༄#། ་།རྒྱ་གར་སྐད་དུ། ཨཱརྱ་ས་དྷྲི་ཤ་ཨ་ཡ་ཨོོཥྛ། བོད་སྐད་དུ། འཕགས་པ་ལྕགས་མཆུ་ནག་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འདམ་བུའི་ཁྲོད་ན་གཟིངས་པའི་འདུག་གནས་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་འཛམ་བུའི་གླིང་གི་གནས་དེར་འདོང་ངོ ། །བཙུན་པ་དེ་ལྟར་བགྱིའོ་ཞེས་གསོལ་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནོ། །དེ་ནས་བཅོམ་ལྡན་འདས་འཛམ་བུའི་གླིང་གི་སེམས་ཅན་རྣམས་ལ་ཐུགས་བརྩེ་བའི་ཕྱིར་ཀླུའི་རྒྱལ་པོ་མ་དྲོས་པ་དང་རྒྱ་མཚོ་དང་དགའ་བོ་དང་འཇོག་པོ་དང་མཐའ་ཡས་དང ། དུང་སྐྱོང་དང་གཟི་ཅན་དང་ཨེ་ལའི་འདབ་མ་དང་མདོངས་བུ་དང ། ཀླུའི་རྒྱལ་པོ་གློག་འབྱིན་དང ། ཀླུའི་རྒྱལ་པོ་ཆུ་ལྷ་དང ། ཀླུའི་རྒྱལ་པོ་སྤྲིན་བསྐུལ་དང ། ཀླུའི་རྒྱལ་པོ་མགོ་དགུ་པ་དང ། ཀླུའི་རྒྱལ་པོ་མགོ་བདུན་པ་དང ། ཀླུའི་རྒྱལ་པོ་མགོ་ལྔ་པ་དང ། མགོ་དྲུག་པ་དང ། མགོ་གསུམ་པ་དང ། མགོ་གཉིས་པ་དང ། མགོ་སྟོང་པ་རྣམས་ལ་བཅོམ་ལྡན་འདས་ཀྱིས་མནས་བོར་ཤིག་། ན་ན་སྟེ། བི་ན་ནསྟེ། བི་ཤི་ཀི་ཤི་ཨ་གུ་བི་གུ་རེ་རེ། ཧཱུཾ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། སྟམ་བྷ་ཡ། བྷན་ཛ་ཡ། པ་ས་ཤ་རི་ར་ནི། མ་ཏྲི་ཏྲ། མ་ཏྲ་མ་ནི་སཝཱ་ཧཱ། སྔགས་ཚན་དང་པོ་དེས་ཀླུ་རྣམས་འཁྲུགས་ནས་བརྒྱལ་ལོ། །བཅོམ་ལྡན་འདས་ལགས་ལོ་ཏོག་དང་འབྲས་བུ་དང་སྨན་རྣམས་དང་རྩི་ཤིང་དང་མྱུ་གུ་དང་འདབ་མ་དང་མེ་ཏོག་རྣམས་སྐམས་པར་རྔོ་མི་ཐོག་ལགས་སོ། །ཆར་ཆུ་དུས་སུ་འབེབས་སོ། །རྩི་ཤིང་དང ། ནགས་ཚལ་སྐྱེད་པར་བགྱིད་ལགས་སོ། །འཛམ་བུའི་གླིང་གི་མི་རྣམས་ཀྱི་ལོངས་སྤྱོད་འཚེ་བར་རྔོ་མི་ཐོག་ལགས་སོ། །སེམས་ཅན་རྣམས་ལ་འཚེ་བར་མི་བགྱིད་ལགས་སོ། །གལ་ཏེ་བཅོམ་ལྡན་འདས་ཀྱི་བཀའ་ལས་འདས་ན་བདག་ཅག་ཀླུ་རྣམས་ཀྱི་ལུས་འཁུམས་པར་གྱུར་ཅིག་།གནས་མེད་པར་གྱུར་ཅིག་།ལུས་རྩུབ་པར་གྱུར་ཅིག་།མཛེ་དང་ཤུ་བ་དང་ཤ་བཀྲ་འབྱུང་བར་གྱུར་ཅིག་།མགོ་འགས་པ་དང་སྙིང་འདྲུལ་བར་གྱུར་ཅིག་ཅེས་བྲོས་བོར་རོ། །བཅོམ་ལྡན་འདས་ལ་མངོན་པར་དད་པའི་འབྱུང་པོ་བརྒྱ་སྟོང་དག་ཀྱང 107.76a སེམས་ཅན་ཐམས་ཅད་ཀྱི་ཕྱིར་འོངས་ཏེ། དེ་དག་ཁྱེད་ལ་གནོད་པ་ཆེན་པོ་བྱེད་པར་འགྱུར་དུ་འོང་གིས་ནིར་གད་ཚ་ཏ་ནིར་གད་ཚ་ཏ་མྱུར་དུ་བྱེར་ཅིག་།ཁྱེད་ཅག་ལ་གང་དག་སྡང་བའི་སེམས་དང་ལྡན་པ་དེ་དག་ནི་ཕུང་བར་གྱུར་ཅིག་།གང་དག་བྱམས་པའི་སེམས་དང་ལྡན་ཞིང་ཉེས་པར་མི་འདོད་ལ་བསྲུང་བར་འདོད་པ་དེ་དག་ནི་ཁྱེད་ཅག་གི་ལུས་ལ་འཇུག་པར་གྱིས་ཤིག་།སངས་རྒྱས་འཇིག་རྟེན་ལ་ཐུགས་བརྩེ་བ་ཅན་གྱིས་བཀའ་སྩལ་པ། སུ་མུ་སུ་མུ། སུ་མུ་སུ་མུ། སུ་མུ་རུ་སུ་མུ་རུ། སུ་མུ་རུ། སུ་མུ་རུ། སུ་མུ་རུ། སུ་མུ་རུ། སུ་སུ། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མི་རི་མི་རི་སཝཱ་ཧཱ། ལྷ་རྣམས་དང་ཀླུ་རྣམས་དང་ལྷ་མ་ཡིན་རྣམས་དང་གནོད་སྦྱིན་ཕོ་མོ་རྣམས་ཀྱིས་ཇི་ལྟར་འདོད་པའི་ཆར་གྱི་རྒྱུན་མྱུར་དུ་འབེབས་སོ། །ཀླུའི་གནས་ཀུན་ནས་ཆབ་ཕུལ་དགུ་བླངས་ལ་ཆབ་སོ་སོར་བཞག་ལ། ཡུངས་དཀར་གྱིས་བསྔག་ཅིང་ཆུ་རུ་སྩལ། སྔགས་རྫོགས་པ་དང་ཀླུའི་གནས་སུ་བསྐྱལ་ལོ། །ཆར་ཇི་ལྟར་འདོད་པ་བཞིན་འབབ་པར་འགྱུར་རོ། །སངས་རྒྱས་འཇིག་རྟེན་ལ་ཐུགས་བརྩེ་བ་ཅན་གྱིས་སེམས་ཅན་རྣམས་ལ་ཕན་པར་ལྷག་པར་དགོངས་པ་མངའ་བ་བྱམས་པ་ལ་གནས་པ་ཐུགས་རྗེ་དང་ལྡན་པ་དགའ་བ་ལ་གནས་པ་བཏང་སྙོམས་ལ་གནས་པ་གཤེགས་ཤིག་།ཀྵི་བྲན་ནིར་གཙྪ་ད་སཝཱ་ཧཱ། ནཱ་ག་ཡུ་ཡུ་སཝཱ་ཧཱ། སྤྲིན་ལ་བལྟ་ཞིང་ཕྱོགས་བཞིར་ཁ་བལྟས་ལ་ཕྱག་བྱ་ཞིང་ལན་ལྔ་བཅུར་བཟླས་ན་ཆར་ངེས་པར་མྱུར་དུ་འབབ་བོ། །ཆར་འབེབས་པའི་ཚེ་ཀླུ་མི་སྲུན་པའི་གནས་སུ་སོང་ལ། ལུས་སྤོས་ཆུས་བཀྲུས་ལ་ཟས་དཀར་གསུམ་འཚལ་ལ་ཤ་ཆང་སྒོག་བཙོང་སྤང་བར་བྱའོ། །བྱམས་པའི་སེམས་དང་ལྡན་པར་བསམས་ལ་ཁ་ཤར་ཕྱོགས་སུ་བལྟས་ནས་འཕགས་པ་རྣམས་ལ་གསོལ་བ་གདབ་བོ། །རི་པུ་རི་པུ། པ་ལ་ཡ་ཐ། ཧཱུཾ་ཧཱུཾ་ཕཊ་ཕཊ་སཝཱ་ཧཱ། བཛྲ་བཛྲ་ཛྭ་ལ་ཡ་སཝཱ་ཧཱ། སརྦ་དུ་ཤང་ན་བི་རན་ཤ་ག་སཝཱ་ཧཱ། ག་རུ་ཌཱི་ཧྲི་ཏི་སཝཱ་ཧཱ། ཡ་སྟགས་ལ་བླ་རེ་སྔོན་པོས་དབུབ། རྒྱལ་མཚན་སྔོན་པོ་གཟུགས་རིག་སྔགས་འཆང་སྟན་སྔོན་པོ་གོས་སྔོན་པོ་རྐང་པ་ཡང་སྔོན་པོར་བགྲད། ལྷ་བཤོས་སྔོན་པོ་བུམ་པ་ཆུས་བཀང་བ་བཞི་དཀྱིལ་འཁོར་གྱི་གྲཝ་བཞིར་གཞག་།དབུས་སུ་ཀླུའི་རྒྱལ་པོ་རྒྱ་མཚོའི 107.76b གཟུགས་དགོད། ཤར་གྱི་པདྨ་ལ་ཀླུའི་རྒྱལ་པོ་མགོ་གསུམ་པ་དགོད། ལྷོ་ཕྱོགས་ཀྱི་པད་མ་ལ་ཀླུའི་རྒྱལ་པོ་མགོ་བདུན་པ་དགོད། ནུབ་ཕྱོགས་ཀྱི་པདྨ་ལ་ཀླུའི་རྒྱལ་པོ་མགོ་དགུ་པ་དགོད། བྱང་ཕྱོགས་ཀྱི་པད་མ་ལ་ཀླུ་མགོ་ལྔ་པ་དགོད། ཕྲིན་ལས་ཀྱི་གཞུང་ལས་འབྱུང་བ་ཡང་དགོད། ཨོཾ་ཧི་ཧཱུཾ་ཕཊ་ཕཊ། ཧཱུཾ་བི་ཛ་ཡཱ་ཕཊ་ཕཊ། ནཱ་ག་ལི་ཛྭ་ལ་ཤད་ཤད། ཛྭ་ལི་བི་ཀྲི་ཏ། བཛྲ་བཛྲ་ལ་མ་ཧཱ་པ་ལ་བིརྱ་པ་ར་ཀྲོ་ཏ། ད་ར་ཙི། པྲ་མེ་རུ། ཕཊ་ཕཊ་དུ། གཟུངས་འདི་བརྗོད་མ་ཐག་ཏུ་ས་ཆེན་པོ་རྣམས་གཡོ་བར་འགྱུར་རོ། །ཀླུའི་རྒྱལ་པོ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་བཅུ་ཁས་སྦུབ་ཏུ་འགྱེལ་ནས་རབ་ཏུ་འདར་ཏེ་བརྒྱལ་ནས་འདྲེ་ལྡོག་ཅིང་ངུའོ། །དེ་ནས་ཀླུའི་རྒྱལ་པོ་རྣམས་ཀྱིས་བཅོམ་ལྡན་འདས་ལ་སྨྲེ་ཞིང་སྔགས་འདིས་ཀླུ་རྣམས་ཤིན་དུ་ཚིག་གོ་།མ་རུངས་ལགས་སོ་ཞེས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀླུའི་རྒྱལ་པོ་རྣམས་ཀྱིས་འཛམ་བུའི་གླིང་གི་སེམས་ཅན་ལ་ཕན་པ་དང་བདེ་བ་དང་ལོ་ལེགས་པ་དང་བསྲུང་བ་དང་བསྐྱབ་པ་དང་ཞིང་རྣམས་ཀྱི་མིག་ཤིན་དུ་གང་བར་གྱིས་ཤིག་།ལོ་ཏོག་ཕུན་སུམ་ཚོགས་པ་བསྒྲུབ་ཤིག་།མི་རྣམས་དང་མི་མ་ཡིན་པ་རྣམས་ལ་རྣམ་པར་འཚེ་བར་མ་བྱེད་ཅིག་ཆར་གྱི་རྒྱུན་ཕོབ་ཤིག་།འོན་ཀྱང་ཁྱེད་ཀྱིས་ཡུན་རིང་པོའི་བདེ་བ་དང་ཀླུའི་གནོད་པ་ཀུན་དང་བྲལ་བར་འགྱུར་རོ། །རྐང་མངས་ཁྱེད་ཅག་བདེ་ལེགས་ཤོག་།རྐང་བཞི་ཁྱེད་ཅག་བདེ་ལེགས་ཤོག་།རྐང་གཉིས་ཁྱེད་ཅག་བདེ་ལེགས་ཤོག་།རྐང་མེད་ཁྱེད་ཅག་བདེ་ལེགས་ཤོག་།ཁྱེད་ཅག་ལམ་འགྲོ་བདེ་ལེགས་ཤོག་།ཕྱིར་འོང་རྣམས་ཀྱང་བདེ་ལེགས་ཤོག་།ཁྱེད་ཅག་སྡིག་པར་མ་གྱུར་ཅིག་།སངས་རྒྱས་ལྷ་རྣམས་སྟོང་དག་གིས། །ཡོངས་སུ་བསྐོར་ཏེ་གཤེགས་མཛད་ཀྱིས། །སྡང་སེམས་ལྡན་པ་རྣམས་བྱེར་ཅིག་།སྙིང་རྗེའི་བདག་ཉིད་ཅན་རྣམས་འཁོད། །གླིང་འདིར་ཆར་ཕོབ་དོན་རྣམས་ཀྱིས། །ས་དང་བར་སྣང་གནས་པ་རྣམས། །སྐྱེ་དགུ་རྣམས་ལ་བྱམས་བྱེད་ཤོག་།ཆར་མེད་ཐན་པ་བྱུང་བའི་ཚེ་སྔགས་ཚན་དང་པོ་བརྒྱ་བཟླས་སོ། །བར་མ་ལྔ་བཅུ་བཟླས། ཐ་མ་བདུན་བཟླས་པར་བྱའོ། །སྤྲིན་ལ་བལྟ་ཞིང་བར་བར་སུས་ཀྱང་མ་ཚོར་བར་ཤིབ་བུར་བཟླས་སོ། །གྲངས་ལས་ཐལ་ན 107.77a སེར་བར་འགྱུར་བས་སྡིག་ཆེའོ། །ཀླུ་གནད་ལ་གཏད་པ་ཡིན་པས་སྡིག་ཆེའོ། །ལན་གྲངས་ཡང་ཡང་མི་གདབ་བོ། །ཞག་གཅིག་གམ། ཞག་གཉིས་སམ། ཞག་ལྔར་ཆར་གྱི་རྒྱུན་མི་འབབ་མི་སྲིད་དོ། །ཆོས་ཀྱི་རྒྱལ་པོ་རྒ་ཤི་མི་མངའ་བ། །ཀུན་གྱི་སྨོན་ལམ་མྱུར་དུ་འགྲུབ་འགྱུར་ཤོག་།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང ། དགེ་སློང་དེ་དག་རྣམས་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ལྕགས་མཆུ་ནག་པོའི་གཟུངས། རྫོགས་སྷོ།། །། |