༄། །རྒྱ་གར་སྐད་དུ། ཨརྱ་སརྦ་ཨན་ཏ་ར་སཾ་གྲཱ་ས་དྷཱ་ར་ཎཱྀ་མན་ཏྲ། ་བོད་སྐད་དུ། ་འཕགས་པ་བར་དུ་གཅོད་པ་ཐམས་ཅད་སེལ་བའི་གཟུངས་སྔགས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཕྱག་ན་རྡོ་རྗེ་གཟུངས་བསྔགས་འདི་སུ་འཛིན་པ་དང ། འཆང་བ་དང ། བཟླས་རྗོད་བྱེད་པ་དེ་ལ་ནི་དུག་དང ། མཚོན་གྱིས 98.70b འཆི་བ་དང ། ལྟོགས་པ་དང ། མཚོན་བརྒྱབ་པ་དང ། གཅན་ཟན་མ་རུངས་པས་ཟ་བ་དང ། མེས་ཚིག་པ་དང ། ཆུར་འཆི་བ་དང ། འགོ་བའི་རྀམས་གཞན་ཡ་ང་བ་དང ། མཛེའི་ནད་དང ། གསོར་མི་རུང་བའི་ནད་ཡ་ང་བ་དང ། གཡང་ལ་ལྷུང་བ་དང ། གཞན་གྱི་བྱད་དང ། ཟས་ཀྱིས་མནངས་པ་དང ། བདག་རང་གིས་གསོད་པ་དང ། དེ་ལྟར་གཤིས་ངན་དུ་འཆི་བ་བཅུ་གསུམ་གྱིས་རྐྱེན་བྱེད་པར་མི་འགྱུར་རོ། ། ཕྱག་ན་རྡོ་རྗེ་གཟུངས་སྔགས་འདི་སུ་འཛིན་པ་དང ། འཆང་བ་དང ། བཟླས་རྗོད་བྱེད་པ་དེ་ལ་ནི་ས་དང་ནམ་མཁའ་ལ་གནས་པའི་བགེགས་དྲེགས་པ་ཅན་མ་རུངས་པ་རྣཾས་ཀྱིས་ཀྱང་གླག་རྙེད་པར་མི་འགྱུར་རོ། །ཕྱག་ན་རྡོ་རྗེ་གཟུངས་སྔགས་འདི་སུ་འཛིན་པ་དང ། འཆང་བ་དང ། བཟླས་རྗོད་བྱེད་པ་དེ་ལ་ལས་ཀྱི་སྒྲིབ་པ་དང ། ཉོན་མོངས་པའི་སྒྲིབ་པ་དང ། ཤེས་བྱའི་སྒྲིབ་པ་ཐམས་ཅད་བྱང་ཞིང་དག་སྟེ། བདེ་བ་ཅན་གྱི་འཇིག་རྟེན་དུ་སྐྱེ་བར་འགྱུར་རོ། །\ུ0f00་བཛྲ་ཙནྜ་མ་ཧཱ་རོ་ཥ་ཎ་ཧཱུཾ་ཕཊ། ཨ་པྲ་ཏི་ཧ་ཏ་བ་ལ་ཧཱུཾ་ཕཊ། སརྦ་བིགྷཾ་ཨནྟ་རཱ་ཡ་བི་ནཱ་ཤ་ཀ་ར་མཱ་ར་ཡ་ཧཱུཾ་ཕཊ། ཅེས་བརྒྱ་ཙ་བརྒྱད་བརྗོད་ན་འགྲུབ་པའོ། །ངེས་པར་འགྲུབ་པའོ་ཞེས་གསུངས་སོ། །འཕགས་པ་བར་དུ་གཅོད་པ་ཐམས་ཅད་སེལ་བའི་གཟུངས། སྔགས། རྫོགས་སྷོ།། །། |