༄#། ་།རྒྱ་གར་སྐད་དུ། ་ཨ་མྲྀ་ཏ་ཀུཎྜ་ལི་ན་མ:་བོད་སྐད་དུ། ་བདུད་རྩི་འཁྱིལ་པ་ལ་ཕྱག་འཚལ་ལོ། །བདུད་རྩི་རྒྱལ་ལ་ཕྱག་འཚལ་ནས། །བདུད་རྩི་སྦྱོར་བའི་ཐབས་བསྟན་ཏེ། །དེ་བཞིན་གཤེགས་པ་ཀུན་གྱིས་བདུད་རྩི་བསྒྲུབ་པའི་དགོངས་པ་ལ་ཞུགས་ཏེ། དེ་ནས་བདུད་རྩི་རྒྱལ་པོ་ཡིས། །བདུད་རྩི་སྦྱོར་བའི་ཐབས་འདི་བསྟན་ཏེ་བཀའ་སྩལ་ཏོ། །དང་པོར་ཕུན་སུམ་ཚོགས་པའི་ཡུལ། །དགའ་ཞིང་བར་ཆད་མེད་པའི་གནས། །བཙལ་ནས་ཉིད་ཀྱི་དབང་དུ་བྱའོ། །དེ་ནས་རང་ལུས་བསྲུང་བའི་ཕྱིར། །ལག་ཆ་ཕུན་སུམ་ཚོགས་པ་ཡིས། །བར་ཆད་བྱེད་པའི་དགྲ་བགེགས་བཟློག་།དེ་ནས་བསྒྲུབ་པའི 104.197b ཡོ་བྱད་རྣམས། །འཚོ་བ་ཟས་ཀྱི་ཡོ་བྱད་རྣམས། །བསྒྲུབ་པ་དམ་རྫས་ཡོ་བྱད་དང ། །རྐྱེན་ཟློག་སྨན་གྱི་ཡོ་བྱད་དང ། །དེ་ལྟར་ཕུན་སུམ་ཚོགས་ལྡན་ནས། །ཇི་བཞིན་བདེ་བར་འདུག་ནས་ནི། །ས་གཞི་རབ་ཏུ་སྦྱང་བྱས་ཏེ། །ཚེས་གྲངས་ཡར་གྱི་བརྒྱད་ལ་བརྩམ། །སྔ་དྲོའི་དུས་ནས་དཀྱིལ་འཁོར་བྱ། །མཎ་ཌལ་འདོམ་གང་པ་ལྔ་བྲི། །བསྒྲུབ་པ་ཆེན་པོ་བྱ་བའི་ཕྱིར། །དྲི་ཆེན་དྲི་ཆུའི་བརྐྱང་ནུལ་བྱའོ། །དུར་ཁྲོད་ཐོད་པ་ལྔ་ནང་དུ། །ཚིལ་ཆེན་མེ་མར་རེ་རེ་ཡང ། །མེ་མར་སྡོང་བུ་ལྔ་བརྒྱ་བྱའོ། །མེ་མར་ལྔ་བརྒྱ་གཏམས་ནས་ནི། །དེ་ནས་བསྒྲུབ་པ་བརྩམ་བྱ་ཞིང ། །རྫོགས་པའི་ལས་ནི་རྣམ་བཞི་བྱ། །ཞི་བའི་ཚེ་ན་བྱང་དུ་བལྟའོ། །གཱ་ནའི་ཚེ་ན་ནུབ་ཏུ་བལྟའོ། །སྟ་ན་ཆེན་པོ་ལྷོ་རུ་བལྟའོ། །རྒྱས་པའི་ཚེ་ན་ཤར་དུ་བལྟའོ། །ཡང་ན་ཕྲིན་ལས་རྣམ་པ་བཞི། །སོ་སོའི་ཕྱོགས་ཕྱོགས་དག་ནས་བལྟའོ། །དེ་ལྟར་འདུག་སྟངས་བསྟན་ནས་ནི། །ཤར་གྱི་དཀྱིལ་འཁོར་སྟེང་དུ་ནི། །བསྒྲུབ་རྫས་ཐམས་ཅད་བཞག་པར་བྱའོ། །ལྷོ་ཡི་དཀྱིལ་འཁོར་སྟེང་དུ་ནི། །མེ་མར་ལྔ་བརྒྱ་སྨོས་པ་བཞག་།ནུབ་གྱི་དཀྱིལ་འཁོར་སྟེང་དུ་ནི། །བསྒྲུབ་པ་ཡབ་ཡུམ་གནས་པར་བྱ། །བྱང་གི་དཀྱིལ་འཁོར་སྟེང་དུ་ནི། །རྒྱུ་མཆོག་ཆེན་པོ་གཞག་པར་བྱ། །དབུས་ཀྱི་དཀྱིལ་འཁོར་སྟེང་དུ་ནི། །བྲམ་ཟེ་བཀྲ་ཤིས་གཙང་མའི་རིགས། །བཀྲ་ཤིས་ཐོད་པ་གཞག་པར་བྱའོ། །ཡང་ན་བྷནྡྷ་དཔལ་ལྡན་རྫོགས། །ཟླུམ་ཞིང་འཁྱིལ་པ་པདྨ་འདྲ། །དབུས་ན་བུ་ག་གཅིག་ཡོད་པ། །དེ་ཡི་ནང་དུ་ཧྲཱི་ཞེས་བྲིའོ། །དེ་ཡི་ནང་དུ་བླུགས་པ་ནི། །སྙིང་པོ་ཚིམ་བྱེད་བཅུད་ཀྱི་མཆོག་།གཙོ་བོ་ལྔ་དང་འབྲས་བུ་ལྔ། །དྲི་ཞིམ་བཅུད་ལྡན་ཐམས་ཅད་ཀུན། །འདི་དག་རབ་ཏུ་བསྐྱབ་པའི་ཕྱིར། །མང་པོ་འདུས་པ་མཐུ་བྱིན་ཆེ། །ཡང་ན་རྩ་བ་བརྒྱད་དང་སྦྱར། །གོ་ཙི་ཧཝ་དང་ལེང་ལེང་ཧཝ། །འགིའུ་ཝང་ཙིའུ་ཧཝང་རཱ་ས་ཡཱན། །ག་པུར་མུ་ཏིག་ལན་ཚཝ་རྣམས། །འདི་རྣམས་རྩ་བ་བརྒྱད་དང་སྦྱར། །ཡང་ན་གཙོ་བོ་ལྔར་སྦྱར་བ། ། འབྲས་རྒུན་འབྲུམ་པ་ན་སེ། །གེར་རྒྱ་ཨ་རུ་ར་དང་ལྔ། །འདི་ནི་ནང་གི་འབྲས་བུ་ལྔའོ། །ཤ་ལྔ་དག་དང་སྦྱར་བ་ཡང ། །དབང་པོ་ལྔ་ཡི་གཟུགས་དང་སྦྱར། །དེ་ཡི་ཕྲད་དུ་དགོས་པ་ཡང ། །མིག་དང་རྣ་བ་སྣ་དང་ལྕེ། །གཙོ་བོ་ཙིཏྟ་ཉིད་དང་ལྔའོ། །ཤིང་ཏོག་རྒུན་འབྲུམ་ཀ་ཀོ་ལ། ། འབྲས་པ་ན་བུམ་ཤ་ལྔའོ། །དྲི་ནི་ཆེན་པོ་སྣ་ལྔ་དང ། །ཆ་ཡི་གྲངས་དང་མཉམ་སྟེ 104.198a སྦྱར། །ནཱ་ག་གེ་སར་ཤིང་ཚ་དང ། །སུག་སྨེལ་གནྡྷ་པ་ཏྲ་དང ། །ཀུན་ཏུ་ར་དང་དྲི་སྣ་ལྔའོ། །ཡང་ན་དྲི་ཡི་རྒྱལ་པོ་ལྔ། །རྒྱ་སྤོས་འཛའ་ཏི་ཕ་ལ་དང ། །ག་པུར་ཙན་དན་ལི་ཤི་ལྔའོ། །དེ་བཞིན་སྤོས་ལྔའི་དམ་པ་ཡང ། ། ཀ་རུ་དང་དུ་རུ་སྐ། །པོག་དང་སྦྲང་རྩི་ལྕེ་བོག་དང ། །གསེར་དངུལ་ཟངས་ལྕགས་གཡུ་དང་ལྔ། །བདར་རམ་ཞིབ་ཏུ་བཏགས་ཏེ་བླུགས། །འདི་དག་རབ་ཏུ་མཉམ་ཞིང་བསོག་།འདི་དག་སྦྱར་ཞིང་བཏག་པའི་སྔགས། །ོཾ་ཨ་མྲྀ་ཏ་མུ་ས་ལ། གྲ་ཧེ་ཧ་ན་ཧ་ན་ཧཱུཾ་ཕཊ། འདི་རྣམས་སྦྱར་བའི་བདུད་རྩི་མཆོག་།དངོས་གྲུབ་འབྲས་བུ་ངེས་ཐོབ་བོ། །འབྲས་བུ་རྣམ་ལྔ་བསྒྲལ་བའི་ཕྱིར། །བྱང་གི་ཕྱོགས་ཀྱི་དཀྱིལ་འཁོར་དུ། །མེ་ལྕེ་གླ་གླི་སྙིང་ལ་སོགས། །གསང་བའི་བརྡ་ཚིག་དག་གིས་ནི། །དེ་དག་རབ་ཏུ་སྦ་ཞིང་བསྒྲུབ། །ཕྱོགས་བཞི་དབུས་དང་ལྔ་རུ་གཞག་།རྒྱུ་མཆོག་ཆེན་པོ་ཁྲུས་བྱས་ནས། །མངོན་སྤྱོད་མངོན་སྤྱོད་ཡ་མཚན་གྱི། །འཇིག་བྱེད་འཇིགས་བྱེད་ཆེན་པོ་ཡི། །ེ་ཡི་དཀྱིལ་འཁོར་སུམ་བརྩེག་གི། །སྟེང་དུ་བཞག་ནས་དབང་བསྐུར་རོ། །དེ་ནས་དཔལ་ཆེན་ཧེ་རུ་ཀ་།དུར་ཁྲོད་བདག་པོ་ཆེན་པོ་ནི། །ཆེ་མཆོག་ཤིན་དུ་མི་བཟད་པ། །དབུ་མངས་ཕྱག་ཆ་རྩུབ་པ་བསྣམས། །སྨུག་ནག་སྐུ་ནི་འབར་བ་ཅན། །ཞལ་ནི་ཉི་ཤུ་རྩ་གཅིག་སྟེ། །ཕྱག་ཀྱང་བཞི་བཅུ་རྩ་གཉིས་སོ། །ོཾ་བཛྲ་མ་ཧཱ་ཤྲཱི་ཧེ་རུ་ཀ་།རཾ་ཛྭ་ལ་ཧཱུཾ། གསང་བའི་ཡུམ་ཡང་ཡབ་དང་འཐུན། །མ་ཧཱ་ཀྲོ་དྷཱི་ཤཝ་རི། ཨོཾ་སརྦ་ཏ་ཐཱ་ག་ཏ་མུ་དྲཱ་ཨ་བྷི་ཤིཉྩ་ཧཱུཾ། ཞེས་ཡུམ་དབང་བསྐུར་ནས། གཞན་ཡང་རིགས་དང་མཐུན་པ་རུ། །ཕྱོགས་བཞི་དག་ཏུ་དགོད་པར་བྱའོ། །དེ་ཡང་ཚུལ་བཞིན་བྱིན་གྱིས་བརླབ། །ེ་ཧྱེ་ཧི་མ་ཧཱ་རུ་ཏྲ་ཧཱུཾ་ཕཊ། སརྦེད་ཨ་ཨ་ཞེས་བརྗོད་པས། ཙིཏྟ་དྲང་ངོ ། །ཡང་ནས་ཡང་དུ་སྤར་བྱས་ཏེ། །དུག་གསུམ་རྩ་བ་དེར་གཅད་དོ། །རྒྱུ་འབྲས་འཐུན་ཞིང་སྦྱར་བ་ཡང ། །ཡངས་ཤིང་རྒྱུད་ལ་གོམས་པ་དང ། །ཆོས་སྐུ་ཞི་བའི་ཏིང་འཛིན་ཡོད། །ཡོན་ཏན་བརྒྱད་དང་ལྡན་པ་ལ། །ངེས་པའི་དོན་དབང་ཐོས་པར་བྱའོ། །འབྱུང་བ་བཞི་ལས་སྐྱེད་པའི་ཡུམ། །ཚུལ་བཞི་དག་དང་ལྡན་པ་འམ། །ཡང་ན་མཚན་བཟངས་སུམ་བཅུ་ནི། །ལུས་ལ་རྫོགས་པར་ཡོད་པ་ལ། །ཟླ་གསང་དཀར་དམར་རླུང་དཀར་ལྕི། །དེ་བཞིན་སྲིང་མོ་རྣལ་འབྱོར་མ། །བཙལ་ནས་བསྒྲུབ་པ་ཆེན་པོ་བྱའོ། །འོ་མ་སྤོས་ཆུས་མགོ་ལུས་བཀྲུ། །དཀྱིལ 104.198b འཁོར་ནང་དུ་གཞག་པར་བྱ། །འཛག་པའི་དུས་སུ་སྦྱར་བ་ཡི། །ཁྲག་ཆེན་པོ་ནི་སེམས་དང་བཅས། །རཱ་ས་ཡཱ་ནའི་གཙོ་བོར་བྱའོ། །བདུད་རྩི་དམ་པའི་སྣོད་བསྟན་པ། །ཀུན་བྱེད་ཐམས་ཅད་ཟ་བ་ཡི། །སློབ་མ་དཔའ་བརྟུལ་གཙང་སྒྲ་ཅན། །སྐྱོན་དྲུག་རྣམ་པར་སྤངས་པ་ཡི། །མི་ཕྱེད་པ་ནི་དགུ་དང་ལྡན། །དམ་ཚིག་ཐམས་ཅད་མ་ཉམས་ཤིང ། །སྲོག་ལུས་བུ་དང་ཆུང་མ་དང ། །རིན་ཆེན་སྣ་ཚོགས་འབུལ་བྱེད་པ། །སྲིང་མོ་ཤིན་ཏུ་བརྒྱན་པ་ཡང ། །སློབ་དཔོན་བླ་མ་དེ་ལ་དབུལ། །དེ་ལྟར་འབུལ་བའི་སློབ་མའི་མཆོག་།ཡུད་ཡང་པཉྩ་ཡན་ཆད་ཀྱིས། །རབ་ཏུ་འབྲུ་ནི་གདམས་པས་བྱའོ། །ཐུགས་ཀྱི་དངོས་གྲུབ་དམ་པ་འདི། །རང་བྱུང་ང་ཡིས་བསྟན་པའི་ཕྱིར། །རེ་བ་མེད་པས་བླང་བར་བྱ། །མ་དག་པ་ནི་འཚམས་གཅད་དོ། །ལས་ཀྱི་གཙོར་ནི་བཀང་བ་དང ། །སྦྱང་དང་འཚམས་དང་བསལ་བར་བྱའོ། །ཉི་ཟླ་པདྨ་ཡང་དག་གནས། །བདག་ཉིད་དཔའ་བོ་འབྲུ་ལྔ་ཡིས། །གནས་ལྔ་དག་ཏུ་བསམ་པར་བྱའོ། །དངོས་གྲུབ་རབ་འབྲིང་ཐ་མ་གསུམ། །མ་ཐོབ་བར་དུ་མི་གཏང་ཞིང ། །གཏང་ན་བར་ཆད་ཆེན་པོ་འགྱུར། །གསང་སྔགས་བདུད་རྩི་ཡོན་ཏན་འདི། །སད་པའི་ཕྱིར་ཡང་བསྒྲུབ་དགོས་ན། །མཁས་པས་བདེན་པའི་དོན་ཤེས་ནས། །དོན་ལ་ཐེ་ཚོམ་ཅི་སྟེ་ཟ། །ཞེས་ཐེ་ཚོམ་བཅད་ལ། དངོས་གྲུབ་བླང་བའི་སྔགས་འདིའོ། ། ཧོཿ ་སུ་ཁ་དྷརྨ་གཱ་ཡ་ནི། ཨ་མྲྀ་ཏ་སིདྡྷི་ཧྲཱི:ཞེས་དངོས་གྲུབ་བླང་ངོ ། །གནས་ལྔ་དག་ཏུ་བསམ་པ་ཡང ། །སྤྱི་གཙུག་དབུས་སུ་ཟླ་བ་སྟེ། །དེར་ནི་ཨོཾ་དཀར་འོད་ལྡན་པ། །འོད་ཟེར་ལྔ་ནི་འཕྲོས་པ་ལས། །སླར་འདུས་སྣང་མཛད་གཙོ་བོ་སྟེ། །རྟག་པའི་ཕྱག་རྒྱ་བཅིངས་པའོ། །ལྕེ་ལ་ཧྲི་དམར་འོད་འཕྲོས་པས། །སླར་འདུས་མཐའ་ཡས་ཆོས་ཀྱི་གསུང ། །མཉམ་པའི་ཕྱག་རྒྱར་གནས་པའོ། །སྙིང་གར་ཡི་གེ་ཧཱུཾ་མཐིང་ག་།འོད་ཟེར་ལྔ་ནི་འཕྲོ་བའོ། །སླར་འདུས་མི་འཁྲུགས་སེམས་པ་སྟེ། །ཕྱག་གཉིས་རྡོ་རྗེ་དྲིལ་བུ་བསྣམས། །ཡང་ན་བདུད་འདུལ་ས་གནོན་ནོ། །ལྟེ་བར་ཡི་གེ་སཝཱ་སེར་པོ། །འོད་ཟེར་ལྔ་ནི་འཕྲོ་བ་ལས། །སླར་འདུས་རིན་ཆེན་དམ་པའི་གཙོ། །ཕྱག་རྒྱ་ཡིད་བཞིན་སྦྱིན་པའོ། །གསང་བར་ཡི་གེ་ཧཱ་ལྗང་གུ་།འོད་ཟེར་སྣ་ལྔ་འཕྲོ་པ་ལས། །སླར་འདུས་དོན་ཡོད་གྲུབ་པ་སྟེ། །ཞི་བའི་ཕྱག་རྒྱར་མཉམ་རྫོགས་པའོ། །རིགས 104.199a ལྔ་གཏོགས་པ་འདི་ཀུན་ཡང ། །རང་འབྱུང་གི་ནི་དཀྱིལ་འཁོར་ཡིན། །དེ་ལྟར་འོད་ཟེར་ལྔ་ལྔ་ཡིས། །ཉི་ཤུ་རྩ་ལྔའི་འཕྲོ་འདུ་ལས། །ཁམས་གསུམ་འགྲོ་བའི་དོན་བྱས་ནས། །སླར་འདུས་སྨན་ལྔ་ཉིད་ལ་བསྡུ། །སྨན་ཉིད་ཕྱག་རྒྱར་གསལ་འབར་ནས། །འོད་ཟེར་སྣ་ལྔ་སླར་འདུས་ནས། །ཕྱག་མཚན་སོ་སོར་གསལ་འགྱུར་ཏེ། །གསེར་གྱི་འཁོར་ལོ་ཟུར་བརྒྱད་ལས། །དྲི་ཆེན་བདུད་རྩི་ཞུ་བའོ། །ཧཱུཾ་ལས་རྡོ་རྗེ་རྩེ་ལྔ་པ། །འབར་ནས་བྱང་ཆུབ་སེམས་སུ་ཞུ། །སཝཱ་ལས་རིན་ཆེན་འོད་འབར་ཏེ། །མ་ཧཱ་མོཾ་ས་བདུད་རྩིར་ཞུའོ། །ཧྲིཿ ལས་འོད་ཟེར་སྣ་ཚོགས་པའོ། །པདྨ་རཀྟ་ཐིག་ལེར་ཞུའོ། །ཧཱ་ལྗང་འོད་འཕྲོ་སྣ་ཚོགས་པས། །དག་པའི་དྲི་ཆུ་བདུད་རྩིར་ཞུའོ། །དེ་ལྟར་འཕྲོ་འདུ་བྱ་བ་ཡང ། །གོམས་པས་ཡང་ནས་ཡང་དུ་བྱའོ། །དེ་ནས་བདུད་རྩི་རྣམ་ལྔ་ལ། །བསམ་པའི་ཡི་གེ་དམ་པ་ལྔ། །ོཾ་ཧཱུཾ་སཝཱ་ཧྲཱིཿ ཱ། རྩ་བའི་ཡི་གེ་ལྔ་པོ་ཡང ། །འོད་ཟེར་འཕྲོ་བ་སྔ་མ་བཞི། །དེ་ནས་འཛབ་བསྒོམ་བཟླས་པའི་སྔགས། །དགུ་པ་འདི་ནི་འཛབ་དུ་དྲང ། །ོཾ་བཛྲ་ཙིཏྟ་ས་མ་ཡ་ཧཱུཾ་ཐ། དེ་ལ་བདུད་རྩིའི་ཕྱག་རྒྱ་ནི། །ལག་པ་གཡོན་པའི་དཔུང་པ་བརྐྱང ། །མཐེ་བོང་སྲིན་ལག་མཐིལ་དུ་དགུག་།རྡོ་རྗེ་མཚོན་གང་བཅས་པ་དང ། །མཛུབ་མོ་གུང་མོ་མཐེའུ་ཆུང་བརྐྱང ། །སྦྱར་ཏེ་ལག་པའི་མཐིལ་གྱིས་ནི། །བདུད་རྩི་སྣོད་གྱི་སྟེང་དུ་གནོན། །དེ་ནས་བདུད་རྩི་བྱིན་གྱིས་བརླབ། །ཏིང་འཛིན་མེ་དང་འདྲ་བ་ལས། །བཟླས་བརྗོད་རླུང་དང་འདྲ་བ་ཡིས། །གླལ་དང་ལུད་པས་བར་མི་གཅད། །དེ་ནས་བདུད་རྩི་བྱིན་གྱིས་བརླབ། །བཛྲ་ཨ་མྲྀ་ཏ་ཨོཾ་ཨཱ:ཧཱུཾ་ཧྲི་ཐཱ། འདི་ནི་རྩ་བའི་དཀྱིལ་འཁོར་ལྔའོ། །ཛཿ ཧཱུཾ་བཾ་ཧོཿ ། མ་ཧཱ་ཨ་མྲྀ་ཏ་ཨཱ་བེ་ཤ་ཧོཿ ། ཞེས་བཅོམ་ལྡན་འདས་བདུད་རྩི་རྒྱལ་པོས་བཀའ་སྩལ་ཏོ། །བདུད་རྩི་དམ་པ་མཆོག་གི་ལུང་ལས། འབྲས་བུ་ཆེན་པོ་ལྔ་བསྒྲལ་བའི་ལུང་ངེས་པ་དང ། དེ་བསྒྲལ་ནས་དེ་སྨན་དུ་སྦྱར་བའི་ཐབས་བསྟན་པའི་བདུད་རྩི་ཆེན་པོ་ས་མ་ཡ་འབུམ་སྡེ་ལས། བམ་པོ་ཆེན་པོ་དྲུག་པ།། །། |