་འོ། །ཡང་དག་པའི་ཏིང་ངེ་འཛིན་མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡང་དག་པའི་ཏིང་ངེ་འཛིན་ལེགས་པར་འོངས་པ་བསམ་པ་ཇི་ལྟ་བ་བཞིན་ལས་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ཡང་དག་པའི་ཏིང་ངེ་འཛིན་གཉེན་པོ་ཡོངས་སུ་གཅོད་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ཏིང་ངེ་འཛིན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གནོད་པར་བྱེད་པའི་ཆོས་རྣམས་སྤོང་བ་གང་ཡིན་པ་དེ་ནི་སྦྱིན་པའི་འོ། །ལུས་དང་སེམས་ཤིན་ཏུ་སྦྱངས་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྒྲིབ་པ་མེད་པ་ལ་སྙོམས་པར་འཇུག་པ་གང་ཡིན་པ་དེ་ནི་བཟོད་པའི་འོ། །ཏིང་ངེ་འཛིན་ལ་གཞན་གྱིས་ཉམས་པར་བྱར་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡེ་ཤེས་ཀྱི་སྦྱོར་བ་མ་རྒུད་པ་གང་ཡིན་པ་དེ་ནི་བསམ་གཏན་གྱིའོ། །བསམ་པ་ཐམས་ཅད་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ 123a ༄#། །ཞེ་ན།་མ་ཐོས་པར་ཆོས་རྣམས་མངོན་པར་བརྗོད་པ་གང་ཡིན་པ་དེ་ནི་སྦྱིན་པའི་འོ། །སྐྱོན་མེད་པར་མངོན་པར་བརྗོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བོ་མང་པོ་འདོད་པར་མངོན་པར་བརྗོད་པར་གང་ཡིན་པ་དེ་ནི་བཟོད་པའི་འོ། །ལྡེམ་པོ་དག་ཕུན་སུམ་ཚོགས་པར་འགྱུར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཀྱི་ཉིད་མཚམས་སྦྱོར་བ་ཕུན་སུམ་ཚོགས་པ་གང་ཡིན་པ་དེ་ནི་བསམ་གཏན་གྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིག་པ་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རིག་པ་ལ་སྦྱོར་བ་གྲུབ་པ་གང་ཡིན་པ་དེ་ནི་སྦྱིན་པའི་འོ། །འདོད་པར་འགྱུར་བའི་རིག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིག་པ་ཐམས་ཅད་ལ་གང་ཡིན་པ་དེ་ནི་བཟོད་པའི་འོ། །རིག་པའི་ས་ཐམས་ཅད་ལ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཐམས་ཅད་ཡང་དག་པར་གཟུང་བའི་རིག་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་རབ་ཏུ་ཤེས་པར་བྱེད་པའི་རིག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རིག་པ་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་གྲོལ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣམ་པར་ 123b གྲོལ་བ་ལ་མྱུར་དུ་ཞུགས་པ་གང་ཡིན་པ་དེ་ནི་སྦྱིན་པའི་འོ། །བག་ཆགས་དང་བྲལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཐར་འཛིན་པ་ཡོངས་སུ་སྤངས་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་དེའི་ངོ་བོ་མ་ཡིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་ཐམས་ཅད་དུ་བདེ་བ་དང་སྡུག་བསྔལ་གྱིས་མི་འཕྲོག་པ་གང་ཡིན་པ་དེ་ནི་བསམ་གཏན་གྱིའོ། །དེ་ཁོ་ནའི་ཆོས་ཀྱི་རྒྱུ་མཐུན་པའི་ཐམས་ཅད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་གྲོལ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགེ་སློང་གི་འཁོར་ཉེ་བར་འོང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་པ་ཇི་ལྟ་བ་བཞིན་ཐམས་ཅད་དུ་སྤྲུལ་པ་གང་ཡིན་པ་དེ་ནི་སྦྱིན་པའི་འོ། །ཅི་འདོད་པར་སྤྲུལ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེའི་བསམ་པ་བརྗོད་པ་གང་ཡིན་པ་དེ་ནི་བཟོད་པའི་འོ། །ཁྱད་པར་དུ་བརྗོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ལ་འཛིན་པ་མེད་པར་བརྗོད་པ་གང་ཡིན་པ་དེ་ནི་བསམ་གཏན་གྱིའོ། །དེ་ལས་ངེས་པར་གྲོལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དགེ་སློང་གི་འཁོར་ཉེ་བར་འོང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་བཞིན་དུ་བཤད་པ་འདིས་ན་འཁོར་བརྒྱད་པོ་ཐམས་ཅད་ལའང་སྦྱར་བར་ཤེས་པར་བྱའོ། །དེ་ལ་དོན་སོ་སོ་ཡང་ 124a ༄#། །དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དོན་བརྗོད་པ་དང་དོན་མ་ཡིན་པ་བརྗོད་པ་གང་ཡིན་པ་དེ་ནི་སྦྱིན་པའི་འོ། །སྐྱེ་བོ་མང་པོ་ཚིམ་པར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དོན་ལ་སྐྱོན་མེད་པ་གང་ཡིན་པ་དེ་ནི་བཟོད་པའི་འོ། །འོག་མིན་གྱི་གནས་ནས་བཟུང་སྟེ་ཕན་ཚུན་བདེན་པ་རྒྱ་ཆེར་སྨྲ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཚུངས་པ་རྣམས་དོན་ལ་ཆོག་ཤེས་པ་གང་ཡིན་པ་དེ་ནི་བསམ་གཏན་གྱིའོ། །མཚུངས་པ་མ་ཡིན་པའི་མི་འཁྲུགས་པའི་ཆོས་ཉིད་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དོན་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་མངོན་པར་བརྗོད་པ་གང་ཡིན་པ་དེ་ནི་སྦྱིན་པའི་འོ། །གཞན་ལ་གོ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཇི་ལྟ་བ་བཞིན་ཡོངས་སུ་བསྔོ་བ་གང་ཡིན་པ་དེ་ནི་བཟོད་པའི་འོ། །རྒྱུན་མ་ཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་གནས་པ་དང་དེ་བཞིན་ཉིད་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །རྟག་ཏུ་ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་སོ་སོ་ཡང་དག་པར་ 124b རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངེས་པའི་ཚིག་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཏམ་གྱི་ཕྱིར་ངེས་པའི་ཚིག་གི་ངོ་བོ་གང་ཡིན་པ་དེ་ནི་སྦྱིན་པའི་འོ། །ཉེ་བར་ཞི་བ་ལ་ངེས་པའི་ཚིག་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་པའི་ངག་ཐམས་ཅད་ལ་ངེས་པའི་ཚིག་གང་ཡིན་པ་དེ་ནི་བཟོད་པའི་འོ། །དེ་དག་ཐམས་ཅད་ལ་གོ་བས་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། དམ་བཅས་པ་སྒྲོལ་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ཐར་པ་དང་འགོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ངེས་པའི་ཚིག་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤོབས་པ་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོབས་པ་སྣ་ཚོགས་པ་གང་ཡིན་པ་དེ་ནི་སྦྱིན་པའི་འོ། །སྤོབས་པ་མཉེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་དག་ཐམས་ཅད་ཚིམ་པར་བྱེད་པ་གང་ཡིན་པ་དེ་ནི་བཟོད་པའི་འོ། །མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐེ་ཚོམ་གཅོད་པ་གང་ཡིན་པ་དེ་ནི་བསམ་གཏན་གྱིའོ། །མྱ་ངན་ལས་འདས་པ་ལ་གཞོལ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤོབས་པ་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་ 125a ༄#། །པ་དྲུག་གོ་།དེ་ལ་ཡོངས་སུ་སྐྱོ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཆོས་སྟོན་པ་ན་ཆོས་ཉན་པ་རྣམས་ལ་ཆོས་བསྟན་པས་མི་སྐྱོ་བ་གང་ཡིན་པ་དེ་ནི་སྦྱིན་པའི་འོ། །སེམས་ཅན་ལ་ཕན་པར་སྒྲུབ་པས་མི་སྐྱོ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐུ་རང་གིས་བཤིག་སྟེ་རྒྱ་ཆེར་བྱིན་གྱིས་བརླབས་པ་གང་ཡིན་པ་དེ་ནི་བཟོད་པའི་འོ། །གདུལ་བ་རྣམས་ཀྱི་ཆེད་དུ་དུས་ཐམས་ཅད་དུ་ཉེ་བར་འོང་བའི་རྫུ་འཕྲུལ་གང་ཡིན་པ་དེ་ནི་བརྩོན་འགྲུས་ཀྱིའོ། །ཇི་ལྟར་འདོད་པ་བཞིན་སྙོམས་པར་འཇུག་པ་ལ་སྙོམས་པར་ཞུགས་པ་ན་གདམས་ངག་སྟེར་བ་གང་ཡིན་པ་དེ་ནི་བསམ་གཏན་གྱིའོ། །དུས་དང་དུས་མ་ཡིན་པར་ཆོས་ཉན་པ་རྣམས་ལ་ཇི་སྙེད་འདོད་པ་དེ་སྙེད་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི། ཡོངས་སུ་སྐྱོ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྦྱིན་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སློང་བ་ལ་བྱིན་ནས་བདེ་བར་ཡོངས་སུ་བསྔོས་པ་གང་ཡིན་པ་དེ་ནི་སྦྱིན་པའི་འོ། །ལུས་དང་ངག་གི་ལྷག་པར་སྦྱིན་པ་བྱིན་པས་དང་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱིན་པ་ལ་དགའ་བ་གང་ཡིན་པ་དེ་ནི་བཟོད་པའི་འོ། །སྦྱིན་པ་བྱིན་པ་ན་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ 125b ཀྱིའོ། །སེམས་དང་བ་གང་ཡིན་པ་དེ་ནི་བསམ་གཏན་གྱིའོ། །སྦྱིན་པ་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྦྱིན་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚུལ་ཁྲིམས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསླབ་པ་ཡང་དག་པར་བླང་བ་བྱིན་པ་དང ། སེམས་ཅན་རྣམས་ལ་མི་འཇིགས་པ་སྦྱིན་པ་གང་ཡིན་པ་དེ་ནི་སྦྱིན་པའི་འོ། །མི་འཇིགས་པ་བྱིན་པ་ལ་འཁྲུག་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་ལ་ཕན་པར་སེམས་པ་གང་ཡིན་པ་དེ་ནི་བཟོད་པའི་འོ། །བསླབ་པ་ཀུན་ནས་སྲུང་ཞིང་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསླབ་པ་སྔོན་དུ་བཏང་ནས་སེམས་ཅན་རྣམས་ལ་ཕན་པར་སེམས་པ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཚུལ་ཁྲིམས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཟོད་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་བདེ་ན་དང་བ་གང་ཡིན་དེ་ནི་སྦྱིན་པའི་འོ། ། སེམས་ཅན་ཀྱི་ཉོན་མོངས་པ་བཟོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་བ་ཐོག་མ་མེད་པ་ནས་སྐྱེ་བ་ལ་མི་མཇེད་པ་གང་ཡིན་པ་དེ་ནི་བཟོད་པའི་འོ། །རྟག་ཏུ་རྒྱུན་ 126a ༄#། །མི་ཆད་པར་ངེས་པར་རྩོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་ལ་ཕན་པར་ངེས་པ་གང་ཡིན་པ་དེ་ནི་བསམ་གཏན་གྱིའོ། ། ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བཟོད་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཇིག་རྟེན་ལ་ཕན་པར་སྦྱོར་བ་གང་ཡིན་པ་དེ་ནི་སྦྱིན་པའི་འོ། །གནོད་པ་མེད་པར་ཕ་རོལ་གནོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྡུག་བསྔལ་ཐོབ་པ་ཐར་པར་བྱས་པ་ནི། དཔེར་ན་ཐི་བའི་ལྟ་བུ་གང་ཡིན་པ་དེ་ནི་བཟོད་པའི་འོ། །སྦྱོར་བ་མ་བཏང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྩོན་འགྲུས་ཀྱིས་སྒྲིབ་པ་སེལ་བ་གང་ཡིན་པ་དེ་ནི་བསམ་གཏན་གྱིའོ། །སངས་རྒྱས་ཀྱི་ཡུལ་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱམས་པ་གཙོ་བོའི་བསམ་གཏན་སེམས་ཅན་ལ་ཕན་པ་དང་ལྡན་པ་གང་ཡིན་པ་དེ་ནི་སྦྱིན་པའི་འོ། །སེམས་ཅན་ལ་ཕན་པའི་འདུ་ཤེས་ཅན་གྱི་བསམ་གཏན་གང་ཡིན་པ་ 126b དེ་ནི་ཚུལ་ཁྲིམས་ཀྱིའོ། །འཇིག་རྟེན་ལ་ཕན་པར་སེམས་སྤྲོ་བ་གང་ཡིན་པ་དེ་ནི་བཟོད་པའི་འོ། །ཉེ་བར་ཞི་བའི་ཕྱིར་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། ། ཆོས་ཀྱི་སྦྱིན་པ་ལེགས་པར་བསམ་ནས་སྨྲ་བ་གང་ཡིན་པ་དེ་ནི་བསམ་གཏན་གྱིའོ། །རང་བཞིན་གྱིས་གནས་པའི་ངེས་པའི་ཚིག་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་ལས་།ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་ཀྱི་སྦྱིན་པ་རབ་ཏུ་སྦྱིན་པར་བྱེད་པ་གང་ཡིན་པ་དེ་ནི་སྦྱིན་པའི་འོ། །ཆོས་ཀྱི་སྦྱིན་པ་ཟང་ཟིང་མེད་པར་སྨྲ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཀྱི་སྦྱིན་པ་ལ་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་བཟོད་པའི་འོ། །དད་པས་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཀྱི་སྦྱིན་པ་ལེགས་པར་བསམས་ནས་སྨྲ་བ་གང་ཡིན་པ་དེ་ནི་བསམ་གཏན་གྱིའོ། །རང་བཞིན་གྱི་དེ་བཞིན་ཉིད་དང ། ངེས་པའི་ཚིག་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་མིག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། མཐོང་ན་དགའ་བར་འགྱུར་བའི་མིག་གང་ཡིན་པ་དེ་ནི་སྦྱིན་པའི་རྣམ་པར་སྨིན་ 127a ༄#། །པའོ། །མིག་བལྟ་ན་སྡུག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐག་རིང་པོར་མཐོང་བ་གང་ཡིན་པ་དེ་ནི་བཟོད་པའི་འོ། །མིག་དཀྱུས་རིང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟས་པས་དང་བར་གྱུར་བ་གང་ཡིན་པ་དེ་ནི་བསམ་གཏན་གྱིའོ། །ཀུན་ནས་ཤིན་ཏུ་དང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་མིག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་རྣ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣ་བ་ཉམས་པ་མེད་པ་གང་ཡིན་པ་དེ་ནི་སྦྱིན་པའི་འོ། །རྣ་བ་རྣམ་པར་དག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྣ་བའི་ཁམས་ཤིན་ཏུ་དང་བ་གང་ཡིན་པ་དེ་ནི་བཟོད་པའི་འོ། །རྣ་བ་ཆ་ཕྲ་བ་ཐོས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣ་བ་ཐག་རིང་བ་ཐོས་པ་གང་ཡིན་པ་དེ་ནི་བསམ་གཏན་གྱིའོ། །བཀུར་སྟི་མ་ཡིན་པ་ཐོས་ན་མི་དགའ་བ་མེད་པའི་རྣ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་རྣ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སྣའི་ཕ་རོལ་ཏུ་ཕྱིན་པ་དྲུག་གང་ཞེ་ན། དང་བར་འགྱུར་བའི་སྣ་གང་ཡིན་པ་དེ་ནི་སྦྱིན་པའི་འོ། །སྣའི་དབང་པོ་ཉམས་པ་གང་ཡིན་པ་དེ་ 127b ནི།་ཚུལ་ཁྲིམས་ཀྱིའོ། །ཡིད་དུ་འོང་བ་སྣོམ་པ་གང་ཡིན་པ་དེ་ནི་བཟོད་པའི་འོ། །མི་མཐུན་པ་སྣོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྣ་མ་གཏུགས་པ་གང་ཡིན་པ་དེ་ནི་བསམ་གཏན་གྱིའོ། །སྐྱོན་སྣོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་སྣའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་ལྕེའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྕེས་རོ་མྱངས་ན་དང་བར་འགྱུར་བ་གང་ཡིན་པ་དེ་ནི་སྦྱིན་པའི་འོ། །ཁེངས་ཚིག་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བོ་མང་པོ་འདོད་པའི་ཚིག་གང་ཡིན་པ་དེ་ནི་བཟོད་པའི་འོ། །ཡི་གེ་མང་པོ་རྗེས་སུ་དྲན་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྕེ་རྐན་ལ་གཞར་བ་གང་ཡིན་པ་དེ་ནི་བསམ་གཏན་གྱིའོ། །ལྕེ་མཆོག་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་ལྕེའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ལུས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་ཤས་རྒྱས་ཤིང་མདོག་དམར་སེར་གང་ཡིན་པ་དེ་ནི་སྦྱིན་པའི་འོ། །སྐྱེ་བོ་མང་པོས་བལྟ་ན་སྡུག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལུས་དབང་ཆེ་བར་གྲགས་པ་གང་ཡིན་པ་དེ་ནི་བཟོད་པའི་འོ། །ལུས་བརྟན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལུས་ཤིན་ཏུ་གཞོན་ 128a ༄#། །ཤ་ཆགས་པ་གང་ཡིན་པ་དེ་ནི་བསམ་གཏན་གྱིའོ། །གཙོ་བོར་འགྲོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་ལུས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སེམས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་འདོད་ཆགས་ཆུང་བ་གང་ཡིན་པ་དེ་ནི་སྦྱིན་པའི་འོ། །ཞེ་སྡང་ཆུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཏི་མུག་མེད་པ་གང་ཡིན་པ་དེ་ནི་བཟོད་པའི་འོ། །རྟོགས་པ་རྣོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྱོར་བ་དང་རྗེས་སུ་མཐུན་པ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟར་འདོད་པ་བཞིན་ཆོས་ཐམས་ཅད་ཁོང་དུ་ཆུད་པ་མང་བ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་རྣམ་པར་སྨིན་པ་སེམས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གང་ཞེ་ན། གཞན་ཡོངས་སུ་སྨིན་པར་བྱ་བའི་སྦྱིན་པ་ནི། དཔེར་ན་རྒྱལ་པོའི་བུ་སྙིང་སྟོབས་།ཞུམ་པ་མེད་ཀྱིས་ཛམྦུའི་གླིང་པའི་སེམས་ཅན་རྣམས་ཚིམ་པར་བྱས་ནས་ཐམས་ཅད་ཀྱང་བྱང་ཆུབ་ཀྱི་ཕྱིར་ཡོངས་སུ་སྨིན་པར་བྱས་པ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གཞན་ལ་ཕན་པ་དང་ལྡན་པའི་ཚུལ་ཁྲིམས་ཀྱི་རྣམ་པར་ 128b སྨིན་པ་སྙིང་སྟོབས་ནི། དཔེར་ན་སྲེག་པས་མིས་ཚིག་པར་བྱེད་པ་བསོད་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་ལ་ཕན་པར་ཡོངས་སུ་བསྔོས་པའི་བཟོད་པའི་རྣམ་པར་སྨིན་པ་འཁོར་བ་ནི། དཔེར་ན་ཚངས་པས་སེམས་ཅན་དྲུག་ཅུ་ཡོངས་སུ་སྨིན་པར་བྱ་བའི་ཕྱིར་ཉོན་མོངས་པ་བཟོད་པ་ལྟ་བུ་གང་ཡིན་པ་དེ་ནི། བཟོད་པའི་འོ། །གཞན་ཡོངས་སུ་སྨིན་པར་བྱ་བའི་བརྩོན་འགྲུས་ནི། དཔེར་ན་ནད་སྲོག་གི་ལྷག་མ་ལུས་པ་ལ་ལོ་བདུན་ཅུར་ཕན་པར་བྱ་བའི་འདོད་པའི་ཡིད་ཀྱིས་དཔག་ཚད་བདུན་བརྒྱར་སོང་ནས་རི་གངས་ཅན་ལས་སྨན་བླངས་ཏེ་ནད་པ་ཐར་པར་བྱས་པ་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་ལ་ཕན་ཞིང་བདེ་བ་དང་ལྡན་པའི་བསམ་གཏན་ནི། དཔེར་ན་དྲང་སྲོང་སེར་སྐྱས་སེམས་ཅན་ལ་ཕན་པར་བྱ་བའི་ཕྱིར་གྲོང་ཁྱེར་བརྩིགས་པ་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །གཞན་བདེ་བར་སྒྲུབ་པའི་ཤེས་རབ་ནི། དཔེར་ན་བསྟན་བཅོས་ཐམས་ཅད་དང ། ཡིག་འབྲུ་རྣམས་གསོ་བར་བྱེད་པ་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་བདག་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གང་ཞེ་ན། བདག་ལ་ 129a ༄#། །ཕན་པར་འདོད་པའི་ཕུན་སུམ་ཚོགས་པ་གང་ཡིན་པ་དེ་ནི་སྦྱིན་པའི་འོ། །བདག་གི་དགེ་བའི་རྩ་བ་རྣམས་འབྲས་བུ་ཡོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བདག་ཁ་དོག་རྒྱས་པ་གང་ཡིན་པ་དེ་ནི་བཟོད་པའི་འོ། །བདག་གི་ཕྱིར་བརྩོན་འགྲུས་རྩོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདག་གི་ཕྱིར་མཐོ་རིས་སུ་འཇུག་པའི་བསམ་གཏན་ནི། དཔེར་ན་འཇིག་པའི་བསྐལ་པ་བདུན་གྱི་བར་དུ་བདག་འཇིག་རྟེན་འདིར་མི་འོང་བ་གང་ཡིན་པ་དེ་ནི་བསམ་གཏན་གྱིའོ། །བདག་ལ་ཕན་པ་དང་ལྡན་པའི་ཤེས་རབ་ནི། དཔེར་ན་རྒྱལ་པོའི་བུ་སེར་སྐྱའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བདག་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྒྱན་སྣ་ཚོགས་ཀྱི་ངོ་བོས་བརྒྱན་པ་གང་ཡིན་པ་དེ་ནི་ཆོས་ཀྱི་སྦྱིན་པའི་འོ། །མི་དམིགས་པ་ལ་གནས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་གྱི་འདུ་ཤེས་དང་བྲལ་བའི་བཟོད་པ་གང་ཡིན་པ་དེ་ནི་བཟོད་པའི་འོ། །ཆོས་ཀྱི་ཕ་རོལ་ཏུ་ཕྱིན་པ་གཉིས་སུ་མེད་པར་སྤྱོད་པའི་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་པར་མ་ཞེན་ཅིང་སེམས་ 129b མཉམ་པ་ཉིད་ཐོབ་པའི་ཆོས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་གཉིས་སུ་མེད་པས་གསལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དོན་གྱི་ཕ་རོལ་ཏུ་ཕིན་པ་དྲུག་གང་ཞེ་ན། སྦྱིན་པའི་འབྲས་བུ་ལོངས་སྤྱོད་ཆེན་པོ་གང་ཡིན་པ་དེ་ནི་དེའི་དོན་ཏོ། །ཚུལ་ཁྲིམས་ཀྱི་འབྲས་བུ་བདེ་འགྲོ་གང་ཡིན་པ་དེ་ནི་དེའི་དོན་ཏོ། །བཟོད་པའི་འབྲས་བུ་གཟུགས་བཟང་བ་གང་ཡིན་པ་དེ་ནི་དེའི་དོན་ཏོ། །བརྩོན་འགྲུས་ཀྱི་འབྲས་བུ་འཇིག་རྟེན་པ་དང་འཇིག་རྟེན་པ་དང་འཇིག་རྟེན་ལས་འདས་པའི་བྱ་བ་སྒྲུབ་པ་གང་ཡིན་པ་དེ་ནི་དེའི་དོན་ཏོ། །བསམ་གཏན་སྐྱེ་བར་ཡོངས་སུ་བསྔོ་བ་གང་ཡིན་པ་དེ་ནི་དེའི་དོན་ཏོ། །ཤེས་རབ་དང་བྲས་བ་དང་རྒྱུ་མཐུན་པ་གང་ཡིན་པ་དེ་ནི་དེའི་དོན་ཏོ། །འདི་དག་ནི་དོན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྟོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོང་པ་དང་རབ་ཏུ་ལྡན་པའི་ལུས་མི་འཇིགས་པ་གང་ཡིན་པ་དེ་ནི་སྦྱིན་པའི་འོ། །སྤོང་བའི་རྒྱུས་རབ་ཏུ་མི་རྨོངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ལ་བཟོད་པ་མི་འདོར་བ་གང་ཡིན་པ་དེ་ནི་བཟོད་པའི་འོ། །སྦྱོར་བ་ཐམས་ཅད་གྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་གྱི་འབྲས་བུ་འགོག་པ་གང་ཡིན་པ་དེ་ནི་བསམ་ 130a ༄#། །གཏན་གྱིའོ། །རྡོ་རྗེ་ལྟ་བུའི་ཏིང་ངེ་འཛིན་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྟོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤྲོ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པ་བྱིན་པ་ན་ནམ་ཡང་རྨུགས་པ་དང་གཉིད་དུ་མ་གྱུར་ཅིང་བདག་ལ་དགའ་བ་མི་བསྐྱེད་པ་གང་ཡིན་པ་དེ་ནི། དཔེར་ན་ཤཱཀྱ་ཆེན་པོའི་ནགས་ཁྲོད་དཔག་ཚད་དགུ་བཅུ་རྩ་དྲུག་པ་ལྟ་བུ་གང་ཡིན་པ་དེ་ནི་སྦྱིན་པའི་འོ། །བསླབ་པའི་ཕྱིར་རྒྱལ་སྲིད་སྤངས་ཏེ་སྤོང་བ་ནི། དཔེར་ན་རྒྱལ་པོའི་བུ་དོན་ཡོད་གནས་ན་འདུག་ཅིང་བརྫུན་ཏུ་སྨྲ་བ་མི་ཟེར་བལྟ་བུ་དང ། ལུས་ཀྱི་ཕྱིར་གཞན་དག་ཕ་མ་གསོད་ཅིང་སྡིག་པ་དག་བྱེད་པ་ན་ངས་སྦྱིན་པ་དང་ཆོས་མ་སྤངས་པས་དེ་ནི་སངས་རྒྱས་ཡིན་ནོ་བར་ཐེ་ཚོམ་མེད་པར་ཤེས་པར་འགྱུར་རོ། །ཞེས་ཇི་སྐད་གསུངས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕ་རོལ་རྗེས་སུ་སྲུང་བའི་བཟོད་པ་ནི། དཔེར་ན་གླང་པོ་ཆེ་གནང་དུ་ཕོག་ཀྱང་སྲུང་བ་ལྟ་བུ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ཀྱིས་ལོ་སྟོང་ཕྲག་སུམ་ཅུ་རྩ་དྲུག་ཏུ་ཆོས་སྨྲ་བ་ལ་བསྟན་ཀྱང་གནོད་པ་མེད་ཅིང་མི་སྐྱེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ལ་ཕན་པའི་ཕྱིར་བསམ་གཏན་བྱེད་པ་ནི། དཔེར་ 130b ན། ཛམྦུའི་གླིང་ནས་བདག་ཉིད་མཐོ་རིས་སུ་སོང་བ་བྲམ་ཟེའི་བུ་ཕན་ཚོལ་གྱི་སྔོན་གྱི་ཚུལ་ལས་ཤེས་པར་བྱ་བལྟ་བུ་གང་ཡིན་པ་དེ་ནི་བསམ་གཏན་གྱིའོ། །ཤེས་རབ་ནི། དཔེར་ན་སྨན་ཆེན་གྱི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤྲོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལྟ་སྟོང་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སྟོང་པ་ཉིད་ཀྱི་ཏིང་ངེ་འཛིན་གྱི་ཁྱིམ་རབ་ཏུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམིགས་པ་མེད་པ་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ས་རབ་ཏུ་ཐོབ་པ་གང་ཡིན་པ་དེ་ནི་བཟོད་པའི་འོ། །བསྒོམས་པའི་སྟོབས་ཅན་གང་ཡིན་པ་དེ་ནི་བརྩོན་འགྲུས་ཀྱིའོ། །ངེས་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །བྱ་བ་ཐམས་ཅད་དུ་ཐུན་མོང་མ་ཡིན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྟོང་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཚན་མ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དུས་ཐམས་ཅད་དུ་མཚན་མ་མེད་པ་གང་ཡིན་པ་དེ་ནི་སྦྱིན་པའི་འོ། །ཐམས་ཅད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །ཡོངས་སུ་བསྔོས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུན་མི་ཆད་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་གཅོད་པར་བྱེད་པ་གང་ཡིན་པ་དེ་ནི་ 131a ༄#། །ཤེས་རབ་ཀྱི་སྟེ། འདི་དག་ནི་མཚན་མ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྨོན་པ་མེད་པར་མྱུར་དུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཆགས་པ་མེད་པ་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཁམས་གསུམ་ལ་མངོན་པར་མི་ལྟ་བ་གང་ཡིན་པ་དེ་ནི་བཟོད་པའི་འོ། །བར་མདོར་ཆུད་མེ་མདོར་ཆུད་མེ་ཟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་དམིགས་པ་གང་ཡིན་པ་དེ་ནི་བསམ་གཏན་གྱིའོ། །བག་ཆགས་འདོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། །བྱང་ཆུབ་སྙིང་པོར་སྐྱིལ་མོ་ཀྲུང་གཅིག་གིས་སྐུ་མ་དུབ་པ་གང་ཡིན་པ་དེ་ནི་སྦྱིན་པའི་འོ། །སྐུ་གཟི་བྱིན་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་མངོན་པར་བརྗོད་པ་གང་ཡིན་པ་དེ་ནི་བཟོད་པའི་འོ། །ཆོས་མངོན་པར་བརྗོད་ཅིང་ཕྱིན་ཅི་མ་ལོག་པར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །སྒྱུ་མར་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཞན་གྱི་ཕ་རོལ་ཏུ་ཕྱིན་པ་ 131b དྲུག་གོ་།དེ་ལ་རྣམ་པར་སྨིན་པ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚོང་པ་གོ་གོན་གྱིས་མཆོད་སྟོན་གསོལ་བ་གང་ཡིན་པ་དེ་ནི་སྦྱིན་པའི་འོ། །ཀླུ་བཏང་བཟུང་གིས་དཀྲིས་ཏེ་བཞུགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚངས་པ་ཉེ་བར་འོངས་ནས་གསོལ་བ་འདེབས་པ་གང་ཡིན་པ་དེ་ནི་བཟོད་པའི་འོ། །སངས་རྒྱས་ཀྱི་སྤྱན་གྱིས་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གདུལ་བ་རྣམས་ཡང་དང་ཡང་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །གཏི་མུག་མེད་པའི་ཆོས་ཀྱི་འཁོར་ལོ་བསྐོར་བ་ན། འདི་ལྟར་གཅིག་ནས་གཅིག་ཏུ་ཚངས་པའི་འཇིག་རྟེན་གྱི་བར་དུ་སྒྲ་མངོན་པར་གྲགས་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་རྣམ་པར་སྨིན་པ་གཞན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྦྱོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྔ་པོ་དག་ཉེ་བར་འོངས་པ་གང་ཡིན་པ་དེ་ནི་སྦྱིན་པའི་འོ། །བྱ་བ་དང་བྱ་བ་མ་ཡིན་པ་དེ་ནི་ཐོས་ནས་དང་དུ་ལེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷག་པའི་ང་རྒྱལ་མེད་པས་ཉེ་བར་གནས་པ་གང་ཡིན་པ་དེ་ནི་བཟོད་པའི་འོ། ། བདུད་རྩིས་ཚིམ་པར་མཛད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྔ་པོ་དག་ལ་བཀའ་སྩོལ་ཅིང་གོ་བར་མཛད་པ་གང་ཡིན་པ་དེ་ནི་བསམ་གཏན་གྱིའོ། །ལྷག་བྱེ་ 132a ༄#། །བ་ཕྲག་ལྔ་པོ་དག་ལ་བདུད་རྩི་རྟོགས་པར་མཛད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྦྱོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གནས་དང་གནས་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གནས་དང་གནས་མ་ཡིན་པ་ཉིད་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམ་བཅས་པ་གཞན་དུ་མི་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པར་རྟོགས་པ་གང་ཡིན་པ་དེ་ནི་བཟོད་པའི་འོ། །དམ་བཅས་པ་སྟོབས་ཅན་གང་ཡིན་པ་དེ་ནི་བརྩོན་འགྲུས་ཀྱིའོ། །སྨྲ་བ་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །དུས་ཤེས་ནས་སྒོམ་པ་གང་ཡིན་པ་དེ་ནི་ཤེས་རབ་ཀྱིའོ། འདི་དག་ནི་གནས་དང་གནས་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདས་པ་དང ། མ་འོངས་པ་དང ། ད་ལྟར་བྱུང་བའི་ལས་ཡང་དག་པར་བླང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལས་ཀྱི་སྐྱེ་བ་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ལས་ཀྱི་རྒྱུ་ལས་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྐྱེན་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ལས་རྣམས་ཀྱི་སྤོང་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤོང་པའི་ཐབས་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །སྤོང་བའི་སྐྱེ་བ་མེད་ 132b པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདས་པ་དང ། མ་འོངས་པ་དང ། ད་ལྟར་བྱུང་པའི་ལས་ཡང་དག་པར་བླང་བའི་ཕ་རོལ་ཏུ་ཕྱིན་པ་དྲུག་གོ་།དེ་ཡི་འཇིག་རྟེན་གྱི་ཁམས་སྣ་ཚོགས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་རྣམས་ཀྱི་ཁམས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ཁམས་ཐ་དད་པ་མ་ཡིན་པ་ལ་རྟོག་པ་གང་ཡིན་བདེ་ནི་ཚུལ་ཁྲིམས་ཀྱིའོ། །ཁམས་ལ་སེམས་ཅན་མེད་པར་རྟོག་པ་གང་ཡིན་པ་དེ་ནི་བཟོད་པའི་འོ། །ཁམས་ཀྱི་སྦྱོར་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཁམས་རབ་ཏུ་སྒྲུབ་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །ཁམས་ཀྱི་ངེས་པར་བྱུང་བ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འཇིག་རྟེན་གྱི་ཁམས་སྣ་ཚོགས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབང་པོ་ཡོངས་སུ་རྫོགས་པར་མཁྱེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་རྟོགས་པ་གང་ཡིན་པ་དེ་ནི་སྦྱིན་པའི་འོ། །མིག་དང ། རྣ་བ་དང ། སྣ་དང ། ལྕེ་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་རྟོགས་པ་གང་ཡིན་པ་དེ་ནི་བཟོད་པའི་འོ། །ཕོའི་དབང་པོ་དང ། མོའི་དབང་པོ་དང ། སྲོག་གི་དབང་པོ་དང ། བདེ་བའི་དབང་པོ་དང ། སྡུག་བསྔལ་གྱི་དབང་པོ་དང ། ཡིད་བདེ་ 133a ༄#། །བའི་དབང་པོ་དང ། ཡིད་མི་བདེ་བའི་དབང་པོ་དང ། བཏང་སྙོམས་ཀྱི་དབང་པོ་སྟེ། དབང་པོ་དྲུག་པོ་འདི་དག་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དད་པའི་དབང་པོ་ནས་ཤེས་རབ་ཀྱི་དབང་པོའི་བར་དུ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །ཀུན་ཤེས་པའི་དབང་པོ་དང ། ཀུན་ཤེས་པ་དང་ལྡན་པའི་དབང་པོ་རྟོགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དབང་པོ་ཡོངས་སུ་རྫོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་གྱི་མོས་པ་དུ་མའི་ཕ་རོལ་ཏུ་ཕྱིན་པ་དྲུག་གང་ཞེ་ན། མོས་པ་ལ་སྦྱོར་བ་ཡང་དག་པར་གྲུབ་པ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་དེ་ལ་ཐོགས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མོས་པ་ཇི་ལྟ་བ་བཞིན་དུས་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ངེས་པར་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་དང ། །མི་སྐྱེ་བའི་ཟད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །མོས་པ་དེ་ལྟ་བུར་ཉེ་བར་ཞི་བ་དང ། ཐབས་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མོས་པ་དུ་མའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐམས་ཅད་དུ་འགྲོ་བའི་ལམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དཀའ་བ་བུལ་ 133b བར་རྟོགས་པ་གང་ཡིན་པ་དེ་ནི་སྦྱིན་པའི་འོ། །དཀའ་བ་མྱུར་བར་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སླ་བ་བུལ་བར་རྟོགས་པ་གང་ཡིན་པ་དེ་ནི་བཟོད་པའི་འོ། ། སླ་བ་མྱུར་བར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འགྲོ་བ་དང་འབྲེལ་པར་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འགྲོ་བ་དང་འབྲེལ་བ་ཡོད་པ་དང་མེད་པར་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཐམས་ཅད་དུ་འགྲོ་བའི་ལམ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་འདི་རྣམས་ཀྱི་བདེ་བ་འདི་ངེས་པ་གང་ཡིན་པ་དེ་ནི་སྦྱིན་པའི་འོ། །ཅང་ཤེས་པ་མཚུངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་ལ་ཕན་པར་ཡོངས་སུ་བསྔོས་པའི་ཆོས་རྣམས་གང་ཡིན་པ་དེ་ནི་བཟོད་པའི་འོ། །བདག་ལ་ཕན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྣོད་ཇི་ལྟ་བ་བཞིན་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །རྒྱུ་མཐུན་པ་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། དེ་དག་ནི་དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་ 134a ༄#། །པར་འཇུག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྔོན་གྱི་གནས་རྗེས་སུ་དྲན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྔོན་གྱི་གནས་ལུས་ཀྱིས་རྟོགས་པ་གང་ཡིན་པ་དེ་ནི་སྦྱིན་པའི་འོ། །འགྲོ་བ་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལས་ཀྱི་མཐའ་རྟོགས་པ་གང་ཡིན་པ་དེ་ནི་བཟོད་པའི་འོ། །ཉོན་མོངས་པ་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པ་ཐམས་ཅད་པའི་མྱ་ངན་ལས་འདས་པ་ཇི་སྙེད་པ་ཀུན་ཡང་དག་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྔོན་གྱི་གནས་རྗེས་སུ་དྲན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་མིག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷའི་མིག་དང་བ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་ཁ་ན་མ་ཐོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐག་རིང་པོར་མཐོང་བ་གང་ཡིན་པ་དེ་ནི་བཟོད་པའི་འོ། །མ་ལུས་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུད་པ་དང ། དར་བ་དང ། བཀུར་སྟི་མེད་པ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །དེ་དག་གི་ངེས་པར་བྱུང་བ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་མིག་གི་ཕ་རོལ་ཏུ་ཕྱིན་པ་དྲུག་གོ་།དེ་ 134b ལ་ཟག་པ་ཟད་པའི་སྟོབས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པའི་སྐྱོན་མཐོང་བ་གང་ཡིན་པ་དེ་ནི་སྦྱིན་པའི་འོ། །ཟག་པ་རྣམས་ལ་མངོན་པར་མི་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟག་པ་རྣམས་ལ་མི་བལྟ་ཞིང་སེམས་ཀྱིས་གཏོང་བ་གང་ཡིན་པ་དེ་ནི་བཟོད་པའི་འོ། །ཟག་པ་རྣམས་ལ་མི་རྟོག་པར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཟག་པ་རྣམས་ཀྱི་ཡང་དག་པར་ཡོངས་སུ་ཤེས་ནས་སྤོང་བ་གང་ཡིན་པ་དེ་ནི་བསམ་གཏན་གྱིའོ། །ཟག་པ་རྣམས་ཀྱི་བག་ཆགས་ཀྱི་ཉིད་མཚམས་སྦྱོར་བ་ཡོངས་སུ་གཏོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཟག་པ་ཟད་པའི་སྟོབས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པར་རྫོགས་པའི་སངས་རྒྱས་ཀྱིས་ཆོས་འདི་དག་མངོན་པར་རྫོགས་པར་སངས་རྒྱས་པའོ། །ཞེས་མི་འཇིགས་པ་དང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་རིགས་པར་རྟོགས་པ་གང་ཡིན་པ་དེ་ནི་སྦྱིན་པའི་འོ། །དམ་བཅས་པ་མ་ཞུམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པར་རྟོགས་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་ཐུགས་སུ་ཆུད་པ་མ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པ་ཐམས་ཅད་མཁྱེན་པ་ཉིད་ཐུགས་སུ་ཆུད་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བརྒྱད་ཀྱི་ནང་ན་ 135a ༄#། །བག་ཚ་བ་མི་མངའ་ཞིང་དམ་བཅས་པ་བརྟན་པོ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་དང་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པར་ཟག་པ་ཟད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པ་ཟད་པ་གང་ཡིན་པ་དེ་ནི་སྦྱིན་པའི་འོ། །བག་ཆགས་སེལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བ་མེད་པ་གང་ཡིན་པ་དེ་ནི་བཟོད་པའི་འོ། །ཡོངས་སུ་ཤེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དམ་བཅས་པ་འཇིག་རྟེན་གྱི་ཆོས་བརྒྱད་ཀྱིས་མི་གཡོས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བ་ལ་ཉམས་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་གཉིས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངེས་པར་འབྱིན་པའི་ལམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལམ་ཐབས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །འཐོབ་པར་བྱེད་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འགོག་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །འཇུག་བར་བྱེད་པ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རབ་ཏུ་འཇོག་པར་བྱེད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བར་བྱེད་ 135b པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་གསུམ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བར་དུ་གཅོད་པ་རྣམས་ལ་སྐྱེ་བ་མེད་པར་རྟོག་པ་གང་ཡིན་པ་དེ་ནི་སྦྱིན་པའི་འོ། །མ་སྐྱེས་པར་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆགས་པ་མེད་པར་རྟོག་པ་གང་ཡིན་པ་དེ་ནི་བཟོད་པའི་འོ། །བར་དུ་གཅོད་པ་རྣམས་ཀྱི་ཁ་ན་མ་ཐོ་བ་མེད་པ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བར་དུ་གཅོད་པ་རྣམས་ལ་ཐེ་ཚོམ་མེད་པར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །བར་དུ་གཅོད་པ་རྣམས་ལ་ཆུང་ངུ་དང ། འབྲིང་དང ། ཆེན་པོས་ངེས་པ་དང ། མ་ངེས་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་ཏུ་ཕྱིན་པ་དྲུག་གོ། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བརྒྱད་པ། །དེ་ལ་སྙིང་རྗེ་ཆེན་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ལ་ཕན་པ་དང་ལྡན་པའི་སྙིང་རྗེ་ཆེན་པོ་གང་ཡིན་པ་དེ་ནི་སྦྱིན་པའི་འོ། །སེམས་མཉམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་ལ་གནོད་པ་དང་དུ་ལེན་པ་གང་ཡིན་པ་དེ་ནི་བཟོད་པའི་འོ། ། 136a ༄#། །སེམས་ཅན་ཉེ་བར་འོང་བ་རྣམས་ཐར་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མོས་པ་ཇི་ལྟ་བ་བཞིན་ཡོན་ཏན་ལ་འཇོག་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བ་ལས་གྲོལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྙིང་རྗེ་ཆེན་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སའི་ཁམས་དང ། ཆུའི་ཁམས་གཉིས་དང་བ་གང་ཡིན་པ་དེ་ནི་སྦྱིན་པའི་འོ། ། མེའི་ཁམས་དང ། རླུང་གི་ཁམས་གཉིས་ཀྱིས་བརྟན་ནས་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རླུང་དང ། མཁྲིས་པ་དང ། བད་ཀན་རྣམས་འདྲེས་པའི་སྐྱོན་གྱིས་མ་འཁྲུགས་པ་གང་ཡིན་པ་དེ་ནི་བཟོད་པའི་འོ། །སྤྱན་བལྟ་ན་སྡུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རིགས་པར་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །མ་ལུས་པར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷའི་སྤྱན་གྱིས་གཟུགས་ཀྱི་ལུས་གཟིགས་པ་གང་ཡིན་པ་དེ་ནི་སྦྱིན་ 136b པའི་འོ། །ནམ་མཁའི་ལུས་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒུད་པ་གཟིགས་པ་གང་ཡིན་པ་དེ་ནི་བཟོད་པའི་འོ། །དར་བ་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །སོ་སོར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསྒོམས་པས་འགྲུབ་པའི་ཤེས་རབ་ཀྱི་སྤྱན་གྱིས་གཟིགས་པ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པ་ཐར་པ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མངོན་པར་བརྗོད་པ་ལ་གནས་པ་གང་ཡིན་པ་དེ་ནི་བཟོད་པའི་འོ། །གཟིགས་པ་ལ་རབ་ཏུ་གནས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟ་བར་བྱ་བ་ལ་ཡང་དག་པ་ཇི་ལྟ་བ་བཞིན་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །འཇུག་པ་བྱང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་མ་འདྲེས་པ་བཅོ་བརྒྱད་ཐོབ་པའི་རྒྱུ་གང་ཡིན་བ་དེ་ནི་སྦྱིན་པའི་ 137a ༄#། །འོ། །དེ་དག་ཐོབ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྣམ་པར་གཟིགས་པ་གང་ཡིན་པ་དེ་ནི་བཟོད་པའི་འོ། །ངོ་བོ་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྱོར་བ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །ཆུད་མི་ཟ་བར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་ཆོས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་སྤྱན་སྒྲིབ་པ་མེད་པས་གཟིགས་པ་གང་ཡིན་པ་དེ་ནི་སྦྱིན་པའི་འོ། །ཕན་པར་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྣམ་པར་གཟིགས་པ་གང་ཡིན་པ་དེ་ནི་བཟོད་པའི་འོ། །ངོ་བོ་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྱོར་བ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་དབེན་པ་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སངས་རྒྱས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་རང་བྱུང་གི་ཕ་རོལ་ཏུ་ཕྱིན་པ་དྲུག་གང་ཞེ་ན། རང་བྱུང་ལྷུན་གྱིས་གྲུབ་པར་གནས་པ་གང་ཡིན་པ་དེ་ནི་སྦྱིན་པའི་འོ། །བསམ་པ་ཇི་ལྟ་བ་བཞིན་གནས་པ་གང་ 137b ཡིན་པ་དེ་ནི་ཚུལ་ཁྲིམས་ཀྱིའོ། །རང་གི་སྤོང་བའི་རྒྱུ་རབ་ཏུ་ཐོབ་པ་གང་ཡིན་པ་དེ་ནི་བཟོད་པའི་འོ། །རབ་ཏུ་དབྱེ་བ་ཤེས་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། ། རྣམ་པ་ཐམས་ཅད་ལ་ཉེ་བར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟ་བ་བཞིན་ཐམས་ཅད་ཤེས་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རང་བྱུང་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་རོལ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྦྱིན་པའི་རྣམ་པར་སྨིན་པས་རྣམ་པར་འཕྲུལ་པ་ནི། དཔེར་ན། ཆུ་བོ་གངྒཱར་གདུགས་ལྔ་བརྒྱ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གྲོང་ཁྱེར་དུ་གཤེགས་པ་ན་སེམས་ཅན་རྣམས་བདེ་བར་གྱུར་པ་དང ། །སིལ་སྙན་རྣམས་མ་དཀྲོལ་བར་སྒྲ་འབྱུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དབང་པོ་མ་ཚང་བ་ཚང་བ་དང ། འོད་གསལ་བ་རབ་ཏུ་འཐོབ་པ་གང་ཡིན་པ་དེ་ནི་བཟོད་པའི་འོ། །འོད་ཟེར་མཐའ་ཡས་པ་འགྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡུལ་ཡངས་པ་ཅན་ཀྱི་ཕྱི་དང་ནང་ལོགས་སུ་སངས་རྒྱས་བརྒྱད་ཁྲི་གཞི་སྟོང་སྤྲུལ་པ་གང་ཡིན་པ་དེ་ནི་བསམ་གཏན་གྱིའོ། ། འཁོར་བརྒྱད་པོ་རྣམས་ལ་དུས་སུ་ཆོས་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་རོལ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཏིང་དཔག་དཀའ་ 138a ༄#། །བའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྤྱོད་པ་ལ་ཚང་གཟུང་བར་མི་ནུས་པ་གང་ཡིན་པ་དེ་ནི་སྦྱིན་པའི་འོ། །སངས་རྒྱས་བཅོམ་ལྡན་འདས་ལ་བསྙེན་པར་དཀའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསམ་པ་ཆུད་མི་ཟ་ཞིང་འཛིན་པ་ལ་ཕ་རོལ་གནོན་པ་ནི། དཔེར་ན། གནོད་སྦྱིན་འདུལ་ཞིང་གླང་པོ་ཆེ་ནོར་སྐྱོང་དང ། །སྦྲུལ་གདུག་པ་བཏུལ་ནས་འདི་ལྟར་མི་འཇིགས་པ་སྦྱིན་ནོ། ཞེས་ཚིག་གིས་སྨྲས་པ་ལྟ་བུ་གང་ཡིན་པ་དེ་ནི་བཟོད་པའི་འོ། །འོད་ཟེར་ཅན་དུ་མཽངྒལ་གྱི་བུ་ཆེན་པོའི་མ་བཏུལ་བ་དང ། ཚུར་གཤེགས་པ་ན་རྒྱལ་བུ་རྒྱལ་བྱེད་གྱི་ཚལ་ནང་དུ་ལྷུང་བཟེད་ཀྱི་ཆུ་ཕོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཤཱ་རིའི་བུས་སྨྲས་པ།་སེམས་བཞི་སྐྱེས་ནས་ཞིག་གོ་།སྨྲས་པ། ཚད་མེད་པ་དེ་ནི་བསམ་གཏན་གྱིའོ། །འདི་ལྟ་སྟེ། །དེ་བཞིན་གཤེགས་པས་ནམ་ཕྱེད་ན་འཕྲིན་ལས་མཛད་པར་གྱུར་པ་ནི་གནམ་ལྕགས་ཕབ་ཀྱང་གྲོང་ཁྱེར་གྱི་མ་དད་པ་རྣམས་བཏུལ་ནས་སང་ནི་ངེས་མངོན་པར་ཤེས་པ་དྲུག་གི་ཆོས་བཤད་པར་བྱའོ་ཞེས་པ་དེ་ནི་ཤེས་རབ་ཀྱི་སྟེ།་འདི་དག་ནི་གཏིང་དཔག་དཀའ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་དྲུག་ཚན་བཅོ་བརྒྱད་གང་ཞེ་ན། དེ་ལ་ཅ་ཅོ་མེད་ 138b པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟར་རྒྱ་ཆེར་སྟོན་པ་དེ་ནི་སྦྱིན་པའི་འོ། །འོད་མངོན་པར་འདུ་བྱེད་པ་རྣམ་པ་གསུམ་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་གྱི་རྒྱུད་དག་ལ་གནོད་སེམས་མེད་པ་གང་ཡིན་པ་དེ་ནི་བཟོད་པའི་འོ། །བསམ་པ་ཇི་ལྟ་བ་བཞིན་ཚིམ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། ། སྦྲང་མའི་སྦྲང་རྩི་མྱོང་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །རྗེས་སུ་ཆགས་པ་དང ། ཁོང་ཁྲོ་བ་དང་བྲལ་བར་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཅ་ཅོ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསྙེལ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དྲན་པ་རྒྱུན་མི་ཆད་པ་གང་ཡིན་པ་དེ་ནི་སྦྱིན་པའི་འོ། ། ཇི་ལྟ་བ་བཞིན་ཡོངས་སུ་བསྔོ་བའི་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱོར་བ་ཁ་ན་མ་ཐོ་བ་མེད་པ་གང་ཡིན་པ་དེ་ནི་བཟོད་པའི་འོ། །ཆོས་ཐམས་ཅད་མངོན་པར་གོ་བར་མཛད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་གསུམ་དུ་མ་བསྙེལ་བ་གང་ཡིན་པ་དེ་ནི་བསམ་གཏན་གྱིའོ། །གསུང་རབ་མ་བསྙེལ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདེ་དག་ནི་བསྙེལ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ལ་ 139a ༄#། །སྐྱེ་བ་མེད་པར་མཚུངས་པ་གང་ཡིན་པ་དེ་ནི་སྦྱིན་པའི་འོ། །ཞེན་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕྲད་པས་ཆོག་ཤེས་པ་གང་ཡིན་པ་དེ་ནི་བཟོད་པའི་འོ། །གཞན་ལ་ཕན་པ་རྣམ་པར་དཔྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཚར་བཅད་ཅིང་ཀུན་ཏུ་འཛིན་པ་ཉེ་བར་སྒྲུབ་པ་གང་ཡིན་པ་དེ་ནི་བསམ་གཏན་གྱིའོ། །དུས་ཐམས་ཅད་དུ་བསམ་པ་ཇི་ལྟ་བ་བཞིན་ལྷུན་གྱིས་གྲུབ་པར་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སེམས་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སོ་སོར་མ་བརྟགས་པའི་བཏང་སྙོམས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་པ་གྲུབ་པ་བཏང་སྙོམས་པ་གང་ཡིན་པ་དེ་ནི་སྦྱིན་པའི་འོ། །ཕ་རོལ་པོ་གཞན་ལ་རག་ལས་པ་ལ་བཏང་སྙོམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྙིང་རྗེའི་ཡོ་བྱད་བཏང་སྙོམས་པ་ནི།་དཔེར་ན་བྱང་ཆུབ་ཀྱི་སྙིང་པོ་ལྟ་བུ་གང་ཡིན་པ་དེ་ནི་བཟོད་པའི་འོ། །ཐམས་ཅད་བཏང་སྙོམས་མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་སྟོན་པ་ན་བཏང་སྙོམས་བ་གང་ཡིན་པ་དེ་ནི་བསམ་གཏན་གྱིའོ། །ཆོས་བཤད་པ་བྱས་ནས་ལུས་ཀྱིས་གདམས་ངག་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ 139b ཕྱིན་པ་སྟེ། །འདི་དག་ནི་སོ་སོར་མ་བརྟགས་པའི་བཏང་སྙོམས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐ་དད་པ་མེད་པའི་ཕ་རོལ་ཏུ་ཕྱིན་པ་དྲུག་དང་ཞེ་ན། །ཐ་དད་པའི་འདུ་ཤེས་ཀྱིས་མི་སྐྱེ་བ་གང་ཡིན་པ་དེ་ནི་སྦྱིན་པའི་འོ། །དེ་བཞིན་ཉིད་དུ་འདུ་ཤེས་པས་ཕྱིན་ཅི་མ་ལོག་པར་སྐྱེ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡོད་པ་མ་ཡིན་པའི་འདུ་ཤེས་གང་ཡིན་པ་དེ་ནི་བཟོད་པའི་འོ། །བདག་གི་ལུས་དང་གཞན་གྱི་ལུས་ལ་འཁྲུལ་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་ཤེས་པ་དང་ལྡན་པ་གང་ཡིན་པ་དེ་ནི་བསམ་གཏན་གྱིའོ། །ཐམས་ཅད་དེའི་ངོ་བོ་མ་ཡིན་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཐ་དད་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདུན་པ་ཡོངས་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཕ་རོལ་ལ་ཕན་པར་འདུན་པ་གང་ཡིན་པ་དེ་ནི་སྦྱིན་པའི་འོ། །བདག་ལ་ཕན་པར་འདུན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཀྱི་གཞི་ལ་འདུན་པ་གང་ཡིན་པ་དེ་ནི་བཟོད་པའི་འོ། །དུས་ཐམས་ཅད་དུ་འདུན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྲེད་པ་སྤོང་བ་ལ་འདུན་པ་གང་ཡིན་པ་དེ་ནི་བསམ་གཏན་གྱིའོ། །ཆོས་མཐོང་བ་ལ་འདུན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདུན་པ་ཡོངས་སུ་ཉམས་ 140a ༄#། །མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཐམས་ཅད་དུ་སོང་བའི་བརྩོན་འགྲུས་གང་ཡིན་པ་དེ་ནི་སྦྱིན་པའི་འོ། །གཞན་དད་པར་འགྱུར་བའི་བརྩོན་འགྲུས་གང་ཡིན་པ་དེ་ནི་ཚུལ་ཁྲིམས་ཀྱིའོ། །གདུལ་བའི་དུས་ལ་སྡོད་པ་གང་ཡིན་པ་དེ་ནི་བཟོད་པའི་འོ། །ཆོས་ལྟ་བ་མི་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡིག་འབྲུ་སྟོན་པ་ཟད་མི་ཤེས་པ་གང་ཡིན་པ་དེ་ནི་བསམ་གཏན་གྱིའོ། །དོན་མ་གཏུགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དྲན་པ་ལ་རྙོག་པ་མེད་པའི་དྲན་པ་གང་ཡིན་པ་དེ་ནི་སྦྱིན་པའི་འོ། །ཐག་རིང་པོ་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིགས་པ་ཇི་ལྟ་བ་བཞིན་དྲན་པ་གང་ཡིན་པ་དེ་ནི་བཟོད་པའི་འོ། །མོས་པ་ཇི་ལྟ་བ་བཞིན་དྲན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འཇུག་པར་བྱེད་པའི་དྲན་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་གཅོད་པའི་དྲན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ 140b དྲན་པ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚད་མེད་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་སྤོང་བ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་དག་ནི་ཚུལ་ཁྲིམས་ཀྱིའོ། །དྲན་པ་ཉེ་བར་གཞག་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བཟོད་པའི་འོ། །རྫུ་འཕྲུལ་གྱི་རྐང་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བསམ་གཏན་གྱིའོ། །བདེན་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབང་པོ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་སྦྱིན་པའི་འོ། །སྟོབས་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱང་ཆུབ་ཀྱི་ཡན་ལག་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བཟོད་པའི་འོ། །ལམ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བརྩོན་འགྲུས་ཀྱིའོ། ། 141a ༄#། །རྟེན་ཅིང་འབྲེལ་པར་འབྱུང་བ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བསམ་གཏན་གྱིའོ། །སྟོབས་བཅུ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཤེས་རབ་ཡོངས་སུ་ཉམས་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་གྲོལ་བ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་ཉམ་ཆུང་བ་ཡོངས་སུ་ཉམས་པ་མེད་པ་གང་ཡིན་པ་དེ་ནི་སྦྱིན་པའི་འོ། །ཚོགས་ཀྱི་ནང་ན་གནས་པས་ཡོངས་སུ་ཉམས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མ་འདྲེས་པར་གནས་པས་ཡོངས་སུ་ཉམས་པ་མེད་པ་གང་ཡིན་པ་དེ་ནི་བཟོད་པའི་འོ། ། གཞན་ཀྱི་གནས་ཐོབ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཟད་པ་ཤེས་པས་ལེགས་པར་བྱས་པ་གང་ཡིན་པ་དེ་ནི་བསམ་གཏན་གྱིའོ། །མི་སྐྱེ་བ་ཤེས་པས་བག་ཆགས་དང་བྲལ་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་རྣམ་པར་གྲོལ་བ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ ། དེ་ལ་རྣམ་པར་གྲོལ་བའི་ཡེ་ཤེས་མཐོང་བ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་པ་ཇི་ལྟ་བ་བཞིན་རྣམ་པར་གྲོལ་བ་ཡེ་ཤེས་མཐོང་བ་གང་ 141b ཡིན་པ་དེ་ནི་སྦྱིན་པའི་འོ། །སྡོམ་པ་མེད་པར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདོད་པར་འགྱུར་བ་མཐོང་བ་གང་ཡིན་པ་དེ་ནི་བཟོད་པའི་འོ། །ས་དང་ས་པ་ཡིན་པའི་འབྲས་བུ་རྣམ་པར་གཞག་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་རྣམ་པར་བཞག་པ་ལ་མི་སློབ་པ་གང་ཡིན་པ་དེ་ནི་བསམ་གཏན་གྱིའོ། ། ཆོས་གོས་ཀྱི་ཐ་མས་ཁྱེར་བ་ན་ཡོངས་སུ་ཉམས་པ་མེད་པའི་ཤེས་རབ་རྣམ་པར་གྲོལ་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་རྣམ་པར་གྲོལ་བའི་ཡེ་ཤེས་མཐོང་བ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལུས་ཀྱི་ལས་ཡེ་ཤེས་ཀྱིས་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ལུས་ཀྱི་ལས་མ་འཁྲུལ་པ་གང་ཡིན་པ་དེ་ནི་སྦྱིན་པའི་འོ། །ལུས་ཀྱི་ལས་ངེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བག་ཆགས་ཀྱིས་འགྱུར་བ་མེད་པ་གང་ཡིན་པ་དེ་ནི་བཟོད་པའི་འོ། །གཅིག་ཏུ་དགེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བོ་མང་པོ་ལ་རྣམ་པར་སྨིན་པ་གང་ཡིན་པ་དེ་ནི་བསམ་གཏན་གྱིའོ། ། ལུས་ཀྱི་རྫུ་འཕྲུལ་གྱིས་གདམས་ངག་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ལུས་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གོ ། 142a ༄#། །དེ་ལ་དག་གི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ངག་འཁྲུལ་པ་མེད་པར་འབྱུང་བ་གང་ཡིན་པ་དེ་ནི་སྦྱིན་པའི་འོ། །ཐམས་ཅད་དུ་སོང་བའི་དབྱངས་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་དགའ་བར་འགྱུར་བ་གང་ཡིན་པ་དེ་ནི་བཟོད་པའི་འོ། །ཀུན་ཏུ་སྒྲོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མོས་པར་འབྱུང་བ་གང་ཡིན་པ་དེ་ནི་བསམ་གཏན་གྱིའོ། །རེ་བ་ལ་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ངག་གི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་ཀྱི་ལས་རང་བཞིན་གྱིས་རྒྱུན་མི་ཆད་པ་གང་ཡིན་པ་དེ་ནི་སྦྱིན་པའི་འོ། །རྗེས་སུ་ཆགས་པ་པ་དང་ཁོང་ཁྲོ་བ་སྤོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སོ་སོར་བརྟགས་པ་སྒྲུབ་པ་གང་ཡིན་པ་དེ་ནི་བཟོད་པའི་འོ། །ངའོ་སྙམ་པའི་ང་རྒྱལ་སྤོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །གཏི་མུག་དང་བྲལ་བ་གང་ཡིན་པ་དེ་ནི་བསམ་གཏན་གྱིའོ། །ཚད་མེད་པས་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ 142b ཕྱིན་པ་དྲུག་གོ་།དེ་ལ་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཁམས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ཕུང་པོ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་མཆེད་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ལས་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉོན་མོངས་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །སེམས་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མ་འོངས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འགྲོ་བར་ཐ་དད་པར་རྟོག་པ་གང་ཡིན་པ་དེ་ནི་སྦྱིན་པའི་འོ། །ལྟ་བ་ཐ་དད་པར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གང་ཟག་ཐ་དད་པར་རྟོག་པ་གང་ཡིན་པ་དེ་ནི་བཟོད་པའི་འོ། ། སྦྱོར་བ་ཐ་དད་པར་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་ཐ་དད་པར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་སྨིན་པ་ཐ་དད་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་མ་འོངས་པའི་དུས་ལ་མ་ཐོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ད་ལྟར་བྱུང་བའི་དུས་ལ་ 143a ༄#། །མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ད་ལྟར་བྱུང་བའི་དུས་ཀྱི་བྱ་བ་ཤེས་པ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདོད་ཆགས་དང་བྲལ་བར་མཐོང་བ་གང་ཡིན་པ་དེ་ནི་བཟོད་པའི་འོ། །འགོག་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་སུམ་དུ་བྱ་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །འདུས་བྱས་དང་འདུས་མ་བྱས་ལ་ཆུད་ཟ་པ་མེད་པ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ད་ལྟར་བྱུང་བའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཁས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཐབས་མཁས་པས་དཔྱོད་པ་གང་ཡིན་པ་དེ་ནི་སྦྱིན་པའི་འོ། །སྐྱོན་དང་བྲལ་བར་སྦྱོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡོངས་སུ་བསྔོ་བ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ཀྱི་མོས་པ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །བདེ་བ་ཚད་མེད་པ་ལ་འཇུག་བ་ཐོབ་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ 143b སྟེ།་འདི་དག་ནི་མཁས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཇི་ལྟ་བ་བཞིན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཆོས་ཐམས་ཅད་མཉམ་པ་ཉིད་དུ་སྦྱོར་བ་ལ་ཐོགས་པ་མེད་པའི་ཡེ་ཤེས་གང་ཡིན་པ་དེ་ནི་སྦྱིན་པའི་འོ། །དངོས་པོ་བརྒྱད་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྟ་བ་གསལ་བར་མཐོང་བ་གང་ཡིན་པ་དེ་ནི་བཟོད་པའི་འོ། །གདུལ་བར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་སྒྲུབ་པ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །བརྡ་ལ་ངེས་པའི་ཚིག་འཇུག་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཇི་ལྟ་བ་བཞིན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རང་བཞིན་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན།་མི་དམིགས་པས་ཡོངས་སུ་བསྔོས་པའི་སྦྱིན་པ་ནི། དཔེར་ན་མར་མེ་མཛད་ལྟ་བུའི་གང་ཡིན་པ་དེ་ནི་སྦྱིན་པའི་འོ། །ལུས་ལ་མི་ལྟ་བ་ནི། དཔེར་ན་ཟླ་འོད་ཀྱིས་བདེན་པ་གང་གིས་ངའི་མི་གཅེས་སྨྲས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཐམས་ཅད་མཉམ་པ་ཉིད་དུ་མཐོང་བ་གང་ཡིན་པ་དེ་ནི་བཟོད་པའོ། །ལྗོངས་ཀྱི་ངེས་པའི་ཚིག་མཐོང་བར་ཁོང་དུ་ཆུད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྙིང་བརྩེ་བ་མི་གཏོང་བར་མཐོང་པ་གང་ཡིན་པ་དེ་ནི་བསམ་གཏན་གྱིའོ། །གཉིས་སུ་ 144a ༄#། །མེད་པས་གནས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། །འདི་དག་ནི་རང་བཞིན་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདོད་པ་ན་སྤྱོད་པའི་ལས་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པ་ན་སྤྱོད་པའི་ལས་དམན་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །འབྲིང་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆེན་པོ་མཐོང་བ་གང་ཡིན་པ་དེ་ནི་བཟོད་པའི་འོ། །ལས་ཟད་བར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ལས་ཟད་པར་སྦྱོར་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལས་ཟད་པར་སྦྱོར་བའི་མི་སྐྱེ་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་འདོད་པ་ན་སྤྱོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གཟུགས་ཀྱི་རྣམ་པར་སྨིན་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །གཟུགས་ཀྱི་རྒྱུ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བའི་ལས་མཐོང་བ་གང་ཡིན་པ་དེ་ནི་བཟོད་པའི་འོ། །སྐྱེ་བའི་ལས་ཀྱི་རྣམ་པར་རྟོག་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པར་སྨིན་པ་གསལ་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །དམན་པ་དང་དམན་པ་མ་ཡིན་པར་ 144b མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གཟུགས་མེད་པའི་སྙོམས་པར་འཇུག་པའི་ས་ཡོངས་སུ་དག་པ་གང་ཡིན་པ་དེ་ནི་སྦྱིན་པའི་འོ། །རྣམ་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དམིགས་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །དམིགས་པ་མཉམ་པ་ཉིད་གང་ཡིན་པ་དེ་ནི་བརྩོན་འགྲུས་ཀྱིའོ། །དམིགས་པ་ཤིན་ཏུ་སྦྱངས་པ་གང་ཡིན་པ་དེ་ནི་བསམ་གཏན་གྱིའོ། །ཐ་དད་པ་མེད་པར་སྟོན་པར་མཐོང་བ་ནས་ངེས་པར་འབྱུང་བ་མཐོང་བའི་བར་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ། དེ་ལ་དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གང་ཞེ་ན། དཀར་པོ་རྣམ་པར་མཐོང་བའི་ས་ལ་རེ་བ་མེད་པ་གང་ཡིན་པ་དེ་ནི་སྦྱིན་པའི་འོ། །མཚན་མ་མེད་པར་བ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པ་གང་ཡིན་པ་དེ་ནི་བཟོད་པའི་འོ། །རྣམ་པར་ལྟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་དུ་འཕེལ་པ་གང་ཡིན་པ་དེ་ནི་བསམ་གཏན་གྱིའོ། །དཀར་པོ་རྣམ་པར་མཐོང་བའི་ས་ལ་ཆོས་སུ་འདུ་ཤེས་ཤིང་སེམས་ཅན་གྱི་འདུ་ཤེས་མེད་པ་གང་ཡིན་པ་ 145a ༄#། །དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིགས་ཀྱི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན་རིགས་ཀྱི་ཆོས་མཐོང་བ་གང་ཡིན་པ་དེ་ནི་སྦྱིན་པའི་འོ། །འབྲིང་པོ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྲེད་པར་མཐོང་བ་གང་ཡིན་པ་དེ་ནི། བཟོད་པའི་འོ། །རིགས་ལས་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རིགས་ཡོངས་སུ་རྫོགས་པ་གང་ཡིན་པ་དེ་ནི་བསམ་གཏན་གྱིའོ། །བརྒྱད་པའི་ཆོས་རབ་ཏུ་འཐོབ་པའི་སེམས་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རིགས་ཀྱི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྒྱད་པའི་ཆོས་ཀྱི་ཕ་རོལ་ཏུ་ཕྱིན་བ་དྲུག་གང་ཞེ་ན། བརྒྱད་པ་དད་པའི་རྗེས་སུ་འབྲང་བ་གང་ཡིན་པ་དེ་ནི་སྦྱིན་པའི་འོ། །བརྒྱད་པ་ཆོས་ཀྱི་རྗེས་སུ་འབྲང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བརྒྱད་པ་སྐྱེ་བ་གང་ཡིན་པ་དེ་ནི་བཟོད་པའི་འོ། །བརྒྱད་པ་དགྲ་བཅོམ་པ་སྟན་གཅིག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྒྱད་པ་རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་ལ་རབ་ཏུ་གནས་པ་དེ་ནི་བསམ་གཏན་གྱིའོ། །གཉི་གའི་ཆ་ལས་རྣམ་པར་གྲོལ་བ་གང་གིས་སོ་ 145b སོ་ཡང་དག་པར་རིག་སྒྲུབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་བརྒྱད་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱུན་དུ་ཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྒྱུན་དུ་ཞུགས་པའི་ཆོས་ཀྱི་ལམ་ལ་རྟོག་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །རྣོ་བར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་ལྟར་ཐོགས་ན་ལན་བདུན་པ་གང་ཡིན་པ་དེ་ནི་བཟོད་པའི་འོ། །རིགས་ནས་རིགས་སུ་སྐྱེ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བར་ཆད་གཅིག་པ་གང་ཡིན་པ་དེ་ནི་བསམ་གཏན་གྱིའོ། །ཞུགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རྒྱུན་དུ་ཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལན་ཅིག་ཕྱིར་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལན་གཅིག་ཕྱིར་འོང་བ་ལ་ཉོན་མོངས་པ་ཆུད་པར་མཐོང་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །ཉོན་མོངས་པ་རྣོ་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལས་ཆུད་པར་མཐོང་བ་གང་ཡིན་པ་དེ་ནི་བཟོད་པའི་འོ། །ལས་ལ་སྲེད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བུལ་བ་ཉིད་དུ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལྷག་པར་སྲེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་ལན་ཅིག་ཕྱིར་འོང་ 146a ༄#། །བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱིར་མི་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པ་ན་སྤྱོད་པའི་འདོད་ཆགས་སྤོང་བ་གང་ཡིན་པ་དེ་ནི་སྦྱིན་པའི་འོ། །མི་ལྟ་བའི་སེམས་དང་དིའི་ངོ་བོ་མ་ཡིན་པ་དང ། ཕྱིར་མི་འོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྲིད་པ་བཟང་པོར་སྐྱེ་བ་གང་ཡིན་པ་དེ་ནི་བཟོད་པའི་འོ། །ཤིན་ཏུ་མཐོང་བར་སྐྱེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །འོག་མིན་དུ་སྐྱེ་བ་གང་ཡིན་པ་དེ་ནི་བསམ་གཏན་གྱིའོ། །སྐྱེས་བུ་དམ་པའི་འགྲོ་བ་དྲུག་གི་ཤེས་པ་ཐག་རིང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་ཕྱིར་མི་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགྲ་བཅོམ་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དགྲ་བཅོམ་པ་ཡོངས་སུ་ཉམས་པའི་ཆོས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ཡོངས་སུ་ཉམས་པ་མེད་པའི་ཆོས་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དད་པས་མོས་པ་གང་ཡིན་པ་དེ་ནི་བཟོད་པའི་འོ། །ཤེས་རབ་ཀྱིས་རྣམ་པར་གྲོལ་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལུས་ཀྱིས་མངོན་དུ་བྱེད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །གཉི་གའི་ཆ་ལས་རྣམ་པར་གྲོལ་བ་ལས་རྟོག་པ་གང་ཡིན་པ་དེ་ནི་ཤེས་རབ་ 146b ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དགྲ་བཅོམ་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རང་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རང་སངས་རྒྱས་ལ་ཡིད་བྱུང་བ་ཆུད་བར་མཐོང་བ་གང་ཡིན་པ་དེ་ནི་སྦྱིན་པའི་འོ། །ཡིད་བྱུང་ནས་འབྱོལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཅིག་བུལ་དགའ་བ་གང་ཡིན་པ་དེ་ནི་བཟོད་པའི་འོ། །ཐར་པ་ལ་དགའ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཞི་གནས་ལ་གནས་པ་གང་ཡིན་པ་དེ་ནི་བསམ་གཏན་གྱིའོ། །གཅིག་བུ་སྤོབས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རང་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཡོ་མེད་བེན་སྦྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །ལྷག་པའི་བསམ་པས་ཞུགས་པའི་སྦྱར་བ་ནི་དཔེར་ན། ངང་པའི་སྐྱེས་པའི་རབས་ལྟ་པུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཐམས་ཅད་སེམས་མཉམ་པ་ཉིད་གང་ཡིན་པ་དེ་ནི་བཟོད་པའི་འོ། །ཤེས་པ་ཐམས་ཅད་རྣམ་པར་དཔྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་གྱིས་བསྒྲགས་པ་ལས་བརྟེན་ནས་སྙོམས་པར་འཇུག་པ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བ་ན་ཡོངས་སུ་སྐྱོ་བ་མེད་པའི་ཤེས་པ་དང ། སེམས་ཅན་རྣམས་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟད་པ་ཤེས་ 147a ༄#། །པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟད་པ་ཤེས་པ་ལ་ཐོགས་པ་མེད་པར་སྦྱོར་བ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་ཆ་ཕྲ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཚན་ཉིད་མེད་པ་ལ་སྦྱོར་བ་གང་ཡིན་པ་དེ་ནི་བཟོད་པའི་འོ། །ཡོངས་སུ་གཅོད་པའི་དམིགས་པ་ལ་སྦྱོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མེ་ལྟ་བར་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །མི་ཤེས་པ་ཐམས་ཅད་དང་བྲལ་ཞིང་ཤེས་པ་ཐམས་ཅད་རབ་ཏུ་ཐོབ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཟད་པ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྲིད་པའི་རྩ་བ་དགུ་པོ་དག་མི་སྐྱེ་བར་ཤེས་པ་གང་ཡིན་པ་དེ་ནི་སྦྱིན་པའི་འོ། །གནོད་སེམས་ཀྱི་དངོས་པོ་དགུ་མི་སྐྱེ་བར་ཤེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་གྱི་ཆོས་མ་གཏུགས་པ་གང་ཡིན་པ་དེ་ནི་བཟོད་པའི་འོ། །རྣམ་པར་ཐར་པ་ཡོངས་སུ་མ་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མི་སློབ་པའི་ཤེས་པ་བཅུ་པོ་དག་མཐོང་བ་གང་ཡིན་པ་དེ་ནི་བསམ་གཏན་གྱིའོ། ། ཡོངས་སུ་གཅོད་པ་ལ་འགྱུར་བ་མེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱིན་གྱི་ 147b རླབས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དམ་པའི་ཆོས་མ་ནུབ་ཀྱི་བར་དུ་ཆོས་ཐམས་ཅད་གནས་པ་དང ། བསྟན་པ་ལ་ཟང་ཟིང་གིས་མཆོད་པ་གང་ཡིན་པ་དེ་ནི་སྦྱིན་པའི་འོ། །བསྟན་པ་ཟིལ་གྱིས་མི་ནོན་པ་གང་ཡིན་དེ་ནི་ཚུལ་ཁྲིམས་ཀྱིའོ། །འཇིག་རྟེན་གྱི་རིགས་བཞི་དང་པར་བྱེད་པ་གང་ཡིན་པ་དེ་ནི་བཟོད་པའི་འོ། །མངོན་པར་བརྩོན་པ་འབྲས་བུ་དང་བཅས་པར་རྩོལ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་པ་དེས་པས་ཆོས་མངོན་པར་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་གྱི་ཆོས་ཐམས་ཅད་ཡོངས་སུ་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་བྱིན་གྱི་རླབས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་མིག་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷའི་མིག་གིས་གཟུགས་ཅན་མཐོང་བ་གང་ཡིན་པ་དེ་ནི་སྦྱིན་པའི་འོ། །གཟུགས་ཅན་མ་།ཡིན་པ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྒྲོ་བཏགས་པ་མེད་པར་མཐོང་བ་གང་ཡིན་པ་དེ་ནི་བཟོད་པའི་འོ། །འཁོར་བའི་ཉེས་དམིགས་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ངེས་པར་འབྱུང་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། ། ཉེ་བར་ཞི་བ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་མིག་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་རྣ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྒྲ་ཆེ་བ་ཉན་པ་ 148a གང་ཡིན་པ་དེ་ནི་སྦྱིན་པའི་འོ། །སྒྲ་ཆུད་པ་ཉན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱམས་པ་ཐམས་ཅད་ཡོངས་སུ་རྫོགས་པ་གང་ཡིན་པ་དེ་ནི་བཟོད་པའི་འོ། །ཐབས་ཀྱི་ཚིག་སྦྱིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འདུ་བྱེད་རྣམས་ཐོས་ནས་ཀུན་དུ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །སྒྲ་ཐམས་ཅད་དཔྱོད་པ་ལ་འཇུག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་རྣ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་ཀྱི་རྣམ་གྲངས་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་སེམས་ཀྱི་རང་བཞིན་མཐོང་བ་གང་ཡིན་པ་དེ་ནི་སྦྱིན་པའི་འོ། །སེམས་ལ་དགེ་བ་དང་མི་དགེ་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་གྱི་རྒྱུ་དང་རྐྱེན་མཐོང་བ་གང་ཡིན་པ་དེ་ནི་བཟོད་པའི་འོ། །འདས་པ་དང ། མ་འོངས་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ད་ལྟར་འབྱུང་བ་ལ་མཉམ་པ་ཉིད་དུ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ཐམས་ཅད་དུ་རྒྱུ་བར་མཐོང་བ་གང་ཡིན་པ་དེ་ནི་ཤེས་བར་ཀྱི་སྟེ། འདི་དག་ནི་སེམས་ཀྱི་རྣམ་གྲངས་ཤེས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྔོན་གྱི་གནས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྔོན་གྱི་གནས་ན་དབེན་པའི་དམིགས་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །སྐྱེ་བ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ 148b ཀྱིའོ། །འགྲོ་བར་འཇུག་པ་མེད་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །དེ་ལྟ་བུ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དེ་ལྟར་བདག་མེད་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །རྣམ་པས་ལུང་འབོག་པ་མཐོང་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྔོན་གྱི་གནས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྫུ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྫུ་འཕྲུལ་གྱི་ཤུགས་རབ་ཏུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམིགས་པ་ཐ་དད་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་ལ་སྙིང་རྗེས་རྣམ་པར་འཕྲུལ་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡིད་ཀྱི་ལས་མི་ལྡོག་ཕ་གང་ཡིན་པ་དེ་ནི་བསམ་གཏན་གྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྫུ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟག་པ་ཟད་པར་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པར་མཐོང་བ་གང་ཡིན་པ་དེ་ནི་སྦྱིན་པའི་འོ། །ཟག་པ་ཀུན་འབྱུང་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟག་པ་འགོག་པར་མཐོང་བ་གང་ཡིན་པ་དེ་ནི་བཟོད་པའི་འོ། །ཟག་པ་འགོག་པར་འགྱུར་བའི་ལམ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །འདི་ཉིད་དུ་ཟག་བ་བཅུ་མ་ལུས་པར་འགོག་པར་ལྟ་པ་གང་ཡིན་པ་དེ་ནི་ 149a ༄#། །བསམ་གཏན་གྱིའོ། །འདི་ཉིད་དུ་ཟག་པ་བཅོམ་ནས་མི་སྣང་བར་འགྱུར་བ་གང་ཡིན་པ་དང ། དེ་ལྟར་མཐོང་བ་གང་ཡིན་པ་དེ་ནི་ཤེས་རབ་གྱི་སྟེ། འདི་དག་ནི་ཟག་པ་ཟད་པ་ཤེས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤྱོད་ལམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐྱེ་བོ་མང་པོ་དང་པར་བྱེད་པའི་སྤྱོད་ལམ་གང་ཡིན་པ་དེ་ནི་སྦྱིན་པའི་འོ། །ཀུན་ནས་མཛེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པར་བལྟས་པ་གང་ཡིན་པ་དེ་ནི་བཟོད་པའི་འོ། །གོམ་པ་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤྱོད་ལམ་མ་ཉམས་པ་གང་ཡིན་པ་དེ་ནི་བསམ་གཏན་གྱིའོ། །སྤྱོད་ལམ་མ་བཅོས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤྱོད་ལམ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕན་པར་འདོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤྱོད་པ་ཡང་པར་ཟང་ཟིང་ལེན་པ་གང་ཡིན་པ་དེ་ནི་སྦྱིན་པའི་འོ། །སེམས་ཅན་མ་རུངས་བ་དག་ལ་སྐྱབས་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མུ་སྟེགས་ཅན་རྣམས་ཀྱི་གནོད་པ་གཟོད་པ་གང་ཡིན་པ་དེ་ནི་བཟོད་པའི་འོ། །འདི་ལྟར་གདུལ་ཁའི་ཕྱིར་དགའ་བོ་ལྟའི་ནང་དུ་སོན་པ་དང ། འདི་ལྟར་པད་མའི་སྙིང་པོའི་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །གདུལ་བའི་ཕྱིར་བཟང་བརྩམས་སྒོམ་པ་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །འདི་ལྟར་ 149b ལྔ་པའི་ནང་ནས་ཀུན་ཤེས་སྙིང་རྗེས་ཉེ་བར་འོངས་ཏེ་ཆོས་བསྟན་པ་དང ། འདི་ལྟར་བདེན་པ་བལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཕན་པར་འདོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཉོན་མོངས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉོན་མོངས་པས་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་སྦྱིན་པའི་འོ། །དབང་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གནོད་སེམས་མེད་པར་གནས་པ་གང་ཡིན་པ་དེ་ནི་བཟོད་པའི་འོ། །མོས་པ་ལ་ཡོན་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་པར་ཞེན་པ་མེད་པར་རྟག་ཏུ་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟར་འདོད་པ་བཞིན་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཉོན་མོངས་པ་ཡིད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆེའི་འདུ་བྱེད་འདོར་བ་ལ་དབང་སྒྱུར་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེ་འདོར་བ་གང་ཡིན་པ་དེ་ནི་སྦྱིན་པའི་འོ། །བོར་ནས་གནས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཚམས་བཅད་པ་གང་ཡིན་པ་དེ་ནི་བཟོད་པའི་འོ། །ལྟ་བར་སོང་བའི་སྲིད་པ་ཐམས་ཅད་སྤངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་སྨིན་པར་བྱ་བའི་ཕྱིར་གཏང་བ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཡིན་བྱུང་པ་རྣམས་གདུལ་བའི་ཕྱིར་བཏང་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཚེའི་འདུ་བྱེད་འདོར་བ་ལ་དབང་སྒྱུར་བའི་ཕ་རོལ་ཏུ་ཕྱིན་པ་དྲུག་ 150a ༄#། །གོ་།དེ་ལ་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལེན་པ་མེད་པར་མྱ་ངན་ལས་འདས་པ་གང་ཡིན་པ་དེ་ནི་སྦྱིན་པའི་འོ། །སེམས་ཀྱིས་བྱིན་གྱིས་བརླབས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འོད་སྲུང་ཆེན་པོ་མཐོང་བར་སྒྲུབ་པ་གང་ཡིན་པ་དེ་ནི་བཟོད་པའི་འོ། །སྟོང་གསུམ་གཡོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ལ་འཇོག་པ་གང་ཡིན་པ་དེ་ནི་བསམ་གཏན་གྱིའོ། །རིང་བསྲེལ་སེལ་བུད་བླགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྱོགས་ཐ་དད་པ་དག་ཏུ་སྐུ་གདུང་རྣམས་འཐོར་བ་གང་ཡིན་པ་དེ་ནི་སྦྱིན་པའི་འོ། །སྐུ་གདུང་གི་ཆོ་འཕྲུལ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་དང་བར་ཕྱེད་པ་གང་ཡིན་པ་དེ་ནི་བཟོད་པའི་འོ། །ཆོ་འཕྲུལ་ལ་ལྟ་རྣམས་སྤྲོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤུ་ཟིང་ཞེས་བྱེད་ཅིང་མཆི་མ་འཇོག་པ་གང་ཡིན་པ་དེ་ནི་བསམ་གཏན་གྱིའོ། །བདེན་པའི་ཆོག་གིས་རིང་བསྲེལ་ལས་ཆོ་འཕྲུལ་འབྱུང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསྟན་པ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྙེད་བ་རབ་ཏུ་ཐོབ་པ་གང་ཡིན་པ་དེ་ནི་སྦྱིན་ 150b པའི་འོ། །ཁ་ན་མཐོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །ཇི་ཙམ་དུ་ལྟ་དང་མིས་བསྟན་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདུད་ཀྱིས་བལྟར་མེད་པ་གང་ཡིན་པ་དེ་ནི་བསམ་གཏན་གྱིའོ། །བསྟན་པ་དང་བྲལ་བར་དགའ་ཞིང་དང་བཙམ་གྱིས་མཐར་གྱིས་ཡོངས་སུ་མྱ་ངན་ལས་འདས་པར་འགྱུར་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསྟན་པ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིང་བསྲེལ་རྣམ་པར་དབྱེ་བ་ཕ་རོལ་ཏུ་ཕྱིན་པ་དྲུག་གང་ཞེ་ན། རིང་བསྲེལ་རྣམས་ལ་ཡོ་བྱད་ཀྱིས་མཚེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །སྐྱེ་བོ་མང་པོ་དད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིང་བསྲེལ་གྱི་མཆོད་རྟེན་གཟི་བྱིན་ཅན་གང་ཡིན་པ་དེ་ནི་བཟོད་པའི་འོ། །ལྷ་དང་མི་རྣམས་དགའ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རིང་བསྲེལ་གྱི་དམིགས་པ་ལས་སངས་རྒྱས་རྗེས་སུ་དྲན་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །རིང་བསྲེལ་ཚོལ་བས་སྤོབས་པ་ཡོངས་སུ་མ་ཉམས་པ་ཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རིང་བསྲེལ་རྣམ་པར་དབྱེ་པའི་ཕ་རོལ་ཏུ་ཕྱིན་པ་དྲུག་གོ་།དེ་དག་ལས་ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་འདོད་ཆགས་སྤྱོད་པ་རྣམས་ལ་ཆོས་བསྟན་པའོ། །ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་ཞེ་སྡང་སྤྱོད་པ་རྣམས་ལ་ 151a ༄#། །ཆོས་བསྟན་པའོ། །ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་གཏི་མུག་སྤྱོད་པ་རྣམས་ལ་ཆོས་བསྟན་པའོ། །ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་ཆ་མཉམ་པར་སྤྱོད་པ་རྣམས་ལ་ཆོས་བསྟན་པ་སྟེ། དེ་དག་ནི་ཕ་རོལ་ཏུ་ཕྱིན་པ་བརྒྱད་སྟོང་བཞི་བརྒྱ་འོ། །དེ་དག་གི་ཏིང་ངེ་འཛིན་ཀྱང་བརྒྱད་སྟོང་བཞི་བརྒྱའོ། །དེ་དག་གི་རྣམ་པ་ལ་འཇུག་པའང་སྟོང་སྟོང་སྟེ། རྣམ་པ་བརྒྱ་བརྒྱ་པོ་རེ་རེའི་སྟོང་སྟོང་པོ་དེས་ན། དེ་དག་གི་ཕ་རོལ་ཏུ་ཕྱིན་པ་བརྒྱད་ཁྲི་བཞི་སྟོང་ཞེས་བྱའོ། །དེ་དག་གི་ཏིང་ངེ་འཛིན་བརྒྱད་ཁྲི་བཞི་སྟོང་སྒྲུབ་པར་བྱེད་པ་ནི་བདག་ལ་ཕན་པར་བརྩོན་པ་ཞེས་བྱའོ། །གཟུངས་བརྒྱད་ཁྲི་བཞི་སྟོང་ནི་གཞན་ས་ཕན་པར་བརྩོན་པ་སྟེ། ཐམས་ཅད་མཁྱེན་པ་ཉིད་ཀྱི་ཕྱིར་དེ་ནི་སངས་རྒྱས་ཀྱི་བྱང་ཆུབ་པོ། །མཆོག་ཏུ་དགའ་བའི་རྒྱལ་པོ།་ངེས་བྱང་ཆུབ་ཀྱི་སྙིང་པོར་བདུད་པ་ཏུལ་ཏེ་བྱང་ཆུབ་མངོན་པར་རྫོགས་པར་སངས་རྒྱས་ནས་དེ་ཆོས་ལ་དགའ་བའི་རྣམ་པར་སྨིན་པས་ཞག་བདུན་གྱི་བར་དུ་དཀྱིལ་མོ་ཀྲུང་མ་བཤིག་པར་འདུག་པ་ལ་ཚངས་པས་ཀྱེ་མའོ་འཇིག་རྟེན་འདི་ན་ཆ་བ་འཚལ་ཏེ། འདི་ལྟར་དེ་བཞིན་གཤེགས་པས་ན་ཆོས་རྒྱ་ཆེན་པོ་འདི་ལྟ་བུ་མངོན་པར་རྫོགས་པར་སངས་རྒྱས་ཀྱང་ཐུགས་ལས་ཆུད་དུ་ལ་ཐུགས་མངོན་པར་གཞོལ་བར་མཛད་ཀྱི། ཆོས་བསྟན་པའི་སླད་དུ་ནི་མ་ལགས་སོ། །ཞེས་གསོལ་བ་བཏབ་བོ། །དེ་ནས་ང་བྱང་ཆུབ་ཀྱི་སྙིང་པོ་ལ་འཇུག་པའི་ 151b དཔལ་དང་གཟི་བརྗིད་དག་གནས་གཙང་མའི་རིས་ཀྱི་ལྷ་རྣམས་ཀྱིས་མཐོང་ངོ ། །ཁ་དོག་དང་ཚུལ་བཟང་པོ་དང ། ཁ་དོག་དུ་མ་སྣང་བ་དང ། སྐུ་དྲང་པོར་བཞུགས་པ་དང ། བཀྲ་ཤིས་པ་དང ། ཐ་དད་དུ་འགྲོ་བར་འོངས་པ་དང ། ཀུན་ནས་མཛེས་པ་དང ། ལེགས་པར་གནས་པ་དང ། འོད་ཀྱི་ཁ་དོག་མཆོག་དང་ལྡན་པ་དང ། བལྟ་ན་སྡུག་པ་དང ། བཀོད་པ་ཁྱད་པར་དུ་འཕགས་པ་དང ། འཇིག་རྟེན་ཐམས་ཅད་ལས་མངོན་པར་འཕགས་པ་དང ། བཀོད་པ་ཡིད་དུ་འོང་བ་དང ། ཡེ་ཤེས་ཀྱི་བདག་ཉིད་ཆེན་པོ་དང ། བལྟ་ན་དཀོན་པ་དང ། གཟི་བྱིན་མཐའ་ཡས་པ་དང ། སྙན་པར་གྲགས་པ་དང ། མཁྱེན་བཞིན་དུ་ཁ་དོག་མཛེས་པར་སྣང་བ་དག་ཀྱང་མཐོང་ནས་དེའི་ཚེ་སྤྱན་སྔར་འཁོད་དེ་ཞེས་དང་བཅས་པས་ཚིགས་སུ་བཅད་པ་འདི་དག་གསོལ་ཏོ། །བདུད་བཏུལ་ཉོན་མོངས་པ་དག་རྣམ་བཅོམ་ཞིང ། །སྟོང་གསུམ་པོའི་ས་གཞིག་ཡོ་མཛད་ལ། །ངན་སོང་ས་ཡི་སྡུག་བསྔལ་སྤངས་ནས་ཀྱང ། །བྱང་ཆུབ་ཤིང་དྲུང་བཞུགས་པ་ཀུན་དུ་མཛེས། །ལྷུན་པོ་རི་དང་འདྲ་བར་མི་གཡོ་བར། །དྲང་པོའི་སྐུ་ཡིས་བདེ་བར་བཞུགས་མཛད་ལ། །ཞིང་རྣམས་ཀུན་དུ་འོད་ཟེར་འགྱེད་མཛད་པ། །མགོན་པོ་ཤིང་དབང་དྲུང་ན་ལྷང་ངེར་བཞུགས། །སྐྱིལ་མོ་ཀྲུང་མཆོག་མཉམ་བཞག་དབང་པོ་ཡིས། །སེངྒེ་ལྟ་བུ་མི་གཡོ་བ་ཞུགས་མཛད་ཅིང ། །གོང་ན་མེད་པར་བདག་ཉིད་གཟིགས་པ་ན། །མགོན་པོ་རྒྱལ་བའི་གདན་ལ་ལྷང་དེར་བཞུགས། །ངན་ 152a ༄#། །སོང་སྲོག་ཆགས་སྡུག་བསྔལ་ཞེ་མཛད་ཅིང ། །མཐོ་རིས་ལམ་དག་རྒྱ་ཆེར་མཛད་པ་ན། །འཇིག་རྟེན་ལས་ནི་འདོད་པ་ཞི་མཛད་པ། །སཝ་ལའི་མཆོག་དབང་དྲུང་ན་ལྷང་དེར་བཞུགས། །སྦྱོར་མཉམ་མཉམ་པ་ཉིད་ཀྱིས་བཞུགས་མཛད་ཅིང ། །འཇིག་རྟེན་ཕན་པར་བདེན་ཚུལ་དགོངས་པ་པོ། །བདེན་པའི་དབང་ཕྱུག་བསྟན་པ་དགོངས་པ་ན། །མགོན་པོ་རྒྱལ་བའི་གདན་ལ་ལྷང་ངེར་བཞུགས། །དུས་གསུམ་ཆོས་ཀྱི་དེ་ཉིད་དགོངས་མཛད་ཅིང ། །འགྲོ་བ་ཚོགས་གསུམ་དག་ཏུ་མཛད་པ་ན། བསྟན་པ་དགོངས་ཚེ་དུས་ཤེས་འདི་དག་ནི། །ཐུགས་ཆུད་གསུང་པ་ཟླ་བ་ལྷང་དེར་བཞུགས། །སེམས་ཅན་མཁས་པ་འཇིག་རྟེན་དམ་པ་སྟེ། །སུམ་ཅུ་གཉིས་མཚན་ལྡན་པ་གཟུགས་མཆོག་མངའ། །དྲང་སྲོང་ཆེན་པོ་འཇིག་རྟེན་མི་སྡུག་པ། །ཚངས་པ་ཡི་ཆད་དངོས་ཀྱིས་ཉེར་མཆིས་ན། །མེ་གསུམ་ལྷུང་བའི་འཇིག་རྟེན་གཟིགས་སུ་གསོལ། །ཁྱོད་ཀྱིས་བྱང་ཆུབ་ཡན་ལག་གྲུས་བསྟན་གསོལ། །མགོན་པོ་བྱང་ཆུབ་ཡན་ལག་བདུན་སྟོན་པ། །ཁྱོད་གྱིས་བདུད་རྩིའི་ཆར་དབབ་དུས་འདི་ལགས། །འདུ་ཤེས་ལོག་པ་ལོང་བ་རབ་ཉམས་པའི། །སྐྱེ་རྒུ་བདུད་ལམ་གནས་པ་གཟིགས་སུ་གསོལ། །སྟོན་ཁྱོད་མིག་ལྡན་གཞན་དུ་མི་འགྱུར་བ། །ཁྱོད་ཀྱིས་དུས་འདིར་ཐུགས་ 152b རྗེ་བསྐྱེད་དུ་གསོལ། །མུ་སྟེགས་ངན་འགྲོ་གཡང་ས་ཆེན་པོ་ཡི། །སྲིད་པའི་རྒྱ་མཚོས་སྐྱེ་དགུ་འདི་ཁྱེར་རྣམས། །སེམས་ཅན་སྲིད་མཚོ་ལས་འདོན་འགྲོ་བའི་དོན། །མཛད་པས་བྱང་ཆུབ་ཡན་ལག་གྲུས་ཀྱང་བསྒྲལ། །འཇིག་ཚོགས་ལྟས་བཅིངས་སྐྱེ་དགུ་འདི་དག་རྣམས། །ལྟ་བས་གནོད་བྱས་སྲིད་པའི་ཁོལ་པོ་དག་།ཡུན་རིང་བགགས་པ་བཅིངས་ལས་ཐར་མ་མཆིས། །སེམས་ཅན་ཁ་སྒྱུར་ཅི་སླད་གྲོལ་མི་མཛད། །ཉོན་མོངས་དབང་གིས་ལོག་པར་རབ་བསོང་ལ། །ཡུན་རིང་གཉིད་ལོག་སྒྲིབ་པས་ཁེབས་པ་རྣམས། །ཚུལ་ཁྲིམས་བརྟུལ་ཤུགས་བསྟན་པའི་ཏིང་འཛིན་འཐོབ། །ཆོས་ཀྱི་རྔ་སྒྲ་ཅི་སླད་བསྒྲགས་མི་བགྱིད། །འཇིག་རྟེན་དག་ན་དབུལ་གྱུར་འགྲོ་བའི་རྣམས། །འགྲོ་ལྔ་རེ་ཐག་ཆང་སློང་ཞུགས་ལ། །ཁྱོད་ཀྱིས་ནོར་བདུན་དི་རིང་བསྙེས་གྱུར་པས། །མཆོད་སྦྱིན་དམ་པ་ཅི་སླད་དེ་མི་སྩལ། །བདུད་རྩི་མེད་པའི་སེམས་ཅན་སྟོང་པ་རྣམས། །དད་པ་ཕལ་ཆེན་ས་བོན་འཛིན་མཆིས་ན། །རྣམ་གྲོལ་གློག་དང་ཐུགས་རྗེའི་ཆར་སྤྲིན་ལས། །ཅི་སླད་བྱང་ཆུབ་ཡན་ལག་ཆང་མི་དབབ་།ཟུག་རྔུས་ཟུག་པའི་ནད་པ་ཁམས་གསུམ་ན། །ཉོན་མོངས་ཉམ་ཐག་ནང་སྙིང་ཟས་ཕོངས་ལ། །བྱང་ཆུབ་ཡན་ལག་སྨན་མཆོག་བརྙེས་པ་ཡིས། །ནད་པ་ཡུན་རིང་དེང་ཅི་གྲོལ་མི་མཛད། །མུན་པ་མུན་ནག་ཞུགས་པའི་འགྲོ་ 153a ༄#། །བ་རྣམས། །གཏི་མུག་བསྒྲིབས་པ་མྱ་ངན་ཆེན་པོའི་ནང ། །སྟོང་ཆེན་ཤེས་རབ་མར་མེས་མུན་ཆེན་པོ། །བཟོད་བརླག་ཅི་ཡི་སླད་དུ་སེལ་མི་མཛད། །འདམ་རྫབ་ཆུ་བོ་བཞིན་ཡོངས་སྐྱོ་བའི། །སྐྱེ་བོ་གཡང་ས་ཆེན་པོར་ལྷུང་འདི་དག་།ལྷར་བཅས་འཇིག་རྟེན་སྨན་སླད་ཐུགས་རྩེ་བའི། །མགོན་པོས་དེ་ནི་ཅི་སླད་གདོན་མི་བགྱི། །ལྟ་ལ་ཆགས་པའི་མུ་སྟེགས་ཕལ་ཆེན་གྱིས། །ལྷ་མི་ཀུན་ཏུ་གློངས་པར་མཆིས་རྣམས་ལ། །དྲང་པོ་མ་ཡོ་གྱོ་མེད་པ་དེ་བ་ཡིས། །ཅི་སླད་རིན་ཆེན་ལམ་དགང་མི་བསྟན། །མི་དབང་སེངྒེ་ལ་ནི་ཚངས་གསོལ་པས། །རྫོགས་སངས་རྒྱས་སྤྱན་འཇིག་རྟེན་གསུམ་ལ་གཟིགས། །གཟིགས་ནས་སེམས་ཅན་རྣམས་ལ་བརྩེ་བསྐྱེད་དེ། །ནད་མེད་ཆོས་ཀྱི་འཁོར་ལོ་བསྐོར་བར་གསོལ། །ལྷ་དེ་དག་གིས་ད་ལྟར་བརྟགས་ནས་ཀྱང ། །བྱང་ཆུབ་སྙིང་པོར་སེང་གདན་ང་འདུག་ལ། །བསྟོད་དེ་བསྟོད་ནས་དེ་ལྟར་དགའ་བས་དོང ། །ངས་ཀྱང་ཆོས་ཀྱི་འཁོར་ལོ་རབ་ཏུ་བསྐོར། །དེ་སྐད་ཅེས་བཀའ་སྩལ་པ་དང ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་ 153b དཔའ་ཆེན་པོའི་འཁོར་འདུས་པ་འདིའི་ནད་ན་ནི། གང་དག་ཏིང་ངེ་འཛིན་འདི་དང ། ཕ་རོལ་ཏུ་ཕྱིན་པ་ལ་འཇུག་པ་འདི་དང ། །ཏིང་ངེ་འཛིན་གྱི་སྒོ་ལ་འཇུག་པ་བརྒྱད་ཁྲི་བཞི་སྟོང་པོ་འདི་རྣམས་ཐོབ་པ་དག་མཆིས་ལགས་སམ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་འདུས་པ་འདིའི་ནད་ན་གང་དག་བསྐལ་པ་བཟང་པོ་འདི་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་བཞིན་གཤེགས་པ་བཞི་པོ་དག་མ་གཏོགས་པར་གང་དག་ཏིང་ངེ་འཛིན་འདི་དང ། ཕ་རོལ་ཏུ་ཕྱིན་པ་ལ་འཇུག་པར་དི་དག་དང ། ཏིང་ངེ་འཛིན་གྱི་སྒོ་འཇུག་པ་བརྒྱད་ཁྲི་བཞི་སྟོང་པོ་འདི་དག་ཐོབ་པ་གང་དག་བསྐལ་པ་བཟང་པོ་འདི་ལ་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཡོད་དོ། །དེ་སྐད་ཅེས་བཀའ་སྩལ་པ་དང ། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ལེགས་སོ། ལེགས་སོ། །བཙུན་པ་བཅོམ་ལྡན་འདས་ཀྱིས་སྐྱེ་བོ་མང་པོ་ལ་སྨན་པ་དང ། །སྐྱེ་བ་མང་པོ་ལ་བདེ་བ་དང ། འཇིག་རྟེན་ལ་ 154a ༄#། །ཐུགས་བརྩེ་བ་དང ། ལྷ་དང ། མི་རྣམས་ཀྱི་དོན་དང ། སྨན་པ་དང ། བདེ་བ་དང ། དམ་པའི་ཆོས་ཡོངས་སུ་གཟུང་བ་དང ། དམ་པའི་ཆོས་ཡུན་རིང་དུ་གནས་པར་བགྱི་བ་དང ། མ་འོངས་པ་ན་བྱང་ཆུབ་སེམས་དཔའ་རྣམས་ལ་སྣང་བ་བགྱིད་པར་འགྱུར་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སླད་དུ་སྤྱོད་པ་ན་སྒྱིད་ལུག་པར་མི་འགྱུར་བའི་སླད་དུ་བྱང་ཆུབ་སེམས་དཔའ་དེ་དག་གི་རིགས་དང ། མིང་དེ་དག་བཀའ་སྩལ་དུ་གསོལ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། དེའི་ཕྱིར་ཁྱོད་ལགས་པར་རབ་ཏུ་ཉོན་ལ་ཚུལ་བཞིན་ཡིད་ལ་ཟུངས་ཤིག་དང་བཤད་དོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས། དེ་ལྟ་ལེགས་སོ། ཞེས་གསོལ་ནས་བཅོམ་ལྡན་འདས་ཀྱི་ལྟར་ཉན་པ་དང ། བཅོམ་ལྡན་འདས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་དང ། བྱང་ཆུབ་སེམས་དཔའ་དེ་དག་གི་མིང་ཚིགས་སུ་བཅད་དེ་བཀའ་སྩལ་པ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ 154b དགུ་པ།་འཁོར་བ་འཇིགས་དང་གསེར་ཐུབ་དང ། །འོད་སྲུང་ཤཱཀྱའི་སྐྱེས་མཆོག་དང ། །བྱམས་པ་སེངྒེ་རབ་གསལ་དང ། །ཐུབ་པ་མེ་ཏོག་ཅེས་བྱ་དང ། །མེ་ཏོག་རྒྱུ་སྐར་བཟང་དེད་དཔོན། །ལག་ཆེན་དང་ནི་སྟོབས་ཆེན་དང ། །རྒྱུ་སྐར་རྒྱལ་པོ་རྩི་སྨན་དང ། །སྙན་པ་ཏོག་དང་འོད་ཆེན་དང ། །གྲོལ་བའི་ཕུང་པོ་ཞེས་བྱ་བའི། །སངས་རྒྱས་ཀྱི་ནི་སྡེ་ཚན་རྫོགས། །རྣམ་པར་སྣང་མཛད་ཉི་མའི་སྙིང ། །ཟླ་བ་འོད་འཕྲོ་འོད་བཟངས་དང ། །མྱ་ངན་མེད་དང་སྐར་རྒྱལ་དང ། །རབ་གསལ་ཕྲེང་ཐོགས་ཡོན་ཏན་འོད། །དོན་གཟིགས་དང་ནི་མར་མེ་དང ། །མཐུ་ལྡན་སྨན་པ་དེས་པ་དག་།མཛོད་སྤུ་བརྟན་ལྡན་ལྟ་ཡི་དཔལ། །གདུལ་དཀའ་ཡོན་ཏན་རྒྱལ་མཚན་དང ། །སྒྲ་གཅན་ཚོགས་ལྡན་ཚངས་པའི་དབྱངས། །ཚིགས་བརྟན་དང་ནི་སྨི་འགྱིང་དང ། །འོད་མཛད་ལྷུན་པོ་ཆེན་པོ་དང ། །རྡོ་རྗེ་སྡོམ་ཅན་མི་བསྙེངས་དང ། །རིན་ཆེན་པད་སྤྱན་སྟོབས་སྡེ་དང ། །མེ་ཏོག་འོད་གཟེར་ཡེ་ཤེས་དགྱེས། །གཟི་ཆེན་ཚངས་པ་འོད་དཔག་མེད། །ཀླུ་སྦྱིན་དང་ནི་བརྟན་གཤེགས་དང ། །དོན་ཡོད་མཐོང་དང་བརྩོན་འགྲུས་སྦྱིན། །བཟང་སྐྱོང་དགའ་བོ་འཆི་མེད་དང ། །སེངྒེའི་རྒྱལ་མཚན་རྒྱལ་བ་ཆོས། །མཆོག་དགའ་རྒྱལ་པོ་ཁ་ལོ་སྒྱུར། །དགྱེས་གཤེགས་ཆུ་ལྷ་ཡོན་ཏན་ལག་།སྤོས་ཀྱི་གླང་པོ་རྣམ་པར་གཟིགས། །འབྲུག་སྒྲ་དང་ནི་ལེགས་སེམས་དང ། །ཡིད་བཟངས་དྲི་མེད་ཟླ་བ་དང ། །གྲགས་ཆེན་གཙུག་ན་ནོར་བུ་དང ། །དྲག་ཤུལ་སེངྒེའི་སྟོབས་ལྗོན་པ། ། 155a ༄#། །རྣམ་པར་རྒྱལ་ཆེན་ཤེས་རབ་བརྩེགས། །ལེགས་གནས་བློ་གྲོས་ཡན་ལག་སྐྱེས། །བློ་མཐའ་ཡས་དང་གཟུགས་བཟང་དང ། །མཁྱེན་ལྡན་འོད་ཟེར་བརྟུལ་ཞུགས་བརྟན། །བཀྲ་ཤིས་དང་ནི་བདེན་པའི་ཏོག་།པད་མ་དང་ནི་སྲེད་མེད་བུ། །ལག་བཟངས་ཡེ་ཤེས་འབྱུང་གནས་དང ། །ཡོན་ཏན་འོད་ནི་འཕྲོ་བ་ཡིན། །ཚངས་བྱིན་རིན་ཆེན་འབྱུང་གནས་ལྟའི་མེ་ཏོག་དང ། །དོན་ལེགས་སེམས་དང་ཆོས་ཀྱི་དབང་ཕྱུག་བློ་གྲོས་པ། །སྤོབས་པ་དག་ནི་བརྩེགས་པ་རྡོ་རྗེའི་རྒྱལ་མཚན་དང ། །བཅུ་པ་སྟོབས་བཅུར་ལྡན་པར་ཕན་པར་བཞེད་པ་ཡིན། །རྣམ་པར་རོལ་པར་ལྡན་དང་མུན་དང་བྲལ་བ་སྒྲ་གཅན་ལྷ། །རི་བོའི་རྒྱལ་ཚོགས་ཅན་འོད་དང་དེ་བཞིན་རིན་ཆེན་སྙིང ། །ཤིན་ཏུ་མཐོར་གཤེགས་དང་ནི་རྒྱལ་བ་སྐར་རྒྱལ་རུ་རིང་དང ། །བཅུ་པ་ཁམས་གསུམ་མགོན་པ་ཡོན་ཏན་གྲགས་ཤེས་བྱ་བ་ཡིན། །ཉི་ཟླ་ཉི་མའི་འོད་དང་སྐར་མཁན་སེངྒེའི་ཏོག་དང་ནི། །དུས་མཁྱེན་རྒྱལ་པོ་དཔལ་གྱི་སྙིང་པོ་སྲིད་མཐའ་གཟིགས་པ་དང ། །གློག་གི་འོད་དང་གསེར་གྱི་རི་བོ་སེངྒེས་བྱིན་པ་དང ། །བཅུ་པ་མི་དབང་རྒྱལ་བ་གཞན་གྱིས་མི་ཐུབ་རྒྱལ་མཚན་ཡིན། །མཆོག་དགའ་གྲགས་པ་བརྩོན་འགྲུས་བརྟན་པ་དང་ནི་གྲགས་རྫོགས་དང ། །བསྙེངས་བྲལ་དང་ནི་མཆོད་འོས་ལྷ་དང་སྒྲོན་མ་ཆེན་པོ་དང ། །འཇིག་རྟེན་འོད་དང་སྤོས་དྲི་ཞིམ་དང་ཡོན་ཏན་མཆོག་ 155b འཛིན་དང ། །བཅུ་པ་རང་བྱུང་མཚུངས་མེད་མུན་དང་རྣམ་པར་བྲལ་བ་ཡིན། །སེངྒེའི་འགྲམ་པ་དང་ནི་རིན་ཆེན་གྲགས་དང་སྐྱོན་རབ་ཞི། །བདུད་རྩི་འཆང་དང་མི་ཡི་ཟླ་བ་དང་ནི་ཤིན་ཏུ་གཟིགས། །རབ་ཏུ་བརྒྱན་དང་ནོར་བུ་འོད་དང་རི་བོ་བརྩེགས་པའི་ཏོག་།བཅུ་པ་ཆོས་ཀྱི་འབྱུང་གནས་དོན་ངེས་ལྡན་པ་ཡིན། །ཆོས་སྦྱིན་དང་ནི་རིན་ཆེན་འབྱུང་གནས་སྐྱེ་དབང་མཚུངས། ། སྟབས་ཀྱིས་གཤེགས་པ་དང་ནི་བློ་གནས་པ་དང་གདུགས་མཛེས་དང ། །གཙོ་བོ་དང་ནི་ཤིན་ཏུ་འཕགས་དཔལ་སེངྒེའི་སྒྲ། །བཅུ་པ་སྐྱེས་བུ་གཙོ་བོ་རྣམ་པར་རོལ་ལྡན་ཡིན། ། ཀླུ་ཡི་འོད་དང་མེ་ཏོག་རི་བོ་གང་ནི་ཀླུ་དགའ་དང ། །སྤོས་ཀྱི་དབང་ཕྱུག་ཤིན་ཏུ་གྲགས་དང་སྟོབས་ལྷ་ཞེས་བྱ་དང ། །ཡོན་ཏན་ཕྲེང་བར་ལྡན་དང་ཀླུ་ཡི་ལག་དང་མིག་བརྒྱན་དང ། །བཅུ་པ་དྲང་སྲོང་ཆེན་པོ་ལེགས་པར་སྦྱངས་པའི་བློ་ཞེས་བྱ། །ཟིལ་ནོན་ཡེ་ཤེས་མཐའ་ཡས་སྤྱན་དང་བདེན་པར་གསུང་བ་དང ། །ཉི་མའི་འོད་དང་ངེས་པའི་བློ་དང་མཐའ་ཡས་པ་ཡི་གཟུགས། །རྣམ་པར་སྣང་མཛད་རིན་ཆེན་ཏོག་དང་ཐེ་ཚོམ་སྤངས་པ་དང ། །བཅུ་པ་རང་ཉིད་བྱུང་བ་འཇིག་རྟེན་དག་ཡས་འདས་པ་ཡིན། །དོན་ཡོད་རྣམ་པར་གནོན་དང་རྟོགས་མཛད་མི་ཏོག་རྒྱལ་མཚན་དང ། །རི་དབང་རྒྱལ་པོ་དང་ནི་གཟི་བརྗིད་མེ་དང་དོན་མཛད་གཟེགས། །གྲགས་པ་མཐའ་ཡས་དང་ནི་རིན་ཆེན་ལྷ་དང་དོན་གནས་མཁྱེན། །བཅུ་པ་བློ་ནི་ 156a ༄#། །ཡོངས་སུ་རྫོགས་པ་དམན་མིན་གྲགས་པ་ཡིན། །མྱ་ངན་མེད་ཅེས་བྱ་དང་དྲི་མ་བྲལ་དང་ཚངས་ལྷ་དང ། །ས་ཡི་དབང་ཕྱུག་མེ་ཏོག་སྤྱན་དང་རྣམ་པར་འབྱེས་པའི་སྐུ། །ཆོས་ཀྱི་འོད་དང་ཀུན་ནི་གཟིགས་དང་ཡོན་ཏན་འོད་གསལ་དང ། །བཅུ་པ་འཇིག་རྟེན་གསུམ་གྱིས་མཆོད་པ་དྲི་མེད་ཟླ་བའི་ཞལ། །རིན་ཆེན་འོད་དང་རིན་ཆེན་ཏོག་དང་ནི། །གྲགས་བླ་འོད་བྱེད་གཟི་བརྗིད་དཔག་མེད་དང ། །དུས་མཁྱེན་སེངྒེའི་སྐུ་དང་མཁས་བློ་དང ། །རྒྱལ་བ་དཀའ་དང་ཡོན་ཏན་ཕུང་པོ་དང ། །ཟླ་བའི་ཏོག་དང་མཐུ་ནི་ཐོབ་པ་དང ། །མཐུ་རྩལ་མཐའ་ཡས་ཟླ་བ་དྲི་མེད་དང ། །དོན་རྣམས་ཐམས་ཅད་གཟིགས་དང་དཔའ་བོ་དང ། །འབྱོར་བར་ལྡན་དང་བསོད་ནམས་སྣོན་མ་དང ། །ཡོན་ཏན་འོད་འཕྲོ་བློ་ནི་ཡངས་པ་དང ། །ལེགས་སྐྱེས་ནོར་ལྷ་ཡིད་གཉིས་སྤོང་བ་དང ། །འཛིན་པ་དཔག་མེད་མཆོག་སྲེད་ཆོམས་མེད་དང ། མི་གནས་པ་དང་སངས་རྒྱས་བདེར་གནས་དང ། །ཚོགས་ཅན་གཙོ་བོ་འགྲོ་བའི་འོད་ཟེར་དང ། །ཕལ་ཆེན་རྒྱལ་དང་གཟི་བརྗིད་མཐའ་ཡས་དང ། །དོན་གྱི་བློ་གྲོས་སྨན་པའི་རྒྱལ་པོ་དང ། །ཐ་བ་སྤངས་དང་རིམས་མེད་ལེགས་བྱིན་དང ། ། གྲགས་བྱིན་མེ་ཏོག་བྱིན་དང་སྐྱེས་བུས་བྱིན། །རྡོ་རྗེ་སྡེ་དང་ཕལ་ཆེན་བྱིན་པ་དང ། །ཞི་བའི་བློ་གྲོས་སྤོས་ཀྱི་གླང་པོ་དང ། །སྲེད་མེད་བུ་དང་ངེས་པ་མི་ཚུགས་པ། །ཉི་ཟླ་གློག་གི་ 156b ཏོག་དང་མཆོད་པ་དང ། །དཔལ་སྦས་དང་ནི་ཡེ་ཤེས་ཉི་མ་དང ། །དོན་གྲུབ་ལྷུན་པོ་བརྩེགས་དང་དགྲ་འདུལ་དང ། །པདྨ་དང་ནི་དགྲ་བཅོམ་གྲགས་པ་ཡིན། །ཡེ་ཤེས་འགྲོས་དང་ཉོན་མོངས་བྲལ་བ་དང ། །འདམ་བུ་དང་ནི་སྤོས་བཟངས་ཡུལ་འཁོར་རངས། །ལྷ་གྲགས་སྲིད་མཐའ་གཟིགས་དང་ཟླ་བ་དང ། །སྒྲ་གཅན་དང་ནི་རིན་ཆེན་ཟླ་བ་དང ། །སེངྒེའི་རྒྱལ་མཚན་དང་ནི་བསམ་གཏན་དགྱེས། །རྫོགས་ལྡན་རྣམ་རོལ་ཡོན་ཏན་རིན་ཆེན་དང ། །དགྲ་བཅོམ་གྲག་ག་པ་བད་དོས་མཛོད་སྤུ་ལྡན། །སྤོབས་པ་གྲགས་པ་རྡོ་རྗེ་ནོར་བུ་དང ། །ཚེ་དཔག་མེད་དང་ནོར་བུ་བཀོད་པ་དང ། །དབང་ཆེན་ཡོན་ཏན་འབྱུང་གནས་ལྷུན་པོ་གྲགས། །འོད་ཟེར་བཅུ་པ་མ་སྨད་གླང་པོའི་འགྲོས། །ཡིད་དུ་འཐད་པ་རིན་ཆེན་ཟླ་བ་དང ། །ཞི་བ་རབ་གསལ་རྒྱལ་པོ་ཁ་ལོ་སྒྱུར། །དགའ་བའི་དབང་ཕྱུག་ཙུག་ན་རིན་པོ་ཆེ། །བསྙེངས་བྲལ་རིན་ཆེན་སྙིང་པོ་ཟླ་བའི་ཞལ། །དྲི་མ་མེད་གྲགས་ཞི་བའི་བཟི་བརྗིད་དང ། །དགའ་ཏོག་སྒྲ་གཅན་ལྷ་དང་ན་ཚོད་བཟང ། །ལྷ་དག་དགའ་དང་རིན་ཆེན་ཕུང་པོ་དང ། །མཛེས་པར་གཤེགས་པ་སེངྒེའི་ཕྱོགས་པ་དང ། །ཤིན་ཏུ་མཐོར་གཤེགས་སྐྱེ་དབང་བློ་གྲོས་བཟང ། །འཇིག་རྟེན་འོད་དང་རིན་ཆེན་གཟི་བརྗིད་དང ། །སྐལ་ལྡན་ཤིང་རྟ་ཀུན་རྒྱལ་དགའ་བ་བཀོད། །སྟེགས་མཛད་དང་ནི་སྤོས་གླང་བློ་འོད་འཕྲོ། །རི་བོའི་རྒྱལ་མཚན་དང་ནི་སྤོས་བཟངས་དང ། །ཆོས་བསྟན་དང་ནི་ 157a ༄#། །གཟི་བརྗིད་དྲག་ཤུལ་ཅན། །ཆོས་ཀྱི་ནོར་བུ་བཟང་བྱིན་བདེ་གཤེགས་ཟླ། །ཚངས་པའི་དབྱངས་དང་སེངྒེའི་ཟླ་བ་དཔལ། །ལེགས་པར་སྐྱེས་དང་ཐུབ་པ་མེད་པའི་ཚོགས། །གྲགས་པའི་བཤེས་གཉེན་བདེན་པ་ཞེས་བྱ་དང ། །དཀའ་ཐུབ་ཆེན་པོ་ལྷུན་པོའི་འོད་ཟེར་དང ། །ཡོན་ཏན་བརྩེགས་པ་མཆོད་གྲགས་ཆོས་གྲགས་དང ། ། སྦྱིན་འོད་གློག་བྱིན་བདེན་པར་གསུང་བ་དང ། །འཚོ་བྱིད་ན་ཚོང་བཟང་པ་ལེགས་ཚོགས་ཅན། །རྣམ་ངེས་བློ་གྲོས་སྲིད་མཐའ་ནོར་བུའི་སྤོས། །རྒྱལ་བས་དགྱེད་དང་སེངྒེའི་འོད་ཟེར་དང ། །རྣམ་པར་སྣང་མཛད་གྲགས་མཆོག་ཐུགས་རབ་གཞུངས། །ནོར་བུ་ཟླ་བ་དྲག་ཤུལ་འོད་ཟེར་དང ། །བརྟུལ་ཞུགས་ཐུབ་མེད་འགྲོས་མཆོད་ནོར་བུའི་ཚོགས། །འཇིག་རྟེན་བླ་མ་གླང་ཆེན་སེངྒེ་དང ། །ཟླ་བ་རིན་ཆེན་འོད་ཟེར་སྒྲ་གཅན་སྦེད། །ཡོན་ཏན་རྒྱ་མཚོ་འོད་ཟེར་ལྡན་པ་དང ། །རབ་ཏུ་ཞི་སྟབས་འཇིག་རྟེན་བཟང་པོ་དང ། །མྱ་ངན་མེད་པ་ཤུགས་བཅུ་སྟོབས་དགྱེས་དང ། །མཐུ་ཡི་དཔལ་དང་མཐུ་ཐོབ་མཐུ་ཆེན་དང ། །ཡོན་ཏན་སྙིང་པོ་བདེན་པར་སྤྱོད་པ་དང ། །དགེ་མཆོག་རྒྱལ་པོ་སྐར་རྒྱལ་འོད་ཟེར་ཆེ། །གློག་གི་འོད་དང་ཡོན་ཏན་རྒྱ་ཆེན་དང ། །རིན་པོ་ཆེ་དང་དཔལ་འོད་བདུད་འདུལ་དང ། །གོ་བགོས་སེངྒེའི་ཕྱག་དང་མེ་ཏོག་བཟང ། །རིན་ཆེན་མཐོན་པོ་དང་ནི་རྒྱ་མཚོ་དང ། །ས་འཛིན་ 157b དོན་བློ་མངའ་བ་ཡོན་ཏན་བསགས། །ཡོན་ཏན་ཚོགས་དང་རིན་པོ་ཆེའི་མེ། །འཇིག་རྟེན་འདས་དཔའ་འཇིག་རྟེན་ཟླ་བ་དང ། །དབྱངས་སྙན་ཚངས་པའི་ཏོག་དང་ཚོགས་ཅན་གཙོ། །སེངྒེའི་སྟབས་དང་དྲག་ཤུལ་བྱིན་པ་དང ། །ཆོས་ཀྱི་དབང་ཕྱུག་གཟི་འོད་འོད་ཟེར་ཆེ། །རིན་ཆེན་གྲགས་པ་ཚོགས་ཅན་གསལ་བ་དང ། །གྲགས་པ་མཐའ་ཡས་འོད་ཟེར་དོན་ཡོད་དང ། །ལྷའི་དྲང་སྲོང་སྐྱེ་དབང་དགེ་འདུན་བརྟན། ཕྱོགས་བཟང་ཏོག་དང་ཡུལ་འཁོར་མེ་ཏོག་དང ། །ཆོས་ཀྱི་བློ་གྲོས་རླུང་གི་ཤུགས་ལྟར་གཤེགས། །ལེགས་བསམས་གྲགས་པ་སྣང་ལྡན་ལྷ་ཚོགས་དང ། ཡོན་ཏན་བསྲུང་དོན་བློ་གྲོས་བསྙེངས་པ་མེད། །གྲོགས་བརྟན་དང་ནི་འོད་གནས་མཚུངས་པ་དང ། །ནོར་ཞབས་ཐར་བའི་གཟི་བརྗིད་ངོས་བཟང་དང ། །གློ་བཟང་དང་ནི་ཀུན་ཏུ་གཟི་བརྗིད་དང ། །ཡེ་ཤེས་མཆོག་མ་དང་ནི་ཚངས་པ་གནས། །བདེན་པ་གསུང་དང་བློ་བཟངས་སྟོབས་བྱིན་དང ། །སེང་སྟབས་མེ་ཏོག་ཏོག་དང་ཤེས་འབྱུང་གནས། །མེ་ཏོག་བྱིན་དང་ཡོན་ཏན་སྙིང་པོ་དང ། །རིན་ཆེན་གྲགས་པ་རྨད་དུ་བྱུང་བ་དང ། །མི་ཚུགས་བསྙེངས་མེད་ཉི་མའི་འོད་དག་དང ། །ཚངས་གཤེགས་ལྷའི་མཐུ་རྩལ་ཡེ་ཤེས་དགྱེས། །ལྷ་བདེན་ནོར་བུའི་སྙིང་པོ་ཡོན་ཏན་གྲགས། །ཡེ་ཤེས་དཔལ་དང་བཅིངས་པ་མེད་པ་དང ། །བརྟུལ་ཤུགས་བརྟན་དང་ལྷའི་གཟི་བརྗིད་དང ། །ཚངས་ཐུབ་དལ་བཞུད་བརྟུལ་ཤུགས་ 158a ༄#། །དཀའ་ཐུབ་དང ། །འོད་ཟེར་ཕུང་པོ་དང་ནི་གཟི་བརྗིད་ཆེ། །ཙམྤ་ཀ་དང་དགའ་མཛད་ཚོགས་ཅན་བཟང ། །དབང་པོ་རྒྱལ་མཚན་བཅུ་པ་དགྱེས་ཆེན་ཡིན། །སྣ་མའི་མེ་ཏོག་འོད་དང་ཚོགས་ཅན་འོད། །སྐྲུན་མཛད་མདངས་འགྲོ་དོན་ལེགས་ངེས་པ་དང ། །ཁྱུ་མཆོག་དང་ནི་ཡག་བཟངས་འོད་ཟེར་ཆེ། །བསམ་པས་བྱིན་པ་དང་ནི་བསོད་ནམས་འོད། །རིན་ཆེན་དབྱངས་དང་རྡོ་རྗེའི་སྡེ་དང་ནི། །འབྱོར་ལྡན་སེངྒེའི་སྟོབས་དང་དྲི་མེད་སྤྱན། །འོད་སྲུང་དང་ནི་བློ་གསལ་ཡེ་ཤེས་འབྲོས། །གཟི་བརྗིད་དྲག་ཤུལ་འོད་ཟེར་ཆེན་པོ་དང ། །ཉི་མའི་འོད་དང་དྲི་མ་མེད་པའི་འོད། །གཟི་བརྗིད་རྣམ་དབྱེས་ཁེངས་མེད་སྦྲང་རྩིའི་ཞལ། །ཟླ་འོད་གློག་སྦྱིན་དབ་ཞིར་གཤེགས་པ་དང ། །མི་འཁྲུགས་པ་དང་དགྲ་བཅོམ་གྲགས་པ་དང ། །ཆོས་ཀྱི་ཡོན་ཏན་ཞིང་བཟང་བཀོད་རྒྱལ་པོ། །མངོན་པར་འཕགས་དང་སྦྱིན་བསྲེག་འོད་འཕྲོ་དང ། །པད་དཔལ་རིན་ཆེན་བཀོད་དང་ཤིན་དུ་བཟང ། །རིན་ཆེན་མཆོག་དང་ཐུགས་ནི་ཤིན་ཏུ་གཞུངས། །རྒྱ་མཚོས་བྱིན་དང་ཚངས་པའི་ཏོག་དང་ཟླ་གདུགས་འོད་འཕྲོ་དང ། །དྲི་མེད་རྒྱལ་པོ་ཡེ་ཤེས་གྲགས་པ་ཀུན་རྒྱལ་ཡོན་ཏན་འོད། །སྒྲ་གྲགས་ཟླ་རྒྱལ་པདྨའི་འོད་ཟེར་བརྟུལ་ཤུགས་བཟང་པོ་དང ། །སྒྲོན་རྒྱལ་གློག་གི་ཏོག་ཏང་འོད་ཟེར་རྒྱལ་པོ་སྐར་མཁན་དང ། །གྲགས་པ་རྫོགས་ལྡན་པདྨའི་སྙིང་པོ་རྒྱལ་དང་སྤྱན་ 158b མཛེས་དང ། །རྙོག་མ་མེད་དོན་དྲག་ཤུལ་སྡེ་དང་བསོད་ནམས་གཟི་མཐུ་རྩལ། །ཐོགས་མེད་བློ་དང་སྒྲ་གཅན་ལྷ་དང་ཤེས་ཕུང་ཁ་ལོ་སྒྱུར། །སྐྱེ་དབང་མཚུངས་དང་མེ་ཏོག་ཏོག་དང་སྒྲ་གཅན་འཛིན་སྨན་ཆེ། །རྒྱུ་སྐར་རྒྱལ་པོ་སྨན་རྒྱལ་བསོད་ནམས་གླང་པོ་གཅོད་མཛད་དང ། །རྣམ་གྲགས་རྒྱལ་པོ་ཉི་འོད་ཆོས་མཛོད་བློ་གྲོས་བཟང ། ཡོན་ཏན་དབང་མཚུངས་རྡོ་རྗེ་སྡེ་དང་ཤེས་རབ་བརྩེགས་པ་དང ། །ལེགས་གནས་བློ་སྦྱངས་ཚངས་དབྱངས་ཡོན་ཏན་མཆོག་དང་འབྲུག་སྒྲ་དབྱངས། །མངོན་ཤེས་ཏོག་དང་ཏོག་འོད་དག་པ་ཚངས་པ་སྐྱེས་མཆོག་དང ། །སྤྱན་སྡུག་པ་དང་ཀླུས་བྱིན་བདེན་པའི་ཏོག་དང་བརྒྱན་པ་དང ། །ཞུམ་པ་མེད་དབྱངས་རིན་ཆེན་འོད་དང་ཚངས་བྱིན་སེངྒེ་དང ། །འོད་ཟེར་སྣ་ཚོགས་ཡེ་ཤེས་དཔའ་བོ་པད་ཕུང་མེ་ཏོག་རྒྱས། །མཐུ་རྩལ་སྟོབས་དང་བསོད་ནམས་ཕུང་པོ་གཟུགས་མཆོག་སྐར་མཁན་དང ། །ཟླ་སྒྲོན་གཟི་བརྗིད་ཕུང་པོ་བྱང་ཆུབ་རྒྱལ་པོ་མི་ཟད་པ། །མངོན་རྟོགས་སྤྱན་དང་ཡན་ལག་རྒྱས་དང་ཡུལ་འཁོར་ཤེས་རབ་མཆོག་།གཟི་བརྗིད་ཚིམ་མཛད་ཤེས་རབ་བྱིན་དང་མགོན་པོ་འཇམ་པའི་དབྱངས། །ཆགས་པ་མེད་མཛོད་གཙོ་བོས་བྱིན་དང་གཙོ་བོས་ཤེས་མཐུ་རྩལ། །འོད་འཕྲོ་དབང་པོ་ཤུགས་འཆང་སྐར་རྒྱལ་འོད་བཟངས་གྲགས་པ་བྱིན། །གཟུགས་བཟང་རྒྱལ་པོ་དོན་གྲུབ་སེང་གེའི་སྡེ་དང་ནོར་ལྷའི་བུ། །གྲགས་རྒྱལ་རྒྱ་ཆེན་སྙིང་པོ་བསོད་ནམས་འོད་ཟེར་སྨྲང་འདོན་པ། །སྒྲོན་རྒྱལ་ཡེ་ཤེས་ 159a ༄#། །བརྩེགས་དང་ལྷ་མཆོག་དང་ནི་ས་བདག་དང ། །གྲོལ་བརྙེས་གཙུག་གི་གསེར་དང་སྒྲ་གཅན་བཟང་པོ་ཐུབ་པར་དཀའ། །ཐུབ་གསལ་ཟླ་བའི་འོད་ཟེར་གསེར་གྱི་འོད་དང་ལེགས་བྱིན་ལྷའི། །ཡོན་ཏན་དབང་པོ་ཆོས་གདུགས་བསོད་ནམས་ལག་དང་ཆགས་མེད་དང ། །ཡེ་ཤེས་གྱ་ནོམ་བློ་ཞིམ་གཟི་བྱིན་ཐམས་ཅད་པ་རྩི་སྨན། །རྣམ་གྲོལ་ཏོག་དང་འོད་མཛད་ཡེ་ཤེས་རྒྱལ་པོ་འཇིགས་མཛད་དང ། །ཆུ་བོ་སྤོད་དང་ཐོགས་མེད་གྲགས་པ་བདེན་ཕུར་དབྱངས་སྙན་དང ། །རི་དབང་མཚུངས་དང་ཆོས་བརྩེགས་ཐར་པའི་གཟི་བརྗིད་ལེགས་མཛད་དང ། རབ་ཞིའི་སྐུ་དང་ཡིད་འོད་གསུང་བློ་སྦྱངས་དང་ཆུ་ལྷ་དང ། །འགྲོས་མཆོད་སེངྒེའི་ལེགས་དང་ཆོས་ཀྱི་མཐུ་རྩལ་སྐལ་བཟང་པོ། །མི་འཁྲུགས་མདོག་དང་གཟི་བརྗིད་རྒྱལ་པོ་རྟོགས་མཛད་སྤྱན་ལེགས་དང ། །དོན་གནས་བློ་དང་སྣང་བའི་འོད་ཟེར་སྤོས་གཟི་ཀུན་དགའ་མཛད། །དོན་ཡོད་གཤེགས་དང་ཁྲོ་བ་བཅོམ་དང ། གཟུགས་མཆོག་ལེགས་གཤེགས་དང ། །རབ་སྦྱིན་གྲགས་དང་འོད་གཅང་ལྷའི་ཉི་མ་ཤེས་རབ་བྱིན། །མཉམ་བཞག་བདག་ཉིད་གཟི་མདངས་རྒྱལ་རིགས་སྐལ་ལྡན་ཤིང་རྟ་དང ། །གསེར་མཆོག་རྣམ་གྲོལ་གཙུག་དང་ཆོས་ལྡན་དང་ནི་སྤོས་གནས་དང ། །དྲེགས་སྤངས་ཡེ་ཤེས་མཛོད་དང་ཚངས་པར་གཤེགས་དང་ཙནྡན་དང ། །མྱ་ངན་མེད་དང་ 159b སེངྒེའི་འོད་ཟེར་ཡུལ་འཁོར་ཏོག་པར་སྙིང ། །གཟི་བརྗིད་མཐའ་ཡས་ལྷ་འོད་ཤེས་རབ་མེ་ཏོག་མཁས་པ་དང ། །ཡེ་ཤེས་འབྱོར་ལྡན་ཚངས་དབྱིག་ཕྱག་ན་རིན་ཆེན་དབང་ལྡན་དང ། ། རྫོགས་པར་གསུང་དང་མཆོག་གསུང་མཆོད་འོས་སྐར་རྒྱལ་ཉི་མ་དང ། །འདམ་བརྒལ་ཡེ་ཤེས་བརྙེས་དང་གྲུབ་པ་རྨ་བྱ་ཆོས་སྦྱིན་དང ། །ཕན་བཞེད་ཡེ་ཤེས་ལྡན་གྲགས་འོད་ཟེར་དྲ་བ་རྣམ་བཅོམ་དང ། །བཻ་ཌཱུརྱ་སྙིང་མེ་ཏོག་ལྷ་རྒྱ་བ་ཟླ་བ་དྲན་འོད་དང ། །དགེ་བའི་འོད་དང་ཡོན་ཏན་མཆོག་མ་ཀུན་གྱི་འོད། །རིན་པོ་ཆེ་ཡི་དཔལ་དང་སྐྱེས་བུ་ཟ་བ་དང ། །སྒྲ་གཅན་བདུད་རྩིའི་འོད་དང་འཇིག་རྟེན་དག་གི་མཆོག་།སྐར་འོད་ཞི་སྟབས་བཅུ་པ་ཡེ་ཤེས་རྒྱ་མཚོ་ཡིན། །རི་དབང་རབ་ཞི་ཡོན་ཏན་མཐུ་སྟོབས་ལྷ་དབང་དང ། །དབྱངས་སྙན་ངོས་བཟངས་དང་ནི་དོན་ལ་གནས་པ་དང ། །ཡོན་ཏན་གཟི་བརྗིད་དཔལ་དང་མཁྱེན་ལྡན་ཟླ་མེད་དང ། །བཅུ་པད་རོ་དཔག་མེད་རྒྱལ་བ་ཞེས་ཀྱང་བྱ། །འོད་བཟང་ཤིན་ཏུ་ཐུགས་གཞུངས་དོན་དགོངས་གཏི་མུག་བྲལ། །དབྱངས་ཀྱི་ཡན་ལག་ཁྱད་འཕགས་མཆོག་ཏུ་མཛེས་པར་གཤེགས། །ཞི་བའི་དོན་དང་སྐྱོན་མེད་བློ་དབྱངས་དགེ་བ་དང ། །པདྨའི་མཛོད་དང་བཅུ་པ་འོད་ཟེར་བཟང་པོ་ཡིན། །སྤོབས་པའི་མདོག་དང་སྟེགས་བཟང་པོ་དང་ཚོགས་དབང་དག། བསྙེངས་པ་དང་ནི་བྲལ་བ་ཡེ་ཤེས་བཞེང་པ་དང ། །བདེ་གཤེགས་སྤོབས་པའི་སྤྱན་དང་བློའི་མཆོག་མ་ 160a ༄#། །དང ། །ཟླ་བ་རིན་ཆེན་ཟླ་འོད་དང་ནི་བཅུ་པ་བསྙེངས་མེད་ཡིན། །གཟིགས་པ་ཚེ་དང་ཚངས་པའི་དབྱངས་བཟང་དང ། །ཤེས་རབ་ཆེན་པོའི་སྟེགས་དང་བློ་གྲོས་ཟླ་མེད་དང ། །རྡོ་རྗེ་མཁྲེགས་དང་བྱང་ཆུབ་བློ་གྲོས་ལྗོན་ཤིང་དབང ། །གདངས་སྙན་པ་དང་བཅུ་པ་བསོད་ནམས་སྟོབས་ཀྱང་ཡིན། །མཐུ་ཡི་དཔལ་དང་འཕགས་པ་དགྱེས་དང་མཐུ་སྟོབས་དང ། །སྐར་མ་ལ་ནི་དགྱེས་དང་སྤྲིན་གྱི་རྔ་སྒྲ་དང ། །སྤྱན་སྡུག་ཞལ་དང་ཡེ་ཤེས་བཟང་ལྡན་འབྱོར་ལྡན་དང ། །ཡོན་ཏན་ཕུང་པོ་དང་ནི་བཅུ་པ་གསལ་བ་ཡིན། །ཆོས་ཀྱི་རྒྱལ་མཚན་ཡེ་ཤེས་ང་རོ་ནམ་མཁའ་དང ། །མཆོད་སྦྱིན་ང་རོ་ཤེས་རབ་རྣམ་འགོད་ང་རོ་དང ། །ཡོན་ཏན་འོད་ཟེར་གཟི་བརྗིད་དྲང་སྲོང་དབང་པོ་དང ། །བློ་ལྡན་སྤོབས་པའི་ཚོགས་དང་བཅུ་པ་མཆོད་སྦྱིན་བཟང ། །ཟླ་བའི་ཞལ་དང་ཤིན་ཏུ་གཟིགས་དང་རྡུལ་བྲལ་དང ། །ཡོན་ཏན་ཆོགས་དང་ཏོག་ལྡན་བསོད་ནམས་རྒྱལ་མཚན་དང ། །ཡུལ་འཁོར་སྤོབས་པ་དང་ནི་རིན་ཆེན་རབ་སྦྱིན་དང ། །ཟླ་བ་དགྱེས་པ་དང་ནི་བཅུ་པ་སེངྒེའི་སྟོབས། །དབང་བསྒྱུར་རྒྱལ་པོ་དང་བདུད་རྩི་གསལ་བ་དང ། །བསམ་གཏན་སྙོམས་དང་འཁྲུག་མང་དྲི་མ་རབ་ཞི་དང ། །ཕྱོགས་མ་བསླད་དང་མཛེས་པ་དང་ནི་ཞལ་བཟངས་དང ། །ཤུགས་གནས་ཡེ་ཤེས་ལྡན་དང་བཅུ་པ་གསུང་དབང་ 160b ཡིན། །གཟི་བརྗིད་ཆེན་པོ་བློ་གྲོས་ཟབ་མོ་བདུད་རྩི་དང ། །ཆོས་ཀྱི་སྟོབས་དང་མཆོད་པར་ལྡན་དང་མེ་ཏོག་འོད། །ཁམས་གསུམ་དག་གི་མཆོད་གནས་སྒྲ་བ་ཅན་ཉི་མའི་སྙིང ། །ལྷ་ཡིས་མཆོད་པ་བཅུ་པ་ཐར་པའི་རྒྱལ་མཚན་ཡིན། །དགེ་བའི་གཙུག་དང་བདུད་རྩི་འོད་དང་རྡོ་རྗེ་དང ། །བརྟན་པ་དང་ནི་རིན་ཆེན་ཕུང་པོ་མཛེས་གཤེགས་དང ། །ཉི་མ་ལྟ་བུར་གཤེགས་པ་དང་ནི་དག་པའི་འོད། །ཡོན་ཏན་གཙུག་དང་བཅུ་པ་དཔལ་ནི་རྫོགས་པ་དང ། །སེངྒེའི་སྟོབས་དང་གྱེན་དུ་འཕགས་པ་མེ་ཏོག་བྱིན། །འོད་འགྱེད་པ་དང་བད་མེ་དང་ནི་ཡེ་ཤེས་དགྱེས། །བཀོད་པ་མཛེས་དང་གཏི་མུག་མེད་པར་གནས་པ་དང ། རྨ་མེད་པ་དང་བཅུ་པ་ཏོག་གི་རྒྱལ་མཚན་ཡིན། །བདེ་བར་དགོངས་དང་གཏི་མུག་མེད་རྒྱལ་ཆོག་མཁྱེན། ། དག་པའི་རྒྱ་མཚོ་དང་ནི་རིན་ཆེན་མངའ་དང་མི་དམའ་བ། །སྐྱེ་བ་དགའ་མཛད་རྨ་བྱའི་ང་རོ་མ་ཞུམ་དང ། །བཅུ་པ་སྲིད་པའི་སྲེད་པ་དྲི་མ་སྤངས་པ་ཡིན། །སྤྱོད་པའི་སྟེགས་དང་ལྷ་མང་དག་གིས་སྙན་བསྒྲགས་པ། །རིན་པོ་ཆེའི་སྟོབས་དང་ཕྱག་ན་བད་བསྣམས་དཔལ། །དགྲ་ལས་རྒྱལ་དང་འབྱོར་ལྡན་གྲགས་པ་ཡུལ་འཁོར་བཟང ། །མེ་ཏོག་འོད་དང་བཅུ་པ་སེངྒེའི་ང་རོ་ཡིན། །ཟླ་ལྟར་ཤར་དང་འཇོམས་པའི་མཆོག་དང་རྨི་གཡོ་དང ། །ཕན་ལྡན་གཤེགས་དང་བསོད་ནམས་སྒྲོན་མའི་རྒྱལ་བ་དང ། །དབྱངས་ཀྱིས་བསྐུལ་དང་གཽ་ཏ་མི་ 161a ༄#། །དང་མདངས་སྟོབས་དང ། །བློ་གནས་རང་བཞིན་དང་ནི་བཅུ་པ་ཟླ་བ་བཟང ། །བྱང་ཆུབ་ཡན་ལག་མེ་ཏོག་བཀྲ་ཤིས་ལེགས་སྟོན་དང ། །ཡེ་ཤེས་གཟི་བརྗིད་སྟོབས་དང་དགེ་བའི་སྒྲོན་མ་དང ། །མཐུ་རྩལ་བརྟན་པོ་ལྷའི་སྒྲ་དང་རབ་ཞི་དང ། །ཉི་མ་ཞལ་དང་བཅུ་པ་ཐར་པའི་བརྟུལ་ཞུགས་ཡིན། །ཚུལ་ཁྲིམས་འོད་དང་བརྟུལ་ཞུགས་གནས་པ་རྟུལ་མེད་དང ། །སྙིང་པོ་འཕགས་དང་མིག་སྨན་འཕེལ་བར་མཛད་པ་དང ། །སྤོས་འོད་དུས་མཁྱེན་འོད་དང་དྲན་པའི་དབང་པོ་དང ། །ཐོགས་མེད་རྒྱལ་མཚན་བཅུ་པ་བྱང་ཆུབ་མཆོག་བགྲོད་ཡིན། །སྤྱོད་གསལ་རིན་ཆེན་དགྱེས་དང་ཆོས་དབང་ཕྱུག་།ལྷ་འོད་ཐམས་ཅད་བཤེས་གཉེན་ཆེན་པོ་དང ། །བཤེས་གཉེན་བཟང་པོ་རབ་ཏུ་ཞི་བའི་སྟབས། །བདུད་རྩི་བདག་པོ་བཅུ་པ་ལྷུན་པོའི་འོད། །འཕགས་པས་བསྟོད་དང་སྣང་ལྡན་གཟི་བརྗིད་འབར། །སྣང་བ་གཟིགས་དང་ལེགས་སྤྱན་རྣམ་སྨིན་དང ། །ལེགས་དགྱེས་མྱ་ངན་བྲལ་དང་རིན་ཆེན་འོད། །སྤྱོད་པར་ལྡན་དང་བཅུ་པ་བསོད་ནམས་སྟོབས། །ཡོན་ཏན་རྒྱ་མཚོ་རྨད་བྱུང་ང་རྒྱལ་སྤོང ། །བདུད་བརླག་མཛད་དང་བག་ཆགས་རྒལ་སྟབས་དང ། །མི་ཕྱེད་བློ་མངའ་རྒྱ་མཚོ་དག་མཛད་དང ། །ཚོགས་ཅན་གྲོལ་རྒྱལ་བཅུ་པ་དགའ་བའི་འོད། །བྱང་ཆུབ་རྒྱལ་མཚན་ཡེ་ཤེས་རིན་ཆེན་དང ། །ཤིན་ཏུ་ 161b བསིལ་བ་ཚངས་རྒྱལ་ཡེ་ཤེས་དགྱེས། །རྫུ་འཕྲུལ་ཏོག་སྐྱེ་དབང་མཚུངས་ས་དབང་ཕྱུག་།ཉི་མ་དགྱེས་དང་བཅུ་པ་སྒྲ་གཅན་ཟླ། །མེ་ཏོག་འོད་དང་སྨན་བདག་མདངས་མངའ་དང ། །བསོད་ནམས་དགྱེས་དང་དགའ་སྟོབས་དབྱངས་སྙན་དང ། །ཆོས་ཀྱི་དབང་ཕྱུག་ཆངས་དབྱངས་སྤྱོད་བཟང་དང ། །བཅུ་པ་རྒྱལ་བ་འཁྲུལ་བ་མེད་པའི་བློ། །དབྱངས་ཆེན་སྙན་པར་གྲགས་དང་ཏོག་ལྡན་དང ། །གཟི་བརྗིད་རྣམ་གྲགས་འགྲོ་བའི་དབང་ཕྱུག་དང ། །ལྗོན་པ་གཏི་མུག་རབ་ཟད་དཔག་མེད་དང ། །ཟླ་བཟང་བཅུ་པ་སྤོབས་པ་མཐའ་ཡས་ཏོག་།བརྟུལ་ཞུགས་བསྟར་དང་མཆོད་གནས་མྱ་ངན་བརྒལ། །དགེ་དགྱེས་འགྲོ་བའི་བློ་གྲོས་དགྱེས་བར་གཤེགས། །ཞབས་མཛེས་ཨུཏྤལ་དུལ་གནས་མེད་ཏོག་དང ། །བཅུ་པ་སྤོབས་པ་མཐའ་ཡས་འོད་ཟེར་ཡིན། །དྲང་སྲོང་གསལ་བ་ཡོན་ཏན་བརྩོན་འགྲུས་སྙིང ། །ལྷ་བདག་རིན་ཆེན་མཐོ་གསལ་སྐལ་ཤིང་རྟ། །བསོད་ནམས་བློ་གྲོས་སྦྱིན་སྲེད་འོད་འཕྲོ་དང ། །བཅུ་པ་ཡོན་ཏན་མཐའ་ཡས་གཟི་བརྗིད་ཕུང་པོ་ཡིན། །སེངྒེའི་སྟོབས་དང་མི་གཡོ་རབ་གསལ་དང ། །འོད་སྤྱོད་གླུ་དབྱངས་གླུ་དབྱངས་འཁོར་ལོ་འཛིན། །དབྱིག་མཆོག་འཇིག་རྟེན་དགའ་བ་ཆོས་ཟླ་དང ། །བཅུ་པ་དགའ་བ་མཐའ་ཡས་གྲགས་ཤེས་བྱ། །སྤྲིན་ཏོག་ཤེས་རབ་འགྲོས་དང་སྤོས་བཟངས་དང ། །ནམ་མཁའི་དབྱངས་དང་ལྷ་དང་ལྷ་རྒྱལ་ 162a ༄#། །དང ། །ནོར་བུ་གསལ་དང་ནོར་བཟངས་སྒྲོན་མ་དང ། །བཅུ་པ་རིན་ཆེན་ང་རོའི་དབྱངས་ཤེས་བྱ། །སྐྱེ་དབང་རྒྱལ་པོ་སྒྲ་ཅན་སྤེད་པ་དང ། །དགེ་མཛད་སེང་བློ་རིན་ཆེན་གྲགས་པ་དང ། །དོན་མཛད་མཛད་མཐའ་གཟིགས་དང་སྲིད་མེ་ཏོག་།མཛོད་བུ་བཅུ་པ་སྤོབས་པ་མཚུངས་མེད་རྒྱལ། །ཡེ་ཤེས་རྣམ་འབྱེད་ང་རོ་སེང་མཆེ་བ། ། མཛེས་གཤེགས་བསོད་ནམས་སྒྲོན་མ་བཀྲ་ཤིས་ལྡན། །ཡུལ་འཁོར་མྱ་ངན་མེད་བློ་སེམས་བློ་ལྡན། །ཆོས་སྒྲོན་སྤྱན་དང་བཅུ་པ་ཤིན་དུ་གཟིགས། །ཤུགས་འདོར་སྟོབས་ཆེན་ཤེས་རབ་མེ་ཏོག་དང ། །བརྟན་པའི་དབྱངས་དང་བདེ་ལྡན་དོན་གསུང་དང ། །དགྱེས་པ་གསལ་བ་སེངྒེའི་ཞལ་གཙུག་ཕུད། །བཅུ་པ་སེངྒེ་ཞེས་བྱ་སྣང་མཛད་འགྱུར། །བསྐལ་བཟངས་འདི་ལ་སངས་རྒྱས་གང་དེ་དག་།དེ་དག་གི་ནི་མཚན་རྣམས་བསྒྲགས་པ་རྣམས། །འབྲས་བུ་མྱ་ངན་འདས་ཤེས་བྱ་བ་གང ། །ཉན་པ་དེ་དག་འདི་ལ་རྨོངས་མི་འགྱུར། །མཁས་པ་བག་ཡོད་ལྡན་པས་གུས་བགྱིས་ཏེ། །རྒྱལ་བ་འདི་དག་གི་ནི་མཚན་རྣམས་ཉོན། །དེ་དག་གི་ནི་མཚན་རྣམས་ལེགས་ཐོས་ནས། །ངན་སོང་སྡུག་བསྔལ་ཕྱིར་ཞིང་མྱོང་མི་འགྱུར། ། ཚུལ་ཁྲིམས་གནས་པ་སྡོམ་པའི་རྗེས་འཐུན་ཞིང ། །ཐོས་ལ་མོས་པས་རྟོགས་དང་ལྡན་པ་རྣམས། །ཟབ་མོའི་བཟོད་པ་ཡོངས་སུ་རྫོགས་བྱས་ནས། །འཇིག་རྟེན་མགོན་ཀུན་དེ་དག་ 162b གིས་ནི་མཐོང ། །གང་ཞག་མི་ཤེས་བསྐལ་པ་བྱེ་བར་ནི། །སྡིག་པའི་ལས་བྱས་ལས་འབྲས་རྣམ་སྨིན་ཀུན། །དེས་ནི་ཟད་བྱས་རྒྱལ་བ་དེ་དག་གི་།མཚན་རྣམས་བཟུང་ནས་ཀྱང་ནི་རྒྱལ་བར་འགྱུར། །མདོ་སྡེ་ཁྲི་ཕྲག་དུ་མར་འཇུག་པ་དང ། །ཏིང་འཛིན་རྫུ་འཕྲུལ་སོ་སོ་ཡང་དག་རིག་།སྒྲ་སྐད་དུ་མ་རྟོགས་དང་ཡེ་ཤེས་དག་།ཏིང་ངེ་འཛིན་འདི་ཉིད་ལས་ནི་བཙལ་བར་བྱ། །འཚོ་བ་དག་པ་གཡོ་ནི་མེད་པ་དང ། །རྣམ་སྨིན་ཤས་དང་ཕྲག་དོག་མེད་པ་དང ། །བསྡུ་བ་དང་ནི་གཟུངས་ལ་བརྩོན་པ་ཡིས། །ཏིང་འཛིན་འདི་ནི་རབ་ཏུ་ཤེས་པར་བྱ། །དེ་སྐད་ཅེས་བཀའ་སྩལ་པ་དང ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་ནི་ལེགས་ལགས་ཏེ། །ལྷ་དང་མི་རྣམས་དང་སྐྱེ་བོ་མང་པོ་ལ་སྨན་པ་དང ། །སྐྱེ་བོ་མང་པོ་ལ་བདེ་བར་གྱར་བ་དེ་དང ། །མ་འོངས་པ་ན་བྱང་ཆུབ་སེམས་དཔའ་རྣམས་ཀྱིས་ཐོས་ན་ཡང་ཕྱིར་ཞིང་འདུན་པར་འགྱུར་བ་དང ། །དམ་པའི་ཆོས་ལ་ཆོག་ཁྱད་པར་དུ་འཕགས་པར་སྨོན་པར་འགྱུར་བ་དང ། །ཕྱིར་ཞིང་སྣང་བར་བགྱིས་པར་འགྱུར་བའི་སླད་དུ། །བསྐལ་པ་བཟང་པོའི་སངས་རྒྱས་དེ་དག་གི་ཡུལ་དང ། །རིགས་དང ། འོད་དང ། ཡབ་དང ། ཡུམ་དང ། སྲས་དང ། རིམ་གྲོ་བ་དང ། མཆོག་གི་ཟུང་དང ། བཟང་པོའི་ཟུང་དང ། དགེ་སློང་གི་དགེ་འདུན་ཕུན་སུམ་ཚོགས་པ་དང ། །སྐུ་ཚེའི་ཚད་དང ། 163a ༄#། །དམ་པའི་ཆོས་གནས་པ་དང ། །སྐུ་གདུང་འཕེལ་བར་འགྱུར་བདག་བཅོམ་ལྡན་འདས་ཀྱིས་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །དེ་བཞིན་གཤེགས་པ་འཁོར་བ་འཇིག་སྐྱེས་པའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་བཟང་པོ་ཞེས་བྱའོ། །གདུང་ནི་ཀཱ་ཤྱ་པའོ། །འོད་ནི་དཔག་ཚད་གཅིག་གོ་།ཡབ་ནི་མཆོད་སྦྱིན་ཞེས་བྱའོ། །སྐྱེད་པའི་ཡུམ་ནི་ཚངས་རྒྱལ་ཞེས་བྱའོ། །སྲས་ནི་བླ་མ་ཞེས་བྱའོ། །རིམ་གྲོ་པ་ནི་བློ་རྫོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་སློང་མཁས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསྙེན་པ་ཞེས་བྱའོ། །འདུས་པ་དང་པོ་ལ་ནི་དགེ་སློང་བཞི་ཁྲིའོ། །གཉིས་པ་ལ་ནི་བདུན་ཁྲིའོ། །འདུས་པ་གསུམ་པ་ལ་ནི་ཉན་ཐོས་དྲུག་ཁྲིའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གསེར་ཐུབ་སྐྱེས་པའི་ཡུལ་ནི་གྲོང་ཁྱེར་ལྔ་པ་ཞེས་བྱའོ། །རིགས་ནི་བྲང་ཟེའོ། །འོད་ནི་དཔག་ཚད་ཕྱེད་ 163b དོ། །ཡབ་ནི་མེས་བྱིན་ཞེས་བྱའོ། །ཡུམ་ནི་བླ་མ་ཞེས་བྱའོ། །སྲས་ནི་རྣམ་པར་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་བཀྲ་ཤིས་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ཞི་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་བདུན་ཁྲིའོ། །གཉིས་པ་ལ་ནི་དྲུག་ཁྲིའོ། །འདུས་པ་གསུམ་པ་ལ་ནི་དགེ་སློང་ལྔ་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་བརྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་སྲུང་སྐྱེས་པའི་ཡུལ་ནི་ཚེ་ཏན་ཞེས་བྱའོ། །རིགས་ནི་བྲམ་ཟེའོ། །འོད་ནི་རྒྱང་གྲགས་གཅིག་གོ་།ཡབ་ནི་ཚངས་བྱིན་ཞེས་བྱའོ། ། ཡུམ་ནི་ནོར་བདག་མ་ཞེས་བྱའོ། །སྲས་ནི་དེད་དཔོན་ཞེས་བྱའོ། །རིམ་གྲོ་པ་ནི་ཀུན་གྱི་བཤེས་གཉེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་པར་དྷྭ་ཛ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐད་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་ཉི་ཁྲིའོ། །གཉིས་པ་ལ་ནི་ཁྲི་བརྒྱད་སྟོང་ངོ ། །གསུམ་པ་ལ་ནི་ཁྲི་དྲུག་སྟོང་ངོ ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། ། 164a ༄#། །མཆོག་ཏུ་དགའ་བའི་རྒྱལ་པོ། དེ་སྐྱེས་པའི་ཡུལ་ནི་སེར་སྐྱེའི་གནས་ཤེས་བྱའོ། །རིགས་ནི་རྒྱལ་རིགས་སོ། ། བདུང་ནི་གཽ་ཏ་མའོ། །འོད་ནི་འདོམ་གང་ངོ ། །ཡབ་ནི་ཟས་གཙང་མ་ཞེས་བྱའོ། །ཡུམ་ནི་སྒྱུ་འཕྲུལ་ཞེས་བྱའོ། །སྲས་ནི་སྒྲ་ཅན་འཛིན་ཞེས་བྱའོ། །རིམ་གྲོ་བ་ནི་ཀུན་དགའ་བོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉེ་རྒྱལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པད་ནས་སྐྱེས་ཤེས་བྱའོ། །འདུས་པ་དང་པོ་ལ་ནི་དགེ་སློང་སྟོང་ཉིས་བརྒྱ་ལྔ་བཅུའོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་།ཆོས་ནི་ལོ་ལྔ་བརྒྱའི་བར་དུ་གནས་སོ། །ལོ་ལྔ་བརྒྱའི་བར་དུ་ནི་དམ་པའི་ཆོས་ལྟར་བཅོས་པར་སྣང་ངོ ། །སྐུ་གདུང་ནི།་རྒྱས་པར་འགྱུར་རོ། །མཆོག་ཏུ་དགའ་བའི་རྒྱལ་པོ་དེ་བཞིན་གཤེགས་པ་བྱམས་པ་སྐྱེ་བའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་ཏོག་གི་བློ་གྲོས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ཚངས་བཟངས་ཤེས་བྱའོ། །ཡུམ་ནི་ཚངས་བདག་མ་ཞེས་བྱའོ། །སྲས་ནི་བསོད་ནམས་སྟོབས་ཤེས་བྱའོ། །རིམ་གྲོ་བ་ནི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་ 164b བཅོམ་པ་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུད་ཕྱུར་ཕྲག་དགུ་དང་བྱེ་བ་ཕྲག་བཞི་འོ། །གསུམ་པ་ལ་ནི་དུད་ཕྱུར་ཕྲག་དགུ་དང་བྱེ་བ་ཕྲག་གཉིས་སོ། ། སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ལྟ་ཞེས་བྱའོ། །རིགས་ནི་རྒྱལ་རིགས་སོ། འོད་ནི་དཔག་ཆད་གཅིག་གོ་།ཡབ་ནི་སེངྒེ་སྟག་ཅེས་བྱའོ། །ཡུམ་ནི་དགའ་བའི་ང་རོ་ཞེས་བྱའོ། །སྲས་ནི་སྟོབས་ཆེན་ཞེས་བྱའོ། །རིམ་གྲོ་བ་ནི་དེས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བརྩེགས་པ་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྲིན་ལྡན་ཞེས་བྱའོ། །འདུས་པ་དང་པོ་ནི་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་རྒྱུ་སྐར་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་ལེགས་པའི་བློ་གྲོས་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་དུས་རིགས་ཅེས་བྱའོ། ། 165a ༄#། །རིམ་འགྲོ་བ་ནི་དགའ་བའི་དབང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཀྲ་ཤིས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །འདུས་པ་གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །དམ་པའི་ཆོས་ནི་ལོ་བརྒྱད་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐུབ་པ་སྐྱེ་བའི་ཡུལ་ནི་གྲོང་ཁྱེར་མེ་ཏོག་བླ་མ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཆད་གཅིག་གོ་།ཡབ་ནི་ལྷུན་ཆེན་ཞེས་བྱའོ། །ཡུམ་ནི་སྣ་མའི་མེ་ཏོག་འོད་ཅེས་བྱའོ། །སྲས་ནི་རིན་ཆེན་མཆོག་ཅེས་བྱའོ། །རིམ་འགྲོ་བ་ནི་མཆོག་གི་དམ་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་དེས་པའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུས་བྱིན་ཞེས་བྱའོ། །འདུས་པ་དང་པོ་ལ་ཆི་ཅན་ཐོས་ཁྲིའོ། །གཉིས་པ་ལ་ནི་དུང་ཕྱུར་ཕྲག་བཞིའོ། །འདུས་པ་གསུམ་པ་ལ་ནི་དགྲ་བཅོམ་པ་དུང་ཕྱུར་ཕྲག་ལྔའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། སྐུ་གདུང་ནི་རྒྱས་པར་འགྱུར་རོ། །དེ་བཞིན་ 165b གཤེགས་པ་མེ་ཏོག་སྐྱེ་བའི་ཡུལ་ནི་པད་མ་དཀར་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཆད་བརྒྱད་དོ། །ཡབ་ནི་དུས་མཆོག་ཅེས་བྱའོ། །ཡུམ་ནི་མེ་ཏོག་ཅེས་བྱའོ། ། སྲས་ནི་སྐྱེ་བའི་དབང་པོ་ཞེས་བྱའོ། །རིམ་འགྲོ་བ་ནི་བྱང་ཆུབ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཚུགས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐར་འབུམ་ཕྲག་དྲུག་བཅུའོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕག་བཞིའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་གཉིས་པ་སྐྱེ་བའི་ཡུལ་ནི་གཟི་བརྗིད་ཡངས་བཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་གཙུག་ན་མེ་ཏོག་ཅེས་བྱའོ། །ཡུམ་ནི་ཆོས་ལན་མ་ཞེས་བྱའོ། །སྲས་ནི་ལུས་གཙང་མ་ཞེས་བྱའོ། །རིམ་འགྲོ་བ་ནི་བློ་གྲོས་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་བ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའོ། །གཉིས་ 166a ༄#། །པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །དམ་པའི་ཆོས་ནི་ལོ་དུང་ཕྱུར་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱན་ལེགས་སྐྱེ་བའི་ཡུལ་ནི་བཟང་བྱེད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གཉིས་སོ། །ཡབ་ནི་རིན་པོ་ཆེ་ཞེས་བྱའོ། །ཡུམ་ནི་སཝ་ལ་ཅན་ཞེས་བྱའོ། །སྲས་ནི་རྒྱུ་སྐར་རྒྱལ་པོ་ཞེས་བྱའོ། །རིམ་གྲོ་པ་ནི་ཡོན་ཏན་བློ་གྲོས་ཞེས་བྱའོ། །ཤེས་རབ་ཅན་རྣམ་ཀྱི་མཆོག་ནི་བློ་གྲོས་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེངྒེ་འགྲོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ཉིས་འབུམ་བརྒྱད་སྟོང་ངོ ། །འདུས་པ་གསུམ་པ་ལ་ནི་ཉན་ཐོས་སུམ་འབུམ་དྲུག་སྟོང་ངོ ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་སུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །སངས་རྒྱས་བཅུ་བོ་དེ་བཞིན་གཤེགས་བ་དང་པོ་པ་དེ་དག་གིས་སེམས་ཅན་རྣམས་ཡོངས་སུ་སྨིན་པར་མཛད་པ་ཇི་སྙེད་པ་དེ་སྙེད་ཅིག་ནི་དེ་བཞིན་གཤེགས་པ་དེ་གཅིག་བུས་ཀྱང་མཛད་པར་འགྱུར་རོ། །དེ་བཞིན་གཤེགས་པ་དེད་དཔོན་སྐྱེ་བའི་ཡུལ་ནི་རྒྱལ་པོའི་ཕོ་ 166b བྲང་གྲོང་ཁྱེར་མཆོག་མཛེས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུ་རྩ་བཞིའོ། །ཡབ་ནི་བག་ཚད་མེད་པ་ཞེས་བྱའོ། །ཡུམ་ནི་ཕན་འདོང་མ་ཞེས་བྱའོ། །སྲས་ནི་དགའ་བ་ཞེས་བྱའོ། །རིམ་གྲོ་བ་ནི་མཚོན་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་འོས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་སྟོང་ངོ ། །དམ་པའི་ཆོས་ནི་ལོ་དགུ་ཁྲོ་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལག་ཆེན་སྐྱེ་བའི་ཡུལ་ནི་འགྲོ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་བརྩོན་འགྲུས་བྱིན་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་བ་ནི་ལེགས་སེམས་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་དཔག་ཚད་མེད་པའི་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རླུང་ལྟར་འགྲོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་གོ་།དེ་ཕན་ཆད་ནི་བགྲང་གིས་མི་ལང་ངོ ། །སྐུ་ཚེའི་ཚད་ནི་ལོ་དུད་ཕྱུར་ཕྲག་བཞིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་ 167a ༄#། །རོ། །དེ་བཞིན་གཤེགས་པ་སྟོབས་ཆེན་སྐྱེ་བའི་ཡུལ་ནི་གྲོང་ཁྱེར་རིན་པོ་ཆེའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་མཛེས་ལྡན་ཞེས་བྱའོ། །ཡུམ་ནི་གཟི་བརྗིད་ཅན་མ་ཞེས་བྱའོ། །སྲས་ནི་སེང་གེའི་འགྲོས་ཤེས་བྱའོ། །རིམ་འགྲོ་བ་ནི་བཟང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལེགས་གནས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་དེ་ཉིད་ཉིས་འགྱུར་རོ། །འདུས་པ་གསུམ་པ་ལ་ནི་ཉན་ཐོས་ཁྲི་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་བཞི་ཁྲི་འོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟེང་གི་བར་དུ་གནས་སོ། །སྐུ་དུང་ནི་རིལ་པོ་གཅིག་ཏུ་གདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་བརྒྱུ་སྐར་རྒྱལ་པོ་སྐྱེ་བའི་ཡུལ་ནི་གྲོང་ཁྱེར་འཛམ་བུའི་ཆུ་ཀླུང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་འོད་སྦྱིན་ཞེས་བྱའོ། །ཡུམ་ནི་ལེགས་པའི་བློ་གྲོས་མ་ཞེས་བྱའོ། །སྲས་ནི་རྒྱལ་ཞེས་བྱའོ། །རིམ་གྲོ་པ་ནི་ཡེ་ཤེས་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲིས་ལན་དབང་ཕྱུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བྱིན་བརླབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་ 167b པ་ལ་ནི་ཐེར་འབུམ་ཕྲག་གཅིག་དང་དུད་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་ཕྲག་གཅིག་དང་དུང་ཕྱུར་ཕྲག་བརྒྱད་དོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྩི་སྨན་སྐྱེ་བའི་ཡུལ་ནི་གྲོང་ཁྱེར་རྩལ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ་།ཡབ་ནི་ན་ཚོང་བཟང་པོ་ཞེས་བྱའོ། །ཡུམ་ནི་ཡིད་འོད་བློ་གྲོས་མ་ཞེས་བྱའོ། །སྲས་ནི་རི་པོའི་རྒྱལ་མཚན་ཞེས་བྱའོ། །རིམ་གྲོ་བ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱི་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་བསོད་ནམས་སྟོབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྙན་པར་ཏོག་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་གསའ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུའོ། །ཡབ་ནི་རབ་གསལ་ཤེས་བྱའོ། །ཡུམ་ནི་སཝ་ལ་ཅན་ནས་བྱའོ། །སྲས་ནི་མེ་ཏོག་ 168a ༄#། །བླ་མ་ཞེས་བྱའོ། །རིམ་གྲོ་བ་ནི་དགའ་བའི་མིག་ཅེས་བྱའོ། །ཤེས་རབ་ཅན་རྣམས་ཀྱིས་མཆོག་ནི་ཤེས་རབ་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་སེངྒེའི་སྟོབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་ཉི་ཁྲིའོ། །གཉིས་པ་ལ་ནི་སུམ་འབུམ་ཅིག་ཁྲིའོ། །འདུས་བ་གསུམ་པ་ལ་ནི་ཉན་ཐོས་སུམ་བུམ་མོ། །ཀུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་བའི་ཆོས་ནི་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཡང་ཟད་དོ། །དེ་བཞིན་གཤེགས་པ་འོད་ཆེན་པོ་སྐྱེ་བའི་ཡུལ་ནི་གྲོང་ཁྱེར་བདེ་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུའོ། །ཡབ་ནི་བ་ཛིར་ཞེས་བྱའོ། །ཡུམ་ནི་རྒྱལ་བས་བྱིན་ཞེས་བྱའོ། །སྲས་ནི་ཟླ་གདུགས་ཤེས་བྱའོ། །རིམ་གྲོང་ནི་རབ་ཏུ་ཞི་བའི་བློ་གྲོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་ཅན་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ངེས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་གྲགས་སུམ་མོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ 168b ནི་རྒྱས་པར་འགྱུར་རོ། །དེ་བཞིན་གཤེགས་པ་གྲོལ་བའི་ཕུང་པོ་སྐྱེ་བའི་ཡུལ་གྲོང་ཁྱེར་ཟླ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ་།ཡབ་ནི་ཡིད་བཟངས་ཤེས་བྱའོ། །ཡུམ་ནི་གློག་སྦྱིན་མ་ཞེས་བྱའོ། །སྲས་ནི་དགའ་བས་འགྲོ་ཞེས་བྱའོ། །རིམ་གྲོ་བ་ནི་ནོར་བུའི་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དང་ཁྲི་ཕྲག་གསུམ་མོ། །གཉིས་པ་ལ་ནི་དེ་ཉིས་འགྱུར་རོ། །འདུས་པ་གསུམ་པ་ལ་ནི་ཁྲི་ཕྲག་དྲུག་གོ་སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་འབུམ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་སྣང་མཛད་སྐྱེ་བའི་ཡུལ་ནི་གྲོང་ཁྱེར་ཆོས་བཟང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུའོ། །ཡབ་ནི་རྒྱལ་བ་ཞེས་བྱའོ། །ཡུམ་ནི་མེ་ཏོག་བཟང་ཞེས་བྱའོ། །སྲས་ནི་བཞིན་འདྲ་ཞེས་བྱའོ། །རིམ་གྲོ་བ་ནི་ཡུལ་འཁོར་བཟང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་ཏུ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བ་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དྲུག་འབུམ་ཉི་ཁྲི་འོ། །གཉིས་པ་ལ་ནི་ 169a ༄#། །དྲུག་འབུམ་ཚིག་ཁྲི་འོ། །གསུམ་པ་ལ་ནི་དྲུག་འབུམ་མོ། །སྐུ་ཚེའི་ཚད་ནི་ལོ་ལ་བརྒྱའོ། །དམ་པའི་ཆོས་ནི་ལོ་བཞི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མའི་སྙིང་པོ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ཅན་ཞེས་བྱའོ། །རིགས་ནི་བྲམ་ཟེའོ། །འདེ་ནི་དཔག་ཚད་ཉིས་བརྒྱའོ། །ཡབ་ནི་འབྱོར་ལྡན་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་གར་མཁན་ཞེས་བྱའོ། །རིམ་གྲོ་བ་ནི་ཡེ་ཤེས་བླ་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་སྡེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེའི་སྡེ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཀྱི་དགེ་སློང་འབུམ་མོ། །གཉིས་པ་ལ་ནི་ཐེར་འབུམ་མོ། །འདུས་པ་གསུམ་པ་ལ་ནི་ཉན་ཐོས་དགྲ་ཤིགས་ཕྲག་རྒྱའོ། །བཞི་པ་ལ་ནི་ས་ཡ་ཕྲག་དགུའོ། །སྐུ་ཚེའི་ཚད་ནི་ལ་དུང་ཕྱུར་ཕྲག་བདུན་ནོ། །དམ་པའི་ཆོས་ནི་ལོ་དུང་ཕྱུར་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་རིན་ཆེན་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་ཙམ་པའི་མིག་ཅེས་བྱའོ། །ཡུམ་ནི་སྨན་ཅེས་བྱའོ། །སྲས་ནི་ན་པ་སོ་ 169b ཞེས་བྱའོ། །རིམ་གྲོ་བ་ནི་ཤིན་ཏུ་འཇིགས་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་བླ་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་འཕགས་ཤེས་བྱའོ། ། འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་ཕྲག་བཅུ་གཉིས་སོ། །གཉིས་པ་ལ་ནི་བྱེ་བ་བརྒྱ་ཕྲག་བཅུ་བཞིའོ། །འདུས་པ་གསུམ་པ་ལ་ནི་ཉན་ཐོས་བྱེ་བ་བརྒྱ་ཕྲག་བཅོ་བརྒྱད་དོ། ། བཞི་པ་ལ་ནི་ཉན་ཐོས་བྱེ་བ་བརྒྱ་ཕྲག་ཉི་ཤུའོ། །སྐུ་ཚེའི་ཚད་ནི་ལོ་དྲུག་སྟོང་ངོ ། །དམ་པའི་ཆོས་ནི་ལོ་ཁྲི་ཅིག་སྟོང་གི་བར་དུ་གནས་སོ། སྐུ་གདུང་ནི་རིལ་བོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་འཕྲོ་སྐྱེ་བའི་ཡུལ་ནི་གྲོང་ཁྱེར་རྡུལ་བཟངས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུའོ། །ཡབ་ནི་བསོད་ནམས་ཕུང་པོ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཙམ་པའི་མཆོག་ཅེས་བྱའོ། །རིམ་གྲོ་བ་ནི་ཤིན་ཏུ་སྤོབས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡ་ཕྲག་བདུན་ནོ། །གཉིས་པ་ལ་ནི་ས་ཡ་ཕྲག་བརྒྱད་དོ། །གསུམ་པ་ལ་ནི་ས་ཡ་ཕྲག་དགུ་འོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སུམ་འབུམ་ 170a ༄#། །གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་བཟང་སྐྱེ་བའི་ཡུལ་ནི་གྲོང་ཁྱེར་སྐར་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གསུམ་མོ། །ཡབ་ནི་ཉི་མའི་མཐུ་ཞེད་བྱའོ། །ཡུམ་ནི་ཟླ་ལྡན་མ་ཞེས་བྱའོ། །སྲས་ནི་དབང་ཕྱུག་ཆེན་པོ་ཞེས་བྱའོ། རིམ་གྲོ་བ་ནི་སྟོབས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བྱིན་ཞེས་བྱའོ། །རྫུ་ཅན་རྣམས་ཀྱི་མཆོག་ནི་ལུས་མདངས་ཅན་ཞེས་བྱའོ། །འདུས་པ་དང་པོ་ལ་ནི་ཉེན་ཐོས་ཐེར་འབུམ་ཕྲག་ལྔའོ། །གཉིས་པ་ལ་ནི་དུང་ཕྱུར་བྲག་བཞིའོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །སྐུ་ཆེའི་ཚད་ནི་ལོ་བརྒྱད་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་བ་མྱ་ངན་མེད་སྐྱེ་བའི་ཡུལ་ནི་གྲོང་ཁྱེར་ཤེས་རབ་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅོ་བརྒྱད་དོ། །ཡབ་ནི་མེ་ཏོག་བྱིན་ཞེས་བྱའོ། །ཡུམ་ནི་ཆོས་ཅན་མ་ཞེས་བྱའོ། །སྲས་ནི་འོད་སྦྱིན་ཞེས་བྱའི། །རིམ་གྲོ་པ་ནི་དགའ་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོ་བརྩེགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་བས་བྱིན་ཞེས་བྱའོ། །འདུས་པ་དང་པོ་ 170b ལ་ནི་ཉན་ཐོས་ཉི་ཁྲིའོ། །གཉིས་པ་ལ་ནི་ཁྲིའོ། འདུས་པ་གསུམ་པ་ལ་ནི་དགུ་འབུམ་ལྔ་ཁྲིའོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་སུམ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐར་རྒྱལ་སྐྱེ་པའི་ཡུལ་ནི་གྲོང་ཁྱེར་ཙམ་པའི་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་ལྷ་བཟང་ཞེས་བྱའོ། །ཡུམ་ནི་སྦྱིན་དགའ་ཞེས་བྱའོ། །སྲས་ནི་གློག་གི་འོད་ཅེས་བྱའོ། །རིམ་གྲོ་བ་ནི་མཐོང་དགའ་ཞེས་བྱའོ། ། ཤེས་རབ་ཅན་རྣམས་ཀྱིས་མཆོག་ནི་ཡེ་ཤེས་བླ་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་བྱུང་ཕྲག་བརྒྱད་དོ། །གཉིས་བ་ལ་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བདུན་ནོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ ། །ངམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་བ་རབ་གསལ་སྐྱེ་བའི་ཡུལ་ནི་གླིང་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་ཆོས་འཕགས་ཤེས་བྱའོ། །ཡུམ་ནི་པད་མ་ཅན་ཞེས་བྱའོ། །སྲས་ནི་ཟླ་རྐང་ཞེས་བྱའོ། ། 171a ༄#། །རིམ་གྲོ་བ་ནི་གྲགས་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེ་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང ། བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་གཅིག་དང ། བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་དོ། །སྐུ་ཚེའི་ཚང་ནི་ལོ་ཁྲི་བཞི་སྟོང་ངོ ། །དམ་པའི་ཆོས་ནི་ལོ་ཉི་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕྲེང་ཐོགས་སྐྱེ་བའི་ཡུལ་ནི་གྲོང་ཁྱེར་བསོད་ནམས་ཀྱིས་འབྱུང་གནས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །ཡབ་ནི་པད་མ་དཀར་བ་ཞེས་བྱའོ། །ཡུམ་ནི་ཡོན་ཏན་བྱིན་ཞེས་བྱའོ། །སྲས་ནི་དཔལ་གྱིས་བསོད་ནམས་ཞེས་བྱའོ། །རིམ་གྲོ་པ་ནི་གཟུགས་བཟང་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲོན་མ་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་དགུ་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དང ། 171b བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་བའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་འོད་སྐྱེ་བའི་ཡུལ་ནི་གྲོང་ཁྱེར་ཨུཏྤལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡབ་ནི་སྣང་ལྡན་ཞེས་བྱའོ། །ཡུམ་ནི་བསོད་ནམས་ཕུང་པོ་ཞེས་བྱའོ། །སྲས་ནི་ཆོས་སྤོབས་ཤེས་བྱའོ། །རིམ་གྲོ་བ་ནི་བསོད་ནམས་མཆོད་འོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཻ་ཌཱུརྱའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྲས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱ་བ་བརྒྱ་ཕྲག་བཅུ་དྲུག་གོ་།གཉིས་པ་ལ་ནི་བྱེ་པ་བརྒྱ་ཕྲག་བཅུ་གཉིས་སོ། །གསུམ་པ་ལ་ནི་བྱེ་བ་བརྒྱ་ཕྲག་བཅོ་བརྒྱད་དོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་དོན་གཟིགས་སྐྱེ་བའི་ཡུལ་ནི་གྲོང་ཁྱེར་སྙིང་པོའི་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་གཉིས་སོ། །ཡབ་ནི་ཡུལ་འཁོར་ཟླ་བ་ཞེས་བྱའོ། །ཡུམ་ནི་ལྷ་དགའ་ཞེས་བྱའོ། །སྲས་ནི་ཡོན་ཏན་གྲགས་པ་ཞེས་བྱའོ། །རིམ་གྲོ་པ་ནི་ཚངས་པའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་བློ་ཞེས་བྱའོ། །རྫུ་འཕྲུལ་ཅན་ 172a རྣམས་ཀྱིས་མཆོག་ནི་རྒྱལ་བ་ས་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་འབུམ་ཉི་ཁྲི་འོ། །གཉིས་པ་ལ་ནི་བདུན་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བརྒྱ་འོ། །དམ་པའི་ཆོས་ནི་ལོ་དུང་ཕྱུར་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མར་མེ་སྐྱེ་བའི་ཡུལ་ནི་གྲོང་ཁྱེར་རིན་ཆེན་མཛེས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བཅུ་འོ། །ཡབ་ནི་རིན་ཆེན་སོ་ཞེས་བྱའོ། །ཡུམ་ནི་སྐར་མདོག་གཅེས་བྱའོ། །སྲས་ནི་རིན་ཆེན་སྙིང་བོ་ཞེས་བྱའོ། །རིམ་གྲོ་བ་ནི་བློ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །གཉིས་པ་ལ་ནི་དགུ་འབུམ་མོ། །གསུམ་པ་ལ་ནི་ས་ཡའོ། །སྐུ་ཚེའི་ཚད་ནི་ལོ་ལྔ་ཁྲི་འོ། །དམ་པའི་ཆོས་ནི་ལོ་ཉིས་འབུམ་གྱི་པར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཐུ་ལྡན་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ལེགས་བྱིན་ཞེས་བྱའོ། །ཡུལ་ནི་ཡིད་ལྡན་ལེགས་ཞེས་བྱའོ། །སྲས་ 172b ནི་རྒྱལ་པའི་བཤེས་གཉེན་ཞེས་བྱའོ། །རིམ་གྲོ་པ་ནི་སེང་གེའི་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མྱ་ངན་མེད་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་བརྩེགས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་གསུམ་མོ། །གཉིས་བ་ལ་ནི་ཐེར་འབུམ་ཕྲག་གཉིས་སོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བཞི་ཁྲི་འོ། །དམ་པའི་ཆོས་ནི་ལོ་དགུ་ཁྲིའི་བར་དུག་ནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྨན་པ་སྐྱེ་བའི་ཡུལ་ནི་བརྟུལ་ཞུགས་གྲུབ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུ་རྩ་བདུན་ནོ། །ཡབ་ནི་འདུན་པ་ཞེས་བྱའོ། །ཡུམ་ནི་ཛམྦུའི་མཆོག་ཅེས་བྱའོ། །སྲས་ནི་དཔས་བྱིན་ཞེས་བྱའོ། །རིམ་གྲོ་པ་ནི་ཟླ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱ་མཚོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གླང་པོའི་སྟོབས་ཤེས་བྱའོ། །འདུས་པ་དང་པོ་ལ་ནི། ཉན་ཐོས་ས་ཡ་ཕྲག་གཉིས་དག་འབུམ་ཕྲག་གསུམ་མོ། །གཉིས་པ་ལ་ནི་ས་ཡ་ཕྲག་གཉིས་དང་འབུམ་ཕྲག་ལྔའོ། །གསུམ་བ་ལ་ནི་ས་ཡ་ཕྲག་གཉིས་དང་འབུམ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་པའི་ཆོས་ནི་ལོ་ས་ཡ་ཕྲག་གཉིས་དང ། འབུམ་ཕྲག་ལྔའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་ 173a ༄#། །བཞིན་གཤེགས་པ་ངེས་པ་སྐྱེ་བའི་ཡུལ་ནི་གྲོང་ཁྱེར་ལེགས་འབྱོར་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་འོ། །ཡབ་ནི་དབྱིག་མཆོག་ཅེས་བྱའོ། །ཡུམ་ནི་ཟླ་འོད་ཅེས་བྱའོ། །སྲས་ནི་ཆོས་ཀྱི་དབང་ཕྱུག་ཅེས་བྱའོ། །རིམ་གྲོང་ནི་འཇིག་རྟེན་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་ཏོག་བྱིན་ཞེས་།བྱའོ། །འདུས་པ་དང་པོ་ལ་ནི་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གཉིས་དང ། བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་བདུན་ནོ། །སྐུ་ཚེའི་ཆད་ནི་ལོ་སུམ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཛོད་བུ་སྐྱེ་བའི་ཡུལ་ནི་གྲོང་ཁྱེར་གཟི་བརྗོད་གསལ་བ་ཞེས་བྱའོ། །རིགས་ནི་སྦམ་བེའོ། །འོད་ནི་དཔག་ཚད་བརྒྱ་ཙམ་མོ། །ཡབ་ནི་ཚོགས་ཅན་རྒྱལ་པོ་ཞེས་བྱའོ། །ཡུམ་ནི་སྐལ་ལྡན་དགའ་ཞེས་བྱའོ། །སྲས་ནི་ལྷུན་བོ་སྤྱིན་ཞེས་བྱའོ། །རིམ་གྲོ་པ་ནི་ལྷའི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །འདུས་བ་དང་པོ་ལ་ནི་ཉན་ཐོས་དུད་ཕྱུར་ཕྲག་དྲུག་ 173b དང ། བྱེ་བ་ཕྲག་གཉིས་སོ། །གཉིས་པ་ལ་ནི་དུང་ཕྱུར་ཕྲག་དྲུག་དང ། བྱེ་བ་ཕྲག་གཅིག་གོ་།གསུམ་པ་ལ་ནི་དུང་ཕྱུར་ཕྲག་དྲུག་གོ་།སྐུ་ཚའི་ཚད་ནི་ལོ་ལྔ་ཁྲི་འོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟན་ལྡན་སྐྱེ་བའི་ཡུལ་ནི་བསོད་ནམས་སྒྲ་སྒྲོགས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ས་ལའི་རྒྱལ་པོ་ཞེས་བྱའོ། །ཡུམ་ནི་སྐྱེས་བུ་བཟང་དགའ་ཞེས་བྱའོ། །སྲས་ནི་སྲིད་སྦྱིན་ཞེས་བྱའོ། །རིམ་གྲོ་པ་ནི་དཔལ་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་འོད་ཅེས་བྱའོ། འདུས་པ་དང་པོ་ལ་ནི་ཉན་ཐོས་འབུམ་མོ། །གཉིས་པ་ལ་ནི་ས་ཡ་ཕྲག་དགུ་འོ། །འདུས་པ་གསུམ་པ་ལ་ནི་ས་ཡ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ཉི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་དཔལ་སྐྱེ་བའི་ཡུལ་ནི་རིན་ཆེན་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་སྦྲང་རྩིའི་སྣོད་ཅེས་བྱའོ། །ཡུམ་ནི་ཆོས་ཅན་མ་ཞེས་བྱའོ། །སྲས་ནི་དགའ་བའི་ཏོག་ཅེས་བྱའོ། །རིམ་གྲོ་བ་ནི་ 174a ༄#། །བརྩོན་འགྲུས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ས་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་སྟོབས་པ་ནི་ཞེས་བྱའོ། ། འདུས་པ་ནི་ལང་ཅིག་སྟེ། །ཉན་ཐོས་ཐེར་འབུམ་ཕྲག་གཅིག་གོ་།སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གདུལ་དཀའ་སྐྱེ་བའི་ཡུལ་ནི་སྦྱོར་གྲུབ་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་པའོ། །ཡབ་ནི་སྒྲ་གཅན་ལྷ་ཞེས་བྱའོ། ། ཡུམ་ནི་བསོད་ནམས་ཅན་ཞེས་བྱའོ། །སྲས་ནི་ཟླ་སྦེད་ཅེས་བྱའོ། །རིམ་གྲོ་བ་ནི་བདེན་དགའ་ཞེས་བྱའོ། །ཤེས་རབ་ཅན་རྣམས་གྱི་མཆོག་ནི་རིན་ཆེན་དམ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕྲུག་སྒྲ་ཞེས་བྱའོ། །འདུས་པ་དང་བོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ལྔ་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་བརྒྱད་དོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་ཀྱི་བར་ཏུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་རྒྱལ་མཚན་སྐྱེ་བའི་ཡུལ་ནི་ཟླ་ལྟར་ཞེས་བྱའོ། །རིགས་ནི་བྲམ་ཟེའོ་རིགས་སོ། །འོད་ནི་དཔག་ཚད་ལྔའོ། །ཡབ་ 174b ནི་སྐར་རྒྱལ་བ་ཤེས་གཉེན་ཞེས་བྱའོ། །ཡུམ་ནི་ནོར་ལྷས་བྱིན་ཞེས་བྱའོ། །སྲས་ནི་རྡོ་རྗེའི་སྡེ་ཞེས་བྱའོ། །རིམ་གྲོ་བ་ནི་རིན་ཆེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁ་ལོ་སྒྱུར་ཞེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་ཕྲག་སུམ་ཁྲི་འོ། །གཉིས་པ་ལ་ནི་འབུམ་ཕྲག་ལྔ་ཁྲེ་འོ། །འདུམ་པ་གསུམ་པ་ལ་ནི་ཉན་ཐོས་འབུམ་ཕྲག་དྲུག་ཁྲི་འོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྒྲ་གཅན་སྐྱེ་པའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་དྲུག་གོ་།ཡབ་ནི་མཐུ་རྩ་ལ་སྟོབས་ཤེས་བྱའོ། །ཡུམ་ནི་ཟིལ་མི་ནོན་ཅེས་བྱའོ། །སྲས་ནི་ཟླ་འོད་ཅེས་བྱའོ། །རིམ་གྲོ་བ་ནི་བཻ་དུ་རྱའི་སྙིང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོབས་ལྟ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་སྲིད་ཅེས་བྱའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་།ཆོས་ནི་ལོ་ལྔ་འབུམ་གྱི་བར་དུ་གནས་སོ། །དེ་བཞིན་གཤེགས་བ་བཞི་བཅུ་པོ་དེ་དག་གིས་སངས་རྒྱས་ཀྱི་འཕྲིན་ལས་མཛད་པ་ཇི་སྙེད་ 175a ༄#། །པ་དེ་སྙིང་པ་དེ་སྙིང་ཅིག་ནི་དེ་བཞིན་གཤེགས་པ་འདིས་སེམས་ཅན་རྣམས་གྲོལ་བར་མཛད་པར་འགྱུར་རོ། །དེ་ལྟ་བས་ན་འདེའི་འདུས་བ་རྣམས་ཀྱི་མ་སྨོས་ལ།་ས་གཞི་ཆེན་པོ་ཡང་རིན་པོ་ཆེ་བདུན་གྱི་རང་བཞིན་དུ་འགྱུར་རོ། །རིན་པོ་ཆེའི་ཤིང་དང ། གོས་བྱུང་བའི་ཤིང་གིས་ཀྱང་རྒྱས་བར་འགྱུར་རོ། །སེམས་ཅན་རྣམས་ནི་རྫུས་ཏེ་འབྱུང་བར་འགྱུར་རོ། །ངན་སོང་གསུམ་ཡང་གཏན་འབྱུང་བར་མི་འགྱུར་རོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་པ། །དེ་བཞིན་གཤེགས་བ་ཚོགས་ཅན་སྐྱེ་བའི་ཡུལ་ནི་མཛེས་ལྡན་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དོ། །ཡབ་ནི་རིན་ཆེན་བླ་མ་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་ས་འཛིན་ཅེས་བྱའོ། །རིམ་གྲོ་པ་ནི་ཡིད་ཞི་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁྲུང་ཁྲུང་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་གྲུབ་ཅེས་བྱའོ། །འདུས་པ་ནི་ལན་ཅིག་སྟེ་ཉན་ཐོས་འབུམ་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་སུམ་ཁྲི་འོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་བ་ཆ་དས་པའི་དབྱངས་སྐྱེ་བའི་ཡུལ་ནི་གཟི་བརྗིད་འོད་ཅེས་བྱའོ། །རིགས་ 175b ནི་བྲམ་ཟེའོ། །འོད་ནི་དཔག་ཚད་བརྒྱད་བཅུའོ། །ཡབ་ནི་ཚ་དས་པའི་བླ་མ་ཞེས་བྱའོ། །ཡུམ་ནི་བདེ་ལྟ་ན་མ་ཞེས་བྱའོ། །སྲས་ནི་བསོད་ནམས་གཟི་བརྗིད་འོད་ཅེས་བྱའོ། །རིམ་གྲོ་པ་ནི་པདྨའི་མ་གཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གསེར་མདོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གློག་སྦྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བརྒྱད་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་དེ་ལོ་དགུ་ཁྲེ་འོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུད་ནི་རིམ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚིགས་བརྟེན་སྐྱེ་བའི་ཡུལ་ནི་མེ་ཏོག་རྒྱས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡབ་ནི་བསོད་ནམས་དགའ་ཞས་བྱའོ། །ཡུམ་ནི་སྐྱེད་ལྡན་མ་ཞེས་བྱའོ། །སྲས་ནི་དུས་རིང་སྦྱིན་ཞེས་བྱའོ། །རིམ་གྲོ་བ་ནི་དོན་སྤྱད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་མཆོག་ཅས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་གསེར་མཆོག་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་སྟོང་ཕྲག་བདུན་བཅུའོ། །གཉེས་པ་ལ་ནི་བྱེ་བ་སྟོང་ཕྲག་བདུན་བཅུ་རྩ་བརྒྱད་དོ། །གསུམ་པ་ལ་ནི་བྱེ་བ་སྟོང་ཕྲག་བརྒྱད་བཅུའོ། །སྐུ་ཚེའི་ཚད་ནི་ལོ་ 176a ༄#། །ལྔ་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། ། དེ་བཞིན་གཤེགས་པ་མི་འགྱིང་བ་སྐྱེ་བའི་ཡུལ་ནི་འགྲོ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུའོ། །ཡབ་ནི་རྒྱ་མཚོ་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་མིག་སྡུག་ཅེས་བྱའོ། །རིམ་གྲོ་བ་ནི་སྐྱེ་དབང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་ལེགས་བསམ་ཤེས་བྱའོ། །རྫུ་འཕྲུལ་ཅན་རྣམས་གྱི་མཆོག་ནི་བདེན་ཚིག་ཅན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་ཁྲི་བརྒྱད་སྟོང་ངོ ། །གཉིས་པ་ལ་ནི་བདུན་ཁྲི་དྲུག་སྟོང་ངོ ། །གསུམ་པ་ལ་ནི་བདུན་ཁྲི་ལྔ་སྟོང་ངོ ། །སྐུ་ཚེའི་ཚད་ནི་ལོ་སྟོང་ཕྲག་བརྒྱད་ཁྲི་འོ། །དམ་པའི་ཆོས་ནི་ལོ་བརྒྱད་ཁྲིའི་བར་ཏུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་འོད་མཛད་སྐྱེ་བའི་ཡུལ་ནི་གསེར་གྱི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་ནི་འོད་ཟེར་ཅན་ཞེས་བྱའོ། །ཡུམ་ནི་རིན་ཆེན་བྱིན་ཞེས་བྱའོ། །སྲས་ནི་ཡོན་ཏན་རིན་པོ་ཆེ་ཞེས་བྱའོ། །རིམ་གྲོ་པ་ནི་མེ་ཏོག་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ 176b རྣམས་པར་གྲགས་པའི་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟུངས་ཀྱི་དབང་ཕྱུག་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་འབུམ་ཕྲག་ལྔ་བཅུའོ། ། གཉིས་པ་ལ་ནི་བྱེ་བ་འབུམ་ཕྲག་བཞི་བཅུའོ། །གསུམ་པ་ལ་ནི་བྱེ་བ་འབུམ་ཕྲག་སུམ་བཅུའོ། །སྐུ་ཚེའི་ཚད་ནི་ལོ་བྱེ་པ་ཕྲག་ལྔའོ། །དམ་པའི་ཆོས་ནི་ལོ་ཐེར་འབུམ་ཕྲག་བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷུན་ཆེན་སྐྱེ་བའི་ཡུལ་ནི་རིན་པོ་ཆེ་བཀོད་པ་།ཞས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཅུའོ། །ཡབ་ནི་ཟླ་བའི་གཟི་བརྗིད་ཅེས་བྱའོ། །ཡུམ་ཉི་མས་བྱིན་ཞེས་བྱའོ། །སྲས་ནི་ཟླ་གདུགས་ཤེས་བྱའོ། །རིམ་གྲོ་པ་ནི་རིགས་ཆན་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་བཟངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་དགའ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བདུན་ནོ། ། གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་བ་ལ་ནི་དུང་ཕྱུང་ཕྲག་དགུའོ། །སྐུ་ཚེའི་ཚད་ནི་ལོ་བརྒྱད་སྟོང་ངོ ། །དམ་པའི་ཆོས་ནི་ལོ་སུམ་ཁྲི་ཉིས་སྟོང་གི་བར་དུག་ནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྡོ་རྗེ་སྐྱེ་པའི་ཡུལ་རི་ཤིན་ཏུ་རྣམ་པར་ཡེ་བའི་གཟི་བརྗིད་ཅེས་བྱའོ། ། 177a ༄#། །རིགས་ནི་རྒྱལ་རིགས་སོ། །འདོད་ནི་དཔག་ཚད་བུ་དྲུག་གོ། །ཡབ་ནི་ནོར་བུའི་འོད་ཅེས་བྱའོ། །ཡུལ་ནི་ཨུཏྤལ་ལའི་མིག་ཅེས་བྱའོ། །སྲས་ནི་འཚོ་བྱེད་ཅེས་བྱའོ། །རིམ་གྲོ་པ་ནི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲག་ཤུལ་སྦྱིན་ཞེས་བྱའོ་རྫུ་འཕྲུལ་ཅན་རྣམས་ཀྱི་མཆོག་ནི་གྲོགས་མཆོག་ཅེས་བྱའོ། ། འདུས་བ་དང་པོ་ལ་ནི་ཉན་ཐོས་དགྲ་བཅོམ་པ་ཐེར་འབུམ་ཕྲག་བཞིའོ། །གཉིས་པ་ལ་ནི་ཐེར་འབུམ་ཕྲག་གསུམ་མོ། །གསུམ་པ་ལ་ནི་ཐེར་འབྲུམ་ཕྲག་གཉིས་སོ། །སྐུ་ཚེའི་ནི་འབུམ་མོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་སྡོམ་པ་ཅན་སྐྱེ་བའི་ཡུལ་ནི་ཙནྡན་ཞེས་བྱའོ། །རིགས་ནི་བྲམ་ཟའོ། །རིགས་ནི་བྲམ་ཟེའོ། །འོད་ནི་དཔག་ཆ་ད་བརྒྱད་བཅུའོ། །ཡབ་ནི་མེ་ཏོག་ཅེས་བྱའོ། །ཡུལ་མ་ནི་གློག་འོད་མ་ཞེས་བྱའོ། །སྲས་ནི་རིན་ཆེན་ཕུད་པོ་ཞེས་བྱའོ། །རིམ་གྲོ་པ་ནི་རིན་ཆེན་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིགས་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་རྒྱལ་ཞེས་བྱའོ། ། འདུས་པ་དད་པོ་ལི་ན་དགྲ་བཅོམ་པ་བདུན་འབྲམ་མོ། །གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ 177b ནི་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མི་བསྙེངས་བསྐྱ་པའི་ཡུལ་ནི་དགྲ་འཇོམས་ཞེས་བྱའོ། །རིགས་ནི་རྒྱལ་རགས་སོ། །འོད་ནི་དཔག་ཚད་བཅུ་དགུའོ། །ཡབ་ནི་འོད་སྦྱིན་ཞེས་བྱའོ། །ཡུལ་ནི་ཟླ་ལྡན་མ་ཞེས་བྱའོ། །སྲས་ནི་ཟླ་བའི་བླ་མ་ཞེས་བྱའོ། །རིམ་གྲོ་པ་ནི་ཟླ་བ་ཞེས་བྱའོ། ། ཤས་རབ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་བྱིན་ཞེས་བྱའོ། །འུས་པ་དང་པོ་ལ་ནི་དགྲ་བཅོམ་པ་བརྒྱད་འབུམ་མོ། །གཉིས་པ་ལ་ནི་བདུན་འབུམ་བརྒྱད་ཁྲི་འོ། །གསུམ་པ་ལ་ནི་བདུན་འབུམ་དྲུག་ཁྲི་འོ། །སྐུ་ཆེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་པའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་སྐྱེ་བའི་ཡུལ་ནི་མཚམས་བརྟན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་དྲང་སྲོང་བྱིན་ཞེས་བྱའོ། །ཡུལ་ནི་བསོད་ནམས་བྱེད་ཞེས་བྱའོ། །སྲས་ནི་སྨན་གྱི་མེ་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞིའོ། ། 178a ༄#། །གཉིས་པ་ལ་ནི་དུང་ཕྱུར་ཕྲག་གསུམ་དང ། བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཆད་ནི་ལོ་ཁྲི་བརྒྱད་སྟོད་ངོ ། །དམ་པའི་ཆོས་ནི་ལོ་བུན་ཁྲིའི་དབང་དུ་གནས་སོ། །སྐུ་གདུང་ནི་རིམ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པདྨའི་སྤྱན་སྐྱེ་བོའི་ཡུལ་ནི་ཡུལ་འཁོར་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཆོད་སུམ་ཅུ་རྩ་གཉིས་སོ། ཡབ་ནི་མེ་ཏོག་བླ་མ་ཞེས་བྱའོ། །ཡུམ་ནི་གཟུགས་ལྡན་པ་ཞེས་བྱའོ། །སྲས་ན་ལྷ་དགའ་ཞེས་བྱའོ། །རིམ་གྲོ་པ་ནི་མྱ་ངན་མེད་པའི་མེ་ཏོག་ཅས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་འདོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཅན་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བཅུན་ནོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བཞིའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ནི་ལྔ་ཁྲི་དྲུག་སྟོང ། གི་བར་དུ་གནས་སོ། ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྟོབས་སྡེ་སྐྱེ་བའི་ཡུལ་ནི་བཟང་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ ། 178b ཡབ་ནི་སྟོབས་ལྷ་ཞེས་བྱའོ། །ཡུམ་ནི་བདེ་སྦྱིན་མ་ཞེས་བྱའོ། །སྲས་ནི་བསོད་ནམས་འོད་ཟེར་ཞེས་བྱའོ། །རིམ་གྲོ་བ་ནི་ཆོས་སྲུང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་བའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་ཤིན་ཏུ་བད་པ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་ཁྲིའོ། །གཉིས་པ་ལ་ནི་ལྔ་ཁྲི་བརྒྱད་སྟོང་ངོ ། །གསུམ་པ་ལ་ནི་ལྔ་ཁྲི་བདུན་སྟོང་ངོ ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་འོད་ཟེར་སྐྱེ་བའི་ཡུལ་ནི་ཟླ་བ་མེ་ཏོག་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུ་རྩ་བརྒྱད་དོ། །ཡབ་ནི་སྡུག་མཐོང་ཞེས་བྱའོ། །ཡུམ་ནི་རྒྱུ་སྐར་ལྡན་ཞེས་བྱའོ། །སྲས་ནི་ཆོས་བརྟན་ཞེས་བྱའོ། །རིམ་གྲོ་བ་ནི་བྱང་ཆུབ་ཅེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་དོན་གྱི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་རྒྱལ་མཚན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གསུམ་དང ། བྱེ་བ་ཕྲག་གཉིས་སོ། །གསུམ་པ་ལ་ནི་དུང་ཕྱུར་ཕྲག་གསུམ་དང ། ཕྱེ་བ་ཕྲག་གཉིས་སོ། །སྐུ་ཚེའི་ཚད་ནི་ 179a ༄#། །ལོ་ཉི་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་ནོར་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་དགེ་བ་ཞེས་བྱའོ། །ཡུམ་ནི་དཔལ་བཟང་མོ་ཞེས་བྱའོ། །སྲས་ནི་ལྷས་སྦེད་ཅེས་བྱའོ། །རིམ་གྲོ་བ་ནི་ཕན་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་གདུགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙམ་པ་ཀ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་དགུའོ། །གཉིས་པ་ལ་ནི་ཐེར་འབུམ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་ཕྲག་བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ལྔ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་ཆེན་སྐྱེ་བའི་ཡུལ་ནི་མཆོད་སྦྱིན་འབྱོར་ལྡན་ཞེས་བྱའོ། །རིགས་ནི་བྲམ་ཟེའོ། འོད་ནི་དཔག་ཚད་ལྔའོ། །ཡབ་ནི་རིན་པོ་ཆེའི་མཛོད་ཅེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་འོད་ཟེར་བླ་མ་ཞེས་བྱའོ། །རིམ་གྲོ་བ་ནི་ལག་བཟངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པདྨའི་སྙིང་པོ་ཞེས་བྱའོ། །འདུས་པ་ 179b དང་པོ་ལ་ནི་དགྲ་བཅོམ་པ་བདུན་ཁྲིའོ། །གཉིས་པ་ལ་ནི་བདུན་ཁྲི་ལྔ་སྡོང་ངོ ། །གསུམ་པ་ལ་ནི་བརྒྱད་ཁྲིའོ། །སྐུ་ཚེའི་ཚད་ནི་ལོ་ལྔ་འབུམ་མོ། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚངས་པ་སྐྱེ་བའི་ཡུལ་ནི་གསེར་མདོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་མྱ་ངན་མེད་དགའ་ཞེས་བྱའོ། །ཡུམ་ནི་ཙན་དན་ཅན་ཞེས་བྱའོ། །སྲས་ནི་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་དགྲ་འདུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་བདག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཙུག་གི་རྡོ་རྗེ་ཞེས་བྱའོ། །འདུས་པ་ནི་ལན་ཅིག་ཏུ་བཟད་དོ། དགྲ་བཅོམ་པ་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་དཔག་མེད་སྐྱེ་བའི་ཡུལ་ནི་ཉམས་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་དྲུག་གོ་།ཡབ་ནི་དབྱངས་ཀྱི་དབྱང་ཕྱུག་འོད་ཅེས་བྱའོ། །ཡུམ་ནི་ཟླ་འོད་ཅེས་བྱའོ། །སྲས་ནི་དགའ་ལྡན་ཞེས་བྱའོ། །རིམ་གྲོ་བ་ནི་དགའ་སྡེ་ཞེས་བྱའོ། །ཤེས་ 180a ༄#། །རབ་ཅན་རྣམས་ཀྱི་མཆོག་ནི་དག་པའི་དབང་ཕྱུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གློག་འོད་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་གཉིས་སོ། །གཉིས་པ་ལ་ནི་ཐེར་འབུམ་ཕྲག་བཞིའོ། །གསུམ་པ་ལ་ནི་ཐེར་འབུམ་ཕྲག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་།ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གླུ་སྦྱིན་སྐྱེ་བའི་ཡུལ་ནི་རིན་པོ་ཆེ་སྣ་ཚོགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེད་དོ། །ཡབ་ནི་རྒྱལ་བས་འཛིན་ཅེས་བྱའོ། །ཡུམ་ནི་ཆོས་ལྡན་མ་ཞེས་བྱའོ། །སྲས་ནི་བསོད་ནམས་སྟོབས་ཞེས་བྱའོ། །རིམ་གྲོ་པ་ནི་རིན་ཆེན་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙམྤ་ཀའི་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མི་ཞེས་བྱའོ། ། འདུས་པ་དང་པོ་ལ་ནི་ཉན་ཐོས་བརྒྱད་ཁྲི་འོ། །གཉིས་པ་ལ་ནི་བདུན་ཁྲི་བརྒྱད་སྟོང་ངོ ། །གསུམ་པ་ལ་ནི་བདུན་ཁྲི་ལྔ་སྟོང་ངོ ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟན་ 180b པར་གཤེགས་སྐྱེ་བའི་ཡུལ་ནི་བཟང་པོའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་སེང་གེའི་མཆེ་བ་ཞེས་བྱའོ། །ཡུམ་ནི་སྡོང་བུ་བྱིན་ཞེས་བྱའོ། །སྲས་ནི་ཆོས་སྒྲོགས་ཤེས་བྱའོ། །རིམ་གྲོ་པ་ནི་ལེགས་སྦྲུལ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་པ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་བྱེ་བ་ཕྲག་བརྒྱ་ལྔ་བཅུའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ཡོད་མཐོང་སྐྱེ་བའི་ཡུལ་ནི་གསལ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འདོམ་གང་ངོ ། །ཡབ་ནི་དགེ་བས་བྱིན་ཞེས་བྱའོ། །ཡུམ་ནི་སྦྲང་རྩི་མིག་ཅེས་བྱའོ། །སྲས་ནི་སྐར་མདོག་ཅེས་བྱའོ། །རིམ་གྲོ་བ་ནི་ཛམྦུའི་ཆུ་ཀླུ་དང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བ་ཤེས་གཉེན་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་དགུ་དང ། 181a ༄#། །བྱེ་བ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྩོན་འགྲུས་སྦྱིན་སྐྱེ་བའི་ཡུལ་ནི་ཙམ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ཡེ་ཤེས་བཟང་པོ་ཞེས་བྱའོ། །ཡུམ་ནི་དཔལ་བྱིན་མ་ཞེས་བྱའོ། །སྲས་ནི་མྱ་ངན་མེད་ལྷ་ཞེས་བྱའོ། །རིམ་གྲོ་པ་ནི་མཆོག་པའི་རྒྱན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དམིགས་མེད་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་དཔལ་ཞེས་བྱའོ། །འདུས་པ་ནི་ལན་གཅིག་སྟེ། དགྲ་བཅོམ་པ་བརྒྱད་འབུམ་མོ། ། སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟང་ངོ ། །དེ་བཞིན་གཤེགས་པ་བཟང་སྐྱོད་སྐྱེ་བའི་ཡུལ་ནི་དགའ་བ་རབ་སྦྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་རིན་ཆེན་སྐར་རྒྱལ་ཞེས་བྱའོ། ། ཡུམ་ནི་བསོང་ནམས་ཅན་ཞེས་བྱའོ། །སྲས་ནི་སྟག་སྦྱིན་ཞེས་བྱའོ། །རིམ་གྲོ་པ་ནི་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཁྱབ་བདག་ཅེས་ 181b བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་རྒྱལ་མཚོ་ཞེས་བྱའོ། །འདུས་པ་ནི་ལན་གཅིག་སྟེ། །དགྲ་བཅོམ་པ་དབང་ཐོབ་པ་ཐེར་འབུམ་ཕྲག་གཅིག་དང ། དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་དུང་ཕྱུར་གཅིག་གོ་།དམ་པའི་ཆོས་ནི་ལོ་ཉི་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་བོ་སྐྱེ་བའི་ཡུལ་ནི་འབྱོར་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་ཚངས་ལྷ་ཞེས་བྱའོ། །ཡུམ་ནི་དཔལ་རྒྱལ་ཞེས་བྱའོ། །སྲས་ནི་གཟི་བརྗིད་ཆེན་པོ་ཞེས་བྱའོ། །རིམ་གྲོ་པ་ནི་བདེ་སྟབས་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བའི་མིག་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་དང་བྱེ་བ་ཕྲག་།གསུམ་མོ། །གཉིས་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་གཉིས་སོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་གཅིག་གོ་།སྐུ་ཚེའི་ཚད་ནི་ལ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཆི་མེད་སྐྱེ་བའི་ཡུལ་ནི་རྫུ་འཕྲུལ་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུའོ། །ཡབ་ནི་སྨན་པའི་ 182a ༄#། །རྒྱལ་པོ་ཞེས་བྱའོ། །ཡུམ་ནི་རྒྱུ་སྐར་དཔལ་ཞེས་བྱའོ། །སྲས་ནི་མེ་ཏོག་ལྷ་ཞེས་བྱའོ། །རིམ་གྲོ་ |