(ཉ)་༄#། !་།གསང་སྔགས་རྒྱུད་འབུམ་གྱི་སྐོར་བཞུགས་སོ། །[(黃)་秘密經第八部] 91.1b ༄##། །རྒྱ་གར་སྐད་དུ། སརྦྦ་ཏ་ཐཱ་ག་ཏ་ཏཏྟྭ་སམ་གྲ་ཧ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྣམ་པར་སྣང་མཛད་ཐུགས་རྗེ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་བྱིན་གྱིས་བརླབས་དང ། དམ་ཚིག་གི་ཡེ་ཤེས་རྣམ་པ་སྣ་ཚོགས་ཀྱི་ཁྱད་པར་དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་དབུ་རྒྱན་གྱིས་ཁམས་གསུམ་གྱི་ཆོས་ཀྱི་རྒྱལ་པོ་དབང་བསྐུར་བ་མངའ་བརྙེས་པ། དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཁྱེན་པའི་ཡེ་ཤེས་རྣལ་འབྱོར་ཆེན་པོའི་དབང་ཕྱུག་།དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་མཉམ་པ་ཉིད་དུ་ཐུགས་སུ་ཆུད་ཅིང ། ཐམས་ཅད་ཀྱི་དགོས་པ་མཛད་པ་ཉིད་ཀྱིས། 91.2a སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ཀྱི་རེ་བ་ཡོངས་སུ་བསྐོང་བའི་ཕྲིན་ལས་མཛད་པ། ཐུགས་རྗེ་ཆེ་བ་རྣམ་པར་སྣང་མཛད་དུས་གསུམ་དུ་རྟག་པར་བཞུགས་ཤིང ། སྐུ་དང་གསུང་དང ། ཐུགས་ཐམས་ཅད་རྡོ་རྗེ་ལྟ་བུར་གྱུར་པའི་དེ་བཞིན་གཤེགས་པ། དེ་བཞིན་གཤེགས་པ་ཐམས་ཅད་བཞུགས་ཤིང་བསྔགས་བསྟོད་པ། ནོར་བུ་དང ། རིན་པོ་ཆེ་ཆེན་པོས་སྤྲས་པ། ཁ་དོག་སྣ་ཚོགས་ཤིང་དྲིལ་བུ་བཏགས་པ། དར་དང ། འཕན་དང ། མེ་ཏོག་གི་ཕྲེང་བ་དང ། རྔ་མ་དང ། དྲ་བ་དང་དྲ་བ་ཕྱེད་པ་དང ། ཟླ་བ་རླུང་གིས་བསྐྱོད་པ་རྣམས་ཀྱིས་མཛེས་པར་བྱས་པའི་འོག་མིན་གྱི་ལྷའི་རྒྱལ་པོའི་གནས་ན་བཞུགས་པ་བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་དགུ་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དང ། ཀུན་ཏུ་སྤྱན་རས་གཟིགས་ཀྱི་དབང་པོ་དང ། ནམ་མཁའི་སྙིང་པོ་དང ། རྡོ་རྗེ་ཁུ་ཚུར་དང ། འཇམ་དཔལ་དང ། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དང ། ནམ་མཁའི་མཛོད་དང ། བདུད་ཀྱི་སྟོབས་ཐམས་ཅད་རབ་ཏུ་འཇོམས་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཕྲག་དགུ་བཅུ་རྩ་དགུ་དང ། གང་གཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་དང་ཐབས་གཅིག་ཏུ་བཞུགས་ཏེ། དེ་ཡང་འདི་ལྟར་འཛམ་བུའི་གླིང་ན་དེ་བཞིན་གཤེགས་པ་ཚད་མེད་གྲངས་མེད་པ་དེ་དག་གི་སྐུས་ཀྱང་ཏིལ་གྱི་གང་བུ་བཞིན་དུ་གང་བར་སྣང་ངོ ། །དེ་བཞིན་གཤེགས་པའི་སྐུ་རེ་རེ་ལས་ཀྱང་སངས་རྒྱས་ཀྱི་ཞིང་གྲངས་མེད་ཚད་མེད་པ་རྣམས་སྣང་ངོ ། །སངས་རྒྱས་ཀྱི་ཞིང་དེ་དག་ན་ཡང་ཆོས་ཀྱི་ཚུལ་འདི་དག་འཆད་དོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ། ནམ་མཁའི་དབྱིངས་ཐམས་ཅད་བཞིན་དུ་རྟག་པར་བཞུགས་ཤིང་སྐུ་དང་གསུང་དང་ཐུགས་རྡོ་རྗེ་ལྟ་བུར་གྱུར་པ། དེ་བཞིན་གཤེགས་པ་ཐམས་ཅད་དང་མཉམ་པ་ཉིད་དུ་འཇུག་པས། རྡོ་རྗེ་དབྱིངས་ཐམས་ཅད་ཐུགས་སུ་ཆུད་པའི་ཡེ་ཤེས་སེམས་དཔའ་ནམ་མཁའི་དབྱིངས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་རྡོ་རྗེའི་བྱིན་གྱིས་བརླབས་ལས་བྱུང 91.2b བའི་ཡེ་ཤེས་ཀྱི་སྙིང་པོ། དེ་བཞིན་གཤེགས་པ་མཐའ་ཡས་པ་ཉིད་ཀྱི་རྡོ་རྗེ་ཆེན་པོའི་ཡེ་ཤེས་རིན་པོ་ཆེའི་དབང་བསྐུར་བའི་རིན་པོ་ཆེ་ཆེན་པོ། ནམ་མཁའི་དབྱིངས་ཐམས་ཅད་དུ་སྤྲོས་པའི་དེ་བཞིན་ཉིད་ཀྱི་ཡེ་ཤེས་མངོན་པར་རྫོགས་པར་བྱང་ཆུབ་པས་བྱང་ཆུབ་པར་གྱུར་ཅིང ། དེ་བཞིན་གཤེགས་པ་ཐམས་ཅད་ཀྱི་ངོ་བོ་ཉིད་དག་པའི་ཕྱིར་ཆོས་ཐམས་ཅད་ཀྱི་རང་བཞིན་དག་པར་ཐུགས་སུ་ཆུད་པ། ནམ་མཁའི་ཁམས་ཐམས་ཅད་དུ་ཁྱབ་པའི་གཟུགས་ཐམས་ཅད། དུ་ཡང་དག་པར་སྟོན་པ་མཁྱེན་པས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་ཁམས་རྣམས་གདུལ་བར་སྤྱོད་པའི་མཆོག་ཏུ་གྱུར་པ། དེ་བཞིན་གཤེགས་པ་ཐམས་ཅད་ཀྱི་བཀའ་ནོད་ཅིང་དོན་ཡོད་པར་མཛད་པ་ཉིད་ཀྱིས་ཐམས་ཅད་དང་མཉམ་པ་མེད་ཅིང་བླ་ན་མེད་པའི་ཕྲིན་ལས་ཐམས་ཅད་མཛད་པ། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཆེན་པོར་སེམས་བརྟན་པ་དང ། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང ། དེ་བཞིན་གཤེགས་པ་ཐམས་ཅད་མཉེས་པར་བྱ་བའི་ཡེ་ཤེས་ཀྱི་དབང་ཕྱུག་དང ། དེ་བཞིན་གཤེགས་པ་ཐམས་ཅད་ཀྱིས་ལེགས་སོ་ཞེས་བྱ་བ་དང ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་དབང་ཆེན་པོ་བསྐུར་བ་དང ། དེ་བཞིན་གཤེགས་པ་ཐམས་ཅད་ཀྱི་ཉི་མའི་འོད་ཀྱི་དཀྱིལ་འཁོར་དང་དེ་བཞིན་གཤེགས་པ་ཐམས་ཅད་ཀྱི་བསམ་པའི་རྒྱལ་པོ་ཡིད་བཞིན་གྱི་ནོར་བུའི་རྒྱལ་པོའི་རིན་པོ་ཆེའི་དཔལ་དང་དེ་བཞིན་གཤེགས་པ་ཐམས་ཅད་ཀྱི་བཞད་པ་ཆེན་པོ་དང་དེ་བཞིན་གཤེགས་པ་ཐམས་ཅད་ཀྱི་དག་པའི་ཆོས་ཆེན་པོ་དང ། དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཆེན་པོའི་ཡེ་ཤེས་དང ། དེ་བཞིན་གཤེགས་པ་ཐམས་ཅད་ཀྱི་འཁོར་ལོ་དང ། དེ་བཞིན་གཤེགས་པ་ཐམས་ཅད་ཀྱི་དགོངས་པ་འཆད་པ་དང་དེ་བཞིན་གཤེགས་པ་ཐམས་ཅད་ཀྱི་གདོན་མི་ཟ་བར་ཐམས་ཅད་ཀྱི་དགོངས་པ་མཛད་པ་དང ། དེ་བཞིན་གཤེགས་པ་ཐམས་ཅད་ཀྱི་བརྩོན་འགྲུས་ཆེན་པོའི་གོ་ཆ་ཤིན་དུ་བརྟན་པོ་དང ། དེ་བཞིན་གཤེགས་པ་ཐམས་ཅད་ཀྱིས་བསྲུང་ཞིང་བསྐྱབ་པའི་གནོད་སྦྱིན་དང ། 91.3a དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་ཕྱག་རྒྱ་བཅིངས་པའི་ཡེ་ཤེས་རྣམས་སོ། །ཀུན་བཟང་རབ་ཏུ་གདོན་མི་ཟ། །བདུད་དང་རབ་དགྱེས་གཙོ་བོ་དང ། །མཁའ་སྐྱེས་ཤིན་དུ་གཟི་ཆེན་དང ། །རིན་ཆེན་དཔལ་དང་འཛུམ་པ་ཆེ། །ཀུན་དུ་གཟིགས་པའི་དབང་ཆེན་དང ། །འཇམ་དཔལ་དཀྱིལ་འཁོར་ཐམས་ཅད་དང ། །མི་གསུང་བ་དང་ཐམས་ཅད་ལས། །བརྩོན་འགྲུས་མ་རུངས་དམ་དུ་གཟུང ། །རྡོ་རྗེ་ལྕགས་ཀྱུ་མདའ་གཞུ་དང ། །རིན་ཆེན་ཉི་མ་རྒྱལ་མཚན་འཛུམ། །པད་མ་རལ་གྲི་འཁོར་ལོ་གསུང ། །ལས་དང་གོ་ཆ་འཇིགས་བྱེད་བཅིངས། །ཐོག་མ་ཐ་མ་མེད་ཅིང་ཞི། །མ་རུངས་ཁྲོ་བོ་བཟོད་པ་ཆེ། །གནོད་སྦྱིན་སྲིན་པོ་དམ་པ་བརྟན། །གཟི་ཆེན་དཔའ་བོ་དབང་པོ་ཆེ། །ུ་མའི་བདག་པོ་སྐྱེ་དགུའི་མགོན། །གཏོགས་འདོད་རྒྱལ་འདོད་ཐུབ་པ་ཆེ། །འཇིག་རྟེན་སྐྱོང་དང་མཁའ་དང་ས། །འཇིག་རྟེན་གསུམ་དང་ཁམས་གསུམ་པ། །འབྱུང་ཆེན་སེམས་ཅན་དོན་རབ་མཛད། །ཐམས་ཅད་གུ་ལང་ཚངས་པ་དང ། །འཁོར་དང་མྱ་ངན་འདའ་དང་རྟག་།ཡང་དག་འཚོ་དང་མཆོད་པ་ཆེ། །སངས་རྒྱས་དག་པ་ཐེག་པ་ཆེ། །སྲིད་གསུམ་རྟག་པའང་དེ་ཡིན་ནོ། །འཇིག་རྟེན་གསུམ་རྒྱལ་བདེ་སྤྱོད་དང ། །བདེ་སྤྱོད་གཙོ་བོ་རབ་འདུལ་མཛད། །རྡོ་རྗེ་གཙོ་དང་ས་རབ་མཆོག་།ཡེ་ཤེས་ཕ་རོལ་ཕྱིན་པའི་ཚུལ། །བྱང་ཆུབ་སེམས་དཔའི་རྣམ་པར་ཐར། །དེ་བཞིན་གཤེགས་པ་ཀུན་གྱི་སྤྱོད། །སངས་རྒྱས་དོན་དང་སངས་རྒྱས་ཐུགས། །བྱང་ཆུབ་ཀུན་དང་བླ་ན་མེད། །རྣམ་པར་སྣང་མཛད་རྒྱལ་བའི་གཙོ། །རང་བྱུང་གཟུངས་དང་དྲན་པ་དང ། །སེམས་དཔའ་ཆེ་དང་ཕྱག་རྒྱ་ཆེ། །ཏིང་འཛིན་སངས་རྒྱས་ཕྲིན་ལས་མཛད། །ཡང་དག་སངས་རྒྱས་ཀུན་བདག་ཉིད། །ཡོད་པ་རྟག་དོན་རྟོགས་མཛད་པ། །སྡོང་པོ་ཆེན་པོ་ནག་པོ་ཆེ། །འདོད་ཆགས་ཆེན་པོ་བདེ་བ་ཆེ། །ཐབས་ཆེན་དང་ནི་མཆོག་ཆེན་མཆོག་།ཀུན་གྱི་མཆོག་དང་གནས་དབང་པོ། །བཅོམ་ལྡན་བྱང་ཆུབ་ཆེན་པོའི་ཐུགས། །བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་ལ་གནས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས 91.3b སངས་རྒྱས་ཀྱི་ཞིང་འདི་དཔེར་ན་ཏིལ་གྱི་གང་བུ་བཞིན་དུ་ཡོངས་སུ་གང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་འདུས་ཏེ་བྱང་ཆུབ་སེམས་དཔའ་ཆེན་པོ་དོན་ཐམས་ཅད་གྲུབ་པ་ཞེས་བྱ་བ་བྱང་ཆུབ་ཀྱི་སྙིང་པོར་བཞུགས་པ་གང་ན་བ་དེར་གཤེགས་ཏེ། བྱང་ཆུབ་སེམས་དཔའ་དེ་ལ་ཆེད་དུ་རྫོགས་པར་ལོངས་སྤྱོད་པའི་སྐུ་བསྟན་ནས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཀྱིས་གང་གི་ཕྱིར་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་མངོན་པར་མ་རྟོགས་པར་དཀའ་བ་སྤྱོད་པ་ཐམས་ཅད་ལ་སྤྲོ་བ་བསྐྱེད་ཅིང ། ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་བྱ་སྙམ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པ། དེ་བཞིན་གཤེགས་པ་ཐམས་ཅད་ཀྱིས་བསྐུལ་བས་མི་གཡོ་བའི་ཏིང་ངེ་འཛིན་དེ་ལས་བཞེངས་ཏེ། དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་དེ་ཁོ་ན་ཉིད་ནི་ཇི་ལྟ་བུ་ལགས། ཇི་ལྟར་ན་བསྒྲུབ་པར་བགྱི་བཀའ་སྩལ་པར་གསོལ། དེ་སྐད་ཅེས་གསོལ་པ་དང་དེ་བཞིན་གཤེགས་པ་དེ་དག་ཐམས་ཅད་ཀྱིས་གསུང་གཅིག་ཏུ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་རང་གི་སེམས་ལ་རྟོག་ཅིང་མཉམ་པར་ཞོག་ལ་རང་བཞིན་གྱིས་གྲུབ་པའི་སྔགས་འདི་ཅི་དགར་ཟློས་ཤིང་བསྒྲུབ་པར་གྱིས་ཤིག་།ོཾ་ཙིཏྟ་པྲ་ཏི་བེ་དྷཾ་ཀ་རོ་མི། དེ་ནས་བྱང་ཆུབ་སེམས་དཔའ་དོན་ཐམས་ཅད་གྲུབ་པས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་བདག་གི་སྙིང་ག་ན་ཟླ་བའི་དཀྱིལ་འཁོར་ལྟ་བུར་གདའ་བ་བདག་གིས་རྟོགས་སོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ་རིགས་ཀྱི་བུ་སེམས་དེ་ནི་རང་བཞིན་གྱིས་འོད་གསལ་བས་ན་དེ་ནི་ཇི་ལྟར་སྦྱངས་པ་དེ་ལྟར་གྱུར་ཏེ། དཔེར་ན་རས་དཀར་པོ་མཚོན་གྱིས་བསྒྱུར་བ་བཞིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རང་བཞིན་གྱིས་འོད་གསལ་བའི་སེམས་ཤེས་པ་རྒྱས་པར་བྱ་བའི་ཕྱིར། ཨོཾ་བོ་དྷི་ཙིཏྟ་ཨུཏྤཱ། ཏ་ཡཱ་མི་ཞེས་བྱ་བ་རང་བཞིན་གྱིས་གྲུབ་པའི་སྔགས་འདིས། ཡང་བྱང 91.4a ཆུབ་སེམས་དཔའ་ཆེན་པོ་དེའི་སེམས་བསྐྱེད་པར་གྱུར་ཏོ། །དེ་ནས་ཡང་བྱང་ཆུབ་སེམས་དཔའ་དེས། དེ་བཞིན་གཤེགས་པ་ཐམས་ཅད་ཀྱིས་བཀས་བྱང་ཆུབ་ཀྱི་སེམས་བསྐྱེད་ནས་འདི་སྐད་ཅེས་གསོལ་ཏོ། །ཟླ་བའི་དཀྱིལ་འཁོར་ལྟ་བུར་མཐོང་བ་གང་ལགས་པ་དེ་ནི་ཟླ་བའི་དཀྱིལ་འཁོར་ཉིད་དུ་མཐོང་ངོ ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་སེམས་བསྐྱེད་པ་ཀུན་ཏུ་བཟང་པོ་ཁྱོད་ཀྱིས་མངོན་སུམ་དུ་གྱུར་གྱིས། དེ་ལེགས་པར་བསྒྲུབས་ཤིག་།དེ་བཞིན་གཤེགས་པ་ཐམས་ཅད་ཀྱི་སེམས་བསྐྱེད་པ་ཀུན་ཏུ་བཟང་པོ་དེ་བརྟན་པར་བྱ་བའི་ཕྱིར། སྔགས་འདིས་རང་གི་སྙིང་གར་ཟླ་བའི་དཀྱིལ་འཁོར་ལ་རྡོ་རྗེའི་དབྱིབས་སུ་སོམས་ཤིག་།ོཾ་ཏིཥྛ་བཛྲ། བྱང་ཆུབ་སེམས་དཔས་གསོལ་པ། བཅོམ་ལྡན་འདས་དེ་བཞིན་གཤེགས་པ་རྣམས་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་འདུག་པར་བདག་གིས་མཐོང་ངོ ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་ཀུན་ཏུ་བཟང་པོའི་སེམས་རྡོ་རྗེ། དེས་སྔགས་འདིས་བརྟན་པར་གྱིས་ཤིག་།ོཾ་བཛྲ་ཨཱཏྨ་ཀོ\ུ0f85ཧཾ། དེ་ནས་ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་དབྱིངས་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་བྱིན་བརླབས་ཀྱིས་སེམས་དཔའི་རྡོ་རྗེ་དེར་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་དོན་ཐམས་ཅད་གྲུབ་པ་དེ་ལ། རྡོ་རྗེའི་དབྱིངས། རྡོ་རྗེའི་དབྱིངས་ཞེས་བྱ་བའི་མིང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་དབྱིངས་ཀྱིས། དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས། དེ་བཞིན་གཤེགས་པ་ཐམས་ཅད་ཀྱི་དྷརྨའི་སྐུ་ནི་བདག་ལེགས་པར་མཐོང་ངོ ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། སེམས་དཔའ་ཆེན་པོ་དེ་ལྟ་བས་ན། སེམས་དཔའི་རྡོ་རྗེ་དེ་རྣམ་པའི 91.4b མཆོག་ཐམས་ཅད་དང་ལྡན་པའི་སངས་རྒྱས་ཀྱི་སྐུར་བདག་ཉིད་རང་བཞིན་གྱིས་གྲུབ་པའི་སྔགས་ཅི་དགའ་བར་ཟློས་ལ་སྒོམས་ཤིག་།ོཾ་ཡ་ཐཱ་སརྦྦ་ཏ་ཐཱ་ག་ཏ་ཏསྠ་ཨ་ཧཾ། དེ་ནས་དེ་སྐད་ཅེས་བཀའ་སྩལ་པ་དང ། བྱང་ཆུབ་སེམས་དཔའ་ཆེན་པོ་རྡོ་རྗེའི་དབྱིངས་ཀྱིས་བདག་ཉིད་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས། དེ་ནས་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་བྱིན་གྱིས་རློབས་ལ་མངོན་པར་རྫོགས་པར་བྱང་ཆུབ་པ་འདི་བརྟན་པར་མཛོད་ཅིག་།དེ་ནས་དེ་སྐད་ཅེས་གསོལ་པ་དང ། དེ་བཞིན་གཤེགས་པ་ཐམས་ཅད་དེ་བཞིན་གཤེགས་པའི་རྡོ་རྗེ་དབྱིངས་ཀྱི་སེམས་དཔའི་རྡོ་རྗེ་དེར་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེའི་དབྱིངས་ཀྱིས་སྐད་ཅིག་མ་དེ་ཉིད་ཀྱི་ཚེ་ན། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་མངོན་པར་རྫོགས་པར་སངས་རྒྱས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་གསང་བའི་དམ་ཚིག་ཏུ་ཞུགས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེའི་དབང་བསྐུར་བ་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་གསང་བའི་དམ་ཚིག་ཏུ་ཞུགས་སོ། །དེ་བཞིན་གཤེགས་པ་ཐམས་ཅད་ཀྱི་ཆོས་མཉམ་པ་ཉིད་ཀྱི་ཡེ་ཤེས་རྟོགས་པ་རང་བཞིན་གྱིས་དག་གོ། ། དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཉམ་པ་ཉིད་རང་བཞིན་གྱིས་འོད་གསལ་ཞིང་ཡེ་ཤེས་ཀྱི་འབྱུང་གནས་སུ་གྱུར་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ཏོ། །དེ་ནས་ཡང་དེ་བཞིན་གཤེགས་པ་ཐམས་ཅད་ཀྱི་སེམས་དཔའི་རྡོ་རྗེ་དེ་ལས་དེ་བཞིན་གཤེགས་པ་ཐམས་ཅད་བྱུང་ནས། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་བསྐྱེད། ནམ་མཁའ་ལས་བྱུང་བའི་ནོར་བུ་རིན་པོ་ཆེ་ཆེན་པོའི་དབང་བསྐུར་བས་དབང་བསྐུར་རོ། །ཀུན་ཏུ་སྤྱན་རས་གཟིགས་ཀྱི་དབང་པོའི་ཆོས་ཀྱི་ཡེ་ཤེས་བསྐྱེད། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཐམས་ཅད་ལ་བཞག་ནས། རི་རབ་ཀྱི་རྩེ་མོ་གང 91.5a ན་བ་དང ། ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་དང་རིན་པོ་ཆེ་ལས་བྱས་པ་གང་ན་བ་དེར་གཤེགས་ཏེ་བྱོན་ནས། དེ་བཞིན་གཤེགས་པ་རྡོ་རྗེ་དབྱིངས་དེ་བཞིན་གཤེགས་པ་ཐམས་ཅད་དུ་བྱིན་གྱིས་བརླབས་ནས་དབྱེར་མེད་པར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་སེང་གེའི་གདན་ལ་ཞལ་ཀུན་ཏུ་བསྟན་ཏེ་བཞུགས་པར་གྱུར་ཏོ། །དེ་ནས་དེ་བཞིན་གཤེགས་པ་མི་བསྐྱོད་པ་དང ། དེ་བཞིན་གཤེགས་པ་རིན་ཆེན་འབྱུང་ལྡན་དང ། དེ་བཞིན་གཤེགས་པ་སྤྱན་རས་གཟིགས་ཀྱི་དབང་པོའི་རྒྱལ་པོ་དང ། དེ་བཞིན་གཤེགས་པ་གདོན་མི་ཟ་བར་གྲུབ་པ་རྣམས། དེ་བཞིན་གཤེགས་པ་ཐམས་ཅད་དུ་སོ་སོ་ནས་བདག་ཉིད་ཀྱིས་བྱིན་གྱིས་བརླབས་ཏེ། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་ཐམས་ཅད་མཉམ་པ་ཉིད་དུ་རབ་ཏུ་རྟོགས་པའི་ཕྱིར་ཕྱོགས་ཐམས་ཅད་མཉམ་པ་ཉིད་དུ་དམིགས་ནས་ཕྱོགས་བཞིར་བཞུགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀུན་ཏུ་བཟང་པོ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་ནམ་མཁའ་ལས་བྱུང་བའི་ནོར་བུ་རིན་པོ་ཆེ་ཆེན་པོའི་དབང་གིས་དབང་བསྐུར་བ། དེ་བཞིན་གཤེགས་པ་ཐམས་ཅད་ཀུན་ཏུ་སྤྱན་རས་གཟིགས་ཀྱི་དབང་པོའི་ཆོས་ཀྱི་ཡེ་ཤེས་དམ་པའི་ཕ་རོལ་ཏུ་ཕྱིན་པ་བརྙེས་པ། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཐམས་ཅད་གདོན་མི་ཟ་བར་སྟོན་པ། ཐོགས་པ་མེད་པ། དགོངས་པ་རྫོགས་པ། ཡིད་ཀྱི་བསམ་པའོ་ཅོག་ཡོངས་སུ་རྫོགས་པས་དེ་བཞིན་གཤེགས་པ་ཐམས་ཅད་དུ་བདག་ཉིད་ཀྱིས་བྱིན་གྱིས་བརླབས་ནས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོ་ཀུན་དུ་བཟང་པོ་ཞེས་བྱ་བའི་དམ་ཚིག་ལས་བྱུང་བ། སེམས་དཔའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི 91.5b རང་གི་ཐུགས་ཀ་ནས་ཕྱུང་ངོ ། །བཛྲ་སཏྭ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་མ་ཐག་པ་འདི་ནི། བཅོམ་ལྡན་འདས་ཀུན་ཏུ་བཟང་པོ་དེ་ཉིད་ཟླ་བའི་དཀྱིལ་འཁོར་དུ་གྱུར་ནས་བྱུང་སྟེ། སེམས་ཅན་ཐམས་ཅད་ཀྱི་བྱང་ཆུབ་ཀྱི་སེམས་ཆེན་པོ་ཡང་དག་པར་སྦྱངས་ནས་དེ་བཞིན་གཤེགས་པ་ཐམས་ཅད་ཀྱི་ཕྱོགས་ཕྱོགས་སུ་འཁོད་དོ། །དེ་ནས་ཟླ་བའི་དཀྱིལ་འཁོར་དེ་དག་ལས་ཀྱང་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེ་བྱུང་སྟེ། བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པའི་ཐུགས་སུ་ཞུགས་པར་གྱུར་ཏོ། །རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་བརྟན་པ་དང ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རླབས་ཀྱིས་གཅིག་ཏུ་འདྲེས་པར་གྱུར་ནས་ནམ་མཁའི་ཁམས་ཐམས་ཅད་དུ་འོད་ཟེར་རྩེ་ལྔ་པའི་ཕྲེང་བས་ཁྱབ་པར་ཞུགས་ཏེ་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ལྟ་བུའི་དབྱིངས་སུ་གྱུར་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་སྟེ་ཕྱག་གཉིས་སུ་གནས་སོ། །དེ་ནས་རྡོ་རྗེ་དེ་ལས་རྡོ་རྗེ་དེ་ལྟ་བུའི་འོད་ཟེར་གཟུགས་དང་ཁ་དོག་སྣ་ཚོགས་པ། འཇིག་རྟེན་གྱི་ཁམས་ཐམས་ཅད་དུ་སྣང་བས་ཁྱབ་པར་བྱེད་པ་རྣམས་བྱུང་ངོ ། །རྡོ་རྗེ་ལྟ་བུའི་འོད་ཟེར་དེ་དག་གི་རྩེ་མོ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་སྙེད་ཀྱི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ་ཆོས་ཀྱི་དབྱིངས་ཀུན་ཏུ་ཁྱབ་པ་ཐམས་ཅད་དང ། ནམ་མཁའི་ཁམས་ཀྱི་མཐས་གཏུགས་པ་ཐམས་ཅད་དང ། འཇིག་རྟེན་གྱི་ཁམས་རབ་འབྱམ་རྒྱ་མཚོའི་སྤྲིན་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་མངོན་པར་བྱང་ཆུབ་པས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སེམས་ཆེན་པོ་བསྐྱེད་པ་དང ། ཀུན་ཏུ་བཟང་པོའི་སྤྱོད་པ་སྣ་ཚོགས་པ་བསྒྲུབ་པ་དང ། དེ་བཞིན་གཤེགས་པ་ཐམས་ཅད་ཀྱི་རིགས་མཉེས་པར་མཛད་པ་དང ། བྱང་ཆུབ་ཀྱི་སྙིང་པོ་ཆེན་པོར་གཤེགས་པ་དང་བདུད་ཐམས་ཅད་འདུལ་བ་དང་དེ་བཞིན་གཤེགས 91.6a པ་ཐམས་ཅད་ཀྱི་མཉམ་པ་ཉིད་ཀྱི་བྱང་ཆུབ་ཆེན་པོར་མངོན་པར་བྱང་ཆུབ་པ་དང་དམ་པའི་ཆོས་ཀྱི་འཁོར་ལོ་བསྐོར་བ་ནས། ཇི་སྲིད་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་སྐྱོབ་ཅིང་ཐམས་ཅད་ལ་ཕན་པ་དང་བདེ་བ་མཛད་པ་དང་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དང་མངོན་པར་ཤེས་པ་དམ་པའི་དངོས་གྲུབ་བསྒྲུབ་པ་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་ཀྱི་བར་དུ་བསྟན་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཀུན་ཏུ་བཟང་པོ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། འདི་སྐད་དུ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་རང་བྱུང་བའི། །ཀུན་ཏུ་བཟང་པོ་སེམས་དཔའ་བརྟན། །དེ་ནི་བརྟན་ཕྱིར་ལུས་མིན་ཡང ། །སེམས་དཔའི་ལུས་སུ་གྱུར་པ་ཡིན། །དེ་ནས་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་སྐུ། བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས། བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་ཡེ་ཤེས་ཀྱི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང ། རྣམ་པར་གྲོལ་བ་དང་རྣམ་པར་གྲོལ་བའི་ཡེ་ཤེས་མཐོང་བ་དང་ཆོས་ཀྱི་འཁོར་ལོ་བསྐོར་བ་དང་སེམས་ཅན་གྱི་དོན་བྱ་བ་དང་ཐབས་ཆེན་པོ་དང ། སྟོབས་དང་བརྩོན་འགྲུས་དང་ཡེ་ཤེས་ཆེན་པོའི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་ཐམས་ཅད་ཀྱི་དབང་པོར་བྱ་བ་དང ། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་མཉམ 91.6b པ་ཉིད་ཀྱི་ཡེ་ཤེས་དང་མངོན་པར་ཤེས་པ་བླ་ན་མེད་པ་དང ། ཐེག་པ་ཆེན་པོ་མངོན་པར་རྟོགས་པ་གྲུབ་པའི་མཆོག་ཐོབ་པའི་བར་དུ་འབྲས་བུ་དེ་དག་གི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཏུ་བཟང་པོ་དེ། དེ་བཞིན་གཤེགས་པ་ཐམས་ཅད་ཀྱི་འཁོར་ལོས་སྒྱུར་བ་ཉིད་དུ་སངས་རྒྱས་ཐམས་ཅད་ཀྱི་སྐུ་རིན་པོ་ཆེའི་དབུ་རྒྱན་དང་ཅོད་པན་གྱི་དབང་གིས་དབང་བསྐུར་ནས་དེ་བཞིན་གཤེགས་པ་ཐམས་ཅད་ཀྱི་གྲུབ་པའི་རྡོ་རྗེ་དེ་དེའི་ལག་པར་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། ལག་ན་རྡོ་རྗེ་ལག་ན་རྡོ་རྗེ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ཕྱག་གཡོན་པ་རྡོ་རྗེ་བསྒྱིངས་པར་བཞུགས་ཏེ། ཕྱག་གཡས་པས་རྡོ་རྗེ་ཐུགས་ཀར་གསོར་ཞིང་འཕེན་པའི་ཚུལ་དུ་འཛིན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་གྲུབ་པ་ཡི། །རྡོ་རྗེ་བླ་ན་མེད་པ་འདི། །བདག་སྟེ་བདག་གི་ལག་ཏུ་བྱིན། །རྡོ་རྗེ་ལ་ནི་རྡོ་རྗེ་གནས། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གདོན་མི་ཟ་བའི་རྒྱལ་པོའི་དམ་ཚིག་ལས་བྱུང་བའི་སེམས་དཔའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྤྱན་དྲང་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་རཱ་ཛ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ལྕགས་ཀྱུ་ཆེན་པོར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་ལྕགས་ཀྱུ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་ལྕགས་ཀྱུའི་དབྱིབས་ཆེན་པོ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན 91.7a གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་སྤྱན་དྲང་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་གདོན་མི་ཟ་བའི་རྒྱལ་པོ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་གདོན་མི་ཟ་བའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རྡོ་རྗེ་ལས་བྱུང་བའི། །ལྕགས་ཀྱུ་ངེས་པའི་རྒྱལ་པོ་བདག་།གང་ཕྱིར་ཀུན་ཏུ་སངས་རྒྱས་ཁྱབ། །གྲུབ་ཕྱིར་ཀུན་ནས་སྤྱན་འདྲེན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་གདོན་མི་ཟ་བའི་རྒྱལ་པོའི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་དགུག་པ་དང་ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་འདུ་བའི་བྱིན་གྱིས་བརླབས་དམ་པའི་བར་དུ་བསྒྲུབ་པའི་ཕྱིར་རྡོ་རྗེའི་ལྕགས་ཀྱུ་དེ་བྱང་ཆུབ་སེམས་དཔའ་གདོན་མི་ཟ་བའི་རྒྱལ་པོ་དེའི་ལག་པར་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགུག་པ་རྡོ་རྗེ་དགུག་པ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་དགུག་པ་རྡོ་རྗེ་ལྕགས་ཀྱུ་དེས་དེ་བཞིན་གཤེགས་པ་ཐམས་ཅད་སྤྱན་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་རྡོ་རྗེ་ཡི། །ཡེ་ཤེས་བླ་ན་མེད་པ་འདི། །སངས་རྒྱས 91.7b ཀུན་གྱི་དོན་གྲུབ་ཕྱིར། །ཀུན་ནས་སྤྱན་དྲང་དམ་པའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་བདུད་ཅེས་བྱ་བའི་དམ་ཚིག་ལས་བྱུང་བའི་སེམས་དཔས་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད། མཉེས་པར་བྱེད་པའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་བྱུང་ངོ ། །བཛྲ་རཱ་ག་།དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་མེ་ཏོག་གི་མདར་གྱུར་ནས་བྱུང་སྟེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེའི་མདའ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་མདའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་མཉེས་པར་བྱ་བ་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ཤིན་ཏུ་བདུད་བྱེད་པ་དང་རབ་ཏུ་བརྟན་པའི་ཕྱིར། གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་བདུད་བྱ་བར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མ་འོ་བདག་ནི་རང་བཞིན་དག་།རང་བྱུང་བ་དག་དགྱེས་བྱེད་པ། །འདོད་ཆགས་བྲལ་རྣམས་དག་བྱའི་ཕྱིར། །འདོད་ཆགས་ཀྱིས་ནི་འདུལ་བར་བྱེད། །དེ་ནས་བྱང་ཆུབ་སེམས་དཔའ་ཆེན་པོ། བདུད་དེའི་ལུས་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས 91.8a ཅད་མཉེས་པར་བྱེད་པའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བདུད་རྡོ་རྗེ་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་མགུ་བར་བྱ་བ་དང ། ཐམས་ཅད་ཀྱིས་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་བདུད་ཀྱི་མཆོག་གྲུབ་པ་ཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེའི་མདའ་དེ་བྱང་ཆུབ་སེམས་དཔའ་སེམས་དཔའ་ཆེན་པོ་བདུད་ཅེས་བྱ་བ་དེའི་ཕྱག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་གཞུ་རྡོ་རྗེའི་གཞུ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་གཞུ་ཞེས་བྱ་བས་རྡོ་རྗེའི་མདའ་དེས་དེ་བཞིན་གཤེགས་པ་ཐམས་ཅད་ལ་བདུད་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་འདོད་ཆགས་ཀྱི། །ཡེ་ཤེས་འདི་ནི་དྲི་མ་མེད། །འདོད་ཆགས་ཀྱིས་ནི་ཆགས་བྲལ་བཅོམ། །བདེ་བ་ཐམས་ཅད་སྦྱིན་པར་བྱེད། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་དམ་ཚིག་ལས་བྱུང་བའི་སེམས་དཔའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགའ་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་བྱུང་ངོ ། །བཛྲ་སཱ་དྷུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་ལེགས་སོ་ཞེས་བྱ་བར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅྀག་ཏུ་འདྲེས་པར་གྱུར་ནས་རྡོ་རྗེ་དགྱེས་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་དགྱེས་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ 91.8b ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་བཞིན་གཤེགས་པ་ཐམས་ཅད་ཀྱིས་ལེགས་སོ་ཞེས་བྱ་བ་ལ་སོགས་པ་དང་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་དགའ་བར་བྱེད་པ་ཉིད་དང་རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་ལུས་སུ་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་ཐུགས་ལ་གནས་པར་གྱུར་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་ཐམས་ཅད་མཁྱེན་ཀུན་གྱི། །ལེགས་བྱིན་ནང་ན་བདག་མཆོག་པས། །རྣམ་རྟོག་བྲལ་བ་དེ་དག་གི་།ངེས་པར་དགྱེས་པ་བསྐྱེད་པ་ཡིན། །དེ་ནས་བྱང་ཆུབ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས། ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགྱེས་པ་བླ་ན་མེད་པའི་ཡེ་ཤེས་ཀྱི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་སེམས་ཅན་ཐམས་ཅད་མགུ་བར་བྱ་བ་དང་ཐམས་ཅད་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་དགྱེས་པའི་རོ་བླ་ན་མེད་པ་དམ་པ་གྲུབ་པ་འཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་དགྱེས་པ་དེ་བྱང་ཆུབ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགྱེས་པ་རྡོ་རྗེ་དགྱེས་པ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ 91.9a རྡོ་རྗེ་དགྱེས་པས་རྡོ་རྗེ་དགྱེས་པའི་དབྱིབས་དེས་དེ་བཞིན་གཤེགས་པ་ཐམས་ཅད་ལ་ལེགས་སོ་ཞེས་བྱ་བས་རབ་ཏུ་དགྱེས་པར་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་ལེགས་སྦྱིན་པ། །འདི་ནི་རབ་ཏུ་འཇུག་བྱེད་པས། །རྡོ་རྗེ་ཐམས་ཅད་དགྱེས་པར་བྱེད། །ལྷ་རྫས་དགྱེས་པ་སྤེལ་བའོ། །བྱང་ཆུབ་ཀྱི་སེམས་ཆེན་པོ་དང་དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང ། དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་ཡེ་ཤེས་དང ། དགྱེས་པ་ཆེན་པོ་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོའི་སེམས་དཔའོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་དམ་ཚིག་ལས་བྱུང་བ། རིན་པོ་ཆེའི་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་རཏྣ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་རྡོ་རྗེ་སེམས་དཔའི་ཏིང་ངེ་འཛིན། ཐམས་ཅད་ནམ་མཁའ་དང་མཉམ་པ་ཉིད་ཀྱི་ཡེ་ཤེས་ཤིན་ཏུ་རྟོགས་པ་ཡིན་པའི་ཕྱིར། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་ནམ་མཁའ་ཐམས་ཅད་ཀྱི་འོད་ཟེར་དུ་གྱུར་ནས་བྱུང་ངོ ། །ནམ་མཁའ་ཐམས་ཅད་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་པས་ཐམས་ཅད་ནམ་མཁའི་དབྱིངས་ལྟ་བུར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། ནམ་མཁའི་དབྱིངས་དེ་དག་ཐམས་ཅད་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ནས། རྡོ་རྗེ་སེམས་དཔའི་ཏིང་ངེ་འཛིན་ཤིན་དུ་བསྒོམས་པར་གྱུར་པའི་ཕྱིར་ཡང་ནམ་མཁའི་ཁམས་ཐམས་ཅད་ལས་བྱུང་བའི། འཇིག 91.9b རྟེན་གྱི་ཁམས་ཐམས་ཅད་དུ་མཉམ་པར་འཇུག་པའི་ཚད་ཙམ་གྱི་རྡོ་རྗེ་རིན་པོ་ཆེ་ཆེན་པོའི་དབྱིབས་སུ་གྱུར་ནས་དེ་བཞིན་གཤེགས་པའི་ཕྱག་གཉིས་སུ་གནས་སོ། །དེ་ནས་རྡོ་རྗེ་རིན་པོ་ཆེའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བ་ལ་སོགས་པ་དང ། དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་དུ་བྱས་ནས་རྡོ་རྗེ་སེམས་དཔའྀ་ཏིང་ངེ་འཛིན་ནི་ནམ་མཁའི་ཁམས་ཐམས་ཅད་ཀྱི་སྙིང་པོ་ལས་ཤིན་དུ་བྱུང་བ་དང ། རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་ཆགས་མེད་རྒྱལ་བ་ཡང ། །ཁམས་གསུམ་དབང་པོར་དགོངས་པས་ན། །རྡོ་རྗེ་རིན་ཆེན་དམ་པ་ཡི། །དབང་གི་མཆོག་ནི་བདག་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་ལུས་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ནོར་བུ་རིན་པོ་ཆེའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་དགོངས་པ་ཡོངས་སུ་རྫོགས་པར་བྱ་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་དོན་ཐམས་ཅད་ཡོངས་སུ་གྲུབ་པར་བྱ་བ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དོན་དམ་པ་ཕུན་སུམ་ཚོགས་པ་གྲུབ་པ་ཐོབ་པའི་ཕྱིར། བྱང་ཆུབ་སེམས 91.10a དཔའ་སེམས་དཔའ་ཆེན་པོ་ནམ་མཁའི་སྙིང་པོ་རྡོ་རྗེ་རིན་པོ་ཆེའི་འཁོར་ལོ་བསྐོར་བར་རྡོ་རྗེ་རིན་པོ་ཆེའི་མྱུ་གུའི་དབང་གིས་དབང་བསྐུར་ནས་ལག་ཏུ་རྡོ་རྗེའི་ནོར་བུ་དེ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་སྙིང་པོ་རྡོ་རྗེ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོས་རྡོ་རྗེའི་ནོར་བུ་དེ་རང་གིས་དབང་བསྐུར་བའི་གནས་སུ་འཇོག་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་སེམས་དཔའི་དབྱིབས། །དབང་བསྐུར་དེ་ནི་བདག་ཡིན་ཏེ། །བདག་གི་ལག་ཏུ་བྱིན་པས་ན། །རིན་ཆེན་ལ་ནི་རིན་ཆེན་བཞག་།དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་ཆེན་པོ་ཞེས་བྱ་བའི་དམ་ཚིག་ལས་བྱུང་བའི་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཏེ་ཛ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐགས་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། ཉི་མའི་དཀྱིལ་འཁོར་ཆེན་པོར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་ཉི་མའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་ཉི་མའི་དཀྱིལ་འཁོར་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་འགྱེད་པ་ལ་སོགས་པ་དང ། དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་དུ་གཟི་བརྗིད་ཆེ 91.10b བ་ཉིད་དང་རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་ཆེན་པོའི་སྐུར་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སེམས་ཅན་ཁམས་ཀུན་དུ། །སྣང་བྱེད་གཟི་བརྗིད་དཔེ་མེད་བདག་།གང་ཕྱིར་སངས་རྒྱས་དག་པ་ཡི། །འདྲེན་པ་རྣམས་ཀྱང་སྦྱོར་བར་བྱེད། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲི་མ་མེད་པའི་གཟི་བརྗིད་དེའི་ལུས་བཅོམ་ལྡན་འདས་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ཏེ། བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་འོད་ཀྱི་དཀྱིལ་འཁོར་གྱི་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་གཟི་བརྗིད་མཚུངས་པ་མེད་པ་དང་ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་འོད་འཐོབ་ཅིང་དངོས་གྲུབ་དམ་པའི་བར་དུ་འབྲས་བུ་དེ་དག་གི་ཕྱིར། རྡོ་རྗེ་ཉི་མ་དེ་བྱང་ཆུབ་སེམས་དཔའ་གཟི་བརྗིད་ཆེན་པོ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་འོད། རྡོ་རྗེའི་འོད་ཅེས་བྱ་བའི། རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཉི་མ་དེས་དེ་བཞིན་གཤེགས་པ་ཐམས་ཅད་ལ་སྣང་བར་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་སྣང་བ་འདི། །མི་ཤེས་མུན་ནག་འཇོམས་བྱེད་པ། །ཤིན་དུ་ཕྲ་རྡུལ་ཇི་སྙེད་པའི། །ཉི་མའི་འོད་པས་ཤིན་དུ་ལྷག་།དེ་ནས་ཡང་བཅོམ་ལྡན་འདས། བྱང་ཆུབ་སེམས 91.11a དཔའ་སེམས་དཔའ་ཆེན་པོ་རིན་པོ་ཆེ་དཔལ་གྱི་དམ་ཚིག་ལས་བྱུང་བ། རིན་པོ་ཆེའི་བྱིན་གྱིས་རླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཡོངས་སུ་རྫོགས་པར་བྱེད་པའི་དམ་ཚིག་ཅེས་བྱ་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཀེ་ཏུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ལས་བྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་རྒྱལ་མཚན་ཁ་དོག་དང་གཟུགས་དང་རྒྱན་དང་དབྱིབས་སྣ་ཚོགས་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་རྒྱལ་མཚན་གྱི་དབྱིབས་སུ་གྱུར་ནས་ཕྱག་གཉིས་སུ་གནས་སོ། །དེ་ནས་རྡོ་རྗེ་རྒྱལ་མཚན་གྱི་དབྱིབས་དེ་ལས། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་རྒྱལ་མཚན་བསྒྲེང་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་རིན་པོ་ཆེའི་དཔལ་དང་ཤིན་དུ་བརྟན་པ་ཡིན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་རིན་པོ་ཆེའི་དཔལ་གྱི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་དོན་ཀུན་གྲུབ་པ་དང ། །དགོངས་པ་ཐམས་ཅད་རྫོགས་པ་ཡི། །དོན་རྣམས་ཐམས་ཅད་རྫོགས་བྱེད་པའི། །འདྲ་མེད་དཔལ་ནི་བདག་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་དཔལ་གྱི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ་དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ 91.11b ནོད་ཅིང་འདུག་པར་གྱུར་ཏེ། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྒྱལ་མཚན་གྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ནོར་བུ་ཡིད་བཞིན་གྱི་རྒྱལ་པོའི་རྒྱལ་མཚན་བསྒྲེང་བའི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་རེ་བ་ཐམས་ཅད་ཡོངས་སུ་བཀང་བར་བྱ་བ་དང ། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དོན་ཆེན་པོའི་དངོས་གྲུབ་དམ་པ་འཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་རྒྱལ་མཚན་དེ་བྱང་ཆུབ་སེམས་དཔའ་ཆེན་པོ་རིན་པོ་ཆེའི་དཔལ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་རྒྱལ་མཚན། རྡོ་རྗེའི་རྒྱལ་མཚན་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་རྒྱལ་མཚན་གྱིས། རྡོ་རྗེའི་རྒྱལ་མཚན་དེས། དེ་བཞིན་གཤེགས་པ་ཐམས་ཅད་སྦྱིན་པའི་ཕ་རོལ་ཏུ་ཕྱིན་པ་ལ་སྦྱོར་དུ་བཅུག་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་དགོངས་པ་ཀུན། །ཡོངས་སུ་རྫོགས་པར་བྱེད་པ་ཡི། །ཡིད་བཞིན་ནོར་བུའི་རྒྱལ་མཚན་ནི། །སྦྱིན་པའི་ཕ་རོལ་ཕྱིན་པའི་ཚུལ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོའི་དམ་ཚིག་ལས་བྱུང་བ་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་དགྱེས་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཧཱ་ས། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ 91.12a ཐམས་ཅད་ཀྱི་འཛུམ་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེ་འཛུམ་པའི་དབྱིབས་སུ་གྱུར་ཏེ། ཕྱག་གཉིས་སུ་གནས་སོ། །དེ་ནས་རྡོ་རྗེ་འཛུམ་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི། རྟག་ཏུ་དགའ་ཞིང་རབ་ཏུ་མགུ་བའི་དབང་པོ་ཡིན་པ་དང་ཤིན་དུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་དགའ་ཞིང་རབ་ཏུ་མགུ་བའི་དབང་པོའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །རྟག་ཏུ་མཉམ་པར་བཞག་རྣམས་ཀྱིས། །སངས་རྒྱས་དོན་ལ་རབ་སྦྱོར་ཕྱིར། །ེ་མའོ་བདག་ནི་ཀུན་མཆོག་གི་།བཞད་ཆེན་རྨད་དུ་བྱུང་བ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རྒྱབ་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་བསྐྱེད་པའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ཀྱི་དབང་པོ་བླ་ན་མེད་པ་བྱ་བ་དང་ཐམས་ཅད་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད 91.12b ཀྱི་དབང་པོ་ཡོངས་སུ་སྦྱོང་བའི་ཡེ་ཤེས་མངོན་པར་ཐོབ་པའི་བར་དུ་འབྲས་བུ་དེ་དག་གི་ཕྱིར་བྱང་ཆུབ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོ་དེའི་ལག་ཏུ་རྡོ་རྗེ་འཛུམ་པ་དེ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགའ་བ། རྡོ་རྗེ་དགའ་བ་ཞེས། རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་དགའ་བ་རྡོ་རྗེ་འཛུམ་པ་དེས་དེ་བཞིན་གཤེགས་པ་ཐམས་ཅད་དགྱེས་པར་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །རྨད་བྱུང་སྐྱེད་པ་སྟོན་པ་པོ། །དགྱེས་ཆེན་བྱེད་པའི་ཡེ་ཤེས་ཏེ། །གཙུག་ལག་གཞན་གྱིས་ཤེས་མི་ནུས། །དབང་བསྐུར་བ་ཆེན་པོ་དང་འོད་ཀྱི་དཀྱིལ་འཁོར་འདོམ་གང་བ་དང་སེམས་དཔའ་ཆེན་པོའི་དོན་དང་དགྱེས་པ་ཆེན་པོ་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་དབང་ཆེན་པོའི་སེམས་དཔའོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོའི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་དྷརྨྨ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་སེམས་དཔའི་ཏིང་ངེ་འཛིན་ནི་རང་བཞིན་གྱིས་དག་པའི་ཆོས་མཉམ་པ་ཉིད་ཀྱི་ཡེ་ཤེས་རབ་ཏུ་རྟོགས་པའི་ཕྱིར་དམ་པའི་ཆོས་ཀྱི་འོད་ཟེར་དུ་གྱུར་ཏེ་བྱུང་ངོ ། །དམ་པའི་ཆོས་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་ཀུན་དུ་སྣང་བར་བྱས་པས་ཆོས་ཀྱི་དབྱིངས་ལྟ་བུར་གྱུར་ཏོ། ། 91.13a ཆོས་ཀྱི་དབྱིངས་དེ་དག་ཐམས་ཅད་ཀྱང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས་ནམ་མཁའ་ཐམས་ཅད་དང་མཉམ་པར་འཇུག་པའི་ཚད་ཙམ་གྱི་པད་མ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་པད་མའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་ཡེ་ཤེས་དང་མངོན་པར་ཤེས་པ་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་ཁྱབ་པར་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཀུན་དུ་སྤྱན་རས་གཟིགས་ཀྱི་དབང་པོ་ཡིན་པ་དང ། ཤིན་དུ་བརྟན་པ་ཡིན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རང་བྱུང་གདོད་ནས་དག་།དམ་པའི་དོན་ནི་བདག་ཡིན་ཏེ། །གང་ཕྱིར་གཟིངས་འདྲའི་ཆོས་རྣམས་ལས། །རྣམ་པར་དག་པ་དམིགས་པར་གྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་ལུས་དེ་བཅོམ་ལྡན་འདས་རྣམས་པར་སྣང་མཛད་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ཏེ་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་མཉམ་པ་ཉིད་ཀྱི་ཡེ་ཤེས་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་རྣམ་པར་སྦྱང་བའི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་བདག་དང་གཞན་རྣམ་པར 91.13b དག་པར་བྱ་བ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཡེ་ཤེས་དང ། མངོན་པར་ཤེས་པ་དྲུག་ཐོབ་པར་བྱེད་པའི་བར་དུ། འབྲས་བུ་དེ་དག་གི་ཕྱིར། བྱང་ཆུབ་སེམས་དཔའ་ཆེན་པོ་ཀུན་དུ་སྤྱན་རས་གཟིགས་ཀྱི་དབང་པོ་དམ་པའི་ཆོས་ཀྱི་འཁོར་ལོ་སྐོར་བར་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྐུའི་དབང་གིས་དབང་བསྐུར་ནས་དེའི་ལག་ཏུ་རྡོ་རྗེ་པད་མ་དེ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་སྤྱན་རྡོ་རྗེའི་སྤྱན་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རྡོ་རྗེ་པད་མ་དེའི་འདབ་མ་ཁ་ཕྱེ་བས། འདོད་ཆགས་རྣམ་པར་དག་ཅིང་མི་ཆགས་པའི་ངོ་བོ་ཉིད་དུ་གཟིགས་པས་གཟིགས་ཤིང ། ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་འདོད་ཆགས་ཀྱི། །དེ་ཡི་ཁོ་ན་རྟོགས་པ་འདི། །བདག་སྟེ་བདག་གི་ལག་ཏུ་བྱིན། །ཆོས་ལ་ཆོས་ནི་གནས་པར་འགྱུར། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང་ཡེ་ཤེས་ཆེན་པོའི་དམ་ཚིག་ཅེས་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཏཱིཀྵྚྞྞ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་ཤེས་རབ་དང་ཡེ་ཤེས་ཀྱི་རལ་གྲིར་གྱུར་ཏེ་དེ་བྱུང་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེ་རལ་གྲིའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་རལ་གྲིའི་དབྱིབས 91.14a དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང་ཡེ་ཤེས་ལ་སོགས་པ་དང་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ཏེ། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་འཇམ་པའྀ་དཔལ་ཡིན་པ་དང་ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །འཇམ་དབྱངས་བདག་ནི་ཡིན་པར་དགོངས། །གང་ཕྱིར་ཤེས་རབ་གཟུགས་མེད་ཀྱང ། །དབྱངས་ཉིད་དུ་ནི་དམིགས་པ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱི་སྐུ་དེ་བཅོམ་ལྡན་འདས་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང་ཡེ་ཤེས་ཀྱི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཉོན་མོངས་པ་ཐམས་ཅད་གཅད་པའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་སྡུག་བསྔལ་ཐམས་ཅད་གཅད་པ་དང་ཐམས་ཅད་ཀྱི་བདེ་བ་དང་ཡིད་བདེ་བ་རྣམས་མྱོངས་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་རྗེས་སུ་འབྲང་བའི་ཤེས་རབ་དམ་པ་ཡོངས་སུ་རྫོགས་པར་བྱ་བའི་བར་དུ། འབྲས་བུ་དེ་དག་གི་ཕྱིར། རྡོ་རྗེ་རལ་གྲི་དེ་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་དེའི་ལག་ཏུ་དེ་བཞིན 91.14b དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་བློ་རྡོ་རྗེ་བློ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་བློས་དེ་བཞིན་གཤེགས་པ་ཐམས་ཅད་ལ་རྡོ་རྗེ་རལ་གྲི་དེས་འདེབས་ཤིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ཤེས་རབ་ཕ་རོལ་ཕྱིན་པའི་ཚུལ། །དགྲ་རྣམས་ཐམས་ཅད་ཚར་གཅོད་ཅིང ། །སྡིག་པ་ཐམས་ཅད་འཇོམས་པའི་མཆོག་།དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འཁོར་ལོའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཧེ་ཏུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་འཁོར་ལོའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་པར་གྱུར་ཏོ། །དེ་ནས་རྡོ་རྗེ་འཁོར་ལོའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་སྐུ་རྣམས་བྱུང་ནས། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ལ་སོགས་པ་སངས་རྒྱས་ཀྱི་རྫུ་འཕྲུལ་དང་ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་དུ་བྱས་ཏེ། རྡོ་རྗེ་སེམས་དཔའི་ཏིང་ངེ་འཛིན་ནི་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར 91.15a བ་ཡིན་པ་དང་ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བའི་སྐུར་གྱུར་ཏེ་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །རྡོ་རྗེ་དམ་པ་ཆོས་ཅན་གྱི། །ེ་མའོ་རྡོ་རྗེ་འཁོར་ལོ་བདག་།གང་ཕྱིར་སེམས་བསྐྱེད་ཙམ་གྱིས་ཀྱང ། །ཆོས་ཀྱི་འཁོར་ལོ་བསྐོར་བར་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ་དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་འཁོར་ལོ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པར་འཇུག་པ་ཕྱིར་མི་ལྡོག་པའི་འཁོར་ལོ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱིས་དམ་པའི་ཆོས་ཀྱི་འཁོར་ལོ་བསྐོར་བ་དམ་པ་གྲུབ་པའི་བར་དུ་འབྲས་བུ་དེ་དག་གི་ཕྱིར། རྡོ་རྗེ་འཁོར་ལོ་དེ་ནི་བྱང་ཆུབ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་སྙིང་པོ་རྡོ་རྗེ་སྙིང་པོ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་འཁོར་ལོ་དེས་དེ་བཞིན་གཤེགས་པ་ཕྱིར་མི་ལྡོག་པ་ཉིད་དུ་འཇོག་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི 91.15b སངས་རྒྱས་ཐམས་ཅད་ཀྱི། །ཆོས་རྣམས་ཐམས་ཅད་རྣམ་པར་སྦྱོང ། །ཕྱིར་མི་ལྡོག་པའི་འཁོར་ལོ་ཡང ། །བྱང་ཆུབ་སྙིང་པོ་ཡིན་པར་དགོངས། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་མི་གསུང་བའི་དམ་ཚིག་ལས་བྱུང་བའི་ཆོས་ཀྱིས་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་བརྗོད་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་བྷཱ་ཥ་དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཡི་གེར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས་རྡོ་རྗེ་བརྗོད་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་བརྗོད་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ལ་སོགས་པ་དང་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་ལ་སོགས་པ་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་ཚིག་མ་ཡིན་པ་དང་ཤིན་དུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཚིག་མ་ཡིན་པའི་སྐུར་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རང་བྱུང་རྣམས་ཀྱི་གསང ། །ལྡེམ་པོ་ངག་དུ་བདག་དགོངས་ཏེ། །གང་ཕྱིར་དམ་པའི་ཆོས་འཆད་པ། །ཚིག་ཏུ་སྤྲོས་ལས་རྣམ་པར་བྲལ། །དེ་ནས་བྱང་ཆུབ་སེམས་དཔའ་ཆེན་པོ་ཚིག་མ་ཡིན་པའི་སྐུ་དེ་བཅོམ་ལྡན་འདས་ཀྱི 91.16a ཐུགས་ལས་བྱུང་ནས་དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་མི་གསུང་བའི་གསུང་གི་རྡོ་རྗེའི་དམ་ཚིག་ལས་བྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གསུང་གི་ཡེ་ཤེས་ཀྱི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་ཚིག་གྲུབ་པ་དང ། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་གསང་བ་ཐོབ་པའི་དངོས་གྲུབ་དམ་པའི་བར་གྱི་ཕྱིར། རྡོ་རྗེ་བརྗོད་པ་དེ་བྱང་ཆུབ་སེམས་དཔའ་སེམས་དཔའ་ཆེན་པོ་ཚིག་མ་ཡིན་པ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཚིག་རྡོ་རྗེ་ཚིག་ཅེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཚིག་གིས་དེ་བཞིན་གཤེགས་པ་ཐམས་ཅད་ལ་རྡོ་རྗེ་བརྗོད་པས་ཡང་དག་པར་སྨྲ་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་བཟླས་པར་བརྗོད་པ་ཡིན། །དེ་བཞིན་གཤེགས་པ་ཐམས་ཅད་ཀྱི། །སྔགས་ནི་མྱུར་དུ་འགྲུབ་པར་འགྱུར། །རྡོ་རྗེ་ཆོས་ཉིད་ཀྱི་ཡེ་ཤེས་དང་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་དང་ཆོས་ཀྱི་འཁོར་ལོ་ཆེན་པོ་བསྐོར་བའི་ཡེ་ཤེས་དང་དེ་བཞིན་གཤེགས་པ་ཐམས་ཅད་ཀྱི་གསུང་གི་སྤྲོས་པ་རྣམ་པར་ལྡོག་པའི་ཡེ་ཤེས་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སེམས་དཔའོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོའི་ཕྲིན་ལས་ཐམས་ཅད་ཅེས་བྱ 91.16b བའི་དམ་ཚིག་ལས་བྱུང་བ། ལས་ཀྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཀརྨྨ། དེ་ནས་རྡོ་རྗེ་སེམས་དཔའི་ཏིང་ངེ་འཛིན་ལས་ཐམས་ཅད་མཉམ་པ་ཉིད་ཀྱི་ཡེ་ཤེས་ཤིན་ཏུ་རྟོགས་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་འོད་ཟེར་དུ་གྱུར་ཏེ་བྱུང་ནས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་དབྱིབས་ལྟ་བུར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་དབྱིབས་དེ་ཡང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པའི་ཚད་ཙམ་དུ་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་དབྱིབས་དེ་ལས། ལས་ཐམས་ཅད་ཀྱི་རྡོ་རྗེའི་དབྱིབས་སུ་གྱུར་ནས་ཕྱག་གཉིས་སུ་གནས་སོ། །དེ་ནས་ཡང་རྡོ་རྗེའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་སྐུ་རྣམས་བྱུང་ནས། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ལ་སོགས་པ་དང་སངས་རྒྱས་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་མཐའ་ཡས་པ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ་བྱང་ཆུབ་སེམས་དཔའ 91.17a ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཐམས་ཅད་ཅེས་བྱ་བའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་རྣམས་ཀྱི་ངེས། །ཕྲིན་ལས་མང་པོ་ཀུན་བདག་ཡིན། །སངས་རྒྱས་དོན་ནི་ལྷུན་གྲུབ་ཕྱིར། །རྡོ་རྗེ་ལས་ནི་འཇུག་པར་འགྱུར། །དེ་ནས་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི། ཕྲིན་ལས་ཐམས་ཅད་ཅེས་བྱ་བའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་གནས་ནས། ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གདོན་མི་ཟ་བའི་དམ་ཚིག་ལས་བྱུང་བའི་རྡོ་རྗེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་མཆོད་པར་བྱ་བ་ལ་སོགས་པ་གདོན་མི་ཟ་བའི་ཚད་མེད་པ་དང་ལས་ཀྱི་ཆོ་ག་རྒྱས་པ་ཐམས་ཅད་ཀྱི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱིས་ལས་ཐམས་ཅད་གྲུབ་པ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཕྲིན་ལས་ཉིད་དང་ཡེ་ཤེས་དང་མངོན་པར་ཤེས་པ་དམ་པ་རྣམས་འགྲུབ་པའི་བར་དུ་འབྲས་བུ་དེ་དག་གི་ཕྱིར། བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཐམས་ཅད་ཀྱི་འཁོར་ལོས་བསྒྱུར་བར་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་བདག་གིས་དབང་བསྐུར་ནས་དེའི་ལག་ཏུ་ལས་ཀྱི་རྡོ་རྗེ་དེ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཐམས་ཅད་རྡོ་རྗེ་ཐམས་ཅད་ཅེས་བྱ་བའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ 91.17b སེམས་དཔའ་ཆེན་པོ་རྡོ་རྗེ་ཐམས་ཅད་ཅེས་བྱ་བས་རྡོ་རྗེ་དེ་རང་གི་སྙིང་གར་བཞག་སྟེ། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ལ་སྦྱོར་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ལས་རྣམས་ཐམས་ཅད་བྱེད་པའི་མཆོག་།བདག་སྟེ་བདག་གི་ལག་ཏུ་བྱིན། །སྣ་ཚོགས་ལ་ནི་སྣ་ཚོགས་གཞག་།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའི་དམ་ཚིག་ལས་བྱུང་བ་ལས་ཐམས་ཅད་ཀྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བསྲུང་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་རཀྵ། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། ཆོ་ག་བརྟན་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་གོ་ཆ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་གོ་ཆའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། དེ་བཞིན་གཤེགས་པ་ཐམས་ཅད་ལ་བསྲུང་བའི་གོ་ཆ་རྒྱས་པའི་ལས་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་བརྩོན་འགྲུས་དམ་པ་ཐུབ་དཀའ་བ་དང་ཤིན་དུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའ་བའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བརྩོན་འགྲུས་གོ་ཆ་ནི། །བརྟན་པའི་བདག་ཉིད 91.18a རབ་བརྟན་བདག་།དེ་ནི་བརྟན་ཕྱིར་ལུས་མེད་ཀྱང ། །རྡོ་རྗེའི་ལུས་སུ་བྱེད་པ་མཆོག་།དེ་ནས་བྱང་ཆུབ་སེམས་དཔའ་ཆེན་པོ་བརྩོན་འགྲུས་ཆེན་པོ་ཐུབ་དཀའ་བ་དེའི་ལུས་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ན་ཟླ་བའི་དཀྱིལ་འཁོར་ལ་གནས་པར་གྱུར་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བརྟན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱང་བ་དང་ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བ་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སྐུ་འཐོབ་པའི་མཆོག་འགྲུབ་པར་བྱ་བའི་བར་དུ། དེ་དག་གི་ཕྱིར་རྡོ་རྗེ་གོ་ཆ་དེ། བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའ་བའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་གྲོགས་པོ་རྡོ་རྗེ་གྲོགས་པོ་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་གྲོགས་པོས་རྡོ་རྗེ་གོ་ཆ་དེས་དེ་བཞིན་གཤེགས་པ་ཐམས་ཅད་ལ་གོ་ཆ་བསྐོན་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །བྱམས་པའི་གོ་ཆ་དམ་པ་སྟེ། །བརྩོན་འགྲུས་བརྟན་པས་བསྲུང་བ་ཆེ། །གྲོགས་པོ་ཆེན་པོར་བརྗོད་པ་ཡིན། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་དམ་ཚིག་ལས་བྱུང་བ། ལས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཐབས་ཀྱི་དམ་ཚིག་ཅེས་བྱ་བའི་དེ་བཞིན་གཤེགས 91.18b པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཡཀྵ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་མཆེ་བའི་མཚོན་ཆ་ཆེན་པོར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེ་མཆེ་བའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་མཆེ་བའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཁྲོ་བོས་གདུལ་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་བདུད་ཐམས་ཅད་རབ་ཏུ་འཇོམས་པ་ཡིན་པ་དང ། ཤིན་དུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་ལུས་སུ་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་སངས་རྒྱས་རྣམས། །ཐུགས་རྗེ་ཅན་གྱི་ཐབས་ཆེན་ཏེ། །ཞི་ཡང་སེམས་ཅན་དོན་དུ་ནི། །མ་རུངས་པར་ནི་སྟོན་པར་འགྱུར། །དེ་ནས་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས་དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་རབ་ཏུ་ཁྲོ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་མ་རུངས་པ་གདུལ་བའི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་འཇིགས་པ་མེད་པར་བྱ་བ་དང་ཐམས་ཅད་ཀྱི་བདེ་བ་དང 91.19a ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོ་དང་ཡེ་ཤེས་དང་མངོན་པར་ཤེས་པ་རྣམས་འཐོབ་ཅིང་དམ་པ་འགྲུབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་མཆེ་བའི་མཚོན་ཆ་དེ་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཁྲོ་བོ་རྡོ་རྗེ་ཁྲོ་བོ་ཞེས་རྡོ་རྗེ་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཁྲོ་བོས་རྡོ་རྗེ་མཆེ་བའི་མཚོན་ཆ་དེ་རང་གི་ཐུགས་ཀར་བཞག་སྟེ། དེ་བཞིན་གཤེགས་པ་ཐམས་ཅད་ལ་བསྔགས་ཤིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །མ་རུངས་ཐམས་ཅད་འདུལ་བའི་མཆོག་།རྡོ་རྗེ་མཆེ་བའི་མཚོན་རྣོ་སྟེ། །ཐབས་དང་སྙིང་རྗེའི་བདག་ཉིད་དོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོ་རྡོ་རྗེ་ཁུ་ཚུར་ཞེས་བྱ་བའི་དམ་ཚིག་ལས་བྱུང་བ་ལས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེས་བཅིངས་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་སནྡྷི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་བཅིངས་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེ་བཅིངས་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་བཅིང་བའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན 91.19b གཤེགས་པ་རྣམས་ཀྱི་སྐུ་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་དང་ཡེ་ཤེས་ལ་སོགས་པ་དང་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི། དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཤིན་དུ་བཅིངས་པ་དང་རབ་ཏུ་བརྟན་པའི་ཕྱིར་གཅིག་ཏུ་འདྲེས་ཏེ་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཞེས་བྱ་བའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རབ་ཏུ་བརྟན་བཅིངས་པའི། །དམ་ཚིག་བདག་སྟེ་བརྟན་པའི་བདག་།བསམ་པ་ཐམས་ཅད་རབ་གྲུབ་ཕྱིར། །གྲོལ་བ་རྣམས་ཀྱང་བཅིངས་བར་བྱེད། །དེ་ནས་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་གྱི་སྐུ་བཅོམ་ལྡན་འདས་ཀྱི་ཐུགས་ལས་བྱུང་སྟེ་དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་བཅིང་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ལ་དེ་བཞིན་གཤེགས་པ་ཐམས་ཅད་དང་ལྷ་རྣམས་ཀྱིས་དགོངས་པ་བརྟག་པ་དང་གྲུབ་པ་ཐམས་ཅད་དང་ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཁྱེན་པའི་ཡེ་ཤེས་དང་ཕྱག་རྒྱའི་དབང་དམ་པ་འགྲུབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་བཅིང་བ་དེ་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཞེས་བྱ་བའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ 91.20a པ་ཐམས་ཅད་ཀྱིས་རྡོ་རྗེ་ཁུ་ཚུར་རྡོ་རྗེ་ཁུ་ཚུར་ཞེས་རྡོ་རྗེ་བྱ་བའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཁུ་ཚུར་ཞེས་བྱ་བ་དེས་རྡོ་རྗེ་བཅིངས་པ་དེས་དེ་བཞིན་གཤེགས་པ་ཐམས་ཅད་ལ་འཆིང་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ཕྱག་རྒྱ་བཅིང་བ་ཆེ་ཞིང་བརྟན། །སངས་རྒྱས་ཀུན་གྱིས་མྱུར་གྲུབ་ཕྱིར། །དམ་ཚིག་ཤིན་ཏུ་འདའ་བར་དཀའ། །དེ་བཞིན་གཤེགས་པ་ཐམས་ཅད་ཀྱི་མཆོད་པའི། ཆོ་ག་རྒྱས་པའི་ལས་དང་བརྩོན་འགྲུས་ཆེན་པོའི་གོ་ཆ་བརྟན་པ་དང་དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོ་དང་ཕྱག་རྒྱ་ཐམས་ཅད་བཅིངས་པའི་ཡེ་ཤེས་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཆེན་པོའི་སེམས་དཔའོ།། །། བམ་པོ་གཉིས་པ། དེ་ནས་དེ་བཞིན་གཤེགས་པ་མི་བསྐྱོད་པ་ཞེས་བྱ་བས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བསྒྲུབས་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབས་པའི་ཕྱིར་རྡོ་རྗེའི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ་རྡོ་རྗེའི་བྱིན་གྱིས་བརླབ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ ། །སཏྭ་བཛྲཱི། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ། རྡོ་རྗེའི་འོད་ཟེར་དུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །འོད་ཟེར་དེ་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཕ་རོལ་ཏུ་ཕྱིན་པའི་ཡེ་ཤེས་རྣམས་ལ་ཕྱག་རྒྱས 91.20b བྱིན་གྱིས་བརླབས་ནས་ཡང་གཅིག་ཏུ་འདྲེས་ཏེ། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེའི་དབྱིབས་ཆེན་པོར་གྱུར་ཏེ་བཅོམ་ལྡན་འདས་རྣམ་པར་སྣང་མཛད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །སེམས་དཔའི་རྡོ་རྗེ་བརྟན་པའི་བདག་།གང་ཕྱིར་བརྟན་པས་ལུས་མེད་ཀྱང ། །རྡོ་རྗེའི་ལུས་སུ་གྱུར་པ་ཡིན་དེ་ནས་དེ་བཞིན་གཤེགས་པ་རིན་ཆེན་འབྱུང་བ་ཞེས་བྱ་བ་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབ་པར་བྱ་བའི་ཕྱིར་རིན་པོ་ཆེའི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བའི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་རིན་པོ་ཆེའི་དམ་ཚིག་ཅེས་བྱ་བའི་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ ། །རཏྣ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་རིན་པོ་ཆེའི་འོད་ཟེར་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རིན་པོ་ཆེའི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ཏེ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེ་རིན་པོ་ཆེ་ཆེན་པོའི་དབྱིབས་སུ་གྱུར་ཏེ་བཅོམ་ལྡན་འདས་རྣམ་པར་སྣང་མཛད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ཤིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་རིན་ཆེན་བདག་ཡིན་གྲགས། །གང་ཕྱིར་ཕྱག་རྒྱ་ཐམས་ཅད་ཀྱི། །དབང་གི་ཚུལ་ནི་དམ་པ་ཡིན། །དེ་ནས་བཅོམ་ལྡན་འདས 91.21a དེ་བཞིན་གཤེགས་པ་འཇིག་རྟེན་གྱི་དབང་ཕྱུག་གི་རྒྱལ་པོས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབ་པའི་ཕྱིར་ཆོས་ཀྱི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ། རྡོ་རྗེའི་བྱིན་གྱིས་བརླབས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་ཀྱི་དམ་ཚིག་ཅེས་བྱ་བ་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ ། །དྷརྨྨ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་པད་མའི་འོད་ཟེར་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །པད་མའི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས་ཏེ། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེ་པད་མ་ཆེན་པོའི་དབྱིབས་སུ་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་རྒྱབ་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ཆོས་ཀྱི་རྡོ་རྗེ་གཙང་མ་བདག་།གང་ཕྱིར་རང་བཞིན་རྣམ་དག་པས། །འདོད་ཆགས་ཡིན་ཡང་དྲི་མ་མེད། །དེ་ནས་བཅོམ་ལྡན་འདས་གདོན་མི་ཟ་བར་གྲུབ་པས། དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབ་པའི་ཕྱིར་ལས་ཀྱི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ་རྡོ་རྗེ་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ཅེས་བྱ་བའི་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ ། །ཀརྨྨ་བཛྲཱི། དེ་ནས་དེ་བཞིན 91.21b གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་ཏུ་ལས་ཐམས་ཅད་ཀྱི་འོད་ཟེར་དུ་གྱུར་ཏེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །ལས་ཀྱི་འོད་ཟེར་དེ་དག་ལས་ཀྱང ། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ཏེ་ཡང་གཅིག་ཏུ་འདྲེས་ནས་འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་ཐམས་ཅད་དུ་རྩེ་མོ་ལྟས་པའི་ལས་ཀྱི་རྡོ་རྗེ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ལས་ཀྱི་རྡོ་རྗེ་མང་པོ་བདག་།གང་ཕྱིར་གཅིག་ཀྱང་སངས་རྒྱས་དབྱིངས། མ་ལུས་པར་ནི་ལས་བཟང་བྱེད། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་དམ་ཚིག་དང་དབང་བསྐུར་བ་ཆེན་པོ་དང་རྡོ་རྗེའི་ཆོས་ཉིད་དང ། མཆོད་པ་ཐམས་ཅད་ནི་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཕ་རོལ་ཏུ་ཕྱིན་པ་ཆེན་པོ་རྣམས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་ནས་དེ་བཞིན་གཤེགས་པ་ཐམས་ཅད་དགྱེས་པའི་མཆོད་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ལཱ་སྱེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་རྡོ་རྗེའི་ཕྱག་རྒྱར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རྡོ་རྗེའི་ཕྱག་རྒྱའི་རྩེ་མོ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ 91.22a རྗེ་འཛིན་མའི་ལུས་ཐམས་ཅད་རྡོ་རྗེ་སེམས་དཔའ་དང་འདྲ་ཞིང་ཁ་དོག་དང་གཟུགས་དང་མཚན་མ་དང་སྤྱོད་ལམ་སྣ་ཚོགས་པ་རྒྱན་ཐམས་ཅད་ཀྱིས་ཀླུབས་པ། དེ་བཞིན་གཤེགས་པའི་རིགས་ཐམས་ཅད་སྡུད་པར་གྱུར་པ་རྡོ་རྗེ་སེམས་དཔའི་ལྷ་མོར་གྱུར་ནས་བཅོམ་ལྡན་འདས་མི་བསྐྱོད་པའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རང་བྱུང་རྣམས་ཀྱི་ནི། །མཆོད་པ་བདག་འདྲ་གཞན་མེད་དེ། །གང་ཕྱིར་འདོད་པ་དགའ་མཆོད་པས་མཆོད་པ་ཐམས་ཅད་བྱས་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཕྲེང་བའི་དབང་གིས་དམ་ཚིག་ལས་བྱུང་བ། རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་མཱ་ལེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་རིན་པོ་ཆེ་ཆེན་པོའི་ཕྱག་རྒྱར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རིན་པོ་ཆེ་ཆེན་པོའི་ཕྱག་རྒྱ་དེ་དག་ལས་ཀྱང ། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས། ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ་རྗེ་ཕྲེང་བར་དེ་བཞིན་དུ་གྱུར་ནས། བཅོམ་ལྡན་འདས་རིན་པོ་ཆེ་འབྱུང་བའི་དཀྱིལ་འཁོར་གྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རིན་ཆེན་མཆོད་པ་ཞེས་བདག་དང་འདྲ་བར་གྲགས་པ་མེད། །གང་ཕྱིར་ཁམས་གསུམ་རྒྱལ་མཆོག་ཀྱང ། །རབ་ཏུ་མཆོད་པ་བྱེད་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གླུའི་མཆོག་གི་དམ་ཚིག་ལས་བྱུང་བ་རྡོ་རྗེ། ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས 91.22b ཀྱི་རིགས་ཀྱི་ལྷ་མོ་ཆེན་མོ་འདི་ཐུགས་ཀ་ནས་ཕྱུང་ངོ ། །བཛྲི་གཱི་ཏི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཕྱག་རྒྱར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཕྱག་རྒྱ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ་ལྷ་མོ་ཆེན་མོ་རྡོ་རྗེ་གླུར་གྱུར་ནས་བཅོམ་ལྡན་འདས་འཇིག་རྟེན་དབང་པོའི་རྒྱལ་པོའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་ཀུན་གཟིགས་པའི། །གླུ་མཆོག་ཚུལ་གྱིས་མཆོད་པ་ཡིན། །གང་ཕྱིར་སྒྲ་བརྙན་འདྲ་བ་ཡིན། །མཆོད་པ་རྣམས་ཀྱིས་མཉེས་པར་བྱེད། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱིས་མཆོད་པའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ནརཱི་ཏི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པ་དེ་དག་ཐམས་ཅད་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ་ལྷ་མོ་ཆེན་མོ་རྡོ་རྗེ་གར་དུ་གྱུར་ནས་དེ་བཞིན་གཤེགས་པ་གདོན་མི་ཟ་བར་གྲུབ་པའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་མཆོད་ཀུན་དོན་མཛད་པའི། །མཆོད་པ་རྒྱ་ཆེན་བདག་ཡིན་ཏེ། གང་ཕྱིར 91.23a རྡོ་རྗེ་གར་ཆོ་གས། །སངས་རྒྱས་མཆོད་པ་རབ་ཏུ་བྱེད། །དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་བདེ་བ་བླ་ན་མེད་པའི་དམ་ཚིག་དང་དེ་བཞིན་གཤེགས་པ་ཐམས་ཅད་ཀྱི་ཕྲེང་བ་དང་དེ་བཞིན་གཤེགས་པ་ཐམས་ཅད་ཀྱི་གླུ་དང་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ལས་བླ་ན་མེད་པ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་མི་བསྐྱོད་པས་དེ་བཞིན་གཤེགས་པ་རྣམ་པར་སྣང་མཛད་ཀྱིས་མཆོད་པའི་ལན་དུ་སླར་མཆོད་པའི་ཕྱིར། དེ་བཞིན་གཤེགས་པ་ཐམས་ཅད་རབ་ཏུ་ཚིམ་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གཡོག་མོའི་གཙོ་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་དྷུ་པེ། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་བདུག་པའི་མཆོད་པའི་སྤྲིན་མང་པོ་རྣམ་པ་དུ་མས་རྡོ་རྗེ་དབྱིབས་ཐམས་ཅད་དུ་ཁྱབ་པར་གྱུར་ནས་ཕྱུང་ངོ ། །བདུག་པའི་མཆོད་པའི་སྤྲིན་རྒྱ་མཚོ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་བྱུང་སྟེ་ཡང་གཅིག་ཏུ་འདྲེས་ནས་རྡོ་རྗེ་བདུག་པའི་ལྷ་མོའི་ལུས་སུ་གྱུར་ནས་བཅོམ་ལྡན་འདས་ཀྱི་གཡོན་ཕྱོགས་སུ་ཁང་བུ་བརྩེགས་པའི་རྩེ་མོ་རྡོ་རྗེ་དང ། ནོར་བུ་དང་རིན་པོ་ཆེ་ལས་བྱས་པའི་གྲཝ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་མཆོད་པ་ཆེ། །རབ་ཏུ་ཚིམ་ལྡན་དགེ་བ་ཡིན། །གང་ཕྱིར་སེམས་ཅན་དབབ་ལྡན་པས། །མྱུར་དུ་བྱང་ཆུབ་ཐོབ་པར་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་རྣམ་པར་སྣང་མཛད་ཀྱིས་མཆོད་པའི་ལན་དུ་སླར་མཆོད་པའི་ཕྱིར་རིན་པོ་ཆེའི་རྒྱན་གྱི་མཆོད་པ་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང 91.23b ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་གསོལ་ཀ་མ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་པུཥྤེ། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་མེ་ཏོག་ཐམས་ཅད་ཀྱི་མཆོད་པ་བཀོད་པས་འཇིག་རྟེན་གྱི་ཁམས་ཐམས་ཅད་དུ་ཁྱབ་པར་བྱེད་པར་གྱུར་ནས་བྱུང་ངོ ། །མེ་ཏོག་ཐམས་ཅད་ཀྱི་མཆོད་པ་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་རྡོ་རྗེ་མེ་ཏོག་གི་ལྷ་མོའི་སྐུར་གྱུར་ནས་བཅོམ་ལྡན་འདས་ཀྱི་གཡོན་ཕྱོགས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་གྲཝ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་མེ་ཏོག་མཆོད་པ་བདག་།ཐམས་ཅད་ཀྱི་ནི་རྒྱན་བྱེད་དེ། །གང་ཕྱིར་མཆོད་ནས་དེ་བཞིན་གཤེགས། །རིན་ཆེན་ཉིད་དུ་མྱུར་དུ་འགྲུབ། །དེ་ནས་བཅོམ་ལྡན་འདས་དེ་བཞིན་གཤེགས་པ་འཇིག་རྟེན་དབང་པོའི་རྒྱལ་པོས་བཅོམ་ལྡན་འདས་རྣམ་པར་སྣང་མཛད་ཀྱི་མཆོད་པའི་ལན་དུ་སླར་མཆོད་པའི་ཕྱིར་དེ་བཞིན་གཤེགས་པ་ཐམས་ཅད་ལ་སྣང་བའི་མཆོད་པའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཕོ་ཉ་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཨཱ་ལོ་ཀེ་།དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་ཐམས་ཅད་དུ་སྣང་བའི་མཆོད་པའི་བཀོད་པས་ཆོས་ཀྱི་དབྱིངས་ཐམས་ཅད་ཁྱབ་པར་བྱེད་པར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །ཐམས་ཅད་དུ་སྣང་བའི་མཆོད་པའི་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། ཡང་གཅིག་ཏུ་འདྲེས་ཏེ་ལྷ་མོ་རྡོ་རྗེ་སྣང་བ་ཞེས་བྱ་བའི་སྐུར་གྱུར་ནས་བཅོམ་ལྡན་འདས་ཀྱི་གཡོན་ཕྱོགས་སུ་ཁང་བུ་བརྩེགས་པ 91.24a རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱིས་པའི་གྲཝ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་མཆོད་པའི་མར་མེ་ནི། །རྒྱ་ཆེན་དགེ་བ་བདག་ཡིན་ཏེ། །གང་ཕྱིར་སྣང་བཅས་མྱུར་དུ་ཡང ། །སངས་རྒྱས་ཀུན་གྱི་སྤྱན་ཡང་འཐོབ། །དེ་ནས་བཅོམ་ལྡན་འདས་དེ་བཞིན་གཤེགས་པ་གདོན་མི་ཟ་བར་གྲུབ་པས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱིས་མཆོད་པའི་ལན་དུ་སླར་མཆོད་པའི་ཕྱིར་དེ་བཞིན་གཤེགས་པ་ཐམས་ཅད་ཀྱི་དྲིས་མཆོད་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་བྲན་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་གནྡྷེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་དྲི་ཐམས་ཅད་ཀྱི་མཆོད་པ་བཀོད་པས། འཇིག་རྟེན་གྱི་ཁམས་ཐམས་ཅད་ཁྱབ་པར་བྱེད་པར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དྲི་ཐམས་ཅད་ཀྱི་མཆོད་པའི་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་ལྷ་མོ་རྡོ་རྗེ་དྲི་ཞེས་བྱ་བའི་སྐུར་གྱུར་ནས་བཅོམ་ལྡན་འདས་ཀྱི་གཡོན་ཕྱོགས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་གྲཝ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་ལྷ་རྫས་མཆོད་པ་ཡི། །ཡིད་འོང་དྲི་ནི་བདག་ཡིན་ཏེ། །དེ་བཞིན་གཤེགས་པ་རྣམས་ཀྱི་དྲི། །ལུས་རྣམས་ཀུན་ལ་སྦྱིན་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དབབ་པ་དང་བྱང་ཆུབ་ཆེན་པོའི་ཡན་ལག་བསགས་པ་དང་དེ་བཞིན་གཤེགས་པ་ཐམས་ཅད་ཀྱི་ཆོས་ཀུན་དུ་སྣང་བ་དང་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང་རྣམ་པར་གྲོལ་བ་དང་རྣམ་པར་གྲོལ་བའི་ཡེ་ཤེས་མཐོང་བ་སྟོན་པའི་དྲི་རྣམས་ནི་དེ་བཞིན་གཤེགས 91.24b པ་ཐམས་ཅད་ཀྱི་བཀའ་བཞིན་བྱེད་པའོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས། ཡང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་ཀྱུ་དམ་ཚིག་ལས་བྱུང་བ་སེམས་དཔའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་ཀྱི་བདག་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཨཾ་ཀུ་ཤ ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་དེ་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་དུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་བྱང་ཆུབ་སེམས་དཔའ་ཆེན་པོ་རྡོ་རྗེ་ལྕགས་ཀྱུ་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་རྡོ་རྗེ་སྒོ་ཁང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་སྤྱན་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ཡང་དག་སྤྱན་འདྲེན་བརྟན་པ་བདག་།གང་ཕྱིར་བདག་གིས་སྤྱན་དྲངས་པས། །དཀྱིལ་འཁོར་ཀུན་ལ་བསྟེན་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཏུ་འཇུག་པ། སེམས་དཔའ་ཆེན་པོའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་འདྲེན་པ་གསོལ་ཀ་བ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་པཱ་ཤ་།དེ་བཞིན་གཤེགས་པ་ཐམས་ཅད་ཀྱི་ཐུགས་ལས་དེ་བྱུང་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་འདྲེན་པའི་ཕྱག་རྒྱ་མང་པོར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་ནས་དེ་བཞིན 91.25a གཤེགས་པ་ཐམས་ཅད་ཀྱི་དམ་ཚིག་འདྲེན་པའི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་བྱང་ཆུབ་སེམས་དཔའ་ཆེན་པོ་རྡོ་རྗེ་ཞགས་པ་ཞེས་བྱ་བའི་སྐུར་གྱུར་ནས་བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་སྒོ་ཁང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ཞགས་པ་དམ་པོ་བདག་།རྡུལ་ཕྲན་བཞུགས་པ་ཐམས་ཅད་ཀྱང ། །བདག་གིས་སླར་ཡང་དྲང་བར་བྱ། །དེ་ནས་ཡང་བཅོམ་ལྡན་འདས་ཀྱིས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་སྒྲོག་།སེམས་དཔའ་ཆེན་པོའི་དམ་ཚིག་ལས་བྱུང་བ། སེམས་དཔའ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པ། དེ་བཞིན་གཤེགས་པ་ཐམས་ཅད་ཀྱི་ཕོ་ཉ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་སྥོ་ཊ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་དེ་བྱུང་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པའི་ཕྱག་རྒྱ་མང་པོར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པའི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། ཡང་གཅིག་ཏུ་འདྲེས་ཏེ། བྱང་ཆུབ་སེམས་དཔའ་ཆེན་པོ་རྡོ་རྗེ་ལྕགས་སྒྲོག་ཅེས་བྱ་བའི་སྐུར་གྱུར་ནས་བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི། རྡོ་རྗེ་ཆོས་ཀྱི་སྒོ་ཁང་གི་ནང་གི་ཟླ་བའི་དཀྱིལ་འཁོར་ལ་གནས་ནས། དེ་བཞིན་གཤེགས་པ་ཐམས་ཅད་འཆིང་ཞིང་ཆེད་དུ་བརྗོད 91.25b དོ་ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ལྕགས་སྒྲོག་དམ་པོ་བདག་།བཅིང་བ་ཀུན་ལས་གྲོལ་བ་རྣམས། །སེམས་ཅན་དོན་དུ་འཆིང་བར་འདོད། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དབབ་པ་ཞེས་བྱ་བ་སེམས་དཔའ་ཆེན་པོའི་དམ་ཚིག་ལས་བྱུང་བ། སེམས་དཔའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་ཀྱི་བྲན་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཨཱ་བེ་ཤ ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་དུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ་གཅིག་ཏུ་འདྲེས་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་དབབ་པའི་སྐུར་གྱུར་ཏེ་བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་རྡོ་རྗེ་ལས་ཀྱི་སྒོ་གང་གི་ནང་ན་ཟླ་བའི་དཀྱྀལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་འབེབས་ཤིང ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་དབབ་པ་བརྟན་པ་བདག་།ཀུན་གྱི་བདག་ཏུ་གྱུར་ནས་ཀྱང ། །བྲན་དུ་ཡང་ནི་གྱུར་པ་ཡིན། །དེ་བཞིན་གཤེགས་པ་ཐམས་ཅད་སྤྱན་དྲང་བ་དང ། གཞུག་པ་དང་བཅིང་བ་དང་དབང་དུ་བྱ་བ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པའོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་བསྡུ་བར་བྱིན་གྱིས་བརླབ་པའི་ཕྱིར། རྡོ་རྗེ་སེ་གོལ་གྱིས་མཚན་མ་མཛད་ནས། དེ་བཞིན་གཤེགས་པ་ཐམས་ཅད་བསྡུ་བའི་བྱིན་བརླབས་འདི་གསུངས་སོ། །བཛྲ་ས་མཱ་ཛཿ ། དེ་ནས་སྐད་ཅིག་ཡུད་ཙམ་ཐང་ཅིག་དེའི་ཚེ་དེ་བཞིན་གཤེགས 91.26a པ་ཐམས་ཅད་ཀྱི་སེ་གོལ་གྱི་མཚན་མས་བསྐུལ་བ་དང་འཇིག་རྟེན་གྱི་ཁམས་རབ་འབྱམ་རྒྱ་མཚོའི་སྤྲིན་ཐམས་ཅད་ནས། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་དེ་བཞིན་གཤེགས་པ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་མང་པོ་དང་བཅས་ཏེ་འདུག་ནས་ཁང་བུ་བརྩེགས་པའི་རྩེ་མོ་ནོར་བུ་རིན་པོ་ཆེ་ལས་བྱས་པ་གང་ན་བ་དང་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་གང་ན་བ་དེར་གཤེགས་ནས་ཆེད་དུ་བརྗོད་པ་ཆེད་དུ་བརྗོད་དོ། །ོཾ་སརྦྦ་ཏ་ཐཱ་ག་ཏ་པ་ཏ་བནྡྷ་ནཾ་ཀ་རོ་མི། ཞེས་བརྗོད་དོ། །རང་བཞིན་གྱིས་གྲུབ་པའི་སྔགས་དེ་ཅི་དགའ་བར་ཟློས་ཤིང་དེ་བཞིན་གཤེགས་པ་ཐམས་ཅད་ཀྱི་ཞབས་ལ་ཕྱག་བྱས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བྱང་ཆུབ་སེམས་དཔའ་ནི། །ཀུན་དུ་བཟང་པོའི་སྤྱོད་པ་མཆོག་།དེ་བཞིན་གཤེགས་པའི་འཁོར་ལོ་མཛེས། །དབུས་ན་དེ་བཞིན་གཤེགས་པ་མཛེས། །དེ་སྐད་ཅེས་སྨྲས་པ་དང ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ནས་འདུས་པའི་དེ་བཞིན་གཤེགས་པ་དེ་དག་ཐམས་ཅད་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དང་བཅས་ཏེ་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་རང་རང་གི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་ཏེ་བྱུང་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་ཕྱོགས་ཐམས་ཅད་དུ་དཀྱིལ་འཁོར་དུ་གྱུར་ནས། སྙོམས་པར་ཞུགས་ཏེ་བཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྒྱ་ཆེན་གདོད་ནས་སྐྱེས་པ་མིན། །རྡུལ་ཕྲན་ཇི་སྙེད་ཐམས་ཅད་ཀྱི། །སངས་རྒྱས་རྣམས་ནི་གཅིག་ཏུ་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང 91.26b འདུས་ནས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་ཐམས་ཅད་ལ་ཕན་པ་དང་བདེ་བ་བསྟབས་པ་ནས། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་དང་མངོན་པར་ཤེས་པ་དང་ཡང་དག་པར་རྫོགས་པའི་བྱང་ཆུབ་དམ་པ་འགྲུབ་པའི་ཕྱིར། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདི་བྱིན་གྱིས་བརླབ་པར་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རང་གི་རྡོ་རྗེ་སེམས་དཔའ་ཐོག་མ་དང་ཐ་མ་མེད་པ་རྡོ་རྗེ་འཛིན་པ་ཆེན་པོ་ལ་མིང་རྒྱ་རྩ་བརྒྱད་པ་འདིས་གསོལ་བ་བཏབ་བོ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོ་ཀུན་དུ་བཟང ། །ཕྱག་འཚལ་ཕྱག་ན་རྡོ་རྗེ་ལའོ། །རྡོ་རྗེ་རྒྱལ་པོ་སངས་རྒྱས་མཆོག་།རྡོ་རྗེ་ལྕགས་ཀྱུ་དེ་བཞིན་གཤེགས། །ངེས་པའི་རྒྱལ་པོ་རྡོ་རྗེ་མཆོག་།ཕྱག་འཚལ་རྡོ་རྗེ་འགུགས་ཁྱོད་ལ། །རྡོ་རྗེ་ཆགས་པ་བདེ་ཆེན་པོ། །རྡོ་རྗེ་མདའ་ནི་དབང་བྱེད་པ། །བདུད་ཀྱི་འདོད་པ་རྡོ་རྗེ་ཆེ། །ཕྱག་འཚལ་རྡོ་རྗེ་གཞུ་ཁྱོད་ལ། །རྡོ་རྗེ་ལེགས་པ་སེམས་དཔའ་མཆོག་།རྡོ་རྗེ་མགུ་བ་དགའ་བ་ཆེ། །རབ་དགྱེས་རྒྱལ་པོ་རྡོ་རྗེ་མཆོག་།ཕྱག་འཚལ་རྡོ་རྗེ་དགྱེས་ཁྱོད་ལ། །རྡོ་རྗེ་རིན་ཆེན་རྡོ་རྗེ་དོན། །རྡོ་རྗེ་ནམ་མཁའ་ནོར་བུ་ཆེ། །ནམ་མཁའི་སྙིང་པོ་རྡོ་རྗེས་ཕྱུག་།ཕྱག་འཚལ་རྡོ་རྗེ་སྙིང་པོ་ཁྱོད། །རྡོ་རྗེ་གཟི་བརྗིད་ཆེར་འབར་བ། །རྡོ་རྗེ་ཉི་མ་རྒྱལ་བའི་འོད། །རྡོ་རྗེ་འོད་ཟེར་གཟི་བརྗིད་ཆེ། །ཕྱག་འཚལ་རྡོ་རྗེ་འོད་ཁྱོད་ལ། །རྡོ་རྗེ་དཔལ་རབ་སེམས་ཅན་དོན། །རྡོ་རྗེ་རྒྱལ་མཚན་རབ་དགའ་བྱེད། །རྡོ་རྗེ་ཆེན་པོ་རིན་ཆེན་དཔལ། །ཕྱག་འཚལ་རྡོ་རྗེ་དཔལ་ཁྱོད་ལ། །རྡོ་རྗེ་བཞད་མོ་བཞད་པ་ཆེ། །རྡོ་རྗེ་འཛུམ་པ་ངོ་མཚར་ཆེ། །དགའ་ཞིང་རབ་དགའ་རྡོ་རྗེ་སྟོན། །ཕྱག་འཚལ་རྡོ་རྗེ་དགའ་བ་ལ། །རྡོ་རྗེ་ཆོས་རབ་དེ་ཉིད་དོན། །རྡོ་རྗེ་པད་པ་རབ་དགའ་བྱེད། །འཇིག་རྟེན་དབང་རབ་རྡོ་རྗེ་སྤྱན། །ཕྱག་འཚལ་རྡོ་རྗེ་སྤྱན་ཁྱོད་ལ། །རྡོ་རྗེ་རྣོ་བ་ཐེག་པ་ཆེ། །རྡོ་རྗེ་རལ་གྲི་མཚོན་ཆེན་པོ། །འཇམ་དཔལ་རྡོ་རྗེ་རབ་ཏུ་ཟབ། །ཕྱག་འཚལ་རྡོ་རྗེ་བློ 91.27a ཁྱོད་ལ། །རྡོ་རྗེ་རྒྱུ་དང་སྙིང་པོ་ཆེ། །རྡོ་རྗེ་འཁོར་ལོ་ཚུལ་ཆེན་པོ། །རབ་སྐོར་རྡོ་རྗེ་ལས་བྱུང་བ། །ཕྱག་འཚལ་རྡོ་རྗེ་སྙིང་པོ་ལ། །རྡོ་རྗེ་གསུང་བ་རང་རིག་མཆོག་།རྡོ་རྗེ་ཟློས་པ་རབ་གྲུབ་སྦྱིན། །མི་གསུང་རྡོ་རྗེ་མཆོག་གྲུབ་པ། །ཕྱག་འཚལ་རྡོ་རྗེ་གསུང་ཁྱོད་ལ། །རྡོ་རྗེ་ལས་རབ་རྡོ་རྗེ་བཀའ། །ལས་ཀྱི་རྡོ་རྗེ་ཀུན་རབ་འགྲོ། །རྡོ་རྗེ་ངེས་པ་རྒྱ་ཆེ་བ། །ཕྱག་འཚལ་རྡོ་རྗེ་ཀུན་ཁྱོད་ལ། །རྡོ་རྗེ་གསྲུང་བ་བརྟན་པ་ཆེ། །རྡོ་རྗེ་གོ་ཆ་སྲ་བ་ཆེ། །བརྩོན་འགྲུས་མཆོག་ནི་ཐུབ་པ་དཀའ། །ཕྱག་འཚལ་རྡོ་རྗེ་བརྩོན་འགྲུས་ལ། །རྡོ་རྗེ་གནོད་སྦྱིན་ཐབས་ཆེན་པོ། །རྡོ་རྗེ་མཆེ་བ་འཇིགས་པ་ཆེ། །བདུད་འཇོམས་རྡོ་རྗེ་མི་བཟད་པ། །ཕྱག་འཚལ་རྡོ་རྗེ་དྲག་པོ་ལ། །རྡོ་རྗེ་མཚམས་སྦྱོར་རབ་ཏུ་འདུད། །རྡོ་རྗེ་འཆིང་བ་རབ་གྲོལ་བྱེད། །རྡོ་རྗེ་ཁུར་ཚུར་དམ་ཚིག་མཆོག་།ཕྱག་འཚལ་རྡོ་རྗེ་ཁུ་ཚུར་ལ། །སུ་ཞིག་མིང་རྣམས་འཆང་བ་ནི། །ཞི་བ་བརྒྱ་པོ་རྩ་བརྒྱད་འདི། །རྡོ་རྗེ་མིང་དབང་བསྐུར་ལ་སོགས། །མཆོག་རྣམས་ཀུན་གྱིས་དེ་དབང་བསྐུར། །གང་ཞིག་ཡོན་ཏན་མིང་རྣམས་ཀྱིས། །རྡོ་རྗེ་འཆང་བ་ཆེན་པོ་ལ། །རྟག་ཏུ་གླུར་བླངས་བསྟོད་པ་ནི། །དེ་ཡང་རྡོ་རྗེ་འཆང་འདྲར་འགྱུར། །མིང་བརྒྱ་རྩ་བརྒྱད་འདི་དག་གིས། །བདག་ཅག་གིས་ནི་བསྟོད་པ་ཡིན། །ཐེག་པ་ཆེན་པོ་རྟོགས་པ་ཡི། །ཚུལ་ཆེན་ཡང་ནི་རྒྱས་པར་མཛོད། །མགོན་པོ་ཁྱོད་ལ་གསོལ་བ་ནི། །སངས་རྒྱས་ཀུན་གྱི་འཁོར་ལོ་ཆེ། །དཀྱིལ་འཁོར་ཆེན་པོ་དམ་པ་ཡི། །ཆོ་ག་མཆོག་ནི་བཤད་པར་གསོལ། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་ཐོས་ནས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་འབྱུང་བ་རྡོ་རྗེའི་བྱིན་གྱིས་བརླབས་ཀྱིས་བྱིན་གྱི་བརླབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་དབྱིངས་ཤེས་བྱ་བའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་ཡང་དག་བཤད་བྱ་བ། །རྡོ་རྗེ་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་དབྱིངས་ཤེས་བགྱི་བར་གྲགས། ། 91.27b སེམས་དཔའ་ཆེ་ཡི་ཕྱག་རྒྱ་ཆེར། །བསྒོམ་ཞིང་བྱིན་གྱིས་རློབ་བགྱིད་ཅིང ། །དཀྱིལ་འཁོར་གྱི་ནི་དབུས་ཉིད་དུ། །ཅི་རིགས་པར་ནི་མཆིས་ནས་ཀྱང ། །ཕྱག་རྒྱ་ལ་གནས་དེ་བཞིན་ལངས། །ཀུན་དུ་རྣམ་པར་བལྟས་ནས་ནི། །རྡོ་རྗེ་སེམས་དཔའ་ཞེས་བརྗོད་ནས། །བསྒྱིངས་པའི་ཚུལ་གྱིས་ཡོངས་སུ་བསྐོར། །སར་པ་ལེགས་པར་བཀལ་ནས་ཀྱང ། །ཚད་དང་འཐུན་ལ་མཛེས་པ་ཡི། །ཐིག་གིས་མཁས་པས་ཅི་ནུས་ཀྱིས། །དཀྱིལ་འཁོར་གྱི་ནི་ཐིག་གདབ་ཅིང ། །གྲུ་བཞིར་བགྱི་ཞིང་སྒོ་བཞི་དང ། །རྟ་བབས་བཞིས་ནི་མཛེས་བགྱིས་ལ། །ཐིག་བཞི་དང་ནི་ལྡན་གྱུར་པ། །དར་དང་མེ་ཏོག་ཕྲེང་བས་བརྒྱན། །གྲཝས་ཡི་ཕྱོགས་ནི་ཐམས་ཅད་དང ། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པར་ནི། །དཀྱིལ་འཁོར་ཕྱི་རིམ་ཐིག་གདབ་བོ། །དེ་ཡི་རིམ་པའི་ནང་ཞུགས་ལ། །འཁོར་ལོ་འདྲ་བར་རྡོ་རྗེ་ཡི། །ཐིག་གིས་ཡོངས་སུ་བསྐོར་བར་བགྱི། །ཀ་བ་བརྒྱད་ཀྱིས་མཛེས་བགྱིས་ལ། །རྡོ་རྗེ་ཀ་བའི་ནང་ལོགས་སུ། །ཟླ་བའི་དཀྱིལ་འཁོར་ལྔས་བརྒྱན་ལ། །དབུས་ཀྱི་དཀྱིལ་འཁོར་དབུས་སུ་ནི། །སངས་རྒྱས་ཀྱི་ནི་གཟུགས་གཞག་ཅིང ། །སངས་རྒྱས་ཀྱི་ནི་ཕྱོགས་ཀུན་གྱི། །དཀྱིལ་འཁོར་རྣམས་ཀྱི་དབུས་རྣམས་སུ། །རིམ་བཞིན་དུ་ནི་དམ་ཚིག་མཆོག་།བཞི་པོ་ལེགས་པར་གཞག་པར་བགྱི། །དཀྱིལ་འཁོར་བཞི་པོ་དེ་དག་ཏུ། །རྡོ་རྗེའི་གོམ་པས་སོང་ནས་ནི། །མི་གཡོ་བ་ལ་སོགས་པ་ཡི། །སངས་རྒྱས་བཞི་པོ་ཐམས་ཅད་བཞག་།མི་གཡོ་བ་ཡི་དཀྱིལ་འཁོར་དུ། །རྡོ་རྗེ་འཛིན་སོགས་བཅས་པར་གཞག་།རིན་ཆེན་འབྱུང་བའི་དཀྱིལ་འཁོར་དུ། །རྡོ་རྗེ་སྙིང་སོགས་རྫོགས་པར་གཞག་།ཚེ་དཔག་མེད་པའི་དཀྱིལ་འཁོར་དུ། །རྡོ་རྗེ་སྤྱན་སོགས་དག་པར་གཞག་།གདོན་མི་ཟ་གྲུབ་དཀྱིལ་འཁོར་དུ། །རྡོ་རྗེ་རྒྱ་གྲམ་ལ་སོགས་གཞག་།འཁོར་ལོ་ཡི་ནི་གྲཝ་རྣམས་སུ། །རྡོ་རྗེ་ལྷ་མོ་རྣམས་ཀྱང་བཞག་།དཀྱིལ་འཁོར་ཕྱི་རིམ་གྲཝ་རྣམས་སུ། །སངས་རྒྱས་མཆོད་པ་རྣམས་ཀྱང་གཞག་།སྒོ་རྣམས་ཀྱི་ནི་ནང་དུ་ནི། །སྒོ་བསྲུངས་བཞི་ཡང 91.28a གཞག་པར་བྱ། །དཀྱིལ་འཁོར་ཕྱི་རིམ་ཕྱོགས་སུ་ནི། །སེམས་དཔའ་ཆེན་པོ་རྣམས་ཀྱང་གཞག་།དེ་ནས་རྡོ་རྗེ་སློབ་དཔོན་གྱིས། །དམ་ཚིག་མཆོག་གི་ཕྱག་རྒྱ་ནི། །ཆོ་ག་བཞིན་བཅིངས་ཞུགས་ནས་ཀྱང ། །གྷཎྜའི་ཕྱག་རྒྱས་དབབ་པར་བགྱི། དེ་ལ་ཐམས་ཅད་དབབ་པའི་སྙིང་པོ་ནི་འདི་ལགས་སོ། །ཿ ། བདག་ལ་བྱིན་གྱིས་བརླབ་ལ་སོགས། །ཇི་ལྟ་བར་ནི་བཀའ་ནོད་དོ། །དེ་ལྟར་བགྱིས་ནས་བདག་མིང་བརྗོད། །དེ་ནས་རྡོ་རྗེས་བསྒྲུབ་བགྱི་བ། །རྡོ་རྗེ་སློབ་དཔོན་སེམས་དཔའ་ཡི། །རྡོ་རྗེ་ལྕགས་ཀྱུ་བཅིངས་ནས་ནི། །སེ་གོལ་མང་པོ་བརྡབ་གྱིས་ལ། །སངས་རྒྱས་ཐམས་ཅད་བསྡུ་བར་བགྱི། །དེ་ཚེ་སངས་རྒྱས་ཐམས་ཅད་ནི། །རྡོ་རྗེ་སེམས་ལ་སོགས་པར་བཅས། །དཀྱིལ་འཁོར་ཐམས་ཅད་གང་བ་རྣམས། །དཀྱིལ་འཁོར་རྣམས་སུ་འདུས་པར་འགྱུར། །དེ་ནས་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་སྒོམ་བྱེད་ཅིང ། །མིང་བརྒྱ་རྩ་བརྒྱད་དམ་པ་ནི། །ཅུང་ཟད་རབ་ཏུ་བརྗོད་པར་བགྱི། །ད་ནས་འདུས་པ་དགྱེས་པས་ན། །དེ་བཞིན་གཤེགས་རྣམས་བརྟན་པར་འགྱུར། །རྡོ་རྗེ་སེམས་དཔའ་རང་གྲུབ་པ། །གྲོགས་པོ་ཉིད་དུ་ཉེ་བར་གནས། །དེ་ནས་སྒོ་རྣམས་ཐམས་ཅད་དུ། །ལྕགས་ཀྱུ་ལ་སོགས་ལས་བགྱིས་ནས། །ལས་ཆེན་མཆོག་གི་ཕྱག་རྒྱ་ཡིས། །དམ་ཚིག་རྣམས་ནི་གཞག་པར་བགྱི། །དམ་ཚིག་མཆོག་གི་ཕྱག་རྒྱ་དང ། །སེམས་དཔའ་རྡོ་རྗེ་ལ་སོགས་པས། །དེ་ལྟར་སེམས་དཔའ་ཆེན་པོ་བསྒྲུབ། །ཛཿ ཧཱུཾ་བཾ་ཧོཿ ཞེས་བརྗོད་ཅིང ། །དེ་ནས་སངས་རྒྱས་ལ་སོགས་པ། །སེམས་དཔའ་ཆེན་པོ་ཀུན་བསྡུ་བར། །སྤྱན་དྲངས་ནས་ནི་རབ་ཏུ་བཅུག་བཅིངས་ནས་དེ་ཡི་དབང་དུ་གྱུར། །དེ་ནས་བདག་ཉིད་ཆེན་པོ་རྣམས། །གསང་བའི་མཆོད་པས་མཉེས་བགྱིས་ལ། །ཐམས་ཅད་གྲུབ་ཕྱིར་སེམས་ཅན་དོན། །ཐམས་ཅད་མཛོད་ཅེས་གསོལ་བར་བགྱི། །དཀྱིལ་འཁོར་ཐམས་ཅད་དུ་རྡོ་རྗེ་སློབ་དཔོན་གྱིས་དེ་བཞིན་དུ་ལས་བགྱིའོ། །དེ་ནས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདིར་ནི་རྡོ་རྗེ་སློབ་མ 91.28b དཀྱིལ་འཁོར་དུ་ཞུགས་པ་ལ་སོགས་པ་ཆོ་ག་རྒྱས་པར་མཆིས་སོ། །དེ་ལ་དང་པོ་གཞུག་པ་ལགས་ཏེ་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་སེམས་ཅན་ཐམས་ཅད་ཀྱི་ཕན་པ་དང་བདེ་བའི་མཆོག་གྲུབ་པར་བགྱི་བའི་སླད་དུའོ། །དཀྱིལ་འཁོར་ཆེན་པོ་འདིར་གཞུག་པ་ལ་སྣོད་དུ་གྱུར་པ་དང་སྣོད་དུ་མ་གྱུར་པ་བརྟག་མི་འཚལ་ལོ། །དེ་ཅིའི་ཕྱིར་ཞེ་ན། བཅོམ་ལྡན་འདས་སེམས་ཅན་ཁ་ཅིག་ནི་སྡིག་པ་ཆེན་པོ་བགྱིད་པ་ཡང་མཆིས་ཏེ་དེ་དག་གིས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་ཞུགས་ཏེ་མཐོང་ན། ངན་སོང་ཐམས་ཅད་དང་བྲལ་བར་འགྱུར་རོ། །བཅོམ་ལྡན་འདས་ནོར་དང་ནོར་བུ་དང་བཟའ་བ་དང་བཏུང་བ་དང ། འདོད་པའི་ཡོན་ཏན་ཐམས་ཅད་ལ་ཆགས་པ་དང་དམ་ཚིག་ལ་མི་དགའ་བ་དང་སྔར་སྤྱད་པ་ལ་སོགས་པ་མི་ནུས་པའི་སེམས་ཅན་དག་ཀྱང་མཆིས་ཏེ་དེ་དག་ཀྱང་དེར་ཇི་ལྟར་འཚལ་བ་བཞིན་དུ་བགྱིད་ཅིང་ཞུགས་པ་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །བཅོམ་ལྡན་འདས་སེམས་ཅན་ཁ་ཅིག་ནི་གར་དང་གླུ་དང་གད་མོ་དང་རྩེད་མོ་དང་ཁ་ཟས་དང་སྤྱོད་པ་ལ་དགའ་བ་རྣམས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་ཆོས་ཉིད་ཁོང་དུ་མ་ཆུད་པས་ལྷ་གཞན་གྱི་རིགས་དང་དཀྱིལ་འཁོར་དུ་འཇུག་གི། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་རེ་བ་ཐམས་ཅད་ཡོངས་སུ་རྫོགས་པར་ཡང་དག་པར་གྱུར་པས། བླ་ན་མེད་པའི་དགའ་བ་དང་མགུ་བ་དང་རངས་པ་རྣམས་འབྱུང་བ་དེར་ནི་བསླབ་པའི་ཚིག་གིས་འཇིགས་ཤིང་སྐྲག་ནས། མི་འཇུག་པ་དག་ཀྱང་མཆིས་ཏེ། དེ་དག་ངན་སོང་གི་དཀྱིལ་འཁོར་གྱི་ལམ་དུ་འཇུག་པར་ཁ་ལྟས་ཤིང་གནས་པ་རྣམས་ཀྱང་དགའ་བ་དང་མགུ་བའི་དམ་པ་ཐམས་ཅད་འགྲུབ་ཅིང་བདེ་བ་དང་ཡིད་བདེ་བ་མྱོང་བར་བགྱི་བ་དང་ངན་སོང་གི་རྒྱུད་ཐམས་ཅད་དུ་འཇུག་པར་ཁ་ལྟས་པའི་ལམ་ལས་བཟློག་པར་བགྱི་བའི 91.29a སླད་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་འཇུག་ཏུ་རུང་ངོ ། །བཅོམ་ལྡན་འདས་ཆོས་ཅན་གྱི་སེམས་ཅན་དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དམ་པ་འགྲུབ་པའི་ཐབས་ཀྱིས་སངས་རྒྱས་རྣམས་ཀྱི་བྱང་ཆུབ་ཚོལ་བ་ན་བསམ་གཏན་དང ། རྣམ་པར་ཐར་པ་དང་ས་རྣམས་ཀྱིས་འབད་ཅིང་ཉོན་མོངས་པར་གྱུར་པ་དག་ཀྱང་མཆིས་ཏེ། དེ་དག་ཀྱང་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་དུ་འགྲུབ་པར་ཡང་དཀའ་བ་ལགས་ན་དངོས་གྲུབ་གཞན་ལྟ་སྨོས་ཀྱང་ཅི་འཚལ་དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ལ་ཕྱག་བཞི་བྱའོ། །དེ་ནི་འདི་ལྟར་ལུས་ཐམས་ཅད་ཀྱིས་རྡོ་རྗེ་ཐལ་མོ་བརྐྱང་སྟེ་ཕྱག་འཚལ་ཞིང་སྔགས་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་པའུ་ཛོ་པསྠཱ་ན་ཡ་ཨཱཏྨ་ནཾ་ནི་ཏ་ཡ་མི། སརྦྦ་ཏ་ཐཱ་ག་ཏ་བཛྲ་སཏྭ་ཨཱ་དྷི་ཏིཥྛ་སཝ་མཱཾ་ཞེས་བརྗོད་དོ། །དེ་བཞིན་དུ་འདུག་སྟེ་རྡོ་རྗེ་ཐལ་མོ་སྙིང་གར་བཞག་སྟེ་དཔྲལ་བས་ཕྱག་འཚལ་ཞིང ། སྔགས་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་པའུ་ཛཱ་ཨ་བྷི་ཥེ་ཀཱ་ཡ་ཨཱཏྨཱ་ནཾ་ནི་ཏ་ཡཱ་མི་སརྦྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ་ཞེས་བརྗོད་དོ། །དེ་ནས་དེ་བཞིན་དུ་འདུག་སྟེ། རྡོ་རྗེ་ཐལ་མོ་སྤྱི་བོར་སྦྱར་ཏེ་ཁས་ཕྱག་འཚལ་ཞིང་འདི་སྐད་དུ། ཨོཾ་སརྦ་ཏ་ཐཱ་ག་ཏ་པཱུ་ཛཱ་པྲ་བརྟ་ནཱ་ཡ་ཨཱཏྨཱ་ནཾ་ནི་ཏ་ཡཱ་མི་སརྦྦ་ཏ་ཐཱ་ག་ཏ་བཛྲ་དྷརྨྨ་པྲ་བརྟྟ་ཡ་མཱཾ་ཞེས་བརྗོད་དོ། །དེ་ནས་དེ་བཞིན་དུ་འདུག་སྟེ་རྡོ་རྗེའི་ཐལ་མོ་སྤྱི་བོ་ནས་ཕབ་སྟེ། སྙིང་གར་བཞག་སྟེ་སྤྱི་བོས་ཕྱག་འཚལ་ཞིང་འདི་སྐད་དུ། ཨོཾ`་སརྦྦ་ཏ་ཐཱ་ག་ཏ་པའུ་ཛཱ་ཀརྨྨ་ཎེ་ཨཱཏྨཱ་ནཾ་ནི་ཏ་ཡཱ་མི་སརྦྦ་ཏ་ཐཱ་ག་ཏ་བཛྲ་ཀརྨྨ་ཀུ་རུ་མཱཾ་ཞེས་བརྗོད་དོ། །དེ་ནས་སྟོད་གཡོགས་གོས་དམར་པོ་གྱོན་ལ། གདོང་རས་དམར་པོས་དཀྲིས་ནས་སེམས་དཔའི་རྡོ་རྗེའི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །ས་མ་ཡ་སྟྭཾ། དེ་ནས་གུང་མོ་གཉིས་ཀྱིས་མེ་ཏོག་གི་ཕྲེང་བ་འཛིན་བཅུག་ལ་དྲང་ཞིང་སྙིང་པོ་འདི་བརྗོད་དོ། ། 91.29b ས་མ་ཡ་ཧཱུཾ། དེ་ནས་བཅུག་མ་ཐག་ཏུ་འདི་སྐད་དུ་བསྒོས་ཤིག་།དེང་ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། ངས་ཁྱོད་ལ་ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་དུ་འགྲུབ་པའང་ཐོབ་ན། དངོས་གྲུབ་གཞན་ལྟ་སྨོས་ཀྱང་ཅི་དགོས་ཏེ། དེ་ལྟ་བུའི་ཡེ་ཤེས་བསྐྱེད་པར་བྱས། ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ལ་མ་སྨྲ་ཤིག་དམ་ཚིག་ཉམས་པར་གྱུར་ཏ་རེ། དེ་ནས་རྡོ་རྗེ་སློབ་དཔོན་ཉིད་ཀྱིས་སེམས་དཔའི་རྡོ་རྗེའི་ཕྱག་རྒྱ་ཁ་ནང་ན་བསྟན་པ་དང་ཕྱིར་བསྟན་པ་བཅིངས་ལ་རྡོ་རྗེ་སློབ་མའི་སྤྱི་བོར་བཞག་སྟེ་འདི་སྐད་དུ་བརྗོད་པར་བྱའོ། །འདི་ནི་ཁྱོད་ཀྱི་རྡོ་རྗེའི་དམ་ཚིག་ཡིན་གྱིས་གལ་ཏེ་འགའ་ཞིག་ལ་སྨྲས་ན། ཀླད་པ་འགས་པར་འགྱུར་རོ། །དེ་ནས་དམ་ཚིག་གི་ཕྱག་རྒྱ་དེ་ཉིད་དང་མནའི་ཆུའི་སྙིང་པོས་བསྔགས་ལ་སློབ་མ་དེ་འཐུང་དུ་གཞུག་གོ། །དེ་ལ་མནའི་སྙིང་པོ་འདི་ཡིན་ཏེ། རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་བཞུགས་པར་མཛད། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ོཾ་བཛྲོ་ད་ཀ་ཐ། དེ་ནས་སློབ་མ་ལ་འདི་སྐད་བསྒོས་ཤིག་།དེང་ཕྱིན་ཆད་ཁྱོད་ཀྱི་ཕྱག་ན་རྡོ་རྗེ་ང་ཡིན་ཀྱིས། ངས་འདི་བྱོས་ཤིག་ཅེས་བསྒོ་བ་གང་ཡིན་པ་དེ་བྱ་དགོས་སོ། །ཁྱོད་ཀྱྀས་ང་ལ་བརྙས་པར་མ་བྱེད་ཅིག་།མི་བདེ་བ་མ་སྤངས་པས་ཁྱོད་དུས་བྱས་ནས་དམྱལ་བར་ལྟུང་བར་གྱུར་ཏ་རེ་ཞེས་སྨྲས་ལ་འདི་སྐད་དུ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ། རྡོ་རྗེ་སེམས་དཔའ་བདག་ལ་འབབ་པར་གྱུར་ཅིག་ཅེས་བརྗོད་དུ་གཞུག་གོ། །དེ་ནས་རྡོ་རྗེ་སློབ་དཔོན་གྱིས་མྱུར་དུ་སེམས་དཔའི་རྡོ་རྗེའི་ཕྱག་རྒྱ་བཅྀངས་ལ། འདི་སྐད་དུ་སྨྲར་གཞུག་གོ། །འདི་ནི་རྡོ་རྗེའི་དམ་ཚིག་སྟེ། །རྡོ་རྗེ་སེམས་དཔའ་ཡིན་པར་གྲགས། །རྡོ་རྗེའི་ཡེ་ཤེས་བླ་མེད་ནི། །དེ་རིང་ཉིད་དུ་འབབ་པར་ཤོག་།ོཾ་བཛྲ་ཨ་བེ་ཤ་ཨཿ ། དེ་ནས་ཁྲོ་བོས་ཕྱག་རྒྱ་བཅིངས་ལ། སེམས་དཔའི་རྡོ་རྗེའི་ཕྱག་རྒྱ་ལ་མདུད་ཅིང 91.30a དྲངས་ལ་ཐེག་པ་ཆེན་པོ་མངོན་པར་རྟོགས་པའི་ཚིག་ཅི་ནུས་པར་སྨྲར་གཞུག་གོ། །དེ་ནས་ཕབ་སྟེ་བབས་མ་ཐག་ཏུ་ལྷའི་ཡེ་ཤེས་སྐྱེ་བར་འགྱུར་ཏེ། ཡེ་ཤེས་དེས་ཕ་རོལ་གྱི་སེམས་ཤེས་པར་འགྱུར་རོ། །འདས་པ་དང་མ་འོངས་པ་དང་ད་ལྟར་བྱུང་བ་རྣམས་ཀྱི་དགོངས་པ་ཐམས་ཅད་ཤེས་པར་འགྱུར་རོ། །དེ་བཞིན་གཤེགས་པའི་བསྟན་པ་ཐམས་ཅད་ལ་དེ་ཡིས་སེམས་བརྟན་པར་འགྱུར་རོ། །དེ་ཡིས་སྡུག་བསྔལ་ཐམས་ཅད་ཟད་པར་འགྱུར་རོ། །འཇིགས་པ་ཐམས་ཅད་དང་བྲལ་ནས་གནོད་པ་མེད་པར་འགྱུར་རོ། །སེམས་དཔའ་ཐམས་ཅད་དང་དེ་བཞིན་གཤེགས་པ་ཐམས་ཅད་ཀྱིས་ཀྱང་བྱིན་གྱིས་བརླབས་པར་འགྱུར་རོ། །དངོས་གྲུབ་ཐམས་ཅད་འདིའི་མངོན་སུམ་དུ་འགྱུར་རོ། །རྒྱུ་མེད་པར་སྔོན་མ་བྱུང་བའི་དགའ་བ་དང་མགུ་བ་དང་རངས་པར་བྱེད་པའི་བདེ་བ་ཐམས་ཅད་དེ་ལ་སྐྱེ་བར་འགྱུར་རོ། །བདེ་བ་དེ་དག་ཁ་ཅིག་གིས་ནི་ཏིང་ངེ་འཛིན་འགྲུབ་པར་འགྱུར་རོ། །ཁ་ཅིག་གིས་ནི་གཟུངས། ཁ་ཅིག་གིས་ནི་རེ་བ་ཐམས་ཅད་ཡོངས་སུ་རྫོགས་པ་ནས། ཁ་ཅིག་གིས་ནི་དེ་བཞིན་གཤེགས་པ་ཐམས་ཅད་འགྲུབ་པའི་བར་དུ་འགྱུར་རོ། །དེ་ནས་ཕྱག་རྒྱ་དེ་བཅིངས་ལ། རང་གི་སྙིང་གར་བཀྲོལ་ཞིང་སྙིང་པོ་འདི་ཡང་སྨྲར་གཞུག་གོ། །ཏིཥྛ་བཛྲ་དྲི་ཌྷོ་མེ་བྷ་བ་ཤཱ་ཤཝ་ཏྱོ་མེ་བྷ་བ། ཧྲི་ད་ཡ་མེ། ཨ་དྷི་ཏིཥྛ་སརྦ་སིདྡྷིར་མེ་པྲ་ཡཙྪ་ཧཱུཾ། ཧ་ཧ་ཧ་ཧ་ཧོ། དེ་ནས་མེ་ཏོག་གི་ཕྲེང་བ་དེ་དཀྱིལ་འཁོར་ཆེན་པོར་དོར་ཞིང་སྙིང་པོ་འདི་ཡང་ཆེད་དུ་བརྗོད་དུ་གཞུག་གོ། །པྲ་ཏཱིཙྪ་བཛྲ་ཧོཿ ། དེ་ནས་གང་ལ་བབ་པ་དེ་དེས་འགྲུབ་བོ། །དེ་ནས་ཕྲེང་བ་དེ་བླངས་ཏེ། མགོ་བོར་བཅིངས་ལ་སྙིང་པོ་འདི་སྨྲར་གཞུག་གོ། །ོཾ་པྲ་ཏི་གྲིཧྞ་ས་མི་མཾ་སཏྭ་མ་ཧཱ་བ་ལ། དེ་བཅིངས་པས་སེམས་དཔའ་ཆེན་པོ་དེས་བདག་གིར་བྱས་པར་གྱུར་པས་འདི་མྱུར་དུ་འགྲུབ་པར་འགྱུར་རོ། །དེ་ནས་དེ་ལྟར་བབས་བཞིན་དུ་གདོང་གཡོགས་པ་བཀྲོལ་ཏེ། སྙིང་པོ་འདི་ཡང་སྨྲར་གཞུག་གོ། །ོཾ་བཛྲ་སཏྭ་ས་ཡཾ་ཧེ་ཏྱ་ཙཀྵུདྒ་ཏ་ན་ཏཏྤ་ར་ཨུཏྷྟ་ཊ་ཡ་ཏི་སརྦྦཱ་ཀྵོ་བཛྲ་ཙཀྵུ་ཨ་ནུཏྟ་རཾ་ཧེ་བཛྲ་པཱ་ཤྱ། དེ་ནས་དཀྱིལ་འཁོར་ཆེན་པོ་རིམ་པ 91.30b བཞིན་དུ་བསྟན་ཏོ། །དཀྱིལ་འཁོར་ཆེན་པོ་མཐོང་མ་ཐག་ཏུ་ཡང ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །རྡོ་རྗེ་སེམས་དཔའ་ཡང་དེའི་སྙིང་ག་ན་གནས་སོ། །དེ་ནས་དེ་བཞིན་གཤེགས་པ་ཐམས་ཅད་བྱིན་གྱིས་བརླབས་པའི་ཕྱིར། འོད་ཟེར་སྣ་ཚོགས་ལ་སོགས་པའི་དཀྱིལ་འཁོར་མཐོང་བ་ལ་སོགས་པ་དང་རྫུ་འཕྲུལ་དང ། ཆོ་འཕྲུལ་རྣམས་ཀྱང་མཐོང་བར་འགྱུར་རོ། །གལ་ཏེ་ན་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཉིད་དམ། དེ་བཞིན་གཤེགས་པའི་སྐུ་ཅིག་སྟོན་པར་འགྱུར་རོ། །དེའི་ཕྱིན་ཆད་དོན་ཐམས་ཅད་དང་ཡིད་ཀྱིས་དགོངས་པའི་འདོད་པ་ཐམས་ཅད་དང ། དངོས་གྲུབ་ཐམས་ཅད་ནས་རྡོ་རྗེ་འཛིན་པ་ཉིད་དམ་དེ་བཞིན་གཤེགས་པ་ཉིད་དུ་འགྲུབ་པར་འགྱུར་རོ། །དེ་ནས་དཀྱིལ་འཁོར་ཆེན་པོ་མཐོང་བའི་འོག་ཏུ་རྡོ་རྗེས་བྱིན་གྱིས་བརླབས་པའི་བུམ་པའི་ནང་གི་དྲིའི་ཆུ་དང་སྙིང་པོ་འདིས་དབང་བསྐུར་བར་བྱའོ། །ོཾ་བཛྲ་ཨ་བྷི་ཥིཉྩ་མཱི། དེ་ནས་ཕྱག་རྒྱ་དང་ཕྲེང་བ་གང་ཡང་རུང་བ་གཅིག་བཅིངས་ལ་རང་གི་མཚན་མ་ལག་པར་བཞག་ལ་འདི་སྐད་དུ་བརྗོད་པར་བྱའོ། །སངས་རྒྱས་ཀུན་གྱི་རྡོ་རྗེའི་དབང ། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་འགྲུབ་ཕྱིར། །རྡོ་རྗེ་དེ་ནི་ཁྱོད་ཀྱིས་ལོང ། །ོཾ་བཛྲ་ཨ་དྷི་པ་ཏི་སྟྭཾ་ཨ་བྷི་ཥཉྩཱི་མི། ཏིཥྛ་བཛྲ་ས་མ་ཡ་སྟྭཾ། དེ་ནས་སྙིང་པོ་འདིས་རྡོ་རྗེ་ཞེས་བྱ་བའི་དབང་བསྐུར་བྱའོ། །ོཾ་བཛྲ་སཏྭ། སྟཾ`་ཨ་བྷི་ཥཉྩཱི་མི། བཛྲ་ནཱ་མ་ཨ་བྷི་ཥེ་ཀ་ཏཿ ། ཀྱེ་རྡོ་རྗེ་ཞེས་གང་གི་མིང་གིས་གང་བརྗོད་པ་དེར། ཀྱེ་ཞེས་བརྗོད་པར་བྱའོ། །དཀྱིལ་འཁོར་ཐམས་ཅད་དུ་འཇུག་པའི་ཆོ་ག་རྒྱས་པའོ། །དེ་ནས་ཅི་ཁྱོད་དོན་འབྱུང་བའི་དངོས་གྲུབ་ཀྱི་ཡེ་ཤེས་དང་རྫུ་འཕྲུལ་གྱི་དངོས་གྲུབ་འགྲུབ་པའི་ཡེ་ཤེས་དང་རིག་འཛིན་གྱི་དངོས་གྲུབ་འགྲུབ་པའི་ཡེ་ཤེས་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་མཆོག་འགྲུབ་པའི་ཡེ་ཤེས་ཀྱི་བར་དུ། གང་འདོད་ཅེས་སྨྲས་ལ་དེ་ནས་གང་གིས་གང་འདོད་པ་དེ་དེ་ལ་བརྗོད་པར་བྱའོ། །དེ་ནས་དོན་ཐམས་ཅད་ཀྱི་དངོས་གྲུབ་འགྲུབ་པའི་ཕྱག་རྒྱའི 91.31a ཡེ་ཤེས་བསླབ་པར་བྱ་སྟེ། རྡོ་རྗེའི་དབྱིངས་ནི་གཏེར་གནས་པ། །སྙིང་གར་ཡོངས་སུ་བསྒོམ་པར་བྱ། །བསྒོམ་ནས་ས་ལ་གནས་པ་ཡི། །གཏེར་ནི་དེ་ཡིས་མཐོང་བར་འགྱུར། །རྡོ་རྗེའི་དབྱིབས་ཅིག་བྲིས་ནས་ཀྱང ། །ནམ་མཁའི་ངོས་ལ་བསྒོམ་པར་བྱ། །གང་དུ་ལྷུང་བར་མཐོང་བ་དེར། །གཏེར་ཡོད་པར་ནི་ཤེས་པར་བྱ། །བློ་ལྡན་མི་ཡིས་རྡོ་རྗེའི་དབྱིབས། །ལྕེ་ཡི་སྟེང་དུ་བསྒོམས་ན་ནི། །འདི་ན་ཡོད་ཅེས་བདག་ཉིད་ཀྱིས། །བདེན་པ་ཉིད་དུ་སྨྲ་བར་འགྱུར། །བདག་གི་ལུས་ནི་ཐམས་ཅད་ལ། །རྡོ་རྗེ་དབྱིབས་སུ་བསྒོམས་ནས་ནི། །བབས་པར་གྱུར་ནས་གར་གནས་པར། །གཏེར་ནི་དེ་ན་ཡོད་པར་བཤད། །དེ་དག་གི་སྙིང་པོ་ནི་འདི་དག་ཡིན་ནོ། །ོཾ་བཛྲ་ནི་དྷཱི། ཨོཾ་རཏྣ་ནི་དྷཱི་ཨོཾ་དྷརྨྨ་ནི་དྷཱི་ཨོཾ་ཀརྨྨ་ནི་དྷཱི། དེ་ནས་རྡོ་རྗེ་རྫུ་འཕྲུལ་གྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེའི་དབབ་པ་བྱས་ནས་ནི། །ཆུ་ལ་རྡོ་རྗེའི་དབྱིབས་འདྲ་བར། །བསྒོམས་ནས་ཆུ་ཡི་སྟེང་ན་ཕར། །འགྲོ་བའི་དངོས་གྲུབ་མྱུར་བར་འགྲུབ། །དེ་ལྟར་དབབ་པ་བྱས་ནས་ཀྱང ། །གང་གི་གཟུགས་སུ་བདག་གི་ལུས། །བསྒོམས་པར་གྱུར་ན་བདག་ཉིད་ནི། །སངས་རྒྱས་ཀྱི་ནི་སྐུར་ཡང་འགྱུར། །དེ་ལྟར་བདག་ལ་ཕབ་ནས་ཀྱང ། །བདག་གིས་བདག་ཉིད་ནམ་མཁར་ནི། །བསྒོམས་པར་གྱུར་ན་ཇི་སྲིད་དུ། །འདོད་པ་དེ་སྲིད་མི་སྣང་འགྱུར། །རྡོ་རྗེ་བབས་པར་བདག་གྱུར་ནས། །རྡོ་རྗེ་ཡིན་པར་བདག་བསྒོམས་ན། །གནས་ནས་ཇི་སྲིད་ལྡིང་འདོད་པ། །དེ་སྲིད་མཁའ་ལ་འགྲོ་བར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་ཛྭ་ལ། བཛྲ་རའུ་པ། བཛྲ་ཨཱ་ཀཱ་ཤ་བཛྲ་མ་ཧཱཾ། དེ་ནས་རྡོ་རྗེ་རིག་འཛིན་གྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། ཟླ་བའི་དབྱིབས་ཅིག་བྲིས་ནས་ནི། །སྟེང་གི་མཁའ་ལ་འཕག་བྱ་སྟེ། །ལགྶ་པར་རྡོ་རྗེ་བསྒོམས་ན་ནི། །རྡོ་རྗེ་རིག་པ་འཛིན་པར་འགྱུར། །ཟླ་བའི་དབྱིབས་སྟེང་འདུག་གནས་ནས། །རྡོ་རྗེ་རིན་ཆེན་རབ་བསྒོམས་ན། །བདག་ཉིད་བདག་པ་ཇི་སྲིད་འདོད། །དེ་སྲིད 91.31b སྐད་ཅིག་ལྡིང་བར་འགྱུར་ཟླ་བའི་དབྱིབས་ཀྱི་སྟེང་འདུག་ནས། །རྡོ་རྗེ་པད་མ་ལ་གནས་པར། །བསྒོམས་ན་རྡོ་རྗེ་སྤྱན་གྱིས་ནི། །རིག་འཛིན་གོ་འཕང་སྦྱིན་པར་བྱེད། །ཟླ་བའི་དཀྱིལ་འཁོར་དབུས་གནས་ནས། །ལས་ཀྱི་རྡོ་རྗེ་བསྒོམས་ན་ནི། །རྡོ་རྗེ་སྣ་ཚོགས་འཛིན་པ་ལས། །རིག་འཛིན་ཀུན་ཏུ་མྱུར་བར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་དྷ་ར། རཏྣ་དྷ་ར། དྷརྨྨ་དྷ་ར། ཀརྨྨ་དྷ་ར། དེ་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེ་ཀུན་གྱི་ཏིང་ངེ་འཛིན། །ནམ་མཁའི་དབྱིངས་སུ་བསམས་ན་ནི། །རྡོ་རྗེའི་བདག་ཉིད་ཇི་སྲིད་འདོད། །དེ་སྲིད་རབ་ཏུ་ལྡིང་བར་འགྱུར། །ཀུན་ལས་དག་པའི་ཏིང་ངེ་འཛིན། །བསྒོམས་ན་བླ་མེད་དེ་བཞིན་དུ། །ཡེ་ཤེས་བསྒྲུབ་པས་མྱུར་དུ་ནི། །མངོན་ཤེས་ལྔ་ནི་ཐོབ་པར་འགྱུར། །རྡོ་རྗེ་སེམས་དཔའ་འདྲ་བར་ནི། །ནམ་མཁའ་ཐམས་ཅད་དྲན་བྱས་ན། །བདག་ཉིད་དྲན་པ་བརྟན་ལྡན་ཞིང ། །རྡོ་རྗེ་འཛིན་པར་མྱུར་དུ་འགྱུར། །ནམ་མཁའི་དབྱིངས་ཐམས་ཅད་དུ། །སངས་རྒྱས་གཟུགས་སུ་དམིགས་ནས་ནི། །སངས་རྒྱས་ཀུན་གྱི་ཏིང་འཛིན་ལས། །སངས་རྒྱས་ཉིད་དུ་འགྲུབ་པར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་བཛྲ། ཤུདྡྷ་ཤུདྡྷ། སཏྭ་སཏྭ། བུདྡྷ་བུདྡྷ། ཐམས་ཅད་ཀྱི་དངོས་གྲུབ་ཀྱི་ཡེ་ཤེས་འགྲུབ་པ་རྣམས་སོ། །དེ་ནས་གསང་ཐུབ་པ་ཡིན་པས། དེ་ལ་དང་པོར་མནའི་སྙིང་པོ་བརྗོད་པར་བྱ་སྟེ། ཨོཾ`་བཛྲ་སཏྭ་སཝ་ཡནྟྱ། ཧྲི་ད་ཡེ་ས་མ་བསྟ་ཏ་ནི་བཱི་པྷཱཏ་ཏཀྵ་ནཾ་ཡཱ་ཡཱདY་ཡ་ཏི་བྲུ་ཡད་ཨི་དམ་ན་ཡཾ། དེ་ནས་འདི་སྐད་དུ་ཁྱོད་ཀྱིས་མནའི་སྙིང་པོ་དེ་ལས་འདའ་བར་མ་བྱེད་ཅིག་།ཁྱོད་ཀྱིས་གནོད་པ་མ་སྤངས་པས། དུས་མ་ཡིན་པར་ཤི་བར་གྱུར་ཏ་རེ། ལུས་འདི་ཉིད་ཀྱིས་དམྱལ་བར་ལྟུང་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །རྡོ་རྗེ་དབབ་པ་བྱས་ན་ནི། །མཉམ་པར་བཞག་པས་རྡོ་རྗེ་ཡི། །ཐལ་མོ་ངོས་ཀྱིས་དལ་བརྡབས་ན། །རི་བོ་ཡང་ནི་དབང་དུ་འགྱུར། །རྡོ་རྗེ་ཐལ་མོའི་ཕྱག་རྒྱའོ། །རྡོ་རྗེ་དབབ་པའི་ཆོ་ག་ཡིས། ། 91.32a རྡོ་རྗེ་བསྡམས་པའི་ངོས་ཀྱིས་ནི། །དལ་གྱིས་བརྡབ་པར་སྦྱོར་བ་ཡིས། །རི་བོ་ཡང་ནི་ཀུན་ནས་འགུགས། །དེ་བཞིན་དབབ་པའི་ཆོ་ག་ཡིས། །རྡོ་རྗེ་བསྡམས་པ་བརྐྱང་ནས་ནི། །སོར་མོའི་རྩེ་མོ་མཉམ་བརྡབས་ན། །རིགས་བརྒྱ་ཡུད་ཀྱིས་བརླག་པར་འགྱུར། །ཕྲ་མོ་དབབ་པའི་ཆོ་ག་ཡིས། །སོར་མོ་ཐམས་ཅད་མཉམ་བཞག་ཅིང ། །རྡོ་རྗེ་བསྡམས་མས་བཀྲོལ་བ་ནི། །སྡུག་བསྔལ་ཐམས་ཅད་སེལ་བའི་མཆོག་།དེ་ནས་དེ་དག་གི་གསང་བ་བསྒྲུབ་པ་ཡིན་ཏེ། བུད་མེད་དམ་ནི་སྐྱེས་པ་ཡི། །བུ་གའི་ནང་དུ་གཞུག་པར་བྱ། །ཡིད་ཀྱིས་དེ་ལྟར་ཞུགས་ནས་ཀྱང ། །དེ་ཡི་ལུས་ཀུན་ཁྱབ་པར་བསམ། །དེ་ལ་ཐལ་མོའི་སྙིང་པོ་ནི་འདི་དག་ཡིན་ནོ། །བཛྲ་པཱ་ཤ ། བཛྲ་ཨཱ་བེ་ཤ ། བཛྲ་ཧ་ན། བཛྲ་ཧ་ར། དེ་ནས་རང་གི་རིགས་ཀྱི་ལྷའི་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །ཆོ་ག་འདི་སྐད་དུ་བསྒོ་བར་བྱ་སྟེ། ཁྱོད་ཀྱིས་ཕྱག་རྒྱ་མི་ཤེས་པ་གཞན་སུ་ཡང་རུང་བ་ལ། ཕྱག་རྒྱ་གང་ཡང་རུང་བ་བསྟན་པར་མ་བྱེད་ཅིག་།དེ་ཅིའི་ཕྱིར་ཞེ་ན། དེ་ནི་འདི་ལྟར་དཀྱིལ་འཁོར་ཆེན་པོ་མ་མཐོང་བར་གྱུར་པའི་སེམས་ཅན་དེ་དག་གིས་ཕྱག་རྒྱ་བཅིང་བ་བྱས་ན། དེའི་ཚེ་དེ་དག་དེ་ལྟར་འགྲུབ་པར་མི་འགྱུར་རོ། །དེ་ནས་དེ་དག་ཐེ་ཚོམ་དུ་གྱུར་ཏེ། གནོད་པ་མ་སྤངས་པས་མྱུར་བ་ཉིད་དུ་དུས་བྱས་ནས་དམྱལ་བ་ཆེན་པོ་མནར་མེད་པ་ཞེས་བྱ་བར་ལྷུང་བར་འགྱུར་རོ། །ཁྱོད་ཉིད་ཀྱང་ངན་སོང་དུ་འགྲོ་བར་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་ཀྱི། སེམས་དཔའ་སྒྲུབ་པའི་ཕྱག་རྒྱ་ཆེན་པོའི་ཡེ་ཤེས་གང་ཡིན་པ་སྟེ། སེམས་རྟོགས་པ་ནས་བརྩམས་ནས་ནི། །རྡོ་རྗེ་དབྱིངས་ཤེས་རྗོད་བྱེད་ཅིང ། །སངས་རྒྱས་སྐུར་ནི་བདག་བསྒུར་ལ། །རྡོ་རྗེ་ཉི་མ་བསྒོམ་པར་བྱ། །གྲུབ་མ་ཐག་ཏུ་དེ་ཡིས་ནི། །ཡེ་ཤེས་ཚེ་སྟོབས་ན་ཚོད་དང ། །ཀུན་ཏུ་འགྲོ་བ་ཉིད་རྣམས་འཐོབ། །སངས་རྒྱས་འགྲུབ་པའང་དཀའ་བ་མིན། །དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པའི་ཕྱག་རྒྱའོ། །དེ་ནས་རྡོ་རྗེ་སེམས་དཔའ་བསྒྲུབ་པའི་ཕྱག་རྒྱ་ཆེན་པོ 91.32b བཅིང་བ་ཡིན་ཏེ། སྐུ་གསུང་ཐུགས་ནི་རྡོ་རྗེ་ཡིས། །རྡོ་རྗེ་བསྒྱིངས་པར་སེམས་བསྐྱེད་དེ། །བསྒྱིངས་བཅས་རྡོ་རྗེ་གསོར་བྱེད་ན། །རྡོ་རྗེ་སེམས་དཔར་བདག་ཉིད་འགྱུར། །དེས་ན་ཀུན་ཏུ་འགྲོ་བ་དང ། །འདོད་པ་ཀུན་བདག་བདེ་ཅན་དང ། །རྫུ་འཕྲུལ་ཆེ་སྟོབས་གཟུགས་མཆོག་རྣམས། །རྡོ་རྗེ་སེམས་དཔའ་འདྲ་བར་འགྱུར་སྐུ་གསུང་ཐུགས་ནི་རྡོ་རྗེ་ཡིས། །ཇི་ལྟར་རི་མོའི་རྗེས་མཐུན་ཞིང ། །མཚན་མའི་ཕྱག་རྒྱ་རྣམས་ལྡན་པ། །སེམས་དཔའ་ཆེན་པོར་བསྒྲུབ་པར་བྱ། །འདིར་ནི་དུམ་བུ་ཐམས་ཅད་ཀྱི། །སྒྲུབ་པ་དང་ནི་དངོས་གྲུབ་དང ། །གྲུབ་པ་རྣམས་ཀྱི་ལས་ཆེན་རྣམས། །གོ་རིམ་བཞིན་དུ་བཤད་པར་བྱ། །དང་པོར་ཉིན་རེའི་དུས་བཞིན་དུ། །རང་ལ་བྱིན་གྱིས་བརླབ་ལ་སོགས། །བྱས་ནས་ཐམས་ཅད་བསྒྲུབ་བྱ་སྟེ། །དེ་ཡི་འོག་ཏུ་ཅི་དགར་བྱ། །དེ་ལ་ཕྱག་རྒྱ་ཆེན་པོར་བསྒྲུབ་པའི་ཆོ་ག་རྒྱས་པ་ནི་འདི་ཡིན་ཏེ། རྡོ་རྗེ་དབབ་པ་བྱས་ནས་ནི། །ཕྱག་རྒྱ་ཆེན་པོ་ཆོ་ག་བཞིན། །བཅིངས་ནས་དེ་ཡི་བདུན་ཕྱོགས་སུ། །སེམས་དཔའ་ཆེན་པོ་དེ་བསྒོམ་མོ། །ཡེ་ཤེས་སེམས་དཔའ་དེ་མཐོང་ནས། །རང་གི་ལུས་སུ་བསྒོམ་པར་བྱ། །བཀུག་ཅིང་བཅུག་ལ་བཅིང་བ་དང ། །དབང་དུ་བྱས་ཏེ་བསྒྲུབ་པར་བྱ། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་སཏྭ་ཨཿ རྡོ་རྗེ་དབབ་པའི་སྙིང་པོའོ། །བཛྲ་སཏྭ་དྲྀ་ཤྱ་ཧོ། །སེམས་དཔའ་ཆེན་པོ་རྗེས་སུ་དྲན་པར་བྱའི་སྙིང་པོའོ། །ཛཿ ཧཱུཾ་བཾ་ཧོཿ ། སེམས་དཔའ་ཆེན་པོ་སྤྱན་དྲང་བ་དང ། གཞུག་པ་དང་བཅིང་བ་དང་དབང་དུ་བྱ་བ་རྣམས་ཀྱི་སྙིང་པོའོ། །ས་མ་ཡ་སྟྭཾ་ཞེས་བརྗོད་པས། རྒྱབ་ཏུ་ཟླ་བ་གྲུབ་ནས་ནི། །དེར་བདག་སེམས་དཔའ་ལུས་སུ་བསྒོམ། །ས་མ་ཡ་སྟྲཾ་ཨ་ཧཾ་བརྗོད། །སེམས་དཔའ་གང་གི་ཕྱག་རྒྱ་གང ། །དེ་ནི་བདག་ཏུ་བསྒོམས་ནས་ནི། །རྡོ་རྗེ་བཟླས་པས་བསྒྲུབ་པར་བྱ། །ཕྱག་རྒྱ་ཐམས་ཅད་བསྒྲུབ་པའོ། །གཞན་ཡང་བསྒྲུབ་པ་ཆེན་པོ་ནི། །ཛཿ ཧཱུཾ་བཾ་ཧོཿ ཞེས་བརྗོད་ལ། །ལེགས་པའི་ཆོ་གས་ཡིད་ཀྱིས་ནི། །ལུས་སུ་སངས་རྒྱས་ཀུན་གཞུག་གོ། །དེ་ནས 91.33a བླ་མེད་རྡོ་རྗེའི་ལས། །དེ་དག་གི་ནི་ལས་བཤད་དེ། །སངས་རྒྱས་རྗེས་སུ་དྲན་གྲུབ་ན། །སངས་རྒྱས་ཉིད་དུ་མྱུར་དུ་འགྱུར། །སེམས་དཔའི་རྡོ་རྗེ་མ་གྲུབ་ན། །ཕྱག་རྒྱ་ཀུན་གྱི་བདག་པོར་འགྱུར། །རིན་ཆེན་རྡོ་རྗེའི་ཕྱག་རྒྱ་ཡིས། །དེ་ནི་རིན་ཆེན་ཀུན་དབང་འགྱུར། །ཆོས་ཀྱི་རྡོ་རྗེ་གྲུབ་ན་ནི། །སངས་རྒྱས་ཆོས་ནི་འཛིན་པར་འགྱུར། །ལས་ཀྱི་རྡོ་རྗེའི་ཕྱག་རྒྱ་ཡིས། །རྡོ་རྗེ་ལས་ནི་བྱེད་པར་འགྱུར། །སེམས་དཔའི་ཕྱག་རྒྱ་བཅིངས་པ་ཡིས། །རྡོ་རྗེ་སེམས་དཔའ་འགྲུབ་པར་འགྱུར། །རྡོ་རྗེ་འདྲེན་པའི་ཆོ་ག་ཡིས། །རྡོ་རྗེ་འཛིན་པ་སྤྱན་འདྲེན་འགྱུར། །རྡོ་རྗེ་འདོད་པའི་ཕྱག་རྒྱ་ཆེས། །སངས་རྒྱས་ཐམས་ཅད་མཉེས་པར་བྱེད། །རྡོ་རྗེ་ལེགས་པའི་ཆོ་ག་ཡིས། །སངས་རྒྱས་ཐམས་ཅད་དགྱེས་པར་བྱེད། །རིན་ཆེན་ཕྱག་རྒྱའི་ཆོ་ག་ཡིས། །སངས་རྒྱས་དབང་བསྐུར་དེ་བཞིན་དུ། །རྡོ་རྗེ་གཟི་བརྗིད་ཆོ་ག་ཡིས། །རྡོ་རྗེ་གཟི་བརྗིད་མྱུར་དུ་འགྲུབ། །རྡོ་རྗེ་དཔལ་འཛིན་བསྟེན་པས་ན། །རེ་བ་རྣམས་ནི་ཡོངས་སུ་སྐོང ། །རྡོ་རྗེ་བཞད་པའི་ཆོ་ག་ཡིས། །སངས་རྒྱས་ཀུན་དང་མཉམ་དུ་བཞད། །རྡོ་རྗེ་ཆོས་ཀྱི་ཆོ་ག་ཡིས། །རྡོ་རྗེ་ཆོས་ནི་འཛིན་པར་འགྱུར། །རྡོ་རྗེ་རྣོན་པོའི་ཆོ་ག་ཡིས། །སངས་རྒྱས་ཀུན་གྱི་ཤེས་རབ་མཆོག་།རྡོ་རྗེ་འཁོར་ལོ་འཛིན་བསྟེན་པས། །ཆོས་ཀྱི་འཁོར་ལོ་བསྐོར་བར་འགྱུར། །རྡོ་རྗེ་གསུང་གི་ཆོ་ག་ཡིས། །སངས་རྒྱས་གསུང་གི་གྲུབ་པ་འཐོབ། །རྡོ་རྗེའི་ལས་མཆོག་བསྒྲུབས་པས་ན། །རྡོ་རྗེའི་ལས་སུ་མྱུར་དུ་འགྲུབ། །རྡོ་རྗེའི་གོ་ཆ་བསྐོན་ནས་ནི། །རྡོ་རྗེའི་སྐུ་ནི་འཐོབ་པར་འགྱུར། །རྡོ་རྗེ་གནོད་སྦྱིན་བསྒྲུབས་པས་ན། །རྡོ་རྗེ་གནོད་སྦྱིན་མཉམ་པར་འགྱུར། །རྡོ་རྗེ་ཁུ་ཚུར་བཅིངས་པས་ན། །ཕྱག་རྒྱ་ཐམས་ཅད་འགྲུབ་པར་འགྱུར། །རྡོ་རྗེ་འཛིན་པ་བསྒྲུབས་པས་ན། །རྡོ་རྗེ་རོལ་པ་ཆེན་པོ་འཐོབ། །རྡོ་རྗེ་ཕྲེང་བ་བཅིངས་པས་ན། །སངས་རྒྱས་ཀུན་གྱིས་དབང་བསྐུར་འགྱུར། །རྡོ་རྗེ་གླུ་ཡི་ཆོ་ག་ཡིས། །རྡོ་རྗེ་གླུ་ནི་ལེན་པར་འགྱུར། །རྡོ་རྗེའི་གར་གྱི་སྦྱོར་བ་ཡིས། །སངས་རྒྱས་ཀུན་ལ་དེས་མཆོད་དོ། ། 91.33b རྡོ་རྗེ་བདུག་པའི་ཆོ་ག་ཡིས། །འགྲོ་བ་ཐམས་ཅད་ཚིམ་པར་བྱེད། །རྡོ་རྗེ་མེ་ཏོག་སྦྱོར་བྱེད་པས། །དེས་ནི་འགྲོ་བ་དབང་དུ་བྱེད། །རྡོ་རྗེ་སྣང་བའི་ཕྱག་རྒྱ་ཆེས། །རབ་མཆོག་མིག་ནི་སྦྱིན་པར་བྱེད། །རྡོ་རྗེ་དྲི་ཡི་ཆོ་གས་ནི། །སྡུག་བསྔལ་ཐམས་ཅད་སེལ་བར་བྱེད། །རྡོ་རྗེ་ལྕགས་ཀྱུས་དྲངས་པས་ན། །འདྲེན་པ་ཀུན་གྱི་མཆོག་ཏུ་འགྱུར། །རྡོ་རྗེ་ཞགས་པའི་ཆོ་གས་ནི། །ཐམས་ཅད་རབ་ཏུ་འཇུག་པར་འགྱུར། །རྡོ་རྗེ་ལྕགས་སྒྲོག་སྦྱོར་བ་ཡིས། །ཐམས་ཅད་བཅིང་བར་ནུས་པར་འགྱུར། །རྡོ་རྗེ་དབབ་པའི་ཆོ་ག་ཡིས། །ཐམས་ཅད་དབབ་པར་རབ་ཏུ་འགྲུབ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་ཕྱག་རྒྱའི་ཡེ་ཤེས་བཤད་དེ། ཐལ་མོ་དམ་དུ་སྦྱར་བ་ལས། །སོར་མོ་ཐམས་ཅད་བསྣོལ་བ་ནི། །རྡོ་རྗེ་ཐལ་མོར་བཀའ་སྩལ་ཏེ། །རབ་ཏུ་བསྡམས་ཕྱིར་རྡོ་རྗེ་བསྡམས། །དམ་ཚིག་ཕྱག་རྒྱ་ཐམས་ཅད་ནི། །རྡོ་རྗེ་བསྡམས་ལས་བྱུང་བས་ན། །དེ་དག་བསྡམས་པ་རྡོ་རྗེ་ཡི། །བསྡམས་པ་བླ་མེད་བཤད་པར་བྱ། །རྡོ་རྗེ་བསྡམས་པ་དམ་བཅས་ལ། །གུང་མོ་མྱུ་གུ་ལྟར་མཉམ་བསྒྲེང ། །གུང་མོ་ནང་དུ་གཤིབས་པ་ནི། །སངས་རྒྱས་གཉིས་པའི་ཡིན་པར་བཤད། །གུང་མོ་རིན་ཆེན་འདྲ་བ་དང ། །གུང་མོ་པད་མ་འདྲ་བར་དགུག་།སངས་རྒྱས་ལྔ་པའི་ཕྱག་རྒྱ་ནི། །དེ་བཞིན་མཛུབ་མོ་བཀུག་པའོ། །དེ་ནས་དེ་བཞིན་གཤེགས་པ་ཡི། །རིགས་ཀྱི་དམ་ཚིག་འཛིན་པ་ཡི། །ཕྱག་རྒྱ་བསྡམས་དང་དངོས་གྲུབ་དང ། །ལས་རྣམས་ཡང་དག་བཤད་པར་བྱ། །ཟླ་བ་ལྟ་བུའི་ལག་གཉིས་ཀྱི། །གུང་མོ་བཏང་བར་གྱུར་པ་ཡི། །མཐེ་བོ་མཐེ་ཆུང་སོ་སོར་བསྒྲེང ། །སེམས་དཔའི་རྡོ་རྗེ་བསྒྲེང་རྡོ་རྗེ། །མཛུབ་མོ་ལྕགས་ཀྱུ་མཛུབ་མོ་སྦྱར། །ལེགས་སོ་སྦྱིན་པ་འདྲ་བ་ནི། །རྡོ་རྗེ་སེམས་དཔའ་བཞི་པོ་ཡི། །ཕྱག་རྒྱ་མང་པོའི་དངོས་གྲུབ་དེའོ། །མཐེ་བོ་གཤིགས་ལ་མཛུབ་གཉིས་བཅག་།རྩེ་སྤྲད་རིན་ཆེན་རྡོ་རྗེ་ཡིན། །དེ་ཉིད་གུང་མོ་སྲིན་ལག་དང ། །མཐེའུ་ཆུང་རྣམས 91.34a ནི་བསྣོལ་བརྐྱང་བའོ། །དེ་ལས་སྲིན་ལག་མཐེའུ་ཆུང་གཉིས། །མཉམ་པར་གཤིབས་པ་རྒྱལ་མཚན་ནོ། །དེ་འདི་ལས་ནི་བསྐོར་ནས་ཀྱང ། །ཁ་ཡི་ཕྱོགས་སུ་བཞག་པའོ། །མཐེ་བོ་གཉིས་ཀ་མཉམ་པར་གཤིབ། མཛུབ་མོ་གཉིས་ཀ་བཀུག་པ་དང ། །གུང་མོ་བསྒྲེང་བའི་རྩེ་མོ་བཀུག་།དེ་ཉིད་རྡོ་རྗེ་རལ་གྲིའོ། །དེ་ལས་སྲིན་ལག་མཐེའུ་ཆུང་གཤིབས། །འཁོར་ལོ་ཡིན་པར་བཤད་པ་ཡིན། །བསྡམས་ལ་མཐེ་བོ་གཉིས་བཀྲོལ་ལ། །བཀན་ཏེ་ཁ་ཕྱོགས་བཞག་པའོ། །མཐེ་བོ་མཐེའུ་ཆུང་རྩེ་སྤྲད་བསྐྱེད། །ལས་ཀྱི་རྡོ་རྗེ་ཡིན་པར་བཤད། །དེ་ལས་མཛུབ་མོ་གཉིས་གཤིབས་ལ། །སྙིང་གར་བརྐྱང་སྟེ་བཞག་པའོ། །མཛུབ་མོ་རྩེ་མོ་གཉིས་བཀུག་ལ། །མཐེའུ་ཆུང་གཤིབས་པ་མཆེ་བའོ། །མཐེའུ་ཆུང་གཉིས་པར་མཐེ་བོ་གཉིས། །མཛུབ་མོ་གཉིས་ཀྱིས་བཙིར་བའོ། །སྙིང་གར་མཐེ་བོ་མཉམ་ནས་བཞག་།རབ་ཏུ་བརྐྱང་བ་ཕྲེང་བའོ། །ཐལ་སྦྱར་རྩེ་མོ་ཁ་ནས་དབྱུང ། །གར་ལས་ཐལ་སྦྱར་སྤྱི་བོར་གཞག་།རྡོ་རྗེ་བཅིངས་པ་མཐུར་དུ་གླུགས། །ཐལ་མོ་སྦྱར་བ་གྱེན་དུ་གཏོར། །མཐེ་བོ་མཉམ་སྟེ་རབ་ཏུ་བསྡམ། །རབ་ཏུ་བརྐྱང་ནས་བྱུག་པའོ། །མཛུབ་མོ་གཅིག་པུ་དགུག་པ་དང ། །མཐེ་བོ་གཉིས་ནི་མདུད་པ་དོར། །མཐེ་བོ་མཛུབ་མོ་གདུ་བུར་བཅིང ། །རྡོ་རྗེ་བཅིང་བ་མཛུབ་མོ་བསྡམ། །དེ་ནས་འདི་རྣམས་བསྒྲུབ་བཤད་དེ། །རྡོ་རྗེའི་བསྒྲུབ་པ་དམ་པའོ། །རྡོ་རྗེ་སེམས་དཔའི་ཏིང་འཛིན་གྱིས། །རང་གི་ཕྱག་རྒྱ་སྙིང་གར་གཞག་།དེ་ནས་འདི་རྣམས་ལས་བཤད་པ། །རྡོ་རྗེ་ལས་ནི་བླ་ན་མེད། །རྡོ་རྗེ་དབྱིངས་ལྔའི་ཕྱག་རྒྱ་ནི། །དེ་བཞིན་གཤེགས་རྣམས་འདུས་པ་ཡིས། །དཀྱིལ་འཁོར་སློབ་དཔོན་སློབ་མར་བཅས། །དེ་མ་ཐག་ཏུ་བྱིན་གྱིས་རློབ། །སེམས་དཔའི་རྡོ་རྗེ་བཅིངས་པས་ན། །རྡོ་རྗེ་འཛིན་པ་འདྲ་བར་འགྱུར། །རྡོ་རྗེ་ལྕགས་ཀྱུ་བཅིངས་པ་ཡིས། །སངས་རྒྱས་ཀུན་ཀྱང་དགུག་པར་བྱེད། །འདོད་པའི་རྡོ་རྗེ་སྦྱར་བས་ནི། །རྫོགས་པའི་སངས་རྒྱས 91.34b མཉེས་པར་བྱེད། །རྡོ་རྗེ་དགའ་བས་རྒྱལ་བ་ཀུན། །ལེགས་སོ་བས་ནི་བསྟོད་པར་བྱེད། །རིན་ཆེན་རྡོ་རྗེ་བཅིངས་པས་ན། །སངས་རྒྱས་ཀུན་གྱིས་དེ་དབང་བསྐུར། །རྡོ་རྗེ་ཉི་མ་བཅིངས་པས་ན། །སངས་རྒྱས་ཀྱི་ནི་འོད་འདྲར་འགྱུར། །རྡོ་རྗེ་རྒྱལ་མཚན་འཆད་འགྱུར་བས། །རེ་བ་ཀུན་ཀྱང་རྫོགས་པར་བྱེད། །རྡོ་རྗེ་བཞད་པའི་ཚུལ་གྱིས་ནི། །སངས་རྒྱས་ཀུན་དང་ལྷན་ཅིག་བཞད། །ཆོས་ཀྱི་རྡོ་རྗེ་བཅིངས་པས་ན། །རྡོ་རྗེ་ཆོས་དང་འདྲ་བར་འགྱུར། །རྡོ་རྗེ་རལ་གྲི་ཐོགས་པས་ན། །ཉོན་མོངས་ཐམས་ཅད་དེས་གཅོད་དོ་རྡོ་རྗེ་འཁོར་ལོ་བརྟན་པས་ན། །དཀྱིལ་འཁོར་གྱི་ནི་དབང་པོར་འགྱུར། །རྡོ་རྗེ་སྨྲ་བའི་སྦྱོར་བ་ཡིས། །རྡོ་རྗེ་ངག་མཆོག་འགྲུབ་པར་འགྱུར། །ལས་ཀྱི་རྡོ་རྗེ་བཅིངས་པས་ན། །རྡོ་རྗེ་ལས་དང་འདྲ་བར་འགྱུར། །རྡོ་རྗེ་གོ་ཆ་བརྟན་བྱས་པས། །ལུས་ནི་རྡོ་རྗེ་འདྲ་བར་འགྱུར། །རྡོ་རྗེ་མཆེ་བའི་ཕྱག་རྒྱ་མཆོག་།མ་རུངས་བདུད་ནི་དེས་འཇོམས་སོ། །རྡོ་རྗེ་ཁུ་ཚུར་དམ་བཅིངས་པས། །ཕྱག་རྒྱ་ཀུན་ཡང་དབང་དུ་འགྱུར། །འཛིན་མས་ལྷ་ཡི་དགའ་བ་རྣམས། །ཕྲེང་བ་ཡིས་ནི་རྒྱན་གྱི་རྣམས། །གླུ་ཡིས་རྟག་ཏུ་སྐད་གསལ་བ། །གར་གྱིས་མཆོད་པ་རྙེད་པར་འགྱུར། །བདུག་པས་འཇིག་རྟེན་དགའ་བར་བྱེད། །མེ་ཏོག་གིས་ནི་མཛེས་པའི་གཟུགས། །མར་མེ་ཡིས་ནི་སྣང་བ་དག་།དྲི་ཡིས་ལྷ་རྫས་དྲི་ཅན་དུའོ། །རྡོ་རྗེ་ལྕགས་ཀྱུ་དགུག་པ་སྟེ། །རྡོ་རྗེ་ཞགས་པ་འཇུག་པར་བྱེད། །རྡོ་རྗེ་ལྕགས་སྒྲོག་བཅིངས་པ་སྟེ། །རྡོ་རྗེ་དྲིལ་བུ་འབེབས་པའོ། །དེ་ནས་ཆོས་ཀྱི་ཕྱག་རྒྱ་རྣམས་བཤད་དོ། །བཛྲ་ཛྙཱ་ན་སངས་རྒྱས་རྣམས། །རྡོ་རྗེ་དབྱིངས་ནི་བརྟན་པར་བྱེད། །དེ་ནས་གཞན་ཡང་རབ་བཤད་པ། །ཆོས་ཀྱི་ཕྱག་རྒྱ་ཆོ་ག་བཞིན། །ས་མ་ཡ་སྟྭཾ་ཞེས་བརྗོད་ན། །ཕྱག་རྒྱ་ཀུན་གྱི་དབང་པོར་འགྱུར། །ཱ་ན་ཡ་སཝ་ཞེས་བརྗོད་ན། །གདོན་མི་ཟ་བར་སངས་རྒྱས་འགུགས། ། ཧོ་སུ་ཁ་ཞེས་བརྗོད་ན། །སངས་རྒྱས་རྣམས་ཀྱང་མཉེས་པར་འགྱུར། །སཱ་དྷུ་ས་དྷུ་ཞེས་སྨྲས་ན། །ལེགས་པའི་ཚིག 91.35a གིས་དེ་དགར་བྱེད། །སུ་མ་ཧ་ཧྟྭཾ་ཞེས་སྨྲས་ན། །སངས་རྒྱས་ཀུན་གྱི་དབང་བསྐུར་འཐོབ། །རའུ་པ་དྱོཏ་ཞེས་སྨྲས་ན། །ཆོས་ཀྱི་གཟི་བརྗིད་ཉིད་དུ་འགྱུར། །ཪྠ་པྲཱཔྟ་ཞེས་སྨྲས་ན། །རེ་བ་ཀུན་ནི་རྫོགས་པར་བྱེད། །ཧ་ཧ་ཧཱུཾ་ཧེ་ཞེས་བརྒད་ན། །སངས་རྒྱས་བཞད་པ་རྙེད་པར་འགྱུར། །སརྦྦ་ཀ་རི་ཞེས་སྨྲས་ན། །མི་བྱ་བ་ཡྀ་རྣམས་ཀྱང་སྤྱོད། །དུཿ ཁ་ཙྪེ་ད་ཞེས་སྨྲས་ན། །དེ་ནི་སྡུག་བསྔལ་ཐམས་ཅད་གཅོད། །བུདྡྷ་བོ་དྷི་ཞེས་སྨྲས་ན། །དཀྱིལ་འཁོར་རྣམས་ཀྱི་བདག་པོར་འགྱུར། །པྲ་ཏི་ཤབྡ་ཞེས་སྨྲས་ན། །སངས་རྒྱས་རྣམས་དང་ལྷན་ཅིག་སྨྲ། །སུ་བྷཱ་ཥི་ཏྭཾ་ཞེས་སྨྲས་ན། །ཀུན་གྱི་དབང་དང་ལྡན་པར་འགྱུར། །ནིརྦྷ་ཡ་སྟྭཾ་ཞེས་སྨྲས་ན། །དེ་མ་ཐག་ཏུ་འཇིགས་མེད་འགྱུར། །ཤ་ཏྲུཾ་བྷཀྵ་ཞེས་སྨྲས་ན། །དགྲ་རྣམས་ཐམས་ཅད་ཟ་བར་འགྱུར། །སརྦྦ་སིདྷི་ཞེས་སྨྲས་ན། །ཐམས་ཅད་གྲུབ་པ་ཉིད་དུ་འགྱུར། །མ་ཧཱ་ར་ཏི་ལྷ་ཡི་དགའ། །རའུ་པ་ཤོ་བྷེས་གཟུགས་བཟང་བ། །ཤོ་ཏྲ་སཽ་ཁྱ་བདེ་བ་སྦྱིན། །སརྦྦ་པཱུ་ཛ་མཆོད་པར་བྱེད། །པྲ་ཧལཱ་ད་ནི་ཡིད་བདེ་འགྱུར། །ཕ་ལཱ་གཱ་མི་འབྲས་བུ་འཐོབ། །སུ་ཏེ་ཛཱ་གྲི་གཟི་བརྗིད་ཆེ། །སུ་གྷ་གི་དྲི་མཆོག་ཅན། །ཱ་ཡ་ཧ་ཛིཿ འགུགས་པར་བྱེད། ། ཡཱ་ཧི་ཧཱུཾ་འཇུགས་པར་བྱེད། །ཧེ་སྥོ་ཊ་བཾ་འཆིང་བ་ཆེ། །གཎྜཱ་མ་ཨཿ རབ་བསྐྱོད་པའོ། །དེ་ནས་དེ་དག་གི་ཆོས་ཀྱི་ཕྱག་རྒྱ་བསྒྲུབ་པ་དགེ་བ་བཤད་དོ། །ལྕེ་ལ་རྡོ་རྗེ་བསྒོམས་ནས་ཀྱང ། །ལས་རྣམས་ཐམས་ཅད་བྱེད་པར་འགྱུར། །དེ་ནས་ལས་ཀྱི་ཕྱག་རྒྱ་བཅིང་བ་བཤད་དེ། རྡོ་རྗེ་ཁུ་ཚུར་དམ་བཅིངས་ཏེ། །མཉམ་པར་བཞག་པས་གཉིས་སུ་བྱ། །རྡོ་རྗེའི་ཕྱག་རྒྱ་གཉིས་བཅིངས་ཏེ། །དེ་ནས་བཅིང་བ་རབ་ཏུ་བཤད། །གཡོན་པའི་རྡོ་རྗེ་མཛུབ་མོ་ནི། །གཡས་པའི་ནང་དུ་བསྒྲེང་བར་བྱ། །བྱང་ཆུབ་མཆོག་གི་ཕྱག་རྒྱ་སྟེ། །སངས་རྒྱས་བྱང་ཆུབ་མཆོག་སྦྱིན་པའོ། །མི་གཡོ་བ་ཡི་ས་རེག་པ། །རིན་ཆེན་གྱི་ནི་མཆོག་སྦྱིན་པའོ། །ཚེ་དཔག་མེད་པའི་ཏིང་འཛིན་མཆོག་།གདོན་མི 91.35b ཟ་བའི་མི་འཇིགས་སྦྱིན། །དེ་ནས་ལས་ཀྱི་ཕྱག་རྒྱ་རྣམས། །མདོར་བསྡུས་རབ་ཏུ་བཤད་པར་བྱ། །རྡོ་རྗེ་སེམས་སོགས་སེམས་དཔའ་རྣམས། །རྡོ་རྗེ་ལས་རྣམས་བྱེད་པ་སྟེ། །བསྒྱིངས་བཅས་གསོར་བ་གཉིས་ཀ་ཡིས། །ལྕགས་ཀྱུ་འཛིན་ལྟར་གནས་པ་དང ། །མདའ་འཕངས་པ་ཡི་ཚུལ་དང་ནི། །ལེགས་སོ་ཞེས་པ་སྙིང་གར་བཞག་།དབང་བསྐུར་བ་ནི་རྡོ་རྗེ་གཉིས། །སྙིང་གར་ཉི་མ་བརྟན་པར་བྱ། །གཡོན་པ་ལ་ནི་གྲུ་མོ་གཟུགས། །དེ་བཞིན་ཁ་ཕྱོགས་བསྐོར་བར་བྱ། །གཡས་པ་ཡིས་ནི་གཡོན་པ་དབྱེ། །སྙིང་གར་གཡོན་པ་རལ་གྲི་མདུང ། །འགལ་མེ་འཁོར་ལོ་བསྐོར་བ་དང ། །རྡོ་རྗེ་གཉི་ཀ་ཁ་ནས་དབྱུང ། །རྡོ་རྗེ་གར་བསྐོར་བཀྲོལ་བ་ཡི། །ཐལ་མོ་འགྲམ་པ་སྤྱི་བོར་བཞག་།གོ་ཆ་མཐེའུ་ཆུང་མཆེ་བ་དང ། །ཁུ་ཚུར་གཉིས་ནི་གནོན་པའོ། །རྡོ་རྗེ་འགྱིང་བའི་ཚུལ་གྱིས་སུ། །བསམ་པ་གཡོས་པས་གདུད་པར་བྱ། །ཕྲེང་བ་འཆིང་དང་ཁ་ནས་དབྱུང ། །རྡོ་རྗེ་གར་ནི་བསྐོར་བ་ཡིན། །རྡོ་རྗེ་ཁུ་ཚུར་ཚུལ་གྱིས་ནི། །བདུག་པ་ལ་སོགས་དེ་བཞིན་སྦྱིན། །སངས་རྒྱས་ཀུན་ལ་མཆོད་པ་ཡི། །ཕྱག་རྒྱའི་མཆོད་པ་བྱེད་པའོ། །མཛུབ་མོ་ལྕགས་ཀྱུ་བཅིང་བ་ནི། །མཐེའུ་ཆུང་ལས་ཏེ་ལྕགས་ཀྱུ་ཆེ། །འཁྲིག་མ་མདུད་པ་མཛུབ་གཉིས་གདུབ། །རྒྱབ་གཉིས་ཀྱང་ནི་མཉམ་ཏེ་མནན། །དེ་ནས་འདི་རྣམས་བསྒྲུབ་པ་བཤད། །རྡོ་རྗེའི་ལས་ནི་བྱེད་དང་མཉམ། །རྡོ་རྗེ་ཀུན་དངོས་རྡོ་རྗེ་ནི། །རང་གི་སྙིང་ལ་བསྒོམ་པར་བྱ། །དེ་ནས་ལས་ཀྱི་ཕྱག་རྒྱ་རྣམས། །རྡོ་རྗེ་ལས་ནི་རྣམ་པ་མང ། །ཡེ་ཤེས་ཁུ་ཚུར་བཅིངས་པས་ནི། །སངས་རྒྱས་ཡེ་ཤེས་འཇུག་པར་འགྱུར། །མི་གཡོ་བ་ཡི་བཅིང་བས་ནི། །ཡིད་ནི་གཡོ་བ་མེད་པར་འགྱུར། །རིན་ཆེན་འབྱུང་བའི་ཕྱག་རྒྱ་ཡིས། །གཞན་ལ་ཕན་པར་བྱེད་པར་འགྱུར། །དམ་ཆོས་འཁོར་ལོའི་ཕྱག་རྒྱས་ནི། །ཆོས་ཀྱི་འཁོར་ལོ་བསྐོར་བར་འགྱུར། །མི་འཇིགས་མཆོག་གིས་མྱུར་བར་ནི། ། 91.36a སེམས་ཅན་ཀུན་ལ་མི་འཇིགས་སྦྱིན། །རྡོ་རྗེ་འགྱིང་བ་བརྟན་བྱས་པས། །རྡོ་རྗེ་སེམས་དཔའི་བདེ་བ་རྙེད། །རྡོ་རྗེ་ལྕགས་ཀྱུས་སྐད་ཅིག་ཏུ། །དེ་བཞིན་གཤེགས་པ་ཀུན་ཀྱང་དགུག་།བདག་གིས་མདའ་ཡི་ཕྱག་རྒྱ་ཡིས། །རྡོ་རྗེ་ལྷ་མོ་མཉེས་པར་བྱེད། །རྡོ་རྗེ་དགའ་བས་རྒྱལ་བ་ཀུན། །ལེགས་སོ་ཞེས་པའི་ཚིག་ཀྱང་སྦྱིན། །རྡོ་རྗེ་ཆེན་པོའི་ནོར་བུ་བཅིངས། །སྟོན་པ་རྣམས་ཀྱིས་དེ་དབང་བསྐུར། །རྡོ་རྗེ་ཉི་མ་བཅིངས་པས་ནི། །རྡོ་རྗེ་ཉི་མ་འདྲ་བར་འགྱུར། །རྡོ་རྗེ་རྒྱལ་མཚན་བསྒྲེང་བས་ནི། །དེ་ནི་རིན་ཆེན་ཆར་ཡང་འབེབས། །རྡོ་རྗེ་འཛུམ་པ་བཅིངས་པས་ནི། །སངས་རྒྱས་འདྲ་བར་མྱུར་བཞད་འགྱུར། །རྡོ་རྗེ་མེ་ཏོག་བཅིངས་པས་ན། །དེ་ཡིས་རྡོ་རྗེ་ཆོས་རྣམས་མཐོང ། །རྡོ་རྗེ་རལ་གྲི་བརྟན་བཅིངས་ན། །དེ་ནི་སྡུག་བསྔལ་ཐམས་ཅད་གཅོད། །རྡོ་རྗེ་འཁོར་ལོ་བཅིངས་པས་ནི། །ཆོས་ཀྱི་འཁོར་ལོ་བསྐོར་བར་འགྱུར། །སངས་རྒྱས་ཀུན་གྱི་ཚིག་རྣམས་ནི། །རྡོ་རྗེ་བཟླས་པས་འགྲུབ་པར་འགྱུར། །རྡོ་རྗེ་གར་གྱི་མཆོད་པ་ཡིས། །སངས་རྒྱས་ཀྱང་ནི་དབང་དུ་འགྱུར། །རྡོ་རྗེ་གོ་ཆས་ལུས་བཅིངས་པས། །རྡོ་རྗེ་སྙིང་པོ་ཐོབ་པར་འགྱུར། །རྡོ་རྗེ་མཆི་བ་བཅིངས་པས་ནི། །རྡོ་རྗེ་ཉིད་ཀྱང་བདག་གིས་ཆོམས། །རྡོ་རྗེ་ཁུ་ཚུར་ཀུན་འཕྲོག་ཅིང ། །ཕྱག་རྒྱ་གྲུབ་པ་ཀུན་ཀྱང་རྙེད། །རྡོ་རྗེ་འཛིན་པས་དགའ་བ་སྦྱིན། །རྡོ་རྗེ་ཕྲེང་བས་གཟུགས་བཟང་བ། །རྡོ་རྗེ་གླུ་ཡིས་གླུ་སྙན་པ། །རྡོ་རྗེ་གར་གྱིས་དབང་དུ་བྱེད། །བདུག་པ་ཡིས་ནི་ཡིད་དགའ་བ། །མེ་ཏོག་གིས་ནི་རྒྱན་རྣམས་ཏེ། །མར་མེ་ཡིས་ནི་གཟི་ཆེན་པོ། །རྡོ་རྗེ་དྲི་ནི་དྲི་རབ་ལྡན། །རྡོ་རྗེ་ལྕགས་ཀྱུ་འགུགས་པ་སྟེ། །རྡོ་རྗེ་ཞགས་པ་འཇུག་པའོ། །རྡོ་རྗེ་ལྕགས་སྒྲོག་འཆིང་བར་བྱེད། །རྡོ་རྗེ་དྲིལ་བུ་བསྐྱོད་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་ཕྱག་རྒྱ་བཅིང་བའི་ཆོ་ག་རྒྱས་པ་བཤད་དེ། །དེ་ལ་ཐོག་མ་ཉིད་དུ་རྡོ་རྗེ་བཅིང་བའི་སོར་མོ་སྙིང་གར་བརྡབ་པར་བྱ་སྟེ་སྙིང་པོ་འདི་བརྗོད་དོ། །བཛྲ་བནྡྷ་ཏྲ་ཊ་དེ་ནས་ཕྱག་རྒྱ་བཅིངས་པ་ཀུན། རང་གིས་ལུས་དང་ངག་དང་སེམས་ཀྱི་རྡོ་རྗེའི་དབང་དུ་འགྱུར་རོ། །དེ་ནས་རྡོ་རྗེ་དབབ་པའི་དམ་ཚིག 91.36b གི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །། དེ་ནས་བབས་ནས་གྲོགས་པོ་ཉིད་དུ་ཉེ་བར་གནས་པར་གྱུར་ཏོ། །དེ་ནས་ཕྱག་རྒྱའི་དམ་ཚིག་གི་སེམས་དཔའ་ཆེན་པོ་རྗེས་སུ་དྲན་པར་བྱ་སྟེ་སྙིང་པོ་འདི་བརྗོད་དོ། །མ་ཧཱ་ས་མ་ཡ་ས་ཏྭ་ཧཾ། དེས་ནི་ཕྱག་རྒྱ་ཐམས་ཅད་འགྲུབ་སྟེ། ཕྱག་རྒྱ་ཐམས་ཅད་འགྲུབ་པའི་ཆོ་ག་རྒྱས་པའོ། །དེ་ནས་སྤྱིའི་བསྒྲུབ་པའི་ཆོ་ག་རྒྱས་པ་བཤད་དོ། །དེ་ལ་ཐོག་མར་རང་གི་ཕྱག་རྒྱ་བཅིངས་ནས། རང་གི་ཕྱག་རྒྱའི་སེམས་དཔར་བདག་གི་སྙིང་པོ་འདིས་བསྒོམ་མོ། །ས་མ་ཡོ་ཧཾ། དེ་ནས་རང་གི་ཕྱག་རྒྱའི་སེམས་དཔར་བདག་བསྒོམས་ནས་སྔགས་འདིས་བྱིན་གྱིས་བརླབ་བོ། །ས་མ་ཡ་སཏྭ་ཨ་དྷི་ཏིཥྛ་སཝ་མཱཾ། དེ་ནས་བསྒྲུབ་པར་བྱའོ། །བསྒྲུབ་པའི་ཆོ་ག་རྒྱས་པའོ། །དེ་ནས་དངོས་གྲུབ་ཀྱི་ཆོ་ག་རྒྱས་པ་བཤད་དེ་དེ་ལ་ཐོག་མར་རེ་ཞིག་ནོར་བསྒྲུབ་པར་འདོད་ན་སྙིང་པོ་འདི་ཡིན་ནོ། །རྠ་སིདྡྷི། དེས་ཕྱག་རྒྱ་གྲུབ་ན་ནོར་ཆེན་པོ་སྐྱེ་བར་འདོད་དོ། །དེ་ནས་རྡོ་རྗེ་འགྲུབ་པར་འདོད་ན་སྙིང་པོ་འདི་ཡིན་ནོ། །བཛྲ་སིདྡྷི། དེས་ཅི་འདོད་པ་བཞིན་དུ་རྡོ་རྗེ་འགྲུབ་པར་འགྱུར་རོ། །དེ་ནས་རིག་འཛིན་གྱི་གྲུབ་པ་འདོད་ན་སྙིང་པོ་འདི་ཡིན་ནོ། །བཛྲ་བིདྱཱ་དྷ་ར་སིདྡྷི། དེས་ཇི་ལྟར་འདོད་པ་བཞིན་དུ་རིག་འཛིན་འགྲུབ་བོ། །དེ་བཞིན་དུ་དམ་པ་འགྲུབ་པར་འདོད་ན་རང་གི་ཕྱག་རྒྱའི་སྙིང་པོས་བསྒྲུབ་བོ། །དངོས་གྲུབ་ཀྱི་ཆོ་ག་རྒྱས་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་རང་གི་ལུས་དང་ངག་དང་སེམས་རྡོ་རྗེར་བྱ་བའི་སྤྱིའི་ཆོ་ག་རྒྱས་པ་བཤད་དེ། ནམ་ཕྱག་རྒྱའི་བྱིན་གྱིས་བརླབས་ལྷོད་པར་གྱུར་ཏམ་བདག་གཏོང་བར་འདོད་ན། དེ་ནས་སྙིང་པོ་འདིས་བརྟན་པར་བྱའོ། །ོཾ`་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ། ཏྀཥྛ་དྲྀ་ཌྷོ་མེ་བྷ་བ་སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ་སུ་པོ་ཥྱོ་མེ་བྷ་བ། སརྦྦ་སིདྡྷིམྨེ་པྲ་ཡཙྪ་སརྦྦ་ཀརྨྨ་སུ་ཙ་མེ། ཙིཏྟཾ་ཤྲེ་ཡཿ ཀུ་རུ་ཧཱུཾ། ཧ་ཧ་ཧ་ཧ་ཧོཿ ། བྷ་ག་བཱན། སརྦྦ་ཏ་ཐཱ་ག་ཏ། བཛྲ་མཱ་མེ་མུཉྩ 91.37a བཛྲཱི་བྷ་བ་མ་ཧཱ་ས་མ་ཡ་སཏྭ་ཨཿ ། དེས་ནི་མཚམས་མེད་པ་བྱས་པ་དང་དེ་བཞིན་གཤེགས་པ་ཐམས་ཅད་བསླུས་པ་དང་དམ་པའི་ཆོས་ལ་སྨོད་པ་དང་ཉེས་པ་ཐམས་ཅད་བྱས་པ་ཡང་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒྲུབ་པ་པོས་རྡོ་རྗེ་སེམས་དཔའ་བརྟན་པར་གྱུར་པས་ཚེ་འདི་ཉིད་ལ་ཇི་ལྟར་འདོད་པའི་དངོས་གྲུབ་ཐམས་ཅད་དམ། དངོས་གྲུབ་མཆོག་གམ་རྡོ་རྗེའི་དངོས་གྲུབ་འམ་རྡོ་རྗེ་སེམས་དཔའི་དངོས་གྲུབ་འམ། དེ་བཞིན་གཤེགས་པའི་དངོས་གྲུབ་ཀྱི་བར་དུ་མྱུར་དུ་འགྲུབ་བོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ། །དེ་ནས་ཕྱག་རྒྱ་ཐམས་ཅད་དགྲོལ་བའི་སྤྱིའི་ཆོ་ག་རྒྱས་པ་བཤད་དོ། །དེ་ལ་ཐོག་མར་ཕྱག་རྒྱ་ཐམས་ཅད་གང་དང་གང་ནས་བྱུང་བ་དེ་ནས་སྙིང་པོ་འདིས་དགྲོལ་ལོ། །ོཾ་བཛྲ་མུཿ ། དེ་ནས་སྙིང་ག་ནས་བྱུང་རིན་ཆེན་རྡོ་རྗེའི་ཕྱག་རྒྱ་རང་གི་དབང་བསྐུར་བའི་གནས་ན་གནས་པས་དབང་བསྐུར་ཏེ་མཛུབ་མོ་གཉིས་ཀྱིས་ཕྲེང་བར་བསྐོར་ཞིང་བཅིངས་ནས་དེ་བཞིན་དུ་གོ་ཆ་ཡང་སྙིང་པོ་འདིས་བཅིང་ངོ ། །ོཾ`་བཛྲ་རཏྣ་ཨ་བྷི་ཥིཉྩ་སརྦྦ་མུ་དྲཱ་མེ་ཏྲི་དྷི་ཀུ་རུ་བ་ཀ་བརྩེན་བཾ། དེ་ནས་ཡང་གོ་ཆའི་མཐར་ཕྲེང་བ་བཅིངས་པ་བཏད་ལ་ཐལ་མོ་མཉམ་པར་བརྡབས་ཏེ་སྙིང་པོ་འདིས་མཉེས་པར་བྱའོ། །བཛྲ་དུ་ཥྱ་ཧོཿ ། ཆོ་ག་དེས་ཕྱག་རྒྱ་རྣམས་དགྲོལ་བ་དང་བཅིང་བ་དང་མཉེས་པར་བྱས་ན་རྡོ་རྗེ་ལྟ་བུར་འགྱུར་རོ། །ཡང་ན་རྡོ་རྗེ་སེམས་དཔས་ཀྱང་བྱའོ། །རྡོ་རྗེ་སེམས་དཔའ་ལན་གཅིག་བཟླས། །ཇི་ལྟར་འདོད་པ་བདག་བདེ་བར། །བཟླས་པ་ཙམ་གྱིས་འགྲུབ་པར་འགྱུར། །ཕྱག་ན་རྡོ་རྗེས་གསུངས་པ་བཞིན། །ཞེས་བཅོམ་ལྡན་འདས་ཀུན་དུ་བཟང་པོས་གསུངས་སོ། །རྡོ་རྗེ་སེམས་སོགས་སེམས་དཔའ་རྣམས། །བསྒྲུབ་པ་དང་ནི་ལས་ཀུན་ལ། །འདིར་ནི་ཅི་དགར་བཟླས་ན་ནི། །རྟོག་པ་ཀུན་ལས་དངོས་གྲུབ་ཐོབ། །སྙིང་པོ 91.37b ཕྱག་རྒྱ་སྔགས་རིག་རྣམས། །ཇི་ལྟར་འདོད་པའི་ཚུལ་གྱིས་ནི། །རྟོག་པ་ལས་བཤད་རང་བྱས་པའམ། །བསྒྲུབ་པ་འདིར་ནི་ཐམས་ཅད་དོ། །དེ་ནས་གསང་བའི་མཆོད་པ་བརྗོད་ཅིང་རྡོ་རྗེ་བསྟོད་པའི་གླུ་བླངས་ཏེ་གསང་བའི་མཆོད་པ་བཞི་བྱའོ། །ོཾ་རྡོ་རྗེ་སེམས་དཔའ་བསྡུས་པས་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ནི་གླུར་བླངས་པས། །རྡོ་རྗེ་ལས་ནི་བྱེད་པར་འགྱུར། །དེ་ནས་དབུས་ཀྱི་དཀྱིལ་འཁོར་དུ། །རྡོ་རྗེ་བསྟོད་པའི་གླུ་ཉིད་ཀྱིས། །རྡོ་རྗེའི་གར་ལག་པ་གཤིབས་པས་བསང་བའོ། །བདུག་པ་ལ་སོགས་པའི་མཆོད་པ་བྱ་སྟེ་དེ་ནས་ཕྱི་རོལ་གྱི་དཀྱིལ་འཁོར་དུ་རྡོ་རྗེ་བདུག་པ་ལ་སོགས་པས་མཆོད་པ་བྱས་ལ་མཆོད་པ་དེ་དག་རང་རང་གི་གནས་སུ་གཞག་གོ། །དེ་ནས་ཐམས་ཅད་ཅི་ནུས་པས་མཆོད་ཅིག་ཅེས་བསྒོ་ནས། དེ་བཞིན་གཤེགས་པ་ཐམས་ཅད་ལ་གསོལ་ཏེ་ཇི་ལྟར་འདོད་པ་བཞིན་བདུག་པ་ལ་སོགས་པས་མཆོད་པ་བྱེད་དུ་བཅུག་ལ། ཇི་ལྟར་ཞུགས་པ་རྣམས་ཅི་འབྱོར་པའི་རོ་དང་ཁ་ཟས་ལ་སོགས་པ་ཐམས་ཅད་དང་དཀྱིལ་འཁོར་ཆེན་པོར་ཕུལ་བའི་ཡོ་བྱད་ཐམས་ཅད་ཀྱིས་མགུ་བར་བྱས་ཏེ་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་རྡོ་རྗེའི་བརྟུལ་ཞུགས་སྦྱིན་ནོ། །འདི་དེ་སངས་རྒྱས་ཐམས་ཅད་དེ། །རྡོ་རྗེ་སེམས་དཔའི་ལག་ན་འདུག་།ཁྱོད་ཀྱིས་ཀྱང་ནི་རྟག་ཏུ་བཅང ། །ཕྱག་ན་རྡོ་རྗེའི་བརྟུལ་ཞུགས་བརྟན། །ོཾ་སརྦྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ། ཏིཥྛ་ཨེ་ཥ་ཏྭཱཾ་དྷཱ་ར་ཡཱ་མི་བཛྲ་སཏྭ་ཧི་ཧི་ཧི་ཧི་ཧཱུཾ། དེང་ནས་ཐམས་ཅད་སུ་ལ་ཡང་མ་སྨྲ་ཤིག་ཅེས་བསྒོ་ཞིང ། མནའི་སྙིང་པོ་ཡང་བསྟན་ཏོ། །དེ་ནས་ཇི་ལྟར་ཞུགས་པའི་རྣམས་སླར་བཀྱེ་སྟེ་དེ་བཞིན་གཤེགས་པ་ཐམས་ཅད་ལ་གསོལ་བ་ནི་སེམས་དཔའ་རྡོ་རྗེའི་ཕྱག་རྒྱ་བཅིངས་ལ། ཁ་གྱེན་དུ་བསྟན་ཏེ། སྙིང་པོ་འདི་བཟླས་ཤིང་བཀྲོལ་ནས། ཨོཾ་ཁྱེད་ཀྱིས་སེམས་ཅན་དོན་ཀུན་བྱས། །རྗེས་སུ 91.38a ཐུན་པར་དངོས་གྲུབ་སྩལ། །སངས་རྒྱས་ཡུལ་དུ་བཞུད་པར་མཛད། །དེ་ནས་སླར་ཡང་གཤེགས་པར་གསོལ། །བཛྲ་སཏྭ་མུཿ ། དེ་ལྟར་དཀྱིལ་འཁོར་ཐམས་ཅད་ལ་ཡང་བྱའོ། །དམ་ཚིག་མཆོག་གི་ཕྱག་རྒྱ་རྣམས་ཀྱང་དགྲོལ་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་རྒྱལ་པོ་ལས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །། བམ་པོ་གསུམ་པ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་ཡང་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་རྡོ་རྗེ་འཛིན་པའི་གཟུགས་འཛིན་པ་ཀུན་དུ་འབར་བའི་སྙིང་པོ་རྡོ་རྗེ་གཟུངས་ཀྱྀ་དམ་ཚིག་གི་ཕྱག་རྒྱའི་ལྷ་མོ་རྣམས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་ཀྱི་སངས་རྒྱས་ཀུན་གྱི་དེ་བཞིན་གཤེགས་པ་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་གཟུངས་ཀྱི་ཡེ་ཤེས་བསྒྲུབས་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ཕྱག་རྒྱའི་གཟུངས་སུ་གྱུར་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབྱིངས་ཀྱི་དཀྱིལ་འཁོར་ཆེན་པོ་བཀོད་པའི་ཚུལ་དུ་ཟླ་བའི་དཀྱིལ་འཁོར་རྣམས་ལ་བཀོད་དེ་ཆེད་དུ་བརྗོད་པ་ཆེད་དུ་བརྗོད་དོ་ཨེ་མའོ་གང་ཕྱིར་བྱང་ཆུབ་སེམས། །སེམས་ཅན་ཀུན་ལ་ཕན་བཞེད་པ། །འདུལ་བའི་དབང་གིས་དཔའ་བོ་གང ། །བུད་མེད་གཟུགས་སུ་མཛད་པར་གྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཕྱག་རྒྱའི་དམ་ཚིག་རྡོ་རྗེ་དབྱིངས་ཀྱི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་བཛྲ་དྷཱ་ཏྭཱི་ཤཝ་རི་ཧཱུཾ་བཛྲི་ཎི། དེ་ནས་ཡང་དེ་བཞིན་གཤེགས་པ་མི་གཡོ་བས་དེ་བཞིན 91.38b གཤེགས་པ་ཐམས་ཅད་ཀྱི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་གྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་བཛྲ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེའི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་གྱིས་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་རིག་པའི་མཆོག་འདི་སྨྲས་པ། ཨོཾ་རཏྣ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཆོས་ཀྱི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་གྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་དྷརྨྨ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ལས་ཀྱི་དམ་ཚིག་གི་ཡེ་ཤེས་ཀྱི། ཕྱག་རྒྱའི་དཀྱིལ་འཁོར་གྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་ཀརྨྨ་བཛྲི་ཎི་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་ཀྱི་གཟུངས་ཆེན་པོའི་དམ་ཚིག་གི་ཕྱག་རྒྱ་བཞི་པོ་བཤད་དོ། །ོཾ་བཛྲ་སཏྭ་གུ་ཧྱ་ས་མ་ཡེ་ཧཱུཾ། ཨོཾ་གུ་ཧྱ་རཏྣ་ཨཾ་གུ་ཤི་ཧཱུཾ། ཨོཾ་གུ་ཧྱ་རཱ་གི་རཱ་གཱ་ཡ་ཧཱུཾ། ཨོཾ་བཛྲ་གུ་ཧྱ་བཛྲ་སཱ་དྷྭི་ཤཝ་རི་ཧཱུཾ། ཀུན་དུ་བཟང་མོ་དང་དེ་བཞིན་གཤེགས་པའི་ལྕགས་ཀྱུ་མོ་དང་དགའ་བ་ཆགས་མ་དང་ལེགས་ལྡན་མ་སྟེ་རྡོ་རྗེ་གཟུངས་ཆེན་མོ་རྣམས་སོ། །ོཾ་བཛྲ་གུ་ཧྱ་རཏྣ་ས་མ་ཡ་ཧཱུཾ། ཨོཾ་བཛྲ་གུ་ཧྱ་པྲ་བྷེ་ཧཱུཾ། ཨོཾ་བཛྲ་དྷཱ་ཛ་ཨ་གྲ་གུ་ཧྱ་ཧཱུཾ། ཨོཾ་བཛྲ་ས་བཛྲི་ཧཱུཾ། རིན་པོ་ཆེའི་གཙོ་མོ་དང་རིན་པོ་ཆེའི་སྒྲོན་མ་དང་རྒྱལ་མཚན་གྱི་རྩེ་མོའི་དཔུང་རྒྱན་མ་དང་རྒོད་པ་དང་ལྡན་ 91.39a མ་སྟེ་རྡོ་རྗེ་རིན་པོ་ཆེའི་གཟུངས་རྣམས་སོ། །ོཾ་བཛྲ་དྷརྨྨ་གུ་ཧྱ་ས་མ་ཡེ་ཧཱུཾ། ཨོཾ་བཛྲ་ཀོ་ཤ་གུ་ཧྱ་ས་མ་ཡ་ཧཱུཾ། ཨོཾ་བཛྲ་གུ་ཧྱ་མཎྜ་ལེ་ཧཱུཾ། ཨོཾ་བཛྲ་གུ་ཧྱ་ཝ་ཙ་ས་མ་ཡེ་ཧཱུཾ། རྡོ་རྗེ་པད་མ་དང ། ཀུན་འཛིན་མ་དང་ཀུན་དུ་འཁོར་ལོ་དང་སྟེང་དུ་ཟློས་མ་སྟེ་ཆོས་ཀྱི་གཟུངས་རྣམས་སོ། །ོཾ་བཛྲ་གུ་ཧྱ་ཀརྨྨ་ས་མ་ཡེ་ཧཱུཾ། ཨོཾ་བཛྲ་གུ་ཧྱ་ཀ་པ་ཙེ་ཧཱུཾ། ཨོཾ་བཛྲ་གུ་ཧྱ་དཾཥྚྲཱ་དྷཱ་ར་ཎཱི་ཧཱུཾ། ཨོཾ་བཛྲ་གུ་ཧྱ་མུཥྚི་ཧཱུཾ། དངོས་གྲུབ་ཀྱི་གཙོ་མོ་དང ། ཐམས་ཅད་སྲུང་མ་དང་མདངས་སླར་འཕྲོག་མ་དང་གཟུངས་ཀྱི་ཕྱག་རྒྱ་སྟེ་ཐམས་ཅད་ཀྱི་གཟུངས་རྣམས་སོ། །དེ་ནས་ཡང་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བའི་དམ་ཚིག་གི་ཕྱག་རྒྱ་བཞི་པོ་བཤད་དོ། །ོཾ་བཛྲ་གུ་ཧྱ་སཏྭ་བཛྲི་ཎི་ཧཱུཾ། ཨོཾ་བཛྲ་གུ་ཧྱ་རཏྣ་བཛྲི་ཎི་ཧཱུཾ། ཨོཾ་བཛྲ་གུ་ཧྱ་དྷརྨྨ་བཛྲི་ཎི་ཧཱུཾ། ཨོཾ་བཛྲ་གུ་ཧྱ་ཀརྨྨ་བཛྲི་ཎི་ཧཱུཾ། རྡོ་རྗེ་ཕ་རོལ་ཏུ་ཕྱིན་པ་དེ་དག་ཉིད་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བའི་དམ་ཚིག་གི་གཟུངས་སྡུད་པའི་དམ་ཚིག་གི་ཕྱག་རྒྱ་རྣམས་ཏེ་རྡོ་རྗེ་དབྱིངས་ཀྱི་དབང་ཕྱུག་མའི་དཀྱིལ་འཁོར་ཆེན་པོར་འབར་བ་དང་བཅས་པར་ཟླ་བའི་དཀྱིལ་འཁོར་ལ་འདུག་པར་གཞག་གོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པ་དམ་ཚིག་གི་ཕྱག་རྒྱ་བཞི་པོ་བཤད་དོ། །ོཾ་བཛྲ་གུ་ཧྱ་ར་ཏི་པའུ་ཛཱ་ས་མ་ཡེ་སརྦྦ་པའུ་ཛཱ་པྲ་བརྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་ཨ་བྷི་ཥེ་ཀ་པའུ་ཛཱ་ས་མ་ཡེ། སརྦྦ་པའུ་ཛྤྲ་བརྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་གཱི་ཏི་པའུ་ཛཱ་ས་མ་ཡེ་སརྦྦ་པའུ་ཛཱ་པྲ་བརྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་ནརྀ་ཏྱ་པའུ་ཛཱ་ས་མ་ཡེ་སརྦྦ་པའུ་ཛཱ་པྲ་བརྟྟ་ནཱ་ཡ་ཧཱུཾ། རྡོ་རྗེ་འཛིན་མ་ལ་སོགས་པ་དེ་ཉིད་དེ་འབར་བ་དང་བཅས་པར་རང་གྀ་མཚན་མའི་ཕྱག་རྒྱ་རྣམས་འཁོར་ལོའི་དཀྱིལ་འཁོར་གྱི་གྲཝ་རྣམས་སུ་དགོད་དོ། ། 91.39b དེ་ནས་ཡང་ཕྱག་ན་རྡོ་རྗེས་རྡོ་རྗེ་གསང་བ་ཞེས་བྱ་བ་རྡོ་རྗེའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །རྡོ་རྗེའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་བྲི་བར་བྱ། །དཀྱིལ་འཁོར་ཀུན་གྱི་དབུས་སུ་ནི། །སངས་རྒྱས་ཕྱག་རྒྱ་བྲི་བར་བྱ། །མཆོད་རྟེན་ཁྲི་ལ་ལེགས་འདུག་པ། །རྡོ་རྗེ་དབྱིངས་ཀྱི་དབང་མོར་བཤད། །ཁྲི་ཡི་སྟེང་དུ་རྡོ་རྗེ་བརྩེགས། །རྡོ་རྗེ་སེམས་དཔའ་ཞེས་བཤད་པའོ། །རྡོ་རྗེ་རིན་ཆེན་ཁྲི་ཡི་སྟེང ། །རང་གི་དབང་ནི་བསྐུར་བར་བཤད། །རྡོ་རྗེ་པད་མ་ཁྲི་ཡི་སྟེང ། །མཚོན་ཆ་ཞེས་ནི་བྱ་བར་བཤད། །ལས་ཀྱི་རྡོ་རྗེ་ཁྲི་ཡི་སྟེང ། །རྡོ་རྗེ་ཀུན་ཞེས་བྱ་བར་བཤད། །པད་མའི་སྟེང་དུ་བྲི་བ་ནི། །འོད་ཀྱི་དཀྱིལ་འཁོར་རྟེན་པའོ། །ཁྲི་ཡི་སྟེང་དུ་རྡོ་རྗེ་བྲི། །ལྕགས་ཀྱུ་བསྒྲེང་བ་གཉིས་དེ་བཞིན། །རྡོ་རྗེ་རྡོ་རྗེ་ལ་སྙེས་པར། །ལེགས་པར་སྦྱིན་པ་གཉིས་དེ་བཞིན། །རིན་ཆེན་འོད་ཟེར་འབར་བར་བྱ། །ཉི་མའི་ཕྱག་རྒྱའང་དེ་བཞིན་ནོ། །རྒྱལ་མཚན་རྩེ་མོའང་འབར་བར་བཅས། །རྡོ་རྗེ་གཉིས་པར་སོ་ཡི་ཕྲེང ། །རྡོ་རྗེའི་དབུས་སུ་པད་མ་བྲི། །རལ་གྲི་འབར་བཅས་དེ་བཞིན་ནོ། །རྡོ་རྗེ་འཁོར་ལོ་རྡོ་རྗེ་རྩིབས། །འབར་བ་འོད་ཟེར་ཅན་གྱི་སྩེ། །རྡོ་རྗེ་ཀུན་དུ་རྩེ་མོ་དང ། །གོ་ཆ་རྡོ་རྗེ་ཡང་དག་ལྡན། །རྡོ་རྗེ་མཆེ་བ་དེ་བཞིན་བྲི། །ལག་གཉིས་ཁུ་ཚུར་ཕྱག་རྒྱར་བྱ། །སེམས་དཔའི་རྡོ་རྗེ་ལ་སོགས་བྲི། །དབྱིངས་ཀྱི་དཀྱིལ་འཁོར་ཇི་བཞིན་དུ། །མཚན་མའི་ཕྱག་རྒྱ་བྲི་བ་ནི། །རྡོ་རྗེ་འཛིན་སོགས་དཀྱིལ་འཁོར་དུ། །ཕྱི་རོལ་དུ་ཡང་ཅི་རིགས་པར། །རང་གི་མཚན་མ་རྣམས་ཀྱང་བྲི། །བྱམས་པ་ལ་སོགས་རང་གི་མཚན། །ཇི་ལྟར་དགའ་བ་བཞིན་དུ་བྲི། །དེ་ནས་རྡོ་རྗེ་གསང་བའི་དཀྱིལ་འཁོར་འདིར་འཇུག་པ་ལ་སོགས་པའི་ཆོ་ག་རྒྱས་པ་སྟེ་དེ་ལ་ཐོག་མར 91.40a རྡོ་རྗེ་སློབ་དཔོན་གྱིས། སེམས་དཔའི་རྡོ་རྗེ་མའི་ཕྱག་རྒྱ་རང་གིས་བཅིངས་ཏེ་འཇུག་པར་བྱའོ། །ཞུགས་ནས་ལན་གཅིག་བསྐོར་ཏེ་ཕྱག་རྒྱ་དེ་བཅོམ་ལྡན་འདས་ཕྱག་ན་རྡོ་རྗེ་ལ་ཕུལ་ནས་རང་གི་སྙིང་གར་ཚུལ་བཞིན་དུ་བཀྲོལ་ཏེ་སྒོ་བཞིར་རྡོ་རྗེ་ལྕགས་ཀྱུ་ལ་སོགས་པས། ཇི་ལྟ་བ་བཞིན་དུ་ལས་རྣམས་བྱས་ནས་ཕྱིར་འབྱུང་ངོ ། །ཕྱིར་བྱུང་ནས་ཀྱང་རྡོ་རྗེ་སློབ་མ་རྣམས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོར་གཟུད་པའི་ཚུལ་གྱིས་གཟུད་དོ། །དེ་ནས་བཙུད་ནས་དངོས་གྲུབ་ཀྱི་གསང་བའི་རྡོ་རྗེའི་མཚན་མ་ཆང་པས་གཡོགས་ལ་བྱིན་ཏེ་རྡོ་རྗེ་གསང་བའི་ཕྱག་རྒྱའི་ཡེ་ཤེས་བསླབ་བོ། །དེ་ལ་དང་པོར་རྡོ་རྗེ་གསང་བའི་ལུས་ཀྱི་ཕྱག་རྒྱའི་ཡེ་ཤེས་བསླབ་བོ། །ཟླ་བའི་དཀྱིལ་འཁོར་དབུས་སུ་ནི། །རྐང་ལག་ཐལ་མོ་སྦྱར་ནས་ཁ། །གླལ་ཞིང་རྡོ་རྗེ་བསྒོམ་བྱས་ན། །རྡོ་རྗེ་མ་ཡང་ཆགས་པར་བྱེད། །དཔུང་པ་བསྐུམ་པའི་ལྕགས་ཀྱུ་དང ། །མགོ་ལ་རྡོ་རྗེ་བསྒོམ་པར་བྱ། །ལག་པ་ཡིས་ནི་འབྱེད་བྱེད་ཅིང ། །ལྕགས་ཀྱུ་མ་ཡང་འགུགས་པར་བྱེད། །མདའ་འཕེན་པ་ཡི་ཚུལ་གྱིས་ནི། །གླལ་ཞིང་སྙིང་གར་འཕངས་ན་ནི། །ཉིད་ཀྱིས་རྡོ་རྗེ་དགའ་མ་ཡང ། །བདུད་ཀྱི་ཚུལ་གྱིས་མཉེས་པར་བྱེད། །བདག་གི་ལུས་ཀྱི་སྙིང་གར་ནི། །རྡོ་རྗེ་གོ་ཆའི་ཚུལ་གྱིས་ནི། །དཔུང་པ་བསྣོལ་བར་བཅིངས་ན་ནི། །སངས་རྒྱས་ཉིད་ཀྱང་སྲུང་བར་བྱེད། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །བཛྲ་རཱ་ག་མ་ཧོ། བཛྲ་ཨཾ་ཀུ་ཤ་ཛ། བཛྲ་མཱ་ར་ཡ་མཱ་ར་ཡ་ཕཊ། བཛྲ་བནྡྷ་རཀྵ་ཧཾ། དེ་ནས་རྡོ་རྗེ་གསང་བའི་བལྟ་བའི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་བལྟ་བའི་ཆགས་པས་ནི། །དགའ་བས་མིག་ནི་རབ་ཏུ་བགྲད། །དེ་ཡིས་བུད་མེད་བལྟས་པས་ན། །རྟག་ཏུ་དབང་དུ་འགྱུར་བ་ཡིན། །རབ་ཏུ་མྱུར་བར་མིག་བསྒུལ་ཞིང ། །མིག་གི་རྫི་མས་འགུགས་བྱེད་པ། །ལྟ་བ་གཟི་ཅན་ཡིན་པར་བཤད། །འགྲོ་བ་ཐམས་ཅད་འགུགས 91.40b བྱེད་པའོ། །ཁྲོ་གཉེར་གཉེར་མ་རབ་བསྡུས་པ། །ཁྲོ་བོའི་མིག་ནི་བཙུམ་པ་སྟེ། །ཁྲོ་བོའི་བལྟ་བ་བྱས་ན་ནི། །ཁམས་གསུམ་ཡང་ནི་འཇིག་པར་བྱེད། །རི་རབ་རི་ཡི་བྲག་འདྲ་བར། །བརྟན་པར་འཛུམས་པ་མེད་པའི་མིག་།བྱམས་པའི་བལྟ་བ་ཡིན་པར་བཤད། །ནད་དང་གདོན་དང་དུག་སེལ་ཏོ། །དེ་ནས་དེ་རྣམས་ཀྱི་སྙིང་པོ་ནི་འདི་དག་ཡིན་ནོ། །བཛྲ་དྲྀཥྚི་མཊ་དཱིཔྟ་དྲྀཥྚི་ཨཾ་ཀུ་ཤ་ཛཿ ། ཀྲོ་དྷ་དྲྀཥྚི་ཧྲཱིཿ ། དྲྀ་ཌྷ་ཏིཥྛ་ཕཊ། དེ་ནས་རྡོ་རྗེ་གསང་བའི་དག་གི་ཕྱག་རྒྱའི་ཡེ་ཤེས་བསླབ་བོ། །ཧོ་ཧོ་ཧོ་ཧོ་ཞེས་སྨྲས་ན། །སྒྲ་དང་བྲལ་བས་དེ་མ་ཐག་།སེམས་ཅན་ཀུན་ནི་མགུ་བར་བྱེད། །དེ་ནི་རྡོ་རྗེའི་ཚིག་སྩལ་པའོ། །ཛྫ་ཛྫ་ཛྫ་ཛྫ་ཞེས་བརྗོད་ན། ཁྲོ་བོའི་ཚིག་ནི་གསལ་བ་སྟེ། །རྡོ་རྗེ་འཛིན་པ་འདྲ་བ་ཡི། །སྐྱེ་བོ་ཀུན་ཀྱང་འགུགས་པར་བྱེད། །ཧཱུཾ་ཧཱུཾ་ཧཱུཾ་ཧཱུཾ་ཞེས་བརྗོད་ན། །ཚིག་ཏུ་བརྗོད་པ་གསལ་བ་ཡི། །རི་རབ་དང་ནི་འདྲ་བ་ཡི། །སེམས་ཅན་ཀུན་གྱི་བདུད་བྱེད་དོ། །ཧཾ་ཧཾ་ཧཾ་ཧཾ་ཞེས་སྨྲས་ན། །ཕྲ་བའི་ཚིག་ནི་གསལ་བ་སྟེ། །འཇིག་རྟེན་པ་ནི་སྲུང་བྱེད་པ། །རྡོ་རྗེའི་བདག་ཉིད་རྒྱལ་བའང་སྲུང ། །དེ་ལ་སྙིང་པོ་འདི་རྣམས་ཡིན་ནོ། །བཛྲ་ཧོ་བཛྲ་ཛཿ བཛྲ་ཧཱུཾ་བཛྲ་ཧཾ། དེ་ནས་རྡོ་རྗེ་གསང་བའི་སེམས་ཀྱི་ཕྱག་རྒྱའི་ཡེ་ཤེས་ལ་བསླབ་བོ། །རྣམ་པ་ཐམས་ཅད་མཆོག་ལྡན་པའི། །ཕྱག་ན་རྡོ་རྗེ་ཁྱོད་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། །སངས་རྒྱས་ཐམས་ཅད་དབང་དུ་བྱེད། །རྣམ་པ་ཐམས་ཅད་མཆོག་ལྡན་པའི། །རྡོ་རྗེ་སྙིང་པོ་བདག་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། །ཕྱག་ན་རྡོ་རྗེ་འགུགས་པར་བྱེད། །རྣམ་པ་ཐམས་ཅད་མཆོག་ལྡན་པའི། །ཆོས་ཀྱི་སྤྱན་གྱི་བདག་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། །ཆོས་རྣམས་ཐམས་ཅད་དེས་བསྡུད་བྱེད། །རྣམ་པ་ཐམས་ཅད་མཆོག་ལྡན་པའི། །རྡོ་རྗེ་ཐམས་ཅད་བདག་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། །རྡོ་རྗེ་ཐམས་ཅད་དེས 91.41a བསྲུང་ངོ ། །དེ་ལ་སྙིང་པོ་ནི་འདི་རྣམས་ཡིན་ནོ། །བཛྲ་པཱ་ཎི་སརྦྦ་ཥ་མཱ་ན་ཡ་སརྦྦ་བུདྡྷ་ཧོ། བཛྲ་གརྦྷ་བཛྲ་པཱ་ཎི་ཤཱི་གྷྲམ་ཨཱ་ཀཪྵ་ཡ་ཧཱུཾ་ཛཿ བཛྲ་ནེ་ཏྲ་སརྦྦ་དྷརྨྨ་མཱ་ར་ཡ་ཧཱུཾ་ཕཊ། བཛྲ་བི་ཤཝ་རཀྵ་སརྦྦཱ་ན་ཧཱུཾ། དེ་ནས་རྡོ་རྗེ་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །བདག་གི་ལུས་ཀྱི་སྙིང་གར་ནི། །སེམས་དཔའི་རྡོ་རྗེ་བཅིངས་བྱས་ལ། །རྡོ་རྗེ་མིག་གིས་བལྟས་ན་ནི། །འགྲོ་བ་ཐམས་ཅད་དབབ་པར་བྱེད། །རང་གི་ལུས་ཀྱི་སྙིང་གར་ནི། །རིན་ཆེན་རྡོ་རྗེ་བཅིངས་བྱས་ལ། །འབར་བའི་མིག་གིས་བལྟས་ན་ནི། །ཐམས་ཅད་དབང་དུ་བྱེད་པར་འགྱུར། །བདག་གི་ལུས་ཀྱི་སྙིང་གར་ནི། །ཆོས་ཀྱི་རྡོ་རྗེ་བཅིངས་བྱས་ན། །ཁྲོ་བོའི་མིག་གིས་བལྟས་ན་ནི། །འགྲོ་བ་ཐམས་ཅད་དེས་སྡུད་བྱེད། །བདག་གི་ལུས་ཀྱི་སྙིང་གར་ནི། །ལས་ཀྱི་རྡོ་རྗེ་བཅིངས་བྱས་ལ། །བྱམས་པའི་མིག་གིས་བལྟས་ན་ནི། །འགྲོ་བ་ཐམས་ཅད་བསྲུང་བར་བྱེད། །དེ་ནས་རྡོ་རྗེ་གསང་བའི་ཡེ་ཤེས་ཀྱི་ཕྱག་རྒྱ་དེ་དག་གི་སྙིང་པོ་འདི་དག་གོ། །བཛྲ་གུ་ཧྱ་ས་མ་ཡ་ཧོ། བཛྲ་གུ་ཧྱ་ས་མ་ཡ་ཛ། བཛྲ་གུ་ཧྱ་ས་མ་ཡ་ཧཱུཾ། བཛྲ་གུ་ཧྱ་ས་མ་ཡ་ཧཾ། དེ་ནས་རྡོ་རྗེ་གསང་བའི་ཕྱག་རྒྱ་ཆེན་པོ་བཅིང་བ་ལ་བསླབ་བོ། །རྡོ་རྗེ་ཐལ་མོ་ལས་བྱུང་བ། །གསང་བ་ཆེན་པོ་ཡིན་པར་བཤད། །ཕྱག་རྒྱ་ཆེན་པོ་མདོར་བསྡུས་པ། །དེ་དག་གི་ནི་བཅིང་བ་བཤད། །མཐེ་བོ་གཉིས་ནི་བསྣོལ་བྱས་ལ། །མཛུབ་མོ་གཉིས་ནི་བཀུག་པས་ནི། །གུང་མོ་སྙམས་ཏེ་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །དེ་ཉིད་གུང་མོ་རྡོ་རྗེར་བྱ། །གུང་མོ་གཉིས་ནི་ནོར་བུར་བྱ། །པད་མ་སྲིན་ལག་མཐེའུ་ཆུང་གུང ། །ལག་པའི་སོར་མོ་རབ་ཏུ་བརྐྱང ། །མཛུབ་མོ་རྡོ་རྗེ་མཛུབ་གཉིས་རྩེ། །དེ་ཉིད་མཐེ་བོ་གཉིས་ཀྱིས་སྤྲས། །ལེགས་པ་སྦྱིན་དང་མཛུབ་རིན་ཆེན། །མཛུབ་མོ་རིན་ཆེན་དེ་འབར་བྱ། །སྲིན་ལག་གཤིབས་ལ་མཐེའུ་རིན་ཆེན། །དེ་ཉིད་ཀྱང་ནི་བསྐོར་བའོ། །ཀུན 91.41b གྱི་རྩེ་མོར་རབ་ཏུ་དབྱེ། །མཐེ་བོ་མཐེའུ་ཆུང་རབ་ཏུ་གཞུག་།སོར་མོ་རབ་ཏུ་འཁོར་ལོ་བརྐྱང ། །དེ་ཉིད་ཀྱང་ནི་ཁ་ནས་དབྱུང ། །མཐེ་བོ་བརྐྱང་སྟེ་རྡོ་རྗེ་དགབ། །མཛུབ་མོ་མཉམ་ནས་ནང་དུ་གཞུག་།མཐེའུ་གཉིས་དབྱེ་བ་དེ་ཉིད་ལས། །དེ་ནས་ནང་དུ་རྡོ་རྗེར་བྱ། །རྡོ་རྗེ་གསང་བའི་ལས་རྣམས་ནི། །རྡོ་རྗེ་བཅིངས་ལས་བྱུང་བ་ཡིན། །ཆོས་ཀྱི་གསང་བ་མཚན་རྣམས་ཀྱིས། །ཐལ་མོ་ནང་དུ་བཀུག་ནས་སོ། །ལས་ཀྱི་གསང་བ་ནང་གནས་པའི། །མཚན་མས་ལས་སུ་བསྟན་པའོ། །དེ་ནས་གཞན་ཡང་རབ་བཤད་པ། །ཆོས་ཀྱི་ཕྱག་རྒྱ་མདོར་བཤད་པ། ། ཛ་ཧོ་ས། ཨོཾ་ཨཾ་ཏྲཱཾ་ཧ། ཧྲཱིཿ དྷཾ་མཾ་རཾ། ཀཾ་ཧཾ་ཧཱུཾ་བཾ། གསང་བའི་ཕྱག་རྒྱ་གཉིས་བྱས་ནས། །ལས་ཀྱི་ཕྱག་རྒྱ་རྣམས་སུ་བྱ། །དམ་ཚིག་མཆོག་ནི་ཇི་སྙེད་པ། །གཉིས་སུ་ཕྲལ་ནས་དེ་བཞིན་ནོ། །དེ་ནས་དེ་རྣམས་ཀྱི་བསྒྲུབ་པ་བཤད་དེ། ས་མ་ཡ་སྟྭཾ་ཞེས་སྨྲ་ཞིང ། །བདག་གིས་བཅིངས་པས་འགྲུབ་པ་ནི། །འདོད་ལ་ཆགས་པ་བདེ་བའི་བདག་།འདི་རྣམས་ལྷག་པར་གཅིག་ཀྱང་ནི། །དུས་ཀུན་ཏུ་ནི་བཅིང་མི་བྱ། །གསང་བ་འམ་ནི་དོན་ཆེན་ལ། །མཁས་པ་ཡིས་ནི་སྦྱར་བར་བྱ། །དེ་རྣམས་ཀུན་གྱི་བདག་ཉིད་གནས། །རང་བྱུང་རྣམས་ཀྱི་ལྷ་མོ་བརྟན། །བསྒྲུབ་པ་རྣམས་ལ་རང་ཆགས་པས། །རྟག་པའི་བདག་པོ་བཏང་ང་རེ། །དེ་ནས་ཕྱག་རྒྱ་དེ་རྣམས་ཐམས་ཅད་བཅིང་བ་ལ་སོགས་པའི་ལས་རྣམས་ཡིན་ནོ། །བདག་གམ་འོན་ཏེ་གཞན་ལའང་རུང ། །རྡོ་རྗེ་དབབ་པ་བྱས་ན་ནི། །སྙིང་པོ་བྱ་བ་འདི་ཡིན་ནོ། །བཅིང་ངམ་འཆིང་དུ་བཅུག་ཀྱང་རུང ། །བཛྲ་ཧཱུཾ་བནྡྷ། དེ་ནས་དགྲོལ་བ་ཡིན་ནོ། །མདོར་ན་ཕྱག་རྒྱ་ཐམས་ཅད་ནི། །སྙིང་པོ་བྱ་བ་འདི་ཉིད་ཀྱིས། །གང་དང་གང་ནས་བྱུང་བ་ཡི། །དེ་དང་དེ་ནས་དགྲོལ་བར་བྱ། །ོཾ་བཛྲ་མུཿ ། །དེ་ནས་བརྟན་པར་བྱ་བ་ཡིན་ཏེ། རིན་ཆེན་རྡོ་རྗེ་བརྟན་བྱས་ཏེ། །སྙིང་ག་ནས་ནི་སྤྱི་བོར་དགྲོལ། །མཛུབ་མོ་ཡིས་ནི་གོ་ཆ་བཅིང ། །སྙིང་པོར་བྱ་བ་འདི་ཉིད་དོ། །ོཾ་ཌི་ཌྷ་བཛྲ་ཀ་བ 91.42a ཙ། དྲི་ཌྷ། དེ་ནས་བཅིང་བའི་དམ་ཚིག་ཡིན་ནོ། །ཇི་ལྟར་གནས་པ་རྣམས་སུ་དགྲོལ། །གོ་ཆ་ཡིས་ནི་བརྟན་པར་བྱས། །ཐལ་མོ་བརྡབས་པས་ཀུན་སྦྱར་བ། །སྙིང་པོར་བྱ་བ་འདི་ཉིད་དོ། །ོཾ་གུ་ཧྱ་ས་མ་ཡ་ཧྲ། རྡོ་རྗེ་སེམས་དཔའ་ཅི་དགར་བཟླས། །དཀྱིལ་འཁོར་དང་ནི་ལས་ཀུན་ལ། །དུས་དེ་ཉིད་དུ་སྦྱར་བར་བྱ། །ཐམས་ཅད་གྲུབ་པར་བྱེད་པའི་མཆོག་།དེ་བཞིན་གཤེགས་པ་ཐམས་ཅད་ཀྱི། ཐེག་པ་ཆེན་པོ་མངོན་པར་རྟོགས་པའི་རྟོག་པ་ཆེན་པོའི་རྒྱལ་པོ་ལས་རྡོ་རྗེ་གསང་བའི་ཕྱག་རྒྱའི་དཀྱིལ་འཁོར་རྫོགས་སྷོ།། །། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཕྲ་མོའི་ཡེ་ཤེས་ཀྱི་ཕྱག་རྒྱའི་དམ་ཚིག་གི་དཀྱིལ་འཁོར་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ། ཨོཾ་སཱུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔའ་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་བཛྲ་སཏྭ་སཱུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། །དེ་ནས་དེ་བཞིན་གཤེགས་པ་རིན་ཆེན་འབྱུང་བས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེ་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་རཏྣ་སཱུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་དྷརྨྨ་སའུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ 91.42b གདོན་མི་ཟ་བར་གྲུབ་པས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་ཀརྨྨ་སའུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཕྲ་མོའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ། དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་རྡོ་རྗེ་ཡེ་ཤེས་ཕྲ་མོའི་འོད་ཟེར་དེ་རྣམས་བྱུང་ནས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ་སེམས་ཅན་ཐམས་ཅད་ལ་དེ་བཞིན་གཤེགས་པ་ཐམས་ཅད་རྡོ་རྗེའི་ཡེ་ཤེས་ཕྲ་མོའི་ཏིང་ངེ་འཛིན་དུ་མཉམ་པར་ཞུགས་པ་བརྟན་པར་བྱ་སྟེ་ཡང་གཅིག་ཏུ་གྱུར་ནས་ཏིང་ངེ་འཛིན་གྱི་ཡེ་ཤེས་ཀྱི་རྡོ་རྗེའི་སྐུར་དམིགས་ཏེ་གཅིག་ཏུ་འདུས་ནས་དེ་བཞིན་གཤེགས་པའི་ཡེ་ཤེས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཐུགས་སུ་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཕྲ་མོ་དམ་ཚིག་ཆེན་པོའི་རྡོ་རྗེ་འདི་སྨྲས་པ། སཱུཀྵྨ་བཛྲ། དེ་ནས་དེ་སྨྲས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་བྱུང་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཕྲ་མོའི་རྡོ་རྗེའི་དབྱིབས་སུ་བདག་བྱིན་གྱིས་བརླབས་ཏེ། དེ་བཞྀན་གཤེགས་པ་ཐམས་ཅད་ཀྱི་ཤངས་ཀྱི་རྩེ་མོའི་ཕྱོགས་སུ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ཕྲ་མོ་བདག་སྟེ་ཆེ། །གང་ཕྱིར་ཕྲ་ཡང་ཆེ་བའི་ཕྱིར། །ཁམས་གསུམ་ཡང་ནི་རྒྱས་པར་མཛད། །དེ་ནས་དེ་སྐད་ཅེས་སྨྲས་པ་དང ། བཅོམ་ལྡན 91.43a འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཤངས་ཀྱི་རྩེ་མོའི་ཕྱོགས་ནས། རབ་ཏུ་ཕྲ་བའི་ཡེ་ཤེས་ཀྱི་མཚན་མ་རྒྱས་པར་བྱ་བའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་སྐུ་ལ་ཁྱབ་པར་བྱས་ནས། ཆོས་ཀྱི་དབྱིངས་ཐམས་ཅད་ཁྱབ་པར་བྱ་བའི་ཚུལ་གྱིས་ནམ་མཁའི་དབྱིངས་ཐམས་ཅད་རྡོ་རྗེ་ཕྲ་མོའི་ཡེ་ཤེས་ཀྱི་མཚན་མ་རྣམས་ཀྱིས་ཁྱབ་པར་བྱས་སོ། །ནམ་མཁའི་དབྱིངས་ཐམས་ཅད་ཁྱབ་པར་བྱས་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་དབྱིབས་སུ་བདག་བྱིན་གྱིས་བརླབས་ཏེ་འདུག་གོ། །དེ་ནས་དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་དབུས་སུ་རྡོ་རྗེ་ཆོས་ཉིད་དུ་དམིགས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཡེ་ཤེས་ཕྲ་མོའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དེ་ལས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ཡེ་ཤེས་ཀྱི་སྙིང་པོ་འདི་བྱུང་ངོ ། །བཛྲ་ནཱ་བཱི་ཏ་ཐཱ་ག་ཏ་ཧཱུཾ། དེ་ནས་དེ་བྱུང་མ་ཐག་ཏུ་བཅོམ་ལྡན་འདས་ཕྱག་ན་རྡོ་རྗེ་ཡེ་ཤེས་ཕྲ་མོ་འཇུག་པའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་སྐུར་ཞུགས་ནས་སྙིང་པོ་རྡོ་རྗེའི་དབྱིབས་སུ་གྱུར་ཏེ་གནས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དེ་ལས་ཡེ་ཤེས་ཆེན་པོའི་སྙིང་པོ་འདི་བཞི་བྱུང་ངོ ། །བཛྲ་ཨཱཏྨ་ཀ་དྲྀཌྜྷ་བཛྲ་ཨཾ་ཀུ་ཤ་ཏིཥྛ་རཱ་ག་བཛྲ་པྲ་བེ་ཤ་ཧྲྀ་ད་ཡཾཾ། ཨ་ཧོ་བཛྲ་དུཥྚི། རྡོ་རྗེ་སེམས་དཔའི་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་བསྡུ་བའི་བྱིན་གྱིས་བརླབས་ཀྱི་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་ཡེ་ཤེས་ཀྱི་ཕྱག་རྒྱ་དང ། དགའ་བ་ཆེན་པོ་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་ཆེན་པོ་རྣམས་སོ། །དེ་ནས་དེ་བཞིན་གཤེགས་ 91.43b པ་ཐམས་ཅད་ཀྱི་སྙིང་པོ་ཕྱག་ན་རྡོ་རྗེས་ཡེ་ཤེས་ཕྲ་མོ་འཇུག་པའི་ཚུལ་གྱིས་རང་གི་ཐུགས་སུ་ཞུགས་ཏེ་སྙིང་པོ་རྡོ་རྗེའི་དབྱིབས་སུ་བདག་ཉིད་བྱིན་གྱིས་བརླབས་ཏེ་བཞུགས་སོ། །དེ་ནས་རྡོ་རྗེ་དབྱིབས་དེ་ལས་སྙིང་པོ་འདི་བཞི་བྱུང་ངོ ། །བཛྲ་རཏྣ་ཨཱཏྨ་ཀ ། ཧྲྀ་ད་ཡ་བཛྲ་སའུརྱ། ཏིཥྛི་བཛྲ་དྷྭ་ཛཱ་གྲྀ་བཾ། ཧྲྀ་ད་ཡ་བཛྲ་ཧཱ་ས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་བསྐུར་བའི་ཡེ་ཤེས་ཀྱི་ཕྱག་རྒྱ་དང ། འོད་ཆེན་པོའི་དཀྱིལ་འཁོར་གྱི་རྒྱན་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་ཀྱི་རེ་བ་རྫོགས་པར་བྱེད་པའི་ཡེ་ཤེས་ཀྱི་ཕྱག་རྒྱ་དང་དེ་བཞིན་གཤེགས་པ་ཐམས་ཅད་ཀྱི་དགའ་བའི་ཤུགས་འབྱུང་བའི་ཡེ་ཤེས་ཀྱི་ཕྱག་རྒྱ་སྟེ་དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་ཡེ་ཤེས་ཕྲ་མོ་འཇུག་པའི་ཚུལ་གྱིས་རང་གི་སྙིང་གར་རྡོ་རྗེ་སྙིང་པོར་ཞུགས་ནས་རྡོ་རྗེའི་དབྱིབས་སུ་བདག་བྱིན་གྱིས་བརླབས་ནས་བཞུགས་སོ། །དེ་ནས་རྡོ་རྗེའི་དབྱིབས་དེ་ལས་སྙིང་པོ་འདི་བཞི་བྱུང་ངོ ། །བཛྲ་པདྨ་ཨཱཏྨ་ཀ ། ཧྲྀ་ད་ཡ་བཛྲ་ཀོ་ཥ། ཏིཥྛ་བཛྲ་ཙཀྲ་ཧྲི་ད་ཡཾ་པྲ་བེ་ཤ ། བཛྲ་ཛི་ཧཝཱ་གྲ་ཧྲྀ་ད་ཡ། ཆོས་ཐམས་ཅད་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་དང་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་ཀྱི་ཕྱག་རྒྱ་དང་འཁོར་ལོ་ཆེན་པོར་འཇུག་པའི་ཡེ་ཤེས་ཀྱི་ཕྱག་རྒྱ་དང་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཚིག་སྤྲོས་པ་མེད་པའི་ཡེ་ཤེས་ཀྱི་ཕྱག་རྒྱ་སྟེ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་རང་གི་སྙིང་པོ་རྡོ་རྗེ་ཐུགས་ཀའི་རྡོ་རྗེ་ལས་བྱུང་ནས་ཡེ་ཤེས་ཕྲ་མོར་འཇུག་པའི་ཚུལ་གྱིས་རྡོ་རྗེ་ཐུགས་དེར་ཞུགས་ནས་རྡོ་རྗེ་ཤིན་ཏུ་ཕྲ་མོའི་དབྱིབས་སུ་བདག་བྱིན་གྱིས་བརླབས་ཏེ་བཞུགས་སོ། །དེ་ནས་རྡོ་རྗེ་ཕྲ་མོའི་དབྱིབས་དེ་ལས་སྙིང་པོ་འདི་བཞི་བྱུང་ངོ ། །སརྦྦ་བཛྲ་ཨཱཏྨ་ཀ་ཧྲྀ་ད་ཡ་བཛྲ་ཀ་བ་ཙ། ཏིཥྛ་བཛྲ་རཀྵ་ཧྲྀ་ད་ཡ། བཛྲ་མུཥྚི་ཧྲྀ་ད་ཡ། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཡེ་ཤེས་ཀྱི་ཕྱག་རྒྱ་དང་ཐུབ་དཀའི་བརྩོན 91.44a འགྲུས་ཀྱི་ཡེ་ཤེས་ཀྱི་ཕྱག་རྒྱ་དང་བདུད་ཐམས་ཅད་ཀྱི་དཀྱིལ་འཁོར་འཇོམས་པའི་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་འཆིང་བའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཏིང་ངེ་འཛིན་ཏོ། །དེ་ཡང་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཕྲ་མོའི་མཚན་མས་ཁྱབ་པའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་སྟེ། བྱང་ཆུབ་སེམས་དཔའ་ཕྱག་ན་རྡོ་རྗེའི་སྐུར་གྱུར་ནས་དེ་ནས་ཡང་རྡོ་རྗེ་སེམས་དཔའ་ལ་སོགས་པ་བྱང་ཆུབ་སེམས་དཔའ་རྣམས་ཀྱི་སྐུར་གྱུར་ཏེ་རང་གི་ཕྱག་མཚན་ཉིད་ཀྱི་ཐུགས་ཀར་བཞག་ནས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དགོད་པའི་ཚུལ་གྱིས་ཟླ་བའི་དཀྱིལ་འཁོར་ལ་གནས་ནས་རང་གི་སྙིང་པོའི་ཏིང་ངེ་འཛིན་ལ་མཉམ་པར་བཞག་སྟེ་བཞུགས་སོ། །དེ་ནས་ཡང་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་ཡེ་ཤེས་དང་མངོན་པར་ཤེས་པ་བསྒྲུབ་པའི་ཕྱིར། རྡོ་རྗེ་ཕྲ་མོའི་ཡེ་ཤེས་ཀྱི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ཆོས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཕྲ་མོ་ཞེས་བཤད་དོ། །དེ་ནས་དཀྱིལ་འཁོར་ཚུལ་དུ་ནི། །སེམས་དཔའ་ཆེན་པོ་རྣམས་ཀྱང་གཞག་།རྡོ་རྗེའི་དབུས་སུ་སངས་རྒྱས་བྲི། །སངས་རྒྱས་དཀྱིལ་འཁོར་རྣམས་སུ་ཡང ། །སེམས་དཔའ་ཆེན་པོ་རྣམས་བྲི་ཞིང ། །དེ་བཞིན་ཐུགས་ཀར་ཉིད་ཕྱག་རྒྱ། །ཏིང་ངེ་འཛིན་དུ་བཞུགས་པ་དང ། །ཕྱག་གཉིས་རྡོ་རྗེ་བཅིང་བ་བཅིངས། །དེ་ནས་རྡོ་རྗེ་ཕྲ་མོའི་ཆོས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པ་ཡིན་ཏེ་དཀྱིལ་འཁོར་ཆེན་པོའི་ཚུལ་དུ་ཞུགས་པ་ལ་སོགས་པའི་ཆོ་ག་རྒྱས་པར་བྱས་ནས། ཡེ་ཤེས་ཀྱི་ཕྱག་རྒྱ་ལག་ཏུ་བྱིན་ནས་རང་གི་སེམས་ལས་སུ་རུང་བར་བྱ་བའི་ཕྱག་རྒྱ་ཆེན་པོའི་ཡེ་ཤེས་བསླབ་བོ། །ལྕེ་ནི་རྐན་ལ་གཞར་བྱས་ཏེ། །སྣ་ཡི་རྩེ་མོར་བསམ་བྱ་བ། །རྡོ་རྗེ་ཕྲ་མོའི་བདེ་རེག་པས། ། 91.44b སེམས་ནི་མཉམ་པར་བཞག་པར་འགྱུར། །རྡོ་རྗེ་ཕྲ་མོའི་བདེ་རེག་པའི། །མཚན་མ་གལ་ཏེ་བྱུང་བ་དང ། །མཚན་མ་དེ་ནི་ཁྱབ་བྱ་བ། །སེམས་ནི་ཀུན་ཏུ་ཁྱབ་པར་བྱ། །ཇི་ཙམ་འདོད་པར་སེམས་ཁྱབ་ནས། །ཁམས་གསུམ་དུ་ཡང་ཁྱབ་པར་འགྱུར། །དེ་ནས་དེ་ཡང་བསྡུ་བ་ནི། །སྣ་ཡི་རྩེ་མོའི་བར་དུ་ཡང ། །དེ་དག་ཤིན་དུ་མཉམ་པར་བཞག་།གང་ཡང་རུང་སྟེ་བསྒོམ་བྱ་བ། །དེ་དག་ཐམས་ཅད་བརྟན་པར་འགྱུར། །ཏིང་འཛིན་ཤེས་རབ་བརྟགས་པའོ། །དེ་ནས་དེ་རྣམས་ཀྱི་སྙིང་པོ་ནི་འདི་ཡིན་ནོ། །སའུཀྵྨ་བཛྲ་སྥ་ར་ཎ། སཾ་ཧ་ར་ཎ་བཛྲ། བཛྲ་ཧྲྀ་ད་ཏིཥྛ། །སེམས་དཔའ་གང་གིས་བྱམས་པ་ནི། །མཉམ་འགྱུར་བརྟན་པ་ཆེན་པོ་ཡིས། །སེམས་ཀྱིས་ཁྱབ་པའི་ཚུལ་གྱིས་ནི། །སེམས་ཅན་ཀུན་ལ་དེས་ཁྱབ་བོ། །བྱམས་པས་ཁྱབ་པའི་ཚུལ་གྱིས་ནི། །སྙིང་རྗེ་ཅན་ནི་གང་ཡིན་པ། །སེམས་ཅན་ཀུན་དོན་ལྡན་པ་ཡིས། །བསྒྲུབ་པ་ཡིས་ནི་ཁྱབ་པར་བྱ། །ཀུན་ཀྱང་རང་བཞིན་འོད་གསལ་བ། །གདོད་ནས་དག་པ་ནམ་མཁའ་བཞིན། །ཆོས་སམ་ཡང་ན་ཆོས་མ་ཡིན། །བསམ་པས་ཁྱབ་ཅིང་དགའ་བར་འགྱུར། །གདུལ་དཀའ་བ་དང་མཚུངས་འདྲ་བ། །སངས་རྒྱས་བྱང་ཆུབ་སྣོད་མ་ཡིན། །དེ་དག་རྟོགས་པར་བྱ་བའི་ཕྱིར། །བཏང་སྙོམས་ཆེན་པོ་བསྒོམ་པར་བྱ། །དེ་ལ་སྙིང་པོ་ནི་འདི་རྣམས་ཡིན་ནོ། །མ་ཧཱ་མཻ་ཏྲི་སྥ་ར་ཎ་མ་ཧཱ་ཀ་རུ་ཎཱ་སྥ་ར་ཎ། སརྦྦ་བུད་དྷོ་པྲ་མོ་ཧ་སྥ་ར་ཎ། སརྦྦ་སཏྤཾ`་སཾ`་བོ་དྷ་ཡ། དེ་ནས་དེ་བཞིན་གཤེགས་པ་ཐམས་ཅད་རྗེས་སུ་དྲན་པའི་ཡེ་ཤེས་ལ་བསླབ་བོ། །ནམ་མཁའ་འམ་ནི་ཕྱོགས་གཞན་དུ། །རྡོ་རྗེ་ཕྲ་མོའི་ཚུལ་གྱིས་ནི། །འགྲེང་ངམ་ཡང་ན་འདུག་ཀྱང་རུང ། །རྡོ་རྗེའི་དབྱིབས་ནི་གོམས་པར་བྱ། །དེ་བཞིན་དུ་འང་གནས་ཀུན་ཏུ། །རྡོ་རྗེ་ཕྲ་མོའི་སྦྱོར་བ་ཡིས། །མཉམ་པར་བཞག་པས་སྙིང་གར་ནི། །བྱང་ཆུབ་སེམས་དཔའ་རྡོ་རྗེ་བསྒོམ། །དེ་ལྟ་བ་ཡི་རིམ་བཞིན་དུ། །རྡོ་རྗེ་ཕྲ་མོའི་ཚུལ་གྱིས་ནི། །ཕྱག་ན་རྡོ་རྗེ 91.45a དབྱིབས་ཆེན་པོ། །གནས་རྣམས་ཀུན་དུ་བསྒོམ་པར་བྱ། །རྣམ་པ་ཐམས་ཅད་མཆོག་ལྡན་པའི། །སངས་རྒྱས་སྐུ་ནི་དུས་ཀུན་དུ། །ཅི་ལྟ་བ་ཡི་གོ་རིམ་བཞིན། །མཉམ་པར་བཞག་པས་བསྒོམ་པར་བྱ། །དེ་ལ་སྙིང་པོ་ནི་འདི་རྣམས་ཡིན་ནོ། །བཛྲ་མུ་ཁི་བྷ་བ། མ་ཧཱ་བོ་དྷི་སཏྭ་ཨཱ་བེ་ཤ ། བཛྲ་པཱ་ཎི་དྷཱརྴ་ཡ་སཝ་རའུ་པཾ་བུདྡྷ་ཨ་ནུ་སྨྲྀ་ཏི་ཨཱ་བེ་ཤ ། རྡོ་རྗེ་ཕྲ་མོའི་ཚུལ་གྱིས་ནི། །གོམས་པར་བྱ་བ་བདག་ཉིད་ཀྱིས། །ཟླ་བའི་དབུས་སུ་བདག་ཉིད་ནི། །བྱང་ཆུབ་སེམས་ཀྱི་བསྒོམ་པའོ། །ཟླ་བའི་དཀྱིལ་འཁོར་དབུས་སུ་ནི། །བདག་ཉིད་རྡོ་རྗེ་དབྱིབས་གྱུར་པར། །བདག་ཉིད་ཀྱིས་ནི་བསྒོམ་བྱ་བ། །སེམས་དཔའ་རྡོ་རྗེ་བསྒོམ་པའོ། །རྡོ་རྗེ་ཕྲ་མོའི་ཚུལ་སྦྱར་ལ། །བདག་ཉིད་སྙིང་གར་རྡོ་རྗེ་སེམས། །བདག་ཉིད་ཀྱིས་ནི་བསྒོམ་བྱ་བ། །རྡོ་རྗེ་སེམས་དཔའི་བསྒོམ་པའོ། །རྣམ་པ་ཀུན་དུ་མཆོག་ལྡན་པའི། །སངས་རྒྱས་གཟུགས་སུ་བདག་ཉིད་ནི། །བདག་ཉིད་ཀྱིས་ནི་བསྒོམ་བྱ་བ། །སངས་རྒྱས་བྱང་ཆུབ་བསྒོམ་པའོ། །དེ་ལ་སྙིང་པོ་ནི་འདི་རྣམས་ཡིན་ནོ། །ས་མནྟ་བྷ་དྲ་ཨཱ་བེ་ཤ ། བཛྲ་སཏྭ་བཛྲ་ཨཱ་བེ་ཤ ། བཛྲ་སཏྭ་ས་མཱ་དྷི་ཛྙ་ན་ཨཱ་བེ་ཤ་ཏ་ཐཱ་ག་ཏོ་ཧཱུཾ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །བདག་ནི་དེ་བཞིན་གཤེགས་དང་མཉམ། །རྡོ་རྗེའི་ཚིག་ཏུ་ལན་གཅིག་བརྗོད། །དབང་པོ་གཉིས་ནི་མཉམ་པར་སྦྱར། །སེམས་ཅན་ཐམས་ཅད་ཆགས་པར་བྱེད། །བདག་ནི་རྡོ་རྗེ་ཆེན་པོར་མཉམ། །རྡོ་རྗེ་ཚིག་ཏུ་ལན་གཅིག་བརྗོད། །དབང་པོ་གཉིས་ནི་མཉམ་པར་སྦྱར། །གདོན་མི་ཟ་བར་འཇིག་རྟེན་འགུགས། །བདག་ཉིད་རྡོ་རྗེ་ཆོས་དང་མཉམ། །རྡོ་རྗེ་ཚིག་ཏུ་ལན་གཅིག་བརྗོད། །དབང་པོ་གཉིས་ནི་མཉམ་སྦྱར་བས། །དེ་ཡིས་འཇིག་རྟེན་ཐམས་ཅད་འཇིག་།བདག་ནི་མ་ལུས་རྡོ་རྗེར་མཉམ། །རྡོ་རྗེ་ཚིག་དུ་ལན་གཅིག་བརྗོད། །དབང་པོ་གཉིས་ནི་མཉམ་སྦྱར་བས། །ལས་རྣམས་ཐམས་ཅད་དེས་བསྒྲུབ་བོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་གྱི་ཕྱག 91.45b རྒྱའི་ཡེ་ཤེས་བསླབ་བོ། །རྡོ་རྗེ་ཕྲ་མོའི་ཚུལ་གྱིས་ནི། །རྡོ་རྗེའི་དབུས་སུ་བསྒོམ་བྱ་བ། །བདག་ཉིད་སངས་རྒྱས་སྐུ་ཉིད་དུ། །དེས་ནི་སངས་རྒྱས་ཉིད་དུ་འགྲུབ། །དེ་ནས་རྡོ་རྗེ་སེམས་དཔའ་ལ་སོགས་པའི་ཏིང་ངེ་འཛིན་གྱི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་ཕྲ་མོའི་ཚུལ་སྦྱར་ལ། །སྙིང་གར་རྡོ་རྗེ་ལ་སོགས་འཁོད། །བསྒོམས་ནས་རྡོ་རྗེ་ལ་སོགས་པས། །རང་གི་དངོས་གྲུབ་སྦྱིན་པར་བྱེད། །དེ་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཏིང་ངེ་འཛིན་གྱི་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་བཅིངས་པ་ལས་བྱུང་བར། །བཅུ་དྲུག་རྣམས་སུ་བཤད་པ་སྟེ། །ཏིང་ངེ་འཛིན་ནི་དམ་ཚིག་མཆོག་།དེ་རྣམས་ཀྱི་ནི་བཅིངས་པ་བཤད། །སྐྱིལ་མོ་དཀྲུང་འདུག་གན་རྐྱལ་དུ། །གཡས་བཅུ་དེ་བཞིན་སླར་བཅུག་པ། །སྙིང་གར་གནས་པ་བཞི་པ་སྟེ། །རྡོ་རྗེ་སེམས་སོགས་དཀྱིལ་འཁོར་ཏོ། །དཔྲལ་བར་བཞག་དང་ལྟག་པ་དང ། །ཕྲག་པ་དང་ནི་དགོད་པར་སྦྱར། །ཁར་གཞག་སྙིང་གར་རལ་གྲི་དང ། །སྙིང་གར་རྒྱས་དང་ཁ་ནས་དབྱུང ། །སྤྱི་བོ་མཐོང་ཁ་ཁར་གཞག་པ། །མཛུབ་མོ་གཉིས་བཀུག་མདུན་དེ་བཞིན། །དེ་ནས་གཞན་ཡང་ཆོས་ཀྱི་ཕྱག་རྒྱ་ལ་བསླབ་པར་བྱའོ། །ཊཀྐི་གྲ་གྲ། མ་ཊ། ཨ་གྲ། ཏྲཱཾ་ཏྲཱཾ། ཨཾ་ཨཾཾ། བཾ་བཾ། ཏི་ཊ། ཧྲཱིཿ ཊ། བྷྲཾ་ཊ། ཀྲ་ཤ ། ཧ་ཧ། བ་བ། བཾ་བཾ། ཕཊ། གྲ་ས། དེ་ནས་ཆོས་ཀྱི་ལས་ཀྱི་ཡེ་ཤེས་ཕྲ་མོ་རྣམས་ཀྱི་མཆོག་བཤད་དོ། །ཡེ་ཤེས་ཁུ་ཚུར་དམ་ཚིག་ལས། །གཉིས་སུ་བྱས་ནས་སྦྱར་བར་བྱ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ། ཆེན་པོའི་རྒྱལ་པོའི་རྡོ་རྗེ་ཡེ་ཤེས་ཀྱི་ཆོས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་ཡེ་ཤེས་ཀྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་དྷཱ་ཏུ་ཨ་ནུཏྟཱ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས 91.46a དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་རྡོ་རྗེ་སེམས་དཔའི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་སཏྭ་ཨ་ནུཏྟཱ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པའི་རིན་པོ་ཆེ་འབྱུང་བས་དེ་བཞིན་གཤེགས་པ་ཐམས་ཅད་རྡོ་རྗེ་རིན་པོ་ཆེའི་མཆོད་པ་བླ་ན་མེད་པའི་ཆོ་ག་རྒྱས་པར་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ་ཨོཾ་སརྦྦ་ཏ་ཐཱ་ག་ཏ་བཛྲ་རཏྣ་ཨ་ནུཏྟཱ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་རྡོ་རྗེ་ཆོས་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་དྷརྨྨ་ཨནུཏྟཱ་ར་པའུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་ཀརྨྨ་ཨ་ནུཏྟཱ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པས། ཆོས་ཀྱི་དབྱིངས་ཐམས་ཅད་དུ་ཁྱབ་པའི་ལས་ཀྱི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་སྙོམས་པར་ཞུགས་མ 91.46b ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པས་ཆོས་ཀྱི་དབྱིངས་ཐམས་ཅད་དུ་ཁྱབ་པའི་ནམ་མཁའི་དབྱིངས་ཀུན་དུ་རྒྱས་པ་རྣམ་པ་སྣ་ཚོགས་པའི་མཆོད་པ་ཐམས་ཅད་ཀྱི་རྒྱན་གྱི་ཆོ་ག་རྒྱས་པའི་སྤྲིན་གྱི་རྒྱ་མཚོའི་ལྷ་མོ་རྣམས་སུ་གྱུར་ཏེ་བྱུང་ནས། འཇིག་རྟེན་གྱི་ཁམས་རབ་འབྱམ་གྱི་སྤྲིན་གྱི་རྒྱ་མཚོ་རྣམས་སུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་དེ་བཞིན་གཤེགས་པ་ཐམས་ཅད་ཀྱི་བླ་ན་མེད་པའི་བྱང་ཆུབ་ཀྱི་སེམས་ཆེན་པོ་བསྐྱེད་པ་དང ། དེ་བཞིན་གཤེགས་པ་ཐམས་ཅད་ཀྱི་རིགས་མཉེས་པར་བྱ་བ་དང ། ཀུན་དུ་བཟང་པོའི་སྤྱོད་པ་བསྒྲུབ་པ་དང་བྱང་ཆུབ་ཆེན་པོའི་སྙིང་པོར་ཉེ་བར་འགྲོ་བ་དང་བདུད་ཐམས་ཅད་འདུལ་བ་དང་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་མངོན་པར་རྫོགས་པར་བྱང་ཆུབ་པར་བྱ་བ་དང ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོར་བསྐྱེད་པ་དང་ཁམས་གསུམ་ཐམས་ཅད་ལས་རྣམ་པར་རྒྱལ་བར་བྱ་བ་དང ། དམ་པའི་ཆོས་ཀྱི་འཁོར་ལོ་བསྐོར་བ་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་དོན་དུ་བྱ་བ་ལ་སོགས་པ་སངས་རྒྱས་ཀྱི་རྫུ་འཕྲུལ་དང་ཆོ་འཕྲུལ་ཐམས་ཅད་བསྟན་ནས་བཞུགས་སོ། །མཆོད་པའི་སྤྲིན་རྒྱ་མཚོའི་ལྷ་མོ་དེ་དག་ཀྱང་རང་གི་ཕྱག་རྒྱ་ལག་པ་གཉིས་ཀྱིས་འཛིན་ཅིང ། དེ་བཞིན་གཤེགས་པ་ཐམས་ཅད་ལ་ཆོ་ག་བཞིན་དུ་མཆོད་དེ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་མཆོད་པ་བདག་།མཆོད་པ་ཀུན་ནི་བྱེད་པ་ཡིན། །གང་ཕྱིར་སངས་རྒྱས་བྱིན་ཅན་དུ། །སངས་རྒྱས་ཀུན་ནི་གྲུབ་པར་མཛད། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མཆོད་པ་ལ་སོགས་པའི་ལས་ཀྱི་ཆོ་ག་རྒྱས་པ་རྡོ་རྗེ་ཞེས་བྱ་བའི 91.47a ལས་ཀྱི་དཀྱིལ་འཁོར་བཤད་དོ། །ོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ན་ནིརྱཱ་ཏ་ན་པཱུ་ཛཱ་སྥ་ར་ཎ་ཀརྨྨ་བཛྲི་ཎི་ཧཱུཾ`་ཨཱ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ན་ནིརྱཱ་ཏ་ན་པཱུ་ཛཱ་སྥ་ར་ཎ་ཀརྨྨཱ་གྲྀ་ཛཿ ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ན་ནིརྱཱ་ཏ་ན་ཨ་ནུ་རཱ་ག་པཱུ་ཛཱ་སྥ་ར་ཎ་ཀརྨྨ་པཱ་ཎེ་ཧཱུཾ`་ཧོ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ན་ནིརྱཱ་ཏ་ན་སཱ་དྷུ་ཀཱ་ར་པཱུ་ཛཱ་སྥ་ར་ཎ་ཀརྨྨ་ཏུཥྚི་ཨཿ ། དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགའ་བའི་བདེ་མ་དང་དེ་བཞིན་གཤེགས་པ་ཐམས་ཅད་སྤྱན་འདྲེན་མ་དང་དེ་བཞིན་གཤེགས་པ་ཐམས་ཅད་མཉེས་པར་བྱེད་མ་དང་དེ་བཞིན་གཤེགས་པ་ཐམས་ཅད་དགྱེས་པར་བྱེད་མ་མོ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་མཆོད་པ་ཆེན་པོའོ། །ོཾ་ན་མ་སརྦྦ་ཏ་ཐཱ་ག་ཏ་ཀཱ་ཡཱ་བྷྀ་ཥེ་ཀ་རདྣེ་བྷྱོ་བཛྲ་མ་ཎི་\ུ0f00། ཨོཾ་ན་མཿ སརྦྦ་ཏ་ཐཱ་ག་ཏ་སཱུརྱེ་བྷྱོ་བཛྲ་ཏེ་ཛེ་ནི་ཛྭཱ་ལ་ཧྲཱིཿ ོཾ་ན་མཿ སརྦྦ་ཏ་ཐཱ་ག་ཏཱ་ཤཱ་བ་རི་པཱུ་ར་ཎི་ཙིནྟཱ་མ་ཎི་དྷཱ་ཛ་ཨ་གྲེ་བྷྱོ་བཛྲ་དྷཱ་ཛ་ཨ་གྲི་ཏྲཱཾ། ཨོཾ་ན་མ་སརྦྦ་ཏ་ཐཱ་ག་ཏ་མ་ཧཱ་པྲཱྀ་ཏི་པྲ་མོ་དྱ་ཀ་རེ་བྷྱོ་བཛྲ་ཧཱ་སྱེ་ཧ། དབང་མ་ཆེན་མོ་དང་སྣང་བ་ཆེན་མོ་དང་རིན་པོ་ཆེ་ཆེན་པོའི་ཆར་འབེབས་མ་དང་རབ་ཏུ་དགའ་ཞིང་མགུ་བ་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་མཆོད་པའོ། །ོཾ་སརྦྦ་ཏ་ཐཱ་ག་ཏ་བཛྲ་དྷརྨ་ཏཱ་ས་མཱ་དྷི་བྷི་སྟུ་ནོ་མི་མ་ཧཱ་དྷརྨཱ་གྲི་ཧྲཱིཿ ། ཨོཾ་སརྦྦ་ཏ་ཐཱ་ག་ཏ་པྲཛྙཱ་པཱ་ར་མི་ཏཱ་ནི་ར་ཧཱ་རཻཿ སྡུ་ནོ་མྀ་མ་ཧཱ་གོ་ཥཱ་ནུ་གེ་དྷཾ་ཨོཾ་སརྦ་ཏ་ཐཱ་ག་ཏ་ཙཀྲ་ཨཀྵ་རཾ་པ་རི་བར་ཏྟཱ་དི་སརྦ་སའུ་ཏྲཱནྟ་ན་ཡཻཿ སྟུ་ནོ་མི་སརྦ་མཎྜ་ལེ་ཧཱུཾ། ཨོཾ་སརྦ་ཏ་ཐཱ་ག་ཏ་སན་དྷི་བྷཱ་ཥ་བུདྡྷ་སངྒཱི་ཏི་བྷིརྒ་ཡཾ། སྟུ་ནོ་མི་བཛྲ་བཱ་ཙེ་བཾ། ཡེ་ཤེས་ཆེན་པོའི་གླུ་མ་དང་དབྱངས་ཆེན་མོའི་རྗེས་སུ་འབྲང་མ་དང ། དཀྱིལ་འཁོར་ཐམས་ཅད་དུ་འཇུག་པ་དང ། སྔགས་ཀྱི་སྤྱོད་པ་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་མཆོད་པའོ། །ོཾ་སརྦ་ཏ་ཐཱ་ག་ཏ་དྷའུ་པ་མེ་གྷ་སྥ་ར་ཎ་པཱུ་ཛཱ་ཀརྨེ་ཀ་ར་ཀ་ར། ཨོཾ་སརྦ་ཏ་ཐཱ་ག་ཏ་པཱུཥྤ་པྲ་ས་ར་སྥ་ར་ཎ་པཱུ་ཛཱ་ཀརྨེ་ཀེ་རི་ཀེ་ར། ཨོཾ་སརྦ་ཏ་ཐཱ་ག་ཏ་ཨཱ་ལོ་ཀ་ཛྭ་ལ་སྥ་ར་ཎ་པཱུ་ཛཱ་ཀརྨེ་བྷ་ར་བྷ་ར། ཨོཾ་སརྦ་ཏ་ཐཱ་ག་ཏ་གནྡྷ་ས་མུ་དྲཱ་སྥ་ར་ཎ་པཱུ 91.47b ཛཱ་ཀརྨ་ཀུ་རུ་ཀུ་རུ། སིམ་པ་ཅན་དང་བྱང་ཆུབ་ཆེན་མོའི་ཡན་ལག་ལྡན་མ་དང་མིག་ལྡན་མ་དང་དྲི་ལྡན་མ་རྣམས་ན་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་མཆོད་པའོ། །དེ་ནས་དེ་བཞིན་གཤེགས་པ་མ་ལུས་ཤིང་ལུས་པ་མེད་པ་རྣམས་ལ་མཆོད་པ་བྱེད་པའི་ལས་ཀྱི་དཀྱིལ་འཁོར་རྡོ་རྗེའི་བྱ་བ་བཤད་དོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་བྱ་བ་ཞེས་ཀྱང་གྲགས། །དཀྱིལ་འཁོར་ཆེན་པོའི་ཚུལ་དུ་ནི། །སངས་རྒྱས་སྐུ་རྣམས་གཞག་པར་བྱ། །རྡོ་རྗེ་སེམས་སོགས་ཚུལ་དུ་ནི། །ལྷ་མོ་ཕྱག་རྒྱ་བཅས་པ་བྲི། །དེ་ནས་ལས་ཀྱི་དཀྱིལ་འཁོར་རྡོ་རྗེ་བྱ་བ་འདིར་གཞུག་པ་ལ་སོགས་པའི་ཆོ་ག་རྒྱས་པ་འདི་བཤད་དོ། །དེ་ལ་དང་པོར་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་གྱིས་གཞུག་པར་བྱ་སྟེ། བཅུག་ནས་ཀྱང་འདི་སྐད་དུ། འདི་ནི་དེ་བཞིན་གཤེགས་པ་ཐམས་ཅད་མཆོད་པའི་དམ་ཚིག་ཡིན་གྱིས། མཆོད་པ་བཅུ་དྲུག་པོ་འདི་རྣམས་ཁྱོད་ཀྱིས་ཉི་མ་རེ་རེ་ཞིང་ཅི་ནུས་པ་གྱིས་ཤིག་ཅེས་བསྒོ་བར་བྱའོ། །དེ་ནས་གདོང་གཡོགས་བཀྲོལ་ཏེ་ལས་ཀྱི་དཀྱིལ་འཁོར་བསྟན་ལ་ཐམས་ཅད་ཀྱི་མཚན་མ་ལག་པ་གཉིས་སུ་སྦྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཀྱང་མཆོད་ན་གཞན་གྱིས་ལྟ་སྨོས་ཀྱང་ཅི་དགོས་དེ་ནས་བྱང་ཆུབ་ཆེན་པོའི་སེམས་བསྒྲུབ་པའི་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམ་ཤིང ། །དགའ་བ་བདག་ནི་མཆོད་བྱེད་ཅིང ། །སངས་རྒྱས་ཀྱི་ནི་བདེ་བའང་འཐོབ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམ་ཤིང ། །ཕྲེང་བ་ལ་སོགས་མཆོད་པ་ཡིས། །མཆོད་ན་དེ་ནི་དབང་ཡང་བསྐུར། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམས་ཤིང ། །སྙན་པའི་གླུ་ཡིས་མཆོད་པས་བདག་།མཆོད་པ་དེ་ནི་མགུ་བར་འགྱུར། །བྱང་ཆུབ་སེམས་ནི་བརྟན་བསྐྱེད་པར། ། 91.48a བདག་ནི་སངས་རྒྱས་ཡིན་བསམས་ཤིང ། །གར་གྱི་མཆོད་པས་བདག་མཆོད་པ། །སངས་རྒྱས་ཀྱིས་ཀྱང་བདག་མཆོད་འགྱུར། །དེ་ལ་སྙིང་པོ་ནི་འདི་རྣམས་སོ། །བུདྡྷ་ཨཱཏྨ་ཀོཉཧཾ། བུདྡྷ་ཨ་བྷི་ཥིཉྩ་མི། བུདྡྷ་སྟུ་ཏི་ཀ་རོ་མི། བུདྡྷ་པཱུ་ཛཱ་ཀ་རོ་མི། །བུདྡྷ་པཱུ་ཛཱ་ཀ་རོ་མི། །དེ་ནས་སངས་རྒྱས་ཐམས་ཅད་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །ལུས་དང་ངག་སེམས་རྡོ་རྗེ་ཡི། །མཆོག་གི་ཚུལ་གྱིས་ཕྱག་འཚལ་ཞིང ། །དེ་བཞིན་སངས་རྒྱས་ཀུན་མཆོད་ན། །རྟག་ཏུ་ཕྱག་བྱར་འོས་པར་འགྱུར། །སངས་རྒྱས་ཐམས་ཅད་བསོད་ནམས་ཆེ། །སྐུ་གསུང་ཐུགས་ནི་རྡོ་རྗེ་སྐྱེས། །རྗེས་སུ་ཡིད་རང་བས་མཆོད་ན། །མྱུར་དུ་སངས་རྒྱས་ཐོབ་པར་འགྱུར། །ལུས་དང་ངག་སེམས་རྡོ་རྗེ་ཡི། །ལྷ་རྫས་བདག་དབུལ་ལ་སོགས་པའི། །མཆོད་པ་ཀུན་གྱིས་སངས་རྒྱས་རྣམས། །མཆོད་ན་དེ་ཡང་མཆོད་པར་འགྱུར། །ལུས་དང་ངག་སེམས་རྡོ་རྗེ་ཡི། །དགེ་བའི་ཚོགས་རྣམས་ཐམས་ཅད་ནི། །ཡོངས་སུ་བསྔོ་བའི་མཆོད་པ་ཡིས། །སངས་རྒྱས་ཀུན་དང་མཉམ་པར་འགྱུར། །དེ་ལ་སྙིང་པོ་ནི་འདི་རྣམས་ཡིན་ནོ། །པྲ་ཎཱ་མཱ་མི་ཨ་ནུ་མོ་དེ། བུདྡྷ་པཱུ་ཛཱ་པ་རི་ནཱ་མ། དེ་ནས་ཆོས་ཀྱི་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །ཆོས་རྣམས་རང་བཞིན་གྱིས་ཀྱང་གསལ། །ངོ་བོ་ཉིད་ཀྱིས་གདོད་ནས་དག་།ཆོས་དེ་དག་གིས་མཆོད་པས་ནི། །དགའ་བའི་བདེ་བ་ཐོབ་པར་འགྱུར། །ཆོས་རྣམས་ཀུན་ནི་འདུས་པ་ཡི། ། ཞེས་བྱ་བ་བསྒོམ་ཞེས་བརྗོད། །ཆོས་ཀྱི་ཕྱག་རྒྱ་དེ་ཡིས་ནི། །དེ་ཡི་སྡུག་བསྔལ་ཐམས་ཅད་གཅོད། །འདིར་ནི་ཆོས་རྣམས་ཐམས་ཅད་ཀྱི། །རྒྱུ་ནི་དེ་བཞིན་གཤེགས་པ་སྟེ། །དམ་ཆོས་འཁོར་ལོ་མཆོད་པ་ཡིས། །མཆོད་པས་ཆོས་ནི་འཆད་པར་འགྱུར། །ཆོས་རྣམས་ཐམས་ཅད་རང་བཞིན་གྱིས། །སྒྲ་སྙན་དག་དང་འདྲར་བཤད་དེ། །ཆོས་ཀྱི་མཆོད་པ་དེ་དག་གིས། །མཆོད་ན་སངས་རྒྱས་གསུང་ཡང་འཐོབ། །དེ་ལ་དེ་རྣམས་ཀྱི་སྙིང་པོ་ནི་འདི་རྣམས་ཡིན་ནོ། ། 91.48b སརྦ་ཤུདྡྷ་ས་མནྟ་བྷ་དྲ། དྷརྨ་ཙཀྲ་ནི་ཥྠ་པཉྩ། དེ་ནས་ཏིང་ངེ་འཛིན་གྱི་མཆོད་པའི་ཕྱག་རྒྱ་ཡེ་ཤེས་བསླབ་བོ། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །རྡོ་རྗེ་དབྱིངས་སུ་བསྒོམས་ན་ནི། །རྡོ་རྗེ་བདག་ཉིད་མྱུར་དུ་འཐོབ། །ལུས་དང་ངག་སེམས་རྡོ་རྗེ་འི། །རང་གི་རྡུལ་ནི་ཕྲ་མོ་རྣམས། །སངས་རྒྱས་ཀུན་ཏུ་བསྒོམས་ན་ནི། །ཆོས་ཀྱི་སྐུར་ནི་མྱུར་དུ་འགྲུབ། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །རྡོ་རྗེ་སེམས་དཔར་བསྒོམས་ན་ནི། །རྡོ་རྗེ་སེམས་དཔར་མཉམ་པར་འགྱུར། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །སངས་རྒྱས་ཀྱི་ནི་སྐུར་བསྒོམས་ན། །རྫོགས་པའི་སངས་རྒྱས་ཉིད་དུ་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །བཛྲ་ཀཱ་ཡ། དྷརྨ་ཀཱ་ཡ། སཏྭ་ཀཱ་ཡ། བུདྡྷ་ཀཱ་ཡ། དེ་ནས་གསང་བའི་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། །རང་བྱུང་ལ་ནི་ལུས་ཀུན་གྱིས། །འཁྱུད་པའི་བདེ་བའི་མཆོད་པ་ནི། །ཕུལ་ན་རྡོ་རྗེ་སེམས་དཔའ་དང ། །འདྲ་བ་དེ་ནི་མྱུར་བར་འགྱུར། །ཤིན་ཏུ་ཆགས་པའི་སྦྱོར་བ་ཡི། །དམ་པའི་གཟུང་བའི་བདེ་བ་ནི། །སངས་རྒྱས་རྣམས་ལ་ཕུལ་གྱུར་ན། །རྡོ་རྗེ་རིན་ཆེན་འདྲ་བར་འགྱུར། །ཤིན་དུ་དགའ་ཞིང་བདེ་ཆགས་པས། །སྤྲད་པར་གྱུར་པའི་མཆོག་བདེ་བ། །སངས་རྒྱས་རྣམས་ལ་ཕུལ་ན་ནི། །རྡོ་རྗེ་ཆོས་དང་འདྲ་བར་འགྱུར། །དབང་པོ་གཉིས་ནི་སྦྱར་བ་ཡི། །ཀུན་དུ་སྦྱོར་བའི་བདེ་བ་ནི། །མཆོད་པའི་ཕྱིར་ནི་ཕུལ་བས་ན། །རྡོ་རྗེ་ལས་དང་འདྲ་བར་འགྱུར། །དེ་དག་གི་གསང་བའི་སྙིང་པོ་ནི་འདི་དག་ཡིན་ནོ། །ར་ཏི་བཛྲ། རཱ་ག་བཛྲ། པྲ་ཏི་བཛྲ། ཀརྨ་བཛྲ། དེ་ནས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཕྲིན་ལས་ཀྱི་ཕྱག་རྒྱ་ཆེན་པོའི་ཡེ་ཤེས་ཀྱི་ཕྱག་རྒྱ་བསླབ་པར་བྱ་སྟེ། སྙིང་གར་རྩིབས་ལོགས་རྒྱབ་སྦྱོར་བ། །དཔྲལ་བ་ལ་སོགས་དེ་བཞིན་དུ། །ཁ་དང་རྣ་བ་མགོ་ལྟག་པ། །སྤྱི་བོ་ཕྲག་པ་རྐེད་པར་བཞག་།དེ་བཞིན་གཤེགས་པ་ཐམས་ཅད་ཀྱི་དམ་ཚིག་མཆོད་པའི་ཕྱག་རྒྱ 91.49a ཡེ་ཤེས་བསླབ་པར་བྱའོ། །ཕྱག་རྒྱ་ཆེན་པོའི་ཚུལ་གྱིས་ནི། །རྡོ་རྗེ་བཅིང་བ་དམ་བྱས་ལ། །སྙིང་ག་ལ་སོགས་གནས་ཚུལ་དུ། །བཞག་ནས་རྒྱལ་བ་རྣམས་མཆོད་དོ། །དེ་ནས་དེ་བཞིན་གཤེགས་པ་ཐམས་ཅད་ལ་མཆོད་པའི་ཆོས་ཀྱི་ཕྱག་རྒྱའི་ཡེ་ཤེས་བསླབ་པར་བྱའོ། །ོཾ་ཀྲ་ས་ཡYྱ་སཱ་དྲྀ་རཾ་ཀྲཾ་ཁཾ་ཤཾ་ཧཱུཾ་ཧཱུཾ་ཤ་ནོ་ཤཱི་སཱཾ། ལས་ཀྱི་ཕྱག་རྒྱའི་མདོར་བསྡུས་ན། །ལས་ཀྱི་ཕྱག་རྒྱ་གཉིས་སུ་བྱ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོའི་མངོན་པར་རྟོགས་པ་ལས། རྟོགས་པ་ཆེན་པོའི་རྒྱལ་པོ་རྡོ་རྗེ་ལས་ཞེས་བྱ་བའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་བཅོམ་ལྡན་འདས་རྣམ་པར་སྣང་མཛད། དེ་བཞིན་གཤེགས་པས་དེ་བཞིན་གཤེགས་པ་ཐམས་ཅད་ཀྱིས་བྱིན་གྱི་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་དོན་དུ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་སརྦ་ཏ་ཐཱ་ག་ཏ་མུཥྚི་བཾ`། དེ་ནས་ཡང་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདི་ཡི་དངོས་གྲུབ་ཐམས་ཅད་བསྡུ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་སཏྭ་མུཥྚི་ཨ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་རཏྣ་མུཥྚི་ཏྲཱཾ། དེ་ནས་དེ 91.49b བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་དྷརྨ་མུཥྚི་ཁཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་ཀརྨ་མུཥྚི་ཧཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་རང་གི་བྱིན་གྱི་བརླབས་ཀྱིས། བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར་རྡོ་རྗེ་དངོས་གྲུབ་ཅེས་བྱ་བ་ཕྱག་རྒྱ་བཞི་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ཕྱག་རྒྱ་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་དངོས་གྲུབ་ཞེས་ཀྱང་གྲགས། །དཀྱིལ་འཁོར་ཆེན་པོའི་ཚུལ་དུ་ནི། །མཁས་པས་རབ་ཏུ་སྦྱིན་པར་བྱ། །ཐོག་མར་སངས་རྒྱས་གཟུགས་གཞག་སྟེ། །དེ་ནས་ཕྱག་རྒྱ་བཞི་ཡང་བྲི། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེའི་ཕྱག་རྒྱ་ལ་སོགས་བྲི། །དེ་ནས་རྡོ་རྗེ་དངོས་གྲུབ་ཀྱི་ཕྱག་རྒྱའི་དཀྱིལ་འཁོར་འདིར་འགུགས་པ་ལ་སོགས་པའི་ཆོ་ག་རྒྱས་པར་བྱས་ནས་དེ་བཞིན་དུ་བཙུད་དེ་འདི་སྐད་དུ་སྨྲ་བར་བྱའོ། །ཁྱོད་ཀྱིས་གསང་བའི་ལེའུ་འདི་སུ་ལ་ཡང་མ་བསྟན་ཅིག་།དེ་ཅིའི་ཕྱིར་ཞེ་ན། ལོག་པར་ལྟ་བ་དང་སྡིག་པའི་ལས་བྱེད་པའི་མི་སེམས་ཅན་རྣམས་ཀྱང་ཡོད་དོ། །བཙོན་འགྲུས 91.50a ཆུང་བ་དང ། སྦྱོར་བ་མེད་པ་དང ། རི་མོ་མི་ཤེས་པའི་སེམས་ཅན་རྣམས་ཀྱང་ཡོད་དེ། དེ་དག་རྡོ་རྗེ་དབྱིངས་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དཀྱིལ་འཁོར་ཆེན་པོ་རྣམས་སུ། བརྩོན་འགྲུས་ཆུང་བས་མི་འདུག་སྟེ། དེ་དག་གི་དོན་དུ་རྡོ་རྗེ་དངོས་གྲུབ་ཀྱི་ཕྱག་རྒྱའི་དཀྱིལ་འཁོར་དེ་བཞིན་གཤེགས་པ་ཐམས་ཅད་རིགས་ཀྱི་དཀྱིལ་འཁོར་གྱི་དམ་ཚིག་ཏུ་གྱུར་པ་འདི་མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་རྣམས་ཡོངས་སུ་བསྐྱབ་པ་དང ། ཕན་པ་དང་བདེ་བ་དང་ཡིད་བདེ་བ་ཐམས་ཅད་མྱོང་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་པའི་དངོས་གྲུབ་ཀྱི་བར་དུ་བྱིན་གྱིས་བརླབས་སོ། །ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་ཕྱག་རྒྱ་གསང་བ་འདི་རྣམས་ལ་ཡིད་མི་ཆེས་ཤིང་མ་དད་པར་མ་བྱེད་ཅིག་།སེམས་ཅན་དམྱལ་བ་དང ། བྱོལ་སོང་དང་ཡིད་དགས་ཀྱི་ཁམས་སུ་ལྷུང་བར་འགྱུར་བའམ། མི་བདེ་བ་མ་སྤངས་པར་དུས་མ་ཡིན་པར་ཤི་བར་གྱུར་ཏ་རེ་ཞེས་བསྒོ་ལ། གདོང་གཡོགས་པ་བཀྲོལ་ཏེ་དཀྱིལ་འཁོར་བསྟན་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་དམ་ཚིག་འདི་བརྗོད་དོ། །བདག་ཉིད་ཆེན་པོ་གང་གང་གི་།ཕྱག་རྒྱ་གང་དང་གང་བཅིངས་པ། །བཟླས་པའི་སྙིང་པོའི་དོན་དུ་ནི། །དེར་ནི་བདག་ཉིད་བསྒོམ་པར་བྱ། །ཡེ་ཤེས་འདི་ཡི་ཚུལ་གྱིས་ནི། །ཕྱག་ན་རྡོ་རྗེས་གསུངས་པ་བཞིན། །བདག་ཉིད་ཆེན་པོ་ཕྱག་རྒྱ་ཀུན། །དེ་དག་ཀུན་གྱིས་འགྲུབ་པར་འགྱུར། །དེ་ནས་ཕྱག་རྒྱ་ཐམས་ཅད་ཀྱི་གསང་བ་བརྗོད་པར་བྱའོ། །རང་གི་དབང་པོ་བཤིག་ནས་ནི། །རྡོ་རྗེ་བཅིང་བས་གཟུང་བར་བྱ། །དེ་ཡིས་ཕྱག་རྒྱ་གང་རེག་པ། །དེ་མ་ཐག་ཏུ་དེ་དབང་འགྱུར། །དེ་ནས་ཕྱག་རྒྱ་ཐམས་ཅད་ཀྱི་ཆོས་ཉིད་བརྗོད་པར་བྱའོ། །རྡོ་རྗེ་ཕྲ་མོའི་ཚུལ་སྦྱར་ལ། །ཡེ་ཤེས་ཕྱག་རྒྱ་བཅིང་བར་བྱ། །ཆོ་ག་འདི་ཡི་ཚུལ་གྱིས་ནི། །ཡེ་ཤེས་ཕྱག་རྒྱ་དབང་དུ་འགྱུར། །དེ་ནས་ཕྱག་རྒྱ་ཀུན་གྱི་ལས་བརྗོད་པར་བྱའོ། །གླུ་དང་གར་དང་ཟས་དང་བྲོ། །སྤྱོད་པ་ལ་སོགས་བདེ་བ་རྣམས། །སངས་རྒྱས་རྣམས་ལ་ཕུལ་ན་ནི། །ལས་ཀྱི་ཕྱག་རྒྱ་དབང་དུ་འགྱུར། །དེ་ནས་དཀྱིལ་འཁོར་ཐམས 91.50b ཅད་དུ་བསྒྲུབ་པ་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །མཚན་མ་བརྟན་པར་རང་གྱུར་ནས། །དཀར་པོར་གྱུར་པའི་རས་ལ་གནས། །མཚན་མ་མཆོད་རྟེན་བྱིན་བརླབས་ཏེ། །བདག་ཉིད་རྡོ་རྗེ་དབྱིངས་སུ་བསྒོམ། །རྡོ་རྗེ་བཅིང་བ་དམ་བྱས་ཏེ། །གུང་མོ་མྱུ་གུ་བཞིན་དུ་གཤིབས། །མཐེ་ཆུང་དང་ནི་མཛུབ་རྩེ་བསྒྲེང ། །དམ་ཚིག་མཆོག་གི་དམ་ཚིག་གོ། །རྡོ་རྗེ་ཕྲ་མོའི་ཚུལ་གྱིས་ནི། །རབ་ཏུ་མཉམ་པར་བཞག་པས་བསྒོམ། །རྡོ་རྗེ་ཕྲ་མོའི་དཀྱིལ་འཁོར་ཏེ། །ཏིང་འཛིན་དབང་དུ་གྱུར་པའི་ཚུལ། །རྡོ་རྗེ་ཕྱག་རྒྱ་གཉིས་བཅིངས་ལ། །དེ་གཉིས་རྡོ་རྗེ་དམ་དུ་གཟུང ། །མཛུབ་མོ་མཐེའུ་ཆུང་བསྣོལ་བ་ནི། །རྡོ་རྗེ་དགོས་མཆོག་དཀྱིལ་འཁོར་རོ། །དེ་ནས་སེམས་དཔའ་རྡོ་རྗེ་ལ་སོགས་པའི་ཕྱག་རྒྱ་ཆེན་པོའི་བཅིང་བ་བཞི་བསླབས་ནས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པ་ཇི་ལྟ་བ་བཞིན་དུ་བྱའོ། །རྡོ་རྗེ་དངོས་གྲུབ་ཀྱི་ཕྱག་རྒྱ་བཞི་པའི་དཀྱིལ་འཁོར་ཇི་ལྟ་བ་བཞིན་དུ་མི་གཡོ་བའི་དཀྱིལ་འཁོར་ལ་སོགས་པ་དཀྱིལ་འཁོར་ཐམས་ཅད་ཕྱག་རྒྱ་བཞི་པའི་དཀྱིལ་འཁོར་གྱི་ཚུལ་དུ་རང་རང་གི་ཕྱག་རྒྱ་རྣམས་སུ་བྲིས་ན་དངོས་གྲུབ་ཐམས་ཅད་ཀྱང་འགྲུབ་བོ། །དེ་ལྟར་རས་དང་བརྩིག་པ་དང་ནམ་མཁའ་དང་གནས་ཐམས་ཅད་དུ་བྲིས་ན་དངོས་གྲུབ་ཐམས་ཅད་འགྲུབ་བོ། །དཀྱིལ་འཁོར་བརྟག་པ་ནས་བརྩམས་ཏེ། ལ་ལ་ནི་དཀྱིལ་འཁོར་དུ་དེ་ཉིད་ཀྱི་ཚེ། ཇི་ལྟར་འདོད་པ་བཞིན་དུ་འགྲུབ། ལ་ལ་ནི་དེ་ནས་བརྩམས་ནས་ཉིན་ཞག་གཅིག་གིས། ལ་ལ་ནི་ཉི་མ་བཞིས། ལ་ལ་ནི་ཞག་བཅུ་དྲུག་གིས། ལ་ལ་ནི་མཚམས་མེད་པ་ལྔ་བྱས་པ་ཡང་ཇི་ལྟར་འདོད་པ་བདེ་བླག་ཏུ་དོན་ཐམས་ཅད་བྱེད་ཅིང་ཐམས་ཅད་དགའ་བ་དང་བྲོ་དང་ཟས་དང་སྤྱོད་པ་ཐམས་ཅད་ཀྱི་བདེ་བ་མྱོང་བར་བྱེད་ཀྱང ། ལོ་གཅིག་གིས་མཆོག་འགྲུབ་བོ་ཞེས་བཅོམ་ལྡན་འདས་ཀྱིས་གསུངས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པའི་དམ་ཚིག་རྡོ་རྗེ་ཞེས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོའི་མངོན་པར་རྟོགས་པ་ཞེས་བྱ་བའི་དེ་བཞིན 91.51a གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་བྱུང་ངོ ། །བཛྲ་སཏྭ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སེམས་ཅན་ཐམས་ཅད་ཀྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང ། ཕན་པ་དང་བདེ་བ་དང་ཡིད་བདེ་བ་ཐམས་ཅད་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པར་བྱ་བའི་བར་དུ་ཐེག་པ་ཆེན་པོ་མངོན་པར་རྟོགས་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །སེམས་དཔའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན་རྡོ་རྗེ་སེམས་དཔའ་ཞེས་ཀྱང་བཤད། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཕྱི་རིམ་ཐིག་གདབ་བོ། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་གཞག་པར་བྱ། །དེ་ནས་དགུག་པ་དང་གཞུག་པ་ལ་སོགས་པ་ཇི་ལྟ་བ་བཞིན་དུ་བྱས་ཏེ་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐོབ་པའི་ཡེ་ཤེས་བསྐྱེད་པར་བྱའོ། །དེ་ལ་འདི་སྐད་དུ་ཁྱོད་ཀྱིས་དམ་ཚིག་མ་མཐོང་བ་དང་ཁོང་དུ་མ་ཆུད་པ་སུ་ལ་ཡང་གསང་བ་འདི་མ་སྨྲ་ཤིག་།ཁྱོད་ངན་སོང་ཐམས་ཅད་དུ་ལྟུང་བའམ་མི་བདེ་བ་མ་སྤངས་པས་དུས་མ་ཡིན་པར་ཤི་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་རྡོ་རྗེ་སེམས་དཔའི་དངོས་གྲུབ་དམ་པ་བསྒྲུབ་པའི་ཡེ་ཤེས་བསླབ་པར་བྱའོ། །ཟླ་བ་རྒྱས་ལ་འདུག་ནས་ཀྱང ། །ཕྱག་རྒྱ་ཆེན་པོ་གཟུང་བྱས་ནས། །བདག་ཉིད་རྡོ་རྗེ་སེམས་དཔར་ནི། །བསྒོམས་ན་མྱུར་དུ་འགྲུབ་པར་འགྱུར། །དེ་ནས་དཀྱིལ་འཁོར་ཐམས་ཅད་ཀྱི་གསང་བའི་དམ་ཚིག་གི་ཡེ་ཤེས་བསླབ་པར་བྱའོ། །འདོད་ཆགས་བྲལ་བའི་སྡིག་ལྟ་བུ། །ཁམས་གསུམ་ན་ནི་གཞན་མེད་དེ། །དེ་བས་འདོད་པའི་ཆགས་བྲལ་བར། །ཁྱོད་ཀྱིས་ཀྱང་ནི་མ་བྱེད་ཅིག་།མ་ཧཱ་ས་མ་ཡ་ཧ་ན་ཕཊ། དེ་ནས་མནའི་སྙིང་པོ་འདི་སྦྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་ཆོ་ག་རྒྱས་པ་རྣམས་སུ་དམ་ཚིག་གི་སྡོམ་པ་སྦྱིན་པར་བྱའོ། །དེ་ནས་རྡོ་རྗེ་སེམས་དཔའི་ཕྱག་རྒྱ་ཆེན 91.51b པོ་ལ་སོགས་པ་བཞི་བཅིང་བ་བསླབ་པར་བྱའོ། །དངོས་གྲུབ་ཀྱང་དེ་བཞིན་ནོ། །རི་མོ་ལ་སོགས་པ་དང ། ལུགས་མའི་སྐུ་གཟུགས་ཐམས་ཅད་ལ་ཡང་ཇི་ལྟར་འདོད་པའི་ཆོ་ག་བཞིན་དུ་བྱས་ནས། དངོས་གྲུབ་ཐམས་ཅད་ཀྱང་དེ་བཞིན་དུ་འགྲུབ་པར་འགྱུར་རོ། །རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པར་བྱས་པ་ཅི་ལྟ་བ་བཞིན་དུ་ཡང་བྱའོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཙོ་བོ་བྱང་ཆུབ་ཀྱི་སེམས་ཆེན་པོ་རྡོ་རྗེ་སེམས་དཔའི་ཕྱག་ན་རྡོ་རྗེ་ཆེན་པོ་ལ་རྡོ་རྗེ་དགྱེས་པའི་སྙིང་པོ་འདིས་ལེགས་པ་གསོལ་ཏོ། །ོཾ་རྡོ་རྗེ་སེམས་དཔའ་ཁྱོད་ལེགས་སོ། །ལེགས་སོ་རིན་ཆེན་རྡོ་རྗེ་ཁྱོད། །རྡོ་རྗེ་ཆོས་ནི་ཁྱོད་ལེགས་སོ། །མདོ་སྡེ་འདི་ནི་ལེགས་བཤད་པས། །རྗེ་རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་པར་བསྡུས། །ནི་པར་རྡོ་རྗེ་སེམས་དཔའི་མཚན་ཉིད་ཀྱང ། །དངོས་གྲུབ་ཀུན་གྱི་མཆོག་ཏུ་འགྱུར། །དག་པར་བྱས་པས་བསྒྲུབས་ན་ནི། །སངས་རྒྱས་ཉིད་ཀྱང་བདེ་བར་འཐོབ། །རྡོ་རྗེ་ཆོས་ཀྱི་སྦྱོར་བ་ནི། །འདོད་པ་ཀུན་གྱི་བདེ་བས་བདེ། །ཚེ་འདི་ཉིད་ཀྱིས་འགྲུབ་པས་ན། །བདེ་བ་མི་ཟད་མེད་མི་འགྱུར། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཞེས་བྱ་བ་རྟོག་པའི་རྒྱལ་པོ་ཆེན་པོ་དུམ་བུ་དང་པོ་རྫོགས་སྷོ།། །། བམ་པོ་བཞི་པ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུས་ཏེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་འཁོར་ལོ་ཆེན་པོ་བསྐོར་བ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །རྡོ་རྗེ་སེམས་དཔའ་རྡོ་རྗེ་ཆེ། །རྡོ་རྗེ་མགོན་པོ་རབ་བསྒྲུབ་མཛད། །རྡོ་རྗེ་དབང་བསྐུར་རྡོ་རྗེ་འོད། །རྡོ་རྗེ་དཔལ་ཁྱོད་ཕྱག་འཚལ་ལོ། །རྡོ་རྗེ་བཞད་པ་ཆོས་ཆེན་པོ། །རྡོ་རྗེ་རལ་གྲི་མཚོ་ཆེན་པོ། །དཀྱིལ་འཁོར་ཀུན་གྱི་རྒྱལ་པོ 91.52a མཆོག་།སྤྲོས་མེད་ཁྱོད་ལ་ཕྱག་འཚལ་ལོ། །རྡོ་རྗེ་ལས་དང་སྲུང་བ་ཆེ། །གནོད་སྦྱིན་གཏུམ་པ་གདོན་ཆེན་པོ། །རྡོ་རྗེ་ཁུ་ཚུར་ཕྱག་རྒྱ་ཆེ། །ཕྱག་རྒྱ་ཀུན་ལ་ཕྱག་འཚལ་ལོ། །བྱང་ཆུབ་སེམས་དང་བྱང་ཆུབ་ཆེ། །སངས་རྒྱས་ཐམས་ཅད་དེ་བཞིན་གཤེགས། །རྡོ་རྗེ་ཡེ་ཤེས་ཡེ་ཤེས་ཆེ། །ཐེག་ཆེན་ཁྱོད་ལ་ཕྱག་འཚལ་ལོ། །དོན་ཀུན་གྱི་ནི་དེ་ཉིད་དོན། །སེམས་ཅན་དོན་ཆེན་ཀུན་རིག་པ། །ཀུན་མཁྱེན་ཀུན་བྱས་ཐམས་ཅད་དེ། །ཀུན་གཟིགས་ཁྱོད་ལ་ཕྱག་འཚལ་ལོ། །རྡོ་རྗེ་བདག་རབ་རྡོ་རྗེ་མཆོག་།རྡོ་རྗེ་བརྩོན་རབ་རྡོ་རྗེ་འཆང ། །དམ་ཚིག་ཆེན་པོ་དེ་ཉིད་དོན། །སེམས་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་ལྕགས་ཀྱུ་འདོད་པ་ཆེ། །རབ་ཏུ་དགའ་བ་འོད་ཆེན་པོ། །རྡོ་རྗེ་འོད་དང་འོད་གསལ་བ། །སངས་རྒྱས་འོད་ལ་ཕྱག་འཚལ་ལོ། །རྡོ་རྗེ་རྒྱལ་མཆོག་རྡོ་རྗེ་དྲག་།རིགས་མཆོག་མཆོག་དང་མི་ཡི་མཆོག་།རྡོ་རྗེ་དམ་པ་མཆོག་ཆེན་མཆོག་།རིགས་མཆོག་ཁྱོད་ལ་ཕྱག་འཚལ་ལོ། །རྡོ་རྗེ་དབྱིངས་དང་གསང་བ་ཆེ། །རྡོ་རྗེ་གསང་བ་རབ་གསང་འཆང ། །རྡོ་རྗེ་ཕྲ་བ་བསམ་གཏན་ཆེ། །རྡོ་རྗེ་དགོས་ལ་ཕྱག་འཚལ་ལོ། །སངས་རྒྱས་མཆོག་སངས་རྡོ་རྗེ་མཆོག་།སངས་རྒྱས་བྱང་ཆུབ་མཁས་པ་ཆེ། །སངས་རྒྱས་ཡེ་ཤེས་སངས་རྒྱས་ཆེ། །སངས་རྒྱས་སངས་རྒྱས་ཁྱོད་ཕྱག་འཚལ། །སངས་རྒྱས་མཆོད་པ་མཆོད་པ་ཆེ། །སེམས་དཔའ་མཆོད་པ་རབ་མཆོད་པ། །ཐབས་ཆེན་དང་ནི་དངོས་གྲུབ་ཆེ། །རྡོ་རྗེ་གྲུབ་ཁྱོད་ཕྱག་འཚལ་ལོ། །དེ་བཞིན་གཤེགས་པའི་སྐུ་ཆེན་པོ། །དེ་བཞིན་གཤེགས་པའི་གསུང་དབྱངས་ཏེ། །དེ་བཞིན་གཤེགས་པའི་སེམས་ཆེན་པོ། །རྡོ་རྗེ་རྡོ་རྗེ་ཁྱོད་ཕྱག་འཚལ། །སངས་རྒྱས་གཙོ་བོ་རྒྱལ་བཀའ་ཉན། །སངས་རྒྱས་གཙོ་བོ་བཤེས་གཉེན་སྐྱེས། །རྣམ་པར་སྣང་མཛད་ཆེ་དང་ཁྱབ། །སྟོན་ཞིང་ཁྲོ་ལ་ཕྱག་འཚལ་ལོ། །དེ་བཞིན་གཤེགས་པ་དེ་ཉིད་ཆེ། །ཡང་དག་མཐའ་སྟེ་ཆེ་བའི་ཚུལ། །ཕ་རོལ་ཕྱིན་པ་ཀུན་མཁྱེན་པ། །དོན་དམ་ཁྱོད་ལ་ཕྱག་འཚལ་ལོ། །ཀུན་དུ་བཟང་དང་སྤྱོད་པ་མཆོག་།བདུད་དང་བདུད་ནི་རབ་འདུལ་བ། །ཀུན་ནི་མཆོག་དང་མཉམ་ཉིད་མཁྱེན། །ཀུན་དུ་འགྲོ 91.52b ཁྱོད་ཕྱག་འཚལ་ལོ། །སངས་རྒྱས་ཧཱུཾ་ཞེས་ཧཱུཾ་ཞེས་པ། །རྡོ་རྗེ་ཧཱུཾ་ཞེས་འདུལ་བ་པོ། །རྡོ་རྗེ་ཐམས་ཅད་རྡོ་རྗེ་མཆོག་།ཕྱག་ན་རྡོ་རྗེ་ཁྱོད་ཕྱག་འཚལ། །ཕྱག་བྱས་མཆོད་ཅིང་བརྗོད་པ་དང ། །རིམ་གྲོར་དེ་བཞིན་གཤེགས་པས་བྱས། །གང་ཕྱིར་རྡོ་རྗེ་སེམས་བརྟན་པས། །རྡོ་རྗེ་སེམས་དཔའ་ཞེས་བྱ་ཁྱོད། །རྫོགས་པའི་བྱང་ཆུབ་ཁྱོད་རག་ལུས། །ཀུན་གཟིགས་ཡབ་ནི་ཁྱོད་ཡིན་ཏེ། །བྱུང་བ་དང་ནི་འབྱུང་འགྱུར་བའི། །དེ་བཞིན་གཤེགས་པ་ཁྱོད་ཀྱིས་བསྒྲུབས། །བསྟོད་པའི་རྒྱལ་པོ་འདི་ཡིས་ནི། །རབ་ཏུ་མོས་པས་བསྟོད་བྱེད་ཅིང ། །གླུ་བླངས་གང་ཞིག་བསྟོད་བྱེད་པ། །དེ་ནི་རྡོ་རྗེ་འཛིན་འདྲར་འགྱུར། །སངས་རྒྱས་ཀུན་ལ་མངའ་མཛད་པའི། །མགོན་པོ་ཁྱོད་ལ་གསོལ་བ་ནི། །སེམས་ཅན་ཀུན་དོན་མཛད་པའི་ཕྱིར། །རང་གི་རིགས་ནི་སྐྱེད་པར་མཛད། །དེ་ནས་དེ་བཞིན་གཤེགས་པ་ཐམས་ཅད་ཀྱི་གཙོ་བོ་ཕྱག་ན་རྡོ་རྗེས། །དེ་བཞིན་གཤེགས་པ་ཐམས་ཅད་ཀྱིས་གསོལ་བའི་ཚིག་ཐོས་ནས། རྡོ་རྗེ་བདག་ཉིད་ཀྱི་ཐུགས་ཀར་བཞག་སྟེ་དེ་བཞིན་གཤེགས་པ་དེ་དག་ཐམས་ཅད་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་མ་འཚལ་ལོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ་ཅིའི་ཕྱིར་རྡོ་རྗེ་འཛིན་པས་སྨྲས་པ། བཅོམ་ལྡན་འདས་དབང་ཕྱུག་ཆེན་པོ་ལ་སོགས་པ་མ་རུངས་པའི་སེམས་ཅན་དག་ཀྱང་མཆིས་ཏེ་དེ་བཞིན་གཤེགས་པ་ཐམས་ཅད་ཀྱིས་ཀྱང་ཞི་བས་འདུལ་བར་མི་སྤྱོད་པ་དེ་དག་ལ་བདག་གིས་ཇི་ལྟར་བསྒྲུབ་པར་བགྱི། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ནམ་མཁའི་དབྱིངས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པར་འཕྲོས་ནས། རི་རབ་རིའི་རྩེ་མོ་ནི་རྩེ་མོ་རྡོ་རྗེ་དང་ནོར་བུ་དང་རིན་པོ་ཆེ་ལས་བྱས་པའི་ཁང་བུ་བརྩེགས་པར་ཡང་གཅིག་ཏུ 91.53a འདུས་ཏེ་དེ་བཞིན་གཤེགས་པ་ཐམས་ཅད་ཀྱིས་མཉམ་ཉིད་དུ་དམིགས་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀྱི་དཔལ་བེའུར་ཞུགས་སོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་ཐུགས་སུ་བདག་བྱིན་གྱིས་བརླབས་ཏེ། དེ་བཞིན་གཤེགས་པ་ཐམས་ཅད་རྡོ་རྗེ་མཉམ་པ་ཉིད་ཀྱིས་མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་ཡོངས་སུ་བསྐྱབ་པ་དང་ཕན་པ་དང་བདེ་བའི་དམ་པ་ཐམས་ཅད་འགྲུབ་པ་དང་མ་རུངས་པ་ཐམས་ཅད་འདུལ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྙིང་རྗེ་ཆེན་པོའི་ཐབས་ཀྱི་ཏིང་ངེ་འཛིན་གྱི་ཡེ་ཤེས་ལ་དམིགས་ཏེ། དེ་བཞིན་གཤེགས་པ་ཐམས་ཅད་ཀྱི་སྙིང་རྗེ་ཆེན་པོའི་ཐབས་ཁྲོ་བོ་ཆེན་པོའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་བྱུང་ངོ་ཧཱུཾ། དེ་ནས་དེ་བྱུང་མ་ཐག་ཏུ་ཕྱག་ན་རྡོ་རྗེའི་ཐུགས་ཀའི་རྡོ་རྗེ་ལས། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། ཀུན་དུ་འབར་བའི་སྙིང་པོ་ཁྲོ་གཉེར་ཅན་སྨིན་མ་བཅུམ་ཞིང་དཔྲལ་བར་གཉེར་བ་མཆེ་བ་ལྷ་གེར་བྱུང་ཞིང་སོ་གཙིགས་པ། རྡོ་རྗེ་དང་ལྕགས་ཀྱུ་དང་རལ་གྲི་དང་ཞགས་པ་ལ་སོགས་པ་རྡོ་རྗེ་མེ་ལྕེ་འབར་བའི་མཚོན་ཆ་ལག་ན་ཐོགས་པ། རྣམ་པ་དུ་མའི་ཁ་དོག་དང་རྒྱན་རྣམས་ཀྱི་ཆ་ལུགས་ཅན་ཕྱག་ན་རྡོ་རྗེའི་སྐུ་བྱུང་ནས་འཇིག་རྟེན་གྱི་ཁམས་ཐམས་ཅད་ཏུ་ཤིན་དུ་མ་རུངས་པ་ཐམས་ཅད་གདུལ་བར་བྱས་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཕྱོགས་ཀུན་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་འདུག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་ཐབས་ཀྱིས་འདུལ་བ་ཡི། །ཐབས་ཆེན་ལྡན་པ་བདག་ཡིན་ཏེ། །གང་ཕྱིར་སེམས་ཅན་འདུལ་ཐབས་ཕྱིར། །དྲི་མ་མེད་པའི 91.53b ཁྲོ་བོར་གྱུར། དེ་ནས་དེ་བཞིན་གཤེགས་པ་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་སྤྲོས་པ་མེད་པའི་ཆོས་ཉིད་ལ་དམིགས་ནས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོ་ཆེན་པོ་རྡོ་རྗེའི་དམ་ཚིག་རྡོ་རྗེ་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཧཱུཾ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་རིག་པའི་མཆོག་འདི་སྨྲས་པ། ཨོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཨཱ་ན་ཡ་ཧོ་བྷ་ག་བཱཾ་བཛྲ་ཧཱུཾ་ཕཊ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ལས་བྱུང་མ་ཐག་པ་བཅོམ་ལྡན་འདས་ཕྱག་ན་རྡོ་རྗེར་གྱུར་ཏེ་བྱུང་ནས་འཇིག་རྟེན་གྱི་ཁམས་རབ་འབྱམ་རྒྱ་མཚོའི་སྤྲིན་ཐམས་ཅད་ན། དེ་བཞིན་གཤེགས་པ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་པ་ཐམས་ཅད་ཀྱི་བྱིན་གྱིས་བརླབས་ཏེ། སྤྱན་དྲངས་ནས་རྡོ་རྗེའི་དམ་ཚིག་གི་དཀྱིལ་འཁོར་ཆེན་པོར་བཅུག་སྟེ། དམ་ཚིག་གིས་བཅིངས་ནས་ཡང་གཅིག་ཏུ་འདུས་ཏེ་རྡོ་རྗེ་ཁྲོ་བོའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་འདུག་སྟེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བྱང་ཆུབ་སེམས་འདི་ནི། །ཀུན་དུ་བཟང་ཞིང་སྡིག་མེད་དེ། །གང་ཕྱིར་སེམས་ཅན་འདུལ་དོན་དུ། །ཁྲོ་བོ་ཡང་ནི་ཡིད་འོང་འགྱུར། །དེ་ནས་རྡོ་རྗེ་ཁྲོ་བོའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བབས་ནས། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་གནས་ཏེ་ཡང་བཀའ་ནོད་ཅིང་བཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་འགུགས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་ཀྱུ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་ཉིད་ཀྱི་ཐུགས་ཀ་ནས་བྱུང་ངོ ། །ཧཱུཾ་ཊཀྐི་ཛཿ ། དེ་ནས་དེ་བྱུང་མ་ཐག་ཏུ་འཇིག་རྟེན་གྱི་ཁམས་རབ་འབྱམ་སྤྲིན་རྒྱ་མཚོའི་སྤྲིན་ཐམས་ཅད་ན་འཇིག་རྟེན་གསུམ་གྱི་དབང་པོ་དབང་ཕྱུག་ཆེན་པོ་ལ་སོགས་པ་ཇི་སྙེད་པ་དེ་དག་ཐམས་ཅད་འཇིག་རྟེན 91.54a ཐམས་ཅད་ན་གནས་པའི་ཚོགས་ཀྱིས་བསྐོར་བ་མ་ལུས་ཤིང་ལུས་པ་མེད་པ་རྣམས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྡོ་རྗེའི་ལྕགས་ཀྱུས་བཀུག་ནས། རི་རབ་རིའི་རྩེ་མོ་རྡོ་རྗེ་དང་ནོར་བུ་དང་རིན་པོ་ཆེ་ལས་བྱས་པའི་ཁང་བུ་བརྩེགས་པ་གང་ན་བ་དེར་ལྷགས་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང་ནོར་བུ་དང་རིན་པོ་ཆེ་ལས་བྱས་པ་ཐམས་ཅད་དུ་བསྐོར་ནས་འཁོད་པར་གྱུར་ཏོ། །དེ་ནས་ཕྱག་ན་རྡོ་རྗེ་རང་གི་ཐུགས་ཀ་ནས་རྡོ་རྗེ་དེ་བླངས་ཏེ། གསོར་ཞིང་ཁམས་གསུམ་པ་ཇི་སྙེད་པ་ཐམས་ཅད་ཀྱི་འཇིག་རྟེན་གསུམ་གྱི་འཁོར་ལོ་ལ་བལྟས་ཏེ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས་དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་ཞུགས་ལ་ངའི་བཀའ་ཡང་ཉོན་ཅིག་།དེ་ནས་དེ་དག་གིས་འདི་སྐད་ཅེས་གསོལ་ཏོ། །བདག་ཅག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཕྱག་ན་རྡོ་རྗེས་གསུངས་པ། །སངས་རྒྱས་ཆོས་དང་དགེ་འདུན་ལ། །སྐྱབས་སུ་འགྲོ་བར་བསྒྲུབ་པར་བྱོས། །ཀུན་མཁྱེན་ཡེ་ཤེས་ཐོབ་བྱའི་ཕྱིར། །གྲོགས་པོ་རྣམས་ཀྱིས་བསྒྲུབ་པར་གྱིས། དེ་ནས་འཇིག་རྟེན་གྱི་ཁམས་འདི་ན་འཇིག་རྟེན་གསུམ་པོ་མཐའ་དག་གི་བདག་པོ་ལྷ་ཆེན་པོ་འཇིག་རྟེན་གསུམ་པོ་ཐམས་ཅད་ཀྱི་བདག་པོར་གྱུར་པ་དྲེགས་ཏེ་ཆེར་ཁྲོས་པར་སྟོན་ཅིང་འདི་སྐད་ཅེས་སྨྲས་སོ། །ཀྱེེ་གནོད་སྦྱིན་ང་ནི་འཇིག་རྟེན་གསུམ་པོ་མཐའ་དག་གི་གཙོ་བོ་དབང་ཕྱུག་བྱེད་པ་པོ་འཇིགས་པ་པོ་འབྱུང་པོ་ཐམས་ཅད་ཀྱི་དབང་པོ་ལྷའི་ཡང་ལྷ་ཆེན་པོ་ཡིན་ན་གནོད་སྦྱིན་ཁྱོད་ཀྱི་ངག་ང་ཅི་ཕྱིར་ཉན། དེ་ནས་ཡང་ཕྱག་ན་རྡོ་རྗེས་རྡོ་རྗེ་གསོར་ཞིང་བཀའ་སྩལ་པ། ཀྱེེ་སེམས་ཅན་མ་རུངས་པ་དཀྱིལ་འཁོར་དུ་མྱུར་དུ་ཞུགས་ལ་ངའི་དམ་ཚིག་ལ་ཡང་དག་པར་གནས་པར་གྱིས་ཤིག་།དེ་ནས་ལྷའི་ཡང་ལྷ་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ལྟ་བུའི་སེམས་ཅན་དབང་ཕྱུག་ལ་འདི་སྐད་ཅེས་བཀའ་སྩལ་པ་འདི་སུ་ཞིག་།དེ་ནས་བཅོམ་ལྡན་འདས་ཀྱིས་དབང་ཕྱུག་ཆེན་པོ་ལ་སོགས་པ་འཇིག་རྟེན་གསུམ་གྱི་ཚོགས་ཐམས་ཅད་ལ་བོས་ནས་འདི་སྐད་ཅེས 91.54b གསུངས་སོ། །གྲོགས་པོ་རྣམས་དཀོན་མཆོག་གསུམ་ལ་སྐྱབས་སུ་འགྲོ་བ་དང་དམ་ཚིག་དང་སྡོམ་པ་ལ་བསྒྲུབ་པར་གྱིས་ཤིག་།ཕྱག་ན་རྡོ་རྗེ་འདི་སྐད་གནོད་སྦྱིན་ཁྲོ་བོ་མ་རུངས་པའི་བྱང་ཆུབ་སེམས་དཔའ་ཆེན་པོ་སྟེ། རྡོ་རྗེ་འབར་བས་ཁམས་གསུམ་པོ་འདི་དག་ཐམས་ཅད་བརླག་པར་བྱས་ཏ་རེ། དེ་ནས་དབང་ཕྱུག་ཆེན་པོ་འཇིག་རྟེན་གསུམ་པོ་མཐའ་དག་གི་དབང་པོར་གྱུར་པ་དང ། རང་གི་ཤེས་པའི་དབང་གིས་འཁོར་མང་པོ་དང་བཅས་པས། བཅོམ་ལྡན་འདས་ཕྱག་ན་རྡོ་རྗེ་འཇིགས་པར་བསྟན་པའི་ཕྱིར། ཁྲོ་བོ་གཏུམ་པ་ཆེན་པོར་རབ་ཏུ་འཇིགས་པའི་གཟུགས་འབར་བ་ཆེན་པོ་གཏོང་ཞིང ། མ་རུངས་པ་ཆེན་པོས་རྟ་སྐད་དུ་དགོད་པ་རྣམས་བསྟན་ནས་འདི་སྐད་ཅེས་སྨྲས་སོ། །ཀྱེེ་ང་ནི་འཇིག་རྟེན་གསུམ་པོ་མཐའ་དག་གི་བདག་པོ་ཡིན་ན་ཁྱོད་ཀྱིས་ང་ལ་ཅིའི་ཕྱིར་བཀའ་སྩལ་པ། དེ་ནས་ཕྱག་ན་རྡོ་རྗེས་རྡོ་རྗེ་དེ་བསྙེམས་པ་དང་བཅས་པར་རྡོ་རྗེ་གསོར་ཞིང་འཛུམ་སྟེ་འདི་སྐད་ཅེས་སྨྲས་སོ། །ཀྱེེ་ལུས་སྲུལ་པོའི་མིའི་ཤ་ཟ་བ་ཟས་སུ་རོ་བསྲེགས་པའི་ཐལ་བ་ཟ་ཞིང་ཁ་ཟས་དང་མལ་དང་གོས་ཀྱང་དེ་ལས་བྱེད་པ་ངའི་བཀའ་བཞིན་བྱོས་ཤིག་།དེ་ནས་ལྷ་ཆེན་པོ་དབང་ཕྱུག་ཆེན་པོས་འཇིག་རྟེན་གསུམ་པོ་མཐའ་དག་དང་ནམ་མཁའི་ཁམས་རྣམས་ཁྲོ་བ་ཁྲོ་བ་ཆེན་པོས་ནོན་པར་བྱིན་གྱིས་བརླབས་ཏེ་འདི་སྐད་ཅེས་སྨྲས་སོ། །ཁྱོད་ཀྱང་དེའི་བཀའ་ཉོན་ལ་དམ་ཚིག་ཀྱང་ལོང་ཤིག་།དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་ཆེན་པོ་ཞེས་བགྱི་བའི་ལྷ་འདི་ནི། རང་གི་འཚལ་བའི་སྟོབས་ཀྱིས་དྲེགས་པ་དང་དབང་ཕྱུག་ཆེན་པོའི་དབང་གིས། དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་འདུད་དུ་མི་བཏུབ་ན་འདི་ལ་ཇི་ལྟར་བགྱི་བའི་རིགས། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་བའི་རྡོ་རྗེ་ཆེན་པོའི་དམ་ཚིག་དྲན་པར་བྱས་སོ། །ོཾ་ནི་སུམྦྷ་བཛྲ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེའི་སྙིང་པོ་འདི་བརྗོད་དོ། །ཧཱུཾ། དེ་ནས་དེ་བརྗོད་མ་ཐག་ཏུ་ཁམས་གསུམ་པ་ཐམས་ཅད་ནས་འདུས་པའི་ལྷ་ཆེན་པོ་ལ་སོགས 91.55a པ་འཇིག་རྟེན་གསུམ་པོའི་དབང་པོ་ཐམས་ཅད་ཁ་བུབ་ཏུ་འགྱེལ་ཏེ། ཉམ་ཐག་པའི་ཚིག་འབྱིན་ཅིང་བཅོམ་ལྡན་འདས་ཕྱག་ན་རྡོ་རྗེ་ལ་སྐྱབས་སུ་དོང་ངོ ། །ལྷ་ཆེན་པོ་ཞེས་བྱ་བའི་ལྷ་དེ་ནི་ས་ལ་འགྱེལ་ཏེ་དྲན་པ་མེད་པར་གྱུར་ནས་ཤིའོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་འཇིག་རྟེན་གསུམ་པོའི་འཁོར་ལོ་འདི་ཐམས་ཅད་ལ་སྐྱབས་སྦྱིན་པ་བྱོས་ཏེ་མ་བསད་ཅིག་།དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས་ལྷ་ཐམས་ཅད་བོས་ནས་འདི་སྐད་ཅེས་གསུངས་སོ། །གལ་ཏེ་ཁྱོད་རང་གི་སྲོག་འདོད་ན། སངས་རྒྱས་དང་ཆོས་དང་དགེ་འདུན་ལ་སྐྱབས་སུ་དེང་ལ་ངའི་བཀའ་ཡང་ཉོན་ཅིག་།དེ་ནས་དེ་དག་གིས་འདི་སྐད་ཅེས་གསོལ་ཏོ། །སངས་རྒྱས་དང་ཆོས་དང་དགེ་འདུན་ཕྱག་རྒྱའི་ཚོགས་དང་བཅས་པ་ལ་སྐྱབས་སུ་མཆིའོ། །ཁྱོད་ཀྱིས་བསྟན་པའི་བཀའ་ནི་བདག་ཅག་གིས་མ་འཚལ་ལོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པས་དེ་དག་ལ་བོས་ནས་འདི་སྐད་བཀའ་སྩལ་ཏོ། །ཀྱེེ་ལྷ་རྣམས་འདི་ནི་ངེད་དང་དེ་བཞིན་གཤེགས་པ་ཐམས་ཅད་ཀྱི་བདག་པོའོ། །དེ་བཞིན་གཤེགས་པ་ཐམས་ཅད་ཀྱི་ཡབ་དེ་བཞིན་གཤེགས་པ་ཐམས་ཅད་ཀྱིས་བཀའ་བཞིན་བྱེད་པ་དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟེ། སེམས་ཅན་ཐམས་ཅད་གདུལ་བའི་དོན་བྱས་པའི་ཕྱིར། ཁྲོ་བོའི་རྒྱལ་པོ་ཆེན་པོར་དབང་བསྐུར་ཏོ། །དེ་ཅིའི་ཕྱིར་ཞེ་ན། ཁྱེད་ཀྱི་ནང་ན་ཡང་ལྷ་ཆེན་པོ་ལ་སོགས་པ་མ་རུངས་པའི་སེམས་ཅན་ཡོད་དེ། དེ་རྣམས་དེ་བཞིན་གཤེགས་པ་ཐམས་ཅད་ཀྱིས་ཀྱང་ཞི་བར་མཛད་པས། སྡིག་པ་ལས་བཟློག་པར་མི་སྤྱོད་པའི་སྡིག་པའི་སེམས་ཅན་དེ་དག་རྣམས་ཚར་གཅད་པའི་ཕྱིར་བྱིན་གྱིས་བརླབས་སོ། །དེ་བས་ན་ཁྱེད་རྣམས་འདིའི་དམ 91.55b ཚིག་ལ་གནས་པར་བྱོས་ཤིག་པར་བཀའ་སྩལ་ཏོ། །དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གི་སྲོག་ཡལ་བ་ལས་བསྐྱབ་ཏུ་གསོལ། བདག་ཅག་ཀྱང་བཀའ་སྩལ་པ་བགྱིད་ཅིང་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀྱེེ་གྲོགས་པོ་རྣམས་འདི་ཉིད་ལ་སྐྱབས་སུ་དོང་དང་འདི་ཉིད་ཀྱིས་ཀུན་དུ་སྐྱོབ་ཏེ་གཞན་གྱིས་ནི་མ་ཡིན་ནོ། །དེ་ནས་ཁམས་གསུམ་ཀུན་ནས་འདུས་པ་སྲིད་པ་གསུམ་གྱི་བདག་པོ་དེ་རྣམས་བཅོམ་ལྡན་འདས་རྡོ་རྗེ་འཛིན་པ་ག་ལ་བ་དེ་ལོགས་སུ་བལྟས་ནས་ཉམ་ཐག་པ་ཆེན་པོའི་སྒྲ་མགྲིན་གཅིག་ཏུ་ཕྱུང་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་འཆི་བའི་སྡུག་བསྔལ་འདི་ལས་ཀུན་ཏུ་བསྐྱབ་པར་གསོལ། བདེ་བར་གཤེགས་པ་ཀུན་ཏུ་བསྐྱབ་པར་གསོལ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ལ་སོགས་པ་དེ་རྣམས་ལ་བོས་ཏེ་འདི་སྐད་ཅེས་བཀའ་སྩལ་ཏོ། །ཀྱེེ་མ་རུངས་པ་རྣམས་ངའི་བསྟན་པ་ལ་ཞུགས་ཤིག་།རྡོ་རྗེ་འབར་བ་འདིས་གཅིག་ཏུ་འབར་བར་བྱས་ནས་ཐམས་ཅད་ཀྱང་ཐལ་བར་བྱས་ཏ་རེ། འདི་སྐད་ཅེས་གསོལ་ཏོ། །ཁྱོད་ནི་བཅོམ་ལྡན་འདས་ཀུན་དུ་བཟང་པོ་དེ་བཞིན་གཤེགས་པ་ཐམས་ཅད་ཀྱི་ཐུགས་བསྐྱེད་པ་ཞི་བ་དུལ་བ་སེམས་ཅན་ཐམས་ཅད་ལ་ཕན་པར་བཞེད་པ་སེམས་ཅན་ཐམས་ཅད་ལ་མི་འཇིགས་པ་སྩོལ་བ་ལགས་ན། ཅིའི་སླད་དུ་བཅོམ་ལྡན་འདས་ཀྱིས་བདག་ཅག་བསྲེགས་པར་འགྱུར། དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དེ་དག་ལ་འདི་སྐད་ཅེས་བཀའ་སྩལ་ཏོ། །ཀྱེེ་གྲོགས་པོ་དག་གང་གིས་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པ་དེའི་ཕྱིར་ང་ནི་ཀུན་དུ་བཟང་པོ་སྟེ། ཁྱེད་ལྟ་བུའི་སེམས་ཅན་མ་རུངས་པའི་ངང་ཚུལ་ཅན་སྡིག་པའི་སེམས་རྣམ་པར་སྦྱང་བའི་ཕྱིར་གལ་ཏེ་ངའི་དམ་ཚིག་ལ་མི་གནས་ན་ཆུད་གསན་པར་བྱའོ། །གསོལ་པ། དེ་བཞིན་དུ་བགྱིའོ། །དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དབང་ཕྱུག་ཆེན་པོ་མ་གཏོགས་པའི་ལྷ་དེ་དག་གཞན་དབུགས་དབྱུང 91.56a ཞིང་བསླང་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྡོ་རྗེའི་བསླང་བ་ཞེས་བྱ་བ་འདི་སྨྲས་སོ། །ོཾ་བཛྲོཏྟིཥྛ། དེ་ནས་དེ་སྐད་སྨྲས་མ་ཐག་ཏུ་དབང་ཕྱུག་ཆེན་པོ་མ་གཏོགས་པར་ཁམས་གསུམ་པ་འདུས་པ་སྲིད་པ་གསུམ་གྱི་བདག་པོ་འཁོར་དང་བཅས་པ་དེ་དག་ཐམས་ཅད་ཀུན་བརྒྱལ་བ་ལས་སེམས་དབུགས་ཕྱུང་སྟེ་ལྷའི་བདེ་བ་མྱོང་ཞིང་འཇིགས་ཤིང་བག་ཚ་བ་དང་སྤུ་ལངས་པ་མེད་པར་གྱུར་ནས་བཅོམ་ལྡན་འདས་ཕྱག་ན་རྡོ་རྗེ་ལ་ལྟ་ཞིང་ལངས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ་སེམས་དཔའ་ཆེན་པོ་ལྷའི་བདག་པོ་ལྷ་ཆེན་པོ་འདི་མ་བསླང་ན་འདི་སྲོག་དེ་ཆུད་གསན་པར་བྱས་ཏེ་ཅི་རུང ། གསོས་ན་འདི་ཡང་སྐྱེས་བུ་དམ་པར་འགྱུར་རོ། །དེ་ནས་ཕྱག་ན་རྡོ་རྗེས་དེ་བཞིན་དུ་བྱའོ་སྙམ་ནས་ཤི་བ་གསོ་བའི་སྙིང་པོ་འདི་སྨྲས་སོ། །བཛྲ་ཨཱ་ཡུཿ དེ་ནས་དེ་སྨྲས་མ་ཐག་ཏུ་ལྷ་ཆེན་པོ་ལྷའི་བདག་པོ་ཤི་བ་ལས་གསོས་ཏེ་ལྡང་འདོད་ན་ཡང་ལྡང་མ་ནུས་སོ། །དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་བདག་ཅག་འདི་ལྟ་བུས་འདུལ་ལམ། བཅོམ་ལྡན་འདས་ཀྱིས་བཀའ་སྩལ་པ་ཁྱོད་སྐྱེས་བུ་ཆེན་པོ་འདི་བཀའ་ཉན་པར་མི་འཇུག་ན། ཁྱོད་ལ་འདུལ་བ་འདི་ཉིད་ཡིན་གྱི་ང་མ་ཡིན་ནོ། །དབང་ཕྱུག་ཆེན་པོས་གསོལ་པ། ཅི་བཅོམ་ལྡན་འདས་ཁྱོད་ཀྱིས་མ་རུངས་པའི་སེམས་ཅན་དེ་ལས་སྐྱབས་མཛད་པར་མི་སྤྱོད་དམ། བཅོམ་ལྡན་འདས་ཀྱིས་བཀའ་སྩལ་པ། ངས་འདི་ལས་སྐྱབས་མི་ནུས་སོ། །གསོལ་པ། ཅིའི་སླད་དུ། བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་བདག་པོ་ཡིན་པའི་ཕྱིར་རོ། །གསོལ་པ། བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་མ་འཚལ་ཏོ། །ཅིའི་སླད་དུ་ཞེ་ན། ཁམས་གསུམ་གྱི་བདག་པོ། དེ་བཞིན་གཤེགས་པ་རྣམས་ལས་གཞན་པའི་བདག་པོ་མཆིས་པར་མ་འཚལ་ན་འདི་སུ་ལགས་དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་ལྷ་ཆེན་པོ་ལ་བོས་ཏེ་འདི་སྐད་ཅེས་གསུངས་སོ། ། 91.56b ཀྱེེ་མ་རུངས་པའི་སེམས་ཅན་ངའི་བཀའ་མི་ཉན་ཏམ། དེ་ནས་ལྷ་ཆེན་པོས་རྡོ་རྗེ་སེམས་དཔའི་ཚིག་ཐོས་ནས་འཁྲུགས་ཤིང་ཁྲོས་པར་གྱུར་ཏེ། དེ་ལྟར་བསྒྱེལ་བཞིན་དུ་ཡང་འཇིགས་པ་ཆེན་པོའི་གཟུགས་བསྟན་ཏེ་འདི་སྐད་ཅེས་སྨྲས་སོ། །ང་ཤི་བར་བཟོད་ཀྱི། ཁྱོད་ཀྱི་ངག་ང་མི་ཉན་ནོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་རབ་ཏུ་ཁྲོས་པར་སྟོན་ཅིང་རང་གི་རྐང་པའི་མཐིལ་ནས་རྗེས་སུ་སྤྱོད་པ་འདི་བྱུང་ངོ ། །ོཾ་པ་ཏ་ཀ་རི་ཥ་ཎ་བཛྲ་ཧཱུཾ། དེ་ནས་བཅོམ་ལྡན་འདས་ཀྱི་ཞབས་མཐིལ་ནས་ཀུན་དུ་འབར་བའི་སྙིང་པོ་ཁྲོ་གཉེར་བྱས་ནས་མཆེ་བ་ལྷག་གེར་བྱུང་བ་གདོང་ཆེན་པོ་རྡོ་རྗེའི་རྗེས་སུ་སྤྱོད་པ་བྱུང་ནས་བཅོམ་ལྡན་འདས་ཕྱག་ན་རྡོ་རྗེའི་སྤྱན་སྔ་ན་བཀའ་ནོད་ཅིང་འདུག་པར་གྱུར་ཏོ། །དེ་ནས་ཕྱག་ན་རྡོ་རྗེས་དབང་ཕྱུག་ཆེན་པོ་སྦྱང་བའི་ཕྱིར་འདི་སྐད་ཅེས་གསུངས་སོ། །ོཾ་པ་ཏ་ཀ་རི་ཥ། ཀི་རི་ཤ་།སརྦ་བཛྲ་དྷ་ར་ཨ་ནུ་ཙ་ར་ཀ་ཏ་བཛྲ་ཧཱུཾ་ཛཿ ། དེ་ནས་དེ་སྐད་སྨྲས་པ་དང་ལྷ་ཆེན་པོ་དང་ལྷ་མོ་ཨུ་མར་བཅས་ཏེ་རྐང་པ་གྱེན་ཀར་བསྟན་ནས་གཅེར་བུར་ཕྱུང་སྟེ། སྐྱེ་བོ་ཐམས་ཅད་ཀྱིས་གད་མོས་བཏབ་ཅིང་རྐང་པས་འགུགས་པའི་རྗེས་སུ་སྤྱོད་པས་དེ་བཀུག་སྟེ་བཅོམ་ལྡན་འདས་ཕྱག་ན་རྡོ་རྗེའི་སྤྱན་སྔར་ཞབས་ཀྱི་དྲུང་དུ་བཞག་གོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་མ་རུངས་པ་རྗེས་འབྲང་དང་བཅས་པ་འདྀ་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཨོཾ་བཛྲ་ཀྲ་མ་ཧོ། དེ་ནས་དེ་སྐད་ཅེས་བཀའ་སྩལ་པ་དང ། བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ཆེན་པོ་ཞབས་གཡོན་པས་མནན་ཞབས་གཡས་པས་ལྷ་མོ་ཨུ་མའི་སྟེང་དུ་མནན་ནས། རང་གི་སྙིང་པོ་འདི་སྨྲས་པ། ཨོཾ་བཛྲ་ཨཱ་བེ་ཤ་ཧ་ན་པ་ཏཾ་ཏྲཊ། དེ་ནས་དེ་སྨྲས་མ་ཐག་ཏུ་ལྷ་ཆེན་བབས་ནས་རང་གི་ལག་སྟོང་གིས་རང་གི་གདོང་སྟོང་ལ་འཚོག་གོ། །དེ་ནས་རྡོ་རྗེའི་ནོར་བུ 91.57a རིན་པོ་ཆེའི་རྩེ་མོའི་རྡོ་རྗེ་དང་ནོར་བུ་དང་རིན་པོ་ཆེ་ལས་བྱས་པའི་ཁང་བུ་བརྩེགས་པའི་ཕྱི་རོལ་ན་སྲིད་པ་གསུམ་པ་ཐམས་ཅད་ཀྱིས་ངེད་ཀྱིས་དབང་པོ་འདི་བདག་ཉིད་ཆེན་པོ་དེས་བཏུལ་ལོ་ཞེས་སྒྲ་ཆེན་པོ་བྱུང་ངོ ། །དེ་ནས་བཅོམ་ལྡན་འདས་ཀྱིས་ལྷ་ཆེན་པོ་ལ་ཐུགས་རྗེ་ཆེན་པོ་བསྐྱེད་པའི་སངས་རྒྱས་ཐམས་ཅད་ཀྱི་བྱམས་པའི་སྙིང་པོ་འདི་གསུངས་སོ། །ོཾ་བུདྡྷ་མཻ་ཏྲི་བཛྲ་རཀྵ་ཧཾ། དེ་ནས་དེ་སྐད་ཅེས་སྨྲས་མ་ཐག་ཏུ། ལྷ་ཆེན་པོ་ལ་བབས་པའི་སྡུག་བསྔལ་ཀུན་ཞི་བར་གྱུར་ཏོ། །དེ་ནས་ཡང་ཕྱག་ན་རྡོ་རྗེའི་ཞབས་ཀྱི་མཐིལ་གྱིས་རེག་པས། བླ་ན་མེད་པའི་གྲུབ་པའི་དབང་དང་ཏིང་ངེ་འཛིན་དང་རྣམ་པར་ཐར་པ་དང་གཟུངས་དང་ཡེ་ཤེས་དང་མངོན་པར་ཤེས་པ་རྣམས་ཐོབ་པ་ནས། དེ་ནས་དེ་བཞིན་གཤེགས་པ་ཉིད་དུ་འགྲུབ་པའི་བར་དུ་གྱུར་ཏོ། །དེ་ནས་ལྷ་ཆེན་པོ་བཅོམ་ལྡན་འདས་ཕྱག་ན་རྡོ་རྗེའི་ཞབས་མཐིལ་གྱིས་རེག་པས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང ། གཟུངས་དང་རྣམ་པར་ཐར་པའི་བདེ་བ་མྱོང་སྟེ་ལྷ་ཆེན་པོའི་ལུས་ཕྱག་ན་རྡོ་རྗེའི་ཞབས་ལ་ཕུལ་ནས། འོག་གི་འཇིག་རྟེན་གྱི་ཁམས་གང་གཱའི་ཀླུང་སུམ་ཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་ཁམས་ཀྱི་རྡུལ་ཕྲ་རབ་སྙེད་ཀྱི་འཇིག་རྟེན་གྱི་ཁམས་འདས་པ་ན་ཐལ་བས་ཁེབས་པ་ཞེས་བྱ་བའི་འཇིག་རྟེན་གྱི་ཁམས་དེར་ཐལ་བའི་དབང་པོའི་དབྱངས་ཞེས་བྱ་བའི་དེ་བཞིན་གཤེགས་པར་སྐྱེས་སོ། །དེ་ནས་ལྷ་ཆེན་པོའི་ལུས་དེ་ལས་ཆེད་དུ་བརྗོད་པ་འདི་བྱུང་ངོ ། །ེ་མ་སངས་རྒྱས་ཐམས་ཅད་ཀྱི། །སངས་རྒྱས་ཡེ་ཤེས་བླ་ན་མེད། །ཡི་གེའི་ཚོགས་ཀྱིས་མནན་ནས་སུ། །མྱ་ངན་ལས་ནི་འདས་པར་གཞག་།དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། དེ་ལས་གཞན་པ་མཐུ་བོ་ཆེ་ལ་སོགས་པ་འཇིག་རྟེན་གསུམ་གྱི་བདག་པོ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ 91.57b ཚིག་གི་དཀྱིལ་འཁོར་ཆེན་པོ་འདིར་ཞུགས་ཤིག་།ཞུགས་ནས་ཀྱང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་སྲུངས་ཤིག་།དེ་དག་གིས་འདི་སྐད་ཅེས་གསོལ་ཏོ། །བཀའ་ཇི་སྐད་སྩལ་པ་བཞིན་དུ་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་སྲིད་པ་གསུམ་འདུས་པ་དེ་རྣམས་བོས་ཏེ་འདི་སྐད་ཅེས་གསུངས་སོ། །གྲོགས་པོ་རྣམས་ཡང་གསུམ་ལ་སྐྱབས་སུ་འགྲོ་བ་དང་བསླབ་པ་དང་དམ་ཚིག་དང་སྡོམ་པ་ཟུང་ལ་ངའི་དམ་ཚིག་ལ་ཡང་གནས་པར་གྱིས་ཤིག་།དེ་དག་གིས་གསོལ་པ། དེ་བཞིན་དུ་འཚལ་ན་བདག་ཅག་གིས་བཅོམ་ལྡན་འདས་ཀྱི་བཀའ་དང་དམ་ཚིག་གློ་བར་མ་ཆུད་དོ། །དེ་ནས་ཕྱག་ན་རྡོ་རྗེས་རང་གི་དམ་ཚིག་འདི་བྱིན་ནོ། །བྱང་ཆུབ་སེམས་ནི་རིམ་བཞིན་དུ། །བསྐྱེད་ནས་དེ་ཡི་འོག་ཏུ་ནི། །བྱང་ཆུབ་ཆེན་པོར་ཅི་ནུས་པར། །ཤིན་ཏུ་མཉམ་བཞག་འབད་པར་བྱ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས། ལྷ་ལ་སོགས་པ་དེ་རྣམས་འཇུག་པའི་དམ་ཚིག་ཆེན་པོའི་ཕྱག་རྒྱ་བཅིང་བ་ལ་སོགས་པ་བྱས་ནས། དམ་ཚིག་ཆེན་པོའི་ཕྱག་རྒྱ་སྙིང་པོ་འདིས་འཆིང་དུ་གཞུག་གོ། །ོཾ་བཛྲ་ས་མ་ཡ་གྲིཧྞ་སྟྭཾ་བནྡུས་མ་ཡ། བཛྲ་སཏྭ་ས་མ་ཡ། མ་ནུ་སྨ་ར། སརྦ་ཏ་ཐཱ་ག་ཏ་ས་མ་ཡ་སྟྭཾ། དྲི་ཌྷོ་མེ་བྷ་བ། སྠི་རོ་མེ་བྷ་བ། ཨཱ་ཧཱ་རྱོ་མེ་བྷ་བ། ཨ་པྲ་ཏི་ཧཱ་རྱོ་མེ་བྷ་བ་སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿ ། ཀུ་རུ་ཧཱུཾ་ཧ་ཧ་ཧ་ཧ་ཧོཿ ། དེ་ནས་དེ་སྨྲས་མ་ཐག་ཏུ་ཁམས་གསུམ་གྱི་སྲིད་པ་གསུམ་གྱི་སྐྱེ་བོ་འདུས་པ་ཐམས་ཅད་རྡོ་རྗེ་ཁྲོ་བོ་ཏི་རིནྟི་རཱིའི་ཕྱག་རྒྱ་ལག་ཏུ་བབས་ནས་དམ་དུ་བཅིངས་པར་གྱུར་ཏོ། །དེ་ནས་ཕྱག་ན་རྡོ་རྗེས་ཚུལ་བཞིན་དུ་བཙུད་ནས་དཀྱིལ་འཁོར་ཆེན་པོ་ཐམས་ཅད་གོ་རིམ་བཞིན་དུ་བསྟན་ཏེ་རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་ནས། རྡོ་རྗེའི་མཚན་མའང་ལག་ཏུ་བྱིན་ཏེ། རྡོ་རྗེ་མིང་གིས་དབང་བསྐུར་བས་དབང་བསྐུར་ནས། དེ་ནས་དེ་བཞིན་གཤེགས་པ་ཐམས་ཅད་ཀྱིས་སེམས་ཅན་གྱི་དོན་ལ་བཀོད་དོ། །དེ་ནས་འཇིག་རྟེན་གསུམ་པོའི་བདག་པོ་རྣམས་ཡིན་ཏེ། ་ 91.58a འདི་ལྟ་སྟེ་དབང་ཕྱུག་ཆེན་པོ་ནི་ཁྲོ་བོའི་རྡོ་རྗེའོ། །མཐུ་བོ་ཆེ་ནི་སྒྱུ་མའི་རྡོ་རྗེའོ། །ཀཪྟི་ཀ་སྒྲ་གཞོན་ནུ་ནི་རྡོ་རྗེ་དྲིལ་བུའོ། །ཚངས་པ་ནི་ཐུབ་པའི་རྡོ་རྗེའོ། །དབང་པོ་ནི་རྡོ་རྗེའི་མཚོན་ཆ་སྟེ་དེ་ལ་སོགས་པ་ནི་རིག་པའི་རྒྱལ་པོ་རྣམས་སུ་ཞེས་བྱ་བར་དབང་བསྐུར་ཏོ། །དེ་ནས་བར་སྣང་ལ་སྤྱོད་པའི་ལྷའི་དབང་པོ་ཐམས་ཅད་ལ་རྗེས་སུ་བྱིན་པ་ནི་འདི་ལྟ་སྟེ། བདུད་རྩི་འཁྲིལ་བ་མ་ནི་རྡོ་རྗེ་འཁྱིལ་བའོ། །ཟླ་བ་ནི་རྡོ་རྗེའི་འོད་དོ། །དབྱུག་པ་ཆེན་པོའི་གཙོ་བོ་ནི་རྡོ་རྗེ་དབྱིག་པའོ། །སེར་སྨུག་ནི་རྡོ་རྗེ་སེར་སྨུག་སྟེ་དེ་ལ་སོགས་པ་ནི་རྡོ་རྗེ་ཁྲོ་བོ་ཞེས་བྱ་བར་དབང་བསྐུར་ཏོ། །དེ་ནས་ནམ་མཁའ་ལ་སྤྱོད་པའི་ལྷའི་དབང་པོ་ཐམས་ཅད་ལ་བྱིན་པ་འདི་ལྟ་སྟེ། སྦྲང་རྩིས་མྱོས་པ་ནི་རྡོ་རྗེའི་གླང་པོའི་སྣའོ། །སྦྲང་རྩི་བྱེད་པ་ནི་རྡོ་རྗེའི་ཕྲེང་བའོ། །རྒྱལ་པོ་ནི་རྡོ་རྗེའི་དབང་ངོ ། །རྒྱལ་བར་བྱེད་པ་ནི་རྣམ་པར་རྒྱལ་བའི་རྡོ་རྗེ་སྟེ། དེ་ལ་སོགས་པ་ནི་ཚོགས་ཀྱི་གཙོ་བོ་ཞེས་བྱ་བར་དབང་བསྐུར་ཏོ། །དེ་ནས་ས་བླའི་དབང་པོ་ཐམས་ཅད་ལ་བྱིན་པ་འདི་ལྟ་སྟེ། མཛོད་སྐྱོང་ནི་རྡོ་རྗེ་ཐོ་བའོ། །མེ་ནི་རྡོ་རྗེའི་མེའོ། །རླུང་ནི་རྡོ་རྗེའི་རླུང་ངོ ། །ཀུ་བེ་ར་ནི་རྡོ་རྗེ་འཇིགས་པའོ། །དེ་ལ་སོགས་པ་ནི་རྡོ་རྗེ་ཕོ་ཉ་ཞེས་བྱ་བར་དབང་བསྐུར་ཏོ། །དེ་ནས་སའི་འོག་གི་དབང་པོ་ལྷ་ཐམས་ཅད་ལ་བྱིན་པ་འདི་ལྟ་སྟེ། ཕག་ནི་རྡོ་རྗེ་ལྕགས་ཀྱུའོ། །གཤིན་རྗེ་ནི་རྡོ་རྗེ་དུས་སོ། །གཙུག་ཕུད་སའི་རྡོ་རྗེ་བགེགས་ཀྱི་གཙོ་བོའོ། །བ་རུ་ཎ་ནི་ཀླུ་རྡོ་རྗེ་སྟེ་དེ་དག་ལ་སོགས་པ་ནི་བྲན་ཞེས་བྱ་བར་དབང་བསྐུར་ཏོ། །དེ་ནས་འཇིག་རྟེན་གསུམ་གྱི་བདག་པོའི་ལྷ་མོ་ཐམས་ཅད་རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་ཏེ། རང་གི་མཚན་མ་རྡོ་རྗེར་བྱིན་གྱིས་བརླབས་ནས། རྡོ་རྗེ་མིང་གི་དབང་བསྐུར་བས་དབང་བསྐུར་ཅིང ། དེ་བཞིན་གཤེགས་པ་ཐམས་ཅད་ཀྱི་སེམས་ཅན་གྱི་དོན་ལ་རབ་ཏུ་བཀོད་པ་ལ་འདི་ལྟ་སྟེ། ཨུ་མ་ནི་ཁྲོ་བོ་རྡོ་རྗེ་མའོ། །གསེར་ལྡན་མ་ནི་རྡོ་རྗེ་གསེར་རོ། །དྲུག་ལྡན་མ་ནི་རྡོ་རྗེ་གཞོན་ནུ་མའོ། །ཚངས་མ་ནི་རྡོ་རྗེ་ཞི་མའོ་དབང་མོ་ནི་རྡོ་རྗེ་ཁུ་ཚུར་མ་ཏེ། དེ་ལ་སོགས་པ་ནི་རྡོ་རྗེའི 91.58b རྒྱལ་མོར་དབང་བསྐུར་ཏོ། །དེ་ནས་ནམ་མཁའ་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། མི་འཆི་བ་ནི་རྡོ་རྗེ་མི་འཆི་མའོ། །རོ་ཧི་ན་ནི་རྡོ་རྗེ་མདངས་མའོ། །དབྱུག་འཛིན་མ་ནི་རྡོ་རྗེ་དབྱུག་མཆོག་མའོ། །སྐྱེ་བ་འཕྲོག་མ་ནི་རྡོ་རྗེའི་རྐེད་ཆིངས་མ་སྟེ། དེ་ལ་སོགས་པ་ནི་ཁྲོ་བ་མོ་ཞེས་བྱ་བར་དབང་བསྐུར་ཏོ། །དེ་ནས་བར་སྣང་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། གསོད་མ་ནི་རྡོ་རྗེ་འཇུ་མའོ། །ཟ་བ་ནི་རྡོ་རྗེ་ཟ་བ་མའོ། །བརྒོ་བ་ནི་རྡོ་རྗེ་བགོ་བ་མའོ། །དགའ་བ་ནི་རྡོ་རྗེ་དགའ་བ་མའོ། །དེ་ལ་སོགས་པ་ནི་ཚོགས་ཀྱི་གཙོ་མོར་དབང་བསྐུར་ཏོ། །དེ་ནས་ས་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། ཞི་བ་མ་ནི་རྡོ་རྗེ་ཕོ་ཉ་མོའོ། །རླུང་ནི་མགྱོགས་མ་རྡོ་རྗེ་མའོ། །མེ་ནི་རྡོ་རྗེ་འབར་མའོ། །ཀུ་བེ་ར་མ་ནི་རྡོ་རྗེའི་འཁོར་མ་སྟེ། དེ་ལ་སོགས་པ་ནི་རྡོ་རྗེའི་ཕོ་ཉ་མོར་དབང་བསྐུར་ཏོ། །དེ་ནས་སའི་འོག་ན་གནས་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། ཕག་མོ་ནི་རྡོ་རྗེ་ཁའོ། །ཙ་མུཎྜི་ནི་རྡོ་རྗེ་དུས་མའོ། །སྣང་ཆེན་པོ་ནི་རྡོ་རྗེ་རུལ་པ་མའོ། །བ་རུ་ཎ་མ་ནི་རྡོ་རྗེ་ཆུ་སྲིན་མ་སྟེ། དེ་ལ་སོགས་པ་ནི་རྡོ་རྗེ་བྲན་མོར་དབང་བསྐུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཞུགས་པ་དེ་དག་ཐམས་ཅད་སངས་རྒྱས་ཀྱི་ཡེ་ཤེས་རྣམས་བསྐྱེད་ནས་ཕྱག་རྒྱ་བཅིང་བ་ཐམས་ཅད་བསླབས་ཏེ་རྡོ་རྗེའི་དམ་ཚིག་མནའི་སྙིང་པོ་འདི་བྱིན་ནོ། །རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །དམ་ཚིག་འདི་ལས་འདས་ན་ནི། །རིགས་རྣམས་མྱུར་དུ་ཐལ་བར་བྱེད། །ོཾ་ཧ་ན་ས་མ་ཡ་ཧཱུཾ་ཕཊ། དེ་ནས་སྙིང་པོ་གཟུང་བར་བྱ་བའི་ཕྱག་རྒྱ་འདི་བྱིན་དོ། །རྡོ་རྗེ་ཕྱག་རྒྱ་གཉིས་བཅིངས་སྡེ། །མཛུབ་མོ་ལྕགས་ཀྱུར་བཅིངས་ནས་ནི། །གཅུ་ཞིང་ཕྱིར་ཡང་གཅུ་བར་བྱ། །དགོས་པ་དོན་སེམས་གང་ཡིན་པ། །དེ་ཡི་མདུན་དུ་ཁྱེད་རྣམས་ནི། །དགོས་པར་གྲུབ་ཕྱིར་འདུག་པར་བྱོས། །ཁྱེད་ཀྱི་སྲོག་ནི་མ་རུང་པར། །དམ་ཚིག་དེས་ནི་གྱུར་ཏ་རེ། །རྡོ་རྗེ་བཅིང་བ་དམ་བྱས་ཏེ། །མཛུབ་མོ་བཀུག་ནས་རབ་ཏུ་མནན། །མཐེ་བོང་གཉི་ག་མཚམས 91.59a སྦྱར་བས། །གུང་མོ་གཉི་ག་རབ་ཏུ་མནན། །རྡོ་རྗེ་རིག་པ་འཛིན་པ་ཡིན། །དམ་ཚིག་ཕྱག་རྒྱ་བཅིངས་པ་ལས། །གལ་ཏེ་འགའ་ཡིས་འདས་གྱུར་ན། །དམ་ཚིག་འདིས་ནི་ཁྱེད་གསོད་དོ། །རྡོ་རྗེའི་ཕྱག་རྒྱ་གཉི་ག་ཡི། །མཐེའུ་ཆུང་སོར་མོ་བཅིངས་ནས་ནི། །མཛུབ་མོ་སོར་མོའི་རྒྱབ་ནས་མདུད། །བཟློག་སྟེ་མགོ་བོར་བཞག་པར་བྱ། །བདག་ཉིད་ཆེ་བའི་དམ་ཚིག་སྟེ། །རྡོ་རྗེ་རིག་འཛིན་བཅིངས་ནས་ནི། །ཁྲོས་ཏེ་གང་ལ་བལྟས་ན་ནི། །དེ་ཡི་མདུན་དུ་དེ་བཞིན་འདུག་།རྡོ་རྗེ་བསྡམས་པའི་རྡོ་རྗེ་ཡི། །བསྲུང་བ་དམ་བཅིངས་མནན་པ་ནྀ། །དེ་ནི་སྲུང་བའི་དམ་ཚིག་སྟེ། །སེམས་ཅན་ཐམས་ཅད་སྲུང་བའོ། །གང་ཞིག་ལ་ལ་བསྐྱབ་པའི་ཕྱིར། །ཁྲོ་བོར་ལྡན་པ་བཅིངས་ནས་ནི། །སེམས་ཅན་གང་ལ་བསྲུང་བ་ཡི། །དེ་ཡི་རྒྱབ་ཏུ་འདུག་པར་བྱས། །རྡོ་རྗེའི་ཕྱག་རྒྱ་གཉིས་བཅིངས་ཏེ། །གཡོན་པའི་རྡོ་རྗེ་མཛུབ་མོ་ལ། །མཐེའུ་ཆུང་གིས་ནི་བསྡམ་བྱས་ཏེ། །གཅུ་ཞིང་སླར་གཅུ་དྲ་བཀྲོལ་ནས། །ཁྲོ་བོར་མཉམ་གཞུག་ཡྀན་པ་ཡི། །དམ་ཚིག་དེ་ཡང་སྦྱར་བྱས་ནས། །ཁྱེད་ཀྱིས་དེ་ཡི་མདུན་དུ་ནི། །དངོས་གྲུབ་ཀུན་གྱི་མཆོག་ཕྱིར་འཁོད། །རྡོ་རྗེ་བཅིང་བ་སྦྲེལ་བ་ནི། །མཛུབ་མོ་གཉི་ག་དམ་པོར་སྦྱར། །མཐེ་བོང་གུང་མོ་རྩེ་མོ་གཉིས། །རྡོ་རྗེ་ཕྱག་རྒྱར་བཅིངས་ནས་ཀྱང ། །བཟློག་སྟེ་དཔྲལ་བར་གཞག་པར་བྱ། །གལ་ཏེ་གསོན་པར་འདོད་ན་ནི། །འགུག་པར་བྱེད་པ་གང་ཡིན་པ། །དེ་ཡི་མདུན་དུ་རྟག་པར་འདུག་།དེ་ནས་འཇིག་རྟེན་གསུམ་པོ་མཐའ་དག་གི་སྙིང་པོ་འཛིན་པའི་དམ་ཚིག་གི་ཕྱག་རྒྱའི་དམ་ཚིག་འཛིན་པའི་སྙིང་པོ་འདི་ཡིན་ནོ། །ོཾ་བ་ལི་ཏོད་བ་ལི་ཏ་བཛྲ་ཨཱ་ཀར་ཥ་ཡ་ཧཱུཾ་ཛ་ཛན། །རྡོ་རྗེ་གཅུ་བའི་ཕྱག་རྒྱས་ལྷ་དགུག་པའི་སྙིང་པོའོ། །ོཾ་བཛྲ་ཨ་གྲ་དྷི་པ་ཡ་ས་མ་ཡེ་ཧཱུཾ། བར་སྣང་ལ་སྤྱོད་པ་རྣམས་ཀྱིའོ། །ོཾ་བཛྲ་མཱ་ལ་ཨ་གྲ་བཾ། ཕྲེང་བ་ཅན་རྣམས་ཀྱིའོ། །ོཾ་བཛྲ་བནྦྷ་ཧཾ། ས་ལ་སྤྱོད་པ་རྣམས་ཀྱིའོ། །ོཾ་བཛྲ་པཱ་ཏཱ 91.59b ལ་བྷཉྫ་བྷཉྫ་ཧཱུཾ་ཕཊ། སའི་འོག་ན་གནས་པ་རྣམས་ཀྱིའོ། །ོཾ་ཧེ་རུ་ཀ་བཛྲ་ས་མ་ཡ་སརྦ་དུཥྚ་ས་མ་ཡ་མུ་དྲཱ་བྷཉྫ་ཀ་ཧཱུཾ་ཕཊ། བུད་མེད་རྣམས་ཀྱིའོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་དེ་བཞིན་གཤེགས་པ་ཐམས་ཅད་ཀྱིས་མ་རུངས་པ་འདུལ་བ་པོར་དབང་བསྐུར་ན། བཅིངས་པའི་དཀྱིལ་འཁོར་མ་རུངས་པ་དེ་དག་ཐམས་ཅད་ཇི་ལྟར་བསྒྲུབ་པར་བགྱི་བ་ལེགས་པར་བཀའ་སྩལ་པར་གསོལ། དེ་ནས་བཅོམ་ལྡན་འདས་ཀྱིས་དེ་སྐད་གསན་ནས་འདི་སྐད་བཀའ་སྩལ་ཏོ། །ོཾ་བཛྲ་སུམྦྷ་ནི་སུམྦྷ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སེམས་ཅན་ཐམས་ཅད་ལ་བསྐྱབ་པའི་ཕྱིར། དཀྱིལ་འཁོར་ཐམས་ཅད་དགུག་པའི་སྙིང་པོ་འདི་གསུངས་སོ། །ོཾ་བཛྲ་ས་མ་ཡ་ཨཱ་ཀཪྵ་ཡ་སརྦ་མཎྜ་ལ། བཛྲ་དྷཱ་ར་སདྟྱ་མཱ་ཏི་ཀྲ་མ་ཧཱུཾ་ཕཊ། རྡོ་རྗེ་ལྕགས་ཀྱུས་གཉིས་བཅིངས་ཏེ། །སྙིང་གར་ཡོངས་སུ་བསྐོར་བར་བྱ། །མཛུབ་གཉིས་ལྕགས་ཀྱུས་ཕྱི་རོལ་གྱི། །དཀྱིལ་འཁོར་དགུག་པའི་མཆོག་ཡིན་ཏོ། །དེ་ནས་དེ་བཤད་མ་ཐག་ཏུ་དཀྱིལ་འཁོར་ཐམས་ཅད་རི་རབ་རིའི་རྩེ་མོ་ཕྱི་རོལ་ཀུན་དུ་བསྐོར་ཏེ་འཁོད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དཀྱིལ་འཁོར་འདུས་པ་དེ་དག་ཐམས་ཅད་ལ་བོས་ཏེ་འདི་སྐད་ཅེས་གསུངས་སོ། །ཀྱེེ་གྲོགས་པོ་དག་སྲོག་གཅོད་པ་སྤངས་ཤིང་དམ་ཚིག་གཟུང་བ་ལ་བསྒྲུབ་པར་གྱིས། དེ་ནས་ཕྱི་རོལ་གྱི་དཀྱིལ་འཁོར་གྱི་དམ་ཚིག་གི་སེམས་ཅན་དེ་དག་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཤ་འཚལ་བ་མ་རུངས་པའི་སེམས་ཅན་ལགས་པས་མདངས་འཕྲོག་པ་ལ་སྲོག་ལྟོས་ན། བཅོམ་ལྡན་འདས་བདག་ཅག་ཇི་ལྟར་འཚོ་བར་བགྱི་བ་དེ་བཀའ་སྩོལ་ཅིག་།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་མ་རུངས་པའི་རྡོ་རྗེ་ཁྲོ་བོ་འདི་གསུངས་སོ། །ོཾ་ཏུཥྚ་བཛྲ་ཀྲོ་དྷ་ཧ་ན་ད་ཧ་པ་ཙ་བི་དྷྭན་ས་ཡ་བི་ཀ་རི། སརྦ་དུཥྚ་ས་མ 91.60a ཡ་མུ་དྲཱ་མཎྜལ། བྷཉྫ་བྷཉྫ་མཪྡྷ་མཪྡྷ། ཁཱ་ད་ཁཱ་ད། བ་ར་མནྟྲ་བཛྲ་ས་མ་ཡ་ཧཱུཾ་ཕཊ། རྡོ་རྗེ་ཁྲོ་མཛུབ་ལག་པར་ནི། །སེན་མོ་སྤྲད་དེ་དཀྲིས་ནས་ཀྱང ། །རྩེ་མོ་གཉིས་ནི་དམ་སྦྱར་བ། །ཕྱག་རྒྱ་དེ་ནི་མ་རུངས་འཇོམས། །དེ་ནས་དེ་སྨྲས་མ་ཐག་ཏུ་མ་རུངས་པའི་དཀྱིལ་འཁོར་ཐམས་ཅད་གཅིག་ཏུ་འདུས་པ་དུ་མས་གཙེ་ཞིང་བྲལ་བ་དང ། དམ་ཚིག་གི་ཕྱག་རྒྱ་བཅིངས་པ་དྲལ་ཏོ། །མ་རུངས་པའི་དམ་ཚིག་གི་སེམས་ཅན་དེ་རྣམས་ཡང་སྲེག་ཅིང་ཤིན་དུ་བཅོས་པས་འོ་དོད་ཆེན་པོ་འབོད་ཅིང་ཕོངས་པའི་སྒྲ་བྱུང་སྟེ། བཅོམ་ལྡན་འདས་རྡོ་རྗེ་འཛིན་ཆེན་པོ་ག་ལ་བ་དེར་ཐལ་མོ་སྦྱར་ཏེ་འདི་སྐད་གསོལ་ཏོ། །བཅོམ་ལྡན་འདས་བདག་ཅག་སྲོག་དང་མི་འབྲལ་བར་སྐྱབས་མཛད་དུ་གསོལ། དེ་ནས་ཕྱག་ན་རྡོ་རྗེས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མ་རུངས་པའི་དཀྱིལ་འཁོར་དེ་རྣམས་ཇི་ལྟར་བགྱི་བ་བདག་ལ་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ནི་སུམྦྷ་ཧ་ན་ད་ཧ་པ་ཙ་གྲྀཧྞ་བནྡྷ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེ་ཁྲོ་བོ་མི་བཟད་པ་འདི་གསུངས་སོ། །ོཾ་མ་ཧཱ་བཛྲེ་ཁུ་ར་ཀྲོ་དྷ་པ་ཏ་ཡ། སརྦ་དུཥྚ་མཎྜ་ལི་ཁི་ནཱ་ཤ་ཡ་སརྦ་དུཥྚ་ས་མ་ཡཾ་བྷི་ག་ཀི་ར་བིདྷ་ན་ས་ཡ་སྥོ་ཊ་ཡ་བྷཉྫ་ཡ་སརྦ་དུཥྚ་ས་མ་ཡ་མུ་དྲཱ་བནྡྷ་གྲྀཧྞ་ཧ་ན་ད་ཧ་པ་ཙ་སརྦ་དུཥྚ་ས་མ་ཡ་ས་ཏྭཾ་བཛྲ་ས་མ་ཡ་ཧཱུཾ་ཕཊ། དེ་ནས་དེ་སྨྲས་མ་ཐག་ཏུ་མ་རུངས་པའི་དམ་ཚིག་དང་ཕྱག་རྒྱ་དང་དཀྱིལ་འཁོར་ཐམས་ཅད་ཡང་གཅིག་ཏུ་འདུས་ཏེ་རྒྱ་མཚོ་ཆེན་པོར་དོང་ངོ ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་མ་རུངས་པ་ཐམས་ཅད་ཐུལ་ཅིག་ཅེས་བཀའ་སྩལ་ན། ཕྲ་མེན་མ་དང་གདོན་ལ་སོགས་པ་གདོན་དེ་དག་ཐམས་ཅད་ལ་བདག་གིས་ཇི་ལྟར་བགྱི་དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ོཾ་ཧ་ན་ཧ་ན་བཛྲ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་ཕྲ་མེན་མ་ལ་སོགས་པ་གདོན་མ་རུངས་པ 91.60b ཐམས་ཅད་དགུག་པའི་སྙིང་པོ་འདི་གསུངས་སོ། །ོཾ་བཛྲ་ཨཱ་ཀཪྵ་ཡ་ཤཱི་གྷྲཾ་སརྦ་དུཥྚ་གྲ་ཧ་བཛྲ་དྷ་ར་སཏྭ་ན་ཧཱུཾ་ཛ། དེ་ནས་དེ་སྨྲས་མ་ཐག་ཏུ་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་རི་རབ་ཀྱི་རྩེ་མོའི་ཕྱི་རོལ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །ཀྱེེ་བཟོད་ལྡན་རྣམས་སྲོག་གཅོད་པ་སྤང་བའི་བསླབ་པ་དང་དམ་ཚིག་དང་སྡོམ་པ་གཟུང་བར་བྱོས་ཤིག་།རྡོ་རྗེ་འོད་འཕྲོ་བ་གཅིག་ཏུ་འབར་བར་གྱུར་པས་ཁྱེད་ཀྱི་རིགས་རྣམས་མ་ལུས་ཤིང་བསྲེགས་ཏ་རེ། དེ་ནས་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་བཅོམ་ལྡན་འདས་ག་ལ་བ་དེར་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཤ་འཚལ་བ་ནི། ཇི་ལྟར་བགྱི་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་སེམས་ཅན་དེ་རྣམས་ལ་སྙིང་རྗེ་ཆེན་པོ་བསྐྱེད་ལ། ཐབས་སྦྱིན་པར་བྱོས་ཤིག་།དེ་ནས་ཕྱག་ན་རྡོ་རྗེ་ཆེན་པོས་སེམས་ཅན་ཐམས་ཅད་འཆི་བའི་མཚན་མ་ཤེས་པའི་ཕྱག་རྒྱ་དང་སྙིང་པོ་འདི་གསུངས་སོ། །ོཾ་བཛྲ་པྲ་ཏི་གྲིཧྞ་ཧྲི་ད་ཡ་མཱ་ཀཪྵ་ཡ་ཡདྟྱ་བ་ཡཾ་མ་ཏ་མཱ་མ་དྷཱ་ར་དྡེ་ན་མི་ཡ་ཏེ་ཏདྱ་སྱ་ཧྲི་ད་ཡཾ་ནི་སྐྲ་མི་ཏུ་ས་མ་ཡ་ཧཱུཾ་ཛཿ ། དེ་ནས་དེའི་ཕྱག་རྒྱ་བཅིང་བ་བཤད་དོ། །སྙིང་གར་རྡོ་རྗེ་ལག་ངར་གཉིས། །ཤིན་དུ་དམ་པར་བཅིངས་ནས་ནི། །རྡོ་རྗེ་མཛུབ་མོ་རྩེ་མོ་ཡིས། །རང་གི་མཆན་ཁུང་བྲུད་པར་བྱ། །ཁྱོད་རྣམས་ཀྱིས་ཕྱག་རྒྱ་དེས་སེམས་ཅན་ཐམས་ཅད་ཀྱི་སྙིང་རུས་ལ་ཟོ་ཤིག་།དེ་ནས་ཕྲ་མེན་མ་ལ་སོགས་པ་མ་རུངས་པའི་གདོན་ཐམས་ཅད་དགའ་བའི་སྒྲ་ཐོས་ནས་མཆོངས་རྒལ་བྱས་ཏེ་རང་གི་གནས་སུ་དོང་ངོ ། །དེ་ནས་བཅོམ་ལྡན་འདས་ཕྱག་ན་རྡོ་རྗེས། བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་མ་རུངས་པ 91.61a འདུལ་བ་ལགས་པར་བཀའ་སྩལ་ན། བཅོམ་ལྡན་འདས་རིམས་ལ་སོགས་པ་ནད་དེ་རྣམས་ལ་ཅི་ལྟར་བགྱི་བདག་ལ་བཀའ་སྩོལ་ཅིག་།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རིམས་ལ་སོགས་པའི་ནད་དགུག་པའི་སྙིང་པོ་སྨྲས་པ། ཨོཾ་བཛྲ་ས་མ་ཡ་ཨཱ་ན་ཡ་སརྦ་དུཥྚ་ཛྭ་ར་དྷ་ནི་ནཱ་ཤ་ཡ་ཧཱུཾ་ཕཊ། དེ་ནས་དེ་སྨྲས་མ་ཐག་ཏུ་རིམས་ལ་སོགས་པའི་ནད་རྣམས་ཐམས་ཅད་རི་རབ་རིའི་རྩེ་མོའི་ཕྱི་རོལ་དུ་བསྐོར་ཏེ་འཁོད་དོ། །དེ་ནས་ཕྱག་ན་རྡོ་རྗེས་རིམས་ལ་སོགས་པའི་ནད་རྣམས་ལ་བོས་ཏེ་འདི་སྐད་ཅེས་གསུངས་སོ། །ཀྱེ་བཟོད་ལྡན་དག་སེམས་ཅན་གསོད་པ་ལས་ལྡོག་པའི་བསླབ་པ་གཟུང་བའི་སྡོམ་པ་ལོང་ཤིག་།དེ་དག་གིས་གསོལ་བ། བཅོམ་ལྡན་འདས་བདག་ཅག་ནི་སེམས་ཅན་གྱི་མདངས་འཕྲོག་སྟེ་འཚོ་བར་བགྱིད་ན་ད་བཅོམ་ལྡན་འདས་བདག་ཅག་ཇི་ལྟར་བགྱི་ལེགས་པར་བཀའ་སྩོལ་ཅིག་།དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ལས་རྣམས་དག་པར་འགྱུར་བའི་ཡེ་ཤེས་ཀྱི་ཕྱག་རྒྱའི་སྙིང་པོ་འདི་གསུངས་སོ། །ོཾ་བཛྲ་ཀརྨ་བི་ཤོ་དྷ་ཡ་སརྦ་ཨཱ་བ་ར་ཎཱ་ནི་བུདྡྷ་སཏྟྱ་ན་ས་མ་ཡ་ཧཱུཾ`། དེ་ནས་ཕྱག་རྒྱ་བཅིང་བ་བཤད་དོ། །རྡོ་རྗེ་ཐལ་མོ་དམ་བཅས་ཏེ། །མཛུབ་མོ་གཉིས་ཀ་བཀུག་ནས་ཀྱང ། །མཐེ་བོ་མཉམ་སྟེ་སྦྱར་ནས་ནི། །མནན་པ་དེ་ནི་སྡིག་འཕྲོག་པ། །ཕྱག་རྒྱ་དེ་རིམས་ལ་སོགས་པའི་ནད་ཐམས་ཅད་ཀྱིས་གང་ལ་བཏབ་པ་ལ་ལས་བྱས་ལ་བསྟན་ན་དེ་ཁྱེད་རྣམས་ཀྱིས་ཐོང་ཤིག་།ཁྱེད་ཅག་སྲོག་དང་བྲལ་ལ་རེ། དེ་ནས་དེ་རྣམས་དེ་བཞིན་དུ་བགྱིའོ་ཞེས་གསོལ་ཏེ་སླར་དོང་ངོ ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམས་ཀྱིས་བདག་སྒྲིབ་པ་སྦྱང་དུ་གསལ་བ་དང་ལས་ཀྱི་སྒྲིབ་པ་ཐམས་ཅད་རྣམ་པར་སྦྱང་བའི་སླད་དུ་ཉིད་ཀྱི་ཐུགས་ཀ་ནས་བྱུང་ན་དེ་ནས་བཅོམ་ལྡན་འདས་སེམས་ཅན་དམྱལ་བ་ལ་སོགས་པ་ངན་སོང་དེ་རྣམས 91.61b ཐམས་ཅད་ཇི་ལྟར་བགྱི་བདག་ལ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཀྵ་པ་ཡ་བཛྲ་སཝཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས། ངུ་འབོད་ལ་སོགས་པ་ངན་སོང་གི་འགྲོ་བའི་འཁོར་ལོ་ཐམས་ཅད་དགུག་པའི་སྙིང་པོ་འདི་གསུངས་སོ། །ོཾ་སརྦ་ཨ་པཱ་ཡ་ཨཱ་ཀཪྵ་ཎ་བི་ཤོ་དྷ་ན་བཛྲ་ས་མ་ཡ་ཧཱུཾ་ཕཊ། དེ་ནས་དེ་སྨྲས་མ་ཐག་ཏུ་ངུ་འབོད་དང་ངུ་འབོད་ཆེན་པོ་ལ་སོགས་པ་ངན་སོང་ན་གནས་པ་རྣམས་རི་རབ་རིའི་རྩེ་མོའི་ཕྱི་རོལ་དུ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་ངན་སོང་གི་སར་ལྟུང་བའི་སེམས་ཅན་ཐམས་ཅད་ལ་བོས་ནས་འདི་སྐད་གསུངས་སོ། །ཀྱེེ་བཟོད་ལྡན་རྣམས་དཀོན་མཆོག་གསུམ་ལ་སྐྱབས་སུ་འགྲོ་བ་དང་དམ་ཚིག་དང་སྡོམ་པ་དང་ངན་སོང་ཐམས་ཅད་ལས་ཐར་བའི་ཕྱག་རྒྱ་དང་སྙིང་པོ་ཟུང་ཤིག་།དེ་ནས་དེ་དག་གིས་མགྲིན་གཅིག་ཏུ་འདི་སྐད་གསོལ་ཏོ། །བཅོམ་ལྡན་འདས་བདག་ཅག་སྡུག་བསྔལ་གྱིས་གཟིར་བ་འདི་ལས་བསྐྱབ་པར་གསོལ། བདག་ཅག་རྣམས་སངས་རྒྱས་དང་ཆོས་དང་དགེ་འདུན་དང་ཁྱོད་ལ་སྐྱབས་སུ་མཆིའོ། །དེ་ནས་ཕྱག་ན་རྡོ་རྗེས་ངན་སོང་ཐམས་ཅད་འཇོམས་པ་ཞེས་བྱ་བའི་སྙིང་པོ་འདི་གསུངས་སོ། །ོཾ`་བཛྲ་པཱ་ཎི་བི་སྥོ་ཊ་ཡ་སརྦ་ཨ་པཱ་ཡ་བྷནྡྷ་ནཱ་ནི་པྲ་མོཀྵ་ཡ་སརྦཱ་པ་ཡ་ག་ཏེ་བྷྱཿ ། སརྦ་སཏྭཾ་སརྦ་ཏ་ཐཱ་ག་ཏ་བཛྲ་ས་མ་ཡ་ཏྲཱཊ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་བཅིང་བ་དམ་བྱས་ཏེ། །གུང་མོ་གཉིས་ག་སྦྱར་ནས་སུ། །ཐ་མ་བཞི་ནི་རྩེ་མོར་སྦྱར། །སྡིག་པ་འཇོམས་པར་གྲགས་པ་ཡིན། །དེ་ནས་ངན་སོང་གསུམ་གྱི་འཁོར་ལོ་ན་གནས་པའི་སེམས་ཅན་ཐམས་ཅད་ཕྱག་ན་རྡོ་རྗེའི་ཕྱག་རྒྱ་དེ་མཐོང་ནས་ངན་སོང་ཐམས་ཅད་ལས་ཤི་འཕོས་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཞབས་དྲུང་དུ་སྐྱེས་སོ། །ངན་སོང་དེ་རྣམས་ནི་རྒྱ་མཚོ་ཆེན་པོར་བོར་རོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་གྱི་ཁམས་མ 91.62a པ་ལུས་པ་མེད་པའི་སྐྱབས་དང་ཕན་པ་དང་བདེ་བ་ཐམས་ཅད་མྱོང་བར་བགྱི་བ་ནས་དེ་བཞིན་གཤེགས་པ་ཐམས་ཅད་ཀྱི་གྲུབ་པ་དམ་པའི་འབྲས་བུ་ཐོབ་པར་བགྱི་བའི་བར་དུ་ཚོལ་ཅིག་པར་བདག་ལ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གྲུབ་པའི་རྡོ་རྗེ་སྩལ་ཏེ། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་ན། མི་དེ་རྣམས་ཇི་ལྟར་བགྱི་དེ་བཞིན་གཤེགས་པ་ཐམས་ཅད་ཀྱིས་བཀའ་སྩོལ་ཅིག་།དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུས་ནས་འདི་སྐད་ཅེས་བཀའ་སྩལ་ཏོ། །ོཾ`་བཛྲ་པཱ་ཎི་མ་ཧཱ་མཎྜ་ལཾ་པྲ་བེ་ཤ་ཡ་སརྦ་དུཥྚ་རོ་དྲནྣི་བ་ར་ཡ་པྲ་བེ་བྱ་པྲ་མ་ཤ་ཡ་ཏྲུ་རྀ་དྲྀཥྚ་པརྱཱ་པཾ་མཾ`་བི་ཤོ་དྷ་ཡནཱ་ཤ་ཡ་བི་ནཱ་ཤ་ཡ་ཧ་ཧ་ཧ་ཧ་ཧཱུཾ། དེ་ནས་དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པའི་ཚིག་དེ་ཐོས་ནས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་བསྐྱབས་པ་དང་ཕན་པ་དང་བདེ་བ་ཐམས་ཅད་དང་དངོས་གྲུབ་དམ་པ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དང་མངོན་པར་ཤེས་པའི་འབྲས་བུ་ཐོབ་པར་བགྱི་བའི་བར་དུ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དམ་ཚིག་ལས་བྱུང་བ་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བ་ཡི། །དངོས་གྲུབ་ཐམས་ཅད་བྱེད་པའི་མཆོག་།འཇིག་རྟེན་གསུམ་ལས་རྒྱལ་ཞེས་བྱ། །རྡོ་རྗེ་དམ་ཚིག་ལས་བྱུང་བ། །སངས་རྒྱས་བྱང་ཆུབ་འབྱིན་བྱེད་པ། །མ་རུངས་ཐམས་ཅད་རྣམ་པར་འཇིག་།དེ་ལ་སྔགས་འདིས་སྲད་བུ་བྲེ་བར་བྱའོ། །ོཾ་བཛྲ་ས་མ་ཡ་སའུ་ཏྲཱཾ་མཱ་ཏི་ཀྲ་མ་ཧོ། །གྲུ་བཞིར་བྱ་ཞིང་སྒོ་བཞི་པ། །རྟ་བབས་བཞིས་ཀྱང་རབ་ཏུ་བརྒྱན། །སྲད་བུ་བཞི་དང་ལྡན་པ་སྟེ། །དར་དང་ཕྲེང་བས་ཤིན་དུ་བརྒྱན། །དཀྱིལ་འཁོར་ཀུན་གྱི་གྲཝ་རྣམས་དང ། །སྒོ་ཡི་མུ་ཁྱུད་ནང་རྣམས་སུ། །རྡོ་རྗེ་རིན་ཆེན་བརྒྱན་བྱ་བ། །དཀྱིལ་འཁོར་ཕྱི་རིམ་སྲད་བུ་བྲེ། །ཤེས་རབ་ཅན་གྱིས་དེ་ནང་དུ། །གྲུ་བཞི་ལ་ནི་སྒོ་བཞི་པ། །ཀ་བ་བརྒྱད་དང་རྟ་བབས་བཅས། ། 91.62b རྡོ་རྗེ་ཀ་བའི་གནས་མཆོག་ཏུ། །དཀྱིལ་འཁོར་ལྔ་ཡིས་བརྒྱན་པ་སྟེ། །དེ་ལྟར་དཀྱིལ་འཁོར་སྲད་བུ་བྲེ། །སྲད་བུ་བྲེས་པར་མཚོན་གྱིས་དགང ། །དེ་ལ་མཚོན་ལ་བཟླས་པ་ནི་འདིའོ། །ོཾ`་བཛྲ་ཙིཏྟྲ་ས་མ་ཡ་ཧཱུཾ། དེ་ནས་དབུས་སུ་འདུག་ནས་ནི། །རྡོ་རྗེ་སློབ་དཔོན་མཉམ་བཞག་པས། །རྡོ་རྗེ་སྒོ་ནི་རྣམ་བཞི་པོ། །ཡིད་ཀྱིས་སུ་ནི་དབྱེ་བར་བྱ། །དེ་ལ་སྒོ་རྣམས་དབྱེ་བའི་སྔགས་ནི་འདིའོ། །ོཾ་བཛྲོ་ཏྒྷ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ། གསེར་རམ་དངུལ་ལས་བྱས་པ་འམ། །ས་ཡང་རུང་སྟེ་ལེགས་བྲིས་པའི། །ཕ་གུ་གྲུ་བཞིར་བྱས་པའི་སྟེང ། །སངས་རྒྱས་གཟུགས་ནི་གཞག་པར་བྱ། །དེ་ལ་དེ་བཞིན་གཤེགས་པ་ཐམས་ཅད་སྤྱན་དྲང་བའི་སྙིང་པོ་ནི་འདི་ཡིན་ནོ། །ོཾ་བཛྲ་ཛྭ་ལ་ཨགྣེ་པྲ་དཱིཔྟ་ཨཱ་ཀཪྵ་ཡ་སརྦ་ཏ་ཐཱ་ག་ཏཱ་ནཱཾ་མ་ཧཱ་བཛྲ་ས་མ་ཡེ་ཧཱུཾ་ཛཿ ། །སངས་རྒྱས་སྤྱན་སྔར་རྡོ་རྗེ་ནི། །འབར་བར་བསྐོར་བས་གཞག་པར་བྱ། །དེ་བཞིན་རིན་ཆེན་འོད་སྐོར་བ། །པད་མ་རྡོ་རྗེ་ཀུན་དེ་བཞིན། །དེ་ནས་རྡོ་རྗེ་དམ་ཚིག་ཕྱག་རྒྱ་རྣམས་དགོད་པའི་སྙིང་པོ་འདི་ཡིན་ནོ། །ོཾ་སཏྭ་བཛྲཱ་ཛྭཱ་ལ་མཱ་ལ་ཧཱུཾ་ཕཊ། ཨོཾ་རཏྣ་བཛྲཱི་ཛྭཱ་ལ་མཱ་ལ་ཧཱུཾ་ཏྲཱཾ། ཨོཾ་དྷརྨ་བཛྲཱི་ཛྭཱ་ལ་མཱ་ལ་ཧཱུཾ་ཧྲཱིཿ ། ཨོཾ་ཀརྨ་བཛྲཱ་ཛྭཱ་ལ་མཱ་ལ་ཧཱུཾ་ཨཿ ། རྡོ་རྗེ་ཤུགས་ཀྱིས་བརྒལ་ནས་ནི། །སངས་རྒྱས་སྤྱན་སྔར་དེ་བཞིན་དུ། །ཤེས་པས་ཆོ་ག་བཞིན་བྲི་བ། །རྡོ་རྗེ་ཧཱུཾ་ཞེས་དཀྱིལ་འཁོར་རོ། །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདི་ཡིན་ནོ། །ོཾ་བཛྲ་བེ་གཱ་ཀྲ་མ་ཧཱུཾ། དེ་བཞིན་དུ་རྡོ་རྗེ་དབྱིངས་ཀྱི་དཀྱིལ་འཁོར་ལ་སོགས་པའི་དཀྱིལ་འཁོར་ཐམས་ཅད་ལ་ཡང་སྲད་བུ་ལ་བརྒལ་ཏེ་ཐམས་ཅད་དུ་འགྲོ་བར་བྱའོ། །དེ་ནས་འདིའི་སྙིང་པོ་བཤད་དོ། །ཡིད་ཀྱིས་རི་མོ་བཏེག་ནས་ནི། །རྡོ་རྗེ་སྲད་བུའམ་གཞན་ཡང་རུང ། །ཕྱིར་བྱུང་ནང་དུ་ཞུགས་ཀྱང་ནི། །དམ་ཚིག་འགལ་བར་དེ་མི་འགྱུར། །དེ་ཡི་དབུས་སུ་སེམས་དཔའ་ཆེ། །ཕྱག་ན་རྡོ་རྗེ་བྲི་བ་ནི། །ུཏ་པལ་ཆེ་སྔོ་འཚེར་བའི་མདོག་།རྡོ་རྗེ་ཧཱུཾ་ཞེས་བྱ་བར་འདུས། །མཆེ་བ་ཅུང་ཟད་ཕྱུང་བའི་ཞལ། །ཁྲོ་དང་བཅས་པར་འཛུམ་པའི་ཞལ། །བརྐྱང་བསྐུམ་ཚུལ་དུ་བཞུགས་པ་སྟེ། །འབར་བའི་ཕྲེང་བས 91.63a དཀྲིས་པའི་འོད། །ཞབས་གཡོན་པ་ཡི་ཐིལ་གྱིས་ནི། །དབང་ཕྱུག་ཆེན་པོ་མནན་པར་བྱ། །ཞབས་གཡས་པ་ཡིས་ཨུ་མ་ཡི། །ནུ་མའི་སྟེང་དུ་མནན་པར་བྲི། །དེའི་སྙིང་པོ་ནི་འདི་ཡིན་ནོ། །ཧཱུཾ། དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་ཁྲོ་བོ་བཞག་པ་ནི། །ཁྲོས་པས་མཆེ་བ་ཕྱུང་བ་ནི། །འབར་བའི་ཕྲེང་བས་དཀྲིགས་པའི་འོད། །དེ་ནས་དེ་དག་གི་སྙིང་པོ་རྣམས་ནི་འདི་ཡིན་ནོ། །ོཾ་བཛྲ་སཏྭ་ཀྲོ་དྷ་ཧཱུཾ་ཕཊ། ཨོཾ`་བཛྲ་ཀྲོ་དྷ་ཨཱ་བེ་ཤ་ཡ་ཧཱུཾ`་ཕཊ། ཨོཾ`་བཛྲ་ཀརྨ་ཀྲོ་དྷ་རཱ་ག་ཡ་ཧཱུཾ་ཕཊ། ཨོཾ་བཛྲ་དུཥྚི་ཀྲོ་དྷ་སཱ་དྷུ་སཱ་དྷུ་ཧཱུཾ`་ཕཊ། དཀྱིལ་འཁོར་དམ་པ་གཉིས་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །དེར་ནི་རྡོ་རྗེ་དབང་བསྐུར་བ། །རྡོ་རྗེ་ཁྲོ་བོས་བསྐོར་བར་བྲི། །དེ་ནས་དེ་རྣམས་ཀྱི་སྙིང་པོ་འདི་བཤད་དོ། །ཏྲཾ་ཨོཾ་བཛྲ་བྷྲྀ་ཀུ་ཊཱི་ཀྲོ་དྷ་ཧ་ར་ཧ་ར་ཧཱུཾ`་ཕཊ། ཨོཾ་བཛྲ་སཱུརྱ་མ་ཧཱ་ཛྭ་ལ་མཱ་ལ་ཀྲོ་དྷ་ཛྭ་ལ་ཡ་སརྦཾ་ཧཱུཾ་ཕཊ། ཨོཾ`་བཛྲ་ཀྲོ་དྷ་ཀེ་ཏུ་དེ་ཧི་ཧཱུཾ`་ཕཊ། ཨོཾ`་བཛྲ་ཧཱ་ས་ཀྲོ་དྷ་ཧ་ཧ་ཧ་ཧ་ཧཱུཾ་ཕཊ། དཀྱིལ་འཁོར་དམ་པ་གསུམ་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །རྡོ་རྗེ་སྡེ་ནི་བྲི་བར་བྱ། །ཁྲོ་བོ་བདག་ཉིད་ཆེན་པོར་བསྐོར། དེ་ནས་དེ་རྣམས་ཀྱི་སྙིང་པོ་བཤད་དོ། །ཧྲཱིཿ ོཾ་བཛྲ་དྷརྨ་ཀྲོ་དྷ་བི་ནཱ་ཤ་ཡ་བི་ཤོ་དྷ་ཡ་ཧཱུཾ་ཕཊ། ཨོཾ`་བཛྲ་ཏཱིཀྵྞ་ཀྲོ་དྷ་ཙྪིནྡ་ཙྪིནྡ་ཧཱུཾ་ཕཊ། ཨོཾ`་བཛྲ་ཧེ་ཏུ་ཀྲོ་དྷ་པྲ་བེ་ཤ་ཡ་མཎྜ་ལེ་སརྦཾ་ཧཱུཾ་ཕཊ། ཨོཾ་བཛྲ་ཀྲོ་དྷ་བྷཱ་ཥ་བ་ཏ་བ་ཏ་ཧཱུཾ་ཕཊ། དཀྱིལ་འཁོར་དམ་པ་བཞི་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །རྡོ་རྗེ་དབབ་པ་བྲི་བྱ་བ། །རྡོ་རྗེ་ཁྲོ་བོའི་ཚོགས་ཀྱིས་བསྐོར། །དེ་ལ་དེ་རྣམས་ཀྱི་སྙིང་པོ་འདི་བཤད་དོ། །ཿ ། ཧཱུཾ་བཛྲ་ཀརྨ་ཧཱུཾ་ཕཊ། ཨོཾ་བཛྲ་ཀ་བ་ཙ་ཀྲོ་དྷ་རཀྵ་ཧཱུཾ་ཕཊ། ཨོཾ་བཛྲ་ཡཀྵ་ཀྲོ་དྷ་ཁཱ་ད་ཁཱ་ད་ཧཱུཾ་ཕཊ། ཨོཾ`་བཛྲ་ཀྲོ་དྷ་མུཥྚི་སཱ་དྷ་ཡ་ས་མ་ཡ་ཧཱུཾ་ཕཊ། དཀྱིལ་འཁོར་གྱི་ནི་གྲཝ་རྣམས་སུ། །རྡོ་རྗེ་དབྱིངས་ཀྱི་ཚུལ་བཞིན་དུ། །ཇི་ལྟར་གོ་རིམ་བཞིན་དུ་ནི། །གསང་བའི་མཆོད་པ་ཀུན་བྲིའོ། །དེ་ནས་དེ་དག་གི་སྙིང་པོའི་ཕྱག་རྒྱ་འདི་ཡིན་ནོ། །ོཾ་བཛྲ་རཱ་སྱེ་རཱ་ག་ཡ་ཧཱུཾ་ཕཊ། ཨོཾ་བཛྲ་མཱ་ལེ་ཨ་བྷི་ཥིཉྩ་ཧཱུཾ་ཕཊ། ཨོཾ`་བཛྲ་གཱི་ཏ་ག་ད་ག་ད 91.63b ཧཱུཾ་ཕཊ་ཨོཾ་བཛྲི་ནརི་ཏྱེ་བ་ཤི་ཀུ་རུ་ཧཱུཾ`་ཕཊ་དཀྱིལ་འཁོར་དམ་པའི་ཕྱི་རོལ་དུ། །རྡོ་རྗེ་ཤུགས་ཀྱིས་བརྒལ་ནས་ཀྱང ། །དེ་ཡི་གྲཝ་རྣམས་ཉིད་དུ་ནི། །མཆོད་པའི་ལྷ་མོ་བཞི་རྣམས་བཞག་དེ་ནས་དེ་རྣམས་ཀྱི་སྙིང་པོ་ནི་འདི། རྣམས་སོ། །ོཾ་བཛྲ་དྷཱུ་པ་པཱུ་ཛཱ་སྥ་ར་ཎ་ས་མ་ཡེ་ཧཱུཾ`་ཕཊ་ཨོཾ`་བཛྲ་པུཥྤ་པཱུ་ཛཱ་སྥ་ར་ཎ་ས་མ་ཡེ་ཧཱུཾ་ཕཊ་ཨོཾ་བཛྲ་ཨཱ་ལོ་ཀེ་པཱུ་ཛཱ་སྥ་ར་ཎ་ས་མ་ཡེ་ཧཱུཾ་ཕཊ་ཨོཾ`་བཛྲ་གནྡྷེ་པཱུ་ཛཱ་སྥ་ར་ཎ་ས་མ་ཡེ་ཧཱུཾ་ཕཊ། སྒོ་རྣམས་བཞི་ཡི་དབུས་སུ་ནི། །ལྕགས་ཀྱུ་ལ་སོགས་བཞག་པར་བྱ། །དཀྱིལ་འཁོར་ཕྱི་རོལ་གནས་རྣམས་སུ། །ཕྱི་ཡི་རྡོ་རྗེའི་རིགས་རྣམས་སོ། །དེ་ནས་དེ་དག་གི་སྙིང་པོ་རྣམས་བཤད་དོ། །ོཾ`་བཛྲ་ཨཾ་ཀུ་ཤ་མ་ཧཱ་ཀྲོ་དྷ་ཨཱ་ཀཪྵ་ཡ་སརྦ་ས་མ་ཡཾ་ཧཱུཾ་ཛཿ ། ཨོཾ་བཛྲ་པཱ་ཤ་མ་ཧཱ་ཀྲོ་དྷ་པྲ་བེ་ཤ་ཡ་སརྦ་ས་མ་ཡ་ཧཱུཾ`་ཧཱུཾ`། ཨོཾ་བཛྲ་སྥོ་ཊ་མ་ཧཱ་ཀྲོ་དྷ་བནྡྷ་བནྡྷ་སརྦ་ས་མ་ཡ་ཧཱུཾ་བཾ་ཨོཾ་བཛྲ་ཨཱ་བེ་ཤ་མ་ཧཱ་ཀྲོ་དྷ་ཨཱ་བེ་ཤ་ཡ་སརྦ་ས་མ་ཡེ་ཧཱུཾ་ཨཿ ། དེ་ནས་འདིར་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཆོ་ག་རྒྱས་པར་བཤད་དོ། །དེ་ལ་དང་པོ་ཉིད་དུ་རྡོ་རྗེ་སློབ་དཔོན་བདག་ཉིད་རྡོ་རྗེ་ཁྲོ་བོ་ཏེ་རིནྟི་རཱིའི་ཕྱག་རྒྱ་བཅིངས་ཏེ་ཞུགས་ཤིག་ཞུགས་ནས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ་སྟེ་བཅོམ་ལྡན་འདས་བདག་ནི་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་དབང་དུ་མཆིས་ཏེ། ཚར་གཅད་པའི་རིགས་པ་རྣམས་ནི་ཚར་གཅད་དོ། །བསྡུ་བའི་རིགས་པ་རྣམས་ནི་བསྡུ་བ་ནི་ཇི་ལྟར་བགྱི་བ་བཅོམ་ལྡན་འདས་རྣམས་ཀྱིས་བདག་ལ་བཀའ་སྩལ་དུ་གསོལ་ཞེས་བྱས་ནས། རྡོ་རྗེ་ཁྲོ་བོ་ཏི་རིནྟི་རཱིའི་ཕྱག་རྒྱ་རང་གི་སྙིང་གར་ཇི་ལྟ་བ་བཞིན་དུ་བཞག་སྟེ། རྡོ་རྗེ་ལྕགས་ཀྱུ་ལ་སོགས་པས་ལས་བྱས་ནས་ཡང་དམ་ཚིག་ཐམས་ཅད་ཀྱི་ཕྱག་རྒྱ་བཅིངས་ཤིག་དང་དེས་ན་ཐམས་ཅད་བྱོན་པར་འགྱུར་རོ། །དེ་ནས་ཡང་གསང་བའི་མཆོད་པ་བཞི་བྱས་ནས་བདུག་པ་ལ་སོགས་པ་ཡང་དེ་བཞིན་ནོ། །དེ་ནས་ཆོ་ག་འདིས་རྡོ་རྗེ་སློབ་མ་ཆུག་ཅིག་རྡོ་རྗེ 91.64a སློབ་དཔོན་རང་གིས་རྡོ་རྗེ་ཁྲོ་བོ་ཏེ་རིནྟ་རཱིའི་ཕྱག་རྒྱ་བཅིངས་ཏེ། སློབ་མ་ཡང་སྙིང་པོ་འདི་དག་འཆིང་དུ་ཆུག་ཅིག་།ོཾ`་གྲྀཧྞ་བཛྲ་ས་མ་ཡ་ཧཱུཾ་བཾ། དེ་ནས་གོས་སྔོན་པོ་བགོས་ལ་མགོ་ལ་གཙུག་ཏོར་སྔོན་པོས་བཅིངས་ཏེ། དར་སྔོན་པོས་གདོང་དཀྲིས་ལ་སྔགས་འདིས་ཆུག་ཅིག་།ོཾ་བཛྲ་ས་མ་ཡཾ་པྲ་བེ་ཤཱ་མེ། དེ་ནས་བཅུག་སྟེ་རྡོ་རྗེ་དབབ་པའི་དམ་ཚིག་གི་ཕྱག་རྒྱ་དང་སྙིང་པོ་འདིས་དེ་ལ་དབབ་པར་གྱིས་ཤིག་།ོཾ་བཛྲ་ཨཱ་བེ་ཤ་ཨཱཿ ། དེ་ནས་བབས་ནས་དེ་ལྟར་བབས་པའི་ཕྱིར་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་སོ། །འདས་པ་དང་མ་འོངས་པ་དང་ད་ལྟར་ཐམས་ཅད་ཀྱང་སྐད་ཅིག་གིས་ཤེས་སོ། །གནོད་པ་ཡང་མེད་པར་གྱུར་ཏོ། །དེ་ཐམས་ཅད་ཀྱིས་མི་ཚུགས་པར་གྱུར་ཏོ། །ཧཱུཾ་ཞེས་བྱ་བས་ཀྱང་སེམས་ཅན་ཐམས་ཅད་ཚར་གཅད་པ་དང་ཕན་བདགས་པར་བྱེད་ནུས་པར་གྱུར་ཏོ། །ཕྱག་ན་རྡོ་རྗེ་ཡང་རྟག་ཏུ་དེའི་དགོས་པ་ཐམས་ཅད་བསྒྲུབ་བོ། །དེ་ནས་མནའི་སྙིང་པོ་བྱིན་ཅིག་།དེ་ནས་གདོང་གཡོགས་པ་དཀྲོལ་ཏེ་དཀྱིལ་འཁོར་ཆེན་པོ་ཇི་ལྟ་བ་བཞིན་དུ་སྟོན་ཅིག་།དཀྱིལ་འཁོར་ཆེན་པོ་མཐོང་བ་ཙམ་གྱིས་སྡིག་པ་ཐམས་ཅད་ལས་གྲོལ་བར་གྱུར་ཏོ། །འཇིག་རྟེན་གསུམ་པོ་མཐའ་དག་ལས་རྣམ་པར་རྒྱལ་བར་ནུས་པར་གྱུར་ཏོ། །ཧཱུཾ་ཞེས་བྱ་བས་ལྷ་ཆེན་པོ་ལ་སོགས་པ་ལྷ་ཐམས་ཅད་དགུག་པ་དང་གཞུག་པ་དང་བཅིང་བ་དང་དབང་དུ་བྱ་བ་དང་མནན་པ་ནུས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་ཀྱང ། བཅོམ་ལྡན་འདས་བྱང་ཆུབ་སེམས་དཔའ་ཕྱག་ན་རྡོ་རྗེ་རྟག་ཏུ་འབྲང་ཞིང་རང་གི་དངོས་གྲུབ་སྦྱིན་པར་མཛད། དེ་ནས་དེ་ལ་རྡོ་རྗེའི་དབང་བསྐུར་བས་དབང་བསྐུར་ཏེ། རང་གི་མཚན་མ་རྡོ་རྗེ་རྣོན་པོ་ཇི་ལྟ་བ་བཞིན་དུ་སྔགས་འདིས་ལག་པ་གཉིས་སུ་སྦྱིན་ནོ། །ོཾ་བཛྲ་པཱ་ཎི་བཛྲ་ཀརྨ་ཀཱ་རོད་བྷ་བ། དེ་ནས་སྔགས་འདིས་རྡོ་རྗེ་མིང་གི་དབང་བསྐུར་ཏོ། །བཛྲ་ཀྲོ་དྷ་ཏྭཾ་ཨ་བྷི་ཥིཉྩ་མི། བཛྲ་ནཱ་མ་ཨ་བྷི་ཥེ་ཀ་ཏ་ཧེ་བཛྲ་ནཱ་མ། དེ་ནས་གང་ལ་མིང་གང་བཏགས་པ་དེ་ལ་ཀྱེེ་ཞེས་བྱ་བའི་སྒྲ་དང་སྦྱར 91.64b བར་བྱའོ། །དེ་ནས་ཡེ་ཤེས་རྣམས་བསྐྱེད་དེ། །རྡོ་རྗེ་ཁྲོ་བོར་མཉམ་བཞག་ནས། །འབར་བ་མང་པོའི་འོད་ཅན་གྱི། །རྡོ་རྗེའི་དབྱིབས་ནི་སྙིང་གར་བསམ། །སྐྱེ་བོ་ཀུན་ལ་འབེབས་པར་བྱེད། །རྡོ་རྗེ་ཁྲོ་བོར་མཉམ་བཞག་ནས། །དཔྲལ་བར་རྡོ་རྗེ་རིན་ཆེན་ཡང ། །དེ་བཞིན་དུ་ནི་བསམ་བྱས་ནས། །སེམས་ཅན་ཐམས་ཅད་དབང་དུ་བྱེད། །རྡོ་རྗེ་ཁྲོ་བོར་མཉམ་བཞག་ནས། །འབར་བའི་ཕྲེང་བ་མང་པོའི་འོད། །རྡོ་རྗེ་པད་མ་མགུལ་དུ་བསམ། །སེམས་ཅན་ཐམས་ཅད་རླག་པར་བྱེད། །རྡོ་རྗེ་ཁྲོ་བོར་མཉམ་བཞག་ནས། །འབར་བའི་ཕྲེང་བ་མང་པོའི་འོད། །རྡོ་རྗེ་ཐམས་ཅད་སྤྱི་བོར་བཞག་།སྐྱེ་བོ་དེ་དག་ཐམས་ཅད་སྲུང ། །དེ་ནས་ཡེ་ཤེས་ཀྱི་ཕྱག་རྒྱ་དེ་རྣམས་ཀྱི་སྙིང་པོ་ནི་འདི་དག་ཡིན་ནོ། །ཧཱུཾ་སརྦ་བཛྲ་ཀྲོ་དྷ་ཨཱ་བེ་ཤ་ཨཿ ། ཧོ་རཏྣ་བཛྲ་ཀྲོ་དྷ་བྷཱ་ཥ་མཱ་ན་ཡ་ཏྲཾ་ཧཱུཾ། བཛྲ་དྷརྨ་ཀྲོ་དྷ་ནཱ་ཤ་ཡ་ཕཊ། ཧཱུཾ་ཀརྨ་བཛྲ་ཀྲོ་དྷ་རཀྵ། དེ་ནས་ལྷ་རྣམས་དགུག་པའི་ཡེ་ཤེས་ཀྱི་ཕྱག་རྒྱ་བསླབ་བོ། །ཧཱུཾ་ཞེས་བྱ་བ་བཅིངས་ནས་ནི། །ལག་པ་རྡོ་རྗེ་ལྕགས་ཀྱུར་བསམ། །ཁྲོས་ནས་མཛུབ་མོ་བསྐུལ་བ་ནི། །ལྷ་རྣམས་དགུག་པའི་མཆོག་ཏུ་འགྱུར། །རང་གི་རྐང་མཐིལ་དབུས་སུ་ནི། །རྡོ་རྗེ་ལྕགས་ཀྱུ་བྲིས་ནས་སུ། །དེ་ཉིད་ཀྱིས་ནྀ་རྟག་མནན་ན། །ལྷ་རྣམས་ངེས་པ་ཉིད་དུ་དགུག ། །རྡོ་རྗེ་ལྕགས་ཀྱུ་ཉིད་ཕྱག་རྒྱ། །ལེགས་པར་ཕྱེ་སྟེ་བཞག་ནས་སུ། །བསྐུལ་ནས་ཨུ་མ་ལ་སོགས་པ། །བུད་མེད་ཐམས་ཅད་འགུགས་པར་བྱེད། །རྡོ་རྗེ་ལྕགས་ཀྱུ་བཞག་པ་ནི། །མཛུབ་མོ་ཉིད་དུ་དེ་བཞིན་དེ། །དེས་མནན་ལྷ་ཡི་གང་ཡིན་པ། །དེ་ནི་འགུགས་པའི་དམ་པའོ། །དེ་དག་གྀ་སྙིང་པོ་ནི་འདི་ཡིན་ནོ། །ོཾ`་བཛྲ་ཀྲོ་དྷ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀརྨ་ཨཾ་ཀུ་ཤ་ཀྲོ་དྷ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་དཎྜ་ཨཱ་གྲ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་སཾ་གཙྪ་ཨཱ་ཀཪྵ་ཡ་མི་ཏེ་བཛྲ་ས་མ་ཡ་མ་ནུ་སྨ་ར་ཧཱུཾ་ཕཊ། དེ་ནས་ཕྱག་རྒྱ་རྣམ་བཞིའི་ཡེ་ཤེས་བསླབ་བོ། །བརྐྱང་ཞིང་བསྐུམ་པར་གནས་པ་ནི། །རྡོ་རྗེ་དབབ་པའི་ཚུལ 91.65a གྱིས་ནི། །ཧཱུཾ་ཙམ་གྱིས་ཀྱང་སྐད་ཅིག་གིས། །སྐྱེ་བོ་ཐམས་ཅད་འབེབས་པར་བྱེད། །རྡོ་རྗེ་དག་ནི་ལེགས་པར་སྨྲས། །ཧཱུཾ་ཞེས་བྱ་བ་བཞི་ལྡན་པས། །སངས་རྒྱས་ཀུན་གྱི་སྙིང་པོ་ཡིས། །ཐམས་ཅད་ཀྱང་ནི་ངེས་པར་འགུགས། །རྡོ་རྗེ་ཁྲོ་བོར་མཉམ་བཞག་ནས། །རྡོ་རྗེ་ཁྲོ་བོའི་ལྷ་མཆོག་གིས། །སྐྱེ་བོ་ཐམས་ཅད་གསོད་བྱེད་ཅིང ། །རྡོ་རྗེ་ཧཱུཾ་གི་རྣལ་འབྱོར་ཏོ། །ཡིད་ཀྱིས་ལུས་ལ་གོ་བགོ་བ། །བདག་གམ་ཕ་རོལ་རྣམས་ལ་སྟེ། །གོ་ཆ་ཆེན་པོའི་སྦྱོར་བས་ནི། །སྐྱེ་བོ་དེ་དག་ཐམས་ཅད་བསྲུང ། །དེ་ནས་དེ་དག་གི་སྙིང་པོ་ནི་འདི་དག་ཡིན་ནོ། །ོཾ་བཛྲ་ཀྲོ་དྷ་ཀཱ་ཡ་ཨཱ་བེ་ཤ་ཡ་ཧཱུཾ་ཕཊ། ཨོཾ་བཛྲ་བི་དྱོཏྟ་མ་མ་ཧཱ་ཀྲོ་དྷ་ཨཱ་ན་ཡ་ཧོ་བྷ་ག་བཱན་བཛྲ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏིཥྛ་ཧ་ན་ད་ཧ་པ་ཙ་བ་ནཱི་ཤ་ཡ་ཧཱུཾ་ཀ་རེ་ན་པཱ་ཏ་ཡ་བཛྲ་ས་མ་ཡ་ཧཱུཾ་ཕཊ། ཨོཾ་མ་ནོ་དྲི་ཌྷ་བཛྲ་ཀ་བ་ཙ་ཀྲོ་དྷ་རཀྵ་ཧཱུཾ་ཕཊ། དེ་ནས་སེམས་ཅན་ཐམས་ཅད་རྒྱས་བཏབ་པའི་ཕྱག་རྒྱའི་ཡེ་ཤེས་དང ། རྡོ་རྗེ་ཁྲོ་བོར་མཉམ་བཞག་ནས། །བཛྲ་ཧཱུཾ་ཞེས་བཟླས་པ་ཡིས ། །གང་དང་གང་ལ་ཀུན་ཞུགས་པ། །ཕྱག་རྒྱས་བཏབ་པར་དེ་གྱུར་ཏོ། །སྒྲ་ཆེན་དུ་ནི་བརྗོད་པར་བྱ། ཊཀྐི་ཧཱུཾ་ཕཊ། ཁྲོས་ནས་ལན་གཅིག་གང་ལ་སྨྲས། །རྡོ་རྗེ་འབར་བས་དེ་མངོན་བཀུག་།རྡོ་རྗེ་ཁྲོ་བོའི་ཏིང་འཛིན་ཅིང ། །རྡོ་རྗེའི་ལྟ་བས་བལྟས་པ་ཡི། །སེམས་ཅན་གང་དང་གང་ཡིན་པ། །དེ་དང་དེ་ནི་འཆི་བར་འགྱུར། །བསོད་སྙོམ་ཡིད་ལ་བསམས་ནས་སུ། །སྙིང་གར་རྡོ་རྗེ་བསྒོམ་པར་བྱེད། །ཧཱུཾ་ཞེས་བྱ་བ་ཡིད་ཀྱིས་སུ། །རང་གི་རྒྱས་ནི་འདེབས་པར་དགོངས། །སེམས་ཅན་གང་ལ་གང་གིས་སུ། །ཡིད་ཀྱི་རྒྱས་ནི་འདེབས་པ་འདི། །ཕྱག་རྒྱ་འདིས་ནི་ཤིན་དུ་ཡང ། །ལས་རྣམས་ཐམས་ཅད་བསྒྲུབ་པར་བྱ། །དེ་ནས་དེ་དག་གི་སྙིང་པོ་ནི་འདི་དག་གོ། །ཊཀྐི་ཨ། ཊཀྐི་ཛ། ཊཀྐི་ཧཱུཾ`། ཊཀྐི་ཧཾ། ཕྱག་རྒྱ་རེ་རེས་ཀྱང་ལས་བཞི་རྣམས་ལ་ཕྱག་རྒྱའི་སྙིང་པོ་བཞིས་སྦྱར་རོ། །དེ་ནས་གསང་བ་ཁྲོ་བོའི་ཕྱག་རྒྱའི་ཡེ་ཤེས་བསླབ་བོ། །ཡན་ལག་ཀུན་གྱིས་འཁྱུད་ནས་ནི། ། 91.65b ཧཱུཾ་ཞེས་ཡུལ་ལ་སྦྱར་བྱ་བ། །དབང་པོ་གཉིས་ནི་སྤྲད་བྱས་ནས། །དེ་ཡི་སྲོག་ནི་མ་རུང་འགྱུར། །ཧཱུཾ་ཞེས་བྱ་བར་ལྡན་པ་ཡིས། །མཆུ་སྤྲད་སོས་ནི་མཆུ་བཟུང་ནས། །དབང་པོ་གཉིས་ནི་རབ་སྤྲད་པ། །གང་ཡིན་དེ་ནི་མངོན་སུམ་འགྱུར། །ཧཱུཾ་ཞེས་སྦྱོར་བ་གང་ཡིན་པ། །དེ་ནི་བདེ་བ་མྱོང་བར་འགྱུར། །དབང་པོ་གཉིས་ནི་སྤྲད་གྱུར་ན། །གང་ཡིན་དེ་ནི་སྡུག་བསྔལ་འཐོབ། །ཧཱུཾ་ཞེས་བྱ་བ་གང་སྦྱོར་ཞིང ། །དབང་པོ་གཉིས་ནི་སྤྲད་ནས་ཀྱང ། །ཡན་ལག་ཀུན་གྱིས་བཙིར་གྱུར་ན། །དེ་ཡི་ལུས་ནི་བསྲུངས་པར་འགྱུར། །དེ་དེས་དེ་དག་གི་སྙིང་པོ་ནི་འདི་དག་གོ། །ཧཱུཾ་ཨ། ཧཱུཾ་ཛ། ཧཱུཾ་ཧོ། ཧཱུཾ་ཧཾ། ཧེ། དེ་ནས་འཇིག་རྟེན་གསུམ་ལས་རྒྱལ་བའི་དཀྱིལ་འཁོར་ཆེན་པོའི་དམ་ཚིག་དེ་ཉིད་ཀྱི་ཕྱག་རྒྱའི་ཡེ་ཤེས་བསླབ་བོ། །གང་གིས་སེམས་ཅན་ཕན་པའི་ཕྱིར། །རྡོ་རྗེ་དབྱིངས་ཀྱི་ཚུལ་གྱིས་ནི། །སངས་རྒྱས་རྗེས་སུ་དྲན་བྱས་ན། །དེ་ནི་སངས་རྒྱས་འཐོབ་པར་འགྱུར། །དབང་ཕྱུག་དང་ནི་ཨུ་མ་ཡང ། །ས་ལ་བྲིས་ཏེ་དེ་ལྟར་གནན། །ཇི་ལྟར་བྲིས་པའི་གོ་རིམ་བཞིན། །སེམས་དཔའི་ཕྱག་རྒྱ་བཅིང་བར་བྱ། །དེ་ནི་བཅིངས་པ་ཙམ་གྱིས་ཀྱང ། །དེ་ནི་འཇིག་རྟེན་གསུམ་རྒྱལ་བ། །རྡོ་རྗེ་ཧཱུཾ་དང་འདྲ་བ་ཡི། །དངོས་གྲུབ་རྫུ་འཕྲུལ་མྱུར་དུ་འགྲུབ། །ཇི་ལྟར་རི་མོར་བྲིས་པ་བཞིན། །འབར་བས་བསྐོར་བའི་དབུས་བཞུགས་པ། །སྐུ་གསུང་ཐུགས་ནི་རྡོ་རྗེ་ཡིས། །སེམས་དཔའི་ཕྱག་རྒྱ་བཅིང་བར་བྱ། །དེ་ནས་དེ་རྣམས་ལས་བཤད་དེ། །རྡོ་རྗེ་ལས་ནི་བླ་ན་མེད། །སངས་རྒྱས་རྗེས་སུ་དྲན་གྲུབ་པས། །མྱུར་དུ་སངས་རྒྱས་ཉིད་འཐོབ་བོ། །འཇིག་རྟེན་གསུམ་ལས་རྒྱལ་བཅིངས་ན། །འཇིག་རྟེན་གསུམ་ལས་རྣམ་རྒྱལ་འགྱུར། །རྡོ་རྗེ་ཚེ་དང་ཀུན་དུ་འགྲོ། །རྡོ་རྗེ་ཧཱུཾ་ཞེས་བྱ་བ་འདྲ། །རྡོ་རྗེ་དབང་གིས་རྒྱལ་པོར་འགྱུར། །ཆོས་བཟང་ལྡན་པས་འཇིག་རྟེན་དབང ། །ལས་ཀྱི་རྡོ་རྗེ་ཁྲོ་བོ་ཆེ། །རྡོ་རྗེ་ལས་ནི་བྱེད་པར་འགྱུར། །སེམས་དཔའ་ཁྲོ་བོར་རབ་ཏུ་བརྟན། །ཁྲོ་བོའི་ལྕགས་ཀྱུས་ཡང་དག་འགུགས། །ཁྲོ་བོ་ཆགས་པས 91.66a ཆགས་པར་བྱེད། །ཁྲོ་བོ་ལེགས་པས་དགའ་བ་སྟེར། །ཁྲོ་གཉེར་གྱིས་ཀུན་མ་རུངས་བྱེད། །ཁྲོ་བོ་ཉི་མས་གཟི་བརྗིད་མཆོག་།དཔལ་གྱི་ཁྲོ་བོ་དོན་རྣམས་བསྡུད། །ཧ་ཧ་གོད་པས་བདུད་བྱེད་དོ། །ཆོས་ཀྱི་ཁྲོ་བོས་ཆོས་རྣམས་བདུད། །རྡོ་རྗེ་རལ་གྲིས་གཅོད་པ་སྟེ། །རྒྱུ་ཡི་ཁྲོ་བོ་སྡུག་བསྔལ་འཕྲོག་།ཁྲོ་བོ་སྨྲ་བས་ཚིག་འཕྲོག་གོ། །ལས་ཀྱི་ཁྲོ་བོ་ལས་རབ་སྟེ། །སྲུང་བ་ཡིས་ནི་བསྲུང་བར་བྱེད། །ཁྲོ་བོ་གནོད་སྦྱིན་དགྲ་ཡང་ཟ། །ཁྲོ་བོའི་ཁུ་ཚུར་དངོས་གྲུབ་སྟེ། །དེ་ནས་རྡོ་རྗེ་དམ་ཚིག་གི་ཕྱག་རྒྱ་བཅིང་བ་བཤད་དོ། །རྡོ་རྗེ་གཉིས་སུ་གྱུར་པ་སྟེ། །དམ་ཚིག་མཆོག་ཏུ་གྲགས་པ་ཡིན། །དེ་དག་བཅིང་བ་བཤད་པར་བྱ། །ཁྲོ་བོའི་བཅིང་བ་བླ་ན་མེད། །ལག་ངར་རྡོ་རྗེར་བྱས་ནས་ནི། །མཐེའུ་ཆུང་ལྕགས་ཀྱུར་བཅིང་བར་བྱ། །མཛུབ་མོ་གཉིས་ཀྱིས་བསྡིགས་པ་ནི། །འཇིག་རྟེན་གསུམ་ལས་རྒྱལ་ཞེས་བྱ། །དེ་བཞིན་མཛུབ་མོ་ངོས་སྦྱར་ཏེ། །ནོར་བུ་འདྲ་བར་རབ་ཏུ་དགུག་།གུང་མོ་མཉམ་བསྒྲེང་པད་མར་བྱ། །གུང་མོ་མཛུབ་མོ་གཉིས་ཀས་བསྡིགས། །མཛུབ་མོ་གཉིས་ཀ་རྡོ་རྗེར་བྱ། །གཡས་པ་ལྕགས་ཀྱུར་དགུག་པར་བྱ། །དེ་ཉིད་ཧཱུཾ་ཞེས་བྱ་བར་མདུད། །ལེགས་པ་སྦྱིན་པར་དེ་བཞིན་ཏེ། །མཛུབ་གཉིས་དཔྲལ་བའི་གཉར་མར་བཞག་།སྙིང་གར་མཛུབ་མོས་ཉི་མར་བསྐོར། །ལག་པ་བརྐྱང་སྟེ་སྤྱི་བོར་བཞག་།མཛུབ་མོ་ཁ་ནས་རྒོད་ལྟར་བྱ། །མཛུབ་མོའི་སེན་མོ་སྦྱར་བ་སྟེ། །གཡས་པས་རལ་གྲི་བཅིངས་པའོ། །གུང་མཛུབ་མཉམ་བསྒྲེང་འཁོར་ལོ་ཡི། །ཁ་ཡི་ནང་ནས་དབྱུང་བ་དང ། །མཛུབ་མོ་གུང་མོ་རྡོ་རྗེར་བྱ། །མཛུབ་མོ་གཉིས་ནི་མཆེ་བ་ཆེ། །མཛུབ་མོ་བཀུག་པ་རྡོ་རྗེར་བཅིངས། །རྡོ་རྗེ་ལཱ་སྱེ་ལ་སོགས་པ། །སེམས་མའི་ཕྱག་རྒྱས་དེ་ཉིད་ཧཱུཾ`། །ཞེས་དབྱེ་ཆོས་ཀྱི་ཕྱག་རྒྱ་དེ། །ཧཱུཾ`་ཞེས་བྱ་བར་ལྷན་ཅིག་གོ། །དེ་ནས་རྡོ་རྗེའི་དམ་ཚིག་གི་ཆོས་ཀྱི་ཕྱག་རྒྱ་རྣམས་བཤད་དོ། །ཧཱུཾ`་ནི་སངས་རྒྱས་རྡོ་རྗེ་ཡི། །ཏཱཾ`་ནི་རྡོ་རྗེ་སྙིང་པོ་ཡི། །ཧྲཱི་ནི་རྡོ་རྗེ་སྡེ་ཡིའོ། ། 91.66b ་ནི་རྡོ་རྗེ་ཐམས་ཅད་ཀྱི་ཧཱུཾ`་ཧེ། ཏྲཾ`། ཏཾ`། ཧི་ཧི་དེ་ཧ། དྷི་ཀ་དྷི་ཧཱུཾ`། གྲཱ། ཀྲི་བཾ`་དྲྀ་ཨ། རྡོ་རྗེ་ཁྲོ་བོ་མང་པོ་ཡི། །ཆོས་ཀྱི་ཕྱག་རྒྱ་རབ་འགྲུབ་པའོ། །དེ་ནས་རྡོ་རྗེ་དམ་ཚིག་གི་ལས་ཀྱི་ཕྱག་རྒྱ་རྣམས་བཤད་དོ། །རྡོ་རྗེའི་རིགས་ནི་ཆེན་པོ་ཡི། །ལས་ཀྱི་ཕྱག་རྒྱ་མདོར་བསྡུས་ན། །རྡོ་རྗེ་འགྱིང་ལ་སོགས་ཚུལ་གྱིས། །ཁྲོ་བོའི་ཁུ་ཚུར་གཉིས་སུ་བཤད། །གང་དང་གང་གི་ཕྱག་རྒྱ་རྣམས། །ལས་ཀྱི་ཕྱོགས་ནི་གང་དུ་བ། །དེ་དང་དེར་ནི་བསྒྱུར་ནས་ཀྱང ། །ཕྱག་རྒྱ་དེ་ནི་སྦྱར་བར་བྱ། །ཕྱག་རྒྱ་ཐམས་ཅད་ཀྱི་ཆོ་གའོ། །དེ་ནས་འདིར་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་སྤྱིའི་ཕྱག་རྒྱ་བཅིང་བ་བཤད་དོ། །འཇིག་རྟེན་གསུམ་རྒྱལ་ཕྱག་རྒྱ་ནི། །རྡོ་རྗེ་མཛུབ་མོ་དམ་ཚིག་གི་།རྡོ་རྗེ་ཧཱུཾ་ཞེས་སྔགས་ཀྱི་སྟེ། །དངོས་གྲུབ་ཐམས་ཅད་ཡུད་ཀྱིས་འཐོབ། །མཐེའུ་ཆུང་གཉི་ཀ་ལྕགས་ཀྱུར་བཅིང ། །རྡོ་རྗེ་གཉི་ཀའི་བླ་འོག་ཏུ། །དམ་ཚིག་ལྕགས་ཀྱུའི་ཕྱག་རྒྱ་དེ། །སྐད་ཅིག་གིས་ནི་ཐམས་ཅད་འགུགས། །རིག་པ་དམ་པ་ཐམས་ཅད་ཀྱྀ། །འཇིག་རྟེན་གསུམ་ལས་རྒྱལ་ཞེས་བཤད། །ཐམས་ཅད་ཀྱང་ནི་གནོད་པ་སྟེ། །དེ་བཞིན་ལས་རྣམས་ཐམས་ཅད་བྱེད། །རྡོ་རྗེ་མཛུབ་སོར་གཉིས་ལེགས་པར། །རབ་མཉམ་བཞག་པས་མཉམ་ནས་ནི། །ཤི་བ་ཐམས་ཅད་སློང་བ་སྟེ། །རྡོ་རྗེ་སློང་བ་ཞེས་བྱའོ། །རྡོ་རྗེ་གཉིས་ཀ་ལེགས་པར་ནི། །རྡོ་རྗེ་བཅིང་བས་བཅིངས་ནས་སུ། །བཟློག་སྟེ་གཙུག་ཏུ་བཞག་པ་ནི། །ཚེ་དང་ནད་མེད་འཕེལ་བའོ། །རྡོ་རྗེ་བཅིང་བ་དམ་བྱས་ཏེ། །མཐེ་བོ་མཉམ་ནས་ནང་དུ་གཞུག་།མཛུབ་མོ་དམ་པོར་བཀུག་ནས་སུ། །བཅུག་པ་རྐང་པར་འགུགས་པའོ། །འཇིག་རྟེན་གསུམ་རྒྱལ་བཅིངས་ནས་སུ། །གང་གི་གཟུགས་ལ་རྐང་གཡོན་པས། །ལེགས་པར་མནན་པའི་སེམས་ཅན་དེ། །ཟླ་བ་ཕྱེད་ཀྱིས་གྲུབ་པར་འགྱུར། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཅིག་ལ་གཅིག་ནི་བརྡབས་ན་ནི། །སེམས་ཅན་གང་གི 91.67a ལུས་ལ་ནི། །བབས་ན་དེ་ཡང་རྡོབ་པར་བྱེད། །རྡོ་རྗེ་ཕྱག་རྒྱ་གཉིས་བཅིངས་ཏེ། །བདག་གམ་ཕ་རོལ་ཆོ་གར་བྱ། །མཛུབ་མོ་གཉིས་ཀྱིས་བཅིངས་བྱས་ན། །ངེས་པ་ཉིད་དུ་སྲུང་བར་འགྱུར། །རྡོ་རྗེ་མཐིལ་དུ་བཅིངས་ནས་ཀྱང ། །ཡིད་ཀྱིས་ཁྲོས་ནས་དགབ་བྱ་བ། །མཐེ་བོ་རྡོ་རྗེ་དམ་པོ་སྟེ། །རྡོ་རྗེ་རིགས་ཆེན་གྲུབ་པར་འགྱུར། །སེམས་དཔའ་རྡོ་རྗེ་སྲར་བྱ་སྟེ། །མཐེ་བོ་གཉིས་ཀས་གུང་མོ་མནན། །མཐེའུ་ཆུང་རྡོ་རྗེ་རྩེ་མོ་ནི། །རྣོན་པོར་དམ་ཚིག་འཛིན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཛུབ་མོ་གཉིས་བཀུག་བཅིངས་ནས་སུ། །གཅུ་ཞིང་ཕྱིར་གཅུ་བྱས་པ་ནི། །ལྷ་དགུག་པ་ཡི་དམ་པ་ཡིན། །རྡོ་རྗེ་བཅིང་བ་དམ་བྱས་ཏེ། །མཛུབ་མོ་གཉིས་བཀུག་རབ་ཏུ་མནན། །མཐེ་བོ་གཉིས་ཀ་སྦྱར་བ་ཡིས། །དབུས་སུ་བཅིང་བ་བར་སྣང་གིའོ། །རྡོ་རྗེ་ཕྱག་རྒྱ་གཉི་ག་ལས། །མཐེའུ་ཆུང་གཉི་ཀ་བཅིངས་ནས་སུ། །རྒྱབ་སྦྱོར་མཛུབ་མོ་གཉིས་སྦྲེལ་ཏེ། །བསྒྱུར་བ་མཁའ་ལ་སྤྱོད་པའི་འོ། །རྡོ་རྗེ་བཅིངས་པ་བསྡམས་ནས་སུ། །རྡོ་རྗེ་སྲུང་བས་བཅིང་བར་བྱ། །དེ་ནི་ས་པའི་དམ་ཚིག་སྟེ། །ཐམས་ཅད་བྱེད་པས་འདའ་བར་དཀའ། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཡོན་པའི་རྡོ་རྗེ་མཛུབ་མོ་ལ། །མཐེའུ་ཆུང་འཁྱུད་ཅིང་རྟག་ཏུ་གཏོགས། །དེ་ནི་ས་འོག་འགུགས་པའོ། །རྡོ་རྗེ་བཅིངས་པས་སྦྲེལ་བ་ནི། །མཛུབ་མོ་གཉིས་ཀ་དམ་པོ་སྟེའོ། །གུང་མོ་མཐེ་བོ་རྡོ་རྗེར་ནི། །གདུག་པའི་ཕྱག་རྒྱ་འཇོམས་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཉམ་བཞག་སྟེ་ནི་སྙིང་གར་བཞག་།ཁྲོ་བོ་ཁུ་ཚུར་གྱིས་བཙིར་བ། །ཕྱི་རོལ་དཀྱིལ་འཁོར་འཇིག་པའོ། །གཡོན་པའི་རྡོ་རྗེ་མཛུབ་མོ་ལ། །གཡས་པའི་མཛུབ་མོ་བཀུག་པས་བཟུང ། །རབ་ཏུ་ཁྲོས་ནས་དྲག་གཏོགས་ན། །རི་རབ་ཀྱང་ནི་ལྷུང་བར་བྱེད། །གཡོན་པའི་རྡོ་རྗེ་མཛུབ་མོ་ལ། །གཡས་པའི་མཛུབ་མོ་ལྕགས་ཀྱུས་བཟུང ། །རབ་ཏུ་ཁྲོས་ཤིང་བཀུག་པ་ཡིས། །གདོན་རྣམས་ཀུན་ལ་དབང་དུ་བྱེད། །རྡོ་རྗེ་བཅིང་བ་བྱས 91.67b ནས་སུ། །ལག་ངར་སྙིང་གར་ཤིན་དུ་བསྡམས། །རྡོ་རྗེ་མཛུབ་མོས་ཉིད་མཆན་ཁུང ། །བྲུད་པ་ཡིས་ནི་སྙིང་སྦྱིན་ནོ། །མཛུབ་མོ་གཉིས་ཀྱི་རྩེ་མོ་ཡིས། །མཐེ་བོང་གཉིས་ཀྱི་དྲུང་དུ་ནི། །ཡིད་ཀྱིས་ཁྲོས་ནས་བཙིར་བ་བྱ། །རིམས་ལ་སོགས་དགུག་དམ་པའོ། །རྡོ་རྗེ་ཐལ་མོ་དམ་སྦྱར་ཏེ་མཛུབ་མོ་གཉི་ག་བཀུག་ནས་སུ། །མཐེ་བོ་རབ་ཏུ་མཉམ་སྦྱར་བས། །མནན་པ་དེ་ནི་སྡིག་འཕྲོག་པའོ། །རྡོ་རྗེའི་ཕྱག་རྒྱ་གཉིས་ནང་དུ། །མཛུབ་མོ་གཉིས་ནི་སྦས་ནས་ཀྱང ། །ལེགས་པར་གྱེན་དུ་འཕངས་པ་ནི། །ལྷུང་བ་སློང་བའི་དམ་པའོ། །རྡོ་རྗེ་བཅིང་བ་དམ་བྱས་ཏེ། །གུང་མོ་གཉིས་ཀ་ངོས་སྦྱར་ཏེ། །ཐ་མ་བཞི་ཡི་ངོས་སྤྲད་པ། །སྐད་ཅིག་ཏུ་ནི་སྡིག་འདྲལ་ལོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོ་བསྒྲུབ་པའི་ཕྱག་རྒྱ་བཅིང་བ་བཤད་དོ། །རྡོ་རྗེའི་ཕྱག་རྒྱས་བཟུང་ནས་ནི། །དཀྱིལ་འཁོར་དང་པོར་སྲད་བུ་བྲེ། །སྲད་བུ་བྲེས་ལ་ཕྱི་ནས་ནི། །སྲད་བུ་ཇི་བཞིན་བྲེ་བ་བཤད། །རྡོ་རྗེ་ཕྱག་རྒྱ་གཉི་ག་ཡིས། །མཛུབ་མོའི་རྩེ་མོར་རབ་སྦྱར་བ། །བྱས་ནས་མཚོན་རྣམས་ཐམས་ཅད་ལ། །འབར་བའི་ལྟ་བས་དགུག་པར་བྱ། །རྡོ་རྗེའི་མཛུབ་མོས་ལེགས་པར་ནི། །སྦྱར་ལ་རྐན་ཏེ་བསྡམས་ནས་སུ། །རབ་ཏུ་ཁྲོས་ནས་དབྱེ་བ་ནི། །སྒོ་དབྱེ་བ་ཡི་མཆོག་ཡིན་ནོ། །དེ་ནས་རྡོ་རྗེ་རིགས་རྣམས་ཀྱི་ཕྱག་རྒྱ་ཐམས་ཅད་བསྒྲུབ་པ་བཤད་དོ། །གཡོན་བརྐྱང་བ་ཡི་ཚུལ་བྱས་ཏེ། །ཁྲོ་བོ་ཡི་ནི་སྐད་འབྱིན་ཅིང ། །ཁྲོ་བའི་བལྟ་བས་བལྟས་ན་ནི། །ལས་རྣམས་ཐམས་ཅད་སྒྲུབ་པར་བྱེད། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །། བམ་པོ་ལྔ་པ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་ཀྱི་དམ་ཚིག་འབྱུང་བའི་རྡོ་རྗེའི་བྱིན་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང 91.68a གི་རིག་པའི་དམ་པ་འདི་གསུངས་སོ། །ོཾ་སརྦ་བཛྲི་ཎི། བཛྲ་མཱ་ཏེ་ཨཱ་ན་ཡ། སརྦ་བཛྲ་སཏྟྱེན་ཧཱུཾ་ཛ། དེ་ནས་དེ་གསུངས་པ་ཙམ་གྱིས་ཕྱག་རྒྱ་རྡོ་རྗེའི་ཐུགས་ཀ་ནས། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཕྱག་ན་རྡོ་རྗེ་དྲ་བ་བདག་གིས་ལུས་ཐམས་ཅད་འབར་བའི་སྒོ་ནས། རྡོ་རྗེ་ཁྲོ་བོ་གསང་བའི་དམ་ཚིག་གི་ཕྱག་རྒྱའི་ལྷ་མོ་རྣམས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ། དེ་བཞིན་གཤེགས་པ་ཐམས་ཅད་ཀྱི་དོན་བསྒྲུབས་ནས། བཅོམ་ལྡན་འདས་རྡོ་རྗེ་སེམས་དཔའི་བཙུན་མོ་གསང་བ་སྦ་བའི་ཕྱིར། སྐུ་དང་གསུང་དང་ཐུགས་རྡོ་རྗེའི་ཕྱག་རྒྱའི་གཟུགས་སུ་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི། འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཚུལ་གྱིས་ཟླ་བའི་དཀྱིལ་འཁོར་ལ་འདུག་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །གསང་བའི་ཡེ་ཤེས་བླ་ན་མེད། །དེ་བཞིན་གཤེགས་པ་བདེ་བའི་ཕྱིར། །བཙུན་མོ་ཉིད་དུ་གྱུར་པ་ཡིན་ཧྲཱིཿ ། དེ་ནས་ཡང་ཕྱག་ན་རྡོ་རྗེ་རང་གི་རིགས་ཀྱི་དམ་ཚིག་ཕྱག་རྒྱའི་དཀྱིལ་འཁོར་རྡོ་རྗེ་གསང་བའི་དམ་ཚིག་ཅེས་བྱ་བ་འདི་གསུངས་སོ། །དེ་ནས་རབ་ཏུ་བཤད་བྱ་བ། །རྡོ་རྗེའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ཁྲོ་བོའི་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །དཀྱིལ་འཁོར་ལྔ་ཡི་གནས་རྣམས་སུ། །གསང་བའི་ཕྱག་རྒྱ་གཞག་པར་བྱ། །རྡོ་རྗེ་དཀྱིལ་འཁོར་དབུས་སུ་ནི་སངས་རྒྱས་སྐུ་རྣམས་བཞག་པར་བྱ། །སངས་རྒྱས་ཁྲོ་བོ་དམ་ཚིག་ཀྱང ། །ཇི་བཞིན་པར་ནི་མཁས་པས་བྲི། །རྡོ་རྗེ་ཤུགས་ཀྱིས་བརྒལ་ནས་ནི། །ཕྱག་ན་རྡོ་རྗེའི་དཀྱིལ་འཁོར་དེར། །དབུས་སུ་མདུང་རྩེ་མཆུར་བྲིས་ལ ། །རྡོ་རྗེ་རབ་ཏུ་གཞག་བྱ་ཞིང ། །འོད་འབར་དབུས་སུ་བྲི་བར་བྱ། །དེ་ཡི་གོ་རིམ་ཇི་བཞིན་ཏེ། །རྡོ་རྗེ་རྡོ་རྗེ་ལྕགས་ཀྱུ་དང ། །མདའ་དང་དགའ་བ་དེ་བཞིན་ནོ། །རྡོ་རྗེ་ཤུགས 91.68b ཀྱིས་བརྒལ་ནས་ནི། །དཀྱིལ་འཁོར་དམ་པ་གཉིས་པ་ཡང ། །འཁོར་ལོའི་དབུས་ན་གནས་པ་ཡི། །རྡོ་རྗེ་རིན་ཆེན་བྲི་བར་བྱ། །ཁྲོ་གཉེར་དབུས་སུ་རྡོ་རྗེ་བྲི། །དེ་བཞིན་རྡོ་རྗེ་ཉི་རྒྱལ་མཚན། །དེ་བཞིན་སོ་ཡི་ཕྲེང་བ་དེའི། །དངོས་སུ་རྡོ་རྗེ་བྲི་བར་བྱ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་གསུམ་པ་ཡང ། །པད་མའི་དབུས་སུ་གནས་པ་ཡི། །རྡོ་རྗེ་པད་མ་ལྷ་རྫས་བྲི། །འབར་བའི་དབུས་སུ་པད་མ་བྲི། །རལ་གྲི་འཁོར་ལོ་དེ་བཞིན་ནོ། །རྡོ་རྗེའི་ལྕེ་ཡང་ཚུལ་བཞིན་དུ། །རྟག་ཏུ་དེ་ཡི་ཕྱོགས་སུ་གཞག་།རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པ་དམ་པར་ཡང ། །རྡོ་རྗེ་བསྙལ་ལ་རྡོ་རྗེ་བྲི། །རྡོ་རྗེའི་འོད་ནི་ཆེན་པོས་བསྐོར། །དེ་ཡི་ཕྱོགས་ནི་ཐམས་ཅད་དུ། །འབར་བ་ཀུན་གྱིས་དཀྲིགས་པའི་འོད། །རྡོ་རྗེ་ཐམས་ཅད་གོ་ཆ་མཆོག་།རྡོ་རྗེ་མཆེ་བ་ཁུ་ཚུར་མཆོག་།གྲཝ་དང་ཕྱི་ཡི་གནས་རྣམས་ལ། །ཚུལ་བཞིན་དུ་ནི་བྲི་བར་བྱ། །དེ་ནས་རབ་ཏུ་བཤད་བྱ་བ། །ཕྱག་རྒྱ་རིག་པ་མདོར་བསྡུ་ན། ཛྷིཿ ། ཨོཾ་བཛྲ་ཀྲོ་དྷེ་ས་མ་ཡེ་ཛྷིཿ ། ཨོཾ་བཛྲ་ཀྲོ་དྷེ་རོ་ཥ་ཨཾ`་གུ་ཤ་ཨཱ་ན་ཡ་སརྦ་ན་ཛྷིཿ ། ཨོཾ་བཛྲ་རོ་ཥེ་ཀཱ་མ། བཛྲི་ཎི་བ་ཤམྨེ་ཨཱ་ན་ཡ་ཧི་ཛྷིཿ ། ཨོཾ་བཛྲ་དུཥྚ་ཀྲོ་དྷེ་ཏོ་ཥ་ཡ་སརྦ་ན་ཛྷིཿ ། རྡོ་རྗེ་ཛྷིཿ ཞེས་བྱ་བའི་དཀྱིལ་འཁོར་རོ། །ཛིཿ ། ཨོཾ་བཛྲ་བྷྲྀ་ཀུ་ཊཱི་ཀྲོ་དྷེ་ཧ་ར་སརྦ་ཨཪྠ་ན་ཛིཿ ། ཨོཾ་བཛྲ་ཛྭཱ་ལ་མཱ་ལཱ་པྲ་བེ་མ་ཧཱ་ཀྲོ་དྷ་ཨགྣི་ཛྭཱ་ལ་ཡ་སརྦ་ན་ར་བི་རོ་ཥེ་ཛིཿ ། ཨོཾ་བཛྲ་དྷྭ་ཛ་ཨ་གྲྀ་ཀེ་ཡའུ་ར་མ་ཧཱ་ཀྲོ་དྷེ་དེ་ཧི་མེ་སརྦ་ཨཪྠ་ན་ཛིཿ ། ཨོཾ་བཛྲ་ཨཊྚ་ཧཱ་ས་ནི་ཧཱ་ས་ཧཱ་ས་ཨཊྚཱ་ཊྚེ་ཧཱ་སེ་ན་མཱ་ར་ཡ་ཛིཿ ། རྡོ་རྗེ་ཛིཿ ཞེས་བྱ་བའི་དཀྱིལ་འཁོར་ཏོ། དིཿ ། ཨོཾ་བཛྲ་ཤུདྡྷ་ཀྲོ་དྷེ་ཧ་ན་ཧ་ན་མཱ་ར་ཡ་དུཥྚ་ན་དིཿ ། ཨོཾ་བཛྲ་ཏཱིཀྵྞ་ཀྲོ་དྷེ་ཙྪིནྡ། བཛྲ་ཀོ་ཥེ་ན། སརྦ་ནི་དིཿ ། ཨོཾ་བཛྲ་ཧེ་ཏུ་མ་ཧཱ་ཀྲོ་དྷེ་པྲ་བེ་ཤ་ཙཀྲ་པྲ་བེ་ཤ་ཡ་སརྦ་ན་དིཿ ། ཨོཾ་བཛྲ་ཛི་ཧཱ་མ་ཧཱ་ཀྲོ་དྷེ་བ་ཤེ་བ་ཙ་མུཉྩ་དིཿ ། རྡོ་རྗེ་དིཿ ཞེས་བྱ་བའི་དཀྱིལ་འཁོར་རོ། །ཧཱིཿ ། ཨོཾ་བཛྲ་སརྦ་ན་མུ་ཁེ་ཀརྨ་བཛྲ་ཎི་མ་ཧཱ་ཀྲོ་དྷེ་ཀུ་རུ་ཀུ་རུ་སརྦ་ན་ཧཱིཿ ། ཨོཾ་བཛྲ་ཀ་བ་ཙ་ཀྲོ་དྷེ་རཀྵ་མ་མ་ཧིཿ ། ཨོཾ་བཛྲ་ཙཎྜ་ཀྲོ་དྷེ་མ་ཧཱ་ཡཀྵི 91.69a ནི་བཛྲ་དཾཥྚྲཱ་ཀཱ་རཱ་ལ་བྷཱིཥ་ནེ་པ་ཡ་ཧིཿ །[་\ུ0f00]་བཛྲ་ཀྲོ་དྷེ་མུཥྚི་བནྡྷ་ཧིཿ ། རྡོ་རྗེ་ཧིཿ ཞེས་བྱ་བའི་དཀྱིལ་འཁོར་རོ། །དེ་ནས་དཀྱིལ་འཁོར་གྱི་གྲཝ་རྣམས་སུ། རྡོ་རྗེ་གར་ལ་སོགས་པ་གསང་བའི་མཆོད་པའི་རིག་པའི་སྙིང་པོ་རྣམས་གསུངས་པ། ཨོཾ་བཛྲ་ཧཱུཾ་ཁོ། བཛྲ་ཧཱུཾ་གྷུཾ། བཛྲ་ཧཱུཾ་ཏེ། བཛྲེ་ཧཱུཾ་ཏྭཾ། ཕྱི་རོལ་གྱི་གྲཝ་རྣམས་སུ་སིལ་སྙན་གྱི་མཆོད་པའི་སྙིང་པོ་རྣམས་བརྗོད་པར་བྱའོ། །ོཾ་བཛྲ་ཏྲི་ཏེ། བཛྲ་ཌཾ`་ཌ། བཛྲ་དྷཱ་ཏུ། བཛྲ་ཌཽ་མྨུ་དྷ། དེ་ནས་སྒོ་བའི་མཆོད་པའི་སྙིང་པོ་རྣམས་གསུངས་པ། བཛྲ་ཛཿ ཛཿ ། བཛྲ་ཧཱུཾ་ཧཱུཾ། བཛྲ་བཾ་བཾ། བཛྲ་ཨཿ ཿ ། དེ་ནས་རྡོ་རྗེའི་རིགས་ཀྱི་གསང་བའི་དཀྱིལ་འཁོར་དུ་འཇུག་པའི་ཆོ་ག་རྒྱས་པ་འདི་བཤད་དོ། །དེ་ནས་དེ་ལ་ཐོག་མ་ཉིད་དུ་རེ་ཞིག་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོར་འཇུག་པའི་ཚིག་བཞིན་དུ་གཞུག་སྟེ། རྡོ་རྗེ་གསང་བའི་རྡོ་རྗེ་རིགས་ཀྱི་དམ་ཚིག་གི་ཕྱག་རྒྱ་དང་འདྲ་བའི་ཕྱག་རྒྱ་དང་ཉེ་བའི་ཕྱག་རྒྱ་དང་ཡེ་ཤེས་ཀྱི་ཕྱག་རྒྱ་རྣམས་ཀྱིས་རྡོ་རྗེ་འཆང་བ་མཆོད་པའི་ཕྱིར་གར་གྱིས་མཆོད་པར་བྱའོ། །དེ་ལ་གར་དང་གར་གྱི་ལན་དང་ཉེ་བའི་གར་དང་ཡེ་ཤེས་ཀྱི་གར་རྣམས་ཀྱིས་མཆོད་པའི་ཕྱག་རྒྱའི་ཡེ་ཤེས་ནི་འདི་ཡིན་ནོ། །དེ་ལ་དང་པོ་ཉིད་དུ་རྡོ་རྗེ་དབྱིངས་སུ་བསྡུས་པའི་སྙིང་པོས་རྡོ་རྗེ་གླུ་ལེན་ཅིང་དེ་བཞིན་གཤེགས་པ་ཐམས་ཅད་ལ་བསྟོད་པས་མཆོད་པ་བྱས་ནས། རྡོ་རྗེ་སློབ་དཔོན་གྱིས་སེམས་མ་རྡོ་རྗེའི་ཕྱག་རྒྱ་དྲག་ཏུ་གཏོག་པར་བྱའོ། །དེ་ནས་ཇི་སྙེད་བཞུགས་པ་རྣམས་ཕྱག་རྒྱ་རྣམས་ཀྱིས་ཡང་དག་པར་དབབ་པར་བྱའོ། །རྡོ་རྗེ་གར་གྱི་ཚུལ་གྱིས་ནི། །རྡོ་རྗེ་ཁྲོ་བོའི་མཛུབ་མོ་གཉིས། །རྡོ་རྗེ་ཧཱུཾ་མཛད་ཕྱག་རྒྱར་ནི། །སྙིང་གར་ཤིན་དུ་བཅིང་བར་བྱ། །དེ་ནས་གར་གྱི་ཆོ་ག་ཡི། །རྡོ་རྗེ་ཁྲོ་བོ་ལྕགས་ཀྱུ་ཡིས། །སངས་རྒྱས་ཐམས་ཅད་སྤྱན་དྲང་ངོ ། །རྡོ་རྗེ་མདའ་ནི་འཕང་བ་བྱ། །རྡོ་རྗེ་མདའ་ནི་འཕངས་ནས་ཀྱང ། །རྡོ་རྗེ་དགའ་བས་བསྒྲུབ་པར་བྱ། །ཕྱག་རྒྱ་ཆོ་ག་བཞིན་བཀྲོལ་ཏེ། །ཐལ 91.69b མོ་བརྡབ་ཅིང་བཅིང་བར་བྱ། །མཆོད་པའི་ཆོ་ག་འདི་ཡིས་ནི། །ཕྱག་ན་རྡོ་རྗེ་མཉེས་པར་བྱ། །མཉེས་ནས་དགོས་པ་ཐམས་ཅད་ནི། །འདོད་བཞིན་སྐད་ཅིག་ཉིད་ཀྱིས་འགྲུབ། །དེ་ལ་གར་གྱི་ཕྱག་རྒྱའི་སྙིང་པོ་ནི་འདི་རྣམས་ཡིན་ནོ། །སདྷྱ་བཛྲ། ཨཱ་ན་ཡ་བཛྲ། རཱ་ག་ཡ་བཛྲ། སཱ་དྷུ་བཛྲ། དེའི་འོག་ཏུ་ལན་གྱི་གར་གྱི་མཆོད་པ་བྱ་སྟེ། དེ་བཞིན་གར་གྱི་གཡོན་པ་ནི། །ཁུ་ཚུར་གཡས་པས་བཟུང་ནས་ནི། །བསྒྱུར་ཞིང་མཛུབ་མོའི་ངོས་ཀྱིས་ནི། །དཔྲལ་བ་ཉིད་ལ་གཞག་པར་བྱ། །དེ་བཞིན་གར་བྱེད་ཉི་མ་ཡང ། །བསྐོར་ནས་ཡང་དག་དགུག་པར་བྱ། །རྡོ་རྗེ་རྒྱལ་མཚན་བསླང་ནས་ནི། །རྡོ་རྗེ་ཧ་ཧ་ཞེས་རྒོད་ཅིང ། །མཆོད་པ་འདི་ནི་ཆོ་ག་ཡིས། །རྒྱལ་པོ་ལ་སོགས་མི་ཀུན་ཀྱང ། །དབང་དང་རབ་ཀྱི་གཟི་བརྗིད་དང ། །སྦྱིན་དང་དགོས་པས་མཉེས་པར་བྱེད། །དེ་ལ་དེ་རྣམས་ནི་ལན་ཕྱག་རྒྱའི་སྙིང་པོ་ནི་འདི་རྣམས་ཡིན་ནོ། ། ཧི་བཛྲ་ཛྭཱ་ལ་ཡ་བཛྲ། ད་ཧི་བཛྲ་ཧཱ་ས་ཧཱ་ས་བཛྲ། དེ་བཞིན་གར་ཀྱང་དཀྲོལ་ནས་ནི། །པད་མ་ཁ་འབུས་སྦྱར་བ་ཡི། །མཛུབ་མོའི་རྩེ་མོ་སྙིང་གར་གཞག་།བསམ་པ་གཡོས་པས་འདུད་པར་བྱ། །དེ་བཞིན་གར་བྱེད་རྡོ་རྗེ་ཡིས། །རལ་གྲིས་བགེགས་ནི་གཅོད་ལྟར་བྱ། །མགལ་མེའི་འཁོར་ལོ་བསྐོར་བ་ཡིས། །འཁོར་ལོའི་དཀྱིལ་འཁོར་ཚུལ་དུ་བསྐོར། །རྡོ་རྗེ་ཚིག་ཏུ་གླུ་ལེན་ལྟར། །ཕྱག་ན་རྡོ་རྗེ་མཆོད་པར་བྱ། །མཆོད་པ་འདི་ཡི་ཆོ་ག་ཡིས། །ཐམས་ཅད་ངེས་པ་ཉིད་དུ་འགྱུར། །དེ་ལ་འདི་རྣམས་ནི་ཉེ་བའི། །ཕྱག་རྒྱའི་སྙིང་པོ་རྣམས་ཡིན་ནོ། །ཀཱ་མ་ཡ་བཛྲ། ཙྪིནྡ་ཡ་བཛྲ། བྲཱ་ཡ་བཛྲ། བྲུ་ཧི་བཛྲ། རྡོ་རྗེ་ཁྲོ་བོའི་མཛུབ་ཡང་དག་།རྐན་ནས་རྩེ་མོ་སྦྱར་ནས་ཀྱང ། །བསྒྱུར་ཏེ་དེ་ནས་གཙུག་ཏོར་དུ། །མཛུབ་མོའི་རྩེ་མོ་གཞག་པར་བྱ། །རྡོ་རྗེ་ལས་ཀྱི་ཚུལ་གྱིས་ནི། །ལུས་ཀུན་མཆོག་གི་དཀྱིལ་འཁོར་དུ། །གར་གྱི་ཆོ་གས་བསྟན་པར་བྱ། །སྙིང་གར་རབ་ཏུ་གཞག་པར་བྱ། །དེ་བཞིན་གར་གྱི་ཆོ་ག་བཞིན། །རྡོ་རྗེ་བསྲུང་བ་བཅིང་བར་བྱ། ། 91.70a རྡོ་རྗེ་མཆེ་བ་བཅིངས་ནས་ནི། །རྡོ་རྗེའི་བཅིང་བས་མནན་པར་བྱ། །མཆོད་པ་འདི་ཡི་ཆོ་ག་ཡིས། །ལས་རྣམས་ཀུན་ཀྱང་ནུས་པར་འགྱུར། །མཆོད་པ་རྣམ་བཞི་བྱས་ནས་ནི། །ཆོ་ག་བཞིན་དུ་ཕྱག་རྒྱ་བཀྲོལ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ནརྀ་ཏྱ་བཛྲ། རཀྵ་བཛྲ། ཁཱ་ད་བཛྲ། བནྡ་བཛྲ། དེ་ནས་ཁྲོ་བོའི་གསང་བའི་ཕྱག་རྒྱའི་ཡེ་ཤེས་བསླབ་པོ་རྡོ་རྗེ་གསང་བའི་ལག་གཉིས་ཀྱིས། །ཁྲོས་པའི་ཡིད་ཀྱིས་དྲག་གཏོག་བྱ། །སྐྱེ་བོ་གང་གི་མིང་སྨོས་པ། །དེ་ཡི་སྙིང་པོ་འགས་པར་འགྱུར། །མ་མཆུ་སོ་ཡིས་བཟུང་ནས་སུ། །གང་གི་མིང་སྨོས་གཟིར་བ་ནི། །དེ་ཡི་མགོ་ཡང་མྱུར་འགས་ཏེ། །གང་གི་བཀའ་ལས་འདས་པའི་འོ། །ཁྲོ་བོ་ཁྲོ་ཆེན་ལྟ་བ་ཡི། །མིག་ཀྱང་འཛུམས་པར་བྱེད་པ་ནི། །གང་གི་མིང་ནི་སྨོས་བལྟས་པ། །དེ་ཡི་མིང་ནི་རྡོལ་བར་འགྱུར། །རྡོ་རྗེ་ཁྲོ་བོར་མཉམ་བཞག་ལ། །བདག་རང་གི་ཡང་སྙིང་གར་ཡང ། །རྡོ་རྗེ་བཅིངས་པ་བཙིར་ན་ནི། །དེ་ཡི་སེམས་ནི་འཇིག་པར་བྱེད། །དེ་ལ་དེ་དག་གི་སྙིང་པོ་རྣམས་ནི་འདི་ཡིན་ནོ། །ཧཱུཾ་བཛྲ་སྥོ་ཊ་ཐཿ ཧཱུཾ་བཛྲ་མུ་ཀ་བཛྲ་ཐཿ ། ཧཱུཾ་བཛྲ་ནེ་དྲ་ཐ་ཧཱུཾ`། ཧཱུཾ་བཛྲ་མ་ནེ་ཐ་དེ་ནས་རྡོ་རྗེ་ཆེན་པོའི་རིགས་ཀྱི་གསང་བའི་ཕྱག་རྒྱའི་ཡེ་ཤེས་བསླབ་བོ། དེ་ལ་དང་པོར་རེ་ཤིག་ཕྱག་རྒྱ་ཆེན་པོ་བཅིང་བ་བཤད་དོ། །མཐེའུ་ཆུང་ལྕགས་ཀྱུ་བཅིངས་ནས་ནི། །རྡོ་རྗེ་ཁྲོ་བོ་གཞག་པར་བྱ། །གཡོན་པར་རྩེ་གསུམ་རྒྱབ་ཏུ་ནི། །འཇིག་རྟེན་གསུམ་ལས་རྒྱལ་ཞེས་བཤད། །གཡོན་པ་མཛུབ་མོ་ཐད་ཀར་བརྐྱང ། །དེ་བཞིན་བཀན་པ་པད་མ་ནི། །དེ་བཞིན་དུ་ཡང་བསྒྱུར་ནས་ནི། །གཡོན་པའི་རྡོ་རྗེར་གཞག་པར་བྱ། །རྡོ་རྗེ་མཐིལ་དུ་བཅིངས་བྱས་ཏེ། །འཁྲོས་པ་ཡིས་ནི་དགའ་བྱ་ཞིང ། །མཐེ་བོཾ་རྡོ་རྗེ་དམ་པས་སོ། །ཁྲོ་བོ་ཏེ་རྀནྟི་རཱིར་བཤད། །མཛུབ་མོ་ལྕགས་ཀྱུ་དགུག་པ་ཉིད། །མཛུབ་མོ་ངོས་ནི་སྦྱར་བའོ། །དེ་བཞིན་མཛུབ་གཉིས་ལེགས་སྦྱིན་པ། །མཛུབ་མོ་སྤྲད་དེ་དཔྲལ་བར་གཞག་།སྙིང་གར་ཉི་མ་རབ་ཏུ་བརྟན། །མཛུབ་མོ་བསྙམས་ནས་སྤྱི་བོར་གཞག་།བསྒྱུར་ནས་དགོད་པར་གཞག 91.70b པར་བྱ། །མཛུབ་བསྙམས་པད་མ་ཁ་འབུས་བཞིན། །གཉིས་ཀ་རལ་གྲི་ཆད་པར་འཛིན། །མཛུབ་གཉིས་འཁོར་ལོར་བཅིངས་པའོ། །མཛུབ་མོ་བསྙམས་ཏེ་ཁ་ནས་དབྱུང ། །མཛུབ་མོ་ལེགས་པར་བརྐྱང་བ་དང ། །མཛུབ་མོས་མགུལ་དུ་བཅིང་བར་བྱ། །དེ་གཉིས་ཁ་འགྲམ་མཐེ་བར་བཞག་།ཁུ་ཚུར་དམ་དུ་བཅིངས་པ་ནི། །ཕྱག་རྒྱ་ཆེན་པོ་ཡིན་པར་བཤད། །དེ་ནས་རྡོ་རྗེ་རིགས་ཀྱི་གསང་བའི་དམ་ཚིག་གི་ཕྱག་རྒྱ་བཅིང་བ་བཤད་དོ། །གསང་བའི་ཁུ་ཚུར་ལས་བྱུང་བ། །དམ་ཚིག་མཆོག་ཏུ་རབ་ཏུ་གྲགས། །དེ་རྣམས་བཅིང་བ་བཤད་བྱ་བ། །རྡོ་རྗེ་བཅིང་བ་བླ་ན་མེད། །སྙིང་གར་བཞག་ནས་རྩིབས་ལོགས་གཅུ། །མདའ་དྲང་བ་ནི་གཡོན་པ་ནས། །སྙིང་ག་ནས་ནི་དབྱུང་བར་བྱ། །ཁྲོ་གཉེར་དུ་ནི་བསྒྱུར་ནས་ནི། །ཉི་མའི་དཀྱིལ་འཁོར་སྟོན་པ་དང ། །སྤྱི་བོར་ལག་པ་བརྐྱང་བ་དང ། །བསྒྱུར་ནས་དགོད་པར་གཞག་པར་བྱ། །ཁ་ཡི་དབུས་སུ་རབ་བཞག་པ། །མཛུབ་མོར་རལ་གྲི་འདབས་པ་འདྲ། །འཁོར་ལོ་བསྐོར་བ་བསྟོན་པ་དང ། །ཁ་ནས་རབ་ཏུ་འབྱིན་པ་སྟེ། །སྤྱི་བོར་ལུས་མཆོག་དཀྱིལ་འཁོར་རོ། །དཔུང་པ་སྙིང་ག་རྩིབས་ལོགས་རྣམས། །རྡོ་རྗེ་བསྲུང་བ་དེ་བཞིན་བྱ། །མཆེ་བའི་གནས་སུ་གཞག་པ་དང ། །ཁུ་ཚུར་དམ་དུ་བསྡམས་པའོ། །ཕྱི་རོལ་དཀྱིལ་འཁོར་ཕྱག་རྒྱ་ནི། །མཚན་མའི་གོ་རིམ་བཞིན་དུ་བཅིང ། །དམ་ཚིག་རྡོ་རྗེ་བཅིངས་པ་ལས། །དེ་བཞིན་རྡོ་རྗེ་ཁུ་ཚུར་གཞག་།དེ་ནས་རྡོ་རྗེ་རིགས་ཀྱི་གསང་བའི་ཆོས་ཀྱི་ཕྱག་རྒྱ་རྣམས་བཤད་དོ། །ཕཊཿ ཤཊཿ མཊཿ སཊཿ རཊཿ ཧཊཿ དྷིཊཿ ཧཊཿ པཌྚཿ ཏཌྚཿ ཀཌྚཿ དྷཌྚཿ ཀུཊིཿ རིཊཿ ཁཊཿ པཊཿ ། དེ་ནས་རྡོ་རྗེ་རིགས་ཀྱི་གསང་བའི་ལས་ཀྱི་རིགས་ཀྱི་ཕྱག་རྒྱ་བཅིང་བ་བཤད་དོ། །མདོར་ན་ལས་ཀྱི་ཕྱག་རྒྱ་ནི། །རྡོ་རྗེ་ཁུ་ཚུར་གཉིས་བྱས་ཏེ། །གནས་གང་ཡིན་པར་གཞག་པར་བྱ། །ཁྲོ་བོའི་ལྟ་བ་ཁྲོ་དང་ལྡན། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་ཁྲོ་བོ་གསང་བའི་ཕྱག་རྒྱ་ཆེན་པོའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། 91.71a དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིགས་ཀྱི་ཏིང་ངེ་འཛིན་གྱི་ཡེ་ཤེས་ཀྱི་ཕྱག་རྒྱའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིགས་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་སའུཀྵྨ་བཛྲ་ཀྲོ་དྷཱ་ཧཱུཾ་ཕཊ། དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་འཇིག་རྟེན་གསུམ་ལས་རྣམ་པར་རྒྱལ་བས་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་སུཀྵྨ་བཛྲ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་སའུཀྵྨ་བཛྲ་རཏྣ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་སའུཀྵྨ་བཛྲ་པད་མ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས། འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་སའུཀྵྨ་བཛྲ་ཀཪྨ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་ཡང་བཅོམ་ལྡན་འདས་ཕྱག་ན་རྡོ་རྗེས་རང་གི་རིགས་བསྐྱེད་པའི་ཕྱིར། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་འཁོད་དེ། དེ་རྣམས་ཀྱི་སྙིང་པོ་གསུངས་པ། ཨོཾ་བཛྲ་སཏྭ་སའུཀྵྨ་ཛྙཱ་ན་ཀྲོ་དྷ་ཀྲ་མ་ཧཱུཾ་ཕཊ། ཨོཾ་སའུཀྵྨ་བཛྲ་ཨཾ་གུ་ཤ་ཨཱ་ཀཪྵ་ཡ་མ་ཧཱ་ཀྲོ་དྷཱ་ཧཱུཾ་ཕཊ། ཨོཾ་བཛྲ་སའུཀྵྨ་རཱ་ག་ཀྲོ་དྷཱ་ཨ་ནུ་རཱ་ག་ཡ་ཏི་བི་ཀྲ་མ་ཧཱུཾ་ཕཊ། ཨོཾ་བཛྲ་སའུཀྵྨ་བཛྲ་པུཥྚིཾ་ཀྲོ་དྷཱ་ཧཱུཾ་ཕཊ། ཨོཾ་སའུཀྵྨ་བཛྲ་བྷྲ་ཀུ་ཊཱི་ཀྲོ་དྷཱ་ཧ་ར་ཧ་ར་ཧཱུཾ་ཕཊ། ཨོཾ་སའུཀྵྨ་བཛྲ་ཛྭཱ་ལ་མཎྜ་ལ་ཀྲོ་དྷཱ་སཱུརྱ་ཛྭཱ་ལ་ཧཱུཾ་ཕཊ། ཨོཾ་སའུཀྵྨ་བཛྲ་ཙཀྲ་ཀྲོ་དྷཱ་སརྦ་ཨརྠ་མཱ་མེ་པྲ་ཡཙྪ་ཤྲཱི་ཀྲ་མ་ཧཱུཾ་ཕཊ། ཨོཾ་བཛྲ་སའུཀྵྨ་ཧཱ་ས་ཀྲོ་དྷཱ་མ་ཧཱཊྚ་ཊྚ་ཧཱ་ས། ཧ་ཧ་ཧ་ཧ་ཧཱུཾ་ཕཊ། ཨོཾ་སའུཀྵྨ་བཛྲ་དྷརྨ་བཛྲ་ཀྲོ་དྷཱ་ཡ་ཧཱུཾ་ཕཊ། ཨོཾ་སའུཀྵྨ་བཛྲ་ཙྪེ་ད་ཀྲོ་དྷྀ་ཙྪིནྡ་བྷིནྡ་ཧཱུཾ་ཕཊ། ཨོཾ་སའུཀྵྨ་བཛྲ་ཀྲོ་དྷེ་མ་ཧཱ་ཙཀྲ་ཙྪིནྡ་པ 91.71b ཏཱ་ཡ་ཤྲཱི་པྲ་བེ་ཤ་ཡ་ཧྲྀ་ད་ཡཾ་བྷིནྡ་ཧཱུཾ་ཕཊ། ཨོཾ་སའུཀྵྨ་བཛྲ་ཧཱུཾ་ཀཱ་ར་ཧ་ན་ཏཱ་ཡ་ཝཱ་ཀ་མ་ཏྲེནྣ་ཧཱུཾ་ཕཊ། ཨོཾ་སའུཀྵྨ་བཛྲ་ཀརྨ་ཀྲོ་དྷ་སརྦ་ཀརྨ་ཀཱ་རོ་ད་བྷ་བ། སརྦ་ཀཱ་ར་ཡ་ས་དྷ་ཡ་ཧཱུཾ་ཕཊ། ཨོཾ་བཛྲ་སའུཀྵྨ་ཀ་བ་ཙ་ཀྲོ་དྷཱ་རཀྵ་རཀྵ་ཧཱུཾ་ཕཊ། ཨོཾ་སའུཀྵྨ་བཛྲ་ཡཀྵ་ཀྲོ་དྷཱ་ཧ་ན་བྷ་ཡ་སརྦ་དུཥྚི་ཉྩིཏྟ་མཱ་ཏྲེ་བཛྲ་དཾཥྚཱ་ཧཱུཾ་ཕཊ། ཨོཾ་སའུཀྵྨ་བཛྲ་མུཥྚི་ཀྲོ་དྷ་བནྡྷ་བནྡྷ་ཧཱུཾ་ཕཊ། དེ་ནས་ཡང་ཕྱག་ན་རྡོ་རྗེས་རྡོ་རྗེ་རིགས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་གསུངས་པ། དེ་ནས་རབ་ཏུ་བཤད་བྱ་བ། །ཆོས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ཁྲོ་བོའི་ཡེ་ཤེས་ཞེས་ཀྱང་བཤད། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །དེ་ཡི་དབུས་སུ་སངས་རྒྱས་བྲི། །ཡེ་ཤེས་རྡོ་རྗེའི་དབུས་ཆུད་པའོ། །སངས་རྒྱས་ཀྱི་ནི་ཕྱོགས་ཀུན་དུ། །སངས་རྒྱས་དེ་ཉིད་ཀུན་བྲིས་ཤིག་།རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པོ་རྣམས་སུ་ཡང ། །འཇིག་རྟེན་གསུམ་ལས་རྣམ་རྒྱལ་སོགས། །རིམ་པ་བཞིན་དུ་དགོད་པར་བྱ། །དེ་རྣམས་ཀྱི་ནི་ཕྱོགས་ཀུན་དུ། །རྡོ་རྗེ་ཁྲོ་བོའི་ཆོ་ག་བཞིན། །དེ་ནས་འདིར་རྡོ་རྗེ་རིགས་ཀྱི་ཡེ་ཤེས་ཕྲ་མོའི་དཀྱིལ་འཁོར་གྱི་ཆོ་གའི་རིམ་པ་རྒྱས་པ་བཤད་དོ། །དེ་ལ་དང་པོ་ཉིད་དུ་རེ་ཤིག་བཅུག་ནས་བསྒོ་བ་ནི། དེ་རིང་ཁྱོད་ལ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་ཉིད་དུ་བཅོམ་ལྡན་འདས་ཕྱག་ན་རྡོ་རྗེས་དབང་བསྐུར་གྱིས་དེ་ལེགས་པར་ནན་ཏན་གྱིས་ཤིག་།སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཡོངས་སུ་བསྐྱབ་པའི་ཕྱིར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཕན་པ་དང་བདེ་བ་དང་དམ་པ་གྲུབ་པ་ཐོབ་པའི་འབྲས་བུའི་ཕྱིར་གྱི་བར་དུ་རྡོ་རྗེ་ཁྲོ་བོས་སེམས་ཅན་ཐམས་ཅད་ཀྱང་ཡང་དག་པར་སྦྱང་བའི་ཕྱིར་བདུད་བྱེད་ན་མ་རུངས་པ་ཐམས་ཅད་ལྟ་ཞིག་སྨོས་ཀྱང་ཅི་དགོས། དེ་སྐད་བསྒོ་ནས་གདོང་གཡོགས་དཀྲོལ་ཏེ། དེ་རྣམས་ཀྱི་དཀྱིལ་འཁོར་ཐམས་ཅད 91.72a བསྟན་ནས་རྡོ་རྗེ་ཅི་ལྟ་བ་བཞིན་དུ་ལག་པ་གཉིས་སུ་བྱིན་ནོ། །དེ་ནས་རྡོ་རྗེ་ཁྲོ་བོའི་ཡེ་ཤེས་ཕྲ་མོ་རྣམས་སློབས་ཤིག་།རྡོ་རྗེ་ཧཱུཾ་གི་རྣལ་འབྱོར་གྱིས། །རྡོ་རྗེ་ཕྲ་མོ་བསྟན་བྱས་ལ། །ཧཱུཾ་ཞེས་བྱ་བ་གང་སྦྱར་བ། །དེ་ཡི་སྲོག་ནི་འཇིག་པར་འགྱུར། །རྡོ་རྗེ་ཕྲ་མོ་བསྟན་བྱས་ཏེ། །ཆོ་ག་བཞིན་དུ་མཆེད་པ་ནི། །ཇི་སྲིད་བར་དུ་མཆེད་པ་དེས། །དེ་སྲིད་ཀྱི་ནི་དགྲ་འདི་འཇིག་།རྡོ་རྗེ་ཧཱུཾ་གི་རྣལ་འབྱོར་གྱིས། །རྡོ་རྗེ་ཕྲ་མོའི་ཚུལ་སྦྱར་ལ། །ཁྲོ་བོར་ལྡན་པ་ཇི་སྲིད་མཆེད། །དེ་སྙེད་ཐམས་ཅད་མ་རུངས་བྱེད། །དེ་བཞིན་དེ་ཡི་བསྡུ་བ་ཡང ། །རྣལ་འབྱོར་ཅན་གྱིས་འདོད་ན་ཡང ། །མ་ལུས་པར་ནི་ཐམས་ཅད་ལ། །སླར་ཡང་འཚོ་བ་སྦྱིན་པར་བྱ། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུཾ་ཧཱུཾ་ནཱ་ཤ་ཡ་བཛྲ་ཧཱུཾ་བི་ནཱ་ཤ་ཡ་སརྦ་སུཀྵྨ་བཛྲ་པྲ་ཏྱ་ནཱ་ཡ་ཤཱི་བྷྲཾ་ཧཱུཾ། སེམས་ཅན་གང་གི་དགྲ་ལ་ནི། །ལྷན་ཅིག་གྱུར་པ་ཆེར་བསྟན་པ། །བྱམས་པ་མཆོད་པའི་ཚུལ་གྱིས་ནི། །དགྲ་བོ་སྦྲོ་བས་གཞིག་པར་བྱ། དགྲ་བོ་སྤྲོ་བའི་རྣལ་འབྱོར་གྱིས། །གང་ཡང་རུང་བའི་སྙིང་རྗེ་ཅན། །སྙིང་རྗེ་རྣལ་འབྱོར་དེ་ཡིས་ནི། །གདུག་པ་ཐམས་ཅད་ངེས་འཇིག་གོ་།ཆོས་སམ་ཡང་ན་ཆོས་མིན་པ། །རང་བཞིན་གྱིས་ནི་འོད་གསལ་བ། །དེ་ལྟར་བསྒོམས་ན་སེམས་ཅན་ལ། །ཧཱུཾ་ཞེས་བྱ་བས་འཇིག་པར་བྱེད། །གདུལ་བར་དཀའ་བའི་སེམས་ཅན་གང ། །སངས་རྒྱས་བྱང་ཆུབ་སྣོད་མིན་པ། །དེ་ནས་ཡང་དག་བཤད་པའི་ཕྱིར། །ཧཱུཾ་ཞེས་བྱ་བས་གཞིག་པར་བྱ། །དེ་ལ་དེ་རྣམས་ཀྱི་སྙིང་པོ་རྣམས་ནི་འདི་དག་ཡིན་ནོ། །བྷཻ་ར་བཛྲེ་ཀྲོ་དྷ་ཧཱུཾ་ཕཊ། ཧཱུཾ་བྀ་ཤུད་དྷ་བཛྲ་ཀྲོ་དྷ་ཧཱུཾ་ཕཊ། ཨོཾ་བི་ཤོ་དྷ་ན་བཛྲ་ཀྲོ་དྷ་ཧཱུཾ་ཕཊ། རྡོ་རྗེའི་དབྱིབས་ནི་བྲིས་ནས་ཀྱང ། །ཡིད་ཀྱིས་ཀྱང་ནི་གང་སུ་ཡི། །ཁྱིམ་གྱི་དབུས་སུ་ལྟུང་བསམས་ན། །དེ་ཡི་རིགས་དེ་འཇིག་པར་འགྱུར། །དེ་བཞིན་ཕྲ་བའི་ཆོ་ག་ཡིས། །སྙིང་གར་རྡོ་རྗེ་བསྒོམས་ནས་ཀྱང ། །བྱང་ཆུབ་སེམས་དཔའ་ཆེན་པོའི་གཟུགས། །ལྟུང་ན་རིགས་ནི་འཇིག་པར་འགྱུར། །ཕྱག་ན་རྡོ་རྗེའི་གཟུགས་ཆེན་པོ། །བསྒོམས 91.72b ན་གང་དུ་ལྷུང་བ་དེའི། །སྣང་སྲིད་ཉེས་པ་སྣ་ཚོགས་ཀྱིས། །བཙུན་མོར་བཅས་པ་འཇིག་པར་འགྱུར། །རྣམ་པ་ཀུན་གྱི་མཆོག་ལྡན་པའི། །སངས་རྒྱས་གཟུགས་ནི་བསྒོམས་ནས་ནི། །སྣང་བ་གང་ལ་ལྟུང་བ་ནི། །དེ་ཡི་སྣང་སྲིད་ངེས་པར་འཇིག་།དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཧཱུཾ་བཛྲ་པྲ་བ་ཏ། ཧཱུཾ་བོ་དྷི་སཏྭ་པྲ་བ་ཏ། ཧཱུཾ་བཛྲ་དྷ་ར་པྲ་བ་ཏ། ཧཱུཾ་བུདྡྷ་པྲ་བ་ཏ། རྡོ་རྗེ་ཕྲ་མོ་རབ་སྦྱར་བས། །ཟླ་བའི་གཟུགས་ལ་བདག་རང་ཉིད། །བསྒོམས་ནས་སུ་ནི་བདག་ཉིད་ཡང ། །གང་དུ་ལྷུང་བ་དེར་ལྟུང་འགྱུར། །ཟླ་བ་རྡོ་རྗེ་བདག་རང་ཉིད། །བསྒོམས་ནས་སུ་ནི་བདག་རང་ཡང ། །རབ་ཏུ་ཁྲོས་ནས་གར་ལྟུང་བ། །དེ་ཡི་རིགས་ནི་མོད་ལ་ལྟུང ། །བདག་རང་ཕྱག་ན་རྡོ་རྗེར་ནི། །བསྒོམས་ནས་སུ་ནི་བདག་ཉིད་ཡང ། །གང་དུ་ལྟུང་བ་དེ་ཡི་ཡུལ། །རིང་པོར་མི་ཐོགས་འཇིག་པར་འགྱུར། །བདག་རང་སངས་རྒྱས་གཟུགས་ཉིད་དུ། །བསྒོམས་ནས་སུ་ནི་བདག་ཉིད་ཡང ། །གང་དུ་ལྟུང་བ་དེ་ཡི་ནི། །སྣང་སྲིད་རིང་པོར་མི་ཐོགས་འཇིག་།དེ་ལ་དེ་དག་གི་སྙིང་པོ་རྣམས་ནི་འདི་དག་ཡིན་ནོ། །བོ་དྷཱ་གྲ་པྲ་ཏུ་ཡ་ཧཱུཾ། སཏྭ་བཛྲ་པྲ་བ་ཏ་ཡ་ཧཱུཾ། བཛྲ་སཏྭ་པྲ་བ་ཏ་ཧཱུཾ། བུདྡྷ་པྲ་བ་ཏ་ཡ་ཧཱུཾ། དེ་ནས་རྡོ་རྗེ་རིགས་ཀྱི་ཆོས་ཀྱི་གསང་བའི་ཕྱག་རྒྱ་ཡེ་ཤེས་བསླབ་བོ། །རྡོ་རྗེ་ཁྲོ་བོར་སྙོམས་ཞུགས་ལ། །རང་གི་ལུས་ཀྱིས་ཡོངས་བསྐོར་བ། །རྡོ་རྗེ་ཧཱུཾ་ལས་འཁྱུད་ནས་ནི། །གང་གི་མིང་སྨོས་དེ་འཆིའོ། །རྡོ་རྗེ་ཕྲ་མོ་སྙོམས་ཞུགས་ལ། །སྣ་ནས་ཕྲ་བ་ཐང་གཅིག་མིན། །དབུགས་དང་ཧཱུཾ་ཞེས་བྱ་ཚུལ་གྱིས། །འཇིག་རྟེན་གསུམ་ཡང་ལྟུང་བར་འགྱུར། །རྡོ་རྗེ་ཕྲ་མོའི་ཚུལ་སྦྱར་ལ། །ཁྲོས་ནས་རྡོ་རྗེ་ལྟ་བ་ཡིས། །བལྟས་པས་སུ་ནི་ལྡོངས་པར་འགྱུར། །ཡང་ན་འཆི་བ་རུ་ནི་འགྱུར། །བུ་ག་ནས་ནི་ཞུགས་ནས་ནི། །ཡིད་ཀྱིས་གང་ཡང་རུང་བ་ཡི། །སྙིང་དྲངས་པས་ནི་དེ་ཡིས་ནི། །རང་ངམ་འདི་ཡི་དབང་དུ་འགྱུར། །དེ་ལ་དེ་དག་གི་སྙིང་པོ་རྣམས་གསུངས་པ། ཧཱུཾ་བཛྲ་བ་ལི་ཏ་ཀྲོ་དྷ་མཱ་ར་ཡ་ཧཱུཾ་ཕཊ།[་\ུ0f00]་སའུཀྵྨ་བཛྲ་ཤཝ་ས་བི་ཤྲ་པ་ཏཱ་ཡ་ཧཱུཾ་ཕཊ། ཨོཾ་བཛྲ་དྲཱིཥྚི་བི་ཤ་བི་ཤ་བི 91.73a ནཱ་ཤ་ཡ་ཧཱུཾ་ཕཊ། ཧཱུཾ་ཧྲྀ་ད་ཡ་ཀཱ་ན་ཀྲོ་དྷ་པྲ་བི་ཤ་ཀ་ཡི། ཧྲྀ་ད་ཡ་ཙྪིནྡ་བྷིནྡ་ཀ་ཏ་ཀ་ཏ་ཧཱུཾ་ཕཊ། དེ་ནས་རྡོ་རྗེ་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་བསླབ་བོ། །དེ་ལ་རེ་ཞིག་ཕྱག་རྒྱ་ཆེན་པོ་བཅིང་བ་བཤད་དེ། །རྡོ་རྗེ་ཡེ་ཤེས་སྦྱོར་བ་ཡིས། །འབར་བའི་ཕྲེང་བ་འཁྲིགས་པའི་འོད། །རྡོ་རྗེ་ཁྲོ་བོར་བདག་ཉིད་ནི། །བསྒོམས་ན་དེ་མ་ཐག་ཏུ་འགྲུབ། །དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་བསླབ་བོ། །ཏིང་འཛིན་དམ་ཚིག་ཡེ་ཤེས་ལས། །ཧཱུཾ་ཞེས་བྱ་བ་གཉིས་དང་ལྡན། །ཅི་རིགས་གནས་སུ་བཞག་ནས་ནི། །བསྒྲུབ་པ་ཐམས་ཅད་སྟེར་བའི་མཆོག་།དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ཆོས་ཀྱི་ཕྱག་རྒྱའི་ཡེ་ཤེས་བསླབ་བོ། །ཕཊ། ཤཊ། མཊ། སཊ། རཊ། ཏཊ། ཧྲྀཊ། ཧཊ། པྲཊ། ཏྲཊ། དཊ། བྷཊ། ཀྲྀཊ། རིཊ། ཁཊ། བཊ། ཞེས་བྱ་བ་ནི་ཆོས་ཀྱི་ཕྱག་རྒྱ་མདོར་བསྡུས་བཤད་པའོ། །དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ལས་ཀྱི་ཕྱག་རྒྱའི་ཡེ་ཤེས་བསླབ་བོ། །ཆོས་ཀྱི་ཁུ་ཚུར་གཉིས་བྱས་ཏེ། །ཇི་ལྟར་རིགས་པའི་གནས་སུ་སྦྱར། །ལས་ཀྱི་ཕྱག་རྒྱ་མདོར་བསྡུ་ན། །ཆོ་ག་བཞིན་དུ་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས། རྡོ་རྗེ་རིགས་ཀྱི་ཡེ་ཤེས་ཀྱི་དམ་ཚིག་གི་དཀྱིལ་འཁོར་གྱི་ཆོ་ག་རྒྱས་པ་བཤད་པ་རྫོགས་སྷོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་དམ་ཚིག་འབྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཀཪྨེ་ཤཝ་ར་ཧཱུཾ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མ་ཧཱ་པུ་ཛཱ་ཀརྨ་བི་དྷི་བི་སྟཱ་ར་ས་མ་ཡེ་ཏྲཻ་ལོ་ཀྱ་བི་ཛ་ཡ་ཀི་ར་སརྦ་དུཥྚཾ་ས་མ་ཡ་བཛྲི་ཎི་ཧཱུཾ། 91.73b དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཀཱ་ཡ་ཤ་དུ་ས་མ་ཡ་སྥ་ར་ཎ་མ་ཧཱ་པཱུ་ཛཱ་ཀརྨ་བི་དྷི་སྟཱ་ར་ཡ་ས་མ་ཡེ་ཧཱུཾ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མ་ཧཱ་པཱུ་ཛཱ་ཀརྨ་བི་དྷི་བིསྟཱ་ར་ས་མ་ཡེ་ཧཱུཾ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་སརྦ་ཨཱ་བ་ལོ་ཀ་དྷཱ་ཏུ་མ་བི་མ་ཧཱ་པཱུ་ཛཱ་ཀརྨ་བི་དྷི་བིསྟཱ་ར་ས་མ་ཡེ་ཧཱུཾ་ཕཊ། དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་ཀྱི་མཆོད་པའི་ཆོ་ག་རྒྱས་པའི་ལྷ་མོ་རང་གི་སྙིང་ག་ནས་བསྐྱེད་དེ། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་སྤྱན་དྲང་བ་དང་དབང་དུ་བྱ་བ་དང་མཉེས་པར་བྱ་བ་དང་ལས་ཐམས་ཅད་བསྒྲུབ་པའི་དགོས་པ་བྱེད་པ་ཉིད་དུ་ཡང་དག་པའི་སྦྱོར་བ་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་རྫུ་འཕྲུལ་དང་རྣམ་པར་འཕྲུལ་པ་བྱས་ཏེ། སླར་ཡང་བཅོམ་ལྡན་འདས་རྣམ་པར་སྣང་མཛད་ཀྱི་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེ་ལས་ཀྱི་དམ་ཚིག་གི་ཆོ་ག་རྒྱས་པའི་ལས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ལས་ཀྱི་རྡོ་རྗེ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །དཀྱིལ་འཁོར་དབུས་ཀྱི་གནས་སུ་ནི། །སངས་རྒྱས་སྐུ་གཟུགས་གཞག་པར་བྱ། །སངས་རྒྱས་ཀྱི 91.74a ནི་ཕྱོགས་ཀུན་དུ། །དམ་ཚིག་མཆོག་རྣམས་གཞག་པར་བྱའོ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པོ་རྣམས་ལ་ཡང ། །རྡོ་རྗེ་གཙོ་སོགས་བཞི་པོ་རྣམས། །ཇི་ལྟར་རིམ་བཞིན་གཞག་པར་བྱ། །དེ་རྣམས་ཀྱི་ནི་ཕྱོགས་ཀུན་དུ། །མཆོད་པ་ཆེན་པོ་རྣམས་བཞག་གོ་།དེ་ནས་ལས་ཀྱི་དཀྱིལ་འཁོར་འདིར། །རྡོ་རྗེ་ལས་ཀྱི་ཕྱག་རྒྱ་བཤད། །ོཾ་བཛྲ་སཏྭ་སིད་དྷི་ཛྙཱ་ན་ཀརྨ་ས་མ་ཡེ་ཧཱུཾ་ཛ། ཨོཾ་བཛྲ་ཨཱ་ཀཪྵ་ཎ་ཀརྨ་ཛྙཱ་ན་ས་མ་ཡེ་ཧཱུཾ་ཛ། ཨོཾ་བཛྲ་ར་ཏི་རཱ་ག་ཀརྨ་ཛྙཱ་ན་ས་མ་ཡེ་ཧཱུཾ་ཛ། ཨོཾ་བཛྲ་སཱ་དྷུ་ཀརྨ་ཛྙཱ་ན་ས་མ་ཡེ་ཧཱུཾ་ཛ། ཨོཾ་བཛྲ་བྷྲྀ་ཀུ་ཊཱི་བ་ཤིཾ་ཀུ་རུ་ཧཱུཾ། ཨོཾ་བཛྲ་སཱུརྱ་མཎ་ཌ་ལེ་བ་ཤིཾ་ཀུ་རུ་ཧཱུཾ། ཨོཾ་བཛྲ་དྷྭ་ཛཱ་གྲ་ཀེ་ཡུ་རུ་རེ་བ་ཤིཾ་ཀྲུཾ་རུ་ཧཱུཾ།[་\ུ0f00]་བཛྲ་ད་ཏ་ཧཱ་སེ་བ་ཤིཾ་ཀུ་རུ་ཧཱུཾ།[་\ུ0f00]་བཛྲ་པདྨ་རཱ་གེ་རཱ་ག་ཡ་ཧཱུཾ།[་\ུ0f00]་བཛྲ་ཏཱིཀྵྞ་རཱ་གེ་རཱ་ག་ཡ་ཧཱུཾ།[་\ུ0f00]་བཛྲ་མཎྜ་ལ་རཱ་གེ་རཱ་ག་ཡ་ཧཱུཾ།[་\ུ0f00]་བཛྲ་བཱ་ཀ་རཱ་གེ་རཱ་ག་ཡ་ཧཱུཾ། \ུ0f00་བཛྲ་ཀརྨ་ས་མ་ཡ་ཙ་ཡ་ཧཱུཾ།[་\ུ0f00]་བཛྲ་ཀ་བ་ཙ་བཾ་དྷ་རཀྵ་རཀྵ་ཧཱུཾ།[་\ུ0f00]་ཡཀྵི་ཎི་མཱ་ར་ཡ་བཛྲ་དཾཥྚ་ཡ་བྷིནྡ་བྷིདྷ་ཡ་མུ་ག་སྱ་ཧཱུཾ་ཕཊ།[་\ུ0f00]་བཛྲ་ཀརྨ་མུཥྚི་སིད་དྷི་ཧཱུཾ་ཕཊ། དེ་ནས་ལས་ཀྱི་དཀྱིལ་འཁོར་འདིར་ཆོ་ག་རྒྱས་པ་ཇི་ལྟ་བ་བཞིན་དུ་སྟེ། རྡོ་རྗེ་རིགས་ཀྱི་ཡེ་ཤེས་རྣམས་བསྐྱེད་དོ། །དེ་ལ་དང་པོ་ཉིད་དུ་ཞི་བ་ལ་སོགས་པའི་ཕྱག་རྒྱའི་ཡེ་ཤེས་བསླབ་བོ། །ཡམ་ཤིང་མངར་པོ་རྣམས་ཀྱི་མེ། །རབ་སྦར་རྡོ་རྗེ་ཁྲོ་བོ་ཡི། །མཉམ་པར་གཞག་པས་སྙོམས་འཇུག་པ། །ཏིལ་བསྲེགས་པས་ནི་སྡིག་བསྲེགས་ཤིང ། །ཡམ་ཤིང་དེ་དག་ཉིད་ཀྱིས་ནི། །མེ་ནི་རབ་ཏུ་སྦར་ནས་ཀྱང ། །རྟག་ཏུ་འབྲས་ནི་བསྲེག་བྱས་ན། །གདོན་མི་ཟ་བར་ཁྱིམ་རྒྱས་འགྱུར། །ཡམ་ཤིང་དངར་པོ་རྣམས་ཀྱིས་ཀྱང ། །མཁས་པས་རབ་ཏུ་མེ་སྦར་ཏེ། །དཱུར་བའི་ཡལ་ག་མར་བཅས་པ། །བསྲེག་པ་བྱས་ན་ཚེ་འཕེལ་ལོ། །ཡམ་ཤིང་དེ་དག་ཉིད་ཀྱིས་ནི། །མེ་ནི་རབ་ཏུ་སྦར་བྱས་ལ། ། 91.74b ཀུ་ཤའི་ཡལ་ག་འབྲུ་མར་གྱིས། །བསྲེག་པར་བྱས་ན་ངེས་པར་བསྲུང ། །དེ་ལ་དེ་དག་གི་སྙིང་པོ་འདི་རྣམས་ཡིན་ནོ། །ོཾ་སརྦ་པཱ་པཾ་ད་ཧ་ན་བཛྲཱ་ཡ་སཝཱ་ཧཱ། ཨོཾ་བཛྲ་པུཥྚ་ཡ་སཝཱ་ཧཱ། ཨོཾ་བཛྲ་ཨཱ་ཡུ་ཥེ་སཝཱ་ཧཱ། ཨོཾ་བཛྲ་ཨ་པྲ་ཏི་ཧ་ཏ་བཛྲཱ་ཡ་སཝཱ་ཧཱ། ཏེ་བ་རུ་བ་མིཾ་དྷི་དྷུ་ལྱག་ནི་ས་མ་ཧྲི་ས་ཛུ་ཧེ་ཏ་རི་ག་ཏ་ཡ་ལཾ་ཀུ་ཏོ་མ་ཏི་པཱུ་ཏ་པ་ཏ་ཡེ་ཏ། ཡམ་ཤིང་ཚ་བས་དང་པོར་ནི། །རྡོ་རྗེ་ཁྲོ་བོའི་ཏིང་འཛིན་གྱིས། །མེ་སྦར་ནས་ཀྱང་སེ་བ་ཡི། །ཚེར་མ་ཅན་གྱིས་འགུགས་པར་འགྱུར། །ཡམ་ཤིང་དེ་དག་ཉིད་ཀྱིས་ནི། །ཁྲོ་དང་ལྡན་པས་མེ་སྦར་ན། །མེ་ཏོག་དམར་མང་འབྲས་བུའང་རུང ། །སྦྱིན་བསྲེགས་བྱས་ན་སྐྱེ་བོ་རེངས། །རྣལ་འབྱོར་ཅན་གྱིས་ཁྲོས་ནས་ཀྱང ། །ཡམ་ཤིང་དེས་ནི་མེ་སྦར་ལ། །ལྕགས་ཀྱི་ཕྱེ་མ་བསྲེགས་ན་ནི། །རྡོ་རྗེ་བཅིངས་པ་ཉིད་དུ་འགྱུར། །ཡམ་ཤིང་དེ་དག་ཉིད་ཀྱིས་ནི། །མཉམ་པར་བཞག་སྟེ་མེ་བུས་ལ། །འབྲས་བུ་ཁ་བ་ཁྲོས་བཞིན་བསྲེག་།སྐད་ཅིག་ཏུ་ནི་འཆི་བར་འགྱུར། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུཾ་བཛྲ་ཨཱ་ཀཪྵ་ཡ་སཝཱ་ཧཱ། ཧཱུཾ་བཛྲ་རཱ་གཱ་ཡ་སཝཱ་ཧཱ། ཧཱུཾ་བཛྲ་བན་དྷཱ་ཡ་སཝཱ་ཧཱ། ཧཱུཾ་བཛྲ་མཱ་ར་ཎཱ་ཡ་སཝཱ་ཧཱ། མཁས་པས་ཡམ་ཤིང་སྐྱུར་པོ་ཡིས། །ཁྲོས་ནས་བྱིན་ཟ་སྤར་ནས་ནི། །འབྲས་བུ་ལོ་མ་སྐྱུར་བསྲེགས་ན། །དབང་དུ་བྱ་བ་དམ་པའོ། །ཡམ་ཤིང་དེ་དག་ཉིད་ཀྱིས་ནི། །མཉམ་པར་བཞག་ལ་མེ་སྦར་ལ། །འདོད་པའི་འབྲས་བུ་ཁྲོས་བསྲེགས་ན། །འདོད་པ་བཞིན་དུ་གཟུགས་བསྐྱེད་དོ། །དེ་འདྲ་བ་ཡི་ཡམ་ཤིང་གིས། །མེ་ནི་རབ་ཏུ་སྦར་བྱས་ཀྱང ། །མི་སྣང་མེ་ཏོག་སྡོང་བུ་ཡིས། །སྦྱིན་སྲེག་འདོད་ན་མི་སྣང་འགྱུར། །ཡམ་ཤིང་དེ་དག་ཉིད་ཀྱིས་ནི། །མཉམ་པར་བཞག་སྟེ་མེ་སྦར་ལ། །ནམ་མཁའི་ལྕུག་མའི་མེ་ཏོག་གིས། །སྦྱིན་སྲེག་བྱས་ནས་མཁའ་ལ་འགྲོ། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ོཾ་བཛྲ་བ་ཤཾ་གཱ་རཱ་ཡ་སཝཱ་ཧཱ། ཨོཾ་བཛྲ་ཀརྨ་རཱུ་པ་བཛྲཱེ་ཡ་སཝཱ་ཧཱ། ཨོཾ་ཨ་དྱ་ཤྱ་བཛྲཱ་ཡ་སཝཱ་ཧཱ། ཨོཾ་བཛྲ་ཁ་བརྩ་རི་ཎི 91.75a སཝཱ་ཧཱ། ཁྲོ་བོར་མཉམ་བཞག་ཡམ་ཤིང་ནི། །ཤིན་དུ་ཁ་བས་མེ་སྦར་ལ། །བཛྲི་མེ་ཏོག་བསྲེགས་བྱས་ན། །རྡོ་རྗེ་བཀའ་བཞིན་བྱེད་པར་འགྱུར། །ཡམ་ཤིང་དེ་དག་ཉིད་ཀྱིས་ནི། །ཁྲོ་དང་ལྡན་ཞིང་མེ་སྦར་ཏེ། །དཔའ་བོ་གང་གིས་ཕྲེང་བ་བསྲེག་།དེ་ཡང་བཀའ་ནི་ཉན་པར་འགྱུར། །ཁྲོ་བོ་ཉིད་དུ་མཉམ་བཞག་པ། །ཡམ་ཤིང་དེས་ནི་མེ་སྦར་ཏེ། །ཕྱག་ན་རྡོ་རྗེའི་ཕྲེང་བ་བསྲེག་།དེ་ཡང་བཀའ་བཞིན་བྱེད་པར་འགྱུར། །ཡམ་ཤིང་དེ་དག་ཉིད་ཀྱིས་ནི། །རབ་ཏུ་ཁྲོས་ཏེ་མེ་སྦར་ལ། །ཆོས་གོས་བསྲེགས་པས་སངས་རྒྱས་ཀྱང ། །སྐད་ཅིག་ཉིད་དུ་བཀའ་བཞིན་མཛད། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུཾ་བཛྲ་བ་ཤཾ་ཀཱ་རཱ་ཡ་སཝཱ་ཧཱ། ཧཱུཾ་སོ་རི་བ་ཤཾ་ཀ་ར་བཛྲཱ་ཡ་སཝཱ་ཧཱ། ཧཱུཾ་བཛྲ་པཱ་ཎི་བ་ཤཾ་ཀ་རཱ་ཡ་སཝཱ་ཧཱ་ཧཱུཾ་བུད་དྷ་བ་ཤཾ་ཀ་རཱ་ཡ་བཛྲཱ་ཡ་སཝཱ་ཧཱ། དེ་ནས་གསང་བའི་ལས་ཀྱི་ཕྱག་རྒྱའི་ཡེ་ཤེས་བསླབ་བོ། །ཡིད་འོང་བུད་མེད་ལྷན་ཅིག་དུ། །གནས་ཤིང་བུ་གར་ཨཉྫ་ན། །བཅུག་ནས་བསྐུལ་བར་བྱས་ནས་ཀྱང ། །དེ་ཡིས་མིག་བསྐུས་དབང་དུ་འགྱུར། །ལྡོང་རོས་བུ་གར་བཅུག་ནས་ནི། །རྡོ་རྗེ་བསྡམས་པས་དེ་གཡོགས་ཏེ། །མཚན་མ་རྣམ་པ་བཞི་ཡིས་ནི། །དངོས་གྲུབ་རྣམ་པ་བཞིར་འགྱུར་རོ། །གོ་རོ་ཙ་ན་བུ་གར་བཅུག་།གསུང་བའི་ཁུ་ཚུར་གྱིས་བཙིར་ན། །གཞག་པ་དེ་ནི་འབར་གྱུར་ན། །རྡོ་རྗེ་འཛིན་དང་འདྲ་བར་འགྱུར། །གུར་ཀུམ་བུ་གར་བཅུག་ནས་ནི། །བུ་གར་སེམས་དཔའི་རྡོ་རྗེ་ཡིས། །བཀད་ནས་འབར་བར་གྱུར་ན་ནི། །རྡོ་རྗེ་འཛིན་དང་འདྲ་བར་འགྱུར། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ོཾ་གུ་ཧྱ་ར་ཏི་བཛྲ་བ་ཤཾ་ཀཱ་རཾ་སིད་དྷྱ་ཧཱུཾ། ཨོཾ་བཛྲ་གུ་ཧྱ་སིད་དྷྱ་ཧཱུཾ། ཨོཾ་གུ་ཧྱ་བཛྲ་སིད་དྷྱ་ཧཱུཾ།[་\ུ0f00]་བཛྲ་དྷ་ར་ཧྱ་སིད་དྷྱ་ཧཱུཾ། དེ་ནས་རྡོ་རྗེ་རིགས་ཀྱི་ལས་ཀྱི་ཕྱག་རྒྱ་ཆེན་པོའི་ཡེ་ཤེས་བསླབ་བོ། །རྡོ་རྗེ་དགོངས་པའི་ཚུལ་གྱིས་ནི། །ཕྱག་རྒྱ་ཆེན་པོ་མདོར་བསྡུ་ན། །རྡོ་རྗེ་ཁུ་ཚུར་ཚུལ་གྱིས་ནི། །རྡོ་རྗེ་ཁྲོ་བོར་མཉམ་པར 91.75b བཞག་།ཧཱུཾ་ཞེས་མཛུབ་མོའི་ཚུལ་གྱིས་ནི། །དམ་ཚིག་མཆོག་ནི་འདིར་དེ་བཞིན། །ཆོས་ཀྱི་ཕྱག་རྒྱ་འདིར་དེ་བཞིན། །ོཾ་ཞེས་དང་པོ་ཡི་གེ་ཨས། །ལས་ཀྱི་ཕྱག་རྒྱ་མདོར་བསྡུ་ན། །ལས་ཀྱི་ཕྱག་རྒྱ་གཉིས་སུ་བྱས། །ཐམས་ཅད་གྲུབ་བྱེད་དག་པ་སྟེ། །རྡོ་རྗེ་ལས་ཀྱི་ཚུལ་གྱིས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པའི་རྒྱལ་པོ་ཆེན་པོ་ལས། རྡོ་རྗེ་རིགས་ཀྱི་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་ཕྱག་རྒྱའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་བཛྲ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རྡོ་རྗེའི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུཾ་བཛྲ་མ་ཐ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིན་པོ་ཆེའི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུཾ་བྷྲྀ་ཀུ་ཊཱི་བཛྲ་ར་ཏ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཆོས་ཀྱི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུཾ་མ་ཧཱ་པད་མ་བཛྲ་དྲྀ་ཌྷ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུཾ་བཛྲ་ཀརྨ་ཨ་གྲྀ་ཀྲྀ་ཏེ། དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་བཞི་པའི་དཀྱིལ་འཁོར་བཤད་དོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱྀལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཁྲོ་བོ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །སངས་རྒྱས་ཀྱི་ནི་ཕྱོགས་ཀུན་དུ། །འཇིག་རྟེན་གསུམ་རྒྱལ་ལ་སོགས་བྲི། །དེ་ནས་དཀྱིལ་འཁོར་འདིར་དཀྱིལ་འཁོར 91.76a འཁོར་ཆེན་པོའི་ཚུལ་དུ་དགུག་པ་ལ་སོགས་པའི་ཆོ་ག་རྒྱས་པ་བྱས་ཏེ་བཅུག་ནས་ཕྱག་རྒྱ་བཞི་པའི་དཀྱིལ་འཁོར་གྱི་གསང་བའི་ཕྱག་རྒྱའི་ཡེ་ཤེས་བསླབ་བོ། །རང་གིས་ཕྱག་རྒྱ་བཞིའིདཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །བུད་མེད་ལྷན་ཅིག་གནས་ནས་ནི། །གྲུབ་པ་ཡང་ནི་ཐོབ་པར་འགྱུར། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །ཆགས་པས་བུད་མེད་ལ་བལྟས་ནས། །གྲུབ་པ་ཡང་ནི་ཐོབ་པར་འགྱུར། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །བུད་མེད་མཛེས་ལ་བསྐྲད་པས་འགྲུབ། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །ལྷན་ཅིག་འཁྱུད་ན་གྲུབ་ཀུན་ཐོབ། །དེ་ལ་ཆོས་ཀྱི་དག་པའི་ཕྱག་རྒྱ་ནི་འདི་དག་ཡིན་ནོ། །ོཾ་སརྦ་ཏ་ཐཱ་ག་ཏ་བི་ཤུད་དྷ་དྷརྨ་ཏེ་ཧོ། །ོཾ་བཛྲ་བི་ཤུད་དྷ་དྲིཥྚི་ཛ། ཨོཾ་སརྦ་བི་ཤུད་དྷ་མུ་ཏྲི་ཧཱུཾ། ཨོཾ་སརྦ་བི་ཤུད་དྷ་ཀཱ་ཡ་བཾ་མ་ན་ཀརྨ་བཛྲཱི་ཧཱུཾ། དེ་ནས་ཕྱག་རྒྱ་བཞི་པའི་དཀྱིལ་འཁོར་གསང་ཞིང་སྦ་བའི་ཕྱག་རྒྱའི་ཡེ་ཤེས་བསླབ་བོ། །དཀྱིལ་འཁོར་འདིར་ནི་ཞུགས་ནས་ཀྱང ། །འདོད་པའི་ཡོན་ཏན་ལྔ་ཡིས་ནི། །བུད་མེད་མཆོག་ནི་མགུ་བྱས་ལ། །ཤིན་དུ་གྲུབ་པ་ཐོབ་པར་འགྱུར། །དེ་ནས་འདིའི་སྙིང་པོ་བརྗོད་དོ། །ཧོ་བཛྲ་ཀཱརྨ། དེ་ནས་ཇི་ལྟ་བ་བཞིན་དུ་རྡོ་རྗེས་མནན་པའི་རྩེ་གསུམ་པའི་ཕྱག་རྒྱ་ལ་སོགས་པ་དམ་ཚིག་གི་ཕྱག་རྒྱ་བཞི་པོ་རྣམས་ཆོ་ག་རྒྱས་པ་དང་ལྡན་པར་བསླབ་སྟེ། ཕྱག་རྒྱ་བཞིའི་ཚུལ་འདིས་རྡོ་རྗེ་སིལ་སྙན་དང་རྔ་དང་བརྡུང་བ་བརྡབས་ནས་རྡོ་རྗེ་སེམས་དཔའ་བསྡུས་པའི་སྙིང་པོ་གླུ་བླངས་ཏེ་ཕུལ་ནས་ཕྱག་རྒྱ་དང ། ལན་གྱི་ཕྱག་རྒྱ་དང་ཉེ་བའི་ཕྱག་རྒྱ་དང་ཡེ་ཤེས་ཀྱི་ཕྱག་རྒྱ་དང་གར་གྱི་མཆོད་པས་མཆོད་པར་བྱའོ། །དེ་ལ་གར་གྱི་མཆོད་པས་མཆོད་པ་ནི་འདི་ཡིན་ནོ། །རྡོ་རྗེ་གར་གྱི་སྦྱོར་བ་ཡིས། །རྡོ་རྗེ་ཁྲོ 91.76b བོའི་མཛུབ་མོ་གཉིས། །རྡོ་རྗེ་ཧཱཾ་གི་ཕྱག་རྒྱ་ནི། །སྙིང་ག་ཉིད་དུ་བཅིང་བར་བྱ། །དེ་བཞིན་གར་བྱ་གཡོན་པ་ནི། །གཡས་པའི་ཆང་པས་གཟུང་བར་བྱ། །བསྒྱུར་ནས་དཔྲལ་བ་ཉིད་དུ་ནི། །མཛུབ་མོའི་ངོས་ནི་གཞག་པར་བྱ། །དེ་བཞིན་གར་ཡང་དཀྲོལ་ནས་ནི། །མཉམ་པར་པད་མ་ཁ་འབུས་སྦྱར། །མཛུབ་མོ་སྙིང་གར་བཞག་ནས་ནི། །བསམ་པ་གཡོས་པས་འདུད་པར་བྱའོ། །རྡོ་རྗེ་ཁྲོ་བའི་མཛུབ་བསྙམས་ཏེ། །བཀན་ནས་རྩེ་མོ་སྤྲད་བྱ་ཞིང ། །དེ་ལས་བསྒྱུར་ཞིང་གཙུག་ཏོར་དུ། །མཛུབ་མོའི་རྩེ་མོ་བཞག་པའོ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རྡོ་རྗེའི་དམ་ཚིག་གི་ཁྲོ་བའི་དམ་ཚིག་འདི་གསུངས་པ། ཧཱུཾ`། དེ་ནས་འདིའི་དཀྱིལ་འཁོར་བཤད་པ། །དེ་ནས་རབ་ཏུ་བཤད་བྱ་བ། །གསང་བའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཧཱུཾ་ཞེས་བྱ་བ་སྟེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་བྲི་བར་བྱ། །དེ་ཡི་དབུས་སུ་ལེགས་བྲི་བ། །ཟླ་བའི་དཀྱིལ་འཁོར་རྡོ་རྗེ་འཛིན། །རྡོ་རྗེ་ཧཱུཾ་གི་ཕྱག་རྒྱ་ཆེ། །ལག་ན་འཛིན་པ་རྡོ་རྗེར་བཅས། །བརྐྱང་བསྐུམ་ཚུལ་དུ་གནས་པ་དང ། །ཁ་དོག་གཟུགས་ནི་ཇི་བཞིན་བྱ། །དེ་ནས་འདིར་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་ཐམས་ཅད་བྱས་ཏེ་རྡོ་རྗེ་ཧཱུཾ་ཞེས་བྱ་བ་གསང་བའི་ཕྱག་རྒྱའི་ཡེ་ཤེས་བསླབ་བོ། །དཀྱིལ་འཁོར་འདིར་ནི་ཞུགས་ནས་ཀྱང ། །འཇིག་རྟེན་གསུམ་རྒྱལ་མཛུབ་མོ་ནི། །བུ་གར་བཅུག་ནས་བསྒྲུབས་ན་ནི། །ལས་ཀུན་རབ་ཏུ་འགྲུབ་པར་འགྱུར། །དེ་ནས་བསྒྲུབ་པའི་སྙིང་པོ་འདི་བཤད་དོ། །ཧཱུཾ་བཛྲ་ས་མ་ཡ་ཀྲི་ཏ། དེ་ནས་རྡོ་རྗེ་ཧཱུཾ་ཞེས་བྱ་བའི་ཕྱག་རྒྱའི་ཡེ་ཤེས་བསླབ་བོ། །དཀྱིལ་འཁོར་ལེགས་པར་ཞུགས་ནས་ནི། །ཕྱག་རྒྱ་ཆེན་པོ་མཆོག་གནས་པ། །གནས་ན་རྡོ་རྗེ་ཧཱུཾ་ཞེས་བྱ། །ལས་རྣམས་ཀུན་ནི་བྱེད་པར་འགྱུར། དེ་ལ་འདི་བསྒྲུབ་པའི་སྙིང་པོ་གསུངས་པ། ཧཱུཾ་བཛྲ་ས་མ་ཡ་ཧཱུཾ`། དེ་ནས་ཕྱག་རྒྱ་བཞི་བཅིང་བ་ཇི་ལྟ་བ་བཞིན་བསླབས་ཏེ་དེ 91.77a བཞིན་དུ་དངོས་གྲུབ་ཏུ་འགྱུར་རོ། །དཀྱིལ་འཁོར་དུ་ཇི་ལྟ་བ་བཞིན་དུ་རས་ལ་སོགས་པ་ལ་བྲི་བ་དང་ལུགས་མ་ལ་སོགས་པའི་གཟུགས་ཐམས་ཅད་ལ་ཡང་དངོས་གྲུབ་ནི་ཐུན་མོང་ངོ ། །ཕྱག་རྒྱ་གཅིག་པའི་དཀྱིལ་འཁོར་རོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་བོས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གི་རིགས་འདི་ལ་བྱིན་གྱིས་བརླབ་ཏུ་གསོལ། ཅི་ནས་ཀྱང་སེམས་ཅན་ཐམས་ཅད་ཇི་ལྟར་དགའ་བ་བཞིན་བགྱིས་ཀྱང་དངོས་གྲུབ་ཐམས་ཅད་ཐོབ་པར་བགྱི་བའི་སླད་དུའོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པའི་རྒྱལ་པོ་ལ་བྱིན་གྱིས་བརླབ་པའི་ཕྱིར་འདི་སྐད་བཀའ་སྩལ་ཏོ། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ཀྱང་ལེགས། །རྡོ་རྗེ་ལས་ཁྱོད་རབ་ཏུ་ལེགས། །མདོ་སྡེ་འདི་ནི་ལེགས་པར་བཤད། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་ཀུན་གསང་བ་སྟེ། །ཐེག་པ་ཆེན་པོ་མངོན་འདུས་པའོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་རྟོག་པ་ཆེན་པོ་ལས་རྡོ་རྗེ་ཆེན་པོའི་རྟོག་པའི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ་མཁྱེན་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བཀའ་ཉོན་ལ་དབང་ཕྱུག་ཆེན་པོའི་ལུས་འདི་ཁྱོད་ཀྱང་རྐང་པའི་འོག་ནས་བཏང་བར་བྱོས། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། །བདག་ནི་བཅོམ་ལྡན་འདས་ཀྱིས་མ་རུངས་པ་ཐམས་ཅད་འདུལ་བའི་ཁྲོ་བོར་དབང་བསྐུར་ནས་དེ་བདག་གིས་བསྐུམ་ལགས་ན། ཇི་ལྟར་དེ 91.77b བདག་གིས་བཏང་བར་བགྱི། དེ་ནས་དེ་བཞིན་གཤེགས་པ་ཐམས་ཅད་ཀྱིས་འཇིག་རྟེན་གསུམ་པོ་མཐའ་དག་གི་བདག་པོ་དབང་ཕྱུག་ཆེན་པོའི་ལུས་ཀྱི་སྲོག་གསོ་བའི་ཕྱིར་ཤི་བའི་རྣམ་པར་ཤེས་པ་དགུག་པའི་སྙིང་པོ་འདི་ཉིད་ཀྱི་ཐུགས་ལས་ཕྱུང་ངོ ། །ོཾ་བཛྲ་སཏྭ་ཧཱུཾ་ཛ། དེ་ནས་དེའི་ཕྱག་རྒྱ་བཅིང་བ་བཤད་དོ། །གསང་བའི་ལྕགས་ཀྱུ་བསྡམས་བྱ་སྟེ། །ཐ་མ་མཉམ་དུ་བརྐྱང་ནས་ཀྱང ། །ཤི་བའི་མགོ་བོར་བཞག་ན་ནི། །སྲོག་ནི་ཕྱིར་ཡང་ཐོབ་པར་འགྱུར་དེ་ནས་དེ་ཐོབ་མ་ཐག་ཏུ་བཅོམ་ལྡན་འདས་དེ་བཞིན་གཤེགས་པ་ཐལ་བའི་དབང་པོའི་དབྱངས་ཏེ། ཐལ་བས་ཁེབས་པའི་འཇིག་རྟེན་གྱི་ཁམས་དེ་ནས་སླར་ཕྱིན་ཏེ་དབང་ཕྱུག་གི་ལུས་དེར་ཞུགས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །སངས་རྒྱས་ཡེ་ཤེས་བླ་ན་མེད། །གང་ཕྱིར་ཤི་བའི་ལུས་འདི་ཡང ། །འཚོ་བའི་ཁམས་སུ་གྱུར་པ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རྐང་པ་འདེགས་པ་ཞེས་བྱ་བའི་སྙིང་པོ་འདི་གསུངས་སོ། །ོཾ་བཛྲ་མུཿ ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་ཁྲོ་བོ་མཛུབ་ལེགས་པར། །ཟུར་སྤྲད་བསྡམས་ཏེ་བཞག་པ་ནི། །རྡོ་རྗེ་དེ་དག་བསྒྱུར་བྱས་ཤིང ། །འོག་ནས་དེ་དག་འབྱིན་པར་བྱེད། །དེ་ནས་དེ་དག་གསུངས་མ་ཐག་ཏུ་རྡོ་རྗེ་འཛིན་པ་ཆེན་པོ་ཞབས་ཀྱི་འོག་ནས་ལྷ་ཆེན་པོ་ཐར་བར་རང་གིས་ཤེས་པར་གྱུར་ཏོ། །དེ་ནས་དབང་ཕྱུག་ཆེན་པོའི་ལུས་དེ། དེ་བཞིན་གཤེགས་པ་དེས་སོས་པར་བྱིན་གྱིས་བརླབས་ཏེ། འཇིག་རྟེན་གྱི་ཁམས་འདིར་སེམས་ཅན་ཐམས་ཅད་ཀྱི་དོན་དང ། མ་རུངས་པ་ཐམས་ཅད་འདུལ་བའི་ཕྱིར་ཉིད་ཀྱི་རྒྱལ་ཚབ་ཏུ་བཅུག་གོ་།དེ་ནས་ཕྱག་ན་རྡོ་རྗེའི་ཞབས་ཀྱི་མཐིལ་དེ་ནས་ཟླ་བའི་ཞབས་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སེམས་ཀྱི་ཕྱག་རྒྱ་བྱུང་ངོ ། །ོཾ་ཙནྡྲོ་ཏྟྭ 91.78a རེ་ས་མནྟ་བྷ་དྲ་ཀི་ར་ནི་མ་ཧཱ་བཛྲི་ཎི་ཧཱུཾ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་བཅིང་བ་དམ་བྱས་ཏེ། །མཐེ་བོ་མཐེའུ་ཆུང་མཉམ་པར་ནི། །མཉམ་ནས་ལེགས་པར་བརྐྱང་ན་ནི། །རྡོ་རྗེ་རི་མོ་ཞེས་ཀྱང་གྲགས། །དེ་ནས་དེ་བྱུང་མ་ཐག་ཏུ་ཞབས་ཀྱི་མཐིལ་དེ་ལས་ཟླ་བའི་བླ་མ་དེ་བཞིན་གཤེགས་པ་དེ་བྱུང་ནས་དབང་ཕྱུག་ཆེན་པོ་དེའི་མགོ་བོ་ལ་ཕྱག་ན་རྡོ་རྗེའི་ཞབས་ཀྱིས་མནན་པའི་རྗེས་སུ་ཟླ་བ་ཕྱེད་པ་གནས་པར་གྱུར་ཏེ་གཡོན་ལོགས་ན་འདུག་གོ་།དེ་ནས་དེ་བཞིན་གཤེགས་པ་ཐམས་ཅད་ཀྱིས་ཕྱག་ན་རྡོ་རྗེའི་གྲོགས་སུ་ལག་དུ་རྡོ་རྗེའི་མདུང་རྩེ་བྱིན་ནས་རྡོ་རྗེའི་རིག་པ་དམ་པ་རྡོ་རྗེའི་རིག་པ་དམ་པ་ཞེས་རྡོ་རྗེའི་མིང་གིས་དབང་བསྐུར་ནས་དབང་བསྐུར་རོ། །དེ་ནས་རྡོ་རྗེའི་རིག་པ་དམ་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་མདུང་རྩེ་དེས་མགལ་མེའི་འཁོར་ལོ་ལྟར་བསྐོར་ཞིང་གར་གྱི་མཆོད་པས་མཆོད་པ་བྱས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་བླ་ན་མེད། །ཞབས་མཆོག་གིས་ནི་གར་རེག་པ། །སངས་རྒྱས་ཉིད་དུ་འགྲུབ་པ་ཐོབ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ཁྲོ་བོའི་ཏིང་ངེ་འཛིན་དེ་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གི་སུག་པར་རྡོ་རྗེ་སྩལ་ཏེ། ཕྱག་ན་རྡོ་རྗེ་ཉིད་དུ་དབང་བསྐུར་བས་ལྷ་ལ་སོགས་ཏེ་ཕྱི་རོལ་གྱི་རྡོ་རྗེའི་རིགས་དེ་རྣམས་འཇིག་རྟེན་གསུམ་ལས་རྣམས་པར་རྒྱལ་བའི་དཀྱིལ་འཁོར་ཆེན་པོ་འདི་ལ་གནས་པའི་རིམ་པ་བགྱིས་ནས་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སེམས་ཅན་དེ་རྣམས་ཕྱིར་མི་ལྡོག་པར་བགྱིའོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དེ་བཞིན་གཤེགས་པ་ཐམས་ཅད 91.78b ཀྱི་གཙུག་ཏོར་འདི་གསུངས་སོ། །ོཾ་བཛྲ་སཏྭ་ཨུཥྞཱི་ཥ་ཧཱུཾ་ཕཊ། དེ་ནས་འདི་བཤད་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཁ་དོག་དུ་མའི་འོད་ཟེར་དུ་གྱུར་ཏེ། འཇིག་རྟེན་གྱི་ཁམས་ཐམས་ཅད་དུ་སྣང་བར་བྱས་ནས་ཡང་བཅོམ་ལྡན་འདས་ཕྱག་ན་རྡོ་རྗེའི་གཙུག་གི་མཚམས་སུ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་ཚུལ་དུ་འཕུངས་ནས་འཁོད་དོ། །དེ་ནས་གཟི་བརྗིད་ཀྱི་ཕུང་པོ་དེ་ལས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་འདི་བྱུང་ངོ ། །ོཾ་སརྦ་ཏ་ཐཱ་ག་ཏོཥྞཱི་ཥ་ཨ་ན་ཨ་ཝ་ལོ་ཀི་ཏེ་མཱུར་དྷ་ནི་ཏེ་ཛོ་རཱ་ཤི། ཨོཾ་ཧཱུཾ་ཛྭ་ལ་ཛྭ་ལ། དྷ་ཀ་དྷ་ཀ ། ད་ར་ད་ར། བི་ད་ར་བི་ད་ར། ཙྪིན་ད་ཙྪིན་ད། བྷིན་ད་བྷིན་ད། ཧཱུཾ་ཧཱུཾ་ཕཊ་ཕཊ་སཝཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་ནི་སུམ་བྷ་བཛྲཱ་ཧཱུཾ་ཕཊ། དེ་ནས་ཕྱག་ན་རྡོ་རྗེ་དེ་ཉིད་ཀྱི་ཐུགས་ལས་སྙིང་པོ་འདི་ཕྱུང་ངོ ། །ོཾ་ཊཀྐི་ཛཿ ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རཏྣ་ཨུཏྟ་མ་ཛྭཱ་ལ་ཡ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་སཝ་བྷཱ་བ་ཤུད་དྷཱཿ ། བཛྲ་པད་མ་ཤོ་དྷ་ཡ་སརྦཾ་བི་དྱོཏྟ་མ་ཧཱུཾ`་ཕཊ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཀརྨ་ཨུཏྟ་མ་བཛྲ་དྷ་ར་ས་མ་ཡ་མ་ནུ་སྨ་ར་སུམ་བྷ་ནི་སུམ་བྷ་ཨཱ་ཀཪྵ་ཡ། པྲ་བེ་ཤ་ཡ། ཨཱ་བེ་ཤ་ཡ། བན་དྷ་ཡ། ས་མ་ཡཾ། གྲ་ཧ་ཡ་སརྦ་ཀརྨཱ་ཎི་མཻ་ཀུ་རུ་མ་ཧཱ་སཏྭ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་རིག་པའི་དམ་པས་རང་གི་སྙིང་པོ་བཅོམ་ལྡན་འདས་ཕྱག་ན་རྡོ་རྗེའི་ཞབས་ལ་ཕྱག་འཚལ་བའི་ཕྱིར 91.79a ཕུལ་བ། ཨོཾ་སུམ་བྷ་ནི་སུམ་བྷ་བཛྲ་བི་དྱོཏྟ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་རྡོ་རྗེ་ཁྲོ་བོའི་རིག་པའི་རྒྱལ་པོ་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་རང་གི་སྙིང་པོ་འདི་གསུང་ས་སོ། །ོཾ་བཛྲ་ཤཱུ་ལ། དེ་ནས་རྡོ་རྗེ་སྒྱུ་མའི་རིག་པའི་རྒྱལ་པོས་རང་གི་རིག་པའི་སྙིང་པོ་དམ་པ་འདི་གསུངས་སོ། །ོཾ་བཛྲ་ས་མ་ཡ་དྷ་རི་ཥ་ཡ་སརྦཾ་ཧཱུཾ་ཕཊ། དེ་ནས་རྡོ་རྗེ་དྲིལ་བུའི་རིག་པ་རྒྱལ་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་གྷཎྚ་ར་ན་ར་ན་ཧཱུཾ་ཕཊ། དེ་ནས་རྡོ་རྗེ་ཐུབ་པས་རང་གི་སྙིང་པོ་ཕུལ་བ། ཨོཾ་བཛྲ་མོ་ན་མ་ཧཱ་པྲ་ཛྙཱ་ཧཱུཾ་ཕཊ། དེ་ནས་རྡོ་རྗེ་མཚོན་ཆས་རང་གི་སྙིང་པོ་ཕུལ་བ། ཨོཾ་བཛྲཱ་སྥུ་དྷ་དཱ་མ་ཀ་ཧཱུཾ་ཕཊ། རིག་པའི་རྒྱལ་པོ་རྣམས་སོ། །དེ་ནས་རྡོ་རྗེ་འཁྱིལ་པ་རྡོ་རྗེ་ཁྲོ་བོས་བཅོམ་ལྡན་འདས་ཕྱག་ན་རྡོ་རྗེ་ལ་རང་གི་སྙིང་པོ་འདི་ཞབས་ལ་ཕྱག་འཚལ་ནས་ཕུལ་ལོ། །ོཾ་བཛྲ་ཀུཎྜ་ལི་མ་ཧཱ་བཛྲ་ཀྲོ་དྷ་གྲྀཧྞ་ཧ་ན་ཧ་ན། ད་ཧ་ད་ཧ། པ་ཙ་བི་དྷཱན་ས་ཡ་བཛྲེ་ཎ་མུ་ད་ནཾ་པ་ལ་ཡ་ཏི་བྷྲྀ་ཏ་ས་ཧྲྀ་ད་ཡ་བཛྲ་ཀྲོ་དྷ་ཧཱུཾ་ཕཊ། དེ་ནས་རྡོ་རྗེ་འོད་རྡོ་རྗེ་ཁྲོ་བོས་རང་གི་སྙིང་པོ་འདི་ཕུལ་བ། ཨོཾ་བཛྲ་པྲ་བྷ་མཱ་ར་ཡ་སྱོ་མ་ཀྲོ་དྷ་ཧཱུཾ`་ཕཊ། དེ་ནས་རྡོ་རྗེ་དབྱུག་པ་རྡོ་རྗེ་ཁྲོ་བོས་རང་གི་སྙིང་པོ་འདི་ཕུལ་ལོ། །ོཾ་བཛྲ་དཎྜ་ཡ་སརྦཱ་དུཥྚཾ་མ་ཧཱ་ཀྲོ་དྷ་ཧཱུཾ`་ཕཊ། དེ་ནས་རྡོ་རྗེ་ཁྲོ་བོ་རྡོ་རྗེ་སེར་པོས་རང་གི་སྙིང་པོ་འདི་ཕུལ་ལོ། །ོཾ་བཛྲ་པིངྒ་ལ་བི་ཤ་ཡ་སརྦ་དུཥྚཾ་བི་མ་ཧཱ་ཀྲོ་དྷ་ཧཱུཾ་ཕཊ། རྡོ་རྗེ་ཁྲོ་བོ་རྣམས་སོ། །དེ་ནས་རྡོ་རྗེ་གླང་སྣ་ཚོགས་ཀྱི་བདག་པོས་བཅོམ་ལྡན་འདས་ཕྱག་ན་རྡོ་རྗེ་ལ་སྙིང་པོ་འདི་ཕུལ་ལོ། །ོཾ་བཛྲ་ཤོ་དྷ་མ་ཧཱ་ག་ཎ་པ་ཏི་རཀྵ་སརྦ་དུཥྚེ་བྷྱོ། བཛྲ་དྷ་ར་ཨཱ་ཛྙཱ་པ་ཡ་ཧཱུཾ་ཕཊ། དེ་ནས་རྡོ་རྗེ་ཕྲེང་བས་རང་གི་སྙིང་པོ་འདི་ཕུལ་ལོ། །ོཾ་མཱ་ལ་ག་ན་པ་ཏི་མཱ་ལ་ཡ་ཨཱ་ཀཪྵ་ཡ། པྲ་བེ་ཤ་ཡ་བ་ཤཾ་ཀུ་རུ་མཱ་ར་ཡ་ཧཱུཾ་ཕཊ། དེ་ནས་རྡོ་རྗེ་དབང་གིས་རང་གི་སྙིང་པོ་ཕུལ་བ། ཨོཾ་བཛྲ 91.79b བ་ཤི་མ་ཧཱ་ག་ཎ་པ་ཏི་བ་ཤཾ་ཀུ་རུ་ཧཱུཾ་ཕཊ། དེ་ནས་རྣམ་པར་རྒྱལ་བའི་རྡོ་རྗེ་ཚོགས་ཀྱི་བདག་པོས་རང་གི་སྙིང་པོ་ཕུལ་བ། ཨོཾ་བཛྲ་བི་ཛ་ཡ་བི་ཛ་ཡ་མ་ཧཱ་ག་ཎ་པ་ཏི་ཧཱུཾ་ཕཊ། ཚོགས་ཀྱི་བདག་པོ་རྣམས་སོ། །དེ་ནས་རྡོ་རྗེ་ཐོ་བ་རྡོ་རྗེ་ཕོ་ཉས་རང་གི་སྙིང་པོ་འདི་ཕྱག་ན་རྡོ་རྗེ་ལ་ཕུལ་ལོ། །ོཾ་བཛྲ་མུ་ས་ལ་ཀུ་རུ་སརྦ་དུཥྚཾ་ཧཱུཾ་ཕཊ། དེ་ནས་རྡོ་རྗེ་རླུང་གི་ཕོ་ཉས་རང་གི་སྙིང་པོ་ཕུལ་བ། ཨོཾ་བཛྲ་ནཱི་ལ་མ་ཧཱ་བེ་ག་ཎ་པ་ཏི་སརྦ་དུཥྚ་ཧཱུཾ་ཕཊ། དེ་ནས་རྡོ་རྗེ་མེའི་ཕོ་ཉས་རང་གི་སྙིང་པོ་ཕུལ་བ། ཨོཾ་བཛྲ་ཨ་ན་ལ་མ་ཧཱ་དུཥྚ་ཛྭཱ་ལ་ཡ་སརྦ་བྷསྨི་ཀུ་རུ་སརྦ་དུཥྚཾ་ཧཱུཾ་ཕཊ། རྡོ་རྗེ་འཇིགས་པའི་ཕོ་ཉ་ཆེན་པོས་རང་གི་སྙིང་པོ་ཕུལ་བ། ཨོཾ་བཛྲ་བྷཻ་ར་བ་བཛྲེ་ཧཱུཾ་ད་བ་ཤ་ལ་སརྦ་དུཥྚན་མ་ཧཱ་ཡཀྵ་ཧཱུཾ་ཕཊ། ཕོ་ཉ་རྣམས་སོ། །དེ་ནས་རྡོ་རྗེ་ལྕགས་ཀྱུ་རྡོ་རྗེ་བྲན་གྱིས་རང་གི་སྙིང་པོ་འདི་བཅོམ་ལྡན་འདས་ཕྱག་ན་རྡོ་རྗེ་ལ་ཕུལ་ལོ། །ོཾ་བཛྲ་ཨ་ཀུ་ཤ་ཨཱ་ཀཪྵ་ཡ། སརྦཾ་མ་ཧཱ་ཙིཏྟ་ཧཱུཾ་ཕཊ། དེ་ནས་རྡོ་རྗེ་དུས་ཀྱིས་རང་གི་སྙིང་པོ་ཕུལ་བ། ཨོཾ་བཛྲ་ཀཱ་ལ་མ་ཧཱ་མྲྀ་ཏྱུ་མུཏྤཱ་ད་ཧཱུཾ་ཕཊ། དེ་ནས་རྡོ་རྗེ་ངན་ཁྲིད་ཀྱིས་རང་གི་སྙིང་པོ་ཕུལ་བ། ཨོཾ་བཛྲ་བི་ནཱ་ཡ་ཀ་སྱ་བིགྷྣན་ཀུ་རུ་ཧཱུཾ་ཕཊ། དེ་ནས་རྡོ་རྗེ་ཀླུའི་རྡོ་རྗེས་རང་གི་སྙིང་པོ་འདི་ཕྱག་ན་རྡོ་རྗེའི་ཞབས་ལ་ཕྱག་འཚལ་ནས་ཕུལ་ལོ། །ོཾ་བཛྲ་ནཱ་ག་བཛྲ་ཨཱ་ན་ཡ་སརྦ་ད་ན་ད་ནེ་ཧྱིརྱ་གརྣ་ནེ་མུཀྟ་ཨ་ལངྐཱར་བི་ནི་སརྦོ་པ་ཀཱ་ར་ཎ་ནི་བཛྲ་དྷ་ར་ས་མ་ཡ་མ་ནུ་སྨར་ཀ་ཏ། བྷིན་ད་བྷིན་ད་ཧ་ར་ཧ་ར་པྲཱ་ཎཱཾ་མ་ཧཱ་ཙྪེ་ཏ་ཧཱུཾ་ཕཊ། བྲན་རྣམས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་འགུགས་པའི་དམ་ཚིག་འདི་གསུངས་སོ། །ོཾ་བཛྲ་ཨཾ་ཀུ་ཤ་ཨཱ་ཀཪྨ་ཡ་ཧཱུཾ་ཕཊ། དེ་ནས་དེ་གཞུག་པའི་དམ་ཚིག་འདི་གསུངས་པ། ཨོཾ་བཛྲ་པཱ་ཤཱ་ཀཌྜྷྱ་ཧཱུཾ། དེ་ནས་ཐམས་ཅད་བཅིང་བ་གསུངས་པ། ཧཱུཾ་བཛྲ་སྥོ་ཊ་བཾ། དེ་ནས་ལས་ཀྱི་སྙིང་པོ་གསུངས་པ། ཨོཾ་བཛྲ་ཀཪྨ་ས་མ་ཡ་ཀྲི་ཏ། དེ་ནས་བཅོམ་ལྡན 91.80a འདས་ཕྱག་ན་རྡོ་རྗེས་རིགས་ཐམས་ཅད་ཀྱི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །ཆོས་ཀྱི་འཁོར་ལོ་འདྲ་བར་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ལ་འདི་ནི་སྲད་བུ་བྲེ་བའི་སྙིང་པོ་ཡིན་ནོ། །ོཾ་སརྦ་བཛྲ་སཱུ་ཏྲཾ་ཨཱ་ཀཪྵ་ཡ་སརྦ་མཎྜ་ལ་ཧཱུཾ། དཀྱིལ་འཁོར་གྱི་ནི་དབུས་སུ་ཡང ། །སེང་ལྡེང་ཕུར་བུ་བཏབ་ནས་ནི། །དེ་ནས་སྲད་བུ་ཉིས་རིམ་དུ། །བྱས་ནས་དེ་ཡིས་སྲད་བུ་བྲེ། །དེ་ལ་འདི་ནི་ཕུར་བུའི་སྙིང་པོ་ཡིན་ནོ། །ོཾ་བཛྲ་ཀཱི་ལ་ཡ་ཀཱི་ལ་སརྦ་བིགྷྣི་བན་དྷ་ཧཱུཾ་ཕཊ། སྲད་བུ་བཞི་དང་ལྡན་པ་དང ། །དཀྱིལ་འཁོར་ཟླུམ་པོ་སྲད་བུ་བྲེ། །དེ་ཡི་ཕྱི་རོལ་བྱུང་ནས་ནི། །ཉིས་འགྱུར་དུ་ནི་དེ་བཞིན་ནོ། །དེ་ཡི་རིམ་པ་གསུམ་དུ་ནི། །ཕྱི་རོལ་དཀྱིལ་འཁོར་སྲད་བུ་བྲེ། །ཕྱོགས་མཚམས་འཁོར་ལོའི་རྩིབས་ཚུལ་དུ། །གྲ་ཡི་རི་མོ་སྲད་བུ་བྲེ། །སྲད་བུ་བྲེ་བའི་ཆོ་གའོ། །དེ་ནས་སྲད་བུ་བྲེས་པ་དེར། །དག་པའི་ཚོན་གྱིས་དགང་བར་བྱ། །གཡོན་པ་རྡོ་རྗེ་ཁུ་ཚུར་གྱིས། །ཆོ་ག་བཞིན་དུ་བཟུང་བར་བྱ། །དང་པོ་བྲིས་ནས་ཕྱིས་ཅི་བདེ། །དེ་ལ་འདི་ནི་ཚོན་གྱི་སྙིང་པོའོ། །ོཾ་བཛྲ་རངྒ་ས་མ་ཡ་ཧཱུཾ། དེ་ནས་རྡོ་རྗེ་སློབ་དཔོན་ཡང ། །མཉམ་པར་བཞག་ལ་དབུས་འདུག་ནས། །རྡོ་རྗེ་ཡི་ནི་སྒོ་བཞི་རྣམས། །ཡིད་ཀྱིས་ཀྱང་ནི་དབྱེ་བར་བྱ། །དེ་ལ་སྒོ་དབྱེ་བའི་སྙིང་པོ་ནི་འདིའོ། །ོཾ་བཛྲ་ཨུད་ག་ཊ་ས་མ་ཡ་པྲ་བེ་ཤ་ཡ་ཤཱི་གྷྲཾ་སྨ་ར་བཛྲ་ས་མ་ཡ་ཧཱུཾ་ཕཊ། གསེར་རམ་ཡང་ན་དངུལ་ཡང་རུང ། །ས་ལ་བར་དུ་བྲིས་པའམ། །ཕ་གུ་གྲུ་བཞིའི་སྟེང་དུ་ནི། །སངས་རྒྱས་སྐུ་གཟུགས་གཞག་པར་བྱ། །དེ་ལ་སངས་རྒྱས་ཐམས་ཅད་ཀྱི་སྙིང་པོ་ནི་འདིའོ། །ོཾ་སརྦ་བིད། སངས་རྒྱས་ཀྱི་ནི་ཕྱོགས་ཀུན་དུ། །སེམས་དཔའ་ཆེན་པོ་བཞི་བཞག་གོ་།མདུན་དུ་ཕྱག་ན་རྡོ་རྗེ་ནི། །འཇིག་རྟེན་གསུམ་ལས་རྒྱལ་ཞེས་བྱ། །དེ་ལ་སེམས་དཔའ་ཆེན་པོའི་སྙིང་པོ་ནི 91.80b འདི་རྣམས་ཡིན་ནོ། །ོཾ་སུམ་བྷ་ནི་སུམ་བྷ་ཧཱུཾ། གྲྀཧྞ་ན་གྲྀཧྞ་ན་ཧཱུཾ། གྲྀཧྞ་ན་པ་ཡ་གྲྀཧྞ་ན་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱཾ་བཛྲ་ཧཱུཾ་ཕཊ། ཨོཾ་བཛྲ་བྷྲྀ་གུ་ཊཱི་ཀྲོ་དྷ་ཨཱ་ན་ཡ་སརྦཾ་རཏྣ་ཧྲཱིཿ ཧཱུཾ་ཕཊ། ཨོཾ་བཛྲ་དྲྀཥྚི་ཀྲོ་དྷ་དྲྀཥྚ་མཱ་ར་ཡ་ཧཱུཾ་ཕཊ། ཨོཾ་བཛྲ་བི་ཤཝ་ཀྲོ་དྷ་ཀུ་རུ་སརྦ་བི་ཤཝ་རཱུ་པ་ཏ་ཡ་སིད་དྷ་ཡེ་ཧཱུཾ་ཕཊ། འཇུག་གང་ཕྱིར་ནི་བྱུང་བ་ན། །སྲད་བུའི་འོག་འཛུལ་ཡིད་བསམས་ནས། །རྡོ་རྗེ་ཤུགས་སུ་བརྗོད་པ་སྟེ། །དེ་ཡིས་རི་མོ་བརྒལ་བར་བྱ། །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདིའོ། །ོཾ་བཛྲ་བཻ་གཱ་ཀྲ་མ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དང་པོར་དེ་བཞིན་དུ། །ལྟག་འོག་གོ་རིམ་ཇི་བཞིན་དུ། །རྡོ་རྗེ་སྒྱུ་མ་ལ་སོགས་བྲི། །དེ་ལ་དམ་ཚིག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་ཙཀྲ་ཧཱུཾ། ཨོཾ་བཛྲ་གྷཎྚ་ཌ་ཧཱུཾ། ཨོཾ་བཛྲ་ཌཎྚ་ཀ་ཤ་ཧཱུཾ། ཨོཾ་བཛྲ་ཨཱ་ཡུ་དྷ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གཉིས་པ་དེ་བཞིན་ཏེ། །རྡོ་རྗེ་འཁྱིལ་བ་ལ་སོགས་པ། །རྡོ་རྗེ་ཁྲོ་བོ་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པྲ་ཛྭ་ལི་ཏ་དཱིཔྟ་བཛྲ་ཧཱུཾ། ཨོཾ་བཛྲ་སཽ་མེ་ཧཱུཾ། ཨོཾ་བཛྲ་དཎ་ཌ་ཧཱུཾ། ཨོཾ་བཛྲ་བི་ཀྲི་ཏ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །སྒོ་ནི་བཞི་པོ་རྣམས་སུ་ཡང ། །རྡོ་རྗེ་གླང་སྣ་ལ་སོགས་པ། །ཐམས་ཅད་རིམ་པ་བཞིན་དུ་བྲི། །དེ་དག་གི་དམ་ཚིག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་དྷ་མ་ཧཱུཾ། ཨོཾ་བཛྲ་མཱ་ལ་ཧཱུཾ། ཨོཾ་བཛྲ་ཨརྠ་ཧཱུཾ། ཨོཾ་བཛྲ་ཨ་སི་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གསུམ་པར་བྲི་བ་ནི། །ལྟག་འོག་རིམ་པ་ཇི་བཞིན་དུ། །རྡོ་རྗེ་ཐོ་བ་ལ་སོགས་པའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་མུ་ས་ལ་ཧཱུཾ། ཨོཾ་བཛྲ་པཱ་ཏ་ཧཱུཾ། ཨོཾ་བཛྲ་ཛྭཱ་ལ་ཧཱུཾ། ཨོཾ་བཛྲ་གྲ་ཧ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པར་བྲི་བ་ནི། །རྡོ་རྗེ་ལྕགས་ཀྱུ་ལ 91.81a སོགས་བྲན། །ལྟག་འོག་རིམ་པ་བཞིན་དུའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་དཾཥྜཱ་ཧཱུཾ། ཨོཾ་བཛྲ་མཱ་ར་ཎ་ཧཱུཾ། ཨོཾ་བཛྲ་བེ་ག་ཧཱུཾ། ཨོཾ་བཛྲ་ཧ་ར་ཎ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་རོལ་དཀྱིལ་འཁོར་གཞག་པ་ནི། །ལྟག་འོག་རིམ་པ་ཇི་བཞིན་དུ། །མ་མོ་ཐམས་ཅད་བྲི་བར་བྱ། །དེ་ནས་རྡོ་རྗེ་སྒོ་བཞིར་ཡང ། །སྒོ་བ་རྣམས་ཀྱང་དེ་བཞིན་ནོ། །དེ་ནས་རབ་ཏུ་བཤད་པ་ནི། །ཆོ་ག་རྒྱས་པ་ཇི་བཞིན་པའོ། །དེ་ནས་འཇིག་རྟེན་གསུམ་པོའི་འཁོར་ལོའི་དཀྱིལ་འཁོར་ཆེན་པོ་འདིར་དགུག་པ་ལ་སོགས་པའི་ལས་ཀུན་བྱས་ཏེ། རྡོ་རྗེ་སློབ་དཔོན་ཉིད་རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་བཅིངས་ཏེ་འདི་སྐད་བསྒོ་ཞིང ། ངས་ཁྱོད་ལ་རྡོ་རྗེ་དམ་ཚིག་གི་ཡེ་ཤེས་བསྐྱེད་པར་བྱ་སྟེ། དེ་ཁྱོད་ཀྱིས་སུ་ལ་ཡང་མ་སྨྲ་ཤིག་།མི་བདེ་བ་མ་སྤངས་པས་ཁྱོད་དུས་བྱས་ཏེ་དམྱལ་བར་ལྷུང་ང་རེ་ཞེས་བསྒོ་སྟེ་མནའི་སྙིང་པོ་འདི་སྦྱིན་ནོ། །རྡོ་རྗེ་ཁྲོ་བོ་ཏྀ་རནྟི་རཱྀ་ཕྱག་རྒྱ་ཡང་སྟོན་ཅིག་།གལ་ཏེ་དམ་ཚིག་ལས་འདས་ན། །རྡོ་རྗེ་ཁྲོ་བོ་ཆེན་པོ་ཡི། །དམ་ཚིག་ཁྱོད་ཀྱི་རིགས་སྲེག་པས། །གླད་པ་ནས་ནི་བརྩམས་ནས་ཀྱང ། །ལུས་རྣམས་མ་རུངས་པར་ཡང་བྱེད། །དམ་ཚིག་བཅིང་བའོ། །དེ་ནས་རྡོ་རྗེ་འཆང་བའི་ལས་ཀྱི་ཕྱག་རྒྱ་སྙིང་པོ་འདིས་བཅིང་ངོ ། །ོཾ་སརྦ་ཏ་ཐཱ་ག་ཏ་བཛྲ་དྷཱ་ར། གྲྀཧྞ་བན་དྷ་ས་མ་ཡ་ཧཱུཾ། དེ་ནས་འདི་ཕྱག་རྒྱ་བཅིང་བ་བཤད་དོ། །ལག་གཉིས་བླ་འོག་གཉིས་སུ་བཏང ། །མཐེ་བོ་མཐེའུ་ཆུང་སྦྲེལ་བ་དང ། །ལས་ཀྱི་ཕྱག་རྒྱ་དམ་ཚིག་འདི། །རྡོ་རྗེ་བཅིང་བ་ཞེས་ཀྱང་བཤད། །དེ་ནས་རྡོ་རྗེའི་ཆུས་དབང་བསྐུར་ཏེ་སྙིང་པོ་ནི་འདི་ཡིན་ནོ། །ོཾ་བཛྲ་ཨ་བྷི་ཥེ་ཀ་ཨ་བྷི་ཥིཉྩ་བཛྲ་དྷཱ་ར་ཏ་ས་མ་གྲ་གྲཾ། དེ་ནས་གཡོགས་པས་གདོང་གཡོགས་ཏེ། སྙིང་པོ་འདི་གཞུག་གོ་།ོཾ་བཛྲ་པྲ་བེ་ཤ་ཡ། བཛྲ་ཨཱ་བེ་ཤ་ཡ་ཨ་དྷི་ཏིཥྛ་བཛྲ་ཧཱུཾ། དེ་ནས་བཅུག་ནས་སྙིང་པོ་འདིས་མེ་ཏོག་གཏོར་རོ། །ོཾ་པྲ་ཏཱིཙྪ་ཨ་དྷི་ཏིཥྛ་བཛྲ་ཧོཿ ། དེ་ནས་དེ་དག་གར་ལྷུང་བ 91.81b དེ་འདིས་འགྲུབ་པར་འགྱུར་རོ། །དེ་ནས་གདོང་གཡོགས་པ་བཀྲོལ་ནས་དཀྱིལ་འཁོར་གོ་རིམས་བཞིན་དུ་བསྟན་ཏེ། ལྷ་གང་ཡིན་པ་དེ་ནི་དེ་ལ་མི་བསྟན་ཏོ། །དེ་ཅིའི་ཕྱིར་ཞེ་ན། སེམས་ཅན་ལོག་པར་ལྟ་བ་དག་ཡོད་དེ་གང་དག་ཇི་ལྟར་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་གདོན་མི་ཟ་བ་ཇི་ལྟར་དེ་བཞིན་གཤེགས་པ་རྡོ་རྗེ་རིགས་སུ་ཕྱག་ན་རྡོ་རྗེས་དབང་བསྐུར་བ་དེ་བཞིན་གཤེགས་པ་ཉིད་དམ་ཞེས་དད་པར་མི་འགྱུར་རོ་ཞེས་པ་ནི་དམ་ཚིག་གོ་།གཞན་དུ་ན་ལྷ་གང་དག་ལ་དད་པ་དེ་དག་ལ་མནའི་སྙིང་པོ་འདི་བྱིན་ནས་བསྟན་པར་བྱའོ། །དེ་ནས་རྡོ་རྗེའི་རིན་པོ་ཆེའི་མཚན་མའི་ཕྲེང་བས་དབང་བསྐུར་ནས་ལས་ཀྱི་རྡོ་རྗེ་ལག་པ་གཉིས་སུ་བྱིན་ལ། རྡོ་རྗེ་མིང་བཏགས་ཏེ་ཇི་ལྟར་རྡོ་རྗེ་དམ་ཚིག་གི་དཀྱིལ་འཁོར་ཆེན་པོ་བཞིན་དུ་བྱའོ། །དེ་ནས་ཕྱག་རྒྱ་ཆེན་པོ་བཅིང་བ་བསླབ་བོ། །རྡོ་རྗེ་བཅིང་བ་དམ་བྱས་ཏེ། །མཐེ་བོང་ནང་དུ་སྦྱར་ནས་ནི། །འཛུབ་མོ་བཀུག་ནས་གཉི་གས་བཀབ། །སེམས་དཔའི་གཙུག་ཏོར་ཞེས་བྱའོ། །རྡོ་རྗེ་བཅིང་བ་བྱས་ནས་ནི། །མཐེ་བོ་གུང་མོ་མཐེའུ་ཆུང་བསྒྲེང ། །གཟི་བརྗིད་ཕུང་པོ་ཞེས་བྱ་སྟེ། །གཟི་བརྗིད་ཆེན་པོའི་བཙུན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཐེ་བོ་མཐེའུ་ཆུང་སྦྲེལ་བ་ནི། །དམ་དུ་ལྕགས་ཀྱུ་བཅིངས་པ་སྟེ། །རིག་པ་ཆེན་པོ་དམ་པའི་འོ། །རིགས་པ་ཆེན་པོ་དམ་པ་ཡི། །ཕྱག་རྒྱ་བཅིངས་ནས་རབ་བཅིང་བ། །སྙིང་གར་མཐེ་བོའི་ངོས་ཀྱིས་སོ། །སེམས་དཔའ་ཡི་ནི་སྙིང་པོར་བཤད། །དེ་ཉིད་ལས་གུང་མོ་སྲིན་ལག་།སོར་མོ་རབ་ཏུ་བསྡམས་ནས་ནི། །རྡོ་རྗེ་རིན་ཆེན་ཚུལ་དུ་ནི། །བསྒྱུར་ནས་གདོང་དུ་གཞག་པར་བྱ། །དེ་ཉིད་བསྐྱེད་དེ་བཞག་ནས་ནི། །སྙིང་གར་ཡང་ནི་བསྒྱུར་བར་བྱ། །མེ་ཏོག་བཞི་པ་ཞེས་བྱ་སྟེ། །པད་མའི་རིག་པ་དམ་པའོ། །དེ་ཉིད་སྤྱི་བོ་ནས་བརྩམས་ཏེ། །ལུས་ཀྱི་དཀྱིལ་འཁོར 91.82a བསྐོར་བར་བྱ། །སྣ་ཚོགས་རྡོ་རྗེའི་ཕྱག་རྒྱ་འདི། །རྡོ་རྗེ་ལས་ནི་རབ་སྒྲུབ་པའོ། །སེམས་མའི་རྡོ་རྗེ་དམ་བྱས་ཏེ། །མཐེའུ་ཆུང་རྡོ་རྗེ་བསྒྲེང་བ་ནི། །ཐམས་ཅད་རིག་པའི་སྙིང་པོ་འདི། །ཕྱག་རྒྱ་འདི་ནི་ཐམས་ཅད་སྒྲུབ། །མཐེ་བོ་མཐེ་ཆུང་བཅིངས་ནས་ནི། །གཡོན་པའི་སོར་མོ་དབུས་མ་གསུམ། །རྩེ་གསུམ་པ་ནི་དབུས་མའི་རྩེ། །རྡོ་རྗེ་ཕྱག་རྒྱ་གཟུང་བ་སྟེ། །རྡོ་རྗེ་རིག་པ་དམ་པ་འདི། །རྡོ་རྗེ་མདུང་ཞེས་བྱ་བའོ། །དེ་ནས་རབ་ཏུ་བཤད་པ་ནི། །སྒྱུ་མ་རྡོ་རྗེ་ལ་སོགས་བརྟགས། །རྡོ་རྗེ་བཅིང་བ་དམ་བྱས་ཏེ། །གཡོན་པའི་རྡོ་རྗེ་བཅིང་བར་བྱ། །རྡོ་རྗེ་ཁུ་ཚུར་ཞེས་བཤད་དེ། །རྡོ་རྗེའི་རིགས་ནི་ཀུན་གྱི་འདིའོ། །རྡོ་རྗེ་དེ་ནི་གཉིས་བྱས་ཏེ། །མཚན་མ་ཀུན་ཀྱང་དེས་བཞག་གོ་།རྡོ་རྗེའི་རིགས་ནི་ཐམས་ཅད་ཀྱི། །ཕྱག་རྒྱ་རྣམས་ཀྱང་འབྱུང་བ་སྟེ། །སོར་བརྐྱང་སྟེང་དུ་གཞག་པ་དང ། །མཛུབ་མོས་མཐེབ་སྟན་སྦྱར་བ་དང ། །ོཾ་ཞེས་བྱ་བ་སྤྱིར་བཞག་ནས། །རྡོ་རྗེ་སྟེང་དུ་བཞག་པའོ། །རིག་པའི་རྒྱལ་པོའི་ཕྱག་རྒྱ་ཆེན་པོའི་ཚོགས་རྣམས་སོ། །རབ་ཏུ་བརྐྱང་ནས་ལག་གནས་པ། །ལག་པའི་རྒྱབ་ཏུ་དེ་བཞིན་ཏེ། །ཁུ་ཚུར་བཅངས་གཞག་ལག་ངར་བསྐུམ། །ཁ་ཡི་ཕྱོགས་སུ་བསྐོར་བར་བྱ། །རྡོ་རྗེ་ཁྲོ་བོའི་ཕྱག་རྒྱའི་ཚོགས་སོ། །གཡོན་པའི་མཐེ་བོ་སྟེང་དུ་གཞག་།ཕྲེང་བའི་བཅིང་བའི་ཐབས་སུ་སྦྱར། །ནོར་སྦྱིན་པར་ནི་གཡས་པ་སྟེ། །རལ་གྲིའི་ཕྱག་རྒྱ་ཁུ་ཚུར་མཆོག་།འདུས་པའི་དབང་པོའི་ཕྱག་རྒྱ་ཆེན་པོ་འདུས་པའོ། །གཡས་པ་མདུན་དུ་གཏུན་རིངས་འཛིན། །ལག་པ་བརྐྱང་བའང་དེ་བཞིན་ཏེ། །གཡས་པས་འོད་ནི་འབར་བར་བསྟན། །རྡོ་རྗེ་ཁུ་ཚུར་བསྐྱོད་པར་བྱ། །ཕོ་ཉའི་ཕྱག་རྒྱ་ཆེན་པོའི་ཚོགས་སོ། །བསྒྱིངས་བཅས་མཛུབ་མོའི་ཁར་མཆེ་བ། །དབྱུག་པ་བསྣན་ཅིང་གནས་པ་དང ། །དཔུང་བ་བསྐུམ་ཞིང་དབྱུང་བ་དང ། །གཡས་པ་གཡོན་གྱིས་འདྲེན་པའོ། །བྲན་གྱི་ཕྱག་རྒྱའི 91.82b ཚོགས་ཆེན་པོའོ། །དཀྱིལ་འཁོར་ཀུན་དུ་བསྟན་པ་ནི། །གཡོན་པས་རྡོ་རྗེ་གཟུར་ནས་སོ། །དེ་ནས་རབ་ཏུ་བཤད་པ་ནི། །སྒྲུབ་པ་དང་ནི་ལས་ཉིད་དོ། །སེམས་དཔའ་གང་གི་ཕྱག་རྒྱ་གང ། །དེ་ནི་བདག་ཉིད་ཉིད་ཀྱིས་ཀྱང ། །བདག་ཉིད་གོམས་པར་གྱུར་ན་ནི། །ཕྱག་རྒྱ་དམ་པར་འགྲུབ་པར་འགྱུར། །གཙུག་ཏོར་ཆེན་པོ་བསྲུང་བ་ཆེ། །གཟི་བརྗིད་ཕུང་པོ་རབ་གྲུབ་སྟེར། །རྡོ་རྗེ་ཧཱུཾ་ཞེས་བྱ་ཀུན་བྱེད། །སྙིང་གར་གཞག་པ་ཐམས་ཅད་འགུག ། །སངས་རྒྱས་ཀྱི་ཕྱག་རྒྱ་རྣམས་སོ། །ཐམས་ཅད་རིག་པ་ཐམས་ཅད་འགྲུབ། །རྡོ་རྗེ་རིག་པ་དམ་པའོ། །རྡོ་རྗེ་གདུང་ནི་ཕྱག་རྒྱ་ཆེ། །གྲུབ་པ་ཆེན་པོ་སྦྱིན་པར་བྱེད། །སྒྱུ་མའི་རྡོ་རྗེ་རབ་འགྲུབ་སྟེར། །དྲིལ་བུ་ཡིས་ནི་ཡང་དག་འབེབས། །དབྱུག་པའི་ཤིང་གིས་མྱ་ངན་འདའ། །རྡོ་རྗེའི་རྡོ་རྗེ་གསོད་པར་བྱེད། །རིག་པའི་རྒྱལ་པོ་རྣམས་སོ། །འབར་བའི་མཆོག་ནི་མ་རུངས་འདུལ། །ཞི་བའི་མཆོག་ནི་ཐམས་ཅད་གསོད། །དབྱུག་པའི་མཆོག་ནི་གསོད་པ་སྟེ། །འཇིགས་པའི་མིག་ནི་སྐྲག་པར་བྱེད། །རྡོ་རྗེ་ཁྲོ་བོའི་ཕྱག་རྒྱ་རྣམས་སོ། །མྱོས་པས་རབ་ཏུ་མྱོས་པར་བྱེད། །ཕྲེང་བ་ཀུན་ནི་བྱེད་པར་བཤད། །འདོད་བྱེད་དགའ་བར་བྱེད་པ་སྟེ། །གསོད་པ་ཐམས་ཅད་གསོད་པའོ། །ཚོགས་ཀྱི་ཕྱག་རྒྱ་རྣམས་སོ། །ཐོ་བ་གདུག་པ་འཇོམས་པ་སྟེ། །རས་ཀྱི་རྒྱུ་རས་དེ་བཞིན་ཏེ། །འབར་བའི་མཆོག་ནི་གདུག་པ་སྲེག་།གནོད་སྦྱིན་མ་ནི་གདོན་འབོད་དོ། །ཕོ་ཉའི་ཕྱག་རྒྱ་རྣམས་སོ། །རྡོ་རྗེའི་མཆེ་བ་ཟ་བ་སྟེ། །གསོད་པ་ཐམས་ཅད་གསོད་པའོ། །བགེགས་བྱེད་མ་ནི་རབ་ཏུ་བགེགས། །འཕྲོག་མ་ཡང་ནི་ཐམས་ཅད་འཕྲོག་།བྲན་གྱི་ཕྱག་རྒྱ་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཆེན་པོའི་རྟོག་པའི་རྒྱལ་པོ་ལས་འཇིག་རྟེན་གསུམ་གྱི་འཁོར་ལོའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ 91.83a ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་ཀྱི་དམ་ཚིག་ལས་བྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བ་སི་ཏྲེ་སཝཱ་ཧཱ། དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་དྷ་རི་ཧཱུཾ། བཛྲ་བི་ཀྲ་མེ་ཧཱུཾ་ཕཊ། ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རཏྣ་གོ་ཏྲེ་སཝཱ་ཧཱ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་པད་མ་ནཻ་ཏྲེ་སཝཱ་ཧཱ། དེ་ནས་ཡང་བྱང་ཆུབ་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཀར་མ་ཀ་རེ་སཝཱ་ཧཱ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་རིག་པ་དམ་པས་རང་གི་རིག་དམ་པ་འདི་གསུངས་སོ། །ོཾ་བཛྲ་ཤཱུ་ལཱ་གྲེ་སཝཱ་ཧཱ། དེ་ནས་རྡོ་རྗེ་སྒྱུ་མ་རིག་པའི་རྒྱལ་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཙ་ཀྲེ་ཧཱུཾ། རྡོ་རྗེ་དྲིལ་བུས་སྨྲས་པ། ཨོཾ་བཛྲ་གྷཎྜ་ཀེ་ཧཱུཾ། ཐུབ་པའི་རྡོ་རྗེས་སྨྲས་པ། ཨོཾ་བཛྲ་དན་ཏ་ཀཥྛེ་ཧཱུཾ། རྡོ་རྗེ་མཚོན་ཆས་སྨྲས་པ། ཨོཾ་བཛྲེ་ཧཱུཾ། རིག་པའི་རྒྱལ་པོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་འཁྱིལ་པ་རྡོ་རྗེ་ཁྲོ་བོས་རང་གི་སྙིང་པོའི་དམ་ཚིག་གི་ཕྱག་རྒྱ་འདི་སྨྲས་སོ། །ོཾ་བཛྲ་ཛྭཱ་ལེ་ཧཱུཾ། དེ་ནས་རྡོ་རྗེ་འོད་ཀྱིས་སྨྲས་པ། ཨོཾ་བཛྲ་སཽ་མེ་ཧཱུཾ། དེ་ནས་རྡོ་རྗེ་དབྱིག་པས་སྨྲས་པ། ཨོཾ་བཛྲ་དཎ་ཌེ་ཧཱུཾ། རྡོ་རྗེ་སེར་སྨུག་གིས་སྨྲས་པ། ཨོཾ་བཛྲ་བི་ཥཱ་ཎ་ཧཱུཾ། རྡོ་རྗེ་ཁྲོ་བོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་གླང་སྣས་རང་གི་དམ་ཚིག་གི་ཕྱག་རྒྱ་སྨྲས་པ། ཨོཾ་བཛྲ་མེ་དེ་ཧཱུཾ། རྡོ་རྗེ་ཕྲེང་བས་སྨྲས་པ། ཨོཾ་བཛྲ་མཱ་ལེ་ཧཱུཾ། རྡོ་རྗེ་དབང་གིས་སྨྲས་པ། ཨོཾ་བཛྲ་ཨ་བྷི་ཥེ་ཧཱུཾ། རྣམ་པར་རྒྱལ 91.83b བའི་རྡོ་རྗེས་སྨྲས་པ། ཨོཾ་བཛྲ་ཨ་པ་རཱ་ཛི་ཏ་ཧཱུཾ། ཚོགས་ཀྱི་བདག་པོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་གཏུན་རིངས་ཀྱིས་རང་གི་དམ་ཚིག་གི་ཕྱག་རྒྱ་རྣམས་སྨྲས་པ། ཨོཾ་བཛྲ་མུ་ས་ལ་གྲ་ཧེ་ཧཱུཾ། དེ་ནས་རྡོ་རྗེ་རླུང་གིས་སྨྲས་པ། ཨོཾ་བཛྲ་པཱ་ཏེ་ཧཱུཾ། རྡོ་རྗེ་མེས་སྨྲས་པ། ཨོཾ་བཛྲ་ཛྭཱ་ལེ་ཧཱུཾ། རྡོ་རྗེ་འཇིགས་པས་སྨྲས་པ། ཨོཾ་བཛྲ་གྲ་ཧེ་ཧཱུཾ། རྡོ་རྗེ་ཕོ་ཉའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་ལྕགས་ཀྱུས་སྨྲས་པ། ཨོཾ་བཛྲ་དཾ་ཧཱུཾ། རྡོ་རྗེ་དུས་ཀྱིས་སྨྲས་པ། ཨོཾ་བ་ཤེ་ཧཱུཾ། རྡོ་རྗེ་ངན་ཁྲིད་ཀྱིས་སྨྲས་པ། ཨོཾ་བཛྲ་བིགྷྣན་ཧཱུཾ། རྡོ་རྗེ་ཀླུས་སྨྲས་པ། ཨོཾ་བཛྲ་ཧ་ར་ཎི་ཧཱུཾ། རྡོ་རྗེ་བྲན་གྱི་དམ་ཚིག་གི་ཕྱག་རྒྱ་རྣམས་སོ། །དེ་ནས་ཡང་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་ཀྱི་རྡོ་རྗེའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །རྡོ་རྗེ་དཀྱིལ་འཁོར་དམ་པ་སྟེ། །གྲུ་བཞི་པ་ལ་བྱང་ཕྱོགས་སྒོ། །ཕྱི་རོལ་དཀྱིལ་འཁོར་སྲད་བུས་བྲེ། །དེ་ཡི་ནང་དུ་དེར་ཡང་ནི། །དེ་བཞིན་སྒོ་ནི་ཤར་ཕྱོགས་གདོད། །དེ་ཡི་དབུས་སུ་ཅི་རིགས་པར། །སངས་རྒྱས་གཟུགས་ནི་གཞག་པར་བྱ། །འཇིག་རྟེན་གསུམ་ལས་རྒྱལ་སོགས་པ། །བཞི་པོ་དེ་ཡི་ཕྱོགས་ཀུན་བཞག་།དཀྱིལ་འཁོར་དེ་བཞིན་གཙོ་བོར་ཡང ། །རྡོ་རྗེའི་ཕྱག་རྒྱ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །རིགས་ཀྱི་ཕྱག་རྒྱ་བྲི་བར་བྱ། །རྡོ་རྗེ་གླང་སྣ་ལ་སོགས་པ། །བཞི་པོ་དེ་ཡི་ཕྱོགས་ཀུན་གཞག་།དཀྱིལ་འཁོར་དེ་བཞིན་གཙོ་བོར་ཡང ། །རྡོ་རྗེ་ཕྱག་རྒྱ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །རིགས་ཀྱི་ཕྱག་རྒྱ་བྲི་བར་བྱ། །རྡོ་རྗེ་གླང་སྣ་ལ་སོགས་པ། །བཞི་པོ་རྣམས་ནི་སྒོ་སྲུངས་སོ། །འཇིགས་མ་དཔལ་དང་སྒྲ་དབང་དང ། །དུར་ག་གཡོན་པའི་གྲཝ་རྣམས་ནས། །ཕྱི་ཡི་གྲཝ་རྣམས་ཕྱག་རྒྱ་ནི། །དེ་རྣམས་ཉིད་ནི་བྲི་བར་བྱ། །ཕྱི་ཡི་དཀྱིལ་འཁོར་རྣམས་སུ་ནི། །ལྷ་མོ་རྣམས་ནི་བྲི་བར་བྱ། །དེ་ནས་ཆོ་ག་རྒྱས་པའི་རྣམས། །ཇི་བཞིན་པར་ནི་བཤད་པར་བྱ། །དེ་ནས 91.84a རྡོ་རྗེའི་དཀྱིལ་འཁོར་འདིར། །ཇི་ལྟར་འདོད་པ་བཞིན་དུ་བྱས་ཏེ་རྡོ་རྗེ་ལྕགས་ཀྱུ་ལ་སོགས་པས་དམ་ཚིག་གི་ལས་བྱས་ནས་རྡོ་རྗེ་འཆང་བའི་ཆོ་ག་བཞིན་དུ་བཅིངས་ལ་ཁྱོད་ཀྱིས་དམ་ཚིག་མ་མཐོང་བ་སུའི་མདུན་དུ་ཡང་དམ་ཚིག་གི་ཕྱག་རྒྱ་དེ་རྣམས་མ་སྨྲ་ཤིག་།གསང་བ་འཕེལ་བར་མ་བྱེད་ཅིག་ཅེས་བསྒོ་ཤིག་།དེ་ནས་ལས་ཀྱི་རྡོ་རྗེ་དེ་རྡོ་རྗེ་འཆང་བའི་ཕྱག་རྒྱའི་སྟེང་དུ་བཞག་སྟེ་ཆོ་ག་བཞིན་དུ་ཆུག་ཅིག་།ཞུགས་ནས་རྡོ་རྗེ་དེ་དེ་བཞིན་དུ་འོར་ཅིག་།གང་ལ་བབ་པ་དེ་དེའི་དམ་ཚིག་གི་ཕྱག་རྒྱའི་དབང་དུ་འགྱུར་ཏེ། དེས་ལས་ཐམས་ཅད་བྱེད་དོ། །དེ་ནས་གདོང་གཡོགས་བཀྲོལ་ནས་དཀྱིལ་འཁོར་རིམ་བཞིན་བསྟན་ཏེ། དམ་ཚིག་གི་ཕྱག་རྒྱ་གསང་བ་སྨྲོས་ཤིག་།དམ་ཚིག་ཕྱག་རྒྱ་འདི་ཁྱོད་ཀྱི། །རྟག་ཏུ་ལས་ཀུན་བྱེད་པ་སྟེ། །མ་དང་སྲིང་མོ་རྣམས་དང་ནི། །ཆུང་མ་བུ་མོ་བགྲེང་བའོ། །དེ་ལ་དེའི་སྙིང་པོ་ནི་འདི་དག་ཡིན་ནོ། །ོཾ་སརྦ་ག་མ་ནི་སརྦ་བཱཀྟྲེ་སཱ་དྷ་ཡ་གུ་ཧྱ་བཛྲྀ་ཎི་ཧཱུཾ་ཕཊ། འདི་ལན་ཅིག་བཟླས་པས་བུད་མེད་ཐམས་ཅད་དབང་དུ་བྱས་ཏེ་སྤྱད་ན་ཆོས་མ་ཡིན་པར་མི་འགྱུར་རོ། །ཅི་དགའ་བར་ཐམས་ཅད་སྤྱད་ནས་བསྒྲུབ་པར་བྱ་སྟེ། དེ་ནས་སེམས་ཅན་ཐམས་ཅད་དག་པར་ཕྱག་རྒྱ་ཐམས་ཅད་ཡིད་ཀྱིས་ཤེས་ནས་ལས་དམ་པ་ཐམས་ཅད་ཀྱང་བྱེད་དོ་ཞེས་བཅོམ་ལྡན་འདས་རྡོ་རྗེ་འཆང་བས་གསུངས་སོ། །དེ་ནས་དམ་ཚིག་གྀ་ཕྱག་རྒྱ་བསླབ་པར་བྱའོ། །དམ་ཚིག་ཁྲོ་བོ་མཛུབ་གཙུག་དང ། །སྙིང་གར་ཡང་ནི་བསྡམ་པར་བྱ། །ངོས་ཀྱི་མཛོད་སྤུ་ཁ་ནས་དྲང ། །སྤྱི་བོར་བཞག་ནས་གཉིས་སུ་བྱ། །གཡོན་པའི་རྡོ་རྗེ་མཛུབ་མོ་ཡིས། །མདུང་རྩེ་རྩེ་གསུམ་མནན་པར་བྱའོ། །འདི་བཅིངས་པས་ནི་ཡང་དག་པར། །རིག་པ་དམ་པའང་འགྲུབ་པར་འགྱུར། །རྡོ་རྗེའི་རིགས་ནི་ཐམས་ཅད་ཀྱི། །གཡོན་པའི་རྡོ་རྗེ་གཙོ་བོར་འདུས། །དམ་ཚིག་ཆོ་ག་ཇི་བཞིན་པར། ། 91.84b ཕྱག་རྒྱ་བཅིང་བ་བཤད་པར་བྱ། །ཐམས་ཅད་འཁོར་ལོ་མཛུབ་རྩེ་བཅུམ། །དྲིལ་བུ་ཕྱག་རྒྱའང་དེ་བཞིན་ནོ། །དེ་བཞིན་ཨོཾ་གྱི་ཕྱག་རྒྱ་དང ། །སེང་གེའི་རྣ་བར་བྱ་བ་སྟེ། །རིག་པའི་རྒྱལ་པོའི་ཕྱག་རྒྱ་རྣམས་སོ། །འབར་བ་ཀུན་དུ་འཛིན་པ་དང ། །འོད་ནི་ཡང་དག་འདུས་པ་ཉིད། །དབྱུག་པའི་ཁུ་ཚུར་འཛིན་པ་དང ། །ཁ་འགྲམ་ཕྱག་རྒྱ་བསྐོར་བའོ། །ཁྲོ་བོའི་དམ་ཚིག་རྣམས་སོ། །བཏུང་བའི་ཕྱག་རྒྱ་ཕྲེང་བ་དང ། །རྡོ་རྗེ་མནན་ནས་མདུད་པ་ཡིན། །སྤྱི་བོར་བཞག་པ་ཚོགས་ཀྱི་སྟེ། །དཀྱིལ་འཁོར་གྱི་ནི་བསྲུང་བའོ། །ཚོགས་རྣམས་ཀྱི་ནི་དམ་ཚིག་གོ་།ལག་པ་བསྐུམ་པ་ཁར་གཞག་སྟེ། །རྒྱབ་ཏུ་ཡང་ནི་བསྐོར་བར་བྱ། །འབར་བ་མེ་སྟག་གཏོང་བ་སྟེ། །ཕྱེ་ནས་ཁར་ཡང་གནས་པར་བྱ། །ཕོ་ཉ་མོའི་དམ་ཚིག་རྣམས་སོ། །མཐའ་མ་གཉིས་ནི་ཁར་བཅུག་དང ། །བཙིར་ཅིང་རབ་ཏུ་གནོན་པའོ། །དཔུང་པས་བསྣོལ་བས་བསྣོལ་བ་དང ། །མྱུར་དུ་འཕྲོགས་པའང་དེ་བཞིན་ནོ། །བྲན་མོ་རྣམས་ཀྱི་དམ་ཚིག་གོ་།རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་རྡོ་རྗེ་རིགས་ཐམས་ཅད་ཀྱི་རྡོ་རྗེ་གཟུངས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ལས་བྱུང་བ་རྡོ་རྗེ་དབྱིངས་ཀྱི་བྱིན་གྱིས་བརླབས་ཤེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བིད། དེ་ནས་ཡང་ཕྱག་ན་རྡོ་རྗེས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཧ་ན་ཧ་ན་བཛྲ་ཧཱུཾ`་ཕཊ། དེ་ནས་ཡང་རྡོ་རྗེ་སྙིང་པོས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཧ་ར་ཧ་ར་ཧཱུཾ`་ཕཊ། དེ་ནས་ཡང་རྡོ་རྗེ་སྤྱན་གྱིས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་མ་ར་མ་ར་ཧཱུཾ`་ཕཊ། དེ་ནས་ཡང་རྡོ་རྗེ་སྣ་ཚོགས་ཀྱིས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཀུ་རུ་ཀུ་རུ་ཧཱུཾ་ཕཊ། དེ་ནས་རྡོ་རྗེ་རིག་པ་དམ་པས 91.85a རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཧཱུཾ་ཧཱུཾ་ཕཊ། དེ་ནས་རྡོ་རྗེ་སྒྱུ་མས་སྨྲས་པ། ཨོཾ་ཙྪིནྡ་ཙྪིནྡ་ཧཱུཾ་ཕཊ། ཨོཾ་ཨཱ་བི་ཤ་ཨཱ་བི་ཤ་ཧཱུཾ་ཕཊ། ཨོཾ་བྷཱུར་བུ་བ་སཝཿ ཧཱུཾ་ཕཊ། ཨོཾ་བྷིན་དྷ་བྷིན་དྷ་ཧཱུཾ་ཕཊ། རིག་པའི་རྒྱལ་པོ་རྣམས་ཀྱིའོ། །ོཾ་ད་མ་ད་མ་ཧཱུཾ་ཕཊ། ཨོཾ་མཱ་ར་ཡ་མཱ་ར་ཡ་ཧཱུཾ་ཕཊ། ཨོཾ་གྷཱ་ཏ་ཡ་གྷཱ་ཏ་ཡ་ཧཱུཾ་ཕཊ། ཨོཾ་བྷ་ཡ་བྷ་ཡ་ཧཱུཾ་ཕཊ། ཁྲོ་བོ་རྣམས་ཀྱིའོ། །ོཾ་ད་མ་ད་མ་ཧཱུཾ་ཕཊ། ཨོཾ་བན་དྷ་བན་དྷ་ཧཱུཾ་ཕཊ། ཨོཾ་བ་ཤཱི་བྷ་བ་ཧཱུཾ་ཕཊ། ཨོཾ་ཛ་ཡ་ཛ་ཡ་ཧཱུཾ་ཕཊ། ཚོགས་རྣམས་ཀྱིའོ། །ོཾ་བྷྱོ་བྷྱོ་ཧཱུཾ་ཕཊ། ཨོཾ་གྷུ་གྷུ་ཧཱུཾ་ཕཊ། ཨོཾ་ཛྭཱ་ལ་ཛྭཱ་ལ་ཧཱུཾ་ཕཊ། ཨོཾ་ཁཱ་ད་ཁཱ་ད་ཧཱུཾ་ཕཊ། ཕོ་ཉ་རྣམས་ཀྱིའོ། །ོཾ་ཁ་ན་ཁ་ན་ཧཱུཾ་ཕཊ། ཨོཾ་མ་ར་མ་ར་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཕཊ། ཨོཾ་པི་བྷ་པི་བྷ་ཧཱུཾ་ཕཊ། བྲན་མོ་རྣམས་ཀྱིའོ། །དེ་ནས་ཡང་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །དམ་ཚིག་ཆེན་པོའི་དཀྱིལ་འཁོར་ཏེ། །འཇིག་རྟེན་གསུམ་གྱི་འཁོར་ལོ་བཞིན། །དཀྱིལ་འཁོར་ཐམས་ཅད་བྲི་བར་བྱ། །སངས་རྒྱས་རྡོ་རྗེ་འཛིན་ལ་སོགས། །ཐམས་ཅད་སྙོམས་པར་ཞུགས་པའོ། །ཆོས་ཀྱི་དཀྱིལ་འཁོར་ཚུལ་ལྟ་བུ། །སྙིང་གར་མཚན་མ་ཡང་དག་གཞག་།དེ་ནས་འདིའི་ཆོས་ཀྱི་དམ་ཚིག་གི་དཀྱིལ་འཁོར་འདིར་ཆོ་ག་བཞིན་དུ་ལས་བྱས་ནས་རྡོ་རྗེ་འཆང་བའི་ཕྱག་རྒྱ་རྡོ་རྗེ་དྲིལ་བུ་བཅིངས་པ་བཅིངས་ཏེ་འདི་སྐད་སྨྲོས་ཤིག་།ཁྱོད་ཀྱིས་དམ་ཚིག་མ་མཐོང་བ་དང ། ལྷའི་རིགས་མ་མཐོང་བ་སུ་ལ་ཡང་མ་སྨྲ་ཤིག་ཅེས་བསྒོ་བ་ལ་དྲིལ་བུ་དཀྲོལ་དུ་ཆུག་ཅིག་།འདི་སྐད་བསྒོས་ནས་ཀྱང་མནའི་སྙིང་པོ་བྱིན་ལ། ཇི་ལྟར་དྲིལ་བུ་འདི་དཀྲོལ་བའི། །དེ་ཡི་སྒྲ་དེས་ཇི་ལྟ་བ། །དེ་བཞིན་ལས་ཀྱི་རྡོ་རྗེ་ཁྱོད། །དེ་བཞིན་ངེས་པར་མ་རུང་བྱེད། །རྡོ་རྗེ་སློབ་དཔོན་བསྟི་སྟང་མེད། །རྡོ་རྗེ་གྲོགས་དང་མི་མཛའ་དང ། །གདུག་ལ་བྱམས་དང་སྐྱོ་བར་ནི། །གལ་ཏེ་ཁྱོད 91.85b ཀྱིས་བྱས་ནའོ། །དེ་ནས་གདོང་གཡོགས་པ་དཀྲོལ་ལ་དཀྱིལ་འཁོར་བསྟན་ཏེ། ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་སློབས་ཤིག་།སངས་རྒྱས་རྡོ་རྗེ་འཛིན་ལ་སོགས། །ཆོས་ཀྱི་དཀྱིལ་འཁོར་ཇི་བཞིན་ནོ། །ཐམས་ཅད་མཉམ་པ་ཉིད་བསམ་པ། །རྡོ་རྗེ་རིག་པ་དམ་པ་སྐྱེ། །འགྲོ་བ་འདི་དག་སྒྱུ་མ་བཞིན། །དེ་བཞིན་སྡུག་བསྔལ་དྲིལ་བུ་འདྲ། །སྡུག་བསྔལ་ཐམས་ཅད་མྱ་ངན་འདའ། །རྡོ་རྗེ་འཇོམ་པ་བླ་ན་མེད། །རིག་པའི་རྒྱལ་པོ་ཏིང་ངེ་འཛིན་རྣམས་ས་སོ། །སེམས་ཅན་གདུལ་ཕྱིར་ཁྲོ་བོའི་མཆོག་།ཞི་བ་ཡིས་ནི་ངེས་པར་གསོད། །དབྱུག་པ་འདྲ་ལ་འཚོག་པར་བྱེད། །ལོག་པར་ལྟ་བ་འཇིགས་པར་བྱེད། །ཁྲོ་བོའི་ཏིང་ངེ་འཛིན་རྣམས་སོ། །ར་རོ་འདྲ་བར་དཔའ་བ་མེད། །ཕྲེང་བ་འདྲ་བར་འཆིང་བ་མེད། །བུད་མེད་འདོད་པས་འགྲོ་དབང་བྱེད། །བརྟེན་པ་ཙམ་གྱིས་གཞན་ཕམ་མོ། །ཚོགས་ཀྱི་ཏིང་ངེ་འཛིན་རྣམས་སོ། །འཚོག་པའི་ཆད་པའི་མཆོག་ཡིན་དེ། །རེག་པ་རྣམས་ནི་རླུང་གིའོ། །གཟི་བརྗིད་ཅན་ནི་བྱིན་ཟ་མཆོག་།ཟས་རྣམས་ཀྱི་ནང་ཁྲག་དམ་པ། །ཕོ་ཉའི་ཏིང་ངེ་འཛིན་རྣམས་སོ། །མཆེ་བ་དག་པར་ཞུགས་པ་སྟེ། །འཆི་བདག་ཐམས་ཅད་གནས་ན་འདུག་།འཇིགས་ལས་ལྷག་པའི་བགེགས་གཞན་མེད། །ཆུ་ལས་ལྷག་པའི་རོ་གཞན་མེད། །བྲན་གྱི་ཏིང་ངེ་འཛིན་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པའི་རྒྱལ་པོ་ཆེན་པོ་ལས་རྡོ་རྗེའི་རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ལས་འབྱུང་བ་རྡོ་རྗེའི་བྱིན་གྱིས་བརླབསོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཀཪྨ་པྲ་བརྟ་ནི་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན 91.86a རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བི་ལཱ་སེ་པཱུ་ཛཱ་ཡ་ཧཱུཾ། དེ་ནས་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་ཨ་བྷི་ཥེ་ཀེ་ཨ་བྷི་ཥིཉྩ་ཧཱུཾ། དེ་ནས་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་གཱི་ཏེ་གཱ་ཧི་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་རིག་པ་འདི་གསུངས་པ། ཨོཾ་བཛྲ་ནརྀ་ཏྱ་ནརྀ་ཏྱ་ཧཱུཾ། དེ་ནས་རྡོ་རྗེ་རིག་པ་དམ་པས་རང་གི་ལས་ཀྱི་དམ་ཚིག་འདི་གསུངས་སོ། །ོཾ་བཛྲ་བི་དྱོཏྟ་མ་ནེ་ཏྲ་བི་ཀུར་བ་བི་ཀུར་བ་ཧཱུཾ་ཕཊ། དེ་ནས་རྡོ་རྗེ་ཁྲོ་བོ་རྡོ་རྗེ་མེའི་ལྷ་མོས་རང་གི་ལས་ཀྱི་དམ་ཚིག་འདི་སྨྲས་པ། ཨོཾ་བཛྲ་ཀྲོ་དྷ་བཛྲ་ཨ་ཛྭཱ་ལ་ཏྲི་ཤཱུ་ལནྦི་ན་ཧྲྀ་ད་ཡ་བཛྲི་ཎི་ཧཱུཾ་ཕཊ། དེ་ནས་རྡོ་རྗེ་གསེར་ལྷ་མོས་རང་གྀ་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཧེ་མེ་ཙྪིནྡ་ཙཀྲེ་ཎ་བཛྲི་ཎི་ཧཱུཾ་ཕཊ། དེ་ནས་རྡོ་རྗེ་གཞོན་ནུ་མས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཀུ་མཱ་རི་ཤཱི་གྷྲཾ་ཨཱ་བེ་ཤ་ཡ་གྷཎྚ་ཤཔྡེ་ན་བཛྲ་པཱ་ཎི་པྲི་ཡེ་བཛྲ་ས་མ་ཡེ་མ་ནུ་སྨར་ན་ཧཱུཾ་ཕཊ། དེ་ནས་ལྷ་མོ་ཆེན་མོ་རྡོ་རྗེ་ཞི་བས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཤཱནྟི་ཛ་པ་ཛ་པ་ཨ་གྷ་མཱ་ལ་ཡ་སརྦཱན་མ་ར་ཡ་ཤཱན་ཏ་ཏྲྀ་ཧྱ་ཧཱུཾ་ཕཊ། དེ་ནས་ལྷ་མོ་ཆེན་པོ་རྡོ་རྗེ་ཁུ་ཚུར་གྱིས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་མུཥྚི་ཧ་ན་ཧ་ན་བཛྲ་བྷིན་དྷ་བྷྀན་དྷ་པི་ཌ་ཡ་པི་ཌ་ཡ། སརྦ་དུཥྚ་ཧྲྀ་ད་ཡཱ་ནི་ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། རིག་པའི་རྒྱལ་མོ་རྣམས་ཀྱིའོ། །དེ་ནས་རྡོ་རྗེ་མི་འཆིང་བ་ཁྲོ་བོས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཨ་མྲྀ་ཏེ་སརྦ་དུཥྚ་གྲྀཧྞ་བནྡྷ་ཧ་ན་སརྦ་བི་དྭཾ་ས་ཡེ། བི་ནཱ་ཤ་ཡ་ཙྪིནྡ་བ་བི་ཀུ་རུ་མུཏྟ་ནི། ཏ་ཡ་བཛྲེ་ཎ་ཡེ་གེ་ཙིཏྨ་མ་མུ་ཀར་བི་ན་ཡཱ་ཀ་ཏནྟ་མ་དཱིཔྟ་ཀྲོ་དྷ་བཛྲི་ཧཱུཾ་ཕཊ། དེ་ནས་རྡོ་རྗེ་མདངས་ཅན་གྱིས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཀནྟི་མཱ་ར་ཡ་སཽ་མེ་རུ་པེ་པྲ་ཏི་བ་ཏ་རཱ 91.86b གེན་ཤཱི་གྷྲཾ་སྥོ་ཊ་ཡ་བཛྲ་དྷ་ར་ཏྱེ་ན་མ་ཧཱ་ཛྱོ་སྣ་ཀཱ་ར་ལེ་ཤི་ཏ་རསྨི་བཛྲི་ཎི་ཧཱུཾ་ཕཊ། དེ་ནས་རྡོ་རྗེ་དབྱུག་པའི་མཆོག་མས་རང་གི་ལས་ཀྱི་སྙིང་པོ་འདི་སྨྲས་པ། ཨོཾ་བཛྲ་དཎྜ་གྲི་གྷཱ་ཏ་ཡ་ཧཱུཾ་ཕཊ། དེ་ནས་རྡོ་རྗེ་ཙོང་ཙོང་ཁྲོ་བོ་ཆེན་མོས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་མཱ་ལེ་མེ་ཁ་ལེ་ཁ་ན་ཁ་ན་ཤ་པ་བ་དེ་ནི་བ་ཤིཾ་ཀུ་རུ་ཏྲཾ་དཾཥྚཱ་མ་ར་ཡ་བི་ཤ་ནེ་ཧཱུཾ་ཕཊ་ཁྲོ་བོའི་རིག་པ་རྣམས་སོ། །དེ་ནས་རྡོ་རྗེ་འཇུ་མས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བ་ལ་ཡེ་མེ་ཙྪིནྡ་སི་ན་བྷིནྡ་བཛྲི་ཎི་མཱ་ར་ཡ་ཨུ་མ་ད་ཡ་པི་བ་པི་བ་ཧཱུཾ་ཕཊ། དེ་ནས་རྡོ་རྗེ་ཟས་ཀྱིས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཨ་ཤ་ནེ་བ་ཀྲཱ་ཡ་སརྦ་དུཥྚ་བཛྲ་ད་ཤ་ནེ་ཤ་ག་ཏི་དྷ་ར་ཎི་མ་ནུ་ཤ་མ་ན་སེ་ཨ་ཧ་རེ་ན་ར་རུ་ཏི་ས་ཤུད་ཙི་པྲི་ཡ་མ་ཛ་བ་སཱ་ནུ་ལེ་བ་ན་བི་ལེ་བ་ཏ་གྲ་ཏྲེ། ཨ་ན་ཡ་སརྦ་དནྟྱ་ནྱ་ཡ་ཧི་རྱ་ཎ་སུ་བརྣ་ཨཱ་དི་ནི་གྲ་མ་ཡ་དེ་བར་ཀྵ་ཎི་ཧཱུཾ་ཕཊ། དེ་ནས་རྡོ་རྗེ་བགོ་བས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བཱ་ས་ནེ་ཨཱ་ན་ཡ་སརྦ་སྲ་ཨནྣ་བ་ཎ་དི་ནྱུ་བ་ཀ་ར་ཎ་ནི་ཤཱི་གྷྲཾ་བ་ཤིཾ་ཀུ་རུ་དཱི་པ་དེ་མེ་པྲ་ཡཙྪ་ཨཱ་བི་ཤ་ས་དྱཾ་ཀ་ཏ་ཡ་བཛྲ་ཀོ་ཥ་དྷ་ར་ཎཱི་ཧཱུཾ་ཕཊ། དེ་ནས་རྡོ་རྗེ་དབང་གིས་རང་གི་ལས་ཀྱི་དམ་ཚིག་སྨྲས་སོ། །ོཾ་བཛྲ་བ་ཤི་ཨཱ་ན་ཡ་བ་ཤཾ་ཀུ་རུ་སརྦ་པྲི་ཡ་སརྦ་པུ་རུ་ཥ་ན་ད་སི་ཀུ་རུ་ཀྲུདྡཾ་པྲ་སེ་ད་ཡ་སརྦེ་བྷྱཿ བ་ཧ་རེ་བྷྱོ་ཧ་ར་ཡ་བི་ཙ་ར་ཡ་ཀ་རི་བཛྲ་པ་ཏ་ཀ་དྷཱ་རཱ་ཎཱི་ཧཱུཾ་ཕཊ། རྡོ་རྗེ་ཚོགས་ཀྱིའོ། །དེ་ནས་རྡོ་རྗེ་ཕོ་ཉ་མོས་རང་གི་ལས་ཀྱི་དམ་ཚིག་སྨྲས་སོ། །ོཾ་བཛྲ་དུཥྚི་ཨཱ་ན་ཡ་སརྦ་མཎྜ་ལཾ་པྲ་བེ་ཤ་ཡ། ཨཱ་བེ་ཤ་ཡ་བནྡྷ་ཡ་སརྦ་ཀརྨ་ཎི་མེ་ཀུ་རུ་ཤཱི་གྷྲཾ་ཤཱི་གྷྲཾ་ལ་གུ་ལ་གུ་ལ་ཏྲ་ས་ཡེ་མཱ་ར་ཡ། ད་བྱ་བ་རེ་བྷོ་དྷ་ར་ཡ་བི་ཛ་ཡཾ་ཀ་རི་བཛྲ་པ་ཏ་ཀ་དྷཱ་ར་ཎཱི་ཧཱུཾ་ཕཊ། དེ་ནས་རྡོ་རྗེ་ཤུགས་ཀྱིས་རང་གི་དམ་ཚིག་སྨྲས་པ། ཨོཾ་བེགྷ་བཛྲི་ཎ་གྷུ་གྷུ་གྷུ་གྷུ་ཤ་བ་དེ་མཱ་ར་ཡ་བི་གྷིར་བི་དྭཾ་ས་མ་ཡ་བཛྲ་པཱ་ཤ་དྷཱ་ར་ཎཱི 91.87a ཧཱུཾ་ཕཊ། དེ་ནས་རྡོ་རྗེ་འབར་བས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཛྭཱ་ལ་ཛྭཱ་ལ་ཡ་སརྦ་བཛྲ་ཛྭཱ་ལ་ཡ་ཛྭཱ་ལ་ཡ་ད་ཧ་ད་ཧ་བ་སྨི་ཀུ་རུ་ཧཱུཾ་ཕཊ། དེ་ནས་རྡོ་རྗེ་འཇིགས་པས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བི་ག་ཏེ་པྲ་བེ་ཀ་དཾཥྚཱ་ཀ་རཱ་ལི་ཀ་རཱ་ལ་བ་ཤ་ན་བཱཀ་ཏྲེ་ཤཱི་གྷྲཾ་ཤཱི་གྷྲཾ་ཨཱ་བེ་ཤ་ཡ་བཀྵ་ཡ་རུ་དི་རཾ་པྀ་པ་མ་ཧཱ་ཡཀྵི་ཎི་བཛྲ་པཱ་ཤ་དྷཱ་ར་ཎཱི་ཧཱུཾ་ཕཊ། རྡོ་རྗེ་ཕོ་ཉ་མོ་རྣམས་ཀྱིའོ། །དེ་ནས་རྡོ་རྗེའི་བཞིན་རྡོ་རྗེ་བྲན་མོས་རང་གི་ལས་ཀྱི་དམ་ཚིག་སྨྲས་སོ། །ོཾ་བཛྲ་མུཥྚི་ཨཱ་ན་ཡ་བཛྲ་དཾཥྚི་བ་ཡ་ནི་ཀེ་བ་ཏཱ་ལ་ནི་བ་སི་ནི་ཁ་ན་ཁ་ན་ཁཱ་ཧི་ཁཱ་ཧི་སརྦ་མུ་ཁེ་ཕྲ་བེ་ཤ་ཡ་སྥོཊ་ཡ་མཱ་ར་མཱ་ར་ཎི་སརྦ་དུཥྚ་ནཱཾ་བཛྲི་ཎི་ཤི་ཏ་སི་དྷཱ་རི་ཎཱི་ཧཱུཾ་ཕཊ། དེ་ནས་རྡོ་རྗེ་དུ་མས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཀཱ་ལི་མ་ཧཱ་པྲེ་ཏ་རའུ་པི་ཎི་མ་ནུ་ཥ་མཱཾ་ས་རུ་དྷི་ར་པྲི་ཡེ་ཨེ་ཧྱེ་ཧི་གྲྀཧྞ་གྲྀཧྞ་ཡ། བྷཀྵ་ཡ་བཛྲ་ཌཱ་ཀྐི་ནཱི་བཛྲ་ཤཱཾ་ཁ་ལེ་སརྦ་དེ་བ་ག་ཎ་མཱ་ཏྲྀ་བྷཱུ་ཏེ་ཧ་ར་ཧ་ར་པྲ་ཎཱཾ། ཨ་མུ་ཀ་སྱ་ཀ་པཱ་ལ་མཱ་ལཱ་ལཾ་ཀྲྀ་ཏ་སརྦ་ཀ་ཡེ་ཀིཉྩི་རཱ་ཡ་སི་བཛྲ་ཁ་ཊྭཱཾ་ག་དྷཱ་རི་ཎཱི་པྲེ་ཏ་མ་ནུ་ཥ་ཤ་རཱི་རེ་ཤཱི་གྷྲཾ་ཨཱ་བེ་ཤ་ཡ་པྲ་བེ་ཤ་ཡ་བནྡྷ་ཡ་བ་ཤི་ཀུ་རུ་མཱ་ར་ཡ་བཛྲ་རཀྵ་སི་ཧཱུཾ་ཧཱུཾ་ཧཱུཾ་ཧཱུཾ་ཕཊ། དེ་ནས་རྡོ་རྗེ་རུལ་མས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་པའུ་ཏ་མེ་མ་ནུ་ཥ་ཡ་མ་ན་ས་སརྦ་དུ་དི་ར་མུ་ཏྲ་པུ་རཱི་ཥ་ཤ་ལེ་སྨཱ་ཤཱི་གྷྲཾ་ན་རེ་ཀ་ཏོ་གརྦྷ་ཧི་ཎཱུ་ཧཱི་ཤཱི་གྷྲཾ་ཨི་ད་མུ་ཀ་སྱ་ཀུ་རུ་བཛྲ་ཤོ་དྷ་ནི་ཀ་དྷ་ར་ཎཱི་སརྦ་ཀརྨ་ཎི་མེ་ཀུ་རུ་སཝཱ་ཧཱ། ཧཱུཾ། དེ་ནས་རྡོ་རྗེ་མ་ཀ་རས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་མ་ཀེ་རེ་གྲ་ས་གྲ་ས་ཤི་གྷྲཾ་པྲ་བེ་ཤ་ཡ་པཱ་ཏཱ་ལཾ་བྷཀྵ་ཡ་བཛྲ་མ་ཀ་ར་དྷཱ་ར་ཎཱི་ཧཱུཾ་ཕཊ། རྡོ་རྗེ་བྲན་མོ་རྣམས་ཀྱིའོ། །དེ་ནས་ཕྱག་ན་རྡོ་རྗེས་ཡང་རྡོ་རྗེའི་རིགས་ཐམས་ཅད་ཀྱི་ལས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེའི་དཀྱིལ 91.87b འཁོར་ཚུལ་གྱིས་ནི། །དཀྱིལ་འཁོར་ཐམས་ཅད་སྲད་བུས་བྲེ། །དཀྱིལ་འཁོར་མཆོག་ནི་ཐམས་ཅད་དུ། །སངས་རྒྱས་དབུས་ན་བཞུགས་པར་བྱ། །དེ་དག་ཕྱོགས་སུ་རིམ་པར་ཡང ། །སེམས་དཔའ་ཆེན་པོ་རྣམས་བཞག་གོ་།དེ་ཡི་དབུས་སུ་ཆུང་མར་བཅས། །རྡོ་རྗེ་རིག་པ་དམ་པ་ཉིད། །རྡོ་རྗེ་ལཱ་སྱེ་ལ་སོགས་སྲང ། །གར་གྱི་མཆོད་ལ་སོགས་པས་མཆོད། །དེ་ལ་ལྷ་མོའི་གོ་རིམ་བཞིན། །འཁོར་ལོའི་དཀྱིལ་འཁོར་ཚུལ་བཞིན་དུ། །རང་གི་ཕྱག་རྒྱ་ཕྱག་རྒྱ་འདྲ། །གར་བྱེད་པར་ཡང་བྲི་བར་བྱ། །སངས་རྒྱས་རྡོ་རྗེ་ཅན་མཆོད་ཕྱིར། །རྡོ་རྗེ་གར་གྱི་ཚུལ་གྱིས་སོ། །གྲཝ་དང་སྒོ་ཡི་ཕྱོགས་རྣམས་སུ། །བདུག་པ་ལ་སོགས་རིམ་པ་བཞིན། །དེ་ནས་ལས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ལས་བྱས་ནས་རྡོ་རྗེ་འཆང་བའི་ལས་ཀྱི་དམ་ཚིག་གི་ཕྱག་རྒྱ་ཇི་ལྟ་བ་བཞིན་བཅིངས་ཏེ་འདི་སྐད་སྨྲོས་ཤིག་།ཁྱོད་ཀྱིས་ལྷའི་རིམ་པ་མ་མཐོང་བ་དང་ལས་མི་ཤེས་པ་སུ་ལ་ཡང་གསང་བའི་ལས་འདི་མ་སྨྲ་ཤིག་།ཁྱོད་དམ་ཚིག་ཉམས་པར་གྱུར་ཏ་རེ་ཞེས་སྨྲོས་ཤིག་།རྡོ་རྗེ་སློབ་དཔོན་རང་གི་ལས་ཀྱི་རྡོ་རྗེ་འཛིན་པའི་དམ་ཚིག་གི་ཕྱག་རྒྱ་བཅིངས་ཏེ་ཁྲོ་བོའི་ལྟ་བས་བལྟ་ཞིང་འདི་སྐད་བརྗོད་དོ། །ོཾ་བཛྲ་ཏྭརྱ་ཨ་བེ་ཤ་ཡ་པྲ་བེ་ཤ་ཡ་ནརྀ་ཏེ་བ་ཡ་སརྦ་ཀརྨ་སིདྡྷི་མེ་པྲ་ཡཙྪ་ཧཱུཾ་ཨཱཿ ཧཱུཾ་ཨ་ལ་ལ་ལ་ལ་བཛྲི། དེ་ནས་ཡང་བདག་ལ་བབས་ནས་བདག་ཉིད་ཀྱིས་འཇུག་སྟེ་ཕྱག་རྒྱ་དང་འདྲ་བའྀ་ཕྱག་རྒྱ་རྣམས་ཀྱི་གར་གྱི་མཆོད་པས་མཆོད་པར་བྱའོ། །ཕྱིན་ཆད་ལུས་དང ། ངག་དང ། ལྟ་བ་དང ། ཡིད་དང ། རྡོ་རྗེའི་ཕྱག་རྒྱ་རྣམས་ཀྱིས་ལས་ཐམས་ཅད་འདོད་པ་བཞིན་བྱེད་པའོ། །དེ་ནས་གདོང་གཡོགས་པ་བཀྲོལ་ཏེ། གར་གྱི་མཆོད་པའི་ཕྱག་རྒྱའི་ཡེ་ཤེས་སློབས་ཤིག་།སངས་རྒྱས་རྡོ་རྗེ་འཛིན་སོགས་ཀྱི། །དམ་ཚིག་མཆོག་ནི་གཉིས་བྱས་ཏེ། །རྡོ་རྗེ་རིག་པ་དམ་པ་ལ། །རྡོ་རྗེ་ལཱ་སྱེ་ལ་སོགས་མཆོད། །རིག་པ་འདི 91.88a རྣམས་ཐམས་ཅད་ཀྱང ། །ལྟག་འོག་གོ་རིམས་ཇི་བཞིན་དུ། །གར་གྱི་མཆོད་པའི་ཕྱག་རྒྱ་ཡིས། །ལས་ཀྱི་དཀྱིལ་འཁོར་མཆོད་པར་བྱ། །རྡོ་རྗེ་གར་གྱི་ཚུལ་གྱིས་ནི། །ཕྱག་རྒྱ་ཆེན་པོ་མདོར་བསྡུས་སོ། །དམ་ཚིག་མཆོག་ནི་གཉིས་བྱས་ནས། །ལས་ཀྱི་ཕྱག་རྒྱ་དཀྲོལ་བར་བྱ། །གར་གྱི་མཆོད་པ་འདི་ཡིས་ནི། །གཙོ་བོ་ཐམས་ཅད་མཆོད་ན་ནི། །རྡོ་རྗེ་འཛིན་པ་ཆེ་སོགས་ཀྱི། །ལས་གྲུབ་པར་ཡང་ངེས་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་རིགས་ཐམས་ཅད་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་བཅོམ་ལྡན་འདས་ཕྱག་ན་རྡོ་རྗེས་རྡོ་རྗེའི་རིགས་དེ་དག་ཐམས་ཅད་སེམས་ཅན་ཐམས་ཅད་ཀྱི་དོན་དུ་བསྒོས་ནས་ཕྱིར་མི་ལྡོག་པའི་ས་ལ་རབ་ཏུ་བཞག་སྟེ་མཁྱེན་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གསང་བ་ཐམས་ཅད་འཛིན་པར་དབང་བསྐུར་ན་དེ་བཞིན་གཤེགས་པའི་གསང་བ་དེ་གང་ལགས། བཀའ་སྩོལ་ཅིག་།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་དེ་བཞིན་གཤེགས་པ་ཐམས་ཅད་ཀྱི་གསང་བ་འདི་གསུངས་སོ། །སེམས་ཅན་རྣམས་ཀྱི་རང་བཞིན་ནི། །ཇི་ལྟར་ཇི་ལྟར་འདུལ་འགྱུར་བ། །དེ་ལྟར་དེ་ལྟར་སེམས་ཅན་དོན། །འདོད་ཆགས་ལ་སོགས་གཙང་བས་བྱ། །དེ་ནས་ཕྱག་ན་རྡོ་རྗེས་རང་གི་རྡོ་རྗེ་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང ། །སངས་རྒྱས་རྣམས་ཀྱི་བསྟན་པའི་ཕྱིར། །སེམས་ཅན་ཐམས་ཅད་བསད་ཀྱང་ནི། །སྡིག་གིས་གོས་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་ནོར་བུ་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང ། །སངས་རྒྱས་དོན་དུ་སྦྱོར་བ་ཡིས། །ཕ་རོལ་ནོར་རྣམས་ཕྲོགས་ཀྱང་ནི། །སྡིག 91.88b པས་གོས་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་པད་མའི་གསང་བ་འདི་གསུངས་སོ། །འདོད་ཆགས་འདྲ་བའི་བདེ་བ་མེད། །རྒྱལ་བ་ལ་ནི་དེ་ཕུལ་ལ། །གཞན་གྱི་ཆུང་མ་སེམས་ཅན་ཕྱིར། །བསྟེན་པས་བསོད་ནམས་ཐོབ་པར་འགྱུར། །དེ་ནས་བྱང་ཆུབ་སེམས་དཔའི་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང ། །སངས་རྒྱས་རྣམས་ཀྱི་བསྟན་པའི་ཕྱིར། །ལས་རྣམས་ཐམས་ཅད་བྱས་པ་ཡིས། །བསོད་ནམས་ཤིན་དུ་མང་པོ་རྙེད། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པས་བཅོམ་ལྡན་འདས་གསང་བ་འཛིན་པའི་རྡོ་རྗེ་འཆང་བ་ལ་ལེགས་སོ་ཞེས་བསྟོད་པ། ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །མདོ་འདི་ལེགས་པར་སྨྲས་པ་སྟེ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སྷོ།། ། ་།བམ་པོ་དྲུག་པ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀྱིས་ཆོས་ཐམས་ཅད་ཀྱི་བདག་པོ་སྤྱན་རས་གཟིགས་ཀྱི་དབང་པོ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་པ། པད་མོའི་སེམས་དཔའ་པད་མོ་ཆེ། །འཇིག་རྟེན་དབང་ཕྱུག་དབང་ཕྱུག་ཆེ། །སྤྱན་རས་གཟིགས་དབང་བསྟན་པའི་མཆོག་།རྡོ་རྗེ་ཆོས་ལ་ཕྱག་འཚལ་ལོ། །ཆོས་ཀྱི་རྒྱལ་པོ་དག་པ་ཆེ། །སེམས་ཀྱི་རྒྱལ་པོ་བློ་གྲོས་ཆེ། །པད་མའི་བདག་ཉིད་པད་མ་ཆེ། །པད་མའི་མགོན་ཁྱོད་ཕྱག་འཚལ་ལོ། །པད་མ་ལས་བྱུང་པད་བཟང་འོད། །པད་མོ་དག་པར་རབ་དག་བྱེད། ། 91.89a རྡོ་རྗེ་པད་མ་པད་མཆོག་ལུས། །པད་མ་པད་མ་ཁྱོད་ཕྱག་འཚལ། །སྣ་ཚོགས་ཆེན་པོ་སྣང་བ་ཆེ། །དོགས་པ་ཆེན་པོ་ཆེ་དང་མཚུངས། །བརྟན་པ་ཆེན་པོ་དཔའ་བ་ཆེ། །དཔའ་ཆེན་ཁྱོད་ལ་ཕྱག་འཚལ་ལོ། །སེམས་ཅན་བསམ་པ་ཐེག་པ་ཆེ། །རྣལ་འབྱོར་ཆེན་པོ་མེས་པོ་ཆེ། །བདེ་ཟ་བདེ་བྱེད་དག་པའི་དོན། །སངས་རྒྱས་པད་མ་ཁྱོད་ཕྱག་འཚལ། །ཆོས་དེ་ཉིད་དོན་དམ་པའི་ཆོས། །དག་པའི་ཆོས་ནི་ཆོས་རབ་འཛིན། །ཆོས་ཆེན་པོ་དང་ཆོས་བཟང་མཆོག་།ཆོས་ཀྱི་འཁོར་ལོ་ཁྱོད་ཕྱག་འཚལ། །སངས་རྒྱས་སེམས་དཔའ་སེམས་བཟང་མཆོག་།ཆོས་ཀྱི་སེམས་དཔའ་ཆོས་མཆོག་འཛིན། །སེམས་དཔའ་དམ་པ་སེམས་མཆོག་འཛིན། །སེམས་དཔའ་སེམས་དཔའ་ཁྱོད་ཕྱག་འཚལ། །སྤྱན་རས་གཟིགས་དབང་མགོན་པོ་མཆོག་།མགོན་པོ་ཆེན་པོ་རྣམ་གཟིགས་པ། །འཇིག་རྟེན་སྣང་བ་འཇིག་རྟེན་དོན། །འཇིག་རྟེན་མགོན་པོ་ཁྱོད་ཕྱག་འཚལ། །འཇིག་རྟེན་ཡི་གེ་ཡི་གེ་ཆེ། །ཡི་གེ་མཆོག་ནི་ཡི་གེ་འདྲ། །ཡི་གེ་ཡི་གེ་ཐམས་ཅད་གཟིགས། །འཁོར་ལོའི་ཡི་གེ་ཁྱོད་ཕྱག་འཚལ། །ཕྱག་ན་པད་མ་ཕྱག་ཆེན་པོ། །དབུགས་འབྱིན་པ་ནི་སྦྱིན་པ་པོ། །སངས་རྒྱས་ཆོས་ནི་སངས་རྒྱས་ཆེ། །སངས་རྒྱས་བདག་ཉིད་ཁྱོད་ཕྱག་འཚལ། །སངས་རྒྱས་གཟུགས་ནི་གཟུགས་ཆེན་པོ། །རྡོ་རྗེའི་གཟུགས་ནི་གཟུགས་བཟང་འཆང ། །ཆོས་ཀྱི་སྣང་བ་གཟི་བརྗིད་མཆོག་།འཇིག་རྟེན་སྣང་ཁྱོད་ཕྱག་འཚལ་ལོ། །པད་མའི་དཔལ་ནི་མགོན་པོ་མཆོག་།ཆོས་དཔལ་མགོན་པོ་མགོན་ལྡན་པ། །ཚངས་པའི་མགོན་པོ་ཚངས་ཆེན་པོ། །ཚངས་སྲས་ཁྱོད་ལ་ཕྱག་འཚལ་ལོ། །སྣང་བའི་སྣང་མཆོག་སྣང་བའི་གཙོ། །སྣང་གསལ་ཤིན་དུ་སྣང་བ་པོ། །སྣང་བའི་མགོན་པོ་སྣང་བ་ཆེ། །སངས་རྒྱས་སྣང་ཁྱོད་ཕྱག་འཚལ་ལོ། །སངས་རྒྱས་དབང་བསྐུར་སངས་རྒྱས་མཆོག་།སངས་རྒྱས་སྲས་པོ་མཁས 91.89b ཆེན་པོ། །སངས་རྒྱས་དབང་བསྐུར་གཙུག་གི་མཆོག་།སངས་རྒྱས་སངས་རྒྱས་ཁྱོད་ཕྱག་འཚལ། །སངས་རྒྱས་སྤྱན་ནི་སྤྱན་ཆེན་པོ། །ཆོས་སྤྱན་གཟིགས་པ་ཆེན་པོ་ཡི། །ཏིང་འཛིན་ཡེ་ཤེས་ཐམས་ཅད་པ། །རྡོ་རྗེ་སྤྱན་ཁྱོད་ཕྱག་འཚལ་ལོ། །བདག་ཉིད་ཀུན་གྱི་ཡོན་ཏན་འདི། །ཁྱོད་ནི་མཚན་རྒྱ་རྩ་བརྒྱད་རྣམས། །བསྟོད་ནས་གོམས་པར་བྱེད་པ་ན། །འཇིག་རྟེན་དབང་པོ་ཐོབ་པར་འགྱུར། །དཔའ་བོ་ཁྱོད་ལ་གསོལ་བཏབ་པ། །རང་གི་རིགས་རྣམས་བསྐྱེད་ནས་ཀྱང ། །ཆོས་ཀྱི་འཁོར་ལོ་དམ་པ་ནི། །ཐུབ་པ་ཆེན་པོས་བཤད་པར་གསོལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་པོས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་ཐོས་ནས་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་ག་ལ་བ་དེར་མངོན་དུ་ཕྱོགས་ཏེ་འདུག་ནས་རྡོ་རྗེ་པད་མ་དེ་རང་གི་ཐུགས་ཀར་བཞག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ། །རབ་ཏུ་དག་པ་བདག་གི་རྡོ་རྗེ་པད་མ་འདི། །ཕ་ཡིན་འདི་ནི་བདག་གི་བུ། །རིགས་འདི་བྱིན་གྱིས་བརླབ་པར་མཛོད། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་དམ་ཚིག་ལས་བྱུང་བའི་བྱིན་གྱི་བརླབས་པད་མོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །ཧྲཱིཿ ། དེ་ནས་དེ་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་པད་མ་ལྟ་བུའི་འོད་ཟེར་ཁ་དོག་དང ། གཟུགས་དང ། རྟགས་དང ། སྤྱོད་ལམ་དང ། འོད་རྣམ་པ་དུ་མ་བྱུང་སྟེ་འཇིག་རྟེན་གྱི་ཁམས་ཐམས་ཅད་དུ་འདོད་ཆགས་ལ་སོགས་པ་རྣམ་པར་དག་པ་དང ། ཆོས་ཉིད་ཀྱི་ཡེ་ཤེས་ཡང་དག་པར་སྦྱངས་ནས་ཡང་སླར་ལོག་སྟེ་འཕགས་པ་སྤྱན་རས་གཟིགས་ཀྱི་དབང 91.90a པོའི་ཐུགས་ཀར་ཞུགས་སོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་པད་མོཏྟ་མ་ཧྲཱིཿ ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བིདྱ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རརྣོཏྟ་མ་ཏྲཱི། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བི་དྱཏྟ་མ་ཧྲཱིཿ ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བིདྱོ་ཏྟ་མ་ཨཿ ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་གཟུགས་ཐམས་ཅད་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འགྲོ་བ་ཐམས་ཅད་འདུལ་བའི་དམ་ཚིག་ཅེས་བྱ་བའི་རང་གི་སྙིང་པོ་འདི་གསུངས་སོ། །ོཾ་བཛྲ་ཧཱུཾ་ཧྲཱིཿ ཧོ། །དེ་ནས་དེ་སྨྲས་མ་ཐག་ཏུ་འཕགས་པ་སྤྱན་རས་གཟིགས་ཀྱི་དབང་པོའི་ཐུགས་ལས་བཅོམ་ལྡན་འདས་རྡོ་རྗེ་འཛིན་པ་དེ་ཉིད་འཕགས་པ་སྤྱན་རས་གཟིགས་དབང་པོའི་གཟུགས་འཛིན་པ་པད་མ་ལ་ཞུགས་ཏེ། ཕྱག་རྒྱའི་མཚན་མ་པད་མོ་འཛིན་པའི་ཁ་དོག་དང ། གཟུགས་དང ། ཆ་ལུགས་དང ། རྒྱན་སྣ་ཚོགས་པ་དེ་བཞིན་གཤེགས་པ་ལ་སོགས་པ་སེམས་དཔའ་ཐམས་ཅད་ཀྱི་གཟུགས་འཛིན་པ། བྱང་ཆུབ་སེམས་དཔའ་ཆེན་པོའི་ལུས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་ཇི་ལྟར་འདུལ་བར་སོ་སོའི་གཟུགས་སུ་བསྟན་ནས་མ་ལུས་པ་ལུས་པ་མེད་པའི་སེམས་ཅན་གྱི་ཁམས་གདུལ་བར་བྱས་ཏེ་ཡང་སླར་ལོགས་ནས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་ཕྱོགས་ཐམས་ཅད་ཀྱི་ཟླ་བའི་དཀྱིལ 91.90b འཁོར་རྣམས་ལ་འཁོད་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ཐབས་ནི་སྙིང་རྗེ་བདག་ཉིད་དེ། །གང་དུ་ཐབས་ཀྱིས་འདུལ་མཛད་ན། །ལྷ་རྣམས་སུ་ཡང་འགྱུར་བ་ཡིན། །དེ་ནས་ཡང་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་རང་གི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་ལ་སེམས་ཅན་ཐམས་ཅད་ལ་མི་འཇིགས་པ་སྦྱིན་པ་དང ། དོན་དང ། གྲུབ་པ་དམ་པ་དང ། རྡོ་རྗེ་ཆོས་ཉིད་ཀྱི་ཡེ་ཤེས་དང ། མངོན་པར་ཤེས་པའི་འབྲས་བུའི་རྒྱུ་རྙེད་པའི་ཕྱིར་ཕུལ་ནས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །འགྲོ་བ་འདུལ་བ་ཞེས་བྱ་སྟེ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་བརྒྱན་པ་དང ། །སྲད་བུ་བཞི་དང་ལྡན་པ་སྟེ། །དར་དང་ཕྲེང་བས་བརྒྱན་པ་དང ། །དཀྱིལ་འཁོར་གྲཝ་ནི་ཐམས་ཅད་དང ། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་པར། །ཕྱི་རོལ་དཀྱིལ་འཁོར་སྲད་བུ་བྲེ། །དེ་ཡི་ནང་དུ་སྲད་བུ་ནི། །གྲུ་བཞི་པར་ནི་བྲི་བར་བྱ། །གཉིས་པའི་གྲཝ་ནི་སྒོ་གདོད་ཅིང ། །པད་མ་འདྲ་བར་བྱ་བ་ཡིན། །ཀ་བ་བརྒྱད་ཀྱི་ཚུལ་དུ་ནི། །པད་མ་འདབ་མ་བརྒྱད་པ་བྲི། །དེ་ཡི་གེ་སར་དབུས་སུ་ནི། །སངས་རྒྱས་ཀྱི་ནི་སྐུ་གཟུགས་བཞག་དེ་ལ་སངས་རྒྱས་གཞག་པའི་སྙིང་པོ་ནི་འདི་ཡིན་ནོ། །བུདྡྷ་ཧཱུཾ། སངས་རྒྱས་ཕྱོགས་ཀུན་བྲི་བ་ནི། །པད་མའི་དབུས་སུ་གནས་པ་ཡི། །རྡོ་རྗེ་རིན་ཆེན་པད་མ་དང ། །སྣ་ཚོགས་པད་མའང་དེ་བཞིན་ནོ། །དེ་ལ་དེ་རྣམས་ཀྱི་སྙིང་པོ་ནི་འདི་ཡིན་ནོ། །ོཾ་ཧཱུཾ་ཧྲཱཿ ཀྲྀ། འགྲོ་བ་འདུལ་བའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །དེར་ནི་སྤྱན་རས་གཟིགས་དབང་བྲི། །གཟུགས་རྣམས་ཐམས་ཅད་འབྱིན་པ་སྟེ། །དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་འགྱིང་ལ་སོགས་ཚུལ་དུ། །སངས 91.91a རྒྱས་ལ་སོགས་སེམས་དཔའ་ཆེ། །མཚན་མ་པད་མ་འཆང་བ་བྲི། །དེ་དག་གི་སྙིང་པོ་ནི་འདི་དག་ཡིན་ནོ། །ཱཿ ོཾ་ཏ་ཐཱ་ག་ཏ་དྷརྨ་ཧཱུཾ། ཨོཾ་བཛྲ་པད་མ་ཨཾ་ཀུ་ཤ་ཀོ་ཥ་དྷཱ་ར་བཛྲ་སཏྭ་ཧཱུཾ་ཕཊ། ཨོཾ་མཱ་ར་ཡ་མཱ་ར་ཡ་པདྨ་ཀུ་སུ་མ་ཨཱ་ཡུ་དྷ་དྷ་ར་ཨ་མོ་གྷ་ཤ་ར་ཧོ། ཨོཾ་པདྨ་སམྦྷ་པདྨ་ཧསྟ་སཱ་དྷུ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གཉིས་པ་དེ་བཞིན་ཏེ། །དེ་ཡི་དབུས་སུ་བྲི་བ་ནི། །ཐོར་ཚུགས་དབུས་ནའང་དེ་བཞིན་གཤེགས། །དེ་ཡི་ཕྱོགས་ནི་ཐམས་ཅད་དུ། །ཁྲོ་གཉེར་ལ་སོགས་ཚུལ་དུ་ནི། །མཚན་མར་པད་མ་འཆང་བྲི་བ། །ལྟག་འོག་གོ་རིམ་ཇི་བཞིན་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཧཱུཾ། ཨོཾ་པདྨ་བྷྲྀ་ཀུ་ཊཱི་ཊི་ཊི་ཏྲ། ཨོཾ་པདྨ་སཱུ་རྱ་ཛྭཱ་ལ་ཧཱུཾ། ཨོཾ་པདྨ་མ་ཎི་ཀེ་ཏུ་དྷ་ར། ཙནྡྲ་པྲ་ཧ་ད་ལ་ཨ་བ་ལོ་ཀི་ཏེ་ཤཝ་ར་ད་ཧི་མེ་སརྦ་ཨརྟ་ན་ཤཱི་གྷྲཾ་ས་མ་ཡ་ཧཱུཾ། ཨོཾ་པདྨ་ཨཊྚ་ཧཱ་ས་ཨེ་ཀ་དཪྴ་མུ་ཀ་ཧ་ཧ་ཧ་ཧ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གསུམ་པའང་དེ་བཞིན་ཏེ། །སེམས་དཔའ་ཆེན་པོ་སྙོམས་ཞུགས་པར། །པད་མའི་སྟེང་དུ་བཞུགས་པར་བྲི། །དེ་ཡི་ཕྱོགས་ནི་ཐམས་ཅད་དུ། །ལྟག་འོག་གོ་རིམ་ཇི་བཞིན་བྱ། །པད་མ་ལ་སོགས་ཚུལ་དུ་ནི། །སེམས་དཔའ་ཆེན་པོ་རྣམས་ཀྱང་བཞག་།དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། ཧྲཱིཿ ། ཨོཾ་ཏཱ་རཱ་པདྨ་ཨ་བ་ལོ་ཀ་ཡ་མཱ་མ་ས་མ་ཡ་སཏྭ་ཧཱུཾ། ཨོཾ་པདྨ་ཀུ་མཱ་ར་པདྨ་ཤཀྟི་དྷ་ར་ཁ་ཊ་གེ་ན་ཙྪིནྡ་ཙྪིནྡ་ཧཱུཾ་ཕཊ། ཨོཾ་པདྨ་ནཱི་ལ་ཀཎྠ་ཤ་ར་ཀ་ཙཀྲ་ག་ཏ་པདྨ་པཱ་ཎི་བྱཱ་གྷྲ་ཙཪྨྨ་ནི་བ་ས་ནི་ཀྲིཥྞ་སརྦ་ཀྲྀ་ཏ་ཡཛྙོ་པ་བཱ་ཏི་ཨ་ཛ་ནརྨྨ་བ་ཙ་ཙནྟོཏ། དྷ་རི་ཡ་ནཱ་རཱ་ཡ་ཎ་རའུ་པ་དྷ་རེ་ཏྲཱི་ནི་མུ་ཁ་ཨཊྚཊྚ་ཧཱ་ས་ན་པྲ་བེ་ཤ་ཡ་ས་མ་ཡ་ན། དེ་ཧི་མ་སིདྡྷི་ཨི་བ་ལོ་ཀི་ཏེ་ཤཝ་ར་ཧཱུཾ། ཨོཾ་བྲཧྨ་པདྨ་སཾ་བྷ་བ་ཛ་པ་ཛ་པ་པདྨ་པྟ་ཤ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པའང་དེ་བཞིན་ཏེ། །དེར་ནི་པདྨ་ཞལ་བཞི་པ། །པད་མ་མདུང་རྩེ་ཐོགས་པར་བྲི། ། 91.91b དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་གར་ལ་སོགས་ཚུལ་དུ། །མཚན་མ་པད་མ་འཛིན་བྲི་བ། །སེམས་དཔའ་ཆེན་པོའི་ཆོ་ག་བཞིན། །དེ་རྣམས་ཀྱི་སྙིང་པོ་ནི་འདི་རྣམས་ཡིན་ནོ། ཧྲཱིཿ ། ཨོཾ་པདྨ་ནརྟེ་ཤཝ་ར་ནཱ་ཐ་པཱུ་ཛ་ཡ་སརྦ་ཏ་ཐཱ་ག་ཏ་བཛྲ་ཀརྨ་ས་མ་ཡ་ཨཱ་ཀཪྵ་ཡ་པྲ་བེ་ཤ་ཡ་བནྡྷ་ཡ་ཨཱ་བེ་ཤ་ཡ་སརྦ་ཀཪྨ་སིདྡྷི་མེ་པྲ་ཡཙྪ་ཨ་བ་ལོ་ཀི་ཏེ་ཤཝ་ར་ཧཱུཾ། ཨོཾ་བ་ཡ་ན་དྷ་ཏ་ད་ཨ་བ་ལོ་ཀི་ཏེ་ཤཝ་རཀྵ་བནྡྷ་ཡ་ཀ་བ་ཙེ་ས་མ་ཡེ་ཧཱུཾ། ཨོཾ་མ་ཧཱ་པྲ་ཙཎྚེ་བི་ཤཝ་ར་རཱུ་པ་ཙི་ཀ ། པདྨ་དཾ་ཨཱ་ཀ་རཱ་ལ་བི་ཤཝ་ན་བཛྲ་ཧྲྀ་ཡ་སརྦ་པདྨ་ཡཀྵ་ཁཱ་ད་ཁཱ་ད་དྷི་ཀེ་།ོཾ་པདྨ་མུཥྚི་ས་མ་ཡ་སྟྭཾ་བནྡྷ་ཧཱུཾ་ཕཊ། རྡོ་རྗེ་ཤུགས་ཀྱིས་བརྒལ་ནས་ནི། །གྲཝ་རྣམས་ཀུན་དུ་བྲི་བ་ནི། །རྡོ་རྗེ་སྒེག་མོ་ལ་སོགས་ཚུལ། །པད་མ་སྒེག་མོ་ལ་སོགས་ལྷ། །དེ་དག་གི་ནི་ཕྱག་རྒྱ་འདི་རྣམས་སོ། །ོཾ་པདྨ་ལཱ་སྱེ་རཱ་ག་ཡ་མ་ཧཱ་དེ་བི་རཱ་ག་མ་ཧཱ་པཱུ་ཛ་ས་མ་ཡ་ཧཱུཾ། ཨོཾ་པདྨ་མཱ་ལེ་ཨ་བྷི་ཥིཉྩ། ཨ་བྷི་ཥེ་ཀ་པཱུ་ཛཱ་ས་མ་ཡ་ཧཱུཾ། ཨོཾ་པདྨ་གཱི་ཏེ་གཱི་ཏེ་པཱུ་ཛཱ་ས་མ་ཡ་ཧཱུཾ། ཨོཾ་པདྨ་ནརྀ་ཏྱེ་ནརྀ་ཏྱ་སརྦ་པཱུ་ཛ་པྲ་བརྟ་ན་ས་མ་ཡེ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་རོལ་དཀྱིལ་འཁོར་གྲཝ་རྣམས་སུ། །པད་མའི་མཆོད་པ་ལ་སོགས་བཞི། །མཆོད་པའི་ལྷ་མོ་རྣམས་བྲིའོ། །དེ་ལ་དེ་དག་གི་མཆོད་པའི་ཕྱག་རྒྱ་ནི་འདི་རྣམས་ཡིན་ནོ། །ོཾ་པདྨ་དྷུ་པེ་པའུ་ཛ་ས་མ་ཡེ་པྲ་ཧལ་ད་ཡ་པདྨ་ཀུ་ལ་དེ་ཡི་ཏེ་མ་ཧཱ་ག་ཎི་པདྨ་ར་ཏི་ཧཱུཾ། ཨོཾ་པདྨ་པུ་ཥྤེ་པཱུ་ཛཱ་ས་མ་ཡ་པདྨ་བཱ་སི་ནི་མ་ཧཱ་ཤྲི་ཡེ་པདྨ་ཀུ་ལ་པྲ་ཏི་ཧ་ར་སརྦ་ཨརྠ་སཱ་དྷ་ཡ་ཧཱུཾ། ཨོཾ་པདྨ་དཱི་པ་པཱུ་ཛཱ་ས་མ་ཡེ་པདྨ་ཀུ་ལ་སུནྡ་རི་མ་ཧཱ་དུ་ཏྱ་ཨཱ་ལོ་ཀ་བཛྲ་བ་ཙི་ན་ཡ་པདྨ་ས་ར་སཝ་ཏི་ཧཱུཾ། ཨོཾ་པདྨ་གནྡྷ་པཱུ་ཛཱ་ས་མ་ཡེ་མ་ཧཱ་པདྨ་ཀུ་ལ་ཙི་ཏེ་ཀུ་རུ་སརྦ་ཀཪྨཱ་ཎི་མེ་པདྨ་སིདྡྷི་ཧཱུཾ`། དེ་ནས་པད་མའི་སྒོ་བཞི་པོ། །ཀུན་དུ་ཚོགས་སོགས་ཇི་བཞིན་དུ། །ཇི་ལྟ་བ་བཞིན་ལེགས་བྲི་བ། །དེ་དག་སྙིང་པོ་དོན་གྱིས་བྲི། །ོཾ་ཧ་ཡ 91.92a ཡ་གྲཱི་བ་མ་ཧཱ་པདྨ་ཨཾ་ཀུ་ཤ་ཡ་ཨཱ་ཀཪྵ་ཡ་ཤཱི་གྷྲཾ་སརྦ་པདྨ་ཀུ་ལ་ས་མ་ཡཾ་པདྨ་ཨཾ་ཀུ་ཤ་དྷཱ་ར་ཧཱུཾ་ཛཿ ། ཨོཾ་ཨ་མོ་གྷ་པཱ་ཤ་ཀྲོ་དྷ་ཨཱ་ཀཪྵ་ཡ་པྲ་བེ་ཤ་ཡ་མ་ཧཱ་བ་ཤུ་པ་ཏི་ཡ་མ་བ་རུ་ཎ་ཀུ་བེ་ར་བྲཧྨ་བེ་ཤ་དྷཱ་ར་པདྨ་ཀུ་ལ་ས་མ་ཡཱཾ་ཧཱུཾ་ཧཱུཾ། ཨོཾ་པདྨ་སྥོ་ཊ་སྥོ་ཊ་བནྡྷ་སརྦ་པདྨ་ཀུ་ལ་ས་མ་ཡཱཾ་ཤཱི་གྷྲཾ་ཧཱུཾ་བཾ། ཨོཾ་ཥཾ་མུ་ཁ་ས་ནངྐུ་མཱ་ར་བེ་ཤ་དྷ་ར་པདྨ་གྷཎྚེ་ཨཱ་བེ་ཤ་ཡ་སརྦ་པདྨ་ཀུ་ལ་ས་མ་ཡཱཾ་སརྦ་མུ་དྲཱཾ་བནྡྷ་ཡ་སརྦ་སིདྡྷི་ཡོ་མེ་པྲ་ཡཙྪ་པདྨ་ཨཱ་བེ་ཤ་ཨཿ ཿ ཿ ཿ ། དེ་ནས་འགྲོ་བ་ཐམས་ཅད་འདུལ་བ་ཞེས་བྱ་བའི་པད་མའི་དཀྱིལ་འཁོར་གྱི་ཆོ་ག་རྒྱས་པ་བཤད་དོ། །དེ་ལ་དང་པོ་ཁོ་ནར་པད་མའི་སློབ་དཔོན་ཉིད་རྡོ་རྗེ་པད་མ་དམ་ཚིག་གི་ཕྱག་རྒྱ་བཅིངས་ལ་ཇི་ལྟ་བ་བཞིན་དུ་ཞུགས་ཏེ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་སྙིང་པོ་འདིས་ལས་རྣམས་བྱའོ། །ོཾ་མ་ཧཱ་པདྨ་སྥོ་ཊ་ཨ་དྷི་ཏིཥྛ་ཨ། དེ་ནས་དེ་བཞིན་དུ་བཀའ་མནོས་ནས་དམ་ཚིག་གི་ཕྱག་རྒྱས་བདག་ཉིད་དབང་བསྐུར་ཏེ། པད་མའི་དབྱིབས་བསླབས་ནས་རང་གི་པད་མའི་མིང་བརྗོད་ལ་པད་མ་ལྕགས་ཀྱུ་ལ་སོགས་པས་ལས་རྣམས་བྱའོ། །དེ་ནས་ཆོས་ཀྱི་ཕྱག་རྒྱ་དེ་དག་ཉིད་ཀྱིས་སེམས་དཔའ་ཆེན་པོ་རྣམས་བསྒྲུབ་པར་བྱའོ། །དེ་ནས་དངོས་གྲུབ་རྣམས་ཀྱང་དེ་བཞིན་ནོ། །དེ་ནས་པད་མའི་སློབ་མ་རྣམས་གཞུག་པར་བྱ་སྟེ། དེ་ལས་དང་པོར་པད་མའི་སློབ་མ་རྣམས་མནའི་སྙིང་པོ་བྱིན་ལ་འདི་སྐད་དུ་བསྒོ་བར་བྱའོ། །དེང་ནྀ་ཁྱོད་ཀྱི་སྙིང་ག་ན། །པད་མ་སེམས་དཔའ་ཉིད་བཞུགས་ཏེ། །ཇི་སྟེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །དེ་ནས་ཡང་འདི་སྐད་དུ་བསྒོ་བར་བྱས་ཏེ། གསང་བའི་ཆོ་ག་རྒྱས་པ་འདི་སུ་ལ་ཡང་མ་སྨྲ་ཤིག་།ཁྱོད་ཀྱིས་མི་བདེ་བ་མ་སྤངས་པས་དུས་བྱས་ནས་སེམས་ཅན་དམྱལ་བར་ལྟུང་བར་གྱུར་ཏ་རེ། དེ་ནས་སྙིང་པོ་འདིས་དམ་ཚིག་གི་ཕྱག་རྒྱ་བཅིང་བར་བྱའོ། །ོཾ་བཛྲ 91.92b པདྨ་ས་མ་ཡ་སྟྭཾ། དེ་ནས་གོས་དཀར་པོ་བགོས་ལ་དར་དཀར་པོས་གདོང་གཡོགས་ནས་གཞུག་པར་བྱ་སྟེ། སྙིང་པོ་ནི་འདི་ཡིན། ཨོཾ་པདྨ་ས་མ་ཡ་ཧཱུཾ། དེ་ནས་ལས་རྣམས་ཇི་ལྟ་བ་བཞིན་དུ་བྱས་ནས་པད་མའི་དབྱིབས་ལག་ཏུ་སྦྱིན་ནོ། །ོཾ་པདྨ་ཧསྟ་བཛྲ་དྷརྨ་ཧ་ན་པ་ལ་ཡ་ཧེ་ནི། དེས་ཀྱང་འདི་སྐད་དུ་པད་མའི་ཆོས་ཉིད་ཇི་ལྟ་བུ་ལགས་ཞེས་དྲི་བར་བྱའོ། །དེ་ལ་ཡང་འདི་སྐད་དུ་བརྗོད་པར་བྱའོ། །ཇི་ལྟར་པད་མོ་དམར་པོ་འདི། །འདོད་པའི་ཉེས་པས་མི་ཆགས་བཞིན། །ཐམས་ཅད་དག་པར་བསྒོམས་ན་ནི། །དེ་བཞིན་སྡིག་པས་ཆགས་མི་འགྱུར། །དེ་ལ་ཆོས་ཉིད་ནི་འདི་ཡིན་ནོ། །དེ་ནས་པད་མའི་རིགས་ཀྱི་ཕྱག་རྒྱའི་ཡེ་ཤེས་བསླབ་པར་བྱ་སྟེ། སྙིང་ལ་པད་མ་བྲིས་ནས་ཀྱང ། །པད་མ་བསྒོམས་ན་སྙིང་ག་ཡི། །པད་མ་དཔལ་ཡང་དབང་འགྱུར་ན། །བུད་མེད་ཕལ་ལ་སྨོས་ཅི་དགོས། །དཔྲལ་བར་སངས་རྒྱས་དབྱིབས་བྲིས་ཏེ། །རྟག་ཏུ་བསྒོམ་པ་བྱས་ན་ནི། །བསྒོམ་པ་དེས་ནི་མྱུར་དུ་ཡང ། །དབང་བསྐུར་བ་ཡང་ཐོབ་པར་འགྱུར། །ཁ་ཡི་ནང་དུ་ལྕེ་སྟེང་དུ། །སངས་རྒྱས་དབྱིབས་ནི་རབ་བསྒོམས་ན། །སྒྲ་དབང་ལྷ་མོ་བདག་ཉིད་ཀྱི། །རྟག་ཏུ་ཁ་ན་གནས་པར་འགྱུར། །གཙུག་ཏོར་དབུས་སུ་པད་མ་ནི། །སྙོམས་པར་ཞུགས་ཏེ་བཞག་ནས་ཀྱང ། །གཙུག་ཏོར་པད་མ་བསྒོམས་ན་ནི། །མཁའ་ལ་འགྲོ་བའང་དེ་དབང་འགྱུར། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨ་ཤྲེ་ཡཾ་བྷཱ་ཥ་ཡ་ཧོ། །ོཾ་པདྨ་ཨ་བྷི་ཥེ་ཀ་པྲ་ཡཙྪ་བཾ། པདྨ་ས་རསྠི་བི་ཤོ་དྷ་ཡ་ཧཱུཾ། ཨོཾ་པདྨ་ཨུ་དྷ་གྲཾ་བ་ཤིཾ་ཀུ་རུ་ཛ། རྩིག་པའམ་ཡང་ནམ་མཁའ་ལའང་རུང ། །པད་མ་དམ་པ་བསྒོམས་ན་ནི། །འདི་ནི་སེམས་ཅན་ཐམས་ཅད་ཀྱང ། །དབང་དུ་བྱེད་པ་དམ་པའོ། །ཁ་འམ་ཡང་ན་ཕྱོགས་གཞན་དུ། །པད་མ་དམ་པ་བསྒོམས་ནས་ཀྱང ། །གང་ཚེ་མཐོང་བ་དེ་ཚེ་བླངས། །ཅི་དགའ་བར་ནི་མི་སྣང་འགྱུར། །རྩིག་པའམ་ཡང་ན་ནམ་མཁའ་ལ། །པད་མ་རྒྱ་གྲམ་བྲིས་ན་ནི། །གང་ཚེ་མཐོང་ནས་བླངས 91.93a པ་ཡི། །དེ་ཚེ་སྣ་ཚོགས་གཟུགས་དེ་འགྱུར། །ཁ་འམ་ཡང་ན་ཕྱོགས་གཞན་དུ། །རྡོ་རྗེ་པད་མ་བསྒོམས་ནས་ཀྱང ། །དེ་བླངས་སྐད་ཅིག་ཉིད་ཀྱིས་ནི། །པད་མའི་རིག་པ་འཛིན་པར་འགྱུར། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་ཛ་གད་བ་ཤི་ཛྙཱ་ན་པདྨ་ཨཱ་བེ་ཤ་ཡ། ཨོཾ་ཛྙཱ་ན་པདྨ་ཏིཥྛ་ཨ་ཤ་ན་བ་ཀུ་རུ་བཾ། ཨོཾ་ས་མཱ་དྷི་བི་ཤཝ་པདྨ་ཏིཥྛ་རཱུ་པཾ་ནེ་དྷཱ་ར་ཤ་ཡ་བྷ་ག་བཱཾ་བཾ། ཨོཾ་ས་མཱ་དྷི་བཛྲ་པད་མོཥྛ་ཨ་དྷི་ཏིཥྛ་ཤཱི་གྷྲཾ་ཏི། དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲིས་ནས་ནི། །དེ་ཡི་མདུན་དུ་རྟ་མགྲིན་གྱི། །ཕྱག་རྒྱ་མཆོག་གིས་འདྲེན་པར་བྱ། །དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲི་བར་བྱ། །ངེས་པའི་ཞགས་པ་ཕྱག་རྒྱ་ཡིས། །འགྲོ་བ་ཐམས་ཅད་དེས་དབང་བྱེད། །དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲི་བར་བྱ། །དེ་ཡི་མདུན་དུ་པད་མ་ཡི། །ལྕགས་སྒྲོག་མཆོག་གི་ཕྱག་རྒྱ་བཅིངས། །དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲི་དེ་ཡི། །མདུན་དུ་པད་མ་དྲིལ་བུ་ཡིས། །ཐམས་ཅད་འབེབས་པའི་དམ་པའོ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨོ་ཨཱ་ཀཪྵ་ཡ་སརྦ་མ་ཧཱ་སཏྭཾ་ཧཱུཾ་ཛཿ ོཾ་ཨ་མོ་གྷ་པཱ་ཤ་ཀྲོ་དྷ་ཧཱུཾ་ཧོ་ཧི་ཨོཾ་པདྨ་སྥོ་ཊ་བཾ། ཨོཾ་པདྨ་གྷཎྚཱ་ཨཱ་བེ་ཤ་ཡ་སརྦ་ཨཿ ། བདག་ཉིད་ཀྱིས་ནི་བདག་ཉིད་ཉིད། །པད་མ་ཞལ་བཞི་སེམས་དཔར་ཡང ། །བསྒོམས་ཏེ་དེ་ནས་གྲུབ་ནས་ནི། །སྐད་ཅིག་གིས་ནི་གཟུགས་མ་འགྱུར། །དེ་ལྟར་བདག་ཉིད་བདག་ཉིད་ཀྱིས། །རྡོ་རྗེ་ཆོས་ཀྱི་ཏིང་འཛིན་གནས། །པད་མ་པད་མ་བསྒོམས་ན་ནི། །ཟད་མི་ཤེས་པའི་གོ་འཕང་འཐོབ། །སྤྱན་རས་གཟིགས་དབང་གཙུག་ཏོར་དབུས། །བདག་གིས་སངས་རྒྱས་གཟུགས་སུ་ནི། །བདག་ཉིད་ཀྱིས་ནི་བསྒོམས་གྱུར་ན། །ཚེ་དཔག་མེད་པའང་མཉམ་པར་འགྱུར། ། 91.93b སྣ་ཚོགས་གཟུགས་ཀྱིས་ཏིང་འཛིན་གནས། །སྣ་ཚོགས་གཟུགས་ཀྱི་ཏིང་འཛིན་དུ། །བདག་ཉིད་ཀྱིས་ནི་བསྒོམས་ན་ནི། །སྤྱན་རས་གཟིགས་དབང་མཉམ་པར་འགྱུར། །དེ་ལ་དེ་དག་གི་སྙིང་པོ་རྣམས་ནི་འདི་ཡིན་ནོ། །པདྨ་བི་ཤཝ། དྷརྨ་ཀཱ་ཡ་པདྨ། བུདྡྷ་ཨ་བྷི་ཥེ་ཀ་ཨ་བ་ལོ་ཀི་ཏེ་ཤཝ་ར། དེ་ནས་དཀྱིལ་འཁོར་ཆེན་པོ་ཐམས་ཅད་ཀྱི་ཕྱག་རྒྱའི་ཡེ་ཤེས་བསླབ་བོ། །དེ་ལ་རེ་ཞིག་དང་པོར་ནི་ཕྱག་རྒྱ་ཆེན་པོའི་ཡེ་ཤེས་ཡིན་ཏེ། ཇི་ལྟར་རི་མོའི་ཚུལ་དུ་ནི། །ཟླ་བའི་དཀྱྀལ་འཁོར་དབུས་གནས་ཤིང ། །པད་མ་ལ་གནས་སེམས་དཔར་ནི། །བདག་ཉིད་ཀྱིས་ནི་བདག་ཉིད་བསྒོམ། །དེ་ནས་དེ་དག་གི་ལས་ནི་འདི་དག་ཡིན་ནོ། །སངས་རྒྱས་ཕྱག་རྒྱ་ཆེ་བཅིངས་ན། །ཚེ་དཔག་མེད་དང་མཉམ་པར་འགྱུར། །རྡོ་རྗེ་པད་མ་བཅིངས་ན་ནི། །སྤྱན་རས་གཟིགས་དབང་མཉམ་པར་འགྱུར། །སངས་རྒྱས་དབང་གིས་བཅིངས་ན་ནི། །བདེ་བར་གཤེགས་པས་དེ་དབང་བསྐུར། །པད་མ་པད་མའི་ཏིང་འཛིན་འཐོབ། །སྣ་ཚོགས་ཀྱིས་ནི་སྣ་ཚོགས་མཆོག་།སྣ་ཚོགས་གཟུགས་ཀྱིས་འདུལ་བ་དང ། །སངས་རྒྱས་རིན་ཆེན་དབང་བསྐུར་འགྱུར། །པད་མ་སེམས་དཔའི་ཏིང་འཛིན་གྱིས། །པད་མ་ཁྲོ་བོ་དབང་ཕྱུག་དཔལ། །རྡོ་རྗེ་འཇིག་རྟེན་དབང་ཕྱུག་གིས། །པད་མ་འདོད་པའི་དངོས་གྲུབ་མཆོག་།སངས་རྒྱས་དབང་གིས་སངས་རྒྱས་ཉིད། །རྡོ་རྗེ་པད་མ་གྲུབ་མཆོག་སྦྱིན། །འདོད་པའི་པད་མ་རབ་འདོད་ལྡན། །དགའ་བ་ཡིས་ནྀ་ལེགས་པ་སྦྱིན། །ཁྲོ་གཉེར་གྱིས་ནི་ཁྲོ་ཞིར་འགྱུར། །པད་མའི་ཉི་མ་གཟི་བརྗིད་མཆོག་།པད་མ་ཟླ་བས་མཛེས་པ་ཆེ། །བཞད་པས་རབ་བཞད་གྲུབ་པ་འཐོབ། །གྲོལ་བས་དངོས་གྲུབ་མཆོག་འཐོབ་བོ། །པད་མ་རལ་གྲིས་ལོངས་སྤྱོད་འཐོབ། །མགྲིན་སྔོན་གྱིས་ནི་འགུགས་པ་ཆེ། །གོས་དཀར་གྱིས་ནི་དངོས་གྲུབ་འཐོབ། །པད་མ་གར་དབང་གིས་འགྲུབ་སྟེ། །མི་འཇིགས་རྟག་ཏུ་འཇིགས་པ་མེད། །རབ་གཏུམ་གྱིས་ནི་མ 91.94a ལུས་འདུལ། །པད་མ་ཁུ་ཚུར་རབ་ཏུ་སྒྲུབ། །སྒེག་མོ་དགའ་ཞིང་ཕྲེང་བ་ནོར། །གླུར་བླངས་གར་བདེ་བདུག་པས་ཚིམ། །མེ་ཏོག་མཛེས་ཤིང་མེ་མར་ལྟ། །དྲིས་ནི་མཆོག་གི་དྲིར་ཡང་འགྱུར། །རྟ་མགྲིན་གྱིས་ནི་ཡང་དག་འགུགས། །གདོན་མི་ཟ་བར་དབང་དུ་བྱེད། །པད་མ་ལྕགས་སྒྲོག་བཅིང་བ་ཆེ། །དྲིལ་བུས་ཀུན་ནས་འབེབས་བྱེད་དོ། །དེ་ནས་པད་མའི་རིགས་ཀྱི་དམ་ཚིག་གི་ཕྱག་རྒྱའི་ཡེ་ཤེས་ཡིན་ཏེ། རྡོ་རྗེ་བསྡམས་པ་བཅིངས་ནས་ནི། །མཐེ་བོ་མཐེའུ་ཆུང་མཉམ་པར་བསྒྲེང ། །ཕྱག་རྒྱ་འདི་ནི་ཆོས་དམ་ཚིག་།སངས་རྒྱས་ཆོས་ནི་རབ་ཐོབ་བྱེད། །རྡོ་རྗེ་བསྡམས་པ་བཅིངས་ནས་ནི། །མཛུབ་མོ་གུང་མོ་སྲིན་ལག་མཉམ། །སངས་རྒྱས་རིགས་མཆོག་ཕྱག་རྒྱ་དེ། །སངས་རྒྱས་ཉིད་དུ་འགྲུབ་པར་བྱེད། །རྡོ་རྗེ་བསྡམས་པ་བཅིངས་ནས་ནི། །གུང་མོ་རྡོ་རྗེ་རབ་མཉམ་པ། །འདི་ནི་རྡོ་རྗེ་རིག་དམ་པའི། །ཕྱག་རྒྱ་ཡིན་ཏེ་རྡོ་རྗེ་འགྲུབ། །དེ་ལས་གུང་མོ་རིན་ཆེན་འདྲ། །རྡོ་རྗེ་རིན་ཆེན་རབ་འགྲུབ་བྱེད། །གུང་མོ་པད་མའི་ཚུལ་དུ་བྱས། །པད་མའི་དངོས་གྲུབ་ཐོབ་པར་བྱེད། །རྡོ་རྗེ་ཐལ་མོ་བསྡམས་ནས་ནི། །རྡོ་རྗེའི་ལས་ནི་བྱེད་པར་འགྱུར། །ཆོས་ཀྱི་རྡོ་རྗེ་བཅིངས་ན་ནི། །སྐད་ཅིག་གིས་ནི་དམ་ཚིག་འགྲུབ། །རྡོ་རྗེ་བསྡམས་ལས་མཛུབ་མཉམ་པས། །སངས་རྒྱས་དངོས་གྲུབ་ཐོབ་པར་བྱེད། །དེ་ནས་རབ་ཏུ་བཤད་བྱ་བ། །སེམས་དཔའི་ཕྱག་རྒྱ་ཁྱད་པར་དུ། །རྡོ་རྗེ་ཐལ་མོ་བསྡམས་ནས་ཀྱང ། །གུང་མོ་མཉམ་པར་བསྡམས་ནས་ནི། །མཐེ་བོ་མཐེའུ་ཆུང་ཕྱེ་བ་ནི། །སྣ་ཚོགས་པད་མར་བཤད་པ་ཡིན། །དེ་ལས་མཐེ་བོ་གཉིས་བསྣོལ་ཏེ། །མཛུབ་གཉིས་རྩེ་མོ་སྤྲད་ལ་དགུག་།དབུས་ཀྱི་རྡོ་རྗེ་སྤྱི་གཙུག་ཕུད། །གཙུག་ཕུད་སངས་རྒྱས་ཡིན་པར་བཤད། །རྡོ་རྗེ་བསྡམས་པ་དམ་བྱས་ལ། །མཐེ་བོ་མཉམ་ཏེ་བཏུད་ནས་ནི། །མཛུབ་མོ་གཉིས་ནི་རྩེ་སྤྲད་དགུག་།བཀན་ནས་ཏིང་ངེ་འཛིན་དུ་བཅུག་།ཐལ་མོ་པད་མོ 91.94b མཉམ་སྦྱར་ལ། །མཛུབ་མོ་རྡོ་རྗེར་མཉམ་ན་ནི། །མཐེ་བོ་ངོས་ལ་སྦྱར་བ་འདི། །ངེས་པའི་དབང་ཕྱུག་ཕྱག་རྒྱའོ། །རྡོ་རྗེ་བསྡམ་པ་བསྡམས་ནས་ནི། །ལེགས་པར་བཀན་ཏེ་བཅིངས་ནས་ཀྱང ། །མཐེ་བོ་གཉིས་ནི་པད་མར་སྒྲེང ། །སངས་རྒྱས་པད་མ་ཡིན་པར་བཤད། །མཐེ་བོ་གཉིས་ནི་རྡོ་རྗེར་མཉམ། །མཛུབ་མོ་ལྕགས་ཀྱུ་རལ་གྲིར་བྱ། །མཐེའུ་ཆུང་གཉིས་ནི་སོ་སོར་དབྱེ། །གུང་མོ་སྲིན་ལག་པད་མོར་བྱ། །པད་མ་མཉམ་པར་རབ་སྦྱར་ལ། །མཛུབ་མོས་མཛུབ་མོ་གཟུང་ནས་སུ། །འདྲེན་པར་བྱེད་པ་པད་མའི་མདའ། །ཐལ་མོ་མཉམ་པར་སྦྱར་ནས་བཀན། །ལེགས་པའི་ཕྱག་རྒྱ་བཅིངས་ན་ནི། །ལེགས་སོ་ཞེས་བྱ་སྦྱིན་པར་བྱེད། །པད་མའི་ལེགས་པ་ཡིན་པར་གྲགས། །ཐལ་མོ་མཉམ་པར་རབ་སྦྱར་ལ། །མཛུབ་མོ་རྩེ་མོ་མཉམས་སྟེ་དགུག་།མཐེའུ་ཆུང་ཕྱེ་ནས་མཛོད་པུར་བཞག་།པད་མ་ཁྲོ་གཉེར་ཞེས་བྱའོ། །རྡོ་རྗེ་བསྡམས་པ་དམ་བྱས་ལ། །སོར་མོ་ཐམས་ཅད་དཀྱིལ་འཁོར་དུ། །སྙིང་གར་རབ་ཏུ་བརྒྱང་བ་ནི། །པད་མའི་ཉི་མ་ཡིན་པར་བཤད། །ཐལ་མོ་རབ་ཏུ་དམ་སྦྱར་ལ། །མཛུབ་གཉིས་རིན་ཆེན་འདྲ་བར་བྱ། །དཔུང་པའི་སྤྱི་བོར་རབ་བརྒྱན་པ། །པད་མ་རིན་ཆེན་རྒྱལ་མཚན་རྩེའོ། །རྡོ་རྗེ་བསྡམས་པ་སྤྱི་བོར་བཞག་།ཁ་དང་བཅས་པར་རབ་བརྐྱང་ནས། །ཉིད་ཀྱི་ཁ་ནས་རྒོད་པ་དང ། །ཁ་ནི་བཅུ་གཅིག་ཉིད་དུ་འགྱུར། །ཏིང་འཛིན་པད་མར་བཅིངས་ནས་ནི། །མཐེ་བོ་གཉིས་ནི་སོ་སོར་འབྱེད། །པད་མ་སྒྲོལ་བའི་ཕྱག་རྒྱ་ལས། །མཛུབ་གཉིས་པད་མའི་ཚུལ་དུ་དགུག་།པད་མ་སྒྲོལ་བའི་ཕྱག་རྒྱ་འདི། །དངོས་གྲུབ་ཐམས་ཅད་གྲུབ་པར་བྱེད། །རལ་གྲིའི་ཚུལ་དུ་བྱས་པ་འདི། །པད་མའི་རལ་གྲིའི་ཕྱག་རྒྱ་ཡིན། །མཐེའུ་ཆུང་པད་མ་ཆེན་པོར་བྱ། །མཐེབ་གཉིས་དེ་བཞིན་དབྱུག་ལྟར་བསྒྲེང ། །མཛུབ་མོ་རྩེ་མོ་དུང་ཆེན་བྱ། །གུང་མོ་སྲིན་ལག་འཁོར་ལོར་བྱ། །རྡོ་རྗེ་ཐལ་མོ་དམ་བྱས་ལ། །གཡས་པ་ཨོཾ་དུ་ནང་དུ་གཞུག་།གཡོན་པའི་མཛུབ 91.95a མཐེབ་བཟླས་པར་བྱ། །སོར་ཀུན་ཆུ་སྐྱེས་ཁ་བྱེ་འདྲ། །རྡོ་རྗེ་ཐལ་མོ་མཉམ་སྦྱར་ལ། །གཡོན་དང་གཡས་ནས་དེ་བཞིན་དུ། །འགྱིང་བཅས་གར་བྱེད་བསྐོར་ནས་ནི། །སྤྱི་བོར་བཞག་པ་པད་མ་ཅན། །རྡོ་རྗེ་ཐལ་མོ་དམ་བྱས་ལ། །རྩེ་མོ་ཐམས་ཅད་ཁ་ཕྱེ་བ། །བསྐོར་ཏེ་པད་མའི་སྙིང་གར་ནི། །བཞག་ནས་བསྟན་པར་བྱེད་པ་པོ། །རྡོ་རྗེ་ཐལ་མོ་དམ་བྱས་ལ། །གསང་བའི་གནོད་སྦྱིན་ཚུལ་དུ་ནི། །ཐལ་མོ་བརྐྱང་སྟེ་བསྐུམས་ནས་ནི། །ཁར་བཞག་པད་མའི་གནོད་སྦྱིན་མ། །རྡོ་རྗེ་ཁུ་ཚུར་བཅིངས་ནས་ཀྱང ། །གུང་མོ་གཉིས་ནི་ཕྱིར་བཀུག་སྟེ། །རང་གི་མཐེ་བོ་རྒྱབ་མནན་པ། །པད་མའི་ཁུ་ཚུར་ཞེས་ཀྱང་བཤད། །རྡོ་རྗེ་དབྱིངས་ཀྱི་ཚུལ་གྱིས་ནི། །རྡོ་རྗེ་ཐལ་མོ་ལས་བྱུང་བ། །མཆོད་པའི་ལྷ་མོ་ཐམས་ཅད་ཀྱི། །དམ་ཚིག་མཆོག་རྣམས་བཅིང་བའོ། །རྡོ་རྗེ་བསྡམས་པ་དམ་བྱས་ལ། །མཛུབ་མོ་གཉིས་ནི་མཉམ་སྦྱར་ནས། །བཀུག་ནས་རྩེ་མོ་སྦྱར་བ་ནི། །རྟ་མགྲིན་གྱི་ནི་ཡིན་པར་བཤད། །པད་མའི་ཐལ་མོ་མཉམ་སྦྱར་ལ། །མཛུབ་གཉིས་མདུད་པར་མདུད་པ་ན། །ངེས་པར་ཞགས་པའི་ཕྱག་རྒྱ་ཡིན། །མཐེབ་མཛུབ་ལྕགས་སྒྲོག་འདྲ་བར་བྱ། །རྡོ་རྗེ་དབབ་པའི་ཚུལ་གྱིས་ནི། །པད་མའི་ཐལ་མོ་མཉམ་སྦྱར་ལ། །སྲིན་ལག་མཐེའུ་ཆུང་གཉིས་བར་དུ། །མཐེ་བོ་གཉིས་བཅུག་དམ་དུ་བཙིར། །དེ་ནས་པད་མ་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ཏེ། ཧྲཱིཿ གྲྀ་ཀྲྀ་ཧི། ཤྲྀ་ཤི་དྷི་ཧི། གྲྀ་ཏི་ཀྲྀ་བི་ཁི་མི་ཥྚི་ཨ། པད་མ་ཁུ་ཚུར་གཉིས་བྱས་ལ། །ལས་ཀྱི་ཕྱག་རྒྱ་བསྒྲུབ་པར་བྱ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་གཟུངས་ཀྱི་དམ་ཚིག་འབྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས 91.95b པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་དྷརྨ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་རིག་པ་དམ་པ་འདི་གསུངས་སོ། །ོཾ་བཛྲ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་མ་ཎི་རཏྣ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་པདྨ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་ཀརྨ་ས་མ་ཡེ་ཧཱུཾ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོས་རང་གི་རིགས་ཀྱི་ཕྱག་རྒྱའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །པད་མའི་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་དབུས་པད་མའི་སྟེང་དུ་ནི། །རྡོ་རྗེ་དབྱིངས་ཀྱི་དབང་མོ་བྲི། །དེ་ཡི་ཕྱོགས་རྣམས་ཐམས་ཅད་དུ། །དམ་ཚིག་མཆོག་རྣམས་སྔ་མ་བཞིན། །རང་གི་རིག་པ་རྣམ་ལྡན་པར། །ཆོས་ཀྱི་རྡོ་རྗེ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་སརྦ་ཏ་ཐཱ་ག་ཏ་དྷརྨེ་ཤཝ་རི་ཧཱུཾ། ཨོཾ་དྷརྨ་ས་མ་ཡེ་བཛྲ་པདྨ་ནི་ཧཱུཾ། ཨོཾ་བུད་དྷ་ཨ་བྷི་ཥེ་ཀ་རཏྣ་ས་མ་ཡེ་ཧཱུཾ། ཨོཾ་ཏཱ་རཱ་ས་མ་ཡེ་ཧཱུཾ། ཨོཾ་བི་ཤཝ་མུ་ཀེ་ཧཱུཾ། སྣ་ཚོགས་གཟུགས་མཆོག་དཀྱིལ་འཁོར་དུ། །རྡོ་རྗེ་ཤུགས་ཀྱིས་རྒལ་ནས་ནི། །དེ་ཡི་དབུས་སུ་པད་མ་ཡིས། །བསྐོར་བའི་པད་མ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །པད་མའི་ཕྱག་རྒྱ་གཉིས་གནས་པ། །པད་མའི་མཚན་མ་བྲི་བར་བྱ། །བདེ་གཤེགས་ཉིད 91.96a ཀྱི་ཉིད་ཕྱག་རྒྱ། །དེ་ལ་དེ་དག་གི་ཕྱག་རྒྱ་ནི་འདི་རྣམས་ཡིན་ནོ། །ཧྲཱིཿ ། ཨོཾ་པདྨ་ཏ་ཐཱ་ག་ཏོ། ཨོཾ་པདྨ་ས་མནྟ་བྷ་དྲེ། པདྨ་བཛྲ་ཨཾ་ཀུ་ཤོ་ཀོ་ཥ་དྷཱ་རི་ཎཱི་ཧཱུཾ། ཨོཾ་པདྨ་ར་ཏི། ཨོཾ་པདྨ་དུཥྚི། དེ་བཞིན་དཀྱིལ་འཁོར་གཉིས་པར་ཡང ། །རྡོ་རྗེ་ཤུགས་ཀྱིས་བརྒལ་ནས་ནི། །གཙུག་པུད་ཆུ་སྐྱེས་ཆེ་གནས་པའི། །སངས་རྒྱས་དབང་བསྐུར་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་རིམ་པ་ཇི་བཞིན་དུ། །པད་མའི་མཚན་མར་ལྡན་པ་ཡི། །དམ་ཚིག་མཆོག་རྣམས་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཤྲཱིཿ ། ཨོཾ་བྷྲཾ་ཀུ་ཊཱི་བེ་ཏ་ཌི་པདྨེ་ཧཱུཾ། ཨོཾ་པདྨེ་ཛྭཱ་ལེ། ཨོཾ་སཽ་མེ་ནི་པདྨེ་ནི་ཧཱུཾ། ཨོཾ་པདྨ་ཧཱ་སི་ནི་ཨེ་ཀ་ད་ཤ་བ་ཀ་ཏྲེ་དི་རི་དི་རི་ཨི་ཨཊྚེ། བཊྚེ་ཙ་ལེ་པྲ་ཙ་ལེ་ཀུ་སུ་མ་དྷ་རེ་ཨི་ལེ་པྲ་བེ་ཤ་སིདྡྷི་མེ་པྲ་ཡཙྪ་ཧཱུཾ། དེ་བཞིན་དཀྱིལ་འཁོར་གསུམ་པར་ཡང ། །རྡོ་རྗེ་ཤུགས་ཀྱིས་བརྒལ་ནས་ཀྱང ། །དེ་ཡི་དབུས་སུ་པད་མ་མཛེས། །པད་མའི་ཕྱག་རྒྱ་གཞག་པར་བྱ། །དེ་བཞིན་ཕྱོགས་རྣམས་ཐམས་ཅད་དུ། །ལྟག་འོག་གོ་རིམ་ཇི་བཞིན་པར། །པད་མའི་མཚན་མར་ལྡན་པ་ཡི། །པད་མ་ལ་ནི་གནས་པར་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །བྷི་དྷཱིཿ ཛྷི། ཨོཾ་ཏཱ་རེ་ཏུཏྟཱ་རེ་ཧཱུཾ། ཨོཾ་དྷི་ཧཱུཾ། ཨོཾ་པདྨ་ཙཀྲ་ཤཾ་ཁ་དྷཱ་ར་ཎཱི། ནཱི་ལ་ཀཎྠ་སིད་དྷྱ་སིད་དྷྱ་ཧཱུཾ། ཨོཾ་པཎྜ་ར་པཱ་སེ་ན་པདྨ་སཾ་བྷ་བེ་བ་དྷ་བ་དྷ་ཧཱུཾ། དེ་བཞིན་དཀྱིལ་འཁོར་བཞི་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །པད་མའི་དབུས་སུ་པད་མ་ནི། །འབར་བའི་ཕྲེང་བས་བསྐོར་འོད་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམ་ཇི་བཞིན་པར། །པད་མའི་དབུས་ན་གནས་པ་ཡི། །པད་མའི་མཚན་མ་ལྡན་པར་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །སྟྲི། ཨོཾ་པདྨ་ནརི་ཏྱེ་ཤཝ་རི་པཱུ་ཛ་ཡ་སརྦ་ཏ་ཐཱ་ག་ཏཱ་ནཱཾ་ན་ཏ་ན་ཏ་ཧཱུཾ། ཨོཾ་ཨཱ་བེ་ཤ་ཡ་པདྨ་ཀ་བ་ཙ་བན་དྷ་ར་ཀྲ་མན་ཧཱུཾ། ཧམ། ཨོཾ་མ་ཧཱ་པྲ་ཙཎྜི་པདྨ་ཡཀྵི་ཎི་བི་ཤཝ་རའུ་པ་དྷཱ་ར 91.96b ཎཱི་བི་ཤཝ་པ་ཡ་སརྦ་དུཥྚ་ཁཱ་ད་ཁཱ་ད་ཧཱུཾ་ཕཊ། ཨོཾ་པདྨ་མུཥྚི་ཨ་མུ། རྡོ་རྗེ་ཤུགས་ཀྱིས་བརྒལ་ནས་ནི། །སངས་རྒྱས་མཆོད་པ་རྣམས་བྲི་བ། །པད་མ་ལྕགས་ཀྱུ་ལ་སོགས་རྒྱ། །མདོར་ན་པད་མའི་མཚན་མ་ཅན། །དེ་ནས་དེ་དག་གི་ཕྱག་རྒྱ་ནི་འདི་རྣམས་སོ། །ོཾ་པད་ར་ཏི་པཱུ་ཛེ་ཧོ། ཨོཾ་པདྨ་ཨ་བྷི་ཥེ་ཀེ་པཱུ་ཛེ་ར་ཏི། ཨོཾ་པདྨ་གཱི་ཏེ་པཱུ་ཛེ་གི། ཨོཾ་པདྨ་ནརྀ་ཏྱེ་པཱུ་ཛེ་ཧོ། ཨོཾ་དྷཱུ་པི་པདྨ་ནི་ཧཱུཾ། ཨོཾ་པདྨ་པུཥྤ་ཧཱུཾ། ཨོཾ་པདྨ་ཀུ་ལ་སུན་ད་རི། དྷརྨ་ཨཱ་ལོ་ཀེ་པཱུ་ཛཱ་ཡ་ཧཱུཾ། ཨོཾ་པདྨ་གན་དྷེ་ཧཱུཾ། མཆོད་པ་རྣམས་སོ། །ོཾ་པདྨ་ཨཾ་ཀུ་ཤ་ཨཱ་ཀཪྵ་ཡ་མ་ཧཱ་པདྨ་ཀུ་ལ་ན། ཧ་ཡ་གྲཱི་བ་ས་མ་ཡེ་ཧཱུཾ་ཛཿ ོཾ་ཨ་མོ་གྷ་པཱ་ཤ་ཀྲོ་དྷ་ས་མ་ཡེ་པྲ་བེ་ཤ་ཡ་སརྦ་སཏྭ་ས་མ་ཡན་ཧཱུཾ། ཨོཾ་པདྨ་ཤཱཾ་ཀ་ལེ་བཾ། ཨོཾ་པདྨ་གན་དྷ་དྷཱ་རི་ཤྲཱི་གྷྲཾ་ཨཱ་བེ་ཤ་ཡ། ས་མ་ཡན་ཤ་ན་མུ་ཀི་ཨ། དེ་ནས་ཕྱག་རྒྱའི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་པད་མའི་སློབ་མ་རྣམས་ཇི་ལྟ་བ་བཞིན་བཙུད་དེ། འདི་སྐད་དུ་ཁྱོད་ཀྱིས་གསང་བ་འདི་སུ་ལ་ཡང་མ་སྨྲ་ཤིག་།ཁྱོད་སེམས་ཅན་དམྱལ་བར་ལྷུང་ང་རེ། ཚེ་གཅིག་ཏུ་སྡུག་བསྔལ་བར་འགྱུར་ཏ་རེ། དེ་ནས་ཕབ་ནས་འདི་སྐད་དུ་ཁྱོད་ཀྱི་མིག་ལམ་དུ་ཅི་ཞིག་སྣང་ཞེས་དྲིས་ནས། དེས་ཇི་སྐད་དུ་སྨྲས་པ་དེ་བཞིན་དུ་དངོས་གྲུབ་ཏུ་འགྱུར་རོ། །དེས་གལ་ཏེ་ནམ་མཁའ་དཀར་བར་མཐོང་ན་ནི་དེའི་ཚེ་དེའི་དངོས་གྲུབ་དམ་པའི་ཡེ་ཤེས་བསླབ་པར་བྱའོ། །ཡང་ན་སེར་པོ་མཐོང་ན་ནི་དེ་ནོར་འགྲུབ་པའི་ཡེ་ཤེས་བསླབ་བོ། །ཅི་སྟེ་དམར་པོ་མཐོང་ན་ནི་རྗེས་སུ་དགའ་བར་འགྱུར་བའི་ཡེ་ཤེས་བསླབ་བོ། །ཅི་སྟེ་ནག་པོ་མཐོང་ན་ནི་མངོན་སྤྱོད་ཀྱི་ཡེ་ཤེས་བསླབ་བོ། །ཇི་སྟེ་སྣ་ཚོགས་མཐོང་ན་ནི་དངོས་གྲུབ་ཐམས་ཅད་ཀྱི་ཡེ་ཤེས་བསླབ་པ་གོ་བར་ཤེས་ནས་ཇི་ལྟ་བ་བཞིན་དུ་གདོང་གཡོགས་པ་བཀྲོལ་ནས་སྣོད་ཇི་ལྟ་བ་བཞིན་དུ་ཡེ་ཤེས་བསྐྱེད་དེ། ཕྱག་རྒྱའི་ཡེ་ཤེས་བསླབ་པར་བྱའོ། །དེ་ལྟར་རྡོ་རྗེ་དབྱིངས་ལ་སོགས་པའི་དཀྱིལ་འཁོར་ཐམས་ཅད་དུ་ཡང་སྣོད་ཇི་ལྟ་བ 91.97a བཞིན་དུ་ཕྱག་རྒྱའི་ཡེ་ཤེས་བསླབ་པ་ནི་འདི་བཞིན་དུ་བརྟག་པར་བྱའོ། །དེ་ནས་དངོས་གྲུབ་དམ་པ་སྒྲུབ་པའི་ཡེ་ཤེས་ནི་འདི་ཡིན་ཏེ། སྤྱན་རས་གཟིགས་དབང་སེམས་དཔའ་ཆེ། །སྣ་ཚོགས་གཟུགས་སུ་བདག་ཉིད་ཀྱིས། །བསྒོམས་ན་ཕྱག་རྒྱ་ཆེན་པོ་ཡི། །མཆོག་གི་དངོས་གྲུབ་ཐོབ་པར་འགྱུར། །སངས་རྒྱས་དབང་གིས་དམ་ཚིག་ནི། །མཉམ་པར་བཞག་པས་བརྟན་བྱས་ཏེ། །བདག་ཉིད་ཀྱིས་ནི་བསྒོམས་ན་ནི། །མཆོག་གི་དངོས་གྲུབ་ཐོབ་པར་འགྱུར། །པད་མ་པད་མ་སེམས་དཔའ་ཆེ། །བདག་ཉིད་མཉམ་པར་བཞག་པས་བསྒོམས། །བདག་ཉིད་ཀྱིས་ནི་དམ་པ་ཡི། །དངོས་གྲུབ་ཐོབ་པ་ཉིད་དུ་འགྱུར། །རང་བྱུང་གདོན་མི་ཟ་བ་ཡི། །དབང་ཕྱུག་ལས་ཀྱི་ཕྱག་རྒྱ་ནི། །ཆོ་ག་བཞིན་བསྒྲུབས་མྱུར་བར་ཡང ། །མཆོག་གི་དངོས་གྲུབ་ཐོབ་པར་འགྱུར། །དེ་ནས་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨ་སཏྭ་ཧཾ་སིད་དྷྱ་ཧོ། ཨོཾ་བུད་དྷ་ཨ་བྷི་ཥེ་ཀ་ཀྲོ་དྷོ་ཧཾ། སིད་དྷྱ་ཧོ། ཨོཾ་དྷརྨ་ས་མཱ་དྷི་ར་ཧཾ་སིད་དྷ་ཧོ། ཨོཾ་ཨ་མོ་གྷེ་ཤཝ་རོ་ཧཾ། སིད་དྷྱ་མཱཾ། དེ་ནས་ནོར་སྒྲུབ་པའི་ཡེ་ཤེས་ནི་འདི་ཡིན་ཏེ། ཁ་ཡི་ནང་དུ་དབྱིག་བཅུག་སྟེ། །སྣ་ཚོགས་དབང་ཕྱུག་ཕྱག་རྒྱ་ཆེ། །བདག་ཉིད་ཉིད་ཀྱིས་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །གསེར་སྲང་བརྒྱད་ཆ་བླངས་ནས་ནི། །དམ་ཚིག་མཆོག་ནི་རབ་བརྟན་པར། །བདག་ཉིད་ཀྱིས་ནི་བསྒོམས་ན་ནི། །གཅྀག་ཏུ་གྱུར་ལས་སྟོང་དུ་འགྱུར། །མུ་ཏིག་འབྲུམ་བུ་ཁར་བཅུག་ལ། །བདག་ཉིད་འཇིག་རྟེན་དབང་ཕྱུག་ཏུ། །བདག་ཉིད་ཀྱིས་ནི་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །ལས་ཀྱི་ཕྱག་རྒྱ་ལག་གཉིས་ཀྱིས། །རིན་ཆེན་ཐམས་ཅད་བླངས་ན་ནི། །བདག་ཉིད་ཀྱིས་ནི་བསྒོམས་ན་ཡང ། །གཅིག་ཏུ་འགྱུར་ལས་སྟོང་དུ་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨ་མ་ཧཱ་རཏྣ་པྲ་དྷ་ཧཱུཾ་ཛ། ཨོཾ་པད་མ་སུ་བརྞྞ་པྲ་དྷ་ཧཱུཾ་ཛ། ཨོཾ་པདྨ་མུ་ཀུ་ཊ་པྲ་དྷ་ཧཱུཾ 91.97b ཛ། ཨོཾ་པདྨ་སརྦ་རཏྣ་པྲ་དྷ་ཧཱུཾ་ཛ། དེ་ནས་རྗེས་སུ་དགའ་བའི་ཡེ་ཤེས་ནི་འདི་ཡིན་ཏེ། སྣ་ཚོགས་དབང་ཕྱུག་ཕྱག་རྒྱ་ཆེ། །བདག་ཉིད་ཀྱིས་ནི་བསྒོམས་ན་ནི། །པད་མ་བླངས་ཏེ་མདུན་གནས་པ། །གང་ཡིན་དེས་ནི་དེ་མགུར་བྱེད། །དམ་ཚིག་ཆེན་པོའི་ཕྱག་རྒྱ་ཡིས། །པད་མོ་དམར་པོར་དམ་བཟུང་སྟེ། །བདག་ཉིད་ཀྱིས་ནི་བསྒོམས་ན་ནི། །བུད་མེད་ཐམས་ཅད་དགའ་བར་འགྱུར། །བདག་ཉིད་ཉིད་ཀྱིས་བསྒོམས་ནས་ཀྱང ། །པད་མ་བླངས་ཏེ་ཇི་ལྟ་བ། །རྡོ་རྗེ་ལྟ་བས་དེ་ལྟར་བལྟས། །འཇིག་རྟེན་ཐམས་ཅད་དེས་མགུར་འགྱུར། །ལས་ཀྱི་ཕྱག་རྒྱའི་ཚུལ་གྱིས་ནི། །ཆོ་ག་བཞིན་དུ་པད་མ་གཟུང ། །ལག་པ་གཉིས་ཀྱིས་བསྐོར་ན་ནི། །བུད་མེད་ཐམས་ཅད་དེར་མགུར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བི་ཤཝེ་ཤཝ་ར་མ་ཧཱ་པདྨ་ཧོ། ཨོཾ་པདྨ་ས་མ་ཡ་པདྨ་ཧོ། ཨོཾ་ཡོ་ག་པདྨ་ཧོ། ཨོཾ་པདྨ་ཀར་མ་ཧོ། སྣ་ཚོགས་ཡེ་ཤེས་དབང་ཕྱུག་ཆེ། །བདག་ཉིད་མདུན་དུ་པད་མ་གཙང ། །ཕྱག་རྒྱ་པད་མ་དེ་ཉིད་ཀྱིས། །དེ་ཡི་འཆི་བ་སྐད་ཅིག་གོ། །པད་མ་བཟུང་ནས་བརྟན་བྱ་བ། །ཆོ་ག་ལེགས་པ་ཇི་བཞིན་དུ། །དམ་ཚིག་དམ་པ་དེ་ཉིད་ཀྱིས། །ནན་ཏན་ཁོ་ནར་གཞིག་པར་བྱ། །གང་གིས་མིང་སྨོས་འཇིག་པ་ནི། །ཏིང་འཛིན་ཕྱག་རྒྱ་སྦྱར་ནས་སུ། །ཇི་ལྟར་དེ་ལྟར་པད་མ་ཐོགས། །ལས་དེ་ངེས་པར་འགྲུབ་པར་འགྱུར། །གང་གི་གཞིག་པར་ཁྲོས་ན་ནི། །ལས་ཀྱི་ཕྱག་རྒྱ་སྦྱར་ནས་སུ། །བསྐོར་ཞིང་བརྡབ་པར་བྱས་ན་ནི། །དེ་ཡི་མཚོ་བ་རྡོལ་བར་འགྱུར། །དེ་ལ་དེ་དག་གི་སྙིང་པོ་ནི་འདི་ཡིན་ནོ། །ོཾ་མ་ཧཱ་པད་མ་ཙྪེ་ད་མཱ་ར་ཡ་ཧོ་ཕཊ། ཨོཾ་ས་མ་ཡ་པདྨ་སྥོ་ཊ་ནཱ་ཤ་ཡ་ར་ཏ་ཕཊ། ཨོཾ་དྷརྨ་པདྨ་ཙྪེ་ད་བི་ནཱ་ཤ་ཡ་པྲ་ཏི་ཡ་ཕཊ། ཨོཾ་ཀརྨ་པདྨ་སྥོ་ཊ་ཡ་ཛཱི་བི་ཏ་མ་སྱ་ཀྲྀ་ཏ་ཕཊ། དེ་ནས་ཆོས་ཀྱི་དམ་ཚིག་གསང་བའི་ཕྱག་རྒྱའི་ཡེ་ཤེས་ནི་འདི་ཡིན་ནོ། །པད་མ་ལ་ནི་བུད་མེད་བསམ། །དེ་སྟེང་བདག་ཉིད་རྡོ་རྗེར་བསྒྱུར། །པད་མ་པད་མཆོག་རྩེ་བྱེད 91.98a ཅིང ། །མཉམ་པར་བཞག་ན་དངོས་གྲུབ་འཐོབ། །པད་མ་ལ་ནི་བུད་མེད་བསམ། །དེ་སྟེང་བདག་ཉིད་སངས་རྒྱས་བསྒྱུར། །རྩེ་ཞིང་དབུ་རྒྱན་སངས་རྒྱས་ནི། །བསྒོམས་ན་དེས་ནི་དེས་འགྲུབ་བོ། །པད་མ་ལ་ནི་བུད་མེད་བསམ། །དེ་སྟེང་པད་མར་བདག་བསྒྱུར་ཏེ། །རྩེ་ཞིང་པད་མ་པད་མ་མཆོག་།དག་པའི་དངོས་གྲུབ་ཐོབ་པར་འགྱུར། །པད་མ་ལ་ནི་བུད་མེད་བསམ། །དེ་སྟེང་སྣ་ཚོགས་བདག་བསྒྱུར་ཏེ། །རྩེ་ཞིང་སྣ་ཚོགས་པད་མ་མཆོག་།སྣ་ཚོགས་དངོས་གྲུབ་ཐོབ་པར་འགྱུར། །དེ་དག་གི་སྙིང་པོ་ནི་འདི་རྣམས་སོ། །ོཾ་བཛྲ་པད་མ་སཾ་ཡོ་ག་སཱ་དྷ་ཡ་ཧྲིཿ ོཾ་བུད་དྷ་མ་ཀུ་ཊ་སཾ`་ཡོ་ག་སཱ་དྷ་ཡ་ཤཱིཿ ོཾ་པད་མ་པད་མ་སཾ`་ཡོ་ག་སཱ་དྷ་ཡ་དྷྲྀ། ཨོཾ་བི་ཤཝ་པད་མ་སཾ`་ཡོ་ག་སཱ་དྷ་ཡ་སྟྲི། དེ་ནས་པད་མ་རིགས་ཀྱི་གསང་བའི་ཕྱག་རྒྱ་ཆེན་པོའི་ཡེ་ཤེས་ཇི་ལྟ་བ་བཞིན་དུ་བསླབ་བོ། །སོར་མོ་རྩེ་སྤྲད་པད་མར་བྱ། །རྡོ་རྗེ་ཁྲོ་བོའི་མཛུབ་གཉིས་སྤྲད། །རྩེ་གཉིས་ནོར་བུའི་པད་མ་ལྟར། །རྡོ་རྗེ་བསྡམས་པའང་དེ་བཞིན་ཏེ། །རྡོ་རྗེ་བཅིང་བ་བསྡམས་ནས་ཀྱང ། །གུང་མོ་གཉིས་ནི་མྱུ་གུར་བསྒྲེང ། །མཛུབ་མོ་སྲིན་ལག་གཉིས་བཀུག་པའི། །ཕྱག་རྒྱ་ཤཱཀྱ་ཐུབ་པའྀ་བརྟན། །ཆོས་ཀྱི་རྡོ་རྗེ་སྙིང་གར་བཞག་།བསྒྱུར་ཏེ་དཔྲལ་བར་བཞག་པ་དང ། །ཏིང་ངེ་འཛིན་ཚུལ་པང་དུ་གཞག་།བསྒྱུར་ནས་སྤྱི་བོར་གཞག་པར་བྱ། །རྡོ་རྗེ་དབྱིངས་ཀྱི་དབང་བཅིངས་ལ། །མཆོད་རྟེན་པད་མའི་ཚུལ་དུ་ནི། །གུང་མོ་གཉིས་ནི་བཅིངས་གྱུར་ན། །སངས་རྒྱས་པད་མ་ཡིན་པར་བཤད། །དེ་ལས་མཐེ་བོ་རྡོ་རྗེ་དང ། །མཛུབ་གཉིས་རལ་གྲི་ལྕགས་ཀྱུར་བྱ། །པད་མ་རྡོ་རྗེ་འཛིན་པ་དེ། །གསང་བའི་ཕྱག་རྒྱ་ཡིན་པར་བཤད། །དེ་ལས་མཐེ་བོ་བསྣོལ་ནས་ཀྱང ། །མཛུབ་མོས་མཛུབ་མོ་རབ་གཟུང་ལ། །དྲངས་ན་རབ་དགའ་ཡིན་པར་བཤད། །ལེགས་སོ་ཞེས་པའང་དེ་བཞིན་ཏེ། །རྡོ་རྗེ་བསྡམས་པ་དམ་བྱས་ལས། ། 91.98b མཐེ་བོ་གཉིས་བསྙམས་བཅུག་ནས་ཀྱང ། །མཛུབ་གཉིས་རྩེ་བཀུག་རྩེ་མོ་ནི། །དཔྲལ་བཞག་གུང་མོ་པདྨར་བྱ། །དེ་ཉིད་ལས་ནི་སྙིང་གར་ཡང ། །ཉི་མའི་དཀྱིལ་འཁོར་སྟོན་པ་དང ། །དེ་ཉིད་ལས་ནི་རྒྱལ་མཚན་ཅིང ། །ལྟག་པར་རབ་ཏུ་བརྐྱང་བར་བྱ། །རྡོ་རྗེ་བསྡམས་པ་དམ་བྱས་ལ། ། མཛུབ་གཉིས་རྩེ་མོ་པད་མར་དགུག་།དེ་བཞིན་པད་མ་རལ་གྲི་སྟེ། །མཛུབ་མོ་པད་མར་བྱས་པས་སྦྱར། །རྡོ་རྗེ་བསྡམས་པ་དམ་བྱས་ལ། ། མཐེ་བོ་གཡོན་པ་ནང་དུ་གཞུག་།དུང་སྟེ་མཐེ་བོ་ཐོ་བར་བསྒྲེང ། །སོར་མོ་བསྐུམ་བརྐྱང་པད་མཐེའུ་ཆུང ། །དེ་ལས་ཐམས་ཅད་བཅུམ་ནས་ཀྱང ། །མཐེའུ་ཆུང་པད་མ་ལྟ་བུར་བྱ། །མཐེ་བོ་གཡས་ལ་སྦྱར་བ་ཡི། །མཛུབ་མོར་ནོར་བུ་བགྲང་བར་བྱ། །རྡོ་རྗེ་བསྡམས་པ་དམ་བྱས་ལ། །མཐེའུ་ཆུང་པད་མ་ལྟ་བུར་བྱ། །མཛུབ་མོ་བསྒྲེང་སྟེ་གར་བྱེད་པ། །པད་མ་སྤྱན་གྱི་ཡིན་པར་བཤད། །རྡོ་རྗེ་བསྡམས་པ་དམ་བྱས་ལ། །མཐེའུ་ཆུང་པད་མ་ལྟ་བུར་བྱ། །དམ་དུ་མཛུབ་མོ་གཉིས་བཀུག་སྟེ། །མཐེ་བོ་གཉིས་ནི་གོ་ཆར་བྱ། །དེ་ལས་མཐེབ་གཉིས་མཆེ་བར་བྱ། །མཐེབ་གཉིས་ནང་དུ་གཞུག་པར་བྱ། །དེ་ནས་རབ་ཏུ་བཤད་བྱ་བ། །དམ་ཚིག་མཆོག་ནི་བླ་མེད་དེ། །རྡོ་རྗེ་ནང་དུ་བསྡམས་ནས་ཀྱང ། །མཛུབ་གཉིས་པད་མ་འདྲ་བྱས་ལ། །མཐེ་བོ་ཕན་ཚུན་བསྣོལ་བ་ནི། །གསང་བའི་སྣ་ཚོགས་དབང་དུ་བཤད། །དེ་བཞིན་རྡོ་རྗེ་བསྡམས་པ་ལས། །མཐེའུ་ཆུང་གུང་མོ་མཉམ་བསྒྲེང་ལ། །མཐེབ་མོས་རྡོ་རྗེ་སྦྱར་བ་ནི། །གཙུག་པུད་དབུས་ན་དེ་བཞིན་གཤེགས། །དེ་བཞིན་རྡོ་རྗེ་བསྡམས་པ་ལས། །མཐེ་བོ་པད་མ་འདྲར་བྱས་ལ། །ཁ་ནས་དབྱུང་ལྟར་བྱས་ནས་ཀྱང ། །པང་དུ་ཏིང་ངེ་འཛིན་ལྟར་གཞག་།དེ་བཞིན་རྡོ་རྗེ་བསྡམས་པ་ལས། །སོར་མོ་ཀུན་གྱི་ངོས་རྣམས་ནི། །མཉམ་པར་དམ་དུ་བསྡམས་ནས་ཀྱང ། །མཛུབ་གཉིས་རྡོ་རྗེར་མཉམ་པའོ། །དེ་བཞིན་རྡོ་རྗེ་བསྡམས་པ་ལས། །མཛུབ་གཉིས་པད་མ་འདྲར་བྱས་ལ། །མཐེ་བོ་གཉིས་ཀྱང་བསྣོལ་ནས་ནི། །གུང་མོ་གཉིས་ནི་རྩེ་སྦྱར་བཀུག་།དེ་བཞིན་རྡོ་རྗེ་བསྡམས་པ་ལས། ། 91.99a མཐེབ་གཉིས་རྡོ་རྗེར་རབ་སྦྱར་ལ། །མཛུབ་མོ་རལ་གྲི་ལྕགས་ཀྱུར་བྱ། །མཐེའུ་ཆུང་པད་མ་འདྲར་བྱས་ལ། །དེ་བཞིན་དུ་ནི་བསྒྱུར་ནས་ཀྱང ། །མཛུབ་མོ་གཡོན་པ་བསྒྲེང་བ་ལ། །མཛུབ་མོ་མཐེ་བོ་རྩེ་སྦྱར་བ། །དམ་དུ་བཟུང་སྟེ་དགུག་ལྟར་བྱ། །དེ་ལ་མཛུབ་མོ་གཉིས་བཀུག་ལ། །མཐེ་བོ་གཉིས་ཀྱིས་མནན་པ་ནི། །པད་མ་དགྱེས་པ་བདག་ཉིད་ཆེ། །ལེགས་སོ་ཞེས་བྱ་སྦྱིན་བྱེད་ཀྱི། །དེ་བཞིན་རྡོ་རྗེ་བསྡམས་པ་ལས། །སོར་མོ་ཀུན་གྱི་ངོས་སྦྱར་ལ། །མཐེ་བོ་གཉིས་ཀྱིས་མནན་ནས་ནི། །མཛུབ་མོ་མཉམ་པར་སྦྱར་བའོ། །དེ་ཉིད་སྙིང་གར་ཉི་མར་བྱ། །སྤྱི་བོར་པད་མ་རྒྱལ་མཚན་བྱ། །ཕབ་སྟེ་ཁ་ཡི་འགྲམ་བཞག་པ། །པད་མ་ཆེར་དགོད་དགོད་པ་ཡིན། །རྡོ་རྗེ་ནང་དུ་བསྡམས་བྱས་ལ། །ཆོས་ཀྱི་རྡོ་རྗེ་ཚུལ་གྱིས་ནི། །མཐེའུ་ཆུང་མཐེ་བོ་རབ་བསྙམས་པ། །འདི་ནི་སྒྲོལ་མའི་དམ་ཚིག་ཡིན། །དེ་བཞིན་རྡོ་རྗེ་བསྡམས་པ་ལས། །མཛུབ་གུང་པད་མ་རལ་གྲིར་བྱ། །དེ་བཞིན་ནང་དུ་འཁོར་ལོར་བྱ། །ཟློས་པ་སྦྱིན་པ་དེ་བཞིན་ནོ། །དེ་བཞིན་རྡོ་རྗེ་བསྡམས་པ་ལས། །མཐེབ་མཛུབ་སྤྲད་དེ་གཉིས་སུ་བྱ། །དེ་ནས་སྙིང་གར་སྦྱར་བ་ནི། །གསང་བའི་བསྲུང་བ་ཡིན་པར་བཤད། །དེ་བཞིན་རྡོ་རྗེ་བསྡམས་པ་ལས། །མཐེའུ་ཆུང་པད་མ་འདྲར་བྱས་ལ། །མཛུབ་གཉིས་ཤྀན་དུ་བཀུག་ནས་ཀྱང ། །མཐེབ་གཉིས་ཕྱིར་བསྐྱེད་མཆེ་བ་ཅན། །དེ་ལས་ཁུ་ཚུར་ཚུལ་གྱིས་ནི། །མཐེབ་གཉིས་ངོས་ཀྱིས་བཙིར་བ་ཡི། །པད་མ་གསང་བའི་ཁུ་ཚུར་ཆེ། །དམ་ཚིག་མཆོག་ཏུ་རབ་བརྟག་པའོ། །པད་མ་ལཱ་སྱེ་ལ་སོགས་པ། །དེ་དག་གཞན་རྣམས་ཀུན་གྱི་ནི། །རྡོ་རྗེ་ནང་དུ་བསྡམས་བྱས་ལ། །དེ་འདྲ་བར་ནི་བཅིང་བར་བྱ། །དེ་ནས་པད་མ་གསང་བའི་ཆོས་ཀྱི་ཕྱག་རྒྱ་འདི་ཡིན་ཏེ། ཧྲཱཿ གྲཱཿ པྲཱཿ ཧྲཱཿ ། ཤྲཱཿ སཱཿ དྷཱཿ ཧྲཱཿ ། གཱཿ དྷཱཿ ཀྲཱཿ བཱཿ ། དཱཿ རཱཿ ཥྚཱཿ སཱཿ ། ལས་ཀྱི་ཕྱག་རྒྱ་མདོར་བསྡུ་ན་ཁུ་ཚུར་གཉིས་སུ་བྱའོ། །དེ་བཞིན་གཤེགས་པ་ཐམས 91.99b ཅད་ཀྱི་ཆོས་ཀྱི་དམ་ཚིག་རྟོག་པའི་རྒྱལ་པོ་ཆེན་པོ་ལས་ཆོས་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཡེ་ཤེས་ཀྱི་དམ་ཚིག་འབྱུང་བར་བྱིན་གྱིས་བརླབ་པའི་པད་མ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་འདི་གསུངས་སོ། །ོཾ་དྷརྨ་ས་མཱ་དྷི་ཛྙཱ་ན་ཏ་ཐཱ་ག་ཏ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་ཀྱི་ཆོས་འབྱུང་བའི་རང་གི་རིག་པ་དམ་པ་འདི་གསུངས་སོ། །ོཾ་བཛྲ་དྷརྨ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་རཏྣ་དྷརྨ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་དྷརྨ་དྷརྨ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་ཀརྨ་དྷརྨ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་ཉིད་ཀྱི་ཆོས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཡེ་ཤེས་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བར་ནི། །ཆོས་ཀྱི་ཡེ་ཤེས་ཞེས་བརྗོད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་བྲི་བ་ནི། །ཡེ་ཤེས་རྡོ་རྗེ་དེ་བཞིན་གཤེགས། །དེ་ཡི་ཕྱོགས་རྣམས་ཐམས་ཅད་དུ། །སེམས་དཔའ་ཆེ་རྣམས་ཆོ་ག་བཞིན། །སྣ་ཚོགས་དབང་ཕྱུག་ལ་སོགས་པ། །ཏིང་ངེ་འཛིན་ལ་སྙོམས་ཞུགས་བྲི། །དེ་ལ་དེ་དག་གི་སྙིང་པོ་འདི་རྣམས་སོ། །ོཾ་ཛྙཱ་ན་བུད་དྷ་ཧཱུཾ། ཨོཾ་ཛྙཱ་ན་བི་ཤཝེ་ཤཝ་རེ་ཧཱུཾ། ཨོཾ་ཛྙཱ་ན་བུད་དྷ་མུ་ཀུ་ཊ་ཧཱུཾ། ཨོཾ་ཛྙཱ་ན་དྷརྨེ་ཤཝ་རེ་ཧཱུཾ། ཨོཾ་ཛྙཱ་ན་ཨ 91.100a མོ་གྷེ་ཤཝ་རེ་ཧཱུཾ། ཨོཾ་ཛྙཱ་ན་པདྨ་བུདྡྷ་ཧཱུཾ། ཨོཾ་ཛྙཱ་ན་པདྨ་ཛཱ་དྷཱ་ར་ཧཱུཾ། ཨོཾ་ཛྙཱ་ན་པདྨ་མཱ་ར་ཧཱུཾ། ཨོཾ་ཛྙཱ་ན་པདྨ་དུཥྚི་ཧཱུཾ། ཨོཾ་ཛྙཱ་ན་པདྨ་བྷྲྀ་ཀུ་ཊཱི་ཧཱུཾ། ཨོཾ་ཛྙཱ་ན་པདྨ་སཱུརྱ་ཧཱུཾ། ཨོཾ་ཛྙཱ་ན་པདྨ་ཙནྡྲ་ཧཱུཾ། ཨོཾ་ཛྙཱ་ན་པདྨ་ཧཱ་ས་ཧཱུཾ། ཨོཾ་ཛྙཱ་ན་པདྨ་ཏཱ་རཱ་ཧཱུཾ། ཨོཾ་ཛྙཱ་ན་པདྨ་ཀུ་མཱ་ར་ཧཱུཾ། ཨོཾ་ཛྙཱ་ན་པདྨ་ནཱ་རཱ་ཡ་ཧཱུཾ། ཨོཾ་ཛྙཱ་ན་པདྨ་ཧཱ་ས་ཧཱུཾ། ཨོཾ་ཛྙཱ་ན་པདྨ་ནརྀ་ཏྱེ་ཤཝ་ར་ཧཱུཾ། ཨོཾ་ཛྙཱ་ན་པདྨ་རཀྵ་ཧཱུཾ། ཨོཾ་ཛྙཱ་ན་པདྨ་ཡཀྵ་ཧཱུཾ། ཨོཾ་ཛྙཱ་ན་པདྨ་མུཥྚི་ཧཱུཾ། ཨོཾ་ཛྙཱ་ན་པདྨ་ལཱ་སྱེ་ཧཱུཾ། ཨོཾ་ཛྙཱ་ན་པདྨ་མཱ་ལེ་ཧཱུཾ། ཨོཾ་ཛྙཱ་ན་པདྨ་གཱི་ཏྱེ་ཧཱུཾ། ཨོཾ་ཛྙཱ་ན་པདྨ་ནརྀ་ཏྱེ་ཧཱུཾ། ཨོཾ་ཛྙཱ་ན་པདྨ་དྷཱུ་པེ་ཧཱུཾ། ཨོཾ་ཛྙཱ་ན་པདྨ་པུཥྤེ་ཧཱུཾ། ཨོཾ་ཛྙཱ་ན་པདྨ་དཱི་པེ་ཧཱུཾ། ཨོཾ་ཛྙཱ་ན་པདྨ་གན་དྷེ་ཧཱུཾ། ཨོཾ་ཛྙཱ་ན་པདྨ་ཨཾ་ཀུ་ཤ་ཧཱུཾ། ཨོཾ་ཛྙཱ་ན་པདྨ་ཨ་མོ་གྷ་པཱ་ཤ་ཧཱུཾ། ཨོཾ་ཛྙཱ་ན་པདྨ་སྥོ་ཊ་ཧཱུཾ། ཨོཾ་ཛྙཱ་ན་པདྨ་ཨཱ་བེ་ཤ་ཧཱུཾ། དེ་ནས་ཆོས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་ཇི་ལྟ་བ་བཞིན་དུ་བཅུག་ནས་འདི་སྐད་དུ་ཁྱོད་ཀྱིས་གཞན་སུ་ལ་ཡང་མ་བརྗོད་ཅིག་།ཁྱོད་སེམས་ཅན་དམྱལ་བར་ལྷུང་ནས་སྡུག་བསྔལ་བར་གྱུར་ཏ་རེ། དེ་ནས་དེའི་ཡེ་ཤེས་བསྐྱེད་པར་བྱ་སྟེ། འཇིག་རྟེན་དབང་ཕྱུག་སྙོམས་ཞུགས་ལ། །སྙིང་གར་པད་མ་བསྒོམས་ནས་ཀྱང ། །པད་མའི་ཏིང་འཛིན་ཐོབ་ན་ནི། །དེ་མ་ཐག་ཏུ་མྱུར་བར་ལྡིང ། །འཇིག་རྟེན་དབང་པོར་སྙོམས་ཞུགས་ལ། །དཔྲལ་བར་པད་མ་བསྒོམས་བྱས་ཏེ། །གོམས་ནས་ཤིན་དུ་བརྟན་གྱུར་ན། །དེ་མ་ཐག་ཏུ་མཁའ་ལ་ལྡིང ། །འཇིག་རྟེན་དབང་གི་ཏིང་འཛིན་གྱིས། །ལྕེ་ལ་པད་མ་བསྒོམས་ནས་ཀྱང ། །གྲུབ་པར་གྱུར་ན་མྱུར་བར་ཡང ། །ནམ་མཁའ་ལ་ནི་དེ་འགྲོའོ། །འཇིག་རྟེན་དབང་གི་ཏིང་འཛིན་གྱིས། །གཙུག་ཏུ་པད་མ་བསྒོམས་ནས་ཀྱང ། །གྲུབ་པར་གྱུར་ན་མྱུར་དུ་ནི། །སྐད་ཅིག་གིས་ནི་སྟེང་དུ་ལྡིང ། །དེ་དག་གི་སྙིང་པོ་ནི་འདི་རྣམས་སོ། །ོཾ་པདྨ་ཛྙཱ་ན་ཧྲྀ་ད་ཡ་ཨཱ་བེ་ཤ ། ོཾ་པདྨ་ཛྙཱ་ན་ཨ་བྷི་ཥེ་ཀ་ཨཱ་བེ་ཤ ། ོཾ་པདྨ་ཛྙཱ་ན་བིདྱོ་ཏྟ་མ་ཨཱ་བེ་ཤ ། ོཾ་པདྨ་ཛྙཱ་ 91.100b ན་ཨུཥྞཱི་ཥ་ཨཱ་བེ་ཤ ། ནམ་མཁའ་འམ་ནི་ཕྱོགས་གཞན་དུ། །པད་མའི་དབྱིབས་ཤིག་བསྒོམས་ནས་ཀྱང ། །ཆོ་ག་འདི་ནི་འགྲུབ་འགྱུར་ན། །སྐད་ཅིག་གིས་ནི་མི་སྣང་འགྱུར། །ནམ་མཁའ་འམ་ནི་ཕྱོགས་གཞན་དུ། །པད་མའི་དབྱིབས་ཤིག་བསྒོམས་ནས་ཀྱང ། །དེ་ཡི་སྟེང་དུ་བདག་འདུག་པར། །བསྒོམས་པར་གྱུར་ན་མི་སྣང་འགྱུར། །ནམ་མཁའ་འམ་ནི་ཕྱོགས་གཞན་དུ། །པད་མའི་དབྱིབས་ཤིག་བསྒོམས་བྱས་ལ། །གང་ཚེ་མཐོང་བ་དེ་ཚེ་བླངས། །མི་སྣང་བར་ནི་མྱུར་དུ་འགྱུར། །ནམ་མཁའ་འམ་ནི་ཕྱོགས་གཞན་དུ། །པད་མའི་དབྱིབས་ནི་བསྒོམས་བྱས་ལ། །མཐོང་བའི་པད་མ་དེ་ཟོས་ན། །དེ་མ་ཐག་ཏུ་མི་སྣང་འགྱུར། དེ་ལ་དེ་དག་གི་སྙིང་པོ་ནི་འདི་རྣམས་སོ། ཨོཾ་པདྨ་ཨཱ་ཀཪྵ། ཨོཾ་པདྨ་ར་ཐ། ཨོཾ་པདྨ་ཛྙཱ་ན་གྲ་ཧཱ་ན། ཨོཾ་པདྨ་ར་ས་ཡ་ན་ཧཱུཾ་ཕཊ། ཕྱག་རྒྱ་ཆེ་བཅིངས་པད་མ་ནི། །ཁ་དོག་དབྱིབས་རྣམས་སྣ་ཚོགས་པའི། །དབྱིབས་དེ་ལག་པས་བཟུང་ན་ནི། །གཟུགས་རྣམས་ཐམས་ཅད་འཆང་བར་འགྱུར། །པད་མའི་ཁ་དོག་དབྱིབས་རྣམས་ནི། །སྣ་ཚོགས་པད་མའི་དབྱིབས་བྲིས་ལ། །དེ་ཉིད་བསྒོམས་པ་བྱས་ན་ནི། །གཟུགས་མང་འཆང་བར་དེ་འགྱུར་རོ། །ནམ་མཁའ་འམ་ནི་ཕྱོགས་གཞན་དུ། །པད་མའི་ཁ་དོག་དབྱིབས་རྣམས་ནི། །སྣ་ཚོགས་དབྱིབས་སུ་བསྒོམས་ན་ཡང ། །སྒྲ་ཡི་གཟུགས་སུ་དེ་འགྱུར་རོ། །པད་མའི་ཁ་དོག་དབྱིབས་རྣམས་ནི། །སྣ་ཚོགས་དབྱིབས་སུ་བྱས་ནས་ཀྱང ། །དེ་ལ་ཞོན་ནས་མཁའ་འགྲོ་ཞིང ། །ཅི་དགའི་གཟུགས་སུ་ངེས་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ`་པདྨ་དྷ་རི་བི་ཤཝ་རཱུ་པ་པྲ་བརྟ་ཡ་ཨཱ་བེ་ཤ ། ོཾ་བི་ཤཝ་པདྨ་པྲ་བརྟ་ཡ་མཱཾ། ཨོཾ་ས་མཱ་དྷི་བི་ཤཝ་པདྨ་ཨཱ་བེ་ཤ ། ོཾ་བི་ཤཝ་པདྨ་མ་ནོདྐྵཾ་པ་ཨཱ་ཀཱ་ཤ་བི་ཤཝ་རཱུ་པཾ་ཨ་དྷི་ཏིཥྛ་མཱཾ། གང་ཡང་རུང་བའི་ཕྱག་རྒྱ་ཆེ། །ཏིང་ངེ་འཛིན་གྱིས་ལེགས་བཅིངས་ལ། །པད་མ་བླངས་ཏེ་རབ་བྱིན་ན། །གདོན་མི་ཟ་བར་དབང་དུ 91.101a འགྱུར། །གང་ཡང་རུང་བའི་དམ་ཚིག་གི་།ཕྱག་རྒྱ་ཞེས་བྱ་བཅིངས་ན་ནི། །དེས་ནི་པད་མ་བླངས་ནས་ཀྱང ། །བྱིན་པར་གྱུར་ན་དབང་དུ་འགྱུར། །ཏིང་ངེ་འཛིན་སྐྱེས་དགེ་བ་ཡི། །ཕྱག་རྒྱ་གང་ཡང་རུང་བཅིངས་ལ། །ཡེ་ཤེས་པད་མ་གང་བྱིན་པ། །དེ་ནི་དེ་ཡིས་མྱུར་བར་འགྱུར། །གང་ཡང་རུང་བའི་དམ་ཚིག་ལྡན། །ལས་ཀྱི་ཕྱག་རྒྱ་བཅིངས་ནས་ནི། །པད་མ་བྱིན་པ་གང་ཡིན་པ། །དེ་མ་ཐག་ཏུ་དེ་དབང་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མ་ཧཱ་ཛྙཱ་ན་པདྨ་ཧོ། ཨོཾ་ས་མ་ཡ་པདྨ་ཧོ། ཨོཾ་ཛྙཱ་ན་པདྨ་ཧོ། ཨོཾ་ཀརྨ་པདྨ་ཧོ། དེ་ནས་ཡེ་ཤེས་ཀྱི་དཀྱིལ་འཁོར་གྱི་ཕྱག་རྒྱ་ཆེན་པོའི་ཡེ་ཤེས་བསླབ་བོ། །ཆོས་ཀྱི་དཀྱིལ་འཁོར་ཚུལ་དུ་ནི། །ཕྱག་རྒྱ་ཆེན་པོ་བསྒྲུབ་པར་བྱ། །དེ་ནས་རབ་ཏུ་བཤད་བྱ་བ། །དམ་ཚིག་མཆོག་ནི་བསྒྲུབ་བྱ་སྟེ། །ཆོས་ཀྱི་དཀྱིལ་འཁོར་ཚུལ་དུ་ནི། །པད་མའི་པད་མ་གཞག་པར་བྱ། །ཆོས་ཀྱི་ཁུ་ཚུར་བརྟན་བྱས་ལ། །ལས་ཀྱི་ཕྱག་རྒྱ་གཉིས་སུ་བྱ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་རྟོག་པའི་རྒྱལ་པོ་ཆེན་པོ་ལས་ཡེ་ཤེས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ལས་ཀྱི་དམ་ཚིག་འབྱུང་བར་བྱིན་གྱིས་བརླབས་པའི་པད་མ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཀརྨ་ཀྲྀ་ཧཱུཾ། དེ་ནས་ཕྱག་ན་རྡོ་རྗེས་རང་གི་རིགས་ཀྱི་ལས་འབྱུང་བ་རང་གི་རིག་པ་དམ་པ་འདི་གསུངས་སོ། །ོཾ་ཧཱུཾ་དྷི། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་རཏྣ་ཀརྨ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་པདྨ་ཀརྨེ་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བི་ཤཝ་ཀརྨེ་ཧཱུཾ། དེ་ནས་བྱང་ཆུབ་སེམས་དཔའ 91.101b འཕགས་པ་སྤྱན་རས་གཟིགས་ཀྱི་དབང་པོས་ཉིད་ཀྱི་ལས་ཀྱི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ནི། །པད་མའི་ལས་ཞེས་བྱ་བ་སྟེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །སངས་རྒྱས་ཕྱོགས་ཀུན་པད་མ་ཡི། །མཚན་མ་འཛིན་པར་ཐམས་ཅད་བྲི། །དེ་ལ་དེ་དག་གི་རིག་པའི་སྙིང་པོ་ནི་འདི་རྣམས་སོ། །ོཾ་པུ་རི་ཎི་ཧཱུཾ། བི་ཤཝ་ཀརྨེ་ཤཝ་རི་ཧཱུཾ། ཨོཾ་ཏ་ཐཱ་ག་ཏེ་ཤཝ་ར་ཨ་བྷི་ཥེ་ཀ་ཀརྨ་བིདྱཱེ་ཧཱུཾ། ཨོཾ་དྷརྨ་ཀརྨེ་ཤཝ་ར་ཛྙཱ་ན་པཱུ་ཛཱ་ས་མ་ཡེ་ཧཱུཾ། ཨོཾ་ཨ་མོ་གྷ་ཀརྨེ་ཤཝ་རི་ཧཱུཾ། ཨོཾ་པདྨ་ཀརྨ་བུད་དྷེ་ཧཱུཾ། ཨོཾ་པདྨ་ཀརྨ་བཛྲི་ཎི་ཧཱུཾ། ཨོཾ་པདྨ་ཀརྨི་ཎི་མཱ་ར་ཎ་པཱུ་ཛཱ་ཀརྨ་ས་མ་ཡེ་ཧཱུཾ། ཨོཾ་པདྨ་ཀརྨ་དུཥྚི་ཧཱུཾ། ཨོཾ་པདྨ་ཀརྨ་བྷྲྀ་ཀུ་ཊཱི་ཧཱུཾ་ཏྲ། ཨོཾ་པདྨ་ཀརྨ་སཱུརྱེ་ཧཱུཾ། ཨོཾ་པདྨ་ཀརྨ་དྷྭ་ཛེ་ཧཱུཾ། ཨོཾ་པདྨ་ཀརྨ་ཧཱ་ས་ཧཱུཾ། ཨོཾ་པདྨ་ཀརྨ་ཏཱ་རེ་ཧཱུཾ། ཨོཾ་པདྨ་ཀརྨ་ཀུ་མཱ་རི་ཧཱུཾ། ཨོཾ་པདྨ་ཀརྨ་ནཱ་རཱ་ཡ་ནི་ཧཱུཾ། ཨོཾ་པདྨ་ཀརྨ་བྲཧྨི་ཧཱུཾ། ཨོཾ་པདྨ་ཀརྨ་ནརྀ་ཏེ་ཤཝ་རི་ཧཱུཾ། ཨོཾ་པདྨ་རཀྵ་རཀྵ་ཀརྨ་ས་མ་ཡེ་ཧཱུཾ། ཨོཾ་མ་ཧཱ་པྲ་ཙཎྜ་གཱི་ཏི་ནི་པདྨ་དཾཥྚ་ཀརྨ་ཀ་རི་ཧཱུཾ། ཨོཾ་པདྨ་ཀརྨ་མུཥྚི་ག་ཏཱ་ཡ་ཧཱུཾ། ཨོཾ་ར་ཏི་པཱུ་ཛེ་ཧཱུཾ་ཛ། ཨོཾ་ཨ་བྷི་ཥེ་ཀ་པཱུ་ཛེ་ཧཱུཾ་ཛ། ཨོཾ་གཱི་ཏེ་པཱུ་ཛེ་ཧཱུཾ་དྷ། ཨོཾ་ནརྀ་ཏྱེ་པཱུ་ཛེ་ཧཱུཾ་བཾ། ཨོཾ་དྷཱུ་པེ་པཱུ་ཛེ་ཧཱུཾ་ཨཿ ། ཨོཾ་པུཥྤེ་པཱུ་ཛེ་ཧཱུཾ་ཏྲ། ཨོཾ་ཨཱ་ལོ་ཀེ་པཱུ་ཛེ་ཧཱུཾ་དྷིཿ ། ཨོཾ་གན་དྷེ་པཱུ་ཛེ་ཧཱུཾ་བཾ། ཨོཾ་ཧ་ཡ་གྲཱི་བ་ཨ་ན་ཡ་ཧཱུཾ་ཛ། ཨོཾ་ཨ་མོ་གྷ་པཱ་ཤ་ཀྲོ་དྷ་པཱི་ཌ་ཡ་ཧཱུཾ་ཕཊ། ཨོཾ་པདྨ་ཤཱཾ་ཀ་ལ་བན་དྷེ་ཧཱུཾ་ཕཊ། ཨོཾ་པདྨ་གྷན་དྷ་ཨཱ་བེ་ཤ་ཡེ་ཧཱུཾ་ཕཊ། དེ་ནས་ལས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་ཇི་ལྟ་བ་བཞིན་དུ་བཅུག་སྟེ། འདི་སྐད་དུ་རིགས་ཀྱི་བུ་ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཤིག་།སེམས་ཅན་དམྱལ་བར་ལྷུང་བར་གྱུར་ཏ་རེ་ཞེས་བསྒོས་ཤིག་།དེ་ནས་ཡེ་ཤེས་བསྐྱེད་པར་བྱའོ། །དེ་ནས་སྡིག་པ་བཤགས་པའི་ཡེ་ཤེས་བསླབ་པར་བྱ་སྟེ། འཇིག 91.102a རྟེན་དབང་ཕྱུག་ཕྱག་རྒྱ་ཆེར། །ཤིན་དུ་མཉམ་བཞག་བསྒོམས་ནས་ཀྱང ། །སྡིག་རྣམས་བཤགས་པས་མྱུར་བར་ནི། །སྡིག་པ་ཀུན་ལས་དེ་འདག་འགྱུར། །འཇིག་རྟེན་དབང་གི་ཏིང་འཛིན་གྱིས། །དམ་ཚིག་གི་ནི་མཆོག་བཅིངས་ཏེ། །སྡིག་པ་ཐམས་ཅད་བཤགས་ན་ནི། །མཚམས་མེད་ལྔ་ལས་འབྱང་བར་འགྱུར། །འཇིག་རྟེན་དབང་ཕྱུག་ཏིང་འཛིན་དུ། །ཤིན་དུ་མཉམ་པར་བཞག་བསྒོམས་ལ། །སྡིག་པ་ཐམས་ཅད་བཤགས་ན་ནི། །སྡིག་པ་ཀུན་ཡང་རབ་ཏུ་འཇོམས། །མདོར་ན་གང་ཡང་རུང་བ་ཡི། །ལས་ཀྱི་ཕྱག་རྒྱ་ལེགས་བཅིངས་ལ། །ལས་རྣམས་ཐམས་ཅད་བཤགས་ན་ནི། །ལས་རྣམས་ཀུན་ལས་རྣམ་པར་འདག་།དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་སརྦ་པཱ་པཾ་སཾ་ཤོ་དྷ་ན་མ་ཧཱ་པདྨ་ཨོཾ་སརྦ་ཨཱ་ནནྟ་ཏྱ་ཤོ་དྷ་ན་ས་མ་ཡ་པདྨ་ཨོཾ་སརྦ་པཱ་པཾ་པྲཱ་ཎ་ཤ་ཎ་དྷརྨ་པདྨ་ཨོཾ་སརྦ་པདྨ་ཨཱ་བ་ར་ཎ་བི་ཤོ་དྷ་ཀ་ཀརྨ་པདྨ་དེ་ནས་སྒྲིབ་པ་ཐམས་ཅད་ཡོངས་སུ་ཟད་པར་འགྱུར་བའི་ཡེ་ཤེས་བསླབ་བོ། །འཇིག་རྟེན་དབང་གི་ཕྱག་རྒྱ་ཆེར། །ཤིན་དུ་མཉམ་བཞག་བསྒོམས་བྱས་ལ། །ཤུད་དྷྱ་ཤུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་གི་ཏིང་འཛིན་གྱིས། །ལས་ཀྱི་དམ་ཚིག་བཅིངས་ན་ནི། །བུད་དྷྱ་བུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་པོར་སྙོམས་ཞུགས་ལ། །ཆོས་ཀྱི་ཕྱག་རྒྱར་བསྒོམས་ནས་ནི། །དྷི་དྷི་དྷི་དྷི་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ཀྱང ། །ཧཱི་ཧཱི་ཧཱི་ཧཱི་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་པཱ་པཾ་ཀྵ་ཡ་པདྨ། ཨོཾ་ཨཱ་ཕ་ར་ཎ་ཀྵ་ཡ་པདྨ། ཨོཾ་ཀརྨ་ཀྵ་ཡ་པདྨ། དེ་ནས་དེ་བཞིན་གཤེགས་པ་ཐམས་ཅད་ལ་མཆོད་པའི་ཡེ་ཤེས་བསླབ་བོ་འཇིག་རྟེན་དབང 91.102b གི་ཕྱག་རྒྱ་ཆེར། །རབ་ཏུ་མཉམ་པར་བཞག་བཅིངས་ལ། །ོཾ་ཨོཾ་ཨོཾ་ཨོཾ་ཞེས་བརྗོད་ན། །མཆོད་པ་ཐམས་ཅད་རབ་ཏུ་བྱེད། །འཇིག་རྟེན་དབང་པོའི་ཏིང་འཛིན་གྱིས། །དམ་ཚིག་མཆོག་ནི་བཅིངས་ནས་ཀྱང ། །བྷུ་བྷུ་བྷུ་བྷུ་ཞེས་བརྗོད་ན། །སངས་རྒྱས་ཐམས་ཅད་དེ་མཆོད་འགྱུར། །འཇིག་རྟེན་དབང་པོས་སྙོམས་ཞུགས་ལ། །ཆོས་ཀྱི་པད་མ་བསྒོམས་ནས་ཀྱང ། །ཧེ་ཧེ་ཧེ་ཧེ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །པད་མའི་ལས་ཀྱི་ཕྱག་རྒྱ་ནི། །ཤིན་དུ་མཉམ་པར་བཞག་བཅིངས་ལ། །དྷེ་དྷེ་དྷེ་དྷེ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཀཱ་ར་པདྨ། ཨོཾ་བྷཱུ་ཀཱ་ར་པདྨ། ཨོཾ་ཧེ་ཀཱ་ར་པདྨ། ཨོཾ་དྷེ་ཀཱ་ར་པདྨ། ཨོཾ་ནི་བ་ར་ཎ་ཀྵ་ཡ་པདྨ། དེ་ནས་དངོས་གྲུབ་ཀྱི་ཡེ་ཤེས་བསླབ་བོ། །འཇིག་རྟེན་དབང་པོ་ཕྱག་རྒྱ་ཆེར། །མཉམ་པར་བཞག་པས་བཅིངས་ནས་ནི། །ཧྲཱི་ཧྲཱི་ཧྲཱི་ཧྲཱི་ཞེས་བརྗོད་ན། །འཇིག་རྟེན་དབང་པོར་གྲུབ་པར་འགྱུར། །འཇིག་རྟེན་དབང་པོའི་ཏིང་འཛིན་གྱིས། །དམ་ཚིག་ཅེས་བྱ་བཅིངས་ནས་ཀྱང ། །ཤྲཱི་ཤྲཱི་ཤྲཱི་ཤྲཱི་ཞེས་བརྗོད་ན། །དངོས་གྲུབ་དམ་པ་ཐོབ་པར་འགྱུར། །འཇིག་རྟེན་དབང་པོའི་མཉམ་བཞག་པར། །མཉམ་པར་བཞག་པས་བསྒོམས་ནས་ཀྱང ། །དྷིག་དྷིག་དྷིག་དྷིག་ཞེས་བརྗོད་ན། །པད་མ་ཁྲོ་བོར་འགྲུབ་པར་འགྱུར། །པད་མ་ཆེན་པོ་དགེ་བ་ཡི། །ལས་ཀྱི་ཕྱག་རྒྱ་བཅིངས་ནས་ཀྱང ། །སྶི་སྶི་སྶི་སྶི་ཞེས་བརྗོད་ན། །དངོས་གྲུབ་ཐམས་ཅད་ཐོབ་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཧྲཱིཿ སིདྷྱ། ཨོཾ་ཤྲཱི་སིདྷྱ། ཨོཾ་དྷྲཱི་ག་སིད་དྷྱ། ཨོཾ་སི་སིད་དྷྱ། དེ་ནས་ལས་གསང་བའི་ཕྱག་རྒྱའི་ཡེ་ཤེས་ནི་འདི་ཡིན་ཏེ། འཇིག་རྟེན་དབང་པོ་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང ། ། ཧོ་སུ་ཀ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ 91.103a བྱེད་ཅིང ། །པྲི་ཡ་པྲྀ་ཡ་ཞེས་བརྗོད་ན། །སངས་རྒྱས་བཅོམ་ལྡན་འདས་དགྱེས་སོ། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང ། ། ཧོ་ར་ཏི་ཞེས་བརྗོད་ན། །དེ་ནི་རྟག་ཏུ་དགའ་བར་འགྱུར། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང ། །སུ་ཁ་སུ་ཁ་ཞེས་བརྗོད་ན། །དེ་ཡྀ་བདེ་བ་ཉམས་མི་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་སརྦ་བུད་དྷ་པཱུ་ཛ་པྲ་བརྟ་ན་པདྨ། ཨོཾ་པྲཱི་ཏི་ཀཱ་ར་པདྨ། ཨོཾ་ར་ཏི་པྲ་བརྟ་ན་པདྨ། ཨོཾ་མ་ཧཱ་སུ་ཁ་པདྨ་དྲྀ་ཌྷ་ཧཱུཾ། དེ་ནས་ལས་ཀྱི་ཕྱག་རྒྱ་ཇི་ལྟ་བ་བཞིན་དུ་བསླབ་པར་བྱ་སྟེ། དེ་ནས་པད་མ་ཐལ་སྦྱར་ཏེ། །དམ་ཚིག་ཕྱག་རྒྱ་རྡོ་རྗེ་དགོངས། །ལས་ཀྱི་དཀྱིལ་འཁོར་ཚུལ་གྱིས་ནི། །གནས་རྣམས་ཀུན་ཏུ་བཞག་པར་བྱ། །དེ་ནས་པད་མ་རིགས་ཀྱི་ཆོས་ཀྱི་ཕྱག་རྒྱ་ནི་དྲ་ཞེས་བྱ་བ་བརྗོད་པར་བྱ། ལས་ཀྱི་ཕྱག་རྒྱ་གཉིས་བྱས་ལ། །ལས་ཀྱི་ཕྱག་རྒྱ་དེས་བསྒྲུབ་བོ། །དེ་བཞིན་གཤེགས་པ་ཐམས་ཅད་ཀྱི་ཆོས་དམ་ཚིག་རྟོག་པའི་རྒྱལ་པོ་ཆེན་པོ་ལས་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་རྡོ་རྗེ་ཆོས་ཀྱི་དམ་ཚིག་གི་ཕྱག་རྒྱ་བྱིན་གྱིས་བརླབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཕྱག་རྒྱའི་སྙིང་པོ་འདི་གསུངས་སོ། །ོཾ་བཛྲི་དྷརྨ་པདྨ་ཧཱུཾ། དེ་ནས་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཛྷི། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་རཏྣ་མུ་ཀུ་ཊི་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ོཾ་དྷརྨ་པདྨ་དྷི། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ོཾ་སརྦ་མུ་ཁེ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་ཕྱག་རྒྱ་བཞི་པའི་དཀྱིལ་འཁོར་འདི་གསུངས་སོ། །དེ་ནས 91.103b རབ་ཏུ་བཤད་བྱ་བ། །ཕྱག་རྒྱ་བཞི་མཆོག་དཀྱིལ་འཁོར་ཏེ། །རྡོ་རྗེ་དབྱིངས་དང་འདྲ་བ་དང ། །དཀྱིལ་འཁོར་ཆེན་པོར་འདྲ་བར་བྱ། །ཕྱག་རྒྱའི་དཀྱིལ་འཁོར་དབུས་སུ་ནི། །སངས་རྒྱས་གཟུགས་ནི་གཞག་པར་བྱ། །དེ་ཡི་ཕྱོགས་རྣམས་ཐམས་ཅད་དུ། །རྡོ་རྗེ་པད་མ་ལ་སོགས་བྲི། །དེ་ནས་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས། ཇི་ལྟ་བ་བཞིན་དུ་བཅུག་སྟེ། འདི་སྐད་དུ་འདི་ཁྱོད་ཀྱིས་སུ་ལ་ཡང་མ་བརྗོད་ཅིག་།ཁྱོད་རྟག་ཏུ་སྡུག་བསྔལ་བར་འགྱུར་བ་དང ། མི་བདེ་བ་མ་སྤངས་པས་དུས་བྱས་ནས་སེམས་ཅན་དམྱལ་བར་ལྷུང་ང་རེ་ཞེས་བསྒོ་ཞིག་།དེ་ནས་དེའི་ཡེ་ཤེས་བསྐྱེད་པར་བྱ་སྟེ། ལག་པས་པད་མ་བཟུང་ནས་ཀྱང ། །བསྒྲིམས་ཏེ་ལེགས་པར་བསྡམ་པར་བྱ། །དྲི་དེ་སངས་རྒྱས་རྣམས་མཆོད་ན། །མྱུར་དུ་དངོས་གྲུབ་ཐོབ་པར་འགྱུར། །མཉམ་པར་བཞག་པས་གཙུག་པུད་དབུས། །སངས་རྒྱས་གཟུགས་ནི་རབ་བཞག་ལ། །འགྲོ་ཞིང་རྡོ་རྗེ་འགྱིང་བསྟན་ན། །འཇིག་རྟེན་ཐམས་ཅད་དབང་དུ་བྱེད། །པད་མ་པད་མ་ཆེན་པོའི་གཟུགས། །ཏིང་ངེ་འཛིན་འདུག་ཇི་ལྟ་བཞིན། །ཡིད་ཀྱིས་སུ་ནི་དེ་བསད་དོ། །གང་དུ་ཕོག་པ་དེ་རྒྱས་པའི། །ས་སོགས་པ་འི་ལས་བྱེད་དོ། །པད་མ་པད་མ་ཆེན་པོའི་གཟུགས། །པད་མ་རྒྱ་གྲམ་ཉིད་དུ་ནི། །བྱས་ཏེ་ལག་པས་བཟུང་ནས་ཀྱང ། །བསྐོར་ནས་དབབ་ལ་སོགས་དེ་བྱེད། །དེ་ནས་དེ་དག་གི་སྙིང་པོ་ནི་འདི་རྣམས་སོ། །ོཾ་གན་དྷ་པཱུ་ཛཱ་གྲི་སཱ་དྷ་ཡ་ཧྲཱིཿ ། ཨོཾ་པདྨ་མུ་ཀུ་ཊ་ཏ་ཐཱ་ག་ཏ་བ་ཤཾ་ཀུ་རུ་སརྦཱ་ན་ལོ་ཀེ་ཤཝ་ར་ཨ་བྷི་ཥེ་ཀ་ས་མ་ཡ་ཧོ། ཨོཾ་པདྨ་པདྨ་མཱ་ར་ཡ་སརྦ་དྲ་ཏྱརྠི་ཀ་ན་ས་མཱ་དྷི་ཛྙཱ་ན་དྷྲྀཀ་།ོཾ་བི་ཤཝ་པདྨ་སརྦ་ཀརྨ་ཀཱ་རོ་བྷཱ་བ་ལ་ལི་ལུ་ལ་ལ་ལི་ཧཱུཾ་ཕཊ། དེ་ནས་ཕྱག་རྒྱ་གསང་བའི་ཡེ་ཤེས་བསླབ་བོ། །ཆགས་ནས་དགོས་པ་ཐམས་ཅད་ནི། །བསྒྲུབ་པར་བྱ་སྟེ་དམ་ཚིག་འདི། །བསྒྲུབ་པར་དཀའ་བའི་ཕྱག་རྒྱ་ཡང ། །རྣལ་འབྱོར་གྱིས་ནི 91.104a མྱུར་དུ་འགྲུབ། །དེ་ལ་འདི་ཡི་དམ་ཚིག་གི་སྙིང་པོ་ནི་འདི་ཡིན་ནོ། །ོཾ་སཱ་དྷ་ཡ་པདྨ་རཱ་ག་ས་མ་ཡ་ཨ། དེ་ནས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་ཆེན་པོ་ཐམས་ཅད་བསླབ་པར་བྱའོ། །ཕྱག་རྒྱ་བཞིའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། ་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་སྙིང་པོ་འདི་གསུངས་སོ། །ོཾ་སརྦ་ཛ་གདྦི་ནཱ་ཡ་མ་ཧཱ་སཏྭ་ཨ། ཨཱ་གཙྪ་ཤཱི་གྷྲཾ་བི་ཤ་རཱུ་པཾ་སན་དྷཱ་རཱ་ཡ་མ་མེ་ཙ་སརྦ་སིདྡྷཱ་ཡ་པྲ་ཡཙྪ་ཧྲཱིཿ ། དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །འགྲོ་བ་འདུལ་བའི་དཀྱིལ་འཁོར་ཏེ། །དཀྱིལ་འཁོར་ཆེན་པོའི་ཚུལ་དུ་ནི། །ཕྱི་ཡི་དཀྱིལ་འཁོར་བྲི་བར་བྱ། །དེ་ཡི་ནང་དུ་པད་མ་ཡང ། །དེ་བཞིན་དུ་ནི་བྲི་བར་བྱ། །དེར་ནི་འདབ་མ་ཀུན་ཁྱབ་པའི། །སྣ་ཚོགས་གཟུགས་ནི་བྲི་བར་བྱ། །དེ་ནས་དཀྱིལ་འཁོར་འདིར་ཆོ་ག་རྒྱས་པ་ཇི་ལྟ་བ་བཞིན་དུ་བཙུད་ནས། དེ་བཞིན་དུ་བསྒོ་སྟེ་འགྲོ་བ་ཐམས་ཅད་འདུལ་བའི་ཡེ་ཤེས་བསླབ་བོ། །འགྲོ་བ་འདུལ་བ་ཞེས་བྱ་བའི། །དཀྱིལ་འཁོར་ལེགས་པར་བྲིས་ནས་ཀྱང ། །ཕྱག་རྒྱ་ཆེན་པོ་བསྒོམས་ན་ནི། །སྣ་ཚོགས་འཆང་དང་འདྲ་བར་འགྱུར། །དེ་ནས་འགྲོ་བ་འདུལ་བའི་གསང་བའི་ཕྱག་རྒྱའི་ཡེ་ཤེས་བསླབ་བོ། །སྣ་ཚོགས་གཟུགས་ཀྱི་ཏིང་འཛིན་དུ། །མཉམ་པར་བཞག་པས་བསྒོམས་ནས་ཀྱང ། །དབང་པོ་གཉིས་ནི་སྦྱར་བར་བྱ། །དཀྱིལ་འཁོར་དེ་ནི་དེ་གྲུབ་བོ། །དེ་ནས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་བཅིང་བ་རྣམས་བསླབ་པར་བྱའོ། །དངོས་གྲུབ་རྣམས་ཀྱང་དེ་བཞིན་ནོ། །དེ་བཞིན་དུ་རས་ལ་སོགས་པ་ལ་ཡང་བྱའོ་ཕྱག་རྒྱ་གཞན་རྣམས་ཀྱང ། ཕྱག་རྒྱ་གཅིག་པའི་དཀྱིལ་འཁོར་གྱི་ཚུལ་དུ་ཕྱག་རྒྱ་ལ་སོགས་པ་ཡང་འགྲུབ་པར་འགྱུར་རོ། །དེ་ནས་ཡང་དེ་བཞིན་གཤེགས 91.104b གཅིག་ཏུ་འདུས་ནས་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་པོ་ལ་ལེགས་སོ་ཞེས་བྱ་བ་བྱིན་པ། །དེ་བཞིན་གཤེགས་པ་ཀུན་གྱིས་གསང ། །ཐེག་པ་ཆེན་པོ་མངོན་འདུས་པ། །རྡོ་རྗེ་ཐེག་པ་བླ་མེད་ཀྱི། །མདོ་སྡེ་འདི་ནི་ལེགས་བཤད་པ། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ལས་རྟོག་པའི་རྒྱལ་པོ་ཆེན་པོ་དུམ་བུ་གསུམ་པ་རྫོགས་སྷོ།། །། བམ་པོ་བདུན་པ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་དེ་བཞིན་གཤེགས་པ་ཐམས་ཅད་དབང་བསྐུར་བའི་རིན་པོ་ཆེ་རྡོ་རྗེ་འཛིན་པ་དེ་ཉིད་དེ། བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོ་ལ་མིང་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །ནམ་མཁའི་སྙིང་པོ་སེམས་ཅན་དོན། །སེམས་དཔའ་ཆེན་པོ་གཟི་ཆེན་པོ། །རིན་ཆེན་ཆེ་བའི་རིན་ཆེན་མཆོག་།རྡོ་རྗེ་རིན་ཆེན་ཁྱོད་ཕྱག་འཚལ། །དབང་བསྐུར་སྦྱིན་པ་རིན་ཆེན་ཆེ། །དག་པ་ཆེ་ཞིང་དགེ་བ་ཆེ། །སངས་རྒྱས་རིན་ཆེན་རྣམ་དག་སྐུ། །རིན་ཆེན་རིན་ཆེན་ཁྱོད་ཕྱག་འཚལ། །ནམ་མཁའ་ནམ་མཁའ་ལས་བྱུང་བ། །ནམ་མཁའ་ཀུན་གྱི་འོད་ཆེ་བ། །ནམ་མཁའི་དབྱིངས་ཀྱི་ཕྱོགས་ཀུན་གྱི། །རེ་ཀུན་མཆོག་ནི་ཁྱོད་ཕྱག་འཚལ། །རིན་ཆེན་མཛོད་སྤུ་རིན་ཆེན་འབྱུང ། །སངས་རྒྱས་མཛོད་སྤུ་བདེ་གཤེགས་རབ། །རིན་ཆེན་ཐམས་ཅད་རབ་ཀུན་མཆོག་།རིན་ཆེན་དགོས་པ་ཁྱོད་ཕྱག་འཚལ། །རིན་ཆེན་རིན་མཆོག་རིན་ཆེན་དྲག་།དེ་བཞིན་གཤེགས་པ་ཀུན་རིན་ཆེན། །རིན་ཆེན་དམ་པ་ནམ་མཁའ་ཆེ། །མཁའ་མཉམ་ཁྱོད་ལ་ཕྱག་འཚལ་ལོ། །རྒྱན་ཡིན་པས་ནི་མཛེས་པ་ཆེ། །མཛེས་པར་སྣང་ཞིང་རབ་མཛེས་མཛད། །དོན་ཀུན་དག་ཅིང་དག་པའི་དོན། །སྦྱིན་སྤྱོད་ཁྱོད་ལ་ཕྱག་འཚལ་ལོ། །ཆོས་རིན་ཆེན་ནི་རྣམ་དག་མཆོག་།དགེ་འདུན་རིན་ཆེན་དེ 91.105a བཞིན་གཤེགས། །དབང་བསྐུར་ཆེན་པོ་འཇིག་རྟེན་དོན། །དོན་སྦྱིན་ཁྱོད་ལ་ཕྱག་འཚལ་ལོ། །སྦྱིན་པ་རབ་སྦྱིན་སྦྱིན་པའི་མཆོག་།གཏོང་ཞིང་གཏོང་མཆོག་སྦྱིན་མཛད་པ། །སེམས་ཅན་ཀུན་དོན་དེ་ཉིད་དོན། །དོན་ཆེན་དོན་ནི་ཁྱོད་ཕྱག་འཚལ། །བསམ་པའི་རྒྱལ་པོ་གཟི་བརྗིད་ཆེ། །སྦྱིན་པའི་ཕ་རོལ་ཕྱིན་པའི་ཚུལ། །དེ་བཞིན་གཤེགས་པ་སེམས་དཔའ་ཆེ། །སངས་རྒྱས་ཀུན་ཏེ་ཁྱོད་ཕྱག་འཚལ། །དེ་བཞིན་གཤེགས་པ་རིན་ཆེན་ཆེ། །དེ་བཞིན་གཤེགས་པ་འོད་ཆེ་སྟེ། །དེ་བཞིན་གཤེགས་པ་དཔལ་ཆེན་པོ། །བཞད་ཆེན་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པའི་དབང་བསྐུར་མཆོག་།དབང་ཆེན་ཁྱབ་པ་ཆེན་པོ་སྟེ། །འཇིག་རྟེན་མགོན་རབ་འཇིག་རྟེན་མཆོག་།འཇིག་རྟེན་ཉི་མ་ཁྱོད་ཕྱག་འཚལ། །རིན་ཆེན་ཕུལ་ཏེ་རབ་ཀྱི་མཆོག་།རིན་ཆེན་རྒྱན་ཏེ་རིན་ཆེན་མཛོད། །རིན་ཆེན་སྣང་བས་སྣང་བ་ཆེ། །རིན་ཆེན་གྲགས་པ་ཁྱོད་ཕྱག་འཚལ། །རིན་ཆེན་ཕུང་པོ་རིན་ཆེན་འབྱུང ། །ནོར་བུ་རྡོ་རྗེ་ནོར་ཡོན་ཏན། །རིན་ཆེན་འབྱུང་བ་སྐུ་རབ་འབར། །རིན་ཆེན་སྐུ་སྟེ་ཁྱོད་ཕྱག་འཚལ། །ཆེ་ཉིད་ཤིང་སྟེ་རིན་ཆེན་དབང ། །རེ་བ་ཐམས་ཅད་སྐོང་མཛད་པ། །བསམ་པ་ཐམས་ཅད་ལེགས་པར་མཉེས། །རིན་ཆེན་ཕུང་པོ་ཁྱོད་ཕྱག་འཚལ། །འོད་མཆོག་ཁྱབ་པའི་བདག་ཉིད་ཀུན། །མཆོག་རབ་སྦྱིན་ཞིང་མཆོག་ཆེ་བ། །ཕུན་སུམ་ཐམས་ཅད་འབྱོར་པའོ། །རྡོ་རྗེ་སྙིང་པོ་བདག་ཕྱག་འཚལ། །མིང་བརྒྱ་རྩ་བརྒྱད་ཞི་བ་འདི། །སུ་ཡང་རུང་བས་འཆང་བྱེད་ན། །སངས་རྒྱས་ཀུན་གྱིས་དབང་བསྐུར་བ། །སྐད་ཅིག་ཏུ་ནི་སྡིག་མེད་འཐོབ། །རིན་ཆེན་ཁྱོད་ལ་གསོལ་བ་ནི། །ནོར་འདུས་པ་ནི་བཤད་པར་མཛོད། །སངས་རྒྱས་ཀུན་གྱི་དབང་གི་མཆོག་།ངེས་པའི་རིགས་ནི་བསྐྱེད་པར་མཛོད། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་དེ་བཞིན་གཤེགས་པ་ཐམས་ཅད་ཀྱི་བཀའ་འདི་ཐོས་ནས་དེ་བཞིན་གཤེགས་པ་ཐམས་ཅད་ཀྱི་དབང་གི་དམ་ཚིག་ཅེས་བྱ་བ་རང་གི་སྙིང་པོ་འདི 91.105b གསུངས་སོ། །ོཾ་བཛྲ་རཏྣ་ཧཱུཾ། དེ་བཞིན་གཤེགས་པ་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་ནོར་བུའི་དམ་ཚིག་ཅེས་བྱ་བའི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཨཱ་ཤ་པ་རི་པཱུ་ར་ཎ་མ་ཧཱ་རཏྣ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་རིག་པ་དམ་པ་འདི་གསུངས་སོ། །ོཾ་བཛྲ་ཧཱུཾ་ཏྲ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་མ་ཎི་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིགས་འབྱུང་བའི་རིག་པ་དམ་པ་འདི་གསུངས་སོ། །ོཾ་པདྨ་ཧྲིཿ ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བི་ཤཝ་རཏྣ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་དེ་བཞིན་གཤེགས་པ་ཐམས་ཅད་ཀྱི་དབང་གི་རིན་པོ་ཆེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་རྡོ་རྗེ་ནོར་བུ་རིན་པོ་ཆེ་ལྟ་བུ་འོད་ཟེར་རྣམས་བྱུང་ནས་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ། སེམས་ཅན་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་དབང་གིས་དབང་བསྐུར་ནས་ཡང་གཅིག་ཏུ་གྱུར་ཏེ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ནམ་མཁའི་སྙིང་པོའི་ཐུགས་ཀར་ཞུགས་སོ། །དེ་ནས་ནམ་མཁའི་སྙིང་པོའི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀུན་ནས་འོད་ཟེར་འབར་བའི་སྙིང་པོ་རྡོ་རྗེ་དང ། ནོར་བུ་དང ། རིན་པོ་ཆེ་སྣ་ཚོགས་ཀྱི་དབང་བསྐུར་ལ་སོགས་པའི་བཀོད་པ་དང ། རྒྱན་གྱིས་བརྒྱན་པའི་སྐུ་རྡོ་རྗེའི་ནོར་བུའི་རིན་པོ་ཆེའི་ཕྱག་རྒྱའི་མཚན་མ་ཕྱག་ན་བསྣམས་པའི་བྱང་ཆུབ་སེམས་དཔའ་ཆེན་པོའི་སྐུ་རྣམས་སུ་གྱུར་ཏེ་བྱུང་ནས་འཇིག་རྟེན་གྱི་ཁམས་ཐམས་ཅད་དུ 91.106a རིན་པོ་ཆེ་ཆེན་པོའི་ཆར་འབབ་པ་ལ་སོགས་པ་ནོར་བསྐྱེད་པ་རྣམས་ཀྱིས་སེམས་ཅན་རྣམས་མགུ་བར་བྱས་ནས་ཡང་སླར་བྱོན་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཕྱོགས་ཐམས་ཅད་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རིན་ཆེན་ཐམས་ཅད་བསྡུས་པ་ནི། །རྡོ་རྗེ་རིན་ཆེན་རིགས་ཉིད་དུ། །འགྲོ་བའི་དོན་དུ་འདི་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་རང་གི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་འདི་ཕུལ་ཏེ་དོན་ཐམས་ཅད་གྲུབ་པ་ཞེས་བྱ་བའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །ཐམས་ཅད་གྲུབ་པ་ཞེས་བཤད་པ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་བརྒྱན་པ་སྟེ། །སྲད་བུ་བཞི་དང་ལྡན་པ་ལ། །དར་དང་ཕྲེང་བ་ལྡ་ལྡིས་བརྒྱན། །དཀྱིལ་འཁོར་ཆེན་པོ་གྲཝ་རྣམས་དང ། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པར་ནི། །ཕྱི་ཡི་དཀྱིལ་འཁོར་སྲད་བུས་བྲེ། །དེ་ཡི་ནང་དུ་རྡོ་རྗེ་ཡི། །རིན་ཆེན་ལས་བྱུང་གནས་བྱ་ཞིང ། །ཀ་བ་བརྒྱད་ཀྱི་ཚུལ་དུ་ནི། །རིན་ཆེན་སྣ་ཚོགས་འོད་འབར་བའི། །དཀྱིལ་འཁོར་ལྔར་ནི་བརྒྱན་གྱུར་པར། །དེར་ནི་སྲད་བུ་བྲེ་བར་བྱ། །རང་གི་ཕྱག་རྒྱས་བསྐོར་བ་ཡི། །དེར་ནི་སངས་རྒྱས་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བུད་དྡྷ་རཏྣ་ཧཱུཾ། ཨོཾ་བཛྲ་མ་ཎི་ཧཱུཾ། ཨོཾ་བཛྲ་རཏྣ་ཨཾ་ཀུ་རུ་ཧཱུཾ། ཨོཾ་བཛྲ་རཏྣ་པདྨ་ཧཱུཾ། ཨོཾ་བཛྲ་རཏྣ་པཪྵ་ཧཱུཾ། རེ་བ་ཀུན་གྲུབ་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ཀྱང ། །རྡོ་རྗེ་སྙིང་པོ་དེར་གནས་ཤིང ། །རིན་ཆེན་མཆོག་ནི་སྦྱིན་པར་བྲི། །དེ་ཡི་ཕྱོགས་རྣམས 91.106b ཐམས་ཅད་དུ། །ལྟག་འོག་གོ་རིམས་ཇི་བཞིན་དུ། །རིན་ཆེན་ཕྱག་རྒྱར་ལྡན་པ་ཡི། །སེམས་དཔའ་ཆེན་པོ་རྣམས་བྲིའོ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་སརྦ་ཨརྠ་སིད་དྷི་པྲ་ད་ཧཱུཾ། ཨོཾ་བཛྲ་མ་ཎི་ཙིནྡྷྱ་ཧ་ན་ཨཱ་ཀཱ་ཤ་གརྦྷ་བྷ་ག་བཱན་སིད་དྷྱ་སིད་དྷྱ་ཧཱུཾ། ཨོཾ་རཏྣ་ཨོཾ་ཀུ་ཤ་ཨཱ་ཀཪྵ་ཡ་སརྦ་ཨརྠཱ་ན་ས་མ་ཡ་ཤཱི་གྷྲཾ། སརྦ་ཏ་ཐཱ་ག་ཏ་སཏྭ་མ་ནུ་སྨ་ར་ཧཱུཾ། ཨོཾ་ཏི་རཱ་ག་བི་ཤོ་ཀུ་རུ་སརྦ་ནཀྵ་ཤ་གརྦྷ་ཧཱུཾ། ཨོཾ་རཏྣ་དུཥྚི་ཧཱུཾ། རིན་ཆེན་ཕྲེང་བའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རིན་ཆེན་ཕྲེང་བ་འཛིན་པའི་མཆོག་།ངེས་པའི་དབུས་སུ་ལེགས་པར་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞྀན་པར། །ནོར་བུའི་མཚན་རྣམས་ལག་ཐོགས་པའི། །སེམས་དཔའ་ཆེན་པོ་རྣམས་བྲིའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་རཏྣ་ཏིཥྛ་ཏྲ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་རཏྣ་མཱ་ལེ་ཧཱུཾ`། ཨོཾ་རཏྣ་མ་ཎི་སཱུརྱེ་ཧཱུཾ། ཨོཾ་ཙནྡྲ་མ་ཎི་དྷྭ་ཛ་སརྦཱ་ཤཱ་པ་རི་པཱུ་ར་ཨཱ་ཀཱ་ཤ་གརྦྷ་ཧཱུཾ`། ཨོཾ་རཏྣ་ཧཱ་ས་ཧཱ་ས་ཧཱུཾ། རིན་ཆེན་པད་མའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བགལ་ནས་ནི། །རིན་ཆེན་པད་མ་འཛིན་ཁྱབ་པ། །དེ་དབུས་གནས་པར་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །ནོར་བུ་མཚན་མ་འཆང་བ་ཡི། །སེམས་དཔའ་ཆེན་པོ་རྣམས་བྲིའོ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་པདྨ་ཧཱུཾ། ཨོཾ`་ཧེ་ག་ས་མཱ་དྷི་ཛྙཱ་ན་གརྦྷ་ཧཱུཾ། ཨོཾ་རཏྣ་ཀོ་ཥ་གྲ་ཧཱུཾ། ཨོཾ་མ་ཎི་ཙཀྲ་པྲ་བརྟྟཱ་ཡ་ཧཱུཾ། ཨོཾ་རཏྣ་བ་ཤཱི་ཧཱུཾ། རིན་ཆེན་ཆར་འབེབས་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རིན་ཆེན་ཆར་ནི་རབ་འབེབས་པའི། །སེམས་དཔའ་ཆེན་པོ་དེར་ཡང་བྲི། །དེ་ཡི་ཕྱོགས་རྣམས་ཐམས་ཅད་དུ། །མདོར་ན་ལག་ན་ཕྱག་རྒྱ་ཡང ། །རིན་ཆེན་མཚན་མར་ལྡན་པ་ཡི། །སེམས་དཔའ་ཆེ་རྣམས་ཆོ་ག་བཞིན། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་བྲྀཥྚི་བཪྵ་ཡ་སརྦ་བརྟ་སམྦྷ་དྷ་བྷ་ག་བཱན་མ་ཎི 91.107a ཧསྟ་ཧཱུཾ། ཨོཾ་མ་ཎི་པཱུ་ཛ་ས་མ་ཡ་ཧཱུཾ། ཨོཾ་མ་ཎི་བན་དྷ་ཀ་བ་ཙ་ཧཱུཾ། ཨོཾ་མ་ཎི་དཾ`ཥྚ་ཀ་རཱ་ལ་མ་ཧཱ་ཡཀྵ་ཧ་ར་ཧ་ར་སརྦཱ་རྠཱན་ཏི་ཤ་ཡ་ཧཱུཾ། ཨོཾ་རཏྣ་བན་དྷ་ས་མ་ཡ་ཧཱུཾ`། རྡོ་རྗེ་ཤུགས་ཀྱིས་བརྒལ་ནས་ནི། །གྲཝ་ཡི་ཕྱོགས་ནི་ཐམས་ཅད་དུ། །ལྟག་འོག་གོ་རིམ་ཇི་བཞིན་པར། །རིན་ཆེན་ལཱ་སྱེ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་ར་ཏི་ཧཱུཾ། ཨོཾ་རཏྣ་མཱ་ལེ་ཧཱུཾ། ཨོཾ་རཏྣ་གཱི་ཏི་ཧཱུཾ། ཨོཾ་རཏྣ་ནརྀ་ཏྱེ་ཧཱུཾ`། ཕྱི་ཡི་དཀྱིལ་འཁོར་དམ་པ་ནི་རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་ཡི་དཀྱིལ་འཁོར་གྲཝ་རྣམས་སུ། །བདུག་པའི་མཆོད་པ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་དྷཱུ་པེ་རཏྣེ། ཨོཾ་པུཥྤེ་མ་ཎི། ཨོཾ་རཏྣ་ཨཱ་ལོ་ཀེ་།ོཾ་མ་ཎི་གན་དྷེ། སྒོ་རྣམས་བཞི་ཡི་དབུས་སུ་ནི། །སྒོ་བ་རྣམས་ནི་བཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་སརྦ་རཏྣ་ཨཱ་ཀཪྵ་ཨ་རུ་ཎ་མ་ཧཱ་ས་ཏྭ་བྷ་ག་བཱན་ཏྭཾ་ཨཱ་ཀཱ་ཤ་གརྒྟཾ་ཙོ་དཱ་ཡ་ཨཱ་ཀཪྵ་ཡ་ཤཱི་གྷྲཾ་ཧོ་ཛ། ཨོཾ་སརྦ་རཏྣ་པྲ་བེ་ཤ་ཡ། ས་མ་ཡ་པྲ་བེ་ཤ་ཡ་ས་མ་ཡ་མ་ཧཱ་མ་ཎི་རཱ་ཛཱ་ཀུ་ལཾ་རཏྣ་པཱ་ཤ་ཧཱུཾ། ཨོཾ་མ་ཎི་བན་དྷ་ཧཱུཾ་བཾ། ཨོཾ་མ་ཎི་རཏྣ་ཨཱ་བེ་ཤ་ཨ། དེ་ནས་དཀྱིལ་འཁོར་ཆེན་པོ་འདིར་ནོར་བུ་རིན་པོ་ཆེའི་སློབ་དཔོན་ཉིད་ཇི་ལྟ་བ་བཞིན་ཞུགས་ཏེ་ཆོ་ག་རྒྱས་པ་བདག་ཉིད་ཀྱིས་བྱས་ལ། དེ་ནས་རིན་པོ་ཆེས་བྱིན་གྱིས་བརླབས་པའི་བུམ་པ་གང་བའི་ཆུས་ནོར་བུའི་སློབ་མ་དབང་བསྐུར་ཏེ། རྡོ་རྗེ་ནོར་བུའི་དམ་ཚིག་གི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །ོཾ་བཛྲ་མ་ཎི་རཏྣ་ས་མ་ཡ་བཾ། དེ་ནས་ཁ་དོག་ཇི་ལྟ་བུ་རྙེད་པའི་བླ་གོས་ཕྲག་པ་གཅིག་ཏུ་གཟར་ཏེ་དེ་དང་འདྲ་བས་མི་གཡོགས་ལ་སྙིང་པོ་འདི་བརྗོད་དུ་བཅུག་སྟེ་གཞུག་པར་བྱའོ། །ོཾ་ཧཱུཾ`་མ་ཎི་རཱ་ཛ་ཀུ་ལཾ། དེ་ནས་ད་ལྟར་བཅུག་ནས་འདི་སྐད་དུ་ཁྱོད་ཀྱིས་འདི་སུ་ལ་ཡང་མ་བརྗོད་ཅིག ། ཁྱོད་ཚེ་རབས་ཐམས་ཅད་དབུལ་པོར་གྱུར་ཏ་རེ། སྡུག་བསྔལ་ལས་མི་ཐར་བར་གྱུར་ཏ་རེ། སེམས་ཅན་དམྱལ་བར་ཡུན་རིང་པོར་གནས་པར་གྱུར 91.107b ཏ་རེ་ཞེས་བསྒོ་ལ་དམ་ཚིག་གཉིས་སུ་བྱའོ། །ཐེག་པ་ཆེན་པོ་མངོན་པར་འདུས་པ་ཡང་བརྗོད་པར་བྱའོ། །དེ་ནས་བསམ་པ་དང་གཏེར་ཆེན་པོ་གང་ན་ཡོད། ཇི་ལྟར་ཐོབ་པར་འགྱུར་ཞེས་རྡོ་རྗེའི་ཚིག་གིས་དྲི་བར་བྱའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་ཐམས་ཅད་སྨྲར་སྩོལ་ཅིག་ཅེས་སྨྲས་མ་ཐག་ཏུ་གདོང་གཡོགས་པ་བཀྲོལ་ཏེ་དེ་བཞིན་གཤེགས་པ་ཐམས་ཅད་ཀྱི་དབང་གི་དམ་ཚིག་ཀྱང་བསྟན་ཏེ། བཅོམ་ལྡན་འདས་དེ་བཞིན་གཤེགས་པ་ལ་ཐུག་གི་བར་དུ་དཀྱིལ་འཁོར་ཆེན་པོ་བསྟན་པར་བྱའོ། །དེ་ནས་ཅི་འབྱོར་པས་མཆོད་པ་བྱས་ནས་དགོས་པ་ཐམས་ཅད་བསྒྲུབ་པར་བྱའོ། །དེ་ནས་ཡེ་ཤེས་ཀྱི་ཕྱག་རྒྱ་ནི་འདི་ཡིན་ཏེ། རྡོ་རྗེ་སྙིང་པོའི་ཕྱག་རྒྱ་ཆེ། །ཤིན་དུ་མཉམ་པར་བཞག་པས་བཅིངས། །གཏེར་བརྐོས་ནས་ནི་གང་དག་ན། །གཏེར་ཡོད་པ་ནི་དེ་མཐོང་འགྱུར། །དམ་ཚིག་གི་ནི་མཆོག་བཅིངས་ལ། །གང་ན་གཏེར་རྣམས་ཡོད་གྱུར་པ། །དེར་ནི་ཕྱག་རྒྱ་བཙིར་ན་ནི། །དེ་ཚེ་བདག་ཉིད་འབྱུང་བར་འགྱུར། །རྡོ་རྗེ་སྙིང་པོའི་ཏིང་འཛིན་དུ། །ཤིན་ཏུ་མཉམ་བཞག་བསྒོམས་ན་ནི། །གང་ན་གཏེར་རྣམས་ཡོད་པ་ཡང ། །ཡིད་ཀྱིས་ཤེས་པ་ཉིད་དུ་འགྱུར། །རྡོ་རྗེའི་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །གང་དུ་ཕྱག་རྒྱ་བབས་གྱུར་ན། །དེ་ན་གཏེར་ཡོད་ཤེས་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མ་ཧཱ་མ་ཎི་རཏྣ་ཨཱ་བི་ཤ་ཧཱུཾ། ཨོཾ་མ་ཎི་པིཎྜ་པ་རི་ཤ་ཡ་ཧཱུཾ། ཨོཾ་རཏྣ་ས་མཱ་དྷི་བྲུ་ཧི། ཨོཾ་རཏྣ་ཨཱ་བེ་ཤ་དར་ཤ་ཡ་ཧཱུཾ། ཕྱག་རྒྱ་ཆེན་པོར་བསྒོམས་ན་ནི། །གང་དུ་ལུས་ནི་ཁོར་གྱུར་པ། །དེ་ན་རིན་ཆེན་གཏེར་ཡོད་པར། །དམ་ཚིག་ཉིད་ཀྱིས་ཤེས་པར་བྱ། །དམ་ཚིག་མཆོག་ནི་བཅིངས་ནས་ཀྱང ། །གང་དུ་བབས་ནས་གཉིས་གྱུར་པ། །དེ་ནི་རིན་ཆེན་ཆེན་པོ་ཡི། །གཏེར་ཡོད་པར་ནི་ཤེས་པར་བྱ། །ཏིང་འཛིན་ཕྱག་རྒྱ་བཅིངས་ནས་ནི། །གང 91.108a ལ་བབས་པ་བདག་ཉིད་ཀྱིས། །རིན་ཆེན་ཆེན་པོ་བདག་ཉིད་ཀྱིས། །གཏེར་ནི་གང་ན་ཡོད་པར་སྨྲ། །ལས་ཀྱི་ཕྱག་རྒྱ་བཅིངས་ནས་ཀྱང ། །གང་ཚེ་ལག་གཉིས་ཕན་ཚུན་དུ། །བབས་ནས་དམ་ཚིག་བཅིང་གྱུར་པ། །དེ་ནི་གཏེར་ནི་ཡོད་པར་བཤད། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མ་ཧཱ་རཏྣ་ཀཱ་ཡ་དར་ཤ་ཡ་རཏྣ། ཨོཾ་ཨཱ་ཀཱ་ཤ་གརྦྷ་མ་ཎི་རཏྣ། ཨོཾ་སྥོ་ཊ་སྥོ་ཊ་ཡ་ཏྲ་ནི་དྷི། ཨོཾ་མ་ཎི་རཏྣ་ཛྙཱ་ན་སཝ་ཡཾ་བྲུ་ཧི། ཨོཾ་པུ་ན་ས་མ་ཡ་བན་དྷ་དར་ཤ་ཡ་སཝཱ་ཧཱ། ཕྱག་རྒྱ་ཆེན་པོ་བསྒོམས་ནས་ནི། །དེ་བཞིན་གང་དུ་དོགས་གྱུར་པ། །དེ་ནི་རིན་ཆེན་འབྱུང་བ་ཡི། །གཏེར་ཡོད་ཡེ་ཤེས་ཤེས་པར་བྱ། །གང་དུ་དོགས་ཡོད་དེར་ཡང་ནི། །དམ་ཚིག་མཆོག་ནི་མཆོག་བཅིངས་ལ། །གང་ཚེ་ཉིད་ནི་གྲོལ་གྱུར་པ། །དེ་ན་གཏེར་ནི་ཡོད་པར་བཤད། །ཏིང་འཛིན་ཕྱག་རྒྱ་བཅིངས་ནས་ནི། །གང་དུ་ངེས་པར་དོགས་གྱུར་པ། །དེ་ན་ངེས་པར་གཏེར་ཡོད་པར། །ཡེ་ཤེས་བསྐྱེད་དེ་ཤེས་པར་བྱ། །གང་ན་ཡང་དང་ཡང་དོགས་པ། །ལས་ཀྱི་ཕྱག་རྒྱ་ཆོ་ག་བཞིན། །དེར་བཅིངས་དེ་ནི་གཉིས་གྱུར་པ། །གཏེར་ཡོད་པར་ནི་ཤེས་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ནི་དྷ་ཛྙཱི་ན་ཨཱ་བི་ཤ ། ོཾ་རཏྣ་ས་མ་ཡ་མུཉྩ་ནི་དྷཱིཿ བནྡྡྷཾ། ཨོཾ་དྷརྨ་རཏྣ་བྲུ་ཧི་ནི་དྷིཿ ནཾ། ཨོཾ་སརྦ་ཀརྨ་ནི་སྥོ་ཊ་ཡ་དར་ཤ་ཡ་ནི་དྷཱིཿ བན་དྷོ་དཱ་ཀྵི་པ། ཕྱག་རྒྱ་ཆེན་པོར་བསྒོམས་ནས་ནི། །གཏེར་རྣམས་ཀུན་དུ་བཙལ་ནས་ཀྱང ། །གང་ན་གནས་པ་དེར་བབས་ན། །དེ་ན་གཏེར་ནི་ཡོད་པར་བཤད། །དམ་ཚིག་མཆོག་ནི་བཅིངས་ནས་ཀྱང ། །གཏེར་རྣམས་ཀུན་དུ་བཙལ་ནས་ནི། །གང་ན་གནས་པ་བརྟག་གྱུར་པ། །དེ་ན་གཏེར་ནི་ཡོད་པར་བཤད། །ཏིང་འཛིན་ཕྱག་རྒྱ་བཅིངས་ནས་ནི། །གཏེར་རྣམས་ཀུན་དུ་བཙལ་ནས་ཀྱང ། །གང་ན་ཡོད་པར་རྟག་ཏུ་ཤེས། །དེ་ན་གཏེར་ནི་ཡོད་པར་བཤད། །ལས་ཀྱི་ཕྱག་རྒྱ་བཅིངས་ནས་ནི། །གཏེར་རྣམས་ཀུན་དུ་བཙལ་ནས་ཀྱང ། །གང་ན་ཡོད་པར་ལས་ཕྱག་རྒྱ། །བསྐོར་བ་དེ་ན་ཡོད་པར 91.108b པར་བཤད། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་པ་རཀྵི་ཨཱ་བཻ་ཤ ། ོཾ་རཏྣ་ས་མ་ཡ་ཧྲྀ་ད་དར་ཤ་ཡ། །ོཾ་རཏྣ་པ་རཀྵི་ཛྙཱ་ན་ཨཱ་བཻ་ཤ ། ོཾ་མ་ཎི་ཀརྨ་བྲཧྨཱ་ཡ། དེ་ནས་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །དབང་པོ་གཉིས་ནི་མཉམ་སྦྱར་ལ། །གཏེར་རྣམས་ཀུན་དུ་ཚོལ་བྱེད་ཅིང ། །ཕྱག་རྒྱ་ཆེན་པོ་བསྒོམས་ན་ནི། །བབས་པར་གྱུར་ན་གཏེར་རྙེད་དོ། །དམ་ཚིག་མཆོག་ནི་བཅིངས་ནས་ཀྱང ། །བུད་མེད་དང་ནི་རྩེ་བྱེད་ཅིང ། །གང་དུ་ཕྱག་རྒྱ་དམ་གྱུར་པ། །དེ་ན་གཏེར་ནི་ཡོད་པར་བཤད། །དབང་པོ་གཉིས་ནི་མཉམ་སྦྱར་ན། །གཏེར་རྣམས་ཀུན་དུ་ཚོལ་བྱེད་ཅིང ། །ཡེ་ཤེས་ཕྱག་རྒྱ་བསྒོམས་ནས་ནི། །གཏེར་གྱི་ཡེ་ཤེས་འཇུག་པར་འགྱུར། །དབང་པོ་གཉིས་ཀྱི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །གང་དུ་ཕྱག་རྒྱ་གཉིས་གྱུར་པ། །དེ་ན་གཏེར་ནི་ཡོད་པར་བཤད། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མ་ཧཱ་མ་ཎི་སཾ`་ཡོ་གཱ་བཻ་ཤ ། ོཾ་ས་མ་ཡ་སཾ་ཡོ་ག་།དྲྀ་ཌྷོ་མེ་བྷ་བ། ཨོཾ་དི་ནི་ཛྙཱ་ན་ཨཱ་བེ་ཤ་སཾ་ཡོ་ག་།ོཾ་སརྦ་ཀརྨ་སཾ་སྥོ་ཊ་སཾ་ཡོ་ག་།དེ་ནས་ནོར་བུའི་རིགས་ཆེན་པོའི་ཕྱག་རྒྱའི་ཡེ་ཤེས་ཐམས་ཅད་བསླབ་བོ། །དེ་ནས་ཕྱག་རྒྱ་ཆེན་པོ་འདི་ཡིན་ཏེ། །ཟླ་བའི་དཀྱིལ་འཁོར་དབུས་གནས་པར། །ཇི་ལྟ་བ་ཡི་རི་མོ་བཞིན། །ཕྱག་རྒྱ་ཆེན་པོ་བསྒོམས་ན་ནི། །དོན་གྱི་མཆོག་ཀུན་འགྲུབ་པར་འགྱུར། །དེ་ནས་ཕྱག་རྒྱ་ཆེན་པོ་རྣམས་ཀྱི་ལས་ནི་འདི་རྣམས་ཡིན་ནོ། །སངས་རྒྱས་ཕྱག་རྒྱ་སངས་རྒྱས་ཉིད། །རྡོ་རྗེ་སྙིང་པོས་གཉིས་རབ་འགྲུབ། །རིན་ཆེན་ལྕགས་ཀྱུས་ཀུན་སྤྱན་འདྲེན། །ནོར་བུ་དགའ་བར་རྗེས་གར་བྱེད། །ནོར་བུ་མགུ་བས་དགྱེས་པར་བྱེད། །ནོར་བུ་ལྟ་བས་ནོར་ཐོབ་བོ། །ནོར་བུ་ཕྲེང་བས་དབང་བསྐུར་ཞིང ། །ནོར་བུ་ཉི་མས་གཟི་བརྗིད་མཆོག་།ཡིད་བཞིན་ནོར་བུས་ཇི་དགར་སྦྱིན། །རིན་ཆེན་བཞད་པས་ནོར་ཐོབ་འགྱུར། །རིན་ཆེན་ཆོས་ཀྱིས་ཆོས་ཀྱང་ཐོབ། །གཏོང་བའི་དཔལ་གྱིས་དམ་པ་རྙེད། །རིན 91.109a ཆེན་རལ་གྲིས་མཚོན་ཆེན་པོ། །རིན་ཆེན་འཁོར་ལོས་དབང་པོར་འགྱུར། །སྨྲ་བས་བཙལ་བའི་དངོས་གྲུབ་འཐོབ། །རིན་ཆེན་ཆར་གྱིས་ནོར་ཆེན་པོ། །ནོར་བུའི་མཆོད་པས་རབ་མཆོད་ཉིད། །རིན་ཆེན་ཆོས་ཀྱིས་བརྟན་པར་བྱེད། །རིན་ཆེན་མཆེ་བས་ནོར་ཐོབ་བོ། །ཁུ་ཚུར་ནོར་བུས་དངོས་གྲུབ་འཐོབ། །དེ་ནས་དཀྱིལ་འཁོར་ཆེན་པོ་འདིའི་དམ་ཚིག་གི་ཕྱག་རྒྱའི་ཡེ་ཤེས་ནི་འདི་ཡིན་ནོ། །རྡོ་རྗེ་རིན་ཆེན་ཕྱག་རྒྱས་ནི། །སངས་རྒྱས་ཀུན་གྱིས་དབང་བསྐུར་འཐོབ། །རྡོ་རྗེ་ནོར་བུ་ཆེ་བཅིངས་ནས། །རྡོ་རྗེ་རིན་ཆེན་གྲུབ་པར་འགྱུར། །རྡོ་རྗེ་གཉིས་ལས་ནོར་བུར་བྱས། །རྡོ་རྗེ་འཛིན་ལས་ནོར་འཐོབ་བོ། །དེ་ཉིད་མཐེ་བོ་རྡོ་རྗེ་ཡིས། །ནོར་བུ་སྦྱར་ཏེ་སྙིང་གར་གཞག་།མཛུབ་གཉིས་པད་མའི་ནོར་བུར་བཅིངས། །འཇིག་རྟེན་དབང་གིས་ནོར་བྱིན་འགྱུར། །རྡོ་རྗེ་ལས་ནོར་སྣ་ཚོགས་ཀྱི། །ནོར་བུ་ཆེན་པོའི་རྒྱལ་མཚན་སྦྱིན། །རྡོ་རྗེ་དབྱིངས་མཛུབ་ནོར་བུ་ཡིས། །སངས་རྒྱས་རིན་ཆེན་ཉིད་འཐོབ་བོ། །མཛུབ་མོ་བསྙམས་ཏེ་ཕྱིར་བཀུག་ལ། །མཐེ་བོ་རྡོ་རྗེར་བཅིངས་པ་ཡི། །རྡོ་རྗེ་སྙིང་པོའི་ཕྱག་ལས་བྱུང ། །འདི་ནི་རྡོ་རྗེའི་ནོར་བུར་གསུངས། །འདི་ནི་བཅིངས་མ་ཐག་ཏུ་ཡང ། །རྡོ་རྗེའི་ནོར་བུ་ཆེན་པོ་འཐོབ། །མཛུབ་གཉིས་རིན་ཆེན་འདྲར་བཅིངས་ལ། །གུང་མོ་མྱུ་གུར་བསྒྲེང་བ་སྟེ། །འདི་ནི་བཅིངས་མ་ཐག་ཏུ་ཡང ། །རང་གི་དབང་བསྐུར་ཐོབ་པར་འགྱུར། །དེ་ནས་གུང་མོ་སྲིན་ལག་དང ། །མཐེའུ་ཆུང་རྣམས་ནི་པད་མར་བྱ། །འདིས་ནི་ཀུན་དུ་སྤྱན་རས་གཟིགས། །མཚན་འཛིན་པས་ནི་ནོར་སྦྱིན་འགྱུར། །མཛུབ་མོ་མཐེ་བོ་མཐེའུ་ཆུང་རྣམས། །རྡོ་རྗེ་རིན་ཆེན་ཚུལ་དུ་བྱ། །གུང་མོ་གཉིས་ཀྱི་སེན་མོ་སྦྱར། །སྲིན་ལག་མྱུ་གུ་འདྲ་བར་བསྒྲེང ། །རྡོ་རྗེ་བསྡམ་པ་དམ་བྱས་ལ། །མཛུབ་གཉིས་ནོར་བུར་བྱས་ནས་ཀྱང ། །མཐེབ་གཉིས་བརྐྱང་བའི་ངོས་སྙིང་གི་།དོན་ཀུན་གྲུབ་པ་སྦྱིན་པར་བྱེད། །རྡོ་རྗེ་བསྡམ་པ་བསྡམས་ནས་ཀྱང ། །གུང་མོ་གཉིས་ནི་ནོར་བུར་བྱ། ། 91.109b ནོར་བུ་མཚན་གྱི་ཕྱག་རྒྱ་འདི། །ནོར་བུ་ཆེན་པོ་རབ་སྦྱིན་ནོ། །དེ་ཉིད་ལས་ནི་མཛུབ་མོ་གཉིས། །ལྕགས་ཀྱུའི་ཚུལ་དུ་བྱས་པ་ནི། །དོན་ཀུན་དགུག་པའི་ཕྱག་རྒྱ་སྟེ། །ནོར་བུ་རིན་ཆེན་ལྕགས་ཀྱུར་བཤད། །དེ་ཉིད་ལས་ནི་བསྒྱུར་ནས་ཀྱང ། །མཛུབ་མོས་མཛུབ་མོ་གཟུང་ནས་ནི། །མདའ་འཕང་བ་ཡི་ཚུལ་བྱས་ལ། །དྲངས་ནས་འགྲོ་བ་དགའ་བར་བྱེད། །དེ་ཉིད་ལས་ནི་མཛུབ་མཐེབ་གཉིས། །སྦྱར་བ་ལེགས་སོ་ཞེས་བྱ་བའོ། །དེ་ནས་མཐེབ་གཉིས་སྦྱར་བ་ཡིས། །མཛུབ་གཉིས་རྩེ་མོ་སྦྱར་བ་དང ། །མཐེ་བོ་གཉིས་ནི་དབུས་སྦྱར་ལ། །མཛུབ་གཉིས་ངོས་དང་སྦྱར་བ་ནི། །ནོར་བུ་ལྟ་བར་བཤད་པ་སྟེ། །ལྟ་བའི་དོན་རྣམས་འཕྲོག་བྱེད་པའོ། །དོན་ཀུན་གྲུབ་པའི་ཕྲེང་བ་ནི། །རང་གི་དབང་ནི་རབ་སྦྱིན་འགྱུར། །དེ་ཉིད་སྙིང་གར་མཐེ་བོ་གཉིས། །བསྒྲེང་སྟེ་ངོས་ཀྱིས་སྦྱར་བ་ནི། །ནོར་བུ་ཉི་མའི་སྙིང་གར་གཞག་།གཟི་བརྗིད་ཆེན་པོ་རབ་སྦྱིན་འགྱུར། །སྲིན་ལག་བསྙམས་ཏེ་བསྒྲེང་ནས་ནི། །ཕྱེ་སྟེ་སྤྱི་བོར་གཞག་པར་བྱ། །རྡོ་རྗེ་ནོར་བུ་ཆེན་པོ་གཙོ། །རེ་བ་ཐམས་ཅད་རྫོགས་བྱེད་པའོ། །དེ་ཉིད་ལས་ནི་འགྱིང་བྱེད་ཅིང ། །ཁ་འགྲམ་རྒོད་པར་བསྐོར་བ་སྟེ། །རིན་ཆེན་ཆར་རྒོད་ཞེས་བྱ་བ། །བཞད་པས་དོན་རྣམས་ཐམས་ཅད་འགྲུབ། །ཏིང་ངེ་འཛིན་དུ་སོར་མོ་བསྒོམ། །ནོར་བུ་པད་མ་ནོར་འཆང་བའི། །དེ་ནས་མཐའ་ནས་གྲོལ་བ་ནི། །སྦྱིན་པ་ཆེན་པོ་རབ་སྦྱིན་བྱེད། །མཐེ་བོ་གཉིས་ནི་ནང་དུ་དགུག་།མཛུབ་གཉིས་ནོར་བུར་བྱས་པ་ནི། །ནོར་བུ་རལ་གྲི་ཡིན་ཏེ་མཐུས། །འགྲོ་བ་རྣམས་ཀྱི་ནོར་འཕྲོག་པའོ། །རྡོ་རྗེ་བསྡམས་ལས་འཁོར་ལོར་བྱ། །མཐེབ་གཉིས་ནང་དུ་བཅུག་ནས་ཀྱང ། །མཛུབ་གཉིས་ནོར་བུ་འདྲར་བྱས་པ། །འཁོར་ལོས་སྒྱུར་བ་ཐོབ་པར་བྱེད། །དེ་ཉིད་ཐལ་མོའི་ཚུལ་དུ་བྱས། །ཁ་ནས་འདྲེན་པར་བྱས་པ་ནི། །དེ་བཅིངས་ནས་ནི་ངག་གིས་ཀྱང ། །རང་གི་བཀས་ནི་ནོར་འཕྲོག་འགྱུར། །རྡོ་རྗེ་ནོར་བུ་ཆེ་བཅིངས་ལ། །རིན་ཆེན་ཆར་ནི་རབ་འབེབས་ཏེ། །སོར་མོ་ཐམས་ཅད་བསྒྲེང་བ་ནི། །ཕྱོགས་བཞི་ནས་ནི་ནོར་ཆར 91.110a འབེབས། །རྡོ་རྗེ་ནོར་བུ་ཆེ་བཅིངས་ལ། །གར་བྱས་གཙུག་ཕུད་དབུས་བཞག་ནས། །ཀུན་ལ་ཆོ་ག་བཞིན་མཆོད་ན། །རིན་ཆེན་ཀུན་གྱིས་དེ་མཆོད་འགྱུར། །དོན་ཀུན་གྲུབ་པའི་ཕྱག་རྒྱས་ནི། །མགྲིན་པའི་ཕྱོགས་སུ་འཁྱུད་པར་བྱ། །ནོར་བུ་བཅིངས་པ་ཞེས་བྱ་སྟེ། །བསྲུང་བ་ཡི་ནི་ཆོ་གར་གྲགས། །དོན་ཀུན་གྲུབ་པ་དེ་ཉིད་ལས། །གནོད་སྦྱིན་ཚུལ་དུ་ཁར་བཞག་པ། །ནོར་བུ་མཆེ་བ་ཞེས་བྱ་སྟེ། །འཇིག་བྱེད་དོན་ཀུན་འཕྲོག་བྱེད་པའི། །རྡོ་རྗེ་བསྡམ་པ་དམ་བྱས་ལ། །མཛུབ་བཀུག་མཐེ་བོ་གཉིས་ཀྱིས་ནི། །ལེགས་པར་མནན་ཏེ་བཙིར་བ་ནི། །ནོར་བུའི་ཁུ་ཚུར་དངོས་གྲུབ་འཐོབ། །དམ་ཚིག་རྣམས་ཀྱི་མཆོད་མཆོག་རྣམས། །རྡོ་རྗེ་དབྱིངས་ཀྱི་ཚུལ་དུ་ནི། །ཇི་བཞིན་ནོར་བུ་ལྡན་པ་ལ། །འདི་ནི་དམ་ཚིག་མཆོག་ཏུ་བརྟགས། །གུང་མོ་ནོར་བུའི་ཚུལ་དུ་བྱ། །དེ་དག་ཉིད་ལ་རྣམ་པར་བརྟགས། །ལྕགས་ཀྱུ་གཅིག་སོགས་ཚུལ་གྱིས་ནི། །ལས་རྣམས་ཐམས་ཅད་རབ་འགྲུབ་བྱེད། །དེ་ནས་ནོར་བུ་ཆེན་པོའི་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ནོ། །ཧྲཿ གྲཿ ཏྲིཿ ཧྲཱིཿ ཤྲཱིཿ ིཿ རིཿ དྷྲིཿ དིཿ དྷཱིཿ གྲིཿ བིཿ རིཿ ཌཿ ཡཿ ཿ ། རིན་ཆེན་ཕྱག་རྒྱ་གཉིས་བྱས་ལ། །ལས་ཀྱི་ཕྱག་རྒྱ་བྲི་བར་བྱ། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་རྟོག་པའི་རྒྱལ་པོ་ལས་དོན་ཐམས་ཅད་གྲུབ་པ་ཞེས་བྱ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་དབང་བསྐུར་བའི་གཟུངས་ཀྱི་དམ་ཚིག་འབྱུང་བའི་རིན་པོ་ཆེའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་རཏྣ་དྷཱུ་པེ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་ཕྱག་རྒྱ་འདི་གསུངས་སོ། །ོཾ་བཛྲ་ཨ་བྷི་ཥེ་ཀ་མཱ་ལེ་ཨ་བྷི་ཥིཉྩ་ས་མ་ཡེ་ཧཱུཾ`། དེ་ནས་བྱང་ཆུབ་སེམས 91.110b དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་ཕྱག་རྒྱ་འདི་གསུངས་སོ། །ོཾ་རཏྣ་ཨ་བྷི་ཥེ་ཀ་ཧཱུཾ`། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་དྷ་རྨ་ཨ་བྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་པཱུ་ཛ་ས་མ་ཡེ་ཧཱུཾ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་རང་གི་རིགས་ཀྱི་དམ་ཚིག་གི་ཕྱག་རྒྱའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །རིན་ཆེན་གསང་བ་ཞེས་བཤད་དེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་ཚུལ་བཞིན་དུ། །སངས་རྒྱས་ཕྱག་རྒྱ་བྲི་བྱ་སྟེ། །ཁྲི་ལ་གནས་པའི་ནོར་བུའི་གཙོ། །རྡོ་རྗེ་དབྱིངས་ཀྱི་མདུན་དུ་ནི། །ནོར་བུའི་ཕྲེང་བ་པད་མའི་ནོར། །ནོར་བུས་བསྐོར་བའི་ནོར་བུའི་རྣམས། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཏྲ། ཨོཾ་མ་ཎི་ས་མ་ཡེ་ཧཱུཾ། ཨོཾ་མ་ཎི་རཏྣ་ཨ་བྷི་ཥེ་ཀ་མཱ་ལེ་ཧཱུཾ། ཨོཾ་མ་ཎི་རཏྣ་པདྨ་ཧཱུཾ། ཨོཾ་མ་ཎི་རཏྣ་བྲྀ་ཏི་ས་མ་ཡེ་ཧཱུཾ། ཐམས་ཅད་གྲུབ་པའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རྡོ་རྗེ་རིན་ཆེན་དབུས་སུ་ནི། །རྡོ་རྗེ་ནོར་བུ་ཆེན་པོ་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམ་ཇི་བཞིན་པར། །རང་གི་ཕྱག་རྒྱ་ནོར་བུར་ལྡན། །རིན་ཆེན་སློབ་དཔོན་ཉིད་ཀྱིས་བྲི། །དེ་ལ་དེ་དག་གི་ཕྱག་རྒྱ་ནི་འདི་རྣམས་སོ། །ོཾ་སརྦ་ཨརྠ་སིད་དྷི་པྲ་བེ་ཤ་མ་ཧཱ་བཛྲི་རཏྣ་ས་མ་ཡེ་མ་ཎི་སརྦ་ཨརྠཱ་ན་མེ་སཱ་དྷ་ཡ་དྷཱ་ར་ཎཱི་ཧཱུཾ། ཨོཾ་མ་ཎི་རཏྣ་ཨཱ་ཀར་ཥ་ཡེ་སཝཱ་ཧཱ། ཨོཾ་མ་ཎི་རཏྣ་ས་མ་ཡེ་ཨཾ`་ཀུ་ཤ་མ་ཎི་ཀུ་ལཉྫ། ཨོཾ་མ་ཎི་རཱ་ག་ས་མ་ཡེ་ཧཱུཾ། ཨོཾ་མ་ཎི་སཱ་དྷུ་ཧཱུཾ། དེ་བཞིན་དཀྱིལ་འཁོར་གཉིས 91.111a པར་ཡང ། །རྡོ་རྗེ་ཤུགས་ཀྱིས་བརྒལ་ནས་ནི། །སྤྱན་གཉིས་དང་ནི་ལྡན་པ་ཡིན། །ནོར་བུ་དེ་ཡི་དབུས་སུ་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམ་ཇི་བཞིན་པར། །ནོར་བུའི་མཚན་མར་ལྡན་པ་ཡི། །རང་གི་ཕྱག་རྒྱ་རྣམས་བྲིའོ། །དེ་ལ་དེ་དག་གི་ཕྱག་རྒྱ་ནི་འདི་དག་གོ། །ོཾ་བཛྲ་མ་ཎི་རཏྣ་ནེ་ཏྲ་ཨཱ་ན་ཡ་བ་ཤི་ཀུ་རུ་སརྦ་ཨརྠ་སམྦྷ་བ་དཱ་ན་ཤཱི་གྷྲཾ་ཏིཥྛ་ཨཾ`་ཀུ་ཤི་ཧཱུཾ`། ཨོཾ་མ་ཎི་རཏྣ་རཏྣ་མཱ་ལེ་ཨ་བྷི་ཥིཉྩ་ཧཱུཾ། ཨོཾ་མ་ཎི་རཏྣ་སཱུརྱེ་ཛྭཱ་ལ་ཡ་སརྦ་མ་ཧཱ་རཱ་ཛི་ནི་ཧཱུཾ། ཨོཾ་མ་ཎི་ཙནྡྲ་དྷྭ་ཛཱ་གྲི་ཧཱུཾ། ཨོཾ་མ་ཎི་ཧཱ་སེ་ཧཱ་ས་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །ནོར་བུ་པད་མ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམ་ཇི་བཞིན་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མ་ཎི་ས་མཱ་དྷི་པདྨེ་ནི་ཧཱུཾ། ཨོཾ་མ་ཎི་རཏྣ་དྱ་གྲ་ས་མ་ཡ་ཧཱུཾ། ཨོཾ་མ་ཎི་ས་མ་ཡ་གོ་ཥེ་ཧཱུཾ། ཨོཾ་མ་ཎི་ས་མ་ཡ་ཙཀྲ་ཧཱུཾ། ཨོཾ་མ་ཎི་བྷཱ་ཥཱ་གྲི་ཧཱུཾ`། དཀྱིལ་འཁོར་བཞི་པ་དམ་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །རྡོ་རྗེ་རིན་ཆེན་ལྡན་པ་ཡི། །རིན་ཆེན་ཆར་འབེབས་དེར་གནས་ཤིང ། །ལས་ཀྱི་ཕྱག་རྒྱ་ཇི་བཞིན་པས། །ཡོངས་སུ་བསྐོར་བར་བྲི་བར་བྱ། །ནོར་བུའི་མཚན་མར་ལྡན་པ་རྣམས། །ལྟག་འོག་གོ་རིམ་ཇི་བཞིན་བྱ། །དེ་ནས་དེ་དག་གི་ཕྱག་རྒྱ་ནི་འདི་རྣམས་སོ། །ོཾ་རཏྣ་བྲཥྚི་སཱ་དྷ་ཡ་མ་ཧཱ་མ་ཎི་ཧཱུཾ། ཨོཾ་མ་ཧཱ་པཱུ་ཛཱ་ས་མ་ཡེ་ནེ་ཏྲ་ཨཱ། ཨོཾ་མ་ཧཱ་པཱུ་ཛཱ་ས་མ་ན་ས་མ་ཡེ་རཀྵ། ཨོཾ་བཛྲ་མ་ཎི་རཏྣ་དཾཥྚ་ཀཱ་རཱ་ལེ་ཧ་ར་ཧ་ར་ཧཱུཾ`། ཨོཾ་མ་ཎི་ས་མ་ཡ་མུཥྚི་ཧཱུཾ`། དེ་ནས་ནོར་བུ་གསང་བའི་དཀྱིལ་འཁོར་འདིར་ལས་རྣམས་ཇི་ལྟ་བ་བཞིན་དུ་བྱས་ནས་རང་གི་སློབ་མ་རྣམས་བཙུད་དེ་འདི་སྐད་དུ་བསྒོ་བར་བྱའོ། །ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཤིག་།ཁྱོད་རབ་ཏུ་དབུལ་བ་དང་དུས་ནས་སེམས་ཅན་དམྱལ་བར་ལྷུང་ཏ་རེ་ཞེས་བསྒོ་ལ་རང་གི་ནོར་བུའི་དམ་ཚིག་གི་ཡེ་ཤེས་བསྐྱེད་པར་བྱའོ། །རྡོ་རྗེ་རིན་ཆེན་ཏིང་འཛིན་གྱིས། །མཁའ་ལ་རྡོ་རྗེ་རིན་ཆེན་བྲི། །བདག་ཉིད་ཀྱི་ནི་དཔྲལ་བར་ཡང ། །བཞག་ན་རྒྱལ་པོར་ངེས་པར་འགྱུར། །རིན 91.111b ཆེན་རྡོ་རྗེ་བཅིངས་ནས་ནི། །རྡོ་རྗེ་རིན་ཆེན་མཁའ་ལ་བྲི། །དབང་གི་གནས་སུ་བཞག་ན་ནི། །ངེས་པར་རྒྱལ་པོ་ཉིད་དུ་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །རྡོ་རྗེ་རིན་ཆེན་མཁའ་ལ་བྲི། །ཡེ་ཤེས་རྡོ་རྗེ་དེ་བཞག་ན། །ཉིད་ཀྱིས་གྲུབ་པའི་རྒྱལ་པོར་འགྱུར། །ལས་ཀྱི་ཕྱག་རྒྱ་བཅིངས་ནས་ནི། །མཁའ་ལ་རྡོ་རྗེ་རིན་ཆེན་བྲིས། །རང་གི་གནས་སུ་དེ་བཞག་ན། །ཉིད་ཀྱིས་གྲུབ་པའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །མ་ཧཱ་བཛྲ་རཏྣ་ཨ་བྷི་ཥིཉྩ་མཱཾ། ས་མ་ཡ་རཏྣ་ཨ་བྷི་ཥིཉྩ་མཱཾ། དྷརྨ་རཏྣ་ཨ་བྷི་ཥིཉྩ་མཱཾ། ཀརྨ་རཏྣ་ཨ་བྷི་ཥིཉྩ་མཱཾ། ཕྱག་རྒྱ་ཆེན་པོའི་སྙིང་གར་ནི། །རྡོ་རྗེ་རིན་ཆེན་བསྒོམ་པར་བྱ། །བསྒོམས་ནས་མངོན་པར་དབང་དུ་བསྐུར། །མཆོག་ཏུ་རྨད་དུ་བྱུང་བ་འཐོབ། །མཉམ་པར་བཞག་པས་རྡོ་རྗེ་ཡི། །རིན་ཆེན་དཔྲལ་བར་བསྒོམས་ནས་ནི། །རིན་ཆེན་རྡོ་རྗེ་བཅིངས་གྱུར་ན། །ཐམས་ཅད་ཀྱི་ནི་རྒྱལ་པོར་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །ལྕེ་ལ་རྡོ་རྗེ་རིན་ཆེན་བསྒོམ། །ཆོས་ཀྱི་རྒྱལ་པོ་ཉིད་དུ་ནི། །དབང་བསྐུར་བ་ནི་ཐོབ་པར་འགྱུར། །རབ་མཉམ་བཞག་པས་རྡོ་རྗེ་ཡི། །རིན་ཆེན་གཙུག་ཏོར་བསྒོམས་ནས་ཀྱང ། །ལས་ཀྱི་ཕྱག་རྒྱ་བཅིངས་ནས་ནི། །ལས་ལེགས་བྱེད་པའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བཛྲ་རཏྣ་ཧྲྀ་ད་ཡ་ཨ་བྷི་ཥིཉྩ་ཧོ། ཨོཾ་བཛྲ་རཏྣ་ཨ་བྷི་ཥེ་ཀ་དྲ། ཨོཾ་བཛྲ་རཏྣ་ཨ་བྷི་ཥིཉྩ་བཾ། ཨོཾ་བཛྲ་རཏྣ་ཨུཥྞཱི་ཥ་ཨ་དྷིཥྠཱ་ན་སཝ་མཱན། ཕྱག་རྒྱ་ཆེན་པོ་བདག་ཉིད་ཀྱིས། །བསྒོམས་ན་རྡོ་རྗེ་རིན་ཆེན་ཡང ། །རས་ལ་སོགས་ལ་བྲིས་ནས་ནི། །རྒྱལ་པོ་ཆེན་པོར་དེ་འགྱུར་རོ། །རྡོ་རྗེ་རིན་ཆེན་བླ་ན་མེད། །རས་ལ་སོགས་ལ་བྲིས་ནས་ཀྱང ། །སེམས་དཔའ་རྡོ་རྗེ་བསྒོམས་ན་ནི། །དམ་ཚིག་རྣམས་ཀྱི་བདག་པོར་འགྱུར། །རིན་ཆེན་རྡོ་རྗེ་བདག་ཉིད་ཀྱིས། །རས་ལ་སོགས་ལ་བྲིས་ནས་ཀྱང ། །བསམ་གཏན་ཕྱག་རྒྱ་བསྒོམས་ན་ནི། །ངེས་པར་ཆོས་ཀྱི་བདག་པོར་འགྱུར། །རས་ལ་སོགས་ལ་རྡོ་རྗེ་ཡི། །རིན་ཆེན 91.112a བྲིས་ནས་ལས་རྣམས་ཀྱི། །ཕྱག་རྒྱ་བསྒོམས་པར་གྱུར་ན་ནི། །བདག་ཉིད་ལས་ཀྱི་བདག་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །བཛྲ་རཏྣ་བ་བྷ་ཨ་དྷི་ཏིཥྠ། ཨོཾ་བཛྲ་རཏྣ་བིཾ་བྷ་པྲ་ཏི་ཏིཥྛ། ཨོཾ་བཛྲ་རཏྣ་བིཾ་བྷ་ཨ་བྷི་ཥེ། བཛྲ་རཏྣ་བིཾ་བྷ་ཀུ་རུ། གསེར་རམ་ཡང་ན་དངུལ་ཡང་རུང ། །རྡོ་རྗེ་རིན་ཆེན་བཅིངས་གྱུར་ཏམ། །ཡང་ན་རིན་ཆེན་གཞན་ཡང་རུང ། །སྙིང་གར་བསྒོམས་ནས་དབང་བསྐུར་འགྱུར། །རྡོ་རྗེ་རིན་ཆེན་བླ་ན་མེད། །གསེར་རམ་རིན་ཆེན་གཞན་ལས་བྱས། །རྟག་ཏུ་དཔྲལ་བར་བཞག་ན་ནི། །ནོར་ཆེ་བ་ཡི་རྒྱལ་པོར་འགྱུར། །གསེར་རམ་རིན་ཆེན་གཞན་དག་གི་།རྡོ་རྗེ་རིན་ཆེན་བསྒོམས་ནས་ཀྱང ། །རང་གི་ཁར་ཡང་བཅུག་ན་ནི། །ཚིག་ལ་དབང་བར་དེ་འགྱུར་རོ། །གསེར་རམ་རིན་ཆེན་གཞན་དག་གི་།རྡོ་རྗེ་རིན་ཆེན་བསྒོམས་ན་ནི། །གཙུག་ཏོར་དུ་ནི་ཡང་བསྒོམས་ན། །ལས་རྣམས་ཀུན་གྱི་བདག་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བཛྲ་རཏྣ་ཧྲི་ད་ཡ་ཨཱ་བ་ར་ན་ཧཱུཾ། ཨོཾ་བཛྲ་རཏྣ་ཨ་བྷི་ཥེ་ཀ་མ་ཧཱ་ཨརྠ་པཱ་ད། ཨོཾ་བཛྲ་རཏྣ་པཱ་ཙ་པཱ་དེ། ཨོཾ་བཛྲ་རཏྣ་མ་ཧཱ་ཀརྨ་པཱ་དེ། དེ་ནས་ནོར་བུའི་རིགས་ཀྱི་དམ་ཚིག་གི་ཕྱག་རྒྱ་གསང་བའི་ཡེ་ཤེས་བསླབ་བོ། །ཕྱག་རྒྱ་ཆེན་པོར་བསྒོམས་ན་ནི། །རྡོ་རྗེ་ནོར་བུ་ཆེ་བཅིངས་ལ། །ནོར་བུ་བུད་མེད་བུ་གར་བཅུག་།དེ་ལྟར་དངོས་གྲུབ་ཐོབ་པར་འགྱུར། །དམ་ཚིག་མཆོག་གི་ནོར་བུ་ནི། །བུད་མེད་བུ་གར་བཅུག་ནས་ཀྱང ། །དམ་ཚིག་མཆོག་བཅིངས་ཐམས་ཅད་ཀྱི། །དབང་བསྐུར་བ་ཡི་དངོས་གྲུབ་འགྱུར། །རྡོ་རྗེ་ནོར་བུ་ཆེ་བཅིངས་ལ། །ཆོས་ཀྱི་ཕྱག་རྒྱ་བསྒོམས་ནོར་བུ། །དེ་ནི་བུད་མེད་བུ་གར་བཅུག་།བླ་ན་མེད་པའི་དངོས་གྲུབ་འགྱུར། །ལས་ཀྱི་ཕྱག་རྒྱ་ནོར་བུ་བཅིངས། །བུད་མེད་བུ་གར་ལས་ཕྱག་རྒྱ། །བཅིངས་པར་གྱུར་ན་ལས་ཀུན་གྱི། །དངོས་གྲུབ་བླ་ན་མེད་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མ་ཧཱ་མ་ཎི་སིད་དྷི། ཨོཾ་ས་མ 91.112b ཡ་ཨ་བྷི་ཥེ་ཀ་སིད་དྷི། ཨོཾ་དྷརྨ་སིད་དྷི། ཨོཾ་ཀརྨ་སིད་དྷི། དེ་ནས་དཀྱིལ་འཁོར་འདིའི་ཕྱག་རྒྱ་ཆེན་པོ་བཅིང་བ་བཤད་དེ། རིན་ཆེན་རྡོ་རྗེ་མྱུ་གུར་བཅིང ། །གུང་མོ་སྲིན་ལག་མཐེའུ་ཆུང་རྣམས། །སོར་མོ་བརྐྱང་བ་བྱས་ནས་ནི། །སྤྱི་བོར་བཞག་པ་གྲུབ་མཆོག་འཐོབ། །རྡོ་རྗེ་བསྡམ་པ་བྱས་ནས་ཀྱང ། །མཛུབ་མོ་གཉིས་མདུད་མཐེབ་གཉིས་དང ། །སྲིན་ལག་རྡོ་རྗེ་བསྒྱུར་ནས་ནི། །མཛོད་སྤུར་བཞག་པ་དབང་ཐོབ་བོ། །རྡོ་རྗེ་རིན་ཆེན་ཚུལ་བྱས་ལ། །མཛུབ་གཉིས་ངོས་དང་མཐེབ་ངོས་སྤྲད། །དེ་ཉིད་བསྒྱུར་ནས་དེ་དབང་འཐོབ། །དེ་ཉིད་མཐེབ་གཉིས་མཛུབ་གཉིས་ནི། །ཆོས་ཀྱི་རྡོ་རྗེ་ཚུལ་དུ་ནི། །བཅིངས་ནས་དཔྲལ་བར་བཞག་པ་ནི། །ཆོས་ཆེན་གྱི་ནི་དབང་བསྐུར་འགྱུར། །ལས་ཀྱི་རྡོ་རྗེར་བཅིངས་ནས་ཀྱང ། །དབང་རྣམས་ཀུན་གྱི་ཕྲེང་བ་སྟེ། །བསྒྱུར་ནས་དཔྲལ་བ་ཉིད་དུ་ཡང ། །བཞག་ན་དབང་ནི་བསྐུར་བར་འགྱུར། །རིན་ཆེན་འབྱུང་བའི་ཕྱག་རྒྱ་ནི། །རྡོ་རྗེ་དབྱིངས་སྐྱེས་དམ་ཚིག་ཀྱང ། །བཅིངས་ནས་རིན་ཆེན་དཔྲལ་བར་ནི། །བཞག་ན་དབང་ནི་བསྐུར་བར་འགྱུར། །མཐེབ་གཉིས་ཕན་ཚུན་བསྣོལ་ནས་ནི། །མཛུབ་མོ་གཉིས་ཀྱི་རྩེ་མོ་ཡང ། །ནོར་བུ་འདྲ་བར་བཀུག་པ་ནི། །རྡོ་རྗེ་ནོར་བུ་ཆེན་པོ་འཐོབ། །རྡོ་རྗེ་བསྡམ་པ་བྱས་ནས་ཀྱང ། །རྡོ་རྗེ་ཁུ་ཚུར་གུང་མོ་གཉིས། །ནོར་བུ་འདྲ་བར་བྱས་ནས་ནི། །ནོར་བུ་ཕྲེང་བའི་དབང་བསྐུར་འགྱུར། །རྡོ་རྗེ་བསྡམ་པ་བྱས་ནས་ནི། །གུང་མོ་ནོར་བུ་འདྲར་བྱས་ལ། །མཛུབ་མོ་སྲིན་ལག་གཉིས་པད་མ། །ཁ་བྱེ་འདྲ་བར་བྱས་པས་འགྲུབ། །གུང་མོ་གཉིས་ནི་ནོར་བུར་བཅིངས། །སོར་མོ་ཐམས་ཅད་བསྒྲེང་བ་རྣམས། །ནོར་བུ་ཉིད་དུ་བསྒོམས་ན་ནི། །འཁོར་རྣམས་མཆོག་དང་ལྡན་པར་འགྱུར། །གུང་མོ་མཐེ་བོ་རྡོ་རྗེ་ཡི། །རིན་ཆེན་ཚུལ་དུ་བྱས་ནས་ཀྱང ། །སྲིན་ལག་མཐེའུ་ཆུང་བསྙམས་པ་ཡི། །ཁར་བཞག་ལྕེ་སྟེ་ནོར་བུ་སྦྱིན། །དེ་ལ་མཛུབ་གཉིས་རྡོ་རྗེར་བྱ། །དེ་ལྟར་དེ་གཉིས་ལྕགས་ཀྱུར་བྱ། ། 91.113a མཛུབ་མོས་མཛུབ་མོ་དྲང་བ་དང ། །དེ་ཉིད་དགའ་བར་རབ་སྦྱིན་པའོ། །གུང་མོ་གཉིས་ནི་ནོར་བུར་བཅིང ། །མཛུབ་གཉིས་ངོས་ལ་དགུག་པ་སྟེ། །སྲིན་ལག་ངོས་གཉིས་མདུད་པ་ལ། །མཐེ་བོ་གཉིས་ཀྱིས་བཀབ་པ་སྟེ། །དེ་ཉིད་རྡོ་རྗེ་ཉི་མར་བསྐོར། །དཔུང་པའི་སྤྱི་བོར་བརྐྱང་བར་བྱ། །ནོར་བུའི་རྒྱལ་མཚན་སྤྱི་བོའི་རྒྱན། །བཞད་པའི་ཚུལ་དུ་བྱས་པའོ། །རྡོ་རྗེ་བསྡམ་པ་བྱས་ན་ནི། །མཛུབ་མོ་སྲིན་ལག་གྱེན་དུ་བསྒྲེང ། །དེ་དག་པད་མ་འདྲ་བར་བྱ། །གུང་མོ་གཉིས་ནི་ནོར་བུར་བྱ། །དེ་ལས་མཐའ་མར་རབ་སྦྱིན་བྱ། །རྡོ་རྗེ་རལ་གྲི་སྦྱར་བ་དང ། །རྡོ་རྗེ་འཁོར་ལོ་ཚུལ་དུ་བྱ། །དེ་ཉིད་ཁ་ནས་དབྱུང་བར་བྱ། །མཛུབ་གཉིས་རིན་ཆེན་མྱུ་གུར་བྱ། །སོར་མོ་ཐམས་ཅད་བརྐྱང་བ་དང ། །དེ་དག་སྤྱི་བོར་བཞག་པ་ནི། །རིན་ཆེན་ཆར་གྱིས་ཆར་འབེབས་སོ། །དེ་ཉིད་གོ་ཆའི་ཚུལ་དུ་ནི། །སྙིང་གར་རིན་ཆེན་གཉིས་བྱས་པ། །མཛུབ་གཉིས་ནོར་བུ་འཛིན་མཆེ་བ། །དབུས་སུ་བསྙམས་པ་ཁུ་ཚུར་རོ། །དེ་ནས་དམ་ཚིག་གི་ཕྱག་རྒྱའི་ཡེ་ཤེས་བསླབ་བོ། །ཕྱག་རྒྱ་ཆེན་པོ་དེ་དག་ཉིད། །སྙིམ་པ་སྦྱར་བ་བཅིངས་ན་ནི། །མདོར་ན་གསང་བ་གསང་བ་ཡི། །དངོས་གྲུབ་བཞི་འགྱུར་སྦྱིན་པར་བྱེད། །ཇི་ལྟར་རྡོ་རྗེའི་གསང་བའི་སྦྱིན། །དུས་རྣམས་ཀུན་དུ་བཅིང་མི་བྱ། །དེ་ནས་ཆོས་ཀྱི་ཕྱག་རྒྱའི་མདོ་བཤད་པར་བྱའོ། །ཏྲཻཿ ། གྲཻཿ ། ཏྲཻཿ ། སཻཿ ། ཀྲཿ ། ཁཿ ། དྷཻཿ ། ཧཻཿ ། བྲཻཿ ། དྷཻཿ ། ཀྲཻཿ ། བཻཿ ། ཀྲཿ ། རཻཿ ། ཡཿ ། མཻཿ ། གསང་བ་གསང་བའི་ཁུ་ཚུར་མཆོག་།གཉིས་སུ་བྱས་ན་ལས་ཀུན་བྱེད། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་བརྟག་པའི་རྒྱལ་པོ་ཆེན་པོ་ལས་རིན་པོ་ཆེའི་ཕྱག་རྒྱའི་གསང་བའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བ་མཁྱེན་པའི་དམ་ཚིག་འབྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི 91.113b གསུངས་སོ། །ོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཛྙཱ་ནོཏྟ་མ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཛྙཱ་ན་ཨ་བྷི་ཥེ་ཀ་ས་མ་ཡ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་མ་ཎི་རཏྣ་ཨ་བྷི་ཥེ་ཀ་ཛྙཱ་ན་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་དྷརྨ་ཨ་བྷི་ཥེ་ཀ་ཛྙཱ་ན་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཨ་བྷི་ཥེ་ཀ་ཛྙཱ་ན་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་རང་གི་རིགས་ཀྱི་ཡེ་ཤེས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཡེ་ཤེས་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །རིན་ཆེན་ཡེ་ཤེས་ཞེས་བཤད་དེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །ཆོས་ཀྱི་དཀྱིལ་འཁོར་ཚུལ་དུ་ནི། །སྙིང་གའི་མཚན་མ་བྲི་བར་བྱ། །དེ་ནས་དཀྱིལ་འཁོར་འདིའི་ཡེ་ཤེས་ཀྱི་སྙིང་པོ་ནི་འདི་རྣམས་གསུངས་སོ། །ོཾ་ཛྙཱ་ན་སརྦ་སིད་དྷི་ཛྙཱ་ན་ཧཱུཾ། ཨོཾ་མ་ཎི་ཛྙཱ་ན་ཧཱུཾ། ཨོཾ་མ་ཎི་ཛྙཱ་ན་ཨཾ་ཀུ་ཤ་ཛ། ཨོཾ་མ་ཎི་ཛྙཱ་ན་རཱ་ག་།ོཾ་མ་ཎི་ཛྙཱ་ན་དུཥྚེ། ཨོཾ་མ་ཎི་ཛྙཱ་ན་དུཥྚི་མ་ཎི་ཧཱུཾ། ཨོཾ་མ་ཎི་ཛྙཱ་ན་ཨ་བྷི་ཥེ་ཀ ། ོཾ་མ་ཎི་ཛྙཱ་ན་སཱུརྱ། ཨོཾ་མ་ཎི་ཛྙཱ་ན་དྷྭ་ཛ། ཨོཾ་མ་ཎི་ཛྙཱ་ན་ཨཊྚ་ཊྚ་ཧཱ་ས། ཨོཾ་མ་ཎི་ཛྙཱ་ན་པདྨ་ཧཱུཾ། ཨོཾ་མ་ཎི་ཛྙཱ་ན་ཏྱེ་ག་།ོཾ་མ་ཎི་ཛྙཱ་ན་ཀོ་ཥ། ཨོཾ་ཛྙཱ་ན་མ་ཎི་ཙཀྲ། ཨོཾ་ཛྙཱ་ན་མ་ཎི་བྷཱ་ཥ། ཨོཾ་ཛྙཱ་ན་མ་ཎི་རཏྣ་བར་ཥ་ཧཱུཾ། ཨོཾ་མ་ཎི་ཛྙཱ་ན་ནརྀ་དྱེ་པཱུ་ཛ་ས་མ་ཡེ་ཧཱུཾ། ཨོཾ་མ་ཎི་ཛྙཱ་ན་རཀྵ། ཨོཾ་མ་ཎི་ཛྙཱ་ན་ཡཀྵ། ཨོཾ་མ་ཎི་ཛྙཱ་ན་མུཥྚི། དེ་ནས་ཡང་དཀྱིལ་འཁོར་གྱི་ཆོ་ག་རྒྱས་པ་ཇི་ལྟ་བ་བཞིན་དུ་བྱས་ནས་སློབ་མ་ལ་འདི་སྐད་བསྒོ་བར་བྱའོ། །ཁྱོད་ཀྱིས་ཆོས་མ་མཐོང་བ་སུ་ལ་ཡང་མ་བརྗོད 91.114a ཅིག་།ཁྱོད་དངོས་གྲུབ་མ་ཐོབ་པར་མྱུར་བར་ཤི་བར་གྱུར་ཏ་རེ་ཞེས་བསྒོ་ལ་ནོར་བུའི་རིགས་ཀྱི་ཆོས་ཀྱི་ཡེ་ཤེས་བསྐྱེད་པར་བྱའོ། །ཏིང་ངེ་འཛིན་གྱིས་རས་སོགས་ལ། །རྡོ་རྗེ་སྙིང་པོ་བྲིས་ན་ནི། །བསྒོམས་ནས་རིན་ཆེན་དོན་བྱིན་ཅེས། །སྨྲ་ཞིང་གསོལ་བ་གདབ་པར་བྱ། །ཏིང་ངེ་འཛིན་གྱིས་རས་སོགས་ལ། །རྡོ་རྗེ་སྙིང་པོ་བྲིས་ནས་ནི། །བསྒོམས་ནས་རིན་ཆེན་བྱིན་ཅིག་ཅེས། །ཚིག་ཏུ་སྨྲ་ཞིང་གསོལ་བ་གདབ། །རྡོ་རྗེ་སྙིང་པོ་རས་སོགས་ལ། །བྲིས་ཏེ་མཉམ་པར་བཞག་ནས་ཀྱང ། །རྣམ་པར་བསྒོམས་ཏེ་ཡེ་ཤེས་ལ། །དམ་ཆོས་སྦྱིན་ཞེས་གསོལ་བ་གདབ། །རྡོ་རྗེ་སྙིང་པོ་རས་སོགས་ལ། །མཉམ་པར་བཞག་པས་བྲིས་ནས་ཀྱང ། །བསྒོམ་ནས་དམ་པའི་ལས་བྱིན་ཞེས། །ལས་ལ་གསོལ་བ་གདབ་པར་བྱ། །དེ་ནས་དེ་དག་གི་སྒྲུབ་པའི་སྙིང་པོ་ནི་འདི་རྣམས་སོ། །ོཾ་དེ་ཧི་སརྦ་ཨརྠ་བྷ་ག་བཱན་བཛྲ་གརྦྷ། ཨོཾ་དེ་ཧི་སརྦ་རཏྣ་བྷ་ག་བཱན་བཛྲ་གརྦྷ། ཨོཾ་དེ་ཧི་སཱ་དྷ་དྷརྨཱ་མི་བྷ་ག་བཱན་བཛྲ་གརྦྷ་སཏྭ། ཨོཾ་དེ་ཧི་སཱ་དྷ་ཀརྨ་བྷ་ག་བཱན་བཛྲ་གརྦྷ། ནམ་མཁའི་ཕྱོགས་སམ་ཕྱོགས་གཞན་དུ། །ནམ་མཁའི་སྙིང་པོ་ལེགས་སེམས་པ། །མཉམ་པར་བཞག་པས་བསྒོམས་ནས་སུ། །ཕུན་སུམ་ཚོགས་དོན་གསོལ་བར་བྱ། །ནམ་མཁའི་ཕྱོགས་སམ་ཕྱོགས་གཞན་དུ། །ནམ་མཁའི་སྙིང་པོ་ལེགས་སེམས་པ། །མཉམ་པར་བཞག་པས་བསྒོམས་ནས་ཀྱང ། །ནོར་བསགས་པ་ནི་གསོལ་བར་བྱ། །ནམ་མཁའི་ཕྱོགས་སམ་ཕྱོགས་གཞན་དུ། །ནམ་མཁའི་སྙིང་པོ་ལེགས་སེམས་པའི། །མཉམ་པར་བཞག་པས་བསྒོམས་ནས་ཀྱང ། །ཕུན་སུམ་ཚོགས་ནི་གསོལ་བ་གདབ། །ནམ་མཁའི་ཕྱོགས་སམ་ཕྱོགས་གཞན་དུ། །ནམ་མཁའི་སྙིང་པོ་ལེགས་སེམས་པ། །མཉམ་པར་བཞག་པས་བསྒོམས་ནས་ཀྱང ། །ལས་སོགས་པ་ནི་གསོལ་བ་གདབ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཛྙཱ་ན་གརྦྷ་དེ་ཧི་སརྦ་ཨརྠ་ན། ཨོཾ་ཛྙཱ་ན 91.114b གརྦྷ་དེ་ཧི་སརྦ་རཏྣ། ཨོཾ་ཛྙཱ་ན་གརྦྷ་དེ་ཧི་སརྦ་དྷ་རྨཾ། ཨོཾ་ཛྙཱ་ན་གརྦྷ་དེ་ཧི་སརྦ་ཀརྨ་མཱཾ། རྡོ་རྗེ་སྙིང་པོ་བྲིས་ནས་ཀྱང ། །སྙིང་གར་ཡོངས་སུ་བསྒོམ་བྱས་ལ། །གང་གི་ཚེ་ན་སྙིང་འཕར་བ། །དེ་ཚེ་གྲུབ་པས་ནོར་སྟེར་རོ། །རྡོ་རྗེ་སྙིང་པོ་དཔྲལ་བར་ནི། །བྲྀས་ཏེ་རྣམ་པར་བསྒོམས་ནས་ཀྱང ། །གང་ཚེ་མགོ་བོ་འདར་གྱུར་པ། །དེས་ནི་མངོན་པར་དབང་ཐོབ་བོ། །རྡོ་རྗེ་སྙིང་པོ་ཁར་བཅུག་ལ། །དེ་ཉིད་དུ་ནི་བསྒོམས་ནས་ཀྱང ། །གང་ཚེ་དེ་ནི་བྱེད་གྱུར་པ། །དེ་ཚེ་དེས་ནི་ངག་འགྲུབ་བོ། །རྡོ་རྗེ་སྙིང་པོ་བདག་སྤྱི་བོར། །རབ་ཏུ་བཞག་སྟེ་བསྒོམས་ནས་ཀྱང ། །གང་ཚེ་དེ་ནི་འབར་གྱུར་པ། །དེ་ཚེ་འཕང་དུ་ལྡིང་བར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཧྲྀ་ད་ཡ་གརྦྷེ་དེ་ཧི་ད་ནཾ`། ཨོཾ་རཏྣ་ཨ་བྷི་ཥེ་ཀ་གརྦྷ་ཨ་བྷི་ཥིཉྩཱ་མི། ཨོཾ་བྷ་ག་གརྦྷ་སིད་དྷྱ། ཨོཾ་རཏྣ་གརྦྷོཥྞཱི་ཥ་ཨཱ་ཀཱ་ཤཱ་གཙྪ། རྡོ་རྗེ་སྙིང་པོ་ཕྱག་རྒྱ་ཆེ། །རབ་མཉམ་བཞག་པས་བསྒོམས་ནས་ནི། །བདག་ལ་དངོས་གྲུབ་སྩོལ་ཞེས་གསོལ་ལ། །ི་ལི་རཏྣ་ཞེས་བརྗོད་འགྲུབ། །ནམ་མཁའི་སྙིང་པོའི་དམ་ཚིག་ནི། །རབ་མཉམ་བཞག་པས་བཅིངས་ནས་ཀྱང ། །དབང་བསྐུར་བ་ནི་གསོལ་བཏབ་ལ། །མི་ལི་རཏྣ་ཞེས་བརྗོད་འཐོབ། །རྡོ་རྗེ་སྙིང་པོ་ཏིང་འཛིན་དུ། །རབ་མཉམ་བཞག་པས་བསྒོམས་ནས་ནི། །ཆོས་བདག་སྩོལ་ཞེས་གསོལ་བཏབ་ལ། །ཙི་ལི་རཏྣ་ཞེས་བརྗོད་འཐོབ། །ནམ་མཁའི་སྙིང་པོ་ལས་ཀྱི་མཆོག་།རབ་མཉམ་བཞག་པས་བཅིངས་ནས་ནི། །རིན་ཆེན་ཐམས་ཅད་གསོལ་བཏབ་ལ། །ཀི་ལི་རཏྣ་ཞེས་བརྗོད་འཐོབ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཨི་ལི། ཨོཾ་མི་ལི། ཨོཾ་ཙི་ལི། ཨོཾ་ཀི་ལི། དེ་ནས་ནོར་བུ་ཡེ་ཤེས་གསང་བའི་ཕྱག་རྒྱའི་ཡེ་ཤེས་བསླབ་བོ། །ནམ་མཁའི་ཕྱོགས་སམ་ཕྱོགས་གཞན་དུ། །རྡོ་རྗེ་སྙིང་པོ་བསྒོམས་ནས་ནི། །དབང་པོ་གཉིས་ནི་མཉམ་སྤྲད་ན། །དངོས་གྲུབ་མཆོག་ནི་ཐོབ་པར་འགྱུར། །གཞི་ལ་རི་མོ་བྲིས་པ་བཞིན། །རྡོ་རྗེ་སྙིང་པོ་བསྒོམས་ནས་ནི། །དབང 91.115a པོ་གཉིས་ནི་མཉམ་སྦྱར་ལ། །དབང་བསྐུར་བ་ཡང་ཐོབ་པར་འགྱུར། །རྡོ་རྗེ་སྙིང་པོ་བསྒོམས་ནས་ནི། །དབང་པོ་གཉིས་ནི་མཉམ་སྦྱར་ལ། །སྡུག་པ་དེ་དང་གར་བརྩེས་པ། །འཇིག་རྟེན་ཀུན་གྱིས་དེ་དགར་བྱེད། །ནམ་མཁའ་ཀུན་གྱི་རྡུལ་དབྱིབས་ཀྱིས། །རྡོ་རྗེ་སྙིང་པོ་བསྒོམས་ནས་ནི། །དབང་པོ་གཉིས་ནི་མཉམ་སྦྱར་ལ། །ཐམས་ཅད་འགྲུབ་པར་ངེས་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཱ་ཀཱ་ཤ་གའུ་ཧྱ་ཛྙཱ་ན་ས་མ་ཡ་ཧཱུཾ། བི་ཙིཏྟྲ་གུ་ཧྱ་ཛྙཱ་ན་ཨ་བྷི་ཥིཉྩ་ཧཱུཾ། པྲི་ཡཱ་ནུསྨྲི་ཏི་ཛྙཱ་ན་གུ་ཧྱ་སརྦ་ལོ་ཀེ་རཱ་ག་ཡ་ཧཱུཾ། སརྦ་གུ་ཧྱ་ཛྙཱ་ན་སརྦ་སིད་དྷི་མེ་པྲ་ཡཙྪ་ཧཱུཾ། དེ་ནས་ཕྱག་རྒྱ་ཆེན་པོ་འདི་ཇི་ལྟ་བ་བཞིན་བཅིང་བར་བྱའོ། །དངོས་གྲུབ་ཀྱང་དེ་དང་འདྲའོ། །དེ་ནས་ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་བསླབ་བོ། །རྡོ་རྗེ་ནོར་བུ་ནི་རྡོ་རྗེ་ཡེ་ཤེས་ཀྱི་དཀྱིལ་འཁོར་གྱི་ཚུལ་དུ་གཞག་པར་བྱའོ། །དེ་ནས་ཆོས་ཀྱི་ཕྱག་རྒྱ་ནི་འདི་ཡིན་ནོ། །སཱ་བཱ་རཱ་སཱ་ར་ཏེ་ཀ་ཧཱ་དཾ་ཏི་ཧེ་བཱ་ཀན་ཀ་ར་ཡ་མ། དེ་ནས་མདོར་ན་ལས་ཀྱི་ཕྱག་རྒྱ་ནི་གནས་ཅི་བཞིན་པར་གཞག་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་རྟོག་པའི་རྒྱལ་པོ་ཆེན་པོ་ལས་ཡེ་ཤེས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་ལས་ཀྱི་དམ་ཚིག་འབྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །སརྦ་ཏ་ཐཱ་ག་ཏ་ཀརྨ་ཨབྦྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ལས་འབྱུང་བའི་རིག་པ་དམ་པ་འདི་གསུངས་སོ། །ོཾ་བཛྲ་ཧཱུཾ་ཀཱ་ར་ཨ་བྷི་ཥི་ཀ ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ས་མནྟ་ཨ་བྷི་ཥེ་ཀ་ཧཱུཾ། དེ་ནས་བྱང 91.115b ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་དྷརྨ་ཨ་བྷི་ཥེ་ཀ་རཏྣ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བི་ཤཝ་ཨ་བྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་རང་གི་རིགས་ཀྱི་དམ་ཚིག་འདི་གསུངས་སོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །རིན་ཆེན་དགོས་པ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །དེ་ཡི་དབུས་སུ་ཚུལ་བཞིན་དུ། །སངས་རྒྱས་སྐུ་གཟུགས་གཞག་པར་བྱ། །སེམས་དཔའ་ཆེན་པོ་ཚུལ་གྱིས་ནི། །རིན་ཆེན་མཆོད་པ་རྣམས་བྲིའོ། །དེ་ལ་དེ་དག་གི་ཕྱག་རྒྱ་ནི་འདི་རྣམས་སོ། །ོཾ་མ་ཎི་རཏྣ་པཱུ་ཛཱ་གྲ། ཨོཾ་སརྦ་ཨརྠ་སིད་དྷ་བཛྲ་རཏྣ་ཨ་བྷི་ཥེ་ཀ་ཧཱུཾ། ཨོཾ་བཛྲ་མ་ཎི་དྷརྨ་ས་མ་ཡེ་ཧཱུཾ། ཨོཾ་མ་ཎི་རཏྣ་ཨཱ་ཀར་ཥ་ཀརྨ་ས་མ་ཡེ་ཧཱུཾ། ཨོཾ་མ་ཎི་རཏྣ་རཱ་ག་ར་ཏི་ཀརྨ་པཱུ་ཛེ་པྲ་བརྟ། ཨོཾ་མ་ཎི་རཏྣེ་སཱ་དྷུ་ཀཱ་ར་པཱུ་ཛ་ས་མ་ཡེ་ཧཱུཾ། ཨོཾ་མ་ཧཱ་མ་ཎི་རཏྣ་ཏྲྀཥྚ་ཨཱ་ཀཪྵ། ཨོཾ་མ་ཎི་རཏྣ་མཱ་ལ་པཱུ་ཛེ། ཨོཾ་མ་ཎི་རཏྣ་སཱུརྱ་ལོ་ཀ་པཱུ་ཛེ། ཨོཾ་མ་ཎི་རཏྣ་དྷྭ་ཛ་པཱ་ཏ་ཀ་པཱུ་ཛེ། ཨོཾ་མ་ཎི་རཏྣ་ཨཊྚཱ་ཊྚ་ཧཱ་ས་པཱུ་ཛེ། ཨོཾ་པད་མ་མ་ཎི་ས་མཱ་དྷི་ས་མཱ་ཡེ་ཧཱུཾ། ཨོཾ་སརྦ་དྱཱ་གཱ་ནུ་སྨྲྀ་ཏི་ས་མཱ་དྷི་ཀརྨྨ་ཀ་རི་ཧཱུཾ། ཨོཾ་མ་ཎི་རཏྣ་ཏཱིཀྵྞ་ས་མ་ཡེ་ཙྪིནྡ་ཧཱུཾ། ཨོཾ་མ་ཎི་རཏྣ་ཙཀྲ་ས་མ་ཡེ་ཧཱུཾ། ཨོཾ་མ་ཎི་རཏྣ་བྷཱ་ཥེ་བྷ་ད་བྷ་ད་ཧཱུཾ། ཨོཾ་མ་ཎི་རཏྣ་བརྴ་ནི་ཧཱུཾ། ཨོཾ་མ་ཎི་རཏྣ་ཀརྨི་ཎྀ་ཧཱུཾ། ཨོཾ་མ་ཎི་རཏྣ་ཀ་བ་ཙེ་རཀྵ་མཱཾ། ཨོཾ་མ་ཎི་རཏྣ་དཾ་ཁཱ་ད་ཁཱ་ད་ཧཱུཾ། ཨོཾ་མ་ཎི་རཏྣ་ཀརྨྨ་མུཥྚི་ཧཱུཾ། ཨོཾ་མ་ཎི་རཏྣ་ལཱ་སྱེ་པཱུ་ཛ་ཡ་ཧོ། ཨོཾ་མ་ཎི་རཏྣ་མཱ་ལེ་ཨ་བྷི་ཥེ་ཀ་པཱུ་ཛཱ་ཡ། ཨོཾ་མ་ཎི་རཏྣ་གཱི་དྱེ་པཱུ་ཛཱ་ཡ། ཨོཾ་མ་ཎི་རཏྣ་ནརི་ཏྱེ་པཱུ་ཛཱ་ཡ། ཨོཾ་མ་ཎི་རཏྣ་དྷུ་པེ་པཱུ་ཛཱ་ཡ། ཨོཾ་མ་ཎི་རཏྣ་པུཥྤེ་པཱུ་ཛཱ 91.116a ཡ། ཨོཾ་མ་ཎི་རཏྣ་ཨཱ་ལོ་ཀེ་པཱུ་ཛཱ་ཡ། ཨོཾ་མ་ཎི་རཏྣ་གནྡྷེ་པཱུ་ཛཱ་ཡ། ཨོཾ་མ་ཎི་རཏྣ་ཨཾ་ཀུ་ཤ་ཨཱ་ཀཪྵ་ཡ་ཛཿ ོཾ་མ་ཎི་རཏྣ་པྴཱ་གེ་ཧཱུཾ། ཨོཾ་མ་ཎི་རཏྣ་སྥོ་ཊ་བཾ། ཨོཾ་མ་ཎི་རཏྣ་ཨཱ་བེ་ཤ་ཨཿ ། དེ་ནས་ལས་ཀྱི་དཀྱིལ་འཁོར་འདིར་ཆོ་ག་ཇི་ལྟ་བ་བཞིན་དུ་རྒྱས་པར་བྱས་ནས་བཅུག་སྟེ་འདི་སྐད་དུ་བསྒོ་བར་བྱའོ། །འདི་ཁྱོད་ཀྱིས་སུ་ལ་ཡང་མ་སྨྲ་ཤིག་།ཁྱོད་ལས་ཀྱི་སྒྲིབ་པས་ནོན་ནས་ཤི་བར་གྱུར་ཏ་རེ་ཞེས་སྒོ་ལ། ལས་ཀྱི་ཡེ་ཤེས་བསླབ་པར་བྱའོ། །རྡོ་རྗེ་སྙིང་པོ་ཕྱག་རྒྱ་ཆེ། །རབ་མཉམ་བཞག་པས་བསྒོམས་ནས་ཀྱང ། །མཆོད་པ་ཀུན་གྱིས་མཆོད་ན་ནི། །སངས་རྒྱས་ཐམས་ཅད་དབང་དུ་འགྱུར། །ཏིང་ངེ་འཛིན་གྱི་དམ་ཚིག་མཆོག་།ཕྱག་རྒྱ་གང་ཡང་རུང་བཅིངས་ལ། །སངས་རྒྱས་ཐམས་ཅད་མཆོད་ན་ནི། །དབང་བསྐུར་བ་ནི་དེས་འཐོབ་བོ། །རྡོ་རྗེ་སྙིང་པོའི་ཏིང་འཛིན་དུ། །རབ་མཉམ་བཞག་པས་བསྒོམས་ནས་ནི། །སངས་རྒྱས་ཐམས་ཅད་རབ་མཆོད་ན། །འགྲོ་བའི་དམ་པ་འདུལ་བར་འགྱུར། །རྡོ་རྗེ་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །སངས་རྒྱས་ཐམས་ཅད་མཆོད་གྱུར་ན། །སྐད་ཅིག་ཏུ་ནི་དོན་ཀུན་འཐོབ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་པཱུ་ཛ་བ་ཤི་ཀུ་རུ། ཨོཾ་རཏྣ་པཱུ་ཛ་ས་མ་ཡ་ཨ་བྷི་ཥིཉྩ། ཨོཾ་རཏྣ་པཱུ་ཛཱ་ཡ་དྷརྨ་ནཱ་ཤ་ཡ་བཱ་དི། ཨོཾ་རཏྣ་པཱུ་ཛཱི་ཀརྨ་སརྦ་ཨ་ན་མེ་སཱ་དྷ། དེ་ནས་གསང་བའི་ཕྱག་རྒྱའི་ཡེ་ཤེས་ནི་འདི་ཡིན་ཏེ། རྡོ་རྗེ་སྙིང་པོའི་ཏིང་འཛིན་གྱིས། །དབང་པོ་གཉིས་ནི་མཉམ་སྦྱར་ནས། །སངས་རྒྱས་ཐམས་ཅད་མཆོད་ན་ནི། །འཇིག་རྟེན་ཐམས་ཅད་དེས་མགུར་འགྱུར། །དེ་ནས་ཕྱག་རྒྱ་ཆེན་པོའི་ཡེ་ཤེས་ཀྱིས་དངོས་གྲུབ་དམ་པ་འགྲུབ་པར་འགྱུར། དེ་ནས་དམ་ཚིག་གི་ཕྱག་རྒྱའི་ཡེ་ཤེས་བསླབ་པར་བྱའོ། །རྡོ་རྗེ་རིན་ཆེན་བཅིངས་ནས་ནི། །གནས་རྣམས་ཀུན་དུ་གཞག་པར་བྱ། ། 91.116b རྡོ་རྗེ་དགོས་པའི་ཚུལ་དུ་ནི། །ལྟག་འོག་གོ་རིམ་ཇི་བཞིན་བྱ། །དེ་ནས་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ཏེ། ཏྭ་ཛ་ག་དྷ། ཏྣ་ཛ་ཏུ་ས། རྨྨ་ཀྵྞ་ཏུ་ཥ། རྨྨ་ཀྵ་ཀྵ་དྷི། རྡོ་རྗེ་རིན་ཆེན་གཉིས་བྱས་ལ། །ལས་ཀྱི་ཕྱག་རྒྱ་དེ་བསྒྲུབ་བོ། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་རྟོག་པའི་རྒྱལ་པོ་ཆེན་པོ་ལས་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་རིན་པོ་ཆེའི་ཕྱག་རྒྱ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རཏྣ་ཏྲཱཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་མཱ་ལེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་ཕྱག་རྒྱ་འདི་གསུངས་སོ། །ོཾ་མ་ཎི་རཏྣེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་དྷརྨ་རཏྣ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ོཾ་བི་ཤཝ་དྲྀཥྚི། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་རང་གི་ནོར་བུའི་རིགས་ཀྱི་ཕྱག་རྒྱ་བཞི་པའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །ཕྱག་རྒྱ་བཞི་པའི་ཚུལ་དུ་ནི། །དཀྱིལ་འཁོར་ཡོངས་སུ་བརྟག་པར་བྱ། །དེ་ནས་ཇི་ལྟ་བ་བཞིན་དུ་བཅུག་ནས་བསླབ་པར་བྱ་སྟེ། ཁྱོད་ཀྱིས་འདི་སུ་ལ་ཡང་མ་སྨྲ་ཤིག་ཅེས་བསྒོ་བར་བྱའོ། །དེ་ནས་ཡེ་ཤེས་བསྐྱེད་བྱ་སྟེ། །རྡོ་རྗེ་རིན་ཆེན་ཏིང་འཛིན་གྱིས། །རྡོ་རྗེ་རིན་ཆེན་བཅིངས་ནས་ནི། །དཔྲལ་བར་རབ་ཏུ་གཞག་ན་ནི། །དངོས་གྲུབ་ཐམས་ཅད་ཐོབ་པར་འགྱུར། །དེ་ནས་དེ་དག་གི་སྙིང་པོ་ནི་འདི་གསུངས་སོ། ། 91.117a ོཾ་བཛྲ་རཏྣ་སརྦ་ཨ་བྷི་ཥེ་ཀ་སརྦ་སིད་དྷི་མེ་པྲ་ཡཙྪ་ར་ལ་ར་ལ་ཧཱུཾ་ཏྲ། དེ་ནས་གསང་བའི་ཕྱག་རྒྱ་བསླབ་པར་བྱ་སྟེ། ཁྱོ་འམ་ཡང་ན་སྡུག་པ་འམ། །བུད་མེད་དང་ནི་སྐྱེས་པའང་རུང ། །དཔྲལ་བ་གཉིས་ནི་སྤྲད་ནས་ཀྱང ། །གཏུགས་ན་དངོས་གྲུབ་ཐོབ་པར་འགྱུར། །དེ་ལ་དེ་བསྒྲུབ་པའི་སྙིང་པོ་ནི་འདི་ཡིན་ཏེ། ཨོཾ་བཛྲ་རཏྣ་ས་ཁི་བིདྱཱ་དྷཱ་ར་སྟྭ། པྲ་ཡཙྪ་ཤཱི་གྷྲཾ་ཨ་བྷི་ཥིཉྩ་ཡ་ཧི་ཧ་ཧ་ཧ་ཏྭ། དེ་ནས་ཕྱག་རྒྱ་བཞི་བསླབ་བོ། །དངོས་གྲུབ་ཐམས་ཅད་ཀྱང་དེ་བཞིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་དོན་ཐམས་ཅད་གྲུབ་པ་ཞེས་བྱ་བའི་སྙིང་པོ་འདི་གསུངས་སོ། །ོཾ་བཛྲ་མ་ཎི་དྷཱ་ར་སརྦ་ཨརྠ་སིད་དྷི་མེ་པྲ་ཡཙྪ་ཧོ། བྷ་ག་བཱན་བཛྲ་རཏྣ་ཧཱུཾ། དེ་ནས་དཀྱིལ་འཁོར་འདི་ཡིན་ཏེ། དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །དངོས་གྲུབ་ཀྱི་ནི་དཀྱིལ་འཁོར་ནི། །ཇི་བཞིན་པར་ནི་བྲི་བར་བྱ། །དེ་ནས་འདིར་ཡེ་ཤེས་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །གཟུགས་ལ་སོགས་པའི་འདོད་པའི་རྣམས། །ཆགས་པར་གྱུར་པའི་བདེ་བ་ནི། །སངས་རྒྱས་ལ་ཡང་ཕུལ་གྱུར་ན། །ལས་ཀྱི་དངོས་གྲུབ་ཐོབ་པར་འགྱུར། །དེ་ནས་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །རས་ལ་སོགས་པ་ལ་ཡང་སེམས་དཔའ་འམ་ཕྱག་རྒྱའི་དཀྱིལ་འཁོར་བྲིས་ཏེ་བསྒྲུབ་པར་བྱའོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ། །ལེགས་སོ་ཞེས་བྱ་བ་བྱིན་པ་འདིས་བསྟོད་དོ། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེགས་པ་ཆེན་པོ་མངོན་འདུས་པ། །རྡོ་རྗེ་ཐེག་པ་བླ་ན་མེད། །མདོ་སྡེ་འདི་ནི་ལེགས་པར་བཤད། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ 91.117b བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན་པོ་དུམ་བུ་བཞི་པ་རྫོགས་སྷོ།། །། བམ་པོ་བརྒྱད་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དེ་ཁོ་ན་ཉིད་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་རེ་ཤིག་དང་པོར་ནི་ཕྱག་རྒྱ་ཆེན་པོ་དམ་པའི་དངོས་གྲུབ་ཀྱི་རྒྱུད་བཤད་དེ། དེ་བཞིན་གཤེགས་པ་ཕྱག་རྒྱ་ཆེ། །བཅིངས་ནས་མཁའ་དབྱིངས་ཐམས་ཅད་དུ། །སངས་རྒྱས་སྐུ་གཟུགས་བྱིན་བརླབས་ལ། །རང་གི་སྙིང་དུ་བཅུག་ནས་ནི། །ཅི་སྟེ་འདོད་ན་ཚེ་འདི་ལ། །ཞི་བ་དམ་པ་མཆོག་གྱུར་པ། །སངས་རྒྱས་ཉིད་འཐོབ་ངེས་འདི་བསྒྲུབ། །ཅི་སྟེ་མི་འདོད་དངོས་གྲུབ་བཞིན། །ཕྱག་རྒྱ་ཆེན་པོ་བཅིངས་ནས་ཀྱང ། །དེ་ཉིད་ཆེན་པོ་ཚིག་རེ་རེར། །བརྗོད་ནས་ཀུན་དང་ལྡན་པར་ཡང ། །ཐམས་ཅད་བདག་ནི་ཡིན་བསྒོམས་ན། །ཅི་སྟེ་འདོད་ན་བདག་ཉིད་དེས། །དེ་བྱ་གཟི་ཅན་དགེ་བ་ཡི། །གོ་འཕང་ཚེ་འདི་ཉིད་ལ་འཐོབ། །མི་འདོད་དངོས་གྲུབ་གོང་མ་བཞིན། །དེ་ནས་དམ་ཚིག་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཇི་ལྟར་རྡོ་རྗེ་འཛིན་འགྲུབ་པ། །དེ་ལྟར་བདག་ཅེས་བསྒོམས་ན་ནི། །སངས་རྒྱས་དང་ནི་གཟི་ཆེན་འཐོབ། །མི་འདོད་དངོས་གྲུབ་གོང་མ་བཞིན། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཆོས་རྣམས་ཐམས་ཅད་རང་བཞིན་གྱིས། །དག་ཅེས་བརྗོད་ན་ངེས་པར་ཡང ། །སངས་རྒྱས་དང་ནི་གཟི་ཅན་འགྱུར། །མི་འདོད་དངོས་གྲུབ་གོང་མ་བཞིན། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཐམས་ཅད་ཀྱི་ནི་ཀུན་དག་པར། །ལས་རྣམས་ཐམས་ཅད་སྦྱངས་ན་ནི། །སངས་རྒྱས་གཟི་ཅན་ཐོབ་ཅི་སྟེ། །མི་འདོད་དངོས་གྲུབ་གོང་མ་བཞིན། །དེ་བཞིན་གཤེགས་པའི་རིགས་དམ་པའི་དངོས་གྲུབ་རྣམས་སོ། །དེ་ནས་ཕྱག་ན་རྡོ་རྗེས་རང་གི་རིག་པ་དམ་པའི་དངོས་གྲུབ་ཀུན་གྱི་རྒྱུད་འདི་གསུངས་སོ། །དངོས་གྲུབ་ཀུན་སྦྱོར་སངས་རྒྱས་ཀྱི། །བཀས་ནི་སེམས་ཅན་ཀུན་དོན་དུ། །ཕྱག་རྒྱ་ཆེན་པོར་བསྒྲུབ་ན་ནི། ། 91.118a ཚེ་དེ་ཉིད་ལ་སངས་རྒྱས་འགྲུབ། །དེ་ནས་དམ་ཚིག་གི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དོ། །ཕྱག་རྒྱ་ཆེན་པོའི་ཚུལ་དུ་ནི། །ཇི་ལྟར་རྡོ་རྗེ་འཛིན་གྲུབ་པ། །དེ་བཞིན་བདག་ཅེས་བསྒོམས་ན་ནི། །སྐད་ཅིག་གིས་ནི་གཟི་ཆེན་འཐོབ། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཡི་གེ་མེད་པའི་ཆོས་རྣམས་ལ། །རབ་ཏུ་སྤྲོས་པ་ཡོད་མིན་ཏེ། །ཆོས་མཆོག་འདི་ནི་བརྗོད་བྱེད་ཅིང ། །བསྒོམས་ན་གཟི་ཅན་ཉིད་དུ་འགྱུར། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། དགེ་བའམ་ཡང་ན་མི་དགེ་བའི། །གང་གི་ལས་རྣམས་བྱས་པ་ནི། །རྒྱལ་བ་རྣམས་ལ་ཕུལ་བྱས་ན། །སྐད་ཅིག་གིས་ནི་གཟི་ཅན་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་པད་མའི་རིགས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དང་པོར་ནི་ཕྱག་རྒྱ་ཆེན་པོའི་དངོས་གྲུབ་ཀྱི་རྒྱུད་བཤད་དེ། འདོད་ཆགས་ངོ་བོ་ཉིད་ཀྱིས་དག་།མུ་སྟེགས་ཅན་གྱིས་མིང་གྱུར་ལ། །དེ་ལ་ཆགས་པའི་ཆོས་འདི་ནི། །ཐེག་པ་ཆེ་ལ་འགྲུབ་པར་འགྱུར། །དེ་ནས་དམ་ཚིག་གི་ཕྱག་རྒྱ་དམ་པའི་དངོས་གྲུབ་ནི་འདི་ཡིན་ཏེ། ཏིང་འཛྀན་བརྟན་པའི་ཚུལ་གྱིས་ནི། །བྱམས་པ་ཆེན་པོ་བསྒོམས་ནས་ཀྱང ། །ཆོ་ག་བཞིན་ལྡན་ཁྱབ་བྱས་ན། །སྐད་ཅིག་གཅིག་གིས་གཟི་ཅན་འཐོབ། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། འདོད་ཆགས་ངོ་བོ་ཉིད་དག་ཅེས། །སྨྲ་བར་གྱུར་པའི་ཚུལ་འདི་ནི། །འདོད་ཆགས་ཕ་རོལ་ཕྱིན་རྙེད་དེ། །སྐད་ཅིག་གིས་ནི་གཟི་ཅན་འཐོབ། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། བདག་གི་ལྟ་དང་རེག་པ་དང ། །མཉན་པ་དང་ནི་དྲང་བའང་རུང ། །སེམས་ཅན་རྣམས་ནི་ཐམས་ཅད་ཀྱི། །སྡུག་བསྔལ་ཀུན་གྱི་མཐར་ཕྱིན་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ནོར་བུའི་རིགས་ཀྱི་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་ཕྱག་རྒྱ་ཆེན་པོ་དམ་པའི་དངོས་གྲུབ 91.118b ཀྱི་རྒྱུད་འདི་ཡིན་ཏེ། རྡོ་རྗེ་སྙིང་པོ་ཇི་བཞིན་དུ། །སངས་རྒྱས་ཀུན་དབང་བདག་གྱུར་ཅེས། །བསྒོམ་པར་བྱ་བ་རྣམས་བསྒོམས་ནས། །སྐད་ཅིག་གིས་ནི་གཟི་ཅན་འཐོབ། །དེ་ནས་དམ་ཚིག་གི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ནམ་མཁའི་སྙིང་པོ་འདྲ་བར་ནི། །སེམས་ཅན་ཀུན་གྱི་རེ་བ་ཀུན། །ཡོངས་སུ་རྫོགས་པར་བྱེད་གྱུར་ཅིག་།སྐད་ཅིག་གིས་ནི་གཟི་ཅན་འཐོབ། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། བདག་ཉིད་ཀྱང་ནི་སྤངས་ནས་སུ། །ནོར་བྱིན་རབ་ཏུ་དགའ་བྱེད་ཅིང ། །ཆོས་བྱུང་ཕྱག་རྒྱ་སྨྲ་ན་ནི། །གཟི་ཅན་ཚེ་འདི་ཉིད་ལ་འཐོབ། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། དབུལ་པོ་རྣམས་ལ་ཕན་པའི་ཕྱིར། །ནོར་བསྒྲུབ་པ་ལ་བརྩོན་ལྡན་ན། །གཟི་ཅན་འགྱུར་རོ་ཅི་སྟེ་ཡང ། །མི་འདོད་དངོས་གྲུབ་གོང་མ་བཞིན། །རིགས་ཐམས་ཅད་ཀྱི་ཕྱག་རྒྱ་རྣམས་ཀྱི་སངས་རྒྱས་དང ། །བྱང་ཆུབ་སེམས་དཔའ་དམ་པ་རྣམས་ཀྱི་དངོས་གྲུབ་ཐོབ་པའི་ཆོ་ག་རྒྱས་པའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དངོས་གྲུབ་ཀྱི་རྒྱུད་འདི་ཡིན་ཏེ། གང་གིས་འདོད་ལ་སྙོམས་ཞུགས་པ། །དེ་ལ་འདོད་པས་སྤྱོད་པར་བྱེད། །སངས་རྒྱས་ཕྱག་རྒྱ་ཆེན་པོ་ཡི། །ཡེ་ཤེས་དམ་ཚིག་ཡིན་པར་བཤད། །དེ་ནས་དེ་བཞིན་གཤེགས་པ་རྣམས་ཀྱི་དམ་ཚིག་གི་དངོས་གྲུབ་ཀྱི་རྒྱུད་བཤད་དེ། འདོད་པ་རྣམས་ལ་ཆགས་བྲལ་མིན། །དམ་ཚིག་མཛེས་པ་ཆེན་པོ་འདི། །དེ་བཞིན་གཤེགས་པའི་རིགས་དག་པ། །རྒྱལ་བས་ཀྱང་ནི་འདའ་མི་མཛད། །དེ་ནས་རྡོ་རྗེ་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། སེམས་ཅན་དོན་དུ་ཁྲོ་མིན་ཡང ། །ཁྲོ་བོ་ཆེན་པོར་རབ་ཏུ་སྟོན། །རྡོ་རྗེའི་རིགས་ནི་ཆེན་པོ་ཡི། །དམ་ཚིག 91.119a འདི་ནི་འདའ་དཀའོ། །དེ་ལ་པད་མའི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། རང་བཞིན་དག་པར་ཤེས་ནས་ཀྱང ། །དེ་ཡི་དགོས་པ་དེ་བྱེད་དེ། །པད་མའི་རིགས་ནི་ཆེན་པོ་ཡི། །དམ་ཚིག་འདའ་བར་དཀའ་བའོ། །དེ་ནས་ནོར་བུའི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། ཉུང་ངམ་ཡང་ན་མང་ཡང་རུང ། །ཅི་ཙམ་ནུས་པ་ཉིད་དུ་ནི། །སྦྱིན་པས་ཉི་མ་སྟོངས་པར་ནི། །བྱ་མིན་དམ་ཚིག་འདི་ཡིན་ནོ། །རིགས་ཐམས་ཅད་ཀྱི་དམ་ཚིག་གི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་རྣམས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ཏེ། སངས་རྒྱས་ཆོས་ཞེས་གྲགས་སོ་ཞེས། །བརྗོད་ན་ཆོས་ཉིད་ཡི་གེ་ནི། །སངས་རྒྱས་ཆོས་ཀྱི་ཕྱག་རྒྱ་ཆེ། །ཡེ་ཤེས་མཆོག་གི་ཚུལ་ཡིན་ནོ། །དེ་ལ་དེ་བཞིན་གཤེགས་པའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །འདོད་ཆགས་ལས་ནི་དག་པའི་ཆོས། །བདེ་བ་ཐམས་ཅད་རབ་སྦྱིན་བྱེད། །དེ་བཞིན་གཤེགས་པའི་རིགས་ཀྱི་ནི། །དངོས་གྲུབ་བྱེད་པའི་མཆོག་འདིའོ། །དེ་ལ་རྡོ་རྗེའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སངས་རྒྱས་བཀའ་ནི་སྦྱང་བ་དང ། །སེམས་ཅན་དྲང་བར་བྱ་བའི་ཕྱིར། །དེ་ལ་ཁྲོ་བར་མ་གྱུར་ཡང ། །མ་རུངས་བདུད་བྱས་དངོས་གྲུབ་འཐོབ། །དེ་ལ་པད་མའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །པད་མ་ཆུ་ཡིས་མི་ཆགས་པ། །དེ་བཞིན་འདོད་པས་མི་ཆགས་ཞེས། །སྨྲ་ཞིང་དགོས་མིན་བྱེད་ཀྱང་ནི། །སྡིག་པས་གོས་པར་མི་འགྱུར་རོ། །དེ་ལ་ནོར་བུའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སྦྱིན་དང་མཉམ་པའི་ཆོས་མེད་དེ། །སྒྲུབ་པར་བྱེད་ཅིང་སྨྲ་བ་ནི། །ནོར་བུའི་རིགས་ནི་ཆེན་པོའི་ཆོས། །མི་འདོད་དངོས་གྲུབ་གོང་མ་བཞིན། །རིགས་ཐམས 91.119b ཅད་ཀྱི་ཆོས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པའི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ཏེ། སེམས་ཅན་ཐམས་ཅད་སངས་རྒྱས་དང ། །བྱང་ཆུབ་སེམས་དཔའ་ཉིད་རྣམས་སུ། །ཇི་བཞིན་དུ་ནི་བཏུལ་ནས་སུ། །ལས་ཀྱི་ཕྱག་རྒྱའི་མཆོག་འགྲུབ་སྦྱིན། །དེ་ལ་དེ་བཞིན་གཤེགས་པའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །དུས་བཞི་ཡི་ནི་ཚུལ་དག་ཏུ། །མཆོད་པ་རྣམ་པ་བཞི་ཡིས་ནི། །རྟག་ཏུ་ལྡན་པ་རྣམ་བཞིར་ཡང ། །བྱས་ནས་ལས་རྣམས་བསྒྲུབ་པར་བྱ། །དེ་ལ་རྡོ་རྗེའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །མ་རུངས་སེམས་ཅན་གནོད་བྱའི་ཕྱིར། །དགོས་པ་གང་དང་གང་དེ་བྱེད། །ལས་ཀྱི་རྡོ་རྗེ་རིགས་ཀྱིས་འདིས། །དངོས་གྲུབ་ཐམས་ཅད་རབ་སྦྱིན་བྱེད། །དེ་ལ་པད་མའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །འཇིགས་པས་གཟིར་ལ་མི་འཇིགས་སྦྱིན། །ཇི་བཞིན་པར་ནི་འདུལ་དེ་བཞིན། །འདི་ནི་པད་མའི་རིགས་ཀྱི་ལས། །སངས་རྒྱས་དངོས་གྲུབ་སྦྱིན་པའོ། །དེ་ལ་ནོར་བུའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སངས་རྒྱས་དབང་བསྐུར་དེ་བཞིན་དུ། །ལུས་ཅན་རྣམས་ལ་སྦྱིན་པ་དང ། །རེ་བ་ཐམས་ཅད་རྫོགས་བྱེད་པའི། །ལས་ཀྱི་དོན་དུ་བསྒྲུབ་པའོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་ཀྱི་ཆོ་ག་རྒྱས་པའྀ་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཕྱག་རྒྱའི་ཡེ་ཤེས་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །རྡོ་རྗེ་སེམས་དཔའི་ཏིང་འཛིན་གྱིས། །སངས་རྒྱས་རྣམས་ཀྱི་ཆོས་ཉིད་དགོངས། །འདི་ནི་སངས་རྒྱས་སངས་རྒྱས་ཉིད། །གཞན 91.120a ལ་སངས་རྒྱས་འགྱུར་བ་མེད། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ཏེ་ཕྱག་རྒྱ་ཆེན་པོ་བསྒོམས་ན་ནི། །དངོས་གྲུབ་ཐམས་ཅད་བསྒྲུབ་པར་བྱ། །འདི་ནི་དེ་བཞིན་གཤེགས་རིགས་ཀྱི། །ཆོས་ཉིད་དངོས་གྲུབ་དམ་པ་འཐོབ། །དེ་ལ་འདི་ནི་རྡོ་རྗེའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཕྱག་རྒྱ་ཆེན་པོའི་ཚུལ་གྱིས་ནི། །དམ་ཚིག་མཆོག་ནི། བཅིངས་ནས་ཀྱང ། །ལས་རྣམས་ཐམས་ཅད་བསྒྲུབས་ན་ནི། །རྡོ་རྗེས་དངོས་གྲུབ་ཐོབ་པར་འགྱུར། །དེ་ལ་འདི་ནི་པད་མའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཆོས་ཀྱི་ཕྱག་རྒྱའི་ཚུལ་གྱིས་ནི། །ཆོས་ཀྱི་ཕྱག་རྒྱ་བརྗོད་བྱེད་ཅིང ། །རྡོ་རྗེ་ཆོས་ནི་ཆོས་རྣམས་ཀྱི། །ཆོས་ཉིད་དུ་ནི་འདིས་བསྒྲུབས་པའོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཉིད་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །ལས་ཀྱི་ཕྱག་རྒྱའི་ཚུལ་གྱིས་ནི། །ལས་ཀྱི་རྡོ་རྗེ་སྙིང་གར་གཞག་།ཆོས་ཉིད་འདི་དག་བསྒོམས་ན་ནི། །ལས་ཀྱི་ཆོས་ཉིད་ཐོབ་པར་འགྱུར། །རིགས་ཐམས་ཅད་ཀྱི་ཆོས་ཉིད་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡེ་ཤེས་ཀྱི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་རྣམས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ཡིན་ཏེ། རྡོ་རྗེ་སེམས་དཔའི་ཏིང་འཛིན་གནས། །ཟླ་བའི་རྡོ་རྗེ་ཚུལ་གྱིས་ནི། །ཇི་ལྟར་དེ་གཉིས་ཁ་དོག་ཤེས། །དེ་ལྟར་འཇིག་རྟེན་དེ་ཤེས་ཏེ། །དག་ལ་དག་དང་དཀར་འོད་གསལ། །ཆགས་ལ་དམར་དང་དམར་སེར་འཕྲོ་ཤེས་ནས་ཁ་དོག་ཇི་བཞིན་པའི། །དེ་ཡི་བདག་ཉིད་ཉིད་དུ་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་རྒྱུད་དེ། ཟླ་བའི་དཀྱིལ་འཁོར་འོད་བཅས་པའི། །ཕྱག་རྒྱ་ཆེན་པོ 91.120b བཅིངས་ནས་ནི། །རང་གི་ལུས་ལ་ཇི་ལྟར་ཤེས། །དེ་ལྟར་འགྲོ་བའི་ཡིད་ཤེས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །འཕྲོས་པར་གྱུར་ནས་དཀྱིལ་འཁོར་ནི། །ཇི་ལྟ་བུར་ཡང་མཐོང་འགྱུར་བ། །དེ་ལྟ་བུར་ནི་ཡིད་ཤེས་སོ། །དེ་ལ་འདི་ནི་པད་མའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ས་ཕྱོགས་ཕྲ་མོ་འམ། །ཡི་གེ་ཕྲེང་བ་མཐོང་འགྱུར་ན། །མདོར་ན་ཁ་དོག་ཅི་འདྲ་བར། །ཤེས་པ་དེ་འདྲར་ངེས་སེམས་ཤེས། །དེ་ལ་འདི་ནི་ནོར་བུའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་ཀུན་ལ་བལྟས་ནས་ཀྱང ། །ཇི་ལྟ་བུར་ནི་སྣང་གྱུར་ཅིང ། །མཐོང་བར་གྱུར་ན་དེ་འདྲ་བར། །འགྲོ་བའི་སེམས་ནི་ཤེས་པར་བྱ། །དེ་གཉིས་སྙོམས་པར་ཞུགས་ནས་ནི། །འགྲོ་བ་དང་ནི་འོང་བ་དང ། །བྱེད་པ་དང་ནི་འཆགས་པའང་རུང ། །ཇི་ལྟར་མཐོང་བ་དེ་ལྟར་རྟོགས། །སྙོམས་པར་ཞུགས་ནས་བསམས་ན་ནི། །སེམས་ཅན་གང་དང་གང་ཡིན་པའི། །དེ་དང་དེ་ནི་དེ་བཞིན་དུ། །སེམས་ཅན་ཐམས་ཅད་རྟོགས་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རིགས་ཐམས་ཅད་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། སེམས་དཔའ་བྱིན་གྱིས་བརླབས་ཚུལ་གྱིས། །སངས་རྒྱས་གཟུགས་སུ་བདག་བསྒོམས་ན། །ཡེ་ཤེས་ཀྱི་ནི་ཚུལ་དེ་ཡིས། །སངས་རྒྱས་དངོས་གྲུབ་ཐོབ་པར་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །དཀྱིལ་འཁོར་འདི་ནི་སེར་སྐྱ་མཐོང ། །སེམས་དཔའ་ཉིད་ནི་ཕྱག་རྒྱ་ཉིད། །མངོན་སུམ་དུ་ནི་མཐོང་འགྱུར 91.121a ནའོ། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཀྱི་ཡེ་ཤེས་ཀྱི་རྒྱུད་དོ། །དེ་ལྟ་བུའི་དབྱིབས་གྱུར་པ་ཡི། །དབུས་ན་སྔོ་བསངས་སྣང་ན་ནི། །རྡོ་རྗེ་རིགས་མཆོག་དངོས་གྲུབ་འཐོབ། །དེ་ལ་འདི་ནི་པད་མ་རིགས་ཀྱི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། དེ་ཉིད་ལ་ནི་མཁའ་འདྲ་བའི། །པད་མ་སྔོན་པོ་ལྟ་བུར་མཐོང ། །པད་མ་ཆེན་པོའི་རིགས་རིག་པའི། །དངོས་གྲུབ་དེ་ནི་ལེགས་པར་འགྱུར། །དེ་ལ་འདི་ནི་ནོར་བུའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །དེ་ཉིད་མཁའ་བཞིན་དྲི་མེད་ལས། །འོད་ཟེར་དཀྱིལ་འཁོར་འཕྲོ་བར་ནི། །མཐོང་ན་དངོས་གྲུབ་མྱུར་དུ་འཐོབ། །རྡོ་རྗེ་སེམས་སོགས་སེམས་དཔའི་རྣམས། །ཟླ་བའི་དཀྱིལ་འཁོར་འོད་བཅས་པར། །དངོས་གྲུབ་དུས་སུ་རང་བཞིན་དུ། །བདག་ཉིད་ཀྱི་ནི་མདུན་མཐོང་ནའོ། །རིགས་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་ཡེ་ཤེས་ཀྱི་ཕྱག་རྒྱའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་རྣམས་ཀྱི་མངོན་པར་ཤེས་པའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །ལུས་ཀུན་དེ་བཞིན་གཤེགས་རྣམས་དང ། །བྱང་ཆུབ་སེམས་དཔའ་རྣམས་བསྒོམས་ལ། །དེ་བཞིན་ལུས་ལས་བྱུང་མཐོང་ནའོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མངོན་པར་ཤེས་པ་རྣམས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་སེམས་དཔའི་ཕྱག་རྒྱ་ཆེ། །རབ་མཉམ་བཞག་པས་བཅིངས་ན་ནི། །སྒྲུབ་པས་ཆོ་ག་འདི་ཡིས་ནི། །མངོན་ཤེས་ལྔ་ནི་ཐོབ་པར་འགྱུར། །དེ་ལ་འདི་ནི་འཕྲུལ་གྱི་སྤྱན་གྱི་ཡེ་ཤེས་ཀྱི་དངོས་གྲུབ་ཡིན་ནོ། །ཕྱག་རྒྱ་ཆེན་པོར་ཞུགས་ནས་ནི། །མིག་གི་རྣམ་ཤེས་བསྐྱེད་ནས་ཀྱང ། །གང་ཡང་རུང 91.121b བ་དེས་བསམས་ན། །ཤིན་དུ་རིང་བའང་མཐོང་འགྱུར་ཞེས། །བཅོམ་ལྡན་རྡོ་རྗེ་སེམས་དཔའ་གསུངས། །ཕྱག་རྒྱ་ཆེན་པོར་ཞུགས་ནས་ནི། །རྣ་བའི་རྣམ་ཤེས་བསྐྱེད་ནས་ཀྱང ། །དེ་ནི་དགོས་པ་གང་བསམས་ཀྱང ། །ཤིན་དུ་རིང་ན་གནས་ཐོབ་ཞེས། །བཅོམ་ལྡན་རྡོ་རྗེ་སེམས་དཔས་གསུངས། །ཕྱག་རྒྱ་ཆེན་པོར་ཞུགས་ནས་ནི། །ཡིད་ཀྱི་རྣམ་ཤེས་བསྐྱེད་ནས་ཀྱང ། །སེམས་ཅན་གང་ལ་དེས་བརྟགས་ན། །དེ་ཡི་སེམས་ནི་དེས་ཤེས་འགྱུར། །ཕྱག་རྒྱ་ཆེན་པོར་ཞུགས་ནས་ནི། །བདག་གམ་སེམས་ཅན་གང་ཡང་རུང ། །ཡིད་ཀྱིས་བལྟས་ནས་གར་སྐྱེས་པ། །གཟུགས་ནི་དེ་ཡིས་ཤེས་པར་འགྱུར་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ནས་རྫུ་འཕྲུལ་གྱི་ཆོ་ག་ཤེས་པའི་དངོས་གྲུབ་ནི་འདི་ཡིན་ནོ། །ཕྱག་རྒྱ་ཆེན་པོ་བཅིངས་ནས་ཀྱང ། །རྫུ་འཕྲུལ་གང་དང་གང་འདོད་པ། །དེ་ནས་གང་ཡང་རུང་བར་ནི། །ཏིང་འཛིན་གྱིས་ནི་མཐོང་བར་འགྱུར་ཞེས་བཅོམ་ལྡན་འདས་བྱང་ཆུབ་ཀྱི་སེམས་ཆེན་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་རྒྱུད་དོ། །ཁམས་གསུམ་རྣམ་རྒྱལ་མཆོག་ཏུ་ནི། །རབ་མཉམ་བཞགས་པས་བཅིངས་ནས་ཀྱང ། །ཆོ་ག་འདིས་ནི་སྒྲུབ་པ་པོས། །མངོན་པར་ཤེས་པ་ལྔ་འཐོབ་བོ། །ཁྲོས་ནས་དགོས་པ་ཐམས་ཅད་ནི། །ལྟག་འོག་རིམ་པ་ཇི་བཞིན་བྱ། །རྫུ་འཕྲུལ་མིག་ལ་སོགས་ཚུལ་གྱིས། །མངོན་ཤེས་ཀུན་བདག་ཉིད་དུ་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པད་མའི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་རྒྱུད་དོ། །འགྲོ་བ་འདུལ་བའི་ཕྱག་རྒྱའི་མཆོག་།རབ་མཉམ་བཞག་པས་བཅིངས་ན་ནི། །ཆོ་ག་འདིས་ནི་སྒྲུབ་པ་པོས། །མངོན་པར་ཤེས་པ་ལྔ་འཐོབ་བོ། །ལྟག་འོག་གོ་རིམ་ཇི་བཞིན་དུ། །ཆོ་ག་བཞིན་དུ་འདོད་པས་ཆགས། །འཕྲུལ་གྱི་མིག་ལ་སོགས་ཚུལ་གྱིས། །མངོན་ཤེས་ཐམས་ཅད་ཐོབ་འགྱུར་ཞེས། །བཅོམ་ལྡན་འཇིག་རྟེན་དབང་པོས་གསུངས། །དེ་ལ 91.122a འདི་ནི་ནོར་བུའི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་རྒྱུད་དོ། །དོན་ཀུན་གྲུབ་པའི་ཕྱག་རྒྱ་ནི། །རབ་མཉམ་བཞག་པས་བཅིངས་ན་ནི། །ཆོ་ག་འདིས་ནི་སྒྲུབ་པ་པོས། །མངོན་པར་ཤེས་པ་ལྔ་འཐོབ་བོ། །ལྟག་འོག་རིམ་པ་ཇི་བཞིན་དུ། །འཕྲུལ་གྱི་མིག་ལ་སོགས་ཚུལ་གྱིས། །སངས་རྒྱས་རྣམས་ལ་མཆོད་བྱས་ལ། །མངོན་ཤེས་ལྔ་ནི་དེས་འཐོབ་བོ་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་མངོན་པར་ཤེས་པའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་རྣམས་ཀྱི་བདེན་པའི་དངོས་གྲུབ་ཀྱི་རྒྱུད་ནི་འདི་ཡིན་ནོ། །བདེན་པའི་རྗེས་སུ་འཇུག་པ་ཡི། །ཚིག་གིས་མནའ་ནི་འདོར་བྱེད་ཅིང ། །བདེན་པ་ཆེན་པོ་བསྲུངས་ན་ནི། །མྱུར་དུ་སངས་རྒྱས་ཉིད་ཐོབ་བོ་ཞེས་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་དོ། །དེ་བཞིན་གཤེགས་པའི་རིགས་འབྱུང་བའི། །དམ་ཚིག་ལ་ནི་མནའ་བོར་ལ། །རྡོ་རྗེའི་བདེན་པ་བསྲུངས་ན་ནི། །དངོས་གྲུབ་མཆོག་ནི་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་དོ། །ཅི་སྟེ་དངོས་གྲུབ་མཆོག་འདོད་ན། །ཤིན་དུ་འདི་ལས་འདའ་བར་དཀའ། །རྡོ་རྗེ་འཛིན་ལ་མནའ་དོར་ཅིང ། །བདེན་པ་འདི་ལ་བསྲུང་བར་བྱ་ཞེས་སངས་རྒྱས་བཅོམ་ལྡན་འདས་རྡོ་རྗེ་འཛིན་གྱིས་གསུངས་སོ། །དེ་ལ་འདི་ནི་པད་མའི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་དོ། །ཅི་སྟེ་དངོས་གྲུབ་མཆོག་འདོད་ན། །པད་མ་ཆེན་པོའི་རིགས་མཆོག་གི་།པད་མ་ཆོས་ལ་མནའ་འདོར་ཞིང ། །བདེན་པའི་དམ་ཚིག་བསྲུང་བར་བྱ་ཞེས་བཅོམ་ལྡན་འདས་རྡོ་རྗེ་ཆོས 91.122b ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་དོ། །འདི་ལས་ཤིན་དུ་འདའ་དཀའ་བར། །སངས་རྒྱས་ཆོས་ལ་མནའ་མདོར་ཞིང ། །བདེན་པ་མཆོག་འདི་གསུངས་ན་ནི། །དབང་བསྐུར་བ་ནི་ཐོབ་པར་འགྱུར། ཞེས་བཅོམ་ལྡན་འདས་སངས་རྒྱས་མཆོད་པས་གསུངས་སོ། །རིགས་ཐམས་ཅད་ཀྱི་མནའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དོ། །ས་མ་ཡ་སྟྭཾ་ཞེས་བརྗོད་ནས། །དེ་ཡི་འོག་ཏུ་མ་བསྒྲུབས་པས། །རིགས་ཀུན་གྱི་ནི་ཕྱག་རྒྱ་རྣམས། །ཉིད་ཀྱིས་བཅིངས་ནས་དམ་ཚིག་འགྱུར་ཞེས་བཅོམ་ལྡན་འདས་དམ་ཚིག་ཆེན་པོ་དེ་ཁོ་ན་ཉིད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དོ། །སུ་ར་ཏ་སྟྭཾ་ཞེས་བརྗོད་ན། །དེ་ཉིད་བསྐུལ་བའི་བདག་ཉིད་ཆེ། །མ་བསྒྲུབས་པར་ཡང་ཕྱག་རྒྱ་ཀུན། །ཉིད་ཀྱིས་བཅིངས་ན་འགྲུབ་པར་འགྱུར་ཞེས་བཅོམ་ལྡན་འདས་དམ་ཚིག་ཆེན་པོའི་དེ་ཁོ་ན་ཉིད་ཀྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དོ། །ཧཱུཾ་ཞེས་བྱ་བ་གཅིག་ཙམ་གྱིས། །མདོར་ན་ཕྱག་རྒྱ་ཐམས་ཅད་ནི། །བདག་གམ་ཡང་ན་གཞན་ཡང་རུང ། །ཉིད་བཅིངས་འཆིང་དུ་བཅུག་ཀྱང་རུང ། །དེ་ལ་འདི་ནི་པད་མའི་རིགས་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དོ། །སརྦ་ཤུད་དྷཱ་ཞེས་བརྗོད་ན། །བདག་གམ་ཡང་ན་གཞན་དག་གིས། །བུད་མེད་ཆགས་ལ་སོགས་ལྡན་ན། །ཐམས་ཅད་དུ་ནི་གྲོལ་མི་འགྱུར། །དེ་ལ་འདི་ནི་ནོར་བུའི་རིགས་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དོ། །ོཾ`་ཞེས་བྱ་བས་མདོར་བསྡུ་ན། །ཕྱག་རྒྱ་ཐམས 91.123a ཅད་འགྲུབ་འགྱུར་ཏེ། །འཇིག་རྟེན་ཀུན་གྱི་མཆོག་ཉིད་ཀྱི། །རང་འབྱུང་ཉིད་ལ་མཆོད་པར་འགྱུར། །རིགས་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་ཕྱག་རྒྱའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དངོས་གྲུབ་ཀྱི་རྒྱུད་འདི་ཡིན་ཏེ། དེ་བཞིན་གཤེགས་པ་དྲན་བྱེད་ཅིང ། །སངས་རྒྱས་ཕྱག་རྒྱ་བཅིངས་ནས་ནི། །སངས་རྒྱས་བྱང་ཆུབ་བརྟན་པར་ཡང ། །བསྒྲུབས་ན་མྱུར་དུ་འགྲུབ་པར་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་སེམས་དཔའི་ཕྱག་རྒྱ་ཆེ། །བཅིངས་ནས་དེ་ཡི་མདུན་དུ་ཡང ། །རྡོ་རྗེ་སེམས་དཔའ་བསྒོམས་ན་ནི། །ཤིན་དུ་མྱུར་བར་དངོས་གྲུབ་འགྱུར། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་སེམས་དཔའི་ཏིང་འཛིན་གྱིས། །དམ་ཚིག་གི་ནི་མཆོག་བཅིངས་ན། །རྡོ་རྗེ་སེམས་དཔའ་བསྒོམས་ན་ནི། །ཉི་རིམ་དུ་ནི་དངོས་གྲུབ་འགྱུར། །དེ་ལ་འདི་ནི་པད་མ་རིགས་ཀྱི་དངོས་གྲུབ་ཀྱི་རྒྱུད་དོ། །འཇིག་རྟེན་དབང་པོའི་ཏིང་འཛིན་གྱིས། །ཆོས་ཀྱི་ཕྱག་རྒྱ་བཅིངས་ནས་ཀྱང ། །འཇིག་རྟེན་མགོན་པོ་བསྒོམས་ན་ནི། །ཉི་རིམ་དུ་ནི་དངོས་གྲུབ་ཐོབ། །དེ་ལ་འདི་ནི་ནོར་བུ་རིགས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །རྡོ་རྗེ་སྙིང་པོ་བསྒོམས་ན་ནི། །ཉི་རིམ་དུ་ནི་དངོས་གྲུབ་འཐོབ། །རིགས་ཐམས་ཅད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་སྒྲུབ་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ལ་སོགས་པའི་དངོས་གྲུབ་ཐམས་ཅད་སྒྲུབ་པའི་རྒྱུད་དོ། །ཕྱག་རྒྱ་ཐམས་ཅད་བཅིངས་ནས་ནི། །བདག་ཉིད་དང་ནི་མདུན་དུ་ཡང ། །སངས་རྒྱས་རྗེས་སུ་དྲན་པ་བསྒོམ། ། 91.123b དེ་ནས་དེ་མ་ཐག་ཏུ་འགྲུབ་ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ལ་སོགས་པའི་དངོས་གྲུབ་ཐམས་ཅད་བསྒྲུབ་པའི་རྒྱུད་དོ། །རྡོ་རྗེ་བཟླས་པའི་ཚུལ་གྱིས་ནི། །འདོད་པ་བདག་ཅེས་བསྒོམས་ནས་ཀྱང ། །ཕྱག་རྒྱ་ཐམས་ཅད་བསྒྲུབས་ན་ནི། །གྲུབ་པའི་མཆོག་ནི་ཀུན་བསྒྲུབས་པའོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཐམས་ཅད་སྒྲུབ་པའི་རྒྱུད་དོ། །བདག་ཉིད་ཉིད་ཀྱིས་རྡོ་རྗེ་དབྱིབས། །རབ་མཉམ་བཞག་པས་སྒོམ་བྱེད་ཅིང ། །ཕྱག་རྒྱ་ཐམས་ཅད་བཅིངས་ན་ནི། །དེ་མ་ཐག་ཏུ་འགྲུབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེས་གསུངས་སོ། །དེ་ལ་འདི་ནི་པད་མའི་རིགས་ཐམས་ཅད་ཀྱི་དངོས་གྲུབ་ཀྱི་རྒྱུད་དེ། ཡེ་ཤེས་ཀུན་འབྱུང་དངོས་གྲུབ་ཀྱི། །པད་མ་ཆེན་པོའི་རིགས་ལ་གནས། །བདག་ཉིད་ཀྱིས་ནི་བདག་ཉིད་ཉིད། །པད་མའི་དབྱིབས་སུ་བསྒོམ་པར་བྱ་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དངོས་གྲུབ་ཐམས་ཅད་ཀྱི་སྒྲུབ་པའི་རྒྱུད་དོ། །ནོར་བུ་རིན་ཆེན་འོད་ཟེར་འབར། །བདག་ཉིད་ཉིད་ཀྱིས་བསྒོམས་ན་ནི། །ནོར་བུ་ཆེན་པོའི་རིགས་མཆོད་ན། །ཀུན་ལས་འབྱུང་བའི་དངོས་གྲུབ་འཐོབ་ཅེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་དངོས་གྲུབ་དམ་པའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་བྱིན་གྱིས་བརླབས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་དབྱིངས་དབང་ཕྱག་རྒྱ་ནི། །རབ་མཉམ་བཞག་པས་བཅིངས་ནས་ཀྱང ། །སྙིང་ག་མཛོད་སྤུ་མགྲིན་སྤྱི་བོར། །བཞག་ན་སངས་རྒྱས 91.124a བྱིན་རློབ་བོ་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བྱིན་གྱིས་བརླབས་ཀྱི་རྒྱུད་ཡིན་ཏེ། རྡོ་རྗེ་སེམས་དཔའི་ཏིང་འཛིན་གྱིས། །སེམས་དཔའི་རྡོ་རྗེ་དམ་བྱས་ལ། །སྙིང་ག་མཛོད་སྤུ་མགྲིན་པ་དང ། །སྤྱི་བོར་བཞག་ན་བྱིན་གྱིས་རློབ་ཅེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་བྱིན་གྱིས་བརླབ་པའི་དངོས་གྲུབ་ཀྱི་རྒྱུད་དོ། །རྡོ་རྗེ་ཧཱུཾ་གི་ཕྱག་རྒྱ་ནི། །རབ་མཉམ་བཞག་པས་བཅིངས་ནས་ཀྱང ། །སྙིང་ག་མཛོད་སྤུ་མགྲིན་སྤྱི་བོར། །བཞག་ན་ཉིད་དུ་བྱིན་གྱིས་རློབ་ཅེས་བཅོམ་ལྡན་འདས་རྡོ་རྗེ་གཙོ་བོས་གསུངས་སོ། །དེ་ལ་འདི་ནི་པད་མ་རིགས་ཀྱི་བྱིན་གྱིས་བརླབ་པའི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོའི་ཏིང་འཛིན་གྱིས། །རྡོ་རྗེ་པད་མ་དམ་བྱས་ལ། །སྙིང་ག་མཛོད་སྤུ་མགྲིན་སྤྱི་བོར། །བྱིན་གྱིས་བརླབ་ཕྱིར་གཞག་པར་བྱ་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་བྱིན་གྱིས་བརླབས་ཀྱི་རྒྱུད་དོ། །རྡོ་རྗེ་སྙིང་པོའི་ཏིང་འཛིན་གྱིས། །རྡོ་རྗེ་ནོར་བུ་ཆེ་བཅིངས་ལ། །སྙིང་ག་མཛོད་སྤུ་མགྲིན་སྤྱི་བོར། །བྱིན་གྱིས་བརླབ་ཕྱིར་གཞག་པར་བྱ་ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་བྱིན་གྱིས་བརླབ་པའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་དབང་བསྐུར་བའི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དབང་བསྐུར་བའི་དངོས་གྲུབ་ཀྱི་རྒྱུད་དོ། །རིན་ཆེན་རྡོ་རྗེ་བཅིངས་ནས་ནི། །དཔྲལ་བར་རབ་ཏུ་གཞག་བྱས་ན། །རྒྱལ་བ་རྡོ་རྗེ་རིན་ཆེན་གྱིས། །དབང་བསྐུར་བར་ནི་དེ་འགྱུར་རོ་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དེ། རྡོ་རྗེ་དབྱིངས་དབང་ལ་སོགས་པ། །སངས་རྒྱས་ཕྱག་རྒྱ་མདུན་ནས་ནི། ། 91.124b བརྩམ་པ་བྱས་ནས་ངོས་བཞིར་ཡང ། །ཕྲེང་བ་ཉིད་ཀྱིས་དབང་བསྐུར་འགྱུར། །དེ་ལ་འདི་ནི་རྡོ་རྗེའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དོ། །རྡོ་རྗེ་དབང་གི་ཕྲེང་བ་ནི། །བཅིངས་ནས་དཔྲལ་བར་བཞག་ན་ཡང ། །ཕྲེང་བའི་དབང་ནི་དེ་ཡིན་ཏེ། །རྡོ་རྗེ་རྣམས་ནི་དེ་དབང་འགྱུར། །དེ་ལ་འདི་ནི་པད་མའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དེ། ཆོས་ཀྱི་རྡོ་རྗེ་བཅིངས་ནས་ཀྱང ། །མགོ་བོར་བཞག་སྟེ་དེ་དབང་བསྐུར། །སངས་རྒྱས་ཀྱིས་ནི་འཇིག་རྟེན་གྱི། །དབང་ཕྱུག་གིས་ནི་དབང་བསྐུར་རོ་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་དབང་བསྐུར་བའི་རྒྱུད་དེ། རྡོ་རྗེ་རིན་ཆེན་མྱུ་གུ་བཅིངས། །དཔྲལ་བར་བཞག་སྟེ་དེས་དབང་བསྐུར། །སངས་རྒྱས་ཀྱིས་ནི་མཆོད་པ་ཡི། །དབང་ཕྱུག་ཏུ་ནི་དབང་བསྐུར་འགྱུར་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དོ་དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། རྒྱལ་བ་ཀུན་གྱི་རྣམ་པར་ནི། །ཕྱག་རྒྱ་མཉམ་པར་བཞག་པར་བཅིངས། །ཟློས་ཤིང་སྔགས་ཀྱི་རིག་པ་ནི། །མྱུར་དུ་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། སེམས་དཔའི་བྱིན་བརླབས་ཚུལ་གྱིས་ནི། །ཏིང་འཛིན་རྡོ་རྗེ་ཆོས་ཀྱིས་ཀྱང ། །སྙིང་པོ་ཕྱག་རྒྱ་སྔགས་རིགས་རྣམས། །ཟློས་པས་མྱུར་དུ་འགྲུབ་པར་འགྱུར་ཞེས་བཅོམ་ལྡན་འདས་སངས་རྒྱས་ཀྱི་ཏིང་ངེ་འཛིན་གྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དོ། །འདོད་ཆགས 91.125a ལས་ནི་ཁྱོད་ཕྱུང་སྟེ། །བདག་ནི་ཁྲོ་བོ་ཡིན་བསྒོམས་ནས། །སྙིང་པོ་ཕྱག་རྒྱ་སྔགས་རིག་རྣམས། །མྱུར་དུ་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པད་མ་རིགས་ཀྱི་ཏིང་འཛིན་གྱི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོ་རིག་ཟློས་པས། །བྱམས་པས་འགེངས་པའི་ཚུལ་གྱིས་ནི། །སྙིང་པོ་ལ་སོགས་བསྒྲུབས་ན་ཡང ། །དངོས་གྲུབ་མྱུར་དུ་ཐོབ་པར་འགྱུར་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཏིང་འཛིན་གྱི་དངོས་གྲུབ་ཀྱི་རྒྱུད་དེ། ནམ་མཁའ་ཀུན་གྱི་ཏིང་འཛིན་ནི། །རབ་མཉམ་བཞག་པར་བསྒོམས་ན་ཡང ། །སྙིང་པོ་ཕྱག་རྒྱ་སྔགས་རིག་རྣམས། །བསྒྲུབས་ན་ཀུན་དུ་འགྲོ་བར་འགྱུར་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་མཆོད་པའི་དངོས་གྲུབ་ཀྱི་རྒྱུད་དེ། རབ་མཉམ་བཞག་པས་དང་པོར་ནི། །བདུག་པ་ལ་སོགས་མཆོད་བྱས་ལ། །ད་ནས་དངོས་གྲུབ་འདོད་པ་ཡིས། །བསྒྲུབས་ན་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། གསང་བའི་མཆོད་པ་རྣམ་བཞི་ཡིས། །གསང་བའི་མཆོད་པ་བརྗོད་བྱེད་ཅིང ། །བདག་དབུལ་བ་ལ་སོགས་པ་ཡི། །མཆོད་པ་བྱས་ན་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། ཁྲོ་བོ་རྡོ་རྗེ་མཆོད་ཆེན་པོ། །ཁྲོ་བོ་གསང་བ་བརྗོད་བྱེད་ཅིང ། ། 91.125b ཁྲོ་བོའི་ཁུ་ཚུར་རབ་སྦྱར་ན། །མྱུར་དུ་བདག་གི་རིགས་འགྲུབ་བོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པད་མའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། མདོ་སྡེ་ཟབ་ཅིང་རྒྱ་ཆེ་བའི། །ཚུལ་རྣམས་ལེགས་པར་བརྗོད་ནས་ཀྱང ། །ཡིད་དང་ངག་གིས་ཕུལ་ན་ནི། །དངོས་གྲུབ་མྱུར་དུ་འཐོབ་པར་འགྱུར་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དོ། །གདུགས་དང་འཕན་དང་རྒྱལ་མཚན་གྱིས། །རྒྱལ་པོའི་མཆོད་པས་མཆོད་བྱེད་ཅིང ། །སྦྱིན་པ་ཐམས་ཅད་བྱིན་ན་ནི། །ནོར་བུའི་རིགས་ནི་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །ཉིད་ལ་བྱིན་གྱིས་བརླབས་སོགས་ལྡན། །རྡོ་རྗེ་སེམས་དང་འདྲ་བར་འགྱུར། །ཆོ་འཕྲུལ་རྣམ་པ་བཞི་ཡིས་ནི། །རྡོ་རྗེ་སྣ་ཚོགས་ཏིང་འཛིན་གྱིས། །དངོས་གྲུབ་ཐམས་ཅད་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་བྱིན་གྱིས་བརླབ་པ་དང ། དབང་བསྐུར་བ་དང ། ཏིང་ངེ་འཛིན་དང ། མཆོད་པ་རྣམས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་ཡིན་ནོ། །ལུས་ལ་སངས་རྒྱས་ཏིང་འཛིན་ནི། །འདི་ནི་བདེ་གཤེགས་ཉིད་མངོན་ཤེས། །དེ་ནི་རབ་ཏུ་རྟོགས་ནས་ནི། །སངས་རྒྱས་པ་ཡི་དངོས་གྲུབ་འཐོབ། །ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །འཕྲུལ་གྱི་མིག་སོགས་མངོན་ཤེས་ནི། །རབ་མཉམ་བཞག་པས་བསྒོམས 91.126a ནས་ཀྱང ། །མངོན་ཤེས་ལྔ་ནི་བདག་གྱུར་ན། །དངོས་གྲུབ་མཆོག་ནི་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཁྲོ་བོ་མངོན་ཤེས་བསྐྱེད་ནས་ནི། །རབ་མཉམ་བཞག་པས་བསྒོམས་ན་ཡང ། །མངོན་ཤེས་ལྔ་ནི་བདག་གྱུར་ནས། །དངོས་གྲུབ་མཆོག་ནི་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འདོད་ཆགས་མངོན་ཤེས་བསྐྱེད་ནས་ཀྱང ། །རབ་མཉམ་བཞག་པས་བསྒོམས་ན་ནི། །མངོན་ཤེས་ལྔ་ནི་བདག་འགྱུར་ནས། །དག་པའི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་སྤྱན་གྱིས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། མཆོད་པའི་མངོན་ཤེས་བསྐྱེད་ནས་ཀྱང ། །རབ་མཉམ་བཞག་པས་བསྒོམས་ན་ནི། །མངོན་ཤེས་ལྔ་ཡང་བདག་གྱུར་ནས། །དངོས་གྲུབ་ཀུན་གྱི་མཆོག་ཏུ་གྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རིགས་ཐམས་ཅད་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་བྱང་ཆུབ་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བྱང་ཆུབ་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །བདག་གིས་སངས་རྒྱས་དྲན་བྱེད་ཅིང ། །སངས་རྒྱས་བྱང་ཆུབ་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས 91.126b གྲུབ་ཀྱི་རྒྱུད་དོ། །རྡོ་རྗེ་སེམས་དཔའི་ཏིང་འཛིན་གནས། །ཕྱག་རྒྱ་ཆེན་པོར་སྒོམ་བྱེད་ཅིང ། །བྱང་ཆུབ་ཆེན་པོའི་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཁྲོ་བོའི་རྒྱལ་པོའི་ཏིང་འཛིན་གནས། །ལག་པས་དམ་ཚིག་མཆོག་བཅིངས་ལ། །བྱང་ཆུབ་ཆེན་པོའི་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པད་མ་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་དབང་ཕྱུག་ཏིང་འཛིན་གནས། །དེ་བཞིན་ཆོས་ཀྱི་ཕྱག་རྒྱ་བཟླས། །བྱང་ཆུབ་ཆེན་པོའི་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་སྙིང་པོའི་ཏིང་འཛིན་གནས། །ལས་ཀྱི་ཕྱག་རྒྱ་ལས་ལེགས་བྱེད། །བྱང་ཆུབ་ཆེན་པོའི་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་མཉེས་པར་བྱ་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་མཉེས་པར་བྱ་བའི་དངོས་གྲུབ་ཀྱི་རྒྱུད་དོ། །ཉིད་ཀྱི་སངས་རྒྱས་བྱང་ཆུབ་ཕྱིར། །སེམས་ཅན་དོན་རྣམས་རབ་བྱེད་ཅིང ། །སངས་རྒྱས་རྗེས་སུ་དྲན་གྱུར་ནས། །སངས་རྒྱས་ཐམས་ཅད་མཉེས་པར་བྱེད་ཅེས་བཅོམ་ལྡན་འདས་རྡོ་རྗེ་ཆགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཉེས 91.127a པར་བྱ་བ་གསང་བའི་དངོས་གྲུབ་ཀྱི་རྒྱུད་དེ། ཇི་ལྟར་ཡུལ་དང་ལྡན་འགྱུར་ནས། །སངས་རྒྱས་ཐམས་ཅད་མཉེས་བྱེད་ཅེས། །རྡོ་རྗེ་སེམས་དཔའ་སྒོམ་བྱེད་ཅིང ། །དེ་ཉིད་བསྐུལ་ན་མྱུར་བར་ནི། །མཉེས་པར་འགྱུར་བ་དེས་འགྲུབ་བོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་མཉེས་པར་བྱེད་པའི་དངོས་གྲུབ་ཀྱི་རྒྱུད་དེ། སངས་རྒྱས་བཀའ་ནི་བསྲུང་བ་དང ། །སེམས་ཅན་དོན་ནི་སྤྱད་པའི་ཕྱིར། །རྔམ་པས་མངོན་སྤྱོད་བྱས་ན་ནི། །རྡོ་རྗེ་རྣམས་ནི་མཉེས་པར་འགྱུར་ཞེས་བཅོམ་ལྡན་འདས་འཇིག་རྟེན་གསུམ་ལས་རྣམ་པར་རྒྱལ་བས་གསུངས་སོ། །དེ་ལ་འདི་ནི་པད་མ་རིགས་མཉེས་པར་བྱ་བའི་དངོས་གྲུབ་ཀྱི་རྒྱུད་དོ། །ཆགས་པ་ཀུན་དུ་བལྟ་བ་དང ། །བྱམས་དང་སྙིང་རྗེས་ཆོས་སྨྲ་དང ། །མི་འཇིགས་ཀུན་སྦྱིན་བྱེད་པ་རྣམས། །སངས་རྒྱས་ཀུན་གྱིས་མཉེས་པར་བྱེད་ཅེས་བཅོམ་ལྡན་འདས་རྡོ་རྗེ་སྤྱན་གྱིས་གསུངས་སོ། །དེ་ལ་འདི་ནི་ནོར་བུའི་རིགས་མཉེས་པར་བྱ་བའི་དངོས་གྲུབ་ཀྱི་རྒྱུད་དེ། དབང་བསྐུར་བ་ནི་རབ་སྦྱིན་དང ། །ནོར་བསགས་རབ་ཏུ་སྦྱིན་བྱེད་ཅིང ། །དེ་ཡང་སངས་རྒྱས་དོན་དུ་སྦྱོར། །འདི་ནི་སངས་རྒྱས་མཉེས་པར་བྱེད་ཅེས་བཅོམ་ལྡན་འདས་འཕགས་པ་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་མཉེས་པར་བྱ་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། དེ་ལྟར་རྣམ་དག་བདེ་སྦྱིན་པ། །འདོད་ཆགས་ལ་ནི་བརྙས་མི་བྱ། །སེམས་ཅན་ཀུན་གྱི་དོན་དུ་བརྩོན། །འདི་ནི་སངས་རྒྱས་དབང་དུ་བྱེད་ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དོ། །འདོད་སྟེན 91.127b བདེ་བའི་བདག་ཉིད་ཀྱིས། །སུ་ར་ཏ་སྟྭཾ་ཞེས་སྨྲ་ཞིང ། །རྡོ་རྗེ་སེམས་དཔའ་བསྒྲུབས་ན་ནི། །དེ་ཉིད་བསྐུལ་ན་དབང་དུ་འགྱུར་ཞེས་བཅོམ་ལྡན་འདས་ཀུན་དུ་བཟང་པོས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དོ། །སངས་རྒྱས་བཀའ་ནི་སེམས་ཅན་རྣམས། །དག་བྱ་ལུས་ཅན་སྐྱབས་སྦྱིན་དང ། །སངས་རྒྱས་བསྟན་པ་བསྲུང་བའི་ཕྱིར། །བསད་ན་ཡང་ནི་དབང་དུ་འགྱུར་ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པད་མ་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། པད་མ་འདབ་མ་ཁ་འབྱེད་ཅིང ། །འདོད་ཆགས་དག་ལ་ཀུན་རྟོག་ལ། །གདུལ་བའི་ཕྱིར་ནི་ཆགས་བྱེད་ཅིང ། །འདོད་པར་བྱེད་པ་དབང་དུ་འགྱུར་ཞེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། སངས་རྒྱས་ཐམས་ཅད་དབང་བསྐུར་ཕྱིར། །རྡོ་རྗེ་རིན་ཆེན་ཉིན་རེ་རེར། །སྤྱི་བོར་བཞག་སྟེ་དབང་བསྐུར་ན། །སངས་རྒྱས་ཐམས་ཅད་དབང་དུ་འགྱུར་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་དབང་དུ་བྱ་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསད་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་གསད་པའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་དོན་མ་མཐོང་ཞིང ། །སངས་རྒྱས་དེ་ཉིད་མ་སྦྱངས་ལ། །ཡིད་དང་ངག་དང་ལུས་ཀྱིས་ནི། །བསད་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསད་པའི་དངོས་གྲུབ་ཀྱི་རྒྱུད་དེ། དངོས་གྲུབ་ཐམས་ཅད་མ་ཐོབ་ལ། །རིགས་རྣམས་ཀྱང་ནི་མི་བརྩོན་ཞིང ། །རྡོ་རྗེ་ཀུན་དུ་བརྟགས་ནས་ནི། །བསད་ན་དངོས 91.128a གྲུབ་མྱུར་དུ་ཐོབ་ཅེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་གསད་པའི་དངོས་གྲུབ་ཀྱི་རྒྱུད་དེ། མ་རུངས་མི་བརྟུལ་ཁྲོ་མེད་ཅིང ། །དེ་བཞིན་སེམས་ཅན་མི་འདུལ་ལ། །བདག་ཉིད་སྡུག་བསྔལ་འཐོབ་བྱེད་ན། །ཧཱུཾ་ཞེས་བྱ་བས་བསད་པར་བྱ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པད་མའི་རིགས་ཀྱི་གསད་པའི་དངོས་གྲུབ་ཀྱི་རྒྱུད་དེ། སྙིང་རྗེ་མེད་ཅིང་བྱམས་མེད་ལ། །སེམས་ཅན་མ་རུངས་མི་སྦྱོང་ཞིང ། །བདག་ཉིད་ཀྱིས་ནི་བསླུས་ན་ཡང ། །བསད་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་གསད་པའི་དངོས་གྲུབ་ཀྱི་རྒྱུད་དེ། མི་གཏོང་བདག་ལ་ནོར་མེད་ཅིང ། །ནོར་སྟོར་བ་དང་གནོད་བྱེད་ལ། །དབུལ་པོར་གྱུར་ལ་སེམས་ཅན་རྣམས། །བསད་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རེ་བ་ཐམས་ཅད་སྐོང་བས་གསུངས་སོ། །ཁ་ཅིག་གིས་ནི་སངས་རྒྱས་ཀྱི། །རྣལ་འབྱོར་མ་ཐོབ་གསོད་བཅུག་ན། །དེ་དག་དྲང་བར་བྱ་བའི་ཕྱིར། །བདག་གི་དངོས་གྲུབ་སྦྱིན་པར་བྱ་ཞེས་བཅོམ་ལྡན་འདས་འཕགས་པ་ཀུན་དུ་བཟང་པོས་གསུངས་སོ། །རིགས་ཐམས་ཅད་ཀྱི་གསད་པའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་བསྲུང་བའི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་བསྲུང་བའི་དངོས་གྲུབ་ཀྱི་རྒྱུད་དེ། སེམས་ཅན་ཐམས་ཅད་མི་གཏོང་ཞིང ། །རྟག་ཏུ་སངས་རྒྱས་མཆོད་བདག་ཉིད། །རྟག་པར་སངས་རྒྱས་ཡིད་ལ་བྱེད། །འདི་ནི་བསྲུང་བ་རྨད་ཀྱི་མཆོག་ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན 91.128b གཤེགས་པའི་རིགས་ཀྱི་བསྲུང་བའི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་མཚན་ཙམ་ཞིག་།ལན་གཅིག་ཙམ་ཡང་བརྗོད་གྱུར་ན། །འདི་ནི་བསྲུང་བ་རྟག་ཆེན་པོ། །སྐད་ཅིག་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་བསྲུང་བའི་དངོས་གྲུབ་ཀྱི་རྒྱུད་དེ། རིགས་དང་རྒྱུད་ཀྱིས་ཆོག་མི་ཤེས། །འཇིག་རྟེན་གསུམ་རྒྱལ་བདག་ཉིད་ཀྱི། །རྡོ་རྗེ་ཧཱུཾ་ལ་མོས་བྱེད་པ། །འདི་ནི་བདག་དང་གཞན་ལ་བསྲུང་ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པད་མ་རིགས་ཀྱི་བསྲུང་བའི་དངོས་གྲུབ་ཀྱི་རྒྱུད་དེ། འདོད་ཆགས་དག་ཅིང་བྱམས་པ་ཆེ། །ཐམས་ཅད་ལ་ནི་མི་འཇིགས་སྦྱིན་འཇིག་རྟེན་དབང་གི་མཚན་ཟློས་པ། །བསྲུང་བ་འདི་ནི་རྨད་དུ་ཆེ་ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་བསྲུང་བའི་དངོས་གྲུབ་ཀྱི་རྒྱུད་དེ། སངས་རྒྱས་སེམས་ཅན་གཏོང་བྱེད་པར། །ཅི་ནུས་པར་ནི་སྦྱོར་བྱེད་ཅིང ། །ཉི་མ་སྟོང་པར་མི་བྱ་བར། །བསྲུང་བ་འདི་ནི་རྨད་ཀྱི་མཆོག་ཅེས་བཅོམ་ལྡན་འདས་རྡོ་རྗེ་བསྲུང་བས་གསུངས་སོ། །རིགས་ཐམས་ཅད་ཀྱི་བསྲུང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྒྱུད་འདི་བཞེས་པར་གསོལ། གང་གིས་སེམས་ཅན་ཐམས་ཅད་བརྟག་པ་ཐམས་ཅད་ཀྱི་དབང་ཕྱུག་ཏུ་གྱུར་ནས་རྟོགས་པར་བགྱི་སྟེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའི་སླད་དུའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། ཕྱག་ན་རྡོ་རྗེ་ལ་ལེགས་པར་བཤད་པས་ངེད་ཀྱིས་བླངས་ཤིང་བྱིན་གྱིས་བརླབས་ཀྱིས་ལེགས་སོ་ལེགསོ། ། 91.129a སོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། །མདོ་སྡེ་འདི་ནི་ལེགས་བཤད་པ། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ལེགས་ཏེ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་བརྟག་པ་ཐམས་ཅད་ཀྱི་ཐབས་ཀྱི་ཆོ་ག་རྒྱས་པའི་རྒྱུད་རྫོགས་སྷོ།། །། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དང་པོ་འདིར་ནི་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པའི་གསང་བའི་རྒྱུད་དེ། སངས་རྒྱས་བྱང་ཆུབ་ཏིང་ངེ་འཛིན། །རབ་མཉམ་བཞག་པས་བསྒོམས་ན་ནི། །བྱང་ཆུབ་བདེ་བས་ཐོབ་པར་འགྱུར། །བསམས་ནས་དེ་ནི་རྟོགས་པར་བྱ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་རིགས་དམ་པའི་གསང་བའི་དངོས་གྲུབ་ཀྱི་རྒྱུད་དེ། སེམས་དཔའ་རྡོ་རྗེ་སྙིང་གར་བཅིངས། །ང་ཡི་ཆུང་མ་ཁྱོད་སྡུག་པ། །བརྟན་པར་གྱུར་ཅིག་ཅེས་སྨྲས་ནས། །ཕྱག་རྒྱ་ཐམས་ཅད་བསྒྲུབ་བྱ་སྟེ། །ཆོ་ག་འདི་ཡི་ཚུལ་གྱིས་ནི། །རང་གི་ལས་རྣམས་མ་གྲུབ་ཀྱང ། །གསང་བའི་ཆུང་མ་ཞེས་སྨྲས་ན། །ཤིན་དུ་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་སེམས་དཔའ་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེ་རིགས་དམ་པའི་གསང་བའི་དངོས་གྲུབ་ཀྱི་རྒྱུད་དེ། ཇི་ལྟ་བ་བཞིན་བསྒྲུབས་ན་ཡང ། །དངོས་གྲུབ་ཐོབ་པར་མ་གྱུར་ན། །ཧཱུཾ་གི་ཕྱག་རྒྱས་བསད་ན་ནི། །སྐྲག་སྟེ་དངོས་གྲུབ་སྦྱིན་པར་བྱེད་ཅེས་བཅོམ་ལྡན་འདས 91.129b དེ་བཞིན་གཤེགས་པ་ཐམས་ཅད་ཀྱིས་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པད་མ་རིགས་ཀྱི་དངོས་གྲུབ་དམ་པའི་གསང་བའི་རྒྱུད་དེ། ཏིང་འཛིན་ཕྱག་རྒྱ་བཅིངས་ནས་ཀྱང ། །རྡོ་རྗེ་བལྟ་བས་བལྟས་ནས་ཀྱང ། །བདག་གི་ཆུང་མའམ་གཞན་ཆུང་མ། །སྡུག་པའི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་པད་མའི་འདོད་པས་གསུངས་སོ། །དེ་ལ་འདི་ནི་ནོར་བུ་རིགས་དམ་པའི་དངོས་གྲུབ་གསང་བའི་རྒྱུད་དེ། དབང་པོ་གཉིས་ནི་མཉམ་སྦྱར་ལ། །བདེ་བའི་མཆོག་ཅེས་སྨྲ་བྱེད་ཅིང ། །སངས་རྒྱས་ཀུན་ལ་ཉིད་དབང་པོ། །ཕུལ་ན་མྱུར་དུ་དངོས་གྲུབ་འགྱུར་ཅེས་བཅོམ་ལྡན་འདས་ནོར་བུ་བཞེད་པས་གསུངས་སོ། །རིགས་དམ་པ་ཐམས་ཅད་ཀྱི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ། ས་མ་ཡ་སྟྭཾ་ཞེས་བརྗོད་ཅིང ། །བུད་མེད་ཀུན་ལ་ཆགས་བྱས་ལ། །སེམས་ཅན་དོན་གྱིས་མི་སྐྱོ་ན། །ངེས་པར་སངས་རྒྱས་དེས་མཉེས་སོ་ཞེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ་འདོད་ཆགས་ལ་ནི་བརྙས་མི་བྱ། །བུད་མེད་ཀུན་དང་རྩེ་བྱེད་པ། །རྡོ་རྗེ་རྣམས་ཀྱི་གསང་དམ་ཚིག་།འདི་ནི་བསྲུང་ན་འགྲུབ་པར་འགྱུར་ཞེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ། གསོད་པ་འཇིག་རྟེན་ཐམས་ཅད་གསོད། །ལུས་དང་ངག་ལ་དམ་དགྱེས་པ། །འཇིག་རྟེན་རྣམ་པར་སྦྱངས་ནས་ནི། །དམ་པའི་དངོས་གྲུབ་སྦྱིན་པའོ། །ཞེས་བཅོམ་ལྡན་འདས་འཇིག་རྟེན་གསུམ་ལས་རྣམ་པར་རྒྱལ་བས 91.130a གསུངས་སོ། །དེ་ལ་འདི་ནི་པད་མའི་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ། དག་པའི་བདག་ཉིད་འདོད་ཆགས་དག་།མུ་སྟེགས་རྣལ་འབྱོར་མ་དག་ལ། །དག་པའི་བདག་ཉིད་དམ་ཚིག་ནི། །བསྲུང་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ། རྡོ་རྗེ་སྙིང་པོ་ཏིང་འཛིན་གྱིས། །རྡོ་རྗེ་ནོར་བུ་སྔར་བཅིངས་ལ། །མ་རུངས་རྣམས་ཀྱི་ནོར་ཕྲོགས་ན། །དམ་ཚིག་དངོས་གྲུབ་སྦྱིན་པར་འགྱུར་ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ཆོས་ཀྱི་དངོས་གྲུབ་གསང་བའི་རྒྱུད་དེ། ཆོས་རྣམས་རང་བཞིན་དག་པར་ནི། །རབ་མཉམ་བཞག་པས་བསྒོམས་ནས་ཀྱང ། །དགོས་པ་ཐམས་ཅད་བྱས་ནས་ཀྱང ། །སངས་རྒྱས་པ་ཡི་དངོས་གྲུབ་འཐོབ་ཅེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། སེམས་ཅན་ཀུན་ལ་ཆགས་བྱེད་ཅིང ། །ཡུལ་ལ་སྐྱོ་བར་མ་གྱུར་ལ། །བུད་མེད་དགའ་བའི་དག་པ་ནི། །གསང་ཆོས་དངོས་གྲུབ་རབ་སྦྱིན་ནོ། །ཞེས་བཅོམ་ལྡན་འདས་རྡོ་རྗེ་གསང་བས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། རྣ་ཡི་ཧཱུཾ་གི་སྦྱོར་བ་ཡིས། །ཕྲ་བའི་རྡོ་རྗེ་ཏིང་འཛིན་གནས། །མི་འགྲུབ་རྣལ་འབྱོར་འདི་བསད་ཅེས། །རབ་ཏུ་འབར་བའི་རྡོ་རྗེས་བསྒྱེལ། །དམ་པའི་དངོས་གྲུབ་སྦྱིན་པའོ་ཞེས་བཅོམ་ལྡན་འདས་དམ་ཚིག་དམ་པས་གསུངས་སོ། །དེ་ལ་འདི་ནི་པད 91.130b མ་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་ཕྲ་མོའི་ཚུལ་གྱིས་ནི། །རྡོ་རྗེ་ཆོས་ཀྱི་ཏིང་འཛིན་གྱིས། །བུད་མེད་ཀུན་དང་བརྩེ་བྱེད་ཅིང ། །ཆོས་ཀྱི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། དབང་པོ་གཉིས་ནི་མཉམ་སྦྱར་ལ། །རེ་བ་ཐམས་ཅད་ཡོངས་བཀངས་ནས། །བུད་མེད་དམ་ནི་སྡུག་པ་ཡི། །དངོས་གྲུབ་བླ་མེད་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །སངས་རྒྱས་རྗེས་སུ་དྲན་བསྒོམས་ལ། །བུད་མེད་ལུགས་ཀྱི་བུ་གར་བླུགས། །བུད་མེད་རྣམས་ནི་དབང་དུ་འགྱུར་ཞེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའྀ་ཏིང་འཛིན་གནས། །བུ་ག་ནས་ནི་དེ་བཞིན་ཞུགས། །བུད་མེད་ལུས་སུ་ལེགས་ཁྱབ་བྱས། །སེམས་མེད་པ་ཡང་མགུ་བར་འགྱུར་ཞེས་བཅོམ་ལྡན་འདས་རྡོ་རྗེ་དགྱེས་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་ཧཱུཾ་གི་ཕྱག་རྒྱ་ནི། །རབ་མཉམ་བཞག་པས་བཅིངས་ནས་ཀྱང ། །ཁྲོས་ནས་བུ་གར་ཞུགས་ན་ནི། །ཡིད་ཀྱིས་དེ་ནི་དབབ་པར་བྱ་ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །དེ་ལ་འདི་ནི་པད་མ་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། །ཆོས་ཀྱི་ལས་ཀྱི་ཕྱག་རྒྱ་ནི། ། 91.131a བཅིངས་ནས་པད་མའི་ཏིང་འཛིན་གྱིས། །བུ་གར་བཅུག་ན་བུད་མེད་རྣམས། །ཐམས་ཅད་ཀྱང་ནི་བསྲུངས་བར་འགྱུར་ཞེས་བཅོམ་ལྡན་འདས་རྡོ་རྗེ་པད་མས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་རིན་ཆེན་ཏིང་འཛིན་གྱིས། །ལས་ཀྱི་རྡོ་རྗེ་ནོར་བུར་བཅིངས། །བུ་གར་བཅུག་ན་བུད་མེད་རྣམས། །ཉིད་དུ་ཕབ་ནས་གར་བྱེད་འགྱུར་ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དག་པའི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་འཁོར་ལོ་དག་པའི་དངོས་གྲུབ་གསང་བའི་རྒྱུད་དེ། ཆོས་ཀྱི་འཁོར་ལོ་འདྲ་བར་ནི། །གསང་བའི་དཀྱིལ་འཁོར་བྲི་བྱ་ཞིང ། །ཕྱག་རྒྱ་བུད་མེད་རྣམས་ཀྱིས་བསྐོར། །དེས་ནི་སངས་རྒྱས་གཞག་པར་བྱ། །གསང་བ་དེར་ནི་ཞུགས་ནས་ཀྱང ། །སངས་རྒྱས་ལ་ནི་ཉིད་དུ་སྨྲ། །འདི་ཁྱབ་པ་ཡི་བཙུན་མོ་སྟེ། །ཀུན་གཏོང་བས་ནི་བདག་སོགས་ཞེས། །རིགས་རྣམས་ཀུན་གྱི་ཕྱག་རྒྱ་ནི། །ཚུལ་རྣམས་ལ་ཡང་དེ་སྐད་བརྗོད། །སངས་རྒྱས་རྣམས་ནི་མཉམ་མེད་པའི། །གསང་བའི་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་ཀྱི་གསང་བའི་རྒྱུད་དེ་དབྱིངས་དང་འདྲ་བར་ནི། །དཀྱིལ་འཁོར་ལེགས་པར་བྲི་བར་བྱ། །དེ་བཞིན་གཤེགས་པའི་རིགས་རྣམས་ནི། །ཐམས་ཅད་ཀྱི་ནི་མཆོག་འཚལ་ཏེ། །དཀྱིལ་འཁོར་དུ་ནི་ཞུགས་ནས་ཀྱང ། །དངོས་གྲུབ་འདོད་པས་མྱུར་བར་ནི། །སུ་ར་ཏ་ས་མ་ཡ་སྟྭཾ་ཧོ། བཛྲ་སཏྭ་ཨཱདྱ་སིད་དྷྱ་མཱཾ། ཅེས 91.131b བརྗོད་སྙིང་པོ་འདི་བཟླས་ཏེ། །བསྒྲུབས་ན་ཐམས་ཅད་འགྲུབ་པར་འགྱུར། །དེ་ཉིད་བསྐུལ་བའི་ཚུལ་གྱིས་ནི། །མགུ་ནས་མྱུར་དུ་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དེ། ཁམས་གསུམ་རྣམ་རྒྱལ་འདྲ་བར་ནི། །རྡོ་རྗེ་རིགས་ཀུན་རྣམས་ཀྱི་ནི། །དཀྱིལ་འཁོར་ཐམས་ཅད་འཇུག་པར་ཡང ། །མཁས་པས་ལེགས་པར་བྲི་བར་བྱ། །དེར་ཞུགས་ནས་ནི་མྱུར་བ་ཡང ། །དངོས་གྲུབ་གསོལ་བ་འདེབས་བྱེད་ཅིང ། །འདོད་ཆགས་ལས་ནི་ཁྱོད་འབྱུང་ཞེས། །ཞེས་སྨྲས་ཀུན་དུ་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །དེ་ལ་འདི་ནི་པད་མའི་རྀགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དེ། པད་མའི་རིགས་ནྀ་ཐམས་ཅད་ཀྱི། །འགྲོ་བ་འདུལ་བའི་ཚུལ་དུ་ནི། །མཁས་པས་དཀྱིལ་འཁོར་བྲི་བར་བྱ། །དེར་ཞུགས་ནས་ནི་བརྗོད་བྱ་བ། །འདོད་ཆགས་ཆོས་ཏེ་པད་མ་ཆེ། །ཁྱབ་པས་བདག་ནི་མྱུར་དངོས་གྲུབ། །དེ་སྐད་སྨྲས་ནས་དཀྱིལ་འཁོར་ནི། །ཀུན་གྱི་དེས་ནི་དངོས་གྲུབ་ཐོབ་ཅེས་བཅོམ་ལྡན་འདས་འཇིག་རྟེན་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དེ། ནོར་བུ་ཆེན་པོའི་རིགས་རྣམས་ནི། །དོན་ཀུན་འགྲུབ་པའི་ཚུལ་དུ་ཡང ། །དཀྱིལ་འཁོར་ལེགས་པར་བྲིས་ན་ནི། །ཞུགས་ནས་འདི་སྐད་སྨྲ་བར་བྱ། །བསམ་པ་ཀུན་གྱི་དངོས་གྲུབ་ལས། །འདོད་ཆགས་བསམ་པ་དངོས་གྲུབ་མཆོག་།གྲུབ་ཤིག་གྲུབ་ཤིག་སེམས་དཔའ་ཆེ། །བཅོམ་ལྡན་ཐམས་ཅད་གྲུབ་པ་པོ། །དེ་སྐད་སྨྲས་ནས་དཀྱིལ་འཁོར་ཀུན། །ཞུགས་ནས་མཆོད་གསང་བླ་མེད་པའི། །དངོས་གྲུབ་ཆེན་པོ་ཐོབ་པར་འགྱུར། །ཕྱིན་ཆད་དངོས་གྲུབ་བདག་ཉིད་ཀྱིས། །བསྒྲུབས་ན་དངོས་གྲུབ་འགྲུབ 91.132a པར་འགྱུར། །གང་ཚེ་མྱུར་དུ་མི་འགྲུབ་ན། །དེ་ཉིད་བསྐུལ་ན་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་དཀྱིལ་འཁོར་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་ཀྱི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ཕྱག་རྒྱ་གསང་བའི་རྒྱུད་དངོས་གྲུབ་ཀྱི་རྒྱུད་དེ། དེ་བཞིན་གཤེགས་པའི་ལྷ་མོ་ཆེ། །སྡུག་ཅིང་བདེ་བ་ཀུན་སྦྱིན་པ། །བདེན་ལས་བྱུང་བའི་ཚིག་བདེན་པས། །བསྒྲུབས་ཀྱང་དེ་ནི་མ་གྲུབ་ནའོ། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་ཆེན་པོའི་གསང་བའི་དངོས་གྲུབ་ཀྱི་རྒྱུད་དེ། ལྟག་འོག་གོ་རིམ་ཇི་བཞིན་དུ། །ཕྱག་རྒྱ་ཆེན་པོ་བཅིངས་ནས་ནི། །འདི་ནི་དེ་ཉིད་གསང་བ་ཡི། །རྡོ་རྗེ་ཚུལ་གྱིས་འདི་སྨྲོས་ཤིག་།བདག་ནི་རྡོ་རྗེ་སེམས་དཔའ་ཉིད། །ཁྱོད་ངའི་ཆུང་མ་སྙིང་ལ་གནས། །ལུས་ཀུན་ལ་ནི་མཁྱུད་ནས་ཀྱང ། །རྡོ་རྗེ་འགྱིང་བས་འགྱིང་བར་མཛོད། །རྡོ་རྗེ་འགྱིང་བའི་ལྷ་མོ་ཆེ། །དེ་ཉིད་བསྐུལ་བས་ཆགས་འགྱུར་བས། །ལུས་ཀུན་ལ་ནི་བརྟན་འགྱུར་ནས། །ཇི་བཞིན་མྱུར་དུ་དངོས་གྲུབ་འགྱུར་ཞེས་བཅོམ་ལྡན་འདས་རྡོ་རྗེ་འགྱིང་བའི་བདག་པོས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། དངོས་གྲུབ་དམ་ཚིག་གྲུབ་པ་ནི། །ཁྱོད་དགྱེས་དམ་ཚིག་བདག་ཡིན་ནོ། །ཞེས་བསྐུལ་མྱུར་དུ་ཆགས་གྱུར་ན། །རབ་ཏུ་ཡང་ནི་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །དེ་ལ་འདི་ནི་པད་མ་རིགས་ཀྱི་ཆོས་ཀྱི་ཕྱག་རྒྱ་གསང་བའི་དངོས་གྲུབ་ཀྱི་རྒྱུད་དེ། རྟོགས་པ་སེམས་དཔའ་རྟོགས་ཆེན་ཁྱོད། །བདག་གི་ཆུང་མ་ཤིན་དགྱེས 91.132b མཛོད། །ཞེས་ནི་བསྐུལ་ན་མྱུར་བར་ཡང ། །རྗེས་སུ་ཆགས་ནས་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་ལས་ཀྱི་ཕྱག་རྒྱ་གསང་བའི་དངོས་གྲུབ་ཀྱི་རྒྱུད་དེ། ལས་ཀུན་བྱེད་པའི་ཆུང་མ་ཁྱོད། །བདག་ལ་འགྲུབ་མཛོད་རྡོ་རྗེ་མ། །རྡོ་རྗེ་ཅན་གྱིས་བསྐུལ་མྱུར་བར། །རྗེས་སུ་ཆགས་ནས་འགྲུབ་པར་འགྱུར་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིག་པ་ཐམས་ཅད་ཀྱི་ཕྱག་རྒྱའི་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། མུ་སྟེགས་ཅན་རྣམས་ཕན་གདགས་ཕྱིར། །རི་མོའི་ཕྱག་རྒྱའི་ཚུལ་དུ་ནི། །སངས་རྒྱས་བཙུན་མོ་རབ་སྦ་བར། །ཤེས་ན་རབ་ཏུ་གྲུབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་གྱི་ཡིད་ལ་ཁྱབ། །སེམས་ཅན་ཀུན་ལ་བདེ་སྦྱིན་ཞིང ། །སེམས་ཅན་ཀུན་གྱི་ཡབ་ཉིད་ནི། །དམ་ཚིག་མཆོག་གི་འདོད་པའི་མཆོག་ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །འདི་ནི་སངས་རྒྱས་ཐམས་ཅད་ཀྱི། །གསང་བའི་མཆོག་སྟེ་རྨད་ཆེ་བར། །དད་ལྡན་ཤེས་ནས་དད་བྱས་ནས། །བསྒྲུབ་དཀའ་བ་ཡང་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། ཆགས་པ་དག་པའི་ཆགས་བྲལ་གྱི། །སེམས་ཅན་དོན་གྱི་ཡིད་བྱུང་ནས། །མུ་སྟེགས་ལྟ་བར་བྱས་པ་སྟེ། །ལྟ་བ་ངན་པའི 91.133a གཅོང་རོང་ལྟུང ། །ཐེག་པ་ཆེ་ལ་དགོད་པའི་ཕྱིར། །གསོད་པའི་ཐ་ཚིགས་མཆོག་ཡིན་ཏེ། །དེ་ལྟར་ཤེས་ན་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པད་མའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། མུ་སྟེགས་ཅན་རྣམས་གཞོམ་པའི་ཕྱིར། །འབྱུང་བ་ཆེ་ལས་ཐམས་ཅད་འབྱུང ། །མི་གཙང་ཞེས་ནི་ཅི་ཕྱིར་བརྗོད། །ངེས་པར་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་སྤྱན་གྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། བུད་མེད་ཆགས་ཕྱིར་རིན་ཆེན་རྣམས། །རྟག་ཏུ་ལེགས་པར་བསག་པར་བྱ། །བུད་མེད་བླ་མེད་རིན་ཆེན་ཞེས། །བསམས་ནས་དེ་ནི་གྲུབ་པར་འགྱུར་ཞེས་བཅོམ་ལྡན་འདས་ཀྱི་བཀའ་བཞིན་དུ་མཛད་པས་གསུངས་སོ། །རིགས་ཐམས་ཅད་ཀྱི་དམ་ཚིག་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། བུད་མེད་ཆགས་རྣམས་ཡོངས་བསྐོར་ལ། །ཀུན་ནས་བརྩེས་པའི་བདེ་བ་ནི། །སངས་རྒྱས་མཆོད་ཕྱིར་ཕུལ་ན་ཡང ། །མཆོད་པའི་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། རབ་དགས་ངལ་ཏེ་སྐྱོ་བ་ན། །རབ་དགའ་ལས་བྱུང་བདེ་བ་དེ། །ཕྱག་བཞི་པོས་ནི་མཆོད་པའི་ཕྱིར། །ཕུལ་ན་མྱུར་དུ་གྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། ཧཱུཾ་གི་དམ་ཚིག་བཅིངས་ནས་ནི། །སྐྱེ་བོ་བུད་མེད་འཁྱུད་ནས་ནི། ། 91.133b འཁྱུད་པར་འགྱུར་བའི་སྐྱེ་བོ་དེ། །ཕུལ་ན་དེ་ནི་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །དེ་ལ་འདི་ནི་པད་མའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། འཇིག་རྟེན་དབང་པོར་བདག་བསྒོམས་ལ། །སྡུག་པའི་གོང་དུ་བལྟས་ནས་ནི། །བལྟས་པར་གྱུར་པའི་བདེ་བ་དེ། །ཕུལ་ན་དེ་ནི་འགྲུབ་པར་འགྱུར་ཞེས་བཅོམ་ལྡན་འདས་པད་མའི་སྤྱན་གྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། ལས་ཀྱི་ཕྱག་རྒྱ་བཅིངས་འགྱུར་ལ། །རྒྱན་རྣམས་ཀུན་གྱིས་བརྒྱན་ནས་ཀྱང ། །བུད་མེད་འཁྱུད་པའི་ལོངས་སྤྱོད་ནི། །མཆོད་ཕྱིར་ཕུལ་ན་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་རིན་ཆེན་གྱིས་གསུངས་སོ། །རྀགས་ཐམས་ཅད་ཀྱི་མཆོད་པའི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། སངས་རྒྱས་སུ་ནི་བདག་བསྒོམས་ལ། །ཅི་ནས་སུས་ཀྱང་མི་ཚོར་བར། །གཞན་གྱི་བུད་མེད་རྩེ་བྱེད་ན། །མཆོད་པའི་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་གསང་བའི་མཆོད་པའི་རྒྱུད་དེ། རྡོ་རྗེ་འཇོ་མ་བྱས་ནས་ཀྱང ། །རྡོ་རྗེ་ཕྲེང་བ་འཆིང་བྱེད་ཅིང ། །དེ་ནས་རྡོ་རྗེ་གླུ་བླངས་ལ། །རྡོ་རྗེ་གར་གྱིས་མཆོད་བྱས་ལ། །འདོད་པའི་དགའ་བས་དབང་བསྐུར་མཆོག་།གླུ་དང་གར་གྱི་བདེ་བ་ལས། །བདེ་བ་གཞན་གྱིས་མྱོང་མིན་ཏེ། །དེ་ཕྱིར་གསང་མཆོག་འདི་བླ་མེད། །དེ་ལ་འདི་ནི་རྡོ་རྗེ་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། འཇིག་རྟེན་གསུམ་ལས་རྣམ་རྒྱལ་བསྒོམ། །ཆོ་ག་ཇི་བཞིན་ཚུལ་དུ་ཡང ། །གསང་བའི་མཆོད་པས་མཆོད་ན་ནི། །མཆོད་པའི་དངོས 91.134a གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་གསང་བས་གསུངས་སོ། །དེ་ལ་འདི་ནི་པད་མ་རིགས་ཀྱི་མཆོད་པའི་གསང་བའི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་ཕྱག་རྒྱར་གནས། །གསང་བའི་ཚུལ་ནི་ཅི་བཞིན་པར། །ལས་ཀྱི་ཕྱག་རྒྱས་རབ་མཆོད་ན། །མཆོད་པའི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། དོན་ཀུན་གྲུབ་པའི་རྣལ་འབྱོར་གྱིས། །གསང་བའི་ཚུལ་ནི་ཇི་བཞིན་པར། །ལས་ཀྱི་ཕྱག་རྒྱས་རབ་མཆོད་ན། །མཆོད་པའི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་གསང་བའི་མཆོད་པའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་པའི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དེ་ཁོ་ན་ཉིད་བསྐྱེད་པའི་དངོས་གྲུབ་གསང་བའི་རྒྱུད་དེ། མདོར་ན་ཏིང་འཛིན་ཡེ་ཤེས་ལས། །སེམས་ཅན་རྣམས་ལ་ཆགས་ཚུལ་གྱིས། །སངས་རྒྱས་ཉིད་དུ་འགྲུབ་འགྱུར་ན། །མྱུར་དུ་བླ་མེད་ཐོབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དེ་ཁོ་ན་ཉིད་ཆེན་པོ་བསྐྱེད་པའི་དངོས་གྲུབ་གསང་བའི་རྒྱུད་དེ། སེམས་ཅན་ཐོག་མ་ཐ་མ་མེད། །ནམ་མཁའ་འབྱུང་བའི་མཚན་ཉིད་དེ། །ཀུན་དུ་བཟང་པོ་ཀུན་བདག་ཉིད། །འདོད་པའི་འགྲོ་བ་ཀུན་བདག་པོ། །སེམས་ཅན་ཀུན་གྱི་སེམས་གང་ནི། །བསྟན་ཕྱིར་སེམས་དཔའ་ཞེས་བྱའོ། །རྡོ་རྗེ་མཉམ་པར་མཉམ་གཞག་ན་ངེས་པར་རྡོ་རྗེ་ཉིད་གྱུར་པ། །སེམས་དཔའི་བྱིན་བརླབས་ཚུལ་གྱིས་ནི། །རྡོ་རྗེ་སེམས་དཔའ་ཉིད་དུ་གྱུར། །བཅོམ་ལྡན་སེམས་དཔའ་དེ་ཉིད་དེ། །རྡོ་རྗེ་བཞད་པ་དེ་བཞིན་གཤེགས། ། 91.134b ཉིད་སེམས་རབ་ཏུ་རྟོགས་ལ་སོགས། །སངས་རྒྱས་བྱང་ཆུབ་ཆོ་ག་བཞིན། །དེ་ཉིད་བཅོམ་ལྡན་དེ་བཞིན་གཤེགས། །ཐམས་ཅད་ཀྱི་ནི་རིགས་སུ་འགྱུར་ཞེས་བཅོམ་ལྡན་འདས་ཐོག་མ་དང་ཐ་མ་མེད་པའི་སེམས་དཔས་གསུངས་སོ། །དེ་བཞིན་གཤེགས་པའི་རིགས་ཉིད་དེ། །དེ་ཉིད་རྡོ་རྗེའི་རིགས་ཆེན་པོ། །དེ་ཉིད་པད་མའི་རིགས་དག་པ། །དེ་ཉིད་ནོར་བུའི་རིགས་ཀྱི་མཆོག་ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་འཁོར་ལོས་གསུངས་སོ། །རིགས་ཐམས་ཅད་བསྐྱེད་པའི་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཕྱག་རྒྱ་མངོན་པར་བརྗོད་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཚན་མ་མངོན་པར་བརྗོད་པའི་དངོས་གྲུབ་གསང་བའི་རྒྱུད་དེ། བཅོམ་ལྡན་སེམས་དཔའ་དེ་ཉིད་ནི། །རྡོ་རྗེ་སེམས་དཔའ་ཐུགས་ལ་གནས། །མཉམ་པར་བཞག་ལས་ཏིང་འཛིན་ཏེ། །སངས་རྒྱས་བྱང་ཆུབ་རབ་ཏུ་བསྒྲུབ་ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཚན་མའི་མངོན་པར་བརྗོད་པའི་དངོས་གྲུབ་གསང་བའི་རྒྱུད་དེ། རབ་ཏུ་རྟོགས་ཕྱིར་རྡོ་རྗེ་སྟེ། །གཟུང་བའི་ཚུལ་གྱིས་ལྕགས་ཀྱུ་ཡིན། །ཕྲ་མོ་རྟོགས་ཕྱིར་མདའ་ཡིན་ལ། །མགུ་བར་གྱུར་ཕྱིར་ལེགས་ཞེས་བྱ། །སྤྲས་པའི་ཕྱིར་ཡང་རིན་ཆེན་གསུངས། །གཟི་བརྗིད་ཚུལ་གྱིས་ཉི་མ་སྟེ། །རྒྱལ་མཚན་ལེགས་པར་སྒྲེང་བར་གསུངས། །མཛུབ་ཕྱིར་བཞད་པར་གྲགས་པ་ལ། །འདོད་ཆགས་དག་ཕྱིར་པད་མ་ཡིན། །རལ་གྲིས་ཉོན་མོངས་དགྲ་གཅོད་ཡིན། །དཀྱིལ་འཁོར་ཚུལ་དུ་འཁོར་ལོ་སྟེ། །ཚིག་གིས་བརྗོད་པས་སྨྲ་ཞེས་བྱ། །རྒྱ་གྲམ་ཚུལ་དུ་ཀུན་རྡོ་རྗེ། །མི་ཚུགས་ཚུལ་གྱིས་གོ་ཆ་ཡིན། །འཇིགས་བྱེད་ཚུལ་གྱིས་མཆེ་བ་སྟེ། །ཕྱག་རྒྱའི་ཚུལ་གྱིས 91.135a བསྡམས་པའོ། །ཇི་ལྟར་བཅོམ་ལྡན་སེམས་རྟག་པ། །རྡོ་རྗེ་སེམས་དཔའ་ཀུན་འགྲོ་བ། །དེ་བཞིན་རྡོ་རྗེ་མཚན་ལ་སོགས། །བསྒོམས་ན་མྱུར་དུ་འགྲུབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཚན་མས་གསུངས་སོ། །རིགས་ཐམས་ཅད་ཀྱི་མཚན་མ་མངོན་པར་བརྗོད་པའི་དངོས་གྲུབ་གསང་བའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཕྱག་རྒྱ་བཅིང་བ་སྐྱེ་བའི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །རྡོ་རྗེ་དཀྱིལ་མོ་དཀྲུང་བཅིངས་ལ། །ལག་གཉིས་རྡོ་རྗེར་བསྡམས་པ་ལས། །མྱུར་དུ་སངས་རྒྱས་ཉིད་འགྲུབ་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། ཇི་ལྟར་རྒྱལ་པོ་ཉིད་ཕྱག་རྒྱ། །རྒྱལ་པོ་ཁྲིམས་ལ་འདེབས་པ་ལྟར། །བདག་ཉིད་ཆེན་པོ་སྐྱེ་བོ་རྣམས། །སྐུ་གསུང་ཐུགས་ནི་རྡོ་རྗེ་ཡི། །གཟུགས་བརྙན་གྱི་ནི་ཚུལ་དུ་ཡང ། །ཉིད་ཀྱི་ཕྱག་རྒྱ་བཏབ་པ་ནི། །བདག་ཉིད་ཆེ་བའི་ཕྱག་རྒྱ་ཆེར། །ཤེས་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཕྱག་རྒྱ་ཆེན་པོས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། ཇི་ལྟར་དམ་ཚིག་དམ་པ་ནི། །སྐྱེ་བོ་འགས་ནི་བཅིང་གྱུར་ན། །ཤིན་དུ་འདའ་བར་མི་བྱ་བ། །དེ་ལྟར་དེ་བཞིན་གཤེགས་ཀུན་གྱི། །དམ་ཚིག་ཕྱག་རྒྱ་བཅིངས་པ་ཡིས། །རྡོ་རྗེ་བཅིང་བའི་མཆོག་བཅིངས་ན། །མ་ཤི་བར་དུ་མི་འདའ་བར། །ཤེས་ནས་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་དམ་ཚིག་གིས 91.135b གསུངས་སོ། །དེ་ལ་འདི་ནི་ཆོས་ཀྱི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། མདོར་ན་རྒྱལ་བས་རྡོ་རྗེ་བཀའ། །འདེའ་བར་བྱ་བ་མ་ཡིན་ཏེ། །འདི་ནི་བཅིངས་པར་ཤེས་ནས་ཀྱང ། །དེས་ནི་ཆོས་ཀྱི་དངོས་གྲུབ་འགྱུར་ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་རྡོ་རྗེ་ལས་ཀྱི་རིགས་ཀྱི་ཕྱག་བཅིངས་པ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། རྡོ་རྗེ་བཀའ་དང་ལས་མང་རྣམས། །འདའ་བར་བྱ་བ་མ་ཡིན་ཞིང ། །བཀའ་ཉན་པ་ཡི་ལས་དེ་ནི། །ཤེས་ན་མྱུར་དུ་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་ཀྱི་ཆོ་ག་རྒྱས་པ་གསང་བའི་རྒྱུད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ཡང་བདག་གིས་ཡོངས་སུ་གཟུང་ཞིང་བྱིན་གྱིས་བརླབས་སོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ནོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་སྔོན་འདུས་པའི། །མདོ་འདི་ལེགས་པར་བཤད་པས་ན། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་རིགས་ཐམས་ཅད་ཀྱི་རྟོག་པ་གསང་བའི་ཆོ་ག་རྒྱས་པའི་རྒྱུད་རྫོགས་སྷོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཆོས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། སངས་རྒྱས 91.136a རྗེས་སུ་དྲན་ཚུལ་གྱིས། །སངས་རྒྱས་ཆོས་ཀྱི་ཏིང་འཛིན་ནི། །མཉམ་པར་བཞག་པས་བསྒོམས་ན་ཡང ། །བླ་མེད་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། ཆགས་པས་རྗེས་སུ་དྲན་ཚུལ་གྱིས། །སེམས་དཔའ་ཐམས་ཅད་ཏིང་འཛིན་གནས། །རབ་མཉམ་བཞག་པས་བསྒོམས་ན་ནི། །དངོས་གྲུབ་དམ་པ་ཐོབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱིས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། ཁམས་གསུམ་རྣམ་རྒྱལ་ཆ་ལུགས་སུ། །བསྒོམས་ནས་མདུན་དང་དེ་བཞིན་ཏེ། །ཕྱག་ན་རྡོ་རྗེའི་མཐུར་གྱུར་ནས། །ཁམས་གསུམ་རྣམ་པར་རྒྱལ་བར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པད་མའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་ཆོས་སུ་ནི། །བསྒོམས་ནས་མདུན་དུ་དེ་བཞིན་ཏེ། །རྣམ་པ་ཀུན་གྱི་མཆོག་ལྡན་པར། །འདུལ་བར་དེ་ནི་རབ་བྱེད་ཅེས། །བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། དོན་ཀུན་གྲུབ་པའི་སྐུར་ཡང་ནི། །བསྒོམས་ན་མདུན་དུ་དེ་བཞིན་ཏེ། རྣམ་པའི་མཆོག་ཀུན་ལྡན་པ་ཡི། །ཕུན་སུམ་ཚོགས་དོན་དེས་འཐོབ་བོ་ཞེས་བཅོམ་ལྡན་འདས་རྡོ་རྗེ་ནོར་བུས་གསུངས་སོ། །རིགས་ཐམས་ཅད་ཀྱི་ཆོས་དམ་པའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། སངས 91.136b རྒྱས་རྗེས་སུ་དྲན་འགྱུར་ལ། །རྡོ་རྗེ་ཕྲ་མོ་ཚུལ་གྱིས་ནི། །བཛྲ་བཛྲ་ཞེས་བརྗོད་ན། །སངས་རྒྱས་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་དུ། །རྡོ་རྗེ་ཕྲ་མོ་སྒོམ་བྱེད་ཅིང ། །བཛྲ་སཏྭ་ཞེས་བརྗོད་ན། །རྡོ་རྗེ་སེམས་དཔའ་ཉིད་འགྲུབ་བོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། ཁམས་གསུམ་རྣམ་རྒྱལ་ཆ་ལུགས་སུ། །དྲན་བྱེད་མདུན་དུ་དེ་བཞིན་ཏེ། །ཧཱུཾ་ཧཱུཾ་ཧཱུཾ་ཧཱུཾ་ཞེས་བརྗོད་ན། །དངོས་གྲུབ་བླ་མེད་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །དེ་ལ་འདི་ནི་པད་མའི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་གཟུགས་ཀྱིས་ནི། །རྡོ་རྗེ་ཕྲ་མོ་སྒོམ་བྱེད་ཅིང ། །སིད་དྷྱ་སིད་དྷྱ་ཞེས་བརྗོད་ན། །དངོས་གྲུབ་དམ་པ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། དོན་གྲུབ་པ་ཡི་གཟུགས་ཀྱིས་ནི། །རྡོ་རྗེ་ཕྲ་མོ་བསྒོམས་ནས་ཀྱང ། །སིད་དྷྱ་སིད་དྷྱ་ཞེས་བརྗོད་ན། །དོན་གྱི་དངོས་གྲུབ་མཆོག་ཐོབ་འགྱུར་ཞེས་བཅོམ་ལྡན་འདས་ནོར་བུའི་ཆོས་ཀྱིས་གསུངས་སོ། །རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། དམ་པའི་ཆོས་ནི་ཡི་གེ་མེད། །ཏིང་འཛིན་ཡེ་ཤེས་འབྱུང་བ་སྟེ། ། ཞེས་བྱ་བས་ཆོས་རྣམས་ནི། །སྐྱེ་བ་མེད་པར་དགོངས་པ་སྟེ། །ཕྱག་རྒྱ་འདི་ཡི 91.137a ཚུལ་གྱིས་ནི། །ཤེས་པས་བསྒོམས་ཏེ་དེ་ནས་ཀྱང ། །ཡི་གེ་ཀུན་གྱི་ཡེ་ཤེས་ནི། །བདེ་གཤེགས་སྐད་ཅིག་གིས་འགྱུར་ཞེས། །བཅོམ་ལྡན་འདས་འཕགས་པ་འཇམ་པའི་དཔལ་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། དེ་བཞིན་གཤེགས་ཀུན་དེ་ཉིད་ཀྱི། །མདོ་སྡེ་འདི་ནི་དད་པ་ཡིས། །དད་ནས་བཅངས་སམ་ཀླགས་གྱུར་ན། །དངོས་གྲུབ་བླ་མེད་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། སྡིག་པའི་སེམས་ཅན་ཕན་དོན་དུ། །སྡིག་ཅན་སྡིག་སྤྱོད་བཟློག་པ་དང ། །སངས་རྒྱས་བཀའ་ནི་བསྲུང་བའི་ཕྱིར། །བསད་པ་བྱས་ན་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་གྱིས་གསུངས་སོ། །དེ་ལ་འདི་ནི་པད་མའི་རིགས་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །འདོད་ཆགས་རང་བཞིན་དག་པར་ཤེས། །དམ་པའི་དོན་དུ་དགོངས་ནས་ཀྱང ། །ཐོག་མ་ཐ་མར་འདི་བསྒོམས་ན། །ཆོས་ཀྱི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་འཕགས་པ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་མཁྱེན་པའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་གྱི་དོན་ཕྱིར་སྦྱིན། །བསམ་པ་ཐམས་ཅད་རྫོགས་བྱེད་ཅིང ། །ཆོས་བསྒོམས་འདི་ནི་ནོར་བུ་ཡི། །རིགས་ཀྱི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཆོས་རིན་ཆེན་གྱིས་གསུངས་སོ། །རིགས་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་ནས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་ལས 91.137b ཀྱི་དངོས་གྲུབ་ཀྱི་རྒྱུད་དེ། སངས་རྒྱས་ཀྱི་ནི་ཏིང་འཛིན་ལས། །སངས་རྒྱས་བྱང་ཆུབ་རབ་བསྒྲུབས་པ། །འདི་ནི་བསྒོམ་པར་བྱས་ནས་ཀྱང ། །དངོས་གྲུབ་དམ་པ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །བླ་མེད་དང་ནི་ལས་མང་རྣམས། །སེམས་དཔའ་ཀུན་འགྱུར་ཐམས་ཅད་དང ། །ཤེས་ན་ཡང་ནི་གྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཏིང་ངེ་འཛིན་གྱིས་ལས་ཀྱི་དངོས་གྲུབ་ཀྱི་རྒྱུད་དེ། སྡིག་པ་དག་པ་རྒྱུ་བའི་ཕྱིར། །མཚམས་མེད་བྱེད་ལས་མི་ཟློགས་ན། །གསོད་པའི་ལས་ལ་དད་པ་ན། །དེས་ནི་འགྲུབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པད་མའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྡིག་ཀུན་རྣམ་པར་དག་པའི་བདག་།ཀུན་དག་པས་ན་དགོས་པ་ཀུན། །དེས་བྱེད་ལས་འདི་ཡིན་ནོ་བར། །ཤེས་ན་ཡང་ནི་འགྲུབ་པར་འགྱུར་ཞེས་བཅོམ་ལྡན་འདས་པད་མས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྲེད་ལྡན་དབུལ་པོ་ཐམས་ཅད་ཀྱི། །རྟག་ཏུ་བསམ་པ་ཀུན་བཀང་ལ། །དོན་ཀུན་གྲུབ་པས་ཀུན་བདག་ནི། །འགྲུབ་འགྱུར་འདི་ལ་ཐེ་ཚོམ་མེད་ཅེས་བཅོམ་ལྡན་འདས་རིན་པོ་ཆེ་རྒྱལ་མཚན་གྱིས་གསུངས་སོ། །རིགས་ཐམས་ཅད་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། རྟག་ཏུ་རྡོ་རྗེ་ཕྲ་མོའི་ཚུལ། །འབད་པ་ཀུན་གྱི་སྦྱོར་ན་ནི། །རྣམ་པའི 91.138a མཆོག་ཀུན་ལྡན་པ་ཡི། །མངོན་ཤེས་ལྔ་ནི་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། སློབ་དཔོན་མ་ཡིན་གཞན་དང་ནི། །སློབ་མ་མ་ཡིན་བུ་མིན་པའི། །མདུན་དུ་ཕྱག་རྒྱ་མི་བརྗོད་དེ། །དེ་དག་གསང་བ་ཕྱག་རྒྱ་འགྲུབ་ཅེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཕྲ་མོའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། རྡོ་རྗེ་ཕྲ་མོའི་ཚུལ་གྱིས་ནི། །སྣ་ནས་ཧཱུཾ་བྱུང་ལྡན་གྱུར་ལ། །རྡོ་རྗེ་ཁྲོ་བོའི་ཏིང་འཛིན་གྱིས། །དགོས་པ་ཐམས་ཅད་སྒྲུབ་པར་བྱེད་ཅེས་བཅོམ་ལྡན་འདས་རྡོ་རྗེས་གསུངས་སོ། །དེ་ལ་འདི་ནི་པད་མའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། པད་མ་ཆེན་པོའི་ཏིང་འཛིན་གནས། །རྡོ་རྗེ་ཕྲ་མོའི་ཚུལ་གྱིས་ནི། །རྡོ་རྗེ་བལྟ་བས་བལྟས་ན་ནི། །འདོད་པའི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་པད་མ་བཞད་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་རིན་ཆེན་ཏིང་འཛིན་གྱིས། །རྡོ་རྗེ་ཕྲ་མོའི་ཚུལ་གྱིས་ནི། །ཤིན་དུ་ཕྲ་བའི་ལྟ་འབར་བས། །དོན་ནི་ཐམས་ཅད་འདྲེན་པར་འགྱུར་ཞེས་བཅོམ་ལྡན་འདས་རྡོ་རྗེ་ནོར་བུས་གསུངས་སོ། །རིགས་ཐམས་ཅད་ཀྱི་ཕྲ་མོའི་དངོས་གྲུབ་ཀྱི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མིག་གི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། གང་ཚེ་ཕྱག་རྒྱའམ་ཏིང་ངེ་འཛིན། །བསྒྲུབ་ཕྱིར་སྩོལ་བར་གྱུར་པ་ན། །གང་ཚེ་མཁའ་ལ་སྐར་མ་འདྲ། །དཀར་པོ་རྒྱུག་པར་དེས་མཐོང་ན། །དེ་ཚེ་བློ་ལྡན་སངས་རྒྱས་ཀྱི། །སྤྱན་ནི 91.138b བདག་གིས་ཐོབ་འགྱུར་ཞེས། །ཕྱིན་ཅད་སངས་རྒྱས་རྣམས་ཀྱིས་ནི། །རྟོག་པ་ཀུན་ལས་བསྒྲུབ་པར་བྱ་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། གནས་དང་འགྲོ་བ་དེ་བཞིན་ཏེ། །ཇི་སྙེད་དངོས་པོ་ཡོད་འགྱུར་བ། །དེ་སྙེད་ཀྱི་ནི་གཟུགས་བརྙན་རྣམས། །མཁའ་རྒྱུག་འགྲོ་བའམ་འོང་ཡང་རུང ། །མཐོང་ན་རྡོ་རྗེ་སྤྱན་དག་པར། །ཤེས་པས་མཆོད་ན་དངོས་གྲུབ་ནི། །བླ་ན་མེད་པ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་མིག་གི་དངོས་གྲུབ་ཀྱི་རྒྱུད་དེ། གཡས་པའམ་ནི་གཡོན་ཕྱོགས་ཀྱི། །མཁའ་ལ་ནམ་མཁའི་དབྱིངས་ཉིད་ནི། །སྤྲིན་འདྲར་མྱུར་དུ་འཁོར་བར་ཡང ། །མིག་གིས་མཐོང་བར་གྱུར་པས་ཀྱང ། །རྡོ་རྗེ་ལས་བྱུང་ཕྱག་རྒྱ་དེ། །མཐོང་ནས་འཇིགས་པར་མ་གྱུར་ལ། །ཕྱག་རྒྱ་དེ་ནི་བཟུང་ན་ནི། །རྡོ་རྗེ་སྤྱན་ནི་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེས་གསུངས་སོ། །དེ་ལ་འདི་ནི་པད་མ་རིགས་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། གང་ཚེ་སྐྱ་འམ་དམར་བ་དང ། །དཀར་བའམ་སེར་བའམ་སྣ་ཚོགས་ཀྱི། །དཀྱིལ་འཁོར་མཐོང་བར་གྱུར་པའི་ཚེ། །དགོངས་འགྱུར་འཁོར་ལོའི་སྤྱན་འགྲུབ་འགྱུར་ཞེས་བཅོམ་ལྡན་འདས་རྡོ་རྗེ་པད་མས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། མཁའ་ལ་རིན་ཆེན་འདྲ་བ་དང ། །གསེར་ལ་སོགས་པར་འདྲ་བར་ནི། །གང་ཚེ་མཁའ་མཐོང་མཁའ་ཡི་མིག་།དེ་ནི་འགྲུབ་པར་འགྱུར་རོ་ཞེས། །བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལས་དམ་པའི 91.139a དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་དེ། ཆོས་ཀྱི་དཀྱིལ་འཁོར་ཚུལ་དུ་ནི། །འདོད་ཆགས་བདེ་བ་རྣམ་སྨིན་ཕྱིར། །གཙོ་བོ་ཐམས་ཅད་མཆོད་བྱས་པ། །སངས་རྒྱས་དངོས་གྲུབ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་པའི་དངོས་གྲུབ་ཀྱི་རྒྱུད་དེ། འདོད་ཆགས་བདག་ཅེས་སྒོམ་བྱེད་ཅིང ། །གསང་བའི་མཆོད་པ་རབ་བྱས་ན། །རྡོ་རྗེ་འདོད་པའི་གཟི་ཅན་མཉམ། །དངོས་གྲུབ་དམ་པ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་བཞད་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་དེ། ཁྲོ་བ་བདག་ཅེས་སྒོམ་བྱེད་ཅིང ། །གསང་བའི་མཆོད་པ་རབ་བྱས་པ། །ཁམས་གསུམ་རྣམ་རྒྱལ་འདྲ་བ་ཡི། །དངོས་གྲུབ་དམ་པ་ཐོབ་པར་འགྱུར་ཞེས་བཅོམ་ལྡན་འདས་འཕགས་པ་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་ཆོས་ཀྱི་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་དེ། ནང་དུ་སོང་བའི་ཡིད་ཀྱིས་ནི། །འདོད་པ་དམ་པར་སྒོམ་བྱེད་ཅིང ། །དབྱངས་དང་ལྡན་པའི་ཡི་གེ་ཡིས། །སངས་རྒྱས་མངོན་པར་མཆོད་ན་ནི། །དངོས་གྲུབ་མྱུར་དུ་ཐོབ་པར་འགྱུར་ཞེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་དེ། རྡོ་རྗེ་སྙིང་པོར་མཉམ་བཞག་ལ། །བསམ་པ་གཡོས་པས་བཏུད་ནས་ནི། །ཕྱག་ལ་རྟག་ཏུ་བརྩོན་བྱས་ན། །དབང་བསྐུར་བ་ནི་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་དབང་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ལས་དམ་པའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས 91.139b དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། འདོད་ལ་སོགས་པའི་བདེ་བ་ཀུན། །རྟག་ཏུ་བདག་གི་སྙིང་ལ་གནས། །ེ་མའོ་སེམས་ཅན་དོན་རྣམས་ལ། །སྐྱོང་བར་གྱུར་པ་གང་བཤད་རྨད། །འདི་ནི་ལས་ཀྱི་དམ་ཚིག་སྟེ། །དེ་བཞིན་གཤེགས་པའི་ཏིང་འཛིན་དུ། །བསྒོམས་ནས་སངས་རྒྱས་མཆོད་ན་ནི། །དངོས་གྲུབ་དམ་པ་ཐོབ་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །སེམས་ཅན་ཀུན་ལ་བདེ་སྦྱིན་པའི། །ཀུན་བཟང་འདོད་པ་བདག་ཡིན་ཏེ། །མཆོད་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་འདོད་པས་གསུངས་སོ། །དེ་ལ་རྡོ་རྗེ་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་ལ་ཕན་བྱེད་པའི། །ཀུན་བཟང་ཁྲོ་བོ་བདག་ཡིན་ཏེ། །རྡོ་རྗེ་ཧཱུཾ་གི་རྣལ་འབྱོར་གྱིས། །མཆོད་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་པད་མའི་རིགས་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། བདེ་བ་ཐམས་ཅད་རབ་སྦྱིན་པའི། །ཀུན་བཟང་འདོད་པ་བདག་ཡིན་ཏེ། །བདག་ཉིད་འགྲོ་འདུལ་སྐུར་གནས་ལ། །མཆོད་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་པད་མ་ཆགས་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་ལ་དོན་ཆེན་སྦྱིན། །ཀུན་བཟང་རྒྱལ་པོ་བདག་ཡིན་ཏེ། །དོན་ཀུན་འགྲུབ་པའི་གཟུགས་ཀྱིས་ནི། །མཆོད་ན་དངོས་གྲུབ་ཐོབ་པར་འགྱུར་ཞེས 91.140a བཅོམ་ལྡན་འདས་དོན་ཐམས་ཅད་གྲུབ་པས་གསུངས་སོ། །རིགས་ཐམས་ཅད་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། རང་གི་ཏིང་ངེར་འཛིན་པ་ཡིས། །གཡས་པའི་མཛུབ་མོས་མདུད་ནས་ནི། །གོ་ཆར་བཅིངས་ཏེ་སྤྱི་བོར་བཞག་།ཤིན་དུ་ཡང་ནི་བསྲུངས་པར་འགྱུར་ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ལས་ཀྱི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། བརྩིག་པ་ལ་ནི་ལྡན་འདྲ་བ། །རི་མོར་བྲིས་ནས་མཚན་བསྒྲེང་སྟེ། །མཉེས་ན་བུད་མེད་གང་བསམས་པ། །དེ་ནི་འདི་ཡི་དབང་དུ་འགྱུར་ཞེས་བཅོམ་ལྡན་འདས་འཕགས་པ་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། ས་ལ་གནོད་སྦྱིན་གདོང་བྲིས་ཏེ། །དེ་ཡི་མིག་གི་ཕྱོགས་སུ་ནི། །མཛུབ་མོའི་སེན་མོ་བཙུགས་ན་ཡང ། །བུད་མེད་མཆོག་ནི་འདྲེན་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པད་མའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། ལག་པ་གཉིས་སུ་པད་མ་བླངས། །འདོད་ཆགས་དག་པ་ལྟ་བྱེད་ཅིང ། །རྡོ་རྗེ་ལྟ་བས་བུད་མེད་དེ། །བལྟས་ན་ཡང་ནི་དགའ་བར་འགྱུར་ཞེས་བཅོམ་ལྡན་འདས་པད་མ་འཛིན་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་རིན་ཆེན་ཏིང་འཛིན་གནས། །ལག་པ་གཉིས་ཀྱིས་ནོར་བུ་བཟུང ། །ཧཱུཾ་ཞེས་བྱ་བའི་ཚུལ་གྱིས་ནི། །བུད་མེད་ཀུན་ལ་འདུད་བྱེད་དོ་ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །རིགས་ཐམས་ཅད་ཀྱི་ལས་ཀྱི 91.140b དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེག་ས་པའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། མཆོད་པའི་ལས་ཀྱི་ཆོ་གར་སྦྱར། །གང་དང་གང་གི་དགོས་བསམས་པ། །དེ་དང་དེ་ནི་གསོལ་བཏབ་སྟེ། །མཁས་པས་ཕྱག་རྒྱ་བསྒྲུབ་པར་བྱ་ཞེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །གསང་བའི་མཆོད་པའི་ཆོ་གར་སྦྱར། །དགོས་པ་གང་ཞིག་སྨྲས་པ་དེ། །མྱུར་དུ་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། ཁྲོ་བོའི་ཏིང་འཛིན་ཞུགས་ནས་ཀྱང ། །རིགས་ཀྱི་གསང་བའི་མཆོད་ཆེན་བྱས། །མཁས་པས་ཅུང་ཟད་གང་བསམས་པ། །དེ་ནི་མྱུར་དུ་དངོས་གྲུབ་འགྱུར་ཞེས་བཅོམ་ལྡན་འདས་རྡོ་རྗེ་ཁྲོ་བོས་གསུངས་སོ། །དེ་ལ་འདི་ནི་པད་མའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོའི་ཏིང་འཛིན་གྱིས། །ཡིད་ཀྱིས་མཆོད་པ་བྱས་ནས་ཀྱང ། །མཁས་པས་དགོས་པ་གང་བསམས་པ། །དེ་ཡི་དངོས་གྲུབ་ཐམས་ཅད་ཐོབ་ཅེས་བཅོམ་ལྡན་འདས་པད་མ་འཛིན་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། རྡོ་རྗེ་སྙིང་པོའི་ཏིང་འཛིན་གྱིས། །བདུག་པ་ལ་སོགས་མཆོད་བྱས་ལ། །མཁས་པས་དགོས་པ་གང་བསམས་པ། །དེ་ཀུན་སྐད་ཅིག་ཉིད་འགྲུབ་འགྱུར་ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་ལས་ཀྱི་དགོས་པའི 91.141a དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒོམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་བྱིན་གྱིས་བརླབས་ཀྱི་རྣལ་འབྱོར་གྱི་དངོས་གྲུབ་ཀྱི་རྒྱུད་དེ། སངས་རྒྱས་རྣལ་འབྱོར་ཏིང་འཛིན་གྱིས། །རྡོ་རྗེ་ཕྲ་མོའི་ཚུལ་གྱིས་ནི། །སངས་རྒྱས་ཕྱག་རྒྱ་རབ་བསྒྲུབས་པས། །དངོས་གྲུབ་དམ་པ་ཐོབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སེམས་དཔའི་བྱིན་གྱིས་བརླབས་ཀྱི་རྣལ་འབྱོར་གྱི་དངོས་གྲུབ་ཀྱི་རྒྱུད་དེ། ཀུན་གྱི་བདག་ཉིད་སེམས་དཔའ་ནི། །བདག་གི་ལུས་ལ་གནས་པ་སྟེ། །སེམས་དཔའ་བདག་ཅེས་བྱིན་བརླབས་ལ། །བདག་ཅེས་བྱ་བའི་ང་རྒྱལ་གྱིས། །བསྒོམས་ན་འགྲུབ་པར་འགྱུར་རོ་ཞེས། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་འདུས་པའི་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་རྡོ་རྗེའི་བྱིན་གྱིས་བརླབས་པའི་རྣལ་འབྱོར་གྱི་རྒྱུད་དེ། སེམས་དཔའ་ཇི་བཞིན་ཕྱག་རྒྱ་བཞིན། །ཕྱག་རྒྱ་ཇི་བཞིན་བདག་དེ་བཞིན། །ཆོ་ག་འདི་ཡི་ཚུལ་གྱིས་ནི། །ཕྱག་རྒྱ་ཐམས་ཅད་བསྒྲུབ་པར་བྱ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པད་མའི་རིགས་ཀྱི་ཆོས་ཀྱིས་བྱིན་གྱིས་བརླབས་པའི་རྣལ་འབྱོར་གྱི་རྒྱུད་དེ། ཆོས་ཀྱི་ཕྱག་རྒྱའི་ཚུལ་གྱིས་ནི། །རྡོ་རྗེ་ཕྲ་མོ་བསྒོམས་བྱས་ལ། །ངག་གྀ་ཕྱག་རྒྱས་དེ་དག་ཀུན། །སེམས་དཔའ་ཆེན་པོའི་ཏིང་ངེ་འཛིན་ཅེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུ་རིགས་ཀྱི་ལས་ཀྱིས་བྱིན་གྱིས་བརླབས་པའི་རྣལ་འབྱོར་གྱི་རྒྱུད་དེ། སངས་རྒྱས་ཀུན་ལ 91.141b དབང་བསྐུར་དང ། །མཆོད་དང་དམ་ཚིག་དངོས་གྲུབ་རྣམས། །བཅོམ་ལྡན་འདས་ཞེས་བསྒོམས་ནས་ཀྱང ། །རྡོ་རྗེ་ལས་རྣམས་བསྒྲུབ་པར་བྱ་ཞེས་བཅོམ་ལྡན་འདས་རྡོ་རྗེ་ལས་ཀྱིས་གསུངས་སོ། །རིགས་ཐམས་ཅད་ཀྱི་ཕྱག་རྒྱ་སྒོམ་པའི་དངོས་གྲུབ་ཀྱི་རྒྱུད་དོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཁོར་ལོས་སྒྱུར་བ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ནོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་བརྟག་པ་ཐམས་ཅད་ཀྱི་གསང་བའི་རྒྱུད་ཕྱི་མའི་ཆོ་ག་རྒྱས་པ་རྫོགས་སྷོ།། །། བམ་པོ་དགུ་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ཚིགས་སུ་བཅད་པ་འདི་གསུངས་སོ། །ལྟ་བ་ངན་ཅིང་ཆགས་བྲལ་ལ། །གསང་བ་འདི་ནི་མི་རིགས་ཏེ། །སེམས་ཅན་ཀུན་ལ་ཕན་དོན་དུ། །དེ་བཞིན་ཆོ་ག་བཤད་པར་བྱ། །དེ་ནས་ཡང་བྱང་ཆུབ་སེམས་དཔའ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡོ་བྱད་དང་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡོ་བྱད་དང་ཆོ་ག་རྒྱས་པའི་རྒྱུད་དེ། དེ་ལ་འདི་ནི་སྙིང་པོའི་ཡོ་བྱད་དང་ཆོ་ག་རྒྱས་པའི་རྒྱུད་ཡིན་ཏེ། དཀྱིལ་འཁོར་ཆེན་པོ་མཐོང་ནས། བདུག་པ་དང ། མར་མེ་དང ། མེ་ཏོག་དང ། དྲིའི་ཕྱག་རྒྱ་རྣམས་ཀྱིས་མཆོད་པ་བྱས་ཏེ། དེ་ནས་རྡོ་རྗེ་ཚིག་གིས་བཟླས་པ་བརྩམ 91.142a པར་བྱའོ། །དེ་ལ་འདི་ནི་བཟླས་པའི་ཆོ་ག་རྒྱས་པའི་རྒྱུད་དེ། ཟླ་བ་བཞིར་གནས་ཇི་བཞིན་པར་འདུག་སྟེ། དུས་བཞིར་བདུག་པ་ལ་སོགས་པས་ཆོ་ག་བཞིན་དུ་མཆོད་ནས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་མཚན་བརྒྱ་རྩ་བརྒྱད་པས་དེ་བཞིན་གཤེགས་པ་ཐམས་ཅད་ལ་བསྟོད་དེ། ཕྱག་རྒྱ་བཞིས་ཕྱག་བྱ་བའི་ཚུལ་གྱིས་ཕྱག་བྱས་ལ་སྔགས་འདི་བཞིས་བདག་གི་ལུས་དབུལ་ཞིང་མཆོད་པ་བྱའོ། །ོཾ་སརྦ་ཏ་ཐཱ་ག་ཏ་པཱུ་ཛོ་པསྠཱ་ནཱ་ཡ་ཨཱཏ་མཱཾ་ནཾ་ནིར་ཡཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་སཏྭཱ་ཏིཥྠ་ས་མཱཾ། ཨོཾ་སརྦ་ཏ་ཐཱ་ག་ཏ་པཱུ་ཛཱ་ཨ་བྷི་ཥེ་ཀཱ་ཡ་ཨཱཏ་མཱ་ནཾ་ནིར་ཡཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ། ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟེ་ནཱ་ཡ་ཨཱཏྨ་ནཾ་ནིར་ཡཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་དྷརྨ་པྲ་བརྟ་ཡ་མཱཾ། ཨོཾ་སརྦ་ཏ་ཐཱ་ག་ཏ་པཱུ་ཛཱ་ཀརྨ་ནེ་ཨཱཏ་མཱ་ནཾ་ནིར་ཡཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཱཾ། དེ་ནས་འདོད་པའི་ཡོན་ཏན་ཐམས་ཅད་ལ་ཆགས་པ་དང་མ་བྲལ་ལ་ཁ་ཟས་ཀུན་དང་འདོད་པ་ཀུན་ལ་ཉེ་བར་སྤྱོད་ཅིང་བདག་ཉིད། སྙིང་པོའི་དོན་དུ་སངས་རྒྱས་ཀྱི་གཟུགས་བརྙན་མདུན་དུ་ཚིག་ཙམ་གྱིས་ཀྱང་བསྒོམས་ལ་ཅི་དགའ་བར་བྱེད་ཅིང་རྡོ་རྗེ་ཚིགས་གིས་ལན་བརྒྱ་རྩ་བཟླས་ན་མྱུར་བར་དངོས་གྲུབ་ཏུ་འགྱུར་རོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །ཅི་སྟེ་བླ་ན་མེད་པའི་དངོས་གྲུབ་འདོད་ན་དེ་ནི་རས་ལ་བཅོམ་ལྡན་དེ་བཞིན་གཤེགས་པ་ནི་དབུས་ན་བཞུགས། དེའི་སེམས་དཔའ་ཆེན་པོ་བཞི་དཀྱིལ་འཁོར་གྱི་ཚུལ་དུ་ཁ་དོག་དང་རྒྱན་རྣམས་ཅི་དགའ་བར་བྱ་སྟེ། བྲི་ཞིང་སེམས་དཔའ་ཆེན་པོ་རྣམས་ཟླ་བའི་དཀྱིལ་འཁོར་ལ་བཞུགས་ལ་རིགས་ཀྱི་ལྷ་མོ་རྣམས་གྲཝ་རྣམས་སུ་བྲིའོ། །དེ་ནས་རི་མོའི་སྐུ་གཟུགས་ལ་མཆོད་པ་རྒྱ་ཆེར་བྱས་ལ་ཛབ་བྱ་བའི་ཚུལ་ཇི་ལྟ་བ་བཞིན་དུ་ཟླ་བ་བཞིའི་བར་དུ་བཟླས་པར་བྱའོ། །དེ་ནས 91.142b མཐར་མཆོད་པ་རྒྱ་ཆེར་བྱས་ལ་མཚན་ཐོག་ཐག་བཟླས་པར་བྱའོ། །དེ་ནས་ནམ་ལངས་པ་དང་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ལ་སོགས་པའི་དངོས་གྲུབ་དམ་པ་ཐོབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཡང་ན་ཕྱག་རྒྱ་བསྒྲུབ་པར་འདོད་ན་ནི་དེས་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་མའི་ཕྱག་རྒྱ་བཅིངས་ལ་རི་མོའི་སྐུ་གཟུགས་ཀྱི་ཕྱག་རྒྱའི་སྤྱན་སྔར་ཅི་དགའ་བ་བཞིན་དུ་ཇི་ལྟ་བ་བཞིན་བཅིངས་ཞིང་བཀྲོལ་ཏེ་རྡོ་རྗེའི་ཚིག་འབུམ་བཟླས་པར་བྱའོ། །དེ་ནས་མཐར་མཚན་ཐོག་ཐག་ངལ་མི་བསོ་བར་ཅུང་ཟད་ཙམ་ཞིག་ཕྱག་རྒྱ་བཀྲོལ་ཏེ། ཇི་ལྟ་བ་བཞིན་བཅིངས་ནས་བཟླས་བརྗོད་བྱའོ། །དེ་ནས་ཕྱག་རྒྱ་འབར་ཞིང་འབབ་ལ་འཕར་ཞིང་ཉུང་བར་སྨྲ་བར་འགྱུར་རོ། །དེ་ནས་ཕྱག་རྒྱ་བཅིངས་བཞིན་དུ་ནམ་མཁའ་ལ་ལྡིང་བར་འགྱུར་རོ། །གཟུགས་ཅི་དགའ་བ་དང ། མི་སྣང་བ་དང་ལས་ཐམས་ཅད་ཀྱང་བྱེད་པར་འགྱུར་རོ། །བཅིངས་མ་ཐག་ཏུ་ཕྱག་རྒྱ་ཐམས་ཅད་ཀྱིས་ཀྱང་ལས་ཐམས་ཅད་ཇི་ལྟ་བ་བཞིན་བྱེད་པར་འགྱུར་རོ། །བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཡང་ན་ཏིང་ངེ་འཛིན་བསྒྲུབ་པར་འདོད་ན་ནི། དེས་རྡོ་རྗེ་ཕྲ་མོ་ནས་བརྩམས་ཏེ། ཏིང་ངེ་འཛིན་དེ་གང་ལ་དགའ་བའི་སྙིང་པོའི་རྣལ་འབྱོར་གྱི་ཚུལ་དུ་ཟླ་བ་བཞིའི་བར་དུ་བསྒོམས་ལ། དེ་ནས་མཐར་མཚན་ཐོག་ཐག་སྐྱིལ་མོ་དཀྲུང་མི་ཞིག་པར་སྙོམས་པར་ཞུགས་ཏེ་འདུག་པར་བྱའོ། །དེ་ནས་ནམ་ལངས་པ་དང་དེ་བཞིན་གཤེགས་པ་ལ་སོགས་པའི་དངོས་གྲུབ་ཐམས་ཅད་མངོན་སུམ་དུ་འགྱུར་རོ། །དེ་ནས་ཇི་ལྟ་བུ་འདོད་པ་དེ་ལྟ་བུ་ཐོབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །ཅི་སྟེ་ལས་བསྒྲུབ་པར་འདོད་ན་ཡང་དེ་བཞིན་དུ་བཟླས་ཞིང་ཟླ་བ་གཅིག་གི་བར་དུ་བསྒྲུབས་ལ། དེ་ནས་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ལས་ཐམས་ཅད་ཀྱི་དངོས་གྲུབ་ཏུ་འགྱུར 91.143a རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ལས་ཤིག་བྱ་བར་འདོད་ན་ཡང་ལན་གཅིག་བརྗོད་པ་ཙམ་གྱིས་བདག་དང་གཞན་དང་གྲོང་དང་གྲོང་ཁྱེར་རྣམས་གོ་ཆ་བཅིང་བ་ལ་སོགས་པས་བསྲུངས་པར་འགྱུར་རོ། །དབབ་པ་ཡང་བྱ་སྟེ་ཙན་དན་དྲི་ཞིམ་པོས་གདོན་གྱིས་ཟིན་པ་དང ། གདོན་གྱིས་མ་ཟིན་པ་རྣམས་རྡོ་རྗེ་དང ། ལྕགས་ཀྱུ་དང་མདའ་དང ། ལག་པ་དང ། རིན་པོ་ཆེ་དང ། ཉི་མ་དང ། རྒྱལ་མཚན་དང་སོའི་ཕྲེང་བ་དང་པད་མ་དང ། རལ་གྲི་དང ། འཁོར་ལོ་དང ། ལྕེ་དང་རྡོ་རྗེ་རྒྱ་གྲམ་དང ། གོ་ཆ་དང་མཆེ་བ་དང ། ཁུ་ཚུར་གྱི་ཕྱག་རྒྱ་ལ་སོགས་པ་དངོས་པོ་ཐམས་ཅད་ལ་ལན་གཅིག་བརྗོད་པས་འབེབས་པར་བྱེད་དོ། །སྒྱུ་མའི་ལས་ཀྱང་བྱེད་དེ། རྨ་བྱའི་མཇུག་སྒྲོའི་ནང་དུ་རྡོ་རྗེ་བཅུག་སྟེ་བཅིངས་ལ། དེ་ནས་རྨ་བྱའི་འཇུག་སྒྲོ་དེ་སེམས་དཔའ་རྡོ་རྗེ་མའི་ཕྱག་རྒྱས་མནན་ལ། དེ་བཞིན་གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་མའི་ཕྱག་རྒྱ་བབས་ཀྱི་བར་དུ་བཟླས་པར་བྱའོ། །དེ་ནས་རྨ་བྱའི་མཇུག་སྒྲོ་ལས་གཟུགས་སྣ་ཚོགས་པ་ལ་སོགས་པར་སྣང་བར་འགྱུར་ཏེ། དེ་ཕྱིན་ཅད་རྨ་བྱའི་མཇུག་སྒྲོ་རང་གི་ལུས་ལ་ཆོ་ག་བཞིན་དུ་གཟུགས་ཐམས་ཅད་ཀྱང་སྟོན་ཏེ། མཇུག་སྒྲོ་དེ་ཉིད་ལན་གཅིག་བཟླས་ཏེ། བསྐོར་བས་ཀྱང་བདག་ཉིད་ལས་གཟུགས་ཐམས་ཅད་སྣང་བར་འགྱུར་རོ། །མཇུག་སྒྲོ་དེ་ཉིད་ཀྱིས་འཇིག་རྟེན་པའི་སྒྱུ་མའི་ལས་རྣམས་ཀྱང་སྟོན། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་གཟུགས་བརྙན་ཡང་སྟོན། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ན་དེ་བཞིན་གཤེགས་པའི་འཁོར་གྱི་དཀྱིལ་འཁོར་དང་བཅས་པ་རྣམས་ཀྱིས། བདུད་སྡེ་དང་བཅས་པ་རྣམས་འདུལ་བ་ལ་སོགས་པ་རྣམས་རྫུ་འཕྲུལ་གྱིས་རྣམ་པར་རོལ་པ་ལ་སོགས་པ་མཛད་པ་རྣམས་ཀྱང་སྟོན་པ་ནས། བདག་ཉིད་ལས་རྣམས་པའི་མཆོག་ཐམས་ཅད་དང་ལྡན་པའི་སངས་རྒྱས་ཀྱི་སྐུ་གཟུགས་ཀྱང་སྟོན་པའི་བར་དུའོ། །ཅི་སྟེ་དབང་དུ་བྱེད་པར་འདོད་ན་ཡང་དེ་བཞིན་གཤེགས་པ་ཐམས 91.143b ཅད་ཀྱི་སེམས་མའི་རྡོ་རྗེ་མའི་ཕྱག་རྒྱ་བཅིངས་ལ་ཕྱག་རྒྱ་དེ་འབར་བར་གྱུར་གྱི་བར་དུ་བཟླས་པར་བྱའོ། །དེ་ནས་དེ་ཕྱིན་ཆད་ཕྱག་རྒྱ་བཅིངས་པ་ཙམ་གྱིས་དེ་བཞིན་གཤེགས་པ་ཐམས་ཅད་མཉེས་པར་བྱེད་ཅིང་དབང་དུ་བྱེད་ན་སེམས་དཔའ་གཞན་ལྟ་སྨོས་ཀྱང་ཅི་དགོས། ཅི་སྟེ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་བསྒྲུབ་པར་འདོད་ན་ཡང་དེས་དང་པོ་ཁོ་ནར་དེ་བཞིན་དུ། བཟློས་ཤིང་ཟླ་བ་གཅིག་ཏུ་བརྒྱད་སྟོང་བཟླས་ལ་དེ་ནས་མཐར་ཕྱག་རྒྱ་བཅིངས་ཏེ་དེ་བཞིན་དུ་མཚན་ཐོག་ཐག་ཕྱག་རྒྱ་འབར་གྱི་བར་དུ་བཟླས་པར་བྱའོ། །དེ་ཕྱིན་ཅད་ཕྱག་རྒྱ་བཅིངས་པ་ཙམ་གྱིས་འཇིག་རྟེན་གྱི་དངོས་གྲུབ་གང་ཡང་རུང་བ་གཅིག་ཏུ་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་བཞིན་གཤེགས་པའི་རིགས་ཀྱི་ཡོ་བྱད་དང་ཆོ་ག་རྒྱས་པ་རྫོགས་སྷོ།། །། དེ་ནས་རྡོ་རྗེ་རིགས་ཀྱི་ཡོ་བྱད་དང་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོར་ནི་སྔར་བསྙེན་པ་བྱ་སྟེ། དེ་ལྟར་ཅི་འདོད་པ་བཞིན་དུ་ཡི་གེ་འབྲུ་འབུམ་བཟླས་པར་བྱའོ། །དེའི་མཐར་མཚན་ཐོག་ཐག་ཏུ་བཟླས་པ་བྱས་ལ་དེ་ཕྱིན་ཆད་སེམས་ཅན་ཐམས་ཅད་ལ་ཕན་གདགས་པ་དང ། ཆད་པས་གཅད་པར་ནུས་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །འོན་ཏེ་བསྒྲུབ་པར་འདོད་ན་ཡང ། དེས་ཇི་ལྟ་བ་བཞིན་དུ་རི་མོའི་སྐུ་གཟུགས་བྲིས་ལ། དེས་དེ་བཞིན་དུ་མཆོད་པ་བྱས་ནས་ཟླ་བ་གཅིག་ཏུ་འདོད་པ་ཀུན་ལ་ལོངས་སྤྱོད་ཅིང་ཅི་དགའ་བ་བཞིན་དུ་བྱས་ནས་བརྒྱ་སྟོང་དུ་བཟླས་པར་དུས་བཞིར་རྡོ་རྗེའི་ཚིག་གིས་ཟློས་ཞིང་ཟླ་བའི་མཐར་ཕྱིན་པ་དང ། རི་མོའི་གཟུགས་ལ་མཆོད་པ་རྒྱ་ཆེར་བྱས་ནས་རྡོ་རྗེ་ཧཱུཾ་ཞེས་བྱ་བའི་ཕྱག་རྒྱ་བཅིངས་ལ་ཕྱག་རྒྱ་བཅིངས་པ་དེ་ལས་ཧཱུཾ་ཞེས་བྱ་བའི་སྒྲ་བྱུང་གི་བར་དུ་བཟླས་པར་བྱའོ། །དེ་ནས་ནམ་ལངས་པ་དང་ལྷ་རྣམས་ཀྱི་དབང་པོ་དབང་ཕྱུག་ཆེན་པོ་ལ་སོགས་པ་འཁོར་དང་བཅས་པ་རྣམས་མདུན་དུ 91.144a གནས་ནས་བཀའ་ནོད་པར་འགྱུར་རོ། །དེ་ནས་རིགས་འཛིན་གྱིས་འདི་སྐད་དུ་བསྒོ་བར་བྱའོ། །གང་གི་ཚེ་ངས་ཁྱོད་ཚུར་ཤོག་འདི་བྱོས་ཤིག་།ཅེས་བསྒོ་བ་དེའི་ཚེ་ན་ཁྱོད་འདིར་འོངས་ལ་ངའི་བཀའ་བཞིན་བྱོས་ཤིག་།དེ་ཕྱིན་ཅད་འཇིག་རྟེན་གསུམ་པོ་མཐའ་དག་གི་བདག་པོར་འགྱུར་ཏེ། ཡུད་ཙམ་གྱིས་ཀྱང་ས་གསུམ་པ་ཐམས་ཅད་ལ་ཅི་དགར་བཀའ་སྩོལ་ཅིང ། བསྐོར་ཏེ་སླར་འོངས་ནས་ཀྱང་ཕན་གདགས་པ་དང ། ཆད་པས་གཅད་པ་རྣམས་བྱེད་ཅིང་ལྷ་རྫས་ཀྱི་འཇིག་རྟེན་གསུམ་ལོངས་སྤྱོད་ལ་ཉེ་བར་སྤྱད་ནས་ཇི་ལྟར་དགའ་བ་བཞིན་དུ་བྱེད་ཅིང་ལྷ་ཐམས་ཅད་ཀྱི་དབང་པོའི་བུད་མེད་ལ་སོགས་པ་བུད་མེད་ཐམས་ཅད་མགུ་བར་བྱས་ནས། ཉེ་བར་སྤྱད་ཀྱང་དེ་ལ་སུ་གང་གིས་བྱས་ཀྱང་གནོད་པར་བྱེད་ནུས་པ་མེད་དེ་ཧཱུཾ་ཞེས་བྱ་བས་ལྷ་ལ་སོགས་པ་མ་རུངས་པ་ཐམས་ཅད་གནོན་ཅིང་དེ་ནས་བསྐལ་པ་ཆུང་ངུའི་སྟོང་གི་བར་དུ་འཚོ་བར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ཕྱག་རྒྱ་བསྒྲུབ་པར་འདོད་པ་ན་ཡང་ཇི་ལྟ་བ་བཞིན་དུ་བཟླས་པ་བྱས་ལ་བཟླས་པའི། མཐར་རྡོ་རྗེ་ཧཱུཾ་ཞེས་བྱ་བའི་དམ་ཚིག་གི་ཕྱག་རྒྱ་བཅིངས་ལ། མཚན་ཐོག་ཐག་ཏུ་བཟླས་པར་བྱའོ། །དེ་ནས་ནམ་ལངས་པ་དང་ཕྱག་རྒྱ་འགྲུབ་པར་འགྱུར་རོ། །དེ་ནས་ཧཱུཾ་ཞེས་བྱ་བ་དང་ལྡན་པར་ཇི་ལྟ་བའི་ཆོ་ག་བཞིན་དུ། ཕྱག་རྒྱ་བཅིངས་ན་ནམ་མཁའ་ལ་འགྲོ་བ་དང ། གཟུགས་སྣ་ཚོགས་སྟོན་པ་དང ། མི་སྣང་བར་འགྱུར་བ་དང ། སྒྱུ་མ་རྣམས་སྟོན་པ་དང ། ཐམས་ཅད་ལ་དབབ་པ་དང ། དགུག་པ་དང ། དབང་དུ་བྱ་བ་དང ། ཐམས་ཅད་ཀྱི་དགའ་བ་བསྐྱེད་པར་བྱ་བ་དང ། རིན་པོ་ཆེ་ཐམས་ཅད་འཕྲོག་པ་དང་འོད་ཟེར་འབར་བ་ཆེན་པོ་བསྟན་པ་དང ། རིན་པོ་ཆེའི་ཆར་འབེབས་པར་བསྟན་པ་དང ། རྒད་མོ་ཆེར་རྒད་པ་དང ། སེམས་ཅན་ཐམས་ཅད་སྦྱང་བ་དང ། གཅད་པ་དང་དབྱེ་བ་དང་དུས་ཀྱི་འཁོར་ལོས་སྒྱུར་བ་དང ། ཇི་ལྟ་བ་བཞིན་པའི་དེ་ཁོ་ན་ཉིད་བརྗོད་པ 91.144b དང ། ལས་ཐམས་ཅད་ལ་འཇུག་པ་དང ། བསྲུང་དང་རྨོངས་པ་དང་གནོན་པ་དང ། བསྡིགས་པ་དང ། བསད་པ་དང ། སེམས་ཅན་ཐམས་ཅད་ཕྱག་རྒྱ་གདབ་པ་དང ། འདོད་པའི་དགའ་བ་ལ་འཇུག་པ་དང ། དབང་བསྐུར་བ་དང ། དངོས་པོ་ཐམས་ཅད་གླུ་ལེན་དུ་བཞུགས་པ་དང ། གར་བྱེད་དུ་གཞུག་པ་དང ། དགུག་པ་དང ། གཞུག་པ་དང ། བཅིང་བ་དང ། དབབ་པ་ལ་སོགས་པ་ལས་ཐམས་ཅད་བྱེད་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་རྡོ་རྗེ་ཕྲ་མོ་བསྒྲུབ་པར་འདོད་ན་ཡང་དེས་རྡོ་རྗེ་ཧཱུཾ་ཞེས་བྱ་བའི་ཏིང་ངེ་འཛིན་དུ་བསྒོམ་ཞིང་དེ་བཞིན་དུ་བཟླས་པའི་ཚུལ་གྱིས། ཟླ་བ་གཅིག་ཏུ་བསྒྲུབ་པར་བྱ་སྟེ་དེ་ནས་མཐར་ཏིང་ངེ་འཛིན་དེ་ཉིད་ཀྱིས་མཚན་གཅིག་ཐོག་ཐག་བཟླས་པར་བྱའོ། །དེ་ནས་ནམ་ལངས་པ་དང་མངོན་པར་ཤེས་པ་ལྔར་གྱུར་ནས་སེམས་ཅན་ཐམས་ཅད་ལ་ཕན་གདགས་པ་དང ། ཚར་གཅད་པ་ནུས་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ལས་བསྒྲུབ་པར་འདོད་ན་དེ་བཞིན་དུ་ཟློས་ཞིང་ཟླ་བ་གཅིག་ཏུ་བསྒྲུབ་ལ་དེ་ནས་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ལས་ཐམས་ཅད་འགྲུབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ནས་ལས་རྣམས་བྱེད་པར་འདོད་ན་ཡང་ལན་གཅིག་བརྗོད་དེ་ཡིད་ཀྱིས་བསམ་པས་བསྲུང་བ་ལ་སོགས་པ་ལས། ཐམས་ཅད་བྱེད་པར་འགྱུར་རོ། །རྡོ་རྗེ་རིགས་ཀྱི་ཡོ་བྱད་དང་ཆོ་ག་རྒྱས་པ་རྫོགས་སྷོ།། །། དེ་ནས་པད་མའི་རིགས་ཀྱི་ཡོ་བྱད་དང་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོར་འབུམ་བཟླས་པ་བྱས་ན་བསྙེན་པ་བྱས་པར་འགྱུར་རོ། །དེ་ནས་བསྒྲུབ་པར་བྱ་སྟེ་རས་ལ་བཅོམ་ལྡན་འདས་འགྲོ་བ་ཐམས་ཅད་འདུལ་བ་ལ་སོགས་པ་བྲིས་ལ་དེའི། ཕྱོགས་ཐམས་ཅད་དུ་དཀྱིལ་འཁོར་བཞིའི་ཚུལ་དུ་སེམས་དཔའ་ཆེན་པོ་བཞི་བྲིས་ལ་གྲཝ་རྣམས་སུ་ལྷ་མོ་རྣམས 91.145a བྲིའོ། །དེ་ནས་བཟླས་པའི་ཆོ་ག་དེ་བཞིན་དུ་རྒྱས་པར་བྱས་ལ་ཟླ་བའི་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་བཅོམ་ལྡན་འདས་འགྲོ་བ་ཐམས་ཅད་འདུལ་བར་བྱོན་ཏེ་དུས་ཇི་བཞིན་པར་དམ་པའི་སྐབས་འབྱེད་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ཕྱག་རྒྱ་བསྒྲུབ་པར་འདོད་ན་ཡང་དེས་དེ་བཞིན་དུ་པད་མ་རྡོ་རྗེ་མའི་ཕྱག་རྒྱ་བཅིངས་ལ་སྟོང་ཕྲག་བརྒྱད་ཚང་བར་བརྗོད་པའི་བར་དུ་དུས་བཞིར་བཟླས་པར་བྱའོ། །དེ་ནས་མཐར་མཚན་གཅིག་ཐོག་ཐག་ཏུ་ཕྱག་རྒྱ་བཅིངས་ཏེ་བཟླས་པ་བྱས་ལ་ནམ་ལངས་པ་དང་དངོས་གྲུབ་དུ་འགྱུར་རོ། །དེ་ནས་ཕྱག་རྒྱ་བཅིངས་པས་ཇི་ལྟ་བ་བཞིན་འགྲོ་བ་ཐམས་ཅད་འདུལ་བར་བྱེད་དོ། །ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །ཅི་སྟེ་ཏིང་ངེ་འཛིན་གྱི་ཚུལ་དུ་བསྒྲུབ་པར་འདོད་ན་ཡང་དེ་བཞིན་དུ་ཟླ་བའི་མཐར་མཚན་གཅིག་ཐོག་ཐག་ཏུ་ཇི་ལྟར་དགའ་བའི་ཏིང་ངེ་འཛིན་གྱིས་བཟླས་པར་བྱའོ། །དེ་ནས་ནམ་ལངས་པ་དང་ཏིང་ངེ་འཛིན་ཐམས་ཅད་མངོན་སུམ་དུ་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ལས་བསྒྲུབ་པར་འདོད་ན་ཡང་དེ་བཞིན་དུ་བཟླས་ལ་ཟླ་བའི་མཐར་མཚན་ཐོག་ཐག་ཏུ་བཟླས་པར་བྱའོ། །དེ་ནས་ལས་ཐམས་ཅད་ནུས་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །པད་མའི་རིགས་ཀྱི་ཡོ་བྱད་དང་ཆོ་ག་རྒྱས་པ་རྫོགས་སྷོ།། །། དེ་ནས་ནོར་བུའི་རིགས་ཀྱི་ཉེ་བར་སྤྱོད་པའི་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ལ་ཕྱག་རྣམ་བཞི་བྱས་ལ་འབུམ་བཟླས་པར་བྱའོ། །དེ་ནས་དེ་བཞིན་དུ་རས་ལ་བཅོམ་ལྡན་འདས་དོན་ཐམས་ཅད་གྲུབ་པའི་དཀྱིལ་འཁོར་བཞིའི་ཚུལ་དུ་བྲིས་ལ། དེ་ནས་དེ་བཞིན་དུ་བསྒྲུབ་ལ་ཟླ་བའི་མཐར་མཚན་གཅིག 91.145b ཐོག་ཐག་ཏུ་བཟླས་པར་བྱའོ། །དེ་ནས་ནམ་ལངས་པ་དང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་རིན་པོ་ཆེ། བྱང་ཆུབ་སེམས་དཔའ་ནམ་མཁའི་སྙིང་པོ་བྱོན་ནས་དབང་བསྐུར་བ་སྦྱིན་པ་མཛད་དོ། །དབང་བསྐུར་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེར་རིག་འཛིན་གྱི་འཁོར་ལོས་བསྒྱུར་བར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ཕྱག་རྒྱ་བསྒྲུབ་པར་འདོད་ན་ཡང་དེ་བཞིན་དུ་ཆོས་ཀྱི་རྡོ་རྗེ་མའི་ཚུལ་རྡོ་རྗེ་རིན་པོ་ཆེའི་མྱུ་གུའི་ཕྱག་རྒྱ། ཇི་ལྟ་བ་བཞིན་དུ་བསྒྲུབས་ན་བསམ་པ་ཐམས་ཅད་ཀྱི་ལས་བྱེད་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ནོར་བུ་ཡེ་ཤེས་བསྒྲུབ་པར་འདོད་ན་ཡང་དེ་བཞིན་དུ་རྡོ་རྗེ་རིན་པོ་ཆེ་འབྱུང་བའི་ཏིང་ངེ་འཛིན། ཇི་ལྟ་བའི་རིམ་པ་བཞིན་དུ་བསྒོམ་པ་བྱས་ཏེ་དངོས་པོ་མེད་པའི་ནམ་མཁའ་ལས་རིན་ཆེན་ཇི་ལྟར་འབྱུང་བ་རིན་པོ་ཆེ་ལས་བྱང་ཆུབ་སེམས་དཔའི་སྐུ་ཇི་ལྟར་འབྱུང་ཞེས་བྱ་བའི་ཏིང་ངེ་འཛིན་འདི་དུས་བཞིར་བསྒོམས་ལ། ཇི་ལྟར་གོང་དུ་སྨོས་པ་བཞིན་དུ་བཟླས་པར་བྱའོ། །དེ་ནས་ཟླ་བའི་མཐར་ཏིང་ངེ་འཛིན་དེ་ཉིད་ཀྱིས་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ནམ་ལངས་པ་དང་དེ་བཞིན་གཤེགས་པ་ཐམས་ཅད་བྱོན་ནས། ཅི་དགའ་བ་བཞིན་དུ་དབང་བསྐུར་བར་འགྱུར་རོ་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །དེ་ནས་ལས་བསྒྲུབས་པ་བཤད་དེ། དེ་བཞིན་དུ་བཟླས་ལ་ཟླ་བའི་མཐར་མཚན་གཅིག་ཐོག་ཐག་བཟླས་པར་བྱའོ། །དེ་ནས་ནམ་ལངས་པ་དང ། བཅོམ་ལྡན་འདས་ནམ་མཁའི་སྙིང་པོས་དོན་ཐམས་ཅད་འགྲུབ་པར་འགྱུར་རོ། །དེ་ནས་ལས་ཐམས་ཅད་བྱེད་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ནོར་བུ་རིགས་ཀྱི་ཉེ་བར་སྦྱོང་བའི་ཆོ་ག་རྒྱས་པ་རྫོགས་སྷོ།། །། 91.146a དེ་ནས་རིགས་ཐམས་ཅད་ཀྱི་ཐུན་མོང་དུ་བསྒྲུབ་པའི་ཡོ་བྱད་དང་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོར་སྙིང་པོ་ཐམས་ཅད་ཀྱི་ཡོ་བྱད་དང་ཆོ་ག་རྒྱས་པར་བཤད་དོ། །སྙིང་པོ་བསྒྲུབ་པར་འདོད་ན་དེ་བཞིན་གཤེགས་པ་ཐམས་ཅད་ཀྱི་གྲུབ་པར་གྱུར་ཅིག་ཅེས་བརྗོད་ལ་སྙིང་པོ་ཅི་དགའ་བར་བཟླས་ཤིང་བསྒྲུབ་པའི་ཆོ་ག་བྱའོ། །དེ་ལ་འདི་ནི་ཕྱག་རྒྱའི་ཡོ་བྱད་དང་ཆོ་ག་སྟེ། ཕྱག་རྒྱ་ཐམས་ཅད་བདག་ལ་དགའ་བར་གྱུར་ཅིག་ཅེས་སྨྲས་ལ་དམ་ཚིག་གི་ཕྱག་རྒྱ་བཅིངས་ཏེ་ཅི་དགའ་བར་ཅི་ནུས་ཀྱིས་བཟླས་པར་བྱའོ། །དེ་ནས་ཅི་ལྟ་བ་བཞིན་དུ་དངོས་གྲུབ་ཏུ་འགྱུར་རོ། །དེ་ལ་འདི་ནི་སྔགས་ཐམས་ཅད་ཀྱི་ཡོ་བྱད་དང་ཆོ་ག་རྒྱས་པ་སྟེ། སྤྲོས་པ་མེད་པའི་ཚིག་གྲུབ་པར་གྱུར་ཅིག་།དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་བདག་ལ་སྐྱེ་བར་གྱུར་ཅིག་ཅེས་སྨྲས་ལ་སྔགས་ཅི་དགའ་བར། བཟླས་པ་བྱས་ཏེ་འདི་ནི་དངོས་གྲུབ་བོ། །དེ་ལ་འདི་ནི་རིག་པའི་ཡོ་བྱད་དང་ཆོ་ག་རྒྱས་པ་སྟེ། ཀྱེ་སེམས་ཅན་འདི་དག་ཐམས་ཅད་ནི་མ་རིག་པས་ལྡོངས་པར་འགྱུར། དེ་བཞིན་གཤེགས་པ་ཐམས་ཅད་ནི་རིག་པ་རྟོགས་ཤིང་སྡོམ་པར་གྱུར་ཏོ་ཞེས་སྨྲས་ལ་རིག་པ་ཅི་དགའ་བར་བཟླས་ཤིང་བསྒྲུབ་པར་བྱའོ། །ཞེས་བཅོམ་ལྡན་འདས་འཕགས་པ་རྡོ་རྗེ་འཛིན་པས་གསུངས་སོ། །དེ་ནས་སྙིང་པོ་དང ། སྔགས་དང ། ཕྱག་རྒྱ་དང ། རིགས་པ་ཐམས་ཅད་ཇི་ལྟར་བསྒོམ་པ་ཉིད་དུ་རྡོ་རྗེ་བཟླས་པའི་ཆོ་ག་རྒྱས་པ་ནི་འདི་ཡིན་ཏེ། སེམས་པ་གང་གི་སྙིང་པོ་དང ། ཕྱག་རྒྱ་དང ། གསང་སྔགས་དང ། རིག་པ་རྣམས་བཟླས་པའི་དོན་དུ་བསྒྲུབ་པར་བྱ་བ་དེ་ནི་བདག་གམ་སེམས་དཔའ་བསྒོམས་ན་བསྒྲུབ་པར་བྱ་བ་འགྲུབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་ཐུན་མོང་དུ་བཟླས་པའི་ཆོ་ག་རྒྱས་པ་རྫོགས་སྷོ།། །། 91.146b དེ་ནས་རིགས་ཐམས་ཅད་ཀྱི་ཐུན་མོང་དུ་བསྒྲུབས་པའི་ཆོ་ག་རྒྱས་པ་ནི་འདི་ལྟ་སྟེ། དེ་ལ་དང་པོ་ཁོ་ནར་དེ་བཞིན་གཤེགས་པ་རྣམས་ཀྱི་རིགས་ཀྱི་དངོས་གྲུབ་ནི་འདི་ལྟ་སྟེ། ནོར་འགྲུབ་པའི་དངོས་གྲུབ་དང ། རྫུ་འཕྲུལ་གྱི་དངོས་གྲུབ་དང ། རིག་འཛིན་ཉིད་དུ་འགྲུབ་པ་དང ། དངོས་གྲུབ་ཆེན་པོ་རྣམས་སོ། །དེ་ལ་ནོར་འགྲུབ་པ་ནི་འདི་ཡིན་ཏེ། གང་ན་གཏེར་ཡོད་པར་དོགས་པ་དེར་ཕྱག་རྒྱ་བཅིངས་ལ་རང་གི་ཏིང་ངེ་འཛིན་གྱིས་གཏེར་གྱི་གནས་དེར་རྡོ་རྗེ་འཛིན་གྱིས་གཏེར་གྱི་གནས་དེར་རྡོ་རྗེ་བལྟ་བས་བལྟ་བ་ན་ཅི་སྟེ་རྡོ་རྗེ་ལྟ་བུ་ཡར་བར་མཐོང་ན་དེ་ན་གཏེར་ཡོད་པར་ཤེས་པར་བྱའོ། །དེ་ནས་རྡོ་རྗེ་ལྕགས་སྒྲོག་གི་དམ་ཚིག་གི་ཕྱག་རྒྱ་བཅིངས་ཏེ་ས་བཀོས་ལ་ཇི་ལྟར་དགའ་བ་བཞིན་དུ་བླངས་ན་རྩོད་པ་མེད་པར་ཐོབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྫུ་འཕྲུལ་གྱི་དངོས་གྲུབ་འགྲུབ་པ་ཡིན་ཏེ། ཕྱག་རྒྱ་གང་སྒྲུབ་པར་བྱེད་ན་བཛྲ་སིད་དྷི་ཞེས་བརྗོད་པར་བྱའོ། །རྫུ་འཕྲུལ་གྱི་དངོས་གྲུབ་ནི་རྣམ་པ་བཞི་ཡོད་དེ། དེ་ནི་འདི་ལྟར་ཆུའི་སྟེང་ནས་ཕར་འགྲོ་ཞིང་འདུག་པ་ལ་སོགས་པ་དང ། དེ་བཞིན་གཤེགས་པ་ལ་སོགས་པ་ཐམས་ཅད་ཀྱི་གཟུགས་སྟོན་པ་དང ། ཇི་སྲིད་དུ་དགའ་བ་དེ་སྲིད་དུ་མི་སྣང་བར་འགྱུར་བ་དང ། ནམ་མཁའ་ལ་འགྲོ་བ་དང ། དཔག་ཚད་སྟོང་གི་སྟེང་དུ་ལྡིང་བ་དང ། འོག་ཏུ་འགྲོ་ཞིང་འོང་བ་དང ། ཕྱོགས་ཐམས་ཅད་དུ་དཔག་ཚད་སྟོང་དུ་ཅི་དགའ་བར་སོང་ལ་བསྐོར་ཏེ་སླར་འོང་བ་དང ། དཔག་ཚད་སྟོང་ཁོ་ར་ཁོར་ཡུག་གི་སེམས་ཅན་ཐམས་ཅད་ཀྱི་བསམ་པ་ཤེས་པ་དང ། དངོས་པོ་ཐམས་ཅད་མིག་གིས་མཐོང་ཞིང་རྣ་བས་ཐོས་པ་དང ། ཕྱོགས་ཐམས་ཅད་ཏུ་དཔག་ཚད་སྟོང་ཁོར་ཡུག་ན་གནས་པའི་བུད་མེད་ཐམས་ཅད་ཅི་དགའ་བར་འཕང་དུ་བླངས་ཏེ་འདུག་པ་དང ། གསེར 91.147a དང ། ནོར་བུ་དང་མུ་ཏིག་ལ་སོགས་པའི་དབྱིག་ཐམས་ཅད་དང ། ནོར་ཐམས་ཅད་ཕྲོགས་ནས་ཀྱང་སུས་ཀྱང་ཅུང་ཟད་ཀྱང་བརྒལ་མི་ནུས་ཏེ། བདག་གི་རྡོ་རྗེས་ཀྱང་མི་ཐུབ་པར་འགྱུར་ན་གཞན་གྱིས་ལྟ་སྨོས་ཀྱང་ཅི་དགོས། སྐྱེས་བུ་སྟོང་ཕྲག་བཅུ་བསྡོམས་པའི་སྟོབས་དང་ལྡན་པ་དང ། རྟག་ཏུ་ནད་མེད་པ་དང་ལྡན་པ་དང ། རྟག་ཏུ་འདོད་པ་ཐམས་ཅད་ལོངས་སྤྱོད་པ་དང་ལྡན་པ་དང ། རྟག་ཏུ་དར་ལ་བབ་ཅིང་ལྷའི་གཟུགས་དང་ལྡན་པ་དང ། རྡོ་རྗེ་སེམས་དཔའ་དང་བཅས་པའི་དེ་བཞིན་གཤེགས་པ་ཐམས་ཅད་མཐོང་ཞིང་རྡོ་རྗེའི་དངོས་གྲུབ་བླ་ན་མེད་པས་མཆོད་པ་བྱེད་ཅིང་ལོ་སྟོང་ཕྲག་བཅུ་བཞིའི་བར་འཚོ་བར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དངོས་གྲུབ་ཀྱིས་གསུངས་སོ། །དེ་ལ་འདི་ནི་རྡོ་རྗེ་རིགས་འཛིན་གྱི་དངོས་གྲུབ་འགྲུབ་པ་ཡིན་ཏེ། ཕྱག་རྒྱ་སྒྲུབ་པ་ན་རྡོ་རྗེ་རིགས་འཛིན་ཅེས་བརྗོད་ལ་འགྲུབ་པ་དང་རྡོ་རྗེ་རིག་འཛིན་གྱིས་འཁོར་ལོས་སྒྱུར་བར་འགྱུར་ཏེ། འདོད་པ་ཐམས་ཅད་ལ་ལོངས་སྤྱོད་པ་དང་ལྡན་པ་དང ། སངས་རྒྱས་ཀྱི་ཞིང་ཐམས་ཅད་དུ་སྐད་ཅིག་གིས་བསྐོར་ཏེ། སླར་འོང་ཞིང་བདེ་བ་ཐམས་ཅད་ལ་ཡོངས་སུ་སྤྱོད་པ་དང ། ལོ་བཅཝོ་བརྒྱད་པའི་ན་ཚོད་དང་ལྡན་པ་དང ། སྐྲ་འཁྱིལ་བ་དང་ལྡན་པ་དང ། རྡོ་རྗེ་ཆེན་པོའི་རིག་འཛིན་དུ་གྱུར་ནས་དེ་བཞིན་གཤེགས་པ་ཐམས་ཅད་དང་རྡོ་རྗེ་སེམས་དཔའ་ཐམས་ཅད་མཐོང་ཞིང་བསྐལ་པ་ཆེན་པོའི་བར་དུ་གནས་པར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིག་འཛིན་གྱིས་གསུངས་སོ། །དེ་ལ་འདི་ནི་དངོས་གྲུབ་ཆེན་པོ་འགྲུབ་པ་ཡིན་ཏེ། བདག་ཉིད་ཕྱག་རྒྱའི་སྙིང་པོ་དོན་དུ་བདག་ཉིད་ཀྱིས་ཕྱག་རྒྱ་བསྒྲུབས་ན་སེམས་དཔའི་གཟུགས་སུ་གྱུར་ནས་སྐད་ཅིག་གཅིག་གིས་ཀྱང 91.147b ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་གཟུགས་སྣ་ཚོགས་ཀྱིས་བྱ་བ་སྣ་ཚོགས་བྱེད་པ་དང ། །དེ་བཞིན་གཤེགས་པ་རྡོ་རྗེ་སེམས་དཔར་བཅས་པ་ཐམས་ཅད་མཐོང་ནས་རྣམ་པའི་མཆོག་ཐམས་ཅད་དང་ལྡན་པའི་དེ་བཞིན་གཤེགས་པའི་མཆོད་པས་ཡང་དག་པར་མཆོད་ནས་སེམས་ཅན་མ་ལུས་ཤིང་ལུས་པ་མེད་པ་རྣམས་ཀྱི་དོན་བྱས་ནས་སླར་འོངས་ཏེ་འཇིག་རྟེན་གྱི་ཁམས་ཐམས་ཅད་རྣམ་པའི་མཆོག་ཐམས་ཅད་དང་ལྡན་པའི་འདོད་པ་ཐམས་ཅད་དང ། བདེ་བ་དང ། ཡིད་བདེ་བ་ཐམས་ཅད་ལ་སྤྱོད་ཅིང་རྡོ་རྗེ་སེམས་དཔའ་དང་མཉམ་པའི་བྱང་ཆུབ་སེམས་དཔའ་སེམས་དཔའ་ཆེན་པོར་གྱུར་ནས་ཚེའི་ཚད་མ་ལུས་ཤིང་ལུས་པ་མེད་པའི་བསྐལ་པ་ཆེན་པོའི་ཚད་དུ་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པའི་ཐབས་ཀྱི་དངོས་གྲུབ་ཆེན་པོས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དངོས་གྲུབ་སྟེ། དེ་ཡང་འདི་ལྟར་གསུམ་ལས་རྣམ་པར་རྒྱལ་བའི་དངོས་གྲུབ་དང ། དབང་ཐམས་ཅད་ཀྱི་དངོས་གྲུབ་དང ། བདེ་བ་དང་ཡིད་བདེ་བ་ཐམས་ཅད་ཀྱི་དངོས་གྲུབ་དང ། དངོས་གྲུབ་དམ་པ་རྣམས་སོ། །དེ་ལ་འདི་ནི་འཇིག་རྟེན་གསུམ་ལས་རྣམ་པར་རྒྱལ་བའི་དངོས་གྲུབ་ཡིན་ཏེ། ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་ལ་དབང་ཕྱུག་ཆེན་པོ་རྐང་པ་གཡོན་པས་མནན་ཏེ་བསྒྲུབ་པར་བྱའོ། །དེ་ནས་གཟུགས་དེ་སྐད་འབྱིན་པ་དང་ཧཱུཾ་ཞེས་བྱ་བར་བརྗོད་པར་བྱའོ། །ཧཱུཾ་ཞེས་བརྗོད་པ་ཙམ་གྱིས་དབང་ཕྱུག་ཆེན་པོ་ལ་སོགས་པ་འཇིག་རྟེན་གསུམ་པོ་ཐམས་ཅད་ཀྱི་བདག་པོ་འཁོར་དང་བཅས་པ་རྣམས་སྒྲུབ་པའི་མདུན་དུ་བཀའ་ཉན་ཅིང་དབང་དུ་འགྱུར་རོ། །ད་ཕྱིན་ཅད་འཇིག་རྟེན་གསུམ་པོ་ཐམས་ཅད་ཀྱི་བདག་པོ་རྡོ་རྗེ་འཛིན་པར་འགྱུར་ཏེ་ནམ་མཁའ་ལ་འགྲོ་ཞིང་འཇིག་རྟེན་གསུམ་པོ་འཁོར་ལོ་ཐམས་ཅད་ཀུན་དུ 91.148a བསྐོར་ཏེ་སླར་འོངས་ནས་ལྷ་མ་རུངས་པ་ལ་སོགས་པ་སེམས་ཅན་ཐམས་ཅད་ཧཱུཾ་ཞེས་བྱ་བས་འདུལ་བར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཧཱུཾ་ཞེས་བྱ་བའི་གཟུགས་དང་ལྡན་པས་འཇིག་རྟེན་གསུམ་པོ་ཐམས་ཅད་ལ་བཀའ་སྩོལ་ཅིང་རྡོ་རྗེ་སེམས་དཔར་བཅས་པའི་དེ་བཞིན་གཤེགས་པ་ཐམས་ཅད་མཐོང་ནས་མཉེས་པར་བྱེད་ཅིང་ལོ་སྟོང་དུ་འཚོ་བར་བྱེད་པར་བཅོམ་ལྡན་འདས་རྡོ་རྗེ་ཧཱུཾ་ཞེས་བྱེད་པས་གསུངས་སོ། །དེ་ལ་འདི་ནི་དབང་ཐམས་ཅད་ཀྱི་དངོས་གྲུབ་སྟེ། ཕྱག་རྒྱ་བསྒྲུབ་པ་ན་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་རིན་པོ་ཆེའི་དམ་ཚིག་གི་ཕྱག་རྒྱས་དང་པོར་བདག་ཉིད་དབང་བསྐུར་ལ་བསྒྲུབ་པར་བྱ་སྟེ། དེ་ནས་གྲུབ་པ་དང་དབང་རྣམ་པ་བཞིར་འགྱུར་ཏེ། རྡོ་རྗེའི་དབང་དང ། རིན་པོ་ཆེའི་དབང་དང ། ཆོས་ཀྱི་དབང་དང ། ལས་ཀྱི་དབང་རྣམས་སོ། །དེ་ལ་རྡོ་རྗེའི་དབང་ཐོབ་ན་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་འཛིན་པར་འགྱུར་རོ། །རིན་པོ་ཆེའི་དབང་ཐོབ་ན་རིན་པོ་ཆེ་ཐམས་ཅད་ཀྱི་བདག་པོར་འགྱུར་རོ། །ཆོས་ཀྱི་དབང་གིས་ནི་ཆོས་ཐམས་ཅད་ཀྱི་རྒྱལ་པོར་འགྱུར་རོ། །ལས་ཀྱི་དབང་གིས་ནི་འཇིག་རྟེན་ལས་འདས་པའི་ལས་ཐམས་ཅད་ཀྱི་དངོས་གྲུབ་ཐོབ་པར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་གིས་གསུངས་སོ། །དེ་ལ་འདི་ནི་བདེ་བ་དང་ཡིད་བདེ་བ་ཐམས་ཅད་ཀྱི་དངོས་གྲུབ་སྟེ། དེ་ཡང་འདི་ལྟར་རྟག་ཏུ་གསང་བའི་མཆོད་པ་རྣམས་ཀྱིས་དེ་བཞིན་གཤེགས་པ་ཐམས་ཅད་ལ་མཆོད་པ་བྱས་ན། དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་བདེ་བ་ཐམས་ཅད་ཀྱི་དངོས་གྲུབ་ཐོབ་པར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་བདེ་བ་ཐམས་ཅད་ཀྱིས་གསུངས་སོ། །དེ་ལ་འདི་ནི་དངོས་གྲུབ་དམ་པ་སྟེ། དེ་ཡང་ཇི་ལྟར་རྡོ་རྗེ་འཛིན་པ་དང་བདག 91.148b མཉམ་མོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་དག་ནི་པད་མའི་རིགས་ཀྱི་དངོས་གྲུབ་རྣམས་ཏེ། དེ་ནི་འདི་ལྟར་མཉེས་པར་བྱ་བ་དང ། དབང་དུ་བྱ་བ་དང ། བསྲུང་བ་དང ། པད་མའི་དངོས་གྲུབ་རྣམས་སོ། །དེ་ལ་མཉེས་པར་བྱ་བའི་དངོས་གྲུབ་ནི་འདི་ཡིན་ཏེ། ཇི་ལྟར་པད་མ་འདོད་པ་བསྒོམས་ན་དེ་བཞིན་གཤེགས་པ་ཐམས་ཅད་ལ་སོགས་པ་སེམས་ཅན་ཐམས་ཅད་མཉེས་པར་བྱེད་ནུས་པར་འགྱུར་རོ། །བདག་ཉིད་འཇིག་རྟེན་དབང་ཕྱུག་རྗེས་སུ་དྲན་པར་བྱས་ན་སེམས་ཅན་ཐམས་ཅད་དབང་དུ་བྱེད་ནུས་པར་འགྱུར་རོ། །བྱམས་པས་འགེངས་པའི་ཏིང་ངེ་འཛིན་གྱིས་འགྲོ་བ་ཐམས་ཅད་བསྲུང་བ་དང ། སྦ་བ་དང ། བསྐྱབ་ནུས་པར་འགྱུར་རོ། །བདག་ཉིད་པད་མའི་ཏིང་ངེ་འཛིན་དུ་ཞུགས་ལ་པད་མ་ལག་པར་བླངས་ཏེ་བསྒྲུབས་ན་འཇིག་རྟེན་དབང་ཕྱུག་གི་གཟུགས་དང་ལྡན་པ་དང ། རྣམ་པའི་མཆོག་ཐམས་ཅད་དང་ལྡན་ཞིང་ལོ་སྟོང་ཕྲག་བཞིར་འཚོ་བར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་པད་མས་གསུངས་སོ། །དེ་ལ་འདི་དག་ནི་ནོར་བུ་རིགས་ཀྱི་དངོས་གྲུབ་རྣམས་ཏེ། དེ་ཡང་འདི་ལྟར་རིགས་ཐམས་ཅད་ཀྱི་དབང་གི་དངོས་གྲུབ་དང ། གཟི་བརྗིད་ཆེན་པོ་དང ། བསམ་པ་ཐམས་ཅད་ཡོངས་སུ་རྫོགས་པ་དང ། རིན་པོ་ཆེའི་དངོས་གྲུབ་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་དབང་གི་དངོས་གྲུབ་ནི་འདི་ལྟ་སྟེ། ཉིད་ཀྱིས་དབང་དབུལ་བ་དང ། མར་མེ་དབུལ་བ་དང ། ཅི་ནུས་ཀྱིས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བ་དང ། རིན་པོ་ཆེ་བསྒྲུབ་པའི་དངོས་གྲུབ་འདི་དག་གིས་དེ་བཞིན་གཤེགས་པ་ཐམས་ཅད་མཆོད་ན་རིང་པོ་མི་ཐོགས་པར་འགྲུབ་པར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ཐུན་མོང་བའི་དངོས་གྲུབ་ཀྱི་ཆོ་ག་རྒྱས་པ་རྫོགས་སྷོ།། །། དེ་ནས་རྟོག་པ་ཐམས 91.149a ཅད་ཀྱི་ཐབས་ཀྱི་དངོས་གྲུབ་ཀྱི་རྒྱུད་བཤད་པར་བྱའོ་ཞེས་བཅོམ་ལྡན་འདས་ཐོག་མ་དང་ཐ་མ་མེད་པའི་སེམས་དཔས་གསུངས་སོ། །དེ་ལ་དང་པོ་ཁོ་ནར་ནི་སྙིང་པོ་ཐམས་ཅད་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་འདུལ་བ་ཇི་ལྟ་བར། །དེ་འདྲ་བར་ནི་དངོས་གྲུབ་འདོད། །དེ་ཡི་ཐབས་ནི་ཕྱག་རྒྱ་སྟེ། །དངོས་གྲུབ་ཆེན་པོ་ཀུན་སྦྱིན་ནོ། །དེ་ལ་འདི་ནི་ཕྱག་རྒྱའི་ཐབས་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་འདུལ་བ་ཆགས་བྲལ་མིན། །ཕྱག་རྒྱའི་དངོས་གྲུབ་ཆགས་ལས་སྐྱེས། །དེ་ཡི་ཐབས་ནི་བསྒོམ་པ་སྟེ། །དངོས་གྲུབ་ཀུན་གྱི་མཆོག་ཏུ་འགྱུར། །དེ་ལ་འདི་ནི་སྔགས་ཀྱི་ཐབས་ཀྱི་དངོས་གྲུབ་ཀྱི་རྒྱུད་དེ། བདེན་ལས་འཇིག་རྟེན་འདི་ཉམས་པས། །སྔགས་ཀྱི་དངོས་གྲུབ་ཐོབ་མི་འགྱུར། །སྤྲོས་པ་མེད་པའི་ཐབས་ཀྱིས་ནི། །དངོས་གྲུབ་ཀུན་གྱི་མཆོག་ཏུ་འགྱུར། །དེ་ལ་འདི་ནི་རིགས་པ་ཐམས་ཅད་ཀྱི་དངོས་གྲུབ་ཀྱི་རྒྱུད་དེ། མ་རིག་མུན་ཆགས་འདི་ལ་ནི། །རིག་པའི་དངོས་གྲུབ་ཡོད་མིན་ཏེ། །དེ་ཡི་ཐབས་ནི་རྒྱ་ཆེ་བ ། །དངོས་གྲུབ་ཀུན་གྱི་མཆོག་ཐོབ་བོ། །རྟོག་པ་ཐམས་ཅད་ཀྱི་དངོས་གྲུབ་ཀྱི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་བཤད་པར་བྱའོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་དང་པོ་ཁོ་ནར་ནི་སྙིང་པོ་ཐམས་ཅད་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། མཆོད་པ་རྣམ་བཞི་བྱས་ནས་ནི། །བསོད་ནམས་ཆེན་པོ་ཐོབ་འགྱུར་ཏེ། །བསོད་ནམས་མེད་ཀྱང་སངས་རྒྱས་མཆོད། །འགྲུབ་འགྱུར་འདི་ལ་ཐེ་ཚོམ་མེད། །དེ་ལ་འདི་ནི་ཕྱག་རྒྱའི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། དམ་ཚིག་གསང་བ་བསྲུངས་ན་ནི། །བསོད་ནམས་ཆེན་པོ་ཐོབ་འགྱུར་ཏེ། །བསོད་ནམས་མེད་ཀྱང་མྱུར་བར་ནི། །དམ་ཚིག་བསྲུངས་ན་མྱུར་དུ་འགྲུབ། །དེ་ལ་འདི་ནི་སྔགས་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། སངས་རྒྱས་མཚན་ལ་སོགས་བརྗོད་ན། །བསོད་ནམས་ཆེན་པོ་ཐོབ་འགྱུར་ཏེ། །བསོད་ནམས 91.149b མེད་ཀྱང་མྱུར་བར་ནི། །ཆོས་སྦྱིན་པས་ནི་དངོས་གྲུབ་འཐོབ། །དེ་ལ་འདི་ནི་རིག་པའི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། བསོད་ནམས་ནང་ན་སྦྱིན་པ་མཆོག་།བྱིན་ན་བསོད་ནམས་ཐོབ་འགྱུར་ཏེ། །སྦྱིན་པའི་ཕ་རོལ་ཕྱིན་རྫོགས་ན། །མྱུར་དུ་སངས་རྒྱས་ཉིད་དུ་འགྲུབ། །རྟོག་པ་ཐམས་ཅད་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་ཤེས་རབ་ཀྱི་དངོས་གྲུབ་ཀྱི་རྒྱུད་བཤད་པར་བྱའོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་དང་པོ་ཁོ་ནར་སྙིང་པོ་ཤེས་རབ་ཀྱི་དངོས་གྲུབ་ཀྱི་རྒྱུད་དེ། ཡི་གེ་ཨ་ལ་འཇུག་བྱེད་ཅིང ། །ཡི་གེ་ཐམས་ཅད་རྣམ་བསྒོམས་ལ། །རང་གི་ཁ་ནས་གཞན་ཞལ་དུ། །བསྒོམས་ན་བསོད་ནམས་ཐོབ་པར་འགྱུར་ཞེས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་འཇམ་པའི་དཔལ་གྱིས་གསུངས་སོ། །དེ་ལ་འདི་ནི་ཕྱག་རྒྱའི་ཤེས་རབ་ཀྱི་དངོས་གྲུབ་ཀྱི་རྒྱུད་དེ། ཤེས་རབ་ངེས་འབིགས་ཞེས་བྱ་བ། །ཏིང་ངེ་འཛིན་ཅེས་གྲགས་པ་སྟེ། །དེས་ནི་ཕྱག་རྒྱ་མྱུར་འགྲུབ་པར། །བསྒོམས་ན་མྱུར་དུ་འགྲུབ་པར་འགྱུར་ཞེས་བཅོམ་ལྡན་འདས་ཤེས་རབ་མཆོག་གིས་གསུངས་སོ། །དེ་ལ་འདི་ནི་སྔགས་ཀྱི་ཤེས་རབ་ཀྱི་དངོས་གྲུབ་ཀྱི་རྒྱུད་དེ། ཤེས་རབ་སྒྲ་ཡི་རྗེས་འབྲང་བ། །ཏིང་འཛིན་ཚིག་ནི་རབ་སྤྲོས་པ། །དེ་བསྒོམས་ན་ནི་མྱུར་བ་ཡང ། །སྔགས་ཀྱི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་བློས་གསུངས་སོ། །དེ་ལ་འདི་ནི་རིག་པའི་ཤེས་རབ་ཀྱི་དངོས་གྲུབ་ཀྱི་རྒྱུད་དེ། རིག་དང་སྔགས་དང་ཁྱད་པར་དུ། །ཁྱད་པར་ཡོད་པ་མ་ཡིན་ཏེ། །ཤེས་རབ་བསྒོམས་ན་མྱུར་བར་ནི། །ངེས་པར་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་ཀྱིས་གསུངས་སོ། །རྟོག་པ་ཐམས་ཅད་ཀྱི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས 91.150a པའི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་ཚོགས་ཀྱི་དངོས་གྲུབ་ཀྱི་རྒྱུད་བཤད་པར་བྱའོ་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་དང་པོ་ཁོ་ནར་སྙིང་པོ་ཐམས་ཅད་ཚོགས་ཀྱི་དངོས་གྲུབ་ཀྱི་རྒྱུད་དེ། མཆོད་པ་ཐམས་ཅད་རབ་བྱས་ན། དགེ་བ་ཡི་ནི་ཆོས་རྣམས་ཀྱི། །ཚོགས་ནི་རྣམ་པར་འཕེལ་འགྱུར་ཏེ། །དེ་ནས་ཚོགས་ནི་འགྲུབ་པར་འགྱུར། །དེ་ལ་འདི་ནི་ཕྱག་རྒྱའི་ཚོགས་ཀྱི་དངོས་གྲུབ་ཀྱི་རྒྱུད་དེ། འཁོར་ལོ་མང་པོར་ཞུགས་པ་དང ། །དཀྱིལ་འཁོར་མང་པོར་བྲིས་པའི་ཕྱིར། །ཚོགས་རྫོགས་པས་ན་ཕྱག་རྒྱ་རྣམས། །དངོས་གྲུབ་ཆེན་པོ་ཐོབ་པར་འགྱུར། །དེ་ལ་འདི་ནི་སྔགས་ཀྱི་ཚོགས་ཀྱི་དངོས་གྲུབ་ཀྱི་རྒྱུད་དེ། རྗེས་སུ་ཡི་རངས་ལ་སོགས་ཚུལ། །དེ་བཞིན་དམ་པའི་ཆོས་བཀླགས་དང ། །བཟླས་པ་མང་པོ་བྱས་ནས་ནི། །ངེས་པར་སྔགས་ཀྱི་དངོས་གྲུབ་འཐོབ། །དེ་ལ་འདི་ནི་རིག་པའི་ཚོགས་ཀྱི་དངོས་གྲུབ་ཀྱི་རྒྱུད་དེ། མ་རིག་རབ་ཏུ་སྤངས་པ་དང ། །སྦྱིན་པའི་ཕ་རོལ་ཕྱིན་ཚུལ་ཕྱིར། །ཚོགས་ནི་ཡོངས་སུ་རྫོགས་ནས་ཀྱང ། །མྱུར་དུ་དངོས་གྲུབ་ཐོབ་པར་འགྱུར། །རྟོགས་པ་ཐམས་ཅད་ཀྱི་ཚོགས་ཀྱི་དངོས་གྲུབ་ཀྱི་རྒྱུད་རྫོགས་སྷོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རིགས་ཐམས་ཅད་ཀྱི་མཚན་མ་བྱང་བའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་ཇི་ལྟར་རྡོ་རྗེ་འབྱུང་ཞེ་ན། །དེ་ཉིད་བཅོམ་ལྡན་སེམས་དཔའ་སྟེ། །ཐམས་ཅད་སེམས་དེ་ཉིད་བདག་པོ། །སྐུ་དང་གསུང་དང་ཐུགས་རྡོ་རྗེ། །སེམས་དཔའ་རང་བྱུང་བརྟེན་པ་སྟེ། །སེམས་དཔའ་ཀུན་གྱི་མཆོག་སེམས་དཔའ། །རྡོ་རྗེ་སྙིང་གར་རབ་བསྒོམས་ན། །རྡོ་རྗེ་སེམས་དཔའ་ཞེས་གྲགས་སྟེ། །འདི་ལ་རྡོ་རྗེ་རབ་ཏུ་གནས། །དེ་ཉིད་སངས་རྒྱས་རྣམས་ཀྱི་ནི། །ཡེ་ཤེས་ཚུལ་ཏེ 91.150b མཉམ་པ་མེད། །སྙིང་ལས་སྣ་ཚོགས་བྱུང་ནས་ནི། །སྣ་ཚོགས་པ་ཡི་གཟུགས་འགྱུར་ཏེ། །ཁམས་ཀུན་གྱི་ནི་རྡུལ་གྲངས་སུ། །དེ་དག་ཉིད་ནི་རྒྱལ་བ་ཡིན། །རྡོ་རྗེའི་སྐུ་ནི་དེ་དག་ལས། །རྡོ་རྗེ་སེམས་དཔར་ཡང་དག་འགྱུར། །སེམས་དཔའ་དང་པོ་ལས་དེ་ཉིད། །མཚན་མ་ཐམས་ཅད་ཡང་དག་འབྱུང ། །མཚན་མ་ལས་ནི་སེམས་དཔའ་ཆེ། །དེ་ལས་ཚུལ་འདི་ཐམས་ཅད་འབྱུང ། །གང་གིས་འདི་ནི་ཐོས་འགྱུར་ལ། །དད་ཅིང་འཛིན་བྱེད་སྙིང་གར་ཡང ། །རྟག་ཏུ་དགའ་བས་བསྒོམས་ནས་ནི། །དེ་དག་མྱུར་དུ་དངོས་གྲུབ་ཐོབ་ཅེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྟོག་པ་ཐམས་ཅད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ཀྱི་རྟོག་པ་ཐམས་ཅད་འབྱུང་བའི་ཡེ་ཤེས་ཀྱི་རྒྱུད་ཡིན་ཏེ། སངས་རྒྱས་རྣམས་ཀྱི་ཡེ་ཤེས་ནི། །རྟག་ཏུ་རྣམ་སྨིན་རྟོག་ལས་བྱུང ། །མི་རྟོག་པ་ཡི་ཡེ་ཤེས་ལས། །དེ་ཕྱིར་རྟག་པ་ཞེས་བརྗོད་དོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། མི་རྟོག་གང་ལ་རྟོག་ཉིད་དུ། །རྟགས་པས་རྟོག་ལས་བྱུང་བ་ནི། །རྡོ་རྗེ་སེམས་དཔའ་སེམས་དཔའ་ཆེ། །དེ་ཕྱིར་རྟོག་པ་ཞེས་བརྗོད་དོ། །དེ་ལ་འདི་ནི་རྡོ་རྗེ་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། ཆོ་ག་བཞིན་དུ་རི་མོར་བྲིས། །རྟོག་པ་གྲུབ་སྦྱིན་ཞེས་བརྟགས་པ། །རྟོག་དང་བྲལ་བའི་བདག་ཉིད་ཀྱིས། །དེ་ཕྱིར་རྟོག་པ་ཞེས་གསུངས་སོ། །དེ་ལ་འདི་ནི་པད་མའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། རྟོག་པ་ལས་ནི་འདོད་ཆགས་འབྱུང ། ། དགེ་བ་ཡི་ནི་ཆོས་རྣམས་ཀྱི། །ཚོགས་ནི་རྣམ་པར་འཕེལ་འགྱུར་ཏེ། ། 91.151a དེ་ནས་ཚོགས་ནི་འགྲུབ་པར་འགྱུར། །དེ་ལ་འདི་ནི་ཕྱག་རྒྱའི་ཚོགས་ཀྱི་དངོས་གྲུབ་ཀྱི་རྒྱུད་དེ། འཁོར་ལོ་མང་པོར་ཞུགས་པ་དང ། །དཀྱིལ་འཁོར་མང་པོར་བྲིས་པའི་ཕྱིར། །ཚོགས་རྫོགས་པས་ན་ཕྱག་རྒྱ་རྣམས། །དངོས་གྲུབ་ཆེན་པོ་ཐོབ་པར་འགྱུར། །དེ་ལ་འདི་ནི་སྔགས་ཀྱི་ཚོགས་ཀྱི་དངོས་གྲུབ་ཀྱི་རྒྱུད་དེ། རྗེས་སུ་ཡི་རངས་ལ་སོགས་ཚུལ། །དེ་བཞིན་དམ་པའི་ཆོས་བཀླགས་དང ། །བཟླས་པ་མང་པོ་བྱས་ནས་ནི། །ངེས་པར་སྔགས་ནི་དངོས་གྲུབ་འགྱུར། དེ་ལ་འདི་ནི་རིགས་པའི་ཚོགས་ཀྱི་དངོས་གྲུབ་ཀྱི་རྒྱུད་དེ། མ་རིག་རབ་ཏུ་སྤངས་པ་དང ། །སྦྱིན་པའི་ཕ་རོལ་ཕྱིན་ཚུལ་ཕྱིར། །ཚོགས་ནི་ཡོངས་སུ་རྫོགས་ནས་ཀྱང ། །མྱུར་དུ་དངོས་གྲུབ་ཐོབ་པར་འགྱུར། །རྟོག་པ་ཐམས་ཅད་ཀྱི་ཚོགས་རྒྱུད་རྫོགས་སྷོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རིགས་ཐམས་ཅད་ཀྱི་མཚན་མ་འབྱུང་བའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་ཇི་ལྟར་རྡོ་རྗེ་འབྱུང་ཞེ་ན། །དེ་ཉིད་བཅོམ་ལྡན་སེམས་དཔའ་སྟེ། །ཐམས་ཅད་སེམས་དེ་ཉིད་བདག་པོ། །སྐུ་དང་གསུང་ཐུགས་རྡོ་རྗེ་ནི། །སེམས་དཔའ་བརྟན་པ་རང་བྱུང་གི། །སེམས་དཔའ་ཀུན་གྱི་མཆོག་སེམས་དཔའ། །རྡོ་རྗེ་སྙིང་གར་རབ་བསྒོམས་ན། །རྡོ་རྗེ་སེམས་དཔའ་ཞེས་གྲགས་ཏེ། །འདི་ལ་རྡོ་རྗེ་རབ་ཏུ་གནས། །དེ་ཉིད་སངས་རྒྱས་རྣམས་ཀྱི་ནི། །ཡེ་ཤེས་ཚུལ་ཏེ་མཉམ་མྱེད་འོང ། །སྙིང་ལས་སྣ་ཚོགས་བྱུང་ནས་ནི། །སྣ་ཚོགས་པ་ཡི་གཟུགས་འགྱུར་ཏེ། །ཁམས་གསུམ་ཀུན་གྱི་རྡུལ་སྙེད་དུ། །དེ་དག་ཉིད་ནི་རྒྱལ་བ་ཡིན། །རྡོ་རྗེ་སྐུ་ནི་དེ་རྣམས་ལས། །རྡོ་རྗེ་སེམས་དཔར་ཡང་དག་འགྱུར། །སེམས་དཔའ་དང་པོ་དེ་ཉིད་ལས། །མཚན་མ་ཐམས་ཅད་ཡང་དག་འབྱུང ། །མཚན་མ་ལས་ནི་སེམས་དཔའ་ཆེ། ། 91.151b དེ་ལས་ཚུལ་འདི་ཐམས་ཅད་འབྱུང ། །གང་གིས་འདི་ནི་ཐོས་འགྱུར་ལ། །དད་ཅིང་འཛིན་བྱེད་སྙིང་གར་ཡང ། །རྟག་ཏུ་དགའ་བས་བསྒོམས་ན་ནི། །དེ་ནི་མྱུར་དུ་གྲུབ་པ་འཐོབ་ཅེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྟོག་པ་ཐམས་ཅད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་འདི་ཡིན་ཏེ། སངས་རྒྱས་རྣམས་ཀྱི་རྟོག་མེད་པའི། །ཡེ་ཤེས་རྟག་པ་ཉིད་གྱུར་པའི། །མི་རྟོག་པ་ཡི་ཡེ་ཤེས་ལས། །བརྟགས་པས་རྟོག་པ་ཞེས་བརྗོད་དོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། མི་རྟོག་གང་ལ་རྟོག་ཉིད་བརྟགས་པ་རྟོག་པ་བྱུང་བ་ནི། །རྡོ་རྗེ་སེམས་དཔའ་སེམས་དཔའ་ཆེ། །དེ་ཕྱིར་རྟོག་པ་ཞེས་བརྗོད་དོ། །དེ་ལ་འདི་ནི་རྡོ་རྗེ་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱྀ་རྒྱུད་དེ། ཆོ་ག་བཞིན་དུ་རི་མོ་བྲིས། །རྟོག་པ་གྲུབ་སྦྱིན་ཞེས་རྟོག་པ། །རྟོག་ལས་བྲལ་བའི་བདག་ཉིད་ཀྱིས། །དེ་ཕྱིར་རྟོག་པ་ཞེས་གསུངས་སོ། །དེ་ལ་འདི་ནི་པད་མོའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། རྟོག་པ་ལས་ནི་འདོད་ཆགས་འབྱུང ། པད་མ་ལ་ནི་དེ་གནས་ཏེ། །དེ་ཕྱིར་རྟོག་ལ་གནས་པ་ནི། །གྲུབ་པ་ཉིད་དུ་དེ་འགྱུར་རོ། །དེ་ལ་འདི་ནི་ནོར་བུའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། རྟོག་པ་མེད་པའི་ནོར་བུ་ནི། །མཐུ་ཡིས་ཤིན་དུ་མཆོག་ཏུ་འགྱུར། །དེ་ལྟར་རྣམ་པར་མི་རྟོག་པས། །ལྷ་རྫས་དངོས་གྲུབ་འབྱུང་བར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས 91.152a ཅད་ཀྱི་རྟོག་པ་འབྱུང་བའི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་སྙིང་པོ་འབྱུང་བའི་ཡེ་ཤེས་ཀྱི་རྒྱུད་དེ། ཡིད་ཀྱིས་འདོད་པའི་ཆོ་ག་ཡིས། །ཡིད་ཀྱིས་འདོད་པ་གྲུབ་འགྱུར་ཏེ། །ཏིང་འཛིན་བསྒྲུབ་པ་སྙིང་ལ་གནས། །དེ་ཕྱིར་སྙིང་པོ་ཞེས་བརྗོད་དོ། །དེ་ནས་རྟོག་པ་ཐམས་ཅད་ཀྱི་ཕྱག་རྒྱ་འབྱུང་བའི་ཡེ་ཤེས་ཀྱི་རྒྱུད་དེ། ཇི་ལྟར་རྒྱལ་པོའི་ཕྱག་རྒྱ་མཆོག་།ཁྲིམས་ནི་འདའ་ཀ་མི་ཕྱེད་བཞིན། །བདག་ཉིད་ཆེན་པོ་གཟུགས་བརྙན་གྱིས། །མཚན་མ་ཕྱག་རྒྱ་ཞེས་པར་གྲགས། །དེ་ནས་རྟོག་པ་ཐམས་ཅད་ཀྱི་སྔགས་འབྱུང་བའི་ཡེ་ཤེས་ཀྱི་རྒྱུད་དེ། འདའ་བར་བྱ་བ་མ་ཡིན་ཞིང ། །དབྱེ་བར་དཀའ་ལ་གསང་བ་ཉིད། །གསང་བ་གྲུབ་ཕྱིར་བརྗོད་པས་ན། །དེ་ཡི་ཕྱིར་ནི་སྔགས་ཞེས་བརྗོད། །དེ་ནས་རིགས་པ་འབྱུང་བའི་ཡེ་ཤེས་ཀྱི་རྒྱུད་དེ། མ་རིག་པ་ནི་གཞོམ་པ་དང ། །ངག་གི་རིག་མཆོག་འགྲུབ་པའི་ཕྱིར། །རྟོགས་ཤིང་རིག་པ་དངོས་གྲུབ་སྟེ། །དེ་ཕྱིར་རྟོག་པ་ཞེས་བརྗོད་དོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རྟོག་པ་ཐམས་ཅད་ཀྱི་སྙིང་པོ་ལ་སོགས་པ་འབྱུང་བའི་ཡེ་ཤེས་ཀྱི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་ཡེ་ཤེས་ཀྱི་རྒྱུད་དེ། དེ་ལ་དང་པོ་ཁོ་ནར་སྙིང་པོའི་ཡེ་ཤེས་སྐྱེ་བའི་རྒྱུད་ཡིན་ཏེ། སྙིང་པོ་བཟླས་ཏེ་བདག་གམ་ནི། །གཞན་ཡང་རུང་སྟེ་བྱུང་བ་ན། །བྱུང་དང་འབྱུང་འགྱུར་གང་གིས་ནི། །མཐོང་ཞིང་ཐོས་འགྱུར་ཤེས་པར་བྱ། །དེ་ལ་འདི་ནི་ཕྱག་རྒྱའི་ཡེ་ཤེས་འབྱུང་བའི་རྒྱུད་ཡིན་ཏེ། བདག་གི་ཆོ་ག་ཇི་བཞིན་དུ། །གང་ཡང་རུང་བའི་ཕྱག་རྒྱ་བཅིངས། །འཇིག་རྟེན་པ་ལ་བལྟས་ནས་ནི། །གོང་མ་བཞིན་དུ་ཀུན་ཤེས་འགྱུར། །དེ་ལ་འདི་ནི་སྔགས་ཀྱི་ཡེ་ཤེས་འབྱུང་བའི་རྒྱུད་ཡིན་ཏེ། ལན་གཅིག་ཙམ་ཡང་སྔགས་བརྗོད་ན། །འདས་དང་འབྱུང་དང་བྱུང་གང་ཡིན། །རང་གི་ལྕེ་ལ་སྨྲ་འགྱུར་བ། །དེ 91.152b དག་ཐམས་ཅད་བདེན་པར་འགྱུར་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་རིག་པའི་ཡེ་ཤེས་སྐྱེ་བའི་རྒྱུད་དེ། རིག་པ་ལན་གཅིག་བརྗོད་ན་ནི། །བྱུང་དང་འབྱུང་དང་འབྱུང་འགྱུར་རྣམས། །ཇི་ལྟར་རྡོ་རྗེའི་བཀའ་བཞིན་དུ། །ཡིད་ཀྱིས་དེ་ནི་ཤེས་པར་འགྱུར། །རྟོག་པ་ཐམས་ཅད་ཀྱི་ཡེ་ཤེས་སྐྱེ་བའི་ཆོ་ག་རྒྱས་པའི་རྒྱུད་རྫོགས་སྷོ།། །། དེ་ནས་རིགས་ཐམས་ཅད་ཀྱི་ཐུན་མོང་གི་གསང་བའི་སྐུ་དང་གསུང་དང་ཐུགས་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་ཡིན་ནོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སྐུའི་ཕྱག་རྒྱ་བསྒྲུབ་པ་ཡིན་ཏེ། ཇི་ལྟར་དེ་ལྟར་འདུག་ནས་ཀྱང ། །སྐྱིལ་མོ་དཀྲུང་བཅས་བསྒྲུབ་བྱ་སྟེ། །ཇི་ལྟར་རི་མོའི་ཚུལ་བྱས་ནས། །སེམས་དཔའ་ཆེན་པོ་གྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་གསང་བའི་སྐུའི་ཕྱག་རྒྱ་སྒྲུབ་པ་ཡིན་ཏེ། ཇི་ལྟར་རི་མོའི་ཚུལ་དུ་ནི། །བརྒྱད་བསྒྲུབ་ཚུལ་དུ་རབ་ཏུ་གནས། །ཤིན་ཏུ་ཁྲོས་ནས་བསྒྲུབ་བྱས་ན། །ཐེ་ཚོམ་མེད་པར་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པད་མའི་རིགས་ཀྱི་གསང་བའི་སྐུའི་ཕྱག་རྒྱ་བསྒྲུབ་པའི་རྒྱུད་ཡིན་ཏེ། རྡོ་རྗེ་སྐྱིལ་མོ་དཀྲུང་བཅས་ལ། །ལག་གཉིས་རྡོ་རྗེ་བཅིངས་ནས་ཀྱང ། །ཏིང་ངེ་འཛིན་གྱི་སྐུ་གྱུར་ལ། །པད་མ་འབྱུང་བ་བསྒྲུབ་པར་བྱ་ཞེས་བཅོམ་ལྡན་འདས་པད་མའི་སེམས་དཔས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་སྐུའི་ཕྱག་རྒྱ་བསྒྲུབ་པ་ཡིན་ཏེ། ཇི་ལྟར་འདུག་གམ་ཉལ་བའམ། །འཆག་ཀྱང་རུང་སྟེ་དེ་ལྟར་ནི། །རྡོ་རྗེ་རིན་ཆེན་དབང་བསྐུར་ན། །ཐེ་ཚོམ་མེད་པར་འགྲུབ་པར་འགྱུར་ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །དེ་ལ་འདི་ནི་དེ་བཞིན 91.153a གཤེགས་པ་ཐམས་ཅད་ཀྱི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། ལྕེ་རྩེ་ཤིན་དུ་མི་བསྒུལ་ཞིང ། །སོ་དང་མཆུ་གཉིས་སྦྱར་ནས་ནི། །རྟོག་པ་ཐམས་ཅད་བསྒྲུབ་བྱ་ཞིང ། །སྒྲ་བྲལ་རྡོ་རྗེའི་ཚིག་ཡིན་ནོ་ཞེས་བཅོམ་ལྡན་འདས་རྡོ་རྗེ་གསུངས་གིས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། ཧཱུཾ་ཞེས་བྱ་བ་འབྲུག་སྒྲར་བསྒྲགས། །ཁྲོ་བོའི་ངག་ནི་ཟབ་ཅིང་བསྟན། །རྡོ་རྗེ་ཆེན་པོ་ཁྲོ་བོའི་གསལ། །རྡོ་རྗེ་ཁྲོ་བོའི་གསུང་འགྲུབ་བོ་ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པད་མའི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། དབུགས་མི་འབྱིན་ལྟར་དབུགས་འབྱིན་ཅིང ། །ཕྲ་བའི་ཚིག་ནི་ཤིན་དུ་གསལ། །ཏིང་འཛིན་ཡེ་ཤེས་སྙིང་པོ་ཡིས། །ཟློས་པ་པོ་རྣམས་གྲུབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ཡེ་ཤེས་ཀྱི་སྙིང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། ཤིན་དུ་ཡོངས་སུ་གསལ་ཚིག་གིས། །རྟག་ཏུ་འདུད་ལ་བརྩོན་བྱེད་ཅིང ། །ཚུལ་འདི་བཟླས་པར་གྱུར་ན་ནི། །མྱུར་དུ་ཐམས་ཅད་འགྲུབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་བའི་སེམས་ཀྱི་ཕྱག་རྒྱ་བསྒྲུབ་པའི་རྒྱུད་དེ། རྟག་ཏུ་འདོད་པ་བཅོམ་ལྡན་འདས། །སེམས་ཅན་ཐམས་ཅད་བདེ་སྦྱིན་པས། །རྡོ་རྗེ་སེམས་དཔའ་བདག་ཉིད་དུ། །བསྒོམས་ན་མྱུར་དུ་འགྲུབ་པར་འགྱུར་ཞེས་བཅོམ་ལྡན་འདས་འདོད་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་གསང་བའི་སེམས་ཀྱི་ཕྱག་རྒྱ་སྒྲུབ་པའི་རྒྱུད་དེ། 91.153b སེམས་ཅན་ཀུན་ལ་ཕན་པ་དང ། །མ་རུངས་པ་རྣམས་གདུལ་བ་དང ། །སངས་རྒྱས་བསྟན་པ་བསྲུང་བའི་ཕྱིར། །ཁྲོ་བོ་དངོས་གྲུབ་འཐོབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པད་མའི་རིགས་ཀྱི་གསང་བའི་སེམས་ཀྱི་ཕྱག་རྒྱ་བསྒྲུབ་པའི་རྒྱུད་དེ། ཇི་ལྟར་པད་མ་རབ་ཆགས་ལ། །བསྒོས་པའི་སྐྱོན་གྱིས་མི་གོས་པ། །དེ་ལྟར་བདག་གིས་ཆགས་སྐྱོན་ཡང ། །སྲིད་ན་ཆགས་པ་དེ་འགྲུབ་འགྱུར་ཞེས་བཅོམ་ལྡན་འདས་པད་མ་བཞད་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་སེམས་ཀྱི་ཕྱག་རྒྱ་བསྒྲུབ་པའི་རྒྱུད་དེ། ནམ་ཞིག་སེམས་ཅན་ཐམས་ཅད་ཀྱི། །དགོས་པའི་དོན་ནི་ཀུན་སྒྲུབ་ཅིང ། །རིན་ཆེན་ཆར་ནི་འབེབས་འགྱུར་ཞེས། །གྲུབ་ན་མྱུར་བར་དེ་འགྲུབ་བོ་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་བའི་རྡོ་རྗེའི་ཕྱག་རྒྱ་སྒྲུབ་པའི་རྒྱུད་དེ། ཇི་ལྟར་ལངས་སམ་འདུག་པའམ། །འཆག་ཀྱང་རུང་སྟེ་དེ་ལྟར་ནི། །ལག་པ་གཡོན་པས་ཕྱག་རྒྱ་མཆོག་།ཐམས་ཅད་བྱེད་ན་འགྲུབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསང་བ་ཕྱག་རྒྱ་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་གསང་བའི་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་དེ། དེ་ལྟ་དེ་ལྟར་གནས་ནས་ཀྱང ། །ཇི་ལྟ་ཇི་ལྟར་བྱེད་ཀྱང་རུང ། །རྡོ་རྗེ་ཁྲོ་བོ་མཛུབ་མོ་བཅིངས། །གོས་ཀྱིས་གཡོགས་ན་འགྲུབ་པར་འགྱུར་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་རྒྱལ་པོས་གསུངས་སོ། །དེ་ལ་འདི་ནི་པད་མའི་རིགས་ཀྱི་གསང་བའི་རྡོ་རྗེ་ཕྱག་རྒྱ་བསྒྲུབ་པའི་རྒྱུད་དེ། ལག་ནི་གཡོན་པས་པད་མ་ཡི། །ཁུ་ཚུར་བཅིངས་ཏེ་སྦས་ནས་ནི། །ཇི་དགར་མྱུར་དུ་པད་མ་ཡི། །དངོས 91.154a གྲུབ་ཀྱང་ནི་ཐོབ་པར་འགྱུར་ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་རྡོ་རྗེ་ཕྱག་རྒྱ་བསྒྲུབ་པའི་རྒྱུད་དེ། གཡོན་པའི་རིན་ཆེན་ཁུ་ཚུར་ནི། །བཅིངས་ཏེ་དམ་པའི་ལག་གཡོགས་ལ། །ཅི་དགའ་བར་ནི་རིམ་འགྲོར་བྱེད། །རིན་ཆེན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །དེ་ལ་འདི་ནི་རིགས་ཐམས་ཅད་ཀྱི་གསང་བའི་ཐུན་མོང་གི་ཕྱག་རྒྱ་བསྒྲུབ་པའི་རྒྱུད་དེ། རང་གི་སེམས་དཔའི་ཏིང་འཛིན་གྱིས། །ཕྱག་རྒྱ་ཆེན་པོའི་ཚུལ་དུ་ནི། །རྡོ་རྗེ་དག་དང་རྡོ་རྗེའི་ལྟ། །རིང་པོར་མི་ཐོགས་མཆོག་འགྲུབ་བོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་གསང་བའི་སྐུ་དང་གསུང་དང་ཐུགས་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་རྫོགས་སྷོ།། །། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྟོག་པ་འདི་ནི་བྱིན་གྱིས་བརླབ་པར་མཁྱེན་པར་མཛད་དུ་གསོལ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་ཡང་ལེགས་སོ་ཞེས་བྱ་བ་འདི་བྱིན་ནོ། །རྡོ་རྗེའི་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་རྒྱུད་ཐམས་ཅད་ཀྱི་ཕྱི་མའི་ཕྱི་མའི་རྒྱུད་རྫོགས་སྷོ།། །།དེ་ནས་བྱང 91.154b ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་སྟན་ལས་ལངས་ཏེ། བཅོམ་ལྡན་འདས་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །རྡོ་རྗེ་དབྱིངས་ཀྱི་སེམས་དཔའ་ཆེ། །སེམས་ཅན་དོན་མཆོག་བདག་ཉིད་ཅན། །ཤཱཀྱའི་རྒྱལ་པོ་ཡེ་ཤེས་ཆེ། །རྡོ་རྗེ་བདག་ཉིད་ཁྱོད་ཕྱག་འཚལ། །སེམས་དཔའ་འབྱུང་བ་དེ་ཉིད་དོན། །སེམས་ཅན་རྒྱུ་སྟེ་ཚུལ་ཆེན་པོ། །སེམས་ཅན་དོན་ཆེན་དགོས་པའི་དོན། །སེམས་དཔའ་སེམས་དཔའ་ཁྱོད་ཕྱག་འཚལ། །སངས་རྒྱས་ཆོས་ནི་ཆོས་ཆེན་པོ། །ཆོས་ཀྱི་འཁོར་ལོ་རབ་སྐོར་བ། །སྨྲ་བ་ཆེན་པོ་རབ་རིག་མཆོག་།སེམས་དཔའ་ཆེན་པོ་ཁྱོད་ཕྱག་འཚལ། །ལས་ཆེན་བསྲུང་བ་ཆེན་པོ་སྟེ། །ལས་རྣམས་ཐམས་ཅད་རབ་སྒྲུབ་པ། །བདག་ཉིད་ཆེན་པོ་འགྲོ་སྤྱོད་མཆོག་།སེམས་དཔའ་རྒྱུ་ཁྱོད་ཕྱག་འཚལ་ལོ། །ཕ་རོལ་ཕྱིན་པ་ཀུན་བརྙེས་པ། །ཀུན་མཁྱེན་ཡེ་ཤེས་མཁྱེན་པ་པོ། །སེམས་དཔའ་ཀུན་ཏེ་ཐབས་ཆེན་པོ། །ཤེས་རབ་ཆེན་པོ་ཁྱོད་ཕྱག་འཚལ། །ཐུགས་རྗེ་ཆེན་པོ་མཆོག་གི་མཆོག་།ཐུགས་རྗེ་ཐུགས་རྗེའི་བདག་ཉིད་ཅན། །ཐམས་ཅད་གཏོང་བ་བྱམས་པ་ཆེ། །ཀུན་མཛད་ཁྱོད་ལ་ཕྱག་འཚལ་ལོ། །ཤཱཀྱ་སེང་གེ་ཤཱཀྱ་ཆེ། །ཤཱཀྱ་ཤཱཀྱ་ཐུབ་པ་ཆེ། །འདུལ་བ་ཆེན་པོ་ཁྱབ་པ་པོ། །འགྲོ་དོན་འདུལ་མཆོག་ཁྱོད་ཕྱག་འཚལ། །ཆོས་ཀྱི་དབྱིངས་དང་མཉམ་བརྙེས་པ། །ཆོས་དབྱིངས་དེ་བཞིན་གཤེགས་པ་སྟེ། །རྡོ་རྗེ་མགོན་པོ་མགོན་ཆེན་པོ། །སེམས་ཅན་ཚོགས་ནི་ཁྱོད་ཕྱག་འཚལ། །འོད་ཆེན་སྣང་བ་ཆེན་པོ་སྟེ། །བརྩོན་འགྲུས་ཆེན་པོ་སྟོབས་ཆེན་པོ། །དཔའ་བོ་ཆེན་པོ་རབ་དཔའ་མཆོག་།བདེ་སྤྱོད་དཔའ་བོ་ཁྱོད་ཕྱག་འཚལ། །ཚངས་པ་རང་འབྱུང་བཅོམ་ལྡན་འདས། །ཤཱཀྱ་དཔའ་བོ་ཐུབ་པ་ཆེ། །ཀུན་བདག 91.155a ཐུབ་པ་དག་པ་ཡི། །ཆོས་རྒྱལ་ཁྱོད་ལ་ཕྱག་འཚལ་ལོ། །ནམ་མཁའི་སྐུ་སྟེ་སྐུ་ཡི་མཆོག་།སྐུ་གསུམ་སྐུ་མིན་སྒོམ་པ་པོ། །ཀུན་གྱི་སྐུ་སྟེ་སྐུ་ཆེ་བ། །རྡོ་རྗེའི་སྐུ་ཁྱོད་ཕྱག་འཚལ་ལོ། །གསུང་མིན་གསུང་སྟེ་གསུང་གི་མཆོག་།གསུང་གསུམ་གསུང་མིན་སྟོན་པ་པོ། །གསུང་ཀུན་ཤིན་དུ་གསུང་ཆེ་བ། །རྡོ་རྗེའི་གསུང་ཁྱོད་ཕྱག་འཚལ་ལོ། །སེམས་མིན་སེམས་ཏེ་སེམས་ཀྱི་མཆོག་།སེམས་གསུམ་སེམས་མིན་སྟོན་པ་པོ། །ཐམས་ཅད་སེམས་ཏེ་སེམས་ཆེ་བ། །རྡོ་རྗེ་སེམས་ཁྱོད་ཕྱག་འཚལ་ལོ། །རྡོར་མིན་རྡོ་རྗེ་རྡོ་རྗེའི་མཆོག་།རྡོ་རྗེ་གསུམ་པ་རྡོར་མིན་སྦྱོང ། །རྡོ་རྗེ་ཐམས་ཅད་རྡོ་རྗེ་ཆེ། །རྡོ་རྗེ་རྡོ་རྗེ་ཁྱོད་ཕྱག་འཚལ། །ཀུན་ཁྱབ་སྲིད་པའི་རྩེ་མོ་མཆོག་།བདེ་གཤེགས་བདག་པོ་རྒྱལ་བ་ནི། །ཁམས་གསུམ་པ་ཡི་རྒྱལ་པོ་ཆེ། །སྣང་མཛད་ཁྱོད་ལ་ཕྱག་འཚལ་ལོ། །མཚན་བརྒྱ་རྩ་བརྒྱད་འདི་དག་ནི། །གང་གིས་སྐད་ཅིག་ཉན་བྱེད་དམ། །ཀློག་གམ་ཡང་ན་བསྒོམ་པའང་རུང ། །ཀུན་གྱིས་སངས་རྒྱས་ཉིད་ཐོབ་འགྱུར། །མགོན་པོ་ཁྱོད་ལ་གསོལ་བ་ནི། །སེམས་ཅན་ཀུན་ལ་ཕན་པའི་ཕྱིར། །ཐུགས་རྗེ་ཆེན་པོ་བསྐྱེད་ནས་ཀྱང ། །ཆོས་ཀྱི་འཁོར་ལོ་རབ་ཏུ་བསྐོར ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་བདག་པོས་བཀའ་སྩལ་པའི་ཚིག་གསན་ནས། དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་རྣམས་ཡང་གཅིག་ཏུ་འདུ་བར་མཛད་པར་གསོལ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན 91.155b པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །ཆོས་ཀྱི་འཁོར་ལོ་རབ་ཏུ་བསྐོར། །དེ་ནས་འདི་གསུངས་མ་ཐག་ཏུ་སངས་རྒྱས་ཀྱི་ཞིང་ཐམས་ཅད་དང ། འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཐམས་ཅད་ཀྱི་མདུན་དུ་རྡུལ་ཕྲ་མོ་ཐམས་ཅད་ཇི་སྙེད་པའི་དཀྱིལ་འཁོར་ཀུན་དུ་ཁྱབ་པར་བྱས། །ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ཆོས་ཀྱི་འཁོར་ལོ་རབ་ཏུ་བསྐོར་བར་གྱུར་ཏོ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བའི་སྣ་ཚོགས་པའི། །རྡོ་རྗེའི་འཁོར་ལོ་རབ་ཏུ་བསྐོར། །དེ་ནས་འདི་གསུངས་མ་ཐག་ཏུ་དེ་བཞིན་དུ་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཕྲ་མོ་ཐམས་ཅད་ཇི་སྙེད་པའི་དཀྱིལ་འཁོར་རྣམས་སུ་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་དབྱིངས་ཀྱིས་རྡོ་རྗེ་དབྱིངས་ལ་སོགས་པའི་རྡོ་རྗེའི་འཁོར་ལོ་ཐམས་ཅད་རབ་ཏུ་བསྐོར་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་འཇིག་རྟེན་གསུམ་ལས་རྣམ་པར་རྒྱལ་བས་དེའི་ཚེ་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །ཁྲོ་བོའི་འཁོར་ལོ་རབ་ཏུ་བསྐོར། །དེ་ནས་འདི་གསུངས་མ་ཐག་ཏུ་དེ་བཞིན་དུ་སངས་རྒྱས་ཀྱི་ཞིང་གི་རྡུལ་ཕྲ་མོ་ཐམས་ཅད་ཇི་སྙེད་པའི་དཀྱིལ་འཁོར་རྣམས་སུ་བཅོམ་ལྡན་འདས་དེ་བཞིན་གཤེགས་པ་འཇིག་རྟེན་གསུམ་ལས་རྣམ་པར་རྒྱལ་བས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་འཁོར་ལོ་རབ་ཏུ་བསྐོར་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་འཕགས 91.156a པ་ཀུན་དུ་སྤྱན་རས་གཟིགས་ཀྱི་དབང་པོས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བར་སྣ་ཚོགས་པའི། །པད་མའི་འཁོར་ལོ་རབ་ཏུ་བསྐོར། །དེ་ནས་འདི་གསུངས་མ་ཐག་ཏུ་དེ་བཞིན་དུ་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་དུ་ཕྲ་མོ་ཇི་སྙེད་པའི་དཀྱིལ་འཁོར་རྣམས་སུ། །བཅོམ་ལྡན་འདས་དེ་བཞིན་གཤེགས་པའི་ཆོས་ཀྱི་རྒྱལ་པོས་པད་མའི་འཁོར་ལོ་རབ་ཏུ་བསྐོར་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བར་སྣ་ཚོགས་པའི། །ནོར་བུའི་འཁོར་ལོ་རབ་ཏུ་བསྐོར། །དེ་ནས་དེའི་ཚེ་སངས་རྒྱས་ཀྱི་ཞིང་ཐམས་ཅད་ཀྱི་ཁོངས་སུ་གཏོགས་པའི་སེམས་ཅན་ཕྲ་བ་འམ་སྦོམ་པ་ཡང་རུང ། དེ་དག་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་རི་རབ་རིའི་རྒྱལ་པོ་རྩེ་མོ་རྡོ་རྗེ་དང ། ནོར་བུ་དང་རིན་པོ་ཆེ་ལས་བྱས་པའི་ཁང་བུ་བརྩེགས་པར་དེ་བཞིན་གཤེགས་པ་ཐམས་ཅད་གདན་ལ་བཞུགས་ནས་རྡོ་རྗེ་དབྱིངས་ལ་སོགས་པའི་འཁོར་ལོ་ཐམས་ཅད་རབ་ཏུ་བསྐོར་བར་ཕྱོགས་ཀུན་ནས་མཐོང་ངོ ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེའི་ཚེ་ཚིགས་སུ་བཅད་པ་འདི་གསུངས་སོ། །མི་ཡི་ནང་དུ་བབས་ནས་ཀྱང ། །དགོས་ཕྱིར་སེམས་ཅན་ཀུན་གྱི་དོན། །རྡོ་རྗེའི་འཁོར་ལོ་མཆོག་བསྐོར་ཞིང ། །མགོན་པོ་རབ་ཏུ་བསྒྲུབ་པར་མཛོད། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ལ་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུ་བ་མཛད་དུ་གསོལ། དེ་ནས་ཡང 91.156b བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང་ཐུགས་རྡོ་རྗེར་བདག་ཉིད་དུ་གྱུར་པར་མཁྱེན་ནས་ཕྱག་ན་རྡོ་རྗེ་ལ་འདི་སྐད་ཅེས་གསུངས་སོ། །རིགས་ཀྱི་བུ་ཁྱེད་ཀྱང་ངའི་ཐུགས་དང ། དེ་བཞིན་གཤེགས་པ་ཐམས་ཅད་དང ། རིགས་ཐམས་ཅད་དང ། དཀྱིལ་འཁོར་ཐམས་ཅད་དང ། དེ་བཞིན་གཤེགས་པ་ཐམས་ཅད་ཀྱི་ཐུགས་སུ་ཞུགས་ཤིག་།དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་སྣང་བས་ཚིགས་སུ་བཅད་པ་འདི་གསུངས་སོ། །མདོར་ན་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ནི། །ཞུགས་ནས་སེམས་ཅན་ཐམས་ཅད་ལ། །ཕན་པའི་ཕྱིར་ནི་བསྒྲུབ་པར་བྱ། །དེ་ནས་འདི་གསུངས་མ་ཐག་ཏུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་འཇིག་རྟེན་གྱི་ཁམས་ཐམས་ཅད་ན་དེ་བཞིན་གཤེགས་པ་ཇི་སྙེད་བཞུགས་པ་རྣམས་ལས་དེ་བཞིན་གཤེགས་པ་རེ་རེས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པའི་སྐུ་འཕྲོ་བ་མཛད་པ་རྣམས་ཀྱང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་དང ། བཅོམ་ལྡན་འདས་རྣམ་པར་སྣང་མཛད་ཀྱི་སྐུ་ཐམས་ཅད་དང ། གསུང་ཐམས་ཅད་འཇུག་པའི་གནས་དང ། སེམས་ཀྱི་རྒྱུད་འབྱུང་བ་ཐམས་ཅད་དང ། རྡོ་རྗེའི་ཚུལ་ཐམས་ཅད་དང ། ཡན་ལག་དང ། ཉིང་ལག་ཐམས་ཅད་དང ། གནས་ཐམས་ཅད་དང ། མཚན་ཐམས་ཅད་དང ། 91.157a དཔེ་བྱད་བཟང་པོ་ཐམས་ཅད་དང ། བ་སྤུའི་ཁུང་བུ་ཐམས་ཅད་དང ། རྡུལ་ཤིན་དུ་ཕྲ་མོ་སྙེད་ཀྱི་དཀྱིལ་འཁོར་ཐམས་ཅད་དང ། ཐུགས་རྣམས་སུ་ཞུགས་ནས་བཞུགས་སོ། །དེ་ནས་བཅོམ་ལྡན་འདས་ཡང་དག་པར་རྫོགས་པར་སངས་རྒྱས་ནས་རིང་པོར་མ་ལོན་པ་ཞིག་ན་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེར་དེ་བཞིན་གཤེགས་པ་ཐམས་ཅད་དུ་བདག་ཉིད་གྱུར་པར་མཁྱེན་ནས་རི་རབ་རིའི་རྩེ་མོ་ནས་སྙིང་པོ་བྱང་ཆུབ་པ་གང་ན་དེར་གཤེགས་ནས་ཆེད་དུ་བཅོམ་ལྡན་འདས་ཀྱི་བྱང་ཆུབ་ཀྱི་ཤིང་དྲུང་དུ་འཇིག་རྟེན་པ་དང་འཐུན་པར་བྱ་བའི་ཕྱིར་རྩཝ་བླངས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མ་སེམས་ཅན་བརྟན་པ་ཡི། །སེམས་ཅན་དོན་ནི་བདག་དོན་མཆོག་།གང་ཕྱིར་གདུལ་དབང་བརྟན་པ་རྣམས། །མུ་སྟེགས་ལྟ་བས་གནས་པར་མཛད། །མདོར་ན་མི་འདུལ་འཇིག་རྟེན་པ། །ལྟ་བ་ངན་པས་ལྡོངས་པ་རྣམས། །ཡེ་ཤེས་སྣང་བས་དག་བྱའི་ཕྱིར། །སངས་རྒྱས་བྱང་ཆུབ་ཐོབ་པར་འགྱུར། །དེ་ནས་འདོད་པ་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ལ་དེ་ཁོ་ན་ཉིད་མི་ཤེས་པས་འདི་སྐད་དུ་ཀྱེ་དགེ་སྦྱོང་ཇི་བྱང་ཆུབ་ཀྱི་ཕྱིར་འདི་ལྟ་བུའི་སྡུག་བསྔལ་དྲག་ཅིང་མི་ཟད་པ་ལ་བཟོད་པར་མཛད་དམ་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་རྩཝ་དེ་བཏིང་སྟེ་སྟེང་དུ་བཞུགས་ནས་ལྷ་རྣམས་ལ་འདི་སྐད་ཅེས་བཀའ་སྩལ་ཏོ་གྲོགས་པོ་རྣམས། ཁོ་བོས་བྱང་ཆུབ་ཐོབ་པར་བསྒྲུབས་ཤིག་།དེ་ནས་འདོད་པ་ན་སྤྱོད་པའི་ལྷའི་བུ་རྣམས་ཀྱིས་བཅོམ་ལྡན་འདས་ཀྱིས་གསུངས་པའི་དོན་མ་རྟོགས་ནས། ལྷ་རྣམས་ཀྱི་དབང་པོ་བརྒྱ་བྱིན་གང་ན་བ་དེར་དོང་ནས་ཆེད་དུ་ལྷ་རྣམས་ཀྱི་དབང་པོ་བརྒྱ་བྱིན་ལ་དེ་ལྟར་གྱུར་པ་འདི་བརྗོད་དོ། །དེ་ནས་ལྷའི་དབང་ 91.157b པོ་བརྒྱ་བྱིན་གྱིས་འདོད་པ་ན་སྤྱོད་པའི་ལྷ་རྣམས་ཀྱི་ཚོགས་ཀྱིས་བསྐོར་ཏེ་གཟུགས་ན་སྤྱོད་པའི་ལྷ་རྣམས་ཀྱི་བདག་པོ་ཚངས་པ་ཆེན་པོ་ལ་དེ་ལྟར་གྱུར་པ་འདི་དག་བརྗོད་དོ། །དེ་ནས་ཚངས་པ་ཆེན་པོ་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་ཐམས་ཅད་དང ། ལྷན་ཅིག་ཏུ་འཇིག་རྟེན་གསུམ་པོ་ཐམས་ཅད་ཀྱི་བདག་པོ་དབང་ཕྱུག་ཆེན་པོ་ལ་དེ་ལྟར་གྱུར་པ་རྣམས་བརྗོད་དོ། །དེ་ནས་འཇིག་རྟེན་གསུམ་པོ་མཐའ་དག་གི་བདག་པོ་དབང་ཕྱུག་ཆེན་པོས་ལྷ་རྣམས་ཀྱི་བདག་པོ་མཐུ་བོ་ཆེ་ལ་སོགས་པ་ལ་འདི་སྐད་ཅེས་སྨྲས་སོ། །གྲོགས་པོ་རྣམས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དང་འཐུན་པར་མཛད་ཅིང་ཡང་བླ་ན་མེད་པར་ཡང་དག་པར་རྫོགས་པའི་བྱང་ཆུབ་སྟོན་གྱིས་འདི་ལྟར་འཇིག་རྟེན་ན་དེ་བཞིན་གཤེགས་པ་མ་ཡིན་ནོ་སྙམ་དུ་ཤེས་པར་མ་བྱེད་ཅིག་ལྷ་ཉིད་ལས་དེ་བཞིན་གཤེགས་པར་འགྱུར་གྱིས། ལྷ་དེ་དག་ཉིད་དུ་བསྒྲུབ་པར་བྱ་བའི། དེ་བཞིན་གཤེགས་པ་ཉིད་དུ་ནི་མ་ཡིན་ནོ། །དེ་ལེགས་ཀྱིས་དེར་མཆོད་དུ་འདོང་བར་བསྒྲུབ་བོ། །དེ་ནས་ལྷ་ཐམས་ཅད་ཀྱི་བདག་པོ་དབང་ཕྱུག་ཆེན་པོ་ལ་སོགས་པ་སྙིང་པོ་བྱང་ཆུབ་གང་ན་བ་དང ། བཅོམ་ལྡན་འདས་དེ་བཞིན་གཤེགས་པའི་སྙིང་པོར་བྱང་ཆུབ་པར་བཞུགས་པ་གང་ན་བ་དེར་དོང་ནས་ཆེད་དུ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་ཐུགས་བརྩེ་བར་དགོངས་ཏེ་རིན་གྱི་གདན་འདི་ལས་བཞེངས་ལ། ལྷ་རྫས་ཀྱི་གདན་ལ་བཞུགས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་ལྷའི 91.158a བདག་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས་ཁོ་བོ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྦྱིན་པར་བསྒྲུབས་ཤིག་།དེ་ནས་དེ་དག་གིས་འདི་སྐད་ཅེས་གསོལ་ཏོ་བཅོམ་ལྡན་འདས་བདག་གིས་བསྩལ་བར་མི་ནུས་སོ་ཅི་སྟེ་བདག་ཅག་གིས་ནུས་པར་གྱུར་ན་བདག་ཅག་ཉིད་ཡང་དག་པར་རྫོགས་པའི་སངས་རྒྱས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་གསལ་བར་མཛད་ཅིང་ཡང་ཚིགས་སུ་བཅད་པ་འདི་གསུངས་སོ། །དེ་ནི་གཟུགས་མིན་གཟུགས་མིན་མིན། །བདེན་མིན་བརྫུན་མིན་གཙང་བ་ཡི། །སངས་རྒྱས་བྱང་ཆུབ་ཡེ་ཤེས་འདི། །རྟོགས་ན་རྒྱལ་བ་ཉིད་དུ་འགྱུར། །དེ་ནས་ལྷའི་དབང་པོ་དེ་དག་གིས་ཅུང་ཟད་ཅིག་ཅང་མི་སྨྲ་བར་གནས་པར་གྱུར་ཏོ། །དེ་ནས་བཅོམ་ལྡན་འདས་རྩཝ་ཡི་གདན་ལས་བཞེངས་ཏེ་ལྷ་དེ་རྣམས་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས་སངས་རྒྱས་ཀྱི་ཡེ་ཤེས་འདི་ལྟ་བུ་རྟོགས་པར་བྱ་བ་བསྒྲུབས་ཤིག་།དེ་དག་གིས་གསོལ་པ། བཅོམ་ལྡན་འདས་བདག་ཅག་གིས་རྔོ་མི་ཐོག་གོ། །དེ་ནས་ཡང་བཅོམ་ལྡན་འདས་ཀྱིས་གདན་དེ་ཉིད་ལ་བཞུགས་བཞིན་དུ་ཚིགས་སུ་བཅད་པ་འདི་གསུངས་སོ། །ཡིད་ཀྱིས་རབ་ཏུ་རྟོགས་པས་ན། །བྱང་ཆུབ་སེམས་ནི་བརྟན་པར་བྱོས། །སེམས་དཔའ་རྡོ་རྗེ་བརྟན་བྱས་ལ། །སངས་རྒྱས་སུ་ནི་བདག་བསྒོམས་ཤིག་།དེ་ནས་དེ་དག་གིས་འདི་སྐད་དུ་དེ་ལྟ་བུ་ལེགས་སོ་ཞེས་བྱ་བ་ཐམས་ཅད་ཀྱིས་སྨྲས་ནས་དོང་ངོ ། །དེ་ནས་བཅོམ་ལྡན་འདས་ཀྱིས་མཚན་མོ་དེའི་ཐོ་རངས་འཇིག་རྟེན་དང་འཐུན་པར་བྱ་བའི་ཕྱིར་བདུད་སྡེ་དང་བཅས་པ་ཕམ་པར་བྱས་ནས་བླ་ན་མེད་པ་ཡང་དག་པར་རྫོགས་པའི་སངས་རྒྱས་སུ་མངོན་པར་སངས་རྒྱས་ནས་སེམས་ཅན་གྱི 91.158b ཁམས་མ་ལུས་ཤིང་ལུས་པ་མེད་པ་ཐམས་ཅད་ལ་ཕན་པར་མཛད་པ་འཕགས་པ་ཕྱག་ན་རྡོ་རྗེ་རང་གི་ཐུགས་ལ་ཞུགས་པ་ལ་མཚན་བརྒྱ་རྩ་བརྒྱད་པ་འདིས་མངོན་པར་བསྟོད་དོ། །རྡོ་རྗེ་སེམས་དཔའ་སེམས་དཔའ་ཆེ། །ཐེག་པ་ཆེན་པོ་བདག་ཉིད་ཆེ། །སྣང་བ་ཆེ་ཞིང་དག་པ་ཆེ། །མགོན་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་རྒྱལ་པོ་རྡོ་རྗེ་ཆེ། །རྡོ་རྗེ་དེ་བཞིན་གཤེགས་པ་ཀུན། །སེམས་དཔའ་ཆེན་པོ་བརྩོན་འགྲུས་ཆེ། །ཐབས་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་འདོད་པ་དག་པ་ཆེ། །ཀུན་གྱི་བདེ་བ་བདེ་བ་ཆེ། །བདེ་མཆོག་ཐོག་མ་ཐ་མ་མེད། །བཞེད་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་ལེགས་པ་དགྱེས་པ་ཆེ། །ལེགས་ཞེས་བྱ་བ་རབ་མཉེས་པ། །མཉེས་པ་ཆེ་ཞིང་དགྱེས་པ་ཆེ། །རབ་དགྱེས་ཁྱོད་ལ་ཕྱག་འཚལ་ལོ། །རྡོ་རྗེ་རིན་ཆེན་རྒྱལ་པོ་ཆེ། །དབང་བསྐུར་བཟང་པོ་བདག་པོ་ཆེ། །རིན་ཆེན་ཐམས་ཅད་མཛེས་པ་ཆེ། །རྣམ་རྒྱལ་ཁྱོད་ལ་ཕྱག་འཚལ་ལོ། །རྡོ་རྗེའི་གཟི་བརྗིད་གཟི་བརྗིད་ཆེ། །འོད་ཆེན་ལྷམ་པ་ཆེན་པོ་སྟེ། །རྒྱལ་བའི་འོད་དེ་འབར་བ་ཆེ། །སངས་རྒྱས་འོད་ཁྱོད་ཕྱག་འཚལ་ལོ། །རྡོ་རྗེ་རྒྱལ་མཚན་དབལ་ཆེ་བ། །རྒྱལ་མཚན་ཆེ་བས་ནོར་རབ་གཏོང ། །ནམ་མཁའི་རྒྱལ་མཚན་ཡུ་བ་ཆེ། །གཏོང་བའི་རྒྱལ་མཚན་ཁྱོད་ཕྱག་འཚལ། །རྡོ་རྗེ་བཞད་པ་བཞད་པ་ཆེ། །དགྱེས་པ་ཆེ་ཞིང་རབ་དགྱེས་པ། །དགྱེས་པའི་ཤུགས་ཀྱིས་རོལ་ཅིང་དགྱེས། །ཆོས་དགྱེས་ཁྱོད་ལ་ཕྱག་འཚལ་ལོ། །རྡོ་རྗེ་ཆོས་ནི་ཆོས་ཆེ་བ། །སེམས་དཔའི་ཆོས་ནི་རབ་སྦྱོང་བ། །སངས་རྒྱས་ཆོས་ཏེ་ཆོས་རབ་མཆོག་།འདོད་ཆོས་ཁྱོད་ལ་ཕྱག་འཚལ་ལོ། །རྡོ་རྗེ་རྣོན་པོ་རལ་གྲི་ཆེ། །ཤེས་རབ་ཡེ་ཤེས་བློ་གྲོས་ཆེ། །སྡིག་གཅོད་རལ་གྲི་ཆེན་པོ་སྟེ། །སངས་རྒྱས་མཚོན་ཁྱོད 91.159a ཕྱག་འཚལ་ལོ། །རྡོ་རྗེ་རྒྱུ་སྟེ་འཁོར་ལོ་ཆེ། །སངས་རྒྱས་འཁོར་ལོ་གཏེར་ཆེན་པོ། །དཀྱིལ་འཁོར་ཀུན་ཏེ་ཆོས་ཀྱི་མཆོག་།ཆོས་ཀྱི་དཀྱིལ་འཁོར་ཁྱོད་ཕྱག་འཚལ། །རྡོ་རྗེ་གསུང་བ་གསུང་བ་ཆེ། །སྤྲོས་མེད་ཡི་གེ་ཆེན་པོ་སྟེ། །ཡི་གེ་མེད་པ་བཟླས་པ་ཆེ། །སངས་རྒྱས་གསུང་ཁྱོད་ཕྱག་འཚལ་ལོ། །རྡོ་རྗེ་ལས་ཏེ་ལས་རབ་མཆོག་།ལས་ཆེན་ལས་རབ་བྱེད་པ་སྟེ། །གསང་བའི་མཆོད་པ་མཆོད་པ་ཆེ། །སངས་རྒྱས་མཆོད་ཁྱོད་ཕྱག་འཚལ་ལོ། །རྡོ་རྗེ་བསྲུང་བ་གོ་ཆ་ཆེ། །གོ་ཆའི་མཆོག་སྟེ་བསྟན་པ་ཆེ། །བསྲུང་བ་ཆེ་ཞིང་སྙིང་པོ་ཆེ། །སངས་རྒྱས་བརྩོན་འགྲུས་ཕྱག་འཚལ་ལོ། །རྡོ་རྗེ་གནོད་སྦྱིན་ཁྲོ་བོ་ཆེ། །མ་རུངས་ཐམས་ཅད་སྐྲག་བྱེད་པ། །སངས་རྒྱས་ཀུན་གྱི་ཐབས་ཆེན་ཏེ། །སྲུང་བ་མཆོག་ཁྱོད་ཕྱག་འཚལ་ལོ། །རྡོ་རྗེ་བསྡམས་པ་ཕྱག་རྒྱ་ཆེ། །དམ་ཚིག་ཆེན་པོ་བཅིང་བ་ཆེ། །ཁུ་ཚུར་ཆེན་པོ་ཕྱག་རྒྱ་ཆེ། །རྡོ་རྗེ་ཁུ་ཚུར་ཁྱོད་ཕྱག་འཚལ། །དེ་བཞིན་གཤེགས་པ་ཕྱག་བྱ་ཞིང ། །བརྗོད་དེ་མཆོད་དེ་བསྟི་སྟང་བྱ། །གང་ཕྱིར་ཐོག་མ་ཐ་མ་མེད། །བྱང་ཆུབ་སེམས་ནི་ཁྱོད་ཡིན་ཏེ། །ཁྱོད་ལ་བརྟེན་ནས་རྒྱལ་བ་དང ། །དཔའ་བོ་བྱང་ཆུབ་སེམས་དཔའ་ཀུན། །བྱུང་ཞིང་ཡང་དག་འབྱུང་འགྱུར་བས། །སངས་རྒྱས་བྱང་ཆུབ་མཆོག་གི་རྒྱུ། །རྡོ་རྗེ་སེམས་དཔའ་ཁྱོད་ཕྱག་འཚལ། །རྡོ་རྗེ་རིན་ཆེན་ཁྱོད་ཕྱག་འཚལ། །རྡོ་རྗེ་ཆོས་ཁྱོད་ཕྱག་འཚལ་ལོ། །རྡོ་རྗེ་ལས་ནི་ཁྱོད་ཕྱག་འཚལ། །ཡང་དག་པར་ནི་ཕྱག་འཚལ་ཞིང ། །མཚན་མཆོག་གིས་ནི་ཁྱོད་བསྟོད་པའི། །བསོད་ནམས་གང་ཡིན་དེ་ཀུན་ཀྱང ། །སངས་རྒྱས་བྱང་ཆུབ་ཐོབ་པར་ཤོག་།མཚན་བརྒྱ་རྩ་བརྒྱད་དམ་པ་ནི། །རབ་དད་པས་ནི་ལན་གཅིག་ཙམ། །གང་གིས་ལེགས་པར་བརྗོད་པ་ནི། །ཀུན་ཀྱང་སངས་རྒྱས་ཉིད་དུ་འགྱུར་ཞེས་སངས་རྒྱས 91.159b བཅོམ་ལྡན་འདས་ཀྱིས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ། གསུང་གཅིག་ཏུ་ལེགས་སོ་ཞེས་བྱ་བ་འདི་བྱིན་ནོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། །མདོ་འདི་ལེག་པར་བཤད་པས་ན། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། དེ་བཞིན་གཤེགས་པ་དང་འཕགས་པ་བྱང་ཆུབ་སེམས་དཔར་བཅས་པ་རང་གི་ཐུགས་ལ་ཞུགས་པ་ཐམས་ཅད་དགྱེས་ཤིང་མཉེས་ནས་བཅོམ་ལྡན་འདས་རྡོ་རྗེ་སེམས་དཔས་གསུངས་པ་ལ་མངོན་པར་དགྱེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ་རྒྱུད་ཉེ་བར་བསྡུད་པ་དང་བཅས་པ་རྫོགས་སྷོ།། །།རྒྱུད་འདི་ལ་འགྱུར་བྱང་མི་སྣང་ནའང ། པཎྜི་ཏ་ཤྲདྡྷཱ་ཀཱ་ར་ཝརྨྨ་དང ། བོད་ཀྱི་ལོཙྪ་བ་རིན་ཆེན་བཟང་པོས་བསྒྱུར་བར་གྲགས་ཤིང་རྒྱུད་དཔེ་རྙིང་འགྱུར་མི་འདྲ་བ་གསུམ་བསྟུན་ཏེ་ཞུས་དག་བསྒྲུབས་སོ། ། |