རྒྱ་གར་སྐད་དུ། ཨཱརྱ་ཛམ་བྷ་ལ་ཛ་ལེན་དྲ་ཡ་ཐཱ་ལབྡྷ་ཀལ་པ་ནཱ་མ། ་བོད་སྐད་དུ། འཕགས་པ་གནོད་གནས་དབང་པོ་ཅི་ལྟར་འབྱུང་བའི་རྟོག་པ་ཞེས་བྱ་བ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལང་ཀའི་གླིང་དང་ཉེ་བར་གྱུར་པ་རྒྱ་མཚོ་ཆེན་པོའི་འགྲམ་ན་བཞུགས་ཏེ། སངས་རྒྱས་ཀྱིས་ཆོས་རྣམས་ལས་ཕྱིར་མི་ལྡོག་པ་ཐོབ་པར་གྱུར་པའི་རྣམ་པར་འཇིགས་པ་དང ། ཟླ་བའི་སྡེ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆེན་པོར་གྱུར་པའི་འཁོར་གྱིས་བསྐོར་ནས་མངོན་དུ་བྱས་སོ། །དེ་ནས་དེར་བཅོམ་ལྡན་འདས་ནམ་མཁའ་ལ་གཤེགས་ནས་སླར་བབས་ཏེ་དཔག་བསམ་གྱི་ཤིང 101.173a བྷི་ཙུ་ཝརྡའི་རྩ་བར་བཞུགས་སོ། །དེ་ནས་གནོད་སྦྱིན་གྱི་དབང་པོ་གནོད་གནས་རབ་ཏུ་དགའ་བ་དང ། ལྷ་མ་ཡིན་གྱི་དབང་པོ་དང ། ཀླུའི་རྒྱལ་པོ་མི་ཞུམ་པ་དང ། གྲུལ་བུམ་གྱི་རྒྱལ་པོ་མངོན་ཤེས་ལྔ་པ་དང ། དྲི་ཟའི་རྒྱལ་པོ་ཟུར་ཕུད་ལྔ་པ་དང ། སྲིན་པོའི་རྒྱལ་པོ་ཀཱི་ལི་ཀཱི་ལ་དང ། ནམ་མཁའ་ལྡིང་གི་རྒྱལ་པོ་གཤོག་པ་ཅན་དང ། མི་འམ་ཅིའི་རྒྱལ་པོ་ལྗོན་པ་དང ། ཟུར་ཕུད་ལྔ་པ་དང ། སྲུལ་པོ་དང ། ལྷའི་བུ་སྤྲིན་གྱི་ཤུགས་ཅན་དང ། ཟླ་བ་དང་ཟླ་བ་ལ་མངོན་པར་གུས་པ་དང ། ལྷའི་བུ་རྒྱལ་བས་བྱིན་རྣམས་ནུབ་མོ་འདས་ནས་ཐོ་རངས་གསལ་བའི་དུས་སུ། བཅོམ་ལྡན་འདས་ག་ལ་བ་དེར་ཉེ་བར་ལྷགས་ཏེ། བཅོམ་ལྡན་འདས་ཀྱི་ཞབས་ལ་ཕྱག་བྱས་ནས། བསྐོར་བ་ལན་གསུམ་བྱས་ཏེ། ཕྱོགས་གཅིག་ཏུ་འདུག་གོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱི་འོད་ཀྱི་ཁ་དོག་ཤིན་དུ་གསལ་ཞིང་རྒྱ་ཆེ་བ་དཔག་བསམ་གྱི་ཤིང་གི་རྩ་བ་ཐམས་ཅད་གསལ་ཞིང་རྒྱས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་བཀའ་སྩལ་པ། རྒྱ་མཚོ་ཆེན་པོ་གྲོང་ཁྱེར་དུ་ངོ་མཚར་ཞིང་རྨད་དུ་གྱུར་པའི་ཆོས་བརྒྱད་ལ་བཟོད་པ་དང ། ཇི་ལྟར་རྟོགས་པ་ལ་ཁྱེད་རྣམས་བར་ཆད་དང་དོན་མེད་པར་མ་གྱུར་ཏཾ། འདི་སྐད་དུ་གསུངས་པས་གནོད་སྦྱིན་གྱི་དབང་པོ་གནོད་གནས་རང་གི་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེར་ཐལ་མོ་སྦྱར་ནས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཙུན་པ་བཅོམ་ལྡན་འདས་རྒྱ་མཚོ་ཆེན་པོའི་གྲོང་ཁྱེར་དུ་བཟོད་པ་དང ། ཇི་ལྟར་རྟོགས་པར་བྱེད་པ་ལ་མངོན་པར་དགའ་བར་བྱེད་དོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱ་མཚོ་ཆེན་པོའི་གྲོང་ཁྱེར་དུ་ཇི་ལྟར་གནོད་སྦྱིན་གྱི་སྡེ་དཔོན་ཁྱེད་རྣམས་ངོ་མཚར་ཞིང་རྨད་དུ་བྱུང་བའི་ཆོས་བརྒྱད་ལ་མངོན་བར་དགའ་བར་བྱེད་པ་དེ་ལྟར་རིགས་ཀྱི་བུ་ཆོས་འདི་རྣམས་འདོད་པ་དང ། དད་པས་མངོན་བར་དགའ་བ་ངོ་མཚར་ཞིང་རྨད་དུ་བྱུང་བའི་ཆོས་བརྒྱད་ལ་གནས་པ་དེ་ནི་ཚངས་པར་སྤྱོད 101.173b པ་ལ་གནས་པའོ། །དེ་ནས་གནོད་སྦྱིན་གྱི་དབང་པོ་གནོད་གནས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ངོ་མཚར་ཞིང་རྨད་དུ་གྱུར་པའི་ཆོས་བརྒྱད་ལ་གནས་པ་འདི་ལ་ང་ཡིས་བསྲུང་བ་དང ། ཡོངས་སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བཀྲ་ཤིས་པ་དང་འཇིག་རྟེན་པ་ལ་རྗེས་སུ་བརྩེ་བས་སྐྱེ་བོ་མང་པོ་ལ་ཕན་པ་དང ། བདེ་བའི་ཕྱིར་བཅོམ་ལྡན་འདས་བདག་གི་སྙིང་པོ་འདི་ཡོངས་སུ་གཟུང་ཞིང ། བཅོམ་ལྡན་འདས་ཆོས་ཀྱི་རྣམ་གྲངས་འདི་བདག་གིས་རྟོགས་པ་འདི། ལོག་པར་དད་སེལ་དང ། གསེར་ཐུབ་དང ། འོད་སྲུང་དང་ཡང་དག་པར་རྫོགས་པའི་སངས་རྒྱས་དེ་རྣམས་ལ་སྙིང་པོ་འདི་ཡོངས་སུ་ཕུལ་ལོ། །ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་དེ་རྣམས་ཀྱིས་ཀྱང་སྙིང་པོ་འདི་ཡོངས་སུ་བཟུང་ངོ ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། གནོད་སྦྱིན་གྱི་སྡེ་དཔོན་ཁྱོད་ཀྱིས་གང་དུས་ལ་བབ་ཅིང་མནོ་བ་དེ་སྨྲོས་ཤིག་།དེ་ནས་གནོད་སྦྱིན་གྱི་སྡེ་དཔོན་གནོད་གནས་ཀྱིས་འདི་སྐད་ཅེས་སྨྲས་པ། འདི་ལྟ་བུའི་ཆེད་དུ་བརྗོད་པ་ཆེད་དུ་བརྗོད་དོ། །མཆོད་སྦྱིན་རྣམས་ཀྱི་ནང་ན་སྦྱིན་སྲེག་གཙོ། །རིག་བྱེད་རྣམས་ན་དབྱངས་ཅན་གཙོ། །མི་རྣམས་ན་ནི་རྒྱལ་པོ་གཙོ། །ཆུ་རྣམས་ན་ནི་རྒྱ་མཚོ་གཙོ། །རྒྱུ་སྐར་རྣམས་ན་ཟླ་བ་གཙོ། །དྲོད་རྣམས་ན་ནི་ཉི་མ་གཙོ། །སྟེང་དང་འོག་དང་ཐད་ཀ་ན། །ཇི་སྙེད་འགྲོ་བ་གནས་པ་དག་།གང་ཞིག་བསོད་ནམས་འདོད་པ་ཡི། །ཚོགས་རྣམས་ན་ནི་འཕགས་པ་གཙོ། །ལྷ་དང་བཅས་པའི་འཇིག་རྟེན་ན། །རྫོགས་པའི་སངས་རྒྱས་རྐང་གཉིས་གཙོ། །དེ་ནས་ཡང་གནོད་སྦྱིན་གྱི་དབང་པོ་གནོད་གནས་ཀྱིས། བཅོམ་ལྡན་འདས་ཀྱིས་རྗེས་སུ་གནང་བ་ཐོབ་ནས་རང་གི་སྔགས་སྨྲས་པ། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་ཛམ་བྷ་ལ་ཛ་ལེན་དྲཱ་ཡ་སཝཱ་ཧཱ། དེ་ནས་སྔགས་ཀྱི་རྒྱལ་པོ་འདི 101.174a སྨྲས་པ་ཙམ་གྱིས། དེ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། །དེ་ནས་ཇི་སྲིད་ཕྱིར་མི་ལྡོག་པའི་བྱང་ཆུབ་སེམས་དཔའ་རྣམས་དང ། གནོད་སྦྱིན་གྱི་དབང་པོ་རྣམས་ཀྱིས་མགྲིན་གཅིག་གིས་འདི་སྐད་ཅེས་བྱ་བའི་ཚིག་བརྗོད་པ། བཅོམ་ལྡན་འདས་བདེ་བར་གཤེགས་པ། ཇི་སྲིད་ཆོས་ཀྱི་རྣམ་གྲངས་སྔར་མ་བྱུང་བའི་ངོ་མཚར་རྨད་དུ་ངེས་པར་གྱུར་པ། ཇི་སྲིད་ཆོས་ཀྱི་རྣམ་གྲངས་ཕན་ཡོན་ཆེན་པོ་ངོ་མཚར་བ། སྡུག་བསྔལ་བ་རྣམས་དང ། སྐྱབས་མེད་པ་རྣམས་དང ། ཡོངས་སུ་སྐྱོབ་པ་མེད་པ་རྣམས་དང ། གནས་མེད་པ་རྣམས་ཀྱི་སྐྱབས་དང ། གནས་དང་སྐྱོབ་པ་དང ། ཡོངས་སུ་སྐྱོབ་པ་དེ་བཅོམ་ལྡན་འདས་བཤད་དུ་གསོལ། །སེམས་ཅན་རྣམས་ཀྱི་དོན་དུ་ལྷ་དང་མི་རྣམས་ཀྱི་ཕན་པ་དང་བདེ་བའི་ཕྱིར་སྙིང་པོ་འདི་རྟོག་པ་དང ། དཀྱིལ་འཁོར་དང་གསང་ཆེན་དང ། སེམས་ཅན་གང་གི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ཤིང ། བདེ་བ་ཉིད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཐོབ་པའོ། །དེ་ནས་ཡང་འཁོར་གནོད་སྦྱིན་དེ་རྣམས་དང ། ཉན་ཐོས་ཆེན་པོ་རྣམས་དང ། བྱང་ཆུབ་སེམས་དཔའ་རྣམས་དང ། ལྷ་དང་ཀླུ་དང ། གནོད་སྦྱིན་ལ་སོགས་པ་བླ་གོས་ཕྲག་པ་གཅིག་ཏུ་གཟར་ནས་རང་རང་གི་སྟན་ལས་ལངས་ནས་ཐལ་མོ་སྦྱར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་བ་བཏབ་བོ། །དེ་ནས་ཡང་བཅོམ་ལྡན་འདས་ཀྱིས་གནོད་སྦྱིན་དེ་རྣམས་འཁོར་དེ་རྣམས་དང་བཅས་པ་ལ་བཀའ་སྩལ་པ། ཆོས་ཀྱི་རྣམ་གྲངས་འདི་རིགས་ཀྱི་བུ་ཁྱེད་རྣམས་ཉོན་ཅིག་།གནོད་སྦྱིན་ཆེན་པོའི་སྙིང་པོ་འདི་དཀྱིལ་འཁོར་དང ། ཕྱག་རྒྱ་དང ། སྔགས་དང་གསང་སྔགས་ཆེན་པོ་ཤིན་ཏུ་ངོ་མཚར་བ་དང ། ཤིན་དུ་རྨད་དུ་གྱུར་པ་དེ་བཞིན་གཤེགས་པ་རྣམས་ཀྱིས་གསུངས་པ། བྱང་ཆུབ་སེམས་དཔའ་ཐམས་ཅད་དང ། ལྷ་དང ། ཀླུ་དང ། གནོད་སྦྱིན 101.174b དང ། དྲི་ཟ་དང ། ལྷ་མ་ཡིན་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། ཡི་དགས་དང་ཤ་ཟ་དང ། མི་དང་མི་མ་ཡིན་པ་རྣམས་ཀྱིས་ཕྱག་བྱས་ཤིང་མངོན་བར་བསྟོད་པ། སེམས་ཅན་རྣམས་ལ་ཀུན་དུ་ཕན་པའི་ཕྱིར་ཡིད་བཞིན་གྱི་ནོར་བུ་དང་བུཾ་པ་བཟང་པོ་དང ། དཔག་བསམ་གྱི་ཤིང་ཅི་ལྟར་མངོན་བར་འདོད་པ་བཞིན་དུ་དོན་ཐམས་ཅད་སྒྲུབ་པར་འབྱུང་བ་དེའི་ཕྱིར། ང་ཡིས་རྗེས་སུ་གནང་ཞིང་བྱིན་གྱིས་བརླབས་པ་འདི་དགེ་བའི་རྩ་བ་མ་བསགས་པའི་སེམས་ཅན་རྣམས་ཀྱི་རྣ་བའི་ཁུང་དུ་ཐོས་ཤིང་གྲག་པར་མི་འགྱུར་རོ། །གཞན་ཡང་དགེ་བའི་རྩ་བ་མ་བསགས་པའི་སེམས་ཅན་རྣམས་ཀྱིས་ཉན་པ་དང ། འདྲི་བ་དང ། འཛིན་པ་དང ། ཀློག་པ་ཙམ་ཡང་ནུས་པར་མི་འགྱུར་རོ། །འོན་ཀྱང་སེམས་ཅན་གང་སྙིང་པོ་འདི་འཛིན་པ་ང་ཡིས་རྗེས་སུ་གཟུང་བར་འགྱུར་ཞིང་ཕྱིར་མི་ལྡོག་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ངན་འགྲོར་སྐྱེ་བར་མི་འགྱུར་རོ། །མཐོང་བ་ཙམ་གྱིས་ནད་འབྱུང་བར་མི་འགྱུར་རོ། །དབུལ་པོ་དང ། ཡིད་མི་བདེ་བ་དང ། ལུས་ཀྱི་ཟུག་རྔུ་འབྱུང་བར་མི་འགྱུར་རོ། །སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པར་འགྱུར་རོ། །མཁས་པ་ཐམས་ཅད་ཀྱིས་མཆོད་པའི་གནས་སུ་འགྱུར་རོ། །ལྷ་ཐམས་ཅད་དང ། ཀླུ་དང་གནོད་སྦྱིན་རྣམས་འདུས་པས་ཀྱང་སྔགས་འདི་འཛིན་པའི་ཡོན་ཏན་དང་ཕན་ཡོན་རྟོགས་པར་མི་ནུས་སོ། །འོན་ཀྱང་ང་ནི་དེ་བཞིན་གཤེགས་པ་གཅིག་པུ་དང ། གཞན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཡོན་ཏན་དང ། ཕན་ཡོན་རྒྱས་པར་མཐར་ཐུག་པར་བརྗོད་པར་མི་ནུས་སོ། །གཞན་ལ་གཏམ་ཙམ་ཡང་མི་གྲག་།བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། ཉན་ཐོས་རྣམས་དང ། དེ་ལས་གཞན་པའི་རྒྱ་ཆེ་བའི་ལྷས་འདིའི་ཡོན་ཏན་སྟོན་པ་དང ། ཤེས་པ་ཙམ་ཡང་མི་ནུས་སོ། །མདོར་ན་ཅི་ལྟར་དེ་བཞིན་གཤེགས་པ་ཡོན་ཏན་མཐར་ཐུག་པ་དང་ལྡན་པ་རྣམ་པ 101.175a ཐམས་ཅད་མཁྱེན་པའི་སྟོབས་ཀྱིས་སོ། །འདི་དང་འདྲ་བའི་སྔགས་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་སྙིང་པོར་གྱུར་བ་སྙིང་པོའི་མཆོག་གོ། །གདུག་པ་རྣམས་ལ་གནོད་གནས་ཀྱིས། །ཕོངས་པ་རྣམས་ནི་གསོ་བར་བྱེད། །སེམས་ཅན་རྣམས་ཀྱི་གནས་ཡིན་ཅིང ། །འགྲོ་བ་རྣམས་ནི་ཡང་དག་སྲུང ། །དབང་པོ་ཀུན་ཤེས་གོ་འཕང་ལྡན། །གནོད་གནས་རྒྱལ་བར་བརྗོད་པའོ། །མདོར་ན་འདི་ལས་གཞན་པའི་དེ་བཞིན་གཤེགས་པ་ཐ་དད་པའི་དེ་བཞིན་གཤེགས་པ་གཞན་མེད། འདི་འཛིན་པས་དེ་བཞིན་གཤེགས་པ་ལ་ཉེ་བར་མཆོད་པའི་གནས་ཡོངས་སུ་བྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རྟག་ཏུ་བྱིན་གྱིས་བརླབས་པའོ། །ཕ་རོལ་ཏུ་ཕྱིན་པའི་སྟོབས་དང་ས་འཐོབ་པར་འགྱུར་རོ། །དེ་ནས་ཡང་བཅོམ་ལྡན་འདས་ཀྱིས་ཅི་ལྟར་གནས་པའི་འཁོར་རྣམས་ལ་གཟིགས་ནས། གནོད་སྦྱིན་གྱི་དབང་པོ་གནོད་གནས་ལ་འདི་སྐད་ཅེས་བཀའ་སྩལ་ཏོ། །གནོད་གནས་ཀྱི་དབང་པོ་ཁྱོད་ཀྱི་རྟོག་པ་དང ། དཀྱིལ་འཁོར་དང ། ཕྱག་རྒྱ་དང ། སྔགས་དང ། གསང་ཆེན་རྣམས་སྔོན་གྱི་སངས་རྒྱས་ཐམས་ཅད་ཀྱིས་ཀྱང་བསྟན་པ་ཡོད་དེ། རྣམ་པར་གཟིགས་དང ། གཙུག་ཏོར་ཅན་དང ། འཁོར་བ་འཇིག་དང ། ལོག་པར་དད་སེལ་དང ། གསེར་ཐུབ་དང ། འོད་སྲུང་དང ། ད་ལྟར་ཤཱཀྱ་ཐུབ་པ་ངས་ཀྱང་བཤད་དེ། དེ་ནི་ལེགས་པར་ཉོན་ལ་ལེགས་པར་ཡིད་ལ་ཟུང་ཤིག་།ད་ལྟར་ང་ཡིས་བཤད་ཀྱིས་ལྷ་དང་མིའི་ཕན་པ་དང་བདེ་བས་དགེ་བའི་རྩ་བ་འཕེལ་བའི་དོན་དུ་ང་ཡིས་ཡང་དག་པར་ཤེས་སོ། །གང་གི་ཀཽ་ཤའི་གྲོང་ཁྱེར་དུ་ཤིང་ཁུར་ནས་འཚོང་བ་དེའི་ཚེ། དེར་ང་ལ་དགོན་པ་ན་སྡོད་པའི་དགེ་སློང་གཅིག་བུད་ཤིང་གི་དོན་དུ་ང་ལ་ཤིང་སློང་དུ་འོངས་ཏེ། དེར་ངས་དགོན་པར་ཤིང་ཁྱེར་ནས་དགེ་སློང་གི་གན་དུ་ཕྱིན་ཏེ། མེ་སྤར་ནས་དགེ་སློང་གི་ནད་སོས་པར་བྱས་ཏེ། ཉི་མ་གཅིག་གི་བསོད་སྙོམས 101.175b ཀྱང་དྲངས་སོ། །དེ་ནས་དགེ་སློང་དེ་སེམས་ཡོངས་སུ་མགུ་ནས་དེས་ང་ལ་གསུམ་ལ་སྐྱབས་སུ་འགྲོ་བ་དང ། བྱང་ཆུབ་ཏུ་སེམས་བསྐྱེད་ནས་དཀྱིལ་འཁོར་དང ། ཕྱག་རྒྱ་དང ། སྔགས་དང ། གསང་བའི་རྟོག་པ་ང་ལ་བྱིན་ནོ། །ངས་ཀྱང་ཡང་དག་པར་བསྒོམས་ནས་ཡོད་དོ། །དེའི་ཚེ་སྔགས་ཀྱི་རྒྱལ་པོ་ང་ལ་བྱིན་ནས། དེ་ལྟར་དེ་ཉིད་བསྒོམས་པས། ཚེ་དེ་ཉིད་ལ་ཇི་ལྟར་འཕགས་པ་གནོད་གནས་ཀྱི་དབང་པོ་མཐོང་བའི་ལམ་དུ་གྱུར་ཏོ། །དེ་ནས་དེ་ང་ལ་ཡོངས་སུ་མགུ་ནས་ཕྱག་རབ་ཏུ་གྲོལ་བ་ཞེས་བྱ་བར་མིང་བཏགས་སོ། །དེར་ཡང་ང་རྒྱལ་པོར་དབང་བསྐུར་བས་གྲོང་ཁྱེར་གྱི་མི་རྣམས་ཆོས་དང་ལྡན་པར་བྱས་ནས། དེ་ལ་ང་རྒྱལ་པོར་རབ་ཏུ་གནས་པས་ངས་སེམས་ཅན་ཐམས་ཅད་དགེ་བ་བཅུའི་ལས་ཀྱི་ལམ་ལ་ངེས་པར་སྦྱར་རོ། །ཇི་ལྟར་དོན་དུ་གཉེར་བ་རྣམས་ལ་སྐལ་བ་དང་ལྡན་པ་རྣམས་ལ་དུས་མེད་པར་ཐམས་ཅད་ལ་ཉེ་བར་ཕན་པ་རང་རང་གི་ཁྱིམ་དུ་རྫོགས་པར་བྱས་སོ། །དེ་ལ་སོགས་པ་ངས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་བཞིན་པས་བྱང་ཆུབ་སེམས་དཔའི་ས་ལ་རབ་ཏུ་ཞུགས་སོ། །རིམ་གྱིས་ངས་ཐམས་ཅད་མཁྱེན་པ་ཡང་དག་པར་རྫོགས་སོ། །དབུལ་བ་ཐམས་ཅད་ཉམས་པར་བྱེད་པ་དང ། སེམས་ཅན་ཐམས་ཅད་ཀྱི་སྡུག་བསྔལ་ཉེ་བར་གཅོད་པ་ངས་ཡང་དག་པར་མངོན་པར་ཤེས་སོ། །གང་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པའི་ཡེ་ཤེས་ཤིན་ཏུ་རྟོགས་པ་དེ་རྣམས་ཀྱིས་ཀྱང་སྔོན་དུ་སྔགས་ཀྱི་རྒྱལ་པོ་འདི་བསྒྲུབས་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །དེའི་ཕྱིར་གནོད་སྦྱིན་གྱི་སྡེ་དཔོན་ཆེན་པོ་ཁྱོད་དེ་བཞིན་གཤེགས་པ་ཐམས་ཅད་ཀྱི་ཡུམ་དུ་གྱུར་པ་བསྐྱེད། འདོད་དོན་ཐམས་ཅད་བསྒྲུབ་པའི་ཐབས། །གང་ཞིག་མཐོང་བ་ཙམ་གྱིས་ཀྱང ། །དེ་ནི་སྐྱེ་བ་གཅིག་ནས་གཅིག་།སྔོན་དུ་བསགས་པའི་ལས་རྣམས་ཀྱང ། །སྡིག་པ་ཀུན 101.176a ལས་རྣམ་པར་གྲོལ། །དེ་བཞིན་སྐྱེ་བ་འདི་ལ་རྨོངས། །ཤིན་དུ་སྡིག་པ་མི་བཟད་བྱས། །གནོད་སྦྱིན་དབང་པོ་གཟི་བརྗིད་ཆེ། །གང་གིས་མཐོང་བ་ཙམ་གྱིས་ཀྱང ། །བྱང་ཆུབ་སེམས་དཔའ་ཐོབ་པ་དང ། །སངས་རྒྱས་དང་ནི་ཡང་དག་འཕྲད། །ཕྱིར་མི་ལྡོག་པའི་ས་ཡང་ནི། །ཡུན་མི་རིང་བར་འཐོབ་པའོ། །མཐོང་བ་ཙམ་གྱིས་ཡོན་ཏན་ནི། །ང་ཡིས་བཤད་ཀྱིས་ཁྱོད་རང་ཉོན། །དབུལ་བ་དང་ནི་ཡིད་མི་བདེ། །སེམས་ནི་ནད་ཀྱིས་གཟིར་བ་དང ། །གདོན་དང་བྱད་དང་སྒྱུར་བ་ཡིས། །དེ་ཡིས་འཇིགས་པར་མི་འགྱུར་རོ། །ལྷ་དང་ཀླུ་དང་དྲི་ཟ་དང ། །ལྷ་མིན་དང་ནི་མཁའ་ལྡིང་སོགས། །དེ་ལས་གཞན་ཡང་ཡིད་མི་བདེ། །རྟག་པ་ཉིད་དུ་སྲུང་བའོ། །གནོད་སྦྱིན་དེ་ཉིད་མཐོང་ཙམ་གྱིས། །དཀྱིལ་འཁོར་སངས་རྒྱས་ཀྱིས་བསྟན་པ། །འདིར་ནི་ཡོན་ཏན་དེ་རྣམས་འབྱུང ། །བསྒྲུབས་པར་གྱུར་ན་ལྟ་ཅི་སྨོས། །གང་ཞིག་དད་པས་དེ་བཞིན་རྟོགས། །གུས་པས་བརྟན་པས་གཞན་མི་འཇུག་།འདི་ལ་གུས་པས་དོན་དུ་གཉེར། །བསླབ་པ་སྡོམ་པ་སོགས་པ་ཡིས། །དེས་ན་འབད་པས་གཙང་སྦྲ་བྱ། །ཡིད་ལས་བྱུང་བའི་དཀྱིལ་འཁོར་མཆོག་།གཙང་ཞིང་དབེན་པའི་ས་ཕྱོགས་སུ། །ཤིང་གི་འབྲས་བུ་སྣ་ཚོགས་བཅས། །པུས་ནུབ་ཙམ་གྱི་ས་སྦྱངས་པ། །བ་ཡི་རྣམ་ལྔས་བྱུག་པར་བྱ། །མཉམ་པར་བརྡུང་ཞིང་བཅག་པར་བྱ། །ལག་མཐིལ་ལྟ་བུའི་མཉམ་པ་ལ། །ཁྲུ་ཚད་ཉི་ཤུ་ཙམ་ལ་ནི། །གནོད་སྦྱིན་དབང་པོ་མངོན་པར་བསྔགས། །མེ་ཏོག་སྣ་ཚོགས་གཅལ་དུ་བཀྲམ། ། གར་བདུག་པས་བདུག་པ་དང ། །ཉི་མ་བཟང་པོ་དེ་བཞིན་གཟའ། །དེ་བཞིན་དུས་ཚོད་བཟང་པོ་ལ། །དཀར་པོའི་ཕྱོགས་ལ་ལེགས་པར་དགེ་།སློབ་དཔོན་ལེགས་པར་བསྔོགས་པ་ཡིས། །བ་ཡི་རྣམ་ལྔས་ལེགས་པར་སྦྱང ། །བདག་ཉིད་སྔགས་བཟླས་རྒྱལ་པོ་ཡིས། །སྔ་དྲོ་དག་པར་གྱུར་པ་ཡིས། །མཉམ་པར་གཞག་པས་བསྲུང་བར་བྱ། །སྟེང་དང་འོག་དང་ཕྱོགས་བཅུ་རུ། །ཕྱོགས་ནི་དེ་བཞིན་བཅིང་བར་བྱ། །གནོད་སྦྱིན་རྒྱལ་པོ་དྲི་ཡི་ཆུས། །མཁས་པས་བརྒྱ་རྩ་བརྒྱད་དུ་བསྔགས། །ཇི་ལྟར་ཤར་སོགས 101.176b མངོན་བར་གཏོར། །ཕྱོགས་བཅིང་སྔོན་གྱི་རིམ་པ་བཞིན། །གཞོན་ནུ་མ་ཡིས་བཀལ་བ་ཡི། །ཚོན་སྣ་ལྔ་ཡི་སྐུད་པ་ལ། །གུར་གུམ་ཆུ་ཡིས་བྱུགས་པ་དང ། །ཕུར་པ་ཨུ་དུམ་ཤིང་ལ་བྱས། །ཤར་གྱི་ཕྱོགས་ནས་བརྩམ་པར་བྱ། །ཐིག་གདབ་སྔ་དྲོའི་དུས་སུའོ། །གྲུ་བཞི་པ་ལ་སྒོ་བཞི་པ། །ཟུར་བཞི་རེའུ་མིག་བཞི་དང་ལྡན། །དེ་ལ་དང་པོའི་དཀྱིལ་དུ་ནི། །དེ་བཞིན་གཤེགས་པ་བྲི་བར་བྱ། །རྣམ་པ་ཀུན་མཆོག་ལྡན་པ་ཡི། །ཐམས་ཅད་མཁྱེན་པ་ཟླ་བའི་འོད། །དེ་འོག་གནོད་སྦྱིན་དབང་པོ་ནི། །མཚན་ཉིད་ཐམས་ཅད་མཚོན་པ་ཡི། །སྔོན་པོ་སྤྲིན་ལྟ་བུ་ཡི་མདོག་།རྒྱན་སེར་པོ་ཡིས་མཛེས་པ་དང ། །རྐང་གདུབ་ལག་གདུབ་མགུལ་རྒྱན་དང ། །རིན་ཆེན་སྣ་ཚོགས་ཀྱིས་མཛེས་པ། །སེང་གེའི་གདན་ལ་རིན་ཆེན་དང ། །སྣ་ཚོགས་ཐ་དད་རྣམ་པར་བརྒྱན། །རི་མོ་སྣ་ཚོགས་རིན་ཆེན་འོད། །འོད་འཕྲོ་ཡིད་འོང་འབར་བའི་འོད། །དཀྱིལ་དཀྲུང་ཕྱེད་པས་བཞུགས་པ་ལེགས་པར་མཛེས། །དེ་ཉིད་དབུས་སུ་ནོར་བུ་བཟང་པོ་ངེས་པར་བྱ། །རབ་ཏུ་འབད་པས་གཡས་པའི་ཕྱག་།མཆོག་སྦྱིན་ས་བོན་ཡོངས་སུ་བྱ། །དེ་བཞིན་དུ་ནི་གཡོན་པའི་ཕྱག་།ནེའུ་ལེ་རིན་ཆེན་སྐྱུག་པའོ། །སྣ་ཚོགས་གཏེར་རྣམས་སྟེང་ན་ལེགས་པར་བཞུགས། །དེ་བཞིན་དུང་དང་པད་མ་ཡི། །རིན་ཆེན་ཆར་ནི་འབེབས་པའོ། །མངའ་བདག་གཡས་དང་གཡོན་དུའོ། །ནོར་བུ་བཟང་པོ་དེ་ཡི་ཕྱོགས། །གནོད་སྦྱིན་བཟང་པོ་རྡུལ་མདོག་ཅན། །མཁས་པས་སྔར་བཞིན་དུ་ནི་དགོད། །སྤྱོད་པའི་དབང་པོ་གདོང་དབང་པོ། །གཡས་དང་གཡོན་དུ་བྱ་བའོ། །རྣམ་པ་ཁ་དོག་འདྲ་བ་ཡི། །གཏེར་གྱི་སྟེང་དུ་ཡང་དག་བཞུགས། །དེ་ཡི་འོག་ཏུ་གནོད་སྦྱིན་མོ། །བདུན་པོ་དག་ནི་བྲི་བར་བྱ། །དེ་ལས་གཞན་དུ་བུ་དགུ་སྟེ། །དེ་ལས་གཞན་ནི་ཆུ་སྐྱེས་སོ། །རིན་ཆེན་ལྟེ་བ་ནོར་སྦྱིན་དང ། །གནོད་མཛེས་དང་ནི་གནོད་མཛེས་གཞན། །ལྟེ་མཛེས་དང་ནི་ལྟེ་ཆེན་པོ། །མཚམས་སུ་བུམ་པ་བཟང་པོའོ། །འཕར་བ་གཉིས་ལ་དགོད་བྱ་བའི། །གནོད་སྦྱིན་དབང་པོ་སྟོབས་པོ་ཆེ། །གནོད་གནས་ཧུ 101.177a ལུ་ཧུ་ལུ་དང ། །སྤེ་མཛེས་དང་ནི་ཟླ་བའི་སྡེ། །རེངས་པ་དང་ནི་གདུལ་བ་དང ། །ལྕེ་དམར་དང་ནི་གསུས་པོ་ཆེ། །སྣམ་བུ་གསུམ་པ་ལ་བྱ་བ། །གནོད་སྦྱིན་མོ་ནི་ལྟ་མཛེས་མ། །རྒྱ་ཆེན་མ་དང་དྲི་བྲལ་མ། །ཟླ་མོ་བློ་གྲོས་སྙིང་པོ་སྤྱན། །པད་མའི་སྙིང་པོ་སྨིན་མཛེས་མ། །གནོད་སྦྱིན་ལག་པ་ལག་མངས་པོ། །སྤྲིན་ཆེན་མ་དང་སྐྲ་མཛེས་མ། །གཏེར་གྱི་ཕྲེང་བ་གཡེམ་པ་མོ། །ལྗོན་ཤིང་ཕྲེང་བ་ཕྲེང་བ་མོ། །འདོད་པ་ཀུན་གྱི་འབྲས་སྟེར་མ། །ཡིད་ཤུགས་མ་དང་འདོད་གཟུགས་མ། །ཐོས་དག་མ་དང་ལྷ་མཛེས་མ། །རྫུ་འཕྲུལ་ཆེན་པོ་རྣམ་བཤད་པ། །ཉི་ཤུ་མཆོག་ནི་སྟེར་བའོ། །ཅི་ལྟའི་རིམ་པས་རྣམ་དགོད་པ། །ཇི་ལྟར་མདུན་དང་ཕྱོགས་གཞན་དགོད། །དབང་པོ་ལ་སོགས་གོ་བར་བྱ། །དེ་རྣམས་ཕྱི་རོལ་དྲ་བ་སྟེ། །རྡོ་རྗེ་ཤག་ཏེ་དབྱུག་པ་དང ། །རལ་གྲི་ཞགས་པ་རྒྱལ་མཚན་དང ། །འཁོར་ལོ་རྩེ་གསུམ་མཚོན་ཆ་རྣམས། །སྔར་བཞིན་དུ་ནི་དགོད་པར་བྱ། །སྟེང་འོག་མདའ་ཡི་དྲ་བ་དང ། །དེ་བཞིན་རྡོ་རྗེ་འབར་བའོ། །མཁས་པས་ཕྱི་རོལ་དུ་ནི་དགོད། །དེ་ནས་སྤྱན་དྲང་བརྩམ་པར་བྱ། །ཚོན་རྩི་ལྔ་ནི་དཀར་པོ་དང ། །སེར་པོ་དམར་པོ་སྔོན་པོ་གནག་།དབྱངས་ཀྱི་སྔགས་ཀྱིས་མངོན་བསྔགས་ཏེ། །ཕྱི་རོལ་རྒྱལ་མཚན་བརྒྱད་དགོད་བྱ། །དེ་བཞིན་ཕྱོགས་རྣམས་ཨརྒྷའི་སྣོད། །ཆུ་ནི་མེ་ཏོག་གིས་བཀང་བྱ། །སྤྱན་དྲང་མཆོད་སྦྱིན་ཡིས་ནི་བྱ། །སྔགས་པས་བྱ་བར་ཐེ་ཚོམ་མེད། །གནོད་སྦྱིན་མོ་རྣམས་རང་སྔགས་ཀྱིས། །མཁས་པ་ཡིས་ནི་སྤྱན་དྲང་བྱ། །ལྷ་དང་ལྷ་མིན་སྤྱན་དྲང་བྱ། །གནོད་གནས་དབང་པོ་སྟོབས་པོ་ཆེ། །མ་ལི་ཀ་ཕྲེང་ཤིན་ཏུ་དཀར། །པད་མ་ཨུཏྤ་ལ་ཡི་ཚོགས། །ན་ག་གེ་སར་ཀེ་སུ་དང ། །དྲི་དང་བདུག་པ་སྒྲོན་མ་དང ། །བཤོས་གཙང་གཏོར་མ་ཀུན་འདོད་པ། །རིམ་པ་བཞིན་དུ་མཆོད་པ་ནི། །མཁས་པ་ཡིས་ནི་བྱ་བ་ཡིན། །ག་བུར་དང་ནི་གུ་གུལ་ལམ། །ཡང་ན་ཙན་དན་དཀར་པོ་ཡིས། །འབུམ་ཕྲག་དུ་ནི་སྦྱིན་སྲེག་བྱ། །སྟོང་ཕྲག་བརྒྱ་ཡི་སྦྱིན་སྲེག་བྱ། །ནོར་བུ་བཟང་པོའི་མདུན་དུའོ། ། 101.177b ཇི་ལྟར་རིགས་པས་བཟླས་པ་དང ། །སྦྱིན་སྲེག་ཆོ་ག་བཞིན་དུའོ། །འབད་པ་ཡིས་ནི་མཆོད་པ་བྱ། །མཚམས་སུ་བུམ་པ་དགོད་པ་ནི། །རིན་ཆེན་འབྲུ་དང་སྨན་རྣམས་ལྡན། །དྲི་ཡི་ཆུ་ཡིས་ཡོངས་སུ་དགང ། །ཙུ་ཏ་པ་ལ་བ་ཡིས་གཡོགས། །མགྲིན་པ་རས་ཀྱིས་དཀྲིས་པ་དང ། །དེ་སྲིད་བཅོམ་ལྡན་འདས་ཀྱི་སྔགས། །རང་རང་གི་ནི་སྔགས་བཟླས་པ། །དེ་སྙེད་བུམ་པ་དགོད་པར་བྱ། །འདི་ལས་སྔགས་རྣམས་འབྱུང་བ་ནི། །ོཾ་ཛམ་བྷ་ལ་ཛ་ལེན་དྲཱ་ཡ་སཝཱ་ཧཱ། གཙོ་བོའི་སྡེ་ལས་ཐམས་ཅད་པའི་སྔགས་སོ། །མ་ཧཱ་ཡཀྵ་རཱ་ཛ་ཡ་བི་ན་མ་ཧེ་མ་ཎི་བྷ་དྲཱ་ཡ་དྷི་མ་ཧེ་ཏཎྞོ་ཡཀྵ་པྲ་ཙོཏྟ་ཡ་དྷ་བི་ཏྲི། གནོད་སྦྱིན་གྱི་དབྱངས་ཀྱི་སྔགས་སོ། །ོཾ་ཡཀྵཱ་ཡ་སཝཱ་ཧཱ། གནོད་སྦྱིན་གྱི་སྙིང་པོའོ། །སྤྱན་དྲང་བ་དང ། གཤེགས་སུ་གསོལ་བ་དང ། མཆོད་པ་དང ། བུམ་པ་ལ་མངོན་བར་བསྔགས་པའི་སྔགས་ཏེ་སོ་སོར་སྦྱར་བར་བྱའོ། ། ནནྟ་པད་མཱ་ཡ་སཝཱ་ཧཱ། པད་མའི་གཏེར་གྱི་སྔགས་སོ། ། ནནྟ་སཾ་ཁཱ་ཡ་སཝཱ་ཧཱ། གཏེར་གྱི་དུང་གི་སྔགས་སོ། །ར་ཛ་ཡ་ན་བྷ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། རྔུལ་གྱི་མདོག་ཅན་གྱི་སྔགས་སོ། །ཙ་རེན་དྲཱ་ཡ་སཝཱ་ཧཱ། སྤྱོད་པའི་དབང་པོའི་སྔགས་སོ། །མུ་ཁེ་ན་དྲཱ་ཡ་སཝཱ་ཧཱ། དབང་པོ་གདོང་གི་སྔགས་སོ། །ོཾ་དྷ་ན་དཱ་ཡ་སཝཱ་ཧཱ། གཏེར་སྦྱིན་གྱི་སྔགས་སོ། །མ་ནི་དྷ་བ་ཡ་དྷ་ན། ཨ་ཏི་པ་ཏ་ཡེ་སཝཱ་ཧཱ། རིན་ཆེན་ལྟེ་བའི་སྔགས་སོ། །སུ་ཎ་གྷ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། ལྟེ་མཛེས་ཀྱི་སྔགས་སོ། །ོཾ་སུཾ་གྷ་ཎ་བྷ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། གནོད་མཛེས་ཀྱི་ལྟེ་བའི་སྔགས་སོ། །ོཾ་ཨ་སུཾ་བྷ་ཎ་བྷ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། གནོད་མཛེས་ལྟེ་གཞན་གྱི་སྔགས་སོ། །ོཾ་ཨཾ་བྷ་ཎ་བྷ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། ཆུའི་ལྟེ་བ་ཅན་གྱི་སྔགས་སོ། །ནི་ཎ་བྷ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། ལྟེ་སྔོན་ཅན་གྱི་སྔགས་སོ། །བཻ་ཤྲ་ཝ་ཎ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། རྣམ་ཐོས་སྲས་ཀྱི་སྔགས་སོ། །མ་ཧཱ་ན་བྷ་ཡ་དྷ་ན་ཨ་ཏི་པ་ཏ་ཡེ་སཝཱ་ཧཱ། ལྟེ་ཆེན་གྱི་སྔགསོ། །ོཾ་ཛཾ་བྷ་དྲཱ་ག་ཏ་ཡ་སཝཱ་ཧཱ། 101.178a བུམ་པ་བཟང་པོའི་སྔགས་སོ། །ཧ་ར་ཛམ་བྷ་ཀ་ཧཱུཾ་ཕཊ་སཝཱ་ཧཱ། རྨུགས་བྱེད་ཀྱི་སྔགས་སོ། །ཡཀྵ་ཨིན་དྷ་ཡ་སཝཱ་ཧཱ། ཧུ་ལུ་ཧུ་ལུ་ཞེས་བྱ་བའི་སྔགས་སོ། །པུ་སྤེ་ནཱ་ཡ་སཝཱ་ཧཱ། སྡེ་མཛེས་ཀྱི་སྔགས་སོ། །ཧ་ར་ཧ་ར་ཙན་དྲ་སེ་ནཱ་ཡ་སཝཱ་ཧཱ། ཟླ་བ་སྡེའི་སྔགས་སོ། །ཛམ་བྷ་ནཱ་ཡ་སཝཱ་ཧཱ། གནོད་གནས་ཀྱི་སྔགས་སོ། །མོ་ཏ་ཡ་སཝཱ་ཧཱ། འདུལ་བྱེད་ཀྱི་སྔགས་སོ། །རཱ་ག་ཛི་ཧཝཱ་ཡ་སཝཱ་ཧཱ། ལྕེ་དམར་པོའི་སྔགས་སོ། །མ་ཧོ་དྷ་རཱ་ཡ་སཝཱ་ཧཱ། གསུས་པོ་ཆེའི་སྔགས་སོ། །བི་མ་ལེ་བི་མ་ལ་དྷཪྵ་ནི་ཨ་ཡ་ཏི་སཝཱ་ཧཱ། དྲི་བྲལ་མའི་སྔགས་སོ། །བྷས་ལ་ཎ་ཡ་ཎེ་བོ་དྷ་ཡ་སཝཱ་ཧཱ་རྒྱ་ཆེན་མའི་སྔགས་སོ། །ཙན་དྲ་སུ་མ་ཏི་སུ་ར་པུ་ཙི་ཏི་ཙན་དྷེ་ཙན་དྲ་མ་ཏི་སཝཱ་ཧཱ། ཟླ་འོད་བློ་གྲོས་མའི་སྔགས་དང་དགུག་པའི་སྤྱན་ཅན་མའིའོ། །ོཾ་ཙནྡྲ་པ་སཝཱ་ཧཱ། པད་མའི་སྙིང་པོ་མའི་སྔགས་སོ། །སུ་བྷྲུ་མ་ནོ་ར་བྷེ་སཝཱ་ཧཱ། སྨིན་མཛེས་པའི་སྔགས་སོ། །ོཾ་བྷ་བ་བུ་པྲ་ཏ་ཡ་སཝཱ་ཧཱ། ལག་པ་དང་ལག་མངས་མའི་སྔགས་སོ། །ལི་ཏི་ག་ཏི་མོ་ཏི་སཝཱ་ཧཱ། སྤྲིན་ཆེན་མའི་སྔགས་སོ། །སུ་གཻ་མ་ལི་གེ་ས་བྷ་རི་ཎི་སཝཱ་ཧཱ། སྐྲ་མཛེས་མ་ཞེས་བྱ་བའི་སྔགས་སོ། །བྷ་ན་པ་ལ་བ་ལི་ནི་སཝཱ་ཧཱ། ནགས་ཀྱི་ཕྲེང་བ་མ་ཞེས་བྱ་བའི་སྔགས་སོ། །ུ་ཊིཥྛ་བྷུན་ཛ་ལི་སཝཱ་ཧཱ། གཡེམ་པ་མོའི་སྔགས་སོ། །དྷྲུཾ་མ་ལི་མ་ལི་ཀ་ལི་ཀ་ཧ་ལི་དྷྲུཾ་མི་ཀི་ལི་ཀ་ལི་སཝཱ་ཧཱ། ལྗོན་མ་ཕྲེང་བ་མའི་སྔགས་སོ། །ཀ་ལ་བྷི་ལ་སི་ནི་སཝཱ་ཧཱ། འདོད་པའི་ཕྲེང་བ་མའྀ་སྔགས་སོ། །སརྦ་དྷ་ཡི་བ་སརྦ་ཨ་གྲ་མ་ནོ་ཛ་བྷེ་བྷ་ག་བ་ཏེ་སཝཱ་ཧཱ། །ཡིད་ཀྱི་ཤུགས་ཅན་མའི་སྔགས་སོ། །ཀ་མ་བེ་ཀ་མི་ནི་སཝཱ་ཧཱ། འདོད་པའི་གཟུགས་ཅན་མའི་སྔགས་སོ། །ཤྲུ་ཏ་བྷ་ཀེ་ཀི་ཀ་རི་སཝཱ་ཧཱ། ཐོས་དག་མའི་སྔགས་སོ། །སུ་དྷ་ར་ས་ནི་ཀཱ་མཱི་ནི་སཝཱ་ཧཱ། ལྟ་མཛེས་མའི་སྔགས་སོ། །མ་ཧཽ་གྷེ་བྷ་ཡ་ཀ་རི་སཝཱ་ཧཱ། རྫུ་འཕྲུལ་ཆེན་མོའི་སྔགས་སོ། །གནོད་སྦྱིན་མོ་རྣམས་ཀྱིའོ། །ིན་དྲ་དེ་བཱ་དྷི་པ་ཏ་ཡེ་སཝཱ་ཧཱ། དབང་པོའི་སྙིང་པོའོ། །ག་ན་ཡེ་ཨུར་བྱཱ་དྷི་པ་ཏ་ཡེ་སཝཱ་ཧཱ། མེ་ལྷའི་སྙིང་པོའོ། ། མ་ཡ་པྲ་ཏཱ་དྷི་པ་ཏ་ཡེ་སཝཱ་ཧཱ། གཤིན་རྗེའི་སྙིང་པོའོ། །ནི་རྀ་དྷ་ཡ་རཀྵ་སཱ་དྷི་པ་ཏ་ཡེ་སཝཱ་ཧཱ། བདེན་བྲལ་གྱི་སྙིང་པོའོ། །པ་རུ་ཎ་ཡ་ཛ་ལཱ་ཨ་ཏི་པ་ཏ་ཡེ་སཝཱ་ཧཱ། ཆུ་བདག་གི་སྙིང་པོའོ། །བ་ཡ་བཻ 101.178b ན་ཏ་རིཀྵ་ཨ་ཏི་པ་ཏ་ཡེ་སཝཱ་ཧཱ། རླུང་ལྷའི་སྙིང་པོའོ། །ཀུ་བེ་ར་དྷ་ན་ཨ་ཏི་པ་ཏ་ཡེ་སཝཱ་ཧཱ། ལུས་ངན་གྱི་སྙིང་པོའོ། །ཱི་ཤ་ན་ཡ་བྷཱུ་ཏ་ཨ་ཏི་པ་ཏ་ཡེ་སཝཱ་ཧཱ། དབང་ལྡན་གྱི་སྙིང་པོའོ། །ཱུར་དྷ་བྲཧྨ་ནེ་སཝཱ་ཧཱ། ཚངས་པའི་སྙིང་པོའོ། །དྷོ་བིཥྞ་བེ་སཝཱ་ཧཱ། ཁྱབ་འཇུག་གི་སྙིང་པོའོ། ། བྷི་བར་ཏ་ཀ་ཡ་སཝཱ་ཧཱ། རྡོ་རྗེའི་སྙིང་པོའོ། །ཧུ་ཏ་ས་ནཱ་ཡ་སཝཱ་ཧཱ། ཤག་ཏིའི་སྙིང་པོའོ། །མ་ཧཱ་སྱ་མཱ་ཡ་སཝཱ་ཧཱ། དབྱུག་པའི་སྙིང་པོའོ། །ཁདྒ་བི་མ་ལ་བྷ་རི་ཎི་སཝཱ་ཧཱ། རལ་གྲྀའི་སྙིང་པོའོ། །པ་རུ་ཎ་ཏ་མཱ་ཨ་ཏི་པ་ཏ་ཡེ་སཝཱ་ཧཱ། ཞགས་པའི་སྙིང་པོའོ། །པྲ་བྷན་ཛ་ན་ཡ་སཝཱ་ཧཱ། རྒྱལ་མཚན་གྱི་སྙིང་པོའོ། །མ་ཧཱ་སུ་མྱ་རས་མ་ཡེ་སཝཱ་ཧཱ། འཁོར་ལོའི་སྙིང་པོའོ། །བྷ་ལ་པི་ཧུ་ལེ་སཝཱ་ཧཱ། རྩེ་གསུམ་པའི་སྙིང་པོའོ། །བྷི་ལ་ཤ་བྷི་ཧུ་ལེ་སཝཱ་ཧཱ། ཕྱོགས་ཀྱི་སྔགས་སོ། །ཤ་རེ་དྷ་ཡ་སཝཱ་ཧཱ། མདའི་དྲ་བའི་སྔགས་སོ། །ོཾ་ཨུར་དྷཾ་ཛ་ལ་བཛྲ་པན་ཙ་རཱ་ཡ་སཝཱ་ཧཱ། རྡོ་རྗེ་དྲ་བའི་སྔགས་སོ། །འདི་རྣམས་རང་རང་གི་ནི་སྔགས། །མཁས་པས་བུམ་པ་ལ་བཟླས་བྱ། །སློབ་མ་དཀྱིལ་འཁོར་དུ་ཡང་གཞུག་།དབང་བསྐུར་བ་ནི་རབ་ཏུ་བརྟག་།རྒྱལ་པོ་དབང་བསྐུར་བར་ནི་བརྗོད། །སྐྱེ་བ་གང་རྣམས་དངོས་གྲུབ་འདོད། །དེ་རྣམས་དབང་བསྐུར་དོན་དུ་བྱ། །བརྒྱན་པའི་དོན་དུ་རབ་ཏུ་འབད། །འདི་ལྟར་དཀྱིལ་འཁོར་ཆེན་པོར་བསྟན་པའི་ཆོ་ག་བཞིན་དབང་བསྐུར་བ་དང ། དམ་ཚིག་བསྟན་པ་དང ། རྗེས་སུ་གནང་བས་ཕྱག་རྒྱ་ཆེན་པོའི་སྐལ་བ་ཅན་དུ་ཤེས་པར་བྱའོ། །རང་རང་གི་སྔགས་དང་ཕྱག་རྒྱས་དབང་བསྐུར་ལ། ཡང་མཆོད་པ་རྒྱ་ཆེན་པོ་དང ། སྦྱིན་སྲེག་བྱས་ལ་བསྡུ་བ་དང་གཤེགས་སུ་གསོལ་བར་བྱའོ། །དེ་ལྟར་གནོད་གནས་ཀྱི་བདག་པོའི་དམ་ཚིག་བསྟན་པ་དང ། རང་གི་སྔགས་སྒྲུབ་པའི་སྐལ་བ་ཅན་དུ་འགྱུར་རོ། །དེས་ན་ཉིན་རེ་བཞིན་དུ་དུས་གསུམ་དུ། སྔགས་དང་ཕྱག་རྒྱས་བདག་སྲུང་བ་བྱས་ལ། འཁོར་དང་བཅས་པ་སྤྱན་དྲངས་ཏེ་ཞབས་བསིལ་བ་དང ། མཆོད་ཡོན་ལ་སོགས་པ་ཕུལ་ནས། ཉེ་བར་སྤྱོད་པའི་མཆོད་པ་ཉི་ཤུ་སྔགས་དང་ཕྱག་རྒྱས་ཕུལ་ལ་ཆོ་ག་ཅི་ལྟར་ཚོགས་པའི་མཆོད་པ 101.179a བྱས་ནས་སྔོན་དུ་བསྙེན་པར་བྱའོ། །དེ་ནས་ཕྱག་རྒྱ་དང་སྔགས་ཀྱི་ཚོགས་ང་ཡིས་རྒྱས་པར་བཤད་པར་བྱ་སྟེ། དེ་ནས་ཡང་གནོད་སྦྱིན་གྱི་དབང་པོས་གུས་པ་ཉེ་བར་སྐྱེས་ནས་བཅོམ་ལྡན་འདས་ལ་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་རྣམས་ལ་གཟིགས་ནས་སེང་གེའི་སྒྲ་སྒྲགས་པས་འདི་སྐད་ཅེས་བཀའ་སྩལ་པ། ཁྱོད་རྣམས་ཉོན་ཅིག་འདའ་དཀའ་བ་འདི་བསྟན་པ་སྙིང་རྗེ་ཆེན་པོའྀ་བདག་ཉིད་སོམས་ཅན་རྣམས་ལ་ཕན་པ་དང་བདེ་བ་དང་ལྡན་པ། གནོད་གནས་ཀྱི་དབང་པོའི་ཕྱག་རྒྱའི་མཚན་ཉིད་སྔགས་དང་ལྡན་པ། དེ་ནས་གནོད་གནས་ཀྱི་དབང་པོས་ཐལ་མོ་སྦྱར་ཏེ། པུས་མོ་ས་ལ་བཞག་སྟེ་ཕྱག་བྱས་ནས་ཅང་མི་སྨྲ་བར་སྡོད་དོ། །དེ་ནས་བཅོམ་ལྡན་འདས་སེང་གེ་བཞིན་འཇིགས་པ་མེད་པས་སྔགས་དང་ཕྱག་རྒྱ་འདི་གསུངས་པ། ལག་པ་གཉིས་ཐལ་མོ་མཉམ་པར་སྦྱར་ནས། གུང་མོ་གཉིས་ཕྱིར་བཟློག་མིང་མེད་ཀྱི་རྩེ་མོ་གཉིས་ལ་སྦྱར་ལ། མཛུབ་མོ་གཉིས་ཚིགས་གསུམ་པ་བཅག་ནས་དེར་བཞག་སྟེ། མཐེ་བོང་ཕྱོགས་སུ་བཞག་།མཐེའུ་ཆུང་གཉིས་ཁབ་ཀྱི་རྣམ་པ་ལྟར་བྱས་པ་འདི་ནི་བཅོམ་ལྡན་འདས་ཀྱི་རྩ་བའི་ཕྱག་རྒྱའོ། །འདི་བཅིངས་པ་ཙམ་གྱིས་གནོད་གནས་ཀྱི་དབང་པོ་ཉེ་བར་གནས་པར་གྱུར་ནས་སྒྲུབ་པ་པོ་ལ་ལྟ་ཞིང་མཆོག་སྟེར་བར་འགྱུར་རོ། །འདིའྀ་སྔགས་ནི། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་ཛམ་བྷ་ལ་ཛ་ལེན་དྲཱ་ཡ་སཝཱ་ཧཱ། སྔགས་འདི་དང་ལྡན་པའི་ཕྱག་རྒྱ་ཡིས་གནས་རྣམ་པ་ལྔར་སྦྱར་བས་བྱིན་གྱིས་བརླབ་པར་བྱའོ། །གནོད་གནས་དང་སོ་སོར་མཉམ་པར་འགྱུར་རོ། །ལག་གཉིས་ཁུ་ཚུར་བཅངས་ནས་མཐེའུ་ཆུང་གཉིས་ཁབ་ཀྱི་རྣམ་པ་ལྟར་བྱས་པ་ནི་སྤྱོད་པའི་དབང་པོའི་ཕྱག་རྒྱ་སྟེ། བདག་བསྲུང་བ་ལ་ངེས་པར་སྦྱར་བར་རོ། །འདིའི་སྔགས་ནི། ཨོཾ་ཙ་རེན་དྲཱ་ཡ་སཝཱ་ཧཱ། དེ་ལྟར་ཁུ་ཚུར་བྱས་ཏེ་མཐེའུ་ཆུང་གཉིས་ནང་དུ་བཅུག་ནས་སྲིན་ལག་གཉིས་ཁབ་ཀྱི་རྣམ་པ་ལྟར་བྱས་པ་ནི་དབང་པོ་གདོང་གི་ཕྱག་རྒྱ 101.179b སྟེ། བདག་བསྲུང་བ་ལ་ངེས་པ་སྟེ། འདིའི་སྔགས་ནི། ཨོཾ་མུ་ཁེན་དྲཱ་ཡ་སཝཱ་ཧཱ། དབང་པོ་གདོང་གི་ཕྱག་རྒྱ་ལས་མིང་མེད་ཀྱི་ཚིགས་གསུམ་པ་བཅག་པ་ནི་གནོད་སྦྱིན་མོ་རྣམས་ཀྱི་སྤྱིའི་ཕྱག་རྒྱ་སྟེ། འདིའི་སྔགས་ནི། ཨོཾ་ཨ་ནི། འདིས་ཀྱང་བདག་བསྲུང་བར་བྱའོ། །སྤྱན་འདྲེན་པའི་དུས་སུ་ཡང་གནོད་སྦྱིན་མོ་རྣམས་སྤྱན་དྲང་བར་བྱའོ། །སྟེང་དང་འོག་དང་ཕྱོགས་བཅུ་རུ་ར་བ་དང་དྲ་བ་དང་ཕུར་བུ་སྟེ། ལག་པ་གཉིས་ཁུ་ཚུར་བྱས་ལ་མཛུབ་མོ་གཉིས་སོ་སོར་ཁབ་ཀྱི་རྩེ་མོ་ལྟར་བྱས་པ་འདི་ནི་དྲ་བའི་ཕྱག་རྒྱ་སྟེ། འདིའི་སྔགས་ནི། ཨོཾ་ཙ་རེན་དྲ་བྷན་དྷ་དྷི་ཤ་ཕཊ། ར་བ་དང་ངེས་པར་སྦྱར་བར་རོ། །དེ་ཉིད་ལས་འཛུབ་མོ་གཉིས་ཁབ་ཀྱི་རྣམ་པ་ལྟར་གཅིག་ཏུ་བྱས་པ་ནི་དྲ་བའི་ཕྱག་རྒྱ་སྟེ། འདིའི་སྔགས་ནི། ཨོཾ་མུ་ཁེ་ན་དྲཱ་ཡ་སཝཱ་ཧཱ། དྲ་བའི་དོན་དུ་ངེས་པར་སྦྱར་བར་རོ། །ལག་པ་གཉིས་ཁུ་ཚུར་བྱས་ནས་འོག་ཏུ་བཞག་པ་ནི་ཕུར་པའི་ཕྱག་རྒྱ་སྟེ། འདིའི་སྔགས་ནི་ཨོཾ་ཧྲི་ཏ་ཏ། སྤྱན་དྲང་བར་བྱ་བ་ནི་རྩ་བའི་ཕྱག་རྒྱ་ལས་མཐེའུ་ཅུང་ཟད་དགུག་པ་ནི་སྤྱན་དྲང་བའི་ཕྱག་རྒྱ་སྟེ། འདིའི་སྔགས་ནི། ཨེ་ཧྱེ་ཙུ་ལུ་ཙུ་ལུ། ཏྭ་ར་ཏྭ་ར། ཛཱ་ལ་ས་ཡ་ནང་པྲྀ་ཡཱ་ཡ་སཝཱ་ཧཱ། རིམ་པ་འདིས་འཁོར་དང་བཅས་པ་སྤྱན་དྲང་བར་བྱའོ། །དེ་ནས་ཨརྒྷ་སྦྱིན་པར་བྱའོ། །ལག་པ་གཉིས་བརྟེན་པའི་ཐལ་མོ་སྦྱར་ནས་འཛུབ་མོ་མཐེ་བོའི་ངོས་ལ་སྦྱར་ཏེ། འདིའི་སྔགས་ནི། ཨོཾ་ཡཀྵ་ནཱ་དྷ་ཡ་ཀེན་དྷྲ་ན་པྲ་ཡ་པ་ཤ་པ་ཤ་སཝཱ་ཧཱ། དེ་ནས་གདན་དབུལ་བར་བྱ་སྟེ། ཕྱག་འཚལ་བའི་ཐལ་མོ་སྦྱར་ཏེ། འཛུབ་མོ་གསུམ་པ་མཉམ་པར་བྱས་ནས་ཚིགས་གསུམ་པར་བཅག་སྟེ། དབུ་མར་སྦྱར་ནས་གཞན་སོ་སོར་བྱས་པ་ནི། བཅོམ་ལྡན་འདས་ཀྱི་སེང་གེའི་གདན་གྱི་ཕྱག་རྒྱའོ། །འདི་བསྟན་པ་ཙམ་གྱིས་གནོད་སྦྱིན་གྱི་དབང་པོ་འཁོར་དང་བཅས་པ་སེང་གེའི་གདན་ལ་བཞུགས་པར་འགྱུར་རོ། །སེང་གེའི་གདན་གྱི་ཕྱག་རྒྱ་སྟེ། འདིའི་སྔགས་ནི། ཨོཾ་ཛཾ་བྷ་ལ་ཛ་ལེན་དྲཱ་ཨི་དྷ་ཡ་ས་མར་རྐྱང་སཝཱ་ཧཱ། དེ་ནས་ཁྲུས་ཀྱི་ཕྱག་རྒྱ་བཅིངས་ནས་གནོད་གནས་འཁོར་དང་བཅས་པ་ཁྲུས་གསོལ་བར་བྱ། ལག་པ་གཉིས་ཡང་རྟེན་གྱི་ཐལ་མོ་བྱས 101.180a མཐེའུ་ཆུང་གཉིས་ཕྱིན་ཅི་ལོག་ཏུ་བྱས་ལ་མིང་མེད་གཉིས་དཀྱིལ་དུ་བྱས་པ། གུང་མོ་གཉིས་ཁབ་ཀྱི་རྣམ་པ་ལྟར་བྱས། དེའི་ཕྱི་རོལ་དུ་གུང་མོའི་ཚིགས་གསུམ་སྦྱར་བར་མཐེ་བོ་གཉིས་ཕྱོགས་སུ་བཞག་པ་ནི། ལྷ་ཐམས་ཅད་ཀྱི་ཁྲུས་ཀྱི་ཕྱག་རྒྱའོ། །འདིའྀ་སྔགས་ནི། ཨོཾ་ནཱ་ན་སྦྱི་ཡ་གྷ་ཏ་ཀུམ་བྷ་ཛྭ་ལ་སཝཱ་ཧཱ། གོས་ཀྱི་ཕྱག་རྒྱ་བཅིངས་ནས་གོས་དབུལ་བར་བྱ་སྟེ་ཡང་ལག་པ་གཉིས་མཐེ་བོང་དང་འཛུབ་མོ་གཉིས་ལུ་གུ་རྒྱུད་ཀྱི་རྣམ་པ་ལྟར་བྱས་ཏེ། སོར་མོ་ཕྱི་མ་རྣམས་བརྐྱང་བ་འདི་ནི་གོས་ཀྱི་ཕྱག་རྒྱ་སྟེ། འདིའྀ་སྔགས་ནི། ཨོཾ་དྷི་རི་དྷི་རི་མ་ཧཱ་ས་མུད་ཏྲ་ཨཾ་དྷ་ར་དྷ་ཀ་སཝཱ་ཧཱ། རྒྱན་གྱི་ཕྱག་རྒྱ་ཉེ་བར་བྱ་སྟེ། ལག་པ་གཉིས་སོར་མོ་གསུམ་གྱིས་མཐེ་བོང་བཀབ་ནས་བསྡིགས་འཛུབ་འཁྱིལ་བའི་ཚུལ་དུ་བྱས་ནས་ཕན་ཚུན་སྟེང་དུ་བསྐོར་ནས། གཅིག་ཏུ་བྱས་པ་འདི་ནི་རྒྱན་གྱི་ཕྱག་རྒྱ་སྟེ། འདིའི་སྔགས་ནི་མེ་གྷ་བྷ་ར་ཎ་ཛ་ལ་བུ་གྷ་ན་སཝཱ་ཧཱ། ཡང་དག་པར་བརྐྱང་ནུལ་བྱ་བའི་ཕྱག་རྒྱ་ནི། ལག་པ་གཡས་པ་ཁུ་ཚུར་བཅངས་ནས། ལག་པ་གཡོན་པ་ནོར་བུ་འཆིང་བའི་མཚམས་སུ་ལག་གདུབ་ལྟར་བཟུང་བ་ནི་བརྐྱང་ནུལ་བྱ་བའི་ཕྱག་རྒྱའོ། །འདིའི་སྔགས་ནི། ཨོཾ་ཧ་ར་ཧ་ར་ཛོ་གྷྲ་ཎ་ཡ་སཝཱ་ཧཱ། དེ་ནས་དཀྱིལ་འཁོར་གྱི་ཕྱག་རྒྱ་ངེས་པར་བསྟན་པར་བྱ་སྟེ། དེ་ཉིད་ལས་སོར་མོ་རྣམས་སོ་སོར་བརྐྱང་ནས་ཁ་འོག་ཏུ་དབུབ་པ་ནི། དཀྱིལ་འཁོར་ཉེ་བར་བྱུག་པའི་ཕྱག་རྒྱའོ། །འདིའི་སྔགས་ནི། ཨོཾ་ཀུ་ཏི་ཛུ་ག་བྷ་ར་ཏ་པྲི་ཡཱ་ཡ། ་སཝཱ་ཧཱ། རྡུལ་ཚོན་གྱི་ཕྲེང་བའི་ཕྱག་རྒྱ་ཉེ་བར་བསྟན་པ་ནི། དཀྱིལ་འཁོར་གྱི་ཕྱག་རྒྱ་ལས་སོར་མོ་ལྔ་རྣམས་ཁ་འོག་ཏུ་བྱས་ནས་བཞག་པ་ནི། རྡུལ་ཚོན་གྱི་ཕྲེང་བའི་ཕྱག་རྒྱའོ། །འདིའི་སྔགས་ནི། ཧེ་ཧེ་ཕེ་ན་བྷ་ལི་པྲྀ་ཡ་སོ་བྷ་ན་ཡ་སཝཱ་ཧཱ། དྲིའི་ཕྱག་རྒྱ་ཉེ་བར་བསྟན་པ་ནི། ལག་པ་གཉིས་རྟེན་པའི་ཐལ་མོ་སྦྱར་ལ་མཐེའུ་ཆུང་ཁབ་ཀྱི་རྣམ་པ་ལྟར་བྱས་ནས། མིང་མེད་དང ། གུང་མོ་དང་མཛུབ་མོ་རྣམས་ནང་དུ་བཀུག་པ་ནི། དྲིའི་ཕྱག་རྒྱའོ། །འདིའི་སྔགས་ནི། ཨོཾ་ལ་ལཱ་གཱ་ལ་གཱ་ལ་སུ་གྷན་དྷ་གྷན་དྷ་ཡ་སཝཱ་ཧཱ། དེ་ནས་མེ་ཏོག 101.180b གི་ཕྱག་རྒྱ་ཉེ་བར་བསྟན་པ་ནི། དྲིའི་ཕྱག་རྒྱ་ལས་མཐེ་བོང་དྲང་པོར་གྱེན་དུ་འགྲེང་བ་ནི་མེ་ཏོག་གི་ཕྱག་རྒྱའོ། །འདིའི་སྔགས་ནི། ཨོཾ་པུཥྤ་པྲ་བྷ་ཧ་རི་པུས་པ་མེ་གྷ་སཝཱ་ཧཱ། བདུག་སྤོས་ཀྱི་ཕྱག་རྒྱ་ནི་མེ་ཏོག་གི་ཕྱག་རྒྱ་ལས་ཚིགས་གསུམ་པ་ཅུང་ཟད་བཀུག་པར་བྱ་བ་ནི་བདུག་སྤོས་ཀྱི་ཕྱག་རྒྱའོ། །འདིའི་སྔགས་ནི། །ོཾ་རུ་རུ་མ་ཧཱ་དུ་བ་པྲྀ་ཡཱ་ཡ་སཝཱ་ཧཱ། གཏོར་མའི་ཕྱག་རྒྱ་ཉེ་བར་བསྟན་པ་ནི། བདུག་སྤོས་ཀྱི་ཕྱག་རྒྱ་ལས་སོར་མོ་ཐམས་ཅད་ལོངས་སྤྱོད་པའི་རྣམ་པར་བཀོད་ནས་མཐེའུ་ཆུང་གཉིས་ནང་དུ་བྱས་པ་ནི་གཏོར་མའི་ཕྱག་རྒྱའོ། །འདིའི་སྔགས་ནི་ཨོཾ་ས་ཀ་ས་ཀ་བྷ་རི་ལ་ཛ་ན་གཾ་པ་ཀ་བྷ་ལི་དྷ་ཡཀྵ་དྷཻ་ཧི་དྷེ་ཧི་སཝཱ་ཧཱ། མེ་མར་གྱི་ཕྱག་རྒྱ་ཉེ་བར་བསྟན་པ་ནི། གཏོར་མའི་ཕྱག་རྒྱ་ལས་སོར་མོ་ཐམས་ཅད་ཁུ་ཚུར་བྱས་ལ་མཐེའུ་ཆུང་གཉིས་དང་མཐེ་བོང་གཉིས་ཁབ་ཀྱི་རྣམ་པ་ལྟར་བྱས་པ་ནི་མེ་མར་གྱི་ཕྱག་རྒྱའོ། །འདིའི་སྔགས་ནི། ཨོཾ་ཕུ་རུ་ཕུ་རུ་པྲ་ཀ་ས་ཡ་སཝཱ་ཧཱ། དྲིའི་ཕྱག་རྒྱ་ཉེ་བར་བསྟན་པ་ནི། ལག་པ་གཡས་པ་ཁོང་སྟོང་ལ་ཐུར་དུ་བྱས་པ་ནི་དྲིའྀ་ཕྱག་རྒྱ་སྟེ། འདིའི་སྔགས་ནི། ཨོཾ་ཀི་ནི་ཀི་ནི་གྷན་དྷ་ཀར་ན་ཀར་ན་གྷོ་ཤམ་མེ་ཏྲི་ནཱུ་སཝཱ་ཧཱ། གདུགས་ཀྱི་ཕྱག་རྒྱ་ཉེ་བར་བསྟན་པ་ནི། ཡང་ལག་པ་གཉིས་ཕན་ཚུན་དུ་མངོན་བར་ཕྱོགས་ནས་གཅིག་ཏུ་སྦྱར་ཞིང་ནང་དུ་ཞུམ་ནས་མཐེ་བོང་ཕྱོགས་སུ་བཞག་པ་ནི་གདུགས་ཀྱི་ཕྱག་རྒྱའོ། །འདིའི་སྔགས་ནི། ཨོཾ་གྲཱིཧྞ་ཚད་པྲ་ཏི་ཡད་ཚད་ཏྲ་ར་ཏན་ཀྵ་ཀ་སཝཱ་ཧཱ། རྔ་ཡབ་ཀྱི་ཕྱག་རྒྱ་ཉེ་བར་བསྟན་པ་ནི། ལག་པ་གཡས་པའི་མཐེ་བོས་མཐེའུ་ཆུང་གི་སེན་མོ་མནན་ནས་སོར་མོ་ལྷག་མ་རྡོ་རྗེ་ལྟར་མཚོན་པས་ཕྱོགས་གཉི་ག་བསྐོར་བ་ནི་རྔ་ཡབ་ཀྱི་ཕྱག་རྒྱའོ། །འདིའི་སྔགས་ནི་ཨོཾ་ཙ་མ་ར་ཙ་མ་ཀ་ར་པྲ་ཡ་ཀེ་ཊུ་ཊུ་སཝཱ་ཧཱ། རླུང་ཡབ་ཀྱི་ཕྱག་རྒྱ་ཉེ་བར་བསྟན་པ་ནི། ལག་པ་གཡོན་པའི་མཐེ་བོས་མཐེའུ་ཆུང་གི་སེན་མོ་བཀབ་ནས་སོར་མོ་ལྷག་མ་རྣམས་བརྐྱང་སྟེ་རྡོ་རྗེ་ལྟར་མཚོན་ནས་ཡོངས་སུ་བསྐོར་བ་ནི་རླུང་ཡབ་ཀྱི་ཕྱག་རྒྱ་སྟེ། འདིའི་སྔགས་ནི། ཨོཾ་བྷེ་རཾ་བྷ་བྷ་ཡུ་དྷ་ཀ་ཡ་སཝཱ་ཧཱ། རྒྱལ་མཚན་གྱི་ཕྱག་རྒྱ་ཉེ་བར་བསྟན་པ་ནི། ལག་པ་གཡས་པའི་མཐེ་བོང་གིས་མིང་མེད་དང་མཐེའུ་ཆུང་གི་སེན 101.181a མོ་མནན་ནས་མཛུབ་དང་གུང་མོ་གཉིས་གཅིག་གི་རྣམ་པ་ལྟར་བྱས་ནས་འོག་ཏུ་བསྐྱོད་པ་ནི་རྒྱལ་མཚན་གྱི་ཕྱག་རྒྱ་སྟེ། འདིའི་སྔགས་ནི། ཨོཾ་ཏུ་ཤ་ཏུ་ཤ་ཀ་ལ་སཝཱ་ཧ་ཛ་པྲྀ་ཡཱ་ཡ་སཝཱ་ཧཱ། གདན་གྱི་ཕྱག་རྒྱ་ཉེ་བར་བསྟན་པ་ནི། ཡང་ལག་པ་གཉིས་ཀྱི་མིང་མེད་དང་མཐེའུ་ཆུང་རིམ་གྱིས་མནན་ནས་གུང་མོ་དང་བསྡིགས་མཛུབ་གཉིས་ཁབ་ཀྱི་རྣམ་པ་ལྟར་བྱས་ལ་སྟེང་དུ་བསྐྱོད་པ་ནི་གདན་གྱི་ཕྱག་རྒྱ་སྟེ། འདིའི་སྔགས་ནི། ཛཱ་ལ་ཛཱ་མ་ཏུ་རུ་ཁེ་ཛ་ཡན་ཏི་པྲྀ་ཡཱ་ཡ་སཝཱ་ཧཱ། གདན་གྱི་སྔགས་སོ། །འདི་རྣམས་ནི་གནོད་སྦྱིན་གྱི་དབང་པོའི་ཉེ་བར་མཆོད་པ་ཉི་ཤུའོ། །སྔར་གྱི་དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའ་རྣམས་ལ་ཡིད་ལས་བྱུང་བའི་མཆོད་པ་མཐོང་བ་དང་ཐོས་པས་རང་བཞིན་གྱི་སྔགས་དང་ཕྱག་རྒྱས་མཆོད་པ་འདི་ཐམས་ཅད་དབུལ་བར་བྱའོ། །དེ་ནས་བདག་ཉིད་དབུལ་བ་དང ། སྡིག་པ་བཤགས་པ་དང ། བསོད་ནམས་ལ་རྗེས་སུ་ཡི་རང་བ་དང ། དེ་བཞིན་གཤེགས་པ་ལ་གསོལ་བ་གདབ་པ་དང ། བསྟོད་པས་མཉེས་པར་བྱ་བ་དང ། གླེང་གཞི་དང ། ཆེད་དུ་བརྗོད་པའི་མདོ་ལ་སོགས་པ་གདོན་པ་དང ། མཚན་བརྒྱ་རྩ་བརྒྱད་པ་གདོན་པ་དང ། མཆོད་སྦྱིན་གྱི་ཚིགས་སུ་བཅད་པས་བསྐུལ་བ་དང ། རྟག་ཏུ་ཆུ་སྦྱིན་པ་དང ། ལྷ་ཐམས་ཅད་ལ་གཏོར་མ་སྦྱིན་པ་དང ། འདི་རྣམས་ཐམས་ཅད་བྱས་ལ། བོ་དེ་ཙེ་སྔགས་ཀྱི་སྐུད་པ་ཡོངས་སུ་བཟུང་ལ་གནོད་གནས་དང་འདྲ་བར་རང་བསྒོམས་པའི། ཨོཾ་ཡིག་སྤྱི་བོར་དགོད་པར་བྱ། །ཛི་ཡིག་ཁ་རུ་ངེས་པར་དགོད། །བྷ་ཡིག་ལག་པ་གཡས་པར་དགོད། །ལཱ་ཡིག་གཡོན་པར་དགོད་པར་བྱ། །ཛ་ཡིག་སྙིང་གར་དགོད་པའོ། །བརླ་ནི་གཡས་དང་གཡོན་པ་ལ། །ལེན་ཏྲ་ངེས་པར་དགོད་པར་བྱ། །ཛ་ཡིག་མཚན་མར་དགོད་པར་བྱ། །དེ་ནས་བློ་དང་ལྡན་པ་ཡིས། །རྐང་པའི་མཐིལ་དུ་སཝཱ་ཧཱ་དགོད། །འདི་རྣམས་གནོད་སྦྱིན་དབང་པོ་རྒྱལ། །གསང་བའི་སྙིང་པོ་རབ་ཏུ་གྲགས། །འདི་རྣམས་གང་ཤེས་བློ་ལྡན་ཡིན། །དེ་ཡིས་དངོས་གྲུབ་འགྲུབ་པར་འགྱུར། །ཇི་ལྟར་ནུས་པར་བཟླས་པ་བྱ། །བདག་ཉིད་བསྲུང་བ་བྱས 101.181b ནས་ནི། །སེམས་ཅན་རྣམས་ལ་བསོད་ནམས་གང ། །མཉམ་པར་གཞག་པས་དབུལ་བར་བྱ། །ཇི་ལྟར་འདོད་པས་བླངས་ནས་ནི། །དེ་ནས་གཤེགས་སུ་གསོལ་བར་བྱ། །སྔར་གྱི་སྤྱན་དྲང་ཕྱག་རྒྱ་ལས། །མཐེབ་མོ་བརྐྱང་བས་བསྐྱོད་པ་འོ། །སྔགས་དང་ལྡན་པས་གཤེགས་སུ་གསོལ། །སྔགས་ནི། ཨོཾ་ཌི་ཌི་ཀི་ཏཱ་ཏེ་བཱ་ག་ཏ་ཨཛྴ་གཙྪ་གཙྪ་སཝཱ་ཧཱ། རིམ་པ་འདི་ཡིས་སྔོན་དུ་བསྙེན་པ་འབུམ་བྱས་ལ་ཕྱི་ནས་ཇི་ལྟར་འདོད་པ་བསྒྲུབ་པར་བྱའོ། །དེ་ནས་ཐམས་ཅད་དང་ལྡན་པའི་འཁོར་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཇི་སྲིད་རིམ་པ་འདི་ཡིས་སེམས་ཅན་ཐམས་ཅད་དབུགས་དབྱུང་ཆེན་པོར་འགྱུར་རོ། །བཅོམ་ལྡན་འདས་ཤིན་དུ་ངོ་མཚར་རོ། །བདེ་བར་གཤེགས་པ་ཤིན་དུ་ངོ་མཚར་རོ། །སེམས་ཅན་ཐམས་ཅད་ཁྱད་པར་སྤྲོ་བ་དང ། དོན་ཐམས་ཅད་སྒྲུབ་པ་དང ། སྙིང་རྗེ་ཆེན་པོའི་བདག་ཉིད་ཅན་སེམས་ཅན་གང་གིས་གནོད་གནས་ཀྱི་དབང་པོའི་རྟོག་པ་མཉན་འདོད་པའི་དོན་མ་ལུས་པ་སྒྲུབ་པ། བཅོམ་ལྡན་འདས་ཀྱིས་བཤད་དུ་གསོལ། །དེ་ནས་ཡང་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་ལ་གཟིགས་ནས། གནོད་གནས་ཀྱི་རྟོག་པ་འདི་གསུངས་པ་སྔར་བརྗོད་པའི་ཆོ་གས་སྔོན་དུ་བསྙེན་པ་བྱས་ལ། དེ་ནས་ཡང་གནོད་གནས་ཀྱི་དབང་པོ་ལ་དྲི་དང་མེ་ཏོག་གི་མཆོད་པ་བྱས་ན། རྒྱ་མཚོའི་ཆུར་ཞུགས་ལ་སྟོང་ཕྲག་བཅུ་བཟླས་པ་བྱས་ན་སྔོན་དུ་བསྙེན་པར་འགྱུར་རོ། །དེ་ནས་ཡར་ངོའི་ཚེས་གཅིག་ལ་རྒྱ་མཚོར་འབབ་པའི་ཆུ་བོའི་འགྲམ་དུ་ཕྱིན་ནས་རྐེད་པ་ནུབ་པ་ཙམ་དུ་ཆུར་ཞུགས་ཏེ། ཉིན་མཚན་གཅིག་ཏུ་སྨྱུང་བ་ལ་གནས་ནས། ཁྱོར་བ་འབུམ་གྱི་ཆུ་སྦྱིན་སྲེག་བྱས་ན་གསེར་སྲང་སྟོང་རྙེད་པར་འགྱུར་རོ། །སྦྱོར་བ་འདི་ཉིད་ཀྱིས་པུས་མོ་ནུབ་ཙམ་དུ་ཆུའི་ནང་དུ་ཞུགས་ནས་སྟོང་ཕྲག་བཅུའི་སྦྱིན་སྲེག་བྱས་ན་གྲོང་བཅུའམ་གསེར་སྲང་སྟོང་རབ་ཏུ་སྟེར་བར་འགྱུར་རོ། །ཆུ་བོ་དེ་ཉིད་ལ་རྐེད་པ་ནུབ་ཙམ་དུ་ཆུར་ཞུགས་ནས་པད་མ་ལ་ཞོ་དང་མར་དང་སྦྲང་རྩི་སྦགས་ནས་སྟོང་ཕྲག་བཅུ་སྦྱིན་སྲེག 101.182a བྱས་ན་གཏེར་གྱི་བུམ་པ་རྙེད་པར་འགྱུར་རོ། །ཡང་སྦྱོར་བ་དེ་ཉིད་ཀྱིས་ཟར་མའི་མེ་ཏོག་སྟོང་ཕྲག་བརྒྱད་སྦྱིན་སྲེག་བྱས་ན་རྒྱལ་པོ་དབང་དུ་འགྱུར་རོ། །མྱ་ངན་མེད་ཀྱི་ཡམ་ཤིང་ལ་མེ་སྦར་ཏེ། ཨ་པ་མརྒའི་སྙི་མ་ལ་མར་དང་སྦྲང་རྩིས་སྦགས་ནས་སྦྱིན་སྲེག་སྟོང་ཕྲག་བཅུ་བྱས་ན་འཁོར་ལོས་སྒྱུར་བའི་རྒྱལ་པོ་དབང་དུ་འགྱུར་རོ། ། པ་མརྒའི་ཡམ་ཤིང་གིས་མེ་རབ་ཏུ་སྦར་ལ། ཨ་པ་མརྒའི་ས་བོན་ཞོ་དང་མར་དང ། སྦྲང་རྩིས་བྱུགས་ལ་མིང་མེད་དང་མཐེབ་མོས་བཟུང་ནས་རང་གི་ཁྱིམ་དུ་གཏེར་མཐོང་བར་འགྱུར་རོ། །དེ་ནས་ཉིན་རེ་བཞིན་ཏིལ་གྱི་མེ་ཏོག་ཞོ་དང་མར་དང་སྦྲང་རྩིས་སྦགས་ནས། དུས་གསུམ་དུ་སྟོང་ཕྲག་བརྒྱད་དུ་སྦྱིན་སྲེག་བྱས་ན་གང་དོན་དུ་གཉེར་བ་དེ་ཐོབ་པར་འགྱུར་རོ། །ཉི་མ་གཅིག་གིས་འཁོར་ཉིས་བརྒྱ་དང་བཅས་པ་མ་བསླངས་པར་བཟའ་བ་དང་བཅའ་བ་ཡང་རྙེད་པར་འགྱུར་རོ། །མྱ་ངན་མེད་ཀྱི་མེ་ཏོག་ལ་ཞོ་དང་མར་དང་སྦྲང་རྩིས་བྱུགས་ཏེ་དུས་གསུམ་དུ་སྟོང་ཕྲག་བརྒྱད་དུ་སྦྱིན་སྲེག་བྱས་ན་གང་གསོལ་བ་བཏབ་པ་དེ་འཐོབ་པར་འགྱུར་རོ། །མྱ་ངན་མེད་ཀྱི་མེ་ཏོག་དང ། ་པ་མརྒའི་ས་བོན་བསྲེགས་ལ་ཞོ་དང་མར་དང་སྦྲང་རྩིས་བྱུགས་ལ་སྟོང་ཕྲག་བཅུ་སྦྱིན་སྲེག་བྱས་ན་རྒྱལ་པོའི་བུ་མོ་དབང་དུ་འགྱུར་རོ། །མིང་བཟུང་ནས་སྦྱིན་སྲེག་དེ་ཉིད་སྟོང་ཕྲག་བརྒྱད་སྦྱིན་སྲེག་བྱས་ན་རྒྱལ་པོའི་བུ་དེ་ཉིད་ཐོབ་པར་འགྱུར་རོ། །མེ་ཏོག་དམར་པོ་མ་ཉམས་པ་ཡོངས་སུ་བཟུང་ནས་རྒྱ་མཚོར་འབབ་པའི་ཆུ་བོར་ཕྱིན་ལ་རྐེད་པ་ནུབ་ཙམ་དུ་ཆུར་ཞུགས་ནས་སྟོང་ཕྲག་བཅུར་སྦྱིན་སྲེག་བྱས་ན་གང་མེ་ཏོག་དེའི་དྲི་ཚོར་བ་དང ། རེག་པ་དང་དེ་རྣམས་ཐམས་ཅད་དབང་དུ་འགྱུར་རོ། །ཆོ་ག་དེ་ཉིད་ཀྱིས་གནོད་སྦྱིན་མོ་རྣམས་འགུགས་པར་འགྱུར་རོ། །ཡང་ན་ཆུ་དེ་ཉིད་ལ་ཨ་པ་མརྒའི་ཤིང་གི་སྦྱིན་སྲེག་སྟོང་བྱས་ན་ཉི་མས་མཆོག་སྟེར་བར་འགྱུར་རོ། །དེ་ལྟར་མན་དཱ་ར་བའི་མེ་ཏོག་གིས་སྦྱིན་སྲེག་བྱས་ན་བརྒྱ་བྱིན་གྱིས་མཆོག་སྟེར་བར་འགྱུར་རོ། །ཏིལ་གྱི་མེ་ཏོག་གིས་ནི་ཚངས 101.182b པས་མཆོག་སྟེར་བར་འགྱུར་རོ། །པ་ཏ་ལའི་མེ་ཏོག་གིས་ནི་ནོར་ལྷས་མཆོག་སྟེར་བར་འགྱུར་རོ། །སྔགས་དེ་ཉིད་ཟློས་བཞིན་པས་མཐེའུ་ཆུང་དང་མཐེབ་མོ་གཉིས་ཀྱིས་གཟུགས་བརྙན་དེ་ཉིད་བཙིར་ནས་ཇི་སྲིད་སྔགས་སྟོང་ཕྲག་བཅུ་བཟླས་པ་དེ་སྲིད་གང་འདོད་པ་དེ་རྙེད་པར་འགྱུར་རོ། །དེ་ནས་དངོས་གྲུབ་ཐམས་ཅད་སྟེར་བར་འགྱུར་རོ། །འབུམ་ཕྲག་བཟླས་པས་རྒྱལ་པོ་འགུགས་པར་འགྱུར་རོ། །འབུམ་མཚོ་གཉིས་བཟླས་ཏེ་གནོད་སྦྱིན་མོ་རང་འོང་བར་འགྱུར་རོ། །འབུམ་མཚོ་གསུམ་བཟླས་པས་སེམས་ཅན་ཐམས་ཅད་འགུགས་པར་འགྱུར་རོ། །ཡང་ན་དཀའ་བས་ཟླ་བ་དྲུག་ཏུ་མི་སྨྲ་བར་བཟླས་ལ་ཡིད་ལ་གང་འདོད་དེ་རྙེད་པར་འགྱུར་རོ། །རྒྱལ་པོའྀ་ཨརྒའི་རང་བཞིན་གྱི་ཤིང་ལ་གཟུགས་བརྙན་བྱས་ལ་མ་བཅོས་པའི་ཁ་དོག་གི་རྒྱན་ཐམས་ཅད་ཀྱིས་བརྒྱན་པ་དེ་ཉིད་ཀྱི་མདུན་དུ། ཟླ་བ་དྲུག་ཏུ་མི་སྨྲ་བར་བཟླས་ནས་ལག་པ་གཡོན་པའི་མཐིལ་དུ་སྔགས་ཁྲི་མངོན་བར་བཟླས་ལ། གཏེར་གང་ན་ཡོད་པའི་སར་ཕྱིན་ནས་སྟེང་དུ་ལག་པ་བཞག་སྟེ། སྔགས་བརྒྱ་རྩ་བརྒྱད་བཟླས་ན་གཏེར་ཐམས་ཅད་འགུགས་པར་འགྱུར་རོ། །དཀར་པོའི་ཕྱོགས་ཀྱི་ཚེས་ལྔ་ལ་མྱ་ངན་མེད་ཀྱི་རྩ་ནས་གནས་པས་ཉིན་མཚན་དུ་གསོ་སྦྱོང་གིས་གནས་ཤིང ། ཉིན་མཚན་བར་ཆོད་ཀྱི་ཟས་ཟ་བས་ཉི་ཤུ་རྩ་གཅིག་ཏུ་སྦྱིན་སྲེག་བྱས་ན་དགོས་པ་ཐམས་ཅད་སྒྲུབ་པར་ནུས་སོ། །རྒྱ་སྐྱེགས་ཀྱི་ཁུ་བ་དང་ཞོ་བསྲེས་ནས་བསྲེག་ལུགས་སྟོང་བྱས་ན་གསེར་སྲང་སྟོང་སྟེར་བར་འགྱུར་རོ། ། པ་མརྒའི་ཡམ་ཤིང་ཞོ་དང ། མར་དང་སྦྲང་རྩིས་མངོན་བར་སྦགས་ནས་ཉིན་མཚན་དུ་སྨྱང་བར་གནས་པས་སྟོང་ཕྲག་བརྒྱད་དུ་སྦྱིན་སྲེག་བྱས་པས་ཤིན་དུ་ཤེས་རབ་འཕེལ་བར་འགྱུར་བ་དང་ཚིགས་བཤད་སྟོང་ཡང་འཛིན་པར་འགྱུར་རོ། །རྒའི་རྩ་བ་ལ་ཆོ་ག་འདིས་སོར་མོ་དྲུག་པའི་གཟུགས་བརྙན་ཅོད་པན་དང་ཐོར་ཚུགས་ལྡན་པར་བྱས་ལ་དེའི་མདུན་དུ་ཨ་པ་མརྒའི་ཡམ 101.183a ཤིང་ལ། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། སོ་མ་སོ་བིད་ཀྲི་ཎི་ཡ་མི་རི་ཏི་མ་ནི་རི་ཏི་སཝཱ་ཧཱ། སྔགས་འདིས་སྦྱིན་སྲེག་སྟོང་བྱས་ན་དོང་རྩེ་བརྒྱ་རྙེད་པར་འགྱུར་རོ། །གནོད་གནས་ཀྱི་སྙིང་པོས་མཆོག་རྙེད་པར་འགྱུར་རོ། །འདི་ཉིད་ཀྱིས་གནས་པས་པུས་མོ་ནུབ་ཙམ་དུ་ཆུར་ཞུགས་ནས་འབུམ་ཕྲག་དྲུག་བཟླས་ན་ནོར་རྙེད་པར་འགྱུར་རོ། །ནིམ་པའི་ཤིང་གི་རང་བཞིན་ལ་ཆུ་ཞེང་དུ་སོར་བཞི་མཉམ་པའི་ནོར་བུ་བཟང་པོ་བྱས་ལ་གསོ་སྦྱོང་དང་ལྡན་པའི་རི་མོ་མཁན་གྱིས་བྲིས་ལ་ཉེ་བར་མཆོད་པ་དང ། གཏོར་མ་བྱིན་ནས་དུ་བ་མེད་པའི་མེ་ལ་དུས་གསུམ་དུ་དེའི་མདུན་དུ་རྒྱ་སྐྱེགས་ཀྱི་སྲེག་ལུགས་སྟོང་ཕྲག་བརྒྱད་དུ་སྦྱིན་སྲེག་བྱས་ན་ཕྱུག་པོ་རྣམས་དབང་དུ་འགྱུར་རོ། །ལེགས་པར་ཡན་ལག་སྟེར་བ་དང ། །རྨད་གྱུར་ཆེན་པོའི་བརྩོན་འགྲུས་དང ། །ལྟོས་པ་མེད་པའི་སྙིང་རྗེ་དང ། །ཡང་དག་ཅི་བཞིན་སྟོན་པ་དང ། །རྫུ་འཕྲུལ་གྱིས་འགྲོ་གཙོ་བོ་དང ། །ཐམས་ཅད་དུ་ནི་སྐྱོན་མེད་པ། །སྡུག་བསྔལ་བ་ནི་ཉོན་མོངས་ཉམས། །ཛམ་བྷ་ལ་ཡི་སྒོམ་པ་པོ། །དེ་ནས་ཡང་གནོད་སྦྱིན་གྱི་དབང་པོའི་སྙིང་པོ་རྒྱས་པར་བཤད་པ་ནི་མཆོག་གི་དངོས་གྲུབ་དང ། བསྐུལ་བའི་ཡི་གེ་དང་ཡང་དག་པར་ལྡན་པ་འདི། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ས་མ་ཡ་མ་ནུ་རྨས། མ་ཎི་བྷ་དྲཱ་ཡ། བྷ་ག་བཱ་ཏ། ཛཱ་ཙིད་ཏ་ད་ཏྭཾ། དྷ་མ་དྷ་མ། དྷུ་རུ་དྷུ་རུ། མ་རི་ཙ་མ་ཧཱ་ཡཀྵ་སེ་ནཱ་པ་ཏ་ཡེ། ཏུ་ལུ་ཏུ་ལུ་མ་ཎི་བྷ་དྲ། ཏུ་རུ་ཏུ་རུ་མ་ཎི་བྷ་དྲ། ཏུ་ཊི་ཏུ་ཊི་མ་ཎི་བྷ་དྲ། ཏི་ཊི་ཏི་ཊི་མ་ཎི་བྷ་དྲ་སཝཱ་ཧཱ། ཚེས་གྲངས་མེད་ཅིང་རྒྱུ་སྐར་མེད། །སྨྱུང་བའི་ཆོ་ག་ཡོད་མ་ཡིན། །རྒ་འམ་ནིམ་པའི་ཤིང་གཞན་མ་རྣམས་ལ་ནོར་བུ་བཟང་པོའི་གཟུགས་བྱས་ཏེ། དེའི་མདུན་དུ་འདུག་ལ་ཉི་མ་ཕྱེད་ཀྱི་དུས་སུ་དྲི་དང་མེ་ཏོག་ལ་སོགས་པའི་མཆོད་པ་བྱས་ནས་ཡུངས་ཀར་དཀར་པོ་ཚ་བའི་མར་ནག་དང་བཏགས་པའི་རི་ལུ་བྱས་ལ་ནོར་བུ་བཟང་པོའི་ལྟོར་བཅུག་ནས་རིག་པ་སྟོང་ཕྲག་བརྒྱད་བཟླས་ན་དོང་ཙེ་བརྒྱ་རྙེད་པར་འགྱུར་རོ། །དེ་ཉིད 101.183b དུ་ཟད་པར་བྱའོ། །དེ་ནས་ཡང་བཅོམ་ལྡན་འདས་ཀྱིས་རྩ་བའི་སྔགས་ཀྱི་རྟོག་པ་གསུངས་པ། གང་གིས་ལོ་མ་བཙོས་པ་ཟ་བ་དང ། བསོད་སྙོམས་ཀྱིས་མཚོ་ཞིང་འབུམ་ཕྲག་གསུམ་བཟླས་པར་བྱའོ། །དེ་ནས་དེ་བཞིན་གཤེགས་པའི་མདུན་དུ་རྒྱ་ཆེ་བའི་མཆོད་པ་བྱས་ནས་སྟོང་ཕྲག་བརྒྱད་དུ་བཟླས་པ་བྱས་ན་ནོར་མང་པོ་རྙེད་པར་འགྱུར་རོ། །ཟླ་བ་དྲུག་ཏུ་ཆུ་ནས་ཆུའི་སྦྱིན་སྲེག་བྱས་ན་སྟོང་ཕྲག་བརྒྱ་རྙེད་པར་འགྱུར་རོ། །ཇི་ལྟར་འབྱུང་བ་བཞིན་དཀར་གསུམ་གྱི་གཏོར་མ་དང་མཆོད་པ་ཕུལ་ལ། ཨ་ཤཝད་ཐའི་ཡཾ་ཤིང་ཞོ་དང་མར་དང་སྦྲང་རྩིས་སྦགས་ནས་སྟོང་ཕྲག་བརྒྱད་དུ་སྦྱིན་སྲེག་བྱས་ན་བར་སྣང་ལས་སྒྲ་ཐོས་པ་འམ། ཡིད་ལ་འདོད་པའི་རིག་པ་འཛིན་པའི་འབྲས་བུ་འགྲུབ་པ་དང ། སེམས་ཀྱིས་བྱས་པས་ཚོགས་པར་འགྱུར་རོ། །དེ་བཞིན་དུ་ལས་ཚོགས་གཞན་ཡང་འགྲུབ་སྟེ། རིང་བསྲེལ་དང་བཅས་པའི་མཆོད་རྟེན་ལ། འབུམ་ཕྲག་གཅིག་བཟླས་ནས། དཀར་པོ་དང་ནག་པོའི་ཕྱོགས་ལ་བསོད་སྙོམས་ཟ་ཞིང་རེ་མོས་ཀྱིས་སྨྱུང་བར་གནས་ནས་གཏོར་མ་དང་མཆོད་པ་ཆོ་ག་བཞིན་བྱིན་ནས་ཏིལ་ནག་མང་པོ་ལ་ཞོ་དང་མར་དང་སྦྲང་རྩིས་སྦགས་ལ་སྟོང་ཕྲག་བརྒྱད་དུ་སྦྱིན་སྲེག་བྱས་ན་གྲོང་གི་མཆོག་བཅུ་གཉིས་རྙེད་པར་འགྱུར་རོ། །བག་མེད་པས་ལས་མ་གྲུབ་ན་སྟོང་ཕྲག་བཅུའི་ནང་ནས་གྲོང་གཅིག་རྙེད་པར་འགྱུར་རོ། །ཆུ་བོའི་འགྲམ་དུ་ནོར་བུ་བཟང་པོ་བཞག་ནས་མར་དང་འོ་ཐུག་ཟ་ཞིང་མཆོད་རྟེན་གདུང་དང་ལྡན་པ་ལ་འབུམ་ཕྲག་གཅིག་བཟླས་ནས། གནམ་སྟོང་ལ་མཚན་མོ་སྨྱུང་བར་གནས་པས། ཛཱ་ཏིའི་མེ་ཏོག་ལ་སྟོང་ཕྲག་བརྒྱད་དུ་རེ་རེ་ལ་མངོན་བར་བསྔགས་ནས་མཆོད་རྟེན་ལ་ཕུལ་ན་ནང་པར་ཕྱུགས་སྟོང་ཕྲག་སྟེར་བར་འགྱུར་རོ། །བསོད་སྙོམས་ཟ་ཞིང་རིགས་གཙང་མ་ལ་དུས་གསུམ་དུ་ཁྲུས་བྱེད་ཅིང་འབུམ་ཕྲག་གཅིག་ཏུ་བཟླས་ནས། ནག་པོའི་ཕྱོགས་ཀྱི་བརྒྱད་ལ་མཚན་མོ་སྨྱུང་བར་གནས་ལ་འཛམ་བུའི་ཡམ་ཤིང་ལ་མེ་སྦར་ལ། ན་ག་པུས་པ་ཞོ་དང་མར་དང་སྦྲང་རྩིས་སྦགས་ནས་སྟོང་ཕྲག་བརྒྱད་དུ་སྦྱིན 101.184a སྲེག་བྱས་པ་དང ། མངར་གསུམ་གྱི་བཤོས་གཙང་མ་དང་གཏོར་མ་བྱིན་ནས་སྦྱིན་སྲེག་ཡོངས་སུ་རྫོགས་པ་དང ། བྲམ་ཟེའི་གཟུགས་ཀྱིས་འོངས་ནས་ང་ཡིས་ཅི་བྱེད་ཅེས་སྨྲ་བར་བྱེད་དོ། །དེ་ལ་སྨྲ་བ་དོང་ཙེ་ལྔ་བྱིན་ཅིག་ཅེས་སྨྲས་པ་དང ། དེ་ལྟར་བྱའོ་ཞེས་ཟེར་ནས་མི་སྣང་བར་གྱུར་ཏེ་ཉིན་རེ་བཞིན་དུ་སྟེར་བར་འགྱུར་རོ། །ལྷག་མ་མེད་པར་ཟད་པར་བྱའོ། །པད་མ་སྐྱེས་པ་མཚོའི་འགྲམ་དུ་ཕྱིན་ཏེ་ཆུ་དང་བཅས་པའི་ཕྱེ་ཟ་བའམ། ཡང་ཅི་ལྟར་རྙེད་པའི་ཟས་ཟ་ཞིང་ནོར་བུ་བཟང་པོ་ཁ་ཕྱིར་བསྟན་པར་བཞག་ལ་གསོལ་བ་བཏབ་ནས། ཇི་སྲིད་དུ་སྟོང་ཕྲག་བརྒྱ་རྫོགས་པར་པད་མའི་སྦྱིན་སྲེག་བྱས་ན། དེའི་རྟིང་ལ་དཔལ་མོ་འོངས་ཏེ་འོངས་པ་དེ་ལ་པད་མ་ཉེ་བར་ཕུལ་ནས་དྲི་དང་བཅས་པའི་ཆུའི་ཨརྒ་བྱིན་ན། དེས་སྨྲས་པ་བུ་གཅིག་ཅི་བྱ་ཞེས་སྨྲས་ན། སྒྲུབ་པ་པོས་སྨྲ་བར་བྱ་སྟེ། གཏེར་མང་པོ་བདག་ལ་རབ་ཏུ་སྩོལ་ཅིག་།དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར་རོ། །དེ་ནས་གང་དུ་འགྲོ་བ་དེར་ཁྱེར་ནས་བྱིན་པ་དེ་ཟད་པ་མེད་པར་འགྱུར་རོ། །ནོར་བུ་བཟང་པོའི་མདུན་དུ་ཟླ་བ་ཕྱེད་དུ་བཟླས་ནས་ཅི་སྲིད་ཟླ་བ་ཉའི་ནུབ་མོ་སྨྱུང་བར་གནས་པས། ཤ་མེད་པའི་གཏོར་མ་བྱིན་ནས། དེ་ནས་ནོར་བུ་བཟང་པོའི་སྙིང་གར་མིང་མེད་བཞག་ནས་ཅི་སྲིད་དུ་བཟླས་པ་དེ་སྲིད་དུ་གཡོ་བར་འགྱུར་རོ། །དེ་ནས་ཉིན་རེ་བཞིན་དུ་དོང་ཙེ་ལྔ་ལྔ་སྟེར་བར་འགྱུར་རོ། །ལྷག་མེད་པར་ཟད་པར་བྱའོ། །དུར་ཁྲོད་ཆེན་པོར་ཕྱིན་ནས་དུར་ཁྲོད་ཀྱི་ཐལ་བ་ལ་མཆོད་རྟེན་བྱས་ཏེ། བསོད་སྙོམས་ཟ་ཞིང་དུས་གསུམ་དུ་ཁྲུས་བྱས་ནས་འབུམ་ཕྲག་གསུམ་དུ་བཟླས་ལ། ནག་པོའི་ཕྱོགས་ཀྱི་བཅུ་བཞི་ལ་མཚན་མོ་སྨྱུང་བར་གནས་པས། བཅོམ་ལྡན་འདས་ལ་རྒྱ་ཆེ་བའི་མཆོད་པ་བྱས་ནས་ལྷག་མ་མེད་པར་རབ་ཏུ་ཟད་པར་བྱའོ། །དུར་ཁྲོད་ཆེན་པོར་ནོར་བུ་བཟང་པོ་ལ་ཤ་ཏ་པུས་པ་ཕུལ་ལ། ཨ་ག་རུ་དང་དུ་རུ་སྐ་བསྲེས་པའི་བདུག་པ་ཕུལ་ཏེ། གདོང་ཕྱིན་ཅི་ལོག་ཏུ་བཞག་ནས་ཅི་སྲིད་མཚན་ཕྱེད་པ་དེ་སྲིད་དུ་བཟླས་སོ། །དེ་ནས་ཤ་ཟའི་བདག་པོ་རང་འོངས་པ་དང་སྔར་བཞག་པའི་གཏོར་མ་ཕུལ་ལ། འཁོར་རྣམས་ལ་ཆང་ཡང་དབུལ། དེ་ནས་སྒྲུབ་པ་པོས་གསོལ་བ་བཏབ་པར་བྱའོ། །དེ་ནས་དེ་ང་མགུའོ་ཞེས 101.184b སྨྲའོ། །སྒྲུབ་པོས་སྨྲས་པ། ཉི་མ་རེ་རེ་གཡོག་རེ་རེ་བྱིན་ཅིག་།དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར་རོ། །དེ་ནས་མངག་གཞུག་པ་ལ་སོགས་པ་རབ་ཏུ་སྦྱིན་ཏོ། །གཞན་ཡང་དེ་བཞིན་གཤེགས་པས་ལས་ཀྱི་ཚོགས་བྱ་བ་གསུངས་པ། རིའི་རྩེ་མོར་འཛེགས་ཏེ་ཁྲུ་གང་ཙམ་གྱི་ནོར་བུ་བཟང་པོ་བཞག་ནས་འོ་མ་དང་འོ་ཐུག་ཟ་ཞིང་དུས་གསུམ་དུ་ཁྲུས་བྱེད་ཅིང་འབུམ་ཕྲག་གསུམ་དུ་བཟླས་ནས། དེ་ནས་དཀར་པོའི་ཕྱོགས་ཀྱི་ཉ་ལ་ཐུག་པའི་མཚན་མོ་གསུམ་དུ་སྨྱུང་བར་གནས་ནས། ནོར་བུ་བཟང་པོ་ལ་རྒྱ་ཆེ་བའི་མཆོད་པ་བྱས་པ་དང ། གཏོར་མའི་ཆོ་ག་རྒྱ་ཆེ་བ་བྱས་ནས་ཀུ་ཤའི་ཆུན་པོ་དག་བྱེད་ནས། ཅི་སྲིད་སྒྲ་གྲག་པ་དེ་སྲིད་དུ་བཟླས་པ་བྱའོ། །དེ་ནས་དེ་མ་ཐག་ཏུ་གནོད་སྦྱིན་ཐམས་ཅད་ཉེ་བར་འོངས་ནས། དེ་རྣམས་ལ་མེ་ཏོག་དམར་པོ་དང ། དྲི་དམར་པོ་དང ། རྒ་སྦྱིན་པར་བྱའོ། །དུ་རུ་སྐའི་བདུག་པ་ཡང་བདུག་པར་བྱའོ། །དེ་ནས་གནོད་སྦྱིན་དེས་ལེགས་སོ་ཞེས་བྱ་བ་བྱིན་ནས་སྨྲས་པ། ངས་ཁྱོད་ལ་ཅི་བྱེད་ཅེས་ཟེར་བ་དང ། དེ་ནས་དེ་ལ་སྨྲས་པ་དང ། ཉིན་རེ་བཞིན་མངག་གཞུག་རབ་ཏུ་བྱིན་ཅིག་།དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར་རོ། །དེ་ལ་སོགས་པ་བསམ་གཏན་ཙམ་གྱིས་གནས་པ་ལ་མ་མཐོང་བར་འཁོར་གྱིས་བསྐོར་ནས་གནས་སོ། །གང་དང་གང་འདོད་པ་དེ་དང་དེར་ཁང་པ་བརྩེགས་པ་དང ། ལྷའི་བཞོན་པ་སྤྲུལ་ཏེ་སྟོང་ཕྲག་གཅིག་དང་བཅས་པ་ལ་རབ་ཏུ་འདོད་པ་ལ་རབ་ཏུ་འདོད་པའི་ཟས་རྣམས་སྟེར་བར་འགྱུར་རོ། །ཉིན་རེ་བཞིན་དུ་གནོད་སྦྱིན་མོར་སྤྲུལ་ཞིང་འོངས་ནས་ཐོ་རངས་ཀྱི་དུས་སུ་འགྲོ་བར་འགྱུར་རོ། །དེ་ཉིད་ཀྱི་ཚེ་ལོ་སྟོང་དུ་འགྱུར་རོ། །རྒྱ་མཚོའི་འགྲམ་དུ་ནོར་བུ་བཟང་པོའི་གཟུགས་བརྙན་བཞག་སྟེ། བསོད་སྙོམས་ཟ་ཞིང་འབུམ་ཕྲག་གསུམ་བཟླས་ནས་དཀར་པོ་ཕྱོགས་ཀྱི་ཚེས་ལྔ་ལ་ཐུག་པར་ནུབ་གསུམ་དུ་སྨྱུང་བར་གནས་པས་རྒྱ་མཚོ་ཆེན་པོ་དང་ཉེ་བར་ཕྱིན་ནས། ཇི་སྲིད་རྒྱ་མཚོ་ཆེན་པོ་རང་འོང་བ་དེ་སྲིད་ཀྱི་བར་དུ་བཟླས་པར་བྱའོ། །མདུན་དུ་རྒྱ་མཚོ་ཆེན་པོ་རང་འོངས་པ་དེ་ལ་དྲི་དང་མེ་ཏོག་གི་མཆོད་པ་ཕུལ་ལ། ཨ་ཀ་རུའི 101.185a བདུག་པས་བདུགས་ལ། ཀྱེ་རིག་པ་འཛིན་པ་མཆོག་གང་ཁྱོད་ལ་རབ་ཏུ་སྦྱིན་པ་སྨྲའོ། །དེས་སྨྲས་པ། རྒྱ་མཚོ་ཆེན་པོ་རུ་ང་ཐོགས་པ་མེད་པ་འགྲོ་བར་གྱིས། དེ་ལྟར་བྱ་ཞེས་ཟེར་བ་ནས་མི་སྣང་བར་འགྱུར་རོ། །དེ་ནས་རྒྱ་མཚོ་ལ་ཞུགས་ནས། རྒྱ་མཚོ་ན་ཡོད་པའི་ནོར་བུ་རིན་པོ་ཆེ་བླངས་ནས་འབྱུང་བར་འགྱུར་རོ། །རྒྱ་མཚོ་ན་ཡོད་པའི་ཀླུ་རྣམས་ཀྱང་དབང་དུ་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པས་བཀའ་སྩལ་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པས་ཡང ། གནོད་སྦྱིན་གྱི་དབང་པོ་དབྱངས་སྙན་གྱི་སྔགས་གསུངས་པ། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། མ་ནི་ནི་སཝཱ་ཧཱ། རྩ་བའི་དཀར་པོའི་ཕྱོགས་ཀྱི་བརྒྱད་དམ། ཡང་ན་དཀར་པོའི་བཅུ་བཞི་ལ་ཉིན་ཞག་གཅིག་སྨྱུང་བར་གནས་པས། རོ་ཧི་ཏའི་ཉ་ལ་བའི་གཅི་བ་དང ། མར་གྱིས་བྱུགས་ནས་སྟོང་ཕྲག་བརྒྱད་དུ་སྦྱིན་སྲེག་བྱས་ན་དོང་ཙེ་བརྒྱ་རྙེད་པར་འགྱུར་རོ། །གཞན་ཡང་ཉེ་བར་མཆོད་པ་དང ། སྔོན་དུ་འབུམ་ཚོ་གསུམ་བཟླས་ནས། ཉ་མ་གོད་པ་ལ་ཞོ་དང་མར་དང་སྦྲང་རྩིས་མངོན་བར་བྱུགས་ནས་སྟོང་ཕྲག་བཅུ་སྦྱིན་སྲེག་བྱས་ན་དོང་ཙེ་སྟོང་ཕྲག་རྙེད་པར་འགྱུར་རོ། །མ་གྲུབ་ན་ཡང་ཀར་ཤ་པ་ནི་སྟོང་ཕྲག་གཅིག་རྙེད་པར་འགྱུར་རོ། །\ུ0f00་ཛམ་བྷ་ལ་ཛ་ལེན་དྲཱ་ཡ་སཝཱ་ཧཱ། རྩ་བའི་སྔགས་སོ། །དེ་ནས་ཡང་ནོར་བུ་བཟང་པོ་བསྒྲུབ་པར་འདོད་ན་མཆོད་སྦྱིན་གྱི་ཤིང་དཀར་པོ་ལ་ནོར་བུ་བཟང་པོའི་གཟུགས་བརྙན་བྱས་ལ། མཆོད་པ་ཆེན་པོ་རབ་ཏུ་གནས་པ་བྱས་ནས། དེའི་མདུན་དུ་ཡང་ཨ་པ་མརྒའི་ཡཾ་ཤིང་ལ་མར་དང་སྦྲང་རྩིས་བྱུགས་ལ་འབུམ་ཕྲག་ཏུ་སྦྱིན་སྲེག་བྱས་ན་འདོད་པའི་འབྲས་བུ་རྙེད་པར་འགྱུར་རོ། །པེ་ཏ་ལའི་མེ་ཏོག་རྣམས་ཀྱིས་འབུམ་ཕྲག་དུ་སྦྱིན་སྲེག་བྱས་ན། གསེར་སྲང་སྟོང་རྙེད་པར་འགྱུར་རོ། །ཏིལ་དང་འབྲས་ཐུག་པོ་ཆེའི་སྦྱིན་སྲེག་འབུམ་བྱས་ན་གསེར 101.185b སྲང་སྟོང་རྙེད་པར་འགྱུར་རོ། །དེ་ལྟར་ཤ་ཏ་པུས་པ་དང་གུ་གུལ་དང ། ཀུན་དྷ་དང ། ཙན་དན་དཀར་པོ་དང ། དུ་རུ་སྐ་ལ་སོགས་པ་དེ་རྣམས་རེ་རེ་འབུམ་དུ་སྦྱིན་སྲེག་བྱས་ན་དོང་ཙེ་སྟོང་ཕྲག་རྙེད་པར་འགྱུར་རོ། །ཏིལ་དང་འབྲས་ཀྱི་སྦྱིན་སྲེག་བྱས་ན་རྒྱལ་པོ་དབང་དུ་འགྱུར་རོ། །ཉེའུ་ཅི་ལྟར་འཚོང་བ་ཉོས་ལ། ཆུ་བོའི་རྒྱུན་ལ་ལྟེ་བ་ནུབ་ཙམ་དུ་ཆུའི་ནང་དུ་ཞུགས་ནས་ཁ་ཤར་དུ་བལྟས་ཏེ་སྦྱིན་སྲེག་བརྒྱ་བྱས་ན་སུམ་འགྱུར་གྱི་དོང་རྩེ་རྙེད་པར་འགྱུར་རོ། །རས་བལ་གྱི་ས་བོན་ལ་མར་དང་སྦྲང་རྩིས་བྱུགས་ནས་སྟོང་ཕྲག་གཅིག་སྦྱིན་སྲེག་བྱས་ན་ཉི་མ་བདུན་གྱི་བར་ལ་རས་གཅིག་རྙེད་པར་འགྱུར་རོ། །རྟག་ཏུ་བཟླས་ན་གོས་དང་བཟའ་བ་རྙེད་པར་འགྱུར་རོ། །འབུམ་དུ་བཟླས་ན་དོང་ཙེ་ལྔ་སྟོང་རྙེད་པར་འགྱུར་རོ། །འབུམ་ཚོ་གཉིས་བཟླས་ན་གྲོང་རྙེད་པར་འགྱུར་རོ། །འབུམ་ཚོ་གསུམ་བཟླས་ན་ལོངས་སྤྱོད་ཆེན་པོ་རྙེད་པར་འགྱུར་ཞིང་གྲོང་བརྒྱད་ཀྱི་བདག་པོར་འགྱུར་རོ། །བའི་གཅི་བ་ལ་སྦྱིན་སྲེག་སྟོང་བྱས་ན་བ་གླང་སྟོང་རྙེད་པར་འགྱུར་རོ། །གཞན་ཡང་དུད་འགྲོ་རྣམས་ཀྱི་ལུས་ལ་ཞོ་དང་སྦྲང་རྩི་སྦགས་ལ་ཉིན་རེ་བཞིན་སྦྱིན་སྲེག་བྱས་ན་ར་ལུག་ལ་སོགས་པ་རྙེད་པར་འགྱུར་རོ། །བ་ལང་གི་ལྷས་ཀྱི་ནང་དུ་ཀུ་ཤའི་མེ་ཏོག་མར་དང་སྦྲང་རྩིས་བྱུགས་ནས་འབུམ་ཚོ་གཅིག་སྦྱིན་སྲེག་བྱས་ན་འབྱུང་པོ་དང ། ཤ་ཟ་དབང་དུ་འགྱུར་རོ། །རིག་སྔགས་ཐམས་ཅད་འགྲུབ་པར་འགྱུར་རོ། །ཇི་ལྟར་འདོད་པ་རྙེད་པར་འགྱུར་རོ། །ཡང་བ་ལང་གི་ལྷས་ཀྱི་ནང་དུ་འོ་མ་དང་འོ་ཐུག་ཟ་ཞིང ། ཤྲི་རི་པ་ལའི་ཡཾ་ཤིང་ལ་སྦྱིན་སྲེག་འབུམ་བྱས་ན་གང་འདོད་པའི་དོན་གསོལ་བ་བཏབ་པ་དེ་རྙེད་པར་འགྱུར་རོ། །མཚན་མོ་གསུམ་དུ་སྨྱུང་བར་གནས་ལ་ཟླ་བ་འམ། ཉི་མ་གཟས་བཟུང་བ་ལ་ལྡོང་རོས་དང་འགི་ཧང་སྲང་ལྔས་ཨ་ཤཝད་ཏའི་འདབ་མ་བཞི་ལ་གཡས་སྐོར་གཡོན་སྐོར་དུ་བཞག་ནས། ཡང་འདབ་མ་བཞིས་གཡོགས་ལ་ཇི་སྲིད་དྲོ་བར་གྱུར་པ 101.186a དེ་སྲིད་དུ་བཟླས་པ་བྱའོ། །དུ་བ་དང་འབར་བས་འདི་ལྟར་ས་བླ་ས་འོག་ས་སྟེངས་གསུམ་འགྲུབ་པར་འགྱུར་རོ། །བ་གླང་གི་ལྷས་ཀྱི་ནང་འམ་ཆུ་བོ་འདུས་པར། བསོད་སྙོམས་ཟ་བའམ་འོ་ཐུག་ཟ་བས། ཨརྒའི་འོ་ཐུག་མར་དང་སྦྲང་རྩིས་བྱུགས་ནས་སྟོང་ཚོ་ལྔ་སྦྱིན་སྲེག་བྱས་ན་རང་ཉིད་ཀྱིས་ནོར་གྱི་བདག་པོ་ནོར་བུ་བཟང་པོ་ནོར་གྱི་བདག་པོ་ནོར་དང་བཅས་པ་མཐོང་བར་འགྱུར་རོ། །ང་མགུའོ་ཞེས་དེ་སྨྲ་ན། མཆོག་བརྒྱད་གང་འདོད་པ་སྟེར་བར་འགྱུར་ཏེ། རྒྱལ་པོ་དང ། གཏེར་དང ། རྫུ་འཕྲུལ་གྱིས་འཆག་པ་དང ། རིག་པ་འཛིན་པ་དང ། ཐམས་ཅད་དབང་དུ་བྱེད་པ་དང ། ཀླུ་དང ། གནོད་སྦྱིན་དང ། སྲིན་པོ་དང ། འབྱུང་པོ་དང ། ཤ་ཟ་དང ། གྲུལ་བུམ་དང ། ལུས་སྲུལ་པོ་རྣམས་ཐམས་ཅད་དབང་དུ་འགྱུར་རོ། །དྲན་པ་ཙམ་གྱིས་མདུན་དུ་འདུག་པར་འགྱུར་རོ། །རྐང་བཞི་པ་ལ་སོགས་པའི་སེམས་ཅན་ཤི་ས་རབ་ཏུ་ཞི་བར་བྱེད་པ་དང ། ས་འོག་ཏུ་འཇུག་པ་དང ། ནམ་མཁའ་ལ་འགྲོ་བ་དང ། ས་འོག་གི་འཁྲུལ་འཁོར་རབ་ཏུ་འཇིག་པ་དང ། ཆུ་རེངས་པ་དང་བཅུད་ལེན་དང ། ཚར་བཅད་པ་དང ། རྗེས་སུ་གཟུང་བ་བརྒྱད་པོ་འདི་རྣམས་ལས་དེའི་མདུན་དུ་གང་ན་གང་གཅིག་བླང་བར་བྱའོ། །དེས་གང་ཅི་འདོད་པ་དེ་སྟེར་བར་འགྱུར་རོ། །པད་མ་མར་དང་སྦྲང་རྩིས་བྱུགས་ནས་འབུམ་དུ་སྦྱིན་སྲེག་བྱས་ན། པད་མ་རཱ་གའི་ནོར་བུ་རྙེད་པར་འགྱུར་རོ། །དེ་ལྟར་ཨུཏྤ་ལ་སྔོན་པོ་དང ། ཀུ་མུ་ཏ་རྣམས་དྲི་ཞིམ་པོ་དང་ལྡན་པས་ཁ་དོག་སྣ་ཚོགས་པའི་ནོར་བུ་རིན་པོ་ཆེ་རྙེད་པར་འགྱུར་རོ། །ཡུངས་ཀར་དཀར་པོ་མར་དང་སྦྲང་རྩིས་བྱུགས་ལ་གང་གི་མིང་ནས་བཟུང་ནས་སྦྱིན་སྲེག་བྱས་ན་མཚན་མོ་བདུན་གྱིས་དབང་དུ་འགྱུར་རོ། །ཏིལ་ནག་པོ་ལ་མར་དང་སྦྲང་རྩིས་སྦགས་ལ་འབུམ་དུ་སྦྱིན་སྲེག་བྱས་ན་ནོར་ཉེ་བར་འཕེལ་བར 101.186b འགྱུར་རོ། ། བྷའི་ཤིང་ལ་མེ་བཏང་ལ་སྟོང་ཕྲག་བརྒྱད་དུ་སྦྱིན་སྲེག་བྱས་ན། ཉི་མ་བདུན་གྱིས་ནད་ཞི་བར་འགྱུར་རོ། །དཀར་པོའི་ཚེས་གཅིག་ནས་བརྩམས་ནས་ཤ་ཏ་པུས་པ་དང ། ཀུན་དྷ་དང ། ཏ་ཀ་ར་དང ། བ་ཤ་ཀེ་དང ། དུ་རུ་སྐ་དང ། གུ་གུལ་རྣམས་ཇི་ལྟར་འཚོང་བ་ཉོས་ལ། མཆོད་པ་བྱས་ནས་མར་དང་སྦྲང་རྩིས་སྦགས་ལ། སྟོང་ཕྲག་བརྒྱད་དུ་སྦྱིན་སྲེག་བྱས་ན། ཉི་མ་བདུན་དུ་བདུན་འགྱུར་གྱི་ནོར་རྙེད་པར་འགྱུར་རོ། །འབུམ་ཕྲག་བཞི་བཟླས་ན། བདག་དང་གཞན་ཉེ་བར་འགྱུར་བར་བྱེད་དོ། །ཡུལ་སྲུང་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཀི་ཎི་ཀི་ཎི་གྷཎྚ་ཀརྞ་སྦ་བ་ནཾ་མེ་དྷ་ར་ར་ས་མ་ཡེ་སཝཱ་ཧཱ། ཨརྒའི་མར་ཁུས་ཀུ་མུ་དའི་མེ་ཏོག་སྦྱིན་སྲེག་བྱས་ན། རྨི་ལམ་ཡང་དག་པ་ཅི་ལྟ་བ་བཞིན་མཐོང་བར་འགྱུར་རོ། །ཀི་ཎི་ཀི་ཎི་གྷན་ཌ་ཀ་ན་ཙི་ར་ཏྲཾ་མེ་དྷ་ར་ས་ཡ་སཝཱ་ཧཱ། དོན་ངེས་པ་སྟེར་ན་ཆོ་ག་ཇི་ལྟར་བརྗོད་པ་བཞིན་ནོ། །འཕགས་པ་གནོད་གནས་ཀྱི་དབང་པོ་ཇི་ལྟར་འབྱུང་བའི་རྟོག་པ་ཞེས་བྱ་བ་རྫོགས་སྷོ།། ་་་་་།།རྒྱ་གར་གྱི་མཁན་པོ་སྒེག་པའི་རྡོ་རྗེ་དང ། བོད་ཀྱི་ལོ་ཙྪ་བ་དགེ་སློང་རྡོ་རྗེ་འཛིན་པ་རྡོ་རྗེ་གྲགས་ཀྱིས་བསྒྱུར་བའོ། །གཅིག་ཞུས་ཀུན། གཉིས་ཞུས་སྔགས། སྐར། ་སྟག་ལུང་རྒྱུད་འབུམ་ལ་གཏུགས་ཞུས་དག་གོ། ། ་ |