༄#། ་།རྒྱ་གར་སྐད་དུ། མ་ཎི་བྷ་དྲཱ་ཡ་ཡཀྵ་སེ་ན་ཀལ་པཱ། ་བོད་སྐད་དུ། གནོད་སྦྱིན་ནོར་བུ་བཟང་པོའི་རྟོག་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ན་མོ་རད་ན་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡཱ། མ་ཧཱ་ཡཀྵ་སེ་ནཱ་པ་ཏ་ཡེ། ས་མ་ཡེ་མ་ནུ་སྨ་ར། མ་ཎི་བྷ་དྲ་ཡ་བྷ་ག་བ་ཏཱ། པཱ་ཙི་ཏ་སྟོ། ་དྷ་མ་དྷ་མ། དྷུ་རུ་དྷུ་རུ། མ་ཙི་ར་མ་ཧཱ་ཡཀྵ་སེ་ནཱ་པ་ཏ་ཡེ། ཏུ་ལུ་ཏུ་ལུ། མ་ཎི་བྷ་དྲ། ཏུ་རུ་ཏུ་རུ། མ་ཎི་བྷ་དྲཱ། ཏུ་ཊི་ཏུ་ཊི་མ་ཎི་བྷ་དྲཱ། ཙུ་ཊི་ཙུ་ཊི། མ་ཎི་བྷ་དྲཱ། ནི་ཊི་ནི་ཊི། མ་ཎི་བྷ་དྲཱ་སཝཱ་ཧཱ། ཚེས་གྲངས་མེད་ཅིང་རྒྱུ་སྐར་མེད། །སྨྱུང་བའི་ཆོ་ག་ཡོད་མ་ཡིན། །རྒ་དང་ནི་ནིམ་པ་གཉིས། །གང་རུང་བ་ཡི་ཤིང་དག་ལས། །ནོར་བུ་བཟང་པོའི་གཟུགས་བྱས་ལ། །དེ་ཡི་མདུན་དུ 101.150a གནས་བྱས་ཏེ། །མེ་ཏོག་ལ་སོགས་པ་རྒྱ་ཆེ་བ་ཐམས་ཅད་ཀྱིས་མཆོད་པ་བྱས་ཤིང་གནས་ལ། ཉི་མ་གུང་གི་དུས་སུ་ཡུངས་དཀར་དང་ཚ་བའི་མར་གྱིས་བསྣོས་ལ། ནོར་བུ་བཟང་པོའི་གསུས་པ་ལ་བྱུག་པར་བྱ་ཞིང ། རིག་པ་སྟོང་ཕྲག་བརྒྱད་བཟླས་ན། གསེར་གྱི་དོང་རྩེ་བརྒྱད་རྙེད་པར་འགྱུར་ཏེ། དེ་ཡང་གཏང་བར་བྱའོ། །ན་མོ་རད་ན་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། དུ་ཧུ་ཀུ་ཙུ་ཙུ་རུ་ཙུ་རུ། ཤ་བ་རི་ཀ་།མ་ཎི་བྷ་དྲཱ་སཝཱ་ཧཱ། བྱ་རོག་གི་སྐད་མི་གྲག་པར་ཕྱུགས་ཀྱི་ཀོ་བ་ཙམ་གྱི་མཎ་ཌལ་བྱས་ལ། ལན་གཅིག་བཟླས་པས་མེ་ཏོག་བརྒྱད་བརྒྱ་དབུལ་བར་བྱའོ། །ཟླ་བ་གཅིག་ན་གསེར་སྲང་གཅིག་རྙེད་པར་འགྱུར་རོ། །ན་མོ་རད་ན་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཏདྱ་ཐཱ། བྷྲ་མ་རི་བྷྲ་མ་རི། སུཥྛུ་སུཥྛུ། ཡཀྵཾ་མ་བྷ་དྲཾ། སཱི་ད་སཝི་ཌ་ཡ། ཨཱ་བཱ་ཧ་ཡ། ཨཱ་བཱ་ཧ་ཡ། ཨུ་པ་དར་ཤ་ཡ་སཝཱ་ཧཱ། ནག་པོ་ཕྱོགས་ཀྱི་ཚེས་གཅིག་ནས་བཟུང་སྟེ། ཅི་སྙེད་དཀར་པོ་ཕྱོགས་ཀྱི་ཚེས་གཅིག་གི་བར་དུ་བྱས་ཏེ། ཉི་མ་ཤར་བའི་བར་དུ་ལན་ཉི་ཤུ་རྩ་ལྔ་བརྗོད་ན། གསེར་གྱི་དོང་ཙེ་སྟེར་རོ། །ན་མོ་རད་ན་ཏྲ་ཡཱ་ཡ། ན་མོ་བཻ་ཤྲ་མ་ཎཱ་ཡ། རད་ན་མེ་བ། ་བཱ་ཧ་ཡཾ་སཝཱ་ཧཱ། ཉི་མ་རེ་རེ་ཞིང་སྔ་བར་ལངས་ལ། ལན་ཉི་ཤུ་རྩ་གཅིག་བཟླས་ན། ཟླ་བ་གཅིག་ན་དོང་ཙེ་གསུམ་སྟེར་བར་བྱེད་དོ། །ན་མོ་བྷ་ག་བ་ཏེ། ཨ་ཏི་དྱཱ་ཡ། ཨ་སི་མ་སི་ཀ་སི་ལུ་བ་ཏོ་སི་སཝཱ་ཧཱ། བུད་མེད་དང་སྐྱེས་པའི་གཟུགས་བྱས་ལ་ཀུ་ཤའི་མཚོན་གྱིས་བཅད་ན། སྐྱུགས་པའི་ནད་ཞི་བར་བྱེད་དོ། །ན་མ་སྠི་བི་རི། ཙཻ་ཏྱ་ཀུ་ན་ཛ་ལ་སྱ་ཏི་མིཾ་གི་ལི་ཕུ། སྐུད་པ་དམར་པོ་ལ་ལན་ཉི་ཤུ་རྩ་གཅིག་ཏུ་བསྔགས་ཏེ། མདུད་པ་ཉི་ཤུ་རྩ་གཅིག་བྱས་ལ་རྐེད་པ་ལ་བཅིངས་ན་རྡེའུ་མེད་པར་བྱེད་དོ། །ན་མོ་རད་ན་ཏྲ་ཡཱ་ཡ། བ་ལེ་ཀ་ཧ་ལེ། མ་ཧཱ་ལེ་སཝཱ་ཧཱ། བུད་མེད་གང་ལ 101.150b ཁྲག་རྒྱུན་མི་འཆད་པར་འབབ་ན། ཁྲག་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ། རྐེད་པ་ལ་བཅིངས་ན་ཁྲག་འཆད་པར་འགྱུར་རོ། །ིཊྚ་བྷུ་ཏེ་བི་དྱེ་སཝཱ་ཧཱ། ཏ་ལའི་ལོ་མ་ལ་ཡོངས་སུ་བསྔགས་ཏེ། ནུབ་མོའི་གནས་སྐབས་སུ་བཞག་ལ། སྔ་བར་དཀྱིལ་འཁོར་བྱས་ཏེ་ཉེ་བར་བཞག་ལ། གང་ལ་དགོས་པ་ཡོད་པ་ཐམས་ཅད་ཀྱི་མིང་བྲིས་ཏེ། ཏ་ལའི་ལོ་མ་ལ་ལན་གསུམ་དུ་བཟླས་ལ། ཏ་ལ་འི་ལོ་མ་གཞན་གྱིས་དཀྲིས་ཏེ། བསྲེགས་ལ་ལག་པ་ལ་དེའི་ཐལ་བ་མཉེས་ན། རྐུན་མས་མི་མཐོང་བར་འགྱུར་རོ། །གནས་སྐབས་ཀྱིས་གཞན་གྱི་ལས་ཀྱང་ཅུང་ཟད་བརྗོད་པར་བྱ་སྟེ། ཧཱུཾ་ཡིག་ལས་བྱས་རྡོ་རྗེ་ཅན། །དུར་ཁྲོད་གནས་སུ་ཞུགས་པར་བྱ། །ལེགས་པར་བཟླས་པ་ཤེས་བྱས་ལ། །ནུབ་མོ་རྒྱུད་རྣམས་དངོས་འགྲུབ་ལ། །འདིར་ནི་གྲོགས་སུ་གསོལ་བ་བཏབ་བོ། །དེས་དུར་ཁྲོད་ཀྱི་རས་བླངས་ལ་ཁྲོ་ཞིང་མིག་དམར་བས། དྲི་ཞིམ་པོས་ལུས་ལ་བྱུགས་ལ། དུར་ཁྲོད་ཀྱི་སོལ་བ་བླངས་ཏེ་བསྒྲུབ་བྱ་བྲི་བར་བྱའོ། །ཐལ་བ་དང་སོལ་བས་ཡན་ལག་ཡང་དག་པར་བགང་སྟེ། ཡན་ལག་བཀུག་ལ་བཅུག་སྟེ། བསྒྲུབ་བྱའི་གཟུགས་བརྙན་གྱི་ལུས་ཀྱི་སྙིང་ཀའི་པད་མ་དཀར་པོ་ལ་བཞག་པར་བྱའོ། །འཕྲལ་དུ་བྱུང་བའི་མིའི་ཁྲག་དང ། དུག་དང་བསྲེས་ཏེ། འབྲས་ཀྱི་ཁ་ཚོས་ཀྱི་ཁུ་བ་དང་བཅས་པས་མཛེས་པར་བྱས་ལ། ལུས་པོ་འམ་རུས་པ་དང་བསྲེས་ཏེ། ཡང་དག་པར་གཏོར་ལ་བསྡུས་ཏེ་དྲིལ་ལ་སྐུད་པ་ཕྲ་མོ་ནག་པོས་མིག་བཀབ་ལ་དཀྲི་བར་བྱའོ། །སོལ་བས་ཕྱི་རོལ་བྱུགས་ལ་དུར་ཁྲོད་དུ་བརྐོས་ཏེ་བཅུག་ལ་བདག་གིས་བསད་དོ་ཞེས་བྱའོ། །བརྐོས་པ་བཀང་བའི་སྟེང་དུ་ལག་པས་རྡོ་རྗེའི་མཚན་མ་བྱས་ལ་ཐལ་བར་བྱའོ། ཞེས་སྔགས་ཀྱི་བཟླས་པ་བྱའོ། །ཧཱུཾ་སུཾ་བྷ་ནི་སུཾ་བྷ། ཧཱུཾ་གྲྀཧྞ 101.151a གྲྀཧྞ། ཧཱུཾ་གྲྀཧྞཱ་པ་ཡ། ཧཱུཾ་གྲྀཧྞཱ་པ་ཡ། ཧཱུཾ་ཨཱ་ན་ཡ་ཧོ། བྷ་ག་བན། ཆེ་གེ་མོ་ཧཱུཾ་ཕཊ། ཧཱུཾ་ཧྲཱི་ཧཱུཾ་ཕཊ། ཨོཾ་སུཾ་བྷ་ནི་སུཾ་བྷ། ཧཱུཾ་གྲྀཧྞ་གྲྀཧྞ། ཧཱུཾ་གྲྀཧྞཱ་པ་ཡ། ཧཱུཾ་གྲྀཧྞཱ་པ་ཡ། ཧཱུཾ་མཱ་ར་ཡ་ཆེ་གེ་མོ་ཧཱུཾ་ཕཊ། རིགས་ཀྱི་མིང་བརྗོད་ན་ཉམས་པ་ཉིད་དུ་འགྱུར་རོ། །གལ་ཏེ་མ་གྱུར་ན་ཕྱུང་ལ་དེའི་ཕྱིར་དུམ་བུ་དུམ་བུར་བྱས་ཏེ། དུག་ལ་སོགས་པ་དང་ལྡན་པའི་སྐེ་ཚེ་དང་བཅས་པས། སྦྱིན་སྲེག་བྱས་ཏེ། བློ་དང་ལྡན་པས་དགྲ་བོ་ཉམས་པར་འགྱུར་བའི་ཆེད་དུའོ། །དོན་ཡོད་ཞགས་པའི་གཟུངས་ནི་ཡོངས་སུ་བསམ་བྱ་སྟེ། །བན་དུ་ཀའི་མདོག་འདྲ་ཞགས་པ་བསྣམས་པ་ཡི། །ཡང་དག་ཁྲོས་པས་སྔགས་ཀྱི་མངོན་དུ་རབ་བྱས་ལ། །བྱ་རོག་གཤོག་པ་དག་ལས་དེ་དུས་བྱ་བ་ནི། །གཡོན་པའི་ལག་པ་ལ་ནི་ཕ་ཡིག་རྣམ་པར་དགོད། །གཡས་པའི་སོར་མོ་ལ་ནི་ཏ་ཡི་ཡི་གེ་དགོད། །ཞགས་པས་བཅིངས་ལ་ཐག་ནི་རིང་པོ་རུ། །མི་འདོད་བཞིན་དུ་ཁྱེར་ལ་སྔགས་ཀྱི་བཟླས་པ་བྱ། །ཕ་ནི་ཞགས་པའོ། །ཏའི་སེ་གོལ་གྱིས་འདི་རུ་ཁྱེད་ཀྱིས་ཡོང་བར་མི་བྱའོ། །ཞེས་བྱ་བའི་ངག་གིས་བཟླས་པར་བྱའོ། །བཟླས་པ་རྫོགས་ནས་བྱ་རོག་ནག་པོའི་སྒོ་ནི་བསྒྲུབ་བྱ་ཕྱོགས་ན་ཡོད་པའི་ས་རུ་བཟླས་ལ་བསྐུར་རོ། །སྔགས་ནི་ཕཊ་ཧྲཱི་ཧ་ཧཱུཾ་ཕཊ་ཆེ་གེ་མོ་སྐྲོད་ཅིག་ཕཊ། གཡོན་པའི་ལག་པ་ལ་ལན་ཉི་ཤུ་རྩ་གཅིག་ཏུ་བཟླས་ལ། ལྕི་ཉིལ་གྱི་ཐལ་བ་ཁུ་ཚུར་གྱིས་བཟུང་སྟེ་བརྒྱ་ཕྲག་བརྒྱད་ཀྱི་བར་དུ་བཟླས་ལ། དགྲ་བོའི་ཁྱིམ་དུ་བསྐྱུར་ནས། ཕྱི་མིག་མི་ལྟ་བར་སོང་ལ། དེ་མ་ཐག་ཉིད་དུ་སྐྲོད་པར་བྱེད་དོ། །ོཾ་ན་མ་ཀུ་ལི་ནི་ཀུ་ལི་ནི། ཀི་ལི་ཀི་ལི། གྲྀཧྞ་གྲྀཧྞ། ཨུཙྪ་ཊ་ཨུཙྪ་ཊ། ཨུཙྪ་ཊ་ཡ་ཨུཙྪ་ཊ་ཡ་ཧུ། ་སྐྱེས་བུའི་ངར་གདོང་གཡོན་པའི་རུས་པ་ལ། འཐེབ་ཆེན་གྱི་ཚོན་གང་གི་ཚད་ལ་ཕྱག་བཞི་པ། མཚོན་ཆ་ཐམས་ཅད་དང་ལྡན་པར་བྱས་པའི་བགེགས་ཀྱི་བདག་པོ་བྱའོ། །མཚོན་ཆའི་མིང་ནི་གཡས་ཀྱི་ཕྱག་ན་དགྲ་སྟ་དང 101.151b ཞགས་པའོ། །གཡོན་གྱི་ཕྱག་ན་ཐོ་བ་དང་རྩེ་གསུམ་མོ། །དུག་དང་རྒྱམ་ཚ་དང་སྐེ་ཚེ་ལ་སོགས་པས་བྲི་བ་ནི། ཏ་ལའི་ལོ་མ་ལ་སྔགས་བྲིས་ཏེ་དཀྲི་བ་ནི་ཁ་མཐུར་དུ་བསྟན་ཏེ་སྦ་བ་འམ། ཡང་སྒོའི་ཕྱོགས་སུ་བསྐོས་ལ་སྦས་ཏེ། ཞག་བདུན་དུ་བྱས་ན་དེ་མ་ཐག་ཏུ་སྐྲོད་པར་འགྱུར་རོ། །ཕྱུང་ན་ཐར་བར་འགྱུར་རོ། །དེ་ཉིད་ཀྱི་སྔགས་ནི། ན་མོ་རད་ན་ཏྲ་ཡཱ་ཡཾ། ན་མཿ ཙཎ་ཌ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་ཀྲོ་དྷ་ཡ། དཾཥྚོ་ཊ་ཀ་ཊ་བྷཻ་ར་བཱ་ཡ། ཏདྱ་ཐཱ། ཨོཾ་ཨ་མྲྀ་ཏ་ཀུཎ་ཌ་ལི་ཁ་ཁ་ཁཱ་ཧི་ཁཱ་ཧི། བྷན་དྷ་བྷན་དྷ། ཧ་ན་ཧ་ན། གརྫ་གརྫ། བི་སྥོ་ཏ་སྥོ་ཊ་ཡ་བི་སྥོ་ཡ། སརྦ་བིགྷན་བི་ན་ཡ་ཀཱ་ནཾ། མ་ཧཱ་ག་ཎ་པ་ཏི་ཛཱི་བི་ཏ་ཨན་ཏ་ཀ་རེ་ཡ་སཝཱ་ཧཱ། དེ་ལྟར་སྔགས་ཏ་ལའི་གྲོ་ག་ལ་བྲིས་ཏེ་བརྐོས་ལ་སྦ་བར་བྱའོ། །ོཾ་ཀཱ་ཀེ་ཀ་ར་བེ། ཀཱ་ཀ་ཀི་ཀཱ་པིཎ་ཌོ་པ་ཧཱ་རི་ཎཱི་ཆེ་གེ་མོའི་ཧྲཱི་ད་ཡཾ་གྲི་ཧྱ་གཙྪ། ཀཱ་ཀི་ཡ་ཐཱ་སུ་ཁཾ་ཨུར་དྷ་མུ་ཁི་སཝཱ་ཧཱ། སེ་ཧ་ར་དང་སྒྲོན་ཤིང་ལ་བརྒྱ་ཕྲག་བརྒྱད་ཀྱི་བར་དུ་བཟླས་ཏེ། སྒོ་རུ་བརྐོས་ཏེ་སྦས་ན། གང་གི་མིང་བྱས་པ་བྱ་རོག་བཞིན་དུ་རྒྱུ་ཞིང་སྐྲོད་པར་འགྱུར་རོ། །ོཾ་ན་མོ་ཀྲིཥྞ་ཤ་བ་རི་ཡེ་མཱཾ་ས། ཤོ་ཎི་ཏ། བྷོ་ཛ་ནཱི་ཡེ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཆེ་གེ་མོ་ཛ་རེ་ན་གྲྀཧྞཱ་པ་ཡ་ཨ་ཤུ་ཧཱུཾ་ཕཊ། རིམས་ཀྱི་ཕག་མོའི་གཟའ་མིག་དམར་གྱི་དུས་སུ། ཤིང་ནིམ་པའི་ལྷོ་ཕྱོགས་ཀྱི་རྩ་བ་ལ་སྐུ་གཟུགས་བྱས་ལ། ཚ་བ་གསུམ་གྱི་བདུག་པས་བདུག་ན་འཛིན་པར་འགྱུར་རོ། །གུ་གུལ་གྱིས་བདུགས་ན་གྲོལ་བར་འགྱུར་རོ། །ོཾ་དྷུ་ནི་ཙཎ་ཌ་སཝཱ་ཧཱ། མིའི་མགོ་བོའི་སྐྲ་བཟུང་ལ་གཏུམ་པོ་དབང་ཕྱུག་གི་རྐང་པ་ལ་དྲུད་ན་ཉི་མ་ཁ་ཅིག་ལ་རིམས་སྐྱེད་དོ། །སྙིང་གར་ཟླ་བའི་དཀྱིལ་འཁོར་བསམས་ལ། དེའི་སྟེང་དུ་ཡི་གེ་བཾ་དཀར་པོ་ལས་ཆར་འབབ་པར་བསམས་ན། སྙིང་ཀར་ཟུག་གཟེར་བྱུང་བ་མེད་པར་བྱེད་དོ། །ན་མོ་རད་ན་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤཝཱ་རཱ 101.152a ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨོཾ་ཀ་ཊེ། བི་ཀ་ཊེ། ནི་ཀ་ཊེ། ཀ་ཏཾ་ཀ་ཊེ། ཀ་རོ་ཊེ། བཱིརྱེ་སཝཱ་ཧཱ། འཕགས་པ་སྤྱན་རས་གཟིགས་ཀྱི་དབང་ཕྱུག་བླ་མ་སེང་གེ་སྒྲའི་སྔགས་འདིས། འཕགས་པ་སྤྱན་རས་གཟིགས་དབང་གི་མདུན་དུ་ལྕི་བས་དཀྱིལ་འཁོར་བརྒྱད་བྱས་ཏེ། དེའི་ལྕི་བའི་ལྷག་མ་ལ་ལན་བདུན་དུ་བསྔགས་ལ། ལུས་ལ་ནད་ཡོད་པའི་སར་བྱུག་པར་བྱའོ། །ཞག་བདུན་ན་ནད་ཞི་བར་འགྱུར་རོ། །གལ་ཏེ་ཞི་བར་མ་གྱུར་ན་དེའི་ཚེ་སངས་རྒྱས་བཅོམ་ལྡན་འདས་བདག་གིས་དགོངས་པར་གྱུར་པ་ཡིན་ནོ་ཞེས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་ཕྱུག་སྨྲའོ། །ན་མོ་རད་ན་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། སོ་བྷ་སོ་ཀྲི་ནཱི་ཡ། སོ་རོ་ཏི་སཝཱ་ཧཱ། གནོད་གནས་ཀྱི་སྙིང་པོ་མཆོག་ཏུ་གྲུབ་པ་འདི་ཉིད་པུས་མོའི་བར་ཙམ་ཆུའི་ནང་དུ་བཅུག་སྟེ་གནས་ལ་འབུམ་ཕྲག་གཅིག་བཟླས་པ་བྱས་ན་ནོར་སྟེར་རོ། །ནིམ་པའི་ཤིང་གི་རང་བཞིན་ལ། སོར་བཞི་པའི་ནོར་བུ་བཟང་པོའི་སྐུ་གཟུགས་བྱས་ཏེ། གསོ་སྦྱོང་དང་ལྡན་པའི་ལྷ་བཟོས་ཚོན་རྩིས་བྱུག་པར་བྱའོ། །མཆོད་པ་དང་གཏོར་མའི་ཉེ་བར་སྤྱོད་པ་བྱས་ལ། དུ་བ་མེད་པའི་སོལ་བའི་མེ་ལ་ཐུན་འཚམས་གསུམ་དུ་ཡོས་ཀྱི་སྦྱིན་སྲེག་སྟོང་ཕྲག་བརྒྱད་བྱས་ན། ཕྱུག་པོ་ཆེན་པོ་དབང་དུ་འགྱུར་རོ། །ན་མ་ཀ་པཱ་ལེ། ་ཤཝ་རཱ་ཡ་ཛ་ཧུ་ཏུ་རུ་རུཾ་མུ་ཧི་རི་ཡེ་སཝཱ་ཧཱ། སྔོན་དུ་བསྙེན་པ་ཁྲི་བྱས་ལ། དེ་ནས་འབྲས་སོ་བའི་ཁང་པར་ཡོངས་སུ་བཟླས་པ་ཙམ་དང ། ཐོད་པ་བཅུག་པ་ཙམ་གྱིས་འབྲས་ཀྱི་སོ་བ་འཕེལ་བར་བྱེད་དོ། །གིའུ་ཝང་གིས་གྲོ་ག་ལ་ནོར་རྒྱུན་མའི་གཟུངས་མངོན་པར་བྲིས་ཏེ། དྲི་ཞིམ་པོས་བྱུགས་པའི་བུམ་པའི་ནང་དུ་བཅུག་སྟེ། མཆོད་པ་དང་བསྙེན་བཀུར་བྱས་ལ། བང་མཛོད་ཀྱི་ཁང་པའི་དབུས་སུ་བཞག་ལ། སྟེང་དུ་འབྲས་སོ་བ་རྣམས་བླུགས་ན་ཟད་པ་མེད་པར་འགྱུར་རོ། །མིའི 101.152b ལུས་པོ་འཕྲལ་དུ་བསྲེས་པའི་སྔགས་པས་དེའི་ཐལ་བ་མངོན་བར་བསྔགས་ནས། ཐལ་བ་བླངས་ཏེ་གང་དུ་བླུགས་པའི་ཁྱིམ་བདག་ཡུལ་གཞན་དུ་འགྲོ་བར་འགྱུར། སྔགས་ནི་ཀ་ད་ལི་ཀ་ད་ལི་ཀི་བ་ཏཾ་ཙེ་ལེ། ན་མོ་བྷ་ག་བ་ཏེ། བི་ཀ་ཊེ་བི་ཀ་ཊེ། མ་ཧཱ་བི་ཀ་ཊེ། ཙུ་ཌ་ཙུ་ཌ་སཝཱ་ཧཱ། འདིའི་ཡང་ཆོ་ག་ནི་འདི་ཉིད་དོ། །ན་མོ་བྷ་ག་བ་ཏེ། རུ་དྲ་ཡཱ། གྲྀཧྞ་ཀརྞི། ་བི་དུ་པཱཀྵི་ལམ་པ། སྟ་ནི་མ་ཧོ་ད་རི། ཧ་ན་ཤ་ཏྲཱུཾ་ཏྲི་ཤཱུ་ལེ་ན། ཀྲུདྡྷ་ཤྱ་པི་པ་ཤོ་ན་ཏིཾ། ཧ་ན་ད་ཧ་མཱ་ར་ཡ། ཨུད་སཱ་ད་ཡ། ནཱ་ཤ་ཡ་ཕཊ་ཕཊ་ཕཊ། ཨུ་དུམ་འབར་རའི་ཤིང་གི་ཕུར་བུ་རྩེ་གསུམ་པ་ལ་སྐུད་པ་དམར་པོ་དཀྲིས་ཏེ། ལིང་ག་མདུན་དུ་བྱས་ལ་ཕུར་བུ་ལག་དུ་བཞག་ལ་སྟོང་ཕྲག་གཅིག་བཟླས་ཏེ། དགྲ་བོའི་སྒོར་སྦས་ན་སྐྲོད་པར་འགྱུར་རོ། །སྔོན་དུ་བསྙེན་པ་ནི་ཁྲི་ཚོ་གཅིག་བྱའོ། །ོཾ་ཨེ་མེ་དྲུ་དི་རུ་སེ། ཀཱ་ཤྱ་ཨ་གྲྀཧྞ་ཀྲ་ཚན་དུ་སར་ཤ་པ། ཙ་ཏུརྞ། མསྟ་ཀེ་ཛ་ཏ་སི་ཧ་ཤྱ་ན་གུ་ལ་ཤྱ། ཙ་ཀྲིཥྞ་སར་པ་ཤྱ། ཛི་བྷ་ཡཱཾ། པི་ཏཱ་ལ་ཤྱ་ཙ། མསྟ་ཀེ་།ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཆེ་གེ་མོ་དང་ཆེ་གེ་མོ་ཕྱེ་ཅིག ། མ་མ། བ་ཤ་མ་ག་ཏུ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་ལ་མིང་གིས་གཟུགས་བརྙན་བྱས་ཏེ། སྐེ་ཚེ་འམ། ཡུངས་དཀར་གྱིས་གང་གི་མིང་ནས་བཟུང་སྟེ་སྦྱིན་སྲེག་བྱས་ན། དེ་འབྱེད་པར་བྱེད་དོ། །ོཾ་ཙ་མུཎ་ཌེ་ནི་མ་བེ་ཏ་བཱ་སོ་པ་སོ། ས་ཤྱ་ནི་མ་པ་ཤྱ། མ་ཧཱ་ཨཱད་མྱཾ་པྲ་ཏྱ་ཀྵཾ་བྷཎ་ཌཱ་པ་ནཾ། ཆེ་གེ་མོ་དང་ཆེ་གེ་མོ་མཱ་ག་དཱ་ཙྪེ་ད་བྲི་ཏི་ར་བྷ་བ་ཏུ་ར་ཏྲོ་ཙྪེ་ད། ཀ་ལ་ཧོ་བྷ་བ་ཏུ། བི་བཱ་ཙྪེ་ད་ཨཱ་ས་མ་ག་མ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་དམ། ཚེས་བཅུ་བཞི་ལ་བརྩམས་ཏེ། ནིམ་པའི་ཡམ་ཤིང་གིས་ནུབ་བདུན་གྱི་ཐུན་འཚམས་སུ་སྦྱིན་སྲེག་བྱས་ན་ཞག་གསུམ་ན་འབྱེད་པར་འགྱུར་རོ། །ཕ་མེས་ཀྱི་ནགས་ཀྱི་ཤིང་དང ། རུས་གོང་ལ་གཟུགས་བརྙན་བྱས་ཏེ། རང་གི་མིང་གཉིས 101.153a དུག་དང་ཁྲག་དང་སྐེ་ཚེ་དང་ནིམ་པའི་ལོ་མས་བྱུགས་ལ། རྒྱབ་དང་རྒྱབ་ཏུ་སྤྲད་དེ་མི་རོའི་སྐྲས་བཅིངས་ན། སྐྱེ་འགྲོ་ཐམས་ཅད་ཀྱང་འབྱེད་པར་བྱེད་ན། ཕལ་པའི་མི་ལྟ་སྨོས་ཀྱང་ཅི་དགོས། ཨོཾ་སྨ་སཱ་ན་པི་ཤ་ཙ་བི་དྭེ་ཤ་ཡ་ཧཱུཾ་ཕཊ། མི་རོའི་སྐྲ་ལ་ལན་བརྒྱ་རུ་བཟླས་ལ་བཅིང་བར་བྱའོ། །ན་མོ་རད་ན་ཏྲ་ཡཱ་ཡ། ན་ཙཎ་ཌ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་བྷེ་རུཎྜཱ་ཡ་ཧཱུཾ་ཕཊ། འདི་ཡིས་སྔོན་དུ་བསྙེན་པ་ནི་སྟོང་ཕྲག་བཅུ་གཉིས་བྱ་སྟེ། དེ་ནས་ཕྱིས་ནི་ཨརྒྷའི་ཤིང་གི་ལྷོ་ཕྱོགས་ཀྱི་ཡལ་ག་ལ་གཟུང་སྟེ་ཁ་སྦྱོར་དུ་བྱས་ལ། དེ་ལ་སྔགས་འདི་ཡིས་བསྲུང་བར་བྱའོ། །ོཾ་མ་ཧཱ་བ་ལ་ཨ་ཙ་ལ། བན་དྷ་བྷན་དྷ། པཱི་ཌ་ཡ་པཱི་ཌ་ཡ། ཏི་ལ་ཀཱ་མཱ་རུ་པ་ཧཱུཾ་ཕཊ། རྒྱལ་རིགས་རྗེའུ་རིགས་བྲམ་ཟེའི་རིགས་རྨང་རིགས་སྨན་པའི་རིགས། ཡིག་མཁན་གྱི་རིགས། ཚོང་པའི་རིགས་སོ། །རིགས་བདུན་པོ་ཡང ། ལྷོ་ཕྱོགས་སུ་གཏོགས་པའི་ཤིང ། རོ་བསྲེགས་པའི་ས་རུ་དུར་ཁྲོད་ཀྱི་མེས་བསྲེགས་ཏེ། བོང་བུའི་ཁྲག་གིས་བསད་ལ། དེའི་སོལ་བ་ལ་བསྲུང་བ་བྱས་ཏེ། སྔགས་འདི་ཡིས་ལན་བརྒྱད་བརྒྱ་རུ་བཟླས་ཏེ། ཨོཾ་ན་མོ་བྷ་གཱར་ཏི་ཏེ། ཨ་ན་ཡཱ་ཏྱཱཾ་གི་ཧཱུཾ་ཕཊ། ཕྱིས་ནི་རྩ་བའི་སྔགས་ཀྱིས་བརྒྱ་ཕྲག་བརྒྱད་ཀྱིས་མངོན་བར་བསྔགས་ཏེ། གང་གི་མིང་བྲིས་པ་དེ་ཤ་ཟས་བཟུང་བར་འགྱུར་རོ། །ཅི་སྙེད་ཀྱི་སྔགས་མཁན་ཁ་ཅིག་གིས་གྲོལ་བར་བྱེད་འདོད་པ་ཐམས་ཅད་ཀྱིས་ཀྱང་གྲོལ་བར་བྱེད་མི་ནུས་སོ། །དེའི་མིང་ཕྱིས་ན་གྲོལ་བར་འགྱུར་རོ། །ནིམ་པ་ལ་གནས་པའི་བྱ་རོག་ནག་པོའི་ཚང་ལ་ཉི་མ་གུང་ལ་མར་ནག་གིས་བྱུགས་ཏེ། ཙཝ་སྐམ་པོ་དེས་དེ་ལ་མར་ནག་བྱུགས་པ་རྣམས་དུར་ཁྲོད་ཀྱི་མེ་ལ་ལེགས་པར་བསྲེགས་ཏེ་བསྡུས་ན། དེའི་ཐལ་བ་ཐུམ་པོ་བྱས་ལ་ཁང་པའི་ཐོག་གི་འོག་ཏུ་བཞག་པར་བྱས་ན། དེའི་ཁྱིམ་ལ་རྡོའི་ཆར་པ་འབབ་པར་འགྱུར་རོ། ། 101.153b ོཾ་ཨ་ན་ལ་བི་ཤཱི་ཙ་བ་ཡུ་བ་ག་མ་ཧཱ་པི་ཤ་ཙ་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བཟླས་ལ། དེ་ནས་ཨུ་དུམ་འབའ་རའི་ཡམ་ཤིང་ལ་སྟོང་ཕྲག་གཅིག་སྦྱིན་བསྲེག་བྱས་ཏེ། ལྕེ་སྤྱང་གི་ཁྲག་གིས་བསད་དེ། དེའི་སོལ་བས་གང་གི་མིང་བྲིས་པ་དེ་ཤ་ཟས་བཟུང་བར་འགྱུར་རོ། །ཕྱིས་ན་ནི་གྲོལ་བར་འགྱུར་རོ། །དུར་ཁྲོད་ཀྱི་སོལ་བའི་མེ་ལ་ཝའི་ཁྲག་གིས་བསད་ལ། ཝའི་ཁྲག་དང་བསྲེས་ཏེ། བསྣོས་ལ་དེ་ཡིས་གང་གིས་མིང་བྲིས་པ་དེ། དེ་མ་ཐག་ཉིད་དུ་སྨྱོ་བར་འགྱུར་རོ། །ཕྱིས་ན་ནི་གྲོལ་བར་འགྱུར་རོ། །ོཾ་ཏྲི་ནེ་ཏྲ་སི་ཤཱ་ཙ་བྷོ་ཀྲྀ་ཏེ་དཾཥྚྲ་བི་ཀྲྀ་ཏ་མུ་ཁ་ཆེ་གེ་མོ་ཨཙྩ་ཏ་ཡ་བྷ་མ་ཧཱུཾ་ཕཊ། བྱ་རོག་གི་སྒྲ་མི་གྲག་པར་ཚོད་མ་ཐམས་ཅད་དང་ལྡན་པའི་ཟན་གྱི་ཆང་བུ་སྦྱིན་པར་བྱས་ན། ཞག་བདུན་གྱིས་སྐྲོད་པར་འགྱུར་རོ། །ོཾ་ཀཱ་ཀི་ཀྵི་ཀཱ་རུ་དི་ཀེ་།ཀཱ་ཀ་པ་ཎ་ཌཱྀ་ནུ་བྷོ་ཛ་ནི་ཆེ་གེ་མོ་ཧྲི་ད་ཡཾ་གྲྀ་ཧྱ་གཙྪ་ཚ་ཀཱ་ཀཱི་ཡ། ཛ་ཐཱ་སུ་ཁཾ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་དམ། བཅུ་བཞི་ལ་བྱ་རོག་ནག་པོའི་ཚང་གི་ཤིང་ལ། ཙཎ་ཌ་ལའི་མེས་སྟོང་ཕྲག་བརྒྱད་སྦྱིན་སྲེག་བྱས་ན། ཕུད་ཀྱི་ཆང་བུ་ལ་ལན་བདུན་བསྔགས་ཏེ། དགྲའི་ཁང་པར་བསྐྱུར་ཏེ། ཕྱི་མིག་མི་ལྟ་བར་བྱས་ན། ཞག་བདུན་ཕྲག་གསུམ་ན། ངེས་པར་སྐྲོད་ཅིང་དེ་མ་ཐག་ཏུ་སྐྲོད་པར་བྱེད་དོ། །ཕྱིས་ན་ནི་དྲོ་བར་འགྱུར་རོ། །ཡ་མ་རཱ་ཛ། ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི། ར་ཡ་ཀྵེ་ཡ། ཡ་ཀྵེ་ཡཙྪ་ནི་རཱ་མ་ཡ། དབུས་སུ་ཡའོ། །ཀྵེ་དང་མ་མེ་ད་ནི་ནང་གི་འཁོར་ལོ་ལའོ། །ཡཙྪ་ནི་རཱ་ཛ་ས་དོ་རུ་ཎ་ཡོ་ནི་ར་ཞེས་བྱ་བ་ནི་གཉིས་པའི་ཕྱིའི་འཁོར་ལོའི་རེའུ་མིག་ལའོ། །རོ་བསྲེགས་པའི་ཤིང་གི་རང་བཞིན་ལས་ཁ་སྦྱོར་བྱས་ལ། དེའི་ཤིང་ལས་བྱས་པའི་སྨྱུ་གུས་བྲི་བར་བྱའོ། །དཔྱངས་པའི་རོའི་སྟེང་ཕྱོགས་ཀྱི་ཐག་པ་བླངས་ཏེ། དུ་བ་ཕྱིར་མི་དབྱུང་བར་བསྲེགས་ལ། དེའི་ཐལ་བ་དང་བོང་བུའི་ཆུ་བསྲེས་ཤིང་བསྣོས 101.154a ལ་བསྣག་ཚ་བྱའོ། །ཁ་སྦྱོར་དེ་ལ་གང་གི་མིང་བྲིས་པ་དེ་རིམས་ཆེན་པོས་འཛིན་པར་འགྱུར་རོ། །འོ་མས་བཀྲུས་ན་གྲོལ་ལོ། །ོཾ་ཙི་ལི་ཙི་ཙྪེ། ཙི་ལི་ཙི་ལི་ཙི་ཙྪི་སཝཱ་ཧཱ། ཟངས་མའི་ཁབ་ཀྱིས་ཕུག་པའི་ཀ་ར་བི་ར་དམར་པོ་ནི། ཡུངས་དཀར་གྱི་མར་གྱིས་སྦར་བའི་མར་མེ་རྩེ་མོ་ལ་བརྒྱ་ཕྲག་བརྒྱད་དུས་གསུམ་དུ་བསྲེག་པར་བྱའོ། །ཞག་བདུན་གྱིས་སྔོན་མ་མཐོང་བའི་བུད་མེད་ཀྱང་འགུགས་པར་བྱེད་དོ། །ོཾ་བྷ་དྲ་བ་ཏི་བི་ད་རི་ཀེ་སཝཱ་ཧཱ། རྒྱལ་པོའི་ཆུང་མ་ཆེན་མོ་ཡང་བརྫུན་མིན་པར་བཟླས་པ་ཙམ་གྱིས་དབང་དུ་འགྱུར་རོ། །ཀརྞྞ་མོ་ཊི་ཧཱུཾ་ཕཊ། ཙ་མུཎ་ཌ་འདི་འབུམ་ཕྲག་བཞི་བཟླས་ལ། ཞག་གཅིག་ཏུ་ཐུན་གསུམ་དུ་སྐེ་ཚེའི་སྦྱིན་སྲེག་བྱས་ན་འགུགས་པར་བྱེད་དོ། །ོཾ་ར་ཀ་ཏེ། ར་ཀ་ཏི་ནི་སཝཱ་ཧཱ། འབུམ་ཕྲག་གཅིག་བཟླས་ལ་པད་མའི་སྐུད་པ་དང ། ཚིལ་ཆེན་པོས་ཐོད་པ་རུ་དུ་བ་བསྒྲུབ་པར་བྱ་བ། ཐོད་པ་ཁ་བརྒྱད་ཀྱི་ཆོ་གས་ཐོད་པ་གང་དུ་དུད་པ་བསགས་པ་དེ་སྟེང་དུ་བཞག་ལ་ཆང་གིས་དགང་བར་བྱའོ། །དེ་ཡིས་མིག་ལ་བསྐུས་ན་འཇིག་རྟེན་དབང་དུ་བྱེད་དོ། །དུད་པ་ལ་སྟོབས་པོ་ཆེ་ལ་སོགས་པ་བསྲུང་བར་བྱའོ། །གཞན་དུ་བསྲུང་བ་མ་བྱས་ན་ཤ་ཟས་ཁྱེར་རོ། །ོཾ་ཙཎྜ་མུ་ཁི་ཀཱ་ལི་བཟླས་ན་ས་གསུམ་གྱི་དཀྱིལ་འཁོར་དབང་དུ་བྱེད་དོ། །ོཾ་ཀ་ར་དརྦྦ་ཡ་དརྦྦ་ཡ། ན་ཡ་ན་ན་མ་ནོ་ཧ་རི་སཝཱ་ཧཱ། ཀ་ར་ཧ་རའི་རྩ་བ་ལ་སྡོང་བུ་བྱས་ཏེ། ཕྱུགས་སེར་སྐྱའི་མར་གྱི་དུ་བ་བསགས་ལ། དེའི་མིག་ལ་བྱུགས་ན་དབང་དུ་བྱེད་དོ། །ོཾ་ཀཱ་མེ་ཤ་རི་སཝཱ་ཧཱ། སྦྲུལ་ནག་པོའི་མགོ་བོ་དང ། སོ་ཛཱ་ནའི་དུད་པ་ལ་ལན་བདུན་དུ་ལེགས་པར་བཟླས་ཏེ། དེ་ཡིས་མིག་ལ་བསྐུས་ན་དབང་དུ་བྱེད་དོ། །དབང་ཕྱུག་ཆེན་པོའི་རྟགས་ཀྱི་ལྷོ་ཕྱོགས་ཀྱི་གདོང་གི་ཐད་དུ་འདུག་པར་བྱས་ནས། ཁྲི་ཕྲག་གཅིག་སྔོན་དུ་བསྙེན་པ་བྱས་པའི་སྔགས་པ་དེས། མེ་ཏོག་དམར་པོས་བཙོས་པའི་གོས་དམར་པོ་གྱོན་ལ། མཚན་མོ 101.154b ཀུན་དུ་འཇིགས་པ་དང་བཅས་པས་བཟླས་པར་བྱའོ། །རེངས་པའི་ཕྱག་རྒྱ་བཅིངས་ལ་དེའི་སྔགས་བཟླས་པར་བྱ་སྟེ། ཁྱད་པར་དུ་གཟའ་དང་གཟས་བཟུང་བའི་དུས་སུ་སྟོབས་པོ་ཆེའི་སྔགས་བཟླས་པ་བྱའོ། །ལག་པ་གཡས་པའི་ཁུ་ཚུར་དུ་མཐེ་བོ་གཞུག་པར་བྱའོ། །རེངས་པར་བྱེད་པ་ལ་གདུག་པ་ཅན་རྣམས་ཀྱི་མདུན་དུ་བྱས་ན་རེངས་པར་འགྱུར་རོ། །སྔགས་ནི། དར་ན་བཛྲར་ཏི། ཨོཾ་བཛྲ་ཀྲོ་དྷ་མ་ཧཱ་བ་ལ། སརྦ་དུཥྚན། སྟཾ་བྷཱ་ཡ་སྟཾ་བྷཱ་ཡ། མོ་ཧཱ་ཡ་མོ་ཧཱ་ཡ། ཧཱུཾ་ཕཊ། རེངས་པའི་སྔགས་སོ། །ན་མོ་རད་ན་ཏྲ་ཡཱ་ཡ། ན་མ་སྟ་སྨཻ་ཙཎ་ཌ་བཛྲ་པཱ་ཎ་ཡེ་ཀ་ཀཻ་ཀཱ་ནི་བྷྲཱ་མ་རི། བྷྲཱ་མ་རི། ཧ་ན་ཧ་ན། ཏྲཱ་ས་ཡ་ཏྲཱ་ས་ཡ། བིད་དྷྭཾ་ས་ཡ། བིད་དྷྭཾ་ས་ཡ། བ་ར་སེ་ནྱཾ་ཙཀྲེ་བཛྲི་ཎི། ཨ་གཙྪ་སཝ་བ་ཐེ་ན། ན་རཱ་ཙེ་ཎ་མཱ་ར་ཡ་སཝཱ་ཧཱ། མཆོད་པ་རྒྱ་ཆེན་པོ་བྱས་ལ་ཉི་མ་རེ་རེ་དུར་ཁྲོད་ཀྱི་མེ་རབ་ཏུ་སྦར་བའམ། གཙུབ་ཤིང་ལས་བྱུང་བའི་མེ་དང་རས་བླངས་ཏེ། ཁྲག་དང་ཕྱེ་དང་ཡུངས་དཀར་བསྲེགས་པས། སིམ་པ་ལའི་རས་བལ་གྱིས་སྟོང་ཕྲག་བརྒྱད་སྦྱིན་སྲེག་བྱས་ན། ནམ་ཕྱེད་ཀྱི་དུས་སུ་གཡུལ་ཐམས་ཅད་ཉམས་པར་བྱེད་དོ། །ོཾ་མ་ཧཱ་ཏི་ཛ་མ་ཎི་བྷ་དྲ། སམ་བྷ་ར་སམ་བྷ་ར་སཝཱ་ཧཱ། འབུམ་བཟླས་ན་དངུལ་འབུམ་རྙེད་པར་འགྱུར་ཏེ། མཐོང་བའི་ཆོས་ལ་ཡིད་ཆེས་པར་འགྱུར་རོ། །ོཾ་ཛྭ་ལ་ཛྭ་ལ་ཨག་ན་ཡེ་སཝཱ་ཧཱ། ཡུངས་ཀར་དང་ཐལ་བ་ལ་སོགས་པས་ཁོར་ཡུག་བཅིངས་ན། འབྱུང་པོ་ལ་སོགས་པ་དང ། མཆེ་བ་ཅན་ལ་སོགས་པ་ཡང་མེའི་ར་བར་འགྱུར་རོ། །མཐོང་བའི་ཆོས་ལ་ཡིད་ཆེས་པའོ། །རྡོག་པ་དྲག་པོས་བརྒྱབ་པའི་བུམ་པ་བཅག་པའི་དུམ་བུ་བླངས་ནས་སྣོད་ཀྱི་ཐོག་ཏུ་འདུག་ཁང་སྟེང་དུ། མེས་ཚིག་དུས་སུ་སྔགས་མདུང་བརྗོད་དེ་གནས་པས་དབྱུག་པ་བཟུང་ནས། མཾ་ཡིག་བརྗོད་པས་བུམ་པ་བཅག་པར་བྱ། །མཾ་ཡིག་མེ་ཉིད་སོད་པར་གྱུར་ནས་སུ། །སྦྱོར་བ་འདི་ནི་མེ 101.155a མཆེད་པ་ལའོ། །དུར་བ་དང་བཅས་འབྲས་ཀྱི་སོ་ལ་བཟླས། །སློབ་མའི་དུམ་བུ་སྣོད་དུ་མེ་ཡིས་སུ། །མཆོད་ཡོན་སྔགས་ཀྱིས་སྦྱིན་བྱ་དེ་ནས་ནི། །མེ་ནི་མཆེད་པར་གྱུར་པ་ཞི་བ་ཡིན། །ད་ཐི་བ་ད་ཀྵོ་བ་དུ་ཎཱ། ཨ་ཐོ་པད་ད་ཏམ་པ་པན་ཙ་ཎཱ་མཱ་དཱ་ཡི། དཱ་བི་ཎཱཾ་ཁན་ཏྭཱཾ་ཛ་ཏ་བེ། ཨ་དི་ཀྲཱ་མ། ན་མོ་ནན་དི་མ་ཧཱ་ནན་དི། བི་དཱ་པི་ལི་པི་ལི། སིད་དྷི་སིད་དྷི་སཝཱ་ཧཱ། མཆོད་ཡོན་གྱི་སྔགས་སོ། །ཛྫི་དྷམྨ་དན་ཏེ་བ་ར་ཨཙྪ་ཡ་ཨཱི་ཛྷ་ཏུ་ཨ་ཏི་ཧཱུཾ། ཀན་ཙོ། ཨ་ཀུ་རེ། ཨེ་བི་ཨུ། ཨ་དེ་སརྦེ་སརྦཱ་ཧེ། ཊྚ་ཎེ་པཊྚ། ཧུ་པཱ་བ་ཨུ། མེས་ཚིག་པའི་དུས་སུ་ཆུ་ལ་ཡོངས་སུ་བཟླས་ཏེ། ལན་ཁ་ཅིག་ཏུ་ཨརྒྷ་སྦྱིན་ནོ། །ཆུ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ཏེ། ཁང་པ་ལ་ཡོངས་སུ་གཏོར་ན་མེས་མི་ཚིག་གོ། །\ུ0f00་ཀི་རི་ཀི་རི། རི་ཥ་བྷ་ཡ་སཝཱ་ཧཱ། བསྙེན་པ་ཁྲི་ཚོ་གཅིག་བྱའོ། །དེ་ནས་དཔུང་པ་ལ་ལན་ཉི་ཤུ་རྩ་གཅིག་ཏུ་བཟླས་ཏེ་སྦྱར་བར་བྱའོ། །གང་གི་ཚེ་མདུན་ཕྱོགས་སུ་འགྲོའམ། སྟེང་དུ་འགྲོ་ན་དེའི་ཚེ་དགོས་པ་འགྲུབ་པ་ཡིན་ནོ། །ཡང་ཕྱིན་ཕྱོགས་སུ་འགྲོ་ན་དགོས་པ་མི་འགྲུབ་བོ། །འདི་ནི་ནུབ་མོ་ཁང་པའི་ནང་དུ་གཅེར་བུས་བྱའོ། །ན་མོ་རད་ན་ཏྲ་ཡཱ་ཡ། ན་མ:མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཏདྱ་ཐཱ། ་་གྷྲི་ཎི་གྷྲི་གྷན་ཏ། ཀརྞ་སཝ་པ་ན། མ་དར་ཤ་ཡ་སཝཱ་ཧཱ། ནག་པོའི་ཕྱོགས་ཀྱི་ཚེས་བརྒྱད་དམ། ནག་པོའི་ཕྱོགས་ཀྱི་ཚེས་བཅུ་བཞི་ལ། ཚ་བའི་མར་ནག་གིས་རྐང་པ་ལ་བྱུགས་ཏེ་ཉལ་ན། རྨི་ལམ་ན་དགོས་པ་སྟོན་པར་བྱེད་དོ། །ོཾ་གྷུ་ཎ་ཌེ་ཤྲ་བ་ཎ་པི་ཤཱ་ཙི་སཝཱ་ཧཱ། སྟོང་ཕྲག་གཅིག་སྔོན་དུ་བསྙེན་པ་དང་ལྡན་པས། ཉལ་བའི་དུས་སུ་རུ་རྟའི་འདེ་གུ་ལ་ལན་ཉི་ཤུ་རྩ་གཅིག་མངོན་པར་བསྔགས་ཏེ། ལག་པ་དང་རྐང་པ་ལ་བྱུགས་ལ། མངོན་པར་འདོད་པའི་དགོས་པ་ཡིད་ལ་བྱ་ཞིང ། གཙང་བའི་ས་ཕྱོགས་སུ་ཉལ་ན། དགེ་བ་དང་མི་དགེ་བ་སྟོན་པར་བྱེད་དོ། །ན་མོ་རད་ན་ཏྲ་ཡཱ་ཡ། ཨོཾ་ཨ 101.155b ར་ཏེ་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བྱས་ལ། འབྲས་ཁུར་གྱི་རང་བཞིན་ལས་རི་ཁྲོད་མའི་གཟུགས་གཅེར་བུ་གསུམ་བྱའོ། །ཉི་ཟླ་གཟས་བཟུང་བའི་དུས་སུ་ལག་པར་བཞག་ལ། ཅི་སྲིད་མ་གྲོལ་བ་དེ་སྲིད་དུ་བཟླས་པ་བྱའོ། །དེ་ནས་སྲོད་ཀྱི་བྱིས་པའི་མཐོང་བའི་ལམ་གྱི་སྤྱོད་ཡུལ་དུ་འགྱུར་རོ། །མེ་ལོང་ལ་སོགས་པ་ལ་དཔའ་མོ་ཆེན་མོས་བདེན་པར་སྟོན་ཏོ། །ད་མནྣ་ཧི་ཀྲ་མ་པད་ས་པ་ཏྱད། ཏ་ད་བྷུ་ཏཾ། ཡ་ད་བྷ་བྱཾ། ཡ་ད་གྲ་ཏཾ། ཡ་ད་གྲ་ཏཾ། ཡ་ད་གྲ་ཏཾ། བི་དར་ཤ་ཡ་ཏ་སཝཱ་ཧཱ། བུ་རམ་དང་ཕྱེ་ཡིས་རྡོ་རྗེ་བྱས་ལ་བྱིན་ཏེ། སྔགས་ཁྲི་ཚོ་གཅིག་བཟླའོ། །མཐེ་བོ་ལ་རྒྱ་སྐྱེགས་ཀྱིས་བསྐུས་ན་འབེབས་པར་བྱེད་དོ། །ན་མོ་རད་ན་ཏྲ་ཡཱ་ཡ། རཀ་ཏེ་རཀ་ཏ་ཨཾ་གུཥྛེ། ཡད་ཀིན་ཙིད་སཝཱཾ་པྲ་ཏཾ་ག་ཏཾ། བྷ་བྱཾ་ཏ་ཏ་སརྦ་དར་ཤ་ཡ་སཝཱ་ཧཱ། ཁྲི་ཚོ་གཅིག་ནི་བསྙེན་པ་བྱས་ལ། མཐེ་བོ་ལ་པྲ་སེ་ན་དབབ་བོ། །ོཾ་ཨ་ལུ་ཀེ་།པཱ་ལུ་ཀེ་།གྲྀཧྞ་པིཎ་ཌཾ། པི་ཤ་ཙི་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བཟླས་ལ། དེ་ནས་བསྒྲུབ་པར་བྱ་སྟེ། ཕུད་ཀྱི་ཟན་ཆངས་ལ་ལན་བདུན་དུ་བསྔགས་ལ་རྒྱབ་དུ་བསྐྱུར་བར་བྱའོ། །ཞག་བདུན་ན་རྣམ་པར་སྟོན་པར་བྱེད་དོ། །ཞག་དང་པོ་ལ་མ་བསྟན་ན་ཡི་ཆད་པར་མི་བྱའོ། །གཉིས་པ་དང་གསུམ་པ་རུ་བསྒྲུབས་ན་བྲམ་ཟེ་གསོད་པ་ཡང་འགྲུབ་པོ། །གལ་ཏེ་མ་གྲུབ་ན་སྤྱི་བོ་གས་ནས་འཆིའོ། །ཕྱག་ན་རྡོ་རྗེའི་བཀའ་ཅི་བཞིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཨ་མ་ལ་བི་ཀྲཱན་ཏ། ཏེ་ཛི་ནི། ཨ་ར་ཛེ་སཝཱ་ཧཱ། དེ་བཞིན་གཤེགས་པ་འབྱུང་བའི་ཕྱག་རྒྱ་ཉེ་བར་གནས་ལ། མཆོད་ཡོན་ལ་སོགས་པ་ཐམས་ཅད་བྱའོ། །ས་གཞི་འདི་ཙམ་གྱི་ཚད་དུ་བདག་གིས་འགྲོ་བར་བྱའོ་ཞེས་ཡིད་ལ་བྱས་ལ། ཕྱག་རྒྱ་བཅིངས་ལ་སྔགས་ཉི་ཤུ་རྩ་རུ་བརྗོད་པར་བྱས་ན། དེ་སྙེད་ཀྱི་ལམ་དུ་འཇིགས་པ་མེད་པར་འགྲོའོ། །ཁུ་ཚུར་གཉིས་གཅིག་ཏུ་བྱས་ལ། མཐེའུ་ཆུང་གཉིས་ཁ་ཕྱེ་བ་ནི། དེ་བཞིན་གཤེགས་པ་འབྱུང་བའི་ཕྱག་རྒྱའོ། །ན་མོ་རད་ན་ཏྲ་ཡཱ་ཡ། ན་མོ 101.156a ཱརྱ་པ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨོཾ་ཀུ་རུ་ཀུལླེ་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བྱས་ལ། དེ་ནས་བ་ལང་ལྕི་བས་དཀྱིལ་འཁོར་བྱས་ལ། དེའི་དབུས་སུ་མདའ་དང་བཅས་པའི་གཞུ་བྲིས་ལ། མདའི་སྒྲོ་ལ་བཅོམ་ལྡན་འདས་མའི་རང་གི་མིང་གི་ཡི་གེ་དང་པོ་བཀོད་ལ། བཅོམ་ལྡན་འདས་མ་ལ་མཆོད་ཡོན་གྱིས་བཀུག་སྟེ། དྲི་དང་མེ་ཏོག་དང ། བདུག་པ་དང ། མར་མེ་དང ། གཏོར་མ་ལ་སོགས་པས་མཆོད་ལ། གསོལ་བ་གདབ་པར་བྱའོ། །ཆེ་གེ་མོའི་ཡུལ་དུ་འགྲོ་ཞིང་འོང་བར་བཅོམ་ལྡན་འདས་མ་འདིར་གཤེགས་པ་དང་ལྷན་ཅིག་ཏུ་དེ་རུ་སོང་སྟེ། འོངས་ནས་བཅོམ་ལྡན་འདས་མ་ལ་བཟོད་པར་གསོལ་ཏེ་བསྡུ་བར་བྱའོ། །ལམ་དུ་འགྲོ་ན་ཁྲི་ཕྲག་གཅིག་བཟླས་པ་བྱས་ཏེ། ཆོ་ག་བྱས་ནས་དཀྱིལ་འཁོར་ཉེ་བར་བྱུགས་ལ། གཞུ་དང་བཅས་པའི་མདའ་ཤར་ཕྱོགས་སུ་ཁ་བལྟས་པ་མངོན་པར་བྲིས་ལ། དེའི་སྟེང་དུ་བཅོམ་ལྡན་འདས་མ་སྔོན་བཞིན་དུ་མཆོད་པ་དྲི་དང་མེ་ཏོག་ལ་སོགས་པས་མཆོད་ལ། བརྒྱ་ཕྲག་བརྒྱད་བཟླས་ལ་འགྲོ་བར་བྱའོ། །དེ་ནས་འགྲོ་བར་འགྱུར་རོ། །སོང་ནས་ཕྱིར་འོངས་ན་དེ་ལ་གཞུ་མདའ་དང་བཅས་པ་ཁ་རྒྱབ་ཏུ་བལྟས་པ་དེ་བཞིན་དུ་བྲིས་པར་གྱུར་པའི། བཅོམ་ལྡན་འདས་མ་སྔོན་བཞིན་དུ་མཆོད་ལ་གཤེགས་སུ་གསོལ་བར་བྱའོ། །ན་མོ་རད་ན་ཏྲ་ཡཱ་ཡ། ན་མ་ཨཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། རི་ཛུ་དྷརྨི། ནིར་ཡ་ཏེ། ཏཱ་རེ་ཏཱ་ར་ཨ་བྷ་ག་བ་ཏི། ཏུད་ཏཱ་རེ། བྷ་བ་བྷ་ཡ། མོ་ཙ་ནི་ཏུ་རེ་སཝཱ་ཧཱ། འཇིགས་པ་ལས་ཐར་བར་བྱེད་པ་འདི་ནི། ཁ་ཅིག་ཏུ་འཇིགས་པ་ཆེན་པོ་མིན་ན། ཆུ་བོ་དང་འབྲོག་དགོན་པ་ཆེན་པོར། སེང་གེ་དང ། སྟག་དང་དོམ་དང་མ་ཧཱི་ཥ་དང་རྒྱལ་པོ་དང་སྲིན་པོ་དང ། གཟའ་ལ་སོགས་པ་རྣམས་སུ་སྔགས་འདི་དྲན་པར་བྱའོ། །ན་མོ་རད་ན་ཏྲ་ཡཱ་ཡ། ན་མོ་མཉྫུ་ཤྲི་ཡེ། ཀུ་མཱ་ར་བྷཱུ་ཏཱ་ཡ།[་\ུ0f00]་ཧི་རི་ཏི་ཐཥྠ། ཏསྐ་ར་བད་དྷོ་སི། པཾ་ན་ག་མཱ 101.156b ཙ་ལ་སཝཱ་ཧཱ། སྦྲུལ་རྣམས་ཀྱི་ཁ་འཆིང་ངོ ། །རྐུན་མ་དང་དགྲ་བོ་ལ་སོགས་པ་ཡང་ཁྱད་པར་དུ་འཆིང་ངོ ། །མི་མཆེད་པར་བྱེད་པ་དང ། འདི་རྣམས་འཆིང་བྱེད་ཆོ་གའོ། །ུཏྤ་ལའི་ཕྱག་རྒྱ་དང་བཅས་པས་སོ། །ལག་པ་གཉིས་ཐལ་མོ་སྦྱར་ལ། མཐེབ་མཛུབ་གཉིས་བསྐུམ་སྟེ་མཐེབ་ཆེན་གཉིས་གཞུག་པར་བྱའོ། །གུང་མོ་གཉིས་ཀྱི་སྟེང་ནས་སྲིན་ལག་གཉིས་དཀྲི་བར་བྱའོ། །དེ་ནི་ཨུཏྤ་ལའི་ཕྱག་རྒྱའོ། །ན་མཿ ས་མནྟ་བུད་དྷཱ་ནཱཾ། ཧཱུཾ་བ་རཱ་ཧཱ་ཎཱཾ། ཧཱུཾ་བ་ར་ད་བཛྲཱ་ཡ་ཧཱུཾ། མཆོག་སྦྱིན་པའི་རྡོ་རྗེ་འཕགས་པ་འཇམ་དཔལ་རྡོ་རྗེ་དཀྱིལ་འཁོར་ལ་གནས་པ་ཐམས་ཅད་ཀྱི་ཁ་རུ་གསེར་གྱི་མདོག་ཏུ་བསམས་ན། ཕྱོགས་བཞི་རུ་ཁའི་དྲི་ཞིམ་པོར་བྱེད་དོ། །ུཏྤ་ལའི་ཕྱག་དང་བཅས་པས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཀ་ཙེ་བི་ཀ་ཙེ། སྟཾ་བྷ་ནི། ཛཾ་བྷ་ནི། མོ་ཧ་ནི། སརྦ་རོ་ཥ། པྲ་ཤ་མ་ནི་སཝཱ་ཧཱ། ལག་པ་ལ་ལན་ཉི་ཤུ་རྩ་གཅིག་ཏུ་བཟླས་ཏེ། རང་གི་ཁ་ཡོངས་སུ་མཉེ་བར་བྱ་ཞིང་གོས་ལ་ཡང་མདུད་པ་བྱའོ། །དེ་ནས་རྒྱལ་པོའི་རིགས་ཀྱི་ནང་དུ་ཞུགས་ན། ཁྲོས་པ་ཞི་ནས་དད་པར་འགྱུར་རོ། ། ཨཱི་དི་བི། ཨགྣི་ཛ་དྷ། ཛ་ལ་མཱ་ཎ། བཱ་ད་ཛ་དྷ། གྷུ་ལ་མཱ་ན། ཀིཾ་ཙ་ཧ་སི། པི་ཊ་ཨན་ཏ་རེ་ཎ། ཨ་ཌེ་མི་ཏོ། དནྟ་ཨན་ཏ་རེ་ཎ་སཝཱ་ཧཱ། ཤིང་བུ་བག་ཙམ་ཅིག་ལ་ཡོངས་སུ་བཟླས་ལ། སོའི་བར་དུ་བཅུག་སྟེ་བཟླས་ན། ཁྲོས་པ་དད་པར་འགྱུར་རོ། །ཱ་ཨཱི་དེ་སི། ཨ་ས་ཎཾ། ཧི་བ་ཨཱི། སྤ་མ་ཧུ་དན། ས་ནཾ་ཧི། ཨ་ཧཱུ་ཏོ། ཨུཏྟ་རཾ། དེ་མོ་ཏུ། ཨུ་པ་རི་ཎི། ཨུཏྟ་རཾ། ཧོ་ཧི། འདིའི་ཉེ་བར་སྤྱོད་པ་ནི། འོག་གི་གོས་ཀྱི་ནང་དུ། ཤིང་ལོས་སྟན་བྱས་ལ། ལན་བདུན་དུ་མངོན་པར་བསྔགས་ཤིང་ཁྲོས་པ་ལ་བྱིན་ན་ཅུང་ཟད་ཀྱང་བཟློག་པར་མི་ནུས་སོ། །མུ་ཧ་དོ། བ་དུ་ནོ་ར། ཨ་ཙཀྵུཿ དོ། ཙཎྜ་ཨཱི། ཙ་ཨུ་ཧུ་ཨ་ས་ན། ས་མཱ་ཛི་ཧཝཱ། ཀོ་མེ་ཀི་ཙི་བྷ་ཎཱ་དི། ན་མོ་པཎྞ་ཏཱི་ཨེ་ཙུ་ལི་པཱ་ཤ་ཎི་སཝཱ་ཧཱ། ལག 101.157a པ་གཡས་པ་མངོན་བར་བསྔགས་པ་བྱས་ལ། རང་གི་ཁ་མཉེ་བར་བྱའོ། །ཁ་སྐྱེངས་པའི་སྔགས་ཏེ་ཡུངས་ཀར་ལ་ལན་བརྒྱད་བཟླས་ཏེ། གཏོར་ན་གཉིད་འཐུག་པོར་བྱེད་དོ། །ོཾ་སཝ་བ་ནཱི་ཡཾ་པྲ་ཙཀྵུ་མི། སིད་དཾ་ཤ་བ་ར་བྷ་ཤི་ཏཾ་པ་ར་ཙཀྲ། མ་ཧཱ་ནི་སིདྷཱཾ། བ་ཏ་ལི་ཀེ་ས་ཧཱ་ན་རི་ཙཎ་ཌ་ལི་མཱ་ཏཾ་གི་སཝཱ་ཧཱ། ཡུངས་ཀར་ལ་བརྒྱ་ཕྲག་བརྒྱད་ཀྱིས་མངོན་བར་བསྔགས་པ་བྱས་ལ། གང་དུ་བསྐྱུར་བ་དེ་རུ་གཉིད་འཐུག་པོར་བྱེད་དོ། །ན་མོ་རད་ན་ཏྲ་ཡཱ་ཡ། ན་མོ་བྷྲཱ་མ་ར་ཀེ་ཤི། བྷྲཱ་མ་ར་མཱ་ཏེ། བྷྲ་མ་བི་བྷྲ་མ། མུ་ཧྱ་མོ་ཧ་ཡ་སཝཱ་ཧཱ། ཡུངས་ཀར་ལ་འབུམ་ཕྲག་གཅིག་བཟླས་ཏེ། ས་ལ་མ་རེག་པར་བར་སྣང་གི་ཁང་པ་ལ་བཞག་པར་བྱའོ། །ཁང་ས་དང་རྡོ་སྟེགས་ལ་རབ་ཏུ་གཏོར་ན་དུས་མ་ཡིན་པའི་གཉིད་འཐུག་པོ་སྐྱེད་པར་བྱེད་དོ། །གྲོང་ངམ་གྲོང་ཁྱེར་གྱི་དབུས་སུ་གནས་ཏེ་ཡུངས་ཀར་གྱིས་ཕྱོགས་དང་མཚམས་སུ་གཏོར་ན་སེམས་ཅན་ཀུན་ཤི་བ་དང་འདྲ་བར་གཉིད་ལོག་པར་འགྱུར་རོ། །ན་མོ་རད་ན་ཏྲ་ཡཱ་ཡ། ན་མ་ཨཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏཱ་རེ་ཏ་རེ་ཏ་རཱ་ཡ། བྷ་ག་བ་ཏི་སཝཱ་ཧཱ། བན་དྷ་མོ་ཙ་ནི་ཆེ་གེ་མོ་བན་དྷ་མོ་ཀྵཾ་ཀུ་རུ་སཝཱ་ཧཱ། བདེན་པའི་བྱིན་གྱི་བརླབས་ཀྱང་དང་པོ་ཉིད་དུ་སྦྱར་བར་བྱའོ། །བཅོམ་ལྡན་འདས་མས་འཁོར་བ་ཐམས་ཅད་གྲོལ་བར་གྱིས་ཤིག་།གང་གིས་བཅིངས་པ་གྲོལ་བའི་བདེན་པ་དེའི་བདེན་པ་ཡིས་ཆེ་གེ་མོ་བཅིངས་པ་ལས་གྲོལ་བ་དག་ཏུ་གྱིས་ཤིག་བཟླས་པས་བཅིངས་པ་གྲོལ་བར་བྱེད་དོ། །བཟླས་པའི་དུས་སུ་སྤྱན་རས་གཟིགས་དབང་ཕྱུག་གིས་གྲོལ་བར་བྱེད་ཅིང ། བཅོམ་ལྡན་འདས་མས་ཀྱང་གྲོལ་བར་བྱེད་དོ། །ན་མོ་རད་ན་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ལམ་བེ། ་པྲ་ལམ་བེ། ་ལམ་བི་བི་དེ་མ་མ་མོ་ཀྵ་ཡ་སཝཱ་ཧཱ། འདི་བཟླས་ན་བཅིངས་པ་ལས་གྲོལ་བར་བྱེད་དོ། །ཡང་ན་གཙང 101.157b སྦྲ་དང་ལྡན་པར་གྱུར་བས་མཚན་ཐོག་ཐག་ཏུ་བཟླས་ན་བཅིངས་པ་ལས་གྲོལ་བར་བྱེད་དོ། །ན་མོ་དེ་བཱི་མ་ཧཱ་དེ་བི། པྲ་ཏྱཾ་གི་རེ་སཝཱ་ཧཱ། ཏ་ལའི་གྲོ་ག་ལ་མངོན་པར་བྲིས་ཏེ་སྲིན་བུ་ཀ་ཀ་རུའི་ཁུང་བུར་བཅུག་ལ་དེའི་ས་ཡིས་ཁ་བཀབ་ཅིང་མིང་ནས་བཟུང་བར་བྱས་ན་དེ་བཅིངས་པ་ལས་གྲོལ་བར་འགྱུར་རོ། །ན་མོ་རད་ན་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཀུ་ཊི་བི་ཀུ་ཊེ། ཀུ་ཊེ་སཝཱ་ཧཱ། མར་གྱིས་ལྕགས་ལ་བྱུགས་ན་འཆག་གོ། །ན་མཿ སརྦ་བུདྡྷ་བོ་དྷི་ས་ཏྭེ་བྷྱཿ ་་ཀུ་རུཊྚེ་ཀུ་རུཊྚ། ཀརྐ་ཀུ་ཏུ་རུ་ཊུ་སཝཱ་ཧཱ། ཕྱོགས་གང་ན་བཅིངས་པའམ་བསྐོར་ཁ་གཅོག་གནས་ན། དེ་ལ་རྡུལ་ལ་བརྒྱ་ཕྲག་བཟླས་ཏེ་གཏོར་ན། དཔག་ཚད་བརྒྱ་ན་ཡོད་པ་འགྲོལ་ལོ། །སྔོན་དུ་བསྙེན་པ་ཁྲི་ཚོ་གཅིག་བཟླས་སོ། ། ཏི་མུག་ཏའི་ཡམ་ཤིང་ལ་བརྒྱ་ཕྲག་བརྒྱད་ཀྱི་སྦྱིན་སྲེག་བྱའོ། །དེ་ནས་དེ་ཉིད་ཀྱི་ཐལ་བས་སྦྱར་བར་བྱའོ། །རྡོ་རྗེའི་ཤིང་གི་ཡཾ་ཤིང་གི་མེ་ལ་མར་གྱིས་སྦྱིན་སྲེག་བྱས་ན། ལྕགས་སྒྲོག་འཆག་ཅིང་གྲོལ་བར་བྱེད་དོ། །ན་མོ་རཏ་ན་ཏྲ་ཡཱ་ཡ། ན་མ་ཨཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཏཱ་རེ་ཏཱ་རེ། ཏཱ་ར་ཡ། ཛ་ཡེ་ཛ་ཡེ། ཏུཏྟཱ་རེ། ཛ་ཡཱ་བ་ཧེ། ་ཏུ་རེ་སཝཱ་ཧཱ། ཡུལ་ཆོས་ཀྱི་རྩོད་པ་ལ་ལན་ལྡོན་པའི་ལས་གཞན་ལས་རྒྱལ་བར་བྱེད་པ་ལ་སྒྲོལ་མ་སྦྱར་བར་བྱའོ། །མུ་ནི་ཀ་ས་ཨི། མུ་ནི་མཾ་དྷ་ཨཱི་མུ་ནི་ལཾ་ག་ལེ་ཧི། ཕ་ལེ། ཨཱི་ཥ་ད། བི་ལི་བ་དན་ཏོ། ཆེ་གེ་མོསྶྱ་མུ་ཧཾ། བགྒ་ཎེ་ནེ་ཧཾ་པི་བཻ་མི་སཝཱ་ཧཱ། དབང་དུ་བྱ་བ་དང་དབྱེ་བ་དང་སྐྲོད་པ་དང་ཁ་བཅིང་བ་རྣམས་ནི་རྫ་མཁན་གྱི་འཁོར་ལོ་འཁོར་བཞིན་པའི་ས་དང ། ལོགས་བཞིའི་ས་དང་དབུས་ཀྱི་ས་དང་འཁོར་ལོའི་སྲོག་ཤིང་གི་ས་དང་ལག་པའི་ས་དང་སྣོད་ཀྱི་ས་རྣམས་བླངས་ཏེ། གཟུགས་བརྙན་གཉིས་བྱས་ཏེ། ཁ་སྤྲད་དེ་བཞག་ནས་སྐུད་པ་དམར་པོ་ཡིས་བར་མཚམས་མེད་པར་དཀྲིས 101.158a ལ་ཁམ་སྐྱོར་མ་བསྲེགས་པ་ཁ་སྦྱར་གྱི་དབུས་སུ་བཞག་ལ། ཆེ་གེ་མོ་ཆེ་གེ་མོའི་དབང་དུ་གྱུར་ཅིག་ཅེས་བྱ་བའི་ཚིག་བརྒྱ་ཕྲག་བརྒྱད་བཟླས་པར་བྱའོ། །དྷ་དུ་རའི་འབྲས་བུ་བྱི་བའི་ཁུང་བུར་བཅུག་ལ། བུད་མེད་གཅེར་བུས་གཏུན་ཤིང་གིས་བརྡུངས་ན་ཆེ་གེ་མོ་དང་ཆེ་གེ་མོ་གཉིས་འབྱེ་བར་འགྱུར་རོ། །རྨུག་པའི་བུ་མོའི་རྒྱབ་ཀྱི་རུས་པ་ལ་མིང་དང་སྔགས་སུ་སྤེལ་བ་མངོན་བར་བྲིས་ཏེ། རུས་པ་དེ་ཡང་ལམ་གྱི་བཞི་མདོར་རྐེད་པ་ནུབ་པ་ཙམ་བརྐོས་པའི་ཁུང་བུར་བཅུག་ལ་སས་གཡོགས་ན་སྐྲོད་པར་བྱེད་དོ། །ཚ་བའི་རང་བཞིན་གྱི་གཟུགས་བརྙན་བྱས་ལ་སྔགས་བརྗོད་བཞིན་པས། གཟུགས་བརྙན་ལ་རའི་ལྤགས་པ་ཡིས་ཁ་དགབ་པར་བྱས་ན། ཁ་བཅིངས་པ་བྱས་པ་ཡིན་ནོ། །གཟུགས་བརྙན་དེ་ཡང་དབེན་པའི་ས་ཕྱོགས་སུ་བཞག་པར་བྱ་སྟེ། དུར་ཁྲོད་ཀྱི་སོལ་བས་དགྲ་བོའི་མིང་དང་སྤེལ་བ་བྱི་བའི་ཁུང་བུར་བཅུག་ལ་རའི་ལྤགས་པ་ཡིས་ཁ་བཀབ་སྟེ། བུད་མེད་གཅེར་བུས་གཏུན་ཤིང་ལག་པས་བཟུང་བས་ལན་བདུན་དུ་མངོན་པར་བསྔགས་ཏེ། ནུབ་མོ་ཆེ་གེ་མོའི་ཁ་ཆིངས་ཅིང་ཅེས་བརྡུང་བར་བྱའོ། །དེ་ལྟར་ཞག་བདུན་དུ་བརྡུངས་ན་འཆིང་བར་འགྱུར་རོ། །རྩེ་མོ་བདུན་ལ་བྱུང་བའི་ས་བླངས་ཤིང་རྫ་མཁན་གྱི་ལག་པའི་ས་ལས་སའི་ཁུང་བུ་གཅིག་བྱས་ལ། སྔགས་དེ་ཏ་ལའི་ལོ་མ་ལ་མངོན་བར་བྲིས་ཏེ་ཁུང་བུའི་ནང་དུ་བཅུག་ལ་བྱི་ཁུང་དུ་བཞག་སྟེ། ས་ལ་མ་ལྟུང་བའི་བ་ལང་གི་ལྕི་བས་ཁ་བཅད་ལ་རྡུལ་གྱིས་དེའི་སྟེང་དུ་གཡོགས་ན་ཁ་འཆིང་བར་འགྱུར་རོ། །ོཾ་བྷུ་རི་ཧྱ་མ་ན་ས་ཀ་ཏུ་པྲ་སྠོ་ཨེ་ཨཱཾ་ཆེ་གེ་མོ་བ་དྷཱ་མཱ་ར་ཡ་ཧཱུཾ་ཕཊ། མིང་གི་ཡི་གེ་དང་སྔགས་ཀྱི་ཡི་གེ་བར་བར་དུ་སྤེལ་ལ་ཨརྒྷའི་ལོ་མ་ལ་སོལ་བས་བྲིས་ཏེ་དཀྲིས་ལ། ཚེར་མ་མང་པོ་བཙུགས་ལ་ཁང་པའི་ནང་གི་སྟེང་གི་དབུས་སུ་སྔགས་བརྒྱ་ཕྲག་བརྒྱད་བཟླས་ཏེ་བརྐོས་ལ་སྦས་ན་ཁ་འཆིང་བར་བྱེད་དོ། །དེ་ལྟར་མང་པོ་ཡང་སོ་སོར་བྱའོ། །ན་མོ་རད་ན་ཏྲ་ཡཱ་ཡ། ན་མཿ ཙཎ་ཌ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། པཱ་རཱ་ཡཱ་ས་ནཱི་ 101.158b ནཱ་ས་ནི་སཝཱ་ཧཱ། ཁམ་རྐྱོང་དུ་ཕྱུགས་ཀྱི་ལྕི་བས་གཟུགས་བརྙན་བྱས་ལ། རིག་པ་བཟླ་ཞིང་འགྲོན་བུ་དགུས་བརྒྱན་ཏེ། མིག་གཉིས་དང་ཁ་དང་རྣ་བ་གཉིས་དང་ལྟེ་བ་དང་ལག་པ་གཉིས་དང་བཤང་བའི་ལམ་དུ་བརྒྱན་ནོ། །དགྲ་བོའི་ཁ་རུ་ཞག་ལོན་པའི་ཕྱི་ས་བཅུག་ལ་རིག་པ་འདི་ཡང་ལན་བརྒྱད་བརྒྱ་རུ་བཟླས་ཏེ། ཁམ་ཀྱོང་གཉིས་པས་ཁ་བཀབ་ལ་གཙང་བའི་གནས་སུ་བཞག་ན་ཡུལ་ཆོས་ལས་གཞན་ལས་རྒྱལ་བར་འགྱུར་རོ། །བསྙེན་པ་ཁྲི་ཚོ་གཅིག་གོ་།ོཾ་ཤར་ཁ་ཀཎ་ཋ་ཙ་ཏུཿ པ་ད་ཁ་ཧི། མཱ་ནུ་ཥ་ཀོ་གཱུ་ཐ་ཀཾ་ཏ་ཤྱ་ཨ་ཐ་བི་གུ་ཐེ་ན། ཆེ་གེ་མོ་མུ་ཁཾ་བན་དྷ་མི། མ་ཙུ་ཀྲཱ་མཱ་ཙུ་ཀྲཱ་ཕུ་སཝཱ་ཧཱ། བོང་བུའི་སྤངས་དང་དང་པོ་བྲེགས་མ་ཐོག་གི་བྱིས་པའི་སྐྲ་དང ། ཚེར་མ་རྣོན་པོ་ལ་བརྒྱད་བརྒྱ་མངོན་པར་བཟླས་ཏེ། བྱི་བའི་ཁུང་བུར་བཅུག་ལ་རྡུལ་གྱིས་བཀང་ན་ཁ་འཆིང་བར་འགྱུར་རོ། །ཧ་ཧཱུཾ་ཧ་ལག་པ་ལ་བཀོད་ན་དུར་ཁྲོད་ཀྱི་བསྲུང་བའོ། །ཧཱུཾ་ཧ་རིག་པ་བཟླས་ཏེ་འཕྲལ་དུ་རོ་བསྲེགས་པའི་ཐལ་བ་ཆང་པར་བཟུང་ལ་ཡང་ན་དེ་བཟླས་པས་གཡོན་པ་ཧཱུཾ་གི་ཕྱག་རྒྱ་བཅིངས་ཏེ། ཐལ་བ་དེ་དང་གུ་གུལ་གཉིས་ཀྱིས་རི་ལུ་བྱས་ལ་བརྒྱ་ཕྲག་བརྒྱད་བཟླས་པ་བྱས་ལ་དཔྲལ་བར་ཐིག་ལེ་བྱས་ན་བཅིངས་པ་ལས་གྲོལ་བར་འགྱུར་རོ། །ཧཱུཾ་ཧེ་ཧོ་ཧེ་ཧ། བཅིངས་པ་ལས་བཟླས་ན་གྲོལ་བར་འགྱུར་རོ། །དི་ཨོཾ་ཨོཾ་བྲཱི་ཛཾ་བྲཱི་ཏེ་བྲཱི་ཧེ་བྲཱི་བཟླས་པས་བཅིངས་པ་ལས་གྲོལ་བར་འགྱུར་རོ། །ན་མོ་པཱ་ཙཱ་ཏ་ཤྱ་མ་ཧཱ་ཤྲ་མ་ཎ་ཤྱ་ཀི་ཏི་བི་ཏི་པཱ་ཏྲཾ་པུ་ར་ཡ་སཝཱ་ཧཱ། ལན་བདུན་དུ་མངོན་བར་བསྔགས་པ་བྱས་པའི་ལྷུང་བཟེད་བསོད་སྙོམས་ལ་ཞུགས་ན། སྟེར་བར་མི་འདོད་པ་རྣམས་ཀྱིས་ཀྱང་སྟེར་བར་འདོད་པར་འགྱུར་ཏེ། མྱུར་དུ་ལྷུང་བཟེད་གང་བར་འགྱུར་རོ། །ཀ་ར་བི་རའི་མེ་ཏོག་དཀར་པོའི་ཤིང་གིས་དེ་བཞིན་དུ་སོ་ཤིང་བྱས་ན་མ་བླངས་པར་རྙེད་པར་འགྱུར་རོ། །འཇམ་དཔལ་གྱི་ས་བོན་གྱིས་ལན་བདུན་དུ་བཟླས་པས་དེ་མ་ཐག་ཏུའོ། །མཾ་ན་མོ་རད་ན་ཏྲ་ཡཱ་ཡ། ན་མ་ཨཱརྱཱ་ཙེ་ཏྱ་ཀུན་ཛ་ར་ཤྱ། ཧི་མ་ཙ་ཏ་ཨུད་ཏ་རེ་ཎ། བཱ་ར་ཤེ་སུ་བརྞ 101.159a ཀྵི། ན་མ་བཱ་ན་རི་སཱ་མེ། ཨན་ནཾ་ཙ་པ་ནཾ་ཙ། དཱ་ད་དུ་སརྦ་ཀ་མི་ཀཾ། ཨ་མོ་ཊ་ཙི་ཨ་མོ་ཏི་པཱུརྞ་བྷ་དྲ་ཛ་སེ་སཝཱ་ཧཱ། བྱ་རོག་གི་སྒྲ་མི་གྲག་པར་ལན་ཉི་ཤུ་རྩ་གཅིག་ཏུ་སྔགས་བཟླས་པར་བྱས་ན། མ་བསླངས་པར་ཟན་རྙེད་པར་འགྱུར་རོ། །ོཾ་དྷ་ན་དཱ་ཡ་སཝཱ་ཧཱ། གཟའ་བ་ཐམས་ཅད་དང་ཚོད་མ་ཀུན་ལ་ནོར་སྦྱིན་གྱི་གཟུགས་བྱས་ལ། བརྒྱ་ཕྲག་བརྒྱད་ཀྱིས་མངོན་བར་བསྔགས་ལ། ཟས་བཙོས་པའི་དབུས་སུ་བཞག་པར་བྱས་ན་ཟད་པ་མེད་པར་འགྱུར་རོ། །ཟན་བཙོས་པའི་སྣོད་དུ་བཞག་པ་དེ་རང་གི་གནས་ནས་གཞན་དུ་འགུལ་བར་མི་བྱའོ། ། རཾ་ཛ་རེ་ཀ་རཾ་ཛ་རེ་བི་ཥཾ་ཛ་རེ་སཝཱ་ཧཱ། སྔོན་དུ་བསྙེན་པ་ཁྲི་ཚོ་གཅིག་བྱས་ལ་གཟས་ཟིན་པའི་དུས་སུ་སྲན་མ་ཤཱ་ལ་སོགས་པས་བསྒྲུབས་ནས་ཟོས་ན་འཛིན་བློ་རྣོ་བར་འགྱུར་རོ། །ན་མོ་རད་ན་ཏྲ་ཡཱ་ཡ། ན་མ་ཨཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་སྱ། མ་ཧཱ་སཏྭཱ་ཤྱ། ན་མ་སྐྲི་ཏྭ། ཨི་མཱཾ་དྷ་ར་ཎཱི། པྲ་ཡུན་ཛ་མི། ཨི་ཡ་མེ། དྷ་ར་ཎཱི། ས་མྲི་དྷྱན་ཏུ། ཏདྱ་ཐཱ། ཏྲི་སྲི་ཁི་ཏྲི་ཤཱུ་ལི། དི་ལི་དི་ལི། མི་ལི་མི་ལི། ཙི་ལི་ཙི་ལི། ཨ་བ་ལོ་ཀི་ཏེ། སཝ་རོ་བཛྙི་པ་ཡ་ཏེ་དྷཱ་ར་ཎཱི། ཨི་ཡཾ་མ་ས་མྲི་དྷྱ་ཏུ་སཝཱ་ཧཱ། དེ་ལ་འདིའི་ཉེ་བར་སྤྱོད་པ་ནི་སྔོན་དུ་བསྙེན་པ་སྟོང་ཕྲག་བཅུ་ཐམ་པ་བྱས་ལ་དེ་ལ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ཆུ་སྲང་བཞི་ལ། བརྒྱ་ཕྲག་བརྒྱད་ཀྱིས་མངོན་པར་བསྔགས་ཏེ་བཞག་ལ་འཐུངས་ན། ཞག་བདུན་གྱི་བར་དུ་ཉི་མ་གུང་གུང་ལ་འོ་མར་བཙོས་པའི་འབྲས་གཟའ་བར་བྱའོ། །ཞག་བདུན་དུ་སྨྲ་བཅད་བྱས་ན། གཞུང་བརྒྱ་ཕྲག་གསུམ་འཛིན་པར་འགྱུར་རོ། །མཆོག་ཏུ་གྲུབ་པའི་གཟུངས་ནི་འདི་ཡིན་ནོ། །ཱརྐཱ་རི་མཀྐ་རི་ཙཎ་ཌཱ་ལི་བི་ན། བ་ཡོ་དྷ་རེ། ཨརྐྐ་ཨན་ཊ་ཙཎ་ཌཱ་ལི་ཆེ་གེ་མོ་མེ་བ་ཤ་མཱ་ནཱ་ཡ་སཝཱ་ཧཱ། ཨརྒྷའི་ལོ་མ་ལ་མིང་བྲིས་ཏེ། མེ་རུ་སྦྱིན་སྲེག་བྱས་ན་འགུགས་པར་བྱེད་དོ། །ོཾ་ཙ་མུཎ་ཌཱེ། ་མ་ཏང་གེ། ཨུར་དྷ་ཀེ་ཤི། ཆེ་གེ་མོ་བ་ཤ་མཱ་ནཱ་ཡཱ་སཝཱ་ཧཱ། མར་ནག་གིས་ཆོས་འབྱུང་ལ་བསྐུས་ལ། བདག་པོའི་དབང་ཕྱུག་ཆེན་པོ་དང་སྦྱོར 101.159b བ་བྱས་ན་བདག་པོ་ཁོལ་པོ་དང་འདྲ་བར་བྱེད་དོ། །བརྒྱ་ཕྲག་བརྒྱད་མངོན་པར་བསྔགས་པས་བྱའོ། །ཏཱ་རེ་ཧཱུཾ་ཧ་ར་སཝཱ་ཧཱ། འདིས་གླང་བུའི་རཝ་གཡས་པས་བླངས་པའི་ས་བླངས་ཏེ། དེ་དཔྲལ་བར་ཐིག་ལེ་བྱས་ན་གང་ལ་བལྟས་པ་དེ་དབང་དུ་བྱེད་དོ། །ན་མཿ ཀྲྀཥྞ་ཤ་བ་ར་ཎ། གི་རི་གི་རི་ཀུ་མཱ་རི། བི་ཥཾ། བྷཀྵ་ཡ་ཧ་ར་བི་ཥཾ། ཀྲིཥྞ་ཤ་བ་རོ་ཛྙ་བ་ཡ་ཏི་སཝཱ་ཧཱ། སྦྲང་བུ་མཆུ་སྨྱུང་ཐམས་ཅད་ཀྱིས་ཟོས་པའི་དུག་མེད་པར་བྱས་ལ་རབ་ཏུ་སྦྱར་རོ། །ོཾ་ཤ་པ་ར་ཤོ་བྷ་ན་ཧ་རེ་སཝཱ་ཧཱ། སྔགས་འདིས་གོས་ལ་ལན་བདུན་དུ་བསྔགས་པར་བྱས་ཏེ་གང་ལ་སྦྱིན་པ་དེ་དབང་དུ་འགྱུར་རོ། །དོན་འདོད་པ་ལ་སྦྲང་དང་བཅས། །མི་རོའི་མེ་ཏོག་དང་ཡང་ནི་འདི་དེ་ཕྱེ་མར་བྱས་སྦྱར་བས། །མི་དང་མི་མང་དབང་དུ་བྱེད། །ན་མོ་བུད་དྷཱ་ཡ། ཧ་ར་ཧ་ར་སཝཱ་ཧཱ། ན་མོ་རུ་ཏཱ་ཡ། ཨགྒི་བགྒི་ནགྒི་སཝཱ་ཧཱ། ཡུངས་དཀར་ལ་ལན་དྲུག་བཅུར་ཡོངས་སུ་བཟླས་ཏེ་བུད་མེད་དང་སྐྱེས་པ་ལ་བརྡེག་པར་བྱས་ན། འགྱིང་བག་དང་བཅས་པའི་བུད་མེད་དམ་འགིའུ་རི་ཡང་ཡོད་པར་འགྱུར་རོ། །\ུ0f00་ཙ་མུཎ་ཌེ། དྷུ་མཱ་ཀེ་ཤཱི། བི་དྱུད་ཛི་བྷེ་ཧ་ན་ད་ཧ་པ་ཙ་ཆེ་གེ་མོ་མེ་བ་ཤ་མཱ་གད་ཚ་ཏུ་སཝཱ་ཧཱ། ཉེ་བར་སྤྱོད་པའི་ཕྱོགས་ཀྱི་སོར་མོ་ལ་ཤར་དུ་མངོན་བར་འདུག་སྟེ། ལན་བདུན་དུ་བསྔགས་ལ་བསྟན་པར་བྱས་ན། དབང་དུ་འགྱུར་རོ། །ོཾ་ན་མོ་བི་མ་ལེ། ་ཀིར་ཏ་ཡེ་བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། བི་མ་ལ་ཕུཿ བི་མ་ལ་ཀ་ར་ཕུཿ བི་མ་ལ་ས་མུད་དྷ་རེ་ཕུཿ སཝཱ་ཧཱ། ཆུ་ལ་ལན་བདུན་དུ་བསྔགས་ཏེ་བྱིན་ན་མིག་གི་ནད་མེད་པར་བྱེད་དོ། །ོཾ་ན་མོ་བྷ་ག་བ་ཏེ། སུ་དར་ཤ་ནཱ་ཡ། སུ་རུ་སུ་རུ། ཕུ་རུ་ཕུ་རུ། གད་ཚ་གད་ཚ། ཨཀྵི་རོ་གཱ་མ་ཏིཥྛ་ཆེ་གེ་མོ་སཝཱ་ཧཱ། སྐུད་པ་དཀར་པོ་རྣ་བ་ལ་བཅིང་བར་བྱའོ། །ཐང་ཆུ་དང་ཐང་ཤིང་དང་སྲི་ཡཾ་ཀུ་དང་རུ་རྟ་དང་བྱི་བའི་བྲུན་དང་ཕྱུགས་ཀྱི་རཝ་དང་སྨྱུག་མའི་ཤུན་པ་དང་ལ་ཆ་དང་རའི་ཆུ་ངན་དང ། གཞིགས་ལ་གྲིབ་མ་ལ་བསྐམ་པར་བྱའོ། །བདུག་པ་འདི་ནི་མཆོག་གི་གཙོ། །གཟའ་རྣམས་ཀུན 101.160a ལས་གྲོལ་བར་བྱེད། །དེ་རུ་སྦྲུལ་ནི་མི་གནས་ཤིང ། །གང་གཞན་གདུག་ཅན་གཟའ་ལ་སོགས། །གཙོ་བོ་འདི་ཡིས་ནད་རྣམས་འཇོམས། །བརྟན་པར་ཉིན་བཞི་རིམས་དང་ནི། །ཐོག་གི་སྡོང་བུ་ཅི་བཞིན་དུ། །རྗེད་བྱེད་ཀྱང་འདིས་ཉམས་པར་བྱེད། །སྐལ་བ་ངན་པའི་བུད་མེད་གང ། །རང་བྱུང་མི་ཏོག་མེད་གྱུར་ཅིང ། །ཁྱིམ་ཐབ་དང་ནི་འབྱི་བ་ཡང ། །བདུག་སྤོས་འདི་ཡི་ཡན་ལག་གིས། །མྱོས་ཤིང་རབ་ཏུ་གདུངས་ནས་ནི། །སྐལ་བ་བཟང་བས་བསྐྱེད་པའི་མཆོག་།བདུག་སྤོས་བྲམ་ཟེ་གསང་ཞེས་པ། །ལས་ཀུན་བྱེད་ཅིང་ཤིས་པའོ། །དེ་ལ་བདུག་པའི་སྔགས་ནི། །ོཾ་སུ་བྷི་ར་ན་ཏ་ཡེ་སཝཱ་ཧཱ། མིའི་ཐོད་པར་དབྱངས་ཡིག་བྲིས་ལ། བུད་མེད་དང་དོམ་ཕྱུགས་ཀྱི་བྱེ་བྲག་དང་བཅས་པ་བྲིས་ལ་གང་ལས་སྔགས་པས་ལྕགས་ཀྱུས་བཀུག་ན་བུད་མེད་དབང་དུ་བྱེད་དོ། །གཙང་མའི་ས་ཕྱོགས་སུ་ལྕགས་ཀྱུའི་རྣལ་འབྱོར་གྱིས་བཟླས་ན། དཔག་ཚད་གཅིག་ཙམ་ནས་སེམས་དག་པ་ཡང ། དེ་ལ་བག་ཙམ་གཅིག་གིས་འདོད་པས་མྱོས་ནས་འོང་བར་འགྱུར་རོ། །འགུགས་པའི་ཡི་གེ་མེ་དང ། རླུང་གིས་བསྐོར་བའི་དབྱངས་ཡིག་དང་ལྡན་པས་མྱུར་དུ་དབྱངས་ཡིག་གི་ཡན་ལག་བཞག་སྟེ་བུད་མེད་འདོད་པ་ལ་དགའ་བར་བྱེད་དོ། །ོཾ་ཀཱ་མ་དེ་བ་ཙན་དྲ་བྷ་དྲཱ་བ་ཡ། བྷ་ག་བཱན་ཧཱུཾ་ཕཊ་སཝཱ་ཧཱ། འདི་ནི་རྩ་བའི་སྔགས་ཏེ་འདི་གྲུབ་པས་སྔགས་ཐམས་ཅད་གྲུབ་པ་ཡིན་ནོ། །སྔོན་དུ་བསྙེན་པ་སྟོང་ཕྲག་བཅུ་བཟླས་པ་བྱས་ཏེ། དེ་ནས་མེ་སྦར་ལ་ཏིལ་མར་དང་སྦྲང་རྩིའི་ནང་དུ་སྨྱུགས་ལ་བརྒྱ་ཕྲག་བརྒྱད་སྦྱིན་སྲེག་བྱས་ན་དེ་ནས་འགྲུབ་པར་འགྱུར་རོ། །ོཾ་ཀཱ་མ་དེ་བ་ཧ་སྟ་མ་སྤྲི་ཤ ། ུད་མ་ཏྭི་ཀུ་རུ་སཝཱ་ཧཱ། ལག་པ་ལ་ལན་བདུན་དུ་མངོན་པར་བསྔགས་ལ་གཞན་གང་ལ་ཡང་རེག་ན། འདོད་པའི་ལྷ་བརྒྱ་བྱིན་ཡང་དབང་དུ་འགྱུར་རོ། ཨོཾ་ཀཱ་མ་དེ་བ་ནི་རི་ཀྵ་ཡ་སཝཱ་ཧཱ། སྔགས་འདི་མིག་ལ་ཡོངས་སུ་བཟླས་ཏེ། གང་ལ 101.160b བལྟས་པ་དེ་དབང་དུ་འགྱུར་རོ། །ོཾ་ཀཱ་མ་དེ་བི་བསྟྲ་སཝཱ་ཧཱ། སྔགས་འདིས་གོས་ལ་ལན་བདུན་དུ་མངོན་པར་བསྔགས་ཏེ་གང་ལ་རེག་པ་དེ་དབང་དུ་འགྱུར་རོ། །ོཾ་ཀཱ་མ་དེ་བ་སེ་བ་མུད་མ་ཡ་སཝཱ་ཧཱ། སྔགས་འདིས་རང་གི་དབང་པོ་ལ་ཡོངས་སུ་བཟླས་ནས་གང་ལ་རེག་པ་དེ་དབང་དུ་འགྱུར་རོ། །ོཾ་ཀཱ་མ་ཤི་ར་ཧཱུཾ་ཕཊ། རྒྱ་སྐྱེགས་ཀྱི་ཤིང་གིས་མེ་སྤར་ཏེ་ཡུངས་དཀར་སྟོང་ཕྲག་བརྒྱད་སྦྱིན་སྲེག་བྱས་ན་རྒྱལ་པོ་འམ་རྒྱལ་པོའི་བུ་དབང་དུ་འགྱུར་རོ། །འདི་ཡིས་བུད་མེད་ཀྱི་སྤྱི་བོར་རེག་ན་དབང་དུ་འགྱུར་རོ། །ོཾ་ཀཱ་མ་དེ་བ་ཨ་མུ་ཀཾ་མེ་བ་ཤ་མ་ནཱ་ཡ་སཝཱ་ཧཱ། འདི་ཡིས་མེ་ཏོག་གམ་འབྲས་བུ་ལ་ཡོངས་སུ་བཟླས་ཏེ་གང་ལ་བྱིན་པ་དེ་དབང་དུ་འགྱུར་རོ། །ཤུ་ཤུ་ཥེ་མུ། ཁང་པ་སྟོང་པར་ཉའི་ཕྱེ་མ་བསྲེགས་ཤིང་སྟོང་ཕྲག་བཅུ་བཟླའོ། །དེ་ནས་ཉའི་ཕྱེ་མ་བདུག་པ་བསྲེག་པར་བྱས་ན་སྣ་ཚོགས་པ་བུད་མེད་འོང་བར་འགྱུར་རོ། །ོཾ་ན་མོ་རད་ན་ཏྲ་ཡཱ་ཡ། ཨོཾ་པཱ་དཱ་ཙ་ལ་ནེ་ཙ་ལ་ཙ་ལ་སཝཱ་ཧཱ། སྔགས་འདིས་སྦྱངས་ནས་ཤི་བའི་རྐང་མཐིལ་གྱི་ལྤགས་པ་ལ་རེག་ནས་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ལ་བླང་བར་བྱའོ། །བླངས་ནས་ཕྱི་མིག་མི་བལྟ་བར་རང་གི་གནས་སུ་ཁྱེར་ལ་དེ་ནས་ཕྱིས་ནི་བརྒྱ་རྩ་བརྒྱད་མངོན་པར་བསྔགས་ཏེ་ཚ་བའི་མར་ནག་ཏུ་བཅུག་ལ་བཙོ་བར་བྱའོ། །དེ་ནས་བླངས་ལ་ལན་བདུན་དུ་བསྔགས་ཏེ་རྐང་པ་ལ་བསྐུས་ན་དཔག་ཚད་སྟོང་དུ་ཕྱིན་ཡང་མི་འཆད་དོ། །ན་མོ་བུད་དྷཱ་ཡ། ན་མོ་དྷརྨཱ་ཡ། ན་མཿ སང་གྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤཝ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། དྷ་ར་ཎི། དྷ་རེ་དྷ་ར། དྷ་རེ་སུ་བྷ་དྲེ་སཝཱ་ཧཱ། ཁྲི་ཚོ་གཅིག་སྔོན་དུ་བསྙེན་པ་བྱས་ལ། ཉི་མ་གཟས་བཟུང་བ་འམ། ཟླ་བ་གཟས་བཟུང་བའི་དུས་སུ། སྲན་མ་མ་ཤ་ཁར་བཅུག་ལ། ཅི་སྙེད་མ་གྲོལ་གྱི་བར་དེ་སྙེད་དུ་བཟླས་པ་བྱས་ན། དེ་ནས་སྲན་མ་མ་ཤཱ་མྱུ་གུ་སྐྱེ་བར་འགྱུར་ཏེ། དེ་ཟོས་ན་ཐོས་པ་འཛིན་པར་འགྱུར། དེ་ལྟར་མི 101.161a བྱེད་ན་ཕྱེ་མ་ཞིབ་མོར་བྱས་ཏེ་དེ་གང་ལ་བྱིན་པ་དེ་དབང་དུ་འགྱུར་རོ། །ོཾ་གུ་ལུ་གུ་ལ། བཛྲ་དྷ་ར་ཨ་ནུ་ཙ་ར་ཡ་སཝཱ་ཧཱ། སྡིགས་འཛུབ་ལ་མངོན་བར་བསྔགས་ན། སྤྲིན་རྣམས་གཏོར་བར་བྱེད་དོ། །མ་བསྲེགས་པའི་རྫ་བུམ་ལ་ཕྱོགས་བཞིར་མཉམ་པའི་ཕྱག་རྒྱ་ཅན། འཕགས་པ་རབ་འབྱོར་མཚོན་སྣ་མ་ལུས་པས་བྲི་བར་བྱའོ། །རབ་འབྱོར་གྱི་གཡས་གཡོན་གཉིས་སུ། ཀླུ་གཞོན་ནུ་གཉིས་སྦྲུལ་མགོ་བདུན་བདུན་ཡོད་པ་ཕྱག་འཚལ་བ་བྲི་བར་བྱ་སྟེ། དེའི་སྦྲུལ་མགོ་སོ་སོ་ལ་ཕུའི་ཡི་གེ་བྲི་བར་བྱ་སྟེ། འཕགས་པ་རབ་འབྱོར་གྱི་ཐུགས་ཀར་བྲུཾ་བྲིས་ལ། མེ་ཏོག་སྣ་ཚོགས་པས་མཆོད་ལ་སྟེང་ཁབ་མེད་པའི་གནས་སུ་བཞག་པར་བྱས་ནས་གཞི་ཐམས་ཅད་ཆུའི་དཀྱིལ་འཁོར་ཆེན་པོར་འགྱུར་རོ། །སོ་མ་བཏང་བའི་ཁམ་ཀྱོང་ལ་ཚོགས་ཀྱི་བདག་པོ་བྲིས་ལ་དུག་དང་ཁྲག་དང་སྐེ་ཚེ་དང་ལྡན་པས་ཚོགས་བདག་གི་སྙིང་ཀར་དགོད་པར་བྱའོ། །ཧཱུཾ་ཀ་རའི་ནང་དུ་བྲིས་ལ་ཕྱི་རོལ་དུ་སྟོབས་པོ་ཆེ་འི་སྔགས་ཀྱིས་དཀྲི་བར་བྱའོ། །སེང་ལྡེང་གི་ཤིང་གི་མེ་ལ་གདུངས་ན་ཚར་གཅོད་པར་བྱེད་དོ། །ོཾ་བཛྲ་ཀྲོ་དྷ་མ་ཧཱ་བ་ལ་ཧ་ན་ད་ཧ་པ་ཙ་བི་ཏྭན་ས་ཡ་ཨུ་ཚུཥྨ་ཀྲོ་དྷ་ཧཱུཾ་ཕཊ། མཐོང་བའི་ཆོས་ལ་ཡིད་ཆེས་པ་ཡིན་ཏེ། མཚོན་གྱིས་བཅད་པའི་བྲམ་ཟེའི་བརླ་གཡོན་པའི་རྐུང་སྦུབས་ཀྱིས། ་དཔལ་ཧེ་རུ་ཀ་མགོན་པོ་ཀླུས་བསྐོར་བ། ཀླུའི་རྒྱན་དང་ལྡན་པ། ཕྱག་གཉིས་པ་གཡོན་ན་ཐོད་པ། གཡས་པ་ན་ལྕེ་གསུམ་པའི་བ་དན། མི་བསྐྱོད་པ་དབུ་རྒྱན་ལ་བཞུགས་པ་ཕྱི་རོལ་དུ་སྔགས་བྲི་བར་བྱ་སྟེ་ཨོཾ་ཧེ་རུ་ཀ་བཛྲ་ས་མ་ཡ་ཧཱི། སརྦ་དུཥྚ་ས་མ་ཡ་མུ་དྲཱ་པྲ་བྷ་ཛ་ཀ་།བར་ཥ་བར་ཥ། བར་ཥ་པ་ཡ། བར་ཥཱ་པ་ཡ་ཧཱུཾ་ཕཊ། ཆང་ཟང་མའི་ནང་དུ་གཟུགས་བརྙན་ཁ་ཐུར་དུ་བསྟན་ཏེ་བཞག་ལ་སྔགས་བཟླས་ན་དེ་མ་ཐག་ཏུ་འབེབས་སོ། །གལ་ཏེ་ཞི་བར་འདོད་ན་གཟུགས་བརྙན་འོ་མས་བཀྲུས་ན་མེད་པར་བྱེད་དོ། །ན་མ་ཤ་རེ་ཤ་རེ། བི་ཤ་རེ་བི་ཤ་རེ། སརྦ་བི་ཥ་གྷྲ་ཏ་ནི་སཝཱ་ཧཱ། ལན་གསུམ་དུ་རྣམ་པར་བཟླས 101.161b པ་བྱས་ན། ཤི་བ་སློང་བར་བྱེད་པའི་དུག་སེལ་མའི་རིག་སྔགས་སོ། །ན་མོ་རད་ན་ཏྲ་ཡཱ་ཡ། ན་མོ་མཉྫུ་ཤྲི་ཡེ། ཀུ་མཱ་ར་བྷུ་ཏཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། བྷ་ག་བཱན་མཉྫུ་ཤྲཱི་ཀུ་མཱ་ར་བྷཱུ་ཏཱ་སརྦ་ཏ་ཐཱ་ག་ལ། ་བ་ལ་བྷི་དྷི་ཛྙ། སརྦ་ཏ་ཐཱ་ག་ཏཱ་ནཱཾ། ན་ཁེ་སྟི་ཏ། སརྦ་ས་ཧཱ་ནཱ་ཙ་ཤཱན་ཏིང་ཀུ་རུ་སཝཱ་ཧཱ། འབྲུམ་བུའི་ཉེ་བར་འཚེ་བའི་དུས་སུ། འབྲུམ་བུ་འབྱུང་བ་ཅི་སྙེད་པ་དེ་སྙེད་ཀྱི་གྲངས་ལ་ཙན་དན་གྱི་ཆུ་ལ་ལན་ཉི་ཤུ་རྩ་གཅིག་བསྔགས་ཤིང ། ནད་པ་དེ་ལ་བླུད་ཅིང་ཡན་ལག་ལ་བྱུགས་ན་ཉེ་བར་ཞི་བར་འགྱུར་རོ། །ོཾ་སཝ་པན་ཏྭ་རེ། སཝ་བན་ཨ་བ་ལོ་ཀི་ཏེ་ཏུད་ཏཱ་རེ། ཏྲཻ་ལོ་ཀྱ་བི་ཙཱ་རི་ནི། པ་ཤྱ་པ་ཤྱ་ནི་དར་ཤ་ཡ། རད་ན་ཏྲ་ཡ་ས་ཏྱེ་ན་ཏུ་རེ་སཝཱ་ཧཱ། ཕྱི་དྲོའི་དུས་སུ་སྔས་ཀྱི་ཕྱོགས་སུ་དཀྱིལ་འཁོར་གྲཝ་བཞི་པ་བྱས་ལ། སྔགས་བཟླས་ནས་ཉལ་ན་དགེ་བ་འམ་མི་དགེ་བ་སྟོན་པར་འགྱུར་རོ། །ོཾ་ན་མོ་བུདྡྷཱ་ཡ། ཀ་ཀཱ་རི། ཀུ་མཱ་རི། ཨུད་བ་ཏི། མེ་དར་ཤ་ཡ་སཝཱ་ཧཱ། དབྱར་ཟླ་འབྲིང་པོའི་ཉ་ལ་རྗེ་བཙུན་གདུང་དང་བཅས་པ་ལ་ཅི་ལྟར་འབྱོར་བའི་མཆོད་པ་བྱས་པ་ལ། མེ་ཏོག་དཀར་པོ་དྲི་ཞིམ་པོ་འབུམ་ཕྲག་གཅིག་བླངས་ཏེ། རེ་རེ་ཞིང་སྔགས་བརྗོད་ཅིང་རྗེ་བཙུན་གྱི་ཞབས་ལ་བསྣུན་པར་བྱ་སྟེ། དེའི་མདུན་དུ་ཀུ་ཤའི་གདན་བཏིང་བ་ལ་ཉལ་བར་བྱས་ན། སྔོན་གང་དུ་སྐྱེས་པའི་སྐྱེ་བ་རྨྱི་ལམ་ན་མཐོང་བར་འགྱུར་རོ། །ོཾ་སྟཾ་བྷེ་སྟཾ་བྷ་མི། ཨོཾ་ཛཾ་བྷེ་ཛཾ་བྷ་མི། ཨོཾ་ཨན་དྷེེ་ཨན་དྷཱ་མི། ཨོཾ་མོ་ཧེ་མོ་ཧ་མི། ལྷ་སྦྱིན་སྟཾ་བྷ་ཡ། ཛཾ་བྷ་ཡ། ཨན་དྷ་ཡ། མོ་ཧ་ཡ་སཝཱ་ཧཱ། སྔགས་འདི་ཏ་ལའི་ལོ་མ་ལ་བྲིས་ནས། ཁམ་ཀྱོང་དུ་བཞག་ལ་ཁམ་ཀྱོང་མི་གཙང་བས་བཀང་ལ་བརྐོས་ཏེ་སྦས་ན། དགྲ་ཐམས་ཅད་རེངས་པར་འགྱུར་རོ། །ོཾ་ན་མཿ ཙཎ་ཌ་བཛྲ་ཀྲོ་དྷཱ་ཡ། ཏདྱ་ཐཱ། ཨོཾ་ཕཊ་ཕཊ། ཧུ་ལུ་ཧུ་ལུ། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན། ད་ཧ་ད་ཧ། ཨ་མྲྀ་ཏེ་ཧཱུཾ་ཧཱུཾ་ཕཊ་ཕཊ་སཝཱ་ཧཱ། སྔགས་འདིས་བཟའ་བ་ལ་ལན་བདུན་དུ་བསྔགས་ཏེ་ཟོས་ན། ནད་ཐམས་ཅད་མེད་ཅིང་བདུད་རྩིར་འགྱུར་རོ། །ཀ་ལ་ཨག་ནི་རུ་དྲ། ་ཧ་ས 101.162a སྲ་ཛི་ཧཝ་ཋ་ཀ་རཾ་ཋ། ་མེ་རེངས་པར་བྱེད་པའི་སྔགས་སོ། །ཀྵཱི་ཀྵི་ཀྵ་ས་མ་ཀྵི་ཡ་སཝཱ་ཧཱ། ཚེར་ནད་ཀྱི་སྔགས་སོ། །ོཾ་ད་ཧ་ཀྵཾ་ཀྵ་སཝཱ་ཧཱ། སྡིག་པས་བཟུང་བའི་དུག་མེད་པར་བྱེད་པའི་སྔགས་སོ། །ོཾ་ཕཊ་ཕཊ་ཧཱུཾ་ཧ་སཝཱ་ཧཱ། རིམས་ཐམས་ཅད་མེད་པར་བྱེད་པའི་སྔགས་སོ། །ོཾ་ཀྲི་ཀྵ་སཝཱ་ཧཱ། མགོ་བོའི་ནད་མེད་པར་བྱེད་པའི་སྔགས་སོ། །ོཾ་ཧེ་ཧེ་སུ་སཝཱ་ཧཱ། ཨོཾ་ཀྵུ་ཧེ་ཀ་ཀྵ་ས་གསུས་པའི་ཟུག་གཟེར་མེད་པར་བྱེད་པའི་སྔགས་སོ། །ོཾ་ཀྵ་མ་ཧཱ་སཝཱ་ཧཱ། མ་ཞུ་བ་མེད་པར་བྱེད་པའི་སྔགས་སོ། །ོཾ་ཀྵཱི་ཀྵཱི་ས་མ་ཀྵི་ཡ་སཝཱ་ཧཱ། མིག་གི་ནད་མེད་པར་བྱེད་པའི་སྔགས་སོ། །ོཾ་ཀྵ་པ་ཡ་ཀྵ་པ་མ་ཀྵི་སཝཱ་ཧཱ། ནད་ཐམས་ཅད་མེད་པར་བྱེད་པའི་སྔགས་སོ། །ོཾ་ཀྵ་ཀྵ་སཝཱ་ཧཱ། རྣ་བའི་ནད་མེད་པར་བྱེད་པའི་སྔགས་སོ། །སཾ་ཀྵི་བ་ཧ་པྲ་ཀྵི་བ་ས་སཾ་ཀྵི་བ་ཧ་པྲ་ཀྵི་ས་པ་ཡ། དུག་ཐམས་ཅད་མེད་པར་བྱེད་པའི་སྔགས་སོ། །ོཾ་ཧསྟི་ཀི་རྞི་ཙུ་ལུ་ཙུ་ལུ་སཝཱ་ཧཱ། སྲོག་ཆགས་ལྕགས་ཕྱེ་མེད་པར་བྱེད་པའི་སྔགས་སོ། །སྔགས་འདིས་ཁ་བཤལ་བའི་ཆུ་དེ་ཞག་གཅིག་ཏུ་བཞག་ལ་གཏོར་ན་མེད་དོ། །ཧི་ཧ་ཧཱུཾ་ཧ་མཁའ་འགྲོ་མ་འཆིང་བར་བྱེད་པའི་སྔགས་སོ། །ཧཱུཾ་ཧ་ར་ཧཾ་ཧ། ཡུངས་དཀར་ལ་བསྔགས་ཏེ་བརྒྱབ་ན། མཁའ་འགྲོ་མ་རྣམས་འབྲོས་པར་འགྱུར་རོ། །ོཾ་ཀྵུ་སུ་ཀྵུ་ཧ། མ་ཞུ་བ་མེད་པར་བྱེད་པའི་སྔགས་སོ། །ོཾ་ཀྵ་ཀྵ་ཀྵ། རྣ་བ་ཟུག་གཟེར་མེད་པར་བྱེད་པའི་སྔགས་སོ། །འདི་ཡིས་མར་ནག་ལ་མངོན་བར་བསྔགས་ཏེ་རྣ་བའི་བུ་ག་དགང་བར་བྱའོ། །ོཾ་ཀྵཾ་ཀྵེ་ཧ་ས། མགོ་བོའི་ནད་མེད་པར་བྱེད་པའི་སྔགས་སོ། །ོཾ་ཧཱུཾ་ཧཱུཾ་ཧཱུཾ་རཀྵ་ས་ཧ་སརྩ་ཀི་ཧོ་ན་ཤ་ཡ་སཝཱ་ཧཱ། གསུས་པའི་འབུ་མེད་པར་བྱེད་པའི་སྔགས་སོ། །ཱ་ཨཱི་ཧུཾ་ཙེ་ཧུཾ། ད་ཧ་ད་ཧ། ཛ་ལན་ཏཾ། ཧ་རུ་སེ་ག་རུ་ཌཾ་ཏུཾ་སེ་པཎ་གཱ། ཨ་དཱ་སཱ་ས། མུ་དྷ་ཕུ་ཧ་ཎྜི་རེ་བི་ཤ་མ་ཙ་ལ། མ་ཀ་མ་ཨ་བཱ་ས་ཐ། མུ་ཧ་བ་ས་ཨི། ས་རཱ་ས་ཏི། སི་ཁཾ་བ་ས་ཨཱི། བན་བྷ་བད་དྷ་སི་རེ་བི་ཤ་ཨུསྤ་ར་གི། སི་རི་ཧ་ར། ད་ཨཱི་ཛ་སོ། ཨ་ཀི་ལ 101.162b ནཱི། ཀེ་ལེ་རེ། བི་ཤ་མ་ཨ་བཱ་ས་ཐཱ། གཞན་སྦྲུལ་གྱི་བཟུང་བའི་དུག་བཅིང་བའི་སྔགས་སོ། ། ཧ་བི་ཧི་མ་ཨི་པུ་རུ། ཀ་རི་ཨུ། སུ་བ་དུ་གྲ། མ་བྷ་ཎན་ཏ། ཀ་ཨ་བུ་ཏཱ། ཨེ་ཀ་ཀ་རཱ། བི་ཤ་བྷན་དྷི། ག་རུ་ཌ་ཧུ་དེ་ཧཾ། ཨཱ་ཧོ་ག་རུ་ཌ། ཨེ་ཨཾ་བི་ཤཾ་བ་ཁ་ལཱ་ཨི། ཨུ་ཨཱུ། ཨ་ཨཱ། རེ་བི་ཤ་ཙ་ལ། མ་ཀ་མ། ཨ་བཱ་ས་ཐ། བདག་ཉིད་སྦྲུལ་གྱིས་བཟུང་བའི་དུག་བཅིང་བའི་སྔགས་སོ། །ོཾ་མ་ཧཱ་དེ་བ་ནི་ཀ་པ་ཀཎྛ། ཨེ་ཨཾ་གི་ཤཾ། བྷ་ཀྵ་བྷ་ཀྵ། ཧ་ར་ཧ་ར། ཧཱུཾ་ཀྵ་ས་ཧ་རེ་བི་ཥ། སཝཱ་སྠཱ་ནཾ་ཛ་ཛ་ཛ་སཝཱ་ཧཱ། དུག་གིས་བཅིངས་པ་གྲོལ་བར་བྱེད་པའི་སྔགས་སོ། །ོཾ་མ་ཧཱ་དེ་བ་བ་ར་མེ། ཤ་ར་ནི་པ་ལ་ཀན་ཋ། ཧ་ར་ཧ་ར་ཧཱུཾ། གཟའ་ལ་སོགས་པ་དབབ་པའི་སྔགས་སོ། །ོཾ་ན་མ་ཤི་ཤཱ་ཡ། མ་ཧཱ་དེ་བ། མ་ཧཱ་བ་ལ་དེ་བ། ཡཀྵ་རཱཀྵ་ས་བྷཱུ་ཏ། པྲེ་ཏ་པི་ཤཱ་ཙ། སིདྷཱ་ཡོ་ག་ཌཱ་ཀི་ཎཱི། ཨཱ་ཀར་ཥ་ཨཱ་ཀར་ཥ། པུཤྤཾ་དྷུ་བཾ་པ་ལི། གྲྀཧྞ་བྷཀྵ་སཝཱ་ཧཱ། ཡི་དགས་ལ་སོགས་པ་གཏོར་མའི་སྔགས་སོ། །ོཾ་ཙ་མུཎ་ཌེ་བཛྲ་གྷོ་ཎེ་ཧཱུཾ་ཕཊ། སྔགས་འདིས་གཞན་གྱི་སྔགས་ཐམས་ཅད་མེད་པར་བྱེད་དོ། །ཆང་ཚོང་མའི་ཆང་ཉམས་པར་བྱེད་དོ། །ཉ་བའི་ཉ་རྒྱ་འཆིང་བར་བྱེད་དོ། །མར་ནག་འཚམ་པའི་ཆ་སྤྱད་ཉམས་པར་བྱེད་དོ། །ཕྱུགས་རྫི་རྣམས་ཀྱི་འོ་མ་མེད་པར་བྱེད་དོ། །ན་མོ་རད་ན་ཏྲ་ཡཱ་ཡ། ན་མ་ཨཱ་རྱཱ་བ་ལོ་ཀི་ཏེ་ཤཝ་ར་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཏུ་རུ་ཏུ་རུ། སུ་རུ་སུ་རུ། བི་སུ་རུ་བི་སུ་རུ། ཆེ་གེ་མོའི་སརྦ་རོ་ག་ཤོ་ཥ་ཎི། བི་ཤོ་ཤ་ནི། མཱ་ཤ་བ་ཧུ་མཱ་ཤུ་ལཱ་ཡ་ཏུ། མ་པ་ཙྱ་ཏུ། མ་དུ་ཁ། མཱསྟུ་ཏི་བྷ་བ་ཏུ། ཨ་ཏྲེ་བ་པ་རི་ཤུ་ཥྱ་ཏུ་སཝཱ་ཧཱ། གྲོག་མཁར་གྱི་ས་ལ་སྔགས་འདིས་ལན་ཉི་ཤུ་རྩ་གཅིག་བཟླས་ཏེ། འབྲས་དང་ཁྱི་རྔོ་ལ་སོགས་པ་ལ་བྱུགས་ན་སོས་པར་འགྱུར་རོ། །ན་མོ་མུཉྩ་མུཉྩ་ཨཱ་རྱཱ་བ་ལོ་ཀི་ཏེ་ཤཝ་རཱ་ཡ། བི་ཛྙ་པ་ཡ་ཏི་སཝཱ་ཧཱ། གྲོ་ག་ལ་གོ་རོ་ཙ་ནས་བྲིས་ལ་སྐུད་པ་དམར་པོས་ལག་པ་ལ་བཅིངས་ན། རིམས་ཐམས་ཅད་མེད་པར་བྱེད་དོ། །སེར་པོའི་རྫས་ཀྱིས་ཨའི་ཡི་གེ་བྲིས་ལ། དེའི 101.163a ནང་དུ་གང་ཡིན་པའི་མིང་བྲིས་ཏེ། སྟེང་དུ་སངས་རྒྱས་ཀྱི་སྐུ་གཟུགས་བཞག་པར་བྱའོ། །དེས་ནི་ལྷ་བདེ་བྱེད་ཡིན་ཡང་རེངས་པར་བྱེད་དོ། །ོཾ་ཛ་ག་སེ་ལི་ཡེ། བཱིཛྫེ་སུན་ཐི་དཱ་སི་དཱ་སོ། །སུ་བ་དྲེ་སུ་བ་ཏྲེ། སཱ་ཎཾ་སཱཾ་ཎཾ། ཨ་བ་ལཱ་ཧི། སུཎྞ་ཎ་དཱི་སུནྣ་པཏྟ་རེ། ཧི་ཤི་ལཱ། ཨ་པ་རི་ས་ཛ་ཧོ་སཝཱ་ཧཱ། ཟངས་མའི་སྣོད་དུ་ཆུ་བླུགས་ལ་ལན་བདུན་དུ་མངོན་པར་བསྔགས་ཏེ། རླུང་དང་རྗེས་སུ་མཐུན་པར་ནམ་མཁའ་ལ་གཏོར་ཏེ། སེར་བ་དང་རླུང་དང་ཆར་པ་དབབ་པ་ལ་སོགས་པ་མེད་པར་བྱེད་དོ། །ིན་དེ་ཎ་ཧ་ཏ་བོ་ཨཱ། ཛ་མེ་ཎ། ཨུ་སྤཱ་ཌ་ཨ་ཛི་ཧཱ། ད་ཨ་བ་མ་ཧཱ་དན་ཌེ་ཎ། ཏཛྫ་ཨཱ་སཱུ་ཧ་རེ་ཎ། ཨོཾ་ཛཾ་བི་ཛཾ་བི། ཛཾ་བྷེ་ཧི་ཛཾ་བྷེ་ཧི། ཨོཾ་ཐཾ་བྷེ་ནི་ཐཾ་ཐཾ་བྷེ་ཧི། ཨོཾ་མོ་ཧི་ནི། མོ་ཧེ་ཧི། ཨེ་ཧྱེ་ཧི་ཨེ་ཧེ་ཧེ་ཨོཾ་ཐཾ་བྷ་ཐཾ་བྷ། མ་ཧཱ་ཐཾ་བྷ། ཆེ་གེ་མོ་ཐཾ་བྷ་ཡ་སཝཱ་ཧཱ། གང་ལ་ཡི་གེ་ཕྲེང་བ་གཉིས་བྲིས་ཏེ། འོག་གི་སྔགས་ཀྱི་ཡི་གེ་བར་བར་དུ་བསྒྲུབ་བྱའི་མིང་དང་སྤེལ་ཏེ་བྲིས་ལ་བཅིང ། ཁམ་ཀྱོང་དུ་བཞག་ལ་དེའི་སྟེང་དུ་རང་གི་ཕྱི་ས་བཏང་སྟེ། དེའི་སྟེང་དུ་ཉལ་ཉིལ་གྱི་ཐལ་བས་བཀང་སྟེ། ཁམ་ཀྱོང་གཞན་གྱིས་ཁ་བཀབ་སྟེ། དགང་བའི་རླུང་གི་སྦྱོར་བས་བརྐོས་ལ་སྦས་ན་རེངས་པར་བྱེད་དོ། །ོཾ་ཙུཀྐ་བི་ཙུཀྐ། ཙི་ཙི་ཀྵ། བི་བི་ཥ་ཎི་པི་ཏི་ཏི་སཝཱ་ཧཱ། གསུས་པའི་འབུ་ལ་སོགས་པ་གཅོད་པའི་སྔགས་སོ། །བེའུ་ཤི་བ་གང་ཡིན་པ་ལ་ཁྲུས་བྱས་ཏེ། གཞན་གྱི་བེའུ་ལ་ཁྲུས་བྱས་པའི་ཆུ་ལ་ལན་བདུན་དུ་བསྔགས་ཤིང ། ཚ་ནག་པོ་ལ་ཡང་ལན་བདུན་བསྔགས་ཏེ། རྒྱབ་ཏུ་ཅུང་ཞིག་བླུག་ཅིང་སྔགས་བྲི་བར་བྱའོ། །དེ་སྣ་རུ་ཡང་བླུགས་པར་བྱའོ། །ན་མོ་བྷ་ག་བ་ཏེ། རུ་ཏྲ་ཡ། པན་ཙ་གཱ་བོ་ཨི་མཾ་ཧྨ་བ་ཊ་བི་མཎ་ཌ་ལི། ཀ་ཏ་མ་བ་ན་ཙ། ནན་དྲཱི་བི་ཤ་ལཱ་བ་དུ་པ་ཙ་ཏུ་ར་ཐཱ་ཀ་ལུ་ཤོ་དཱ་རཱི། པན་ཙ་མི་གཱ་ཛ་སཱཾ་ས་མཱརྠ། བྷན་ཛི་ཀ་།ཡ་ཐཱ་ཡ་ཐཱ་ན་ཀ་ཤྱ་ཨི་ཡཱཾ་ཛཱ། བ་སུ་དེ་བ་ཤྱ་ཨ་གྲ་ཏོ། །ས་མུ་དྲེ་ས་མུ་དྲེ། ག་ཧ་མ་ནྱ་ཧི། ཀཱ་ཏི་ཀཱ་ཀ་ཏཱ་ས་མ་ཡོ། སཏྭོ་ཛོ། ཨེ་ཀི་ཧཾ་བད་ཚ་ཀོ། སཾནྠཱ། སཾ་ཤོ་བད་ཚ་ཀོ། ཨི་མིད་ཏྭཱཾ། ལ་བ་ཎཾ་མ་ཧི་ཏཾ་ཨ་ཡཾ། སོརྞྞ་མ་ཡོ་དཱ་མོ་ཨ་ཡཾ། ཆེ་གེ་མོའི་གཱ 101.163b བི་ཨ་མུ་བད་ཚ་གེ་བ། བ་ཎ་ཨུ་སཾ་བ་ཏུ། ས་མཱ་ག་ཚ་ཏུ་མཱཾ་གོ། ། ཀོཾ་གོ་ཙཎ་ཌཱ་ལཱི་བྷ་བི་ཥྱ་ཏི་སཝཱ་ཧཱ། ཚ་དང་བསྲེས་པའི་ཆུས་གསེར་གྱི་དོང་ཙེ་ལ་ལན་ཉི་ཤུ་རྩ་གཅིག་ཏུ་བསྔགས་ལ་བེའུའི་མགུལ་བར་གདགས་ཤིང ། དེའི་ཆུས་བེའུ་ལ་གཏོར་ན་འགྲུབ་པར་འགྱུར་རོ། །ནོར་བུ་བཟང་པོའི་རྟོག་པ། ཡང་དག་པར་རྫོགས་པའི་སངས་རྒྱས་ཀྱིས་གསུངས་པ་ཇི་སྙེད་ཚད་ཀྱི་སྔགས་ཀྱི་ཆོ་ག་ཞིབ་མོའི་རྟོགས་པ་རྫོགས་སྷོ།། །།རྒྱ་གར་གྱི་མཁན་པོ་པཎ་ཌི་ཏ་མཉྫུ་ཤྲཱི་དང ། བོད་ཀྱི་ལོ་ཙྪ་བ་དགེ་སློང་བ་རིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། |