༄##། །རྒྱ་གར་སྐད་དུ། ཨཱརྱ་བྷ་དྲ་ཀལྤི་ཀ་ནཱ་མ་མཧཱ་ཡཱ་ན་སཱུ་ཏྲ། །བོད་སྐད་དུ། འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ་བམ་པོ་དང་པོ། སངས་ 2a ༄#། །རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དབྱར་གནས་པར་བཞུགས་ནས་དབྱར་ཟླ་གསུམ་འདས་པ་དང་ཆོས་གོས་མཛད་དོ། །ཆོས་གོས་མཛད་ནས་ཆོས་གོས་མན་པས་ཏེ་ལྷུང་བཟེད་ཐོགས་ནས་ཡངས་པ་ཅན་གྱི་གྲོང་ཁྱེར་ག་ལ་བདེར་དགེ་སློང་འབུམ་ 2b དང་ཡང་ཐབས་ཅིག་།བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་སྙེད་དང་ཡང་ཐབས་ཅིག་ཏུ་གཤེགས་ཏེ་བྱོན་ནས་ཚལ་ཆེན་པོར་གཤེགས་པ་དན་ནང་དུ་ཡང་དག་འཇོག་ལས་བཞེངས་སོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་དེའང་ནང་དུ་ཡང་དག་འཇོག་ལ་ཞུགས་པ་ལས། ནང་དུ་ཡང་དག་འཇོག་ལས་ལངས་ཏེ་དགེ་སློང་གི་འཁོར་དང ། དགེ་སློང་མའི་འཁོར་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོའི་འཁོར་དག་དང་ལྷན་ཅིག་ཏུ་སྟན་བཏིང་བ་ལ་འདུག་ 3a ༄#། །གོ་།བྱང་ཆུབ་སེམས་དཔའ་དེ་དག་ཀྱང་སྣང་བ་ཐོབ་པ། གཟུངས་ཐོབ་པ། ཏིང་ངེ་འཛིན་ཐོབ་པ།་མངོན་པར་ཤེས་པ་ལྔ་དང་ལྡན་པ། ཚིག་གཟུང་པར་འོས་པ། ཚུལ་འཆོས་པ་མེད་པ། ཤེས་ཀྱི་ཁེ་དང་ཆགས་སེམས་དང་བྲལ་བ། ཟང་ཟིང་མེད་པར་ཆོས་སྟོན་པ། ཆོས་ཟབ་མོ་ལ་བཟོད་པའི་ཕ་རོལ་ཏུ་སོན་པ། མི་འཇིགས་པ་ཐོབ་པ། བདུད་ཀྱི་ལས་ལས་ཡང་དག་པར་འདས་པ། ལས་ཀྱི་སྒྲིབ་པ་སྤངས་པ།་ཆོས་ཀྱི་རང་བཞིན་ལ་ཐེ་ཚོམ་མེད་པ་ཐོབ་པ། བསྐལ་པ་གྲངས་མེད་པར་སྨོན་ལམ་ཤིན་ཏུ་བརྩམས་པ། བཞིན་འཛུམ་པ། གསོང་པོར་སྨྲ་བ། ཁྲོ་གཉེར་མེད་པ། ཚིགས་སུ་བཅད་པའི་དབྱངས་ཀྱིས་སྨྲ་བ། སེམས་ 3b ཟིལ་གྱིས་མི་ནོན་པ། སྤོབས་པ་རྒྱུན་མི་ཆད་པ། མཉམ་པ་ཉིད་ལ་བཟོད་པ་ཐོབ་པ། འཁོར་མཐའ་ཡས་པ་ཟིལ་གྱིས་གནོན་ཅིང་མི་འཇིགས་པ་ཐོབ་པ། ཚིག་གཅིག་གིས་བསྐལ་པ་བྱེ་བ་ཚར་ཕྱིན་པར་སྟོན་པ་ལ་མཁས་པ། ཆོས་ཐམས་ཅད་ལ་སྒྱུ་མ་དང ། སྨིག་རྒྱུ་དང ། ཆུ་ཟླ་དང ། རྨི་ལམ་དང ། བྲག་ཅ་དང་མཚུངས་པར་མོས་པ། ཤེས་པ་མི་འཇིགས་པ་ཚད་མེད་པ། སེམས་ཅན་གྱི་སེམས་ཀྱི་རྒྱུ་བ་ཕྲ་མོའི་ཚུལ་དང་སྤྱོད་པ་སྣ་ཚོགས་ཤེས་པ་ལ་མོས་པ། དགེ་བ་རྒྱ་ཆེ་བ། སེམས་ཐོགས་པ་མེད་པ། ལྷག་པའི་ང་རྒྱལ་མེད་ཅིང་བཟོད་པ་དང་ལྡན་པ། དགེ་བ་ཇི་ལྟ་བ་བཞིན་དུ་རླབས་ཆེ་བ། སངས་རྒྱས་ཀྱི་ཞིང་གི་བཀོད་པ་མཐའ་ཡས་པར་སྨོན་ལམ་རབ་ཏུ་བཟུང་བ། འཇིག་རྟེན་གྱི་ཁམས་གྲངས་མེད་པའི་སངས་རྒྱས་རྗེས་སུ་དྲན་པའི་ཏིང་ངེ་འཛིན་རྟག་པར་རྒྱུན་དུ་གྱུར་པ། སངས་རྒྱས་དཔག་ཏུ་མེད་པ་ལ་གསོལ་བ་འདེབས་པ་ལ་མཁས་པ། ལྟ་བ་ཐ་དད་པ་དང ། བག་ལ་ཉལ་བ་དང ། ཀུན་ནས་དཀྲིས་པའི་ཉོན་མོངས་པ་རབ་ཏུ་ཞི་བར་བྱེད་པ་ལ་མཁས་པ། ཏིང་ངེ་འཛིན་གྱིས་རྣམ་པར་རོལ་པ་བརྒྱ་སྟོང་སྒྲུབ་པ་ལ་མཁས་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་བྱམས་པ་ལ་སོགས་པ་དང ། འཇམ་དཔལ་གཞོན་ནུར་གྱུར་པ་དང ། སྤྱན་རས་གཟིགས་དབང་ཕྱུག་དང ། འབྲུག་སྒྲ་ 4a ༄#། །དང ། དགེ་བ་བརྒྱ་སྟོང་གི་མེ་ཏོག་ཀུན་ཏུ་རྒྱས་པའི་བློ་དང ། སྒྲུབ་པ་མཐའ་ཡས་པའི་བློ་ཅན་གློག་གིས་རབ་ཏུ་བརྒྱན་པའི་སྒྲ་དབྱངས་དང ། ཆགས་པ་མེད་པའི་མཐའ་དང་ལྡན་པའི་བློ་ཅན་དང ། རྣམ་པར་བསྒྲགས་པའི་རྒྱལ་པོ་དང ། མཐུན་པ་དང་མི་མཐུན་པ་མཐོང་བར་གྱུར་པ་དང ། གསེར་སྟུག་པོ་བསགས་པའི་འོད་གཟི་བརྗིད་ཀྱི་རྒྱལ་པོ་དང ། དཔག་ཚད་བརྒྱར་རྣམ་པར་བལྟ་ཞིང་འགྲོ་བ་དང ། སྤོབས་པ་བརྩེགས་པ་དང ། ཡེ་ཤེས་ཕུང་པོ་དང ། མཐོང་བ་དོན་ཡོད་དང ། བཟང་སྐྱོང་ལ་སོགས་པ་དང ། སྐྱེས་བུ་དམ་པ་བརྒྱད་པོ་གང་སྤོས་ཀྱི་གླང་པོ་དང ། རིན་ཆེན་མཐའ་ཡས་མཛོད་དང ། ཤེས་རབ་བརྩེགས་པ་དང ། མཆོད་པ་བཀོད་པ་དང ། སེངྒེ་རྣམ་པར་སྒྲོག་པའི་སྒྲ་དབྱངས་ཀྱི་རྒྱལ་པོ་དང ། བླའི་བཀོད་པས་ལེགས་པར་བརྒྱན་པ་ལ་གནས་པ་དང ། སེངྒེའི་སྟབས་ཀྱིས་འགྲོ་བ་དང ། སྤོབས་པ་མཐའ་ཡས་པར་སྒྲུབ་པ་ལ་འཇིགས་པ་མེད་པ་དང ། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་སོགས་པ་དང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གང་དག་རྒྱལ་པོ་ཆེན་པོ་བཞི་རྣམས་དང ། བརྒྱ་བྱིན་དང ། ཚངས་པ་དང ། དབང་བསྒྱུར་དང ། ཚངས་པ་ཆེན་པོ་དང ། ཀླུའི་རྒྱལ་པོ་དང ། གནོད་སྦྱིན་གྱི་ 4b བདག་པོ་དང ། ལྷ་མ་ཡིན་གྱི་བདག་པོ་དང ། ནམ་མཁའ་ལྡིང་གི་བདག་པོ་དང ། མི་འམ་ཅིའི་བདག་པོ་དང ། ལྟོ་འཕྱེ་ཆེན་པོའི་བདག་པོ་དང ། དྲི་ཟའི་བདག་པོ་དང ། དེ་དག་ཐམས་ཅད་བཅོམ་ལྡན་འདས་ག་ལ་བ་དེར་དོང་སྟེ་བཅོམ་ལྡན་འདས་ལ་མེ་ཏོག་སིལ་མས་གཏོར་ནས་འཁོད་པར་གྱུར་ཏོ། དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ཉིན་ཞག་བདུན་ཟས་ཅད་དེ་འཆག་ཅིང་འགྲེང་ལ་འདུག་བཞིན་དུ་གློས་མ་ཕབ་པར་རྨུགས་པ་དང ། གཉིད་མེད་པར་མངོན་པར་བརྩོན་པར་གྱུར་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་ཆོས་གང་རྫོགས་པར་བགྱིས་ན། སེམས་ཅན་ཐམས་ཅད་ཀྱི་བསམ་པ་དང་སྤྱོད་པ་འཚལ་བར་འགྱུར་བ་དང ། སངས་རྒྱས་རྣམས་ཀྱི་དགོངས་པའི་བཀའ་ལ་འཇུག་པར་འགྱུར་བ་དང ། ཕྱིན་ཅི་ལོག་ཏུ་སྟོན་པ་ལས་མི་སྟོན་པར་འགྱུར་བ་དང ། སྒྲ་ཇི་ལྟ་བ་བཞིན་དུ་བདེན་པ་ཤེས་པ་ལ་རྗེས་སུ་འཇུག་པར་འགྱུར་བ་དང ། ད་ལྟར་གྱི་སངས་རྒྱས་ཐམས་ཅད་ལ་སྒྲིབ་པ་མེད་པར་འགྱུར་བ་དང ། འདི་ལྟ་སྟེ། སངས་རྒྱས་དང་འགྲོགས་པ་འཐོབ་ཅིང་མཐོང་བ་དང ། ཆོས་ཀྱིས་ངེས་པ་འཐོབ་པར་འགྱུར་བ་དང ། འཇིག་རྟེན་གྱི་ཆོས་ལའང་སྤྱོད་ལ་འཇིག་རྟེན་པས་ཀྱང་མི་གོས་པར་འགྱུར་བ་དང ། སྙོམས་ 5a ༄#། །པར་འཇུག་པ་ལ་གནས་ཀྱང་དེ་དེས་སྐྱེ་བར་མི་འགྱུར་བ་དང ། མྱ་ངན་ལས་འདས་པའི་ཆོས་ལ་སྤྱོད་ཀྱང་ཡོངས་སུ་མྱ་ངན་ལས་འདའ་བར་མི་འགྱུར་བ་དང ། སངས་རྒྱས་ཀྱི་སྨོན་ལམ་ཡོངས་སུ་རྫོགས་པར་མ་བགྱིས་པར་ཉན་ཐོས་དང ། རང་སངས་རྒྱས་ཀྱི་ཆོས་ལ་སྤྱོད་ཀྱང་ཐེག་པ་དེ་དག་གིས་ངེས་པར་མི་འབྱུང་བར་འགྱུར་བ་དང ། སངས་རྒྱས་རྗེས་སུ་དྲན་པ་ལ་སེམས་ནག་ནོག་མ་མཆིས་པར་འགྱུར་བ་དང ། ཁམས་སྣ་ཚོགས་ལའང་འཇུག་ལ་ཐམས་ཅད་ཀྱི་རྗེས་སུའང་འཇུག་པར་འགྱུར་བ་དང ། ཞུ་བ་དང ། སྤོབས་པའི་བསམ་པ་ལ་ཟིལ་གྱིས་ནོན་པར་མི་འགྱུར་བ་དང ། སངས་རྒྱས་ཀྱི་ཞིང་གི་བཀོད་པ་མཐའ་ཡས་པ་རབ་ཏུ་འཛིན་ཅིང་ཤེས་རབ་མ་ལུས་པར་འཐོབ་པར་འགྱུར་བ་དང ། སེམས་ཅན་རྣམས་ཡོངས་སུ་སྨིན་པར་བགྱིད་ལ་སེམས་ཅན་གྱི་འདུ་ཤེས་ལའང་མི་གནས་པར་འགྱུར་བ་དང ། ཆོས་ཀྱང་སྟོང་ལ་དམིགས་པ་ལའང་མི་གནས་པ་དང ། མྱ་ངན་ལས་འདས་པའང་སྨྲ་ལ་ཉེ་བར་ཞི་བ་གང་ཡང་མི་དམིགས་པར་འགྱུར་བ་དང ། བྱང་ཆུབ་ཀྱི་ཕྱིར་ཡང་སྤྱོད་ལ་མི་གནས་པར་ཡང་འགྱུར་བ་དང ། མཆིས་པ་དང་མ་མཆིས་པ་ཡོངས་སུ་སྤངས་ཀྱང་རྒྱ་ཆེན་པོ་ལ་མོས་པར་འགྱུར་བར་བགྱིད་པ་དག་།བཅོམ་ལྡན་འདས། བདག་མ་འཚལ་བཞིན་དུ་ 5b ནི་མི་ཞུ་ན། འོན་ཀྱང་བཅོམ་ལྡན་འདས་ཀྱིས་བསྟན་དུ་གསོལ། དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །ལྷ་མི་གནོད་སྦྱིན་དྲི་ཟ་འཁོར་མང་པོ། །མཐའ་ཡས་ཇི་ལྟར་མོས་བཞིན་ཚོགས་ལགས་པས། །བྱང་ཆུབ་སེམས་དཔའ་རྣམས་ཀྱི་སྤྱོད་པ་དག། །འཇིག་རྟེན་དག་གི་མགོན་པོ་འོད་མཛད་པ། སྨྲ་བའི་ཟླ་བ་ལ་ནི་ཞུ་ལགས་ན། །གོ་རིམས་བཞིན་དུ་བདག་ལ་ལུང་བསྟན་གསོལ། །བྱང་ཆུབ་སྤྱོད་མཆོག་ཡོན་ཏན་ཐོས་ནས་ནི། །སྐྱེ་བོ་ཕལ་ཆེན་འདུན་གྱུར་བྱང་ཆུབ་བརྩོན། །བྱང་ཆུབ་ཡོན་ཏན་མཆོག་ལ་དད་པ་བསྐྱེད་ནས། །ཡོན་ཏན་ཀུན་མཐར་ཕྱིན་ལ་ཞུ་ལགས་ན། །གྲགས་པ་མཐའ་ཡས་དག་གི་སེམས་མཁྱེན་ཏ་མ། །རྒྱལ་བ་མ་གཏོགས་དཔང་གཞན་བདག་ལ་མེད། །རྒྱལ་བའི་ཡོན་ཏན་ལྷ་མི་ཤིན་ཏུ་སྐོམ། །སྟོབས་བཅུའི་སྤྱོད་པ་རྣམ་པར་ཕྱེ་སྟེ་གསུངས། །ཡོན་ཏན་མཆོག་སྤྱོད་བྱང་ཆུབ་ཡོན་ཏན་བྱུང ། །གྲགས་མཛེས་ཚུལ་ཆེན་ཁྱོད་ཀྱི་མཁྱེན་སྤྱོད་གསུངས། །ཅི་ནས་ཡེ་ཤེས་འོད་ཟེར་འཕྲོ་བགྱིད་ཅིང ། །ནག་པོའི་རྩ་ལག་དཔུང་བཅས་འཇོམས་བགྱིད་ལ། །ཅི་ནས་སྟོང་གསུམ་མྱུར་དུ་གཡོ་བགྱིད་པ། །དེ་འདྲའི་བྱང་ཆུབ་སྤྱོད་པ་བདེ་གཤེགས་གསུངས། །ཅི་ནས་མཚན་གྱི་མེ་ཏོག་རྒྱས་འགྱུར་ཞིང ། ཅི་ནས་མཐའ་ཡས་དབྱངས་ལྡན་འགྱུར་བ་དང ། །ཅི་ 6a ༄#། །ནས་རི་རབ་འདྲ་བའི་ཏིང་འཛིན་འགྱུར། །དེ་འདྲའི་བྱང་ཆུབ་སེམས་སྤྱོད་བཤད་དུ་གསོལ། །མཉམ་མེད་མཚུངས་མེད་གཡོ་མེད་ཚུལ་འཆོས་མེད། །ང་རྒྱལ་དགྲ་བཅོམ་དྲི་གསུམ་དྲི་བྲལ་བ། །དགེ་སྦྱོང་མཆོག་སྟེ་མཁས་པའི་ཚོགས་ཀྱིས་བསྟོད། །ཁྱོད་ལ་མི་མཆོག་དག་གི་སྤྱོད་པ་ཞུ། །རྟོགས་བློ་བརྟན་པོ་དྲན་ལྡན་མེ་ཏོག་གསུངས། །འཁྲུལ་མེད་ལེགས་སྤྱད་སྤྱོད་མངའ་སྨྲ་བའི་མཆོག་།དྲི་བསལ་སྐྱེས་བཟང་ཁྱུ་མཆོག་ཕན་མཛད་པ། །ཅི་ནས་རྒྱལ་འགྱུར་དེ་ལྟར་བདག་ལ་གསུངས། །ཁྱོད་ལས་ཉིན་མཚན་དག་ཏུ་འདི་དག་གིས། །མཉན་ནས་བྱང་ཆུབ་སྤྱོད་པ་ཡང་དག་ལ། །ཡིད་ལ་བྱེད་པ་གཞན་མེད་བདེ་བ་ཡིས། །སྤྱོད་པ་འདི་ལ་མཆོག་ཏུ་སྤྱོད་པར་འགྱུར། ། ཅི་ནས་ཏིང་འཛིན་ལྡན་ཞིང་གཟུངས་ལྡན་དང ། །ཅི་ནས་བློ་དང་ཤེས་རབ་སྤོབས་ལྡན་དང ། །ཕྱོགས་མཐའ་ཡས་པར་སངས་རྒྱས་མཐོང་བ་དང ། །ཚུལ་དང་ཚུལ་མིན་དྲི་བ་འདྲི་བ་དང ། ཇི་ལྟར་ཡེ་ཤེས་མཚུངས་མེད་འགྱུར་བ་དང ། །དགེ་བ་སྒོ་བརྒྱ་དག་ནི་སྒྲུབ་པ་དང ། །འཆད་པ་ལ་ནི་འཁྲུལ་པ་མེད་འགྱུར་བ། །སྟོབས་བཅུའི་སྤྱོད་པ་ཁྱོད་ལ་ཞུ་ལགས་སོ། །སྲིད་པའི་བདེ་ལ་ཆགས་ཏེའང་མི་ཞུའོ། །ཡུལ་གྱིས་བསྒྱུར་སླད་དུ་ཡང་མི་ཞུ་འོ། །རྒྱལ་བའི་བདུད་རྩི་ལ་ནི་བདག་ལེགས་འདུན། །སྟོབས་བཅུའི་སྤྱོད་པ་ 6b བདག་ལ་མྱུར་དུ་གསུངས། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། ། མཆོག་ཏུ་དགའ་བའི་རྒྱལ་པོ། ལེགས་སོ། ལེགས་སོ། །ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཡོད་དེ། བྱང་ཆུབ་སེམས་དཔའ་ཏིང་ངེ་འཛིན་དེ་དང་ལྡན་ན། ཡོན་ཏན་དེ་དག་ཐོབ་པར་འགྱུར་རོ། །གཞན་ཡང་ཕ་རོལ་ཏུ་ཕྱིན་པ་བརྒྱ་ཉི་ཤུ་རྩ་གཅིག་ཡོངས་སུ་རྫོགས་པར་འགྱུར་རོ། །ཏིང་ངེ་འཛིན་སྟོང་ཕྲག་བརྒྱད་ཅུ་རྩ་བཞི་འཐོབ་པར་འགྱུར་རོ། །གཟུངས་སྟོང་ཕྲག་བརྒྱད་ཅུ་རྩ་བཞི་འཐོབ་པར་འགྱུར་རོ། །སེམས་ཅན་ཐམས་ཅད་ཀྱི་སྤྱོད་པ་ལ་འཇུག་པ་མཁས་པའང་རྟོགས་པར་འགྱུར་རོ། ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ། །མཆོག་ཏུ་དགའ་བའི་རྒྱལ་པོ། ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་དེ་གང་ཞེ་ན། འདི་ལྟ་སྟེ། ཇི་སྐད་སྨྲས་པ་དེ་བཞིན་དུ་བྱེད་པ་ཉིད་དོ། །ཇི་ལྟར་བྱས་པ་དེ་བཞིན་དུ་སྨྲ་བ་ཉིད་དོ། །ལུས་དག་པར་བྱེད་དོ། །ངག་དག་པར་བྱེད་དོ། །སེམས་དག་པར་བྱེད་དོ། །ཕན་པར་འདོད་པ་ཉིད་དོ། །བྱམས་པའི་སེམས་དང་ལྡན་པ་ཉིད་དོ། །སྙིང་རྗེ་ཉིད་མི་སྤོང་བའོ། །འདོད་པ་དག་ལ་དོན་དུ་ 7a ༄#། །མི་གཉེར་བ་ཉིད་དོ། །ཆོས་དོན་དུ་གཉེར་བ་ཉིད་དོ། །དད་པ་ཆུད་ཟ་བར་མི་བྱེད་པའོ། །རང་གིས་དམ་བཅས་པ་ཀུན་ཏུ་སྤྱོད་པ་ཉིད་དོ། །ངེས་པའི་ཚིག་ལ་མཁས་པའོ། །སེམས་ཅན་སྒྲོལ་བའོ། །ཅང་ཤེས་ཀྱི་ལས་ཅན་ནོ། །ལུས་ལ་མི་བརྐམ་པ་ཉིད་དོ། །སེམས་རྒྱུ་བ་མེད་པ་ཉིད་དོ། །སྡུག་བསྔལ་དང་ལྡན་པ་རྣམས་ལ་ཚིམ་པར་བྱེད་པ་ཉིད་དོ། །བདེ་བ་དང་ལྡན་པ་རྣམས་ལ་གཟེངས་བསྟོད་པའོ། །བག་མེད་པ་རྣམས་ལ་འདོམས་པའོ། །བརྩོན་པ་རྣམས་ལ་འཆོས་པའོ། །ཆོས་ལ་འགྱོད་པ་དག་སེལ་བ་ཉིད་དོ། །སེམས་ཅན་གྱི་འདུ་ཤེས་ལ་མི་གནས་པའོ། །དངོས་པོའི་འདུ་ཤེས་ཀྱིས་རྟོག་པ་མེད་པའོ། །འཛིན་པ་ཡོངས་སུ་གཅོད་པའོ། །མཚན་མ་རྣམ་པར་འཇིག་པ་ཉིད་དོ། །མཉམ་པར་གཞག་པ་ལ་གཡོ་བ་མེད་པའོ། །རྟག་ཏུ་ཡེ་ཤེས་འཚོལ་བའོ། །འཇིག་རྟེན་པའི་གཏམ་རྣམ་པར་སྤོང་བ་ཉིད་དོ། །འཇིག་རྟེན་ལས་འདས་པའི་གཏམ་འཚོལ་བ་ཉིད་དོ། །དྲན་པ་ཉམས་པ་མེད་པ་ཉིད་དོ། །ཆོས་རྣམས་ལ་བརྗོད་པ་མེད་པ་ཉིད་དོ། །ཇི་ལྟར་བྱ་བ་བཞིན་དུ་འཇུག་པའོ། །སྤྱོད་པ་སྒྲུབ་པའོ། །འཇིག་རྟེན་ཤེས་པ་ཉིད་དོ། །ལས་ལ་མངོན་པར་ཡིད་ཆེས་པ་ཉིད་དོ། །མ་དད་པ་ཡོངས་སུ་སྤོང་བ་ཉིད་དོ། །མོས་པ་མང་པ་ཉིད་དོ། །སངས་རྒྱས་ཡིད་ལ་བྱེད་པའོ། །འཕེལ་བ་སྟོན་པའོ། ། 7b བསོད་ནམས་ཀྱི་རྗེས་སུ་ཡི་རང་བ་ཉིད་དོ། །སངས་རྒྱས་ལ་གསོལ་བ་འདེབས་པ་ཉིད་དོ། །སྦྱིན་གནས་ལ་ཕྱག་འཚལ་པ་ཉིད་དོ། །བསྔགས་པ་བརྗོད་པ་ཉིད་དོ། །ང་རྒྱལ་མེད་པ་ཉིད་དོ། །དགེ་བའི་རྩ་བས་ངོམས་པ་མེད་པ་ཉིད་དོ། །སྦྱོར་བས་རྟག་ཏུ་མངོན་པར་བརྩོན་པའོ། །སྒྲུབ་པ་མི་སྤོང་ཞིང་རྫོགས་པར་བྱེད་པ་ཉིད་དོ། །རྒྱུ་རྐྱེན་གྱི་ལས་བྱ་བ་ལ་འཇིག་རྟེན་ན་རྒྱ་ཆེ་བའོ། །དམ་བཅས་པ་མི་འདྲལ་བའོ། །གཞི་གཅིག་ཏུ་མི་འཇོག་པ་ཉིད་དོ། །འདི་ཁོ་ན་བདེན་ནོ་ཞེས་མངོན་པར་ཞེན་པ་མེད་པའོ། །འདོད་པའི་ཁམས་ལ་ཁྱིམ་མོ་ཞེས་བརྗོད་པས་མི་འཇུག་པའོ། །གཟུགས་ཀྱི་ཁམས་ལ་མངོན་པར་ཞེན་པ་མེད་པའོ། །གཟུགས་མེད་པའི་ཁམས་ཀྱི་རང་བཞིན་མ་ཡིན་པའོ། །ཇི་ལྟར་མངོན་པར་འདུ་བྱེད་པའི་འབྲས་བུ་ལ་མངོན་པར་ཡིད་ཆེས་པ་ཉིད་དོ། །ཡོ་བྱད་ལ་བགོ་བཤའ་བྱེད་ཅིང་སེམས་མཉམ་པ་ཉིད་དོ། །སེམས་ཅན་ཐམས་ཅད་ལ་གཡོས་མི་སྟོན་པ་ཉིད་དོ། ། སངས་རྒྱས་རྣམས་ལ་མི་སླུ་བ་ཉིད་དོ། །བྱང་ཆུབ་སེམས་དཔའ་རྣམས་ལ་རྣམ་པར་མཐོ་མི་འཚམ་པའོ། །བསྟན་པ་ལ་ངན་དུ་མི་བརྗོད་པ་ཉིད་དོ། །རིགས་པ་དང་ལྡན་པ་དང།་རིགས་པ་དང་ལྡན་པ་མ་ཡིན་པ་ལ་ཞེ་སྡང་མེད་པའོ། །ཕ་རོལ་གྱི་སྡེ་རྙེད་པ་ལ་མི་གནས་པའོ། །བསམ་པ་རྫོགས་པར་བྱ་བ་མི་སྤོང་བའོ། །ང་རྒྱལ་སྤོང་བའོ། །ཁོང་ཁྲོ་བ་སྤོང་ 8a ༄#། །བའོ། །གཏི་མུག་ཡང་དག་པར་འཇོམས་པའོ། །རྙེད་པ་ལ་ཀུན་ཏུ་མི་སྤྱོད་པའོ། །ངན་ངོན་ཙམ་གྱིས་ཆོག་ཤེས་པའོ། །ཤེས་ཀྱི་ཁེ་སྤོང་བའོ། མ་རྙེད་པ་ལ་མི་དགའ་བ་མེད་པའོ། །རྙེད་པས་ཁེངས་པ་མེད་པའོ། །ཅི་རྙེད་པ་ལ་བགོ་བཤའི་ངང་ཚུལ་ཅན་ཉིད་དོ། །གསོག་པར་མི་བྱེད་པ་ཉིད་དོ། །མི་སྙན་པར་ཟེར་བ་དང་དུ་ལེན་པ་ཉིད་དོ། །ཚིག་སྲུང་བའོ། །བློ་གསལ་པར་བྱེད་པའོ། །རིགས་པ་དང་ལྡན་པ་ལ་བསྐུལ་མ་འདེབས་པའོ། །རིགས་པ་དང་ལྡན་པ་མ་ཡིན་པ་ལ་མི་བརྟེན་པའོ། །ཕྱིར་ཞིང་འདྲི་བའོ། །ནང་དུ་ཡང་དག་འཇོག་མི་སྤོང་བའོ། །དགོན་པ་ཡོངས་སུ་མི་གཏོང་བའོ། །རྟག་ཏུ་སྦྱངས་པའི་ཡོན་ཏན་ལ་གནས་པའོ། །སྟོང་པ་ཉིད་ལ་མོས་པའོ། །དངོས་པོས་ཡོངས་སུ་ཚིམ་པ་མ་ཡིན་པའོ། །ཕུང་པོ་ལ་མི་གནས་པའོ། །ཁམས་རྣམས་འདུལ་བའོ། །སྐྱེ་མཆེད་ལ་མི་དམིགས་པ་ཉིད་དོ། །ཡུལ་ལ་མི་བསྟོད་པའོ། །ཕྱིན་ཅི་ལོག་སྤོང་བའོ། །སེམས་བརྟན་པོར་སྒྲུབ་པའོ། །འཕགས་པའི་གནས་པའོ། །སེམས་ལ་བརྐམ་ཆགས་མེད་པ་ཉིད་དོ། །སྦྱིན་གནས་ཀྱི་ས་ཐོབ་པ་ཉིད་དོ། །མངོན་པར་འདུ་བྱེད་པ་ཤིན་ཏུ་སྦྱངས་པའོ། །སྦྱིན་པས་རྣམ་པར་སྨིན་པ་མི་ལེན་པའོ། །ཚུལ་ཁྲིམས་ཀྱིས་མི་སྙེམས་པ་ཉིད་དོ། །བཟོད་པས་རྟོགས་པ་མེད་པའོ། །བརྩོན་འགྲུས་ཀྱིས་ཆུད་ཟ་བ་མེད་ 8b པའོ། །བསམ་གཏན་གྱིས་སྐྱེ་བ་མེད་པའོ། །ཤེས་རབ་ཀྱིས་ཆུད་ཟ་བ་མེད་པའོ། ས་ལ་འཇུག་པའི་ཕ་རོལ་ཏུ་ཕྱིན་པ་མཉམ་པ་ཉིད་དོ། །རང་གི་ཡོན་ཏན་གྱིས་སྙེམས་པ་མེད་པ་ཉིད་དོ། །གཞན་གྱི་ཡོན་ཏན་ལ་སུན་མི་འབྱིན་པའོ། །འཁོར་བ་ལ་མི་གནས་པའོ། །མྱ་ངན་ལས་འདས་པ་ལ་མི་དམིགས་པ་ཉིད་དོ། །ཐར་པ་ལ་དབང་དུ་གྱུར་པའོ། །མྱ་ངན་ལས་འདས་པ་ལ་མ་ཆགས་པའོ། །དེས་པ་ལ་གནས་པའོ། །བཞིན་འཛུམ་པའོ། །ཁྲོ་གཉེར་དང་བྲལ་བ་ཉིད་དོ། །གསོང་པོར་སྨྲ་བ་ཉིད་དོ། །འོས་པའི་ཤེས་རབ་དང་ལྡན་པས་གསར་བུ་དང ། བར་མ་དང ། རྒན་རབས་ལ་བཀུར་སྟི་བྱེད་པའོ། །རྣམ་པར་འཚེ་བ་མེད་པ་ཉིད་དོ། །རྩོད་པ་ཞི་བར་བྱེད་པའོ། །ཞི་བ་ལ་བསྔགས་པ་བརྗོད་པའོ། །ཚོགས་པ་ལ་མངོན་པར་བརྩོན་པའོ། །མཛའ་བ་དང་མི་མཛའ་བ་ལ་སེམས་མཉམ་པ་ཉིད་དོ། །གཟུངས་འཚོལ་པའོ། །སེམས་ཅན་རྣམས་ལ་ནི་མ་ལ་སྲི་ཞུ་ཆེ་བ་ལྟ་བུའོ། །མཛངས་པ་ལ་ནི་པ་ལ་སྲི་ཞུ་ཆེ་བ་ལྟ་བུའོ། །བླ་མ་རྣམས་ལ་ནི་མཁན་པོ་ལ་སྲི་ཞུ་ཆེ་བ་ལྟ་བུའོ། །བྱང་ཆུབ་སེམས་དཔའ་རྣམས་ལ་ནི་སངས་རྒྱས་ལ་གུས་པ་ལྟ་བུའོ། །སྒྲུབ་པ་རྫོགས་པར་བྱེད་པ་ཉིད་དོ། །དེ་བཞིན་གཤེགས་པ་ལ་བཀུར་སྟི་བྱེད་པའོ། །དགེ་བ་ལ་མོས་པ་ཉིད་དོ། །དཀོན་མཆོག་གསུམ་ལ་ཞུམ་པ་མེད་པས་བཀུར་སྟི་བྱེད་པའོ། །ཐ་སྙད་ལ་མི་ 9a ༄#། །གནས་པར་དང་དུ་ལེན་པ་ཉིད་དོ། །ལུས་ལ་མི་ལྟ་བ་ཉིད་དོ། །སྲོག་ལ་ལྷག་པར་ཆགས་པ་མེད་པ་ཉིད་དོ། །འཚོ་བ་དག་པར་བྱེད་པའོ། །བསོད་སྙོམས་ལ་རྒྱུ་བ་དག་བརྩོན་པ་མི་སྤོང་པའོ། །ཚོགས་པའི་གནས་ཡོངས་སུ་སྤོང་པའོ། །ཁྱིམ་པ་རྣམས་ལ་མི་བསྟོད་པའོ། །རབ་ཏུ་བྱུང་བ་རྣམས་ཀྱི་ནང་ན་འདུ་འཛི་ལ་མི་གནས་པའོ། །ཚུལ་འཆོས་པ་མེད་པ་ཉིད་དོ། །ཁ་གསག་མེད་པ་ཉིད་དོ། །སྙན་པར་སྨྲ་པ་ཉིད་དོ། །བྱང་ཆུབ་ཡང་དག་པར་ལེན་དུ་འཇུག་པ་ཉིད་དོ། །རང་བཞིན་གྱིས་ཞུམ་པ་མེད་པ་ཉིད་དོ། །ཚུལ་བཞིན་ལ་འཇུག་པའོ། །ཕྱིར་ཞིང་སངས་རྒྱས་ལ་བསྟོད་པ་ཉིད་དོ། །ཆོས་ལ་རབ་ཏུ་སེམས་པ་ཉིད་དོ། །དགེ་འདུན་ལ་རྟག་ཏུ་རྗེས་བྱེད་པའོ། ། ཤེས་པ་དང་ལྡན་པ་རྣམས་ལ་རྟག་ཏུ་མཆོད་པ་བྱེད་པའོ། །མཛངས་པ་རྣམས་ལ་རྟག་ཏུ་བརྟེན་པའོ། །བསམ་གཏན་པ་རྣམས་ལ་རྟག་ཏུ་སྲུང་པའོ། །རིགས་པ་དང་ལྡན་པ་རྣམས་ལ་རྟག་ཏུ་བསྐུལ་མ་འདེབས་པའོ། །སངས་རྒྱས་ཀྱི་ཆོས་རྣམས་ལ་རྟག་ཏུ་རྟོན་པའོ། །ཆོས་རྣམས་ལ་རྟག་ཏུ་སྒོམ་པའོ། །བསོད་ནམས་ལ་རྟག་ཏུ་ཡིད་ཆེས་པ་ཉིད་དོ། །སེམས་ཅན་རྣམས་ལ་རྟག་ཏུ་ཡངས་པའོ། །དད་པ་དང་ལྡན་པ་རྣམས་ལ་རྟག་ཏུ་བྱམས་པའོ། །སྡུག་བསྔལ་དང་ལྡན་པ་རྣམས་སེལ་བའོ། །སྤྱོད་ལམ་དག་པར་བྱེད་པའོ། ། 9b ངོ་ཚ་ཤེས་པ་དང་ཁྲེལ་ཡོད་པའོ། །ངོ་ཚ་བ་དང་འཇིགས་པ་སྟོན་པའི་ཚུལ་ཅན་ནོ། །སྤྱོད་པ་ངན་པ་སྤོང་པ་ཉིད་དོ། །ཆོ་ག་ལ་བརྟེན་པའོ། །སྤོང་པ་ལ་མངོན་དུ་ཕྱོགས་པའོ། ། འཕགས་པའི་གནས་པ་འཚོལ་པའོ། །དྲན་པ་ཉེ་བར་གཞག་པ་སྒོམ་པའོ། །ཡང་དག་པར་སྤོང་བ་བསྟེན་པའོ། །དབང་པོ་རྣམས་འཛིན་པའོ། །སྟོབས་རྣམས་ཟིལ་གྱིས་མི་ནོན་པའོ། །བྱང་ཆུབ་ཀྱི་ཡན་ལག་རྣམས་ལྷག་པར་མཐོང་བའོ། །ལམ་ལ་ཕྱིན་ཅི་མ་ལོག་པ་ཉིད་དོ། །ཞི་གནས་རྒྱ་ཆེ་བའོ། །ལྷག་མཐོང་ལ་བསྐུལ་མ་འདེབས་པའོ། །སེམས་བརྗེད་ངས་པ་མེད་པ་ཉིད་དོ། །ཆོས་ལ་མངོན་པར་དགའ་བའོ། །དམིགས་པ་ལས་ཡང་དག་པར་འདས་པའོ། །མི་གནས་པ་ལ་མི་སྐྲག་པའོ། །དམིགས་པ་མེད་པ་ལ་བག་མེད་པའི་འདུ་ཤེས་དང་བྲལ་བའོ། །བྱང་ཆུབ་སེམས་དཔའི་སྤྱོད་པ་ཀུན་ཏུ་སྲུང་བ་ཉིད་དོ། །སངས་རྒྱས་ཀྱི་སྤྱོད་པ་ཚད་མེད་པར་བྱེད་པའོ། །མི་མཐུན་པའི་སྤྱོད་པ་ལ་སྨོད་པ་ཉིད་དོ། ། སྔོན་གྱི་མངོན་པར་འདུ་བྱེད་པ་ལ་ཡིད་བྱུང་བའོ། །རང་གི་ལས་ཡོངས་སུ་སྦྱོང་ཞིང་འདུལ་བ་མ་ཡིན་པ་སྤོད་པའོ། །བསྟན་པ་སུན་མི་འབྱིན་པའོ། །ཐེ་ཚོམ་མི་འཛིན་པའོ། ། དུས་སུ་སྤྱོད་པ་ཉིད་དོ། །དུས་མ་ཡིན་པ་རྣམ་པར་སྤོང་པ་ཉིད་དོ། །འགྲོ་བ་དང་ལྡོག་པ་ལ་མཁས་པའོ། །ཚོད་ཤེས་པ་ཉིད་དོ། །ཡོ་བྱད་ཀྱིས་ཆོག་ཤེས་པའོ། །མངོན་པར་ཤེས་པ་ 10a ༄#། །རྒྱ་ཆེ་བའོ། །ཏིང་ངེ་འཛིན་ཁོང་དུ་ཆུད་པའོ། །སྤྱོད་པའི་བྱེ་བྲག་ཅན་ནོ། །སྙིང་སྟོབས་རྒྱ་ཆེ་བའོ། །དེ་བཞིན་གཤེགས་པ་རྣམས་ཀྱི་བསྟན་པའོ། །མི་དམིགས་པས་ཡོངས་སུ་བཟུང་བའོ། །བརྩོན་པ་དང་ལྡན་པ་རྣམས་ཚིམ་པར་བྱེད་པའོ། །སངས་རྒྱས་ཀྱི་སྲས་རྣམས་ཀྱིས་བསྒོམ་པའོ། །བྱང་ཆུབ་སེམས་དཔའ་རྣམས་ཀྱི་ནོར་ཡིན་ནོ། །སངས་རྒྱས་རྣམས་ཀྱི་གནས་པའོ། །མཁས་པ་རྣམས་ཀྱི་སྤྱོད་པའོ། །ཅང་ཤེས་ཀྱི་འགྲོས་ཀྱི་སྤྱོད་ཡུལ་བའོ། །ཆོས་སྨྲ་བ་རྣམས་ཀྱི་སྤྱོད་ཡུལ་ལོ། །མོས་པ་མང་བ་རྣམས་ལ་བསྐུལ་མ་འདེབས་པའོ། །འཇིག་རྟེན་གསུམ་གྱི་མགོན་པོ་མཐོང་བའི་ཚུལ་ཅན་ནོ། །ནོར་དོན་དུ་གཉེར་བ་རྣམས་ཀྱི་མཛོད་དོ། །རྣམ་པར་སྨིན་པ་དང་ལྡན་པ་རྣམས་ཀྱི་ཞིང་ངོ ། གདུངས་པ་རྣམས་ཀྱི་ཀུན་དགའ་ར་བའོ། །གཟུངས་ཐོབ་པ་རྣམས་ཀྱི་སྐྱེད་མོས་ཚལ་ལོ། །ཏིང་ངེ་འཛིན་ཐོབ་པ་རྣམས་ཀྱི་རྫིང་ངོ ། །ཆོས་དཀར་པོ་དང་ལྡན་པ་རྣམས་ཀྱིས་མའོ། །གཏམ་ལ་མོས་པ་རྣམས་ཀྱི་གནས་སོ། །མཚན་རྣམས་ཀྱི་རྒྱུའོ། །དཔེ་བྱད་རྣམས་རྣམ་པར་འབྱེད་པའོ། །སངས་རྒྱས་ཀྱི་ཞིང་ཡང་དག་པའི་གནས་སོ། །གཟུངས་རབ་ཏུ་ཐོབ་པའོ། །སྒྲུབ་པ་ཁོང་དུ་ཆུད་པའོ། །ཤིན་ཏུ་རིགས་པར་སྨྲ་བ་ཉིད་དོ། །བདུད་ཀྱི་ཡུལ་ལས་འདས་པའོ། །དཔའ་བོ་རྣམས་ཀྱི་ཡུལ་ལོ། །ཉོན་མོངས་པ་འཇོམས་པའོ། །མི་དགེ་བ་འཇིལ་པའོ། །སྨོན་ 10b ལམ་དང་ལྡན་པ་རྣམས་རྒྱན་ནོ། །བདུད་ཀྱིས་མི་ཕྱེད་པའོ། །བསྟན་པ་ཟད་མི་ཤེས་པའོ། །མུ་སྟེགས་ཅན་རྣམས་ཀྱིས་ཤེས་པར་དཀའ་བའོ། །འཇིག་རྟེན་དང་མི་མཚུངས་པའོ། །ཉན་ཐོས་ཀྱི་ཆོས་ལས་འདས་པའོ། །རང་བྱང་ཆུབ་ཀྱིས་ངེས་པར་མ་འབྱུང་བའོ། །ཐམས་ཅད་མཁྱེན་པ་ཉིད་ལ་ཡང་དག་པར་ཞུགས་པའོ། །སེམས་ཅན་གྱི་འགྲོ་བ་ལ་འཇུག་པའོ། །ཡང་དག་པར་ཇི་ལྟ་བ་བཞིན་དུ་བསྐུལ་མ་འདེབས་པའོ། བཟའ་བ་འདོད་པ་རྣམས་དགའ་བར་བྱེད་པའོ། །བཏུང་བ་འདོད་པ་རྣམས་ཀྱི་རོ་བྲོ་བའོ། །མྱ་ངན་ལས་འདས་པར་འགྲོ་བ་རྣམས་ཀྱི་སྙིང་པོའོ། །མྱ་ངན་ལས་འདས་པར་འགྲོ་བ་རྣམས་ཀྱི་ཤིང་རྟའོ། །ཕ་རོལ་ཏུ་འགྲོ་བ་རྣམས་ཀྱི་གྲུའོ། །རྒལ་འདོད་པ་རྣམས་ཀྱི་གཟིངས་སོ། ། སྙིང་རྗེ་ཅན་རྣམས་ཀྱི་མར་མིའོ། །ཆོས་སྟོན་པ་རྣམས་ཀྱི་སྐར་མདའོ། །མི་སླུ་བར་འདོད་པ་རྣམས་ཀྱི་གནས་སོ། །སྦྱིན་པར་འདོང་པ་རྣམས་ཀྱི་ནོར་ཡིན་ནོ། །གྲོལ་བར་འདོད་པ་རྣམས་ཀྱི་རིགས་པའོ། །རྩེད་མོ་དོན་དུ་གཉེར་བ་རྣམས་དང་བར་བྱེད་པའོ། །ཉན་པར་བསམ་པ་ཅན་རྣམས་ཀྱི་རྒྱ་མཚོའོ། །ཏིང་ངེ་འཛིན་ཐོབ་པ་རྣམས་ཀྱི་རི་རབ་པོ། །མིག་ལ་དགའ་བ་རྣམས་ཀྱི་དབང་པོའོ། །བལྟ་འདོད་པ་རྣམས་ཀྱི་བཀོད་པའོ། །སེམས་དང་ལྡན་པ་རྣམས་དགའ་བའོ། །ཕྱིར་མི་ལྡོག་པ་རྣམས་ཀྱི་གནས་སོ། །མི་སྐྱེ་བའི་བཟོད་པ་ 11a ༄#། །ཐོབ་པ་རྣམས་ཀྱི་བསམ་པའོ། །ལས་དང་པོ་པ་རྣམས་ཀྱི་སྒོམ་པའོ། །སྐྱེས་བུ་ཤེས་པ་དང་ལྡན་པ་རྣམས་ཀྱི་རྒྱལ་མཚན་ནོ། །ཞི་གནས་ལ་བསྐུར་སྟི་བྱེད་པ་རྣམས་ཀྱི་བྱང་ཆུབ་བོ། །བདག་མེད་པར་སྨྲ་བ་རྣམས་ཀྱི་སྲེད་མེད་ཀྱི་བུའོ། །ཐམས་ཅད་མཁྱེན་པ་ཉིད་ཀྱི་ལམ་མོ། །ཡེ་ཤེས་དང་རྣམ་པར་གྲོལ་བ་རྣམས་ཀྱི་སྐྱེ་བ་མཉམ་པ་ཉིད་དོ། །ལྷ་རྣམས་ཀྱིས་བསྔགས་པའོ། །ཀླུ་རྣམས་ཀྱིས་རྗེད་པའོ། །མི་རྣམས་ཀྱིས་མཆོད་པའོ། །སློབ་པ་རྣམས་ཀྱིས་ངོ་མཚར་དུ་བྱས་པའོ། །མི་སློབ་པ་རྣམས་ཀྱིས་ཕྱག་བྱས་པའོ། །བྱང་ཆུབ་སེམས་དཔའ་རྣམས་ཀྱིས་བསྟོད་པའོ། །ཆོས་ཀྱི་རྗེ་རྣམས་ཀྱིས་བསྒོམས་པའོ། །དབང་པོ་སྦས་པ་རྣམས་ཀྱི་གྲོང་ཁྱེར་རོ། །ཐབས་མཁས་པ་རྣམས་ཀྱི་ཚུལ་ལོ། །བརྩོན་པ་རྣམས་ཀྱི་རྙིད་པའོ། །ཐེ་ཚོམ་རྣམས་སེལ་བའོ། །ཡིད་གཉིས་གཅོད་པའོ། །ཉོན་མོངས་པ་རྣམས་སེལ་བའོ། །བྱང་ཆུབ་སེམས་དཔའ་རྣམས་ཀྱི་གཟུངས་སོ། །ནད་པ་རྣམས་ཀྱི་སྨན་པའོ། །ཕྱིན་ཅི་ལོག་པ་རྣམས་གསོ་པའོ། །ཟུག་རྡུ་རྣམས་འབྱིན་པའོ། །བརྩོན་པར་འདོད་པ་རྣམས་ཡིད་ལ་བྱེད་པའོ། །སྒྲོག་པར་འདོད་པ་རྣམས་ཀྱི་མི་འཇིགས་པའོ། །སྨྲ་བར་འདོད་པ་རྣམས་ཀྱི་སོ་སོ་ཡང་དག་པར་རིག་པ་རྒྱ་ཆེ་བའོ། །རྣམ་པར་འཕྲུལ་བར་འདོད་པ་རྣམས་ཀྱི་རྫུ་འཕྲུལ་ལོ། །ཉན་འདོད་པ་རྣམས་ 11b ཀྱི་འགྲོ་བའོ། །བལྟ་འདོད་པ་རྣམས་ཀྱི་མིག་གོ་།མྱ་ངན་ལས་འདས་པའི་ལམ་མོ། །ངན་སོང་རྣམས་སྤོང་བའོ། །འདོད་པ་དང ། གཟུགས་དང ། གཟུགས་མེད་པ་དག་ལས་འདས་པའོ། །སངས་རྒྱས་ཀྱི་ཞིང་དག་རྣམ་པར་སྒྲུབ་པའོ། །རྡོ་རྗེ་ལྟ་བུའི་ཏིང་ངེ་འཛིན་ལེན་པའོ། །སྲིད་པ་ཐ་མ་པ་དག་སེངྒེའི་གདན་ལ་འདུག་པའོ། །ཆུད་ཟ་བ་མེད་པར་དོན་དུ་གཉེར་བ་རྣམས་ཀྱི་དགེ་བའི་རྩ་བ་ཐམས་ཅད་དོ། །སྐྱེ་བ་རྣམས་དགའ་བར་བྱེད་པའོ། །ལྷུང་བ་རྣམས་འདེགས་པའོ། །རྩོམ་པ་རྣམས་བརྟན་པོར་བྱེད་པའོ། །སྤྱོད་པའི་ཁམས་རྣམ་པར་སྒྲུབ་པའོ། །སྙོམས་ལས་བྱེད་པ་དག་ཡིད་བྱེད་པའོ། །ཐེག་པ་གསུམ་མཉམ་པ་ཉིད་ཀྱི་བཀའ་ཡིན་ནོ། །འཛིན་པ་ཐམས་ཅད་སྤངས་པའོ། །ཐམས་ཅད་མཁྱེན་པ་ཉིད་ཡོངས་སུ་རྫོགས་པའོ། །དོན་དམ་པ་སྨྲ་བ་རྣམས་ཀྱི་སྒོ་མཐའ་ཡས་པ་སྒྲུབ་པ་རབ་ཏུ་ཐོབ་པའོ། །སྟོང་པ་ཉིད་སྨྲ་བ་རྣམས་ཀྱི་ཆོས་ཆུད་མི་ཟ་བའོ། །སྨོན་ལམ་གྱི་སྒོའི་ཤུགས་མཐར་ཕྱིན་པའོ། །མཚན་མ་མེད་པ་ལ་མོས་པ་རྣམས་ལ་བརྡ་སྤྲོད་པའོ། །མཐོང་བ་དང ། བཏང་སྙོམས་ལ་མོས་པ་རྣམས་ཀྱི་དུས་གསུམ་མཉམ་པ་ཉིད་དོ། །ཐམས་ཅད་ཀྱི་རྗེས་སུ་སོང་བ་ལ་ཐབས་མཁས་པའོ། །བྱང་ཆུབ་ཡོངས་སུ་སྟོན་པའོ། །ཕ་རོལ་པོས་དཔའ་དགོང་དུ་མེད་པའོ། །ཆོས་སྨྲ་བ་ལ་མ་འཁྲུལ་བར་འཚོལ་བ་ཉིད་དོ། །ཟང་ཟིང་ 12a ༄#། །མེད་པར་ཆོས་སྨྲ་བ་ལ་ཡང་དག་པར་བརྟེན་པའོ། །ཆོས་མཉན་པ་ལ་གཡེང་བ་མེད་པའོ། །འཁོར་ལ་བརྙས་པ་མེད་པའོ། །ཆོས་ཀྱི་སྦྱིན་པ་ལ་བར་ཆད་མེད་པའོ། །ངེས་པ་རྣམས་ཀྱི་དྲི་བ་ལ་ངོ་མཚར་དུ་བྱེད་པའོ། །འགྱོད་པ་རྣམ་པར་སེལ་བའོ། །སྦྱོར་བ་ལ་རྒྱུན་ཆད་པ་མེད་པའོ། །ཡེ་ཤེས་ཀྱི་ཚོགས་ཡོངས་སུ་མི་གཏོང་པའོ། །འཛིན་པ་ལ་གནས་པ་རྣམས་ཀྱི་རྣམ་པར་གྲོལ་བའོ། །མ་རུངས་པ་རྣམས་དུལ་བར་བྱེད་པའོ། །ཉོན་མོངས་པ་རྣམས་འདོར་བའོ། །མི་གནས་པ་ལ་སྤྱོད་པའོ། །རྗེས་སུ་དྲན་པ་འདོད་པ་རྣམས་ཀྱི་དྲན་པའོ། །བྱང་ཆུབ་སེམས་དཔའ་རྣམས་སློང་བར་བྱེད་པའོ། །འཁོར་བཞི་ལ་སྟོན་པའོ། །རོ་བྲོ་བ་རྣམས་ཀྱི་ནང་ན་མངར་བའོ། ། རྣམ་པར་འཕྲུལ་པར་འདོད་པ་རྣམས་ཀྱི་སྒྲ་སྒྲོག་པའོ། །སྲིད་པ་ལས་ལྡོག་པར་འདོད་པ་རྣམས་ཀྱི་སྒོ་འབྱེད་པའོ། །མྱ་ངན་ལས་འདས་པར་ཐར་པའོ། །ལུས་བདེ་བའོ། །སེམས་བདེ་བའོ། །མཁས་པ་རྣམས་དགའ་བའོ། །ཡི་དམ་ལ་བརྟན་པ་རྣམས་མི་གཏོང་བའོ། །དེ་བཞིན་གཤེགས་པའི་ཡོན་ཏན་ལས་མི་ལྡོག་པའོ། །དགེ་བའི་རྩ་བ་རྣམས་ཀྱི་གནས་སོ། །མི་དགེ་བ་རྣམས་ངེས་པར་འཇོམས་པའོ། །འཆལ་བའི་ཤེས་རབ་ཅན་རྣམས་ཀྱི་བསླབ་པའོ། །རིགས་པ་ལ་གནས་པ་རྣམས་ཀྱི་གནས་སོ། །བསླུ་བ་མེད་པར་ 12b མཚོན་པའོ། །སངས་རྒྱས་ཀྱི་སྣང་བ་སྒྲུབ་པའོ། །ཡེ་ཤེས་ཀྱི་ཕུང་པོའི་སྣང་བའོ། །སངས་རྒྱས་ཀྱི་ཤིང་སྟོན་པའོ། །དྲི་བ་བྱེ་བ་སྙེད་འདྲི་བའོ། །ཆོས་དཀར་པོ་དག་ལ་རྟོག་པའོ། ། སྐྱོ་བའི་བློ་ཅན་རྣམས་ཀྱི་དམིགས་པའོ། །ཤེས་རབ་ཆུང་བ་རྣམས་ཆུད་མི་ཟ་བའོ། །རིག་པ་ཅན་རྣམས་དགའ་བར་འགྱུར་བའོ། །སྨྲ་འདོད་པ་རྣམས་ཀྱི་སྤྱོད་པའི་རྒྱུའོ། །ཆོས་སྟོན་པ་རྣམས་སྲུང་བའོ། རྒྱུ་ཐམས་ཅད་ཡོངས་སུ་ཤེས་པའོ། །ཆོས་ཐམས་ཅད་ལ་ཐབས་མཁས་པའོ། །རྟོག་པའི་ཐབས་གྲུབ་པའོ། །དེ་ཁོ་ན་ཡང་དག་པ་ཇི་ལྟ་བ་བཞིན་མཐོང་བའོ། །བདག་ལ་བརྡ་སྤྲོད་པའོ། །གཞན་དག་ཡང་དག་པར་ཚིམ་པར་བྱེད་པའོ། །དྲ་བ་གཅོད་པའོ། །མ་རིག་པ་སེལ་བའོ། །ཕུང་པོ་རྣམས་ཡོངས་སུ་ཤེས་པའོ། །རྣམ་པར་ཤེས་པ་ཡོངས་སུ་ཤེས་པའོ། །མིང་དང་གཟུགས་སྡུད་པའོ། །སྐྱེ་མཆེད་དྲུག་མཐོང་བའོ། །རེག་པ་ཡོངས་སུ་ཤེས་པའོ། །ཚོར་བ་ཤེས་པའོ། །སྲེད་པ་རབ་ཏུ་ཞི་བར་བྱེད་པའོ། ། ཉེ་བར་ལེན་པ་པོར་བའོ། །སྲིད་པ་ཆད་པའོ། །སྐྱེ་བ་ཆོམས་པའོ། །རྒ་ཤི་ལས་འདས་པའོ། །སྡུག་བསྔལ་ཤིན་ཏུ་སྦྱངས་པའོ། །བདེ་བ་ལ་ཀུན་ཏུ་རངས་པའོ། །སྡུག་བསྔལ་དང་ཡིད་མི་བདེ་བ་རྣམ་པར་སེལ་བའོ། །གྲུབ་པ་རྣམས་གནས་པར་སྦྱོར་པའོ། །དཔྱོད་པ་རྣམས་ཚིམ་པར་བྱེད་པའོ། །སྣང་བ་སྐྱོན་མེད་པའོ། །ཆོས་ཀྱིས་རྗེས་སུ་བསྒྲགས་པའོ། ། 13a ༄#། །སྐྱེས་བུ་གྲགས་པ་ཅན་རྣམས་ཀྱི་མཐུ་རྩལ་ལོ། །འབྱུང་པོ་དྲི་མ་ཅན་རྣམས་འཁྲུ་པའོ། །འཇིགས་ཚོགས་ལ་ལྟ་བ་རྣམས་ངེས་པར་འཇོམས་པའོ། ། ཐོས་པ་ཀུན་ཏུ་འཛིན་པའོ། །ཆོས་རྣམས་ཀུན་ཏུ་འཛིན་པའོ། །བྱང་ཆུབ་འཁྲུལ་པ་མེད་པ་ཉིད་དོ། །དགེ་བ་ཐམས་ཅད་འཇུག་པ་མི་ལྡོག་པའོ། །དགེ་བ་ཕལ་ཆེར་བསགས་པའོ། །བློ་བསྒྲུབ་པའི་གཞིའོ། །བརྩོན་པ་དང་ལྡན་པ་རྣམས་ཀྱི་ཆོས་ཀྱི་ཚུལ་ལོ། །འཕགས་པའི་དགེ་འདུན་འཕེལ་བར་བྱེད་པའོ། །ཕས་ཀྱི་རྒོལ་བ་རྣམས་ཚར་གཅོད་པའོ། ། ཆོས་སྨྲ་བ་རྣམས་ལ་ལེགས་སོ། །ཞེས་བརྗོད་པའོ། །བྱང་ཆུབ་སེམས་དཔའ་རྣམས་ཀྱི་སྤྱོད་པའོ། །རྩེད་མོ་འདོད་པ་རྣམས་ཀྱི་ཟླ་བའོ། །ལས་ཀྱི་མཐའ་དོན་དུ་གཉེར་བ་རྣམས་ཀྱི་ཉི་མའོ། །སློབ་པར་འདོད་པ་རྣམས་ཀྱི་བསྟན་བཅོས་སོ། །ཕུ་དུད་དང་བཅས་པ་རྣམས་ཀྱི་རྒྱལ་པོའོ། །མཁས་པ་རྣམས་ཀྱི་འདྲེན་པའོ། །ཆོས་དཀར་པོ་རྣམས་ཀྱི་ས་བོན་ནོ། །རྣམ་པར་སྨིན་པའི་འབྲས་བུའི་བདུད་རྩིའོ། །སྐྱེ་བ་དྲན་པའི་བཞིའོ། །སྐྱེ་བ་རབ་ཏུ་ཐོབ་པའོ། །བྱིས་པའི་ཆོས་རྣམས་ལ་སྨོད་པའོ། །དེ་བཞིན་གཤེགས་པའི་ཆོས་ཀྱི་ཡོན་ཏན་ཡང་དག་པའོ། །སྟོན་པ་དང་འཛིན་པ་རྣམ་པར་སྨིན་པ་མཐའ་ཡས་པའོ། །ཐམས་ཅད་མཁྱེན་པ་ཉིད་ཀྱི་གནས་སོ། །སྟོན་པ་ན་བདེ་འགྲོ་ཐོབ་ 13b པར་འགྱུར་བའོ། །ཡི་གེར་འབྲི་བ་ན་འཇིགས་པ་ཐམས་ཅད་སྤོང་པའོ། །རྒལ་ནས་ཕྱིར་ལྡོག་པ་མེད་པའོ། །རྟོགས་པ་བརྗོད་པའི་གནས་སོ། །འཇིག་རྟེན་ཐམས་ཅད་ཀྱི་བསྟན་པ་མ་ནོས་པའོ། །འདས་པའི་སངས་རྒྱས་ཐམས་ཅད་ཀྱིས་གསུངས་པའོ། །ད་ལྟར་གྱི་སངས་རྒྱས་རྣམས་ཀྱི་ཡེ་ཤེས་ཀྱི་གཏེར་རོ། །མ་འོངས་པའི་སངས་རྒྱས་རྣམས་ཀྱི་དགོངས་པ་ཡོངས་སུ་རྫོགས་པར་བྱེད་པའོ། །ཡང་དག་པའི་ཡེ་ཤེས་འཁྲུག་པ་མེད་པ་མྱུར་དུ་འཐོབ་པར་འགྱུར་བའི་སངས་རྒྱས་ཀྱི་ཕྱག་ལས་བྱུང་བའི་ཕྱག་རྒྱའོ། །སངས་རྒྱས་ཀྱི་ཡོན་ཏན་ཡོངས་སུ་དྲི་བར་འདུན་པ་ལ་ངོམས་པ་མེད་པའོ། །ཁོང་ཁྲོ་བའི་རྣམ་པར་རིག་པ་རབ་ཏུ་ཞི་བའོ། །ཐབས་མཁས་པ་རབ་ཏུ་ཐོབ་པའོ། །སའི་ཁམས་བསྒོམས་པའོ། །ཆུའི་ཁམས་ལ་འཇུག་པའོ། །མེའི་ཁམས་ལ་སྙོམས་པར་འཇུག་པའོ། །རླུང་གི་ཁམས་གནས་པར་བྱེད་པའོ། །ནམ་མཁའི་ཁམས་རྣམ་པར་ཐར་པ་སྒྲུབ་པའོ། །རྣམ་པར་ཤེས་པའི་ཁམས་སྟོན་པར་བྱེད་པའོ། །འདུས་བྱས་ལ་ཡིད་བྱུང་བའོ། །བག་ལ་ཉལ་ཟློག་པའོ། །ཁོང་ཁྲོ་བ་སེལ་བའོ། །བཏང་སྙོམས་སུ་འདོར་བའོ། །རང་གི་གནས་པ་ལ་མཁས་པའོ། །གཞན་གྱི་གནས་པ་ལ་མཁས་པའོ། །བརྗོད་པ་འདོད་པ་རྣམས་ཀྱི་ཡི་གེའོ། །སྒྲུབ་པ་རྣམས་ལ་མངོན་པར་ཞེན་པ་མེད་པའོ། །ངར་འཛིན་པ་སྤོང་བའོ། །ང་ཡིར་འཛིན་པ་ 14a ༄#། །འདོར་བའོ། །མོས་པ་བཟློག་པའི་གནས་སོ། །སེམས་འཇིགས་པ་དང་བཅས་པའོ། །སེམས་ཁྱི་དང་མཚུངས་པས་བསྟེན་པའོ། །རྒྱ་ཆེ་བ་ལ་འཇུག་པའོ། །ཕྲ་བ་རྟོགས་པར་བྱེད་པའོ། །ངལ་བ་རྣམས་ཀྱི་གྲིབ་མའོ། །ཆུ་བོ་ལས་སྒྲོལ་བའོ། །ཕས་ཀྱི་རྒོལ་བ་རྣམས་ཀྱིས་མི་ཕྱེད་པའོ། །དེས་པ་རྣམས་ཀྱི་འཁར་བའོ། ། དགེ་བའི་བཤེས་གཉེན་ལ་བསྙེན་བཀུར་བྱེད་པའོ། །རྨུགས་པ་དང་གཉིད་རྣམས་སྤོང་བའོ། །རྒོད་པ་ལས་འདས་པའོ། །ཐེ་ཚོམ་སྤོང་བའོ། །འདོད་པ་ལ་འདུན་པ་སེལ་བའོ། །ལེ་ལོ་ཡོངས་སུ་སྤོང་བའོ། །བདག་ཏུ་མི་དམིགས་པའོ། །སེམས་ཅན་དུ་མི་སྟོན་པའོ། །སྲོག་ཏུ་མི་གནས་པའོ། །ཆོས་ལ་བརྗིད་ངས་པ་མེད་པའོ། །ཕྱིན་ཅི་ལོག་མེད་པའི་གཏམ་སྨྲ་བའོ། །རིགས་པར་སྨྲ་བའོ། །མངོན་པར་འདུ་བྱེད་པ་ལ་ལེགས་པར་བསམས་པའོ། །ཅང་ཤེས་ཀྱི་ངོ་བོའོ། །ཞུམ་པ་མེད་པའི་ངོ་བོའོ། །སྦྱིན་པ་དང་ཡེ་ཤེས་ལ་མོས་པ་ཉིད་དོ། །འཁོར་གྱི་ནང་དུ་ཞུམ་པ་མེད་པར་འགྲོ་བ་ཉིད་དོ། །གཞན་ལ་མི་སྨོད་པ་ཉིད་དོ། །རང་གི་ཡོན་ཏན་མི་བརྗོད་པའོ། །བྱང་ཆུབ་ཀྱི་ཕྱིར་རྟག་ཏུ་གནས་པའོ། །སྦྱོར་བར་བརྩམས་པའོ། །ཕྱོགས་འགའ་ལ་ཡུན་རིང་དུ་མི་གནས་པའོ། །ཡོངས་སུ་འཛིན་པ་སྤོང་བའོ། །བཀྲ་ཤིས་པར་ཡང་དག་པར་སྤྱོད་པའོ། །ལུས་ཀྱི་ངོ་བོ་ 14b མ་ཡིན་པའོ། །སེམས་ཞུམ་པ་མེད་པ་ཉིད་དོ། །གནས་པ་ལ་མཁས་པའོ། །རྗེས་སུ་དྲན་པ་སྒོམ་པའོ། །མི་གཡོ་ཞིང་ང་རྒྱལ་མེད་པའོ། །རྣམ་པར་གྲོལ་བ་འཚོལ་བའོ། །ཐེ་ཚོམ་ངེས་པར་བྱེད་པའོ། །ཚངས་པའི་གནས་པ་བསྐྱེད་པའོ། །བྱམས་པའི་སེམས་མཉམ་པ་ཉིད་དོ། །སྙིང་རྗེས་རྗེས་སུ་འཛིན་པ་ཉིད་དོ། །དགའ་བས་རང་ལ་དགའ་བར་ཉམས་སུ་མྱོང་བ་ཉིད་དོ། །བཏང་སྙོམས་པ་ན་རྗེས་སུ་ཆགས་པ་དང ། ཁོང་ཁྲོ་བ་སེལ་བའོ། །ཚུལ་ཁྲིམས་ཀྱིས་གཞན་རྗེས་སུ་འཛིན་པའོ། །ཏིང་ངེ་འཛིན་སྒྲུབ་པ་ལ་འཇུག་པའོ། ། ཆོས་ཐམས་ཅད་ལ་ཤེས་རབ་ཀྱིས་རྣམ་པར་གྲོལ་བར་འཇུག་པའོ། །ཡི་གེ་སྒྲུབ་པ་ཁོང་དུ་ཆུད་པའོ། །ངེས་པའི་ཚིག་ལ་མཁས་པའོ། །བརྗོད་པ་རྟོགས་པའོ། །སྒྲ་ལ་འཇུག་པའོ། །མཁས་པའི་ངོ་བོ་དོན་དུ་གཉེར་བ་ཉིད་དོ། །འདོད་པ་མེད་པར་ཆོས་ཀྱི་སྦྱིན་པ་རབ་ཏུ་སྒྲོག་པ་ཉིད་དོ། །བློ་གཅིག་ཏུ་ངེས་པ་ལ་མངོན་པར་དགའ་བ་མེད་པའོ། །ཚུལ་གཅིག་པ་ལ་ཡོངས་སུ་སྐྱོ་བ་མེད་པའོ། །བྱང་ཆུབ་ལ་བླང་དོར་མེད་པའོ། །ཆོས་ཐམས་ཅད་ཆུད་ཟ་བ་མེད་པའོ། །ཇི་ལྟ་བ་བཞིན་ཡོངས་སུ་སྟོན་པའོ། །སེམས་ཅན་ཐམས་ཅད་ལ་སླུ་བ་མེད་པ་ཉིད་དོ། །སྨོན་ལམ་བརྟན་པོ་ཡོངས་སུ་རྫོགས་པར་བྱེད་པའོ། །ཉིན་མཚན་དུ་སྦྱོར་བ་ལ་རྒྱུན་ཆད་པ་མེད་པའོ། །བྱང་ཆུབ་སེམས་དཔའི་སྤྱོད་པའོ། །སེམས་ཅན་ 15a ༄#། །གྱི་ཁམས་ལ་འཇུག་པའོ། །ཐམས་ཅད་མཁྱེན་པ་ཉིད་སྒྲུབ་པ་སྟེ། མཆོག་ཏུ་དགའ་བའི་རྒྱལ་པོ། འདི་ནི་ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །སྤྱོད་པ་དག་བྱེད་འཕགས་པ་རྣམས་ཀྱི་ལམ། །རྗེས་སུ་མཐུན་པའི་ཚུལ་ཡིན་སེམས་སྦྱངས་པ། །སྤོབས་པའི་སྙིང་པོ་བྱང་ཆུབ་ཡན་ལག་ཚུལ། །ཏིང་འཛིན་འདི་ནི་བདེ་བར་གཤེགས་པའི་ནོར། །བདུད་འདུལ་དྲི་བྲལ་ཁོང་ནས་ཁྲོ་བ་སྤོངས། །སྲིད་པའི་སྲེད་པ་གཅོད་བྱེད་ཤེས་རབ་དང ། །སྙན་དང་གྲགས་པའི་ཡོན་ཏན་ལེགས་འབྱོར་ཅིང ། །ཁམས་གསུམ་དག་ལས་ངེས་འབྱུང་མཐར་ཡང་ཕྱིན། །ཡེ་ཤེས་ས་ཡིན་དགེ་བའི་ལམ་ཡང་ཡིན། །འཕགས་པའི་རིགས་ཡིན་བདུད་རྣམས་ཕུང་བྱེད་པ། །སྲིད་ལས་ཐར་བྱེད་བདེ་བར་གཤེགས་པས་བསྟོད། །ཏིང་འཛིན་འདི་ནི་བདེ་བར་གཤེགས་པའི་ནོར། །ཤིན་ཏུ་མཉམ་འཇུག་ཚུལ་ནི་བྱེ་བའི་སྒོ། །རྗེས་སུ་རྟོགས་བྱེད་ཚིམ་བྱེད་གཅོད་བྱེད་ཅིང ། ། སྡུག་བསྔལ་བཅོམ་པ་བདེ་བའི་རྗེས་འཇུག་པ། །ཏིང་འཛིན་འདི་ནི་བདེ་གཤེགས་སྤྱོད་པ་ཡིན། །བྱང་ཆུབ་ཡན་ལག་མེ་ཏོག་དྲན་རྟོགས་བྱེད། །ངོ་ཚ་ཤེས་པར་ལེགས་ 15b གནས་དགེ་བ་བསྡུས། བྱང་ཆུབ་ཡན་ལག་ཕྲེང་བ་བདེ་གཤེགས་དགྱེས། །ཏིང་འཛིན་མཆོག་དེ་འདི་ནི་གསུངས་པ་ཡིན། བྱང་ཆུབ་ཡན་ལག་ཕྲེང་བ་རྣམ་ཐར་པ། །རབ་ཏུ་སྐྱེ་བྱེད་ཞིང་གི་ཕ་མཐར་ཕྱིན། །ཟླ་བའི་འོད་བྱེད་སྣང་བྱེད་སྲིད་གསུམ་འདས། །ཆོས་མཆོག་འདི་ཀུན་ཟླ་བས་བསྟོད་པ་ཡིན། །སེམས་གཡེངས་ཚུལ་འཆོས་ཤེས་ཁེ་རྙེད་པ་དག ། སྤངས་ནས་དགོན་པར་བརྟེན་པར་འགྱུར་བྱ་ཞིང ། །སྦྱོར་བ་རྣམ་གསུམ་དག་པར་འགྱུར་བྱ་ན། །ཏིང་ངེ་འཛིན་འདི་ཡང་དག་སྒྲུབ་པར་གྱིས། །ཕ་རོལ་འཆིང་དང་གཡོ་དང་ཤེས་ཁེའི་རྒྱུ། །སྤངས་ནས་རང་གི་ཡོན་ཏན་མི་བརྗོད་པར། །ཆོས་གོས་གསུམ་དང་བསོད་སྙོམས་སྤྱོད་པར་ཤོག་།འདི་ལ་སྦྱོར་གྱུར་གསོག་འཇོག་བྱེད་མ་གྱུར། །འཕགས་པ་བགོད་པའི་ངང་ཚུལ་ལྡན་བྱ་ཞིང ། །གལ་ཏེ་ཏིང་འཛིན་མྱུར་ཐོབ་འདོད་ན་ནི། །མཁས་པས་རྟག་ཏུ་དྲི་བ་བརྩམ་པར་གྱིས། །དྲིས་ནས་ཡང་དག་སྒྲུབ་ལའང་གནས་པར་གྱིས། །ཚོགས་ལས་ཐག་རིང་ཞི་ནས་དགར་འགྱུར་དང ། །འགྲོ་ཀུན་ལ་ནི་མཛའ་བས་མཉེན་བྱ་ཞིང ། །ཚུལ་འཆོས་གཞི་ཡི་གྲགས་པ་གཞར་བཏང་ན། །ཏིང་འཛིན་ཞི་བ་འདི་ནི་བཙལ་བར་གྱིས། །ངོ་ཚ་ཤེས་གོས་དབེན་པའི་རོ་ཡི་ཟས། །བསམ་གཏན་མལ་ཆ་སྟན་དང་དབེན་པའི་ཁྱིམ། །བདག་མེད་རྟོགས་ལ་རྟག་ཏུ་དགའ་བྱེད་ན། །མཁས་པ་གཞན་གྱི་ 16a ༄#། །བདེ་ལ་འདོད་མི་འགྱུར། །གལ་ཏེ་ཏིང་འཛིན་འདི་མྱུར་ཐོབ་འདོད་ན། །ཁྲོས་པས་སྨྲས་ན་གཞན་ལ་བཟོད་པ་དང ། །ང་རྒྱལ་བསྐྱེད་མི་བྱ་ཞིང་ང་བྲལ་བྱ། །ལས་ཀྱི་རྣམ་པར་སྨིན་ལའང་མངོན་དད་གྱིས། །ངན་སོང་ལམ་དང་དམིགས་ལ་མི་བརྟེན་ཅིང ། །འཕགས་པའི་འགྲོ་བ་སྟོང་ལའང་མི་བརྟེན་པར། །ཉིན་མཚན་བརྩོན་འགྲུས་སྟོབས་ལ་བརྩམ་བྱ་ན། །ཚུལ་གཞན་མིན་པའི་ཏིང་འཛིན་འདི་ཐོབ་བྱ། །མཐའ་གཉིས་ཡིད་འོང་མ་ཡིན་ལམ་སྤངས་པ། །ཡང་དག་ཚུལ་འདི་ལམ་ནི་མཉམ་པ་སྟེ། །མ་བྱས་སྐྱེ་མེད་ཆོས་ནི་སུས་མཐོང་བ། །སྒྲུབ་པ་འདི་ལ་སངས་རྒྱས་དགྱེས་པར་འགྱུར། །མཆོག་ཏུ་དགའ་བའི་རྒྱལ་པོ། འདི་ནི་ཆོས་ཐམས་ཅད་ཀྱི་ཚུལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཅེས་བྱ་སྟེ། དེ་ཐོབ་པའི་བྱང་ཆུབ་སེམས་དཔས་ནི་ཆོས་ཐམས་ཅད་ཕྱིན་ཅི་མ་ལོག་པ་ཉིད་དུ་རྟོགས་སོ། །ཆོས་ཐམས་ཅད་མི་གནས་པར་རྟོགས་སོ། །ཆོས་ཐམས་ཅད་སྐྱེ་བ་མེད་པར་རྟོགས་སོ། །སངས་རྒྱས་ཀྱི་ཆོས་ཐམས་ཅད་བྱས་པ་མེད་པར་རྟོགས་སོ། །ཆོས་ཐམས་ཅད་གསོག་ཏུ་རྟོགས་སོ། །ཆོས་ཐམས་ཅད་གསོབ་ཏུ་རྟོགས་སོ། །ཆོས་ཐམས་ཅད་སྙིང་པོ་མེད་པར་རྟོགས་སོ། །གཞན་གྱིས་ཟིལ་གྱིས་མི་ནོན་ཏོ། །འགྲོ་བ་ལྔ་ལས་ 16b རྒལ་ཏོ། །བདུད་རླག་པར་བྱེད་དོ། །སེམས་ཅན་ཐམས་ཅད་དགའ་བར་འགྱུར་རོ། །མཁས་པ་རྣམས་ཀྱིས་མཆོད་པར་བྱ་བ་ཡིན་ནོ། །ཆོས་ཉིད་ཐམས་ཅད་མཐོང་ངོ ། །ཟླ་བ་ལྟར་ལྷང་ངེར་སྣང་ངོ ། །སེམས་ཅན་ཐམས་ཅད་ཀྱི་སེམས་ཀྱི་རྒྱུ་བ་རབ་ཏུ་ཤེས་སོ། །བསམ་པ་དག་པ་རྣམས་ལ་བསྐུལ་མ་འདེབས་པ་ཡིན་ནོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཤེས་པ་ཡིན་ནོ། །སྤྱོད་པའི་ས་རྗེས་སུ་ཐོབ་བོ། །བདག་མེད་པ་ཉིད་ལ་འཇུག་གོ། ངེས་པར་འབྱུང་བར་བྱ་བའི་ཁམས་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་མངོན་པའི་ང་རྒྱལ་མེད་པའི་ས་རྗེས་སུ་ཐོབ་པོ། །སྒྲིབ་པ་ལས་འདས་སོ། །མིང་དང་གཟུགས་ཀྱི་རང་བཞིན་རབ་ཏུ་ཤེས་སོ། །ངེས་པའི་ཚིག་གི་སྒོ་ནས་སངས་རྒྱས་རྣམས་ཀྱིས་བསྟན་པ་རྗེས་སུ་རྟོགས་སོ། །མཚན་སུམ་ཅུ་རྩ་གཉིས་རབ་ཏུ་ཐོབ་བོ། །རྙེད་པ་དང་མ་རྙེད་པས་གཏུགས་པ་ལས་འདས་སོ། །འཇིག་རྟེན་ན་གོས་པ་མེད་པ་ཉིད་ཐོབ་བོ། །སེམས་ཅན་རྣམས་ཀྱི་གནས་ཡིན་ནོ། །མྱ་ངན་ལས་འདས་པའི་སྒོ་འབྱེད་དོ། །སྦྱིན་པ་པོ་ཡིན་ནོ། །འཆི་བ་མེད་པར་སྟོན་པ་ཡིན་ནོ། །མྱ་ངན་ལས་འདས་པ་ཁོང་དུ་ཆུད་པ་ཡིན་ནོ། །སེམས་ཅན་རྣམས་ཀྱི་གདུང་བ་སིལ་ཏོ། །སེམས་ཅན་རྣམས་ཀྱི་ཐེ་ཚོམ་གཅོད་པ་ཡིན་ནོ། །དབང་པོ་དྲུག་པོ་དག་གིས་མི་གོས་པ་ཡིན་ནོ། །ཡི་གེའི་སྒོ་བཅུ་དྲུག་ལ་ 17a ༄#། །འཇུག་པའི་གཟུངས་ཐོབ་པོ། །ཡི་གེ་བཅུ་དྲུག་འདོད་པ་གང་ཞེ་ན། ཨ་ཞེས་བྱ་བ་དང ། ར་ཞེས་བྱ་བ་དང ། པ་ཞེས་བྱ་བ་དང ། ཙ་ཞེས་བྱ་བ་དང ། ན་ཞེས་བྱ་བ་དང ། ད་ཞེས་བྱ་བ་དང ། ས་ཞེས་བྱ་བ་དང ། ག་ཞེས་བྱ་བ་དང ། ཐ་ཞེས་བྱ་བ་དང ། པ་ཞེས་བྱ་བ་དང ། བ་ཞེས་བྱ་བ་དང ། ཀྵ་ཞེས་བྱ་བ་དང ། ཆ་ཞེས་བྱ་བ་དང ། པ་ཞེས་བྱ་བ་དང ། ཋ་ཞེས་བྱ་བ་དང ། ཌྷ་ཞེས་བྱ་བ་སྟེ། འདི་དག་ནི་བཅུ་དྲུག་གོ་།རྣམ་པ་བཅུ་དྲུག་ལ་འཇུག་པའི་གཟུངས་ལས་ནི་མཐའ་ཡས་པས་བསྒྲུབ་པའི་སའང་ཐོབ་བོ། །ཆོས་ཐམས་ཅད་ཡ་མ་བརླར་རབ་ཏུ་ཤེས་སོ། །ངེས་པར་བྱེད་དོ། །སེམས་ཅན་ཐམས་ཅད་ཀྱི་བསམ་པ་ཤེས་པ་དག་སྐྱེད་པར་བྱེད་དོ། །དེ་ལ་ཉོན་མོངས་པ་ཐམས་ཅད་ཡོད་པ་མ་ཡིན་ནོ། །བྱིས་པ་ཐམས་ཅད་ཀྱིས་གཟུང་བའི་ཆོས་དེ་ཁོ་ན་རབ་ཏུ་ཤེས་སོ། །འཇུག་པར་བྱེད་དོ། །སེམས་ཅན་རྣམས་ཚིམ་པར་བྱེད་དོ། །ལེགས་པར་སྨྲས་པས་མཆོད་སྦྱིན་བྱེད་དོ། །འཆི་བ་མེད་པའི་མཆོད་སྦྱིན་ཉེ་བར་འཇོག་གོ་།སངས་རྒྱས་ཀྱི་མཛད་པ་ཐམས་ཅད་མཁྱེན་པ་ཉིད་དུ་བྱེད་དོ། །ཡོངས་སུ་ཤེས་པ་རྗེས་སུ་འཐོབ་པོ། །བདག་དང་གཞན་གྱི་སོམ་ཉི་གཅོད་དོ། །སེམས་ཅན་རྣམས་ཀྱི་འགྱོད་པ་བསལ་བར་ཡིད་མ་བླངས་པའོ། །བྱ་ 17b ཀ་ལ་པིངྐའི་སྒྲ་དབྱངས་ལྟ་བུ་འཐོབ་བོ། །མཉམ་པ་ཉིད་ཀྱིས་རྗེས་སུ་འཐོབ་བོ། །སེངྒེའི་སྒྲ་སྒྲོག་པ་ཡིན་ནོ། །དེས་པ་ཡིན་ནོ། །བཟོད་པའི་ཕ་རོལ་ཏུ་ཕྱིན་པ་ལ་ཞུགས་ནས་སྙིང་རྗེ་ཆེན་པོ་ཡོངས་སུ་རྫོགས་པར་བྱེད་དོ། །བདུད་ཀྱི་ཡུལ་ལས་འདས་སོ། །དབྱངས་སྙན་པ་ཉིད་ཡོངས་སུ་རྫོགས་པར་བྱེད་དོ། །ང་རྒྱལ་སྤང་བའི་ཕྱིར་བཟོད་པ་ཐོབ་པོ། །བསམ་གཏན་ཟབ་མོའི་བསམ་གཏན་པ་ཡིན་ནོ། །འགྲོ་བ་ལས་རྒྱལ་བའི་ཆོས་སྟོན་ཏོ། །གཏིང་ཐོབ་པ་ཡིན་ནོ། །ཆོས་ཐམས་ཅད་ལ་སྟོབས་དང་མཐུ་ཆེ་བ་རྗེས་སུ་འཐོབ་པོ། །ཆོས་ཐམས་ཅད་ཀྱི་སྒོ་ནས་ཤེས་པའི་ཕྱིར་ཤེས་པ་པོ་ཡིན་ནོ། །སེམས་ཅན་ཐམས་ཅད་ཀྱི་སྤྱོད་པ་དྲན་ནོ། །བསྐལ་པ་གྲངས་མེད་པ་ནས་ཆོས་རྣམས་ཀྱི་ཆོས་དེ་བཞིན་ཉིད་མངོན་པར་རྟོགས་སོ། །རྒོལ་བ་ཐམས་ཅད་ཤེས་སོ། །སྐྱོ་བའི་བསམ་པ་ཐམས་ཅད་སྤོང་བ་འཐོབ་བོ། །བྱང་ཆུབ་མྱུར་དུ་རྟོགས་སོ། །ལྷ་རྣམས་ཀྱིས་བསྟོད་དོ། །ཤེས་པས་ཆོས་ཐམས་ཅད་ཀྱི་རྗེས་སུ་འཇུག་གོ་།དོན་ཐོབ་པར་བྱ་བ་ལ་མཁས་པ་ཡིན་ནོ། །དེ་ལ་ཆོས་ཐམས་ཅད་ཡང་དག་པར་སྣང་ངོ ། །ཟས་སུ་བདུད་རྩི་ཟའོ། །ཐེ་ཙོམ་ཐམས་ཅད་གཅོད་དོ། བག་ཆགས་ཀྱི་མཚམས་སྦྱོར་བ་འདོར་རོ། །སྙིང་རྗེ་ཆེན་པོས་འགེབས་སོ། །དགོངས་པ་དྲན་ནོ། །སྔོན་གྱི་གནས་རྗེས་སུ་དྲན་པ་བསྒོམ་མོ། མྱ་ངན་ལས་འདས་པའི་ཡོན་ 18a ༄#། །ཏན་སྤྱོད་པ་མྱུར་བར་རྟོགས་སོ། །ཚོགས་ཀྱི་མཆོད་པ་བྱས་པ་འཐོབ་བོ། །ང་རྒྱལ་ཐམས་ཅད་གཅོག་གོ་།མཐུའི་ས་ངེས་པར་རྗེས་སུ་འཐོབ་བོ། ། སྣ་ཚོགས་པ་ཉིད་ལ་འཇུག་གོ་།སྒྲུབ་པ་ཤེས་སོ། །སྨིན་པ་ཐམས་ཅད་ཤེས་སོ། །སངས་རྒྱས་ཀྱི་ཞིང་རྒྱས་པར་བྱེད་དོ། །ཕུང་པོའི་བདུད་འཇོམས་སོ། །དགོངས་པའི་བཀའ་མྱུར་དུ་རྟོགས་སོ། །དེ་ལས་བདུད་མྱུར་དུ་རླག་པར་བྱེད་དོ། །ཕས་ཀྱི་རྒོལ་པ་མྱུར་དུ་འདུལ་ལོ། །འཇིག་རྟེན་གྱི་ཁམས་དཔག་ཏུ་མེད་པ་དག་ན་སངས་རྒྱས་མཐོང་ངོ ། །ཆོས་ཀྱང་ཉན་ཏོ། །དམ་པའི་ཆོས་བརྗེད་པ་མེད་དོ། །ཇི་ལྟར་བསམ་པ་བཞིན་ཏིང་ངེ་འཛིན་གྱི་རྣམ་པར་རོལ་པ་སྒྲུབ་པའང་རྗེས་སུ་འཐོབ་སྟེ། །ཏིང་ངེ་འཛིན་འདི་ཐོབ་པའི་བྱང་ཆུབ་སེམས་དཔའ་ནི་བག་ཡོད་པས་ཐམས་ཅད་མཁྱེན་པ་ཉིད་དུ་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་གལ་ཏེ་དེ་འདོད་ན་སྐྱེ་བ་གཅིག་ཁོ་ནས་སམ། འདོད་ན་སྐྱེ་བ་གཉིས་སམ། །གསུམ་མམ། བཞི་ནས་བསྐལ་བའི་བར་གྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་ཕྱིར་ཞེ་ན།་འདི་ལྟར་ཏིང་ངེ་འཛིན་འདི་ནི་ཐམས་ཅད་མཁྱེན་པ་ཉིད་ཀྱི་ཕྱིར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སྟོབས་ 18b བཅུའི་སྤྱོད་པ་ཚུལ་འདི་འཛིན་པ་ནི། མ་འཁྲུལ་མ་འཁྲུགས་འདྲ་བ་ཡོད་མིན་ལ། །འཆི་མེད་བདུད་རྩི་འཐོབ་ཅིང་ལྷ་ཡུལ་དང ། །མི་ཡུལ་དཔལ་བྱེད་མཚུངས་མེད་རྩོམ་པར་འགྱུར། །སྟོབས་བཅུས་བསྟོད་པ་ཚུལ་འདི་འཛིན་པ་ནི། །དགའ་བྱེད་ཉོན་མོངས་རྡུལ་དང་ཐབ་འཇོམས། །གསོལ་བའི་ཚིག་གིས་ལྷ་མི་དགའ་བར་བྱེད། །རྒྱལ་བའི་ཡོན་ཏན་འོས་མིན་སྲིད་མུན་སེལ། །སྟོབས་བཅུ་ཐོབ་བྱ་ཕྱིར་ནི་འདི་སྤྱོད་ན། །འགྲོ་ངན་འཇོམས་ཤིང་འགྲོ་བ་ངན་ལ་མཁས། །ལྷ་མི་གཞན་བློ་ངན་སེལ་དགའ་བར་གྱུར། །བློ་ལྡན་ལམ་མཁས་གཞན་སྤྱོད་རྣམ་པར་འབྱེད། །ཚུལ་འདི་སྤྱོད་པ་སྲིད་འགྲོ་ཡངས་པ་སྤོང ། །སྲིད་སོང་ལོག་པ་རྣམས་ལ་བསྐུལ་འདེབས་ཤིང ། །ལྷ་མི་ཇི་ལྟར་འདོད་བཞིན་སྤྱོད་བྱེད་ལ། །མཐུ་ལྡན་དྲི་མེད་ཟླ་འདྲའི་མིག་ཏུ་འགྱུར། །བྱ་བ་འདི་སྤྱོད་མཚུངས་པ་མེད་པ་ཡིན། །དེ་ལ་ལྷ་མི་རྟག་ཏུ་དགའ་བར་འགྱུར། །བློ་ལྡན་སྲིད་འགྲོ་མི་དགའ་ཡུལ་འཁྲུལ་མེད། །འཁོར་ལ་སྒྲ་སྒྲོག་ཚུལ་བརྒྱ་རྣམ་པར་འབྱེད། །རྒྱལ་བ་ཡོན་ཏན་གྲོང་ལྡན་བདུད་རྩིའི་ཚུལ། །འདི་འཛིན་རང་གིས་ལེན་བཅུག་རྣམ་འབྱེད་པ། །སྦྱིན་བདག་མཚན་རབ་མཛེས་པ་སུམ་ཅུ་གཉིས། །ཐོབ་པས་ལྷ་དང་མི་རྣམས་དགའ་བར་བྱེད། །འདི་ལ་སྤྱོད་པ་མཐའ་འཁོབ་ཚོགས་སེལ་ཅིང ། །སྐྱེ་དགུ་མང་ 19a ༄#། །འདུལ་ཡོན་ཏན་ཕལ་ཆེན་འབྱེད། །གཡོན་ཅན་ཡུལ་དང་འགྲོ་མཁས་མྱུར་བར་ནི། །དགེ་སྦྱོང་མཆོག་འགྱུར་ལྷ་མིས་ཡོན་ཏན་བསྟོད། །འཆི་མེད་ནོར་མཆོག་དག་ནི་ཐོབ་འདོད་ན། །སྤྱད་པ་འདི་སྤྱོད་མྱུར་དུ་རྒྱལ་བར་འགྱུར། །གྲགས་ལྡན་ཡོན་ཏན་མཆོག་ཐོབ་དྲི་བསུང་གཏོད། །ལྷ་མི་འཇིགས་མེད་གྲོང་ཁྱེར་ཞི་བར་སྒྲོལ། །ཚུལ་འདི་སྤྱོད་པ་འཆི་བ་མེད་ལ་དགའ། །གནས་ན་གནས་ཚེ་ཕྱོགས་བཅུའི་བདེ་གཤེགས་བསྟོད། །དེ་ནི་གཏམ་བརྗོད་ལྷ་མི་རྣམས་དགའ་ལ། །ཕན་འདུལ་མཉམ་བཞག་སྙན་པ་སྤྱོད་མཆོག་སྨྲ། །ལྷ་དང་ལྷ་མིན་ས་སྟེང་སྡུག་བསྔལ་ལས། །འདའ་བར་བྱེད་ཅིང་བདུད་དཔུང་ལ་རླག་པར་བྱེད། །རྒྱལ་བའི་ཐད་སོང་མཆོད་བྱེད་འགྲོ་གནས་མཁས། །སྲིད་འགྲོ་སྤོང་དྲན་རྟོགས་མཁས་ཡོན་ཏན་འཛིན། །ཏིང་འཛིན་ཞི་བ་མཆོག་འདི་འཛིན་པ་ན། །དབང་པོ་ཞི་ཞིང་ཡེ་ཤེས་མཆོག་འཛིན་ལ། །བསེ་རུ་ལྟ་བུར་སྤྱོད་ཅིང་ངར་མི་འཛིན། །ཆོས་ཀྱི་སྐར་མདའ་རྟག་ཏུ་འབར་བའང་ཡིན། །ཡེ་ཤེས་རྒྱ་མཚོ་འདི་ནི་སྟོན་པ་དག། །དངོས་པོའི་ཚུལ་ལ་སྐད་ཅིག་པར་ཡང་རྟོགས། །སྲིད་གསུམ་དག་ན་འདི་ནི་གདུགས་བཞིན་ཏེ། །ལྷ་མང་རྒྱལ་པོ་དེ་ལ་བསྟོད་པར་བྱེད། །ཞི་བ་བལྟ་དཀའ་འདི་ལ་འབད་པ་དག་།ཉོན་མོངས་ཉམས་ཐག་དག་ནི་སེལ་བྱེད་ཅིང ། །བདེ་བར་གཤེགས་ 19b ཀྱི་འགྲོ་བར་འགོག་པ་བརྗོད། །ཉོན་མོངས་རྒྱུན་ཆད་སྲིད་གསུམ་འདུལ་བར་བྱེད། །ཏིང་འཛིན་མཆོག་རབ་འདི་དག་ཐོབ་པ་ནི། །གཞན་གྱི་སྤྱོད་པ་དྲན་ལས་བདག་གིས་བསྟེན། ། གང་གིས་བདེ་གཤེགས་མཁྱེན་པ་མང་ཤེས་ཤིང ། །ཚུལ་རྣམས་ཐམས་ཅད་ལ་ནི་གནས་པ་ཡིན། །འདི་སྒྲུབ་པ་ནི་སངས་རྒྱས་རིགས་ཡིན་ཞིང ། །སྒྲུབ་པ་བྱེ་བ་མང་པོ་ཆུབ་པར་བྱེད། །སྡུག་བསྔལ་ཅན་གྱི་རེག་པ་རྟག་སེལ་ཅིང ། །མི་དེ་འཆི་པ་མེད་པ་སྟོན་པ་ཡིན། །མཐོང་དགའ་ཚིག་སྙན་ཡོན་ཏན་གྲགས་པས་འཕགས། །ཡོན་ཏན་དག་གིས་ཀུན་དུ་མངོན་མཛེས་ལ། །འཁོར་གྱི་ནང་དུ་ཕྱིན་ན་ནམ་མཁའ་ལ། །སྟོན་ཟླ་ཐ་ཆུངས་ཟླ་བ་ཉ་བ་བཞིན། །ཏིང་ངེ་འཛིན་ཏེ་འདི་དག་བསྟེན་པ་ནི། །འཁོར་བ་ནའང་འཁོར་དང་ལོངས་སྤྱོད་དང ། །རུས་རིགས་གྲགས་པ་བདེ་བར་གཤེགས་ཀྱིས་མཁྱེན། །དེ་ཡི་སྤོབས་པ་རྒྱ་མཚོ་ཇི་བཞིན་ནོ། །རྨད་དུ་བྱུང་བའི་མདོ་འདི་སྤྱོད་པ་ནི། །ཆོས་ཀྱི་ངོ་བོ་བདག་མེད་ཚུལ་དག་ལ། །རིང་པོར་མི་ཐོགས་རྟོགས་ཤིང་སྟོན་པར་བྱེད། །སྟོང་གསུམ་དག་གི་སྨན་པར་མྱུར་དུ་འགྱུར། །འཆི་བ་མེད་པར་ཐོབ་པར་སྦྱོར་བ་ན། །སྟོང་གསུམ་འཇིག་རྟེན་མི་རྣམས་ཇི་སྙེད་དང ། །གངྒཱའི་ཀླུང་གི་བྱེ་སྙེད་སེམས་ཅན་ཁམས། །དེ་ལས་བརྒལ་ཏེ་ཡེ་ཤེས་སྒོ་ཡང་འཐོབ། །གང་ཞིག་ལྷག་པའི་བསམ་པས་འདི་ 20a ༄#། །སྦྱོར་བ། །དུག་དང་མཚོན་དང་མེས་ཀྱང་མི་ཚུགས་ཤིང ། །རྒྱལ་པོས་བཀྲབས་ལྷུང་ཁུ་སྒོའི་འཇིགས་པའང་མེད། །རྒྱལ་པོ་སྲིན་པོའི་འཇིགས་པའང་འབྱུང་མི་འགྱུར། །ཚིག་བཞི་པོ་ནི་འཛིན་པར་བྱེད་པ་ན། །ཁྱིམ་ནས་འཆི་མེད་ནོར་ཆུད་ཟོས་མི་འགྱུར། །མི་དང་སྐེམ་དང་གདོན་གྱིས་མེ་ཚུགས་ཤིང ། །ལོང་དང་ཞར་དང་རྨོངས་པར་མི་འགྱུར་རོ། །ཏིང་འཛིན་ཞི་བ་འདི་ལ་སྦྱོར་བྱེད་པ། །དེ་ལ་གང་དག་གཟུངས་ཀྱི་གཏེར་ཡང་སྩོལ། །གང་ཞིང་འདི་སྦྱོར་དེ་ཚེ་བདེ་བར་གཤེགས། །བྱེ་བ་དྲུག་ཅུ་གཉིས་པོའང་དགོངས་པར་འགྱུར། །གལ་ཏེ་བྱང་ཆུབ་མྱུར་དུ་རེག་འདོད་ཅིང ། །གལ་ཏེ་ཡོན་ཏན་ཞིང་མཆོག་འདོད་བྱེད་པས། །མདོ་མཆོག་ཚུལ་འདི་ལ་ནི་སྦྱོར་བ་ནི། ། ཐམས་ཅད་མཁྱེན་པ་དེ་ཡི་ལག་ཏུ་འཐོབ། །དེ་བས་མཉན་ཏེ་འདིར་ནི་སེམས་ཅན་གང ། །བྱང་ཆུབ་དོན་དུ་དགེ་ལ་དགའ་བྱ་ན། །ཞག་བཞིའི་བར་དུ་ལེགས་པར་བརྩོན་བྱས་པས། །སྟོབས་བཅུ་དག་གི་ནོར་ནི་འཐོབ་པར་འགྱུར། །ཏིང་འཛིན་མཆོག་མ་ལ་ནི་འཇུག་བྱེད་པ། །རྐང་གཉིས་མཆོག་མ་བྱེ་བ་བརྒྱད་ཅུ་དང ། །གཞན་ཡང་རྒྱལ་བ་ཁྲག་ཁྲིག་དྲུག་ཅུ་རྣམས། །གང་དག་དེ་ལ་རྟག་ཏུ་དགོངས་པར་འགྱུར། །གང་གིས་མཉན་པ་རྙེད་པ་ལེགས་རྙེད་ལ། །འདི་ཉན་ནས་ཀྱང་འདི་ལ་མོས་བྱེད་པ། །དེ་ 20b དག་ཡིད་གཉིས་སྤངས་ཏེ་བྱང་ཆུབ་ལ། །དེ་དག་ཐེ་ཚོམ་འཁོར་བར་ཕྱིར་མི་མཐོང ། །དེ་བས་ཉན་ཏེ་ཡང་དག་སྤྱོད་འདི་ལ། །བརྩོན་དང་ཡོན་ཏན་དག་ལ་དགའ་བྱ་ན། །མདོ་འདི་བྲིས་ནས་ཀྱང་ནི་འཆང་བྱེད་པ། །ཐམས་ཅད་མཁྱེན་ཉིད་ངེས་པར་ལག་ཏུ་འཐོབ། །ངས་མངོན་ཤེས་ཏེ་བསྐལ་པ་བརྒྱ་འདས་ན། །སྤོབས་པའི་ཏོག་ཅེས་བྱ་བའི་རྒྱལ་པོ་བྱུང ། །དེ་ནི་ཏིང་འཛིན་མཆོག་འདི་བསྟན་པ་དག། །རྒྱལ་པོའི་བུ་སྟེ་ཟླ་བ་དཔལ་གྱིས་ཉན། །རྒྱལ་སྲིད་སྤངས་ནས་མྱུར་བར་རབ་བྱུང་སྟེ། །དེས་ནི་ཉིན་མཚན་གཅིག་ཏུ་ཉན་ནས་ཀྱང ། །དེ་ཐུན་ཐ་མ་དག་ལ་དུས་ལས་འདས། །ཞིང་གཞན་དག་ཏུ་དེ་ནི་བརྫུས་ཏེ་སྐྱེས། །ཇི་ལྟར་གངྒཱའི་བྱེ་མ་དེ་བས་ཀྱང ། །མང་བོའི་ཞག་ཏུ་མཚུངས་པ་མེད་ལ་མཆོད། ། བྱང་ཆུབ་རྗེས་སུ་དེ་རྟོགས་བྱ་བའི་ཕྱིར། །ཀུན་ལས་ཏིང་ངེ་འཛིན་འདི་བསྐལ་པར་ཉན། །རྒྱལ་བ་མར་མེ་མཛད་ལུང་སྟོན་པ་གང ། །རིན་ཆེན་གཙུག་ཏོར་ཞེས་བྱའི་རྒྱལ་དེ་བྱུང ། །དེ་ལྟར་འདི་ཐོས་འབྲས་བུ་ཆེ་བས་ན། །དེ་ཕྱིར་ཐོས་ནས་ལེ་ལོར་མི་བྱའོ། །ལྷ་མི་རྣམས་ལ་སྙན་པའི་དབྱངས་དག་གིས། །རབ་ཏུ་རྟོགས་པར་བྱ་ཞིང་མཆོད་བྱ་ལ། ། ངས་ནི་རིན་ཆེན་གཏེར་དག་ཕྱེ་ཟིན་གྱི། །སྟོབས་བཅུ་པོ་ཡི་ནོར་འདི་གཟུང་བར་གྱིས། །མཆོག་ཏུ་དགའ་བའི་རྒྱལ་པོ། སྔོན་འབྱུང་བ་འདས་པའི་དུས་བསྐལ་པ་གྲངས་མེད་པའི་ 21a ༄#། །ཡང་ཆེས་གྲངས་མེད་པ་བྱུང་བ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པའི་རྒྱན་བཀོད་པའི་དབྱངས་ཀྱི་ང་རོ་སྙན་པར་འབྲུག་སྒྲ་སྒྲོགས་པ་བཞེས་བྱ་བ་བྱུང་སྟེ། །དེའི་གསུང་རབ་ལ་ཆོས་སྨྲ་བ་སྤོབས་པ་མཐའ་ཡས་པའི་ཡོན་ཏན་ཏོག་གི་རྒྱལ་མཚན་རྣམ་པར་འཕྲུལ་པ་ཞེས་བྱ་བ་ཞིག་བྱུང་ནས་དེ་ཏིང་ངེ་འཛིན་འདེ་སྟོན་པའི་ཚེ་རྒྱལ་པོའི་བུ་སྐྱེ་བོ་མང་པོ་ལ་བསོད་ནམས་ཀྱི་རྣམ་པར་སྨིན་པ་དག་པར་སྒྲ་སྒྲོགས་པས་འབུམ་རི་བོའི་གོས་གྱོན་གྱོན་པ་བསྐོན་ཏེ་འདི་སྙམ་དུ་སེམས་ཅན་ཐམས་ཅད་ཀྱིས་ཏིང་ངེ་འཛིན་འདི་ཐོབ་པར་གྱུར་ཅིག་ཅེས་སེམས་བསྐྱེད་དོ། །དེ་དགེ་བའི་རྩ་བ་དེས་ན། གངྒཱའི་ཀླུང་བརྒྱད་ཅུའི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་དགྱེས་པར་བྱས་ནས་ཐམས་ཅད་ལས་ཏིང་ངེ་འཛིན་འདི་ཉན་ཏེ་མ་བསྟན་པའི་ཆོས་ཐམས་ཅད་ཀྱང་སྣང་ངོ ། །རྟག་ཏུ་བརྫུས་ཏེ་བྱུང་བར་གྱུར་བའི་སྐྱེ་བའང་དྲན་ནོ། །རྒྱལ་པོའི་བུ་སྐྱེ་བོ་མང་པོ་ལ་བསོད་ནམས་ཀྱི་རྣམ་པར་སྨིན་པ་དག་པར་སྒྲ་སྒྲོག་པ་དེ་སངས་རྒྱས་ཀྱི་ཞིང་ཡོན་ཏན་དཔག་ཏུ་མེད་པ་བཀོད་པར་ཚེ་དཔག་མེད་ཅེས་བྱ་བར་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཏོ། །དགེ་སློང་ཆོས་སྨྲ་བ་སྤོབས་པ་མཐའ་ཡས་པའི་ཡོན་ 21b ཏན་ཏོག་གི་རྒྱལ་མཚན་རྣམ་པར་འཕྲུལ་པའི་ང་རོ་ཞེས་བྱ་བ་དེ་ནི་དེ་བཞིན་གཤེགས་པ་སྤྱན་ཆེན་པོ་ཞེས་བྱ་བར་གྱུར་ཏོ། །རྒྱལ་པོའི་བུ་དེས་ཏིང་ངེ་འཛིན་འདི་ཐོས་པས་བསྐལ་པ་འབུམ་ཕྲག་བདུན་ཅུར་མངོན་པར་འདུས་བྱས་པའི་ལས་ཀྱི་སྒྲིབ་པ་རྣམས་སྤངས་སོ། །རྣམ་པར་འབྱེད་པའི་ལེའུ་དང ། །སྒོ་མཐའ་ཡས་པས་བསྒྲུབ་པའི་གཟུངས་དང་ཡང་སྐྱེ་བ་ཐམས་ཅད་དུ་མ་བྲེལ་ཏེ། །ཆུང་དུ་ན་སེ་གོལ་གཏོགས་པ་ཙམ་ཡང་མ་བྲལ་བར་གྱུར་ཏོ། །གཞན་ཡང་དེ་བཞིན་གཤེགས་པ་ཞལ་གསལ་ཟླ་བ་དྲི་མ་མེད་པ་དཔལ་གྱི་སྙིང་པོ་གཟི་བརྗིད་ཅེས་བྱ་བ་བྱུང་སྟེ། དེས་དེ་ལ་ཏིང་ངེ་འཛིན་འདི་བསྟན་ཅིང་བཤད་པ་ན་ཚོང་དཔོན་གྱི་བུ་རྒྱ་ཆེར་མཛེས་ཤིང་བཀོད་པ་ལེགས་སེམས་ཀྱིས་དེ་ལ་ཉན་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། །ཆུང་མ་བདུན་ཅུ་དང ། དཔག་ཚད་གཅིག་ཁོར་ཡུག་ཙམ་གྱི་གཏེར་བཞི་དང ། སྐྱེད་མོས་ཚལ་བརྒྱ་ཕྲག་བཅོ་བརྒྱད་དག་སྤངས་ནས་དེ་གོས་བཀྲམ་པའི་ས་གཞི་ལ་རྐང་པ་ནམ་ཡང་འཇོག་པར་མ་གྱུར་ཏོ། །དེ་རབ་བྱུང་ནས་ལོ་ཁྲིའི་བར་དུ་བཤང་གཅི་དང་གྲ་ལ་མ་གཏོགས་པར་ནམ་ཡང་འདུག་པ་དང ། མཆིལ་ལྷམ་བགོས་མ་མྱོང་སྟེ། །རྨུགས་པ་དང་གཉིད་དང་བྲལ་ནས་འཆག་པ་ལ་མངོན་དུ་བརྩོན་པར་གྱུར་ཏོ། །དེ་ལོ་ཁྲི་པོ་དེ་དག་འདས་ནས་དེས་སངས་རྒྱས་ཐམས་ཅད་ 22a ༄#། །ཅད་ཀྱི་བཀའ་དང ། ངེས་བའི་ཚིག་དང ། དབྱངས་སྡུད་པ་བཞེས་བྱ་བའི་གཟུངས་དང ། སྒྲ་ཐམས་ཅད་ལ་འཇུག་པར་ཁོང་དུ་ཆུད་པ་ཞེས་བྱ་བའི་ཏིང་ངེ་འཛིན་ཐོབ་སྟེ། དེ་ལ་ལྷ་དྲུག་འབུམ་སྙེད་པོ་དེ་དག་ཀྱང་བསྙེན་བཀུར་བྱེད་པ་ལ་བརྩོན་པར་གྱུར་ཏོ། །ལུས་དང་སེམས་མཆོག་ཏུ་དག་པར་སྒྲུབ་པའི་ཚེ་ལྷོ་ཕྱོགས་ན་འཇིག་རྟེན་གྱི་ཁམས་ཡོན་ཏན་ཐམས་ཅད་ཀྱིས་རབ་ཏུ་བརྒྱན་པར་དེ་བཞིན་གཤེགས་པ་ཡིད་འཐད་ཅེས་བྱ་བར་ད་ལྟར་བྱང་ཆུབ་མངོན་པར་རྫོགས་པར་སངས་རྒྱས་སོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་གཉིས་པ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དཔེར་ན་གངྒཱའི་བྱེ་མ་སྙེད། །བསྐལ་པ་མཐའ་ཡས་དྲན་གྱུར་ཏེ། །གང་ཚེ་སྤོབས་པའི་དབྱངས་ཞེས་བྱ། །འཇིག་རྟེན་མགོན་པོ་བྱུང་བར་གྱུར། །དེ་ཡི་གསུང་རབ་དག་ལ་ནི། །དགེ་སློང་ཆོས་འཛིན་མཁས་པ་བྱུང ། །དེ་ཡིས་ཏིང་འཛིན་འདི་བཤད་པ། །རྒྱལ་པོའི་བུ་དེས་ཉན་ནས་ནི། །དེ་ཡི་གོས་ཀྱང་བསྐོན་བྱས་ཏེ། །ཡོངས་སུ་བསྔོ་བ་བྱས་ནས་ཀྱང ། །མགོན་པོ་སངས་རྒྱས་དེས་མཐོང་ནས། །ཚེ་དཔག་མེད་པ་བྱང་ཆུབ་འཐོབ། །སྔོན་གང་ལས་རྣམས་བྱས་གྱུར་པའི། །དེ་ཡི་རྣམ་ 22b པར་སྨིན་པ་དག་།ཡེ་ཤེས་ཕུང་པོ་འདི་ཐོས་པས། །མ་ལུས་པར་ནི་ཐམས་ཅད་ཟད། །གཞན་ཡང་སངས་རྒྱས་དྲི་མེད་ཟླས། །ཏིང་ངེ་འཛིན་ནི་བཤད་པ་ན། །ཚོང་དཔོན་བུ་ཡིས་ཉན་ནས་ནི། །ཁྱིམ་དག་སྤངས་ནས་ངེས་བྱུང་སྟེ། །གཉིད་དང་འདོད་པ་མེད་གྱུར་ཅིང ། །མཆིལ་ལྷམ་བགོས་པར་མ་གྱུར་པར། །དེ་ཡིས་ལོ་ནི་སྟོང་ཕྲག་བཅུར། ། ཏིང་ངེ་འཛིན་ནི་བསྒོམས་པ་བྱས། །འདི་ཐོས་ཙམ་གྱི་མོད་ལ་ནི། །བྱང་ཆུབ་མཆོག་ནི་ཐོབ་གྱུར་ཏེ། །ཕྱིར་ཞིང་ཁྱིམ་ནོར་འདོད་པ་དང ། །ལོངས་སྤྱོད་དག་ལ་དགའ་མ་གྱུར། ། སངས་རྒྱས་མཐའ་ཡས་དེས་མཐོང་ནས། །ཐམས་ཅད་དག་ལ་ཡོངས་ཞུས་ཏེ། །དེ་ཡིས་ཚུལ་ཀུན་འཇུག་པ་ནི། །མྱུར་བར་རྗེས་སུ་རྟོགས་པར་གྱུར། །ཏིང་འཛིན་འདི་ལ་སྦྱོར་བྱེད་དེས། །ཡིད་དུ་འཐད་ཅེས་བྱ་བ་ཡིན། །བསམ་པ་ཡོངས་སུ་རྫོགས་མཛད་པ། །བྱང་ཆུབ་དེ་ནི་མྱུར་དུ་འཐོབ། །ཕྱི་མའི་དུས་ན་འབྱུང་བ་ནི། །ཡེ་ཤེས་ཕྱག་རྒྱ་འདི་ཉན་ཀྱང ། །ལོངས་སྤྱོད་མེད་ཅིང་བདེ་བ་མེད། །རབ་ཏུ་བྱུང་བར་འདུན་པའང་མེད། །གཅིག་ལ་གཅིག་ནི་སྤྱོ་བ་དང ། །གཤེ་བ་དང་ནི་བསྡིགས་པ་དང ། །སྨོད་པ་དང་ནི་སྒྲོག་བྱེད་ཀྱང ། །སངས་རྒྱས་འགྱུར་བར་བྱ་ཞེས་ཟེར། །ཁྱིམ་ན་སྡུག་བསྔལ་སྟོང་ཡོད་པ། །བཟོད་འགྱུར་འདོད་པའི་རྒྱུ་དག་ལ། །ལྟོས་ནས་ཉོན་མོངས་བྲན་གྱུར་ཀྱང ། །སངས་རྒྱས་ 23a ༄#། །འགྱུར་བར་བྱ་ཞེས་ཟེར། །དེ་དག་གི་ནི་རྨི་ལམ་དུ། །སངས་རྒྱས་མཐོང་ནས་དབུགས་འབྱིན་ཅིང ། །མངོན་པའི་ང་རྒྱལ་འབྱུང་གཞན་ཡང ། ། ང་ལ་བྱང་ཆུབ་ཐེ་ཚོམ་མེད། །དོན་ཕྱིར་མ་ཡིན་དེ་དག་གིས། །མདོ་འདི་སྒྲ་ཙམ་ཉན་ནས་ཀྱང ། །དབུགས་དག་འབྱིན་བྱེད་བདག་གིས་ནི། །རིང་པོ་མི་ཐོགས་བྱང་ཆུབ་འཐོབ། །དེ་ཡི་ཡང་དག་ཚུལ་འདི་ནི། །ཇི་བཞིན་ཐོས་ཤིང་ཉན་བྱས་ཀྱང ། །འཛིན་མེད་ཕྱིར་ཞིང་ཆགས་མེད་པ། །བར་སྣང་གི་ནི་རླུང་བཞིན་ནོ། །འདི་ལ་མང་པོ་ཁ་ཅིག་དག་།བྱང་ཆུབ་དོན་ཕྱིར་རོ་བྱུང་ཡང ། །ཕན་ཚུན་ཤེས་ཁེའི་གཞི་དག་ལས། །ཉེས་པ་དག་ནི་བསྐྱེད་པར་འགྱུར། །ཤིན་ཏུ་དབུལ་ཞིང་ཤེས་རབ་དམན། །ཐོས་པ་ཙམ་གྱིས་ང་རྒྱལ་ཅན། །གཞན་ལ་སྙེམས་པར་བྱེད་པ་དེས། །བདག་གིས་བྱང་ཆུབ་མཐར་ཕྱིན་སྙམ། །སྐུ་གདུང་རྙེད་དང་འོད་མཐོང་དང ། །རྒྱལ་བ་མཆོད་པས་སྤུ་ཟིང་བྱེད། །བྱང་ཆུབ་ཐོབ་པར་ཤེས་འགྱུར་བས། །ཅུང་ཟད་ཙམ་གྱིས་ངོ་མཚར་བྱེད། །བྱང་ཆུབ་ཤིན་ཏུ་རིང་གྱུར་པའི། །གང་དེའི་གཡོ་འདི་དག་གིས་ཀྱང ། །ཉམས་པར་བྱས་ནས་ཕྱིར་ཞིང་ནི། །དེ་ཡི་རྒྱལ་བ་ཤིན་ཏུ་རིང ། །མདོ་འདི་དག་ནི་ཉན་ནས་ཀྱང ། །བྱང་ཆུབ་ཐོབ་པར་འགྱུར་ཤེས་ཤིང ། །ཚེ་དཔག་མེད་གྱུར་བལྟ་བྱ་སྙམ། ། 23b སངས་རྒྱས་མྱུར་དུ་བལྟ་བྱ་སྙམ། །དམིགས་པ་དག་ལ་གནས་པ་ཡི། །བྱང་ཆུབ་ཤིན་ཏུ་རིང་བ་སྟེ། །ཡང་དག་མཐའ་ལ་གང་མི་བརྩོན། །དེ་དག་ལ་ནི་ལུང་མི་བསྟན། །ཚོང་དཔོན་གྱི་ནི་བུ་འདི་ཡིས། །ནོར་མཛོད་གང་ཡིན་བཏང་མཐོང་ནས། །དེ་དག་རབ་ཏུ་བྱུང་ནས་ཕྱིས། །སློང་མོ་སྟེར་བའི་ཁྱིམ་ལ་ཆགས། །འདི་འདྲའི་ཏིང་ངེ་འཛིན་ནི་གང ། །མར་མེ་མཛད་ལས་ངས་སྔོན་ཐོས། །ཡང་དག་པ་ནི་མི་ཤེས་པ། །དེ་ནི་གང་ཡང་འབྱུང་མི་འགྱུར། །རིན་ཆེན་རིན་ཐང་མེད་འདོད་ཕྱིར། །རྒྱ་མཚོར་ཤ་ནའི་ཁུར་ཁྱེར་ལྟར། །བློན་པོ་དེ་དག་རབ་བྱུང་ནས། །ཤེས་ཁེའི་མཆོད་ལ་རག་ལས་སོ། །འདི་ལ་ཐོས་དང་ཚུལ་ཁྲིམས་དང ། །རབ་ཏུ་བྱུང་བས་དག་མི་འགྱུར། །བྱང་ཆུབ་ལམ་ནི་བསྒྲུབས་འདི་ལ། །བག་ཡོད་པར་ནི་གནས་པར་གྱིས། །ཕྱི་མའི་དུས་ན་གང་ཞིང་གིས། །བཤད་པའི་ཚེ་ན་ཉན་ནས་ཀྱང ། །དེ་ཉིད་ལ་ནི་རྙེད་བའི་རྒྱུས། །ཕྱིར་ཞིང་མི་སྙན་པ་དག་ཟེར། །མདུན་ནས་ཀྱང་ནི་ཕྱག་འཚལ་ལ། །ལེགས་སོ་ཞེས་ནི་སྦྱིན་བྱེད་ཅིང ། །དེ་ལ་ཆོས་གོས་དབུལ་བྱེད་ཀྱང ། །མི་སྙན་པ་དག་ཟེར་བར་འགྱུར། །མཆི་མ་དག་ཀྱང་བླགས་བྱས་ཤིང ། །བདག་ཉིད་དབུལ་བ་བྱས་ནས་ཀྱང ། །དགེ་འདུན་ནང་དུ་དེ་ལ་ནི། །སྡིག་པ་བྱེད་ཅེས་ཕྱིར་ཞིང་སྨྲ། །སློབ་དཔོན་ལ་ནི་མཆོད་མི་བྱེད། །བླ་མ་དག་ལ་རི་མོ་མེད། །ཅུང་ཟད་ཙམ་གྱིས་ཁྲོ་བྱེད་ 24a ༄#། །ཅིང ། །ཁྱིམ་སུན་འབྱིན་དང་ལྡན་པ་ཡིན། །ཕ་རོལ་བསོད་ནམས་མ་དད་ཅིང ། །རང་གི་སྐྱོན་ལ་མི་སེམས་པར། །གཞན་གྱི་མཆོད་པ་ཤེས་ནས་ནི། །ཕྲག་དོག་མི་བཟད་སྐྱེད་པར་བྱེད། །བདག་གིས་གདུགས་དང་རྒྱལ་མཚན་དང ། །ཆོས་གོས་དང་ནི་མེ་ཏོག་གིས། །སྐུ་གདུང་དག་ནི་མཆོད་བྱས་ནས། །བྱང་ཆུབ་ཐོབ་པར་འགྱུར་ཞེས་ཟེར། །མདོ་འདི་དག་ནི་ཉན་ནས་ཀྱང ། བདེ་བ་ཐམས་ཅད་སྤངས་བྱས་ཏེ། །སྒྲུབ་པ་དག་ལ་གནས་པ་ནི། །ང་ཡི་ཡང་དག་མཆོད་འདི་ཡིན། །དཔེར་ན་རབ་འབྱོར་མཆོད་བྱེད་ལྟར། །བདག་གི་ཕུང་པོ་སྤངས་ནས་ཀྱང ། །ཆོས་ཉིད་དེ་ལ་མཆོད་བྱེད་ཀྱི། །སྐུ་གདུང་གཟུགས་ལ་ཅི་ཞིག་མཆོད། །མདོ་འདི་སྒོམ་པར་བྱེད་པ་ན། ། སྲོག་ལ་དགའ་བ་སྤང་བྱ་སྟེ། །དགོན་པར་རྟག་ཏུ་གནས་བྱ་ཞིང ། །འཚོ་བའི་འཇིག་རྟེན་ཟད་པར་བྱ། །མཆོག་དགའ་རྒྱལ་པོ་ང་ལས་ནི། །སྒྲུབ་པ་དག་ནི་ཉན་ནས་ཀྱང ། །མི་དང་ལྷན་ཅིག་རྒྱ་བ་ན། །ནམ་ཡང་ཡིད་བརྟན་མི་བྱ་སྨྲ། །འདི་བདེན་འདི་ནི་མི་བདེན་ཞེས། །བདག་སྨྲ་བ་ན་དེ་དག་ནི། །དགའ་བས་མི་སྙན་བརྗོད་བྱེད་པ། །དེ་ཚེ་བདག་ནི་ཉམས་པར་འགྱུར། །བྱང་ཆུབ་མཆོག་ལ་ཕྱིར་ཞིང་ནི། །ཤེས་ཁེའི་སྤྱོད་ཡུལ་འདུན་པ་མེད། །དེ་དག་བྱང་ཆུབ་བཀུར་སྟི་ཅན། །དེ་དག་རྣམ་གྲོལ་ཤིན་ཏུ་རིང ། །སྡོམ་པས་ 24b བསྒྲུབས་ཏེ་ངས་ཐོབ་པ། །ང་ཡི་བདག་ཉིད་ཆེན་པོ་དང ། །རྫུ་འཕྲུལ་གང་ཡང་རུང་བདག་།འདི་དག་ཐམས་ཅད་འདིར་མཐོང་ངམ། །ཤེས་ཀྱི་ཁེ་དང་རྙེད་སྤངས་ནས། །རི་དྭགས་བཞིན་དུ་དགོན་པ་ན། །དབེན་པ་དག་ཏུ་བསྟེན་བགྱིས་ཏེ། །ས་དང་ཚུལ་ཁྲིམས་གཟུངས་རྣམས་སྤྱོད། །བདེན་མིན་ངས་ནི་མ་སྨྲས་པ། །ཁྱོད་ལ་བྱིན་གྱིས་བརླབ་བྱ་སྟེ། །ཕྱེ་དུས་མི་ཟད་པ་ཡི་ཚེ། །མདོ་སྡེ་འདི་ཡང་ཁྱོད་ལ་ནི། །ཚེ་དཔག་མེད་དང་འཇིག་རྟེན་མགོན། །མི་འཁྲུགས་དེ་བཞིན་འོད་ཟེར་གཏོང ། །དེ་ལ་བྱེ་བ་དྲུག་ཅུ་པོ། །སངས་རྒྱས་འཁོར་བཅས་ཀུན་མཐོང་ངམ། །སྟོན་པ་འཁོར་བཅས་དེ་དག་ནི། །ཕྱི་མའི་དུས་ན་ཆོས་ཀྱང་སྐྱོང ། །མདོ་འདི་ཆོས་ཀྱི་ཕྱག་རྒྱ་སྟེ། །ཕྱི་མའི་ཚེ་ན་སྒྲུབ་པར་འགྱུར། །ཡོངས་སུ་གཏད་པ་འདི་ཉན་ཚེ། ། སྟོང་གསུམ་དག་ཀྱང་གཡོས་གྱུར་ཏེ། །ལྷ་ཡིས་ལེགས་སོ་ཞེས་བྱིན་ཞིང ། །མེ་ཏོག་མང་པོའི་ཆར་བ་བབ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་བྱང་ཆུབ་སེམས་དཔའ་སུམ་ཁྲི་དང་ལྷན་ཅིག་ཏུ་ལུས་འདར་ལ་མཆི་མ་ཟག་ཅིང་སྐྱེ་བུང་ཞེས་བྱེད་ལ། མཆན་ཁུང་ནས་རྡུལ་བྱུང་བཞིན་དུ་སྟན་ལས་ལངས་ཏེ་བཅོམ་ལྡན་འདས་ག་ལ་བདེར་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་ཚིག་མཐུན་པར་འདི་སྐད་ཅེས་གསོལ་ཏོ། །བཅོམ་ལྡན་འདས། སླད་མའི་དུས་ན་བརྡེག་བཙོག་ལ་ཉེ་བར་གནས་ 25a ༄#། །པ་དང ། །ཆོས་སྨྲ་བ་ལ་བརྙས་པ་དང ། ཐམས་ཅད་མཁྱེན་པའི་ཡེ་ཤེས་མ་མཆིས་པ་དང ། བསྟན་པ་འཇིག་པ་དང ། ཡེ་ཤེས་མཐོང་བ་ཆུང་བ་དང ། ཆོས་དཀར་པོ་རྣམ་པར་གཞིག་པ་དང ། འཚོ་བའི་མཐར་གྱུར་པ་དེའི་ཚེ་ན་ལུས་དང་སྲོག་ཡོངས་སུ་བཏང་སྟེ། བདེ་བར་གྲགས་པ་ཐམས་ཅད་བདག་གིས་རལ་གྲི་ལྟ་བུས་གཅད་པར་བགྱི་ཞིང་དེ་བཞིན་གཤེགས་པའི་ལམ། གཏེར་སྣ་ཚོགས་པ། སྤོབས་པ་ཕྱིན་ཅི་མ་ལོག་པ། ཕྱག་རྒྱ། དགེ་བའི་རྩ་བ་ལེགས་པར་སྡུད་པའི་རྒྱ་མཚོ།་གཟུངས་ཀྱི་རིགས་བདུད་ཟིལ་གྱིས་གནོན་པ། ཐམས་ཅད་མཁྱེན་པ་ཉིད་དུ་བསྒྲུབ་པ་ལ་རྗེས་སུ་རྟོགས་པའི་མདོ་སྡེ་འདི་དང་འདི་ལྟ་བུ་དག་བྲིས་ནས་འཆང་པ་དང ། སྟོན་པར་བགྱིད་ལགས་སོ། །བཅོམ་ལྡན་འདས། བདག་ཅག་སེམས་ཅན་དམྱལ་བ་ན་མཆིས་སུ་ལགས་ཀྱང་ཏིང་ངེ་འཛིན་རིན་པོ་ཆེ་འདིའི་སླད་དུ་ནི་སྤྲོ་བར་བགྱིད་ལགས་སོ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །འཇིག་རྟེན་མགོན་པོ་མ་གཏོགས་པར། ། དབང་གཞན་སུ་ཡང་མ་མཆིས་ན། །ཅི་ནས་བྱང་ཆུབ་བདག་འདུན་དང ། །བདག་གི་བསམ་པ་མཁྱེན་ལགས་སམ། །རྒྱལ་བ་སླད་དུས་འཇིགས་ཆེན་ཚེ། །བདག་གི་ 25b ལུས་དང་སྲོག་དག་ནི། །མ་ལུས་པར་ནི་སྤངས་གྱུར་ཀྱང ། །ཏིང་ངེ་འཛིན་འདི་གཟུངས་པར་བགྱི། །གལ་ཏེ་བསྐལ་པ་ཚད་མེད་པར། །སེམས་ཅན་དམྱལ་གནས་མཆིས་གྱུར་ཀྱང ། །ཏིང་ངེ་འཛིན་འདི་འཆང་བ་དང ། །རྟག་ཏུ་དེ་ལ་སྤྲོ་བར་བགྱི། །སེམས་ཅན་ཐམས་ཅད་གཉེར་ནས་ནི། །ཟང་ཟིང་མ་མཆིས་ཆོས་བསྟན་བགྱི། །འདུ་བྱེད་ཐམས་ཅད་སྤངས་ནས་ཀྱང ། །སྲོག་ཆགས་རྣམས་ཀྱི་དོན་དག་བགྱི། །སླད་དུས་ཉེ་བར་གནས་པ་ན། །བདག་གི་ལུས་སྲོག་རུས་པ་དང ། །ཤ་དང་ཆུ་རྒྱུས་ཞིག་ཀྱང་རུང ། །བདག་གིས་ལེ་ལོ་མི་བགྱིའོ། ། བཤེས་འཕྲིན་ཐམས་ཅད་སྤངས་ནས་ནི། །དགོན་གནས་དག་ཏུ་མཆིས་བགྱི་ཞིང ། །བྱམས་པས་སེམས་ཅན་ཁྱབ་བགྱི་སྟེ། །ནད་མེད་འགྱུར་བའི་སྨན་སྩལ་བགྱི། །སྤྱོད་ཡུལ་ལོག་པ་གང་དེ་དག་།དེ་དག་གིས་ནི་མི་བསླབ་ཅིང ། །ཅི་ནས་མདོ་འདི་སྤྱད་པ་ཡང ། །ཡང་དག་ཇི་བཞིན་སྤྱད་པར་བགྱི། །ཇི་ལྟར་སངས་རྒྱས་མཁྱེན་པ་ལྟར། །རྟག་ཏུ་བག་མཆིས་པར་ཡང་བགྱི། །འདི་ལ་ཐོག་མར་མཆི་བ་བདག་།སེམས་ཅན་རྣམས་ལའང་སྤྲོ་བར་བགྱི། །ཞུགས་ཀྱི་ཕུང་པོར་མཆོངས་ཀྱང་རུང ། །འཇིགས་ཆེན་སྨོན་ཆོས་འཚལ་ཀྱང་རུང ། གྲགས་པ་དང་ནི་མཆོད་སླད་དུ། བྱང་ཆུབ་མཆོག་ནི་སྟོན་མི་བགྱིད། །ཆོས་ཀྱི་རྣམ་གྲགས་འདི་བཤད་པ་ན་གངྒཱའི་ཀླུང་བདུན་ཅུའི་བྱེ་མ་དང་མཉམ་པའི་སེམས་ 26a ༄#། །ཅན་གང་དག་འཇིག་རྟེན་གྱི་ཁམས་གྲངས་མེད་པ་ནས་ལྷགས་ཏེ་དེ་དག་གིས་འདི་ཐོས་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །བྱང་ཆུབ་སེམས་དཔའ་སྟོང་པོ་དེ་དག་ཐམས་ཅད་ཀྱིས་ཀྱང་ཏིང་ངེ་འཛིན་འདི་ཐོབ་བོ། །ཕྱི་མའི་ཚེ་ན་གང་དག་ཆོས་སྨྲ་བ་ལྷ་འབུམ་ཕྲག་བཅུ་པོ་དེ་དག་ཀྱང་སྤྲོ་བར་མཛད་ནས་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷ་དུང་ཕྱུར་ཕྲག་བདུན་པོ་བདག་ཀྱང་གང་དག་ཆོས་རྣམས་ལ་ཆོས་ཀྱི་མིག་རྣམ་པར་དག་གོ་།འཁོར་བཞི་པོ་མིའི་སྐྱེ་རྒུ་བྱེ་བ་ཕྲག་བཅོ་བརྒྱད་དག་གིས་ཀྱང་གང་དག་ཆོས་རྣམས་ལ་ཆོས་ཀྱི་མིག་སྐྱེས་སོ། །ངན་སོང་གསུམ་པོ་ཐམས་ཅད་ཀྱང་རབ་ཏུ་ཞི་བར་གྱུར་ཏོ། །བཅོམ་ལྡན་འདས་ཀྱི་འོད་ཀྱིས་ཀྱང་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་དང་མཉམ་པ་དག་ཏུ་སྣང་བར་གྱུར་ཏོ། །དེའི་མདོ་ལ་སྲིད་པའི་རྩེ་མོ་ནས་མནར་མེད་པའི་བར་གྱི་སེམས་ཅན་ཐམས་ཅད་བདེ་བར་གྱུར་ཏོ། །བཅོམ་ལྡན་འདས་ཀྱི་འོད་དེ་ལས་རིན་པོ་ཆེ་བཀོད་པ་མཐའ་ཡས་པའི་པདྨ་འདབ་མ་འབུམ་ཡོད་པ་བྱེ་བ་ཁྲག་ཁྲིག་བྱུང་བར་གྱུར་ནས་པདྨ་ཐམས་ཅད་ལའང་བཅོམ་ལྡན་འདས་ཤཱཀྱ་ཐུབ་པ་ཇི་ལྟ་བ་བཞིན་དུ། དེ་བཞིན་གཤེགས་པ་རྣམས་འཁོར་དེ་ལྟ་བུ་དག་དང་ 26b བཞུགས་ཏེ། མཆོག་ཏུ་དགའ་བའི་རྒྱལ་པོའང་ཐམས་ཅད་ལ་གསོལ་བ་འདེབས་ལ། །སངས་རྒྱས་དེ་དག་ཐམས་ཅད་ཀྱིས་ཀྱང་ཏིང་ངེ་འཛིན་འདི་བཀའ་སྩལ་ནས་སེམས་ཅན་གྲངས་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་མཛད་དོ། །འདི་ནི་བྱང་ཆུབ་སེམས་དཔའི་སྤྱོད་པ་ལ་འཇུག་པ་སྟོན་པ་སྤྱོད་པ་ཡོངས་སུ་དག་པར་བྱེད་པ་ཞེས་བྱ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་བཀའ་སྩལ་པ། མཆོག་ཏུ་དགའ་བའི་རྒྱལ་པོ། དེ་ལྟ་བས་ན། སྦྱིན་པ་ལྷུར་མ་བྱེད་པར་ཆོས་ལ་མཆོད་པ་བྱ་བའི་ཕྱིར་ནི་མཆོད་པ་གྱིས་ཤིག་།མཆོག་ཏུ་དགའ་བའི་རྒྱལ་པོ།་སྔོན་བྱུང་བ་འདས་པའི་དུས་བསྐལ་པ་གྲངས་མེད་པ་མང་པོ་དག་བྱུང་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་སྡུག་མཛེས་པ་རྣམ་པར་ངེས་པའི་འོད་ཀྱི་གཟི་བརྗིད་ཀྱི་རྒྱལ་པོ་ཞེས་བྱ་བ་ཞིག་བྱུང་སྟེ། སྐུ་ཚེའི་ཚད་ནི་དཔག་ཏུ་མེད་དོ། །སངས་རྒྱས་ཀྱི་ཞིང་གི་བཀོད་པ་ནི་མཐའ་ཡས་སོ། །འཁོར་ནི་གྲངས་མེད་དོ། །ཕྱི་མའི་དུས་ལྔ་བརྒྱ་པ་ཐ་མའི་ཚེ་དེའི་ཆོས་སྨྲ་པ་རིན་པོ་ཆེའི་ལུས་མཐའ་ཡས་པར་གྲགས་པ་སྤྱོད་པའི་མཛོད་ཅེས་བྱ་བ་ཞིག་བྱུང་ 27a ༄#། །བར་གྱུར་ཏེ། དེ་ཏིང་ངེ་འཛིན་འདི་སྟོན་པ་ན་དགེ་སློང་གཞན་དག་གིས་བསྟན་པ་ཐམས་ཅད་ལས་བསྙིལ་བར་གྱུར་ཏོ། །དེ་ནས་ཆོས་སྨྲ་བའི་ཞུམ་པ་མེད་པའི་སེམས་ཀྱིས་ལུས་དང་སྲོག་ལ་མི་བལྟ་བར་འདི་ལྟར་དུར་ཁྲོད་དུ་གནས་བཅས་ནས་རྩ་བ་དང་འབྲས་བུ་ཟ་ཞིང་ཏིང་ངེ་འཛིན་འདི་བསྟན་པའི་ཚེ་དེ་ལས་ཆོས་མཉན་པའི་ཕྱིར་རྒྱལ་ཆེན་བཞིའི་རིས་ཀྱི་ལྷ་དག་ནས་བཟུང་སྟེ་འོག་མིན་གྱི་བར་གྱི་ལྷ་རྣམས་ལྷགས་སོ། །དེའི་ཚེ་འཁོར་ལོས་བསྒྱུར་བའི་རྒྱལ་པོ་སྐྱེ་བོ་མང་པོ་མངོན་པར་དགའ་ཞིང་མྱ་ངན་མེད་པའི་ང་རོ་ཞེས་བྱ་བ་ཞིག་བྱུང་སྟེ། དེས་ཆོས་སྨྲ་བ་དེ་ལས་ཏིང་ངེ་འཛིན་འདི་ཉན་ཏོ། །ཉན་ནས་ཀྱང་ཆོས་སྨྲ་བ་དེ་ལ་མི་འཇིགས་པ་བྱིན་ཏེ། དགེ་སློང ། སངས་རྒྱས་ཀྱིས་ཡང་དག་པར་བཀའ་སྩལ་པའི་ཏིང་ངེ་འཛིན་འདི་སྟོན་ཅིག། བདག་ནི་ཁྱོད་ལ་སྲུང་ཞིང་སྐྱོབ་པ་ལགས་སོ། །དེས་བུ་སྟོང་ཡང་དེའི་སྲུང་མར་བཀོད་ལ།་ཐོགས་པ་མེད་པའི་སེམས་ཀྱིས་སྲོག་ཆགས་སུམ་ཁྲི་ཞིག་ཀྱང་བདེ་བའི་ཡོ་བྱད་ཐམས་ཅད་སྦྱོར་དུ་བཅུག་གོ། །ཆོས་སྨྲ་བ་བདེ་བར་གནས་པར་བྱས་པ་དེས་ཀྱང་བསྐལ་པ་ཕྱེད་ཀྱི་བར་དུ་ཏིང་ངེ་འཛིན་འདི་བསྟན་ཏེ། དགེ་བའི་རྩ་བ་དེ་བྱས་པས་ཆོས་སྨྲ་བ་དང ། རྒྱལ་པོ་བུ་དང་བཅས་ཤིང་སྐྱེ་བོའི་འཁོར་དང་བཅས་པ་དང ། ཚོགས་པ་ 27b ཐམས་ཅད་ཀྱིས་བསྐལ་པ་བརྒྱད་ཅུར་སངས་རྒྱས་གཏམས་པ་བྱེ་བ་སུམ་ཁྲི་མཉེས་པར་བྱས་ཏེ་ཐམས་ཅད་ལས་ཏིང་ངེ་འཛིན་འདི་ཐོབ་བོ། བསམ་པ་ཇི་ལྟ་བ་བཞིན་དུ་སངས་རྒྱས་ཀྱི་ཞིང་ཡང་ཡོངས་སུ་འཛིན་པར་འགྱུར་ཏོ། །མཆོག་ཏུ་དགའ་བའི་རྒྱལ་པོ། དེའི་ཚེ་ན་ཆོས་སྨྲ་བ་དེ་གལ་ཏེ་ཁྱོད་གཞན་ཞིག་ཡིན་པ་སྙམ་དུ་སེམས་ན། དེ་དེ་ལྟར་མི་བལྟ་སྟེ། དེ་བཞིན་གཤེགས་པ་ཚེ་དཔག་མེད་ནི་ཆོས་སྨྲ་བ་དེར་གྱུར་ཏོ། །དེ་བཞིན་གཤེགས་པ་མི་འཁྲུགས་པ་ནི་འཁོར་ལོས་བསྒྱུར་བའི་རྒྱལ་པོར་གྱུར་ཏོ། ། བསྐལ་པ་བཟང་པོ་པའི་སངས་རྒྱས་སྟོང་ནི་རྒྱལ་པོའི་བུ་རྣམས་སུ་གྱུར་ཏོ། །མཆོག་ཏུ་དགའ་བའི་རྒྱལ་པོ་ལ་སོགས་ཏེ་བྱང་ཆུབ་སེམས་དཔའ་སུམ་ཁྲི་པོ་འདི་དག་ནི་འདི་ལྟར་ཆོས་སྨྲ་བ་དེའི་བསམ་པ་ཇི་ལྟ་བ་བཞིན་བདེ་བར་སྦྱོར་བ་དང ། སྲུང་ཞིང་སྐྱོང་བར་གྱུར་ཏོ། །མཆོག་ཏུ་དགའ་བའི་རྒྱལ་པོ། འདི་ནི་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་ཡིན་ཏེ། དེ་ལྟ་བས་ན། ཡང་དག་པར་སྒྲུབ་པར་གནས་པས་བྱང་ཆུབ་སེམས་དཔའི་ཏིང་ངེ་འཛིན་འདི་ནི་གུས་པ་དང་བཅས་པར་ཟུངས་ཤིག ། ཆོངས་ཤིག། ལྷོགས་ཤིག། བྲི་བར་གྱིས་ཤིག། སྟོན་ཅིག་།དེ་ནས་བཅོམ་ལྡན་འདས་ཀྱིས་དེའི་ཚེ་ཚོགས་སུ་བཅད་པ་འདི་དག་བཀའ་སྩལ་ཏོ། །གང་གིས་བསྐལ་པ་ 28a ༄#། །བྱེ་བ་སྟོང་ཚང་བར། །སེམས་ཅན་ཀུན་ལ་བདེ་བ་བྱིན་པ་བས། །ལ་ལས་བྱང་ཆུབ་མཆོག་སེམས་གཅིག་བསྐྱེད་པ། །དེ་ཡི་བསོད་ནམས་དཔེར་ཡང་བཟོད་མི་འགྱུར། །ཕྱོགས་བཅུ་དག་ན་སེམས་ཅན་ཇི་སྙེད་པ། །དེ་དག་ཐམས་ཅད་རང་རྒྱལ་གྱུར་དེ་ལ། །འདེ་བ་ཀུན་གྱིས་བསྐལ་པར་བཀུར་བྱས་ཀྱང ། །འདི་ལྟར་བྱང་ཆུབ་མཆོག་ཙམ་བསོད་ནམས་མེད། །འཇིག་རྟེན་སེམས་ཅན་ཀུན་སངས་རྒྱས་གྱུར་ཏེ། །དེ་དག་བསམ་པ་ཇི་བཞིན་བསྐལ་མཆོད་པས། །ལ་ལས་བྱང་ཆུབ་མཆོག་སེམས་གཅིག་བསྐྱེད་པ། །དེ་ཡི་བསོད་ནམས་དཔེར་ཡང་བཟོད་མི་འགྱུར། །གང་གིས་སངས་རྒྱས་ཆོས་རྣམས་བསྲུང་བའི་ཕྱིར། །ཚིག་བཞིའི་ཚིགས་བཅད་མི་ཡིས་གུས་བྱེད་པས། །ལ་ལས་བྱང་ཆུབ་ཡོངས་སུ་བསྲུང་བའི་ཕྱིར། །བྱང་ཆུབ་སེམས་ཀྱི་བསོད་ནམས་དེ་འདྲ་མེད། །འཇིག་རྟེན་ཁམས་འདིའི་སེམས་ཅན་གང་སུ་དག། དེ་དག་ཐམས་ཅད་བྱང་ཆུབ་བཀོད་པ་བས། །ལ་ལས་ཕུང་པོ་མེད་པའི་ཚིག་ཉན་ན། །སྐྲག་མེད་དེ་ཡི་བསོད་ནམས་ཁྱད་པར་འཕགས། །གངྒཱའི་ཀླུང་ཕྲག་བྱེ་བ་བྱེ་སྙེད་ཀྱི། །བསྐལ་པར་བྱང་ཆུབ་སེམས་དཔས་རིན་པོ་ཆེ། །འབྱོར་བ་ཀུན་གྱིས་ཞིང་བཀང་སྤྱིན་བྱིན་པས། །ལ་ལས་བྱང་ཆུབ་བསྲུངས་འདི་ཁྱད་པར་འཕགས། །རྒྱལ་བས་གནང་ 28b བའི་བྱང་ཆུབ་བསྲུང་བྱ་བ། །བསམ་གྱིས་མི་ཁྱབ་པ་ཡི་ཏིང་འཛིན་འདི། །གང་ཞིག་ཚིག་བཞིའི་ཚིགས་བཅད་བསྲུང་དེའི། །ཚིག་ཀུན་གྱིས་ནི་བརྗོད་པར་མི་ནུས་སོ། །གང་ཞིག་ཏིང་འཛིན་འདི་བྲིས་འཆང་བྱེད་པ། །དུས་བྱེད་ཚེ་ན་སངས་རྒྱས་ཕལ་ཆེན་མཐོང ། །དེ་ནི་དྲན་ལྡན་གཞར་ཡང་རྨོངས་པ་མེད། །གང་དུ་འདོད་པ་དེར་ནི་སྐྱེ་བ་ལེན། །ཏིང་འཛིན་རྒྱལ་པོ་ལ་ནི་དགའ་བྱེད་པ། །བྱང་ཆུབ་མ་ཐོབ་བར་དུ་ལུས་བདེ་ཞིང ། །དེ་བཞིན་སེམས་བདེ་མཐོ་རིས་སུ་ཡང་འགྲོ་།འཕགས་དང་ཕྲད་ཅིང་སྡུག་བསྔལ་གཞར་མི་མྱོང ། །རྒྱལ་བ་རྣམས་ཀྱི་མཛོད་ཡིན་འོད་མཐའ་ཡས། །སྒོ་མོ་སྟོང་ཕྲག་ཁྲི་ལ་འདུག་པ་དག་།སྟོབས་མཆོག་གནས་ཏེ་ང་ཡིས་བསྟན་པར་བྱས། །ཏིང་འཛིན་བྱང་ཆུབ་འདི་ལ་སྦྱོར་བར་གྱིས། །ངས་ནི་ཚིག་གིས་བརྗོད་ནུས་དེ་སྙེད་དོ། །ཁྱོད་ཀྱིས་བྱ་བ་དག་ནི་འདི་ཡིན་ཏི། །ཛི་སྲིད་བར་དུ་དེར་འདུག་སྦྱོར་གྱིས་དང ། །ཕྱི་མའི་དུས་ན་གདུངས་པར་མི་འགྱུར་རོ། །ཇི་ལྟར་ལག་ཏུ་འོངས་བཞིན་ངས་བཤད་དེ། །ལྷག་པའི་བསམ་པས་སྤྱོད་པ་སྦྱོར་གྱིས་ཤིག་།བྱམས་པས་བྱ་བ་མང་པོ་ངས་བྱས་པས། །ཕ་ཡིས་བུ་ལ་གདམས་པ་བཞིན་དུ་བྱ། །དེ་ནས་བཅོམ་ལྡན་འདས་ཀྱིས་ཏིང་ངེ་འཛིན་འདི་བསྟན་ནས་ཏིང་ངེ་འཛིན་འདི་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་མཆོག་ཏུ་དགའ་ 29a ༄#། །བའི་རྒྱལ་པོའང་སྙོམས་པར་ཞུགས་ཏེ་ཏིང་ངེ་འཛིན་འདི་ཞག་བདུན་དུ་ཆོས་རབ་ཏུ་རྣམ་པར་འབྱེད་པས་རབ་ཏུ་རྣམ་པར་འབྱེད་དོ། །དེ་ནས་ཡངས་པ་ཅན་གྱི་ནང་རོལ་ན་ལི་ཙ་བའི་བརྒྱད་ཁྲི་བཞི་སྟོང་དང ། ཡངས་པ་ཅན་གྱི་ཕྱི་རོལ་ན་ལི་ཙ་བའི་བརྒྱད་ཁྲི་བཞི་སྟོང་འཁོད་པ་དག་འདི་སྙམ་དུ་སེམས་པར་གྱུར་ཏེ། སྐྱེ་བོ་མང་པོ་ལ་ཕན་པའི་ཕྱིར་དང ། སྐྱེ་བོ་མང་པོ་ལ་བདེ་བའི་ཕྱིར་དང ། འཇིག་རྟེན་ལ་ཐུགས་བརྩེ་བའི་ཕྱིར་དང ། ལྷ་དང་མི་རྣམས་ལ་ཕན་པ་དང ། བདེ་བའི་དོན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ནང་དུ་ཡང་དག་འཇོག་ལ་ཞུགས་པ། དེ་བཞིན་གཤེགས་པའི་ཏིང་ངེ་འཛིན་ལས་བཞེངས་པར་བདག་ཅག་གི་ནང་ནས་སུས་གསོལ་བ་གདབ་སྙམ་མོ། །དེ་ནས་ནང་རོལ་ན་འཁོད་པའི་ལི་ཙ་བའི་རྣམས་ཚེ་དང་ལྡན་པ་ཤཱ་རིའི་བུ་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། བཙུན་པ་ཤཱ་རིའི་བུ། ཚེ་ཐུང་བའི་དུས་ན་སངས་རྒྱས་འབྱུང་བའང་དཀོན་ལ། དད་པའང་དཀོན་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཉམ་པར་བཞག་པ་ 29b དེ་བདག་ཅག་ལ་ཐུགས་བརྩེ་བའི་སླད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཏིང་ངེ་འཛིན་དེ་ལས་ལེགས་པར་བཞེངས་སུ་གསོལ་ཅིག ། དེ་ནས་ཚེ་དང་ལྡན་པ་ཤཱ་རིའི་བུས་ལི་ཙ་བའི་དེ་དག་ལས་ཚེག་དེ་ཐོས་ནས་བཅོམ་ལྡན་འདས་ག་ལ་བ་དེར་སོང་སྟེ་བཅོམ་ལྡན་འདས་བསམ་གཏན་གྱིས་བསམ་གཏན་དུ་ཞུགས་ཤིང ། ཏིང་ངེ་འཛིན་གྱིས་ཏིང་ངེ་འཛིན་དུ་ཞུགས་པ་དག་བཙལ། ཡོངས་སུ་བཙལ་ཀྱང་དེ་བཞིན་གཤེགས་པའི་གནས་པ་མངོན་པར་མ་རྟོགས་སོ། །དེ་ནས་ཚེ་དང་ལྡན་པ་ཤཱ་རིའི་བུ་གནས་བརྟན་མཽངྒལ་གྱི་བུ་ཆེན་པོ་ག་ལ་བ་དེར་སོང་སྟེ། ལི་ཙ་བའི་རྣམས་ཀྱི་བསམ་པ་དང ། རང་བཞིན་དེ་ཉིད་སྨྲས་སོ། །དེ་ནས་མཽངྒལ་གྱི་བུ་ཆེན་པོས་རྫུ་འཕྲུལ་གྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་ནས་དེ་བཞིན་གཤེགས་པ་ཏིང་ངེ་འཛིན་ལས་བཞེངས་པར་གསོལ་བའི་ཕྱིར་ཚངས་པའི་འཇིག་རྟེན་མན་ཆད་དབྱངས་ཀྱིས་གོ་བར་བྱས་ཀྱང་མ་བཞེངས་སོ། །དེ་བཞིན་དུ་ཚེ་དང་ལྡན་པ་ཤཱ་རིའི་བུ་དང ། ཚེ་དང་ལྡན་པ་མཽངྒལ་གྱི་བུ་ཆེན་པོ་དང ། ཀུན་ཤེས་ཀཽཎྜི་ནྱ་དང ། ཚེ་དང་ལྡན་པ་བཟང་པོ་དང ། ལག་བཟང་དང ། མིང་ཆེན་དང ། བ་ལང་བདག་དང ། སྒྲ་གཅན་འཛིན་དང ། གང་པོ་དང ། རབ་འབྱོར་དང ། ཀཱ་ཏྱཱའི་ 30a ༄#། །བུ་དང ། འོད་སྲུང་དང ། ཀུན་དགའ་བོ་དང ། གང་པོ་ངན་དང ། ཀ་པི་ན་ཆེན་པོ་དང ། ཉེ་བར་འཁོར་དང ། བྱང་ཆུབ་སེམས་དཔའ་བྱམས་པའང་བྱང་ཆུབ་སེམས་དཔའ་ལྔ་སྟོང་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་ལྷགས་ཏེ། བཅོམ་ལྡན་འདས་ལ་འཁོར་བར་བསྐོར་ནས་རང་རང་གི་སྟན་ལ་འཁོད་དོ། །རྒྱལ་པོ་ཆེན་པོ་བཞི་རྣམས་དང ། ལྷའི་དབང་པོ་བརྒྱ་བྱིན་དང ། ཤིན་དུ་འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷའི་བུ་རྣམས་ཀྱང་འདོད་པ་ན་སྤྱོད་པའི་ལྷའི་བུ་དཔག་ཏུ་མེད་པ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཉིད་ལ་འདུད་ཅིང་ཕྱོགས་གཅིག་ཏུ་འཁོད་པར་གྱུར་ཏོ། །ཚངས་པ་དང ། འོད་གསལ་དང ། དགེ་རྒྱས་དང ། འབྲས་བུ་ཆེ་བ་ནས་གནས་གཙང་མའི་རིས་ཀྱི་ལྷའི་བར་དུ་དེ་བཞིན་དུ་སྦྱར་ཏེ། །ལྷའི་བུ་དཔག་ཏུ་མེད་པ་དག་དང་ལྷན་ཅིག་ཏུ་བཅོམ་ལྡན་འདས་ཉིད་ལ་འདུད་ཅིང་ཕྱོགས་གཅིག་ཏུ་འཁོད་པར་གྱུར་ཏོ། །དེའི་ཚེ་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་དེ་ཞག་བདུན་དུ་ཡིད་ལ་གཞན་མི་བྱེད་པར་ནང་དུ་ཡང་དག་འཇོག་ལ་ཞུགས་པར་གྱུར་ཏོ། །དེས་ 30b ཞག་བདུན་འདས་པ་དང་བསམ་དཔྱད་དེ་ནང་དུ་ཡང་དག་འཇོག་ལས་ལངས་ནས་བྱང་ཆུབ་སེམས་དཔའ་ཡོན་ཏན་ལ་དབང་དུ་གྱུར་པ་དག་དང ། འཁོར་གྱི་ཁྱམས་ག་ལ་བ་དེར་དོང་སྡེ་ལྷགས་ནས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ནས་སྟན་ལ་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་མཁྱེན་བཞིན་དུ་བཞེངས་ཏེ་ཐམས་ཅད་དང་ལྡན་པའི་འཁོར་གླང་པོ་ཆེའི་ལྟ་སྟངས་ཀྱིས་གཟིགས་ནས་ཅང་མི་གསུང་བར་བཞུགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཆོས་ཀྱི་བཀའ་མཆིད་འབེལ་བ་བཀའ་སྩལ་པའི་དུས་ལ་བབ་སྟེ། དེ་ལྟ་ལགས་པས། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཁྱོད་ཅི་དང་ཅི་འདོད་པ་དེ་བཞིན་གཤེགས་པ་ལ་ཞུས་ཤིག་དང ། ངས་ཞུ་བ་ཞུས་པ་དེ་དང་དེ་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང ། བྱང་ཆུབ་ 31a ༄#། །སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏེ། བཅོམ་ལྡན་འདས། འདི་ན་བདག་གཅིག་བུ་དབེན་བར་ཞུགས་ཏེ་ནང་དུ་ཡང་དག་འཇོག་ལ་ཞུགས་པ་ན་འདི་སྙམ་དུ། གང་དག་བྱང་ཆུབ་སེམས་དཔའ་འདི་དག་བྱང་ཆུབ་ཀྱི་དོན་དུ་ཡང་དག་པར་འགྲུབ་པར་འགྱུར་བ་དང ། དེ་དག་བྱང་ཆུབ་ཀྱི་དོན་དུ་ཕ་རོལ་ཏུ་ཕྱིན་པ་དག་གིས་དགེ་བའི་རྩ་བ་གསོག་པར་འགྱུར་རོ་སྙམ་བགྱིད་ན། བཅོམ་ལྡན་འདས། དེ་ལ་ཕ་རོལ་ཏུ་ཕྱིན་པ་སེམས་ཅན་རྣམས་ལ་ཕན་འདོགས་པ་ཞིག་གམ། ཕ་རོལ་ཏུ་ཕྱིན་པ་བྱང་ཆུབ་ལ་ཕན་འདོགས་པ་ཞིག་གམ། ཕ་རོལ་ཏུ་ཕྱིན་པ་ཟག་པ་དང་བཅས་པ་ཞིག་གམ། ཕ་རོལ་ཏུ་ཕྱིན་པ་ཟག་པ་མེད་པ་ཞིག་གམ་ཞེས་དེ་ལྟར་བརྟགས་ཏེ། ཅི་ནས་ཀྱང་ཕ་རོལ་ཏུ་ཕྱིན་པ་གང་ལ་བྱང་ཆུབ་སེམས་དཔའ་ཡང་དག་པར་འཕེལ་བ་དང ། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ཚུལ་ཐོག་མ་དང ། བར་དང ། ཐ་མའི་བར་ལེགས་པར་གཟུང་བ་བསྐྱེད་བ་དང ། ཐབས་ལ་མཁས་པའི་སྤྱོད་པ་དེ་དག་མཆོག་ཏུ་དགའ་བ་ཆེས་མང་པོ་རབ་ཏུ་ཐོབ་པར་བགྱི་བའི་སླད་དུ་བཅོམ་ལྡན་འདས་ཀྱིས་རྒྱ་ཆེར་བཀའ་སྩལ་དུ་གསོལ། བཅོམ་ལྡན་འདས་ཀྱི་བཀའ་སྩལ་པ། མཆོག་ཏུ་དགའ་བའི་ 31b རྒྱལ་པོ། །ལེགས་སོ། །མཆོག་ཏུ་དགའ་བའི་རྒྱལ་པོ། ཁྱོད་གང་གི་ཕྱིར་དེ་བཞིན་གཤེགས་པ་ལ་དོན་འདི་ཉིད་དྲི་བར་སེམས་པ་ཁྱོད་ལེགས་སོ། །དེ་ལྟ་མོད་ཀྱི་ཁྱོད་ཀྱིས་འདས་པའི་སངས་རྒྱས་བྱེ་བ་ཕྲག་དགུ་བཅུ་དག་ལས་ཀྱང་ཞུ་བ་འདི་ཉིད་ཞུས་སོ། །མཆོག་ཏུ་དགའ་བའི་རྒྱལ་པོ། དེའི་ཕྱིར་ཤིན་ཏུ་ལེགས་པར་ཉོན་ལ་ཚུལ་བཞིན་དུ་ཡིད་ལ་ཟུངས་ཤིག་དང་ངས་བཤད་དོ། །བཅོམ་ལྡན་འདས། དེ་ལྟར་འཚལ་ལོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ། འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྣང་བར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་གྱི་ཕ་རོལ་ཏུ་ཕྱིན་པ་དྲུག་ཡོད་དོ། །སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཀུན་ནས་ཉོན་མོངས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གཞན་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །བྱང་ཆུབ་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །ཡེ་ཤེས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །བདག་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཐོབ་པའི་ཕ་ 32a ༄#། །རོལ་ཏུ་ཕྱིན་པ་དྲུག་ཡོད་དོ། །རེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པ་གསུམ་ལྟ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ལས་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལམ་ཤིན་ཏུ་སྦྱངས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྩོན་པ་མི་འདོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བྱ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །བྱ་བ་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རློམ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྩམས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དགེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣོ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཟབ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྣ་ཚོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བཀོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐུབ་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཆོས་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐམས་ཅད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཉམས་པ་མེ་པའི་ཕ་རོལ་ཏུ་ཕྱིན་ 32b པ་དྲུག་ཡོད་དོ། །བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་བསྒྲུབས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྟན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྟུན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ངོ་མས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བླ་ན་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གཡེང་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མི་འཁོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐུན་མོང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐུན་མོང་མ་ཡིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་བགེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ངོ་བོ་ཉིད་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །དངོས་པོ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཐའ་ཡས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཚོལ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒལ་བའི་ཕ་རོལ་ཏུ་ཕྱིན་པ་དྲུག་ 33a ༄#། །ཡོད་དོ། །མངོན་པར་དགའ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཐོས་པ་འཛིན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་བར་ཡུན་རིང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བསམ་གཏན་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་ཤེས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་པའི་བཟོའི་གནས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །བྱམས་པས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྙིང་རྗེས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དགའ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བཏང་སྙོམས་ཀྱིས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལོག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཡང་དག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་ 33b མེད་པའི་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ང་རྒྱལ་གྱི་ཕ་རོལ་ཏུ་ཕྱིན་པ་དྲུག་ཡོད་དོ། །བཟོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕན་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕན་མི་འདོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རིག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རིག་པའི་ཁྱད་པར་ལ་གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དྲན་པ་ཉམས་པ་མེད་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སངས་རྒྱས་འབྱུང་བ་རབ་ཏུ་འཐོབ་པ་ཁྱིམ་གྱི་དངོས་པོ་ལ་གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ངེས་པར་འབྱུང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མང་དུ་ཐོས་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རབ་ཏུ་བྱུང་བའི་ངང་ཚུལ་རྒྱུན་མི་ཆད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་ཤེས་པ་ལ་གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལུས་འདོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གནས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྡན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་མང་པོའི་ཕ་རོལ་ཏུ་ཕྱིན་པ་ 34a ༄#། །དྲུག་ཡོད་དོ། །རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འོད་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །འོད་མཐའ་ཡས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དགའ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་དག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་པའི་ཆོས་ལས་འདས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྐྱེ་བ་བཀོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རིགས་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་ཕུན་སུམ་ཚོགས་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་སྨིན་པ་རྣམ་པར་དག་སྐྱེད་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཕྱོགས་རྣམ་པར་ལྟ་བའི་ཕ་རོལ་ཏུ་ཕྱིན་པ་དྲུག་ཡོད་དོ། ། ཡོངས་སུ་ཤེས་པ་ཡོངས་སུ་སྒྲོག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བག་ཡོད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྫི་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མྱ་ 34b ངན་ལས་འདས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དབང་ཆེ་བར་གྲགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བསྐུལ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །བརྗེད་ངས་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཚན་སུམ་ཅུ་རྩ་གཉིས་དང་དཔེ་བྱད་རྣམས་ཕན་ཚུན་འབྲེལ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །མངོན་པར་འབྱུང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །དུས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །དུས་ཤེས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །འཇིག་རྟེན་དང་མཐུན་པར་འཇུག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྟོགས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྤོང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །རྡོ་རྗེ་ལྟ་བུའི་ཕ་རོལ་ཏུ་ཕྱིན་པ་དྲུག་ཡོད་དོ། །མུན་པ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཟིལ་གྱིས་མི་ནོན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །བདུད་ཀྱི་དཔུང་འཇོམས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །གཡོ་བ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སྐད་ཅིག་གཅིག་དང་ལྡན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཉམ་པར་མ་བཞག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ཡོངས་སུ་སྨིན་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །ཐམས་ 35a ༄#། །ཅད་མཁྱེན་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་ཡོད་དོ། །དང་དུ་ལེན་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྟོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་ཡོད་དོ། །རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །ཡིད་བྱུང་བའི་ཕ་རོལ་ཏུ་ཕྱིན་པ་དྲུག་ཡོད་དོ། །གཞན་ལ་དགེ་བའི་ཕ་རོལ་ཏུ་ཕྱིན་པ་དྲུག་ཡོད་དོ། །གཞན་གྱི་ཕ་རོལ་ཏུ་ཕྱིན་པ་དྲུག་ཡོད་དོ། །དེ་བཞིན་དུ་སྦྱར་ཏེ་ཡང་དག་པར་སྤོང་བ་རེ་རེའི་ཕ་རོལ་ཏུ་ཕྱིན་པ་དྲུག་དྲུག་གོ་།རྫུ་འཕྲུལ་གྱི་རྐང་པ་བཞི་པོ་རེ་རེའི་ཡང་ཕ་རོལ་ཏུ་ཕྱིན་པ་དྲུག་དྲུག་གོ། བསམ་གཏན་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།དྲན་པ་ཉེ་བར་གཞག་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ། །བདེན་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ ། དབང་པོ་ལྔ་པོ་རེ་རེའི་ཡང་ཕ་རོལ་ཏུ་ཕྱིན་པ་དྲུག་དྲུག་གོ་།སྟོབས་ལྔ་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།བྱང་ཆུབ་ཀྱི་ཡན་ལག་བདུན་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ། འཕགས་པའི་ལམ་ཡན་ལག་བརྒྱད་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་ 35b གོ་།ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།རིག་པ་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།རྣམ་པར་གྲོལ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དགེ་སློང་གིས་འཁོར་ཉེ་བར་འོང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།སོ་སོ་ཡང་དག་པར་རིག་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།ཡོངས་སུ་སྐྱོ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།སྦྱིན་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།ཚུལ་ཁྲིམས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།བཟོད་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།བརྩོན་འགྲུས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།བསམ་གཏན་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།ཤེས་རབ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།མིག་དང ། རྣ་བ་དང ། སྣ་དང ། ལྕེ་དང ། ལུས་དང ། སེམས་ཀྱི་ཕ་རོལ་ཏུ་ཕྱིན་པ་དྲུག་གོ་།གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།བདག་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དོན་གྱི་ཕ་རོལ་ཏུ་ཕྱིན་པ་དྲུག་གོ་།རྟོགས་པའི་ཕ་རོལ་ཏུ་ཕྱིན་པ་དྲུག་གོ་།སྤྲོ་བའི་ཕ་རོལ་ཏུ་ཕྱིན་པ་དྲུག་གོ་།སྟོང་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།མཚན་མ་ 36a ༄#། །མེད་པའི་ཕ་རོལ་ཏུ་ཕྱིན་པ་དྲུག་གོ་།སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།གཞན་གྱི་ཕ་རོལ་ཏུ་ཕྱིན་པ་དྲུག་གོ་།རྣམ་པར་སྨིན་པ་གཞན་གྱི་ཕ་རོལ་ཏུ་ཕྱིན་པ་དྲུག་གོ་།སྦྱོར་བའི་ཕ་རོལ་ཏུ་ཕྱིན་པ་དྲུག་གོ་།དེ་བཞིན་གཤེགས་པའི་སྟོབས་བཅུ་པོ་དག་གིའང་ཕ་རོལ་ཏུ་ཕྱིན་པ་དྲུག་གོ་།མི་འཇིགས་པ་བཞི་པོ་དག་གིའང་ཕ་རོལ་ཏུ་ཕྱིན་པ་དྲུག་དྲུག་གོ་།སྙིང་རྗེ་ཆེན་པོའི་ཕ་རོལ་ཏུ་ཕྱིན་པ་དྲུག་གོ་།ཤའི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།ལྷའི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།ཤེས་རབ་ཀྱི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།ཆོས་ཀྱི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།སངས་རྒྱས་ཀྱི་སྤྱན་གྱི་ཕ་རོལ་ཏུ་ཕྱིན་པ་དྲུག་གོ་།རང་བྱུང་གི་ཕ་རོལ་ཏུ་ཕྱིན་པ་དྲུག་གོ་།རྣམ་པར་རོལ་པའི་ཕ་རོལ་ཏུ་ཕྱིན་པ་དྲུག་གོ་།གཏིང་དཔག་དཀའ་བའི་ཕ་རོལ་ཏུ་ཕྱིན་པ་དྲུག་གོ་།སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་པོ་རེ་རེའི་ཕ་རོལ་ཏུ་ཕྱིན་པ་དྲུག་དྲུག་གོ་།མཁས་པའི་ཕ་རོལ་ཏུ་ཕྱིན་པ་དྲུག་གོ་།ཇི་ལྟ་བ་བཞིན་གྱི་ཕ་རོལ་ཏུ་ཕྱིན་པ་དྲུག་གོ་།རང་བཞིན་མཐོང་བའི་ཕ་རོལ་ཏུ་ཕྱིན་པ་དྲུག་གོ་།འདོད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ་།གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ་།གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ 36b ཏུ་ཕྱིན་པ་དྲུག་གོ་།དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གོ་།རིགས་ཀྱི་སའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།བརྒྱད་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།རྒྱུན་དུ་བཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།ལན་གཅིག་ཕྱིར་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།ཕྱིར་མི་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དགྲ་བཅོམ་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།རང་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གོ་།བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་དྲུག་གོ་།ཟད་པ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ། མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ་།བྱིན་གྱིས་རླབས་ཀྱི་ཕ་རོལ་ཏུ་ཕྱིན་པ་དྲུག་གོ་།དམ་པའི་ཆོས་གནས་པའི་ཕ་རོལ་ཏུ་ཕྱིན་པ་དྲུག་གོ་།མངོན་པར་ཤེས་པས་ཕ་རོལ་ཏུ་ཕྱིན་པ་དྲུག་གོ་།སྤྱོད་ལམ་གྱི་ཕ་རོལ་ཏུ་ཕྱིན་པ་དྲུག་གོ་།ཕན་པར་འདོད་པའི་ཕ་རོལ་ཏུ་ཕྱིན་པ་དྲུག་གོ་།ཉོན་མོངས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།སྤངས་པའི་ཕ་རོལ་ཏུ་ཕྱིན་པ་དྲུག་གོ་།ཚེའི་འདུ་བྱེད་འདོར་བ་ལ་དབང་སྒྱུར་བའི་ཕ་རོལ་ཏུ་ཕྱིན་པ་དྲུག་གོ་།མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།ཆོ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གོ་།བསྟན་པ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།རིང་བསྲེལ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།མཆོག་ཏུ་དགའ་ 37a ༄#། །བའི་རྒྱལ་པོ། དེ་ལྟ་བས་ན། བྱང་ཆུབ་སེམས་དཔའ་ནི་ཕ་རོལ་ཏུ་ཕྱིན་པ་བརྒྱ་ཉི་ཤུ་རྩ་གཅིག་པོའི་བསམ་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་ཁྱད་པར་ཅན་ཉིད་འཐོབ་པར་འགྱུར་རོ། །མཚུངས་པ་མེད་པ་ཉིད་འཐོབ་པར་འགྱུར་རོ། །གཞན་ལ་རག་མ་ལས་པའི་ཤེས་པ་ཉིད་ཐོབ་པར་འགྱུར་རོ། །འདུས་བྱས་ཐམས་ཅད་ཟིལ་གྱིས་ཀྱང་གནོན་ལ་སྲིད་པའང་ཡང་དག་པར་འགྲུབ་པར་བྱེད་དོ། །ཐེ་ཚོམ་ཐམས་ཅད་གཅོད་པ་ཡང་དག་པར་འགྲུབ་པར་འགྱུར་རོ། །ཐམས་ཅད་མཁྱེན་པ་ཉིད་འཐོབ་པར་ཡང་དག་པར་འགྲུབ་པར་འགྱུར་རོ། །དེས་ཕ་རོལ་ཏུ་ཕྱིན་པ་འདི་དག་ཡོངས་སུ་རྫོགས་པར་བྱས་པས་ཏིང་ངེ་འཛིན་བརྒྱད་ཁྲི་བཞི་སྟོང་དག་འཐོབ་པར་འགྱུར་རོ། །གཟུངས་ཀྱི་སྒོ་མོ་བརྒྱད་ཁྲི་བཞི་སྟོང་དག་སྒྲུབ་པར་འགྱུར་རོ། །སངས་རྒྱས་ཀྱི་རྣམ་པར་རོལ་པ་ལྔ་བརྒྱ་དག་སྒྲུབ་པར་འགྱུར་རོ། །སེམས་ཅན་ཐམས་ཅད་ཀྱི་སྤྱོད་པའི་ཡུལ་ལ་མཁས་པ་ཉིད་དུ་འགྱུར་རོ། །དེ་སྐད་ཅེས་བཀའ་སྩལ་བ་དང ། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སངས་རྒྱས་ཀྱི་ཡུལ་ངེས་པར་སྟོན་པ་ཞེས་བགྱི་བའི་ཆོས་ཀྱི་རྣམ་གྲངས་འདི་མདོར་ 37b བསྡུས་ཏེ་བཀའ་སྩལ་གྱི། དོན་རྒྱས་པར་ཕྱེ་སྟེ་མ་གསུངས་པས་བདག་གྱིས་མ་འཚལ་ལོ། །དེ་ལྟ་ལགས་པས། བཅོམ་ལྡན་འདས་ཀྱིས་སྐྱེ་བོ་མང་པོ་ལ་ཕན་པའི་ཕྱིར་དང ། སྐྱེ་པོ་མང་པོ་ལ་བདེ་བའི་ཕྱིར་དང ། སྐྱེ་བ་མང་མོ་ལ་ཐུགས་བརྩེ་བའི་ཕྱིར་དང ། ལྷ་དང་མི་རྣམས་ཀྱི་དོན་དང ། ཕན་པ་དང་བདེ་བར་འགྱུར་བ་དེ་རྒྱ་ཆེར་ལེགས་པར་བཤད་དུ་གསོལ།་འདེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་རྒྱ་ཆེར་བཤད་དོ། །བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་བཅོམ་ལྡན་འདས་ཀྱི་ལྟར་ཉན་པ་དང ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། དེ་ལ་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཏུ་སེམས་མ་བསྐྱེད་པ་བྱང་ཆུབ་ཀྱི་ཕྱིར་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་ལ་དགའ་བའི་ངོ་བོ་ཡིན་ཡང་སྔོན་ཡང་དག་པར་རྫོགས་པའི་སངས་རྒྱས་དང ། སེམས་ཅན་གཞན་སུ་ཡང་རུང་བ་དག་ལ་ 38a ༄#། །བྱང་ཆུབ་ཅེས་རབ་ཏུ་རྗོད་པར་མི་བྱེད་ཅིང་སྨོན་པའི་སེམས་ཡོད་པ་གང་ཡིན་པ་དེ་ནི་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་སྣང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕ་རོལ་ཏུ་ཕྱིན་པའི་ཆོས་དང ། བྱང་ཆུབ་ཏུ་སེམས་བསྐྱེད་པས་བྱང་ཆུབ་ཏུ་སེམས་སྐྱེ་བ། །སྦྱིན་པ་སྔོན་དུ་འགྲོ་བའམ། ཚུལ་ཁྲིམས་སྔོན་དུ་འགྲོ་བའམ། བཟོད་པ་སྔོན་དུ་འགྲོ་བའམ། བརྩོན་འགྲུས་སྔོན་དུ་འགྲོ་བའམ། བསམ་གཏན་སྔོན་དུ་འགྲོ་བའམ།་ཤེས་རབ་སྔོན་དུ་འགྲོ་བ་ཞིག་གམ་ཞེས་བདག་ཉིད་དཔྱོད་པར་བྱེད་པ་གང་ཡིན་པ་དེ་ནི་སྣང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ལ་དམིགས་པའི་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་གང་ཡིན་པ་དེ་དག་ནི་འཇིག་རྟེན་གྱི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་རྣམས་སྦྱིན་པས་སྡུད་པར་བྱེད་པ་ན་བྱང་ཆུབ་ཀྱི་ཕྱིར་གདམས་དག་མི་སྟོན་པར་སེམས་ཅན་འདི་དག་བདེ་བར་གྱུར་ཅིག་པ་དེ་ནི་སེམས་ཅན་ལ་ 38b དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱིས་སེམས་ཅན་བདེ་བར་བྱེད་པ་དེ་ནི་སེམས་ཅན་ལ་དམིགས་པའི་ཚུལ་ཁྲིམས་སོ། །སྟོང་པ་ཉིད་ཤེས་པ་མེད་པར་སེམས་ཅན་ཐམས་ཅད་ལ་བཟོད་པར་བྱེད་པ་དེ་ནི་སེམས་ཅན་ལ་དམིགས་པའི་བཟོད་པའོ། །སེམས་ཅན་རྣམས་རྣམ་པར་གྲོལ་བར་བྱ་བའི་ཕྱིར་བརྩོན་འགྲུས་རྩོམ་པ་དེ་ནི་སེམས་ཅན་ལ་དམིགས་པའི་བརྩོན་འགྲུས་སོ། སེམས་ལ་འཛིན་པ་མེད་པར་བྱ་བའི་ཕྱིར་བདག་ཏུ་དམིགས་པའི་བསམ་གཏན་སེམས་ལ་འཛིན་པ་མེད་པ་དེ་ནི་སེམས་ཅན་ལ་དམིགས་པའི་བསམ་གཏན་ནོ། །དམིགས་པའི་འདུ་ཤེས་དང་ལྡན་པའི་ཤེས་རབ་ཀྱིས་སེམས་ཅན་རྣམས་བསྐྱབ་པའི་ཕྱིར་བྱང་ཆུབ་ཏུ་ཡོངས་སུ་བསྔོ་ཞིང་བྱང་ཆུབ་མངོན་པར་རྫོགས་པར་སངས་རྒྱས་པར་བྱ་བ་གང་ཡིན་པ་དེ་ནི་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡི་དམ་ལ་བརྟན་པ་ལྷག་པའི་བསམ་པས་བྱང་ཆུབ་ཀྱི་ཕྱིར་ཡོངས་སུ་བསྔོས་པ་གང་ཡིན་པ་དེ་ནི་བྱང་ཆུབ་ཀྱི་ཕྱིར་གནས་པའི་སྦྱིན་པའི་ཕ་རོལ་ཏུ་ཕྱིན་པའོ། །རྟོག་པ་མེད་པའི་ཚུལ་ཁྲིམས་བྱང་ཆུབ་ཀྱི་ཕྱིར་ཡོངས་སུ་བསྔོ་ཞིང་བཅབས་པ་མེད་པ་དེ་ནི་བྱང་ཆུབ་ཀྱི་ཕྱིར་གནས་པའི་ཚུལ་ཁྲིམས་ཀྱི་ཕ་ 39a ༄#། །རོལ་ཏུ་ཕྱིན་པའོ། །ནམ་བྱང་ཆུབ་ཀྱི་བར་དུ་སྡུག་བསྔལ་ཐམས་ཅད་བཟོད་པ་བརྟན་པར་སྨོན་པ་དེ་ནི་བྱང་ཆུབ་ཀྱི་ཕྱིར་གནས་པའི་བཟོད་པའི་ཕ་རོལ་ཏུ་ཕྱིན་པའོ། །ནམ་ཐམས་ཅད་མཁྱེན་པ་ཉིད་མ་ཐོབ་ཀྱི་བར་དུ་བསྐལ་པ་གྲངས་མེད་པའི་བར་དུ་སྤྱོད་པ་རྒྱུན་མ་བཅད་པ་དེ་ནི་བྱང་ཆུབ་ཀྱི་ཕྱིར་གནས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དམིགས་སུ་མེད་པས་རབ་ཏུ་བྱེ་བ་བསམ་གཏན་གྱི་ཕ་རོལ་ཏུ་ཕྱིན་པ་ཆོས་ཀྱི་འདུ་ཤེས་རབ་ཏུ་ཕྱེ་བ་མ་ཡིན་ཞིང་བྱང་ཆུབ་ཁོང་དུ་ཆུད་པ་དེ་ནི་བྱང་ཆུབ་ཀྱི་ཕྱིར་གནས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ནམ་བྱང་ཆུབ་ཀྱི་བར་དུ་ཆོས་ཐམས་ཅད་ལ་བསམ་གྱིས་མི་ཁྱབ་པ་དང ། བརྟག་ཏུ་མེད་པས་རབ་ཏུ་ཕྱེ་བ་ཇི་ལྟ་བ་བཞིན་མངོན་པར་རྟོགས་པར་ནི་བྱང་ཆུབ་ཀྱི་ཕྱིར་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གནས་པའི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་འཁོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ནམ་བྱང་ཆུབ་ཀྱི་བར་དུ་འཁོར་བ་ན་ལོངས་སྤྱོད་ཆེན་པོ་འཐོབ་པའི་སྦྱིན་པའི་ཕ་རོལ་ཏུ་ཕྱིན་པ་ཟད་པར་མི་འགྱུར་བ་གང་ཡིན་པ་དེ་ནི། འཁོར་བར་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚེའི་ཚད་ཡོངས་སུ་རྫོགས་པའི་བར་དུ་འཁོར་ 39b བ་ན་གནས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གནོད་སེམས་མེད་པར་ཕ་རོལ་ལ་སྙིང་བརྩེ་བའི་སྤྱོད་པས་ཉེ་བར་གནས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །བསྐལ་པ་གྲངས་མེད་པར་སྐྱོ་བ་མེད་པས་དགེ་བའི་ཆོས་རྣམས་ལ་སྦྱོར་བ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བ་ལ་དམིགས་པའི་བསམ་གཏན་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཕ་རོལ་ཏུ་ཕྱིན་པ་འདི་དག་ལྷག་པར་མཐོང་བའི་ཆེད་དུ་བྱང་ཆུབ་ཏུ་ཡོངས་སུ་བསྔོ་བ་དང ། ལས་ཀྱི་གནས་དང ། བཟོའི་གནས་ཐམས་ཅད་ཇི་ལྟ་བ་བཞིན་ཤེས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་ཀུན་ནས་ཉོན་མོངས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་འདོད་པའི་ཡོན་ཏན་སྔོན་དུ་བཏང་སྟེ་སེམས་ཅན་རྣམས་ཡོངས་སུ་སྨིན་པར་བྱེད་པ་ནི། དཔེར་ན། སེངྒེའི་རྒྱལ་པོའི་བུས་ཆུང་མ་སྟོང་ཕྲག་བརྒྱད་ཅུ་རྩ་བཞི་པོ་རྣམས་ནམ་ཐམས་ཅད་མཁྱེན་པ་ཉིད་ཀྱི་བྱང་ཆུབ་ལམ་བཀོད་གྱི་བར་དུ་སྐྱབས་གསུམ་དུ་འགྲོ་ཞིང་མིའི་གནས་ན་འཁོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་ 40a ༄#། །པའི་སྦྱིན་པའི་ཕ་རོལ་ཏུ་ཕྱིན་པའོ། །དཔེར་ན། ར་གཅིག་པའི་རྫིང་བུར་སེམས་ཅན་ལ་དམིགས་པའི་ཚུལ་ཁྲིམས་འདི་བྱམས་པས་ཡོངས་སུ་བསྔོས་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕ་རོལ་དང་མཐུན་པར་བྱ་བའི་ཕྱིར་འདོད་པའི་ཡོན་ཏན་ལ་མི་སྨོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །བརྩོན་འགྲུས་ཀྱིས་ཕ་རོལ་སྐྲག་པར་བྱེད་དེ། །དཔེར་ན། ཀུ་ཤའི་རྒྱལ་པོའི་བུའི་རྟོགས་པ་བརྗོད་པ་ལས་རྒྱ་ཆེར་ཤེས་པར་བྱ་བ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཏུ་ལྟ་བ་ལས་བྱུང་བའི་བསམ་གཏན་ངར་འཛིན་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱིས་ཆོ་ལོ་དང ། རྒྱན་པོ་དང ། བྱ་ལོང་གི་རྩེད་མོ་ལ་མངོན་པར་དགའ་ཞིང་ཡེ་ཤེས་ཕ་རོལ་ཏུ་ཕྱིན་པ་དམིགས་པ་དང་བཅས་པས་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་གཞན་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞི་ན། འདོད་ 40b པའི་ཡོན་ཏན་གྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་གཞན་ལ་ཕན་འདོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །བྱམས་པས་གཞན་ལ་གནོད་པར་མི་གནས་པ་གང་ཡིན་པ་དེ་ནི་གཞན་ལ་ཕན་འདོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་དེ་ལ་བཟོད་ཅིང་མི་སྨོད་པ་གང་ཡིན་པ་དེ་ནི་གཞན་ལ་ཕན་འདོགས་པའི་བཟོད་པའི་ཕ་རོལ་ཏུ་ཕྱིན་པའོ། །ལྷ་དང་མིའི་རིས་ཀྱི་ཕུན་སུ་ཚོགས་པ་སྒྲུབ་པར་འགྱུར་བའི་བརྩོན་འགྲུས་ནི། དཔེར་ན། བརྒྱ་བྱིན་གྱིས་གསོལ་བ་བཏབ་པས་བྲམ་ཟེ་ཆེན་པོ་ཀིན་ཏུ་ཞེས་བྱ་བས་སེམས་ཅན་རྣམས་མཐོ་རིས་སུ་བཀྱེ་བ་གང་ཡིན་པ་དེ་ནི་གཞན་ལ་ཕན་འདོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཆོས་དེ་ལ་སེམས་ཀྱིས་སྦྱོར་བ་གང་ཡིན་པ་དེ་ནི་གཞན་ལ་ཕན་འདོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྱང་ཆུབ་ཀྱི་ཕྱིར་ཡང་དག་པར་འཛིན་དུ་འཇུག་ཅིང་རྐྱེན་དེ་དག་གིས་སེམས་ཅན་ཚིམ་པར་བྱེད་པ་གང་ཡིན་པ་དེ་ནི་གཞན་ལ་ཕན་འདོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་གསུམ་པ། དེ་ལ་གནས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དམིགས་པར་ལྷུང་བའི་སྦྱིན་པ་རྣམ་པར་བགེད་པ་ལ་རེ་པས་ཕྱེ་བ་གང་ 41a ༄#། །ཡིན་པ་དེ་ནི་གནས་ཀྱི་སྦྱིན་པའི་ཕ་རོལ་ཏུ་ཕྱིན་པའོ། །དངོས་པོ་ལ་གནས་པའི་ཚུལ་ཁྲིམས་གང་ཡིན་པ་དེ་ནི་གནས་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སེམས་ཅན་ལ་དམིགས་པའི་བཟོད་པ་གང་ཡིན་པ་དེ་ནི་གནས་ཀྱི་བཟོད་པའི་ཕ་རོལ་ཏུ་ཕྱིན་པའོ། །རྣམ་པར་རྟོགས་པ་ཅན་གྱི་བརྩོན་འགྲུས་གང་ཡིན་པ་དེ་ནི་གནས་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཏུ་ཞུགས་པའི་བསམ་གཏན་གང་ཡིན་པ་དེ་ནི་ནས་ཀྱི་བསམ་གཏན་གྱི་ཕ་རོལ་ཏུ་ཕྱིན་པའོ། ། ཞི་བ་དང་ཉེ་བར་ཞི་བའི་ཆོས་རྣམས་ལ་རྟོག་ངས་རབ་ཏུ་ཕྱི་ཞིང་ཀུ་ནས་དཀྲིས་པར་འདུག་པ་གང་ཡིན་པ་དེ་ནི་གནས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གནས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་ཕྱིར་མི་སྐྱེ་བའི་ཆོས་ལ་བཟོད་པ་དང་རབ་ཏུ་ལྡན་པའི་སྦྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་མི་དམིགས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་རྣམས་ལ་ཇི་ལྟ་བ་བཞིན་བཟོད་པ་གང་ཡིན་པ་དེ་ནི་བཟོད་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་མི་དམིགས་པར་གནས་པའི་བརྩོན་འགྲུས་ 41b གང་ཡིན་པ་དེ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཆོས་ལ་མཉམ་པ་ཉིད་དང་ལྡན་པའི་སེམས་གང་ཡིན་པ་དེ་ནི་བསམ་གཏན་ཕྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་ཇི་ལྟ་བ་བཞིན་དུ་ཡོངས་སུ་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་ཏུ་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་ཡེ་ཤེས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྒྱུན་མི་ཆད་པར་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཐབས་མཁས་པས་རབ་ཏུ་ཕྱེ་བ་གང་ཡིན་པ་དེ་ནི་ཡེ་ཤེས་ཀྱི་སྦྱིན་པའི་ཕ་རོལ་ཏུ་ཕྱིན་པའོ། །ཇི་ལྟར་ཚིགས་སུ་བཅད་པ་ལྔ་བརྒྱ་བྱ་བ་དང ། ཡ་མཚན་ཅན་དགུ་བཅུ་རྩ་དྲུག་པོ་ཐམས་ཅད་རྣམ་པར་སྤོང་བས་རབ་ཏུ་ཕྱེ་བ་སྡུག་བསྔལ་སྤང་བ་དང ། ཡང་དག་པའི་ལྟ་བ་སྤང་བར་བྱ་བ་མ་ཡིན་པས་རབ་ཏུ་ཕྱེ་བ་དང ། བདེ་འགྲོ་བ་སྒྲུབ་པར་བྱེད་པ་གང་ཡིན་པ་དེ་ནི་ཡེ་ཤེས་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཡེ་ཤེས་རྣམ་པས་སྡུག་བསྔལ་བཟོད་ཅིང་གང་དག་འདོད་ཆགས་མི་སྨོད་པར་ཕ་རོལ་པོ་ཡོངས་སུ་སྨིན་པར་བྱེད་པས་ཕྱེ་བ་གང་ཡིན་པ་དེ་ནི་ཡེ་ཤེས་ཀྱི་བཟོད་པའི་ཕ་རོལ་ཏུ་ཕྱིན་པའོ། །ཇི་ལྟར་རྟའི་རྒྱལ་པོ་རྡོག་ལྡན་བདག་ཉིད་སྡུག་བསྔལ་དང་དུ་ལེན་ཅིང་གང་དག་བརྩོན་འགྲུས་ཀྱིས་བདག་དང་གཞན་ལ་ཕན་པ་དང་བདེ་བའི་ཕྱིར་ 42a ༄#། །གནས་པ་འདི་ལྟར་འགྲོན་པོ་ལྔ་བརྒྱ་ཐར་པར་བྱས་པ་དང ། འདི་ལྟར་རི་དྭགས་ཀྱི་རྒྱལ་པོ་སེངྒེས་འགྲོན་པོ་རྣམས་ཐར་པར་བྱས་པ་གང་ཡིན་པ་དེ་ནི་ཡེ་ཤེས་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་ཡང་བསྐྱེད། གཟུགས་མེད་པའང་བསྐྱེད། ཉན་ཐོས་ཀྱི་ཆོས་ཀྱང་བསྐྱེད་མོད་ཀྱི། གང་དག་དེ་དག་གིས་ངེས་པར་མི་འབྱུང་བ་གང་ཡིན་པ་དེ་ནི་ཡེ་ཤེས་ཀྱི་བསམ་གཏན་གྱི་ཕ་རོལ་ཏུ་ཕྱིན་པའོ། །ཡེ་ཤེས་ཀྱིས་ཆོས་ཇི་ལྟ་བའི་ཕྱིར་འདི་ལྟར་སྨན་ཆེན་པོ་དང ། འདི་ལྟར་བྱང་ཆུབ་ཀུན་ཏུ་རྒྱུའི་མི་དགེ་བ་བཅུ་རྣམས་སྤོང་བ་སེམས་ཅན་སུ་ལའང་མེད་པ་གང་ཡིན་པ་དེ་ནི་ཡེ་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་བདག་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདག་ལོངས་སྤྱོད་ཆེན་པོ་གྲུབ་པར་ཡོངས་སུ་བསྔོས་པ་གང་ཡིན་པ་དེ་ནི་བདག་ལ་ཕན་འདོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །བདེ་འགྲོ་ལྷ་དང་མིར་སྐྱེ་བར་སྒྲུབ་པའི་ཚུལ་ཁྲིམས་གང་ཡིན་པ་དེ་ནི་བདག་ལ་ཕན་འདོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། བཟོད་པ་ཐོབ་པའི་རྣམ་པར་སྨིན་པ་མཛེས་ཤིང་ཁ་དོག་མཆོག་ཏུ་རྒྱས་པ་ཐོབ་པ་དང ། དབང་ཆེ་བར་གྲགས་པར་འགྱུར་པ་གང་ཡིན་པ་དེ་ནི་བདག་ལ་ཕན་འདོགས་ 42b པའི་བཟོད་པའི་ཕ་རོལ་ཏུ་ཕྱིན་པའོ། །བྱང་ཆུབ་ཀྱི་ཕྱིར་གཞན་ལ་རག་མ་ལས་པར་སྤྱོད་ཅིང ། བདག་ཉིད་ཀྱི་བརྩོན་འགྲུས་ཀྱིས་དཔྱོད་པ་བྱེད་པ་གང་ཡོན་པ་དི་ནི་བདག་ལ་ཕན་འདོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་བསྐྱེད་པས་འཇིག་པའི་བསྐལ་པ་དང ། འཆགས་པའི་བསྐལ་པ་བདུན་གྱི་བར་དུ་འཇིག་རྟེན་འདིར་མི་འོང་བ་གང་ཡིན་པ་དེ་ནི་བདག་ལ་ཕན་འདོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཕ་རོལ་གྱི་ངོར་མི་བལྟ་ཞིང་ལུས་ཀྱི་ལས་དང ། དག་གི་ལས་དང ། ཡིད་ཀྱི་ལས་བདེན་པའི་རྗེས་སུ་འཇུག་པ་གང་ཡིན་པ་དེ་ནི་བདག་ལ་ཕན་འདོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བདག་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཐོབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་རྣམ་པར་སྨིན་པ་ལོངས་སྤྱོད་ཆེན་པོ་འཐོབ་པ་གང་ཡིན་པ་འདི་དང ། བྱང་ཆུབ་ཀྱི་ཕྱིར་ཡོངས་སུ་བསྔོ་བ་གང་ཡིན་པ་དེ་ནི་འཐོབ་པའི་སྦྱིན་པའི་ཕ་རོལ་ཏུ་ཕྱིན་པའོ། །རྙེད་པ་ཆེན་པོའི་ཕྱིར་སེམས་ལ་ཀུན་ནས་ཉོན་མོངས་པ་མེད་པ་གང་ཡིན་པ་དང ། བྱང་ཆུབ་ཀྱི་ཕྱིར་ཡོངས་སུ་བསྔོ་བ་གང་ཡིན་པ་དེ་ནི་འཐོབ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་ཀྱི་ཕྱིར་གཞན་ལ་གནོད་པ་མི་བྱེད་ཅིང་དམ་པའི་ཆོས་ཡོངས་སུ་ 43a ༄#། །སྤོང་བར་མི་འགྱུར་བ་གང་ཡིན་པ་དེ་ནི་འཐོབ་པའི་བཟོད་པའི་ཕ་རོལ་ཏུ་ཕྱིན་པའོ། །བརྟུན་པའི་བརྩོན་འགྲུས་ཚད་མེད་པ་གང་ཡིན་པ་དེ་ནི་འཐོབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱ་བ་ཐམས་ཅད་མངོན་པར་སྒྲུབ་པའི་ཏིང་ངེ་འཛིན་ཐོབ་པ་གང་ཡིན་དེ་ནི་འཐོབ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་འཐོབ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཐོབ་པའི་པ་རོལ་ཏུ་ཕྱིན་པ་དྲུག་གོ་།དེ་ལ་རེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དམིགས་པས་བསྐྱེད་པའི་སྦྱིན་པ་བྱང་ཆུབ་ཀྱི་ཕྱིར་ཡོངས་སུ་བསྔོས་པ་གང་ཡིན་པ་དེ་ནི་རེ་བའི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་ངག་དམིགས་པ་ཅན་གྱི་ཚུལ་ཁྲིམས་རྣམ་པར་སྨིན་པ་བྱང་ཆུབ་ཀྱི་ཕྱིར་སྦྱོར་བ་གང་ཡིན་པ་དེ་ནི་རེ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཇི་ལྟ་བ་བཞིན་མཐོང་བ་གང་ཡིན་པར་ཆོས་རྣམས་ལ་སོ་སོར་བརྟགས་པས་དང་དུ་ལེན་པ་གང་ཡིན་པ་དེ་ནི་རེ་བའི་བཟོད་པའི་ཕ་རོལ་ཏུ་ཕྱིན་པའོ། །ལུང་དུ་མ་བསྟན་པའི་ཤེས་པས་ཆོས་དེ་དང་དེ་དག་ལ་བརྩོན་ཞིང་ཕ་རོལ་གནོན་པ་གང་ཡིན་པ་དེ་ནི་རེ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་གྱི་ཕ་རོལ་ཏུ་ཕྱིན་ 43b པ་བྱང་བར་བྱས་པའི་སྤོང་བ་ལ་མཚན་མང་མི་འཛིན་པ་གང་ཡིན་པ་དེ་ནི་རེ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ལུང་དུ་མ་བསྟན་པ་ཁོང་དུ་ཆུད་པར་བྱ་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱི་བོར་སོན་པར་འགྱུར་རམ། མི་འགྱུར་རམ། ཡུན་ཇི་ཙམ་གྱིས་འགྱུར། །སུ་ཞིག་གིས་འགྱུར་སྙམ་པ་གང་ཡིན་པ་དེ་ནི་རེ་བའི་ཤེས་རབ་གྱི་ཕ་རོལ་ཏུ་ཕྱིན་པ་སྟེ། འདི་དག་ནི་རེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པ་གསུམ་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདུས་བྱས་ཀྱི་ཐབས་ཀྱང་རྒྱུན་མི་གཅོད་ལ། འབྲས་བུ་འདུས་མ་བྱས་སྦྱིན་པར་བྱེད་པ་གང་ཡིན་པ་དེ་ནི་རྣམ་པ་གསུམ་ལྟ་བའི་སྦྱིན་པའི་ཕ་རོལ་ཏུ་ཕྱིན་པའོ། །ལམ་ལ་ཞུགས་པའི་ཚུལ་ཁྲིམས་གང་ཡིན་པ་དེ་ནི་རྣམ་པ་གསུམ་ལྟ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕྱི་དང་ནང་གི་ཆོས་རྣམས་ལ་མི་རྟག་པ་དང ། སྡུག་བསྔལ་བ་དང ། བདག་མེད་པས་རབ་ཏུ་ཕྱེ་བ་གང་ཡིན་པ་དང ། ཆོས་འདི་དག་ལ་བཟོད་པ་གང་ཡིན་པ་དེ་ནི་རྣམ་པ་གསུམ་ལྟ་བའི་བཟོད་པའི་ཕ་རོལ་ཏུ་ཕྱིན་པའོ། །ཐོགས་པ་མེད་པའི་ཡེ་ཤེས་ཀྱི་དམིགས་པ་དང་ལྡན་ཞིང་ལྷག་མཐོང་སྔོན་དུ་འགྲོ་བའི་སེམས་ཀུན་ནས་ཉོན་མོངས་པ་མེད་པ་གང་ཡིན་པ་དེ་ནི་རྣམ་པ་གསུམ་ལྟ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་དང ། ལྷག་མཐོང་དང་ 44a ༄#། །མ་བྲལ་བས་ཉོན་མོངས་པ་དེ་དག་རབ་ཏུ་ཞི་བར་བྱ་བའི་ཕྱིར་གནས་པ་གང་ཡིན་པ་དེ་ནི་རྣམ་པ་གསུམ་ལྟ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྟེན་ཅིང་འབྲེལ་བར་འབྱུང་བ་དང་མི་འགལ་བར་ཐབས་དང་ཤེས་རབ་ལ་མཁས་པས་ཡོངས་སུ་ཟིན་པས་ཉོན་མོངས་པ་སྤོང་བའི་ཕྱིར་གནས་པ་ནི་མ་ཡིན་གྱིས།་ཇི་ལྟ་བ་བཞིན་ཡོངས་སུ་ཤེས་ཤིང་སྨོན་ལམ་གྱི་དུས་སུ་ཡོངས་སུ་སྨིན་པར་བྱེད་པ་དང་ལྡན་པའི་གང་ཡིན་པ་དེ་ནི་རྣམ་པ་གསུམ་ལྟ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྣམ་པ་གསུམ་ལྟ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལས་བྱས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསྡུ་བའི་དངོས་པོ་དང་ལྡན་པས་སེམས་ཅན་རྣམས་ལ་སྦྱིན་པ་གང་ཡིན་པ་དེ་ནི་ལས་བྱེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱིས་སྐྱེ་བོ་མང་པོ་སྨིན་པར་བྱེད་པ་གང་ཡིན་པ་དེ་ནི་ལས་བྱེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན། སྲེག་པའི་སྐྱེས་པའི་རབས་ལས་མེ་བསད་པ་དང ། སེམས་ཅན་ཐར་པར་བྱས་པ་ལྟ་བུ་སྟེ། དེའང་གང་གི་ཕྱིར་བལྟ་ཞེ་ན། །བསྡུ་བའི་དངོས་པོའི་ཕྱིར་སྐྱེ་བོ་རྣམས་ལ་སྙན་པར་སྨྲ་བའོ། །བཟོད་པའི་ཕ་རོལ་ཏུ་ཕྱིན་པས་སྐྱེ་བོ་མང་པོ་ཡོངས་སུ་སྨིན་པར་བྱ་བའི་ཕྱིར་ 44b གནས་པ་གང་ཡིན་པ་དེ་ནི། དཔེར་ན། ཀ་ལིངྐའི་རྒྱལ་པོས་ལུས་དུམ་བུ་བརྒྱད་དུ་གཏུབས་ཀྱང་བཟོད་པ་མ་བཏང་བ་དང ། ཇི་ལྟར་མགོ་བཅད་ཀྱང་སྡུག་བསྔལ་གྱི་ཚོར་བ་དང་ཏུ་ལེན་པའི་བར་དུ་སྦྱར་ཏེ། ཐམས་ཅད་དུ་དཀའ་བ་སྤྱད་པ་དེ་ནི་ལས་བྱེད་པའི་བཟོད་པའི་ཕ་རོལ་ཏུ་ཕྱིན་པ་སྟེ། དེའང་གང་གི་ཕྱིར་བལྟ་ཞེ་ན། བསྡུ་བའི་དངོས་པོའི་ཕྱིར་དོན་སྤྱོད་པའོ། །སྙིང་རྗེ་ཆེན་པོ་སྔོན་དུ་བཏང་སྟེ། དུས་ཤེས་པ་དང་ལྡན་པའི་བརྩོན་འགྲུས་ཀྱིས་སྐྱེ་བོ་མང་པོ་ཡོངས་སུ་སྨོན་པར་བྱ་བ་དང ། སེམས་ཅན་རྣམས་ལ་སྐུལ་བར་བྱེད་པ་གང་ཡིན་པ་དེ་ནི་ལས་བྱེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དེའང་གང་གི་ཕྱིར་བལྟ་ཞེ་ན། བསྡུ་བའི་དངོས་པའི་ཕྱིར་དོན་མཐུན་པའོ། །བསམ་གཏན་ཡོངས་སུ་སྦྱང་བར་མ་བྱས་ཤིང་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པས་ཆོས་ཐམས་ཅད་ལ་ཐོགས་པ་མེད་པ་གང་ཡིན་པ་དེ་ནི་ལས་བྱེད་པའི་བསམ་གཏན་གྱི་ཕ་རོལ་ཏུ་ཕྱིན་པ་སྟེ།་དེའང་གང་གི་ཕྱིར་བལྟ་ཞེ་ན། རྣམ་པར་ཐར་པ་སྟོང་པ་ཉིད་ཀྱི་སྒོའི་ཕྱིར་རོ། །ཤེས་རབ་ཀྱིས་དགེ་བའི་ཆོས་ཐམས་ཅད་ལ་རྨོངས་པ་མེད་པར་གནས་ཤིང ། སྐྱེ་བོ་མང་པོ་བྱང་ཆུབ་ཀྱི་ཕྱིར་ཡང་དག་པར་འཛིན་དུ་འཇུག་པ་དང ། དངོས་པོ་ཇི་ལྟ་བ་བཞིན་ཡོངས་སུ་ཤེས་ལ། ཆུང་དུ་ན་རྣམ་པར་ཐར་པ་སྨོན་པ་མེད་པའི་སྒོ་ཡོངས་སུ་བཟུང་བ་གང་ཡིན་པ་ 45a ༄#། །དེ་ནི་ལས་བྱེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ལས་བྱེད་པའི་ཕ་རོལ་ཏུ་ཕྱི་པ་དྲུག་གོ་།དེ་ལ་ལམ་ཤིན་ཏུ་སྦྱངས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་ལྟ་བ་ལ་ཞུགས་ཤིང་ལྟས་དང་དགེ་མཚན་སྤངས་པའི་སྦྱིན་པ་ལྡན་པ་མ་ཡིན་པར་ཡོངས་སུ་བསྔོས་པ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཡང་དག་པའི་ངག་དང ། ཡང་དག་པའི་འཚོ་བ་དང ། ཡང་དག་པའི་ལས་ཀྱི་མཐའ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་མ་བཏང་བ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་བཟོད་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་མི་དམིགས་པ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དམིགས་པ་མེད་པའི་ཏིང་ངེ་འཛིན་ལ་མ་གཡེང་བ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །མཚན་མར་འཛིན་པ་མེད་པས་ཤེས་རབ་ཡང་དག་པའི་ལྟ་བ་དང་ལྡན་ལ་ཡང་དག་པའི་དྲན་པ་བསྐྱེད་པའི་བྱང་ཆུབ་ཀྱི་ཕྱོགས་གཅིག་པ་མཐར་ཕྱིན་པར་བྱ་བ་དང ། །ཕྱིར་མི་ལྡོག་པར་ 45b བྱ་བའི་ཕྱིར་གནས་པ་གང་ཡིན་པ་དེ་ནི་ལམ་ཤིན་ཏུ་སྦྱངས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ལམ་ཤིན་ཏུ་སྦྱངས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་བརྩོན་པ་མི་འདོར་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དངོས་པོ་ཐམས་ཅད་ཡོངས་སུ་གཏོང་བ་བྱང་ཆུབ་ཀྱི་ཕྱིར་ཐབས་མཁས་པས་ཡོངས་སུ་བསྔོས་པ་གང་ཡིན་པ་དེ་ནི་བརྩོན་པ་མི་འདོར་བའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་རྣམས་བདེ་འགྲོ་ཐོབ་པར་བྱ་བའི་ཕྱིར་མི་དམིགས་པ་སྔོན་དུ་བཏང་བ་ཉམས་པ་མེད་པའི་ཚུལ་ཁྲིམས་ལ་གནས་པ་གང་ཡིན་པ་དེ་ནི། དཔེར་ན། དགའ་ལྡན་ནས་བྱང་ཆུབ་སེམས་དཔའ་འཆི་འཕོ་བ་ན་སྟོང་གསུམ་གཡོ་བ་དང ། གནས་པར་བྱ་བའི་ཕྱིར་སངས་རྒྱས་ཀྱི་ཞིང་ཡོངས་སུ་དག་པ་ཕུན་སུམ་ཚོགས་པ་འཛིན་པ་དེ་ནི་བརྩོན་པ་མི་འདོར་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བཟོད་པས་ཕ་རོལ་གྱི་དགེ་བའི་རྩ་བ་བསྒྲུབ་པའི་ཕྱིར་ཉེ་བར་གནས་ཤིང་འཇིག་རྟེན་གྱི་ཆོས་བརྒྱད་ཀྱིས་མི་གོས་པ་གང་ཡིན་པ་དེ་ནི་བརྩོན་པ་མི་འདོར་བའི་བཟོད་པའི་ཕ་རོལ་ཏུ་ཕྱིན་པའོ། །བརྩོན་འགྲུས་ཀྱིས་ཐམས་ཅད་མཁྱེན་པའི་ཡེ་ཤེས་ཡང་དག་པར་འཛིན་པ་དང ། སེམས་ཅན་རྣམས་ལ་བྱམས་པས་ཡོངས་སུ་བསྔོས་པ་གང་ཡིན་པ་དེ་ནི་བརྩོན་པ་མི་འདོར་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྙོམས་ 46a ༄#། །བར་འཇུག་པའི་རྣམ་པ་ཐམས་ཅད་སྒྲུབ་པའི་བསམ་གཏན་ཚད་མེད་པ་ཡོངས་སུ་འཛིན་པ་གང་ཡིན་པ་དེ་ནི་བརྩོན་པ་མི་འདོར་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་མཁས་པར་བྱ་བའི་ཕྱིར་དང ། གང་མངོན་པར་ཤེས་པས་ངེས་པར་འབྱུང་བའི་ཕྱིར་སྨོན་ལམ་ཡོངས་སུ་བསྔོས་པའི་ཤེས་རབ་ལ་གནས་པ་གང་ཡིན་པ་དེ་ནི་བརྩོན་པ་མི། འདོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྩོན་པ་མི་འདོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྩོན་པ་མི་འདོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མྱ་ངན་ལས་འདས་པ་དང་ལྡན་པའི་སྦྱིན་པ་གང་ཡིན་པ་དེ་ནི་རིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །འདོད་ཆགས་དང་བྲལ་བར་ཡོངས་སུ་བསྔོས་པས་ཚུལ་ཁྲིམས་གང་ཡིན་པ་དེ་ནི་རིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འགོག་པར་ཡོངས་སུ་བསྔོས་པས་བཟོད་པ་གང་ཡིན་པ་དེ་ནི་རིགས་པའི་བཟོད་པའི་ཕ་རོལ་ཏུ་ཕྱིན་པའོ། །ཉེ་བར་ཞི་བ་རྩོམ་པའི་བརྩོན་འགྲུས་གང་ཡིན་པ་དེ་ནི་རིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ལྟ་བར་གྱུར་པ་རབ་ཏུ་ཞི་བར་བྱེད་པ་དང ། ཉོན་མོངས་པ་འཇོམས་པར་བྱེད་པའི་བསམ་གཏན་གང་ཡིན་པ་དེ་ནི་རིགས་པའི་བསམ་ 46b གཏན་གྱི་ཕ་རོལ་ཏུ་ཕྱིན་པའོ། །སྔགས་དང ། སྨན་དང ། གཙུག་ལག་དང ། ས་གཡོ་བ་ཤེས་པ་དང ། དུས་ཚིགས་དང ། ལོ་ཤེས་པ་དང ། ཡི་གེ་ཤོས་པ་དང ། མངོན་པར་ཤེས་པ་དང ། སྙིང་རྗེ་ཆེན་པོ་དང ། བདེ་འགྲོ་དང ། ངན་འགྲོའི་ལམ་རྗེས་སུ་ཤེས་པར་གནས་ཤིང ། ཐམས་ཅད་མཁྱེན་པ་ཉིད་ཀྱི་ཕྱིར་མངོན་པར་ཞེན་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རིགས་པའི་ཕ་རོལ་ཏུ་ཕྱིན་པ་དྲུག་སྟེ། དེ་དག་ནི་མི་འཇིགས་པ་བཞི་ལས་བལྟ་བར་བྱའོ། །དེ་ལ་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ལ་ཕན་པའི་ཕྱིར་ཡོངས་སུ་བསྔོ་ཞིང་བདག་ཉིད་ཀྱང་སྦྱིན་པ་བྱེད་ལ་གཞན་དག་ཀྱང་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་བྱེ་བར་གཏོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་ལ་དམིགས་པའི་བྱམས་པ་སྒྲུབ་པ་གང་ཡིན་པ་དེ་ནི་བྱ་བར་གཏོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལས་ཀྱི་རྣམ་པར་སྨིན་པ་ལ་རྟོན་པའི་བཟོད་པ་གང་ཡིན་པ་དེ་ནི་བྱ་བར་གཏོགས་པའི་བཟོད་པའི་ཕ་རོལ་ཏུ་ཕྱིན་པའོ། །དགེ་བ་བཅུ་དང་ལྡན་པའི་བརྩོན་འགྲུས་གང་ཡིན་པ་དེ་ནི་བྱ་བར་གཏོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མི་རྟག་པ་དང ། སྡུག་བསྔལ་པ་དང ། 47a ༄#། །བདག་མེད་པ་ལ་དམིགས་པའི་བསམ་གཏན་གང་ཡིན་པ་དེ་ནི་བྱ་བར་གཏོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དགེ་བའི་ཆོས་རྣམས་ཆུད་མི་ཟ་བར་བྱ་བ་དང ། མི་དགེ་བའི་ཆོས་རྣམས་སྤང་བར་བྱ་བའི་ཕྱིར་ཐབས་མཁས་པས་སྐྱེ་བོ་མང་པོ་ལ་ཕན་འདོགས་པའི་ཤེས་རབ་གང་ཡིན་པ་དེ་ནི་བྱ་བར་གཏོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱ་བ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པའི་ཡོན་ཏན་གྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་བྱ་བར་གཏོགས་པ་མ་ཡིན་པས་སྦྱིན་པའི་ཕ་རོལ་ཏུ་ཕྱིན་པའོ། །བྱ་བ་མ་ཡིན་པའི་འབྱུང་བའི་ཚུལ་ཁྲིམས་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྲེད་པས་ཡོངས་སུ་བསྔོས་ཤིང་སེམས་ཅན་ཡོངས་སུ་སྨིན་པར་བྱེད་པའི་ཡུལ་ལ་བཟོད་པ་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་གད་མོ་དང ། དགའ་བ་དང ། རྩེད་མོ་དང ། སྔགས་དང ། སྨྲ་བ་དང ། བརྗོད་པ་དང ། ཆོ་ལོ་དང ། རྒྱན་པོ་དང ། ཡོ་བྱད་རྣམས་ཀྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་བྱ་བ་མ་ཡིན་པར་ 47b གཏོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བཏང་སྙོམས་དང་བྱང་ཆུབ་ཀྱི་ཡན་ལག་གིས་ཕྱེ་བའི་བསམ་གཏན་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤིན་ཏུ་སྦྱངས་པ་དང་ལྡན་པའི་ཤེས་རབ་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དཔེར་ན། རྒྱལ་པོའི་བུ་བླུན་པོ་ལྐུགས་པ་ལྟ་བུ་སྟེ། འདི་དག་ནི་བྱ་བ་མ་ཡིན་པར་གཏོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རློམ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་ཡོངས་སུ་བསྔོ་བ་དང་བྲལ་བའི་སྦྱིན་པ་གང་ཡིན་པ་དེ་ནི་རློམ་པའི་སྦྱིན་པའི་ཕ་རོལ་ཏུ་ཕྱིན་པའོ། །བདག་ཚུལ་ཁྲིམས་དང་ལྡན་པ་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་རློམ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ང་རྒྱལ་དང་ལྡན་པའི་བཟོད་པ་གང་ཡིན་པ་དེ་ནི་རློམ་པའི་བཟོད་པའི་ཕ་རོལ་ཏུ་ཕྱིན་པའོ། ། རྩོམ་པ་རྒྱས་པར་བྱེད་པ་གང་ཡིན་པ་དེ་ནི་རློམ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྒོམ་ཞིང་གཏོང་བ་གང་ཡིན་པ་དེ་ནི་རློམ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐོས་པའི་བདག་ཉིད་བྱང་ཆུབ་ཏུ་ཡོངས་སུ་བསྔོས་བ་གང་ཡིན་པ་དེ་ནི་རློམ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རློམ་པའི་ཕ་རོལ་ཏུ་ཕྱིན་ 48a ༄#། །པ་དྲུག་སྟེ། དེ་ག་ལས་བལྟ་ཞེ་ན། ཆོས་མཉམ་པ་དག་ལས་སོ། །དེ་ལ་བརྩམས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོང་བ་གང་ཡིན་པ་དེ་ནི། དཔེར་ན། སེམས་ཅན་རྣམས་ཀྱི་དོན་གྱི་ཕྱིར་རྒྱ་མཚོ་ཆེན་པོར་ལུས་ཡོངས་སུ་གཏོང་བ་ལྟ་བུ་སྟེ། དེ་ནི་བརྩམས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱི་རང་བཞིན་བལྟ་བ་དང་རྒོད་པ་སྤངས་པ་གང་ཡིན་པ་དེ་ནི་བརྩམས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཐ་ན་མགོ་བཅད་ཀྱང་མི་འཁྲུགས་པ་གང་ཡིན་པ་དེ་ནི་བཙམས་པའི་བཟོད་པའི་ཕ་རོལ་ཏུ་ཕྱིན་པའོ། །བྱ་བ་ཐམས་ཅད་ཟིལ་གྱིས་མནན་ཏེ་རྩོམ་པ་གང་ཡིན་པ་དེ་ནི། དཔེར་ན། རྒྱ་མཚོ་ཆེན་པོ་སྐམ་པར་འབད་པ་ལྟ་བུ་སྟེ། དེ་ནི་བརྩམས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བཙུན་མོའི་འཁོར་གྱི་ནང་གནས་ཀྱང་བསམ་གཏན་བཞི་ཆུད་མི་ཟ་བ་གང་ཡིན་པ་དེ་ནི་བརྩམས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདུ་བྱེད་ཐམས་ཅད་སྒྱུ་མ་ལྟ་བུར་མཐོང་བ་དང་ལྡན་ཞིང་ཟབ་མོ་མི་དམིགས་པ་དང་ལྡན་པའི་ཤེ་རབ་རྨོངས་པ་མེད་པ་གང་ཡིན་པ་དེ་ནི་བརྩམས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྩམས་པའི་ཕ་རོལ་ཏུ་ཕྱིན་པ་དྲུག་སྟེ། དེ་ 48b དག་ནི་རྫུ་འཕྲུལ་གྱི་རྐང་པ་བཞི་ལས་བལྟ་བར་བྱའོ། །དེ་ལ་དགེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བག་ཆགས་ཀྱི་མཚམས་སྦྱོར་བ་འཇོམས་པར་བྱེད་པའི་སྦྱིན་པ་གང་ཡིན་པ་དེ་ནི་དགེ་བའི་སྦྱིན་པའི་ཕ་རོལ་ཏུ་ཕྱིན་པའོ། །འཕགས་པའི་ཚུལ་ཁྲིམས་ཀྱི་ཕྱིར་ཐམས་ཅད་ཡོངས་སུ་གཏོང་བར་གནས་པ་དང ། བག་མེད་པ་རྣམ་པར་སྤོང་བ་དང ། ངན་འགྲོ་སེལ་བ་ལ་ཉེ་བར་གནས་པའི་ཚུལ་ཁྲིམས་གང་ཡིན་པ་དེ་ནི་དགེ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཐམས་ཅད་ལ་བཟོད་ཅིང་དགེ་བའི་ཆོས་ལ་རྩོད་པ་མེད་པ་གང་ཡིན་པ་དེ་ནི་དགེ་བའི་བཟོད་པའི་ཕ་རོལ་ཏུ་ཕྱིན་པའོ། །བྱ་བར་གཏོགས་པ་ཐམས་ཅད་ལ་བརྩོན་འགྲུས་ཞུམ་པ་མེད་པ་གང་ཡིན་པ་དེ་ནི་དགེ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་གྱི་ངོ་བོ་ཉིད་ཡུལ་མཉམ་པ་ཉིད་ལ་ཞུགས་པ་བསམ་པ་ཇི་ལྟ་བ་བཞིན་སེམས་འདུལ་བའི་ཕྱིར་གནས་པ་གང་ཡིན་པ་དེ་ནི་དགེ་བའི་བསམ་གཏན་གྱི་ཕ་རོལ་ཏུ་ཕྱིན་པ་སྟེ། དཔེར་ན། རྒྱལ་པོ་ཆེན་པོ་ལེགས་མཐོང་འདོད་པའི་རྣམ་པར་རྟོག་པ་དང ། །གནོད་སེམས་ཀྱི་རྣམ་པར་རྟོག་པ་དང ། རྣམ་པར་འཚེ་བའི་རྣམ་པར་རྟོག་པ་དག་ལས་འདས་པ་ལྟ་བུའོ། །ཐམས་ཅད་ལ་མི་གནས་པའི་ཤེས་རབ་གང་ཡིན་པ་དེ་ནི་དགེ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེའང་སྙིང་རྗེ་ཆེན་པོ་ 49a ༄#། །ལས་བལྟ་བར་བྱ་བ་སྟེ། འདི་དག་ནི་དགེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣོ་བས་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དམིགས་པ་ལ་གནས་པའི་སྦྱིན་པ་གང་ཡིན་པ་དེ་ནི་རྣོ་བའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་རློམ་སེམས་མེད་ཅིང་དངོས་པོ་བཅབས་པ་མེད་པ་གང་ཡིན་པ་དེ་ནི་རྣོ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་ཇི་ལྟ་བ་བཞིན་དུ་བཟོད་ཅིང་ཕྱིན་ཅི་ལོག་མེད་པས་བསྐྱེད་པ་གང་ཡིན་པ་དེ་ནི་རྣོ་བའི་བཟོད་པའི་ཕ་རོལ་ཏུ་ཕྱིན་པའོ། །མོས་པ་ཇི་ལྟ་བ་བཞིན་ལ་ཕྱིར་ལྡོག་པ་མེད་པར་གནས་པ་གང་ཡིན་པ་དེ་ནི་རྣོ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པས་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣོ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔར་གྱུར་པ་ན་ཉན་ཐོས་ཀྱི་ཕ་རོལ་ཏུ་ཕྱིན་པ་རྣམས་མ་ལུས་པར་ཤེས་ཤིང ། རང་སངས་རྒྱས་ཀྱི་ཕ་རོལ་ཏུ་ཕྱིན་པ་རྣམས་མ་ལུས་པ་ཤེས་ཀྱང་འདོད་ཆགས་དང་བྲལ་བའང་མ་ཡིན།་སོ་སོའི་སྐྱེ་བོའང་མ་ཡིན། སྦྱིན་གནས་ཀྱང་མ་ཡིན་ལ། སྨོན་ལམ་གྱིས་སྐྱེས་པ་ལ་ཡང་མངོན་པར་ཞེན་པ་མེད་པ་གང་ཡིན་པ་དེ་ནི་རྣོ་བའི་ཤེས་རབ་ཀྱི་ཕ་ 49b རོལ་ཏུ་ཕྱིན་པ་སྟེ། འདི་དག་ནི་རྣོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དམིགས་པའི་སྦྱིན་པ་གང་ཡིན་པ་དེ་ནི་ཟབ་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་དང་མཐུན་པར་གནས་པའི་ཚུལ་ཁྲིམས་ཞེན་པ་མེད་པ་དེ་ལ་མ་ཆགས་པས་མཁས་པས་རྣམས་ཀྱིས་བསྔགས་པའི་ཚུལ་ཁྲིམས་གང་ཡིན་པ་དེ་ནི་ཟབ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟེ། །དེ་ག་ལས་བལྟ་ཞེ་ན། དང་པོ་བྱང་ཆུབ་ཏུ་སེམས་བསྐྱེད་པ་དང ། ལྷག་པའི་བསམ་པ་ལ་འཇུག་པ་ལས་སོ། །བདག་མེད་པ་དང་ལྡན་པའི་བཟོད་པའི་ཕ་རོལ་ཏུ་ཕྱིན་པ་རྣམ་པར་སྨིན་པ་དང ། རྣམ་པར་སྨིན་པ་མ་ཡིན་པ་དང ། རྣམ་པར་སྨིན་པ་དང་བཅས་ལ་རྣམ་པར་རྟོག་པ་མེད་པ་གང་ཡིན་པ་དེ་ནི་ཟབ་པའི་བཟོད་པའི་ཕ་རོལ་ཏུ་ཕྱིན་པ་སྟེ། དེ་ག་ལས་བལྟ་ཞེ་ན། ཆོས་འཚོལ་བའི་སྤྱོད་པ་དང་ལྡན་པ་ལས་སོ། །ཁམས་གསུམ་ལའང་མངོན་པར་ཞེན་པ་མེད་པ་ཡིན་ལ། མྱ་ངན་ལས་འདས་པ་ལ་རློམ་སེམས་སུའང་མི་བྱེད་པ་གང་ཡིན་པ་དེ་ནི་ཟབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དེ་ག་ལས་བལྟ་ཞེ་ན། མུ་སྟེགས་ཅན་གྱི་ཤེས་པ་ཟིལ་གྱིས་གནོན་པ་ལས་སོ། །ལམ་དང་བསམ་གཏན་ཤིན་ཏུ་ཟབ་པ་གང་ཡིན་པ་དེ་ནི་ཟབ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ 50a ༄#། །ཕ་རོལ་ཏུ་ཕྱིན་པ་ཆོས་དགེ་བར་བཏགས་པ་དང་མི་འགལ་བར་ཐམས་ཅད་དུ་ཐོགས་པ་མེད་པས་ཕྱེ་བ་ཉེ་བར་ཞི་བ་དང་རྒྱུ་མཐུན་པ་སྤྲོས་པ་མེད་པ་ལ་གནས་པ་གང་ཡིན་པ་དེ་ནི་ཟབ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཟབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྣ་ཚོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་སྦྱིན་པའི་ཕ་རོལ་ཏུ་ཕྱིན་པ་སྣ་ཚོགས་སྟེར་བ་གང་ཡིན་པ་དེ་ནི། སྦྱིན་པའི་ཕ་རོལ་ཏུ་ཕྱིན་པ་སྟེ། དེའི་རྣམ་པར་སྨིན་པ་གང་ཞེ་ན་ལུས་ལ་དཔེ་བྱད་སྣ་ཚོགས་པ་དང ། སྤོབས་པ་ཕུན་སུམ་ཚོགས་པ་གང་ཡིན་པ་དེ་ནི་སྣ་ཚོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སངས་རྒྱས་ཀྱི་ཞིང་ཡོངས་སུ་འཛིན་པར་བྱེད་ཅིང་བསམ་པ་རྫོགས་པ་ཉེ་བར་གནས་པ་གང་ཡིན་པ་དེ་ནི་སྣ་ཚོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སངས་རྒྱས་ཀྱི་ཞིང་སྐྱོན་དང་བྲལ་བ་དེ་ནི་སེམས་ཅན་རྣམས་ལ་གནོད་སེམས་མེད་པར་གྱུར་ཅིག་།ཅེས་ཡོངས་སུ་བསྔོ་བ་གང་ཡིན་པ་དེ་ནི་སྣ་ཚོགས་པའི་བཟོད་པའི་ཕ་རོལ་ཏུ་ཕྱིན་པའོ། །ཉན་ཐོས་དང ། རང་སངས་རྒྱས་དང ། བྱང་ཆུབ་སེམས་དཔའི་འཁོར་སྨིན་པར་བྱེད་པ་གང་ཡིན་པ་དེ་ནི་སྣ་ཚོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འཁོར་དྲེགས་པ་དང ། འདོད་ཆགས་ཅན་གྱི་ནང་ན་གནས་ཀྱང་སེམས་ལ་ 50b བརྗེད་ངེས་པ་མེད་ཅིང་དྲན་པར་ཡོངས་སུ་བསྔོ་བའི་སེམས་གང་ཡིན་པ་དེ་ནི་སྣ་ཚོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐབས་མཁས་པས་ཡོངས་སུ་ཟིན་པའི་ཤེས་རབ་ཐམས་ཅད་དུ་བརྗེད་ངས་པ་མེད་ཅིང་ཆོས་ཟབ་མོ་སྟོན་པ་ལ་གཞན་ལ་རག་མ་ལས་པ་གང་ཡིན་པ་དེ་ནི་སྣ་ཚོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་སྣ་ཚོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཀོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་ཀྱིས་སངས་རྒྱས་ཀྱི་ཞིང་བཟའ་བ་དང་བཏུང་བ་ཕུན་སུམ་ཚོགས་པ་གང་ཡིན་པ་དེ་ནི་བཀོད་པའི་སྦྱིན་པའི་ཕ་རོལ་ཏུ་ཕྱིན་པའོ། །འཁོར་ཐམས་ཅད་ལ་བརྙས་པ་མེད་པ་གང་ཡིན་པ་དེ་ནི་བཀོད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། སངས་རྒྱས་ཀྱི་ཞིང་ལག་མཐིལ་ལྟར་མཉམ་ཞིང་ཀ་ཙ་ལིནྡི་ཀ་ལྟར་རེག་ན་འཇམ་པ་རིན་པོ་ཆེ་སྣ་ཚོགས་ཀྱི་སྤྲས་པ་དག་འགྲུབ་ཅིང་བག་ཡོད་པར་འགྱུར་བ་གང་ཡིན་པ་དེ་ནི་བཀོད་པའི་བཟོད་པའི་ཕ་རོལ་ཏུ་ཕྱིན་པའོ། །འཁོར་ཚད་མེད་པ་གང་ཡིན་པ་དེ་ནི་བཀོད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འོད་དང་མཚན་ཕུན་སུམ་ཚོགས་ཤིང་བསམ་པའི་སྐྱོན་དང ། རྣམ་པར་སྨིན་པ་དང ། དྲེགས་པ་དང ། ཉོན་མོངས་པ་དང་བྲལ་བ་གང་ཡིན་པ་དེ་ནི་བཀོད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྒྱུ་མ་ལྟ་བུའི་ཏིང་ངེ་འཛིན་ཐོབ་ནས་ཐ་ན་དུད་འགྲོའི་ 51a ༄#། །སྐྱེ་གནས་སུ་གྱུར་པའི་སེམས་ཅན་རྣམས་ལ་ཆོས་སྟོན་ཀྱང་བརྗེད་ངེས་པ་མེད་པ་གང་ཡིན་པ་དེ་ནི་བཀོད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བཀོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐུག་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྒྲིབ་པ་མེད་པའི་སེམས་ཀྱིས་ཡོངས་སུ་གཏོང་བ་གང་ཡིན་པ་དེ་ནི་ཐུག་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཉོན་མོངས་པ་བྱུང་བ་སེལ་བར་འགྱུར་བ་གང་ཡིན་པ་དེ་ནི་ཐུག་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། སེམས་ཅན་གྱི་འདུ་ཤེས་རྒྱ་ཆེ་ཞིང་ཐུག་པ་མེད་པ་སྒོམ་ལ་མ་ཞུམ་པ་དང ། འཇིགས་པ་མེད་པས་རབ་ཏུ་ཕྱེ་བ་གང་ཡིན་པ་དེ་ནི་ཐུག་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཡེ་ཤེས་ལ་དམིགས་པས་ཕ་རོལ་གནོན་པ་གང་ཡིན་པ་དེ་ནི་ཐུག་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་མེད་པ་ལ་བཟོད་པར་གནས་ཤིང་ཡུལ་ལ་ལོངས་སྤྱོད་པའི་བསམ་གཏན་བརྗེད་ངས་པ་མེད་པ་གང་ཡིན་པ་དེ་ནི་ཐུག་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་སྤོབས་པ་ཕུན་སུམ་ཚོགས་པ་དང་ལྡན་པས་སྟོན་པ་ཐམས་ཅད་ལ་ཐུག་པ་མེད་པའི་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་ཐམས་ 51b ཅད་ལ་ཐོགས་པ་མེད་པ་གང་ཡིན་པ་དེ་ནི་ཐུག་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐུག་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱམས་པ་སྔོན་དུ་འགྲོ་བའི་སྦྱིན་པས་ཡི་དྭགས་ཀྱི་ཡུལ་རྣམ་པར་སྦྱོང་བར་བྱེད་པ་གང་ཡིན་པ་དེ་ནི་སེམས་ཅན་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །དུད་འགྲོའི་སྐྱེ་གནས་རྣམ་པར་སྦྱོང་བར་བྱེད་པའི་ཚུལ་ཁྲིམས་གང་ཡིན་པ་དེ་ནི་སེམས་ཅན་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཉེས་པ་བྱས་པ་ཐམས་ཅད་བཟོད་ཅིང་སེམས་ཅན་དམྱལ་བ་སྦྱོང་བར་བྱེད་པ་གང་ཡིན་པ་དེ་ནི་སེམས་ཅན་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །བསྡུ་བའི་དངོས་པོ་རྣམ་པ་བཞི་དང་མཐུན་པར་ཕ་རོལ་གནོན་ཅིང་ལྷ་མ་ཡིན་གྱི་སྐྱེ་བ་ཡོངས་སུ་སྦྱོང་བ་གང་ཡིན་པ་དེ་ནི་སེམས་ཅན་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཉིད་ཉེ་བར་བཟུང་ནས་སེམས་ཅན་ལ་བདེ་བ་སྒྲུབ་པ་ནི། དཔེར་ན། མི་འཁྲུག་པའི་ཐུགས་དམ་ལས་ཕ་རོལ་གྱི་གཞི་ལས་འཚོ་ཞིང་ཐུགས་དམ་བཅུ་མཛད་པ་ལྟ་བུ་དང ། མི་རྣམས་ཡོངས་སུ་སྦྱོང་བར་འགྱུར་བ་གང་ཡིན་པ་དེ་ནི་སེམས་ཅན་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཀུན་རྫོབ་ཀྱི་བདེན་པ་ལ་གནས་ནས་སེམས་ཅན་ 52a ༄#། །རྣམས་ལ་ཆོས་རྒྱ་ཆེན་པོ་རབ་ཏུ་དབྱེ་བ་འབྱེད་ཅིང་སྟོན་ལ། ཉོན་མོངས་པ་རྣམ་པར་བྱང་བ་ལ་གནས་པ་གང་ཡིན་པ་དེ་ནི་སེམས་ཅན་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་སེམས་ཅན་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་ཆོས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འདོད་པས་སྦྱིན་པ་གང་ཡིན་པ་དེ་ནི་ཆོས་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྨོན་པ་མེད་པའི་ཏིང་ངེ་འཛིན་གྱི་རྣམ་པར་ཐར་པའི་སྐྱེས་པའི་ལུས་དང ། ངག་དང ། སེམས་ཀྱི་སྔོམ་པ་གང་ཡིན་པ་དེ་ནི་ཆོས་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། སྙིང་རྗེ་ཆེན་པོ་ལ་དམིགས་པའི་བཟོད་པ་གང་ཡིན་པ་དེ་ནི་ཆོས་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །རྫུ་འཕྲུལ་གྱི་རྐང་པ་སྔོན་དུ་འགྲོ་བའི་ཕ་རོལ་གནོན་པ་གང་ཡིན་པ་དེ་ནི་ཆོས་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་སྔོན་དུ་འགྲོ་བའི་བསམ་གཏན་གང་ཡིན་པ་དེ་ནི་ཆོས་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སོ་སོ་ཡང་དག་པར་རིག་པ་ལས་བྱུང་བའི་གཟུངས་ཇི་སྙེད་པ་དེ་དག་གི་ཡི་གེ་ལ་དཔྱོད་པར་བྱེད་ཅིང་ཕུལ་བ་མ་ཡིན་པས་སྒྲ་ཐམས་ཅད་ཤེས་ 52b ཤིང་སྟོན་ལ། མི་འཇིགས་པ་བཞི་ཡོངས་སུ་འཛིན་ཅིང་ཕྱིར་མི་ལྡོག་པའི་སྟོན་པ་གང་ཡིན་པ་དེ་ནི་ཆོས་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཆོས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ལ་འཛིན་པ་མེད་པར་འགྱུར་བའི་སྦྱིན་པའི་ཕ་རོལ་ཏུ་ཕྱིན་པ་སྟེ། སེམས་ལ་འཛིན་པ་མེད་པའི་ཕྱིར། གང་བདེན་པའི་བསམ་པས་ཡོངས་སུ་བསྔོ་བ་གང་ཡིན་པ་དེ་ནི་ཞི་གནས་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྒྲིབ་པ་ལྔ་སྤོང་བ་གང་ཡིན་པ་དེ་ནི་ཞི་གནས་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མི་རྟག་པ་དང ། སྡུག་བསྔལ་བར་རྟོག་པའི་ཤེས་པ་ལ་བཟོད་པར་བརྗོད་པ་གང་ཡིན་པ་དེ་ནི་ཞི་གནས་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆོས་རྣམས་འཚོལ་བར་འབད་པ་གང་ཡིན་པ་དེ་ནི་ཞི་གནས་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཏིང་ངེ་འཛིན་བྱང་ཆུབ་ཀྱི་ཡན་ལག་འདི་ཡོངས་སུ་བཟུང་བའི་ཉོན་མོངས་པ་ཞི་བར་འགྱུར་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཞི་གནས་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་ཞི་གནས་ལ་དགའ་བ། ཞི་གནས་ལ་ 53a ༄#། །དམིགས་པ། ཞི་གནས་ལ་སྒོམ་པ། ཞི་གནས་ལ་འབབ་པ། ཞི་གནས་སྔོན་དུ་འགྲོ་ཞིང་རྣམ་པར་ཐར་པ་བརྒྱད་ཐོབ་ལ་གཞན་གྱིས་མ་བསྟན་པར་ཉན་ཐོས་དང ། རང་སངས་རྒྱས་ཀྱི་སར་མི་ལྟུང་བ་གང་ཡིན་པ་དེ་ནི་ཞི་གནས་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་གི་དང ། གང་གི་ཚེ་དང ། གང་ཟག་གང་ལའང་རྟོག་པ་མེད་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྔོན་གྱི་མཐའ་དང་ཕྱི་མའི་མཐའ་ལྷག་པར་མཐོང་བ་བསགས་པས་མི་དམིགས་པས་ངེས་པར་གྱུར་པའི་སྡོམ་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཀུན་ནས་དཀྲིས་ཏེ་འདུག་པ་མ་ཡིན་པའི་སེམས་ཀྱིས་ཆོས་ཐམས་ཅད་ལ་མཉམ་པ་ཉིད་དུ་ལྷག་པར་མཐོང་བའི་བཟོད་པ་སེམས་ཅན་དང ། སྲོག་དང ། གང་ཟག་དང ། གསོ་བའི་འདུ་ཤེས་དང་བྲལ་བ་གང་ཡིན་པ་དེ་ནི་ལྷག་མཐོང་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །ལྷག་མཐོང་ལ་དམིགས་ཤིང་ལྷག་མཐོང་སྐྱེད་པར་བྱེད་པའི་བརྩོན་འགྲུས་གང་ཡིན་པ་དེ་ནི་ 53b ལྷག་མཐོང་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ལྷག་མཐོང་སྔོན་དུ་འགྲོ་ཞིང་ལྷག་མཐོང་གི་དབང་དུ་བྱས་ནས་བསམ་གཏན་ཐམས་ཅད་ཉེ་བར་ལེན་ལ་ཐབས་མཁས་པ་གང་ཡིན་པ་འདིས་ཀྱང་མངོན་པར་ཞེན་པ་མེད་པ་དང་ལྡན་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདོད་པ་རྣམས་ལ་ཐུག་པ་མེད་པ་གང་ཡིན་པ་དེ་ནི་གང་བསམ་གཏན་གྱི་ངོ་བོ་ཉིད་མ་ཡིན་པ་དང ། ཆོས་ལ་རྨོངས་པ་མེད་པ་གང་ཡིན་པ་དང ། བྱང་ཆུབ་ཀྱི་ཕྱིར་ཐོགས་པ་མེད་པའི་ཤེས་པ་གང་ཡིན་པ་དང ། ཟག་པ་མེད་པར་ཞུགས་ཤིང་སྙིང་རྗེ་ཆེན་པོའི་འདུས་བྱས་དང་ལྡན་པས་བདག་ཡོངས་སུ་སྨིན་པར་བྱེད་པ་དང ། སེམས་ཅན་ཡོངས་སུ་སྨིན་པར་བྱེད་པ་དང ། རང་གི་ལས་མ་གཡོས་པ་གང་ཡིན་པ་དང ། ལྷག་མཐོང་ལ་དམིགས་པའི་ཤེས་རབ་ཀྱིས་ཕ་རོལ་ཏུ་ཕྱིན་པ་སྟེ། འདི་དག་ནི་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐམས་ཅད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་ཐམས་ཅད་དབུལ་བ་མ་ཡིན་པའི་འཐོབ་པའི་ཕྱིར་སྦྱིན་པ་ཡོངས་སུ་བསྔོས་པ་གང་ཡིན་པ་དེ་ནི་ཐམས་ཅད་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་ཐམས་ཅད་ལ་བདེ་བར་ཡོངས་སུ་བསྔོས་པ་ནི་སྙིང་རྗེ་ཆེན་པོས་ཡོངས་སུ་བསྔོས་ 54a །ལ།་ཡེ་ཤེས་ཡོངས་སུ་རྫོགས་པའི་རྒྱུ་མཐུན་པ་འགྱོད་པ་མེད་པའི་རྩ་བ་རྣམ་པར་སྨིན་པ་གྲུབ་པ་གང་ཡིན་པ་དེ་ནི་ཐམས་ཅད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕྱིར་མི་ལྡོག་པའི་ཆོས་སྒྲུབ་ཅིང་ཡི་དམ་བརྟན་པོར་འཛིན་པ་གང་ཡིན་པ་དེ་ནི་ཐམས་ཅད་པའི་བཟོད་པའི་ཕ་རོལ་ཏུ་ཕྱིན་པའོ། །དད་པ་སྔོན་དུ་འགྲོ་བའི་ཤེས་རབ་ཀྱིས་ཡོངས་སུ་ཟིན་པའི་རྩོལ་བ་གང་ཡིན་པ་དེ་ནི་ཐམས་ཅད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དཔྱོད་པ་ཡང་དག་པ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པ་སྦྱོར་བ་དཔག་ཏུ་མེད་པ་ཐོགས་པ་མེད་པ་མི་དམིགས་པ་དང་ལྡན་པ་གང་ཡིན་པ་དེ་ནི་ཐམས་ཅད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་རིགས་ཀྱི་ཆོས་ལ་གནས་ཤིང་དད་པ་དང ། བརྩོན་འགྲུས་དང ། དྲན་པ་དང ། ཏིང་ངེ་འཛིན་གྱིས་བརྟན་པ་འགྱོད་པས་ཞུམ་པ་མེད་པར་སྦྱོར་ཞིང་ཐབས་མཁས་པས་ཡོངས་སུ་ཟིན་པ་འཇིག་རྟེན་པ་དང ། སློབ་པ་དང ། མི་སློབ་པ་དང ། རང་སངས་རྒྱས་ཀྱི་ཤེས་པ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆོས་ཐམས་ཅད་མཁྱེན་པ་ལས་བྱུང་བ་གང་ཡིན་པ་དེ་ནི་ཐམས་ཅད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི། ཐམས་ 54b ཅད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་རང་གི་སེམས་ཀྱིས་སྦྱིན་པ་གང་ཡིན་པ་དེ་ནི་ཕྱོགས་གཅིག་པའི་སྦྱིན་པའི་ཕ་རོལ་ཏུ་ཕྱིན་པའོ། །ཆོས་ལ་ཁ་ཅིག་ཏུ་ཚུལ་ཁྲིམས་ཀྱི་འདུ་ཤེས། ཁ་ཅིག་ཏུ་ནི་འཆལ་པའི་ཚུལ་ཁྲིམས་ཀྱི་འདུ་ཤེས་གང་ཡིན་པ་དེ་ནི་ཕྱོགས་གཅིག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དམིགས་པ་གནས་པའི་བཟོད་པ་གང་ཡིན་པ་དེ་ནི་ཕྱོགས་གཅིག་པའི་བཟོད་པའི་ཕ་རོལ་ཏུ་ཕྱིན་པའོ། །རྣམ་པར་དབྱེ་བའི་བརྩོན་འགྲུས་གང་ཡིན་པ་དེ་ནི་ཕྱོགས་གཅིག་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དངོས་པོ་ལ་དམིགས་པའི་བསམ་གཏན་གང་ཡིན་པ་དེ་ནི་ཕྱོགས་གཅིག་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྤྱོད་པ་དང ། སེལ་བའི་འདུ་ཤེས་ལ་རྟོག་པ་གང་ཡིན་པ་དེ་ནི་ཕྱོགས་གཅིག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་གནས་རྣམས་དང ། སོ་སོའི་སྐྱེ་བོ་རྣམས་ལ་སེམས་མཉམ་པ་ཉིད་ཀྱིས་སྦྱིན་པ་གང་ཡིན་པ་དེ་ནི་ཉམས་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །མི་གནས་པའི་སྡོམ་པ་གང་ཡིན་པ་དེ་ནི་ཉམས་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ 55a ༄#། །ཕྱིན་པའོ། །འཇིག་རྟེན་གྱི་ཆོས་བརྒྱད་ཀྱིས་བསྒྱུར་དུ་མེད་པ་གང་ཡིན་པ་དེ་ནི་ཉམས་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །བདུད་ཀྱི་མཐུ་ཁོང་དུ་ཆུད་པས་ཇི་ལྟར་ཉམ་ཐག་ཀྱང་བརྩོན་འགྲུས་མི་འདོར་བ་གང་ཡིན་པ་དེ་ནི་ཉམས་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྒྲིབ་པ་མེད་པའི་ཆོས་ལ་ལྷག་པར་མོས་ཤིང་ཡུལ་ལ་མཉམ་པ་ཉིད་རབ་ཏུ་ཐོབ་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཉམས་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་དང་འཇིག་རྟེན་ལས་འདས་པའི་ཆོས་རྣམས་ལ་ཐོགས་པ་མེད་པར་འགྱུར་བ་གང་ཡིན་པ་དེ་ནི་ཉམས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་དག་ནི་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡོངས་སུ་བརྟས་པའི་ངོ་བོས་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །ལེ་ལོ་མེད་པའི་ཚུལ་ཁྲིམས་གང་ཡིན་པ་དེ་ནི་བཅོས་མ་མ་ཡིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བསམ་པ་ཡང་དག་པར་འཕགས་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བཟོད་པའི་ཕ་རོལ་ཏུ་ཕྱིན་ 55b པའོ། །ཡོ་བྱད་དང་ཟང་ཟིང་གི་ཆེད་མ་ཡིན་པར་ཐམས་ཅད་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མངོན་པར་ཞེན་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྗེས་སུ་སྲུང་བ་མེད་པར་གཞན་ལ་ཕན་འདོགས་པར་འགྱུར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ཉི་བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབུལ་པོས་གཞན་ལ་ཕན་པའི་ཕྱིར་ཡོངས་སུ་བསྔོས་ལ་བདག་ཉིད་རྣམ་པར་སྨིན་པ་བདེ་བའི་ཕྱིར་ཞུགས་པ་མ་ཡིན་པ་གང་ཡིན་པ་དེ་ནི་དབུལ་པོ་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །བདེ་བ་འགྲོར་ཡོངས་སུ་བསྔོ་བ་དང་བྲལ་བའི་སྡོམ་པ་གང་ཡིན་པ་དེ་ནི་དབུལ་པོ་མ་ཡིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཟང་ཟིང་གི་ཕྱིར་བཟོད་པ་གང་ཡིན་པ་དེ་ནི་དབུལ་པོ་མ་ཡིན་པ་བཟོད་པའི་ཕ་རོལ་ཏུ་ཕྱིན་པའོ། །ཟང་ཟིང་དང་འབྲེལ་བའི་ལུས་དང་སེམས་ཀྱི་རྩོལ་བ་གང་ཡིན་པ་དེ་ནི་དབུལ་པོ་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚངས་པར་སྐྱེ་བར་ཡོངས་སུ་བསྔོས་པའི་བསམ་ 56a ༄#། །གཏན་བསྐྱེད་པ་གང་ཡིན་པ་དེ་ནི་དབུལ་པོ་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཉོན་མོངས་པ་དང་ཉེ་བར་སྤྱོད་པ་འདྲེས་པ་མང་པོ་ཐོབ་ནས་གནས་ཏེ་སྐྱོན་རྟོགས་ཀྱང་མི་སྤོང་ཞིང་སྨོད་པར་མི་བྱེད་པ་གང་ཡིན་པ་དེ་ནི་དབུལ་པོ་མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཉན་ཐོས་དང ། རངས་སངས་རྒྱས་ལ་མི་གནས་པའི་སྦྱིན་པ་བྱང་ཆུབ་ལས་ཕྱིར་མི་ལྡོག་པ་གང་ཡིན་པ་དེ་ནི་ཕྱིར་མི་ལྡོག་པའི་སྦྱིན་པའི་ཕ་རོལ་ཏུ་ཕྱིན་པའོ། །བྱང་ཆུབ་ཇི་སྲིད་པའི་བར་དུ་ཚུལ་ཁྲིམས་རྒྱུན་ཆད་པ་མེད་པ་གང་ཡིན་པ་དེ་ནི་ཕྱིར་མི་ལྡོག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འཇིག་རྟེན་ལས་འདས་པ་ཉན་ཐོས་ཀྱི་དང ། རང་སངས་རྒྱས་ཀྱིས་ལས་འདས་པ་གང་ཡིན་པ་དེ་ནི་ཕྱིར་མི་ལྡོག་པའི་བཟོད་པའི་ཕ་རོལ་ཏུ་ཕྱིན་པའོ། །ནམ་ཐམས་ཅད་མཁྱེན་པ་ཐོབ་ཀྱི་བར་དུ་ཐབས་མཁས་པས་ཡོངས་སུ་ཟིན་པའི་བརྩོན་འགྲུས་གང་ཡིན་པ་དེ་ནི་ཕྱིར་མི་ལྡོག་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་འདོད་པའི་ཡོན་ཏན་ལ་ལོངས་སྤྱོད་ཅིང་དུས་ཐམས་ཅད་དུ་ཐབས་མཁས་པའི་ཤེས་རབ་ཀྱིས་སྤྱོད་པ་གང་ཡིན་པ་ 56b དེ་ནི་ཕྱིར་མི་ལྡོག་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐན་དགེ་སྦྱོང་དང ། བྲམ་ཟེ་དང ། ཉན་ཐོས་དང ། རང་སངས་རྒྱས་ཀྱིས་མི་འཕྲོག་ཅིང་འཇིག་རྟེན་ལས་འདས་པའི་ཡང་དག་པའི་ལྟ་བ་ལས་བྱུང་བ་སྙིང་རྗེ་ཆེན་པོས་ཉེ་བར་བརྟན་པའི་ཤེས་རབ་རྒྱ་ཆེན་པོ་གང་ཡིན་པ་དེ་ནི་ཕྱིར་མི་ལྡོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐྱོ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་སྦྱིན་པའི་ཕ་རོལ་ཏུ་ཕྱིན་པའོ། །ཐོས་པ་ཉུང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཞེ་སྡང་དང་ཞེ་སྡང་མ་ཡིན་པ་ལ་མི་ལྟ་བར་གནས་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་བཟོད་པའི་ཕ་རོལ་ཏུ་ཕྱིན་པའོ། །རོ་མྱང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་གྱི་ཕ་རོལ་ཏུ་ཕྱིན་པ་བདག་མེད་པ་ལས་ཕྱི་རོལ་ཏུ་གྱུར་བའི་བཟོད་པ་གང་ཡིན་པ་དེ་ནི་རྣམ་པར་སྒྲུབ་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་གྱི་བྱ་བ་ལ་གཞོལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྒྲུབ་པའི་ཤེས་རབ་ཀྱི་ཕ་ 57a ༄#། །རོལ་ཏུ་ཕྱིན་པ་སྟེ། འདི་དག་ནི་རྣམ་པར་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་དག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣམ་པར་སྨིན་པ་ལ་རེ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་དག་པའི་སྦྱིན་པའི་ཕ་རོལ་ཏུ་ཕྱིན་པའོ། །ལེ་ལོ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་དག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དམིགས་པ་མེད་པའི་ཆོས་དང་ལྡན་པའི་བཟོད་པ་གང་ཡིན་པ་དེ་ནི་དག་པའི་བཟོད་པའི་ཕ་རོལ་ཏུ་ཕྱིན་པའོ། །བདག་དང་གཞན་ལ་གནོད་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་དག་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དངོས་པོ་མེད་པ་དང་དམིགས་པ་མེད་པའི་སྟོབས་བསྐྱེད་པ་ཐོབ་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི། དག་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྒྲིབ་པ་ཐམས་ཅད་བསལ་ཅིང་ཕྱིན་ཅི་ལོག་མེད་པ་རྣམ་པར་སྒོམ་པ་གང་ཡིན་པ་དེ་ནི་དག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་དག་པའི་ཕ་རོལ་ཏུ་ཕྱིན་པའི་དྲུག་གོ་།དེ་ལ་བརྟན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་སྦྱིན་པ་སྦྱིན་པར་བྱེད་པ་ན་བདུད་ཀྱིས་སྤྲུལ་ནས་དབྱེ་བར་མི་ནུས་ཤིང་གདུང་བ་མེད་པར་བདོག་པ་ཐམས་ཅད་ཡོངས་ 57b སུ་གཏོང་བ་གང་ཡིན་པ་དེ་ནི་བརྟན་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དགེ་མཚན་དང་བཀྲ་ཤིས་ལ་མི་གནས་ཤིང་བྱང་ཆུབ་ཏུ་ངེས་པར་བསྔོ་བ་གང་ཡིན་པ་དེ་ནི་བརྟན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྗེས་སུ་ཆགས་པ་དང་ཁོང་ཁྲོ་བ་མེད་ཅིང་ཐུན་མོང་མ་ཡིན་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟན་པའི་བཟོད་པའི་ཕ་རོལ་ཏུ་ཕྱིན་པའོ། །མཁས་པས་སྙེམས་པ་མེད་ཅིང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྒྱུར་བྱེད་ནས་མི་བསྐྱོད་པ་གང་ཡིན་པ་དེ་ནི་བརྟན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཡོངས་སུ་སྨིན་པར་བྱ་བའི་ཕྱིར་ཡོངས་སུ་བསྔོས་པ་དང ། དབང་པོ་དང ། སྙོམས་པར་འཇུག་པ་དག་བརྟན་པར་བྱ་བའི་ཕྱིར་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ལ་ངེས་པར་རྟོག་པའི་བཟོད་པས་ངེས་པར་བྱུང་ཞིང་ཐམས་ཅད་དུ་རྨོངས་པ་མེད་པར་གནས་བའི་ཤེས་རབ་གང་ཡིན་པ་དེ་ནི་བརྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྟན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྟུན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དམིགས་པ་མེད་པར་གནས་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟན་པའི་སྦྱིན་པའི་ཕ་རོལ་ཏུ་ཕྱིན་པའོ། །སྙེམས་པ་ 58a ༄#། །མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྟུན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྗེས་སུ་ཆགས་པ་དང་ཁོང་ཁྲོ་བ་སྤོང་བ་ལ་དམིགས་པའི་བཟོད་པ་གང་ཡིན་པ་དེ་ནི་བརྟུན་པའི་བཟོད་པའི་ཕ་རོལ་ཏུ་ཕྱིན་པའོ། །ངར་འཛིན་པ་དང ། སྡུག་བསྔལ་སྣ་ཚོགས་སྤང་བ་དང ། སྨད་པའི་ཕྱིར་བདག་གི་ངལ་བ་སྤངས་ནས་སྟོང་པ་ཉིད་ཀྱི་རྗེས་སུ་མཐུན་པ་གང་ཡིན་པ་དེ་ནི་བརྟུན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །གང་མི་རྟག་པས་ཡིད་བྱུང་སྟེ་རྟེན་ཅིང་འབྲེལ་པར་འབྱུང་བའི་སྟོབས་རྙེད་ཅིང་ཡོངས་སུ་གཏུགས་པ་མེད་པས་ཕྱེ་བ་གང་ཡིན་པ་དེ་ནི་བརྟུན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདོད་ཆགས་དང་བྲལ་བར་ཞུགས་པ་གཉིས་སུ་མེད་པས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་བརྟུན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྟུན་པའི་ཕ་རོལ་ཏུ་ཕྱིན་པ་དྲུག་གོ ། དེ་ལ་ངོམས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པ་ཐར་པར་ཡོངས་སུ་བསྔོ་ཞིང་འཁོར་བར་ཡོངས་སུ་མི་བསྔོ་བ་གང་ཡིན་པ་དེ་ནི་ངོམས་པའི་སྦྱིན་པའི་ཕ་རོལ་ཏུ་ཕྱིན་པའོ། །ནག་ནོག་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་ 58b དཔའི་ངོམས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནག་ནོག་ཅན་གང་ཡིན་པ་ཡོད་དེ། ཚུལ་ཁྲིམས་དེས་ན་ཉན་ཐོས་ཀྱི་སའམ། རང་སངས་རྒྱས་ཀྱི་སར་སྨོན་པ་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནག་ནོག་ཅན་ནོ། །སངས་རྒྱས་ཀྱི་ཡོན་ཏན་གྱི་བཀོད་པ་དཔག་ཏུ་མེད་པ་དག་འགྲུབ་པར་བྱེད་ཅིང་བླ་ན་མེད་པའི་སྨོན་ལམ་འདོད་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་བཟོད་པའི་ཕ་རོལ་ཏུ་ཕྱིན་པའོ། །འདུས་བྱས་རྣམས་ལ་ལྷག་པར་ཆགས་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མཐུན་པ་དང་མི་མཐུན་པས་རབ་ཏུ་ཕྱེ་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྣམ་པར་ཐར་པའི་སྒོ་གསུམ་ཡོངས་སུ་བཟུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི། ངོམས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པ་བྱང་ཆུབ་ཀྱི་ཕྱིར་ཡོངས་སུ་མི་བསྔོ་བ་གང་ཡིན་པ་དེ་ནི་འཇིག་རྟེན་པའི་སྦྱིན་པའི་ཕ་རོལ་ཏུ་ཕྱིན་པའོ། །ཚུལ་ཁྲིམས་རྣམ་པ་བདུན་གང་ཡིན་པ་དེ་ནི་འཇིག་རྟེན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་བཟོད་པ་གང་ 59a ༄#། །ཡིན་པ་དེ་ནི་འཇིག་རྟེན་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་འདུ་འཛིན་ན་གང་ཡིན་པ་དེ་ནི་འཇིག་རྟེན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་འཇིག་རྟེན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་གྱི་ཆོས་རྣམས་འདྲིས་པར་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཇིག་རྟེན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་འཇིག་རྟེན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་ཕྱིར་ཆོས་ཀྱི་སྦྱིན་པ་དང ། ཟང་ཟིང་པ་མངོན་པར་བསྒྲུབས་པའི་བསོད་ནམས་ཀྱི་རྣམ་པར་སྨིན་པའི་བསམ་པ་འགྲུབ་ལ། མྱུར་དུ་མྱ་ངན་ལས་འདས་པ་ཞི་བ་མཆོག་ཐོབ་པར་འགྱུར་རོ། ཞེས་བཅོམ་ལྡན་འདས་ཀྱིས་ཇི་སྐད་གསུངས་པ་གང་ཡིན་པ་དེ་ནི་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཉན་ཐོས་དང་རང་སངས་རྒྱས་ཀྱི་ཆོས་རྣམས་ཀྱི་སྡོམ་པ་ཤིན་ཏུ་བསལ་ཞིང ། གང་ན་བག་ཆགས་ཀྱི་ཉིང་མཚམས་སྦྱོར་བ་འགོག་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཚུལ་ཁྲིམས་ 59b ཀྱི་ཕ་རོལ་ཏུ་ཕྱིན་པའོ། །ཟག་པ་མེད་པའི་ཆོས་རྣམས་ཀྱིས་བཟོད་པ་གང་ཡིན་པ་དེ་ནི་འཇིག་རྟེན་ལས་འདས་པའི་བཟོད་པའི་ཕ་རོལ་ཏུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་ཐོབ་པས་རྣམ་བྱང་ཆུབ་ཀྱི་བར་དུ་སེམས་ཅན་ཡོངས་སུ་སྨིན་པར་བྱ་བའི་ཕྱིར་རྩོལ་བ་གང་ཡིན་པ་དེ་ནི་འཇིག་རྟེན་ལས་འདས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའི་ཆོས་ལ་དབང་པོ་དང་ཡེ་ཤེས་ཡོངས་སུ་རྫོགས་པར་བྱ་བའི་ཕྱིར་ཏིང་ངེ་འཛིན་དུ་གནས་པ་གང་ཡིན་པ་དེ་ནི་འཇིག་རྟེན་ལས་འདས་པའི་བསམ་གཏན་ཀྱི་ཕ་རོལ་ཏུ་ཕྱིན་པའོ། །ཉན་ཐོས་དང་རང་སངས་རྒྱས་རྣམས་དང་ཐུན་མོང་མ་ཡིན་པ་བྱང་ཆུབ་ཕྱོགས་གཅིག་པ་ཐམས་ཅད་མཁྱེན་པའི་ཡེ་ཤེས་མཐར་ཕྱིན་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཞི་པ། །དེ་ལ་བླ་ན་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་ཞིང་དུ་བྱང་རབ་སེམས་དཔའ་དབང་བསྐུར་བའི་བཀོད་པ་ཚད་མེད་པ་དང ། ང་རྒྱལ་ལ་གནས་པའི་སེམས་ཅན་རྣམས་ཀྱི་མོས་པའི་རྣམ་པར་སྨིན་པ་བསྐལ་བ་གྲངས་མེད་པར་རྒྱུན་མི་ 60a ༄#། །ཆད་པ་གང་ཡིན་པ་དེ་ནི་བླ་ན་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཆོས་ཀྱི་འདུ་ཤེས་ལ་གནས་ནས་ངན་སོང་གསུམ་ཡོངས་སུ་སྤངས་ཏེ་སངས་རྒྱས་ཀྱི་ཞིང་ཡོངས་སུ་འཛིན་པ་གང་ཡིན་པ་དེ་ནི་བླ་ན་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའི་འཁོར་གསེར་གྱི་མདོག་ལྟ་བུར་འགྱུར་བ།་གནོད་སེམས་ཐམས་ཅད་ཆུང་བ་གང་ཡིན་པ་དེ་ནི་བླ་ན་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཇི་ལྟར་བྱང་ཆུབ་སེམས་དཔའ་མི་འཁྲུགས་པའི་ཡི་དམ་མ་བཏང་བ་གང་ཡིན་པ་དེ་ནི་བླ་ན་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཁྱིམ་བར་གྱུར་པ་བཙུན་མོའི་འཁོར་ན་གནས་ཀྱང་བསམ་གཏན་བཞི་ཆུད་མི་ཟ་ལ་འདི་ལྟར་སངས་རྒྱས་ཀྱི་ཞིང་དུ་འཁོར་ཉོན་མོངས་པ་ཆུང་པའི་རྣམ་པར་སྨིན་པ་གང་ཡིན་པ་དེ་ནི་བླ་ན་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སངས་རྒྱས་ཀྱི་ཞིང་ཡོངས་སུ་འཛིན་ཅིང་ཚེ་དཔག་ཏུ་མེད་པ་དང ། བཀོད་པ་དཔག་ཏུ་མེད་པ་དང ། འཁོར་དཔག་ཏུ་མེད་པའི་ནང་དུ་སྤོབས་པ་གང་ཡིན་པ་དེ་ནི་བླ་ན་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བླ་ན་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཡེང་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའི་སྦྱིན་པའི་ཕ་ 60b རོལ་ཏུ་ཕྱིན་པ་ཡོངས་སུ་བསྔོ་བའི་རྣམ་པར་སྨིན་པས་མངོན་པར་ཤེས་པ་མྱུར་བར་འགྱུར་བ་གང་ཡིན་པ་དེ་ནི་གཡེང་བ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ས་གང་ན་གང་གི་འཕགས་པའི་ཆོས་རྣམས་རྒྱུན་མི་ཆད་པར་གནས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་གང་ཡིན་པ་དེ་ནི་གཡེང་བ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དགེ་བའི་ཆོས་ཐམས་ཅད་སྒྲུབ་པར་བྱེད་པ་གང་ཡིན་པ་དེ་ནི་གཡེང་བ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཡིད་བྱུང་བས་རབ་ཏུ་བསྐྱེད་པ་དང ། མྱ་ངན་ལས་འདས་པས་རབ་ཏུ་བསྐྱེད་པ་དང ། འདོད་ཆགས་དང་བྲལ་བས་རབ་ཏུ་བསྐྱེད་པ་དང ། མ་དད་པ་རྣམས་ཀྱི་དྲན་པ་དང ། སངས་རྒྱས་རྣམས་ཀྱི་དགེ་བའི་རྩ་བ་ལས་བརྩམས་པ་གང་ཡིན་པ་དེ་ནི་གཡེང་བ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་ལ་གནས་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འཇུག་པ་དང ། འདོད་པ་ན་སྤྱོད་པའི་ཆོས་རྣམས་ལྷག་པར་མཐོང་ཡང་མི་སྤོང་ལ། སྐྱོན་དང་སྐྱོན་མེད་བ་རྟོགས་པ་གང་ཡིན་པ་དེ་ནི་གཡེང་བ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །་ཕ་རོལ་ཏུ་ཕྱིན་པ་དྲུག་ཀྱང་སྤྱོད་ཅིང་འཇིག་རྟེན་གྱི་ཆོས་ཐམས་ཅད་ཀྱང་སྤྱོད་ལ་སྐྱོན་དང་སྐྱོན་མེད་པའང་རྟོགས་པ་དང ། བྱང་ཆུབ་སེམས་དཔའི་ཆོས་རྣམས་ཀྱང་སྤྱོད་ 61a ༄#། །ལ་སྐྱོན་དང་སྐྱོན་མེད་པའང་རྟོགས་པ་གང་ཡིན་པ་དེ་ནི་གཡེང་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་གཡེང་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མི་འཁོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་དམིགས་པ་མེད་པ་ལ་གནས་པའི་སྦྱིན་པ་གང་ཡིན་པ་དེ་ནི་མི་འཁོར་བའི་སྦྱིན་པའི་ཕ་རོལ་ཏུ་ཕྱིན་པའོ། །ཉན་ཐོས་དང ། རང་སངས་རྒྱས་དང ། སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་གང་ཡིན་པ་དེ་ནི་མི་འཁོར་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ངར་འཛིན་པ་དང ། ང་ཡིར་འཛིན་པ་ཆད་ཅིང ། རྗེས་སུ་ཆགས་པ་དང ། ཁོང་ཁྲོ་བ་ལས་དབེན་པ་གང་ཡིན་པ་དེ་ནི་མི་འཁོར་བའི་བཟོད་པའི་ཕ་རོལ་ཏུ་ཕྱིན་པའོ། །དེ་སེམས་ཅན་གཞན་གྱི་ངོར་བལྟ་ཞིང་ཡེ་ཤེས་ལས་མི་ལྡོག་པ་ཕ་རོལ་གནོན་པ་གང་ཡིན་པ་དེ་ནི་མི་འཁོར་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མཐོང་བ་དང ། ཐོས་པ་དང ། དྲན་པའི་ཆོས་རྣམས་ཡོངས་སུ་ཤེས་པར་བྱ་བའི་ཕྱིར་གནས་པའི་བསམ་གཏན་གང་ཡིན་པ་དེ་ནི་མི་འཁོར་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐེ་ཚོམ་ཡང་དག་པར་བཅོམ་ཞིང་མཚན་མ་མེད་པས་རབ་ཏུ་ཕྱེ་ལ། བྱང་ཆུབ་ཏུ་ཕྱོགས་གཅིག་པ་ཐམས་ཅད་མཁྱེན་པའི་ཡེ་ཤེས་ 61b ཁྱད་པར་དུ་འཕགས་པའི་ཤེས་རབ་གང་ཡིན་པ་དེ་ནི་མི་འཁོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མི་འཁོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཇི་སྲིད་དུ་དམ་པའི་ཆོས་མ་ནུབ་ཀྱི་བར་དུ་རྣམ་པར་སྨིན་པ་སེམས་ཅན་དང་ལྷན་ཅིག་ཏུ་འཇུག་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཁོར་བའི་སྦྱིན་པའི་ཕ་རོལ་ཏུ་ཕྱིན་པའོ། །དགའ་ལྡན་གྱི་གནས་ན་གནས་པ་ནས་བཟུང་སྟེ་ནམ་མྱ་ངན་ལས་འདས་པའི་བར་དུ་རབ་ཏུ་འཇུག་པ་སྤང་བའི་ཕྱིར་གནས་པ་བཀྲ་ཤིས་པ་གང་ཡིན་པ་དེ་ནི་འཁོར་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ཡོངས་སུ་སྨིན་པར་བྱ་བའི་ཕྱིར་གནས་ཤིང་དུས་སུ་ཡོངས་སུ་བསྔོས་ལ། ཡང་དག་པ་དེ་ཁོ་ན་དང་ལྷན་ཅིག་པའི་བཟོད་པ་འཁོར་བ་དང་མཐུན་པ་གང་ཡིན་པ་དེ་ནི་འཁོར་བའི་བཟོད་པའི་ཕ་རོལ་ཏུ་ཕྱིན་པའོ། །ཇི་ལྟར་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་སྨོན་ལམ་དང ། ཇི་ལྟར་རྐང་བཀྲ་གདུལ་བའི་ཕྱིར་སྐྱེ་བོ་མང་པོ་ལ་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་འཁོར་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་གང་ཡིན་ཞིག་སྒྲིབ་པ་མེད་པར་སྟོན་པའི་ཏིང་ངེ་འཛིན་ལས་བྱུང་བ་ལ་སྙོམས་པར་འཇུག་པ་ན་སེམས་ཅན་ཐམས་ཅད་ཀྱིས་བདེ་བ་རབ་ཏུ་འཐོབ་པ་ 62a ༄#། །གང་ཡིན་པ་དེ་ནི་འཁོར་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །བདག་གི་དོན་བྱང་ཆུབ་ཀྱི་སྐུ་དང་མོས་པ་སྣ་ཚོགས་པ་དག་གི་དོན་ཀུན་ནས་ཤེས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཁོར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཁོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐུན་མོང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་སྨོན་ལམ་གྱིས་ཡོངས་སུ་བསྔོས་པ་གང་ཡིན་པ་དེ་ནི་ཐུན་མོང་བའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་རླབས་ཏུ་སྦྱོར་བར་ཡོངས་སུ་བཟུང་བའི་ཉེ་བར་ལེན་པ་དང་བཅས་པའི་ཚུལ་ཁྲིམས་གང་ཡིན་པ་དེ་ནི་ཐུན་མོང་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱིན་གྱིས་བརླབས་ཡོངས་སུ་བཟུང་བའི་བཟོད་པ་གང་ཡིན་པ་དེ་ནི་ཐུན་མོང་པའི་བཟོད་པའི་ཕ་རོལ་ཏུ་ཕྱིན་པའོ། །སྙིང་རྗེ་དང་མཚུངས་པར་ལྡན་པའི་བརྩོན་འགྲུས་གང་ཡིན་པ་དེ་ནི་ཐུན་མོང་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ལ་ཕན་པའི་ཕྱིར་དུས་སུ་ཡོངས་སུ་སྨིན་པར་བྱ་བ་དང ། ཡོངས་སུ་བསྔོ་བའི་བསམ་གཏན་གང་ཡིན་པ་དེ་ནི་ཐུན་མོང་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བག་ཆགས་ཀྱི་མཚམས་སྦྱོར་བ་ལ་རྨོངས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཐུན་ 62b མོང་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐུན་མོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐུན་མོང་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོབས་པ་ཁོང་དུ་ཆུད་པར་བྱ་བའི་ཕྱིར་སྒྲུབ་པ་དང ། གང་སྤོབས་བ་སྣ་ཚོགས་བསྐྱེད་པ་འགྲུབ་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཐུན་མོང་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་ཁྱིམ་ལ་མངོན་པར་མི་དགའ་བའི་ཚུལ་ཁྲིམས་གང་ཡིན་པ་དེ་ནི་ཐུན་མོང་མ་ཡིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། རྟོན་པ་ཐུན་མོང་མ་ཡིན་པ་ཟབ་མོའི་ཆོས་ལ་བཟོད་པ་གང་ཡིན་པ་དེ་ནི་ཐུན་མོང་མ་ཡིན་པའི་བཟོད་པའི་ཕ་རོལ་ཏུ་ཕྱིན་པའོ། དཔག་ཏུ་མེད་པར་འབྱུང་བའི་བརྩོན་འགྲུས་གང་ཡིན་པ་དེ་ནི་ཐུན་མོང་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སེམས་ཅན་ལ་སྒོམ་པ་དང ། ཆོས་ལ་ལྷག་པའི་བསམ་པས་བསྒོམ་པ་དང ། སྟོང་པ་ཉིད་ཀྱི་རྣམ་པའི་བསམ་གཏན་གང་ཡིན་པ་དེ་ནི་ཐུན་མོང་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དོན་སོ་སོ་ཡང་དག་པར་རིག་པ་དང ། ངེས་པའི་ཚིག་སོ་སོ་ཡང་དག་པར་རིག་པ་དང ། ཆོས་སོ་སོ་ཡང་དག་པར་རིག་པའི་རྗེས་སུ་ཞུགས་པ་དང ། ཆོས་གཉིས་རྟོགས་པ་ལས་འབྱུང་བ་དང ། ཅང་ཤེས་ཀྱི་ལས་གཉིས་ལ་རབ་ཏུ་ཤེས་པ་གང་ཡིན་པ་དེ་ 63a ༄#། །ནི་ཐུན་མོང་མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐུན་མོང་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་བགེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པ་ལས་བྱུང་བ་དང ། སྦྱིན་པའི་ཕ་རོལ་ཏུ་ཕྱིན་པ་འགྲུབ་པ་གང་ཡིན་པ་དེ་ནི་རྣམ་པར་བགེད་པའི་སྦྱིན་པའི་ཕ་རོལ་ཏུ་ཕྱིན་པའོ། །དེ་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་ཅི་རིགས་པར་ལུས་ལ་ཡན་ལག་དང ། ཉིང་ལག་ཡོངས་སུ་རྫོགས་པ་གང་ཡིན་པ་དེ་ནི་རྣམ་པར་བགེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འཁོར་གྱི་ནང་ན་ངེས་པར་གནས་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བཟོད་པའི་ཕ་རོལ་ཏུ་ཕྱིན་པའོ། །དོན་ཐམས་ཅད་གྲུབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྔོན་གྱི་གནས་ཤེས་པ་མངོན་སུམ་དུ་བྱ་བའི་ཕྱིར་ཤེས་པ་ལ་གནས་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བདེན་པ་ཡོད་པ་ལ་རབ་ཏུ་རྟོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་ 63b དག་ནི་རྣམ་པར་བགེད་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཇི་ལྟར་ཆུ་བོ་ནཻ་རཉྫ་ནའི་འགྲམ་དུ་ཟས་རྙེད་ནས་དཀའ་བ་སྤྱད་པ་སྤྱོད་པར་ཀུན་ཏུ་སྟོན་པར་བྱིན་གྱིས་བརླབས་པ་གང་ཡིན་པ་དེ་ནི་རྣམ་པ་སྨིན་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཇི་ལྟར་རྒྱུ་སྐར་ཉིས་སྟོང་ལྔ་བརྒྱའི་སྤྲུལ་པ་ལ་ཞུགས་ཤིང་ཆུ་བོ་གངྒཱའི་འགྲམ་ན་མི་དམིགས་པར་གནས་པ་གང་ཡིན་པ་དེ་ནི་རྣམ་པར་སྨིན་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལུས་དང་ངག་དང ། སེམས་དམིགས་པ་མེད་པས་ཕྱེ་བའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣམ་པར་སྨིན་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །རྣམ་པར་བརྟགས་པ་མེད་པའི་རྩོལ་བ་གང་ཡིན་པ་དེ་ནི་རྣམ་པར་སྨིན་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འགོག་པའི་ས་ལ་གནས་པའི་བསམ་གཏན་གང་ཡིན་པ་དེ་ནི་རྣམ་པར་སྨིན་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཟད་པ་མེད་པར་འགྱུར་བའི་ལྷག་མཐོང་གི་ཤེས་རབ་གང་ཡིན་པ་དེ་ནི། རྣམ་པར་སྨིན་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངོ་བོ་ཉིད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རློམ་སེམས་མེད་པའི་ 64a ༄#། །སྦྱིན་པ་གང་ཡིན་པ་དེ་ནི་ངོ་བོ་ཉིད་ཀྱི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ལ་རློམ་སེམས་མེད་པའི་ཚུལ་ཁྲིམས་གང་ཡིན་པ་དེ་ནི་ངོ་བོ་ཉིད་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བདག་མེད་པར་བཟོད་པ་གང་ཡིན་པ་དེ་ནི་ངོ་བོ་ཉིད་ཀྱིས་བཟོད་པའི་ཕ་རོལ་ཏུ་ཕྱིན་པའོ། །བདག་མེད་པར་དམིགས་པའི་བརྩོན་འགྲུས་གང་ཡིན་པ་དེ་ནི་ངོ་བོ་ཉིད་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཕྱི་དང་ནང་ལ་མི་གནས་པའི་བསམ་གཏན་གང་ཡིན་པ་དེ་ནི་ངོ་བོ་ཉིད་ཀྱི་བསམ་གཏན་གྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་ཕྱིན་ཅི་ལོག་མེད་པར་བཏང་སྙོམས་པ་གང་ཡིན་པ་དེ་ནི་ངོ་བོ་ཉིད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ངོ་བོ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དངོས་པོ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མ་འོངས་པའི་སེམས་སྦྱིན་པ་ལ་མ་ཞུགས་པ་གང་ཡིན་པ་དེ་ནི་དངོས་པོ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཟད་པས་རབ་ཏུ་ཕྱེ་བའི་སྡོམ་པ་གང་ཡིན་པ་དེ་ནི་དངོས་པོ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དགེ་བའི་འདུ་ཤེས་ཅན་དང ། མི་དགེ་བའི་འདུ་ཤེས་ཅན་དུ་སྤྲོས་པ་མེད་པ་གང་ཡིན་པ་དེ་ནི་དངོས་པོ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ལམ་ལ་རྩོལ་པ་གང་ཡིན་པ་དེ་ནི་དངོས་པོ་མེད་པའི་བརྩོན་ 64b འགྲུས་ཀྱི་ཕ་རོལ་ཏུ་ཕྱིན་པའོ། །ཁམས་གསུམ་ལ་མངོན་པར་ཞེན་པ་མེད་པའི་སེམས་གང་དུ་ཇི་ལྟ་བ་བཞིན་རྗེས་སུ་སོང་བ་གང་ཡིན་པ་དེ་ནི་དངོས་པོ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདེ་ལ་འདུས་བྱས་ཀྱི་འདུ་ཤེས་ཅན་དང ། གང་འདུས་མ་བྱས་ཀྱི་འདུ་ཤེས་ཅན་མེད་པར་རྣམ་པར་སྤྱོད་པ་གང་ཡིན་པ་དེ་ནི་དངོས་པོ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། །འདི་དག་ནི་བྱང་ཆུབ་སེམས་དཔའི་དངོས་པོ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་དཔག་ཏུ་མེད་པའི་ཕྱིར་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་རྒྱ་ཆེ་བའི་སྦྱིན་པའི་ཕ་རོལ་ཏུ་ཕྱིན་པའོ། །ཐམས་ཅད་དུ་འགྲོ་བའི་ཚུལ་ཁྲིམས་གང་ཡིན་པ་དེ་ནི་རྒྱ་ཆེ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྦྱོར་བ་ལ་མི་ལྟོས་པའི་བཟོད་པ་གང་ཡིན་པ་དེ་ནི་རྒྱ་ཆེ་བའི་བཟོད་པའི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་ལས་བྱུང་བའི་བརྩོན་འགྲུས་གང་ཡིན་པ་དེ་ནི་རྒྱ་ཆེ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཏིང་ངེ་འཛིན་སྟོང་ཕྲག་བརྒྱད་ཅུ་སྒྲུབ་པར་བྱེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱ་ཆེ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་དང ། རྣམ་པར་བྱང་བ་ཁོང་དུ་ཆུད་ཅིང་སྨོན་ལམ་མཁས་འཆེས་པ་གང་ཡིན་པ་ 65a ༄#། །དེ་ནི་རྒྱ་ཆེ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྱིར་མི་ལྡོག་པའི་ཆོས་དང་ལྡན་པར་འགྱུར་བ་རྣམ་པ་བཅུ་དྲུག་དང་ལྡན་པའི་སྦྱིན་པ་གང་ཡིན་པ་དེ་ནི་རྒྱས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་རྡུལ་ཙམ་ལ་འཇིགས་པར་ལྟ་བར་དམ་བཅས་གང་ཡིན་པ་དེ་ནི་རྒྱས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྗེས་སུ་ཆགས་པ་དང ། ཁོང་ཁྲོ་བ་སྤངས་པའི་བཟོད་པ་གང་ཡིན་པ་དེ་ནི་རྒྱས་པའི་བཟོད་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་མེད་པ་ལ་རབ་ཏུ་སྦྱོར་བའི་བརྩོན་འགྲུས་གང་ཡིན་པ་དེ་ནི་རྒྱས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོ་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་རྒྱས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། ། ཐོགས་པ་མེད་པར་སྟོན་པའི་ཤེས་རབ་གང་ཡིན་པ་དེ་ནི་རྒྱས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྒྱས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤེས་རབ་དང་མཚུངས་པར་ལྡན་པའི་སྦྱིན་པ་གང་ཡིན་པ་དེ་ནི་མཐའ་ཡས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཕན་པར་ 65b འདོད་པའི་ཆོས་དང་མཚུངས་པར་ལྡན་པའི་ཚུལ་ཁྲིམས་གང་ཡིན་པ་དེ་ནི་མཐའ་ཡས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྣམ་པར་ཐར་པའི་སྒོ་གསུམ་ལ་བཟོད་པ་གང་ཡིན་པ་དེ་ནི་མཐའ་ཡས་པའི་བཟོད་པའི་ཕ་རོལ་ཏུ་ཕྱིན་པའོ། །ཡང་དག་པར་ཤིན་ཏུ་སྦྱངས་པའི་གཞིའི་བརྩོན་འགྲུས་གང་ཡིན་པ་དེ་ནི་མཐའ་ཡས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱམས་པ་ལ་སྦྱོང་ཞིང་བྱང་ཆུབ་ཀྱི་ཡན་ལག་ལ་དམིགས་པའི་བསམ་གཏན་གང་ཡིན་པ་དེ་ནི་མཐའ་ཡས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སོ་སོ་ཡང་དག་པར་རིག་པའི་ཤེས་རབ་གང་ཡིན་པ་དེ་ནི། མཐའ་ཡས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚོལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། རབ་ཏུ་བྱུང་བ་ལྷུང་བཟེད་ཐོགས་ནས་ཇི་སྙེད་པ་ཡང་དག་པར་བགེད་པ་གང་ཡིན་པ་དེ་ནི་ཚོལ་བའི་སྦྱིན་པའི་ཕ་རོལ་ཏུ་ཕྱིན་པའོ། །སྦྱངས་པའི་ཡོན་ཏན་གྱི་ཚུལ་ཁྲིམས་གང་ཡིན་པ་དེ་ནི་ཚོལ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཐོས་པའི་གཞི་དང ། དགེ་བའི་གཞི་དག་ལས་སྡུག་བསྔལ་ལ་མི་མཇེད་པ་ནི། དཔེར་ན། རྒྱལ་བོའི་མགོ་དང ། བཙུན་མོ་ཡོངས་སུ་གཏོང་བ་ལྟ་བུ་དང ། གང་གི་ཚེ་ཡང་དག་པར་སོ་སོར་བརྟགས་ 66a ༄#། །པས་དང་དུ་ལེན་པ་གང་ཡིན་པ་དེ་ནི་ཚོལ་བའི་བཟོད་པའི་ཕ་རོལ་ཏུ་ཕྱིན་པའོ། །མར་མེ་མཛད་ཀྱི་སྔོན་རོལ་ཏུ་སྡུག་བསྔལ་བས་དགེ་བ་ལེགས་པར་སྒྲུབ་པ་ན་ཡོངས་སུ་མི་སྐྱོ་བ་གང་ཡིན་པ་དེ་ནི་ཚོལ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རྟོག་དཔྱོད་དང་བཅས་པའི་བསམ་གཏན་ལྷག་མཐོང་གིས་ཤས་ཆེ་བ་གང་ཡིན་པ་དེ་ནི་ཚོལ་བའི་བསམ་གཏན་ཀྱི་ཕ་རོལ་ཏུ་ཕྱིན་པའོ། །རྟེན་ཅིང་འབྲེལ་པར་འབྱུང་བའི་གཏན་ཚིགས་ཀྱིས་སྟོང་པ་ཉིད་ཀྱི་དོན་ཚོལ་བ་གང་ཡིན་པ་དེ་ནི་ཚོལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཚོལ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྒལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབུལ་པོ་འཇོམས་པར་འགྱུར་པ་ཁྱིམ་བདག་རིན་པོ་ཆེ་སྒྲུབ་པར་བྱེད་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བརྒལ་བའི་སྦྱིན་པའི་ཕ་རོལ་ཏུ་ཕྱིན་པའོ། །གང་གི་ཚེ་དགེ་བ་བཅུའི་ལས་ཀྱི་ལམ་དག་ཀུན་ནས་སྲུང་བ་རྣམ་པར་སྨིན་པ་སྐྱེ་བོ་གཞན་ལ་སྟོབ་པའི་ཚུལ་ཁྲིམས་གང་ཡིན་པ་དེ་ནི་བརྒལ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སོ་སོར་བརྟགས་པའི་སྟོབས་ཀྱི་དང་དུ་ལེན་པ་གང་ཡིན་པ་དེ་ནི་བརྒལ་བའི་བཟོད་པའི་ཕ་རོལ་ཏུ་ཕྱིན་པའོ། །འདོད་པའི་རྣམ་པར་རྟོག་པ་སྤང་པའི་ཕྱིར་ངེས་ 66b པར་འབྱུང་བའི་རྣམ་པར་རྟོག་པ་གང་ཡིན་པ་དེ་ནི་བརྒལ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རྣམ་པར་འཚེ་བ་སྤང་བའི་ཕྱིར་སྙོམས་པ་མེད་པའི་བསམ་གཏན་གང་ཡིན་པ་དེ་ནི་བརྒལ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཁམས་གསུམ་པའི་སྡུག་བསྔལ་གྱི་མཚན་ཉིད་ལ་ཉེ་བར་རྟོག་པ་བདག་མེད་པས་ངེས་པར་འབྱུང་བ་གང་ཡིན་པ་དེ་ནི་བརྒལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བརྒལ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་དགའ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པ་ཐམས་ཅད་འབྱོར་བར་བྱ་བའི་ཕྱིར་ལྷ་དང་མེའི་འགྲོ་བར་རྣམ་པར་སྨིན་པར་འགྱུར་བའི་སྦྱིན་པའི་ཕ་རོལ་ཏུ་ཕྱིན་པ་ང་རྒྱལ་མེད་པ་གང་ཡིན་པ་དེ་ནི་མངོན་པར་དགའ་བའི་སྦྱིན་པའི་ཕ་རོལ་ཏུ་ཕྱིན་པའོ། །ལྷ་དང་མིའི་འགྲོ་བ་དག་ཏུ་ཚེ་རིང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་མངོན་པར་དགའ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་གང་ཡིན་པ་དེ་ནི་མངོན་པར་དགའ་བའི་བཟོད་པའི་ཕ་རོལ་ཏུ་ཕྱིན་པའོ། །རྩོལ་བ་དང་བཅས་པའི་བརྩོན་འགྲུས་འབྲས་བུ་ཡོད་པ་གང་ཡིན་པ་དེ་ནི་མངོན་པར་དགའ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་ཉིད་ཡོན་ཏན་གྱི་རྣམ་པ་ཐོབ་པར་བྱ་བའི་ཕྱིར་དང ། བདག་དང་གཞན་ལ་ཕན་པའི་རྣམ་པར་ 67a ༄#། །སྨིན་པའི་རྒྱུའི་ཕྱིར་དང ། སྨོན་ལམ་ཐོབ་པར་བྱ་བའི་ཕྱིར་དང ། ཡང་དག་པར་ཇི་ལྟ་བ་བཞིན་དུ་རྟོགས་པར་འགྱུར་བའི་བསམ་གཏན་གང་ཡིན་པ་དེ་ནི་མངོན་པར་དགའ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །དེ་བཞིན་གཤེགས་པའི་སྤྱོད་པ་ཐམས་ཅད་ཁོང་དུ་ཆུད་པར་བྱེད་པའི་ཕྱིར་ཆོས་ཉན་པ་ནི་མངོན་པར་དགའ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མངོན་པར་དགའ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ནོར་དང་ཟས་དང་གོས་ལ་སོགས་པ་ལ་མ་ཆགས་ཤིང ། ལན་ལ་རེ་བ་མེད་པའི་ཚུལ་གྱིས་ཡོངས་སུ་གཏོང་བར་བྱེད་པ་ནི། མངོན་པར་དགའ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ངེས་པར་འབྱུང་བ་དང་ལྡན་པ་ཁྱིམ་ན་གནས་པའི་ཚུལ་ཁྲིམས་གང་ཡིན་པ་དེ་ནི་མངོན་པར་དགའ་བ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འགྱོད་པ་བཟོད་པ་གང་ཡིན་པ་དེ་ནི་མངོན་པར་དགའ་བ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །སྡུག་བསྔལ་སྤང་བའི་ཕྱིར་བརྩོན་པ་གང་ཡིན་པ་དེ་ནི་མངོན་པར་དགའ་བ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རིས་མེ་འཐུན་པར་སོང་སྟེ་སྡུག་བསྔལ་ཡང་དག་པར་འབྱུང་བ་དང་ 67b རྗེས་སུ་ཆགས་པ་དང ། ཁོང་ཁྲོ་བ་དང་མཚུངས་པར་ལྡན་པའི་མཚན་ཉིད་ཅན་གྱི་བསམ་གཏན་གང་ཡིན་པ་དེ་ནི་མངོན་པར་དགའ་བ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་དམིགས་པ་ཅན་ཁམས་གསུམ་ལ་མངོན་པར་དགའ་བ་མེད་པའི་ཤེས་རབ་གང་ཡིན་པ་དེ་ནི་མངོན་པར་དགའ་བ་མེད་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐོས་པ་འཛིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་ཟག་ལ་ཆོས་ཀྱི་སྦྱིན་པ་གང་ཡིན་པ་འདི་དང ། སྟོན་པ་དང ། ཁ་ཏོན་བྱེད་དུ་འཇུག་པ་དང ། འཛིན་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་སྦྱིན་པའི་ཕ་རོལ་ཏུ་ཕྱིན་པའོ། །དགེ་བའི་རྩ་བའི་ཆོས་ཀྱི་ཚིག་བདུན་གྱིས་ལུས་དང ། ངག་དང ། སེམས་ཀྱི་ཚུལ་ཁྲིམས་ཡོངས་སུ་སྤྱོད་པར་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལེགས་པར་གསུངས་པའི་ཚིག་གཅིག་ཙམ་གྱི་ཆེད་དུ་སྡུག་བསྔལ་དང་དུ་ལེན་པ་གང་ཡིན་པ་དེ་ནི་ཐོས་པ་འཛིན་པའི་བཟོད་པའི་ཕ་རོལ་ཏུ་ཕྱིན་པ་སྟེ། བྱང་ཆུབ་སེམས་དཔའ་བྲམ་ཟེར་གྱུར་པ་ན་སྐྱེས་པའི་རབས་ཁོང་དུ་ཆུད་པར་བྱ་བའི་ནོད་དུ་གདོལ་པ་ལས་མཉན་པའི་ 68a ༄#། །ཕྱིར་ལོ་བཅུ་གཉིས་སུ་བཀུར་སྟི་བྱེད་པ་གང་ཡིན་པ་དེ་ནི་ཐོས་པ་འཛིན་པའི་བཟོད་པའི་ཕ་རོལ་ཏུ་ཕྱིན་པའོ། །ངེས་པར་འབྱུང་བ་ལ་དམིགས་པའི་བརྩོན་འགྲུས་གང་ཡིན་པ་དེ་ནི་ཐོས་པ་འཛིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སེམས་མི་རྟག་པ་ལ་དམིགས་པ་གང་ཡིན་པ་དེ་ནི་ཐོས་པ་འཛིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སློབ་དཔོན་གྱི་དཔེ་མཁྱུད་མེད་པས་མཛའ་བ་དང་མི་མཛའ་བ་རྣམས་ཡང་དག་པའི་དགེ་བ་སྦྱོར་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐོས་པ་འཛིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་བར་ཡུན་རིང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་སྐྱེ་བའི་ཆོས་ལ་བཟོད་པར་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོས་རྣམ་པར་མཐོ་འཚམ་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། སྨོན་ལམ་གྱིས་ཡོངས་སུ་བསྔོས་པའི་བཟོད་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བཟོད་པའི་ 68b ཕ་རོལ་ཏུ་ཕྱིན་པའོ། །ཐོས་པར་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་མེད་པའི་རྣམ་པར་ཡོངས་སུ་བསྔོས་པ་བསམ་གཏན་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཕྱིར་མི་ལྡོག་པའི་སའི་ཤེས་རབ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསྡུ་བའི་དངོས་པོ་བཞིས་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ལེགས་པར་སྤྱོད་པ་རྣམ་པ་གསུམ་གྱིས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ལུས་དང ། སེམས་དང ། སོ་སོར་བརྟགས་པའི་བཟོད་པ་དང ། ཆོས་ལ་བཟོད་པ་ནི་བཟོད་པ་བཞི་པོ་སྟེ། བཟོད་པ་གང་ཡིན་པ་དེ་དག་ནི་རྒྱུན་ཆད་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཡང་དག་པའི་སྤོང་བ་བཞིས་མ་ཐོགས་ཤིང་ཀུན་ནས་དཀྲིས་པ་མེད་པ་གང་ཡིན་པ་དེ་ནི་རྒྱུན་ 69a ༄#། །ཆད་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་བཞིས་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བདེན་པ་བཞི་རབ་ཏུ་ཤེས་པ་གང་ཡིན་པ་དེ་ནི་རྒྱུན་ཆད་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདོག་པ་ཐམས་ཅད་ཡོངས་སུ་གཏོང་བའི་སྦྱིན་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་སྦྱིན་པའི་ཕ་རོལ་ཏུ་ཕྱིན་པ་ཡིན་ལ། དེ་རྣམ་པར་ཐར་པའི་སྒོ་སྟོང་པ་ཉིད་ལ་བལྟ་བར་བྱ་བ་དེའང་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕན་པའི་སེམས་ཀྱིས་གང་སྐྱེ་བ་དང ། འདོད་པ་ན་སྤྱོད་པར་ཡོངས་སུ་བསྔོས་པའི་ཚུལ་ཁྲིམས་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཡོངས་སུ་བརྟུལ་ན་རྗེས་སུ་མཐུན་པའི་ཡུལ་ལ་དང་དུ་ལེན་པའི་བཟོད་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་ 69b བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་སེམས་ཀྱི་མོས་པ་ཇི་ལྟ་བ་བཞིན་དུ་ཡོངས་སུ་སྨིན་པར་བྱས་པའི་བརྩོན་འགྲུས་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དུས་ཤེས་པ་དང་རབ་ཏུ་ལྡན་པའི་ཚད་མེད་པ་བྱམས་པ་དང ། སྙིང་རྗེ་གཉིས་པོ་འདི་དག་གིས་ཕ་རོལ་སྡུག་བསྔལ་བ་དག་བདེ་བར་བྱེད་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དཔྱོད་པ་ལ་རབ་ཏུ་སྦྱོར་ཞིང་དུས་དང་དུས་མ་ཡིན་པ་ལ་ལྟོས་པ་བྱམས་པ་དང ། སྙིང་རྗེ་བདག་ཉིད་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པས་བྱིན་གྱིས་བརླབས་པས་གང་དང་གང་དུ་འདོད་པར་འགྱུར་བ་གང་ཡིན་པ་དེ་ནི་བསམ་གཏན་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་དང་རབ་ཏུ་ལྡན་པའི་ཚུལ་ཁྲིམས་གང་ཡིན་པ་དེ་ནི་བསམ་གཏན་གྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་ཀྱི་ངོ་བོ་མཉམ་པ་ཉིད་དུ་བརྟགས་པའི་ 70a ༄#། །བཟོད་པ་གང་ཡིན་པ་དེ་ནི་བསམ་གཏན་གྱི་བཟོད་པའི་ཕ་རོལ་ཏུ་ཕྱིན་པའོ། །སེམས་ཀྱི་ཀུན་ནས་དཀྲིས་པ་རྣམ་པར་སེལ་བའི་བརྩོན་འགྲུས་གང་ཡིན་པ་དེ་ནི་བསམ་གཏན་གྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཐོས་པའི་བདག་ཉིད་ཀྱི་ཤེས་རབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱི་བསམ་གཏན་གྱི་ཕ་རོལ་ཏུ་ཕྱིན་པའོ། །འདོད་ཆགས་རབ་ཏུ་ཞི་བའི་ཤེས་རབ་ཀྱི་བསམ་གཏན་གང་ཡིན་པ་དེ་ནི། བསམ་གཏན་གྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བསམ་གཏན་ཡོངས་སུ་བསྔོས་པས་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མར་མེ་ཕུལ་བའི་རྣམ་པར་སྨིན་པ་ལྷའི་མིག་འགྲུབ་པར་འགྱུར་བ་གང་ཡིན་པ་དེ་ནི་མངོན་པར་ཤེས་པའི་སྦྱིན་པའི་ཕ་རོལ་ཏུ་ཕྱིན་པའོ། །ལྷའི་རྣ་བ་འགྲུབ་པར་འགྱུར་བ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་ཞིག་པ་གང་ཡིན་པ་དེ་ནི་མངོན་པར་ཤེས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྔོན་གྱི་གནས་རྗེས་སུ་དྲན་པ་འགྲུབ་པར་བྱེད་པ་གཉིས་སུ་མེད་པའི་ཡེ་ཤེས་ཀྱིས་ཡོངས་སུ་བསྔོས་པའི་བཟོད་པ་གང་ཡིན་པ་དེ་ནི་མངོན་པར་ཤེས་པའི་བཟོད་པའི་ཕ་རོལ་ཏུ་ཕྱིན་པའོ། །སེམས་ཅན་ལ་དམིགས་ཤིང་འཇིག་རྟེན་པའི་དགེ་ 70b བའི་རྩ་བ་ཡང་དག་པར་འགྲུབ་པ་གང་ཡིན་པ་དེ་ནི་མངོན་པར་ཤེས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །རྫུ་འཕྲུལ་སྒྲུབ་པ་དང ། འགོག་པར་ཤེས་པ་རྒྱས་པར་བྱེད་པ་དང ། སྙོམས་པར་འཇུག་པ་ཡོངས་སུ་འཛིན་པའི་བསམ་གཏན་གང་ཡིན་པ་དེ་ནི་མངོན་པར་ཤེས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དེ་ལས་བྱུང་བ་སེམས་ཀྱི་རྣམ་གྲངས་ཤེས་པའི་མངོན་པར་ཤེས་པ་དང ། ཟག་པ་ཟད་པར་འགྱུར་བའི་མངོན་པར་ཤེས་པ་དང ། འགོག་པའི་སྙོམས་པར་འཇུག་པ་ལས་བྱུང་བའི་ཤེས་རབ་གང་ཡིན་པ་དེ་ནི་མངོན་པར་ཤེས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མངོན་པར་ཤེས་པའི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་འཇིག་རྟེན་པའི་བཟོའི་གནས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟར་བཟོ་གཞན་དེ་དག་གི་ནང་ནས་འཇིག་རྟེན་པའི་བཟོ་ལེགས་པར་འགྱུར་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྐྱེ་བོ་མང་པོ་དགའ་བར་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །བཟོ་ཐམས་ཅད་ལ་མ་ལུས་པར་ཤེས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མྱུར་བར་མངོན་དུ་བྱུང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཡིད་བཞིན་དུ་འགྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མི་འཁོར་བར་ 71a ༄#། །ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་འཇིག་རྟེན་པའི་བཟོའི་གནས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱམས་པས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ཐམས་ཅད་ཡོངས་སུ་བསྐྱབ་པའི་དོན་དུ་སེམས་ཀྱི་སྦྱིན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པ་སྟེ། དཔེར་ན་རི་བོང་བདག་ཉིད་གཏོང་བ་ནི་ང་ཟོ་ལ་འདིར་འདུག་ཅིག་ཅེས་བྱ་བ་ལྟ་བུའོ། །སྙིགས་མའི་དུས་ཀྱི་ཚེ་སྨོན་ལམ་གྱི་དབང་གིས་སྐྱེ་བ་བྱས་ནས་སེམས་ཅན་རྣམས་དགེ་བ་བཅུའི་ལས་ཀྱི་ལམ་ཡང་དག་པར་འཛིན་དུ་འཇུག་ཅིང་རབ་ཏུ་འགོད་པར་བྱེད་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་ཚུལ་འཁྲིམས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན་སྲེག་པའི་སྐྱེས་པའི་རབས་དང ། ནེ་ཙོའི་སྐྱེས་བའི་རབས་ལྟ་བུའོ། དུས་ཤེས་པ་དང་མཚུངས་པར་ལྡན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པ་སྟེ། དཔེར་ན་ཡུལ་ཀ་ཤིའི་རྒྱལ་པོ་མགོ་བཅད་ཀྱང་སེམས་མི་འཁྲུགས་པ་ལྟ་བུའོ། །སྐྱེ་བོ་མང་པོ་མཐོ་རིས་སུ་འགྲོ་བར་འགྱུར་བ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན། 71b བྲམ་ཟེའི་བུ་ཀུན་ཏུ་བཟང་དང ། ཀུན་ཏུ་རྒྱུ་བླ་ཅན་གཉིས་བརྙས་པ་བཟོད་པ་ལྟ་བུ་སྟེ། ད་ནི་བྱམས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚད་མེད་པ་མངོན་པར་བསྒྲུབས་པའི་བསམ་གཏན་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་རྣམ་པར་སྨིན་པར་བྱ་བའི་ཕྱིར་དཔེར་ན་སྐྱེད་པ་པོ་དང ། སྨན་ཆེན་གྱིས་རྒྱལ་པོའི་གྱོས་པོ་ཚར་བཅད་ཀྱང་རྣམ་པར་མཐོ་བརྩམས་པའང་མེད་ལ། ཆུ་བོར་ཡང་མ་ཞུགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱམས་པས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྙིང་རྗེས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་བདེ་བར་བྱ་བའི་སེམས་ཀྱིས་སྦྱིན་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་སྦྱིན་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་རྡུལ་ཙམ་གྱིས་བདག་ཀྱང་ཉམས་པ་མེད་པ་ཡིན་ལ། སྐྱེ་བ་མེད་པས་གཞན་ལའང་རྗེས་སུ་སྟོན་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཚིག་ངན་བརྗོད་པ་དག་བདག་དང་དུ་ལེན་པའི་རིགས་ཅན་ཡང་ཡིན་ལ། གཞན་ལའང་བཟོད་པ་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་བཟོད་པའི་ཕ་རོལ་ཏུ་ 72a ༄#། །ཕྱིན་པའོ། །བརྩོན་འགྲུས་བརྩམས་པས་ཡོངས་སུ་སྐྱོ་བ་མེད་པར་དགེ་བའི་ཆོས་རྣམས་ཚོལ་བ་དང ། སེམས་ཅན་མང་པོ་སྒྲོལ་བ་དང ། སེམས་ཅན་རྣམས་ངེས་པར་འབྱིན་པ་ལ་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ངན་སོང་གིས་ཡིད་བྱུང་བ་རྣམས་དགའ་བར་བྱེད་པའི་བསམ་གཏན་གང་ཡིན་པ་དེ་ནི་སྙིང་རྗེ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ངན་སོང་རྣམ་པར་སྤྱོད་པའི་ཕྱིར་ཡོངས་སུ་སྐྱོ་བ་མེད་པ་དང ། ཆོས་ཀྱི་སྦྱིན་པ་བྱ་བའི་ཕྱིར་ཡོངས་སུ་སྐྱོ་བ་མེད་པ་དང ། སེམས་ཅན་ཡོངས་སྨིན་པར་བྱ་བའི་ཕྱིར་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་སྙིང་རྗེས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགའ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མཆོག་ཏུ་དགའ་བ་སྔོན་དུ་འགྲོ་བའི་སྦྱིན་པ་གང་ཡིན་པ་དེ་ནི་དགའ་བའི་སྦྱིན་པའི་ཕ་རོལ་ཏུ་ཕྱིན་པའོ། །ཤིན་ཏུ་སྦྱངས་པའི་སྒྲུབ་པའི་ཚུལ་ཁྲིམས་གང་ཡིན་པ་དེ་ནི་དགའ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ངོ་ཚ་ཤེས་པ་དང་ཁྲེལ་ཡོད་པ་ལས་བྱུང་བའི་བཟོད་པ་གང་ཡིན་པ་དེ་ནི་དགའ་བ་ལ་དམིགས་ 72b པའི་བཟོད་པའི་ཕ་རོལ་ཏུ་ཕྱིན་པའོ། །གནོད་སེམས་མེད་པར་བདག་དང་གཞན་བདེ་བར་བྱེད་ལ། ཉེས་པར་མི་སེམས་ཤིང་ལེགས་པར་སེམས་པ་དང ། འགྱོད་པ་དང ། གདུང་བ་མེད་པ་གང་ཡིན་པ་དེ་ནི་དགའ་བ་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མི་དགའ་བ་རབ་ཏུ་ཞེ་བར་འགྱུར་བ་དང ། སེམས་རྣམ་པར་དག་པར་འགྱུར་བ་དང ། ཀུན་ནས་དཀྲིས་པ་སེལ་བར་འགྱུར་བ་དང ། འདོད་ཆགས་སྤོང་བར་འགྱུར་བ་གང་ཡིན་པ་དེ་ནི་དགའ་བ་ལ་དམིགས་པའི་བསམ་གཏན་ཀྱི་ཕ་རོལ་ཏུ་ཕྱིན་པའོ། ། བཏང་སྙོམས་བྱང་ཆུབ་ཀྱི་ཡན་ལག་ཡོངས་སུ་བཟུང་ཞིང་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང་མཚུངས་པར་ལྡན་པ་རྣམ་པར་ཐར་པའི་སྒོ་སྨོན་པ་མེད་པའི་བྱིན་གྱི་རླབས་ཀྱིས་གནས་ཞི་བ་ཐོགས་པ་མེད་པ་ཕྱིན་ཅི་མ་ལོག་པ་གང་ཡིན་པ་དེ་ནི་དགའ་བ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་དགའ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཏང་སྙོམས་ཀྱིས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་མཉམ་པ་ཉིད་ཀྱི་རྣམ་པར་སྨིན་པ་ལམ་གྱི་རྒྱུད་བཅད་ཅིང་སེམས་མ་གཏུགས་པའི་སྦྱིན་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །གདུང་བ་མེད་ཅིང་སྙིང་བརྩེ་བའི་ 73a ༄#། །སེམས་ཀྱི་ཤིན་ཏུ་སྦྱངས་པ་བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སེམས་མི་བརྐམ་ཞིང་མཚན་མ་མེད་པ་མངོན་པར་བསྒྲུབས་ལ་ཕྱི་དང་ནང་ལ་དཔྱོད་པ་ལྟད་མོ་སྤངས་པའི་བཟོད་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །འདུས་བྱས་ཀྱི་ངོ་བོ་ཀུན་ཤེས་པ་དང་ལྡན་པའི་བཏང་སྙོམས་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཞི་གནས་སྔོན་དུ་འགྲོ་ཞིང་ལྷག་མཐོང་གི་སྟོབས་བསྐྱེད་པ་ཐམས་ཅད་དུ་འགྲོ་བའི་བསམ་གཏན་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོ་ལ་དམིགས་པའི་མཐར་ཕྱིན་པ་ལམ་ཤིན་ཏུ་སྦྱངས་པའི་ཤེས་རབ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བཏང་སྙོམས་ཀྱིས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལོག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དཔེར་ན། བྲམ་ 73b ཟེ་བེལ་མཆུ་འགྲམ་གནས་ཡངས་པ་ན་གཞན་ཡོངས་སུ་སྨིན་པར་བྱ་བ་དང་མཐུན་པར་མཆོད་སྦྱིན་བྱེད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །དམིགས་པ་ཅན་གྱི་ཚུལ་ཁྲིམས་དེ་བྱེད་ཅིང་སྤྱོད་ལ་བདག་ཏུ་འཛིན་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བརྟུལ་ཞུགས་ཀྱི་གནས་ཀྱི་ནགས་ཚལ་ཡངས་པ་ན་སྐྱོ་བ་མེད་པར་སྤྱོད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་བྱ་བ་རྣམས་སྒྲུབ་ཅིང་རིག་བྱེད་ཀྱང་རྟོགས་ལ་ཆ་ལུགས་དེས་གཞན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་བསྐྱེད་པས་དེའི་ངོ་བོ་ལ་གནས་ཤིང་དེས་མངོན་པར་དགའ་བ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྲམ་ཟེའི་ཆ་ལུགས་ཀྱིས་སེམས་ཅན་རྣམས་ཡོངས་སུ་སྨིན་པར་བྱེད་ཅིང་རྗེས་སུ་མཐུན་པར་འཇུག་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ལོག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ 74a ༄#། །ཡང་དག་པའི་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཡིན་ཞེ་ན། འཇིག་རྟེན་པའི་བྱ་བ་ལ་འཇུག་ཅིང་སྦྱིན་པ་ཡོད་དོ། །མཆོད་སྦྱིན་ཡོད་དོ། །སྦྱིན་སྲེག་ཡོད་དོ། །ལས་ལེགས་པར་བྱས་པ་དང ། ལས་ཉེས་པ་བྱས་པ་རྣམས་ཀྱི་འབྲས་བུ་རྣམ་པར་སྨིན་པ་ཡོད་དོ། ཞེ་གང་དེ་ལྟ་བུའི་སེམས་ཀྱིས་སྦྱིན་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སངས་རྒྱས་མ་བྱུང་བ་ན་བྱང་ཆུབ་སེམས་དཔའ་སྡིག་པའི་གྲོགས་པོའི་དབང་གིས་སྡིག་པ་མི་བྱེད་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དཔེར་ན། རིའི་རྒྱལ་པོ་གངས་ཅན་ལ་བྱང་ཆུབ་སེམས་དཔའ་ནེ་ཙོར་གྱུར་པས་ཤིང་སྐམ་པོ་མི་སྤོང་བ་སྔོན་བདག་འདིར་དགའ་བར་བྱས་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །བདག་དང་གཞན་ལ་གནོད་པར་མི་བྱེད་པར་ཞུགས་པའི་ལྟ་བ་ནི། དཔེར་ན་ཚོང་པ་ཨ་ཤུ་ལ་ལྟ་བུ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཤེས་རབ་ཀྱིས་ཡོངས་སུ་སྦྱང་བ་བྱས་པའི་བསམ་གཏན་བཞི་ཐོབ་པ་གང་ཡིན་པ་དེ་ནི་ཡང་དག་པའི་ལྟ་བས་ 74b ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ལ་ཕན་པའི་ཕྱིར་ཉེ་བར་གནས་པའི་ཤེས་རབ་ནི། དཔེར་ན་བྱང་ཆུབ་སེམས་དཔའ་ཀུན་ཏུ་རྒྱུ་འདི་ལྟར་གཅིག་བུས་ཚོགས་སུ་བཅད་པ་སྟོང་ཕྲག་བརྒྱད་ཅུ་རྩ་བཞི་བཀོད་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་མ་བྱུང་བ་ན་བྱང་ཆུབ་སེམས་དཔའ་ཐ་ན་རྨི་ལམ་ནའང་སེར་སྣའི་སེམས་མི་བསྐྱེད་ན། དངོས་སུ་ལྟ་མོས་ཀྱང་ཅི་དགོས་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཐ་ན་སྲོག་འགགས་ཀྱང་ཁ་ན་མ་ཐོ་བ་རྡུལ་ཙམ་ལའང་བསླབ་པ་ལས་མི་འདའ་བ་གང་ཡིན་པ་དེ་ནི། གནས་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཚེ་རབས་དེ་དང་དེ་དག་ཏུ་མངའ་བདག་ཏུ་གྱུར་པ་ནའང་བཟོད་པའི་རང་བཞིན་དང་ལྡན་པ་ཡིན་ཞིང་མཉེན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །ཚེ་རབས་ཐམས་ཅད་དུ་གཞན་གྱིས་བསྟན་པ་དང ། མ་བསྟན་པ་བྱང་ཆུབ་ཀྱི་ཕྱིར་རྗེས་སུ་ 75a ༄#། །སྟོན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚེ་རབས་དེ་དང་དེ་དག་ན་ལེགས་པར་བསམ་པ་སེམས་པ་ཡིན་ཞིང་ལེགས་པར་སྤྱད་པའི་ལས་བྱེད་ལ། དེ་ནི་ཤིན་ཏུ་དུལ་བའི་རང་བཞིན་དེ་ལྟ་བུར་གྱུར་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སློབ་དཔོན་མེད་པར་འཇིག་རྟེན་པ་དང ། འཇིག་རྟེན་ལས་འདས་པའི་བྱ་བ་ཁོང་དུ་ཆུད་ན་སེམས་ཅན་གྱི་ཚོགས་གཞན་ལ་དེ་ལྟ་བུའི་ཡེ་ཤེས་དེ་མེད་ཅིང་གང་གིས་ལུས་ཀྱི་ལས་སེམས་ཅན་དང་མཐུན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་མཁས་པས་ཡོངས་སུ་ཟིན་པའི་སྦྱིན་པ་གང་ཡིན་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་སེམས་ལ་དམིགས་པ་མེད་པའི་སེམས་ཀྱི་སྦྱིན་པ་གང་ 75b ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་སོ། །ཕྱིར་མི་ལྡོག་པའི་ས་ལ་བཟོད་པ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བཟོད་པའོ། །འདུ་བྱེད་ཐམས་ཅད་ལ་མི་གནས་ཤིང་ཀུན་ནས་དཀྲིས་པ་མེད་པའི་རྩོལ་བ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བརྩོན་འགྲུས་སོ། །བདག་ཏུ་འདུ་ཤེས་ཀྱང་མེད་ཅིང་བདག་མེད་པར་འདུ་ཤེས་ཀྱང་མེད་ལ། ཕྱི་དང་ནང་ལ་མི་གནས་པའི་བསམ་གཏན་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བསམ་གཏན་ནོ། ཉན་ཐོས་དང ། རང་སངས་རྒྱས་ཀྱི་ཆོས་དང་མ་འདྲིས་པའི་ཤེས་རབ་ཐམས་ཅད་མཁྱེན་པ་ཉིད་ལ་མངོན་པར་ཞེན་པ་མེད་པ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། འདི་དག་ནི་མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་གནས་མེད་པར་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་ཁམས་གསུམ་ལ་མངོན་པར་དགའ་བ་མེད་པའི་སྦྱིན་པའི་ཕ་རོལ་ཏུ་ཕྱིན་པ་དཔེར་ན། མར་མེ་མཛད་ཀྱི་ལྟ་བུ་གང་ཡིན་པ་དེ་ནི་གནས་མེད་པར་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །མ་གཏོགས་པའི་ཚུལ་ཁྲིམས་གང་ཡིན་པ་དེ་ནི་གནས་མེད་པའི་ཚུལ་ཁྲིམས་སོ། ། 76a ༄#། །ཆོས་ཐམས་ཅད་ལ་རློམ་སེམས་མེད་པའི་སེམས་ཀྱི་བཟོད་པ་གང་ཡིན་པ་དེ་ནི་གནས་མེད་པའི་བཟོད་པའོ། མི་དམིགས་པར་སྤྱོད་པའི་བརྩོན་འགྲུས་གང་ཡིན་པ་དེ་ནི་གནས་མེད་པའི་བརྩོན་འགྲུས་སོ། །བྱང་ཆུབ་སེམས་དཔའ་མཐོང་བའི་ས་ཐོབ་པའི་ཕྱིན་ཅི་མ་ལོག་པའི་བསམ་གཏན་གང་ཡིན་པ་དེ་ནི་གནས་མེད་པའི་བསམ་གཏན་ནོ། །ཉོན་མོངས་པ་ཟད་པར་འགྱུར་བའི་ཤེས་རབ་གང་ཡིན་པ་དེ་ནི་གནས་མེད་པར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། །འདི་དག་ནི་གནས་མེད་པར་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ང་རྒྱལ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་ང་རྒྱལ་གྱི་བདུད་བཅོམ་ནས་སྦྱིན་པ་སྦྱིན་པར་བྱེད་ཅིང ། སངས་རྒྱས་ཀྱི་ཞིང་ཕུན་སུམ་ཚོགས་པ་སྒྲུབ་པར་འགྱུར་བ་གང་ཡིན་པ་དེ་ནི་ང་རྒྱལ་གྱི་སྦྱིན་པའི་ཕ་རོལ་ཏུ་ཕྱིན་པའོ། །ངན་སོང་གསུམ་སྦྱོང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་ང་རྒྱལ་གྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མཚན་རྣམ་པར་སྨིན་པར་འགྱུར་བ་དང ། མཛེས་པར་འགྱུར་བའི་བཟོད་པ་གང་ཡིན་པ་དེ་ནི་ང་རྒྱལ་གྱི་བཟོད་པའི་ཕ་རོལ་ཏུ་ཕྱིན་པའོ། །ནོར་བུ་རིན་པོ་ཆེའི་ཕྱིར་རྒྱ་མཚོ་ཆེན་པོ་སྐམ་པར་སྤྲོ་བ་དང ། གང་གིས་རང་གི་ 76b ཆོས་མངོན་པར་འབྱུང་བའི་བརྩོན་པ་གང་ཡིན་པ་དེ་ནི་ང་རྒྱལ་གྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཉོན་མོངས་པ་ཟིལ་གྱིས་གནོན་པར་འགྱུར་ཞིང་བསམ་པ་ཇི་ལྟ་བ་བཞིན་ཡེ་ཤེས་སྐྱེ་བར་འགྱུར་བའི་བསམ་གཏན་གང་ཡིན་པ་དེ་ནི་ང་རྒྱལ་གྱི་བསམ་གཏན་གྱི་ཕ་རོལ་ཏུ་ཕྱིན་པའོ། །ང་རྒྱལ་དང ། ལྟ་བ་ཀུན་ཏུ་འཇོམས་པར་འགྱུར་བའི་ཤེས་རབ་གང་ཡིན་པ་དེ་ནི་ང་རྒྱལ་གྱི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ང་རྒྱལ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཟོད་པ་ལས་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་མཐར་འགྲོ་བའི་སེམས་ཀྱི་སྦྱིན་པ་གང་ཡིན་པ་དེ་ནི་བཟོད་པ་ལས་བྱུང་བའི་སྦྱིན་པའི་ཕ་རོལ་ཏུ་ཕྱིན་པ་སྟེ། དཔེར་ན་བདུད་ཀྱིས་སེམས་ཅན་དམྱལ་བ་བསྟན་པས་སྦྱིན་པ་སྦྱིན་པར་བྱེད་པ་བསལ་བར་མི་ནུས་པ་ནི་སྔོན་གྱི་ཚུལ་ལས་ཤེས་པར་བྱ་བ་ལྟ་བུའོ། །ཕྱིར་མི་ལྡོག་པའི་ཚུལ་ཁྲིམས་གང་ཡིན་པ་དེ་ནི་བཟོད་པ་ལས་བྱུང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དཔེར་ན་རྒྱལ་པོའི་བུ་བསོད་ནམས་འོད་འཕྲོ་འདེ་ལྟར་རྣལ་འབྱོར་ལ་མངོན་དུ་ཕྱོགས་པ་སྦྱིན་པ་ལ་དབང་དུ་གྱུར་པ་ཞིག་བྱུང་བས་ཉི་མ་གཅིག་པ་ཤིང་རྟ་དང ། རྟ་དང ། བཞོན་པ་དང ། གླང་པོ་དང ། གླང་པོ་ཆེ་དང ། དཔག་ཚད་ཁོར་ཡུག་ཙམ་གྱི་གདུགས་དང ། མུ་ཏིག་གི་དོ་ཤལ་ཕྲེང་བ་བརྒྱ་དང ། གོས་ 77a ༄#། །སྦྱིན་པ་དང ། རིན་པོ་ཆེའི་ཅོད་པན་དང ། མཆིལ་ལྷམ་སྟོང་ཕྲག་བརྒྱ་རི་བ་དང ། བུད་མེད་སྟོང་ཕྲག་བརྒྱད་ཅུ་དང ། སིལ་སྙན་དང ། རྒྱལ་པོའི་ཕོ་བྲང་འཁོར་དང ། སྐྱེད་མིག་ཚལ་དང ། མིག་སྦྱིན་པ་དང ། མགོ་དང་རྐང་པ་བཅད་ནས་སྦྱིན་པ་སྦྱིན་པར་བྱེད་པ་གང་ན་གང་གི་བཟོད་པ་གང་ཡིན་པ་དེ་ནི་བཟོད་པ་ལས་བྱུང་བའི་བཟོད་པའི་ཕ་རོལ་ཏུ་ཕྱིན་པའོ། །མི་གནས་པའི་བརྩོན་འགྲུས་གང་ཡིན་པ་དེ་ནི་བཟོད་པ་ལས་བྱུང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དཔེར་ན་རྟའི་རྒྱལ་པོ་རྔོག་ལྡན་གྱིས་སེམས་ཅན་རྣམས་སྒྲོལ་བ་ལྟ་བུའོ། །དགེ་བའི་ཁ་དོག་ཅན་ལུས་ཀྱི་མཚན་ཡོངས་སུ་སྦྱངས་པ་ལས་བྱུང་བའི་བསམ་གཏན་གང་ཡིན་པ་དེ་ནི་བཟོད་པ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །དཔེར་ན་དགེ་སློང་ཡེ་ཤེས་མཆོག་གྲོང་ཁྱེར་དུ་འཇུག་པ་ཞིག་བྱུང་བ་འདུ་ཤེས་ཐ་དད་དུ་མི་བྱེད་ཅིང་སེམས་མཉམ་པའི་ཤེས་རབ་གང་ཡིན་པ་དེ་ནི་བཟོད་པ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་ལྟར་ནེ་ཙོའི་སྐྱེས་བའི་རབས་ལས་ཁོང་དུ་ཆུད་པར་བྱ་སྟེ། འདི་དག་ནི་བཟོད་པ་ལས་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འོད་སྲུང་ལས་ཚངས་པར་སྤྱོད་པ་སྤྱད་ནས་རྙེད་པ་ 77b དང ། བཀུར་སྟིས་དམ་པའི་ཆོས་ནུབ་པར་མ་གྱུར་ཅིག་ཅེས་ཡོངས་སུ་བསྔོས་པ་དང ། སངས་རྒྱས་འོད་སྲུང་ལ་བྲམ་ཟེའི་བུ་སྐར་འོད་སྐྱོང་གིས་རང་གི་ལུས་ཀྱི་གོས་དང ། མེ་ཏོག་སར་བ་ལྔ་དང ། མེ་ཏོག་རྙིང་པ་ལྔ་པོ་དག་གིས་མངོན་པར་བཀབ་སྟེ། གང་གི་རྣམ་པར་སྨིན་པས་ལོ་ལྔ་བརྒྱར་དམ་པའི་ཆོས་དང ། ལོ་ལྔ་བརྒྱར་དམ་པའི་ཆོས་ཀྱི་གཟུགས་བརྙན་ཡང་འབར་བ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །གཞན་གྱི་ཚུལ་ཁྲིམས་འཆལ་བ་སེལ་བར་འགྱུར་བའི་ཚུལ་ཁྲིམས་ནི། དཔེར་ན་སྐྱེ་མཆེད་མ་ཚང་བ་གཏོང་བ་ལྟ་བུ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྡུག་བསྔལ་ཐོབ་ཀྱང་སྒྱིད་ལུག་པ་མེད་པ་ནི། དཔེར་ན་འགྲོན་པའི་ཆེད་དུ་རྒྱ་མཚོ་ཆེན་པོའི་ནང་དུ་ཆུ་སྲིན་མ་ཀ་རའི་ཐད་དུ་ཕྱིན་པ་དང ། འབྲོག་དང་ཆུའི་ནང་དུ་ཁྲུ་བརྒྱ་ཙམ་དུ་སོང་བའི་བཟོད་པ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །ལྷ་དང་མིའི་རིས་ཀྱི་ཕུན་སུམ་ཚོགས་པ་སྒྲུབ་པར་འགྱུར་བའི་བརྩོན་འགྲུས་ནི། དཔེར་ན་བརྒྱ་བྱིན་གྱིས་གསོལ་བ་བཏབ་པས་བྲམ་ཟེ་ཆེན་པོ་ཀིན་ཏུ་ཞེས་བྱ་བས་སེམས་ཅན་རྣམས་མཐོ་རིས་སུ་བཀྱེ་བ་གང་ཡིན་པ་དེ་ 78a ༄#། །ནི་ཕན་འདོགས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་ལ་སངས་རྒྱས་ཀྱིས་ལེན་པ་མེད་པར་བསྒྲགས་པའི་བསམ་གཏན་ནི། དཔེར་ན་བྱང་ཆུབ་སེམས་དཔའ་སྟོན་པར་གྱུར་པས་བྱང་ཆུབ་སེམས་དཔའ་རྣམས་ཚངས་པའི་འཇིག་རྟེན་དང ། འོད་གསལ་ནས་འདུ་ཤེས་མེད་པའི་སྐྱེ་མཆེད་ཀྱི་བར་དུ་བཀོད་པ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སེམས་ཅན་རྣམས་ཀྱི་ཆེད་དུ་བྱས་པ་ནི། དཔེར་ན་རྒྱལ་པོ་བྱམས་ཐོབ་དང ། རྒྱལ་པོ་མིག་བཟང་དང ། རྒྱལ་པོའི་བུ་ཆོས་འདོད་ཀྱིས་འཇིག་རྟེན་པ་དང ། འཇིག་རྟེན་ལས་འདས་པའི་ཆོས་རྣམས་དང ། དགེ་བ་བཅུའི་ལས་ཀྱི་ལམ་རྣམས་རབ་ཏུ་སྒྲོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདིར་སྐྱེས་པའི་རབས་མང་པོ་ནས་ཁོང་དུ་ཆུད་པར་བྱ་བ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ལྔ་པ། །དེ་ལ་ཕན་མི་འདོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་སྔོན་དུ་འགྲོ་བའི་སེམས་ཀྱིས་འདོད་ 78b པའི་ཡོན་ཏན་ལ་འཇུག་པའི་སྦྱིན་པ་དམིགས་པ་དང་བཅས་པར་ཡོངས་སུ་བསྔོས་པ་གང་ཡིན་པ་དེ་ནི་ཕན་མི་འདོགས་པའི་སྦྱིན་པའི་ཕ་རོལ་ཏུ་ཕྱིན་པ་སྟེ། དཔེར་ན་མར་མེ་མཛད་ལ་མེ་ཏོག་ཨུཏྤལ་ལྔ་ཕུལ་བ་དང ། རྣམ་པར་སྨིན་པ་ཐམས་ཅད་དུ་མི་འབྱུང་བ་དང ། གང་དམ་པའི་ཆོས་ནུབ་པར་འགྱུར་བ་དེ་ནི་ཕན་མི་འདོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཐབས་མཁས་པ་མེད་ཅིང་དངོས་པོའི་འདུ་ཤེས་ཅན་གྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རོ་མྱང་བ་ཅུང་ཟད་ཙམ་གྱི་ཕྱིར་སྡུག་བསྔལ་ལ་ཇི་མི་སྙམ་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་ཆོས་དང་རབ་ཏུ་ལྡན་པའི་བརྩོན་འགྲུས་གང་ཡིན་པ་དེ་ནི་ཕན་མི་འདོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚངས་པའི་འཇིག་རྟེན་ཀྱི་ཚེའི་མཐས་གཏུགས་པ་སྲིད་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །མ་བསྒྲགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ནི། དཔེར་ན་དེ་བཞིན་གཤེགས་པས་གསུངས་ཤིང་བཤད་པ་ན་ཆོས་དེ་སྙེད་ཅིག་བསྒྲགས་ཤིང་བཤད་ལ། ཆོས་ཇི་སྙེད་ལུས་ལ་དེ་སྙེད་ཅིག་མ་ 79a ༄#། །བསྒྲགས་པ་དེ་ནི་ཕན་མི་འདོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་དག་ཐམས་ཅད་ཀྱང་ཡོངས་སུ་མྱ་ངན་ལས་འདས་པའི་དམ་པའི་ཆོས་ནུབ་པར་བལྟ་བར་བྱ་སྟེ། འདི་དག་ནི་ཕན་མི་འདོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྔོན་མར་མེ་མཛད་ལ་བྱང་ཆུབ་སེམས་དཔས་སྦྱིན་པ་ཕུལ་བ་གང་ཡིན་པ་དེ་ནི་ལྷག་མ་དང་བཅས་པའི་སྦྱིན་པའི་ཕ་རོལ་ཏུ་ཕྱིན་པའོ། །ལུས་དང་ངག་ལྷག་པར་ལྷག་མ་དང་བཅས་ཤིང་མི་མོས་པ་མང་ལ་བདག་ཏུ་དམིགས་པ་དམིགས་པ་ལ་གནས་པའི་ཚུལ་ཁྲིམས་གང་ཡིན་པ་དེ་ནི་ལྷག་མ་དང་བཅས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་ངེས་པར་འབྱུང་བའི་བཟོད་པ་གང་ཡིན་པ་དེ་ནི་ལྷག་མ་དང་བཅས་པའི་བཟོད་པའི་ཕ་རོལ་ཏུ་ཕྱིན་པའོ། །བར་ཆད་དང་བར་ཆད་མེད་པར་གནས་པའི་བརྩོན་འགྲུས་གང་ཡིན་པ་དེ་ནི་ལྷག་མ་དང་བཅས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དམིགས་པ་ལ་དམིགས་པའི་བསམ་གཏན་གང་ཡིན་པ་དེ་ནི་ལྷག་མ་དང་བཅས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐོས་པའི་བདག་ཉིད་དང ། བསམས་པའི་བདག་ཉིད་ཀྱི་ཤེས་རབ་གང་ཡིན་པ་དེ་ནི་ལྷག་མ་དང་བཅས་པའི་ཤེས་རབ་ཀྱི་ཕ་ 79b རོལ་ཏུ་ཕྱིན་པའོ། །རྒྱུ་གང་གིས་ན་གནས་ཀྱི་ཕ་རོལ་ཏུ་ཕྱིན་པའི་མིང་ཐོབ་ཅེ་ན། ཁ་ཕྱིར་ཕྱོགས་པ་ལ་ཉན་ཐོས་དང ། རང་སངས་རྒྱས་ཀྱི་ཆོས་ཀྱི་རྣམ་པར་སྨིན་པ་མེད་ལ། བྱང་ཆུབ་ཀྱི་འབྱོར་པའང་མེད་དེ། དེ་དག་ནི་ས་བཅུ་ལས་ལྡོག་པའི་ཆོས་སུ་ཤེས་པར་བྱ་སྟེ། འདི་དག་ནི་བྱང་ཆུབ་སེམས་དཔའི་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པའི་འབྲས་བུ་ཐམས་ཅད་འཁོར་བར་ཡོངས་སུ་བསྔོ་བ་སྟེ། དཔེར་ན་རང་སངས་རྒྱས་བདུན་བརྒྱ་ལ་སྦྱིན་པ་གང་ཡིན་པ་དེ་ནི་ལྷག་མ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བའི་ཚུལ་ཁྲིམས་གང་ཡིན་པ་དེ་ནི་ལྷག་མ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ངན་སོང་དུ་སྐྱེ་བས་འཇིགས་པའི་བཟོད་པ་གང་ཡིན་པ་དེ་ནི་ལྷག་མ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །བདུད་ཀྱི་ལས་ཀྱིས་ཀུན་ནས་དཀྲིས་པའི་བརྩོན་འགྲུས་གང་ཡིན་པ་དེ་ནི་ལྷག་མ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚེའི་ཚད་ཀྱི་མཐར་ཐུག་པའི་བསམ་གཏན་གང་ཡིན་པ་དེ་ནི་ལྷག་མ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ལྟ་བ་སྔོན་དུ་འགྲོ་ཞིང་སྡུག་བསྔལ་སྤོང་བ་ལ་མོས་པའི་ཤེས་རབ་གང་ཡིན་པ་དེ་ནི་ལྷག་མ་མེད་པའི་ཤེས་རབ་ 80a ༄#། །ཀྱི་ཕ་རོལ་ཏུ་ཕྱིན་པའོ། །དེ་ཅིའི་ཕྱིར་ཕ་རོལ་ཏུ་ཕྱིན་པའི་མིང་ཐོབ་ཅེ་ན། དེ་དག་ནི་བྱང་ཆུབ་ཐོབ་པ་འཇིག་རྟེན་པ་དང་མཐུན་པར་སྤྱོད་པ་དེས་ན།་ཕ་རོལ་ཏུ་ཕྱིན་པའི་མིང་ཐོབ་སྟེ། འདི་དག་ནི་བྱང་ཆུབ་སེམས་དཔའི་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་རིག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བླ་མ་རྣམས་ལ་རེ་བ་མེད་པར་སྦྱིན་པ་གང་གི་རྣམ་པར་སྨིན་པས་བསྐལ་པ་སྟོང་དུ་འཇིག་རྟེན་པའི་ཟང་ཟིང་ལ་སྤྱོད་ཅིང་གནས་ཀྱང་ལུས་ཀྱི་མཐུ་ཉམས་པ་མེད་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། བྱང་ཆུབ་ཀྱི་སྙིང་པོ་དམ་པ་མཆོག་ཐོབ་པས་ཆོས་ཐམས་ཅད་ལ་འགྱོད་པ་མེད་པར་འགྱུར་ཞིང ། གང་གིས་ཐམས་ཅད་མཁྱེན་པ་ཉིད་རྫོགས་པར་བྱང་ཆུབ་པའི་ཚུལ་ཁྲིམས་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་ཐམས་ཅད་མཁྱེན་པ་ཉིད་ལ་དམིགས་ཤིང ། དམིགས་སུ་མེད་པའི་ཆོས་རྣམས་ལ་བཟོད་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །ལམ་ལ་གནས་པའི་སྒྲིབ་པ་ལྔ་རབ་ཏུ་ཞི་བར་འགྱུར་བའི་བརྩོན་འགྲུས་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། ། 80b བྱང་ཆུབ་མངོན་པར་རྫོགས་པར་སངས་རྒྱས་པས་ལྷའི་མིག་དང ། སྔོན་གྱི་གནས་རིག་པ་འཐོབ་པར་འགྱུར་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཟག་པ་ཟད་པར་བྱེད་པ་སངས་རྒྱས་ཀྱི་སྤྱན་འཐོབ་པར་འགྱུར་ལ་རྟག་ཏུ་ཆོས་ཐམས་ཅད་མངོན་དུ་སྣང་བར་འགྱུར་བའི་ཤེས་རབ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་རིག་པ་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིག་པའི་ཁྱད་པ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་གིས་དམ་པའི་ཆོས་གནས་པར་བྱེད་ཅིང་བསྟན་པ་ལ་འཇུག་པའི་ཆོས་གནས་པ་གང་ཡིན་པ་དེ་ནི་རིག་པའི་ཁྱད་པར་ལ་གནས་པའི་སྦྱིན་པའི་ཕ་རོལ་ཏུ་ཕྱིན་པའོ། །གང་ན་དེ་བཞིན་གཤེགས་པ་བག་ཆགས་ཀྱི་མཚམས་སྦྱོར་བ་དང་བྲལ་བ་ཐ་ན་ལུས་ཀྱི་རྣམ་པར་རྟོག་པ་དང ། ངག་གི་རྣམ་པར་རྟོག་པ་མེད་པ་གང་ཡིན་པ་དེ་ནི་ཚུལ་ཁྲིམས་སོ། །འཇིག་རྟེན་པའི་ཆོས་ལས་རྟོག་པ་མེད་པ་གང་ཡིན་པ་དེ་ནི་བཟོད་པའོ། །ཉན་ཐོས་དང་རང་སངས་རྒྱས་རྣམས་ཀྱིས་ཟིལ་གྱིས་མ་ནོན་པས་མྱ་ངན་ལས་འདས་པ་ཇི་སྲིད་བར་དུས་ཐམས་ཅད་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཐམས་ཅད་ཀྱི་སེམས་ 81a ༄#། །ཀྱི་རྣམས་གྲངས་ཤེས་ཤིང་སྒྲ་ལ་རྟོག་པ་གང་ཡིན་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའོ། །དུས་ཤེས་པ་ལས་མི་འདའ་ཞིང་བདག་ཡོངས་སུ་གྲོལ་བར་བྱེད་པའི་ཤེས་རབ་གང་ཡིན་པ་དེ་ནི་རིག་པའི་ཁྱད་པར་ལ་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རིག་པའི་ཁྱད་པར་ལ་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་འབྱུང་བའི་དུས་ན་ལོངས་སྤྱོད་ཆེན་པོར་འགྱུར་ཞིང་ཚད་མེད་པ་གཟུང་བའི་ཕྱིར་གང་འཕགས་པ་རྣམས་ལ་སྦྱིན་པ་བྱིན་པ་གང་ཡིན་པ་དེ་ནི་སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་སྦྱིན་པའོ། ། ཐར་པར་ཡོངས་སུ་བསྔོས་ཤིང་ཉོན་མོངས་པ་ཟད་པར་བྱ་བ་དང ། སངས་རྒྱས་འབྱུང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སྟོན་པ་མངོན་སུམ་དུ་གྱུར་པ་ན་སྦྱངས་པའི་ཡོན་ཏན་ལ་སྐྱོ་བ་མེད་པར་འགྱུར་བའི་བཟོད་པ་ནི། དཔེར་ན་འོད་སྲུང་ཆེན་པོའི་ལྟ་བུ་གང་ཡིན་པ་དེ་ནི་བཟོད་པའོ། །སྨོན་ལམ་དང་ལྡན་པའི་བརྩོན་འགྲུས་ནི། དཔེར་ན་རྒྱལ་པོ་བསོད་ནམས་འཕགས་ཀྱི་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །སངས་རྒྱས་རྗེས་སུ་དྲན་པ་ལ་དམིགས་པའི་བསམ་ 81b གཏན་གང་ཡིན་པ་དེ་ནི་བསམ་གཏན་ནོ། །ངེས་པར་འབྱེད་པས་ཡོངས་སུ་བསྔོས་པའི་ཤེས་རབ་ནི། དཔེར་ན་སངས་རྒྱས་འོད་སྲུང་གི་ཚེ་ལྔ་པོ་དག་གི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ཉམས་པ་མེད་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཞན་གྱི་བསམ་པ་ཇི་ལྟ་བ་བཞིན་སྦྱིན་པ་གང་ཡིན་པ་དེ་ནི་སྦྱིན་པའོ། །ལུས་དང་ངག་ཡོངས་སུ་སྲུང་བ་ཉེ་བར་སྒྲུབ་པ་ལ་བརྩོན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམ་པའི་ཆོས་ནུབ་པའི་དུས་སུ་ཡི་དམ་བརྟན་པ་ཟབ་མོ་ལ་བཟོད་པ་ལས་ངེས་པར་འབྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཉེ་བར་སྒྲུབ་པ་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སྟོང་པ་ཉིད་ཀྱི་རྣམ་པས་ཡོངས་སུ་བཟུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཡིད་མི་བདེ་བས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དྲན་པ་ཉམས་པ་མེད་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་འབྱུང་བ་རབ་ཏུ་འཐོབ་པ་ཁྱིམ་གྱི་དངོས་པོ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡན་ལག་ལྔ་ཕུན་སུམ་ཚོགས་པའི་སྦྱིན་པ་སྟེ། ལྔ་གང་ཞེ་ན། སྟན་ཕུན་སུམ་ཚོགས་པ་དང ། ཡུལ་ 82a ༄#། །ཕུན་སུམ་ཚོགས་པ་དང ། འཁོར་ཕུན་སུམ་ཚོགས་པ་དང ། འདོད་པར་བྱ་བ་ཕུན་སུམ་ཚོགས་པ་དང ། ཆགས་པར་བྱ་བ་ཕུན་སུམ་ཚོགས་པ་གང་ཡིན་པ་དེ་ནི་སྦྱིན་པའོ། །མངོན་པར་ཞེན་པ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་དུ་འདུ་ཤེས་པ་སྤངས་པའི་བཟོད་པ་གང་ཡིན་པ་དེ་ནི་བཟོད་པའོ། །མཉམ་པ་ཉིད་དུ་མཐོང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །མཉམ་པ་ཉིད་དུ་རྟོགས་པའི་སེམས་སྨོན་པ་མེད་པ་ལ་དམིགས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཕགས་པའི་བདེན་པའི་ཚུལ་གྱིས་ངེས་པར་འབྱུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སངས་རྒྱས་འབྱུང་བ་རབ་ཏུ་འཐོབ་པའི་ཁྱིམ་གྱི་དངོས་པོ་ལ་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངེས་པར་འབྱུང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པ་མེད་པའི་སྦྱིན་པ་དང་ལྡན་པ་མ་ཡིན་པའི་སེམས་ཀྱིས་སྦྱིན་པ་གང་ཡིན་པ་དེ་ནི་སྦྱིན་པའོ། །མྱ་ངན་ལས་འདས་པ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། ། ཁམས་གསུམ་གྱིས་ཡིད་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །དྲན་པ་ཉེ་བར་གཞག་པ་ལས་ངེས་པར་བྱུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ 82b སོ། །བྱམས་པ་ལ་གནས་ཤིང་སྲིད་པ་ལ་སྨོད་པར་གནས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཡིད་མི་བདེ་བས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ངེས་པར་འབྱུང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མང་དུ་ཐོས་པ་སྒྲུབ་ཕ་རོལ་ཏུ་ཕྱིན་པ་དྲུག་གང་ཞེ་ན། གདམས་ངག་དང་ལྡན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཆོས་ཡོངས་སུ་གཟུང་བའི་དོན་དུ་ལུས་དང་སྲོག་གཏོང་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམ་པའི་ཆོས་ནུབ་པའི་དུས་ཀྱི་ཚེ་ཆོས་ཡོངས་སུ་གཟུང་བའི་དོན་དུ་གང་བྱང་ཆུབ་སེམས་དཔའ་བདག་ཉིད་ཡོངས་སུ་གཏོང་བའི་བཟོད་པ་གང་ཡིན་པ་དེ་ནི་བཟོད་པའོ། །གཟུངས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྟེན་ཅིང་འབྲེལ་པར་འབྱུང་བས་རབ་ཏུ་ཕྱེ་བའི་བསམ་གཏན་ཡིན་པ་དེ་ནི་བསམ་གཏན་ནོ། །སོ་སོ་ཡང་དག་པར་རིག་པས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མང་དུ་ཐོས་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རབ་ཏུ་བྱུང་བའི་ངང་ཚུལ་རྒྱུན་མི་ཆད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་སྨྲ་བ་རྣམས་ཀྱིས་གཞན་གྱི་བསམ་པ་ཇི་ལྟ་བ་བཞིན་བསྟན་པ་ཡང་དག་པར་ལེན་དུ་འཇུག་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སྙིང་རྗེ་ཆེན་ 83a ༄#། །པོས་ཡོངས་སུ་བསྒོས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལྷག་པའི་ང་རྒྱལ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །བསྒོམས་པའི་སྟོབས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །མི་སྐྱེ་བའི་ཆོས་ལ་བཟོད་པ་དང་ལྡན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རབ་ཏུ་བྱུང་བའི་ངང་ཚུལ་རྒྱུན་མི་ཆད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་ཤེས་པ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྗེས་དང་མ་བྲལ་ཞིང་སློང་བ་ལ་ཡོངས་སུ་གཏོང་བས་བཟུང་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །མི་གནས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །འགྱོད་པ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། སྨོན་ལམ་གྱིས་རྣམ་པར་འཕྲུལ་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སྣང་བས་རྣམ་པར་དཔྱད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྦྱོར་པའི་སའི་རྣམ་པ་ལ་དམིགས་པས་ལེགས་པར་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་ཤེས་པ་ལ་གནས་པའི་ཕ་རོལ་ཏུ་ 83b ཕྱིན་པ་དྲུག་གོ་།དེ་ལ་མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དེ་བཞིན་གཤེགས་པའི་མཆོད་རྟེན་དང་པོར་ཞལ་བསྲོ་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལམ་ལ་ཞུགས་པའི་ཤེས་རབ་ཀྱི་དབང་པོ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཡང་དག་པའི་མཐའ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །གཟུགས་ཀྱི་འདུ་ཤེས་རྣམ་པར་བཤིག་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྣམ་པར་ཐར་པས་ངེས་པར་བྱུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ལྷག་མཐོང་གི་ཡོ་བྱད་ཞི་གནས་ཀྱིས་ལ་གནས་པ་གཟུངས་ཀྱིས་ཡོངས་སུ་སྦྱང་བ་བྱས་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ།་འདི་དག་ནི་མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལུས་འདོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སོ་སོར་བརྟག་པའི་སྟོབས་ཅན་མི་མཛའ་བ་རྣམས་ལ་ཡོངས་སུ་གཏོང་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཉམ་ཆུང་བ་རྣམས་ལ་མཐུ་མི་སྟོན་པས་ཉམས་པ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལས་ཀྱི་སྒྲིབ་པ་ལ་ཇི་མི་སྙམ་པའི་བཟོད་པ་གང་ཡིན་པ་དེ་ནི་བཟོད་པའོ། །མི་མཛའ་བ་སྤངས་པའི་བརྩོན་འགྲུས་ནི་དཔེར་ན་རྒྱལ་པོའི་བུ་དགེ་བའི་བློ་གྲོས་ཀྱི་ལྟ་བུ་ 84a ༄#། །གང་ཡིན་པ་དེ་ནི་བརྩོན་འགྲུས་སོ། །སྙིགས་མའི་དུས་ཀྱི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཐར་པ་ལ་གནས་པས་ངེས་པར་འཁོར་བར་བྱ་བར་སྦྱོར་དུ་འཇུག་པའི་ཤེས་རབ་ནི། དཔེར་ན་ཀུན་ཏུ་རྒྱུ་རྟོགས་བྱེད་ཀྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ལུས་འདོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཁོར་བར་ངན་སོང་གསུམ་གྱི་ཕྱིར་སྦྱིན་པ་ནི། དཔེར་ན་རི་དྭགས་ལ་རྔོན་བྱེད་པའི་རྣམ་པར་སྨིན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སངས་རྒྱས་འབྱུང་བ་དང་བྲལ་བའི་ཚུལ་ཁྲིམས་ནི། དཔེར་ན་ལྷ་ཆེན་པོས་གཅིག་ནས་གཅིག་ཏུ་བསྟན་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །བརྙས་པས་སྡུག་བསྔལ་བར་གྱུར་ཀྱང་འཁྲུག་པ་མེད་པའི་བཟོད་པ་ནི། དཔེར་ན་བཟོད་པ་སྨྲ་བའི་ལྟ་བུ་གང་ཡིན་པ་དེ་ནི་བཟོད་པའོ། །ཚོགས་ཆེན་པོའི་གནས་སྐབས་ཐོབ་པས་སྒྱིད་ལུག་པ་མེད་པའི་བརྩོན་འགྲུས་ནི། དཔེར་ན་རྒྱ་མཚོ་ཆེན་པོར་ནོར་བུ་རིན་པོ་ཆེ་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །བཙུན་མོའི་འཁོར་གྱིས་མི་འཕྲོགས་པའི་བསམ་གཏན་ནི། དཔེར་ན་རྒྱལ་པོ་གཞོན་ནུ་སེངྒེའི་ལྟ་བུ་གང་ཡིན་པ་དེ་ནི་བསམ་གཏན་ནོ། །ཡུལ་གྱི་ནང་དུ་སོང་ཡང་ཡོངས་སུ་གཏོང་བ་ཐམས་ཅད་ལ་ 84b དམིགས་པའི་ཤེས་རབ་ནི། དཔེར་ན་ཡུལ་ཀ་ཤིའི་རྒྱལ་པོས་མགོ་བྱིན་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ཡོངས་སུ་སྨིན་པར་བྱ་བའི་སྦྱིན་པ་ནི། དཔེར་ན་རྒྱ་མཚོ་ཆེན་པོའི་རུས་སྦལ་ལྟ་བུ་གང་ཡིན་པ་དེ་ནི་སྦྱིན་པའོ། །གཞན་ལ་ཕན་པར་བརྩོན་པའི་ཚུལ་ཁྲིམས་ནི། དཔེར་ན་འགྲོན་པོ་རྣམས་སྦྲུལ་ཆེན་པོས་བསྐོར་བ་ལས་སེངྒེས་ཐར་པར་བྱས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །མཉན་པའི་ཕྱིར་བཟོད་པ་ནི། དཔེར་ན་དྲང་སྲོང་ལྷའི་རྒྱལ་པོས་ཚིགས་སུ་བཅད་པའི་ཕྱིར་མགོ་ཡོངས་སུ་བཏང་བ་ལྟ་བུ་གང་ཡིན་པ་དེ་ནི་བཟོད་པའོ། །བྲམ་ཟའི་ཁྱིའུས་དོན་ཇི་ལྟ་པ་བཞིན་དུ་བསམ་པའི་རེག་པ་ལྔ་སྤང་བའི་ཕྱིར་གནས་ཤིང་གཞན་ལ་བརྩེ་བར་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །བསམ་གཏན་ནི།་དཔེར་ན་མུ་སྟེགས་བྱེད་རྩིབས་ཀྱི་མུ་ཁྱུད་བྱུང་བ་གཞན་ལ་སྙིང་བརྩེ་བ་དང་ལྡན་པ་ལྟ་བུ་གང་ཡིན་པ་དེ་ནི་བསམ་གཏན་ནོ། །སྐྱེ་བོ་མང་པོ་ཡོངས་སུ་སྨིན་པར་བྱེད་པའི་ཤེས་རབ་ནི། དཔེར་ན་སྲེག་པའི་སྐྱེས་པའི་རབས་ཀྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། །འདི་དག་ནི་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་ 85a ༄#། །པ་མང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཇིག་རྟེན་ལ་ཕན་པར་བྱ་བའི་སྦྱིན་པ་ནི། དཔེར་ན་བེལ་མའི་ལྟ་བུ་གང་ཡིན་པ་དེ་ནི་སྦྱིན་པའོ། །ཚངས་པའི་འཇིག་རྟེན་ལ་གནས་ཏེ་ཛམྦུའི་གླིང་གི་མི་རྣམས་ལས་བྱ་བ་ལ་འཇུག་པར་བྱེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་གྱི་ཕྱིར་བདག་ཡོངས་སུ་གཏོང་བའི་བཟོད་པ་ནི། དཔེར་ན་རྒྱ་མཚོ་ནི་ཤི་བའི་རོ་དང་མི་གནས་པས་སེམས་ཅན་རྣམས་དགྲོལ་བའི་དོན་དུ་རྒྱ་མཚོ་ཆེན་པོར་བདག་ཉིད་ཡོངས་སུ་གཏོང་བ་ལྟ་བུ་གང་ཡིན་པ་དེ་ནི་བཟོད་པའོ། །སྐྱེ་བོ་མང་པོ་ཡོངས་སུ་སྨིན་པར་འགྱུར་བའི་བརྩོན་འགྲུས་ནི། དཔེར་ན་རྒྱ་མཚོར་དེད་དཔོན་བསོད་ནམས་ཁྱིམ་ལག་རྐྱལ་གྱིས་རྒལ་བ་ལས་རིག་པར་བྱ་བ་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །གཞན་ལ་ཕན་པར་ཡོངས་སུ་བསྔོས་པའི་བསམ་གཏན་ནི། དཔེར་ན་བྲམ་ཟེའི་བུ་ནོར་གྱི་བློ་གྲོས་ཀྱིས་སེམས་ཅན་རྣམས་བདེ་བ་ལ་སྦྱར་བའི་ཕྱིར་ལོ་སྟོང་ཕྲག་བརྒྱད་ཅུར་བྱམས་པ་བསྒོམས་པ་གང་ཡིན་པ་དེ་ནི་བསམ་གཏན་ནོ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་རྣམས་ལས་ཤིན་ཏུ་རྣམ་པར་གདོན་མི་ཟ་བའི་ཤེས་རབ་ནི། དཔེར་ན་རྒྱལ་པོ་བློ་བཟང་གིས་སྔོན་གྱི་ཚུལ་ཤིང་ལོ་ལས་རིག་པར་བྱ་བ་ལྟ་བུ་གང་ཡིན་ 85b པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་མང་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡོངས་སུ་མྱ་ངན་ལས་འདས་པའི་སྦྱིན་པའི་རྣམ་པར་སྨིན་པ་མི་ལྡོག་པ་ནི། དཔེར་ན་རྒྱལ་རིགས་ཀྱིས་ཆུ་བོ་གངྒཱར་དེ་ལ་སོགས་པའི་སྦྱིན་པའི་ལྟ་བུ་གང་ཡིན་པ་དེ་ནི་སྦྱིན་པའོ། །བཏང་སྙོམས་ཡོངས་སུ་བཟུང་ཞིང་ཕྱིར་མི་ལྡོག་པ་ཟག་པ་ཟད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བྱང་ཆུབ་ཐོབ་པའི་བཟོད་པ་གང་ཡིན་པ་དེ་ནི་བཟོད་པའོ། །ལུས་ཀྱི་འདུ་བྱེད་འདོར་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཆོས་ལ་བཏང་སྙོམས་ལས་རབ་ཏུ་ཕྱེ་བས་བྱང་ཆུབ་ཀྱི་སྙིང་པོར་སྐྱོ་བ་མེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །བྱང་ཆུབ་ཀྱི་ཡེ་ཤེས་སྟོན་པས་ཤེས་རབ་ཀྱིས་རབ་ཏུ་བཟུང་བ་ནི། དཔེར་ན་བྲམ་བའི་བུ་བྱིས་པ་དཔེར་བརྗོད་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མྱ་ངན་ལས་འདས་པའི་སྦྱིན་པ་ནི། དཔེར་ན་དགའ་བའི་སྔོན་གྱི་ཚུལ་ལས་ཤེས་པར་བྱ་བ་གང་ཡིན་པ་དེ་ནི་སྦྱིན་པའོ། །འདུས་བྱས་ཀྱིས་ཡིད་བྱུང་ཞིང་མྱ་ངན་ལས་འདས་པའི་བསམ་པ་ཅན་གྱི་ཚུལ་ཁྲིམས་ནི། དཔེར་ 86a ༄#། །ན་བྱང་ཆུབ་སེམས་དཔའ་བརྩོན་འགྲུས་ལ་སྤྱོད་པའི་སྔོན་གྱི་ཚུལ་གང་ཡིན་པ་དེ་ནི་ཚུལ་ཁྲིམས་སོ། །ཆགས་པ་མེད་པའི་བཟོད་པ་ནི། དཔེར་ན་ཡུལ་ཀ་ཤིའི་རྒྱལ་པོ་མགོ་བཅད་ཀྱང་འཁྲུག་པ་མེད་པ་གང་ཡིན་པ་དེ་ནི་བཟོད་པའོ། །སེར་སྐྱའི་གནས་ནས་བྱུང་སྟེ་བསོད་སྙོམས་ལེན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཚངས་པར་སྤྱོད་ཅིང་ཡན་ལག་བཞི་དང་ལྡན་པ་སྤུ་ཟིང་ཞེས་བྱེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །གྲོང་ཁྱེར་དང་མཚུངས་པའི་ཤེས་རབ་ནི། དཔེར་ནི་འཇིག་རྟེན་པ་མ་ལུས་པ་ཐམས་ཅད་སྙོམས་པར་ཞུགས་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་དགའ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྡུག་བསྔལ་བར་འགྱུར་བ་རྣམས་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །རུས་སྦལ་གྱི་སྐྱེས་པའི་རབས་ཀྱི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །མངོན་དུ་སྡུག་བསྔལ་བས་ལུས་དང་ངག་ལ་གནོད་པ་མེད་པའི་བཟོད་པ་ནི་དཔེར་ན་བཟངས་བརྩམས་ཡན་ལག་བཅད་ཀྱང་འཁྲུག་པ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །སངས་རྒྱས་འབྱུང་བ་ན་བརྩོན་པ་ནི། དཔེར་ན་སངས་རྒྱས་ 86b མངོན་སུམ་དུ་བྱེད་ཅིང་དེ་བཞིན་གཤེགས་པའི་ཏིང་ངེ་འཛིན་རྒྱ་མཚོ་ལ་ལོ་སུམ་ཁྲིའི་བར་དུ་རྨུགས་པ་དང་གཉིད་མི་འབྱུང་བ་གང་ཡིན་པ་དེ་ནི་བརྩོན་འགྲུས་སོ། །བཙུན་མོའི་འཁོར་ན་གནས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཁོར་བ་ན་གང་དུས་དང་མཚུངས་པར་ལྡན་པའི་ཤེས་རབ་གང་དང་གང་དུ་བདག་དང་གཞལ་ཕན་པར་འགྱུར་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འོད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། མར་མེའི་ཕྲེང་བ་སྦྱིན་པ་གང་ཡིན་པ་དེ་ནི་སྦྱིན་པའོ། གཞན་ལ་ཕན་པའི་ཚུལ་ཁྲིམས་ནི། དཔེར་ན་སྲེག་པའི་སྐྱེས་པའི་རབས་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །ཆོས་ལ་ངེས་པར་རྟོག་པའི་བཟོད་པ་གང་ཡིན་པ་དེ་ནི་བཟོད་པའོ། །འབྲུ་མར་གྱི་སྦྱིན་པ་ལ་བརྩོན་པ་གང་ཡིན་པ་དེ་ནི་བརྩོན་འགྲུས་སོ། །བྱང་ཆུབ་སེམས་དཔའ་བསྐལ་པ་དང་པོ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཆོས་ལ་བཟོད་པ་ལས་ངེས་པར་བྱུང་བའི་ཤེས་རབ་ནི། དཔེར་ན་བྲམ་ཟེའི་བུ་སྤྲིན་གྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འོད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་འོད་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐབས་ལ་མཁས་ 87a ༄#། །པའི་སྦྱིན་པའི་ཕ་རོལ་ཏུ་ཕྱིན་པ་གང་གི་རྣམ་པར་སྨིན་པས་སངས་རྒྱས་ཀྱི་ཞིང་མཐའ་ཡས་པར་སངས་རྒྱས་ཀྱི་འོད་ཀྱིས་འགེངས་པ་གང་ཡིན་པ་དེ་ནི་སྦྱིན་པའོ། །མི་སྐྱེ་བའི་ཆོས་ལ་བཟོད་པ་ཐོབ་པས་ཡོངས་སུ་བསྔོ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཆོས་ལ་འདུ་ཤེས་པའི་བཟོད་པ་ཡོངས་སུ་བསྔོ་བ་གང་ཡིན་པ་དེ་ནི་བཟོད་པའོ། །སྟོང་པ་ཉིད་ལ་སྒོམ་པར་དགའ་བའི་བརྩོན་འགྲུས་ཡོངས་སུ་བསྔོ་བ་གང་ཡིན་པ་དེ་ནི་བརྩོན་འགྲུས་སོ། །ཕྱིར་མི་ལྡོག་པའི་བསམ་གཏན་ཡོངས་སུ་བསྔོ་བ་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ལ་གནས་པའི་ཤེས་རབ་ཐམས་ཅད་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་སྟེ།་འདི་དག་ནི་འོད་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤི་བ་ལ་ཐུག་པའི་སྦྱིན་པ་གང་གི་རྣམ་པར་སྨིན་པས་དགའ་ལྡན་ནས་ཤི་འཕོས་པ་ན་ཡི་དྭགས་རྣམས་ཀྱི་བཀྲེས་པ་ཕྱིད་པ་གང་ཡིན་པ་དེ་ནི་སྦྱིན་པའོ། །ཤི་བ་ལ་ཐུག་པ་རྣམས་བཅིངས་པ་ལས་དགྲོལ་བའི་ཕྱིར་བདག་ཉིད་གཏོང་བའི་ཚུལ་ཁྲིམས་ནི། དཔེར་ན་རྒྱལ་པོའི་བུ་ལེགས་བྱིན་གྱི་སྔོན་གྱི་ཚུལ་གང་ཡིན་པ་དེ་ནི་ཚུལ་ཁྲིམས་སོ། །བཟོད་པ་ནི་ 87b དཔེར་ན་ཉའི་སྐྱེས་པའི་རབས་ལས་གྲོག་སྦུར་དེ་དག་གིས་བདག་གི་ཤ་ཟས་ནས་བདེ་བར་གྱུར་ན་ལེགས་སོ་ཞེས་བྱ་བ་གང་ཡིན་པ་དེ་ནི་བཟོད་པའོ། །རྟའི་རྒྱལ་པོ་རྡོག་ལྡན་སྡུག་བསྔལ་བ་རྣམས་ལ་སྙིང་བརྩེ་བའི་ཕྱིར་བརྩོན་པ་གང་ཡིན་པ་དེ་ནི་བརྩོན་འགྲུས་སོ། །ནད་ཀྱི་བར་གྱི་བསྐལ་པའི་བསམ་གཏན་ནི། དཔེར་ན་བྲམ་ཟེའི་བུ་དེ་བི་དྷ་ཛམྦུའི་གླིང་དུ་རེག་པ་ལྔ་ཞི་བར་བྱེད་པ་ལྟ་བུ་གང་ཡིན་པ་དེ་ནི་བསམ་གཏན་ནོ། །ཚོང་པ་ལྔ་བརྒྱ་དང་རྒྱལ་པོའི་སྲས་མོ་བུ་མོ་ལྔ་བརྒྱ་དག་ཐར་པར་བྱས་པ་དང ། སྲིན་མོ་བྱེ་བ་ཕྲག་ལྔ་མིར་བྱས་པའི་ཤེས་རབ་ནི། དེད་དཔོན་གྱི་སྔོན་གྱི་ཚུལ་ལས་ཤེས་པར་བྱ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉན་ཐོས་དང་རང་སངས་རྒྱས་ཀྱི་ཐེག་པ་ལ་རེ་བ་མེད་ཅིང་མི་དམིགས་པས་བླ་ན་མེད་པའི་བྱང་ཆུབ་ཏུ་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །མི་ལྟ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དེའི་ངོ་བོ་མ་ཡིན་པའི་བཟོད་པ་གང་ཡིན་པ་དེ་ནི་བཟོད་པའོ། །ཐབས་མཁས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རིག་པ་སྐྱེས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །མཉམ་པ་ཉིད་ཀྱི་སའི་ཤེས་ 88a ༄#། །རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགའ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན།་སངས་རྒྱས་འབྱུང་བ་ན་སེམས་ཅན་ཐམས་ཅད་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །སངས་རྒྱས་འབྱུང་བའི་དུས་སུ་རྣམ་པར་སྨིན་པའི་ཚུལ་ཁྲིམས་ནི། དཔེར་ན་གཞོན་ནུ་དཔལ་མཐུའི་སྔོན་གྱི་ཚུལ་ལྟ་བུའོ། །བཟོད་པ་ནི། དཔེར་ན་རྒྱལ་པོ་བསོད་ནམས་རྒྱ་ཆེན་གྱིས་བདག་འབའ་ཞིག་བདེ་བར་མ་གྱུར་ཅིག་།བདག་ཀྱང་བདེ་བར་གྱུར་ལ་གང་གཞན་ཡང་བདེ་བར་གྱུར་ཅིག། ཅེས་གང་སྨྲས་པ་ལྟ་བུ་གང་ཡིན་པ་དེ་ནི་བཟོད་པའོ། །གཟུངས་རབ་ཏུ་ཐོབ་པར་འགྱུར་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་རྣམས་ཀྱི་རྣམ་པར་སྨིན་པ་བདེ་བར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ཕྱིར་མི་ལྡོག་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དགའ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་དག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མངོན་པར་ཞེན་པ་མེད་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཤིན་ཏུ་སྦྱངས་བ་བྱང་ཆུབ་ཀྱི་ཡན་ལག་སྒྲུབ་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། 88b །ལུས་ལ་མི་ལྟ་བ་དང ། སྲོག་ལ་མི་ལྟ་བའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་རྣམ་པར་འབྱེད་པ་བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྟོག་པ་མེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །བྱང་ཆུབ་སྒྲུབ་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་དག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་པའི་ཆོས་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣམ་པར་སྨིན་པ་འདུས་མ་བྱས་དང ། ལམ་བདེ་བ་སྒྲུབ་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལམ་ལ་ཞུགས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བྱང་ཆུབ་ལ་ཐེ་ཙོམ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །མཐོང་བའི་ཆོས་ལ་བདེ་བ་སྒྲུབ་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །འགོག་པའི་སྙོམས་པར་འཇུག་པ་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །དྲན་པ་ཉེ་བར་གཞག་པ་ཡོངས་སུ་སྦྱང་བ་བྱས་ཤིང ། བདེན་པ་ཡོངས་སུ་གཟུང་བ་བྱ་བ་བྱས་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཇིག་རྟེན་པའི་ཆོས་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྐྱེ་བ་བཀོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐྱེས་པ་ཙམ་ 89a ༄#། །གྱིས་སྟོང་གསུམ་དུ་སྦྱིན་པ་སྦྱིན་པར་བྱེད་པ་གང་ཡིན་པ་དེ་ནི་སྦྱིན་པའོ། །སྐྱེས་པ་ཙམ་གྱིས་སེམས་ཅན་ཐམས་ཅད་བདེ་བར་གྱུར་པ་གང་ཡིན་པ་དེ་ནི་ཚུལ་ཁྲིམས་སོ། །སྐྱེས་པ་ཙམ་གྱིས་སེམས་ཅན་གནོད་སེམས་ཅན་རྣམས་གནོད་པ་མི་བྱེད་པ་གང་ཡིན་པ་དེ་ནི་བཟོད་པའོ། །སྐྱེས་པ་ཙམ་གྱིས་སེམས་ཅན་སྟོང་ཕྲག་རྣམས་མྱ་ངན་ལས་འདས་པ་ལ་བརྩོན་པ་ནི། དཔེར་ན་འོད་སྲུང་དང་པོར་རབ་ཏུ་བྱུང་བ་གང་ཡིན་པ་དེ་ནི་བརྩོན་འགྲུས་སོ། །སྐྱེས་པ་ཙམ་གྱིས་སེམས་ཅན་རྣམས་དྲན་པ་ཐོབ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྐྱེས་པ་ཙམ་གྱིས་སེམས་ཅན་དམྱལ་བར་གྱུར་པ་ཆོས་བརྗོད་པ་རྣམས་ཐ་ན་ཀུན་ཏུ་བརྗོད་ཅིང་མངོན་པར་བརྗོད་པའི་ཤེས་རབ་སྟེ། འདི་དག་ནི་སྐྱེ་བ་བཀོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིགས་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཁོར་གྱི་ལོངས་སྤྱོད་ཆེན་པོའི་སྦྱིན་པ་གང་ཡིན་པ་དེ་ནི་སྦྱིན་པའོ། །འཁོར་ཁ་ན་མ་ཐོ་བ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །འཁོར་གཅིག་ལ་གཅིག་མངོན་པར་དགའ་བའི་བཟོད་པ་གང་ཡིན་པ་དེ་ནི་བཟོད་པའོ། །འཁོར་མ་བཏང་བར་རང་གི་བྱ་བ་རྣམས་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་ 89b འགྲུས་སོ། །ལེགས་པར་བསམ་པ་སེམས་ཤིང་འཁོར་དུལ་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཁོར་ཐམས་ཅད་ཀྱི་ཤེས་རབ་གང་ཡིན་པ་དེ་ནི། ཤེས་རབ་སྟེ།་འདི་དག་ནི་རིགས་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་ཕུན་སུམ་ཚོགས་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདུས་པ་ཆེན་པོ་དག་ལ་ལོ་ལྔའི་བར་དུ་ཡང་དག་པར་ལེན་དུ་འཇུག་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སྐྱེ་བོ་མང་པོའི་འབྱོར་བ་སྐྱོ་བ་མེད་པའི་ཚུལ་ཁྲིམས་ནི། དཔེར་ན་ཀུན་ཏུ་རྒྱུ་རྟོགས་བྱེད་ཀྱི་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་མང་པོའི་ཕྱིར་བཟོད་པ་ནི། དཔེར་ན་ནོར་ལྔ་བྲེ་གང་གི་ཕྱིར་རྒྱ་མཚོ་ཆེན་པོར་ཆུ་སྲིན་མ་ཀ་རའི་ཁར་ཞུགས་པ་དང ། ཡང་དཔེར་ན། ནོར་ལྔ་བྲེ་གང་གི་ཕྱིར་ཁྲོན་པར་སོང་བ་གང་ཡིན་པ་དེ་ནི་བཟོད་པའོ། །སྐྱེ་བོ་མང་པོ་ལ་བསྐྱབ་པའི་ཕྱིར་བརྩོན་པ་ནི། དཔེར་ན་ནོར་བུའི་ཕྱིར་རྒྱ་མཚོ་ཆེན་པོ་སྐམ་པར་བརྩམས་པ་གང་ཡིན་པ་དེ་ལྟ་བུ་སྟེ། དེ་ནི་བརྩོན་འགྲུས་སོ། །མུ་སྟེགས་བྱེད་རྩིབས་ཀྱི་མུ་ཁྱུད་ཀྱི་བསམ་གཏན་སེམས་ཅན་ལ་ཕན་པ་དང་ལྡན་པ་གང་ཡིན་པ་དེ་ནི་བསམ་གཏན་ནོ། །སྐྱེ་བོ་མང་པོ་ལ་ཕན་པའི་ཕྱིར་བརྩོན་པའི་ཤེས་རབ་ནི། དཔེར་ན་རི་དྭགས་ཀྱི་རྒྱལ་པོ་བློ་བཟང་གྱིས་རི་དྭགས་ལྔ་བརྒྱ་རྒྱར་ཆུད་པ་ 90a ༄#། །པ་རྣམས་གཞན་རི་བོང་དང་ལྷན་ཅིག་ཏུ་ཐར་པར་བྱས་ནས་འབྲོས་སུ་བཏང་བ་དང ། ཛམྦུའི་གླིང་པའི་སེམས་ཅན་ཐམས་ཅད་དགེ་བ་བཅུའི་ལས་ཀྱི་ལམ་དག་ལ་བཀོད་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཁོར་ཕུན་སུམ་ཚོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྲ་མའི་ཚིག་སྤངས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །བྱམས་པ་ལ་དམིགས་པ་ཐོགས་པ་མེད་པའི་སེམས་ཀྱི་ཚུལ་ཁྲིམས་ཀྱི་གོ་བགོས་པ་གང་ཡིན་པ་དེ་ནི་ཚུལ་ཁྲིམས་སོ། །སེམས་མཉམ་པའི་བཟོད་པ་གང་ཡིན་པ་དེ་ནི་བཟོད་པའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ཟང་ཟིང་མེད་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །གཟུངས་རབ་ཏུ་ཐོབ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རྣམ་པར་གྲོལ་བས་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཡོངས་སུ་དག་པ་བསྐྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ནད་པ་མགོན་མེད་པ་རྣམས་ལ་གསོས་སྦྱིན་པ་གང་ཡིན་པ་དེ་ནི་སྦྱིན་པའོ། །སྡུག་བསྔལ་ 90b གྱིས་ཉམ་ཐག་པ་རྣམས་ཡོངས་སུ་སྐྱོབ་པ་གང་ཡིན་པ་དེ་ནི་ཚུལ་ཁྲིམས་སོ། །བླ་མས་སྤྱོ་བ་བཟོད་ཅིང་མི་ཁྲོ་བ་གང་ཡིན་པ་དེ་ནི་བཟོད་པའོ། །མངལ་ན་ཀུན་ཏུ་རྨོངས་པ་གསོ་བར་བྱེད་པ་དང ། བསྟན་པ་ལས་མངོན་པར་འཕགས་པ་རྣམས་ལ་སྟོན་པ་དང ། དགེ་སློང་མ་རྣམས་ལ་རྗེས་སུ་སྲུང་བའི་བརྩོན་འགྲོས་གང་ཡིན་པ་དེ་ནི་བརྩོན་འགྲུས་སོ། །གཞན་ལ་ཕན་པའི་ཕྱིར་མ་ལ་བསྙེན་བཀུར་བྱེད་པ་གང་ཡིན་པ་དེ་ནི་བསམ་གཏན་ནོ། །སྐྱེ་བ་མང་པོའི་འགྱོད་པ་སེལ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་ཡོངས་སུ་དག་པ་བསྐྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱོགས་རྣམ་པར་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐོགས་པ་མེད་པར་མིག་སྦྱིན་པ་གང་ཡིན་པ་དེ་ནི་སྦྱིན་པའོ། །སྒྲིབ་པ་མེད་པའི་སེམས་ཀྱི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བསམ་པ་ངེས་པའི་བཟོད་པ་གང་ཡིན་པ་དེ་ནི་བཟོད་པའོ། །སྐྱོ་བ་མེད་པའི་མངོན་པར་ཤེས་པ་མ་བསྒྲུབས་པ་སྒྲུབ་པ་གང་ཡིན་པ་དེ་ནི་བརྩོན་འགྲུས་སོ། །ལྷའི་མིག་གི་ཕྱིར་ཡོངས་སུ་སྦྱང་བ་བྱས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྒྲ་དང་བརྡ་རབ་ཏུ་རྟོགས་པར་བྱེད་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཕྱོགས་རྣམ་པར་ལྟ་བའི་ 91a ༄#། །ཕ་རོལ་ཏུ་ཕྱིན་པ་དྲུག་གོ་།དེ་ལ་ཡོངས་སུ་ཤེས་པ་སྒྲོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པའི་རྣམ་པར་སྨིན་པ་སེམས་ཅན་རྣམས་ལ་ཡོངས་སུ་བསྔོས་ཤིང ། གཞན་ལ་ཕན་པའི་རྣམ་པར་སྨིན་པ་གང་ཡིན་པ་དེ་ནི་སྦྱིན་པའོ། །བག་ཆགས་ཀྱི་མཚམས་སྦྱོར་བ་དང་བྲལ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སྙིང་རྗེ་མེད་པ་མ་ཡིན་པ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཟིལ་གྱིས་ནོན་པ་མེད་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཆད་མེད་པས་ཡོངས་སུ་བཟུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ངེས་པར་འབྱེད་པའི་ཆ་དང་མཐུན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཡོངས་སུ་ཤེས་པ་སྒྲོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བག་ཡོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཏུ་ཡོངས་སུ་བསྔོས་པའི་སྦྱིན་པ་ནི། དཔེར་ན་བློན་པོ་ས་གའི་ལྟ་བུ་གང་ཡིན་པ་དེ་ནི་སྦྱིན་པའོ། །གནད་བཅད་པ་ལ་གནས་ཀྱང་ལས་ལ་རྟོན་པའི་ཚུལ་ཁྲིམས་ནི། དཔེར་ན་རྔོན་པ་དཔའ་རྟོགས་ཀྱིས་སེངྒེའི་གནད་དུ་བསྣུན་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །ལེགས་པར་གསུངས་པའི་དོན་དུ་མེའི་ཕུང་པོར་མཆོངས་པའི་བཟོད་པ་གང་ཡིན་ 91b པ་དེ་ནི་བཟོད་པའོ། །འདུས་བྱས་ལ་འབར་བར་མཐོང་ཞིང་མྱ་ངན་ལས་འདས་པའི་བསམ་པ་ཅན་གྱི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྒྱལ་སྲིད་ཐམས་ཅད་སྤངས་ཏེ་གཅིག་བུར་རི་ལ་ཉོན་མོངས་པ་ཅན་མ་ཡིན་པར་གནས་ཤིང་གྲགས་པ་དང་འཁོར་མང་པོར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རོ་མྱང་བ་མེད་པའི་ཤེས་རབ་གང་ཡིན་པ་དེ་ནི། དཔེར་ན་རྒྱལ་པོའི་བུ་མཉམ་སེམས་ཀྱིས་རྒྱལ་སྲིད་བཏང་ནས་ཁ་ན་མ་ཐོ་བ་མེད་པའི་ལས་ཇི་སྙེད་པ་དག་གང་ཡིན་སྙམ་ནས་དྲི་མ་དང་བྲལ་བར་གྱུར་པ་གང་ཡིན་པ་དེ་ནི་ཤེས་རབ་སྟེ། འདི་དག་ནི་བག་ཡོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྫི་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལེན་པ་མང་པོ་རྣམས་ལ་ཐོགས་པ་མེད་པའི་སེམས་ཀྱིས་སྦྱིན་པ་གང་ཡིན་པ་དེ་ནི་སྦྱིན་པའོ། །གཡོ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བསྒོམས་པ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་མཉམ་པ་ཉིད་ལ་གནས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཕྱིར་མི་ལྡོག་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཆོས་ཐམས་ཅད་རྣམ་པར་འཇོག་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྫི་བ་མེད་པའི་ཕ་རོལ་ཏུ་ 92a ༄#། །ཕྱིན་པ་དྲུག་གོ་།དེ་ལ་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡི་དྭགས་ཀྱི་འཇིག་རྟེན་ལ་དམིགས་ཤིང་གང་སེམས་ཅན་སྡུག་བསྔལ་བ་མཐོང་ན་སྦྱིན་པ་གང་ཡིན་པ་དེ་ནི་སྦྱིན་པའོ། །དུད་འགྲོའི་གནས་སུ་ཕྱིན་ནས་སེམས་ཅན་སྡུག་བསྔལ་བ་མཐོང་ན་ཡིད་བྱུང་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམིགས་པ་མེད་པ་ཐོས་པ་དང ། རེག་པར་དཀའ་བ་མཐོང་ན་བཟོད་པ་གང་ཡིན་པ་དེ་ནི་བཟོད་པའོ། །ལོག་པ་སྤོང་བའི་རབ་ཏུ་དབྱེ་བ་ལ་ཡིད་བྱུང་བའི་བརྩོན་འགྲུས་ནི། དཔེར་ན་ཀུན་ལས་བུད་མེད་སྤངས་པ་ལྟ་བུ་གང་ཡིན་པའོ། །ཐར་པ་ལ་དམིགས་པའི་བསམ་གཏན་ནི། དཔེར་ན་ཤིང་ཛམྦུའི་གྲིབ་མ་ལྟ་བུ་གང་ཡིན་པ་དེ་ནི་བསམ་གཏན་ནོ། །འཁོར་བའི་སྐྱོན་རབ་ཏུ་ཞི་བར་བྱེད་པའི་ཤེས་རབ་ནི། དཔེར་ན་རྒྱལ་པོ་རབ་ཏུ་འབྱུང་བའི་ཕྱིར་ཁྱིམ་ནས་བྱུང་བ་དང ། དཔེར་ན་སྤུ་ཟིང་ཞེས་བྱེད་པའི་ཤེས་རབ་ཡོངས་སུ་དཀར་བའི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབང་ཆེ་བར་གྲགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྙིང་རྗེ་མེད་པ་མ་ཡིན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལྷག་པའི་ང་རྒྱལ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ 92b སོ། །མ་ཞུམ་པའི་བཟོད་པ་གང་ཡིན་པ་དེ་ནི་བཟོད་པའོ། །བླ་མ་ལ་བསྙེན་བཀུར་བྱས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཡོངས་སུ་སྨིན་པར་བྱ་བའི་བསམ་གཏན་ནི། དཔེར་ན་རྒྱལ་པོའི་བུ་མེ་ཏོག་ལྟ་བུའི་གང་ཡིན་པ་དེ་ནི་བསམ་གཏན་ནོ། །རབ་ཏུ་བྱུང་བ་གང་གི་ཡན་ལག་དང་ཉིང་ལག་གཏུབས་ཀྱང་ནམ་ཡང་ཉམས་པར་མ་གྱུར་བའི་ཤེས་རབ་དོན་དམ་པ་དང་ལྡན་པ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དབང་ཆེ་བར་གྲགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསྐུལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། གང་ལེན་དུ་འཇུག་ཅིང་སྤྲོས་པ་དང་བཅས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཕན་པའི་དངོས་པོ་དང་ལྡན་ཞིང་ལེགས་པར་སྦྱིན་པ་བསྐུལ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དུལ་བའི་གནས་སུ་གདམས་ངག་རྗེས་སུ་སྟོན་པའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་མཉན་པ་དང་བསྒྲགས་པ་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཡང་དག་པར་ལེན་དུ་འཇུག་པའི་བསམ་གཏན་ནི། དཔེར་ན་འཁོར་ལོས་བསྒྱུར་བའི་རྒྱལ་པོ་མིག་བཟང་ཀྱི་ལྟ་བུ་གང་ཡིན་པའོ། །ཐེ་ཙོམ་ཅན་གྱི་ཐེ་ཙོམ་གཅོད་ཅིང་དོར་བར་འདོང་པ་རྣམས་ལ་ཆོས་བསྟན་པའི་ཕྱིར་རྗེས་སུ་སྲུང་ལ་རབ་ཏུ་འཇོག་པ་བཏང་སྙོམས་ 93a ༄#། །ཅན་གྱི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་བསྐུལ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་བརྗེད་ངེས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཁ་ཏོན་དང་ལྡན་པ་རྣམས་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །དཀོན་མཆོག་གསུམ་ལ་མི་ཕྱེད་པ་ཐོབ་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཐོས་པའི་ཕྱིར་བཟོད་ཅིང་ལུས་ཀྱི་སྡུག་བསྔལ་བཟོད་པ་ནི། དཔེར་ན་བགོ་བ་ངེས་པའི་ཡན་ལག་བཅད་པ་ལྟ་བུ་གང་ཡིན་པ་དེ་ནི་བཟོད་པའོ། །མན་ངག་དང་ཁ་ཏོན་བྱ་བའི་བརྩོན་འགྲུས་གཞན་ལ་རྗེས་སུ་སྲུང་བ་གང་ཡིན་པ་དེ་ནི་བརྩོན་།འགྲུས་སོ། །བསམ་གཏན་པས་དུས་སུ་ཡང་དག་པར་ལེན་དུ་འཇུག་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རྙེད་པ་དང ། བཀུར་སྟི་ལ་མི་རྟོག་པའི་སྤྱོད་ལམ་ལ་གནས་ནས་ཆོས་སྦྱིན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་བརྗེད་ངས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཞབས་ཤིན་ཏུ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞབས་ས་ལ་འཇོག་པ་ན་སྙོམས་པ་དང ། འདེགས་པ་ན་སྙོམས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །བདེ་བར་གནས་པ་གང་ཡིན་པ་དེ་ 93b ནི་ཚུལ་ཁྲིམས་ཀྱི་རྣམ་པར་སྨིན་པའོ། །གཞན་གྱིས་ཉམས་པར་བྱར་མི་ནུས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །འཁྲུལ་པ་མེད་པར་གནས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། ཞབས་རེག་པས་སེམས་ཅན་བདེ་བར་འགྱུར་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གོ་ཆས་ཇི་ལྟར་འདོད་པ་བཞིན་སྐྱེ་བར་འགྱུར་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་ཞབས་ཤིན་ཏུ་གནས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཁོར་ལོ་རྩིབས་སྟོང་དང་ལྡན་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཁོར་ལོས་སྤྲས་པ་སྒྲུབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྩིབས་ཕན་ཚུན་མ་འདྲེས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །འདོད་ཆགས་ཀྱི་དབང་གིས་མི་གོས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །བུམ་པ་ལྟ་བུ་དང ། བཀྲ་ཤིས་དང ། གཡུང་དྲུང་འཁྱིལ་བས་བརྒྱན་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །འཁོར་ལོའི་འོད་འགྱེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །འོད་སྣ་ཚོགས་གཏོང་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་འཁོར་ལོ་རྩིབས་ཏོང་དང་ལྡན་པ་སྒྲུབ་པར་བྱེད་པའི་ 94a ༄#། །ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་རྟིང་པ་ཡངས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྟིང་པ་ཡངས་ཤིང་ཤིན་ཏུ་སྲབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྟིང་པ་ཡངས་པ་ཟླུམ་ཞིང་ཤིན་ཏུ་མཁྲེགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །རྟིང་པ་ཡངས་ཤིང་ཡོངས་སུ་རྫོགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །རྟིང་པ་ཡངས་ཤིང་སྟབས་ལེགས་པར་བཞུད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། ། རྟིང་པ་ཡངས་ཤིང་མདོག་སྣུམ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །རྟིང་པ་ཡངས་ཤིང་ལེགས་པར་གྲུབ་ལ་མཁྲང་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་རྟིང་པ་ཡངས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཞབས་ལོང་བུའི་ཚིགས་མི་མངོན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞབས་ལོང་བུའི་ཚིགས་མི་མངོན་ཤིང་ཤིན་ཏུ་མཁྲེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞབས་ལོང་བུའི་ཚིགས་མི་མངོན་པ་ཆུ་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། ཞབས་ལོང་བུའི་ཚིགས་མི་མངོན་ཞིང་འཇམ་ལ་མདངས་དང་ལྡན་པ་གང་ཡིན་པ་དེ་ནི་བཟོད་པའི་ 94b རྣམ་པར་སྨིན་པའོ། །ཞབས་ལོང་བུའི་ཚིགས་མི་མངོན་ཞིང་མཐོན་དམན་མེད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཞབས་ལོང་བུའི་ཚིགས་མི་མངོན་ཞིང་ཡངས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཞབས་ལོ་བུའི་ཚིགས་མི་མངོན་ཞིང་སྤ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཞབས་ལོང་བུའི་ཚིགས་མི་མངོན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སོར་མོ་རིང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སོར་མོ་རིང་ལ་མི་མཉམ་པ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སོར་མོ་རིང་ལ་ཤིན་ཏུ་འབྲེལ་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སོར་མོ་རིང་ཞིང་སྣུམ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སོར་མོ་རིང་ལ་རིམས་གྱིས་གཞོལ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །སོར་མོ་རིང་ལ་སེན་མོ་ཟངས་ཀྱི་མདོག་ལྟ་བུ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སོར་མོ་རིང་ལ་ཚིགས་མི་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སོར་མོ་རིང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཕྱག་དང་ཞབས་དྲ་བ་ཅན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྱག་དང་ 95a ༄#། །ཞབས་དྲ་བ་ཅན་ཚང་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཤིན་ཏུ་གནས་ཤིང་མཉམ་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་མི་རྩུབ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་གསེར་གྱི་མདོག་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་ཤིན་ཏུ་མཁྲེགས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་སྤ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཕྱག་དང་ཞབས་དྲ་བ་ཅན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་བྱིན་པ་རི་དྭགས་ཨེ་ན་ཡའི་ལྟ་བུའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལེགས་པར་སྐྱེས་པ་ཡོངས་སུ་རྫོགས་ཤིང་རིམ་གྱིས་པ་གཞོལ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །འཇམ་ཞིང་མི་མངོན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཤིན་ཏུ་སྤྲས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། ། གཤེགས་པར་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཀུན་ནས་ཤིན་ཏུ་རྣམ་པར་ཕྱེ་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཁ་ 95b དོག་སྣང་བ་མཐོང་ན་དགའ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་བྱིན་པ་རི་དྭགས་ཨེ་ན་ཡའི་ལྟ་བུའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་གསང་བའི་སྦུབས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གསང་བའི་སྦུབས་ཁ་དོག་མཛེས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཤིན་ཏུ་སྦས་པ་གང་ཡིན་པ་དེ་ནི་ཚུལ་ཁྲིམས་ཀྱིས་རྣམ་པར་སྨིན་པའོ། །ཚེམས་ཚང་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཕྱག་གི་རི་མོ་སྙོམས་ཤིང་ཤིན་ཏུ་ལེགས་པར་གྱུར་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མི་འཇིགས་པ་སྦྱིན་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གཞན་བལྟ་བའི་ཕྱིར་སྤྲུལ་པ་ཉེ་བར་སྒྲུབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་གསང་བའི་སྦུབས་ཀྱི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་ལྟེ་བ་ཟབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟབ་ཅིང་རིམ་པར་འཚམ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ལྟེ་བ་གཟི་བྱིན་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཟབ་ཅིང་མདངས་ཡོད་པ་གང་ཡིན་པ་དེ་ནི་བཟོད་པའི་རྣམ་པར་སྨིན་ 96a ༄#། །པའོ། །ལྟེ་བ་ཡངས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ལྟེ་བ་རྒྱས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། ། ལྟེ་བ་མ་ཞུམ་ཞིང་སྦ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ལྟེ་བ་ཟབ་པའི་ཕ་རོལ་ཏུ་ཕྱིན་པ་དྲུག་གོ ། འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་དྲུག་པ། །དེ་ལ་རྣམ་པར་སྨིན་པ་སྤུ་རེ་རེའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐུའི་སྤུ་གྱེན་དུ་ཕྱོགས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མདོག་མཐོན་མཐིང་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སྣུམ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཁ་དོག་མཛེས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །གཡས་སུ་འཁྱིལ་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཕན་ཚུན་མ་འཛིངས་ཤིང་མི་འགྲེང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྤུ་རེ་རེའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་གསེར་གྱི་མདོག་ཅན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གསེར་མདོག་གསེར་གྱི་ཁ་དོག་ཅན་གང་ཡིན་པ་དེ་ནི་ 96b སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གསེར་གྱི་མདོག་ཅན་མདངས་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །གསེར་གྱི་མདོག་ཅན་སྐྱོན་མེད་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །གསེར་གྱི་མདོག་ཅན་བལྟར་རུང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །གསེར་གྱི་མདོག་ཅན་དྲི་མ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གསེར་གྱི་མདོག་ཅན་འོད་རྒྱ་ཆེ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་གསེར་གྱི་མདོག་ཅན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སྐུ་རོ་སྟོད་སེངྒེ་འདྲ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐུ་རིམ་པར་འཚམ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སྐུ་རོ་སྟོད་ལེགས་པར་འབྲེལ་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སྐུ་རོ་སྟོད་མཁྲེགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སྐུ་རོ་སྟོད་བལྟ་ན་བཟང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །སྐུ་རོ་སྟོད་ཤིན་ཏུ་ཡངས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སྐུ་རོ་སྟོད་སེངྒེའི་ལྟ་བུ་མི་ཤིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། །འདི་དག་ནི་རྣམ་པར་ 97a ༄#། །སྨིན་པ་སྐུ་རོ་སྟོད་སེངྒེ་དྲ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་བདུན་མཐོ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདུན་མཐོ་བ་ཡོངས་སུ་རྫོགས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མཐོ་བ་བཀྲ་ཤིས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །མཐོང་ན་ཡིད་དགའ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མཐོ་བ་སྙོམས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མཐོ་ཞིང་མ་ཞུམ་ལ་མཛེས་པ་གང་ཡིན་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །འཇམ་ཞིང་སྣུམ་ལ་དང་ཞིང་གསལ་བ་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་བདུན་མཐོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཕྱག་རིང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདུག་སྤོས་ཀྱི་སྦྱིན་པ་དང་གཏོང་བའི་སྦྱིན་པས་ཕྱག་རིང་བ་མ་བཅད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མི་མཐོ་ཞིང་གནས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཚིགས་སྲ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །རིམ་གྱིས་གཞོལ་ཞིང་རིང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། ། 97b ཕྱག་སྟོབས་ལ་ཕ་རོལ་གནོད་པས་བསྐྱོད་དུ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མཐོང་ན་མདངས་དང་ལྡན་ཞིང་འདོད་པར་འགྱུར་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཕྱག་རིང་བའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་སྐུ་འཁྲིལ་བག་ཆགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤིན་ཏུ་འཁྲིལ་བག་ཆགས་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གཡོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཕྱོགས་ཤིན་ཏུ་རྣམ་པར་འབྱེས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སྐུ་རིམ་པར་འཚམ་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཚིགས་མི་མངོན་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །བལྟ་ན་སྡུག་ཅིང་སེམས་ཅན་ཐམས་ཅད་དགའ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྐུ་འཁྲིལ་བག་ཆགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་མགུར་དུང་ལྟ་བུའི་ཕ་རོལ་ཏུ་ཕྱིན་པ་དྲུག་གང་ཞེ་ན། དུང་ལྟར་བྱིན་གྱིས་ཟླུམ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཤིན་ཏུ་གནས་ 98a ༄#། །པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །རྩེའུ་ཆུང་མི་མངོན་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ལེགས་པར་གྲུབ་ཅིང་སྙོམས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཤིན་ཏུ་གཞོན་ཤ་ཆགས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གཅད་དུ་མེད་ཅིང་དབྱེར་མེད་ལ་མི་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་མགུར་དུང་ལྟ་བུའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སྒྲོས་བིམྤ་ལྟར་དམར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྒྲོས་བིམྤ་ལྟར་དམར་ཞིང་འཛུམ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྒྲོས་བིམྤ་ལྟར་དམར་ཞིང་ལེགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ལྟག་འོག་ལེགས་པར་འབྱོར་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །གསུང་བ་དང་མི་གསུང་བར་གྱུར་པ་ན་རྟག་ཏུ་བལྟ་ན་ཡིད་དུ་འོང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །བྱུ་རུ་ལྟར་སྣང་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །བལྟ་ན་བརྟག་ཏུ་རུང་ཞིང་ལྟ་བས་མི་ངོམས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྒྲོས་བིམྤ་ལྟར་ 98b དམར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ཚེམས་མཆེ་བ་དཀར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤིན་ཏུ་དཀར་བ་གང་ཡིན་པ་དེ་ནི་གོས་དཀར་པོ་སྦྱིན་པའི་རྣམ་པར་སྨིན་པའོ། །དཀར་ཞིང་མདངས་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །བར་གྱི་དྲི་མ་བསལ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཚེམས་དཀར་ཞིང་མཁྲེགས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །དྲི་ཞིམ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཡིད་དུ་འོང་ཞིང་མདངས་དང་ལྡན་ལ་འོད་གསལ་བ་བལྟ་བས་མི་ངོམས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཚེམས་མཆེ་བ་དཀར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚེམས་མཉམ་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེམས་སྟག་འོག་མཉམ་གང་ཡིན་པ་དེ་ནི་སེམས་མཉམ་པས་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཚེམས་སྟག་འོག་ཕྱིར་མ་གྱེད་ཅིང་ལེགས་པར་གྲུབ་པ་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཀུན་ནས་ཐགས་བཟང་བ་གང་ཡིན་པ་དེ་ནི་བཟོད་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཚེམས་ཟླུམ་པ་གང་ཡིན་པ་དེ་ནི་བརྩོན་འགྲུས་ 99a ༄#། །ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མ་གྲུགས་ཤིང་ཆུ་སྒོ་མ་དོད་ལ་སྲ་བ་གང་ཡིན་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །འོག་མའང་ལྟག་མ་དང་འཚམ་ལ་ལྟག་མའང་འོག་མ་དང་འཚམ་པ། མཚམས་ཐད་ཀར་འབྱོར་བ་བལྟ་ན་སྡུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཚེམས་མཉམ་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚེམས་བཞི་བཅུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེམས་བཞི་བཅུ་ཚང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཚེམས་ཐགས་བཟང་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཚེམས་མ་གཙིགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཚེམས་རྣོ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཚེམས་ལེགས་པར་གྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཚེམས་ཤིན་ཏུ་བརྟན་ཞིང་ཡིད་དུ་འོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཚེམས་ཞི་བཅུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྗགས་རིང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྙན་གྱི་བུ་ག་རྒྱ་ཆེར་འགེབས་པ་གང་ཡིན་པ་དེ་ནི་སྦྱིན་པའི་རྣམ་པར་ 99b སྨིན་པའོ། །ལྗགས་དྲི་མས་མ་སྤགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ལྗགས་རྐན་ལ་གཞར་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ལྗགས་ཤིན་ཏུ་རྒྱ་ཆེ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མཚན་དང་ལྡན་པར་གྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །དེ་པདྨ་འདབ་མ་བརྒྱ་པའི་ཁ་དོག་ཏུ་ལེགས་པར་གནས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྗགས་རིང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཚངས་པའི་དབྱངས་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབྱངས་གསང་མཐོ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །དགའ་བར་འགྱུར་བའི་དབྱངས་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །དབྱངས་སྣ་ཚོགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །དབྱངས་ཟིལ་གྱིས་མི་ནོན་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །དབྱངས་རྒྱུན་ཆད་པ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སྒྲ་དང་བརྡའ་ཐམས་ཅད་ལ་དབྱངས་སྙན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་ཚངས་པའི་དབྱངས་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།གཞན་ཡང་ 100a ༄#། །ལུས་དང་སེམས་བདེ་བར་བྱེད་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྣར་སྙན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྙིང་ལ་སིམ་པར་བྱེད་པ་གང་ཡིན་པ་དེ་ནི་བཟོད་པའི་འོ། །འཁོར་ཐམས་ཅད་མི་འདོར་བར་གོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བྱ་ཀ་ལ་པིངྐའི་སྒྲ་ལྟ་བུའི་དབྱངས་གང་ཡིན་པ་དེ་ནི་བསམ་གཏན་གྱིའོ། །ཐེ་ཚོམ་གཅོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཚངས་པའི་དབྱངས་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཚན་རོ་བྲོ་བའི་མཆོག་དང་ལྡན་པར་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞལ་ཟས་ཐམས་ཅད་ཐུགས་སུ་བྱོན་ཅིང་རོ་བྲོ་བའི་མཆོག་དང་ལྡན་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞལ་ཟས་གསོལ་ནས་བདེ་བར་འཇུ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཞལ་ཟས་མཛེས་པར་གསོལ་བ་གང་ཡིན་པ་དེ་ནི་བཟོད་པའི་འོ། །ཞལ་ཟས་མང་ཉུང་འདྲ་བར་འཇུ་ཞིན་ཁམས་འཁྲུག་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཟི་བྱིན་དང་ལྡན་པ་གང་ཡིན་པ་དེ་ནི་བསམ་གཏན་གྱིའོ། །མྱུར་དུ་སྡང་བར་རུང་ལ་ཧ་ཅང་ཡང་མི་གྲང་ཧ་ཅང་ཡང་མི་ཚ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ 100b ནི་རོ་བྲོ་བའི་མཆོག་དང་ལྡན་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་འགྲམ་པ་སེངྒེའི་ལྟ་བུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འགྲམ་པ་སེངྒེའི་ལྟ་བུ་རྒྱས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །འགྲམ་པ་སེངྒེའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །འགྲམ་པ་སེངྒེའི་ལྟ་བུ་ལེགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མཐོང་ན་དབང་ཆེ་བར་གྲགས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཐམས་ཅད་དུ་མ་ཉམས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མདོག་འཇམ་ཞིང་ལྟན་སྡུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་འགྲམ་པ་སེངྒེའི་ལྟ་བུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཞལ་སྲོག་ཆགས་གོ་བའི་མདོག་ལྟ་བུ་བསྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཞལ་སྲོག་ཆགས་གོ་བའི་མདོག་འདྲ་ཞིང་མཁྲེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞལ་སྲོག་ཆགས་གོ་བའི་མདོག་འདྲ་བར་ཤིན་ཏུ་ངེས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཞལ་སྲོག་ཆགས་གོ་བའི་མདོག་ལྟ་བུར་སྤ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཞལ་གཉེར་མ་མེད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་ 101a ༄#། །པར་སྨིན་པའོ། །ཞལ་སྙོམས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཟླ་བ་དང་ཉི་མའི་འོད་ལྟ་བུར་ཐམས་ཅད་ཀྱིས་ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་ཞལ་སྲོག་ཆགས་གོ་བའི་མདོག་ལྟ་བུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་སྤྱན་མཐོན་ཏིང་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགའ་བར་འགྱུར་བའི་སྤྱན་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སྤྱན་གྱི་དཀྱུས་རིང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྤྱན་ལེགས་པ་དང་ལྡན་པ་གང་ཡིན་པ་དེ་ནི་བཟོད་པའི་འོ། །སྤྱན་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐག་རིང་པོར་གཟིགས་པ་དང་འབྲེལ་བ་གང་ཡིན་པ་དེ་ནི་བསམ་གཏན་གྱིའོ། །མ་ལུས་པ་གཟིགས་ཤིང་མཐའ་ཡས་པར་གཟིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་པའི་སྤྱན་མཐོན་མཐིང་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཤངས་མཐོ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤངས་མཐོ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཤངས་དཀྱུས་ 101b རིང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཤངས་མདངས་དང་ལྡན་པ་གང་ཡིན་པ་དེ་ནི་བཟོད་པའི་འོ། །ཤངས་ཡིད་དུ་འོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མཐོང་ན་དགའ་ལ་ངོམས་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཡིད་དུ་འཐད་པའི་དྲི་སྣོམ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ།་འདི་དག་ནི་བྱང་ཆུབ་སེམས་དཔའི་ཤངས་མཐོ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་མཛོད་སྤུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མཛོད་སྤུ་དཀར་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །མཛོད་སྤུ་གྱས་སུ་འཁྱིལ་བ་གང་ཡིན་པ་དེ་ནི། ཚུལ་ཁྲིམས་ཀྱིའོ། །མཛོད་སྤུ་སྤ་ཞིང་ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །མཛོད་སྤུ་རིང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཞིན་ཏུ་འཁྱིལ་ཅིང་ལེགས་པར་གནས་པ་གང་ཡིན་པ་དེ་ནི་བསམ་གཏན་གྱིའོ། ། འོད་མཐའ་ཡས་པས་ཁྱབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་མཛོད་སྤུ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་དབུ་གཙུག་ཏོར་དང་ལྡན་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མཐོན་མཐིང་འཁྱིལ་བར་གྲུབ་པ་གང་ཡིན་པ་དེ་ནི་སྦྱིན་ 102a ༄#། །པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གཡས་སུ་འཁྱིལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྡུལ་གྱིས་མ་གོས་པ་གང་ཡིན་པ་དེ་ནི་བཟོད་པའི་འོ། །སྤྱི་གཙུག་བལྟར་མི་མངོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྟག་ཏུ་བལྟ་བར་བྱ་བ་གང་ཡིན་པ་དེ་ནི་བསམ་གཏན་གྱིའོ། །ཆར་དང་རླུང་གིས་མི་ཤིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་དབུ་གཙུག་ཏོར་དང་ལྡན་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་མངོན་པར་འབྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བར་ཆད་མེད་པར་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་བའི་རྣམ་པར་སྨིན་པའོ། །ཤིན་ཏུ་དུལ་བར་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷ་མཐའ་ཡས་པ་དག་ཉེ་བར་འོང་བ་གང་ཡིན་པ་དེ་ནི་བཟོད་པའི་འོ། །གནོད་སྦྱིན་དག་གིས་སྒོམ་མདངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ནམ་མཁའ་ལ་སྤྱན་དྲངས་པ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བོ་མཛའ་བ་ཐམས་ཅད་ལ་མི་ལྟ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་མངོན་པར་འབྱུང་བའི་ཕ་རོལ་ 102b ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་དུས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚལ་མེ་ཏོག་རྒྱས་པའི་དུས་སུ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། ། དུས་ཚིགས་ཀྱི་མཆོག་ཏུ་ཕྱིན་པའི་ཚེག་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུ་སྐར་བཟང་པོ་དང་ལྡན་པ་གང་ཡིན་པ་དེ་ནི་བཟོད་པའི་འོ། །སྙོམས་པར་གཤེགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ངན་སོང་ཐམས་ཅད་རབ་ཏུ་ཞི་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ངན་སོང་དུ་སོང་བའི་སེམས་ཅན་ཐམས་ཅད་སྣང་བར་བྱས་ནས་གཅིག་ལ་གཅིག་སྨྲ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། །འདི་དག་ནི་དུས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དུས་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཉིད་ལོག་པ་ན་ཐུན་ཐ་མ་ལ་བྱུང་སྟེ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །བདག་ཉིད་རབ་ཏུ་བྱུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུན་པ་ཅན་བཀའ་སྩལ་ཏེ་བཏང་པ་གང་ཡིན་པ་དེ་ནི་བཟོད་པའི་འོ། རབ་ཏུ་བྱུང་བ་ལ་བརྟེན་ནས་ཡུལ་ཀ་ཤི་ཀའི་ན་བཟའ་སྤངས་ཏེ་ཆོས་གོས་བཞེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་རེག་པར་མཛད་པ་གང་ཡིན་པ་དེ་ནི་བསམ་གཏན་གྱིའོ། །ཡུལ་མ་ག་དྷའི་བདག་པོ་ཡོངས་སུ་སྨིན་པར་མཛད་པའི་སླད་དུ་གྲོང་ཁྱེར་ 103a ༄#། །དུ་གཤེགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་སྨིན་པ་སྟེ། འདི་དག་ནི་དུས་ཤེས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐུགས་བརྩེ་བའི་སླད་དུ་རྒྱལ་པོའི་ཁབ་ཏུ་བསོད་སྙོམས་ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ལྷ་རྣམས་ལ་ཆོས་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱལ་པོའི་ཁབ་ཏུ་གཤེགས་ནས་རི་ལ་བཞུགས་པ་གང་ཡིན་པ་དེ་ནི་བཟོད་པའི་འོ། །སྐུ་དྲང་པོར་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ལ་དགོངས་པ་གང་ཡིན་པ་དེ་ནི་བསམ་གཏན་གྱིའོ། །རྟེན་ཅིང་འབྲེལ་བར་འབྱུང་བ་ལ་རྣམ་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་དང་མཐུན་པར་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སློང་མོ་ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་སྨིན་པའོ། །སྒྱུ་རྩལ་ཤེས་ཀྱི་བུ་རིང་དུ་འཕུར་དང་རངས་བྱེད་ཀྱི་བུ་ལྷག་སྤྱོད་ཀྱི་ཐད་དུ་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདི་ནི་ལམ་མ་ཡིན་ནོ་ཞེས་སྤངས་ནས་གཤེགས་པ་གང་ཡིན་པ་དེ་ནི་བཟོད་པའི་འོ། །ལོ་ 103b དྲུག་ཏུ་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཁའ་ཁྱབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱིའོ། །མི་སྤྱོད་སྙམ་ནས་ཞལ་ཟས་གསོལ་ཏེ་བྱང་ཆུབ་ཀྱི་སྙིང་པོར་བཞུད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། །འདི་དག་ནི་འཇིག་རྟེན་དང་མཐུན་པར་འཇུག་པའི་ཕ་རོལ་ཏུ་ཕྱིན་པ་དྲུག་གོ་དེ་ལ་རྟོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདུད་འདུལ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྟོང་གསུམ་གྱི་སེམས་ཅན་ཐམས་ཅད་ལ་བདེ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཐམས་ཅད་ལ་དམིགས་ཤིང་དམ་བཅས་པ་མི་འདྲལ་བ་གང་ཡིན་པ་དེ་ནི་བཟོད་པའི་འོ། །སྟོང་གསུམ་ལ་སྒྲིབ་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་བཞི་ལ་སྙོམས་པར་འཇུག་པ་གང་ཡིན་པ་དེ་ནི་བསམ་གཏན་གྱིའོ། །རིག་པ་གསུམ་རྗེས་སུ་འཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྟོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེར་སྐྱའི་གནས་ན་ལོར་ཉེ་བར་བསྙེན་པ་གང་ཡིན་པ་དེ་ནི་སྤོང་བའི་སྦྱིན་པའི་ཕ་རོལ་ཏུ་ཕྱིན་པའོ། །འགོག་པ་ལ་བརྩོན་ཞིང་ཁམས་གསུམ་ལ་མི་གནས་པ་གང་ཡིན་པ་དེ་ནི་ཚུལ་ 104a ༄#། །ཁྲིམས་ཀྱིའོ། །མི་སྐྱེ་བ་ལ་དམིགས་པ་གང་ཡིན་པ་དེ་ནི་བཟོད་པའི་འོ། །སེམས་ཅན་ལ་ལྟ་བའི་སྙིང་རྗེ་དང་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱོན་སྤོང་བ་ངེས་པར་འབྱེད་པའི་ཆ་དང་མཐུན་པ་གང་ཡིན་པ་དེ་ནི་བསམ་གཏན་གྱིའོ། །ཡན་ལག་བརྒྱད་རབ་ཏུ་ཐོབ་ཅིང་མ་སྤགས་ལ་ནག་ནོག་མེད་པའི་ཚུལ་ཁྲིམས་ཅན་འདོད་ཆགས་སྤང་བའི་ཕྱིར་དང ། མ་རིག་པ་གཞོམ་པའི་ཕྱིར་རིག་པ་བསྐྱེད་ཅིང་ཆོས་ཐམས་ཅད་ལ་སྒྲིབ་པ་མེད་ལ་སྤོང་བ་ཆེན་པོ་གང་ཡིན་པ་དེ་ནི་སྤོང་བའི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་སྤོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྡོ་རྗེ་ལྟ་བུའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྡོ་ཇེ་ལྟ་བུའི་ཏིང་ངེ་འཛིན་སྒྲུབ་པ་ཐོབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །དམིགས་པ་མི་འདོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕྱིན་ཅི་མ་ལོག་པར་འཛིན་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་མཐུན་པར་འཇུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རང་གི་ཡོན་ཏན་ཤེས་ནས་བག་ཆགས་ཀྱི་མཚམས་སྦྱོར་བ་སྤོང་བ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཐམས་ཅད་ཀྱི་བསམ་པ་དང་ཤེས་པ་མ་ལུས་པར་མངོན་པར་རྫོགས་པར་བྱང་ཆུབ་པ་གང་ཡིན་པ་ 104b དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྡོ་རྗེ་ལྟ་བུའི་ཕ་རོལ་ཏུ་ཕྱིན་པ་དྲུག་གོ། དེ་ལ་མུན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་མངོན་པར་རྫོགས་པར་འཚང་རྒྱ་པ་ན་གང་དག་ལྷ་རྣམས་འཇིག་རྟེན་གྱི་མགོན་པོ་རྒྱལ་བར་གྱུར་ཅིག་།རྒྱལ་བར་གྱུར་ཅིག་།ཅེས་བརྗོད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ངན་སོང་རབ་ཏུ་ཞི་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དབང་པོ་ཚང་བ་གང་ཡིན་པ་དེ་ནི་བཟོད་པའི་འོ། །སེམས་ཅན་རྣམས་ལ་ཉོན་མོངས་པས་མི་གནོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སིལ་སྙན་མ་དཀྲོལ་བར་སྒྲ་འབྱུང་བ་གང་ཡིན་པ་དེ་ནི་བསམ་གཏན་གྱིའོ། །སྟོང་གསུམ་དུ་སྦྱིན་པ་དག་སྦྱིན་ཞིང་བསོད་ནམས་དག་བྱེད་པ་དང ། ལྷ་རྣམས་ཀུན་དགའ་བའི་སྒྲ་བརྗོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མུན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟིལ་གྱིས་མི་ནོན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྟོང་གསུམ་དག་ན་ཤིང་ལྗོན་པ་དག་ལས་དུས་མ་ཡིན་པར་མེ་ཏོག་དང་འབྲས་བུ་དག་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སེམས་ཅན་རྣམས་སྡུག་བསྔལ་གྱི་ཚོར་བ་ཐམས་ཅད་དང་བྲལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། 105a ༄#། །སེམས་ཅན་ཐམས་ཅད་ཤིན་ཏུ་དབང་པོ་ཚང་བར་གྱུར་པ་གང་ཡིན་པ་དེ་ནི་བཟོད་པའི་འོ། །ལག་མཐིལ་ནས་ཉེ་བར་བཟུང་སྟེ། སྟོང་གསུམ་དག་ན་བླ་ན་མེད་པ་བཅུ་ཟིལ་གྱིས་མི་ནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། གཅིག་ལ་གཅིག་བསྔགས་པ་མང་པོ་བརྗོད་ཅིང་ལྷ་རྣམས་ལ་བདུད་རྩི་སྟོབས་པ་གང་ཡིན་པ་དེ་ནི་བསམ་གཏན་གྱིའོ། །བདུད་བཞི་བཅོམ་པ་དང་མི་མཉམ་པ་དང་མཉམ་པའི་ཡེ་ཤེས་མངོན་པར་རྫོགས་པར་སངས་རྒྱས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཟིལ་གྱིས་མི་ནོན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བདུད་ཀྱི་དཔུང་འཇོམས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྟོང་གསུམ་གྱི་འཇིག་རྟེན་གྱི་ཁམས་སུ་བྱང་ཆུབ་མངོན་པར་རྫོགས་པར་འཚང་རྒྱ་བ་ན་སེམས་ཅན་ཐམས་ཅད་བཀྲེས་པ་དང་བྲལ་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཉོན་མོངས་པའི་བདུད་སུ་ལའང་གནོད་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷའི་བུའི་བདུད་སུ་ལའང་གནོད་པ་མེད་པ་གང་ཡིན་པ་དེ་ནི་བཟོད་པའི་འོ། །འཆི་བདག་གི་བདུད་སུ་ལའང་གནོད་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཕུང་པོའི་བདུད་སུ་ལའང་གནོད་པ་མེད་པ་ 105b གང་ཡིན་པ་དེ་ནི་བསམ་གཏན་གྱིའོ། །དགོངས་པ་ཇི་ལྟ་བ་བཞིན་མངོན་པར་རྫོགས་པར་སངས་རྒྱས་ཤིང ། ཐམས་ཅད་མཁྱེན་པ་ཉིད་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བདུད་ཀྱི་དཔུང་འཇོམས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཡོ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་སྙིང་པོར་སྐྱེལ་མོ་ཀྲུང་བཅས་པ་ལ་སྐྱོ་བ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །བདུད་མཐོང་ན་འཇིགས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལུས་ལ་དམིགས་པ་གང་ཡིན་པ་དེ་ནི་བཟོད་པའི་འོ། །སེམས་ལ་དམིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དམ་བཅས་པ་ལས་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཀྱི་ཕྱིར་ཇི་སྐད་སྨྲས་པ་དེ་བཞིན་བྱེད་པ་ཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་གཡོ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྐད་ཅིག་གཅིག་དང་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐད་ཅིག་གཅིག་དང་ལྡན་པའི་ཤེས་རབ་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་སེམས་དེའི་སྦྱོར་བ་ཉེ་བར་སྒྲུབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །གཉེན་པོས་འཇོམས་པ་ 106a ༄#། །གང་ཡིན་པ་དེ་ནི་ཚུལ་ཁྲིམས་ཀྱིའོ། །ང་རྒྱལ་ཀུན་ཏུ་འཇོམས་པ་གང་ཡིན་པ་དེ་ནི་བཟོད་པའི་འོ། །གཞན་གྱི་བསམ་པ་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྟེན་ཅིང་འབྲེལ་བར་འབྱུང་བ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་དུས་གསུམ་དུ་མ་བརྗེད་པ་མོས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་སྐད་ཅིག་གཅིག་དང་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཉམ་པར་མ་བཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤའི་མིག་གིས་སེམས་ཅན་རྣམས་ལ་གཟིགས་ནས་སྡུག་བསྔལ་བར་གྱུར་པ་རྣམས་ལ་བདེ་བ་ཉེ་བར་སྒྲུབ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ལྷའི་མིག་གིས་དར་བ་དང་རྒུད་པ་གཟིགས་ནས་འཇིག་རྟེན་གྱི་ཐར་པ་ཉེ་བར་སྒྲུབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། ཉན་ཐོས་རྣམ་པར་འཇོག་ཅིང་གཞན་ལ་བརྩེ་བ་གང་ཡིན་པ་དེ་ནི་བཟོད་པའི་འོ། །རྫུ་འཕྲུལ་དང་ཆོ་འཕྲུལ་ཉེ་བར་སྒྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཀྱིས་ལྷའི་སེམས་གཟིགས་ནས་ཆོས་སྟོན་པ་ནི། དཔེར་ན་བྲམ་ཟེའི་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །དུས་མཁྱེན་ནས་སྨོན་ནས་ཤེས་པས་ཆོས་སྟོན་པ་ 106b གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མཉམ་པར་མ་བཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་སྙིང་པོར་ཟང་ཟིང་མེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། ། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་ཚུལ་ཁྲིམས་ཀྱིའོ། །དགའ་བ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བཟོད་པའི་འོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བརྩོན་འགྲུས་ཀྱིའོ། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བསམ་གཏན་གྱིའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡོངས་སུ་སྨིན་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་བསྙེས་ནས་གང་དག་སེམས་ཅན་ཡོངས་སུ་སྨིན་པར་མཛད་པའི་ཕྱིར་བཏང་སྙོམས་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །གསོལ་བ་མ་བཏབ་པར་ཆོས་མི་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐེག་པ་དམན་པ་ལ་མོས་པ་ 107a ༄#། །རྣམས་ལ་ལུས་དམན་པ་མངོན་པར་སྤྲུལ་པ་གང་ཡིན་པ་དེ་ནི་བཟོད་པའི་འོ། །ལྟང་རྒྱས་འོད་སྲུང་ལ་གདམས་ངག་སྟོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ཀྱིས་ཞུ་བ་ཞུས་པ་ལ་སྐྱོ་བ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཞུས་པའི་ལན་འདེབས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཡོངས་སུ་སྨིན་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འབྲས་བུ་ཡོད་པའི་ཆོས་སྟོན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སངས་རྒྱས་ཀྱིས་མཛད་པ་འབྲས་བུ་ཡོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ངེས་པའི་ཚིག་ཐམས་ཅད་ལ་སྤོངས་པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་ལ་བརྗེད་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐམས་ཅད་དུ་འགྲོ་བའི་ལམ་གྱི་སྟོབས་གང་ཡིན་པ་དེ་ནི་བསམ་གཏན་གྱིའོ། །མི་འཇིགས་པ་རྟོགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ།་འདི་དག་ནི་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐམས་ཅད་མཁྱེན་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐམས་ཅད་མཁྱེན་པའི་ཡེ་ཤེས་ 107b ཐོགས་པ་མེད་པའི་སྤྱན་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །འཁོར་གྱི་སེམས་ཚར་གཅད་པ་དང་སེམས་རབ་ཏུ་འཛིན་པ་མཁྱེན་ནས་ཆོས་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསྙེན་པར་དཀའ་བ་ལ་ཞེས་དང་བཅས་པས་ཉན་པ་གང་ཡིན་པ་དེ་ནི་བཟོད་པའི་འོ། །དུས་མཁྱེན་ནས་ཆོས་སྟོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྷག་ཆད་མེད་པར་ཆོས་སྟོན་པ་ལ་མཁས་པ་གང་ཡིན་པ་དེ་ནི་བསམ་གཏན་གྱིའོ། །མོས་པ་ཇི་ལྟ་བ་བཞིན་ཐེག་པའི་གཏམ་གོ་བར་མཛད་ཅིང་ཆེད་དུ་བརྗོད་པ་འཇུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཐམས་ཅད་མཁྱེན་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལམ་སླ་བ་མྱུར་བས་ངེས་པར་བྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །བདེ་བར་མྱུར་དུ་ཡོངས་སུ་སྨིན་པར་བྱས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སངས་རྒྱས་ཀྱི་བསྟན་པ་གཞན་དུ་འགྱུར་བ་གང་ཡིན་པ་དེ་ནི་བཟོད་པའི་འོ། །དུས་གསུམ་ལ་གཞོལ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་རྣམས་ལ་ཇི་ལྟར་འདོད་པ་བཞིན་དུ་སྙོམས་པར་འཇུག་པ་ 108a ༄#། །གང་ཡིན་པ་དེ་ནི་བསམ་གཏན་གྱིའོ། །ཐ་དད་དུ་མི་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྷག་མ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡོངས་སུ་མྱ་ངན་ལས་འདས་པའི་སྐུ་གདུང་དང་བསྟན་པའི་འབྲས་བུ་འགྲུབ་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཡོངས་སུ་མྱ་ངན་ལས་འདས་པའི་ཚུལ་ཁྲིམས་རྗེས་སུ་དྲན་པ་ལ་ཉམས་པ་མེད་པར་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་གང་ཡིན་པ་དེ་ནི་བཟོད་པའི་འོ། །ཡོངས་སུ་མྱ་ངན་ལས་འདས་པའི་བསྟན་པ་ལ་ཉན་ཐོས་གནས་པ་བརྩོན་འགྲུས་བརྩམས་པ་ལ་བར་ཆད་མི་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པར་འཕྲུལ་བ་མཐར་གྱིས་སྙོམས་པར་འཇུག་པ་ཞེས་བྱ་བ་འཐོབ་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་ལས་འདས་པའི་ཤེས་རབ་ཀྱི་དབང་པོ་ལ་རབ་ཏུ་སྤྱོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྷག་མ་དང་བཅས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དང་དུ་ལེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟར་སེམས་ 108b བསྟན་པ་ལ་སེམས་ཅན་རྣམས་རྙེད་པ་དང་བཀུར་སྟི་ལ་ལོངས་སྤྱོད་ཅིང་ཡུལ་ལ་སྤྱོད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །བྷ་ར་དྷྭ་ཛ་ཁྲོས་ཀྱང་མ་འཁྲུགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཛེས་ལྡན་མོའི་ཕྱིར་མུ་སྟེགས་པ་ཁྲི་ཉིས་སྟོང་གིས་མི་སྙན་པར་བསྒྲགས་པ་གང་ཡིན་པ་དེ་ནི་བཟོད་པའི་འོ། །ཡིད་ཀྱིས་མཐུ་སྟོབས་བསྟན་པ་ནི། དཔེར་ན་བྱང་ཆུབ་སེམས་དཔའ་སེངྒེར་གྱུར་པ་ན་གནད་དུ་ཕོག་ཀྱང་དང་དུ་ལེན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བཀུར་སྟི་མ་བྱས་ཀྱང་དང་དུ་ལེན་པ་གང་ཡིན་པ་དེ་ནི་བསམ་གཏན་གྱིའོ། །བསམ་གཏན་གྱི་ཕྱིར་འདྲི་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་དང་དུ་ལེན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྟོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་བསྟན་པ་གང་གིས་འོག་མིན་གྱི་གནས་ནས་བཟུང་ནས་སངས་རྒྱས་ཀྱི་ཞིང་རྣམས་སུ་དབྱངས་ཀྱིས་གོ་བར་བྱེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །སྟོང་གསུམ་དག་ཏུ་འོད་བཏང་ནས་སེམས་ཅན་རྣམས་རྟོགས་པར་བྱས་ཤིང་བདེ་བར་བྱས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དམ་པའི་ཆོས་ཀྱི་ཆར་ཕབ་པའི་མཆོད་རྟེན་དུ་རལ་པ་ཅན་བདུན་བཏུལ་པ་གང་ཡིན་པ་དེ་ནི་བཟོད་པའི་འོ། །ལྟེང་རྒྱས་འོད་སྲུང་ 109a ༄#། །དད་པར་བྱས་པའི་རྣམ་པར་འཕྲུལ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བྲམ་ཟེའི་སེམས་ཀྱིས་བསམ་པ་མ་དོན་དུ་རྣམ་པར་གཟིགས་ནས་ངའི་རུས་ནི་ཆེ་གེ་མོ་ཞིག་གོ་ཞེས་བཀའ་སྩལ་པ་གང་ཡིན་པ་དེ་ནི་བསམ་གཏན་གྱིའོ། །དུས་མཁྱེན་ནས་འདུལ་བ་ནི། དཔེར་ན་དགའ་བོའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྟོགས་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བེལ་མས་བྲམ་ཟེ་རྣམས་ལ་སྦྱིན་པ་བྱིན་ནས་ཐམས་ཅད་ཀྱང་བྱང་ཆུབ་ཀྱི་ཕྱིར་རབ་ཏུ་བཀོད་པ་ནི། དཔེར་ན་སྐྱེ་རྒུའི་བདག་མོ་ཆེན་མོ་གཽ་ཏ་མའི་ལ་དགེ་འདུན་ལ་ཕུལ་ཅིག་ཅེས་བཀའ་སྩལ་པའི་ཚིག་དེས་ན་དགེ་སློང་བརྒྱ་སྟོང་དུལ་བར་བྱས་པ་ལྟ་བུ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །ཡོངས་སུ་མྱ་ངན་ལས་འདས་པའི་སྡོམ་པ་ནི། དཔེར་ན་རྒྱལ་པོའི་བུ་ཟླ་བ་དང ། རྐང་བཀྲའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བཟོད་པ་ནི། དཔེར་ན་བཟོད་སྨྲས་ལྷ་བྱེ་བ་བརྒྱད་ཅུ་ཡོངས་སུ་སྨིན་པར་བྱས་པ་ལྟ་བུ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ནི། དཔེར་ན་བྲམ་ཟེའི་བུ་ལྔ་བརྒྱས་བྱང་ཆུབ་སེམས་དཔའ་མངོན་པར་ཤེས་པ་ལྔ་ 109b དང་ལྡན་པ་བསྐྲད་པ་དང ། བདུད་རངས་པར་གྱུར་པ་ལྟ་བུར་གྱུར་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོབས་བསྐྱེད་བའི་ཕྱིར་ཐོས་ནས་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འདི་ལྟར་ངས་གང་དུ་སྤོབས་པ་བསྐྱེད་པར་འཆར་ཀ་ཁྱོད་ཀྱིས་ཀྱང་སྤོབས་པ་སྐྱེད་ཅིག་ཅེས་བཀའ་སྩལ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡིད་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་བྱུང་བས་སྦྱིན་པ་བྱིན་པ་ནི། དཔེར་ན་རིག་པ་འདོན་པ་དང ། རྙེད་པ་དང ། བཀུར་སྟི་ལྟ་བུ་གང་ཡིན་པ་དེ་ནི་སྦྱིན་པའོ། །འདི་ལྟར་ཤཱཀྱ་རྣམས་ལ་ལས་རྣམས་ནི་ཆུད་ཟ་བར་མི་འགྱུར་རོ་ཞེས་པ་གང་བཏུལ་བ་གང་ཡིན་པ་དེ་ནི་ཚུལ་ཁྲིམས་སོ། །འདི་ལྟར་དཔལ་སྦས་ཀྱི་དྲུང་དུ་གཤེགས་པ་དེ་ནི་བཟོད་པའི་འོ། །འདི་ལྟར་སོག་མ་མེད་བཏུལ་བ་གང་ཡིན་པ་དེ་ནི་བརྩོན་འགྲུས་སོ། ། བྱང་ཆུབ་མངོན་པར་རྫོགས་པར་སངས་རྒྱས་ནས་ཅང་མི་གསུང་བར་བསམ་གཏན་གྱིས་བཞུགས་པ་ལ་གསོལ་བ་འདེབས་པ་གང་ཡིན་པ་དེ་ནི་བསམ་གཏན་ནོ། །འདི་ལྟར་སྦྲུལ་གདུག་པ་ལ་བརྟེན་ནས་ཐེག་པ་མཆོག་གསུང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཡིད་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་ལ་ 110a ༄#། །དགེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཞན་ལ་བརྩེ་བའི་ཕྱིར་རང་གི་བདེ་བ་སྤངས་ཤིང་བདོག་པ་ཐམས་ཅད་གཏོང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའོ། །འདི་ལྟར་བྱང་ཆུབ་སེམས་དཔའ་པདྨའི་སྙིང་པོས་བརྩོན་འགྲུས་གྱི་ཕྱིར་ངའི་རྒྱུས་ན་ཁྱོད་དགའ་བར་གྱུར་ཅིག་།ཁྱོད་ཀྱི་ཕྱིར་ནི་ང་བསྣུན་ཀྱང་རུང་ཞེས་སྨྲས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདི་ལྟར་བྱས་པ་གཟོ་བའི་རུས་སྦལ་ཤེས་བཞིན་དུ་ཚོང་པ་རྣམས་བསྒྲལ་གང་ཡིན་པ་དེ་ནི་བཟོད་པའི་འོ། །འདི་ལྟར་ཉ་ལ་གྲོག་སྦུར་རྣམས་ཀྱིས་ཟོས་ཀྱང་ཆུར་མ་སོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྲོག་ཆགས་རྣམས་ཀྱི་ཆེད་དུ་སྲིད་པ་ནི་མི་གཡོ་བ་གང་ཡིན་པ་དེ་ནི་བསམ་གཏན་གྱིའོ། །ཀུ་རུ་ཞེས་བྱ་བའི་མདོ་སྡེ་ལས་དཔེར་བྱ་བ་འབྱུང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གཞན་ལ་དགེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པ་བྱིན་ནས་དུལ་བར་བྱས་པ་གང་ཡིན་པ་དེ་ནི་སྦྱིན་པའི་འོ། །རི་བོང་གིས་བྲམ་ཟེད་ལ་ཟོ་ལ་ནག་ཚལ་འདུག་ཅིག་ཅེས་སྨྲས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚངས་པས་ཤ་ཟའི་གཟུགས་ཀྱིས་སེམས་ཅན་རྣམས་ལ་བདེ་འགྲོར་ཁྲིད་ 110b པ་གང་ཡིན་པ་དེ་ནི་བཟོད་པའི་འོ། །བྱང་ཆུབ་མ་ཐོབ་པའི་ཕྱིར་ངེས་པར་བྱུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ཀྱིའོ། །སྤྱི་བོ་དང་རིགས་གསུམ་གྱི་བསམ་གཏན་གང་ཡིན་པ་དེ་ནི་བསམ་གཏན་ནོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་གཞན་གྱི་ཕ་རོལ་ཏུ་ཕྱིན་པ་དྲུག་གོ། དེ་ལ་ཡང་དག་པའི་སྤོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྡིག་པ་མི་དགེ་བ་མ་སྐྱེས་པ་རྣམས་མི་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་པོའང་གང་ཞེ་ན། སོ་སོར་བརྟགས་པའི་སྟོབས་ཀྱིས་མོངས་པ་ཀུན་ཏུ་མི་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །མི་དག་པའི་རྣམ་པར་སྨིན་པ་མི་སྡུག་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་སོ། །མི་དགེ་བའི་ངོ་བོ་ཁོང་དུ་ཆུད་པ་གང་ཡིན་པ་དེ་ནི་བཟོད་པའི་འོ། །མི་སྐྱེ་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་སོ། །གཞན་ཡང་དག་པར་ལེན་དུ་འཇུག་པ་གང་ཡིན་པ་དེ་ནི་བསམ་གཏན་ནོ། །སྡིག་པ་མི་དགེ་བ་གཏན་དུ་མི་སྐྱེ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སྡིག་པ་མི་དགེ་བ་མ་སྐྱེས་པ་རྣམས་མི་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྐྱེས་པ་རྣམས་སྤོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉོན་མོངས་པ་སྐྱེས་པའི་ 111a ༄#། །སྐྱོན་མཐོང་ནས་འདོར་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །དེ་ལ་སྨོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་སྤོང་ཞིང་འབར་བ་མེད་པ་གང་ཡིན་པ་དེ་ནི་བཟོད་པའི་འོ། །ཉོན་མོངས་པ་ཤེས་ཤིང་ཤེས་པས་ཉོན་མོངས་པ་ཟིལ་གྱིས་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གང་ལ་རྟོག་ཅིང་དཔྱོད་པ་གང་ཡིན་པ་དེ་ནི་བསམ་གཏན་གྱིའོ། །སྤོང་བ་དང་མི་སྐྱེ་བ་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྐྱེས་པ་རྣམས་སྤོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགེ་བ་ལ་འདུན་ཅིང་རྨོངས་པ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམས་པར་སྨིན་པའོ། །དགེ་བ་ཐོབ་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྟོང་པ་ཉིད་ཀྱི་རྣམ་པས་དགེ་བ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ལུས་དང་སེམས་ཀྱིས་ཕ་རོལ་གནོན་པ་ལ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐོབ་པ་དང་མཚན་མ་མེད་པར་འཛིན་པ་ལ་མི་བརྗེད་པ་གང་ཡིན་པ་དེ་ནི་བསམ་གཏན་གྱིའོ། །ཐོབ་པའི་རྒྱུ་ལ་མི་སྐྱེ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་ 111b དག་ནི་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགེ་བ་སྐྱེས་པ་རྣམས་ཕྱིར་ཞིང་གནས་པར་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགེ་བ་སྐྱེས་པ་རྣམས་ཆུད་ཟ་བ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །དེ་དག་ལ་མངོན་པར་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱོར་བ་ལས་སྡོད་པ་ལས་ངེས་པར་བྱུང་བ་གང་ཡིན་པ་དེ་ནི་བཟོད་པའི་འོ། །ཀུན་ཏུ་སྲུང་ཞིང་ཀུན་ནས་མ་རྨོངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསྒོམས་པའི་སྟོབས་ཅན་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་བསྔོ་བ་ཐམས་ཅད་ཀྱི་རྗེས་སུ་འཇུག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དགེ་བའི་ཆོས་སྐྱེས་པ་རྣམས་ཕྱིར་ཞིང་གནས་པར་བྱ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དེ་ལ་འདུན་པ་སྤོང་བ་དང་ལྡན་པའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་པའང་གང་ཞེ་ན། འདུན་པ་དེ་སྐྱེ་བ་ལ་ཐོགས་པ་མེད་པ་གང་ཡིན་པ་དེ་ནི་སྦྱིན་པའི་འོ། །འདུན་པ་དེ་མི་གཏོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། དུན་པ་དེ་བརྗོད་པ་གང་ཡིན་པ་དེ་ནི་བཟོད་པའི་འོ། །འདུན་པ་ངེས་པར་བྱུང་བ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དེ་ལ་རྟོག་པ་གང་ཡིན་པ་དེ་ནི་བསམ་གཏན་ 112a ༄#། །གྱིའོ། །འདུན་པ་དེ་ལ་ངེས་པར་ཐོབ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདུན་པ་སྤོང་བ་དང་ལྡན་པའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཅང་མི་སྨྲ་བས་ཐོབ་པའི་བརྩོན་འགྲུས་གང་ཡིན་པ་དེ་ནི་སྦྱིན་པའི་འོ། །བརྩོན་འགྲུས་ལ་རེག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡིད་དུ་འོང་བའི་བརྩོན་འགྲུས་གང་ཡིན་པ་དེ་ནི་བཟོད་པའི་འོ། །ཐོབ་པར་རྩོམ་ཞིང་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །དེས་པ་ལ་ཆོག་ཤེས་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་བསྔོ་བ་ཐམས་ཅད་ཀྱི་རྗེས་སུ་སོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ལ་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་སྦྱིན་པའི་འོ། །དེ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བ་དང་འཇིག་པ་རྟོགས་པ་གང་ཡིན་པ་དེ་ནི་བཟོད་པའི་འོ། །མཚན་མ་མེད་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཀུན་ནས་དཀྲིས་པ་དང་བྲལ་པ་ 112b གང་ཡིན་པ་དེ་ནི་བསམ་གཏན་གྱིའོ། །བག་ལ་ཉལ་ཀུན་ནས་འཇོམས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སེམས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དཔྱོད་པ་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དཔྱོད་པ་ལ་མི་དགའ་བ་མེད་པ་གང་ཡིན་པ་དེ་ནི་སྦྱིན་པའི་འོ། །ཡང་དག་པ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིགས་པར་རྟོགས་པ་གང་ཡིན་པ་དེ་ནི་བཟོད་པའི་འོ། །རྣམ་པར་གནོན་པ་ཐམས་ཅད་ཀྱི་རྗེས་སུ་སོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བག་ཆགས་ཁོང་དུ་ཆུད་པ་གང་ཡིན་པ་དེ་ནི་བསམ་གཏན་གྱིའོ། །བག་ཆགས་སྤོང་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་དཔྱོད་པ་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་དང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། །དམིགས་པ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཁྱིམ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསམ་གཏན་དང་པོ་མ་ཉམས་པ་གང་ཡིན་པ་དེ་ནི་བཟོད་པའི་འོ། །ཡན་ལག་ལྔ་སྤོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྩེ་གཅིག་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །ཡན་ལག་ལྔ་ལྡན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ 113a ༄#། །བསམ་གཏན་དང་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་གཉིས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་གཏན་གཉིས་པ་ལ་མཚན་མར་འཛིན་པ་སྤོང་ཞིང་ཏུ་སྦྱངས་པ་གང་ཡིན་པ་དེ་ནི་སྦྱིན་པའི་འོ། །བར་ཆད་མེད་པར་ཤེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྟོག་པ་གང་ཡིན་པ་དེ་ནི་བཟོད་པའི་འོ། །ཤུགས་མི་གཏོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་དམིགས་ཤིང་སྙོམས་པར་འཇུག་པ་གང་ཡིན་པ་དེ་ནི་བསམ་གཏན་གྱིའོ། །བདག་དང་གཞན་ལ་ཕན་པ་དང་ལྡན་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་གཉིས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་གསུམ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་གཏན་གསུམ་པའི་རོ་མྱང་བ་སྤངས་པ་གང་ཡིན་པ་དེ་ནི་སྦྱིན་པའི་འོ། །རོ་མྱང་བ་མེད་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དགའ་བ་དོན་དུ་གཉེར་བ་གང་ཡིན་པ་དེ་ནི་བཟོད་པའི་འོ། །ཀུན་ནས་འཛིན་ཅིང་མ་བརྗེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བློ་བརྟན་པ་གང་ཡིན་པ་དེ་ནི་བསམ་གཏན་གྱིའོ། །ཟག་པ་ཟད་པའི་རྒྱུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་གསུམ་ 113b པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་བཞི་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །བསམ་གཏན་བཞི་པའི་བདེ་བ་ལ་རྟོག་ཅིང་སྤོང་བ་གང་ཡིན་པ་དེ་ནི་སྦྱིན་པའི་འོ། །སྡུག་བསྔལ་ལ་རྟོག་ཅིང་སྤོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ནུབ་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །བཏང་སྙོམས་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དྲན་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་དག་པ་ཐོབ་ནས་འཆི་བ་མེད་པར་ཡོངས་སུ་བསྔོས་པ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་བསམ་གཏན་བཞི་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དེ་ལ་ལུས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་པོའང་གང་ཞེ་ན། ལུས་ལ་མི་སྡུག་པ་རྟོག་པ་གང་ཡིན་པ་དེ་ནི་སྦྱིན་པའི་འོ། །དེ་ལ་རྟོག་པ་ལ་མི་ལྟ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། བདག་མེད་པ་ལ་མོས་པ་གང་ཡིན་པ་དེ་ནི་བཟོད་པའི་འོ། །གཡོ་བ་མེད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ངོ་བོ་ཉིད་མཐོང་བ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བ་མེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལུས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚོར་བ་དྲན་པ་ 114a ༄#། །ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བདེ་བའི་ཚོར་བ་ལ་ལྷག་པར་ཆགས་པ་མེད་པ་གང་ཡིན་པ་དེ་ནི་སྦྱིན་པའི་འོ། །ཚོར་བ་སྡུག་བསྔལ་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྟོང་པ་ཉིད་ལ་མོས་པ་གང་ཡིན་པ་དེ་ནི་བཟོད་པའིའོ། །ཚོར་བ་ལ་མངོན་པར་ཞེན་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདེ་བའི་ཚོར་བ་ལ་མི་ལྟ་བ་གང་ཡིན་པ་དེ་ནི་བསམ་གཏན་གྱིའོ། །ཚོར་བ་ཐམས་ཅད་ལ་མཉམ་པ་ཉིད་ཀྱིས་སྤོང་བ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་ཚོར་བ་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོང་བ་ལ་དམིགས་པའི་སེམས་མཐོང་བ་གང་ཡིན་པ་དེ་ནི་སྦྱིན་པའི་འོ། །སེམས་དེའི་སྐྱོན་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཡོ་བ་མེད་པ་ལ་རྣམ་པར་དཔྱོད་པ་གང་ཡིན་པ་དེ་ནི་བཟོད་པའི་འོ། །སེམས་ཀྱི་སྤྱོད་ཡུལ་ཡང་བ་བཟློག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་གྱི་ཕྱིར་སེམས་དགའ་བར་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །རྐྱེན་ལ་རག་ལས་པ་མཐོང་ནས་མཚན་མ་མེད་པ་བསྒོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་སེམས་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་ 114b དྲུག་གོ་།དེ་ལ་ཆོས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་རྣམས་ཀྱི་རྣམ་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །ཆོས་རྣམས་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་རྣམས་ལ་སྐྱེ་བས་དབེན་པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་ལ་ལྟ་བ་མཆོག་ཏུ་འཛིན་པ་སྤངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་རྣམས་ལ་མངོན་པར་ཞེན་པ་སྤངས་པ་གང་ཡིན་པ་དེ་ནི་བསམ་གཏན་གྱིའོ། །རྟེན་ཅིང་འབྲེལ་བར་འབྱུང་ལ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་དྲན་པ་ཉེ་བར་གཞག་པའི་ཕ་རོལ་ཏུ་ཕྱིན་པ་དྲུག་གོ་།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བདུན་པ། དེ་ལ་སྡུག་བསྔལ་འཕགས་པའི་བདེན་པ་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྡུག་བསྔལ་ཡོངས་སུ་གཏོང་བར་མཐོང་བ་གང་ཡིན་པ་དེ་ནི་སྦྱིན་པའི་འོ། །སྡུག་བསྔལ་ལ་ཡིད་བྱུང་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྡུག་བསྔལ་གསོབ་ཏུ་མཐོང་བ་གང་ཡིན་པ་དེ་ནི་བཟོད་པའི་འོ། །སྡུག་བསྔལ་ཆེན་པོར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྡུག་བསྔལ་གྱི་རང་བཞིན་མཐོང་བ་གང་ཡིན་པ་དེ་ནི་བསམ་གཏན་གྱིའོ། །སྡུག་བསྔལ་ཡོངས་སུ་ཤེས་པ་མཐོང་བ་གང་ཡིན་ 115a ༄#། །པ་དེ་ནི་ཤེས་རབ་ཀྱི་སྟེ། འདི་དག་ནི་སྡུག་བསྔལ་འཕགས་པའི་བདེན་པ་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཀུན་འབྱུང་བའི་བདེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཀུན་འབྱུང་བ་ཡོངས་སུ་གཏོང་བའི་སེམས་གང་ཡིན་པ་དེ་ནི་སྦྱིན་པའི་འོ། །ཀུན་འབྱུང་བའི་ཉེས་དམིགས་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚོགས་པ་ལས་བྱུང་བ་ལས་དཔྱོད་པ་གང་ཡིན་པ་དེ་ནི་བཟོད་པའི་འོ། །སྲིད་པའི་འཁོར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་ནས་དཀྲིས་པ་དང ། བག་ལ་ཉལ་བ་འཇོམས་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ངེས་པར་སྤོང་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཀུན་འབྱུང་བའི་བདེན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འགོག་པའི་བདེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འགོག་པ་ལ་རེག་པར་བྱས་ནས་སྨོན་པ་ནུབ་པ་སྒོམ་པ་གང་ཡིན་པ་དེ་ནི་སྦྱིན་པའི་འོ། །འགོག་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུ་ཤེས་འགོག་པ་གང་ཡིན་པ་དེ་ནི་བཟོད་པའི་འོ། །ཚོར་བ་འགོག་པ་ལ་གང་ཡིན་པ་དེ་ནི་བརྩོན་འགྲུས་ཀྱིའོ། །དབེན་པ་ལ་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །འགོག་པ་མངོན་སུམ་དུ་བྱ་བའི་ཕྱིར་སྙོམས་པར་འཇུག་ 115b པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འགོག་པའི་བདེན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ལམ་གྱི་བདེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལམ་གྱི་གྲོགས་ཐོབ་པ་གང་ཡིན་པ་དེ་ནི་སྦྱིན་པའི་འོ། །ལམ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལམ་གཞན་མ་ཡིན་པའི་དེ་བཞིན་ཉིད་གང་ཡིན་པ་དེ་ནི་བཟོད་པའི་འོ། །ལམ་གྱི་དམིགས་པ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལམ་ལ་མ་རྨོངས་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་དངོས་པོ་ཇི་ལྟ་བ་བཞིན་ལམ་གྱིས་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལམ་གྱི་བདེན་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་དད་པའི་དབང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན།་དད་ནས་ཚུལ་ཁྲིམས་འཆལ་པ་སྤོང་བ་གང་ཡིན་པ་དེ་ནི་སྦྱིན་པའི་འོ། །དད་པ་རྗེས་སུ་སྒོམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དད་པའི་མཆོག་ཏུ་དགའ་བ་ཐོབ་པ་གང་ཡིན་པ་དེ་ནི་བཟོད་པའི་འོ། །དད་པའི་གནས་ཡང་དག་པ་ཀུན་ནས་རབ་ཏུ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པའི་དབང་པོ་དང་མཚུངས་པར་ལྡན་པའི་དད་པ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཀྱི་སྣོད་དུ་གྱུར་པའི་དད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དད་པའི་དབང་པོའི་ 116a ༄#། །ཕ་རོལ་ཏུ་ཕྱིན་པ་དྲུག་གོ། དེ་ལ་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བརྩོན་འགྲུས་ཀྱི་དབང་པོ་ཡིད་ལ་བཅགས་པ་མེད་ཅིང་ཕ་རོལ་གནོན་པ་གང་ཡིན་པ་དེ་ནི་སྦྱིན་པའི་འོ། །འདུས་བྱས་ལ་ལྷག་པར་ཞེན་པ་མེད་ཅིང་འདུས་མ་བྱས་ལ་བལྟ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱ་བ་ཐམས་ཅད་ལ་ཐོགས་པ་མེད་པ་གང་ཡིན་པ་དེ་ནི་བཟོད་པའི་འོ། །ཐག་རིང་པོ་ཡོངས་སུ་བསྔོ་བའི་སྨོན་ལམ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་དེའི་ངོ་བོ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པའི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པ་མཐོང་ནས་ཁྱིམ་ཡོངས་སུ་འཛིན་པའི་སྐྱོན་སྤོང་བ་གང་ཡིན་པ་དེ་ནི་སྦྱིན་པའི་འོ། །འདུས་བྱས་ཀྱི་འབྲས་བུ་དང་འཇིག་རྟེན་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཉོན་མོངས་པས་སྐྱོ་བ་མེད་ཅིང་སྡུག་བསྔལ་བར་མི་སེམས་པ་གང་ཡིན་པ་དེ་ནི་བཟོད་ 116b པའིའོ། །ཆོས་རྣམས་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་ཞི་བ་དག་པ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཐམས་ཅད་ལ་ཆོས་རྣམས་ཀྱིས་རྒྱས་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་དྲན་པའི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་གྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེགས་ཆུང་དུས་ཉེ་བའི་ཉོན་མོངས་པ་འདོར་བའི་ཏིང་ངེ་འཛིན་གྱི་དབང་པོ་གང་ཡིན་པ་དེ་ནི་སྦྱིན་པའི་འོ། །ཏིང་ངེ་འཛིན་ལ་བརྟེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཏིང་ངེ་འཛིན་ཤིན་ཏུ་གནས་པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་ཀྱི་རྣམ་པ་ལ་དམིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཏིང་ངེ་འཛིན་རྩེ་གཅིག་པ་གང་ཡིན་པ་དེ་ནི་བསམ་གཏན་གྱིའོ། །ཏིང་ངེ་འཛིན་སྟོབས་ཅན་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་གྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་དངོས་པོ་ཐམས་ཅད་བརྟགས་ནས་སྤོང་བའི་ཤེས་རབ་གང་ཡིན་པ་དེ་ནི་སྦྱིན་པའི་འོ། །མངོན་པར་ཞེན་པ་མེད་པའི་ཤེས་རབ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། 117a ༄#། །སེམས་ཅན་གྱི་ཉོན་མོངས་པ་བཟོད་པའི་ཤེས་རབ་གང་ཡིན་པ་དེ་ནི་བཟོད་པའི་འོ། །རང་བཞིན་གྱིས་རྟོགས་པ་འཛིན་པའི་ཤེས་རབ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་ཞི་བ་ལ་དམིགས་པའི་ཤེས་རབ་གང་ཡིན་པ་དེ་ནི་བསམ་གཏན་གྱིའོ། །ཐར་པ་མི་སྒྲུབ་པའི་ཤེས་རབ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཤེས་རབ་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དད་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དད་པ་མི་འཕྲོག་པ་ནི། དཔེར་ན་རྒྱལ་པོ་གཞོན་ནུ་སེངྒེའི་ལྟ་བུ་གང་ཡིན་པ་དེ་ནི་སྦྱིན་པའིའོ། །ཚུལ་ཁྲིམས་ཀྱིས་བསྒོམས་པ་ཉམས་པ་ནི། དཔེར་ན་གླང་པོ་ཆེའི་ཕྲུ་གུས་མེ་ལོང་མ་དྲན་ནས་ཟས་ཡི་ཟ་བ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རུས་པ་སོ་སོར་གྱེས་ཀྱང་བྱམས་པ་མི་གཏོང་བ་ནི། དཔེར་ན་སྲོག་ཆགས་སུ་གྱུར་པ་རྣམས་ལ་བྱང་ཆུབ་སེམས་དཔའ་ཞི་བའི་ལྟ་བུ་གང་ཡིན་པ་དེ་ནི་བཟོད་པའི་འོ། །ཐོགས་པ་མེད་པའི་བརྩོན་འགྲུས་ནི། དཔེར་ན་རྒྱ་མཚོ་ཆེན་པོ་སྐེམ་པ་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་བཟང་གི་ཁང་བཟང་དུ་བསམ་གཏན་བསྐྱེད་པ་ན་རྣམ་པར་རྟོག་པ་རྣམས་འཇོག་པར་བྱེད་པ་གང་ཡིན་པ་དེ་ནི་བསམ་གཏན་ 117b གྱིའོ། །འཕགས་པ་ངེས་པར་འབྱུང་བའི་ཤེས་རབ་ནི། དཔེར་ན་བརྩོན་འགྲུས་སྤྱོད་པའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དད་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤིན་ཏུ་བཟོད་ཅིང་ཕ་རོལ་གནོན་པ་གང་ཡིན་པ་དེ་ནི་སྦྱིན་པའི་འོ། །མཐུ་ཅན་ལ་གཞན་གྱིས་གནོད་པ་བྱས་ཀྱང་དེ་ལ་དང་དུ་ལེན་པ་ནི། དཔེར་ན་རྒྱལ་པོའི་བུ་ཀུ་ཤའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྤྱོད་པ་ཐོས་ཀྱང་དང་དུ་ལེན་པ་ནི། དཔེར་ན་མིག་བཟང་བཙུན་མོ་དམ་པས་ཡི་ཆད་ཀྱང་དང་དུ་ལེན་པ་ལྟ་བུ་གང་ཡིན་པ་དེ་ནི་བཟོད་པའི་འོ། །སྲེད་པས་མི་འཕྲོག་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ཐམས་ཅད་པ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བ་ལས་འདས་ཀྱང་རྗེས་སུ་འཇུག་པའི་ཤེས་རབ་ནི། དཔེར་ན་བྲམ་ཟེའི་བུ་བླ་མའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷ་ཡུལ་དག་དྲན་པ་རྒྱུན་མི་ཆད་ཀྱང་ལྷའི་འདོད་པ་དག་ལ་ལྷག་པར་ཆགས་པ་མེད་པ་གང་ཡིན་པ་དེ་ནི་ 118a སྦྱིན་པའི་འོ། །ལྷའི་བུ་མོ་དག་གི་ཉེས་དམིགས་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞལ་མེད་ཁང་དག་ལ་མངོན་པར་དགའ་བ་མེད་པ་གང་ཡིན་པ་དེ་ནི་བཟོད་པའི་འོ། །ལྷར་གྱུར་ནས་ཐར་པ་ལ་རེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྷའི་འཁོར་གྱི་འདུ་འཛི་ལ་མི་གནས་པ་གང་ཡིན་པ་དེ་ནི་བསམ་གཏན་གྱིའོ། །ལྷ་རྣམས་ཆོས་སྟོན་པ་ལ་མངོན་པར་ཆགས་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པའི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་གྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དངོས་པོ་ཡོངས་སུ་བཏང་ནས་ཏིང་ངེ་འཛིན་ལ་དགའ་བ་ནི། དཔེར་ན་རྒྱལ་པོ་ལྷ་ཆེན་པོས་རྒྱལ་སྲིད་པོར་ཏེ་རབ་ཏུ་བྱུང་བའི་ལྟ་བུ་གང་ཡིན་པ་དེ་ནི་སྦྱིན་པའི་འོ། །སེམས་ཀྱི་སྦྱོར་བ་ལུས་དང་ངག་གི་ལྷག་མ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལེགས་པར་བྱེད་པའི་ལས་བྱེད་པ་གང་ཡིན་པ་དེ་ནི་བཟོད་པའི་འོ། །ཆོས་ཇི་ལྟ་བ་བཞིན་དུ་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོང་པའི་ཆོས་ལ་ལྷག་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པའི་ཆོས་ཀྱིས་མ་གཏུགས་པ་གང་ཡིན་པ་དེ་ནི་ 118b དཔེར་ན་རྫ་མཁན་གྱི་ཁྱིམ་དུ་སྨན་ཆེན་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་གྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མགོ་ཡོངས་སུ་བཏང་ཡང་སྒྱིད་མ་ལུག་པ་ནི། དཔེར་ན་ཡུལ་ཀ་ཤིའི་རྒྱལ་པོ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གཞན་ལ་བརྩེ་བའི་ཕྱིར་བདག་ཉིད་ཡོངས་སུ་གཏོང་བ་ནི། དཔེར་ན་འགྲོན་པོའི་དོན་དུ་བྱང་ཆུབ་སེམས་དཔའ་གནོད་སྦྱིན་ལ་བདག་ཉིད་བཏང་སྟེ་མིའི་གཏོར་མ་བདེ་བར་ཕྱིན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མུ་ཏིག་གི་ཕྱིར་རྒྱ་མཚོར་ལན་གསུམ་དུ་འགྲོན་ནི་ཏས་ཕུག་ཀྱང་བཟོད་པ་གང་ཡིན་པ་དེ་ནི་བཟོད་པའི་འོ། ། ལེགས་སྡུག་སྡུག་བསྔལ་ཐོབ་ནས་སྦྱིན་པ་མི་སྦྱིན་ཞིང་སེམས་ཞུམ་པས་ལན་བདུན་དུ་རྒྱ་མཚོ་ཆེན་པོར་ཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་རྣམས་སུ་ཇི་ལྟར་འདོད་པ་བཞིན་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བསམ་གཏན་གྱིའོ། །སྟོན་པ་བཏང་བ་ན་བྱང་ཆུབ་སེམས་དཔའ་གསོལ་བ་འདེབས་ཀྱིས་ཚུལ་ལེགས་པར་ཆོམ་རྐུན་གཡག་པོ་ཁོང་དུ་ཆུད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ཀྱི་སྟོབས་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ 119a ༄#། །ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དགེ་བ་སྤོང་བའི་དྲན་པ་གང་ཡིན་པ་དེ་ནི་སྦྱིན་པའི་འོ། ཡིད་དུ་འོང་བའི་འདུ་ཤེས་ལ་གནས་པའི་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་རྣམས་ཀྱི་བརྡ་དྲན་པ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ཆུང་མི་ཟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོབས་རྣམས་རྣམ་པར་སྒོམ་པ་གང་ཡིན་པ་དེ་ནི་བསམ་གཏན་གྱིའོ། །དྲན་པ་དང་ཐར་པའི་སྟོབས་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་རྣམ་པར་འབྱེད་པས་སྐྱོན་སྤོང་བ་གང་ཡིན་པ་དེ་ནི་སྦྱིན་པའི་འོ། །ཆོས་རྣམ་པར་འབྱེད་པས་ཐར་པ་དང་མཐུན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཐའ་གཉིས་ཡོངས་སུ་སྤོང་བ་གང་ཡིན་པ་དེ་ནི་བཟོད་པའི་འོ། །ཆོས་རྣམ་པར་འབྱེད་པ་རྒྱུན་མི་འཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་རྣམ་པར་འབྱེད་པ་སྒྲོ་མི་འདོགས་པ་གང་ཡིན་པ་དེ་ནི་བསམ་གཏན་གྱིའོ། །འདི་དག་ཐམས་ཅད་ལ་མི་འཛིན་པར་སྒོམ་པ་གང་ཡིན་པ་དེ་ནི་ཤེས་རབ་ 119b ཀྱི་སྟེ།་འདི་དག་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། རྟོགས་ནས་རྗེས་སུ་ཆགས་པའི་དངོས་པོ་སྤོང་བ་གང་ཡིན་པ་དེ་ནི་སྦྱིན་པའི་འོ། །བརྩོན་འགྲུས་བླ་ན་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བརྩོན་འགྲུས་ལ་མངོན་པར་ཞེན་པ་མེད་པ་གང་ཡིན་པ་དེ་ནི་བཟོད་པའི་འོ། །བདག་དང ། སེམས་ཅན་དང ། སྲོག་དང ། གསོ་བ་བསལ་བ་ལ་མི་གནས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་ཏུ་སྦྱོར་བ་རྣམས་ལ་ཇི་མི་མཇེད་པ་གང་ཡིན་པ་དེ་ནི་བསམ་གཏན་གྱིའོ། །བདག་ཉིད་དཔྱོད་ཅིང་བཟོ་ཐམས་ཅད་སྒྲུབ་ལ་ས་བདུན་པའི་ཤེས་པ་ཡོངས་སུ་མ་གཏུགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤིན་ཏུ་སྦྱངས་པ་ཡང་དག་བྱང་ཆུབ་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་ཤིན་ཏུ་སྦྱངས་པ་གང་ཡིན་པ་དེ་ནི་སྦྱིན་པའི་འོ། །སེམས་ཤིན་ཏུ་སྦྱངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་བ་ལ་བརྐམ་པ་མེད་པ་གང་ཡིན་པ་དེ་ནི་བཟོད་པའི་འོ། །ཤིན་དུ་སྦྱངས་པ་རྒྱུན་མི་ཆད་པ་གང་ཡིན་པ་དེ་ནི་ 120a ༄#། །བརྩོན་འགྲུས་ཀྱིའོ། །ཤིན་དུ་སྦྱངས་པ་སྒོམ་པའི་སོ་སོར་བརྟགས་པ་གང་ཡིན་པ་དེ་ནི་བསམ་གཏན་གྱིའོ། །ཤིན་ཏུ་སྦྱངས་པ་ཡང་དག་པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ཏིང་ངེ་འཛིན་འཕགས་པ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཐོབ་པ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཏིང་ངེ་འཛིན་གྱི་ཡན་ལག་འཛིན་པ་གང་ཡིན་པ་དེ་ནི་བཟོད་པའི་འོ། །ཏིང་ངེ་འཛིན་རྒྱུན་ཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟ་ཞིང་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྟོགས་པ་དང་ལྡན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། དགའ་བ་ཅི་སྤངས་ཀྱང་གདུང་པ་མེད་པ་གང་ཡིན་པ་དེ་ནི་སྦྱིན་པའི་འོ། །ལུས་དང ། ངག་བཏང་སྙོམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་གྱིས་དབེན་པ་ལ་མི་གནས་པ་ 120b གང་ཡིན་པ་དེ་ནི་བཟོད་པའི་འོ། །སྒྱུ་མ་ལ་མི་གནས་པ་མི་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་མ་གཏུགས་ཤིང་ཡིད་བྱུང་བ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་སྐད་ཅིག་པར་རྟོག་ཅིང་དང་དུ་ལེན་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཕགས་པ་ཡང་དག་པའི་ལྟ་བ་རྟོགས་པ་གང་ཡིན་པ་དེ་ནི་སྦྱིན་པའི་འོ། །ཁོང་དུ་ཆུད་ནས་ཀུན་ནས་ཉོན་མོངས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཁོང་དུ་ཆུད་ནས་རིགས་པ་རྟོགས་པ་གང་ཡིན་པ་དེ་ནི་བཟོད་པའི་འོ། །ངེས་པར་བརྟགས་ནས་གཞན་ལ་ཕན་པ་ཐོབ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཐའ་ཡས་པ་ལ་དཔྱོད་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་སྨིན་པ་སྡུག་པ་གང་ཡིན་པ་དེ་ནི་ཤེས་ཀྱི་སྟེ། འདི་དག་ནི་ཡང་དག་པའི་ལྟ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་རྟོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་རྟོག་པའི་རྣམ་པར་སྨིན་པར་བྱེད་པ་སྤོང་བ་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་རྟོག་པ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྐྱེན་ཇི་ལྟ་ 121a ༄#། །བ་རྣམས་ལ་ས་དང་ས་མ་ཡིན་པ་ཡོངས་སུ་ཤེས་པ་གང་ཡིན་པ་དེ་ནི་བཟོད་པའི་འོ། །ཡང་དག་པའི་རྟོག་པ་སྦྱོར་བ་ཐམས་ཅད་ལ་མི་བསྟེན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡང་དག་པའི་རྟོག་པའི་དབང་གིས་ཡོངས་སུ་བསྔོས་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པ་དང ། འཇིག་རྟེན་ལས་འདས་པ་རྣམས་ཡང་དག་པ་དང ། ཡང་དག་པ་མ་ཡིན་པར་ཡང་དག་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་རྟོག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ངག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚིག་སྐྱོན་མེད་པ་གང་ཡིན་པ་དེ་ནི་སྦྱིན་པའི་འོ། །ཚིག་རིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཕགས་པའི་ཚིག་གང་ཡིན་པ་དེ་ནི་བཟོད་པའི་འོ། །སོ་སོ་ཡང་དག་པར་རིག་པའི་ཚིག་སྒྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འཇིག་རྟེན་པ་མངོན་པར་དགའ་བའི་ཚིག་གང་ཡིན་པ་དེ་ནི་བསམ་གཏན་གྱིའོ། །ཚིག་བདེན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ངག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ལས་ཀྱི་མཐའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་ལས་ཀྱི་མཐའི་འབྲས་བུ་ཡོད་པ་གང་ཡིན་པ་དེ་ནི་སྦྱིན་པའི་འོ། །ཡང་ 121b དག་པའི་ལས་ཀྱི་མཐའི་བསམ་པ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པའི་ལས་ཀྱི་མཐའ་ལ་མི་དམིགས་པའི་སྦྱོར་བ་གང་ཡིན་པ་དེ་ནི་བཟོད་པའི་འོ། །ཡང་དག་པའི་ལས་ཀྱི་མཐའ་ཐམས་ཅད་དུ་མི་འཇུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གནས་པ་མེད་པ་ཡོངས་སུ་བཟུང་བ་གང་ཡིན་པ་དེ་ནི་བསམ་གཏན་གྱིའོ། །ཡང་དག་པའི་ལས་ཀྱི་མཐའ་མ་བརྟགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ལས་ཀྱི་མཐའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་འཚོ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་འཚོ་བ་ལ་དགའ་བ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པའི་ཉེ་བར་འཚོ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཡོངས་སུ་སྨིན་པར་བྱ་བའི་སྙིང་རྗེ་གང་ཡིན་པ་དེ་ནི་བཟོད་པའི་འོ། །ཆོས་རྟོགས་པས་ཉེ་བར་འཚོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་མེད་པས་ཉེ་བར་འཚོ་བ་གང་ཡིན་པ་དེ་ནི་བསམ་གཏན་གྱིའོ། །ཟང་ཟིང་མེད་པས་ཉེ་བར་འཚོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་འཚོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་རྩོལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐམས་ཅད་སྤངས་ཏེ་དགོན་པའི་གནས་ 122a ༄#། །མེ་འདོར་བ་གང་ཡིན་པ་དེ་ནི་སྦྱིན་པའི་འོ། །ལུས་དང ། ངག་ཡང་དག་པ་ལ་སྦྱོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དམིགས་པ་ལ་མི་གནས་པ་གང་ཡིན་པ་དེ་ནི་བཟོད་པའི་འོ། །གཟུངས་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྡ་ལ་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །གནོད་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་རྩོལ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་དྲན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་འདུས་བྱས་ལ་མི་ལྟ་བའི་དྲན་པ་གང་ཡིན་པ་དེ་ནི་སྦྱིན་པའི་འོ། །ཆོས་ཐམས་ཅད་ཀྱི་སྐྱོན་དང་ཡོན་ཏན་འཇལ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། ། རྒྱུན་མི་ཆད་པ་གང་ཡིན་པ་དེ་ནི་བཟོད་པའི་འོ། །བག་ཡོད་པའི་རྣམ་པར་སྨིན་པ་དྲན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཐམས་ཅད་ཀྱི་ཡང་དག་པའི་ཐོབ་པ་ལ་བརྗེད་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཞི་གནས་བསྒོམས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་དྲན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པའི་ཏིང་ངེ་འཛིན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པའི་ཏིང་ངེ་འཛིན་ལ་མངོན་པར་དགའ་བ་གང་ཡིན་པ་དེ་ནི་སྦྱིན་པའི་ 122b འོ། །ཡང་དག་པའི་ཏིང་ངེ་འཛིན་ཤིན་ཏུ་གནས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པའི་ཏིང་ངེ་འཛིན་གྱི་སྒོ་མོ་རྣམ་པར་འགྲོལ་བ་དང་ལྟ་བ་གང་ཡིན་པ་དེ་ནི་བཟོད་པའི་འོ། །ཡང་དག་པའི་ཏིང་ངེ་འཛིན་མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡང་དག་པའི་ཏིང་ངེ་འཛིན་ལེགས་པར་འོངས་པ་བསམ་པ་ཇི་ལྟ་བ་བཞིན་ལས་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ཡང་དག་པའི་ཏིང་ངེ་འཛིན་གཉེན་པོ་ཡོངས་སུ་གཅོད་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ཏིང་ངེ་འཛིན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གནོད་པར་བྱེད་པའི་ཆོས་རྣམས་སྤོང་བ་གང་ཡིན་པ་དེ་ནི་སྦྱིན་པའི་འོ། །ལུས་དང་སེམས་ཤིན་ཏུ་སྦྱངས་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྒྲིབ་པ་མེད་པ་ལ་སྙོམས་པར་འཇུག་པ་གང་ཡིན་པ་དེ་ནི་བཟོད་པའི་འོ། །ཏིང་ངེ་འཛིན་ལ་གཞན་གྱིས་ཉམས་པར་བྱར་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡེ་ཤེས་ཀྱི་སྦྱོར་བ་མ་རྒུད་པ་གང་ཡིན་པ་དེ་ནི་བསམ་གཏན་གྱིའོ། །བསམ་པ་ཐམས་ཅད་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ 123a ༄#། །ཞེ་ན།་མ་ཐོས་པར་ཆོས་རྣམས་མངོན་པར་བརྗོད་པ་གང་ཡིན་པ་དེ་ནི་སྦྱིན་པའི་འོ། །སྐྱོན་མེད་པར་མངོན་པར་བརྗོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བོ་མང་པོ་འདོད་པར་མངོན་པར་བརྗོད་པར་གང་ཡིན་པ་དེ་ནི་བཟོད་པའི་འོ། །ལྡེམ་པོ་དག་ཕུན་སུམ་ཚོགས་པར་འགྱུར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཀྱི་ཉིད་མཚམས་སྦྱོར་བ་ཕུན་སུམ་ཚོགས་པ་གང་ཡིན་པ་དེ་ནི་བསམ་གཏན་གྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷག་མཐོང་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིག་པ་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རིག་པ་ལ་སྦྱོར་བ་གྲུབ་པ་གང་ཡིན་པ་དེ་ནི་སྦྱིན་པའི་འོ། །འདོད་པར་འགྱུར་བའི་རིག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིག་པ་ཐམས་ཅད་ལ་གང་ཡིན་པ་དེ་ནི་བཟོད་པའི་འོ། །རིག་པའི་ས་ཐམས་ཅད་ལ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཐམས་ཅད་ཡང་དག་པར་གཟུང་བའི་རིག་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་རབ་ཏུ་ཤེས་པར་བྱེད་པའི་རིག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རིག་པ་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་གྲོལ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣམ་པར་ 123b གྲོལ་བ་ལ་མྱུར་དུ་ཞུགས་པ་གང་ཡིན་པ་དེ་ནི་སྦྱིན་པའི་འོ། །བག་ཆགས་དང་བྲལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཐར་འཛིན་པ་ཡོངས་སུ་སྤངས་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་དེའི་ངོ་བོ་མ་ཡིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་ཐམས་ཅད་དུ་བདེ་བ་དང་སྡུག་བསྔལ་གྱིས་མི་འཕྲོག་པ་གང་ཡིན་པ་དེ་ནི་བསམ་གཏན་གྱིའོ། །དེ་ཁོ་ནའི་ཆོས་ཀྱི་རྒྱུ་མཐུན་པའི་ཐམས་ཅད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་གྲོལ་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགེ་སློང་གི་འཁོར་ཉེ་བར་འོང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་པ་ཇི་ལྟ་བ་བཞིན་ཐམས་ཅད་དུ་སྤྲུལ་པ་གང་ཡིན་པ་དེ་ནི་སྦྱིན་པའི་འོ། །ཅི་འདོད་པར་སྤྲུལ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེའི་བསམ་པ་བརྗོད་པ་གང་ཡིན་པ་དེ་ནི་བཟོད་པའི་འོ། །ཁྱད་པར་དུ་བརྗོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ལ་འཛིན་པ་མེད་པར་བརྗོད་པ་གང་ཡིན་པ་དེ་ནི་བསམ་གཏན་གྱིའོ། །དེ་ལས་ངེས་པར་གྲོལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དགེ་སློང་གི་འཁོར་ཉེ་བར་འོང་བ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་བཞིན་དུ་བཤད་པ་འདིས་ན་འཁོར་བརྒྱད་པོ་ཐམས་ཅད་ལའང་སྦྱར་བར་ཤེས་པར་བྱའོ། །དེ་ལ་དོན་སོ་སོ་ཡང་ 124a ༄#། །དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དོན་བརྗོད་པ་དང་དོན་མ་ཡིན་པ་བརྗོད་པ་གང་ཡིན་པ་དེ་ནི་སྦྱིན་པའི་འོ། །སྐྱེ་བོ་མང་པོ་ཚིམ་པར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དོན་ལ་སྐྱོན་མེད་པ་གང་ཡིན་པ་དེ་ནི་བཟོད་པའི་འོ། །འོག་མིན་གྱི་གནས་ནས་བཟུང་སྟེ་ཕན་ཚུན་བདེན་པ་རྒྱ་ཆེར་སྨྲ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཚུངས་པ་རྣམས་དོན་ལ་ཆོག་ཤེས་པ་གང་ཡིན་པ་དེ་ནི་བསམ་གཏན་གྱིའོ། །མཚུངས་པ་མ་ཡིན་པའི་མི་འཁྲུགས་པའི་ཆོས་ཉིད་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དོན་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་མངོན་པར་བརྗོད་པ་གང་ཡིན་པ་དེ་ནི་སྦྱིན་པའི་འོ། །གཞན་ལ་གོ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཇི་ལྟ་བ་བཞིན་ཡོངས་སུ་བསྔོ་བ་གང་ཡིན་པ་དེ་ནི་བཟོད་པའི་འོ། །རྒྱུན་མ་ཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་གནས་པ་དང་དེ་བཞིན་ཉིད་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །རྟག་ཏུ་ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་སོ་སོ་ཡང་དག་པར་ 124b རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངེས་པའི་ཚིག་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཏམ་གྱི་ཕྱིར་ངེས་པའི་ཚིག་གི་ངོ་བོ་གང་ཡིན་པ་དེ་ནི་སྦྱིན་པའི་འོ། །ཉེ་བར་ཞི་བ་ལ་ངེས་པའི་ཚིག་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་པའི་ངག་ཐམས་ཅད་ལ་ངེས་པའི་ཚིག་གང་ཡིན་པ་དེ་ནི་བཟོད་པའི་འོ། །དེ་དག་ཐམས་ཅད་ལ་གོ་བས་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། དམ་བཅས་པ་སྒྲོལ་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ཐར་པ་དང་འགོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ངེས་པའི་ཚིག་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤོབས་པ་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོབས་པ་སྣ་ཚོགས་པ་གང་ཡིན་པ་དེ་ནི་སྦྱིན་པའི་འོ། །སྤོབས་པ་མཉེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་དག་ཐམས་ཅད་ཚིམ་པར་བྱེད་པ་གང་ཡིན་པ་དེ་ནི་བཟོད་པའི་འོ། །མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐེ་ཚོམ་གཅོད་པ་གང་ཡིན་པ་དེ་ནི་བསམ་གཏན་གྱིའོ། །མྱ་ངན་ལས་འདས་པ་ལ་གཞོལ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤོབས་པ་སོ་སོ་ཡང་དག་པར་རིག་པ་སྒྲུབ་པའི་ཕ་རོལ་ཏུ་ཕྱིན་ 125a ༄#། །པ་དྲུག་གོ་།དེ་ལ་ཡོངས་སུ་སྐྱོ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཆོས་སྟོན་པ་ན་ཆོས་ཉན་པ་རྣམས་ལ་ཆོས་བསྟན་པས་མི་སྐྱོ་བ་གང་ཡིན་པ་དེ་ནི་སྦྱིན་པའི་འོ། །སེམས་ཅན་ལ་ཕན་པར་སྒྲུབ་པས་མི་སྐྱོ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐུ་རང་གིས་བཤིག་སྟེ་རྒྱ་ཆེར་བྱིན་གྱིས་བརླབས་པ་གང་ཡིན་པ་དེ་ནི་བཟོད་པའི་འོ། །གདུལ་བ་རྣམས་ཀྱི་ཆེད་དུ་དུས་ཐམས་ཅད་དུ་ཉེ་བར་འོང་བའི་རྫུ་འཕྲུལ་གང་ཡིན་པ་དེ་ནི་བརྩོན་འགྲུས་ཀྱིའོ། །ཇི་ལྟར་འདོད་པ་བཞིན་སྙོམས་པར་འཇུག་པ་ལ་སྙོམས་པར་ཞུགས་པ་ན་གདམས་ངག་སྟེར་བ་གང་ཡིན་པ་དེ་ནི་བསམ་གཏན་གྱིའོ། །དུས་དང་དུས་མ་ཡིན་པར་ཆོས་ཉན་པ་རྣམས་ལ་ཇི་སྙེད་འདོད་པ་དེ་སྙེད་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི། ཡོངས་སུ་སྐྱོ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྦྱིན་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སློང་བ་ལ་བྱིན་ནས་བདེ་བར་ཡོངས་སུ་བསྔོས་པ་གང་ཡིན་པ་དེ་ནི་སྦྱིན་པའི་འོ། །ལུས་དང་ངག་གི་ལྷག་པར་སྦྱིན་པ་བྱིན་པས་དང་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱིན་པ་ལ་དགའ་བ་གང་ཡིན་པ་དེ་ནི་བཟོད་པའི་འོ། །སྦྱིན་པ་བྱིན་པ་ན་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ 125b ཀྱིའོ། །སེམས་དང་བ་གང་ཡིན་པ་དེ་ནི་བསམ་གཏན་གྱིའོ། །སྦྱིན་པ་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྦྱིན་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཚུལ་ཁྲིམས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསླབ་པ་ཡང་དག་པར་བླང་བ་བྱིན་པ་དང ། སེམས་ཅན་རྣམས་ལ་མི་འཇིགས་པ་སྦྱིན་པ་གང་ཡིན་པ་དེ་ནི་སྦྱིན་པའི་འོ། །མི་འཇིགས་པ་བྱིན་པ་ལ་འཁྲུག་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་ལ་ཕན་པར་སེམས་པ་གང་ཡིན་པ་དེ་ནི་བཟོད་པའི་འོ། །བསླབ་པ་ཀུན་ནས་སྲུང་ཞིང་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསླབ་པ་སྔོན་དུ་བཏང་ནས་སེམས་ཅན་རྣམས་ལ་ཕན་པར་སེམས་པ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཚུལ་ཁྲིམས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བཟོད་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་བདེ་ན་དང་བ་གང་ཡིན་དེ་ནི་སྦྱིན་པའི་འོ། ། སེམས་ཅན་ཀྱི་ཉོན་མོངས་པ་བཟོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་བ་ཐོག་མ་མེད་པ་ནས་སྐྱེ་བ་ལ་མི་མཇེད་པ་གང་ཡིན་པ་དེ་ནི་བཟོད་པའི་འོ། །རྟག་ཏུ་རྒྱུན་ 126a ༄#། །མི་ཆད་པར་ངེས་པར་རྩོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་ལ་ཕན་པར་ངེས་པ་གང་ཡིན་པ་དེ་ནི་བསམ་གཏན་གྱིའོ། ། ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བཟོད་པ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཇིག་རྟེན་ལ་ཕན་པར་སྦྱོར་བ་གང་ཡིན་པ་དེ་ནི་སྦྱིན་པའི་འོ། །གནོད་པ་མེད་པར་ཕ་རོལ་གནོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྡུག་བསྔལ་ཐོབ་པ་ཐར་པར་བྱས་པ་ནི། དཔེར་ན་ཐི་བའི་ལྟ་བུ་གང་ཡིན་པ་དེ་ནི་བཟོད་པའི་འོ། །སྦྱོར་བ་མ་བཏང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྩོན་འགྲུས་ཀྱིས་སྒྲིབ་པ་སེལ་བ་གང་ཡིན་པ་དེ་ནི་བསམ་གཏན་གྱིའོ། །སངས་རྒྱས་ཀྱི་ཡུལ་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསམ་གཏན་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱམས་པ་གཙོ་བོའི་བསམ་གཏན་སེམས་ཅན་ལ་ཕན་པ་དང་ལྡན་པ་གང་ཡིན་པ་དེ་ནི་སྦྱིན་པའི་འོ། །སེམས་ཅན་ལ་ཕན་པའི་འདུ་ཤེས་ཅན་གྱི་བསམ་གཏན་གང་ཡིན་པ་ 126b དེ་ནི་ཚུལ་ཁྲིམས་ཀྱིའོ། །འཇིག་རྟེན་ལ་ཕན་པར་སེམས་སྤྲོ་བ་གང་ཡིན་པ་དེ་ནི་བཟོད་པའི་འོ། །ཉེ་བར་ཞི་བའི་ཕྱིར་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། ། ཆོས་ཀྱི་སྦྱིན་པ་ལེགས་པར་བསམ་ནས་སྨྲ་བ་གང་ཡིན་པ་དེ་ནི་བསམ་གཏན་གྱིའོ། །རང་བཞིན་གྱིས་གནས་པའི་ངེས་པའི་ཚིག་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་ལས་།ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་ཀྱི་སྦྱིན་པ་རབ་ཏུ་སྦྱིན་པར་བྱེད་པ་གང་ཡིན་པ་དེ་ནི་སྦྱིན་པའི་འོ། །ཆོས་ཀྱི་སྦྱིན་པ་ཟང་ཟིང་མེད་པར་སྨྲ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཀྱི་སྦྱིན་པ་ལ་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་བཟོད་པའི་འོ། །དད་པས་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཀྱི་སྦྱིན་པ་ལེགས་པར་བསམས་ནས་སྨྲ་བ་གང་ཡིན་པ་དེ་ནི་བསམ་གཏན་གྱིའོ། །རང་བཞིན་གྱི་དེ་བཞིན་ཉིད་དང ། ངེས་པའི་ཚིག་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ལས་ངེས་པར་བྱུང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་མིག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། མཐོང་ན་དགའ་བར་འགྱུར་བའི་མིག་གང་ཡིན་པ་དེ་ནི་སྦྱིན་པའི་རྣམ་པར་སྨིན་ 127a ༄#། །པའོ། །མིག་བལྟ་ན་སྡུག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐག་རིང་པོར་མཐོང་བ་གང་ཡིན་པ་དེ་ནི་བཟོད་པའི་འོ། །མིག་དཀྱུས་རིང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟས་པས་དང་བར་གྱུར་བ་གང་ཡིན་པ་དེ་ནི་བསམ་གཏན་གྱིའོ། །ཀུན་ནས་ཤིན་ཏུ་དང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་མིག་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་རྣ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྣ་བ་ཉམས་པ་མེད་པ་གང་ཡིན་པ་དེ་ནི་སྦྱིན་པའི་འོ། །རྣ་བ་རྣམ་པར་དག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྣ་བའི་ཁམས་ཤིན་ཏུ་དང་བ་གང་ཡིན་པ་དེ་ནི་བཟོད་པའི་འོ། །རྣ་བ་ཆ་ཕྲ་བ་ཐོས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣ་བ་ཐག་རིང་བ་ཐོས་པ་གང་ཡིན་པ་དེ་ནི་བསམ་གཏན་གྱིའོ། །བཀུར་སྟི་མ་ཡིན་པ་ཐོས་ན་མི་དགའ་བ་མེད་པའི་རྣ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་རྣ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སྣའི་ཕ་རོལ་ཏུ་ཕྱིན་པ་དྲུག་གང་ཞེ་ན། དང་བར་འགྱུར་བའི་སྣ་གང་ཡིན་པ་དེ་ནི་སྦྱིན་པའི་འོ། །སྣའི་དབང་པོ་ཉམས་པ་གང་ཡིན་པ་དེ་ 127b ནི།་ཚུལ་ཁྲིམས་ཀྱིའོ། །ཡིད་དུ་འོང་བ་སྣོམ་པ་གང་ཡིན་པ་དེ་ནི་བཟོད་པའི་འོ། །མི་མཐུན་པ་སྣོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྣ་མ་གཏུགས་པ་གང་ཡིན་པ་དེ་ནི་བསམ་གཏན་གྱིའོ། །སྐྱོན་སྣོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་སྣའི་ཕ་རོལ་ཏུ་ཕྱིན་པ་དྲུག་གོ། དེ་ལ་རྣམ་པར་སྨིན་པ་ལྕེའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྕེས་རོ་མྱངས་ན་དང་བར་འགྱུར་བ་གང་ཡིན་པ་དེ་ནི་སྦྱིན་པའི་འོ། །ཁེངས་ཚིག་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བོ་མང་པོ་འདོད་པའི་ཚིག་གང་ཡིན་པ་དེ་ནི་བཟོད་པའི་འོ། །ཡི་གེ་མང་པོ་རྗེས་སུ་དྲན་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྕེ་རྐན་ལ་གཞར་བ་གང་ཡིན་པ་དེ་ནི་བསམ་གཏན་གྱིའོ། །ལྕེ་མཆོག་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་ལྕེའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་ལུས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་ཤས་རྒྱས་ཤིང་མདོག་དམར་སེར་གང་ཡིན་པ་དེ་ནི་སྦྱིན་པའི་འོ། །སྐྱེ་བོ་མང་པོས་བལྟ་ན་སྡུག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལུས་དབང་ཆེ་བར་གྲགས་པ་གང་ཡིན་པ་དེ་ནི་བཟོད་པའི་འོ། །ལུས་བརྟན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལུས་ཤིན་ཏུ་གཞོན་ 128a ༄#། །ཤ་ཆགས་པ་གང་ཡིན་པ་དེ་ནི་བསམ་གཏན་གྱིའོ། །གཙོ་བོར་འགྲོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་ལུས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་སྨིན་པ་སེམས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་འདོད་ཆགས་ཆུང་བ་གང་ཡིན་པ་དེ་ནི་སྦྱིན་པའི་འོ། །ཞེ་སྡང་ཆུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཏི་མུག་མེད་པ་གང་ཡིན་པ་དེ་ནི་བཟོད་པའི་འོ། །རྟོགས་པ་རྣོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྱོར་བ་དང་རྗེས་སུ་མཐུན་པ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟར་འདོད་པ་བཞིན་ཆོས་ཐམས་ཅད་ཁོང་དུ་ཆུད་པ་མང་བ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་རྣམ་པར་སྨིན་པ་སེམས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གང་ཞེ་ན། གཞན་ཡོངས་སུ་སྨིན་པར་བྱ་བའི་སྦྱིན་པ་ནི། དཔེར་ན་རྒྱལ་པོའི་བུ་སྙིང་སྟོབས་།ཞུམ་པ་མེད་ཀྱིས་ཛམྦུའི་གླིང་པའི་སེམས་ཅན་རྣམས་ཚིམ་པར་བྱས་ནས་ཐམས་ཅད་ཀྱང་བྱང་ཆུབ་ཀྱི་ཕྱིར་ཡོངས་སུ་སྨིན་པར་བྱས་པ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གཞན་ལ་ཕན་པ་དང་ལྡན་པའི་ཚུལ་ཁྲིམས་ཀྱི་རྣམ་པར་ 128b སྨིན་པ་སྙིང་སྟོབས་ནི། དཔེར་ན་སྲེག་པས་མིས་ཚིག་པར་བྱེད་པ་བསོད་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་ལ་ཕན་པར་ཡོངས་སུ་བསྔོས་པའི་བཟོད་པའི་རྣམ་པར་སྨིན་པ་འཁོར་བ་ནི། དཔེར་ན་ཚངས་པས་སེམས་ཅན་དྲུག་ཅུ་ཡོངས་སུ་སྨིན་པར་བྱ་བའི་ཕྱིར་ཉོན་མོངས་པ་བཟོད་པ་ལྟ་བུ་གང་ཡིན་པ་དེ་ནི། བཟོད་པའི་འོ། །གཞན་ཡོངས་སུ་སྨིན་པར་བྱ་བའི་བརྩོན་འགྲུས་ནི། དཔེར་ན་ནད་སྲོག་གི་ལྷག་མ་ལུས་པ་ལ་ལོ་བདུན་ཅུར་ཕན་པར་བྱ་བའི་འདོད་པའི་ཡིད་ཀྱིས་དཔག་ཚད་བདུན་བརྒྱར་སོང་ནས་རི་གངས་ཅན་ལས་སྨན་བླངས་ཏེ་ནད་པ་ཐར་པར་བྱས་པ་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་ལ་ཕན་ཞིང་བདེ་བ་དང་ལྡན་པའི་བསམ་གཏན་ནི། དཔེར་ན་དྲང་སྲོང་སེར་སྐྱས་སེམས་ཅན་ལ་ཕན་པར་བྱ་བའི་ཕྱིར་གྲོང་ཁྱེར་བརྩིགས་པ་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །གཞན་བདེ་བར་སྒྲུབ་པའི་ཤེས་རབ་ནི། དཔེར་ན་བསྟན་བཅོས་ཐམས་ཅད་དང ། ཡིག་འབྲུ་རྣམས་གསོ་བར་བྱེད་པ་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་བདག་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གང་ཞེ་ན། བདག་ལ་ 129a ༄#། །ཕན་པར་འདོད་པའི་ཕུན་སུམ་ཚོགས་པ་གང་ཡིན་པ་དེ་ནི་སྦྱིན་པའི་འོ། །བདག་གི་དགེ་བའི་རྩ་བ་རྣམས་འབྲས་བུ་ཡོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བདག་ཁ་དོག་རྒྱས་པ་གང་ཡིན་པ་དེ་ནི་བཟོད་པའི་འོ། །བདག་གི་ཕྱིར་བརྩོན་འགྲུས་རྩོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདག་གི་ཕྱིར་མཐོ་རིས་སུ་འཇུག་པའི་བསམ་གཏན་ནི། དཔེར་ན་འཇིག་པའི་བསྐལ་པ་བདུན་གྱི་བར་དུ་བདག་འཇིག་རྟེན་འདིར་མི་འོང་བ་གང་ཡིན་པ་དེ་ནི་བསམ་གཏན་གྱིའོ། །བདག་ལ་ཕན་པ་དང་ལྡན་པའི་ཤེས་རབ་ནི། དཔེར་ན་རྒྱལ་པོའི་བུ་སེར་སྐྱའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བདག་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྒྱན་སྣ་ཚོགས་ཀྱི་ངོ་བོས་བརྒྱན་པ་གང་ཡིན་པ་དེ་ནི་ཆོས་ཀྱི་སྦྱིན་པའི་འོ། །མི་དམིགས་པ་ལ་གནས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་གྱི་འདུ་ཤེས་དང་བྲལ་བའི་བཟོད་པ་གང་ཡིན་པ་དེ་ནི་བཟོད་པའི་འོ། །ཆོས་ཀྱི་ཕ་རོལ་ཏུ་ཕྱིན་པ་གཉིས་སུ་མེད་པར་སྤྱོད་པའི་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་པར་མ་ཞེན་ཅིང་སེམས་ 129b མཉམ་པ་ཉིད་ཐོབ་པའི་ཆོས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་གཉིས་སུ་མེད་པས་གསལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དོན་གྱི་ཕ་རོལ་ཏུ་ཕིན་པ་དྲུག་གང་ཞེ་ན། སྦྱིན་པའི་འབྲས་བུ་ལོངས་སྤྱོད་ཆེན་པོ་གང་ཡིན་པ་དེ་ནི་དེའི་དོན་ཏོ། །ཚུལ་ཁྲིམས་ཀྱི་འབྲས་བུ་བདེ་འགྲོ་གང་ཡིན་པ་དེ་ནི་དེའི་དོན་ཏོ། །བཟོད་པའི་འབྲས་བུ་གཟུགས་བཟང་བ་གང་ཡིན་པ་དེ་ནི་དེའི་དོན་ཏོ། །བརྩོན་འགྲུས་ཀྱི་འབྲས་བུ་འཇིག་རྟེན་པ་དང་འཇིག་རྟེན་པ་དང་འཇིག་རྟེན་ལས་འདས་པའི་བྱ་བ་སྒྲུབ་པ་གང་ཡིན་པ་དེ་ནི་དེའི་དོན་ཏོ། །བསམ་གཏན་སྐྱེ་བར་ཡོངས་སུ་བསྔོ་བ་གང་ཡིན་པ་དེ་ནི་དེའི་དོན་ཏོ། །ཤེས་རབ་དང་བྲས་བ་དང་རྒྱུ་མཐུན་པ་གང་ཡིན་པ་དེ་ནི་དེའི་དོན་ཏོ། །འདི་དག་ནི་དོན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྟོགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤོང་པ་དང་རབ་ཏུ་ལྡན་པའི་ལུས་མི་འཇིགས་པ་གང་ཡིན་པ་དེ་ནི་སྦྱིན་པའི་འོ། །སྤོང་བའི་རྒྱུས་རབ་ཏུ་མི་རྨོངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ལ་བཟོད་པ་མི་འདོར་བ་གང་ཡིན་པ་དེ་ནི་བཟོད་པའི་འོ། །སྦྱོར་བ་ཐམས་ཅད་གྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་གྱི་འབྲས་བུ་འགོག་པ་གང་ཡིན་པ་དེ་ནི་བསམ་ 130a ༄#། །གཏན་གྱིའོ། །རྡོ་རྗེ་ལྟ་བུའི་ཏིང་ངེ་འཛིན་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྟོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤྲོ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པ་བྱིན་པ་ན་ནམ་ཡང་རྨུགས་པ་དང་གཉིད་དུ་མ་གྱུར་ཅིང་བདག་ལ་དགའ་བ་མི་བསྐྱེད་པ་གང་ཡིན་པ་དེ་ནི། དཔེར་ན་ཤཱཀྱ་ཆེན་པོའི་ནགས་ཁྲོད་དཔག་ཚད་དགུ་བཅུ་རྩ་དྲུག་པ་ལྟ་བུ་གང་ཡིན་པ་དེ་ནི་སྦྱིན་པའི་འོ། །བསླབ་པའི་ཕྱིར་རྒྱལ་སྲིད་སྤངས་ཏེ་སྤོང་བ་ནི། དཔེར་ན་རྒྱལ་པོའི་བུ་དོན་ཡོད་གནས་ན་འདུག་ཅིང་བརྫུན་ཏུ་སྨྲ་བ་མི་ཟེར་བལྟ་བུ་དང ། ལུས་ཀྱི་ཕྱིར་གཞན་དག་ཕ་མ་གསོད་ཅིང་སྡིག་པ་དག་བྱེད་པ་ན་ངས་སྦྱིན་པ་དང་ཆོས་མ་སྤངས་པས་དེ་ནི་སངས་རྒྱས་ཡིན་ནོ་བར་ཐེ་ཚོམ་མེད་པར་ཤེས་པར་འགྱུར་རོ། །ཞེས་ཇི་སྐད་གསུངས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕ་རོལ་རྗེས་སུ་སྲུང་བའི་བཟོད་པ་ནི། དཔེར་ན་གླང་པོ་ཆེ་གནང་དུ་ཕོག་ཀྱང་སྲུང་བ་ལྟ་བུ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ཀྱིས་ལོ་སྟོང་ཕྲག་སུམ་ཅུ་རྩ་དྲུག་ཏུ་ཆོས་སྨྲ་བ་ལ་བསྟན་ཀྱང་གནོད་པ་མེད་ཅིང་མི་སྐྱེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ལ་ཕན་པའི་ཕྱིར་བསམ་གཏན་བྱེད་པ་ནི། དཔེར་ 130b ན། ཛམྦུའི་གླིང་ནས་བདག་ཉིད་མཐོ་རིས་སུ་སོང་བ་བྲམ་ཟེའི་བུ་ཕན་ཚོལ་གྱི་སྔོན་གྱི་ཚུལ་ལས་ཤེས་པར་བྱ་བལྟ་བུ་གང་ཡིན་པ་དེ་ནི་བསམ་གཏན་གྱིའོ། །ཤེས་རབ་ནི། དཔེར་ན་སྨན་ཆེན་གྱི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤྲོ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལྟ་སྟོང་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སྟོང་པ་ཉིད་ཀྱི་ཏིང་ངེ་འཛིན་གྱི་ཁྱིམ་རབ་ཏུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམིགས་པ་མེད་པ་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ས་རབ་ཏུ་ཐོབ་པ་གང་ཡིན་པ་དེ་ནི་བཟོད་པའི་འོ། །བསྒོམས་པའི་སྟོབས་ཅན་གང་ཡིན་པ་དེ་ནི་བརྩོན་འགྲུས་ཀྱིའོ། །ངེས་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །བྱ་བ་ཐམས་ཅད་དུ་ཐུན་མོང་མ་ཡིན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྟོང་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཚན་མ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དུས་ཐམས་ཅད་དུ་མཚན་མ་མེད་པ་གང་ཡིན་པ་དེ་ནི་སྦྱིན་པའི་འོ། །ཐམས་ཅད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །ཡོངས་སུ་བསྔོས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུན་མི་ཆད་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་གཅོད་པར་བྱེད་པ་གང་ཡིན་པ་དེ་ནི་ 131a ༄#། །ཤེས་རབ་ཀྱི་སྟེ། འདི་དག་ནི་མཚན་མ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྨོན་པ་མེད་པར་མྱུར་དུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཆགས་པ་མེད་པ་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཁམས་གསུམ་ལ་མངོན་པར་མི་ལྟ་བ་གང་ཡིན་པ་དེ་ནི་བཟོད་པའི་འོ། །བར་མདོར་ཆུད་མེ་མདོར་ཆུད་མེ་ཟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་དམིགས་པ་གང་ཡིན་པ་དེ་ནི་བསམ་གཏན་གྱིའོ། །བག་ཆགས་འདོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། །བྱང་ཆུབ་སྙིང་པོར་སྐྱིལ་མོ་ཀྲུང་གཅིག་གིས་སྐུ་མ་དུབ་པ་གང་ཡིན་པ་དེ་ནི་སྦྱིན་པའི་འོ། །སྐུ་གཟི་བྱིན་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་མངོན་པར་བརྗོད་པ་གང་ཡིན་པ་དེ་ནི་བཟོད་པའི་འོ། །ཆོས་མངོན་པར་བརྗོད་ཅིང་ཕྱིན་ཅི་མ་ལོག་པར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །སྒྱུ་མར་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཞན་གྱི་ཕ་རོལ་ཏུ་ཕྱིན་པ་ 131b དྲུག་གོ་།དེ་ལ་རྣམ་པར་སྨིན་པ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚོང་པ་གོ་གོན་གྱིས་མཆོད་སྟོན་གསོལ་བ་གང་ཡིན་པ་དེ་ནི་སྦྱིན་པའི་འོ། །ཀླུ་བཏང་བཟུང་གིས་དཀྲིས་ཏེ་བཞུགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚངས་པ་ཉེ་བར་འོངས་ནས་གསོལ་བ་འདེབས་པ་གང་ཡིན་པ་དེ་ནི་བཟོད་པའི་འོ། །སངས་རྒྱས་ཀྱི་སྤྱན་གྱིས་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གདུལ་བ་རྣམས་ཡང་དང་ཡང་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །གཏི་མུག་མེད་པའི་ཆོས་ཀྱི་འཁོར་ལོ་བསྐོར་བ་ན། འདི་ལྟར་གཅིག་ནས་གཅིག་ཏུ་ཚངས་པའི་འཇིག་རྟེན་གྱི་བར་དུ་སྒྲ་མངོན་པར་གྲགས་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་རྣམ་པར་སྨིན་པ་གཞན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྦྱོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྔ་པོ་དག་ཉེ་བར་འོངས་པ་གང་ཡིན་པ་དེ་ནི་སྦྱིན་པའི་འོ། །བྱ་བ་དང་བྱ་བ་མ་ཡིན་པ་དེ་ནི་ཐོས་ནས་དང་དུ་ལེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷག་པའི་ང་རྒྱལ་མེད་པས་ཉེ་བར་གནས་པ་གང་ཡིན་པ་དེ་ནི་བཟོད་པའི་འོ། ། བདུད་རྩིས་ཚིམ་པར་མཛད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྔ་པོ་དག་ལ་བཀའ་སྩོལ་ཅིང་གོ་བར་མཛད་པ་གང་ཡིན་པ་དེ་ནི་བསམ་གཏན་གྱིའོ། །ལྷག་བྱེ་ 132a ༄#། །བ་ཕྲག་ལྔ་པོ་དག་ལ་བདུད་རྩི་རྟོགས་པར་མཛད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྦྱོར་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གནས་དང་གནས་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། གནས་དང་གནས་མ་ཡིན་པ་ཉིད་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམ་བཅས་པ་གཞན་དུ་མི་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པར་རྟོགས་པ་གང་ཡིན་པ་དེ་ནི་བཟོད་པའི་འོ། །དམ་བཅས་པ་སྟོབས་ཅན་གང་ཡིན་པ་དེ་ནི་བརྩོན་འགྲུས་ཀྱིའོ། །སྨྲ་བ་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །དུས་ཤེས་ནས་སྒོམ་པ་གང་ཡིན་པ་དེ་ནི་ཤེས་རབ་ཀྱིའོ། འདི་དག་ནི་གནས་དང་གནས་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདས་པ་དང ། མ་འོངས་པ་དང ། ད་ལྟར་བྱུང་བའི་ལས་ཡང་དག་པར་བླང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལས་ཀྱི་སྐྱེ་བ་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ལས་ཀྱི་རྒྱུ་ལས་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྐྱེན་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ལས་རྣམས་ཀྱི་སྤོང་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤོང་པའི་ཐབས་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །སྤོང་བའི་སྐྱེ་བ་མེད་ 132b པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདས་པ་དང ། མ་འོངས་པ་དང ། ད་ལྟར་བྱུང་པའི་ལས་ཡང་དག་པར་བླང་བའི་ཕ་རོལ་ཏུ་ཕྱིན་པ་དྲུག་གོ་།དེ་ཡི་འཇིག་རྟེན་གྱི་ཁམས་སྣ་ཚོགས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་རྣམས་ཀྱི་ཁམས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ཁམས་ཐ་དད་པ་མ་ཡིན་པ་ལ་རྟོག་པ་གང་ཡིན་བདེ་ནི་ཚུལ་ཁྲིམས་ཀྱིའོ། །ཁམས་ལ་སེམས་ཅན་མེད་པར་རྟོག་པ་གང་ཡིན་པ་དེ་ནི་བཟོད་པའི་འོ། །ཁམས་ཀྱི་སྦྱོར་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཁམས་རབ་ཏུ་སྒྲུབ་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །ཁམས་ཀྱི་ངེས་པར་བྱུང་བ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འཇིག་རྟེན་གྱི་ཁམས་སྣ་ཚོགས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབང་པོ་ཡོངས་སུ་རྫོགས་པར་མཁྱེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་རྟོགས་པ་གང་ཡིན་པ་དེ་ནི་སྦྱིན་པའི་འོ། །མིག་དང ། རྣ་བ་དང ། སྣ་དང ། ལྕེ་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་རྟོགས་པ་གང་ཡིན་པ་དེ་ནི་བཟོད་པའི་འོ། །ཕོའི་དབང་པོ་དང ། མོའི་དབང་པོ་དང ། སྲོག་གི་དབང་པོ་དང ། བདེ་བའི་དབང་པོ་དང ། སྡུག་བསྔལ་གྱི་དབང་པོ་དང ། ཡིད་བདེ་ 133a ༄#། །བའི་དབང་པོ་དང ། ཡིད་མི་བདེ་བའི་དབང་པོ་དང ། བཏང་སྙོམས་ཀྱི་དབང་པོ་སྟེ། དབང་པོ་དྲུག་པོ་འདི་དག་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དད་པའི་དབང་པོ་ནས་ཤེས་རབ་ཀྱི་དབང་པོའི་བར་དུ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །ཀུན་ཤེས་པའི་དབང་པོ་དང ། ཀུན་ཤེས་པ་དང་ལྡན་པའི་དབང་པོ་རྟོགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དབང་པོ་ཡོངས་སུ་རྫོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འཇིག་རྟེན་གྱི་མོས་པ་དུ་མའི་ཕ་རོལ་ཏུ་ཕྱིན་པ་དྲུག་གང་ཞེ་ན། མོས་པ་ལ་སྦྱོར་བ་ཡང་དག་པར་གྲུབ་པ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་དེ་ལ་ཐོགས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མོས་པ་ཇི་ལྟ་བ་བཞིན་དུས་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ངེས་པར་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་དང ། །མི་སྐྱེ་བའི་ཟད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །མོས་པ་དེ་ལྟ་བུར་ཉེ་བར་ཞི་བ་དང ། ཐབས་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མོས་པ་དུ་མའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐམས་ཅད་དུ་འགྲོ་བའི་ལམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དཀའ་བ་བུལ་ 133b བར་རྟོགས་པ་གང་ཡིན་པ་དེ་ནི་སྦྱིན་པའི་འོ། །དཀའ་བ་མྱུར་བར་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སླ་བ་བུལ་བར་རྟོགས་པ་གང་ཡིན་པ་དེ་ནི་བཟོད་པའི་འོ། ། སླ་བ་མྱུར་བར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འགྲོ་བ་དང་འབྲེལ་པར་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འགྲོ་བ་དང་འབྲེལ་བ་ཡོད་པ་དང་མེད་པར་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཐམས་ཅད་དུ་འགྲོ་བའི་ལམ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་འདི་རྣམས་ཀྱི་བདེ་བ་འདི་ངེས་པ་གང་ཡིན་པ་དེ་ནི་སྦྱིན་པའི་འོ། །ཅང་ཤེས་པ་མཚུངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་ལ་ཕན་པར་ཡོངས་སུ་བསྔོས་པའི་ཆོས་རྣམས་གང་ཡིན་པ་དེ་ནི་བཟོད་པའི་འོ། །བདག་ལ་ཕན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྣོད་ཇི་ལྟ་བ་བཞིན་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །རྒྱུ་མཐུན་པ་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། དེ་དག་ནི་དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་ 134a ༄#། །པར་འཇུག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྔོན་གྱི་གནས་རྗེས་སུ་དྲན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྔོན་གྱི་གནས་ལུས་ཀྱིས་རྟོགས་པ་གང་ཡིན་པ་དེ་ནི་སྦྱིན་པའི་འོ། །འགྲོ་བ་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལས་ཀྱི་མཐའ་རྟོགས་པ་གང་ཡིན་པ་དེ་ནི་བཟོད་པའི་འོ། །ཉོན་མོངས་པ་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པ་ཐམས་ཅད་པའི་མྱ་ངན་ལས་འདས་པ་ཇི་སྙེད་པ་ཀུན་ཡང་དག་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྔོན་གྱི་གནས་རྗེས་སུ་དྲན་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་མིག་གི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷའི་མིག་དང་བ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་ཁ་ན་མ་ཐོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐག་རིང་པོར་མཐོང་བ་གང་ཡིན་པ་དེ་ནི་བཟོད་པའི་འོ། །མ་ལུས་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུད་པ་དང ། དར་བ་དང ། བཀུར་སྟི་མེད་པ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །དེ་དག་གི་ངེས་པར་བྱུང་བ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་མིག་གི་ཕ་རོལ་ཏུ་ཕྱིན་པ་དྲུག་གོ་།དེ་ 134b ལ་ཟག་པ་ཟད་པའི་སྟོབས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པའི་སྐྱོན་མཐོང་བ་གང་ཡིན་པ་དེ་ནི་སྦྱིན་པའི་འོ། །ཟག་པ་རྣམས་ལ་མངོན་པར་མི་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟག་པ་རྣམས་ལ་མི་བལྟ་ཞིང་སེམས་ཀྱིས་གཏོང་བ་གང་ཡིན་པ་དེ་ནི་བཟོད་པའི་འོ། །ཟག་པ་རྣམས་ལ་མི་རྟོག་པར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཟག་པ་རྣམས་ཀྱི་ཡང་དག་པར་ཡོངས་སུ་ཤེས་ནས་སྤོང་བ་གང་ཡིན་པ་དེ་ནི་བསམ་གཏན་གྱིའོ། །ཟག་པ་རྣམས་ཀྱི་བག་ཆགས་ཀྱི་ཉིད་མཚམས་སྦྱོར་བ་ཡོངས་སུ་གཏོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཟག་པ་ཟད་པའི་སྟོབས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པར་རྫོགས་པའི་སངས་རྒྱས་ཀྱིས་ཆོས་འདི་དག་མངོན་པར་རྫོགས་པར་སངས་རྒྱས་པའོ། །ཞེས་མི་འཇིགས་པ་དང་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་རིགས་པར་རྟོགས་པ་གང་ཡིན་པ་དེ་ནི་སྦྱིན་པའི་འོ། །དམ་བཅས་པ་མ་ཞུམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པར་རྟོགས་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་ཐུགས་སུ་ཆུད་པ་མ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པ་ཐམས་ཅད་མཁྱེན་པ་ཉིད་ཐུགས་སུ་ཆུད་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བརྒྱད་ཀྱི་ནང་ན་ 135a ༄#། །བག་ཚ་བ་མི་མངའ་ཞིང་དམ་བཅས་པ་བརྟན་པོ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་དང་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡང་དག་པར་ཟག་པ་ཟད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པ་ཟད་པ་གང་ཡིན་པ་དེ་ནི་སྦྱིན་པའི་འོ། །བག་ཆགས་སེལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བ་མེད་པ་གང་ཡིན་པ་དེ་ནི་བཟོད་པའི་འོ། །ཡོངས་སུ་ཤེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དམ་བཅས་པ་འཇིག་རྟེན་གྱི་ཆོས་བརྒྱད་ཀྱིས་མི་གཡོས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བ་ལ་ཉམས་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་གཉིས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ངེས་པར་འབྱིན་པའི་ལམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལམ་ཐབས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །འཐོབ་པར་བྱེད་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འགོག་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །འཇུག་བར་བྱེད་པ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རབ་ཏུ་འཇོག་པར་བྱེད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བར་བྱེད་ 135b པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་གསུམ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བར་དུ་གཅོད་པ་རྣམས་ལ་སྐྱེ་བ་མེད་པར་རྟོག་པ་གང་ཡིན་པ་དེ་ནི་སྦྱིན་པའི་འོ། །མ་སྐྱེས་པར་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆགས་པ་མེད་པར་རྟོག་པ་གང་ཡིན་པ་དེ་ནི་བཟོད་པའི་འོ། །བར་དུ་གཅོད་པ་རྣམས་ཀྱི་ཁ་ན་མ་ཐོ་བ་མེད་པ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བར་དུ་གཅོད་པ་རྣམས་ལ་ཐེ་ཚོམ་མེད་པར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །བར་དུ་གཅོད་པ་རྣམས་ལ་ཆུང་ངུ་དང ། འབྲིང་དང ། ཆེན་པོས་ངེས་པ་དང ། མ་ངེས་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་ཏུ་ཕྱིན་པ་དྲུག་གོ། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བརྒྱད་པ། །དེ་ལ་སྙིང་རྗེ་ཆེན་པོའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་ལ་ཕན་པ་དང་ལྡན་པའི་སྙིང་རྗེ་ཆེན་པོ་གང་ཡིན་པ་དེ་ནི་སྦྱིན་པའི་འོ། །སེམས་མཉམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་ལ་གནོད་པ་དང་དུ་ལེན་པ་གང་ཡིན་པ་དེ་ནི་བཟོད་པའི་འོ། ། 136a ༄#། །སེམས་ཅན་ཉེ་བར་འོང་བ་རྣམས་ཐར་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མོས་པ་ཇི་ལྟ་བ་བཞིན་ཡོན་ཏན་ལ་འཇོག་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བ་ལས་གྲོལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྙིང་རྗེ་ཆེན་པོའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སའི་ཁམས་དང ། ཆུའི་ཁམས་གཉིས་དང་བ་གང་ཡིན་པ་དེ་ནི་སྦྱིན་པའི་འོ། ། མེའི་ཁམས་དང ། རླུང་གི་ཁམས་གཉིས་ཀྱིས་བརྟན་ནས་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རླུང་དང ། མཁྲིས་པ་དང ། བད་ཀན་རྣམས་འདྲེས་པའི་སྐྱོན་གྱིས་མ་འཁྲུགས་པ་གང་ཡིན་པ་དེ་ནི་བཟོད་པའི་འོ། །སྤྱན་བལྟ་ན་སྡུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རིགས་པར་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །མ་ལུས་པར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷའི་སྤྱན་གྱིས་གཟུགས་ཀྱི་ལུས་གཟིགས་པ་གང་ཡིན་པ་དེ་ནི་སྦྱིན་ 136b པའི་འོ། །ནམ་མཁའི་ལུས་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒུད་པ་གཟིགས་པ་གང་ཡིན་པ་དེ་ནི་བཟོད་པའི་འོ། །དར་བ་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །སོ་སོར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསྒོམས་པས་འགྲུབ་པའི་ཤེས་རབ་ཀྱི་སྤྱན་གྱིས་གཟིགས་པ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པ་ཐར་པ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མངོན་པར་བརྗོད་པ་ལ་གནས་པ་གང་ཡིན་པ་དེ་ནི་བཟོད་པའི་འོ། །གཟིགས་པ་ལ་རབ་ཏུ་གནས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟ་བར་བྱ་བ་ལ་ཡང་དག་པ་ཇི་ལྟ་བ་བཞིན་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །འཇུག་པ་བྱང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཆོས་མ་འདྲེས་པ་བཅོ་བརྒྱད་ཐོབ་པའི་རྒྱུ་གང་ཡིན་བ་དེ་ནི་སྦྱིན་པའི་ 137a ༄#། །འོ། །དེ་དག་ཐོབ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྣམ་པར་གཟིགས་པ་གང་ཡིན་པ་དེ་ནི་བཟོད་པའི་འོ། །ངོ་བོ་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྱོར་བ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །ཆུད་མི་ཟ་བར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ།་འདི་དག་ནི་ཆོས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་སྤྱན་སྒྲིབ་པ་མེད་པས་གཟིགས་པ་གང་ཡིན་པ་དེ་ནི་སྦྱིན་པའི་འོ། །ཕན་པར་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྣམ་པར་གཟིགས་པ་གང་ཡིན་པ་དེ་ནི་བཟོད་པའི་འོ། །ངོ་བོ་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྱོར་བ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་དབེན་པ་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སངས་རྒྱས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་ཏུ་ཕྱིན་པ་དྲུག་གོ། དེ་ལ་རང་བྱུང་གི་ཕ་རོལ་ཏུ་ཕྱིན་པ་དྲུག་གང་ཞེ་ན། རང་བྱུང་ལྷུན་གྱིས་གྲུབ་པར་གནས་པ་གང་ཡིན་པ་དེ་ནི་སྦྱིན་པའི་འོ། །བསམ་པ་ཇི་ལྟ་བ་བཞིན་གནས་པ་གང་ 137b ཡིན་པ་དེ་ནི་ཚུལ་ཁྲིམས་ཀྱིའོ། །རང་གི་སྤོང་བའི་རྒྱུ་རབ་ཏུ་ཐོབ་པ་གང་ཡིན་པ་དེ་ནི་བཟོད་པའི་འོ། །རབ་ཏུ་དབྱེ་བ་ཤེས་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། ། རྣམ་པ་ཐམས་ཅད་ལ་ཉེ་བར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟ་བ་བཞིན་ཐམས་ཅད་ཤེས་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རང་བྱུང་གི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་རོལ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྦྱིན་པའི་རྣམ་པར་སྨིན་པས་རྣམ་པར་འཕྲུལ་པ་ནི། དཔེར་ན། ཆུ་བོ་གངྒཱར་གདུགས་ལྔ་བརྒྱ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གྲོང་ཁྱེར་དུ་གཤེགས་པ་ན་སེམས་ཅན་རྣམས་བདེ་བར་གྱུར་པ་དང ། །སིལ་སྙན་རྣམས་མ་དཀྲོལ་བར་སྒྲ་འབྱུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དབང་པོ་མ་ཚང་བ་ཚང་བ་དང ། འོད་གསལ་བ་རབ་ཏུ་འཐོབ་པ་གང་ཡིན་པ་དེ་ནི་བཟོད་པའི་འོ། །འོད་ཟེར་མཐའ་ཡས་པ་འགྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡུལ་ཡངས་པ་ཅན་ཀྱི་ཕྱི་དང་ནང་ལོགས་སུ་སངས་རྒྱས་བརྒྱད་ཁྲི་གཞི་སྟོང་སྤྲུལ་པ་གང་ཡིན་པ་དེ་ནི་བསམ་གཏན་གྱིའོ། ། འཁོར་བརྒྱད་པོ་རྣམས་ལ་དུས་སུ་ཆོས་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་རོལ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཏིང་དཔག་དཀའ་ 138a ༄#། །བའི་ཕ་རོལ་ཏུ་ཕྱིན་པ་དྲུག་གང་ཞེ་ན། །སྤྱོད་པ་ལ་ཚང་གཟུང་བར་མི་ནུས་པ་གང་ཡིན་པ་དེ་ནི་སྦྱིན་པའི་འོ། །སངས་རྒྱས་བཅོམ་ལྡན་འདས་ལ་བསྙེན་པར་དཀའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསམ་པ་ཆུད་མི་ཟ་ཞིང་འཛིན་པ་ལ་ཕ་རོལ་གནོན་པ་ནི། དཔེར་ན། གནོད་སྦྱིན་འདུལ་ཞིང་གླང་པོ་ཆེ་ནོར་སྐྱོང་དང ། །སྦྲུལ་གདུག་པ་བཏུལ་ནས་འདི་ལྟར་མི་འཇིགས་པ་སྦྱིན་ནོ། ཞེས་ཚིག་གིས་སྨྲས་པ་ལྟ་བུ་གང་ཡིན་པ་དེ་ནི་བཟོད་པའི་འོ། །འོད་ཟེར་ཅན་དུ་མཽངྒལ་གྱི་བུ་ཆེན་པོའི་མ་བཏུལ་བ་དང ། ཚུར་གཤེགས་པ་ན་རྒྱལ་བུ་རྒྱལ་བྱེད་གྱི་ཚལ་ནང་དུ་ལྷུང་བཟེད་ཀྱི་ཆུ་ཕོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཤཱ་རིའི་བུས་སྨྲས་པ།་སེམས་བཞི་སྐྱེས་ནས་ཞིག་གོ་།སྨྲས་པ། ཚད་མེད་པ་དེ་ནི་བསམ་གཏན་གྱིའོ། །འདི་ལྟ་སྟེ། །དེ་བཞིན་གཤེགས་པས་ནམ་ཕྱེད་ན་འཕྲིན་ལས་མཛད་པར་གྱུར་པ་ནི་གནམ་ལྕགས་ཕབ་ཀྱང་གྲོང་ཁྱེར་གྱི་མ་དད་པ་རྣམས་བཏུལ་ནས་སང་ནི་ངེས་མངོན་པར་ཤེས་པ་དྲུག་གི་ཆོས་བཤད་པར་བྱའོ་ཞེས་པ་དེ་ནི་ཤེས་རབ་ཀྱི་སྟེ།་འདི་དག་ནི་གཏིང་དཔག་དཀའ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་དྲུག་ཚན་བཅོ་བརྒྱད་གང་ཞེ་ན། དེ་ལ་ཅ་ཅོ་མེད་ 138b པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟར་རྒྱ་ཆེར་སྟོན་པ་དེ་ནི་སྦྱིན་པའི་འོ། །འོད་མངོན་པར་འདུ་བྱེད་པ་རྣམ་པ་གསུམ་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་གྱི་རྒྱུད་དག་ལ་གནོད་སེམས་མེད་པ་གང་ཡིན་པ་དེ་ནི་བཟོད་པའི་འོ། །བསམ་པ་ཇི་ལྟ་བ་བཞིན་ཚིམ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། ། སྦྲང་མའི་སྦྲང་རྩི་མྱོང་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །རྗེས་སུ་ཆགས་པ་དང ། ཁོང་ཁྲོ་བ་དང་བྲལ་བར་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཅ་ཅོ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསྙེལ་བ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དྲན་པ་རྒྱུན་མི་ཆད་པ་གང་ཡིན་པ་དེ་ནི་སྦྱིན་པའི་འོ། ། ཇི་ལྟ་བ་བཞིན་ཡོངས་སུ་བསྔོ་བའི་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱོར་བ་ཁ་ན་མ་ཐོ་བ་མེད་པ་གང་ཡིན་པ་དེ་ནི་བཟོད་པའི་འོ། །ཆོས་ཐམས་ཅད་མངོན་པར་གོ་བར་མཛད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་གསུམ་དུ་མ་བསྙེལ་བ་གང་ཡིན་པ་དེ་ནི་བསམ་གཏན་གྱིའོ། །གསུང་རབ་མ་བསྙེལ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདེ་དག་ནི་བསྙེལ་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ལ་ 139a ༄#། །སྐྱེ་བ་མེད་པར་མཚུངས་པ་གང་ཡིན་པ་དེ་ནི་སྦྱིན་པའི་འོ། །ཞེན་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕྲད་པས་ཆོག་ཤེས་པ་གང་ཡིན་པ་དེ་ནི་བཟོད་པའི་འོ། །གཞན་ལ་ཕན་པ་རྣམ་པར་དཔྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཚར་བཅད་ཅིང་ཀུན་ཏུ་འཛིན་པ་ཉེ་བར་སྒྲུབ་པ་གང་ཡིན་པ་དེ་ནི་བསམ་གཏན་གྱིའོ། །དུས་ཐམས་ཅད་དུ་བསམ་པ་ཇི་ལྟ་བ་བཞིན་ལྷུན་གྱིས་གྲུབ་པར་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སེམས་མཉམ་པར་བཞག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སོ་སོར་མ་བརྟགས་པའི་བཏང་སྙོམས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་པ་གྲུབ་པ་བཏང་སྙོམས་པ་གང་ཡིན་པ་དེ་ནི་སྦྱིན་པའི་འོ། །ཕ་རོལ་པོ་གཞན་ལ་རག་ལས་པ་ལ་བཏང་སྙོམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྙིང་རྗེའི་ཡོ་བྱད་བཏང་སྙོམས་པ་ནི།་དཔེར་ན་བྱང་ཆུབ་ཀྱི་སྙིང་པོ་ལྟ་བུ་གང་ཡིན་པ་དེ་ནི་བཟོད་པའི་འོ། །ཐམས་ཅད་བཏང་སྙོམས་མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་སྟོན་པ་ན་བཏང་སྙོམས་བ་གང་ཡིན་པ་དེ་ནི་བསམ་གཏན་གྱིའོ། །ཆོས་བཤད་པ་བྱས་ནས་ལུས་ཀྱིས་གདམས་ངག་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ 139b ཕྱིན་པ་སྟེ། །འདི་དག་ནི་སོ་སོར་མ་བརྟགས་པའི་བཏང་སྙོམས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཐ་དད་པ་མེད་པའི་ཕ་རོལ་ཏུ་ཕྱིན་པ་དྲུག་དང་ཞེ་ན། །ཐ་དད་པའི་འདུ་ཤེས་ཀྱིས་མི་སྐྱེ་བ་གང་ཡིན་པ་དེ་ནི་སྦྱིན་པའི་འོ། །དེ་བཞིན་ཉིད་དུ་འདུ་ཤེས་པས་ཕྱིན་ཅི་མ་ལོག་པར་སྐྱེ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡོད་པ་མ་ཡིན་པའི་འདུ་ཤེས་གང་ཡིན་པ་དེ་ནི་བཟོད་པའི་འོ། །བདག་གི་ལུས་དང་གཞན་གྱི་ལུས་ལ་འཁྲུལ་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་ཤེས་པ་དང་ལྡན་པ་གང་ཡིན་པ་དེ་ནི་བསམ་གཏན་གྱིའོ། །ཐམས་ཅད་དེའི་ངོ་བོ་མ་ཡིན་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཐ་དད་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདུན་པ་ཡོངས་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཕ་རོལ་ལ་ཕན་པར་འདུན་པ་གང་ཡིན་པ་དེ་ནི་སྦྱིན་པའི་འོ། །བདག་ལ་ཕན་པར་འདུན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཀྱི་གཞི་ལ་འདུན་པ་གང་ཡིན་པ་དེ་ནི་བཟོད་པའི་འོ། །དུས་ཐམས་ཅད་དུ་འདུན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྲེད་པ་སྤོང་བ་ལ་འདུན་པ་གང་ཡིན་པ་དེ་ནི་བསམ་གཏན་གྱིའོ། །ཆོས་མཐོང་བ་ལ་འདུན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདུན་པ་ཡོངས་སུ་ཉམས་ 140a ༄#། །མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྩོན་འགྲུས་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཐམས་ཅད་དུ་སོང་བའི་བརྩོན་འགྲུས་གང་ཡིན་པ་དེ་ནི་སྦྱིན་པའི་འོ། །གཞན་དད་པར་འགྱུར་བའི་བརྩོན་འགྲུས་གང་ཡིན་པ་དེ་ནི་ཚུལ་ཁྲིམས་ཀྱིའོ། །གདུལ་བའི་དུས་ལ་སྡོད་པ་གང་ཡིན་པ་དེ་ནི་བཟོད་པའི་འོ། །ཆོས་ལྟ་བ་མི་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡིག་འབྲུ་སྟོན་པ་ཟད་མི་ཤེས་པ་གང་ཡིན་པ་དེ་ནི་བསམ་གཏན་གྱིའོ། །དོན་མ་གཏུགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་དྲན་པ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དྲན་པ་ལ་རྙོག་པ་མེད་པའི་དྲན་པ་གང་ཡིན་པ་དེ་ནི་སྦྱིན་པའི་འོ། །ཐག་རིང་པོ་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིགས་པ་ཇི་ལྟ་བ་བཞིན་དྲན་པ་གང་ཡིན་པ་དེ་ནི་བཟོད་པའི་འོ། །མོས་པ་ཇི་ལྟ་བ་བཞིན་དྲན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འཇུག་པར་བྱེད་པའི་དྲན་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་གཅོད་པའི་དྲན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ 140b དྲན་པ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཏིང་ངེ་འཛིན་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚད་མེད་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་སྤོང་བ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་དག་ནི་ཚུལ་ཁྲིམས་ཀྱིའོ། །དྲན་པ་ཉེ་བར་གཞག་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བཟོད་པའི་འོ། །རྫུ་འཕྲུལ་གྱི་རྐང་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བསམ་གཏན་གྱིའོ། །བདེན་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཤེས་རབ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབང་པོ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་སྦྱིན་པའི་འོ། །སྟོབས་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱང་ཆུབ་ཀྱི་ཡན་ལག་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བཟོད་པའི་འོ། །ལམ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བརྩོན་འགྲུས་ཀྱིའོ། ། 141a ༄#། །རྟེན་ཅིང་འབྲེལ་པར་འབྱུང་བ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བསམ་གཏན་གྱིའོ། །སྟོབས་བཅུ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཤེས་རབ་ཡོངས་སུ་ཉམས་བ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྣམ་པར་གྲོལ་བ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་ཉམ་ཆུང་བ་ཡོངས་སུ་ཉམས་པ་མེད་པ་གང་ཡིན་པ་དེ་ནི་སྦྱིན་པའི་འོ། །ཚོགས་ཀྱི་ནང་ན་གནས་པས་ཡོངས་སུ་ཉམས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མ་འདྲེས་པར་གནས་པས་ཡོངས་སུ་ཉམས་པ་མེད་པ་གང་ཡིན་པ་དེ་ནི་བཟོད་པའི་འོ། ། གཞན་ཀྱི་གནས་ཐོབ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཟད་པ་ཤེས་པས་ལེགས་པར་བྱས་པ་གང་ཡིན་པ་དེ་ནི་བསམ་གཏན་གྱིའོ། །མི་སྐྱེ་བ་ཤེས་པས་བག་ཆགས་དང་བྲལ་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་རྣམ་པར་གྲོལ་བ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ ། དེ་ལ་རྣམ་པར་གྲོལ་བའི་ཡེ་ཤེས་མཐོང་བ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བསམ་པ་ཇི་ལྟ་བ་བཞིན་རྣམ་པར་གྲོལ་བ་ཡེ་ཤེས་མཐོང་བ་གང་ 141b ཡིན་པ་དེ་ནི་སྦྱིན་པའི་འོ། །སྡོམ་པ་མེད་པར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདོད་པར་འགྱུར་བ་མཐོང་བ་གང་ཡིན་པ་དེ་ནི་བཟོད་པའི་འོ། །ས་དང་ས་པ་ཡིན་པའི་འབྲས་བུ་རྣམ་པར་གཞག་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་རྣམ་པར་བཞག་པ་ལ་མི་སློབ་པ་གང་ཡིན་པ་དེ་ནི་བསམ་གཏན་གྱིའོ། ། ཆོས་གོས་ཀྱི་ཐ་མས་ཁྱེར་བ་ན་ཡོངས་སུ་ཉམས་པ་མེད་པའི་ཤེས་རབ་རྣམ་པར་གྲོལ་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་རྣམ་པར་གྲོལ་བའི་ཡེ་ཤེས་མཐོང་བ་ཡོངས་སུ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལུས་ཀྱི་ལས་ཡེ་ཤེས་ཀྱིས་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ལུས་ཀྱི་ལས་མ་འཁྲུལ་པ་གང་ཡིན་པ་དེ་ནི་སྦྱིན་པའི་འོ། །ལུས་ཀྱི་ལས་ངེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བག་ཆགས་ཀྱིས་འགྱུར་བ་མེད་པ་གང་ཡིན་པ་དེ་ནི་བཟོད་པའི་འོ། །གཅིག་ཏུ་དགེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བོ་མང་པོ་ལ་རྣམ་པར་སྨིན་པ་གང་ཡིན་པ་དེ་ནི་བསམ་གཏན་གྱིའོ། ། ལུས་ཀྱི་རྫུ་འཕྲུལ་གྱིས་གདམས་ངག་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ལུས་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གོ ། 142a ༄#། །དེ་ལ་དག་གི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ངག་འཁྲུལ་པ་མེད་པར་འབྱུང་བ་གང་ཡིན་པ་དེ་ནི་སྦྱིན་པའི་འོ། །ཐམས་ཅད་དུ་སོང་བའི་དབྱངས་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་དགའ་བར་འགྱུར་བ་གང་ཡིན་པ་དེ་ནི་བཟོད་པའི་འོ། །ཀུན་ཏུ་སྒྲོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མོས་པར་འབྱུང་བ་གང་ཡིན་པ་དེ་ནི་བསམ་གཏན་གྱིའོ། །རེ་བ་ལ་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ངག་གི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་ཀྱི་ལས་རང་བཞིན་གྱིས་རྒྱུན་མི་ཆད་པ་གང་ཡིན་པ་དེ་ནི་སྦྱིན་པའི་འོ། །རྗེས་སུ་ཆགས་པ་པ་དང་ཁོང་ཁྲོ་བ་སྤོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སོ་སོར་བརྟགས་པ་སྒྲུབ་པ་གང་ཡིན་པ་དེ་ནི་བཟོད་པའི་འོ། །ངའོ་སྙམ་པའི་ང་རྒྱལ་སྤོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །གཏི་མུག་དང་བྲལ་བ་གང་ཡིན་པ་དེ་ནི་བསམ་གཏན་གྱིའོ། །ཚད་མེད་པས་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ 142b ཕྱིན་པ་དྲུག་གོ་།དེ་ལ་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཁམས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ཕུང་པོ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་མཆེད་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ལས་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉོན་མོངས་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །སེམས་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མ་འོངས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འགྲོ་བར་ཐ་དད་པར་རྟོག་པ་གང་ཡིན་པ་དེ་ནི་སྦྱིན་པའི་འོ། །ལྟ་བ་ཐ་དད་པར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གང་ཟག་ཐ་དད་པར་རྟོག་པ་གང་ཡིན་པ་དེ་ནི་བཟོད་པའི་འོ། ། སྦྱོར་བ་ཐ་དད་པར་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་ཐ་དད་པར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་སྨིན་པ་ཐ་དད་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་མ་འོངས་པའི་དུས་ལ་མ་ཐོགས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ད་ལྟར་བྱུང་བའི་དུས་ལ་ 143a ༄#། །མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ད་ལྟར་བྱུང་བའི་དུས་ཀྱི་བྱ་བ་ཤེས་པ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདོད་ཆགས་དང་བྲལ་བར་མཐོང་བ་གང་ཡིན་པ་དེ་ནི་བཟོད་པའི་འོ། །འགོག་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་སུམ་དུ་བྱ་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །འདུས་བྱས་དང་འདུས་མ་བྱས་ལ་ཆུད་ཟ་པ་མེད་པ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ད་ལྟར་བྱུང་བའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མཁས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཐབས་མཁས་པས་དཔྱོད་པ་གང་ཡིན་པ་དེ་ནི་སྦྱིན་པའི་འོ། །སྐྱོན་དང་བྲལ་བར་སྦྱོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡོངས་སུ་བསྔོ་བ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ཀྱི་མོས་པ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །བདེ་བ་ཚད་མེད་པ་ལ་འཇུག་བ་ཐོབ་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ 143b སྟེ།་འདི་དག་ནི་མཁས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཇི་ལྟ་བ་བཞིན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། །ཆོས་ཐམས་ཅད་མཉམ་པ་ཉིད་དུ་སྦྱོར་བ་ལ་ཐོགས་པ་མེད་པའི་ཡེ་ཤེས་གང་ཡིན་པ་དེ་ནི་སྦྱིན་པའི་འོ། །དངོས་པོ་བརྒྱད་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྟ་བ་གསལ་བར་མཐོང་བ་གང་ཡིན་པ་དེ་ནི་བཟོད་པའི་འོ། །གདུལ་བར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་སྒྲུབ་པ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །བརྡ་ལ་ངེས་པའི་ཚིག་འཇུག་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། །འདི་དག་ནི་ཇི་ལྟ་བ་བཞིན་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རང་བཞིན་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན།་མི་དམིགས་པས་ཡོངས་སུ་བསྔོས་པའི་སྦྱིན་པ་ནི། དཔེར་ན་མར་མེ་མཛད་ལྟ་བུའི་གང་ཡིན་པ་དེ་ནི་སྦྱིན་པའི་འོ། །ལུས་ལ་མི་ལྟ་བ་ནི། དཔེར་ན་ཟླ་འོད་ཀྱིས་བདེན་པ་གང་གིས་ངའི་མི་གཅེས་སྨྲས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཐམས་ཅད་མཉམ་པ་ཉིད་དུ་མཐོང་བ་གང་ཡིན་པ་དེ་ནི་བཟོད་པའོ། །ལྗོངས་ཀྱི་ངེས་པའི་ཚིག་མཐོང་བར་ཁོང་དུ་ཆུད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྙིང་བརྩེ་བ་མི་གཏོང་བར་མཐོང་པ་གང་ཡིན་པ་དེ་ནི་བསམ་གཏན་གྱིའོ། །གཉིས་སུ་ 144a ༄#། །མེད་པས་གནས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། །འདི་དག་ནི་རང་བཞིན་མཐོང་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་འདོད་པ་ན་སྤྱོད་པའི་ལས་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པ་ན་སྤྱོད་པའི་ལས་དམན་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །འབྲིང་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆེན་པོ་མཐོང་བ་གང་ཡིན་པ་དེ་ནི་བཟོད་པའི་འོ། །ལས་ཟད་བར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ལས་ཟད་པར་སྦྱོར་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལས་ཟད་པར་སྦྱོར་བའི་མི་སྐྱེ་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་འདོད་པ་ན་སྤྱོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གཟུགས་ཀྱི་རྣམ་པར་སྨིན་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །གཟུགས་ཀྱི་རྒྱུ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བའི་ལས་མཐོང་བ་གང་ཡིན་པ་དེ་ནི་བཟོད་པའི་འོ། །སྐྱེ་བའི་ལས་ཀྱི་རྣམ་པར་རྟོག་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པར་སྨིན་པ་གསལ་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །དམན་པ་དང་དམན་པ་མ་ཡིན་པར་ 144b མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གཟུགས་མེད་པའི་སྙོམས་པར་འཇུག་པའི་ས་ཡོངས་སུ་དག་པ་གང་ཡིན་པ་དེ་ནི་སྦྱིན་པའི་འོ། །རྣམ་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དམིགས་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །དམིགས་པ་མཉམ་པ་ཉིད་གང་ཡིན་པ་དེ་ནི་བརྩོན་འགྲུས་ཀྱིའོ། །དམིགས་པ་ཤིན་ཏུ་སྦྱངས་པ་གང་ཡིན་པ་དེ་ནི་བསམ་གཏན་གྱིའོ། །ཐ་དད་པ་མེད་པར་སྟོན་པར་མཐོང་བ་ནས་ངེས་པར་འབྱུང་བ་མཐོང་བའི་བར་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ། དེ་ལ་དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གང་ཞེ་ན། དཀར་པོ་རྣམ་པར་མཐོང་བའི་ས་ལ་རེ་བ་མེད་པ་གང་ཡིན་པ་དེ་ནི་སྦྱིན་པའི་འོ། །མཚན་མ་མེད་པར་བ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པ་གང་ཡིན་པ་དེ་ནི་བཟོད་པའི་འོ། །རྣམ་པར་ལྟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་དུ་འཕེལ་པ་གང་ཡིན་པ་དེ་ནི་བསམ་གཏན་གྱིའོ། །དཀར་པོ་རྣམ་པར་མཐོང་བའི་ས་ལ་ཆོས་སུ་འདུ་ཤེས་ཤིང་སེམས་ཅན་གྱི་འདུ་ཤེས་མེད་པ་གང་ཡིན་པ་ 145a ༄#། །དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིགས་ཀྱི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན་རིགས་ཀྱི་ཆོས་མཐོང་བ་གང་ཡིན་པ་དེ་ནི་སྦྱིན་པའི་འོ། །འབྲིང་པོ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྲེད་པར་མཐོང་བ་གང་ཡིན་པ་དེ་ནི། བཟོད་པའི་འོ། །རིགས་ལས་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རིགས་ཡོངས་སུ་རྫོགས་པ་གང་ཡིན་པ་དེ་ནི་བསམ་གཏན་གྱིའོ། །བརྒྱད་པའི་ཆོས་རབ་ཏུ་འཐོབ་པའི་སེམས་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རིགས་ཀྱི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བརྒྱད་པའི་ཆོས་ཀྱི་ཕ་རོལ་ཏུ་ཕྱིན་བ་དྲུག་གང་ཞེ་ན། བརྒྱད་པ་དད་པའི་རྗེས་སུ་འབྲང་བ་གང་ཡིན་པ་དེ་ནི་སྦྱིན་པའི་འོ། །བརྒྱད་པ་ཆོས་ཀྱི་རྗེས་སུ་འབྲང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བརྒྱད་པ་སྐྱེ་བ་གང་ཡིན་པ་དེ་ནི་བཟོད་པའི་འོ། །བརྒྱད་པ་དགྲ་བཅོམ་པ་སྟན་གཅིག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྒྱད་པ་རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་ལ་རབ་ཏུ་གནས་པ་དེ་ནི་བསམ་གཏན་གྱིའོ། །གཉི་གའི་ཆ་ལས་རྣམ་པར་གྲོལ་བ་གང་གིས་སོ་ 145b སོ་ཡང་དག་པར་རིག་སྒྲུབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་བརྒྱད་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྒྱུན་དུ་ཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྒྱུན་དུ་ཞུགས་པའི་ཆོས་ཀྱི་ལམ་ལ་རྟོག་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །རྣོ་བར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་ལྟར་ཐོགས་ན་ལན་བདུན་པ་གང་ཡིན་པ་དེ་ནི་བཟོད་པའི་འོ། །རིགས་ནས་རིགས་སུ་སྐྱེ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བར་ཆད་གཅིག་པ་གང་ཡིན་པ་དེ་ནི་བསམ་གཏན་གྱིའོ། །ཞུགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རྒྱུན་དུ་ཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལན་ཅིག་ཕྱིར་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལན་གཅིག་ཕྱིར་འོང་བ་ལ་ཉོན་མོངས་པ་ཆུད་པར་མཐོང་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །ཉོན་མོངས་པ་རྣོ་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལས་ཆུད་པར་མཐོང་བ་གང་ཡིན་པ་དེ་ནི་བཟོད་པའི་འོ། །ལས་ལ་སྲེད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བུལ་བ་ཉིད་དུ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལྷག་པར་སྲེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་ལན་ཅིག་ཕྱིར་འོང་ 146a ༄#། །བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕྱིར་མི་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པ་ན་སྤྱོད་པའི་འདོད་ཆགས་སྤོང་བ་གང་ཡིན་པ་དེ་ནི་སྦྱིན་པའི་འོ། །མི་ལྟ་བའི་སེམས་དང་དིའི་ངོ་བོ་མ་ཡིན་པ་དང ། ཕྱིར་མི་འོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྲིད་པ་བཟང་པོར་སྐྱེ་བ་གང་ཡིན་པ་དེ་ནི་བཟོད་པའི་འོ། །ཤིན་ཏུ་མཐོང་བར་སྐྱེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །འོག་མིན་དུ་སྐྱེ་བ་གང་ཡིན་པ་དེ་ནི་བསམ་གཏན་གྱིའོ། །སྐྱེས་བུ་དམ་པའི་འགྲོ་བ་དྲུག་གི་ཤེས་པ་ཐག་རིང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་ཕྱིར་མི་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་དགྲ་བཅོམ་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དགྲ་བཅོམ་པ་ཡོངས་སུ་ཉམས་པའི་ཆོས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ཡོངས་སུ་ཉམས་པ་མེད་པའི་ཆོས་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དད་པས་མོས་པ་གང་ཡིན་པ་དེ་ནི་བཟོད་པའི་འོ། །ཤེས་རབ་ཀྱིས་རྣམ་པར་གྲོལ་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལུས་ཀྱིས་མངོན་དུ་བྱེད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །གཉི་གའི་ཆ་ལས་རྣམ་པར་གྲོལ་བ་ལས་རྟོག་པ་གང་ཡིན་པ་དེ་ནི་ཤེས་རབ་ 146b ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དགྲ་བཅོམ་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རང་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རང་སངས་རྒྱས་ལ་ཡིད་བྱུང་བ་ཆུད་བར་མཐོང་བ་གང་ཡིན་པ་དེ་ནི་སྦྱིན་པའི་འོ། །ཡིད་བྱུང་ནས་འབྱོལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཅིག་བུལ་དགའ་བ་གང་ཡིན་པ་དེ་ནི་བཟོད་པའི་འོ། །ཐར་པ་ལ་དགའ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཞི་གནས་ལ་གནས་པ་གང་ཡིན་པ་དེ་ནི་བསམ་གཏན་གྱིའོ། །གཅིག་བུ་སྤོབས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རང་སངས་རྒྱས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་དྲུག་གང་ཞེ་ན། གཡོ་མེད་བེན་སྦྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །ལྷག་པའི་བསམ་པས་ཞུགས་པའི་སྦྱར་བ་ནི་དཔེར་ན། ངང་པའི་སྐྱེས་པའི་རབས་ལྟ་པུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཐམས་ཅད་སེམས་མཉམ་པ་ཉིད་གང་ཡིན་པ་དེ་ནི་བཟོད་པའི་འོ། །ཤེས་པ་ཐམས་ཅད་རྣམ་པར་དཔྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་གྱིས་བསྒྲགས་པ་ལས་བརྟེན་ནས་སྙོམས་པར་འཇུག་པ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བ་ན་ཡོངས་སུ་སྐྱོ་བ་མེད་པའི་ཤེས་པ་དང ། སེམས་ཅན་རྣམས་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟད་པ་ཤེས་ 147a ༄#། །པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟད་པ་ཤེས་པ་ལ་ཐོགས་པ་མེད་པར་སྦྱོར་བ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་ཆ་ཕྲ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཚན་ཉིད་མེད་པ་ལ་སྦྱོར་བ་གང་ཡིན་པ་དེ་ནི་བཟོད་པའི་འོ། །ཡོངས་སུ་གཅོད་པའི་དམིགས་པ་ལ་སྦྱོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མེ་ལྟ་བར་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །མི་ཤེས་པ་ཐམས་ཅད་དང་བྲལ་ཞིང་ཤེས་པ་ཐམས་ཅད་རབ་ཏུ་ཐོབ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཟད་པ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྲིད་པའི་རྩ་བ་དགུ་པོ་དག་མི་སྐྱེ་བར་ཤེས་པ་གང་ཡིན་པ་དེ་ནི་སྦྱིན་པའི་འོ། །གནོད་སེམས་ཀྱི་དངོས་པོ་དགུ་མི་སྐྱེ་བར་ཤེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་གྱི་ཆོས་མ་གཏུགས་པ་གང་ཡིན་པ་དེ་ནི་བཟོད་པའི་འོ། །རྣམ་པར་ཐར་པ་ཡོངས་སུ་མ་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མི་སློབ་པའི་ཤེས་པ་བཅུ་པོ་དག་མཐོང་བ་གང་ཡིན་པ་དེ་ནི་བསམ་གཏན་གྱིའོ། ། ཡོངས་སུ་གཅོད་པ་ལ་འགྱུར་བ་མེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་བྱིན་གྱི་ 147b རླབས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དམ་པའི་ཆོས་མ་ནུབ་ཀྱི་བར་དུ་ཆོས་ཐམས་ཅད་གནས་པ་དང ། བསྟན་པ་ལ་ཟང་ཟིང་གིས་མཆོད་པ་གང་ཡིན་པ་དེ་ནི་སྦྱིན་པའི་འོ། །བསྟན་པ་ཟིལ་གྱིས་མི་ནོན་པ་གང་ཡིན་དེ་ནི་ཚུལ་ཁྲིམས་ཀྱིའོ། །འཇིག་རྟེན་གྱི་རིགས་བཞི་དང་པར་བྱེད་པ་གང་ཡིན་པ་དེ་ནི་བཟོད་པའི་འོ། །མངོན་པར་བརྩོན་པ་འབྲས་བུ་དང་བཅས་པར་རྩོལ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་པ་དེས་པས་ཆོས་མངོན་པར་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་གྱི་ཆོས་ཐམས་ཅད་ཡོངས་སུ་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་བྱིན་གྱི་རླབས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་མིག་སྒྲུབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལྷའི་མིག་གིས་གཟུགས་ཅན་མཐོང་བ་གང་ཡིན་པ་དེ་ནི་སྦྱིན་པའི་འོ། །གཟུགས་ཅན་མ་།ཡིན་པ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྒྲོ་བཏགས་པ་མེད་པར་མཐོང་བ་གང་ཡིན་པ་དེ་ནི་བཟོད་པའི་འོ། །འཁོར་བའི་ཉེས་དམིགས་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ངེས་པར་འབྱུང་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། ། ཉེ་བར་ཞི་བ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་མིག་སྒྲུབ་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ལྷའི་རྣ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྒྲ་ཆེ་བ་ཉན་པ་ 148a གང་ཡིན་པ་དེ་ནི་སྦྱིན་པའི་འོ། །སྒྲ་ཆུད་པ་ཉན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱམས་པ་ཐམས་ཅད་ཡོངས་སུ་རྫོགས་པ་གང་ཡིན་པ་དེ་ནི་བཟོད་པའི་འོ། །ཐབས་ཀྱི་ཚིག་སྦྱིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འདུ་བྱེད་རྣམས་ཐོས་ནས་ཀུན་དུ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །སྒྲ་ཐམས་ཅད་དཔྱོད་པ་ལ་འཇུག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་རྣ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སེམས་ཀྱི་རྣམ་གྲངས་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན།་སེམས་ཀྱི་རང་བཞིན་མཐོང་བ་གང་ཡིན་པ་དེ་ནི་སྦྱིན་པའི་འོ། །སེམས་ལ་དགེ་བ་དང་མི་དགེ་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་གྱི་རྒྱུ་དང་རྐྱེན་མཐོང་བ་གང་ཡིན་པ་དེ་ནི་བཟོད་པའི་འོ། །འདས་པ་དང ། མ་འོངས་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ད་ལྟར་འབྱུང་བ་ལ་མཉམ་པ་ཉིད་དུ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ཐམས་ཅད་དུ་རྒྱུ་བར་མཐོང་བ་གང་ཡིན་པ་དེ་ནི་ཤེས་བར་ཀྱི་སྟེ། འདི་དག་ནི་སེམས་ཀྱི་རྣམ་གྲངས་ཤེས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྔོན་གྱི་གནས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྔོན་གྱི་གནས་ན་དབེན་པའི་དམིགས་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །སྐྱེ་བ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ 148b ཀྱིའོ། །འགྲོ་བར་འཇུག་པ་མེད་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །དེ་ལྟ་བུ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དེ་ལྟར་བདག་མེད་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །རྣམ་པས་ལུང་འབོག་པ་མཐོང་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྔོན་གྱི་གནས་ཀྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་རྫུ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྫུ་འཕྲུལ་གྱི་ཤུགས་རབ་ཏུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམིགས་པ་ཐ་དད་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་ལ་སྙིང་རྗེས་རྣམ་པར་འཕྲུལ་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡིད་ཀྱི་ལས་མི་ལྡོག་ཕ་གང་ཡིན་པ་དེ་ནི་བསམ་གཏན་གྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྫུ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཟག་པ་ཟད་པར་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པར་མཐོང་བ་གང་ཡིན་པ་དེ་ནི་སྦྱིན་པའི་འོ། །ཟག་པ་ཀུན་འབྱུང་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟག་པ་འགོག་པར་མཐོང་བ་གང་ཡིན་པ་དེ་ནི་བཟོད་པའི་འོ། །ཟག་པ་འགོག་པར་འགྱུར་བའི་ལམ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །འདི་ཉིད་དུ་ཟག་བ་བཅུ་མ་ལུས་པར་འགོག་པར་ལྟ་པ་གང་ཡིན་པ་དེ་ནི་ 149a ༄#། །བསམ་གཏན་གྱིའོ། །འདི་ཉིད་དུ་ཟག་པ་བཅོམ་ནས་མི་སྣང་བར་འགྱུར་བ་གང་ཡིན་པ་དང ། དེ་ལྟར་མཐོང་བ་གང་ཡིན་པ་དེ་ནི་ཤེས་རབ་གྱི་སྟེ། འདི་དག་ནི་ཟག་པ་ཟད་པ་ཤེས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་སྤྱོད་ལམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སྐྱེ་བོ་མང་པོ་དང་པར་བྱེད་པའི་སྤྱོད་ལམ་གང་ཡིན་པ་དེ་ནི་སྦྱིན་པའི་འོ། །ཀུན་ནས་མཛེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པར་བལྟས་པ་གང་ཡིན་པ་དེ་ནི་བཟོད་པའི་འོ། །གོམ་པ་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤྱོད་ལམ་མ་ཉམས་པ་གང་ཡིན་པ་དེ་ནི་བསམ་གཏན་གྱིའོ། །སྤྱོད་ལམ་མ་བཅོས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤྱོད་ལམ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཕན་པར་འདོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྤྱོད་པ་ཡང་པར་ཟང་ཟིང་ལེན་པ་གང་ཡིན་པ་དེ་ནི་སྦྱིན་པའི་འོ། །སེམས་ཅན་མ་རུངས་བ་དག་ལ་སྐྱབས་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མུ་སྟེགས་ཅན་རྣམས་ཀྱི་གནོད་པ་གཟོད་པ་གང་ཡིན་པ་དེ་ནི་བཟོད་པའི་འོ། །འདི་ལྟར་གདུལ་ཁའི་ཕྱིར་དགའ་བོ་ལྟའི་ནང་དུ་སོན་པ་དང ། འདི་ལྟར་པད་མའི་སྙིང་པོའི་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །གདུལ་བའི་ཕྱིར་བཟང་བརྩམས་སྒོམ་པ་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །འདི་ལྟར་ 149b ལྔ་པའི་ནང་ནས་ཀུན་ཤེས་སྙིང་རྗེས་ཉེ་བར་འོངས་ཏེ་ཆོས་བསྟན་པ་དང ། འདི་ལྟར་བདེན་པ་བལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཕན་པར་འདོད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཉོན་མོངས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉོན་མོངས་པས་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་སྦྱིན་པའི་འོ། །དབང་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གནོད་སེམས་མེད་པར་གནས་པ་གང་ཡིན་པ་དེ་ནི་བཟོད་པའི་འོ། །མོས་པ་ལ་ཡོན་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་པར་ཞེན་པ་མེད་པར་རྟག་ཏུ་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟར་འདོད་པ་བཞིན་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཉོན་མོངས་པ་ཡིད་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆེའི་འདུ་བྱེད་འདོར་བ་ལ་དབང་སྒྱུར་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེ་འདོར་བ་གང་ཡིན་པ་དེ་ནི་སྦྱིན་པའི་འོ། །བོར་ནས་གནས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཚམས་བཅད་པ་གང་ཡིན་པ་དེ་ནི་བཟོད་པའི་འོ། །ལྟ་བར་སོང་བའི་སྲིད་པ་ཐམས་ཅད་སྤངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་སྨིན་པར་བྱ་བའི་ཕྱིར་གཏང་བ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཡིན་བྱུང་པ་རྣམས་གདུལ་བའི་ཕྱིར་བཏང་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཚེའི་འདུ་བྱེད་འདོར་བ་ལ་དབང་སྒྱུར་བའི་ཕ་རོལ་ཏུ་ཕྱིན་པ་དྲུག་ 150a ༄#། །གོ་།དེ་ལ་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལེན་པ་མེད་པར་མྱ་ངན་ལས་འདས་པ་གང་ཡིན་པ་དེ་ནི་སྦྱིན་པའི་འོ། །སེམས་ཀྱིས་བྱིན་གྱིས་བརླབས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འོད་སྲུང་ཆེན་པོ་མཐོང་བར་སྒྲུབ་པ་གང་ཡིན་པ་དེ་ནི་བཟོད་པའི་འོ། །སྟོང་གསུམ་གཡོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ལ་འཇོག་པ་གང་ཡིན་པ་དེ་ནི་བསམ་གཏན་གྱིའོ། །རིང་བསྲེལ་སེལ་བུད་བླགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མྱ་ངན་ལས་འདས་པའི་ཕ་རོལ་ཏུ་ཕྱིན་པ་དྲུག་གོ་།དེ་ལ་ཆོ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྱོགས་ཐ་དད་པ་དག་ཏུ་སྐུ་གདུང་རྣམས་འཐོར་བ་གང་ཡིན་པ་དེ་ནི་སྦྱིན་པའི་འོ། །སྐུ་གདུང་གི་ཆོ་འཕྲུལ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་རྣམས་དང་བར་ཕྱེད་པ་གང་ཡིན་པ་དེ་ནི་བཟོད་པའི་འོ། །ཆོ་འཕྲུལ་ལ་ལྟ་རྣམས་སྤྲོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤུ་ཟིང་ཞེས་བྱེད་ཅིང་མཆི་མ་འཇོག་པ་གང་ཡིན་པ་དེ་ནི་བསམ་གཏན་གྱིའོ། །བདེན་པའི་ཆོག་གིས་རིང་བསྲེལ་ལས་ཆོ་འཕྲུལ་འབྱུང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོ་འཕྲུལ་གྱི་ཕ་རོལ་ཏུ་ཕྱིན་པ་དྲུག་གོ་།དེ་ལ་བསྟན་པ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། རྙེད་བ་རབ་ཏུ་ཐོབ་པ་གང་ཡིན་པ་དེ་ནི་སྦྱིན་ 150b པའི་འོ། །ཁ་ན་མཐོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །ཇི་ཙམ་དུ་ལྟ་དང་མིས་བསྟན་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདུད་ཀྱིས་བལྟར་མེད་པ་གང་ཡིན་པ་དེ་ནི་བསམ་གཏན་གྱིའོ། །བསྟན་པ་དང་བྲལ་བར་དགའ་ཞིང་དང་བཙམ་གྱིས་མཐར་གྱིས་ཡོངས་སུ་མྱ་ངན་ལས་འདས་པར་འགྱུར་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསྟན་པ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ་།དེ་ལ་རིང་བསྲེལ་རྣམ་པར་དབྱེ་བ་ཕ་རོལ་ཏུ་ཕྱིན་པ་དྲུག་གང་ཞེ་ན། རིང་བསྲེལ་རྣམས་ལ་ཡོ་བྱད་ཀྱིས་མཚེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་འོ། །སྐྱེ་བོ་མང་པོ་དད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིང་བསྲེལ་གྱི་མཆོད་རྟེན་གཟི་བྱིན་ཅན་གང་ཡིན་པ་དེ་ནི་བཟོད་པའི་འོ། །ལྷ་དང་མི་རྣམས་དགའ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རིང་བསྲེལ་གྱི་དམིགས་པ་ལས་སངས་རྒྱས་རྗེས་སུ་དྲན་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །རིང་བསྲེལ་ཚོལ་བས་སྤོབས་པ་ཡོངས་སུ་མ་ཉམས་པ་ཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རིང་བསྲེལ་རྣམ་པར་དབྱེ་པའི་ཕ་རོལ་ཏུ་ཕྱིན་པ་དྲུག་གོ་།དེ་དག་ལས་ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་འདོད་ཆགས་སྤྱོད་པ་རྣམས་ལ་ཆོས་བསྟན་པའོ། །ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་ཞེ་སྡང་སྤྱོད་པ་རྣམས་ལ་ 151a ༄#། །ཆོས་བསྟན་པའོ། །ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་གཏི་མུག་སྤྱོད་པ་རྣམས་ལ་ཆོས་བསྟན་པའོ། །ཕ་རོལ་ཏུ་ཕྱིན་པ་ཉིས་སྟོང་ཆིག་བརྒྱ་ནི་ཆ་མཉམ་པར་སྤྱོད་པ་རྣམས་ལ་ཆོས་བསྟན་པ་སྟེ། དེ་དག་ནི་ཕ་རོལ་ཏུ་ཕྱིན་པ་བརྒྱད་སྟོང་བཞི་བརྒྱ་འོ། །དེ་དག་གི་ཏིང་ངེ་འཛིན་ཀྱང་བརྒྱད་སྟོང་བཞི་བརྒྱའོ། །དེ་དག་གི་རྣམ་པ་ལ་འཇུག་པའང་སྟོང་སྟོང་སྟེ། རྣམ་པ་བརྒྱ་བརྒྱ་པོ་རེ་རེའི་སྟོང་སྟོང་པོ་དེས་ན། དེ་དག་གི་ཕ་རོལ་ཏུ་ཕྱིན་པ་བརྒྱད་ཁྲི་བཞི་སྟོང་ཞེས་བྱའོ། །དེ་དག་གི་ཏིང་ངེ་འཛིན་བརྒྱད་ཁྲི་བཞི་སྟོང་སྒྲུབ་པར་བྱེད་པ་ནི་བདག་ལ་ཕན་པར་བརྩོན་པ་ཞེས་བྱའོ། །གཟུངས་བརྒྱད་ཁྲི་བཞི་སྟོང་ནི་གཞན་ས་ཕན་པར་བརྩོན་པ་སྟེ། ཐམས་ཅད་མཁྱེན་པ་ཉིད་ཀྱི་ཕྱིར་དེ་ནི་སངས་རྒྱས་ཀྱི་བྱང་ཆུབ་པོ། །མཆོག་ཏུ་དགའ་བའི་རྒྱལ་པོ།་ངེས་བྱང་ཆུབ་ཀྱི་སྙིང་པོར་བདུད་པ་ཏུལ་ཏེ་བྱང་ཆུབ་མངོན་པར་རྫོགས་པར་སངས་རྒྱས་ནས་དེ་ཆོས་ལ་དགའ་བའི་རྣམ་པར་སྨིན་པས་ཞག་བདུན་གྱི་བར་དུ་དཀྱིལ་མོ་ཀྲུང་མ་བཤིག་པར་འདུག་པ་ལ་ཚངས་པས་ཀྱེ་མའོ་འཇིག་རྟེན་འདི་ན་ཆ་བ་འཚལ་ཏེ། འདི་ལྟར་དེ་བཞིན་གཤེགས་པས་ན་ཆོས་རྒྱ་ཆེན་པོ་འདི་ལྟ་བུ་མངོན་པར་རྫོགས་པར་སངས་རྒྱས་ཀྱང་ཐུགས་ལས་ཆུད་དུ་ལ་ཐུགས་མངོན་པར་གཞོལ་བར་མཛད་ཀྱི། ཆོས་བསྟན་པའི་སླད་དུ་ནི་མ་ལགས་སོ། །ཞེས་གསོལ་བ་བཏབ་བོ། །དེ་ནས་ང་བྱང་ཆུབ་ཀྱི་སྙིང་པོ་ལ་འཇུག་པའི་ 151b དཔལ་དང་གཟི་བརྗིད་དག་གནས་གཙང་མའི་རིས་ཀྱི་ལྷ་རྣམས་ཀྱིས་མཐོང་ངོ ། །ཁ་དོག་དང་ཚུལ་བཟང་པོ་དང ། ཁ་དོག་དུ་མ་སྣང་བ་དང ། སྐུ་དྲང་པོར་བཞུགས་པ་དང ། བཀྲ་ཤིས་པ་དང ། ཐ་དད་དུ་འགྲོ་བར་འོངས་པ་དང ། ཀུན་ནས་མཛེས་པ་དང ། ལེགས་པར་གནས་པ་དང ། འོད་ཀྱི་ཁ་དོག་མཆོག་དང་ལྡན་པ་དང ། བལྟ་ན་སྡུག་པ་དང ། བཀོད་པ་ཁྱད་པར་དུ་འཕགས་པ་དང ། འཇིག་རྟེན་ཐམས་ཅད་ལས་མངོན་པར་འཕགས་པ་དང ། བཀོད་པ་ཡིད་དུ་འོང་བ་དང ། ཡེ་ཤེས་ཀྱི་བདག་ཉིད་ཆེན་པོ་དང ། བལྟ་ན་དཀོན་པ་དང ། གཟི་བྱིན་མཐའ་ཡས་པ་དང ། སྙན་པར་གྲགས་པ་དང ། མཁྱེན་བཞིན་དུ་ཁ་དོག་མཛེས་པར་སྣང་བ་དག་ཀྱང་མཐོང་ནས་དེའི་ཚེ་སྤྱན་སྔར་འཁོད་དེ་ཞེས་དང་བཅས་པས་ཚིགས་སུ་བཅད་པ་འདི་དག་གསོལ་ཏོ། །བདུད་བཏུལ་ཉོན་མོངས་པ་དག་རྣམ་བཅོམ་ཞིང ། །སྟོང་གསུམ་པོའི་ས་གཞིག་ཡོ་མཛད་ལ། །ངན་སོང་ས་ཡི་སྡུག་བསྔལ་སྤངས་ནས་ཀྱང ། །བྱང་ཆུབ་ཤིང་དྲུང་བཞུགས་པ་ཀུན་དུ་མཛེས། །ལྷུན་པོ་རི་དང་འདྲ་བར་མི་གཡོ་བར། །དྲང་པོའི་སྐུ་ཡིས་བདེ་བར་བཞུགས་མཛད་ལ། །ཞིང་རྣམས་ཀུན་དུ་འོད་ཟེར་འགྱེད་མཛད་པ། །མགོན་པོ་ཤིང་དབང་དྲུང་ན་ལྷང་ངེར་བཞུགས། །སྐྱིལ་མོ་ཀྲུང་མཆོག་མཉམ་བཞག་དབང་པོ་ཡིས། །སེངྒེ་ལྟ་བུ་མི་གཡོ་བ་ཞུགས་མཛད་ཅིང ། །གོང་ན་མེད་པར་བདག་ཉིད་གཟིགས་པ་ན། །མགོན་པོ་རྒྱལ་བའི་གདན་ལ་ལྷང་དེར་བཞུགས། །ངན་ 152a ༄#། །སོང་སྲོག་ཆགས་སྡུག་བསྔལ་ཞེ་མཛད་ཅིང ། །མཐོ་རིས་ལམ་དག་རྒྱ་ཆེར་མཛད་པ་ན། །འཇིག་རྟེན་ལས་ནི་འདོད་པ་ཞི་མཛད་པ། །སཝ་ལའི་མཆོག་དབང་དྲུང་ན་ལྷང་དེར་བཞུགས། །སྦྱོར་མཉམ་མཉམ་པ་ཉིད་ཀྱིས་བཞུགས་མཛད་ཅིང ། །འཇིག་རྟེན་ཕན་པར་བདེན་ཚུལ་དགོངས་པ་པོ། །བདེན་པའི་དབང་ཕྱུག་བསྟན་པ་དགོངས་པ་ན། །མགོན་པོ་རྒྱལ་བའི་གདན་ལ་ལྷང་ངེར་བཞུགས། །དུས་གསུམ་ཆོས་ཀྱི་དེ་ཉིད་དགོངས་མཛད་ཅིང ། །འགྲོ་བ་ཚོགས་གསུམ་དག་ཏུ་མཛད་པ་ན། བསྟན་པ་དགོངས་ཚེ་དུས་ཤེས་འདི་དག་ནི། །ཐུགས་ཆུད་གསུང་པ་ཟླ་བ་ལྷང་དེར་བཞུགས། །སེམས་ཅན་མཁས་པ་འཇིག་རྟེན་དམ་པ་སྟེ། །སུམ་ཅུ་གཉིས་མཚན་ལྡན་པ་གཟུགས་མཆོག་མངའ། །དྲང་སྲོང་ཆེན་པོ་འཇིག་རྟེན་མི་སྡུག་པ། །ཚངས་པ་ཡི་ཆད་དངོས་ཀྱིས་ཉེར་མཆིས་ན། །མེ་གསུམ་ལྷུང་བའི་འཇིག་རྟེན་གཟིགས་སུ་གསོལ། །ཁྱོད་ཀྱིས་བྱང་ཆུབ་ཡན་ལག་གྲུས་བསྟན་གསོལ། །མགོན་པོ་བྱང་ཆུབ་ཡན་ལག་བདུན་སྟོན་པ། །ཁྱོད་གྱིས་བདུད་རྩིའི་ཆར་དབབ་དུས་འདི་ལགས། །འདུ་ཤེས་ལོག་པ་ལོང་བ་རབ་ཉམས་པའི། །སྐྱེ་རྒུ་བདུད་ལམ་གནས་པ་གཟིགས་སུ་གསོལ། །སྟོན་ཁྱོད་མིག་ལྡན་གཞན་དུ་མི་འགྱུར་བ། །ཁྱོད་ཀྱིས་དུས་འདིར་ཐུགས་ 152b རྗེ་བསྐྱེད་དུ་གསོལ། །མུ་སྟེགས་ངན་འགྲོ་གཡང་ས་ཆེན་པོ་ཡི། །སྲིད་པའི་རྒྱ་མཚོས་སྐྱེ་དགུ་འདི་ཁྱེར་རྣམས། །སེམས་ཅན་སྲིད་མཚོ་ལས་འདོན་འགྲོ་བའི་དོན། །མཛད་པས་བྱང་ཆུབ་ཡན་ལག་གྲུས་ཀྱང་བསྒྲལ། །འཇིག་ཚོགས་ལྟས་བཅིངས་སྐྱེ་དགུ་འདི་དག་རྣམས། །ལྟ་བས་གནོད་བྱས་སྲིད་པའི་ཁོལ་པོ་དག་།ཡུན་རིང་བགགས་པ་བཅིངས་ལས་ཐར་མ་མཆིས། །སེམས་ཅན་ཁ་སྒྱུར་ཅི་སླད་གྲོལ་མི་མཛད། །ཉོན་མོངས་དབང་གིས་ལོག་པར་རབ་བསོང་ལ། །ཡུན་རིང་གཉིད་ལོག་སྒྲིབ་པས་ཁེབས་པ་རྣམས། །ཚུལ་ཁྲིམས་བརྟུལ་ཤུགས་བསྟན་པའི་ཏིང་འཛིན་འཐོབ། །ཆོས་ཀྱི་རྔ་སྒྲ་ཅི་སླད་བསྒྲགས་མི་བགྱིད། །འཇིག་རྟེན་དག་ན་དབུལ་གྱུར་འགྲོ་བའི་རྣམས། །འགྲོ་ལྔ་རེ་ཐག་ཆང་སློང་ཞུགས་ལ། །ཁྱོད་ཀྱིས་ནོར་བདུན་དི་རིང་བསྙེས་གྱུར་པས། །མཆོད་སྦྱིན་དམ་པ་ཅི་སླད་དེ་མི་སྩལ། །བདུད་རྩི་མེད་པའི་སེམས་ཅན་སྟོང་པ་རྣམས། །དད་པ་ཕལ་ཆེན་ས་བོན་འཛིན་མཆིས་ན། །རྣམ་གྲོལ་གློག་དང་ཐུགས་རྗེའི་ཆར་སྤྲིན་ལས། །ཅི་སླད་བྱང་ཆུབ་ཡན་ལག་ཆང་མི་དབབ་།ཟུག་རྔུས་ཟུག་པའི་ནད་པ་ཁམས་གསུམ་ན། །ཉོན་མོངས་ཉམ་ཐག་ནང་སྙིང་ཟས་ཕོངས་ལ། །བྱང་ཆུབ་ཡན་ལག་སྨན་མཆོག་བརྙེས་པ་ཡིས། །ནད་པ་ཡུན་རིང་དེང་ཅི་གྲོལ་མི་མཛད། །མུན་པ་མུན་ནག་ཞུགས་པའི་འགྲོ་ 153a ༄#། །བ་རྣམས། །གཏི་མུག་བསྒྲིབས་པ་མྱ་ངན་ཆེན་པོའི་ནང ། །སྟོང་ཆེན་ཤེས་རབ་མར་མེས་མུན་ཆེན་པོ། །བཟོད་བརླག་ཅི་ཡི་སླད་དུ་སེལ་མི་མཛད། །འདམ་རྫབ་ཆུ་བོ་བཞིན་ཡོངས་སྐྱོ་བའི། །སྐྱེ་བོ་གཡང་ས་ཆེན་པོར་ལྷུང་འདི་དག་།ལྷར་བཅས་འཇིག་རྟེན་སྨན་སླད་ཐུགས་རྩེ་བའི། །མགོན་པོས་དེ་ནི་ཅི་སླད་གདོན་མི་བགྱི། །ལྟ་ལ་ཆགས་པའི་མུ་སྟེགས་ཕལ་ཆེན་གྱིས། །ལྷ་མི་ཀུན་ཏུ་གློངས་པར་མཆིས་རྣམས་ལ། །དྲང་པོ་མ་ཡོ་གྱོ་མེད་པ་དེ་བ་ཡིས། །ཅི་སླད་རིན་ཆེན་ལམ་དགང་མི་བསྟན། །མི་དབང་སེངྒེ་ལ་ནི་ཚངས་གསོལ་པས། །རྫོགས་སངས་རྒྱས་སྤྱན་འཇིག་རྟེན་གསུམ་ལ་གཟིགས། །གཟིགས་ནས་སེམས་ཅན་རྣམས་ལ་བརྩེ་བསྐྱེད་དེ། །ནད་མེད་ཆོས་ཀྱི་འཁོར་ལོ་བསྐོར་བར་གསོལ། །ལྷ་དེ་དག་གིས་ད་ལྟར་བརྟགས་ནས་ཀྱང ། །བྱང་ཆུབ་སྙིང་པོར་སེང་གདན་ང་འདུག་ལ། །བསྟོད་དེ་བསྟོད་ནས་དེ་ལྟར་དགའ་བས་དོང ། །ངས་ཀྱང་ཆོས་ཀྱི་འཁོར་ལོ་རབ་ཏུ་བསྐོར། །དེ་སྐད་ཅེས་བཀའ་སྩལ་པ་དང ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་ 153b དཔའ་ཆེན་པོའི་འཁོར་འདུས་པ་འདིའི་ནད་ན་ནི། གང་དག་ཏིང་ངེ་འཛིན་འདི་དང ། ཕ་རོལ་ཏུ་ཕྱིན་པ་ལ་འཇུག་པ་འདི་དང ། །ཏིང་ངེ་འཛིན་གྱི་སྒོ་ལ་འཇུག་པ་བརྒྱད་ཁྲི་བཞི་སྟོང་པོ་འདི་རྣམས་ཐོབ་པ་དག་མཆིས་ལགས་སམ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་འདུས་པ་འདིའི་ནད་ན་གང་དག་བསྐལ་པ་བཟང་པོ་འདི་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་བཞིན་གཤེགས་པ་བཞི་པོ་དག་མ་གཏོགས་པར་གང་དག་ཏིང་ངེ་འཛིན་འདི་དང ། ཕ་རོལ་ཏུ་ཕྱིན་པ་ལ་འཇུག་པར་དི་དག་དང ། ཏིང་ངེ་འཛིན་གྱི་སྒོ་འཇུག་པ་བརྒྱད་ཁྲི་བཞི་སྟོང་པོ་འདི་དག་ཐོབ་པ་གང་དག་བསྐལ་པ་བཟང་པོ་འདི་ལ་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཡོད་དོ། །དེ་སྐད་ཅེས་བཀའ་སྩལ་པ་དང ། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ལེགས་སོ། ལེགས་སོ། །བཙུན་པ་བཅོམ་ལྡན་འདས་ཀྱིས་སྐྱེ་བོ་མང་པོ་ལ་སྨན་པ་དང ། །སྐྱེ་བ་མང་པོ་ལ་བདེ་བ་དང ། འཇིག་རྟེན་ལ་ 154a ༄#། །ཐུགས་བརྩེ་བ་དང ། ལྷ་དང ། མི་རྣམས་ཀྱི་དོན་དང ། སྨན་པ་དང ། བདེ་བ་དང ། དམ་པའི་ཆོས་ཡོངས་སུ་གཟུང་བ་དང ། དམ་པའི་ཆོས་ཡུན་རིང་དུ་གནས་པར་བགྱི་བ་དང ། མ་འོངས་པ་ན་བྱང་ཆུབ་སེམས་དཔའ་རྣམས་ལ་སྣང་བ་བགྱིད་པར་འགྱུར་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སླད་དུ་སྤྱོད་པ་ན་སྒྱིད་ལུག་པར་མི་འགྱུར་བའི་སླད་དུ་བྱང་ཆུབ་སེམས་དཔའ་དེ་དག་གི་རིགས་དང ། མིང་དེ་དག་བཀའ་སྩལ་དུ་གསོལ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། དེའི་ཕྱིར་ཁྱོད་ལགས་པར་རབ་ཏུ་ཉོན་ལ་ཚུལ་བཞིན་ཡིད་ལ་ཟུངས་ཤིག་དང་བཤད་དོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས། དེ་ལྟ་ལེགས་སོ། ཞེས་གསོལ་ནས་བཅོམ་ལྡན་འདས་ཀྱི་ལྟར་ཉན་པ་དང ། བཅོམ་ལྡན་འདས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་དང ། བྱང་ཆུབ་སེམས་དཔའ་དེ་དག་གི་མིང་ཚིགས་སུ་བཅད་དེ་བཀའ་སྩལ་པ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ 154b དགུ་པ།་འཁོར་བ་འཇིགས་དང་གསེར་ཐུབ་དང ། །འོད་སྲུང་ཤཱཀྱའི་སྐྱེས་མཆོག་དང ། །བྱམས་པ་སེངྒེ་རབ་གསལ་དང ། །ཐུབ་པ་མེ་ཏོག་ཅེས་བྱ་དང ། །མེ་ཏོག་རྒྱུ་སྐར་བཟང་དེད་དཔོན། །ལག་ཆེན་དང་ནི་སྟོབས་ཆེན་དང ། །རྒྱུ་སྐར་རྒྱལ་པོ་རྩི་སྨན་དང ། །སྙན་པ་ཏོག་དང་འོད་ཆེན་དང ། །གྲོལ་བའི་ཕུང་པོ་ཞེས་བྱ་བའི། །སངས་རྒྱས་ཀྱི་ནི་སྡེ་ཚན་རྫོགས། །རྣམ་པར་སྣང་མཛད་ཉི་མའི་སྙིང ། །ཟླ་བ་འོད་འཕྲོ་འོད་བཟངས་དང ། །མྱ་ངན་མེད་དང་སྐར་རྒྱལ་དང ། །རབ་གསལ་ཕྲེང་ཐོགས་ཡོན་ཏན་འོད། །དོན་གཟིགས་དང་ནི་མར་མེ་དང ། །མཐུ་ལྡན་སྨན་པ་དེས་པ་དག་།མཛོད་སྤུ་བརྟན་ལྡན་ལྟ་ཡི་དཔལ། །གདུལ་དཀའ་ཡོན་ཏན་རྒྱལ་མཚན་དང ། །སྒྲ་གཅན་ཚོགས་ལྡན་ཚངས་པའི་དབྱངས། །ཚིགས་བརྟན་དང་ནི་སྨི་འགྱིང་དང ། །འོད་མཛད་ལྷུན་པོ་ཆེན་པོ་དང ། །རྡོ་རྗེ་སྡོམ་ཅན་མི་བསྙེངས་དང ། །རིན་ཆེན་པད་སྤྱན་སྟོབས་སྡེ་དང ། །མེ་ཏོག་འོད་གཟེར་ཡེ་ཤེས་དགྱེས། །གཟི་ཆེན་ཚངས་པ་འོད་དཔག་མེད། །ཀླུ་སྦྱིན་དང་ནི་བརྟན་གཤེགས་དང ། །དོན་ཡོད་མཐོང་དང་བརྩོན་འགྲུས་སྦྱིན། །བཟང་སྐྱོང་དགའ་བོ་འཆི་མེད་དང ། །སེངྒེའི་རྒྱལ་མཚན་རྒྱལ་བ་ཆོས། །མཆོག་དགའ་རྒྱལ་པོ་ཁ་ལོ་སྒྱུར། །དགྱེས་གཤེགས་ཆུ་ལྷ་ཡོན་ཏན་ལག་།སྤོས་ཀྱི་གླང་པོ་རྣམ་པར་གཟིགས། །འབྲུག་སྒྲ་དང་ནི་ལེགས་སེམས་དང ། །ཡིད་བཟངས་དྲི་མེད་ཟླ་བ་དང ། །གྲགས་ཆེན་གཙུག་ན་ནོར་བུ་དང ། །དྲག་ཤུལ་སེངྒེའི་སྟོབས་ལྗོན་པ། ། 155a ༄#། །རྣམ་པར་རྒྱལ་ཆེན་ཤེས་རབ་བརྩེགས། །ལེགས་གནས་བློ་གྲོས་ཡན་ལག་སྐྱེས། །བློ་མཐའ་ཡས་དང་གཟུགས་བཟང་དང ། །མཁྱེན་ལྡན་འོད་ཟེར་བརྟུལ་ཞུགས་བརྟན། །བཀྲ་ཤིས་དང་ནི་བདེན་པའི་ཏོག་།པད་མ་དང་ནི་སྲེད་མེད་བུ། །ལག་བཟངས་ཡེ་ཤེས་འབྱུང་གནས་དང ། །ཡོན་ཏན་འོད་ནི་འཕྲོ་བ་ཡིན། །ཚངས་བྱིན་རིན་ཆེན་འབྱུང་གནས་ལྟའི་མེ་ཏོག་དང ། །དོན་ལེགས་སེམས་དང་ཆོས་ཀྱི་དབང་ཕྱུག་བློ་གྲོས་པ། །སྤོབས་པ་དག་ནི་བརྩེགས་པ་རྡོ་རྗེའི་རྒྱལ་མཚན་དང ། །བཅུ་པ་སྟོབས་བཅུར་ལྡན་པར་ཕན་པར་བཞེད་པ་ཡིན། །རྣམ་པར་རོལ་པར་ལྡན་དང་མུན་དང་བྲལ་བ་སྒྲ་གཅན་ལྷ། །རི་བོའི་རྒྱལ་ཚོགས་ཅན་འོད་དང་དེ་བཞིན་རིན་ཆེན་སྙིང ། །ཤིན་ཏུ་མཐོར་གཤེགས་དང་ནི་རྒྱལ་བ་སྐར་རྒྱལ་རུ་རིང་དང ། །བཅུ་པ་ཁམས་གསུམ་མགོན་པ་ཡོན་ཏན་གྲགས་ཤེས་བྱ་བ་ཡིན། །ཉི་ཟླ་ཉི་མའི་འོད་དང་སྐར་མཁན་སེངྒེའི་ཏོག་དང་ནི། །དུས་མཁྱེན་རྒྱལ་པོ་དཔལ་གྱི་སྙིང་པོ་སྲིད་མཐའ་གཟིགས་པ་དང ། །གློག་གི་འོད་དང་གསེར་གྱི་རི་བོ་སེངྒེས་བྱིན་པ་དང ། །བཅུ་པ་མི་དབང་རྒྱལ་བ་གཞན་གྱིས་མི་ཐུབ་རྒྱལ་མཚན་ཡིན། །མཆོག་དགའ་གྲགས་པ་བརྩོན་འགྲུས་བརྟན་པ་དང་ནི་གྲགས་རྫོགས་དང ། །བསྙེངས་བྲལ་དང་ནི་མཆོད་འོས་ལྷ་དང་སྒྲོན་མ་ཆེན་པོ་དང ། །འཇིག་རྟེན་འོད་དང་སྤོས་དྲི་ཞིམ་དང་ཡོན་ཏན་མཆོག་ 155b འཛིན་དང ། །བཅུ་པ་རང་བྱུང་མཚུངས་མེད་མུན་དང་རྣམ་པར་བྲལ་བ་ཡིན། །སེངྒེའི་འགྲམ་པ་དང་ནི་རིན་ཆེན་གྲགས་དང་སྐྱོན་རབ་ཞི། །བདུད་རྩི་འཆང་དང་མི་ཡི་ཟླ་བ་དང་ནི་ཤིན་ཏུ་གཟིགས། །རབ་ཏུ་བརྒྱན་དང་ནོར་བུ་འོད་དང་རི་བོ་བརྩེགས་པའི་ཏོག་།བཅུ་པ་ཆོས་ཀྱི་འབྱུང་གནས་དོན་ངེས་ལྡན་པ་ཡིན། །ཆོས་སྦྱིན་དང་ནི་རིན་ཆེན་འབྱུང་གནས་སྐྱེ་དབང་མཚུངས། ། སྟབས་ཀྱིས་གཤེགས་པ་དང་ནི་བློ་གནས་པ་དང་གདུགས་མཛེས་དང ། །གཙོ་བོ་དང་ནི་ཤིན་ཏུ་འཕགས་དཔལ་སེངྒེའི་སྒྲ། །བཅུ་པ་སྐྱེས་བུ་གཙོ་བོ་རྣམ་པར་རོལ་ལྡན་ཡིན། ། ཀླུ་ཡི་འོད་དང་མེ་ཏོག་རི་བོ་གང་ནི་ཀླུ་དགའ་དང ། །སྤོས་ཀྱི་དབང་ཕྱུག་ཤིན་ཏུ་གྲགས་དང་སྟོབས་ལྷ་ཞེས་བྱ་དང ། །ཡོན་ཏན་ཕྲེང་བར་ལྡན་དང་ཀླུ་ཡི་ལག་དང་མིག་བརྒྱན་དང ། །བཅུ་པ་དྲང་སྲོང་ཆེན་པོ་ལེགས་པར་སྦྱངས་པའི་བློ་ཞེས་བྱ། །ཟིལ་ནོན་ཡེ་ཤེས་མཐའ་ཡས་སྤྱན་དང་བདེན་པར་གསུང་བ་དང ། །ཉི་མའི་འོད་དང་ངེས་པའི་བློ་དང་མཐའ་ཡས་པ་ཡི་གཟུགས། །རྣམ་པར་སྣང་མཛད་རིན་ཆེན་ཏོག་དང་ཐེ་ཚོམ་སྤངས་པ་དང ། །བཅུ་པ་རང་ཉིད་བྱུང་བ་འཇིག་རྟེན་དག་ཡས་འདས་པ་ཡིན། །དོན་ཡོད་རྣམ་པར་གནོན་དང་རྟོགས་མཛད་མི་ཏོག་རྒྱལ་མཚན་དང ། །རི་དབང་རྒྱལ་པོ་དང་ནི་གཟི་བརྗིད་མེ་དང་དོན་མཛད་གཟེགས། །གྲགས་པ་མཐའ་ཡས་དང་ནི་རིན་ཆེན་ལྷ་དང་དོན་གནས་མཁྱེན། །བཅུ་པ་བློ་ནི་ 156a ༄#། །ཡོངས་སུ་རྫོགས་པ་དམན་མིན་གྲགས་པ་ཡིན། །མྱ་ངན་མེད་ཅེས་བྱ་དང་དྲི་མ་བྲལ་དང་ཚངས་ལྷ་དང ། །ས་ཡི་དབང་ཕྱུག་མེ་ཏོག་སྤྱན་དང་རྣམ་པར་འབྱེས་པའི་སྐུ། །ཆོས་ཀྱི་འོད་དང་ཀུན་ནི་གཟིགས་དང་ཡོན་ཏན་འོད་གསལ་དང ། །བཅུ་པ་འཇིག་རྟེན་གསུམ་གྱིས་མཆོད་པ་དྲི་མེད་ཟླ་བའི་ཞལ། །རིན་ཆེན་འོད་དང་རིན་ཆེན་ཏོག་དང་ནི། །གྲགས་བླ་འོད་བྱེད་གཟི་བརྗིད་དཔག་མེད་དང ། །དུས་མཁྱེན་སེངྒེའི་སྐུ་དང་མཁས་བློ་དང ། །རྒྱལ་བ་དཀའ་དང་ཡོན་ཏན་ཕུང་པོ་དང ། །ཟླ་བའི་ཏོག་དང་མཐུ་ནི་ཐོབ་པ་དང ། །མཐུ་རྩལ་མཐའ་ཡས་ཟླ་བ་དྲི་མེད་དང ། །དོན་རྣམས་ཐམས་ཅད་གཟིགས་དང་དཔའ་བོ་དང ། །འབྱོར་བར་ལྡན་དང་བསོད་ནམས་སྣོན་མ་དང ། །ཡོན་ཏན་འོད་འཕྲོ་བློ་ནི་ཡངས་པ་དང ། །ལེགས་སྐྱེས་ནོར་ལྷ་ཡིད་གཉིས་སྤོང་བ་དང ། །འཛིན་པ་དཔག་མེད་མཆོག་སྲེད་ཆོམས་མེད་དང ། མི་གནས་པ་དང་སངས་རྒྱས་བདེར་གནས་དང ། །ཚོགས་ཅན་གཙོ་བོ་འགྲོ་བའི་འོད་ཟེར་དང ། །ཕལ་ཆེན་རྒྱལ་དང་གཟི་བརྗིད་མཐའ་ཡས་དང ། །དོན་གྱི་བློ་གྲོས་སྨན་པའི་རྒྱལ་པོ་དང ། །ཐ་བ་སྤངས་དང་རིམས་མེད་ལེགས་བྱིན་དང ། ། གྲགས་བྱིན་མེ་ཏོག་བྱིན་དང་སྐྱེས་བུས་བྱིན། །རྡོ་རྗེ་སྡེ་དང་ཕལ་ཆེན་བྱིན་པ་དང ། །ཞི་བའི་བློ་གྲོས་སྤོས་ཀྱི་གླང་པོ་དང ། །སྲེད་མེད་བུ་དང་ངེས་པ་མི་ཚུགས་པ། །ཉི་ཟླ་གློག་གི་ 156b ཏོག་དང་མཆོད་པ་དང ། །དཔལ་སྦས་དང་ནི་ཡེ་ཤེས་ཉི་མ་དང ། །དོན་གྲུབ་ལྷུན་པོ་བརྩེགས་དང་དགྲ་འདུལ་དང ། །པདྨ་དང་ནི་དགྲ་བཅོམ་གྲགས་པ་ཡིན། །ཡེ་ཤེས་འགྲོས་དང་ཉོན་མོངས་བྲལ་བ་དང ། །འདམ་བུ་དང་ནི་སྤོས་བཟངས་ཡུལ་འཁོར་རངས། །ལྷ་གྲགས་སྲིད་མཐའ་གཟིགས་དང་ཟླ་བ་དང ། །སྒྲ་གཅན་དང་ནི་རིན་ཆེན་ཟླ་བ་དང ། །སེངྒེའི་རྒྱལ་མཚན་དང་ནི་བསམ་གཏན་དགྱེས། །རྫོགས་ལྡན་རྣམ་རོལ་ཡོན་ཏན་རིན་ཆེན་དང ། །དགྲ་བཅོམ་གྲག་ག་པ་བད་དོས་མཛོད་སྤུ་ལྡན། །སྤོབས་པ་གྲགས་པ་རྡོ་རྗེ་ནོར་བུ་དང ། །ཚེ་དཔག་མེད་དང་ནོར་བུ་བཀོད་པ་དང ། །དབང་ཆེན་ཡོན་ཏན་འབྱུང་གནས་ལྷུན་པོ་གྲགས། །འོད་ཟེར་བཅུ་པ་མ་སྨད་གླང་པོའི་འགྲོས། །ཡིད་དུ་འཐད་པ་རིན་ཆེན་ཟླ་བ་དང ། །ཞི་བ་རབ་གསལ་རྒྱལ་པོ་ཁ་ལོ་སྒྱུར། །དགའ་བའི་དབང་ཕྱུག་ཙུག་ན་རིན་པོ་ཆེ། །བསྙེངས་བྲལ་རིན་ཆེན་སྙིང་པོ་ཟླ་བའི་ཞལ། །དྲི་མ་མེད་གྲགས་ཞི་བའི་བཟི་བརྗིད་དང ། །དགའ་ཏོག་སྒྲ་གཅན་ལྷ་དང་ན་ཚོད་བཟང ། །ལྷ་དག་དགའ་དང་རིན་ཆེན་ཕུང་པོ་དང ། །མཛེས་པར་གཤེགས་པ་སེངྒེའི་ཕྱོགས་པ་དང ། །ཤིན་ཏུ་མཐོར་གཤེགས་སྐྱེ་དབང་བློ་གྲོས་བཟང ། །འཇིག་རྟེན་འོད་དང་རིན་ཆེན་གཟི་བརྗིད་དང ། །སྐལ་ལྡན་ཤིང་རྟ་ཀུན་རྒྱལ་དགའ་བ་བཀོད། །སྟེགས་མཛད་དང་ནི་སྤོས་གླང་བློ་འོད་འཕྲོ། །རི་བོའི་རྒྱལ་མཚན་དང་ནི་སྤོས་བཟངས་དང ། །ཆོས་བསྟན་དང་ནི་ 157a ༄#། །གཟི་བརྗིད་དྲག་ཤུལ་ཅན། །ཆོས་ཀྱི་ནོར་བུ་བཟང་བྱིན་བདེ་གཤེགས་ཟླ། །ཚངས་པའི་དབྱངས་དང་སེངྒེའི་ཟླ་བ་དཔལ། །ལེགས་པར་སྐྱེས་དང་ཐུབ་པ་མེད་པའི་ཚོགས། །གྲགས་པའི་བཤེས་གཉེན་བདེན་པ་ཞེས་བྱ་དང ། །དཀའ་ཐུབ་ཆེན་པོ་ལྷུན་པོའི་འོད་ཟེར་དང ། །ཡོན་ཏན་བརྩེགས་པ་མཆོད་གྲགས་ཆོས་གྲགས་དང ། ། སྦྱིན་འོད་གློག་བྱིན་བདེན་པར་གསུང་བ་དང ། །འཚོ་བྱིད་ན་ཚོང་བཟང་པ་ལེགས་ཚོགས་ཅན། །རྣམ་ངེས་བློ་གྲོས་སྲིད་མཐའ་ནོར་བུའི་སྤོས། །རྒྱལ་བས་དགྱེད་དང་སེངྒེའི་འོད་ཟེར་དང ། །རྣམ་པར་སྣང་མཛད་གྲགས་མཆོག་ཐུགས་རབ་གཞུངས། །ནོར་བུ་ཟླ་བ་དྲག་ཤུལ་འོད་ཟེར་དང ། །བརྟུལ་ཞུགས་ཐུབ་མེད་འགྲོས་མཆོད་ནོར་བུའི་ཚོགས། །འཇིག་རྟེན་བླ་མ་གླང་ཆེན་སེངྒེ་དང ། །ཟླ་བ་རིན་ཆེན་འོད་ཟེར་སྒྲ་གཅན་སྦེད། །ཡོན་ཏན་རྒྱ་མཚོ་འོད་ཟེར་ལྡན་པ་དང ། །རབ་ཏུ་ཞི་སྟབས་འཇིག་རྟེན་བཟང་པོ་དང ། །མྱ་ངན་མེད་པ་ཤུགས་བཅུ་སྟོབས་དགྱེས་དང ། །མཐུ་ཡི་དཔལ་དང་མཐུ་ཐོབ་མཐུ་ཆེན་དང ། །ཡོན་ཏན་སྙིང་པོ་བདེན་པར་སྤྱོད་པ་དང ། །དགེ་མཆོག་རྒྱལ་པོ་སྐར་རྒྱལ་འོད་ཟེར་ཆེ། །གློག་གི་འོད་དང་ཡོན་ཏན་རྒྱ་ཆེན་དང ། །རིན་པོ་ཆེ་དང་དཔལ་འོད་བདུད་འདུལ་དང ། །གོ་བགོས་སེངྒེའི་ཕྱག་དང་མེ་ཏོག་བཟང ། །རིན་ཆེན་མཐོན་པོ་དང་ནི་རྒྱ་མཚོ་དང ། །ས་འཛིན་ 157b དོན་བློ་མངའ་བ་ཡོན་ཏན་བསགས། །ཡོན་ཏན་ཚོགས་དང་རིན་པོ་ཆེའི་མེ། །འཇིག་རྟེན་འདས་དཔའ་འཇིག་རྟེན་ཟླ་བ་དང ། །དབྱངས་སྙན་ཚངས་པའི་ཏོག་དང་ཚོགས་ཅན་གཙོ། །སེངྒེའི་སྟབས་དང་དྲག་ཤུལ་བྱིན་པ་དང ། །ཆོས་ཀྱི་དབང་ཕྱུག་གཟི་འོད་འོད་ཟེར་ཆེ། །རིན་ཆེན་གྲགས་པ་ཚོགས་ཅན་གསལ་བ་དང ། །གྲགས་པ་མཐའ་ཡས་འོད་ཟེར་དོན་ཡོད་དང ། །ལྷའི་དྲང་སྲོང་སྐྱེ་དབང་དགེ་འདུན་བརྟན། ཕྱོགས་བཟང་ཏོག་དང་ཡུལ་འཁོར་མེ་ཏོག་དང ། །ཆོས་ཀྱི་བློ་གྲོས་རླུང་གི་ཤུགས་ལྟར་གཤེགས། །ལེགས་བསམས་གྲགས་པ་སྣང་ལྡན་ལྷ་ཚོགས་དང ། ཡོན་ཏན་བསྲུང་དོན་བློ་གྲོས་བསྙེངས་པ་མེད། །གྲོགས་བརྟན་དང་ནི་འོད་གནས་མཚུངས་པ་དང ། །ནོར་ཞབས་ཐར་བའི་གཟི་བརྗིད་ངོས་བཟང་དང ། །གློ་བཟང་དང་ནི་ཀུན་ཏུ་གཟི་བརྗིད་དང ། །ཡེ་ཤེས་མཆོག་མ་དང་ནི་ཚངས་པ་གནས། །བདེན་པ་གསུང་དང་བློ་བཟངས་སྟོབས་བྱིན་དང ། །སེང་སྟབས་མེ་ཏོག་ཏོག་དང་ཤེས་འབྱུང་གནས། །མེ་ཏོག་བྱིན་དང་ཡོན་ཏན་སྙིང་པོ་དང ། །རིན་ཆེན་གྲགས་པ་རྨད་དུ་བྱུང་བ་དང ། །མི་ཚུགས་བསྙེངས་མེད་ཉི་མའི་འོད་དག་དང ། །ཚངས་གཤེགས་ལྷའི་མཐུ་རྩལ་ཡེ་ཤེས་དགྱེས། །ལྷ་བདེན་ནོར་བུའི་སྙིང་པོ་ཡོན་ཏན་གྲགས། །ཡེ་ཤེས་དཔལ་དང་བཅིངས་པ་མེད་པ་དང ། །བརྟུལ་ཤུགས་བརྟན་དང་ལྷའི་གཟི་བརྗིད་དང ། །ཚངས་ཐུབ་དལ་བཞུད་བརྟུལ་ཤུགས་ 158a ༄#། །དཀའ་ཐུབ་དང ། །འོད་ཟེར་ཕུང་པོ་དང་ནི་གཟི་བརྗིད་ཆེ། །ཙམྤ་ཀ་དང་དགའ་མཛད་ཚོགས་ཅན་བཟང ། །དབང་པོ་རྒྱལ་མཚན་བཅུ་པ་དགྱེས་ཆེན་ཡིན། །སྣ་མའི་མེ་ཏོག་འོད་དང་ཚོགས་ཅན་འོད། །སྐྲུན་མཛད་མདངས་འགྲོ་དོན་ལེགས་ངེས་པ་དང ། །ཁྱུ་མཆོག་དང་ནི་ཡག་བཟངས་འོད་ཟེར་ཆེ། །བསམ་པས་བྱིན་པ་དང་ནི་བསོད་ནམས་འོད། །རིན་ཆེན་དབྱངས་དང་རྡོ་རྗེའི་སྡེ་དང་ནི། །འབྱོར་ལྡན་སེངྒེའི་སྟོབས་དང་དྲི་མེད་སྤྱན། །འོད་སྲུང་དང་ནི་བློ་གསལ་ཡེ་ཤེས་འབྲོས། །གཟི་བརྗིད་དྲག་ཤུལ་འོད་ཟེར་ཆེན་པོ་དང ། །ཉི་མའི་འོད་དང་དྲི་མ་མེད་པའི་འོད། །གཟི་བརྗིད་རྣམ་དབྱེས་ཁེངས་མེད་སྦྲང་རྩིའི་ཞལ། །ཟླ་འོད་གློག་སྦྱིན་དབ་ཞིར་གཤེགས་པ་དང ། །མི་འཁྲུགས་པ་དང་དགྲ་བཅོམ་གྲགས་པ་དང ། །ཆོས་ཀྱི་ཡོན་ཏན་ཞིང་བཟང་བཀོད་རྒྱལ་པོ། །མངོན་པར་འཕགས་དང་སྦྱིན་བསྲེག་འོད་འཕྲོ་དང ། །པད་དཔལ་རིན་ཆེན་བཀོད་དང་ཤིན་དུ་བཟང ། །རིན་ཆེན་མཆོག་དང་ཐུགས་ནི་ཤིན་ཏུ་གཞུངས། །རྒྱ་མཚོས་བྱིན་དང་ཚངས་པའི་ཏོག་དང་ཟླ་གདུགས་འོད་འཕྲོ་དང ། །དྲི་མེད་རྒྱལ་པོ་ཡེ་ཤེས་གྲགས་པ་ཀུན་རྒྱལ་ཡོན་ཏན་འོད། །སྒྲ་གྲགས་ཟླ་རྒྱལ་པདྨའི་འོད་ཟེར་བརྟུལ་ཤུགས་བཟང་པོ་དང ། །སྒྲོན་རྒྱལ་གློག་གི་ཏོག་ཏང་འོད་ཟེར་རྒྱལ་པོ་སྐར་མཁན་དང ། །གྲགས་པ་རྫོགས་ལྡན་པདྨའི་སྙིང་པོ་རྒྱལ་དང་སྤྱན་ 158b མཛེས་དང ། །རྙོག་མ་མེད་དོན་དྲག་ཤུལ་སྡེ་དང་བསོད་ནམས་གཟི་མཐུ་རྩལ། །ཐོགས་མེད་བློ་དང་སྒྲ་གཅན་ལྷ་དང་ཤེས་ཕུང་ཁ་ལོ་སྒྱུར། །སྐྱེ་དབང་མཚུངས་དང་མེ་ཏོག་ཏོག་དང་སྒྲ་གཅན་འཛིན་སྨན་ཆེ། །རྒྱུ་སྐར་རྒྱལ་པོ་སྨན་རྒྱལ་བསོད་ནམས་གླང་པོ་གཅོད་མཛད་དང ། །རྣམ་གྲགས་རྒྱལ་པོ་ཉི་འོད་ཆོས་མཛོད་བློ་གྲོས་བཟང ། ཡོན་ཏན་དབང་མཚུངས་རྡོ་རྗེ་སྡེ་དང་ཤེས་རབ་བརྩེགས་པ་དང ། །ལེགས་གནས་བློ་སྦྱངས་ཚངས་དབྱངས་ཡོན་ཏན་མཆོག་དང་འབྲུག་སྒྲ་དབྱངས། །མངོན་ཤེས་ཏོག་དང་ཏོག་འོད་དག་པ་ཚངས་པ་སྐྱེས་མཆོག་དང ། །སྤྱན་སྡུག་པ་དང་ཀླུས་བྱིན་བདེན་པའི་ཏོག་དང་བརྒྱན་པ་དང ། །ཞུམ་པ་མེད་དབྱངས་རིན་ཆེན་འོད་དང་ཚངས་བྱིན་སེངྒེ་དང ། །འོད་ཟེར་སྣ་ཚོགས་ཡེ་ཤེས་དཔའ་བོ་པད་ཕུང་མེ་ཏོག་རྒྱས། །མཐུ་རྩལ་སྟོབས་དང་བསོད་ནམས་ཕུང་པོ་གཟུགས་མཆོག་སྐར་མཁན་དང ། །ཟླ་སྒྲོན་གཟི་བརྗིད་ཕུང་པོ་བྱང་ཆུབ་རྒྱལ་པོ་མི་ཟད་པ། །མངོན་རྟོགས་སྤྱན་དང་ཡན་ལག་རྒྱས་དང་ཡུལ་འཁོར་ཤེས་རབ་མཆོག་།གཟི་བརྗིད་ཚིམ་མཛད་ཤེས་རབ་བྱིན་དང་མགོན་པོ་འཇམ་པའི་དབྱངས། །ཆགས་པ་མེད་མཛོད་གཙོ་བོས་བྱིན་དང་གཙོ་བོས་ཤེས་མཐུ་རྩལ། །འོད་འཕྲོ་དབང་པོ་ཤུགས་འཆང་སྐར་རྒྱལ་འོད་བཟངས་གྲགས་པ་བྱིན། །གཟུགས་བཟང་རྒྱལ་པོ་དོན་གྲུབ་སེང་གེའི་སྡེ་དང་ནོར་ལྷའི་བུ། །གྲགས་རྒྱལ་རྒྱ་ཆེན་སྙིང་པོ་བསོད་ནམས་འོད་ཟེར་སྨྲང་འདོན་པ། །སྒྲོན་རྒྱལ་ཡེ་ཤེས་ 159a ༄#། །བརྩེགས་དང་ལྷ་མཆོག་དང་ནི་ས་བདག་དང ། །གྲོལ་བརྙེས་གཙུག་གི་གསེར་དང་སྒྲ་གཅན་བཟང་པོ་ཐུབ་པར་དཀའ། །ཐུབ་གསལ་ཟླ་བའི་འོད་ཟེར་གསེར་གྱི་འོད་དང་ལེགས་བྱིན་ལྷའི། །ཡོན་ཏན་དབང་པོ་ཆོས་གདུགས་བསོད་ནམས་ལག་དང་ཆགས་མེད་དང ། །ཡེ་ཤེས་གྱ་ནོམ་བློ་ཞིམ་གཟི་བྱིན་ཐམས་ཅད་པ་རྩི་སྨན། །རྣམ་གྲོལ་ཏོག་དང་འོད་མཛད་ཡེ་ཤེས་རྒྱལ་པོ་འཇིགས་མཛད་དང ། །ཆུ་བོ་སྤོད་དང་ཐོགས་མེད་གྲགས་པ་བདེན་ཕུར་དབྱངས་སྙན་དང ། །རི་དབང་མཚུངས་དང་ཆོས་བརྩེགས་ཐར་པའི་གཟི་བརྗིད་ལེགས་མཛད་དང ། རབ་ཞིའི་སྐུ་དང་ཡིད་འོད་གསུང་བློ་སྦྱངས་དང་ཆུ་ལྷ་དང ། །འགྲོས་མཆོད་སེངྒེའི་ལེགས་དང་ཆོས་ཀྱི་མཐུ་རྩལ་སྐལ་བཟང་པོ། །མི་འཁྲུགས་མདོག་དང་གཟི་བརྗིད་རྒྱལ་པོ་རྟོགས་མཛད་སྤྱན་ལེགས་དང ། །དོན་གནས་བློ་དང་སྣང་བའི་འོད་ཟེར་སྤོས་གཟི་ཀུན་དགའ་མཛད། །དོན་ཡོད་གཤེགས་དང་ཁྲོ་བ་བཅོམ་དང ། གཟུགས་མཆོག་ལེགས་གཤེགས་དང ། །རབ་སྦྱིན་གྲགས་དང་འོད་གཅང་ལྷའི་ཉི་མ་ཤེས་རབ་བྱིན། །མཉམ་བཞག་བདག་ཉིད་གཟི་མདངས་རྒྱལ་རིགས་སྐལ་ལྡན་ཤིང་རྟ་དང ། །གསེར་མཆོག་རྣམ་གྲོལ་གཙུག་དང་ཆོས་ལྡན་དང་ནི་སྤོས་གནས་དང ། །དྲེགས་སྤངས་ཡེ་ཤེས་མཛོད་དང་ཚངས་པར་གཤེགས་དང་ཙནྡན་དང ། །མྱ་ངན་མེད་དང་ 159b སེངྒེའི་འོད་ཟེར་ཡུལ་འཁོར་ཏོག་པར་སྙིང ། །གཟི་བརྗིད་མཐའ་ཡས་ལྷ་འོད་ཤེས་རབ་མེ་ཏོག་མཁས་པ་དང ། །ཡེ་ཤེས་འབྱོར་ལྡན་ཚངས་དབྱིག་ཕྱག་ན་རིན་ཆེན་དབང་ལྡན་དང ། ། རྫོགས་པར་གསུང་དང་མཆོག་གསུང་མཆོད་འོས་སྐར་རྒྱལ་ཉི་མ་དང ། །འདམ་བརྒལ་ཡེ་ཤེས་བརྙེས་དང་གྲུབ་པ་རྨ་བྱ་ཆོས་སྦྱིན་དང ། །ཕན་བཞེད་ཡེ་ཤེས་ལྡན་གྲགས་འོད་ཟེར་དྲ་བ་རྣམ་བཅོམ་དང ། །བཻ་ཌཱུརྱ་སྙིང་མེ་ཏོག་ལྷ་རྒྱ་བ་ཟླ་བ་དྲན་འོད་དང ། །དགེ་བའི་འོད་དང་ཡོན་ཏན་མཆོག་མ་ཀུན་གྱི་འོད། །རིན་པོ་ཆེ་ཡི་དཔལ་དང་སྐྱེས་བུ་ཟ་བ་དང ། །སྒྲ་གཅན་བདུད་རྩིའི་འོད་དང་འཇིག་རྟེན་དག་གི་མཆོག་།སྐར་འོད་ཞི་སྟབས་བཅུ་པ་ཡེ་ཤེས་རྒྱ་མཚོ་ཡིན། །རི་དབང་རབ་ཞི་ཡོན་ཏན་མཐུ་སྟོབས་ལྷ་དབང་དང ། །དབྱངས་སྙན་ངོས་བཟངས་དང་ནི་དོན་ལ་གནས་པ་དང ། །ཡོན་ཏན་གཟི་བརྗིད་དཔལ་དང་མཁྱེན་ལྡན་ཟླ་མེད་དང ། །བཅུ་པད་རོ་དཔག་མེད་རྒྱལ་བ་ཞེས་ཀྱང་བྱ། །འོད་བཟང་ཤིན་ཏུ་ཐུགས་གཞུངས་དོན་དགོངས་གཏི་མུག་བྲལ། །དབྱངས་ཀྱི་ཡན་ལག་ཁྱད་འཕགས་མཆོག་ཏུ་མཛེས་པར་གཤེགས། །ཞི་བའི་དོན་དང་སྐྱོན་མེད་བློ་དབྱངས་དགེ་བ་དང ། །པདྨའི་མཛོད་དང་བཅུ་པ་འོད་ཟེར་བཟང་པོ་ཡིན། །སྤོབས་པའི་མདོག་དང་སྟེགས་བཟང་པོ་དང་ཚོགས་དབང་དག། བསྙེངས་པ་དང་ནི་བྲལ་བ་ཡེ་ཤེས་བཞེང་པ་དང ། །བདེ་གཤེགས་སྤོབས་པའི་སྤྱན་དང་བློའི་མཆོག་མ་ 160a ༄#། །དང ། །ཟླ་བ་རིན་ཆེན་ཟླ་འོད་དང་ནི་བཅུ་པ་བསྙེངས་མེད་ཡིན། །གཟིགས་པ་ཚེ་དང་ཚངས་པའི་དབྱངས་བཟང་དང ། །ཤེས་རབ་ཆེན་པོའི་སྟེགས་དང་བློ་གྲོས་ཟླ་མེད་དང ། །རྡོ་རྗེ་མཁྲེགས་དང་བྱང་ཆུབ་བློ་གྲོས་ལྗོན་ཤིང་དབང ། །གདངས་སྙན་པ་དང་བཅུ་པ་བསོད་ནམས་སྟོབས་ཀྱང་ཡིན། །མཐུ་ཡི་དཔལ་དང་འཕགས་པ་དགྱེས་དང་མཐུ་སྟོབས་དང ། །སྐར་མ་ལ་ནི་དགྱེས་དང་སྤྲིན་གྱི་རྔ་སྒྲ་དང ། །སྤྱན་སྡུག་ཞལ་དང་ཡེ་ཤེས་བཟང་ལྡན་འབྱོར་ལྡན་དང ། །ཡོན་ཏན་ཕུང་པོ་དང་ནི་བཅུ་པ་གསལ་བ་ཡིན། །ཆོས་ཀྱི་རྒྱལ་མཚན་ཡེ་ཤེས་ང་རོ་ནམ་མཁའ་དང ། །མཆོད་སྦྱིན་ང་རོ་ཤེས་རབ་རྣམ་འགོད་ང་རོ་དང ། །ཡོན་ཏན་འོད་ཟེར་གཟི་བརྗིད་དྲང་སྲོང་དབང་པོ་དང ། །བློ་ལྡན་སྤོབས་པའི་ཚོགས་དང་བཅུ་པ་མཆོད་སྦྱིན་བཟང ། །ཟླ་བའི་ཞལ་དང་ཤིན་ཏུ་གཟིགས་དང་རྡུལ་བྲལ་དང ། །ཡོན་ཏན་ཆོགས་དང་ཏོག་ལྡན་བསོད་ནམས་རྒྱལ་མཚན་དང ། །ཡུལ་འཁོར་སྤོབས་པ་དང་ནི་རིན་ཆེན་རབ་སྦྱིན་དང ། །ཟླ་བ་དགྱེས་པ་དང་ནི་བཅུ་པ་སེངྒེའི་སྟོབས། །དབང་བསྒྱུར་རྒྱལ་པོ་དང་བདུད་རྩི་གསལ་བ་དང ། །བསམ་གཏན་སྙོམས་དང་འཁྲུག་མང་དྲི་མ་རབ་ཞི་དང ། །ཕྱོགས་མ་བསླད་དང་མཛེས་པ་དང་ནི་ཞལ་བཟངས་དང ། །ཤུགས་གནས་ཡེ་ཤེས་ལྡན་དང་བཅུ་པ་གསུང་དབང་ 160b ཡིན། །གཟི་བརྗིད་ཆེན་པོ་བློ་གྲོས་ཟབ་མོ་བདུད་རྩི་དང ། །ཆོས་ཀྱི་སྟོབས་དང་མཆོད་པར་ལྡན་དང་མེ་ཏོག་འོད། །ཁམས་གསུམ་དག་གི་མཆོད་གནས་སྒྲ་བ་ཅན་ཉི་མའི་སྙིང ། །ལྷ་ཡིས་མཆོད་པ་བཅུ་པ་ཐར་པའི་རྒྱལ་མཚན་ཡིན། །དགེ་བའི་གཙུག་དང་བདུད་རྩི་འོད་དང་རྡོ་རྗེ་དང ། །བརྟན་པ་དང་ནི་རིན་ཆེན་ཕུང་པོ་མཛེས་གཤེགས་དང ། །ཉི་མ་ལྟ་བུར་གཤེགས་པ་དང་ནི་དག་པའི་འོད། །ཡོན་ཏན་གཙུག་དང་བཅུ་པ་དཔལ་ནི་རྫོགས་པ་དང ། །སེངྒེའི་སྟོབས་དང་གྱེན་དུ་འཕགས་པ་མེ་ཏོག་བྱིན། །འོད་འགྱེད་པ་དང་བད་མེ་དང་ནི་ཡེ་ཤེས་དགྱེས། །བཀོད་པ་མཛེས་དང་གཏི་མུག་མེད་པར་གནས་པ་དང ། རྨ་མེད་པ་དང་བཅུ་པ་ཏོག་གི་རྒྱལ་མཚན་ཡིན། །བདེ་བར་དགོངས་དང་གཏི་མུག་མེད་རྒྱལ་ཆོག་མཁྱེན། ། དག་པའི་རྒྱ་མཚོ་དང་ནི་རིན་ཆེན་མངའ་དང་མི་དམའ་བ། །སྐྱེ་བ་དགའ་མཛད་རྨ་བྱའི་ང་རོ་མ་ཞུམ་དང ། །བཅུ་པ་སྲིད་པའི་སྲེད་པ་དྲི་མ་སྤངས་པ་ཡིན། །སྤྱོད་པའི་སྟེགས་དང་ལྷ་མང་དག་གིས་སྙན་བསྒྲགས་པ། །རིན་པོ་ཆེའི་སྟོབས་དང་ཕྱག་ན་བད་བསྣམས་དཔལ། །དགྲ་ལས་རྒྱལ་དང་འབྱོར་ལྡན་གྲགས་པ་ཡུལ་འཁོར་བཟང ། །མེ་ཏོག་འོད་དང་བཅུ་པ་སེངྒེའི་ང་རོ་ཡིན། །ཟླ་ལྟར་ཤར་དང་འཇོམས་པའི་མཆོག་དང་རྨི་གཡོ་དང ། །ཕན་ལྡན་གཤེགས་དང་བསོད་ནམས་སྒྲོན་མའི་རྒྱལ་བ་དང ། །དབྱངས་ཀྱིས་བསྐུལ་དང་གཽ་ཏ་མི་ 161a ༄#། །དང་མདངས་སྟོབས་དང ། །བློ་གནས་རང་བཞིན་དང་ནི་བཅུ་པ་ཟླ་བ་བཟང ། །བྱང་ཆུབ་ཡན་ལག་མེ་ཏོག་བཀྲ་ཤིས་ལེགས་སྟོན་དང ། །ཡེ་ཤེས་གཟི་བརྗིད་སྟོབས་དང་དགེ་བའི་སྒྲོན་མ་དང ། །མཐུ་རྩལ་བརྟན་པོ་ལྷའི་སྒྲ་དང་རབ་ཞི་དང ། །ཉི་མ་ཞལ་དང་བཅུ་པ་ཐར་པའི་བརྟུལ་ཞུགས་ཡིན། །ཚུལ་ཁྲིམས་འོད་དང་བརྟུལ་ཞུགས་གནས་པ་རྟུལ་མེད་དང ། །སྙིང་པོ་འཕགས་དང་མིག་སྨན་འཕེལ་བར་མཛད་པ་དང ། །སྤོས་འོད་དུས་མཁྱེན་འོད་དང་དྲན་པའི་དབང་པོ་དང ། །ཐོགས་མེད་རྒྱལ་མཚན་བཅུ་པ་བྱང་ཆུབ་མཆོག་བགྲོད་ཡིན། །སྤྱོད་གསལ་རིན་ཆེན་དགྱེས་དང་ཆོས་དབང་ཕྱུག་།ལྷ་འོད་ཐམས་ཅད་བཤེས་གཉེན་ཆེན་པོ་དང ། །བཤེས་གཉེན་བཟང་པོ་རབ་ཏུ་ཞི་བའི་སྟབས། །བདུད་རྩི་བདག་པོ་བཅུ་པ་ལྷུན་པོའི་འོད། །འཕགས་པས་བསྟོད་དང་སྣང་ལྡན་གཟི་བརྗིད་འབར། །སྣང་བ་གཟིགས་དང་ལེགས་སྤྱན་རྣམ་སྨིན་དང ། །ལེགས་དགྱེས་མྱ་ངན་བྲལ་དང་རིན་ཆེན་འོད། །སྤྱོད་པར་ལྡན་དང་བཅུ་པ་བསོད་ནམས་སྟོབས། །ཡོན་ཏན་རྒྱ་མཚོ་རྨད་བྱུང་ང་རྒྱལ་སྤོང ། །བདུད་བརླག་མཛད་དང་བག་ཆགས་རྒལ་སྟབས་དང ། །མི་ཕྱེད་བློ་མངའ་རྒྱ་མཚོ་དག་མཛད་དང ། །ཚོགས་ཅན་གྲོལ་རྒྱལ་བཅུ་པ་དགའ་བའི་འོད། །བྱང་ཆུབ་རྒྱལ་མཚན་ཡེ་ཤེས་རིན་ཆེན་དང ། །ཤིན་ཏུ་ 161b བསིལ་བ་ཚངས་རྒྱལ་ཡེ་ཤེས་དགྱེས། །རྫུ་འཕྲུལ་ཏོག་སྐྱེ་དབང་མཚུངས་ས་དབང་ཕྱུག་།ཉི་མ་དགྱེས་དང་བཅུ་པ་སྒྲ་གཅན་ཟླ། །མེ་ཏོག་འོད་དང་སྨན་བདག་མདངས་མངའ་དང ། །བསོད་ནམས་དགྱེས་དང་དགའ་སྟོབས་དབྱངས་སྙན་དང ། །ཆོས་ཀྱི་དབང་ཕྱུག་ཆངས་དབྱངས་སྤྱོད་བཟང་དང ། །བཅུ་པ་རྒྱལ་བ་འཁྲུལ་བ་མེད་པའི་བློ། །དབྱངས་ཆེན་སྙན་པར་གྲགས་དང་ཏོག་ལྡན་དང ། །གཟི་བརྗིད་རྣམ་གྲགས་འགྲོ་བའི་དབང་ཕྱུག་དང ། །ལྗོན་པ་གཏི་མུག་རབ་ཟད་དཔག་མེད་དང ། །ཟླ་བཟང་བཅུ་པ་སྤོབས་པ་མཐའ་ཡས་ཏོག་།བརྟུལ་ཞུགས་བསྟར་དང་མཆོད་གནས་མྱ་ངན་བརྒལ། །དགེ་དགྱེས་འགྲོ་བའི་བློ་གྲོས་དགྱེས་བར་གཤེགས། །ཞབས་མཛེས་ཨུཏྤལ་དུལ་གནས་མེད་ཏོག་དང ། །བཅུ་པ་སྤོབས་པ་མཐའ་ཡས་འོད་ཟེར་ཡིན། །དྲང་སྲོང་གསལ་བ་ཡོན་ཏན་བརྩོན་འགྲུས་སྙིང ། །ལྷ་བདག་རིན་ཆེན་མཐོ་གསལ་སྐལ་ཤིང་རྟ། །བསོད་ནམས་བློ་གྲོས་སྦྱིན་སྲེད་འོད་འཕྲོ་དང ། །བཅུ་པ་ཡོན་ཏན་མཐའ་ཡས་གཟི་བརྗིད་ཕུང་པོ་ཡིན། །སེངྒེའི་སྟོབས་དང་མི་གཡོ་རབ་གསལ་དང ། །འོད་སྤྱོད་གླུ་དབྱངས་གླུ་དབྱངས་འཁོར་ལོ་འཛིན། །དབྱིག་མཆོག་འཇིག་རྟེན་དགའ་བ་ཆོས་ཟླ་དང ། །བཅུ་པ་དགའ་བ་མཐའ་ཡས་གྲགས་ཤེས་བྱ། །སྤྲིན་ཏོག་ཤེས་རབ་འགྲོས་དང་སྤོས་བཟངས་དང ། །ནམ་མཁའི་དབྱངས་དང་ལྷ་དང་ལྷ་རྒྱལ་ 162a ༄#། །དང ། །ནོར་བུ་གསལ་དང་ནོར་བཟངས་སྒྲོན་མ་དང ། །བཅུ་པ་རིན་ཆེན་ང་རོའི་དབྱངས་ཤེས་བྱ། །སྐྱེ་དབང་རྒྱལ་པོ་སྒྲ་ཅན་སྤེད་པ་དང ། །དགེ་མཛད་སེང་བློ་རིན་ཆེན་གྲགས་པ་དང ། །དོན་མཛད་མཛད་མཐའ་གཟིགས་དང་སྲིད་མེ་ཏོག་།མཛོད་བུ་བཅུ་པ་སྤོབས་པ་མཚུངས་མེད་རྒྱལ། །ཡེ་ཤེས་རྣམ་འབྱེད་ང་རོ་སེང་མཆེ་བ། ། མཛེས་གཤེགས་བསོད་ནམས་སྒྲོན་མ་བཀྲ་ཤིས་ལྡན། །ཡུལ་འཁོར་མྱ་ངན་མེད་བློ་སེམས་བློ་ལྡན། །ཆོས་སྒྲོན་སྤྱན་དང་བཅུ་པ་ཤིན་དུ་གཟིགས། །ཤུགས་འདོར་སྟོབས་ཆེན་ཤེས་རབ་མེ་ཏོག་དང ། །བརྟན་པའི་དབྱངས་དང་བདེ་ལྡན་དོན་གསུང་དང ། །དགྱེས་པ་གསལ་བ་སེངྒེའི་ཞལ་གཙུག་ཕུད། །བཅུ་པ་སེངྒེ་ཞེས་བྱ་སྣང་མཛད་འགྱུར། །བསྐལ་བཟངས་འདི་ལ་སངས་རྒྱས་གང་དེ་དག་།དེ་དག་གི་ནི་མཚན་རྣམས་བསྒྲགས་པ་རྣམས། །འབྲས་བུ་མྱ་ངན་འདས་ཤེས་བྱ་བ་གང ། །ཉན་པ་དེ་དག་འདི་ལ་རྨོངས་མི་འགྱུར། །མཁས་པ་བག་ཡོད་ལྡན་པས་གུས་བགྱིས་ཏེ། །རྒྱལ་བ་འདི་དག་གི་ནི་མཚན་རྣམས་ཉོན། །དེ་དག་གི་ནི་མཚན་རྣམས་ལེགས་ཐོས་ནས། །ངན་སོང་སྡུག་བསྔལ་ཕྱིར་ཞིང་མྱོང་མི་འགྱུར། ། ཚུལ་ཁྲིམས་གནས་པ་སྡོམ་པའི་རྗེས་འཐུན་ཞིང ། །ཐོས་ལ་མོས་པས་རྟོགས་དང་ལྡན་པ་རྣམས། །ཟབ་མོའི་བཟོད་པ་ཡོངས་སུ་རྫོགས་བྱས་ནས། །འཇིག་རྟེན་མགོན་ཀུན་དེ་དག་ 162b གིས་ནི་མཐོང ། །གང་ཞག་མི་ཤེས་བསྐལ་པ་བྱེ་བར་ནི། །སྡིག་པའི་ལས་བྱས་ལས་འབྲས་རྣམ་སྨིན་ཀུན། །དེས་ནི་ཟད་བྱས་རྒྱལ་བ་དེ་དག་གི་།མཚན་རྣམས་བཟུང་ནས་ཀྱང་ནི་རྒྱལ་བར་འགྱུར། །མདོ་སྡེ་ཁྲི་ཕྲག་དུ་མར་འཇུག་པ་དང ། །ཏིང་འཛིན་རྫུ་འཕྲུལ་སོ་སོ་ཡང་དག་རིག་།སྒྲ་སྐད་དུ་མ་རྟོགས་དང་ཡེ་ཤེས་དག་།ཏིང་ངེ་འཛིན་འདི་ཉིད་ལས་ནི་བཙལ་བར་བྱ། །འཚོ་བ་དག་པ་གཡོ་ནི་མེད་པ་དང ། །རྣམ་སྨིན་ཤས་དང་ཕྲག་དོག་མེད་པ་དང ། །བསྡུ་བ་དང་ནི་གཟུངས་ལ་བརྩོན་པ་ཡིས། །ཏིང་འཛིན་འདི་ནི་རབ་ཏུ་ཤེས་པར་བྱ། །དེ་སྐད་ཅེས་བཀའ་སྩལ་པ་དང ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་ནི་ལེགས་ལགས་ཏེ། །ལྷ་དང་མི་རྣམས་དང་སྐྱེ་བོ་མང་པོ་ལ་སྨན་པ་དང ། །སྐྱེ་བོ་མང་པོ་ལ་བདེ་བར་གྱར་བ་དེ་དང ། །མ་འོངས་པ་ན་བྱང་ཆུབ་སེམས་དཔའ་རྣམས་ཀྱིས་ཐོས་ན་ཡང་ཕྱིར་ཞིང་འདུན་པར་འགྱུར་བ་དང ། །དམ་པའི་ཆོས་ལ་ཆོག་ཁྱད་པར་དུ་འཕགས་པར་སྨོན་པར་འགྱུར་བ་དང ། །ཕྱིར་ཞིང་སྣང་བར་བགྱིས་པར་འགྱུར་བའི་སླད་དུ། །བསྐལ་པ་བཟང་པོའི་སངས་རྒྱས་དེ་དག་གི་ཡུལ་དང ། །རིགས་དང ། འོད་དང ། ཡབ་དང ། ཡུམ་དང ། སྲས་དང ། རིམ་གྲོ་བ་དང ། མཆོག་གི་ཟུང་དང ། བཟང་པོའི་ཟུང་དང ། དགེ་སློང་གི་དགེ་འདུན་ཕུན་སུམ་ཚོགས་པ་དང ། །སྐུ་ཚེའི་ཚད་དང ། 163a ༄#། །དམ་པའི་ཆོས་གནས་པ་དང ། །སྐུ་གདུང་འཕེལ་བར་འགྱུར་བདག་བཅོམ་ལྡན་འདས་ཀྱིས་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །དེ་བཞིན་གཤེགས་པ་འཁོར་བ་འཇིག་སྐྱེས་པའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་བཟང་པོ་ཞེས་བྱའོ། །གདུང་ནི་ཀཱ་ཤྱ་པའོ། །འོད་ནི་དཔག་ཚད་གཅིག་གོ་།ཡབ་ནི་མཆོད་སྦྱིན་ཞེས་བྱའོ། །སྐྱེད་པའི་ཡུམ་ནི་ཚངས་རྒྱལ་ཞེས་བྱའོ། །སྲས་ནི་བླ་མ་ཞེས་བྱའོ། །རིམ་གྲོ་པ་ནི་བློ་རྫོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་སློང་མཁས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསྙེན་པ་ཞེས་བྱའོ། །འདུས་པ་དང་པོ་ལ་ནི་དགེ་སློང་བཞི་ཁྲིའོ། །གཉིས་པ་ལ་ནི་བདུན་ཁྲིའོ། །འདུས་པ་གསུམ་པ་ལ་ནི་ཉན་ཐོས་དྲུག་ཁྲིའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གསེར་ཐུབ་སྐྱེས་པའི་ཡུལ་ནི་གྲོང་ཁྱེར་ལྔ་པ་ཞེས་བྱའོ། །རིགས་ནི་བྲང་ཟེའོ། །འོད་ནི་དཔག་ཚད་ཕྱེད་ 163b དོ། །ཡབ་ནི་མེས་བྱིན་ཞེས་བྱའོ། །ཡུམ་ནི་བླ་མ་ཞེས་བྱའོ། །སྲས་ནི་རྣམ་པར་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་བཀྲ་ཤིས་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ཞི་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་བདུན་ཁྲིའོ། །གཉིས་པ་ལ་ནི་དྲུག་ཁྲིའོ། །འདུས་པ་གསུམ་པ་ལ་ནི་དགེ་སློང་ལྔ་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་བརྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་སྲུང་སྐྱེས་པའི་ཡུལ་ནི་ཚེ་ཏན་ཞེས་བྱའོ། །རིགས་ནི་བྲམ་ཟེའོ། །འོད་ནི་རྒྱང་གྲགས་གཅིག་གོ་།ཡབ་ནི་ཚངས་བྱིན་ཞེས་བྱའོ། ། ཡུམ་ནི་ནོར་བདག་མ་ཞེས་བྱའོ། །སྲས་ནི་དེད་དཔོན་ཞེས་བྱའོ། །རིམ་གྲོ་པ་ནི་ཀུན་གྱི་བཤེས་གཉེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་པར་དྷྭ་ཛ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐད་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་ཉི་ཁྲིའོ། །གཉིས་པ་ལ་ནི་ཁྲི་བརྒྱད་སྟོང་ངོ ། །གསུམ་པ་ལ་ནི་ཁྲི་དྲུག་སྟོང་ངོ ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། ། 164a ༄#། །མཆོག་ཏུ་དགའ་བའི་རྒྱལ་པོ། དེ་སྐྱེས་པའི་ཡུལ་ནི་སེར་སྐྱེའི་གནས་ཤེས་བྱའོ། །རིགས་ནི་རྒྱལ་རིགས་སོ། ། བདུང་ནི་གཽ་ཏ་མའོ། །འོད་ནི་འདོམ་གང་ངོ ། །ཡབ་ནི་ཟས་གཙང་མ་ཞེས་བྱའོ། །ཡུམ་ནི་སྒྱུ་འཕྲུལ་ཞེས་བྱའོ། །སྲས་ནི་སྒྲ་ཅན་འཛིན་ཞེས་བྱའོ། །རིམ་གྲོ་བ་ནི་ཀུན་དགའ་བོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉེ་རྒྱལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པད་ནས་སྐྱེས་ཤེས་བྱའོ། །འདུས་པ་དང་པོ་ལ་ནི་དགེ་སློང་སྟོང་ཉིས་བརྒྱ་ལྔ་བཅུའོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་།ཆོས་ནི་ལོ་ལྔ་བརྒྱའི་བར་དུ་གནས་སོ། །ལོ་ལྔ་བརྒྱའི་བར་དུ་ནི་དམ་པའི་ཆོས་ལྟར་བཅོས་པར་སྣང་ངོ ། །སྐུ་གདུང་ནི།་རྒྱས་པར་འགྱུར་རོ། །མཆོག་ཏུ་དགའ་བའི་རྒྱལ་པོ་དེ་བཞིན་གཤེགས་པ་བྱམས་པ་སྐྱེ་བའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་ཏོག་གི་བློ་གྲོས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ཚངས་བཟངས་ཤེས་བྱའོ། །ཡུམ་ནི་ཚངས་བདག་མ་ཞེས་བྱའོ། །སྲས་ནི་བསོད་ནམས་སྟོབས་ཤེས་བྱའོ། །རིམ་གྲོ་བ་ནི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་ 164b བཅོམ་པ་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུད་ཕྱུར་ཕྲག་དགུ་དང་བྱེ་བ་ཕྲག་བཞི་འོ། །གསུམ་པ་ལ་ནི་དུད་ཕྱུར་ཕྲག་དགུ་དང་བྱེ་བ་ཕྲག་གཉིས་སོ། ། སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ལྟ་ཞེས་བྱའོ། །རིགས་ནི་རྒྱལ་རིགས་སོ། འོད་ནི་དཔག་ཆད་གཅིག་གོ་།ཡབ་ནི་སེངྒེ་སྟག་ཅེས་བྱའོ། །ཡུམ་ནི་དགའ་བའི་ང་རོ་ཞེས་བྱའོ། །སྲས་ནི་སྟོབས་ཆེན་ཞེས་བྱའོ། །རིམ་གྲོ་བ་ནི་དེས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བརྩེགས་པ་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྲིན་ལྡན་ཞེས་བྱའོ། །འདུས་པ་དང་པོ་ནི་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་རྒྱུ་སྐར་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་ལེགས་པའི་བློ་གྲོས་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་དུས་རིགས་ཅེས་བྱའོ། ། 165a ༄#། །རིམ་འགྲོ་བ་ནི་དགའ་བའི་དབང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཀྲ་ཤིས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །འདུས་པ་གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །དམ་པའི་ཆོས་ནི་ལོ་བརྒྱད་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐུབ་པ་སྐྱེ་བའི་ཡུལ་ནི་གྲོང་ཁྱེར་མེ་ཏོག་བླ་མ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཆད་གཅིག་གོ་།ཡབ་ནི་ལྷུན་ཆེན་ཞེས་བྱའོ། །ཡུམ་ནི་སྣ་མའི་མེ་ཏོག་འོད་ཅེས་བྱའོ། །སྲས་ནི་རིན་ཆེན་མཆོག་ཅེས་བྱའོ། །རིམ་འགྲོ་བ་ནི་མཆོག་གི་དམ་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་དེས་པའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུས་བྱིན་ཞེས་བྱའོ། །འདུས་པ་དང་པོ་ལ་ཆི་ཅན་ཐོས་ཁྲིའོ། །གཉིས་པ་ལ་ནི་དུང་ཕྱུར་ཕྲག་བཞིའོ། །འདུས་པ་གསུམ་པ་ལ་ནི་དགྲ་བཅོམ་པ་དུང་ཕྱུར་ཕྲག་ལྔའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། སྐུ་གདུང་ནི་རྒྱས་པར་འགྱུར་རོ། །དེ་བཞིན་ 165b གཤེགས་པ་མེ་ཏོག་སྐྱེ་བའི་ཡུལ་ནི་པད་མ་དཀར་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཆད་བརྒྱད་དོ། །ཡབ་ནི་དུས་མཆོག་ཅེས་བྱའོ། །ཡུམ་ནི་མེ་ཏོག་ཅེས་བྱའོ། ། སྲས་ནི་སྐྱེ་བའི་དབང་པོ་ཞེས་བྱའོ། །རིམ་འགྲོ་བ་ནི་བྱང་ཆུབ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཚུགས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐར་འབུམ་ཕྲག་དྲུག་བཅུའོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕག་བཞིའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་གཉིས་པ་སྐྱེ་བའི་ཡུལ་ནི་གཟི་བརྗིད་ཡངས་བཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་གཙུག་ན་མེ་ཏོག་ཅེས་བྱའོ། །ཡུམ་ནི་ཆོས་ལན་མ་ཞེས་བྱའོ། །སྲས་ནི་ལུས་གཙང་མ་ཞེས་བྱའོ། །རིམ་འགྲོ་བ་ནི་བློ་གྲོས་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་བ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའོ། །གཉིས་ 166a ༄#། །པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །དམ་པའི་ཆོས་ནི་ལོ་དུང་ཕྱུར་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱན་ལེགས་སྐྱེ་བའི་ཡུལ་ནི་བཟང་བྱེད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གཉིས་སོ། །ཡབ་ནི་རིན་པོ་ཆེ་ཞེས་བྱའོ། །ཡུམ་ནི་སཝ་ལ་ཅན་ཞེས་བྱའོ། །སྲས་ནི་རྒྱུ་སྐར་རྒྱལ་པོ་ཞེས་བྱའོ། །རིམ་གྲོ་པ་ནི་ཡོན་ཏན་བློ་གྲོས་ཞེས་བྱའོ། །ཤེས་རབ་ཅན་རྣམ་ཀྱི་མཆོག་ནི་བློ་གྲོས་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེངྒེ་འགྲོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ཉིས་འབུམ་བརྒྱད་སྟོང་ངོ ། །འདུས་པ་གསུམ་པ་ལ་ནི་ཉན་ཐོས་སུམ་འབུམ་དྲུག་སྟོང་ངོ ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་སུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །སངས་རྒྱས་བཅུ་བོ་དེ་བཞིན་གཤེགས་བ་དང་པོ་པ་དེ་དག་གིས་སེམས་ཅན་རྣམས་ཡོངས་སུ་སྨིན་པར་མཛད་པ་ཇི་སྙེད་པ་དེ་སྙེད་ཅིག་ནི་དེ་བཞིན་གཤེགས་པ་དེ་གཅིག་བུས་ཀྱང་མཛད་པར་འགྱུར་རོ། །དེ་བཞིན་གཤེགས་པ་དེད་དཔོན་སྐྱེ་བའི་ཡུལ་ནི་རྒྱལ་པོའི་ཕོ་ 166b བྲང་གྲོང་ཁྱེར་མཆོག་མཛེས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུ་རྩ་བཞིའོ། །ཡབ་ནི་བག་ཚད་མེད་པ་ཞེས་བྱའོ། །ཡུམ་ནི་ཕན་འདོང་མ་ཞེས་བྱའོ། །སྲས་ནི་དགའ་བ་ཞེས་བྱའོ། །རིམ་གྲོ་བ་ནི་མཚོན་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་འོས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་སྟོང་ངོ ། །དམ་པའི་ཆོས་ནི་ལོ་དགུ་ཁྲོ་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལག་ཆེན་སྐྱེ་བའི་ཡུལ་ནི་འགྲོ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་བརྩོན་འགྲུས་བྱིན་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་བ་ནི་ལེགས་སེམས་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་དཔག་ཚད་མེད་པའི་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རླུང་ལྟར་འགྲོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་གོ་།དེ་ཕན་ཆད་ནི་བགྲང་གིས་མི་ལང་ངོ ། །སྐུ་ཚེའི་ཚད་ནི་ལོ་དུད་ཕྱུར་ཕྲག་བཞིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་ 167a ༄#། །རོ། །དེ་བཞིན་གཤེགས་པ་སྟོབས་ཆེན་སྐྱེ་བའི་ཡུལ་ནི་གྲོང་ཁྱེར་རིན་པོ་ཆེའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་མཛེས་ལྡན་ཞེས་བྱའོ། །ཡུམ་ནི་གཟི་བརྗིད་ཅན་མ་ཞེས་བྱའོ། །སྲས་ནི་སེང་གེའི་འགྲོས་ཤེས་བྱའོ། །རིམ་འགྲོ་བ་ནི་བཟང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལེགས་གནས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་དེ་ཉིད་ཉིས་འགྱུར་རོ། །འདུས་པ་གསུམ་པ་ལ་ནི་ཉན་ཐོས་ཁྲི་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་བཞི་ཁྲི་འོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟེང་གི་བར་དུ་གནས་སོ། །སྐུ་དུང་ནི་རིལ་པོ་གཅིག་ཏུ་གདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་བརྒྱུ་སྐར་རྒྱལ་པོ་སྐྱེ་བའི་ཡུལ་ནི་གྲོང་ཁྱེར་འཛམ་བུའི་ཆུ་ཀླུང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་འོད་སྦྱིན་ཞེས་བྱའོ། །ཡུམ་ནི་ལེགས་པའི་བློ་གྲོས་མ་ཞེས་བྱའོ། །སྲས་ནི་རྒྱལ་ཞེས་བྱའོ། །རིམ་གྲོ་པ་ནི་ཡེ་ཤེས་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲིས་ལན་དབང་ཕྱུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བྱིན་བརླབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་ 167b པ་ལ་ནི་ཐེར་འབུམ་ཕྲག་གཅིག་དང་དུད་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་ཕྲག་གཅིག་དང་དུང་ཕྱུར་ཕྲག་བརྒྱད་དོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྩི་སྨན་སྐྱེ་བའི་ཡུལ་ནི་གྲོང་ཁྱེར་རྩལ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ་།ཡབ་ནི་ན་ཚོང་བཟང་པོ་ཞེས་བྱའོ། །ཡུམ་ནི་ཡིད་འོད་བློ་གྲོས་མ་ཞེས་བྱའོ། །སྲས་ནི་རི་པོའི་རྒྱལ་མཚན་ཞེས་བྱའོ། །རིམ་གྲོ་བ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱི་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་བསོད་ནམས་སྟོབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྙན་པར་ཏོག་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་གསའ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུའོ། །ཡབ་ནི་རབ་གསལ་ཤེས་བྱའོ། །ཡུམ་ནི་སཝ་ལ་ཅན་ནས་བྱའོ། །སྲས་ནི་མེ་ཏོག་ 168a ༄#། །བླ་མ་ཞེས་བྱའོ། །རིམ་གྲོ་བ་ནི་དགའ་བའི་མིག་ཅེས་བྱའོ། །ཤེས་རབ་ཅན་རྣམས་ཀྱིས་མཆོག་ནི་ཤེས་རབ་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་སེངྒེའི་སྟོབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་ཉི་ཁྲིའོ། །གཉིས་པ་ལ་ནི་སུམ་འབུམ་ཅིག་ཁྲིའོ། །འདུས་བ་གསུམ་པ་ལ་ནི་ཉན་ཐོས་སུམ་བུམ་མོ། །ཀུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་བའི་ཆོས་ནི་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཡང་ཟད་དོ། །དེ་བཞིན་གཤེགས་པ་འོད་ཆེན་པོ་སྐྱེ་བའི་ཡུལ་ནི་གྲོང་ཁྱེར་བདེ་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུའོ། །ཡབ་ནི་བ་ཛིར་ཞེས་བྱའོ། །ཡུམ་ནི་རྒྱལ་བས་བྱིན་ཞེས་བྱའོ། །སྲས་ནི་ཟླ་གདུགས་ཤེས་བྱའོ། །རིམ་གྲོང་ནི་རབ་ཏུ་ཞི་བའི་བློ་གྲོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་ཅན་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ངེས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་གྲགས་སུམ་མོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ 168b ནི་རྒྱས་པར་འགྱུར་རོ། །དེ་བཞིན་གཤེགས་པ་གྲོལ་བའི་ཕུང་པོ་སྐྱེ་བའི་ཡུལ་གྲོང་ཁྱེར་ཟླ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ་།ཡབ་ནི་ཡིད་བཟངས་ཤེས་བྱའོ། །ཡུམ་ནི་གློག་སྦྱིན་མ་ཞེས་བྱའོ། །སྲས་ནི་དགའ་བས་འགྲོ་ཞེས་བྱའོ། །རིམ་གྲོ་བ་ནི་ནོར་བུའི་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དང་ཁྲི་ཕྲག་གསུམ་མོ། །གཉིས་པ་ལ་ནི་དེ་ཉིས་འགྱུར་རོ། །འདུས་པ་གསུམ་པ་ལ་ནི་ཁྲི་ཕྲག་དྲུག་གོ་སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་འབུམ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་སྣང་མཛད་སྐྱེ་བའི་ཡུལ་ནི་གྲོང་ཁྱེར་ཆོས་བཟང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུའོ། །ཡབ་ནི་རྒྱལ་བ་ཞེས་བྱའོ། །ཡུམ་ནི་མེ་ཏོག་བཟང་ཞེས་བྱའོ། །སྲས་ནི་བཞིན་འདྲ་ཞེས་བྱའོ། །རིམ་གྲོ་བ་ནི་ཡུལ་འཁོར་བཟང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་ཏུ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བ་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དྲུག་འབུམ་ཉི་ཁྲི་འོ། །གཉིས་པ་ལ་ནི་ 169a ༄#། །དྲུག་འབུམ་ཚིག་ཁྲི་འོ། །གསུམ་པ་ལ་ནི་དྲུག་འབུམ་མོ། །སྐུ་ཚེའི་ཚད་ནི་ལོ་ལ་བརྒྱའོ། །དམ་པའི་ཆོས་ནི་ལོ་བཞི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མའི་སྙིང་པོ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ཅན་ཞེས་བྱའོ། །རིགས་ནི་བྲམ་ཟེའོ། །འདེ་ནི་དཔག་ཚད་ཉིས་བརྒྱའོ། །ཡབ་ནི་འབྱོར་ལྡན་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་གར་མཁན་ཞེས་བྱའོ། །རིམ་གྲོ་བ་ནི་ཡེ་ཤེས་བླ་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་སྡེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེའི་སྡེ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཀྱི་དགེ་སློང་འབུམ་མོ། །གཉིས་པ་ལ་ནི་ཐེར་འབུམ་མོ། །འདུས་པ་གསུམ་པ་ལ་ནི་ཉན་ཐོས་དགྲ་ཤིགས་ཕྲག་རྒྱའོ། །བཞི་པ་ལ་ནི་ས་ཡ་ཕྲག་དགུའོ། །སྐུ་ཚེའི་ཚད་ནི་ལ་དུང་ཕྱུར་ཕྲག་བདུན་ནོ། །དམ་པའི་ཆོས་ནི་ལོ་དུང་ཕྱུར་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་རིན་ཆེན་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་ཙམ་པའི་མིག་ཅེས་བྱའོ། །ཡུམ་ནི་སྨན་ཅེས་བྱའོ། །སྲས་ནི་ན་པ་སོ་ 169b ཞེས་བྱའོ། །རིམ་གྲོ་བ་ནི་ཤིན་ཏུ་འཇིགས་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་བླ་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་འཕགས་ཤེས་བྱའོ། ། འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་ཕྲག་བཅུ་གཉིས་སོ། །གཉིས་པ་ལ་ནི་བྱེ་བ་བརྒྱ་ཕྲག་བཅུ་བཞིའོ། །འདུས་པ་གསུམ་པ་ལ་ནི་ཉན་ཐོས་བྱེ་བ་བརྒྱ་ཕྲག་བཅོ་བརྒྱད་དོ། ། བཞི་པ་ལ་ནི་ཉན་ཐོས་བྱེ་བ་བརྒྱ་ཕྲག་ཉི་ཤུའོ། །སྐུ་ཚེའི་ཚད་ནི་ལོ་དྲུག་སྟོང་ངོ ། །དམ་པའི་ཆོས་ནི་ལོ་ཁྲི་ཅིག་སྟོང་གི་བར་དུ་གནས་སོ། སྐུ་གདུང་ནི་རིལ་བོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་འཕྲོ་སྐྱེ་བའི་ཡུལ་ནི་གྲོང་ཁྱེར་རྡུལ་བཟངས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུའོ། །ཡབ་ནི་བསོད་ནམས་ཕུང་པོ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཙམ་པའི་མཆོག་ཅེས་བྱའོ། །རིམ་གྲོ་བ་ནི་ཤིན་ཏུ་སྤོབས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡ་ཕྲག་བདུན་ནོ། །གཉིས་པ་ལ་ནི་ས་ཡ་ཕྲག་བརྒྱད་དོ། །གསུམ་པ་ལ་ནི་ས་ཡ་ཕྲག་དགུ་འོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སུམ་འབུམ་ 170a ༄#། །གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་བཟང་སྐྱེ་བའི་ཡུལ་ནི་གྲོང་ཁྱེར་སྐར་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གསུམ་མོ། །ཡབ་ནི་ཉི་མའི་མཐུ་ཞེད་བྱའོ། །ཡུམ་ནི་ཟླ་ལྡན་མ་ཞེས་བྱའོ། །སྲས་ནི་དབང་ཕྱུག་ཆེན་པོ་ཞེས་བྱའོ། རིམ་གྲོ་བ་ནི་སྟོབས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བྱིན་ཞེས་བྱའོ། །རྫུ་ཅན་རྣམས་ཀྱི་མཆོག་ནི་ལུས་མདངས་ཅན་ཞེས་བྱའོ། །འདུས་པ་དང་པོ་ལ་ནི་ཉེན་ཐོས་ཐེར་འབུམ་ཕྲག་ལྔའོ། །གཉིས་པ་ལ་ནི་དུང་ཕྱུར་བྲག་བཞིའོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །སྐུ་ཆེའི་ཚད་ནི་ལོ་བརྒྱད་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་བ་མྱ་ངན་མེད་སྐྱེ་བའི་ཡུལ་ནི་གྲོང་ཁྱེར་ཤེས་རབ་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅོ་བརྒྱད་དོ། །ཡབ་ནི་མེ་ཏོག་བྱིན་ཞེས་བྱའོ། །ཡུམ་ནི་ཆོས་ཅན་མ་ཞེས་བྱའོ། །སྲས་ནི་འོད་སྦྱིན་ཞེས་བྱའི། །རིམ་གྲོ་པ་ནི་དགའ་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོ་བརྩེགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་བས་བྱིན་ཞེས་བྱའོ། །འདུས་པ་དང་པོ་ 170b ལ་ནི་ཉན་ཐོས་ཉི་ཁྲིའོ། །གཉིས་པ་ལ་ནི་ཁྲིའོ། འདུས་པ་གསུམ་པ་ལ་ནི་དགུ་འབུམ་ལྔ་ཁྲིའོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་སུམ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐར་རྒྱལ་སྐྱེ་པའི་ཡུལ་ནི་གྲོང་ཁྱེར་ཙམ་པའི་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་ལྷ་བཟང་ཞེས་བྱའོ། །ཡུམ་ནི་སྦྱིན་དགའ་ཞེས་བྱའོ། །སྲས་ནི་གློག་གི་འོད་ཅེས་བྱའོ། །རིམ་གྲོ་བ་ནི་མཐོང་དགའ་ཞེས་བྱའོ། ། ཤེས་རབ་ཅན་རྣམས་ཀྱིས་མཆོག་ནི་ཡེ་ཤེས་བླ་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་བྱུང་ཕྲག་བརྒྱད་དོ། །གཉིས་བ་ལ་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བདུན་ནོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ ། །ངམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་བ་རབ་གསལ་སྐྱེ་བའི་ཡུལ་ནི་གླིང་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་ཆོས་འཕགས་ཤེས་བྱའོ། །ཡུམ་ནི་པད་མ་ཅན་ཞེས་བྱའོ། །སྲས་ནི་ཟླ་རྐང་ཞེས་བྱའོ། ། 171a ༄#། །རིམ་གྲོ་བ་ནི་གྲགས་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེ་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང ། བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་གཅིག་དང ། བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་དོ། །སྐུ་ཚེའི་ཚང་ནི་ལོ་ཁྲི་བཞི་སྟོང་ངོ ། །དམ་པའི་ཆོས་ནི་ལོ་ཉི་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕྲེང་ཐོགས་སྐྱེ་བའི་ཡུལ་ནི་གྲོང་ཁྱེར་བསོད་ནམས་ཀྱིས་འབྱུང་གནས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །ཡབ་ནི་པད་མ་དཀར་བ་ཞེས་བྱའོ། །ཡུམ་ནི་ཡོན་ཏན་བྱིན་ཞེས་བྱའོ། །སྲས་ནི་དཔལ་གྱིས་བསོད་ནམས་ཞེས་བྱའོ། །རིམ་གྲོ་པ་ནི་གཟུགས་བཟང་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲོན་མ་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་དགུ་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དང ། 171b བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་བའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་འོད་སྐྱེ་བའི་ཡུལ་ནི་གྲོང་ཁྱེར་ཨུཏྤལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡབ་ནི་སྣང་ལྡན་ཞེས་བྱའོ། །ཡུམ་ནི་བསོད་ནམས་ཕུང་པོ་ཞེས་བྱའོ། །སྲས་ནི་ཆོས་སྤོབས་ཤེས་བྱའོ། །རིམ་གྲོ་བ་ནི་བསོད་ནམས་མཆོད་འོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཻ་ཌཱུརྱའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྲས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱ་བ་བརྒྱ་ཕྲག་བཅུ་དྲུག་གོ་།གཉིས་པ་ལ་ནི་བྱེ་པ་བརྒྱ་ཕྲག་བཅུ་གཉིས་སོ། །གསུམ་པ་ལ་ནི་བྱེ་བ་བརྒྱ་ཕྲག་བཅོ་བརྒྱད་དོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་དོན་གཟིགས་སྐྱེ་བའི་ཡུལ་ནི་གྲོང་ཁྱེར་སྙིང་པོའི་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་གཉིས་སོ། །ཡབ་ནི་ཡུལ་འཁོར་ཟླ་བ་ཞེས་བྱའོ། །ཡུམ་ནི་ལྷ་དགའ་ཞེས་བྱའོ། །སྲས་ནི་ཡོན་ཏན་གྲགས་པ་ཞེས་བྱའོ། །རིམ་གྲོ་པ་ནི་ཚངས་པའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་བློ་ཞེས་བྱའོ། །རྫུ་འཕྲུལ་ཅན་ 172a རྣམས་ཀྱིས་མཆོག་ནི་རྒྱལ་བ་ས་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་འབུམ་ཉི་ཁྲི་འོ། །གཉིས་པ་ལ་ནི་བདུན་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བརྒྱ་འོ། །དམ་པའི་ཆོས་ནི་ལོ་དུང་ཕྱུར་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མར་མེ་སྐྱེ་བའི་ཡུལ་ནི་གྲོང་ཁྱེར་རིན་ཆེན་མཛེས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བཅུ་འོ། །ཡབ་ནི་རིན་ཆེན་སོ་ཞེས་བྱའོ། །ཡུམ་ནི་སྐར་མདོག་གཅེས་བྱའོ། །སྲས་ནི་རིན་ཆེན་སྙིང་བོ་ཞེས་བྱའོ། །རིམ་གྲོ་བ་ནི་བློ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །གཉིས་པ་ལ་ནི་དགུ་འབུམ་མོ། །གསུམ་པ་ལ་ནི་ས་ཡའོ། །སྐུ་ཚེའི་ཚད་ནི་ལོ་ལྔ་ཁྲི་འོ། །དམ་པའི་ཆོས་ནི་ལོ་ཉིས་འབུམ་གྱི་པར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཐུ་ལྡན་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ལེགས་བྱིན་ཞེས་བྱའོ། །ཡུལ་ནི་ཡིད་ལྡན་ལེགས་ཞེས་བྱའོ། །སྲས་ 172b ནི་རྒྱལ་པའི་བཤེས་གཉེན་ཞེས་བྱའོ། །རིམ་གྲོ་པ་ནི་སེང་གེའི་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མྱ་ངན་མེད་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་བརྩེགས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་གསུམ་མོ། །གཉིས་བ་ལ་ནི་ཐེར་འབུམ་ཕྲག་གཉིས་སོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བཞི་ཁྲི་འོ། །དམ་པའི་ཆོས་ནི་ལོ་དགུ་ཁྲིའི་བར་དུག་ནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྨན་པ་སྐྱེ་བའི་ཡུལ་ནི་བརྟུལ་ཞུགས་གྲུབ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུ་རྩ་བདུན་ནོ། །ཡབ་ནི་འདུན་པ་ཞེས་བྱའོ། །ཡུམ་ནི་ཛམྦུའི་མཆོག་ཅེས་བྱའོ། །སྲས་ནི་དཔས་བྱིན་ཞེས་བྱའོ། །རིམ་གྲོ་པ་ནི་ཟླ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱ་མཚོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གླང་པོའི་སྟོབས་ཤེས་བྱའོ། །འདུས་པ་དང་པོ་ལ་ནི། ཉན་ཐོས་ས་ཡ་ཕྲག་གཉིས་དག་འབུམ་ཕྲག་གསུམ་མོ། །གཉིས་པ་ལ་ནི་ས་ཡ་ཕྲག་གཉིས་དང་འབུམ་ཕྲག་ལྔའོ། །གསུམ་བ་ལ་ནི་ས་ཡ་ཕྲག་གཉིས་དང་འབུམ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་པའི་ཆོས་ནི་ལོ་ས་ཡ་ཕྲག་གཉིས་དང ། འབུམ་ཕྲག་ལྔའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་ 173a ༄#། །བཞིན་གཤེགས་པ་ངེས་པ་སྐྱེ་བའི་ཡུལ་ནི་གྲོང་ཁྱེར་ལེགས་འབྱོར་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་འོ། །ཡབ་ནི་དབྱིག་མཆོག་ཅེས་བྱའོ། །ཡུམ་ནི་ཟླ་འོད་ཅེས་བྱའོ། །སྲས་ནི་ཆོས་ཀྱི་དབང་ཕྱུག་ཅེས་བྱའོ། །རིམ་གྲོང་ནི་འཇིག་རྟེན་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་ཏོག་བྱིན་ཞེས་།བྱའོ། །འདུས་པ་དང་པོ་ལ་ནི་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གཉིས་དང ། བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་བདུན་ནོ། །སྐུ་ཚེའི་ཆད་ནི་ལོ་སུམ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཛོད་བུ་སྐྱེ་བའི་ཡུལ་ནི་གྲོང་ཁྱེར་གཟི་བརྗོད་གསལ་བ་ཞེས་བྱའོ། །རིགས་ནི་སྦམ་བེའོ། །འོད་ནི་དཔག་ཚད་བརྒྱ་ཙམ་མོ། །ཡབ་ནི་ཚོགས་ཅན་རྒྱལ་པོ་ཞེས་བྱའོ། །ཡུམ་ནི་སྐལ་ལྡན་དགའ་ཞེས་བྱའོ། །སྲས་ནི་ལྷུན་བོ་སྤྱིན་ཞེས་བྱའོ། །རིམ་གྲོ་པ་ནི་ལྷའི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །འདུས་བ་དང་པོ་ལ་ནི་ཉན་ཐོས་དུད་ཕྱུར་ཕྲག་དྲུག་ 173b དང ། བྱེ་བ་ཕྲག་གཉིས་སོ། །གཉིས་པ་ལ་ནི་དུང་ཕྱུར་ཕྲག་དྲུག་དང ། བྱེ་བ་ཕྲག་གཅིག་གོ་།གསུམ་པ་ལ་ནི་དུང་ཕྱུར་ཕྲག་དྲུག་གོ་།སྐུ་ཚའི་ཚད་ནི་ལོ་ལྔ་ཁྲི་འོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟན་ལྡན་སྐྱེ་བའི་ཡུལ་ནི་བསོད་ནམས་སྒྲ་སྒྲོགས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ས་ལའི་རྒྱལ་པོ་ཞེས་བྱའོ། །ཡུམ་ནི་སྐྱེས་བུ་བཟང་དགའ་ཞེས་བྱའོ། །སྲས་ནི་སྲིད་སྦྱིན་ཞེས་བྱའོ། །རིམ་གྲོ་པ་ནི་དཔལ་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་འོད་ཅེས་བྱའོ། འདུས་པ་དང་པོ་ལ་ནི་ཉན་ཐོས་འབུམ་མོ། །གཉིས་པ་ལ་ནི་ས་ཡ་ཕྲག་དགུ་འོ། །འདུས་པ་གསུམ་པ་ལ་ནི་ས་ཡ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ཉི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་དཔལ་སྐྱེ་བའི་ཡུལ་ནི་རིན་ཆེན་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་སྦྲང་རྩིའི་སྣོད་ཅེས་བྱའོ། །ཡུམ་ནི་ཆོས་ཅན་མ་ཞེས་བྱའོ། །སྲས་ནི་དགའ་བའི་ཏོག་ཅེས་བྱའོ། །རིམ་གྲོ་བ་ནི་ 174a ༄#། །བརྩོན་འགྲུས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ས་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་སྟོབས་པ་ནི་ཞེས་བྱའོ། ། འདུས་པ་ནི་ལང་ཅིག་སྟེ། །ཉན་ཐོས་ཐེར་འབུམ་ཕྲག་གཅིག་གོ་།སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གདུལ་དཀའ་སྐྱེ་བའི་ཡུལ་ནི་སྦྱོར་གྲུབ་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་པའོ། །ཡབ་ནི་སྒྲ་གཅན་ལྷ་ཞེས་བྱའོ། ། ཡུམ་ནི་བསོད་ནམས་ཅན་ཞེས་བྱའོ། །སྲས་ནི་ཟླ་སྦེད་ཅེས་བྱའོ། །རིམ་གྲོ་བ་ནི་བདེན་དགའ་ཞེས་བྱའོ། །ཤེས་རབ་ཅན་རྣམས་གྱི་མཆོག་ནི་རིན་ཆེན་དམ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕྲུག་སྒྲ་ཞེས་བྱའོ། །འདུས་པ་དང་བོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ལྔ་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་བརྒྱད་དོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་ཀྱི་བར་ཏུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་རྒྱལ་མཚན་སྐྱེ་བའི་ཡུལ་ནི་ཟླ་ལྟར་ཞེས་བྱའོ། །རིགས་ནི་བྲམ་ཟེའོ་རིགས་སོ། །འོད་ནི་དཔག་ཚད་ལྔའོ། །ཡབ་ 174b ནི་སྐར་རྒྱལ་བ་ཤེས་གཉེན་ཞེས་བྱའོ། །ཡུམ་ནི་ནོར་ལྷས་བྱིན་ཞེས་བྱའོ། །སྲས་ནི་རྡོ་རྗེའི་སྡེ་ཞེས་བྱའོ། །རིམ་གྲོ་བ་ནི་རིན་ཆེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁ་ལོ་སྒྱུར་ཞེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་ཕྲག་སུམ་ཁྲི་འོ། །གཉིས་པ་ལ་ནི་འབུམ་ཕྲག་ལྔ་ཁྲེ་འོ། །འདུམ་པ་གསུམ་པ་ལ་ནི་ཉན་ཐོས་འབུམ་ཕྲག་དྲུག་ཁྲི་འོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྒྲ་གཅན་སྐྱེ་པའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་དྲུག་གོ་།ཡབ་ནི་མཐུ་རྩ་ལ་སྟོབས་ཤེས་བྱའོ། །ཡུམ་ནི་ཟིལ་མི་ནོན་ཅེས་བྱའོ། །སྲས་ནི་ཟླ་འོད་ཅེས་བྱའོ། །རིམ་གྲོ་བ་ནི་བཻ་དུ་རྱའི་སྙིང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོབས་ལྟ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་སྲིད་ཅེས་བྱའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་།ཆོས་ནི་ལོ་ལྔ་འབུམ་གྱི་བར་དུ་གནས་སོ། །དེ་བཞིན་གཤེགས་བ་བཞི་བཅུ་པོ་དེ་དག་གིས་སངས་རྒྱས་ཀྱི་འཕྲིན་ལས་མཛད་པ་ཇི་སྙེད་ 175a ༄#། །པ་དེ་སྙིང་པ་དེ་སྙིང་ཅིག་ནི་དེ་བཞིན་གཤེགས་པ་འདིས་སེམས་ཅན་རྣམས་གྲོལ་བར་མཛད་པར་འགྱུར་རོ། །དེ་ལྟ་བས་ན་འདེའི་འདུས་བ་རྣམས་ཀྱི་མ་སྨོས་ལ།་ས་གཞི་ཆེན་པོ་ཡང་རིན་པོ་ཆེ་བདུན་གྱི་རང་བཞིན་དུ་འགྱུར་རོ། །རིན་པོ་ཆེའི་ཤིང་དང ། གོས་བྱུང་བའི་ཤིང་གིས་ཀྱང་རྒྱས་བར་འགྱུར་རོ། །སེམས་ཅན་རྣམས་ནི་རྫུས་ཏེ་འབྱུང་བར་འགྱུར་རོ། །ངན་སོང་གསུམ་ཡང་གཏན་འབྱུང་བར་མི་འགྱུར་རོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་པ། །དེ་བཞིན་གཤེགས་བ་ཚོགས་ཅན་སྐྱེ་བའི་ཡུལ་ནི་མཛེས་ལྡན་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དོ། །ཡབ་ནི་རིན་ཆེན་བླ་མ་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་ས་འཛིན་ཅེས་བྱའོ། །རིམ་གྲོ་པ་ནི་ཡིད་ཞི་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁྲུང་ཁྲུང་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་གྲུབ་ཅེས་བྱའོ། །འདུས་པ་ནི་ལན་ཅིག་སྟེ་ཉན་ཐོས་འབུམ་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་སུམ་ཁྲི་འོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་བ་ཆ་དས་པའི་དབྱངས་སྐྱེ་བའི་ཡུལ་ནི་གཟི་བརྗིད་འོད་ཅེས་བྱའོ། །རིགས་ 175b ནི་བྲམ་ཟེའོ། །འོད་ནི་དཔག་ཚད་བརྒྱད་བཅུའོ། །ཡབ་ནི་ཚ་དས་པའི་བླ་མ་ཞེས་བྱའོ། །ཡུམ་ནི་བདེ་ལྟ་ན་མ་ཞེས་བྱའོ། །སྲས་ནི་བསོད་ནམས་གཟི་བརྗིད་འོད་ཅེས་བྱའོ། །རིམ་གྲོ་པ་ནི་པདྨའི་མ་གཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གསེར་མདོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གློག་སྦྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བརྒྱད་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་དེ་ལོ་དགུ་ཁྲེ་འོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུད་ནི་རིམ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚིགས་བརྟེན་སྐྱེ་བའི་ཡུལ་ནི་མེ་ཏོག་རྒྱས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡབ་ནི་བསོད་ནམས་དགའ་ཞས་བྱའོ། །ཡུམ་ནི་སྐྱེད་ལྡན་མ་ཞེས་བྱའོ། །སྲས་ནི་དུས་རིང་སྦྱིན་ཞེས་བྱའོ། །རིམ་གྲོ་བ་ནི་དོན་སྤྱད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་མཆོག་ཅས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་གསེར་མཆོག་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་སྟོང་ཕྲག་བདུན་བཅུའོ། །གཉེས་པ་ལ་ནི་བྱེ་བ་སྟོང་ཕྲག་བདུན་བཅུ་རྩ་བརྒྱད་དོ། །གསུམ་པ་ལ་ནི་བྱེ་བ་སྟོང་ཕྲག་བརྒྱད་བཅུའོ། །སྐུ་ཚེའི་ཚད་ནི་ལོ་ 176a ༄#། །ལྔ་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། ། དེ་བཞིན་གཤེགས་པ་མི་འགྱིང་བ་སྐྱེ་བའི་ཡུལ་ནི་འགྲོ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུའོ། །ཡབ་ནི་རྒྱ་མཚོ་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་མིག་སྡུག་ཅེས་བྱའོ། །རིམ་གྲོ་བ་ནི་སྐྱེ་དབང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་ལེགས་བསམ་ཤེས་བྱའོ། །རྫུ་འཕྲུལ་ཅན་རྣམས་གྱི་མཆོག་ནི་བདེན་ཚིག་ཅན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་ཁྲི་བརྒྱད་སྟོང་ངོ ། །གཉིས་པ་ལ་ནི་བདུན་ཁྲི་དྲུག་སྟོང་ངོ ། །གསུམ་པ་ལ་ནི་བདུན་ཁྲི་ལྔ་སྟོང་ངོ ། །སྐུ་ཚེའི་ཚད་ནི་ལོ་སྟོང་ཕྲག་བརྒྱད་ཁྲི་འོ། །དམ་པའི་ཆོས་ནི་ལོ་བརྒྱད་ཁྲིའི་བར་ཏུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་འོད་མཛད་སྐྱེ་བའི་ཡུལ་ནི་གསེར་གྱི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་ནི་འོད་ཟེར་ཅན་ཞེས་བྱའོ། །ཡུམ་ནི་རིན་ཆེན་བྱིན་ཞེས་བྱའོ། །སྲས་ནི་ཡོན་ཏན་རིན་པོ་ཆེ་ཞེས་བྱའོ། །རིམ་གྲོ་པ་ནི་མེ་ཏོག་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ 176b རྣམས་པར་གྲགས་པའི་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟུངས་ཀྱི་དབང་ཕྱུག་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་འབུམ་ཕྲག་ལྔ་བཅུའོ། ། གཉིས་པ་ལ་ནི་བྱེ་བ་འབུམ་ཕྲག་བཞི་བཅུའོ། །གསུམ་པ་ལ་ནི་བྱེ་བ་འབུམ་ཕྲག་སུམ་བཅུའོ། །སྐུ་ཚེའི་ཚད་ནི་ལོ་བྱེ་པ་ཕྲག་ལྔའོ། །དམ་པའི་ཆོས་ནི་ལོ་ཐེར་འབུམ་ཕྲག་བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷུན་ཆེན་སྐྱེ་བའི་ཡུལ་ནི་རིན་པོ་ཆེ་བཀོད་པ་།ཞས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཅུའོ། །ཡབ་ནི་ཟླ་བའི་གཟི་བརྗིད་ཅེས་བྱའོ། །ཡུམ་ཉི་མས་བྱིན་ཞེས་བྱའོ། །སྲས་ནི་ཟླ་གདུགས་ཤེས་བྱའོ། །རིམ་གྲོ་པ་ནི་རིགས་ཆན་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་བཟངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་དགའ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བདུན་ནོ། ། གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་བ་ལ་ནི་དུང་ཕྱུང་ཕྲག་དགུའོ། །སྐུ་ཚེའི་ཚད་ནི་ལོ་བརྒྱད་སྟོང་ངོ ། །དམ་པའི་ཆོས་ནི་ལོ་སུམ་ཁྲི་ཉིས་སྟོང་གི་བར་དུག་ནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྡོ་རྗེ་སྐྱེ་པའི་ཡུལ་རི་ཤིན་ཏུ་རྣམ་པར་ཡེ་བའི་གཟི་བརྗིད་ཅེས་བྱའོ། ། 177a ༄#། །རིགས་ནི་རྒྱལ་རིགས་སོ། །འདོད་ནི་དཔག་ཚད་བུ་དྲུག་གོ། །ཡབ་ནི་ནོར་བུའི་འོད་ཅེས་བྱའོ། །ཡུལ་ནི་ཨུཏྤལ་ལའི་མིག་ཅེས་བྱའོ། །སྲས་ནི་འཚོ་བྱེད་ཅེས་བྱའོ། །རིམ་གྲོ་པ་ནི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲག་ཤུལ་སྦྱིན་ཞེས་བྱའོ་རྫུ་འཕྲུལ་ཅན་རྣམས་ཀྱི་མཆོག་ནི་གྲོགས་མཆོག་ཅེས་བྱའོ། ། འདུས་བ་དང་པོ་ལ་ནི་ཉན་ཐོས་དགྲ་བཅོམ་པ་ཐེར་འབུམ་ཕྲག་བཞིའོ། །གཉིས་པ་ལ་ནི་ཐེར་འབུམ་ཕྲག་གསུམ་མོ། །གསུམ་པ་ལ་ནི་ཐེར་འབྲུམ་ཕྲག་གཉིས་སོ། །སྐུ་ཚེའི་ནི་འབུམ་མོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་སྡོམ་པ་ཅན་སྐྱེ་བའི་ཡུལ་ནི་ཙནྡན་ཞེས་བྱའོ། །རིགས་ནི་བྲམ་ཟའོ། །རིགས་ནི་བྲམ་ཟེའོ། །འོད་ནི་དཔག་ཆ་ད་བརྒྱད་བཅུའོ། །ཡབ་ནི་མེ་ཏོག་ཅེས་བྱའོ། །ཡུལ་མ་ནི་གློག་འོད་མ་ཞེས་བྱའོ། །སྲས་ནི་རིན་ཆེན་ཕུད་པོ་ཞེས་བྱའོ། །རིམ་གྲོ་པ་ནི་རིན་ཆེན་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིགས་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་རྒྱལ་ཞེས་བྱའོ། ། འདུས་པ་དད་པོ་ལི་ན་དགྲ་བཅོམ་པ་བདུན་འབྲམ་མོ། །གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ 177b ནི་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མི་བསྙེངས་བསྐྱ་པའི་ཡུལ་ནི་དགྲ་འཇོམས་ཞེས་བྱའོ། །རིགས་ནི་རྒྱལ་རགས་སོ། །འོད་ནི་དཔག་ཚད་བཅུ་དགུའོ། །ཡབ་ནི་འོད་སྦྱིན་ཞེས་བྱའོ། །ཡུལ་ནི་ཟླ་ལྡན་མ་ཞེས་བྱའོ། །སྲས་ནི་ཟླ་བའི་བླ་མ་ཞེས་བྱའོ། །རིམ་གྲོ་པ་ནི་ཟླ་བ་ཞེས་བྱའོ། ། ཤས་རབ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་བྱིན་ཞེས་བྱའོ། །འུས་པ་དང་པོ་ལ་ནི་དགྲ་བཅོམ་པ་བརྒྱད་འབུམ་མོ། །གཉིས་པ་ལ་ནི་བདུན་འབུམ་བརྒྱད་ཁྲི་འོ། །གསུམ་པ་ལ་ནི་བདུན་འབུམ་དྲུག་ཁྲི་འོ། །སྐུ་ཆེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་པའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་སྐྱེ་བའི་ཡུལ་ནི་མཚམས་བརྟན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་དྲང་སྲོང་བྱིན་ཞེས་བྱའོ། །ཡུལ་ནི་བསོད་ནམས་བྱེད་ཞེས་བྱའོ། །སྲས་ནི་སྨན་གྱི་མེ་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞིའོ། ། 178a ༄#། །གཉིས་པ་ལ་ནི་དུང་ཕྱུར་ཕྲག་གསུམ་དང ། བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཆད་ནི་ལོ་ཁྲི་བརྒྱད་སྟོད་ངོ ། །དམ་པའི་ཆོས་ནི་ལོ་བུན་ཁྲིའི་དབང་དུ་གནས་སོ། །སྐུ་གདུང་ནི་རིམ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པདྨའི་སྤྱན་སྐྱེ་བོའི་ཡུལ་ནི་ཡུལ་འཁོར་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཆོད་སུམ་ཅུ་རྩ་གཉིས་སོ། ཡབ་ནི་མེ་ཏོག་བླ་མ་ཞེས་བྱའོ། །ཡུམ་ནི་གཟུགས་ལྡན་པ་ཞེས་བྱའོ། །སྲས་ན་ལྷ་དགའ་ཞེས་བྱའོ། །རིམ་གྲོ་པ་ནི་མྱ་ངན་མེད་པའི་མེ་ཏོག་ཅས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་འདོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཅན་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བཅུན་ནོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བཞིའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ནི་ལྔ་ཁྲི་དྲུག་སྟོང ། གི་བར་དུ་གནས་སོ། ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྟོབས་སྡེ་སྐྱེ་བའི་ཡུལ་ནི་བཟང་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ ། 178b ཡབ་ནི་སྟོབས་ལྷ་ཞེས་བྱའོ། །ཡུམ་ནི་བདེ་སྦྱིན་མ་ཞེས་བྱའོ། །སྲས་ནི་བསོད་ནམས་འོད་ཟེར་ཞེས་བྱའོ། །རིམ་གྲོ་བ་ནི་ཆོས་སྲུང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་བའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་ཤིན་ཏུ་བད་པ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་ཁྲིའོ། །གཉིས་པ་ལ་ནི་ལྔ་ཁྲི་བརྒྱད་སྟོང་ངོ ། །གསུམ་པ་ལ་ནི་ལྔ་ཁྲི་བདུན་སྟོང་ངོ ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་འོད་ཟེར་སྐྱེ་བའི་ཡུལ་ནི་ཟླ་བ་མེ་ཏོག་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུ་རྩ་བརྒྱད་དོ། །ཡབ་ནི་སྡུག་མཐོང་ཞེས་བྱའོ། །ཡུམ་ནི་རྒྱུ་སྐར་ལྡན་ཞེས་བྱའོ། །སྲས་ནི་ཆོས་བརྟན་ཞེས་བྱའོ། །རིམ་གྲོ་བ་ནི་བྱང་ཆུབ་ཅེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་དོན་གྱི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་རྒྱལ་མཚན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གསུམ་དང ། བྱེ་བ་ཕྲག་གཉིས་སོ། །གསུམ་པ་ལ་ནི་དུང་ཕྱུར་ཕྲག་གསུམ་དང ། ཕྱེ་བ་ཕྲག་གཉིས་སོ། །སྐུ་ཚེའི་ཚད་ནི་ 179a ༄#། །ལོ་ཉི་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་ནོར་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་དགེ་བ་ཞེས་བྱའོ། །ཡུམ་ནི་དཔལ་བཟང་མོ་ཞེས་བྱའོ། །སྲས་ནི་ལྷས་སྦེད་ཅེས་བྱའོ། །རིམ་གྲོ་བ་ནི་ཕན་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་གདུགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙམ་པ་ཀ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་དགུའོ། །གཉིས་པ་ལ་ནི་ཐེར་འབུམ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་ཕྲག་བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ལྔ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་ཆེན་སྐྱེ་བའི་ཡུལ་ནི་མཆོད་སྦྱིན་འབྱོར་ལྡན་ཞེས་བྱའོ། །རིགས་ནི་བྲམ་ཟེའོ། འོད་ནི་དཔག་ཚད་ལྔའོ། །ཡབ་ནི་རིན་པོ་ཆེའི་མཛོད་ཅེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་འོད་ཟེར་བླ་མ་ཞེས་བྱའོ། །རིམ་གྲོ་བ་ནི་ལག་བཟངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པདྨའི་སྙིང་པོ་ཞེས་བྱའོ། །འདུས་པ་ 179b དང་པོ་ལ་ནི་དགྲ་བཅོམ་པ་བདུན་ཁྲིའོ། །གཉིས་པ་ལ་ནི་བདུན་ཁྲི་ལྔ་སྡོང་ངོ ། །གསུམ་པ་ལ་ནི་བརྒྱད་ཁྲིའོ། །སྐུ་ཚེའི་ཚད་ནི་ལོ་ལྔ་འབུམ་མོ། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚངས་པ་སྐྱེ་བའི་ཡུལ་ནི་གསེར་མདོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་མྱ་ངན་མེད་དགའ་ཞེས་བྱའོ། །ཡུམ་ནི་ཙན་དན་ཅན་ཞེས་བྱའོ། །སྲས་ནི་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་དགྲ་འདུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་བདག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཙུག་གི་རྡོ་རྗེ་ཞེས་བྱའོ། །འདུས་པ་ནི་ལན་ཅིག་ཏུ་བཟད་དོ། དགྲ་བཅོམ་པ་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་དཔག་མེད་སྐྱེ་བའི་ཡུལ་ནི་ཉམས་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་དྲུག་གོ་།ཡབ་ནི་དབྱངས་ཀྱི་དབྱང་ཕྱུག་འོད་ཅེས་བྱའོ། །ཡུམ་ནི་ཟླ་འོད་ཅེས་བྱའོ། །སྲས་ནི་དགའ་ལྡན་ཞེས་བྱའོ། །རིམ་གྲོ་བ་ནི་དགའ་སྡེ་ཞེས་བྱའོ། །ཤེས་ 180a ༄#། །རབ་ཅན་རྣམས་ཀྱི་མཆོག་ནི་དག་པའི་དབང་ཕྱུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གློག་འོད་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་གཉིས་སོ། །གཉིས་པ་ལ་ནི་ཐེར་འབུམ་ཕྲག་བཞིའོ། །གསུམ་པ་ལ་ནི་ཐེར་འབུམ་ཕྲག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་།ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གླུ་སྦྱིན་སྐྱེ་བའི་ཡུལ་ནི་རིན་པོ་ཆེ་སྣ་ཚོགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེད་དོ། །ཡབ་ནི་རྒྱལ་བས་འཛིན་ཅེས་བྱའོ། །ཡུམ་ནི་ཆོས་ལྡན་མ་ཞེས་བྱའོ། །སྲས་ནི་བསོད་ནམས་སྟོབས་ཞེས་བྱའོ། །རིམ་གྲོ་པ་ནི་རིན་ཆེན་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙམྤ་ཀའི་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མི་ཞེས་བྱའོ། ། འདུས་པ་དང་པོ་ལ་ནི་ཉན་ཐོས་བརྒྱད་ཁྲི་འོ། །གཉིས་པ་ལ་ནི་བདུན་ཁྲི་བརྒྱད་སྟོང་ངོ ། །གསུམ་པ་ལ་ནི་བདུན་ཁྲི་ལྔ་སྟོང་ངོ ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟན་ 180b པར་གཤེགས་སྐྱེ་བའི་ཡུལ་ནི་བཟང་པོའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་སེང་གེའི་མཆེ་བ་ཞེས་བྱའོ། །ཡུམ་ནི་སྡོང་བུ་བྱིན་ཞེས་བྱའོ། །སྲས་ནི་ཆོས་སྒྲོགས་ཤེས་བྱའོ། །རིམ་གྲོ་པ་ནི་ལེགས་སྦྲུལ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་པ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་བྱེ་བ་ཕྲག་བརྒྱ་ལྔ་བཅུའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ཡོད་མཐོང་སྐྱེ་བའི་ཡུལ་ནི་གསལ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འདོམ་གང་ངོ ། །ཡབ་ནི་དགེ་བས་བྱིན་ཞེས་བྱའོ། །ཡུམ་ནི་སྦྲང་རྩི་མིག་ཅེས་བྱའོ། །སྲས་ནི་སྐར་མདོག་ཅེས་བྱའོ། །རིམ་གྲོ་བ་ནི་ཛམྦུའི་ཆུ་ཀླུ་དང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བ་ཤེས་གཉེན་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་དགུ་དང ། 181a ༄#། །བྱེ་བ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྩོན་འགྲུས་སྦྱིན་སྐྱེ་བའི་ཡུལ་ནི་ཙམ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ཡེ་ཤེས་བཟང་པོ་ཞེས་བྱའོ། །ཡུམ་ནི་དཔལ་བྱིན་མ་ཞེས་བྱའོ། །སྲས་ནི་མྱ་ངན་མེད་ལྷ་ཞེས་བྱའོ། །རིམ་གྲོ་པ་ནི་མཆོག་པའི་རྒྱན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དམིགས་མེད་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་དཔལ་ཞེས་བྱའོ། །འདུས་པ་ནི་ལན་གཅིག་སྟེ། དགྲ་བཅོམ་པ་བརྒྱད་འབུམ་མོ། ། སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟང་ངོ ། །དེ་བཞིན་གཤེགས་པ་བཟང་སྐྱོད་སྐྱེ་བའི་ཡུལ་ནི་དགའ་བ་རབ་སྦྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་རིན་ཆེན་སྐར་རྒྱལ་ཞེས་བྱའོ། ། ཡུམ་ནི་བསོང་ནམས་ཅན་ཞེས་བྱའོ། །སྲས་ནི་སྟག་སྦྱིན་ཞེས་བྱའོ། །རིམ་གྲོ་པ་ནི་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཁྱབ་བདག་ཅེས་ 181b བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་རྒྱལ་མཚོ་ཞེས་བྱའོ། །འདུས་པ་ནི་ལན་གཅིག་སྟེ། །དགྲ་བཅོམ་པ་དབང་ཐོབ་པ་ཐེར་འབུམ་ཕྲག་གཅིག་དང ། དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་དུང་ཕྱུར་གཅིག་གོ་།དམ་པའི་ཆོས་ནི་ལོ་ཉི་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་བོ་སྐྱེ་བའི་ཡུལ་ནི་འབྱོར་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་ཚངས་ལྷ་ཞེས་བྱའོ། །ཡུམ་ནི་དཔལ་རྒྱལ་ཞེས་བྱའོ། །སྲས་ནི་གཟི་བརྗིད་ཆེན་པོ་ཞེས་བྱའོ། །རིམ་གྲོ་པ་ནི་བདེ་སྟབས་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བའི་མིག་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་དང་བྱེ་བ་ཕྲག་།གསུམ་མོ། །གཉིས་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་གཉིས་སོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་གཅིག་གོ་།སྐུ་ཚེའི་ཚད་ནི་ལ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཆི་མེད་སྐྱེ་བའི་ཡུལ་ནི་རྫུ་འཕྲུལ་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུའོ། །ཡབ་ནི་སྨན་པའི་ 182a ༄#། །རྒྱལ་པོ་ཞེས་བྱའོ། །ཡུམ་ནི་རྒྱུ་སྐར་དཔལ་ཞེས་བྱའོ། །སྲས་ནི་མེ་ཏོག་ལྷ་ཞེས་བྱའོ། །རིམ་གྲོ་པ་ནི་མི་ཕམ་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པ་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་དཔའ་བོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་གོ ། གཉིས་པ་ལ་ནི་དུང་ཕྱུར་ཕྲག་ལྔ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་ལྔ་དང་བྱེ་བ་ཕྲག་བདུན་ནོ། །སྐུ་ཚེའི་ཚད་ནི་ལོ་ཉི་ཁྲི་ཅིག་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེངྒེའི་རྒྱལ་མཚན་སྐྱེ་བའི་ཡུལ་ནི་མདངས་ཐོབ་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུའོ། །ཡབ་ནི་ཆོས་ཀྱི་རྒྱལ་མཚན་ཞེས་བྱའོ། །ཡུམ་ནི་བསོད་ནམས་བཤེས་གཉེན་ཞེས་བྱའོ། །སྲས་ནི་ཕྱུག་སྦྱིན་ཞེས་བྱའོ། །རིམ་གྲོ་པ་ནི་མཆོད་བཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྦྱོར་བས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྟུལ་ཞུགས་མཛེས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཉིས་དང་བྱེ་བ་ཕྲག་གཉིས་སོ། །གཉིས་པ་ལ་ 182b ནི་དུང་ཕྱུར་ཕྲག་གཉིས་དང་བྱ་བ་ཕྲག་གཅིག་གོ་།གསུམ་པ་ལ་ནི་དུང་ཕྱུར་ཕྲག་གཉིས་སོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྒྱལ་བ་སྐྱེ་བའི་ཡུལ་ནི་རིན་པོ་ཆེ་སྤྱོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་ཉི་མའི་གཟི་བརྗིད་ཅེས་བྱའོ། །ཡུམ་ནི་མེ་ཏོག་མིག་ཅེས་བྱའོ། །སྲས་ནི་བདེན་དགའ་ཞེས་བྱའོ། །རིམ་གྲོ་པ་ནི་ཆོས་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྟུལ་ཞུགས་བདེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་བཟངས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་འབུམ་ཕྲག་བརྒྱད་བཅུའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་སྐྱེ་བའི་ཡུལ་ནི་ལྷ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་མི་ཕམ་ཞེས་བྱའོ། །ཡུམ་ནི་གྲགས་ 183a ལྡན་མ་ཞེས་བྱའོ། །སྲས་ནི་སྐྱེ་དབང་ལྷ་ཞེས་བྱའོ། །རིམ་གྲོ་པ་ནི་ཉི་མས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིང་རྟ་ཆེན་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྨན་སྦྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་བརྒྱད་དོ། །གཉིས་པ་ལ་ནི་བྱེ་བ་ཕྲག་བདུན་ནོ། །གསུམ་པ་ལ་ནི་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། ། དེ་བཞིན་གཤེགས་པ་མཆོག་ཏུ་དགའ་བའི་རྒྱལ་པོ་སྐྱེ་བའི་ཡུལ་ནི་འགྲོ་དེན་གྲུབ་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་བླ་མ་ཞེས་བྱའོ། །ཡུམ་ནི་དཔལ་འདུད་ཅེས་བྱའོ། །སྲས་ནི་གསེར་སྦྱིན་ཞེས་བྱའོ། །རིམ་གྲོ་བ་ནི་བཤེས་གཉེན་བཟང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མཛེས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་གསུམ་དང ། བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གསུམ་དང ། བྱེ་བ་ཕྲག་བདུན་ནོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ 183b ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཁ་ལོ་བསྒྱུར་སྐྱེ་བའི་ཡུལ་ནི་རིན་པོ་ཆེའི་མཛོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ་།ཡབ་ནི་ལེགས་སྐྱེས་ཞེས་བྱའོ། །ཡུམ་ནི་རིན་ཆེན་ཞེས་བྱའོ། །སྲས་ནི་བསོད་ནམས་འོད་ཅེས་བྱའོ། །རིམ་གྲོ་པ་ནི་རྒྱ་མཚོའི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བླ་སྦྱང་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། ། འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྱེས་པར་གཤེགས་པ་སྐྱེ་བའི་ཡུལ་ནི་འཇིག་རྟེན་མངོན་པར་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་ཞི་བའི་བྲམ་ཞེས་བྱའོ། །ཡུམ་ནི་དགའ་ལྡན་མ་ཞེས་བྱའོ། །སྲས་ནི་ཆངས་སྦྱིན་ཞེས་བྱའོ། །རིམ་གྲོ་པ་ནི་ཆོས་གཙོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་མཆོག་ཅེས་བྱའོ། །རྫུ་འཕྲུལ་ཅན་རྣམས་ 184a ༄#། །ཀྱི་མཆོག་ནི་འཆི་མེད་དབྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་བཞི་དང ། བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་དྲུག་གོ་།སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་དུ་འདུག་གོ་།མཆོག་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆུ་ལྷ་སྐྱེ་བའི་ཡུལ་ནི་ཡིད་བཟང་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་དྲང་པོར་དགའ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཟླ་བའི་བླ་མ་ཞེས་བྱའོ། །རིམ་གྲོ་པ་ནི་ཏོག་གི་གཟི་བརྗིད་ཅེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་སྒྲ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མྱ་དན་མེད་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་བདུན་བཅུའོ། ། གཉིས་པ་ལ་ནི་བྱེ་བ་བརྒྱད་ཕྲག་དྲུག་བཅུའོ། །གསུམ་པ་ལ་ནི་བྱེ་བ་བརྒྱ་ཕྲག་ལྔ་བཅུའོ། །སྐུ་ཚེའི་ཚད་ན་ལོ་བཞི་ཁྲིའོ། །དམ་པའི་ཆོས་ནི་ལོ་ཉི་ཁྲིའོ་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་ཡན་ལག་སྐྱེ་བའི་ཡུལ་ནི་སྤོས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ 184b དགུའོ། །ཡབ་ནི་མིས་བྱིན་ཞེས་བྱའོ། །ཡུམ་ནི་གཟི་བརྗིད་ཕུང་པོ་ཞེས་བྱའོ། །སྲས་ནི་སྐར་རྒྱལ་ཞེས་བྱའོ། །རིམ་གྲོ་པ་ནི་ཨུ་དཔལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲི་མེད་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང ། བྱེ་བ་ཕྲག་བཞིའོ། ། གཉིས་པ་ལ་ནི་དུང་ཕྱུར་ཕྲག་གཅིག་དང ། བྱེ་བ་ཕྲག་དྲུག་གོ་།གསུམ་པ་ལ་ནི་དུང་ཕྱུར་ཕྲག་གཅིག་དང ། བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྦོས་ཀྱི་གླང་པོ་སྐྱེ་བའི་ཡུལ་ནི་བསོད་ནམས་སྤོས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུ་རྩ་གཉིས་སོ། །ཡབ་ནི་སྤོས་དཔལ་ཞེས་བྱའོ། །ཡུམ་ནི་མེ་ཏོག་ཕུང་པོ་ཞེས་བྱའོ། །སྲས་ནི་དགའ་བའི་འོད་ཅེས་བྱའོ། །རིམ་གྲོ་པ་ནི་བདེན་པའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕྲག་དགའ་བཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཐུབ་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་དང་བྱེ་བ་ཕྲག་དྲུག་གི་།གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་བཞིའོ། །གསུམ་པ་ལ་ནི་དུང་ 185a ༄#། །ཕྱུར་ཕྲག་དྲུག་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་གཟིགས་སྐྱེ་བའི་ཡུལ་ནི་ཙམ་པ་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་གཟུགས་བྱིན་ཞེས་བྱའོ། །ཡུམ་ནི་རིན་ཆེན་འཕགས་མ་ཞེས་བྱའོ། །སྲས་ནི་སྐྱེ་བ་པོ་ཞེས་བྱའོ། །རིམ་གྲོ་བ་ནི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྣང་བ་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་སྣ་ཚོགས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་དྲུག་གོ་།སྐུ་ཚེའི་ཚད་ནི་ལོ་དུང་ཕྱུར་ཕྲག་དགུའོ། །དམ་པའི་ཆོས་ནི་ལོ་དུང་ཕྱུར་ཕྲག་དགུའི་དང་བྱེ་བ་ཕྲག་དགུའོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འབྲུག་སྒྲ་སྐྱེ་བའི་ཡུལ་ནི་གནས་དགའ་ཞེས་བྱའོ། ། རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུ་རྩ་བཞིའོ། །ཡབ་ནི་གློག་མཆོག་ཅེས་བྱའོ། །ཡུམ་ནི་གཟི་བྱིན་ཕུང་པོ་ཞེས་བྱའོ། །སྲས་ནི་ཆོས་ཅན་ཞེས་བྱའོ། །རིམ་ 185b གྲོ་པ་ནི་དགྲ་འདུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་སྟོབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་བདུན་དང ། བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། ཀུ་ཚེའི་ཚད་ནི་ལོ་དགུ་ཁྲིའོ། ། དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་སེམས་སྐྱེ་བའི་ཡུལ་ནི་རིན་ཆེན་མཐའ་ཡས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དོ། །ཡབ་ནི་སེམས་བརྟན་ཞེས་བྱའོ། །ཡུམ་ནི་བསོད་ནམས་ལྡན་ཞེས་བྱའོ། །སྲས་ནི་མེ་ཏོག་སྦྱིན་ཞེས་བྱའོ། །རིམ་འགྲོ་བ་ནི་སྟོབས་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔེ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་མོ། །གཉིས་པ་ལ་ནི་བརྒྱད་ཁྲིའོ། །གསུམ་པ་ལ་ནི་ས་ཡ་ཕྲག་བདུན་ནོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་དུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡིད་བཟངས་སྐྱེ་བའི་ཡུལ་ནི་བལྟ་ན་སྡུག་པ་ཞེས་བྱའོ། །རིགས་ 186a ༄#། །ནི་རྒྱལ་རིགས་སོ། །འོད་ནི་དཔག་ཚད་བཅུ་བཞིའོ། །ཡབ་ནི་ནོར་ལྷ་ཞེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་མེ་ཏོག་ཅེས་བྱའོ། །རིམ་གྲོ་པ་ནི་མཆོག་བདེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སོ་མཉམ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཀྱིས་འགྲོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཉིས་དང་བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་གསུམ་མོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་དྲི་མེད་སྐྱེ་བའི་ཡུལ་ནི་ནོར་ཅན་གཟི་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུ་རྩ་བརྒྱད་དོ། །ཡབ་ནི་དཔལ་གྱི་སྙིང་པོ་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་གཟི་བརྗིད་གྱི་ནི་མ་ཞེས་བྱའོ། །རིམ་གྲོ་བ་ནི་མཚུངས་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ས་རི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མགུ་བ་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བརྒྱད་ཁྲིའོ། །གཉིས་པ་ལ་ནི་དགུ་ཁྲིའོ། །གསུམ་ 186b པ་ལ་ནི་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་པའི་ཡུལ་ནི་མྱ་ངན་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་བླ་མ་ཞེས་བྱའོ། །ཡུམ་ནི་དཔག་མཆོག་ཅེས་བྱའོ། །སྲས་ནི་གཟི་བརྗིད་བྱིན་ཞེས་བྱའོ། །རིམ་གྲོ་བ་ནི་ཆོས་འཕགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རི་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་དགའ་བ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། ། དམ་པའི་ཆོས་ནི་ལོ་ས་ཡ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་གྲགས་ཆེན་སྐྱེ་བའི་ཡུལ་ནི་དམིགས་པ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གཉིས་སོ། །ཡབ་ནི་དཔལ་བརྩེགས་ཤེས་བྱའོ། །ཡུམ་ནི་ཉི་མས་བྱིན་ཞེས་བྱའོ། །སྲས་ནི་ཡིད་གཉིས་སྤོང་ཞེས་བྱའོ། །རིམ་གྲོ་བ་ནི་ཐོས་པའི་དོན་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡུལ་འཁོར་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྲོན་པ་བྱིན་ 187a ༄#། །ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་ཕྲག་ལྔའོ། །གཉིས་།པ་ལ་ནི་ཐེར་འབུམ་ཕྲག་གསུམ་མོ། །གསུམ་པ་ལ་ནི་ཐེར་འབུམ་ཕྲག་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ལྡ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཙུག་ན་ནོར་བུ་སྐྱེ་བའི་ཡུལ་ནི་འོད་གསལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུའོ། །ཡབ་ནི་རྟོགས་དགའ་ཞེས་བྱའོ། །ཡུམ་ནི་ཙམ་པ་བདག་ཅེས་བྱའོ། །སྲས་ནི་རྣམ་པར་རྒྱལ་བའི་སྡེ་ཞེས་བྱའོ། །རིམ་གྲོ་བ་ནི་ཡོན་ཏན་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྟུལ་ཞུགས་དཀའ་ཐུབ་ཅེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་ཕྲག་དགུའོ། །གཉིས་པ་ལ་ནི་བྱེ་བ་བརྒྱ་ཕྲག་བཅུའོ། །གསུམ་བ་ལ་ནི་བྱེ་བ་བརྒྱ་ཕྲག་བཅུ་གཉིས་སོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་པའི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲག་ཤུལ་ཅན་སྐྱེ་བའི་ཡུལ་ནི་བདེ་སྐྱེད་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གསུམ་གྱི་སྟོང་ 187b ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་ནི་མཆོད་རྟེན་ཞེས་བྱའོ། །ཡུལ་ནི་སལ་བདག་ཅེས་བྱའོ། །སྲས་ནི་འོད་ལྡན་ཞེས་བྱའོ། །རིམ་གྲོ་བ་ནི་ནོར་བུ་དགའ་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་སྐལ་ལྡན་འདོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་འདུལ་ཞེས་བྱའོ། །འདུས་པ་དང་བལ་ནི་ཉན་ཐོས་དགྲ་བཅོམ་པ་དུང་ཕྱུར་ཕྲག་གཅིག་དང་བྱེ་བ་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཅིག་དང ། བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་བའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེངྒེའི་སྟོབས་སྐྱེ་བའི་ཡུལ་ནི་བཀོད་པ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུ་རྩ་གསུམ་མོ། །ཡབ་ནི་རི་དགའ་ཞེས་བྱའོ། །ཡུམ་ནི་སྨན་ཞེས་བྱའོ། །སྲས་ནི་གྲུ་འཛིན་ཅེས་བྱའོ། །རིམ་གྲོ་བ་ནི་དལ་བར་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་ཏུ་གཉིས་བཟང་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡུལ་འཁོར་གཞོལ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡི་ཕྲག་གཅིག་དང ། འབུམ་ 188a ཕྲག་བདུན་ནོ། །གཉིས་པ་ལ་ནིས་ཡི་ཕྲག་གཅིག་དང་འབུམ་ཕྲག་དྲུག་གོ་།གསུམ་པ་ལ་ནི་ས་ཡི་ཕྲག་གཅིག་དང་འབུམ་ཕྲག་བཞིའོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་བྱེ་བ་ཕྲག་བདུན་གྱི་བདུང་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྗོན་པ་སྐྱེ་བའི་ཡུལ་ནི་ཙམ་པ་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་སཝ་ལའི་རྒྱལ་པོ་ཞེས་བྱའོ། །ཡུམ་ནི་བློ་གྲོས་ཏོག་ཅེས་བྱའོ། ། སྲས་ནི་འགྲོ་བར་དགའ་ཞེས་བྱའོ། །རིམ་གྲོ་བ་ནི་འོད་ཟེར་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐར་པ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐུབ་དགའ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞི་དང་བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་གསུམ་མོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། ། སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྣམ་པར་རྒྱལ་བ་ཅན་སྐྱེ་བའི་ཡུལ་ནི། ཡུལ་འཁོར་སྨན་ལྡན་ཞེས་ 188b བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུའོ། །ཡབ་ནི་དགའ་བས་ལྷ་ཞེས་བྱའོ། །ཡུལ་ནི་ནོར་སྦྱིན་མ་ཞེས་བྱའོ། །སྲས་ནི་དབའ་བོས་སྦྱིན་ཞེས་བྱའོ། །རིམ་གྲོ་བ་ནི་ཆོས་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་དུ་རྒྱལ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་གྲགས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་ཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲིའི་བར་དུ་གནས་སོ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཤེས་རབ་བརྩེགས་སྐྱེ་པའི་ཡུལ་ནི་བཟང་སྦྱིན་ཞེས་བྱའོ། །རིགས་ནི་རྒྱལ་།རིགས་སོ། །འོད་ནི་དཔག་ཚད་བཅུ་གཅིག་གོ་།ཡབ་ནི་ཐམས་ཅད་སྦྱིན་ཞེས་བྱའོ། །ཡུམ་ནི་གཟི་བརྗིད་སྤྲད་རྩེགས་ཞེས་བྱའོ། །སྲས་ནི་ཚད་ས་ལྷ་ཞེས་བྱའོ། །རིམ་གྲོ་བ་ནི་ཆོས་ཀྱི་གྲགས་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དབང་པོའི་ཡིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཙོ་བོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞི་དང་བྱེ་བ་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་གསུམ་ 189a མོ། །གསུམ་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། ། སྐུ་གདུང་ནི་རིལ་བོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་གནས་སྐྱེ་བའི་ཡུལ་ནི་ཤིང་རྟ་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུའོ། །ཡབ་ནི་ཚུགས་པ་མེད་པའི་བཞིན་ཞེས་བྱའོ། །ཡུམ་ནི་དགའ་བའི་ང་རོ་ཞེས་བྱའོ། །སྲས་ནི་སྦེད་པ་པོ་ཞེས་བྱའོ། །རིམ་གྲོ་པ་ནི་དྲང་སྲོང་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བླ་མས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ནོར་གྱི་སྒྲོན་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བཞི་ཁྲི་དྲུག་སྟོང་ངོ ། །གཉིས་པ་ལ་ནི་བཞི་ཁྲི་ལྔ་སྟོང་ངོ ། །གསུམ་པ་ལ་ནི་བཞི་ཁྲི་སུམ་སྟོང་ངོ ། །སྐུ་ཚེའི་ཚད་ནི་ལོ་ལྔ་ཁྲིའི། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་གྲོས་སྐྱེ་བའི་ཡུལ་ནི་ཡིད་འོང་དགའ་ཞེས་བྱའོ་། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ཚུལ་ཁྲིམས་སྦྱིན་ཞེས་བྱའོ། །ཡུམ་ནི་ཡན་ཏན་བློ་གྲོས་ཤེས་བྱའོ། །སྲས་ནི་ཉི་མས་བྱིན་ཞེས་ 189b བྱའོ། །རིམ་གྲོ་བ་ནི་དབང་པོས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ཞི་སྤྱོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་སེམས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་དགུའོ། །གཉིས་པ་ལ་ནི་བྱེ་བ་ཕྲག་བདུན་ནོ། །གསུམ་པ་ལ་ནི་བྱེ་བ་ཕྲག་དྲུག་གོ་།སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡན་ལག་སྐྱེས་སྐྱེ་བའི་ཡུལ་ནི་གནས་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གསུམ་མོ། །ཡབ་ནི་དབང་པོའི་མཚོན་ཆ་ཞེས་བྱའོ། །ཡུམ་ནི་ལྷ་མོའི་དབང་ཕྱུག་ཅེས་བྱའོ། །སྲས་ནི་ཆུ་ལྷའི་ལྷ་ཞེས་བྱའོ། །རིམ་གྲོ་བ་ནི་ཤེས་རབ་གཙུག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་བླ་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་དཔལ་ཞེས་བྱའོ། ། འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བདུན་ནོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བློ་མཐའ་ཡས་སྐྱེ་བའི་ཡུལ་ནི་མེ་ཏོག་གི་གདུགས་ 190a ༄#། །ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་མིག་དམར་ཞེས་བྱའོ། །ཡུམ་ནི་ཀླུས་བྱིན་ཞེས་བྱའོ། སྲས་ནི་མཛེས་པ་ཞེས་བྱའོ། །རིམ་གྲོ་བ་ནི་ལྷ་བཟངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲ་སྙན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དལ་འགྲོ་ཞེས་བྱའོ། ། འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བཞིའོ། །སྐུ་ཚེའི་ཚད་ནི་ལོ་བྱེ་བའོ། ། དམ་པའི་མོས་ནི་ལོ་བྱེ་བ་ཕྲག་དྲུག་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟུགས་བཟང་སྐྱེ་བའི་ཡུལ་ནི་གཟི་བརྗིད་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གསུམ་མོ། །ཡབ་ནི་དགའ་བའི་དབང་ཕྱུག་ཅེས་བྱའོ། །ཡུམ་ནི་དགའ་ལྡན་མ་ཞེས་བྱའོ། །སྲས་ནི་འགྲོ་དོན་གྲུབ་ཅེས་བྱའོ། །རིམ་འགྲོ་བ་ནི་བླ་མས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་རྒྱ་ཆེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བག་མི་ཚ་བ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་མོ། །སྐུ་ 190b ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཁྱེན་ལྡན་སྐྱེ་བའི་ཡུལ་ནི་བདེ་བ་།བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་བཞིའོ། །ཡབ་ནི་དྲང་སྲོང་བྱིན་ཞེས་བྱའོ། །ཡུམ་ནི་རྡུལ་བྲལ་ཞེས་བྱའོ། །སྲས་ནི་དཔའ་བོ་ཞེས་བྱའོ། །རིམ་གྲོ་བ་ནི་ཀུན་དགའ་བོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤྱོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཉིས་དང་བྱེ་བ་ཕྲག་གཉིས་སོ། །གཉིས་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་གཅིག་གོ་།གསུམ་པ་ལ་ནི་དུང་ཕྱུར་ཕྲག་གཉིས་སོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་ཟེར་སྐྱེ་བའི་ཡུལ་ནི་བཻ་ཌཱུརྱའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུ་རྩ་གསུམ་མོ། །ཡབ་ནི་ཕན་པར་དགའ་ཞེས་བྱའོ། །ཡུམ་ནི་ཡིད་དགའ་ཞེས་བྱའོ། །སྲས་ནི་ཡིད་སྨོན་ཞེས་བྱའོ། །རིམ་གྲོ་བ་ནི་ཆོག་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཕགས་ 191a ༄#། །དགྱེས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དུལ་བའི་བཤེས་གཉེན་ཞེས་བྱའོ། །འདུས་པ་དང་པོ་ལན་ཉན་ཐོས་དུང་ཕྱུར་ཕྲག་གཉིས་དང་བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྟུལ་ཤུགས་བརྟན་སྐྱེ་བའི་ཡུལ་ནི་ཉི་མ་འདོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ལྷ་དགའ་ཞེས་བྱའོ། །ཡུམ་ནི་ང་རོ་ཡིད་བཟང་ཞེས་བྱའོ། །སྲས་ནི་དབང་ཕྱུག་བྱིན་ཞེས་བྱའོ། །རིམ་གྲོ་བ་ནི་ཡིད་འོད་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྦྲང་རྩི་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་དུང་ཕྱུར་ཕྲག་བཞིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བཀྲ་ཤིས་སྐྱེ་བའི་ཡུལ་ནི་དགའ་ 191b འདུལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུའོ། །ཡབ་ནི་སེམས་ཀྱི་རྒྱལ་པོ་ཞེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་མཐའ་ཡས་ལག་ཅེས་བྱའོ། །རིམ་གྲོ་པ་ནི་བཤེས་གཉེན་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱི་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་རྒྱལ་བའི་བཤེས་གཉེན་ཞེས་བྱའོ། །འདུས་བ་དང་བོ་ལ་ནི་ཉན་ཐོས་དུང་ཕྱུར་ཕྲག་ལྡའོ། །གཉིས་བ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་དྲུག་གོ་།སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདེན་པའི་ཏོག་སྐྱེ་བའི་ཡུལ་ནི་དགའ་བསྒྲོགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་བསོད་ནམས་སྟེགས་ཤེས་བྱའོ། །ཡུམ་ནི་བཟང་ལྡན་མ་ཞེས་བྱའོ། །སྲས་ནི་སྙན་པར་དགའ་ཞེས་བྱའོ། །རིམ་གྲོ་པ་ནི་བཤེས་གཉེན་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སཝ་ལའི་མིག་ཅེས་བྱའོ། །འདུས་པ་དང་བོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་བདུན་ནོ། །གསུམ་པ་ལ་ནི་དུང་ཕྱུར་ 192a ༄#། །ཕྲག་དྲུག་གོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པདྨ་སྐྱེ་བའི་ཡུལ་ནི་མེ་ཏོག་རྒྱས་པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་ནོར་སྦྱིན་ཞེས་བྱའོ། །ཡུམ་ནི་དགའ་བ་ཅན་ཞེས་བྱའོ། །སྲས་ནི་བསོད་ནམས་འོད་ཅེས་བྱའོ། །རིམ་གྲོ་བ་ནི་ཐུབ་དཀའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྨན་ཆེན་ཞེས་བྱའོ། །འདུས་པ་།དང་པོ་ལ་ནི་ཉན་ཐོས་ཁྲིའོ། །གཉིས་པ་ལ་ནི་དགུ་ཁྲི་དགུ་སྟོང་ངོ། །གསུམ་པ་ལ་ནི་དགུ་ཁྲི་བརྒྱད་སྟོང་ངོ ། །སྐུ་ཚེའི་ཚད་ནི་ལོ་ལྔ་བརྒྱའོ། །དམ་པའི་ཆོས་ནི་ལོ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྲེད་མེད་ཀྱི་བུ་སྐྱེ་བའི་ཡུལ་ནི་མཚམས་བརྟན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་དགའ་བའི་མིག་ཅེས་བྱའོ། །ཡུམ་ནི་ཡིད་བཟང་སྦྱིན་ཞེས་བྱའོ། །སྲས་ནི་བཟང་པོ་ཞེས་བྱའོ། །རིམ་གྲོ་བ་ནི་གཙུག་ན་ནོར་བུ་ཞེས་བྱའོ། ཤེས་ 192b རབ་ཅན་རྣམས་ཀྱི་མཆོག་ནི་བྱང་ཆུབ་བཤེས་གཉེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་བཞིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་ལག་བཟངས་སྐྱེ་བའི་ཡུལ་ནི་ཡིད་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་རིན་ཆེན་མཐའ་ཡས་ཤེས་བྱའོ། །ཡུམ་ནི་བློ་གྲོས་མ་ཞེས་བྱའོ། །སྲས་ནི་གཟུངས་ཀྱི་དབང་ཕྱུག་ཅེས་བྱའོ། །རིམ་གྲོ་བ་ནི་དྲག་ཤུལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འོད་ཟེར་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེངྒེའི་ཏོག་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་དགུ་དང ། བྱེ་བ་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་དགུ་དང ། བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །སངས་རྒྱས་ཡེ་ཤེས་འབྱུང་གནས་སྐྱེ་བའི་ཡུལ། །གྲོང་ཁྱེར་བསོད་ནམས་འབྱོར་དང་ལྡན་ 193a ༄#། །ཞེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་མྱ་ངན་མེད། །དགའ་བ་རྒྱ་མཚོ་ཞེས་བྱ་ཡུམ་ཡིན་ནོ། །སྲས་ནི་ཡིད་གཞུངས་ལེགས་བྱིན་རིམ་གྲོ་བ། །ཡེ་ཤེས་ཡང་དག་འཕགས་པ་མཁས་པ་སྟེ། །བསོད་ནམས་དགའ་ཞེས་བྱ་བརྫུ་འཕྲུལ་ཅན། །འདུས་པ་དང་པོར་བྱེ་བ་ཕྲག་སྟོང་ཡོད། ། གཉིས་པར་བྱེ་བརྒྱད་གསུམ་པར་བྱེ་བ་བདུན། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་སྟེ། །ལྔ་གྱུར་དག་ཏུ་དམ་པའི་ཆོས་གྱང་གནས། །རྒྱལ་བ་དེ་ཡི་སྐུ་གདུང་རྒྱས་འགྱུར་ལ། ། སྐད་ཅིག་དེ་ལ་བདེ་བར་གཤེགས་པ་དེའི། །མཚན་ནི་གང་དག་ཉན་པར་བྱེ་བ་རྣམས། །བྱང་ཆུབ་ལ་ནི་མྱུར་དུ་རེག་པར་འགྱུར། །དེ་བཞིན་གཤེགས་པ་ཡོན་ཏན་འོད་འཕྲོ་ཡི། །སྐྱེ་བའི་ཡུལ་ནི་གྲོང་ཁྱེར་སྨན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡུལ་འཁོར་བཟང་པོ་ཡབ། །མྱ་ངན་མེད་ལྡན་ཡུམ་ཡིན་གྲགས་པ་སྲས། །མཛེས་དང་ལྡན་ཞེས་བྱ་བ་རིམ་གྲོ་བ། །ཏོག་མཁས་ཐོས་རིག་རབ་གསལ་རྫུ་འཕྲུལ་ཅན། །འདུས་པ་དང་པོར་བྱེ་སྟོང་བརྒྱད་བཅུ་སྟེ། །གཉིས་པར་བྱེ་སྟོང་བདུན་བཅུ་རྩ་བརྒྱད་ཡོད། །འདུས་པ་གསུམ་པར་བྱེ་སྟོང་བདུན་བཅུ་ལྔ། །མི་རྣམས་དག་གི་ཚེ་ལོ་བྱེ་བ་ཕྲག་།སྟོང་དུ་ནང་བ་ཉི་ཤུ་རྩ་གཉིས་ཡོད། །དམ་ཆོས་ལོ་གྲངས་སྟོང་ཕྲག་བདུན་བཅུ་གསུམ། །གནས་ 193b འགྱུར་འཇིག་རྟེན་སྒྲོན་མཛད་པ་པོ། །གྲགས་པ་མཐའ་ཡས་དེ་ཡི་སྐུ་གདུང་དག་།རྣམ་པར་རྒྱས་བདག་ཏུ་འགྱུར་བ་ཡིན། །བདེ་བར་གཤེགས་པ་ཚངས་པས་བྱིན་པ་ཡི། །སྐྱེ་ཡུལ་གྲོང་ཁྱེར་དགའ་བ་སྒྲོགས་ཤེས་བྱ། །རྒྱལ་བདེ་ཡི་རིགས་ནི་བྲམ་ཟེ་ཡིན། །འོད་ནི་དཔག་ཚད་བདུན་བཅུ་རྩ་དྲུག་ཡོད། །ཚངས་པ་ཡབ་ཡིན་ཡུམ་ནི་ཚངས་བླ་མ། །སྲས་པོ་དགའ་བྱེད་རིམ་གྲོ་ན་ཚོད་བཟང ། ། ཟླ་བའི་འོད་ཅེས་བྱ་བ་མཁས་པ་སྟེ། །སྦྱིན་པ་སྒྲོགས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་པ་ཡི་ཚོགས། །བྱེ་བ་སྟོང་ཕྲག་དགུ་བཅུ་རྩ་དགུ་ཡོད། །གཉིས་པར་བྱེ་བ་སྟོང་ཕྲག་དགུ་བཅུ་དྲུག་།གསུམ་བར་བྱེ་བ་སྟོང་ཕྲག་དགུ་བཅུ་ལྔ། །རྒྱལ་བ་དེ་ཡི་སྐུ་ཚེའི་ལོ་གྲངས་ནི། །སྟོང་ཕྲག་བདུན་བཅུ་རྩ་གཉིས་དག་ཏུ་འགྱུར། །དམ་པའི་ཆོས་ཀྱང་ལོ་གྲངས་བྱེ་བར་གནས། །སྐུ་གདུང་མཆོད་རྟེན་གཅིག་གཅིག་འབྱུང་བར་འགྱུར། །དེ་བཞིན་གཤེགས་པ་རིན་ཆེན་འབྱུང་གནས་ཀྱི། །སྐྱེ་ཡུལ་གྲོང་ཁྱེར་བཟང་པོ་ཞོས་ཀྱང་བྱ། །འོད་ཀྱི་ཚད་ནི་དཔག་ཚད་དྲུག་བཅུ་ཡོད། ། སྨན་པ་ཡབ་ཡིན་ཡུམ་ནི་ཟླ་ཉི་བཟང ། །རིན་ཆེན་མཆོག་མ་ཞེས་བྱ་སྲས་ཡིན་ལ། །རིམ་གྲོ་པ་ནི་བློ་གྲོས་བཟང་པོ་ཡིན། །མཐོང་དགའ་མཁས་པ་ཟླ་བརྫུ་འཕྲུལ་ཅན། །དེ་ཡི་འདུས་པ་དང་བོར་ཁྲི་ཕྲག་གཅིག་།གཉིས་པར་དྲུག་བཅུ་རྩ་དྲུག་གསུམ་པར་ནི། །དྲུག་བཅུ་ཐམ་པ་རྒྱལ་དེའི་སྐུ་ཚེའི་ཚད། །ལོ་གྲངས་སྟོང་ཕྲག་དགུ་བཅུ་རྩ་ཡང་གཉིས། །ལྔ་འགྱུར་དུ་ནི་དམ་པའི་ 194a ༄#། །ཆོས་ཀྱང་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ཞིང ། །དེ་ནི་དཔལ་གྱིས་རྒྱས་པར་གྱུར་པ་སྟེ། །རི་དགས་ཁྱུ་མཆོག་སེངྒེའི་སྟངས་གཤེགས་པ། ། དེ་ཡི་སྐུ་གདུང་རྣམས་ལའང་མཆོད་པར་འགྱུར། །སྟོན་པ་ལྷ་ཡི་མེ་ཏོག་སྐྱེ་བའི་ཡུལ། །གྲོང་ཁྱེར་མེ་ཏོག་གདུགས་ཤེས་བྱ་བ་ཡིན། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། ། དཔག་ཚད་ཉི་ཤུ་རྩ་གཉིས་བློ་བཟངས་ཡབ། །ཡུམ་ནི་བདེ་ལྡན་སྲས་པོ་སྐྱེ་དབང་ཡིན། །སྙིང་པོ་མཛོད་འཆད་རིམ་གྲོ་པ་ཡང་ཡིན། །ཟླ་མཆོག་སྐྱེ་བོས་མཆོད་འགྱུར་ཞེས་ཅན་དེ། །ཟླ་འོད་ཅེས་བྱ་རྫུ་འཕྲུལ་ཅན་ཡང་ཡིན། །འདུས་པ་དང་བོར་བྱེ་བ་བརྒྱ་ཕྲག་གསུམ། །གཉིས་པར་བྱེ་བ་བརྒྱ་ཕྲག་གཉིས་གསུམ་པར། །བྱེ་བ་བྲག་བརྒྱ་སྐུ་ཚེའི་ལོ་གྲངས་ནི། །ཁྲི་ཕྲག་སྟོང་ཡིན་སུམ་གྱུར་དམ་ཆོས་གནས། །འདྲེན་པ་ཡི་ནི་མཆོད་རྟེན་གཅིག་འབྱུང་ལ། །དེ་ལ་གང་དག་སྐྱེས་པ་བུད་མེད་རྣམས། །བསྟོད་མཆོག་མཆོད་པ་རྒྱ་ཆེན་བྱེད་དེ་དག་།བྱང་ཆུབ་མཆོག་རབ་ལ་ནི་རེག་པར་འགྱུར། །དེ་བཞིན་གཤེགས་པ་དོན་ལགས་སེམས་པ་ཡི། །སྐྱེ་བའི་ཡུལ་ནི་བསོད་ནམས་རབ་གསལ་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་བསོད་ནམས་བཟང་པོ་ཡབ། །དད་པ་ཅན་ཞེས་བྱ་བ་ཡུམ་ཡིན་ནོ། །རྣམ་འཕྲུལ་སྲས་ཡིན་ 194b དགེ་བ་རིམ་གྲོ་པ། །རྒྱ་མཚོའི་མཛོད་ཅེས་བྱ་བ་མཁས་པ་སྟེ། །བསོད་ནམས་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་ཁྲི་ཕྲག་བཅུ་ཡོད་ལ། །གཉིས་པར་བརྒྱད་ཁྲི་གསུམ་པར་དྲུག་ཁྲི་ཡོད། །མ་ནི་རྣམས་དག་གི་ཚེ་ཚད་ལོ་གྲངས་ནི། །བརྒྱད་བཅུ་རྩ་བཞི་ཐམ་སྟ་དེའི་ཡབ་ཡིན། །དེ་ཡི་དམ་ཆོས་ལོ་གྲངས་སྟོང་ཕྲག་ནི། །དགུ་བཅུ་རྩ་གཉིས་པར་དུ་གནས་འགྱུར་ལ། ། སྲིད་པ་མཐར་མཛད་གྲངས་པ་མཐའ་ཡས་དེའི། །སྐུ་གདུང་རྣམས་ཀྱང་རྒྱས་བདག་ཏུ་འགྱུར། །དེ་བཞིན་གཤེགས་པ་ཆོས་ཀྱི་དབང་ཕྱུག་གི་།སྐྱེ་བའི་ཡུལ་ནི་བློའི་ཏོག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོང་ཡབ་ནི་ལེགས་བྱིན་ཡིན། །མཁས་པའི་ང་རོ་ཞེས་བྱ་ཡུམ་ཡིན་ནོ། །བསོད་ནམས་ཅན་སྲས་ལེགས་དགའ་རིམ་གྲོ་བ། ། ཤེས་རབ་ཅན་གྱི་མཆོག་དང་རྫུ་འཕྲུལ་ཅན། །ཤིན་ཏུ་མཐོང་ཞེས་བྱ་བ་འབྱུང་བར་འགྱུར། །ཚོགས་འདུས་དང་པོ་བྱེ་བ་སུམ་བཅུ་གཉིས། །གཉིས་པར་བྱེ་བ་ཕྲག་ནི་ཉི་ཤུ་གཅིག་།གསུམ་པར་བྱེ་ཕྲག་སུམ་བཅུ་སྐུ་ཚེའི་ཚད། །ལོ་གྲངས་སྟོང་ཕྲག་གསུམ་བཅུ་རྩ་དྲུག་ཡིན། །གསུང་བའི་མཆོག་གི་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བདུན་བཅུ་ཐམ་པར་གནས། །རྒྱལ་བ་མཚན་དང་གཟི་བརྗིད་དཔལ་རྒྱས་པའི། །མཆོད་རྟེན་དག་ཀྱང་ཉི་ཤུ་རྩ་གཅིག་འབྱུང ། །དེ་བཞིན་གཤེགས་པ་བློ་གྲོས་གྲགས་པ་ཡི། །སྐྱེ་བའི་ཡུལ་ནི་བསོད་ནམས་འོད་ཅེས་བྱ། །རྒྱལ་ 195a ༄#། །བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་ན་ཚོང་བཟང ། །དེ་ཡི་ཡུམ་ནི་གསེར་གྱི་ཕྲེང་ཞེས་བྱ། །སྲས་པོ་ལེགས་འབྱོར་བློ་ལྡན་རིམ་གྲོ་པ། །ཚོགས་ཅན་རྒྱལ་པོ་མཁས་ཤིང་འཛངས་པ་སྟེ། །རྒྱལ་བས་བྱིན་པ་རྫུ་འཕྲུལ་ཅན་ཡང་ཡིན། །ཚོགས་བདག་དམ་པའི་འདུས་པ་དང་པོ་ལ། །དགྲ་བཅོམ་སུམ་ཁྲི་གཉིས་པར་ཉི་ཁྲི་ཡོད། །གསུམ་པར་ཚིག་ཁྲི་སྐུ་ཚེ་ལོ་སྟོང་ཡིན། །དམ་ཆོས་ལོ་གྲངས་བྱེ་བ་ཕྲག་གཉིས་གནས། །ཡེ་ཤེས་འབྱུང་གནས་འཇིག་རྟེན་མཁྱེན་པ་པོ། །ཡོན་ཏན་ཐམས་ཅད་བསགས་པར་གྱུར་པ་དེའི། །སྐུ་གདུང་རྒྱས་པར་འགྱུར་ལ་མཆོད་རྟེན་ཡང ། །དྲུག་བཅུ་གཉིས་ཏེ་དེ་ཡི་དེ་འདར་འགྱུར། །མི་ཡིག་ཆོག་མ་སྤོབས་པ་བརྩེགས་པ་ཡི། །སྐྱེ་ཡུལ་གྲོང་ཁྱེར་རྡུལ་བྲལ་ཅན་ཞེས་བྱ། །རིགས་ནི་རྒྱལ་རིགས་ཆེན་པོ་འོད་ཀྱི་ཚད། །དཔག་ཚད་དྲུག་བཅུ་རྩ་གཉིས་དང་དཔལ་ཡབ། །དགའ་མགུ་ཞེས་བྱ་ཡུམ་ཡིན་འབྱུང་མེད་སྲས། ། གློག་དང་ལྡན་ཞེས་བྱ་བ་རིམ་གྲོ་པ། །ཟླ་འོད་ཕ་རོལ་ཕྱིན་དེ་མཁས་པ་སྟེ། །གོ་ཆ་སྲ་བརྟན་ཞེས་བྱ་རྫུ་འཕྲུལ་ཅན། །དྲང་སྲོང་ཚོགས་པ་འདུས་པ་དང་པོ་ལ། །བྱེ་ཁྲི་བརྒྱད་བཅུ་གཉིས་ཡོད་གཉིས་པར་ཡང ། །བྱེ་ཁྲི་བརྒྱད་བཅུ་གཅིག་ཡོད་གསུམ་པར་ནི། །བྱེ་ཁྲི་བརྒྱད་བཅུ་སྐུ་ཚེ་ལོ་དགུ་སྟོང ། །དམ་ཆོས་།ལོ་གྲངས་བྱེ་བ་ཕྲག་གཉིས་གནས། །དེ་ཡི་སྐུ་ 195b གདུང་དག་ཀྱང་རྒྱས་འགྱུར་ལ། །གང་ཚེ་རྨི་ལམ་ན་ཡང་དྲན་བྱེད་གང ། །དེ་དག་ཐམས་ཅད་ཏིང་འཛིན་འདི་ཐོབ་འགྱུར། ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་གཅིག་པ། །མི་ཡི་སྐྱེ་མཆོག་རྡོ་རྗེ་རྒྱལ་མཚན་གྱི། །སྐྱེ་བའི་ཡུལ་ན་གསེར་དང་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དག་ཀྱང ། །སྐུ་ལས་དཔག་ཚད་དགུ་འབྱུང་ཟླ་ཉི་ཡབ། །ཡུམ་ནི་ཟླ་བཟངས་སྲས་པོ་མཐོང་དགའ་ཡིན། །ནོར་བུའི་འོད་ཟེར་ཞེས་བྱ་རིམ་གྲོ་པ། །མཐུ་ཆེན་འགྲོ་བའི་ང་རོ་ཤེས་རབ་ཅན། །སེམས་གནས་ཆོས་འཛིན་རྫུ་འཕྲུལ་ལྡན་པ་ཡིན། །དེ་ཡི་འདུས་པ་དང་པོར་དགྲ་བཅོམ་པ། །ཁྲི་ཕྲག་སྟོང་པོ་བརྒྱ་ཕྲག་སུམ་བཅུ་དྲུག་།གཉིས་པར་སུམ་བཅུ་བཞི་ཡོད་གསུམ་པར་ཡང ། །སུམ་བཅུ་གསུམ་ཡོད་རྒྱལ་བའི་ཚེ་ལོ་ཁྲི། །མི་ཡི་མཆོག་མའི་དམ་བའི་ཆོས་རྣམས་ཀྱང ། །ལོ་གྲངས་སུམ་སྟོང་ཅིག་བརྒྱའི་བར་དུ་གནས། །འདྲེན་པ་ཡི་ནི་མཆོད་རྟེན་གཅིག་འབྱུང་ལ། །འོད་ཀྱིས་དཔག་ཚད་བཅུ་གསུམ་ཁྱབ་པར་འགྱུར། །འཇིག་རྟེན་རྣམ་པར་འདྲེན་པ་ཕན་བཞེད་པའི། །སྐྱེ་བའི་ཡུལ་ནི་མཐོང་ན་དགའ་ཞེས་བྱ། །དེ་བཞིན་གཤེགས་པའི་རིགས་ནི་བྲམ་ཟེ་ཡིན། །འོད་ནི་དཔག་ཚད་གཉིས་ཡོད་ལག་བཟངས་ཡབ། །ུཏྤལ་པད་མིག་ཡུམ་ཡིན་སྲས་པོ་ནི། །གཙུག་ན་རིན་ཆེན་གྲགས་ལྡན་རིམ་གྲོ་བ། །གསེར་མཆོག་གཟི་བརྗིད་ 196a ༄#། །ལྡན་པ་ཤེས་རབ་ཅན། །དགེ་སློང་སྤྲིན་འོད་རྫུ་འཕྲུལ་ལྡན་པ་ཡིན། །འདུས་པ་དང་པོར་ཉན་ཐོས་ཟག་མེད་རྣམས། །བྱེ་བ་ཕྲག་ནི་བཅོ་བརྒྱད་སྙེད་ཅིག་འབྱུང ། ། གཉིས་པར་དེ་སྙེད་གསུམ་པར་བྱེ་བ་ཕྲག་།ཉི་ཤུ་ཚེ་ལོ་སྟོང་ཕྲག་བཅུ་གཉིས་ཡིན། །འདྲེན་པ་མྱ་ངན་འདས་ནས་དམ་ཆོས་དག་།ལོ་གྲགས་ལྔ་ཁྲིའི་བར་དུ་གནས་པར་འགྱུར། །དེ་ཡི་སྐུ་གདུང་རྒྱས་འགྱུར་མཆོད་རྟེན་ཡང ། །བྱེ་བ་བརྒྱ་ཕྲག་བདུན་བཅུ་རྩ་བཞི་འབྱུང ། །དེ་བཞིན་གཤེགས་པ་རྣམ་པར་རོལ་ལྡན་གྱི། །སྐྱེ་བའི་ཡུལ་ནི་ལྷ་ཡིས་མཆོད་ཅེས་བྱ། །རིགས་ནི་རྒྱལ་རིགས་འོད་ཀྱི་དྲ་བ་དག་།དཔག་ཚད་བཅུ་བཞི་དེ་ཡབ་ལེགས་བཟང་ཡིན། །དེ་ཡི་ཡུམ་ནི་ཡིད་འཕྲོག་མ་ཞེས་བྱ། །བསྙེན་པའི་བླ་མ་སྲས་ཡིན་རིམ་གྲོ་མཆོག་།སྤྱོད་ལམ་ལྡན་ཞེས་བྱ་བ་ཤེས་རབ་ཅན། །ནོར་བུའི་ཟླ་བ་ཞེས་བྱ་རྫུ་འཕྲུལ་ཅན། །འདུས་པ་དང་པོར་དགེ་སློང་བསམ་གཏན་པ། །ཚོགས་པ་ལྔ་ཁྲི་འདུས་པ་གཉིས་པར་ཡང ། །དྲུག་ཁྲི་གསུམ་པར་དྲུག་ཁྲི་ལྔ་སྟོང་ཡོད། །མི་རྣམས་དག་གི་ཚེ་ལོ་ཉིས་སྟོང་ཡིན། །དེ་བཞིན་གཤེགས་པའི་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅུ་གཅིག་ཚང་བར་གནས། །མྱ་ངན་འདས་པའི་མཆོད་རྟེན་གཅིག་ཡིན་ལ། །དཔག་ཚད་གསུམ་པའི་གདུགས་སྟོང་དག་གིས་ཁྱབ། །དེ་བཞིན་གཤེགས་པ་མུན་དང་བྲལ་བ་ཡི། །སྐྱེ་བའི་ཡུལ་ནི་ 196b པདྨས་བརྒྱན་ཅེས་བྱ། །རིགས་ནི་རྒྱལ་རིགས་འོད་ནི་དཔག་ཚད་བཅུ། །བསོད་ནམས་དགའ་ཡབ་ཡུམ་ནི་ཡོན་ཏན་འོད། །སྲས་ནི་ཟླ་བས་བྱིན་ཞེས་བྱ་བ་ཡིན། །རིམ་གྲོ་པ་ནི་དེས་པ་ཞེས་ཀྱང་བྱ། །ཟླ་བ་དགའ་ཞེས་བྱ་བ་ཤེས་རབ་ཅན། །རིན་ཆེན་རྒྱལ་མཚན་ཞེས་བྱ་རྫུ་འཕྲུལ་ཅན། །འདུས་པ་དང་པོར་ཉན་ཐོས་ཚོགས་པ་དག་།བྱེ་བ་ཕྲག་ནི་ཉི་ཤུ་གསུམ་གཉིས་པར། །ཉི་ཤུ་གཅིག་ཡོད་གསུམ་པར་ཉི་ཤུ་ཡོད། །སྐུ་ཚེ་ལོ་གྲངས་སྟོང་ཕྲག་ཉི་ཤུ་ལྔ། །ཡོངས་སུ་མྱ་ངན་འདས་ནས་ཆོས་ཚུལ་དག་།ལོ་གྲངས་སྟོང་ཕྲག་ལྔ་བཅུ་ཚད་པར་གནས། །དེ་ཡི་སྐུ་གདུངས་རྣམས་ནི་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དགུ་བཅུ་བཞི། །རྒྱལ་པ་སྒྲ་གཅན་ལྷ་ཞེས་བྱ་བ་ཡི། །སྐྱེ་ཡུལ་བཟང་པོའི་བྱུང་གནས་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཕྱེད་དང་གསུམ་ཡོང་གྲགས་བཟང་ཡབ། །སྐལ་ལྡན་འདོད་མ་དེ་བཞིན་གཤེགས་པའི་ཡུམ། །རིན་ཆེན་འོད་ཅེས་བྱ་བ་སྲས་ཡིན་ནོ། །མཐའ་ཡས་གཟུགས་ཞེས་བྱ་བ་རིམ་གྲོ་བ། །སྟོབས་བརྩོན་ཞེས་ནི་བྱ་བ་ཤེས་རབ་ཅན། །ཟླ་བའི་ཞལ་ཞེས་བྱ་བ་རྫུ་འཕྲུལ་ཅན། །དེ་ཡི་འདུས་པ་དང་པོར་དགྲ་བཅོམ་ཚོགས། །བྱེ་བ་ཚང་པར་ཡོད་དེ་གཉིས་པར་ཡང ། །བྱེ་བ་ཕྲག་དྲུག་གསུམ་པར་བྱེ་ཕྲག་ལྡན། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །གཞན་ཡང་དམ་ཆོས་ཕལ་ཆེན་ཕྱིར་ཞིང་གནས། །འདྲེན་པ་ཡིན་མཆོད་རྟེན་གཅིག་ 197a ༄#། །འབྱུང་ལ། །དཔག་ཚད་གཅིག་པའི་གདུགས་ནི་ལྔ་བརྒྱས་ཁྱབ། །ཆོས་ཀྱི་རྒྱལ་པོར་བོའི་རྒྱལ་མཚན་གྱི། །སྐྱེ་བའི་ཡུལ་ནི་རྒྱལ་བ་ཅན་ཞེས་བྱ། །རིགས་ནི་རྒྱལ་རིགས་ཡིན་ཏེ་སྐུའི་།འོད། །རྒྱང་གྲགས་གཉིས་ཡོད་གཟི་བཟངས་ཡབ་ཡིན་ལ། །བདེ་བའི་འོད་ཅེས་བྱ་བ་ཡུམ་ཡིན་ལ། །ཆོས་བཟངས་སྲས་ཡིན་སེང་གེའི་རིམ་གྲོ་བ། །སྤྱོད་པའི་འོད་ཅེས་བྱ་བ་ཤེས་རབ་ཅན། །མྱ་ངན་མེད་དབལ་ཞེས་བྱ་རྫུ་འཕྲུལ་ཅན། །འདུས་པ་དང་པོར་བྱེད་བརྒྱ་ཕྲག་བཅུ། །གཉིས་པར་དགུ་ཡོད་གསུམ་པར་བྱེ་བ་བརྒྱད། །དེ་ཡི་ཚེ་ན་སྐྱེས་པ་བུད་མེད་ཀྱི། །ཚེ་ལོ་སྟོང་ཕྲག་ཉི་ཤུ་རྩ་ཡང་གཉིས། །འཇིག་རྟེན་རྣམ་འདྲེན་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་གྲངས་བྱེ་བར་གནས། །སྐུ་གདུང་རིན་ཆེན་བདག་ཉིད་རིལ་པོ་གཅིག་།མཆོད་རྟེན་གཅིག་ལ་སྣ་ཚོགས་གདུགས་སྟོང་ཡོད། །བདེ་བར་གཤེགས་པ་ཚོགས་ཅན་འོད་སྐྱེ་བའི། །ཡུལ་ནི་ཡུལ་འཁོར་བདེ་དང་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་བཅུ་ལེགས་པའི་ལྷ་ནི་ཡབ། །དགའ་བྱེད་གཟི་བརྗིད་ཡུམ་ཡིན་སྔོས་དས་སྲས། །ལེགས་སེམས་གྲགས་པ་ཞེས་བྱ་རིམ་གྲོ་པ། །ང་རོ་ཡོད་པ་དེ་ནི་མཁས་པ་སྟེ། །རིགས་པར་དགའ་བ་རྫུ་འཕྲུལ་ཅན་ཡིན་ནོ། །འདུས་པ་དང་པོར་དགྲ་བཅོམ་བྱེ་བ་བརྒྱ། །གཉིས་པར་དགུ་བཅུ་གསུམ་པར་བརྒྱད་བཅུ་ཡོད། །དེ་ཚེ་མི་ 197b རྣམས་དག་གི་ཚེ་པོའི་ཚད། །ལོ་གྲངས་སྟོང་ཕྲག་བདུན་བཅུ་རྩ་བཞི་ཡིན། །དེ་བཞིན་གཤེགས་པ་མྱ་ངན་འདས་ནས་ཆོས། །ལོ་གྲངས་བྱེ་ཕྲག་གསུམ་དུ་འཇིག་མི་འགྱུར། །རྒྱལ་བའི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་ཕྲག་ནི་དྲུག་བཅུ་ཐམ། །དེ་བཞིན་གཤེགས་མཆོག་རིན་ཆེན་སྙིང་པོ་ཡི། །སྐྱེ་ཡུལ་ཟླ་བ་མེ་ཏོག་བཟང་ཞེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་གཉིས་ཡོད་དོ་ལྷུན་བཟངས་ཡིག་།དེ་ཡི་ཡུམ་ནི་ཟླ་དཔལ་མ་ཞེས་བྱ། །གསེར་འོད་སྲས་ཡིན་རྒྱ་མཚོ་རིམ་གྲོ་བ། །སེང་གེའི་སྟོབས་ཤེས་བྱ་བ་ཤེས་རབ་ཅན། །བསོད་ནམས་དགའ་ཞེས་བྱ་བ་རྫུ་འཕྲུལ་ཅན། །དེ་ཡི་འདུས་པ་དང་པོར་ཉན་ཐོས་གྲངས། །ཁྲི་ཕྲག་སྟོང་པོ་བརྒྱད་བཅུ་གཉིས་པར་ཡང ། །དེ་སྙེད་གསུམ་པར་ཁྲི་སྟོང་དགུ་བཅུ་དྲུག་།དེ་འོག་དགེ་སློང་ཚོགས་ནི་བསམ་མི་ཁྱབ། །སྐུ་ཚེའི་ཚད་ནི་ལོ་གྲངས་བརྒྱད་ཁྲི་ཡིན། །དམ་ཆོས་ལོ་གྲངས་བདུན་ཁྲི་ཐམ་པར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་གདུགས་སྟོང་དག་གིས་ཁྱག་།དེ་བཞིན་གཤེགས་པ་ཤིན་ཏུ་མཐོར་གཤེགས་ཀྱི། །སྐྱེ་བའི་ཡུལ་ནི་མཆོག་ཏུ་བཟང་ཞེས་བྱ། །རིགས་ནི་བྲམ་ཟེ་དཔག་ཚད་དྲུག་བའི་འོད། །ཀུན་ཏུ་ཁྱབ་པ་ཡབ་ནི་ལེགས་ཡིད་གཞུངས། །དེའི་ཡུམ་བསོད་ནམས་ལྡན་ཡིན་སྲས་པོ་ནི། །མུ་སྟེགས་བཟང་པོ་སྟོབས་ཅན་རིམ་གྲོ་པ། ། 198a ༄#། །ལེགས་པར་སེམས་ཤེས་བྱ་བཤེས་རབ་ཅན། །ཁ་ལོ་སྒྱུར་དགའ་ཞེས་བྱ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་བྱེ་བ་ཕྲག་།དགུ་བཅུ་རྩ་བཞི་གཉིས་པར་བྱེ་བ་གསུམ། །གསུམ་པར་ཚོགས་པ་བྱེ་བ་བརྒྱད་བཅུ་ཐམ། །མི་རྣམས་དག་གི་ཚེ་ཚད་ལོ་སྟོང་ཡིན། །མྱ་ངན་འདས་ནས་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་དྲུག་བཅུ་ཐམ་པར་གནས། །དཔག་ཚད་གཉིས་པའི་མཆོད་རྟེན་གཅིག་འབྱུང་ལ། །གདུགས་ནི་བྱེ་བདག་གིས་ཀུན་དུ་ཁྱབ། །མི་ཡི་མཆོག་མ་བདག་པོ་སྐར་རྒྱལ་གྱི། །སྐྱེ་བའི་ཡུལ་ནི་རིན་ཆེན་སྒྲོན་ཞེས་བྱ། །དེ་བཞིན་གཤེགས་པའི་རིགས་ནི་རྒྱལ་རིགས་འོད། །དཔག་ཚད་བརྒྱད་ཡོད་ཡབ་ནི་མུ་སྟེགས་བཟང ། །གཟུགས་བཟང་ཡུམ་ཡིན་སྲས་ནི་དྲང་སྲོང་ཡིན། །ཆོས་འཛིན་དབྱངས་བཟངས་རིམ་གྲོ་པ་ཡང་ཡིན། །རིན་ཆེན་དགའ་ཞེས་བྱ་བ་ཤེས་རབ་ཅན། །བརྟན་པས་བྱིན་ཞེས་བྱ་བ་རྫུ་འཕྲུལ་ཅན། ། འདུས་པ་དང་པོར་དྲི་གསུམ་བྲལ་བའི་ཚོགས། །བྱེ་བ་གསུམ་བཅུ་རྩ་དྲུག་གཉིས་པར་ཡང ། །སུམ་བཅུ་རྩ་ལྔ་གསུམ་པར་སུམ་བཅུ་བཞི། །སྐུ་ཚེ་ལོ་གྲངས་སྟོང་ཕྲག་བདུན་བཅུ་བདུན། །སྐྱེས་མཆོག་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་བྱེ་དྲུག་བཅུ་གཉིས་སུ་གནས། །མྱ་ངན་འདས་པའི་མཆོད་རྟེན་གཅིག་འབྱུང་ལ། །རྒྱལ་མཚན་བྱེ་བ་བརྒྱ་ཡིས་ 198b བརྒྱན་པར་འགྱུར། །དེ་བཞིན་གཤེགས་པ་དུ་རིངས་སྐྱེ་བ་ཡི། །ཡུལ་ནི་དཔལ་ལྡན་གསལ་བ་ཞས་ཀྱང་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སུམ་བཅུ་རྩ་གཉིས་འབྱོར་ལྡན་ཡབ། །ཡོན་ཏན་མཐའ་ཡས་ཡུམ་ཡིན་སྲས་པོ་ནི། །བྱང་ཆུབ་དགའ་ཡིན་དཔལ་ཅན་རིམ་གྲོ་བ། །སོ་རིངས་ཞེས་ནི་བྱ་བ་ཤེས་རབ་ཅན། །སྣ་མའི་མེ་ཏོག་འོད་ནི་རྫུ་འཕྲུལ་ཅན། ། འདུས་པ་དང་པོར་ཉན་ཐོས་བསམ་གཏན་པ། །སྟོང་ཕྲག་བཞི་བཅུ་རྩ་དྲུག་གཉིས་པར་ཡང ། །སུམ་ཁྲི་ལྔ་སྟོང་གསུམ་པར་དྲུག་ཁྲི་ཡོད། །དེ་ཚེ་མི་ཚེ་ལོ་གྲངས་བརྒྱད་ཁྲི་ཡིན། །རྐང་གཉིས་།མཆོག་མ་མྱ་ངན་འདས་ནས་ཀྱང ། །དམ་བའི་ཆོས་ནི་ལོ་གྲངས་བྱེ་བར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་སུམ་བཅུ་ལྔ། །གང་ཟག་མཚུངས་མེད་ཡོན་ཏན་གྲགས་པ་ཡི། །སྐྱེ་བའི་ཡུལ་ནི་རིན་ཆེན་སྒྲོན་ཞེས་བྱ། །འདྲེན་པའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལེགས་པའི་ལྷ། །ཤིན་ཏུ་མཛེས་ཤེས་བྱ་བ་ཡུམ་ཡིན་ནོ། །སྲས་པོ་རིན་ཆེན་དྲང་སྲོང་རིམ་གྲོ་པ། །སྤོབས་དགའ་ཞེས་བྱ་ཤེས་རབ་ཅན་གྱི་མཆོག་།ཡེ་ཤེས་དབང་ཕྱུག་རྫུ་འཕྲུལ་ཅན་གྱི་མཆོག་།འདུས་པ་དང་པོར་བྱེ་བ་བརྒྱ་ཕྲག་དྲུག་།གཉིས་པར་བདུན་ཡོང་གསུམ་པར་བྱེ་བ་བརྒྱད། །སྐུ་ཚེ་ལོ་གྲངས་སྟོང་ཕྲག་ཉི་ཤུ་གཅིག་།མྱ་ངན་འདས་ནས་དམ་ཆོས་པོ་ལྔར་སྒྱུར། །རྐང་ 199a ༄#། །གཉིས་མཆོག་མ་མྱ་ངན་འདས་པ་ཡི། །མཆོད་རྟེན་བྱེ་བ་བརྒྱ་ཕྲག་དགུ་བཅུ་དྲུག་།གསུང་རབ་དག་ནི་འདི་འདྲར་འགྱུར་བ་སྟེ། །སྐྱེ་པོ་སུ་ཡང་ངན་འགྲོར་འགྲོ་མི་འགྱུར། །དེ་བཞིན་གཤེགས་པ་འོད་ལྡན་ཉི་ཟླ་ཡི། །སྐྱེ་བའི་ཡུལ་ནི་འབྱོར་བའི་སྒྲ་ཞེས་བྱ། །དེ་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅོ་བརྒྱད་ཡབ་ནི་ཟླ་བ་ཡིན། ། ཏོག་གི་འོད་ཅེས་བྱ་བ་དེ་ཡུམ་ཡིན། །སྲས་པོ་ལེགས་སེམས་ཚོགས་ཅན་རིམ་གྲོ་བ། །སྲིད་མཐར་བྱེད་ཅེས་བྱ་བ་ཤེས་རབ་ཅན། །མེ་ཏོག་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་ཚོགས་བྱེ་བ། །གཉིས་པར་བྱེ་ལྔ་གསུམ་པར་བྱེ་བ་བཅུ། །སྐུ་ཚེ་ལོ་གྲངས་སྟོང་ཕྲག་བདུན་བཅུ་དྲུག་།འདྲེན་པ་མྱ་ངན་འདས་ནས་དམ་ཆོས་དག་།ལོ་གྲངས་བྱེད་བ་ཕག་གཉིས་པར་དུ་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །ཕྱོགས་རྣམས་མཆོད་རྟེན་འབུམ་ཕྲག་དགུ་བཅུ་དགུ། །མཆོད་རྟེན་རེ་རེ་གདུགས་ནི་སྟོང་སྟོང་ཡོད། ། རྒྱལ་པ་ཉི་མའི་འོད་ཅེས་བྱ་བ་ཡི། །སྐྱེ་བའི་ཡུལ་ནི་འོད་ཟེར་བཅུ་ཞེས་བྱ། །དེ་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བརྒྱད་བཅུ་རྩ་བརྒྱད་སྐྱེ་དབང་ཡབ། །དེའི་ཡུམ་གསེར་མདོག་ཅེས་ནི་བྱ་བ་ཡིན། །མཆོད་པ་སྲས་ཡིན་ལྷུན་པོ་རིམ་གྲོ་བ། །བསོད་ནམས་འབྱུང་གནས་ཞེས་བྱ་ཤེས་རབ་ཅན། །བཟང་པོ་དགའ་ཞེས་བྱ་བ་རྫུ་འཕྲུལ་ཅན། ། 199b འདུས་པ་དང་པོར་དགྲ་བཅོམ་དགེ་སློང་ཚོགས། །ཁྲི་ཕྲག་བདུན་བཅུ་རྩ་དྲུག་གཉིས་པར་ཡང ། །ཁྲི་ཕྲག་བརྒྱད་བཅུ་གསུམ་པར་ཁྲི་དགུ་བཅུ། །སྐུ་ཚེ་ལོ་གྲངས་སྟོང་ཕྲག་དགུ་བཅུ་གཉིས། །རྐང་གཉིས་མཆོག་མ་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་གྲངས་བྱེ་བར་གནས། །མཆོད་རྟེན་གཅིག་ཏུ་ཟད་ལ་གདུགས་ཀྱི་གྲངས། །སྟོང་ཕྲག་བརྒྱད་བཅུས་དཔག་ཚད་བཞིར་ཡང་ཁྱབ། །མི་ཡི་འདྲེན་པ་སྐར་མཁན་ཞེས་བྱ་བ། །སྐྱེ་ཡུལ་དེ་ཚེ་དགའ་བས་ལྟ་ཞེས་བྱ། །དེ་བཞིན་གཤེགས་རིགས་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལེགས་པའི་ལྷ། །བསོད་ནམས་བློ་གྲོས་ཞེས་བྱ་སྐྱེད་པའི་ཡུམ། །དེ་ཡི་སྲས་སྐྱེ་དབང་མཆོག་རིམ་གྲོ་བ། །ལྷ་དགའ་ཞེས་ནི་བྱ་བ་ཤེས་རབ་ཅན། །རྫུ་ཕྲུལ་ཅན་གྱི་མཆོག་མ་ལེགས་བཟངས་ཡིན། །འདུས་པ་དང་པོར་ཉན་ཐོས་ཐེར་འབུམ་ཕྲག་།ཁྲི་ཕྲག་དགུ་བཅུ་རྩ་དགུ་འབྱུང་བར་འགྱུར། །དེ་ཡི་ཕྱིན་ཆད་ཉན་ཐོས་ཚོགས་མཐའ་ཡས། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །འདྲེན་པ་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་གསུམ་དུ་གནས། །མི་ཡི་འདྲེན་པའི་མཆོད་རྟེན་གཅིག་འབྱུང་ལ། །གདུགས་ནི་བརྒྱ་ཕྲག་ཉི་ཤུ་གཉིས་ཀྱིས་ཁྱབ། །དེ་བཞིན་གཤེགས་པ་སེང་གེའི་ཏོག་དག་གི་།སྐྱེ་བའི་ཡུལ་ནི་དགའ་བའི་རྒྱུད་ཅེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་རི་དྭགས་ 200a ༄#། །འཛིན། །དེ་ཡི་ཡུམ་ནི་པད་མ་དཀར་ཞེས་བྱ། །མཛེས་བ་ཞེས་བྱད་ཡི་སྲས་ཡིན་ནོ། །གཟི་བརྗིད་འོད་འཕྲོ་ཞེས་བྱ་རིམ་གྲོ་པ། །མྱ་ངན་མེད་པའི་རི་བོ་ཤེས་རབ་ཅན། །དགེ་བའི་དཔལ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་ཉན་ཐོས་དྲུག་སྟོང་ཡོད། །གཉིས་པར་ལྡན་སྟོང་གསུམ་པར་བཞི་སྟོང་ཡོད། །ཚེ་ཚད་ལོ་གྲངས་སྟོང་ཕྲག་བདུན་ཅུ་གཅིག་།མྱ་ངན་འདས་ནས་དེ་ཡི་དམ་ཆོས་དག་།ལོ་གྲངས་བྱེ་བ་ཕྱེད་དང་གཉིས་སུ་གནས། །རྒྱལ་བ་དེ་ཡི་སྐུ་གདུང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དགུ་བཅུ་གཉིས། །མི་ཡི་བདག་པོ་དུས་མཁྱེན་རྒྱལ་པོ་ཡི། །སྐྱེ་བའི་ཡུལ་ནི་མཐོང་ན་དགའ་ཞེས་བྱས། །དེ་བཞིན་གཤེགས་རིགས་བྲམ་ཟེའི་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ལྷ་སྦྱིན་ཡིན། །དེ་ཡི་ཡུམ་ནི་མ་སྨད་པ་ཞེས་བྱ། །སྲས་པོ་སྤྲིན་ཡིན་དཔལ་ནི་རིམ་གྲོ་བ། །འབར་བ་ཞེས་བྱ་མཁས་པའི་མཆོག་མ་སྟེ། །བསམ་གཏན་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་ཟག་ཟད་པ། །ཉོན་མོངས་མེད་པ་བྱེ་བ་ཉི་ཤུ་གཉིས། །གཉིས་པར་ཉི་ཤུ་གསུམ་ཡོད་གསུམ་པར་ཡང ། །གཉིས་ཡོད་མི་རྣམས་ཚེ་ཚད་ལོ་ལྔ་བརྒྱ། །འཁོར་བ་འཇིག་མཛད་མྱ་ངན་འདས་ནས་ཀྱང ། །དམ་ཆོས་ལོ་གྲངས་ཉིས་སྟོང་བར་དུ་གནས། །དེ་ཡི་སྐུ་གདུང་རིལ་གཅིག་མཆོད་རྟེན་གཅིག་།གསེར་གྱི་སྲོག་ཤིང་དཔག་ཚད་གཅིག་ཏུ་ 200b འཕགས། །སྲིད་མཐའ་མཛད་པ་དཔལ་གྱི་སྙིང་པོ་ཡི། །སྐྱེ་བའི་ཡུལ་ནི་སྐྱ་བོ་དགའ་ཞེས་བྱ། །རིགས་ནི་བྲམ་ཟེ་ཡིན་ཏེ་དཔག་ཚད་གཅིག་།དེ་ཡི་ཡབ་ནི་ཟླ་བའི་སྟོབས་ཞེས་བྱ། །ུ་བེ་ཞེས་བྱ་ཡུམ་ཡིན་ཟླ་བའི་སྲས། །བརྩོན་འགྲུས་བདེ་བའི་དབང་པོ་རིམ་གྲོ་བ། །ནོར་གྱི་འབྱུང་གནས་ཞེས་བྱ་ཞེས་རབ་ཅན། །བསམ་གཏན་དབང་ཕྱུག་ཞེས་བྱ་རྫུ་འཕྲུལ་ཅན། །དགོངས་བ་དྲི་མ་མེད་པའི་དགེ་སློང་དག་།འདུས་པ་དང་པོར་ལྔ་ཁྲི་བཞི་སྟོང་ཡོད། །གཉིས་པར་དྲུག་ཁྲི་གསུམ་པར་བརྒྱད་ཁྲི་ཡོད། །སྐུ་ཚེ་ལོ་གྲངས་སྟོང་ཕྲག་ལྔ་བཅུ་ཡིན། །དམ་པའི་ཆོས་ནི་ལོ་གྲངས་འབུམ་དུ་གནས། །རྐང་གཉིས་མཆོག་མ་དེ་ཡི་མཆོད་རྟེན་ཡང ། །གཅིག་འབྱུང་དཔག་ཚད་བཞི་ཙམ་ཁོར་ཡུག་ཏུ། །གདུགས་བཀབ་དྲིལ་བ་གཡེར་ཁའི་དྲ་བས་ཁྱབ། །དེ་བཞིན་གཤེགས་པ་སྲིད་མཐའ་གཟིགས་པ་ཡི། །སྐྱེ་བའི་ཡུལ་ནི་དགའ་བས་མཐོང་ཞེས་བྱ། །རིགས་ནི་རྒྱལ་རིགས་འོད་བཟངས་དཔག་ཚད་དག་།སུམ་བཅུ་གསུམ་ཡོད་ཡབ་ནི་རྣམ་པར་གནོན། །དེ་ཡི་ཡུམ་ནི་ཟླ་བའི་མདངས་ལྡན་མ། །སྲས་པོ་རྗེ་བཙན་སྦེད་པ་རིམ་གྲོ་པ། །སྐྱེ་བའི་འོད་ཅེས་བྱ་བ་མཁས་པའི་མཆོག་།དྲུང་ལྟར་འགྲོ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དགེ་སློང་བརྒྱད་ཁྲི་ཡོད། །གཉིས་པར་དགུ་ཁྲི་གསུམ་པར་བྱེད་པ་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱ་ཡང་ཡིན། །མྱ་ངན་འདས་ནས་དམ་པའི་ཆོས་རྣམས་ཀྱང ། །ལོ་གྲངས་བྱེ་བ་བར་དུ་གནས་པར་འགྱུར། །དེ་བཞིན་གཤེགས་པ་ 201a ༄#། །ཐེ་ཙོམ་མི་མདའ་བ། །དེ་ཡི་སྐུ་གདུང་རྣམས་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དགུ་བཅུ་གཅིག་།དེ་བཞིན་གཤེགས་པ་གློག་གི་འོད་དག་གི་།སྐྱེ་བའི་ཡུལ་ནི་སྨན་ཅེས་བྱ་བ་ཡིན། །རིགས་ནི་རྒྱལ་རིགས་ཡིན་ཏེ་འོད་གྱི་ཚད། །དཔག་ཚད་གཉིས་ཡོད་བདེ་བའི་དབང་པོ་ཡབ། །དེའི་ཡུམ་ནི་ཡན་ལག་དགའ་ཞེས་བྱ། །སྲས་པོ་སྟོབས་བསྟན་ཆོས་ནི་རིམ་གྲོ་པ། །ནོར་ལྷ་ཞེས་ནི་བྱ་བ་མཁས་པ་སྟེ། །སྙན་པར་སེམས་ཤེས་བྱ་བ་རྫུ་འཕྲུལ་ཅན། །དེ་ཡི་འདུས་པ་དང་པོར་དགྲ་བཅོམ་པ། །ཉོན་མོངས་ཟད་པ་བརྒྱད་བཅུ་གཉིས་པར་ཡང ། །ཉིས་གྱུར་གསུམ་པ་དག་ཏུ་སུམ་གྱུར་ཡོད། །དེ་ཡི་སྐུ་ཚེ་ལོ་གྲངས་ཉིས་སྟོང་ཡིན། །རྒྱལ་བ་དེ་ནི་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་ཕྲག་བཅུར་ཡང་གནས། །མྱ་ངན་འདས་པའི་མཆོད་རྟེན་གཅིག་འབྱུང་ལ། །གདུགས་གྲངས་རྒྱ་ཕྲག་དྲུག་བཅུ་གཉིས་ཀྱིས་ཁྱབ། །འཇིག་རྟེན་མགོན་པོ་གསེར་གྱི་རི་བོ་དེའི། །སྐྱེ་བའི་ཡུལ་ནི་དྲེགས་པར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་གསལ་བ་ཡིན། །དེ་ཡི་ཡུམ་ནི་དགེ་མཆོག་མ་ཞེས་བྱ། །ཤིན་ཏུ་བཀྲ་ཤིས་སྲས་མཆོག་རིམ་གྲོ་པ། །ཆོས་འཕགས་ཤེས་ནི་བྱ་བ་མཁས་པ་སྟེ། །མི་ཡི་ཏོག་ཅེས་བྱ་བ་རྫུ་འཕྲུལ་ཅན། །འདུས་པ་དང་བོར་དགྲ་བཅོམ་པ་ཡི་ཚོགས། །སྟོང་ཕྲག་སུམ་བཅུ་དག་ནི་ 201b འབྱུང་པར་འགྱུར། །འདུས་པ་གཉིས་པར་ཉི་ཤུ་རྩ་བརྒྱད་ཡོད། །འདུས་པ་གསུམ་པར་ཚོགས་པ་ཉི་ཤུ་ཡོད། །དེ་ཡི་སྐུ་ཚེ་ལོ་གྲངས་དགུ་སྟོང་ཡིན། །དམ་པའི་ཆོས་ནི་ལོ་གྲངས་སྟོང་ཕྲག་ནི། །སུམ་བཅུ་རྩ་གཉིས་ཐམ་པར་གནས་འགྱུར་ཞིང ། །དེ་ཡི་སྐུ་གདུང་རྣམས་ཀྱང་རྒྱས་པར་འགྱུར། །སྤྱན་དང་ལྡན་པ་སེང་གེས་བྱིན་པ་ཡི། །སྐྱེ་བའི་ཡུལ་ནི་རིན་ཆེན་མཆོག་ཅེས་བྱ། །མགོན་པོའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དྲུག་བཅུ་རྩ་ལྔ་ཆོས་ལྡན་ཡབ། །ཡུམ་ནི་ཟླ་ལྡན་སྲས་ནི་རིན་པོ་ཆེ། །རིམ་གྲོ་པ་ནི་གློག་འགྱུར་ཞེས་ཀྱང་བྱ། །དེ་ཚེ་མཁས་གྱུར་དགའ་བའི་བློ་ཞེས་བྱ། །དགའ་ཆེན་ཞེས་བྱ་དེ་ཡི་རྫུ་འཕྲུལ་ཅན། །འདུས་པ་དང་པོར་ཡང་སྲིང་ཟད་པ་ཡི། །དགེ་སློང་ཚོགས་པ་འབུམ་ཕྲག་བཞི་བཅུ་ཡོད། ། འདུས་པ་གཉིས་པར་འབུམ་ཕྲག་བཞི་བཅུ་གཉིས། །འདུས་པར་སུམ་པར་འབུམ་ཕྲག་བཞི་བཅུ་གསུམ། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །དེ་བཞིན་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །མྱ་ངན་འདས་པའི་མཆོད་རྟེན་གཅིག་ཏུ་ཟད། །བདེ་གཤེགས་གཞན་གྱིས་མི་ཐུབ་རྒྱལ་མཚན་གྱི། །སྐྱེ་བའི་ཡུལ་ནི་མེ་ཏོག་ལྡན་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་ཚོགས་དབང་པོ། །དེའི་ཡུམ་ལུས་མཆོག་ཅེས་ནི་ 202a ༄#། །བྱ་བ་ཡིན། །ཡོན་ཏན་སྟོབས་སྲས་སྒྲ་ཅན་རིམ་གྲོ་པ། །ཁ་ལོ་སྒྱུར་ཞེས་བྱ་བ་མཁས་པ་སྟེ། །སྤྲིན་པོ་ཆེ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དྲང་སྲོང་མཆོག་དགྲ་བཅོམ། །ཚོགས་པ་བྱེ་བ་བརྒྱ་ཕྲག་གསུམ་ཡང་ཡོད། །གཉིས་བར་གཉིས་ཡོད་གསུམ་པར་བྱེ་བརྒྱ་གཅིག་།དེ་ཚེ་མི་ཚེ་གྲངས་སྟོང་ཡིན་ནོ། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་སུམ་སྟོང་བར་དུ་གནས་པར་འགྱུར། །མྱ་ངན་འདས་བའི་མཆོད་རྟེན་བྱེ་བ་སྟེ། །སྐུ་གདུང་དམ་པ་རྣམས་ཀྱང་འཕེལ་བར་འགྱུར། །དེ་བཞིན་གཤེགས་པ་མཆོག་དགའ་གྲགས་པ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་འགྲོན་བཟངས་ཡིན། །དེ་ཡི་ཡུམ་ནི་སྤྲིན་ལྡན་མ་ཞེས་བྱ། །སྲས་ནི་རྒྱལ་པོ་སྐྱེ་ལྡན་རིམ་གྲོ་པ། །ཚུལ་ཁྲིམས་དགའ་ཞེས་བྱ་བ་ཤེས་རབ་ཅན། །བདུང་རྩི་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་ཕྲག་དྲུག་ཡོད། །གཉིས་པར་ལྔ་ཡོད་གསུམ་པར་གཉིས་ཡོད་དོ། །དེ་ཡི་ཚེ་ན་འདྲེན་པའི་སྐུ་ཚེའི་ཚད། །ལོ་གྲངས་སྟོང་ཕྲག་བརྒྱད་བཅུ་རྩ་གཉིས་ཡིན། །འདྲེན་པ་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་ 202b ཕྲག་གཉིས་གནས། །མཆོད་རྟེན་འབུམ་ཕྲག་བདུན་བཅུ་རྩ་གཉིས་ཏེ། །རྒྱལ་མཚན་གྱིས་བརྒྱན་གདུགས་སྟོང་དག་གིས་ཁྱབ། །ཡོན་ཏན་མཐའ་ཡས་བརྩོན་འགྲུས་བརྟན་པ་ཡི། །སྐྱེ་བའི་ཡུལ་ནི་དགའ་སྡུག་ཅེས་ཀྱང་བྱ། །དེ་བཞིན་གཤེགས་རིགས་རྒྱལ་རིགས་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་མྱ་ངན་མེད། །དེ་ཡི་ཡུམ་ནི་མེ་ཏོག་ལྡན་ཞེས་བྱ། །སྲས་པོ་འབྱོར་ལྡན་གྲགས་པ་རིམ་གྲོ་པ། །འོད་བྱེད་རྒྱལ་པོ་ཞེས་བྱ་ཤེས་རབ་ཅན། །ལེགས་དོན་སྤྱོད་ཅེས་བྱ་བ་རྫུ་འཕྲུལ་ཅན། །དགེ་སློང་ཚོགས་པ་བྱེ་བརྒྱ་ལྔ་བཅུ་དྲུག་།དེ་ཚེ་འདུས་པ་གཉིས་པར་ལྔ་བཅུ་ཡོད། །འདུས་པ་གསུམ་པར་ལྔ་བཅུ་རྩ་བཞི་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་གསུམ། །མྱ་ངན་འདས་ནས་དམ་པའི་ཆོས་ཀྱི་ཚུལ། །ལོ་གྲངས་བྱེ་བ་ཕྲག་ནི་བཅུ་བཞིར་གནས། །མྱ་ངན་འདས་པའི་མཆོད་རྟེན་གཅིག་འབྱུང་ལ། །དཔག་ཚད་གསུམ་ཙམ་ཁོར་ཡུག་གདུགས་ཀྱིས་བརྒྱན། །དེ་བཞིན་གཤེགས་པ་གྲགས་པ་རྫོགས་པ་ཡི། །སྐྱེ་བའི་ཡུལ་ནི་ཡུལ་བཟངས་དབུས་ཤེས་བྱ། །རྒྱལ་པའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་སྡོང་བུ་ཡིན། །དཔེ་མེད་མ་ཞེས་བྱ་བ་ཡུམ་ཡིན་ནོ། །ལྷ་དགའ་ཞེས་ནི་བྱ་བ་སྲས་པོ་ཡིན། །བདེ་བར་འཚོ་ལྡན་ཞེས་བྱ་རིམ་གྲོ་བ། །མཁས་པ་ཏོག་ཡིན་གླང་པོ་རྫུ་འཕྲུལ་ཅན། །འདུས་པ་དང་པོ་དག་ཏུ་དགྲ་བཅོམ་པ། །བྱེ་བ་བརྒྱ་ཕྲག་ཉི་ཤུ་གཉིས་པར་ཡང ། །ཉིས་ 203a ༄#། །འགྱུར་གསུམ་པ་དག་ཏུ་སུམ་འགྱུར་རོ། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །ཡོངས་སུ་མྱ་ངན་འདས་ནས་དམ་ཆོས་ཚུལ། །ལོ་གྲངས་ལྔ་ཁྲི་དྲུག་སྟོང་པར་དུ་གནས། །དེ་ཡི་སྐུ་གདུང་རྣམས་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་གསུམ་བཅུ་གཉིས། །དེ་བཞིན་གཤེགས་པ་བསྙེངས་དང་བྲལ་བ་ཡི། ། སྐྱེ་བའི་ཡུལ་ནི་མེ་ཏོག་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཁྲི་ཡོད་ཡབ་ནི་ལེགས་ཡིད་གཞུངས། །ཆོས་ཀྱི་དབང་ཕྱུག་ཅེས་བྱ་དེ་ཡི་ཡུམ། །སྲས་བོ་རྣམ་འཕྲུལ་རྒྱལ་ནི་རིམ་གྲོ་པ། །ཐེ་ཙོམ་གཅོད་ཅེས་བྱ་བ་ཤེས་རབ་ཅན། །བརྟུལ་ཞུགས་མི་གཡོ་བ་ནི་རྫུ་འཕྲུལ་ཅན། །འདུས་པ་དང་པོར་བསམ་གཏན་པ་ཚོགས་པ། །ཐེར་འབུམ་ཁྲི་ཕྲག་བརྒྱད་བཅུ་འདུས་པར་འགྱུར། །གཉིས་པར་བདུན་བཅུ་གསུམ་པར་དྲུག་བཅུ་ཡོད། །གཞན་རྣམས་ཀུན་ཏུ་བྱེ་བརྒྱ་ཚད་བར་འགྱུར། །མི་རྣམས་དག་གི་ཚེ་ཚད་ལོ་གྲངས་ནི། །བྱེ་བ་སུམ་བཅུ་རྩ་དྲུག་ཐམ་པ་ཡིན། །དམ་ཆོས་བརྒྱད་འགྱུར་གནས་ཤིང་སྐུ་གདུག་ནི། །རིལ་གཅིག་མཆོད་རྟེན་དཔག་ཚད་ལྔ་ཙམ་མོ། །དེ་བཞིན་གཤེགས་པ་མཆོད་འོས་ལྟ་དག་གི་།སྐྱེ་བའི་ཡུལ་ནི་དགའ་བའི་བློ་ཞེས་བྱ། །རིགས་ནི་རྒྱལ་རིགས་འོད་ནི་དཔག་ཚད་ 203b གཅིག་།སྤྱིན་བསྲེག་འོད་འཕྲོ་ཡབ་ཡིན་ཆོས་བཟང་ཡུམ། །ལེགས་པའི་ལྟ་ཞེས་བྱ་བ་སྲས་ཡིན་ནོ། །སྙིང་སྟོབས་མཆོག་ཅེས་བྱ་བ་རིམ་གྲོ་བ། །བླ་སྡུག་ཅེས་ནི་བྱ་བ་ཤེས་རབ་ཅན། ། ཐུབ་མེད་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་འཇིགས་མེད་ཚོགས་པ་དག་།སྟོང་ཕྲག་ལྔ་བཅུ་རྩ་དྲུག་གཉིས་པར་ཡང ། །དྲུག་ཅུ་གསུམ་པ་དག་ཏུ་དྲུག་ཅུ་ལྔ། ། སྐུ་ཚེ་ལོ་གྲངས་སྟོང་ཕྲག་ཉི་ཤུ་གཉིས། །ས་བདག་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་ཕྲག་བརྒྱད་བཅུར་གནས། །མཆོད་རྟེན་བྱེ་།བ་དྲུག་ཅུ་ཐམ་པ་ལ། ། གདུགས་དང་རྒྱལ་མཚན་ཟླ་གམ་དག་གིས་བརྒྱན། །དེ་བཞིན་གཤེགས་པ་སྒྲོན་མ་ཆེན་པོ་ཡི། །སྐྱེ་བའི་ཡུལ་ནི་དགའ་བ་བཟང་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་སྤྱན་ལེགས་ཡིན། །དེ་ཡི་ཡུམ་ནི་ཡན་ལག་མཆོག་ཅེས་བྱ། །སྲས་པོ་དབྱངས་སྙན་དགེ་བ་རིམ་གྲོ་པ། །དོན་ལེགས་སྤྱན་ཞེས་བྱ་བ་ཤེས་རབ་ཅན། །དྲང་སྲོང་བྱིན་ཞེས་བྱ་བ་རྫུ་འཕྲུལ་ཅན། །དྲང་སྲོང་དགེ་འདུན་བྱེ་བ་བརྒྱ་ཕྲག་གསུམ། །གཉིས་པར་གཉིས་ཡོད་གསུམ་པ་གཅིག་ཡོད་དོ། །དེ་ཚེ་མི་དེ་དག་གི་ཚོའི་ཚད། །ལོ་གྲངས་སྟོང་ཕྲག་བརྒྱད་བཅུ་རྩ་ཡང་དྲུག་།དེ་ཡི་དམ་ཆོས་ལོ་གྲངས་བྱེ་བར་གནས། །སྐུ་གདུང་རིལ་གཅིག་མཆོད་རྟེན་གཅིག་འབྱུང་ལ། །དཔག་ 204a ༄#། །ཚད་གསུམ་ཙམ་ཁོར་ཡུག་གདུགས་སྟོང་གིས། །བརྒྱན་ཅིང་རིན་ཆེན་དྲ་བ་དག་གིས་ཁྱབ། །དེ་བཞིན་གཤེགས་པ་འཇིག་རྟེན་འོད་དག་གི་།སྐྱེ་བའི་ཡུལ་ནི་འཇིག་རྟེན་དགའ་ཞེས་བྱ། །རིགས་ནི་བྲམ་ཟེ་འོད་ནི་དཔག་ཚད་གཅིག་།དེ་ཡི་ཡབ་ནི་བཟང་པོ་དཔལ་ཞེས་བྱ། །སྣ་མའི་མེ་ཏོག་དྲི་ལྡན་དེ་ཡི་ཡུམ། །སྐྱེ་བོ་དགའ་བ་སྲས་མེ་རིམ་གྲོ་བ། །ཚོགས་རྒྱལ་དགའ་བ་དྲང་སྲོང་ཤེས་རབ་ཅན། །སྙེན་པར་གྲགས་ཞེས་བྱ་བ་རྫུ་འཕྲུལ་ཅན། །རྐང་གཉིས་མཆོག་མའི་འདུས་པ་དང་པོར་ནི། །དགེ་སློང་སྟོང་ཕྲག་དགུ་བཅུ་རྩ་དགུ་ཐམ། །འདུས་པ་གཉིས་པར་དགུ་བཅུ་རྩ་བརྒྱད་དོ། །གསུམ་པར་འཁོར་ནི་དགུ་བཅུ་རྩ་ཡང་བདུན། ། སྐུ་ཚེ་ལོ་གྲངས་སྟོང་ཕྲག་ཉི་ཤུ་ལྔ། །དམ་པའི་ཆོས་ནི་དེ་ཡི་ལྔ་འགྱུར་གནས། །སྐུ་གདུང་རྒྱས་འགྱུར་མཆོད་རྟེན་ཕལ་ཆེ་སྟེ། །བྱེ་བ་དགུ་བཅུ་རྩ་གཉིས་རྒྱན་གྱིས་བརྒྱན། །དེ་བཞིན་གཤེགས་པ་སྤོས་དྲི་ཞིམ་པ་ཡི། །སྐྱེ་བའི་ཡུལ་ནི་སྤོས་ཀྱིས་བརྒྱན་ཞེས་བྱ། །རིགས་ནི་རྒྱལ་རིགས་འོད་ནི་གླིང་ཆེན་དག་།སྟོང་ཕྲག་གསུམ་ཁྱབ་ཡབ་ནི་བསོད་ནམས་བཟང ། །འགྲོ་བ་འཛིན་ཞེས་བྱ་བ་ཡུམ་ཡིན་ནོ། །སྲས་པོ་ལེགས་མཐོང་ལྷུན་པོ་རིམ་གྲོ་བ། གང་ཟག་མཆོག་ཅེས་བྱ་བ་མཁས་པ་སྟེ། ། 204b ལྷ་ཡིས་མཆོད་ཅེས་བྱ་བ་རྫུ་འཕྲུལ་ཅན། །དགྲ་བཅོམ་འདུས་པ་བྱེ་བ་ཕྲག་བཞི་ཡོད། །གཉིས་པར་གསུམ་ཡོད་གསུམ་པར་གཉིས་ཡོད་དོ། །དེ་ན་མི་དེ་དག་གི་ཚེ་ཡི་ཚད། །ལོ་གྲངས་སྟོང་ཕྲག་དགུ་བཅུ་རྩ་ཡང་གཉིས། །ཡོངས་སུ་མྱ་ངན་འདས་ནས་དམ་ཆོས་དག་།སངས་རྒྱས་ཞིང་དུ་ལོ་བྱེ་གཉིས་སུ་གནས། །མཆོད་རྟེན་གཅིག་འབྱུང་དཔག་ཚད་དྲུག་ཙམ་གྱི། །ཁྱོན་ཀུན་རིན་པོ་ཆེ་ཡིས་ཁྱབ་པར་འགྱུར། །དེ་བཞིན་གཤེགས་པ་ཡོན་ཏན་མཆོག་འཛིན་གྱི། །སྐྱེ་བའི་ཡུལ་ནི་དགའ་བས་བརྒྱན་ཅེས་བྱ། །མི་མཆོག་རྒྱལ་བའི་རིགས་ནི་རྒྱལ་རིགས་ཏེ། །འོད་ནི་རྒྱང་གྲགས་གསུམ་ཡོད་མེ་ཏོག་ཡབ། །དེ་ཡི་ཡུམ་ནི་བདེ་བར་བྱེད་ཅེས་བྱ། །སྲས་པོ་འབྱོར་ལྡན་འབྲུག་སྒྲ་རིམ་གྲོ་པ། །དེ་ཚེ་གྲགས་མཆོག་ཅེས་བྱ་ཤེས་རབ་ཅན། །འོད་བྱེད་ཅེས་བྱ་རྫུ་འཕྲུལ་ལྡན་པ་ཡིན། །དགྲ་བཅོམ་འདུས་པ་བྱེ་བ་བརྒྱ་ཕྲག་གཉིས། །དེ་ཚེ་འདུས་པ་གཉིས་པར་དེ་ལྔ་འགྱུར། །གསུམ་པར་ཆོགས་པ་བྱེ་སྟོང་བཅུ་གསུམ་ཡོད། །དེ་ཚེ་སྐུ་ཚེ་ལོ་གྲངས་བྱེ་བ་གསུམ། །དམ་པའི་ཆོས་དག་ལོ་གྲངས་ལྔ་བརྒྱར་གནས། །དེ་ཡི་སྐུ་གདུང་རིལ་གཅིག་མཆོད་རྣམ་ཡང ། །དཔག་ཚད་གཉིས་པ་གདགས་ནི་སྟོང་ཕྲག་བརྒྱས། །བརྒྱན་ཅིང་རིན་ཆེན་མེ་ཏོག་དག་གིས་གང ། །དེ་བཞིན་གཤེགས་པ་ 205a ༄#། །མུན་དང་བྲལ་བ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །དེའི་རིགས་བྱམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་བཞི་དྲང་སྲོང་ཆེན་པོ་ཡབ། །ཤིན་ཏུ་བཀྲ་ཤིས་ཞེས་བྱ་ཡུམ་ཡིན་ནོ། །སྲས་པོ་ཆོས་སྨྲ་དོས་བཟངས་རིམ་གྲོ་བ། །དཔལ་བཟང་ཞེས་བྱ་མཁས་པ་ཆེན་པོ་སྟེ། །ཡོན་ཏན་འབྱུང་གནས་ཞེས་བྱ་རྫུ་འཕྲུལ་ཅན། །འདུས་པ་དང་པོར་བྱེ་བ་དགུ་བཅུ་གཉིས། །འདུས་པ་གཉིས་པར་བྱེ་བ་བདུན་བཅུ་ཡོད། །གསུམ་པར་བྱེ་བ་བདུན་བཅུ་རྩ་དྲུག་ཡོད། །སྐུ་ཚེ་ལོ་གྲངས་ལྔ་བརྒྱ་ཐམ་པ་ཡིད། །འཇིག་རྟེན་རྣམ་པར་འདྲེན་པའི་དམ་ཆོས་དག་།ལོ་གྲངས་སྟོང་ཕྲག་བཞི་བཅུ་དྲུག་ཏུ་གནས། །དེ་ཡི་སྐུ་གདུང་རྣམས་ཀྱང་རྒྱས་འགྱུར་ལ། ། རྒྱལ་མཚན་བཟང་པོ་བྱེ་བ་བརྒྱད་ཅུས་གང ། །དེ་བཞིན་གཤེགས་པ་སེངྒེའི་འགྲེ་མ་པ་ཡི། །སྐྱེ་བའི་ཡུལ་ནི་དགེ་དང་ལྡན་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཆད། །དཔག་ཚད་བཅུ་གཉིས་ཡབ་ནི་ལེགས་ཡིད་གཞུངས། །བདེ་འོད་ཅེས་བྱ་ཡུམ་ཡིན་སྲས་པོ་ནི། །ཡོན་ཏན་རྒྱལ་མཚན་བདེན་པ་རིམ་གྲོ་བ། །ཆོས་འདོད་ཅེས་ནི་བྱ་བ་མཁས་པ་སྟེ། །འགྲོ་བའི་མཆོད་རྟེན་ཞེས་བྱ་རྫུ་འཕྲུལ་ཅན། །དྲང་སྲོང་ཡིད་ཞི་དགེ་འདུན་འདུས་པ་རྣམས། །སྟོང་ཕྲག་བརྒྱད་ཅུ་དག་ནི་འབྱུང་བར་ 205b འགྱུར། །དམ་པའི་ཆོས་ནི་ལོ་གྲངས་བདུན་ཁྲིའི་པར། །གནས་པར་འགྱུར་རོ་སྐུ་གདུང་འཕེལ་བར་འགྱུར། །དེ་བཞིན་གཤེགས་པ་རིན་ཆེན་གྲགས་པ་ཡི། །སྐྱེ་བའི་ཡུལ་ནི་བསོད་ནམས་སྙིང་པོ་ཡིན། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ལེགས་བཟངས་ཡིན། །རིན་ཆེན་གཙུག་ཏོར་ཞེས་བྱ་ཡུམ་ཡིན་ནོ། །རི་མཆོག་སྲས་ཡིན་རྒྱལ་ནི་རིམ་གྲོ་བ། །ཤེས་རབ་སྒྲོན་མ་ཞེས་བྱ་མཁས་པ་སྟེ། །གཙུག་ན་ནོར་བུ་ཞེས་བྱ་རྫུ་འཕྲུལ་ཅན། །འདུས་པ་དང་པོར་སྲིད་པ་བདེ་བ་དག ། ཐེར་འབུམ་ཡོད་དོ་གཉིས་པར་ཁང་ཡང་ཡོད། །གསུམ་པ་དག་ཏུ་ཐེར་འབུམ་ཕྲག་ཀྱང་དགུ་།སྐུ་ཚེའི་ཚད་ནི་ལོ་གྲངས་སྟོང་ཡང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང། །དམ་ཆོས་ལོ་གྲངས་སྟོང་ཕྲག་བཅུར་ཡང་གནས། །རིན་ཆེན་བདུན་པོ་ཀུན་གྱི་རྒྱུས་བྱུང་བ། །མཆོད་རྟེན་བྱེ་བ་བརྒྱ་ཕྲག་བཅུ་ཡང་འབྱུང ། །དེ་བཞིན་གཤེགས་པ་སྐྱོན་རབ་ཞི་བ་ཡི། །སྐྱེ་བའི་ཡུལ་ནི་དགའ་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་དགུ་བཅུ་གཉིས་ཡོད་འབྱོར་ལྡན་ཡབ། །དེ་ཡི་ཡུམ་ནི་བཟང་ལྡན་མ་ཞེས་བྱ། །དབྱངས་སྙན་སྲས་པོ་གསལ་བ་རིམ་གྲོ་བ། །ཆོས་དཔལ་འོད་ཅེས་བྱ་བ་མཁས་པ་སྟེ། །དོན་སྨྲ་ཞེས་ནི་བྱ་བ་རྫུ་འཕྲུལ་ཅན། །འདུས་པ་དང་པོར་རྫུ་འཕྲུལ་ 206a ༄#། །སྟོབས་ཅན་དག་།དགྲ་བཅོམ་སྟོང་ཕྲག་དྲུག་ཅུ་རྩ་གསུམ་ཡོད། །གཉིས་པར་དྲུག་བཅུ་རྩ་གཉིས་ཐམ་པར་ཡོད། །འདུས་པ་གསུམ་པར་དྲུག་ཅུ་རྩ་ཡང་གཅིག་།དེ་ཚེ་ལོ་ནི་སྟོང་ཕྲག་དགུ་བཅུ་དྲུག་།དེ་སྲིད་དུས་སུ་དམ་པའི་ཆོས་ནི་ལོ། །བྱེ་ཕྲག་གཉིས་གནས་སྟོན་པ་མྱ་ངན་འདས། །སྐུ་གདུང་རིལ་གཅིག་མཆོད་རྟེན་གཅིག་བྱུང་དོ། །དེ་བཞིན་གཤེགས་པ་བདུད་རྩི་འཆད་པ་ཡི། །སྐྱེ་བའི་ཡུལ་ནི་བཟང་དང་ལྡན་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། ། དཔག་ཚད་བཅུ་དྲུག་ཡབ་ནི་ཚངས་དབང་ཡིན། །མེ་ཏོག་ཅན་ཞེས་བྱ་བ་ཡུམ་ཡིན་ནོ། །སྲས་པོ་ཟླས་བྱིན་རྒྱལ་དབང་རིམ་གྲོ་པ། །ཡེ་ཤེས་འོད་གསལ་ཞེས་བྱ་མཁས་པ་སྟེ། །འོད་པོ་ཆེ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་ཐེར་འབུམ་དགུ། །གཉིས་པར་བརྒྱད་ཡོད་གསུམ་པ་དག་ཏུའང་བརྒྱད། །དེ་ཚེ་སངས་རྒྱས་མཆོག་མའི་སྐུ་ཚེའི་ཚད། །ལོ་གྲངས་སྟོང་ཕྲག་བདུན་ཅུ་རྩ་དྲུག་ཡིན། །བདེ་གཤེགས་ཡོངས་སུ་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་གྲངས་བྱེ་བར་གནས། །མཆོད་རྟེན་བྱེ་བ་སྟོང་ཕྲག་དགུ་བཅུ་དགུ། །རིན་པོ་ཆེ་ཡི་གདུགས་ཀྱིས་བརྒྱན་པར་འགྱུར། །དེ་བཞིན་གཤེགས་པ་མི་ཡི་ཟླ་བ་ཡི། །སྐྱེ་བའི་ཡུལ་ 206b ནི་དགའ་བ་སྩོགས་ཤེས་བྱ། །དེའི་རིགས་བྲམ་ཟེ་འོད་ནི་དཔག་ཚད་གཅིག་།བདེ་བར་གཤེགས་པའི་ཡབ་ནི་བཟང་པོ་ཡིན། །སྤྲིན་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་ལེགས་མཐོང་ལྷུན་པོ་རི་མ་གྲོ་བ། །རིན་ཆེན་མཆོག་མ་ཤེས་རབ་གཏམ་ལྡན་ཏེ། །འཛམ་བུའི་ཆུ་བོ་ཞེས་བྱ་རྫུ་འཕྲུལ་ཅན། །དགྲ་བཅོམ་བྱེ་བ་སྟོང་ཕྲག་བཅུ་ཡོད་དེ། །གཉིས་པར་བརྒྱད་ཡོད་གསུམ་པར་དགྲ་བཅོམ་པ། །དེ་དག་བྱེ་བརྒྱ་ལྔ་བཅུ་རྩ་ལྔ་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱ་དྲུག་བཅུ། །བདེ་བར་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་གཉིས་སུ་གནས། །རྒྱལ་བའི་མཆོད་རྟེན་བྱ་བ་བདུན་བཅུ་དྲུག། །འཇིག་རྟེན་གསུམ་དུ་སིལ་སྙན་བརྒྱ་ཡང་གྲགས། །དེ་བཞིན་གཤེགས་པ་ཤིན་ཏུ་གཟིགས་པ་ཡི། །སྐྱེ་བའི་ཡུལ་ནི་སྐྱིད་པར་ལྡན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་བསོད་ནམས་བཟང་པོ་ཡག་།དེ་ཡི་ཡུམ་ནི་སྙན་པར་སྨ་ཞེས་བྱ། །སྲས་པོ་ཆོས་བཟང་ཟླ་བ་རིམ་གྲོ་བ། །ཤེས་རབ་མཐར་ཕྱིན་ཞེས་བྱ་མཁས་པ་སྟེ། །གཏམ་ལྡན་གཙོ་བོ་ཞེས་བྱ་རྫུ་འཕྲུལ་ཅན། །འདུས་པ་དང་པོར་རྒ་ནད་སེལ་བ་པོ། །དགྲ་བཅོམ་བྱེ་བ་ཕྲག་ནི་དགུ་བཅུ་ཡོད། །འདུས་པ་གཉིས་པར་བྱེ་བ་བརྒྱད་བཅུ་ཡོད། །གསུམ་པར་ཚོགས་པ་བྱེ་བ་བརྒྱད་བཅུ་བདུན། །མི་རྣམས་ཚེ་ཚད་ 207a ༄#། །བྱེ་བ་ཕྲག་བརྒྱ་ཡིན། །དམ་ཆོས་ལོ་གྲངས་བྱེ་བ་བརྒྱད་དུ་གནས། །སྟོན་པ་མྱ་ངན་འདས་པའི་མཆོད་རྟེན་དང ། །བྱེ་བ་སྟོང་ཕྲག་བདུན་ཅུ་རྩ་གསུམ་འབྱུང ། །དེ་བཞིན་གཤེགས་པ་རབ་ཏུ་བརྒྱན་པ་ཡི། །སྐྱེ་བའི་ཡུལ་ནི་མཆོད་པའི་རྟེན་ཞེས་བྱ། །རྒྱལ་བ་དེའི་རིགས་བྲམ་ཟེ་འོད་ཀྱི་ཚད། །དཔག་ཚད་བདུན་ཡོད་ཡབ་ནི་ལྷ་བཟང་ཡིན། །གཟི་ལྡན་མ་ནི་ཡུམ་ཡིན་སྲས་པོ་ནི། །མྱ་ངན་མེད་པ་ཐུབ་མེད་རིམ་གྲོ་བ། །གཞན་འཇོམས་པ་ཞེས་བྱ་བ་མཁས་པ་སྟེ། །ང་རོ་སྙན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སིང་པ་མཐར་བྱེད་པ། །ཞི་བར་སོང་བ་བྱེ་བ་བདུན་བཅུ་གཉིས། །གཉིས་པར་བྱེ་བ་བདུན་བཅུ་རྩ་གཅིག་ཡོད། །གསུམ་པར་ང་རྒྱལ་གཅོད་པ་བདུན་བཅུ་ཡོད། །འཇིག་རྟེན་མཁྱེན་པའི་སྐུ་ཚེའི་ཚད་དག་ནི། །ལོ་གྲངས་སྟོང་ཕྲག་དགུ་བཅུ་རྩ་དགུ་ཡིན། །མྱ་ངན་འདས་ནས་དམ་ཆོས་ལོ་གྲངས་དག་།བྱེ་བར་གནས་འགྱུར་སྐུ་གདུང་དབྱེར་མེད་དོ། །དེ་བཞིན་གཤེགས་པ་ནོར་བུའི་འོད་སྐྱེ་བའི། །ཡུལ་ནི་མེ་ཏོག་ལེགས་རྒྱས་གཟི་བརྗིད་ཡིན། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཟླ་བཟང་ཡིན། །དེ་ཡི་ཡུམ་ནི་རིན་ཆེན་ཟླ་ཞེས་བྱ། །སྲས་པོ་སྐལ་འདོད་ཏོག་ནི་རིམ་གྲོ་པ། །སྨན་གྱི་རྒྱལ་པོ་ཞེས་བྱ་མཁས་ 207b པ་སྟེ། །སྐྱེ་བོ་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དྲང་སྲོང་དགྲ་བཅོམ་པ། །དགེ་སློང་བྱེ་བ་སྟོང་ཕྲག་དགུ་ཡོད་དོ། །གཉིས་པར་བརྒྱད་ཡོད་གསུམ་པར་བདུན་ཡང་ཡོད། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །བདེ་གཤེགས་མྱ་ངན་འདས་ནས་དམ་ཆོས་དག་།ལོ་གྲངས་བྱེ་བ་གསུམ་དུ་ཉམས་མེད་གནས། །མཆོད་རྟེན་བྱེ་བ་སྟོང་ཕྲག་དགུ་བཅུ་དགུ། །འབྱུང་བར་འགྱུར་ལ་ཅོད་པན་དག་གིས་རྒྱས། །སངས་རྒྱས་རི་བོ་བརྩེགས་པའི་ཏོང་དག་གི་།སྐྱེ་བའི་ཡུལ་ནི་ཙན་དན་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་ཅུ་ཡབ་ནི་ན་ཚོང་བཟང ། །མེ་ཏོག་མཆོག་ཅེས་བྱ་བ་ཡུམ་ཡིན་ནོ། །སྲས་པོ་འོད་འཆད་ཆོས་བཟང་རིམ་གྲོ་བ། །ཆོས་ཀྱི་སྒྲོན་མ་ཞེས་བྱ་མཁས་པ་སྟེ། །འོད་འགྲོ་ཞེས་ནི་བྱ་བ་རྫུ་འཕྲུལ་ཅན། །འདུས་པ་དང་པོར་ལུས་ནི་སེལ་བ་པོ། །བྱེ་བ་སྟོང་ཕྲག་བདུན་བཅུ་རྩ་བཞི་འབྱུང ། །གཉིས་པར་གསུམ་ཡོད་གསུམ་པར་གཉིས་འབྱུང་ངོ ། །སྐུ་ཚེ་ལོ་གྲངས་སྟོང་ཕྲག་བདུན་བཅུ་ཡིན། །སངས་རྒྱས་འཇིག་རྟེན་ཕན་པར་མཛད་པ་པོ། །དེ་ནི་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་དགུ་བཅུ་དྲུག་གནས་ཤིང ། །མཆོད་རྟེན་དབྱེར་མེད་པ་ནི་གཅིག་ཅིག་འབྱུང ། །དེ་བཞིན་གཤེགས་པ་ཆོས་ཀྱི་འབྱུང་གནས་ཀྱི། །སྐྱེ་བའི་ཡུལ་ནི་མེ་ཏོག་ལྡན་ 208a ༄#། །ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་བསོད་ནམས་བཟང་པོ་ཡབ། །བསོད་ནམས་ལྡན་པ་ཡུམ་ཡིན་སྲས་པོ་ནི། །སཝ་ལའི་དྲི་ལྡན་བྱང་ཆུབ་རིམ་གྲོ་བ། །སྨྲ་བ་འཇོམས་བྱེད་ཅེས་བྱ་མཁས་པ་སྟེ། །བརྟུལ་ཞུགས་བརྟན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་གང་དག་དགྲ་བཅོམ་པ། །བྱེ་བ་དགུ་བཅུ་རྩ་བཞི་ཐམ་པ་ཡོད། །གཉིས་པར་གསུམ་ཡོད་གསུམ་པར་བཞི་ཡོད་དོ། །དེ་ཡི་སྐུ་ཚེ་ལོ་གྲངས་བརྒྱད་ཁྲི་ཡིན། །རྒྱལ་བ་མྱ་ངན་འདས་པའི་དམ་ཆོས་དག་།ལོ་གྲངས་སྟོང་ཕྲག་བཅུའི་བར་དུ་གནས། །མཆོད་རྟེན་བྱེ་བ་དགུ་བཅུ་རྩ་དྲུག་སྟེ། །ཐམས་ཅད་རིན་ཆེན་དྲ་བས་རྣམ་པར་བརྒྱན། །དེ་བཞིན་གཤེགས་པ་ཚེམས་སྦྱིན་སྐྱེ་བའི་ཡུལ། །མེ་ཏོག་རྣམ་པར་བརྒྱན་ཞེས་བྱ་བ་ཡིན། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཁྲི་བརྒྱ་སུམ་ཅུ་གཉིས་ཡོད་ལེགས་སྐྱེ་ཡབ། །སཝ་ལའི་འོད་ཅེས་བྱ་བ་ཡུམ་ཡིན་ནོ། །སྲས་པོ་ལེགས་ལྡན་འོད་འཕྲོ་རིམ་གྲོ་བ། །དཔལ་རྒྱས་ཞེས་ནི་བྱ་བ་མཁས་པ་སྟེ། །འོད་བྱེད་སྦྱིན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྐྱེ་བ་འཇོམས་བྱེད་པ། །དགྲ་བཅོམ་སྟོང་ཕྲག་སུམ་བཅུ་རྩ་གཉིས་ཡོད། །འདུས་པ་གཉིས་པར་ཉི་ཤུ་རྩ་དགུ་ཡོད། །གསུམ་པར་ཉི་ཤུ་རྩ་བརྒྱད་ 208b ཐམ་པ་ཡོད། །དེ་ན་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་ཉི་ཤུ་རྩ་གཉིས་ཡིན། །མྱ་ངན་འདས་ནས་དམ་ཆོས་སུམ་གྱུར་གནས། །བདེ་གཤེགས་སྐུ་གདུང་རིལ་གཅིག་མཆོད་རྟེན་གཅིག་།དེ་བཞིན་གཤེགས་པ་རིན་ཆེན་འབྱུང་གནས་ཀྱི། །སྐྱེ་བའི་ཡུལ་ནི་ཟླ་བ་ཅན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། ། དཔག་ཚད་གཉིས་ཡོད་ཡབ་ནི་མྱ་ངན་མེད། །བསོད་ནམས་ལྡན་ཞེས་བྱ་བ་ཡུན་ཡིན་ནོ། །སྲས་པོ་ལེགས་མཐོང་མཆོག་མ་རིམ་གྲོ་པ། །བློ་སྦྱིན་ཞེས་བྱ་ཤེས་རབ་གཙོ་བོ་སྟེ། །སེངྒེ་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྐྱེ་རྒ་འཆི་བ་དག་།མཐར་བྱེད་བྱེ་བ་བརྒྱ་ཕྲག་དགུ་བཅུ་ཡོད། །འདུས་པ་གཉིས་པར་དགུ་བཅུ་རྩ་ལྔ་ཡོད། ། གསུམ་པར་ཚོགས་པ་དགུ་བཅུ་རྩ་དྲུག་ཐམ། །མི་རྣམས་དག་གི་ཚེ་ཚད་ལོ་བརྒྱ་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་བདུན་ཅུའི་བར་དུ་གནས། །དེ་ཡི་མཆོད་རྟེན་དཔག་ཚད་གཅིག་པ་གཅིག་།དེ་བཞིན་གཤེགས་པ་སྐྱེ་དབང་མཚུངས་པ་ཡི། །སྐྱེ་བའི་ཡུལ་ནི་རྣམ་།པར་བལྟས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སུམ་བཅུ་ཡབ་ནི་སྤོས་བཟངས་ཡིན། །རིན་ཆེན་ལྡན་ཞེས་བྱ་བ་ཡུམ་ཡིན་ནོ། །སྲས་པོ་སྡུག་དགའ་འདུན་པ་རིམ་གྲོ་བ། །རྒྱ་མཚོའི་བློ་ཞེས་ 209a ༄#། །བྱ་བ་ཤེས་རབ་ཆེ། །འོད་བྱེད་སྦྱིན་ཞེས་བྱ་བ་རྫུ་འཕྲུལ་ཅན། །དང་པོར་ཚོགས་པ་ཐེར་འབུམ་དགུ་བཅུ་ཡོད། །བར་མ་གཉིས་པར་ཚོགས་པ་བརྒྱད་ཅུ་བརྒྱད། །ཐ་མར་ཐེར་འབུམ་བརྒྱད་ཅུ་རྩ་དྲུག་ཡོད། །དེ་དག་ཚེ་ཚད་ལོ་གྲངས་སྟོང་ཕྲག་བརྒྱ། །དམ་ཆོས་ལོ་གྲངས་བྱེ་བ་བཅུར་ཡང་གནས། །མཆོད་རྟེན་བྱེ་བ་དགུ་བཅུ་རྩ་བརྒྱད་དེ། །རིན་ཆེན་རྒྱལ་མཚན་གདུགས་དང་འཕན་གྱིས་བརྒྱན། །མཆོད་རྟེན་རེ་རེ་འང་གདུགས་ནི་བྱེ་བ་ཡོད། །དེ་བཞིན་གཤེགས་པ་སྟབས་ཀྱིས་གཤེགས་པ་ཡི། །སྐྱེ་བའི་ཡུལ་ནི་མེ་ཏོག་འོད་ཅེས་བྱ། །རིགས་ནི་བྲམ་ཟེ་འོད་ཟེར་དྲ་བའི་ཚད། །དཔག་ཚད་ཉི་ཤུ་གཉིས་ཡོད་རི་དབང་ཡབ། །རྒྱལ་དེའི་ཡུམ་ནི་དགའ་བ་ཞེས་ཀྱང་བྱ། །དེ་ཡི་སྲས་པོ་ཡོན་ཏན་སེམས་ཤེས་བྱ། །སྲིད་པའི་བཤེས་གཉེན་དེ་ཡི་རིམ་གྲོ་བ། །ཉེ་སྡེ་ཤེས་ཅན་རྐང་སྟོབས་རྫུ་འཕྲུལ་ཅན། །མི་མཆོག་དེ་ཡི་འདུས་པ་དང་པོར་ནི། །དགྲ་བཅོམ་བརྒྱ་ཕྲག་སུམ་བཅུ་རྩ་གཉིས་ཡོད། །གཉིས་པར་བརྒྱ་ཕྲག་སུམ་ཅུ་རྩ་གསུམ་ཡོད། །གསུམ་པར་ཚོགས་པ་ཕལ་ཆེར་ཐེར་འབུམ་ཡོད། །མིའི་འདྲེན་པ་དེ་ཡི་སྐུ་ཚེའི་ཚད། །ལོ་གྲངས་སྟོང་ཕྲག་དགུ་བཅུ་རྩ་བཞི་ཡོད། །དེ་ཚེ་དེ་ཡི་སུམ་འགྱུར་དམ་ཆོས་གནས། །དེ་ཡི་སྐུ་ 209b གདུང་རིལ་གཅིག་མཆོད་རྟེན་གཅིག་།འཇིག་རྟེན་རྣམ་པར་འདྲེན་པ་བློ་གནས་ཀྱི། །སྐྱེ་ཡུལ་རིན་ཆེན་གཟི་བརྗིད་དགའ་ཞེས་བྱ། །རིགས་ནི་རྒྱལ་རིགས་འོད་ནི་དཔག་ཚད་གཅིག་།བསོད་ནམས་དཔལ་ཡབ་དགའ་བ་བཟང་མོ་ཡུམ། །སྲས་པོ་ཆུ་ལྷ་དགའ་བ་རིམ་གྲོ་བ། །བསོད་ནམས་སྒྲོན་ཞེས་བྱ་བ་ཤེས་རབ་ཅན། །འབྲུག་སྒྲ་རྫུ་འཕྲུལ་ཅན་གྱི་མཆོག་མ་ཡིན། །འདུས་པ་དང་པོར་དགྲ་བཅོམ་བྱེ་བ་བརྒྱ། །འདུས་པ་གཉིས་པར་ཡང་སྲིད་ཟད་པ་དག་།བརྒྱད་བཅུ་གསུམ་པར་དྲུག་བཅུ་འབྱུང་བར་འགྱུར། །དེར་ནི་མི་དེ་དག་གི་ཚེ་ཡི་ཚད། །ལོ་གྲངས་སྟོང་ཕྲག་ཉི་ཤུ་རྩ་བཞི་ཡིན། །མྱ་ངན་འདས་ནས་དེ་ན་དམ་ཆོས་དག། །ལོ་གྲངས་སྟོང་ཕྲག་ལྔ་བརྒྱའི་བར་དུ་གནས། །མཆོད་རྟེན་བྱེ་བ་བརྒྱ་ཕྲག་ལྔ་ཡོད་དེ། ། ཐམས་ཅད་རིན་ཆེན་གདུགས་ཀྱིས་མཛེས་ཁེབས་བྱས། །དེ་བཞིན་གཤེགས་པ་གདུགས་མཛེས་པ་དག་གི་།སྐྱེ་བའི་ཡུལ་ནི་རིན་ཆེན་ཕུང་པོ་ཡིན། །རིགས་ནི་རྒྱལ་རིགས་འོད་གཟི་དཔག་ཚད་ནི། །བྱེ་བ་ཐམ་པ་ཡབ་ནི་སྒྲ་གཅན་ལྷ། །མེ་ཏོག་ཅན་ཞེས་བྱ་བ་དེ་ཡི་ཡུམ། །དེའི་སྲས་རྒྱལ་བ་བློ་བཟངས་རིམ་གྲོ་བ། །ལྷ་ཡིས་མཆོད་ཅེས་བྱ་བ་ཤེས་རབ་ཅན། །མ་གང་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་གསུམ་བཅུ་གསུམ། །གཉིས་པར་ཆགས་མེད་སུམ་བཅུ་རྩ་གཉིས་ཡོད། །གསུམ་པར་ཟད་མེད་ 210a ༄#། །སུམ་བཅུ་རྩ་གཅིག་ཡོད། །མི་ཚེ་ལོ་གྲངས་སྟོང་ཕྲག་ཉི་ཤུ་ལྔ། །འཇིག་རྟེན་རྣམ་འདྲེན་མྱ་ངན་འདས་ནས་ཀྱང ། །དམ་པའི་ཆོས་དག་ལོ་གྲངས་བྱེ་བར་གནས། །མཆོད་རྟེན་དཔག་ཚད་ཕྱེད་པ་བྱེ་བ་ཕྲག་།བརྒྱད་བཅུ་རིན་ཆེན་བདུན་ཡིན་རྒྱས་པར་འགྱུར། །འཇིག་རྟེན་དག་གི་མགོན་པོ་གཙོ་བོ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་ཟླ་བཟངས་ཡིན། །དེའི་ཡུམ་ནི་མེ་ཏོག་བསགས་ཤེས་བྱ། །སྲས་པོ་མཛེས་པ་དཔལ་ཅན་རིམ་གྲོ་བ། །བློ་སྦྱངས་ཞེས་ནི་བྱ་བ་ཤེས་རབ་ཅན། །མཐའ་ཡས་དཔལ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དབང་དུ་གྱུར་པ་རྣམས། །སྟོང་ཕྲག་བརྒྱད་ཅུ་གཉིས་པར་དགུ་བཅུ་ཡོད། །གསུམ་པར་དྲི་མ་མེད་པ་བྱེ་བ་བརྒྱ། །སྐུ་ཚེ་ལོ་གྲངས་བྱེ་བ་གཉིས་ཀྱང་ཡིན། །དམ་ཆོས་ལོ་གྲངས་བྱེ་བ་བཅུར་ཡང་གནས། ། རྒྱང་གྲགས་སུམ་བཅུ་པ་ཡི་མཆོད་རྟེན་གཅིག་།རིན་ཆེན་བདུན་པོ་དག་གིས་དེ་རྒྱས་ཤིང ། །གདུགས་གྲངས་བྱེ་བ་བརྒྱ་ཕྲག་བདུན་བཅུ་གཉིས། །བདེ་བར་གཤེགས་པ་ཤིན་ཏུ་འཕགས་དཔལ་གྱི། །སྐྱེ་བའི་ཡུལ་ནི་ཡེ་ཤེས་ལྡན་ཞེས་བྱ། །བདེ་གཤེགས་དེའི་རིགས་བྲམ་ཟེ་འོད་ཀྱི་ཚད། །རྒྱང་གྲངས་བཅུ་ཡོད་བཤེས་གཉེན་བཟང་པོ་ 210b ཡབ། །སྐྱེ་བོའི་མཆོད་རྟེན་ཞེས་བྱ་བ་སྐྱེད་པའི་ཡུམ། །སྲས་པོ་མཆོག་མ་མིག་བཟངས་རིམ་གྲོ་བ། །སེངྒེའི་སྒྲ་སྒྲོགས་པ་ནི་མཁས་པ་སྟེ། །བླ་མ་ཞེས་ནི་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་བྱེ་ཕྲག་བཅུ། །གཉིས་པར་བཅུ་།གཉིས་གསུམ་པར་བརྒྱད་ཡོད་དོ། །དེ་ན་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་ཉི་ཤུ་རྩ་བཞི་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་བྱེ་བར་གནས་ཤིང་སྐུ་གདུང་འཕེལ། །མཆོད་རྟེན་བྱེ་བ་བརྒྱ་ཕྲག་དགུ་ཡོད་དེ། །ཐམས་ཅད་རྒྱང་གྲགས་བདུན་པ་རིན་ཆེན་གདུགས། །དེ་བཞིན་གཤེགས་པ་སེངྒེའི་སྒྲ་དག་གི་།སྐྱེ་བའི་ཡུལ་ནི་སཝ་ལའི་བདག་ཅེས་བྱ། །བདེ་གཤེགས་རྒྱལ་རིགས་ཡིན་ཏེ་འོད་ཀྱི་ཚད། །རྒྱང་གྲགས་དགུ་ཡོད་ཡབ་ནི་ལུས་མཛེས་ཡིན། །སྨྲ་བ་གྲུབ་ཅེས་བྱ་བ་དེ་ཡི་ཡུམ། །སྲས་པོ་ནད་མེད་ཏོག་ནི་རིམ་གྲོ་བ། །ཤེས་རབ་གདོན་མི་ཟ་བ་མཁས་པ་སྟེ། །ཆོས་དགའ་ཞེས་ནི་བྱ་བ་རྫུ་འཕྲུལ་ཅན། །དང་པོར་ཚོགས་པ་སྟོང་ཕྲག་དྲུག་ཅུ་ཡོད། །གཉིས་པར་བདུན་ཅུ་གསུམ་པར་བརྒྱད་ཅུ་ཡོད། །དགྲ་བཅོམ་ཀུན་ཀྱང་ང་རྒྱལ་དྲེགས་ལས་གྲོལ། ། སྐུ་ཚེ་རིང་སྟེ་ལོ་གྲངས་སྟོང་ཕྲག་བཅུ། །རྡུལ་དང་རྣམ་བྲལ་མྱ་ངན་འདས་ནས་ཀྱང ། །དམ་པའི་ཆོས་དག་ལོ་གྲངས་སྟོང་དུ་གནས། །དེ་ཚེ་བདེ་བར་གཤེགས་པའི་མཆོད་ 211a ༄#། །རྟེན་གཅིག་།དཔག་ཚད་བདུན་ཙམ་ཁོར་ཡུག་རིན་ཆེན་གང ། །བདེ་བར་གཤེགས་པ་རྣམ་རོལ་ལྡན་པ་ཡི། །སྐྱེ་བའི་ཡུལ་ནི་བསོད་ནམས་དཔལ་ཞེས་བྱ། །བདེ་གཤེགས་རིགས་ནི་བྲམ་ཟེ་འོད་ཀྱི་ཚད། །རྒྱང་གྲགས་གསུམ་ཡོད་གཟི་བརྗིད་བཟང་པོ་ཡབ། །བསོད་ནམས་ང་རོ་ཞེས་བྱ་ཡུམ་ཡིན་ནོ། །སྲས་པོ་བལྟ་སྡུག་ཞི་བ་རིམ་གྲོ་བ། །ཆོས་འཕགས་ཞེས་ནི་བྱ་བ་མཁས་པ་སྟེ། །སྨྲ་བའི་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་འདོད་ཆགས་རྡུལ་རྣམས་ནི། །མ་ལུས་བཅོམ་པ་སྟོང་ཕྲག་བརྒྱད་ཅུ་ཡོད། །འདུས་པ་གཉིས་པར་བདུན་ཅུ་རྩ་བརྒྱད་ཡོད། །གསུམ་པར་གཏི་མུག་སྤངས་པ་བདུན་ཅུ་དྲུག་།དེ་ཚོ་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་བདུན་བཅུ་རྩ་བཞི་ཡིན། །གཉིས་གྱུར་དག་ཏུ་དེའི་དམ་ཆོས་གནས། །དྲང་སྲོང་ཆེན་པོའི་མཆོད་རྟེན་གཅིག་གཅིག་འབྱུང ། །དེ་བཞིན་གཤེགས་པ་ཀླུའི་འོད་དག་གི་།སྐྱེ་བའི་ཡུལ་ནི་གླང་པོས་མཐོང་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ཡུལ་འཁོར་བཟང། །ཤིན་ཏུ་དགའ་ཞེས་བྱ་བ་ཡུམ་ཡིན་ནོ། །སྲས་པོ་འཕན་བྱེད་ལྷུན་པོར་མ་གྲོ་བ། །རྒྱུའི་སྟོབས་ཤེས་བྱ་བ་མཁས་པ་སྟེ། །དྲང་སྲོང་བྱིན་དགའ་ཞེས་བྱ་བ་རྫུ་ 211b འཕྲུལ་ཅན། །འདུས་པ་དང་པོར་རྒྱལ་བ་དགྲ་བཅོམ་པ། །ཚོགས་པ་བྱེ་བ་སྟོང་ཕྲག་བདུན་ཅུ་གཉིས། །གཉིས་པ་དག་ཏུ་བདུན་ཅུ་རྩ་གཅིག་ཡོད། །གསུམ་པར་བྱེ་བ་སྟོང་ཕྲག་བདུན་ཅུ་ཡོད། །དེ་ཚེ་སྐད་ཅིག་དེ་ལ་སྐུ་ཚེའི་ཚད། །ལོ་གྲངས་བརྒྱའི་བར་དུ་གནས་འགྱུར་རོ། །དམ་ཆོས་ལོ་གྲངས་བརྒྱ་ཕྲག་བཅུ་གཉིས་གནས། །རྒྱལ་བའི་མཆོད་རྟེན་གཅིག་གཅིག་འབྱུང་བར་འགྱུར། །དེ་བཞིན་གཤེགས་པ་མེ་ཏོག་རི་བོ་ཡི། །སྐྱེ་བའི་ཡུལ་ནི་རི་ཡིས་མཐོང་ཞེས་བྱ། །རིགས་ནི་བྲམ་ཟེ་འོད་ཀྱི་དཀྱིལ་འཁོར་དག ། དཔག་ཚད་སུམ་བཅུ་ཡབ་ནི་ལེགས་ཡིད་གཞུངས། །ཡོན་ཏན་བསགས་ཤེས་བྱ་བ་ཡུམ་ཡིན་ནོ། །སྲས་པོ་བདེ་སྟོབས་དྲག་ཤུལ་རིམ་གྲོ་བ། །བློ་རྫོགས་འོད་ཟེར་ཞེས་བྱ་མཁས་པ་སྟེ། །གློག་མཆོག་ཅེས་བྱ་བ་ནི་རྫུ་འཕྲུལ་ཅན། །དགྲ་བཅོམ་འདུས་པ་སྟོང་ཕྲག་དྲུག་ཅུ་དྲུག་།གཉིས་པར་རྡུལ་མེད་དྲུག་ཅུ་རྩ་ཡང་ལྔ། །གསུམ་པར་སྟོང་ཕྲག་དྲུག་ཅུ་རྩ་བཞི་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱད་ཅུ་ཡིན། །བདེ་བར་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་གསུམ་དུ་གནས། །རྒྱལ་བའི་མཆོད་རྟེན་ཁྲི་ཕྲག་བཅུ་ཡོད་དེ། །མུ་ཏིག་དྲ་བ་མཆོག་དག་སྦྱངས་པས་ཁྱབ། །དེ་བཞིན་གཤེགས་པ་ཀླུ་ནི་དགའ་བ་ཡི། །སྐྱེ་བའི་ཡུལ་ནི་མེ་ཏོག་འོད་ཅེས་བྱ། །རྒྱལ་བ་ 212a ༄#། །རྒྱལ་རིགས་དེ་ནི་དེའི་འོད་ཚད་དཔག་ཚད་དྲུག་བཅུ་རྩ་བདུན་འཕྲོས་པར་འགྱུར། །རི་དགས་འགྲོ་ཞེས་བྱ་བ་ཡབ་ཡིན་ལ། །གཟུགས་བཟང་མ་ཞེས་བྱ་བ་ཡུམ་ཡིན་ནོ། །དེ་ཡི་སྲས་པོ་ཀླུ་ཞེས་བྱ་བ་སྟེ། །གླིང་འགྲོ་ཞེས་བྱ་དེ་ཡི་རིམ་གྲོ་བ། །འགྲོ་བའི་གཟི་བརྗིད་ཅེས་བྱ་མཁས་པ་སྟེ། །དགའ་ཆེན་ཞེས་ནི་བྱ་བ་རྫུ་འཕྲུལ་ཅན། །དང་པོར་ཚོགས་པ་བྱེ་བ་སྟོང་ཕྲག་ཡོད། །གཉིས་པར་བརྒྱད་ཡོད་གསུམ་པ་དག་ཏུ་ལྔ། །སྐུ་ཚེ་ལོ་གྲངས་དག་ནི་སུམ་ཁྲི་ཡིན། །དམ་ཆོས་ལོ་གྲངས་སྟོང་ཕྲག་བདུན་བཅུར་གནས། །རྒྱལ་བའི་མཆོད་རྟེན་སྟོང་ཕྲག་བརྒྱད་བཅུ་སྟེ། །རྒྱལ་མཚན་མཐོན་པོ་དཔག་ཚད་གཅིག་པས་བརྒྱན། །དེ་བཞིན་གཤེགས་པ་སྤོས་ཀྱི་དབང་ཕྱུག་གོ་།སྐྱེ་བའི་ཡུལ་ནི་དགའ་བས་མཐོང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སུམ་བཅུ་ཡབ་ནི་ལེགས་སྐྱེས་ཡིན། །ཟླ་འོད་ཡུམ་ཡིན་སྲས་པོ་ཛམྦུ་འགྲོ། །ལེགས་གཙོ་ཞེས་ནི་བྱ་བ་རིམ་གྲོ་བ། །ཤེས་རབ་འོད་ཅེས་བྱ་བ་མཁས་པ་སྟེ། །དཔལ་དྲེགས་ཞེས་ནི་བྱ་བ་རྫུ་འཕྲུལ་ཅན། །དང་པོར་དགྲ་བཅོམ་བྱེ་བ་དགུ་བཅུ་ཡོད། །གཉིས་པར་བརྒྱད་བཅུ་གསུམ་པར་བདུན་ཅུ་དྲུག་།དེ་ཚེ་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་བརྒྱད་ཅུ་རྩ་བཞི་ཡིན། །དེ་ཡི་དམ་པའི་ 212b ཆོས་དག་ལོ་གྲངས་ནི། །འབུམ་ཕྲག་བརྒྱ་ཡི་བར་དུ་གནས་པར་འགྱུར། །མཆོད་རྟེན་བྱེ་བ་སྟོང་ཕྲག་བདུན་ཅུ་གཅིག་།གསེར་མཆོག་དམ་པ་དག་གིས་ལེགས་པར་སྤྲས། ། བདེ་བར་གཤེགས་པ་ཤིན་ཏུ་གྲགས་པ་ཡི། །སྐྱེ་བའི་ཡུལ་ནི་དགའ་ར་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་ཚོགས་དབང་ཡིན། །གསེར་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་སྐལ་འདོད་ཉི་མ་རིམ་གྲོ་པ། །ཆོས་འོད་ཅེས་ནི་བྱ་བ་མཁས་པ་སྟེ། །ཐོས་པ་རྟོགས་ཤེས་བྱ་བ་རྫུ་འཕྲུལ་ཅན། ། འདུས་པ་དང་པོ་དག་ཏུ་དགྲ་བཅོམ་པ། །བྱེ་བ་སྟོང་ཕྲག་བཞི་བཅུ་རྩ་དྲུག་ཡོད། །གཉིས་པར་བཞི་བཅུ་རྩ་གསུམ་ཐམ་པ་ཡོད། །གསུམ་པར་ཉི་ཤུ་རྩ་གསུམ་ཐམ་པ་འབྱུང ། ། སྐུ་ཚེ་ལོ་གྲངས་སྟོང་ཕྲག་གཉིས་ཀྱང་ཡིན། །སྟོན་པ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲིར་གནས་འགྱུར་སྐུ་གདུང་གཅིག་།དཔག་ཚད་ལྔ་པའི་མཆོད་རྟེན་གཅིག་གཅིག་འབྱུང ། །དེ་བཞིན་གཤེགས་པ་སྟོབས་ཀྱི་ལྷ་དེ་ཡི། །སྐྱེ་བའི་ཡུལ་ནི་འོད་པོ་ཆེ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་གཉིས་ཡོད་ལེགས་བཟང་ཡབ། །ཟླ་འོད་ཅེས་ནི་བྱ་བ་ཡུམ་ཡིན་ནོ། །སྲས་པོ་དབང་འོད་དགའ་བོ་རིམ་གྲོ་པ། །སེངྒེའི་བློ་གྲོས་ཞེས་བྱ་མཁས་པ་སྟེ། །སྲིད་པའི་བཤེས་གཉེན་ 213a ༄#། །ཞེས་བྱ་རྫུ་འཕྲུལ་ཅན། །འདུས་པ་དང་པོར་རྡུལ་རྣམས་བཅོམ་པ་པོ། །བྱེ་བ་སྟོང་ཕྲག་དགུ་བཅུ་རྩ་གསུམ་ཡོད། །འདུས་པ་གཉིས་པར་དགུ་བཅུ་རྩ་གཉིས་ཡོད། །འདུས་པ་གསུམ་པར་དགུ་བཅུ་རྩ་ཅིག་ཡོད། །སྐུ་ཚེ་ལོ་གྲངས་དག་ནི་དགུ་སྟོང་ཡིན། །དམ་ཆོས་ལོ་གྲངས་སྟོང་ཕྲག་བདུན་ཅུར་གནས། ། དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུ་ཐམ། །མཚུངས་པ་མེད་པ་ཡོན་ཏན་ཕྲེད་ལྡན་གྱི། །སྐྱེ་བའི་ཡུལ་ནི་དགའ་བ་སྡུག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་དྲུག་ཡབ་ནི་ན་ཚོད་བཟང ། །སྐལ་ལྡན་ང་རོ་ཞེས་བྱ་ཡུམ་ཡིན་ནོ། །དེ་ཚེ་རྒྱལ་བའི་སྲས་བོ་ཚངས་བདག་ཡིན། །བློ་རྫོགས་ཞེས་ནི་བྱ་བ་རིམ་གྲོ་པ། །ལག་བཟངས་མཁས་པ་བཞིན་བཟངས་རྫུ་འཕྲུལ་ཅན། །དང་པོར་ཚོགས་པ་དགྲ་བཅོམ་བྱེ་བ་སྟོང ། །གཉིས་པ་དག་ཏུའང་དེ་སྙེད་ཡོད་གྱུར་ལ། །འདུས་པ་གསུམ་པ་དག་ཏུ་ལྔ་འགྱུར་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱད་ཅུ་ཡིན། །མཚུངས་མེད་མྱ་དན་འདས་ནས་དམ་ཆོས་དག ། ལོ་གྲངས་བྱེ་བ་ཕྲག་ནི་གསུམ་དུ་གནས། །མཆོད་རྟེན་བྱེ་བ་དགུ་བཅུ་རྩ་དགུ་སྟེ། །ཐམས་ཅད་གསེར་དག་གིས་ནི་ཁྱབ་པར་འགྱུར། །བདེ་བར་གཤེགས་པ་ཀླུ་ཡི་ 213b ལག་པ་ཡི། །སྐྱེ་བའི་ཡུལ་ནི་དགའ་བ་ཞེས་ཀྱིས་བྱ། །མགོན་པོའི་རིགས་ནི་བྲམ་ཟེ་དག་ཏུ་འགྱུར། །གླིང་ཕྲན་སྟོང་ཕྲག་བདུན་བཅུ་རྩ་གཉིས་རྣམས། །དེ་ཡི་འོད་ཀྱིས་རྟག་པ་དག་ཏུ་ཁྱབ། །དེ་ཡི་ཡབ་ནི་ཚོགས་ཅན་འོད་ཡིན་ལ། །དེ་ཡི་ཡུམ་ནི་སྤོས་ལྡན་མ་ཞེས་བྱ། །སྲས་པོ་དེས་པ་འོད་འཕྲོ་རིམ་གྲོ་པ། །ཡེ་ཤེས་རྣམ་ལྟ་ཞེས་བྱ་མཁས་པ་སྟེ། །བདེན་པར་སྨྲ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་བཅུ་དྲུག་ཡོད། །གཉིས་པར་བཅཝ་བརྒྱད་གསུམ་པར་ཉི་ཤུ་ཡོད། །སྐུ་ཚེའི་ཚད་ནི་ལོ་གྲངས་སྟོང་ཕྲག་བཅུ། །བདེ་བར་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་ཕྲག་བརྒྱད་གནས། །དེ་ཡི་མཆོད་རྟེན་བྱེ་བ་དགུ་བཅུ་དགུ། །བདེ་བར་གཤེགས་པ་མིག་ནི་བརྒྱན་བ་ཡི། །སྐྱེ་བའི་ཡུལ་ན་མཆོད་རྟེན་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བདུན་ཡོད་ཡབ་ནི་གྲོགས་བཟང་ཡིན། །ཡུམ་ནི་དྲ་བ་ཅན་གྱི་འོད་ཅེས་བྱ། ། སྲས་བོ་ཤུགས་དགའ་གྲོལ་བ་རིམ་གྲོ་པ། །ཆོས་མཐོང་ཞེས་ནི་བྱ་བ་མཁས་པ་སྟེ། །མཉམ་པར་བཞག་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་བྱེ་སྟོང་བརྒྱ། །འདུས་པ་གཉིས་པར་དགྲ་བཅོམ་ཚོགས་པ་དག་།བྱེ་སྟོང་དགུ་བཅུ་གསུམ་པར་བརྒྱད་ཅུ་ཡོད། །སྐུ་ཚེ་ལོ་གྲངས་སྟོང་ཕྲག་ཉི་ཤུ་དྲུག་།སངས་རྒྱས་ཡོངས་སུ་མྱ་ངན་ 214a ༄#། །འདས་ནས་ཀྱང ། །དམ་ཆོས་ལོ་གྲངས་བྱེ་བའི་བར་དུ་གནས། །མཆོད་རྟེན་བཟང་པོ་གྲངས་ནི་བྱེ་བ་སྟེ། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །སངས་རྒྱས་ལེགས་པར་སྦྱངས་པའི་བློ་དག་གི་།སྐྱེ་བའི་ཡུལ་ནི་བཅུ་ལྡན་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་དབང་ཆེན་ཡིན། །ཏོག་འོད་ཅེས་བྱ་ཡུམ་ཡིན་སྲེས་པོ་ནི། །སྐྱེ་བའི་ཁྱུ་མཆོག་རྒྱན་ནི་རིམ་གྲོ་པ། །སྨན་གྱི་རྒྱལ་བོ་ཞེས་བྱ་མཁས་པ་སྟེ། །ཚིག་གི་ཁ་ལོ་སྒྱུར་བ་རྫུ་འཕྲུལ་ཅན། །དགྲ་བཅོམ་སྟོང་ཕྲག་ཉི་ཤུ་རྩ་གཉིས་ཡོད། །གཉིས་པར་དེ་ན་སུམ་བཅུ་ཡོད་པར་འགྱུར། །འདུས་པ་གསུམ་པར་ཉི་ཤུ་རྩ་ཡང་བརྒྱད། །སྐུ་ཚེའི་ཚད་ནི་ལོ་གྲངས་སྟོང་ཡིན་ནོ། །སངས་རྒྱས་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་ཕྲག་བཅུ་བཞིར་སྤྱོད། །མཚུངས་པ་མེད་པའི་སྐུ་གདུང་མཆོད་རྟེན་ནི། །གཅིག་ཡིན་དཔག་ཚད་རེངས་པ་གཅིག་ཙམ་མོ། །སངས་རྒྱས་ཟིལ་གྱིས་གནོན་པ་ཡེ་ཤེས་ཀྱི། །སྐྱེ་བའི་ཡུལ་ནི་དགའ་བ་འདོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་མཐུ་ལྡན་ཡིན། །བརྟུལ་ཞུགས་བདེན་པ་ཡུམ་ཡིན་སྲས་པོ་ནི། །དྲང་སྲོང་སྡུག་པ་དགའ་བོ་རིམ་གྲོ་པ། །ཆོས་ 214b ཀྱི་རྣམ་པར་རོལ་བ་མཁས་པ་སྟེ། །ཟླ་བའི་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བྲག་བཅུ་གསུམ་ཡོད། །གཉིས་པར་བཅུ་གཉིས་གསུམ་པ་དག་ཏུ་བརྒྱད། །སྐུ་ཚེ་ལོ་གྲངས་བརྒྱ་ཕྲག་གཉིས་ཀྱང་ཡིན། །དམ་ཆོས་ལོ་གྲངས་བྱེ་བ་སྟོང་དུ་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་སུམ་ཅུ་གཉིས། །མཆོད་རྟེན་ཀུན་ཀྱང་དཔག་ཚད་གཉིས་པ་སྟེ། །ཐམས་ཅད་གདུགས་གྲངས་སྟོང་ཕྲག་བརྒྱད་བཅུའི་ཁྱབ། །སངས་རྒྱས་མཐའ་ཡས་པ་ཡི་སྤྱན་དག་གི་།སྐྱེ་བའི་ཡུལ་ནི་བསོད་ནམས་འོད་གསལ་ཡིན། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་བརྟུལ་ཞུགས་ཞེས། །ཆོས་གནས་ཞེས་བྱ་ཡུམ་ཡིན་སྲས་པོ་ནི། །རྒྱལ་བར་དགའ་བ་སྙིང་པོ་རིམ་གྲོ་བ། །མེ་ཏོག་ཚོགས་ཤེས་བྱ་བ་མཁས་པ་སྟེ། །གླང་པོའི་འགྲོས་ཤེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་དྲུག་བཅུ་དྲུག་།གཉིས་པར་ལྔ་ཡོད་གསུམ་པ་དག་དུ་བདུན། །ཐུགས་རྗེ་ཅན་གྱི་སྐུ་ཚེའི་ཚད་དག་ནི། །ལོ་གྲངས་སྟོང་ཕྲག་ཉི་ཤུ་རྩ་ཡང་གསུམ། །བདུད་རྣམས་རླག་མཛད་དེ་ཡི་དམ་ཆོས་དག་།ལོ་གྲངས་སྟོང་ཕྲག་བཅུ་ཡི་བར་དུ་གནས། །མཆོད་རྟེན་བྱེ་བ་ཕྲག་བཅུ་ཚང་བ་སྟེ། །མེ་ཏོག་རྒྱན་དང་རྟ་བབས་དག་གིས་བརྒྱན། །དེ་བཞིན་གཤེགས་པ་བདེན་པར་ 215a ༄#། །གསུང་པ་ཡི། །སྐྱེ་བའི་ཡུལ་ནི་མདངས་དང་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བསོད་ནམས་བཟང ། །ལྷ་འོད་ཅེས་ནི་བྱ་བ་ཡུམ་ཡིན་ནོ། །སྲས་པོ་དོན་ཆེན་འོད་ལྡན་རིམ་གྲོ་པ། །ཡེ་ཤེས་ཡང་དག་འཕགས་པ་མཁས་པ་སྟེ། །སྲིད་པར་འགྲོ་ཞེས་བྱ་བ་རྫུ་འཕྲུལ་ཅན། ། དགྲ་བཅོམ་བྱ་བ་བརྒྱ་ཕྲག་ཉི་ཤུ་སྟེ། །གཉིས་པར་བྱ་བ་བརྒྱ་ནི་ཚད་པར་ཡོད། །འདུས་པ་གསུམ་པར་བྱེ་བ་དགུ་བཅུ་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །ཞི་བར་གྱུར་པའི་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་ཉི་ཤུ་གཉིས་སུ་གནས། །མཆོད་རྟེན་དམ་བ་བྱེ་བ་དྲུག་བཅུ་སྟེ། །གསེར་ལས་བྱས་པའི་རྒྱལ་མཚན་དག་གིས་གང ། ། དེ་བཞིན་གཤེགས་པ་ཉི་མའི་འོད་དག་གི་།སྐྱེ་བའི་ཡུལ་ནི་སྨན་ཞེས་བྱ་བ་ཡིན། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་མིག་བཟང་ཡིན། །ཚུལ་ཁྲིམས་ལྡན་ཞེས་བྱ་བ་ཡུམ་ཡིན་ནོ། །སྲས་པོ་ཐར་དགའ་ཞི་བ་རིམ་གྲོ་པ། །ནོར་གྲགས་ཞེས་ནི་བྱ་བ་མཁས་པ་སྟེ། །རྙོག་པ་མེད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་ཕྲག་སུམ་ཅུ་གཉིས། །འདུས་པ་གཉིས་པར་བྱེ་ཕྲག་ཉི་ཤུ་གཅིག་།འདུས་པ་གསུམ་པར་བྱེ་ཕྲག་སུམ་བཅུ་ཐམ། །སྐུ་ཚེ་ལོ་གྲངས་འབུམ་ཕྲག་ 215b དྲུག་ཅུ་ཡིན། །དམ་ཆོས་ལོ་གྲངས་ས་ཡ་ཕྲག་གཅིག་དང ། །འབུམ་ཕྲག་གསུམ་གྱི་བར་དུ་གནས་པར་འགྱུར། །མཆོད་རྟེན་བྱེ་བ་བརྒྱ་ཕྲག་དགུ་ཡོད་དེ། །གསེར་ལས་བྱས་པའི་རྒྱལ་མཚན་དག་གིས་གང ། །དེ་བཞིན་གཤེགས་པ་དེས་པའི་བློ་དག་གི་།སྐྱེ་བའི་ཡུལ་ནི་དགའ་བ་སྡུག་ཅིས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཁྱད་པར་འཕགས། །བདེ་ལྡན་མ་ཞེས་བྱ་བ་ཡུམ་ཡིན་ནོ། །གང་པོ་སྲས་ཡིན་སྐར་མ་རིམ་གྲོ་བ། །ལྷག་ཤེས་ཞེས་ནི་བྱ་བ་མཁས་པ་སྟེ། །བདུད་སྤོང་ཞེས་ནི་བྱ་བ་རྫུ་འཕྲུལ་ཅན། །འདུས་པ་དང་པོར་ཕལ་ཆེན་བྱེ་བ་བརྒྱ། །གཉིས་པར་བརྒྱད་ཅུ་གསུམ་།པར་དྲུག་ཅུ་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །དེ་ཡི་ལྔ་འགྱུར་དུ་ནི་དམ་ཆོས་ནས། །ཛམྦུའི་གླིང་ན་སྐུ་གདུང་རྒྱས་གྱུར་ལ། །མཆོད་རྟེན་བྱེ་བ་བརྒྱ་ཕྲག་བརྒྱད་བཅུ་བརྒྱད། །མཆོད་རྟེན་རེ་རེ་དག་གི་ཐང་ན་ཡང ། །མར་མི་བྱེ་བ་བརྒྱ་ཕྲག་ཉིན་མཚན་འབར། །དེ་བཞིན་གཤེགས་པ་མཐའ་ཡས་གཟིགས་དག་གི་།སྐྱེ་བའི་ཡུལ་ནི་མཆོད་བ་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་རྩ་བཞི་གྲོགས་བཟང་ཡབ། །བཟང་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་འཇིགས་མེད་འོད་ལྡན་རིམ་གྲོ་པ། །གསང་སྔགས་གདོན་མི་ཟ་བ་མཁས་པ་སྟེ། །བདེ་བའི་འོད་ 216a ༄#། །ཅེས་བྱ་བ་རྫུ་འཕྲུལ་ཅན། །ཤིན་ཏུ་དགའ་བའི་བློ་ཅན་དགྲ་བཅོམ་པ། །བྱེ་བ་ལྔ་བཅུ་རྩ་དྲུག་གཉིས་པར་ལྔ། །འདུས་པ་སུམ་བར་ལྔ་བཅུ་རྩ་ཡང་བཞི། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །བདེ་བར་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བའི་བར་དུ་ནས། །མཆོད་རྟེན་བྱེ་བ་བརྒྱ་ཕྲག་སུམ་ཅུ་ཉིས། །རིན་ཆེན་པདྨ་དག་གིས་རྣམ་པར་སྤྲས། །བདེ་བར་གཤེགས་པ་རྣམ་པར་སྣང་མཛད་ཀྱི། །སྐྱེ་བའི་ཡུལ་ནི་མེ་ཏོག་རྫོགས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་ན་ཚད་བཟང ། །གངྒཱའི་མཆོད་ཅེས་བྱ་བ་ཡུམ་ཡིན་ནོ། །སྲས་པོ་འོད་མཐའ་གང་པོ་རིམ་གྲོ་པ། །གཏི་མུག་རྣམ་པར་སེལ་བ་མཁས་པ་སྟེ། །ཉོན་མོངས་སྤོང་ཞེས་བྱ་བ་རྫུ་འཕྲུལ་ཅན། །ཤེས་ལྡན་སྲིད་ལས་རྒྱལ་བ་དགྲ་བཅོམ་པ། །འདུས་པ་དང་བོར་བྱེ་བ་དྲུག་ཅུ་ཡོད། །གཉིས་པར་བདུན་ཅུ་སུམ་པར་བརྒྱད་ཅུ་ཡོད། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །མཚུངས་པ་མེད་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་སུམ་དུ་ནས། །དེ་ཡི་མཆོད་རྟེན་དག་ཀྱང་གཅི་འབྱུང་ལ། །དཔག་ཚད་ཕྱེད་དང་སུམ་ཁྱོན་རིན་ཆེན་ཁེབས། །དེ་བཞིན་གཤེགས་པ་རིན་ཆེན་ཏོག་དག་གི་།སྐྱེ་བའི་ཡུལ་ནི་དགའ་བ་ཞེས་ཀྱང་བྱ། །རིགས་ 216b ནི་རྒྱལ་རིགས་ཡིན་ཏེ་འོད་ཀྱི་ཚད། །ཉི་ཤུ་ཉིས་ཡོད་ཡབ་ནི་རྣམ་པར་གནོན། །ཐམས་ཅད་དགའ་ཞེས་བྱ་བ་ཡུམ་ཡིན་ནོ། །སྲས་པོ་བཟང་གྲགས་དྲི་མེ་རིམ་གྲོ་བ། །ནམ་མཁའི་བློ་ཞེས་བྱ་བ་ཁས་པ་སྟེ། །རི་བོའི་འོད་ཅེས་བྱ་བ་རྫུ་འཕྲུལ་ཅན་དགྲ་བཅོམ་དུས་པ་བྱེ་བ་དགུ་བཅུ་བཞི། །འདུས་པ་ཉིས་པར་བྱེ་བ་དགུ་བཅུ་སུམ། །འདུས་པ་སུམ་པར་བྱེ་བ་དགུ་བཅུ་ཉིས། །དེ་ཡི་སྐུ་ཚེ་ལོ་གྲངས་དགྲ་ཁྲི་ཡིན། །སྲིད་སུམ་མཆོད་པ་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་གྲངས་བྱེ་བ་ནས། །སྐུ་གདུང་དག་ཀྱང་ལེགས་པར་རྒྱས་གྱུར་ལ། །མཆོད་རྟེན་བྱེ་བ་དགུ་བཅུ་རྩ་ཉིས་འབྱུང ། །མགོན་པོ་ཐེ་ཚོམ་རྣམ་པར་སྤངས་བ་ཡི། །སྐྱེ་བའི་ཡུལ་ནི་བཀྲ་ཤིས་ཅན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་མྱ་ངན་མེད། །བློ་གྲོས་བཟང་མོ་ཞེས་བྱ་ཡུམ་ཡིན་ནོ། །སྲས་པོ་རྙོག་མེད་ཤེས་རབ་རིམ་གྲོ་པ། །ངེས་པའི་ཤུགས་ཞེས་བྱ་བ་མཁས་པ་སྟེ། །རྫུ་འཕྲུལ་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱ་བ་ཕྲག་དགུ་ཡོད། །གཉིས་པར་བྱེ་བརྒྱད་གསུམ་པར་བྱེ་བ་བདུན། །དེ་ཡི་ཚེ་ན་རྒྱལ་པའི་སྐུ་ཚེའི་ཚད། །ལོ་གྲངས་སུམ་བརྒྱ་དག་ཏུ་འགྱུར་བ་ཡིན། །རྒྱལ་པའི་འགོག་པར་ཕྱིན་པའི་དམ་ཆོས་དག་།ལོ་གྲངས་ཉིས་སྟོང་བར་དུ་གནས་པར་འགྱུར། །དེ་ཡི་མཆོད་རྟེན་ 217a ༄#། །གཅིག་སྟེ་རིན་པོ་ཆེ། །བདུན་བར་གྲུབ་པའི་ཕང་དུ་དཔག་ཚད་གཅིག་།བདེ་བར་གཤེགས་པ་འཇིག་རྟེན་འདེས་པ་ཡི། །སྐྱེ་བའི་ཡུལ་ནི་རྟག་ཏུ་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །དྲུག་ཡོད་ཡབ་ནི་སྲིད་པའི་ཟླ་བ་ཡིན། །ཚངས་འོད་ཅེས་བྱ་ཡུམ་ཡིན་སྲས་པོ་ནི། །ཚངས་བཟངས་གཙུག་བུད་འཕྱང་བ་རིམ་གྲོ་པ། །ཉི་མའི་འོད་ཅེས་བྱ་བ་མཁས་པ་སྟེ། །ཕྲག་མེད་ཅེས་ནི་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་ཕྲག་ནི་བཅུ་བཞི་སྟེ། །འདུས་པ་གཉིས་པར་བློ་ལྡན་སུམ་ཅུ་ཡོད། །དེ་ཚེ་གསུམ་པར་བྱེ་བ་ཉི་ཤུ་ཡོད། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །འཇིག་རྟེན་འོད་མཛད་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་གསུམ་དུ་གནས། །མྱ་ངན་འདས་པའི་མཆོད་རྟེན་རིན་ཆེན་སྤྲས། །གྲངས་ནི་བྱེ་བ་བརྒྱད་ཅུ་ཚང་བར་འབྱུང ། །སངས་རྒྱས་དོན་ཡོད་རྣམ་པར་གནོན་པ་ཡི། །སྐྱེ་བའི་ཡུལ་ནི་སྤྲིན་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །བདུན་ཡོད་ཡབ་ནི་དྲང་སྲོང་དབང་པོ་ཡིན། །ཚངས་པའི་དབྱངས་ཤེས་བྱ་བ་ཡུམ་ཡིན་ནོ། །སྲས་པོ་བདེ་འོད་བརྟན་པ་རིམ་གྲོ་པ། །ཡུལ་འཁོར་ཡེ་ཤེས་ཞེས་བྱ་མཁས་པ་སྟེ། །ཡིད་དུ་འོང་བའི་ང་རོ་རྫུ་འཕྲུལ་ཅན། །དགྲ་བཅོམ་ང་མེད་བྱེ་བ་དགུ་བཅུ་དགུ། །གཉིས་པ་ 217b དག་ཏུ་དགུ་བཅུ་རྩ་བརྒྱད་ཡོད། །གསུམ་པ་དག་ཏུ་དགུ་བཅུ་རྩ་དྲུག་ཡོད། །དེའི་ཚེ་ལོ་ནི་དགུ་ཁྲི་ལྔ་སྟོང་ཡིན། །བདེ་བར་གཤེགས་པ་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་གྲངས་བྱེ་བར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་སུམ་ཅུ་གཉིས། །བདེ་བར་གཤེགས་པ་རྟོགས་པ་མཛད་པ་ཡི། །སྐྱ་བའི་ཡུལ་ནི་དགའ་བའི་སྤྲིན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་བཅུ་ཡབ་ནི་དབང་ཆེན་ཡིན། །རིན་ཆེན་དགའ་བ་ཡུམ་ཡིན་སྲས་པོ་ནི། །སྐྱེ་བོ་དགའ་བ་ཐུབ་པ་རིམ་གྲོ་པ། །ཆོས་ཀྱི་སྟོབས་ཤེས་བྱ་བ་མཁས་པ་སྟེ། །མཁས་པ་ཤེས་རབ་ལྡན་པ་རྫུ་འཕྲུལ་ཅན། །ཡིད་གཉིས་སྤོང་བར་བྱེད་པ་དགྲ་བཅོམ་པ། །འདུས་པ་དང་པོར་བྱེ་བ་བརྒྱ་ཕྲག་དགུ་།གཉིས་པར་བརྒྱད་ཡོད་གསུམ་པར་བདུན་ཡང་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །བདེ་བར་གཤེགས་པ་ཟད་མཐར་ཕྱིན་པ་ཡི། །དམ་ཆོས་ལོ་གྲངས་བྱེ་བ་གཉིས་སུ་གནས། །སྐུ་གདུང་རིལ་གཅིག་མཆོད་རྟེན་གཅིག་འབྱུང་ལ། །དཔག་ཚད་གསུམ་ཁྱོན་གསེར་གྱི་རྒྱལ་མཚན་བརྒྱན། །འཕགས་པ་བསྐལ་པ་བཟངས་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་གཉིས་པ། །བདེ་བར་གཤེགས་པ་མེ་ཏོག་རྒྱལ་མཚན་གྱི། །སྐྱེ་བའི་ཡུལ་ནི་མཆོག་མ་ཞེས་ཀྱང་བྱ། །རྒྱལ་བའི་རིགས་ 218a ༄#། །ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་ངོ་ཚ་ཤེས། །ཛམྦུའི་ཆུ་བོ་ཞེས་བྱ་ཡུམ་ཡིན་ནོ། །སྲས་པོ་བརྟན་ལྡན་དགའ་བ་རིམ་གྲོ་པ། །འཇིག་རྟེན་འོད་ཅེས་བྱ་བ་མཁས་པ་སྟེ། །ཡེ་ཤེས་ལྡན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་བདུན་བཅུ་ཡོད། །གཉིས་པ་དག་ཏུ་སེམས་གྲོལ་བརྒྱད་ཅུ་ཡོད། །འདུས་པ་གསུམ་པར་བྱེ་བ་དགུ་བཅུ་ཡོད། །སྐུ་ཚེ་ལོ་གྲངས་སྟོང་ཕྲག་དགུ་བཅུ་དགུ། །མྱ་ངན་འདས་ནས་དམ་པའི་ཆོས་དག་ཀྱང ། །ལོ་གྲངས་བྱེ་བ་ཕྲག་བཅུའི་བར་དུ་གནས། །དེ་ཡི་མཆོད་རྟེན་བཟང་པོ་སྐུ་གདུངས་བཅས། །བྱེ་བ་ཕྲག་ནི་སུམ་བཅུ་རྩ་གཉིས་འབྱུང ། །དེ་བཞིན་གཤེགས་པ་རི་དབང་རྒྱལ་པོ་ཡི། །སྐྱེ་བའི་ཡུལ་ནི་དགའ་བས་མཐོང་ཞེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་དྲུག་ཡབ་ནི་བརྟུལ་ཞུགས་བཟང ། །སྦྱིན་ལ་དགའ་ཞེས་བྱ་བ་ཡུམ་ཡིན་ནོ། །སྲས་པོ་ཙམ་ཀ་འོད་དཔང་རིམ་གྲོ་པ། །ཤེས་རབ་སྒྲ་སྐད་ཅེས་བྱ་མཁས་པ་སྟེ། །ཟླ་སྡུག་ཅེས་ནི་བྱ་བ་རྫུ་འཕྲུལ་ཅན། །དགྲ་བཅོམ་དག་ནི་སྟོང་ཕྲག་བརྒྱད་ཅུ་སྟེ། །གཉིས་པར་བདུན་ཅུ་གསུམ་པར་དྲུག་ཅུ་ཡོད། །མི་དེ་དག་གི་ཚེ་ཡི་ཚད་དག་ནི། །ལོ་ཡི་གྲངས་དག་བྱེ་བ་ཚད་པར་འགྱུར། །བདེ་བར་གཤེགས་པ་མྱ་ངན་འདས་ནས་ 218b ཀྱང ། །དམ་པའི་ཆོས་ནི་ལོ་གྲངས་བྱེ་བར་གནས། །དེ་ཡི་མཆོད་རྟེན་གཅིག་འབྱུང་འཕང་དག་ཏུ། །དཔག་ཚད་གཅིག་ཡོད་རིན་པོ་ཆེ་ཡིས་སྦྲས། །དེ་བཞིན་གཤེགས་པ་གཟི་བརྗིད་ཆེན་པོ་ཡི། །སྐྱེ་བའི་ཡུལ་ནི་རྟག་ཏུ་མཐོང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་མུ་སྟེགས་བཟང ། །འབྲུག་སྒྲ་ཞེས་ནི་བྱ་བ་ཡུམ་ཡིན་ནོ། །སྲས་པོ་འཇམ་དགའ་འོད་ལྡན་རིམ་གྲོ་བ། །སྐར་མདའ་འཕགས་ཤེས་བྱ་བ་མཁས་པ་སྟེ། །དབའ་བར་གྲགས་ཞེས་བྱ་བ་རྫུ་འཕྲུལ་ཅན། །དགྲ་བཅོམ་ང་མེད་སྟོང་ཕྲག་སུམ་ཅུ་གཉིས། །གཉིས་པ་དག་ཏུ་སྟོང་ཕྲག་སུམ་ཅུ་གཅིག་།འདུས་པ་གསུམ་པར་སྟོང་ཕྲག་སུམ་ཅུ་ཡོད། །དེ་ཚེ་སྐུ་ཚེའི་ལོ་གྲངས་དྲུག་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་བརྒྱད་ཅུ་ཚད་པར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བདུན་ཅུ་དྲུག་།དེ་བཞིན་གཤེགས་པ་དོན་མཛད་གཟིགས་པ་ཡི། །སྐྱེ་བའི་ཡུལ་ནི་ཨུཏྤལ་འདབ་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དུང་ཕྱུར་བརྒྱད་ཡོད་ཡབ་ནི་འཇིགས་མེད་ཡིན། །དཔལ་གྱི་གཟི་བརྗིད་ཅེས་བྱ་ཡུམ་ཡིན་ནོ། །སྲས་བོ་རྣམ་སྒྲོགས་ཆོས་ལྡན་རིམ་གྲོ་པ། །འོད་བཟང་ཤེས་ནི་བྱ་བ་མཁས་པ་སྟེ། །བློ་གྲོས་མཆོག་ཅེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བཞི་ 219a ༄#། །བཅུ་རྩ་གསུམ་སྟེ། །འདུས་པ་གཉིས་པར་བྱེ་བ་བཞི་བཅུ་གཉིས། །འདུས་པ་གསུམ་པར་བྱེ་བ་བཞི་བཅུ་གཅིག་།སྐུ་ཚེ་ལོ་གྲངས་སྟོང་ཕྲག་བཞི་བཅུ་དྲུག་།ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་བརྒྱད་བཅུ་དྲུག་ཏུ་གནས། །སྐུ་གདུང་རིལ་གཅིག་མཆོད་རྟེན་གཅིག་འབྱུང་ལ། ། གདུགས་གྲངས་སྟོང་ཕྲག་བརྒྱད་ཅུ་དག་གིས་ཁེབས། །དེ་བཞིན་གཤེགས་པ་གྲགས་པ་མཐའ་ཡས་ཀྱི། །སྐྱེ་བའི་ཡུལ་ནི་པདྨ་ངེས་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་སྒྱུ་མེད་ཡིན། །བདེ་བར་སེམས་ཤེས་བྱ་བ་ཡུམ་ཡིན་ནོ། །སྲས་པོ་གྲགས་དགའ་ཀླུ་ནི་རིམ་གྲོ་པ། །གདོན་མི་ཟ་བའི་བློ་ནི་མཁས་པ་སྟེ། །དགའ་བའི་ང་རོ་ཞེས་བྱ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་བྱེ་བ་ཕྲག་།བདུན་ཅུ་གཉིས་པར་བྱ་བ་དྲུག་ཅུ་ཡོད། །གསུམ་པ་དག་ཏུ་བྱེ་བ་ལྔ་བཅུ་ཡོད། །སྐུ་ཚེའི་ཚད་ནི་ལོ་གྲངས་དྲུག་འབུམ་ཡིན། །བདེ་བར་གཤེགས་པ་ཟད་མཐར་ཕྱིན་ནས་ཀྱང ། །དམ་ཆོས་ལོ་གྲངས་བྱེ་བ་གསུམ་དུ་གནས། །སྐུ་གདུང་རྒྱས་པའི་མཆོད་རྟེན་དུང་ཕྱུར་བདུན། །གདུགས་དང་རྒྱལ་མཚན་བ་དན་དག་གིས་བརྒྱན། །དེ་བཞིན་གཤེགས་པ་རིན་ཆེན་ལྟ་དག་གི་།སྐྱེ་བའི་ཡུལ་ནི་ཨུཏྤལ་ 219b བརྒྱན་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་དཔའ་བོ་ཡིན། །སཝ་ལའི་འོད་ཅེས་བྱ་བ་ཡུམ་ཡིན་ནོ། །སྲས་པོ་བཟང་དགའ་རྒྱལ་བ་རིམ་གྲོ་པ། སྐར་འོད་ཅེས་མཁས་པ་སྟེ། །གསེར་གྱི་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་བརྒྱ་བཅུ་ཡོད། །གཉིས་པར་ལྔ་བཅུ་གསུམ་པར་སུམ་ཅུ་ཡོད། །དེ་ན་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་ཉི་ཤུ་རྩ་གཉིས་ཡིན། །དེ་ཚེ་འགོག་པར་ཕྱིན་པའི་དམ་ཆོས་དག་།ལོ་གྲངས་སྟོ་ཕྲག་དགུ་བཅུའི་བར་དུ་གནས། །མཆོད་རྟེན་དཔག་ཚད་གཉིས་ཀྱི་ཁྱོན་ཙམ་ལ། །གདུགས་གྲངས་བྱེ་བ་ཕྲག་ནི་བརྒྱ་ཡིས་བསྐོར། །དེ་བཞིན་གཤེགས་པ་དོན་གནས་མཁྱེན་པ་ཡི། ། སྐྱེ་བའི་ཡུལ་ནི་བརྒྱན་པ་ཞེས་ཀྱང་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱིང་ཚད། །དཔག་ཚད་བཅུ་གཉིས་ཡབ་ནི་དོན་གནས་ཡིན། །ཟླ་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་ཟླ་སྡུག་དགའ་བ་རིམ་གྲོ་བ། །དཔལ་རྒྱལ་ཞེས་ནི་བྱ་བ་མཁས་པ་སྟེ། །བརྟུལ་ཞུགས་སྙིང་པོ་ཞེས་བྱ་རྫུ་འཕྲུལ་ཅན། །དགྲ་བཅོམ་བྱེ་བ་ཉི་ཤུ་རྩ་གཉིས་ཏེ། ། འདུས་པ་གཉིས་པར་ཉི་ཤུ་རྩ་ཡང་གཅིག་།འདུས་པ་གསུམ་པར་ཉི་ཤུ་ཐམ་པ་ཡོད། །མི་ཡི་ཚེ་ཚད་ལོ་གྲངས་བྱེ་བ་ཡིན། །རྡུལ་དང་བྲལ་བའི་དམ་པའི་ཆོས་དག་ཀྱང ། ། 220a ༄#། །ལོ་གྲངས་སྟོང་ཕྲག་དགུ་བཅུ་རྩ་དགུར་གནས། །དེའི་མཆོད་རྟེན་དཔག་ཚད་བཞི་པ་ལ། །གདུགས་གྲངས་བྱེ་བ་དག་གིས་ལེགས་པར་བརྒྱན། །དེ་བཞིན་གཤེགས་པ་བློ་ནི་རྫོགས་པ་ཡི། །སྐྱེ་བའི་ཡུལ་ནི་བསོད་ནམས་འོད་ཅེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་བློ་བཟངས་ཡིན། །པདྨ་ཅན་ཞེས་བྱ་བ་ཡུམ་ཡིན་ནོ། །སྲས་པོ་སྙན་དགའ་དོ་ཤལ་རིམ་གྲོ་པ། །བསོད་ནམས་ཡང་དག་འཕགས་པ་མཁས་པ་སྟེ། །ཟླ་བའི་སྟོབས་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་བརྒྱད་བཅུ་ཡོད། །འདུས་པ་གཉིས་པར་འཇིགས་བྲལ་བདུན་བཅུ་ཡོད། །འདུས་པ་གསུམ་པར་བྱེ་བ་ཕྲག་སྟོང་ཡོད། །སྐུ་ཚེ་ལོ་གྲངས་སྟོང་ཕྲག་བདུན་བཅུ་དྲུག་།འཇིག་རྟེན་མཁྱེན་པའི་དམ་པའི་ཆོས་དག་ཀྱང ། །ལོ་གྲངས་བྱེ་བ་ཉི་ཤུ་གསུམ་དུ་གནས། །རྡུལ་བྲལ་མཆོད་རྟེན་བྱེ་བརྒྱ་དྲུག་ཅུ་བཞི། །ཐམས་ཅད་རྒྱང་གྲགས་གསུམ་གྱི་ཚད་ཙམ་ཡིན། །དེ་བཞིན་གཤེགས་པ་མྱ་ངན་མེད་པ་ཡི། །སྐྱེ་བའི་ཡུལ་ནི་མདངས་འཕགས་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་བཞི་ཡབ་ནི་ཟླ་རི་ཡིན། །ལེགས་སེམས་མ་ནི་ཡུམ་ཡིན་སྲས་པོ་ནི། །ཡིད་འོད་སྡུག་པ་ཡོན་ཏན་རིམ་གྲོ་བ། །ཆོས་མཐོང་ 220b བ་ཞེས་བྱ་བ་མཁས་པ་སྟེ། །སེངྒེའི་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་སྟོང་ཕྲག་སུམ་ཅུ་ཡོད། །འདུས་པ་གཉིས་པར་ཉི་ཤུ་རྩ་བརྒྱད་ཡོད། །སྐུ་ཚེའི་ཚད་ནི་ལོ་གྲངས་སྟོང་ཡང་ཡིན། བདེ་བར་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་དགུ་ཁྲིའི་བར་དུ་གནས། །དཔག་ཚད་གཅིག་པའི་མཆོད་རྟེན་ཐ་དད་པ། །རིན་ཆེན་མཆོག་མ་སྣ་བདུན་རང་བཞིན་ཡིན། །དེ་བཞིན་གཤེགས་པ་དྲི་མ་བྲལ་བ་ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལྟ་ལེགས་ཡིན། །རབ་ཏུ་ཞི་ལྡན་ཡུམ་ཡིན་སྲས་པོ་ནི། །ཟླ་སྡུག་ཡོན་ཏན་ཅན་ནི་རིམ་གྲོ་བ། །གླང་པོ་བསྒྱིངས་ཞེས་བྱ་བ་མཁས་པ་སྟེ། །བདེན་པར་སྨྲ་མས་བྱེ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་ལྔ་ཡོད་དེ། །གཉིས་པར་བྱེ་བ་བརྒྱ་ཕྲག་གཉིས་ཀྱང་ཡོད། །གསུམ་པ་དག་ཏུ་བྱེ་བ་བརྒྱ་ཕྲག་གསུམ། །སྐུ་ཚེའི་ལོ་གྲངས་བརྒྱད་ཁྲི་བཞི་སྟོང་ཡིན། །རྐང་གཉིས་མཆོག་མ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་སྟོང་དུ་ནས། །མཆོད་རྟེན་གཅི་སྟེ་འཕང་དུ་དཔག་ཚད་གཅིག་།གདུགས་མཆོག་སྟོང་ཕྲག་བཅུ་ཡིས་ཁྱབ་པར་འགྱུར། །དེ་བཞིན་གཤེགས་པ་ཚངས་ལྷ་སྐྱེ་བའི་ཡུལ། །བསོད་ནམས་དག་ 221a ༄#། །གིས་རྣམ་པར་བརྒྱན་།ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཀུན་དུ་སུམ་བཅུ་ཡབ་ནི་ལེགས་ཡིད་གཞུངས། །ཡུམ་ནི་མེ་ཏོག་འོད་ཡིན་སྲས་པོ་ནི། །ཡོན་ཏན་བསྩགས་པ་འཛམ་པ་རིམ་གྲོ་པ། །རྟ་དབང་ལྷ་ཞེས་བྱ་བ་མཁས་པ་སྟེ། །སྒྲ་གནས་འཛིན་ཅེས་བྱ་བརྫུ་འཕྲུལ་ཅན། །ཡང་སྲིད་ཟད་པ་དགྲ་ནི་བཅོམ་པ་དག་།འདུས་པ་དང་པོར་འབུམ་ཕྲག་ལྔ་ཡོད་དོ། །གཉིས་པར་དྲུག་ཅུ་གསུམ་པར་བདུན་ཅུ་བདུན། །སྐུ་ཚེའི་ཚད་ནི་ལོ་གྲངས་སྟོང་ཡིན་ནོ། །རྒྱལ་བ་དམ་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སུམ་སྟོང་བར་དུ་གནས། །དེ་ཡི་སྐུ་གདུངས་རིལ་པོ་གཅིག་ཡིན་ལ། །མཆོད་རྟེན་འཕང་དུ་དཔག་ཚད་གསུམ་ཙམ་འཕགས། ། དེ་བཞིན་གཤེགས་པ་སའི་དབང་ཕྱུག་གི་།སྐྱེ་བའི་ཡུལ་ནི་གཟི་དང་ལྡན་ཞེས་བྱ། །རྒྱལ་བའི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་ཅུ་ཡབ་ནི་གཟུགས་བཟང་ཡིན། །ཆོས་ཀྱི་འོད་ཅེས་བྱ་བ་ཡུམ་ཡིན་ནོ། །སྲས་པོ་བདེ་དགའ་དགེ་བ་རིམ་གྲོ་བ། །གཏི་མུག་སེལ་ཞེས་བྱ་བ་མཁས་པ་སྟེ། །དགའ་རྒྱལ་ཞེས་ནི་བྱ་བ་རྫུ་འཕྲུལ་ཅན། །དགྲ་བཅོམ་སྟོང་ཕྲག་དྲུག་བཅུ་རྩ་བཞི་སྟེ། །འདུས་པ་གཉིས་པར་དྲུག་བཅུ་རྩ་ཡང་ལྔ། །འདུས་པ་གསུམ་པར་སྟོང་ཕྲག་དྲུག་བཅུ་ཡོད། །སྐུ་ཚེའི་ཚད་ནི་ལོ་གྲངས་ 221b བྱེ་བ་ཡིན། །མཚུངས་པ་མེད་པར་བདེ་བར་གཤེགས་པའི་ཆོས། །ལོ་གྲངས་བྱེ་བ་ཕྲག་ནི་གསུམ་དུ་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དྲུག་ཅུ་གཉིས། །དེ་བཞིན་གཤེགས་པ་མེ་ཏོག་སྤྱན་དག་གི་།སྐྱེ་བའི་ཡུལ་ནི་སེམས་དང་འབྲེལ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དྲུག་བཅུ་རྩ་གཉིས་ཡབ་ནི་སྐྱེ་དབང་ཡིན། །བློ་གྲོས་སེམས་མ་ཞེས་བྱ་ཡུམ་ཡིན་ནོ། །སྲས་པོ་བདེ་འགྲོ་མི་ནི་རིམ་གྲོ་བ། །མྱ་ངན་སེལ་ཞེས་བྱ་བ་མཁས་པ་སྟེ། །འགྲོ་བ་འཛིན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྟོང་ཕྲག་དྲུག་བཅུ་ཡོད། །གཉིས་པར་བདུན་བཅུ་གསུམ་པར་བརྒྱད་ཅུ་ཡོད། །དེ་ཚེ་རྒྱལ་བ་དེ་ཡི་སྐུ་ཚེའི་ཚད། །ལོ་གྲངས་སྟོང་ཕྲག་དགུ་བཅུ་དག་ཀྱང་ཡིན། །མྱ་ངན་འདས་པ་དེའི་དམ་ཆོས་དག་།ལོ་གྲངས་བྱེ་བ་ཕྲག་ནི་གཉིས་སུ་གནས། །མཆོད་རྟེན་བྱེ་བ་ཕྲག་ནི་བཅུ་ཡོད་ལ། །གསེར་གྱིས་བརྒྱན་ཅིང་རིན་པོ་ཆེ་ཡིས་སྤྲས། །དེ་བཞིན་གཤེགས་པ་རྣམ་པར་འབྱེས་པའི་སྐུ། །སྐྱེ་བའི་ཡུལ་ནི་རིན་ཆེན་སྣ་ཚོགས་ཡིན། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཕྱེད་ཡོད་ཡབ་ནི་གྲགས་དབང་པོ། །རྣམ་པར་སྣང་མཛད་ཅེས་བྱ་ཡུམ་ཡིན་ནོ། །སྲས་པོ་རབ་འཕགས་མུ་སྟེགས་རིམ་གྲོ་པ། །ཕལ་ཆེན་སྦྱིན་པོ་བདེན་སྨ་མཁས་པ་སྟི། ། 222a ༄#། །སེངྒེའི་ང་རོ་ཞེས་བྱ་རྫུ་འཕྲུལ་ཅན། །འདུས་པ་དང་པོར་དྲང་སྲོང་དགྲ་བཅོམ་པ། །བྱེ་བ་སྟོང་ཕྲག་དག་ནི་བཅུ་ཡོད་དོ། །གཉིས་པར་བརྒྱད་ཡོད་གསུམ་པར་བདུན་ཡོད་དོ། །སྐུ་ཚེའི་ཚད་ནི་ལོ་གྲངས་བྱེ་བ་ཡོན། །སངས་རྒྱས་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བྱེ་བ་ཕྲག་ལྔར་གནས། ། མྱ་ངན་འདས་པའི་སྐུ་གདུང་རིལ་པོ་གཅིག་།མཆོད་རྟེན་དཔག་ཚད་བདུན་པ་གཅིག་ཅི་ཡོད། །བདེ་བར་གཤེགས་པ་ཆོས་བྱི་འོད་དག་གི་།སྐྱེ་བའི་ཡུལ་ནི་མདངས་མཐོང་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་ཁྱད་པར་འཕགས། །རིན་ཆེན་ཆེན་མོ་ཡུམ་ཡིན་སྲས་པོ་ནི། །རབ་འཕགས་ངོ་ཚ་ཤེས་པར་རི་མ་གྲོ་པ། །སེངྒེ་རྣམ་པར་སྒྲོགས་པ་མཁས་པ་སྟེ། །འཇམ་པའི་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་དགུ་བཅུ་ཡོད། །གཉིས་པར་བརྒྱད་ཅུ་གསུམ་པར་དྲུག་ཅུ་ཡོད། །དེ་ན་མི་རྣམས་དག་གི་ཚེ་ཡི་ཚད། །ལོ་ཡི་གྲངས་ནི་བདུན་ཁྲི་བཞི་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག་།ལོ་གྲངས་བྱེ་བ་ཕྲག་ན་ཉི་ཤུར་གནས། །རྒྱལ་པའི་མཆོད་རྟེན་སྐུ་གདུང་བཅས་པའི་གྲངས། །བྱེ་བ་སྟོང་ཕྲག་དགུ་བཅུ་རྩ་བཞི་འབྱུང ། །དེ་བཞིན་གཤེགས་པ་ཀུན་ནི་ 222b གཟིགས་པ་ཡི། །སྐྱེ་བའི་ཡུལ་ནི་འཇིག་རྟེན་ལྟ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལག་བཟངས་ཡིན། །སེངྒེའི་བློ་གྲོས་ཡུམ་ཡིན་སྲས་པ་ནི། །ཡོན་ཏན་འོད་ཡིན་མྱ་ངན་རིམ་གྲོ་པ། །མྱ་ངན་སེལ་ཞེས་བྱ་བ་མཁས་པ་སྟེ། །གྲགས་ཆེན་ཞེས་ནི་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བདུན་ཅུ་རྩ་བཞི་སྟེ། ། འདུས་པ་གཉིས་པར་བདུན་ཅུ་རྩ་ལྔ་ཡོད་།འདུས་པ་གསུམ་པར་བདུན་བཅུ་རྩ་ཡང་དྲུག་།སྐུ་ཚེ་ལོ་གྲངས་བྱེ་བ་བདུན་ཅུ་ཡིན། །རྡུལ་དང་བྲལ་བཟད་མཐར་མཛད་པ་ཡི། །དམ་ཆོས་ལོ་གྲངས་བྱེ་བ་ཕྲག་དགུར་གནས། །མཆོད་རྟེན་བྱེ་བ་བརྒྱ་ཕྲག་གསུམ་ཡོད་དེ། །གསེར་གྱིས་བརྒྱན་ཅིང་རིན་པོ་ཆེ་ཡིས་སྦྲས། །བདེ་བར་གཤེགས་པ་ཡོན་ཏན་འོད་གསལ་གྱི། །སྐྱེ་བའི་ཡུལ་ནི་བྱང་ཆུབ་མཐོང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །ཀུན་དུ་བྱེ་བ་ཡབ་ནི་དགྲ་ཐུལ་ཡིན། །བརྟུལ་ཞུགས་དྲག་ལྡན་ཞེས་བྱ་ཡུམ་ཡིན་ནོ། །སྲས་པོ་བདེ་དགའ་དགའ་བོ་རིམ་གྲོ་པ། །ལྟ་སེམས་ཞེས་ནི་བྱ་བ་མཁས་པ་སྟེ། །འོད་པོ་ཆེ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་གཅིག་ཚང་སྟེ། །གཉིས་པར་དགུ་བཅུ་རྩ་གསུམ་པར་ཡང ། །བརྒྱད་ཅུ་ཡོད་དེ་དེ་ཚེ་སྐུ་ཚེའི་ཚད། །འཇིག་རྟེན་དག་ན་དེ་ཚེ་ལོ་སྟོང་ཡིན། །ཟད་མཐར་ཕྱིན་པའི་དམ་པའི་ 223a ༄#། །ཆོས་དག་ཀྱང ། །ལོ་གྲངས་དགུ་ཁྲི་དྲུག་སྟོང་བར་དུ་གནས། །མཆོད་རྟེན་ཁྱད་པར་འཕགས་པ་དུང་ཕྱུར་ལྔ། །ནོར་བུ་རིན་ཆེན་མཆོག་མ་དག་གིས་སྲས། །དེ་བཞིན་གཤེགས་པ་ཟླ་བའི་ཞལ་དག་གི་།སྐྱེ་བའི་ཡུལ་ནི་བསོད་ནམས་ཚོགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། ། བྱེ་བ་གསུམ་ཡོད་ཡབ་ནི་རྒྱ་མཚོ་ཡིན། །མེ་ཏོག་ལྡན་ཞེས་བྱ་བ་ཡུམ་ཡིན་ནོ། །སྲས་པོ་ཚོགས་དགའ་ནི་ཁུམ་རིམ་གྲོ་བ། །སེངྒེས་བལྟས་ཞེས་བྱ་བ་མཁས་པ་སྟེ། ། ཤིན་ཏུ་དགའ་ཤེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་སྟོང་ཕྲག་བརྒྱད་ཅུ་སྟེ། །གཉིས་པར་བདུན་ཅུ་གསུམ་པར་སུམ་ཅུ་ཡོད། །མི་དེ་དག་གི་ཚེ་ཡི་ཚད་དག་ནི། །ལོ་གྲངས་སྟོང་ཕྲག་བཞི་བཅུ་རྩ་དྲུག་ཡིན། །ཟད་མཐར་ཕྱིན་པ་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅུ་ནི་ཚང་བར་གནས། །མཆོད་རྟེན་བྱེ་བ་སྟོང་ཕྲག་དགུ་བཅུ་དགུ། །རིན་ཆེན་དག་གིས་རྣམ་པར་སྤྲས་པར་འགྱུར། །དེ་བཞིན་གཤེགས་པ་རིན་ཆེན་འོད་སྐེ་བའི་ཡུལ་ནི་གཙུག་ན་རིན་པོ་ཆེ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་སྐལ་ལྡན་འདོད་ཅེས་བྱའོ། །ཡུམ་ནི་གྲགས་ལྔ་ཞེས་བྱའོ། །སྲས་ནི་སྙན་པར་ 223b སྨྲ་ཞེས་བྱའོ། །རིམ་གྲོ་པ་ནི་འགྲོ་བ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་ཅན་གཙོ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གདུལ་དཀའ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཚོགས་པ་དུང་ཕྱུར་ཕྲག་དགུའོ། །གཉེས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་གཉིས་སོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་ཆེན་ཏོག་སྐྱེ་བའི་ཡུལ་ནི་སྣ་ཚོགས་བརྩེགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་རྒྱ་མཚོའི་བློ་ཞེས་བྱའོ། །ཡུམ་ནི་རྫོགས་སྨས་ཤེས་བྱའོ། །སྲས་ནི་འཇིག་རྟེན་དགའ་ཞེས་བྱའོ། །རིམ་གྲོ་པ་ནི་ང་རོ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་དཔལ་ཞེས་བྱའོ། །སྐུ་ཚེའི་ཚད་ནི་ལོ་བྱེ་བ་ཕྲག་འབུམ་མོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་གོ་།གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །དམ་པའི་ 224a ༄#། །ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་འབུམ་འགྱུར་བར་འགྱུར་རོ། །དེ་བཞིན་གཤེགས་པ་གྲགས་པའི་བླ་མ་སྐྱེ་བའི་ཡུལ་ནི་མེ་ཏོག་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡ་བ་ནི་བླ་མ་ཞེས་བྱའོ། །ཡུམ་ནི་མཆོག་ལྡན་ཞེས་བྱའོ། །སྲས་ནི་གཟི་བརྗིད་མཛེས་པ་ཞེས་བྱའོ། །རིམ་གྲོ་བ་ནི་ཡོན་ཏན་ལྷག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོ་བ་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་བྱེ་བ་ཕྲག་ལྔའོ། །གསུམ་པ་ལ་ནི་ཐེར་འབུམ་ཕྲག་བཅུའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་བྱེད་སྐྱེ་བའི་ཡུལ་ནི་རབ་ཏུ་བརྒྱན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲིའོ། །ཡབ་ནི་ཏོག་གི་རྒྱལ་མཚན་ཞེས་བྱའོ། །ཡུམ་ནི་དྲི་མ་མེད་པའི་འོད་ཅེས་བྱའོ། །སྲས་ནི་གློག་སྦྱིན་ཞེས་བྱའོ། །རིམ་གྲོ་བ་ནི་དགྲ་བཅོམ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ 224b ནི་རྣམ་པར་འབྱེད་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་མཐུ་མེད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུའོ། སྐུ་ཚེའི་ཚད་ནི་ལོ་དྲུག་ཁྲི་འོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་དཔག་མེད་སྐྱེ་བའི་ཡུལ་ནི་བལྟ་བར་བྱ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ས་ཡ་ཕྲག་གཅིག་དང་འབུམ་ཕྲག་གཉིས་སོ། །ཡབ་ནི་བདེ་བར་འདོད་ཅེས་བྱའོ། །ཡུམ་ནི་བཟབ་སྦྱིན་མ་ཞེས་བྱའོ། །སྲས་ནི་ཚུལ་ཁྲིམས་སྦྱིན་ཞེས་བྱའོ། །རིམ་གྲོ་བ་ནི་མཉམ་པར་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིགས་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་བྲལ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ཀྱང་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ 225a ༄#། །ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅི་ཏུ་ཟད་དོ། །དེ་བཞིན་གཤེགས་པ་དུས་མཁྱེན་སྐྱེ་བའི་ཡུལ་ནི་སྐར་མ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་ཛམྦུའི་གླིང་ཙམ་མོ། །ཡབ་ནི་དབྱིག་མཆོག་ཅེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་བཟང་སྦྱིན་ཞེས་བྱའོ། །རི་མ་གྲོ་པ་ནི་དཔག་མེད་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་གདུགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཚུངས་མེད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་ཚོགས་པ་དུང་ཕྱུར་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་གྲངས་དྲུག་ཁྲི་འོ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སེངྒེའི་སྐུ་སྐྱེ་བའི་ཡུལ་ནི་ཉམས་དགའ་བ་སྡུག་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་བ་ཞི་བ་ཙ་མ་མོ། །ཡབ་ནི་ལྷའི་མེད་ཏོག་ཅེས་བྱའོ། །ཡུམ་ནི་མཚུངས་མེད་མཉམ་ཞེས་བྱའོ། །སྲས་ནི་བློ་ལྡན་ཞེས་བྱའོ། །རིམ་གྲོ་པ་ནི་བློ་རྫོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསམ་ 225b པའི་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་འབྱེད་པའི་སྟེ་ཞེས་བྱའོ། །འདུས་པ་ནི་ལན་བཅོ་བརྒྱད་དེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་བྲད་དོ། །དེ་བཞིན་གཤེགས་པ་མཁས་པའི་བློ་སྐྱེ་བའི་ཡུལ་ནི་མཆོག་བསུ་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་བློ་མཆོག་ཅེས་བྱའོ། ། ཡུམ་ནི་ཚངས་མཆོག་ཅེས་བྱའོ། །སྲས་ནི་བརྟུལ་ཞུགས་གྲུབ་ཅེས་བྱའོ། །རིམ་གྲོ་བ་ནི་ནོར་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བརྟན་པོ་ཞེས་བྱའོ། །འདུས་པ་ནི་ལན་བཅུ་སྟེ། ཐམས་ཅད་ལའང་བྱེ་བ་སྟོང་ཕྲག་བཅུ་བཅུ་འོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་རི་རྒྱས་པར་འགྱུར་རོ། །དེ་བཞིན་གཤེགས་པ་རྒྱལ་བར་དགའ་སྐྱེ་བའི་ཡུལ་ནི་འོད་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུའོ། །ཡབ་ནི་མེ་ཏོག་སྦྱིན་ཞེས་བྱའོ། །ཡུམ་ནི་མེ་ཏོག་ཕྲེང་ཞེས་བྱའོ། །སྲས་ནི་གཙུག་ན་ 226a ༄#། །རིན་པོ་ཆེ་ཞེས་བྱའོ། །རིམ་གྲོ་པ་ནི་མཛོད་འཛིན་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁྱད་མར་འཕགས་ཞེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་ངེས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཁྲི་འོ། །གཉིས་པ་ལ་ནི་སུམ་ཁྲི་འོ། །གསུམ་པ་ལ་ནི་ལྔ་ཁྲིའོ། ། སྐུ་ཚེའི་ཚད་ནི་ལོ་སྟོང་ངོ ། །སྐུ་གདུང་ནི་རྒྱས་པར་འགྱུར་རོ། །དམ་པའི་ཆོས་ནི་ལོ་དགུ་ཁིའི་བར་དུ་གནས་སོ། །དེ་བཞིན་གཤེགས་པ་ཡོན་ཏན་ཕུང་པོ་སྐྱེ་བའི་ཡུལ་ནི་རྟག་ཏུ་བལྟ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ས་ཡ་ཕྲག་དྲུག་གོ་།ཡབ་ནི་མཚོན་ཆ་བཟང་པོ་ཞེས་བྱའོ། །ཡུམ་ནི་བཟང་སྦྱིན་མ་ཞེས་བྱའོ། །སྲས་ནི་མྱ་ངན་མེད་ཅེས་བྱའོ། །རིམ་གྲོ་བ་ནི་མྱ་ངན་དང་བྲལ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལེགས་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩ་ལག་ཡོ་མེད་ཅེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲི་འོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རྒྱས་ 226b པར་འགྱུར་རོ། །དེ་བཞིན་གཤེགས་པ་ཟླ་བའི་ཏོག་སྐྱེ་བའི་ཡུལ་ནི་བཟང་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཡ་ཕྲག་གཅིག་དང་འབུམ་ཕྲག་བརྒྱད་དོ། །ཡབ་ནི་ལེགས་བཟང་ཞེས་བྱའོ། །ཡུམ་ནི་གནས་མོ་ཞེས་བྱའོ། །སྲས་ནི་སྲོག་ལྡན་ཞེས་བྱའོ། །རིམ་གྲོ་པ་ནི་བློ་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིག་ལྟ་ཞིས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བློ་གྲོས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་དྲུག་ཅུའོ། ། གཉིས་པ་ལ་ནི་ཐེར་འབུམ་བདུན་ཅུའོ། །གསུམ་པ་ལ་ནི་ཐེར་འབུམ་བརྒྱད་ཅུའོ། །བཞི་པ་ལ་ནི་ཐེར་འབུམ་དགུ་བཅུའོ། །ལྔ་པ་ལ་ནི་ཐེར་འབུམ་བརྒྱད་འོ། །སྐུ་ཚེའི་ཚད་ནི་ལོ་སུམ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བདུན་ཁྲི་དྲུག་སྟོང་གི་བར་དུ་གནས་སོ། །མཆོད་རྟེན་ནི་བརྒྱད་ཁྲི་བཞི་སྟོང་འབྱུང་བར་འགྱུར་རོ། །དེ་བཞིན་གཤེགས་པ་མཐུ་ཐོབ་སྐྱེ་བའི་ཡུལ་ནི་བཀོད་པ་མཐའ་ཡས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་སའི་དབང་ཕྱུག་ཅེས་བྱའོ། །ཡུམ་ནི་མིག་བཟངས་མ་ཞེས་བྱའོ། །སྲས་ནི་ཡེ་ཤེས་དཔལ་ཞེས་བྱའོ། །རིམ་གྲོ་བ་ནི་བསོད་ནམས་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ 227a ༄#། །ནི་ཡེ་ཤེས་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ན་བློ་བརྟན་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བདུན་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཐུ་རྩལ་མཐའ་ཡས་སྐྱེ་བའི་ཡུལ་ནི་ཆོས་ཀྱི་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཅུའོ། །ཡབ་ནི་ཁ་ལོ་སྒྱུར་དགའ་ཞེས་བྱའོ། །ཡུམ་ནི་གྲགས་སྦྱིན་མ་ཞེས་བྱའོ། །སྲས་ནི་མཚན་ཆ་བཟང་པོ་ཞེས་བྱའོ། །རིམ་གྲོ་པ་ནི་གནས་འཕགས་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་འབར་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔལ་འོད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དྲུག་འབུམ་མོ། །གཉིས་པ་ལ་ལྔ་འབུམ་མོ། །གསུམ་པ་ལ་ནི་བཞི་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ཉིས་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་འོད་གྱིས་བརྒྱན་པ་ཞེས་བྱའོ། །རིགས་ནི་རྒྱལ་ 227b རིགས་སོ། །འོད་ནི་དཔག་ཚད་དུང་ཕྱུར་ཕྲག་གསུམ་མོ། །ཡབ་ནི་དྲི་མེད་འོད་འཕྲོ་ཞེས་བྱའོ། །ཡུམ་ནི་གཟི་བརྗིད་ཕུང་པོ་ཞེས་བྱའོ། །སྲས་ནི་གཟི་བརྗིད་སྒྲོན་མ་ཞེས་བྱའོ། །རིམ་གྲོ་བ་ནི་ཡོན་ཏན་གྱིས་ཚོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་པ་མེད་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དུང་ཕྱུར་ཕྲག་དྲུག་གོ ། དམ་པའི་ཆོས་ནི་ལོ་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དྲི་མེད་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་ཡུལ་འཁོར་བཟང་པོ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་ཤེས་བྱའོ། །སྲས་ནི་ན་བ་སོ་ཞེས་བྱའོ། །རིམ་གྲོ་པ་ནི་མཆོད་འོས་ཤེས་བྱའོ། །ཞེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་དགའ་བ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང ། བྱེ་བ་ 228a ༄#། །ཕྲག་དགུའོ། །གསུམ་པ་ལ་ནི་དུང་ཕྱུར་ཁྲིག་བརྒྱད་དང ། བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་དགུ་གྲི་དྲུག་སྟོང་ངོ ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་རུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་ཐམས་ཅད་གཟིགས་པ་སྐྱེ་བའི་ཡུལ་ནི་གཟི་བརྗིད་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བ་ཕྲག་གཉིས་དང་ས་ཡ་ཕྲག་ལྔའོ། །ཡབ་ནི་རྡོ་རྗེའི་སྡེ་ཞེས་བྱའོ། །ཡུམ་ནི་རྒྱ་མཚོས་བྱིན་ཞེས་བྱའོ། །སྲས་ནི་དགའ་བའི་དབྱངས་ཤེས་བྱའོ། །རིམ་གྲོ་བ་ནི་དོན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒོལ་པ་ཚར་གཅོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པའི་མངོན་པར་འཕགས་ཤེས་བྱའོ། །འདུས་པ་ནི་ལན་ཉི་ཤུ་སྟེ། ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ ། །དམ་པའི་ཆོས་ནི་ལོ་སུམ་།ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དཔའ་བོ་སྐྱེ་བའི་ཡུལ་ནི་ཚུགས་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་དགའ་ 228b བའི་འོད་ཅེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །སྲས་ནི་མཛེས་པ་ཞེས་བྱའོ། །རིམ་གྲོ་པ་ནི་དབྱངས་སྙན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་འོང་སེམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་སྨྲས་ཞེས་བྱའོ། །འདུས་པ་ནི་ལན་དྲུག་བཅུ་སྟེ་ཐམས་ཅད་ལ་ཡང་བྱེ་བ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་བྱེ་བ་ཕྲག་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འབྱོར་ལྡན་སྐྱེ་བའི་ཡུལ་ནི་བསམས་བཞིན་སྡེར་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲིའོ། །ཡབ་ནི་སཝ་ལའི་རྒྱལ་པོ་ཞེས་བྱའོ། །ཡུམ་ནི་དེས་པར་དགའ་ཞེས་བྱའོ། །སྲས་ནི་དོན་སེམས་ཤེས་བྱའོ། །རིམ་གྲོ་བ་ནི་ཆོས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་ཏོག་ཅེས་བྱའོ། འདུས་པ་ནི་ལན་པ་ཞི་བཅུ་སྟེ། །ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་ཐེར་འབུམ་ཕྲག་བཞི་བཅུའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་ 229a ༄#། །བསོད་ནམས་སྐྱེ་བའི་ཡུལ་ནི་སྐྱེ་བོས་མཆོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་ཁྲི་དགུ་སྟོང་ངོ ། །ཡབ་ནི་ལྷ་དགའ་ཞེས་བྱའོ། །ཡུམ་ནི་སྙན་པར་དགའ་ཞེས་བྱའོ། །སྲས་ནི་དགའ་བོ་ཞེས་བྱའོ། །རིམ་གྲོ་བ་ནི་སྐྱེ་བོ་ཕལ་ཆེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་སྟོབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་སྟོང་ཕྲག་བདུན་བཅུའོ། །གཉིས་པ་ལ་ནི་བྱེ་བ་སྟོང་ཕྲག་དྲུག་ཅུ་རྩ་ལྔའོ། །གསུམ་པ་ལན་བྱེ་བ་སྟོང་ཕྲག་དྲུག་ཅུའོ། །སྐུ་ཚེའི་ཚད་ནི་ལོ་སུམ་ཁྲི་འོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྒྲོན་མ་སྐྱེ་བའི་ཡུལ་ནི་རིན་པོ་ཆེའི་མཛོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་སྟོང་བརྒྱད་བརྒྱའོ། །ཡབ་ནི་ཙནྡན་ཞེས་བྱའོ། །ཡུམ་ནི་སྤོབས་ལྡན་མ་ཞེས་བྱའོ། །སྲས་ནི་ཙམ་པའི་མཆོག་ཅེས་བྱའོ། །རིམ་གྲོ་བ་ནི་སྤྲང་རྩི་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚིག་སྙན་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེམས་གསལ་ཞེས་བྱའོ། །འདུས་པ་ནི་ལན་བཞི་བཅུ་སྟེ་ཐམས་ཅད་ལ་ཡང་དུང་ཕྱུར་ཕྲག་བདུན་ 229b བདུན་ནོ། །སྐུ་ཚེའི་ཚད་ནི་ལོ་དགུ་སྟོང་ངོ ། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་འོད་འཕྲོ་སྐྱེ་བའི་ཡུལ་ནི་དོན་སྣང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་བདེ་བར་གཞོལ་ཞེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་རིན་པོ་ཆེ་ཞེས་བྱའོ། །རིམ་གྲོ་བ་ནི་འབྱོར་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་མཆོག་ཅེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལའང་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་ས་ཡ་ཕྲག་དགུའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་ཡངས་ཀྱེ་བའི་ཡུལ་ནི་རྒྱ་མཚོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ལེགས་ཡིད་གཞུངས་ཤེས་བྱའོ། །ཡུམ་ནི་བོ་གནས་ཤེས་བྱའོ། །སྲས་ནི་ལེགས་འབྱུང་ཞེས་བྱའོ། །རིམ་གྲོ་པ་ནི་ 230a ༄#། །ཡོན་ཏན་འབྱུང་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཛོད་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩ་ལ་གཞིན་གྱིས་མི་ཐུབ་པ་ཞེས་བྱའོ། །འདུས་པ་ནི་ལན་དགུ་སྟེ་ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དགུ་ཁྲི་འོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལེགས་སྐྱེས་སྐྱེ་བའི་ཡུལ་ནི་བསོད་ནམས་དགའ་ཞེས་བྱའོ། ། རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་ཚངས་པ་ཞེས་བྱའོ། །ཡུམ་ནི་ཆོས་ལྡན་མ་ཞེས་བྱའོ། །སྲས་ནི་རྒྱུ་སྐར་རྒྱལ་པོ་ཞེས་བྱའོ། ། རིམ་གྲོ་བ་ནི་རྣམ་པར་སྣང་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུག་ཕྲག་དགུ་དང་བྱེ་བོ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུ་དང ། བྱེ་བ་ཕྲག་དྲུག་གོ་།སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ 230b ནོར་ལྷ་སྐྱེ་བའི་ཡུལ་ནི་མེ་ཏོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་གཉིས་སོ། །ཡབ་ནི་བཟང་པོ་ཞེས་བྱའོ། །ཡུམ་ནི་སོ་རིང་མ་ཞེས་བྱའོ། །སྲས་ནི་ཟླ་བ་ཞེས་བྱའོ། །རིམ་གྲོ་བ་ནི་སྦྲང་རྩི་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མདངས་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མཉམ་ཞེས་བྱའོ། །འདུས་པ་ནི་ལན་བཅུ་བཞི་སྟེ། །ཐམས་ཅད་ལ་ལང་དུང་ཕྱུར་ཕྲག་གཅིག་དང་བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡིད་གཉིས་སྤོང་སྐྱེ་བའི་ཡུལ་ནི་ཉམས་དགའ་ཡོན་ཏན་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་པའོ། །ཡབ་ནི་བེའུ་དགའ་ཞེས་བྱའོ། །ཡུམ་ནི་བཟང་ལྡན་མ་ཞེས་བྱའོ། །སྲས་ནི་མེ་ཏོག་དགའ་ཞེས་བྱའོ། །རིམ་གྲོ་བ་ནི་བློ་གྲོས་ལེགས་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཛེས་འགྲོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩ་ལ་མཛེས་པ་ཞེས་བྱའོ། །འདུས་པ་ནི་ལན་དགུ་སྟེ་ཐད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་ 231a ༄#། །པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཛིན་པ་དཔག་མེད་སྐྱ་བའི་ཡུལ་ནི་རྟག་ཏུ་མཐོང་ཞེ་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུ་རྩ་དྲུག་གོ་།ཡབ་ནི་ཡུམ་འཁོར་བཟང་པོ་ཞེས་བྱའོ། །ཡུམ་ནི་སྨོན་སེམས་ཞེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་བ་ནི་མིག་པོ་ཆི་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཁས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བག་མི་ཚ་བ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བའོ། །གཉིས་པ་ལ་ནི་ཐེར་འབུམ་མོ། །གསུམ་པ་ལ་ནི་ཐེར་འབུམ་ཕྲག་སྟོང་ངོ ། །སྐུ་ཚེའི་ཚད་ནི་ལོ་དྲུག་ཁྲི་སུམ་སྟོང་ངོ ། །དམ་པའི་ཆོས་ནི་ལོ་ལྔ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་རིལ་པོ་གཅིག་དུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཆོག་སྲེད་སྐྱེ་བའི་ཡུམ་ནི་བདེ་གསལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་དྲུག་གོ་།ཡབ་ནི་མཆོག་སྨྲ་ཞེས་བྱའོ། །ཡུམ་ནི་བློ་མཆོག་ན་ཞེས་བྱའོ། །སྲས་ནི་འོད་འཕྲོ་ཞེས་བྱའོ། །རིམ་གྲོ་བ་ནི་མཆོད་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ནོར་ལྷའི་བུ་ 231b ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མཆོག་ཅེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ ། །དམ་པའི་ཆོས་ཀྱང་ལོ་ཉི་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚོམས་མེད་སྐྱེ་བའི་ཡུལ་ནི་གདུལ་དཀའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་མདངས་སྟོབས་ཤེས་བྱའོ། །ཡུམ་ནི་བདེ་འོད་བློ་གྲོས་མ་ཞེས་བྱའོ། །སྲས་ནི་ཨུཏྤལ་ལའི་དྲི་ཞེས་བྱའོ། ། རིམ་གྲོ་བ་ནི་ཡོན་ཏན་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་མཛོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཡོ་བ་མེད་པའི་བློ་ཞེས་བྱའོ། ། འདུས་པ་ནི་ལན་གསུམ་སྟེ་ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་དགུ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་གནས་པ་སྐྱེ་བའི་ཡུལ་ནི་རྒྱལ་མཆོག་ཅེས་བྱའོ། ། རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་བརྒྱད་དོ། །ཡབ་ནི་དྲང་སྲོང་ལྷ་ཞེས་བྱའོ། །ཡུམ་ནི་དྲི་མེད་བློ་གྲོས་མ་ཞེས་བྱའོ། །སྲས་ནི་རྒྱུ་སྐར་རྒྱལ་ཞེས་བྱའོ། ། 232a ༄#། །བྱའོ། །རིམ་གྲོ་བ་ནི་སྲེད་མེད་ཀྱི་བུ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་ཏུ་དགའ་ཞེས་བྱའོ། །འདུས་པ་ནི་ལན་བཅུ་སྟེ་ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་སུམ་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདེར་གནས་སྐྱེ་བའི་ཡུལ་ནི་རིན་པོ་ཆེའི་འབྱུང་གནས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་གཙོ་མཆོག་ཅེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་དོན་སེམས་ཤེས་བྱའོ། །རིམ་གྲོ་པ་ནི་ཡང་དག་འཕགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ཚོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུང་རྩིའི་བློ་ཞེས་བྱའོ། ། འདུས་པ་ནི་ལན་བརྒྱད་ཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་དྲུག་སྟོང་ངོ ། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚོགས་ཅན་གཙོ་བོ་སྐྱེ་བའི་ཡུལ་ནི་གཟི་བརྗིད་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ 232b ནི་དཔག་ཚད་བཅོ་ལྔའོ། །ཡབ་ནི་ཏོག་གི་རྒྱལ་མཚན་ཞེས་བྱའོ། །ཡུམ་ནི་མཁས་པའི་སྙིང་པོ་ཞེས་བྱའོ། །སྲས་ནི་དོན་གྱི་སྙིང་པོ་ཞེས་བྱའོ། །རིམ་གྲོ་བ་ནི་རྣམ་པར་སྣང་བྱེད་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔག་ཏུ་མེད་པར་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒོལ་བ་རབ་འཇོམས་ཤེས་བྱའོ། །འདུས་པ་ནི་ལན་གཅིག་ཏུ་ཟད་དོ་བརྒྱད་འབུམ་མོ། །སྐུ་ཚེའི་ཚད་ནི་ཉིན་གཅིག་གོ་།དམ་པའི་ཆོས་ནི་ལོ་དུང་ཕྱུར་ཕྲག་བཞི་དང ། བྱེ་བ་ཕྲག་དྲུག་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འགྲོ་བའི་འོད་ཟེར་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་མཐའ་ཡས་འོད་ཅེས་བྱའོ། །ཡུམ་ནི་གཟི་རྒྱལ་མ་ཞེས་བྱའོ། །སྲས་ནི་ཡོན་ཏན་འོད་ཅེས་བྱའོ། །རིམ་གྲོ་བ་ནི་ཐོས་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་འོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཅིག་སྟེ།་ཐམས་ཅད་ལ་ཡང་དུང་ཕྱུར་ཕྲག་གཅིག་དང ། བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་དུང་ཕྱུར་ཕྲག་བཞིའི་བར་ 233a ༄#། །དུ་གནས་སོ། །སྐུ་གདུང་ནི་རིལ་པ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཕལ་ཆེན་སྐྱེ་བའི་ཡུལ་ནི་ཉམས་དགའ་ཡོན་ཏན་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ ་བརྒྱད་དོ། །ཡབ་ནི་རྒྱལ་མཆོག་ཅེས་བྱའོ། །ཡུམ་ནི་ཙམ་པ་མཆོག་ཅེས་བྱའོ། །སྲས་ནི་མཆོག་སེམས་ཤེས་བྱའོ། །རིམ་གྲོ་བ་ནི་ཞུམ་མེད་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་ཡོན་ཏན་ཅན་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་མཐུ་རྩ་ལ་ཞེས་བྱའོ། །ཉན་ཐོས་འདུས་པ་ནི་ལན་བཅོ་བརྒྱད་དེ་ཐམས་ཅད་ཡངས་ཡ་ཕྲག་གཉིས་དང ། འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་ཉི་ཁྲི་གཅིག་སྟོང་ངོ ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྒྱལ་བ་སྐྱེ་བའི་ཡུལ་ནི་མཆོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུ་རྩ་བརྒྱད་དོ། །ཡབ་ནི་རྒྱུ་སྐར་རྒྱལ་པོ་ཞེས་བྱའོ། །ཡུམ་ནི་རྩི་སྨན་ཅེས་བྱའོ། །སྲས་ནི་སྒྲ་གཅན་གཟི་བརྗིད་མཐའ་ཡས་ཅེས་བྱའོ། །རིམ་གྲོ་བ་ནི་འོད་ཟེར་གཞལ་མེད་ཁད་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ 233b གྲུབ་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་བྲལ་ཞེས་བྱའོ། །ཉན་ཐོས་འདུས་པ་ནི་ལན་ལྔ་སྟེ་ཐམས་ཅད་ལ་ཡང་འབུམ་ཕྲག་རེ་རེའོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་མཐའ་ཡས་སྐྱེ་པའི་ཡུལ་ནི་འོད་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་ཆེན་པོ་འཇིག་རྟེན་གྱི་ཁམས་ཙམ་མོ། །ཡབ་ནི་ཏོག་གི་རྒྱལ་མཚན་ཞེས་བྱའོ། །ཡུམ་ནི་དབང་པོའི་མཚོན་ཆ་ཞེས་བྱའོ། །སྲས་ནི་ཉི་མའི་འོད་ཟེར་ཞེས་བྱའོ། །རིམ་གྲོ་བ་ནི་ཟླ་བ་ཞིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲི་མེད་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་པའི་འོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་སྟེ། ཐམས་ཅད་ལ་ཡང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་བརྒྱའོ། ། དམ་པའི་ཆོས་ནི་ལོ་བདུང་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་གྱི་བློ་གྲོས་སྐྱེ་བའི་ཡུལ་ནི་འབྱོར་བའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་སྤོབས་པ་ཅན་ཞེས་བྱའོ། ། 234a ༄#། །ཡུམ་ནི་ཡོན་ཏན་གྱི་རྗེ་སུ་སོར་བ་ཞེས་བྱའོ། །སྲས་ནི་མེ་ཏོག་དགའ་ཞེས་།བྱའོ། །རིམ་གྲོ་བ་ནི་ངེས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་མཉམ་པ་མེད་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་མི་ཡོག་པ་ཞེས་བྱའོ། །འདུས་པ་ནི་དང་པོ་ལ་ནི་ཉན་ཐོས་འབུམ་ཕྲག་བརྒྱད་དོ། །གཉིས་པ་ལ་ནི་འབུམ་ཕྲག་དགུའོ། །གསུམ་པ་ལ་ནི་ས་ཡའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་དྲུག་གོ་།སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྨན་པའི་རྒྱལ་བ་སྐྱེ་བའི་ཡུལ་ནི་དབེན་ཞིང་སྐྱེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུ་རྩ་བཞིའོ། །ཡབ་ནི་དབང་པོའི་སྟོབས་ཤེས་བྱའོ། །ཡུམ་ནི་ཙནྡན་སྲུང་ཞེས་བྱའོ། །སྲས་ནི་རྡོ་རྗེ་སྦྱིན་ཞེས་བྱའོ། །རིམ་གྲོ་བ་ནི་གསོ་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིག་པོ་ཆེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔའ་བརྟན་ཞེས་བྱའོ། །འདུས་པ་ནི་ལན་བཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་ 234b ས། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐབ་སྤངས་པ་སྐྱི་བའི་ཡུལ་ནི་སྐྱོན་དང་བྲལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཕན་པར་སེམས་ཤེས་བྱའོ། །ཡུམ་ནི་བྱམས་ལྡན་མ་ཞེས་བྱའོ། །སྲས་ནི་རྒྱལ་བའི་དབྱངས་ཤེས་བྱའོ། །རིམ་གྲོ་བ་ནི་ཉེར་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོབས་ཀྱི་མཛོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་པོ་བརྩིགས་ཤེས་བྱའོ། །ཉན་ཐོས་འདུས་པ་ནི་ལན་བཅུ་བདུན་ཏེ། ཐམས་ཅད་ལའང་ས་ཡ་ཕྲག་གསུམ་དང་འབུམ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིམས་ནང་མེད་སྐྱོ་བའི་ཡུལ་ནི་བག་ཆགས་ཆུང་བ་ཞེས་བྱའོ། །རིགས་ནི་བྲམ་ཟེའོ། ། འོད་ནི་དཔག་ཚད་སུམ་བཅུའོ། །ཡབ་ནི་མདངས་ཡོད་ཅེས་བྱའོ། །ཡུམ་ནི་བསོད་ནམས་བློ་གྲོས་ཞེས་བྱའོ། །སྲས་ནི་བྱམས་སེམས་ཤེས་བྱའོ། །རིམ་གྲོ་པ་ནི་མཉམ་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གདོན་མི་ཟབ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་ཅེས་བྱའོ། །དགྲ་བཅོམ་ 235a ༄#། །པ་འདུས་པ་ནི་ལན་བཅུ་གཅིག་སྟི། ཐམས་ཅད་ལ་ཡང་ཐེར་འབུམ་ཕྲག་སུམ་ཅུ་སུམ་ཅུའོ། །སྐུ་ཚེའི་ཚད་ནི་ལོ་བདུན་སྟོང་ངོ ། །དམ་པའི་ཆོས་ནི་ལོ་སུམ་ཁྲི་བ་ཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་བྱིན་སྐྱེ་བའི་ཡུལ་ནི་སྡུག་ཅིང་ཉམས་དགའ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་བཞི་པའི་འཇིག་རྟེན་གྱི་ཁམས་ཙམ་མོ། །ཡབ་ནི་བཟང་སྐྱོང་ཞེས་བྱའོ། །ཡུམ་ནི་ངེས་དགའ་ཞེས་བྱའོ། །སྲས་ནི་ཚིག་སྙན་ཞེས་བྱའོ། །རིམ་གྲོ་བ་ན་འབྱོར་བའི་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་རིན་ཆེན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །དགྲ་བཅོམ་འདུས་པ་ནི་ལན་སུམ་ཅུ་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ཀྱང་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲགས་བྱིན་སྐྱེ་བའི་ཡུལ་ནི་ཡེ་ཤེས་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུ་རྩ་གསུམ་མོ། །ཡབ་ནི་ལྷ་ 235b ལེགས་ཞེས་བྱའོ། །ཡུམ་ནི་གྲགས་བྱིན་ཞེས་བྱའོ། །སྲས་ནི་སྤྱོད་པའི་བློ་གྲོས་ཞེས་བྱའོ། །རིམ་གྲོ་བ་ནི་སེམས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོགས་བདེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ན་བན་བར་སེམས་ཤེས་བྱའོ། །དགྲ་བཅོམ་པ་འདུས་པ་ནི་ལན་སུམ་ཅུ་རྩ་དྲུག་སྟེ། ཐམས་ཅད་ལའང་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་བྱིན་སྐྱེ་བའི་ཡུལ་ནི་དགའ་བའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་མེ་ཏོག་བྱིན་ཞེས་བྱའོ། །ཡུམ་ནི་སྤོབས་ལྡན་མ་ཞེས་བྱའོ། །སྲས་ནི་རིན་ཆེན་ལྷ་ཞེས་བྱའོ། །རིམ་གྲོ་བ་ནི་དབྱངས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་འོད་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔལ་དབྱངས་ཤེས་བྱའོ། །འདུས་པ་ནི་ལན་བཅུ་ཅིག་སྟེ། ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་།ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །བསྟན་པ་ལ་ནི་ཕྱིར་མི་ལྡོག་པའི་ཚོགས་འབྱུང་བར་འགྱུར་རོ། །སྐུ་གདུང་ནི་རྒྱས་ 236a ༄#། །པར་འགྱུར་རོ། །དེ་བཞིན་གཤེགས་པ་སྐྱེས་བུས་བྱིན་སྐྱེ་བའི་ཡུལ་ནི་བསོད་ནམས་འབྱུང་གནས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་ཁྲི་དགུ་སྟོང་ངོ ། །ཡབ་ནི་རྡོ་རྗེ་འཛིན་ཅེས་བྱའོ། །ཡུམ་ནི་སྐལ་ལྡན་འོད་ཅེས་བྱའོ། །སྲས་ནི་དྲང་སྲོང་བྱིན་ཞེས་བྱའོ། །རིམ་གྲོ་པ་ནི་འཕགས་པ་དགྱེས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐར་པ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕན་པར་འགྲོ་ཞེས་བྱའོ། །འདུས་པ་ནི་ལན་གཉིས་ཏེ། དུང་ཕྱུར་ཕྲག་གསུམ་དང ། བྱེ་བ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ནི་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་ཀྱས་པར་འགྱུར་རོ། །དེ་བཞིན་གཤེགས་པ་རྡོ་རྗེ་སྡེ་སྐྱ་བའི་ཡུལ་ནི་བཀོད་པ་མཐའ་ཡས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་དྲི་མེད་བྱིན་ཞེས་བྱའོ། །ཡུམ་ནི་འོད་ལྡན་མ་ཞེས་བྱའོ། །སས་ནི་སྙན་པར་གྲགས་ཤེས་བྱའོ། །རིམ་གྲོ་བ་ནི་ཡེ་ཤེས་འགྲོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐོང་བ་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་གཟི་བརྗིད་ཅེས་བྱའོ། །འདུས་པ་ནི་ལན་ 236b བཞི་བཅུ་སྟེ། ཐམས་ཅད་ལ་ཡང་སུམ་འབུམ་སུམ་འབུམ་མོ། །སྐུ་ཚེའི་ཚད་ནི་ལོ་སུམ་ཁྲི་ལྔ་སྟོང་ངོ ། །དམ་པའི་ཆོག་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕལ་ཆེན་བྱིན་སྐྱེ་བའི་ཡུལ་ནི་བསོད་ནམས་སྦོས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཏུ་མེད་དོ། །ཡབ་ནི་བློ་མཆོག་ཅེས་བྱའོ། །ཡུམ་ནི་སྣ་མའི་མེ་ཏོག་མཆོག་ཅེས་བྱའོ། །སྲས་ནི་ཡོན་ཏན་བྱིན་ཞེས་བྱའོ། །རིམ་གྲོ་བ་ནི་འབྱོར་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལེགས་པར་གནས་པའི་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུང་ཟིལ་གྱིས་གནོན་པ་ཞེས་བྱའོ། །འདུས་པ་ནི་ལན་ཉི་ཤུ་སྟེ། ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་ཐེར་འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །བསྟན་པ་ལ་ནི་ཕྱིར་མི་ལྡོག་པའི་ཚོགས་འབྱུང་བར་འགྱུར་རོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཞི་བའི་བློ་གྲོས་སྐྱེ་བའི་ཡུལ་ནི་རབ་ཏུ་ནི་བར་ཉམས་དགའ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་ཆོས་ལྷ་ཞེས་བྱའོ། །ཡུམ་ནི་བསོད་ནམས་བློ་གྲོས་ཤེས་བྱའོ། །སྲས་ནི་སྣ་ཚོགས་ཅན་ཞེས་ 237a ༄#། །བྱའོ། །རིམ་གྲོ་བ་ནི་མཆོད་འོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མུན་པ་བྲལ་ཞེས་བྱའོ། །འདུས་པ་ནི་ལན་བཅུ་དྲུག་སྟེ་ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ར་ལོ་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་ཀྱི་གླང་པོ་སྐྱེ་བའི་ཡུལ་ནི་སྤོས་ལྡན་ཞེས་བྱའོ། །རིགས་ནི་རྒྱལ་རིགས་སོ། ། འོད་ནི་དཔག་ཚད་སུམ་མོ། །ཡབ་ནི་སྤོས་ཀྱི་དབང་ཕྱུག་ཅེས་བྱའོ། །ཡུམ་ནི་ཡིད་འོད་སྤོས་ཤེས་བྱའོ། །སྲས་ནི་ཡོན་ཏན་སྤོས་ཤེས་བྱའོ། །རིམ་གྲོ་པ་ནི་འོད་འཕྲོ་ཅན་ཞེས་བྱའོ། །ཤེས་རབ་ཅན་རྣམས་ཀྱིས་མཆོག་ནི་འདམ་ལས་རྒལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསམ་པ་བྱིན་ཞེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། ཐམས་ཅད་ལའང་དུང་ཕྱུར་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་ཉི་ཁྲི་ལྔ་སྟོང་ངོ ། །དམ་པའི་ཆོས་ཀྱང་ལོ་ཉི་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྲེད་མེད་ཀྱི་བུ་སྐྱེ་བའི་ཡུལ་ནི་གཟི་བརྗིད་བརྟན་པ་ཞེས་བྱའོ། །རིགས་ནི་རྒྱལ་རིགས་སོ། ། 237b འོད་ནི་དཔག་ཚད་བཅོ་ལྔའོ། །ཡབ་ནི་དཔའ་བོ་ཞེས་བྱའོ། །ཡུམ་ནི་མཚོན་ཆ་བཟང་ཞེས་བྱའོ། །སྲས་ནི་མཐུ་རྩ་ལ་སྟོབས་ཤེས་བྱའོ། །རིམ་གྲོ་པ་ནི་སྒྱིད་མི་ལུག་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་སྟོབས་སྐྱེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་ཚར་གཅོད་ཅེས་བྱའོ། །འདུས་པ་ནི་ལན་བརྒྱད་ཅུ་རྩ་བཞི་སྟེ་ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་དགུ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དེས་པ་སྐྱེ་བའི་ཡུལ་ནི་དགའ་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། ། འོད་ནི་དཔག་ཚད་བཅུ་དགུའོ། །ཡབ་ནི་ཁུང་མེད་ཅེས་བྱའོ། །ཡུམ་ནི་དགའ་བའི་དབང་ཕྱུག་ཅེས་བྱའོ། །སྲས་ནི་ཡིད་འོང་བྱིན་ཞེས་བྱའོ། །རིམ་གྲོ་པ་ནི་ཕན་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་ཏོག་གི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་པ་ཞེས་བྱའོ། །འདུས་པ་ནི་ལན་གསུམ་སྟེ། ཐམས་ཅད་ལ་ཡང་སུམ་འབུམ་སུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་སྟོང་ངོ ། །དམ་པའི་ཆོས་ནི་ལོ་ཁྲི་སྟོང་གི་བར་དུ་གནས་སོ། །སྐུ་ 238a ༄#། །གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་ཚུགས་པ་སྐྱེ་བའི་ཡུལ་ནི་ཚུགས་པ་མེད་པའི་འཁོར་ལོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཉི་མའི་གདུགས་ཤེས་བྱའོ། །ཡུམ་ནི་ཆོས་ཀྱི་བླ་མ་ཞེས་བྱའོ། ། སྲས་ནི་མདངས་སྡུག་ཅེས་བྱའོ། །རིམ་གྲོ་བ་ནི་ཆོས་ཀྱི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲན་གྲོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་གསལ་ཞེས་བྱའོ། །འདུས་པ་ནི་ལན་དྲུག་སྟེ་ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་ཟླ་སྐྱེ་བའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ་།ཡབ་ནི་ཟླ་བ་ཞེས་བྱའོ། །ཡུམ་ནི་རིན་ཆེན་གཟི་བརྗིད་ཅེས་བྱའོ། །སྲས་ནི་ཟླས་བྱིན་ཞེས་བྱའོ། །རིམ་གྲོ་བ་ནི་འཇམ་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་ནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚུལ་ 238b ཁྲིམས་རྣམ་དག་འོད་ཅེས་བྱའོ། །འདུས་པ་ནི་ལན་བརྒྱད་བཅུ་རྩ་བཞི་སྟེ་ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་ཆོག་ནི་བརྟུལ་ཞུགས་ཡང་དག་པར་འཕགས་ཤེས་བྱའོ། །འདུས་པ་ལན་གི་ཏོག་སྐྱེ་བའི་ཡུལ་ནི་འོད་རྟག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་དབང་པོའི་ཏོག་ཅེས་བྱའོ། །ཡུམ་ནི་ནོར་ལྟའི་བུའི་འོད་ཅེས་བྱའོ། །སྲས་ནི་ཉི་མའི་སྒྲོན་མ་ཞེས་བྱའོ། །རིམ་གྲོ་པ་ནི་བློ་གྲོས་ལེགས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོགས་ཅན་གཙོ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་སེམས་ཞེས་བྱའོ། །དགྲ་བཅོམ་པ་འདུས་པ་ནི་ལན་དྲུག་ཅུ་སྟེ། ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཆོད་པ་སྐྱེ་བའི་ཡུལ་ནི་བལྟ་ན་ཡིད་དུ་འོང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དང་གསུམ་མོ། །ཡབ་ནི་ཡུམ་འཁོར་བཟང་པོ་ཞེས་བྱའོ། །ཡུམ་ནི་ཡེ་ཤེས་འོད་ཟེར་ཞེས་བྱའོ། །སྲས་ནི་བསོད་ནམས་འདོད་ཅེས་ 239a ༄#། །བྱའོ། །རིམ་གྲོ་བ་ནི་ཐར་པའི་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟིལ་གྱིས་ནོན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་མངོན་དགའ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དཔལ་སྦས་སྐྱེ་བའི་ཡུལ་ནི་ཟླ་བའི་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་བཞི་པའི་འཇིག་རྟེན་གྱི་ཁམས་བཅུ་ཙམ་མོ། །ཡབ་ནི་བློ་བཟངས་ཤེས་བྱའོ། །ཡུམ་ནི་རིན་ཆེན་བློ་ཞེས་བྱའོ། །སྲས་ནི་ཆོས་ཀྱི་མཐུ་རྩལ་ཞེས་བྱའོ། །རིམ་གྲོ་བ་ནི་བློ་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གནས་པ་མེད་པའི་བློ་ཞེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་བརྟུལ་ཞུགས་ཡང་དག་པར་འཕགས་ཞེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལའང་ཐེར་འབུམ་ཕྲག་སུམ་ཅུ་སུམ་ཅུའོ། །སྐུ་ཚེའི་ཚད་ནི་ལོ་འབུམ་མོ། དམ་པའི་ཆོས་ནི་ལོ་བྱེ་བ་ཕག་བདུན་གྱི་བར་དུ་གནས་སོ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་ 239b པ་ཡེ་ཤེས་ཉི་མ་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འཇིག་རྟེན་གྱི་ཁམས་སུམ་ཅུ་རྩ་གཉིས་ཙམ་མོ། །ཡབ་ནི་བཟང་པོ་ཞེས་བྱའོ། །ཡུམ་ནི་བཟང་མཆོག་མ་ཞེས་བྱའོ། །སྲས་ནི་ཉི་མའི་གདོང་ཞེས་བྱའོ། །རིམ་གྲོ་བ་ནི་བརྟུལ་ཞུགས་བཟང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོན་པ་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་ཅན་ཞེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་བརྒྱའོ། །དམ་པའི་ཆོས་ནི་ལོ་ཁྲིའི་བར་དུ་གནས་སོ། །བསྟན་པ་ལ་ནི་ཕྱིར་མི་ལྡོག་པའི་ཚོགས་འགྱུར་བར་འགྱུར་རོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་གྲུབ་སྐྱེ་བའི་ཡུལ་ནི་བསམ་པ་ཇི་ལྟ་བ་བཞིན་འབྱུང་བར་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་ཉིས་སྟོང་ངོ ། །ཡབ་ནི་གཽ་ཏ་མ་ཞེས་བྱའོ། །ཡུམ་ནི་ཡིད་དུ་འོང་བའི་ང་རོ་ཞེས་བྱའོ། །སྲས་ནི་ཟླས་བྱིན་ཞེས་བྱའོ། །རིམ་གྲོ་བ་ནི་བརྟན་པས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྙིང་པོ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་ 240a ༄#། །དགའ་ཞེས་བྱའོ། །འདུས་པ་ནི་ལན་བཅུ་བདུན་ཏི་ཐམས་ཅད་ལའང་དུང་ཕྱུར་ཕྲག་གཅིག་དང ། བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་ཉི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷུན་པོ་བརྩེགས་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་བློ་གྲོས་གནས་ཤེས་བྱའོ། །ཡུམ་ནི་མཉམ་སེམས་ཞེས་བྱའོ། །སྲས་ནི་བློ་འོད་ཅེས་བྱའོ། །རིམ་གྲོ་བ་ནི་ཆོས་ཀྱི་དབང་ཕྱུག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་ཅན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་ཀྱི་ཆོ་འཕྲུལ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་དྲུག་སྟེ་ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི། ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དགྲ་འདུལ་སྐྱེ་བའི་ཡུལ་ནི་འཇིགས་པ་དང་བྲལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་བཞི་བའི་འཇིག་རྟེན་གྱི་ཁམས་དྲུག་ཅུ་ཙམ་མོ། །ཡབ་ 240b ནི་ཐུག་མེད་གྲགས་ཞེས་བྱའོ། །ཡུམ་ནི་བློ་གྲོས་གྲགས་ཞེས་བྱའོ། །སྲས་ནི་བློ་གྲོས་མཛེས་ཞེས་བྱའོ། །རིམ་གྲོ་བ་ནི་གདངས་སྙན་ཅེས་བྱའོ། །ཞེས་རབ་ཅན་རྣམས་ཀྱི་མཆོག་ནི་ཙམ་པའི་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོངས་ཆེན་ཞེས་བྱའོ། །དགྲ་བཅོམ་པ་འདུས་པ་ནི་ལན་སུམ་བཅུ་རྩ་དྲུག་སྟེ། །ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། ། འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་གསུམ་པ། །དེ་བཞིན་གཤེགས་པ་པདྨ་མ་སྐྱེ་བའི་ཡུལ་ནི་པདྨ་དཀར་པོ་ཞེས་བྱའོ། །རིགས་ནི་བྲམ་ཟེའོ། ། འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་བརྒྱད་ཙམ་མོ། །ཡབ་ནི་མེ་ཏོག་ཅེས་བྱའོ། །ཡུམ་ནི་ཨུཏྤལ་ཕྲེང་ཞེས་བྱའོ། །སྲས་ནི་མེ་ཏོག་ཕུང་པོ་ཞེས་བྱའོ། །རིམ་གྲོ་བ་ནི་ཡོན་ཏན་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་ཏུ་མཛེས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི། སྐྱེ་བའི་མཆོད་རྟེན་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་བཅུ་རྩ་དྲུག་སྟེ། །ཐམས་ཅད་ལ་ཡང་དུང་ཕྱུར་ཕྲག་དགུ་དང ། བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་བྱེ་བ་ཁྲི་དྲུག་ 241a ༄#། །སྟོང་ངོ ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་གྲགས་པ་སྐྱེ་བའི་ཡུལ་ནི་དྲང་སྲོང་དད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུའོ། །ཡབ་ནི་ཚངས་འདོད་ཅེས་བྱའོ། །ཡུམ་ནི་བདེན་བྱིན་ཞེས་བྱའོ། །སྲས་ནི་དགའ་འཛིན་ཅེས་བྱའོ། །རིམ་གྲོ་བ་ནི་སྡུག་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་གཡོ་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་བོ་བརྩེགས་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅོ་བརྒྱད་དེ། །ཐམས་ཅད་ལའང་ཐེར་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་འགྲོས་སྐྱེ་བའི་ཡུལ་ནི་སྤོབས་པའི་དཔལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འདོམ་གང་ངོ ། །ཡབ་ནི་བརྟུལ་ཞུགས་འབྱོར་ཅེས་བྱའོ། ། ཡུམ་ནི་ཡོན་ཏན་བསམ་པ་ཅན་ཞེས་བྱའོ། །སྲས་ནི་།ཐར་པ་སེམས་ཞེས་བྱའོ། །རིམ་གྲོ་བ་ནི་དོན་ཡོད་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁ་ 241b ལོ་སྒྱུར་བའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒོལ་བ་བསལ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་སྟེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉོན་མོངས་བྲལ་སྐྱེ་བའི་ཡུལ་ནི་འཇམ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་གཉེན་བཟངས་ཤེས་བྱའོ། །ཡུམ་ནི་རྒུན་ཆད་མྱོས་ཞེས་བྱའོ། །སྲས་ནི་པདྨའི་སྙིང་པོ་ཞེས་བྱའོ། །རིམ་གྲོ་བ་ནི་དྲན་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པའི་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དུལ་བའི་རྒྱལ་མཚན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་ཕྲག་འབུམ་མོ། །གཉིས་པ་ལ་ནི་བྱེ་བ་ཕྲག་བཅུའོ། །གསུམ་པ་ལ་ནི་བྱེ་བ་ཕྲག་སུམ་བཅུའོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འདམ་བུ་སྐྱེ་བའི་ཡུལ་ནི་རྩེ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་བརྒྱད་དོ། །ཡབ་ནི་རིན་པོ་ཆེའི་འབྱུང་གནས་ 242a ༄#། །ཞེས་བྱའོ། །ཡུམ་ནི་རྩ་ལ་ཅན་ཞེས་བྱའོ། །སྲས་ནི་ཤེས་ཉེན་བདེན་ཞེས་བྱའོ། །རིམ་གྲོ་བ་ནི་བཟང་པོའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྱོར་བའི་མཛོད་ཅེས་བྱའོ། །དགྲ་བཅོམ་པ་འདུས་པ་ནི་ལན་གསུམ་སྟེ། །ཐམས་ཅད་ལ་ཡང་བརྒྱད་ཁྲི་བརྒྱད་ཁྲིའོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྤོས་བཟངས་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་ཛམྦུའི་གླིང་ཙམ་མོ། །ཡབ་ནི་ཡེ་ཤེས་རྒྱལ་མཚན་ཞེས་བྱའོ། །ཡུམ་ནི་དྲང་སྲོང་དགའ་ཞེས་བྱའོ། །སྲས་ནི་དྲང་སྲོང་བྱིན་ཞེས་བྱའོ། །རིམ་གྲོ་པ་ནི་ཡོན་ཏན་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱིས་ཆོག་ནི་སྤྱོད་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ས་འཛིན་རྒྱལ་པོ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་པ་ཞི་སྟེ། །ཐམས་ཅད་ལ་ཡང་བྱེ་བ་ཕྲག་སྟོང་ངོ ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་དུང་ 242b ཕྱུར་ཕྲག་བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡུལ་འཁོར་རངས་སྐྱེ་བའི་ཡུལ་ནི་ལེགས་པར་བསྲུངས་པའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཙམ་མོ། །ཡབ་ནི་སྐལ་ལྟ་ན་འདོད་ཅེས་བྱའོ། །ཡུམ་ནི་རིན་ཆེན་ལྡན་ཞེས་བྱའོ། །སྲས་ནི་བཻ་ཌཱུརྱའི་སྙིང་པོ་ཞེས་བྱའོ། །རིམ་གྲོ་བ་ནི་གྲགས་པའི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་ཚད་མེད་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་བཅུ་རྩ་བརྒྱད་དེ། །ཐམས་ཅད་ལ་ཡང་ཁྲི་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་གྲགས་སྐྱེ་བའི་ཡུལ་ནི་ལྷ་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པ་བྱེ་བ་སྙེད་ཙམ་མོ། །ཡབ་ནི་ཡུལ་འཁོར་བཟང་པོ་ཞེས་བྱའོ། །ཡུམ་ནི་ནོར་ལྷའི་བུ་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་བ་ནི་ལེགས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་བརྩེགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྗོན་པའི་མེ་ཏོག་ཅེས་ 243a ༄#། །བྱའོ། །འདུས་པ་ནི་ལན་བཅོ་བརྒྱད་དེ་ཐམས་ཅད་ལ་ཡང་དུང་ཕྱུར་ཕྲག་གཅིག་དང ། བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བདུན་ཁྲིའོ། ། དམ་པའི་ཆོས་ནི་ལོ་སུམ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྲིད་མཐའ་གཟིགས་སྐྱེ་བའི་ཡུལ་ནི་དགའ་བས་བལྟས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཅུའོ། །ཡབ་ནི་མྱ་ངན་མེད་ཅེས་བྱའོ། །ཡུམ་ནི་དགའ་བས་བྱིན་ཞེས་བྱའོ། །སྲས་ནི་རི་བརྩེགས་ཤེས་བྱའོ། །རིམ་གྲོ་བ་ནི་མཚན་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་ཆེན་པོ་ཞེས་བྱའོ། ། རྫུ་འཕྲུལ་ཅན་རྣམས་ཀྱི་མ་ཚག་ནི་ཡིད་དུ་འོང་བའི་འོད་ཅེས་བྱའོ། །འདུས་པ་ནི་ལན་བཞི་བཅུ་སྟེ། །ཐམས་ཅད་ལ་ཡང་འབུམ་ཕྲག་བཅོ་ལྔ་བཅཝ་ལྔའོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་བཀོད་པ་དང་ལྡན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་ཟླ་བའི་ཏོག་ཅེས་བྱའོ། །ཡུམ་ནི་ཉི་མའི་སྙིང་པོ་ཞེས་བྱའོ། །སྲས་ནི་གཟི་བརྗིད་ 243b འོད་ཅེས་བྱའོ། །རིམ་གྲོ་བ་ནི་གདངས་སྙན་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་མེད་མཐོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་པ་མི་གཏོང་བ་ཞེས་བྱའོ། །འདུས་པ་ནི་ལན་བཞི་བཅུ་སྟེ། །ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྒྲ་གཅན་སྐྱེ་བའི་ཡུལ་ནི་རིན་པོ་ཆེ་འབར་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་གློག་འོད་ཅེས་བྱའོ། །ཡུམ་ནི་ཡིད་དུ་འོང་བའི་འོད་ཅེས་བྱའོ། །སྲས་ནི་མཐུ་རྩ་ལ་བརྟན་ཞེས་བྱའོ། །རིམ་གྲོ་བ་ནི་མཐུ་རྩ་ལ་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲག་ཤུལ་འབར་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་འབུམ་ཕྲག་བརྒྱད་ཁྲིའོ། །གཉིས་པ་ལ་ནི་འབུམ་ཕྲག་དྲུག་ཁྲིའོ། །གསུམ་པ་ལ་ནི་འབུམ་ཕྲག་བཞི་ཁྲིའོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་སུམ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ ། 244a ༄#། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་ཆེན་ཟླ་བ་སྐྱེ་བའི་ཡུལ་ནི་རིན་པོ་ཆེའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བརྒྱའོ། །ཡབ་ནི་ལེགས་བཟང་ཞེས་བྱའོ། །ཡུམ་ནི་བཀོད་པ་ཆེན་མོ་ཞེས་བྱའོ། །སྲས་ནི་གསལ་དགའ་ཞེས་བྱའོ། །རིམ་གྲོ་བ་ནི་ཉེས་དམིགས་གདོད་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོས་བརྟན་ཞེས་བྱའོ། ། འདུས་པ་ནི་ལན་ཉི་ཤུ་རྩ་ལྔ་སྟེ། །ཐམས་ཅད་ལ་ཡང་ཐེར་འབུམ་ཕྲག་བཅོ་ལྔ་བཅོ་ལྔའོ། །སྐུ་ཚེའི་ཚད་ནི་ལོ་ལྔ་སྟོང་ངོ ། །དམ་པའི་ཆོས་ནི་ལོ་བདུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེའི་རྒྱལ་མཚན་སྐྱེ་བའི་ཡུལ་ནི་མངོན་པར་ཤེས་པ་རྣམ་པར་རོལ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཅུའོ། །ཡབ་ནི་མངོན་ཤེས་བྱིན་ཞེས་བྱའོ། །ཡུམ་ནི་ཡིད་འོད་སེམས་ཤེས་བྱའོ། །སྲས་ནི་ཟིལ་མི་ནོན་ཞེས་བྱའོ། །རིམ་གྲོ་བ་ནི་ཕན་པར་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཐུན་པར་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ 244b ནི་ཀུན་ཏུ་འགྲོ་ཞེས་བྱའོ། །འདུས་པ་ནི་ལན་ཉི་ཤུ་སྟེ། །ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་བསམ་གཏན་དགྱེས་སྐྱེ་བའི་ཡུལ་ནི་ཞི་བ་ཉམས་དགའ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བརྒྱའོ། །ཡབ་ནི་རླུང་གནས་ཤེས་བྱའོ། །ཡུམ་ནི་མི་གནས་སེམས་ཤེས་བྱའོ། །སྲས་ནི་རིན་ཆེན་རབ་ཞི་ཞེས་བྱའོ། །རིམ་གྲོ་བ་ནི་ཆོས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་དག་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་དད་པ་ཞེས་བྱའོ། །འདུས་པ་ནི་ལན་དགུ་བཅུ་སྟེ།་ཐམས་ཅད་།ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་པའི་ཆོས་ནི་ལོ་བདུན་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྫོགས་ལྡན་སྐྱེ་བའི་ཡུལ་ནི་བཀོད་པ་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་མི་ཐུབ་པ་མེད་པ་ཞེས་བྱའོ། །ཡུམ་ནི་བློ་མཚུངས་མ་ཞེས་བྱའོ། །སྲས་ནི་བློ་གྲོས་ཞི་བ་ཞེས་བྱའོ། །རིམ་གྲོ་བ་ནི་སྡུག་པར་ལྟ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ 245a ༄#། །ནི་སྐར་མངའ་འཛིན་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་འདོད་ཅེས་བྱའོ། །འདུས་པ་ནི་ལན་བཅུ་གཅིག་སྟེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་བྲད་དོ། །དེ་བཞིན་གཤེགས་པ་རྣམ་པར་རོལ་པ་སྐྱེ་བའི་ཡུལ་ནི་བཀོད་པ་དཔག་ཏུ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་ལྷ་དགའ་ཞེས་བྱའོ། །ཡུམ་ནི་རིན་ཆེན་གཟི་བརྗིད་ཅེས་བྱའོ། །སྲས་ནི་མིག་བརྒྱན་ཅེས་བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་མེད་ལྟ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེ་བར་འགྲོ་ཞེས་བྱའོ། །འདུས་པ་ནི་ལན་སུམ་ཅུ་རྩ་གསུམ་སྟེ། །ཐམས་ཅད་ལ་ཡང་དུང་ཕྱུར་ཕྲག་དྲུག་དང་བྱེ་བ་ཕྲག་གཉིས་གཉིས་སོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང ། བྱེ་བ་ཕྲག་བཞིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་རིན་ཆེན་སྐྱེ་ 245b བའི་ཡུལ་ནི་ཡོན་ཏན་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཅུའོ། །ཡབ་ནི་ཡོན་ཏན་ཏོག་ཅེས་བྱའོ། །ཡུམ་ནི་བསོད་ནམས་ཏོག་ཅེས་བྱའོ། །སྲས་ནི་མཆོད་བྱིན་ཞེས་བྱའོ། །རིམ་གྲོ་བ་ནི་ཤིན་ཏུ་རྣམ་པར་འབྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡང་དག་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྱོར་པའི་བློ་གྲོས་ཤེས་བྱའོ། །ཉན་ཐོས་འདུས་པ་ནི་ལན་བཅུ་གསུམ་སྟེ། །ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ཀྱང་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དགྲ་བཅོམ་གྲགས་པ་སྐྱེ་བའི་ཡུལ་ནི་རྨད་དུ་བྱུང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཀླུས་སྦས་ཞེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་མངོན་པར་ཤེས་པའི་མེ་ཏོག་ཅེས་བྱའོ། །རིམ་གྲོ་བ་ནི་ངན་ལེགས་པ་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དབྱངས་སྙན་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་འབྱུང་གནས་ཤེས་བྱའོ། །ཉན་ཐོས་འདུས་པ་ནི་ལན་བཅུ་སྟེ། །ཐམས་ཅད་ལའང་དུང་ཕྱུར་ཕྲག་བརྒྱད་ 246a ༄#། །བརྒྱད་དོ། །སྐུ་ཚེའི་ཚད་ནི་ལོ་བརྒྱད་བརྒྱའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་པད་མའི་ངོས་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུ་རྩ་དྲུག་གོ་།ཡབ་ནི་བསོད་ནམས་འབྱོར་ཅེས་བྱའོ། །ཡུམ་ནི་སའི་དབང་ཕྱུག་མ་ཞེས་བྱའོ། །སྲས་ནི་བཀྲ་ཤིས་ཤེས་བྱའོ། །རིམ་གྲོ་བ་ནི་དྲག་ཤུལ་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཁྲུག་པ་མེད་པར་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུལ་པ་མེད་པར་སེམས་ཤེས་བྱའོ། །འདུས་པ་ནི་ལན་དྲུག་སྟེ། །ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བརྒྱད་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཛོད་སྤུ་ལྡན་སྐྱེ་བའི་ཡུལ་ནི་ཡིད་དུ་འོང་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་ཤེས་རབ་རྒྱ་ཆེན་ཞེས་བྱའོ། །ཡུམ་ནི་མཉམ་སེམས་ཤེས་བྱའོ། །སྲས་ནི་དགའ་བའི་ང་རོ་ཞེས་བྱའོ། །རིམ་གྲོ་བ་ནི་ཡིད་དུ་ 246b འོང་བའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐྱེ་བོ་ཕལ་པོ། །ཚེའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་པར་གནས་ཞེས་བྱའོ། །འདུས་པ་ནི་ལན་དྲུག་སྟེ།་ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་སྤོངས་པ་གྲགས་པ་སྐྱེ་བའི་ཡུལ་ནི་ཡོངས་སུ་དག་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་དྲུག་སྟོང་ངོ ། །ཡབ་ནི་ཐར་པ་དགའ་ཞེས་བྱའོ། །ཡུམ་ནི་རིན་ཆེན་ཅན་ཞེས་བྱའོ། །སྲས་ནི་རྒྱལ་བྱིན་ཞེས་བྱའོ། །རིམ་གྲོ་བ་ནི་ཡོན་ཏན་སྤོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་འཁྲུལ་པ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བརྟན་ཞེས་བྱའོ། །འདུས་པ་ནི་ལན་སུམ་ཅུ་རྩ་གཉིས་ཏེ། །ཐམས་ཅད་ལའང་ས་ཡ་ཕྲག་གསུམ་དང་འབུམ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྡོ་རྗེ་ནོར་བུ་སྐྱེ་བའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ 247a ༄#། །ཚད་དྲུག་ཅུ་རྩ་དྲུག་གོ་།ཡབ་ནི་མཚོན་ཆ་བཟང་ཞེས་བྱའོ། །ཡུམ་ནི་སོ་བཟངས་མ་ཞེས་བྱའོ། །སྲས་ནི་གཟི་བརྗིད་སྦས་ཤེས་བྱའོ། །རིམ་གྲོ་པ་ནི་བདུད་ཟིལ་གནོན་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕ་རོལ་གྱི་ཚོགས་འཇོམས་པ་ཞེས་བྱའོ། །འདུས་པ་ནི་ལན་དྲུག་བཅུ་རྩ་གཅིག་སྟེ། །ཐམས་ཅད་ལ་ཡང་དུང་ཕྱུར་ཕྲག་དགུ་དང་བྱེ་པ་ཕྲག་གཉིས་གཉིས་སོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚེ་དཔག་མེད་སྐྱེ་བའི་ཡུལ་ནི་གསལ་བ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲི་སུམ་སྟོང་ངོ ། །ཡབ་ནི་བཟང་མཆོག་ཅེས་བྱའོ། །ཡུམ་ནི་གཟི་བརྗིད་བཟང་མོ་ཞེས་བྱའོ། སྲས་ནི་ཟླ་བ་ཞེས་བྱའོ། །རིམ་གྲོ་བ་ནི་དྲི་མེད་གྲགས་པ་ཞེས་བྱའོ། །ཤས་རབ་ཅན་རྣམས་ཀྱི་མཆོག་ནི་བཟང་པོའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པ་ཆེན་པོ་ཞེས་བྱའོ། །འདུས་པ་ནི་ལན་འབུམ་སྟེ། །ཐམས་ཅད་ལ་ཡང་བྱང་ཆུབ་སེམས་དཔའ་ཐམས་ཅད་དཔག་ཏུ་མེད་དོ། །སྐུ་ཚེའི་ཚད་ནི་ལོ་ 247b དྲུག་ཁྲི་ཅིག་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་ཅིག་སྟོང་གི་བར་དུ་གནས་སོ། །དམ་པའི་ཆོས་ཇི་སྲིད་གནས་པ་དེ་སྲིད་དུ་འཁོར་བྱང་ཆུབ་སེམས་དཔའ་ཐམས་ཅད་ཀྱང་འབྱུང་པར་འགྱུར་རོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ནོར་བུ་བཀོད་པ་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་བྲམ་ཟེའོ། ། འོད་ནི་དཔག་ཚད་བྱེ་བའོ། །ཡབ་ནི་མཆོད་པ་བཀོད་ཅེས་བྱའོ། །ཡུམ་ནི་ཡོན་ཏན་བློ་གྲོས་མ་ཞེས་བྱའོ། །སྲས་ནི་བསོད་ནམས་གཟི་བརྗིད་ཅེས་བྱའོ། །རིམ་གྲོ་པ་ནི་ཆོས་ཀྱི་བཀོད་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བཀོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩ་ལ་མ་ཐོང་ཞེས་བྱའོ། །འདུས་པ་ནི་ལན་ལྔ་སྟེ། །ཐམས་ཅད་ལ་ཡང་བརྒྱད་ཁྲི་བརྒྱད་ཁྲིའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དབང་ཆེན་སྐྱེ་བའི་ཡུལ་ནི་མདངས་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་སྨན་པ་ཞེས་བྱའོ། །ཡུམ་ནི་རྩི་སྨན་ཞེས་བྱའོ། །སྲས་ནི་འདོད་འཕགས་ཞེས་བྱའོ། །རིམ་གྲོ་བ་ནི་སྐར་མ་ཞེས་བྱའོ། །ཤེས་རབ་ཅན་ 248a ༄#། །རྣམས་ཀྱི་མཆོག་ནི་ང་རོ་ཆེན་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ང་རོ་ཐོབ་ཅེས་བྱའོ། །འདུས་པ་ནི་ལན་བཞི་བཅུ་སྟེ། །ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་སྟོང་ངོ ། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། ། དེ་བཞིན་གཤེགས་པ་ཡོན་ཏན་འབྱུང་གནས་སྐྱེ་བའི་ཡུལ་ནི་ཡོན་ཏན་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་གྲགས་པ་མངོན་པར་འཕགས་ཤེས་བྱའོ། །ཡུམ་ནི་གཟི་བརྗིད་མཆོག་ཅེས་བྱའོ། །སྲས་ནི་གཟི་བརྗིད་བཟང་བོ་ཞེས་བྱའོ། །རིམ་གྲོ་པ་ནི་ལྷ་དགའ་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་ཀུན་ཏུ་ཤེས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚུགས་པ་མེད་པའི་འཁོར་ལོ་ཞེས་བྱའོ། །འདུས་བ་ནི་ལན་དགུ་སྟེ། །ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་ཁྲི་བདུན་སྟོང་ངོ ། །དམ་པའི་ཆོས་ཀྱང་ལོ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་བོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷུན་པོ་གྲགས་སྐྱེ་བའི་ཡུལ་ནི་ཚུལ་ཁྲིམས་ 248b དང་ལྡན་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་དྲི་མེད་དགའ་ཞེས་བྱའོ། །ཡུམ་ནི་ཡོན་ཏན་གཟི་བརྗིད་མ་ཞེས་བྱའོ། །སྲས་ནི་སྒྲོན་མ་བྱིན་ཞེས་བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིག་དག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོ་བའི་འོད་ཟེར་ཞེས་བྱའོ། །འདུས་པ་ནི་ལན་བརྒྱད་དེ། །ཐམས་ཅད་ལ་ཡང་བྱེ་བ་ཕྲག་འབུམ་མོ། །སྐུ་ཚེའི་ཚད་ནི་ལོ་སུམ་ཁྲི་སུམ་སྟོང་ངོ ། །དམ་པའི་ཆོས་ནི་ལོ་བདུན་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཟེར་བཅུ་པ་སྐྱི་པའི་ཡུལ་ནི་ཚུགས་པ་མེད་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཁྲི་དྲུག་སྟོང་ངོ ། །ཡབ་ནི་མཐུ་རྩ་ལ་མཛེས་པ་ཞེས་བྱའོ། །ཡུམ་ནི་བཟངས་སེམས་མ་ཞེས་བྱའོ། །སྲས་ནི་ཤིན་ཏུ་ཡིན་གཞུངས་ཞེས་བྱའོ། །རིམ་གྲོ་པ་ནི་ཤེད་བུ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་དུ་འོང་བའི་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེན་དགའ་ཞེས་བྱའོ། །འདུས་པ་ནི་ལན་སུམ་བཅུ་རྩ་བཞི་སྟེ། །ཐམས་ཅད་པ་ཡང་དྲུག་འབུམ་དྲུག་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་སུམ་ཁྲི་བཞི་སྟོང་གི་ 249a ༄#། །བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མ་སྨད་པ་སྐྱེ་བའི་ཡུལ་ནི་མཆོད་རྟེན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་སྟོང་ངོ ། །ཡབ་ནི་དོ་རྫས་གྱིན་ཞེས་བྱའོ། །ཡུམ་ནི་སྣ་མའི་མེ་ཏོག་ཅེས་བྱའོ། །སྲས་ནི་ཡིད་དུ་འོང་བའི་ང་རོ་ཞེས་བྱའོ། །རིམ་གྲོ་པ་ནི་ཡེ་ཤེས་དེས་ཞེས་བྱའོ། །ཤེས་རབ་ཅན་རྣམས་ཀྱེ་མཆོག་ནི་བཟང་པོའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕ་རོལ་མུ་སྟེགས་འདོམས་ཤེས་བྱའོ། །འདུས་པ་ནི་ལན་ལྔ་བཅུ་རྩ་གཉིས་ཏེ། །ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གླང་པོའི་འགྲོས་སྐྱེ་བའི་ཡུལ་ནི་མེ་ཏོག་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་ཆོས་ཤེས་ཞེས་བྱའོ། །ཡུམ་ནི་ཆོས་བཟངས་མ་ཞེས་བྱའོ། །སྲས་ནི་ནོར་ལྷ་ཞེས་བྱའོ། །རིམ་གྲོ་པ་ནི་མཆོག་སེམས་ཤེས་བྱའོ། །ཤེས་རབ་རྣམས་ཀྱི་མཆོག་ནི་ཡེ་ཤེས་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་གསལ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་བ་བྱེ་བ་ཕྲག་སྟོང་ངོ ། །གཉིས་པ་ལ་ 249b ནི་བྱེ་བ་ཕྲག་དགུ་བཅུའོ། །གསུམ་ལ་ནི་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་དྲུག་སྟོང་ངོ ། །དམ་པའི་ཆོས་ཀྱང་ལོ་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡིད་འཐད་སྐྱེ་བའི་ཡུལ་ནི་འོད་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་སྟོང་ངོ ། །ཡབ་ནི་ཀུན་ཏུ་བཟང་བོ་ཞེས་བྱའོ། །ཡུམ་ནི་ཡིད་འོད་བྱིན་ཞེས་བྱའོ། །སྲས་ནི་མདངས་སྟོབས་ཤེས་བྱའོ། །རིམ་གྲོ་པ་ནི་མྱ་ངན་བྲལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྙན་པར་སྨྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་དགའ་བ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་བའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པར་ནི་ཆེན་ཟླ་བ་སྐྱེ་བའི་ཡུལ་ནི་ཏོག་གི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཁྲི་དྲུག་སྟོང་ངོ ། །ཡབ་ནི་རིན་ཆེན་སེམས་ཤེས་བྱའོ། །ཡུམ་ནི་ལྷའི་འོད་ཟེར་ཞེས་བྱའོ། །སྲས་ནི་མེ་ཏོག་ཅེས་བྱའོ། །རིམ་གྲོ་པ་ནི་ཡུལ་འཁོར་ཤིང་ཏ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ 250a ༄#། །ནི་ཡོན་ཏན་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱུ་སྐར་ཞེས་བྱའོ། །འདུས་པ་ནི་ལན་གསུམ་ཅུ་རྩ་བཞི་སྟེ། །ཐམས་ཅད་ལའང་དུང་ཕྱུར་ཕྲག་གཅིག་དང་བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ ། །དམ་པའི་ཆོས་ནི་ལོ་སྟོང་གི་པར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་བཞི་བ་སྐྱེ་བའི་ཡུལ་ནི་སྐྱོན་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་ཞི་བའི་བློ་གྲོས་ཤེས་བྱའོ། །ཡུམ་ནི་ཤིན་ཏུ་ཞི་བའི་གཟི་བརྗིད་ཅེས་བྱའོ། །སྲས་ནི་ཕལ་ཆེན་དགའ་ཞེས་བྱའོ། ། རིམ་གྲོ་པ་ནི་གང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚུགས་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུལ་མེད་ཅེས་བྱའོ། །འདུས་པ་ནི་ལན་བཅཝ་ལྔ་སྟེ། །ཐམས་ཅད་ལ་ཡང་དུང་ཕྱུར་ཕྲག་སུམ་དང་བྱེ་བ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་གསལ་རྒྱལ་པོ་སྐྱེ་བའི་ཡུལ་ནི་ཏོག་གི་འོད་ཅེས་བྱའོ། །རིགས་ནི་བྲམ་ཟེའོ། །འོད་ 250b ནི་དཔག་ཚད་ལྔ་བརྒྱའོ། །ཡབ་ནི་རབ་གསལ་ཞེས་བྱའོ། །ཡུམ་ནི་བློ་གྲོས་ཏོག་ཅེས་བྱའོ། །སྲས་ནི་གཟི་བརྗིད་བྱིན་ཞེས་བྱའོ། །རིམ་གྲོ་པ་ནི་ལེགས་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་ལས་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམས་པར་རོལ་བ་ཅན་ཞེས་བྱའོ། །འདུས་པ་ནི་ལན་ཉི་ཤུ་རྩ་བཞི་སྟེ།་ཐམས་ཅད་ལ་ཡང་ས་ཡ་ཕྲག་དགུ་དང་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་པའི་ཆོས་ཀྱང་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཁ་ལོ་སྐྱུར་སྐྱེ་བའི་ཡུམ་ནི་གཟི་བརྗིད་གསལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་ཉི་མའི་གཟི་བརྗིད་ཅེས་བྱའོ། །ཡུམ་ནི་མི་འཇིགས་བྱིན་ཞེས་བྱའོ། །སྲས་ནི་མཐོང་དགའ་ཞེས་བྱའོ། །རིམ་གྲོ་པ་ནི་སྒྲོན་མའི་ལག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་མི་འཁྲུག་ཅེས་བྱའོ། །རྫུ་འཕྲུལ་ཅན་ཀྱི་མཆོག་ནི་ངེས་བརྟན་ཞེས་བྱའོ། །འདུས་པ་ནི་ལན་བདུན་བཅུ་སྟེ། །ཐམས་ཅད་ལའང་དུང་ཕྱུར་ཕྲག་བརྒྱད་དང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ 251a ༄#། །ཡང་གཅིག་ཏུ་ཟད་དོ། །དེ་བཞིན་གཤེགས་པ་དགའ་བའི་དབང་ཕྱུག་སྐྱེ་བའི་ཡུལ་ནི་ཡིད་དུ་འོང་བའི་དབྱངས་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཁྲིའོ། །ཡབ་ནི་དགར་པའི་དབྱངས་ཤེས་བྱའོ། །ཡུམ་ནི་སྒྲོན་མ་བྱིན་ཞེས་བྱའོ། །སྲས་ནི་སྟོབས་བྱིན་ཞེས་བྱའོ། །རིམ་གྲོ་པ་ནི་ཡིད་དུ་འོང་བའི་དབྱངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་མཐའ་ཡས་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་དྲུག་ཅུའོ། །གཉིས་པ་ལ་ནི་ཐེར་འབུམ་ཕྲག་བདུན་ཅུའོ། །གསུམ་པ་ལ་ནི་ཐར་འབུམ་ཕྲག་བརྒྱད་ཅུའོ། །བཞི་བ་ལ་ནི་ཐེར་འབུམ་ཕྲག་དགུ་བཅུའོ། །ལྔ་པ་ལ་ནི་ཐེར་འབུམ་ཕྲག་བརྒྱའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་ན་རིན་པོ་ཆེ་སྐྱེ་བའི་ཡུལ་ནི་ཡོན་ཏན་བསགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་རིན་ཆེན་འགྲོས་ཤེས་བྱའོ། །ཡུམ་ནི་བསོད་ནམས་འཕེལ་ཞེས་བྱའོ། །སྲས་ནི་ཆོས་མཆོག་ཅེས་བྱའོ། །རིམ་གྲོ་པ་ནི་རྣམ་པར་སྣང་ 251b བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷའི་རྒྱལ་པོ་ཞེས་བྱའོ། །འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་ས་ཡི་ཕྲག་གསུམ་དང ། འབུམ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་ཉིས་སྟོང་ངོ ། །དམ་པའི་ཆོས་ཀྱང་ལོ་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བསྙེངས་བྲལ་བྱེ་བའི་ཡུལ་ནི་ཆེ་སྦྱིན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཁྲིའོ། །ཡབ་།ནི་འོད་བཟངས་ཤེས་བྱའོ། །ཡུམ་ནི་མཆོད་སྦྱིན་མ་ཞེས་བྱའོ། །སྲས་ནི་དེས་མཐོང་ཞེས་བྱའོ། །རིམ་གྲོ་བ་ནི་ངེས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་བརྟན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་གཙོ་ཞེས་བྱའོ། །འདུས་པ་ནི་ལན་གཅིག་ཏུ་ཟད་དོ། །དགེ་སློང་གི་དགེ་འདུན་དཔག་ཏུ་མེད་དོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་སྙིང་པོ་སྐྱེ་བའི་ཡུལ་ནི་ཕུང་པོ་ལས་གྲོལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་འབུམ་ཕྲག་བརྒྱ་དྲུག་ཅུའོ། །ཡབ་ནི་ཡེ་ཤེས་འོད་ 252a ༄#། །ཅེས་བྱའོ། །ཡུམ་ནི་རིན་ཆེན་བློ་གྲོས་མ་ཞེས་བྱའོ། །སྲས་ནི་པདྨའི་མཛེ་ཅེས་བྱའོ། །རིམ་གྲོ་པ་ནི་རྣམ་པར་གྲགས་པའི་སྒྲ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚུགས་པ་མེད་པའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་གནས་སེམས་ཤེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལ་ཡང་བྱེ་བ་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་བྱེ་བ་ཕྲག་ལྔའོ། །དམ་པའི་ཆོས་ནི་ལོ་བྱེ་བ་ཕྲག་བརྒྱའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་ཞལ་སྐྱེ་བའི་ཡུམ་ནི་དྲི་མ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ ། །ཡབ་ནི་མིག་བཟངས་ཤེས་བྱའོ། །ཡུམ་ནི་མིག་བྱིན་ཞེས་བྱའོ། །སྲས་ནི་ཟླ་སྡུག་ཅེས་བྱའོ། །རིམ་གྲོ་པ་ནི་ཡོན་ཏན་གྲགས་པ་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤོབས་པའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མི་འཁྲུག་ཅེས་བྱའོ། །འདུས་པ་ནི་ལན་དྲུག་སྟེ། །ཐམས་ཅད་ལའང་དུང་ཕྱུར་ཕྲག་གཉིས་དང ། བྱེ་བ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་དྲུག་སྟོང་ངོ ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ 252b ནི་རིང་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དྲི་མ་མེད་པར་གྲོགས་པ་ཡའི་ཡུལ་ནི་ཚེར་མ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་གསུམ་རིག་ཅེས་བྱའོ། །ཡུམ་ནི་བློ་བཟངས་མི་ཞེས་བྱའོ། །སྲས་ནི་འདམ་རྫ་བ་མེད་ཅེས་བྱའོ། །རིམ་གྲོ་པ་ནི་མིའི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་གི་གློག་གིས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྡའ་ལ་མཁས་ཤེས་བྱའོ། །འདུས་པ་ནི་ལན་སུམ་ཅུ་སྟེ། །ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། །དམ་པའི་ཆོས་ནི་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཞི་བའི་གཟི་བརྗིད་སྐྱེ་བའི་ཡུམ་ནི་གཟི་བརྗིད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བརྒྱ་སྙེད་ཙམ་མོ། །ཡབ་ནི་གཟི་བརྗིད་མཐའ་ཡས་ཤེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་གཟི་བརྗིད་མེ་ཏོག་ཅེས་བྱའོ། །རིམ་གྲོ་པ་ནི་གཟི་བརྗིད་འཇམ་པ་ཞས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་ 253a ༄#། །གཟི་བརྗིད་ཅེས་བྱའོ། །འདུས་པ་ནི་ལན་དྲུག་བཅུ་རྩ་དགུ་སྟེ། །ཐམས་ཅད་ལ་ཡང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་བར་འགྱུར་རོ། །དེ་བཞིན་གཤེགས་པ་དགའ་བའི་ཏོག་གི་ནི། །སྐྱེ་བའི་ཡུལ་ནི་དགའ་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལེགས་བཟད་ཡིན། །ཆོས་ཀྱི་བློ་གྲོས་ཞེས་བྱ་ཡུམ་ཡིན་ནོ། །སྲས་པོ་འོད་བྱེད་དགེ་བ་རིམ་གྲོ་པ། །གྲོགས་མཆོག་ཅེས་བྱ་བ་ནི་མཁས་པ་སྟེ། །རྣམ་པར་སྣང་བྱེད་ཅེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་ཅུ་སྟེ། །ཀུན་ལའང་ཉོན་མོངས་སྤངས་པ་དགྲ་བཅོམ་པ། །བྱེ་བ་སྟོང་ཕྲག་བདུན་ཅུ་རྩ་གསུམ་གསུམ། །མི་ཚེ་ལོ་གྲངས་སྟོང་ཕྲག་བདུན་ཅུ་གསུམ། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། ། དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །དེ་ཡི་།མཆོད་རྟེན་སྟོང་ཕྲག་བདུན་ཅུ་དྲུག། །དེ་བཞིན་གཤེགས་པ་སྒྲ་གཅན་ལྟ་ཡི་ནི། །སྐྱེ་བའི་ཡུལ་ནི་དགའ་བར་བྱེད་ཅེས་བྱ། །རྒྱལ་པའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་གཟི་བརྗིད་བཟང ། །སྐལ་ལྡན་ 253b ཤིང་རྟ་ཞེས་བྱ་ཡུམ་ཡིན་ནོ། །སྲས་པོ་བླ་མེད་ལྗོན་པ་རིམ་གྲོ་པ། །ང་རོ་སྙན་ཅེས་བྱ་བ་མཁས་པ་སྟེ། །བདེ་བར་སོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་བྱེ་ཕྲག་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་སྟོང་ཕྲག་ཉི་ཤུ་གཉིས། །ཟད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་དགུ་བཅུ་གསུམ་དུ་གནས། །སྐུ་གདུང་རྒྱས་འགྱུར་རིན་པོ་ཆེ་ཡིས་སྦྲས། །མཆོད་རྟེན་བྱེ་བ་བརྒྱད་བརྒྱད་བཅུ་རྩ་དྲུག་སྟེ། །རིན་ཆེན་སྣ་བདུན་དག་གིས་བརྒྱན་པར་འགྱུར། །འཇིག་རྟེན་འདྲེན་པ་ན་ཚོད་བཟང་པོ་ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་འབྱོར་པ་ཡིན་སྐྱེ་བའི་མཆོད་རྟེན་ཡུམ་ཡིན་སྲས་པོ་ནི། །སྒྲ་གཅན་དགའ་བ་བཟང་པོ་རིམ་གྲོ་བ། །རྐང་འགྲོ་ཞེས་བྱ་དེ་ཡི་མཁས་པ་སྟེ། །རྣམ་པར་སྒྲོགས་ཤེས་བྱ་བ་རྫུ་འཕྲུལ་མཆོག་།འདུས་པ་དག་ནི་ལན་གྲངས་བརྒྱད་ཅུ་སྟེ། །ཀུན་ལའང་དགྲ་བཅོམ་ཐམས་ཅད་གཡོ་མེད་པ། །རྣམ་གྲོལ་དྲི་མེད་བྱེ་བ་ཕྲག་བཅུ་བཅུ། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །ལོ་སྟོང་བར་དུ་ཆོས་ཀྱི་འཁོར་ལོ་སྐོར། །སྐུ་གདུང་རྒྱས་འགྱུར་ཁོར་ཁོར་ཡུག་ཏུ། །མཆོད་རྟེན་སྟོང་ཕྲག་དྲུག་ཅུ་རྩ་བཞིས་བརྒྱན། །དེ་ 254a ༄#། །བཞིན་གཤེགས་པ་ལྷ་དགའ་ཞེས་བྱ་བའི། །སྐྱེ་བའི་ཡུལ་ནི་ལྷ་ཡིས་བརྒྱན་ཅེས་བྱ། །རིགས་ནི་རྒྱལ་རིགས་ཡོན་ཏེ་འོད་ཀྱི་ཚད། །དཔག་ཚད་བྱེ་བ་ཡབ་ནི་ན་ཚོད་བཟང ། །མཉམ་པར་སེམས་ཤེས་བྱ་བ་རྒྱལ་བའི་ཡུམ། །སྲས་པ་དགའ་སྡུག་དགའ་བོ་རིམ་གྲོ་བ། །མི་ཡི་སེངྒེ་ཞེས་བྱ་མཁས་པ་སྟེ། །བདུད་འཇོམས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་གསུམ་ཅུ་རྩ་དྲུག་སྟེ། །འདུས་པ་ཀུན་ལའང་བློ་གྲོས་རབ་ཞི་བ། །བྱེ་བ་བརྒྱ་ཕྲག་དྲུག་ཅུ་གཉིས་གཉིས་ཡོད། ། མི་ཚེ་ལོ་གྲངས་སྟོང་ཕྲག་ཉི་ཤུ་གསུམ། །སྟོན་པ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་བདུན་བཅུ་གཉིས་སུ་འབར། །སྐུ་གདུང་རྒྱས་འགྱུར་མཆོད་རྟེན་བཟང་པོ་དག་།བྱེ་བ་སྟོང་ཕྲག་དགུ་བཅུ་རྩ་དགུ་འབྱུང ། །དེ་བཞིན་གཤེགས་པ་རིན་ཆེན་ཕུང་པོ་ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་འཁྲུག་མེད་ཡིན། །རིན་ཆེན་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་ལེགས་སེམས་ཟླ་བ་རིམ་གྲོ་པ། །མཆོག་དབྱངས་ཞེས་བྱ་དེ་ནི་མཁས་པ་སྟེ། །རྒོལ་བ་ཚར་གཅོད་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་དྲི་མེད་གྱོ་མེད་ 254b ལུས་སྦྱངས་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་སྟོང་ཕྲག་བདུན་ཅུ་གསུམ། །བདེ་གཤེགས་འགོག་པར་ཕྱིན་པའི་དམ་ཆོས་དག་།ལོ་གྲངས་བརྒྱ་ཕྲག་བཅུ་ཡི་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་ཡང ། །འཕང་དུ་དཔག་ཚད་ལྔ་ཡི་ཚད་ཙམ་ཡིན། །དེ་བཞིན་གཤེགས་པ་མཛེས་པར་གཤེགས་པ་ཡི། །སྐྱེ་བའི་ཡུམ་ནི་སྡུག་ཅིང་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་འོད་ཟེར་བཟང ། །མེ་ཏོག་ཅན་ཅེས་བྱ་བ་རྒྱལ་བའི་ཡུམ། །སྲས་པོ་བྱམས་པ་བློ་བཟངས་རིམ་གྲོ་པ། །བློ་མཆོག་ཅེས་ནི་བྱ་བ་མཁས་པ་སྟེ། །རྣམ་པར་འཕྲུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། ། ཀུན་ལའང་ང་མེད་ཐམས་ཅད་རིམས་མེད་པ། །སྲིད་གྲོལ་བྱེ་བ་ཕྲག་ནི་གསུམ་གསུམ་ཡོད། །མི་ཚེའི་ཚད་ནི་ལོ་གྲངས་བྱེ་བ་ཡིན། །རབ་ཏུ་ཞི་བར་ཕྱིན་པའི་དམ་ཆོས་དག་།ལོ་གྲངས་སྟོང་ཕྲག་དགུ་བཅུ་གཅིག་ཏུ་གནས། །འཇིག་རྟེན་མཁྱེན་པའི་སྐུ་གདུང་རྒྱས་འགྱུར་ལ། །མཆོད་རྟེན་བྱེ་བ་ཕྲག་ནི་ཉི་ཤུ་གསུམ། །དེ་བཞིན་གཤེགས་པ་སེངྒེའི་ཕྱོགས་པ་ཡི། །སྐྱེ་བའི་ཡུལ་ནི་བསོད་ནམས་ཅན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅོ་བརྒྱད་ཡབ་ནི་ལེགས་བཟང་ཡིན། །པདྨ་ཅན་ཞེས་བྱ་བ་དེ་ཡི་ཡུམ། ། 255a ༄#། །སྲས་པོ་ཙམ་མཆོག་ཆོས་ནི་།རིམ་གྲོ་བ། །འོད་ཟེར་བརྒྱ་པ་ཞེས་བྱ་མཁས་པ་སྟེ། །རབ་ཏུ་འཇོམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཐམས་ཅད་ལའང ། །དགྲ་བཅོམ་ཆགས་མེད་འདམ་རྒལ་སྦྱངས་པ་པོ། །བྱེ་བ་ཕྲག་ནི་བཅུ་བཅུ་ཁོ་ན་ཡོད། །མི་ཚེ་ཚད་ནི་ལོ་གྲངས་སུམ་བརྒྱ་ཡིན། །རྣམ་པར་གྲོལ་བར་ཕྱིན་པའི་དམ་ཆོས་དག་།ལོ་གྲངས་སྟོང་ཕྲག་བཅུའི་བར་དུ་གནས། །མཆོད་རྟེན་བྱེ་བ་བརྒྱ་ཕྲག་གཉིས་ཡོད་དེ། །གསེར་ལས་བྱས་པའི་དྲ་བས་ཀུན་ཏུ་གཡོགས། །དེ་བཞིན་གཤེགས་པ་ཤིན་ཏུ་མཐོར་གཤེགས་ཀྱི། །སྐྱེ་བའི་ཡུལ་ནི་ལྷ་ཡིས་སྤྲུལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་གཉིས་ཡོད་ལྗོན་པའི་དབང་པོ་ཡབ། །དགའ་བ་ཅན་ནི་ཡུམ་ཡིན་སྲས་པོ་ནི། །ཡོན་ཏན་དགའ་བ་རྒྱལ་བ་རིམ་གྲོ་པ། །དགྲ་བཅོམ་དགའ་ཞེས་བྱ་བ་ཁས་པ་སྟེ། །དགེ་སློང་སྐར་མཁན་གྲགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་སེམས་ཞི་དུལ་བར་ལྡན་པ་དག་།བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་སྟོང་ཕྲག་བཞི་བཅུ་ཡིན། །རྟོག་བ་མེད་པ་དེ་ཡི་དམ་ཆོས་དག་།ལོ་གྲངས་སྟོང་ཕྲག་དགུ་ཡི་བར་དུ་གནས། །རྒྱལ་བའི་མཆོད་ 255b རྟེན་དཔག་ཚད་གསུམ་པ་གཅིག་།གསེར་དག་གིས་ནི་རྣམ་པར་སྤྲས་པར་འགྱུར། །མི་ཡི་མཆོག་མ་སྐྱེ་བ་དབང་པོ་ཡི། །སྐྱེ་བའི་ཡུལ་ནི་འཇིག་རྟེན་འཕགས་ཤེས་བྱ། ། རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཤིན་ཏུ་མཆོད། །འཇིགས་པ་མེད་པ་ཡུམ་ཡིན་སྲས་པོ་ནི། །འཇིག་རྟེན་དགའ་བརྒྱལ་བ་རིམ་གྲོ་པ། །ཚོགས་ཅན་བློ་ཞེས་བྱ་བ་མཁས་པ་སྟེ། །འབྲུལ་སྒྲ་དབྱངས་ཤེས་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཅུ་དྲུག་སྟེ། །ཀུན་ལ་འང་དྲི་གསུམ་དྲི་དག་ཡིད་ལྡན་པ། །སེམས་སྐྱངས་བྱེ་བ་ཕྲག་ནི་དྲུག་དྲུག་ཡོད། །མི་ཚེའི་ཚད་ནི་ལོ་སྟོང་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་བདུན་ཅུ་གཉིས་སུ་གནས། །མཆོད་རྟེན་བྱེ་བ་སྟོང་ཕྲག་གཉིས་ཚད་སྟེ། །རིན་པོ་ཆེ་ཡིས་རྣམས་ར་སྤྲས་བར་འགྱུར། །སྨྲ་བའི་ཟླ་བ་བློ་གྲོས་བཟང་པོ་ཡི། །སྐྱེ་བའི་ཡུལ་ནི་ངེས་པའི་མདངས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་ཐོགས་པ་མེད། །རིན་ཆེན་ལྡན་ཞེས་བྱ་བ་རྒྱལ་བའི་ཡུམ། །སྲས་པོ་འཇོམས་བྱེད་བཟང་བྱིན་རིམ་གྲོ་པ། །དགེ་སློང་ཚོགས་ཅན་གཙོ་པོ་མཁས་པ་སྟེ། །རྒོལ་བ་ཕུང་བྱེད་ཅེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་དགུ་བཅུ་སྟེ། །ཀུན་ 256a ༄#། །ལའང་སྲེད་དང་དྲི་མ་ཐ་པ་དང ། །མདུད་པ་བཅད་པ་བྱེ་བ་ཕྲག་བཅུ་བཅུ། །མི་ཚེ་ལོ་གྲངས་བྱེ་བ་སྟོང་ཕྲག་བཅུ། །རྣམ་པར་གྲོལ་པར་ཕྱིན་པའི་དམ་ཆོས་དག་།ལོ་གྲངས་སྟོང་ཕྲག་གཉིས་ཀྱི་བར་དུ་གནས། །མཆོད་རྟེན་ཁྱད་འཕགས་དཔག་ཚད་ཅིག་པ་ལ། །རིན་ཆེན་ཁྱད་པར་འཕགས་པ་བརྒྱ་ཡིས་སྤྲས། །དེ་བཞིན་གཤེགས་པ་འཇིག་རྟེན་འོད་ཀྱི་ནི། །སྐྱེ་བའི་ཡུལ་ནི་གཟི་བརྗིད་འཕགས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་ཅུ་ཡབ་ནི་ཟླ་བའི་རི། །མེ་ཏོག་ཅན་ཞེས་བྱ་བ་ཡུམ་ཡིན་ནོ། །སྲས་པོ་དགའ་སྡུག་རྒྱལ་བྱེད་རིམ་གྲོ་པ། །ཡོན་ཏན་གྲགས་ཤེས་བྱ་བ་མཁས་པ་སྟེ། །ཅན་དན་བཟང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲགས་དྲུག་ཅུ་རྩ་དྲུག་སྟེ། །འདུས་པ་ཀུན་ལའང་དགྲ་བཅོམ་བྱེ་བ་ཕྲག་།སྟོང་ཕྲག་དགུ་བཅུ་རྩ་ནི་དགུ་དགུ་ཡོད། །མི་ཚེ་ལོ་གྲངས་སྟོང་ཕྲག་ཉི་ཤུ་གཉིས། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་མཆོད་རྟེན་དཔག་ཚད་གསུམ་པ་ལ། །ཁོར་ཡུག་གསེར་ལས་བྱས་པའི་བླ་རེས་སྤྲས། །གདུགས་གྲངས་བྱེ་བ་བརྒྱ་ཕྲག་བཅུ་ཡང་ཡོད། །དེ་བཞིན་གཤེགས་པ་རིན་ཆེན་གཟི་བརྗིད་ཀྱི། །སྐྱེ་བའི་ཡུལ་ནི་བསོད་ནམས་རྣམ་འཕྲུལ་ཡིན། །རྒྱལ་བ་རྒྱལ་རིགས་ཡིན་ཏེ་ 256b འོད་ཀྱི་ཚད། །དཔག་ཚད་བཅུ་གསུམ་ཡབ་ནི་པདྨ་བཟང ། །ཡོན་ཏན་སྨྲ་པ་རྒྱལ་ཡུམ་སྲས་པོ་ནི། །མེ་ཏོག་ལེགས་རྒྱས་སྐར་མ་རིམ་གྲོ་པ། །དྲང་སྲོང་མང་པོས་བསྟོད་པ་མཁས་ལྡན་ཏེ། །འཇིག་རྟེན་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་ཐེར་འབུམ་སྟེ། །དེ་དག་ཀུན་ལའང་སེམས་སྦྱངས་མཆོད་གནས་དག་།ཐེར་འབུམ་ཐེར་འབུམ་དག་ནི་ཚང་པར་ཡོད། །མི་ཚེ་ལོ་གྲངས་དག་ནི་དགུ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བརྒྱད་ཁྲི་དག་ནི་ཚད་བར་འགྱུར། །བདེ་བར་གཤེགས་པ་།སྐལ་ལྡན་ཤིང་ཏ་ཡི། །སྐྱེ་བའི་ཡུལ་ནི་སྐར་མིའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཡུམ་འཁོར་ཅིང ། །རིན་ཆེན་མཆོག་མ་རྒྱལ་ཡུམ་སྲས་པོ་ནི། །དགའ་བའི་དབང་ཕྱུག་ལེགས་དགའ་རིམ་གྲོ་པ། །འོད་བྱེད་ཅེས་ནི་བྱ་བ་མཁས་པ་སྟེ། །ཡོན་ཏན་འབྱུང་ནས་ཞེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་བགྲང་ཅུ་སྟེ། །ཀུན་ལའང་སེམས་ནི་རྣམ་པར་གྲོལ་བ་ཀུན། །བྱེ་བ་ཕྲག་ནི་དགུ་བཅུ་རྩ་གཉིས་གཉིས། །དེ་དག་ཚེ་ཚད་ལོ་གྲངས་བརྒྱ་ཡང་ཡིན། །ཟད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་ 257a ༄#། །གྲངས་སྟོང་ཕྲག་ཉི་ཤུ་གསུམ་དུ་གནས། །སྐུ་གདུང་མཆོད་རྟེན་བྱེ་སྟོང་བདུན་ཅུ་དྲུག་།རིན་ཆེན་བརྒྱ་ཡི་དྲ་བས་རྣམ་པར་སྤྲས། །འཇིག་རྟེན་མགོན་པོ་ཀུན་ཏུ་རྒྱལ་བ་ཡི། །སྐྱེ་བའི་ཡུམ་ནི་བདེན་པས་བརྒྱན་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བྱེ་བ་བཅུ་གཉིས་ཡབ་ནི་རྒྱ་མཚོ་ཡིན། །གཟི་བརྗིད་བདག་མོ་རྒྱལ་ཡུམ་སྲས་པོ་ནི། །བསམ་གཏན་དགའ་བ་ལྷ་ནི་རིམ་གྲོ་བ། །དགྲ་བཅོམ་དག་གིས་བསྟོད་པ་མཁས་པ་སྟེ། །རྒོལ་བ་རབ་ཏུ་འཇོམས་པ་རྫུ་འཕྲུལ་ཅན། །འདུས་པ་དང་ནི་ལན་གྲངས་བརྒྱད་ཡིན་ཏེ། །འདུས་པ་ཀུན་ལ་འདང་རྒྱལ་རྒྱལ་མཚན་དག་།སྤངས་པ་ཐམས་ཅད་བྱེ་བ་ཕྲག་སྟོང་སྟོང ། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མི་ཡི་མཆོག་རབ་དག་གི་དམ་ཆོས་དག་།ལོ་གྲངས་བྱེ་བ་ཚད་བར་གནས་པར་འགྱུར། །མཆོད་རྟེན་བྱེ་བ་བརྒྱ་ཕྲག་ཚད་པ་ལ། །དངུལ་གྱིས་སྤྲས་ཤིང་མུ་ཏིག་རབ་ཏུ་སྦྱངས། །དེ་བཞིན་གཤེགས་པ་དགའ་བ་བཀོད་པ་ཡི། །སྐྱེ་བའི་ཡུམ་ནི་རྟག་ཏུ་མཐོང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། ། དཔག་ཚད་བྱེ་བ་ཡབ་ནི་འཁྲུལ་པ་མེད། །སྐད་སྙན་མ་ཞེས་བྱ་བ་རྒྱལ་བའི་ཡུམ། །སྲས་པོ་འཇམ་དབྱངས་སྐར་མའི་མ་གྲོ་བ། །འགྲོ་བ་དགའ་ཞེས་བྱ་བ་མཁས་པ་སྟེ། །ཐུབ་ 257b པ་མཆོག་འདོད་ཅེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་གཉིས་ཡིན་ཏེ། །ཀུན་ལའང་དགྲ་བཅོམ་ཁྲུག་མེད་གནས་པ་ཀུན། །ཁྲི་ཕྲག་ཉི་ཤུ་རྩ་ནི་གཉིས་གཉིས་ཡོད། །མི་ཚེའི་ལོ་གྲངས་དག་ནི་སུམ་སྟོང་ཡིན། །ལུས་པ་མེད་པར་ཕྱིན་པའི་དམ་ཆོས་དབ། །ལོ་གྲངས་སྟོང་ཕྲག་བཅུ་གཉིས་བར་དུ་གནས། །དེ་ཡི་ཚེ་ནི་རྒྱལ་བའི་མཆོད་རྟེན་ནི། །དཔག་ཚད་བཅུ་པའི་ཚད་ཙམ་གཅིག་འབྱུང་འགྱུར། །དེ་བཞིན་གཤེགས་པ་སྟེགས་ནི་མཛད་པ་ཡི། །སྐྱེ་བའི་ཡུལ་ནི་བདེ་བ་ཅན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སུམ་ཅུ་ཡབ་ནི་མཐུ་རྩལ་ཡིན། །ཡིད་གཉིས་སྤོང་བ་རྒྱལ་བའི་ཡུམ་ཡིན་ནོ། །སྲས་པོ་ལྗོན་མཆོག་ཐབས་ལྡན་རིམ་གྲོ་བ། །ས་འཛིན་ཅེས་ནི་བྱ་བ་མཁས་པ་སྟེ། །རི་བོ་སྒུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །འདུས་པ་ཀུན་ལའང་སྲེད་པའི་རྒྱ་མཚོ་ལས། །རྒལ་གྱུར་བྱེ་བ་ཕྲག་ནི་དགུ་དགུ་ཡོད། །མི་ཚེ་ལོ་གྲངས་སྟོང་ཕྲག་དགུ་བཅུ་དགུ། །ཟད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སུམ་ཁྲི་དྲུག་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་བཟང་པོ་དག་།བྱེ་བ་སྟོང་ཕྲག་ཉི་ཤུ་རྩ་གཉིས་འབྱུང ། །དེ་བཞིན་གཤེགས་པ་སྤོས་ཀྱི་གླང་པོ་ཡི། །སྐྱེ་བའི་ཡུལ་ནི་སྤོས་གསལ་ཞེས་ཀྱང་བྱ། །རྒྱལ་བའི་རིགས་ནི་བྲམ་ 258a ༄#། །ཟེ་འོད་ཀྱི་ཚད། །དཔག་ཚད་བྱེ་བ་ཕྲག་གསུམ་ལག་བཟངས་ཡབ། །ས་ཡི་བདག་མོ་ཞེས་བྱ་རྒྱལ་བའི་ཡུམ། །སྲས་པོ་ཤུག་པ་དྲག་ཤུལ་རིམ་གྲོ་པ། །ངེས་པ་བརྟན་ཞེས་བྱ་བ་མཁས་པ་སྟེ། །གླང་པོའི་ལྟ་སྟངས་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །ཀུན་ལའང་འདམ་རྒལ་གཏི་མུག་བྲལ་གྱུར་པ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་སྟོང་ཕྲག་བཅཝ་ལྔ་ཡིན། །ལུས་པ་མེད་པར་ཕྱིན་པའི་དམ་ཆོས་དག་།ལོ་གྲངས་སྟོང་ཕྲག་དགུ་བཅུ་རྩ་དགུར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་བདུན་བཅུ་འབྱུང ། །དེ་བཞིན་གཤེགས་པ་བློ་གྲོས་འོད་འཕྲོ་ཡི། །སྐྱེ་བའི་ཡུལ་ནི་གཟི་བརྗིད་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །ཞིང་རྣམས་ཁྱབ་ལྡན་ཡབ་ནི་འོད་བཟང་ཡིན། །དཔལ་གཟི་མ་ཞེས་བྱ་བ་ཡུམ་ཡིན་ནོ། །སྲས་པོ་གཟི་སྡུག་གྲགས་པ་རིམ་གྲོ་བ། །ཡོན་ཏན་བརྒྱན་ཅེས་བྱ་བ་མཁས་པ་སྟེ། །སྲེད་པས་སྐྲག་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་ཁྲི་ཕྲག་བཞི་ཡིན་ཏེ། །ཀུན་ལའང་རྣམ་ཐར་བརྒྱད་ལ་གནས་གྱུར་པ། །བྱེ་བ་བརྒྱ་ཕྲག་སུམ་བཅུ་གཉིས་གཉིས་ཡོད། །རྒྱལ་བའི་སྐུ་ཚེ་ལོ་གྲངས་བརྒྱ་ཡང་ཡིན། །མྱ་ངན་འདས་ནས་འགྲོ་ལ་ཕན་པའི་ 258b ཕྱིར། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག་།དཔག་ཚད་བདུན་བཅུ་པ་སྟེ་རྒྱལ་མཚན་བརྒྱན། །དེ་བཞིན་གཤེགས་པ་རི་བོའི་རྒྱལ་མཚན་གྱི། །སྐྱེ་ཡུལ་མཆོད་རྟེན་རྨད་དུ་བྱུང་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་ཤང་སྐྱེས་ཡིན། །ཐ་སྤངས་མ་ཞེས་བྱ་བ་རྡུལ་བྲལ་ཡུམ། །སྲས་པོ་ལྷ་དགའ་སྐར་རྒྱལ་རིམ་གྲོ་པ། །ཐོས་བ་རྒྱ་མཚོ་ཞེས་བྱ་མཁས་པ་སྟེ། །རྒོལ་བ་རྣམ་པར་འཇོམས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་ཏིང་འཛིན་ཞི་བ་རིམ་བསྒོམས་པ། །དགྲ་བཅོམ་འཁྲུག་མེད་བྱེ་བ་བྱེ་བ་ཡོད། །མི་ཚེ་ལོ་གྲངས་སྟོང་ཕྲག་བཅུ་ཡང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅུ་ནི་ཚད་པར་གནས། །མཆོད་རྟེན་བཟང་པོ་བྱེ་བ་ཕྲག་སུམ་སྟེ། །མེ་ཏོག་པ་དན་རྒྱལ་མཚན་མཆོག་གིས་བརྒྱན། །བདེ་བར་གཤེགས་པ་རིན་ཆེན་སྤོས་བཟངས་གི་།སྐྱེ་བའི་ཡུལ་ནི་སྤོས་ཀྱིས་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་བརྒྱད་ཅུ་ཡབ་ནི་ལེགས་ཡིད་གཞུངས། །སྤོས་ཀྱི་མཆོད་རྟེན་ཞེས་བྱ་རྒྱལ་བའི་ཡུམ། །སྲས་པོ་ནོར་སྲེད་དགའ་བ་རིམ་གྲོ་བ། །རབ་ཞི་མཆོག་ཅེས་བྱ་བ་མཁས་པ་སྟེ། །མཆོད་རྟེན་ 259a ༄#། །མཆོག་ཅེས་བྱ་བ་རྫུ་འཕྲུལ་ཅན། །འཇིག་རྟེན་གསུམ་ལ་མ་ཞེན་མཚུངས་སྨྲ་ལ། །ཆགས་པ་མེད་པ་གྱུར་པ་སྡིག་སྦྱང་བ། །འདུས་པ་དག་ནི་མཐའ་ཡང་ཡས་པར་འགྱུར། །མི་ཚེ་ལོ་གྲངས་ས་ཡ་ཕྲག་གསུམ་ཡིན། །མགོན་པོ་མཆོག་མ་མྱ་ངན་འདས་ནས་ཀྱང ། །མགོན་པོ་མཆོག་མའི་དམ་ཆོས་གནས་པར་འགྱུར། །མཆོད་རྟེན་དག་གི་གྲངས་ནི་བརྒྱད་ཁྲི་སྟེ། །གཞན་ཡིད་བཞི་སྟོང་གསེར་གྱི་རྒྱལ་མཚོན་ཅན། །དེ་བཞིན་གཤེགས་པ་ཆོས་བརྟེན་ཞེས་བྱ་བའི། །སྐྱེ་བའི་ཡུལ་ནི་དྲག་ཤུལ་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །ཁྲི་ཕྲག་བཅུ་ཡོད་ཡབ་ནི་ཡང་དག་གཟིགས། །ཤིན་ཏུ་ཡང་དག་གཟིགས་མ་རྒྱལ་ཡུམ་སྲས། །བསོད་ནམས་བཟང་པོ་གཟི་བཟངས་རིམ་གྲོ་པ། །བརྟུལ་ཞུགས་མཆོད་རྟེན་ཞེས་བྱ་མཁས་པ་སྟེ། །ཤེས་རབ་རྣམ་པར་དེས་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཅུ་གཅིག་སྟེ། །ཀུན་ལའང་འཁྲུག་པ་མེད་པར་གནས་གྱུར་ཀུན། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་འབུམ་ཕྲག་གཉིས་ཀྱང་ཡོད། །མཚུངས་པ་མེད་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བརྒྱད་ཅུའི་བར་དུ་གནས། །མཆོད་རྟེན་བཟང་པོ་བྱ་བ་བདུན་ཅུ་དྲུག་།ཁོར་ཡུག་རིན་ཆེན་རྒྱལ་ 259b མཚན་དག་གིས་བརྒྱན། །སངས་རྒྱས་གཟི་བརྗིད་དྲག་ཤུལ་ཅན་གྱི་ནི། །སྐྱེ་ཡུལ་གཟི་བརྗིད་མ་སྨད་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བྱ་བ་ཡབ་ནི་ལག་དབང་ཡིན། །སྤྲིན་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་རྣམ་དེས་དཔའ་བོ་རིམ་གྲོ་པ། །སྐྱེ་བ་ཟ་ཞེས་བྱ་བ་ཤེས་ཆེན་ཏེ། །ཞིང་རྣམས་གཡོ་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང ། །འགྲོ་དང་སྲིད་མཐའི་ཕ་རོལ་ཕྱིན་གྱུར་པ། །བྱེ་བ་ཕྲག་ནི་བདུན་ཅུ་རེ་རེ་ཡོད། །རྡུལ་བྲལ་སྐུ་ཚེ་ལོ་གྲངས་ཉིས་བརྒྱ་ཡིན། །འཇིག་རྟེན་ཕན་ཕྱིར་ཐུབ་པའི་དམ་ཆོས་དག་།ལོ་གྲངས་སྟོང་ཕྲག་གཉིས་ཀྱི་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག་།དཔག་ཚད་དྲུག་ཅུ་པ་སྟེ་རྒྱན་གྱིས་བརྒྱན། །དེ་བཞིན་གཤེགས་པ་ཆོས་གྱི་ནོར་བུ་ཡི། །སྐྱེ་བའི་ཡུལ་ནི་པདྨ་དཀར་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་ལེགས་དགའ་ཡིན། །དགའ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཤེས་དགའ་ཚངས་བཟངས་རིམ་གྲོ་པ། །མཉམ་པར་སེམས་ཞེས་བྱ་བ་མཁས་པ་སྟེ། ། འཇིག་རྟེན་འོད་བྱེད་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་རྩ་དྲུག་སྟེ། །ཀུན་ལའང་གཏི་མུག་མ་རིག་མུན་བཅོམ་པ། །འགོག་པ་ཐོབ་པ་བརྒྱད་ཅུ་བརྒྱད་ཅུ་ཡོད། ། 260a ༄#། །མི་ཚེ་ལོ་གྲངས་དག་ནི་སུམ་སྟོང་ཡིན། །མཚུངས་པ་མེད་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་སྟོང་ཕྲག་སུམ་ཅུ་དྲུག་།འཇིག་རྟེན་མགོན་པོ་བཟང་པོ་བྱིན་པ་ཡི། །སྐྱེ་བའི་ཡུལ་ནི་པདྨའི་ཏོག་ཅེས་བྱ། ། རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་གཉིས་ཡབ་ནི་ཕུང་པོ་བཟང ། །ཉི་མའི་རྒྱུད་ཅེས་བྱ་བ་ཡུམ་ཡིན་ནོ། །སྲས་པོ་ཚངས་དགའ་གྲུབ་པ་རིམ་གྲོ་པ། །ལྷ་ཡིས་མཆོད་ཅེས་བྱ་བ་མཁས་པ་སྟེ། །གསལ་བ་གཏི་མུག་མེད་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་སུམ་ཅུ་སྟེ། །འདུས་པ་ཀུན་ལའང་རྒྱལ་སྲས་ཐམས་ཅད་དག་།བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །སྐུ་ཚེ་ལོ་གྲངས་འདུས་དུ་ཚད་པར་འགྱུར། །མཚུངས་པ་མེད་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བདུན་ཅུའི་བར་དུ་གནས། །བདེ་བར་གཤེགས་པ་མྱ་ངན་འདས་ནས་ཀྱང ། །སྐུ་གདུང་རྒྱས་འགྱུར་མཆོད་རྟེན་བཞི་བཞི་འབྱུང ། །མི་ཡི་འདྲེན་པ་བདེ་གཤེགས་ཟླ་བ་ཡི། །སྐྱེ་བའི་ཡུལ་ནི་གཟི་བརྗིད་སྤྲུལ་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཏོག་བཟངས་ 260b ཡིན། །བཟང་ལྡན་མ་ནི་རྒྱལ་ཡུམ་སྲས་པ་ནི། །རྩེ་སྨན་ཡན་ལག་མཉམ་པ་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །མངོན་པར་འཕགས་པའི་ལྷ་ནི་རྫུ་འཕྲུལ་ཅན། །དྲང་སྲོང་ཆེན་པོའི་སྲས་པོ་ཆགས་མེད་པ། །སེམས་ཞི་རི་དང་མཚུངས་པ་ཐམས་ཅད་དག་།འདུས་པ་ལན་གྲངས་དྲུག་ཅུ་རྩ་དྲུག་འདུས། །མི་ཚེ་ལོ་གྲངས་ཉི་ཤུ་རྩ་ཡང་གཉིས། །གྲངས་པ་མཐའ་ཡས་དེ་ཡི་དམ་ཆོས་དག་།ལོ་གྲངས་སུམ་བརྒྱ་ཚད་བའི་བར་དུ་གནས། །རྒྱལ་བའི་མཆོད་རྟེན་བཟང་པོ་གཅིག་ཡིན་ཏེ། །དཔག་ཚད་བརྒྱད་པ་ཀུན་ཏུ་མཛེས་པ་ཡིན། །བདེ་བར་གཤེགས་པ་ཚངས་པའི་དབྱངས་དེ་ཡི། །སྐྱེ་བའི་ཡུལ་ནི་དགའ་བའི་དབྱངས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ན་ཚོད་བཟང ། །ལྷ་དགའ་ཞེས་ནི་བྱ་བ་ཡུམ་ཡིན་ནོ། །སྲས་པོ་དགའ་བོ་དུལ་བ་རིམ་གྲོ་བ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །ཡེ་ཤེས་རྣམ་པར་འཕྲུལ་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐ་བ་མེད་ཅིང་ཞི་དུལ་དགའ་བ་པོ། །བསམ་གཏན་པ་ནི་བྱེ་བ་བྱེ་བ་ཡོད། །མི་ཚེ་ལོ་གྲངས་སྟོང་ཕྲག་བཅུ་དྲུག་ཡིན། །དམ་ཆོས་ལོ་གྲངས་དག་ནི་བརྒྱད་ཁྲིར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་བརྒྱད་ཁྲི་ཚང་པ་སྟེ། །རིན་ 261a ༄#། །ཆེན་རྒྱལ་མཚན་དྲ་བ་དག་གིས་གཡོགས། །དེ་བཞིན་གཤེགས་པ་སེང་གེའི་ཟླ་བ་ཡི། །སྐྱ་བའི་ཡུལ་ནི་རྟག་ཏུ་མཐོང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་གཉིས་ཡོད་ཡབ་ནི་ལེགས་བྱིན་ཡིན། །སངས་རྒྱས་བློ་གྲོས་ཡུམ་ཡན་སྲས་པོ་ནི། །མིག་མི་མཐུན་བ་ཟླ་བ་རིམ་གྲོ་པ། །རབ་ཏུ་བརྒྱན་པའི་གཟི་བརྗིད་བློ་ལྡན་ཏེ། །རྣམ་པར་ངེས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །འཇིག་རྟེན་ཆགས་མེད་གཡོ་མེད་ང་མེད་པ། །འབུམ་ཕྲག་དྲུག་ཅུ་རྩ་ནི་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མགོན་པོ་མཆོག་མ་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་གྲངས་སྟོང་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག་།དཔག་ཚད་གསུམ་པ་རྒྱལ་མཚན་དག་གིས་བརྒྱན། །སངས་རྒྱས་མཚུངས་པ་མེད་པ་དཔལ་དག་གི་།སྐྱེ་བའི་ཡུལ་ནི་འཇིག་རྟེན་མཛེས་ཤེས་བྱ། །རྒྱལ་བརྒྱ་ལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་མྱ་ངན་མེད། ། སྡུག་དགའ་ཞེས་བྱ་ཡུམ་ཡིན་སྲས་པོ་ནི། །འཚེར་བ་མེད་པ་དགའ་བ་རིམ་གྲོ་པ། །སྐྱེ་བའི་མཆོད་ཅེས་བྱ་བ་མཁས་པ་སྟེ། །རྒོལ་བ་འཇོམས་ཤེས་བྱ་བ་རྫུ་འཕྲུལ་ 261b ཅན། །འདུས་པ་ལན་གྲངས་བཞི་བརྒྱ་བརྒྱད་ཅུ་སྟེ། །ཀུན་ལའང་འདམ་རྫབ་དྲ་བ་མུན་སྤངས་པ། །རྡུལ་བྲལ་སྲིད་ལས་གྲོལ་བ་ཤ་སྟག་འདུས། །མི་ཚེ་ལོ་གྲངས་དག་ནི་བརྒྱ་ཡང་ཡིན། །མགོན་པོ་མཆོག་མ་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་གྲངས་བརྒྱད་ཅུར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་དྲུག་ཁྲི་དྲུག་སྟོང་འབྱུང ། །འཇིག་རྟེན་མཁྱེན་པ་ལེགས་པར་སྐྱེས་པ་ཡི། །སྐྱེ་བའི་ཡུལ་ནི་དེས་པ་ཞེས་ཀྱང་བྱ། །རྒྱལ་བ་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་བདུན་ཅུ་ཡབ་ནི་བདག་ཉིད་ཆེ། །འོད་སྐྱོད་མ་ཞེས་བྱ་བ་རྒྱལ་བའི་ཡུམ། །སྲས་པོ་གློག་འོད་དྲག་ཤུལ་རིམ་གྲོ་བ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །སྐྱོན་སེལ་བ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །གནས་མེད་ཕ་རོལ་ཕྱིན་པ་ཐམས་ཅད་པོ། །བྱེ་བ་ཕྲག་ནི་སུམ་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་ཉིས་སྟོང་ཡིན། །རྒལ་བར་གྱུར་པའི་དམ་པའི་ཆོས་དག་ཀྱང ། །ལོ་གྲངས་སུམ་ཁྲི་ཐུག་སྟོང་བར་དུག་ནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་བརྒྱ་ཕྲག་གསུམ། །སངས་རྒྱས་ཐུབ་པ་མེད་པའི་ཚོགས་དག་གི་།སྐྱེ་བའི་ཡུལ་ནི་མཚན་གྱིས་བརྒྱན་ཅེས་བྱ། །རྒྱལ་ 262a ༄#། །བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དོན་ཡོད་ཡིན། །གྲངས་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་ཟླ་བཟང་བདེན་པ་རིམ་གྲོ་བ། །སྟོབས་ཀྱིས་འགྲོ་ཞེས་བྱ་བ་མཁས་པ་སྟེ། །རྣམ་པར་འཕྲུལ་བའི་གཟི་བརྗིད་རྫུ་འཕྲུལ་ཅན། །འདུས་པ་ལྡན་གྲངས་བཞི་ཁྲི་ཀུན་ལ་ཡང ། །སྲིད་པའི་འཆིར་ལས་གྲོལ་བ་ཐམས་ཅད་པོ། །དྲང་སྲོང་ཆེ་སྲས་བྱེ་བ་བྱེ་བ་ཡོད། །མི་རྣམས་ཚེ་ཚད་ལོ་གྲངས་བཞི་ཁྲི་ཡིན། །འཇིག་རྟེན་བླ་མ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །སྐུ་གདུང་དག་ནི་རྒྱས་འགྱུར་མཆོད་རྟེན་གྲངས། །བྱེ་བ་བརྒྱ་ཕྲག་དགུ་ཡོད་གསེར་གྱིས་སྤྲས། །དེ་བཞིན་གཤེགས་པ་གྲངས་པའི་བཤེས་གཉིས་གྱི། །སྐྱེ་བའི་ཡུལ་ནི་གྲགས་པ་འཕགས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་མེད། །བྱེ་བ་དགུ་ཡོད་སྦྱིན་བསྲེག་འོད་འཕྲོ་ཡབ། །བསོད་ནམས་ཅན་ཞེས་བྱ་བ་ཡུམ་ཡིན་ནོ། །སྲས་པོ་དྲང་སྲོང་ཀྱང་འཕགས་རིམ་གྲོ་པ། །ཡོན་ཏན་བདེན་ཞེས་བྱ་བ་མཁས་པ་སྟེ། །འཇིགས་མེད་བློ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་བདུང་དཔུང་བརླག་མཐར་བྱེད་པ་པོ། །བྱེ་བ་ཕྲག་ན་སུམ་ཅུ་བཞི་བཞི་ཡོད། ། 262b མི་ཚེ་ལོ་གྲངས་ཉི་ཁྲི་ཅིག་སྟོང་ཡིན། །མཚུངས་པ་མེད་པའི་དམ་པའི་ཆོས་དག་ཀྱང ། །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། ། མཆོད་རྟེན་བཟང་པོ་བྱེ་བ་བདུན་བཅུ་དྲུག་།དེ་བཞིན་གཤེགས་པ་བདེན་པ་ཞེས་བྱ་བའི། །སྐྱེ་བའི་ཡུལ་ནི་གཟི་བརྗིད་མཛེས་ཤེས་བྱ། །དེ་རིགས་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་བཅུ་ཡོད་མི་ཡི་དབང་པོ་ཡབ། །སྐལ་འདོད་མ་ནི་ཡུམ་ཡིན་སྲས་བོ་ནི། །སྐར་མཁན་མཆོག་སྦྱིན་བཟང་བོ་རིམ་གྲོ་པ། །སྙན་པར་གྲགས་ཞེས་བྱ་བ་ཤིས་ཆེན་ཏེ། །རྣམ་པར་འཕྲུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བྱེ་སྟོང་ཀུན་ལ་ཡང ། །དྲི་གསུམ་དྲི་མ་དྲི་བྲལ་དགྲ་བཅོམ་པ། །བྱེ་བ་བརྒྱ་ཕྲག་བདུན་ཅུ་བདུན་ཅུ་ཡོད། །སྐུ་ཚེ་ལོ་གྲངས་སུམ་བཅུ་ཚད་པ་ཡིན། །རྒྱལ་བ་ཞི་བར་ཕྱིན་པའི་དམ་ཆོས་དག་།ལོ་གྲངས་དགུ་སྟོང་བར་དུ་གནས་པར་འགྱུར། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག་།དཔག་ཚད་དགུ་པར་ནི་རིན་ཆེན་བརྒྱ་ཡིས་སྤྲས། །བདེ་བར་གཤེགས་པ་དགའ་ཐུབ་ཆེན་པོ་ཡི། །སྐྱེ་ཡུལ་མགོན་མེད་ཚིམ་པར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ནི་འོད་ཟེར་བཟང ། །དགའ་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་འཇིགས་མེད་གྲགས་པ་རིམ་གྲོ་བ། །རྣམ་ 263a ༄#། །པར་སྣང་བྱེད་གྲགས་པ་ཤེས་ཆེན་ཏེ། །ལྷུན་པོ་སྒུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲགས་བདུན་ཏེ་ཀུན་ལ་ཡང ། །མངོན་ཤེས་དྲུག་ལྡན་གཏི་མུག་མེད་གྱུར་པ། །བྱེ་བ་བརྒྱ་ཕྲག་བདུན་ཅུ་གསུམ་གསུམ་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །ཕུང་པོ་སྤངས་པའི་དམ་པའི་ཆོས་དག་ཀྱང ། ། ལོ་གྲངས་དགུ་འབུམ་བར་དུ་གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་བཟང ། །བྱེ་བ་ཕྲག་ནི་ཉི་ཤུ་གཉིས་ཀྱང་ཡོད། །འཕགས་པ་བསྐལ་པ་བཟང་པོ་ཞེས་བྱ་བ་ཐེག་པ་ཆེན་པོ་མདོ། །བམ་པོ་བཅུ་བཞི་པ། །རྡུལ་དང་བྲལ་བའི་ལྷུན་པོའི་འོད་ཟེར་གྱི། །སྐྱེ་བའི་ཡུལ་ནི་འཇིག་རྟེན་འཕགས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལེགས་བྱིན་ཡིན། །ཀུན་ཏུ་ལྟ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཆོད་རྣམ་གྲོལ་བ་རིམ་གྲོ་པ། ། ཤེས་རབ་ཡོན་ཏན་ཞེས་བྱ་མཁས་པ་སྟེ། །སྒྲོགས་པའི་བཤེས་གཉེན་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །སྨྲ་མཚུངས་ལུས་པ་མེད་པར་ཕྱིན་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང ། །དམ་པའི་ཆོས་ནི་ལོ་ 263b གྲངས་བདུན་ཅུར་གནས། །སྐུ་གདུང་མཆོད་རྟེན་བཟང་པོ་སྟོང་དུ་ཚང ། །རིན་ཆེན་རྒྱལ་མཚན་ཡིད་དུ་འོང་བས་བརྒྱན། །དེ་བཞིན་གཤེགས་པ་ཡོན་ཏན་བརྩེགས་པ་ཡི། ། སྐྱེ་བའི་ཡུལ་ནི་བྱང་ཆུབ་འཕགས་ཞེས་བྱ། །རིགས་ནི་རྒྱལ་རིགས་ཡིན་ཏེ་དོད་དཔག་ཚད། །བདུན་ཅུ་གསུམ་ཡོད་བདག་ཉིད་ཕྱུག་པོ་ཡབ། །ཡོན་ཏན་དགའ་ཞེས་བྱ་བ་ཡུམ་ཡིན་ནོ། །སྲས་པོ་རྣམ་སྒྲོགས་དོན་ལྡན་རིམ་གྲོ་པ། །རབ་ཏུ་བརྒྱན་ཞེས་བྱ་བ་མཁས་པ་སྟེ། །སྨྲ་བའི་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། ། ཁམས་གསུམ་སྤོང་བར་བྱེད་པ་བསམ་གཏན་པ། །དགྲ་བཅོམ་པ་དག་ཐེར་འབུམ་ཐེར་འབུམ་ཡོད། །མི་ཡི་ཚེ་ཚད་ལོ་གྲངས་སུམ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སུམ་སྟོང་བར་དུ་གནས་པར་འགྱུར། །མཆོད་རྟེན་བཟང་པོའི་གྲངས་ནི་བྱེ་བ་ཕྲག་།དགུ་བཅུ་རྩ་གཉིས་རིན་པོ་ཆེ་ཡིས་སྤྲས། །རྡུལ་དང་བྲལ་བ་མཆོད་པ་གྲངས་པ་ཡི། །སྐྱེ་བའི་ཡུལ་ནི་འཇིག་རྟེན་དང་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་གསུམ་ཡོད་ཡབ་ནི་ཞིང་བཟངས་ཡིན། །ཕྱོགས་སེམས་མ་ནི་ཡུམ་ཡིན་སྲས་པ་ནི། །བཞིན་གཙང་ཚུལ་མ་འཆོས་པར་རིམ་གྲོ་བ། །དགའ་བའི་ང་རོ་ཞེས་བྱ་མཁས་པ་སྟེ། །རྣམ་པར་སེལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ 264a ༄#། །བརྒྱད་ཅུ་ཀུན་ལ་ཡང ། །ང་རྒྱལ་རྣམ་གྲོལ་ཐོབ་བའི་བསམ་གཏན་པ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་ཉིད་སྟོང་ཡིན། །རྣམ་པར་ཐར་པར་ཕྱིན་པའི་དམ་ཆོས་དག་།ལོ་གྲངས་སུམ་ཁྲི་ཉིས་སྟོང་བར་དུ་གནས། །མཆོད་རྟེན་དཔག་ཚད་བཅུ་གཉིས་པ་ཡི་གྲངས། །དྲུག་ཁྲི་དྲུག་སྟོང་གསེར་གྱི་རྒྱལ་མཚན་གང ། །དེ་བཞིན་གཤེགས་པ་ཆོས་ཀྱི་གྲགས་པ་ཡི། སྐྱི་བའི་ཡུལ་ནི་རྣམ་པར་ངེས་ཞེས་བྱ། རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་དབང་པོ་ཡིན། །མི་གཡོ་བློ་གྲོས་སྐྱེ་བའི་ཡུམ་སྲས་པོ། །ར་ཧུ་ཤ་ཡིས་བློ་བཟངས་རིམ་གྲོ་པ། །འགྲོ་བས་མཆོད་ཅེས་བྱ་བ་མཁས་པ་སྟེ། །གྲགས་པ་མཆོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་བདུད་དཔུང་དཔུང་མེད་བྱེད་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་ཁྲི་ཕྲག་གཅིག་གི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་ཕྲག་གསུམ་འབྱུང ། །བདེ་བར་གཤེགས་པ་སྦྱིན་པའི་འོད་དག་གི་།སྐྱེ་ཡུལ་འཇིག་ 264b རྟེན་ཤིན་ཏུ་དགའ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་གཅིག་བདག་ཉིད་ཆེན་པོ་ཡབ། །ཡུམ་ལ་དགའ་བ་ཡུམ་ཡིན་སྲས་པོ་ནི། །ཆོས་ཀྱི་འབྱུང་གནས་གཟི་བརྗིད་རིམ་གྲོ་པ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །འཇིག་རྟེན་འཇིགས་མེད་ཅེས་ས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་རྩ་དྲུག་སྟེ། །ཀུན་ལའང་པད་མཚུངས་ལུས་པ་མེད་གྱུར་པ། །འདི་དག་ཀུན་ཀྱང་ཐེར་འབུམ་གསུམ་གསུམ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །ཕ་རོལ་ཕྱིན་པའི་དམ་པའི་ཆོས་དག་ཀྱང ། ། ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག་།དཔག་ཚད་བརྒྱད་ཙམ་རྒྱལ་མཚན་མཆོག་གིས་གང ། །དེ་བཞིན་གཤེགས་པ་ཀློག་གིས་ཕྱིན་པ་ཡི། །སྐྱ་ཡུལ་རྟག་ཏུ་སྣང་བར་བྱས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་གསུམ་ཡོད་ཡབ་ནི་བློ་བཟངས་ཡིན། །བྱང་ཆུབ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་བློ་རྫོགས་ཁྱད་འཕགས་རིམ་གྲོ་བ། །དགའ་བས་ལྟ་ཞེས་བྱ་བ་མཁས་པ་སྟེ། །འཇིགས་མེད་སེམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་རྩ་དྲུག་སྟེ། །ཀུན་ལའང་ཡིད་ནི་ཡོངས་དག་དགྲ་བཅོམ་པ། །འཁོར་ནི་ཐེར་འབུམ་བདུན་བཅུ་དྲུག་དྲུག་ཡོད། །མི་ཚེ་ལོ་གྲངས་དག་ནི་ཉིས་སྟོང་ཡིན། །རྒྱལ་བ་ཐར་ 265a ༄#། །པར་ཕྱིན་པའི་དམ་ཆོས་དག་།ལོ་གྲངས་དྲུག་སྟོང་བར་དུ་གནས་པར་འགྱུར། །དཔག་ཚད་ལྔ་པའི་སྐུ་གདུང་མཆོད་རྟེན་གཅིག་།དེ་བཞིན་གཤེགས་པ་བདེན་པར་གསུང་པ་ཡི། །སྐྱེ་བའི་ཡུལ་ནི་མཆོད་པའི་གནས་ཤེས་བྱ། །དེའི་རིགས་བྲམ་ཟེ་ཡིན་ཏེ་འོད་དཔག་ཚད། །བྱེ་བ་ཕྲག་བཅུ་བདག་ཉིད་ཆེན་པོ་ཡབ། ། མཆོད་རྟེན་གྲགས་ཤེས་བྱ་བ་རྒྱལ་བའི་ཡུམ། །སྲས་པོ་ཆོས་མཆོག་ཆོས་ལྡན་རིམ་གྲོ་བ། །བདུད་འཇོམས་པ་ཞེས་བྱ་བ་མཁས་པ་སྟེ། །སྡུག་བསྔལ་སེལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང ། །ང་མེད་གཤེ་པ་མེད་པའི་བསམ་གཏན་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །ཆོས་ཐོབ་པ་ཡི་དམ་པའི་ཆོས་དག་ཀྱང ། །ལོ་གྲངས་ཉི་ཁྲི་ཅིག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་ཐེར་འབུམ་ཕྲག་གསུམ་མ་འབྱུང ། །འཇིག་རྟེན་དག་གིས་མགོན་པོ་འཚོ་བྱེད་ཀྱི། །སྐྱེ་བའི་ཡུལ་ནི་ཐམས་ཅད་འབྱོར་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་དོས་བཟངས་ཡིན། །དགའ་འགྲོ་མ་ཞེས་བྱ་བ་ཡུམ་ཡིན་ནོ། །སྲས་པོ་རྒྱལ་བྱིན་ལུས་བཟངས་རིམ་གྲོ་པ། ། །སྐྱབས་མཆོག་རྒྱལ་པོ་བློ་གྲོས་ལྡན་པ་སྟེ། ། 265b སྐར་མཁན་མཁས་པ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བདུན་ཏེ་ཀུན་ལ་ཡང ། །དྲང་སྲོང་གཏི་མུག་མེད་པ་ཐར་དགའ་བ། །བྱེ་བ་ཕྲག་ནི་དྲུག་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་ཉིས་སྟོང་ཡིན། །འཇིག་རྟེན་གསུམ་ལས་འཕགས་པའི་དམ་ཆོས་དག་།ལོ་གྲངས་དགུ་ཁྲི་ཉིས་སྟོང་བར་དུ་གནས། །མཆོད་རྟེན་པ་བྲང་པོའི་གྲངས་ནི་ཐེར་འབུམ་ཕྲག་།དགུ་བཅུ་རྩ་ལྔ་དག་ནི་འབྱུང་བར་འགྱུར། །དེ་བཞིན་གཤེགས་པ་ན་ཆོད་བཟང་བོ་ཡི། །སྐྱེ་བའི་ཡུལ་ནི་རྟག་ཏུ་འདོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་མྱ་ངན་མེད། །གྲགས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་དགའ་ཆེན་ཟླ་བ་རིམ་གྲོ་བ། །འགྲོས་མཛེས་པ་ཞེས་བྱ་བ་མཁས་པ་སྟེ། །འཇིགས་མེད་ལྷ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང ། །ཡིད་གཉིས་དག་དང་བྲལ་བའི་དགྲ་བཅོམ་ཀུན། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་ཅེས་སྟོང་ཡིན། །རྒྱལ་བ་འཁྲུག་པ་མེད་པར་ཕྱིན་པ་ཡི། །དམ་ཆོས་ལོ་གྲངས་སུམ་སྟོང་བར་དུ་གནས། །སྐུ་གདུང་དག་ནི་རྒྱས་འགྱུར་མཆོད་རྟེན་གྲངས། །ཐེར་འབུམ་ཕྲག་གཉིས་སྐུ་གདུང་དག་གིས་བརྒྱན། །བདེ་བར་གཤེགས་པ་ལེགས་པའི་ཚོགས་ཅན་གྱི། །སྐྱེ་བའི་ཡུལ་ནི་གསེར་གྱི་ 266a ༄#། །རི་ཞེས་བྱ། །རིགས་ནི་བྲམ་ཟེ་ཡིན་ཏེ་འདོད་དཔག་ཚད། །དགུ་བཅུ་གསུམ་ཡོད་ཡབ་ནི་ལེགས་མཆོད་ཡིན། །ཚོགས་མཁས་མ་ཞེས་བྱ་བ་རྒྱལ་བའི་ཡུམ། །སྲས་པོ་བླ་མ་སྐྱོན་མེད་རིམ་གྲོ་པ། །རྣམ་པར་ལྟ་ཞེས་བྱ་བ་ཤེས་ཆེན་སྟེ། །རྒྱ་མཚོ་བརྩེགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང ། །སྲིད་པའི་སྲེད་ལ་ཆགས་པ་མེད་གྱུར་པ། །སྐྱེ་བ་བཟློག་པ་དག་ནི་ཁྲི་ཁྲི་ཡོད། །མི་ཚེ་ལོ་གྲངས་དག་ནི་བཞི་སྟོང་ཡིན། །ཟད་མཐར་ཕྱིན་པའི་དམ་པའི་ཆས་དག་ཀྱང ། །ལོ་གྲངས་དྲུག་སྟོང་པར་དུ་གནས་པར་འགྱུར། །རྒྱལ་བའི་མཆོད་རྟེན་བྱེ་བ་ཉི་ཤུ་གཉིས། །རྒྱལ་མཚན་དམ་པ་བརྒྱ་སྙིང་དག་གིས་བརྒྱན། །རྒྱལ་བ་རྣམ་པར་ངེས་པའི་བློ་གྲོས་ཀྱི། །སྐྱེ་བའི་ཡུལ་ནི་མཆོད་པར་ངེས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅོ་ལྔ་ཡབ་ནི་སུ་མེ་རུ། །ཡོན་ཏན་འཛིན་ཞེས་བྱ་བ་རྒྱལ་བའི་ཡུམ། །སྲས་པོ་མཚན་བཟང་ལེགས་མཐོང་རིམ་གྲོ་པ། །མཐུ་རྩལ་བཅུ་ལྡན་ཞེས་བྱ་མཁས་པ་སྟེ། །རྣམ་འཕྲུལ་ཀླུ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་ལ་བའི་དྲི་བསལ་བསམ་གཏན་པ། །བྱེ་བ་ཕྲག་ན་བདུན་བཅུ་བདུན་བདུན་ཡོད། །མི་ཚེ་ལོ་གྲངས་སྟོང་ཕྲག་བཅོ་བརྒྱད་ཡིན། །སྲིད་ 266b མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བདུན་སྟོང་བར་དུ་གནས། །རྒྱལ་བའི་མཆོད་རྟེན་བདུན་ཅུ་རྩ་བཞི་སྟེ། །རིན་ཆེན་དྲ་བ་ཡིད་དུ་འོང་བས་སྤྲས། ། དེ་བཞིན་གཤེགས་པ་སྲིད་མཐའ་ནོར་བུའི་སྤོས། །སྐྱེ་བའི་ཡུལ་ནི་དགའ་བ་དང་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བྱེ་བ་ཡབ་ནི་དགའ་འབྱོར་ཡིན། །ཡོན་ཏན་མཆོག་ཅེས་བྱ་བ་རྒྱལ་བའི་ཡུམ། །སྲས་པོ་དགེ་ལེགས་ཕན་ལྡན་རིམ་གྲོ་པ། །བདུད་འཇོམས་པ་ནི་བློ་གྲོས་ལྡན་པ་སྟེ། །བློ་མི་འཁྲུག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་སྟེ་ཀུན་ལ་ཡང ། །མི་འཁྲུགས་ཡིད་ལྡན་རི་དང་མཚུངས་བ་པོ། །བྱེ་བ་ཕྲག་ནི་བདུན་བཅུ་ར་རི་ཡོད། །མི་ཚེ་ལོ་གྲངས་བྱི་བ་བརྒྱ་ཕྲག་བཅུ། ། དམ་ཆོས་ལོ་གྲངས་ཉི་ཁྲི་ཉི་སྟོང་དང ། །གཞན་ཡང་དགུ་ཁྲི་དགུ་སྟོང་བར་དུ་གནས། །དཔག་ཚད་ལྔ་པའི་མཆོད་རྟེན་སྐུ་གདུང་བཅས། །གཅིག་སྟེ་རིན་ཆེན་རྒྱལ་མཚན་དྲ་བས་བརྒྱན། །དེ་བཞིན་གཤེགས་པ་རྒྱལ་བས་དགྱེས་པ་ཡི། །སྐྱེ་བའི་ཡུལ་ནི་སེམས་སྦྱངས་བཞེས་བྱ། །རྒྱལ་བའི་རིགས་ནི། །བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ས་ག་ཡིན། །དགྲ་བཅོམ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་མཆོད་ལེགས་གཉིད་སངས་རིམ་གྲོ་བ། །ཕས་ཀྱི་རྒོལ་བ་འཇོམས་པ་མཁས་པ་སྟེ། །འཇིག་ 267a ༄#། །རྟེན་བཀྲ་ཤིས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་རྩ་གསུམ་སྟེ། །ཀུན་ལའང་སྲིད་བ་ཀུན་ལམ་ཆགས་པ། །བྱེ་བ་ཕྲག་ནི་གཉིས་གཉིས་ཡོད་པར་འགྱུར། །མི་ཚེ་ལོ་གྲངས་བྱེ་བ་སུམ་བཅུ་གཉིས། །རྒྱལ་བ་མྱ་ངན་འདས་ཀྱང་དམ་ཆོས་དག་།ལོ་གྲངས་བྱེ་བར་ཐེ་ཚོམ་མེད་པར་གནས། །མཆོད་རྟེན་གྲངས་ནི་ཐེར་འབུམ་ཕྲག་གཉིས་ཏེ། །ན་བཟའ་བརྒྱ་སྟོང་སྙེད་ཀྱིས་རྣམ་པར་བརྒྱན། །དེ་བཞིན་གཤེགས་པ་སེང་གེའི་འོད་ཟེར་ཀྱི། །སྐྱེ་བའི་ཡུལ་ནི་དྲག་ཤུལ་དེས་ཤེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བྱེ་བ་ཡབ་ནི་གྲོགས་བཟང་ཡིན། །དོན་ལྡན་ང་རོལ་ཞེས་བྱ་ཡུམ་ཡང་ཡིན། །སྲས་པོ་དོན་ལྡན་དོན་ཆེན་རིམ་གྲོ་པ། །དགེ་བ་དགའ་ཞེས་བྱ་བ་མཁས་པ་སྟེ། །བདག་བརྟགས་པ་ཞེས་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བདུན་ཅུ་སྟེ། །ཐམས་ཅད་ལ་ཡང་ང་རྒྱལ་སྤངས་པ་པོ། །བྱེ་བ་སྟོང་ཕྲག་དག་ནི་མཐའ་ཡང་ཡས། །མི་ཚེ་ལོ་གྲངས་ཅིག་ཁྲི་བ་ཞི་སྟོང་ཡིན། །རྒྱལ་བའི་དམ་ཆོས་ལོ་གྲངས་གཅིག་ཁྲི་དང ། ། གཞན་ཡང་སུམ་ཁྲི་དྲུག་སྟོང་བར་དུ་གནས། །མཆོད་རྟེན་བྱེ་བ་ཕྲག་ནི་སྟོང་སྙེད་དེ། །གསེར་གྱི་རྒྱལ་མཚན་དག་གིས་འཁོར་བར་བསྐོར། །དེ་བཞིན་གཤེགས་པ་ 267b རྣམས་པར་སྣང་མཛད་ཀྱི། །སྐྱེ་བའི་ཡུལ་ནི་གྲགས་པ་ཚད་མེད་ཡིན། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བྱེ་བ་ཡབ་ནི་ལྷ་ལེགས་ཡིན། །མི་ཡིས་མཆོད་ཅེས་བྱ་བ་རྒྱལ་བ་ཡུམ། །སྲས་པོ་དགའ་བྱེད་བརྟན་ལྡན་རིམ་གྲོ་པ། །དཔའ་བརྟན་ཞེས་ནི་བྱ་བ་མཁས་པ་སྟེ། །མཐུ་རྩལ་ནོར་གནས་པ་ནི་རྫུ་འཕྲུལ་ཅན། །འདུས་བ་ལན་གྲངས་བདུན་ཏེ་དགྲ་བཅོམ་གྲངས། །བྱེ་བ་ཕྲག་ནི་ཅིག་ཁྲི་ཅིག་སྟོང་དང ། །ཉིས་བརྒྱ་དྲུག་བཅུ་དག་ནི་འབྱུང་བར་འགྱུར། །སྐུ་ཚེ་ལོ་གྲངས་ཉི་ཁྲི་ཉི་སྟོང་ཡིན། །རྒྱལ་བའི་དམ་པའི་ཆོས་ནི་ལོ་གྲངས་དག་།ཅིག་ཁྲི་བདུན་སྟོང་བར་གནས་རྒྱལ་བའི། །སྐུ་གདུང་མཆོད་རྟེན་དཔག་ཚད་གཉིས་པ་ཅིག་།ནོར་བུའི་དྲ་བ་དག་གིས་རྣམ་པར་བརྒྱན། །ཐ་བ་མེད་པ་གྲགས་པ་མཆོག་དག་གི་།སྐྱེ་བའི་ཡུལ་ནི་གྲགས་པའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཕྲེང་བཟངས་ཡིན། །མེ་ཏོག་དགའ་ཞེས་བྱ་བ་རྒྱལ་བའི་ཡུམ། །སྲས་པོ་རྒྱལ་བྱིན་ལྷ་བཟངས་རིམ་གྲོ་བ། །སྲིད་པ་གཡོ་བར་བྱིད་པ་མཁས་པ་སྟེ། །ཐེ་ཙོམ་རྣམ་པར་འཇིག་བརྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་དང ། །གཞན་ཡང་ལན་གྲངས་ཉི་ཤུ་རྩ་བཞི་སྟེ། །འདུས་པ་ཀུན་ལའང་བྱེ་བ་སྟོང་སྟོང་ཡོད། །མི་ཚེ་ལོ་གྲངས་བརྒྱད་ཁྲི་ཉི་སྟོང་ཡིན། །དེ་འོད་དམ་ 268a ༄#། །ཆོས་ལོ་གྲངས་སྟོང་ཕྲག་ནི། །བཅུ་བདུན་ཚད་པའི་བར་དུ་གནས་པར་འགྱུར། །སྐུ་གདུང་དག་ནི་རྣམ་པར་རྒྱས་འགྱུར་ལ། །མཆོད་རྟེན་དག་གི་གྲངས་ནི་བརྒྱ་ཡང་ཡིན། །མི་ཡི་འདྲེན་པ་ཐུགས་རབ་གཞུངས་པ་ཡི། །སྐྱེ་བའི་ཡུལ་ནི་ཡེ་ཤེས་ལྷ་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་དཔག་ཚད། །དཔག་ཚད་ལྔ་ཡོད་ཡབ་ནི་སྒྲོན་མ་ཡིན། །བྱང་ཆུབ་ཡན་ལག་དགའ་བ་རྒྱལ་བའི་ཡུམ། །སྲས་པོ་ཤེད་བུ་དགེ་བཟང་རིམ་གྲོ་བ། །འགྲོ་བས་མཆོད་ཅེས་བྱ་བ་མཁས་པ་སྟེ། །ཡེ་ཤེས་སྟོབས་མཆོག་ལྡན་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་རྩ་དྲུག་སྟེ། །འཇིག་རྟེན་རྒོལ་བ་རབ་འཇོམས་གཡོ་མེད་ལ། །ཁ་གསག་མེད་པའི་དགྲ་བཅོམ་ཤ་སྟག་འདུས། །མི་ཚེ་ལོ་གྲངས་དག་ནི་ཁྲི་ཡང་ཡིན། །ཟད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་ཅིག་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་བྱེ་བ་དགུ་ཡང་ཚད། །དེ་བཞིན་གཤེགས་པ་ནོར་བུ་ཟླ་བ་ཡི། །སྐྱེ་བའི་ཡུལ་ནི་མིག་གིས་མཐོང་ཞས་བྱ། ། རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་འོད་ཟེར་བཟང་པོ་ཡབ། །གྲགས་ལྡན་མ་ཞེས་བྱ་བ་།རྒྱལ་བའི་ཡུམ། །སྲས་པོ་ཆོས་འདོད་སྐར་རྒྱལ་ 268b རིམ་གྲོ་པ། །འགྲོ་བ་ལྟ་ཞེས་བྱ་བ་མཁས་པ་སྟེ། །མཛའ་ཡི་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ལེགས་རྟོགས་སེམས་ལྡན་ཚུལ་ཁྲིམས་མཚུངས་པ་པོ། །དགྲ་བཅོམ་བྱེ་བ་ཕྲག་ནི་བརྒྱད་བརྒྱད་ཡོད། །མི་ཚེ་ལོ་གྲངས་ཅིག་ཁྲི་ཉིས་སྟོང་ཡིན། །རྒྱལ་བའི་སྲིད་པ་ཞི་བར་གྱུར་པ་ཡི། །དམ་ཆོས་ལོ་གྲངས་སྟོང་ཕྲག་བཅུར་ཡང་གནས། །རྒྱལ་བའི་མཆོད་རྟེན་དྲུག་ཅུ་རྩ་གཉིས་ཏེ། །གདུགས་གྲངས་ཅིག་ཁྲི་དྲུག་སྟོང་དག་གིས་བརྒྱན། །དེ་བཞིན་གཤེགས་པ་དྲག་ཤུལ་འོད་ཟེར་གྱི། །སྐྱེ་ཡུལ་འོད་ནི་རྟག་པ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །གླིང་བཞི་དགྲ་བཅོམ་བརྒྱད་ཡོད་དབྱངས་སྙན་ཡབ། །རྒྱལ་ལྡན་མ་ནི་ཡུམ་ཡིན་སྲས་པོ་ནི། །ཁ་ལོ་བ་སྒྱུར་ཡིན་དབྱེན་མེད་རིམ་གྲོ་པ། །འགྲོས་མཁས་པ་ཞེས་བྱ་བ་མཁས་པ་སྟེ། །འཇིག་རྟེན་པ་ཡིས་པ་སྔགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང ། །ང་མེད་ཕུང་པོར་འཛིན་པ་སྤངས་པ་བོ། །བྱེ་བ་ཕྲག་ནི་བཅུ་བཞི་བཅུ་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བཞི་བཅུ་རྩ་དྲུག་བར་དུ་གནས་པར་འགྱུར། །སྐུ་གདུང་རྒྱས་འགྱུར་མཆོད་རྟེན་བཟང་པོའི་གྲངས། །བྱེ་བ་སྟོང་ཕྲག་ཉི་ཤུ་རྩ་གཉིས་འབྱུང ། ། 269a ༄#། །དེ་བཞིན་གཤེགས་པ་བརྟུལ་ཞུགས་ཐུབ་མེད་ཀྱི། །སྐྱེ་བའི་ཡུལ་ནི་དགའ་བས་ཚིམ་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡིན་ཡབ་ནི་ལྷ་དབང་ཡིན། །ས་བདག་མ་ཞེས་བྱ་བ་རྒྱལ་བའི་ཡུམ། །སྲས་པོ་བྱམས་པ་ལེགས་བྱམས་རིམ་གྲོ་པ། །བློ་མཚུངས་པ་ཞེས་བྱ་བ་མཁས་པ་སྟེ། །ལེགས་ངེས་ཐོབ་ཅེས་བྱ་ལ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང ། །དགྲ་བཅོམ་བྱེ་ཕྲག་དགུ་བཅུ་གཉིས་གཉིས་ཡོད། ། ལྷག་པ་གཞན་ཡང་བརྒྱད་སྟོང་བརྒྱད་སྟོང་ཡིན། །ཡི་ཚེ་ལོ་གྲངས་སྟོང་ཕྲག་བདུན་ཅུ་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དྲུག་ཅུ་རྩ་དགུའི་བར་དུ་གནས་པར་འགྱུར། །མཆོད་རྟེན་གྲངས་ནི་བྱེ་བ་ཕྲག་བརྒྱ་དང ། །ལྷག་ཀྱང་རྩ་ལྔ་གསེར་གྱི་རྒྱལ་མཚན་ཅན། །འོད་དང་ལྡན་པ་འགྲོ་བས་མཆོད་པ་ཡི། །སྐྱེ་བའི་ཡུལ་ནི་སེམས་སྦྱངས་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་བྱམས་ལེགས་ཡིན། །བློ་གྲོས་གྲགས་མ་ཡུམ་ཡིན་སྲས་པོ་ནི། ། རིན་ཆེན་རིན་ཆེན་བཟང་པོ་རིམ་གྲོ་བ། །བརྟུལ་ཞུགས་ཆེན་པོ་ཞེས་བྱ་མཁས་པ་སྟེ། །སྐྱེས་མཆོག་དམ་པ་ཞེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་ 269b ཅུ་དང ། །གཞན་ཡང་ལྷག་པ་ཉི་ཤུ་གཉིས་ཀུན་ལ་ཡང ། །བྱེ་བ་སྟོང་ཕྲག་བཅོ་བརྒྱད་བཅོ་བརྒྱད་ཡིན། །མི་ཚེ་ལོ་གྲངས་བདུན་ཁྲི་བཞི་སྟོང་ཡོད། །མཆོད་པའི་གནས་ཀྱི་དམ་པའི་ཆོས་དག་ཀྱང ། །ལོ་གྲངས་སྟོང་དུ་གནས་ཤིང་སྐུ་གདུང་རྒྱས། །མཆོད་རྟེན་གྲངས་ནི་བརྒྱད་ཁྲི་ཉིས་སྟོང་སྟེ། །རིན་ཆེན་སྤྲས་ཤིང་འགྲོ་བ་དག་གིས་བརྒྱན། །དེ་བཞིན་གཤེགས་པ་ནོར་བུའི་ཚོགས་སྐྱེ་བའི། །ཡུལ་ནི་གཟི་བྱིན་ཀུན་ལས་འཕགས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་གྱི་ཚད། །དཔག་ཚད་བདུན་ཅུ་དྲང་སྲོང་དབང་པོ་ཡབ། །ལྷ་དགའ་ཞེས་ནི་བྱ་བ་ཡུམ་ཡིན་ནོ། །སྲས་པོ་ལྷ་ཡིན་ལྷ་བཟང་རིམ་གྲོ་བ། །མི་ཡི་དབང་ཕྱུག་ཅེས་བྱ་མཁས་པ་སྟེ། །ཆགས་མེད་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་རྩ་དྲུག་སྟེ། །ཀུན་ལའང་སོ་སོ་ཡང་དག་རིག་ཤེས་པའི། །ཕ་རོལ་ཕྱིན་བ་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བཞི་བཅུར་ཚད་པའི་བར་དུ་གནས་པར་འགྱུར། །རྒྱལ་བའི་མཆོད་རྟེན་བྱེ་བ་ཕྲག་བཅུ་སྟེ། །གསེར་གྱི་པདྨ་དག་གིས་འཁོར་བར་བསྐོར། ། དེ་བཞིན་གཤེགས་པ་འཇིག་རྟེན་བླ་མ་ཡི། །སྐྱེ་ཡུལ་བསོད་ནམས་ཡང་དགའ་འཕགས་ཞེས་བྱ། །རིགས་ནི་རྒྱལ་རིགས་ཡན་ཏེ་འོད་དཔག་ཚད། །བྱེ་བ་བརྒྱད་ཅུ་ཡབ་ནི་དཔལ་ 270a ༄#། །ལྡན་ཡིན། །ཕྱོགས་ལྟ་ཞེས་ནི་བྱ་བ་རྒྱལ་།བའི་ཡུམ། །སྲས་བོ་པདྨ་བློ་བཟངས་རིམ་གྲོ་པ། །ཀུན་ཏུ་དགའ་ཞེས་བྱ་བ་མཁས་པ་སྟེ། །ཡེ་ཤེས་འདོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱ་ནི་དྲུག་ཅུ་སྟེ། །ཀུན་ལའང་ལྷག་མེད་མྱ་ངན་འདས་ཕྱིན་པ། །དགྲ་བཅོམ་བྱེ་བ་བརྒྱ་ཕྲག་བཅུ་བཅུ་ཡོད། །མི་ཚེ་ལོ་གྲངས་བརྒྱད་ཁྲི་ཉིས་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་ཉིས་སྟོང་བར་དུ་གནས་པར་འགྱུར། །མཆོད་རྟེན་དགུ་བཅུ་རྩ་བཞིར་ཚང་པ་སྟེ། །རིན་ཆེན་རང་བཞིན་ལན་ཀན་དག་གིས་བརྒྱན། །དེ་བཞིན་གཤེགས་པ་གླང་ཆེན་སེངྒེ་ཡི། །སྐྱེ་བའི་ཡུལ་ནི་མདངས་སྡུག་པ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔའ་ཚད་དགུ་ཡོད་མཆོད་སྦྱིན་བཟང་པོ་ཡབ། །འགྲོ་དགའ་རྒྱལ་བའི་ཡུ་ཡིན་སྲས་པོ་ནི། །མེ་ཏོག་མེ་ཏོག་བཟང་པོར་མི་གྲོ་བ། །མཆོད་པར་འོས་ཞེས་བྱ་བ་མཁས་པ་སྟེ། །ལྷ་ཡིས་ཕྱག་བྱས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཤིན་ཏུ་ངེས་པའི་ཤེས་རབ་ལྡན་པ་པོ། །དགྲ་བཅོམ་སེམས་སྦྱངས་བྱེ་བ་སྟོང་སྟོང་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དམ་པའི་ཆོས་ནི་ལོ་གྲངས་བྱེ་བ་ཕྲག་།ལྔ་དག་ཚང་བའི་བར་དུ་གནས་པར་འགྱུར། ། 270b རྒྱལ་བའི་སྐུ་གདུང་རྒྱས་འགྱུར་མཆོད་རྟེན་གྲངས། །ཐེར་འབུམ་ཕྲག་གཅིག་གཅིག་འབུམ་ལྔ་སྟོང་ཡོད། །དེ་བཞིན་གཤེགས་པ་ཟླ་བ་སྐྱེ་བ་ཡི། །ཡུལ་ནི་སྙིང་པོ་རྟག་ཏུ་བརྟན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་སཝ་ལའི་དབང་པོ་ཡབ། །ཡོན་ཏན་སྨྲ་ཞེས་བྱ་བ་རྒྱལ་བའི་ཡུམ། །སྲས་པོ་ཆོས་སྦྱིན་ཆོས་བཟངས་རིམ་གྲོ་པ། །རབ་ཏུ་ཞི་དགའ་ཞེས་བྱ་མཁས་པ་སྟེ། །འཇིག་རྟེན་མི་གནས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང ། །ཤེས་རབ་ལེགས་བསྒོམས་ཕ་རོལ་ཕྱིན་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །འགྲོལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བཞི་སྟོང་བར་དུ་གནས། །འཇིག་རྟེན་མཁྱེན་པ་མྱ་ཉན་འདས་ནས་ཀྱང ། །མཆོད་རྟེན་གྲངས་ནི་ཐར་འབུམ་ཕྲག་གཉིས་འབྱུང ། །དེ་བཞིན་གཤེགས་པ་རིན་ཆེན་འོད་ཟེར་གྱི། །སྐྱེ་བའི་ཡུམ་ནི་ཤེས་རབ་སྣང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་གསུམ་ཡོད་ཡབ་ནི་ཆུ་དབང་པོ། །དག་ཡན་མ་ཞེས་བྱ་བ་རྒྱལ་བའི་ཡུམ། །སྲས་བོ་རིག་དགའ་ལྷ་ནི་རིམ་གྲོ་པ། །བློ་གྲོས་མིག་ལྡན་པ་ནི་མཁས་པ་སྟེ། །ཡིད་སྦྱངས་པ་ཞས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །འཇིག་ 271a ༄#། །རྟེན་མ་ཆགས་རྣམ་གྲོལ་ཐོབ་པ་པོ། །འཁྲུལ་མེད་སྐྱུགས་པ་པོར་བ་ཤ་སྟག་གོ་།མི་ཚེ་ལོ་གྲངས་དག་ནི་སུམ་སྟོང་ཡིན། །རབ་ཏུ་ཞེས་བར་ཕྱིན་པའི་དམ་ཆོས་དག་།ལོ་གྲངས་སུམ་སྟོང་ཚང་བའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་ཅིག་ཡིན་སྟེ། །དཔག་ཚད་སུམ་པ་ནོར་བུའི་དྲ་བས་སྤྲས། །དེ་བཞིན་གཤེགས་པ་སྒྲ་གཅན་སྦེད་པ་ཡི། །སྐྱེ་བའི་ཡུལ་ནི་དགེ་བས་བརྒྱན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་མཐུ་ལྡན་ཡིན། །གྲགས་པའི་བླ་མ་ཞེས་བྱ་ཡུམ་ཡིན་ནོ། །སྲས་པོ་ལྷ་དགའ་ཆོས་ལྡན་རིམ་གྲོ་པ། །གསེར་ལྟ་བུ་ཞེས་བྱ་བ་མཁས་པ་སྟེ། །འཇིག་རྟེན་འོད་བྱེད་པ་ནི་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་བཅུ་དང ། །གཞན་ཡང་ཉི་ཤུ་རིགས་ནད་མེད་པ་པོ། །བྱེ་བ་འབུམ་ཕྲག་ཚད་པ་ཤ་སྟག་གོ་།མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅུར་ནི་ཚད་པར་གནས། །སྐུ་གདུང་རྒྱས་འགྱུར་མཆོད་རྟེན་བཟང་པོའི་གྲངས། །བྱེ་བ་ཕྲག་ནི་ཉི་ཤུ་གཉིས་ཀྱང་ཡིན། །དེ་བཞིན་གཤེགས་པ་ཡོན་ཏན་རྒྱ་མཚོ་ཡི། །སྐྱེ་བའི་ཡུལ་ནི་བྱང་ཆུབ་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ 271b ཚད་གསུམ་ཅུ་ཡབ་ནི་པདྨ་བཟང ། །པད་མ་ཅན་ཞེས་བྱ་བ་རྒྱལ་བའི་ཡུམ། །སྲས་པོ་པདྨ་པད་བཟངས་རིམ་གྲོ་བ། །ཡོན་ཏན་སྤོས་འོད་དེ་ནི་མཁས་པ་སྟེ། །ཀུན་ཏུ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱ་སྟེ་ཀུན་ལ་ཡང ། །རྩཝ་ཤིང་མེད་པར་མཚུངས་པའི་སེམས་ཐོབ་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །ཟད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །སྐུ་གདུང་རྒྱས་འགྱུར་མཆོད་རྟེན་དག་གི་གྲངས། །སྟོང་ཕྲག་བརྒྱད་ཅུ་དག་ནི་ཆད་པར་འགྱུར། །དེ་བཞིན་གཤེགས་པ་འོད་ཟེར་ལྡན་པ་ཡི། །སྐྱེ་བའི་ཡུལ་ནི་འཁྲུལ་པ་མེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་དགེ་བཟང་ཡིན། །རིན་ཆེན་མཆོག་ཡུམ་སྲས་པོ་ཡན་ལག་གཡོ། །ཡན་ལག་སྡུག་ལྡན་པ་ནི་རིམ་གྲོ་པ། །རབ་ཏུ་བརྒྱན་པའི་དབྱངས་ནི་བློ་ལྡན་སྟེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བཅོ་བརྒྱད་ཀུན་ལ་ཡང ། །བསྒོམས་རྒྱུས་ཉོན་མོངས་ཐལ་བར་བརླགས་པ་པོ། །བྱེ་བ་ཕྲག་ནི་སུམ་ཁྲི་སུམ་ཁྲི་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །ཉི་ཤུ་རྩ་གཉིས་བར་དུ་གནས་པར་འགྱུར། །རྒྱལ་བའི་ 272a ༄#། །སྐུ་གདུང་མཆོད་རྟེན་གཅིག་ཡིན་ཏེ། །འཕང་དུ་དཔག་ཚད་གཅིག་པ་གདུགས་ཀྱིས་བརྒྱན། །སངས་རྒྱས་རབ་ཏུ་ཞི་བའི་སྟོབས་དག་གི་།སྐྱེ་བའི་ཡུལ་ནི་མཛེས་པར་མཆོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །སུམ་ཅུ་གཉིས་ཡོད་ཡ་བ་ནི་ཚངས་བཟང་ཡིན། །མཁས་བློ་མ་ཞེས་བྱ་བ་ཡུམ་ཡིན་ནོ། །སྲས་པོ་སྐར་མཁན་སྐར་བཟངས་རིམ་གྲོ་པ། །སྐྱེས་པ་བུད་མེད་དགའ་བ་མཁས་པ་སྟེ། །འཇིག་རྟེན་དང་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དུག་ཅུ་དྲུག་ཀུན་ལའང ། །འཇིག་རྟེན་དག་གི་མཐར་ནི་ཕྱིན་པ་པོ། །དགྲ་བཅོམ་དགེ་བདུན་བྱེ་བ་བཅུ་བཅུ་ཡོད། །མི་ཚེ་ལོ་གྲངས་དགུ་ཁྲི་ཉི་སྟོང་ཡིན། ། དེ་ཡི་དམ་ཆོས་ལོ་གྲངས་སྟོང་ཕྲག་ནི། །ཉི་ཤུ་རྩ་གཉིས་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་དག་གི་གྲངས་ཀྱང་བྱེ་བ་འབྱུང ། །བདེ་བར་གཤེགས་པ་འཇིག་རྟེན་བཟང་པོ་ཡི། །སྐྱེ་བའི་ཡུལ་ནི་དགའ་བར་འབྱུང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་སྨན་པ་བཟང ། །མང་པོས་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་ཟླ་ཉིད་རྩི་སྨན་རིམ་གྲོ་བ། །ཡེ་ཤེས་མཆོག་ཅེས་བྱ་བ་མཁས་པ་སྟེ། །གཏི་མུག་མེད་པར་ 272b གནས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་གཉིས་ཏེ། །རེ་རེ་ཀུན་ལ་དགྲ་དག་བཅོམ་པའི་ཚོགས། །ཐེར་འབུམ་ཕྲག་ནི་ལྔ་ལྔ་འབྱུང་བར་འགྱུར། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །འགྲོ་བའི་དོན་དུ་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅོ་ལྔའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་རིན་ཆེན་བཟང་པོས་སྦྲས། །མི་ཡི་མཆོག་མ་མྱ་ངན་མེད་པ་ཡི། །སྐྱེ་བའི་ཡུལ་ནི་མྱ་ངན་འཚང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཆོད། །དཔག་ཚད་བཅུ་གཅིག་ཡབ་ནི་མྱ་ངན་མེད། །མྱ་ངན་སྤོང་ཞེས་བྱ་བ་རྒྱལ་བའི་ཡུམ། །སྲས་པོ་མཛེས་ཅན་སྡུག་ལེགས་རིམ་གྲོ་བ། །རབ་ཏུ་བརྒྱན་པ་ཤེས་བློ་ཅན་ཡིན་ཏེ། །རྣམ་པར་འཕྲུལ་པའི་སེམས་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་རྩ་དྲུག་སྟེ། །འདུས་པ་ཀུན་ལའང་ཡིད་ནི་རབ་ཞི་བ། །བྱེ་བ་ཕྲག་ནི་བཞི་བཅུ་བཞི་ཅུ་ཡོད། །མི་ཚེ་ལོ་གྲངས་དག་ནི་ཁྲི་ཡང་ཡིན། །འགྲོལ་ཕན་ཕྱིན་རྒྱལ་བའི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །མཆོད་རྟེན་གྲངས་ནི་ཐེར་འབུམ་ཕྲག་གཉིས་ཏེ། །མུག་ཏིག་རྒྱལ་མཚན་རིན་ཆེན་མཆོག་གིས་སྦྲས། །དེ་བཞིན་གཤེགས་པ་ཤུགས་བཅུ་བདག་གི་།སྐྱེ་བའི་ཡུལ་ནི་མཐོང་ན་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ 273a ༄#། །དཔག་ཚད། །སུམ་ཅུ་གཉིས་ཡོད་ཡབ་ནི་སྟོབས་དབང་ཡིན། །ང་རོ་སྙན་ཞེས་བྱ་བ་རྒྱལ་བའི་ཡུམ། །སྲས་པོ་སྐད་སྙན་བཟང་པོ་རིམ་གྲོ་བ། །དབྱངས་སྙན་པ་ཞེས་བྱ་བ་མཁས་པ་སྟེ། །སེངྒེའི་གླལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རི་ཡི་རྒྱལ་པོ་ལྟ་བུར་མ་གཡོ་བ། །བྱེ་བ་ཕྲག་ནི་འབུམ་ཕྲག་རེ་རེ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒྱལ་བའི་དམ་ཆོས་ལོ་གྲངས་སྟོང་ཕྲག་ནི། །བཅུ་དྲུག་དག་གིས་བར་དུ་གནས་བར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །དཔག་ཚད་བཅུ་པའི་མཆོད་རྟེན་གདུང་བཅས་གཅིག་།དེ་བཞིན་གཤེགས་པ་སྟོབས་ལ་དགྱེས་པ་ཡི། །སྐྱེ་བའི་ཡུལ་ནི་དགའ་བའི་དབྱངས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལེགས་བྱིན་ཡིན། །དགའ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་དགའ་པོ་ཀླུ་ཆེན་རིམ་གྲོ་བ། །འཇིག་རྟེན་གསུམ་དུ་སྣང་བ་མཁས་པ་སྟེ། །འཇིགས་པ་མེད་པའི་མཆོག་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །རྩ་ཤིང་ལྟ་བུར་ཆགས་པ་མེད་པ་བོ། །དར་མི་འཛིན་པ་གཉིས་འབུམ་ཉིས་འབུམ་ཡོད། །མི་ཚེ་ལོ་གྲངས་ཉིས་ཁྲི་ཉིས་སྟོང་ཡིན། །དམ་ཆོས་དག་ནི་ལོ་གྲངས་སྟོང་དུ་ 273b གནས། །མཆོད་རྟེན་གྲངས་ནི་བདུན་ཁྲི་བཞི་སྟོང་ཀུན། །ལྷ་ཡི་ལྷ་རྫས་གཞལ་མེད་ཁང་ལྟ་བུར། །གསེར་གྱི་རྒྱལ་མཚན་དག་གིས་རྣམ་པར་སྦྲས། །བདེ་བར་གཤེགས་པ་མཐུ་དཔལ་སྐྱེ་བ་ཡི། །ཡུལ་ནི་ལེགས་པར་བརྟན་པོ་སྦེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལེགས་ཡིད་གཞུངས། །པདྨ་ཅན་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་དབང་ཚོགས་དབང་རིམ་གྲོ་བ། །བློ་སྤྱོད་པ་ཞེས་བྱ་བ་མཁས་པ་སྟེ། །འཁྲུག་པ་མེད་པའི་བློ་ཅན་རྫུ་འཕྲུལ་ཅན། །འདུས་པ་ལན་གྲངས་བརྒྱ་རྩ་བཅུ་དྲུག་སྟེ། །ཀུན་ལའང་བར་སྣང་མི་གནས་འདྲ་བ་པོ། །བྱ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་སྟོང་ཡང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་དྲུག་ཁྲི་དྲུག་སྟོང་བར་དུ་གནས། །ཞི་བར་ཕྱིན་པའི་སྐུ་གདུང་རྒྱས་འགྱུར་ལ། །རིན་ཆེན་མཆོད་རྟེན་བྱེ་བ་ཕྲག་གཉིས་འབྱུང ། །དེ་བཞིན་གཤེགས་པ་མཐུ་ཐོབ་པ་དེ་ཡི། །སྐྱེ་བའི་ཡུལ་ནི་ལེགས་གནས་མཆོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་རྣམ་པར་རོལ་པ་ཡབ། །ངེས་པར་བྱ་ཞེས་བྱ་བ་རྒྱལ་བའི་ཡུམ། །སྲས་པོ་མ་སྨད་དུལ་བ་རིམ་གྲོ་བ། །འགྲོ་བ་དགའ་ཞེས་བྱ་བ་མཁས་པ་སྟེ། །བསོད་ནམས་ཕུང་པོའི་གཟི་བརྗིད་རྫུ་འཕྲུལ་ཅན། ། 274a ༄#། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྨས་པ་མེད་ཅིང་རིམས་ནད་མེད་པ་པོ། །དགྲ་བཅོམ་ཐེར་འབུམ་ཕྲག་ནི་གསུམ་གསུམ་ཡོད། ། མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དགུ་བཅུ་རྩ་གཉིས་བར་དུ་གནས་བར་འགྱུར། །རྒྱལ་བའི་སྐུ་གདུང་བཅས་པའི་མཆོད་རྟེན་གྲངས། །བདུན་ཡོད་དཔག་ཚད་གཅིག་པ་གསེར་གྱིས་སྤྲས། །དེ་བཞིན་གཤེགས་པ་མཐུ་ནི་ཆེན་པོ་ཡི། །སྐྱེ་བའི་ཡུལ་ནི་རྒྱལ་བར་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །གསུམ་ཅུ་གསུམ་ཡོད་གཞལ་མེད་ཁང་བ་ཡབ། །ཡིད་དགའ་ཡུམ་ཡིན་ཁ་ལོ་བསྒྱུར་བ་ནི། །སྲས་པོ་ཤིན་ཏུ་བདེན་པ་རིམ་གྲོ་པ། འགྲོས་སྡུག་པ་ཞེས་བྱ་བ་མཁས་པ་སྟེ། །ཆགས་པ་མེད་པར་གནས་པ་རྫུ་འཕྲུལ་ཅན། །འདུས་པ་བདག་ནི་ལན་གྲངས་བཞི་བཅུ་སྟེ། །ཀུན་ལའང་སེམས་ནི་ཟླ་བ་ཉ་འདྲ་བ། ། བྱེ་བ་ཕྲག་ནི་ཉི་ཁྲི་ཉི་ཁྲི་ཡོད། །མི་ཚེ་ལོ་གྲངས་སུམ་ཁྲི་ཉིས་སྟེང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅུ་བཞིའི་བར་དུ་གནས། །མཚུངས་པ་མེད་པ་མྱ་ངན་འདས་ནས་ཀྱང ། །མཆོད་རྟེན་གྲང་ནི་ཐེར་འབུམ་ཕྲག་བཅུ་འབྱུང ། །དེ་བཞིན་གཤེགས་པ་ཡོད་ཏན་སྙིང་པོ་ཡི། །སྐྱེ་བའི་ཡུལ་ནི་མཆོད་རྟེན་མཆོད་ 274b ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་བདག་ཉིད་ཆེན་པོ་ཡབ། །འགྲོས་མཆོད་རྒྱལ་ཡུམ་སྲས་པོ་རྫུ་འཕྲུལ་ཅན། །ཤིན་ཏུ་འབྱོར་ཅེས་བྱ་བ་རིམ་གྲོ་པ། །ཆུ་ལྷ་དགའ་ཞེས་བྱ་བ་མཁས་པ་སྟེ། །ཚངས་བ་ལྷ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང ། །དྲི་བསུང་དྲི་བྲལ་ཆགས་པ་མེད་གྱུར་པ། །བྱེ་བ་ཕྲག་ནི་བརྒྱ་བརྒྱ་འབྱུང་བར་འགྱུར། །རྒྱལ་བའི་སྐུ་ཆོ་ལོ་གྲངས་ཁྲི་ཅིག་སྟོང ། །འཇིག་རྟེན་གསུམ་ལ་ཕན་ཕྱིར་དམ་ཆོས་དག་།ལོ་གྲངས་ཉི་ཁྲི་སུམ་སྟོང་བར་དུ་གནས། ། རྒྱལ་བའི་སྐུ་གདུང་བཅས་པའི་མཆོད་རྟེན་གཅིག་།དཔག་ཚད་བཞི་པ་གདུགས་གྲངས་སྟོང་དང་ལྡན། །དེ་བཞིན་གཤེགས་པ་བདེན་པར་སྤྱོད་པ་ཡི། །སྐྱེ་བའི་ཡུལ་ནི་བདེན་པ་འདོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་སྟོབས་ལྡན་ཞིང ། །འོད་མཛེས་པ་ཞེས་བྱ་བ་རྒྱལ་བའི་ཡུམ། །སྲས་པོ་མཆོག་ལྡན་དོན་བཟང་རིམ་གྲོ་བ། །ཡོན་ཏན་མཐུ་རྩལ་ཞེས་བྱ་མཁས་པ་སྟེ། །མཐུ་རྩལ་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་ཉོན་མོངས་དྲི་མ་ཀུན་སྦངས་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་དགུ་ཁྲི་ 275a ༄#། །དགུ་སྟོང་བར་དུ་གནས། །རྒྱལ་བའི་མཆོད་རྟེན་དགུ་བཅུ་རྩ་བཞི་སྟེ། །རིན་ཆེན་རྟ་བབས་གསེར་གྱིས་རྣམ་པར་སྦྲས། །དེ་བཞིན་གཤེགས་པ་དགེ་མཆོག་རྒྱལ་པོ་ཡི། །སྐྱེ་བའི་ཡུལ་ནི་མི་འཇིགས་རྫི་བ་མེད། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་གླང་པོའི་དབང་པོ་ཡབ། །སེམས་མཚུངས་མ་ཞེས་བྱ་བརྒྱལ་བའི་ཡུམ། །སྲས་བོ་སྲིད་དགའ་མཆོད་པ་རིམ་གྲོ་བ། །སྤོབས་པའི་དོར་ཞེས་བྱ་བློ་ལྡན་ཏེ། །གྲངས་པ་ལུན་འཕགས་པ་ནི་རྫུ་འཕྲུལ་ཅན། ། འདུས་པ་ལན་གྲངས་སུམ་ཅུ་རྩ་དྲུག་སྟེ། །ཀུན་ལའང་དྲང་སྲོང་བདུང་ཡུལ་བྲལ་བ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། ། ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲང་སུམ་སྟོང་ཆད་པར་གནས་པར་འགྱུར། །དཔག་ཚད་གཉིས་པའི་སྐུ་གདུང་མཆོད་རྟེན་གཅིག་།གསེར་གྱི་རྒྱལ་མཚན་གདུགས་ཀྱིས་རྣམ་པར་སྤྲས། །བདེ་གཤེགས་ཡོན་ཏན་རྒྱ་མཚོ་སྐར་རྒྱལ་གྱི། །སྐྱེ་བའི་ཡུལ་ནི་མཚན་གྱིས་སྦྲས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། ། དཔག་ཚད་དགུ་ཡོད་ཡབ་ནི་བློ་ལྡན་ཡིན། །ཡིད་དགའ་མ་ཞེས་བྱ་བ་རྒྱལ་བའི་ཡུམ། །སྲས་བོ་ཁྲོས་ཅན་རྡུལ་ཕྲལ་རིམ་གྲོ་བ། །ཡིད་གཉིས་སྤོར་ཞེས་བྱ་བ་མཁས་པ་ 275b སྟེ། །ཐེ་ཚོམ་འཇོམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་གཉིས་ཏེ། །ཀུན་ལའང་དངོས་པོ་བསལ་བར་གྱུར་པ་པོ། །འཆིང་བ་བཅད་པ་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །སུམ་ཅུ་རྩ་གཉིས་བར་དུ་གནས་པར་འགྱུར། །མཆོད་རྟེན་གྲངས་ནི་དགུ་ཁྲི་དགུ་སྟོང་སྟེ། །ལྷ་ཡིག་ཞལ་མེད་ཁང་ལྟར་ཤིན་ཏུ་སྤྲས། །དེ་བཞིན་གཤེགས་པ་འོད་ཟེར་ཆེན་པོ་ཡི། །སྐྱེ་བའི་ཡུལ་ནི་བསོད་ནམས་སྣང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཏོག་བཟང་ཡིན། །ཏོག་གི་བློ་གྲོས་མ་ནི་རྒྱལ་བའི་ཡུམ། །སྲས་པོ་ལྷས་བྱིན་བླ་མ་རིམ་གྲོ་པ། །སྲིད་པའི་རྒྱ་མཚོ་འཁྲུགས་བྱེད་མཁས་པ་སྟེ། །སྨྲ་བའི་ཁྱུ་མཆོག་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་དགུ་སེམས་ཀུན་ལ་ཡང ། །སྲིད་པའི་རྒྱ་མཚོ་སྐེམས་པའི་ཡིད་ལྡན་པ། །བྱེ་བ་ཕྲག་ནི་སུམ་ཅུ་དགུ་དགུ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་ཅིག་སྟོང་བར་དུ་གནས། །སྐུ་གདུང་རྒྱས་འགྱུར་ས་གཞི་ཐམས་ཅད་དུ། །མཆོད་རྟེན་གྲངས་ནི་དགུ་ཁྲི་འབྱུང་བར་འགྱུར། །ཡོན་ཏན་མངའ་བ་གློག་གི་འོད་སྐྱེ་བའི། །ཡུལ་ནི་གཟི་བྱིན་ཤིན་ཏུ་བརྒྱན་ཅེས་བྱ། །རིགས་ནི་ 276a ༄#། །བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་ལག་བཟང་ཡིན། །ལྷས་བསམས་ཞེས་བྱ་བ་རྒྱལ་བའི་ཡུམ། །སྲས་པོ་སྒོམ་བྱེད་ངོས་བཟང་རིམ་གྲོ་བ། །གྲགས་མཆོད་ཅེས་ནི་བྱ་བ་མཁས་པ་སྟེ། །ཁ་ལོ་བསྒྱུར་བའི་རྒྱལ་པོ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང ། །ཚུལ་བཞིན་ཆོས་ལ་འཇིགས་མེད་ཐོབ་གྱུར་པ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་དགུ་འབུམ་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཞི་པ་དག། གསེར་གྱི་མཆོད་རྟེན་རྒྱལ་མཚན་དག་གིས་བསྐོར། །བདེ་གཤེགས་མགོན་པོ་ཡོན་ཏན་རྒྱ་ཆེན་གྱི། །སྐྱེ་བའི་ཡུལ་ནི་མཚན་མོ་རྒྱས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་གྱི་ཚད། །དཔག་ཚད་དྲུག་ཡོད་ཡབ་ནི་བློ་བཟང་ཡིན། །བློ་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་རྟོགས་མེད་བློ་ལྡན་རིམ་གྲོ་པ། །བློ་འགྲོས་བ་ཞེས་བྱ་བ་མཁས་པ་སྟེ། །རྣམ་པར་འཕྲུལ་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཏེ་ཀུན་ལ་ཡང ། །ལྷུན་པོའི་རྩེ་ལྟར་གཡོ་བ་མེད་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །རྒྱལ་བ་ཐུབ་བ་ཞི་བར་ཕྱིན་པ་ 276b ཡི། །དམ་པའི་ཆོས་དག་ལོ་གྲངས་སྟོང་དུ་གནས། །མཆོད་རྟེན་ཐེར་འབུམ་ཕྲག་ནི་གཉིས་ཡོད་དེ། །རིན་ཆེན་ཆུན་ཕྲེང་སྟོང་སྙེད་དག་གིས་སྦྲས། །མི་ཡི་འདྲེན་པ་རིན་པོ་ཆེ་དག་གི་།སྐྱེ་བའི་ཡུལ་ནི་རིན་ཆེན་མང་ཞེས་བྱ། །རིགས་ནི་རྒྱལ་རིགས་འོད་ཚད་ཞིང་གི་གྲངས། །སྟོང་སྙེད་ཁྱབ་པ་ཡབ་ནི་རིན་ཆེན་བཟང ། །རིན་ཆེན་མཆོག་མ་ཞེས་བྱ་རྒྱལ་བའི་ཡུམ། ། སྲས་པོ་དགའ་བྱིན་ཁྱད་འཕགས་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །རྣམ་གྲངས་སེམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང ། །སྲིད་པར་འཆིང་པ་གཅོད་པར་བྱེ་བ་པོ། །བྱེ་བ་ཕྲག་ནི་ཉི་ཤུ་དྲུག་དྲུག་འདུས། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། ། བརྒྱ་ཅུ་རྩ་།ལྔའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་དག་།རིན་ཆེན་གཙུག་ཕུད་བྱེ་བདག་གིས་སྦྲས། །འགྲོ་བདག་གིས་མཆོད་མ་དཔལ་འོད་ཀྱི། །སྐྱེ་བའི་ཡུལ་ནི་པད་མ་ཅན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་བཀྲ་ཤིས་ཡིན། །ལེགས་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་མགོན་བྱིན་མགོན་བཟང་རིམ་གྲོ་བ། །སྡུག་དགའ་ཞེས་ནི་བྱ་བ་མཁས་པ་སྟེ། །ཐར་པ་རྣམས་པར་སྒྲོགས་པ་རྫུ་འཕྲུལ་ཅན། །འདུས་པ་ལན་གྲུང་བརྒྱད་ 277a ༄#། །ཅུ་ཀུན་ལ་ཡང ། །ཟླ་བ་ཉ་འདྲ་དྲི་མ་མེད་པ་པོ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །མི་ཡི་རབ་མཆོག་དག་གི་དམ་ཆོས་རྣམས། །ལོ་གྲངས་ཉི་ཁྲི་ཅིག་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་བཟང་པོའི་གྲངས། །བྱེ་བ་ཕྲག་ནི་སུམ་ཅུ་རྩ་གསུམ་འབྱུང ། ། རྒྱལ་བ་བདུད་དགའ་དུལ་བར་མཛད་པ་པོའི། །སྐྱེ་བའི་ཡུལ་ནི་བསོད་ནམས་ལྟན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ལྔ་བརྒྱ་ཁྱབ་གྱུར་ཕལ་ཆེན་ཡབ། །འོད་ཀྱི་ཆོགས་ཤེས་བྱ་བ་རྒྱལ་བའི་ཡུམ། །སྲས་པོ་དེས་ལྡན་རིམ་གྲོ་ཆུ་ལྟ་བ། །ཡེ་ཤེས་འོད་མཆོག་ཅེས་བྱ་མཁས་པ་སྟེ། །དོན་ལ་རྣམས་པར་དེས་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་ཅུ་སྟེ། །ཆགས་མང་ཡིད་ལྡན་དེ་དག་ཐམས་ཅད་གྲངས། །ཐེར་འབུམ་ཕྲག་གཉིས་སྙེད་ནི་འདུས་པར་འགྱུར། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །གྲགས་པ་མཐའ་ཡས་དག་གིས་དམ་ཆོས་རྣམས། །ལོ་གྲང་བཞི་ཁྲི་དྲུག་སྟོང་བར་དུ་གནས། །སྐུ་གདུང་བཅས་པའི་མཆོད་རྟེན་བཟང་པོ་དག ། འཇིག་རྟེན་དག་ཏུ་ཐེར་འབུམ་ཕྲག་གཉིས་འབྱུང ། །དེ་བཞིན་གཤེགས་པ་གོ་ཆབ་གོས་པ་ཡི། །སྐྱེ་བའི་ཡུལ་ནི་བལྟ་ན་མཛེས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་ 277b དཔག་ཚད། །ཉི་ཤུ་རྩ་བཞི་ཡབ་ནི་ལེགས་སྣང་ཡིན། །དེས་བྱས་མ་ཞེས་བྱ་བ་རྒྱལ་བའི་ཡུམ། །སྲས་པོ་གསེར་ཡིན་རྣམ་དག་རིམ་གྲོ་པ། །མེ་ཏོག་དགའ་ཞེས་བྱ་བ་བློ་ལྡན་ཏེ། །གཟུགས་བརྩེགས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བྱེ་བ་ཕྲག་བཞི་དང ། །གཞན་ཡང་དྲུག་ཅུ་རྩ་དྲུག་ཀུན་ལ་ཡང ། །བརྒྱད་ཁྲི་བརྒྱད་ཁྲི་དག་ནི་ཚོགས་པར་འགྱུར། །མི་ཚེ་ལོ་གྲངས་བདུན་ཁྲི་ལྔ་སྟོང་ཡིན། །མགོན་པོ་མཆོག་མའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་ལྔ་སྟོང་བར་དུ་གནས། །རྒྱལ་བའི་མཆོད་རྟེན་དཔག་ཚད་བཞི་པ་ཀུན། །གསེར་ཀྱི་འོད་ཀྱིས་རྣམ་པར་མཛེས་པར་བྱས། །དེ་བཞིན་གཤེགས་པ་སེངྒེའི་ཕྱག་དག་གྱི་།སྐྱེ་བའི་ཡུལ་ནི་དེས་པའི་དོན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་དྲུག་ཡབ་ནི་མི་དམན་པ། །བདུད་རྩེ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་ཆོས་བཟང་ཕན་འདོད་རིམ་གྲོ་པ། །ཡེ་ཤེས་མཆོག་ཅེས་བྱ་བ་མཁས་པས་སྟེ། །ངེས་པར་ཐོབ་ཅེས་བྱ་བ་རྫུ་འཕྲུལ་ཅན། །འདུས་པ་ལང་རངས་བརྒྱད་དེ་ཀུན་ལ་ཡང ། །ཐེག་པ་མཆོག་གིས་རྣམ་ཐར་ཐོབ་པ་པོ། །བྱེ་བ་ཕྲག་ནི་བཅུ་བཅུ་ཚོགས་པར་འགྱུར། །མི་ཚེ་ལོ་གྲངས་དྲུག་ཁྲི་ཉིས་སྟོང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་དགུ་བཅུ་རྩ་དགུར་གནས། །དཔག་ཚད་ལྔ་པའི་མཆོད་རྟེན་ 278a ༄#། །སྐུ་གདུང་བཅས། །གཅིག་སྟེ་རིན་ཆེན་བརྒྱ་སྙེད་དྲ་བས་སྤྲས། མི་ཡི་འདྲེན་པ་མེ་ཏོག་བཟང་པོ་ཡི། །སྐྱེ་བའི་ཡུལ་ནི་མེ་ཏོག་བརྒྱན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་མཆོད་ལེགས་ཡིན། །མེ་ཏོག་མཆོག་མ་རྒྱལ་ཡུམ་སྲས་པོ་ནི། །མེ་ཏོག་བཟང་པོ་མེ་ཏོག་རིན་གྲོ་བ། །འགྲོས་མཛེས་པ་ཞེས་བྱ་བ་མཁས་པ་སྟེ། །གཟི་བརྗིད་མངོན་འཕགས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །མཚུངས་མེད་བྱ་དང་མཚུངས་ཤིང་འདྲ་བ་པོ། །བྱ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །འགྲོལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅུ་བཞིའི་བར་དུ་གནས། །མཆོད་རྟེན་བཟང་པོ་བྱེ་བ་བརྒྱ་ཕྲག་བཅུ། །གསར་གྱི་འོད་དག་གིས་ནི་རྒྱས་པར་འགྱུར། །དེ་བཞིན་གཤེགས་པ་རིན་ཆེན་མཐོན་པོ་ཡི། །སྐྱེ་བའི་ཡུལ་ནི་རིན་ཆེན་ཚོགས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དྲུག་ཡོད་རིན་ཆེན་བཟང་པོ་ཡབ། །དཔལ་བརྒྱན་མ་ཞེས་བྱ་བ་རྒྱལ་བའི་ཡུམ། །སྲས་པོ་འཇིགས་མེད་དུལ་བ་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །སྟོན་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་རྩ་དྲུག་སྟེ། །དགྲ་ 278b བཅོམ་དེ་དག་ཐམས་ཅད་བསམ་གཏན་པ། །ཐེར་འབུམ་ཕྲག་ནི་བཅུ་བཅུ་འབྱུང་བར་འགྱུར། །རྒྱལ་བའི་སྐུ་གདུང་ལོ་གྲངས་ཁྲི་ཡང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང། །ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་མཆོད་རྟེན་སྐུ་གདུང་བཅས་པ་གཅིག་།དཔག་ཚད་གསུམ་པ་ཕྲེང་བ་མཛེས་པ་བཞིན། །མགོན་པོ་དེ་བཞིན་གཤེགས་པ་རྒྱ་མཚོ་ཡི། །སྐྱེ་ཡུལ་མཐུ་རྩལ་སྙིང་པོ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཞི་ཡོད་བ་ནི་ལྷ་དབང་ཡིན། །ཡོན་ཏན་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་རྒྱ་མཚོ་ལེགས་དགའ་རིམ་གྲོ་བ། །ཆུ་ཡི་རྒྱལ་པོ་ལྟ་བུ་བློ་ཅན་ཏེ། །བློ་མེད་ཐོབ་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་མཚོ་ལྟར་གང་བའི་ཡིད་འདྲ་བ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །མཐའ་མེད་བརྙེས་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲི་ཆད་པའི་བར་དུ་གནས། །རྒྱལ་བ་ཞི་བར་ཕྱིན་པའི་མཆོད་རྟེན་གྲངས། །བྱེ་བ་ཕྲག་ནི་ཉི་ཤུ་རྩ་ཉིས་འབྱུང ། །མགོན་པོ་དེ་བཞིན་གཤེགས་པས་འཛིན་གྱི། །སྐྱེ་བའི་ཡུལ་ནི་ལེགས་པར་དུལ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལེགས་བཟང་ཡིན། །མཆོད་སྦྱིན་ 279a ༄#། །ཡོན་བརྒྱན་མ་ནི་རྒྱལ་བའི་ཡུམ། །སྲས་པོ་བྱམས་ལྡན་བློ་ལྡན་རིམ་གྲོ་པ། །ས་བདག་ཅེས་ནི་བྱ་བ་མཁས་པ་སྟེ། །གཟུགས་དགུ་ཐོབ་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །མཚུངས་པ་མེད་པ་མེད་པ་བད་མའི་དངོས་ལྟ་བུའི། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། ། ཡོན་ཏན་མངོན་པར་དགྱེས་པའི་དམ་ཆེས་དག་།ལོ་གྲངས་སྟོང་ཕྲག་བཅུ་བདུན་བར་དུ་གནས། །རྒྱལ་བའི་མཆོད་རྟེན་དཔག་ཚད་གཅིག་པ་སྟེ། །མེ་ཏོག་བརྒྱ་དག་གིས་ནི་བརྒྱན་ཅིང་སྤྲས། །དེ་བཞིན་གཤེགས་པ་དོན་ཀྱི་བློ་མདའ་བའི། །སྐྱེ་བའི་ཡུལ་ནི་དོན་ལྡན་སྒྲ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལག་བཟང་ཡིན། །ཚངས་པའི་མཆོད་རྟེན་ཞེས་བྱ་རྒྱལ་བའི་ཡུམ། །སྲས་པོ་མཆོད་རྟེན་ལེགས་སེམས་རིམ་གྲོ་བ། །བློ་གྲོས་བདུད་རྩི་ཞེས་བྱ་མཁས་པ་སྟེ། །རྣམ་པར་ངེས་པའི་མཛོད་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང ། །ཁོང་ཁྲི་མེད་པ་རི་ལྟར་གནས་པ་པོ། །བྱེ་བ་ཕྲག་ནི་བདུན་ཅུ་གཉིས་གཉིས་ཡིན། །མི་ཚེ་ལོ་གྲངས་དྲུག་ཁྲི་ཉིས་སྟོང་ཡིན། །རྣམ་པར་ཐར་པའི་ཕྱིན་པའི་ཆོས་དག་ཀྱང ། །ལོ་གྲངས་སྟོང་ཕྲག་བཅུ་བརྒྱད་བར་དུ་གནས། །སྐུ་གདུང་རྒྱས་འགྱུར་པ་བཞི་ཐམས་ཅད་ནི། །རིན་ཆེན་མཆོད་ 279b རྟེན་བྱེ་བ་དྲུག་གིས་ཁྱབ། །དཔལ་ལྡན་ལེགས་པ་ཡོན་ཏན་བསམས་པ་ཡི། །སྐྱེ་བའི་ཡུལ་ནི་བློ་གྲོས་དན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱིས་ཚད། །དཔག་ཚད་གཅིག་ཡོད་ཡབ་ནི་བློ་ལྡན་ཡིན། །མི་སྡུག་རྒྱལ་བའི་ཡུམ་ཡིན་སྲས་པོ་ནི། །འཇིག་རྟེན་དགའ་བ་སྐར་མ་རིམ་གྲོ་བ། །འགྲོས་སྙོམས་པ་ཞེས་བྱ་བ་མཁས་པ་སྟེ། །འོད་ཅས་གྲགས་པ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱ་ནི་རྩ་ལྔ་སྟེ། །བྱེ་བ་བརྒྱ་ཕྲག་དག་ནི་ཚད་པ་དང ། །དྲུག་ཅུ་རྩ་དྲུག་དག་ཀྱང་འདུས་པར་འགྱུར། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ལྷ་མིའི་དོན་ཕྱིར་དམ་ཆོས་ལོ་སྟོང་དུ། །གནས་འགྱུར་སྐུ་གདུང་ཅེས་པའི་མཆོད་རྟེན་ནི། །དཔག་ཚད་དགུ་བཅུ་རྩ་བརྒྱད་པ་ཅིག་སྟེ། །རིན་ཆེན་བརྒྱ་སྙེད་དྲ་བས་རྣམས་པར་སྦྲས། །དེ་བཞིན་གཤེགས་པ་ཡོན་ཏན་ཚོན་དག་གི་།སྐྱེ་བའི་ཡུལ་ནི་ཡོན་ཏན་རྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། ། དཔག་ཚད་གསུམ་ཡོད་ཡབ་ནི་རྒལ་བ་པོ། །ཡོན་ཏན་གཟི་བརྗིད་ལྡན་པ་རྒྱལ་བའི་ཡུམ། །སྲས་པ་བློ་ལྡན་བློ་ཅན་རིམ་གྲོ་པ། །མི་དགའ་སྤོང་ཞེས་བྱ་བ་མཁས་པ་སྟེ། །དྲ་བ་གཅོད་བྱེད་པ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང ། །ཆགས་པ་མེད་པ་བསམ་གཏན་པ་དེ་ཀུན། །བྱེ་བ་བརྒྱ་ཕྲག་དག་ནི་གསུམ་གསུམ་ 280a ༄#། །ཡོད། །མི་ཚེའི་ཚད་ནི་ལོ་གྲངས་ཁྲི་ཡང་ཡིན། །རྒྱལ་བའི་དམ་ཆོས་ལོ་གྲངས་སྟོང་དུ་གནས། །རྒྱལ་བའི་མཆོད་རྟེན་སྐུ་གདུང་བཅས་པ་ནི། །དཔག་ཚད་ཕྱེད་པའི། །མཆོད་རྟེན་གཅིག་ཡིན་ཏེ། །གདུགས་གྲངས་སྟོང་ཕྲག་བདུན་ཅུས་རྣམ་པར་བརྒྱན། །དེ་བཞིན་གཤེགས་པ་རིན་ཆེན་མེ་ཏོག་གི། །སྐྱེ་བའི་ཡུལ་ནི་བློ་ལྡན་མཆོག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དྲུག་ཅུ་རྩ་གཉིས་ཚོགས་ཅན་དབང་པོ་ཡབ། །སེངྒེ་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་ཚོགས་ཅན་ཚོགས་བཟང་རིམ་གྲོ་པ། །རི་ལྟར་བརྩེགས་ཞེས་བྱ་བ་བློ་ལྡན་ཏེ། །ཆགས་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཕྱིར་མི་བཟློག་པ་གཟུངས་ནི་ཐོབ་པ་པོ། །བྱེ་བ་ཕྲག་ནི་བདུན་ཅུ་དྲུག་དྲུག་འདུས། །མི་ཚེ་ལོ་གྲངས་དགུ་ཁྲི་དགུ་སྟོང་ཡི། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སུམ་ཁྲི་ཉིས་སྟོང་བར་དུ་གནས། །སྲིད་པ་ཐར་མཛད་པ་ཡི་མཆོད་རྟེན་གྲངས། །བརྒྱད་ཁྲི་བཞི་སྟོང་དག་ནི་འབྱུང་བར་འགྱུར། །བདེ་བར་གཤེགས་པ་འཇིག་རྟེན་འདས་པ་ཡི། །སྐྱེ་ཡུལ་བསོད་ནམས་ལེགས་པར་བསྒོམ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། ། 280b སུམ་ཅུ་རྩ་དྲུག་ཡབ་ནི་མུ་སྟེགས་བཟང ། །དོན་ལ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་དོན་ལྡན་དགའ་བ་རིམ་གྲོ་བ། །འཇིགས་མེད་དགའ་ཞེས་བྱ་བ་མཁས་པ་སྟེ། །གྲགས་པ་མངོན་འཕགས་པ་ནི་རྫུ་འཕྲུལ་ཅན། །འདུས་པ་དག་ནི་ལན་གྲངས་དགུ་བཅུ་སྟེ། །རབ་མཆོག་དག་གི་ཚོགས་གྱི་གྲངས་རྣམས་ཀྱང ། །བྱེ་བ་ཕྲག་ནི་སྟོང་སྟོང་འབྱུང་བར་འགྱུར། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །ཡོན་ཏན་ལྡན་པའི་དམ་པའི་ཆོས་དག་ཀྱང ། །ལོ་གྲང་བདུན་ཁྲི་བཞི་སྟོང་བར་དུ་གནས། །རིམས་ནད་མེད་པའི་སྐུ་གདུང་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བདུན་ཅུ་བཞི། །དེ་བཞིན་གཤེགས་པ་འཇིག་རྟེན་ཟླ་བ་ཡི། །སྐྱེ་བའི་ཡུལ་ནི་ཟླ་བ་ཅན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཟླ་བ་ཡིན། །ཟླ་བཞིན་མཛེས་མ་ཡུམ་ཡིན་སྲས་པོ་ནི། །ཚེ་ལྡན་མེ་ཏོག་བཟང་པོ་རིམ་གྲོ་པ། །རྣམ་པར་སྣང་བྱེད་གྲགས་པ་བློ་ལྡན་ཏེ། །ཚུལ་ལི་ཁྲིམས་འོད་བྱེད་པ་ནི་རྫུ་འཕྲུལ་ཅན། །ཚོགས་ཀྱི་རྒྱལ་བ་རབ་མཆོག་དམ་པ་ཡི། །འདུས་པ་ལན་གྲངས་དྲུག་བཅུ་རྩ་དྲུག་ལ། །བྱེ་བ་ཕྲག་ནི་བརྒྱ་རྩ་བཞི་བཞི་འདུས། །སྐུ་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དགུ་བཅུ་རྩ་ལྔའི་བར་དུ་གནས་པར་འགྱུར། །རྒྱལ་བའི་མཆོད་རྟེན་སྐུ་ 281a ༄#། །གདུང་བཅས་པ་ནི། །དཔག་ཚད་བདུན་པ་གཅིག་སྟེ་གསེར་ཀྱིས་བརྒྱན། །དེ་བཞིན་གཤེགས་པ་དབྱངས་ནི་སྙན་པ་ཡི། །སྐྱེ་བའི་ཡུལ་ནི་ཆོས་ཀྱིས་ལྟ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་བཅུ་ཡབ་ནི་སྐུ་བཟང་ཡིན། །བཟང་དཔལ་ཞེས་ནི་བྱ་བ་རྒྱལ་བའི་ཡུམ། །སྲས་པོ་པདྨ་རྒྱལ་དགའ་རིམ་གྲོ་པ། །ཡོན་ཏན་སྙིང་པོ་ཞེས་བྱ་མཁས་པ་སྟེ། །ཆོས་འཕགས་ཞེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཞི་སྟེ་ཀུན་ལའང ། །ཞི་བ་གོམས་པར་བསྒོམས་པའི་ཡིད་ལྡན་པ། །བྱེ་བ་ཕྲག་ནི་བདུན་ཅུ་བདུན་བདུན་འདུས། །མི་ཚེ་ལོ་གྲངས་དག་ནི་དགུ་ཁྲི་ཡིན། །དངོས་པོ་མེད་པར་ཕྱིན་པའི་དམ་ཆོས་དག་།ལོ་གྲངས་ཉིས་འབུམ་བར་དུ་གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་མཐའ་ཡས་ཤིང ། །མཆོད་རྟེན་བྱ་བ་ཕྲག་ནི་བདུན་ཅུ་གསུམ། །དེ་བཞིན་གཤེགས་པ་ཚངས་པའི་ཏོག་དག་གི་།སྐྱེ་བའི་ཡུལ་ནི་ཚངས་པས་ལྟ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་ཡབ་ནི་ཚངས་བཟང་ཡིན། །ཚངས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་ཚངས་པ་ཚངས་བཟང་རིམ་གྲོ་བ། །བསམ་པ་སྙིང་རྗེ་ཅན་ནི་མཁས་པ་སྟེ། །བྱམས་ལ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་ 281b ༄#། །གྲངས་སུམ་ཅུ་དྲུག་ཀུན་ལའང ། །ཆགས་པ་མེད་གྱུར་གཏི་མུག་མེད་པ་ཀུན། །བྱེ་བ་ཕྲག་ནི་བཅུ་གསུམ་བཅུ་གསུམ་ཡོད། །མི་ཚེ་ལོ་གྲངས་དག་ནི་འབུམ་ཡང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་དགུ་ཁྲི་ཚད་པའི་བར་དུ་གནས། །རྒྱལ་བའི་མཆོད་རྟེན་སྐུ་གདུང་བཅས་པ་ནི། །དཔག་ཚད་བཅུ་གཉིས་པ་གཅིག་གསེར་གྱིས་བརྒྱན། །དེ་བཞིན་གཤེགས་པ་ཚོགས་ཅན་གཙོ་བོ་ཡི། །སྐྱེ་བའི་ཡུལ་ནི་བརྟགས་པའི་བློ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཟླ་བཟང་ཡིན། །སེམས་སྙོམས་མ་ཞེས་བྱ་བ་རྒྱལ་བའི་ཡུམ། །སྲས་པོ་པདྨ། །ལྗོན་པ་རིམ་གྲོ་པ། །ཡོན་ཏན་དག་གིས་བརྩེ་པ་མཁས་པ་སྟེ། །བླ་མ་སེམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་རྩ་དྲུག་སྟེ། །ཀུན་ལའང་ལྷག་མ་མེད་པ་རླུང་འདྲ་པ། །བྱེ་བ་ཕྲག་ནི་སྟོང་སྟོང་ཚང་བར་ཡོད། །མི་ཚེ་ལོ་གྲངས་སྟོང་ཕྲག་བཅོ་བརྒྱད་ཡིན། །འདྲེན་པ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་བཅུ་གསུམ་བར་དུ་གནས། །རིན་ཆེན་མཆོད་རྟེན་གྲངས་ནི་བྱེ་བ་ཕྲག་།སྟོང་ཕྲག་གཅིག་བརྒྱ་རྩ་ནི་བཅུ་དག་འབྱུང ། །ཡོན་ཏན་བསགས་པ་སེངྒེའི་སྟོབས་དག་གི་།སྐྱེ་ཡུལ་འཇིག་རྟེན་བླ་མ་དགྱེས་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ 282a ༄#། །ཚད། །འཛམ་གླིང་གཉིས་ཁྱབ་ཡབ་ནི་ལེགས་གྲུབ་ཡིན། །དཀྱིལ་འཁོར་འགྲོ་ཞེས་བྱ་བ་རྒྱལ་བའི་ཡུམ། །སྒྲས་པོ་ཡིད་འཛིན་ཡིད་འོང་རིམ་གྲོ་པ། །བརྟུལ་ཞུགས་གྲུབ་པ་ཤེས་རབ་ཅན་ཡིན་ཏེ། །ང་རོའི་མཆོག་གྲུབ་པ་ནི་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་ཡིན་ཏེ། །དགྲ་བཅོམ་ཐེར་འབུམ་ཇི་སྙེད་ཡོད་པ་རྣམས། །གངྒའི་རྒྱུན་ལྟར་དྲི་མེད་ཤ་སྟག་ཡིན། །མི་ཚེ་ལོ་གྲངས་དག་ནི་བཞི་ཁྲི་ཡིན། །མི་ཡི་མཆོག་མ་མྱ་ངན་འདས་ནས་ཀྱང ། ། དམ་ཆོས་ལོ་གྲངས་དྲུག་ཁྲི་དྲུག་སྟོང་གནས། །སྐུ་གདུང་མཆོད་རྟེན་འཕང་དུ་དཔག་ཚད་གཅིག་།རིན་ཆེན་བརྒྱ་སྙད་དག་གི་དྲ་བས་སྤྲས། །སངས་རྒྱས་དྲག་ཤུལ་ཅན་གྱི་བྱིན་པ་ཡིན། །སྐྱེ་བའི་ཡུལ་ནི་དགའ་ཐུབ་དྲག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་སྤོས་བཟངས་ཡིན། །གསེར་འོད་རྒྱལ་བའི་ཡུམ་ཡིན་སྲས་པོ་ནི། །དཔལ་ལྡན་ཤིན་ཏུ་དཔལ་ལྡན་རིམ་གྲོ་པ། །ཡོན་ཏན་ཡིད་ཅས་བྱ་བ་མཁས་པ་སྟེ། །ཡོན་ཏན་མཐོན་པོ་ཞེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་ལྔ་ཡིན་ཏེ། །གཏན་པ་ལྟ་བུར་ལེགས་པར་གནས་པ་པོ། །བྱེ་བ་སྟོང་ཕྲག་བཅུ་བཅུ་ཚོགས་པར་འགྱུར། །སྐུ་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། ། 282b འཇིག་རྟེན་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་སྙོང་ཕྲག་བཅུ་དགུ་གནས་པར་འགྱུར། །མཆོད་རྟེན་གྲངས་ནི་ཐེར་འབུམ་ཕྲག་གསུམ་སྟེ། །ལྷ་ཡི་བསྐྱེད་མོས་ཚོལ་སྙོམས་པ་ཡིས་བསྐོར། །སྐྱེས་བུ་དམ་པ་ཆོས་ཀྱི་དབང་ཕྱུག་གི་།སྐྱེ་པའི་ཡུལ་ནི་ཕྱག་བྱས་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་ལྔ་ཡབ་ནི་ལེགས་མཆོད་ཡིན། །གྲགས་པའི་ཚོགས་ཤེས་བྱ་བ་རྒྱལ་བའི་ཡུམ། །སྲས་པོ་མེ་ཏོག་མཆོད་ལེགས་རིམ་གྲོ་པ། །འོད་ཀྱི་ཏོག་ཅེས་བྱ་བ་མཁས་པ་སྟེ། །ཏོག་གི་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་གསུམ་སྟེ་ཀུན་ལ་ཡང ། །སྲས་མཆོག་སློབ་པ་མེད་པར་ཕྱིན་པ་པོ། །བྱེ་བ་ཕྲག་ནི་ཉི་ཁྲི་ཉི་ཁྲི་ཡོད། །མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། ། དམ་པའི་ཆོས་དག་ལོ་གྲངས་སྟོང་ཕྲག་ནི། །བརྒྱད་བཅུ་དག་གི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གསུམ་པ་རིན་ཆེན་མང་པོས་སྤྲས། །དེ་བཞིན་གཤེགས་པ་གཟི་བརྗིད་འོད་དག་གི་།སྐྱེ་བའི་ཡུལ་ནི་མཆོད་ཅིང་བཀུར་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ལེགས་རྒལ་ཡིན། །ཡོན་ཏན་བརྒྱན་ཞེས་བྱ་བ་རྒྱལ་བའི་ཡུམ། །སྲས་པོ་མཁས་ལྡན་སྣང་ལྡན་རིམ་གྲོ་པ། །སྲིད་པ་ལི་འཆིང་པ་གཅོ་བྱེད་མཁས་པ་སྟེ། །སྲིད་པ་ 283a ༄#། །འཇོམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དག་ནི་བརྒྱ་ཡིན་ཏེ། །བསོད་ནམས་རྣམ་གྲོལ་དགྲ་བཅོམ་མི་སློབ་པ། །དེ་དག་འདུས་པ་ཐེར་འབུམ་ཚད་པར་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །དམ་ཆོས་ལོ་གྲངས་བྱེ་བར་གནས་འགྱུར་ཞིང ། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་ཐེར་འབུམ་ཕྲག་གསུམ་སྟེ། །རྣམ་རྒྱལ་ཁང་བཟང་ལྟ་བུར་ལེགས་པར་སྤྲས། །དེ་བཞིན་གཤེགས་པ་འོད་ཟེར་ཆེན་པོ་ཡི། །སྐྱེ་བའི་ཡུལ་ནི་ཆོས་ཀྱི་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་བདག་གཉིས་ཆེན་པོ་ཡབ། །སེམས་མཚུངས་མ་ཞེས་བྱ་བ་རྒྱལ་བའི་ཡུམ། ། སྲས་པོ་འོད་ལྡན་དེས་ལྡན་རིམ་གྲོ་པ། །ཤིན་ཏུ་རྣམ་པར་ངེས་པ་མཁས་པ་སྟེ། །ངེས་ཐུབ་ཅེས་ནི་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཅུ་བཞི་སྟེ། །ཀུན་ལ་འང་དགྲ་བཅོམ་པ་ཡི་ཆོས་དག་གི་།མཚུངས་པར་གྱུར་ཏེ་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །བདུད་རྣམས་ཕུང་བར་མཛད་པའི་དམ་ཆོས་དག་།ལོ་གྲངས་དགུ་ཁྲི་དགུ་སྟོང་བར་དུ་གནས། །སྟོན་པ་མྱ་ངན་འདས་ནས་རྒྱལ་བ་ཡི། །སྐུ་གདུང་མཆོད་རྟེན་དཔག་ཚད་བརྒྱ་པ་ 283b གཅིག་།དེ་བཞིན་གཤེགས་པ་རིན་ཆེན་གྲགས་པ་སྐྱེ་བའི་ཡུལ་ནི་རིན་པོ་ཆེའི་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གསུམ་ཙམ་མོ། །ཡབ་ནི་འགྲོ་བའི་དབང་ཕྱུག་ཅེས་བྱའོ། །ཡུམ་ནི་དཔལ་གྱི་རིན་ཆེན་མཆོག་ཅེས་བྱའོ། །སྲས་ནི་ཡོན་ཏན་སྟོང་གི་གཟི་བརྗིད་ཅེས་བྱའོ། །རིམ་གྲོ་པ་ནི་ཡོན་ཏན་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྱི་ཚོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་ཟེར་ཡིད་དུ་འོང་བ་ཞེས་བྱའོ། །འདུས་པ་ནི་ལན་གྲངས་གྲངས་མེད་དེ། །ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་ཤ་སྟག་གོ་།སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་བྱེ་བ་ཁྲི་ཕྲག་སུམ་ཅུ་རྩ་དྲུག་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་སུམ་འབུམ་མོ། །དེ་བཞིན་གཤེགས་པ་ཚོགས་ཅན་གསལ་བ་སྐྱེ་བའི། །ཡུལ་ནི་བློ་གྲོས་རྒྱ་མཚོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་བཅུའོ། །ཡབ་ནི་བཟང་མཆོག་ཅེས་བྱའོ། །ཡུམ་ནི་ཡིད་དུ་འོང་བའི་དབྱངས་ཤེས་བྱའོ། །སྲས་ནི་སེངྒེས་རྣམ་པར་རྩེ་ཞེས་བྱའོ། །རིམ་གྲོ་བ་ནི་ཡོན་ཏན་གྱི་ཚོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པའི་ 284a ༄#། །སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་མཆོག་རྒྱལ་པོ་ཞེས་བྱའོ། །ཉན་ཐོས་འདུས་པ་དང་པོ་ནི་ཐེར་འབུམ་ཕྲག་གསུམ་མོ། །གཉིས་པ་ལ་ནི་ཐེར་འབུམ་ཕྲག་བཞིའོ། །གསུམ་པ་ལ་ནི་ཐེར་འབུམ་ཕྲག་ལྔའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲགས་པ་མཐའ་ཡས་སྐྱེ་བའི་ཡུལ་ནི་ཡིད་དུ་འོང་བའི་དབྱངས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཉིས་སོ། །ཡབ་ནི་ནོར་ལྷ་ཞེས་བྱའོ། །ཡུམ་ནི་རྒྱུ་སྐར་བདག་མ་ཞེས་བྱའོ། །སྲས་ནི་རིན་ཆེན་མཆོག་ཅེས་བྱའོ། །རིམ་གྲོ་པ་ནི་བསོད་ནམས་འབྱོར་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསྒོམས་པའི་བདག་ཉིད་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་གཟི་བརྗིད་ཅེས་བྱའོ། །འདུས་པ་ནི་ལན་བཅུ་སྟེ། །ཐམས་ཅད་ལ་ཡང་ཐེར་འབུམ་མོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་ཟེར་དོན་ 284b ཡོད་སྐྱེ་བའི་ཡུལ་ནི་དོན་ཡོད་སྟེགས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་ཁ་དོག་བྱིན་ཞེས་བྱའོ། །ཡུམ་ནི་དགའ་བས་ལྟ་ཞེས་བྱའོ། །སྲས་ནི་ཀུན་ཏུ་བཟང་པོ་ཞེས་བྱའོ། །རིམ་གྲོ་བ་ནི་འཇིག་རྟེན་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁ་ལོ་སྒྱུར་བའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་སྦངས་ཞེས་བྱའོ། །དགྲ་བཅོམ་པ་འདུས་པ་ནི་ལན་དྲུག་སྟེ། །ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་འོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་དྲང་སྲོང་སྐྱེ་བའི་ཡུལ་ནི་ཀུན་དུ་རྒྱས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དང་གཉིས་སོ། །ཡབ་ནི་དྲང་སྲོང་བཤེས་གཉེན་ཞེས་བྱའོ། །ཡུམ་ནི་ཕྱོགས་གནས་མ་ཞེས་བྱའོ། །སྲས་ནི་སྤོས་མཆོག་རྒྱལ་པོ་ཞེས་བྱའོ། །རིམ་གྲོ་པ་ནི་ཤིན་དུ་འབྱོར་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པའི་མེ་ཏོག་ཀུན་ཏུ་རྒྱས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྱད་པར་དུ་འཕགས་པའི་བློ་ཞེས་བྱའོ། །དགྲ་བཅོམ་པ་འདུས་པ་ནི་ལན་གཉིས་ཏེ། །གཉིས་ཀ་ 285a ༄#། །ལའང་འབུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་དུ་ཟད་དོ། །དེ་བཞིན་གཤེགས་པ་སྐྱེ་བའི་དབང་པོ་སྐྱེ་བའི་ཡུལ་ནི་སྐྱེ་བོ་དགའ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཙམ་མོ། །ཡབ་ནི་ཟླ་རྒྱས་ཞེས་བྱའོ། །ཡུམ་ནི་རྒྱལ་དགའ་མ་ཞེས་བྱའོ། །སྲས་ནི་འཁྲུལ་པ་མེད་པར་སེམས་ཞེས་བྱའོ། །རིམ་གྲོ་པ་ནི་ཁྱད་པར་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་འཇོམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་གཉིས་སྤོང་ཞེས་བྱའོ། །དགྲ་བཅོམ་པ་འདུས་པ་ནི་ལན་ལྔ་སྟེ། །ཐམས་ཅད་ལ་ཡང་ཁྲི་ཕྲ་གྲ་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགེ་བདུན་བརྟན་སྐྱེ་བའི་ཡུལ་ནི་བློ་གྲོས་བརྟན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་བཟང་པོའི་ཞེས་བྱའོ། །ཡུམ་ནི་རིན་ཆེན་མཆོག་ཅེས་བྱའོ། །སྲས་ནི་ལྷས་མཆོད་ཅེས་བྱའོ། །རིམ་གྲོ་པ་ 285b ནི་འགྲོ་བ་ལྟ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་དྲག་ཤུལ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་ཉིད་གནས་ཞེས་བྱའོ། ། འདུས་པ་ནི་ལན་གཅིག་ཏུ་ཟད་དོ། །དགྲ་བཅོམ་པ་གསུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །འཕགས་པ་བསྐལ་བ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་བོ་བཅོ་ལྔ་པ། །དེ་བཞིན་གཤེགས་པ་ཕྱོགས་བཟང་སྐྱེ་བའི་ཡུལ་ནི་རིན་པོ་ཆེའི་དོས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་དབྱིག་གི་འོད་ཟེར་ཞེས་བྱའོ། །ཡུམ་ནི་ཡིད་དུ་འོང་བས་བྱིན་ཞེས་བྱའོ། །སྲས་ནི་དོན་ཡོད་དགའ་ཞེས་བྱའོ། །རིམ་གྲོ་པ་ནི་སྐར་མདའ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁྱད་པར་དུ་འཕགས་པའི་བློ་ཞེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་གྲགས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་ཉི་ཤུ་རྩ་དགུ་སྟེ། །ཐམས་ཅད་ལ་ཡང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་ཁྲི་ཅིག་སྟོང་ངོ ། །དམ་པའི་ཆོས་ཀྱང་ལོ་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་ 286a ༄#། །བཞིན་གཤེགས་པ་ཏོག་སྐྱེ་བའི་ཡུལ་ནི་ཏོག་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུའོ། །ཡབ་ནི་གཞལ་མེད་མཆོག་ཅེས་བྱའོ། །ཡུམ་ནི་ཡོན་ཏན་ལྟ་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་པ་ནི་ཡང་སྲིད་ཐུལ་ཞེས་བྱའོ། །ཤེས་རབ་ཅན་རྣམས་མཆོག་ནི་ཟག་པ་མེད་པའི་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགོག་པ་ཐོབ་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་དྲུག་གོ་།གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་བརྒྱད་ཁྲི་འབྱུང་ངོ ། །དེ་བཞིན་གཤེགས་པ་ཡུལ་འཁོར་མེ་ཏོག་སྐྱེ་བའི་ཡུལ་ནི་ཡོན་ཏན་གྱིས་བརྒྱན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་སྟོང་ངོ ། །ཡབ་ནི་བསོད་ནམས་དཔལ་ཞེས་བྱའོ། །ཡུམ་ནི་མེ་ཏོག་བྱིན་ཞེས་བྱའོ། །སྲས་ནི་པདྨ་དཀར་པོ་ཞེས་བྱའོ། །རིམ་གྲོ་པ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲོགས་ཐུལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་ 286b གྱིས་མི་ཐུབ་པའི་མཐུ་ཞེས་བྱའོ། །འདུས་པ་ནི་ལན་བཅུ་དྲུག་སྟེ། །ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཆོས་ཀྱི་བློ་གྲོས་སྐྱེ་བའི་ཡུལ་ནི་གྲོང་ཁྱེར་འདབ་བཟང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་ཚངས་པ་སེམས་ཤེས་བྱའོ། །ཡུལ་ནི་བསམ་པས་བྱིན་ཞེས་བྱའོ། །སྲས་ནི་ནོར་དགའ་ཞེས་བྱའོ། །རིམ་གྲོ་པ་ནི་ཤིན་ཏུ་དགེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླས་བྱིན་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཞི་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་རོ། །གསུམ་པ་ལ་ནི་དུང་ཕྱུར་ཕྲག་གསུམ་མོ། །སྐུ་ཚེའི་ཚད་ནི་ལོ་བདུན་ཁྲི་དགུ་སྟོང་ངོ ། །དམ་པའི་ཆོས་ནི་ལོ་དྲུག་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རླུང་གི་ཤུགས་ལྟར་གཤེགས་པ་སྐྱེ་བའི་ཡུལ་ནི་ཤིན་ཏུ་གནས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ ། །ཡབ་ནི་མི་མཐུན་པ་མེད་པའི་སེམས་ཞེས་བྱའོ། །ཡུམ་ནི་ཐར་པ་དང་ཅེས་བྱའོ། །སྲས་ནི་བེའུ་དགར་ཞེས་བྱའོ། །རིམ་གྲོ་ 287a ༄#། །པ་ནི་མེ་ཏོག་མྱ་ངན་འཚང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་མནྡཱ་ར་བའི་དྲི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙནྡན་འོད་ཅེས་བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། །ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་བསམས་གྲགས་པ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། ། རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་གཟི་བརྗིད་ཅེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་རླུང་སེམས་ཞེས་བྱའོ། །རིམ་གྲོ་པ་ནི་བློ་སྙོམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་བློ་གྲོས་ཞེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ། །ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་བདུན་སྟོང་གི་བར་དུ་གནས་སོ་སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣང་ལྡན་སྐྱེ་བའི་ཡུལ་ནི་སྐར་མའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་ 287b དཔག་ཚད་སྟོང་ངོ ། །ཡབ་ནི་ཀློག་གིས་བྱིན་ཞེས་བྱའོ། །ཡུམ་ནི་བཟང་སྦྱིན་མ་ཞེས་བྱའོ། །སྲས་ནི་མཆོད་དགའ་ཞེས་བྱའོ། །རིམ་གྲོ་པ་ནི་དོན་མཐོང་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་བདེན་མཐོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་དགའ་ཞེས་བྱའོ། །འདུས་པ་ནི་ལན་བརྒྱད་དེ། །ཐམས་ཅད་ལའང་ཐེར་འབུམ་ཕྲག་སུམ་ཅུ་སུམ་ཅུའོ། །སྐུ་ཚེའི་ཚད་ནི་ལོ་སུམ་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷ་ཚོགས་སྐྱེ་བའི་ཡུལ་ནི་མཚོན་ཆ་བཟང་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྷ་མ་ཡིན་གྱི་ལྷ་ཞེས་བྱའོ། །ཡུམ་ནི་ཀླུ་འོད་མ་ཞེས་བྱའོ། །སྲས་ནི་གཙོ་མཆོག་ཅེས་བྱའོ། །རིམ་གྲོ་པ་ནི་ཏོག་འཕགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀླུ་དབང་གྲགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་གཏོང་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་ 288a ༄#། །སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་བསྲུངས་སྐྱེ་བའི་ཡུལ་ནི་ཡོན་ཏན་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ་།ཡབ་ནི་ཡོན་ཏན་མཆོག་ཅེས་བྱའོ། །ཡུམ་ནི་ཡོན་ཏན་དཔལ་ཞེས་བྱའོ། །སྲས་ནི་རིན་ཆེན་མཆོད་ཅེས་བྱའོ། །རིམ་གྲོ་པ་ནི་མངོན་པར་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལེགས་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བླ་མ་ཞེས་བྱའོ། །འདུས་པ་ནི་ལན་བཅུ་བཞི་སྟེ། །ཐམས་ཅད་ལ་ཡང་དུང་ཕྱུར་ཕྲག་བཅུ་སུམ་བཅུ་གསུམ་མོ། །སྐུ་ཚེའི་ཚད་ནི་ལོ་ཉི་ཁྲི་སུམ་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་གྱི་བློ་གྲོས་སྐྱེ་བའི་ཡུལ་ནི་ཆོས་གསལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་ཁྲི་བཞི་སྟོང་ངོ ། །ཡབ་ནི་མེ་ཏོག་རྒྱལ་པོ་ཞེས་བྱའོ། །ཡུམ་ནི་གྲགས་ལྡན་མ་ཞེས་བྱའོ། ། སྲས་ནི་པདྨ་ཅན་ཞེས་བྱའོ། །རིམ་གྲོ་པ་ནི་ལེགས་སྐྱེས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་གནས་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ 288b དྲང་སྲོང་ཟླ་བ་ཞེས་བྱའོ། །འདུས་པ་ནི་ལན་ཉི་ཤུ་རྩ་དགུ་སྟེ། །ཐམས་ཅད་ལ་ཡང་སྟོང་ཕྲག་བཅུ་གསུམ་བཅུ་གསུམ་མོ། །སྐུ་ཚེའི་ཚད་ནི་ལོ་དགུ་སྟོང་ངོ ། །དམ་པའི་ཆོས་ཀྱང་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསྙེངས་མེད་སྐྱེ་བའི་ཡུལ་ནི་ཟིལ་གྱིས་མི་ནོན་པ་ཞེས་བྱའོ། །རིགས་ནི་བྲམ་ཟེའོ། ། འོད་ནི་དཔག་ཚད་སྟོང་ངོ ། །ཡབ་ནི་སྟོབས་ལྷ་ཞེས་བྱའོ། །ཡུམ་ནི་ལེགས་པ་སེམས་གྲགས་མ་ཞེས་བྱའོ། །སྲས་ནི་སྐྲག་མེད་ཅེས་བྱའོ། །རིམ་གྲོ་པ་ནི་མི་སྐྲག་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཐུབ་ཅེས་བྱའོ། །འདུས་པ་ནི་ལན་དགུ་སྟེ།་ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ལོ་ཁྲི་དགུ་སྟོང་ངོ ། །དམ་པའི་ཆོས་ནི་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གྲོགས་བརྟན་སྐྱེ་བའི་ཡུལ་ནི་བཀོད་པ་གནས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་སྟོང་ངོ ། །ཡབ་ནི་བཀོད་པའི་བྱིན་ཞེས་བྱའོ། །ཡུམ་ནི་དགའ་སྡུག་ཅེས་བྱའོ། །སྲས་ནི་བློ་མི་གཡོ་ཞེས་བྱའོ། །རིམ་གྲོ་པ་ནི་སེམས་སྙོམས་ཞེས་བྱའོ། ། 289a ༄#། །ཤེས་རབ་ཅན་རྣམས་ཀྱི་མཆོག་ནི་བདེན་པར་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མདངས་ཀྱིས་འགྲོ་ཞེས་བྱའོ། །འདུས་པ་ནི་ལན་བཅོ་ལྔ་སྟེ། །ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ཀྱང་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་གནས་མཚུངས་སྐྱེ་བའི་ཡུལ་ནི་བཀོད་པ་བཅོམ་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་བདག་ཉིད་ཐུལ་ཞེས་བྱའོ། །ཡུམ་ནི་སྡེས་མི་ཐུབ་ཅེས་བྱའོ། །སྲས་ནི་སྣ་ཚོགས་སྡེ་ཞེས་བྱའོ། །རིམ་གྲོ་པ་ནི་ཚངས་པའི་དབྱངས་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་མ་ཆགས་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྱོད་པ་མ་བཅོས་པ་ཞེས་བྱའོ། །འདུས་པ་ནི་ལན་བཅུ་གཅིག་སྟེ།་ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་ཉི་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ནོར་བུའི་ཞབས་སྐྱེ་བའི་ཡུལ་ནི་ནོར་བུ་གསལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་གཉིས་སོ། །ཡབ་ནི་ 289b རིན་ཆེན་གྲགས་པ་ཞེས་བྱའོ། །ཡུམ་ནི་རིན་ཆེན་འཕགས་པ་ཞེས་བྱའོ། །སྲས་ནི་ནོར་བུའི་སྙིང་པོ་ཞེས་བྱའོ། །རིམ་གྲོ་བ་ནི་བྱམས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་པ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཚུགས་པ་ཞེས་བྱའོ། །འདུས་པ་ནི་ལན་བཅུ་བདུན་ཏེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་ལྔ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐར་པའི་ཟི་བརྗིད་སྐྱེ་བའི་ཡུལ་ནི་རྣམ་པར་ཐར་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་ཆགས་པ་མེད་པའི་སེམས་ཤེས་བྱའོ། །ཡུམ་ནི་ཡིད་དགའ་མ་ཞེས་བྱའོ། །སྲས་ནི་སེམས་ཀྱི་རྒྱལ་པོ་ཞེས་བྱའོ། །རིམ་གྲོ་པ་ནི་མཆོད་སྦྱིན་ལེགས་མཆོད་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་འོད་ཅེས་བྱའོ། །འདུས་པ་ནི་ལན་དགུ་སྟེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་ཁྲི་ཆིག་སྟོང་ངོ ། །དམ་པའི་ཆོས་ནི་ལོ་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ 290a ༄#། །ངོས་པ་ཟད་སྐྱེ་བའི་ཡུལ་ནི་ཐུབ་པ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་བ་པ་གྱ་ཚད་གསུམ་མོ། །ཡབ་ནི་མཆོད་སྦྱིན་ལེགས་མཆོད་བྱིན་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་ཁྱད་པར་སེམས་ཞེས་བྱའོ། །རིམ་གྲོ་པ་ནི་ལེགས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤུགས་བརྟེན་འཛིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མདངས་ཐོ་བཙས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་སྟོང་ཕྲག་དགུ་བཅུའོ། །གཉིས་པ་ལ་ནི་བྱེ་བ་སྟོང་ཕྲག་ལྔའོ། །གསུམ་པ་ལ་ནི་བྱེ་བ་སྟོང་ཕྲག་བརྒྱད་དོ། །བཞི་པ་ལ་ནི་བྱེ་བ་སྟོང་ཕྲག་བཅུའོ། །སྐུ་ཚེའི་ཚད་ནི་ལོ་བདུན་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ། །བློ་བཟང་སྐྱེ་བའི་ཡུལ་ནི་སངས་རྒྱས་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་པའོ། །ཡབ་ནི་ཐར་པ་དགའ་ཞེས་བྱའོ། །ཡུམ་ནི་ཡོན་ཏན་མཐའ་ཡས་མ་ཞེས་བྱའོ། །སྲས་ནི་སྐྱེ་བའི་མཆོད་རྟེན་ཞེས་བྱའོ། །རིམ་གྲོ་པ་ནི་ལྟ་བ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྩལ་བདག་ཅེས་བྱའོ། །རྫུ་འཕྲུལ་ 290b ཅན་རྣམས་ཀྱི་མཆོག་ནི་རྣམ་པར་དག་བའི་ཏོག་ཅེས་བྱའོ། །འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་བྱེ་བ་ཕྲག་གསུམ་ཅུ་རྩ་དྲུག་དྲུག་གོ་།སྐུ་ཚེའི་ཚད་ནི་ལོ་དགུ་ཁྲི་འོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུད་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀུན་ཏུ་གཟི་བརྗིད་སྐྱེ་བའི་ཡུལ་ནི་སྒྲིབ་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུ་འོ། །ཡབ་ནི་སེངྒེའི་སེམས་ཤེས་བྱའོ། །ཡུམ་ནི་སེམས་མི་འཁྲུག་ཅེས་བྱའོ། །སྲས་ནི་ལྷུན་པོའི་རྒྱལ་མཚན་ཞེས་བྱའོ། །རིམ་གྲོ་བ་ནི་སེངྒེའི་མཐུ་རྩལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱིས་བལྟ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་རྩི་གྲགས་པ་ཞེས་བྱའོ། །འདུས་པ་ནི་ལན་བཅུ་དྲུག་སྟེ། །ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་མཆོག་སྐྱེ་བའི་ཡུལ་ནི་ཡེ་ཤེས་དམ་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ་།ཡབ་ནི་བློ་གྲོས་རྒྱན་མ་ཞེས་བྱའོ། །ཡུམ་ནི་བསོད་ནམས་བྱིན་ཞེས་བྱའོ། །སྲས་ནི་ཆོས་ 291a ༄#། །དཔལ་ཞེས་བྱའོ། །རིམ་གྲོ་པ་ནི་ཆོས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་དག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུག་མེད་གྲགས་ཞེས་བྱའོ། །འདུས་པ་ནི་ལན་དགུ་སྟེ། །ཐམས་ཅད་ལ་ཡང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲི་འོ། ། དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པར་གནས་སྐྱེ་བའི་ཡུལ་ནི་བདེ་བས་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་སེམས་གསལ་ཞེས་བྱའོ། །ཡུམ་ནི་ཚངས་བྱིན་མ་ཞེས་བྱའོ། །སྲས་ནོ་གཟུངས་ཀྱི་དབང་ཕྱུག་ཅེས་བྱའོ། །རིམ་གྲོ་བ་ནི་སྒྲ་མི་ཟད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲོགས་མཁས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་གཏོད་ཞེས་བྱའོ། །འདུས་པ་ནི་ལན་ལྔ་བཅུ་རྩ་དྲུག་སྟེ། །ཐམས་ཅད་ལ་ཡང་བྱེ་བ་ཕྲག་བདུན་སྟོང་བདུན་སྟོང་ངོ ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུད་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བདེན་པ་གསུང་སྐྱེ་བའི་ 291b ཡུལ་ནི་ཀུན་ཏུ་སྐར་མདའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བརྒྱའོ། །ཡབ་ནི་སྐྱེ་བའི་དབང་པོ་ཞེས་བྱའོ། །ཡུམ་ནི་ཀུ་མུ་དའི་སོ་ཞེས་བྱའོ། །སྲས་ནི་བདེན་དཔལ་ཞེས་བྱའོ། །རིམ་གྲོ་བ་ནི་དབང་པོ་བསྡམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་ལྡན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་ཆེན་པོ་ཞེས་བྱའོ། །འདུས་པ་ནི་ལན་བཅུ་བཞི་སྟེ། །ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལེ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུད་ནི་རྒྱས་པར་འགྱུར་རོ། །དེ་བཞིན་གཤེགས་པ་བློ་བཟང་སྐྱེ་བའི་ཡུལ་ནི་འོད་ཟེར་རྣམ་པར་འཕྲོ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་སྟོང་བཞི་བརྒྱའོ། །ཡབ་ནི་བཏུལ་ཞུགས་སེམས་ཞེས་བྱའོ། །ཡུམ་ནི་སྐར་མདའ་འཆང་ཞེས་བྱའོ། །སྲས་ནི་མཆོད་རྟེན་མཆོད་ཅེས་བྱའོ། །རིམ་གྲོ་བ་ནི་བྱང་ཆུབ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་དུ་བརྟན་པའི་འགྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བརྟན་ཞེས་བྱའོ། །འདུས་པ་ནི་ལན་བདུན་བཅུ་རྩ་ལྔ་སྟེ། །ཐམས་ཅད་ལ་ཡང་འབུམ་ཕྲག་སུམ་བཅུ་རྩ་དྲུག་དྲུག་གོ་།སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་ 292a ༄#། །སུམ་སྟོང་གི་བར་དུ་གནས་སོ། །སྐུ་གདུད་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྟོབས་བྱིན་སྐྱེ་བའི་ཡུལ་ནི་མ་སྨད་པ་ཞེས། །བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བཅུ་རྩ་དྲུག་གོ་།ཡབ་ནི་གཞན་གྱིས་མི་ཐུབ་པར་གྲགས་པ་ཞེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་སྐྱེ་བའི་མཆོད་རྟེན་ཞེས་བྱའོ། །རིམ་གྲོ་བ་ནི་སྐྱོན་མེད་པར་གནས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་ཏུ་འཛིན་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ངེས་པར་དགའ་ཞེས་བྱའོ། །འདུས་པ་ནི་ལན་བདུན་ཅུ་རྩ་གཉིས་ཏེ། །ཐམས་ཅད་ལ་ཡང་འབུམ་ཕྲག་སུམ་ཅུ་རྩ་གསུམ་གསུམ་མོ་སྐུ་ཚེའི་ཚད་ནི་ལོ་བྱེ་བ་ཕྲག་གསུམ་མོ། །དམ་པའི་ཆོས་ཀྱང་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེངྒེ་སྟོབས་སྐྱེ་བའི་ཡུལ་ནི་དབྱངས་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྷ་འདོད་ཅེས་བྱའོ། །ཡུམ་ནི་ཕན་འགྲོ་མ་ཞེས་བྱའོ། །སྲས་ནི་ལྷ་མཆོག་ 292b ཅེས་བྱའོ། །རིམ་གྲོ་བ་ནི་མྱ་ངན་སེལ་ཞེས་བྱའོ། །ཤེས་རབ་ཅན་རྣམས་ཀྱིས་མཆོག་ནི་འདམ་ལས་རྒལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་སྲུངས་ཞེས་བྱའོ། །འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་དགུ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་གི་ཏོག་གི་ཏོག་སྐྱེ་བའི་ཡུལ་ནི་མེ་ཏོག་དྲི་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་སྟོང་ངོ ། །ཡབ་ནི་དབྱིག་གི་ཟླ་བ་ཞེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་མེ་ཏོག་སོ་ཞེས་བྱའོ། །རིམ་གྲོ་པ་ནི་ལྷའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགྲ་བཅོམ་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་དགའ་ཞེས་བྱའོ། །འདུས་པ་ནི་ལན་དགུ་སྟེ། ། ཐམས་ཅད་ལའང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་འབྱུང་གནས་སྐྱེ་བའི་ཡུལ་ནི་ཡོན་ཏན་འབྱུང་གནས་ཤེས་བྱའོ། །རིགས་ནི་བྲམ་ཟེའོ། །འོད་ནི་ 293a ༄#། །དཔག་ཚད་སྟོང་ངོ ། །ཡབ་ནི་ཡོན་ཏན་མཆོད་གནས་ཤེས་བྱའོ། །ཡུམ་ནི་ཁ་ལོ་བསྒྱུར་དགའ་ཞེས་བྱའོ། །སྲས་ནི་འོད་ཟེར་བཟང་པོ་ཞེས་བྱའོ། །རིམ་གྲོ་བ་ནི་བཀྲ་ཤིས་འཛིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་བྱིན་ཞེས་བྱའོ། །འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་བྱིན་སྐྱེ་བའི་ཡུལ་ནི་བསོད་ནམས་འདོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ་།ཡབ་ནི་ལྷ་བཟང་ཞེས་བྱའོ། །ཡུམ་ནི་ཡོན་ཏན་རིན་ཆེན་བཞི་བརྗིད་ཅེས་བྱའོ། །སྲས་ནི་རྣམ་པར་ལྟ་བ་གྲགས་པའི་དཔལ་ཞེས་བྱའོ། །རིམ་གྲོ་པ་ནི་བརྩོན་འགྲུས་ཐོབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་ཀྱིས་དཔྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱིས་མཆོག་ནི་འཇིགས་མེད་བློ་ཞེས་བྱའོ། ། འདུས་པ་ནི་ལ་དྲུག་སྟེ། །ཐམས་ཅད་ལའང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་ 293b གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་སྙིང་པོ་སྐྱེ་བའི་ཡུལ་ནི་ལྷའི་ཕོ་ཉ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་ནོར་བྱིན་ཞེས་བྱའོ། །ཡུམ་ནི་རིན་ཆེན་སྟོང་ཞེས་བྱའོ། །སྲས་ནི་སྐྱོན་མེད་ཅེས་བྱའོ། །རིམ་གྲོ་བ་ནི་ཡིད་འཐད་ཅེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་ཏོག་མཐུ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲན་པས་འགྲོ་ཞེས་བྱའོ། །ཉན་ཐོས་འདུས་པ་ནི་ལན་བཅུ་བདུན་ཏེ། །ཐམས་ཅད་ལའང་ཁྲི་ཕྲག་རེ་རེར་མཚུངས་སོ། །སྐུ་ཚེའི་ཚད་ནི་ལོ་ཉི་ཁྲི་ཅིག་སྟོང་ངོ ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་གྲགས་པ་སྐྱེ་བའི་ཡུལ་ནི་གྲགས་པ་དག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་འོ། །ཡབ་ནི་དགེ་བ་དགའ་ཞེས་བྱའོ། །ཡུམ་ནི་སྤྱོད་ལྡན་མ་ཞེས་བྱའོ། །སྲས་ནི་སྣ་ཚོགས་སེམས་ཞེས་བྱའོ། །རིམ་གྲོ་པ་ནི་རིག་གསུམ་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིགས་སྔགས་འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྨན་པ་ཆེན་པོ་ཞེས་བྱའོ། །དགྲ་བཅོམ་པ་འདུས་པ་ནི་ལན་ཉི་ཤུ་རྩ་དགུ་སྟེ། །ཐམས་ཅད་ 294a ༄#། །ལའང་བྱེ་བ་དྲུག་ཅུ་རྩ་རེ་རེ་འོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ ། །དམ་པའི་ཆོས་ཀྱང་བྱེ་བ་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲགས་པ་རྨད་དུ་བྱུང་བ་སྐྱེ་བའི་ཡུལ་ནི་ལྷའི་ཕོ་ཉ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་བསོད་ནམས་དགའ་ཞེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །སྲས་ནི་བསོད་ནམས་ཆེན་པོ་ཞེས་བྱའོ། །རིམ་གྲོ་པ་ནི་བསོད་ནམས་མི་དམན་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེངྒེའི་སྟབས་ལྟར་འགྲོ་ཞེས་བྱའོ། ། འདུས་པ་ནི་ལན་བཅུ་བཞི་སྟེ། །ཐམས་ཅད་ལའང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་འདུག་གོ་།ཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་མཚུངས་པ་སྐྱེ་བའི་ཡུལ་ནི་བལྟ་ན་སྡུག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བཅུ་རྩ་ལྔའོ། །ཡབ་ནི་འོད་གསལ་ཞེས་བྱའོ། །ཡུམ་ནི་སྣང་བ་མཐའ་ཡས་མ་ཞེས་བྱའོ། །སྲས་ནི་སྤོངས་པའི་བློ་ཞེས་བྱའོ། །རིམ་གྲོ་པ་ 294b ནི་ཐོས་པའི་འབྱུང་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤོབས་པའི་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒོལ་བ་རབ་འཇོམས་ཞེས་བྱའོ། ། ཉན་ཐོས་འདུས་པ་ནི་ལན་དྲུག་སྟེ། །ཐམས་ཅད་ལ་ཡང་བྱེ་བ་ཕྲག་དགུ་དགུའོ། །སྐུ་ཚེའི་ཚད་ནི་ལོ་ཁྲི་སུམ་སྟོང་ངོ ། །དམ་པའི་ཆོས་ནི་ལོ་དྲུག་སྟོང་གི་བར་དུ་གནས་སོ། ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསྙེངས་མེད་སྐྱེ་བའི་ཡུལ་ནི་གཟི་བརྗིད་སྐྱེ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་བདུན་ནོ། །ཡབ་ནི་ཡུལ་འཁོར་ལྷ་ཞེས་བྱའོ། །ཡུམ་ནི་ཚངས་དབྱངས་མ་ཞེས་བྱའོ། །སྲས་ནི་དབྱངས་མཁས་ཤེས་བྱའོ། །རིམ་གྲོ་པ་ནི་རྒོལ་བས་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མདའ་འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞལ་མེད་མཆོག་ཅེས་བྱའོ། །ཉན་ཐོས་འདུས་པ་ནི་ལན་སུམ་ཅུ་སྟེ། །ཐམས་ཅད་ལའང་ཐེར་འབུམ་ཕྲག་ཉི་ཤུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་ལྔ་སྟོང་ངོ ། །དམ་པའི་ཆོས་ནི་ལོ་ཉི་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཉི་མའི་འོད་སྐྱེ་བའི་ཡུལ་ནི་བསོད་ནམས་གཟི་ 295a ༄#། །བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་བདེན་པ་བྱིན་ཞེས་བྱའོ། །ཡུམ་ནི་རིན་ཆེན་བློ་གྲོས་མ་ཞེས་བྱའོ།སྲས་ནི་སྐྱི་བའི་དབང་པོས་བྱིན་ཞེས་བྱའོ། །རིམ་གྲོ་པ་ནི་དྲི་ཟའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོས་པའི་འབྱུང་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་ཆོས་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་དེ། །ཐམས་ཅད་ལའང་ཐེར་འབུམ་བདུན་ཅུ་བདུན་ཅུའོ། །སྐུ་ཚེའི་ཚད་ནི་ལོ་བཞི་ཁྲི་འོ། །དམ་པའི་ཆོས་ནི་ལོ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པར་གཤེགས་སྐྱེ་བའི་ཡུལ་ནི་སྙན་པ་མ་སྨན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཐུབ་ལྡན་ཞེས་བྱའོ། །ཡུམ་ནི་ང་རྒྱལ་དང་རྒྱགས་པ་ལས་རྣམ་པར་གྲོལ་བ་ཞེས་བྱའོ། །སྲས་ནི་མཚན་གྱིས་རྣམ་པར་སྤྲས་པ་ཞེས་བྱའོ། །རིམ་གྲོ་བ་ནི་ཡིད་མི་སྐྱོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཁས་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚངས་པའི་སྒྲ་དབྱངས་ཞེས་བྱའོ། །ཉན་ཐོས་འདུས་པ་ནི་ལན་བཅཝ་ལྔ་སྟེ། །ཐམས་ 295b ཅད་ལའང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ ། །དམ་པའི་ཆོས་ཀྱང་ལོ་ཉི་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། ། དེ་བཞིན་གཤེགས་པ་ལྷའི་མཐུ་རྩལ་སྐྱེ་བའི་ཡུལ་ནི་མངོན་དུ་འགྲོ་བར་བྱ་བ་ཞེས་བྱའོ། །རིགས་ནི་རྒྱས་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་ཐམས་ཅད་བྱིན་ཞེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་ཐམས་ཅད་འདོད་ཅེས་བྱའོ། །རིམ་གྲོ་བ་ནི་མངོན་པར་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲི་མ་མེད་པའི་སྙིང་པོ་ཞེས་བྱའོ། །ཉན་ཐོས་འདུས་པ་ནི་ལན་བརྒྱ་སྟེ། ཐམས་ཅད་ལའང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་དགའ་བ་དང་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་འཕགས་པ་དད་ཅེས་བྱའོ། །ཡུམ་ནི་ལྷ་མཆོད་མ་ཞེས་བྱའོ། །སྲས་ནི་མཆོད་འོས་ཞེས་བྱའོ། །རིམ་གྲོ་བ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་སྟོང་ 296a ༄#། །གི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་པར་གནས་ཞེས་བྱའོ། །ཉན་ཐོས་འདུས་པ་ནི་ལན་གསུམ་ཅུ་རྩ་གཅིག་སྟེ།་ཐམས་ཅད་ལའང་སུམ་ཁྲི་སུམ་ཁྲི་འོ། །སྐུ་ཚེའི་ཚད་ནི་ལོ་དགུ་སྟོང་གི་བར་དུ་གནས་སོ། །སྐུ་གདུད་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་བདེན་སྐྱེ་བའི་ཡུལ་ནི་ལྷས་མཆོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་མཐའ་ཡས་སོ། །ཡབ་ནི་མཆོད་འོས་ཞེས་བྱའོ། །ཡུམ་ནི་མཆོད་འདོད་མ་ཞེས་བྱའོ། །སྲས་ནི་ཚངས་པའི་འཁོར་ལོ་ཞེས་བྱའོ། །རིམ་གྲོ་པ་ནི་འཇིག་རྟེན་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་མཆོད་ནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བཟང་ཤེས་བྱའོ། །འདུས་པ་ནི་ལན་སྟོང་ངོ ། །ཐམས་ཅད་ལའང་ཐེར་འབུམ་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་སུམ་ཁྲི་ཆིག་སྟོང་ངོ ། །དམ་པའི་ཆོས་ནི་ལོ་བདུན་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་ཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ནོར་བུའི་སྙིང་བོ་སྐྱེ་བའི་ཡུལ་ནི་ཡོན་ཏན་ཐམས་ཅད་ཀྱི་མཛེས་པར་བྱས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ 296b ངོ ། །ཡབ་ནི་མིའི་ཟླ་བ་ཞེས་བྱའོ། །ཡུམ་ནི་རིན་ཆེན་སྒྲོན་ན་ཞེས་བྱའོ། །སྲས་ནི་ཕྱོགས་ཀྱི་མཐུ་རྩལ་ཞེས་བྱའོ། །རིམ་གྲོ་བ་ནི་ཡོན་ཏན་འཕེལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ངེས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མི་འཁྲུལ་ཞེས་བྱའོ། །ཉན་ཐོས་འདུས་པ་ནི་ལན་བཞི་བཅུ་རྩ་དགུ་སྟེ། ཐམས་ཅད་ལའང་བྱེ་བ་ཕྲག་ལྔ་བཅུ་རྩ་གསུམ་གསུམ་མོ། །སྐུ་ཚེའི་ཚད་ནི་ལོ་ལྔ་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་ལྔ་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་གྲགས་སྐྱེ་བའི་ཡུལ་ནི་རིན་པོ་ཆེའི་སྒྲོན་མ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གསུམ་མོ། །ཡབ་ནི་འཕགས་པའི་ལྷ་ཞེས་བྱའོ། །ཡུམ་ནི་ཤིན་ཏུ་མཛེས་མ་ཞེས་བྱའོ། །སྲས་ནི་དྲང་སྲོང་བྱིན་ཞེས་བྱའོ། །རིམ་གྲོ་པ་ནི་སྤོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་སེམས་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབང་ཕྱུག་ཆེན་པོ་ཞེས་བའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་དྲུག་གོ་།གཉིས་པ་ལ་ནི་བྱེ་བ་ཕྲག་བདུན་ནོ། །གསུམ་པ་ལ་ནི་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཆིག་ 297a ༄#། །སྟོང་ངོ ། །དམ་པའི་ཆོས་ནི་ལོ་བདུན་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་དཔག་ཚད་བརྒྱད་སྟོང་དྲུག་བརྒྱ་པ་སྟེ། །གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་དཔལ་སྐྱེ་བའི་ཡུལ་ནི་ཡོན་ཏན་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་སྐྱེ་བོའི་མཆོད་རྟེན་ཞེས་བྱའོ། །ཡུམ་ནི་ཡོན་ཏན་ཟླ་བ་ཞེས་བྱའོ། །སྲས་ནི་སྐལ་ལྡན་ཤིང་རྟ་ཞེས་བྱའོ། །རིམ་གྲོ་པ་ནི་ཉི་མའི་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་གྲགས་པ་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་སྟེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་སྟོང་ངོ ། །དམ་པའི་ཆོས་ཀྱང་ལོ་འདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། ། དེ་བཞིན་གཤེགས་པ་བཅིངས་མེད་སྐྱེ་བའི་ཡུལ་ནི་འོད་མཐའ་ཡས་ལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུ་རྩ་བཞི་པའོ། །ཡབ་ནི་ཆུ་ལྷའི་ལྷ་ཞེས་བྱའོ། །ཡུམ་ནི་ཟླ་ལྡན་མ་ཞེས་བྱའོ། །སྲས་ནི་དགེ་མཆོག་རྒྱལ་པོ་ཞེས་བྱའོ། །རིམ་གྲོ་བ་ནི་ཡོན་ཏན་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ 297b ནི་འཇིག་རྟེན་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་དུ་འོང་བར་གནས་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་ཅུ་རྩ་གསུམ་སྟེ། ཐམས་ཅད་ལའང་ཐེར་འབུམ་མོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟུལ་ཞུགས་བརྟན་སྐྱེ་བའི་ཡུལ་ནི་མ་སྨད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་སྤོས་ལྡན་ཞེས་བྱའོ། །ཡུམ་ནི་ཡིད་འོང་སྤོས་ཞེས་བྱའོ། །སྲས་ནི་གུན་ཏུ་གཟི་བརྗིད་ཅེས་བྱའོ། །རིམ་གྲོ་བ་ནི་ཡེ་ཤེས་རྣམ་པར་འཐོར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མཛེས་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་ཉི་མ་ཞེས་བྱའོ། །ཉན་ཐོས་འདུས་པ་ནི་ལན་བཅུ་སུམ་སྟེ། །ཐམས་ཅད་ལའང་དུད་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་གཟི་བརྗིད་སྐྱེ་བའི་ཡུལ་ནི་འགྲོ་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་ལྷས་བསྲུངས་ཞེས་བྱའོ། ། 298a ༄#། །ཡུམ་ནི་ཐར་པ་ལྷ་ཞེས་བྱའོ། །སྲས་ནི་ལྷ་ལ་དང་ཅེས་བྱའོ། །རིམ་གྲོ་བ་ནི་སྲིད་གསུམ་མྱ་ངན་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་རྩེ་མོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྙན་པར་གྲགས་ཤེས་བྱའོ། །ཉན་ཐོས་འདུས་པ་ནི་ལན་བདུན་བཅུ་སྟེ། །ཐམས་ཅད་ལའང་ཉིས་འབུམ་ཉིས་འདུས་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་ཐེར་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པ་ཐུབ་སྐྱེ་བའི་ཡུལ་ནི་ལེགས་བསམས་གྲགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་མ་སྨད་པ་ཞེས་བྱའོ། །ཡུམ་ནི་དབང་པོ་དུལ་ཞེས་བྱའོ། །སྲས་ནི་ཕྱག་དགའ་ཞེས་བྱའོ། །རིམ་གྲོ་བ་ནི་ཞི་གནས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབྱངས་སྙན་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་བཞི་སྟེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དལ་ 298b གྱིས་བཞུད་སྐྱེ་བའི་ཡུལ་ནི་དགའ་བས་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། ཡབ་ནི་ཡོན་ཏན་ཕུང་པོ་ཞེས་བྱའོ། །ཡུམ་ནི་ཡོན་ཏན་གྱིས་ཚོགས་ཞེས་བྱའོ། །སྲས་ནི་ཀུན་ཏུ་གསལ་ཞེས་བྱའོ། །རིམ་གྲོ་བ་ནི་ཚོགས་དབྱངས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གྲགས་མཛེས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཀུན་འབྱུང་ཞེས་བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། །ཐམས་ཅད་ལའང་འབུམ་ཕྲག་བཅུ་དྲུག་བཅུ་དྲུག་གོ་།སྐུ་ཚེའི་ཚད་ནི་ལོ་ལྔ་ཁྲི་བདུན་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟུལ་ཞུགས་དཀའ་ཐུབ་སྐྱེ་བའི་ཡུལ་ནི་འོད་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ་།ཡབ་ནི་འོད་ཟེར་ཆེན་པོ་ཞེས་བྱའོ། །ཡུམ་ནི་ཡིད་འོང་གཟི་བརྗིད་ཅེས་བྱའོ། །སྲས་ནི་བཞིན་མ་ཞུམ་ཞེས་བྱའོ། །རིམ་གྲོ་བ་ནི་ངོམས་པ་མེད་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཚོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྒྲིབ་མེད་མ་རྨོངས་པ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་ 299a ༄#། །ཐེར་འབུམ་ཕྲག་སྟོང་སྟོང་ངོ ། །སྐུ་ཚེ་འི་ཚད་ནི་ལོ་དྲུག་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་ཟེར་ཕུང་པོ་སྐྱེ་བའི་ཡུལ་ནི་ཀླུ་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་ཚམ་མོ། །ཡབ་ནི་འོད་ཆེན་པོ་ཞེས་བྱའོ། །ཡུམ་ནི་འཇིག་རྟེན་སྨོན་མ་ཞེས་བྱའོ། །སྲས་ནི་གཟི་བརྗིད་མེ་ཏོག་ཅེས་བྱའོ། །རིམ་གྲོ་བ་ནི་གཟི་བརྗིད་ཐུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་པད་མའི་དྲི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐུབ་པ་མེད་པའི་མཐུ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་ཉི་ཁྲི་ཉི་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་ཆེན་པོ་སྐྱེ་བའི་ཡུལ་ནི་གཟི་བརྗིད་ཁྱད་པར་དུ་འཕགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་འགྲོས་བརྟན་ཞེས་བྱའོ། །ཡུམ་ནི་དབང་བསྒྱུར་མ་ཞེས་བྱའོ། །སྲས་ནི་འོད་གསལ་ 299b ཞེས་བྱའོ། །རིམ་གྲོ་བ་ནི་འཇམ་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་གི་བློ་གྲོས་ཞེས་བྱའོ། །ཉན་ཐོས་འདུས་པ་ནི་ལན་བཅུ་སྟེ། །ཐམས་ཅད་ལའང་ཐེར་འབུམ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཙམྤ་ཀ་སྐྱེ་བའི་ཡུལ་ནི་སྤོས་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཅུའོ། །ཡབ་ནི་བསོད་ནམས་འོད་ཅེས་བྱའོ། །ཡུམ་ནི་མཐོང་ན་ཡིད་འོང་ཞེས་བྱའོ། །སྲས་ནི་སེངྒེའི་ལྟ་སྟངས་ཞེས་བྱའོ། །རིམ་གྲོ་བ་ནི་གླང་པོ་ཆེའི་ལྟ་སྟངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་རྒྱལ་ཞེས་བྱའོ། །ཉན་ཐོས་འདུས་པ་ནི་ལན་བྱེ་བ་ཕྲག་བཅུ་སྟེ། །ཐམས་ཅད་ལའང་བྱེ་བ་ཕྲག་བཅུ་དགུ་བཅུ་དགུའོ། །སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་མཛད་སྐྱེ་བའི་ཡུལ་ནི་དགའ་མཆོག་ 300a ༄#། །ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པ་བཅོ་ལྔ་ཙམ་མོ། །ཡབ་ནི་དགའ་འོད་ཅེས་བྱའོ། །ཡུམ་ནི་མཆོད་འོས་མ་ཞེས་བྱའོ། །སྲས་ནི་ཀླུ་སྤོས་ཞེས་བྱའོ། །རིམ་གྲོ་བ་ནི་ཚུལ་ཁྲིམས་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་སྨྲ་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་སྨྲ་དབྱངས་ཤེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་ཁྲི་ཕྲག་བརྒྱད་སྟོང་བརྒྱད་སྟོང་ངོ ། །སྐུ་ཚེའི་ཚད་ནི་ལོ་ལྔ་སྟོང་ངོ ། །དམ་པའི་ཆོས་ཀྱང་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚོགས་ཅན་བཟང་པོ་སྐྱེ་བའི་ཡུལ་ནི་ཚོགས་ལྡན་གསལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲིའོ། །ཡབ་ནི་ཉི་མའི་ཏོག་ཅེས་བྱའོ། །ཡུམ་ནི་ཉི་མའི་སྙིང་པོ་ཞེས་བྱའོ། །སྲས་ནི་འགྲོས་མཛེས་ཤེས་བྱའོ། །རིམ་གྲོ་བ་ནི་ནོར་ལྷའི་བུ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བྱང་ཆུབ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་འབྱུང་གནས་ཞེས་བྱའོ། །ཉན་ཐོས་འདུས་པ་ནི་ 300b ལན་བཞི་བཅུ་སྟེ། །ཐམས་ཅད་ལའང་དུང་ཕྱུར་ཕྲག་བདུན་ནོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དབང་པོའི་རྒྱལ་མཚན་སྐྱེ་བའི་ཡུལ་ནི་རིན་པོ་ཆེའི་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་བསོད་ནམས་རྒྱལ་མཚན་ཞེས་བྱའོ། །ཡུམ་ནི་ཡོན་ཏན་རྒྱལ་མཚན་ཞེས་བྱའོ། །སྲས་ནི་ཆོས་ཀྱི་བློ་ཞེས་བྱའོ། །རིམ་གྲོ་པ་ནི་འཁྲུལ་མེད་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་འོང་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགེ་བའི་ཚོགས་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་འབུམ་མོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྱེས་པ་ཆེན་པོ་སྐྱེ་བའི་ཡུལ་ནི་ཡོན་ཏན་སྟོང་སྙེད་སྣང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ་།ཡབ་ནི་མཛོད་མཐའ་ཡས་ཞེས་བྱའོ། །ཡུམ་ནི་ཡེ་ཤེས་འཇིགས་མེད་མ་ཞེས་བྱའོ། །སྲས་ནི་བྱང་ཆུབ་སེམས་ཞེས་བྱའོ། །རིམ་ 301a ༄#། །གྲོ་བ་ནི་བརྩོན་འགྲུས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མ་སྨད་གྲགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་འདོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཅིག་སྟེ། །ཐམས་ཅད་ལའང་འབུམ་འབྲམ་མོ། །སྐུ་ཚེའི་ཚད་ན་ལོ་སྟོང་ངོ ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣ་མའི་མེ་ཏོག་འོད་སྐྱེ་བའི་ཡུལ་ནི་མེ་ཏོག་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །ཡབ་ནི་མེ་ཏོག་བླ་མ་ཞེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་མེ་ཏོག་ཟླ་བ་ཞེས་བྱའོ། །རིམ་གྲོ་བ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པད་མ་དཀར་པོའི་སྙིང་པོ་ཞེས་བྱའོ། །ཉན་ཐོས་འདུས་པ་ནི་ལན་སྟོང་སྟེ། །ཐམས་ཅད་ལའང་དྲུག་འབུམ་དྲུག་ཁྲི་དྲུག་ཁྲིའོ། །སྐུ་ཚེའི་ཚད་ནི་ལོ་དུང་ཕྱུར་ཕྲག་བརྒྱད་དོ། །དམ་པའི་ཆོས་ཀྱང་ལོ་དུང་ཕྱུར་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚོགས་ 301b ཅན་འོང་སྐྱེ་བའི་ཡུལ་ནི་ཁ་ལོ་བསྒྱུར་བའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་བཞིའོ། །ཡབ་ནི་ཡོན་ཏན་འོད་ཅེས་བྱའོ། །ཡུམ་ནི་ལྷས་མཆོད་མ་ཞེས་བྱའོ། །སྲས་ནི་བསོད་ནམས་གསལ་ཞེས་བྱའོ། །རིམ་གྲོ་བ་ནི་གྲགས་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕགས་པ་གསལ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་དགུ་ཁྲི་དགུ་ཁྲིའོ། །སྐུ་ཚེའི་ཚད་ནི་ལོ་བདུན་སྟོང་ངོ ། །དམ་པའི་ཆོས་ཀྱང་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། ། དེ་བཞིན་གཤེགས་པ་སྐྲུན་པར་མཛད་པ་སྐྱེ་བའི་ཡུལ་ནི་ཤིན་དུ་མཛེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུ་རྩ་གཉིས་སོ། །ཡབ་ནི་ཁུར་སྟོབས་ཅན་ཞེས་བྱའོ། །ཡུམ་ནི་ཉི་མ་ཅན་ཞེས་བྱའོ། །སྲས་ནི་གྲགས་པའི་དབང་པོ་ཞེས་བྱའོ། །རིམ་གྲོ་བ་ནི་ཏོག་གི་ཕུང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་དཔལ་བྱའོ། །ཉན་ཐོས་འདུས་པ་ནི་ལན་བཅུ་སུམ་སྟེ། །ཐམས་ཅད་ལའང་ 302a ༄#། །ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་བརྒྱའོ། །དམ་པའི་ཆོས་ཀྱང་ལོ་དྲུག་བརྒྱའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མདངས་འགྲོ་སྐྱེ་བའི་ཡུལ་ནི་བཀོད་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་སེངྒེས་རྣམས་པར་རོལ་པ་ཞེས་བྱའོ། །ཡུམ་ནི་ཡོན་ཏན་ཕུང་པོ་ཞེས་བྱའོ། །སྲས་ནི་མཐའ་ཡས་མིག་ཅེས་བྱའོ། །རིམ་གྲོ་བ་ནི་བརྩོན་འགྲུས་མི་གཏོང་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྩོན་འགྲུས་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ཏུ་མཐུ་རྩལ་ཅན་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཅིག་སྟེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དགུ་སྟོང་ངོ ། །དམ་པའི་ཆོས་ནི་ལོ་བདུན་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ལེགས་ངེས་སྐྱེ་བའི་ཡུལ་ནི་ཡོན་ཏན་དེས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུ་རྩ་དགུའོ། །ཡབ་ནི་དོན་གྱི་ 302b ཡོན་ཏན་ཞེས་བྱའོ། །ཡུམ་ནི་གཟི་བརྗིད་དཔག་མེད་མ་ཞེས་བྱའོ། །སྲས་ནི་གྲགས་པ་དཔག་མེད་ཅེས་བྱའོ། །རིམ་གྲོ་བ་ནི་མཐུ་རྩལ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོ་བའི་བཤེས་གཉེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་དཔག་ཏུ་མེད་ཅེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། །ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲི་གཅིག་སྟོང་ངོ ། །དམ་པའི་ཆོས་ཀྱང་ལོ་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཁྱུ་མཆོག་སྐྱེ་བའི་ཡུལ་ནི་ལྷས་མཆོད་ཅེས་བྱའོ། །རིགས་ནི་བྲམ་ཟེའོ། ། འོད་ནི་དཔག་ཚད་སྟོང་ངོ ། །ཡབ་ནི་ས་མཆོག་ཅེས་བྱའོ། །ཡུམ་ནི་དྲི་མེད་བློ་གྲོས་མ་ཞེས་བྱའོ། །སྲས་ནི་ཐུབ་མེད་སྡེ་ཞེས་བྱའོ། །རིམ་གྲོ་པ་ནི་ཀུན་ཏུ་མཐུ་རྩལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་པ་མེད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་དུང་ཕྱུར་ཕྲག་བདུན་ཏེ། །ཐམས་ཅད་ལ་ཡང་བྱེ་བ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བདུན་ཁྲིའི་བར་ 303a ༄#། །དུ་གནས་སོ། ཐོས་འདུས་པ་ནི་ལན་དུང་ཕྱུར་ཕྲག་བདུན་ཏེ། །ཐམས་ཅད་ལ་རྒྱས་པར་འགྱུར་རོ། །དེ་བཞིན་གཤེགས་པ་ལེགས་བཟང་སྐྱེ་བའི་ཡུལ་ནི་ལྷའི་མཆོད་རྟེན་ཞེས་བྱའོ། ། རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུ་རྩ་གཉིས་སོ། །ཡབ་ནི་བཤེས་གཉེན་བཟང་པོ་ཞེས་བྱའོ། །ཡུམ་ནི་བརྟན་འགྲོ་མ་ཞེས་བྱའོ། །སྲས་ནི་མཆོག་འདོད་ཅེས་བྱའོ། །རིམ་གྲོ་བ་ནི་བདུད་རྩི་སྒྲོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲ་ཅན་ཤེས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་བླ་མ་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། །ཐམས་ཅད་ལའང་བྱེ་བ་སུམ་བཅུ་རྩ་བརྒྱད་པ་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ ། ། དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་ཟེར་ཆེན་པོ་སྐྱེ་བའི་ཡུལ་ནི་ནོར་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་བདུད་རྩི་དགའ་ཞེས་བྱའོ། །ཡུམ་ནི་ཡོན་ཏན་འདོད་ཅེས་བྱའོ། །སྲས་ནི་རེ་མཆོག་ཅེས་བྱའོ། །རིམ་གྲོ་བ་ནི་བརྒྱ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་སེམས་ཤེས་བྱའོ། །རྫུ་འཕྲུལ་ཅན་ 303b རྣམས་ཀྱི་མཆོག་ནི་རྙོག་པ་མེད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གཅིག་སྟེ། །ཐམས་ཅད་ལའང་བྱེ་བ་ཕྲག་བཅུ་གཅིག་བཅུ་གཅིག་གོ་།སྐུ་ཚེའི་ཚད་ནི་ལོ་བདུན་ཁྲི་ཆིག་སྟོང་ངོ ། །དམ་པའི་ཆོས་ནི་ལོ་བདུན་ཁྲི་གཅིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསམ་པས་བྱིན་སྐྱེ་བའི་ཡུལ་ནི་བསམ་པས་ཡང་དག་འཕགས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་སྟོང་ངོ ། །ཡབ་ནི་གསང་བ་མཐོང་ཞེས་བྱའོ། །ཡུམ་ནི་བརྟུལ་ཞུགས་ཡང་དག་འཕགས་ཞེས་བྱའོ། །སྲས་ནི་སྐྱོན་མེད་ང་རོ་ཞེས་བྱའོ། །རིམ་གྲོ་བ་ནི་རིན་ཆེན་དབྱངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བའི་སྤོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གདངས་པོ་ཆེ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གཉིས་སྟེ། །ཐམས་ཅད་ལའང་བྱེ་བ་ཕྲག་བཅུ་བདུན་བཅུ་བདུན་ནོ། །སྐུ་ཚེའི་ཚད་ནི་ལོ་བདུན་སྟོང་ངོ ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བསོད་ནམས་འོད་སྐྱེ་བའི་ཡུལ་ནི་བསོད་ནམས་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་བསོད་ནམས་གཟི་བརྗིད་ཅེས་ 304a ༄#། །བྱའོ། །ཡུམ་ནི་བསོད་ནམས་འོད་ཟེར་ཞེས་བྱའོ། །སྲས་ནི་གཟི་བརྗིད་གྲགས་པ་ཞེས་བྱའོ། །རིམ་གྲོ་བ་ནི་ལྷའི་གྲགས་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་གྲགས་པ་ཞེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། །ཐམས་ཅད་ལའང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ཀྱང་ལོ་སྡོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་ཆེན་དབྱངས་སྐྱེ་བའི་ཡུལ་ནི་ཐར་བའི་དབྱངས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་བཻ་ཌཱུརྱའི་སྙིང་པོ་ཞེས་བྱའོ། ། ཡུམ་ནི་ཐར་པའི་ང་རོ་ཞེས་བྱའོ། །སྲས་ནི་མི་གནས་ཐོང་ཅེས་བྱའོ། །རིམ་གྲོ་བ་ནི་ལྷས་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་མཆོད་ཅེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་ཀློས་མཆོད་ཅེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། །ཐམས་ཅད་ལའང་ཁྲི་བཞི་སྟོང་བཞི་སྟོང་ངོ ། །སྐུ་ཚེའི་ཚད་ནི་ལོ་ཐུག་ཁྲི་ལྔ་སྟོང་ངོ ། ། དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྡོ་རྗེའི་སྡེ་སྐྱེ་བའི་ཡུལ་ནི་མི་ཕྱེད་པ་ཞེས་བྱའོ། །རིགས་ནི་བྲམ་ཟེའོ། ། 304b འོད་ནི་དཔག་ཚད་དྲུག་སྟོང་ངོ ། །ཡབ་ནི་མེ་ཕྱེད་པར་དགའ་བ་ཞེས་བྱའོ། །ཡུམ་ནི་རྡོ་རྗེའི་བློ་གྲོས་བཤེས་བྱའོ། །སྲས་ནི་དགའ་བའི་སེམས་ཞེས་བྱའོ། །རིམ་གྲོ་བ་ནི་དབྱངས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀླུའི་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་མཆོད་ཅེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ།་ཐམས་ཅད་ལའང་བྱེ་བ་ཕྲག་ཉི་ཤུ་ཙ་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཉི་ཁྲི་ཅིག་སྟོང་གི་བར་དུ་གནས་སོ། །སྐུ་གདུང་ནི་ངི་ཡ་པོ་ཅིག་ཏུ་འདུག་གོ་།མཆོད་རྟེན་ཡང་ཅིག་ཏུ་ཟད་དོ། །དེ་བཞིན་གཤེགས་པ་འབྱོར་ལྡན་སྐྱེ་བའི་ཡུལ་ནི་ཐམས་ཅད་འབྱོར་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་ངོ ། །ཡབ་ནི་འབྱོར་བའི་རྒྱལ་པོ་ཞེས་བྱའོ། །ཡུམ་ནི་དགེ་རྒྱལ་ཞེས་བྱའོ། །སྲས་ནི་རྒྱལ་ཆེན་ཞེས་བྱའོ། །རིམ་གྲོ་བ་ནི་ལྷའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་ནི་མཆོད་འོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མ་སྤངས་པ་ཞེས་བྱའོ། །ཉན་ཐོས་འདུས་པ་ནི་ལན་བདུན་ཏེ། །ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་ 305a ༄#། །གཤེགས་པ་སེངྒེའི་སྟོབས་པའི་ཡུལ་ནི་སྟོབས་ཆེན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་ཀླུ་སྟོབས་ཞེས་བྱའོ། །ཡུམ་ནི་གྲགས་ལྡན་མ་ཞེས་བྱའོ། །སྲས་ནི་རིན་ཆེན་སྟོབས་ཞེས་བྱའོ། །རིམ་གྲོ་བ་ནི་ཡོན་ཏན་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་མེད་སྟོབས་ཞེས་བྱའོ། །ཉན་ཐོས་འདུས་པ་ནི་ལན་བཅུ་སྟེ། །ཐམས་ཅད་ལའང་དུང་ཕྱུར་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་སྟོང་ངོ ། །དམ་པའི་ཆོས་ནི་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲི་མ་མེད་པའི་སྤྱན་སྐྱེ་བའི་ཡུལ་ནི་མིག་ཏུ་སྡུག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བགྱིའོ། །ཡབ་ནི་མིག་མཚུངས་པ་ཞེས་བྱའོ། །ཡུམ་ནི་ཡིད་འོང་མིག་ཅེས་བྱའོ། །ཡུམ་ནི་ཡིད་འོང་མིག་ཅེས་བྱའོ། །སྲས་ནི་བདུང་རྩི་ལྷ་ཞེས་བྱའོ། །རིམ་གྲོ་བ་ནི་དམིགས་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་བའི་མཆོད་རྟེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཟད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་ཁྲི་བདུན་སྟོང་བདུན་སྟོང་ངོ ། །སྐུ་ཚེའི་ཚད་ 305b ནི་ལོ་དགུ་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་སྲུང་སྐྱེ་བའི་ཡུལ་ནི་ཡུལ་འཁོར་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་ལྷའི་དྲང་སྲོང་ཞེས་བྱའོ། །ཡུམ་ནི་མི་འཇིགས་བྱིན་ཞེས་བྱའོ། །སྲས་ནི་རིགས་པའི་མཐུ་རྩ་ལ་ཞེས་བྱའོ། །རིམ་གྲོ་བ་ནི་ཀུན་ཏུ་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་མེད་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་བརྩིགས་ཞེས་བྱའོ། །ཉན་ཐོས་འདུས་པ་ནི་ལད་དགུ་བཅུ་སྟེ། །ཐམས་ཅད་ལའང་བྱེ་བ་ཕྲག་དགུ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་ཉིས་སྟོང་ངོ ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་གསལ་སྐྱེ་བའི་ཡུལ་ནི་གསལ་བ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་གསལ་ཅན་ཞེས་བྱའོ། ། ཡུམ་ནི་ཡོན་ཏན་གསལ་ཞེས་བྱའོ། །སྲས་ནི་ཐར་པ་དང་ཅེས་བྱའོ། །རིམ་གྲོ་བ་ནི་རྒྱལ་བ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྨྲ་བ་གསལ་ཞེས་ 306a ༄#། །བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྫུ་འཕྲུལ་གསལ་ཞེས་བྱའོ། །འདུས་པ་ནི་ལན་སུམ་བཅུ་རྩ་གཉིས་སྟེ། །ཐམས་ཅད་ལ་ཡང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་འགྲོས་སྐྱེ་བའི་ཡུལ་ནི་གཟི་བརྗིད་ཀྱིས་བརྒྱན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་མཐུ་རྩལ་བརྟན་ཞེས་བྱའོ། །ཡུམ་ནི་ཡེ་ཤེས་ཐོབ་ཅེས་བྱའོ། །སྲས་ནི་མཐོང་དགའ་ཞེས་བྱའོ། །རིམ་གྲོ་བ་ནི་དགའ་སྡུག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བྷ་ར་ཏ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་རབ་གསལ་ཅེས་བྱའོ། །ཉན་ཐོས་འདུས་པ་ནི་ལན་བཅུ་སུམ་སྟེ། །ཐམས་ཅད་ལའང་བྱེ་བ་སྟོང་ཕྲག་བཅུ་བཅུའོ། ། སྐུ་ཚེའི་ཚད་ནི་ལོ་ཉི་ཁྲི་བདུན་སྟོང་ངོ ། །དམ་པའི་ཆོས་ནི་ལོ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་དག་ཤུལ་ཅན་སྐྱེ་བའི་ཡུལ་ནི་ཀུན་ཏུ་གཟི་བརྗིད་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་དྲག་ཤུལ་བརྩེགས་ 306b ཞེས་བྱའོ། །ཡུམ་ནི་གཟི་བརྗིད་མེ་ཏོག་ཅེས་བྱའོ། །སྲས་ནི་དམིགས་མ་འཕྲུལ་ཞེས་བྱའོ། །རིམ་གྲོ་བ་ནི་སེམས་བཏགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟུངས་ཀྱི་དབང་ཕྱུག་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུགས་པ་མེད་པར་གནས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དྲུག་ཁྲིའོ། །གཉིས་པ་ལ་ནི་འབུམ་མོ། །གསུམ་པ་ལ་ནི་སུམ་འབུམ་མོ། །བཞི་པ་ལ་དྲུག་འབུམ་མོ། །ལྔ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་ལྔ་ཁྲི་དྲུག་སྟོང་ངོ ། །དམ་པའི་ཆོས་ཀྱང་ལོ་ལྔ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཟེར་ཆེན་པོ་སྐྱེ་བའི་ཡུལ་ནི་འོད་ཟེར་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུའོ། །ཡབ་ནི་རིན་ཆེན་སྒྲོན་མ་ཞེས་བྱའོ། །ཡུམ་ནི་གཟི་བརྗིད་མཆོད་ཅེས་བྱའོ། །སྲས་ནི་ལྷའི་གཟི་བརྗིད་ཅེས་བྱའོ། །རིམ་གྲོ་བ་ནི་ལག་མཆོག་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁམས་སུམ་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕགས་པའི་གཟི་བརྗིད་ཅེས་བྱའོ། །འདུས་པ་ནི་ལན་བཞི་བཅུ་སྟེ། །ཐམས་ཅད་ལའང་བྱེ་བ་ཕྲག་བཅུ་དྲུག་བཅུ་དྲུག་གོ་།སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ 307a ༄#། །ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མའི་འོད་སྐྱེ་བའི་ཡུལ་ནི་སྒྲོན་བྱེད་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུ་རྩ་གཉིས་སོ། །ཡབ་ནི་གྲགས་པའི་འོད་ཅེས་བྱའོ། །ཡུམ་ནི་དཔག་མེད་མིག་ཅེས་བྱའོ། །སྲས་ནི་སྐར་མདའ་འོད་ཅེས་བྱའོ། །རིམ་གྲོ་བ་ནི་འོད་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་འོད་ཅེས་བྱའོ། །འདུས་པ་ནི་ལན་དགུ་བཅུ་སྟེ། །ཐམས་ཅད་ལའང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །འཕགས་པ་བསྐལ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་དྲུག་པ། །དེ་བཞིན་གཤེགས་པ་དྲི་མ་མེད་པའི་འོད་སྐྱེ་བའི་ཡུལ་ནི་བཀོད་པ་མི་འཁྲུག་བ་ཞེས་བྱའོ། །རིགས་ནི་བྲམ་ཟེའོ། འོད་ནི་དཔག་ཚད་དྲུག་གོ་།ཡབ་ནི་ལྷའི་གཟི་བརྗིད་ཅེས་བྱའོ། །ཡུམ་ནི་ལུས་དགའ་མ་ཞེས་བྱའོ། །སྲས་ནི་ཡན་ལག་མ་སྨད་པ་ཞེས་བྱའོ། །རིམ་གྲོ་པ་ནི་སྐྱོན་མེད་ལུས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕ་རོལ་ཕྱིན་ཐོབ་ 307b ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔག་མེད་འགྲོ་ཟེས་བྱའོ། །འདུས་པ་ནི་ལན་བཞི་བཅུ་སྟེ། །ཐམས་ཅད་ལའང་བྱེ་བ་ཕྲག་དགུ་དགུའོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ ། །དམ་པའི་ཆོས་ཀྱང་ལོ་སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་རྣམས་རྣམ་པར་འབྱེས་པ་སྐྱེ་བའི་ཡུལ་ནི་ཤིན་ཏུ་རྣམས་པར་འབྱེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ་།ཡབ་ནི་གཟི་བརྗིད་དཔལ་ཞེས་བྱའོ། །ཡུམ་ནི་གཟི་བརྗིད་མཆོག་ཅེས་བྱའོ། །སྲས་ནི་སྐར་མཁན་ཞེས་བྱའོ། །རིམ་གྲོ་བ་ནི་ཁ་ལོ་སྒྱུར་བའི་སྤོས་ཞེས་བྱའོ། །ཤེས་རབ་རྣམས་ཀྱི་མཆོག་ནི་བློ་དགེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་ལ་གཅེས་བྱའོ། །འདུས་པ་ནི་ལན་བཞི་བཅུ་རྩ་བརྒྱད་དེ། །ཐམས་ཅད་ལའང་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་བྱེད་བ་ཕྲག་བཅུ་བཞིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། ། དེ་བཞིན་གཤེགས་པ་ཁེངས་མེད་སྐྱེ་བའི་ཡུལ་ནི་རྫོགས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་མི་ཚུགས་པ་ཞེས་ 308a ༄#། །བྱའོ། །ཡུམ་ནི་ཁྱད་པར་ཐོབ་ཅེས་བྱའོ། །སྲས་ནི་འཇིག་རྟེན་ཁྱད་པར་འཕགས་ཞེས་བྱའོ། །རིམ་གྲོ་བ་ནི་འདྲ་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་ཁྱད་པར་འཕགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྱད་པར་འཕགས་ཞེས་བྱའོ། །འདུས་པ་ནི་ལན་སུམ་ཅུ་སྟེ།་ཐམས་ཅད་ལའང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་དགུ་ཁྲི་བདུན་སྟོང་ངོ ། །དམ་པའི་ཆོས་ནི་ལོ་དགུ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྦྲང་རྩིའི་ཞལ་སྐྱེ་བའི་ཡུལ་ནི་གཅིག་ཏུ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ ། །ཡབ་ནི་དགའ་བྱེད་ཅེས་བྱའོ། །ཡུམ་ནི་བདུད་རྩི་བྱེད་ཅེས་བྱའོ། །སྲས་ནི་བཀོད་པ་མི་འཁྲུལ་ཞེས་བྱའོ། །རིམ་གྲོ་བ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མདའ་འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤུགས་འཆང་ཞེས་བྱའོ། །འདུས་པ་ནི་ལན་བཅུ་རྩ་དགུ་སྟེ། །ཐམས་ཅད་ལའང་དུང་ཕྱུར་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་ 308b ལྔ་སྟོང་གི་བར་།དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ། །འོད་སྐྱེ་བའི་ཡུལ་ནི་དྲི་མ་མེད་པའི་འོད་ཅེས་བྱའོ། །རིགས་ནི་རྒྱལ་རིགས་སོ། ། འོད་ནི་དཔག་ཚད་བཞི་བཅུའོ། །ཡབ་ནི་ཟླ་བའི་ཏོག་ཅེས་བྱའོ། །ཡུམ་ནི་ཟླ་བའི་མེ་ཏོག་ཅེས་བྱའོ། །སྲས་ནི་ཟླ་སྣང་ཞེས་བྱའོ། །རིམ་གྲོ་བ་ནི་ཟླ་བཟངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩི་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷའི་བདུད་རྩི་ཞེས་བྱའོ། །འདུས་པ་ནི་ལན་དྲུག་སྟེ། །ཐམས་ཅད་ལའང་ཐེར་འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀློག་སྦྱིན་སྐྱེ་བའི་ཡུལ་ནི་ཉི་མའི་བློ་གྲོས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་དབང་པོའི་རྒྱལ་མཚན་ཞེས་བྱའོ། །ཡུམ་ནི་ལྷ་མཆོད་མ་ཞེས་བྱའོ། །སྲས་ནི་ཉི་མའི་ཏོག་ཅེས་བྱའོ། །རིམ་གྲོ་བ་ནི་སྒྲོན་མ་དྲང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གསེར་འོད་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་ཡོད་གོ་འཕང་གནོན་ཞེས་བྱའོ། །འདུས་པ་ནི་ལན་བཞི་བཅུ་རྩ་ལྔ་སྟེ། །ཐམས་ཅད་ལ་ཡང་བྱེ་བ་ཕྲག་བདུན་ཅུ་རྩ་གཉིས་སོ། །སྐུ་ཚེའི་ཚད་ནི་ 309a ༄#། །ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་ཏུ་ཞི་བར་གཤེགས་པ་སྐྱེ་བའི་ཡུལ་ནི་བློ་བརྟན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཅུའོ། །ཡབ་ནི་འགྲོས་སྙོམས་ཞེས་བྱའོ། །ཡུམ་ནི་བདེ་འགྲོ་མ་ཞེས་བྱའོ། །སྲས་ནི་འཕགས་པ་འདོད་ཅེས་བྱའོ། །རིམ་གྲོ་པ་ནི་དགྲ་བཅོམ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་ཡོད་གོ་འཕང་གནོན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བརྟན་པོ་ཞེས་བྱའོ། །འདུས་པ་ནི་ལན་ཉི་ཤུ་རྩ་གཅིག་སྟེ། །ཐམས་ཅད་ལའང་འབུམ་ཕྲག་བཅུ་གཅིག་བཅུ་གཅིག་གོ་།སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ ། །དམ་པའི་ཆོས་ཀྱང་ལོ་བདུན་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་འཁྲུགས་པ་སྐྱེ་བའི་ཡུལ་ནི་འོད་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་སྟོང་ངོ ། །ཡབ་ནི་བྱམས་ནས་ཞེས་བྱའོ། །ཡུམ་ནི་སྙིང་རྗེས་གནས་ཞེས་ 309b བྱའོ། །སྲས་ནི་ཡིད་མི་འཁྲུགས་ཞེས་བྱའོ། །རིམ་གྲོ་བ་ནི་སེམས་སྙོམས་ཤེས་བྱའོ། །ཤེས་རབ་ཅན་རྣམ་ཀྱི་མཆོག་ནི་འཁྲུལ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཡང་དག་འཕགས་ཞེས་བྱའོ། །འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་བྱེ་བ་ཕྲག་སུམ་ཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བརྒྱད་ཁྲི་དྲུག་སྟོང་ངོ ། །དམ་པའི་ཆོས་ཀྱང་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་གྲགས་པ་སྐྱེ་བའི་ཡུལ་ནི་དེ་བཞིན་གཤེགས་པའི་སྤྱན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་དྲུག་ཙམ་མོ། །ཡབ་ནི་དགྲ་བཅོམ་པ་ཞེས་བྱའོ། །ཡུམ་ནི་འཕགས་པའི་བུ་ཞེས་བྱའོ། །སྲས་ནི་མྱ་ངན་ལས་འདས་པ་གྲགས་ཤེས་བྱའོ། །རིམ་གྲོ་བ་ནི་དགྲ་བཅོམ་གསལ་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་སྙན་པ་གྲངས་མེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོབས་པ་ཆེན་པོ་ཞེས་བྱའོ། །འདུས་པ་ནི་ལན་བརྒྱད་ཅུ་རྩ་བཞི་སྟེ།་ཐམས་ཅད་ལའང་འབུམ་ཕྲག་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་ 310a ༄#། །རིལ་པོ་གཅིག་ཏུ་བདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ཀྱི་ཡོན་ཏན་སྐྱེ་བའི་ཡུལ་ནི་ཡོན་ཏན་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ས་བརྒྱའོ། །ཡབ་ནི་ཡོན་ཏན་གཟི་བརྗིད་ཅེས་བྱའོ། །ཡུམ་ནི་ཡོན་ཏན་ཅན་ཞེས་བྱའོ། །སྲས་ནི་ཡོན་ཏན་མཐའ་ཡས་ཞེས་བྱའོ། །རིམ་གྲོ་བ་ནི་ཡོན་ཏན་ཆེན་པོའི་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གཟི་བརྗིད་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་པའི་ཡོན་ཏན་རྒྱལ་པོ་ཞེས་བྱའོ། །འདུས་པ་ནི་ལན་སུམ་ཅུ་རྩ་སུམ་སྟེ། །ཐམས་ཅད་ལའང་ཐེར་འབུམ་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱལ་པར་འགྱུར་རོ། །དེ་བཞིན་གཤེགས་པ་ཞིང་བཟང་པོ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཉི་ཤུ་རྩམ་མོ། །ཡབ་ནི་རིན་ཆེན་འོད་ཅེས་བྱའོ། །ཡུམ་ནི་མཐའ་ཡས་ཞིང་ཞེས་བྱའོ། །སྲས་ནི་ཤེས་རབ་སྒྲོན་མ་ཞེས་བྱའོ། །རིམ་གྲོ་བ་ནི་ཤེས་རབ་གསལ་ཞེས་བྱའོ། །ཤེས་རབ་ཅན་རྣམས་ 310b ཀྱི་མཆོག་ནི་སྐར་མཁན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པའི་རྒྱལ་བའི་ཞེས་བྱའོ། །འདུས་པ་ནི་ལན་དྲུག་ཅུ་རྩ་དགུ་སྟེ། །ཐམས་ཅད་ལའང་དྲུག་འབུམ་དྲུག་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་ཅིག་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བཀོད་པའི་རྒྱལ་པོ་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུ་རྩ་བརྒྱད་དོ། །ཡབ་ནི་བཀོད་པ་བསམ་གྱིས་མི་ཁྱད་པ་ཞེས་བྱའོ། །ཡུམ་ནི་གཟི་བརྗིད་རྫོགས་ལྡན་ཞེས་བྱའོ། །སྲས་ནི་བཀོད་པ་ཆེན་པོ་ཞེས་བྱའོ། །རིམ་གྲོ་པ་ནི་ཐར་པ་བཀོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་ཉི་མི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་མི་གྲ་ཡོ་བ་ཞེས་བྱའོ། །འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་ས་ཡ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མངོན་པར་འཕགས་པ་སྐྱེ་བའི་ཡུལ་ནི་ལྷ་བརྩེགས་ཞེས་བྱའོ། །རིགས་ནི་རྒྱལ་རིགས་སོ། །འོད་ 311a ༄#། །ནི་དཔག་ཚད་གསུམ་བརྒྱའོ། །ཡབ་ནི་འགྲོ་བའི་དབང་ཕྱུག་ཅེས་བྱའོ། །ཡུམ་ནི་འོད་ཟེར་མཆོག་ཅེས་བྱའོ། །སྲས་ནི་ཁེངས་མེད་ཅེས་བྱའོ། །རིམ་གྲོ་བ་ནི་དབང་པོ་ཞེ་བྱའོ། །ཤེས་རབ་ཅན་རྣམས་ཀྱི་མཆོག་ནི་ནོར་ལྷའི་བུ་དགའ་ཞེས་བྱའོ། །རྫུ་འཕྲུ་ཅན་རྣམས་ཀྱི་མཆོག་ནི་བསོད་ནམས་འདོད་ཅེས་བྱའོ། །འདུས་པ་ནི་ལན་བཅུ་སྟེ། །ཐམས་ཅད་ལའང་བྱེ་བ་ཕྲག་ཉི་ཤུ་རྩ་རེ་རེའོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ ། །དམ་པའི་ཆོས་ནི་ལོ་དྲུག་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྦྱིན་སྲེག་འོད་འཕྲོ་སྐྱེ་བའི་ཡུལ་ནི་ཚངས་པའི་ཏོག་ཅེས་བྱའོ། །རིག་ནི་བྲམ་ཟེའོ། །འོད་ནི་དཔག་ཚད་བདུན་ཅུའོ། །ཡབ་ནི་དྲང་སྲོང་བློ་ཞེས་བྱའོ། །ཡུམ་ནི་སེམས་གྲོལ་མ་ཞེས་བྱའོ། །སྲས་ནི་ཐེ་མཚོ་མེད་ཅེས་བྱའོ། །རིམ་གྲོ་བ་ནི་དུལ་བར་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔའ་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱ་མཚོའི་ཏོག་ཅེས་བྱའོ། །འདུས་པ་ནི་ལན་བརྒྱད་ཅུ་རྩ་ལྔ་སྟེ། །ཐམས་ཅད་ལའང་བྱེ་བ་ཕྲག་བཅུ་དགུ་བཅུ་དགུའོ། །སྐུ་ཚེའི་ཚད་ནི་ལོ་ 311b བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་པདྨའི་དཔལ་སྐྱེ་བའི་ཡུལ་ནི་པདྨ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་མེ་ཏོག་ཕྱིན་ཞེས་བྱའོ། །ཡུམ་ནི་པདྨའི་མིག་ཅེས་བྱའོ། ། སྲས་ནི་མེ་ཏོག་རྒྱལ་པོ་ཞེས་བྱའོ། །རིམ་གྲོ་བ་ནི་ལྷའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་མ་ཡིན་གྱི་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེམས་ཅན་ཁ་ལོ་བསྒྱུར་ཞེས་བྱའོ། །འདུས་པ་ནི་ལན་ཉི་ཤུ་རྩ་བདུན་ཏེ། །ཐམས་ཅད་ལའང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲི་དགུ་སྟོང་ངོ ། །དམ་པའི་ཆོས་ཀྱང་ལོ་དགུ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་པོ་ཆེའི་བཀོད་པ་སྐྱེ་བའི་ཡུལ་ནི་ལྷའི་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་སུམ་ཅུ་ཙམ་མོ། །ཡབ་ནི་རིན་ཆེན་འོད་ཅེས་བྱའོ། །ཡུམ་ནི་བློ་གྲོས་གསལ་ཞེས་བྱའོ། །སྲས་ནི་གསལ་ཆེན་ཞེས་བྱའོ། །རིམ་གྲོ་བ་ནི་བཀོད་པ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ 312a ༄#། །ནི་ཆོས་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་པ་དགའ་ཞེས་བྱའོ། །འདུས་པ་ནི་ལན་བདུན་ཅུ་རྩ་ལྔ་སྟེ། །ཐམས་ཅད་ལའང་བྱེ་བ་ཕྲག་བཅུ་བདུན་བཅུ་བདུན་ནོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ ། །དམ་པའི་ཆོས་ནི་ལོ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཤིང་ཏུ་བཟང་པོ་སྐྱེ་བའི་ཡུལ་ནི་བཟང་པོ་བྱེད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་སྟོང་ངོ ། ། ཡབ་ནི་ལྷ་བཟང་ནེས་བྱའོ། །ཡུམ་ནི་འཕགས་བཟང་མ་ཞེས་བྱའོ། །སྲས་ནི་དཔལ་བཟང་ཞེས་བྱའོ། །རིམ་གྲོ་བ་ནི་རིན་ཆེན་ཕུང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཟང་པོ་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཚོན་ཆ་བཟང་པོ་ཞེས་བྱའོ། །འདུས་པ་ནི་ལན་བཞི་བཅུ་རྩ་དགུ་སྟེ།་ཐམས་ཅད་ལའང་ས་ཡ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་བདུན་ཁྲི་ཅིག་སྟོང་ངོ ། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་པོ་ཆེའི་མཆོག་སྐྱེ་བའི་ཡུལ་ནི་རིན་པོ་ཆེ་ཆེན་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ 312b བཅུ་དྲུག་གོ་།ཡབ་ནི་ཁྱེའུ་མཆོག་ཅེས་བྱའོ། །ཡུམ་ནི་རིན་ཆེན་ཏོག་ཅེས་བྱའོ། །སྲས་ནི་རིན་པོ་ཆེའི་རྒྱ་མཚོ་ཞེས་བྱའོ། །རིམ་གྲོ་བ་ནི་བློ་གྲོས་འབྱུང་གནས་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བཀོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བྱང་ཆུབ་སྟོབས་ཞེས་བྱའོ། །འདུས་པ་ནི་ལན་བརྒྱད་ཅུ་སྟེ། །ཐམས་ཅད་ལའང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་བཞི་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐུགས་ཤིན་ཏུ་གཞུངས་པ་སྐྱེ་བའི་ཡུལ་ནི་ལྷུན་པོ་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་གསུམ་མོ། །ཡབ་ནི་རིན་པོ་ཆེའི་ལྷུན་པོ་ཞེས་བྱའོ། །ཡུམ་ནི་རིན་ཆེན་ཆེན་མོ་ཞེས་བྱའོ། །སྲས་ནི་བདུད་རྩི་ཕུང་པོ་ཞེས་བྱའོ། །རིམ་གྲོ་པ་ནི་དགེ་བ་བརྩིགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རི་བོའི་འོད་ཟེར་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐོགས་པ་མེད་པར་གནས་ཞེས་བྱའོ། ། འདུས་པ་ནི་ལན་བརྒྱད་ཅུ་སྟེ། །ཐམས་ཅད་ལའང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་ 313a ༄#། །གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་དཔག་མེད་སྐྱེ་བའི་ཡུལ་ནི་གཟི་བརྗིད་དཔག་ཏུ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་མཐའ་ཡས་སོ། །ཡབ་ནི་དོན་སེམས་ཞེས་བྱའོ། །ཡུམ་ནི་སྡེ་ཆེན་མོ་ཞེས་བྱའོ། །སྲས་ནི་གྲགས་པ་འཕགས་ཞེས་བྱའོ། །རིམ་གྲོ་པ་ནི་བློ་གྲོས་ཉེ་བར་ཞི་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྨོན་ལམ་གཟུངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྟག་ཏུ་རྣམ་པར་འཕྲུལ་ཞེས་བྱའོ། །འདུས་པ་ནི་ལན་བརྒྱད་ཅུ་རྩ་བཞི་སྟེ། །ཐམས་ཅད་ལའང་བྱེ་བ་ཕྲག་བརྒྱད་ཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་ལྔའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །རྒྱལ་བ་རྒྱ་མཚོས་བྱིན་སྐྱེ་བ་ཡི། །ཡུམ་ནི་རྒྱ་མཚོ་མཐའ་ཡས་པ་ཞེས་བྱ། །རྡུལ་བྲལ་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སུམ་སྟོང་ཐོས་པའི་དབང་པ་ཡབ། །ཡོན་ཏན་ཚོགས་ཤེས་བྱ་བ་རྒྱལ་བའི་ཡུལ་ཡུམ། །སྲས་པོ་ལེགས་མཐོང་དྲག་ཤུལ་རིམ་གྲོ་པ། ། མཆོད་རྟེན་བཅུ་པ་ཞེས་བྱ་མཁས་པ་སྟེ། །རྒྱ་མཚོའི་བློ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལའང ། །ལྷུན་པོའི་རྩེ་ལྟར་གཡོ་བ་མེད་ 313b པ་པོ། །ཐེར་འབུམ་ཐེར་འབུམ་སྙེད་ནི་འདུས་པར་འགྱུར། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དངོས་པོ་མེད་པར་ཕྱིན་པའི་དམ་ཆོས་དག་།ལོ་གྲངས་བྱེ་བ་ཕྲག་ནི་སྟོང་དུ་གནས། །རྒྱལ་བའི་སུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་དགུ་བཅུ་དྲུག་།དེ་བཞིན་གཤེགས་པ་ཚངས་པའི་ཏོག་དག་གི་།སྐྱེ་བའི་ཡུལ་ནི་ཡེ་ཤེས་སྒྲོན་ཞེས་བྱའོ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཚངས་བཟངས་ཡི། །གྲགས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་བློ་བཟངས་རིམ་གྲོ་བ། །ཚོགས་ལྡན་མཆོད་རྟེན་ཞེས་བྱ་མཁས་པ་སྟེ། །ཚངས་པ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྣམ་པར་ཐར་བརྒྱད་ཐོབ་པའི་བསམ་གཏན་པ། །བྱེ་བ་ཕྲག་ནི་དགུ་བཅུ་སུམ་སུམ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡི། །དེ་བཞིན་གཤེགས་པའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་།པོ་ཐེར་འབུམ་ཕྲག་གསུམ་འབྱུང ། ། དེ་བཞིན་གཤེགས་པ་ཟླ་གདུགས་སྐྱེ་བ་ཡི། །ཡུལ་ནི་འོད་དག་འཕྲོ་བས་བརྒྱན་ཅེས་བྱ། རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་དྲན་ 314a ༄#། །ལྡན་ཡིན། །གདངས་མཐོ་མ་ནི་རྒྱལ་ཡུམ་སྲས་པོ་ནི། །སྒྲ་ཅན་འཛིན་ཡིན་རིགས་ལྡན་རིམ་གྲོ་པ། །ཡེ་ཤེས་དགའ་ཞེས་བྱ་བ་མཁས་པ་སྟེ། །སྲེད་པ་རྣམས་པར་སྐེམས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང ། །གཡོ་མེད་རིམས་ནད་མེད་པའི་བསམ་གཏན་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །སྟོན་པ་འགོག་པར་ཕྱིན་པའི་དམ་ཆོས་དག་།ལོ་གྲངས་སྟོང་ཕྲག་བཅུ་ཡི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱིས་རྣམ་པར་སྦྲས། །འཇིག་རྟེན་དགོན་པོ་འོད་ནི་འཕྲོ་བ་ཡི། །སྐྱེ་ཡུལ་ལེགས་པར་གསུངས་དང་ལྡན་ཞེས་བྱ། ། རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་འོད་བྱེད་ཡིན། །ཏོག་གི་འོད་ཅེས་བྱ་བ་རྒྱལ་བའི་ཡུམ། །སྲས་པོ་བཀྲ་ཤིས་ཚོགས་དབང་རིམ་གྲོ་པ། །བཟང་པོ་གྲགས་ཞེས་བྱ་བ་མཁས་པ་སྟེ། །འཇིགས་པ་མེད་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ལ་ཡང ། །སོ་སོ་ཡང་དག་རིག་པའི་ཕ་མཐར་ཕྱིན། །རྣམ་གྲོལ་མི་སློབ་འབྲས་ལྡན་ཤ་སྟག་གོ་།མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག་།ལོ་གྲངས་སུམ་ཁྲི་དྲུག་ 314b སྟོང་པར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་ཐེར་འབུམ་ཕྲག་ནི་སུམ་ཅུ་གཉིས། །དེ་བཞིན་གཤེགས་པ་དྲི་མེད་རྒྱལ་པོ་ཡི། །སྐྱེ་བའི་ཡུལ་ནི་བསོད་ནམས་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་གཉིས་ཡོད་ཡབ་ནི་དཔལ་བཟང་ཡིན། །བདུད་རྩི་དགའ་བ་རྒྱལ་ཡུམ་སྲས་པོ་ནི། །སེངྒེའི་འགྲོས་ཡིན་ལྷ་ལྡན་རིམ་གྲོ་བ། །ཡོན་ཏན་འབྱུང་གནས་ཤེས་རབ་ཆེན་པོ་སྟེ། །རྣམ་པར་བལྟ་བའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང ། །དྲང་སྲོང་ཐམས་ཅད་དགྲ་བཅོམ་མཚུངས་པ་པོ། །ཐེར་འབུམ་ཐེར་འབུམ་ཆ་དག་ནི་འདུས་པར་གྱུར། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་མཆོད་རྟེན་དཔག་ཚད་བཅུ་ཙམ་པ། །རིན་ཆེན་རྒྱལ་མཚན་སྟོང་གིས་མཛེས་པར་བྱས། །དེ་བཞིན་གཤེགས་པ་ཡེ་ཤེས་གྲགས་པ་ཡི། །སྐྱེ་བའི་ཡུལ་ནི་གྲགས་པའི་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་མྱ་ངན་མེད། །ལྷ་ཡི་མཆོད་རྟེན་མ་ནི་རྒྱལ་བའི་ཡུམ། །སྲས་པོ་ཤེས་ལྡན་གྲགས་ལྡན་རིམ་གྲོ་བ། །ཕྱོགས་རྣམས་བལྟ་ཞེས་བྱ་བ་མཁས་པ་སྟེ། །བདུད་འཇོམས་པ་ཞེས་བྱ་བ་རྫུ་འཕྲུལ་ཅན། 315a ༄#། །འདུས་པ་ལན་གྲངས་བཅོ་ལྔ་ཀུན་ལ་ཡང ། །རྣམ་ཐར་བརྒྱད་ལ་གནས་པ་ཐོབ་པ་པོ། །བྱེ་བ་ཕྲག་ནི་བདུན་ཅུ་ལྔ་ལྔ་ཡོད། །མི་ཚེ་ལོ་གངས་བདུན་ཁྲི་ཉིས་སྟོང་ཡིན། །མི་མཆོག་ཏིང་འཛིན་ཐོབ་པའི་དམ་ཆོས་དག་།ལོ་གྲངས་བྱེ་བ་བདུན་བཅུ་དྲུག་ཏུ་གནས། །རྒྱལ་བའི་སྐུར་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་སུམ་བཅུ་དྲུག་།མི་ཡི་མཆོག་མ་ཀུན་ལས་རྒྱལ་བ་ཡི། །སྐྱེ་བའི་ཡུལ་ནི་བདེན་པའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལག་བཟང་ཡིན། །ཡོན་ཏན་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་བདེན་ལྡན་བདེ་ལེགས་རིམ་གྲོ་པ། །འཕགས་པ་དགྱེས་ཞེས་བྱ་བ་མཁས་པ་སྟེ། །ལག་མཆོག་བཟང་བ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་གཉིས་ཏེ་གཉིས་ཀ་ལའང ། །ནམ་མཁའི་དབྱིངས་ལ་རླུང་ལྟར་ཆགས་མེད་པ། །ཁྲི་ཕྲག་བཅུ་བཅུ་དག་ནི་འདུས་པར་འགྱུར། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །འཁྲུགས་པ་མེད་པར་ཕྱིན་པའི་དམ་ཆོས་དག་།ལོ་དང་སྟོང་ཕྲག་བཅུ་བཞིའི་བར་དུ་གནས། རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱི་བླ་བྲེར་ལྡན། །སངས་རྒྱས་ཡོན་ཏན་འོད་ནི་སྐྱེ་བའི་ཡུལ། །ཡོན་ཏན་ཀུན་གྱི་རྒྱ་མཚོ་ཞེས་ 315b ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་ལེགས་མཆོག་ཡིན། །བློ་གསལ་རྒྱལ་ཡུམ་སྲས་པོ་ཡོན་ཏན་ཚོགས། །ཡོན་ཏན་འོད་ཅེས་བྱ་བ་རིམ་གྲོ་པ། །ཡོན་ཏན་དག་གིས་བརྒྱན་པ་མཁས་པ་སྟེ། །ཡོན་ཏན་རྫུ་འཕྲུལ་མཐའ་ཡས་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལ་ཡང ། །ཆགས་པ་མེད་པར་གྱུར་པ་སེམས་སྦྱངས་པ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་ཉི་ཁྲི་ཡིན། །མིག་གི་སྦྱིན་བ་མཛད་པའི་དམ་ཆོས་དག་།ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱ་པ་ཐམས་ཅད་རིན་ཆེན་ཡིན། །རྒྱལ་བ་སྒྲ་ནི་རྣམ་པར་གྲགས་པ་ཡི། །སྐྱེ་བའི་ཡུལ་ནི་གྲགས་པ་ཅན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ནོར་གྲགས་ཡིན། །བློ་གྲོས་གྲངས་མ་ཞེས་བྱ་རྒྱལ་བའི་ཡུམ། །སྲས་པོ་གྲགས་ལྡན་ལྷ་ལེགས་རིམ་གྲོ་པ། །ལྷ་ཡི་དབྱངས་ཤེས་བྱ་བ་མཁས་པ་སྟེ། །རྣམ་པར་གྲགས་པའི་ཀླུ་ནི་རྫུ་འཕྲུལ་ཅན། །འདུས་པ་ལན་གྲངས་གསུམ་སྟེ་ཀུན་ལ་ཡང ། །རི་བོའི་ལྷུན་ལྟར་གཡོ་བ་མེད་པ་པོ། །དེ་དག་ཐེར་འབུམ་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅོ་བརྒྱད་ཡིན། །གྲངས་པ་མཐའ་ཡས་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་སྙེད་ 316a ༄#། །གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་སྟེ། །རིན་ཆེན་མཆོག་མཆོག་རབ་བདུན་པོའི་རང་བཞིན་ཡིན། དེ་བཞིན་གཤེགས་པ་ཟླ་བ་རྒྱས་པ་ཡི། སྐྱི་བའི་ཡུལ་ནི་ཏོག་གི་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཉིས་ཡོད་སྐྱེ་བའི་དབང་པོ་ཡབ། །གྲགས་བྱིན་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐྱེ་ལྡན་འོད་འཕྲོ་རིམ་གྲོ་བ། །སྒྲ་ཅན་གཟི་བརྗིད་ཅན་ནི་མཁས་པ་སྟེ། །འཇིགས་པ་མེད་པར་རྒོལ་བ་རྫུ་འཕྲུ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །ཐ་སྤངས་དུག་རྩ་གཅོད་པར་མཚུངས་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་ལྔ་ཁྲི་ཡིན། །ཤིན་ཏུ་དུལ་བའི་ཡིད་ལྡན་དམ་ཆོས་དག་།ལོ་གྲངས་སུམ་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་བདུན་ཅུ་དྲུག་།སངས་རྒྱས་པད་མའི་འོད་ཟེར་སྐྱེ་བའི་ཡུལ། །མེ་ཏོག་དག་གིས་རྣམ་པར་བརྒྱད་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་པདྨ་བཟང་པོ་ཡབ། །དགའ་སྦྱངས་ཤེས་བྱ་བ་རྒྱལ་བའི་ཡུམ། །སྲས་པོ་པདྨ་ཡིད་འཐད་རིམ་གྲོ་པ། །མེ་ཏོག་དགའ་ཞེས་བྱ་བ་མཁས་པ་སྟེ། །ཡེ་ཤེས་མེ་ཏོག་ལེགས་རྒྱས་ 316b རྫུ་འཕྲུལ་ཅན། །འདུས་པ་ལན་གྲངས་བཞི་སྟེ་ཀུན་ལ་ཡང ། །དགྲ་བཅོམ་དབང་པོ་ཚང་པའི་བསམ་གཏན་པ། །ཐེར་འབུམ་ཕྲག་ནི་དྲུག་དྲུག་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅུ་བདུན་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དགུ་བཅུ་རྩ་ལྔའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། ། དཔག་ཚད་བཅུ་དྲུག་པ་ལ་མུ་ཏིག་སྦྲས། །རྣམ་པར་འདྲེན་པ་བརྟུལ་ཞུགས་བཟང་པོ་ཡི། །སྐྱེ་ཡུལ་ཡེ་ཤེས་རྣམ་པར་ངེས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་རྣམ་དག་ཡིན། །ཐོས་པའི་འོད་ནི་རྒྱལ་ཡུམ་སྲས་པོ་ནི། །མཛེས་ལྡན་ཤིན་ཏུ་མཛེས་པ་རིམ་གྲོ་བ། །སྐྱེ་བོས་མཆོད་ཅེས་བྱ་བ་མཁས་པ་སྟེ། །ཐོགས་པ་མེད་པར་སྟོན་པ་རྫུ་འཕྲུལ་ཅན། །འདུས་པ་ལན་དྲངས་དགུ་སྟེ་ཀུན་ལ་ཡང ། །པད་མཚུངས་སྲིད་པ་ཀུན་ལས་རྣམ་གྲོལ་བ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། ། མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །མྱ་ངན་འདས་པར་ཕྱིན་པའི་དམ་ཆོས་དག་།ལོ་གྲངས་བརྒྱད་ཁྲི་དགུ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུ་འབྱུང ། །དེ་བཞིན་གཤེགས་པ་སྒྲོན་མའི་རྒྱལ་པོ་ཡི། །སྐྱེ་བའི་ཡུལ་མི་ལྷ་ཡི་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། ། 317a ༄#། །དཔག་ཚད་གསུམ་ཡོད་ཡབ་ནི་ལེགས་སྐྱེས་ཡིན། །མེ་ཏོག་ཅན་ཞེས་པའི་བྱ་བའི་རྒྱལ་བའི་ཡུམ། །སྲས་པོ་སྐར་མ་སྐར་བཟངས་རིམ་གྲོ་བ། །སྣང་བའི་རྒྱས་ཆོ་ཞེས་བྱ་མཁས་པ་སྟེ། །གཡོ་བ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལ་ཡང ། །ང་མེད་ཉོན་མོངས་མེད་པའི་དགྲ་བཅོམ་པ། །བྱེ་བ་སྟོང་ཕྲག་བཅུ་གསུམ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་མཆོད་རྟེན། །དཔག་ཚད་གསུམ་པ་གཅིག་།གསེར་གྱི་དྲི་བ་དག་གིས་ཁེབས་པར་བྱས། །དེ་བཞིན་གཤེགས་པ་ཀློག་གི་ཏོག་དག་གི་།སྐྱེ་བའི་ཡུལ་ནི་རྟག་ཏུ་མཐོང་ཞེས་བྱེ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་སྨན་པ་བཟང་པོ་ཡབ། །གློག་མཆོད་མ་ནི་རྒྱལ་ཡུམ་སྲས་པོ་ནི། །ཐུབ་མེད་ཤིན་ཏུ་རྣམས་དུལ་རིམ་གྲོ་པ། །རིན་ཆེན་འཆད་པ་བློ་གྲོས་ཅན་ཡིན་ཏེ། །མཐའ་ཡས་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་བརྒྱད་དེ། །ཀུན་ལའང་ཞི་བ་མྱ་ངན་འདས་གནས་པ། །དགྲ་བཅོམ་མཆོད་པར་འོས་པ་ཤ་སྟག་གོ་།མི་ཚེ་ལོ་གྲངས་བདུན་ཁྲི་བདུན་སྟོད་ཡིན། །མི་ཡི་ཕུལ་དུ་བྱུང་བའི་དམ་ཆོས་དག ། 317b ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གཅིག་བརྒྱལ་མཚན་དག་གིས་བརྒྱན། །དེ་བཞིན་གཤེགས་པ་འོད་ཟེར་རྒྱལ་པོ་ཡི། །སྐྱེ་བའི་ཡུལ་ནི་བཟང་ལ་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་གཉིས་ཡོད་འོད་ཟེར་བཟང་པོ་ཡབ། །ཡོན་ཏན་འོད་ཟེར་རྒྱལ་ཡུམ་སྲས་པོ་ནི། །འོད་བྲེར་བྱིན་ཡིན་ལྷ་ལེགས་རིམ་གྲོ་བ། །སྣང་བའི་འོད་ཅེས་བྱ་བ་མཁས་པ་སྟེ། །སྒྲོན་མ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྡུལ་སྦྱངས་བ་ཡི་དགྲ་བཅོམ་ཚོགས་ཕ་དག་།ཐེར་འབུམ་ཕྲག་ནི་བརྒྱད་བཅུ་བརྒྱད་ཅུ་ཡོད། །མི་ཚེ་ལོ་གྲངས་ས་ཡ་ཕྲག་བརྒྱད་ཡིན། །སྟོན་པ་མྱ་ངན་འདས་པའི་དམ་ཆོས་དག་།ལོ་གྲངས་བདུན་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྟོང་གསུམ་མཆོད་རྟེན་མཐང་པོ་དག་གི་གང ། །དེ་བཞིན་གཤེགས་པ་སྐར་མཁན་སྐྱེ་བ་ཡི། །ཡུམ་ནི་གསེར་གྱི་གཟི་བརྗིད་ལྡན་ཞེས་བྱ། །རིགས་ནི་བྲམ་བྲེ་ཡིན་ཏེ་འོད་ཀྱི་ཚད། །དཔག་ཚད་བརྒྱད་ཁྲི་ཡབ་ནི་དོ་ཚ་ཤེས། །ཡོན་ཏན་དགའ་བ་རྒྱལ་ཡུམ་སྲས་པོ་ནི། །ཡོན་ཏན་ཅན་ཡིན་ལེགས་སྦས་རིམ་གྲོ་པ། །དབང་པོ་སྦས་ཞེས་བྱ་བ་མཁས་པ་སྟེ། །འཇིགས་མེད་བསམ་གཏན་པ་ནི་རྫུ་འཕྲུལ་ཅན། །འདུས་པ་ལན་གྲངས་ 318a ༄#། །བཅུ་སྟེ་ཀུན་ལ་ཡང ། །ཐམས་ཅད་འཇིགས་མེད་ཡེ་ཤེས་སྟོབས་ལྡན་པ། །བྱེ་བ་ཕྲག་ནི་སྟོང་ཕྲག་བཅུ་བཅུ་ཡོད། །མི་ཚེ་ལོ་གྲངས་དག་ནི་འབུམ་ཡང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་ཅིག་ཁྲི་ཅིག་སྟོང་བར་དུ་གནས། །མཆོད་རྟེན་དཔག་ཚད་དྲུག་པ་གསེར་གདུགས་ཅན། །མུ་ཏིག་བཻ་ཌཱུརྱ་ཡི་དྲ་བས་རྒྱས། །དེ་བཞིན་གཤེགས་པ་གྲགས་པ་རྫོགས་ལྡན་གྱི། །སྐྱེ་བའི་ཡུལ་ནི་བློ་གྲོས་གྲགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་གཉིས་ཡོད་ཡབ་ནི་ཤིན་དུ་གྲགས། །སྲིད་པར་གྲགས་ཤེས་བྱ་བ་རྒྱལ་བའི་ཡུམ། །སྲས་པོ་མཆོད་ལྡན་ལེགས་མཆོད་རིམ་གྲོ་པ། །གྲགས་པའི་འབྱུང་གནས་ཞེས་བྱ་མཁས་པ་སྟེ། །གྲགས་པ་རྣམ་པར་དེས་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །ཉོན་མོངས་ཟད་པ་ཡང་སྲིད་མེད་པ་བོ། །བྱེ་བ་ཕྲུག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་སུམ་སྟོང་ཡིན། །བྲད་མཐར་ཕྱིན་བའི་དམ་བའི་ཆོས་དག་ཀྱང ། །ལོ་གྲངས་བདུན་ཁྲི་ཉིས་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་བྱེ་བ་སྟོང ། །གསེར་དང་ནོར་བུའི་ཆུན་པོ་དག་གིས་སྤྲས། །དེ་བཞིན་གཤེགས་པ་པདྨའི་སྙིང་པོ་ཡི། །སྐྱེ་བའི་ཡུལ་ནི་གསེར་གྱི་སྙིང་པོ་ཡིན། །རིགས་ནི་ 318b བྲམ་ཟེ་ཡིན་ཏེ་འོད་དཔག་ཚད། །ལྔ་བཅུ་རྩ་བཞི་ལེགས་པའི་སྙིང་པོ་ཡབ། །བཻ་ཌཱུརྱ་ཡི་སྙིང་པོ་རྒྱལ་བའི་ཡུམ། །སྲས་པོ་གསེར་འོད་སེང་གེ་རྣམ་གྲོལ་རིམ་གྲོ་པ། །རིན་ཆེན་ལྗོན་བ་ཞེས་བྱ་མཁས་པ་སྟེ། །རིན་ཆེན་བློ་ཞེས་བྱ་བ་རྫུ་འཕྲུལ་ཅན། །འདུས་བ་ལན་གྲངས་ཉི་ཤུ་བརྒྱད་ཀུན་ལའང ། །ཐམས་ཅད་དུ་མེད་ཉོན་མོངས་ཟད་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །སྲིད་པ་སྤངས་བའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བརྒྱད་སྟོང་པར་དུ་གནས། ། འཇིག་རྟེན་མཁྱེན་པའི་མཆོད་རྟེན་དག་གི་གྲངས། །ཐེར་འབུམ་བྲག་ནི་བདུན་ཅུ་ཚད་བར་འབྱུང ། རྐང་གཉིས་མཆོག་མ་དེ་བཞིན་གཤེགས་རྒྱལ་གྱི། །སྐྱེ་བའི་ཡུལ་ནི་ནབས་སོ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ན་རྒྱུ་སྐར་ཡིན། །རྒྱུ་སྐར་བདག་མོ་ཞེས་བྱ་རྒྱལ་བའི་ཡུམ། །སྲས་པོ་དགྲ་འདུལ་ཞི་བ་རིམ་གྲོ་པ། །ཞི་བའི་རྒྱ་མཚོ་ཞེས་བྱ་མཁས་པ་སྟེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །ཐེག་པ་མཆོག་གིས་ཕ་རོལ་ཕྱིན་གྱུར་པ། །བྱེ་བ་ཕྲག་ནི་ཁྲི་ཕྲག་རེ་རེ་ཡོད། །མི་ཚེ་ལོ་གྲངས་བརྒྱད་ཁྲི་དགུ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་དགུ་ཁྲིའི་བར་དུ་ 319a ༄#། །གནས་པར་འགྱུར། །དེའི་སྐུ་གདུང་མཆོག་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱིས་རྣམ་པར་སྤྲས། །བདེ་བར་གཤེགས་པ་སྤྱན་མཛེས་སྐྱེ་བའི་ཡུལ། །ཉམས་དགའ་མིག་ཏུ་སྡུག་བ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་མི་བཟང་ཡིན། །མིག་སྡུག་ཅེས་ནི་བྱ་བ་རྒྱལ་བའི་ཡུམ། །སྲས་པོ་དགའ་བྱེད་མིག་ལེགས་རིམ་གྲོ་བ། །བློ་གནས་བ་ཞེས་བྱ་བ་མཁས་པ་སྟེ། །སྨད་བ་མེད་བའི་ལུས་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང ། །རི་ལྟར་གཡོ་བ་མེད་པར་མཚུངས་པ་པོ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་སྟོང་ཕྲག་བཅུ་བདུན་ཡིན། །རྒྱལ་པ་འགོག་པར་ཕྱིན་པའི་དམ་ཆོས་དག་།ལོ་གྲངས་སྟོང་གི་བར་དུ་གནས་བར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་ཐམས་ཅད་བྱེ་བ་སྟོང་དུ་ཚང ། །དེ་བཞིན་གཤེགས་པ་རྙོག་པ་མེད་པའི་དོན། །སྐྱེ་བའི་ཡུལ་ནི་ནོར་གྱིས་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གསུམ་ཡོད་ཡབ་ནི་གཟུགས་བཟང་ཡིན། །སེམས་མཚུངས་མ་ནི་རྒྱལ་ཡུམ་སྲས་པོ་ནི། །ཁ་ལོ་སྒྱུར་བ་སྣང་ལྡན་རིམ་གྲོ་པ། །འགྲོ་བའི་དབང་ཕྱུག་ཅེས་བྱ་མཁས་བ་སྟེ། །དད་པར་བྱེད་པའི་ 319b བློ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །སྲེད་མེད་མ་རིག་བ་དང་བྲལ་བ་པོ། །བྱེ་བ་ཕྲག་ནི་སུམ་ཅུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། འཇིག་རྟེན་མཁྱེན་བའི་དམ་བའི་ཆོས་དག་ཀྱང ། །ལོ་གྲངས་སུམ་ཁྲི་ལྔ་སྟོང་བར་དུ་གནས། །མཆོད་རྟེན་བཟང་པོ་དགུ་ཁྲི་ཉིས་སྟོང་སྟེ། །རྒྱལ་མཚན་དམ་པ་དག་གིས་རྒྱས་པར་འགྱུར། །དེ་བཞིན་གཤེགས་པ་དྲག་ཤུལ་སྡེ་སྐྱེ་བའི། །ཡུལ་ནི་དྲག་ཤུལ་ལྡན་བ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཡུལ་འཁོར་བཟང ། །དམན་པ་མིན་ཞེས་བྱ་བ་རྡུལ་ཕྲལ་ཡུམ། །སྲས་པོ་མཛོད་སྤུ་རྫོགས་ལྡན་རིམ་གྲོ་པ། །ཡོན་ཏན་རྫོགས་ཞེས་བྱ་བ་མཁས་པ་སྟེ། །ཆོས་ལ་རྣམ་པར་དེས་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཏེ་ཀུན་ལ་ཡང ། །ཡིད་པ་ཞིང་གྲུབ་པ་དང་ནི་འདྲ་བ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་ཁྲི་ཡང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་དགུ་སྟོང་ཚད་པར་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་སྟེ། །མེའི་ཕུང་པོ་ལྟ་བུར་འཕར་ཞིང་སྤ། ། དེ་བཞིན་གཤེགས་པ་བསོད་ནམས་གཟི་བརྗིད་ཀྱི། །སྐྱེ་བའི་ཡུལ་ནི་བསོད་ནམས་བརྒྱན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཏོག་ 320a ༄#། །བཟང་ཡིན། །ཏོག་གི་བློ་གྲོས་མ་ནི་རྒྱལ་བའི་ཡུམ། །སྲས་པོ་སྐར་མཁན་ལེགས་སྐྱེས་རིམ་གྲོ་པ། །མཐུ་རྩལ་བརྒྱ་བ་ཞེས་བྱ་མཁས་པ་སྟེ། །ཐེ་ཚོམ་སེལ་ཞེས་བྱ་བརྫུ་འཕྲུལ་ཅན། །འདུས་པ་ཕན་གྲངས་དྲུག་བཅུ་ཀུན་ལའང ། །དགྲ་བཅོམ་འཕགས་པའི་ཆོས་ནི་ཐོབ་བ་པོ། །སྲིད་པའི་བ་མཐར་ཕྱིན་བ་ཤ་སྟག་གོ་།མི་ཚེ་ལོ་གྲངས་ལྔ་ཁྲི་དྲུག་སྟོང་ཡིན། །རྡུལ་དང་བྲལ་བ་དམ་བའི་ཚེས་དག་ཀྱང ། །ལོ་གྲངས་བྱེ་བའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་སྟེ། །གསེར་གྱི་རྒྱལ་མཚན་མཆོག་སྟོང་སྙེད་ཀྱིས་བརྒྱན། །བདེ་གཤེགས་མཐུ་རྩལ་ཅན་ནི་སྐྱེ་བའི་ཡུལ། །རྣམ་བར་རྒྱལ་བའི་གཟི་བརྗིད་ཅེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ཤིན་དུ་མཛེས། །འགྲོས་མཛེས་མ་ཞེས་བྱ་བ་རྒྱལ་བའི་ཡུམ། །སྲས་པོ་འགྲོས་ལྡན་ལྷ་ལེགས་རིམ་གྲོ་པ། །སྤོབས་པ་འཆང་ཞེས་བྱ་བ་བློ་ཅན་ཏེ། །སྐྱེས་རབས་ཁ་ལོ་བསྒྱུར་བ་རྫུ་འཕྲུལ་ཅན། །འདུས་བ་ལན་གྲངས་བཅུ་སྟེ་ཀུན་ལ་ཡང ། །ཐམས་ཅད་ཆགས་པ་མེད་པར་གྱུར་པ་བོ། །བྱེ་ཕྲག་བདུན་ཅུ་གཉིས་འདུས་བར་འགྱུར། །མི་ཚེ་ལོ་གྲངས་དག་ནི་དགུ་ཁྲི་ཡིན། །མྱ་ངན་འདས་པར་ཕྱིན་པའི་དམ་ཆོས་དག་།ལོ་གྲངས་ཉིས་སྟོང་བར་དུ་གནས་པར་ 320b འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་བ་གསེར་ལས་བྱས་པ་ཡིན། །མགོན་བོ་ཐོགས་མེད་བློ་ནི་སྐྱེ་བའི་ཡུལ། །འཇིག་རྟེན་དག་གིས་འདུལ་བར་དཀའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་གདུལ་དགའ་ཡིན། །མཆོད་རྟེན་གྲགས་པ་རྒྱལ་ཡུམ་མཆོད་སྦྱིན་ནི། །སྲས་ཡིན་ཆོས་སྦྱིན་བཟང་པོ་རིམ་གྲོ་པ། །གླིང་པ་པོ་ལ་དགའ་བ་མཁས་པ་སྟེ། །མཆོག་གི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང ། །རི་ལྟར་མ་སྒུལ་ལུས་ནི་སྦྱངས་པ་པོ། །བྱེ་བ་ཕྲག་ནི་བདུན་ཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མི་ཡི་སློབ་དཔོན་རྒྱལ་བའི་དམ་ཆོས་དག་།ལོ་གྲངས་དགུ་སྟོང་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །རིན་ཆེན་འབུམ་ཕྲག་སྙེད་ནི་འབར་བར་འགྱུར། །དེ་བཞིན་གཤེགས་པ་སྒྲ་གཅན་ལྷ་དག་གི་།སྐྱེ་བའི་ཡུལ་ནི་ཆུ་ལྷས་མཆོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་གཉིས་ཡབ་ནི་ལྷ་བཟང་ཡིན། །ལྷ་མ་ཡིན་གྱི་བདག་མོ་རྒྱལ་ཡུམ་སྲས། །རིན་ཆེན་རིན་ཆེན་བཟང་པོ་རིམ་གྲོ་བ། །དགའ་བསམ་མཆོད་ཅེས་བྱ་བ་བློ་ཅན་ཏེ། །རྣལ་འབྱོར་དག་ལ་དང་བྱེད་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང ། །དྲི་གསུམ་དྲི་མ་ 321a ༄#། །གཅོད་པར་བྱེད་པ་པོ། །ཐེར་འབུམ་ཕྲག་ནི་དྲུག་དྲུག་འདུས་པར་འགྱུར། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །ཡོན་ཏན་མཆོག་ཏུ་ཕྱིན་པའི་དམ་ཆོས་དག་།ལོ་གྲངས་བདུན་ཁྲི་བརྒྱ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་དྲུག་པ་གཅིག་གསེར་གྱིས་སྤ་བར་བྱས། །དེ་བཞིན་གཤེགས་བ་ཡེ་ཤེས་ཕུང་པོ་ཡི། །སྐྱེ་བའི་ཡུལ་ནི་ཆོས་ཀྱི་ཕུང་པོ་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཅིག་མཆོད་སྦྱིན་བཟང་པོ་ཡབ། ། ཡེ་ཤེས་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་ཤེས་བྱིན་ཤེས་ལེགས་རིམ་གྲོ་པ། །རིན་ཆེན་འབྱུང་གནས་ཞེས་བྱ་མཁས་པ་སྟེ། །ཤེས་ལྡན་མཆོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐེག་པ་མཆོག་གིས་སྲིད་རྩེར་ཕྱིན་བ་པོ། །བྱེ་ཕྲག་དྲུག་ཅུ་རྩ་ནི་རེ་རེ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དྲང་སྲོད་ཕུལ་དུ་ཕྱིན་བའི་དམ་ཆོས་དག་།ལོ་གྲངས་དྲུག་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །བསོད་ནམས་འབྲས་བུ་གསེར་གྱིས་རྣམ་པར་སྤྲས། །འཇིག་རྟེན་མགོན་པོ་ཁ་ལོ་སྒྱུར་པ་ཡི། །སྐྱེ་ཡུལ་མཆོད་རྟེན་ཁ་ལོ་སྒྱུར་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ 321b དགུ་ཡོད་ཡབ་ཉིད་རོ་མཆོག་།རབ་མཆོག་ཅེས་ནི་བྱ་བ་རྒྱལ་བའི་ཡུམ། །སྲས་པོ་མཆོག་སྦྱིན་པདྨ་རིམ་གྲོ་ཡ། །མནྡཱ་ར་བའི་གསུང་ལྡན་བློ་ཅན་ཏེ། །ལེགས་པར་མཆོད་པའི་གསུང་ལྡན་རྫུ་འཕྲུལ་ཅན། །འདས་པ་ལན་གྲངས་བཅུ་དྲུག་ཀུན་ལ་ཡང ། །དགྲ་བཅོམ་ད་མེད་ཐ་བ་སྤངས་པ་པོ། །བྱེ་ཕྲག་བདུན་བཅུ་དྲུག་དྲུག་འདུས་པར་འགྱུར། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཞི་བར་ཕྱིན་བའི་དམ་བའི་ཆོས་དག་ཀྱང ། །ལོ་གྲངས་དགུ་ཁྲིའི་བར་དུ་གནས་བར་འགྱུར། །སྐུ་གདུང་དག་ནི་རྒྱལ་འགྱུར་མཆོད་རྟེན་གྲངས། །བྱེ་བ་ཕྲག་ནི་དགུ་བཅུ་རྩ་དགུ་འབྱུང ། །དེ་བཞིན་གཤེགས་པ་སྐྱེ་དབང་མཚུངས་པ་ཡི། སྐྱེ་ཡུལ་དབང་པོའི་རྒྱལ་མཚན་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། ། ཉི་ཤུ་རྩ་གཉིས་རྒྱལ་བའི་དབང་པོ་ཡབ། །དབང་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་དབང་ལྡན་ལེགས་དབང་རིམ་གྲོ་པ། །དབང་ཆེན་སྒྲོན་མ་བློ་གྲོས་ཅན་ཡིན་ཏེ། །འཇིགས་མེད་དབང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང ། །ཐ་སྤངས་ཉོན་མོངས་སྦྱངས་པའི་ཡིད་ལྡན་བ། །བདུད་ལས་རྣམ་གྲོལ་ཐེར་འབུམ་མཐེར་འབུམ་ཡོད། །མི་ཆོ་ལོ་གྲངས་བདུན་ཁྲི་ཚད་པ་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་སྟོང་ཚད་བའི་བར་དུ་གནས་པར་འགྱུར། །རྒྱལ་བ་མྱ་ 322a ༄#། །ངན་འདས་པའི་སྐུ་གདུང་གི་།མཆོད་རྟེན་དཔག་ཚད་ལྔ་པ་གཅིག་ཀྱང་འབྱུང ། །སངས་རྒྱས་མེ་ཏོག་གཏོག་ནི་སྐྱེ་བའི་ཡུལ། །མེ་ཏོག་དག་ལ་དགའ་བའི་རང་བཞིན་ཡིན། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་དྲུག་མེ་ཏོག་བཟང་བོ་ཡབ། །རྒྱལ་ཡུམ་མེ་ཏོག་ཅན་ཡིན་མེ་ཏོག་རྒྱས། །སྲས་ཡིན་མེ་ཏོག་བཟང་པོ་རིམ་གྲོ་པ། །མེ་ཏོག་ཆེན་པོའི་གཟི་བརྗིད་བློ་ཅན་ཏེ། །མེ་ཏོག་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐ་སྤངས་དུག་རྩ་གཅད་པར་མཚུངས་པ་པོ། །བྱེ་བ་ཕྲག་ནི་བདུན་ཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་དགུ་ཁྲི་དགུ་སྟོང་བར་དུ་གནས། །དཔག་ཚད་གཅིག་པའི་མཆོད་རྟེན་འབྱུང་འགྱུར་ཏེ། །གསེར་གྱི་དྲ་བ་རྒྱལ་མཚན་དག་གིས་སྤྲས། །འཇིག་རྟེན་མགོན་པོ་སྒྲ་ཅན་འཛིན་དག་གི་།སྐྱེ་བའི་ཡུལ་ནི་རིན་ཆེན་འོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་གཅིག་ཚུལ་ཁྲིམས་བཟང་པོ་ཡབ་།ཚུལ་ཁྲིམས་ཅན་ཡིན་རྒྱལ་ཡུམ་སྲས་པོ་ནི། །ཚུལ་ཁྲིམས་བཟང་པོ་མཆོད་ལེགས་རིམ་གྲོ་པ། །སྲིད་པ་གཅོད་བྱེད་བློ་གྲོས་ཅན་ཡིན་ 322b ཏེ། །འགྲོས་བརྟན་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང ། །དྲང་སྲོང་ཐམས་ཅད་ཚང་བར་འདུས་འགྱུར་ཏེ། །བྱེ་བ་ཕྲག་ནི་ཉི་ཤུ་རེ་རེ་ཡོད། ། མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒྱལ་བའི་དམ་ཆོས་ལོ་གྲངས་བྱེ་བ་ཕྲག་།བདུན་ཁྲི་སུམ་སྟོང་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་བགྲང་བར་ནུས་མ་ཡིན། །དེ་བཞིན་གཤེགས་པ་རྩི་སྨན་ཆེན་པོ་ཡི། །སྐྱེ་བའི་ཡུལ་ནི་སྨན་དང་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་མཛོད་བཟང་ཡིན། །མདངས་དགའ་རྒྱལ་བའི་ཡུམ་ཡིན་སྲས་པོ་ནེ། །ཐར་འདོད་ཤིན་དུ་ཐར་བ་རིམ་གྲོ་པ། །ཡོན་ཏན་དེས་ཞེས་བྱ་བ་མཁས་པ་སྟེ། །ཆོས་ལ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་དེ་དག་ཐམས་ཅད་འདུས་འགྱུར་ཏེ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཚད་པར་འགྱུར། །འགོག་པར་ཕྱིན་བའི་དམ་པའི་ཆོས་དག་ཀྱང ། །ལོ་གྲངས་ཉི་ཁྲི་དྲུག་སྟོང་བར་དུ་གནས། །སེམས་ཅན་མཁས་པ་མྱ་ངན་འདས་ནས་ཀྱང ། །སྐུ་གདུང་མཆོད་རྟེན་དཔག་ཚད་གཉིས་པ་གཅིག་།རྡུལ་དང་བྲལ་བ་རྒྱུ་སྐར་རྒྱལ་པོ་ཡི། །སྐྱེ་བའི་ཡུལ་ནི་ཟླ་བའི་འོད་ཅེས་བྱ། །རིགས་ནི་བྲམ་ 323a ༄#། །ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་ཡབ་ནི་ཟླ་བཟང་ཡིན། །ཟླ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཟླས་བྱིན་ཟླ་ལེགས་རིམ་གྲོ་པ། །འོད་ཟེར་ཆེན་པོ་ཞེས་བྱ་མཁས་པ་སྟེ། །གཟི་བརྗིད་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། ། དགྲ་བཅོམ་བྱེ་ཕྲག་བདུན་ཅུ་གཉིས་གཉིས་དང ། །གཞན་ཡང་བྱེ་བ་ཕྲག་ནི་བརྒྱ་བརྒྱ་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །མཚུངས་པ་མེད་པ་མྱ་ངན་འདས་པ་ཡིན། །དམ་ཆོས་ལོ་གྲངས་དགུ་བཅུ་དྲུག་ཏུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ལིང་པ་གསུམ་ན་མཆོད་ཅིང་བཀུར་བར་འགྱུར། །དེ་བཞིན་གཤེགས་པ་སྨན་པའི་རྒྱལ་པོ་ཡི། །སྐྱེ་བའི་ཡུལ་ནི་ཀུན་ནས་གནས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡུལ་འཁོར་བཟང་པོ་ཡབ། །མདངས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་ལེགས་འགྲོས་ལྡན་རིམ་གྲོ་པ། །དགའ་ལྡན་ཞེས་ནི་བྱ་བ་མཁས་པ་སྟེ། །མི་ཟད་བློ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་ཐམས་ཅད་དག་ཀྱང་འདུས་འགྱུར་ཏེ། །བྱེ་བ་ཕྲག་ནི་དགུ་བཅུ་གཉིས་སྙེད་འབྱུང ། །དེ་ན་མི་རྣམས་དག་གི་ཚེ་མི་ཚད། །ལོ་གྲངས་ 323b བདུན་ཁྲི་དག་ཏུ་ཚད་པར་འགྱུར། །རྣམ་པར་གྲོལ་བར་ཕྱིན་བའི་དམ་ཆོས་དག་།ལོ་གྲངས་སྟོང་ཕྲག་བཅོ་བརྒྱད་བར་དུ་གནས། །མིག་སྦྱིན་པ་ནི་མྱ་ངན་འདས་ནས་ཀྱང ། ། སྐུ་གདུང་མཆོད་རྟེན་དཔག་ཚང་གསུམ་པ་གཅིག་།དེ་བཞིན་གཤེགས་པ་བསོད་ནམས་གླང་པོ་ཡི། །སྐྱེ་ཡུལ་གླིང་པོ་རིང་པོ་ཆེ་ཞེས་བྱ། རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་བཞི་བདག་ཉིད་ཆེན་པོ་ཡབ། །རིན་ཆེན་ལྡན་མ་རྒྱལ་ཡུམ་ང་རྒྱལ་ཅན། །སྲས་ཡིན་བློ་གྲོས་ཅན་ནི་རིམ་གྲོ་པ། །རིན་ཆེན་ཚོགས་ཞེས་བྱ་བ་མཁས་པ་སྟེ། །ནོར་ཀུན་མཐོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་པ་ཡང ། །བྱེ་བ་སྟོང་ཕྲག་ཉི་ཤུ་གཉིས་གཉིས་ཡོད། །སྐུ་ཚེའི་ཚད་དག་ལོ་གྲངས་སྟོང་ཕྲག་ནི། །བཅོ་ལྡ་རེངས་པར་ཚད་པར་འགྱུར་བ་ཡིན། །ཁྱུ་མཆོག་ཆེན་པོའི་ད་པའི་ཆོས་དག་ཀྱང ། །ལོ་གྲངས་བདུན་ཁྲི་ཉིས་སྟོང་བར་དུ་གནས། །མཚུངས་པ་མེད་པ་མྱ་ངན་འདས་ནས་ཀྱང ། །སྐུ་གདུང་མཆོད་རྟེན་དཔག་ཚད་གཅིག་པ་འབྱུང ། །དེ་བཞིན་གཤེགས་པ་མཆོད་པར་མཛད་པ་ཡི། །ཀྱེ་བའི་ཡུལ་ནི་གསལ་བར་མཐོང་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བདུན་ཅུ་ཡབ་ནི་ས་ག་ཡིན། །ཡིད་དགའ་མ་ཞེས་བྱ་བ་རྒྱལ་བའི་ཡུམ། །སྲས་ 324a ༄#། །པོ་དག་བྱེད་ལེགས་དག་རིམ་གྲོ་བ། །སྲང་སྲོང་རྟོགས་ཞེས་བྱ་བ་མཁས་པ་སྟེ། །ལེགས་པར་རྟོགས་པའི་ཡེ་ཤེས་རྫུ་འཕྲུལ་ཅན། ། འདུས་པ་ལན་གྲངས་བདུན་ཅུ་དྲུག་ཀུན་ལའང ། །བྱེ་བ། །ཕྲག་ནི་ཉི་ཤུ་བཞི་བཞི་དང ། །གཞན་ཡང་དགྲ་བཅོམ་བྱེ་བ་སྟོང་སྟོང་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དུ་གསུམ་མཁྱེན་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །མཚུངས་པ་མེད་པ་མྱ་ངན་འདས་ནས་ཀྱང ། །དེ་ཚེ་སྐུ་གདུང་དག་ནི་རྒྱས་པར་འགྱུར། །བདེ་གཤེགས་རྣམ་བར་གྲགས་པའི་རྒྱལ་པོ་ཡི། །སྐྱེ་བའི་ཡུལ་ནི་དག་པར་གྲགས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་དད་པ་ཡིན། །བློ་གྲོས་གྲགས་ཞེས་བྱ་བ་ཡུམ་ཡིན་ནོ། །སྲས་པོ་ལེགས་གྲགས་གྲགས་པ་རིམ་གྲོ་པ། །ཡོན་ཏན་གྲགས་ཞེས་བྱ་བ་བློ་ཅན་ཏེ། །རྫུ་འཕྲུལ་ཤིང་ཏུ་སྦྱངས་པ་རྫུ་འཕྲུལ་ཅན། །འདུས་པ་ལང་གྲངས་དགུ་བཅུ་ཀྱང་ལ་ཡང ། །ཕུང་པོར་འཛིན་ལ་མི་ལྟ་རྣམ་གྲོལ་བ། ། བྱེ་བ་ཕྲག་ནི་བདུན་ཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །མཚུངས་པ་མེད་པ་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བཞི་ 324b སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ལྷ་དང་མི་མཆོག་དག་གིས་མཆོད་པར་འགྱུར། །དེ་བཞིན་གཤེགས་པ་ཉི་མའི་འོད་ཟེར་གྱི། །སྐྱེ་བའི་ཡུལ་ནི་ཏོག་གི་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ཡབ་ནི་ལྷ་བཟང་ཡིན། །གསེར་འོད་མ་ནི་ཡུམ་ཡིན་སྲས་པོ་ནི། །འོད་ཟེར་བྱིན་ཡིན་ལག་བཟང་རིམ་གྲོ་པ། །འོད་དང་ལྡན་པ་བློ་གྲོས་ཅན་ཡིན་ཏེ། །སྒྲོན་མ་འོད་ཅེས་བྱ་བ་རྫུ་འཕྲུལ་ཅན། འདུས་པ་ལན་གྲངས་དྲུག་ཅུ་ཀུན་ལའང ། །དགྲ་བཅོམ་ཆགས་པ་མེད་པར་གྱུར་པ་པོ། །བྱེ་བ་ཕྲག་ནི་སྟོང་སྟོང་འདུས་པར་འགྱུར། །མི་ཚེ་ལོ་གྲངས་སྟོང་ཕྲག་བཅུ་གཉིས་ཡིན། །འཇིགས་རྟེན་མཁྱེན་པ་མྱ་ངན་འདས་པ་ཡི། །དམ་ཆོས་ལོ་གྲངས་སྟོང་དུག་ནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །སུམ་ཅུ་པ་གཅིག་གསེར་གྱིས་སྤ་བར་བྱས། །དེ་བཞིན་གཤེགས་པ་ཆོས་ཀྱི་མཛོད་དག་གི་།སྐྱེ་བའི་ཡུལ་ནི་ཡེ་ཤེས་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩེ་གཉིས་ཡབ་ནི་ལེགས་སྤོང་ཡིན། །མཛོད་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་རྒྱལ་སྲས་དྲང་སྲོང་རིམ་གྲོ་པ། །དྲང་སྲོང་མཐུ་རྩལ་ཅན་ནི་མཁས་པ་སྟེ། །འཇིགས་པ་མེད་པའི་ཡེ་ཤེས་རྫུ་འཕྲུལ་ཅན། །འདུས་པ་ལན་གྲངས་ 325a ༄#། །བཅུ་དྲུག་ཀུན་ལ་ཡང ། །ལུས་སྦྱངས་ཆགས་པ་མེད་པར་གྱུར་པ་པོ། །དགྲ་བཅོམ་ཐེར་འབུམ་ཐེར་འབུམ་ཚད་པར་ཡོད། །མི་ཚེ་ལོ་གྲངས་ཉི་ཁྲི་ཅིག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། ། དཔག་ཚད་ལྔ་པ་ཀུན་ནས་མཛེས་པར་བྱས། །འཇིག་རྟེན་མགོན་པོ་བློ་གྲོས་བཟང་པོ་ཡི། །སྐྱེ་བའི་ཡུལ་ནི་གློ་གྲོས་བཀོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཆ་ད་གསུམ་ཡོད་ཡབ་ནི་བློ་གྲོས་ཅན། །བློ་གྲོས་ཆེན་མོ་རྒྱལ་ཡུམ་ཀུན་གྱིས་བཀུར། །སྲས་ཡིན་བློ་གྲོས་དབང་པོ་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །ཕྱོགས་གསལ་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཆགས་མེད་རིམས་ནད་མེད་པའི་བསམ་གཏན་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་ཐམ་པ་ཡིན། །རྒྱལ་བ་འཁྲུགས་པ་མེད་པར་ཕྱིན་པ་ཡི། །དམ་ཆོས་ལོ་གྲངས་སུམ་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་ཐེར་འབུམ་བཅུ་དྲུག་འབྱུང ། །མགོན་པོ་ཡོན་ཏན་དབང་མཚུངས་སྐྱེ་བ་ཡི། །ཡུལ་ནི་ 325b ཏོག་གི་དབང་བོའི་རྒྱལ་མཚན་ཡིན། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅོ་བརྒྱད་ཡབ་ནི་དབང་པོ་ཡིན། །ཡོན་ཏན་དབང་བོ་བློ་གྲོས་རྒྱལ་བའི་ཡུམ། །སྲས་པོ་དཔག་ལྡན་ཚོགས་དབང་རིམ་གྲོ་པ། །ཡོན་ཏན་ཚོགས་ཞེས་བྱ་བ་བློ་ཅན་ཏེ། །ཡོན་ཏན་ཀུན་གྱི་ཚོགས་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང ། ། རྒྱལ་སྲས་ལུས་ནི་ལེགས་པར་སྦྱངས་པ་པོ། །དགྲ་བཅོམ་ཆགས་པ་མེད་པ་ཤ་སྟག་གོ་།མི་ཚེ་ལོ་གྲངས་དག་ནི་ཁྲི་ཡང་ཡིན། །མཚུངས་པ་མེད་པ་མྱ་ངན་འདས་པ་ཡི། །དམ་ཆོས་ལོ་གྲངས་བརྒྱད་བཅུའི་བར་དུ་གནས། །སྐུ་གདུང་མཆོད་རྟེན་ཆེན་པོ་གཅིག་ཡིན་ཏེ། །རིན་ཆེན་དྲ་བ་རྒྱལ་མཚན་དག་གེས་སྤྲས། །དེ་བཞིན་གཤེགས་པ་རྡོ་རྗེའི་སྡེ་སྐྱེ་བའི། །ཡུལ་ནི་རིན་པོ་ཆེ་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་སྡེ་བཟང་ཡིན། །ངེས་བརྟན་རྒྱལ་བའི་ཡུམ་ཡིན་སྲས་པོ་ནི། །རྡོ་རྗེ་བྱིན་ཡིན་གསལ་བ་རིམ་གྲོ་པ། །ཕས་རྒོལ་དྲི་མ་མེད་པའི་བློ་ཅན་ཏེ། །སྨན་གྱི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལ། །མཆན་མ་མེད་པས་ཤིན་ཏུ་དུལ་དེ་ཀུན། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །དེ་ཡི་དམ་ཆོས་ལོ་གྲངས་སྟོང་ཕྲག་ 326a ༄#། །ནི། །ཉི་ཤུ་རྩ་བརྒྱད་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །སྐུ་གདུང་རྒྱས་འགྱུར་ཞིང་རྣམས་གང་བར་འགྱུར། །དེ་བཞིན་གཤེགས་པ་ཤེས་རབ་བརྩེགས་པ་ཡི། །སྐྱེ་བའི་ཡུལ་ནི་ཤེས་རབ་བརྩེགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཤེས་རབ་བཟང་པོ་ཡབ། །ཤེས་རབ་མཆོག་ཅེས་བྱ་བ་རྒྱལ་བའི་ཡུམ། །སྲས་པོ་ཤེས་བྱིན་ཤེས་བཟང་རིམ་གྲོ་པ། །ཤེས་རབ་འབྱུང་གནས་ཞེས་བྱ་མཁས་པ་སྟེ། ། ཤེས་རབ་རྣམ་པར་སྦྱངས་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །དགྲ་བཅོམ་ཐམས་ཅད་ཐར་བར་གཞོལ་བ་པོ། །བྱེ་བ་ཕྲག་ནི་དགུ་ཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བཞི་ཁྲི་ཡིན། །ཡོངས་སུ་མྱ་ངན་འདས་པའི་དམ་ཆོས་དག་།ལོ་གྲངས་སྟོང་ཕྲག་བཅོ་ལྔར་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །འཕང་དུ་དཔག་ཚད་ལྔ་པ་འབྱུང་བར་འགྱུར། །འཇིག་རྟེན་མགོན་པོ་ལེགས་པར་གནས་པ་ཡི། །སྐྱེ་ཡུལ་ལེགས་པར་རབ་ཏུ་གནས་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་དོན་གནས་ཡིན། །ཡོན་ཏན་ལྡན་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐུ་བློ་ 326b མཐུ་རིམ་གྲོ་པ། །དགེ་གནས་ཞེས་ནི་བྱ་བ་མཁས་པ་སྟེ། །གཏི་མུག་མེད་པ་མཐའ་ཡས་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །དགྲ་བཅོམ་དག་ནི་ཚང་པར་འདུས་འགྱུར་ཏེ། །ཐེར་འབུམ་ཕྲག་ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅུ་གཅིག་ཡིན། །ཡོངས་སུ་མྱ་ངན་འདས་པའི་དམ་ཆོས་དག། ། ལོ་གྲངས་བདུན་ཁྲི་དྲུག་སྟོང་ཚད་པར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་གིས་འཁོར་བར་གང ། །དེ་བཞིན་གཤེགས་པ་བློ་ནི་སྦྱངས་པ་ཡི། །སྐྱེ་ཡུལ་བསོད་ནམས་ལེགས་པར་བསགས་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་སྣང་ལྡན་ཡིན། ། བདེན་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་བློ་གྲོས་བློ་བཟང་རིམ་གྲོ་པ། །འོད་ཟེར་ཆེན་པོ་ཞེས་བྱ་མཁས་པ་སྟེ། །དགའ་ཆེན་ཞེས་ནི་བྱ་བ་རྫུ་འཕྲུལ་ཅན། ། འདུས་པ་ལན་གྲངས་བདུན་ཅུ་ཀུན་ལ་ཡང ། །སྲིད་པའི་འཆིང་བ་གཅོད་པར་བྱེད་པ་པོ། །བྱེ་བ་ཕྲག་ནི་བཅུ་བཅུ་འདུས་པར་འགྱུར། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །རྒྱལ་བ་མྱ་ངན་འདས་པའི་དམ་ཆོས་དག། ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ལྷ་རྫས་རྒྱལ་མཚན་ 327a ༄#། །མཆོག་གིས་མཛེས་པར་བྱས། །དེ་བཞིན་གཤེགས་པ་ཚངས་པའི་དབྱངས་སྐྱེ་བའི། །ཡུལ་ནི་སྒྲ་སྙན་པ་དག་གྲག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །ཉི་ཤུ་རྩ་ལྔ་ཡབ་ནི་ཚངས་བཟང་ཡིན། །ཚངས་པའི་དབྱངས་ཞེས་བྱ་བ་རྒྱལ་བའི་ཡུམ། །སྲས་པོ་ཚངས་བྱིན་བརྟུལ་ཞུགས་རིམ་གྲོ་པ། །སྙིང་རྗེའི་མིག་ཅེས་བྱ་བ་མཁས་པ་སྟེ། །ཚངས་དབང་བདག་ཉིད་ཆེན་པོ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང ། །ཆགས་པ་ཞི་བའི་ཡིད་དང་ལྡན་པ་དག་།བྱེ་བ་ཕྲག་ནི་སྟོང་སྟོང་འབྱུང་བར་འགྱུར། །མི་ཚེ་ལོ་གྲངས་དག་ནི་ཁྲི་ཡང་ཡིན། །རྒྱལ་བའི་དམ་ཆོས་ལོ་གྲངས་སྟོང་ཕྲག་ནི། །ཉི་ཤུ་རྩ་བདུན་བར་དུ་གནས་པར་འགྱུར། །རྒྱལ་པའི་སྐུ་གདུང་དག་གི་མཆོད་རྟེན་ནི། །དཔག་ཚད་སུམ་ཅུ་པ་གཅིག་འབྱུང་བར་འགྱུར། །དེ་བཞིན་གཤེགས་པ་ཡོན་ཏན་མཆོག་མ་ཡི། །སྐྱེ་ཡུལ་ལག་མཆོག་དག་གིས་བརྒྱན་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་གཉིས་ཡབ་ནི་ལག་མཆོག་ཡིན། །ཀླུ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལྔ་པ་གཉིད་སྤངས་རིམ་གྲོ་པ། །ཀླུ་དབྱངས་ཞེས་ནི་བྱ་བ་མཁས་པ་སྟེ། །མགོན་པོ་མཐོང་ཞེས་བྱ་བ་རྫུ་འཕྲུལ་ 327b ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང ། །དེར་ནི་ཐམས་ཅད་དག་ཀྱང་འདུས་འགྱུར་ཏེ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མཚུངས་མེད་རྒྱལ་བ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་ཕྲག་བཅུ་དྲུག་གནས། །འཇིག་རྟེན་ཕན་ཕྱིར་རྒྱལ་པའི་སྐུ་གདུང་དག་།རྒྱས་པར་འགྱུར་ཞིང་འཕེལ་བ་དག་ཏུ་འགྱུར། །དེ་བཞིན་གཤེགས་པ་འབྲུག་སྒྲ་དབྱངས་དག་གི་།སྐྱེ་བའི་ཡུལ་ནི་གྲགས་པའི་དབྱངས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་རྣམ་པར་གྲགས། །དབྱངས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐད་སྙན་ཡིད་འཐད་རིམ་གྲོ་པ། །དབྱངས་སྙན་པ་ཞེས་བྱ་བ་མཁས་པ་སྟེ། །དྲག་ཤུལ་སྐེད་འབྱིན་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །སྲིད་པ་གསུམ་ལས་བརྒལ་བའི་ཡིད་ལྡན་པ། ། བྱེ་བ་ཕྲག་ནི་སུམ་ཅུ་སུམ་ཅུ་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བཅུ་བདུན་དག་གི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་རྒྱན་རྣམ་པར་སྦྱངས། །དེ་བཞིན་གཤེགས་པ་མངོན་པར་ཤེས་ཏོག་གི་།སྐྱེ་བའི་ 328a ༄#། །ཡུལ་ནི་ཏོག་གི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཞི་ཡོད་མངོན་པར་ཤེས་པ་ཡབ། །ཡོན་ཏན་མངོན་ཤེས་རྡུལ་བྲལ་ཡུམ་ཡིན་སྲས། །མངོན་ཤེས་རྫུ་འཕྲུལ་བཟང་པོ་རིམ་གྲོ་པ། །སྨོན་ལམ་ཞེས་བྱ་བློ་གྲོས་ཅན་ཡིན་ཏེ། །གཞུང་ལ་རྣམ་པར་བསྒོམས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང ། །སློབ་པ་མེད་པར་ཕྱིན་པ་ཀུན་འདུ་སྟེ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་ཁྲི་ཡང་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་དྲུག་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་གཅིག་ཡིན་ཏེ། ། དཔག་ཚད་བཞི་བ་གསེར་གྱི་བླ་བྲེར་ལྡན། །དེ་བཞིན་གཤེགས་པ་ཏོག་གི་འོད་སྐྱེ་བའི། །ཡུལ་ནི་བསོད་ནམས་ཕུང་པོ་ཞས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཕུང་པོ་བཟང ། །ཡོན་ཏན་མེ་ཏོག་རྡུལ་དང་བྲལ་བའི་ཡུམ། །ཕུང་པོ་སྲས་ཡིན་རི་རབ་རིམ་གྲོ་པ། །ཡོན་ཏན་དག་གིས་བརྒྱན་པ་མཁས་པ་སྟེ། །བྱང་ཆུབ་དགལ་གཞོལ་པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་རྩ་ལྔ་སྟེ། །ཀུན་ལའང་ཐར་པ་ཐོབ་པར་གྱུར་བ་དག་།བྱེ་བ་ཕྲག་ནི་ 328b བརྒྱད་ཅུ་བརྒྱད་ཅུ་ཡོད། །མི་ཚེ་ལོ་གྲངས་སུམ་ཁྲི་སུམ་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །ཉི་ཤུ་རྩ་གཉིས་བར་དུ་གནས་པར་འགྱུར། །འཇིག་རྟེན་ཕན་པའི་ཕྱིར་ནི་རྒྱལ་བ་དེའི། །སྐུ་གདུང་དག་ནི་རྣམ་པར་རྒྱས་པར་འགྱུར། །དེ་བཞིན་གཤེགས་པ་མི་འདྲིན་དགེ་བ་ཡི། །སྐྱེ་བའི་ཡུལ་ནི་དགེ་དང་ལྡན་ཞེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་སྟོང་ཤིན་ཏུ་དགེ་བ་ཡབ། །དགེ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་དགེ་བ་དགེ་བྱིན་རིམ་གྲོ་བ། །འགྲོ་བས་མཆོད་ཅེས་བྱ་བ་མཁས་པ་སྟེ། །འཇིག་རྟེན་དད་པར་བྱེ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །སངས་རྒྱས་ཡོན་ཏན་ལྡན་པ་ཕྱིར་མི་ལྡོག་།དེ་དག་དགུ་འབུམ་དགུ་འབུམ་འདུས་པར་འགྱུར། །མི་ཚེ་ལོ་གྲངས་བྱ་བ་བདུན་བཅུ་དྲུག་།གྲགས་པ་མཐའ་ཡས་དག་གི་དམ་ཆོས་དག་།ལོ་གྲངས་དགུ་འབུམ་ཉི་ཁྲིའི་བར་དུ་གནས། ། རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །ཁམས་གསུམ་ཀུན་དུ་རྣམ་པར་གང་བར་འགྱུར། །འཇིག་རྟེན་མགོན་པོ་ཚངས་པ་སྐྱེ་བའི་ཡུལ། །དགའ་ཞིང་སྡུག་ལ་ཚངས་པ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཅུ་བདུན་ཚངས་པའི་དབང་པོ་ཡབ། །ཚངས་དབྱངས་མ་ཞེས་བྱ་བརྒྱལ་བའི་ཡུམ། །སྲས་པོ་སྐད་སྙན་དང་ 329a ༄#། །མཆོག་རིམ་གྲོ་པ། །ཚངས་པའི་གྲོགས་ཞེས་བྱ་བ་མཁས་པ་སྟེ། །ཚངས་པ་རྣམས་པར་ལྟ་བ་རྫུ་འཕྲུལ་ཅན། །འདུས་པ་ལང་གཅིག་ཡིན་ཏེ་དགྲ་བཅོམ་པ། །ཐམས་ཅད་ཉོན་མོངས་བདུད་ནི་བཅོམ་པ་པོ། །བྱེ་བ་ཕྲག་ནི་གྲངས་ཀྱང་མེད་པ་འབྱུང ། །མི་ཚེ་ལོ་གྲངས་ཉི་ཁྲི་ཅིག་སྟོང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །དམ་པའི་ཆོས་ནི་ཉིན་གཅིག་གནས་པར་འགྱུར། །རྒྱལ་བ་མྱ་ངན་འདས་པའི་སྐུ་གདུང་ནི། །མཆོད་རྟེན་དཔག་ཚད་བཅུན་པ་གཅིག་ཅིག་འབྱུང ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་བདུན་པ། །འཇིག་རྟེན་མགོན་པོ་སྐྱེས་མཆོག་སྐྱེ་བ་ཡི། །ཡུལ་ནི་མཆོག་ཏུ་མཛེས་པ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ལྗོན་ཤིང་དབང་པོ་ཡབ། །ང་རྒྱལ་ལྗོན་ཤིང་མ་ནི་རྒྱལ་བའི་ཡུམ། །སྲས་པོ་མཆོག། །མ་ལེགས་མཆོག་རིམ་གྲོ་པ། །ཆོས་ཀྱི་མཆོག་མ་ཞེས་བྱ་མཁས་པ་སྟེ། །གསལ་བར་གནས་ཤེས་བྱ་བ་རྫུ་འཕྲུལ་ཅན། ། འདུས་པ་ལན་གྲངས་ཉི་ཤུ་ཀུན་ལ་ཡང ། །དགྲ་བཅོམ་ཐམས་ཅད་དྲི་མ་སྤྲུགས་པ་པོ། །ཐེར་འབུམ་ཕྲག་ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་དག་ནི་ 329b སུམ་ཁྲི་ཡིན། །གྲགས་པ་མཐའ་ཡས་པ་ཡི་དམ་ཆོས་དག་།ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །མཆོད་རྟེན་དཔག་ཚད་དྲུག་པ་འབྱུང་བར་འགྱུར། །དེ་བཞིན་གཤེགས་པ་སྤྱན་སྡུག་སྐྱེ་བ་ཡི། །ཡུལ་ནི་བལྟ་ན་སྡུག་པ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། ། དགུ་བཅུ་རྩ་དགུ་ཡབ་ནི་མཛེས་ལྡན་ཡིན། །མཛེས་དགའ་མ་ཞེས་བྱ་བ་རྒྱལ་བའི་ཡུམ། །སྲས་པོ་མིག་བཟངས་མིག་ལྡན་རིམ་གྲོ་པ། །མཛེས་པའི་འོད་ཅེས་བྱ་བ་མཁས་པ་སྟེ། །འཇིག་རྟེན་དད་པར་བྱེ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །བྱང་ཆུབ་མཆོག་རབ་དག་ལེགས་གནས་པ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲིའི་བར་དུ་གནས་པར་འགྱུར། །མྱ་ངན་འདས་པའི་མཆོད་རྟེན་གཅིག་འབྱུང་ལ། །རིན་ཆེན་བརྒྱ་ཡི་དྲ་བས་བསྐོར་བར་འགྱུར། །དེ་བཞིན་གཤེགས་པ་ཀླུས་ནི་བྱིན་པ་ཡི། །སྐྱེ་བའི་ཡུལ་ནི་ཀླུ་དང་ལྡན་ཞེས་བྱ། ། རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་དོན་གནས་ཡིན། །ཡོན་ཏན་ལྡན་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐུ་བློ་མཐུ་རིམ་ 330a ༄#། །གྲོ་པ། །དགེ་གནས་ཞེས་ནི་བྱ་བ་མཁས་པ་སྟེ། །གཏི་མུག་མེད་པ་མཐའ་ཡས་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །དགྲ་བཅོམ་དག་ནི་ཚད་པར་འདུས་འགྱུར་ཏེ། །ཐེར་འབུམ་ཕྲག་ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅུ་གཅིག་ཡིན། །ཡོངས་སུ་མྱ་ངན་འདས་པའི་དམ་ཆོས་དག་།ལོ་གྲངས་དག་ནི་སྟོང་དུ་གནས་པ་ཡིན། །དཔག་ཚད་བརྒྱད་པའི་མཆོད་རྟེན་འབྱུང་འགྱུར་ཏེ། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །དེ་བཞིན་གཤེགས་པ་བདེན་པའི་ཏོག་དག་གི་།སྐྱེ་བའི་ཡུལ་ནི་གསལ་བའི་ཏོག་ཅེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་ཏོག་བཟང་ཡིན། །ཏོག་གི་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་སྒྲོན་མ་ལྷ་སྤྱན་རིམ་གྲོ་པ། །འོད་མཆོག་ཅེས་ནི་བྱ་བ་མཁས་པ་སྟེ། །གསལ་བར་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །སྲིད་པ་ཀུན་ལ་ཆགས་བྲལ་ཡིད་ལྡན་པ། །དེ་དག་བྱེ་བ་ཕྲག་ནི་བརྒྱ་བརྒྱ་ཡོད། །མི་ཚེ་ལོ་གྲངས་དག་ནི་ལྔ་འབུམ་ཡིན། །འགྲོ་ལ་ཕན་ཕྱིར་དམ་པོའི་ཆོས་དག་ཀྱང ། །ལོ་གྲངས་དགུ་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་ 330b འགྱུར་ལ། །ལྷ་མི་དག་གིས་རྟག་ཏུ་མཆོད་པར་འགྱུར། །འཇིག་རྟེན་མགོན་པོ་བརྒྱན་པ་སྐྱེ་བ་ཡི། །ཡུལ་ནི་གཟི་བརྗིད་ལེགས་པར་བརྒྱན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ཁྱད་པར་འཕགས། །བློ་བརྒྱན་མ་ཞེས་བྱ་བ་རྒྱལ་བའི་ཡུམ། །གནམ་པོ་སྲས་ཡིན་ངེས་པ་རིམ་གྲོ་བ། །ཡོན་ཏན་བརྒྱན་ཅེས་བྱ་བ་མཁས་པ་སྟེ། །ལེགས་བསམས་སེམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང ། །ཐ་བ་མེད་པའི་བསམ་གཏན་པ་དེ་དག་།དུང་ཕྱུར་ཕྲག་ནི་བརྒྱད་བརྒྱད་འདུས་པར་འགྱུར། །མི་ཚེ་ལོ་གྲངས་དག་ནི་བརྒྱད་ཅུ་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཞི་པ་བླ་རས་མཛེས་པར་བྱས། །དེ་བཞིན་གཤེགས་པ་ཞུམ་པ་མེད་དབྱངས་ཀྱི། །སྐྱེ་བའི་ཡུལ་ནི་དབྱངས་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་དབང་པོ་དབྱངས། །དབྱངས་སྙན་མ་ཞེས་བྱ་བ་རྒྱལ་བའི་ཡུམ། ། སྲས་པོ་སྐད་སྙན་གདངས་མཆོག་རིམ་གྲོ་པ། །བྱམས་པའི་ང་རོ་ཞེས་བྱ་མཁས་པ་སྟེ། །མཆོག་གི་དབྱངས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ 331a ༄#། །དྲུག་ཀུན་ལའང ། །དགྲ་བཅོམ་ཐོབ་པ་རིམས་ནད་མེད་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་ཐམ་པར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་འབུམ་ཕྲག་སྙེད་ཀྱིས་གང་བར་འགྱུར། །སངས་རྒྱས་རིན་ཆེན་འོད་ནི་སྐྱེ་བ་ཡི། །ཡུལ་ནི་བསོད་ནམས་གཟི་བརྗིད་བཟང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་ལེགས་དགའ་ཡིན། །དུལ་གནས། །དགའ་ཞེས་བྱ་བ་རྒྱལ་བའི་ཡུམ། །སྲས་པོ་རྩི་སྨན་མཐུ་རྩལ་རིམ་གྲོ་པ། །སྲིད་པ་སེལ་ཞེས་བྱ་བ་མཁས་པ་སྟེ། །མེ་ཏོག་འོད་གསལ་བ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་གསུམ་ཀུན་ལ་ཡང ། །དགྲ་བཅོམ་རྣལ་འབྱོར་པ་དག་འདུས་འགྱུར་ཏེ། །བྱེ་བ་ཕྲག་ནི་བཅུ་གཉིས་བཅུ་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མྱ་ངན་འདས་ནས་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱི་བླ་བྲེར་ལྡན། ། 331b དེ་བཞིན་གཤེགས་པ་དབྱངས་བྱིན་སྐྱེ་བ་ཡི། །ཡུལ་ནི་དབྱངས་དག་དགའ་བ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་དབྱངས་སྙན་ཡིན། །གདངས་སྙན་མ་ཞེས་བྱ་བ་རྒྱལ་བའི་ཡུམ། །སྲས་པོ་བདེན་ལྡན་ལྷ་ལེགས་རིམ་གྲོ་པ། །ཡོན་ཏན་དབྱངས་དགའ་བློ་གྲོས་ཅན་ཡིན་ཏེ། །ས་ཡི་དབྱངས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །འཇིག་རྟེན་དག་ལ་ཕན་བྱེད་དགྲ་བཅོམ་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དུལ་བ་དུལ་བར་མཛད་པའི་དམ་ཆོས་དག་།ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །ཀུན་ནས་དཔག་ཚད་གསུམ་པ་དག་ཏུ་འགྱུར། །སེམས་ཅན་སྙིང་པོ་སེངྒེ་སྐྱེ་བ་ཡི། །ཡུལ་ནི་སེངྒེའི་སྒྲ་སྒྲོགས་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་སེངྒེ་ཡིན། །རྒྱལ་ཡུམ་རི་དྭགས་མིག་ཡིན་དབང་ཕྱུག་དགའ། །སྲས་ཡིན་དྲག་ཤུལ་བྱིན་ནི་རིམ་གྲོ་པ། །ང་རོ་སྙན་ཞེས་བྱ་བ་མཁས་པ་སྟེ། །ང་རོ་ཚངས་པའི་དབྱངས་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྒྱལ་སྲས་ཆོས་འཛིན་པ་དག་འདུས་གྱུར་ཏེ། །ཐེར་འབུམ་ 332a ༄#། །ཐེར་འབུམ་དག་ནི་འབྱུང་བར་འགྱུར། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བའི་དམ་ཆོས་ལོ་གྲངས་སྟོང་ཕྲག་ནི། །བརྒྱ་སྙེད་ཚངས་བའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་ཏུ་གསེར་གྱིས་རྣམ་པར་བརྒྱན། །དེ་བཞིན་གཤེགས་པ་འོད་ཟེར་སྣ་ཚོགས་ཀྱི། །སྐྱེ་བའི་ཡུལ་ནི་འོད་ཟེར་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །ལྔ་ཡོད་ཡབ་ནི་ཟླ་བ་བཟང་པོ་ཡིན། །འོད་ཟེར་མཆོག་ཅེས་བྱ་བ་རྒྱལ་བའི་ཡུམ། །སྲས་པོ་བཟང་ལྡན་ཟླ་བ་རིམ་གྲོ་པ། །ཟླ་ཉིའི་འོད་ཅེས་བྱ་བ་མཁས་པ་སྟེ། །སྐར་མཁན་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་བདུན་ཅུ་ལ། །དབང་ཐོབ་པའི་ཚོགས་དག་འདུས་འགྱུར་ཏེ། །འབུམ་ཕྲག་བརྒྱད་ཅུ་རྩ་གསུམ་སྙེད་གཅིག་འབྱུང ། །མི་ཚེ་ལོ་གྲངས་དག་ནི་དགུ་ཁྲི་ཡིན། །སྟོན་པ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །རིན་ཆེན་ལྷ་ཡི་གཞལ་མེད་ཁང་པར་ལྡན། །དེ་བཞིན་གཤེགས་པ་ཡི་ཤེས་དཔའ་པོ་ཡི། །སྐྱེ་བའི་ཡུལ་ནི་ས་ཡི་མཆོད་རྟེན་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ 332b ཚད། །ཉི་ཤུ་རྩ་གཅིག་ཡབ་ནི་དོན་བྱས་ཡིན། །མཐུ་རྩལ་བློ་གྲོས་མ་ནི་རྒྱལ་བའི་ཡུམ། །སྲས་པོ་ཆོས་ཅན་ཆོས་བཟང་རིམ་གྲོ་པ། །མི་དབང་བློ་གྲོས་ཞེས་བྱ་བློ་ཅན་ཏེ། ། འཁྲུགས་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང ། །ཐར་པར་གཞོལ་བ་ཞི་བ་ཐོབ་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །འགོགས་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་བཀོད་པས་རྣམ་པར་སྤྲས། །དེ་བཞིན་གཤེགས་པ་པདྨའི་ཕུང་པོ་ཡི། །སྐྱེ་བའི་ཡུལ་ནི་བསོད་ནམས་སྣང་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་པདྨ་ཡིན། །རིན་ཆེན་མེ་ཏོག་ཅེས་བྱ་རྒྱལ་བའི་ཡུམ། །སྲས་པོ་པད་ལྡན་པད་དཀར་རིམ་གྲོ་པ། །ངེས་པར་བྱས་ཞེས་བྱ་བ་མཁས་པ་སྟེ། །ཁ་ལོ་བསྒྱུར་བའི་རྒྱལ་པོ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང ། །བདུད་ཀྱི་ཕྱོགས་རྣམས་རབ་ཏུ་བཅོམ་པ་པོ། །བྱེ་བ་ཕྲག་ནི་ཁྲི་ཕྲག་གསུམ་གསུམ་ཡོད། །མི་ཚེ་མོ་གྲངས་སུམ་ཁྲི་དྲུག་སྟོང་ཡིན། །གྲགས་པ་མཐའ་ཡས་པ་ཡི་དམ་ཆོས་དག་།ལོ་གྲངས་འབུམ་ 333a ༄#། །གྱི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་ཐེར་འབུམ་དགུ་བཅུ་ཡོད། །འཇིག་རྟེན་གོན་པོ་མེ་ཏོག་རྒྱས་པ་ཡིན། །སྐྱེ་ཡུལ་མེ་ཏོག་རྒྱས་པས་བརྒྱན་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ངོས་བཟང་ཡིན། །མེ་ཏོག་ཤིང་རྟ་རྒྱལ་ཡུམ་མེ་ཏོག་ནི། །སྲས་ཡིན་མེ་ཏོག་བཟང་པོ་རིམ་གྲོ་པ། །ཡོན་ཏན་མེ་ཏོག་འཆང་བ་བློ་ཅན་ཏེ། །མེ་ཏོག་བསྩགས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །རྣམ་ཐར་མཆོག་དང་རྣམ་པར་གྲགས་ཐོབ་པ། །བྱེ་བ་ཕྲག་ནི་བདུན་ཅུ་ལྔ་ལྔ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་འཕང་དུ། །དཔག་ཚད་གཅིག་པ་ལེགས་སྤྲས་མཐའ་ཡང་ཡས། །དེ་བཞིན་གཤེགས་པ་མཐུ་རྩལ་སྟོབས་སྐྱེ་བའི། །ཡུལ་ནི་བསོད་ནམས་ཤིན་ཏུ་རྩལ་དང་ལྡན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་མཐུ་རྩལ་ཅན། །འགྲོས་སྙོམས་པ་ནི་རྒྱལ་ཡུམ་མཐུ་རྩལ་ཅན། །སྲས་ཡིན་ཉམས་ 333b རྩལ་ཆེན་པོ་རིམ་གྲོ་པ། །དགའ་བའི་མཐུ་རྩལ་ཅན་ནི་མཁས་པ་སྟེ། །རྣམ་པར་གནོན་པའི་རྒྱལ་པོ་རྫུ་འཕྲུལ་ཅན། །འདུས་པ་ལན་གྲངས་བཅོ་བརྒྱད་ཀུན་ལ་ཡང ། །འཇིག་རྟེན་བདེ་དང་པན་ཕྱིར་གནས་པ་པོ། །བྱེ་བ་ཕྲག་ནི་དགུ་བཅུ་རེ་རེ་ཡོད། །མི་ཚེ་ལོ་གྲང་སུམ་ཁྲི་དྲུག་སྟོང་ཡིན། །འདྲེན་པ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འཇིག་རྟེན་དག་གིས་མཆོད་ཅིང་བཀུར་བར་འགྱུར། །དེ་བཞིན་གཤེགས་པ་བསོད་ནམས་ཕུང་པོ་ཡི། །སྐྱེ་བའི་ཡུལ་ནི་བསོད་ནམས་འོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་བསོད་ནམས་བཟང་པོ་ཡབ། །བསོད་ནམས་འོད་ཅེས་བྱ་བ་རྒྱལ་བའི་ཡུམ། །སྲས་པོ་ལེགས་དགའ་མཐུ་ལྡན་རིམ་གྲོ་པ། །ནོར་ལ་དགའ་ཞེས་བྱ་བ་མཁས་པ་སྟེ། ། སེམས་ཅན་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱ་ཅུ་ཀུན་ལ་ཡང ། །ཡེ་ཤེས་དགའ་བ་བྱང་ཆུབ་གཞོལ་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་ 334a ༄#། །སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཞི་པ་རྒྱལ་མཚན་དག་གིས་བསྐོར། །དེ་བཞིན་གཤེགས་པ་གཟུགས་མཆོག་སྐྱེ་བ་ཡི། །ཡུལ་ནི་ལེགས་པར་བསམ་སེམས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་གཟུགས་བཟང་ཡིན། །གཟུགས་ལྡན་མ་ཞེས་བྱ་བ་རྒྱལ་བའི་ཡུམ། །བསྡུ་པོ་སྡུག་གྱ་མཛེས་པ་རིམ་གྲོ་པ། །ཡོན་ཏན་གཟུགས་ལྡན་པ་ནི་མཁས་པ་སྟེ། །གཟུགས་ལ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །ལས་དང་ཉོན་མོངས་སྲིད་དང་བྲལ་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། ། མི་ཚེ་ལོ་གྲངས་དག་ནི་བདུན་ཁྲི་ཡིན། །འཇིག་རྟེན་མཁྱེན་པའི་དམ་པའི་ཆོས་དག་ཀྱང ། །ལོ་གྲངས་སུམ་ཁྲིའི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །འཇིག་རྟེན་གསུམ་ཀུན་སྐུ་གདུང་རྒྱས་པར་འགྱུར། །མི་ཡི་འདྲེན་པ་སྐར་མཁན་སྐྱེ་བ་ཡིས། །ཡུལ་ནི་གཟི་བརྗིད་འོད་དང་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་ཡབ་ནི་ལེགས་སྣང་ཡིན། །གསལ་མཆོག་མ་ཞེས་བྱ་བ་རྒྱལ་བའི་ཡུམ། །གླང་པོ་སྲས་ 334b ཡིན་གྲགས་པ་རིམ་གྲོ་པ། །ཆོ་ག་བཟང་ཞེས་སྣང་ནི་བློ་ཅན་ཏེ། །སྐར་མཁས་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །ཉོན་མོངས་རྒྱས་པ་ཐམས་ཅད་ཞི་གྱུར་པ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། ། ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཀུན་ཀྱང་པདྨ་བླ་བྲེས་མཛེས་པར་བྱས། །དེ་བཞིན་གཤེགས་པ་ཟླ་བའི་སྒྲོན་མ་ཡི། ། སྐྱེ་བའི་ཡུལ་ནི་ཉི་མའི་སྒྲོན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །དྲུག་ཅུ་རྩ་གསུམ་ཡབ་ནི་ཏོག་བཟང་ཡིན། །འོད་རྒྱལ་མ་ཞེས་བྱ་བ་རྒྱལ་བའི་ཡུམ། །སྲས་པོ་གཟི་བརྗིད་དགའ་བ་རིམ་གྲོ་པ། །ལྷ་ཆེན་རྒྱལ་པོ་བློ་གྲོས་ཅན་ཡིན་ཏེ། །འཇིགས་པ་མེད་པའི་གཟི་བརྗིད་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །བསམ་གཏན་རྣམ་པར་ཐར་ལ་འཇིགས་མེད་པ། །བྱེ་བ་ཕྲག་ནི་དྲུག་ཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བདུན་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྡུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དྲུག་པ་རིན་པོ་ཆེ་ཡི་སྤྲས། །དེ་བཞིན་གཤེགས་ 335a ༄#། །པ་གཟི་བརྗིད་ཕུང་པོ་ཡི། །སྐྱེ་བའི་ཡུལ་ནི་གཟི་བརྗིད་སྡུག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་དྲུག་ཏིལ་མར་དབང་པོ་ཡ་བ། །ལྷ་ཆེན་བློ་གྲོས་རྒྱལ་ཡུམ་སྲས་པོ་ནི། །ཡེ་ཤེས་དགའ་ཡིན་སྣང་བ་རིམ་གྲོ་བ། །སྣང་བ་མཐའ་ཡས་བློ་གྲོས་ཅན་ཡིན་ཏེ། །བདག་ཉིད་ཆེན་པོའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང ། །འཇིག་རྟེན་ཆོས་ཀྱིས་ཉེ་བར་མ་གོས་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་མཆོད་ཅིང་བཀུར་བར་འགྱུར། །བདེ་བར་གཤེགས་པ་བྱང་ཆུབ་རྒྱལ་པོ་ཡི། །སྐྱེ་ཡུལ་ཡེ་ཤེས་རྟོགས་པར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དྲུག་ཅུ་ཡབ་ནི་བློ་བཟང་ཡིན། །རྟོགས་བྱེད་མ་ཞེས་བྱ་བ་རྒྱལ་བའི་ཡུམ། །སྲས་པོ་རྟོགས་ལྡན་རྟོགས་ཆེན་རིམ་གྲོ་པ། །རྟོགས་སྦྱིན་ཞེས་ནི་བྱང་མཁས་པ་སྟེ། །རྟོགས་པ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང ། །ཐར་ 335b དང་ལམ་མ་འཁྲུལ་ལ་དགའ་བ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་རིན་ཆེན་རྒྱལ་མཚན་བརྒྱན། ། སེམས་ཅན་སྙིང་པོ་མི་ཟད་སྐྱེ་བའི་ཡུལ། །འོད་ཟེར་དག་ནི་མི་ཟད་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གཅིག་མི་ཟད་རྒྱལ་པོ་ཡབ། ། རྒྱ་མཚོའི་སྒྲ་ཞེས་བྱ་བ་རྒྱལ་བའི་ཡུམ། །སྲས་པོ་གྲགས་ལྡན་ལེགས་དག་རིམ་གྲོ་པ། །བློ་གྲོས་མི་ཟད་པ་ནི་མཁས་པ་སྟེ། །བློ་རབ་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང ། །འཇིག་རྟེན་དྲི་མ་དྲི་མེད་ཡིད་ལྡན་པ། །ཐེར་འབུམ་ཕྲག་ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་ན་དམ་ཆོས་དག་།ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། ། མཆོད་རྟེན་འབུམ་ཕྲག་སྙེད་ཀྱི་འཁོར་དང་ལྡན། །རྒྱལ་བ་མངོན་པར་རྟོགས་པའི་སྤྱན་དག་གི་།སྐྱེ་བའི་ཡུལ་ནི་ཡེ་ཤེས་གནས་ཞེས་བྱ། །རྒྱལ་བའི་རིགས་ནི་བྲམ་ 336a ༄#། །ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་མིག་བཟང་ཡིན། །མིག་སྡུག་མ་ཞེས་བྱ་བ་རྒྱལ་བའི་ཡུམ། །སྲས་པོ་མིག་ལེགས་བྱམས་པ་རིམ་གྲོ་པ། །བདུད་རྩིའི་མིག་ཅེས་བྱ་བ་བློ་ཅན་ཏེ། །མིག་སྦྱངས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གཉིས་ཀུན་ལའང ། །དྲི་གསུམ་དྲི་མ་ཤིན་ཏུ་དྲི་མེད་པ། །དེ་དག་བྱེ་བ་རྒྱ་དྲུག་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་དེ། །ལྷ་མི་དག་གིས་མཆོད་པ་བྱས་པར་འགྱུར། །དེ་བཞིན་གཤེགས་པ་ཡན་ལག་རྒྱས་པ་ཡི། །སྐྱེ་བའི་ཡུལ་ནི་རྣམ་པར་དག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་ཡབ་ནི་ལེགས་མཆོག་ཡིན། །ཡན་ལག་ཆོག་ཅེས་བྱ་བ་རྒྱལ་བའི་ཡུམ། །སྲས་པོ་བླ་མ་འཕགས་པ་རིམ་གྲོ་བ། །འཇིག་རྟེན་འདས་ཞེས་བྱ་བ་མཁས་པ་སྟེ། །འགྲོ་བ་ཀུན་གྱི་བླ་མ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །དགྲ་བཅོམ་ཚོགས་ཀུན་དག་ནི་འདུས་འགྱུར་ཏེ། །ཁྲི་ཕྲག་དག་ནི་དྲུག་ཅུ་གསུམ་ 336b གསུམ་ཡོད། །མི་ཚེ་ལོ་གྲངས་དགུ་ཁྲི་ཅིག་སྟོང་ཡིན། །འགྲོ་ལ་ཕན་ཕྱིར་དེ་ཡི་དམ་ཆོས་དག་།ལོ་གྲངས་དག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་བཀུར་ཞིང་མཆོད་པར་འགྱུར། །དེ་བཞིན་གཤེགས་པ་ཡུལ་འཁོར་ཤེས་རབ་ཀྱི། །སྐྱེ་བའི་ཡུལ་ནི་ཡུལ་འཁོར་འབྱུང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡུལ་འཁོར་དབང་པོ་ཡབ། །ཡུལ་འཁོར་མཆོག་མ་རྒྱལ་ཡུམ་སྲས་པོ་ནི། །ཡུལ་འཁོར་བཟང་པོ་ཡུལ་འཁོར་རིམ་གྲོ་པ། །ཡུལ་འཁོར། །ཆེན་པོ་བློ་གྲོས་ཅན་ཡིན་ཏེ། །བྱང་ཆུབ་ཕྲག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །སྲེད་དང་ཉོན་མོངས་པ་དང་བྲལ་བ་པོ། །བྱེ་བ་ཕྲག་ནི་དགུ་བཅུ་དགུ་བཅུ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །སྲིད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་དགུ་ཁྲི་དགུ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་སྤྱི་བོས་གནོད་པར་གྱུར། །འཇིག་རྟེན་མགོན་པོ་མཆོག་མ་སྐྱེ་བ་ཡི། །ཡུལ་ནི་ཐམས་ཅད་མཆོག་ཏུ་ཕྱིན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་བདག་ཉིད་ཆེན་པོ་ཡབ། ། 337a ༄#། །མཆོག་གི་བློ་གྲོས་རྒྱལ་ཡུམ་སྲས་པོ་ནི། །མཆོག་གི་རྒྱལ་པོ་ཡོན་ཏན་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། ། ལྷས་མཆོད་པ་ཞེས་བྱ་བརྫུ་འཕྲུལ་ཅན། །འདུས་པ་ལན་གྲངས་བདུན་ཅུ་དྲུག་ཀུན་ལའང ། །ཐམས་ཅད་རྣམ་གྲོལ་བྱང་ཆུབ་གཞོལ་བ་པོ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དྲུག་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བདུན་ཅུ་པ་སྟེ་གཅིག་ཡིན་བླ་རེས་བརྒྱན། །དེ་བཞིན་གཤེགས་པ་གཟི་བརྗིད་ཚིམ་མཛད་ཀྱི། ། སྐྱེ་བའི་ཡུལ་ནི་རིམས་ནད་མེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་གསལ་བ་ཡིན། །གསལ་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་ཞུམ་མེད་དམན་མེད་རིམ་གྲོ་པ། །ཡོན་ཏན་མཐུ་རྩལ་ཅན་ནི་མཁས་པ་སྟེ། །འཕགས་པ་བསྡུས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །དགྲ་བཅོམ་ཡིད་ནི་ཡོངས་སུ་དག་པ་པོ། །དེ་དག་བྱེ་བ་ཕྲག་ནི་སྟོང་སྟོང་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། ། 337b རྒྱལ་བ་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ནོར་བུ་མི་ཤེལ་བརྒྱ་ཡི་དྲ་བས་སྤྲས། །སངས་རྒྱས་ཤེས་རབ་བྱིན་ནི་སྐྱེ་བ་ཡི། །ཡུལ་ནི་རྨད་དུ་བྱུང་བའི་འོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཤེས་རབ་ཆེན་པོ་ཡབ། །ཤེས་རབ་མཆོག་མ་རྒྱལ་ཡུམ་ཤེས་རབ་བྱིན། །སྲས་ཡིན་ཤེས་རབ་བཟང་པོ་རིམ་གྲོ་པ། །ཤེས་རབ་ཆེན་པོ་བློ་གྲོས་ཅན་ཡིན་ཏེ། །འཇིགས་པ་མེད་པའི་ཤེས་རབ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྒྱལ་བའི་རྒྱལ་པོ་ཡི་ནི་ཚོགས་མཆོག་རྣམས། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བྱེ་བ་བདུན་ཅུ་དྲུག་།བདུད་དང་ཉོན་མོངས་ཐམས་ཅད་འཇོམས་མཛད་པའི། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་འབུམ་ཕྲག་སྙེད་ཀྱི་འཁོར་དང་ལྡན། །དེ་བཞིན་གཤེགས་པ་འཇམ་པའི་དབྱངས་སྐྱེ་བའི། །ཡུལ་ནི་ཡིད་དུ་འོང་བའི་དབྱངས་ཞེས་བྱ། ། རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བདུན་སྟོང་ཡབ་ནི་ཡིད་འཐད་ཡིན། །དབྱངས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་དབྱངས་ 338a ༄#། །སྲེད་དགའ་བོ་རིམ་གྲོ་པ། །དུལ་བར་གནས་པའི་དབྱངས་ནི་མཁས་པ་སྟེ། །མཆོག་གི་དབྱངས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང ། །ཕ་རོལ་ཕྱིན་ལ་ཤིན་ཏུ་ངེས་ཐོབ་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །འཇིག་རྟེན་མཁྱེན་པའི་དམ་པའི་ཆོས་དག་ཀྱང ། །ལོ་གྲངས་སྟོང་གི་བར་དུ་གནས་པར་འགྱུར། །འཇིག་རྟེན་མཁྱེན་པའི་མྱ་ངན་འདས་པ་ཡི། །སྐུ་གདུང་མཆོད་རྟེན་དཔག་ཚད་བརྒྱད་པ་གཅིག། དེ་བཞིན་གཤེགས་པ་ཆགས་པ་མེད་མཛད་ཀྱི། །སྐྱེ་བའི་ཡུལ་ནི་བསོད་ནམས་བསགས་ཞེས་བྱ། །རྒྱལ་བའི་རིགས་ནི་བྲམ་ཟེའི་འོད་ཀྱི་ཚེ། །དཔག་ཚད་བདུན་ཅུ་ཡབ་ནི་ཆགས་མེད་ཡིན། །ལྷ་བདག་མ་ཞེས་བྱ་བ་རྒྱལ་བའི་ཡུམ། །སྲས་པོ་བདེན་སྦྱིན་ལྷ་ཆེན་རིམ་གྲོ་པ། །མཛད་ཆེན་འཆང་བ་བློ་གྲོས་ཅན་ཡིན་ཏེ། །རྣམ་པར་ངེས་པའི་ལྷ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །དངོས་པོར་འཛིན་དང་བྲལ་བའི་བསམ་གཏན་པ། །བྱེ་བ་ཕྲག་ནི་བཅུ་གཅིག་བཅུ་གཅིག་ཡོད། །མི་ཚེ་ལོ་གྲངས་དག་ནི་བདུན་ཁྲི་ཡིན། །སྟོན་པ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ 338b ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་གྲངས། །བྱེ་བ་ཕྲག་ནི་སྟོང་ཕྲག་བརྒྱད་ཅུ་འབྱུང ། །དེ་བཞིན་གཤེགས་པ་གཙོ་བོས་བྱིན་སྐྱེ་བའི། །ཡུལ་ནི་སྐྱེ་བའི་མཆོད་རྟེན་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་གཙོ་བཟང་ཡིན། །གཙོ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་གཙོ་སྲེད་གཙོ་བོ་རིམ་གྲོ་པ། །གཙོ་བྱིན་ཞེས་ནི་བྱ་བ་མཁས་པ་སྟེ། །འཇིགས་པ་མེད་པའི་ཡེ་ཤེས་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །རྒྱགས་དང་ང་རྒྱལ་བྲལ་བའི་བསམ་གཏན་པ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་ལྔ་ཁྲི་ཡིན། །སྟོང་པ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱིས་རྣམ་པར་སྤྲས། །དེ་བཞིན་གཤེགས་པ་གཙོ་བོ་སྐྱེ་བ་ཡི། །ཡུལ་ནི་མཆོད་པ་མཆོག་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་མཆོག་ལེགས་ཡིན། །བསོད་ནམས་རིན་ཆེན་མ་ནི་རྒྱལ་བའི་ཡུམ། །སྲས་པོ་སྐར་ལྡན་སྐར་བཟང་རིམ་གྲོ་པ། །བསོད་ནམས་ 339a ༄#། །འདོད་ཅེས་བྱ་བ་མཁས་པ་སྟེ། །བདེན་པ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །བདུད་དང་ཉོན་མོངས་ལྟ་བ་ཆབ་འཇོམས་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་དགུ་ཁྲིའི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་པ་ཡི། །སྐུ་གདུང་མཆོད་རྟེན་དཔག་ཚད་ལྔ་པ་གཅིག་།དེ་བཞིན་གཤེགས་པ་ཡེ་ཤེས་མཐུ་རྩལ་གྱི། །སྐྱེ་བའི་ཡུལ་ནི་ཡེ་ཤེས་ལྟ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་གཅིག་ཤེས་ལྡན་བཟང་པོ་ཡབ། །ཤེས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཤེས་ལེན་ཤེས་ཆེན་རིམ་གྲོ་པ། །ཤེས་པའི་ཟླ་བ་ཞེས་བྱ་མཁས་པ་སྟེ། །བློ་ཡི་མར་མེ་མཁན་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང ། །གསེར་དང་བོང་བ་མཚུངས་པར་མཐོང་བ་པོ། །བྱེ་བ་ཕྲག་ནི་ཁྲི་ཕྲག་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་བརྒྱད་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བཞི་སྟོང་བར་དུ་གནས། །ཞི་བར་ཕྱིན་ 339b པའི་མཆོད་རྟེན་གྲངས་དག་ནི། །བྱེ་བ་སྟོང་ཕྲག་དབུ་བཅུ་རྩ་བརྒྱད་འབྱུང ། །འཇིག་རྟེན་མགོན་པོ་འོད་འཕྲོ་ཅན་སྐྱེ་བའི། །ཡུལ་ནི་གཟི་ལྡན་ལེགས་པར་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་གསལ་བ་ཡིན། །རྡོ་རྗེའི་འོད་ནི་རྒྱལ་ཡུམ་སྲས་པོ་ནི། །འོད་འཕྲོ་འོད་འཕྲོ་བཟང་པོ་རིམ་གྲོ་པ། །ཡོན་ཏན་འོད་འཕྲོ་ཅན་ན་མཁས་པ་སྟེ། །རྣམ་པར་གྲོལ་བའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་མི་སློབ་ཉོན་མོངས་བསྲེགས་པ་པོ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཡིད་དུ་འོང་བའི་གདུགས་སྟོང་སྙེད་ཀྱིས་བརྒྱན། །སེམས་ཅན་སྙིང་པོ་དབང་པོ་སྐྱེ་བ་ཡི། །ཡུལ་ནི་དབང་པོའི་རྟོག་དང་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་རྒྱལ་མཚན་དབང་པོ་ཡབ། །རིན་ཆེན་མཆོག་མ་ཞེས་བྱ་རྒྱལ་བའི་ཡུམ། །དབང་པོ་སྲས་ཡིན་བཟང་དབང་རིམ་གྲོ་པ། །དབང་ཆེན་ཏོག་ནི་བློ་གྲོས་ཅན་ཡིན་ཏེ། །མཚོན་ཆའི་དབང་པོ་ཞེས་བྱ་རྫུ་འཕྲུལ་ཅན། །འདུས་ 340a ༄#། །པ་ལན་གྲངས་དྲུག་ཅུ་ཀུན་ལ་ཡང ། །མི་སློབ་དགྲ་བཅོམ་པ་ཡི་ཚོགས་ཀུན་དག་།བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཅིག་སྟོང་ཡིན། །དམ་ཆོས་ལོ་གྲངས་ཅིག་ཁྲི་ཅིག་སྟོང་གནས། །སྐུ་གདུང་མཆོད་རྟེན་ཡིད་འོད་གཅིག་ཡིན་ལ། །འཕང་དུ་དཔག་ཚད་བཅུ་གཉིས་པ་ཡིན་ཏེ། །གསེར་གྱི་རྒྱལ་མཚན་ཏོག་བཅས་དག་གིས་སྤྲས། །དེ་བཞིན་གཤེགས་པ་ཤུགས་འཆང་སྐྱེ་བ་ཡི། །ཡུལ་ནི་ཆོས་ཀྱི་རྒྱལ་མཚན་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་ཡབ་ནི་བློ་བཟང་ཡིན། །ཡོན་ཏན་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་བདེན་སྨྲ་སྟོབས་ལྡན་རིམ་གྲོ་བ། །མཐུ་རྩལ་སྟོབས་ཞེས་བྱ་བ་མཁས་པ་སྟེ། །གོམས་པར་མཆོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། ། ཕྱིར་མི་ལྡོག་པ་བྱང་ཆུབ་གནས་པ་ཀུན། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་ཐེར་འབུམ་ཕྲག་ནི་གསུམ་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་ཏུ་མཛེས་པ་དག་ཏུ་འགྱུར། །སེམས་ཅན་ 340b སྙིང་པོ་སྐར་རྒྱལ་སྐྱེ་བ་ཡི། །ཡུལ་ནི་འོད་འཕྲོའི་འོད་དང་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་སྦྱིན་སྲེག་འོད་འཕྲོ་ཡབ། ། འོད་འཕྲོ་ཆེན་མོ་ཞེས་བྱ་རྒྱལ་བའི་ཡུམ། །སྲས་པོ་སྐར་མཁན་སྣང་དབང་རིམ་གྲོ་པ། །རབ་ཏུ་བརྒྱན་ཅེས་བྱ་བ་མཁས་པ་སྟེ། །འོད་དབང་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །དགྲ་བཅོམ་རྣམ་པར་ཐར་པ་བརྒྱད་ཐོབ་པ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་པ་རིན་པོ་ཆེ་ཡིས་སྤྲས། །འཇིག་རྟེན་མགོན་པོ་འོད་ནི་བཟང་པོ་ཡི། །སྐྱེ་བའི་ཡུལ་ནི་ནོར་འབྱོར་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བློ་བཟང་ཡིན། །བློ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་བློ་ལེགས་བློ་ཆེན་རིམ་གྲོ་པ། །བློ་ཡི་འབྱུང་གནས་ཞེས་བྱ་མཁས་པ་སྟེ། །བློ་ལ་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །སྲིད་པ་ཀུན་ལ་ཆགས་པ་མེད་གྱུར་པ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། 341a ༄#། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་དྲུག་ཁྲིའི་བར་དུ་གནས། ། རྒྱལ་བའི་སྐུ་གདུང་དག་གི་རྒྱས་འགྱུར་ལ། །མཆོད་རྟེན་གསེར་གྱི་རྒྱལ་མཚན་དག་གིས་བསྐོར། །འཇིག་རྟེན་མགོན་པོ་གྲགས་པ་བྱིན་པ་ཡི། །སྐྱེ་བའི་ཡུལ་ནི་མཆོད་ཅིང་བཀུར་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་ཡབ་ནི་བློ་བཟང་ཡིན། །བྱང་ཆུབ་འདོད་ཅེས་བྱ་བ་རྒྱལ་བའི་ཡུམ། །སྲས་པོ་ཟམ་པ་དུལ་བ་རིམ་གྲོ་པ། །ཕྱོགས་ཀྱི་མཆོད་རྟེན་ཞེས་བྱ་མཁས་པ་སྟེ། །འཇིག་རྟེན་མངོན་བསྟོད་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་རྩ་བཞི་སྟེ། །ཀུན་ལའང་ཐ་བ་མེད་པར་བསྒམས་པ་པོ། །བྱེ་བ་ཕྲག་ནི་སྟོང་སྟོང་འབྱུང་བར་འགྱུར། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །འགོག་པར་རྒྱན་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་རྣམ་པར་སྤྲས། །སེམས་ཅན་སྙིང་པོ་གཟུགས་ནི་བཟང་པོ་ཡི། །སྐྱེ་བའི་ཡུལ་ནི་ཐར་པ་དགའ་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་དཔག་ཚད། །དྲུག་ཅུ་རྩ་ 341b གཉིས་ཡབ་ནི་དོན་ཆེན་ཡིན། །ཡོན་ཏན་ཚོགས་ནི་རྒྱལ་ཡུམ་སྲས་པོ་ནི། །ཡོན་ཏན་བདག་ཉིད་དོན་ལྡན་རིམ་གྲོ་པ། །ཡོན་ཏན་མེ་ཏོག་རྒྱས་པ་མཁས་པ་སྟེ། །མཐའ་ཡས་ཡོན་ཏན་དོན་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་རིམས་ནད་མེད་པ་དགེ་བ་ཅན། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །ལྷག་མ་མེད་པར་ཕྱིན་པའི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །མཚུངས་པ་མེད་པ་མྱ་ངན་འདས་ནས་ཀྱང ། །ཞིང་རྣམས་ཀུན་དུ་སྐུ་གདུང་རྒྱས་པར་འགྱུར། །མཚུངས་པ་མེད་པ་རྒྱལ་པོ་སྐྱེ་བ་ཡི། །ཡུལ་ནི་དད་པའི་རྒྱལ་པོ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་གཟི་བརྗིད་བཟང་པོ་ཡབ། །རྒྱལ་པོའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་རྒྱལ་བྱིན་རྒྱལ་བྱིན་རིམ་གྲོ་པ། །མི་ཡི་རྒྱལ་པོ་ཞེས་བྱ་མཁས་པ་སྟེ། །རྒྱལ་པོ་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་བརྒྱད་ཀུན་ལའང ། །དགྲ་བཅོམ་གྲགས་པ་བསྒྲུབས་པ་དེ་དག་གྲངས། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་འབུམ་ཕྲག་ཉི་ཁྲི་ཡིན། །རྣམ་པར་གྲོལ་བར་ཕྱིན་པའི་དམ་ཆོས་དག་།ལོ་གྲངས་ 342a ༄#། །དགུ་ཁྲི་ཉིས་སྟོང་བར་དུ་གནས། །རྒྱལ་བ་མྱ་ངན་འདས་པའི་སྐུ་གདུང་དག་།ཞིང་རྣམས་ཀུན་ཏུ་ཁྱབ་པར་འབྱུང་བར་འགྱུར། །དེ་བཞིན་གཤེགས་པ་དོན་ནི་གྲུབ་པ་ཡི། །སྐྱེ་བའི་ཡུལ་ནི་ཐར་པ་འབྱོར་ཅེས་བྱ། །རིགས་ནི་བྲམ་ཟེ་ལན་ཏེ་འོད་ཀྱི་ཚད། །དཔག་ཚད་དགུ་བཅུ་ཡབ་ནི་བདེ་དོན་ཡིན། །དོན་ལ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་དོན་སྦྱིན་དོན་ཆེན་རིམ་གྲོ་པ། །སྤོབས་པ་བརྩེགས་པ་བློ་གྲོས་ཅན་ཡིན་ཏེ། །བསོད་ནམས་འདོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྒྱགས་དང་ང་རྒྱལ་བྲལ་བ་འཁྲུལ་མེད་པ། །བྱེ་བ་ཕྲག་ནི་བརྒྱད་ཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཐ་བ་སྤངས་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་དགུ་པ་གཅིག་ཅིག་འབྱུང་བར་འགྱུར། །དེ་བཞིན་གཤེགས་པ་སེངྒེའི་སྡེ་དག་གི་།སྐྱེ་བའི་ཡུལ་ནི་བཟོད་པར་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱད་ཡོད་མཆོད་སྦྱིན་བཟང་པོ་ཡབ། །འཕགས་པའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་འབྲུག་སྒྲ་ཏོག་ནི་ 342b རིམ་གྲོ་བ། །དཔག་སྟོབས་ཅན་ཞེས་བྱ་བ་མཁས་པ་སྟེ། །སེངྒེའི་སྟོབས་ཀྱིས་འགྲོ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །མཆོད་པ་མཆོག་གིས་མཆོད་པར་འོས་པ་པོ། །དགྲ་བཅོམ་ཐ་སྤངས་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །བཟུང་བ་མེད་པར་ཕྱིན་པའི་དམ་ཆོས་དག ། ལོ་གྲངས་ཉི་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་འབུམ་ཕྲག་དགུ་བཅུ་དགུ། །སེམས་ཅན་སྙིང་པོ་ནོར་ལྷའི་བུ་སྐྱེ་བའི། །ཡུལ་ནི་གཟི་བརྗིད་འབྱུང་བ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་ཟླ་བའི་དབང་པོ་ཡབ། །རྒྱུ་སྐར་རྒྱལ་པོ་རྒྱལ་ཡུམ་སྲས་པོ་ནི། །ལེགས་འོངས་པར་གནས་སྐྱེས་པ་རིམ་གྲོ་པ། །ལྷ་ཡི་འོད་ཅེས་བྱ་བ་མཁས་པ་སྟེ། །ལྷ་ཡི་མི་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །དགྲ་བཅོམ་བསོད་ནམས་འབྲས་བུ་མཆོག་ཐོབ་པ། །བྱེ་བ་ཕྲག་ནི་བདུན་ཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །སྲིད་བཞི་བར་ཕྱིན་པའི་དམ་ཆོས་དག་།ལོ་གྲངས་དགུ་ཁྲི་ཉིས་བོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རིན་པོ་ཆེ་ཡིས་སྤྲས། །མཚུངས་ 343a ༄#། །པ་མེད་པ་གྲགས་པ་སྐྱེ་བ་ཡི། །ཡུལ་ནི་མཆོད་པ་དག་གིས་བརྒྱན་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་འབྱོར་ལྡན་ཡིན། །གྲགས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐར་ལྡན་ལེགས་བྱིན་རིམ་གྲོ་པ། །མཐུ་རྩལ་ཟླ་བ་ཞེས་བྱ་མཁས་པ་སྟེ། །མཐའ་ཡས་འོད་ཅེས་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་ཅུ་སྟེ། །ཀུན་ལའང་ཆགས་པ་མེད་པར་གྱུར་དེ་དག། །བྱེ་བ་ཕྲག་ནི་སྟོང་སྟོང་འདུས་པར་འགྱུར། །མི་ཚེ་ལོ་གྲང་བདུན་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བ་ཡོངས་སུ་མྱ་ངན་འདས་ནས་ཀྱང ། །སྐུ་གདུང་རྒྱས་འགྱུར་མཆོད་རྟེན་བྱ་བ་སྟོང ། །འཇིག་རྟེན་མགོན་པོ་རྒྱལ་བ་སྐྱེ་བ་ཡི། །ཡུལ་ནི་རྒྱལ་བར་དགའ་བ་ཞེས་ཀྱང་བྱ། ། རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཁྲི་དབང་པོ་ཆེན་པོ་ཡབ། །རྒྱགས་མེད་མ་ཞེས་བྱ་བ་རྒྱལ་བའི་ཡུམ། །སྲས་པོ་རྣམ་ངེས་ཟླ་བ་རིམ་གྲོ་བ། །ཆོས་ཀྱི་འགྲོས་ཞེས་བྱ་བ་མཁས་པ་སྟེ། །ཕྱིར་ཞིང་ལེགས་པར་སེམས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་རྩ་བཞི་སྟེ། །ཀུན་ལའང་དགྲ་ 343b བཅོམ་ལེགས་པར་ཚོགས་པའི་གྲངས། །བྱེ་བ་ཕྲག་ནི་འབུམ་འབུམ་འདུས་པར་འགྱུར། །མི་ཚེ་ལོ་གྲངས་དག་ནི་དགུ་ཁྲི་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གསུམ་པ་གསེར་གྱི་བླ་བྲེར་ལྡན། །རྟ་བབས་བྱེ་བ་སྟོང་ཕྲག་བཅུ་ཡང་ཡོད། །དེ་བཞིན་གཤེགས་པ་རྒྱ་ཆེན་སྙིང་པོ་ཡི། །སྐྱེ་བའི་ཡུལ་ནི་མཆོད་པ་མཐའ་ཡས་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ལེགས་རྟོགས་ཡིན། །ཐར་འདོད་པ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་གྲོལ་རྣམ་གྲོལ་རིམ་གྲོ་པ། །ས་ཡི་འོད་ཅེས་བྱ་བ་མཁས་པ་སྟེ། །བདུད་རྣམས་ཕུང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །མཁའ་དང་མཚུངས་པའི་སེམས་ཐོབ་དྲང་སྲོང་དག་།བྱེ་བ་ཕྲག་ནི་དགུ་བཅུ་གཉིས་གཉིས་ཡོད། ། མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །དམ་པའི་ཆོས་དག་ལོ་གྲངས་གཅིག་འབུམ་དང ། །ཉི་ཁྲི་ཅིག་སྟོང་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་ལྔ་པ་གཅིག་།གཙུག་གི་ནོར་བུ་སྟོང་ཕྲག་ཉིད་ཀྱང་སྦྱངས། །དེ་བཞིན་གཤེགས་པ་བསོད་ནམས་འོད་ཟེར་གྱི། །སྐྱེ་བའི་ཡུལ་ནི་སྐར་མའི་འོད་ཅེས་བྱ། །རིགས་ 344a ༄#། །ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་བསོད་ནམས་བཟང་པོ་ཡབ། །བསོད་ནམས་འོད་ནི་རྒྱལ་ཡུམ་སྲས་པོ་ནི། །བསོད་ནམས་སྟོབས་ཡིན་ཡོན་ཏན་རིམ་གྲོ་པ། །ཡོན་ཏན་ཁ་ལོ་བསྒྱུར་བ་མཁས་པ་སྟེ། །ལྷས་མཆོད་མ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་དྲུག་ཀུན་ལའང ། །ཐེག་པ་མཆོག་གིས་རྣམ་ཐར་ཐོབ་པ་པོ། །བྱེ་བ་ཕྲག་ནི་བདུན་ཅུ་རེ་རེ་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་ཅིག་སྟོང་བར་དུ་གནས། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་གྲངས། །བྱེ་བ་ཕྲག་ནི་སྟོང་ཕྲག་བརྒྱད་ཅུ་འབྱུང ། ། འཇིག་རྟེན་མགོན་པོ་འོད་ཟེར་བཟང་པོ་ཡི། །སྐྱེ་བའི་ཡུལ་ནི་འོད་བརྟག་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བརྒྱད་ཡབ་ནི་ལྷག་མཐོང་ཡིན། །འོད་ཀྱིས་བརྒྱན་ཞེས་བྱ་བ་རྒྱལ་བའི་ཡུམ། །སྲས་པོ་འོད་བྱིན་འོད་ཆེན་རིམ་གྲོ་པ། །ངེས་པའི་འོད་ཅེས་བྱ་བ་མཁས་པ་སྟེ། །མཐའ་ཡས་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་སྟེ་ཀུན་ལ་ཡང ། །རི་མཚུངས་འཁྲུགས་པ་མེད་པར་གྱུར་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། ། 344b མེ་ཚེ་ལོ་གྲངས་དག་ནི་སྟོང་ཡང་ཡིན། །དམ་ཆོས་ལོ་གྲངས་དགུ་བཅུ་རྩ་དྲུག་གནས། །སྐུ་གདུང་མཆོད་རྟེན་དཔག་ཚད་བཞི་པ་གཅིག་།རིན་ཆེན་བརྒྱ་ཡི་ཆུན་པོ་རབ་སྦྱངས་པ། །སིལ་སྙན་བྱེ་བ་བརྒྱ་སྟོང་གྲ་ཡང་འཁྲོལ། །མཚུངས་པ་མེད་པ་སྨྲང་འདོན་སྐྱེ་བའི་ཡུལ། །མྱ་ངན་རྣམ་པར་འཚང་བར་བྱེད་ཅེས་བྱ། །རྡུལ་བྲལ་རིགས་ནི་རྒྱལ་རིགས་འོད་ཀྱི་ཚད། །སྟོང་གསུམ་ཙམ་ཡོད་ཡབ་ནི་མཐུ་ལྡན་ཡིན། །གཟི་ཆེན་བདོག་པ་རྒྱལ་ཡུམ་སྲས་པོ་ནི། །ཡོན་ཏན་ཚོགས་ཡིན་དྲན་ལྡན་རིམ་གྲོ་པ། །ཐར་པའི་འོད་ཅེས་བྱ་བ་མཁས་པ་སྟེ། །རྒོལ་བ་ཚང་གཅོད་པ་ནི་རྫུ་འཕྲུལ་ཅན། །འདུས་པ་དག་ནི་མཐའ་ཡས་ཀུན་ལ་ཡང ། །བྱང་ཆུབ་མཆོག་རབ་དག་ལ་རབ་གནས་པ། །གཟུངས་ཐོས་ཕྱིར་མི་ལྡོག་པ་ཤ་སྟག་གོ་།མི་ཚེ་ལོ་གྲངས་བྱེ་བ་སྟོང་ཡང་ཡིན། །ཕྱིར་མི་ལྡོག་པའི་ཚོགས་ཕྱིར་དམ་ཆོས་དང ། །ལོ་གྲངས་བྱེ་བ་བདུན་ཅུ་དྲུག་ཏུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྟོང་གསུམ་ལྟ་མི་དག་གིས་གང་བར་འགྱུར། །དེ་བཞིན་གཤེགས་པ་སྒྲོན་མའི་རྒྱལ་པོ་སྐྱེ་བའི་ཡུལ་ནི་བཟང་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་འོད་ཀྱི་ཕུང་པོ་ཆེན་པོ་ཞེས་བྱའོ། །ཡུམ་ནི་གཟི་བརྗིད་ 345a ༄#། །ཕུང་པོའི་འོད་ཅེས་བྱའོ། །སྲས་ནི་ངན་སོང་སྤོང་ཞེས་བྱའོ། །རིམ་གྲོ་པ་ནི་བློ་གྲོས་མཐའ་ཡས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་དོན་ཡོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་པོ་ཆེའི་ཏོག་ཅེས་བྱའོ། །འདུས་པ་ནི་ལན་དྲུག་ཅུ་སྟེ། །ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་བརྩེགས་སྐྱེ་བའི་ཡུལ་ནི་འོད་ལྡན་མ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་ཡེ་ཤེས་མཆོག་ཅེས་བྱའོ། །ཡུམ་ནི་གྲགས་པའི་འོད་ཅེས་བྱའོ། །སྲས་ནི་མཐུ་རྩལ་རིན་པོ་ཆེ་ཞེས་བྱའོ། །རིམ་གྲོ་པ་ནི་བློ་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་བརྩེགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་ཀྱི་ཕུང་པོ་ཆེན་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང ། བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་ 345b གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྟ་མཆོག་སྐྱེ་བའི་ཡུལ་ནི་ཡན། །ལག་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་ཆོས་ལྡན་ཞེས་བྱའོ། །ཡུམ་ནི་བདེ་ལྡན་མ་ཞེས་བྱའོ། །སྲས་ནི་ཡན་ལག་མཆོག་ཅེས་བྱའོ། །རིམ་གྲོ་པ་ནི་ཡན་ལག་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལུས་པ་མེད་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་སྒྲིབ་པ་མེད་པ་ཞེས་བྱའོ། །འདུས་པ་ནི་ལན་བཅུ་སྟེ། ། ཐམས་ཅད་ལའང་ས་ཡ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་ཁྲིའི་བར་དུ་གནས་སོ། །སྐུ་གདུང་ནི་རིལ་བོ་གཅིག་ཏུ་འདུག་གོ ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སའི་བདག་པོ་སྐྱེ་བའི་ཡུལ་ནི་ཤེས་རབ་འཕགས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་དབང་སྒྱུར་ཞེས་བྱའོ། །ཡུམ་ནི་ཟིལ་གྱིས་མི་ནོན་པ་ཞེས་བྱའོ། །སྲས་ནི་གྲགས་མཛེས་ཤེས་བྱའོ། །རིམ་གྲོ་པ་ནི་སྐྱེ་བའི་མཆོད་རྟེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྩལ་གྱིས་རབ་ཏུ་འགྲོ་བ་ཞེས་བྱའོ། །འདུས་པ་ནི་ལན་བཅུ་བཞི་སྟེ། 346a ༄#། །ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་བཞི་ཁྲིའི། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་གྲོལ་བསྙེས་སྐྱེ་བའི་ཡུལ་ནི་ཟིལ་གྱིས་མི་ནོན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་ནམ་མཁའི་མཛོད་ཅེས་བྱའོ། །ཡུམ་ནི་མཆོད་པ་བཀོད་པ་ཞེས་བྱའོ། །སྲས་ནི་ནོར་བུ་བཀོད་པ་ཞེས་བྱའོ། །རིམ་གྲོ་པ་ནི་སྟོང་པར་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་བའི་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབང་ཕྱུག་ཆེན་པོའི་དབྱངས་ཞེས་བྱ་བྱའོ། །འདུས་པ་ནི་ལན་སུམ་ཅུ་སྟེ། །ཐམས་ཅད་ལའང་བྱེ་བ་ཕྲག་ཉི་ཁྲི་ཉི་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཙུག་གི་གསེར་སྐྱེ་བའི་ཡུལ་ནི་དྲིན་པའི་གཙུག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་སྟོང་ངོ ། །ཡབ་ནི་གཟི་བརྗིད་རིན་པོ་ཆེ་ཞེས་བྱའོ། །ཡུམ་ནི་སྔགས་འདོད་མ་ཞེས་བྱའོ། །སྲས་ནི་རྒྱལ་བུ་ 346b ཞེས་བྱའོ། །རིམ་གྲོ་པ་ནི་བློ་སྙོམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ཏུ་ཡོན་ཏན་ཞེས་བྱའོ། །འདུས་པ་ནི་ལན་བཅུ་བདུན་ཏེ། །ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྒྲ་གཅན་བཟང་པོ་སྐྱེ་བའི་ཡུལ་ནི་གཟི་བརྗིད་མཐའ་ཡས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ་།ཡབ་ནི་རྙོག་པ་མེད་པའི་འོད་ཅེས་བྱའོ། །ཡུམ་ནི་དབྱིག་འགྲོ་མ་ཞེས་བྱའོ། །སྲས་ནི་བློ་གྲོས་གསལ་བ་ཞེས་བྱའོ། །རིམ་གྲོ་པ་ནི་ཕྱོགས་མཆོད་ཅེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་མཐའ་ཡས་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་དག་ཅེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐུབ་པ་དཀའ་སྐྱེ་བའི་ཡུལ་ནི་རྒྱལ་བའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་འཕགས་འདུལ་ཞེས་བྱའོ། །ཡུམ་ནི་ལྷའི་མེ་ 347a ༄#། །ཏོག་ཅེས་བྱའོ། །སྲས་ནི་ལྟ་འོད་ཅེས་བྱའོ། །རིམ་གྲོ་པ་ནི་བྱང་ཆུབ་རེག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོད་དབྱངས་ཞེས་བྱའོ། །འདུས་པ་ནི་ལན་བརྒྱད་དེ། །ཐམས་ཅད་ལའང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་དགུ་སྟོང་ངོ ། །དམ་པའི་ཆོས་ཀྱང་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐུབ་གསལ་སྐྱེ་བའི་ཡུལ་ནི་རབ་ཏུ་ཞི་བའི་སྟོབས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་དབང་པོ་དུལ་ཞེས་བྱའོ། །ཡུམ་ནི་མཆོད་རྟེན་ཆུང་ཞེས་བྱའོ། །སྲས་ནི་འགྲོས་བརྟན་ཞེས་བྱའོ། །རིམ་གྲོ་པ་ནི་སྒྲིབ་པའི་འགྲོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་དཔག་ཏུ་མེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་མི་ཏོག་ཅེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལའང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་ 347b བཞིན་གཤེགས་པ་ཟླ་བའི་འོད་ཟེར་སྐྱེ་བའི་ཡུལ་ནི་དགའ་བ་རྣམ་པར་སྣང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་དགའ་བའི་ཟླ་བ་ཞེས་བྱའོ། །ཡུམ་ནི་གསལ་ལྡན་མ་ཞེས་བྱའོ། །ནི་ལྟ་མཆོག་ཅེས་བྱའོ། །རིམ་གྲོ་པ་ནི་མཆོད་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་གྲོལ་བས་འཇོམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མྱ་ངན་མེད་པས་བྱིན་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གསེར་གྱི་འོད་སྐྱེ་བའི་ཡུལ་ནི་གསེར་གྱི་འོད་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་མཐོང་དགའ་ཞེས་བྱའོ། །ཡུམ་ནི་འཇིག་རྟེན་ལྟ་ཞེས་བྱའོ། །སྲས་ནི་གཙུག་ན་རིན་པོ་ཆེ་ཞེས་བྱའོ། །རིམ་གྲོ་བ་ནི་རིན་ཆེན་སྙིང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པར་དགའ་ཞེས་བྱའོ། །འདུས་པ་ལན་གསུམ་སྟེ། །ཐམས་ཅད་ལའང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་བཅུའོ། །དམ་པའི་ཆོས་ནི་ལོ་དགུ་ 348a ༄#། །བཅུའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །འཁོར་སེམས་ཅན་ཇི་སྙེད་པ་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཁོ་ནར་གནས་པ་ཤ་སྟག་གོ་།དེ་བཞིན་གཤེགས་པ་ལེགས་བྱིན་སྐྱེ་བའི་ཡུལ་ནི་ཚོགས་ཀྱི་དབང་བོ་དང་མཚུངས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཕྱོགས་ལྟ་ཞེས་བྱའོ། །ཡུམ་ནི་འཕགས་དགྱེས་བྱེད་ཅེས་བྱའོ། །སྲས་ནི་དུལ་བར་གནས་ཞེས་བྱའོ། །རིམ་གྲོ་པ་ནི་མཚོན་ཆ་བཟང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་སྒྲོན་མ་ཞེས་བྱའོ། ། འདུས་པ་ནི་ལན་དགུ་བཅུ་སྟེ། ཐམས་ཅད་ལའང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷའི་ཡོན་ཏན་དབང་པོ་སྐྱེ་བའི་ཡུལ་ནི་ལྷའི་ཡུལ་འཁོར་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཚངས་ལྟེ་ཞེས་བྱའོ། །ཡུམ་ནི་ཚངས་སྒྲ་ཞེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་འཕགས་ 348b དགྱེས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་གཉིས་སྤོང་ཞེས་བྱའོ། །འདུས་པ་ནི་ལན་བདུན་ཅུ་སྟེ་ཐམས་ཅད་ལའང་ས་ཡ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ ། །དམ་པའི་ཅོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཆོས་ཀྱི་གདུགས་སྐྱེ་བའི་ཡུལ་ནི་དགེ་བའི་རྒྱལ་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཟླ་གདུགས་ཞེས་བྱའོ། །ཡུམ་ནི་ལྷ་དགའ་མ་ཞེས་བྱའོ། །སྲས་ནི་ཡོན་ཏན་མེ་ཏོག་ཅེས་བྱའོ། །རིམ་གྲོ་པ་ནི་ཡེ་ཤེས་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི། མཆོད་འོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་གཉིས་སྤོང་ཞེས་བྱའོ། །འདུས་པ་ནི་ལན་སུམ་ཅུ་རྩ་དགུ་སྟེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། ། སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ནི་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསོད་ནམས་ལག་སྐྱེ་བའི་ཡུལ་ནི་ལག་པ་དག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་རིན་པོ་ཆེའི་ལག་པ་ཞེས་བྱའོ། །ཡུམ་ནི་ཀླུ་ལག་མ་ཞེས་བྱའོ། ། །སྲས་ནི་ 349a ༄#། །ལྷའི་མཆོད་རྟེན་ཞེས་བྱའོ། །རིམ་གྲོ་བ་ནི་ཡོན་ཏན་གྱི་ཚོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མཆོད་ཅེས་བྱའོ། ། རྫུ་འཕྲུ་ཅན་རྣམས་ཀྱི་མཆོག་ནི་མཆོག་གི་རྒྱལ་པོ་ཞེས་བྱའོ། །འདུས་པ་ནི་ལན་ཉི་ཤུ་རྩ་བརྒྱད་དེ། ཐམས་ཅད་ལའང་དུང་ཕྱུར་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆགས་པ་སྐྱེ་བའི་ཡུལ་ནི་ཡོན་ཏན་གྱི་འབྱུང་གནས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྟ་བ་གསལ་ཞེས་བྱའོ། །ཡུམ་ནི་ལྷ་དགའ་ཞེས་བྱའོ། །སྲས་ནི་ཡིད་བདེ་སྐྱེས་ཤེས་བྱའོ། །རིམ་གྲོ་བ་ནི་ལྷ་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྡོ་རྗེའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཟང་པོའི་ཏོག་ཅེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལའང་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་ཀྱི་ནོམ་སྐྱེ་བའི་ཡུལ་ནི་གྱ་ 349b ནོམ་མཐའ་ཡས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཁྲིའོ། །ཡབ་ནི་ཡེ་ཤེས་འོད་ཅེས་བྱའོ། །ཡུལ་ནི་ཡེ་ཤེས་འོད་ཟེར་ཞེས་བྱའོ། །སྲས་ནི་ལྷའི་ཡེ་ཤེས་ཞེས་བྱའོ། །རིམ་གྲོ་པ་ནི་བློ་གྲོས་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་རྒྱ་མཚོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡུལ་འཁོར་ལྷ་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་གྲོས་ཞི་བ་མོ་སྐྱེ་བའི་ཡུལ་ནི་ཉམས་དགའ་བ་འབྱུང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །ཡབ་ནི་ལུས་པ་མེད་པའི་བློ་ཞེས་བྱའོ། །ཡུམ་ནི་ཡན་ལག་མ་སྨད་པ་ཞེས་བྱའོ། སྲས་ནི་ཙནྡན་དགའ་ཞེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་ལྷ་ཞེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལའང་བྱེ་བ་ཕྲ་བཅོ་བརྒྱད་བཅོ་བརྒྱད་དོ། །སྐུ་ཚེའི་ཚད་ནི་ལོ་དྲུག་ཁྲིའོ། ། 350a ༄#། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བྱིན་ཐམས་ཅད་སྐྱེ་བའི་ཡུལ་ནི་གཟི་བརྗིད་བདག་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་ཏོག་གི་འོད་ཅེས་བྱའོ། །ཡུམ་ནི་ཡོན་ཏན་འོད་ཅེས་བྱའོ། །སྲས་ནི་བསོད་ནམས་འོད་ཅེས་བྱའོ། །རིམ་གྲོ་པ་ནི་སྙན་པར་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་པའི་འོད་ཟེས་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚའི་ཚད་ནི་ལོ་དྲུག་ཁྲི་སུམ་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྩི་སྨན་སྐྱེ་བའི་ཡུལ་ནི་མྱ་ངན་མེད་པའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་མིག་སྡུག་ཅེས་བྱའོ། །ཡུམ་ནི་གློག་སྦྱིན་མ་ཞེས་བྱའོ། །སྲས་ནི་བློའི་སྒྲོན་མ་ཞེས་བྱའོ། །རིམ་གྲོ་པ་ནི་དཔལ་གྱི་བཟང་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་མཆོག་ 350b ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐམས་ཅད་མཐོང་ཞེས་བྱའོ། །འདུས་པ་ནི་ལན་དྲུག་ཅུ་སྟེ། ཐམས་ཅད་ལའང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྣམ་པར་གྲོལ་བའི་ཏོག་སྐྱེ་བའི་ཡུལ་ནི་ཏོག་གི་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཏོག་གི་རྒྱལ་མཚན་ཞེས་བྱའོ། །ཡུམ་ནི་ཏོག་ཆེན་མ་ཞེས་བྱའོ། །སྲས་ནི། གྲགས་པའི་བློ་ཞེས་བྱའོ། །རིམ་གྲོ་པ་ནི་ཕྱོགས་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེངྒེའི་མཐུ་རྩལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྲུག་སྒྲའི་རོ་ཞེས་བྱའོ། །འདུས་པ་ནི་ལན་བཅོ་བརྒྱད་དེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་ལྔ་སྟོང་ངོ ། །དམ་པའི་ཆོས་ཀྱང་ལོ་བདུན་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཀྱི་མཛོད་སྐྱེ་བའི་ཡུལ་ནི་རིན་པོ་ཆེ་སྦེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་བའི་འཇིག་རྟེན་གྱི་ཁམས་དྲུག་ཙམ་མོ། །ཡབ་ནི་རིན་ཆེན་སེམས་ཞེས་བྱའོ། །ཡུམ་ནི་དད་ 351a ༄#། །མཆོག་ཅེས་བྱའོ། །སྲས་ནི་གསལ་མཆོག་ཅེས་བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཏོག་གི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ནོར་ལྷའི་བུ་ཏོག་ཅེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་ཕྲག་འབུམ་འ་་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་རྒྱལ་པོ་སྐྱེ་བའི་ཡུལ་ནི་གཟི་བརྗིད་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་སྣང་བ་ཅན་ཞེས་བྱའོ། །ཡུམ་ནི་ཡོན་ཏན་འོད་ཅེས་བྱའོ། །སྲས་ནི་མཚན་གྱིས་རབ་ཏུ་བརྒྱན་པ་ཞེས་བྱའོ། །རིམ་གྲོ་པ་ནི་བལྟ་ན་སྡུག་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྟ་བའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ ་སྣང་བའི་མེ་ཏོག་ཅེས་བྱའོ། །འདུས་པ་ནི་ལན་སུམ་ཅུ་སྟེ། །ཐམས་ཅད་ལའང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ཁྲི་ཉིས་སྟོང་ངོ ། །དམ་པའི་ཆོས་ཀྱང་ལོ་དགུ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཇིགས་མཛད་སྐྱེ་བའི་ཡུལ་ 351b ནི་འཇིགས་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་དབང་ཕྱུག་ཆེན་པོ་ཞེས་བྱའོ། །ཡུལ་ནི་དགེ་བ་ཅན་ཞེས་བྱའོ། །སྲས་ནི་ལྷ་མཆོག་ཅེས་བྱའོ། །རིམ་གྲོ་པ་ནི་ཡོན་ཏན་གྱི་ཚོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་ཟད་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྟ་བས་མཐོང་ཞེས་བྱའོ། ། འདུས་པ་ནི་ལན་དྲུག་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་བདུན་སྟོང་སྟོང་ངོ ། །དམ་པའི་ཆོས་ཀྱང་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆུ་བོ་སྤོང་བ་སྐྱེ་བའི་ཡུལ་ནི་བཀོད་པ་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུའོ། །ཡབ་ནི་དཔའ་བོའི་འོད་ཅེས་བྱའོ། །ཡུམ་ནི་འདམ་ལས་རྒལ་ཞེས་བྱའོ། །སྲས་ནི་ཡུམ་འཁོར་ཁ་ལོ་བསྒྱུར་ཞེས་བྱའོ། །རིམ་གྲོ་པ་ནི་བལྟ་བཟོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁ་ན་མ་ཐོ་བ་མེད་པའི་ལས་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྐང་མི་འཁྱོལ་ཞེས་བྱའོ། །འདུས་པ་ནི་ལན་དྲུག་སྟེ།་ཐམས་ཅད་ལའང་ཐེར་འབུམ་ཕྲག་དྲུག་ཅུ་དྲུག་བཅུའོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་ 352a ༄#། །གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །འཕགས་པ་བསྐལ་བ་བཟང་པོ་པ་ཞེས་བྱ་བ་དེ་ཐེག་པ་ཆེན་པོའི་མདོ།་བམ་པོ་བཅོ་བརྒྱད་པ། དེ་བཞིན་གཤེགས་པ་ཐོགས་མེད་གྲགས་པ་སྐྱེ་བའི་ཡུལ་ནི་ཕྱོགས་ལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུའོ། ། ཡབ་ནི་དབང་ཆེན་བྱིན་ཞེས་བྱའོ། །ཡུམ་ནི་གསལ་ལྡན་མ་ཞེས་བྱའོ། །སྲས་ནི་སེམས་གསལ་ཞེས་བྱའོ། །རིམ་གྲོ་པ་ནི་སྐར་མའི་འོད་ཟེར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་ཏུ་འདུལ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རབ་ཏུ་ཞི་བའི་འགྲོས་ཞེས་བྱའོ། །དགྲ་བཅོམ་པ་འདུས་པ་ནི་ལན་སུམ་བཅུ་སུམ་སྟེ། ཐམས་ཅད་ལའང་ལྔ་འབུམ་ལྔ་འབུམ་མོ། །སྐུ་ཚེའི་ཚད་ནི་ལོ་སུམ་ཁྲི་སུམ་སྟོང་ངོ ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་དེ་ནི་རིལ་པོ་གཅིག་ཏུ་འདུག་གོ ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས། །པ་བདེན་པའི་ཕུང་པོ་སྐྱེ་བའི་ཡུལ་ནི་བདེན་པའི་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་དྲི་མ་མེད་པར་གྲགས་པ་ཞེས་བྱའོ། །ཡུམ་ནི་ཆོས་མཐོང་མ་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་པ་ནི་ཆོས་དབྱངས་ 352b ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཁྲུལ་མེད་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་པ་དང་མི་མཉམ་པ་ལྟ་བ་ཞེས་བྱའོ། །དགྲ་བཅོམ་པ་འདུས་པ་ནི་ལན་ལྡན་བཅུ་སྟེ། །ཐམས་ཅད་ལའང་ལྔ་འབུམ་ལྔ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་དྲུག་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དབྱངས་སྙན་སྐྱེ་བའི་ཡུལ་ནི་ཡུལ་འཁོར་ཡུལ་བཟང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་དྲུག་གོ། ཡབ་ནི་མཐུ་རྩལ་སྤྱོད་ཅེས་བྱའོ། །ཡུམ་ནི་ཆོས་ལྡན་མ་ཞེས་བྱའོ། །སྲས་ནི་སྟོན་དགའ་ཞེས་བྱའོ། །རིམ་གྲོ་བ་ནི་ལེགས་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཏོག་ཆེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་དུང་ཕྱུར་དུང་ཕྱུར་རོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རི་དབང་མཚུངས་སྐྱེ་བའི་ཡུལ་ནི་སྣ་ཚོགས་རྗེས་སུ་འབྲེལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་བཀོད་པའི་རྒྱལ་པོ་ཞེས་བྱའོ། །ཡུམ་ནི་བཀོད་པ་མཐའ་ཡས་མ་ཞེས་བྱའོ། ། 353a ༄#། །སྲས་ནི་བཀོད་པ་ཆེན་པོ་ཞེས་བྱའོ། །རིམ་གྲོ་བ་ནི་ཐོས་པ་བསགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བརྩེགས་ཞེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་ནོར་སྦྱིན་གསལ་ཞེས་བྱའོ། །དགྲ་བཅོམ་པ་འདུས་པ་ནི་ལན་བརྒྱད་ཅུའོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི། རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་བརྩེགས་སྐྱེ་བའི་ཡུལ་ནི་བཀོད་པ་སྣ་ཚོགས་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུའོ། །ཡབ་ནི་སྤོབས་པ་མཛེས་ཞེས་བྱའོ། །ཡུམ་ནི་གཟི་བརྗིད་བཀོད་པ་ཞེས་བྱའོ། ། སྲས་ནི་ལྟ་བ་གསལ་ཞེས་བྱའོ། །རིམ་གྲོ་བ་ནི་སྐར་མདའ་འཆང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྱི་ཚོགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེན་པའི་མཐུ་རྩལ་ཞེས་བྱའོ། །དགྲ་བཅོམ་པ་འདུས་པ་ནི་ལན་སུམ་ཅུ་རྩ་གཉིས་ཏེ། ཐམས་ཅད་ལའང་དུང་ཕྱུར་ཕྲག་གསུམ་མོ། །སྐུ་ཚེའི་ཚད་ནི་ལོ་གསུམ་ཁྲི་བརྒྱད་སྟོང་ངོ ། །དམ་པའི་ཆོས་ཀྱང་ལོ་སུམ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐར་པའི་གཟི་བྱིན་སྐྱེ་བའི་ 353b ཡུལ་ནི་གཟི་བྱིན་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་བཞིའོ། །ཡབ་ནི་གཟི་བྱིན་མཐའ་ཡས་ཞེས་བྱའོ། །ཡུམ་ནི་བཀོད་པ་མཐའ་ཡས་མ་ཞེས་བྱའོ། །སྲས་ནི་དགེ་བར་སེམས་ཞེས་བྱའོ། །རིམ་གྲོ་པ་ནི་འཕགས་འདུས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་དྲི་མེད་ཅེས་བྱའོ། །དགྲ་བཅོམ་པ་འདུས་པ་ནི་ལན་ལྔ་བཅུ་རྩ་དགུ་སྟེ། །ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལེགས་མཛད་སྐྱེ་བའི་ཡུལ་ནི་མྱ་ངན་དང་བྲལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་བརྒྱའོ། །ཡབ་ནི་ལེགས་མཐོང་ཞེས་བྱའོ། །ཡུམ་ནི་ཀུན་མཐོང་མ་ཞེས་བྱའོ། །སྲས་ནི་ཟིལ་མི་ནོན་ཞེས་བྱའོ། །རིམ་གྲོ་པ་ནི་ཡོན་ཏན་གྱི་ཚོགས་ཞེས་བྱའོ། །ཤེས་རབ་ཅན་རྣམས། །ཀྱི་མཆོག་ནི་ཤེས་རབ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་རྡོ་རྗེ་ཞེས་བྱའོ། །དགྲ་བཅོམ་པ་འདུས་པ་ནི་ལན་དྲུག་སྟེ། །ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་སྟོང་ངོ ། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་ 354a ༄#། །གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་ཏུ་ཞི་བ་སྐྱེ་བའི་ཡུལ་ནི་རབ་ཏུ་ཞི་དུལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུའོ། །ཡབ་ནི་གླང་པོའི་མཐུ་རྩལ་ཞེས་བྱའོ། །ཡུམ་ནི་བསོད་ནམས་འོད་ཅེས་བྱའོ། །སྲས་ནི་དུལ་གནས་དགའ་ཞེས་བྱའོ། །རིམ་གྲོ་པ་ནི་གནས་དག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚུལ་ཁྲིམས་ཡོངས་སུ་དག་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྱོད་པ་མི་གནས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་གཅིག་སྟེ། །ཐམས་ཅད་ལའང་དུང་ཕྱུར་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ཁྲི་ཆིག་སྟོང་གི་བར་དུ་གནས་སོ། ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡིད་དུ་འོང་བའི་གསུང་སྐྱེ་བའི་ཡུལ་ནི་བཀོད་པ་ཡིད་དུ་འཐད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་པ་རྒྱའོ། །ཡབ་ནི་སེངྒེའི་ང་རོ་ཞེས་བྱའོ། །ཡུམ་ནི་ཆགས་མེད་བློ་ཞེས་བྱའོ། །སྲས་ནི་འཇིགས་པ་མེད་པའི་གཟི་བརྗིད་ཅེས་བྱའོ། །རིམ་གྲོ་པ་ནི་གྱ་ནོམ་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཀྱི་འཁོར་ལོ་ཞེས་བྱའོ། །འདུས་པ་ནི་ལན་སུམ་ཅུ་ 354b རྩ་གཉིས་ཏེ། །ཐམས་ཅད་ལའང་དུང་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་ཁྲི་སུམ་སྟོང་ངོ ། །དམ་པའི་ཆོས་ཀྱང་སུམ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་སྦྱངས་སྐྱེ་བའི་ཡུལ་ནི་འགྲོས་སྟོབས་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་སེངྒེའི་ལེགས་ཞེས་བྱའོ། །ཡུམ་ནི་སེངྒེའི་བློ་གྲོས་མ་ཞེས་བྱའོ། །སྲས་ནི་འབྲུག་སྒྲའི་རྒྱལ་པོ་ཞེས་བྱའོ། །རིམ་གྲོ་པ་ནི་སེངྒེའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་མ་མེད་པའི་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྱོད་པ་ཅན་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་འབུམ་ཕྲག་དྲུག་བཅུ་རྩ་བརྒྱད་དོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་གུ་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆུ་ལྷ་སྐྱེ་བའི་ཡུལ་ནི་ཀླུ་དབྱངས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་ཀླུ་དབྱངས་ང་རོ་ཞེས་བྱའོ། །ཡུམ་ནི་ཀླུ་དཔལ་ཞེས་བྱའོ། །སྲས་ནི་ཀླུ་མཆོག་ཅེས་བྱའོ། །རིམ་གྲོ་པ་ནི་འགྲོ་གཙོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ 355a ༄#། །ནི་སྤོབས་པ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་མེད་བློ་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་ཕྲག་སུམ་ཅུ་རྩ་དྲུག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱའི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འགྲོ་བས་མཆོད་སྐྱེ་བའི་ཡུལ་ནི་སཝ་ལའི་དབང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་དབང་པོའི་ང་རོ་སྒྲོགས་ཅེས་བྱའོ། །ཡུམ་ནི་སྟོན་པ་མཐའ་ཡས་མ་ཞེས་བྱའོ། །སྲས་ནི་དབང་པོའི་འོད་ཟེར་ཞེས་བྱའོ། །རིམ་གྲོ་པ་ནི་དབང་པོས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་རིན་པོ་ཆེའི་ཐུ་རྩལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་སྨོན་ལམ་སེམས་ཞེས་བྱའོ། །འདུས་པ་ནི་ལན་སུམ་ཅུ་རྩ་བརྒྱད་དེ། །ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སེངྒེའི་ལོགས་སྐྱེ་བའི་ཡུལ་ནི་གསེར་གྱི་ལོགས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་རིན་པོ་ཆེའི་རྒྱལ་མཚན་ཞེས་བྱའོ། །ཡུམ་ནི་གཟི་བརྗིད་རིན་ཆེན་ཞེས་བྱའོ། །སྲས་ནི་རིན་ཆེན་སྦེད་ཅེས་ 355b བྱའོ། །རིམ་གྲོ་བ་ནི་མཛེས་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་མ་འདྲེས་པ་ཞེས་བྱའོ། །འདུས་པ་ནི་ལན་གསུམ་ཅུ་རྩ་དྲུག་སྟེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ཀྱི་མཐུ་རྩལ་སྐྱེ་བའི་ཡུལ་ནི་ཡོན་ཏན་མཐུ་རྩལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། ། ཡབ་ནི་མཐུ་རྩལ་ཆེན་པོ་ཞེས་བྱའོ། །ཡུམ་ནི་ཡེ་ཤེས་མཐུ་རྩལ་ཞེས་བྱའོ། །སྲས་ནི་རིན་ཆེན་འཕགས་ཞེས་བྱའོ། །རིམ་གྲོ་པ་ནི་སེམས་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་སྒྲོགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་དཔལ་ཞེས་བྱའོ། །འདུས་པ་ནི་ལན་ཅུ་དྲུག་རྩ་དྲུག་སྟེ། ཐམས་ཅད་ལའང་ས་ཡ་ཕྲག་སུམ་གསུམ་མོ། །སྐུ་ཚེའི་ཚད་ནི་ལོ་དྲུག་ཁྲི་སུམ་སྟོང་ངོ ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི། རྒྱས་པར་འགྱུར་རོ། །དེ་བཞིན་གཤེགས་པ་བསྐལ་པ་བཟང་པོ་སྐྱེ་བའི་ཡུལ་ནི་བཀོད་པ་སྡུག་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་རྣམ་སྨིན་སྡུག་ཅེས་བྱའོ། །ཡུམ་ནི་ཡོན་ཏན་འོད་ཅེས་བྱའོ། །སྲས་ནི་ 356a ༄#། །ལྷ་འདོད་ཅེས་བྱའོ། །རིམ་གྲོ་པ་ནི་འཁྲུལ་མེད་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བས་རབ་ཏུ་བརྒྱན་པའི་འོད་ཟེར་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལའང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་འཁྲུགས་པའི་མདོག་སྐྱེ་བའི་ཡུལ་ནི་འོད་དཔལ་མཐོ་རིས་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། ། ཡབ་ནི་གསེར་བཟང་ངེས་འོད་གཟི་བརྗིད་རྒྱལ་པོ་ཞེས་བྱའོ། །ཡུམ་ནི་ཡོན་ཏན་མཐའ་ཡས་བཀོད་པ་ཞེས་བྱའོ། །སྲས་ནི་ཟླ་བས་རབ་ཏུ་བརྒྱན་པའི་གཟི་བརྗིད་འོད་ཟེར་དབྱངས་ཞེས་བྱའོ། །རིམ་གྲོ་པ་ནི་ཤེས་རབ་སྟོབས་བྱེད་བཀོད་པའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྱི་རྒྱ་མཚོའི་བློ་ཅན་ངེས་པར་སྟོན་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱོན་གྱིས་ཟིལ་གྱི་མི་ནོན་ཞིང་བདུད་ཀྱི་དཔུང་རབ་ཏུ་ཕུང་བར་བྱེད་པའི་གཟི་བརྗིད་ཀྱི་ཁ་དོག་ཅེས་ 356b བྱའོ། །འདུས་པ་ནི་ལན་འབུམ་སྟེ། ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་བརྒྱད་ཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་རྒྱལ་པོ་སྐྱེ་བའི་ཡུལ་ནི་ཡོན་ཏན་རིན་པོ་ཆེ་བརྒྱ་སྟོང་གི་ཡན་ལག་གི་རྒྱལ་པོ་ཞེས་བྱའོ། །རིགས་ནི་བྲམ་ཟེའོ། །འདོ་ནི་དཔག་ཚད་ས་ཡ་ཕྲག་གསུམ་མོ། །ཡབ་ནི་གཟི་བརྗིད་མཐའ་ཡས་འོད་ཅེས་བྱའོ། །ཡུམ་ནི་རིགས་པའི་གཟི་བྱིན་འོད་ཟེར་ཞེས་བྱའོ། །སྲས་ནི་ཟླ་བ་དྲི་མ་མེད་པའི་རྟོག་དཔལ་རྒྱལ་མཚན་ཞེས་བྱའོ། །རིམ་གྲོ་པ་ནི་ཡེ་ཤེས་འོད་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཀོད་པ་དཔག་ཏུ་མེད་པ་སྒྲུབ་པར་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་ཀྱི་གཟི་བརྗིད་སངས་རྒྱས་ལས་ཡང་དག་པར་བྱུང་བ་ཞེས་བྱའོ། །འདུས་པ་ནི་ལན་བཅུ་སྟེ། ཐམས་ཅད་ལའང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྟོགས་མཛད་སྐྱེ་བའི་ཡུལ་ནི་གཟི་བརྗིད་གསལ་ཞེས་བྱའོ། །རིགས་ 357a ༄#། །ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ཤིན་ཏུ་རྣམ་པར་དག་པའི་བློ་ཞེས་བྱའོ། །ཡུམ་ནི་བློ་གསལ་ལྡན་ཞེས་བྱའོ། །སྲས་ནི་ཡོན་ཏན་ཐམས་ཅད་རྟོགས་བྱེད་ཡེ་ཤེས་བྱིན་ཞེས་བྱའོ། །རིམ་གྲོ་བ་ནི་ཡིད་འོང་སེམས་པའི་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཀྱི་འབྱུང་གནས་བྱང་ཆུབ་ཏུ་སྨོན་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་པོ་ཆེའི་མེ་ཏོག་གི་འོད་ཅེས་བྱའོ། །འདུས་པ་ནི་ལན་བཅོ་བརྒྱད་དེ། །ཐམས་ཅད་ལའང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱན་ལེགས་སྐྱེ་བའི་ཡུལ་ནི་ཡོན་ཏན་འབུམ་ཕྲག་བཀོད་པར་སྣང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་བཞི་སྟོང་ངོ ། །ཡབ་ནི་སྤྱོད་པ་མ་འཁྲུལ་གསལ་བའི་རྒྱལ་པོ་ཞེས་བྱའོ། །ཡུམ་ནི་ཡེ་ཤེས་ཕུང་པོ་གཟི་བརྗིད་འཕགས་ལྡན་མ་ཞེས་བྱའོ། །སྲས་ནི་སྒྲ་སྐད་ཟད་མི་ཤེས་པར་སྟོན་པའི་བློ་གྲོས་ཅན་ཞེས་བྱའོ། །རིམ་གྲོ་པ་ནི་ཤེས་རབ་ཀྱི་སྣང་བ་རྣམ་པར་གདོན་མི་ཟ་བའི་མེ་ཏོག་ 357b ཀུན་ཏུ་རྒྱས་ལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུང་བྱེ་བ་བརྒྱ་ཕྲག་སྙིང་ཀྱིས་ཟིལ་གྱིས་མི་ནོམ་པའི་ཉི་མའི་གཟི་བརྗིད་ཀྱི་ཁ་དོན་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་པོ་ཆེ་ཐམས་ཅད་ཀྱི་གཟི་བརྗིད་རྣམ་པར་གྲགས་པའི་རྒྱལ་པོ་ཞེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལའང་བྱེ་བ་ཕྲག་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་སུམ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་ལ་གནས་པའི་བློ་མངའ་བ་སྐྱེ་བའི་ཡུལ་ནི་དོན་མཐའ་ཡས་པའི་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་དོན་གྱི་རྒྱལ་པོ་ཞེས་བྱའོ། །ཡུམ་ནི་སེམས་ཅན་གྱི་དོན་ལ་རྣམ་པར་གདོན་མི་ཟ་བའི་རྒྱལ་མོ་ཞེས་བྱའོ། །སྲས་ནི་རིན་པོ་ཆེའི་མཛོད་ཅེས་བྱའོ། །རིམ་གྲོ་པ་ནི་ཡོན་ཏན་འབུམ་ཕྲག་སྙེད་འཆང་བའི་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་ཚར་གཅོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་བརྩེགས་པའི་རྣ་རྒྱན་གྱིས་བརྒྱན་པ་ཞེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལའང་ཐེར་འབུམ་ཕྲག་བཅུ་བཅུའོ། ། 358a ༄#། །སྐུ་ཚེའི་ཚད་ནི་ལོ་ལྔ་ཁྲི་སུམ་སྟོང་ངོ ། །དམ་པའི་ཆོས་ཀྱང་ལོ་ལྔ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྣང་བའི་འོད་ཟེར་སྐྱེ་བའི་ཡུལ་ནི་སྣང་བ་མཐའ་ཡས་པའི་གཟི་བརྗིད་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་སྣང་བ་ཐམས་ཅད་ཀྱིས་བརྒྱན་པ་ཞེས་བྱའོ། །ཡུམ་ནི་ཡེ་ཤེས་སྣང་བའི་འོད་ཀྱི་གཟི་བརྗིད་ཅེས་བྱའོ། །སྲས་ནི་གཟི་བརྗིད་ཀྱི་ཕུང་པོའི་འོད་རྣམ་པར་གྲགས་པ་ཞེས་བྱའོ། །རིམ་གྲོ་པ་ནི་བློའི་ཡེ་ཤེས་ཀྱི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློའི་རྣམས་པར་ངེས་པར་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་རྫོགས་པའི་རྒྱལ་མཚན་གྱི་ཏོག་ཅེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་ཀྱི་གཟི་བརྗིད་སྐྱེ་བའི་ཡུལ་ནི་ཨ་ག་རུའི་དྲི་བསུང་གིས་ངེས་པར་བདུགས་པའི་གཟི་བརྗིད་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ 358b ནི་དཔག་ཚད་ཙམ་མོ། །ཡབ་ནི་མཐའ་ཡས་སྤོས་འོད་ཅེས་བྱའོ། །ཡུམ་ནི་ཡོན་ཏན་བརྒྱའི་སྤོས་འོད་མ་ཞེས་བྱའོ། །སྲས་ནི་སྤོས་ཀྱི་དབང་ཕྱུག་རྒྱལ་པོའི་བློ་ཅན་སེམས་ཞེས་བྱའོ། །རིམ་གྲོ་པ་ནི་ཡོན་ཏན་སྤོས་འོད་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙནྡན་དྲི་བསུང་ཞིམ་པོའི་ཉི་མའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོས་ཀྱི་གཟི་བརྗིད་རྣམ་པར་སྣང་བར་བྱེད་པའི་འོད་ཅེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལའང་བྱེ་བ་ཕྲག་བཅུ་དྲུག་བཅུ་དྲུག་གོ ། སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀུན་ཏུ་དགའ་བར་མཛད་པའི་སྐྱེ་བའི་ཡུལ་ནི་ཡོན་ཏན་རིན་པོ་ཆེ་མཐོང་བས་ངོམས་པར་བྱེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་བདུད་རྩིའི་དབྱངས་ཀྱི་སེལ་བ་ཞེས་བྱའོ། །ཡུམ་ནི་ངག་འཇམ་བརྗོད་པའི་ཚིག་ཅན་ཞེས་བྱའོ། །སྲས་ནི་ལྟ་བ་གསལ་བའི་ལུས་ཞེས་བྱའོ། །རིམ་གྲོ་པ་ནི་ཆོག་ཤེས་ཡོན་ཏན་གཟི་བརྗིད་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡན་ལག་ཡེ་ཤེས་ཀྱི་ཚིམ་པ་གྱ་ནོམ་སེམས་ཕན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཡོ་བ་མེད་པར་ 359a ༄#། །གནས་པས་ཕས་ཀྱི་རྒོལ་རབ་ཏུ་འཇོམས་པ་ཞེས་བྱའོ། །འདུས་པ་ནི་ལན་དགུ་བཅུ་རྩ་བརྒྱད་དེ། །ཐམས་ཅད་ལའང་ཁྲི་ཕྲག་བཅུ་དྲུག་པའི་བཅུ་དྲུག་གོ་།སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ཡོད་པར་གཤེགས་པ་སྐྱེ་བའི་ཡུལ་ནི་སྒྲིབ་པ་མེད་པའི་གཟི་བརྗིད་བཀོད་པ་ཞེས་བྱའོ། །རིགས་ནི་བྲམ་ཟེའོ། །འདོ་ནི་དཔག་ཚད་ལྔ་བརྒྱའོ། །ཡབ་ནི་ཡིད་གཉིས་རྣམ་པར་འཐོར་བའི་གཟི་བརྗིད་ཕྲུ་གུ་ཞེས་བྱའོ། །ཡུམ་ནི་ཤེས་རབ་ཀྱི་སྣང་བ་རྣམ་པར་ངེས་པ་ཐོབ་པ་ཞེས་བྱའོ། །སྲས་ནི་ཕྱོགས་ལྟ་བཟོད་ཅེས་བྱའོ། །རིམ་གྲོ་པ་ནི་ཤེས་རབ་ཀྱི་སྣང་བ་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་སྒྲ་རྣམ་པར་སྒྲོག་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་པའི་ཏོག་གི་རྒྱལ་མཚན་རྒྱལ་པོ་ཞེས་བྱའོ། །འདུས་པ་ནི་ལན་དྲུག་ཅུ་རྩ་དྲུག་སྟེ། ཐམས་ཅད་ལའང་དུང་ཕྱུར་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་དྲུག་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཁྲོ་བ་བཅོམ་པ་སྐྱེ་བའི་ཡུལ་ནི་ཐ་བའི་ཚེར་མ་མེད་པ་ཞེས་ 359b བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་སྟོང་ངོ ། །ཡབ་ནི་མུན་བྲལ་ཞེས་བྱའོ། །ཡུམ་ནི་བྱམས་སེམས་མཐོང་ཞེས་བྱའོ། །སྲས་ནི་ཡོན་ཏན་ཕུང་པོ་ཞེས་བྱའོ། །རིམ་གྲོ་པ་ནི་སྐྱོན་མེད་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱགས་པའི་སྐྱོན་ཞི་བར་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཞི་གནས་དང ། དུལ་བར་གནས་པའི་མེ་ཏོག་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་ཕྲག་བདུན་ཅུའོ། །གཉིས་པ་ལ་ནི་བྱེ་བ་ཕྲག་བརྒྱད་ཅུའོ། །གསུམ་པ་ལ་ནི་བྱེ་བ་ཕྲག་དྲུ་བཅུའོ། །བཞི་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་ལྔ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟུགས་མཆོག་སྐྱེ་བའི་ཡུལ་ནི་ཡལ་ལག་གདམ་པ་རིན་པོ་ཆེ་མཆོད་གནས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུ་རྩ་དྲུག་གོ་།ཡབ་ནི་རིན་པོ་ཆེའི་གཟི་བརྗིད་ཕུང་པོ་ཞེས་བྱའོ། །ཡུམ་ནི་འཇིག་རྟེན་པའི་གཟུགས་ཐམས་ཅད་ཀྱིས་ཟིལ་གྱིས་མི་ནོན་པའི་གཟི་བརྗིད་ཅེས་བྱའོ། །སྲས་ནི་གཟུགས་བྱིན་ཞེས་བྱའོ། །རིམ་གྲོ་པ་ནི་གཟུགས་ཀྱི་བརྡའ་སྒྲུབ་པར་སེམས་ཤེས་བྱའོ། །ཤེས་རབ་ཅན་རྣམས་ཀྱི་ 360a ༄#། །མཆོག་ནི་འདོ་ཟེར་གྱི་གཟི་བརྗིད་མེ་ཏོག་ཀུན་ཏུ་རྒྱས་པའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟུགས་ཀྱི་བརྡའ་སྒྲུབ་པ་ཕ་རོལ་ཏུ་ཕྱིན་པར་སེམས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་དྲུག་ཁྲི་བརྒྱད་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་གཤེགས་སྐྱེ་བའི་ཡུལ་ནི་འགྲོས་ཆེན་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུའོ། །ཡབ་ནི་འགྲོས་མཛེས་སེམས་པ་ཞེས་བྱའོ། །ཡུམ་ནི་ཁྱུ་མཆོག་མིག་མཐོང་འགྲོས་ཞེས་བྱའོ། །སྲས་ནི་དབང་བོའི་མཚོན་ཆ་འགྲོས་ཀྱིས་བྱིན་ཞེས་བྱའོ། །རིམ་གྲོ་པ་ནི་ཆུ་བོའི་རྒྱལ་པོ་སུམ་ཅུ་སེངྒེའི་བདག་པོ་ལུས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསྐལ་པ་གྲངས་མེད་པའི་ནས་ཡང་དག་པར་སྒྲུབས་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་པ་མི་ཏོང་ཞིང་བཀོད་པ་ཆེན་པོ་རྟག་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་ཉི་ཤུ་རྩ་ལྔ་སྟེ། །ཐམས་ཅད་ལའང་དུང་ཕྱུར་ཕྲག་ 360b གཉིས་གཉིས་སོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། །དམ་པའི་ཆོས་ཀྱང་ལོ་ཉི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་ཏུ་སྦྱིན་པར་གྲགས་པ་སྐྱེ་བའི་ཡུལ་ནི་གྲགས་པ་མཐའ་ཡས་རྒྱལ་མཚན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱུད་བརྒྱའོ། །ཡབ་ནི་མཐུ་རྩལ་གྲགས་པ་ཞེས་བྱའོ། །ཡུམ་ནི་གྲགས་པ་མཐའ་ཡས་འཛིན་ཞེས་བྱའོ། །སྲས་ནི་གྲགས་པ་ཀུན་ཏུ་འཕགས་པ་ཞེས་བྱའོ། །རིམ་གྲོ་པ་ནི་གྲགས་ཆེན་རྒྱལ་པོ་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་གྲང་མཆོག་གསལ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྲགས་དད་བྱེད་ཡང་དག་འཕགས་ཞེས་བྱའོ། །ཉན་ཐོས་འདུས་པ་ནི་ལན་བཅོ་བརྒྱད་དེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚེའི་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་གཙང་སྐྱེ་བའི་ཡུལ་ནི་འཕགས་པ་གཟིགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་དྲུག་གོ། །ཡབ་ནི་ཡང་དག་དོན་སེམས་ཞེས་བྱའོ། །ཡུམ་ནི་བདུད་རྩིའི་སེམས་ཞེས་བྱའོ། །སྲས་ 361a ༄#། །ནི་དུས་བྱིན་དོ་དབྱངས་ཞེས་བྱའོ། །རིམ་གྲོ་པ་ནི་སྒྲ་དང་བརྡ་ཟད་མི་ཤེས་པ་འཛིན་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔུང་གི་ཚོགས་རབ་ཏུ་འཇོམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་རྣམ་པར་འཇིག་པ་ལ་དཔའ་བ་ཞེས་བྱའོ། ། ཉན་ཐོས་འདུས་པ་ནི་ལན་བཅོ་བརྒྱད་དེ། །ཐམས་ཅད་ལའང་བྱེ་བ་ཕྲག་བཅུ་བདུན་བཅུ་བདུན་ནོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་ཉི་མ་སྐྱེ་བའི་ཡུལ་ནི་གཟི་བརྗིད་མཐའ་ཡན་པའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ ། །ཡབ་ནི་འོད་འཕགས་ཞེས་བྱའོ། །ཡུམ་ནི་སྣང་བ་མཐའ་ཡས་བཀོད་པའི་གཟི་བརྗིད་ཅེས་བྱའོ། །སྲས་ནི་འཇིག་རྟེན་ཐམས་ཅད་ན་མཛེས་བ་ཞེས་བྱའོ། །རིམ་གྲོ་པ་ནི་འཇིག་རྟེན་ཐམས་ཅད་ཀྱིས་བསྔགས་པར་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པ་ཡོན་ཏན་རིན་པོ་ཆེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཐམས་ཅད་ཀྱི་བརྡ་འཛིན་བ་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་ 361b ཅུ་སྟེ། ཐམས་ཅད་ལའང་བྱེ་བ་ཕྲག་ལྔ་བཅུ་ཙ་དྲུག་དྲུག་གོ། །སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ལྔ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་བེ་ཤེས་རབ་བྱིན་སྐྱེ་བའི་ཡུལ་ནི་ཤེས་རབ་སྐར་མདའ་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་ཤེས་རབ་སྐར་མདངས་མངོན་པར་ཤེས་པའི་མེ་ཏོག་ཀུན་དུ་རྒྱས་པ་ཞེས་བྱའོ། །ཡུམ་ནི་ལུས་ཤིན་ཏུ་རྣམས་པར་འབྱེས་པ་འོད་མཐའ་ཡས་པ་ཞེས་བྱའོ། །སྲས་ནི་ཤེས་རབ་རྣམ་པར་ངེས་པའི་རྒྱལ་བོ་ཞེས་བྱའོ། །རིམ་གྲོ་པ་ནི་ཤེས་རབ་ཀྱིས་རྣམ་པར་བསྒོམས་ཤིན་སྦྱངས་པའི་སེམས་ཞེས་བྱའོ། ། ཤེས་རབ་ཅན་རྣམས་ཀྱི་མོ་ཆོག་ནི་མ་འཁྲུགས་ཤིང་གིས་རབ་བརྩེགས་པའི་འགྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་ཏུ་རྣམ་པར་ངེས་པའི་རི་བོ་ཞེས་བྱའོ། ། དགྲ་བཅོམ་པ་འདུས་པ་ནི་ལན་དྲུག་ཅུ་སྟེ། ཐམས་ཅད་ལའང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཉམ་པར་བཞག་པའི་བདག་ཉིད་སྐྱེ་བའི་ཡུལ་ནི་ཀུན་ནས་གནས་པར་གྲགས་པ་ཞེས་བྱའོ། ། 362a ༄#། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཞེས་གནས་སྙེད་ཅིང་ཐོབ་པ་ཞེས་བྱའོ། །ཡུམ་ནི་སེམས་ལ་གཡོ་བ་མེད་པ་ཞེས་བྱའོ། །སྲས་ནི་བདུད་རྩི་དྲན་པའི་གཟི་བརྗིད་ཅེས་བྱའོ། །རིམ་གྲོ་པ་ནི་ཐར་པ་རིན་པོ་ཆེའི་སྣོད་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བའི་སེམས་ལ་རབ་ཏུ་ཞི་བའི་འགྲོས་ལ་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཡོ་བ་མེད་པའི་གོ་འཕང་རྣམ་པར་གནོན་པའི་སེམས་ཞེས་བྱའོ། །དགྲ་བཅོམ་པ་འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དགུ་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུག་ནས་སོ། །སྐུ་གདུང་ནི་རིལ་བོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་ད། །དེ་བཞིན་གཤེགས་པ་གཟི་མདངས་སྐྱེ་བའི་ཡུལ་ནི་ཡོན་ཏན་གདངས་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ ། །ཡབ་ནི་ཏོག་མཆོག་གཟི་བརྗིད་རྒྱལ་པོ་ཞེས་བྱའོ། །ཡུམ་ནི་ཡེ་ཤེས་སྔན་བ་སྦྱིན་ཞེས་བྱའོ། །སྲས་ནི་ནོར་ལྷ་གསལ་བ་ཞེས་བྱའོ། །རིམ་གྲོ་པ་ནི་བསོད་ནམས་ཀྱི་ཕུང་པོ་ཏོག་གི་རྒྱལ་མཚན་ཞེས་བྱའོ། །ཤེས་ར་པ་ཅན་རྣམས་ཀྱི་མཆོག་ནི་སྒྲོན་མའི་ཕུང་ 362b པོ་ཆེན་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆགས་པ་མེད་པའི་མཐའ་ཡས་ངེས་པར་འབྱུང་བའི་བློ་ཅན་ཞེས་བྱའོ། །དགྲ་བཅོམ་པ་འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་གྲག་འབུམ་འབུམ་མོ། །སྐུ་ཚེའི་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བདུན་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་བརྒྱལ་རིགས་སྐྱེ་བའི་ཡུལ་ནི་རྒྱལ་པོའི་དྲང་སྲོང་ཕྲུ་གུ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་ངོ ། །ཡབ་ནི་བསོད་ནམས་འབྱོར་བའི་ཏོག་ཅེས་བྱའོ། །ཡུམ་ནི་བསོད་ནམས་འགྲོས་ཞེས་བྱའོ། །སྲས་ནི་ཡུལ་འཁོར་ཆོས་དགེ་ཞེས་བྱའོ། །རིམ་གྲོ་པ་ནི་རྒྱལ་སྲིད་འཕེལ་བར་བྱེད་པའི་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་སྟོབས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བཞིན་དོན་ཡོད་གདོང་ཞེས་བྱའོ། །འདུས་པ་ནི་ལན་བརྒྱད་ཅུ་རྩ་བཞི་སྟེ་ཐམས་ཅད་ལའང་ཐེར་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རི་ལ་བོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐལ་ལྡན་ཤིང་རྟ་སྐྱ་བའི་ཡུལ་ནི་འཇིགས་པ་མོད་པའི་འོད་ཅེས་བྱའོ། །རིགས་ 363a ༄#། །ནི་བྲམ་ཟེའོ། །འོད་ནི་དཔག་ཚད་བཅུ་གསུམ་མོ། །ཡབ་ནི་ཆུ་ལྷས་བྱིན་ཞེས་བྱའོ། །ཡུམ་ནི་ལྟ་བས་མཐོང་ཞས་བྱའོ། །སྲས་ནི་མི་ཟད་པའི་ཏོག་ཅེས་བྱའོ། །རིམ་གྲོ་པ་ནི་ཤིན་ཏུ་འཕགས་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྟ་བ་བསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐེ་ཚོམ་མེད་པའི་བློ་གྲོས་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་རྩ་དྲུག་སྟེ། ཐམས་ཅད་ལའང་དུང་ཕྱུར་ཕྲག་དྲུག་དྲུག་གོ་།སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་བོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གསེར་མཆོག་སྐྱེ་པའི་ཡུལ་ནི་གཟི་བརྗིད་མཆོག་ཅེས་བྱའོ། །རྒྱལ་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་རིན་པོ་ཆེའི་འོད་ཅེས་བྱའོ། །ཡུམ་ནི་བཻ་ཌཱུརྱའི་འོད་ཅེས་བྱའོ། །སྲས་ནི་རིན་ཆེན་ཡོངས་དག་ཅེས་བྱའོ། །རིམ་གྲོ་པ་ནི་རིན་ཆེན་འབྱུང་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་མཐའ་ཡས་སྒྲོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་ཐམས་ཅད་མངོན་པར་ཤེས་པ་ཞེས་བྱའོ། །དགྲ་ 363b བཅོམ་པ་འདུས་པ་ནི་ལན་བཅུ་བདུན་ཏེ། །ཐམས་ཅད་ལའང་ཐེར་འབུམ་ཕྲག་གཉིས་གཉིས་སོ། །སྐུ་ཚེའི་ཆེད་ནི་ལོ་ཉི་ཁྲི་འོ། །དམ་པའི་ཆོས་ཀྱང་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་གྲོལ་པའི་གཙུག་སྐྱེ་བའི་ཕུལ་ནི་དགའ་བ་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཆད་ཁྲིའོ། །ཡབ་ནི་རྨོག་གྱོན་ཞེས་བྱའོ། །ཡུམ་ནི་ཉི་མ་གསལ་བྱེད་ཅེས་བྱའོ། །སྲས་ནི་ཏོག་གི་རྒྱལ་མཚན་ཞེས་བྱའོ། །རིམ་གྲོ་པ་ནི་ཆགས་མེད་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་གཡོ་བ་མེད་པར་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མ་ཆོག་ནི་འོད་མཆོག་ཁ་ལོ་སྒྱུར་བ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཞི་བཅུ་རྩ་གཅིག་སྟེ། ཐམས་ཅད་ལའང་ས་ཡ་ཕྲག་བཞི་བཞིའོ། །སྐུ་ཚེའི་ཚད་ནི་དན་ལོ་དྲུག་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ལྡན་སྐྱེ་བའི་ཡུལ་ནི་ཆོས་ཀྱི་སྐར་མདའ་སྣང་བ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་རིན་པོ་ཆེའི་སྒྲོན་མ་ཞེས་བྱའོ། །ཡུམ་ནི་བྱང་ཆུབ་དད་ 364a ༄#། །ཅས་བྱའོ། །སྲས་ནི་འགྲོ་བའི་འོད་ཟེར་ཞེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩིའི་བཅུད་ཀྱི་ཏོག་གཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོ་དང་གཟི་བརྗིད་ཅེས་བྱའོ། །དགྲ་བཅོམ་པ་འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་བྱེ་བ་ཕྲག་བརྒྱད་ཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་དགུ་ཁྲི་དགུ་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པ་བར་གྱུར་རོ། ། དེ་བཞིན་གཤེགས་པ་སྤོས་གནས་སྐྱེ་བའི་ཡུལ་ནི་འགྲོ་བ་ཐམས་ཅད་དད་པ་ཞེས་བྱའོ། །རིགས་ནི་བམ་ཟེའོ། །འོད་ནི་དབང་ཚད་བཅུ་བདུན་ནོ། །ཡབ་ནི་གནས་དང་གནས་མ་ཡིན་པ་སྤོང་ཞེས་བྱའོ། །ཡུམ་ནི་རྟོགས་པའི་དོན་ལ་གནས་པ་འབྱོར་བ་ལྡོག་པར་བྱེད་པ་ཞེས་བྱའོ། །སྲས་ནི་འགྲོ་བ་ཐམས་ཅད་མི་འབྱུང་བར་གྱུར་པ་ཞེས་བྱའོ། །རིམ་གྲོ་པ་ནི་ཀླུའི་བདག་པོ་ཁྱིམ་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོ་བ་ཐམས་ཅད་རབ་ཏུ་ཞི་བར་བྱེད་པའི་སྣང་བ་ཐོབ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྟོགས་པ་དང་བློ་གྲོས་ཀྱི་ཡོངས་སུ་སྤང་བར་སེམས་པ་ཞེས་བྱའོ། །འདུས་པ་ནི་ལན་ཉི་ཤུ་ 364b རྩ་གཉིས་སྟེ། ཐམས་ཅད་ལའང་བྱེ་བ་ཕྲག་བདུན་ཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སུམ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲེགས་པ་སྤངས་པ་སྐྱེ་བའི་ཡུལ་ནི་མཁས་པའི་བློ་གྲོས་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །ཡབ་ནི་ཁེངས་པ་མེད་པའི་བློ་ཞེས་བྱའོ། །ཡུམ་ནི་སྤྱོད་པ་མ་འཁྲུལ་ཞེས་བྱའོ། །སྲས་ནི་སེངྒེའི་མཐུ་རྩལ་ང་རོ་ཞེས་བྱའོ། །རིམ་གྲོ་པ་ནི་མཆོད་མཆོག་ཐོབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཕགས་པ་ལ་དད་པའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་སྤོད་པའི་བློ་གྲོས་ཞེས་བྱའོ། །དགྲ་བཅོམ་པ་འདུས་པའི་ནི་ལན་བདུན་སྟེ། ཐམས་ཅད་ལའང་ཐེར་འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་བརྒྱད་སྟོང་ངོ ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རི་པོ་གཅིག་ཏུ་འདུག་གོ། །མཆོག་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་ཀྱི་མཛོད་སྐྱེ་བའི་ཡུལ་ནི་ཡོན་ཏན་མཐའ་ཡས་པ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་བའི་འཇིག་རྟེན་གྱི་ཁམས་བརྒྱད་ཙམ་མོ། །ཡབ་ནི་གཟུགས་ཀྱི་བརྡ་ཟད་མི་ 365a ༄#། །ཤེས་པའི་བློ་གྲོས་ཤེས་བྱའོ། །ཡུལ་ནི་འོད་གསལ་བློ་གྲོས་མ་ཞེས་བྱའོ། །སྲས་ནི་དགའ་བའི་དབྱིངས་ཞེས་བྱའོ། །རིམ་གྲོ་པ་ནི་ཀླུ་དབྱངས་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་དུ་རྣམ་པར་གྲོལ་བའི་རིན་པོ་ཆེ་ལ་རབ་ཏུ་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་གསལ་བ་བརྩེགས་ཞེས་བྱའོ། །དགྲ་བཅོམ་འདུས་པ་ནི་ལན་བཅུ་བཞི་སྟེ། །ཐམས་ཅད་ལའང་བྱེ་བ་ཕྲག་ཉི་ཤུ་རྩ་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པར་གཤེགས་པ་སྐྱེ་བའི་ཡུལ་ནི་སྙིང་རྗེ་དང་གཏེ་མུག་མེད་པ་རིན་པོ་ཆེ་ཞིས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཅུའོ། །ཡབ་ནི་སྙིང་རྗེ་ཆེར་སེམས་ཞེས་བྱའོ། །ཡུམ་ནི་སྒྲིབ་མེད་བྱམས་པ་མཐོང་ཞེས་བྱའོ། །སྲས་ནི་བལྟ་བཟོད་ཅེས་བྱའོ། །རིམ་གྲོ་པ་ནི་ལུས་བཟང་གཟི་བརྗིད་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཐམས་ཅད་ཡང་དག་པར་འཕགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པ་ཀུན་ཏུ་མཛེས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་ 365b བདུན་ཅུ་སྟེ། ཐམས་ཅད་ལའང་འབུམ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་བརྒྱད་སྟོང་ངོ ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཙནྡན་སྐྱེ་བའི་ཡུལ་ནི་ཡུལ་འཁོར་བརྟན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ ། །ཡབ་ནི་མཁས་བརྩོན་ཞེས་བྱའོ། །ཡུམ་ནི་བརྩོན་པ་མི་གཏོང་བ་ཞེས་བྱའོ། །སྲས་ནི་མཐུ་རྩལ་གནས་ཞེས་བྱའོ། །རིམ་གྲོ་པ་ནི་གཞན་གྱིས་མི་ཐུབ་པའི་མཐུ་རྩལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མཐུ་རྩལ་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་མཆོད་འོས་ཐོབ་ཅེས་བྱའོ། །དག་བཅོམ་པ་འདུས་པ་ནི་ལན་དགུ་བཅུ་སྟེ། ཐམས་ཅད་ལའང་བྱེ་བ་ཕྲག་དྲུག་ཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་པའི་རྒྱུར་རོ། །དེ་བཞིན་གཤེགས་པ་མྱ་ངན་མེད་པ་སྐྱེ་བའི་ཡུལ་ནི་མྱ་ངན་དང་བྲལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཁྲི་ཞི་སྟོང་ངོ ། །ཡབ་ནི་གསལ་དག་ཅེས་བྱའོ། །ཡུམ་ནི་མྱ་ངན་ཐམས་ཅན་གཏོང་ཞེས་བྱའོ། །སྲས་ནི་ 366a ༄#། །སྨོན་ལམ་མ་འཁྲུལ་པ་ཞེས་བྱའོ། །རིམ་གྲོ་པ་ནི་བློ་མ་འཛིངས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མ་འདྲེས་པར་སེམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྟ་གསལ་བློ་ཅན་ཞེས་བྱའོ། །ཉན་ཐོས་འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་ཕྲག་སུམ་ཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་སུམ་སུམ་སྟོང་ངོ ། །དམ་པའི་ཆོས་རི་ལོ་དགུ་ཁྲི་དུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེངྒེའི་འོད་ཟེར་སྐྱེ་བའི་ཡུལ་ནི་བདག་མེད་པ་དང་ལྡན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུ་རྩ་དྲུག་གོ། །ཡབ་ནི་ཆོས་མཐོང་ཞེས་བྱའོ། །ཡུམ་ནི་སྟོང་པ་ཉིད་ལ་གནས་པ་ཞེས་བྱའོ། །སྲས་ནི་ཀུན་ཏུ་ལྟ་བ་ཅན་ཞེས་བྱའོ། །རིམ་གྲོ་པ་ནི་བཀོད་པ་མི་གནས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོངས་མཐོང་བློ་ངེས་ཞེས་བྱའོ། ། ཉན་ཐོས་འདུས་པ་ནི་ལན་སུམ་ཅུ་རྩ་གཉིས་སྟེ། ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་ཉིས་ཁྲི་ 366b ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡུལ་འཁོར་ཏོག་སྐྱེ་བའི་ཡུལ་ནི་ཡུལ་འཁོར་མཐའ་ཡས་ཏོ་གཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་ཏོག་གི་ང་རོ་ཞེས་བྱའོ། །ཡུམ་ནི་ཏོག་འབྲང་ཞེས་བྱའོ། ། སྲས་ནི་མཐའ་ཡས་ཏོག་ཅེས་བྱའོ། །རིམ་གྲོ་པ་ནི་ཡོན་ཏན་རིན་ཆེན་རྣམས་པར་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཏོག་གསལ་ཞེས་བྱའོ། །རྫུ་ཕྲུལ་ཅན་རྣམས་ཀྱི་མཆོག་ནི་ལྷ་དགའ་ཁ་ལོ་སྒྱུར་ཞེས་བྱའོ། །ཉན་ཐོས་འདུས་པ་ནི་ལན་བཅུ་གཉིས་ཏེ། ཐམས་ཅད་ལའང་སྟོང་ཕྲག་བཅོ་ལྔ་བཅོ་ལྔའོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པདྨའི་སྙིང་པོ་སྐྱེ་བའི་ཡུལ་ནི་མེ་ཏོག་ཐམས་ཅད་འབྱུང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་གཉིས་སོ། །ཡབ་ནི་སྙན་པ་ཐོབ་ཅེས་བྱའོ། །ཡུམ་ནི་ཡེ་ཤེས་ཅན་ཞེས་བྱའོ། །སྲས་ནི་གཞལ་མེད་གཟི་བརྗིད་བཟང་པོ་ཞེས་བྱའོ། །རིམ་གྲོ་པ་ནི་ལྷའི་ 367a ༄#། །ཚོགས་ཀྱི་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྟ་བ་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྟ་པ་མཐའ་ཡས་འཕགས་ཞེས་བྱའོ། །ཉན་ཐོས་འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་བྱེ་བ་ཕྲག་བཅོ་བརྒྱད་བཅོ་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བདུན་འཁྲིའི་བར་དུ་གནས་སོ། །སྐུ་གདུང་ནི་རིལ་བོ་གཅིག་ཏུ་འདུག་གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་མཐའ་ཡས་སྐྱེ་བའི་ཡུལ་ནི་ཡོན་ཏན་གཟི་བརྗིད་ཀྱིས་རྣམ་པར་བརྒྱན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུའོ། །ཡབ་ནི་ལྷས་མཆོད་ཅེས་བྱའོ། ། ཡུལ་ནི་འོད་སྦྱིན་མ་ཞེས་བྱའོ། །སྲས་ནི་བློའི་སྒྲོན་མ་ཞེས་བྱའོ། །རིམ་གྲོ་པ་ནི་མཐའ་ཡས་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བ་ཀུན་ཏུ་འབྱུང་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སོ་བཟང་ཞེས་བྱའོ། །ཉན་ཐོས་འདུས་པ་ནི་ལན་དྲུག་ཅུ་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་འོད་ཟེར་སྐྱེ་བའི་ 367b ཡུལ་ནི་ལྷ་དད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་མཐུ་རྩལ་མི་གཡོ་བ་ཞེས་བྱའོ། །ཡུམ་ནི་མཆོད་དོན་ཞེས་བྱའོ། །སྲས་ནི་མཆོད་འདོད་ཅེས་བྱའོ། །རིམ་གྲོ་པ་ནི་མེ་ཏོག་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་ཆེན་ཐོབ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་ཏུ་མཐུ་རྩལ་སྟོབས་ཞེས་བྱའོ། །ཉན་ཐོས་འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་འབུམ་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཤེས་རབ་མེ་ཏོག་སྐྱེ་བའི་ཡུལ་ནི་རིན་པོ་ཆེའི་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་ཡོན་ཏན་མེ་ཏོག་ཅེས་བྱའོ། །ཡུམ་ནི་བདུད་རྩེའི་མེ་ཏོག་ཅེས་བྱའོ། །སྲས་ནི་བསོད་ནམས་མེ་ཏོག་ཅེས་བྱའོ། །རིམ་གྲོ་པ་ནི་མྱ་ངན་ལས་འདས་པའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྟེན་གྱི་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་མེ་ཏོག་ཅེས་གཟི་བརྗིད་ཅེས་བའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལའང་ས་ཕྲག་གསུམ་ 368a ༄#། །གསུམ་མོ། །སྐུ་ཚེའི་ཚད་ནི་ལོ་བུན་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཁས་པ་སྐྱེ་བའི་ཡུལ་ནི་རིན་པོ་ཆེ་བཀོད་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཅུ་རྩ་པ་ཞེའོ། །ཡབ་ནི་པདྨའི་སྙིང་པོ་ཞེས་བྱའོ། །ཡུམ་ནི་མེ་ཏོག་བཟང་པོའི་གཟི་བྱིན་མ་ཞེས་བྱའོ། །སྲས་ནི་བསོད་ནམས་གཟི་བརྗིད་གཟུགས་བརྙན་གཟི་བྱིན་སེམས་ཞེས་བྱའོ། །རིམ་གྲོ་པ་ནི་སྤ་གོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་སྦྱིན་གོ་བགོས་ང་རོའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་གསལ་དྲི་མེད་སེམས་ཞེས་བྱའོ། ། ཉན་ཐོས་འདུས་པ་ནི་ལན་བཅུ་བཞི་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་འབྱོར་ལྡན་སྐྱེ་བའི་ཡུལ་ནི་རིན་པོ་ཆེ་འབྱོར་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བརྒྱའོ། །ཡབ་ནི་རིན་ཆེན་གཟི་བརྗིད་སྣང་བ་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་རིན་པོ་ཆེའི་འབྱུང་གནས་ཞེས་ 368b བྱའོ། །རིམ་གྲོ་པ་ནི་རིན་པོ་ཆེའི་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཟང་མཆོག་དཔལ་ཞེས་བྱའོ། །ཉན་ཐོས་འདུས་པ་ནི་ལན་དགུ་སྟེ། ཐམས་ཅད་ལའང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚངས་པ་དབྱིག་སྐྱེ་བའི་ཡུལ་ནི་དབྱིག་སྣང་ཞེས་བྱའོ། ། རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཅུའོ། །ཡབ་ནི་གཟུངས་ཀྱི་ང་རོ་ཞེས་བྱའོ། །ཡུམ་ནི་ཚངས་མཆོག་དཔལ་ཞེས་བྱའོ། །སྲས་ནི་ཐར་པ་ལ་དམིགས་པའི་རྒྱལ་པོ་ཞེས་བྱའོ། །རིམ་གྲོ་པ་ནི་ཕུང་པོ་མཐའ་ཡས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པའི་རྒྱལ་མཚན་རྒྱལ་ཆེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བདུད་རྩི་གནས་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་ཅུ་རྩ་བརྒྱད་དེ། ཐམས་ཅད་ལའང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕྱག་ན་རིན་ཆེན་ 369a ༄#། །སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་རིན་ཆེན་ལག་ཅེས་བྱའོ། །ཡུམ་ནི་རིན་ཆེན་མཐའ་ཡས་མ་ཞེས་བྱའོ། །སྲས་ནི་ཡོན་ཏན་རྣམ་པར་ལྟ་ཞེས་བྱའོ། །རིམ་གྲོ་པ་ནི་རིན་ཆེན་མིག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་བཀོད་པའི་ལུས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་མ་སྨད་ཅེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ་ཐམས་ཅད་ལའང་ས་ཡ་ཕྲག་དྲུག་དྲུག་གོ ། སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། ། དེ་བཞིན་གཤེགས་པ་དབང་ལྡན་སྐྱེ་བའི་ཡུལ་ནི་དབང་པོའི་རྒྱན་བཀོད་པ་རྣམ་པར་གྲངས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུའོ། །ཡབ་ནི་དབང་པོས་བྱིན་ཞེས་བྱའོ། །ཡུམ་ནི་ལྷ་མ་ཡིན་གྱི་གཟི་བརྗིད་ཅེས་བྱའོ། །སྲས་ནི་དབང་གསལ་བྱིན་ཞེས་བྱའོ། །རིམ་གྲོ་པ་ནི། དཔལ་བརྩེགས་དབང་པོ་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་སྣང་བྱེད་རྒྱལ་མཚན་གྲགས་པ་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་ 369b མཆོག་ནི་ཆགས་པ་མེད་པར་གནས་པ་ལ་མཁས་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་ཅུ་རྩ་དྲུག་སྟེ་ཐམས་ཅད་ལའང་ཐེར་འབུམ་ཕྲག་དྲུག་ཅུ་དྲུག་ཅུའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྫོགས་པར་གསུང་བ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་མི་ཐུབ་ཐུལ་ཞེས་བྱའོ། །ཡུམ་ནི་ཡོན་ཏན་གསལ་ཞེས་བྱའོ། །སྲས་ནི་བློ་མཆོག་ཅེས་བྱའོ། །རིམ་གྲོ་པ་ནི་ཞི་བ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཕགས་དད་གཟེ་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་གདོན་མེ་ཟ་བའི་རྒྱལ་པོ་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་ཅུ་རྩ་བཞི་སྟེ་ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཆོག་གསུང་སྐྱེ་བའི་ཡུལ་ནི་ཤིན་ཏུ་ལྟ་ན་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ 370a ༄#། །བརྒྱའོ། །ཡབ་ནི་འོད་མཆོག་དཔལ་ཞེས་བྱའོ། །ཡུམ་ནི་ཟིལ་གྱིས་མི་ནོན་པའི་མདོག་ཅན་ཞེས་བྱའོ། །སྲས་ནི་རྣམ་གྲགས་རྒྱལ་པོ་ཞེས་བྱའོ། །རིམ་གྲོ་པ་ནི་བདུད་རྩིའི་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མཐའ་ཡས་སྤྱད་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྒྲ་ལ་བགོས་པ་མེད་པའི་སྟོན་པའི་བློ་གྲོས་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་ཅུ་རྩ་བརྒྱད་དེ། ཐམས་ཅད་ལའང་འབུམ་ཕྲག་བརྒྱད་ཅུ་རྩ་བརྒྱད་བརྒྱད་དོ། །སྐུ་ཚེའི་ཚད་ནི། ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི། རྒྱས་པར་འགྱུར་རོ། །དེ་བཞིན་གཤེགས་པ་མཆོད་འོས་སྐྱེ་བའི་ཡུལ་ནི་གཟི་བརྗིད་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་དོན་དཔྱོད་ཅེས་བྱའོ། ། ཡུམ་ནི་སྐར་འོད་ཅན་ཞེས་བྱའོ། །སྲས་ནི་འཇིག་རྟེན་དགའ་ཞེས་བྱའོ། །རིམ་གྲོ་པ་ནི་འཕགས་པ་དང་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོ་བས་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་སྤོབས་པ་རྣམ་པར་ངེས་པའི་རྒྱལ་པོ་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་ཅུ་རྩ་བཞི་སྟེ། 370b ཐམས་ཅད་ལའང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐར་རྒྱལ་སྐྱེ་བའི་ཡུལ་ནི་གཟི་བརྗིད་མཐའ་ཡས་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་ཞི་བའི་འཇིག་རྟེན་གྱི་ཁམས་སུམ་ཅུ་ཙམ་མོ། །ཡབ་ནི་ཡོན་ཏན་རིན་ཆེན་ཏོག་འོད་གྲགས་ཞེས་བྱའོ། །ཡུམ་ནི་སྤོབས་པའི་རྒྱན་བཀོད་པའི་རྒྱལ་མོ་ཞེས་བྱའོ། །སྲས་ནི་ཡོན་ཏན་རིན་ཆེན་མངོན་པར་ཤེས་པ་ཞེས་བྱའོ། །རིམ་གྲོ་པ་ནི་བདུད་རྣམས་པར་སྐྲག་པར་བྱེད་པ་གཞན་གྱིས་མི་ཐུབ་པའི་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བག་ཚ་བ་མེད་པས་རྣམ་པར་རྩེ་བའི་མངོན་པར་ཤེས་པ་ཐུབ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རབ་ཀྱི་རྩལ་གྱིས་རྣམ་པར་གནོན་པ་ཐུབ་པ་མེད་པའི་ཚོགས་ཅན་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལའང་ཐེར་འབུམ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མ་སྐྱེ་བའི་ཡུལ་ནི་ཉི་མའི་འོད་བཀོད་པ་ཞེས་བྱའོ། །རིགས་ནི་ 371a ༄#། །རྒྱལ་རིགས་སོ། །འོད་ནི་སྟོང་གཉིས་པའི་འཇིག་རྟེན་གྱི་ཁམས་ཙམ་མོ། །ཡབ་ནི་ཕྱོགས་གསལ་གྲགས་ཞེས་བྱའོ། །ཡུམ་ནི་ཉི་མའི་སྙིང་པོ་འོད་ཅེས་བྱའོ། །སྲས་ནི་དྲི་མེད་འོད་འཕྲོ་ཏོག་འགྱུར་བློ་ཞེས་བྱའོ། །རིམ་གྲོ་པ་ནི་འཇིག་རྟེན་གྱི་སྤྱོད་པས་མཆོད་པའི་བཀོད་པའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་པོས་ཕ་རོལ་གནོན་པར་གྲགས་ལ་མ་སྨད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་རིན་པོ་ཆེའི་མེ་ཏོག་རྣམ་པར་རྩི་བའི་དབྱངས་ཅན་ཞེས་བྱའོ། །ཉན་ཐོས་འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དགུ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འདམ་ལས་རྒལ་བ་སྐྱེ་བའི་ཡུལ་ནི་དགའ་བ་བཀོད་པ་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་སུམ་གྱི་འཇིག་རྟེན་གྱི་ཁམས་ཙམ་མོ། །ཡབ་ནི་ཆུ་བོ་སྤོང་ཞེས་བྱའོ། །ཡུམ་ནི་ཡོན་ཏན་རིན་ཆེན་རྒྱ་མཚོའི་བློ་གྲོས་ཞེས་བྱའོ། །སྲས་ནི་དབྱངས་སྙན་བཀོད་པའི་སེམས་ 371b ཞེས་བྱའོ། །རིམ་གྲོ་པ་ནི་ཡེ་ཤེས་མི་ཏོག་མངོན་པར་ཤེས་བའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཏི་མུག་མེད་པའི་གནས་པ་རྣམ་པར་བརྩེ་བའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བཅུ་ལ་རྟོག་ཅིང་མི་ཚུགས་པར་གྲགས་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་ཅུ་རྩ་དྲུག་སྟེ། ཐམས་ཅད་ལའང་བྱང་ཆུབ་སེམས་དཔག་སྐྱེ་བ་གཅིག་གིས་ཐོགས་པ་ཐེར་འབུམ་ཕྲག་རེ་རེ་དང ། །དུང་ཕྱུར་ཕྲག་བདུན་བདུན་དང ། བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་བརྙེས་སྐྱེ་བའི་ཡུལ་ནི་ཡེ་ཤེས་ཀྱིས་རྣམ་པར་སྤྲུལ་ཞིང་གསལ་བར་རབ་ཏུ་བརྒྱན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་ཡེ་ཤེས་འཕེལ་ཞེས་བྱའོ། །ཡུམ་ནི་ཡེ་ཤེས་སྙིང་པོ་ཞེས་བྱའོ། །སྲས་ནི་ཡེ་ཤེས་གསལ་ཞེས་བྱའོ། །རིམ་གྲོ་པ་ནི་ཡེ་ཤེས་ཉན་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚུལ་ཐམས་ཅད་ཀྱིས་བདེན་པའི་ཁྱད་པར་གྱི་སྒྲ་སྒྲོགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་འཕྲུལ་པ་ཐམས་ཅད་ཀུན་ཏུ་སྟོན་པ་ཞེས་བྱའོ། །དགྲ་བཅོམ་པ་འདུས་ 372a ༄#། །པ་ནི་ལན་དྲུག་ཅུ་སྟེ། ཐམས་ཅད་ལའང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་དགུ་མ། དེ་བཞིན་གཤེགས་པ་གྲུབ་པ་སྐྱེ་བའི་ཡུལ་ནི་ནོར་རིན་པོ་ཆེས་ཁོང་སྣུམས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བརྒྱའོ། །ཡབ་ནི་བྱང་ཆུབ་ལ་དད་པའི་མེད་པ་ཞེས་བྱའོ། །ཡུམ་ནི་ཉི་ཟླ་རྣམ་པར་མཐོང་བའི་འོད་ཅེས་བྱའོ། །སྲས་ནི་རིན་ཆེན་མེ་ཏོག་གཟི་བརྗིད་ཅེས་བྱའོ། །རིམ་གྲོ་པ་ནི་ཡོན་ཏན་སྣང་བའི་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་ཚར་གཅོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ནོར་སྦྱིན་མཐུ་རྩལ་མ་འཁྲུལ་སེམས་ཞེས་བྱའོ། །ཉན་ཐོས་འདུས་པ་ནི་ལན་ལྔ་སྟེ། ཐམས་ཅད་ལའང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་ང་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་ 372b བཞིན་གཤེགས་པ་རྨ་བྱ་སྐྱེ་བའི་ཡུལ་ནི་བཀོད་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་ལག་ཤུགས་སྒྲ་སྐད་ཅེས་བྱའོ། །ཡུམ་ནི་མི་མའི་ཅི་འོད་དབྱངས་ཞེས་བྱའོ། །སྲས་ནི་བརྡ་དང་སྒྲ་ཐམས་ཅད་པ་ཞེས་བྱའོ། །རིམ་གྲོ་པ་ནི་གཏི་མུག་མེད་པའི་དབང་ཕྱུག་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་གི་སྒྲ་སྣང་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགེ་བ་བརྒྱ་སྟོང་གིས་རབ་ཏུ་བརྒྱན་པའི་ང་རོ་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལའང་ས་ཡ་ཕྲག་ལྔ་ལྔའོ། །སྐུ་ཚེའི་ཚད་ནི་ལ་སུམ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཆོས་སྦྱིན་སྐྱེ་བའི་ཡུལ་ནི་འོད་ཀྱི་བཀོད་པ་ཡང་དག་པར་བསྒྲུབས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུ་རྩ་དྲུག་གོ་།ཡབ་ནི་ཆོས་ཀྱི་འབྱུང་གནས་ཞེས་བྱའོ། །ཡུམ་ནི་ལེགས་པར་བསམ་པ་སེམས་པ་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཆོས་རིན་པོ་ཆེའི་ཏོག་ཅེས་བྱའོ། །རིམ་གྲོ་པ་ནི་ཆོས་ཀྱི་སྒྲོན་མའི་རྒྱལ་པོ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ 373a ༄#། །ཐམས་ཅད་སྣང་བར་བྱེད་པའི་རྫུ་འཕྲུལ་ཐོབ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་གྱི་ཕུང་པོ་འཕགས་པའི་གཟི་བརྗིད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་ལྔ་སྟེ། ཐམས་ཅད་ལའང་ཉི་ཤུ་ཉི་ཤུའོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་ཉི་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཕན་པར་བཞད་པ་སྐྱེ་བའི་ཡུལ་ནི་གྲགས་པ་མ་སྨད་པའི་གཟུགས་ཞེས་བྱའོ། །རིགས་ནི་རྒྱལ་རིགས་སོ། །འོད་དཔག་ཚད་དགུ་བརྒྱའོ། །ཡབ་ནི་དྲང་སྲོང་སེམས་གསལ་ཞེས་བྱའོ། ། ཡུམ་ནི་ཉི་མའི་གཟུགས་བརྡ་སྟོན་ཞེས་བྱའོ། །སྲས་ནི་སྐྱེ་བའི་ཚུལ་སྣང་བར་བྱེད་པར་གྲགས་པ་ཞེས་བྱའོ། །རིམ་གྲོ་བ་ནི་དགེ་བས་རབ་ཏུ་བརྒྱན་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་པ་མེད་པར་བརྩེགས་པའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཐམས་ཅད་ཀྱིས་བག་ཚ་བ་མེད་པར་གནས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་དགུ་བཅུ་སྟེ། ཐམས་ཅད་ལའང་ས་ཡ་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ 373b ཁྲི་ཆིག་སྟོང་ངོ ། །དམ་པའི་ཆོས་ཀྱང་ལོ་དགུ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་ལྡན་སྐྱེ་བའི་ཡུལ་ནི་ཡེ་ཤེས་ཀྱིས་རྣམས་པར་བརྒྱན་པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་ཡེ་ཤེས་ཀྱི་འབྱུང་གནས་མཐའ་ཡས་པ་ཞེས་བྱའོ། །ཡུམ་ནི་སྤོབས་པ་ཐམས་ཅད་སྟོན་པ་ཞེས་བྱའོ། །སྲས་ནི་དབྱངས་ཀྱི་དབང་གི་རྒྱལ་པོ་སེངྒེའི་སྒྲ་རྣམས་པས་སྒྲོག་པ་ཞེས་བྱའོ། །རིམ་གྲོ་པ་ནི་ཉི་མའི་གཟི་བརྗིད་ཀྱིས་རབ་ཏུ་བརྒྱན་པའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསྒོམ་པ་ལ་དད་པའི་ཁྱིམ་གཏི་མུག་མེད་ཅིང་སྒྲིབ་པ་མེད་པར་གནས་པ་ཞེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་མི་གནས་པའི་བཀོད་པ་ཐུབ་པ་མེད་པའི་ཚོགས་སྟོན་པ་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་འབུམ་ཕྲག་བཅོ་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲི་དྲུག་སྟོང་ངོ ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གྲགས་པ་སྐྱེ་བའི་ཡུལ་ནི་དགའ་བས་རྒྱས་པ་ཡང་དག་པར་རྟོག་པ་ཞེས་བྱའོ། །རིགས་ནི་རྒྱལ་རིགས་ 374a ༄#། །སོ། །འོད་ནི་གླིང་ཆེན་བཞི་པའི་འཇིག་རྟེན་གྱི་ཁམས་བཞི་བཅུ་སྙེད་ཙམ་མོ། །ཡབ་ནི་བསམ་པ་ཐམས་ཅད་འཕགས་ཞེས་བྱའོ། །ཡུམ་ནི་ཡིད་ཀྱིས་སེམས་པ་ཡོངས་སུ་ཚིམ་པར་བྱེད་པ་ཞེས་བྱའོ། །སྲས་ནི་བརྡ་སྐད་ཐམས་ཅད་ལ་རབ་ཏུ་སྤོབས་པ་ཞེས་བྱའོ། །རིམ་གྲོ་པ་ནི་མི་ཐུབ་པའི་ཚོགས་ཀྱི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོའི་རྣ་རྒྱན་སྡུག་པ་ཉམས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་ཀུན་ཏུ་འོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལའང་ཐེར་འབུམ་ཕྲག་སུམ་ཅུ་རྩ་དྲུག་དྲུག་གོ་།སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཟེར་གྱི་དྲ་བ་སྐྱེ་བའི་ཡུལ་ནི་རིན་པོ་ཆེའི་དྲ་བ་མཐའ་ཡས་པ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ལྔ་བཅུ་སྙེད་ཙམ་མོ། །ཡབ་ནི་ཐུབ་པ་མེད་པའི་ཚོགས་སྟོན་པའི་བློ་གྲོས་ཞེས་བྱའོ། །ཡུམ་ནི་དགྲ་ཐུལ་གཟི་བརྗིད་བློ་གྲོས་མ་ཞེས་བྱའོ། །སྲས་ནི་འདོད་ཞོ་ཡུལ་འཁོར་མཆོད་ཅེས་བྱའོ། །རིམ་གྲོ་པ་ནི་བརྡ་སྐད་ཟད་མི་ཤེས་པའི་བློ་ཅན་ 374b ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་པོ་ཆེའི་དྲ་བས་རྣམ་པར་བརྒྱན་པའི་མཛོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་ཀྱི་སྟོབས་ཀྱི་ཕ་རོལ་གནོན་པའི་བློ་ཅན་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་འབུམ་ཕྲག་བཅུ་དྲུག་བཅུ་དྲུག་གོ་།སྐུ་ཚེའི་ཚད་ནི་ལོ་དགུ་ཁྲི་དྲུག་སྟོང་ངོ ། ། དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་བཅོམ་པ་སྐྱེ་བའི་ཡུལ་ནི་མྱ་ངན་མེད་པའི་རྒྱལ་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་སྟོང་ངོ ། །ཡབ་ནི་སེངྒེའི་རྣམ་པར་རྩེ་བའི་གཟི་བརྗིད་ཅེས་བྱའོ། །ཡུམ་ནི་རིན་ཆེན་མེ་ཏོག་ཅན་ཞེས་བྱའོ། །སྲས་ནི་བརྟུལ་ཞུགས་འབྱུང་བའི་རྒྱལ་པོ་ཞེས་བྱའོ། །རིམ་གྲོ་པ་ནི་རྣམ་པར་སྣང་བྱེད་འོད་ཏོག་ཅེས་བྱའོ། །ཤེར་རབ་ཅན་རྣམས་ཀྱི་མཆོག་ནི་རྒྱགས་པའི་སྐྱོན་དང་སྒྲིབ་པ་ཐམས་ཅད་སྤངས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་གསལ་བར་བརྩེགས་པའི་སེམས་ཤེས་བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། ཐམས་ཅད་ལའང་བྱེ་བ་སྟོང་ཕྲག་ཉི་ཤུ་རྩ་བདུན་བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་ 375a ༄#། །འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བཻ་ཌཱུརྱའི་སྙིང་པོ་སྐྱེ་བའི་ཡུལ་ནི་གློག་སྣང་བར་བྱེད་པ་ཤིན་ཏུ་འཕགས་པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་རིན་ཆེན་སྙིང་པོ་འོད་ཅེས་བྱའོ། །ཡུམ་ནི་བྱི་རུ་གསལ་ཞེས་བྱའོ། ། སྲས་ནི་བཟང་མཆོག་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བརྟན་པོས་ཕ་རོལ་གནོན་པ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་བཀོད་པའི་གོ་གྱོན་སེངྒེའི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕྱོགས་བཅུ་མཐོང་བས་རྣམ་པར་རྩེ་བའི་མངོན་པར་ཤེས་པ་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་འོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་སྐྱེ་བའི་ཡུལ་ནི་རིན་པོ་ཆེའི་མེ་ཏོག་གོས་རབ་ཏུ་བརྒྱན་པ་ཅེས་བྱའོ། ། རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུ་རྩ་བཞིའོ། །ཡབ་ནི་རིན་པོ་ཆེའི་མེ་ཏོག་ཐམས་ཅད་སྣང་བ་ཞེས་བྱའོ། །ཡུམ་ནི་རིན་པོ་ཆེའི་མེ་ཏོག་གིས་ 375b རབ་ཏུ་བརྒྱན་པའི་གཟི་བརྗིད་ཕུང་པོ་ཞེས་བྱའོ། །སྲས་ནི་ཁྲུལ་པ་མེད་པའི་སེམས་ཞེས་བྱའོ། །རིམ་གྲོ་པ་ནི་མཐུ་རྩལ་ལེགས་པར་སྤྱོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ལྟ་བས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྡ་སྐད་ཐམ་ཅད་ཀྱི་རྒྱལ་པོ་ཞེས་བྱའོ། །ཉན་ཐོས་འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་ཕྲག་བཅུ་གཉིས་བཅུ་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷའི་རྒྱལ་པོ་སྐྱེ་བའི་ཡུལ་ནི་དགའ་བའི་ཉི་མ་བཀོད་པ་ཞེས་བྱའོ། ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་ལྷ་དང་རབ་བརྒྱན་ཞེས་བྱའོ། །ཡུམ་ནི་རིན་ཆེན་ལྷའི་སྙིང་པོ་ཞེས་བྱའོ། །སྲས་ནི་ངན་སོང་ལས་འདའ་བར་སེམས་པ་ཞེས་བྱའོ། །རིམ་གྲོ་པ་ནི་ཆགས་མེད་སྤོབས་པ་བརྩེགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པའི་རྒྱལ་པོ་བྱང་ཆུབ་འཕགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་པ་ཐམས་ཅད་མགུ་ཞིང་མངོན་པར་དགའ་བར་སེམས་པ་ཞེས་བྱའོ། །ཉན་ཐོས་འདུས་པ་ནི་ 376a ༄#། །ལན་བརྒྱད་ཅུ་སྟེ། ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་ཁྲིའི་ཉིས་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་ཚིག་ལ་མངོན་པར་དགའ་བ་ཅན་ཞེས་བྱའོ། །རིགས་ནི་བྲམ་ཟེའོ། ། འོད་ནི་དཔག་ཚད་སུམ་ཅུའོ། །ཡབ་ནི་འཇིག་རྟེན་པས་བསྔགས་པ་ཞེས་བྱའོ། །ཡུམ་ནི་སེམས་གསལ་མ་ཞེས་བྱའོ། །སྲས་ནི་འཇིག་རྟེན་ཀུན་མཆོག་ཅེས་བྱའོ། །རིམ་གྲོ་པ་ནི་མཆོག་གི་ཡེ་ཤེས་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྲགས་པ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྲིད་པའི་རྒྱ་རྒྱ་མཚོ་ཐམས་ཅད་ལས་རྒྱལ་བའི་གློ་ཅན་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལའང་བྱེ་བ་ཕྲག་རེ་རེའོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ ། །དམ་པའི་ཆོས་ཀྱང་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དྲན་པའི་འོད་སྐྱེ་བའི་ཡུལ་ནི་དྲན་པའི་གོ་བ་གོས་པ་གནས་ཀྱི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ 376b ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ལྔ་བཅུ་ཙམ་མོ། །ཡབ་ནི་བསྐལ་པ་གྲངས་མེད་མཐོང་བར་སེམས་ཞེས་བྱའོ། །ཡུམ་ནི་དུས་གསུམ་མཉམ་ཉིད་བློ་ཞེས་བྱའོ། །སྲས་ནི་རིན་པོ་ཆེའི་ཚོགས་ཀྱི་མཛོད་ཅེས་བྱའོ། །རིམ་གྲོ་པ་ནི་སངས་རྒྱས་ཀྱི་ཡོན་ཏན་གྱི་ཚོགས་ཀྱིས་རྣམ་པར་རྩེ་བའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི། མྱ་ངན་སེལ་བ་བག་ཚ་བ་མེད་པ་ཐོབ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི། ཐོས་པ་ཐམས་ཅད་ཀྱིས་རྣམ་པར་སྤྲུལ་པ་བཀོད་པ་ཞེས་བྱའོ། །འདུས་པ་ནི་ལན་བརྒྱ་སྟེ། ཕྱིར་མི་ལྡོག་པའི་བྱང་ཆུབ་སེམས་དཔའ་ཐེར་འབུམ་ཕྲག་སུམ་ཅུ་སྙེད་དོ། །སྐུ་ཚེའི་ཚད་ནི། ལོ་ཁྲི་ཉིས་སྟོང་ངོ ། །དམ་པའི་ཆོས་ནི་བྱང་ཆུབ་སེམས་དཔའ་ཐམས་ཅད་ཡོངས་སུ་སྨིན་པར་བྱ་བའི་ཕྱིར་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགེ་བའི་འོད་དག་གི་སྐྱེ་བའི་ཡུལ་ནི་འཇིག་རྟེན་མཁས་ཞེས་བྱའོ། །རིགས་ནི་རྒྱལ་རིགས་སོ། །ཡོན་ཏན་འོད་དཔག་ཚད། སུམ་ཅུ་རྩ་གཉིས་ཡབ་ནི་ལེགས་སེམས་ཡིན། ཡོན་ཏན་བུ་ནི་རྒྱལ་ཡུམ་ཡོན་ཏན་སེམས། །སྲས་ཡིན་ཡོན་ཏན་ནོར་ནི་རིམ་གྲོ་པ། །ཡོན་ཏན་ཚོགས་ཀྱི་ཏོག་ནི་བློ་ཅན་ཏེ། །ཡོན་ཏན་ཐམས་ཅད་མཆོག་ནི་རྫུ་འཕྲུལ་ཅན། །འདུས་པ་ལན་གྲངས་ 377a ༄#། །མཐའ་ཡས་ཀུན་ལ་ཡང ། །བྱང་ཆུབ་དག་ལས་ཕྱིར་ནི་མི་ལྡོག་པ། །བྱེ་བ་འབུམ་ཕྲག་འབུམ་ཕྲག་འདུས་པར་འགྱུར། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །སྲིད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་ནག་ནི་རྒྱས་འགྱུར་ལ། །ཞིང་ཁམས་ཀུན་ཏུ་སྐུ་གདུང་དག་གིས་ཁྱབ། །སངས་རྒྱས་ཡོན་ཏན་མཆོག་མ་ཀུན་འོད་ཀྱི། །སྐྱེ་བའི་ཡུལ་ནི་རྫུ་འཕྲུལ་སྣང་ཞེས་བྱ། །རིགས་ནི་བྲམ་ཟེའི་ཡིན་ཏེ་དྲི་མེད་འོད། །དཔག་ཚད་བཅུ་ཡོད་འོད་ཀྱི་དབང་པོ་ཡབ། །ཡོན་ཏན་ཚོགས་ནི་རྒྱལ་ཡུམ་ཡོན་ཏན་མཆོག་།སྲས་ནི་ཡོན་ཏན་དབང་པོ་རིམ་གྲོ་པ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། ཡོན་ཏན་དབང་པོ་གནས་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །མཚུངས་མེད་ཡོན་ཏན་ཀུན་བསགས་སྣང་མེད་ཐོབ། །སྦྱོར་བསྲེགས་བྱེ་བ་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གསུམ་པ་བཀོད་པས་རྣམ་པར་སྤྲས། །དེ་བཞིན་གཤེགས་པ་རིན་པོ་ཆེ་ཡི་དཔལ། །བྱེ་བའི་ཡུལ་ནི་དཔལ་གྱི་ཚོགས་ 377b ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་གྲངས་པའི་དབང་པོ་ཡབ། །དཔལ་མཆོད་མ་ནི་རྒྱལ་ཡུམ་རིན་པོ་ཆེ། །སྲས་ནི་རིན་ཆེན་དཔལ་ནི་རིམ་གྲོ་པ། །གྲགས་པར་གནས་པ་ཤེས་རབ་ཅན་ཡིན་ཏེ། །མཁས་པ་ཞེས་ནི་བྱ་བ་རྫུ་འཕྲུལ་ཅན། །ཀུན་ཀྱང་རི་བོ་ལྷུན་ལྟར་མི་གཡོ་བ། །བྱེ་བ་ཕྲག་ནི་ཉི་ཤུ་བཞི་སྙེད་ཡོད། །ཡོངས་སུ་མྱ་ངན་འདས་པའི་དམ་ཆོས་དག་།ལོ་གྲངས་སུམ་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་ས་ཡ་ས་ཞི་རྣམས་ཁྱབ་པར་འགྱུར། ། དེ་བཞིན་གཤེགས་པ་སྐྱེས་བུ་ཟླ་བུ་ཟླ་བ་ཡི། །སྐྱེ་བའི་ཡུལ་ནི་ཟླ་བས་བརྒྱན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལེགས་མཆོད་ཡིན། །ཟླ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཟླ་བཟང་ཟླ་བ་རིམ་གྲོ་པ། །བཞིན་ལྡན་ཞེས་ནི་བྱ་བ་མཁས་པ་སྟེ། །འཇིག་རྟེན་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །ངར་མི་འཛིན་པ་མཁའ་དང་མཚུངས་པ་པོ། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །སུམ་ཅུ་རྩ་བདུན་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །གསེར་གྱི་རྒྱལ་མཚན་མཆོད་སྟོང་སྙེད་ཀྱིས་སྤྲས། ། 378a ༄#། །འཇིག་རྟེན་མགོན་པོ་སྒྲ་ཅན་སྐྱེ་བ་ཡི། །ཡུལ་ནི་ལྷ་མིན་མཆོད་རྟེན་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །ཉི་ཤུ་རྩ་གཉིས་ཡབ་ནི་ལྷ་དབང་ཡིན། །ལྷ་མ་ཡིན་དབང་བདག་མོ་རྒྱལ་བའི་ཡུམ། །སྲས་པོ་ནོར་ལྡན་ནོར་བཟང་རིམ་གྲོ་བ། །དུལ་གནས་དགའ་ཞེས་བྱ་བ་མཁས་པ་སྟེ། །དགྲ་ཡིས་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལ་ཡང་སྲེད་པ་འགོག་པར་ཐར་པར་དགའ་བ་པོ། །ཐེར་འབུམ་ཕྲག་ནི་གསུམ་གསུམ་ཡོད་པར་འགྱུར། །མི་ཚེ་ལོ་གྲངས་དག་ནི་ཁྲི་ཡང་ཡིན། །སྲིད་མཐར་ཕྱིན་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྲིད་པ་གསུམ་པོར་མཆོད་ཅིང་བཀུར་བར་འགྱུར། །དེ་བཞིན་གཤེགས་པ་བདུད་རྩི་འོད་སྐྱེ་བའི། །ཡུལ་ནི་ཡོན་ཏན་སྣང་བར་བྱད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡབ་ནི་མཐུ་ལྡན་ཡིན། །དང་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་གོ་བ་གོས་དུལ་བ་རིམ་གྲོ་བ། །བདུད་རྩིའི་ང་རོ་ཞེས་བྱ་བ་མཁས་པ་སྟེ། །བསམ་གཏན་པ་ལ་དང་བྱེད་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལའང ། །ཉོན་མོངས་བདུད་ཀུན་འཇོམས་པར་བྱེད་པ་པོ། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་ཅིག་སྟོང་ཡིན། །དམ་ཆོས་ལོ་གྲངས་དྲུག་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་གནས་གསེར་གྱི་བླ་རེར་ལྡན། །རིན་ཆེན་མཆོག་གི་རྣ་རྒྱན་དག་གིས་བརྒྱན། །བདེ་གཤེགས་འཇིག་རྟེན་མཆོག་མ་སྐྱེ་བའི་ཡུམ། །ཤིན་ཏུ་སྙན་པའི་གཏམ་དང་ལྡན་ཞེས་བྱའོ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གསུམ་མེ་ཏོག་བཟང་པོ་ཡབ། །དཔག་རྒྱལ་མེ་ཏོག་རྒྱལ་ཡུམ་མེ་ཏོག་གསལ། །སྲས་ཡིན་ཙམ་པ་ཀ་ནི་རིམ་གྲོ་བ། །མེ་ཏོག་སྡུག་ཅེས་བྱ་བ་མཁས་པ་སྟེ། །འཇིགས་མེད་མེ་ཏོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལའང ། །ཆགས་ལས་འདས་པ་འཇིག་རྟེན་མི་ལྟ་བ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ལྔ་སྟོང་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་གདུང་ནི་མཆོད་རྟེན་གཅིག་ཡིན་ཏེ། །དཔག་ཚད་བཞི་བ་མུ་ཏིག་བླ་རེར་ཅེས། །བཻ་ཌཱུརྱ་ཡི་རྣ་རྒྱན་བརྩེགས་པར་ལྡན། །དེ་བཞིན་གཤེགས་པ་སྐར་མའི་འོད་དག་གི་།སྐྱེ་བའི་ཡུལ་ནི་འོད་འཕྲོ་ཅན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་སྣང་བའི་དབང་པོ་ཡབ། །འོད་འཕྲོག་ 379a ༄#། །སྣང་ཞེས་བྱ་བ་རྒྱལ་བའི་ཡུམ། །སྲས་པོ་མེད་བྱིན་འོད་ལྡན་རིམ་གྲོ་པ། །གློག་འོད་གཟི་བརྗིད་བློ་གྲོས་ཅན་ཡིན་ཏེ། །འོད་འཕྲོ་གསལ་བའི་དཔལ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །ཆུ་བོ་བཞི་ཡི་ཕ་མཐར་ལེགས་གནས་པ། །བྱེ་བ་ཕྲག་ནི་ཉི་ཤུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །ཡོན་ཏན་སློབ་དཔོན་དག་གི་དམ་ཆོས་དག་།ལོ་གྲངས་སུམ་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཚན་མོ་མར་མེ་སྟོང་སྙེད་འོད་ཀྱང་འབར། །དེ་བཞིན་གཤེགས་པ་ཞི་བའི་སྟབས་དག་གི་།སྐྱེ་བའི་ཡུལ་ནི་མཁས་པས་མཆོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བདུན་ཡབ་ནི་རྣམ་གྲོལ་ཡིན། །དགྲ་བཅོམ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་འཆད་མཁན་དགེ་ལེགས་རིམ་གྲོ་པ། །མཆོད་རྟེན་ཆེན་པོ་ཞེས་བྱ་མཁས་པ་སྟེ། །རྒོལ་བས་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །འཇིག་རྟེན་ཟང་ཟིང་མེད་པའི་དགྲ་བཅོམ་པ། ། བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །དམ་ཆོས་ལོ་གྲངས་སུམ་ཁྲི་ཆིག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ 379b ཡིན་ཏེ། །དཔག་ཚད་བཞི་པ་རིན་ཆེན་ཕལ་པོ་ཆེའི། །དྲ་བས་སྤྲས་པས་འོད་ནི་མཐའ་ཡང་ཡས། །དེ་བཞིན་གཤེགས་པ་ཡེ་ཤེས་རྒྱ་མཚོ་ཡི། །སྐྱེ་བའི་ཡུལ་ནི་ཡེ་ཤེས་ཚོགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་གསུམ་ཡབ་ནི་ཡོན་ཏན་དོན། །དོན་འདོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་གཞི་ཟླ་དབང་རིམ་གྲོ་པ། །མཆོད་རྟེན་ཤིང་རྟ་ཞེས་བྱ་མཁས་པ་སྟེ། །འཇིགས་མེད་ཡེ་ཤེས་ལྡན་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །སྲེད་པའི་རྒྱ་མཚོ་རྣམ་པར་སྐེམས་པ་པོ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།འོད་ཀྱང་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་དུ་འོད་ནི་མཐའ་ཡང་ཡས། །ཆོས་ཀྱི་དབང་ཕྱུག་རི་ཡི་དབང་པོ་ཡི། །སྐྱེ་བའི་ཡུལ་ནི་མཛེས་པར་སྤྲས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལྷ་བཟང་ཡིན། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ཙནྡན་སྤོས་བཟང་རིམ་གྲོ་པ། །རིན་ཆེན་འགྲོས་ཞེས་བྱ་བ་མཁས་པ་སྟེ། །ཆོས་ལ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །དགྲ་བཅོམ་ཐམས་ཅད་ཆགས་ 380a ༄#། །པ་མེད་གྱུར་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། ། ལོ་གྲངས་སུམ་ཁྲི་བཞི་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་དམ་པའི་གྲངས། །བྱེ་བ་སྟོང་ཕྲག་ཉི་ཤུ་རྩ་གཉིས་འབྱུང ། །མི་ཡི་མགོན་པོ་རབ་ཏུ་ཞི་བ་ཡི། །སྐྱེ་བའི་ཡུལ་ནི་གྲགས་པར་སྣང་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཤིན་ཏུ་ཞི་བ་ཡབ། །ཞི་གནས་དགའ་ཞེས་བྱ་བ་རྒྱལ་བའི་ཡུམ། ། སྲས་པོ་ཞི་བྱིན་ཞི་དབང་རིམ་གྲོ་པ། །བདུད་བཞི་བྱེད་པ་བློ་གྲོས་ཅན་ཡིན་ཏེ། །ཡིད་དབང་ཤིང་དུ་ཞི་བ་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལ་ཡང ། ། སྲིད་པ་འཛིན་པའི་མདུད་པ་རྣམ་གྲོལ་པ། །བྱེ་བ་ཕྲག་ནི་བདུན་ཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རིན་ཆེན་བདུན་ལས་བྱས། །དེ་བཞིན་གཤེགས་པ་ཡོན་ཏན་མཐའ་སྟོབས་ཀྱི། །སྐྱེ་བའི་ཡུལ་ནི་ལེགས་པར་སྐྱེས་ཞེས་བྱ། །རིགས་ནི་བྲམ་ཟེ་ཁྱད་པར་འཕགས་པའི་འོད། །དཔག་ཚད་བདུན་ཅུ་ཡབ་ནི་ལེགས་བརྩེགས་ 380b ཡིན། །ཡོན་ཏན་འོད་འཕྲོ་རྒྱལ་ཡུམ་ཡོན་ཏན་མཆོག་།སྲས་ཡིན་ཡོན་ཏན་གཙོ་བོ་རིམ་གྲོ་པ། །ཡོན་ཏན་ཁ་ལོ་སྒྱུར་བ་མཁས་པ་སྟེ། །ཡོན་ཏན་དབང་པོ་གསལ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་དྲུག་ཀུན་ལའང ། །དགྲ་བཅོམ་ཐམས་ཅད་ཆགས་མེད་གནས་པོ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་ཏོག་མཆོག་བླ་བྲེར་ལྡན། །དེ་བཞིན་གཤེགས་པ་ལྷ་ཡི་དབང་པོ་ཡི། །སྐྱེ་བའི་ཡུལ་ནི་དབང་པོས་བརྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། ། དཔག་ཚད་བཅུ་ཡོད་ཡབ་ནི་དབང་ཆེན་ཡིན། །དགེ་དབང་བློ་གྲོས་རྒྱལ་ཡུམ་སྲས་པོ་དེ། །ཚིག་ལེན་ནོར་ཀུན་བཟང་པོའི་རིམ་གྲོ་པ། །དབང་པོ་རྒྱལ་མཚན་ཏོག་གི་བློ་ཅད་ཏེ། ། བག་ཡོད་རྣམ་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གཉིས་ཀུན་ལའང ། །འཆིང་དང་འདྲ་བ་འདོང་བར་བྱེད་པ་པོ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། ། མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སུམ་ཁྲི་དྲུག་སྟོང་གནས། །མཆོད་རྟེན་དཔག་ཚད་བརྒྱད་པ་འབྱུང་ 381a ༄#། །འགྱུར་ཏེ། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །མི་ཡི་འདྲེན་པ་དབྱངས་དག་སྙན་པ་ཡི། །སྐྱེ་བའི་ཡུལ་ནི་དབྱངས་ཀྱི་ཡན་ལག་ཡིན། ། རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དབྱངས་སྙན་ཡིན། །གདངས་སྙན་མ་ནི་རྒྱལ་ཡུམ་སྲས་པོ་ནི། །མཆོག་མ་ཤིན་ཏུ་རྒྱལ་དཀའ་རིམ་གྲོ་པ། །ཡོན་ཏན་གྲགས་པའི་དབང་ཕྱུག་བློ་ཅན་ཏེ། །འཇིག་རྟེན་དག་གིས་མི་འཇིགས་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་དྲུག་ཀུན་ལའང ། །རིགས་ཀྱི་འོད་ལྡན་ལུང་ནི་མཚུངས་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །དངོས་པོ་མེད་པར་ཕྱིན་པའི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །མི་མཆོག་མྱ་ངན་འདས་ནས་སྐུ་གདུང་ནི། །མཆོད་རྟེན་དཔག་ཚད་སུམ་ཅུ་པ་གཅིག་འབྱུང ། །དེ་བཞིན་གཤེགས་པ་ངོས་བཟང་སྐྱེ་བ་ཡི། །ཡུལ་ནི་གཟི་བརྗིད་སྣང་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ལྷ་བཟང་ཡིན། །རིལ་བ་སྟོབས་བརྟན་རྒྱལ་ཡུམ་སྲས་པོ་ནི། །དཀའ་ཐུབ་ཆེན་པོ་མཐོང་ལྡན་རིམ་གྲོ་པ། །ཕྱོགས་རྣམས་རྣམ་པར་ལྟ་བ་མཁས་པ་སྟེ། །འཇིག་རྟེན་སྒྲོན་མ་འབྱིན་པ་རྫུ་འཕྲུལ་ཅན། །འདུས་པ་ལན་ 381b གྲངས་བདུན་ཅུ་ཀུན་ལའང ། །དྲེ་བ་སྲང་དྲི་མེད་ཐེར་འབུམ་ཐེར་འབུམ་ཡོད། །མི་རྣམས་དག་གི་ཚེའི་ཚད་དག་ཀྱང ། །ལོ་གྲངས་བདུན་ཁྲི་སུམ་སྟོང་ཐམ་པ་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་ཚད་པའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ལྷ་མི་དག་གིས་བསྟོད་ཅིང་མཆོད་པར་འགྱུར། ། མི་ཡི་འདྲེན་པ་དོན་ལ་གནས་པ་ཡི། །སྐྱེ་ཡུལ་དོན་སྟོན་བློ་གྲོས་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་དོན་བྱས་ཡིན། ། དོན་སྒྲ་ཞེས་ནི་བྱ་བ་རྒྱལ་བའི་ཡུམ། །སྲས་པོ་མཆོག་མ་འགྲོས་ལྷན་རིམ་གྲོ་པ། །འགྲོ་དོན་སྐྱོང་ཞེས་བྱ་བ་མཁས་པ་སྟེ། །འཇིག་རྟེན་སྒྲོན་མ་འབྱིན་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །དགྲ་བཅོམ་དང་མི་འཛིན་པ་སྡིག་སྦྱངས་པ། །ལེགས་གནས་དེ་དག་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་འབུམ་ཕྲག་སྙེད་ཀྱིས་བརྒྱན་པར་འགྱུར། །དེ་བཞིན་གཤེགས་པ་ཡོན་ཏན་གཟི་བརྗིད་དཔལ། །སྐྱེ་ཡུལ་ཡོན་ཏན་ཐམས་ཅད་འབྱུང་ཞེས་བྱ། །རིགས་ནི་རྒྱལ་རིགས་ 382a ༄#། །ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡབ་ནི་གཟུགས་བཟང་ཡིན། །གཟི་བརྗིད་འོད་ནི་རྒྱལ་ཡུམ་སྲས་པོ་ནི། །གཟི་བྱིན་ཡོན་ཏན་གཟི་བརྗིད་རིམ་གྲོ་པ། །ཕྱོགས་མཆོད་པ་ཞེས་བྱ་བ་མཁས་པ་སྟེ། །བདུད་རབ་འཇོམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །དགྲ་བཅོམ་བྱེ་བ་བཅུ་དྲུག་བཅུ་དྲུག་ཡོད། །མི་རྣམས་དག་གི་ཚེ་ཡི་ཚད་དག་ཀྱང ། །ལོ་གྲངས་ཉི་ཁྲི་བདུན་སྟོང་ཐམ་པ་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །པདྨ་འབུམ་ཕྲག་སྙེད་ཀྱི་བརྒྱན་པར་འགྱུར། །དེ་བཞིན་གཤེགས་པ་མཁྱེན་ལྡན་ཟླ་མེད་པ། །སྐྱེ་ཡུལ་ཤེས་ལྡན་སྣང་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གསུམ་མཆོད་སྦྱིན་བཟང་པོ་ཡབ། །ཡེ་ཤེས་ཅན་ནི་རྒྱལ་ཡུམ་ཤེས་ལྡན་བྱིན། །སྲས་ཡིན་ལེགས་པའི་མཆོད་སྦྱིན་རིམ་གྲོ་པ། །ཡེ་ཤེས་དབང་ཕྱུག་ཅེས་བྱ་མཁས་པ་སྟེ། །ཆགས་མེད་རྣམ་པར་གྲོལ་བ་རྫུ་འཕྲུལ་ཅན། ། འདུས་པ་ལན་གྲངས་ཉི་ཤུ་གཉིས་ཀུན་ལའང ། །སྲེད་ཕྱགས་དྲི་མ་ངག་དང་བྲལ་བ་པོ། བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་སྟོང་ཡང་ 382b ཡིན། །དམ་ཆོས་ལོ་གྲངས་བདུན་ཁྲི་དྲུག་གོ་སྟོང་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་གྲངས། །བཅུ་གསུམ་པ་སྟེ་གཅིག་ཅིག་འབྱུང་འགྱུར་ལ། །གསེར་གྱི་བླ་བྲེ་བརྒྱ་ཕྲག་སྙེད་ཀྱིས་བརྒྱན། །དེ་བཞིན་གཤེགས་པ་ང་རོ་དཔག་མེད་ཀྱི། །སྐྱེ་བའི་ཡུལ་ནི་རྟ་སྐད་དབྱངས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་ཡབ་ནི་དབྱངས་སྙན་ཡིན། །ཤེས་ལྡན་དབྱངས་ནི་ཡུམ་ཡིན་སྲས་པོ་ནི། །བྱེ་བརྒྱད་པ་ཡིན་སྙན་ལྡན་རིམ་གྲོ་པ། །གདངས་སྙན་པ་ཞེས་བྱ་བ་མཁས་པ་སྟེ། ། བདུད་རྣམས་རྣམ་པར་འཇིག་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལའང ། །ཐུབ་པའི་དགྲ་བཅོམ་ཡེ་ཤེས་མཆོད་ལྡན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་སྟོང་ཕྲག་སྙེད་ཀྱིས་ཀུན་ཏུ་གང ། །སྐྱེས་བུ་དམ་པ་འོད་བཟང་སྐྱེ་བ་ཡི། །ཡུལ་ནི་འོད་ཀྱིས་ལེགས་པར་བརྒྱན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་མཐུ་ལྡན་ཡིན། །གཟི་བརྗིད་ཆེན་མོ་ཅན་ནི་རྒྱལ་བའི་ཡུམ། །སྲས་པོ་ཚངས་སྦྱིན་ཡུལ་ས་རིམ་གྲོ་པ། །ཉི་ 383a ༄#། །མའི་འོད་ཅེས་བྱ་བ་མཁས་པ་སྟེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལའང ། །ཚངས་པར་སེམས་བཟང་ལྷ་ཡིས་མཆོད་འགྱུར་བ། །བྱེ་བ་ཕྲག་ནི་ཤུ་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག། ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འཇིག་རྟེན་ཕན་ཕྱིར་རྒྱལ་བར་རྣམ་པར་བཀང ། །འཇིག་རྟེན་མཆོག་མ་ཤིན་ཏུ་ཐུགས་གཞུངས་པའི། །སྐྱེ་བའི་ཡུལ་ནི་བྱང་ཆུབ་ཚོགས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་གསལ་བ་ཡིན། །གཟི་བརྗིད་འོད་ལྡན་མ་ནི་རྒྱལ་བའི་ཡུམ། །སྲས་པོ་ཡུལ་དུ་ལེགས་མཐོང་རིམ་གྲོ་པ། །མི་སྙོམས་ཏོག་ནི་བློ་གྲོས་ཅན་ཡིན་ཏེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། ། འདུས་པ་ལན་གྲངས་ཉི་ཤུ་ཀུན་ལའང ། །ཐམས་ཅད་ཟང་ཟིང་མེད་པའི་ཆོས་སྦྱིན་བྱེ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །འཕང་སྲིད་དུ་ནི་དཔག་ཚད་བཞི་འཕགས་ལ། །གསེར་གྱི་རྒྱན་ 383b དག་གིས་ནི་འཁོར་བར་བསྐོར། །དེ་བཞིན་གཤེགས་པ་དོན་དགོངས་གཏི་མུག་བྲལ། །སྐྱེ་ཡུལ་རྣམ་པར་གྲོལ་བ་མཆོག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། ། སུམ་ཅུ་རྩ་གསུམ་ཡབ་ནི་ལེགས་བཟང་ཡིན། །བཟང་བྱེད་མ་ཞེས་བྱ་བ་རྒྱལ་བའི་ཡུམ། །སྲས་པོ་བཟང་ལྡན་ཟླ་ལེགས་རིམ་གྲོ་པ། །ཡོན་ཏན་གྲགས་པར་བྱེད་པ་བློ་ཅན་ཏེ། །འཇིག་རྟེན་རྣམ་པར་སྣང་བྱེད་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་གཅིག་ལའང ། །ཁུར་བོར་ཕ་རོལ་དག་དུ་ཕྱིན་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་གཅིག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག། ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་ཀུན་ནས་ལེགས་པར་སྤྲས། །སངས་རྒྱས་དབྱངས་ཀྱི་ཡན་ལག་ཁྱད་འཕགས་ཀྱི། །སྐྱེ་ཡུལ་ཁྱད་འཕགས་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་ཡབ་ནི་ང་རོ་མཆོག་།གདང་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་ཡིད་འཐད་རིམ་གྲོ་པ། །རབ་ཏུ་ཞི་བའི་ང་རོ་མཁས་པ་སྟེ། །དབྱངས་ཀྱི་ཡན་ལག་ཁྱད་འཕགས་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལའང ། །ལྟ་ 384a ༄#། །བ་གསལ་བ་གཏི་མུག་མེད་གྱུར་པ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་མཛེས་པར་བྱས། །རྒྱལ་བ་མཆོག་ཏུ་མཛེས་པོར་གཤེགས་པ་ཡི། །སྐྱེ་བའི་ཡུལ་ནི་འཇིག་རྟེན་བསྔགས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལྷ་བཟང་ཡིན། །ཆོས་ཀྱི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་མཐར་བྱེད་རྣམ་ཐར་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །རྣམ་གྲོལ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གསུམ་ཀུན་ལའང ། །དགྲ་བཅོམ་ཟླ་བ་ཉིད་དང་འདྲ་བ་པོ། །དེ་དག་ཐེར་འབུམ་ཕྲག་ནི་གསུམ་གསུམ་ཡོད། ། མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །མྱ་ངན་འདས་ནས་དམ་པའི་ཆོས་དག་ཀྱང ། །ལོ་གྲངས་ཉི་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །གསེར་གྱི་བླ་རེ་རྒྱལ་མཚན་དག་གིས་བསྐོར། །འཇིག་རྟེན་མཆོག་མ་ཞི་འདོན་སྐྱེ་བའི་ཡུལ། །རྣམ་པར་གདོན་མི་ཟ་བའི་དོན་ཞེས་བྱ། །རྒྱལ་བའི་རིགས་ནི་ 384b བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་བཟི་བརྗིད་བཟང་པོ་ཡབ། །གཟི་བརྗིད་འོད་ཅེས་བྱ་བ་རྒྱལ་བའི་ཡུམ། །སྲས་པོ་སྟོན་བྱེད་ཡུལ་བཟངས་རིམ་གྲོ་པ། །ཕྱོགས་མཆོད་པ་ཞེས་བྱ་བ་མཁས་པ་སྟེ། །ཡོན་ཏན་ཀུན་གྱི་མཆོག་མ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང ། །མི་ཁོམ་སྲེད་པའི་དྲ་བ་གཅོད་པ་པོ། །དེ་དག་བྱེ་ཕྲག་བཅུ་བཞི་བཅུ་བཞི་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཉི་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྟོང་གསུམ་འབྲོ་བ་ཐམས་ཅད་དབང་དུ་མཛད། །ཆོས་བྱིང་དབང་ཕྱུག་སྐྱོན་མེད་སྐྱེ་བ་ཡི། །ཡུལ་ནི་སྐྱོན་རྣམས་རབ་ཏུ་སེལ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་ཡབ་ནི་རྒྱ་ཆེན་ཡིན། །ལྷ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་མཐུ་རྩལ་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །བསམ་གཏན་པ་ཡིས་བསྔགས་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་དྲུག་ཀུན་ལའང ། །མཚོ་ལྟར་གང་བ་དེ་དང་མཚུངས་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒོལ་བ་ཚར་གཅོད་པ་ཡི་དམ་ཆོས་དག་།ལོ་གྲངས་ 385a ༄#། །དགུ་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གཅིག་པ་བླ་རེ་སྟོང་དང་ལྡན། །བདེ་བར་གཤེགས་པ་བློ་དབྱངས་དགའ་བ་ཡི། །སྐྱེ་ཡུལ་དགེ་བ་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་བློ་བཟང་ཡིན། །དགེ་འོད་མ་ནི་རྒྱལ་ཡུམ་སྲས་པོ་ནི། །གཟུངས་ཀྱི་དབང་ཕྱུག་རྒྱལ་བའི་རིམ་གྲོ་པ། །ཕྱོགས་མཆོད་པ་ཞེས་བྱ་བ་མཁས་པ་སྟེ། །འཇིག་རྟེན་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐམས་ཅད་ཆགས་མེད་གྱུར་པ་བསམ་གཏན་པ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །སྣང་བ་མེད་པར་ཕྱིན་པའི་དམ་ཆོས་དག་།ལོ་གྲངས་ཉི་ཁྲི་བཞི་སྟོང་བར་དུ་གནས། །འགྲོ་བའི་དོན་དུ་རྒྱལ་བའི་སྐུ་གདུང་དག། འཇིག་རྟེན་གསུམ་ཀུན་རྒྱས་ཤིང་གང་བར་འགྱུར། །རྡུལ་དང་བྲལ་བའི་པདྨའི་མཛོད་སྐྱེ་བའི། །ཡུལ་ནི་པདྨའི་ཕུང་པོ་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་དྲུག་ཡབ་ནི་པདྨ་བཟང ། །པད་དཔལ་མ་ནི་རྒྱལ་ཡུམ་སྲས་པོ་ནི། །སྙིང་རྗེ་ཆེན་པོ་ཏོག་ནི་རིམ་གྲོ་པ། །ཡོན་ཏན་མེ་ཏོག་འཛིན་པ་བློ་ཅན་ཏེ། །མཆོག་ 385b སྲེད་ཅེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་གསུམ་ཀུན་ལ་ཡང ། །ཆ་གཉིས་དག་ལས་རྣམ་གྲོལ་དགྲ་བཅོམ་མཆོག་།བྱེ་བ་ཕྲག་ནི་ཉི་ཤུ་བཞི་བཞི་ཡོད། ། མི་ཚེ་ལོ་གྲངས་ཁྲི་དྲུག་སྟོང་ཡིན། །དམ་ཆོས་ལོ་གྲངས་ཉི་ཁྲི་བཞི་སྟོང་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བཅུ་དྲུག་སྟེ། །མཆོད་རྟེན་དེ་ཀུན་རིན་ཆེན་བདུན་ལ་བྱས། །འཇིག་རྟེན་མཆོད་མ་འོད་ཟེར་བཟང་པོ་ཡི། །སྐྱེ་ལུ་ལེ་འོད་ཟེར་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། ། ཉི་ཤུ་རྩ་བཞི་འོད་ཟེར་ཆེན་པོ་ཡབ། །དགའ་བ་གྲགས་འཛིན་མ་ནི་རྒྱལ་བའི་ཡུམ། །སྲས་པོ་པདྨ་ལེགས་མཐོང་རིམ་གྲོ་པ། །ཆགས་པ་མེད་པའི་སྒྲ་ནི་བློ་ཅན་ཏེ། །གླེང་བའི་ང་རོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང ། །མེ་འོད་འཕྲོ་བ་ལྟར་ནི་ཆགས་མེད་པ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཉི་ཁྲི་ལྔ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། ། དཔག་ཚད་བརྒྱ་པ་གསེར་གྱི་འོད་དང་ལྡན། །དེ་བཞིན་གཤེགས་པ་སྤོབས་པའི་མདོག་དག་གི་།སྐྱེ་བའི་ཡུལ་ནི་སྤོབས་པའི་མདོག་ཅེས་བྱ། །རྒྱལ་བ་དེ་ཡི་རིགས་ 386a ༄#། །ནི་བྲམ་ཟེ་ཡིན། །འོད་ནི་མཐའ་ཡས་བདག་ཉིད་ཆེན་པོ་ཡབ། །འོད་ཀྱི་ཁ་དོག་ཅན་ནི་རྒྱལ་བའི་ཡུམ། །རིན་ཆེན་མཆོག་སྲས་ཤེས་ལྡན་རིམ་གྲོ་པ། །སྤོབས་པའི་དབྱངས་ནི་བློ་གྲོས་ཅན་ཡིན་ཏེ། །ཤེས་རབ་རྣམ་པར་འཕྲུལ་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཆགས་དང་བྲལ་བར་གྱུར་པ་བསམ་གཏན་པ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོན་ཏན་མངོན་དགྱེས་པ་ཡི་དམ་ཆོས་དག་།ལོ་གྲངས་ཉིས་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་དྲུག་ཅུ་འབྱུང ། །མི་ཡི་འདྲེན་པ་སྟེགས་ནི་བཟང་པོ་ཡི། །སྐྱེ་ཡུལ་འཕགས་པ་དང་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གསུམ་ཡབ་ནི་དོན་ཆེན་ཡིན། །བདུད་རྩིའི་ང་རོ་ཞེས་བྱ་རྒྱལ་བའི་ཡུམ། །སྲས་པོ་ཞི་བ་ཉེར་ཞི་རིམ་གྲོ་པ། །ཡོན་ཏན་ཚོགས་ཞེས་བྱ་བ་མཁས་པ་སྟེ། །མཐུ་རྩལ་མཐའ་ཡས་བ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །འཇིག་རྟེན་བདེ་དང་ཕན་ཕྱིར་གནས་པ་པོ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་ཆོས་ 386b ལོ་གྲངས་སུམ་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ལ། །དཔག་ཚད་བཅུ་གསུམ་པ་སྟེ་གསེར་གྱིས་སྤྲས། །རྒྱལ་མཚན་བྱེ་བ་སྟོང་གིས་མཛེས་པར་བྱས། །ཡོན་ཏན་རྒྱ་མཚོ་ཆོགས་ཀྱི་དབང་པོ་ཡི། །སྐྱེ་བའི་ཡུལ་ནི་དབང་པོས་བརྒྱན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཅིག་དགའ་བའི་དབང་པོ་ཡབ། །ཚོགས་ཅན་སྤོའི་ནི་རྒྱལ་ཡུམ་སྲས་པོ་ནི། །འཕགས་པ་དད་བྱེད་ངེས་པ་རིམ་གྲོ་པ། །ཐར་པ་དགའ་ཞེས་བྱ་བ་མཁས་པ་སྟེ། །བདེན་ལ་དད་པར་བྱེད་བ་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལ་ཡང ། །མི་སློབ་འབྲས་བུ་དག་ནི་ཐོབ་པ་པོ། །འབུམ་ཕྲག་ཉི་ཤུ་བཞི་བཞི་འདུས་པར་འགྱུར། །མི་ཚེ་ལོ་གྲངས་སྟོང་ཕྲག་བཅོ་བརྒྱད་ཡིན། །དམ་ཆོས་ལོ་གྲངས་སྟོང་ཕྲག་བཅོ་བརྒྱད་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་མུ་ཏིག་བླ་བྲེར་ལྡན། །གསེར་གྱི་རྒྱལ་མཚན་སྟོང་གིས་འཁོར་བར་བསྐོར། །དེ་བཞིན་གཤེགས་པ་བསྙེངས་དང་བྲལ་བ་ཡི། །སྐྱེ་བའི་ཡུལ་ནི་མ་འཇིགས་སྦྱིན་ཞེས་བྱ། ། རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ཅུ་དྲུག་ཡབ་ནི་སྐྲག་མེད་ཡིན། །ཀླུ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་དགའ་བྱེད་མཐུ་རྩལ་རིམ་གྲོ་པ། ། 387a ༄#། །གནོད་མེད་པ་ཞེས་བྱ་བ་མཁས་པ་སྟེ། །འཇིགས་པ་མེད་པའི་མཆོད་རྟེན་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་དྲུག་ཀུན་ལའང ། །ཆ་གཉིས་དག་ལ་རྣམ་གྲོལ་མི་སློབ་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་ཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་སྟོང་ཕྲག་བཅུ་བཞིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འཇིག་རྟེན་ཁམས་རྣམས་ཐམས་ཅད་གང་བར་འགྱུར། །བདེ་བར་གཤེགས་པ་ཡེ་ཤེས་བཞེད་པ་ཡི། །སྐྱེ་ཡུལ་ཡེ་ཤེས་རྣམ་པར་སྒྲོགས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལེགས་ཤེས་ལྡན། །ཡེ་ཤེས་ལྷུན་གྲུབ་མ་ནི་རྒྱལ་བའི་ཡུམ། །སྲས་པོ་ཤེས་མཆོག་ནུས་ལྡན་རིམ་གྲོ་པ། །ཡེ་ཤེས་རི་བོ་ཞེས་བྱ་མཁས་པ་སྟེ། །ཡེ་ཤེས་མཐོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང ། །པདྨ་ལྟ་བུར་སྲིད་པས་མི་གོས་པ། །བྱེ་བ་ཕྲག་ནི་སུམ་ཅུ་དྲུག་དྲུག་ཡོད། །མི་ཚེ་ལོ་གྲངས་སྟོང་ཕྲག་བཅོ་ལྔ་ཡིན། །དམ་ཆོས་ལོ་གྲངས་དྲུག་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ 387b བཅུ་བ་རིན་པོ་ཆེས་སྤྲས་ཤིང ། །རྣ་རྒྱན་དག་གིས་མཛེས་བྱས་གསེར་གྱི་སྤྲས། །དེ་བཞིན་གཤེགས་པ་སྤོབས་པའི་སྤྱན་དག་གི་།སྐྱེ་བའི་ཡུལ་ནི་འཇིག་རྟེན་མཐོང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་གསུམ་ཡབ་ནི་སྤྱན་ལེགས་ཡིན། །མིག་སྡུག་མ་ཞེས་བྱ་བ་རྒྱལ་བའི་ཡུམ། །སྲས་པོ་གཉེན་པོ་བློ་ཆེན་རིམ་གྲོ་པ། །སྤོབས་པའི་སྙིང་སྟོབས་བློ་གྲོས་ཅན་ཡིན་ཏེ། །རྣམ་པར་གྲོལ་བར་གནས་བརྫུ་འཕྲུལ་ཅན། །འདུས་བདག་ནི་ལ་ནི་གྲངས་དྲུག་ཅུ་སྟེ། ། འབྲས་བུའི་མཆོག་མ་དགྲ་བཅོམ་ཐོབ་པ་པོ། །འབུམ་ཕྲག་ཉི་ཤུ་རྩ་ནི་གཉིས་གཉིས་ཡོད། །མི་ཚེ་ལོ་གྲངས། །དག་ནི་སུམ་སྟོང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང ། །མྱ་ངན་འདས་ནས་ལོ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་དུ་འཆང་བར་འགྱུར། ། དེ་བཞིན་གཤེགས་པ་བློ་ཡི་མཆོག་མ་ཡི། །སྐྱེ་བའི་ཡུལ་ནི་བློ་ཡི་ཚོགས་ཞེས་བྱ། །རྒྱལ་བའི་རིགས་ནི་རྒྱས་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བློ་བཟངས་ཡིན། །འོད་འཕྲོ་བ་ཞེས་བྱ་བ་རྒྱལ་བའི་ཡུམ། །སྲས་པོ་ཆོས་ལྡན་ཆོས་བཟང་རིམ་གྲོ་པ། །སྤོབས་པའི་བློ་ནི་བློ་གྲོས་ཅན་ཡིན་ཏེ། །ལེགས་པ་བསགས་པའི་ 388a ༄#། །བློ་ནི་རྫུ་འཕྲུལ་ཅན། །དྲི་གསུམ་དྲི་མ་ཤིན་ཏུ་དྲི་མེད་པ། །དགྲ་བཅོམ་བསམ་གཏན་པ་ནི་ཐེར་འབུམ་སྙེད། །དེ་དག་ཐམས་ཅད་ལྷ་མི་ཕན་ཕྱིར་འདུས། །མི་ཚེ་ལོ་གྲངས་དགུ་ཁྲི་བརྒྱད་སྟོང་ཡིན། །མྱ་ངན་འདས་ནས་དེ་ཡི་མཆོག་ཆོས་དག། །ལོ་གྲངས་ཉི་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པའི་འཁོར་ཡུག་བླ་བྲེར་ལྡན། །ཆོས་ཀྱི་དབང་ཕྱུག་ཟླ་བ་སྐྱེ་བ་ཡི། །ཡུལ་ནི་ཟླ་བ་སྣང་བར་བྱེད་ཅེས་བྱ། ། རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་མིག་བཟང་ཡིན། །ཟླ་བཞིན་མ་ཞེས་བྱ་བ་རྒྱལ་བའི་ཡུམ། །སྲས་པོ་ཞི་ལྡན་ལྷ་དབང་རིག་གྲོ་པ། །མཆོད་རྟེན་ཆེན་པོ་ཞེས་བྱ་མཁས་པ་སྟེ། །འཇིག་རྟེན་བསྔགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང ། །དགྲ་བཅོམ་ཐམས་ཅད་ཟང་ཟིང་མེད་པ་པོ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་བརྒྱད་ཁྲི་དགུ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཉི་ཁྲིའི་བར་དུ་གནས་པར་འགྱུར། །ཐུགས་རྗེ་ཆེན་པོའི་རྒྱལ་བའི་སྐུ་གདུང་དག་།ཞིང་རྣམས་དག་ཏུ་རྒྱས་ཤིང་གང་བར་འགྱུར། །དེ་བཞིན་གཤེགས་པ་རིན་ 388b ཆེན་ཟླ་འོད་ཀྱི། །སྐྱེ་བའི་ཡུལ་ནི་བློ་གྲོས་ཏོག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གསུམ་ཡབ་ནི་འོད་ལྡན་ཡིན། །ལྷ་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་མཐའ་ཡས་བཞིན་སྡུག་རིམ་གྲོ་པ། །སྣང་བྱེད་ཅེས་བྱ་བློ་གྲོས་ཅན་ཡིན་ཏེ། །འཕགས་པ་གཞོལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་བཞི་ཀུན་ལའང ། །གཏི་མུག་མེད་བྱུང་བཞི་བའི་བསམ་གཏན་པ། །བྱེ་བ་ཕྲག་ནི་ཁྲི་ཕྲག་གཉིས་གཉིས་ཡོད། །མི་ཚེ་ལོ་གྲང་ཉིས་ཁྲི་ལྔ་སྟོང་ཡིན། ། མགོན་པོ་མཆོག་མ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བ་བརྒྱ་པ་ཁོར་ཡུག་བླ་བྲིར་ལྡན། །འཇིག་རྟེན་མགོན་པོ་བསྙེངས་པ་མེད་པ་ཡི། །སྐྱེ་བའི་ཡུལ་ནི་ཡེ་ཤེས་ཚོགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་ཡབ་ནི་མཐུ་ལྡན་ཡིན། །འགྲོ་བས་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་བྱམས་ལྡན་སྐྱོན་མེད་རིམ་གྲོ་པ། །ཡོན་ཏན་མཐུ་རྩལ་ཞེས་བྱ་མཁས་པ་སྟེ། ། འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །བདུད་ཀྱི་དཔུང་དག་དཔུང་མེད་བྱེད་པ་པོ། །བྱེ་བ་ཕྲག་ནི་ཁྲི་དྲུག་བཅུ་བཅུ་ 389a ༄#། །ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །རྒྱལ་བའི་དམ་ཆོས་ལོ་གྲངས་སྟོང་ཕྲག་ནི། །དགུ་བཅུ་རྩ་དྲུག་བར་དུ་གནས་པར་འགྱུར། ། ལྷ་མི་དག་ལ་ཕན་ཕྱིར་རྒྱལ་བ་ཡི། །སྐུ་གདུང་རྒྱས་ཤིང་རྣམ་པར་གང་བར་འགྱུར། །དེ་བཞིན་གཤེགས་པ་གཟི་བརྗིད་ཆེན་པོ་ཡི། །རྒྱལ་བའི་ཡུལ་ནི་འཇིག་རྟེན་ལྟ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་གཟི་བརྗིད་བཟང་པོ་ཡབ། །ཟླ་ལྟ་མ་ཞེས་བྱ་བ་རྒྱལ་བའི་ཡུམ། །སྲས་པོ་བློ་ལྡན་བློ་བཟང་རིམ་གྲོག་པ། །ཡེ་ཤེས་འགྲོས་ཞེས་བྱ་བ་མཁས་པ་སྟེ། །ཆོས་ལ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །ཆགས་མེད་དངོས་པོ་མེད་པར་སོང་བ་པོ། །བྱེ་ཕྲག་གསུམ་ཅུ་གཉིས་གཉིས་ཆང་བར་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག ། ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དྲུག་པ་གསེར་གྱི་བླ་བྲེར་ལྡན། །དེ་བཞིན་གཤེགས་པ་ཚངས་པའི་དབྱངས་དག་གི་།སྐྱེ་བའི་ཡུལ་ནི་མཆོད་རྟེན་མཆོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་ཡབ་ནི་ཚངས་བཟང་ 389b ཡིན། །ཆོས་ཀྱི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ཁ་སྒྱུར་ཕམ་མེད་རིམ་གྲོ་པ། །དགྲ་འཇོམས་པ་ཞེས་བྱ་བ་མཁས་པ་སྟེ། །འཇིག་རྟེན་འཇིགས་པ་མེད་པ་རྫུ་འཕྲུལ་ཅན། ། འདུས་པ་ལན་གྲངས་བདུན་ཅུ་གཉིས་ཀུན་ལའང ། །སྲིད་གསུམ་རྣམ་གྲོལ་ཡིད་ལྡན་མི་སློབ་པ། །ཐེར་འབུམ་ཐེར་འབུམ་དག་ནི་ཡོད་པར་འགྱུར། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་ཚང་བར་གནས་པར་འགྱུར། །ལྟ་མི་དག་ལ་ཕན་དང་བདེ་བའི་ཕྱིར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །འཇིག་རྟེན་མཆོག་མ་དབྱངས་ནི་བཟང་པོ་ཡི། །སྐྱེ་བའི་ཡུལ་ནི་ཡིད་འོད་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་ཡབ་ནི་ཚངས་བཟང་ཡིན། །གྲགས་ལྡན་ང་རོ་ཞེས་བྱ་རྒྱལ་བའི་ཡུམ། །སྲས་པོ་ར་བཞི་ལེགས་ཞི་རིམ་གྲོ་པ། །རབ་ཞི་དགའ་ཞེས་བྱ་བ་མཁས་པ་སྟེ། །གསལ་བར་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །འཇིག་རྟེན་ཕན་ཕྱིར་གནས་པའི་དགྲ་བཅོམ་པ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་ཆོས་ལོ་གྲངས་ཉི་ཁྲི་དྲུག་སྟོང་གནས། །རྒྱལ་བའི་སྐུ་གདུང་ངག་གི་མཆོད་རྟེན་ནི། །དཔག་ཚད་བརྒྱ་པ་གཅིག་ནི་འབྱུང་ 390a ༄#། །འགྱུར་ཏེ། །རིན་ཆེན་སྟོང་སྙེད་དག་གི་རྣམ་པར་སྤྲས། །རྒྱལ་བ་ཤེས་རབ་ཆེན་པོའི་སྟེགས་དག་གི་།སྐྱེ་བའི་ཡུལ་ནི་འཇིག་རྟེན་ཚོགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བློ་གྲོས་ཅན། །ཤེས་རབ་མཆོད་མ་རྒྱལ་ཡུམ་ཤེས་རབ་ཅན། །སྲས་ཡིན་ཤེས་རབ་བཟང་པོ་རིམ་གྲོ་པ། །ཤེས་རབ་འབྱུང་གནས་ཞེས་བྱ་མཁས་པ་སྟེ། །ཤེས་རབ་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང ། །རྒྱ་མཚོ་ལྟ་བུའི་བློ་དང་ལྡན་པ་པོ། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །དམ་ཆོས་ལོ་གྲངས་སུམ་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་སུམ་ཅུ་པ་སྟེ་གསེར་ལས་བྱས། །མུ་ཏིག་བླ་རེར་ལྡན་ཞིང་གསེར་གྱིས་བྱིས་སྤྲས། །དེ་བཞིན་གཤེགས་པ་བློ་གྲོས་ཟླ་མེད་པའི། །སྐྱེ་བའི་ཡུལ་ནི་མཁས་པས་ཆོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ལྟེ་བ་བཟང་པོ་ཡབ། །ཡོན་ཏན་མཆོད་རྟེན་ཞེས་བྱ་རྒྱལ་བའི་ཡུམ། །སྲས་པོ་བློ་ལྡན་དྲན་ལྡན་རིམ་གྲོ་པ། །བྱང་ཆུབ་འོད་ཅེས་བྱ་བ་མཁས་པ་སྟེ། །ཡེ་ཤེས་འོད་བྱེད་ 390b པ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །འཁྲུལ་མེད་ཡོན་ཏན་ཕ་རོལ་ཕྱིན་པ་པོ། །བྱེ་བ་ཕྲག་ནི་བདུན་ཅུ་དྲུག་དྲུག་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །བདེན་པ་གསུངས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བདུན་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ཐེར་འབུམ་དགུ་བཅུ་འབྱུང ། །དེ་བཞིན་གཤེགས་པ་རྡོ་རྗེ་འཁྲིགས་པ་ཡི། །སྐྱེ་ཡུལ་རབ་ཏུ་འདུལ་བར་དཀའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དབྱེར་མེད་ཡིན། །མི་ཐུབ་ཐུབ་ནི་རྒྱལ་ཡུམ་བསམ་གཏན་འགྲོ། །སྲས་ཡིན་ཆགས་པ་མེད་པར་རིམ་གྲོ་པ། ། མཐུ་རྩལ་བརྟེན་པོ་ཞེས་བྱ་མཁས་པ་སྟེ། །འགྲོས་མི་འཁྱོལ་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །མཆོག་ཏུ་ཞི་བར་ཕྱིན་པའི་བསམ་གཏན་པ། །བྱེ་བ་ཕྲག་ནི་བརྒྱད་ཅུ་བཞི་བཞི་ཡི། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །ཀུ་དུང་མཆོད་རྟེན་དཔག་ཚད་ཆེན་བཅུ་གཅིག་པ། །གཅིག་སྟེ་རིན་ཆེན་བརྒྱ་སྙེད་དག་གིས་སྤྲས། །དེ་བཞིན་གཤེགས་པ་བྱང་ཆུབ་ 391a ༄#། །བློ་གྲོས་ཀྱི། །སྐྱེ་བའི་ཡུལ་ནི་བློ་གྲངས་འཆང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ཤེད་བུ་ཡིན། ། སྤོས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་བློ་ལྡན་བློ་ཆེན་རིམ་གྲོ་པ། །བྱང་ཆུབ་རྒྱལ་མཚན་ཞེས་བྱ་མཁས་པ་སྟེ། །བྱང་ཆུབ་ཚོགས་ཞེས་བྱ་བ་རྫུ་འཕྲུལ་ཅན། ། འདུས་པ་ལན་གྲངས་དགུ་བཅུ་གཉིས་ཀུན་ལའང ། །ཁུར་པོར་རྣམ་པར་གྲོལ་བར་ཕྱིན་པ་པོ། །བྱེ་བ་ཕྲག་ནི་དགུ་བཅུ་དགུ་བཅུ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུ་འབྱུང ། །མེ་ཡི་མཆོག་མ་ལྗོན་ཤིང་དབང་པོ་ཡི། །སྐྱེ་བའི་ཡུལ་ནི་དབང་པོ་སྣང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། ། དཔག་ཚད་བརྒྱ་ཡོད་རྒྱལ་བའི་དབང་པོ་ཡབ། །ཡོན་ཏན་ཚོགས་ཞེས་བྱ་བ་རྒྱལ་བའི་ཡུམ། །སྲས་པོ་སྐོར་མཁན་ལེགས་སྣང་རིམ་གྲོ་པ། །ཡོན་ཏན་དག་གིས་བརྒྱན་པ་མཁས་པ་སྟེ། །འཇིགས་པ་མེད་པའི་ཕྲུ་གུ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །བྱེ་བ་ཕྲག་ནི་བདུན་ཅུ་བཞི་བཞི་དང ། །གཞན་ 391b ཡང་བརྒྱད་ཁྲི་བརྒྱད་ཁྲི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །ཡོན་ཏན་མཐའ་ཡས་པ་ཡི་དམ་ཆོས་དག་།ལོ་གྲངས་ཉི་ཁྲི་ཉིས་སྟོང་གནས་པར་འགྱུར། །ལྷ་མི་དག་ལ་ཕན་ཞིང་པ་དེ་བའི་ཕྱིར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་གདངས་སྙན་སྐྱེ་བའི་ཡུལ། །ཡིད་དུ་འོང་བའི་དབྱངས་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བདུན་ཅུ་རབ་ཏུ་དགའ་བ་ཡབ། །མཆོག་མཐོང་མ་ཞེས་བྱ་བ་རྒྱལ་བའི་ཡུམ། ། སྲས་པོ་རྒྱལ་མཆོད་ཆོས་ཅན་རིམ་གྲོ་པ། །བདུད་རྩིའི་ང་རོ་ཞེས་བྱ་མཁས་པ་སྟེ། །འཕགས་པ་བསྔགས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་ཞི་བ་གཏི་མུག་མེད་གྱུར་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལ་གང་ཉི་ཁྲི་ཉིས་སྟོང་ཡིན། །ཆགས་པ་མེད་པར་ཕྱིན་པའི་དམ་ཆོས་དག་།ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་བདུན་ཅུ་རྩ་བདུན་པ་གཅིག་འབྱུང ། །དེ་བཞིན་གཤེགས་པ་བསོད་ནམས་སྟོབས་དག་གི་།སྐྱེ་ཡུལ་བསོད་ནམས་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་གསུམ་ཡབ་ནི་ 392a ༄#། །བསོད་ནམས་འོད། །བསོད་ནམས་ཟླ་བ་རྒྱལ་བའི་ཡུམ་ཡང་ཡིན། །སྲས་པོ་བློ་ལྡན་བློ་ཆེན་རིམ་གྲོ་པ། །བློ་ཆེན་འོད་ནི་བློ་གྲོས་ཅན་ཡིན་ཏེ། །བློ་གྲོས་རྣམ་པར་གྲོལ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །སྲིད་པའི་ཀུན་ལ་ཆག་བྲལ་བར་ཡིད་ལྡན་པ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་སྟོང་ཕྲག་བཅོ་བརྒྱད་ཡིན། །སངས་རྒྱས་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། ། རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུ་འབྱུང ། །དེ་བཞིན་གཤེགས་པ་མཐུ་ཡི་དཔལ་དག་གི། སྐྱེ་བའི་ཡུལ་ནི་བརྟན་པར་སྣང་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །དགུ་བཅུ་རྩ་གཉིས་ཡབ་ནི་ལེགས་མཐུ་ཡིན། །ཡོན་ཏན་མཐུ་དག་རྒྱལ་ཡུམ་ཡང་དག་གནས། །སྲས་ཡིན་གནས་པའི་དབང་པོ་རིམ་གྲོ་པ། །ཡེ་ཤེས་གནས་ཞེས་བྱ་བ་མཁས་པ་སྟེ། །ཐུ་རྩལ་ལགས་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་པ་ཅུ་ཀུན་ལ་ཡང ། །དག་བཅོམ་ཐམས་ཅད་རྣམ་པར་གྲོལ་གྱུར་པ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཆིག་ 392b སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་ལྔ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱ་པ་གསེར་ལས་བྱས་པ་ཡིན། །དེ་བཞིན་གཤེགས་པ་འཕགས་པ་དགྱེས་པ་ཡི། །སྐྱེ་ཡུལ་དྲང་སྲོང་དད་པར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། ། དཔག་ཚད་བརྒྱ་ཡོད་ཡབ་ནི་ལྷ་བཟང་ཡིན། །དགྲ་བཅོམ་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་མཆོད་པ་མཆོད་ལྡན་རིམ་གྲོ་པ། །འཕགས་པའི་འོད་ཅེས་བྱ་བ་མཁས་པ་སྟེ། །འཕགས་པ་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །ཉོན་མོངས་གསུམ་གྱི་དྲི་མ་མེད་གྱུར་པ། །དེ་དག་ཐེར་འབུམ་ཐེར་འབུམ་འདུས་པར་འགྱུར། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མྱ་ངན་འདས་ནས་དམ་པའི་ཆོས་དག་ཀྱང ། །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་བྱིན་གྱིས་བརླབས་ནས་ཀྱང ། །འཇིག་རྟེན་སྐུ་གདུང་རྒྱས་ཤིང་གང་བར་འགྱུར། །འཇིག་རྟེན་མགོན་པོ་མཐུ་སྟོབས་སྐྱེ་བ་ཡི། །ཡུལ་ནི་ཡོན་ཏན་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལྷ་བཟང་ཡིན། །ལྷ་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་སྒྲ་ 393a ༄#། །ཅན་སྐར་མ་རིམ་གྲོ་པ། །ཡོན་ཏན་དག་གིས་བརྒྱན་པ་མཁས་པ་སྟེ། །འཇིག་རྟེན་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །རྫུ་འཕྲུལ་རྐང་བཞིས་ཕྲ་རོལ་ཕྱིན་པ་པོ། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱི་མགོ་རྒྱན་ལྡན། །སངས་རྒྱས་སྐར་མ་ལ་ནི་དགྱེས་པ་ཡི། །སྐྱེ་བའི་ཡུལ་ནི་འོད་འཕྲོ་སྣང་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལྷ་བཟང་ཡིན། །མཆོག་མ་ཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལྟ་བྱེད་འོད་འཕྲོ་རིམ་གྲོ་པ། །ཡོན་ཏན་ཁ་ལོ་སྒྱུར་བ་མཁས་པ་སྟེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །མཚོ་ལྟར་གང་བའི་བསམ་གཏན་བ་ཡི་གྲངས། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སུམ་ཁྲིའི་བར་དུ་གནས། །ལྷ་མི་དག་ལ་ 393b ཕན་ཕྱིར་རྒྱལ་བ་ཡི། །སྐུ་གདུང་རྒྱས་ཤིང་རྣམ་པར་གང་བར་འགྱུར། །དེ་བཞིན་གཤེགས་པ་ནི་སྤྲིན་གྱི་རྔ་སྒྲ་ཡི། །སྐྱེ་བའི་ཡུལ་ནི་བདུད་རྩིའི་དབྱངས་ཞེས་བྱ། །རིགས་ནི་བྲམ་ཟེ་ཡིན་ཏེ་དཔག་ཚད། །དགུ་བཅུ་རྩ་གཉིས་ཡབ་ནི་ལེགས་བཟང་ཡིན། །གདངས་སྙན་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་སྒྲ་དབྱངས་རིམ་གྲོ་པ། །ཡོན་ཏན་ངེས་ཞེས་བྱ་བ་མཁས་པ་སྟེ། །ཆོས་ངེས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་ཐམས་ཅད་ཆགས་པ་མེད་པར་གྱུར་པ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །མཐའ་ཡས་འདུལ་བར་མཛད་པའི་དམ་ཆོས་དག ། ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དྲུག་པ་ཁོར་ཡུག་བླ་བྲེར་ལྡན། །དེ་བཞིན་གཤེགས་པ་སྤྱན་སྡུག་པ་ཡི་ཞལ། །སྐྱེ་པའི་ཡུལ་ནི་མཐོང་བས་མཆོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་སྤྱན་ལེགས་ཡིན། །མི་སྦྱིན་མ་ཞེས་མ་ཞེས་བྱ་བ་རྒྱལ་བའི་ཡུམ། །སྲས་པོའི་འཇིག་རྟེན་ཆགས་མེད་རིམ་གྲོ་པ། །ཡོན་ཏན་མཐོང་ཞེས་བྱ་བ་མཁས་པ་སྟེ། །འཇིག་པ་མེད་པར་གྲགས་པ་རྫུ་འཕྲུལ་ཅན། ། 394a ༄#། །འདུས་པ་ལན་གྲངས་དྲུག་ཅུ་ཀུན་ལ་ཡང ། །ཐེག་པ་མཆོག་གིས་ལེགས་གནས་འབྲས་འཐོབ་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། ། རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་སྟོང་སྙེད་དག་ཏུ་གང་བར་འགྱུར། །དེ་བཞིན་གཤེགས་པ་ཡི་ཤེས་བཟང་ལྡན་གྱི། །སྐྱེ་ཡུལ་ཡེ་ཤེས་སྒྲོན་མ་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་ཅུ་ཡེ་ཤེས་སྐར་མདའ་ཡབ། །ཡེ་ཤེས་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ཤེས་དགའ་ཤེས་འབྱོར་རིམ་གྲོ་པ། །ཡེ་ཤེས་འབྱུང་གནས་ཞེས་བྱ་མཁས་པ་སྟེ། །ཡེ་ཤེས་རྣམ་པར་འཕྲུལ་པ་རྫུ་འཕྲུལ་ཅན། ། འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཁོར་ཡུག་ལྟ་བུར་གཡོ་བ་མེད་པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ 394b ཏེ། །དཔག་ཚད་བརྒྱ་པ་འཁོར་ཡུག་བླ་བྲེར་ལྡན། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ཉི་ཤུ་པ། ། འཇིག་རྟེན་བླ་མ་འབྱོར་བར་ལྡན་པ་ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བློ་གྲོས་ཅན། །ཡོན་ཏན་ཚོགས་ནི་རྒྱལ་ཡུམ་ཡོན་ཏན་མཆོག་།སྲས་ཡིན་ཡོན་ཏན་གཟི་བརྗིད་རིམ་གྲོ་པ། །ཡོན་ཏན་གཟི་བརྗིད་འཆང་བ་བློ་ཅན་ཏེ། །ཡོན་ཏན་ཀུན་གྱིས་མཆོད་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །སྲེད་ལྕུག་དྲ་བ་དག་ལས་གྲོལ་བ་པོ། །བྱེ་བ་ཕྲག་ནི་བདུན་ཅུ་བདུན་ཅུ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲི་བདུན་སྟོང་བར་དུ་གནས། ། ཁམས་གསུམ་ཀུན་གྱི་འགྲོ་ལ་ཕན་པའི་ཕྱིར། །རྒྱལ་བའི་སྐུ་གདུང་ནི་རྒྱས་པར་འགྱུར། །སངས་རྒྱས་ཡོན་ཏན་ཕུང་པོ་སྐྱེ་བའི་ཡུལ། །ཡོན་ཏན་ཐམས་ཅད་འབྱུང་བའི་གནས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ལྷ་ཡི་རྫུ་འཕྲུལ་ཡབ། །རྫུ་འཕྲུལ་འགྲོལ་ཞེས་བྱ་བ་ 395a ༄#། །རྒྱལ་བའི་ཡུམ། །སྲས་པོ་རྣམ་སྒྲོག་དྲག་ཤུལ་རིམ་གྲོ་པ། །ཡོན་ཏན་ཚོགས་ཞེས་བྱ་བ་མཁས་པ་སྟེ། །ཡོན་ཏན་སྒྲོན་མའི་མཆོག་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་དྲུག་ཀུན་ལའང ། །སྲིད་གསུམ་འདམ་གྱིས་གོས་པ་མེད་པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མེ་ཚེ་ལོ་གྲངས་བདུན་ཁྲི་བརྒྱད་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཉིས་པ་གཅིག་ལྷ་རྫས་བླ་བྲེར་ལྡན། །འཇིག་རྟེན་བླ་མ་གསལ་བ་སྐྱེ་བའི་ཡུལ། །འཇིགས་པ་མེད་པའི་བསོད་ནམས་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་གྲགས་པའི་དབང་པོ་ཡབ། །ལྷ་གྲགས་འཛིན་ཅེས་བྱ་བ་རྒྱལ་བའི་ཡུམ། །སྲས་པོ་གྲགས་འཛིན་བླ་སྡུག་རིམ་གྲོ་པ། །ཉན་པ་གྲགས་པ་ཐོབ་པ་བློ་ཅན་ཏེ། །སྙན་པར་གྲགས་པར་གསལ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །འཇིག་རྟེན་དག་གིས་མཆོད་འོས་དགྲ་བཅོམ་པ། །བྱ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་ 395b བྱེ་བ་བདུན་ཅུ་དྲུག་།སེམས་ཅན་སྙིང་པོ་དམ་པའི་ཆོས་དག་ཀྱང ། །ལོ་གྲངས་བྱེ་བ་ཉི་ཤུ་གཉིས་སུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་དེ་ཀུན་རིན་ཆེན་བདུན་ལས་བྱས། །དེ་བཞིན་གཤེགས་པ་ཆོས་ཀྱི་རྒྱལ་མཚན་གྱི། །སྐྱེ་པའི་ཡུལ་ནི་ཡེ་ཤེས་ཚོགས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་ཡབ་ནི་མྱ་ངན་མེད། །རིན་ཆེན་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་ཤེས་མཆོག་འཕགས་པ་རིམ་གྲོ་པ། །བདུད་རྩིའི་རྒྱལ་མཚན་ཞེས་བྱ་མཁས་པ་སྟེ། །འཇིགས་པ་མེད་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང ། །འཇིག་རྟེན་ཆོས་བརྒྱད་དག་ལས་གྲོལ་བ་པོ། །བྱེ་བ་ཕྲག་ནི་བདུན་ཅུ་བདུན་ཅུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་བཅུ་པ་གཅིག་སྟེ་གདུགས་ཀྱི་གྲངས། །སྟོང་ཕྲག་བདུན་ཅུ་སྙེད་ཀྱིས་རྣམ་པར་བརྒྱན། །སངས་རྒྱས་ཡེ་ཤེས་ང་རོ་སྐྱེ་བ་ཡི། །ཡུལ་ནི་ཡེ་ཤེས་རབ་ཏུ་གནས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཡོན་ཏན་མཆོག་།གཙོ་འོད་མ་ 396a ༄#། །ཞེས་བྱ་བ་རྒྱལ་བའི་ཡུམ། །སྲས་བོ་སྡེ་བཟང་ཁྱད་འཕགས་རིམ་གྲོ་པ། །ཆོས་ཀྱི་སྒྲ་ཞེས་བྱ་བ་མཁས་བ་སྟེ། །ཐར་བའི་སྒྲ་དབྱངས་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ལྔ་ཀུན་ལའང ། །དགྲ་བཅོམ་བྱས་བསྲུངས་ཤེས་རབ་རྣམ་གྲོལ་བ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །གྲངས་པ་མཐའ་ཡས་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་སྟོང་སྙིད་ཀྱིས་གང་བར་འགྱུར། །འཇིག་རྟེན་མཆོག་མ་ནམ་མཁའ་སྐྱེ་བ་ཡི། །ཡུལ་ནི་གཟི་བརྗིད་སྒྲོན་མ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་བཞི་ཡབ་ནི་རི་དབང་ཡིན། །འགྲོས་བརྟན་མ་ཞེས་བྱ་བ་རྒྱལ་བའི་ཡུམ། །སྲས་པོ་གནས་མེད་ཐོགས་མེད་རིམ་གྲོ་པ། །གནས་ལ་དགའ་ཞེས་བྱ་བ་མཁས་བ་སྟེ། །ཆགས་པ་མེད་པར་གནས་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །སྲིད་པ་ཀུན་ལས་གྲོལ་བའི་ཡིད་ལྡན་པ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་ 396b འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་བ་གསེར་གྱི་བླ་བྲེར་ལྡན། །སངས་རྒྱས་མཆོད་སྦྱིན་ང་རོ་སྐྱེ་བ་ཡི། །ཡུལ་ནི་ཆོས་རྣམས་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་སྒྲོན་མ་ཡིན། །ཡོན་ཏན་གདངས་སྙན་མ་ནི་རྒྱལ་བའི་ཡུམ། །སྲས་པོ་སྦྲང་རྩི་སྐད་སྙན་རིམ་གྲོ་པ། །སྤོབས་པའི་དབྱངས་ནི་བློ་གྲོས་ཅན་ཡིན་ཏེ། །དབྱངས་མཆོག་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྣམ་ཐར་བརྒྱད་ཀྱི་ཕ་མཐར་ཕྱིན་པ་བོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་དགུ་ཁྲི་ཉིས་སྟོང་པར་དུ་གནས། ། རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུ་འབྱུང ། །སངས་རྒྱས་ཤེས་རབ་རྣམ་དགོད་ང་རོ་ཡི། །སྐྱེ་བའི་ཡུལ་ནི་མཆོག་ཏུ་དགའ་ཞེས་བྱ། ། བདེ་བར་གཤེགས་པའི་རིགས་ནི་རྒྱལ་རིགས་ཡིན། །འོད་ནི་སྟོང་གསུམ་ཚད་ཅན་བློ་བཟང་ཡབ། །ངེས་པའི་སྒྲ་ཞེས་བྱ་བ་རྒྱལ་བའི་ཡུམ། །སྲས་པོ་སྣང་བྱེད་ལྷ་ནི་རིམ་གྲོ་པ། །བལྟ་ན་སྡུག་ཅེས་བྱ་བ་མཁས་པ་སྟེ། །རྣམ་པར་སྣང་བྱེད་ལྷ་ནི་རྫུ་འཕྲུལ་ཅན། །འདུས་བདག་ནི་མཐའ་ཡང་ཡས་པ་སྟེ། །གཟུངས་རྣམས་ཐོབ་པ་ཕྱིར་ནི་མི་ལྡོག་པ། །བྱང་ཆུབ་ 397a ༄#། །སེམས་དཔའི་འཁོར་རྣམས་འབྱུང་བར་འགྱུར། །མི་ཚེ་ལོ་གྲངས་དག་ནི་བརྒྱད་འབུམ་ཡིན། །བྱང་ཆུབ་བསྲུང་ཕྱིར་དམ་པའི་ཆོས་དག་ཀྱང ། །ལོ་གྲངས་བརྒྱད་འབུམ་བར་དུ་གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་ཞིང་རྣམས་གང ། །གསེར་བརྒྱན་བྱེ་བ་དག་གིས་བརྒྱན་པར་འགྱུར། །སངས་རྒྱས་ཡོན་ཏན་འོད་ཟེར་གཟི་བརྗིད་ཀྱི། །སྐྱེ་ཡུལ་ཡོན་ཏན་ཀུན་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་གཉིས་ཡབ་ནི་ཡོན་ཏན་འོད། །ཡོན་ཏན་འོད་བཟང་རྒྱལ་ཡུམ་སྲས་པོ་ནི། །ཡོན་ཏན་རྒྱ་མཚོ་ཟླ་བ་རིམ་གྲོ་པ། །ཟླ་བ་འཕགས་ཞེས་བྱ་བ་མཁས་པ་སྟེ། །ཡོན་ཏན་མཆོག་གིས་མཆོད་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཁྲི་ཀུན་ལའང ། །ཡོན་ཏན་ཀུན་གྱི་ཕ་རོལ་ཕྱིན་པ་པོ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་དྲུག་ཁྲི་ཡིན། །འགྲོ་ལ་ཕན་ཕྱིར་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་མཆོད་ཅིང་བཀུར་བར་འགྱུར། །མི་ཡི་འདྲེན་པ་དྲང་སྲོང་དབང་པོ་ཡི། །སྐྱེ་བའི་ཡུལ་ནི་འཕགས་པས་བལྟས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གསུམ་ཡབ་ནི་གསལ་པ་ 397b ཡིན། །འཕགས་ཉན་མ་ནི་རྒྱལ་ཡུམ་དྲང་སྲོང་བྱིན། །སྲས་ཡིན་འཕགས་པའི་མེ་ཏོག་རིམ་གྲོ་པ། །ཡོན་ཏན་གཟི་བརྗིད་འཆང་བ་བློ་ཅན་ཏེ། །ཡེ་ཤེས་རྣམ་པར་འཕྲུལ་པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་སུམ་ཀུན་ལའང ། །མིང་རྣམས་གསལ་ཞིང་མདུང་པ་སྤངས་པ་པོ། །བྱེ་བ་སྟོང་ཕྲག་དག་ནི་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མཐའ་ཡས་འདུལ་བར་མཛད་པའི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་ནོར་བུས་རྣམ་པར་སྤྲས། །མི་ཡི་འདྲེན་པ་བློ་དང་ལྡན་པ་ཡི། །སྐྱེ་བའི་ཡུལ་ནི་མཛངས་པས་བལྟས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་དྲན་ལྡན་ཡིན། །དགེ་བའི་ང་རོ་ཞེས་བྱ་རྒྱལ་བའི་ཡུམ། །སྲས་པོ་མེ་ཏོག་མཁས་པ་རིམ་གྲོ་པ། །ཡོན་ཏན་ཁ་ལོ་སྒྱུར་བ་བློ་ཅན་ཏེ། ། ཕན་འདོད་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱ་སྟེ་ཀུན་ལ་ཡང ། །སྲིད་པ་སྤངས་པའི་སེམས་དང་ལྡན་པ་པོ། །དེ་དག་ཐེར་འབུམ་ཕྲག་ནི་བཅུ་བཅུ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །སྣང་མེད་ཐོབ་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་ 398a ༄#། །རྟེན་བྱེ་བ་བརྒྱ་ཕྲག་དགུ་བཅུ་འབྱུང ། །དེ་བཞིན་གཤེགས་པ་སྤོབས་པའི་ཚོགས་དག་གི་།སྐྱེ་བའི་ཡུལ་ནི་མཆོད་ཅིང་བསྒོམས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་གསུམ་ཡོད་ཡབ་ནི་རྟོགས་ལྡན་ཡིན། །ཡེ་ཤེས་སྟོབས་ཞེས་བྱ་བ་རྒྱལ་བའི་ཡུམ། །སྲས་པོ་འཕགས་པ་དགྲ་བཅོམ་རིམ་གྲོ་པ། ། ཡོན་ཏན་ཕུང་པོ་ཞེས་བྱ་མཁས་པ་སྟེ། །ཡེ་ཤེས་ཡོན་ཏན་འབྱུང་གནས་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །འགྲོ་བའི་མཆོག་ལ་དགའ་བའི་དགྲ་བཅོམ་བ། །བྱེ་བ་ཕྲག་ནི་སུམ་ཅུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས་སོ། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་རྣམ་པར་སྤྲས། །འཇིག་རྟེན་མཆོག་མ་མཆོད་སྦྱིན་བཟང་པོ་ཡི། །སྐྱེ་བའི་ཡུལ་ནི་མཆོད་སྦྱིན་གསལ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་ལྔ་མཆོད་སྦྱིན་བཟང་པོ་ཡབ། །ཐར་པའི་ང་རོ་རྒྱལ་ཡུམ་སྲས་བོ་ནི། ། བསོད་ནམས་འབྱུང་གནས་རྒྱལ་བ་རིམ་གྲོ་པ། །ངེས་པས་བྱས་ཞེས་བྱ་བ་མཁས་པ་སྟེ། །འཇིགས་པ་མེད་པའི་ཏོག་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ 398b ཡང ། །དགྲ་བཅོམ་ཐམས་ཅད་ཆགས་པ་མེད་འགྱུར་པ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ལྔ་སྟོང་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་གིས་འཁོར་བར་བསྐོར། །དེ་བཞིན་གཤེགས་པ་ཟླ་བའི་ཞལ་སྐྱེ་བའི། །ཡུལ་ནི་རྣམ་པར་སྣང་བྱེད་ལྷ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བདུན་ཅུ་ཡབ་ནི་ཡུལ་འཁོར་བཟང ། །བུལ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་ཕན་འདོད་རིམ་གྲོ་པ། །མེ་ཏོག་འབྱུང་ནས་ཞེས་བྱ་མཁས་པ་སྟེ། །སྣང་བར་བྱེད་པའི་ལྷ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐེག་པ་མཆོག་གིས་རྣམ་པར་གྲོལ་གྱུར་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱི་བླ་བྲེར་ལྡན། །དེ་བཞིན་གཤེགས་པ་ཤིན་ཏུ་གཟིགས་པ་ཡི། །སྐྱེ་བའི་ཡུལ་ནི་སྐར་མ་སྣང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་རི་ 399a ༄#། །དབང་ཡིན། །འོད་མཐའ་ཡས་ཞེས་བྱ་བ་རྒྱལ་བའི་ཡུམ། །སྲས་པོ་ཁ་བ་སྒྱུར་པདྨ་རིམ་གྲོ་པ། །དགའ་བའི་དབྱངས་ཞེས་བྱ་བ་མཁས་པ་སྟེ། ། ཡོན་ཏན་མཆོག་གསལ་བ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང ། །ཐེག་པ་མཆོག་གིས་གཏི་མུག་མེད་གྱུར་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཀུན་ཚེ་ལོ་བརྒྱ་ནི་སུམ་ཅུ་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་བཅུ་དྲུག་པ་གཅིག་གསེར་གྱིས་སྤྲས། །ཡོན་ཏན་རྒྱ་མཚོ་རྡུལ་དང་བྲལ་བ་ཡི། །སྐྱེ་ཡུལ་ཡོན་ཏན་ཀུན་དང་ལྡན་ཞེས་བྱ། །རིགས་ནི་རྒྱལ་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡོན་ཏན་དབང་པོ་ཡབ། །ཡོན་ཏན་བདེན་འཛིན་མ་ནི་རྒྱལ་བའི་ཡུམ། །སྲས་པོ་བཟང་ལྡན་ལེགས་སེམས་རིམ་གྲོ་པ། ། སྟོབས་བཅུའི་འོད་ཅེས་བྱ་བ་མཁས་པ་སྟེ། །ཚོགས་དབང་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །འཇིག་རྟེན་ཆོས་དང་མཚུངས་མེད་བསམ་གཏན་པ། །བྱེ་བ་ཕྲག་ནི་དགུ་བཅུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ 399b ཁྲིའི་བར་དུ་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།ཞིང་རྣམས་དག་ཏུ་རྒྱས་ཤིང་གང་བར་འགྱུར། ། །དེ་བཞིན་གཤེགས་པ་ཡོན་ཏན་ཚོགས་དག་གི་།སྐྱེ་བའི་ཡུལ་ནི་གྲགས་པ་མཆོག་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཅུ་ཡབ་ནི་ཡོན་ཏན་འོད། །ཡོན་ཏན་གཟི་བརྗིད་འཛིན་པ་རྒྱལ་བའི་ཡུམ། །སྲས་པོ་མཆོད་རྟེན་ལེགས་སྤྱད་རིམ་གྲོ་པ། །སྐད་སྙན་པ་ཞེས་བྱ་བ་མཁས་པ་སྟེ། །འཇིགས་པ་མེད་པའི་ཟླ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །ཆོས་ཀྱི་མཆོག་མ་ཐོབ་པ་དགྲ་བཅོམ་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རྒྱལ་མཚན་མཆོག་གིས་སྤྲས། །མི་ཡི་འདྲེན་པ་ཏོག་དང་ལྡན་པ་ཡི། །སྐྱེ་ཡུལ་ཏོག་ནི་སྣང་པར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བློ་གྲོས་ཅན། །ཡོན་ཏན་མིག་ནི་རྒྱལ་ཡུམ་སྲས་པོ་ནི། །སྐལ་ལྡན་ཤིང་རྟ་འབྱོར་བ་རིམ་གྲོ་པ། །ཡེ་ཤེས་འོད་ཅེས་བྱ་བ་མཁས་པ་སྟེ། །རིན་ཆེན་འོད་ཅེས་བྱ་བ་རྫུ་འཕྲུལ་ 400a ༄#། །ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །ཡོན་ཏན་མཆོག་གིས་ཕ་རོལ་ཕྱིན་པ་པོ། །བྱེ་བ་ཕྲག་ནི་བཅུ་གཉིས་བཅུ་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་རྒྱས་རྣམ་པར་བརྒྱན། །དེ་བཞིན་གཤེགས་པ་བསོད་ནམས་རྒྱལ་མཚན་གྱི། །སྐྱེ་ཡུལ་ཡེ་ཤེས་རྣམ་པར་སྤྲུལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །བདུན་ཅུ་རྩ་གཉིས་ཡབ་ནི་བློ་གྲོས་ལྡན། །བལྟ་བཟོད་མ་ཞེས་བྱ་བ་རྒྱལ་བའི་ཡུམ། །སྲས་པོ་རྩི་སྨན་མདངས་བཟང་རིམ་གྲོ་པ། །ཆོས་ཀྱི་འབྱུང་གནས་ཞེས་བྱ་མཁས་པ་སྟེ། །འཇིག་རྟེན་གཞོལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །འཇིག་རྟེན་ཟང་ཟིང་མེད་པའི་དགྲ་བཅོམ་པ། །བྱེ་བ་ཕྲག་ནི་ཁྲི་ཕྲག་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུག་དུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱི་བླ་བྲེར་ལྡན། །དེ་བཞིན་གཤེགས་པ་ཡུལ་འཁོར་སྤོབས་པ་ 400b ཡི། །སྐྱེ་བའི་ཡུལ་ནི་མཁས་པས་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་པ་བཅུ་རྩ་དགུ་ཡབ་ནི་ཡོན་ཏན་དོན། །དོན་སྨྲ་བ་ཞེས་བྱ་བ་རྒྱལ་བའི་ཡུམ། །སྲས་པོ་བལྟ་བྱེད་ལེགས་མཐོང་རིམ་གྲོ་པ། །བློ་གྲོས་རྒྱ་མཚོ་ཞེས་བྱ་མཁས་པ་སྟེ། །མཆོག་ཏུ་ཁྱད་བར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་ཀུན་ལ་ཕན་ཕྱིར་རྙིད་བརྩེ་བ། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་ཁྲི་ཕྲག་སྟོང་རྩ་བཞི། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།ཞིང་རྣམས་དག་ཏུ་རྒྱས་ཤིང་གང་བར་འགྱུར། །སངས་རྒྱས་རིན་ཆེན་རབ་སྦྱིན་སྐྱེ་བ་ཡི། །ཡུལ་ནི་ཐམས་ཅད་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་འབྱོར་བའི་ལྷ། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ལྷ་དགའ་ལྟ་ནི་རིམ་གྲོ་པ། །བདུད་རྩིའི་དབྱངས་ཞེས་བྱ་བ་མཁས་པ་སྟེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །བྱས་པའི་མཐར་ཕྱིར་ཞི་བར་གྱུར་པ་པོ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །མྱ་ངན་འདས་པ་དེ་ཡིད་དམ་ 401a ༄#། །ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་བཅུ་གསུམ་པ་གཅིག་གསེར་གྱིས་སྤྲས། །དེ་བཞིན་གཤེགས་པ་ཟླ་བ་དགྱེས་པ་ཡི། །སྐྱེ་ཡུལ་ཟླ་བ་རྣམ་པར་སྣང་བྱེད་ཡིན། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཆགས་མེད་ཡིན། །ལྷ་ཡུལ་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་པདྨ་སྣང་ལྡན་རིམ་གྲོ་པ། །ཡེ་ཤེས་མཆོག་ཅེས་བྱ་བ་མཁས་པ་སྟེ། །ཡུལ་འཁོར་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ངར་མི་འཛིན་པ་མཁའ་དང་མཚུངས་པ་པོ། །བྱེ་བ་ཕྲག་ནི་བརྒྱད་ཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །འཇིག་རྟེན་ཕན་ཕྱིར་རྒྱལ་བའི་སྐུ་གདུང་དག་།ཁམས་གསུམ་དག་ཏུ་རྒྱས་ཤིང་གང་བར་འགྱུར། །དེ་བཞིན་གཤེགས་པ་སེངྒེའི་སྟོབས་སྐྱེ་བའི། །ཡུལ་ནི་སེངྒེ་རྣམ་པར་བསྒྱིངས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཕན་དོན་ཡིན། །ལྷ་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་བདེན་སྨྲ་དགེ་ 401b བ་རིམ་གྲོ་པ། །ལྷུན་པོའི་འོད་ཅེས་བྱ་བ་མཁས་པ་སྟེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །བདུད་དང་སྲེད་པའི་དྲ་བ་འཇོམས་པ་པོ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་དྲུག་སྟོང་ཡིན། །འགྲོ་ལ་ཕན་ཕྱིར་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་ནས་པ་གྱུར། །རྒྱལ་བའི་སྐུ་གདུང་ཐམས་ཅད་རྒྱས་འགྱུར་པ། །གསེར་གྱི་རྒྱལ་མཚན་དག་གིས་འཁོར་བར་སྐོར། །དེ་བཞིན་གཤེགས་པ་དབང་སྒྱུར་རྒྱལ་པོ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་དགུ་བཅུ་རབ་ཏུ་གདུང་བ་ཡབ། །གྲགས་ཏོག་འཛིན་ཅེས་བྱ་བ་རྒྱལ་བའི་ཡུམ། །སྲས་པོ་དབང་བྱིན་ཆོས་སྦྱིན་རིམ་གྲོ་པ། །ཡོན་ཏན་ཚོགས་ཞེས་བྱ་བ་མཁས་པ་སྟེ། །བཀོད་པ་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གཉིས་ཀུན་ལའང ། །ལམ་རབ་མཆོག་གིས་ཤིན་ཏུ་དུལ་བ་པོ། །ཐེར་འབུམ་ཕྲག་ནི་བཅུ་བཅུ་ཚང་བར་འགྱུར། །མི་ཚེ་ལོ་གྲངས་ཅིག་ཁྲི་ལྔ་སྟོང་ཡིན། །བདེ་བར་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་ཆིག་ཁྲི་ལྔ་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །གསེར་གྱི་རྟ་བབས་མུ་ཏིག་བླ་བྲེར་ལྡན། །དེ་ 402a ༄#། །བཞིན་གཤེགས་པ་བདུད་རྩི་གསལ་བ་ཡི། །སྐྱེ་ཡུལ་འཇིག་རྟེན་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། ། དཔག་ཚད་བཅུ་ཡོད་ཡབ་ནི་གྲགས་བྱིན་ཡིན། །བདུད་རྩི་གྲགས་ཞེས་བྱ་བ་རྒྱལ་བའི་ཡུམ། །ཡོན་ཏན་འོད་སྲས་གཙོ་བོ་རིམ་གྲོ་པ། །ས་ལ་འགྲོ་ཞེས་བྱ་བ་མཁས་པ་སྟེ། ། རྣམ་པར་དག་པར་གནས་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །རྫུ་འཕྲུལ་རྐང་པ་མཆོག་ལ་དབང་གྱུར་བ། །བྱེ་བ་ཕྲག་ནི་བདུན་ཅུ་རེ་རེ་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་ལྔ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་དཔག་ཚད། །གསུམ་པ་ནོར་བུའི་ཆུན་པོ་བླ་བྲེར་ལྡན། །དེ་བཞིན་གཤེགས་པ་བསམ་གཏན་སྙོམས་པ་ཡི། །སྐྱེ་བའི་ཡུལ་ནི་འཕགས་པས་བལྟས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དབྱངས་བཟང་ཡིན། །དབྱངས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་པ་མ་སྨད་རིམ་གྲོ་པ། །དུལ་གནས་དགའ་ཞེས་བྱ་བ་མཁས་པ་སྟེ། །ཉི་མའི་སྒྲོན་མ་ཞེས་བྱ་རྫུ་འཕྲུལ་ཅན། །འདུས་བ་ལན་གྲངས་ཉི་ཤུ་གཉིས་ཀུན་ལའང ། །དགྲ་བཅོམ་གཡོ་མེད་ 402b དྲི་མ་མེད་པ་པོ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲི་བདུན་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་གཅིག་པ་ལ་རིན་ཆེན་སྤྲས། །མི་ཡི་འདྲེན་པ་འཁྲུག་པ་མེད་པ་ཡི། །སྐྱེ་བའི་ཡུལ་ནི་བྱམས་པས་བལྟས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་ལྔ་ལྷ་ཡི་རྫུ་འཕྲུལ་ཡབ། །ལྷ་དགའ་རྒྱལ་བའི་ཡུམ་ཡིན་སྲས་པོ་ནི། །ལྟ་བྱེད་ནི་ཚོད་བཟང་པོ་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །ཤིན་ཏུ་བསྒོམས་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་ཐམས་ཅད་བདག་ཉིད་དུལ་པ་པོ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་བདུན་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་ཏུ་མཆོད་རྟེན་དག་གིས་གང ། །དེ་བཞིན་གཤེགས་པ་དྲི་མ་རབ་ཞི་བའི། །སྐྱེ་བའི་ཡུལ་ནི་ཞི་བའི་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བཞི་རབ་ཏུ་ཞི་བ་ཡབ། །དབང་པོ་དུལ་ཞེས་བྱ་བ་རྒྱལ་བའི་ཡུམ། །སྲས་པོ་མཛེས་པ་ལེགས་ཞི་ 403a ༄#། །རིམ་གྲོ་པ། །ཡོན་ཏན་ཚོགས་ཞེས་བྱ་བ་མཁས་པ་སྟེ། །ཐར་པར་གཞོལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །བདུད་དང་ཉོན་མོངས་རབ་ཏུ་འཇོམས་པ་པོ། །དེ་དག་ཐེར་འབུམ་གཉིས་གཉིས་འདུས་པར་འགྱུར། །མི་ཚེ་ལོ་གྲངས་བདུན་ཁྲི་བདུན་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་ཅིག་ཁྲི་སུམ་སྟོང་བུར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་ཀུན་ནས་མཛེས་པར་བྱས། ། དེ་བཞིན་གཤེགས་པ་ཕྱོགས་མ་བསླད་པ་ཡི། །སྐྱེ་ཡུལ་ཀུ་མ་ད་ཡི་གཟི་བརྗིད་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཅིག་ཆོས་ཀྱི་སྐར་མདའ་ཡབ། །ཕྱོགས་ལྟ་རྒྱལ་ཡུམ་སྲས་པོ་གཟི་བརྗིད་ཅན། །གི་མི་ལ་ཞེས་བྱ་བ་རིམ་གྲོ་པ། །ཡོན་ཏན་མཐུ་རྩལ་ཞེས་བྱ་མཁས་པ་སྟེ། །སྤོང་སྤོབས་ཞེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་འང ། །སྲིད་པ་ཀུན་ལ་ཆགས་བྲལ་ཡིད་ལྡན་པ། །བྱེ་བ་ཕྲག་ནི་བཅུ་བཞི་བཅུ་བཞི་ཡོད། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།ཞིང་རྣམས་ 403b རྒྱས་ཤིང་རྣམ་པར་གང་བར་འགྱུར། །མི་ཡི་འདྲེན་པ་མཛེས་པ་སྐྱེ་བ་ཡི། །ཡུལ་ནི་རྣམ་པར་བརྒྱན་པའི་མཆོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལྷ་དབང་ཡིན། །འཇིག་རྟེན་འོད་ཅེས་བྱ་བ་རྒྱལ་བའི་ཡུམ། །སྲས་པོ་གཙོ་བོ་ཐར་འབྱོན་རིམ་གྲོ་པ། །རབ་ཏུ་བརྒྱན་ཅེས་བྱ་བ་མཁས་པ་སྟེ། །མཐུ་རྩལ་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ལྟ་བ་ཕལ་ཆེན་མ་ལུས་སྤོང་བ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །དམ་ཆོས་ལོ་གྲངས་བདུན་ཁྲི་བར་དུ་གནས། །མཆོད་རྟེན་དཔག་ཚད་བཅོ་ལྔ་པ་གཅིག་སྟེ། །གསེར་དང་ནོར་བུ་ཀུན་གྱི་ལྡ་ལྡི་བཤམས། །གདུགས་གྲངས་བརྒྱ་སྙེད་དག་གིས་འཁོར་བར་བསྐོར། །འཇིག་རྟེན་མཆོག་མ་ཞལ་བཟང་སྐྱེ་བ་ཡི། །ཡུལ་ནི་འཇིག་རྟེན་ལེགས་པར་ལྟ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལུས་བཟང་ཡིན། །མཉམ་ཉིད་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་ཁ་སྒྱུར་བློ་ལྡན་རིམ་གྲོ་པ། །ཤེས་སྐྱེས་དབང་ཕྱུག་ཅེས་བྱ་མཁས་པ་སྟེ། །ལེགས་དུལ་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང ། །ལྷ་མི་དག་ལ་ཕན་ཕྱིར་གནས་པ་པོ། །བྱེ་བ་ཕྲག་ནི་སུམ་ཅུ་བཞི་བཞི་ 404a ༄#། །ཡོད། །མི་ཚེ་ལོ་གྲངས་སུམ་ཅུ་རྩ་བདུན་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་མཛེས་པར་བྱས། །རྒྱལ་བ་ཤུགས་གནས་ཡེ་ཤེས་ལྡན་པ་ཡི། །སྐྱེ་ཡུལ་བསོད་ནམས་ལེགས་པར་བསགས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བདུན་ཡོད་ཡབ་ནི་ཡོན་ཏན་དོན། །དོན་གྱི་འོད་ཅེས་བྱ་བ་རྒྱལ་བའི་ཡུམ། །སྲས་པོ་ཀུན་འཕགས་དགའ་བོ་རིམ་གྲོ་པ། །ཤེས་བཟོད་ཅེས་ནི་བྱ་བ་མཁས་པ་སྟེ། །རྣམ་པར་གྲགས་པའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །ཡོན་ཏན་མཆོག་གི་མེ་ཏོག་ཁ་རྒྱས་པ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །གྲགས་པ་མཐའ་ཡས་པ་ཡི་དམ་ཆོས་དག་།ལོ་གྲང་ཉི་ཁྲི་ཉིས་སྟོང་བར་དུ་གནས། །རྒྱལ་བ་མྱ་ངན་འདས་པའི་སྐུ་གདུང་དག་།འགྲོ་ལ་ཕན་ཕྱིར་ཞིང་རྣམས་གང་བར་འགྱུར། །འཇིག་རྟེན་མཆོག་མ་གསུང་བའི་དབང་པོ་ཡི། ། སྐྱེ་ཡུལ་སྨྲ་བའི་དབང་ཕྱུར་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །སུམ་ཅུ་རྩ་གཉིས་ཤིང་རྟ་དབང་པོ་ཡབ། །འཕགས་པའི་འོད་ཅེས་བྱ་བ་རྒྱལ་ 404b བའི་ཡུམ། །སྲས་པོ་གྲགས་དགའ་བསོད་ནམས་རིམ་གྲོ་པ། །དགེ་བའི་སྟོབས་ཞེས་བྱ་བ་མཁས་པ་སྟེ། །ཆོས་ཀྱི་ང་རོ་མཆོག་མ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །བླ་མེད་བྱང་ཆུབ་མཆོག་ལ་ངེས་གྱུར་པ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག། ལོ་གྲངས་དགུ་ཁྲི་བར་དུ་གནས་པར་འགྱུར། །ལྷ་མི་དག་ལ་ཕན་ཕྱིར་རྒྱལ་བ་ཡི། །སྐུ་གདུང་དག་གིས་རྒྱས་ཤིང་གང་བར་འགྱུར། །མཚུངས་པ་མེད་པ་གཟི་བརྗིད་ཆེན་པོ་ཡི། ། སྐྱེ་ཡུལ་ལྷ་ཡིས་ཕྱག་བྱས་པ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ལྷ་རྫས་བཟང་པ་ཡབ། །ལྷ་ཡི་དབང་ཕྱུག་རྒྱལ་ཡུམ་ཡོན་ཏན་མཆོག་།སྲས་ཡིན་ཡོན་ཏན་གྲགས་པ་རིམ་གྲོ་པ། །ཐར་པའི་རྒྱལ་མཚན་ཞེས་བྱ་མཁས་པ་སྟེ། །དོན་ལེགས་བསམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང། །དགྲ་བཅོམ་འབྲས་བུ་མཆོག་ནི་ཐབ་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་ཕྲག་བཅོ་ལྔའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་བཅུ་འབྱུང ། །དེ་བཞིན་གཤེགས་པ་བློ་གྲོས་ 405a ༄#། །ཟབ་མོ་ཡི། །སྐྱེ་བའི་ཡུལ་ནི་ཡུལ་འཁོར་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་གྲངས་དོན་ཡིན། ། ཡོན་ཏན་བརྒྱན་བ་རྒྱལ་ཡུམ་སྲས་པོ་ནི། །ཡོན་ཏན་མཆོག་མ་གྲུབ་པ་རིམ་གྲོ་པ། །བྱང་ཆུབ་ཡོན་ཏན་འཛིན་པ་བློ་ཅན་སྟེ། །མཆོད་བསྔགས་ཞེས་ནི་བྱ་བ་རྫུ་འཕྲུལ་ཅན། ། འདུས་པ་ལན་གྲངས་ཉི་ཤུ་གཉིས་ཀུན་ལའང ། །དགྲ་བཅོམ་བྱེ་བ་ཕྲག་ནི་བརྒྱད་བརྒྱད་དང ། །གཞན་ཡང་ས་ཡ་ཕྲག་ནི་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སུམ་ཁྲིར་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། ། བཅུ་གཉིས་པ་གཅིག་མུ་ཏིག་བླ་བྲེར་ལྡན། །འཇིག་རྟེན་མགོན་པོ་བདུད་རྩི་སྐྱེ་བ་ཡི། །ཡུལ་ནི་གཟི་བརྗིད་དཔག་ཏུ་མེད་ཅེས་བྱ། །དེ་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་གཉིས་ཡབ་ནི་མཐའ་ཡས་ཡིན། །ང་རོ་མཐའ་ཡས་རྒྱལ་ཡུམ་སྲས་པོ་ནི། །ཀུན་མུ་ད་ཡིན་ལྟ་བྱེད་རིམ་གྲོ་པ། །འཇིག་རྟེན་དགའ་ཞེས་བྱ་བ་མཁས་པ་སྟེ། །འཇིག་རྟེན་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །གང་ཟག་དམ་པ་དགྲ་ནི་ཆོམས་པ་པོ། །བྱེ་བ་ཕྲག་ 405b ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་ཅིག་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་དགུ་བཅུ་འབྱུང ། །དེ་བཞིན་གཤེགས་པ་ཆོས་སྟོབས་སྐྱེ་བའི་ཡུལ། །བསོད་ནམས་ཏོག་གི་རྒྱལ་མཚན་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཚངས་བཟང་ཡིན། །ཚངས་པའི་མཆོད་རྟེན་རྒྱལ་ཡུམ་སྲས་པོ་ཡི། །དབང་པོ་ཐུལ་ཡིན་ཞི་བ་རིམ་གྲོ་པ། །ཡོན་ཏན་སྣང་བར་བྱེད་པ་མཁས་པ་སྟེ། །ཡོན་ཏན་མཆོག་ལ་གནས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལའང ། །རྡུལ་ཞི་དྲི་མ་གསུམ་དང་བྲལ་བ་པོ། ། བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །བློ་གྲོས་མཐའ་ཡས་པའི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཅིག་པ་གཅིག་རིན་ཆེན་དྲ་བར་ལྡན། །དེ་བཞིན་གཤེགས་པ་མཆོད་ལྡན་སྐྱེ་བའི་ཡུལ། །བསོད་ནམས་དག་གིས་བསྒྲུབས་པ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་ཟླ་བའི་དབང་པོ་ཡབ། །ཟླ་བའི་ཏོག་ཅེས་བྱ་བ་རྒྱལ་བའི་ཡུམ། །སྲས་པོ་མཆོག་མ་ངེས་པ་རིམ་གྲོ་ 406a ༄#། །པ། །ཕྱོགས་མཆོད་པ་ཞེས་བྱ་བ་མཁས་པ་སྟེ། །ཡེ་ཤེས་དག་པ་འཆད་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་བཞི་ཀུན་ལའང ། ། དགྲ་བཅོམ་ཞི་བའི་ཡིད་ལྡན་བསམ་གཏན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་ཀུན་ནས་མཛེས་པར་བྱས། །དེ་བཞིན་གཤེགས་པ་མིད་ཏོག་འོད་དག་པ། །སྐྱེ་བའི་ཡུལ་ནི་གཟི་བརྗིད་འཕགས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱད་ཅུ་ཡབ་ནི་ཞུམ་མེད་ཡིན། །ཡོན་ཏན་རྟོགས་བྱེད་མ་ནི་རྒྱལ་བའི་ཡུམ། །སྲས་པོ་ཀུན་རྒྱལ་རྒྱལ་དག་རིམ་གྲོ་པ། །ཡོན་ཏན་དབང་ཕྱུག་ཅེས་བྱ་མཁས་པ་སྟེ། །རབ་ཏུ་ཞི་བར་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །མ་སྨད་རྨ་མ་བྱུང་བའི་དགྲ་བཅོམ་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང ། །དམ་ཆོས་ལོ་གྲངས་དགུ་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །འཇིག་རྟེན་ཞིང་རྣམས་ 406b ཀུན་དུ་གང་བར་འགྱུར། །སངས་རྒྱས་ཁམས་གསུམ་དག་གི་མཆོད་གནས་ཀྱི། །སྐྱེ་བའི་ཡུལ་ནི་ཡུལ་འཁོར་འཕེལ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལག་བཟང་ཡིན། །དགེ་བའི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་སྐར་མཁན་མིག་ལྡན་རིམ་གྲོ་པ། །ཤེས་རབ་དགའ་བའི་དབྱངས་ནི་བློ་ཅན་ཏེ། །མཐའ་ཡས་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །བྱང་ཆུབ་སྤྱོད་པ་མཆོག་ལ་ངེས་གྱུར་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་པའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་བླ་རེས་མཛེས་པར་བྱས། །རྒྱལ་བ་སྒྲ་གཅན་ཉི་མའི་སྙིང་པོ་ཡི། །སྐྱེ་ཡུལ་འཇིག་རྟེན་ཤིན་ཏུ་འཕགས་ཞེས་བྱ། །རིགས་ནི་རྒྱལ་རིགས་སྟོང་གསུམ་འོད་དག་གིས། །རྒྱས་འགྱུར་ཤིང་རྟ་འདྲེན་པའི་དབང་པོ་ཡབ། །ནམ་མཁའ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་གཟི་ལེགས་ཆོས་ལྡན་རིམ་གྲོ་པ། །རྒྱལ་བའི་མཆོད་རྟེན་ཞེས་བྱ་མཁས་པ་སྟེ། །མཆོག་གི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །བླ་མེད་བྱང་ཆུབ་དག་ལ་ངེས་གྱུར་པ། །བྱེ་ 407a ༄#། །བ་ཕྲག་ནི་བདུན་ཅུ་བརྒྱད་བརྒྱད་ཡོད། །མི་ཚེ་ལོ་གྲངས་དག་ནི་དུང་ཕྱུར་ཡིན། །དམ་པའི་ཆོས་དག་ལོ་གྲངས་ཁྲི་ཕྲག་ནི། །ཐེར་འབུམ་བརྒྱད་བཅུའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །སྟོང་གསུམ་འཇིག་རྟེན་ཐམས་ཅད་གང་བར་འགྱུར། །དེ་བཞིན་གཤེགས་པ་ལྷ་ཡིས་མཆོད་པ་ཡི། །སྐྱེ་བའི་ཡུལ་ནི་ལྷ་དང་ཅེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་རྟོགས་བཟང་ཡིན། །མེ་ཏོག་འོད་ཅེས་བྱ་བ་རྒྱལ་བའི་ཡུམ། །སྲས་པོ་ཙནྡན་ཙམ་ཀ་རིམ་གྲོ་པ། །ལྷ་ཡི་ཁ་ལོ་སྒྱུར་བ་མཁས་པ་སྟེ། །ཀླུ་ཡིས་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། ། བདུད་རྩིའི་གོ་འཕང་ཞི་ལ་ལེགས་དུལ་བ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས། །སངས་རྒྱས་ཡོངས་སུ་མྱ་ངན་འདས་ནས་ཀྱང ། །འཇིག་རྟེན་ཕན་ཕྱིར་སྐུ་གདུང་རྒྱས་པར་འགྱུར། །དེ་བཞིན་གཤེགས་པ་ཐར་པའི་རྒྱལ་མཚན་གྱི། །སྐྱེ་ཡུལ་འཇིག་རྟེན་དད་པར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ཡབ་ནི་སྟེགས་བཟང་ཡིན། །སངས་རྒྱས་ 407b དབྱངས་ཞེས་བྱ་བ་རྒྱལ་བའི་ཡུམ། །སྲས་པོ་ཤེས་མཆོག་ཤེས་ལེགས་རིམ་གྲོ་པ། །གསེར་མཆོག་བརྩེགས་ཞེས་བྱ་བ་མཁས་པ་སྟེ། །དབྱངས་མཆོག་ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །འཇིག་རྟེན་ཆོས་ལས་རྣམ་གྲོལ་བསམ་གཏན་པ། །བྱེ་བ་ཕྲག་ནི་བརྒྱད་ཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །མཚུངས་པར་མེད་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་དགུ་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་དགུ་བཅུ་འབྱུང ། །དེ་བཞིན་གཤེགས་པ་དགེ་བའི་གཙུག་སྐྱེ་བའི་ཡུལ་ནི་བཀོད་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་བརྒྱའོ། །ཡབ་ནི་རིན་ཆེན་ཏོག་གི་རྒྱལ་མཚན་ཞེས་བྱའོ། །ཡུམ་ནི་དཔལ་གྱི་བཟང་མཆོག་མ་ཞེས་བྱའོ། །སྲས་ནི་ལེགས་མཐོང་ཞེས་བྱའོ། །རིམ་གྲོ་པ་ནི་བསོད་ནམས་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོན་པ་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་གྱི་མེ་ཏོག་ཁ་རྒྱས་པ་ཞེས་བྱའོ། །འདུས་པའི་དང་པོ་ལ་ནི་ཉན་ཐོས་དུང་ཕྱུར་ཕྲག་ལྔའོ། །གཉིས་པ་ལན་དུང་ཕྱུར་ཕྲག་དྲུག་གོ་།གསུམ་པ་ལ་ནི་དུང་ཕྱུར་ཕྲག་བདུན་ནོ། །བཞི་པ་ལ་ནི་དུང་ཕྱུར་ཕྲག་བརྒྱད་དོ། །ལྔ་པ་ལ་ནི་དུང་ཕྱུར་ཕྲག་ 408a ༄#། །དགུའོ། །སྐུ་ཚེ་ཆད་ནི་ལོ་སུམ་སྟོང་ངོ ། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདུད་རྩི་འོད་སྐྱེ་བའི་ཡུལ་ནི་ཡོན་ཏན་གཟི་བརྗིད་ལྔ་པ་ཞེས་བྱའོ། །རིགས་ནི་རྒྱལ་རིགས་སོ། །འོད་དཔག་ཚད་བདུན་སྟོང་ངོ ། །ཡབ་ནི་རིན་ཆེན་མཐའ་ཡས་འོད་ཅེས་བྱའོ། ། ཡུམ་ནི་རྣམ་པར་ཐར་པ་དགའ་ཞེས་བྱའོ། །སྲས་ནི་སྟོན་པ་གསལ་ཞེས་བྱའོ། །རིམ་གྲོ་པ་ནི་འཕགས་དད་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ཚོགས་ཀྱི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་རྡོ་རྗེ་ཞེས་བྱའོ། །ཉན་ཐོས་འདུས་པ་ནི་ལན་བཞི་བཅུ་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྡོ་རྗེ་སྐྱེ་བའི་ཡུལ་ནི་གདུལ་དཀའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་སེངྒེས་བྱིན་ཞེས་བྱའོ། །ཡུམ་ནི་ཡིད་དུ་འོང་བའི་དབྱངས་ཞེས་བྱའོ། །སྲས་ནི་ཡོན་ཏན་མཆོད་རྟེན་ཞེས་བྱའོ། །རིམ་གྲོ་པ་ནི་འཇིག་རྟེན་གྱིས་བསྔགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྒྲིབ་ 408b པ་མེད་པའི་གོ་འཕང་རྣམ་པར་གནོན་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་འབུམ་ཕྲག་བཅཝ་བརྒྱད་བཅོ་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། ། དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྟན་པ་སྐྱེ་བའི་ཡུལ་ནི་ཐོགས་པ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་མཐོང་བས་སྤོང་པར་བཟོད་ཅེས་བྱའོ། །ཡུམ་ནི་ཐར་པ་དགའ་ཞེས་བྱའོ། །སྲས་ནི་སྒྲིབ་པ་མེད་པར་མཐོང་བ་དང་ལྡན་པ་བཞེས་བྱའོ། །རིམ་གྲོ་པ་ནི་བདེན་སྨྲ་བརྡའི་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་པ་མེད་པ་སྟོན་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་ཐམས་ཅད་དུ་རྣམ་པར་གྲགས་པ་ཐོབ་ཅེས་བྱའོ། །ཉན་ཐོས་འདུས་པ་ནི་ལན་བཞི་བཅུ་སྟེ། ཐམས་ཅད་ལའང་བྱེ་བ་ཕྲག་བཅོ་བརྒྱད་བཅོ་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་འདུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་ཆེན་ཕུང་པོ་སྐྱེ་བའི་ཡུལ་ནི་ཡོན་ཏན་གྱི་ཚོགས་དང་ལྡན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་སྟོང་ངོ ། །ཡབ་ནི་ཡུལ་མཆོད་ཅེས་བྱའོ། །ཡུམ་ནི་ལྷ་དགའ་ཞེས་བྱའོ། །སྲས་ནི་ནོར་ 409a ༄#། །སྦྱིན་དགའ་ཞེས་བྱའོ། །རིམ་གྲོ་པ་ནི་ཡེ་ཤེས་ཡང་དག་འཕགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ཐམས་ཅད་རྣམ་པར་འབྱེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེམས་པ་ཐོགས་མེད་སྨྲ་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་ཕྲག་བཅུ་བཞི་བཅུ་བཞིའོ། ། སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཛེས་པར་གཤེགས་པ་སྐྱེ་བའི་ཡུལ་ནི་རིན་པོ་ཆེའི་བཀོད་པ་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་དྲུག་སྟོང་ངོ ། །ཡབ་ནི་རིན་ཆེན་ཏོག་འོད་ཅེས་བྱའོ། །ཡུམ་ནི་གསལ་ལྡན་མཐོང་ཞེས་བྱའོ། །སྲས་ནི་ཀུན་དུ་བཟང་ཞེས་བྱའོ། །རིམ་གྲོ་པ་ནི་བལྟ་སྡུག་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཡང་དག་འཕགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐམས་ཅད་བལྟས་སེམས་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མ་ལྟར་གཤེགས་པ་སྐྱེ་བའི་ཡུལ་ནི་དག་པར་མཐོང་ཞེས་བྱའོ། །རིགས་ནི་ 409b བྲམ་ཟེའོ། །འོད་ནི་དཔག་ཚད་སུམ་ཁྲི་ཉིས་སྟོང་ངོ ། །ཡབ་ནི་དགའ་བའི་ཟླ་བ་ཞེས་བྱའོ། །ཡུམ་ནི་ལེགས་མཐོང་མ་ཞེས་བྱའོ། །སྲས་ནི་དགའ་འོད་ཅེས་བྱའོ། །རིམ་གྲོ་པ་ནི་སྟོན་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་རྣམ་པ་དག་བྱེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལེགས་མཆོད་ཅེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དག་པའི་འོད་སྐྱེ་བའི་ཡུལ་ནི་མཛེས་སེམས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་སེངྒེའི་འགྲམ་པ་ཞེས་བྱའོ། །ཡུམ་ནི་ཡོན་ཏན་མཐོང་ཞེས་བྱའོ། །སྲས་ནི་ཆོས་ཀྱི་སྒྲོན་མ་ཞེས་བྱའོ། །རིམ་གྲོ་པ་ནི་མཐོང་བས་སྤོང་བའི་བློ་གྲོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོ་བརྩགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་ལེགས་སེམས་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་བདུན་འབུམ་དྲུག་ཁྲི་དྲུག་ཁྲིའོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་གཅུག་སྐྱེ་བའི་ཡུལ་ནི་རིན་པོ་ཆེས་བརྒྱན་པ་ཞེས་བྱའོ། །རིགས་ནི་རྒྱལ་ 410a ༄#། །རིགས་སོ། །འོད་ནི་དཔག་ཚད་བདུན་ཅུ་རྩ་བཞིའོ། །ཡབ་ནི་མེ་ཏོག་སྒྲོན་མ་ཞེས་བྱའོ། །ཡུམ་ནི་ཟླ་ལེགས་ཞེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་སྟོན་པ་མཐའ་ཡས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོན་གསལ་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཛེས་དགའ་ཞེས་བྱའོ། །འདུས་པ་ནི་ལན་བཅུ་གསུམ་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དཔལ་རྫོགས་སྐྱེ་བའི་ཡུལ་ནི་རིན་པོ་ཆེའི་བཀོད་པ་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་ཚངས་ལྷ་ཞེས་བྱའོ། །ཡུམ་ནི་ཚངས་བདག་མ་ཞེས་བྱའོ། །སྲས་ནི་རིན་ཆེན་མཆོག་ཅེས་བྱའོ། །རིམ་གྲོ་པ་ནི་སྟོན་བཟོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་རྟེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་བཟང་ཞེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། ། དམ་པའི་ཆོས་ནི་ལོ་བརྒྱད་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེངྒེའི་ 410b སྟབས་སྐྱེ་བའི་ཡུལ་ནི་གཙུག་གི་ཡོན་ཏན་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བརྒྱའོ། །ཡབ་ནི་མཐུ་རྩལ་བག་མི་ཚ་ཞེས་བྱའོ། །ཡུམ་ནི་མཐུ་རྩལ་འཇིགས་མེད་མ་ཞེས་བྱའོ། །སྲས་ནི་འཇིག་རྟེན་མཆོད་ཅེས་བྱའོ། །རིམ་གྲོ་པ་ནི་བརྩོན་འགྲུས་བརྟེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྩོན་པ་མི་འདོར་བར་ཞེས་བྱའོ། ། རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་རྒྱལ་མཚན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་ཕྲག་བདུན་ཅུའོ། །གཉིས་པ་ལ་ནི་ཐེར་འབུམ་ཕྲག་བརྒྱད་ཅུའོ། །གསུམ་པ་ལ་ནི་ཐེར་འབུམ་ཕྲག་དགུ་བཅུའོ། །བཞི་པ་ལ་ནི་ཐེར་འབུམ་ཕྲག་སྟོང་ངོ ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྱེན་དུ་འཕགས་སྐྱེ་བའི་ཡུལ་ནི་དགའ་བ་བཀོད་པ་མཐའ་ཡས་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་ལྷ་གདུགས་ཞེས་བྱའོ། །ཡུམ་ནི་བདུད་རྩིའི་མེ་ཏོག་ཅེས་བྱའོ། །སྲས་ནི་སྤོབས་བའི་གཟི་བརྗིད་ཅེས་བྱའོ། །རིམ་གྲོ་པ་ནི་ཡེ་ཤེས་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲོལ་བའི་ཕུང་པོ་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་ས་ཡ་ཕྲག་གསུམ་ 411a ༄#། །གསུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་བྱིན་སྐྱེ་བའི་ཡུལ་ནི་མེ་ཏོག་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ས་ཡ་ཕྲག་གསུམ་མོ། ། ཡབ་ནི་ཡོན་ཏན་མེ་ཏོག་ལྷ་ཞེས་བྱའོ། །ཡུམ་ནི་ལྷའི་མེ་ཏོག་ཅེས་བྱའོ། །སྲས་ནི་བདུད་རྩིའི་སྙིང་པོ་ཞེས་བྱའོ། །རིམ་གྲོ་པ་ནི་སྤོས་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་རྣམ་པར་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་རྩི་གིས་གྲག་ཞེས་བྱའོ། །འདུས་པ་ནི་ལན་དྲུག་ཅུ་སྟེ། །ཐམས་ཅད་ལའང་ཐེར་འབུམ་ཕྲག་བརྒྱད་ཅུ་བརྒྱད་ཅུའོ། །སྐུ་ཚེའི་ཚད་ནི་ལ་བྱེ་བ་ཕྲག་དྲུག་གོ་།དམ་པའི་ཆོས་ནི་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་འགྱེད་པ་སྐྱེ་བའི་ཡུལ་ནི་རིན་ཆེན་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུའོ། །ཡབ་ནི་ནོར་སྦྱིན་གསལ་ཞེས་བྱའོ། །ཡུམ་ནི་ཡེ་ཤེས་བྱིན་ཞེས་བྱའོ། །སྲས་ནི་ཉི་མའི་སྙིང་པོ་ཞེས་བྱའོ། །རིམ་གྲོ་པ་ནི་འོད་མཆོག་ཅེས་བྱའོ། ཤེས་རབ་ཅན་རྣམས་ཀྱི་མཆོག་ནི་བཟང་པོའི་འབྱུང་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ 411b མཐུ་རྩལ་མཛེས་བ་ཞེས་བྱའོ། །འདུས་པ་ནི་ལན་དྲུག་ཅུ་སྟེ། །ཐམས་ཅད་ལའང་ས་ཡ་ཕྲག་གསུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་གུ་འདུག་གོ། །མཆོད་རྟེན་ནི་དཔག་ཚད་བཅུ་པ་སྟེ། གཅིག་ཏུ་ཟད་དོ། །དེ་བཞིན་གཤེགས་པ་པདྨ་སྐྱེ་བའི་ཡུལ་ནི་རྣམ་པར་སྣང་བྱེད་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་ལྷས་མཆོད་ཅེས་བྱའོ། །ཡུམ་ནི་ཡེ་ཤེས་འཛིན་ཅེས་བྱའོ། །སྲས་ནི་མཁས་པའི་བློ་གྲོས་ཞེས་བྱའོ། ། རིམ་གྲོ་པ་ནི་ཐོགས་པ་མེད་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་རྡོ་རྗེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱེ་བའི་མཆོད་རྟེན་ཞེས་བྱའོ། །འདུས་པ་ནི་ལན་བཅུ་གཉིས་ཏེ། ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་ཐར་བའི་མེ་ཏོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་འབྱོར་བྱིན་ཞེས་བྱའོ། ། ཡུམ་ནི་ལེགས་སྤོང་བྱིན་ཞེས་བྱའོ། །སྲས་ནི་དགའ་བའི་དབྱངས་ཞེས་བྱའོ། །རིམ་གྲོ་པ་ནི་ཡོན་ཏན་བཀོད་པ་མཐའ་ཡས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ 412a ༄#། །ཟླ་མཆོག་དང་བའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་རིན་ཆེན་འོད་ཅེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བཀོད་པ་མཛེས་སྐྱེ་བའི་ཡུལ་ནི་ཡེ་ཤེས་བཀོད་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་བསོད་ནམས་བཀོད་པ་ཞེས་བྱའོ། །ཡུམ་ནི་བཀྲ་ཤིས་གསལ་ཞེས་བྱའོ། །སྲས་ནི་བསོད་ནམས་ལ་གཅེས་བྱའོ། །རིམ་གྲོ་པ་ནི་ཤེས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མཐུ་རྩལ་མི་གཡོ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱ་མཚོའི་བློ་ཞེས་བྱའོ། །འདུས་པ་ནི་ལན་བྱེ་བ་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་བཅུ་གཉིས་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་གཏི་མུག་མེད་པར་གནས་པ་སྐྱེ་བའི་ཡུལ་ནི་སྒྲིབ་པ་མེད་པའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་རིན་ཆེན་གཏོང་ཞེས་ 412b བྱའོ། །ཡུམ་ནི་ལྷའི་འོད་ཟེར་ཞེས་བྱའོ། །སྲས་ནི་ལྷ་མཆོག་ཅེས་བྱའོ། །རིམ་གྲོ་པ་ནི་ཡོན་ཏན་གཞོལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐྱོན་མེད་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་བའི་ཕུང་པོ་འོད་ཅེས་བྱའོ། །འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལའང་ཁྲི་ཕྲག་བཅུ་གསུམ་བཅུ་གསུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྨ་མེད་པ་སྐྱེ་བའི་ཡུལ་ནི་ཡོན་ཏན་ཐམས་ཅད་ཀྱི་འབྱུང་གནས་ཞེས་བྱའོ། ། རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་སྟོང་ངོ ། །ཡབ་ནི་ཀུན་ཏུ་འོད་ཅེས་བྱའོ། །ཡུམ་ནི་དེ་ལྡན་མ་ཞེས་བྱའོ། །སྲས་ནི་རྣམ་པར་སྣང་བྱེད་མིག་ཅེས་བྱའོ། །རིམ་གྲོ་པ་ནི་ཀུན་དུ་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་མཐའ་ཡས་གྲགས་ཞེས་བྱའོ། །འདུས་པ་ནི་ལན་ལྔ་བཅུ་སྟེ། །ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་བཅོ་ལྔ་པ་སྟེ། གཅིག་ཏུ་ཟད་དོ། །དེ་བཞིན་གཤེགས་པ་ཏོག་གི་རྒྱལ་མཚན་སྐྱེ་བའི་ཡུལ་ནི་ཏོག་གི་འོད་ཅེས་བྱའོ། །རིགས་ 413a ༄#། །ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ ། །ཡབ་ནི་བསོད་ནམས་ཏོག་ཅེས་བྱའོ། །ཡུམ་ནི་བདེན་སྨྲ་ཞེས་བྱའོ། །སྲས་ནི་ཤེས་རབ་དབྱངས་ཞེས་བྱའོ། །རིམ་གྲོ་པ་ནི་ཡོན་ཏན་ཐམས་ཅད་ཀྱི་ཚོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་མཐུ་རྩལ་ཞེས་བྱའོ། །འདུས་པ་ནི་ལན་དྲུག་ཅུ་སྟེ། །ཐམས་ཅད་ལའང་ཕྱིར་མི་ལྡོག་བའི་བྱང་ཆུབ་སེམས་དཔའ་འབུམ་ཕྲག་དགུ་བཅུ་རྩ་དགུ་དགུ་ཡོད་དོ། །སྐུ་ཚེའི་ཚད་ནི་ལོ་ལྔ་ཁྲིའི། །དམ་པའི་ཚེས་ཀྱང་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདེ་བར་དགོངས་སྐྱེ་བའི་ཡུལ་ནི་བདེ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ཉིས་བརྒྱའོ། །ཡབ་ནི་ཐར་སེམས་རྒྱལ་པོ་ཞེས་བྱའོ། །ཡུམ་ནི་དབང་པོ་དུལ་ཞེས་བྱའོ། །སྲས་ནི་དོན་གྱི་བློ་གྲོས་ཞེས་བྱའོ། །རིམ་གྲོ་པ་ནི་ཐར་པའི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེངྒེའི་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་དག་པའི་དོན་ཅེས་བྱའོ། །འདུས་པ་ནི་ལན་སུམ་ཅུ་རྩ་དྲུག་སྟེ། །ཐམས་ཅད་ལའང་ཐེར་འབུམ་ཕྲག་བཅོ་བརྒྱད་དོ། །སྐུ་ཚེའི་ཚད་ནི་ལོ་བརྒྱ་ཁྲིའོ། །དམ་པའི་ཆོས་ནི་ལོ་བརྒྱད་ཁྲི་བརྒྱད་སྟོང་གི་བར་དུ་ 413b གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཏི་མུག་མེད་པའི་རྒྱལ་པོ་སྐྱེ་བའི་ཡུལ་ནི་མཆོག་ཏུ་སྤོང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ་།ཡབ་ནི་ལྷ་མཆོད་ཅེས་བྱའོ། །ཡུམ་ནི་བཟང་ལྡན་མ་ཞེས་བྱའོ། །སྲས་ནི་རྩལ་པོ་ཆེ་ཞེས་བྱའོ། །རིམ་གྲོ་པ་ནི་མཐུ་རྩལ་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྱི་ཚོགས་ཐམས་ཅད་རབ་ཏུ་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ན་དབྱངས་སྙན་གནས་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་དྲུག་པ་སྟེ། གཅིག་ཏུ་ཟད་དོ། །དེ་བཞིན་གཤེགས་པ་མཆོག་མཁྱེན་སྐྱེ་བའི་ཡུལ་ནི་སྒྲོན་མ་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུའོ། །ཡབ་ནི་ཏོག་ཅེས་བྱའོ། །ཡུམ་ནི་ཡིད་འཐད་དཔལ་ཞེས་བྱའོ། །སྲས་ནི་ལེགས་མཐོང་ཞེས་བྱའོ། །རིམ་གྲོ་པ་ནི་ཞུམ་མདོ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མེ་ཏོག་གཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པའི་རྒྱལ་མཚན་ཞེས་བྱའོ། །འདུས་པ་ནི་ལན་ཉི་ཤུ་རྩ་ལྔ་སྟེ། །ཐམས་ཅད་ལའང་འབུམ་ཕྲག་གཉིས་ཤུ་རྩ་གསུམ་མོ། །སྐུ་ཚེའི་ཚད་ནི་ལོ་ཉི་ 414a ༄#། །ཁྲིའོ། །དམ་པའི་ཚེས་ཀྱང་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རིལ་བོ་གཅིག་ཏུ་འདུག་གོ་།མཆོག་རྟེན་ནི་དཔག་ཚད་བདུན་པ་སྟེ། གཅིག་ཏུ་ཟད་དོ། ། དེ་བཞིན་གཤེགས་བདག་བའི་རྒྱ་མཚོ་སྐྱེ་བའི་ཡུལ་ནི་རྟོགས་པས་སྤོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་བསོད་ནམས་འཕགས་ཞེས་བྱའོ། །ཡུམ་ནི་སྒྲ་གཅན་མེ་ཏོག་ཅེས་བྱའོ། །སྲས་ནི་མཐུ་རྩལ་འགྲོས་ཞེས་བྱའོ། །རིམ་གྲོ་པ་ནི་བཟང་དཔལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་བརྩེགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་ཅེས་བྱའོ། །འདུས་པ་ནི་ལན་བརྒྱད་ཅུ་རྩ་བཞི་སྟེ། །ཐམས་ཅད་ལའང་དུང་འཕྱུར་ཕྲག་བརྒྱད་བརྒྱད་ཡོད་དོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་མངའ་སྐྱེ་བའི་ཡུལ་ནི་རིན་ཆེན་མཐའ་ཡས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་བཞི་སྟོང་ངོ ། །ཡབ་ནི་ཤིན་ཏུ་མཐོང་འགྲོ་ཞེས་བྱའོ། །ཡུམ་ནི་སཝ་ལའི་སྒྲ་རྒྱལ་ཞེས་བྱའོ། །སྲས་ནི་ལྷའི་འོད་ཟེར་ཞེས་བྱའོ། །རིམ་གྲོ་པ་ནི་ཟླ་གདུགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་ཏོག་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་རྩིའི་སྤོས་ 414b ཞེས་བྱའོ། །འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་བྱེ་བ་ཕྲག་དགུ་བཅུ་རྩ་དགུ་དགུ་ཡོད་དོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་བཅུ་གསུམ་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་མི་དམའི་བ་སྐྱེ་བའི་ཡུལ་ནི་འཆི་བ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་ངོ ། །ཡབ་ནི་དགྲ་འདུལ་ཞེས་བྱའོ། །ཡུམ་ནི་བཞིན་གསལ་མ་ཞེས་བྱའོ། །སྲས་ནི་བལྟ་སྡུག་ཅེས་བྱའོ། །རིམ་གྲོ་པ་ནི་གཟི་བརྗིད་མཐའ་ཡས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔལ་འཛིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆུ་པོ་སྤོང་ཞེས་བྱའོ། །འདུས་པ་ནི་ལན་སུམ་ཅུ་སྟེ། །ཐམས་ཅད་ལའང་བྱེ་བ་ཕྲག་དགུ་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་པོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྐྱེ་བོ་དགའ་བར་མཛད་པ་སྐྱེ་བའི་ཡུལ་ནི་འབྱོར་པའི་མཛོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་སྟོང་ངོ ། །ཡབ་ནི། ཀླུས་བྱིན་ཞེས་བྱའོ། །ཡུམ་ནི་མཐོང་ལེགས་ཞེས་བྱའོ། །སྲས་ནི་དྲི་མེད་བློ་ཞེས་བྱའོ། །རིམ་གྲོ་པ་ནི་མཛེས་གྲུབ་པ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཟེར་ཞེས་ 415a ༄#། །བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་རྣམ་པར་གྲགས་ཞེས་བྱའོ། །འདུས་པ་ནི་ལན་དགུ་བཅུ་སྟེ། །ཐམས་ཅད་ལའང་ས་ཡ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་བཅུ་གཅིག་པ་སྟེ།་གཅིག་ཏུ་ཟད་དོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ཉི་ཤུ་གཅིག་པ། དེ་བཞིན་གཤེགས་པ་རྨ་བྱའི་ང་རོ་སྐྱེ་བའི་ཡུལ་ནི་སྒྲ་དབྱངས་སྙན་པ་ཞེས་བྱའོ། །རིགས་ནི་རྒྱལ་རིགས་སོ། འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་དྲུག་ཙམ་མོ། །ཡབ་ནི་བསོད་ནམས་མཐའ་ཡས་འོད་ཅེས་བྱའོ། །ཡུམ་ནི་བསོད་ནམས་ཀྱི་ཚོགས་ཀྱི་གཟི་བརྗིད་ཅེས་བྱའོ། །སྲས་ནི་མཐུ་རྩལ་སྤྱོད་པའི་རྒྱལ་པོ་ཞེས་བྱའོ། །རིམ་གྲོ་པ་ནི་མཆོད་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཅོད་པ་མཛེས་པར་སྒྲུབ་པ་སེམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཏོག་མཆོད་འོད་ཅེས་བྱའོ། །འདུས་པ་ནི་ལན་དགུ་བཅུ་སྟེ། །ཐམས་ཅད་ལའང་དུང་འཕྱུར་ཕྲག་བཞི་བཞིའོ། །སྐུ་ཚེའི་ཆད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་ 415b གཤེགས་པ་མ་ཞུམ་སྐྱེ་བའི་ཡུམ་ནི་ཟིལ་གྱིས་མི་ནོན་བཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ ། །ཡབ་ནི་མིའི་ཟླ་བ་ཞེས་བྱའོ། །ཡུམ་ནི་འོད་བཟང་ཞེས་བྱའོ། །མས་ནི་ཕྱོགས་ལྟ་ཞེས་བྱའོ། །རིམ་གྲོ་པ་ནི་དོན་གྱི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐའ་ཡས་ཏོག་ཅེས་བྱའོ། །འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་བཅུ་པ་སྟེ། གཅིག་ཏུ་ཟད་དོ། །དེ་བཞིན་གཤེགས་པ་སྲིད་པའི་སྲེད་པ་དྲི་མ་སྤངས་པ་སྐྱེ་བའི་ཡུལ་ནི་རིན་ཆེན་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་སྟོང་དྲུག་བརྒྱའོ། །ཡབ་ནི་རིན་པོ་ཆེའི་ཕུང་པོ་ཞེས་བྱའོ། །ཡུམ་ནི་གཟི་བརྗིད་གསལ་བ་ཞེས་བྱའོ། །སྲས་ནི་ཟླ་ལེགས་ཞེས་བྱའོ། །རིམ་གྲོ་པ་ནི་རིན་ཆེན་མཆོག་ཏུ་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཡོ་བ་མེད་པའི་འགྲོས་ཀྱི་གཟི་བརྗིད་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་དང་སེམས་ཞེས་བྱའོ། །འདུས་པ་ནི་ལན་ཐེར་འབུམ་སྟེ། །ཐམས་ཅད་ལའང་དུང་ཕྱུར་ཕྲག་བཞི་བ་ཞེའོ། །སྐུ་ཚེའི་ཚད་ནི་ 416a ༄#། །ལོ་དགུ་ཁྲིའི། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱོད་པའི་སྟེགས་སྐྱེ་བའི་ཡུལ་ནི་དགྲ་བཅོམ་བཀོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་མཛེས་པ་ཞེས་བྱའོ། །ཡུམ་ནི་ཉི་མའི་སྙིང་པོ་ཞེས་བྱའོ། །སྲས་ནི་ཟླ་མཆོག་ཅེས་བྱའོ། །རིམ་གྲོ་པ་ནི་བཀོད་པ་ཡིད་འོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐོང་བ་གཡོ་བ་མེད་པར་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་གྲོལ་བས་སྤོང་བའི་གཟི་བརྗིད་རྒྱལ་པོ་ཞེས་བྱའོ། །འདུས་པ་ནི་ལན་དགུ་བཅུ་སྟེ། །ཐམས་ཅད་ལའང་བྱེ་བ་ཕྲག་དགུ་བཅུ་དགུ་བཅུའོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་བཅུ་དྲུག་པ་སྟེ། གཅིག་ཏུ་ཟད་དོ། །དེ་བཞིན་གཤེགས་པ་ལྷ་མང་པོས་སྙན་པར་གྲགས་པ་སྐྱེ་བའི་ཡུལ་ནི་གྲགས་པ་མཐའ་ཡས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་ལྷ་དགའ་ཕྲུག་གུ་ཞེས་བྱའོ། །ཡུམ་ནི་པདྨ་དཀར་པོའི་སྤོས་ཞེས་བྱའོ། །སྲས་ནི་སེངྒེའི་སྟབས་གནས་གཟི་བརྗིད་ཅེས་བྱའོ། །རིམ་གྲོ་པ་ནི་ཟླ་དཔལ་བླ་མ་ཞེས་བྱའོ། །ཤེས་རབ་ཅན་རྣམས་ཀྱི་ 416b མཆོག་ནི་རྒྱན་བཀོད་པའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེ་གནས་ཕྲུག་གུ་སྡུག་ཅེས་བྱའོ། །འདུས་པ་ནི་ལན་ལྔ་བཅུ་སྟེ། །ཐམས་ཅད་ལའང་ཐེར་འབུམ་ཕྲག་ལྔ་བཅུ་རྩ་དྲུག་དྲུག་གོ་།སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་པོ་ཆེའི་སྟོབས་སྐྱེ་བའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་ཡུལ་འཁོར་དྲི་མ་མེད་ཅེས་བྱའོ། །ཡུམ་ནི་གཙུག་ན་རིན་པོ་ཆེ་ཞེས་བྱའོ། །སྲས་ནི་ཆོས་འོད་ཅེས་བྱའོ། །རིམ་གྲོ་པ་སྒྲ་དབྱངས་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་བས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱོན་མེད་རིན་ཆེན་ཞེས་བྱའོ། །འདུས་པ་ནི་ལན་བཞི་བཅུ་སྟེ། །ཐམས་ཅད་ལའང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ནི་དཔག་ཚད་བཅུ་བཞི་པ་སྟེ། གཅིག་ཏུ་ཟད་དོ། །དེ་བཞིན་གཤེགས་པ་ཕྱག་ན་པདྨ་བསྣམས་པ་སྐྱེ་བའི་ཡུལ་ནི་རིན་པོ་ཆེ་བཀོད་པ་མཐའ་ཡས་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ལྔ་བཅུ་རྩ་བཞི་ཙམ་ 417a ༄#། །མོ། །ཡབ་ནི་གནས་པ་ལས་འདས་པ་ཞེས་བྱའོ། །ཡུམ་ནི་སྐྱོན་མེད་སེམས་ཞེས་བྱའོ། །སྲས་ནི་གཟི་བརྗིད་ཉི་མ་གསལ་ཞེས་བྱའོ། །རིམ་གྲོ་པ་ནི་དགའ་པ་སྣ་ཚོགས་ལ་གནས་པར་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེངྒེའི་ང་རོ་སྒྲ་སྒྲོགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐེར་མཆོག་དགའ་ཞེས་བྱའོ། །འདུས་པ་ནི་ལན་སུམ་ཅུ་སྟེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེ་ཚད་ནི་ལོ་བཞི་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་བཞི་ཁྲི་ཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དཔལ་སྐྱེ་བའི་ཡུལ་ནི་གཟི་བརྗིད་རྒྱལ་པོའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་བློ་གྲོས་བསོད་ནམས་གསལ་ཞེས་བྱའོ། །ཡུམ་ནི་ལྷ་མཆོད་ཅེས་བྱའོ། །སྲས་ནི་གཟི་བརྗིད་མཐའ་ཡས་ལྟ་ཞེས་བྱའོ། ། རིམ་གྲོ་པ་ནི་ཕྱོགས་དང་ཕྱོགས་མཚམས་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིའི་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་དཔག་ཏུ་མེད་པའི་འོད་ཅེས་བྱའོ། །འདུས་པ་ནི་ལན་སུམ་ཅུ་རྩ་གསུམ་སྟེ། །ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་ཐེར་འབུམ་ཕྲག་ཉི་ཤུ་ཉི་ཤུའོ། །སྐུ་ཚེའི་ 417b ཚད་ནི་ལོ་བརྒྱད་ཁྲིའོ། །ཐམས་ཅད་བྱང་ཆུབ་དུ་ཡོངས་སུ་སྨིན་པར་བྱ་བའི་ཕྱིར་དམ་བའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྲ་ལས་རྒྱལ་པ་སྐྱེ་བའི་ཡུལ་ཞི་ཁ་དོག་ཟིལ་གྱིས་མི་ནོན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་སྟོང་དྲུག་བརྒྱའོ། །ཡབ་ནི་ལེགས་མཐོང་ཟླ་བ་ཞེས་བྱའོ། །ཡུམ་ནི་དགྲ་བཅོམ་དགའ་མཆོད་ཅེས་བྱའོ། །སྲས་ནི་ཡེ་ཤེས་མཆོག་རིགས་འཛིན་ཅེས་བྱའོ། །རིམ་གྲོ་པ་ནི་ལྷ་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེངྒེའི་མཐུ་རྩལ་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་མཐའ་ཡས་གསལ་ཞེས་བྱའོ། །བྱང་ཆུབ་སེམས་དཔའ་རྣམས་ཀྱི་འདུས་པ་ནི་གྲངས་མེད་དེ། །གང་གི་ཉིན་མོ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཉིན་མོ་དེ་ཁོ་ན་ཡོངས་སུ་མྱ་ངན་ལས་འདའ་བར་ཡང་བྱེད་དོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ ། །ཐམས་ཅད་ཀྱང་བྱང་ཆུབ་ཏུ་ཡོངས་སུ་སྨིན་པར་བྱ་བའི་ཕྱིར་དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་ཐེར་འབུམ་འབུམ་ཕྲག་བཅུ་འབྱུང་ངོ ། །དེ་བཞིན་གཤེགས་པ་འབྱོར་ལྡན་གྲགས་པ་སྐྱེ་བའི་ཡུལ་ནི་རིན་པོ་ཆེ་ཐམས་ཅད་བཀོད་པ་ཞེས་བྱའོ། །རིགས་ནི་བྲམ་ཟེའོ། ། 418a ༄#། །འོད་ནི་དཔག་ཚད་སུམ་སྟོང་དྲུག་བརྒྱའོ། །ཡབ་ནི་རིན་ཆེན་མཆོག་ཅེས་བྱའོ། །ཡུམ་ནི་ཡོན་ཏན་རིན་ཆེན་འོད་ཅེས་བྱའོ། །སྲས་ནི་མཆོད་འདོད་ཅེས་བྱའོ། །སིམ་རོ་པ་ནི་ཀུན་ཏུ་བཟད་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་པོ་ཆེ་ཏོག་གི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་གྲུབ་བློ་གྲོས་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་བརྒྱད་ཁྲི་ལྔ་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡུལ་འཁོར་བཟད་པོ་སྐྱེ་བའི་ཡུལ་ནི་རིན་པོ་ཆེའི་འོད་དང་ལྡན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཅུའོ། །ཡབ་ནི་གཟི་བརྗིད་ལེགས་སྤྲས་ཞེས་བྱའོ། །ཡུམ་ནི་མེ་ཏོག་བྱིན་ཞེས་བྱའོ། །སྲས་ནི་བསོད་ནམས་སྟོབས་ཞེས་བྱའོ། །རིམ་གྲོ་པ་ནི་རྫུ་འཕྲུལ་ཅན་ཞེས་བྱའོ་།ཤེས་རབ་ཅན་རྣམས་ཀྱི་མཆོག་ནི་བདེན་པའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུལ་བ་མེད་པར་གནས་པ་ཞེས་བྱའོ། །འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་བྱེ་བ་སྟོང་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ཀྱང་ལོ་ཉི་ 418b ཁྲིའི་བར་དུ་གནས་སོ། །སྐུ་གདུང་ཞི་རྒྱས་པར་འགྱུར་རོ། དེ་བཞིན་གཤེགས་པ་མེ་ཏོག་འོད་སྐྱེ་བའི་ཡུལ་ནི་མེ་ཏོག་ཕུང་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲི་བཞི་སྟོང་ངོ ། །ཡབ་ནི་ཤིང་སྐྱེས་གཙོ་བོ་ཞེས་བྱའོ། །ཡུམ་ནི་བླ་སྡུག་འོད་ཅེས་བྱའོ། །སྲས་ནི་བལྟ་བས་མཐོང་ཞེས་བྱའོ། །རིམ་གྲོ་པ་ནི་བདུད་རྩིའི་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཁ་ལ་སྒྱུར་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་ཏོག་མྱ་ངན་འཚང་ཞེས་བྱའོ། །འདུས་པ་ནི་ལན་བཅོ་ལྔ་སྟེ། །ཐམས་ཅད་ལའང་བྱེ་བ་ཕྲག་སུམ་ཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ ། །དམ་པའི་ཆོས་ཀྱང་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་བོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེངྒེའི་ང་རོ་སྐྱེ་བའི་ཡུལ་ནི་མི་ཐུབ་པའི་ཚོགས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། ། ཡབ་ནི་ས་མཆོག་ཅེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་སེངྒེའི་མཐུ་རྩལ་ཞེས་བྱའོ། །རིམ་གྲོ་པ་ནི་རིན་ཆེན་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཟང་མཆོག་ཏོག་ཅེས་བྱའོ། །འདུས་པ་ནི་ལན་བཅུ་གཉིས་ཏེ། ཐམས་ཅད་ལའང་ 419a ༄#། །འབུམ་འབུམ་མོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་ལྟར་ཤར་བ་སྐྱེ་བའི་ཡུལ་ནི་གློག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ ། །ཡབ་ནི་བལྟ་སྡུག་ཅེས་བྱའོ། །ཡུམ་ནི་ཉི་མའི་བཞིན་ཞེས་བྱའོ། །སྲས་ནི་ཀུན་ཏུ་ལྟ་ཞེས་བྱའོ། །རིམ་གྲོ་པ་ནི་ཀུན་ཏུ་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མཐུ་རྩལ་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་རྒྱ་ཆེན་ཞེས་བྱའོ། །འདུས་པ་ནི་ལན་བཅུ་སྟེ། །ཐམས་ཅད་ལའང་འབུམ་འབུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི། རྒྱས་པར་འགྱུར་རོ། །དེ་བཞིན་གཤེགས་པ་འཇོམས་པའི་མཆོག་སྐྱེ་བའི་ཡུལ་ནི་སྣང་མཐའ་ཡས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུ་རྩ་དྲུག་གོ་།ཡབ་ནི་ཙནྡན་བཟང་པོ་ཞེས་བྱའོ། །ཡུམ་ནི་རིན་ཆེན་མཆོག་ཅེས་བྱའོ། །སྲས་ནི་རིན་ཆེན་དཔལ་ཞེས་བྱའོ། །རིམ་གྲོ་བ་ནི་མཐུ་རྩལ་སྟོབས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བལྟ་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་མཐའ་ཡས་འོད་ཅེས་བྱའོ། ། 419b འདུས་པ་ནི་ལན་ཉི་ཤུ་རྩ་གཉིས་ཏེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་ཁྲི་ལྔ་སྟོང་ངོ ། །དམ་པའི་ཆོས་ཀྱང་ལོ་ཉི་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་གཡོ་བ་སྐྱེ་བའི་ཡུལ་ནི་བློ་གནས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲི་བདུན་སྟོང་ངོ ། །ཡབ་ནི་ལྷ་མཆོད་ཅེས་བྱའོ། །ཡུམ་ནི་མ་ཏོག་ཅན་ཞེས་བྱའོ། །སྲས་ནི་ཡེ་ཤེས་མཆོག་ཅེས་བྱའོ། །རིམ་གྲོ་པ་ནི་རིན་ཆེན་མཐུ་རྩལ་ཅན་ཞེས་བྱའོ། །ཤེས་རབ་ཅན་རྣམས་གྱི་མཆོག་ནི་སེངྒེའི་སྒྲ་སྒྲོགས་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་གྲགས་ཞེས་བྱའོ། །འདུས་པ་ནི་ལན་ཉི་ཤུ་རྩ་གསུམ་སྟེ། །ཐམས་ཅད་ལའང་ཐེར་འབུམ་ཕྲག་དྲུག་ཅུ་དྲུག་ཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བདུན་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕན་པ་དང་ལྡན་པར་གཤེགས་པ་ཀྱི་བའི་ཡུལ་ནི་སེངྒེས་བལྟས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་གཟི་བརྗིད་ཡིད་འཐད་ཅེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་འཇིག་རྟེན་དགའ་ཞེས་བྱའོ། །རིམ་གྲོ་པ་ནི་བདུད་རྩིའི་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ 420a ༄#། །ནི་བདེན་སྨྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕྲག་སྤོང་ཞེས་བྱའོ། །འདུས་པ་ནི་ལན་དྲུག་ཅུ་སྟེ། །ཐམས་ཅད་ལའང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་དྲུག་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བསོད་ནམས་སྒྲོན་མའི་རྒྱལ་པོ་སྐྱེ་བའི་ཡུལ་ནི་བདུད་རྩིའི་སྤོས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲི་ཉིས་སྟོང་ངོ ། །ཡབ་ནི་བསོད་ནམས་ཀྱི་འབྱུང་གནས་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་རིན་ཆེན་བཟང་པོ་ཞེས་བྱའོ། །རིམ་གྲོ་པ་ནི་རིན་ཆེན་མཐའ་ཡས་བཀོད་ཆེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དབྱངས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་མཐའ་ཡས་བཀོད་ཅེས་བྱའོ། ། འདུས་པ་ནི་ལན་བདུན་ཅུ་སྟེ། ཐམས་ཅད་ལའང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དབྱངས་ཀྱིས་བསྐུལ་པ་སྐྱེ་བའི་ཡུལ་ནི་ཡིད་དུ་འོང་བའི་དབྱངས་ཞེས་བྱའོ། །རིགས་ནི་བྲམ་ཟེ་འོ། །འོད་ 420b ནི། །དཔག་ཚད་ཉིས་སྟོང་དྲུག་བརྒྱའོ། །ཡབ་ནི་སྒྲོན་མའི་རྒྱལ་པོ་ཞེས་བྱའོ། །ཡུམ་ནི་གཟི་བརྗིད་ཆེན་མོ་ཞེས་བྱའོ། །སྲས་ནི་རིན་ཆེན་རྣམ་པར་གྲགས་ཞེས་བྱའོ། །རིམ་གྲོ་པ་ནི་འཁྲུལ་པ་མེད་པར་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིག་སྡུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་སྒྲོན་མ་ཞེས་བྱའོ། །འདུས་པ་ནི་ལན་བཅུ་གསུམ་སྟེ། ཐམས་ཅད་ལའང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཽ་ཏ་མ་སྐྱེ་བའི་ཡུལ་ནི་དྲང་སྲོང་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་བཞི་སྟོང་ངོ ། །ཡབ་ནི་བསམ་གཏན་དགའ་ཞེས་བྱའོ། །ཡུམ་ནི་ཡིད་དུ་འོང་ཞེས་བྱའོ། །སྲས་ནི་ཙོམ་པ་མཆོག་ཅེས་བྱའོ། །རིམ་གྲོ་པ་ནི་བདུད་རྩིའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་པོའི་གོ་བགོས་པ་ཞེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་བྱེ་བ་ཕྲག་བཅོ་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་བཞི་ཁྲི་བཞི་སྟོང་གི་བར་ 421a ༄#། །དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མདངས་སྟོབས་སྐྱེ་བའི་ཡུལ་ནི་ཡིད་འོང་མཐོང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲི་བརྒྱད་སྟོང་ངོ ། །ཡབ་ནི་ཟླ་བའི་ཏོག་ཅེས་བྱའོ། །ཡུམ་ནི་ལྟ་བ་གསལ་ཞེས་བྱའོ། །སྲས་ནི་སྙིང་སྟོབས་མཆོག་ཅེས་བྱའོ། །རིམ་གྲོ་པ་ནི་བདེན་གྲོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་དུ་འོང་བྱིན་ཞེས་བྱའོ། །འདུས་པ་ནི་ལན་བརྒྱད་ཅུ་རྩ་གཉིས་ཏེ། །ཐམས་ཅད་ལའང་བྱེ་བ་ཕྲག་བརྒྱད་ཅུ་རྩ་རེ་རེའོ། །སྐུ་ཚེའི་ཚད་ནི་ལོ་བརྒྱད་ཁྲི་སུམ་སྟོང་ངོ ། །དམ་པའི་ཆོས་ནི་ལོ་བདུན་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བློ་གནས་པའི་རང་བཞིན་སྐྱེ་བའི་ཡུལ་ནི་འོད་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་བཅུ་རྩ་གཅིག་གོ་།ཡབ་ནི་ལྷས་མཆོད་ཅེས་བྱའོ། །ཡུམ་ནི་ལྷས་མཆོད་མ་ཞེས་བྱའོ། །སྲས་ནི་བདེན་པའི་ཏོག་ཅེས་བྱའོ། །རིམ་གྲོ་པ་ནི་མཚན་བྱིན་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་མཆོད་བཀོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་ཀྱི་སྤོང་བ་ཞེས་བྱའོ། །འདུས་པ་ནི་ལན་ལྔ་བཅུ་སྟེ། །ཐམས་ཅད་ལའང་ 421b འབུམ་ཕྲག་བཅུ་དྲུག་གཅུ་དྲུག་གོ་།སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཟླ་བ་བཟང་པོ་སྐྱེ་བའི་ཡུལ་ནི་འཇིག་རྟེན་མངོན་པར་དགའ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུའོ། །ཡབ་ནི་ཟླ་མཆོག་ཅེས་བྱའོ། །ཡུམ་ནི་སྣང་བ་བྱིན་ཞེས་བྱའོ། །སྲས་ནི་རིན་ཆེན་དཔལ་ཞེས་བྱའོ། །རིམ་གྲོ་པ་ནི་ཡོན་ཏན་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་རིན་ཆེན་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཁ་ལོ་སྒྱུར་ཞེས་བྱའོ། །འདུས་པ་ནི་ལན་བདུན་ཅུ་རྩ་དྲུག་སྟེ། ཐམས་ཅད་ལའང་འབུམ་ཕྲག་བདུན་ཅུ་རྩ་བདུན་བདུན་ནོ། །སྐུ་ཚེའི་ཚད་ནི་ལོ་ཉི་ཁྲི་ཆིག་སྟོང་ངོ ། །དམ་པའི་ཆོས་ནི་ལོ་བདུན་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བྱང་ཆུབ་ཡན་ལག་མེ་ཏོག་སྐྱེ་བའི་ཡུལ་ནི་བདུད་རྩིའི་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་ཁྲིའོ། །ཡབ་ནི་ཡེ་ཤེས་མེ་ཏོག་ཅེས་བྱའོ། །ཡུམ་ནི་ཆོས་ཀྱི་མེ་ཏོག་ཅེས་བྱའོ། །སྲས་ནི་སྟོན་པ་གྲགས་ཞེས་བྱའོ། །རིམ་གྲོ་པ་ནི་ཐར་པ་པདྨ་དཀར་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་ 422a ༄#། །པའི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་མཐའ་ཡས་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་དྲུག་ཁྲི་བཞི་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བཀྲ་ཤིས་སྐྱེ་བའི་ཡུལ་ནི་མཐོ་བ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་སྟོང་ངོ ། །ཡབ་ནི་ལེགས་མཐོང་ཞེས་བྱའོ། ། ཡུམ་ནི་དལ་གྱིས་འགྲོ་ཞེས་བྱའོ། །སྲས་ནི་སེངྒེའི་སྒྲ་ཞེས་བྱའོ། །རིམ་གྲོ་པ་ནི་དྲག་ཞུལ་སྡེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ནོར་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་སེམས་ཞེས་བྱའོ། །འདུས་པ་ནི་ལན་བཅུ་དྲུག་སྟེ། །ཐམས་ཅད་ལའང་ཐེར་འབུམ་ཕྲག་དགུ་བཅུ་དགུ་བཅུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ།་དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་སྟོན་སྐྱེ་བའི་ཡུལ་ནི་སྟོན་པའི་མཆོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་འབུམ་ཕྲག་བརྒྱད་དོ། །ཡབ་ནི་རིན་ཆེན་གྲགས་པ་ཞེས་བྱའོ། །ཡུམ་ནི་བློ་གྲོས་ 422b རྒྱ་ཆེན་ཞེས་བྱའོ། །སྲས་ནི་མཆོད་བྱིན་ཞེས་བྱའོ། །རིམ་གྲོ་པ་ནི་དགའ་བའི་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་གཟི་བརྗིད་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེངྒེའི་བློ་གྲོས་གྲགས་ཞེས་བྱའོ། །འདུས་པ་ནི་ལན་བདུན་ཅུ་རྩ་བདུན་ཏེ། ཐམས་ཅད་ལའང་བྱེ་བ་ཕྲག་སུམ་ཅུ་རྩ་བཞི་བཞི་འོ། ། སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་ཉི་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི། རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་གཟི་བརྗིད་སྟོབས་ཀྱེ་བའི་ཡུལ་ནི་གཞན་གྱིས་མི་ཐུབ་པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་མེད་དོ། །ཡབ་ནི་མྱ་ངན་བྱིན་ཞེས་བྱའོ། །ཡུམ་ནི་འཇིག་རྟེན་ཟླ་བ་ཞེས་བྱའོ། །སྲས་ནི་ཉི་མའི་འོད་ཟེར་ཞེས་བྱའོ། །རིམ་གྲོ་པ་ནི་ཡེ་ཤེས་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཉི་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མཆོག་མཆོད་ཅེས་བྱའོ། །འདུས་པ་ནི་ལན་སུམ་ཅུ་སྟེ། །ཐམས་ཅད་ལའང་འབུམ་ཕྲག་ཉི་ཤུ་རྩ་ལྔ་ལྔའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགེ་བའི་སྒྲོན་མ་སྐྱེ་བའི་ཡུལ་ནི་བདུད་རྩིའི་གཟི་བརྗིད་ཅེས་བྱའོ། །རིགས་ནི་ 423a ༄#། །རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་གྲགས་པ་མཐའ་ཡས་འགྲོ་ཞེས་བྱའོ། །ཡུམ་ནི་དགྲ་བཅོམ་མེ་ཏོག་རིན་ཆེན་གཟི་བརྗིད་ཅེས་བྱའོ། །སྲས་ནི་ལྷས་མཆོད་ཟླ་བ་ཞེས་བྱའོ། །རིམ་གྲོ་པ་ནི་གྲོལ་བའི་ཕུང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེན་པའི་བློ་གྲོས་གཟི་བརྗིད་ཅེས་བྱའོ། །འདུས་པ་ནི་ལན་དགུ་བཅུ་རྩ་གཉིས་ཏེ། ཐམས་ཅད་ལའང་བྱེ་བ་ཕྲག་སུམ་ཅུ་རྩ་ལྔ་ལྔའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཐུ་རྩལ་བརྟན་པོ་སྐྱེ་བའི་ཡུལ་ནི་ཐུབ་དཀའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ ། །ཡབ་ནི་ཟླ་ལུས་ཞེས་བྱའོ། །ཡུམ་ནི་ཐར་པའི་དམིགས་ཞེས་བྱའོ། །སྲས་ནི་གྲགས་ཆེན་ཞེས་བྱའོ། །རིམ་གྲོ་པ་ནི་དགའ་དབྱངས་འདམ་བུ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་གནས་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ང་རོ་འཇམ་པའི་དབྱངས་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལའང་འབུམ་ཕྲག་བཅུ་བཅུའོ། །སྐུ་ཚེའི་ 423b ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་སྒྲ་སྐྱེ་བའི་ཡུལ་ནི་ཡིད་དུ་འོང་བས་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་ལྷ་མཆོད་ཅེས་བྱའོ། །ཡུམ་ནི་བཀོད་པ་ལེགས་མཐོང་མ་ཞེས་བྱའོ། །སྲས་ནི་ཏོག་གི་བློ་གྲོས་ཞེས་བྱའོ། །རིམ་གྲོ་པ་ནི་གཟི་བརྗིད་མདངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་ཏུ་དགའ་བའི་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་ཏིང་ངེ་འཛིན་ཅེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལའང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་སུམ་ཁྲི་བཞི་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་ངས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་ཏུ་ཞི་བ་སྐྱེ་བའི་ཡུལ་ནི་ཀུན་ཏུ་སྒྲ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་ཁྲི་བརྒྱད་སྟོང་ངོ ། །ཡབ་ནི་བདེན་སྨྲ་ཞེས་བྱའོ། །ཡུམ་ནི་མེ་ཏོག་མ་ཞེས་བྱའོ། །སྲས་ནི་གཟི་བརྗིད་རིན་ཆེན་བདུན་ཞེས་བྱའོ། །རིམ་གྲོ་པ་ནི་བདུན་རྩི་ཤིས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་ཏུ་མཐོང་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ཏུ་འགྲོ་བའི་སྟོབས་ 424a ༄#། །ཞེས་བྱའོ། །འདུས་པ་ནི་ལན་བརྒྱད་ཅུ་རྩ་བརྒྱད་དེ། །ཐམས་ཅད་ལའང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཉི་མའི་ཞལ་སྐྱེ་བའི་ཡུལ་ནི་བཀོད་པ་མཐའ་ཡས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་སུམ་སྟོང་ངོ ། །ཡབ་ནི་སྐྱོབ་པ་ཞེས་བྱའོ། །ཡུམ་ནི་ཁ་ལོ་སྒྱུར་བའི་ཏོག་ཅེས་བྱའོ། །སྲས་ནི་དབྱངས་ཅན་ཞེས་བྱའོ། །རིམ་གྲོ་པ་ནི་བརྟུལ་ཞུགས་མེ་ཚུགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་ལེགས་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་ཀུན་ལས་ཤིན་ཏུ་འཕགས་པ་ཞེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་བྱེ་བ་ཕྲག་ཉི་ཤུ་རྩ་གཉིས་གཉིས་སོ། ། སྐུ་ཚེའི་ཚད་ནི་ལོ་བདུན་ཁྲི་བཞི་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐར་པའི་བརྟུལ་ཞུགས་སྐྱེ་བའི་ཡུལ་ནི་སྙན་པར་གྲགས་པར་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ ། །ཡབ་ནི་ཡིད་འོང་གྲགས་ཞེས་བྱའོ། །ཡུམ་ནི་ཡིད་ 424b འཐད་མཚན་མཐོང་ཞེས་བྱའོ། །སྲས་ནི་མཐོང་ཆེན་གྲགས་ཞེས་བྱའོ། །རིམ་གྲོ་པ་ནི་གཟི་བརྗིད་བློ་གྲོས་བདེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་པ་རོ་གཅིག་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་ཀྱི་དབུང་རབ་ཏུ་འཇོམས་པའི་གཟི་བརྗིད་ཅེས་བྱའོ། །འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལའང་བྱེ་བ་ཕྲག་དགུ་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་དགུ་ཁྲི་དགུ་སྟོང་ངོ ། །དམ་པའི་ཆོས་ཀྱང་ལོ་དགུ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚུལ་ཁྲིམས་འོད་སྐྱེ་བའི་ཡུལ་ནི་ཁ་ན་མ་ཐོ་བ་མེད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཁྲི་ལྔ་སྟོང་ངོ ། །ཡབ་ནི་སེངྒེའི་བརྟུལ་ཞུགས་བློ་ཞེས་བྱའོ། །ཡུམ་ནི་གཟི་བརྗིད་མཐའ་ཡས་མཆོད་ཅེས་བྱའོ། །སྲས་ནི་མཆོད་གྲགས་ཏོག་ཅེས་བྱའོ། །རིམ་གྲོ་པ་ནི་ཡོན་ཏན་ཀུན་དུ་སྤྱོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་སྣང་བ་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷའི་མཐུ་རྩལ་སྟོབས་ཞེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྟུལ་ཞུགས་གནས་སྐྱེ་བའི་ 425a ༄#། །ཡུལ་ནི་དགྲ་བཅོམ་སྤོང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དུང་ཕྱུར་ཕྲག་བརྒྱད་དོ། །ཡབ་ནི་ཀུན་ཏུ་གཟི་བརྗིད་དཔལ་ཞེས་བྱའོ། །ཡུམ་ནི་ཡོན་ཏན་གསལ་མཆོད་མ་ཞེས་བྱའོ། །སྲས་ནི་ལྷ་མཆོད་མེ་ཏོག་མཆོད་གྲགས་ཞེས་བྱའོ། །རིམ་གྲོ་པ་ནི་ཁ་ལོ་སྒྱུར་པར་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོས་བརྟན་དགེ་བ་ཡངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མའི་མཆོད་རྟེན་ཞེས་བྱའོ། །འདུས་པ་ནི་ལན་དགུ་བཅུ་རྩ་གཅིག་སྟེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྡུལ་མེད་སྐྱེ་བའི་ཡུལ་ནི་སྐྱོན་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་ལྔ་སྟོང་ངོ ། །ཡབ་ནི་རིན་ཟླ་བ་ཞེས་བྱའོ། །ཡུམ་ནི་ཏོག་བཟང་ཞེས་བྱའོ། །སྲས་ནི་ཀུན་ནས་རིན་ཆེན་མེ་ཏོག་ཅེས་བྱའོ། །རིམ་གྲོ་པ་ནི་ཆེན་པོ་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་མཐའ་ཡས་ཕུང་པོའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་སྟོབས་གྲུབ་མཆོད་སྦྱིན་ཞེས་བྱའོ། །འདུས་པ་ནི་ 425b ལན་བརྒྱད་ཅུ་རྩ་དྲུག་སྟེ། ཐམས་ཅད་ལའང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ ། །དམ་པའི་ཆོས་ནི་ལོ་བདུན་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྙིང་པོ་འཕགས་སྐྱེས་བའི་ཡུལ་ནི་མཛེས་པ་མི་གཡོ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་བདུད་རྩིའི་བཀོད་པ་ཞེས་བྱའོ། །ཡུམ་ནི་བློ་གྲོས་གྲགས་མ་ཞེས་བྱའོ། །སྲས་ནི་ཆོས་ཀྱི་རྒྱལ་མཚན་ཞེས་བྱའོ། །རིམ་གྲོ་པ་ནི་ཡུལ་འཁོར་སྙོམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ངན་སོང་སྤོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ཏུ་གསལ་བ་ཏོག་ཅེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་ས་ཡ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མིག་སྨན་སྐྱེ་བའི་ཡུལ་ནི་སྤོས་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་མཐའ་ཡས་སོ། །ཡབ་ནི་ཡོན་ཏན་ཐམས་ཅད་གྲགས་ཞེས་བྱའོ། །ཡུམ་ནི་ཡིད་འོང་བྱིན་ཅེས་བྱའོ། །སྲས་ནི་བདེན་པའི་མེ་ཏོག་ཅེས་བྱའོ། །རིམ་གྲོ་པ་ནི་བསོད་ནམས་བློ་གྲོས་ཞེས་བྱའོ། །ཤེས་རབ་ཅན་རྣམས་ཀྱི་ 426a ༄#། །མཆོག་ནི་མཚན་གྱི་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པ་མི་གཡོ་བ་ཞེས་བྱའོ། །འདུས་པ་ནི་ལན་བཅུ་བརྒྱད་དེ། ཐམས་ཅད་ལའང་ཐེར་འབུམ་ཕྲག་སུམ་ཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་ཉི་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཕེལ་བར་མཛད་པ་སྐྱེ་བའི་ཡུལ་ནི་ཡུལ་འཁོར་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་བཞི་སྟོང་ངོ ། ། ཡབ་ནི་ལེགས་བཟང་ཞེས་བྱའོ། །ཡུམ་ནི་གཟི་བརྗིད་མཐའ་ཡས་མཐོང་ཞེས་བྱའོ། །སྲས་ནི་འཇིག་རྟེན་མཆོད་ཅེས་བྱའོ། །རིམ་གྲོ་པ་ནི་ཀུན་ཏུ་སྦེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་མཐའ་ཡས་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་པ་དང་མི་མཉམ་པའི་བློ་ཞེས་བྱའོ། །འདུས་པ་ནི་ལན་དགུ་བཅུ་རྩ་གཉིས་ཏེ། ཐམས་ཅད་ལའང་ས་ཡ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་ཀྱི་འོད་སྐྱེ་པའི་ཡུལ་ནི་བདུད་རྩི་སྤོས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་དྲུག་བརྒྱའོ། །ཡབ་ནི་བདུད་ཟིལ་ 426b གྱིས་གནོན་པ་ཞེས་བྱའོ། །ཡབ་ནི་ཡུལ་འཁོར་ལྷ་ཆེན་ཞེས་བྱའོ། །སྲས་ནི་འབྱོར་གྲགས་ཞེས་བྱའོ། །རིམ་གྲོ་པ་ནི་འཕགས་བྱིན་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་མི་གཡོ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མཆོག་སེམས་པའི་དབྱངས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བརྒྱད་འབུམ་མོ། །གཉིས་པ་ལ་ནི་དགུ་འབུམ་མོ། །གསུམ་པ་ལ་ནི་ས་ཡའོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དུས་མཁྱེན་འོད་སྐྱེ་བའི་ཡུལ་ནི་རྣམས་པར་འབྱེད་པའི་སྡེ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་གྲགས་པ་མཆོག་ཅེས་བྱའོ། །ཡུམ་ནི་སེངྒེའི་ང་རོ་ཞེས་བྱའོ། །སྲས་ནི་ཕྱོགས་མཆོད་ཅེས་བྱའོ། །རིམ་གྲོ་པ་ནི་དྲང་སྲོང་བློ་གྲོས་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཤེས་གཉེན་མཐའ་ཡས་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཛེས་བྱིན་ཞེས་བྱའོ། །འདུས་པ་ནི་ལན་འབུམ་སྟེ། རེ་རེ་པོ་ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་དཔག་ཏུ་མེད་དོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲན་པའི་དབང་པོ་སྐྱེ་བའི་ 427a ༄#། །ཡུལ་ནི་གཟི་བརྗིད་ཕུང་པོ་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་ཉིས་སྟོང་ངོ ། །ཡབ་ནི་མཐུ་རྩལ་གྲགས་ཞེས་བྱའོ། །ཡུམ་ནི་མྱ་ངན་ལས་འདས་པའི་གཟི་བརྗིད་ཅེས་བྱའོ། །སྲས་ནི་ཆོས་ཀྱི་མར་མེ་སྐར་མདའ་ཞེས་བྱའོ། །རིམ་གྲོ་པ་ནི་བདེན་པའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཟང་ལྡན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་འདས་ཞེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལའང་ཐེར་འབུམ་ཕྲག་ཉི་ཤུ་རྩ་ལྔ་ལྔའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐོགས་པ་མེད་པའི་རྒྱལ་མཚན་སྐྱེ་བའི་ཡུལ་ནི་མཐའ་ཡས་བརྒྱན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་ཁྲིའོ། །ཡབ་ནི་ཟླ་བའི་གཟི་བརྗིད་མཐུ་ཞེས་བྱའོ། །ཡུམ་ནི་ཉི་མའི་གཟི་བརྗིད་ཕུང་པོའི་འོད་ཅེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་བརྟུལ་ཞུགས་རྫོགས་པ་ལྷ་མཆོད་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྱོར་བའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ལྷ་ཡེ་ཤེས་མཐོང་ཞེས་བྱའོ། །འདུས་པ་ནི་ལན་ 427b བདུན་ཅུ་སྟེ། ཐམས་ཅད་ལའང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བྱང་ཆུབ་མཆོག་བགྲོད་སྐྱེ་བའི་ཡུལ་ནི་ཡེ་ཤེས་སྣང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །ཡབ་ནི་བསོད་ནམས་ཁ་ལོ་སྒྱུར་ཞེས་བྱའོ། །ཡུམ་ནི་རིན་ཆེན་སྦྱིན་ཞེས་བྱའོ། །སྲས་ནིས་ང་རོ་བདེ་ཞེས་བྱའོ། །རིམ་གྲོ་པ་ནི་ལྷའི་བྱང་ཆུབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་བློ་ཞེས་བྱའོ་རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ཏུ་བློ་ཞེས་བྱའོ། །དུས་པ་ནི་ལན་བཅུ་བཞི་སྟེ། ཐམས་ཅད་ལའང་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། །དམ་པའི་ཆོས་ཀྱང་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྤྱོད་བ་གསལ་སྐྱེ་བའི་ཡུལ་ནི་སྤྱོད་པ་དང་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་སྟོང་ངོ ། །ཡབ་ནི་ལ་མཆོད་ཅེས་བྱའོ། །ཡུམ་ནི་འབྱོར་པའི་འོང་ཅེས་བྱའོ། །སྲས་ནི་རིན་ཆེན་ཏོག་གི་རྒྱལ་མཚན་ཞེས་བྱའོ། །རིམ་གྲོ་པ་ནི་རིན་ཆེན་མཐའ་ཡས་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་ 428a ༄#། །སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་ཏོག་འབྱོར་བྱའོ། །འདུས་པ་ལན་བཅུ་གཅིག་སྟེ། ཐམས་ཅད་ལའང་བྱེ་བ་ཕྲག་དགུ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ ། །དམ་པའི་ཆོས་ཀྱང་ལོ་བརྒྱད་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། ། དེ་བཞིན་གཤེགས་པ་རིན་ཆེན་དགྱེས་སྐྱེ་བའི་ཡུལ་ནི་ཟླ་བ་སྣང་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུའོ། །ཡབ་ནི་ལེགས་མཐོང་སྒྲོན་མའི་རྒྱལ་པོ་ཞེས་བྱའོ། །ཡུམ་ནི་མཐའ་ཡས་འོད་ཅེས་བྱའོ། །སྲས་ནི་ཟླ་མཛེས་ཞེས་བྱའོ། །རིམ་གྲོ་པ་ནི་བློ་གྲོས་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་འོས་ཁ་ལོ་སྒྱུར་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་ཏུ་གྲགས་པ་ཞེས་བྱའོ། །འདུས་པ་ནི་ལན་དགུ་བཅུ་རྩ་དགུ་སྟེ། །ཐམས་ཅད་ལའང་ས་ཡ་ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ཀྱི་དབང་ཕྱུག་སྐྱེ་བའི་ཡུལ་ནི་བསོད་ནམས་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་སྒྲ་མཆོག་ཅེས་བྱའོ། །ཡུམ་ནི་ 428b བློ་གྲོས་གྲགས་ཞེས་བྱའོ། །སྲས་ནི་ཡེ་ཤེས་འབྱོར་ཅེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆགས་མེད་རྟོག་སྤོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེངྒེའི་མཐུ་རྩལ་སྦྱོང་པའི་སྟོབས་ཞེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་བྱེ་བ་ཕྲག་བརྒྱད་ཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་དགུ་ཁྲི་བརྒྱད་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་ཐམས་ཅད་སྐྱེ་བའི་ཡུལ་ནི་འོད་འཕྲོ་ཏོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་སྟོང་ངོ ། །ཡབ་ནི་ཟླ་མཐོང་ཞེས་བྱའོ། །ཡུམ་ནི་ཡིད་འོང་མེ་ཏོག་ཅེས་བྱའོ། །སྲས་ནི་ཐར་པའི་རྒྱན་བཀོད་པའི་རྒྱལ་པོ་ཞེས་བྱའོ། །རིམ་གྲོ་པ་ནི་ཐར་པ་ལ་དགའ་བའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་བརྟན་པོ་གཞན་གྱིས་མི་ཐུབ་པའི་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཀུན་ཏུ་གྲགས་པའི་རྣམ་པར་འཕྲུལ་བར་གྲགས་ཤིང་སྤོབས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་སྟོང་ཕྲག་བཅུའོ། ། གཉིས་པ་ལ་ནི་བྱེ་བ་སྟོང་ཕྲག་ཉི་ཤུའོ། །གསུམ་པ་ལ་ནི་བྱེ་བ་སྟོང་ཕྲག་ལྔ་བཅུའོ། །བཞི་པ་ལ་ནི་བྱེ་བ་སྟོང་ཕྲག་བརྒྱད་ཅུའོ། །ལྔ་པ་ལ་ནི་བྱེ་བ་སྟོང་ཕྲག་བརྒྱའོ། །སྐུ་ 429a ༄#། །ཚེའི་ཚད་ནི་ལོ་བདུན་ཁྲི་སུམ་སྟོང་ངོ ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བཤེས་གཉེན་ཆེན་པོ་སྐྱེ་བའི་ཡུལ་ནི་རིན་པོ་ཆེ་མཐའ་ཡས་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་སྟོང་དྲུག་བརྒྱའོ། །ཡབ་ནི་འཇིག་རྟེན་ལས་འདས་པ་ཞེས་བྱའོ། །ཡུམ་ནི་སྒྲོན་མ་མཆོག་ཅེས་བྱའོ། །སྲས་ནི་ལེགས་མཐོང་བཟོད་ཅེས་བྱའོ། །རིམ་གྲོ་པ་ནི་གཟི་བརྗིད་ཕུང་པོ་མཐའ་ཡས་ཞེས་བྱའོ། ། ཤེས་རབ་ཅན་རྣམས་ཀྱི་མཆོག་ནི་རྣམ་པར་སྣང་བྱེད་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་གྲགས་ཞེས་བྱའོ། །འདུས་པ་ནི་ལན་དགུ་བཅུ་སྟེ།་ཐམས་ཅད་ལའང་ཐེར་འབུམ་ཕྲག་བཅུ་དགུ་བཅུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བཤེས་གཉེན་བཟང་པོ་སྐྱེ་བའི་ཡུལ་ནི་གཟི་བརྗིད་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་མི་གཡོ་བར་གནས་པ་ཞེས་བྱའོ། །ཡུམ་ནི་མཆོད་པ་འབྱོར་ཅེས་བྱའོ། །སྲས་ནི་ཐར་པ་དགའ་ཞེས་བྱའོ། །རིམ་ 429b གྲོ་པ་ནི་མྱ་ངན་འདས་པའི་སྙིང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པ་བརྒྱན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྱོར་དགའ་སེངྒེའི་སྟོབས་ཞེས་བྱའོ། །འདུས་པ་ནི་ལན་བཅུ་སུམ་སྟེ། །ཐམས་ཅད་ལའང་ཕྱིར་མི་ལྡོག་པའི་བྱང་ཆུབ་སེམས་དཔའ་བྱེ་བ་ཁྲི་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ ། ། དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་ཏུ་ཞི་བའི་སྟོབས་སྐྱེ་བའི་ཡུལ་ནི་ཡུལ་བཟང་མཆོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཁྲིའོ། །ཡབ་ནི་ཆོས་ཀྱི་ལྷ་ཞེས་བྱའོ། །ཡུམ་ནི་ཡིད་དུ་འོང་བའི་དབྱངས་ཀྱི་དབང་ཕྱུག་རྒྱལ་པོ་ཞེས་བྱའོ། །སྲས་ནི་དབང་པོ་དུལ་ཞེས་བྱའོ། །རིམ་གྲོ་པ་ནི་ས་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྣང་བ་མཐའ་ཡས་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལག་ན་རིན་ཆེན་ཏོག་གི་རྒྱལ་མཚན་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་ཕྲག་དགུ་བཅུ་རྩ་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདུད་རྩིའི་བདག་པོ་སྐྱེ་བའི་ཡུལ་ནི་གྲགས་པ་སྤོང་ཞེས་བྱའོ། །རིགས་ 430a ༄#། །ནི་རྒྱལ་རིགས་སོ། །འོད་ནི་དཔག་ཚད་དྲུག་ཁྲི་དྲུག་སྟོང་ངོ ། །ཡབ་ནི་ཟབ་པར་གྲགས་ཞེས་བྱའོ། །ཡུམ་ནི་དགྲ་བཅོམ་མཆོད་ཅེས་བྱའོ། །སྲས་ནི་དགྲ་སྤོང་ང་རོ་ཞེས་བྱའོ། །རིམ་གྲོ་པ་ནི་ཡུལ་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དཔལ་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་གྲགས་ཐར་པ་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷུན་པོའི་འོད་སྐྱེ་བའི་ཡུལ་ནི་རི་བོ་བརྩིགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་འབུམ་མོ། །ཡབ་ནི་ལྷའི་ཏོག་ཅེས་བྱའོ། །ཡུམ་ནི་འབྱོར་གྲགས་ཞེས་བྱའོ། །སྲས་ནི་ཐར་པ་བརྩེགས་ཞེས་བྱའོ། །རིམ་གྲོ་པ་ནི་ལྷའི་འོད་ཟེར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷའི་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བརྟན་ཞེས་བྱའོ། །འདུས་པ་ནི་ལན་ཐེར་འབུམ་ཏེ། ཐམས་ཅད་ལའང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་ 430b པར་འགྱུར་རོ། །དེ་བཞིན་གཤེགས་པ་འཕགས་པས་བསྟོད་པ་སྐྱེ་བའི་ཡུལ་ནི་བློ་གྲོས་གྲགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་ཁྲིའོ། །ཡབ་ནི་མཐའ་ཡས་སྦེད་ཅེས་བྱའོ། །ཡུམ་ནི་གྲགས་པའི་ཕྲེང་བ་ཞེས་བྱའོ། །སྲས་ནི་ལྷ་སྦེད་ཅེས་བྱའོ། །རིམ་གྲོ་པ་ནི་གྲགས་པ་སྤོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་ཀུན་གྱིས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་གྲགས་ཞེས་བྱའོ། །འདུས་པ་ནི་ལན་བཅོ་བརྒྱད་དེ། ཐམས་ཅད་ལའང་བྱེ་བ་འབུམ་ཕྲག་བཅོ་བརྒྱད་བཅོ་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣང་ལྡན་སྐྱེ་བའི་ཡུལ་ནི་གཟི་བརྗིད་ཕུང་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ ། །ཡབ་ནི་ཟང་ཟིང་སྤོངས་ཞེས་བྱའོ། །ཡུམ་ནི་མཆོག་སྦྱིན་ཞེས་བྱའོ། ། སྲས་ནི་རྣམ་པར་གྲགས་པའི་རྒྱལ་པོ་ཞེས་བྱའོ། །རིམ་གྲོ་པ་ནི་མཐུ་རྩལ་རྡོ་རྗེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩིའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེད་དཔོན་ཆེན་ཞེས་བྱའོ། །འདུས་པ་ནི་ལན་བདུན་ཅུ་སྟེ། །ཐམས་ཅད་ལའང་ཐེར་འབུམ་ཕྲག་དྲུག་ཅུ་རྩ་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ 431a ༄#། །ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་འབར་བ་སྐྱེ་བའི་ཡུལ་ནི་སྣང་བ་མཐའ་ཡས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་ལྷ་བདེ་ཞེས་བྱའོ། །ཡུམ་ནི་ཐར་པའི་མཆོག་ཅེས་བྱའོ། །སྲས་ནི་མྱ་ངན་ལས་འདས་པའི་མེ་ཏོག་ཅེས་བྱའོ། །རིམ་གྲོ་པ་ནི་སྲེད་མེད་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉོན་མོངས་པ་མེད་པར་གྲགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་ཐམས་ཅད་དུ་གྲགས་པ་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་ཕྲག་ལྔ་བཅུ་རྩ་དྲུག་དྲུག་གོ་།སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ ། །དམ་པའི་ཆོས་ནི་ལོ་བདུན་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣང་བ་གཟིགས་སྐྱེ་བའི་ཡུལ་ནི་སྣང་བ་མཐའ་ཡས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་འོད་ཟེར་ཡངས་པ་ཞེས་བྱའོ། །ཡུམ་ནི་ཡིད་འོང་གཟི་བརྗིད་ཅེས་བྱའོ། །སྲས་ནི་བདུད་རྩི་བཀོད་པ་ཞེས་བྱའོ། །རིམ་གྲོ་པ་ནི་བདེན་པའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་ 431b མཆོག་ནི་མངོན་པར་ཤེས་པས་རྣམས་པར་བརྩེ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བྱང་ཆུབ་སྟོབས་ཞེས་བྱའོ། །འདུས་པ་ནི་ལན་བརྒྱད་ཅུ་སྟེ། ཐམས་ཅད་ལའང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་དགུ་ཁྲི་དགུ་སྟོང་ངོ ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལེགས་སྤྱད་རྣམ་པར་སྨིན་པ་སྐྱེ་བའི་ཡུལ་ནི་བྱང་ཆུབ་གསལ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་ཡུལ་དགའ་ཞེས་བྱའོ། །ཡུམ་ནི་བདུད་རྩི་གྲགས་ཞེས་བྱའོ། །སྲས་ནི་ལྷ་བདེན་ཞེས་བྱའོ། །རིམ་གྲོ་པ་ནི་འཇིག་རྟེན་བསྡུས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐོང་བས་སྤོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐའ་ཡས་ཞེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལའང་འབུམ་ཕྲག་བཞི་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་དགྱེས་སྐྱེ་བའི་ཡུལ་ནི་འོད་ཟེར་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་ཆུ་ལྷའི་བདག་ཅེས་བྱའོ། །ཡུམ་ནི་ཤེས་རབ་ 432a ༄#། །འཕགས་ཞེས་བྱའོ། །སྲས་ནི་བདེན་པའི་སྟབས་ཞེས་བྱའོ། །རིམ་གྲོ་པ་ནི་སེངྒེས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འོད་ཟེར་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་སྤངས་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་བྱེ་བ་འབུམ་ཕྲག་སུམ་ཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མྱ་ངན་དབྲལ་སྐྱེ་བའི་ཡུལ་ནི་གཟི་བརྗིད་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་ཁྲི་དགུ་སྟོང་ངོ ། །ཡབ་ནི་ཐར་པའི་རྒྱལ་མཚན་ཞེས་བྱའོ། །ཡུམ་ནི་འཕགས་པའི་མེ་ཏོག་ཅེས་བྱའོ། །སྲས་ནི་ཡོན་ཏན་ཀུན་སྦེད་ཅེས་བྱའོ། །རིམ་གྲོ་པ་ནི་ཡེ་ཤེས་འོད་ཟེར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕུང་པོ་བཟང་འོད་ཅེས་བྱའོ། །འདུས་པ་ནི་ལན་སུམ་ཅུ་སྟེ་ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ ། ། དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་འོད་སྐྱེ་བའི་ཡུལ་ནི་ཀུན་ཏུ་ཡོན་ཏན་ཅན་ཞེས་བྱའོ། །རིགས་ནི་ 432b རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་བློ་གྲོས་ཟླ་བ་ཞེས་བྱའོ། །ཡུམ་ནི་ངེས་པར་གྲགས་པ་ཞེས་བྱའོ། །སྲས་ནི་བདུད་རྩིའི་མིག་ཅེས་བྱའོ། །རིམ་གྲོ་པ་ནི་ཕྱོགས་གྲགས་རིན་ཆེན་ཞེས་བྱའོ། །ཤེས་རབ་ཅན་རྣམས་པ་ཀྱི་མཆོག་ནི་མ་སྨད་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ཏུ་བློ་ཞེས་བྱའོ། །འདུས་པ་ནི་ལན་ཉི་ཤུ་རྩ་གཉིས་ཏེ།་ཐམས་ཅད་ལའང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྤྱོད་པ་དང་ལྡན་པ་སྐྱེ་བའི་ཡུལ་ནི་སྐྱེ་བའི་མཆོད་རྟེན་ཞེས་བྱའོ། །རིགས་ནི་བྲམ་ཟེའོ།་འོད་ནི་དཔག་ཚད་བདུན་ཁྲིའོ། །ཡབ་ནི་རིན་ཆེན་གྲགས་ཞེས་བྱའོ། །ཡུམ་ནི་མེ་ཏོག་མནྡཱ་ར་བའི་གཟི་བརྗིད་ཅེས་བྱའོ། །སྲས་ནི་ལེགས་མཐོང་དགའ་ཞེས་བྱའོ། །རིམ་གྲོ་པ་ནི་མཐོང་ཆེན་བློ་གྲོས་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡུལ་འཁོར་ལྷ་སྦེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསམ་སྦྱིན་གྲགས་པ་ཞེས་བྱའོ། །འདུས་པ་ནི་ལན་སུམ་ཅུ་རྩ་བཞི་སྟེ། ཐམས་ཅད་ལའང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ཁྲི་སུམ་སྟོང་ངོ ། །དམ་པའི་ཆོས་ནི་ལོ་དགུ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་ 433a ༄#། །རྒྱས་པར་འགྱུར་རོ། །དེ་བཞིན་གཤེགས་པ་བསོད་ནམས་སྟོབས་སྐྱེ་བའི་ཡུལ་ནི་བསོད་ནམས་ཀྱི་ཕུང་པོའི་སྟེགས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དུང་ཕྱུར་ཕྲག་བརྒྱད་དོ། །ཡབ་ནི་བློ་གྲོས་གྲགས་པ་ཞེས་བྱའོ། །ཡུམ་ནི་སྙིང་རྗེའི་ཤུགས་ཅན་ཞེས་བྱའོ། །སྲས་ནི་སྙིང་སྟོབས་ཞུམ་པ་མེད་པའི་བློ་གྲོས་ཞེས་བྱའོ། །རིམ་གྲོ་པ་ནི་ལྷའི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་པོ་ཆེས་རབ་ཏུ་བརྒྱན་པའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕྱོགས་ལྟ་གྲགས་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་ས་ཡ་ཕྲག་དགུ་དགུའོ། །སྐུ་ཚེའི་ཚད་ནི་ལོ་ལྔ་ཁྲི་བཞི་སྟོང་ངོ ། ། དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་མཚོ་སྐྱེ་བའི་ཡུལ་ནི་བྱང་ཆུབ་སྒྲོན་མ་ཞེས་བྱའོ། །རིགས་ནི་བྲམ་ཟེའོ། །འོད་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་ནི་ཡོན་ཏན་མཐའ་ཡས་གྲགས་ཞེས་བྱའོ། །ཡུམ་ནི་རིན་ཆེན་གྲགས་ཞེས་བྱའོ། །སྲས་ནི་ལྷའི་གྲོང་ཕྱིར་གཙོ་ཞེས་བྱའོ། །རིམ་གྲོ་པ་ནི་ཤེད་རྫོགས་འདུ་ཤེས་བརྟེན་ཞེས་བྱའོ། །ཤེས་རབ་ཅན་རྣམས་ཀྱི་ 433b མཆོག་ནི་དགའ་བེའུ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་སྐྱོན་མེད་ཅེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལའང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་དགུ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྨད་དུ་བྱུང་བ་སྐྱེ་བའི་ཡུལ་ནི་མཆོད་གནས་སྤྱོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་གྲགས་པ་མཐའ་ཡས་ཞེས་བྱའོ། །ཡུམ་ནི་ཉི་མའི་སྙིང་པོ་གཟི་བརྗིད་ཅེས་བྱའོ། །སྲས་ནི་ཡིད་འོང་གྲགས་པའི་རྒྱལ་མཚན་ཞེས་བྱའོ། །རིམ་གྲོ་པ་ནི་ཕན་ལྡན་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཁས་པ་ལྷ་རྫས་རྫོགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲེགས་འགྲོ་ཞེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལའང་བྱེ་བ་སྟོང་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ང་རྒྱལ་སྤོང་སྐྱེ་བའི་ཡུལ་ནི་གཟི་བརྗིད་རྫོགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཁྲི་ལྔ་སྟོང་ངོ ། །ཡབ་ནི་ཡུལ་འཁོར་ལྷ་ཞེས་བྱའོ། །ཡུམ་ནི་བློ་གྲོས་བསོད་ 434a ༄#། །ནམས་ཏོག་ཅེས་བྱའོ། །སྲས་ནི་མཐའ་ཡས་འོད་ཅེས་བྱའོ། །རིམ་གྲོ་པ་ནི་མཚན་གྱི་གཟི་བརྗིད་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེངྒེའི་བློ་གྲོས་གྲགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རབ་མཆོག་གསལ་བ་ཞེས་བྱའོ། །འདུས་པ་ནི་ལན་དྲུག་ཅུ་སྟེ། ཐམས་ཅད་ལའང་འབུམ་ཕྲག་བཅུ་དྲུག་བཅུ་དྲུག་གོ་།སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བདུད་བརླག་པར་མཛད་པ་སྐྱེ་བའི་ཡུལ་ནི་བྱང་ཆུབ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་འབུམ་མོ། །ཡབ་ནི་རིན་ཆེན་གཟི་བརྗིད་ཀུན་ཏུ་སྦེད་ཅེས་བྱའོ། །ཡུམ་ནི་བཀོད་པ་དཔག་ཏུ་མེད་པའི་རྒྱལ་པོ་ཞེས་བྱའོ། །སྲས་ནི་རྣམ་པར་བརྩེ་བའི་ང་རོ་ཞེས་བྱའོ། །རིམ་གྲོ་པ་ནི་བྱམས་པ་མཐའ་ཡས་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུལ་སྒྲ་དབྱངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྲུག་སྒྲ་མཐུ་རྩལ་ཞེས་བྱའོ། ། འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལའང་འབུམ་ཕྲག་དྲུག་ཅུ་རྩ་དྲུག་དྲུག་གོ་།སྐུ་ཚེའི་ཚད་ནི་ལོ་དགུ་ཁྲི་སུམ་སྟོང་ངོ ། །དམ་པའི་ཆོས་ནི་ལོ་འབུམ་གྱི་བར་དུ་ 434b གནས་སོ། །སྐུ་གདུང་ནི་རྒྱས་པར་འགྱུར་རོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ཉི་ཤུ་གཉིས་པ། དེ་བཞིན་གཤེགས་པ་བག་ཆགས་ལས་རྒལ་བའི་སྟབས་སྐྱེ་བའི་ཡུལ་ནི་བཀོད་པ་མཚུངས་པ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བ་ཕྲག་འབྲམ་མོ། །ཡབ་ནི་འཇིག་རྟེན་སྙེན་པར་གྲགས་ཞེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་དགའ་དད་གྲགས་ཞེས་བྱའོ། །རིམ་གྲོ་པ་ནི་གྲགས་པའི་བློ་གྲོས་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིའི་ཟླ་བའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱེ་དབང་མཚུངས་ཞེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལའང་བྱེ་བ་ཕྲག་སྟོང་སྟོང་ངོ ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་ཕྱེད་པའི་བློ་མངའ་བ་སྐྱེ་བའི་ཡུལ་ནི་བྱང་ཆུབ་ངེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་སུམ་བརྒྱའོ། ། ཡབ་ནི་གཟི་བརྗིད་འབྱོར་ཅེས་བྱའོ། །ཡུམ་ནི་གྲགས་ཆེན་རྒྱལ་མཚན་ཞེས་བྱའོ། །སྲས་ནི་རྒྱལ་མཚན་གྱི་གཟི་བརྗིད་ཅེས་བྱའོ། །རིམ་གྲོ་པ་ནི་ཡན་ལག་མ་སྨད་པ་ 435a ༄#། །ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་བརྩེའི་རིན་པོ་ཆེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་གྲགས་པ་སེམས་ཞེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལའང་དུང་ཕྱུར་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྒྱ་མཚོ་སྐྱེ་བའི་ཡུལ་ནི་དགའ་བ་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་ཁྲི་དགུ་སྟོང་ངོ ། །ཡབ་ནི་རྒྱུ་སྐར་ཏོག་ཅེས་བྱའོ། །ཡུམ་ནི་བདེ་སྟོབས་གྲགས་ཞེས་བྱའོ། །སྲས་ནི་བག་ཡོད་གཟི་བརྗིད་ཅེས་བྱའོ། །རིམ་གྲོ་པ་ནི་མཁས་བརྩོན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་བདེན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོས་ཀྱི་དབང་ཕྱུག་རྒྱལ་པོ་ཞེས་བྱའོ། །འདུས་པ་ནི་ལན་དགུ་བཅུ་སྟེ།་ཐམས་ཅད་ལའང་བྱེ་བ་ཕྲག་དགུ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་བ་དག་པར་མཛད་པ་སྐྱེ་བའི་ཡུལ་ནི་གཟི་བརྗིད་ཀྱིས་བརྒྱན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཁྲི་བདུན་ 435b སྟོང་ངོ ། །ཡབ་ནི་རིན་ཆེན་མེ་ཏོག་ཅེས་བྱའོ། །ཡུམ་ནི་ཡོན་ཏན་རིན་ཆེན་མེ་ཏོག་ཅེས་བྱའོ། །སྲས་ནི་སེངྒེའི་བློ་གྲོས་གྲགས་པ་ཞེས་བྱའོ། །རིམ་གྲོ་པ་ནི་ག་ཡོ་བ་མེད་པར་གནས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་སྙིང་པོ་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མངོན་པར་ཤེས་པས་རྣམ་པར་བརྩེ་བ་ཞེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལའང་དུང་ཕྱུར་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བཞི་ཁྲི་བཞི་པ་སྟོང་ངོ ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚོགས་ཅན་གྲོལ་བའི་རྒྱལ་པོ་སྐྱེ་བའི་ཡུལ་ནི་རིན་པོ་ཆེའི་མཆོག་ཅེས་བྱའོ། །རིགས་ནི་རྒྱལ་རིགས་སོ། ། འོད་ནི་དཔག་ཚད་ལྔ་ཁྲིའོ། །ཡབ་ནི་ལུས་པ་མེད་པའི་བློ་ཞེས་བྱའོ། །ཡུམ་ནི་ཀུན་ཏུ་རིན་ཆེན་ཞེས་བྱའོ། །སྲས་ནི་མེ་ཏོག་གཟི་བརྗིད་ཅེས་བྱའོ། །རིམ་གྲོ་པ་ནི་ཚཝ་རྒོ་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྲིད་པའི་སྲེད་པ་འཇོམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཛིན་པར་དཔག་མེད་ཅེས་བྱའོ། །འདུས་པ་ནི་ལན་དྲུག་བཅུ་སྟེ།་ཐམས་ཅད་ལའང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དྲུག་ཁྲི་སུམ་སྟོང་ངོ ། །དམ་པའི་ཆོས་ཀྱང་ལོ་དྲུག་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་ 436a ༄#། །རིལ་པོ་གཅིག་ཏུ་འདུག་གོ་།མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དགའ་བའི་འོད་སྐྱེ་བའི་ཡུལ་ནི་བྱང་ཆུབ་སྤྱོད་པ་ཞེས་བྱའོ། ། རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་བརྒྱད་སྟོང་ངོ ། །ཡབ་ནི་ཡིད་འོང་གཟི་བརྗིད་ཅེས་བྱའོ། །ཡུམ་ནི་ང་རོ་སྙན་པའི་སེངྒེའི་སྒྲ་ཞེས་བྱའོ། །སྲས་ནི་བཞིན་གཙང་ཞེས་བྱའོ། །རིམ་གྲོ་པ་ནི་མཆོད་གྲགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩིའི་སྐྱེད་མོས་ཚལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་སེམས་ཞེས་བྱའོ། །འདུས་པ་ནི་ལན་དགུ་བཅུ་རྩ་བཞི་སྟེ། ཐམས་ཅད་ལའང་འབུམ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ ། །དམ་པའི་ཆོས་ཀྱང་ལོ་དགུ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །བདེ་གཤེགས་བྱང་ཆུབ་རྒྱལ་མཚན་སྐྱེ་བ་ཡི། །ཡུལ་ནི་ཆོས་དག་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བདུན་ཅུ་ཡབ་ནི་ལེགས་བཟང་ཡིན། །ཆུ་ལྷ་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་རྩི་སྨན་དཔའ་བོ་རིམ་གྲོ་པ། །ཕྱོགས་མཆོད་ཅེས་ནི་བྱ་བ་མཁས་པ་སྟེ། །གཏི་མུག་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལའང ། །ཁམས་གསུམ་སྲིད་ལ་དར་ནི་མི་འཛིན་པ། །བྱེ་བ་ 436b ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་བདུན་ཁྲི་ལྔ་སྟོང་ཡིན། །ཁྱུ་མཆོག་ཆེན་པོའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་དྲུག་པ་གཅིག་གསེར་གྱིས་མཛེས་པར་བྱས། །མི་ཡི་འདྲེན་པ་ཡེ་ཤེས་རིན་ཆེན་གྱི། །སྐྱེ་བའི་ཡུལ་ནི་ཐམས་ཅད་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སྟོང་བརྒྱ་ཡབ་ནི་ལེགས་མཆོད་ཡིན། །འཇིག་རྟེན་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་གྲོལ་འདོད་ཟླ་བ་རིམ་གྲོ་པ། །ཀུན་ཏུ་དགའ་ཞེས་བྱ་བ་མཁས་པ་སྟེ། །ཁ་ལོ་སྒྱུར་བའི་རྒྱལ་པོ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །ང་མེད་ཚུལ་འཆོས་མེད་པའི་དགྲ་བཅོམ་པ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ནི། །ལོ་གྲངས་ལན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུར་འབྱུང ། །མི་ཡི་འདྲེན་པ་ཤིན་ཏུ་བསིལ་བ་ཡི། །སྐྱེ་ཡུལ་ཡེ་ཤེས་རྣམ་པར་གྲགས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། ། སུམ་ཅུ་རྩ་གཉིས་ཡབ་ནི་ཚངས་བཟང་ཡིན། །ཡེ་ཤེས་འོད་ཅེས་བྱ་བ་རྒྱལ་བའི་ཡུམ། །སྲས་པོ་ལྷ་ཡིན་བློ་གྲོས་རིམ་གྲོ་པ། །བློ་ལྡན་སྙོམས་པ་བློ་གྲོས་ཅན་ཡིན་ཏེ། །འཇིག་པ་མེད་ 437a ༄#། །པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །དགྲ་བཅོམ་ཐམས་ཅད་ཕ་མཐར་ཕྱིན་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག། །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རྒྱལ་མཚལ་མཆོག་གིས་བརྒྱན། །འཇིག་རྟེན་མགོན་པོ་ཚངས་པ་རྒྱལ་པོ་ཡི། །སྐྱེ་བའི་ཡུལ་ནི་ལེགས་པར་སྦྱངས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དྲན་ལྡན་ཡིན། །དགེ་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་ལྟ་བྱེད་གྲགས་པ་རིམ་གྲོ་པ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །འཇིགས་པ་མེད་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གཉིས་ཀུན་ལའང ། །འཇིག་རྟེན་དྲི་མ་དྲི་བྲལ་དགྲ་བཅོམ་པ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་དགུ་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱ་པ་གསེར་གྱི་རྣ་རྒྱན་ཅན། །སངས་རྒྱས་ཡེ་ཤེས་དགྱེས་པ་སྐྱེ་བ་ཡི། །ཡུལ་ནི་ཡོན་ཏན་ཀུན་གྱི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ 437b ཚད་བརྒྱད་བརྒྱ་བརྟུལ་ཞུགས་དབང་པོ་ཡབ། །དབང་པོའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་སྣང་བྱེད་རིམ་གྲོ་པ། །མཐུ་རྩལ་བརྟན་པོ་ཞེས་བྱ་མཁས་པ་སྟེ། །ཀུན་ཏུ་གཙོ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །ལམ་རབ་མཆོག་མར་ཤིན་ཏུ་དུལ་བ་པོ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་མིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུ་འབྱུང ། །རྒྱལ་བ་རྫུ་འཕྲུལ་ཏོག་ནི་སྐྱེ་བའི་ཡུལ། །བསོད་ནམས་རྣམ་པར་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་བཅུ་འབྱོར་བའི་དབང་པོ་ཡབ། །བསོད་ནམས་གྲགས་པ་རྒྱལ་ཡུམ་སྲས་པོ་ནི། །བསོད་ནམས་ལེགས་ངེས་ཆོས་ལྡན་རིམ་གྲོ་པ། །ཡོན་ཏན་ཁ་ལོ་སྒྱུར་བ་མཁས་པ་སྟེ། །གནས་པ་བྱེད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རྨ་མེད་ཚུལ་འཆོས་མེད་པའི་དགྲ་བཅོམ་པ། །བྱེ་བ་སྟོང་ཕྲག་བདུན་ཅུ་བདུན་བདུན་ཡོད། །མི་ཚེ་ལོ་གྲངས་བརྒྱད་ཁྲི་སུམ་སྟོང་ཡིན། །གྲགས་པ་མཐའ་ཡས་པ་ཡི་དམ་ཆོས་དག་།ལོ་གྲངས་དགུ་ཁྲི་ཅིག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་པ་ 438a ༄#། །བརྒྱལ་མཚན་བྱེ་བས་བརྒྱན། །དེ་བཞིན་གཤེགས་པ་སྐྱེ་དབང་མཚུངས་པ་ཡི། །སྐྱེ་བའི་ཡུལ་ནི་རྒྱལ་བའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཅུ་སྦྱིན་པ་སྲེག་འོད་འཕྲོ་ཡབ། །ཡོན་ཏན་ཚོགས་ཞེས་བྱ་བ་རྒྱལ་བའི་ཡུམ། །སྲས་པོ་དགེ་ལྡན་དེ་དགེ་བཟང་རིམ་གྲོ་པ། །ཡོན་ཏན་སྣོད་ཅེས་བྱ་བ་མཁས་པ་སྟེ། །ཡོན་ཏན་འོད་གསལ་མ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གསུམ་ཀུན་ལའང ། །ཞི་བ་གཏི་མུག་མེད་ཅིང་ཆགས་མེད་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་བདུན་ཁྲི་བརྒྱད་སྟོང་ཡིན། །རྣམ་གྲོལ་ཐོབ་པ་མྱ་ངན་འདས་གནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་ཐེར་འབུམ་དག་ནི་བདུན་ཅུ་འབྱུང ། །དེ་བཞིན་གཤེགས་པ་ས་ཡི་དབང་ཕྱུག་གི་།སྐྱེ་བའི་ཡུལ་ནི་ལེགས་པར་གནས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བྱེ་བ་ཡབ་ནི་དོན་གནས་ཡིན། །བློ་གནས་བློ་གྲོས་རྒྱལ་ཡུམ་བྱང་ཆུབ་ནི། །སྲས་ཡིན་ལེགས་པའི་བྱང་ཆུབ་རིམ་གྲོ་པ། །ཤེད་སྐྱེས་དབང་ཕྱུག་ཅེས་བྱ་མཁས་པ་སྟེ། །དོན་ཡོད་སྣ་ཚོགས་པ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །སྟོན་ཅིང་བསྒོམ་པའི་མཐར་ནི་ཕྱིན་པ་པོ། །བྱེ་ 438b བ་ཕྲག་ནི་བདུན་ཅུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །གྲགས་པ་མཐའ་ཡས་པ་ཡི་དམ་ཆོས་དག་།ལོ་གྲངས་ཉི་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོས་ཁམས་གསུམ་གང་བར་འགྱུར། །དེ་བཞིན་གཤེགས་པ་ཉི་མ་དགྱེས་པ་ཡི། །སྐྱེ་བའི་ཡུལ་ནི་གཟི་བརྗིད་བསྡུས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། ། དཔག་ཚད་གསུམ་ཡོད་ཐོས་པའི་དབང་བོ་ཡབ། །དབང་པོའི་འགྲོས་ཞེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་གནས་པ་རིམ་གྲོ་པ། །དམག་མིའི་མཆོག་ཅེས་བྱ་བ་མཁས་པ་སྟེ། །རྣམ་པར་ངས་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལའང ། །སྲིད་པ་ཀུན་གྱིས་གོས་པ་མེད་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱི་བླ་བྲེར་ལྡན། །བདེ་གཤེགས་སྒྲ་གཅན་ཟླ་བ་སྐྱེ་བ་ཡི། །ཡུལ་ནི་ཏོག་རྣམས་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་ཅུ་རྩ་སུམ་ཡབ་ནི་ཏོག་བཟང་ཡིན། །སྣང་བ་ཅན་ཞེས་བྱ་བ་རྒྱལ་བའི་ཡུམ། །སྲས་པོ་གཟི་བརྗིད་ལྡན་སྣང་རིམ་གྲོ་པ། །གྲགས་ལྡན་ཆེན་པོ་ཞེས་བྱ་མཁས་པ་སྟེ། །མྱ་ངན་མེད་པར་གནས་པ་རྫུ་འཕྲུལ་ཅན། ། 439a ༄#། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །འཇིགས་མེད་ཐར་ཆེན་པོ་མཐར་ལེགས་གནས་པ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དྲུག་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། ། མཆོད་རྟེན་བཟང་པོས་ཁམས་གསུམ་གང་བར་འགྱུར། །དེ་བཞིན་གཤེགས་པ་མེ་ཏོག་འོད་སྐྱེ་བའི། །ཡུལ་ནི་མེ་ཏོག་དག་གིས་བརྒྱན་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་སྟོང་ཡོད་ཡོན་ཏན་དབང་པོ་ཡབ། །ཡོན་ཏན་མཆོད་རྟེན་ཞེས་བྱ་རྒྱལ་བའི་ཡུམ། །སྲས་པོ་རྒྱལ་མཆོག་ཕན་འདོད་རིམ་གྲོ་པ། །འཇིག་རྟེན་མཆོག་མ་ཞེས་བྱ་མཁས་པ་ཏེ། །མཐུ་རྩལ་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །ཐར་པ་གཏི་མུག་མེད་པར་གནས་གྱུར་པ། །བྱེ་བ་ཕྲག་ནི་ཁྲི་ཕྲག་གསུམ་གསུམ་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །ཆགས་པ་མེད་པར་གྱུར་པའི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་ནོར་བུ་བྱེ་བས་སྤྲས། །དེ་བཞིན་གཤེགས་པ་སྨན་པ་བདག་པོ་ཡིན། །སྐྱེ་བའི་ཡུལ་ནི་མྱ་ངན་སེལ་ཅེས་བྱ། །རིགས་ནི་རྒྱལ་རིགས་ཡིན་ཏེ་ 439b འོད་ཀྱི་ཚད། །དཔག་ཚད་སྟོང་ཡོད་ཡབ་ནི་མྱ་ངན་མེད། །ཡོན་ཏན་ལྟ་ཞེས་བྱ་བ་རྒྱལ་བའི་ཡུམ། །སྲས་པོ་འཚོ་བྱེད་འཇིགས་མེད་རིམ་གྲོ་པ། །བསོད་ནམས་དགའ་ཞེས་བྱ་བ་མཁས་པ་སྟེ། །སེངྒེའི་སྒྲ་སྒྲོགས་པ་ནི་རྫུ་འཕྲུལ་ཅན། །འདུས་པ་ལན་གྲངས་མཐའ་ཡས་ཀུན་ལ་ཡང ། །ཕྱིར་མི་ལྡོག་པ་ཐམས་ཅད་གཟུངས་ཐོབ་པ། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་བྱེ་བ་ཕྲག་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བྱེ་བར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །རིན་ཆེན་མེ་ཏོག་སྟོང་སྙིད་བདག་གིས་བརྒྱན། །དེ་བཞིན་གཤེགས་པ་མདངས་མངའ་སྐྱེ་བ་ཡི། །ཡུལ་ནི་སྡུག་པར་རྣམ་པར་ལྟ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བྱེ་བ་ཡབ་ནི་འབྱོར་ལྡན་ཡིན། །ཡེ་ཤེས་ཅན་ཞེས་བྱ་བ་རྒྱལ་བའི་ཡུམ། །སྲས་པོ་རྣམ་གྲོལ་ཆགས་མེད་རིམ་གྲོ་པ། །འབྲུག་སྒྲ་ཞེས་ནི་བྱ་བ་མཁས་པ་སྟེ། །མདངས་སྟོབས་འགྲོས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐེག་པ་མཆོག་གིས་བྱང་ཆུབ་ཐོབ་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་སུམ་ཁྲིར་གནས་པར་འགྱུར། །མཆོད་རྟེན་དཔག་ཚད་བཅུ་གཉིས་པ་འབྱུང་སྟེ། །རིན་ཆེན་ 440a ༄#། །ཐེར་འབུམ་སྙེད་ཀྱིས་སྤྲས་པར་འགྱུར། །དེ་བཞིན་གཤེགས་པ་བསོད་ནམས་དགྱེས་པ་ཡི། །སྐྱེ་ཡུལ་བསོད་ནམས་སྣང་བར་བྱེད་ཅེས་བྱ། ། རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སྟོང་གསུམ་ཙམ་ཡོད་ཡབ་ནི་འོད་ལྡན་ཡིན། །བདུད་རྩིའི་འོད་ནི་རྒྱལ་ཡུམ་རྩི་སྨན་ནི། །སྲས་ཡིན་སྨན་པ་བཟང་པོ་རིམ་གྲོ་པ། །བྱང་ཆུབ་འོད་ཅེས་བྱ་བ་མཁས་པ་སྟེ། །རྣམ་པར་བརྩེ་བའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །གཟུངས་ཐོབ་བྱང་ཆུབ་དག་ལ་རབ་གནས་པ། །བྱེ་བ་ཕྲག་ནི་ཁྲི་ཕྲག་དགུ་དགུ་ཡོད། །མི་ཚེ་ལོ་གྲངས་དྲུག་འབུམ་སུམ་ཁྲི་ཡིན། །བྱང་ཆུབ་ཏུ་ནི་ཡོངས་སུ་སྨན་བྱའི་ཕྱིར། །དམ་ཆོས་ལོ་གྲངས་དྲུག་འབུམ་སུམ་ཁྲིར་གནས། ། རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་སྟོང་སྙེད་ཀྱིས་བརྒྱན། །དེ་བཞིན་གཤེགས་པ་དགའ་བའི་སྟོབས་སྐྱེ་བའི། །ཡུམ་ནི་མཆོད་པས་ཀུན་ཏུ་ཚིམ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཏུ་མེད་དོ་ཡབ་ནི་ཡིད་འཐད་ཡིན། །ཕན་པར་སེམས་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་འདོད་ཟླ་བ་རིམ་གྲོ་པ། །བློ་གྲོས་ཡངས་པ་ཞེས་བྱ་མཁས་པ་སྟེ། །གསེར་གྱི་འོད་ཅེས་བྱ་བ་རྫུ་འཕྲུལ་ཅན། །ཕྱིར་མི་ལྡོག་པ་གཟུངས་ནི་ཐོབ་པ་པོ། །འཇམ་པའི་དཔལ་དང་མཚུངས་ 440b པ་དེ་དག་ཀུན། །འདུས་པ་དག་ནི་ཤིན་ཏུ་མཐའ་ཡང་ཡས། །མི་ཚེ་ལོ་གྲངས་སུམ་འབུམ་ཉི་ཁྲི་ཡིན། །ཐེག་པ་མཆོག་ལྡན་ཡོངས་སུ་སྨིན་བྱའི་ཕྱིར། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཚིག་འབུམ་ཉི་ཁྲིའི་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །མཚུངས་པ་མེད་པ་དབྱངས་དག་སྙན་པ་ཡི། །སྐྱེ་བའི་ཡུལ་ནི་འོད་ཀྱི་མཆོག་ཅེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་དགེ་བཟང་ཡིན། །འཇིགས་པ་མེད་པའི་འོད་ནི་རྒྱལ་བའི་ཡུམ། །སྲས་པོ་ཤེས་རབ་ཤེས་ཆེན་རིམ་གྲོ་པ། །ཏོག་གི་རྒྱལ་མཚན་ཞེས་བྱ་མཁས་པ་སྟེ། །གནས་པ་མཐའ་ཡས་བ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །དགྲ་དག་བཅོམ་པ་དེ་དག་འདུས་པའི་གྲངས། །འབུམ་ཕྲག་བདུན་ཅུ་རྩ་ནི་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དམ་ཆོས་དག་།ལོ་གྲངས་བདུན་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གསུམ་པ་གཅིག་མུ་ཏིག་བླ་བྲེར་ལྡན། །དེ་བཞིན་གཤེགས་པ་ཆོས་ཀྱི་དབང་ཕྱུག་གི་།སྐྱེ་བའི་ཡུལ་ནི་ཐར་པའི་སྒྲ་ཞེས་བྱ། །རྒྱལ་པའི་རིགས་ནི་རྒྱལ་རིགས་འོད་ཀྱི་ཚད། །སྟོང་གཉིས་ཙམ་ཡོད་དབང་པོ་ཆེན་པོ་ཡབ། །ཡོན་ཏན་ཚོགས་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་དགེ་བའི་རིམ་གྲོ་ 441a ༄#། །པ། །བདུད་རྩིའི་འོད་ཅེས་བྱ་བ་མཁས་པ་སྟེ། །འབྱོར་པའི་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང ། །བྱང་ཆུབ་ཏུ་ནི་སྐྱེ་བ་གཅིག་གིས་ཐོགས། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད་མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་དུང་ཕྱུར་ཕྲག་དྲུག་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཅིག་པ་གཅིག་གསེར་གྱི་འོད་དང་ལྡན། །དེ་བཞིན་གཤེགས་པ་ཚངས་པའི་དབྱངས་དག་གི་།སྐྱེ་བའི་ཡུལ་ནི་སྒྲ་དབྱངས་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་མཐུ་ལྡན་ཡིན། །རིན་ཆེན་འོད་ཅེས་བྱ་བ་རྒྱལ་བའི་ཡུམ། །སྲས་པོ་རྒྱལ་མཆོག་སྐར་མཁན་རིམ་གྲོ་པ། །སེངྒེའི་འགྲོས་ཞེས་བྱ་བ་མཁས་པ་སྟེ། །བསོད་ནམས་འཁོར་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལའང ། །འཕགས་པ་མཆོག་གནས་ངེས་པར་གྱུར་པ་པོ། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །འཇིག་རྟེན་ཕན་ཕྱིར་སྲིད་མཐར་མཛད་པ་པོ། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །སེམས་ཅན་སྙིང་པོ་སྤྱོད་པ་ 441b བཟང་པོ་ཡི། །སྐྱེ་བའི་ཡུལ་ནི་མཆོད་རྟེན་བཟང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་ཟླ་འོད་ཡིན། །གཟི་བརྗིད་འོད་ཅེས་བྱ་བ་རྒྱལ་བའི་ཡུམ། །སྲས་པོ་ངེས་པ་གྱ་ནོམ་རིམ་གྲོ་པ། །མིག་སྡུག་པ་ཞེས་བྱ་བ་མཁས་པ་སྟེ། །ཤིན་ཏུ་དུལ་བར་གནས་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང ། །བཟོད་པ་དུལ་གནས་ཞི་གནས་མཆོག་ཐོབ་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་དྲུག་སྟོང་གནས། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །ཞིང་རྣམས་ཀུན་ཏུ་རྣམ་པར་གང་བར་འགྱུར། །དེ་བཞིན་གཤེགས་པ་འཁྲུལ་པ་མེད་པའི་བློ། །སྐྱེ་བའི་ཡུལ་ནི་འཇིག་རྟེན་འོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །སྟོང་གསུམ་ཙམ་ཡོད་ཡབ་ནི་དྲན་ལྡན་ཡིན། །ཚོགས་ཅན་གཙོ་རྒྱལ་ཞེས་བྱ་རྒྱལ་བའི་ཡུམ། །སྲས་པོ་ཆོས་ཅན་ཆོས་བཟང་རིམ་གྲོ་པ། །དབྱངས་སྙན་པ་ཞེས་བྱ་བ་མཁས་པ་སྟེ། །ཐར་པ་རྣམས་འཕྲུལ་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐེག་པ་མཆོག་གིས་བྱང་ཆུབ་ངེས་གྱུར་པ། །བྱེ་བ་ཕྲག་ནི་དབུ་བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བརྒྱད་ཁྲིའི་བར་དུ་ 442a ༄#། །གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་བཀོད་པས་མཛེས་པར་བྱས། །དེ་བཞིན་གཤེགས་པ་དབྱངས་ནི་ཆེན་པོ་ཡི། །སྐྱེ་བའི་ཡུལ་ནི་ལྷ་ཡིས་བསྒྲགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་རྩ་གཉིས་ཡབ་ནི་མེ་ཏོག་བཟང ། །གྲགས་པའི་སྟོབས་ནི་རྒྱལ་ཡུམ་སྲས་པོ་ནི། །ཡོན་ཏན་དགའ་ཡིན་རྫོགས་ལྡན་རིམ་གྲོ་པ། །ཚངས་པའི་དབྱངས་ཞེས་བྱ་བ་མཁས་པ་སྟེ། །ཤེས་རབ་ལེགས་སེམས་པ་ནི་རྫུ་འཕྲུལ་ཅན། །འདུས་པ་ལན་གྲངས་བ་དུན་ཅུ་ཀུན་ལ་ཡང ། །ང་མེད་དགྲ་བཅོམ་འཁྲུལ་པ་མེད་པ་པོ། །བྱེ་བ་ཕྲག་ནི་ཉི་ཤུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་རིན་ཆེན་སྣ་བདུན་དག་གིས་སྤྲས། །དེ་བཞིན་གཤེགས་པ་སྙན་པར་གྲགས་པ་ཡི། །སྐྱེ་ཡུལ་འཇིག་རྟེན་ཡོན་ཏན་དགའ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་གསུམ་ཡབ་ནི་ཕན་འདོད་ཡིན། །བྱང་ཆུབ་འདོད་ཅེས་བྱ་བ་རྒྱལ་བའི་ཡུམ། །སྲས་པོ་རྨ་མེད་སྒྲ་སྒྲོག་རིམ་གྲོ་པ། །བདུད་རྩིའི་བློ་གྲོས་ཞེས་བྱ་མཁས་པ་སྟེ། །ཆགས་པ་མེད་པའི་སྒྲོན་མ་རྫུ་འཕྲུལ་ 442b ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །བདུད་དང་སྲིད་པའི་དྲ་བ་འཇོམས་པ་པོ་།འབུམ་ཕྲག་སུམ་ཅུ་རྩ་ནི་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། ། དངོས་པོ་མེད་པར་ཕྱིན་པའི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་ལེགས་པར་རྣམ་པར་སྤྲས། །འཇིག་རྟེན་མགོན་པོ་ཏོག་ལྡན་སྐྱེ་བའི་ཡུལ། །འོད་འཕྲོ་སྣང་བར་བྱེད་པ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལྷ་དབང་ཡིན། །ཐར་པའི་དབྱངས་ཞེས་བྱ་བ་རྒྱལ་བའི་ཡུམ། །སྲས་པོ་ཟླ་མཆོག་སེམས་དཔའ་རིམ་གྲོ་པ། །མེ་ཏོག་འོད་ཅེས་བྱ་བ་མཁས་པ་སྟེ། །རྫུ་འཕྲུལ་སྤོབས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉིས་ཤུ་དྲུག་ཀུན་ལའང ། །འཇིག་རྟེན་ཆོས་ཀྱིས་གོས་པ་མེད་པ་པོ། །བྱེ་བ་ཕྲག་ནི་བདུན་ཅུ་བདུན་བདུན་ཡོད། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །རབ་ཏུ་ཞི་བར་ཕྱིན་པའི་དམ་ཆོས་དག་།ལོ་གྲངས་ཉི་ཁྲི་དྲུག་སྟོང་བར་དུ་གནས། །མཆོད་རྟེན་ཁྲི་ཕྲག་དགུ་བཅུ་རྩ་དྲུག་འབྱུང ། །རྒྱལ་མཚན་བྱེ་བ་སྟོང་གིས་མཛེས་པར་བྱས། །རྒྱལ་བ་གཟི་བརྗིད་རྣམ་པར་གྲགས་པ་ཡི། །སྐྱེ་བའི་ཡུལ་ནི་ཐར་པའི་དབྱངས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བྱེ་བ་ 443a ༄#། །འབྱོར་པའི་ཡོན་ཏན་ཡབ། །རྒྱུ་སྐར་བདག་ཅེས་བྱ་བ་རྒྱལ་བའི་ཡུམ། །སྲས་པོ་མེ་ཏོག་བཟོད་པ་རིམ་གྲོ་པ། །ཡོན་ཏན་སྒྲོག་ཅེས་བྱ་བ་མཁས་པ་སྟེ། །བདེན་པར་སྨྲ་བའི་ང་རོ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །བདུད་དང་ཉོན་མོངས་ཐམས་ཅད་འཇོམས་པ་པོ། །བྱེ་བ་ཕྲག་ནི་ཁྲི་ཕྲག་དགུ་དགུ་ཡོད། །མི་ཚེ་ལོ་གྲངས་དྲུག་ཁྲི་བདུན་སྟོང་ཡིན། །རྣམ་བར་གྲོལ་པར་ཕྱིན་པའི་དམ་ཆོས་དག་།ལོ་གྲངས་སུམ་ཁྲི་ཉིས་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་བརྒྱ་པ་གཅིག། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །སངས་རྒྱས་འགྲོ་བའི་དབང་ཕྱུག་སྐྱེ་བ་ཡི། །ཡུལ་ནི་ཐར་པ་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་བརྒྱ་ཤིན་ཏུ་འཇིགས་བྱེད་ཡབ། །ལྷའི་འོད་ཅེས་བྱ་བ་རྒྱལ་བའི་ཡུམ། །སྲས་མོ་གྲོགས་བྱེད་མཐུ་རྩལ་རིམ་གྲོ་པ། །ཡིད་འོང་གཟི་བརྗིད་བློ་གྲོས་ཅན་ཡིན་ཏེ། །ཆགས་བྲལ་གཏི་མུག་མེད་པ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང ། །དགྲ་བཅོམ་རིམས་ནད་མེད་པར་འགྱུར་པ་པོ། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །ཟད་མཐར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་དྲུག་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ 443b ནི་རྒྱས་པར་འགྱུར། །མུ་ཏིག་སྟོང་ལྡན་རྒྱལ་མཚན་དག་གིས་བསྐོར། །འཇིག་རྟེན་མགོན་པོ་ལྗོན་པ་སྐྱེ་བ་ཡི། །ཡུལ་ནི་ཐར་པར་དད་པར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ཡབ་ནི་སྤོས་བཟང་ཡིན། །དབང་པོའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་བདེ་དགའ་དྲག་ཤུལ་རིམ་གྲོ་པ། །ལྷ་གྲགས་ཞེས་ནི་བྱ་བ་མཁས་པ་སྟེ། །བླ་ན་མེད་པར་སེམས་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །ལྷ་ཡི་གནས་ཀྱི་ཕ་མཐར་ཕྱིན་པ་པོ། །བྱེ་བ་ཕྲག་ནི་སུམ་ཅུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བཞི་སྟོང་བར་གནས་པར་འགྱུར། །སྐུ་གདུང་མཆོད་རྟེན་དཔག་ཚད་དགུ་པ་གཅིག་།རྒྱལ་མཚན་མཆོག་དང་གཙུག་གི་ནོར་བུས་བརྒྱན། །རྒྱལ་བ་གཏི་མུག་རབ་བཟད་སྐྱེ་བ་ཡི། །ཡུལ་ནི་མཁས་པར་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་ཁྱད་པར་འཕགས། །གཟི་ལྡན་དགའ་ནི་རྒྱལ་ཡུམ་སྲས་པོ་ནི། །ཤིང་རྟ་དགའ་ཡིན་སྤྲིན་ལྡན་རིམ་གྲོ་པ། །ཏོག་གི་འོད་ཅེས་བྱ་བ་མཁས་པ་སྟེ། །སྒྲ་མཆོག་ཅེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གསུམ་ཀུན་ལའང ། །ང་རྒྱལ་རྒྱལ་མཚན་ཆུར་ནི་ལྷུང་བ་པོ། །བྱེ་བ་ཕྲག་ནི་དྲུག་ཅུ་གཉིས་གཉིས་ཡོད། །མི་ཚེ་ལོ་ 444a ༄#། །གྲངས་སུམ་ཁྲི་བདུན་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲི་བཞི་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།རྒྱས་འགྱུར་ཞིང་རྣམས་རྣམ་པར་གང་བར་འགྱུར། །སེམས་ཅན་སྙིང་པོ་དཔག་ཏུ་མེད་པ་ཡི། །སྐྱེ་བའི་ཡུལ་ནི་མི་ཟད་མཛོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དུང་ཕྱུར་ཕྲག་བརྒྱད་ཡབ་ནི་ལག་བཟང་ཡིན། །དག་པའི་འོད་ནི་རྒྱལ་ཡུམ་སྒྲ་ཅན་འཛིན། །སྲས་ཡིན་ལྷ་ཡི་དབང་པོའི་རིམ་གྲོ་པ། །མཐུ་རྩལ་སྟོབས་ཞེས་བྱ་བ་མཁས་པ་སྟེ། །ཀུན་ཏུ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །ཐོས་པའི་མཛོད་ལྡན་རྒྱ་མཚོ་འདྲ་མཚུངས་པ། །དེ་དག་ཐེར་འབུམ་ཐེར་འབུམ་འདུས་པར་འགྱུར་རོ། །མི་ཚེ་ལོ་གྲངས་དག་ནི་ལྔ་ཁྲི་ཡིན། །དམ་ཆོས་ལོ་གྲངས་ཆིག་ཁྲི་ཆིག་སྟོང་གནས། །རྡུལ་བྲལ་མཆོད་རྟེན་དཔག་ཚད་བརྒྱད་པ་སྟེ། །རིན་ཆེན་བརྒྱ་ཡི་ལྔ་ལྡིས་མཛེས་བྱས་ཤིང ། །ནོར་བུའི་དྲ་བདག་གིས་ཀུན་ཏུ་བརྒྱན། །དེ་བཞིན་གཤེགས་པ་ཟླ་བ་བཟང་པོ་ཡི། །སྐྱེ་བའི་ཡུལ་ནི་ཟླ་བའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་སྒྲོན་མ་ཡིན། །ལྷ་ཡི་འོད་ཅེས་བྱ་བ་རྒྱལ་བའི་ཡུམ། །སྲས་པ་ལྷ་ལེགས་བརྟན་པ་རིམ་གྲོ་པ། །མཐུ་རྩལ་སྟོབས་ཞེས་བྱ་བ་མཁས་པ་སྟེ། །མཆོག་གི་རྒྱལ་ 444b པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ལའང ། །དགྲ་བཅོམ་ཡིད་བཞིན་དུ་ནི་རྫོགས་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྣམ་གྲོལ་ཐོབ་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།རྒྱས་འགྱུར་ཞིང་རྣམས་ཀུན་དུ་གང་བར་འགྱུར། །སངས་རྒྱས་སྤོབས་པ་མཐའ་ཡས་ཏོག་སྐྱེ་བའི། །ཡུལ་ནི་ཡུལ་འཁོར་ཁ་ལོ་སྒྱུར་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཡོན་ཏན་དོན། །དོན་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་བདེན་ཕྱིན་ལེགས་འབྱོར་རིམ་གྲོ་པ། །མཐོང་དགའ་ཞེས་ནི་བྱ་བ་མཁས་པ་སྟེ། །བཀོད་པ་གསལ་ཞེས་བྱ་བ་རྫུ་འཕྲུལ་ཅན། ། འདུས་པ་ལན་གྲངས་མཐའ་ཡས་ཀུན་ལ་ཡང ། །བྱང་ཆུབ་མཆོག་ལ་ངེས་པར་འགྱུར་པ་པོ། །དེ་དག་ཐམས་ཅད་བྱེ་བ་དཔག་ཏུ་མེད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །བདེ་བར་གཤེགས་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་བདུན་འབུམ་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །རིན་ཆེན་བདུན་པོ་དག་ཀྱང་འབྱུང་བར་འགྱུར། ། དེ་བཞིན་གཤེགས་པ་བརྟུལ་ཞུགས་བསྟར་བ་ཡི། །སྐྱེ་ཡུལ་བསམ་པ་བཞིན་དུ་སྦྱིན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་བརྒྱ་ཡབ་ནི་ཡོན་ 445a ༄#། །ཏན་འོད། །དགའ་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་བྲམ་ཟེ་རབ་སྡུག་རིམ་གྲོ་པ། །གླང་པོའི་སྟོབས་ཞེས་བྱ་བ་མཁས་པ་སྟེ། །གནས་པ་ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །གཡོ་མེད་ཡིད་ལྡན་ལེགས་པར་གནས་པ་པོ། །དེ་དག་ཐེར་འབུམ་ཕྲག་ནི་བཅུ་བཅུ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་བདུན་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་ལྔ་པ་གཅིག་།ནོར་བུ་རིན་ཆེན་ལྔ་ལྔའི་སྟོང་གིས་སྤྲས། །མཚུངས་པ་མེད་པ་མཆོད་པའི་གནས་དག་གི་།སྐྱེ་བའི་ཡུལ་ནི་ཡུལ་འཁོར་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་ཏོག་བཟང་ཡིན། །བྱས་པ་གདོན་མི་ཟ་བ་རྒྱལ་བའི་ཡུམ། །སྲས་པོ་སྐལ་བཟང་ཐུབ་དགའ་རིམ་གྲོ་པ། །ཡེ་ཞེས་དགའ་ཞེས་བྱ་བ་མཁས་པ་སྟེ། ། ཡུལ་དུ་རྣམ་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །ཞི་བ་མི་སློབ་འབྲས་ལ་མངོན་དགའ་བ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་སུམ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་ཉིས་པ། ། 445b རིན་ཆེན་བརྒྱ་ཡི་ལྡ་ལྡིས་མཛེས་པར་བྱས། །དེ་བཞིན་གཤེགས་པ་མྱ་ངན་རྒོལ་བ་ཡི། །སྐྱེ་བའི་ཡུལ་ནི་རྟག་པར་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། ། དགུ་བཅུ་རྩ་གཉིས་དྲང་སྲོང་ཆེན་པོ་ཡབ། །དོན་གྱི་འགྲོས་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་མིན་ལྷ་ནི་རིམ་གྲོ་པ། །གྲགས་པའི་ཏོག་ཅེས་བྱ་བ་མཁས་པ་སྟེ། །རྣམ་པར་གྲོལ་བར་གནས་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གཉིས་ཀུན་ལའང ། །ལྷ་ཡི་གནས་པའི་ཕ་མཐར་ཕྱིན་པ་པོ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག་།ལོ་གྲངས་སུམ་ཁྲི་བཞི་སྟོང་བར་དུ་གནས། །རྒྱལ་བ་ཡོངས་སུ་མྱ་ངན་འདས་ནས་ཀྱང ། །ཐུགས་རྗེ་ཆེན་པོའི་སྐུ་གདུང་རྒྱས་པར་འགྱུར། །དེ་བཞིན་གཤེགས་པ་དགེ་བ་དགྱེས་པ་ཡི། །སྐྱེ་བའི་ཡུལ་ནི་ཡིད་འོང་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་བརྟུལ་ཞུགས་དོན། །དགེ་བའི་བློ་གྲོས་ཞེས་བྱ་བ་རྒྱལ་བའི་ཡུམ། །སྲས་པོ་ལྟ་བྱེད་ཚངས་བྱིན་རིམ་གྲོ་པ། །སེངྒེའི་ང་རོ་ཞེས་བྱ་མཁས་པ་སྟེ། །འབྲུག་སྒྲ་སྒྲོག་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །བྱེ་བ་ཕྲག་ནི་དགུ་བཅུ་དགུ་དགུ་དང ། །གཞན་ཡང་ས་ཡ་ཕྲག་ནི་དྲུག་དྲུག་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་ 446a ༄#། །དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །ལྔ་པ་གཅིག་སྟེ་རིན་ཆེན་བདུན་ལས་བྱས། །དེ་བཞིན་གཤེགས་པ་འགྲོ་བའི་བློ་གྲོས་ཀྱི། །སྐྱེ་བའི་ཡུལ་ནི་ལྷ་ཡི་འོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཏུ་མེད་དོ་ཤིན་ཏུ་བྱང་ཆུབ་ཡབ། །ཆོས་ཀྱི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་མཆོད་པ་སྐར་མཁན་རིམ་གྲོ་པ། །དཔག་མེད་འོད་ཅེས་བྱ་བ་མཁས་པ་སྟེ། །དོན་ཡོད་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་གཉིས་ཀུན་ལའང ། །འཇིག་རྟེན་ཆོས་བརྒྱད་དགོ་དང་བྲལ་བ་པོ། །བྱེ་བ་ཕྲག་ནི་སྟོང་ཕྲག་བཅུ་བཅུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་ཁོར་ཡུག་བླ་བྲེར་ལྡན། །དེ་བཞིན་གཤེགས་པ་དགྱེས་པར་གཤེགས་པ་ཡི། །སྐྱེ་ཡུལ་རིན་ཆེན་མཆོག་ཏུ་གནས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་གྲོགས་བཟང་ཡིན། །བྱམས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་མཆོད་པ་ལེགས་དབང་རིམ་གྲོ་པ། །བློ་གྲོས་གསལ་ཞེས་བྱ་བ་མཁས་པ་སྟེ། །མཐོང་བ་བརྩེགས་ཞེས་བྱ་བ་རྫུ་འཕྲུལ་ཅན། །འདུས་ 446b པ་ལན་གྲངས་དྲུག་བཅུ་གཉིས་ཀུན་ལའང ། །གཏི་མུག་མེད་པའི་ཕ་མཐར་ཕྱིན་འཕགས་པ། །བྱེ་བ་ཕྲག་ནི་དྲུག་ཅུ་གསུམ་གསུམ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །གྲགས་པ་མཐའ་ཡས་པའི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཁམས་གསུམ་མཆོད་རྟེན་བཟང་པོས་གང་བར་འགྱུར། །དེ་བཞིན་གཤེགས་པ་ཞབས་མཛེས་སྐྱེ་བ་ཡི། །ཡུམ་ནི་འཇིག་རྟེན་སྒྲོན་མ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་སྤོས་བཟང་ཡིན། །སྤོས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྤོས་བཟང་མེ་ཏོག་རིམ་གྲོ་པ། །མཆོད་པར་འོས་ཞེས་བྱ་བ་མཁས་པ་སྟེ། །ལེགས་བསྒྲུབས་གྲགས་པ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །རི་ཡི་རྒྱལ་པོ་ལྟ་བུར་མི་གཡོ་བ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། ། རྒྱལ་བའི་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་སྟོང་སྙེད་ཀྱིས་བརྒྱན། །འཇིག་རྟེན་མགོན་པོ་ཨུཏྤལ་སྐྱེ་བ་ཡི། །ཡུལ་ནི་མེ་ཏོག་ཕུང་པོ་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་མཐའ་ཡས་ཡབ་ནི་ཕན་འདོད་ཡིན། ། 447a ༄#། །ཟླ་བའི་འགྲོས་ཞེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་ཏོག་ལྡན་རིམ་གྲོ་པ། །ཟླ་བའི་འོད་ཅེས་བྱ་བ་མཁས་པ་སྟེ། །བདེན་པར་སྨྲ་བའི་དབྱངས་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །འཇིག་རྟེན་མི་ཁོམ་ཆོས་ལས་གྲོལ་བ་པོ། །བྱེ་བ་ཕྲག་ནི་དྲུག་ཅུ་དྲུག་ཅུ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། ། དམ་པའི་ཆོས་དག་ལོ་གྲངས་སྟོང་ཕྲག་ནི། །བརྒྱད་ཅུ་རྩ་ལྔའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་པ་སྟེ། །གསེར་གྱི་རྒྱལ་མཚན་སྟོང་གིས་འཁོར་བར་བསྐོར། །དེ་བཞིན་གཤེགས་པ་དུལ་གནས་མེ་ཏོག་གི་།སྐྱེ་ཡུལ་རིན་ཆེན་སྒྲོན་མ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གསུམ་ཡབ་ནི་ཟླ་བཟང་ཡིན། །པདྨའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་སེངྒེ་འབྱོར་བ་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །བཀོད་པ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །རྣམ་ཐར་བརྒྱད་པ་ཐོབ་པ་ཡི་བསམ་གཏན་པ། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །དེ་ཡི་དམ་ཆོས་ལོ་གྲངས་བརྒྱད་ཁྲིར་གནས། །སྐུ་གདུང་མཆོད་རྟེན་དཔག་ཚད་བཅུ་གསུམ་པ། །གཅིག་ཏུ་ཟད་དེ་རིན་ཆེན་མཆོག་མ་ཡི། །དྲ་བདག་གིས་རྣམ་པར་སྤྲས་པར་འགྱུར། །བདེ་གཤེགས་ 447b སྤྲོས་པ་མཐའ་ཡས་འོད་ཟེར་གྱི། །སྐྱེ་ཡུལ་སེངྒེ་རྣམ་པར་བསྒྱིངས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སྟོང་ཡོད་བདག་ཉིད་ཆེན་པོ་ཡབ། །བརྟུལ་ཞུགས་དྲག་ཅེས་བྱ་བ་རྒྱལ་བའི་ཡུམ། །སྲས་པོ་མཐར་དགའ་ཡོན་ཏན་རིམ་གྲོ་པ། །དགའ་མཆོག་ཅེས་ནི་བྱ་བ་མཁས་པ་སྟེ། །རིན་ཆེན་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ལྔ་བཅུ་ཀུན་ལ་ཡང ། །སེངྒེ་ལྟ་བུའི་འཇིགས་པ་མེད་ཐོབ་པ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཁམས་གསུམ་རིན་པོ་ཆེ་ཡིས་གང་བར་འགྱུར། །དེ་བཞིན་གཤེགས་པ་དྲང་སྲོང་གསལ་བ་ཡི། །སྐྱེ་བའི་ཡུལ་ནི་འཕགས་པས་བསྔགས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་སྟོང་ཡབ་ནི་སྒྲོན་མ་ཡིན། །ལྷ་ཡི་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་མཐུ་རྩལ་རབ་རྩལ་རིམ་གྲོ་པ། །དགྲ་བཅོམ་པ་ཡིས་བསྟོད་པ་མཁས་པ་སྟེ། །བཀོད་པ་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང ། །སྲིད་པ་ཀུན་ལས་རྒལ་བའི་ཡིད་ལྡན་པ། །བྱེ་བ་སྟོང་ཕྲག་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་ 448a ༄#། །འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་ཏུ་མཆོད་རྟེན་དག་གིས་གང ། །སངས་རྒྱས་ཡོན་ཏན་བརྩོན་འགྲུས་སྐྱེ་བ་ཡི། ། ཡུལ་ནི་ཡོན་ཏན་འོད་འཕྲོ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་སྟོང་ཡབ་ནི་ལེགས་ཞི་ཡིན། །ཕན་པར་སེམས་ཤེས་བྱ་བ་རྒྱལ་བའི་ཡུམ། །སྲས་པོ་སྒོམ་བྱེད་རབ་ཞི་རིམ་གྲོ་པ། །པདྨའི་འོད་ཅེས་བྱ་བ་མཁས་པ་སྟེ། །བཀོད་པ་མཛེས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །དགྲ་དག་ཚོམས་པ་དེ་དག་འདུས་པའི་གྲངས། །འབུམ་ཕྲག་དགུ་བཅུ་རྩ་ནི་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དགུ་བཅུ་རྩ་བརྒྱད་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་གསུམ་པ། །བཻ་ཌཱུརྱ་ཡི་རྒྱལ་མཚན་དག་གིས་བསྐོར། །འཇིག་རྟེན་མགོན་པོ་སྙིང་པོ་སྐྱེ་བ་ཡི། །ཡུལ་ནི་མཐུ་རྩལ་བློ་གྲོས་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཚངས་འོད་ཡིན། །ཞི་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་སྤྲིན་ལྡན་ལག་འགྲོ་རིམ་གྲོ་པ། །བདུད་རྩིའི་གནས་ཞེས་བྱ་བ་མཁས་པ་སྟེ། །རྣམ་སྨིན་སྣ་ཚོགས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །བྱེ་བ་ཕྲག་ནི་དགུ་བཅུ་ 448b བཞི་བཞི་དང ། །གཞན་ཡང་འབུམ་ཕྲག་བཅུ་དྲུག་བཅུ་དྲུག་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཆགས་པ་མེད་པར་ཕྱིན་པའི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་ཏུ་མཆོད་རྟེན་དག་གིས་གང ། །དེ་བཞིན་གཤེགས་པ་ལྷ་ཡི་བདག་པོ་ཡི། །སྐྱེ་བའི་ཡུལ་ནི་འཇིག་རྟེན་གསལ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །སྟོང་གསུམ་ཙམ་ཡོད་ཡབ་ནི་ལྷ་བཟང་ཡིན། །ལྷ་ཡི་ཟླ་བ་ཞེས་བྱ་རྒྱལ་བའི་ཡུམ། །སྲས་པོ་ལྷ་ཡིན་ཀུན་རྒྱལ་རིམ་གྲོ་པ། །ཡེ་ཤེས་སྟོབས་ཞེས་བྱ་བ་མཁས་པ་སྟེ། །རྣམ་པར་གྲགས་པའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་མཐའ་ཡས་ཀུན་ལ་ཡང ། །ཐམས་ཅད་བྱང་ཆུབ་དག་ལས་མི་ལྡོག་པ། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་ཅིག་ཁྲི་ཉིས་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བྱེ་བ་བཅུ་གཉིས་གནས། །སྐུ་གདུངས་རྒྱས་འགྱུར་མཆོད་རྟེན་བཟང་པོ་ཀུན། །བྱེ་བ་ཕྲག་ནི་ཁྲི་ཕྲག་གསུམ་ཞིག་འབྱུང ། །དེ་བཞིན་གཤེགས་པ་རིན་ཆེན་མཐོན་པོ་ཡི། །སྐྱེ་ཡུལ་མཐོང་དགའ་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་འབུམ་ཡོད་ཡབ་ནི་བློ་གྲོས་ཅན། །མི་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ལེགས་མཐོང་རྒྱལ་རིགས་རིམ་གྲོ་པ། །ཡེ་ཤེས་འགྲོས་ཞེས་བྱ་བ་མཁས་པ་སྟེ། ། 449a ༄#། །རྣམ་པར་གྲགས་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་བརྒྱད་ཀུན་ལའང ། །ཉོན་མོངས་བག་ཆགས་དྲི་ལས་གྲོལ་བ་པོ། །ཐེར་འབུམ་ཕྲག་ནི་དྲུག་ཅུ་དྲུག་ཅུ་ཡོད། །མི་ཚེ་ལོ་གྲངས་དྲུག་ཁྲི་ལྔ་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དྲུག་ཅུ་རྩ་ལྔའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བརྒྱ་པ་གཅིག་།རིན་ཆེན་པདྨ་དག་གིས་འཁོར་བར་བསྐོར། །དེ་བཞིན་གཤེགས་པ་གསལ་བ་སྐྱེ་བ་ཡི། །ཡུལ་ནི་ལྷ་རྣམས་དད་པར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་རྩ་གཅིག་ཡབ་ནི་མཐུ་རྩལ་ཡིན། །ཟླ་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་འཇིགས་མེད་ཆགས་མེད་རིམ་གྲོ་པ། །རླུང་ལྟར་འགྲོ་ཞེས་བྱ་བ་མཁས་པ་སྟེ། །ཐེ་ཚོམ་རྣམ་པར་གྲོལ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་བཞི་ཀུན་ལའང ། །བྱེ་བ་ཕྲག་ནི་ཉི་ཤུ་གཉིས་གཉིས་དང ། །གཞན་ཡང་འབུམ་ཕྲག་དག་ནི་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན།།མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས། །ལྷ་མི་དག་ལ་ཕན་དང་བདེ་བའི་ཕྱིར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་སྐལ་ལྡན་ཤིང་རྟ་ཅན། །སྐྱེ་ཡུལ་བདེན་ལ་དད་པར་བྱེད་ཅེས་བྱ། །རྒྱལ་བའི་རིགས་ནི་རྒྱལ་ 449b རིགས་འོད་ཀྱི་ཚད། །དཔག་ཚད་བརྒྱ་ཡོད་གནས་པ་དབང་པོ་ཡབ། །འཕགས་པ་འོད་ཅེས་བྱ་བ་རྒྱལ་བའི་ཡུམ། །སྲས་པོ་དད་བྱེད་དཔའ་བོ་རིམ་གྲོ་པ། །བདུད་རྩིའི་འོད་ཅེས་བྱ་བ་མཁས་པ་སྟེ། །འབྱོར་བར་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །དགྲ་བཅོམ་ཐམས་ཅད་ཟག་པ་ཟད་པ་པོ། །ཐེར་འབུམ་ཕྲག་ནི་ལྔ་ལྔ་འདུས་པར་འགྱུར། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །མྱ་ངན་འདས་པར་ཕྱིན་པའི་དམ་ཆོས་དག་།ལོ་གྲངས་དྲུག་ཁྲི་དྲུག་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་གསུམ་པ་གཅིག་།གསེར་གྱི་རྒྱལ་མཚན་དག་གིས་འཁོར་བ་བསྐོར། །སེམས་ཅན་སྙིང་པོ་བསོད་ནམས་བློ་གྲོས་ཀྱི། །སྐྱེ་ཡུལ་ལྷ་རྣམས་དད་པར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཐེར་འབུམ་ཡབ་ནི་ཕན་འདོད་ཡིན། །འཕགས་ལས་ཉན་ཞེས་བྱ་བ་རྒྱལ་བའི་ཡུམ། །སྲས་པོ་དེས་པ་གཟུགས་བཟང་རིམ་གྲོ་པ། །བསོད་ནམས་འགྲོས་ཞེས་བྱ་བ་མཁས་བ་སྟེ། །ཀུན་ཏུ་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །ཐམས་ཅད་རྒྱགས་དང་དྲེགས་གྲོལ་རབ་ཞི་བ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། །དམ་ཆོས་ལོ་གྲངས་བྱེ་བའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ 450a ༄#། །ལ། །མཆོད་རྟེན་བཟང་པོ་གྲངས་ནི་བདུན་འབུམ་སྟེ། །བཀོད་པ་ཐམས་ཅད་རིན་ཆེན་བརྒྱ་སྙེད་ཡིན། །འཇིག་རྟེན་མགོན་པོ་སྦྱིན་སྲེག་འོད་འཕྲོ་ཡི། །སྐྱེ་ཡུལ་མཆོད་རྟེན་སྣང་བར་བྱེད་ཅེས་བྱ། །དེ་ཡི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་མེ་ཏོག་བཟང ། །སཱ་ལའི་བདག་ཅེས་བྱ་བ་རྒྱལ་བའི་ཡུམ། །སྲས་པོ་བློ་ལྡན་ཞིང་ལྡན་རིམ་གྲོ་པ། །བལྟ་ན་སྡུག་ཅེས་བྱ་བ་མཁས་པ་སྟེ། །ལེགས་མཐོང་དབྱངས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལ་ཡང ། །བྱང་ཆུབ་མཆོག་ལ་ངེས་པར་གྱུར་པ་པོ། །བྱེ་བ་ཕྲག་ནི་བརྒྱ་བརྒྱ་འདུས་པར་འགྱུར། །མི་ཚེ་ལོ་གྲངས་ལྔ་ཁྲི་ལྔ་སྟོང་ཡིན། །དངོས་པོ་མེད་པར་ཕྱིན་པ་དེ་ཡི་ཆོས། །བྱང་ཆུབ་ཡོངས་སྨིན་བྱ་ཕྱིར་དམ་ཆོས་ཀུན། །ལོ་གྲངས་བྱེ་བ་ཕྲག་ནི་གསུམ་དུ་གནས། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །ཡོན་ཏན་མཐའ་ཡས་གཟི་བརྗིད་ཕུང་པོ་ཡི། །སྐྱེ་ཡུལ་ཆོས་ཀྱི་ཡོན་ཏན་འབྱུང་གནས་ཡིན། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །ལྔ་བཅུ་རྩ་དྲུག་ཡབ་ནི་ལྷ་དབང་ཡིན། །ཐར་པའི་འགྲོས་ཞེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་འོད་ལྡན་རིམ་གྲོ་པ། །བྱམས་པའི་ང་རོ་ཞེས་བྱ་མཁས་པ་སྟེ། །ལྷའི་གཞལ་མེད་འདོད་པའི་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང ། །རི་དབང་རྒྱལ་པོ་མི་གཡོ་སྤ་བ་བཞིན། ། 450b བྱེ་བ་ཕྲག་ནི་སུམ་ཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །སྣང་བ་མེད་པར་ཕྱིན་པའི་དམ་ཆོས་དག་།ལོ་གྲངས་བཞི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅོ་ལྔ་པ་གཅིག་ཤིན་ཏུ་རྣམ་པར་སྤྲས། །དེ་བཞིན་གཤེགས་པ་སེངྒེའི་སྟབས་དག་གི་།སྐྱེ་བའི་ཡུལ་ནི་མཐོང་བས་མཆོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཕན་འདོད་ཡིན། །ནོར་ལྷའི་བུ་འོད་ཅེས་བྱ་རྒྱལ་བའི་ཡུམ། །སྲས་པོ་ཏོག་ལྡན་འོད་འཕྲོ་རིམ་གྲོ་པ། །སེངྒེ་བློ་གྲོས་ཞེས་བྱ་མཁས་པ་སྟེ། །རྣམ་པར་གྲགས་པའི་དབྱངས་ནི་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །བྱང་ཆུབ་མཆོག་རབ་ཆོས་ལ་ངེས་གྱུར་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་སྟོང་ཕྲག་མཐའ་ཡས་རྣམ་པར་སྤྲས། །འཇིག་རྟེན་མགོན་པོ་མི་ཡོ་སྐྱེ་བོ་ཡི། །ཡུལ་ནི་བསོད་ནམས་རབ་ཏུ་གནས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ཐེར་འབུམ་ཡབ་ནི་ཡོན་ཏན་འོད། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་སྣང་ལྡན་འོད་བཟང་རིམ་གྲོ་པ། །རྒྱ་བྱིན་པ་ནི་བློ་གྲོས་ཅན་ཡིན་ཏེ། །སྒྲོན་མ་ཁྱད་པར་འཕགས་པ་རྫུ་འཕྲུལ་ཅན། ། 451a ༄#། །འདུས་པ་ལན་གྲངས་སུམ་ཅུ་ཀུན་ལ་ཡང ། །དགྲ་བཅོམ་ཞི་བ་དག་ལ་གཞོལ་བ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །དམ་ཆོས་ལོ་གྲངས་ཉི་ཁྲིའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །འཕང་དུ་དཔག་ཚད་གཅིག་སྲིད་འཕགས་པ་ལ། །རིན་ཆེན་ནོར་བུ་གསེར་གྱི་ལྡ་ལྡིས་སྤྲས། །འཇིག་རྟེན་མགོན་པོར་རབ་གསལ་སྐྱེ་བ་ཡི། །ཡུལ་ནི་འཇིགས་པ་མེད་པར་མཐོང་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བསྟོད་པའི་འོད། །འོད་གསལ་བ་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་མིན་རྒྱལ་བྱིན་རིམ་གྲོ་པ། །དགྲ་བཅོམ་འགྲོས་ཞེས་བྱ་བ་མཁས་པ་སྟེ། །སྒྲིབ་པ་མེད་པའི་ཏོག་ནི་རྫུ་འཕྲུལ་ཅན། །འདུས་པ་ལན་གྲངས་སུམ་དྲུག་ཅུ་ཀུན་ལའང ། །རིམ་ཀུན་དང་བྲལ་བ་བསམ་གཏན་པ། །བྱེ་བ་ཕྲག་ནི་སུམ་ཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་ཆིག་སྟོང་ཡིན། ། རྒྱལ་བའི་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་རྒྱ་ཡང་འབྱུང ། ། དེ་བཞིན་གཤེགས་པ་འོད་ནི་སྤྱོད་པ་ཡི། །སྐྱེ་བའི་ཡུལ་ནི་རྟག་ཏུ་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཅུ་ཡབ་ནི་མྱོས་མེད་ཡིན། །བསོད་ 451b ནམས་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་ལྷ་ལྡན་སྡོམ་པ་རིམ་གྲོ་པ། །བསོད་ནམས་དཔལ་ཞེས་བྱ་བ་མཁས་པ་སྟེ། །འཁྲུག་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་སུམ་ཀུན་ལ་ཡང ། །ཆགས་པ་མེད་པར་གྱུར་པའི་བསམ་གཏན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །དམ་ཆོས་ལོ་གྲངས་ཆིག་ཁྲི་སུམ་སྟོང་གནས། །སྐུ་གདུང་མཆོད་རྟེན་དག་ནི་གཅིག་ཡིན་སྟེ། །དཔག་ཚད་བརྒྱད་པ་བརྒྱན་གྱིས་བརྒྱན་བྱས་ཤིང ། །རྩེ་མོ་རིན་པོ་ཆེ་ཡིས་རབ་ཏུ་བརྒྱན། །དེ་བཞིན་གཤེགས་པ་ཀླུ་དབྱངས་སྐྱེ་བ་ཡི། །ཡུལ་ནི་ཀླུ་ཡིས་མཆོད་པ་བྱས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་རྒྱལ་ཆེན་ཡིན། །ཀླུ་ཡི་དབྱངས་ཞེས་བྱ་བ་རྒྱལ་བའི་ཡུམ། །སྲས་པོ་རྫུ་འཕྲུལ་སེངྒེ་རིམ་གྲོ་པ། །དགའ་བས་མཆོད་ཅེས་བྱ་བ་མཁས་པ་སྟེ། །སྟོན་པ་ཞེས་བྱ་རྫུ་འཕྲུལ་ཅན་གྱི་མཆོག་།འདུས་པ་ལན་གྲངས་བདུན་ཅུ་ཀུན་ལ་ཡང ། །ལྷ་ཡི་གནས་པ་མཆོག་དག་ཐོབ་པ་པོ། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཆགས་པ་མེད་པར་གྱུར་པའི་དམ་ཆོས་དག ། ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །ཐུགས་རྗེ་ཆེན་པོ་མྱ་ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་གླུ་དབྱངས་སྐྱེ་ 452a ༄#། །ཡི། །ཡུལ་ནི་དབྱངས་ཀྱི་མཆོག་མ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་བློ་གྲོས་ཅན། །དགེ་བའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་བྱམས་ལྡན་གྲོགས་བཟང་རིམ་གྲོ་པ། །ཆུ་བོ་སྤོང་ཞེས་བྱ་བ་མཁས་པ་སྟེ། །གཟི་བརྗིད་རྣམ་པར་ངེས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །མཚུངས་མེད་ཆུ་དང་མཚུངས་པའི་བསམ་གཏན་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །སྲིད་པའི་མཐར་ཕྱིན་པ་ཡི་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །མཆོད་རྟེན་རིན་པོ་ཆེ་ཡིས་རབ་ཏུ་བརྒྱན། །བདེན་དག་གིས་ཤིན་ཏུ་མཛེས་པར་བྱས། །དེ་བཞིན་གཤེགས་པ་འཁོར་ལོ་འཛིན་པ་ཡི། །སྐྱེ་ཡུལ་ཐུབ་པ་མེད་པའི་སྡེ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལྷ་དབང་ཡིན། །ཚོགས་རྒྱལ་འོད་ཅེས་བྱ་བ་རྒྱལ་བའི་ཡུམ། །སྲས་པོ་འབྱོར་བ་ལྷས་བྱིན་རིམ་གྲོ་པ། །ཐུབ་པ་མེད་པའི་འོད་ནི་མཁས་པ་སྟེ། །བཀོད་པ་ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལ་ཡང ། །མཉམ་གྲོལ་རྒྱ་མཚོ་འདྲ་བའི་དགྲ་བཅོམ་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །རྣམ་པར་གྲོལ་ 452b བར་ཕྱིན་པའི་དམ་ཆོས་དག་།ལོ་གྲངས་སུམ་ཁྲི་དྲུག་སྟོང་བར་དུ་གནས། །ཐུགས་རྗེ་ཆེན་པོ་མྱ་ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་དབྱིག་གི་མཆོག་དག་གི་།སྐྱེ་བའི་ཡུལ་ནི་རྐང་པ་བརྒྱན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ཁྲི་ཡོད་ཡབ་ནི་ཕན་འདོད་ཡིན། །དགའ་བའི་འོད་ཅེས་བྱ་བ་རྒྱལ་བའི་ཡུམ། ། སྲས་པོ་ཟླ་བ་ཟླ་བཟང་རིམ་གྲོ་པ། །མུན་དང་བྲལ་ཞེས་བྱ་བ་མཁས་པ་སྟེ། །ཆགས་དང་བྲལ་བར་གནས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང ། །ལྷའི་མཐུ་ཅན་རྣམ་གྲོལ་དགའ་བ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དྲུག་ཁྲི་ཆིག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། ། རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གསུམ་པ་གཅིག་གསེར་གྱི་བླ་བྲེར་ལྡན། །སངས་རྒྱས་འཇིག་རྟེན་དག་ལ་དགའ་བ་ཡི། །སྐྱེ་བའི་ཡུལ་ནི་མདངས་ཀྱི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་རྒྱ་མཚོ་ཡིན། །ལྷའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་མི་སྐྱེས་པོ་ཟད་རིམ་གྲོ་པ། །གྲགས་ཆེན་ཞེས་ནི་བྱ་བ་མཁས་པ་སྟེ། །ཁ་ལོ་སྒྱུར་བར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཐེ་ཚོམ་ཡིད་གཉིས་དག་ནི་མཐར་བྱེད་པ། །བྱེ་བ་ཕྲག་ནི་བདུན་ཅུ་བདུན་ཅུ་ 453a ༄#། །ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲི་བཞི་སྟོང་བར་དུ་གནས། །མཚུངས་པ་མེད་པ་མྱ་ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །བདེ་བར་གཤེགས་པ་ཅོས་ཀྱི་ཟླ་བ་ཡི། །སྐྱེ་ཡུལ་ཆོས་ཀྱི་བསྟན་པ་ཞེས་ཀྱང་བྱ། །རིག་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཐབས་ལྡན་ཡིན། །ཤེས་རབ་བརྟན་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་ལྡན་བརྟན་པ་རིམ་གྲོ་པ། །ཆོས་བརྟན་རབ་ཏུ་གནས་པ་ཤེས་རབ་ཅན། །བདེན་པ་ཅི་ཡི་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དམ་པའི་ཆོས་ནི་མཁྱེན་རབ་གནས་པ་པོ། །བྱེ་བ་ཕྲག་ནི་དགུ་བཅུ་རེ་རེ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་བྱེ་བའི་བར་དུ་གནས་བར་འགྱུར། །རྒྱལ་བ་དེ་ཡི་སྐུ་གདུང་རྒྱས་པར་འགྱུར། །སངས་རྒྱས་དགའ་བ་མཐའ་ཡས་གྲགས་པ་ཡི། །སྐྱེ་བའི་ཡུལ་ནི་ལྷ་ཡི་འོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལྷ་བཟང་ཡིན། །ལྷ་ཡི་འོད་ཅེས་བྱ་བ་རྒྱལ་བའི་ཡུམ། །སྲས་པོ་ས་ལྡན་དགའ་བྱེད་རིམ་གྲོ་པ། །སྒྲ་སྙན་པ་ཞེས་བྱ་བ་མཁས་པ་སྟེ། །བདེ་བའི་སྟབས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ 453b ཅུ་ཀུན་ལ་ཡང ། །ཉོན་མོངས་ཐམས་ཅད་མཐར་ནི་བྱེད་པ་པོ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །དངོས་མེད་ཕྱིན་པ་མྱ་ངན་འདས་ནས་ཀྱང ། །དམ་ཆོས་ལོ་གྲངས་སྟོང་དུ་གནས་པར་འགྱུར། །ཐུགས་རྗེ་ཆེན་པོ་མྱ་ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། དེ་བཞིན་གཤེགས་པ་སྤྲིན་གྱི་ཏོག་དག་དག་གི་།སྐེ་བའི་ཡུལ་ནི་ཆོས་སྣད་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་འབུམ་ཡོད་ཡབ་ནི་ཡོན་ཏན་འོད། བློ་གྲོས་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་ཤེས་བྱིན་ལེགས་ཤེས་རིམ་གྲོ་པ། །ཡོན་ཏན་ཚོགས་ཞེས་བྱ་བ་མཁས་པ་སྟེ། མྱ་ངན་འདས་སྟེགས་བཟང་པོ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལའང ། །ཚངས་པར་གནས་པའི་ཕ་མཐར་ཕྱིན་པ་པོ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག་ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་ཤེས་རབ་འགྲོས་དག་གི་།སྐྱེ་བའི་ཡུལ་ནི་ཡེ་ཤེས་གཞོལ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་སྟོང་དྲུག་བརྒྱ་ཡབ་ནི་སྟེགས་བཟང་ཡིན། །ཤེས་རབ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་མཆོག་ 454a ༄#། །མ་སྤྲིན་ལྡན་རིམ་གྲོ་པ། །བདུད་འཇོམས་པ་ནི་བློ་གྲོས་ཅན་ཡིན་ཏེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་དྲུག་ཀུན་ལའང ། །བྱང་ཆུབ་མཆོག་གི་ཕ་རོལ་ཕྱིན་པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མྱ་ངན་འདས་ནས་དམ་པའི་ཆོས་དག་ཀྱང ། ། ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་ནོར་བུ་བླ་བྲེར་ལྡན། འཇིག་རྟེན་མགོན་པོ་སྤོས་བཟང་སྐྱེ་བ་ཡི། །ཡུལ་ནི་སྤོས་ཀྱིས་རྣམ་པར་བརྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལག་བཟང་ཡིན། །འོད་བཟང་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་འབྱོར་བ་རིམ་གྲོ་པ། །ཡོན་ཏན་འོད་བཟངས་བ་ནི་མཁས་པ་སྟེ། །བཀོད་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གཉིས་ཀུན་ལའང ། །མཚོ་བྲན་རྒྱ་མཚོ་གང་བ་འདྲ་བ་པོ། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སུམ་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་ཐམས་ཅད་རྣམ་པར་བརྒྱན། །དེ་བཞིན་གཤེགས་པ་ནམ་མཁའི་དབྱིངས་སྐྱེ་བའི། །ཡུལ་ནི་ 454b རྫུ་འཕྲུལ་སྣང་བར་བྱེད་ཅེས་བྱ། །རྡུལ་བྲལ་རིགས་ནི་རྒྱལ་རིགས་འོད་ཀྱི་ཚད། །སྟོང་སུམ་ཙམ་ཡིན་བདེ་བའི་དབང་པོ་ཡབ། །དགའ་བའི་སྒྲ་དབྱངས་རྒྱལ་ཡུམ་མེ་ཏོག་སྲས། །ཀུ་མུ་ད་ཞེས་བྱ་བ་རིམ་གྲོ་པ། །སེངྒེའི་རྒྱལ་མཚན་ཞེས་བྱ་མཁས་པ་སྟེ། །དབྱངས་སྙན་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་མཐའ་ཡས་ཀུན་ལ་ཡང ། །བརྟན་རྣམས་བྱང་ཆུབ་དག་ལ་གཞོལ་བ་པོ། །བྱེ་བ་ཕྲག་ནི་དཔག་ཏུ་མེད་པ་ཡོད། །མི་ཚེ་ལོ་གྲངས་ཐེར་འབུམ་ཕྲག་གསུམ་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་ཐེར་འབུམ་ཕྲག་གསུམ་ནས། །གྲགས་པ་མཐའ་ཡས་མྱ་ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །འཇིག་རྟེན་མགོན་པོ་ལྷ་ཡི་སྐྱེ་བ་ཡི། །ཡུལ་ནི་དང་ཚུལ་ཀུན་ཏུ་བསྡུས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །སྟོང་ཁམས་ཉིས་ཙམ་ཡབ་སྒྲོན་མ་ཡིན། །སྤོབས་པའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་ལྷ་གསལ་འབྱོར་བྱེད་རིམ་གྲོ་པ། །མིག་ལེགས་པ་ཞེས་བྱ་བ་མཁས་པ་སྟེ། །ཤིན་ཏུ་སྦྱངས་པའི་ལུས་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་བཞི་ཀུན་ལའང ། །སེམས་ཅན་མཆོག་ལ་བྱང་ཆུབ་འདོད་པ་པོ། །བྱེ་བ་ཕྲག་ནི་ཁྲི་ཕྲག་དགུ་དགུ་ཡོད། །མི་ཚེ་ལོ་གྲངས་དག་ནི་འབུམ་ཡང་ཡིན། །ཡོངས་སུ་མྱ་ངན་འདས་ནས་དམ་ཆོས་དག། ལོ་གྲངས་སྟོང་ཕྲག་བརྒྱད་ཁྲིའི་བར་དུ་གནས། །མིག་སྦྱིན་མཛད་པ་མྱ་ 455a ༄#། །ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་ལྷ་ཡི་རྒྱལ་པོ་ཡི། །སྐྱེ་བའི་ཡུལ་ནི་ལྷ་ཡིས་མཆོད་ཅེས་བྱ། ། རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །སྟོང་ཁམས་ཅིག་ཙམ་ཡབ་ནི་ལྷ་བཟང་ཡིན། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ལྷ་ཡིན་ལྷ་ནི་རིམ་གྲོ་པ། །ཚངས་པ་འཕགས་ཞེས་བྱ་བ་མཁས་པ་སྟེ། །ལྷ་དབང་གཙོ་བོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །གཟུངས་ཐོབ་ཕྱིར་ཆུབ་དག་ནི་འདོད་པ་པོ། །ཁྲི་ཕྲག་དག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་བྱེ་སྟོང་དགུ་བཅུ་དགུ། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བརྒྱད་འབུམ་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་ཞིང་རྣམས་གང་བར་འགྱུར། །དེ་བཞིན་གཤེགས་པ་ནོར་བུ་གསལ་བ་ཡི། །སྐྱེ་བའི་ཡུལ་ནི་རིན་ཆེན་གསལ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ཁྲི་ཡོད་ཡབ་ནི་གསལ་བ་ཡིན། །རིན་ཆེན་འགོག་ཅེས་བྱ་བ་རྒྱལ་བའི་ཡུམ། །སྲས་པོ་ལེགས་ལྡན་ལེགས་མཐོང་རིམ་གྲོ་པ། ། མིག་སྡུག་པ་ཞེས་བྱ་བ་མཁས་པ་སྟེ། །རྟག་པར་མཐོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་གཉིས་ཀུན་ལའང ། །དགྲ་བཅོམ་ཟག་པ་མེད་པའི་བསམ་གཏན་ 455b པ། །བྱེ་བ་ཕྲག་ནི་བདུན་ཅུ་སུམ་སུམ་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་བདུན་ཁྲི་བཞི་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་བརྒྱ་པ་གཅིག་།གསེར་དང་ནོར་བུའི་ལྡ་ལྡིས་མཛེས་པར་བྱས། །དེ་བཞིན་གཤེགས་པ་ནོར་བཟང་སྐྱོ་བ་ཡི། །ཡུལ་ནི་བསོད་ནམས་རྣམ་པར་བརྒྱན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་སྟོང་རབ་ཏུ་དགེ་བ་ཡབ། །ཐར་པའི་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་སྟོན་བརྩེགས་རྒྱལ་བ་རིམ་གྲོ་པ། །ཡེ་ཤེས་ང་རོ་ཞེས་བྱ་མཁས་པ་སྟེ། །མཛེས་པར་གནས་ཤིན་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ངར་མི་འཛིན་པ་ཡང་སྲིད་ཟད་པ་པོ། །བྱེ་བ་ཕྲག་ནི་སུམ་ཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །ནུབ་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་སུམ་ཁྲི་བཞི་སྟོང་བར་དུ་གནས། །རྒྱལ་བ་དེ་ཡི་སྐུ་གདུང་རྒྱས་འགྱུར་སྟེ། །ཞིང་རྣམས་དག་ཏུ་རྣམ་པར་གང་བར་འགྱུར། །འཕགས་པ་བསྐལ་བ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ཉི་ཤུ་གསུམ་པ། མཚུངས་པ་མེད་པ་སྒྲོན་མ་སྐྱེ་བ་ཡི། །ཡུལ་ནི་བསོད་ནམས་སྒྲོན་མ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་སུམ་སྟོང་རྣམ་པར་གནོན་པ་ཡབ། །གཟི་བརྗིད་འོད་ཅེས་བྱ་བ་རྒྱལ་བའི་ཡུམ། །སྲས་པོ་གཟི་བྱིན་ 456a ༄#། །སྒྲོན་མ་རིམ་གྲོ་པ། །སྒྲོན་མ་བྱེད་ཅེས་བྱ་བ་མཁས་པ་སྟེ། །འཇིག་རྟེན་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །དགྲ་བཅོམ་དེ་དག་ཚོགས་པར་འགྱུར་བའི་གྲངས། །བདུན་འབུམ་བདུན་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་བདུན་ཁྲི་ཅིག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་བར་འགྱུར། །འཇིག་རྟེན་ཕན་ཕྱིར་སྐུ་གདུང་རྒྱས་འགྱུར་ལ། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །རྒྱལ་བ་རིན་ཆེན་ང་རོ་དབྱངས་དག་གི་།སྐྱེ་བའི་ཡུལ་ནི་དབྱངས་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་སྟོང་ཡབ་ནི་ལྷ་ལུས་ཡིན། །རིན་ཆེན་འགྲོས་ཞེས་བྱ་བ་རྒྱལ་བའི་ཡུམ། །སྲས་པོ་རྒྱལ་བྱིན་རྒལ་གྱུར་རིམ་གྲོ་པ། །ང་རྒྱལ་བཅད་ཅེས་བྱ་བ་མཁས་པ་སྟེ། །ཉོན་མོངས་བསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ཚུལ་བཞིན་ཆོས་ཀྱི་ཕ་རོལ་ཕྱིན་པ་པོ། །བྱེ་བ་ཕྲག་ནི་བརྒྱད་ཅུ་གཉིས་གཉིས་ཡོད། །མི་ཚེ་ལོ་གྲངས་བརྒྱད་ཁྲིའི་བར་དུ་གནས། །མྱ་ངན་འདས་ནས་དམ་པའི་ཆོས་དག་ཀྱང ། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བརྒྱད་པ་གཅིག་།རིན་ཆེན་བྱེ་བ་དག་གིས་རབ་ཏུ་བརྒྱན། །རྒྱལ་བ་སྐྱེ་དབང་རྒྱལ་པོ་སྐྱེ་བ་ཡི། །ཡུལ་ནི་དྲག་ཤུལ་སྣང་ 456b བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཁྱད་པར་འཕགས། །རྒྱ་མཚོའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་རྒྱ་མཚོ་ཆེན་རིམ་གྲོ་པ། ། བདུད་རྩི་དགའ་ཞེས་བྱ་བ་མཁས་པ་སྟེ། །མྱ་ངན་འདས་པའི་སྟེགས་བཟང་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང ། །དངོས་མེད་ཕྱིན་པ་གཏི་མུག་མེད་ཞི་བ། །བྱེ་བ་ཕྲག་ནི་དྲུག་ཅུ་གསུམ་གསུམ་ཡོད། །མི་ཚེ་ལོ་གྲངས་དྲུག་ཁྲི་ཅིག་སྟོང་ཡིན། །དྲི་མ་སྤངས་པའི་དམ་པའི་ཆོས་དག་ཀྱང ། །ལོ་གྲངས་དྲུག་ཁྲི་ཅིག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོས་ཞིང་རྣམས་གང་བར་འགྱུར། །དེ་བཞིན་གཤེགས་པ་སྒྲ་གཅན་སྦེད་པ་ཡི། །སྐྱེ་བའི་ཡུལ་ནི་སྒྲོན་མའི་མདངས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཡོན་ཏན་འཕྲུལ། །རྫུ་འཕྲུལ་འོད་ཅེས་བྱ་བ་རྒྱལ་བའི་ཡུམ། །སྲས་པོ་འཕྲུལ་ཅན་བཀོད་པ་རིམ་གྲོ་པ། །བློ་དང་ལྡན་ཞེས་བྱ་བ་མཁས་པ་སྟེ། །འཁྲུལ་པ་མེད་པར་སེམས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་བཅོམ་ཐམས་ཅད་ཟག་པ་མེད་པ་པོ། །བྱེ་བ་ཕྲག་ནི་ཉི་ཤུ་ཉི་ཤུ་ཡོད། །མི་ཚེ་ལོ་གྲངས་ཉི་ཁྲི་ཅིག་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང ། །ལོ་གྲངས་ཉི་ཁྲི་ཅིག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ 457a ༄#། །ཡིན་ཏེ། །དཔག་ཚད་བདུན་པ་རིན་པོ་ཆེ་ཡིས་སྤྲས། །འཇིག་རྟེན་མགོན་པོ་དགེ་བ་མཛད་པ་ཡི། །སྐྱེ་ཡུལ་གཟི་བརྗིད་འཇིགས་པ་མེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་དྲུག་ཅུ་ཡབ་ནི་དོན་བསྟན་ཡིན། །མཆོག་ཏུ་བསྟན་ཞེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་དྲང་པོ་རིམ་གྲོ་པ། །ཡོན་ཏན་ཆ་ཕྲ་འཛིན་པ་མཁས་པ་སྟེ། །སྒྲོན་མ་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང ། །འཇིག་རྟེན་དད་པ་དགྲ་བཅོམ་ཆགས་མེད་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །སྣང་བ་མེད་པར་ཕྱིན་པའི་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །ཐུགས་རྗེ་ཆེན་པོ་མྱ་ངན་འདས་ནས་ཀྱང ། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་སེངྒེའི་བློ་གྲོས་ཀྱི། །སྐྱེ་བའི་ཡུལ་ནི་མདངས་སྣང་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཡིད་འོང་ཡིན། །ལྷ་དགའ་ཞེས་ནི་ཡ་བ་རྒྱལ་བའི་ཡུམ། །སྲས་པོ་སྟོན་བྱེད་མཛེས་ཅན་རིམ་གྲོ་པ། །མཆོད་པར་འོས་ཞེས་བྱ་བ་མཁས་པ་སྟེ། །དད་པར་ཕྱེད་ཅེས་བྱ་བ་རྫུ་འཕྲུལ་ཅན། ། འདུས་པ་ལན་གྲངས་སུམ་ཅུ་ཀུན་ལ་ཡང ། །ལྷ་ཡི་གནས་པའི་ཕ་རོལ་ཕྱིན་པ་པོ། །བྱེ་བ་ཕྲག་ནི་སུམ་ཅུ་དྲུག་དྲུག་ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །དམ་ཆོས་ལོ་གྲངས་བྱེ་ 457b སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཅིག་པ་གཅིག་གསེར་གྱི་བླ་བྲེར་ལྡན། །རིན་ཆེན་མཆོག་མ་བྱ་བས་རྣམ་པར་སྤྲས། །དེ་བཞིན་གཤེགས་པ་རིན་ཆེན་གྲགས་པ་ཡི། །སྐྱེ་བའི་ཡུལ་ནི་གསེར་གྱི་སྒྲོན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་གསུམ་ཡབ་ནི་ལྷ་བཟང་ཡིན། །སྙན་པ་གྲགས་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་འོངས་བློ་ལྡན་རིམ་གྲོ་པ། །ཡོན་ཏན་ཆགས་ཞེས་བྱ་བ་མཁས་པ་སྟེ། །གཏི་མུག་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་གཅིག་ཀུན་ལའང ། །ཐམས་ཅད་གནས་པ་མེད་པའི་ལམ་ཐོབ་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །ཆགས་པ་མེད་པར་གྱུར་པའི་དམ་ཆོས་དག་།ལོ་གྲངས་དགུ་ཁྲི་དགུ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་ཏུ་མཆོད་རྟེན་བཟང་པོས་གང ། །སེམས་ཅན་སྙིང་པོ་དོན་ནི་མཛད་པ་ཡི། །སྐྱེ་བའི་ཡུལ་ནི་ལྷ་ཡི་བཀོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་སྤོང་པ་ཡི། །གྲགས་ཏོག་མ་ཞེས་བྱ་བ་རྒྱལ་བའི་ཡུམ། །སྲས་པོ་བྱང་ཆུབ་ཆོས་ལྡན་རིམ་གྲོ་པ། །ཡོན་ཏན་གནས་ཞེས་བྱ་བ་མཁས་པ་སྟེ། ། རྣམ་གྲོལ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་དག་ཚོགས་པ་དེ་དག་འདུས་པའི་གྲངས། །བྱེ་བ་ཕྲག་ནི་འབུམ་འབུམ་འདུས་པར་ 458a ༄#། །འགྱུར། །མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཉིས་པ་གཅིག་གསེར་གྱི་བླ་བྲེར་ལྡན། །དེ་བཞིན་གཤེགས་པ་མཛོད་མཐའ་གཟིགས་པ་ཡི། །སྐྱེ་བའི་ཡུལ་ནི་མཛེས་པར་སྦྱངས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་ཅུ་རྣམ་པར་དག་པ་ཡབ། །བྱས་པ་ངེས་ཞེས་བྱ་བ་རྒྱལ་བའི་ཡུམ། །སྲས་པོ་བཟང་ལྡན་གྲགས་བྱིན་རིམ་གྲོ་པ། །མཆོད་རྟེན་དགའ་ཞེས་བྱ་བ་མཁས་པ་སྟེ། །གསལ་བའི་གཏི་མུག་མེད་པར་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དགྲ་དག་ཆོམས་པ་དེ་དག་ཀུན་གྱི་གྲངས། །བྱེ་བ་ཕྲག་ནི་བརྒྱ་བརྒྱ་འདུས་པར་འགྱུར། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྟོང་གསུམ་མཆོད་རྟེན་བཟང་པོས་གང་པར་འགྱུར། །དེ་བཞིན་གཤེགས་པ་སྲིད་པའི་མེ་ཏོག་གི་།སྐྱེ་བའི་ཡུལ་ནི་གྲགས་པ་བསྒྲགས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་ཅུ་རྩ་ལྔ་ཡབ་ནི་སྲིད་མཐའ་ཡིན། །བློ་གྲོས་ཉི་མ་ཞེས་བྱ་རྒྱལ་བའི་ཡུམ། །ནོར་ལྷའི་བུ་སྲས་ཟླ་ཉི་རིམ་གྲོ་པ། །དགྲ་བཅོམ་དགའ་ཞེས་ 458b བྱ་བ་མཁས་པ་སྟེ། །འཕགས་ལ་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །ང་མེད་ནམ་མཁའ་དག་དང་མཚུངས་པ་པོ། །བྱེ་བ་ཕྲག་ནི་བརྒྱད་ཅུ་བཞི་བཞི་ཡོད། །མི་ཚེ་ལོ་གྲངས་བརྒྱད་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཉི་ཁྲི་ཆིག་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་བཅུ་གསུམ་པ། ། གཅིག་སྟོང་རིན་ཆེན་བཀོད་པས་རབ་ཏུ་བརྒྱན། འཇིག་རྟེན་མགོན་པོ་མཛོད་སྤུ་ལྡན་པ་ཡི། །སྐྱེ་བའི་ཡུལ་ནི་སྟེགས་མཆོད་ཅེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། སུམ་ཅུ་རྩ་གསུམ་ཡབ་ནི་རབ་གསལ་ཡིན། །བརྟུལ་ཞུགས་གྲུབ་ཅེས་བྱ་བ་རྒྱལ་བའི་ཡུམ། །སྲས་པོ་ཟླ་སྡུག་རབ་དགའ་རིམ་གྲོ་པ། ཐར་པའི་འགྲོས་ཤེས་བྱ་བ་མཁས་པ་སྟེ། །མྱ་ངན་མེད་པར་གནས་པ་རྫུ་འཕྲུལ་ཅན། འདུས་པ་ལན་གྲངས་ཉི་ཤུ་དྲུག་ཀུན་ལའང ། །རི་ཡི་རྒྱལ་པོ་ལྟ་བུ་མི་གཡོ་བ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱ་བ་སྟོང་ཕྲག་བརྒྱད་ཅུ་བྱུང ། །སངས་རྒྱས་སྤོབས་པ་མཚུངས་མེད་རྒྱལ་པོ་ཡི། །སྐྱེ་བའི་ཡུལ་ནི་སྣ་ཚོགས་མཛེས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་བཞི་ཡབ་ནི་སྐྱོན་མེད་ཡིན། །ཡོན་ཏན་མཐོང་ཞེས་བྱ་བ་རྒྱལ་ 459a ༄#། །པའི་ཡུམ། །ཡོན་ཏན་ཅན་སྲས་བློ་ལྡན་རིམ་གྲོ་པ། །རྒྱལ་མཚན་མཆོག་ཅེས་བྱ་བ་མཁས་པ་སྟེ། །ནོར་ལྷའི་བུ་ཏོག་ཞེས་བྱ་རྫུ་འཕྲུལ་ཅན། འདུས་པ་ལ་ལན་གྲངས་དགུ་བཅུ་ཀུན་ལ་ཡང ། །ཆུ་དང་ནམ་མཁའ་ལྟ་བུར་གསལ་བ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ཁྲི་ཅིག་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།རྒྱས་པར་གྱུར་ཏེ་ཞིང་རྣམས་གང་བར་འགྱུར། །སངས་རྒྱས་ཡེ་ཤེས་རྣམ་འབྱེད་ང་རོ་ཡི། །སྐྱེ་བའི་ཡུལ་ནི་རྣམ་གྲངས་ལྷ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ངོས་བཟང་ཡིན། །མཚན་ལྡན་མ་ཞེས་བྱ་བ་རྒྱལ་བའི་ཡུམ། །བསོད་ནམས་འདོད་སྲས་གཙོ་བོ་རིམ་གྲོ་པ། །བརྟུལ་ཞུགས་གྲུབ་ཅེས་བྱ་བ་མཁས་པ་སྟེ། །ཆགས་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་གསུམ་ཀུན་ལའང ། །དྲི་བྲལ་འཇིག་རྟེན་དྲི་མའི་དྲི་མེད་པ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་སུམ་ཁྲི་ཅིག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །དྲུག་ཅུ་པ་གཅིག་གསེར་གྱི་བླ་བྲེར་ལྡན། །དེ་བཞིན་གཤེགས་པ་སེངྒེའི་མཆེ་ 459b བ་ཡི། །སྐྱེ་བའི་ཡུལ་ནི་བྲོ་བའི་མཆོག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་ཕྲག་གསུམ་གླང་ཆེན་དབང་པོ་ཡབ། །ཐར་པའི་དབྱངས་ནི་རྒྱལ་ཡུམ་ལྟ་བྱེད་སྲས། །ནོ་ཚོད་བཟང་པོ་ཞེས་བྱ་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །རྣམ་པར་གྲོལ་བའི་བགོད་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །སྤྱོད་པ་འཁྲུལ་པ་མེད་པར་འགྱུར་པ་པོ། །བྱེ་བ་ཕྲག་ནི་དྲུག་ཅུ་བདུན་བདུན་ཡོད། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་འདས་དམ་ཆོས་དག་།ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །ཞིང་རྣམས་མཆོད་རྟེན་དག་གིས་གང་བར་འགྱུར། །དེ་བཞིན་གཤེགས་པ་མཛེས་པར་གཤེགས་པ་ཡི། །སྐྱེ་བའི་ཡུལ་ནི་བདེན་པ་གསལ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་བཞི་ཡབ་ནི་བཀོད་པ་ཡིན། །གཟི་བརྗིད་ཆེན་པོ་ཞེས་བྱ་བ་རྒྱལ་བའི་ཡུམ། །སྲས་པོ་དེས་པ་བཟང་པོ་རིམ་གྲོ་པ། །ཡིད་འཇམ་པ་ཞེས་བྱ་བ་མཁས་པ་སྟེ། །བྱང་ཆུབ་དྲང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ལྔ་ཀུན་ལའང ། །ལེགས་དུལ་ཡིད་ལྡན་གླང་པོ་འདྲ་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ 460a ༄#། །ཏེ། །དཔག་ཚད་བཞི་བ་བཀོད་དུ་འོང ། །དེ་བཞིན་གཤེགས་པ་བསོད་ནམས་སྒྲོན་མ་ཡི། །སྐྱེ་བའི་ཡུལ་ནི་སྒྲོན་མའི་ཏོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལྷ་བཟང་ཡིན། །གྲགས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་འཕྲུལ་ཅན་མཐུ་རྩལ་རིམ་གྲོ་པ། །མཆོད་རྟེན་གྲགས་ཞེས་བྱ་བ་མཁས་པ་སྟེ། །གཟུངས་ཀྱི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡ་སྲས་པོ་ཀུན་ལ་ས་རྣམ་གྲོལ་ཡིད་ལྡན་པ། །བྱེ་བ་ཕྲག་ནི་དྲུག་ཅུ་ལྔ་ལྔ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བདུན་ཁྲི་དྲུག་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།རྒྱས་པར་འགྱུར་ཏེ་ཞིང་རྣམས་གང་བར་འགྱུར། །སེམས་ཅན་སྙིང་པོ་བཀྲ་ཤིས་ལྡན་པ་ཡི། །སྐྱེ་བའི་ཡུལ་ནི་གཟི་བརྗིད་གསལ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཁྲི་ཡོད་ཡབ་ནི་ལྷ་དབང་ཡིན། སྤྱོད་པ་ཅན་ཞེས་བྱ་བ་རྒྱལ་བའི་ཡུམ། །སྲས་པོ་ཡིད་འོང་སྣང་ལྡན་རིམ་གྲོ་པ། །ཆོས་ཀྱི་འོད་ཅེས་བྱ་བ་མཁས་པ་སྟེ། །ཡོན་ཏན་མཆོག་ལ་གནས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་གསུམ་ཀུན་ལའང ། །སྲིད་པའི་མདུད་པ་ཐམས་ཅད་རྣམ་གྲོལ་པ། །བྱེ་བ་ཕྲག་ནི་དགུ་བཅུ་ལྔ་ལྔ་ཡོད། །མི་ཚེ་ལོ་གྲངས་དགུ་ 460b ༄#། །ཁྲི་དགུ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལོ་གྲངས་དགུ་ཁྲིའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བརྒྱད་པ་གཅིག་།གསེར་དང་ནོར་བུའི་ལྔ་ལྔས་མཛེས་པར་བྱས། །རྒྱལ་བ་ཡུལ་འཁོར་མྱ་ངན་མེད་པ་ཡི། །སྐྱེ་བའི་ཡུལ་ནི་མྱ་ངན་སེལ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་གྱི་ཚད། །དཔག་ཚད་དགུ་བཅུ་ཡབ་ནི་དུལ་བ་ཡིན། ། ཉེས་པ་སྤོང་ཞེས་བྱ་བ་རྒྱལ་བའི་ཡུམ། །སྲས་པོ་ཚལ་འདོར་དྲག་ཤུལ་རིམ་གྲོ་པ། །ཡོན་ཏན་མིག་ཅེས་བྱ་བ་མཁས་པ་སྟེ། །གྲགས་པ་རྣམ་པར་སྤྲུལ་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །དུལ་བའི་ཡིད་ལྡན་བསྒོམས་པའི་བདག་ཉིད་ཅན། །བྱེ་བ་ཕྲག་ནི་བརྒྱ་བརྒྱ་འདུས་པར་འགྱུར། །མི་ཚེ་ལོ་གྲངས་བརྒྱད་ཁྲི་སུམ་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བརྒྱད་ཅུ་རྩ་གསུམ་བར་དུ་གནས་པར་འགྱུར། །འགྲོལ་ཕན་ཕྱིར་རྒྱལ་བའི་སྐུ་གདུང་དག་།རྒྱས་པར་འགྱུར་ཏེ་ཞིང་རྣམས་གང་བར་འགྱུར། །དེ་བཞིན་གཤེགས་པ་བློ་གྲོས་སེམས་པ་ཡི། །སྐྱེ་བའི་ཡུལ་ནི་ཡིད་ཚིམ་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སྟོང་ཡོད་རྫུ་འཕྲུལ་ལྷ་ནི་ཡབ། །ཡིད་གཉིས་འདོད་ཅེས་བྱ་བ་རྒྱལ་བའི་ཡུམ། ། སྲས་པོ་ལྟ་བྱེད་ངེས་པ་རིམ་གྲོ་པ། །ཤེས་རབ་འཕགས་ཞེས་བྱ་བ་མཁས་པ་སྟེ། །མཆོག་རྒྱལ་བརྟུལ་ཞུགས་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་གཅིག་ཀུན་ 461a ༄#། །ལའང ། །བག་ཆགས་པ་མཐར་ཕྱིན་པའི་བསམ་གཏན་པ། །བྱེ་བ་ཕྲག་ནི་བརྒྱད་ཅུ་གཉིས་གཉིས་ཡོད། །མི་ཚེ་ལོ་གྲངས་བརྒྱད་ཁྲི་ལྔ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བཅུ་གཉིས་པ། །གཅིག་སྟེ་ནོར་བུ་བཟང་པོའི་དྲ་བས་སྤྲས། ། དེ་བཞིན་གཤེགས་པ་བློ་དང་ལྡན་པ་ཡི། །སྐྱེ་བའི་ཡུལ་ནི་ཤེས་རབ་གསལ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཆོས་བཟང་ཡིན། །ཐར་པའི་བརྟུལ་ཞུགས་ཞེས་བྱ་རྒྱལ་བའི་ཡུམ། །སྲས་པོ་ཏོག་ལྡན་ལེགས་སེམས་རིམ་གྲོ་པ། །བདུད་རྩི་དགའ་ཞེས་བྱ་བ་མཁས་པ་སྟེ། །བཀོད་པ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང ། །སྲིད་པའི་རྒྱ་མཚོའི་ཕ་མཐར་ཕྱིན་པ་པོ། །བྱ་བ་ཕྲག་ནི་བརྒྱད་ཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །སྣང་བ་མེད་པར་ཕྱིན་པའི་དམ་ཆོས་དག་།ལོ་གྲངས་བརྒྱད་ཁྲིར་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་གསུམ་པ། །རིན་ཆེན་མང་པོའི་དྲ་བས་མཛེས་པར་བྱས། །དེ་བཞིན་གཤེགས་པ་ཆོས་ཀྱི་སྒྲོན་མ་སྤྱན། །སྐྱེ་བའི་ཡུལ་ནི་ཆོས་ཀྱི་རྒྱལ་མཚན་ཡིན། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་བློ་གྲོས་ཅན། །ཟླ་ 461b མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཟླས་བྱིན་འཇམ་པའི་རིམ་གྲོ་པ། །སྤོབས་པ་སེམས་ནི་བློ་གྲོས་ཅན་ཡིན་ཏེ། །འཁྲུགས་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་བཞི་ཀུན་ལའང ། །ང་རྒྱལ་སྲིད་པའི་དྲ་བ་འཇིག་པ་པོ། །བྱེ་བ་ཕྲག་ནི་དྲུག་ཅུ་ལྔ་ལྔ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དྲུག་ཁྲི་ལྔ་སྟོང་བར་དུ་གནས། །ཐུགས་རྗེ་ཅན་གྱི་སྐུ་གདུང་རྒྱས་འགྱུར་ལ། །རིན་ཆེན་བྱེ་བ་དག་གིས་རབ་ཏུ་བརྒྱན། །འཇིག་རྟེན་མགོན་པོ་ཤིན་ཏུ་གཟིགས་པ་ཡི། །སྐྱེ་བའི་ཡུལ་ནི་གཟི་བརྗིད་སྒྲོན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་ཞུམ་མེད་ཡིན། །བློ་བརྟན་འཛིན་ཅེས་བྱ་བ་རྒྱལ་བའི་ཡུམ། །སྲས་པོ་བློ་ལྡན་བློ་བཟང་རིམ་གྲོ་པ། །རྣམ་པར་སྣང་བྱེད་ཅེས་བྱ་མཁས་པ་སྟེ། །འཇིག་རྟེན་སྒྲ་ལ་འདུག་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང ། །དུག་རྩི་བཅད་དང་མཚུངས་པའི་དགྲ་བཅོམ་པ། ། བྱེ་བ་ཕྲག་ནི་དྲུག་ཅུ་གསུམ་གསུམ་ཡོང ། །མི་ཚེ་ལོ་གྲངས་དྲུག་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་པའི་དམ་ཆོས་དག་།ལོ་གྲངས་དྲུག་ཁྲི་དྲུག་སྟོང་བར་དུ་གནས། །འཇིག་རྟེན་ཕན་ཕྱིར་རྒྱལ་བའི་སྐུ་གདུང་དག་།རྒྱས་འགྱུར་ཁམས་གསུམ་དག་ཏུ་གང་བར་འགྱུར། །དེ་བཞིན་གཤེགས་པ་ཞུགས་ཀྱིས་འདོར་བ་ཡི། །སྐྱེ་བའི་ཡུལ་ནི་དགའ་བ་གསལ་ཞེས་བྱ། །རྒྱལ་བའི་ 462a ༄#། །རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལེགས་བྱིན་ཡིན། །མཆོག་སྦྱིན་འཇུག་ཅེས་བྱ་བ་རྒྱལ་བའི་ཡུམ། །སྲས་པོ་ཟླ་ལྡན་ཟླས་བྱིན་རིམ་གྲོ་པ། །རྡོ་རྗེའི་འགྲོས་ཞེས་བྱ་བ་མཁས་པ་སྟེ། །འབྱོར་བ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །དྲི་མེད་ཚུལ་འཆོས་མེད་པའི་དགྲ་བཅོམ་པ། ། བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བའི་མྱ་ངན་འདས་ནི་དམ་ཆོས་དག་།ལོ་གྲངས་བདུན་ཁྲིའི་བར་དུ་གནས་པར་འགྱུར། །འགྲོ་ལ་ཕན་ཕྱིར་བྱམས་ལྡན་རྒྱལ་བ་ཡི། །སྐུ་གདུང་རྒྱས་འགྱུར་རྣམ་པར་གང་བར་འགྱུར། །དེ་བཞིན་གཤེགས་པ་སྟོབས་ཅན་སྐྱེ་བ་ཡི། །ཡུལ་ནི་གདུལ་བར་དགའ་བ་ཞེས་ཀྱང་བྱ། ། རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་ཅུ་ཡབ་ནི་ཞུམ་མེད་ཡིན། །བསོད་ནམས་ཅན་ཞེས་བྱ་བ་རྒྱལ་བའི་ཡུམ། །སྲས་པོ་སྐྲུན་བྱེད་གཉི་གི་རིམ་གྲོ་པ། །ནོར་བུ་རྐང་ཞེས་བྱ་བ་མཁས་པ་སྟེ། །གསེར་སྒྲོན་ཞེས་བྱ་བ་ནི་རྫུ་འཕྲུལ་ཅན། །དེ་ནི་འདུས་པ་ལན་གྲངས་དྲུག་བཅུ་སྟེ། །ཐམས་ཅད་དག་ལ་བྱེ་བ་དག་ནི་ཕྲག་།དགུ་བཅུ་རྩ་ནི་བཞི་བཞི་ཚང་བར་འགྱུར། །མི་ཚེ་ལོ་གྲངས་བརྒྱད་ཁྲི་བརྒྱད་སྟོང་ཡིན། །འཁྲུགས་པ་མེད་པར་ཕྱིན་པའི་དམ་ཆོས་དག་།ལོ་གྲངས་དགུ་ཁྲི་ཉིས་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་རངས་ 462b པ་གཅིག་།ནོར་བུའི་གདུགས་དང་བཀོད་པ་བླ་བྲེར་ལྡན། །དེ་བཞིན་གཤེགས་པ་ཤེས་རབ་མེད་ཏོག་གི། །སྐྱེ་བའི་ཡུལ་ནི་མཁས་པ་གསལ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་དབྱེན་མེད་ཡིན། །འབྲུག་སྒྲ་ཞེས་ནི་བྱ་བ་རྒྱལ་བའི་ཡུམ། །སྲས་པོ་སྒོམ་བྱེད་དུལ་བ་རིམ་གྲོ་པ། །ཡོན་ཏན་འོད་བཟངས་ཞེས་བྱ་མཁས་པ་སྟེ། །ལྷ་ཡི་གཞལ་མེད་མཚུངས་པ་རྫུ་འཕྲུལ་ཅན། །འདུས་པ་ལན་གྲངས་ལྔ་བཅུ་ཀུན་ལ་ཡང ། །དགྲ་བཅོམ་བདུད་རྣམས་འཇོམས་པར་བྱེད་པ་པོ། །བྱེ་བ་ཕྲག་ནི་ལྔ་བཅུ་ལྔ་ལྔ་ཡོད། །མི་ཚེ་ལོ་གྲངས་བརྒྱད་ཁྲི་ལྔ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་བཞི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུངས་དག་ནི་རྒྱས་འགྱུར་ལ། །མཆོད་རྟེན་བཟང་པོས་སྟོང་གསུམ་གང་བར་འགྱུར། །དེ་བཞིན་གཤེགས་པ་བརྟན་པའི་དབྱངས་སྐྱེ་བའི། །ཡུལ་ནི་དྲག་ཤུལ་སྒྲ་དགའ་འབྱུང་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་སྟོང་ཡབ་ནི་གནས་པ་མཆོག་།གསེར་གྱི་མདོག་ཅེས་བྱ་བ་རྒྱལ་བའི་ཡུམ། །འཇིག་རྟེན་ལམ་སྲས་སྒྲོན་མ་རིམ་གྲོ་པ། །ཡོན་ཏན་མཆོག་ཅེས་བྱ་བ་མཁས་པ་སྟེ། །ཀུ་མུ་ད་ཡི་སྙིང་པོ་རྫུ་འཕྲུལ་ཅན། ། འདུས་པ་ལན་གྲངས་དྲུབ་ལ་ཅུ་གཉས་ཀུན་ལའང ། །བག་ཆགས་རྩ་ནས་བཏོན་པའི་དགྲ་བཅོམ་པ། །བྱེ་བ་ཕྲག་ནི་དྲུག་ཅུ་བརྒྱད་བརྒྱད་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །ཡོངས་ 463a ༄#། །སུ་མྱ་ངན་འདས་ནས་དམ་ཆོས་དག་།ལོ་གྲངས་དྲུག་ཁྲིའི་བར་དུ་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།རྒྱས་འགྱུར་ཞིང་རྣམས་རྣམ་པར་གང་བར་འགྱུར། །སེམས་ཅན་སྙིང་པོ་བདེ་དང་ལྡན་པ་ཡི། །སྐྱེ་ཡུལ་གཟི་བརྗིད་ཡིད་དུ་འཐད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ལྗོན་པའི་དབང་པོ་ཡབ། །མེ་ཏོག་སྒྲོན་མ་ཞེས་བྱ་རྒྱལ་བའི་ཡུམ། །སྲས་པོ་ཙམ་ཀ་མཆོག་མ་རིམ་གྲོ་པ། །བརྟུལ་ཞུགས་ལྷ་ཞེས་བྱ་བ་མཁས་པ་སྟེ། །བཀོད་པ་མི་འཁྲུགས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་རྩ་ལྔ་ལ། །དགྲ་བཅོམ་ཐམས་ཅད་ཐ་བ་སྤངས་པ་པོ། །ས་དག་དང་ནི་མཚུངས་པ་ཤ་སྟག་གོ་།མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་གཅིག་པ། །རིན་ཆེན་བརྒྱ་ཡི་དྲ་བས་མཛེས་པར་བྱས། ། དེ་བཞིན་གཤེགས་པ་དོན་དག་གསུངས་པ་ཡི། །སྐྱེ་བའི་ཡུལ་ནི་སྨྲ་བ་གསལ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉིས་སྟོང་ཡབ་ནི་ཟླ་བཟངས་ཡིན། ། སྤྲིན་གྱི་འོད་ཅེས་བྱ་བ་རྒྱལ་བའི་ཡུམ། །སྲས་པོ་འོད་ལྡན་སྣང་བ་རིམ་གྲོ་པ། །སྣང་བ་བྱེད་ཅེས་བྱ་བ་གློ་ཅན་ཏེ། །ཡིད་འོང་གསལ་ཞེས་བྱ་བ་རྫུ་འཕྲུལ་ཅན། །འདུས་པ་དག་ 463b ནི་ལན་གྲངས་ཐེར་འབུམ་ཕྲག་།བཅུ་སྟེ་ཐམས་ཅད་ལ་ཡང་བསམ་གཏན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་འབུམ་ཡང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་སྟོང་སྙེད་ལོ་ནང་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག་།རྒྱས་འགྱུར་ཞིང་རྣམས་རྣམ་པར་གང་བར་འགྱུར། །དེ་བཞིན་གཤེགས་པ་དགྱེས་པ་གསལ་པ་ཡི། །སྐྱེ་བའི་ཡུལ་ནི་དགའ་བྱེད་མཆོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་འབུམ་ཡོད་མི་འཁྲུགས་པ་ནི་ཡབ། །བདུད་རྩིའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་བདུད་རྩི་རྣམ་གྲོལ་རིམ་གྲོ་པ། །སེངྒེའི་ང་རོ་ཞེས་བྱ་མཁས་པ་སྟེ། །གནས་པ་མི་འཁྲུགས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང ། །ཐམས་ཅད་གནས་ཤེས་པ་ལ་མཁས་པ་པོ། །བྱེ་བ་ཕྲག་ནི་སུམ་ཅུ་ལྔ་ལྔ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག་།ལོ་གྲངས་དྲུག་ཁྲི་དྲུག་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་གསུམ་པ་གཅིག་།རིན་ཆེན་མཆོག་གི་དྲ་བས་མཛེས་པར་བྱས། །དེ་བཞིན་གཤེགས་པ་སེངྒེའི་ཞལ་སྐྱེ་བའི། །ཡུལ་ནི་སྨྲ་བའི་མཆོད་རྟེན་ཞེས་ཀྱང་བྱ། །དེ་ཡི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་གཟི་བརྗིད་བཟང ། །གོས་ལ་དགའ་ཞེས་བྱ་བ་རྒྱལ་བའི་ཡུམ། །སྲས་ 464a ༄#། །པོ་ཁ་སྒྱུར་ལེགས་གནས་རིམ་གྲོ་པ། །ཡེ་ཤེས་ཟིལ་གྱིས་གནོན་པ་མཁས་པ་སྟེ། །མྱ་ངན་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང ། །གཏི་མུག་མེད་པའི་ཕ་མཐའ་ཕྱིན་འཕགས་པ། །བྱེ་བ་ཕྲག་ནི་བདུན་ཅུ་བརྒྱད་བརྒྱད་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག་།ལ་གྲངས་བདུན་ཁྲིའི་བར་དུ་གནས་པར་འགྱུར། །འགྲོ་བའི་དོན་དང་ཕན་ཕྱིར་རྒྱལ་བ་ཡི། །སྐུ་གདུང་དག་ནི་རྣམ་པར་རྒྱས་པར་འགྱུར། །མི་ཡི་འདྲེན་པ་གཙུག་ཕུད་སྐྱེ་བ་ཡི། །ཡུལ་ནི་རིན་ཆེན་བརྩེགས་པ་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། དཔག་ཚད་བདུན་ཅུ་ཡབ་ནི་ཏོག་བཟང་ཡིན། །སྣང་བ་སྦྱིན་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་ལེགས་སྒྲ་གཅན་རིམ་གྲོ་པ། །སྤོབས་པ་དྲན་པ་བློ་གྲོས་ཅན་ཡིན་ཏེ། །རྣམ་པར་སྤྲུལ་པའི་ཏོག་ནི་རྫུ་འཕྲུལ་ཅན། །འདུས་པ་ལང་གྲངས་བརྒྱད་ཅུ་དྲུག་ཀུན་ལའང ། །འཇིགས་པ་མེད་པའི་གནས་མཆོག་ཐོབ་པ་པོ། །བྱེ་བ་ཕྲག་ནི་བརྒྱད་ཅུ་བདུན་བདུན་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག་།ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བ་ཐུགས་རྗེ་ཆེན་པོ་མཚུངས་མེད་པའི། །སྐུ་གདུང་དག་ནི་རྣམ་པར་གྱས་པར་འགྱུར། །མིའི་འདྲེན་པ་སྣང་བ་མཛད་པ་ཡི། །སྐྱེ་ 464b པའི་ཡུལ་ནི་གཟི་བརྗིད་གྲགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཏུ་མེད་བ་ཡབ་ནི་ལེགས་མཐོང་ཡིན། །བལྟ་བར་འོས་ཞེས་བྱ་བ་རྒྱལ་བའི་ཡུམ། །སྲས་པོ་མཐུ་རྩལ་མངར་ཅན་རིམ་གྲོ་པ། །སྣང་བར་བྱེད་པ་བློ་གྲོས་ཅན་ཡིན་ཏེ། །ཆགས་མེད་གཏི་མུག་མེད་པ་རྫུ་འཕྲུལ་ཅན། །འདུས་པ་ཐུན་མོང་མ་ཡིན་དཔག་ཏུ་མེད། །མི་རྣམས་དག་གི་ཚེ་ཚད་དཔག་ཏུ་མེད། །སངས་རྒྱས་དགུ་བརྒྱ་དགུ་བཅུ་རྩ་དགུ་ཡི། །མཛད་པ་ཇི་སྙེད་པ་ཀུན་ངེས་མཛད་འགྱུར། །འཇིག་རྟེན་ཕན་ཕྱིར་སེམས་ཅན་སྙིང་པོ་དག་།མྱ་ངན་འདས་ནས་དམ་ཆོས་གནས་འགྱུར་བའི། །ལོ་གྲངས་སྟོང་ཕྲག་དག་ནི་མཐའ་ཡང་ཡས། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ལེགས་སོ། །ལེགས་སོ། །བསྐལ་པ་བཟང་པོ་པའི་སངས་རྒྱས་བཅོམ་ལྡན་འདས་རྣམས་ཀྱིས། སངས་རྒྱས་བཅོམ་ལྡན་འདས་དེ་དག་གང་དང་གང་དག་ལ་དང་པོར་བྱང་ཆུབ་ཏུ་སེམས་བསྐྱེད་པ་དང ། དགེ་བའི་རྩ་བ་གང་དང་གང་དག་གིས་དེ་བཞིན་གཤེགས་པ་དེ་དག་ལ་བསྐུར་སྟིར་བགྱིས་ནས་བྱང་ཆུབ་ཏུ་སེམས་བསྐྱེད་པ་དག་ལུང་བསྟན་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་ 465a ༄#། །བའི་རྒྱལ་པོ་ལ་འདི་སྐད་ཆེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཙུན་པ་བཅོམ་ལྡན་འདས། དེ་ལྟ་ལེགས་སོ། །ཞེས་གསོལ་ནས་བཅོམ་ལྡན་འདས་ཀྱི་ལྟར་ཉན་པ་དང ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དེ་བཞིན་གཤེགས་པ་འཁོར་བ་འཇིག་གིས་ནི། །དེ་བཞིན་གཤེགས་པ་མི་ཡི་ཟླ་དེ་ལ། །གསེར་ལས་བྱས་བའི་གདུགས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གསེར་ཐུབ་ཕྲེང་རྒྱུད་ཚེ། །དེ་བཞིན་གཤེགས་པ་སེངྒེའི་སྟབས་དེ་ལ། །སྣ་མའི་མེ་ཏོག་དག་གི་ཕྲེང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་སྲུང་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་ཙམ་པའི་མཆོག་དེ་ལ། །སྐ་རགས་དག་ནི་དབུལ་བར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །ང་ནི་སྔོན་ཚེ་སྨན་པར་གྱུར་པ་ན། །དེ་བཞིན་གཤེགས་པ་ཤཱཀྱ་ཐུབ་དེ་ལ། །འཇམས་གང་ཞིག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བྱང་ཆུབ་སེམས་དཔའ་བྱམས་པ་འཁོར་ལོ་སྒྱུར་བ་ཡི། །རྒྱལ་པོ་རྣམ་པར་སྣང་བྱེད་ཅེས་བྱར་གྱུར་པ་ན། །བདེ་གཤེགས་མཐུ་ཆེན་གདུགས་ཚོད་དག་ལ་སྤྱན་ 465b དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སེང་གེ་དག་གིས་ནི། །དེ་བཞིན་གཤེགས་པ་ང་རོ་སྙན་དེ་ལ། །ཕྱག་དར་ཁྲོད་ཀྱི་ལྷན་པ་ཐལ་མོ་ཙམ། ། ཕུལ་ནས་དང་པོར་བྱང་ཆུབ་སེམས་བསྐྱེད་དོ། །བདེ་གཤེགས་རབ་གསལ་ཚོར་བར་གྱུར་པའི་ཚེ། །དེ་བཞིན་གཤེགས་པ་མཐའ་ཡས་འོད་དེ་ལ། །ནོར་བུ་རིན་པོ་ཆེ་དག་ཕུལ་ནས་ཀྱང ། ། དང་པོར་བྱང་ཆུབ་པ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཐུབ་པ་དག་གིས་ནི། །དེ་བཞིན་གཤེགས་པ་ཡིད་འཐད་གཟིགས་དེ་ལ། །མུ་ཏིག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་གྲོང་ཁྱེར་བརྟེན་པའི་ཚེ། །དེ་བཞིན་གཤེགས་པ་ཁ་ལོ་སྒྱུར་དེ་ལ། །ལ་ཏུ་དག་ནི་དབུལ་བ་བྱས་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མེ་ཏོག་གཉིས་པ་ཡིས། །བདེ་གཤེགས་མངོན་པར་འཕགས་པའི་དཔལ་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྱན་ལེགས་ཁྱིམ་བདག་ཚེ། །དེ་བཞིན་གཤེགས་པ་ལེགས་པར་སྒྲ་སྒྲོགས་ལ། །ཁང་པ་བརྩེགས་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དེད་དཔོན་དག་གིས་ནི། །དེ་བཞིན་གཤེགས་པ་བདེན་པ་མཐོང་དེ་ལ། །ཙནྡན་དམར་ 466a ༄#། །པོའི་ཁྲིའུ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལག་ཆེན་རོལ་མོ་མཁན་གྱུར་ཚེ། །དེ་བཞིན་གཤེགས་པ་མཆོག་གྲགས་གྲོང་ཁྱེར་དུ། །བདེ་གཤེགས་དེ་ལ་གླིང་བུས་མཆོད་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་ཆེན་སྤོས་ཚོང་རྒྱབ་གྱུར་ཚེ། །བདེ་གཤེགས་སེང་བློ་གྲོང་ཁྱེར་གཤེགས་པ་ན། ། ཀ་རུ་ཡི་རྡོག་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱུ་སྐར་རྒྱལ་པོ་ཕྱུགས་རྫིའི་ཚེ། །དེ་བཞིན་གཤེགས་པ་དབྱངས་བྱིན་དེ་ལ་ནི། །ཁ་ལའི་མེ་ཏོག་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྩི་སྨན་ཤིང་རྟ་མཁན་གྱུར་ཚེ། །དེ་བཞིན་གཤེགས་པ་དྲི་ཞིམ་དེ་ལ་ནི། །ཏིང་ལོ་མར་མེ་བཅས་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྙན་པ་ཐག་པར་གྱུར་ཚེ། །དེ་བཞིན་གཤེགས་པ་མར་མེའི་གློག་འགྱུར་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་ཏོག་ཞིང་པར་འགྱུར་པའི་ཚེ། །དེ་བཞིན་གཤེགས་པ་པདྨོའི་འོད་ཟེར་ལ། །མེ་ཏོག་སིལ་མ་དག་གིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཆེན་གྲོང་ཁྱེར་རྟེན་པའི་ཚེ། །དེ་བཞིན་ 466b གཤེགས་པ་སྒྲོན་མ་ཆེན་པོ་སྟེ། །དྲང་སྲོང་དེ་ལ་མར་མེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲོལ་ཟུང་ལྷམ་མཁན་གྱུར་པའི་ཚེ། །དེ་བཞིན་གཤེགས་པ་ཚངས་པའི་དབྱངས་དེ་ལ། །མཆིལ་ལྷམ་ཟུང་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་སྣང་འཁོར་ལོས་སྒྱུར་བའི་ཚེ། །དེ་བཞིན་གཤེགས་པ་ཡིད་གཉིས་འཇོམས་དེ་ལ། །ཏ་ལའི་བ་ཏི་བརྒྱད་ཁྲི་བཞི་སྟོང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉེ་སྙིང་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་གཟི་བརྗིད་མཐའ་ཡས་ལ། །ཀོ་ཤ་ཏ་ཀའི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་གསེར་མགར་བུར་གྱུར་ཚེ། །དེ་བཞིན་གཤེགས་པ་ཟླ་བའི་ཞལ་དེ་ལ། །རིན་པོ་ཆེ་ཡི་སྡོང་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་འཕྲོ་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་མཐའ་ཡས་འོད་དེ་ལ། །རྩཝ་ཡི་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་གྲོང་ཁྱེར་བརྟེན་པའི་ཚེ། །དེ་བཞིན་གཤེགས་པ་ཡིད་འོང་གཟི་བརྗིད་ལ། །ཙམྤ་ཀ་ཡི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་མེད་པ་ཚོང་དཔོན་བུས། །དེ་བཞིན་གཤེགས་ 467a ༄#། །པ་ཡིད་གཉིས་རྣམ་འཇིག་ལ། །ཀར་ནི་ཀ་ཡི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་རྒྱལ་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་བསོད་ནམས་སྒྲོན་དེ་ལ། །ནོར་བུ་རིན་ཆེན་མཆིལ་ལྷམ་ཟུང་གཅིག་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་གསལ་རྒྱ་མཚོའི་ཚོང་པའི་ཚེ། །དེ་བཞིན་གཤེགས་པ་ལེགས་པར་མཐོང་དེ་ལ། །ཙནྡན་དམར་པོའི་གཟིམས་ཁྲི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕྲེང་ཐོགས་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་ཡིད་འོང་གཟི་བརྗིད་ལ། །ཀ་ཀ་ནི་ཡའི་བདུག་སྤོས་གསོལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འོད་ནི་གསེར་རྟོག་ཚེ། །དེ་བཞིན་གཤེགས་པ་མཚུངས་པ་མེད་དེ་ལ། །མེ་ཏོག་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་གཟིགས་འཁོར་ལོས་བསྒྱུར་རྒྱལ་ཚེ། །དེ་བཞིན་གཤེགས་པ་འོད་དཔག་མེད་མཛོད་ལ། །ཁང་པ་བརྩེགས་པ་སྟོང་སྙེད་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མར་མེ་སྤོས་འབྲུ་མར་ཚོང་བུར་གྱུར་ཚེ། །དེ་བཞིན་གཤེགས་པ་རྣམ་པར་རོལ་པར་སྣང་བ་གང ། །བྱེ་བ་ 467b དྲུག་ཅུའི་འཁོར་བཅས་དག་ལ་ཁྲུས་ཁང་ཅིག་།ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་ལྡན་གོས་ཚོང་གྱུར་པའི་ཚེ། །དེ་བཞིན་གཤེགས་པ་གྲགས་པ་རྒྱས་དེ་ལ། །རས་བཅོས་ལེབ་ལེབ་པོ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨན་པ་སྨན་པའི་བུར་གྱུར་ཚེ། །དེ་བཞིན་གཤེགས་པ་རྒྱལ་མཚན་བྲལ་དེ་ལ། །སྤོས་ཀྱི་རི་ལུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དེས་པ་འབྲུ་མར་མཁན་གྱི་ཚེ། །དེ་བཞིན་གཤེགས་པ་འཕགས་འཇོམས་མཛད་དེ་ལ། །མར་མེ་ཁ་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛོད་སྤུ་ཕྲེང་མཁན་གྱི་ཚེ། །དེ་བཞིན་གཤེགས་པ་ཀུན་ཏུ་གཟིགས་དེ་ལ། ། ུཏྤལ་དམར་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟན་ལྡན་སྟོབས་ཀྱི་འཁོར་ལོས་སྒྱུར་པའི་ཚེ། །དེ་བཞིན་གཤེགས་པ་གཞན་གྱིས་མི་ཐུབ་དེ་ལ་ནི། །རིན་པོ་ཆེ་ལས་བྱས་པའི་གདན་ཁྲི་གྲངས་བརྒྱད་ཅུ། །རྩ་བཞི་ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་དཔལ་རྒྱ་མཚོའི་ཚོང་པར་གྱུར་པའི་ཚེ། །དེ་བཞིན་གཤེགས་པ་གཟི་བརྗིད་ཕུང་པོ་འོད་དེ་ལ། །ནོར་བུ་རིན་ཆེན་བླ་བྲེར་དཔག་ཚད་གཅིག་སྣང་བ། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ 468a ༄#། །གདུལ་དགའ་ཤིང་ཚོང་གྱུར་པའི་ཚེ། །དེ་བཞིན་གཤེགས་པ་བརྟན་པར་གཤེགས་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡོན་ཏན་རྒྱལ་མཚན་ཆུའི། །སྦྱིན་བདག་གྱུར་ཚེ་བདེ་གཤེགས་ཡིད་འོང་གྲགས། །དེ་ལ་ཆུ་སྣོད་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ཕྲེང་རྒྱུ་མཁན་བུའི་ཚེ། །དེ་བཞིན་གཤེགས་པ་མཐའ་ཡས་གཟུགས་དེ་ལ། །གསེར་གྱི་མཆིལ་ལྷམ་ཟུང་ཅིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་ཁྲུས་པར་གྱུར་པའི་ཚེ། །དེ་བཞིན་གཤེགས་པ་ཐུགས་རབ་དང་བ་ལ། །ཁྲུས་ཀྱི་ཆབ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱངས་ཕྱུགས་རྫིར་གྱུར་པའི་ཚེ། །དེ་བཞིན་གཤེགས་པ་དབྱངས་སྙན་དང་པོར་མངོན་རྫོགས་པར། །སངས་རྒྱས་གྱུར་པའི་ཚེ་ན་དེ་ལ་ཕྱེ་བྲེ་གང ། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚིགས་བརྟན་འགྲོན་བུ་ཚོང་བའི་བུར། །གྱུར་ཚེ་བདེ་གཤེགས་མི་གཡོར་གཤེགས་པ་ལ། །འགྲོན་བུ་སྤར་གང་གཏོར་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་འགྱིང་རྒྱལ་བུ་ 468b དགའ་འདོད་ཚེ། །དེ་བཞིན་གཤེགས་པ་བཀོད་པ་མཐའ་ཡས་ལ། །གླུ་དབྱངས་དག་གིས་མཆོད་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་མཛད་འཁོར་ལོས་བསྒྱུར་རྒྱལ་ཚེ། །དེ་བཞིན་གཤེགས་པ་གཟི་བརྗིད་བརྩེགས་འོད་ལ། །ན་བཟའ་རིན་པོ་ཆེ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷུན་པོ་ཆེན་པོ་ཡིས། །དེ་བཞིན་གཤེགས་པ་བློ་གནས་དེ་ལ་ནི། །མེ་ཏོག་མྱ་ངན་འཚང་བ་བདུན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེ་ལྷ་དབང་བརྒྱ་བྱིན་དུ། ། གྱུར་ཚེ་དེ་བཞིན་གཤེགས་པ་བརྟན་པ་ལ། །མེ་ཏོག་མནྡཱ་ར་བའི་ཆར་ཕབ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྡོམ་ཅན་འཛམ་གླིང་གི་།རྒྱལ་པོར་གྱུར་ཚེ་བདེ་གཤེགས་ཐར་དགྱེས་ལ། །གསེར་ལས་བྱས་པའི་བླ་བྲེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་བསྙེངས་རོལ་མོ་མཁན་གྱུར་ཚེ། །དེ་བཞིན་གཤེགས་པ་མི་འཇིག་སྦྱིན་དེ་ལ། །རོལ་མོའི་བཀུར་སྟིར་རྔ་ཆེན་བརྡུངས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་བླ་མཆོག་གྱུར་པའི་ཚེ། །དེ་བཞིན་གཤེགས་པ་བདུད་རྩི་མཛོད་དེ་ལ། །སྤོས་ཀྱིས་བསྒོས་པའི་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་སྤྱན་འཁྲུལ་འཁོར་མཁན་ 469a ༄#། །གྱུར་ཚེ། །དེ་བཞིན་གཤེགས་པ་ཀུན་ཏུ་གཟིགས་དེ་ལ། །ཁྲིའུ་བཟང་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་སྟོབས་སྡེ་རྒྱལ་པོའི་སྨན་པའི་ཚེ། །དེ་བཞིན་གཤེགས་པ་བཞོན་པ་ཆེ་ལྡན་ལ། །སྐྱུ་རུ་ར་ཡི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་འོད་ཟེར་གསེར་མགར་གྱི། །བུར་གྱུར་ཚེ་ན་བདེ་གཤེགས་ཀུན་གཟིགས་ལ། །རིན་པོ་ཆེ་ཡི་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་ཤེས་དགྱེས་བྲིས་པ་རྒྱན་བྱེད་ཚེ། །དེ་བཞིན་གཤེགས་པ་ཡུལ་ཕྱོགས་ཀུན་མཆོད་ལ། །མིག་དང་བདུག་པ་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་ཆེན་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་འོད་རབ་དཔལ་དེ་ལ། །ན་བཟའི་བླ་བྲེ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་པ་བག་ཆོས་མཁན་གྱུར་ཚེ། །དེ་བཞིན་གཤེགས་པ་སྟོན་པ་བླ་མ་ལ། །ཤ་ཁ་ར་ཡི་རི་ལུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་དཔག་མེད་པ་བླ་མའི་ཚེ། །དེ་བཞིན་གཤེགས་པ་བཀོད་པའི་འོད་དེ་ལ། །གདུགས་གཅིག་ཅིག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་ 469b སེམས་བསྐྱེད་དོ། །དེ་བཞིན་གཤེགས་པ་ཀླུ་སྦྱིན་ཕྲེང་རྒྱུད་ཚེ། །དེ་བཞིན་གཤེགས་པ་སེངྒེ་རྣམ་བསྒྱིངས་ལ། །མེ་ཏོག་དག་གི་ཆུན་པོ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟན་གཤེགས་ནོར་བུ་མཁན་གྱུར་ཚེ། །དེ་བཞིན་གཤེགས་པ་ཡིད་གཉིས་སྤོང་དེ་ལ། །རིན་པོ་ཆེའི་དྲ་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཡོད་མཐོང་བ་ནང་བའི་གསོས་སྨན་ལ། །སྦྱོར་མཁན་བུར་གྱུར་ཚེ་ན་དགེ་སློང་དགེ་འདུན་དག་།སྤྱན་དྲངས་ནད་སྨན་སྦྱར་ནས་བདེ་གཤེགས་ལེགས་མཐོང་ལ། ། དང་པོར་ཁོ་ནར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྩོན་འགྲུས་སྦྱིན་པ་འཁོར་ལོས་བསྒྱུར་རྒྱལ་ཚེ། །ཙནྡན་དམར་པོ་དག་ལས་གཙུག་ལག་ཁང་བརྒྱ་སྟོང ། །བྱས་ཏེ་རས་བཅོས་གཡོགས་ནས་དེ་བཞིན་གཤེགས་པ་པོ། །བདུད་རྩིའི་སྟོབས་ལ་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཟང་སྐྱོང་གིས་ནོ་བདེ་གཤེགས་ཟླ་བའི་འོད། །ཉན་ཐོས་བཅས་པའི་དགེ་འདུན་འཁོར་ལྡན་ཁྲི་ཕྲག་བཅུ། །ཞག་བདུན་པར་དུ་ཞལ་ཟས་རོ་ནི་བརྒྱ་ལྡན་པས། །ཚིམ་པར་མཛད་དེ་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་བོ་རྩལ་ཆེན་བྲམ་ཟེའི་བུར། །གྱུར་ཚེ་བཞིན་གཤེགས་པ་མཆོད་དབུགས་ལ། །ཡུ་བ་ནོར་བུས་སྤྲས་པའི་རྔ་ཡབ་གཅིག་།ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། ། 470a ༄#། །དེ་བཞིན་གཤེགས་པ་འཆི་མེད་རྒྱལ་པོ་ཡི། །ཕོ་ཉར་གྱུར་ཚེ་བདེ་གཤེགས་དབང་སྦས་ལ། །པཉྩ་ལི་ཡི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་རྒྱལ་མཚན་ཞིང་པའི་ཚེ། །དེ་བཞིན་གཤེགས་པ་ང་རོ་གསལ་དེ་ལ། །སྐྱུ་རུ་ར་ཡི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་བ་ཚལ་གྱི་ལས་བྱེད་ཚེ། །དེ་བཞིན་གཤེགས་པ་ཐོགས་མེད་འཁོར་ལོ་ལ། ། རུ་ར་ཡི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་ལྡན་དཔའ་བོའི་ཚེ། །དེ་བཞིན་གཤེགས་པ་བདུད་རྩིའི་ང་རོ་ལ། །རྒྱལ་མཚན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོག་དགའ་རྒྱལ་པོ་སྤོས་འཚོད་ཚེ། །དེ་བཞིན་གཤེགས་པ་ཡེ་ཤེས་མཆོད་རྟེན་ལ། །ཕྱི་མ་སྤར་གང་ཕུལ་ཏེ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁ་ལོ་སྒྱུར་བ་བྱིས་པའི་ཚེ། །དེ་བཞིན་གཤེགས་པ་གཟི་བརྗིད་རྫུ་འཕྲུལ་ལ། །པ་ལ་བ་ཏ་གསུམ་ཞིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་གཤེགས་རྒྱལ་པོའི་བུར་གྱུར་ཚེ། །དེ་བཞིན་གཤེགས་པ་ཡོན་ཏན་རྒྱལ་པོ་ལ། །དངུལ་གྱི་མེ་ཏོག་དག་ནི་ཕུལ་ནས་ཀྱང ། 470b དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆུ་ལྷ་ཚོང་པའི་ཚེ། །དེ་བཞིན་གཤེགས་པ་ཁ་དོག་དཔག་མེད་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ལག་ནི་རྩེ་བའི་ཚེ། །དེ་བཞིན་གཤེགས་པ་སྟོབས་ཆེན་དེ་ལ་ནི། །འཆག་ས་ཁྲུ་བརྒྱད་ཁོར་ཡུག་བཀྲམ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་གླང་སྤོས་ཚོང་བུར་གྱུར་ཚེ། །དེ་བཞིན་གཤེགས་པ་བཀོད་པ་རྣམ་གྲོལ་གྱི། །འཆགས་པ་སྤོས་ཀྱི་ཆུ་ཡིས་ཆག་ཆག་བཏབ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་གཟིགས་གོས་ཚོང་གྱུར་པའི་ཚེ། །དེ་བཞིན་གཤེགས་པ་གཟིགས་པ་སྒྲིབ་མེད་ལ། །མེ་ཏོག་གི་ནི་གདུགས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྲུག་སྒྲ་རྫ་མཁན་གྱུར་པའི་ཚེ། །དེ་བཞིན་གཤེགས་པ་སེངྒེའི་སྟོབས་དེ་ལ། །སྤོས་དང་རིལ་བ་གཅིག་ཅིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་སེམས་ཁྱེའུ་ལོ་གསུམ་ལོན་པའི་ཚེ། །དེ་བཞིན་གཤེགས་པ་ཀུན་ཏུ་རྣམ་གཟིགས་ལ། །པདྨ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡིད་བཟངས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་རྩལ་སྦྱིན་དེ་ལ་ནི། །སྣ་མའི་མེ་ཏོག་ 471a ༄#། །ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲི་མེད་ཐ་ག་པར་གྱུར་ཚེ། །དེ་བཞིན་གཤེགས་པ་ལེགས་མཐོང་དེ་ལ་ནི། །བ་ཤ་ཀ་གཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་གླང་ཆེན་འདུལ་བའི་ཚེ། །དེ་བཞིན་གཤེགས་པ་གཟུགས་བཟང་དེ་ལ་ནི། །མེ་ཏོག་ཕྲེང་བ་ཁྲུ་གང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་ཆེན་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་བློ་གྲོས་གྲགས་དེ་ལ། །མེ་ཏོག་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཙུག་ན་ནོར་བུ་ཁྱེའུ་ཚེ། །དེ་བཞིན་གཤེགས་པ་རིན་ཆེན་བཀོད་དེ་ལ། །ས་རྡུལ་སྤར་གང་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲག་ཤུལ་ལྷའི་བུའི་ཚེ། །དེ་བཞིན་གཤེགས་པ་སྤ་བའི་འོད་དེ་ལ། །ལྷ་ཡི་གཞལ་མེད་ཁང་ཅིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་སྟབས་གདུགས་མཁན་གྱུར་པའི་ཚེ། །དེ་བཞིན་གཤེགས་པ་ཐར་བར་བཞུད་དེ་ལ། །ཚ་བའི་དུས་ཚེ་ལོ་མའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྗོན་པ་ཕྱུགས་རྫིའི་ 471b ཚེ། །དེ་བཞིན་གཤེགས་པ་ཡོན་ཏན་བཀོད་དེ་ལ། །ལམ་གྱི་ཤིང་དྲུང་དག་ཏུ་བེའུ་ར་ས་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་རྒྱལ་བ་ལང་རྫི་ཡི་ཚེ། ། དེ་བཞིན་གཤེགས་པ་ངེས་པའི་བློ་དེ་ལ། །ལྷུང་བཟེད་འོ་མས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་བརྩེགས་པ་དགེ་སློང་ཚེ། །དེ་བཞིན་གཤེགས་པ་ཡེ་ཤེས་ཏོག་དེ་ལ། །ཉིན་གཅིག་རངས་པར་ཆོས་ཀྱི་གདན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་གནས་ལྷམ་མཁན་གྱུར་པའི་ཚེ། །དེ་བཞིན་གཤེགས་པ་མི་གཡོའི་བློ་དེ་ལ། །འཆིལ་ལྷམ་རིམ་པ་གཅིག་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་གྲོས་ལས་བྱེད་ཚེ། །དེ་བཞིན་གཤེགས་པ་སྤྱོད་པའི་བློ་གྲོས་ལ། །རོ་དང་ལྡན་པའི་བཏུང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡན་ལག་སྐྱེས་ནི་མི་འཛིན་ཚེ། །དེ་བཞིན་གཤེགས་པ་གཟུགས་བཟང་དེ་ལ་ནི། །ཁྲུས་རས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་མཐའ་ཡས་པ་ནི། །ལམ་སྟོན་གྱུར་ཚེ་བདེ་གཤེགས་བདེན་སྨྲ་ལ། །ཤིང་དྲུང་གནས་མལ་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་ 472a ༄#། །གཤེགས་པ་གཟུངས་བཟང་སྡེ་དཔོན་ཚེ། །དེ་བཞིན་གཤེགས་པ་སྐད་དབྱངས་དེ་ལ་ནི། །མེ་ཏོག་ཨུཏྤལ་ལྔ་ཞིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཁྱེན་ལྡན་མགོན་གནས་དགེ་སློང་ཚེ། །དེ་བཞིན་གཤེགས་པ་ལེགས་པར་མཐོང་དེ་ཡི། །འཆག་སའི་བྱི་དོར་དག་ནི་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཤིང་རྟ་མཁན་གྱུར་ཚེ། །དེ་བཞིན་གཤེགས་པ་གཟི་བརྗིད་མཐའ་ཡས་ལ། །ཉལ་ཁྲི་སྟོང་རི་བ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བརྟུལ་ཞུགས་བརྟན་པ་ནི། །ཕྲེང་རྒྱུད་མཁན་ཚེ་བདེ་གཤེགས་ཡིད་འོང་སེམས། །དེ་ལ་མེ་ཏོག་བླ་བྲེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བཀྲ་ཤིས་ཤིང་ཐུན་ཚེ། །དེ་བཞིན་གཤེགས་པ་གྲགས་པའི་ཤིང་རྟ་ལ། །བུ་ཡུག་ལངས་ཚེ་སྣང་བ་བལྟམ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་ཏོག་ཁྲུས་པའི་ཚེ། །དེ་བཞིན་གཤེགས་པ་ཡོན་ཏན་མེ་ཏོག་ལ། །ཁ་གདོང་བཀྲུ་བ་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པདྨ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་མེ་ཏོག་འོད་ 472b ཟེར་ལ། །པདྨ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྲེད་མེད་བུ་ནི་སྤོས་ཚོང་ཚེ། །དེ་བཞིན་གཤེགས་པ་གདུལ་བར་དཀའ་ཞེས་བྱ་བ་དེའི། །ཁང་བ་བརྩེགས་པ་ཙནྡན་དམར་པོར་བྱུགས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལག་བཟང་རྒྱལ་པོའི་ཕོ་ཉའི་ཚེ། ། དེ་བཞིན་གཤེགས་པ་དབྱངས་སྙན་སྒྲོགས་པར་མཛད་པ་གང ། །འཁོར་བཅས་བྱེ་བ་དག་ལ་ཆོས་གོས་གསུམ་ཕུལ་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་འབྱུང་གནས་ནི། །ཚན་པོ་ཆེར་གྱུར་གཡུལ་ངོར་ཆས་པའི་ཚེ། །བདེ་གཤེགས་ལེགས་མཐོང་ལ་ནི་རྒྱལ་མཚལ་གཅིག་།ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་འཕྲོ་སྨན་པའི་ཚེ། །དེ་བཞིན་གཤེགས་པ་སྐྱེ་བོའི་མཆོད་རྟེན་ལ། །སྤོས་ཀྱི་རེང་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་ཚངས་བྱིན་ལམ་སྟོན་ཚེ། །དེ་བཞིན་གཤེགས་པ་འོད་ཆེན་ཞེས་བྱ་བ། །དེ་ལ་ལམ་དག་མཚོན་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་རིན་ཆེན་འབྱུང་གནས་མཉན་པའི་ཚེ། །དེ་བཞིན་གཤེགས་པ་རྫི་བ་མེད་གཤེགས་དེ། །ཉན་ཐོས་འཁོར་བཅས་བྱེ་བ་བསྒྲལ་ནས་ཀྱང ། །དང་པོར་བྱང་ཆུབ་ཏུ་ནི་ 473a ༄#། །སེམས་བསྐྱེད་དོ། །བདེ་གཤེགས་ལྷ་ཡི་མེ་ཏོག་ནོར་བུ་མཁན། །གྱུར་ཚེ་དེ་བཞིན་གཤེགས་པ་བློ་གསལ་ལ། །ནོར་བུ་རིན་ཆེན་སྤྲས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ལེགས་སེམས་པ་རྒྱལ་བུའི་ཚེ། །དེ་བཞིན་གཤེགས་པ་གསུང་སྙན་དེ་ལ་ནི། །ནོར་བུ་རིན་ཆེན་སྤྲས་པའི་བླ་བྲེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་དབང་ཕྱུག་ཤིང་མཁན་གྱི། །བུར་གྱུར་ཚེ་ན་བདེ་གཤེགས་སྐར་འོད་ཀྱི། །གཤེགས་ཟམ་དག་ནི་བཤམ་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲགས་ཀུན་དགའ་ར་སྲུངས་ཚེ། །དེ་བཞིན་གཤེགས་པ་ཟླ་བའི་སྒྲོན་དེ་ལ། །མོན་སྲན་གྲེ་འུའི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་བརྩེགས་ཚོང་པའི་བུར་གྱུར་ཚེ། །དེ་བཞིན་གཤེགས་པ་ཡེ་ཤེས་ཏོག་དེ་ལ། །སྦྱིན་པ་ཕུན་སུམ་ཚོགས་པས་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྡོ་རྗེའི་རྒྱལ་མཚན་ནི། །ཚལ་གྱི་ལས་བྱེད་ཚེ་ན་དེ་བཞིན་གཤེགས། །བསོད་ནམས་བཀོད་དེ་ལ་ནི་ཨ་མྲ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཕན་པ་ཞེད་གྲོང་དཔོན་བུར་གྱུར་ཚེ། །དེ་བཞིན་གཤེགས་པ་བསོད་ནམས་འོད་ 473b ཅེས་བྱ་བ་ལས། །ཉིན་གཅིག་སྲོག་གཅོད་སྤོང་བའི་བསླབ་གཞི་མནོས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་རོལ་གྲོང་རྡལ་བྱིས་པའི་ཚེ། །དེ་བཞིན་གཤེགས་པ་ཡེ་ཤེས་འབྱུང་གནས་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མུན་དང་བྲལ་བ་ཡིས། །དེ་བཞིན་གཤེགས་པ་སྲིད་མཐའ་གཟིགས་དེ་ལ། །མོན་སྲན་གྲེའུ་འབྲུ་མར་མེ་བཞག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ལྷ་ནི་གྲོང་རྟེན་ཚེ། །དེ་བཞིན་གཤེགས་པ་དགའ་བར་གཟིགས་དེ་ལ། །ཧ་སྟ་བ་ཤ་ཀ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་པོའི་རྒྱལ་མཚན་ཚོགས་ལྡན་གྱི། །ཁྱེའུ་ར་གྱུར་ཚེ་བདེ་གཤེགས་མཐའ་ཡས་འོད། །དེ་ལ་མེ་ཏོག་ཆུན་པོ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་འོད་ནི་ཕྲེང་རྒྱུད་ཚེ། །དེ་བཞིན་གཤེགས་པ་ཡིད་འོང་དབྱངས་དེ་ལ། །མེ་ཏོག་ལས་བྱས་བླ་བྲེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་སྙིང་པོ་ཁྲུས་པའི་ཚེ། །དེ་བཞིན་གཤེགས་པ་སྣ་ཚོགས་གསུང་པ་ལ། །ཁ་གདོང་བཀྲུ་བ་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་མཐར་གཤེགས་གྲོང་ཁྱེར་རྟེན་པའི་ཚེ། །དེ་ 474a ༄#། །བཞིན་གཤེགས་པ་ཚུལ་ཁྲིམས་སྟོབས་དེ་གྲོང་ཁྱེར་དུ། །གཤེགས་པའི་ཚེ་ན་གདན་དག་བཤམས་ཏེ་བཏིང་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་རྒྱལ་ད་ནུར་མཁན་གྱི་ཚེ། །དེ་བཞིན་གཤེགས་པ་ཡུལ་འཁོར་ལྷ་དེ་ལ། །ཞལ་ཟས་བཅའ་པ་རྣམས་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རུ་རིངས་གཞན་གྱི་ཁོལ་གྱུར་ཚེ། །དེ་བཞིན་གཤེགས་པ་གཟི་བརྗིད་དགའ་དེ་ལ། །ལྷུང་བཟེད་འཇམས་ཀྱིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་གྲགས་པ་བསོད་སྙོམས་ཚེ། །དེ་བཞིན་གཤེགས་པ་འོད་ཟེར་མཐའ་ཡས་ལ། །གོས་ཀྱི་རས་མ་སོར་བཞི་ཙམ་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཉི་ཟླས་བདེ་གཤེགས་སྲིད་སྦྱིན་དེ། །འཁོར་བཅས་བྱེ་བ་སུམ་ཅུ་དག་ལ་གཙུག་ལག་ཁང ། ། བཟང་པོར་ལོངས་སྤྱོད་ཕྱིར་དང་དཔག་ཚད་བཅུ་པའི་གོས། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་འོད་གཞན་གྱི་ཁོལ་གྱུར་ཚེ། །དེ་བཞིན་གཤེགས་པ་ལྷུན་པོ་ཆེ་དེ་ལ། །ལྕགས་ཀྱི་སྣོད་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་མཁན་ཚོང་པའི་བུར་གྱུར་ཚེ། ། 474b དེ་བཞིན་གཤེགས་པ་ཕྱོགས་གསལ་དེ་ལ་ནི། །ནོར་བུ་རིན་ཆེན་དཔག་ཚད་གཅིག་འོད་ལྡན། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སེང་ཏོག་དེད་དཔོན་གྱི། །བུར་གྱུར་ཚེ་ན་དེ་བཞིན་གཤེགས་པ་པོ། །བློ་གྲོས་བཟང་ལ་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དུས་མཁྱེན་རྒྱལ་པོ་ནི། །སྙན་རིགས་མཁན་ཚེ་བདེ་གཤེགས་ཙམ་མཆོག་ལ། །ཚིགས་སུ་བཅད་པའི་དབྱངས་ཀྱིས་བསྟོད་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་གྱི་སྙིང་པོ་ཡིས། །གཞན་གྱི་དགེ་འདུན་བཤོས་གསོལ་ཡི་རང་ནས། །དེ་བཞིན་གཤེགས་པ་བཀོད་པ་ཆེན་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་སྲིད་མཐའ་གཟིགས་པ་ཚལ་དག་གི་།ལས་བྱེད་ཚེ་ན་དེ་བཞིན་གཤེགས་པ་པོ། །ཁྱད་པར་སེམས་ལ་ཆབ་གཙང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་གློག་འོད་རྔོན་པའི་བུར་གྱུར་ཚེ། །དེ་བཞིན་གཤེགས་པ་དཔའ་བོའི་སེམས་དེ་ལ། །རྩཝ་ཡི་སྟན་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་སེངྒེས་བྱིན་པ་ཁྱིམ་བདག་གི་།བུར་གྱུར་ཚེ་ན་བདེ་གཤེགས་བདེ་སྙིང་ལ། །སྣ་མའི་མེ་ཏོག་ཡོད་པའི་ས་བཞི་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་ 475a ༄#། །གཤེགས་གཞན་གྱིས་མི་ཐུབ་རྒྱལ་མཚན་གྱིས། །འཇིགས་བཅས་ལམ་དུ་འགྲོན་པའི་བསེལ་བྱས་ནས། །དེ་བཞིན་གཤེགས་པ་སྲེད་མེད་བུ་དེ་ལ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོག་དགའ་གྲགས་པ་བུ་རམ་ཤིང ། །འཚོར་གྱུར་ཚེ་ན་དེ་བཞིན་གཤེགས་པ་པོ། །བློ་རྣམ་འབྱེད་ལ་བུ་རམ་བཅུད་ཁུ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྩོན་འགྲུས་བརྟན་པ་བྲམ་ཟེའི་བུར། །གྱུར་ཚེ་བདེ་གཤེགས་འོད་ཟེར་མཐའ་ཡས་ལ། །ཁྲུས་རྐྱེན་འདག་པའི་ཆལ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་རྫོགས་ཆང་ཚོང་བུར་གྱུར་ཚེ། །དེ་བཞིན་གཤེགས་པ་སེངྒེའི་ང་རོ་ལ། །ལོ་མའི་སྣོད་ནས་ཆུ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསྙེངས་བྲལ་རྒྱལ་པོའི་བུར་གྱུར་ཚེ། །དེ་བཞིན་གཤེགས་པ་རྒྱལ་པོའི་ང་རོ་ལ། །ལོ་མའི་སྣོད་ནས་བཪྴའི་མེ་ཏོག་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་འོས་ལྷ་ནི་བློན་མཆོག་གྱུར་པའི་ཚེ། །བདེ་གཤེགས་ཡིད་འོད་བློ་འོད་དག་ལ་དཔག་ཚད་གཅིག་།ཁོར་ཡུག་ཙམ་གྱི་སྐྱེད་མོས་ཚལ་ཕུལ་ཨ་ག་རུའི། །བདུག་པས་གདུགས་ཏེ་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲོན་ཆེན་མི་བཀྲེན་ 475b གྱུར་པའི་ཚེ། །དེ་བཞིན་གཤེགས་པ་བསོད་ནམས་འོད་དེ་ལ། །རྩཝ་ཡི་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་འོད་ནི་ལྷའི་བུའི་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །མེ་ཏོག་མནྡཱ་ར་བའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་དྲི་ཞིམ་པ་གྱད་གྱུར་ཚེ། །དེ་བཞིན་གཤེགས་པ་ཡན་ལག་མཛེས་དེ་ལ། །ཁྲུས་རས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཆོག་འཛིན་སྨན་པའི་ཚེ། །དེ་བཞིན་གཤེགས་པ་རྙོག་བ་མེད་དོན་ལ། །བདུག་པ་དང་ནི་དར་ཡུག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མུན་དང་རྣམ་བྲལ་རྒྱལ་པོ་ཡི། ། མདུན་འདོན་བུར་གྱུར་ཚེ་ན་དེ་བཞིན་གཤེགས། །དགྲ་བཅོམ་གཟི་ལ་མུ་ཏིག་རྒྱན་ཕྲེང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སེངྒེའི་འགྲམ་པ་ཡི། །དེ་བཞིན་གཤེགས་པ་དོན་གྲུབ་བློ་དེ་ལ། །འདམ་རྫབ་དག་ཏུ་ཤིང་ཟམ་བཙུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་སྤོས་འཚོང་གི་།བུར་གྱུར་ཚེ་ནི་བདེ་གཤེགས་དབྱངས་མངའ་ལ། །ཕྱེ་མར་སྤར་གང་དག་ནི་གཏོར་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱོན་རབ་བཞི་བ་རྒྱལ་བུའི་ཚེ། །གསད་བྱ་ 476a ༄#། །བརྩོན་དགའ་བྲོས་སུ་བཏང་ནས་ཀྱང ། །དེ་བཞིན་གཤེགས་པ་ས་མཆོག་དེ་ལ་ནི། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩི་འཆང་པ་གྲོང་དཔོན་ཚེ། །དེ་བཞིན་གཤེགས་པ་འོད་འབར་དེ་ལ་ནི། །བཻ་ཌཱུརྱ་ཡི་གདུགས་སྟོང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་ཟླ་ཕྲེང་རྒྱུད་མཁན་བུའི་ཚེ། །དེ་བཞིན་གཤེགས་པ་ངེས་པར་སེམས་དེ་ལ། །ུཏྤ་ལ་ཡི་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཤིན་ཏུ་གཟིགས་པ་ནི། །འདུན་དཔོན་ཚེ་ན་དེ་བཞིན་གཤེགས་པ་པོ། །བདེན་པར་གསུང་བ་དེ་ལ་ཕྲེང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་བརྒྱན་གྲོང་ཁྱེར་ལ་རྟེན་པའི། །བུར་གྱུར་ཚེ་ན་བདེ་གཤེགས་མདངས་འོད་ཀྱི། །གྲོང་ཁྱེར་སྒོ་དག་མཛེས་པར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་འོད་བརྒྱ་བྱིན་གྱུར་པའི་ཚེ། ། བདེ་གཤེགས་གཟི་བརྗིད་ཏོག་རྒྱས་པ་ལ། །དཔག་ཚད་ཁོར་ཡུག་མེ་ཏོག་ཆར་ཕབ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་ཀྱི་འབྱུང་གནས་ཀྱིས། །བདེ་གཤེགས་གྲགས་ཏོག་ཤེས་རབ་ཕ་རོལ་ཕྱིན། །གསུངས་ཚེ་ལེགས་གསུངས་ཞེས་ནི་ཡི་རང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ 476b དོན་ངེས་ལྡན་པ་ཐ་ག་པར། །གྱུར་ཚེ་བདེ་གཤེགས་ཡོན་ཏན་གསལ་བ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚེམས་སྦྱིན་བློ་ཆེན་བུར་གྱུར་ཚེ། །དེ་བཞིན་གཤེགས་པ་ཆོས་ཀྱི་སྒྲོན་དེ་ལ། །བསིལ་ཡབ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འབྱུང་གནས་གཞུ་མཁན་ཚེ། །དེ་བཞིན་གཤེགས་པ་གསལ་རབ་དཔལ་དེ་ལ། །མེ་ཏོག་སྙིམ་པ་བཀར་སྟེ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་མཚུངས་པ་རྫ་མཁན་ཚེ། །དེ་བཞིན་གཤེགས་པ་ཞལ་སྡུག་སྡེ་བདག་ལ། །སྣོད་དག་ཆུ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟབས་གཤེགས་ཞིང་པའི་བྲུ་གྱུར་ཚེ། །དེ་བཞིན་གཤེགས་པ་སེངྒེའི་སྟབས་བཞུད་ལ། །ཟམ་སྟེགས་དག་ནི་གཟུགས་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གནས་ཤིང་སྲུང་བུར་གྱུར་ཚེ། །དེ་བཞིན་གཤེགས་པ་སྐྱེ་བའི་མཆོད་རྟེན་ལ། །སེ་འབྲུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གདུགས་མཛེས་བློན་པོའི་བུར་གྱུར་ཚེ། །དེ་བཞིན་གཤེགས་པ་རྒྱ་མཚོའི་བློ་དེ་ལ། །ཙམ་པའི་མེ་ཏོག་ཕྲེང་བ་ཕུལ་ནས་ཀྱང ། །དང་པོར་བྱང་ 477a ༄#། །ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཙོ་བོ་གསེར་མགར་ཚེ། །དེ་བཞིན་གཤེགས་པ་པདྨའི་སྙིང་པོ་ལ། །བདུག་པས་བདུགས་དང་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་འཕགས་དཔལ་སྤོས་ཚོང་བུར། །གྱུར་ཚེ་དེ་བཞིན་གཤེགས་པ་གདུགས་སྡེ་ཡི། ། འཆག་ས་སྤོས་ཆུས་ཆག་ཆག་བཏབ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་སྒྲ་ནི་རྔ་མཁན་ཚེ། །དེ་བཞིན་གཤེགས་པ་སཱ་ལའི་རྒྱལ་པོ་ལ། ། རྔ་བོ་ཆེ་དག་བརྡུང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་རོལ་ལྡན་པ་དུང་འབུད་མཁན། །གྱུར་ཚེ་བདེ་གཤེགས་ཉི་མའི་སྙིང་པོ་དེ། ། གྲོང་ཁྱེར་གཤེགས་ཚེ་དུད་དག་བུས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ཉི་ཤུ་བཞི་པ། བདེ་བཞིན་གཤེགས་པ་ཀླུ་འོད་ཟླ་བའི་ཚེ། །དེ་བཞིན་གཤེགས་པ་བྱང་ཆུབ་དགའ་དེ་ལ། །རྡ་པོ་ཆེ་དག་བརྡུང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་རི་བོ་གར་མཁན་བུར། །གྱུར་ཚེ་བདེ་བར་གཤེགས་པོ་ཞི་དེ་ཡི། །སྤྱན་ལྔར་བྲོ་གར་དག་གིས་མཆོད་ནས་ཀྱང ། །དང་པོར་བྱང་ཆུབ་ཏུ་ནི་སེམས་ 477b བསྐྱེད་དོ། །བདེ་གཤེགས་ཀླུ་དགའ་གར་མཁན་བུར་གྱུར་ཚེ། །དེ་བཞིན་གཤེགས་པ་ཉི་མའི་འོད་དེ་ལ། །རོལ་མོའི་སྒྲ་དག་བསྒྲགས་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་ཀྱི་དབང་ཕྱུག་རྒྱལ་པོ་ཡི། །སྲས་མོར་གྱུར་ཚེ་དེ་བཞིན་གཤེགས་པ་པོ། །པད་དཀར་སྤོས་ལ་མུ་ཏིག་རྒྱན་ཟེད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་གྲགས་པ་ཚོང་དཔོན་གྱི། །ཆུང་མར་གྱུར་ཚེ་དེ་བཞིན་གཤེགས་པ་པོ། །ལྷུན་པོའི་འོད་ཟེར་སྤྱི་བོར་བླ་བྲེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་ལྷ་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་ཟླ་བའི་ཞལ་དེ་ལ། །བཤོས་དྲོན་ལྷུང་བཟེད་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡོན་ཏན་ཕྲེང་ལྡན་གྱིས། །དེ་བཞིན་གཤེགས་པ་བསྒྱིངས་ལྡན་བཞུད་དེ་ལ། །སངས་རྒྱས་ཕྱག་འཚལ་ཐལ་མོ་ལན་གསུམ་སྦྱར། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཀླུ་ལག་གྲོང་ཁྱེར་གྱི། །སྒོ་སྲུངས་ཚེ་ན་ཕྱག་དར་བྱས་ནས་ཀྱང ། །དེ་བཞིན་གཤེགས་པ་ཕྱོགས་རྣམས་ལྟ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མིག་བརྒྱན་རྒྱལ་བུའི་ཚེ། །དེ་བཞིན་གཤེགས་པ་ཆོས་ཀྱི་འོད་དེ་ལ། །ཆུ་དང་སྐྱུ་རུ་ར་དག་ཕུལ་ནས་ཀྱང ། །དང་པོར་བྱང་ 478a ༄#། །ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚུལ་ཁྲིམས་གསལ་དེ་སྔ་དྲོ་ཞིག་།དེ་བཞིན་གཤེགས་པ་ལེགས་པར་སྦྱངས་པའི་བློས། །དགའ་བས་སངས་རྒྱས་རྗེས་སུ་དྲན་བྱས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟིལ་གནོན་ཡེ་ཤེས་ཀྱིས། །ངན་འགྲོར་འགྲོ་བ་ཚུལ་ཁྲིམས་ལ་བཀོད་ནས། །དེ་བཞིན་གཤེགས་པ་མཐའ་ཡས་བློ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐའ་ཡས་སྤྱན་ནི་གོས་ཚོང་ཚེ། །དེ་བཞིན་གཤེགས་པ་མཐའ་ཡས་གཟུགས་དེ་ལ། །རས་བཅོས་བླ་བྲེ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདེན་གསུང་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་བརྩོན་འགྲུས་བརྟན་དེ་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་འོད་བཅའ་པ་མཁན་བུའི་ཚེ། ། དེ་བཞིན་གཤེགས་པ་ལྷ་ཡིས་མཆོད་དེ་ལ། །ལ་དུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དེས་བློ་བཟོ་མཁན་ཚེ། །དེ་བཞིན་གཤེགས་པ་ཀུན་ནས་བློ་དེ་ལ། །གདིང་པ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐའ་ཡས་གཟུགས་ནི་ཤིང་རྟ་ 478b མཁན། །གྱུར་ཚེ་དེ་བཞིན་གཤེགས་པ་འོད་ཞི་ལ། །པ་ལ་ཤི་ཀ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་པར་སྣང་མཛད་ཁར་བ་མཁན། །གྱུར་ཚེ་བདེ་གཤེགས་མི་ཡིག་ཟི་བྱིན་ལ། །མེ་ལོང་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་ཏོག་ནི་ནོར་བུ་མཁན་གྱུར་ཚེ། །བདེ་བར་གཤེགས་པ་བསོད་ནམས་སྟེགས་བཟང་ལ། །ནོར་བུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐེ་ཙོམ་སྤངས་པ་རྒྱལ་པོ་ཡིས། ། བཙུན་མོར་གྱུར་ཚེ་བདེ་གཤེགས་བརྩོན་བརྟན་ལ། །མེ་ཏོག་བསྐྱེད་མོས་ཚལ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་འདས་པ་མ་མི་ཁར། །གྱུར་ཚེ་བདེ་གཤེགས་ཐུབ་པར་གྲགས་དེ་ལ། །དབུ་ཞུ་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཡོད་རྣམ་གནོན་མི་མཇེད་བདག་།ཚངས་ཆེ་བདེ་གཤེགས་གྲགས་པ་རྒྱལ་མཚན་ལ། །ཆོས་ཀྱི་འཁོར་ལོ་བསྐོར་བར་གསོལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྟོགས་པར་མཛད་པ་པོས། །དེ་བཞིན་གཤེགས་པ་དགྲ་བཅོམ་འོད་དེ་ལ། །སྤོས་ཀྱི་རི་ལུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་རྒྱལ་ 479a ༄#། །མཚན་རྒྱལ་བུའི་ཚེ། །དེ་བཞིན་གཤེགས་པ་ཀུན་ནས་གསལ་དེ་ལ། །རྩཝ་ཡིས་བཀབ་པའི་ཁང་བཟང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་དབང་རྒྱལ་པོ་འདྲེག་མཁན་ཚེ། །དེ་བཞིན་གཤེགས་པ་གཟི་བརྗིད་ཆེ་དེ་ཡི། །དབུ་སྐྲ་ལེགས་པར་འབྲེག་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་ཆེན་པོ་འབྲུ་མར་མཁན། །གྱུར་ཚེ་བདེ་གཤེགས་དགྲ་བཅོམ་མཆོད་འོས་ཀྱི། །གཙུག་ལག་ཁང་དུ་སྤོས་བསྒོས་འབྲུ་མར་ཕུལ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་མཛད་གཟིགས་པ་ཏལ་བའི་ཚེ། །དེ་བཞིན་གཤེགས་པ་དཔལ་གྱི་མཆོག་དེ་ལ། །ལྷང་ཚེར་ལེབ་ལེབ་པོ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་མཐའ་ཡས་འཁོར་ལོ་སྒྱུར་གྱུར་ཚེ། །དེ་བཞིན་གཤེགས་པ་དོན་གྲུབ་སེམས་དཔའ་དེ་ལ་ནི། །ཛམྦུའི་ཆུ་བོའི་གསེར་གྱི་གདུགས་སྟོང་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རིན་ཆེན་ལྷ་ནི་འཛམ་གླིང་གི་།རྒྱལ་པོར་གྱུར་ཚེ་དེ་བཞིན་གཤེགས་པ་དགས་མཆོད་ལ། །འབྲས་བུའི་བསྐྱེད་མོས་ཚལ་དག་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་ 479b གནས་མཁྱེན་པ་ཆང་ཚོང་གི་།བུར་གྱུར་ཚེ་ན་དེ་བཞིན་གཤེགས་པ་ཀུན་ཏུ་སྦེད། །སྲང་དུ་གཤེགས་ཚེ་ཐལ་མོ་སྦྱར་ཏེ་ཕྱག་བྱས་ནས། །དང་པོར་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་རྫོགས་རྒྱལ་བུའི་ཚེ། །དེ་བཞིན་གཤེགས་པ་རབ་ཏུ་དང་བ་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་མེད་པ་དཔའ་བོའི་ཚེ། །དེ་བཞིན་གཤེགས་པ་བློ་གྲོས་སེམས་པ་དེ། །འཇིགས་པ་མེད་པའི་ཚུལ་གྱིས་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲི་མ་བྲལ་པ་ཡིས། །སེམས་ཅན་ཀུན་ལ་ཡུད་ཙམ་བྱམས་བསྒོམས་ནས། །དེ་བཞིན་གཤེགས་པ་ངེས་བྱུང་བློ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་ལྷ་ཤིང་སྲུངས་ཚེ། །དེ་བཞིན་གཤེགས་པ་ལྷུན་པོའི་དབྱངས་དེ་ལ། །བུ་རམ་ཤིང་གི་སྡོང་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ས་ཡི་དབང་ཕྱུག་ནི། །དགེ་སློང་གྱུར་ཚེ་དེ་བཞིན་གཤེགས་པ་པོ། །སྣ་ཚོགས་གསུང་པའི་ཆོས་གདན་བཏིང་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་སྤྱན་ནི་རྒྱལ་པོ་ཡི། །མིར་གྱུར་ཚེ་ན་བདེ་གཤེགས་འབྲུག་སྒྲ་ལ། །ུཏྤལ་དམར་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་ 480a ༄#། །སེམས་བསྐྱེད་དོ། །བདེ་གཤེགས་རྣམ་འབྱེས་སྐུ་ནི་བཙོ་བླག་མཁན། །གྱུར་ཚེ་བདེ་གཤེགས་འོད་ཆེན་ཕུང་པོ་ཡི། །ན་བཟའ་དག་ནི་བཀྲུ་བཤལ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་འོད་ཀྱིས་ནི་གྲོང་དག་དང ། །ཡུལ་འཁོར་རྣམས་སུ་ཕ་རོལ་ཕྱིན་དྲུག་སྒྲ་བསྒྲགས་ནས། །དེ་བཞིན་གཤེགས་པ་དཔལ་ནི་བརྩེགས་པ་དེ་ལ་ཡང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་གཟིགས་སྟོབས་ཀྱི་འཁོར་ལོས་སྒྱུར་བའི་ཚེ། །གཙུག་ལག་ཁང་མཆོག་བྱེ་བ་དྲུག་ཅུ་བྱེད་གཅུག་ནས། །དེ་བཞིན་གཤེགས་པ་མྱ་ངན་མེད་པར་དགའ་དེ་ལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འོད་གསལ་ཕྱག་དར་བར། །གྱུར་ཚེ་བདེ་གཤེགས་ཡུལ་འཁོར་ལྷ་དེ་ལ། །རྡོ་ལེབ་གདན་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་ཞལ་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་སེངྒེ་དགའ་བའི་དབྱངས་དེ་ལ། །ཀནྟ་ར་ཡི་མེ་ཏོག་དག་ནི་གཏོར་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ནི་དེད་དཔོན་ཚེ། །དེ་བཞིན་གཤེགས་པ་འོད་མཐའ་ཡས་དེ་ལ། །རིན་པོ་ཆེའི་སྒྲོན་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་ 480b བསྐྱེད་དོ། །བདེ་གཤེགས་རིན་ཆེན་ཏོག་ནི་ལྕགས་མགར་ཚེ། །དེ་བཞིན་གཤེགས་པ་མཐོང་ན་དགའ་དེ་ལ། །ལྕགས་བཞར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་བླ་ཆང་ཚོང་ཚེ། །དེ་བཞིན་གཤེགས་པ་སྒྲོན་མའི་རྒྱལ་པོ་ལ། །ཛམྦུའི་རོ་བྲོ་བ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་བྱེད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་དཔལ་གྱི་ཏོག་དེ་ལ། །མུ་ཤི་ཀཔཤའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་དཔལ་མེད་ཕྲེང་རྒྱུད་ཚེ། །དེ་བཞིན་གཤེགས་པ་ཕྱོགས་སུ་རྣམ་གྲགས་ལ། །པདྨ་མེད་འདབ་བརྒྱ་པ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དུས་མཁྱེན་གོས་ཚོང་ཚེ། །དེ་བཞིན་གཤེགས་པ་སྤྱན་སྡུག་དེ་ལ་ནི། །རས་ཡུག་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་སྐུ་ནི་སྤོས་ཚོང་ཚེ། །དེ་བཞིན་གཤེགས་པ་ཟླ་བའི་ཏོག་དེ་ལ། །སྤོས་ཀྱི་ཕུང་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་མཁས་བློ་ཚོད་དཔོན་ཁོལ་པོའི་ཚེ། །དེ་བཞིན་གཤེགས་པ་འཇིགས་མེད་སྦྱིན་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་ 481a ༄#། །དོ། །དེ་བཞིན་གཤེགས་པ་རྒྱལ་བཀའ་ལྷའི་བུའི་ཚེ། །དེ་བཞིན་གཤེགས་པ་རྒྱུ་སྐར་རྒྱལ་པོ་ལ། །མེ་ཏོག་མནྡཱ་ར་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡོན་ཏན་ཕུང་པོ་ནི། །སྩལ་ཆེན་ལྟ་བུའི་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་ཟླ་བ་ལྷ་དེ་ལ། །ཕྲེང་ཕུལ་དང་པོར་བྱང་ཆུབ་སེམས་བསྐྱེད་དོ། །དེ་བཞིན་གཤེགས་པ་ཟླ་ཏོག་སྤོས་ཚོང་ཚེ། །དེ་བཞིན་གཤེགས་པ་ཉི་མའི་འོད་དེ་ཡི། །ཁང་པ་བརྩེགས་པར་སྤོས་བྱུང་ཕྱིར་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཐུ་ཐོབ་ཤིང་སྲུང་ཚེ། །དེ་བཞིན་གཤེགས་པ་གྲགས་པ་ཆེ་དེ་ལ། །རྒུན་ཤིང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་རྩལ་མཐའ་ཡས་ཚོང་དཔོན་གྱི། །བུ་ཚེ་དེ་བཞིན་གཤེགས་པ་འཇམ་དབྱངས་ལ། །སེ་འབྲུ་དག་གི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་སྟོན་པར་དགྱེས་དེ་ལ། །ུཏྤལ་ཆང་པ་གང་ཞིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲི་མེད་ཚོང་དཔོན་གྱི། །བུ་ཚེ་དེ་བཞིན་གཤེགས་པ་གྲགས་བླ་ལ། །མེ་ཏོག་པརིཤ་སྐྱེ་བའི་ས་གཞི་ 481b ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཀུན་གཟིགས་པ་དེད་དཔོན་ཚེ། །དེ་བཞིན་གཤེགས་པ་ལྷ་ཡི་རྒྱལ་པོ་ལ། །མུ་ཏིག་དག་གི་ཕྲེང་བ་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔའ་བོ་སྤོས་ཚོང་ཚེ། །དེ་བཞིན་གཤེགས་པ་དམར་སེར་འོད་དེ་ལ། །ཙནྡན་དག་གི་གདན་ཁྲི་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྱོར་ལྡན་ཚོང་དུས་པ་ཡི་ཚེ། །དེ་བཞིན་གཤེགས་པ་བདེ་བར་འདུན་དེ་ལ། །སྙུན་རྐྱེན་གསོས་སྨན་མར་དག་ཕུལ་ནས་ཀྱང། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་པ་ལང་རྫི་ཡི་ཚེ། །དེ་བཞིན་གཤེགས་པ་བློ་གྲོས་སེམས་དེ་ལ། །སྣོད་དག་ཞོ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲོན་མ་ཚལ་གྱི་ལས་བྱེད་ཚེ། །དེ་བཞིན་གཤེགས་པ་དབྱིག་གསལ་དེ་ལ་ནི། ། མྲའི་འབྲས་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡོན་ཏན་འོད་འཕྲོ་ནི། །རོ་བྲོ་ཚོང་ཚེ་དེ་བཞིན་གཤེགས་པ་པོ། །སྐྱོན་ཞི་དེ་ལ་ཁ་རའི་དུམ་བུ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་ཡངས་ཀུན་རྒྱུའི་ཚེ། །དེ་བཞིན་གཤེགས་པ་རྒྱུ་སྐར་རྒྱལ་པོ་ལ། །ལོ་མ་དག་གི་རི་ལུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་ 482a ༄#། །སེམས་བསྐྱེད་དོ། །བདེ་གཤེགས་ལེགས་སྐྱེས་རྒྱ་མཚོའི་ཚོང་པའི་ཚེ། །དེ་བཞིན་གཤེགས་པ་བསྙེངས་པ་བྲལ་དེ་ལ། །ན་བཟའ་སྟོང་ཕྲག་བརྒྱ་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ནོར་ལྷ་ཤིང་ཚོང་ཚེ། །དེ་བཞིན་གཤེགས་པ་བློ་གསལ་དེ་ལ་ནི། །རྩཝ་བམ་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡིད་གཉིས་སྤོང་བ་གསེར་མགར་ཚེ། །དེ་བཞིན་གཤེགས་པ་ཡིད་གཉིས་སེལ་མཛད་ལ། །གསེར་གྱི་མེ་ཏོག་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཛིན་པ་དཔག་མེད་གསེར་རྟོག་ཚེ། །དེ་བཞིན་གཤེགས་པ་བྱམས་པའི་དཔལ་དེ་ལ། ། གསེར་ནི་སྤར་གང་གཏོར་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོག་སྲེད་སྡེ་དཔོན་གྱི། །བུ་ཚེ་དེ་བཞིན་གཤེགས་པ་གཙོ་མཆོག་ལ། །གསེར་ལས་བྱས་པའི་གདུགས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོམས་མེད་ལྕགས་མགར་ཚེ། །དེ་བཞིན་གཤེགས་པ་སྣ་ཚོགས་གསུང་དེ་ལ། ། ཧ་ཏ་ཀ་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་གནས་གྲོང་ཁྱེར་རྟེན་པའི་ཚེ། ། 482b དེ་བཞིན་གཤེགས་པ་ཀུན་ཏུ་གཟིགས་དེ་ལ། །མེ་ཏོག་རངས་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དེར་གནས་ཐགས་མཁན་ཚེ། །དེ་བཞིན་གཤེགས་པ་ཟླ་བ་གཟིགས་དེ་ལ། །སྐ་རགས་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཆེན་གཙོ་བོ་མགོན་མེད་བུར་གྱུར་ཚེ། །དེ་བཞིན་གཤེགས་པ་བདུད་ཟིལ་གནོད་པ་དེ་ལ་ནི། །མོན་སྲན་གྲེ་འུའི་འབྲུ་མར་མར་མེ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འགྲོ་བའི་འོད་ཟེར་འཁོར་ལོས་སྒྱུར་བའི་ཚེ། །བདེ་གཤེགས་ཤིང་རྟ་ཆེན་པོ་འཁོར་བཅས་བྱེ་སྟོང་ལ། །རྒྱལ་པོའི་ཞལ་ཟས་དག་ནི་བྲིམ་པ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཕལ་ཆེན་འཁོར་ལོས་བསྒྱུར་བའི་ཚེ། །དེ་བཞིན་གཤེགས་པ་སེངྒེའི་སྟབས་ཀྱིས་གཤེགས་དེ་ལ། །དཔག་ཚད་བཅུ་གཉིས་ཁྱོན་ཙམ་སྐྱེད་མོས་ཚལ་ཕུལ་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་ནི་འབྲུ་མར་མཁན་གྱི་ཚེ། །དེ་བཞིན་གཤེགས་པ་འོད་ཟེར་ཚིམ་དེ་ལ། །ཞབས་བ་སྐུ་བདག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཟི་བརྗིད་མཐའ་ཡས་ཁྲུས་པའི་ཚེ། །དེ་བཞིན་ 483a ༄#། །གཤེགས་པ་ཀུན་ཏུ་སྦེད་པ་དེ་ལ་ནི། །འདག་པའི་ཆལ་གྱིས་སྣོད་དག་བཀང་སྟེ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་གྱི་བློ་གྲོས་ནད་པའི་ཚེ། །དེ་བཞིན་གཤེགས་པ་དོན་གྲུབ་མཐུ་རྩལ་ལ། །ཁ་རའི་དུམ་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨན་པའི་རྒྱལ་པོའི་ཕྱེ་ཚོང་ཚེ། །དེ་བཞིན་གཤེགས་པ་ཉི་མའི་འོད་དེ་ལ། །ཕྱེ་ཡི་བསོད་སྙོམས་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐ་བ་སྤངས་པ་སྨན་པའི་ཚེ། །དགེ་འདུན་དག་ལ་མར་ཁུ་ཕུལ་ནས་ཀྱང ། །དེ་བཞིན་གཤེགས་པ་གཟིགས་པའི་ཕུང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིམས་མེད་ཤིང་བཟོ་མཁན་གྱི་ཚེ། །དེ་བཞིན་གཤེགས་པ་རྣམ་དག་བློ་དེ་ལ། །ཤིང་རྟ་དག་ནི་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལེགས་བྱིན་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་ཚོགས་ཅན་མྱ་ངན་འདས་པ་ན། །མར་མེའི་ཕྲེང་བ་དངར་བསྟོད་སྙེད་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་བྱིན་གྲོང་ཁྱེར་མཆོད་རྟེན་ལ། །རྟེན་པའི་ཚེ་ན་དེ་བཞིན་གཤེགས་པ་ནོར་བུ་གསལ། ། 483b གྲོང་ཁྱེར་དུག་ཏུ་གཤེགས་ཀར་མེ་ཏོག་གཏོར་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མེ་ཏོག་བྱིན་པ་ནི། །ནོར་བུ་མཁན་ཚེ་དེ་བཞིན་གཤེགས་པ་པོ། །ཡོན་ཏན་འོད་ལ་ནོར་བུའི་བླ་བྲེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེས་བུས་བྱིན་པ་ཐགས་མཁན་ཚེ། །དེ་བཞིན་གཤེགས་པ་ཉི་མའི་སྒྲོན་དེ་ལ། །རས་ཀྱི་ཁ་ཚད་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྡོ་རྗེའི་སྡེ་ནི་ཕྲེང་རྒྱུད་ཀྱི། །བུ་མོར་གྱུར་ཚེ་བདེ་གཤེགས་འབྱོར་ལྡན་འོད་ཟེར་ལ། །མེ་ཏོག་མྱ་ངན་འཚང་དག་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕལ་ཆེན་བྱིན་ནི་གར་མཁན་ཚེ། ། དེ་བཞིན་གཤེགས་པ་སྟོན་པར་དགྱེས་དེ་ལ། །ཚིགས་སུ་བཅད་པ་གཅིག་གིས་བསྟོད་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞི་བའི་བློ་གྲོས་རྒྱལ་པོའི་ཚེ། །དེ་བཞིན་གཤེགས་པ་ལེགས་པར་དོན་སེམས་ལ། །བཪྴི་མེ་ཏོག་དྲི་ལྡན་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་གླང་གདུགས་མཁན་ཚེ། །དེ་བཞིན་གཤེགས་པ་ཀུན་ཏུ་གཟིགས་དེ་ལ། །གྲོ་བ་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་ 484a ༄#། །བཞིན་གཤེགས་པ་སྲེད་མེད་བུ་ནི་ཁྱིམ་བདག་ཚེ། །འབྲོག་དགོན་དག་ཏུ་དགེ་སློང་དགེ་འདུན་བཏུང་ཆུ་ཕུལ། །དེ་བཞིན་གཤེགས་པ་སེངྒེའི་རྒྱལ་མཚན་དེ་ལ་ནི། །དང་པོར་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ངེས་པ་དམན་ལས་བྱེད་པའི་ཚེ། །བསླབ་པའི་གཞི་ལྔ་དག་ནི་བཟུང་བ་བྱས་ནས་ཀྱང ། །དེ་བཞིན་གཤེགས་པ་མཉམ་པར་གནས་པ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་ཚུགས་ནད་པ་མགོན་མེད་བོར་བའི་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་དེ་ཡི་ལམ། །ལག་མཐིལ་ཙམ་ཞིག་ཕྱག་དར་ལེགས་པར་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཉི་ཟླ་གཽ་ཏམ་ཚེ། །དེ་བཞིན་གཤེགས་པ་མཁས་མཆོག་པད་སྦྱིན་ལ། །དབྱར་གནས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་ཏོག་རྒྱ་མཚོའི་ཚོང་པའི་ཚེ། །ཁྲུ་བརྒྱད་ཀྱིས་བསྐོར་སྤུག་ལས་བྱས་པའི་གདུགས་ཕུལ་ནས། །དེ་བཞིན་གཤེགས་པ་ཉི་མའི་འོད་ཟེར་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོད་པ་ལས་བྱེད་ཚེ། །དེ་བཞིན་གཤེགས་པ་གསལ་བ་མཐའ་ཡས་ལ། །ལས་བཏང་བྱས་ 484b པས་རྙེད་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་སྦས་ཤིང་སྲུངས་ཚེ། །དེ་བཞིན་གཤེགས་པ་མཐའ་ཡས་གཟུགས་དེ་ལ། ། མྲ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་ཉི་མ་རྫ་མཁན་ཚེ། །དེ་བཞིན་གཤེགས་པ་ལྷ་ཡི་གདུགས་དེ་ལ། །ལྷུང་བཟེད་དང་ནི་གུནྡྷེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་གྲུབ་སྨན་པའི་ཚེ། །དེ་བཞིན་གཤེགས་པ་རིན་ཆེན་འོད་ཟེར་ལ། །སྤོས་ཀྱི་རེང་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷུན་བརྩེགས་ཁྲལ་མིའི་ཚེ། །བདེ་གཤེགས་ཡུལ་འཁོར་ཁ་ལོ་སྒྱུར་དེ་ལ། །ལྷགས་པའི་དུས་སུ་ཤིང་ཁུར་གཅིག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགྲ་འདུལ་ཡང་བའི། །དཔྱད་མཁན་ཚེ་ན་བདེ་གཤེགས་ལེགས་མཐོང་དག་།འབྲོག་དགོན་བཞུགས་ཚེ་ལྷང་ཚེར་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་པདྨ་ཕྲེང་རྒྱུད་ཚེ། །དེ་བཞིན་གཤེགས་པ་བཤེས་གཉེན་བཞེས་དེ་ལ། ། པདྨ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགྲ་བཅོམ་གྲགས་པ་ནི། །ནོར་བུ་མཁན་ཚེ་བདེ་གཤེགས་སྐལ་བཞེད་ལ། ། 485a ༄#། །ནོར་བུ་རིན་ཆེན་མེ་ཤེལ་གཅིག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་འགྲོས་ནི་ཀླུ་རྒྱལ་ཚེ། །བདེ་གཤེགས་ཉི་ཞལ་སོས་ཀའི་དུས་དག་ཏུ། །ལམ་དུ་ཞུགས་ཚེ་ཆར་པ་ཕབ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉོན་མོངས་བྲལ་བ་གར་མཁན་ཚེ། །དེ་བཞིན་གཤེགས་པ་ཐོགས་མེད་སྤྱན་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འདམ་བུ་དབུལ་པོའི་བུར་གྱུར་ཚེ། ། དགོན་པར་བདེ་གཤེགས་སེངྒེའི་སྟབས་དེ་ལ། །བཤོས་དྲོན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་བཟང་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་སྒྲོན་མ་ཆེ་དེ་ལ། །ལོ་མ་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་རངས་ནི་ཤིང་སྲུང་ཚེ། །དེ་བཞིན་གཤེགས་པ་བཞོན་པར་མཛད་དེ་ལ། །བསིལ་ཡ་བདག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་གྲགས་གྲོང་ཁྱེར་བརྟན་པའི་ཚེ། །དེ་བཞིན་གཤེགས་པ་ཡོན་ཏན་གསལ་དེ་ལ། །གོས་རས་ན་བཟའ་དག་ནི་བུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། 485b བདེ་གཤེགས་སྲིད་མཐའ་གཟིགས་པ་ལམ་སྟོན་ཚེ། །དེ་བཞིན་གཤེགས་པ་བསོད་ནམས་སྙིང་པོ་ཡི། །ལམ་སྲང་དག་ནི་མཚོན་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་བ་སྤོས་ཚོང་ཚེ། །དེ་བཞིན་གཤེགས་པ་ཆོས་དེ་འཆང་བའི་ཚེ། །དུས་ཀྱི་རྗེས་འབྲང་སྤོས་ནི་ཞོ་གཅིག་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲ་གཅན་ལས་ཀྱི་ཚེ། །དེ་བཞིན་གཤེགས་པ་ལྷ་དགའ་དེ་ལ་ནི། །ཕྱག་འཁར་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་།རིན་ཆེན་ཟླ་བ་རྒྱལ་བུའི་ཚེ། །དེ་བཞིན་གཤེགས་པ་བསྙེངས་མེད་དགྱེས་དེ་ལ། །ཏ་ལ་པ་ཏ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་རྒྱལ་མཚན་རྫ་མཁན་ཚེ། །དེ་བཞིན་གཤེགས་པ་ཤེས་རབ་རྒྱལ་མཚན་ལ། །སུམ་པ་ཀ་ཡི་ལྷུང་བཟེད་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསམ་གཏན་དགྱེས་པ་གྲོང་ཁྱེར་གྱི། །ཕོ་ཉའི་ཚེ་ན་བདེ་གཤེགས་མདངས་འོད་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྫོགས་ལྡན་རྔོན་པའི་ཚེ། །དེ་བཞིན་གཤེགས་པ་ཟླས་བྱིན་དེ་ལ་ནི། །མིག་མི་འཛུམས་པར་བལྟ་བར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་ 486a ༄#། །པ་རྣམ་རོལ་རྒྱལ་བུའི་ཚེ། །དེ་བཞིན་གཤེགས་པ་ཡོན་ཏན་དབྱིག་དེ་ལ། །དཔག་ཚད་ཁོར་ཡུག་མེ་ཏོག་ཆལ་བཀྲམ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རིན་ཆེན་ལྗོངས་གཙོའི་ཚེ། །དེ་བཞིན་གཤེགས་པ་མཐའ་ཡས་འོད་དེ་ལ། །མེ་ཏོག་ཙམྤ་ཀ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྲ་བཅོམ་གྲགས་པ་མཉན་པའི་ཚེ། །དེ་བཞིན་གཤེགས་པ་ངེས་པ་པོ་དེ་ནི། །གྲུ་དག་ལས་ནི་བསྒྲལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པ་དངོས་འབྲུ་མར་མཁན་གྱི་ཚེ། །དེ་བཞིན་གཤེགས་པ་གྲགས་པའི་ཏོག་དེ་ལ། །དྲི་ཞིམ་ཞབས་བསྐུ་བ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛོད་སྤུ་ལྡན་པ་ཚོང་པའི་ཚེ། །དེ་བཞིན་གཤེགས་པ་བསྙེངས་མེད་ང་རོ་ལ། །ལྷུང་བཟེད་ཞོ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་གྲགས་ཚོང་པའི་ཁོལ་པོའི་ཚེ། །དེ་བཞིན་གཤེགས་པ་ཀུན་ཏུ་ཡོན་ཏན་ལ། །ལན་ཚཝ་སྲང་འགའ་ཞིག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྡོ་རྗེ་ནོར་བུ་ཡིས། །དེ་བཞིན་གཤེགས་པ་འབར་བའི་ཏོག་དེ་ལ། །ཚོང་ 486b སྔོན་ཆང་བ་གང་ཞིག་བསོད་སྙོམས་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚེ་དཔག་མེད་ནི་སྨན་པའི་ཚེ། །དེ་བཞིན་གཤེགས་པ་སྲེད་མེད་བུ་དེ་ལ། །མིག་སྨན་རི་ལུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུ་བཀོད་པ་ཁྱེ་འུ་འཚེ། །དེ་བཞིན་གཤེགས་པ་རིན་ཆེན་གསལ་བ་ཡི། །ལམ་སྲང་དག་ཏུ་མེ་ཏོག་དཀར་པོ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབང་ཆེན་གྱེད་གྱི་ཚེ། །དེ་བཞིན་གཤེགས་པ་ཀུན་ཏུ་དགོངས་དེ་ལ། །ཀོ་དྲ་པ་ཡི་འབྲུ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འབྱུང་ནས་བྲམ་ཟེའི་ཚེ། །དེ་བཞིན་གཤེགས་པ་ལེགས་སེམས་དེ་ལ་ནི། ། རིལ་པ་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷུན་པོ་གྲགས་པ་ཡིས། །ཕྱོགས་བཞིའི་དགེ་འདུན་དག་ལ་རྫིང་ཕུལ་ནས། །དེ་བཞིན་གཤེགས་པ་བློ་གྲོས་བཟང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་ཟེར་བཅུ་པ་ལྷའི་བུའི་ཚེ། །བདེ་གཤེགས་གཟི་བརྗིད་མཐའ་ཡས་བྱང་ཆུབ་སྙིང་པོར་ནི། །སྙོམས་པར་ཞུགས་པའི་ཚེ་ན་སོར་མོ་ལྔ་བསྲེགས་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མ་སྨད་ཤིང་ 487a ༄#། །རྟ་མཁན་གྱི་ཚེ། །དེ་བཞིན་གཤེགས་པ་སེངྒེའི་ཕྱག་དེ་ལ། །ལོ་མ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བླང་པོའི་འགྲོས་ནི་གྲོང་ཁྱེར་དུ། །རྟེན་པའི་ཚེ་ན་བདེ་གཤེགས་བློ་སྣང་ལ། །ཤ་མ་ཀ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡིད་འཐད་གནག་ལྷས་སྲུང་བའི་ཚེ། །དེ་བཞིན་གཤེགས་པ་ལྷ་ཡི་རྒྱལ་པོ་ལ། །དར་བ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་རིན་ཆེན་ཟླ་བ་ལམ་སྟོན་ཚེ། །བདེ་གཤེགས་བདེན་པའི་ཏོག་གི་ལམ་དག་ཏུ། །གོས་ཀྱི་གདན་དག་གདིང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བཞི་པ་སྨན་པའི་ཚེ། །དེ་བཞིན་གཤེགས་པ་ལེགས་པར་གནས་དེ་ལ། །ུཏྤལ་ཡི་བཀྲུ་སྨན་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་རབ་གསལ་རྒྱལ་པོ་སྤོང་བརྩོན་པའི། །དགེ་སློང་ཚེ་ན་བདེ་གཤེགས་དཔག་མེད་པའི། །ལྷ་ལ་ཨ་ཡོ་ག་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁ་ལོ་སྒྱུར་བ་དེད་དཔོན་ཚེ། །དེ་བཞིན་གཤེགས་པ་འཕགས་པའི་མེ་ཏོག་ལ། །ཙནྡན་དམར་པོའི་ཁང་བཟང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་ 487b སེམས་བསྐྱེད་དོ། །བདེ་གཤེགས་དགའ་བའི་དབང་ཕྱུག་ཕྱུག་པོའི་ཚེ། །དེ་བཞིན་གཤེགས་པ་མཆོད་སྦྱིན་ཆེན་པོ་ལ། །རོལ་མོའི་སྒྲ་ཡིས་མཆོད་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཙུག་ན་རིན་ཆེན་རྩིས་པ་ཡི། །ཁྱེའུ་ཚེ་དེ་བཞིན་གཤེགས་པ་ཏོག་ཆེན་ལ། །མཚུངས་པ་མེད་པའི་ཕྱེ་མ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བསྙེངས་བྲལ་རྩ་ཚོང་ཚེ། །དེ་བཞིན་གཤེགས་པ་ཉི་མའི་འོད་དེ་ལ། །ཀ་པིད་ཏ་ཡི་ཕུར་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ལྷ་ནི་ཤིང་ཚོང་ཚེ། །དེ་བཞིན་གཤེགས་པ་རིན་ཆེན་འོད་དེ་ལ། །རྩཝ་ལས་བྱས་པའི་མཆིམ་ལྷམ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ན་ཚོད་བཟང་པོ་གྲོང་སྲུང་ཚེ། །གྲོང་ཁྱེར་དག་གི་སྒོ་ནི་བྱས་ནས་ཀྱང ། །དེ་བཞིན་གཤེགས་པ་རྨ་བྱའི་ང་རོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་དགའ་སྨན་པའི་ཚེ། །དེ་བཞིན་གཤེགས་པ་ཀུན་ཏུ་རྣམ་རྒྱལ་ལ། །ཤི་རི་ཤ་ཡི་མེ་ཏོག་ཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་ཕུང་པོ་སྨད་ཚོང་མའི། །གཙོ་མོའི་ཚེ་ན་བདེ་གཤེགས་འབྱོར་འོད་ལ། །ན་བ་མ་ལའི་མེ་ཏོག་ཏོར་ནས་ཀྱང ། །དང་པོར་བྱང་ 488a ༄#། །ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་གཤེགས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་སྤྱན་ནི་མཐའ་ཡས་ལ། །ུཏྤལ་ནི་གཅིག་གཅིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་ཕྱོགས་བཙོ་བླག་མཁན་གྱི་ཚེ། །དེ་བཞིན་གཤེགས་པ་སྙན་པར་དགྱེས་དེ་ཡི། ། ན་བཟའ་བཀྲུ་བཤལ་དག་ནི་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་འཐོར་གཤེགས་གླང་པོ་ཆེའི། །རྫིའི་ཚེ་དེ་བཞིན་གཤེགས་པ་བདེ་གཤེགས་ཀྱི། །གདན་ནི་བ་ཏི་ཤིང་དྲུང་བཏིང་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་གསལ་བའི་ལྷ་དེ་ལ། །ཏེ་ཀ་ནི་ཡའི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་བཟང་པོ་གྲོང་དཔོན་ཚེ། །དེ་བཞིན་གཤེགས་པ་མཐའ་ཡས་གཤེགས་དེ་ལ། ། སྨྲའི་ལྕུག་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་པ་སྐྱེད་དོ། །བདེ་གཤེགས་འཇིག་རྟེན་འོད་ནི་སྤོས་ཚོང་ཚེ། ། དེ་བཞིན་གཤེགས་པ་ཡུལ་འཁོར་ལྷ་དེ་ལ། །སྤོས་རྣམས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གཟི་བརྗིད་བྲམ་ 488b ཟེའི་ཚེ། །དེ་བཞིན་གཤེགས་པ་བློ་ཟབ་དེ་ལ་ནི། །བལ་དང་འབྲས་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསྐལ་ལྡན་ཤིང་རྟ་རྩཝ་ཚོང་ཚེ། ། དེ་བཞིན་གཤེགས་པ་སྡེ་ཡི་འགྲོས་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་རྒྱལ་འཁྲུལ་འཁོར་མཁན་གྱི་ཚེ། ། དེ་བཞིན་གཤེགས་པ་ཟླ་བའི་འོད་དེ་ལ། །དར་གྱི་ལྡ་ལྡི་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་བ་བཀོད་པ་ཚོང་དཔོན་ཚེ། །དེ་བཞིན་གཤེགས་པ་གཟི་བརྗིད་ཕུང་པོ་ལ། །འོ་མར་བཅས་པའི་འབྲས་ཅན་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྟེགས་ནི་མཛད་པ་པོ། །ཤིང་རྟ་མཁན་ཚེ་བདེ་གཤེགས་དགྱེས་ཆུང་ལ། །ཤིང་ལས་བྱས་པའི་མ་ཆིལ་ལྷམ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་ཀྱི་གླང་པོ་ཁྱིམ་བདག་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །རྨ་བྱའི་བསིལ་ཡབ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་འོད་འཕྲོ་རྒྱལ་པོ་ཡི། ། བཙུན་མོའི་ཚེ་ན་བདེ་གཤེགས་རྒྱལ་སྡེ་ལ། །མེ་ཏོག་བཪྴི་ཚད་པ་གང་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་བོ་རྒྱལ་མཚན་ཁྱེའུའི་ཚེ། །དེ་བཞིན་ 489a ༄#། །གཤེགས་པ་དོན་གྲུབ་གཤེགས་དེ་ལ། །ལག་པ་འདག་པའི་ཆལ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་བཟང་ཚོང་དཔོན་ཚེ། །དེ་བཞིན་གཤེགས་པ་ཟླ་བ་སྡུག་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་བརྟན་ནོར་བུ་མཁན་གྱི་ཚེ། །དེ་བཞིན་གཤེགས་པ་སེངྒེའི་ང་རོ་ལ། །རིན་པོ་ཆེ་ཡི་གདུགས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་དྲག་ཤུལ་གསེར་མགར་ཚེ། །དེ་བཞིན་གཤེགས་པ་སྟོན་པ་གསལ་དེ་ལ། །གསེར་གྱི་མེ་ཏོག་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་ནོར་བུ་དེད་དཔོན་ཚེ། །དེ་བཞིན་གཤེགས་པ་ཡེ་ཤེས་ཕུང་པོ་ལ། །མུ་ཏིག་དམར་པོ་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཟང་བྱིན་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་གཟི་བརྗིད་མེ་ཏོག་ལ། །བཤོས་དྲོན་བསོད་སྙོམས་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་ཕྲེང་རྒྱུད་མཁན་གྱི་ཚེ། །དེ་བཞིན་གཤེགས་པ་གཟི་བརྗིད་ཕུང་པོ་ལ། །ུཏྤལ་ལྔ་ཞིག་གཏོར་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་ 489b དོ། །བདེ་གཤེགས་ཚངས་དབྱངས་ལག་བླ་བྱེད་པའི་ཚེ། །དེ་བཞིན་གཤེགས་པ་རྫུ་འཕྲུལ་འོད་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་ཟླ་བ་རྒྱལ་པོ་ཡི། །ཕོ་ཉ་བྱེད་ཚེ་བདེ་གཤེགས་གཟི་མཐའ་ཡས། །དེ་ལ་མཆིལ་ལྷམ་དག་ནི་དབུལ་བྱས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དཔལ་ནི་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་འོད་ཟེར་མཐའ་ཡས་ལ། །གསེར་གྱིས་ཕྲེང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལེགས་སྐྱེས་གསེར་མགར་ཚེ། །དེ་བཞིན་གཤེགས་པ་དཔལ་གྱི་སྙིང་པོ་ལ། །རིན་པོ་ཆེ་ཡི་སྡོང་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐུབ་མེད་ཚོགས་ནི་འདུན་དཔོན་བུར་གྱུར་ཚེ། །དེ་བཞིན་གཤེགས་པ་རྣམ་པར་སྣང་མཛད་གྲགས་པ་ལ། །བྲང་རྩིར་བྱས་པའི་འོ་མ་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པའི་བཤེས་གཉེན་ཚོང་དབོན་གྱི། །བུར་གྱུར་ཚེ་ན་བདེ་གཤེགས་བདེན་ཏོག་ལ། །མེ་ཏོག་དག་གི་ཕྲེང་བ་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་པ་ཕྲེང་རྒྱུད་ཚེ། །ད་བཞིན་གཤེགས་པ་གཟི་བརྗིད་དྲག་ཤུལ་ལ། །མེ་ཏོག་ཆད་པ་གང་ཞིག་ཕུལ་ནས་ 490a ༄#། །ཀྱང ། །དང་པོར་བྱང་ཆུབ་ཏུ་ནི་སེམས་བ་སྐྱེད་དོ། །བདེ་གཤེགས་དཀའ་ཐུབ་ཆེན་པོ་ཚོང་དཔོན་ཚེ། །དེ་བཞིན་གཤེགས་པ་ཉི་མའི་རྟོག་དེ་ལ། །འཁོར་རྣམས་ཐམས་ཅད་དབུལ་བ་བྱས་ནས་ཀྱང ། །དང་པོ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷུན་པོའི་འོད་ཟེར་འཁོར་བསྒྱུར་རྒྱལ་པོའི་ཚེ། །དེ་བཞིན་གཤེགས་པ་ལྷུན་པོ་ཆེན་པོ་དེ་ལ་ནི། །རིན་ཆེན་ཡུ་བར་བཅས་པའི་གདུགས་འབུམ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བརྩེགས་པ་དེད་དཔོན་བུར་གྱུར་ཚེ། །དེ་བཞིན་གཤེགས་པ་མཆོད་པ་ཁོད་པ་དེ་ལ་ནི། །རིན་ཆེན་རྣམ་བུ་ལྔ་ལྡི་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་གྲགས་སྩལ་ཆེན་ལྟ་བུའི་བྲམ་ཟེའི་ཚེ། །འཁོར་ནི་ཁྱ་བར་བཅས་བའི་དེ་བཞིན་གཤེགས་པ་པོ། །འཇིག་རྟེན་རྣམ་པར་གྲགས་ལ་ཁྲུས་ཀྱི་ཡོ་བྱད་ཕུལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་གྲགས་ལམ་སྟོན་ཚེ། །དེ་བཞིན་གཤེགས་པ་དྲག་ཤུལ་བྱིན་པ་ཡི། །འཆགས་པ་དག་ནི་ཕྱག་དར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྦྱིན་འོད་དཔའ་བོའི་ཚེ། །དེ་བཞིན་གཤེགས་བ་མཆོག་ཏུ་གྲགས་དེ་ལ། །རྒྱལ་ 490b མཚན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་འབྱིན་གྲོང་དཔོན་ཚེ། །དེ་བཞིན་གཤེགས་པ་དོན་གྲུབ་མཐུ་རྩལ་ལ། །གདིང་བདག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་གསུམ་ཁྱིམ་བདག་ཚེ། །དེ་བཞིན་གཤེགས་པ་ལྷ་ཡི་མཆོད་དེ་ལ། །སྦྲང་རྩིར་བཅས་པའི་འབྲས་ཅན་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཚོ་བྱེད་ལྷ་རིས་པ་ཡི་ཚེ། །དེ་བཞིན་གཤེགས་པ་བདེན་པ་པོ་དེ་ཡི། །གཙུག་ལག་ཁང་ནི་ཕྱག་བར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ན་ཚོད་བཟང་པོ་རྩཝ་ཚོང་ཚེ། །བདེ་གཤེགས་ཟིལ་གྱིས་མི་ནོན་གྲགས་པ་ལ། རྩ་ཡི་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་པའི་ཚོགས་ཅན་འཁོར་བསྒྱུར་ཚེ། །དེ་བཞིན་གཤེགས་པ་དགྲ་བཅོམ་འོད་དེ་ལ། ། ན་བཟའ་རིན་པོ་ཆེ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམས་ངེས་བློ་གྲོས་ཚོང་དཔོན་གྱི། །བུ་ཚེ་དེ་བཞིན་གཤེགས་པ་སྒྲོན་ཆེན་ལ། །མུ་ཀ་ཙནྟྲ་ཀ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྲིད་མཐའ་ནོར་བུའི་སྤོས། །རིམ་གྲོ་བ་ཚ་བདེ་གཤེགས་བློ་སྤྱོད་ལ། །ཆོས་ཀྱི་གདན་ 491a ༄#། །དག་བཤམ་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་བས་དགྱེས་པ་གོས་ཚོང་ཚེ། །དེ་བཞིན་གཤེགས་པ་མཐུ་རྩལ་ཅན་དེ་ལ། །ཆོས་གོས་གསུམ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་འོད་ཟེར་ལམ་སྟོན་ཚེ། །དེ་བཞིན་གཤེགས་པ་ཐོགས་མེད་གཤགས་པ་པོ། །ལམ་དུ་ཞུགས་ཏེ་སྐོར་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམས་པར་སྣང་མཛད་རིན་པོ་ཆེ། །རྟོག་ཤེས་ཚེ་ན་དེ་བཞིན་གཤེགས་པ་པོ། །ཡིད་གཉིས་སྤོང་བའི་འཆག་ས་བཤམས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་མཆོག་སྤོས་ཚོང་ཚེ། །དེ་བཞིན་གཤེགས་པ་བརྟུལ་ཞུགས་ཆེ་དེ་ལ། །སྣ་མའི་མེ་ཏོག་ཆུན་བོ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐུགས་རབ་གཞུངས་པ་ཕྱག་དར་པའི། །བུ་ཚེ་དེ་བཞིན་གཤེགས་པ་ལྷ་གསལ་ལ། །མངོན་གསུམ་དག་ཏུ་སྟོང་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུའི་བླ་བ་ལྷ་བུ་སྟེ། །དེ་བཞིན་གཤེགས་པ་འཁྲུལ་མེད་གཤེགས་དེ་ལ། །ལྷ་ཡི་གཞལ་ཡས་ཁང་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་ 491b གཤེགས་དྲག་ཤུལ་འོད་ཟེར་དགོན་པ་ཡི། །དགེ་སློང་ཚེ་ན་བདེ་གཤེགས་ཡུལ་འཁོར་ལྷ། །དེ་ལ་འཆོས་གོས་སྣམ་སྦྱང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་ཐུབ་མེད་རྒྱལ་བུའི་ཚེ། །དེ་བཞིན་གཤེགས་པ་མཛེས་པར་དགྱེས་དེ་ལ། །གདུགས་དང་དར་ཡུག་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འགྲོས་མཆོད་གདོལ་བུའི་ཚེ། །ཉི་མ་འགའ་ཞིག་བསླབ་པ་ལྔ་མནོས་ནས། །དེ་བཞིན་གཤེགས་པ་མེ་ཏོག་དཔལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུའི་ཚོགས་ནི་བརྒྱ་བྱིན་ཚེ། །དེ་བཞིན་གཤེགས་བ་མི་འཇིགས་སྦྱིན་དེ་ལ། །གསེར་གྱི་ཤིང་རྟ་རྐྱེན་བཅས་སྟོང་སྙེད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་བླ་མ་བྲམ་ཟེའི་ཚེ། །དེ་བཞིན་གཤེགས་པ་ལྷ་དགའ་དེ་ལ་ནི། །མ་ཏུ་ཀ་ཡི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གླང་ཆེན་སེངྒེ་ལོང་བའི་ཚེ། །དེ་བཞིན་གཤེགས་པ་ཐར་པའི་འོད་དེ་ཡི། །འཆགས་དག་ནི་ཆག་ཆག་བཏབ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་བ་ཟླ་བརྒྱལ་པོའི་བུར་གྱུར་ཚེ། །ཟླ་བ་བཞིར་ནི་དགེ་སློང་དགེ་འདུན་ན་བ་ཡི། །གསོས་སྨན་དག་ལ་སྤྱན་དྲངས་བདེ་གཤེགས་འོད་འཕྲོ་ལ། །དང་ 492a ༄#། །པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ཟེར་འཁོར་ལོས་བསྒྱུར་བ་ཡི། །བཙུན་མོའི་ཚེ་ན་བདེ་གཤེགས་ཡོན་ཏན་འབྱུང་གནས་ལ། །ཡུ་བ་ནོར་བུས་སྤྲས་པའི་རྔ་ཡབ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་སྦེད་བ་བཙན་ཆེན་ཚེ། །དེ་བཞིན་གཤེགས་པ་བྱམས་པའི་བློ་དེ་ཡི། །ལམ་དུ་ཞུགས་ཚེ་བསིལ་བའི་རླུང་ཡབ་བྱས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རྒྱ་མཚོ་གྲོང་རྡལ་གྱི། ། བྱིས་པའི་ཚེ་ན་བདེ་གཤེགས་བྱང་ཆུབ་བ་འོད། །དེ་ལ་ཚེམས་ཤིང་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ལྡན་པ་ཚོང་དཔོན་གྱི། །བུ་ཚེ་དེ་བཞིན་གཤེགས་པ་རྒྱ་མཚོ་ལ། །མར་མེའི་ཁ་ནི་སྟོང་སྙེད་ཕུལ་ནས་ཀྱང ། །དང་པར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་ཏུ་ཞིས་སྟབས་གྱད་ཀྱི་ཚེ། །དེ་བཞིན་གཤེགས་བ་བྱང་ཆུབ་དགྱེས་དེ་ལ། །ནོར་དུས་སྤྲས་པའི་མཆིལ་ལྷམ་བུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་བཟང་པོ་སྤོས་ཚོང་བར་གྱུར་ཚེ། །དེ་བཞིན་གཤེགས་པ་ལྷ་ཚན་དེ་ལ་ཕྱེ་མ་ཡི། །བཀང་བའི་ན་བཟའ་དང་ནི་པདྨ་ཕུལ་ནས་ཀྱང ། །དང་པོ་ཉིད་དུ་བྱང་ 492b ཆུབ་ཏུ་དེ་སེམས་བསྐྱེད་དོ། །བདེ་གཤེགས་མྱ་ངན་མེད་པ་གོས་ཚོང་ཁྱེའུའི་ཚེ། །དེ་བཞིན་གཤེགས་བ་བློ་ནི་ཟབ་པོ་དེ་ལ་ཡང ། །རྫི་ཆར་བྱུང་བའི་ཚེ་ན་མེ་ཏོག་གདུགས་ཕུལ་ནས། ། དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཤུགས་བཅུ་རྒྱལ་བུའི་ཚེ། །དེ་བཞིན་གཤེགས་པ་ཆོས་ཀྱི་དབང་ཕྱུག་ཅན། །ལམ་དུ་ཞུགས་ཚེ་གདན་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་དགྱེས་རོལ་མོ་མཁན་གྱི་ཚེ། །དེ་བཞིན་གཤེགས་པ་གཙོ་ཆེན་དེ་ལ་ནི། །དུང་སྒྲ་དག་ནི་འབུད་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་དཔལ་རོལ་མོའི་གླུ་མཁན་ཚེ། །དེ་བཞིན་གཤེགས་པ་བློ་གྲོས་སེམས་དེ་ལ། །གསུམ་ལ་སྐྱབས་སུ་འགྲོ་བ་མནོས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཐུ་ཐོབ་ཉན་པའི་ཚེ། །ཆུ་བོ་དག་ལ་ཟམ་པ་བཙུགས་ནས་ཀྱང ། ། དེ་བཞིན་གཤེགས་པ་ཡེ་ཤེས་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཐུ་ཆེན་ཁྲུས་པའི་ཚེ། །དེ་བཞིན་གཤེགས་པ་དགོངས་པ་འཁྲུལ་མེད་ལ། །ཁྲུས་རས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་སྙིང་པོ་ཚོང་དཔོན་གྱི། །བུ་ཚེ་བདེ་གཤེགས་ 493a ༄#། །བསོད་ནམས་འཕགས་པ་ལ། །དྷ་ནུ་ཀ་རའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་སྤྱོད་སྤོས་ཚོང་ཚེ། །དེ་བཞིན་གཤེགས་པ་ནོར་ལྷའི་བུ་གྲགས་ལ། །སྤོས་ཀྱི་རི་ལུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགེ་མཆོག་རྒྱལ་པོ་རྒྱལ་པོའི་ཚེ། །དེ་བཞིན་གཤེགས་པ་བཀོད་ཆེན་སངས་རྒྱས་དེ་ལ་སོགས། །དགེ་སློང་དང་གི་དགེ་འདུན་སྤྱན་ནི་དྲངས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐར་རྒྱལ་ཤིང་མཁན་ཚེ། །དེ་བཞིན་གཤེགས་པ་ཟླ་བའི་འོད་ལྡན་པ། །བདེ་གཤེགས་དེ་ལ་ཐལ་སྦྱར་ཕྱག་བྱས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཆེན་པོ་ཚལ་གྱི་ལས། །བྱེད་ཚེ་བདེ་གཤེགས་ལྷ་ཡི་འོད་ཟེར་ལ། །ལྗོན་པའི་ཚོན་དག་སྦྱར་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་འོད་རྫ་མཁན་ཚེ། །བདེ་གཤེགས་འོད་གསལ་དེ་ལ་ཟླ་བ་བཞིར། །བུམ་པ་ཆུ་ཡིས་བཀང་ཏེ་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རྒྱ་ཆེན་ནད་པའི་ཚེ། །དེ་བཞིན་གཤེགས་པ་བསོད་ནམས་དགྱེས་དེ་ལ། །ལྕགས་ཀྱི་སྣོད་དག་དབུལ་བ་ 493b བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་པོ་ཆེ་ནི་ཚོང་དཔོན་གྱི། །བུ་ཚེ་བདེ་གཤེགས་སེངྒེའི་བློ་གྲོས་ལ། །མུ་ཏིག་དག་གིས་ཚུན་ཕྲེང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་འོད་སྤོས་ཚོང་གི་།བུ་ཚེ་དེ་བཞིན་གཤེགས་པ་ས་གཙོ་ལ། །ཕྱེ་མས་བཀང་བའི་ཨུཏྤལ་ན་བཟའ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གོ་ཆ་བགོས་པ་ལྷའི་བུའི་ཚེ། །དེ་བཞིན་གཤེགས་པ་རིན་ཆེན་འོད་དེ་ལ། །བསྟོད་པ་དག་གིས་བསྟོད་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་བཤེགས་སེངྒེའི་ཕྱག་ནི་ཚལ་གྱི་ལས། །བྱེད་ཚེ་བདེ་གཤེགས་འོད་ཟེར་བཟང་པོ་ལ། །མེ་ཏོག་དག་གི་ཕུར་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་བཟང་པོ་ཡིག་མཁན་ཚེ། །དེ་བཞིན་གཤེགས་པ་སྣ་ཚོགས་གསུངས་དེ་ལ། །གྲོ་བའི་གླེགས་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མཐོན་པོ་ཤལ་ཁྱེར་ཚེ། །དེ་བཞིན་གཤེགས་པ་ཟླ་བ་སྡུག་དེ་ལ། །མར་མེ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱ་མཚོ་རོལ་མོ་མཁན་གྱི་ཚེ། །རྡ་བོ་ཆེ་དག་བརྡུང་བ་བྱས་ནས་ཀྱང ། །དེ་བཞིན་གཤེགས་པ་ཟླ་བའི་གདུགས་ 494a ༄#། །དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པས་འཛིན་མགར་བའི་ཚེ། །དེ་བཞིན་གཤེགས་ཀུན་ཏུ་གཟིགས་དེ་ལ། །མཚོན་ཆ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་བློ་ལྷའི་བུ་ཉི་མའི་ཚེ། །དེ་བཞིན་གཤེགས་པ་གོས་པ་མེད་དེ་ལ། ། མེ་ཏོག་མནྡཱ་ར་བ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བསགས་པ་སྨན་བའི་ཚེ། །དེ་བཞིན་གཤེགས་པ་གྲགས་བླ་བཞུད་པ་ན། །འདམ་རྫ་བདག་ཏུ་རྡོ་ལེ་བ་ཟམ་བཙུགས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ཆོགས་ནི་སྨན་པའི་ཚེ། །དེ་བཞིན་གཤེགས་པ་ཟླ་བའི་ཞལ་དེ་ལ། །སྐྱུ་རུ་ར་ཡི་འབྲས་བུ་གཅིག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མ་ནི་དེད་དཔོན་ཚེ། །དེ་བཞིན་གཤེགས་པ་ཀླུ་ཡི་ལྷ་དེ་ལ། །བཻ་ཌཱུརྱའི་སྣོད་ཆུ་ཡིས་བཀང་སྟེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་འདས་པ་ཚོང་དུས་པ། །བྱེད་ཚེ་དགེ་འདུན་དག་ལ་འོད་སྒྲོན་ཕུལ། །དེ་བཞིན་གཤེགས་པ་ཡོན་ཏན་ཕུང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་ཟླ་བ་འཁོར་བསྒྱུར་ཚེ། །དེ་བཞིན་གཤེགས་པ་ཡོན་ཏན་ 494b བློ་ད་ལ། །གཙུག་ལག་ཁང་ནི་སྟོང་སྙེད་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་སྙན་རྒྱལ་པོ་བྲམ་ཟེའི་ཚེ། །ཕྱོགས་བཞིའི་དགེ་འདུན་དག་གི་བསམ་གཏན་ཁང་བརྩེགས་ནས། །དེ་བཞིན་གཤེགས་པ་མེ་ཏོག་མཚེ་གམ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་ཏོག་བྲམ་ཟེའི་བུ་ཡི་ཚེ། །དེ་བཞིན་གཤེགས་པ་འཇིག་རྟེན་དགའ་དེ་ལ། །ཀུ་ཤའི་ན་བཟའ་དང་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་གཙོ་བོ་བྲམ་ཟེའི་ཚེ། །དེ་བཞིན་གཤེགས་པ་གཟི་བརྗིད་དཔག་མེད་ལ། །རིལ་བ་ཆུ་ཡིས་བཀང་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་སྟབས་གླིང་གཅིག་རྒྱལ་པོའི་ཚེ། །དེ་བཞིན་གཤེགས་པ་བདེན་པའི་ཏོག་དེ་ལ། །རས་བཅོས་གདིང་བ་དཔག་ཚད་གཅིག་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲག་ཤུལ་བྱིན་ནི་ཚོང་དཔོན་གྱི། །ཆུང་མའི་ཚེ་ན་བདེ་གཤེགས་ཉི་འོད་ལ། །ཕྱེ་མ་སྤར་གང་དག་གིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱིས་དབང་ཕྱུག་ཕྲེང་རྒྱུད་ཚེ། །དེ་བཞིན་གཤེགས་པ་བདུད་རྩི་འོད་ཟེར་ལ། །མེ་ཏོག་ཆལ་པར་བཀྲམ་པ་ཀུན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་འོད་ནི་ལྷའི་བུའི་ཚེ། ། 495a ༄#། །དེ་བཞིན་གཤེགས་པ་སྟོན་པར་དགྱེས་པ་པོ། །བྱང་ཆུབ་སྙིང་པོར་ཞུགས་ལ་རྩ་གདན་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཆེན་པོ་ཁྱིས་བདག་ཚེ། །དེ་བཞིན་གཤེགས་པ་གསང་བ་དགྱེས་དེ་ལ། །རས་བཅོས་བྱེ་བ་སྙེད་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་རིན་ཆེན་གྲགས་པ་རྒྱལ་བུའི་ཚེ། །དེ་བཞིན་གཤེགས་པ་དབྱིག་གི་འོད་ཟེར་ལ། །བླ་རེ་སྤོས་ཅན་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་གསལ་བ་རིན་ཆེན་ཚོང་བའི་ཚེ། །དེ་བཞིན་གཤེགས་པ་བསོད་ནམས་འབྱུང་གནས་དེ་ལ་ནི། །རིན་པོ་ཆེ་དག་སྤར་བ་བཀང་སྟེ་གཏོར་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་མཐའ་ཡས་དེད་དཔོན་གྱི། །བུ་ཚེ་བདེ་གཤེགས་མེ་ཏོག་དཔལ་དེ་ལ། །ན་བཟའ་བླ་བྲེ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་དོན་ཡོད་རྒྱ་མཚོ་ཚོང་བའི་ཚེ། །དེ་བཞིན་གཤེགས་པ་ཡོན་ཏན་ཕྱག་ལྡན་དེ་ལ་ནི། །མུ་ཏིག་དམར་པོ་སྤར་བ་བཀང་སྟེ་གཏོར་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། ། །བདེ་གཤེགས་ལྷ་ཡི་དྲང་སྲོང་དྲང་སྲོང་ཚེ། །དེ་བཞིན་གཤེགས་པ་ཆོས་ཀྱི་ 495b སྒྲོན་མ་ལ། །ལོ་མ་དྲག་གི་གདུགས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བ་སྐྱེད་དོ། །བདེ་གཤེགས་སྐྱེ་དབང་འཁོར་ལོས་བསྒྱུར་པའི་ཚེ། །དེ་བཞིན་གཤེགས་པ་ཀུན་དུ་འོད་ཟེར་ལ། །གླིང་བཞི་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དག་འདུན་བརྟན་པ་མཐའ་བ་འཁོ་བ་རྒྱལ་པོའི་ཚེ། ། དེ་བཞིན་གཤེགས་པ་ཚངས་པའི་དབྱངས་ཅན་དེ་ལ་ནི། །མེ་ཏོག་སྟོང་སྙེད་བཀྲམ་པའི་འཆགས་པ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཕྱོགས་བཟང་གསེར་ཚོང་ཚེ། །དེ་བཞིན་གཤེགས་པ་བཀོད་པ་ཆེན་པོ་ལ། །གསེར་གྱི་གླེགས་མ་བཀྲམ་པའི་འཆགས་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཏོག་ནི་གསེར་མགར་ཁྱེའུའི་ཚེ། །དེ་བཞིན་གཤེགས་པ་ཐར་པའི་ཉི་མ་ལ། །མར་མེ་བཟང་པོ་བཤམས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་ཡུལ་འཁོར་མེ་ཏོག་རྩཝ་ཚོང་ཚེ། །དེ་བཞིན་གཤེགས་པ་བརྩོན་འགྲུས་བརྟན་པ་ཡི། །འཆགས་བ་རྩཝ་ཡིས་ཁེབས་པར་བཀྲམ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་ཀྱི་བློ་གྲོས་ཚོང་དུས་བ་ཡི་ཚེ། །ཚོང་དུས་བར་སྲང་དག་ནི་ཕྱག་དར་བྱས་ནས་ཀྱང ། །དེ་བཞིན་གཤེགས་པ་བློ་ཡི་འོང་ལྡན་དེ་ལ་ནི། །དང་པོ་ཉིད་ 496a ༄#། །དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀླུང་ཤུགས་ལྟར་གཤེགས་ལྡིང་ཏ་ཁྱེའུའི་ཚེ། །དེ་བཞིན་གཤེགས་པ་ཡོན་ཏན་གྲགས་པ་དེ་ལ་ནི། །བསིལ་ཡབ་དག་གིས་གཡབ་པ་དག་ནི་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་བསམས་གྲགས་བ་གཏེར་མཁན་ཚེ། ། དེ་བཞིན་གཤེགས་བ་ལེགས་པའི་བློ་དེ་ལ། །ནོར་བུ་སྐར་འོད་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣང་ལྡན་རྒྱལ་པོའི་ཕོ་ཉའི་ཚེ། །དེ་བཞིན་གཤེགས་བ་བཀོད་བད་གས་མེད་ལ། །ལན་གསུམ་སྐོར་བ་དག་ནི་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཚོགས་འཁོར་སྒྱུར་བློ་མཆོག་ཚེ། །དེ་བཞིན་གཤེགས་པ་སེངྒེའི་མཆེ་པ་ལ། །གསེར་དང་བྱི་རུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བསྲུང་པ་འགྲོན་པོའི་ཚེ། །ལམ་སྲང་དག་ཏུ་རྡོ་སྟེགས་བཙུགས་ནས་ཀྱང ། །དེ་བཞིན་གཤེགས་པ་བསོད་ནམས་མཐུ་རྩལ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཀྱི་བློ་གྲོས་ལྔ་མངོན་ཤེས་པ་པོ། །བྲམ་ཟེའི་ཚེ་ན་དེ་བཞིན་གཤེགས་པ་ལྷ་མཆོག་གི་།ཞབས་ལ་མགོ་བོ་དག་གིས་ཕྱག་དག་བཙལ་ནས་ཀྱང ། །དང་ 496b པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་གཤེགས་བསྙེངས་མེད་ཆུ་རྐ་སྲུང་བའི་ཚེ། །ཉིན་ཞག་བདུན་དུ་བྱམས་པ་བསྒོམས་ནས་ཀྱང ། །དེ་བཞིན་གཤེགས་པ་རྣམ་པར་གཟིགས་གནས་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲོགས་བརྟན་གོས་ཚོང་ཚེ། །དེ་བཞིན་གཤེགས་པ་ལྷ་ཡི་མཆོད་རྟེན་ལ། །ཁང་རྩེགས་མོང་དར་དག་གིས་བཀབ་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་གནས་མཚུངས་པ་དགེ་སློང་ཚེ། །དམ་ཆོས་ཡོངས་སུ་གཟུང་ཕྱིར་སྤྲོ་བསྐྱེད་ནས། །དེ་བཞིན་གཤེགས་པ་གློག་གི་འོད་ཟེར་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་ཞབས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་རྒྱལ་བར་དགྱེས་དེ་ལ། །མེ་ཏོག་ཨུཏྤལ་ཆད་པ་གང་གཏོར་ནས། །དང་པོ་དབྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་གཟི་བརྗིད་གྲོང་དཔོན་བུ་མོའི་ཚེ། །དེ་བཞིན་གཤེགས་པ་ལྷུན་པོའི་རྒྱན་མཚན་དེ་ལ་ནི། ། བསོད་སྙོམས་དང་པོ་དག་ནི་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོས་བཟངས་ཕྱུགས་རྫིའི་ཚེ། །དེ་བཞིན་གཤེགས་པ་མེ་ཏོག་འོད་དེ་ལ། །ཞུན་མར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་བཟངས་ཕྱུག་པོའི་བུ་ཚེ་སངས་རྒྱས་ཀྱི། །དགེ་སློང་ཁ་ཏོན་འདོན་པར་ 497a ༄#། །བཟའ་བ་བྱིན་ནས་ཀྱང ། །དེ་བཞིན་གཤེགས་པ་བློ་གྲོས་མཆོག་མ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་གཟིགས་རབ་བྱུང་ཞག་བདུན་དགེ་སློང་ཚེ། །དེ་བཞིན་གཤེགས་པ་སྤོས་ཀྱི་དེད་ལྡན་བཅོམ་ལྡན་གྱིས། །ལེགས་པར་གསུངས་ལ་རྗེས་སུ་ཡི་རང་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་མཆོག་ནི་དགེ་སློང་ཚེ། །ཏིང་འཛིན་འདི་ལ་ཡི་རང་བྱས་ནས་ཀྱང ། །དེ་བཞིན་གཤེགས་པ་ཡོན་ཏན་མཐུ་རྩལ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་གནས་རྒྱལ་བུའི་ཚེ། །དེ་བཞིན་གཤེགས་པ་བློ་གྲོས་ཁྱད་པར་ལ། །ཡན་ལག་ལྔ་ལྡན་སིལ་སྙན་དག་གིས་མཆོད། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་གསུང་ཁྱིམ་བདག་ཚེ། །དེ་བཞིན་གཤེགས་པ་དྲང་སྲོང་གསལ་དེ་ལ། །ལྷུང་བཟེད་འོ་མས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་བློ་བཟངས་སྨན་པའི་ཚེ། །དེ་བཞིན་གཤེགས་པ་རིན་ཆེན་སྒྲོན་དེ་ལ། ། རུ་ར་ཡི་འབྲས་བུ་དགུ་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་བྱིན་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་གཟི་བརྗིད་འབར་བ་ཡི། །གཙུག་ལག་ཁང་གི་སྐྱང་ནུལ་བྱུགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་ 497b སྟོབས་ནི་རྒྱ་མཚོའི་ཚོང་པའི་ཚེ། །དེ་བཞིན་གཤེགས་པ་གཟིགས་ལ་ཐ་མ་དེ་ལ་ནི། །བྱུ་རུ་སྤར་བ་བཀང་སྟེ་གཏོར་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་ཏོག་ནི་རྒྱལ་རིགས་གཞོན་ནུའི་ཚེ། །དེ་བཞིན་གཤེགས་པ་དབྱིག་ལ་དགྱེས་པ་དེ་ལ་ནི། །རིན་པོ་ཆེའི་ཕྲེང་བདག་ནི་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་འབྱུང་གནས་ཕྲེང་རྒྱུད་ཚེ། དེ་བཞིན་གཤེགས་པ་བཀོད་པ་མཛེས་དེ་ལ། །པདྨའི་རྫིང་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་བྱིན་པ་གནས་རྟེན་ཚེ། །བདེ་གཤེགས་ཡོན་ཏན་དཔལ་གྱི་སྙིང་པོ་ཡི། །འཆགས་ར་འཇི་བའི་གོང་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་སྙིང་པོ་དྲང་སྲོང་ཚེ། ། དེ་བཞིན་གཤེགས་པ་གཟིགས་པ་གསལ་དེ་ལ། །རྐྱང་མ་ནས་ནི་ཐལ་སྦྱར་ཕྱག་བྱས་ཏེ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་ཤིང་རྟོག་ཚེ། །དེ་བཞིན་གཤེགས་པ་མདངས་སྟོབས་དེ་ལ་ནི། ། ཏི་མུགྷའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་རྨད་བྱུང་རྫ་མཁན་ཚེ། །བུ་ཚེ་བདེ་གཤེགས་རྣམ་དག་སྤྱན་དེ་ལ། །ཆུ་ཡི་སྤྱིན་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་ཚུགས་དམངས་རིགས་ཁྱེའུའི་ཚེ། །དེ་བཞིན་གཤེགས་པ་ཡེ་ཤེས་ 498a ༄#། །བརྟུལ་ཞུགས་ལ། །བ་རུ་ར་ཡི་འབྲས་བུ་གཅིག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསྙེངས་མེད་རྒྱལ་ཆེན་རྣམ་ཐོས་བུ་ཡི་ཚེ། ། དེ་བཞིན་གཤེགས་པ་ཞབས་དག་བརྟན་པ་དེ་ལ་ནི། །ལྷ་རྫས་དག་གི་ཙནྡན་དག་གིས་གཏོར་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མའི་འོད་ནི་རྒྱལ་པོ་ཡི། །མདུན་འདོན་བྱེད་ཚེ་བདེ་གཤེགས་འཕགས་སྤྱན་དེ། །ཞག་བདུན་བར་དུ་གདུགས་ཚོང་གསོལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་པར་གཤེགས་པ་གཉན་པའི་ཚེ། །དེ་བཞིན་གཤེགས་པ་ཐར་པ་དགྱེས་དེ་ལ། །ཆུ་བོའི་འགྲམ་དག་བསྟན་ཅིང་མཚོན་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་མཐུ་རྩལ་ཚོང་དཔོན་ཚེ། །ཕྱོགས་བཞིའི་དགེ་འདུན་སྒོ་གང་ཕུལ་ནས་ཀྱང ། །དེ་བཞིན་གཤེགས་པ་དབྱངས་ཆེན་དེ་ལ་ནི། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དགྱེས་པ་རྡོ་མཁན་ཚེ། །དེ་བཞིན་གཤེགས་པ་ཡུལ་འཁོར་མཆོག་དེ་ལ། །ལྷ་ཡི་ཞལ་ཟས་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་བདེན་སྨན་ཚོང་པ་ཡི་ཚེ། །དེ་བཞིན་གཤེགས་པ་ལེགས་པར་སྤྱོད་པའི་འོད་དེ་ནི། །སྙུན་གྱི་གསོས་སྨན་དག་ལ་རྟག་ཏུ་སྤྱན་དྲངས་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་ 498b བསྐྱེད་དོ། །བདེ་གཤེགས་ནོར་བུའི་སྙིང་པོ་ཉ་བ་ཡི། །ཁྱེའུ་ཚེ་བདེ་གཤེགས་ས་རི་ལེས་དེ་ལ། །མེ་ཏོག་བཞི་ཞིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་གྲགས་པ་དཀའ་སྤྱོད་ཚེ། །དེ་བཞིན་གཤེགས་པ་ཡོན་ཏན་གསལ་དེ་ལ། །ཞུགས་ལིང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དཔལ་ནི་བཅའ་བ་མཁན་གྱི་ཚེ། །དེ་བཞིན་གཤེགས་པ་རྣམ་པར་སྣང་མཛད་གྲགས་དེ་ལ། །ལྷུང་བཟེད་བཅའ་བདག་གིས་བཀང་སྟེ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཅིངས་མེད་རྟེན་བཅས་གཅིག་བུའི་ཚེ། །དེ་བཞིན་གཤེགས་པ་སྣང་བའི་མཆོག་དེ་ནི། །གདུགས་ཚོད་གསེབ་ཏེ་སྦྲང་མ་བགྲང་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་བརྟན་པ་བློན་ཆེན་ཚེ། །དེ་བཞིན་གཤེགས་པ་དགྱེས་པར་གཟིགས་དེ་ལ། །ཁང་པ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་གཟི་བརྗིད་དམ་ཆོས་ནུབ་པའི་ཚེ། །དགེ་སློང་ཆོས་སྨྲ་སྨྲོས་ཤིག་སྨྲོས་ཤིག་ཅེས་བརྗོད་ནས། །དེ་བཞིན་གཤེགས་པ་ཟླ་བ་ལྟ་བུར་གསུང་དེ་ལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་པར་ཐུབ་པ་རྒྱལ་པོའི་ཚེ། །དེ་བཞིན་གཤེགས་པ་བླ་མའི་དབྱངས་དེ་ལ། །གྲོང་ཁྱེར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དལ་བཞུད་དགེ་སློང་རྒྱན་པའི་ཚེ། །དེ་ 499a ༄#། །བཞིན་གཤེགས་པ་བསོད་ནམས་དཔལ་དེ་ལ། །སོ་བི་ར་ཀའི་བཏུང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་དཀའ་ཐུབ་ཕྱག་དར་པ་ཡི་ཚེ། །དེ་བཞིན་གཤེགས་པ་བསྡུ་བ་མཁྱེན་པ་པོ་དེ་ཡི། །ལམ་སྲང་ཁྲུ་བཅུ་སྲིད་དུ་ཕྱག་དར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཕུང་པོ་ཁྱིམ་བདག་ཚེ། །དེ་བཞིན་གཤེགས་པ་མཚན་གྱི་རྒྱལ་པོ་དེ། །འཇིགས་པ་མེད་པས་དགོན་པར་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་ཆེན་པོ་རྒྱལ་བུའི་ཚེ། །དེ་བཞིན་གཤེགས་པ་རིམས་ནད་མེད་པ་ཡི། །བློ་མངའ་དེ་ལ་རྒྱན་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཙམྤ་ཀ་ནི་རྒྱལ་ཕྲན་ཚེ། །དེ་བཞིན་གཤེགས་པ་འཕགས་པ་དུལ་བ་ལ། །མུ་སྣི་ཀ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགའ་མཛད་བྲམ་ཟེའི་ཚེ། །དེ་བཞིན་གཤེགས་པ་ཆོས་ཀྱི་ལྷ་དེ་ལ། །རིལ་བ་སྤྱི་བླུགས་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་བཟང་པོ་ལྷའི་བུའི་ཚེ། །དེ་བཞིན་གཤེགས་པ་ཡོན་ཏན་བདུད་རྩི་དེས། །ཆོས་ཀྱི་འཁོར་ལོ་སྐོར་ཚེ་ལེགས་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབང་པོའི་རྒྱལ་མཚན་མཆོད་སྡོང་སྲུང་བའི་ཚེ། །དེ་བཞིན་གཤེགས་པ་ 499b ཐོགས་པ་མེད་པ་གྲོང་ཁྱེར་དུ། །གཤེགས་པའི་ཚེ་ན་མཆོད་སྡོང་དག་ནི་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགྱེས་པ་སྨན་པའི་ཚེ། །དེ་བཞིན་གཤེགས་པ་བདུད་རྩིའི་ཕུང་པོ་ལ། །སྨན་གྱི་རེང་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣ་མའི་མེ་ཏོག་འོད་ནི་གར་མཁན་ཚེ། །དེ་བཞིན་གཤེགས་པ་ཟླ་བའི་འོད་ལྡན་དེ་ལ་ནི། །སྣ་མའི་མེ་ཏོག་དག་གི་ཕྲེང་བ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོགས་ཅན་འོད་ནི་ཆང་ཚོང་ཚེ། །དེ་བཞིན་གཤེགས་པ་འབྲུག་སྒྲ་དེ་ལ་ནི། །ཕྱི་མས་བསྒོས་པའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐྲུན་མཛད་ཤིང་ལྷའི་ཚེ། །དེ་བཞིན་གཤེགས་པ་དགེ་བའི་ཉི་མ་ལ། །མེ་ཏོག་ཀར་ནི་ཀ་དག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མདངས་འགྲོ་ཤིང་རྟ་མཁན་གྱི་ཚེ། །དེ་བཞིན་གཤེགས་པ་མི་བསྙེངས་ཐོབ་དེ་ལ། །བཞུགས་ཁྲིའུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ལེགས་ངེས་ནི་རྫ་མཁན་ཚེ། །དེ་བཞིན་གཤེགས་པ་མཁས་པ་དགྱེས་དེ་ལ། །ཞག་གཅིག་བཞུགས་པའི་གནས་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁྱུ་མཆོག་བློན་ཚེའི་བུར་གྱུར་ཚེ། །དེ་བཞིན་གཤེགས་པ་བློ་མི་འཁྲུལ་དེ་ལ། །སེངྒེའི་ 500a ༄#། །གདན་ཁྲི་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ།། །།འཕགས་པ་སྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་ཉི་ཤུ་ལྔ་པ།་བདེ་གཤེགས་ལག་བཟང་ཐམས་ཅད་བྱེད་པའི་ཚེ། །དེ་བཞིན་གཤེགས་པ་འགྲོ་ལ་དགའ་དེ་ལ། །གོས་ཀྱི་དུམ་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཆེན་པོ་ལག་བླའི་ཚེ། །དེ་བཞིན་གཤེགས་པ་ལྷ་ཡི་མཆོག་དེ་ལ། །སྐྱུ་རུ་ར་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསམ་པས་བྱིན་ནི་ཁྲུས་པའི་ཚེ། །དེ་བཞིན་གཤེགས་པ་རྫུ་འཕྲུལ་མཆོག་དེ་ལ། །ཕྱག་དག་བཀྲུ་བའི་ཆབ་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་འོད་ནི་དབུལ་པོའི་ཚེ། །དེ་བཞིན་གཤེགས་པ་ལྷ་ཡི་གདུགས་དེ་ལ། །བཤོས་དྲོན་བཅུད་དང་ལྡན་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་དབྱངས་ནི་རི་མོ་མཁན་གྱི་ཚེ། །དེ་བཞིན་གཤེགས་པའི་གཟུགས་བརྙན་དག་ནི་ཟིས་ནས་ཀྱང ། །དེ་བཞིན་གཤེགས་པ་ཀླུ་ཡི་འོད་ལྡན་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེའི་སྡེ་ནི་བཅིངས་པ་མེད་པ་པོ། །རལ་པ་ཅན་གྱི་ཚེ་ན་དེ་བཞིན་གཤེགས་པ་པོ། །མཐུ་རྩལ་དྲག་ཤུལ་ཅན་ལ་རྡོ་ལེབ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་ 500b སེམས་བསྐྱེད་དོ། །དེ་བཞིན་གཤེགས་པ་འབྱོར་ལྡན་ཕྲེང་རྒྱུད་ཚེ། །དེ་བཞིན་གཤེགས་པ་ཆོས་ཀྱི་གཟི་བརྗིད་ལ། །ཙམྤ་ཀ་ཡི་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་སྟོབས་ནི་ཕྱག་དར་བ་ཡི་ཚེ། །དེ་བཞིན་གཤེགས་པ་སྲིད་པའི་མཐའ་ནི་གཟིགས་པ་པོ། །བཅོམ་ལྡན་དེ་ནི་ཕྲག་པར་བླངས་ཏེ་འདམ་རྫ་བསྒྲལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྱན་ནི་འབྲི་མཁན་ཚེ། །དེ་བཞིན་གཤེགས་པ་ཁྲེལ་ཡོད་བཟང་པོ་ལ། །ཀ་ལ་མན་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་སྲུང་སྦྱངས་གནས་དགེ་སློང་ཚེ། །བདེ་གཤེགས་རྒྱ་ཆེན་གཟུགས་ཀྱི་འཆགས་དག་།ལྷུང་བཟེད་འབྲུ་མར་བཀང་བས་ཆག་ཆག་བཏག་།དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་བློ་གསལ་རྒྱལ་བུའི་ཚེ། །དེ་བཞིན་གཤེགས་པ་ལྷ་ཡི་སྤྱན་དེ་ལ། །འོད་ཟེར་མེ་ཏོག་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་འགྲོས་ནི་རྒྱ་མཚོའི་ཚོང་པའི་ཚེ། །ཉམ་ཐག་ཚེ་ན་སངས་རྒྱས་དག་ལ་ཕྱག་འཚལ་ཞེས། །ཚིག་ཏུ་བརྗོད་ནས་བདེ་གཤེགས་ཚོགས་ཀྱི་འོད་ཟེར་ལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་དྲག་ཤུལ་མགར་བའི་ཚེ། །དེ་བཞིན་གཤེགས་པ་ཟླ་བའི་མཆོག་དེ་ལ། །དངུལ་ལས་བྱས་པའི་ལྷུང་བཟེད་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། 501a ༄#། །བདེ་གཤེགས་འོད་ཟེར་ཆེན་པོ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་མཉམ་པར་བཞག་པའི་བདག་ཉིད་དེ། །ཉིན་གཅིག་བཞུགས་པའི་གནས་ནི་བྱས་ཏེ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་འོད་གྲོང་རྡལ་བྱིས་པའི་ཚེ། །དེ་བཞིན་གཤེགས་པ་ཡོན་ཏན་ཏོག་དེ་ཡི། །རས་ཀྱི་གདན་དག་གདིང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲི་མེད་འོད་ནི་མདུན་འདོན་ཚེ། །དེ་བཞིན་གཤེགས་པ་སྐྱེ་དབང་མཚུངས་དེ་ལ། །མཆོད་སྦྱིན་དག་གི་ར་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་རྣམ་འབྱེས་ཆང་ཚོང་ཚེ། །དེ་བཞིན་གཤེགས་པ་འཇིགས་མེད་བཤེས་མཉེན་ལ། །ཁ་རའི་བཏུད་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁེངས་མེད་བརྩིས་པའི་ཁྱེའུའི་ཚེ། །དེ་བཞིན་གཤེགས་པ་བསྡུ་བའི་བློ་མངའ་ལ། །ཅི་ཙེའི་ཕུབ་མ་ཕྲག་སྟེ་གང་ཕུལ་ནས། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྦྲང་རྩིའི་ཞལ་ནི་ལྷམ་མཁན་ཚེ། །དེ་བཞིན་གཤེགས་བ་དགྲ་ཐུལ་དེ་ལ་ནི། །མེ་ཏོག་ཨུཏྤལ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་འོད་རྟེན་བཅས་ནད་པའི་ཚེ། །དེ་བཞིན་གཤེགས་པ་བྲམ་པའི་འོད་དེ་ལ། །མོན་སྲན་གྲེ་འུ་རུལ་བ་ཕུལ་ནས་ཀྱང ། །དང་པོར་བྱང་ཆུབ་ 501b ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་སྦྱིན་རྒྱལ་པོའི་ཚེ། །དེ་བཞིན་གཤེགས་པ་རི་བོ་བརྩེགས་པ་ལ། །ཡིད་འཐད་ཁང་བ་བརྩེགས་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་ཞིར་གཤེགས་པ་ཤིང་ཚོང་ཚེ། །དེ་བཞིན་གཤེགས་པ་རྩེ་གཅིག་འོད་དེ་ལ། །ཆུ་དྲོན་སྣོད་དག་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་འཁྲུགས་པ་ཡིས་དགེ་སློང་དག་ལ་ནི། །ཇི་སྲིད་འཚེ་བར་གནོད་སེམས་མེད་པར་འཛིན་བཅུག་གནས། །དེ་བཞིན་གཤེགས་པ་སྲེད་མེད་བུའི་མཐུ་རྩལ་ལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྲ་བཅོམ་གྲགས་པ་རྫ་མཁན་ཚེ། །དེ་བཞིན་གཤེགས་པ་སེངྒེའི་ཞབས་དེ་ལ། །སྤོས་ཀྱི་ཟ་མ་ཏོག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་ཡོན་ཏན་ཕྱཝ་མཁན་ཚེ། །དེ་བཞིན་གཤེགས་པ་ཚུལ་ཁྲིམས་དགྱེས་དེ་ལ། །ཁང་པ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞིང་བཟང་ལྷ་ཡི་རྟུལ་ཞུགས་ཚེ། །དེ་བཞིན་གཤེགས་པ་འཇིག་རྟེན་གསལ་དེ་ལ། །གུ་གུལ་བདུག་པ་དག་གི་གདུགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀོད་པའི་རྒྱལ་པོ་འཁོར་སྒྱུར་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །བཻ་ཌཱུརྱ་ཡི་ཁང་བཟངས་ཕུལ་ནས་ཀྱང ། །དང་པོར་བྱང་ཆུབ་ཏུ་ 502a ༄#། །ནི་སེམས་བསྐྱེད་དོ། །བདེ་གཤེགས་མངོན་འཕགས་ལྷ་ལ་དང་པའི་ཚེ། །དེ་བཞིན་གཤེགས་པ་སེངྒེ་རྣམས་བསྒྱིངས་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྦྱིན་སྲེད་འོད་འཕྲོ་དེད་དཔོན་ཚེ། །དེ་བཞིན་གཤེགས་པ་བློ་གྲོས་རྙོག་མེད་ལ། །བཀོད་པ་དག་ནི་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་དཔལ་ཕྱུག་པོའི་བུར་གྱུར་ཚེ། །དེ་བཞིན་གཤེགས་པ་གྲགས་པ་གསལ་བ་པོ། །བདེ་བར་གཤེགས་པ་པད་མའི་མེ་ཏོག་གཏོར། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་བཀོད་པ་ཁྱིམ་བདག་ཚེ། །དེ་བཞིན་གཤེགས་པ་ངེས་པའི་བློ་དེ་ལ། །ཁྲོན་ལ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་བཟང་པོ་ལམ་སྟོན་བུར་གྱུར་ཚེ། །དེ་བཞིན་གཤེགས་པ་གཏི་མུག་སྤངས་པ་དེ་ལ་ནི། །ལྗོན་པའི་ལྕུག་མ་ཉི་ཤུ་སྙེད་ནི་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མཆོག་ནི་ཤིང་རྟ་མཁན་གྱི་ཚེ། །བཅོམ་ལྡན་དེ་བཞིན་གཤེགས་པ་ཡོན་ཏན་ཕུང་པོ་དེའི། །གཙུག་ལག་དབང་གི་སྒོ་དག་ཕྱས་ཏེ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐུགས་ནི་ཤིན་དུ་གཞུངས་པ་ཕྱུག་རྫིའི་ཚེ། །དེ་བཞིན་ 502b གཤེགས་པ་བསྡུ་བའི་བློ་ནི་མངའ་བ་དེ། །ལམ་སྲང་དག་ཏུ་གཤེགས་ཚེ་གོས་དག་གཏིང་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱ་མཚོས་བྱིན་ནི་མདུན་འདོན་ཚེ། །དེ་བཞིན་གཤེགས་པ་སྐལ་ལྡན་ཤིང་རྟ་ལ། །མེ་ཏོག་དག་གི་གཞལ་མེད་ཁང་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་ཚངས་ཏོག་ཞིང་པའི་ཚེ། །དེ་བཞིན་གཤེགས་པ་བདེན་པའི་མཐུ་རྩལ་ལ། །མོན་སྲན་གྲེ་འུ་འབྲུ་སྤར་གང་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་གདུགས་ནི་ར་ཡུ་ཧ་ཀའི་ཚེ། །དེ་བཞིན་གཤེགས་པ་སྣ་ཚོགས་གསུང་དེ་ལ། །ཕྱུག་པ་དག་ནི་དབུལ་བ་བྱས་ནས་ཀྱང། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་འཕྲོ་སྤོས་ཚོང་གྱུར་བའི་ཚེ། །བདེ་གཤེགས་ཕྱོགས་རྣམ་གཟིགས་པ་སངས་རྒྱས་ཀྱི། །གཙུག་ལག་ཁང་དག་སྤོས་ཀྱི་གདུག་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲི་མེད་རྒྱལ་པོ་ནི། །རི་མོ་མཁན་ཚེ་བདེ་གཤེགས་སྟོན་གསལ་དེའི། ། སྒོ་གང་དག་ནི་རི་མོ་བྲིས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་གྲགས་པ་གོས་ཚོང་ཚེ། །དེ་བཞིན་གཤེགས་པ་ངེས་ 503a ༄#། །པར་རྟོག་བཟོད་ལ། །ཆོས་གོས་སྲ་བརྒྱད་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་རྒྱལ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ཆོས་ཀྱི་གདུགས་དེ་ལ། །རིན་ཆེན་སེན་མོ་དེ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འོད་ནི་མཐིང་མཁན་ཚེ། །དེ་བཞིན་གཤེགས་པ་ཚོགས་ཀྱིས་མི་ཐུབ་ལ། །མཐིང་ཕོར་གཅིག་གཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྒྲ་བསྒྲགས་གོས་ཚོང་ཚེ། །དེ་བཞིན་གཤེགས་པ་ལྷ་ཡི་སྐུ་རེག་ལ། །སྐ་རགས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཚུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་རྒྱལ་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་ལྷ་ཡི་པདྨ་ལ། །ཕྱུར་བ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པདྨའི་འོད་ཟེར་བྲམ་ཟེ་ཡི། །རྒྱལ་གཙོའི་བུ་ཚེ་བདེ་གཤེགས་ཀུན་གཟིགས་ལ། །ཧི་དིམ་བ་ར་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་བཟང་པོ་སྣོད་སྤྱད་མཁན་གྱི་ཚེ། །དེ་བཞིན་གཤེགས་ 503b པ་ཟླ་བའི་འོད་ལྡན་དེ་ལ་ནི་འབྲས་བུ་སྙིམ་པ་གང་དག་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲོན་རྒྱལ་བཅའ་བ་མཁར་གྱི་ཚེ། །དེ་བཞིན་གཤེགས་པ་བཀོད་པའི་ཚོགས་ཅན་ལ། །སྣུམ་ཁུར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་གློག་གི་ཏོག་ནི་དེད་དཔོན་ཚེ། །དེ་བཞིན་གཤེགས་པ་དོན་ནི་དགོངས་པ་ལ། །ན་བཟའ་ཕྲུགས་གཅིག་ཅིག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་རྒྱལ་པོ་རྫ་མཁན་ཚེ། །དེ་བཞིན་གཤེགས་པ་མཚན་གྱི་རྒྱལ་པོ་ལ། །ཁྲུས་རྐྱེན་བུམ་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་མཁན་ཚལ་གྱི་ལས་བྱེད་ཚེ། དེ་བཞིན་གཤེགས་པ་པདྨའི་ཞབས་དེ་ལ། །ལོ་མའི་གང་རི་བདག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་རྫོགས་ནོར་བུ་ཚོང་པའི་ཚེ། །དེ་བཞིན་གཤེགས་པ་སྙན་པར་དགོངས་དེ་ལ། །རིན་པོ་ཆེ་ཡི་བླ་རེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པར་སྙིང་སྟོབས་ཀྱིས་འཁོར་ལོས་བསྒྱུར་བའི་ཚེ། །དེ་བཞིན་གཤེགས་པ་ལྗོན་པའི་རྒྱལ་མཚན་དེ་ལ་ནི། །དྲི་ 504a ༄#། །བསུང་ལྡན་པའི་བསྐྱད་མོས་ཚལ་དག་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་ནི་འཁོར་ལོས་བསྒྱུར་བའི་ཚེ། །དེ་བཞིན་གཤེགས་པ་འོད་དག་དེ་ལ་ནི། །རིན་ཆེན་གདུགས་ནི་བྱེ་བ་སྟོང་སྙེད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱན་མཛེས་གྲོང་དཔོན་བུ་མོའི་ཚེ། །དེ་བཞིན་གཤེགས་པ་སེངྒེའི་མཐུ་རྩལ་ལ། །མེ་ལོང་དང་ནི་བླ་རེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྙོག་པ་མེད་དོན་ཤིང་བསྲུང་ཚེ། །དེ་བཞིན་གཤེགས་པ་ཚོགས་ཀྱི་གཙོ་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲག་ཤུལ་སྡེ་ནི་ཁྱེའུའི་ཚེ། །དེ་བཞིན་གཤེགས་པ་སྤོས་དང་ཞམ་པོ་ལ། །ཕྱག་དར་སྙིམ་པ་གང་ཞིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་གཟི་བརྗིད་ལྕི་ཚོང་ཚེ། །དེ་བཞིན་གཤེགས་པ་མཁས་པས་སྔགས་དེ་ལ། །ལྷུང་བཟེད་བཀྲུ་ཕྱིར་ལྕི་བའི་ཀོང་བུ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་རྩལ་ཅན་ནི་རྩཝ་ཚོང་ཚེ། །དེ་བཞིན་གཤེགས་པ་བསོད་ནམས་མུ་སྟེགས་ལ། །རྩཝ་ཁུར་དག་ནི་དབུལ་བ་བྱས་ནས་ཀྱང ། ། 504b དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐོགས་མེད་བློ་ནི་མགར་པའི་ཚེ། །དེ་བཞིན་གཤེགས་པ་ཤེས་རབ་འོད་དེ་ལ། །མཚོན་ཆ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་ཅན་ལྷ་ནི་ལྕགས་མགར་གྱི། །ཁྱེའུའི་ཚེ་ན་དེ་བཞིན་གཤེགས་པ་པོ། །ཡེ་ཤེས་གོ་ཆ་ལ་ནི་ཁབ་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་ཕུང་པོ་འདྲེག་མཁན་ཚེ། །དེ་བཞིན་གཤེགས་པ་མདངས་སྟོབས་སྐྱེ་བ་ཡི། །སྲེག་ཤང་དག་གཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁ་ལོ་སྒྱུར་བ་དབུལ་པོའི་ཚེ། །དེ་བཞིན་གཤེགས་པ་གཟི་བརྗིད་དྲག་ཤུལ་ལ། །མཆིལ་ལམ་རིམ་གཅིག་པ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་མཚུངས་ནི་གྲོང་ཁྱེར་ན། །རྟེན་ཆེ་བདེ་གཤེགས་སངས་རྒྱས་དགྱེས་དེ་ལ། །མོན་སྲན་གྲེའུ་དག་གི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་ཏོག་ནི་རྒྱལ་གཙོ་ཡི། །ཁྱེའུའི་ཚེ་ན་བདེ་གཤེགས་གསལ་རྒྱལ་ལ། །མཆིལ་མའི་སྣོད་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་ཅན་འཛིན་ནི་འདྲེག་མཁན་ཚེ། །དེ་བཞིན་ 505a ༄#། །གཤེགས་པ་ཐམས་ཅད་དགྱེས་པ་པོ། །བཅོམ་ལྡན་དེའི་སེན་མོ་བཅད་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྩི་སྨན་ཆེན་པོ་ཐགས་མཁན་ཚེ། །དེ་བཞིན་གཤེགས་པ་ཡིད་གཉིས་རྣམ་གནོན་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་རྒྱུ་སྐར་རྒྱལ་པོ་ཚོང་དུས་པ་ཡི་ཚེ། །དེ་བཞིན་གཤེགས་པ་དོན་ནི་ལེགས་པར་དགོངས་དེ་ལ། །བུམ་པ་མར་གྱི་བཀང་པ་དག་ནི་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨན་པའི་རྒྱལ་བ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ལྷུན་པོ་ཆེན་པོ་དེ་ལ་ནི། །ལྷ་ཡི་ཁང་བཟང་དག་ནི་དབུལ་བ་བྱས་ནས་ཀྱང ། །དང་པོ་ཉིད་ཏུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་གླང་པོ་འབྲུ་མར་གྱི། །མཁན་ཚེ་དེ་བཞིན་གཤེགས་པ་འཕགས་དུལ་ལ། །ཞབས་བསྐུ་བ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཅོད་མཛད་སྨད་ཚོང་བུ་མོའི་ཚེ། །དེ་བཞིན་གཤེགས་པ་མཁས་པ་གསལ་དེ་ལ། །མེ་ལོང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་ 505b གཤེགས་རྣམ་གྲགས་རྒྱལ་པོ་ཁྲུས་པ་ཡི། །ཁྱེའུ་ཚེ་བདེ་གཤེགས་བསྡུ་བའི་བློ་མངའ་ལ། །འདག་པའི་ཚལ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མའི་འོད་ཟེར་དགེ་སློང་དབྱར་གནས་པའི། །རིམ་གྲོ་པ་ཚེ་དེ་བཞིན་གཤེགས་པ་དབྱངས་སྙན་པ། །དེ་ལ་ཁྲུས་ཆུ་དག་ནི་དབུལ་བ་བྱས་ནས་ཀྱང ། དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་མཛད་དཀའ་ཐུབ་ཅན་གྱི་ཚེ། །དེ་བཞིན་གཤེགས་པ་མཐུ་ཆེན་གནས་སུ་ཕྱིན་པ་ལ། །མཚན་མོ་མར་མེ་དག་ནི་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་བཟང་པོ་སྨན་པའི་ཚེ། །དེ་བཞིན་གཤེགས་པ་སེངྒེའི་ང་རོ་ལ། ། རུ་ར་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་དབང་མཚུངས་རྩཝ་ཐུན་ཚེ། །དེ་བཞིན་གཤེགས་པ་ཀུན་ཏུ་རིན་ཆེན་ལ། །བྷད་ཀྲ་ཀ་རི་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེའི་སྡེ་ནི་ཚོང་བའི་ཚེ། །དེ་བཞིན་གཤེགས་པ་འཇིག་རྟེན་ཀུན་དགའ་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་བརྩེགས་ནི་སྔོན་པའི་ཚེ། །དེ་བཞིན་གཤེགས་པ་བྷར་ག་རྡོ་རྗེ་ཡི། ། 506a ༄#། །ལམ་སྲང་དག་ནི་མཚོན་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལེགས་ནས་བྲམ་ཟེའི་ཚེ། ། དེ་བཞིན་གཤེགས་པ་སེངྒེའི་དབྱངས་དེ་ལ། །བཻ་ཌཱུརྱ་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་སྦྱངས་ཕྲེང་རྒྱུད་ཚེ། །དེ་བཞིན་གཤེགས་པ་སྐར་མའི་སྐབས་དེ་ལ། །སྣ་མའི་མེ་ཏོག་བདུན་ཞིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་དབྱངས་ལམ་སྟོན་ཁྱེའུའི་ཚེ། །དེ་བཞིན་གཤེགས་པ་དེད་དཔོན་དེ་ལ་ནི། །གསེར་གྱི་མེ་ཏོག་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཆོག་ནི་ཞིབ་པའི་ཚེ། །དེ་བཞིན་གཤེགས་པ་མི་ཡི་ཟླ་བ་ལ། །བལ་སྲན་སྔོན་པོ་སྤར་གང་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྲུག་སྒྲ་དབྱངས་ནི་རྩིས་པ་ཡི། །ཁྱེའུ་ཚེ་དེ་བཞིན་གཤེགས་པ་བཀོད་ཆེན་ལ། །ཕྲེང་བ་ཆེན་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མངོན་ཤེས་ཏོག་ནི་རིགས་གཙོའི་ཚེ། །དེ་བཞིན་གཤེགས་པ་ཉི་མའི་འོད་དེ་ལ། །དར་དང་བདུག་པ་དག་ནི་ཕུལ་ནས་ཀྱང ། །དང་པོར་ 506b བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཏོག་འོད་རྒྱལ་བུའི་ཚེ། །དེ་བཞིན་གཤེགས་པ་མཛེས་དང་ལྡན་པ་ཡི། །ཞབས་གཉིས་དག་ནི་བཀྲུ་བ་བྱས་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགེ་བ་ཁྱིམ་བདག་ཚེ། །བདེ་གཤེགས་དེ་མཐའ་ནོར་བུའི་སྤོས་དེ་ལ། །དགུན་སྨན་སྦྱར་ཐུགས་དག་ནི་གསོལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་པ་མཐིང་བུ་ཚོང་བའི་ཚེ། །དེ་བཞིན་གཤེགས་པ་ཞི་བ་རི་གནས་དེ་ལ། །མཐིང་བུའི་ནོར་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་མཆོག་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་གྲགས་པ་སྡུས་དེ་ལ། །གུར་གུམ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱན་སྡུག་སྤོས་ཚོང་ཁྱེའུའི་ཚེ། །དེ་བཞིན་གཤེགས་པ་ཚངས་པ་མཆོད་དེ་ལ། ། སྤོས་ཀྱི་ཕྱེ་མ་སྤར་གང་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀླུས་སྤྱིན་རྫ་མཁན་ཆུང་མའི་ཚེ། །དེ་བཞིན་གཤེགས་པ་ང་རོ་ཆེན་པོ་ལ། ། ཆུ་ཡིས་བཀང་བའི་སྣོད་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་ཏོག་ཚོང་དཔོན་ཚེ། །དེ་བཞིན་གཤེགས་པ་གྲགས་ 507a ༄#། །པ་དགྱེས་དེ་ལ། །གསེར་གྱི་ཁྲི་བསྟན་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྒྱན་པ་སྤོས་ཚོང་ཚེ། །དེ་བཞིན་གཤེགས་པ་མཁས་པ་གསལ་དེ་ལ། །སྤོས་ཀྱི་ཕུར་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞུམ་མེད་དབྱངས་ནི་ལྕགས་མགར་ཚེ། །དེ་བཞིན་གཤེགས་པ་སྨོན་ལམ་མཐའ་ཡས་ལ། །ལྕགས་ལས་བྱས་པའི་སྣོད་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ནི་དེད་དཔོན་ཚེ། །དེ་བཞིན་གཤེགས་པ་འགྲོ་བའི་འོད་ཟེར་ལ། །སྤོས་ཀྱི་རྡོ་གུ་དག་གི་གདུགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་ནི་བྱིན་པ་ཡི། །དེ་བཞིན་གཤེགས་པ་ལྟ་བར་བཟོད་དེ་ལ། །དཔྱིད་ཀ་ཆབ་རོམ་གོང་བུ་ཕུལ་ནས་ཀྱང། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེ་དག་ནི་མགར་བའི་ཚེ། །དེ་བཞིན་གཤེགས་པ་མེ་ཏོག་ཆེན་པོ་པ། །དེ་ལ་ཁབ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་སྣ་ཚོགས་ཤ་ན་མཁན་གྱི་ཚེ། །དེ་བཞིན་གཤེགས་པ་བསྒོམས་པའི་བདག་ 507b གཉིད་དེ་ལ་ནི། །ཤ་ན་དག་ལས་བྱས་པའི་ན་བཟའ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དཔའ་བོ་གྲོང་རྡལ་གྱི། །ཁྱེའུ་ཚེ་དེ་བཞིན་གཤགས་པ་བློ་གསལ་ལ། །ལ་དུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པདྨའི་སྙིང་པོ་རྩིས་པ་ཡིས། །ཁྱེའུ་ཚེ་དེ་བཞིན་གཤེགས་པ་མཁས་བློ་ལ། །མེ་ཏོག་སྙིམ་པ་བཀང་སྟེ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་རྒྱས་པ་ལག་བླའི་ཚེ། །དེ་བཞིན་གཤེགས་པ་ནོར་སྦྱིན་དེ་ལ་ནི། །དུས་མ་ཡིན་པར་བཅུད་ལྡན་བཏུད་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་རྩལ་སྟོབས་ནི་རལ་པ་ཅན། ། སྦྱིན་སྲེག་མཁན་ཚེ་དེ་བཞིན་གཤེགས་པ་པོ། །ཞུམ་མེད་དབྱངས་ལ་ཞུགས་འདི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་ཕུང་པོ་ཚོང་པའི་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟུགས་མཆོག་གྲོང་ཁྱེར་སྲུང་བའི་ཚེ། །དེ་བཞིན་གཤེགས་པ་ཟླ་བ་བཟང་པོ་ལ། །བཏུང་བ་བྱིན་གྱིས་བརླབས་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་ 508a ༄#། །བསྐྱེད་དོ། །དེ་བཞིན་གཤེགས་པ་སྐར་མཁན་སྤོས་ཚོང་ཚེ། །དེ་བཞིན་གཤེགས་པ་ངེས་པའི་གཟུགས་དེ་ལ། །སྤོས་ཀྱི་རྒྱུ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བའི་སྒྲོན་མེ་སློངས་མོའི་ཚེ། །དེ་བཞིན་གཤེགས་པ་རྣལ་འབྱོར་སེམས་དཔའ་ལ། ། འགྲོན་བུ་ཉི་ཤུ་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་ཕུལ་པོ་རྩཝ་ཐུན་ཚེ། །དེ་བཞིན་གཤེགས་པ་ཟབ་མོར་གནས་དེ་ལ། །རྩཝ་ལས་བྱས་པའི་གདུགས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་རྒྱལ་པོ་ཤིང་རྟ་ཡི། །མཁན་ཚེ་དེ་བཞིན་གཤེགས་པ་དཔལ་འོད་ལ། །ཤིང་རྟ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་ཟད་ཤིང་རྟ་མཁན་གྱི་ཚེ། །དེ་བཞིན་གཤེགས་པ་རབ་ཏུ་གདུལ་དཀའ་ལ། །བཞུགས་ཁྲིའུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མངོན་རྟོགས་ཅན་ནི་སྨན་པའི་ཚེ། །དེ་བཞིན་གཤེགས་པ་ཀུན་ཏུ་གཟིགས་དེ་ལ། །ལྡག་སྨན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་ 508b བསྐྱེད་དོ། །བདེ་གཤེགས་ཡན་ལག་རྒྱས་པ་ཕྱགས་རྗིའི་ཚེ། །དེ་བཞིན་གཤེགས་པ་ཟླ་བའི་སྒྲོན་དེ་ལ། །ལྷུང་བཟེད་ད་རབས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་ཤེས་རབ་མར་ཚོང་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །ཞུན་མར་སྲང་བརྒྱད་དག་ནི་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོག་ནི་བོད་རྫིའི་ཚེ། །དེ་བཞིན་གཤེགས་པ་ཟླ་བའི་གདུགས་དེ་ལ། །བཞུགས་པའི་རྡོ་གདན་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་ཚིམ་མཛད་རྒྱལ་བུའི་ཚེ། །དེ་བཞིན་གཤེགས་པ་འགྲོ་བའི་མུ་སྟེགས་ལ། །སེའུ་འབྲུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་བྱིན་ནི་མར་ཚོང་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། ། མར་ཁུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འཇམ་དབྱངས་རྫ་མཁན་ཚེ། །དེ་བཞིན་གཤེགས་པ་རིན་ཆེན་མཆོག་དེ་ལ། །རིལ་པོ་ཆུ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མགོན་པོ་རིགས་བུའི་ཚེ། །བདེ་གཤེགས་ 509a ༄#། །བཟང་པོ་ངོ་ཚ་མཁྱེན་པ་ལ། །འཆག་ས་དག་ནི་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་སྐྱེད་དོ། །བདེ་གཤེགས་ཆགས་མེད་མཛོད་ནི་མི་བཀྲེན་ཚེ། །དེ་བཞིན་གཤེགས་པ་བལྟ་བར་བཟོད་དེ་ལ། །ཚོད་མའི་གོང་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཙོ་བོས་བྱིན་ནི་ལྷ་ཡི་བུ། །དབང་ཕྱུག་ཚེ་ན་དེ་བཞིན་གཤེགས་པ་པོ། །སེངྒེའི་ང་རོ་དེ་ལ་བསྟོད་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཙོ་བོ་སྤོས་ཚོང་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །སྤོས་ལོའི་རོ་ལུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་མཐུ་རྩལ་ཤིང་སྲུང་ཚེ། །དེ་བཞིན་གཤེགས་པ་ཀུན་ཏུ་གསལ་དེ་ལ། །ཀོ་བི་ད་རའི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་འཕྲོ་དགེ་སློང་ཚེ། །དེ་བཞིན་གཤེགས་པ་དབྱར་གྱི་སྣོད་དེ་ལ། །བུ་རམ་ཆུ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབང་པོ་ཁྱིམ་བདག་ཚེ། །དེ་བཞིན་གཤེགས་པ་དགའ་བའི་དཔལ་དེ་ལ། །སྐྱེད་མོས་ཚལ་དག་དབུལ་བ་བྱས་ནས་ཀྱང ། །དང་པོར་ 509b བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤུགས་འཆང་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་མཉམ་པར་གནས་པ་པོ། །དེ་ལ་གདུགས་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐར་རྒྱལ་འཁོར་ལོས་བསྒྱུར་བའི་ཚེ། །བདེ་གཤེགས་ཀུན་གྱི་བློ་དེ་འཁོར་བཅས་ཐེར་འབུམ་དག ། དབྱར་གནས་ཆེན་པོ་ཕོངས་པ་མེད་པས་སྤྱན་དྲངས་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་བཟང་ཚོང་པའི་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །སྦྲང་རྩི་ཅི་བཞེད་པ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་བྱིན་འཛམ་གླིང་རྒྱལ་པོའི་ཚེ། །དེ་བཞིན་གཤེགས་པ་ཟླ་བའི་ཏོག་དེ་ཡི། །གཙུག་ལག་ཁང་ནི་བྱེ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཟུགས་བཟང་སྤོས་ཚོང་ཚེ། །དེ་བཞིན་གཤེགས་པ་བརྟུལ་ཞུགས་བརྟན་དེ་ལ། །སྤོས་ནི་སྲང་གི་བཞི་ཆ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྒྱལ་པོ་གསེར་རྟོག་ཚེ། ། དེ་བཞིན་གཤེགས་པ་ལྷ་ཡིས་མཆོད་དེ་ལ། །ཁྲོན་པ་ཆུ་ཡིས་གང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་གྲུབ་བྲམ་ཟེའི་ 510a ༄#། །ཚེ། །དེ་བཞིན་གཤེགས་པ་ཐལ་པར་རློག་དེ་ལ། །མཆོད་སྦྱིན་ཆེན་པོ་དག་ནི་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་སེངྒེའི་སྡེ་ནི་དབང་བློན་གྱི། །བུ་ཚེ་དེ་བཞིན་གཤེགས་པ་གྲགས་མཆོག་ལ། །བསྐྱེད་མོས་ཚལ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་ལྷའི་བུ་ནི་ཚོང་དཔོན་བུ་མོའི་ཚེ། །དེ་བཞིན་གཤེགས་པ་ཡོན་ཏན་ཐམས་ཅད་རྫོགས་པ་པོ། །དེ་ལ་ཞལ་བཀྲུ་བ་དག་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་རྒྱལ་པོའི་བཙུན་མོའི་ཚེ། །དེ་བཞིན་གཤེགས་པ་བློ་ལྡན་དེ་ལ་ནི། །རང་གི་རྒྱན་རྣམས་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་བ་རྒྱལ་པོའི་བུ་མོའི་ཚེ། །དེ་བཞིན་གཤེགས་པ་བདུད་རྩིའི་འོད་ཟེར་ཅན། ། དེ་ལ་ཐོད་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱ་ཆེན་སྙིང་པོ་ཚོང་པའི་ཚེ། །དེ་བཞིན་གཤེགས་པ་དབྱངས་ཅན་དེ་ལ་ནི། །མུ་ཏིག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་འོད་ཟེར་ལྕགས་སྲུང་ཚེ། །དེ་བཞིན་ 510b གཤེགས་པ་དབྱངས་གསལ་དེ་ལ་ནི། །སོག་མ་དག་ལས་བྱས་པའི་ཕྲེང་བ་ཕུལ། །དང་པར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨྲང་འདོན་འབྲུ་མར་མཁན་གྱི་ཚེ། །དེ་བཞིན་གཤེགས་པ་སྟོབས་ཆེན་དེ་ལ་ནི། །ལྷུང་བཟེད་འབྲུ་མར་དག་གིས་བཀང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲོན་རྒྱལ་རྩིས་པའི་བུར་གྱུར་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །མེ་ཏོག་འབྲས་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་བརྩེགས་ནི་ལྗོངས་དག་གིས། །ཕོ་ཉའི་ཚེ་ན་དེ་བཞིན་གཤེགས་པ་པོ། །བདུད་རྩི་གསལ་ལ་སྦྲང་རྩིའི་བཏུང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་མཆོག་ཤིང་སྲུང་ཚེ། །དེ་བཞིན་གཤེགས་པ་བྱང་ཆུབ་མཐུ་རྩལ་ལ། །མ་ཏུ་ལུང་ག་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ས་བདག་ཁྱིམ་བདག་ཚེ། །དེ་བཞིན་གཤེགས་པ་སྒྲ་མཆོག་སེམས་པ་ལ། །ཁང་བརྩེགས་གོས་ཀྱིས་གཡོགས་པ་དག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲོལ་བརྙེས་བཙོ་བླག་མཁན་གྱི་ཚེ། །དེ་བཞིན་གཤེགས་པ་བློ་གྲོས་དྲག་ཤུལ་ལ། །རས་ཡུག་ཁྲ་བོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་ 511a ༄#། །གཤེགས་གཙུག་གསེར་ཚོང་དཔོན་ཁྱེའུའི་ཚེ། །དེ་བཞིན་གཤེགས་པ་ཆུ་ལྷའི་མཐུ་རྩལ་ལ། །གསེར་གྱི་བུམ་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་བཟང་པོ་སློང་བའི་ཚེ། །དེ་བཞིན་གཤེགས་པ་བརྟུལ་ཞུགས་ཆེན་པོ་ལ། །རྩཝ་ཡི་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐུབ་དཀའ་གོ་རི་ཀ་ཡི་ཚེ། །དེ་བཞིན་གཤེགས་པ་འོད་ཟེར་འབར་བ་ལ། །གཤེགས་ཟམ་དག་ནི་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཐུབ་གསལ་དུང་ཚོང་ཚེ། །དེ་བཞིན་གཤེགས་པ་ཉོན་མོངས་མེད་བློ་ལ། །དུང་དག་སྤར་བ་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བའི་འོད་ཟེར་ཚོང་དུས་པའི། །ཁྱེའུའི་ཚེ་བདེ་གཤེགས་སེངྒེའི་དབྱངས་དེ་ལ། །ཁམ་ཕོར་མར་ཁུས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གསེར་འོད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ཤིན་ཏུ་དགྱེས་དེ་ལ། །མུ་ཏིག་ཆུན་ཕྲེང་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་ཡོན་ཏན་དབང་པོ་བློན་ཆེའི་ཚེ། །དེ་བཞིན་གཤེགས་པ་ 511b ལེགས་པར་རབ་ཏུ་གནས་པ་ལ། །དཔག་ཚད་གཅིག་པའི་བསྐྱེད་མོས་ཚལ་དག་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་གདུགས་བྲམ་ཟེའི་ཚེ། །རི་ཡི་རྩེ་མོ་ནས་ནི་བདག་མཆོངས་ནས། །དེ་བཞིན་གཤེགས་པ་ཉི་མའི་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་ལག་ནི་ཚོང་དཔོན་བུ་མོའི་ཚེ། །བདེ་བར་གཤེགས་པ་བདུད་རྩིའི་སྒྲོན་མ་དེ་ལ་ནི། །མེ་ཏོག་མྱ་ངན་འཚང་དག་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆགས་མེད་སྤོས་འཚོང་ཁྱིའུ་ཡི་ཚེ། །དེ་བཞིན་གཤེགས་པ་བྱང་ཆུབ་སྟབས་དེ་ལ། །སྲན་གྲེའུ་ཕུལ་གསུམ་ཞིག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་གྱོ་ནོམ་རྒྱལ་པོ་ཡི། །ཕོ་ཉའི་ཚེ་ན་བདེ་གཤེགས་རྒྱལ་བོ་ཡི། །བཤེས་གཉེན་དེ་ལ་ལ་ནི་གཅིག་བསྐོར་བྱས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་ཞི་བ་རྒྱལ་པོའི་བཙུན་མོའི་ཚེ། །དེ་བཞིན་གཤེགས་པ་ལེགས་པར་གཟིགས་དེ་ལ། །བུམ་པ་ཆུ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བྱིན་ཐམས་ཅད་དེད་དཔོན་ཚེ། །དགེ་འདུན་མང་པོར་ཞལ་ཟས་གསོལ་ནས་ཀྱང ། །དེ་བཞིན་ 512a ༄#། །གཤེགས་པ་རྙོག་པ་མེད་དོན་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྩི་སྨན་ལག་བླའི་ཚེ། །དེ་བཞིན་གཤེགས་པ་རྟོགས་པའི་མཆོག་དེ་ལ། །སྐྱུ་རུ་ར་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་གྲོལ་ཏོག་ནི་རྟེན་བཅས་ཚེ། །འདམ་རྫབ་དག་ཏུ་ཟམ་པ་བཙུགས་ནས་ཀྱང ། །དེ་བཞིན་གཤེགས་པ་མི་ཡི་ཟླ་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་མཛད་ཞིང་པའི་ཚེ། །དེ་བཞིན་གཤེགས་པ་འོད་འབར་དེ་ལ་ནི། །མེ་ཏོག་མར་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རྒྱལ་པོ་འབྲས་སཱ་ལུའི། །ཁུར་ཁྱེར་ཚེ་ན་བདེ་གཤེགས་པ་ཀུན་འོད་ལ། །མེ་ཏོག་ཀར་ནི་ཀ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འཇིགས་མཛད་དཔའ་བོའི་ཚེ། །དེ་བཞིན་གཤེགས་པ་བཀོད་པ་ཆེན་པོ་ལ། །རྒྱལ་མཚན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆུ་བོ་སྤོང་ནི་གྲོང་རྡལ་བྱིས་པའི་ཚེ། །དེ་བཞིན་གཤེགས་པ་སེངྒེའི་རྣམ་པར་བསྒྱིངས་པ་ཡི། །སྟོབས་ལ་མེ་ཏོག་ཨུཏྤལ་དག་ནི་གཏོར་ 512b ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐོགས་མེད་གྲགས་པ་སློང་བའི་ཚེ། །དེ་བཞིན་གཤེགས་པ་ལྷ་དགའ་དེ་ལ་ནི། །མོ་ཙ་ན་དག་ཕུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདེན་པའི་ཕུང་པོ་ཆང་ཚོང་ཚེ། །དེ་བཞིན་གཤེགས་པ་རི་དབང་མཚུངས་དེ་ལ། །རྫ་རྔ་དང་ནི་ལོ་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་སྙན་རྩཝ་ཚོང་ཚེ། །དེ་བཞིན་གཤེགས་པ་སྟོབས་ཆེན་དེ་ལ་ནི། །རྩཝ་སྤྱིལ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་དབང་མཚུངས་ནི་རྒྱལ་བུའི་ཚེ། །དེ་བཞིན་གཤེགས་པ་ཡིད་དུ་འོང་བའི་དབྱངས། །དེ་ལ་གདུགས་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་བརྩེགས་ལྷ་ཡི་བསྙེན་བཀུར་བ། །བྱེད་ཚེ་བདེ་གཤེགས་བསོད་ནམས་བརྩེགས་པ་ལ། །མི་ནོག་ཆང་པ་གང་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་གཟི་བརྗིད་རྒྱལ་བུའི་ཚེ། །དེ་བཞིན་གཤེགས་པ་ནོར་བུ་ཟླ་བ་ལ། །ཙུག་ཀྲ་ཀུ་རའི་འབྲས་བུ་བརྒྱད་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་མཛད་གར་མཁན་བུ་མོའི་ཚེ། །དེ་བཞིན་གཤེགས་ 513a ༄#། །པ་སྤྱིན་སྡུག་དེ་ལ་ནི། །རས་བལ་དག་གི་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་བཞི་སྐུ་ནི་ཕྲེང་རྒྱུད་ཚེ། ། དེ་བཞིན་གཤེགས་པ་སྙན་པར་གྲགས་དེ་ལ། །ཙམྤ་ཀ་ཡི་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡིད་འོང་གསུང་ནི་དམག་མིའི་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །རས་ཡུག་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་སྦྱངས་སྨན་པའི་ཚེ། །བདེ་གཤེགས་སེངྒེའི་མཆེ་བ་དགོངས་མལ་དུ། །འབྲུ་མར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆུ་ལྷ་གདུགས་མཁན་ཚེ། །དེ་བཞིན་གཤེགས་པ་རིན་ཆེན་མཆོད་འོས་ལ། །དུས་སུ་བསིལ་ཡབ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་པ་སེངྒེའི་ལོགས་ནི་དེད་དཔོན་ཚེ། །དེ་བཞིན་གཤེགས་པ་དྲི་ཞིམ་འོད་དེ་ལ། །སྟོན་མོ་ཆེན་མོ་དག་ནི་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་མཐུ་རྩལ་རྒྱལ་བུའི་ཚེ། །དེ་བཞིན་གཤེགས་པ་དགྲ་ཞིར་གྱུར་པ་ལ། །དངུལ་ལས་བྱས་པའི་གདན་ཁྲི་ཕུལ་ནས་ཀྱང ། །དང་པོར་ 513b བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐལ་པ་བཟང་པོ་དེད་དཔོན་ཚེ། །དེ་བཞིན་གཤེགས་པ་རྒྱལ་བའི་སྡེ་དེ་ལ། །གསེར་ལས་བྱས་པའི་བླ་བྲེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་འཁྲུགས་མདོག་ནི་རྫ་མཁན་ཚེ། །དེ་བཞིན་གཤེགས་པ་བདེན་པའི་བློ་དེ་ལ། །རྗེའུ་ཕྲུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་རྒྱལ་པོ་གྲོང་དཔོན་ཚེ། །གྲོང་ཁྱེར་དག་ནི་ཕྱག་དང་བྱས་ནས་ཀྱང ། །དེ་བཞིན་གཤེགས་པ་གཟི་བརྗིད་གོ་དགོས་ལ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྟོགས་མཛད་ལག་བླའི་ཚེ། །དེ་བཞིན་གཤེགས་པ་དེས་པར་རྟོགས་བཟོད་ལ། །ཀཱ་ར་བའི་རའི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱན་ལེགས་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་ཟླ་མཆོག་དཔལ་དེ་ལ། །ལྷུང་བཟེད་མོ་ར་ནས་བཀང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་གནས་བློ་ནི་ནད་པའི་ཚེ། །དེ་བཞིན་གཤེགས་པ་གླང་པོའི་སྟབས་ཏེ་ཡི། །ཉིན་མོ་བཞུགས་པའི་གནས་མལ་ཕྱག་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣང་བའི་འོད་ཟེར་ལྷ་འབངས་ཚེ། །དེ་བཞིན་གཤེགས་པ་མཁས་པའི་གཙོ་དེ་ 514a ༄#། །ལ། །མར་མེའི་སྙིང་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་གཟི་རྒྱལ་པོའི་ཚེ། །དེ་བཞིན་གཤེགས་པ་བདེན་པ་དགྱེས་དེ་ལ། །ུཏྤལ་སྔོན་པོ་གཅིག་ཅིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་དགའ་མཛད་པ་ཤིང་རྟ་མཁན། །བྱེད་ཚེ་བདེ་གཤེགས་ཨུཏྤལ་དྲི་དེ་ལ། །སྣམ་ཕྱི་ས་དག་ནི་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཡོད་གཤེགས་པ་ལག་བླའི་ཚེ། །དེ་བཞིན་གཤེགས་པ་སྤོས་ཀྱི་དབང་ཕྱུག་ལ། །ལོ་མའི་སྤྱིལ་བུ་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁྲོ་བཅོམ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ཙམ་པའི་མཆོག་དེ་ལ། །རྫིང་བུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་གཟུགས་མཆོག་ཐག་པ་ཡི་ཚེ། །དེ་བཞིན་གཤེགས་པ་བརྟུལ་ཞུགས་སྙོམས་པ་ལ། །དབྱར་གནས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་གཤེགས་རོལ་མོ་མཁན་གྱི་ཚེ། །དེ་བཞིན་གཤེགས་པ་ཤིས་པའི་དཔལ་དེ་ལ། །རོལ་མོའི་རྔ་ཆེན་བརྡུངས་ཏེ་མཆོད་ 514b ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་སྦྱིན་གྲགས་པ་ལ་ཀུ་ས་བྱེད་ཚེ། །དེ་བཞིན་གཤེགས་པ་གཟི་བརྗིད་ཆེན་པོ་དེ་ལ་ནི། །འདག་པའི་ཆལ་དག་སྦྱར་ཏེ་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་གཙང་ཁྱིམ་བདག་ཚེ། །དེ་བཞིན་གཤེགས་པ་སྣ་ཚོགས་གསུང་དེ་ལ། །བུ་ཡུག་ལངས་ཚེ་འཇམས་དང་བཏུང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཉི་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་འདམ་ལས་རྒལ་བ་ལ། །ཞུན་མར་ཅི་དགོས་པ་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་བྱིན་ནི་ཕུལ་མཁན་ཚེ། །དེ་བཞིན་གཤེགས་པ་མཐའ་ཡས་སྤྱན་དེ་ལ། ། ཕུབ་དག་བྱས་ཏེ་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཉམ་བཞག་བདག་ཉིད་ཁྱིམ་བདག་ཚེ། །དེ་བཞིན་གཤེགས་པ་བློ་འབར་དེ་ལ་ནི། །ཏིལ་འབྲུ་སྤར་བ་བཀང་སྟེ་གཏོར་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་མདངས་འབྲུ་མར་སྦོས་ཅན་མཁན་གྱི་ཚེ། །དེ་བཞིན་གཤེགས་པ་མཆོད་པར་འོས་པའི་དཔལ་དེ་ལ། །སྣ་མའི་མེ་ཏོག་ཡོད་པའི་འབྲུ་མར་སྲང་བརྒྱད་ཕུལ། །དང་པོར་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ 515a ༄#། །རྒྱལ་རིགས་ལམ་སྟོན་ཚེ། །དེ་བཞིན་གཤེགས་པ་སྣ་ཚོགས་དབྱངས་དེ་ལ། །ལམ་སྲང་དག་ནི་མཚོན་པར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐལ་ལྡན་ཤིང་རྟ་བུ་རམ་ཚང་མཁན་ཚེ། །དེ་བཞིན་གཤེགས་པ་ཡོན་ཏན་དམིགས་པ་བྱིན་དེ་ལ། །སྐྱུ་རུ་ར་ཡི་བཅུད་བདག་ནི་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གསེར་མཆོག་ཚཝ་ཚོང་ཚེ། །དེ་བཞིན་གཤེགས་པ་གཙང་མར་གནས་དེ་དག་།ཟླ་བ་གསུམ་དུ་ཚཝ་ལ་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་གྲོལ་གཙུག་ཤིང་སྲུང་བའི་ཚེ། །དེ་བཞིན་གཤེགས་པ་དྲི་ཞིམ་སྤོས་དེ་ལ། །རྒུན་འབྲུའི་བཅུད་ཁུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ལྡན་ཡུར་བ་མཁན་གྱི་ཚེ། །ཡུར་བ་དག་ནི་བརྐོས་ཏེ་བྱས་ནས་ཀྱང ། །དེ་བཞིན་གཤེགས་པ་ཟླ་བའི་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་གནས་ཚོང་དཔོན་ཆུང་མའི་ཚེ། །དེ་བཞིན་གཤེགས་པར་རི་བོའི་ཕུང་པོ་ལ། །དབྱར་གནས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་ 515b པ་དྲེགས་སྤངས་སྨན་པའི་ཚེ། །དེ་བཞིན་གཤེགས་པ་མེ་ཏོག་དེ་ལ་ནི། །འབྲུ་མ་རབ་བཏུང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་མཛོད་ནི་ཐགས་མཁན་ཚེ། །དེ་བཞིན་གཤེགས་པ་བློ་གྲོས་མཆོག་དེ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་གཤེགས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་མཆོད་པར་འོས་དེ་ལ། །མེ་ཏོག་བཪྴིའི་ཆུན་ཕྲེང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་ཙནྡན་ཚོང་པའི་ཚེ། །དེ་བཞིན་གཤེགས་པ་རི་དབང་བརྩེགས་པ་ལ། །བ་སོ་དག་ལས་བྱས་པའི་གདན་ཁྲི་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་མེད་པ་གསེར་མགར་ཚེ། །དེ་བཞིན་གཤེགས་པ་འོད་འབར་དེ་ལ་ནི། །དངུལ་ལས་བྱས་པའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་སེངྒེའི་འོད་ཟེར་ནི། ། བ་ཀ་རར་གྱུར་ཚེ་དེ་བཞིན་གཤེགས། །སྣང་བའི་གཙོ་ལ་ཨ་བ་ཀན་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་ཏོག་ནི་ཚོང་བའི་ཚེ། །བདེ་གཤེགས་སྣ་ཚོགས་དབྱངས་རྒྱན་དེ་ལ་ནི། །བ་སོའི་ཁང་བ་བརྩེགས་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་ 516a ༄#། །གཤེགས་པདྨའི་སྙིང་པོ་དགེ་སློང་ཚེ། །འཇི་བ་དག་ལས་གཟུགས་ནི་བྱས་ནས་ཀྱང ། །དེ་བཞིན་གཤེགས་པ་དོན་ལ་དགྱེས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་མཐའ་ཡས་ཆང་ཚོང་ཚེ། །དེ་བཞིན་གཤེགས་པ་སྤྱོད་པ་གསལ་དེ་ལ། །བཀྲུ་བ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་འོད་ཟེར་དགེ་སློང་ཚེ། །བཅོ་ལྔའི་ཚེ་ན་ཆོས་ཀྱི་སྦྱིན་བྱས་ནས། །དེ་བཞིན་གཤེགས་པ་མྱ་ངན་སྤོང་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་མེ་ཏོག་སྤུག་ཚོང་ཚེ། །དེ་བཞིན་གཤེགས་པ་མངོན་ཤེས་འོད་དེ་ལ། །སྤུག་གི་ནོར་བུ་དག་ནི་ཕུལ་ནས་ཀྱང ། །དང་པོར་བྱས་བྱང་ཆུབ་ཏུ་ནི་སེམས་བསྐྱེད་དོ། །བདེ་བཞིན་གཤེགས་པ་མཁས་པ་འབྲས་ཚོང་ཚེ། །དེ་བཞིན་གཤེགས་པ་མདངས་ཀྱི་སྟོབས་དེ་ལ། །འབྲས་ཀྱིས་སྤར་བ་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་འབྱོར་ལྡན་ནི། །ཤིང་རྟ་མཁན་ཚེ་བདེ་གཤེགས་གསལ་བའི་དཔལ། །དེ་ཡི་རླུང་སྐྱབས་དག་ནི་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱིག་ཤིང་སྲུང་ཚེ། །དེ་བཞིན་གཤེགས་པ་མཐོང་བར་གྲགས་དེ་ལ། །ག་ན་ཀོ་དག་དབུལ་ 516b བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕྱག་ན་རིན་ཆེན་རྒྱལ་པོའི་ཚེ། །དེ་བཞིན་གཤེགས་པ་རྣལ་གྲོལ་འོད་ཟེར་དེའི། །ན་བཟའ་དག་ནི་ཁ་དོག་བསྒྱུར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབང་ལྡན་ཚལ་གྱི་ལས་བྱེད་ཚེ། །དེ་བཞིན་གཤེགས་པ་ཡིད་གཉིས་རྣམ་གནོན་ལ། །ཁ་ར་རྫུ་རའི་འབྲས་བུ་བརྒྱད་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྫོགས་པར་གསུང་བ་ཤིང་སྲུང་ཚེ། །དེ་བཞིན་གཤེགས་པ་དུས་མཁྱེན་རྒྱལ་པོ་ལ། །སྟར་ཀ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོག་སྲུང་ཤིང་སྲུང་ཚེ། །དེ་བཞིན་གཤེགས་པ་ནགས་ཀྱི་མེ་ཏོག་ལ། །འགོ་ད་ར་ནའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོད་འོས་རྒྱལ་བུའི་ཚེ། །རྫིང་བུ་དག་ནི་བྱས་ཏེ་བཤམས་ནས་ཀྱང ། །དེ་བཞིན་གཤེགས་པ་མེ་ཏོག་དཔལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མ་བློན་པོ་ཆེན་པོའི་ཚེ། །བདེ་གཤེགས་རྣམ་པར་སྨིན་པ་ཆེན་པོ་ལ། །རྡོ་ལས་བྱས་པའི་ཁང་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འདམ་ལས་རྒལ་བ་སྐུད་ཚོང་ཚེ། །དེ་བཞིན་གཤེགས་པ་ 517a ༄#། །གྲགས་པ་ཆེན་པོ་ལ། །སྐུད་པ་སྲང་གཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་བརྙེས་པ་ཆང་ཚོང་ཚེ། །དེ་བཞིན་གཤེགས་པ་གཤེགས་པར་དགྱེས་དེ་ལ། །བཅུད་ཁུའི་བཏུང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲུབ་པ་ཚོང་དཔོན་ཚེ། །དེ་བཞིན་གཤེགས་པ་བདུད་རྩི་རྣམ་གནོན་ལ། །གྲོང་གི་མཆོག་མ་བཅུ་ཞིག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྨ་བྱ་འབྲུ་མར་མཁན་གྱི་ཚེ། །དེ་བཞིན་གཤེགས་པ་ཉི་མའི་ཕུང་པོ་ལ། །མེ་ཏོག་བརིཤས་བསྒོས་པའི་འབྲུ་མར་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་སྦྱིན་རྒྱལ་བུའི་ཚེ། །དེ་བཞིན་གཤེགས་པ་ཟླ་བའི་དབྱངས་དེ་ལ། །སིལ་སྙན་བརྒྱ་ཡིས་མཆོད་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཕན་བཞེད་མགར་པའི་ཚེ། །དེ་བཞིན་གཤེགས་པ་ལྷ་ཡི་མེ་ཏོག་ལ། །དྲ་གྲི་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་ལྡན་པ་དུད་འབུད་ཚེ། །དུང་སྒྲ་དག་ནི་འབུད་པ་བྱས་ནས་ཀྱང ། །དེ་བཞིན་གཤེགས་པ་རྣམ་དག་འོད་དེ་ལ། །དང་པོར་བྱང་ཆུབ་ཏུ་ 517b ནི་སེམས་བསྐྱེད་དོ། །དེ་བཞིན་གཤེགས་པ་གྲངས་པ་ཚོང་པའི་ཚེ། །དེ་བཞིན་གཤེགས་པ་སྟོན་ཀའི་ཉི་མ་ལ། །ནོར་བུ་བཻ་ཌཱུརྱ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་དྲ་པ་ལོ་མའི་ཁུར་འཁྱེར་ཚེ། །དེ་བཞིན་གཤེགས་པ་སྣང་བ་བལྟ་ན་སྡུག་དེ་ལ། །ཧི་མིན་ཛ་ལའི་མེ་ཏོག་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཻ་ཌཱུརྱ་སྙིང་ཤིང་སྲུང་ཚེ། །དེ་བཞིན་གཤེགས་པ་བརྟེན་པའི་བློ་དེ་ལ། ། མྲ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མེ་ཏོག་ཤིང་སྲུང་ཚེ། །དེ་བཞིན་གཤེགས་པ་ལྗོན་པའི་མེ་ཏོག་ལ། །ཏངྒའི་མེ་ཏོག་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་པ་ལྷ་ཡི་རྒྱལ་པོ་དེད་དཔོན་ཚེ། །དེ་བཞིན་གཤེགས་པ་འབར་བའི་དབྱངས་དེ་ལ། །སྐྱེད་མོས་ཚལ་ནི་བཅུ་སྙེད་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་ཟླ་བ་མགར་བའི་ཚེ། །དེ་བཞིན་གཤེགས་པ་བདུད་རྩིའི་གོ་ཆ་ལ། །རིལ་པ་སྤྱི་ལུགས་དག་ནི་ཕུལ་ནས་ཀྱང ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲན་འོད་ལྕགས་མགར་ཚེ། །དེ་བཞིན་གཤེགས་པ་སེངྒེའི་སྒྲ་དེ་ལ། །སྣར་བླུག་པ་ཡི་སྤྱད་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་ 518a ༄#། །གཤེགས་པ་དགེ་འོད་དགེ་སློང་ཚེ། །དེ་བཞིན་གཤེགས་པ་དགེ་བའི་ལྷ་དེ་ལ། །ནོར་བུའི་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཆོག་མ་ཀུན་གྱི་འོད། །ཚོང་པའི་ཚེ་ན་བདེ་གཤེགས་དབྱངས་མཆོག་ལ། །ཤིང་ན་ག་ཡི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རིན་པོ་ཆེ་ཡི་དཔལ། །ཕྱག་དར་པ་ཚེ་བདེ་གཤེགས་དཔལ་དགྱེས་ལ། །གཙུག་ལག་ཁང་དང་ཕྲང་བ་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེས་བུ་ཟླ་བ་བྲམ་ཟེའི་ཚེ། །གཅོད་རོང་དག་ཏུ་ཟམ་པ་བྱས་ནས་ཀྱང ། །དེ་བཞིན་གཤེགས་པ་བདུད་རྩིའི་གྲགས་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྒྲ་ཅན་བྲམ་ཟེའི་ཚེ། །དེ་བཞིན་གཤེགས་པ་ཆོས་ཀྱི་མེ་ཏོག་གི་།གདན་དག་ཡུང་ཙམ་གདིང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩིའི་འོད་ནི་གཞན་བྲན་ཚེ། །དེ་བཞིན་གཤེགས་པ་བཀོད་པ་ཆེན་པོ་ལ། །ཉིན་མོ་བཞུགས་པའི་གནས་སུ་གདན་བཏིང་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་མཆོག་མ་ཚོང་དཔོན་གྱི། །པུ་ཚེ་བདེ་གཤེགས་འཇིག་རྟེན་བླ་ 518b མ་ལ། །དྷ་ནུ་ཀ་རའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐར་འོད་དེང་དཔོན་ཚེ། །བདེ་གཤེགས་པ་བློ་མཆོག་ལམ་དུ་ཞུགས་པ་ན། །མཚན་མོ་རྩཝ་སྒྲོན་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞི་བའི་སྟབས་ནི་རྒྱལ་པོའི་བུ། །ཁང་བཟང་འཛེག་ཚེ་བདེ་གཤེགས་ལྷུན་འོད་ལ། །མེ་ཏོག་དག་གི་ཆུན་པོ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རྒྱ་མཚོ་མི་བཀྲེན་ཚེ། །དེ་བཞིན་གཤེགས་པ་བདུད་རྩིའི་འོད་གཟི་ལ། །སྐྱུ་རུ་མ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་དབང་ཕྲེང་རྒྱུད་བུ་མོའི་ཚེ། །དེ་བཞིན་གཤེགས་པ་བྱང་ཆུབ་གཟི་བརྗིད་ལ། །མེ་ཏོག་ཕྲེང་བ་ཁྲུ་གང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་ནི་སྨན་པའི་ཁྱེའུའི་ཚེ། །དེ་བཞིན་གཤེགས་པ་དགོངས་པ་སྦྱངས་པ་ལ། །སྙུན་གྱི་གསོས་སྨན་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཐུ་སྟོབས་སྤྱད་རྫིའི་ཚེ། །དེ་བཞིན་གཤེགས་པ་ཏོག་གི་འོད་དེ་ལ། །ཙན་ཙ་དི་ཀ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་དབང་རྩིས་པའི་ཁྱེའུའི་ཚེ། །དེ་བཞིན་གཤེགས་པ་དགྲ་ཐུལ་དེ་ལ་ 519a ༄#། །ནི། །མེ་ཏོག་མྱ་ངན་འཚང་གི་ཆུན་པོ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་སྙན་སྤོས་ཚོང་ཚེ། །དེ་བཞིན་གཤེགས་པ་བདུད་རྩིའི་མེ་ཏོག་གི་།བཞུགས་ཁང་སྤོས་ཀྱི་བྱུག་པས་བྱུགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ངོས་བཟང་རྩལ་ཆེན་བྲམ་ཟའི་ཚེ། །དེ་བཞིན་གཤེགས་པ་གྲགས་པ་ཆེན་པོ་ལ། །འདུན་ཁང་དག་ནི་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་གནས་མི་བཀྲེན་ཚེ། །དེ་བཞིན་གཤེགས་པ་ངན་པར་དགོངས་དེ་ལ། །སྣོད་དག་ཆུ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་གཟི་བརྗིད་དཔལ་ནི་ཁྱིམ་བདག་ཚེ། །དགེ་འདུན་དག་ལ་རྙེད་པ་སྣུམ་པ་ཕུལ་ནས་ཀྱང ། །དེ་བཞིན་གཤེགས་པ་བྱང་ཆུབ་དམ་པ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཁྱེན་ལྡན་ཟླ་མེད་རྩིས་པའི་ཚེ། །དེ་བཞིན་གཤེགས་པ་ལྷ་ཡིས་མཆོད་དེ་ལ། །གུར་གུམ་བྱུག་བ་ལག་གྱིས་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རོ་དཔག་མེད་ཕྱུགས་རྫིའི་ཚེ། །དེ་བཞིན་གཤེགས་པ་འདམ་ལས་རྒལ་བ་ལ། །ཧ་རི་ནི་ཀའི་མེ་ 519b ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་བཟངས་སྤོས་ཚོང་ཚེ། །དེ་བཞིན་གཤེགས་པ་སྲིད་པ་གསལ་བ་ལ། །ཀུན་ཏུ་རི་ཀའི་བདུག་པས་གདུགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་ཐུགས་གཞུངས་མི་བཀྲེན་ཚེ། །དེ་བཞིན་གཤེགས་པ་ཆོས་ཀྱི་མེ་ཏོག་ལ། །ཐལ་མོ་སྦྱར་བ་བྱས་ཏེ་ཕྱག་འཚལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་དགོངས་གཏི་མུག་བྲལ། །འཁོར་ལོས་བསྒྱུར་ཚེ་བདེ་གཤེགས་དཔལ་ཆེན་ལ། །གྲོང་ཁྱེར་དཔག་ཚད་བཅུ་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབྱངས་ཀྱི་ཡན་ལག་ཁྱད་པར་འཕགས། །ཤིང་སྲུང་ཚེ་ན་བདེ་གཤེགས་འོད་བྱེད་ལ། །ཕ་གུའི་འབྲས་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོག་ཏུ་མཛེས་གཤེགས་རྩིས་པ་ཡི། ། བྲན་མོའི་ཚེ་ན་བདེ་གཤེགས་མེ་འོད་ལ། །མེ་ཏོག་ཀར་ནི་ཀ་རས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞི་དོན་རྒྱལ་པོའི་ཕོ་ཉ་ཚེ། ། དེ་བཞིན་གཤེགས་པ་བལྟ་ན་སྡུག་པ་ལ། །ལན་གྲངས་བརྒྱ་སྙེད་བསྐོར་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐྱོན་མེད་རྟེན་ 520a ༄#། །བཅས་ཚེ། །དེ་བཞིན་གཤེགས་པ་སྣང་བར་དགྱེས་པ་ལ། །མོན་སྲན་སྡེ་འུའི་ཡི་འབྲས་བུ་ཕུལ་ནས་ཀྱང ། །དང ། །པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་བློ་སྦྱངས་དགེ་བ་ཤིང་ཚོང་ཚེ། །སྒོ་གང་དག་ནི་དབུལ་བ་བྱས་ནས་ཀྱང ། །དེ་བཞིན་གཤེགས་པ་དགའ་བའི་དབྱངས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པདྨའི་མཛོད་ནི་དགེ་སློང་ཚེ། །དེ་བཞིན་གཤེགས་པ་མཆོད་སྦྱིན་བྱིན་པ་ལ། །སྐུ་ཡི་ཁྲུས་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་བཟང་པོ་དབུལ་བའི་ཚེ། །དེ་བཞིན་གཤེགས་པ་བདེན་པའི་མཐུ་རྩལ་ལ། །བསོད་སྙོམས་དག་ནི་དབུལ་བ་བྱས་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་པའི་མཆོག་ནི་ཤིང་སྲུང་ཚེ། །དེ་བཞིན་གཤེགས་པ་ཐོགས་མེད་བློ་དེ་ལ། །ཤུ་ཏིའི་མེ་ཏོག་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྟེགས་བཟང་སྒོ་བའི་ཚེ། །བདེ་གཤེགས་མདངས་འོད་གྲོང་ཁྱེར་གཤེགས་པ་ནི། །ཐལ་མོ་སྦྱར་ཏེ་ཕྱག་དག་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་དབང་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ཟླ་བའི་སྙིང་པོ་ལ། །རྣ་ 520b རྒྱན་ཕྲེང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བསྙེངས་བྲལ་བྲམ་ཟེའི་ཚེ། །དེ་བཞིན་གཤེགས་པ་ཚངས་པའི་འོད་དེ་ལ། །མེ་ཏོག་ཏ་ར་ནི་ཡིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་བཞེང་པ་དབུལ་པོའི་ཚེ། །དེ་བཞིན་གཤེགས་པ་བཀོད་པ་ཆེན་པོ་ནི། །ཕོངས་པ་མེད་པས་སྤྱན་དག་དྲངས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་ཅན་དཀའ་ཐུབ་ཅན་གྱི་ཚེ། །དེ་བཞིན་གཤེགས་པ་བདེ་བའི་འོད་དེ་ལ། །ལོ་མའི་སྤྱིལ་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་མཆོག་ཚོང་པའི་ཚེ། །དེ་བཞིན་གཤེགས་པ་འོད་མཆོག་དེ་ལ་ནི། ། ག་རུ་ཡི་བདུག་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་བ་ཤིང་ཐུན་ཚེ། །དེ་བཞིན་གཤེགས་པ་ཞི་བའི་འོད་དེ་ལ། །བ་རུ་ར་ཡི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་ནི་ཟླ་འོད་ཚོང་པའི་ཚེ། །བདེ་གཤེགས་ཡིད་གཉིས་ལས་ནི་འདས་པ་ལ། །ནོར་བུ་རིན་ཆེན་མེ་ཤེལ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསྙེངས་མེད་མདུན་འདོན་བུར་གྱུར་ཚེ། །བདེ་གཤེགས་འཁྲུལ་བ་མེད་པའི་བློ་ 521a ༄#། །ལྡན་ལ། །སིནྡྷུ་བ་རའི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟུགས་པ་ཆེན་པོ་རྩཝ་ཐུན་ཚེ། །དེ་བཞིན་གཤེགས་པ་བརྟུལ་ཞུགས་འབྱོར་དེ་ལ། ། ག་རུ་ཡི་འབྲས་བུའི་ཕྱེ་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱངས་སྨན་པའི་ཚེ། །དེ་བཞིན་གཤེགས་པ་ཡན་ལག་མཛེས་པ་ལ། །རྒྱ་ཤུག་འབྲས་བུའི་ཕྱེ་མ་ཕུལ་ནས་ཀྱང ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབྱངས་བཟང་ལྷ་རིས་པ་ཡི་ཚེ། །བུ་ཡུག་ལངས་ཚེ་ཁང་བ་ཕྱགས་ནས་ཀྱང ། །དེ་བཞིན་གཤེགས་པ་བསྙེངས་མེད་དགྱེས་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་ཚེ་སྟེགས་ནད་པའི་ཚེ། །དེ་བཞིན་གཤེགས་པ་རྣམ་གྲངས་དབྱངས་དེ་ལ། །པི་པི་ལིང་གི་འབྲས་བུ་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་ཟླ་མེད་ཚོང་པའི་ཚེ། །དེ་བཞིན་གཤེགས་པ་དབྱངས་ནི་ཆེན་པོ་དེ། །ཉི་མ་འགའ་ཞིག་བཞུགས་པར་གསོལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེ་མཁྲེགས་ནི་བྱིས་པའི་ཚེ། །དེ་བཞིན་གཤེགས་པ་རྣམ་པར་འབྱེད་ལྡན་ལ། ། 521b ཏིལ་དང་འདྲེས་པའི་འབས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་བློ་གྲོས་རྫ་མཁན་ཚེ། །དེ་བཞིན་གཤེགས་པ་དགོངས་པ་ཆེན་པོ་ལ། །མེ་ཏོག་བཪྴི་ཀ་དག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྗོན་ཤིང་དབང་པོ་རྒྱལ་པོ་ཡི། །ཕོ་ཉའི་ཚེ་ན་བདེ་གཤེགས་གཟུགས་གསལ་ལ། །སྐུ་རིགས་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གདངས་སྙན་འགྲོན་པའི་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་དེ། །འཇིགས་པ་མེད་པས་ལམ་ཀར་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་སྟོབས་ནི་ཚོང་དཔོན་ཚེ། །དེ་བཞིན་གཤེགས་པ་བདེ་བར་གཟིགས་དེ་ལ། །ཞུན་མར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། དེ་བཞིན་གཤེགས་པ་མཐུ་དཔལ་དགེ་སློང་ཚེ། །བཟོད་པ་དག་ནི་བསྒོམས་པ་བྱས་ནས་ཀྱང ། །དེ་བཞིན་གཤེགས་པ་གནོད་པ་སྤངས་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཕགས་དགྱེས་དགོན་པའི་དགེ་སློང་ཚེ། །དེ་བཞིན་གཤེགས་པ་ཞི་བ་གསལ་དེ་ལ། །སྲན་གྱི་ཕྱེད་ཙམ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཐུ་སྟོབས་ཕྲེང་རྒྱུད་ཚེ། ། 522a ༄#། །དེ་བཞིན་གཤེགས་པ་རིམས་མེད་བློ་ལྡན་ལ། །འབྲས་བུས་རབ་མཆོག་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་དགྱེས་བཅའ་བ་མཁན་གྱི་ཚེ། །དེ་བཞིན་གཤེགས་པ་དགྲ་བཅོམ་སྟེགས་དེ་ལ། །སྣོད་དག་སྦྲང་རྩིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྲིན་གྱི་རྔ་སྒྲ་སྤོས་ཚོང་ཚེ། །དེ་བཞིན་གཤེགས་པ་བློ་ལྡན་ལེགས་བསགས་ལ། །ུ་ཤི་ར་ཡི་ཕྱེ་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྱན་དག་སྡུག་པའི་ཞལ། །ཕྱག་དར་པ་ཚེ་རྔ་ཆེན་བརྡུངས་ནས་ཀྱང ། །དེ་བཞིན་གཤེགས་པ་ཀུན་ཏུ་གསལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་བཟང་པོ་འདུན་དཔོན་ཚེ། །དེ་བཞིན་གཤེགས་པ་ཟླ་བའི་གཟི་བརྗིད་ལ། །སྣོད་དག་འོ་མས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འབྱོར་ལྡན་རྟེན་བཅས་ཚེ། །དེ་བཞིན་གཤེགས་པ་ལྷ་ཡི་མཆོད་ནས་ལ། །ལ་དུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ཕུང་པོ་ཀུན་ཏུ་རྒྱུ་རྒྱུའི་ཚེ། །དེ་བཞིན་གཤེགས་པ་ལྷ་ཡི་དབྱངས་དེ་ལ། ། 522b ཀྲིསྣ་ས་རའི་པགས་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གསལ་བ་རྒྱལ་པོའི་བུ་མོའི་ཚེ། །དེ་བཞིན་གཤེགས་པ་མེ་ཏོག་ཉི་མ་ལ། །གསེར་གྱི་ཕྲེང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་རྒྱལ་མཚན་སློང་བའི་ཚེ། །དེ་བཞིན་གཤེགས་པ་ལེགས་གནས་ཞབས་དེ་ལ། །གོས་ཀྱི་རས་མ་སོར་བཞི་ཙམ་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་ང་རོ་ཚོང་དཔོན་གྱི། །བུ་ཚེ་དེ་བཞིན་གཤེགས་པ་ཏོག་དེ་ལ། །ཚེམས་ཤིང་དག་ནི་དབུལ་བ་བྱས་ཞེས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ནམ་མཁའ་ཤིང་ཐུན་ཚེ། །བདེ་གཤེགས་སྣ་མའི་མེ་ཏོག་གསལ་དེ་ལ། །རྒྱ་ཤུག་དག་གི་འབྲས་བུ་ཕུལ་ནས་ཀྱང ། །དང་པོར་བྱང་ཆབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་སྦྱིན་ང་རོ་རྟེན་བཅས་ཚེ། །དེ་བཞིན་གཤེགས་པ་སྟོབས་ཀྱི་འོད་དེ་ལ། །བལ་སྲིན་གྲེའུ་དང་སྦྱར་བའི་འབྲུ་མར་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་རྣམ་འགོང་ང་རོ་ནི། །རལ་པ་ཅན་ཚེ་བདེ་གཤེགས་ཡོན་ཏན་བཞེས། །དེ་ལ་དཀའ་ཐུབ་གནས་དག་ཕུལ་ནས་ཀྱང ། །དང་པོར་ 523a ༄#། །བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འོད་ཟེར་གཟི་བརྗིད་བཟང་མཁན་ཚེ། །དེ་བཞིན་གཤེགས་པ་ཆོས་ཀྱི་མེ་ཏོག་དེ་ཡི་ནི། ། ཆོས་གོས་སྣམ་སྦྱར་དག་ནི་དྲུབ་པ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲང་སྲོང་དབང་པོ་བསོད་སྙོམས་ཚེ། །དེ་བཞིན་གཤེགས་པ་གཟི་བརྗིད་མཛེས་པ་ལ། །ཁབ་རལ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་ལྡན་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་ཟླ་བ་སྣང་མཛད་ལ། །ལྷུང་བཟེད་འོ་མས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་པའི་ཚོགས་ནི་རྒྱལ་བུའི་ཚེ། །དེ་བཞིན་གཤེགས་པ་ཞི་བའི་འོད་དེ་ལ། །ཙམྤ་ཀ་ཡི་ཚལ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་སྦྱིན་བཟང་པོ་ཤིང་ཐུན་ཚེ། །བདེ་གཤེགས་ཀུན་ཏུ་ཡོན་ཏན་མཆོག་དེ་ལ། །ཤིང་བིལ་བ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་བཞིན་གཤེགས་པ་ཟླ་ཞལ་མར་ཚོང་ཚེ། །བདེ་བཞིན་གཤེག་པ་གཟི་བརྗིད་རྣམ་རྒྱལ་ལ། །ཞུན་མར་དག་ནི་དབུལ་བ་བྱས་ནས་ཀྱང ། །དང་པོར་ 523b བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་གཟིགས་པ་ད་ནུར་མཁན། བྱད་ཚེ་དེ་བཞིན་གཤེགས་པ་ལྷས་མཆོད་ལ། །བག་ཚོས་དག་ནི་དབུལ་བ་བྱས་ནས་ཀྱང ། ། དང་པོར་བྱང་ཏུ་ནི་སེམས་བསྐྱེད་དོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་དྲུག་པ་སྟེ་ཐ་མ། དེ་བཞིན་གཤེགས་པ་རྡུལ་བྲལ་འབྲེག་མཁན་ཚེ། །དེ་བཞིན་གཤེགས་པ་ལྷ་ཡི་དབྱངས་དེ་ལ། །སྤུ་གྲི་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ཚོགས་ནི་ཁྲུས་པའི་ཚེ། །བདེ་གཤེགས་འཁྲུལ་པ་མེད་པར་སྦྱོར་བ་ལ། །ཀྲུས་ཁང་དག་ནི་བྱས་ཏེ་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཏོག་ལྡན་ཁྱིམ་བདག་ཚེ་ན་དེ་བཞིན་གཤེགས། །བརྩོན་འགྲུས་ཆེན་པོ་འཁོར་དང་བཅས་པ་བྱེ་བ་དག་།དབྱར་གནས་ཟླ་གསུམ་ཞལ་ཟས་རོ་བརྒྱ་པ་གསོལ་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་སྤོབས་པ་དབུལ་པོའི་ཚེ། །ད་བཞིན་གཤེགས་པ་ཡིད་འོང་དབྱངས་དེ་ལ། །མར་མེའི་སྙིང་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་རབ་སྦྱིན་བྱི་བོ་བྱེད་པའི་ཚེ། ། 524a ༄#། །ཉི་མ་འགའ་ཞིག་ཚངས་པར་སྤྱོད་པ་མནོས་ནས་ཀྱང ། །དེ་བཞིན་གཤེགས་པ་ཀུན་ཏུ་དབྱངས་ཅན་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་དབྱེས་པ་རྒྱལ་བུའི་ཚེ། །དེ་བཞིན་གཤེགས་པ་སྨོན་ལམ་སྦྱངས་པ་ལ། །སྒེའུ་གཤེར་མེ་ཏོག་དག་གིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁེངས་མེད་བཅའ་པ་མཁན་གྱི་ཚེ། །དེ་བཞིན་གཤེགས་པ་ལྷ་འདོད་དེ་ལ་ནི། །མར་མེ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་སྟོབས་ནི་བྲམ་ཟེའི་ཚེ། །དེ་བཞིན་གཤེགས་པ་ཤེས་རབ་སྟོབས་དེ་ལ། ། མྲའི་འབྲས་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབང་བསྒྱུར་རྒྱལ་པོ་ཁྱིམ་བདག་གི་།བུ་ཚེ་བདེ་གཤེགས་ཀུན་ཏུ་གཟིགས་དེ་ལ། །སླེ་ཏྲེས་ལོ་མ་དག་གིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩི་གསལ་བ་ཚོང་མཁན་ཚེ། །དེ་བཞིན་གཤེགས་པ་ཚངས་པས་མཆོད་དེ་ལ། །གསེར་སྣམ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསམ་གཏན་ 524b སྙོམས་པ་ཤིང་སྲུང་ཚེ། །དེ་བཞིན་གཤེགས་པ་ཐུབ་པའི་མེ་ཏོག་ལ། །མེ་ཏོག་དག་གིས་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཁྲུག་མེད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ནམ་མཁའི་བློ་དེ་ལ། །ནོར་བུ་རིན་ཆེན་གླེགས་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་དྲི་མར་བཞི་ཕྱུག་པོ་ཡི། །བུ་ཚེ་དེ་བཞིན་གཤེགས་པ་རླབས་འཇོམས་ལ། །གདུ་བུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་ཕྱོགས་མ་སླད་པ་ཁྱིམ་བདག་གི་།བུ་ཚེ་བདེ་གཤེགས་ཤེས་རབ་རྫོགས་པ་ལ། །མར་འཁུར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་པ་བུ་རམ་ཤིང་སྲུང་ཚེ། །དེ་བཞིན་གཤེགས་པ་ཚེར་མ་དཀྲུགས་པ་ལ། །བུ་རམ་ཤིང་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཞལ་བཟང་ཚོང་བའི་ཚེ། །དེ་བཞིན་གཤེགས་པ་དགྲ་འདུལ་དེ་ལ་ནི། །མུ་ཏིག་དམར་པོ་དག་གིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤུགས་གནས་ཡེ་ཤེས་རྫ་མཁན་ཚེ། །དེ་བཞིན་གཤེགས་པ་དགྲ་བཅོམ་དགྱེས་པ་ལ། ། 525a ༄#། །བུམ་པ་ཆུ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གསུང་དབང་བཅའ་བ་མཁན་གྱི་ཚེ། །དེ་བཞིན་གཤེགས་པ་ཚུལ་ཁྲིམས་མཆོག་གནས་ལ། །བཅའ་བ་དག་ནི་ད་བུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱད་དོ། །བདེ་གཤེགས་གཟི་བརྗིད་ཆེན་པོ་སྨན་པའི་ཚེ། །དེ་བཞིན་གཤེགས་བ་ཕྱོགས་མཉམ་དགོངས་པ་ལ། །སྐྱུ་རུ་ར་ཡི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་ཟབ་མོ་ཁྱིམ་བདག་ཚེ། །དེ་བཞིན་གཤེགས་པ་དགོངས་པ་སྙོམས་མེད་ལ། །མུ་ཏིག་འབྲུམ་བུ་གསུམ་དག་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩི་གཞན་གྱི་ཁོལ་པོའི་ཚེ། །དེ་བཞིན་གཤེགས་པ་བརྩོན་འགྲུས་གསལ་བ་དེའི། །འཆག་སར་ལྗོན་ཤིང་རིག་བྱེད་བསྐྲུན་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་སྟོབས་ཚལ་གྱི་ལས་བྱད་ཚེ། །དེ་བཞིན་གཤེགས་པ་གསལ་བ་བརྒྱ་ཆེན་ལ། །འོད་མའི་ཚལ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོད་ལྡན་རྒན་པོའི་ཚེ། །དེ་བཞིན་ 525b གཤེགས་པ་གསན་པའི་བློ་ལྡན་ལ། །ཚཝ་ཡི་རོ་བཅུ་དག་ནི་དབུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་འོད་ནི་ལམ་སྟོན་ཚེ། །དེ་བཞིན་གཤེགས་པ་སྒྲིབ་མེད་དགོངས་པ་དེའི། །ལམ་དག་ཉེ་བར་མཆོད་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁམས་མ་སུམ་མཚེད་གནས་གསེར་རྟོག་ཚེ། །དེ་བཞིན་གཤེགས་པ་བསྙེངས་མེད་འོད་ཟེར་ལ། །གསེར་སྲང་གཅིག་ཅིག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ཉི་མའི་སྙིང་པོ་ཕྱེ་ཚོང་ཚེ། །དེ་བཞིན་གཤེགས་པ་བདུད་རྩིའི་དབྱངས་ཅན་དེ་ལ་ནི། །ཀཪྴ་བ་ནི་རི་བའི་ཕྱེད་དག་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷས་མཆོད་སྩལ་ཆེན་བྲམ་ཟེའི་ཚེ། །དེ་བཞིན་གཤེགས་པ་ལེགས་པར་གསུངས་པ་དེ་ཡི་ནི། །འཁོར་གྱི་ཁྱམས་དག་གསེར་གྱི་སྣམ་བུ་གཏིང་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་རྒྱལ་མཚན་རས་བལ་མཁན། །བྱེད་ཚེ་བདེ་གཤེགས་མཁས་བ་མཆོག་དེ་ལ། །རས་བལ་དག་ནི་གཏོར་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩིའི་འོད་ནི་གཙང་སྦྲ་ཅན་གྱི་ཚེ། །དེ་བཞིན་གཤེགས་པ་ཡོན་ཏན་རྒྱལ་པོ་དེ་ལ་ནི། །སུ་དར་ཤ་ནའི་མེ་ཏོག་གཏོར་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་ 526a ༄#། །པ་རྡོ་རྗེ་མི་བཀྲེན་ཚེ། །དེ་བཞིན་གཤེགས་པ་དབང་པོ་སྦས་པ་ལ། །རྒྱ་སྲན་དག་གི་ཕྱེ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བརྟན་པ་ཕྲེང་རྒྱུད་ཚེ། །དེ་བཞིན་གཤེགས་པ་ཐར་པའི་བསམ་གཏན་ལ། །སཔྟ་བ་རྣའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣང་ལྡན་ཆེན་པོ་ལམ་དུ་ཞུགས་པ་ན། །བདེ་གཤེགས་རིན་ཆེན་ཕུང་པོ་འདྲེན་པོ་བྱེད་པ་ཡིས། །ནམ་གྱི་གུང་ཐུན་དག་ལ་མེལ་ཚེ་བྱས་ནས་ཀྱང ། ། དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་གཤེགས་རྩིས་པའི་བུར་གྱུར་ཚེ། །དེ་བཞིན་གཤེགས་པ་ཙནྡན་སྤོས་དེ་ལ། །ཙམྤ་ཀ་ཡི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མ་ལྟར་གཤེགས་མར་ཚོང་ཚེ། །དེ་བཞིན་གཤེགས་པ་གཟིགས་པ་གསལ་དེ་ལ། །མར་ཁུའི་བཏུང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པའི་འོད་ནི་དགེ་སློང་ཚེ། །བདེ་གཤེགས་མངོན་འཕགས་སྟོབས་དེའི་འཆགས་དག་།ཆག་ཆག་ཕྱག་དང་བྱས་ཏེ་སྟན་བཏིང་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་ཤུགས་ཚོང་དཔོན་ཚེ། །དེ་བཞིན་གཤེགས་པ་བསྟན་སྡུག་དེ་ 526b ལ། །སྣང་སྒྲོན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་གཙུག་ནི་ཚོང་པའི་ཚེ། །དེ་བཞིན་གཤེགས་པ་དཔག་མེད་བློ་དེ་ལ། །ཙནྡན་དང་ནི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་བཞིན་གཤེགས་དཔལ་རྫོགས་བཙོ་བླག་མཁན་གྱི་ཚེ། །བདེ་གཤེགས་ཉི་མ་སྟོང་ལྡན་གཟི་བརྗིད་ལ། །སོས་ཀ་ཚ་བའི་དུས་སུ་སྐྱོ་མ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་སྟོབས་རྒྱལ་པོའི་བུ་མོའི་ཚེ། །དེ་བཞིན་གཤེགས་པ་ཁུར་བོར་དེ་ལ་ནི། ། ཆོས་ཀྱི་གདན་དག་གདིང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྱེན་དུ་འཕགས་པ་ཤིང་སྲུང་ཚེ། །དེ་བཞིན་གཤེགས་པ་གསལ་བར་གྲགས་དེ་ལ། །ཡུངས་དཀར་སྤར་བ་བཀང་སྟེ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་བྱིན་ནི་ཤིང་སྲུང་ཚེ། །དེ་བཞིན་གཤེགས་པ་ཕྱོགས་སུ་རྣམ་གྲགས་ལ། །ེ་རནྜ་ཡི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་འགྱེད་ཚོང་པའི་ཚེ། །དེ་བཞིན་གཤེགས་པ་དབང་བསྒྱུར་རྒྱལ་པོ་ལ། །མུ་ཏིག་སྤར་བ་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་པདྨ་ཞིང་པའི་ཚེ། །དེ་བཞིན་གཤེགས་པ་མཐའ་ཡས་བློ་དེ་ལ། ། 527a ༄#། །ལྷུང་བཟེད་ལོ་ཐོག་སར་པས་བཀང་སྟེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དགྱེས་པ་ཚོང་པའི་ཚེ། །དེ་བཞིན་གཤེགས་པ་འོད་ཟེར་ཡངས་པ་ལ། །བུ་རམ་གོང་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀོད་པ་མཛེས་པ་ཤིང་སྲུང་ཚེ། །དེ་བཞིན་གཤེགས་པ་བཀོད་པ་གསལ་དེ་ལ། །སོའུ་གནྡྷི་དག་སྙིམ་པ་བཀང་སྟེ་གཏོར། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པ་གཏི་མུག་མེད་གནས་བྲམ་ཟེའི་ཚེ། །དེ་བཞིན་གཤེགས་པ་སྤྱན་མཆོག་དེ་ལ་ནི། །མིག་མི་འཛུམས་པས་བལྟ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྨ་མང་ལྷམ་མཁན་ཚེ། །དེ་བཞིན་གཤེགས་པ་ཐར་པའི་བརྟུལ་ཞུགས་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཏོག་གི་རྒྱལ་མཚན་གྲོང་རྡལ་གྱི། །ཁྱེའུ་ཚེ་བདེ་གཤེགས་ཡིད་འོང་གཟིགས་དེ་ལ། །མེ་ཏོག་པརིཤཱི་ཕྲེང་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདེ་བར་དགོངས་པ་ཤིང་ཐུན་ཚེ། །དེ་བཞིན་གཤེགས་པ་འོད་ 527b འབར་དེ་ལ་ནི། །ུཏྤལ་དམར་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཏི་མུག་མེད་རྒྱལ་འཁོར་བསྒྱུར་ཚེ། །དེ་བཞིན་གཤེགས་པ་བྱང་ཆེན་དེ་ལ་ནི། །ན་བཟའ་རིན་པོ་ཆེ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོ་ག་མཁྱེན་པ་བློན་ཆེའི་ཚེ། ། འོབས་སུ་སྟེགས་དག་གཟུགས་པ་བྱས་ནས་ཀྱང ། །བདེ་གཤེགས་འོད་ཕུང་གཟི་བརྗིད་ཆེན་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དག་པའི་རྒྱ་མཚོ་ཚོང་དཔོན་ཚེ། །དེ་བཞིན་གཤེགས་པ་ཏོག་གི་འོད་དེ་ལ། །ཁྲུས་ཁང་དག་ནི་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མངའ་བ་རྩིས་པའི་ཚེ། །དེ་བཞིན་གཤེགས་པ་དགྲ་བཅོམ་མཆོད་གནས་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་དམའ་བ་ནི་ཤིང་སྲུང་ཚེ། །བདེ་གཤེགས་ཡོན་ཏན་གཟི་བརྗིད་ཕུང་པོ་ལ། །རྒུན་ཆབ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་བོ་དགའ་མཛད་དགེ་སློང་ཚེ། །དེ་བཞིན་གཤེགས་པ་མཚན་གསལ་དེ་ལ་ནི། །སྤོས་ནི་སྲང་གི་བཞི་ཆ་ཕུལ་ 528a ༄#། །ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྨ་བྱའི་ང་རོ་རྩིས་པའི་ཚེ། །དེ་བཞིན་གཤེགས་པ་འོད་འཕྲོ་ཆེན་པོ་ལ། །སྐྱེད་མོས་ཚལ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མ་ཞུམ་པ་ནི་རྔོན་པའི་ཚེ། །དེ་བཞིན་གཤེགས་པ་དགྲ་བཅོམ་གསལ་དེ་ལ། །སྐྱོ་མ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྲིད་སྲེད་དྲི་སྤངས་ཤིང་སྲུང་ཚེ། །དེ་བཞིན་གཤེགས་པ་དགོངས་པ་ལེགས་གནས་ལ། །ཤི་ཤ་པ་ཡི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱོད་པའི་སྟེགས་ནི་ཚོང་པའི་ཚེ། །དེ་བཞིན་གཤེགས་པ་སྟེགས་ནི་བཟང་པོ་ལ། །སྲན་ཆུང་དང་ནི་འབྲས་ཆེན་གཟིགས་མ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་མང་སྙན་བསྒྲགས་རིམ་གྲོ་པ། །བྱེད་ཚེ་བདེ་གཤེགས་ཡེ་ཤེས་འབྱུང་གནས་ལ། །རྡོ་ཡི་དན་ཁྲི་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་སྟོབས་ནི་ཞིང་པའི་ཚེ། །དེ་བཞིན་གཤེགས་པ་ཀུན་ཏུ་རིན་ཆེན་ལ། །གྲོ་ཡིས་སྤར་བ་བཀང་ 528b སྟེ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་བསྣམས་བཙོ་བླག་མཁན་གྱི་ཚེ། །དེ་བཞིན་གཤེགས་པ་ཉི་མའི་ཕུང་པོ་དེའི། ། ན་བཟའ་དག་ནི་བཀྲུ་བཤལ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་ནི་ཁྱིམ་བདག་ཚེ། །དེ་བཞིན་གཤེགས་པ་སྟོན་པའི་སྟེགས་དེ་ལ། །བཞུགས་གདན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྲ་རྒྱལ་བྲམ་ཟེའི་ཆུང་མའི་ཚེ། །བདེ་གཤེགས་ཁྲོ་འཇོམས་བྱང་ཆུབ་སྙིང་པོར་ནི། །གཤེགས་ཚེ་སྦྲང་རྩིར་བསྲེས་པའི་འོ་མ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྱོར་ལྡན་གྲགས་པ་སློང་བའི་ཚེ། །དེ་བཞིན་གཤེགས་པ་སེངྒེའི་སྐུ་དེ་ལ། །ུ་དུམ་ཝ་རའི་འབྲས་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་ཡུལ་འཁོར་བཟང་པོ་ཕྲེང་རྒྱུད་བུ་མོའི་ཚེ། །དེ་བཞིན་གཤེགས་པ་བཤེས་གཉེན་གྲགས་པའི་འོད་དེ་ལ། །ཤིང་ཛམྦུ་ཡི་འབྲས་བུ་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་འོད་ནི་ཕྱུགས་རྫིའི་ཚེ། །དེ་བཞིན་གཤེགས་པ་ང་རོ་རྣམ་དག་ལ། །ལྷུང་བཟེད་དར་ 529a ༄#། །བས་བཀང་སྟེ་ཕུལ་ནས་ཀྱང ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་ང་རོ་བྲམ་ཟེའི་ཚེ། །དེ་བཞིན་གཤེགས་པ་བཟང་པོ་བཞེད་དེ་ལ། །བསྟོད་པ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་ལྟར་ཤར་པ་ཚོང་པའི་ཚེ། །དེ་བཞིན་གཤེགས་པ་རབ་བཞི་བདག་པོ་ལ། །དངུལ་ལས་བྱས་པའི་ལྷུང་བཟེད་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇོམས་པའི་མདོག་ནི་ཚོང་དཔོན་ཚེ། །དེ་བཞིན་གཤེགས་པ་དུལ་བའི་གཟི་བརྗིད་ཀྱི། །གཙུག་ལག་ཁང་ནི་ཙནྡན་དམར་པོས་བྱུགས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མི་གཡོ་ཕྲེང་རྒྱུད་ཚེ། །དེ་བཞིན་གཤེགས་པ་གཟི་བརྗིད་ལེགས་མཆོད་ལ། །མེ་ཏོག་བླ་བྲེ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕན་ལྡན་གཤེགས་པ་ཚོང་པའི་ཚེ། །དེ་བཞིན་གཤེགས་པ་འཇིག་རྟེན་འོད་དེ་ལ། །དངུལ་ལས་བྱས་པའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་སྒྲོན་མ་རྒྱལ་པོའི་འཁོར་བསྒྱུར་ཚེ། །དེ་བཞིན་གཤེགས་པ་འཇིག་རྟེན་ 529b དག་གི་མཆོད་རྟེན་དེའི། །གདུགས་ཚོད་ལོ་གྲངས་བདུན་སྟོང་བར་དུ་སྦྱར་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབྱངས་ཀྱི་སྐུལ་བ་དེད་དཔོན་ཚེ། །དེ་བཞིན་གཤེགས་པ་སྤྱོད་པ་དག་པ་དེའི། །གཙུག་ལག་ཁང་ནི་ཙནྡན་དམར་པོས་བྱས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཽ་ཏ་མ་ནི་ལམ་སྟོན་ཚེ། །དེ་བཞིན་གཤེགས་པ་སྟེགས་བཟང་གཟི་བརྗིད་ལ། །གདུགས་ཚོད་དག་ནི་སྦྱར་ཏེ་གསོལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མདངས་སྟོབས་བྲམ་ཟེའི་ཁྱེའུའི་ཚེ། །དེ་བཞིན་གཤེགས་པ་སྤྱན་མཆོག་དེ་ཡི་ནི། །ལམ་སྲང་དག་ནི་ཕྱག་དར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གནས་རང་བཞིན་ཤིང་རྟ་མཁན། །བྱེད་ཚེ་བདེ་གཤེགས་མཐུ་རྩལ་ཆེན་པོ་ལ། །ཤིང་རྟ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་བཟང་པོ་མི་བཀྲེན་ཚེ། །དེ་བཞིན་གཤེགས་པ་བདུད་རྩིའི་གཟུགས་དེ་ལ། །མར་མེ་ཁ་ཅིག་གཅིག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བྱང་ཆུབ་ཡན་ལག་མེ་ཏོག་ནི། །ཤིང་ཐོག་ཚོང་ཚེ་བདེ་གཤེགས་ཤེས་རབ་མངའ་བ་ལ། ། མྲའི་འབྲས་བུ་ 530a ༄#། །གསུམ་ནི་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀྲ་ཤིས་སྤོས་ཚོང་བུར་གྱུར་ཚེ། །དེ་བཞིན་གཤེགས་པ་ཡོན་ཏན་སྟེགས་དེ་ལ། །ཙམྤ་ཀ་ཡི་མེ་ཏོག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་པར་སྟོན་པ་འཁོར་ལོས་བསྒྱུར་བ་ཡི། །བློན་པོའི་ཚེ་ན་བདེ་གཤེགས་ལྷུན་པོའི་འོད་དེ་ཡི། །འཆགས་དག་ནི་བཻ་ཌཱུརྱ་ལས་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་གཟི་བརྗིད་སྟོབས། །ཤིང་སྲུང་ཚེ་ན་བདེ་གཤེགས་ཞི་བ་ཡི། །བློ་གྲོས་དེ་ལ་སེའུ་འབྲུ་གཅིག་ཕུལ་ནས། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགེ་བའི་སྒྲོན་མ་ཚོང་པའི་ཚེ། །དེ་བཞིན་གཤེགས་པ་མཐུ་རྩལ་ཆེ་དེ་ལ། །བ་སོའི་གཟིམས་ཁྲི་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་རྩལ་བརྟན་པོ་བྲམ་ཟེའི་ཚེ། །དེ་བཞིན་གཤེགས་པ་དམ་བཅས་བརྟན་པ་ལ། ། མྲའི་ཁུ་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་སྒྲ་ཚོང་པའི་ཚེ། །དེ་བཞིན་གཤེགས་པ་དོན་གྲུབ་དེ་ལ་ནི། །པ་ལ་ཤི་ཀ་ 530b དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རབ་ཞི་གོས་ཚོང་ཚེ། །དེ་བཞིན་གཤེགས་པ་ཕན་པར་དགྱེས་དེ་ལ། །ན་བཟའ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མའི་ཞལ་ནི་ཁྱིམ་བདག་ཚེ། །དེ་བཞིན་གཤེགས་པ་ལྷ་ཡིས་མཆོད་དེ་ལ། །རྫིང་བུ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་བརྟུལ་ཞུགས་མི་བཀྲེན་ཚེ། །དེ་བཞིན་གཤེགས་པ་སྤོང་བའི་ཤུགས་དེ་ལ། །པྲི་ཡང་ཀུ་ཡི་བསོད་སྙོམས་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚུལ་ཁྲིམས་འོད་ནི་དབུལ་པོའི་ཚེ། །དེ་བཞིན་གཤེགས་པ་རིན་ཆེན་གཏོང་དེ་ལ། །ཚོང་མའི་ཁུ་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་གནས་པ་ཁྱིམ་བདག་གི་།བུ་མོའི་ཚེ་ན་བདེ་གཤེགས་ཡེ་ཤེས་ཤུགས། །དེ་ལ་ཨུཏྤལ་ལྡ་ལྡི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡུལ་མེད་ཕྲེང་རྒྱུད་བུ་མོའི་ཚེ། །དེ་བཞིན་གཤེགས་པ་ཟམ་པ་དེ་ལ་ནི། །པདྨ་འདབ་བརྒྱ་པ་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་ 531a ༄#། །དོ། །བདེ་གཤེགས་སྙིང་པོ་འཕགས་པ་ཚོང་པའི་ཚེ། །དེ་བཞིན་གཤེགས་པ་ཐར་པ་བཟང་པོ་ལ། །རས་ཡུག་གཅིག་གིས་དགབ་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མིག་སྨན་ལམ་སྟོན་ཚེ། །དེ་བཞིན་གཤེགས་པ་ཚོགས་ནི་རྣམ་གནོན་ལ། ། ་མྲའི་འབྲས་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འཕེལ་མཛད་རྒྱལ་པོའི་ཚེ། །དེ་བཞིན་གཤེགས་པ་གཟི་བརྗིད་སྣང་བ་ལ། །གསེར་གདུགས་ཡུ་བ་བཻ་ཌཱུརྱས་བྱས་པ། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་འོད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་བྱམས་པའི་སྟོབས་དེ་ལ། །བྱུག་པ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དུས་མཁྱེན་འོད་ནི་རྫ་མཁན་ཚེ། །དེ་བཞིན་གཤེགས་པ་ཟླ་བའི་དཔལ་དེ་ལ། །ཁམ་པ་དག་ལས་བྱས་པའི་ལྷུང་བཟེད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲན་པའི་དབང་པོ་ཚོང་དཔོན་ཚེ། །དེ་བཞིན་གཤེགས་པ་ཞི་བའི་འོད་དེ་ཡི། །ལམ་དུ་ཟམ་པ་དག་ནི་བཙུགས་ 531b ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཞལ་བཟང་ཕྲེང་རྒྱུད་ཚེ། །དེ་བཞིན་གཤེགས་པ་སྤྱན་ནི་སྡུག་དེ་ལ། །མེ་ཏོག་ཀུ་མུ་ད་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐོགས་མེད་རྒྱལ་མཚན་འབྲེག་མཁན་ཚེ། །དེ་བཞིན་གཤེགས་པ་ཟླ་ལྡན་དབྱངས་དེ་ཡི། །ཕྱག་གི་སེན་མོ་དག་ནི་བཅད་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་མཆོག་བགྲོད་ལམ་སྟོན་ཚེ། ། དེ་བཞིན་གཤེགས་པ་བདུད་རྩིའི་གཟུགས་དེ་ཡི། །སྤྱན་སྔར་ལམ་དག་མཚོན་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱོད་གསལ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ཆོས་ཀྱི་བློ་གྲོས་ལ། །མུ་ཏིག་དོ་ཤལ་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་དབྱེས་པ་ཕྱག་དར་བ། །བྱེད་ཚེ་བདེ་གཤེགས་ཟླ་བ་ཆེན་པོ་ལ། །མཆོད་ཕྱིར་གླིང་བུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་དབང་ཕྱུག་དགེ་སློང་ཚེ། །ཆོས་རྣམ་ཡང་དག་བཟུང་ཕྱིར་སེམས་བཏུད་ནས། །དེ་བཞིན་གཤེགས་པ་ཐོགས་མེད་ 532a ༄#། །དབྱངས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཐམས་ཅད་པ་གསེར་རྟོག་ཚེ། །དེ་བཞིན་གཤེགས་པ་ལྷ་ཡི་མེ་ཏོག་ལ། །གསེར་གྱིས་སྤར་བ་བཀང་སྟེ་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཤེས་གཉེན་ཆེན་པོ་ཤིང་རྟ་མཁན། །བྱེད་ཚེ་བདེ་གཤེགས་སྙོམས་པར་གཟིགས་དེ་ལ། །ཁང་བཟང་དག་ནི་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཤེས་གཉེན་བཟང་པོ་ཚོང་པའི་ཚེ། །དེ་བཞིན་གཤེགས་པ་ཟླ་བ་ཆེན་པོ་ལ། །སྣོད་དག་ཆུ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་ཏུ་ཞི་སྟབས་ལམ་སྟོན་ཚོ། །དེ་བཞིན་གཤེགས་པ་བསོད་ནམས་བཞེད་དེ་ལ། །རྩ་བ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩིའི་བདག་པོ་ཤིང་ཏོག་ཁེར་བའི་ཚེ། །དེ་བཞིན་གཤེགས་པ་ཕུང་པོ་བཅུ་པ་དེ་ལ་ནི། །ལྷུང་བཟེད་ཨ་མྲ་དག་གིས་བཀང་སྟེ་ཕུལ་ནས་ཀྱང ། །དང་པོར་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷུན་པོའི་འོད་ནི་རྒྱལ་པོའི་ཚེ། །དེ་བཞིན་གཤེགས་པ་སྣ་ཚོགས་འོད་དེ་ཡི། །གྲོང་ཁྱེར་དག་ 532b ནི་བླ་བྲེས་གཡོགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཕགས་པས་བསྟོད་པ་ལམ་སྟོན་ཚེ། །དེ་བཞིན་གཤེགས་པ་ཀླུ་ཡིས་བྱིན་པ་དེའི། །ལམ་སྲ་དང་ནི་མཚོན་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྣང་ལྡན་ཁྱིམ་བདག་ཚེ། །དེ་བཞིན། །གཤེགས་པ་སྤྲིན་གྱི་དབྱངས་དེ་ལ། །གསེར་ལས་བྱས་པའི་པད་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་འབར་བ་རྩཝ་ཐུན་ཚེ། །དེ་བཞིན་གཤེགས་པ་ཡོན་ཏན་མཐུ་རྩལ་ལ། །རྩ་ལྟན་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣང་གཟིགས་རྩིས་པའི་ཁྱེའུའི་ཚེ། །དེ་བཞིན་གཤེགས་པ་ཡོན་ཏན་སེམས་དེ་ལ། །རིན་ཆེན་དྲ་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་སྤྱད་རྣམ་སྨིན་བཅའ་བ་མཁན། །བྱེད་ཚེ་བདེ་གཤེགས་སྤྲིན་གྱི་དབྱངས་དེ་ལ། །ལྷུང་བཟེད་བཅའ་བས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་པར་དགྱེས་པ་དཔའ་བོའི་ཆ། །དེ་བཞིན་གཤེགས་པ་གསལ་བའི་དབྱངས་དེ་ལ། །རྒྱལ་མཚན་དག་ནི་དབུལ་བ་བྱས་ནས་ཀྱང ། །དང་ 533a ༄#། །པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་བྲལ་བ་རྩིས་པའི་ཚེ། །དེ་བཞིན་གཤེགས་པ་ངན་སོང་སྤོང་བ་ལ། །མེ་ཏོག་རྣ་རྒྱལ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ནི་དགེ་སློང་བསྙེན་བཀུར་བ། །བྱེད་ཚེ་དེ་བཞིན་གཤེགས་པ་ལྷ་ཡི་མེ་ཏོག་ལ། །མར་མེ་དག་ནི་རབ་ཏུ་དབུལ་བ་བྱས་ནས་ཀྱང ། །དང་པོར་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྱོད་ལྡན་ཁྱིམ་བདག་ཚེ། །བསླབ་པའི་གཞི་ལྔ་དག་ནི་གཟུང་ནས་ཀྱང ། །དེ་བཞིན་གཤེགས་པ་སྤྱན་མཛས་ལྡན་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་བསོད་ནམས་སྟོབས་ནི་ཁྱིམ་བདག་ཚེ། །དེ་བཞིན་གཤེགས་པ་སྒྲོན་མ་ཆེན་པོ་ལ། །མལ་སྟན་ཤིང་བལ་ཅན་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རྒྱ་མཚོ་ཤིང་རྟ་མཁན། །བྱེད་ཚེ་བདེ་གཤེགས་བརྟུལ་ཞུགས་ཆེན་པོ་དིའི། །གནས་ཁང་དག་ནི་བྱུག་པས་བྱུགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྨད་བྱུང་སྣང་མ་པ་ཡི་ཚེ། །དེ་བཞིན་གཤེགས་པ་གཟིགས་པ་བརྟན་དེ་ལ། །སྣང་མ་དག་ནི་བལྟམ་ 533b སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ངན་སྤོང་རྒྱལ་པོའི་བཙུན་མོའི་ཚེ། །དེ་བཞིན་གཤེགས་པ་མྱོས་པ་སྤོང་བ་ལ། །མེ་ཏོག་ལྡ་ལྡི་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་བརླག་མཛད་པ་དམག་མིའི་ཚེ། །དེ་བཞིན་གཤེགས་པ་མཚན་གྱི་མེ་ཏོག་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བག་ཆགས་རྒལ་སྟབས་ཚོང་པའི་ཚེ། །བདེ་གཤེགས་བསམ་གྱིས་མི་ཁྱབ་འོང་དེ་ལ། །ཕྲེང་བ་དག་ལས་བྱེས་པའི་བླ་བྲེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་བྱེད་བློ་མངའ་བཤན་པའི་ཚེ། །དེ་བཞིན་གཤེགས་པ་ཀུན་ཏུ་འོད་དེ་ལ། །ཤིར་ཤའི་ཕྲེང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྒྱ་མཚོ་དྲང་པོའི་ཚེ། །དེ་བཞིན་གཤེགས་པ་ཟླ་བའི་འོད་དེ་ཡི། ། སྤྱན་སྔར་གླུ་དབྱངས་དག་ནི་དབྱངས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དག་མཛད་གྲོང་དཔོན་ཚེ། །དེ་བཞིན་གཤེགས་པ་ཡིད་འོད་ཟླ་བ་ལ། །གསེར་གྱི་མེ་ཏོག་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་གྲོལ་རྒྱལ་ཚོང་པའི་ཚེ། །དེ་བཞིན་ 534a ༄#། །གཤེགས་པ་མཛེས་པའི་དབྱངས་དེ་ལ། །ཁ་ཟས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་འོད་པདྨ་མཁན་གྱི་ཚེ། །དེ་བཞིན་གཤེགས་པ་བློ་གྲོས་མཆོག་དེ་ལ། །ཀ་རནྟ་ཀ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་རྒྱལ་མཚན་མདུན་འདོན་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །ཆོས་ལ་དགབ་པའི་ན་བཟའ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རིན་ཆེན་ཕྲེང་རྒྱུད་ཚེ། །དེ་བཞིན་གཤེགས་པ་མེ་ཏོག་སྙིང་པོ་ལ། །མེ་ཏོག་དག་ལས་བྱས་པའི་རྒྱལ་མཚན་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་བསིལ་བ་ཁྱིམ་བདག་གི་།བུ་ཚེ་དེ་བཞིན་གཤེགས་པ་ཡིད་གཏོང་ལ། །ནོར་བུ་རིན་ཆེན་མཆིལ་ལྷམ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་རྒྱལ་དེད་དཔོན་ཚེ། །དེ་བཞིན་གཤེགས་པ་མཆོད་སྦྱིན་བྱིན་པ་ལ། །གསེར་ལས་བྱས་པའི་གོས་དག་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དགྱེས་པ་ཤིང་རྟ་མཁན། །བྱེད་ 534b ཚེ་བདེ་གཤེགས་ཡིད་བཞིན་འབྱོར་བ་ལ། །བཞུགས་ཁྲིའུ་དག་ནི་དབུལ་བ་བྱས་ན་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྫུ་འཕྲུལ་ཏོག་ནི་གར་མཁན་ཚེ། །དེ་བཞིན་གཤེགས་པ་ཐར་པ་དགྱེས་དེ་ཡི། །སྤྱན་སྔར་བྲོ་གར་དག་ནི་བྱས་ནས་སོ་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་མཚུངས་པ་ཚོང་དཔོན་གྱི། བུ་ཚེ་དད་པས་བདེ་གཤེགས་སྟབས་འཇོག་ལ། །གསེར་སྐུད་དག་གིས་གཏོང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ས་ཡི་དབང་ཕྱུག་རྔོན་པའི་ཚེ། །དེ་བཞིན་གཤེགས་པ་དགྲ་དག་འདུལ་པ་ལ། །རྩཝ་ལས་བྱས་པའི་མཆིལ་ལྷམ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མ་དགྱེས་པ་ཕྱེ་མ་མཁན། །བྱེད་ཆེ་བདེ་གཤེགས་ཡུལ་མེད་སྤོང་བ་ལ། །ུཏྤལ་ཞལ་སྤོས་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྲག་ཅན་ཟླ་བ་གཞན་བྲན་ཚེ། །དེ་བཞིན་གཤེགས་པ་བདུད་རྩིའི་འོད་དེ་ལ། །རྩཝ་ཡི་ཁང་བཟང་བྱས་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་འོད་ནི་དགེ་སློང་ཚེ། །དེ་བཞིན་གཤེགས་པ་ངར་མི་སེམས་པ་ལ། །མཆིལ་སྣོད་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། 535a ༄#། །བདེ་གཤེགས་སྨན་པའི་བདག་པོ་བྲམ་ཟེའི་ཚེ། །དེ་བཞིན་གཤེགས་པ་ཡང་དག་སྒྲ་སྒྲོག་ལ། །བཻ་ཌཱུརྱ་ལས་བྱས་པའི་གདུགས་ཕུལ་ནས། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མདངས་མངའ་བཟང་མཁན་ཚེ། །དེ་བཞིན་གཤེགས་པ་དཔག་མེད་སྤྱན་དི་ཡ། །ན་བཟའ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་དགྱེས་པ་བྲམ་ཟེའི་ཚེ། །དེ་བཞིན་གཤེགས་པ་བརྟུལ་ཞུགས་དཔའ་བོ་ལ། །མེ་ཏོག་ཟད་མི་ཤེས་པས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགའ་སྟོབས་རྔ་མཁན་ཚེ། །དེ་བཞིན་གཤེགས་པ་འོད་འབར་དེ་ལ་ནི། །རྔ་བོ་ཆེ་དག་བརྡུང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་སྙན་ཕྱུག་པོའི་ཚེ། །དེ་བཞིན་གཤེགས་པ་ཡོན་ཏན་ཚོགས་དེ་ལ། །གླིང་བུ་དག་ནི་འབུད་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་དབང་ཕྱུག་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་ཡིད་དུ་འོང་བའི་དབྱངས་དེ་ལ། །ཀུ་ཤ་དག་ལས་བྱས་པའི་ན་བཟའ་ཕུལ་ནས་ཀྱང ། །དང་པོ་ཉིད་དུ་བྱང་ 535b ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱངས་ཞིང་བའི་ཚེ། །བསོད་ནམས་འདོད་ཕྱིར་ཁྲོན་དྲུང་ཆུ་ཐོམ་བཞག་།དེ་བཞིན་གཤེགས་པ་དགོངས་པ་ཆེན་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱོད་བཟང་པ་ལང་རྫི་ཡི་ཚེ། །དེ་བཞིན་གཤེགས་པ་གསལ་བའི་ལྷ་དེ་ལ། །སྣོད་དག་ཞོ་ཡིས་བཀང་སྟེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཁྲུལ་མེད་བློ་ནི་གླིང་བུ་མཁན། །བྱེད་ཚེ་བདེ་གཤེགས་སེམས་སྤྱོད་བདུད་རྩི་ལ། །ཡིད་དུ་འོང་བའི་སྒྲ་དག་བསྒྲགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་ཆེན་ཁྱིམ་བདག་ཚེ། ། གཙུག་ལག་ཁང་ནི་སྟོང་སྙེད་བྱས་ནས་ཀྱང ། །དེ་བཞིན་གཤེགས་པ་བློ་གྲོས་གསལ་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྙན་གྲགས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་སྒྲོན་མ་མཆོག་དེ་ལ། །ཕྲེང་བ་བརྒྱུས་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། དེ་བཞིན་གཤེགས་པ་ཏོག་ལྡན་ཤིང་ཐུན་ཚེ། །དེ་བཞིན་གཤེགས་པ་བློ་གྲོས་བརྟན་པ་ལ། །ུཏྤལ་གསུམ་ཞིག་གཏོར་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་ 536a ༄#། །སེམས་བསྐྱེད་དོ། །བདེ་བཞིན་གཤེགས་པ་གཟི་བརྗིད་རྣམ་གྲངས་ཚོང་དཔོན་གྱི། །བུ་ཚེ་བདེ་གཤེགས་མཐུ་རྩལ་སྟོབས་དེ་ལ། །མེ་ཏོག་དག་གི་ཕུར་མ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འགྲོ་བའི་དབང་ཕྱུག་དེད་དཔོན་ཚེ། །དེ་བཞིན་གཤེགས་པ་པད་འདབ་སྤྱན་དེ་ལ། ། ནོར་བུའི་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྗོན་པ་དབུལ་པོའི་ཚེ། །དེ་བཞིན་གཤེགས་པ་བྱང་ཆུབ་འོད་དེ་ལ། །མ་ཥའི་སྒྲོན་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཏི་མུག་རབ་ཟད་བྱ་བའི་ཚེ། །དེ་བཞིན་གཤེགས་པ་སྒྲ་དབྱངས་མཆོག་དེ་ལ། །ཤ་སྲང་གཅིག་ཅིག་དབུལ་པ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དཔག་མེད་ལྷ་རིས་པ་ཡི་ཚེ། །དེ་བཞིན་གཤེགས་པ་མངོན་ཤེས་དྲུག་སྒྲ་ལ། །ཚེམས་ཤིང་དག་ནི་དབུལ་བ་བྱས་ན་སྐྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་བཟང་པོ་དགེ་སློང་ཚེ། །དེ་བཞིན་གཤེགས་པ་མདངས་སྟོབས་དེ་ལ་ནི། །གདིང་བདག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་ 536b གཤེགས་པ་སྤོབས་པ་མཐའ་ཡས་ཏོག་།ཚོང་དཔོན་བུ་ཚེ་བདེ་གཤེགས་མི་ཡི་གྲགས། །མར་མེའི་ཕྲེང་བ་དངར་ཏེ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་བསྟར་བ་ཚོང་པའི་ཚེ། །བདེ་གཤེགས་རྒྱལ་བའི་མེ་ཏོག་ཚོགས་དེ་ཡི། །སྐུ་ལ་ཙནྡན་དམར་པོས་བྱུགས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་གནས་ལྷ་ཡི་རིམ་གྲོ་པ། །བྱེད་ཚེ་དེ་བཞིན་གཤེགས་པ་གཙུག་ཆེན་ལ། །མེ་ཏོག་རྙིང་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་རྒལ་བ་སྨྱིག་མ་མཁན། །བྱེད་ཚེ་བདེ་གཤེགས་ལྷ་ཡི་བདག་པོ་ལ། །ཏ་ལ་མུ་ཏི་དག་ནི་ཕུལ་ནས་ཀྱང ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགེ་དགྱེས་འབྲུ་མར་མཁན་གྱི་ཚེ། །བདེ་གཤེགས་བག་མི་ཚེ་བར་གནས་པ་ལ། །འབྲུ་མར་སྲང་གཅིག་ཅིག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འགྲོ་བའི་བློ་གྲོས་འབྲུ་མར་མཁན། །བྱེད་ཚེ་བདེ་གཤེགས་དགྲ་བཅོམ་བྱང་ཆུབ་ལ། །ཡུངས་མར་སྲང་བརྒྱད་སྙེད་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགྱེས་གཤེགས་རྒྱལ་བུའི་ཚེ། །བདེ་གཤེགས་མྱ་ངན་ 537a ༄#། །མུན་པ་སེལ་བ་ལ། །རྨ་བྱ་དག་ལས་བྱས་པའི་བསིལ་ཡབ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཞབས་མཛེས་དེད་དཔོན་ཚེ། །དེ་བཞིན་གཤེགས་པ་ཆུ་བོ་མ་དག་ལ། །མུ་ཏིག་དག་གིས་གཏོར་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཨུཏྤལ་བརྒྱ་བྱིན་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །སྐུ་ཚེའི་འདུ་བྱེད་གཟུང་བར་གསོལ་བཏབ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དུལ་གནས་མེ་ཏོག་གསེར་རྟོག་ཚེ། །དེ་བཞིན་གཤེགས་པ་དཔའ་བའི་སེམས་དེ་ལ། །གསེར་དག་གིས་ནི་གཏོར་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་པ་མཐའ་ཡས་འོད་ཟེར་པདྨ་མཁན། །བྱེད་ཚེ་དེ་བཞིན་གཤེགས་པ་ཐར་པའི་ཤེས་རབ་ལ། །ཤིང་ལས་བྱས་པའི་ལྷུང་བཟེད་དག་ནི་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲང་སྲོང་གསལ་བ་ཕྲེང་རྒྱུད་ཚེ། །དེ་བཞིན་གཤེགས་པ་དཔའ་བོའི་སེམས་དེ་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བརྩོན་འགྲུས་ 537b ཁྱིམ་བདག་ཚེ། །དེ་བཞིན་གཤེགས་པ་ཙམ་པའི་སྒྲོན་མ་ལ། །འཇམས་གང་ཞིག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྙིང་པོ་མར་ཚོང་ཚེ། །དེ་བཞིན་གཤེགས་པ་མཆོད་གནས་དཔལ་དེ་ལ། །ཞུན་མར་སྲང་བརྒྱད་སྙེད་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་བདག་ཀ་རན་ཛ་བྱེད་ཚེ། །དེ་བཞིན་གཤེགས་པ་བློ་གྲོས་ལེགས་སེམས་ལ། །བཀྵ་ཀ་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མཐོན་པ་རྒྱལ་བུའི་ཚེ། །དེ་བཞིན་གཤེགས་པ་གཟི་བརྗིད་དཔལ་དེ་ལ། །སྤོས་དང་ཕྲེང་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གསལ་བའི་ཚོང་པའི་ཚེ། དེ་བཞིན་གཤེགས་པ་སྐྱེ་བོ་དད་པ་ལ། །སྦྲང་རྩི་བལྡག་པར་བྱ་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐལ་ལྡན་ཤིང་རྟག་ཅན། །ལྷ་མ་མཁན་ཚེ་ན་བདེ་གཤེགས་བློ་མཆོག་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་བློ་གྲོས་ཕྲེང་རྒྱུད་ཚེ། །དེ་བཞིན་གཤེགས་པ་རབ་དགྱེས་གསལ་བ་ལ། །མེ་ཏོག་དག་གི་ཚུན་པོ་ཕུལ་ནས་ཀྱང ། །དང་པོར་བྱང་ཆུབ་ཏུ་ 538a ༄#། །ནི་སེམས་བསྐྱེད་དོ། །བདེ་གཤེགས་སྦྱིན་སྲེག་འོད་འཕྲོ་ཐགས་མཁན་ཚེ། །དེ་བཞིན་གཤེགས་པ་བདག་ཉིད་སྣང་བ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཐའ་ཡས་གཟི་བརྗིད་ཕུང་པོ་ནི། །ཚོང་པ་བྱེད་ཚེ་བདེ་གཤེགས་མི་ཡི་པདྨ་ལ། །རས་ཡུག་ཟུང་དུ་སྦྱར་ཏེ་དབུལ་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་སྟབས་ནི་ཤིང་སྲུང་ཚེ། །དེ་བཞིན་གཤེགས་པ་སྤོས་དྲི་ཞིམ་པ་ལ། །སེའུ་འབྲུའི་བཅུད་ཁུ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མི་གཡོ་ཤིང་སྲུངས་ཚེ། །དེ་བཞིན་གཤེགས་པ་མཆོད་པ་མཆོག་དེ་ལ། ། ཏི་མུཀྟའི་མེ་ཏོག་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རབ་གསལ་སྨན་པའི་ཚེ། །དེ་བཞིན་གཤེགས་པ་མེ་ཏོག་སྣ་ཚོགས་ལ། །མར་འཁུར་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་སྤྱོད་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་འཕགས་པའི་དཔལ་དེ་ལ། །ཕྲེང་བ་བརྒྱུས་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ 538b གླུ་དབྱངས་ཤིང་རྟ་མཁན་གྱི་ཚེ། །དེ་བཞིན་གཤེགས་པ་ནམ་མཁའ་མཚུངས་དེ་ལ། །གཟིམས་ཁྲི་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་བཞིན་གཤེགས་པ་གླུ་དབྱངས་སྨན་པའི་ཚེ། །དེ་བཞིན་གཤེགས་པ་པདྨའི་འོད་ཟེར་ལ། །མེ་ཏོག་སིལ་མ་དག་ནི་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཁོར་ལོ་འཛིན་པ་ཕྲེང་རྒྱུད་ཚེ། །དེ་བཞིན་གཤེགས་པ་གསལ་བའི་ལྷ་དེ་ལ། །མེ་ཏོག་སེལ་མ་དག་གིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། ། བདེ་གཤེགས་དབྱིག་མཆོག་རལ་པ་ཅན་གྱི་ཚེ། །བདེ་གཤེགས་བསམ་གྱིས་མི་ཁྱབ་སྟེགས་དེ་ལ། །རྩཝ་ཡི་མལ་སྟན་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་དགའ་བ་ཚོང་དཔོན་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །ཕྲེང་བ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆེས་ཀྱི་ཟླ་བ་ལག་བླའི་ཚེ། །དེ་བཞིན་གཤེགས་པ་ཕུང་པོ་ཆེན་པོ་ལ། །ཤིང་མཆོག་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐའ་ཡས་གྲགས་པ་ཕྱུགས་རྫི་ཡི། །དཔོན་པོའི་ཚེ་ན་བདེ་གཤེགས་སྟོབས་ཆེན་ལ། །འོ་མ་དག་ནི་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ 539a ༄#། །ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྲིན་ཏོག་གོས་ཚོང་ཚེ། །དེ་བཞིན་གཤེགས་པ་ཡུལ་འཁོར་ཡེ་ཤེས་ལ། །རས་ཡུག་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་འགྲོས་ནི་ཁྱིམ་བདག་ཚེ། །འཁོར་གྱི་ཁྱམས་དག་ཕྱག་དར་བྱས་ནས་ཀྱང ། །དེ་བཞིན་གཤེགས་པ་དྲག་ཤུལ་བློ་གྲོས་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་བཟང་དབུལ་པོའི་ཚེ། །དེ་བཞིན་གཤེགས་པ་རི་དབང་བློ་དེ་ལ། །མར་མེའི་སྙིང་པོ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནམ་མཁའི་དབྱིངས་ནི་ཚོང་པའི་ཚེ། །དེ་བཞིན་གཤེགས་པ་ཡན་ལག་མཇེས་པ་ལ། །ན་གཟའ་ཕྲུགས་གཅིག་ཅིག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ནི་ལྷ་རིས་པ་ཡི་ཚེ། །ཕྱག་དར་དག་ནི་བྱ་བ་བྱས་ནས་ཀྱང ། །དེ་བཞིན་གཤེགས་པ་དཔལ་གྱི་མཆོག་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་རྒྱལ་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་དཔལ་གྱི་བཤེས་གཉེན་ལ། །འོ་མ་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ 539b ནོར་བུ་གསལ་ནི་དཀའ་ཐུབ་ཅན། །བྱེད་ཚེ་བདེ་གཤེགས་ཡིད་གཉིས་སྤོང་བ་པོ། །དེ་ལ་གདུགས་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ནོར་བཟང་སྤོས་ཚོང་ཚེ། །དེ་བཞིན་གཤེགས་པ་དགྲ་བཅོམ་ལྡན་དེ་ལ། །ཀཪྴ་པ་ནི་གཅིག་རིའི་འབྲུ་མར་དང ། །སྤོས་ཕུལ་དང་པོར་བྱང་ཆུབ་སེམས་བསྐྱེད་དོ། །དེ་བཞིན་གཤེགས་པ་སྒྲོན་ནི་གཽ་ཏམ་ཚེ། །དབྱར་གནས་པ་དག་དབུལ་བ་བྱས་ནས་ཀྱང ། །དེ་བཞིན་གཤེགས་པ་སྤོས་ཀྱི་དཔལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རིན་ཆེན་ང་རོའི་དབྱངས། །ཚོང་དུས་པ་ཚ་བདེ་གཤེགས་དགྲ་བཅོམ་གནས། །དེ་ལ་ཞུན་མར་བྲེ་གང་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་རྒྱལ་པོ་ཚོང་དཔོན་ཚེ། །དེ་བཞིན་གཤེགས་པ་ཡོན་ཏན་གནས་དེ་ལ། །ཀུན་དགའ་རབ་དག་ནི་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་སྦེད་པ་ཤིང་སྲུང་ཚེ། །དེ་བཞིན་གཤེགས་པ་བརྩོན་འགྲུས་ཆེར་དགོངས་ལ། །སྒེའུ་གཤེར་དག་གི་དུམ་བུ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགེ་མཛད་ཆུ་ཆུན་ཚེ། །དེ་བཞིན་གཤེགས་པ་འོད་ནི་འབར་བ་ལ། ། 540a ༄#། །ཆུ་གྲང་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་བློ་གྲོས་ཁྱིམ་བདག་ཚེ། །དེ་བཞིན་གཤེགས་པ་མཐུ་རྩལ་སྡུད་པ་ལ། །མེ་ཏོག་བལྟ་ན་སྡུག་བ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་ཤིང་སྲུང་ཚེ། །དེ་བཞིན་གཤེགས་པ་དགོངས་པ་ཟབ་བསྒོམས་ལ། །སྒྲ་དབྱངས་དག་གི་མཆོད་པ་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་མཛད་ཕྱུག་པའི་ཚེ། །དེ་བཞིན་གཤེགས་པ་སྤོས་སྲེག་དེ་ལ་ནི། །རྔ་བོ་ཆེ་དག་བརྡུང་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛད་མཐའ་གཟིགས་པ་ཁྱིམ་བདག་ཚེ། །གཙུག་ལག་ཁང་དག་བྱས་ཏེ་ཕུལ་ནས་ཀྱང ། །དེ་བཞིན་གཤེགས་པ་སྤོས་ཀྱི་གླང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྲིད་པའི་མེ་ཏོག་ཁྲུས་པའི་ཚེ། །དེ་བཞིན་གཤེགས་པ་རྣམ་པར་འབྱེད་བློ་ལ། །ཁྲུས་རས་དག་ནི་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛོད་སྤུ་ལྡན་པ་དྲང་སྲོང་ཚེ། །དེ་བཞིན་གཤེགས་པ་བློ་གྲོས་མཆོག་དེ་ལ། །ཀུ་ཤ་དག་ལས་བྱས་པའི་ན་བཟའ་ 540b ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་པ་མཚུངས་མེད་རྒྱལ་པོ་རི་མོ་མཁན། །བྱེད་ཚེ་དེ་བཞིན་གཤེགས་པ་ཡོན་ཏན་བཀོད་པ་པོ། ། དེ་ལ་མེ་ཏོག་དག་གི་ཕྲེང་བ་ཕུལ་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རྣམ་འབྱེད་ང་རོ་འགྲོན་པོའི་ཚེ། །དེ་བཞིན་གཤེགས་པ་བརྟུལ་ཞུགས་སེངྒེའི་དེ་ཡི་ནི། །ལམ་སྲང་དག་ཏུ་དབུལ་བ་གདིང་བ་བྱས་ནས་ཀྱང ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་མཆེ་བ་དགེ་སློང་ཚེ། །དེ་བཞིན་གཤེགས་པ་ཡེ་ཤེས་བློ་གྲོས་ལ། །ལྷུང་བཟེད་ཆུང་དུ་སྐྱུ་རུ་རས་བཀང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛད་པར་གཤེགས་པ་དེད་དཔོན་ཚེ། །དེ་བཞིན་གཤེགས་པ་ཡོན་ཏན་ལྷུན་པོ་ལ། །སེངྒེའི་གདན་ཁྲི་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་འཁོར་ལོས་བསྒྱུར་རྒྱལ་ཚེ། །དེ་བཞིན་གཤེགས་པ་ང་རོ་སྦྱངས་པ་ལ། །རིན་པོ་ཆེ་ལས་བྱས་པའི་བླ་བྲེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་སྒྲོན་གདུགས་ནི་ཚོང་པའི་ཚེ། །དེ་བཞིན་གཤེགས་པ་བསྡུ་བ་རྣམ་འབྱེད་ལ། །ལྷུང་བཟེད་རིན་པོ་ཆེ་དག་ཕུལ་ནས་ཀྱང ། །དང་པོར་བྱང་ 541a ༄#། །ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀྲ་ཤིས་ལྡན་པ་ཚོང་དཔོན་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །ཀུན་དགའ་ར་བ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་མྱ་ངན་མེད་པ་པོ། །ཚོང་དཔོན་བུ་ཚེ་སྟན་རིངས་ཕུལ་ནས་ཀྱང ། །དེ་བཞིན་གཤེགས་པ་ཟླ་བ་སྣང་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་སེམས་དཔའ་ཁྱིམ་བདག་ཚེ། །གནས་དང་ཟས་ཀྱི་རྐྱེན་རིས་བཅད་ནས་ཀྱང ། །བདེ་གཤེགས་ཡོན་ཏན་ཕུང་པོ་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་ལྡན་འུག་པའི་ཚེ། །གོས་དང་ཤིང་ནི་བཞག་པ་བྱས་ནས་ཀྱང ། །དེ་བཞིན་གཤེགས་པ་ཆོས་ཀྱི་སྟོབས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་སྒྲོན་སྤྱན་ནི་དབུལ་པོའི་ཚེ། །དེ་བཞིན་གཤེགས་པ་བློ་གྲོས་ལྡན་དེ་ལ། །རྒྱ་སྲན་དྲུས་པ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤུགས་འདོར་བུར་མ་ཆང་མཁན་ཚེ། །དེ་བཞིན་གཤེགས་པ་རྣམས་གྲགས་རྒྱལ་པོ་ལ། །བུ་རམ་ཤིང་གི་བཅུད་ཁུ་བཏུང་བ་ཕུལ། །དང་པོར་བྱང་ཆུབ་ 541b ཏུ་ནི་སེམས་བསྐྱེད་དོ། །བདེ་གཤེགས་སྟོབས་ཆེན་ཚོང་པའི་ཆུང་མའི་ཚེ། །ཕྱེ་ཁལ་གསུམ་ནི་གཉུག་མར་བཞག་ནས་ཀྱང ། །དེ་བཞིན་གཤེགས་པ་དབང་པོ་ཐུལ་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་མེ་ཏོག་དེད་དཔོན་ཚེ། །དེ་བཞིན་གཤེགས་པ་སྟབས་ཀྱི་མཆོག་མ་དེའི། །ལམ་སྲང་དག་ནི་ཕྱག་དར་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟན་པའི་དབྱངས་ནི་དེད་དཔོན་ཚེ། །དེ་བཞིན་གཤེགས་པ་བདུད་རྩིའི་འོད་ཟེར་ལ། །གོས་ཀྱི་བླ་བྲེ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེ་ལྡན་སྨད་ཚོང་ཚེ། །དེ་བཞིན་གཤེགས་པ་བདུད་རྩི་སེམས་པ་ལ། །ཤ་ཡི་བུར་མ་དག་ནི་ཕུལ་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་གསུང་ཚོང་པའི་ཚེ། །དེ་བཞིན་གཤེགས་པ་ཚོགས་ཅན་རབ་མཆོག་ལ། །ཤ་ཁའི་གདན་དག་དབུལ་བ་བྱས་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྱེས་གསལ་གྲོང་རྡལ་བའི་ཚེ། །དེ་བཞིན་གཤེགས་པ་གཙུག་ཕུད་དགྱེས་དེ་ལ། །ཁར་དག་དང་སྦྱར་བའི་བཏུང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེངྒེའི་ 542a ༄#། །ཞལ་ནི་ཕྲེང་རྒྱུད་ཚེ། །བདེ་གཤེགས་ཁ་དོག་ཟིལ་གྱིས་མི་ནོན་ལ། །མེ་ཏོག་ཁལ་བཅུ་དག་གིས་གཏོར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཙུག་ཕུང་ཤིང་སྲུང་ཚེ། །དེ་བཞིན་གཤེགས་པ་ཀུན་ཏུ་གསལ་བ་ལ། །སྤོས་དང་ཨ་མྲའི་འབྲས་བུ་ཕུལ་ནས་ཀྱང ། ། དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྣང་མཛད་སློང་བའི་ཚེ། །དེ་བཞིན་གཤེགས་པ་བཀོད་པའི་རྒྱལ་པོ་ཡི། །བཤོས་དག་བདག་ཉིད་བཙོངས་ཏེ་སྦྱར་ནས་ཀྱང ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །སངས་རྒྱས་སྟོང་གི་སྔོན་གྱི་སྨོན་ལམ་གྱི་ཚུལ་རྫོགས་སོ།། །།དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དེ་ལྟར་སངས་རྒྱས་དག་ལ་ཆུང་བ་ཡི། །ཡོན་ཕུལ་རྣམ་པར་སྨིན་པ་འདི་དག་ཡིན། །འཁོར་ཚེ་དེ་ཡི་འབྲས་བུ་དེ་འདྲ་ན། །མཁས་པ་སུ་ཞིག་བྱང་ཆུབ་སེམས་མི་བསྐྱེད། །ནམ་མཁའ་དག་གི་ཚད་དག་བཟུང་བ་དང ། །རྒྱ་མཚོ་ཆེན་པོ་མཐར་གྱིས་བགྲང་ནས་ཀྱི། །སངས་རྒྱས་དག་ལ་དད་པ་ཤས་ཙམ་གྱི། །བསོད་ནམས་ཚད་བཟུང་བར་ནི་ནུས་པར་དཀའ། །ཇི་སྲིད་མྱ་ངན་འདས་བདེ་མ་རེག་པར། །དེ་སྲིད་མི་ཁོམ་སྡུག་བསྔལ་མྱོང་མི་འགྱུར། ། 542b དེ་བས་རྒྱལ་བ་བསོད་ནམས་ཞིང་ཐོབ་ནས། །བག་ཡོད་མི་ཡིས་བཀུར་སྟི་མཆོད་པ་གྱིས། །སངས་རྒྱས་དག་ལ་ལྷག་པར་མོས་པའི་ཚེ། །བདེ་གཤེགས་མྱ་ངན་འདས་པའི་སྐུ་གདུང་ལ། །མཆོད་པ་ཆུང་ཤས་བྱེད་པའི་ཡོན་ཏན་མཐའ། །བསམ་པར་ནུས་མ་ཡིན་ན་དེ་ལྟ་ཞོག་།བྱང་ཆུབ་སེམས་ཀྱི་རྒྱལ་བར་ཡོན་ཕུལ་དང ། །གང་དག་ཚད་མེད་ཆོས་འདི་བཞི་པོ་དང ། །ནམ་མཁའི་ཁམས་དང་སེམས་ཅན་ཁམས་རྣམས་དག་།སྟོན་པ་མ་གཏོགས་ཤེས་པར་ནུས་པ་མེད། །གང་ཕྱིར་སེམས་ཅན་ཐམས་ཅད་རྗེས་བཟུང་ཕྱིར། །བྱང་ཆུབ་སེམས་བསྐྱེད་གནས་པ་ཇི་ལྟ་བར། །དབུལ་པོས་དཔག་ཚད་ཁོར་ཡུག་གཅིག་ཙམ་གྱི། །གཏེར་དག་རྙེད་པ་དེ་ལྟར་དགའ་མ་ཡིན། ། སངས་རྒྱས་བྱང་ཆུབ་ཕྱིར་ནི་རྒྱལ་བ་ཡི། །རྣམ་པར་རོལ་པ་བརྒྱད་དང་སྟོབས་བཅུ་དང ། །སེམས་ཅན་སྡུད་པ་ལྔ་བརྒྱ་དགའ་མཛད་བཞི། །རྟོགས་བྱེད་འཇུག་པ་དག་ནི་བརྒྱད་ཁྲི་དང ། །རྟོགས་པར་བྱེད་པ་བརྒྱད་ཅུ་རྩ་བཞི་དང ། །བླ་ན་མེད་པའི་སྒོ་མོ་དྲུག་ཁྲི་དང ། །ས་རྣམ་འབྱེད་དང་ཡེ་ཤེས་བདུན་ཅུ་དྲུག་།སངས་རྒྱས་མཚོན་པ་སྤྱོད་པ་བཅོ་བརྒྱད་དང ། །ཕ་རོལ་གནོན་པ་ལྔ་དང་བརྟན་པ་བཅུ། །སྤྱོད་ཡུལ་ཐེར་འབུམ་ཕྲག་ནི་བཅུ་གཅིག་དང ། །གཞན་ཡང་སངས་རྒྱས་དག་གི་ཡོན་ཏན་ 543a ༄#། །གང ། །མཆན་དང་དཔེ་བྱད་དག་དང་སྤྱོད་ལམ་དག་།རང་སངས་རྒྱས་ཀྱི་སྤྱོད་ཡུལ་མ་ཡིན་ན། །ཉན་ཐོས་སྒྲ་རྗེས་འབྲང་བའི་སྨོས་ཅི་དགོས། །མཚུངས་པ་མེད་པ་འདྲ་བ་ཡོན་མིན་པས། །དེས་ན་སངས་རྒྱས་བསམ་མི་ཁྱབ་ཅེས་བརྗོད། །།གང་དག་བྱང་ཆུབ་མཆོག་རབ་སེམས་ཡོད་པ། །དེ་དང་དེ་དག་མི་དམན་མཚུངས་མེད་སྤྱོད། །དེ་དག་དེ་རིང་འཇིག་རྟེན་ནོར་ཆེན་རྙེད། །དེ་དག་འཇིག་རྟེན་ལེགས་པར་འཚོ་བས་འཚོ། །བདུད་རྣམས་བཅོམ་སྟེ་བདུད་རྩི་རེག་བྱས་ནས། །ཆར་སྤྲིན་ལྷུན་སྟུག་ལྟ་བུར་ཚིམ་པར་བྱེད། །གང་དེ་བྱང་ཆུབ་ལ་ཞུགས་འཇིག་རྟེན་སྐྱོབ། །དེ་དག་ནོར་བདུན་དག་གིས་སྡུད་པར་བྱེད། ། གལ་ཏེ་སྡུག་བསྔལ་བརྒྱ་མང་བཟོད་བྱེད་པ། །དེ་བས་བྱང་ཆུབ་གང་ཞུགས་སྐྱོ་མི་འགྱུར། །དེ་ཡིས་ཡོན་ཏན་དེ་དག་མྱུར་འཐོབ་ལ། །འཇིག་རྟེན་ཀུན་གྱི་མཆོག་མ་དག་ཏུའང་འགྱུར། །འདོད་པའི་རྒྱུ་ཡིས་སྡུག་བསྔལ་མང་པོ་མྱོང་བར་འགྱུར། །གང་གི་རྣམ་པར་སྨིན་པས་ངན་འགྲོར་ལྷུང་བར་འགྱུར། །མཐོ་རིས་འགྲོ་དང་བྱང་ཆུབ་ཡོན་ཏན་དོན་གྱི་ཕྱིར། །མཁས་པ་སུ་ཞིག་བྱིས་པ་དག་ལྟར་འགལ་བར་བྱེད། །བྱིས་པ་འགལ་བྱེད་མཁས་པ་འགལ་མི་བྱེད། །མི་ 543b ཤེས་འཁྲུལ་ཡིན་ཤེས་ལྡན་དྲན་པ་ཐོབ། །བླུན་པོ་འདམ་བྱིང་མཁས་པ་ཐང་ལ་གནས། །གང་དག་ཆོས་སྤྱོད་པ་ནི་དེ་ལ་བཟོད། །དེ་བས་རིགས་པ་ཅན་མིན་སྤང་བྱ་ཞིང ། །གང་དག་ཤེས་ཡུལ་རིགས་ལྡན་སྟེན་པར་བྱ། །དཔལ་དང་གྲགས་པ་རྙེད་པ་སྤངས་ནས་ཀྱང ། །ཏིང་ངེ་འཛིན་འདི་ལ་ནི་རྣལ་འབྱོར་བྱ། །སངས་རྒྱས་རེ་རེའི་ཡོན་ཏན་དྲན་པ་ཡང ། །བསྐལ་བ་ཁྲི་ཕྲག་ཚད་མེད་བཟོད་བྱས་ན། །སངས་རྒྱས་ཡོན་ཏན་བསམ་མེད་སྨོས་ཅི་དགོས། །དེ་བས་སྡུག་བསྔལ་ཉམ་ཐག་དང་དུ་ལོངས། །བཟོད་དང་ཏིང་འཛིན་དག་གི་གོ་བགོས་ལ། །བརྩོན་འགྲུས་རྒྱལ་མཚན་ཚུལ་ཁྲིམས་ཤིང་རྟ་ཞོན། །སྦྱིན་སྟོབས་ཤེས་རབ་མདའ་ཡིས་བདུད་བཅོམ་སྟེ། །ཕམ་བྱས་བྱང་ཆུབ་དག་ལ་རེག་པར་གྱིས། །བྱམས་པའི་གྲོགས་དང་སྒྲུབ་པའི་བཤེས་གཉེན་དང ། །དབྱེར་མེད་ཕ་རོལ་ཕྱིན་པ་སྤྲོ་བྱད་དང ། །སྟོང་པའི་གནས་བཅས་ཤུགས་ཀྱི་ཟས་བསྟེན་ཚེ། །ཐམས་ཅད་མཁྱེན་པའི་ཡོན་ཏན་ཐོབ་པར་གྱིས། །དེ་བས་ཇི་སྐད་འདིར་གསུངས་རྣམ་ངེས་ལ། །བག་དང་ལྡན་པས་རྟག་ཏུ་སྦྱོང་བར་གྱིས། ། མཁའ་ལ་ངང་པ་སྐད་འབྱིན་དགའ་བ་ལྟར། །ཐམས་ཅད་མཁྱེན་པ་མྱུར་དུ་ཐོག་པར་གྱིས། །མཆོག་ཏུ་དགའ་བའི་རྒྱལ་པོ། སྔོན་བྱུང་བ་འདས་པའི་དུས་ན་ད་ 544a ༄#། །བཞིན་གཤེགས་པ་བརྩོན་འགྲུས་མཐའ་ཡས་ཞེས་བྱ་བ་འཁོར་ཐེར་འབུམ་རྙེད་དང་བཅས་པ་ཞིག་བྱུང་བར་གྱུར་ཏེ། །དེ་ཏིང་ངེ་འཛིན་འདི་སྟོན་ཏོ། །དེ་ཏིང་ངེ་འཛིན་འདི་སྟོན་པ་ན་དེའི་ཚེ་རྒྱལ་པོ་བསོད་ནམས་མེ་ཏོག་ཅེས་བྱ་བ་ཞིག་བྱུང་བས་ཐོས་ནས་དེས་བཙུན་མོ་སྟོང་དང་སྲས་སྟོང་ལ་སྨྲས་པ། །ཏིང་ངེ་འཛིན་ཟད་པར་སྣང་བ་འདིའི་དོན་ཀྱང་མི་ཤེས་སོ། །མ་ཤེས་པས་རྟོགས་པར་བྱར་ཡང་མི་ནུས་སོ། །དེ་ལྟ་ཡིན་གྱིས་ཀྱང་དེ་བཞིན་གཤེགས་པས་ལེགས་པར་གསུངས་པ་ལ་བདག་ཅག་གིས་རྗེས་སུ་ཡི་རང་བར་ནི། བྱའོ་བཅོམ་ལྡན་འདས་ཀྱིས་ལེགས་པར་གསུངས་ཤིང་བཤད་པའི་ཏིང་ངེ་འཛིན་འདི་ལ་རྗེས་སུ་ཡི་རང་བ་བྱས་པས། དེ་དག་རྗེས་སུ་ཡི་རང་བའི། །མོང་ལ་སྐལ་པ་བརྒྱད་ཁྲིར་འཁོར་བ་བསྙིལ་ནས་དེ་ལས་ཁ་ཕྱིར་ཕྱོགས་པར་གྱུར་ཏོ། །ཁྱིམ་ཅན་ཞེས་བྱ་བའི་གཟུགས་ཀྱང་ཐོབ་པར་གྱུར་ཏོ། །བྱང་ཆུབ་ཇི་སྐད་བསྟན་པ་ལའང་ཐེ་ཚོམ་མེད་པར་གྱུར་ཏོ། །དགེ་བའི་རྩ་བ་དེས་ན། སངས་རྒྱས་སུམ་འབུམ་དག་མཉེས་པར་བྱས་པར་གྱུར་ཏོ། །ཐམས་ཅད་དུའང་ཏིང་ངེ་འཛིན་འདི་ཐོབ་པར་གྱུར་ཏོ། །ལོག་པར་ལྟུང་བ་དང ། མི་ཁོམ་དག་ཏུ་ནམ་ 544b ཡང་ལྟུང་བར་མ་གྱུར་ཏོ། །རྒྱུ་དེ་ཁོ་ནས་བྱང་ཆུབ་མངོན་པར་རྫོགས་པར་སངས་རྒྱས་སོ། །མངོན་པར་རྫོགས་པར་འཚང་རྒྱ་བར་འགྱུར་རོ། །མཆོག་ཏུ་དགའ་བའི་རྒྱལ་པོ། ཁྱོད་དེའི་ཚེ་དེའི་དུས་ན་རྒྱལ་པོ་བསོད་ནམས་མེ་ཏོག་ཅེས་བྱ་བ་དེ་ཁྱོད་ཀྱིས་གཞན་ཡིན་ནོ་སྙམ་པ་དེ་ལྟར་བལྟ་བར་མི་བྱ་སྟེ། དེ་བཞིན་གཤེགས་པ་ཚེ་དཔག་མེད་དེ། དེའི་ཚེ་དེའི་དུས་ན་རྒྱལ་པོ་བསོད་ནམས་མེ་ཏོག་ཅེས་བྱ་བར་གྱུར་ཏོ། །བསྐལ་པ་བཟང་པོ་པའི་དེ་བཞིན་གཤེགས་པ་དེ་དག་ནི། དེའི་ཚེ་དེའི་དུས་ན་སྲས་སྟོང་དུ་གྱུར་ཏོ། །དེ་ལྟར་རྗེས་སུ་ཡི་རང་བ་ཙམ་གྱིས་ཀྱང་ཏིང་ངེ་འཛིན་འདི་མཐུ་ཆེ་བ་ཡིན་ན། ཀློག་པ་དང ། །ལུང་འབོག་པ་དང ། སྒྲུབ་པ་ལྟ་སྨོས་ཀྱང་ཅི་དགོས། མཆོག་ཏུ་དགའ་བའི་རྒྱལ་པོ། སྔོན་བྱུང་བ་འདས་པའི་དུས་ན་དེ་བཞིན་གཤེགས་པ་བདུད་རྩི་དགའ་ཞེས་བྱ་བའི་ཁོར་འབུམ་སྙེད་དང་བཅས་པ་ཞིག་བྱུང་བར་གྱུར་ཏེ། དེ་ལ་འཁོར་ལོས་བསྒྱུར་བའི་རྒྱལ་པོ་བློ་ཡངས་ཞེས་བྱ་བས་ཁང་བཟང་གསེར་གྱི་འོད་དང་ལྡན་པ། ཙནྡན་དམར་པོའི་ཆུས་བཏབ་པ། ། ་ག་རུའི་བདུགས་པས་བདུགས་པ་ཞིག་ཕུལ་ལོ། །ལོངས་སྤྱད་པའི་ཕྱིར་དགེ་སློང་གི་དགེ་འདུན་ཐམས་ཅད་ལའང ། དེ་ཁོ་ན་དང་འདྲ་བ་ཞིག་ཕུལ་བར་གྱུར་ 545a ༄#། །ཏོ། །དེ་དག་ཐམས་ཅད་ལའང་བསྐྱེད་མོས་ཚལ་རེ་རེའང་ཕུལ་བར་གྱུར་ཏོ། །དེས་བཅོམ་ལྡན་འདས་དེ་ལས་ཏིང་ངེ་འཛིན་བསྟན་པ་འདི་ཡང་ཐོས་སོ། །དེ་ནས་བཅོམ་ལྡན་འདས་དེ་ཉིད་ཀྱི་རིམ་གྲོ་པ་མང་དུ་ཐོས་པ་རྣམས་ཀྱི་མཆོག་ཤེས་རབ་རྫོགས་ཞེས་བྱ་བ་ཞིག་བྱུང་བར་གྱུར་པ་དེ་ལ་དེས་འདི་སྐད་དུ། འདི་ལྟར་བདག་གིས་ཏིང་ངེ་འཛིན་འདི་ཤེས་པར་བྱ་ན། ཁྱིམ་ན་གནས་པས་ནི་འདི་རྟོགས་པར་དཀའ་ཡིས། ཅི་ནས་ཀྱང་བདག་གིས་སྐྲ་དང་ཁ་སྤུ་བྲེགས་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱ་བ་གོར་ཆག་གོ། ཞེས་སྨྲས་སོ། །དེ་ནས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་སྲས་ཁྲི་དང ། བཙུན་མོ་བརྒྱད་ཁྲི་བཞི་སྟོང་པོ་དེ་དག་ཐམས་ཅད་དང་ལྷན་ཅིག་ཏུ་རབ་ཏུ་བྱུང་སྟེ་ཏིང་ངེ་འཛིན་འདིའི་རྣམ་པ་དག་ཞུས་པ་དང ། བཅོམ་ལྡན་འདས་དེས་དེ་དག་གི་བསམ་པ་ཐུགས་སུ་ཆུད་ནས། །ཏིང་ངེ་འཛིན་འདི་ཞག་བདུན་གྱི་བར་དུ་རྒྱ་ཆེར་ཡང་དག་པར་བསྟན་ཏོ། ། དེ་དག་གིས་ཐོས་ནས་ཀྱང་གཅིག་ལ་གཅིག་འདི་སྐད་དུ། ཀྱེ་མ་ཏིང་ངེ་འཛིན་ནི་མཐོང་བར་དཀའ་མོད་ཀྱི། །འོན་ཀྱང་ཏིང་ངེ་འཛིན་འདི་ལེགས་པར་བྲིས་ཏེ་བཅང་ 545b བར་བྱའོ། །ཞེས་འཛེར་ཏོ། །དེ་དག་ཐམས་ཅད་ཀྱི་ཏིང་ངེ་འཛིན་འདི་བྲིས་ནས་ཀྱང་མཆོད་པ་བྱས་སོ། །བཟུང་ངོ ། །ལུང་ཡང་ཕོག་གོ་།དེ་ནས་དེ་དག་ཐམས་ཅད་དུས་ལས་འདས་ནས་སླར་དེ་དག་ཚེགས་པར་གྱུར་པས་སངས་རྒྱས་དྲུག་འབུམ་མཉེས་པར་བྱས་པར་གྱུར་ཏོ། །ཐམས་ཅད་དུ་ཏིང་ངེ་འཛིན་འདི་ཐོས་པར་གྱུར་ཏོ། །ཐམས་ཅད་དུ་རབ་ཏུ་བྱུང་ནས་ཏིང་ངེ་འཛིན་འདི་ཐོབ་པར་གྱུར་ཏོ། །སྨོན་ལམ་ཇི་ལྟར་བཏབ་པ་བཞིན་དགེ་བའི་རྩ་བ་འདི་ཁོ་ནས་ཐམས་ཅད་ཀྱིས་བྱང་ཆུབ་རབ་ཏུ་ཐོབ་གྱུར་ཏོ། ། མཆོག་ཏུ་དགའ་བའི་རྒྱལ་པོ། ཁྱོད་དེའི་ཚེ་དེའི་དུས་ན་འཁོར་ལོས་བསྒྱུར་བའི་རྒྱལ་པོ་བློ་ཡངས་དེ་ཁྱོད་ཀྱིས་གཞན་ཡིན་ནོ་སྙམ་པ་དེ་ལྟར་བལྟ་བར་མི་བྱ་སྟེ། ། དེ་བཞིན་གཤེགས་པ་མར་མེ་མཛད་དེ། དེའི་ཚེ་དེའི་དུས་ན་འཁོར་ལོས་བསྒྱུར་བའི་རྒྱལ་པོ་བློ་ཡངས་ཞེས་བྱ་བར་གྱུར་ཏོ། །དེ་བཞིན་གཤེགས་པ་རྣམ་པར་གཟིགས་དེ་ནི་།དགེ་སློང་རིམ་གྲོ་བ་ཤེས་རབ་རྫོགས་ཞེས་བྱ་བར་གྱུར་ཏོ། །གང་དག་སྲས་ཁྲི་པོ་དེ་དག་ནི། བསྐལ་པ་འདི་ནས་གཟུང་སྟེ་བསྐལ་པ་དྲུག་ཅུ་རྩ་ལྔའི་བར་དུ་འཚང་རྒྱ་བར་མི་འགྱུར་རོ། །དེའི་འོག་ཏུ་བསྐལ་པ་གྲགས་པ་ཆེན་པོ་ཞེས་བྱ་བ་ཞིག་འབྱུང་བར་འགྱུར་ཏེ། བསྐལ་པ་གཅིག་པོ་དེ་ལ་དེ་ 546a ༄#། །དག་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །གང་དག་བློན་པོ་བརྒྱད་ཁྲི་པོ་དེ་དག་ནི། བསྐལ་པ་གྲགས་པ་ཆེན་པོ་འདས་ནས་བསྐལ་པ་བརྒྱད་བཅུའི་བར་དུ་འཚང་རྒྱ་བར་མི་འགྱུར་རོ། །དེའི་འོག་ཏུ་བསྐལ་པ་སྐར་མ་ལྟ་བུ་ཞེས་བྱ་བ་ཞིག་འབྱུང་བར་འགྱུར་ཏེ། ། དེ་ལ་བློན་པོ་བརྒྱད་ཁྲི་པོ་དེ་དག་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བསྐལ་པ་སྐར་མ་ལྟ་བུ་འདས་ནས་བསྐལ་པ་གསུམ་བརྒྱར་སངས་རྒྱས་འབྱུང་བར་འགྱུར་རོ། །དེའི་འོག་ཏུ་བསྐལ་པ་ཡོན་ཏན་བཀོད་པ་ཞེས་བྱ་བ་ཞིག་འབྱུང་བར་འགྱུར་ཏེ། དེ་ལ་བཙུན་མོ་བརྒྱད་ཁྲི་བཞི་སྟོང་པོ་དེ་དག་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །མཆོད་ཏུ་དགའ་བའི་རྒྱལ་པོ། བྱང་ཆུབ་སེམས་དཔའ་ཏིང་ངེ་འཛིན་འདི་ནི་དེ་ལྟར་འབྲས་བུ་ཆེ་བ་ཡིན་ནོ། །མཆོག་ཏུ་དགའ་བའི་རྒྱལ་པོ། དེ་ལྟ་བས་ན། བྱང་ཆུབ་སེམས་དཔའི་ལྷག་པའི་བསམ་པ་རྫོགས་པ་ལུས་དང་སྲོག་ལ་མི་ལྟ་བར་གྱུར་པས་ཏིང་ངེ་འཛིན་འདི་བཙལ་བར་བྱའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འོད་པས་ཏིང་ངེ་འཛིན་འདི་ལ་རྣལ་ 546b འབྱོར་དུ་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སངས་རྒྱས་བྱང་ཆུབ་དོན་དུ་གཉེར་བ་གང ། །དེ་དག་རྒྱལ་པོ་དེ་ཡི་རྗེས་སུ་སློབ། །ཡང་དག་སྒྲུབ་ལ་གནས་པ་མ་གཏོགས་པར། །གཞན་གྱིས་བྱང་ཆུབ་མཆོག་ནི་འཐོབ་མི་འགྱུར། །དེ་ལྟར་འདི་ནི་དང་པ་ཆུད་བསྐྱེད་ཀྱང ། །དེ་བཞིན་རྣམ་སྨིན་གྱ་ནོམ་ཐོབ་པར་འགྱུར། །དེ་བས་གཡོ་མེད་ལྷག་པའི་བསམ་པ་ཡིས། །འདིར་ནི་ཅི་རིགས་བཀུར་སྟིས་རྣལ་འབྱོར་གྱིས། །རྒྱལ་བ་གང་དེ་བདག་གིས་འདིར་བསྒྲགས་པ། །དེ་དག་གང་ཞིག་མཐོང་བར་འདོད་པ་དང ། །བསྟན་པ་རྒྱ་ཆེར་འཆད་པར་འདོད་པ་དང ། །ཇི་སྐད་བསྟན་བཞིན་འདི་ལ་རྣལ་འབྱོར་གྱིས། ། ཡི་རང་ཉིད་ཀྱིས་ཕུན་སུམ་ཚོགས་འགྱུར་ན། །འཆང་དང་ཀློག་པ་ལྟ་ཞིག་ཅི་སྨོས་ཏེ། །ཡོན་ཏན་མཐའ་ནི་འགྲོ་བས་བསམ་མི་ནུས། །འདི་ཐོས་སུ་ཞིག་རྣལ་འབྱོར་སྦྱོར་མི་བྱེད། །བྱང་ཆུབ་སོ་སོ་ཡང་དག་རིག་མཚན་དང ། །སྟོན་དང་ཕ་རོལ་སེམས་ནི་གླེང་བ་དང ། །སྒྲུབ་དང་སྣང་བ་གང་དག་སངས་རྒྱས་ཆོས། །ཏིང་ངེ་འཛིན་འདི་ལས་ནི་བཙལ་བར་བྱ། །ལས་སྦྱོང་དེ་བཞིན་བདུད་རྣམས་འཇོམས་པ་དང ། །ལྟ་སྦྱོང་དེ་བཞིན་སྲེད་པ་ཟད་བྱེད་དང ། །རྣམ་པར་རོལ་དང་ཞིང་བཀོད་འབྱོར་ 547a ༄#། །པ་དག་།འདི་དང་རབ་ཏུ་ལྡན་ལ་དཀོན་མ་ཡིན། །དེ་བཞིན་རྣམ་གྲོལ་སྤོབས་པ་ཕུན་ཚོགས་པ། །བྱ་བ་ཐམས་ཅད་སྤྱོད་བྱེད་གཟུངས་དག་དང ། །བསམ་པ་ཇི་བཞིན་བྱང་ཆུབ་འཚང་རྒྱ་བ། །དེ་དག་ཐམས་ཅད་འདིར་གནས་མོད་པ་ཡིན། །ང་ཡིས་དེ་སྙེད་ཚིག་གིས་བརྗོད་ནུས་རྣམས། །དེ་ལྟ་བས་ན་དེ་དག་འདིར་སྒྲུབས་ཤིག། །ཀུན་མཁྱེན་ཆོས་ལ་དགའ་བར་མ་བྱེས་ན། །ཕྱི་དུས་དག་ན་འགྱོད་པར་གྱུར་ཏ་རེ། །ཕ་རོལ་ཕྱིན་པ་ཇི་སྙེད་ངས་བསྟན་དང ། །གང་དག་ཡེ་ཤེས་རྒྱ་མཚོ་སྦྱོར་ལམ་དག་།ལུས་རྟེན་བྱིས་པའི་སྤྱོད་ལ་གནས་པ་ཡིས། །ཤེས་བར་བྱ་བ་རབ་ཏུ་ནུས་མ་ཡིན། །དུས་ངན་པ་དང་སེམས་ཅན་མ་རུངས་དང ། །ཆོས་ནུབ་མཐའ་དང་ངན་སོང་འཕེལ་བ་ནི། །མཁས་པས་ཤིན་ཏུ་ཡིད་བྱུང་བྱས་ཞེས་ཀྱང ། །བག་ཡོད་རི་དྭགས་བཞིན་དུ་སྐྲག་པར་འགྱུར། །མཆོག་ཏུ་དགའ་བའི་རྒྱལ་པོ། བྱང་ཆུབ་སེམས་དཔའ་གང་ཞིག་གིས་བསྐལ་པ་སྟོང་དུ་ཐབས་མཁས་པ་མ་གཏོགས་པར་ཕ་རོལ་ཏུ་ཕྱིན་པ་དྲུག་དག་ལ་སྤྱད་པས་ནི། ཏིང་ངེ་འཛིན་འདི་ཐོས་ནས་རྗེས་སུ་ཡི་རང་བའི་བསོད་ནམས་ཀྱིས་ཕུང་པོ་འདི་ལ་བསོད་ནམས་ཀྱི་ཕུང་པོ་ 547b སྔ་མ་དེས་རྒྱའི་ཆར་ཡང་ཉེ་བར་མི་འགྲོ་བ་ནས་དཔེའི་བར་དུའང་ཉེ་བར་མེ་འགྲོའོ། །ཆོས་ཀྱི་རྣམ་གྲངས་འདི་བསྟན་པ་ན་བྱང་ཆུབ་སེམས་དཔའ་གྲངས་མེད་པ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷ་དང་མིའི་སྐྱེ་དགུའི་ཚོགས་བརྒྱད་འབུམ་སྙེད་ཀྱང་རྡུལ་མེད་ཅིང་དྲི་མ་དང་བྲལ་ལ་ཆོས་རྣམས་ལ་ཆོས་ཀྱི་མིག་རྣམ་པར་དག་གོ་།ལྷ་དེ་དག་ཆོས་ཀྱི་མིག་རྣམ་པར་དག་པས་བཅོམ་ལྡན་འདས་ཀྱི་ཆོས་ལ་མངོན་པར་དགའ་བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དག་མེ་ཏོག་གིས་ཆལ་བར་བཀྲམ་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའང་རྣམ་པ་དྲུག་དུ་གཡོས་སོ། །བར་སྣང་ལས་ཀྱང་ལྷའི་རྔ་སྒྲ་དག་བསྒྲགས་སོ། །མཆོག་ཏུ་དགའ་བའི་རྒྱལ་པོ་ལ་སོགས་པ་བྱང་ཆུབ་སེམས་དཔའ་བྱེ་བ་སྙེད་ཐམས་ཅད་ཀྱིས་ཀྱང་ཏིང་ངེ་འཛིན་འདི་ཐོབ་བོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་མཆོག་ཏུ་དགའ་བའི་རྒྱལ་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང ། ། 548a ༄#། །ལྷ་དང ། མི་དང ། ལྷ་མ་ཡིན་དང ། །དྲི་ཟར་བཅས་པའི་འཇིག་རྟེན་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རང་སྟེ་མངོན་པར་བསྟོད་དོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་བིདྱ་ཀ་ར་སིངྷ་དང ། ལོ་ཙཱ་བ་བནྡྷེ་དཔལ་གྱི་དབྱངས་ཀྱིས་བསྒྱུར། ཞུ་ཆེན་གྱི་ལོ་ཙཱ་བ་བནྡྷེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ། |