རྒྱ་གར་སྐད་དུ། ་ཨཱརྱ་མ་ཧཱ་མེ་གྷ་བ་ཏ་མཎྜ་ལི་སརྦ་ནཱ་ག་ཧྲི་ད་ཡན་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། ་འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱ་མཚོ་ཆེན་པོ་ན་ནོར་བུ་རིན་པོ་ཆེའི་རྩེ་མོ་ཅན་གྱི་ཁང་པ་བརྩེགས་པ་ན་ཀླུ་སྟོང་དུ་ཚང་བའི་ཀླུའི་ཚོགས་ཆེན་པོ་ཀླུ་ཐམས་ཅད་ཀྱང་རྫུ་འཕྲུལ་ཆེ་ཞིང་དཀྱིལ་འཁོར་ཆེན་པོ་དང་ལྡན་པ་ཤ་སྟག་ལ་འདི་ལྟ་སྟེ། ཀླུའི་རྒྱལ་པོ་དགའ་བོ་དང ། ཀླུའི་རྒྱལ་པོ་ཉེ་དགའ་བོ་དང ། ཀླུའི་རྒྱལ་པོ་ཡང་དག་སྐུལ་དང ། ཀླུའི་རྒྱལ་པོ་གློག་ཕྲེང་ཅན་དང ། ཀླུའི་རྒྱལ་པོ་གཟི་ཅན་དང ། ཀླུའི་རྒྱལ་པོ་གཟི་ཅན་ཆེན་པོ་དང ། ཀླུའི་རྒྱལ་པོ་བཏང་བཟུང་དང ། ཀླུའི་རྒྱལ་པོ་དུང་དང ། ཀླུའི་རྒྱལ་པོ་ཨེ་ལ་འདབ་དང ། ཀླུའི་རྒྱལ་པོ་མཚམས་བཟངས་དང ། ཀླུའི་རྒྱལ་པོ་སྟོབས་ཀྱི་རྒྱུ་དང ། ཀླུའི་རྒྱལ་པོ་གློག་འབྱུང་དང ། ཀླུའི་རྒྱལ་པོ་སྣང་ལྡན་གཙུག་ཕུད་ཅན་དང ། ཀླུའི་རྒྱལ་པོ་སྤྲིན་ཆེན་རྣམ་པར་འཕྲུལ་དང ། ཀླུའི་རྒྱལ་པོ་སྤྲིན་ཆེན་རྒྱས་བྱེད་དང ། ཀླུའི་རྒྱལ་པོ་འབྲུག་སྒྲོགས་དང ། ཀླུའི་རྒྱལ་པོ་ཆར་འབྱུང་དང ། ཀླུའི་རྒྱལ་པོ་སྐར་མདའ་གཏོང་དང ། ཀླུའི་རྒྱལ་པོ་དུས་མིན་སྒྲོགས་དང ། ཀླུའི་རྒྱལ་པོ་འབྲུག་སྐད་དང ། ཀླུའི་རྒྱལ་པོ་གློག་རབ་ཏུ་གཏོང་དང ། ཀླུའི་རྒྱལ་པོ་ས་འཛིན་དང ། ཀླུའི་རྒྱལ་པོ་སོག་མ་མེད་དང ། ཀླུའི་རྒྱལ་པོ་ལེགས་མཐོང་དང ། ཀླུའི་རྒྱལ་པོ་རྣམ་པར་སྣང་དང ། ཀླུའི་རྒྱལ་པོ་འབྲུག་ཆེན་སྒྲོགས་དང ། ཀླུའི་རྒྱལ་པོ་འོད་ཆེན་ལམ་ལམ་དང ། ཀླུའི་རྒྱལ་པོ་དཔལ་གྱི་གཟི་བརྗིད་དང ། ཀླུའི་རྒྱལ་པོ་མཐའ་ཡས་དང ། ཀླུའི་རྒྱལ་པོ་མདོངས་བུ 107.207a དང ། ཀླུའི་རྒྱལ་པོ་དཔལ་འཛིན་དང ། ཀླུའི་རྒྱལ་པོ་རྔ་སྒྲ་དང ། ཀླུའི་རྒྱལ་པོ་རྔ་སྒྲ་རྣམ་པར་སྒྲོགས་པའི་སྐད་དང ། ཀླུའི་རྒྱལ་པོ་ལ་བ་དང ། ཀླུའི་རྒྱལ་པོ་འདྲེན་བྱེད་དང ། ཀླུའི་རྒྱལ་པོ་དཔལ་མགྲིན་དང ། ཀླུའི་རྒྱལ་པོ་དཔལ་བཟངས་དང ། ཀླུའི་རྒྱལ་པོ་ཤ་ཤོའི་སྒྲ་ཆེན་དང ། ཀླུའི་རྒྱལ་པོ་དིང་དིང་སྒྲ་དང ། ཀླུའི་རྒྱལ་པོ་རབ་འཇོམས་དང ། ཀླུའི་རྒྱལ་པོ་ཆར་འབྱུང་དང ། ཀླུའི་རྒྱལ་པོ་རླུང་ཆེན་རྣམ་པར་འཕྲུལ་དང ། ཀླུའི་རྒྱལ་པོ་རླུང་རབ་ཏུ་གཏོང་དང ། ཀླུའི་རྒྱལ་པོ་འཇོག་པོ་དང ། ཀླུའི་རྒྱལ་པོ་དཔལ་ལྡན་དང ། ཀླུའི་རྒྱལ་པོ་དཔལ་དཀྲིགས་དང ། ཀླུའི་རྒྱལ་པོ་བཀྲ་ཤིས་དང ། ཀླུའི་རྒྱལ་པོ་སྤྲིན་རྒྱས་བྱེད་དང ། ཀླུའི་རྒྱལ་པོ་སྤྲིན་གྱིས་དགའ་བྱེད་དང ། ཀླུའི་རྒྱལ་པོ་སྤྲིན་གྱིས་འགེབས་པའི་རིགས་དང ། ཀླུའི་རྒྱལ་པོ་ལེགས་པར་འགེབས་པ་དང ། ཀླུའི་རྒྱལ་པོ་རྣམ་པར་རྩེ་དང ། ཀླུའི་རྒྱལ་པོ་ནོར་རྒྱས་ཀྱི་བུ་དང ། ཀླུའི་རྒྱལ་པོ་མ་དྲོས་པ་དང ། ཀླུའི་རྒྱལ་པོ་འོད་བཟངས་དང ། ཀླུའི་རྒྱལ་པོ་མཐོང་དགའ་དང ། ཀླུའི་རྒྱལ་པོ་དོན་ཡོད་དགའ་དང ། ཀླུའི་རྒྱལ་པོ་སྤྲིན་གྱི་དཀྱིལ་འཁོར་གྱིས་ལེགས་པར་འབེབས་དང ། ཀླུའི་རྒྱལ་པོ་གཞན་གྱིས་མི་ཐུབ་པ་དང ། ཀླུའི་རྒྱལ་པོ་སྤྲིན་ལས་ཆུ་འབྱིན་དང ། ཀླུའི་རྒྱལ་པོ་བདེ་མཐོང་དང ། ཀླུའི་རྒྱལ་པོ་རླུང་འབྱུང་དང ། ཀླུའི་རྒྱལ་པོ་རླུང་འཁྲུག་པར་བྱེད་པ་དང ། ཀླུའི་རྒྱལ་པོ་གཙུག་ན་ནོར་བུ་དང ། ཀླུའི་རྒྱལ་པོ་ཆེན་པོ་དེ་དག་དང ། གཞན་ཡང་ཀླུའི་རྒྱལ་པོ་ཆེན་པོ་སྟོང་དང་ཐབས་གཅིག་ཏུ་བཞུགས་ཏེ། དེ་དག་ཐམས་ཅད་ཀྱང་ཀླུའི་རྫུ་འཕྲུལ་ཆེན་པོ་དང ། ཀླུའི་རྣམ་པར་འཕྲུལ་པ་ཆེན་པོས་ནམ་མཁའ་ལ་དི་རི་རིར་སྒྲོགས་ཤིང་རྫི་ཆེར་ཆེན་པོ་རབ་ཏུ་འབེབས་ཏེ། བཅོམ་ལྡན་འདས་ལ་སྲི་ཞུ་བྱ་བ་དང་ཆོས་མཉན་པའི་ཕྱིར་ལྷགས་སོ། །ཀྱེ་ཀླུ་ཆེན་པོ་དང་ཀླུ་དག་ཚུར་ཤེག་།མུ་ལུ་མུ་ལུ། ཙ་ཊ་ཙ་ཊ། པ་ཊ་པ་ཊ། མ་ཊ་མ་ཊ་སཝཱ་ཧཱ། གློག་འབར་བ་རབ་ཏུ་ཕྱང་ཞིང ། རྫི་ཆར་ཆེན་པོའི་རྒྱུན་ཐོང་ལ་ཆར་ཕོབ་ཤིག་།ཀྱེ་ཀྱེ་ཀླུ་ཆེན་པོ་དག་སངས་རྒྱས་ཀྱི་བདེན་པ་དང ། ཆོས་ཀྱི་བདེན་པ་དང ། དགེ་འདུན་གྱི་བདེན་པ་དྲན་པར་གྱིས་ཤིག་།ཀྱེ་ཀླུ་ཆེན་པོ་དག་ཚུར 107.207b ཤེག་ཚུར་ཤེག་།འཛམ་བུའི་གླིང་དུ་ཆར་རབ་ཏུ་ཕོབ་ཤིག་།གུ་ཊུ་གུ་ཊུ། མུ་ཌུ་མུ་ཌུ། ཧི་ཧི་ཧི་ཧི། ཙུ་ཌ་ཙུ་ཌ། མ་ཧཱ་ནཱ་ག་ཧྲི་ད་ཡ། སརྦ་ནཱ་ག་ན། ཨ་གད་ཌྷ་ཡ། སན་ཙོ་ད་ཡ། ཤྲི་གྲཱན་ད་ར་སཝཱ་ཧཱ། སྤྲིན་ཆེན་པོ་རྣམ་པར་འཕྲུལ་པའི་རྒྱན་བཀོད་པ་དག་གསེར་སྣམ་གྱི་མཐའ་རིན་པོ་ཆེ་ཐམས་ཅད་ཀྱི་ཚོན་གྱི་ལྡ་ལྡི་མཛེས་པ། མུ་ཏིག་གི་རྒྱན་ཕྲེང་རབ་ཏུ་འཕྱང་བ་རྒྱ་མཚོ་ཆེན་པོའི་སྤྲིན་དག་དང ། ལྷའི་རིན་པོ་ཆེས་མཛེས་པར་བྱས་པའི་གཞལ་མེད་ཁང་མེ་ཏོག་རབ་ཏུ་འཕྱང་བ་རྒྱ་མཚོ་ཆེན་པོའི་སྤྲིན་དག་གིས་ནམ་མཁའི་དཀྱིལ་ཀུན་ཏུ་ཁེབས་པར་བྱིན་གྱིས་རློབས་ལ། རིན་པོ་ཆེའི་སྤྲིན་རབ་ཏུ་འཕྱང་ཞིང་ལྷའི་རས་བཅོས་བུ་མང་པོ་མུ་ཏིག་གི་རྒྱན་ཕྲེང་རྒྱ་མཚོ་ཆེན་པོའི་སྤྲིན་དག་དང ། སངས་རྒྱས་ཀྱི་རྣམ་པར་འཕྲུལ་པ་ཟབ་མོ་སྣ་ཚོགས་ཀྱི་བྱིན་གྱི་བརླབས་ཀྱི་སྒྲ་སྒྲོགས་པ་རྒྱ་མཚོའི་སྤྲིན་དག་དང ། དེ་བཞིན་གཤེགས་པའི་ཡོན་ཏན་གྱི་རྒྱན་བཀོད་པ་བསམ་གྱིས་མི་ཁྱབ་པ་རྣམ་པ་སྣ་ཚོགས་ཡང་དག་པར་སྟོན་པ་རིན་པོ་ཆེ་བཀོད་པ་ཆེན་པོའི་རྒྱ་མཚོའི་སྤྲིན་དག་གིས་ནམ་མཁའི་དཀྱིལ་ཀུན་ཏུ་ཁེབས་པར་བྱིན་གྱིས་བརླབས་ཏེ། སྤྲིན་ཆེན་པོ་རྣམ་པར་འཕྲུལ་པའི་སྒྲ་སྒྲོགས་པ་རྒྱ་མཚོའི་སྤྲིན་དག་དང ། རིན་པོ་ཆེ་སྣ་ཚོགས་ཀྱི་ལྷའི་བླ་བྲེའི་དྲིལ་བུའི་སྒྲ་སྙན་པར་སྒྲོགས་པ་རྒྱ་མཚོའི་སྤྲིན་དག་དང ། བྱའི་ཚོགས་ཐམས་ཅད་སྐད་འབྱིན་ཅིང་མེ་ཏོག་གི་ཆར་ཆེན་པོ་རབ་ཏུ་འབེབས་པ་རྒྱ་མཚོ་ཆེན་པོའི་སྤྲིན་དག་དང ། རྒྱ་མཚོ་སྤྲིན་ཆེན་པོ་སྒྲ་ཆེར་སྒྲོགས་ཤིང་ལྷའི་རིན་པོ་ཆེ་རབ་ཏུ་འཕྱང་ལ་མུ་ཏིག་གི་ལྡ་ལྡི་རྣམ་པ་སྣ་ཚོགས་རབ་ཏུ་འཕྱང་བ་རྒྱ་མཚོའི་སྤྲིན་དག་དང ། གསེར་སྐུད་ཀྱིས་བརྒྱན་པའི་སྣང་བ་ཆེན་པོ་ཅན་གྱི་རྩེ་མོས་ནམ་མཁའ་ཀུན་ཏུ་ཁེབས་པར་བྱེད་པ་རྒྱ་མཚོ་ཆེན་པོའི་སྤྲིན་དག་དང ། རིན་པོ་ཆེ་སྣ་ཚོགས་ཀྱི་ཕྲེང་བའི་འོད་ཀྱི་དཀྱིལ་འཁོར་གྱིས་ནམ་མཁའ་ཀུན་ཏུ་ཁེབས་པར་བྱེད་པ་ལ་མཁས་པ་རྒྱ་མཚོའི་སྤྲིན་དག་དང ། སྣང་བ་དང་ལྡན་པའི་རྒྱ་མཚོ་ཆེན་པོའི་སྒྲས་ཀུན་ཏུ་ཁེབས་པའི་རྒྱ་མཚོ་ཆེན་པོའི་སྤྲིན་དག་གིས་ནམ་མཁའ་མངོན་པར་ཁེབས་པར་གྱིས་ཤིག་།ཀླུ་དང་ཀླུའི་རྒྱལ་པོ་ཐམས་ཅད་ཚུར་ཤེག་།སའི་སྟེང་འདིར་འབྲུག་སྒྲ 107.208a སྒྲོགས་ཤིང་ཆར་ཕོབ་ཤིག་།ཆར་རབ་ཏུ་ཕོབ་ཤིག་།ཆར་ཀུན་ཏུ་རབ་ཏུ་ཕོབ་ཤིག་།དི་རི་རིར་སྒྲོགས་ཤིག་།གློག་ཆེན་པོ་སྣང་བ་རབ་ཏུ་ཕྱུང་ཤིག་།འདུ་ཞིང་ཀུན་ཏུ་འདུ་ལ་ཏོག་ཡར་དར་དིར་ཞིང་འདུག་སྟེ། ཀླུའི་སྐད་ཆེན་པོ་ཡིད་དུ་འོང་བའི་སྒྲ་ཆེན་པོ་འབྱིན་ཅིང་དབྱངས་ཆེན་པོ་རབ་ཏུ་སྒྲོགས་པ་དག་འཛམ་བུའི་གླིང་དུ་ཆར་རབ་ཏུ་ཕོབ་ཤིག་།གྷ་ཌ་གྷ་ཌ། གི་ཌི་གི་ཌི། ཧུ་ཌུ་ཧུ་ཌུ། གྷུ་དྷུ་གྷུ་དྷུ། ག་ཊ་ག་ཊ། གི་ཊི་གི་ཊི། མ་ཊ་མ་ཊ། ཙ་ཊ་ཙ་ཊ། པ་ཊ་པ་ཊ། ཀྱེ་ཀྱེ་ཀླུ་དང ། ཀླུ་ཆེན་པོ་དག་ཚུར་ཚུར་ཚུར་ཤེག་ཚུར་ཤེག་།དྷུ་དྷུ་དྷུ་དྷུ། ཧཱ་ཧཱ་ཧཱ། ཧཱི་ཧཱི། ཧཱུཾ་ཧཱུཾ། འབྲུག་སྒྲ་ཆེན་པོ་སྒྲོགས་ཤིང ། རླུང་ཆེན་པོ་རབ་ཏུ་གཏོང་བ་དག་སངས་རྒྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀྱེ་ཀྱེ་ཀླུ་དང ། ཀླུའི་རྒྱལ་པོ་དག་ཀླུ་ཐམས་ཅད་ལ་ཡང་དག་པར་བསྐུལ་གྱིས་འཛམ་བུའི་གླིང་དུ་ཆར་ཕོབ་ཤིག་།གྷུ་ཌུ་གྷུ་ཌུ། ཕཊ་ཕཊ། ཧ་ཧ། ཧེ་ཧེ། ཀླུ་ཆེན་པོ་དག་འདུས་ཤིང་སའི་སྟེང་དུ་ཆར་ཕོབ་ཤིག་།གྷུ་ཌུ་གྷུ་ཌུ། ཀི་རི་ཀི་རི། ཙི་རི་ཙི་རི། མི་རི་མི་རི། དི་རི་དི་རི། ཀི་ལི་ཀི་ལི། ཞིང་ཐམས་ཅད་ཡོངས་སུ་གང་བར་གྱིས་ཤིག་།འབྲུ་དང ། ཤིང་ལྗོན་པ་དང ། རྩཝ་དང ། ཤིང་གེལ་པ་དང ། སྨན་ཐམས་ཅད་རབ་ཏུ་སྐྱེ་བར་གྱིས་ཤིག་།བྱམས་པའི་སེམས་ཀྱིས་ཚུར་ཤེག་།སངས་རྒྱས་ཀྱི་བདེན་པ་དང ། ཆོས་ཀྱི་བདེན་པ་དང ། དགེ་འདུན་གྱི་བདེན་པ་དང ། ལག་ན་རྡོ་རྗེའི་བདེན་པ་དང ། ཀླུ་ཐམས་ཅད་ཀྱི་བདེན་པས་ཀླུ་ཆེན་པོ་དག་ཚུར་ཤེག་ཚུར་ཤེག་སཝཱ་ཧཱ། ཀླུའི་རྒྱལ་པོ་མདོངས་བུ་ལ་ཡང་དག་པར་བསྐུལ་ལོ། །སངས་རྒྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་དཔལ་གྱི་གཟི་བརྗིད་ལ་ཡང་དག་པར་སྐུལ་ལོ། །ཆོས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་མཐའ་ཡས་ལ་ཡང་དག་པར་སྐུལ་ལོ། །དགེ་འདུན་གྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་ནོར་རྒྱས་ཀྱི་བུ་ལ་ཡང་དག་པར་སྐུལ་ལོ། །ལག་ན་རྡོ་རྗེའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་འཇོག་པོ་ལ་ཡང་དག་པར་སྐུལ་ལོ། ། 107.208b དབང་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་ས་སྲུང་གི་བུ་ལ་ཡང་དག་པར་སྐུལ་ལོ། །ཁྱབ་འཇུག་གི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། །ཀླུའི་རྒྱལ་པོ་ཕྲེང་བ་ཅན་ལ་ཡང་དག་པར་སྐུལ་ལོ། །དྲག་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་གཟི་ཅན་ལ་ཡང་དག་པར་སྐུལ་ལོ། །དྲང་སྲོང་གི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། །ཀླུའི་རྒྱལ་པོ་སྐྲག་འབྲོས་བྱེད་ལ་ཡང་དག་པར་སྐུལ་ལོ། །ལྷའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་གཟི་ཅན་ཆེན་པོ་ལ་ཡང་དག་པར་སྐུལ་ལོ། །ཀླུ་ཐམས་ཅད་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་རབ་འཇོམས་ལ་ཡང་དག་པར་སྐུལ་ལོ། །གནོད་སྦྱིན་གྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་མ་དྲོས་པ་ལ་ཡང་དག་པར་སྐུལ་ལོ། །སྲིན་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། གོང་མ་གོང་མ་ཐམས་ཅད་ཀྱི་བདེན་པས་ཆར་རབ་ཏུ་ཕོབ་ཤིག་ཆར་ཕོབ་ཤིག་།མ་འཕྱི་བར་ཚུར་ཤེག་ཚུར་ཤེག་།ཀྱེ་ཀྱེ་ཀླུ་ཆེན་པོ་དག་ཀླུ་ཐམས་ཅད་ཀྱི་སྙིང་པོ་ལ་ཡང་དག་པར་སྐུལ་ལོ་ཀུན་ནས་དྲང་ངོ ། །ས་ར་ས་ར། ཧཱ་ཧཱ། དྷུ་མ་དྷུ་མ། ཧཱ་ཧཱ་ཧཱ་ཧཱ། ཧི་ཧི་ཧི་ཧི། ཨེ་ཧྱེ་ཧི། ཐ་ཐ་ཐ། ཙ་ཙ་ཙ་ར་ཏ། ཞིང་ཐམས་ཅད་ཀུན་གང་བར་གྱིས་ཤིག་།འབྲུ་ཐམས་ཅད་ཀྱི་ཆར་ཕོབ་ཤིག་།རླུང་ཆེན་པོ་རབ་ཏུ་ཐོང་ཤིག་།དྲཱུཾ་དྲཱུཾ། །གྷུང་གྷུང ། པའུ་མ་པའུ་མ། ཊ་ཊ་ཊ་ཊ། ནི་བར་ནི། སྟམ་བྷ་ནི། མོ་ཧ་ནི། ཛཱང་གུ་ལི། པུཀ་ཀ་སི། པྲ་ཧཱ་ནཱི། མ་ཏང་གི། ཛ་ཡེ་བི་ཛ་ཡེ། ཧ་ཧ་སཝཱ་ཧཱ། དེ་བཞིན་གཤེགས་པ་སྤྲིན་ཆེན་སྙིང་པོ་དཔལ་གྱི་གཟི་བརྗིད་དང ། དེ་བཞིན་གཤེགས་པ་སྤྲིན་ཆེན་རབ་འཇོམས་དང ། དེ་བཞིན་གཤེགས་པ་སྤྲིན་ཆེན་འབྱུང་དང ། དེ་བཞིན་གཤེགས་པ་སྤྲིན་ཆེན་སྙིང་པོ་དང ། དེ་བཞིན་གཤེགས་པ་སྤྲིན་ཆེན་ཀུན་ཏུ་འགེབས་དང ། དེ་བཞིན་གཤེགས་པ་སྤྲིན་ཆེན་འབྲུག་སྒྲོགས་དང ། དེ་བཞིན་གཤེགས་པ་སྤྲིན་ཆེན་རྒྱས་མཛད་དང ། དེ་བཞིན་གཤེགས་པ་སྤྲིན་ཆེན་རྣམ་པར་སྒྲོགས་པ་སྒྲའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་འཇིག་མཛད་དང ། དེ་བཞིན་གཤེགས་པ་སྤྲིན 107.209a ཆེན་སྲུང་དང ། དེ་བཞིན་གཤེགས་པ་སྤྲིན་ཆེན་རྔ་སྒྲ་དང ། དེ་བཞིན་གཤེགས་པ་སྤྲིན་ཆེན་འབྲུག་སྒྲ་དང ། དེ་བཞིན་གཤེགས་པ་སྤྲིན་ཆེན་དཔལ་གྱི་གཟི་བརྗིད་དང ། དེ་བཞིན་གཤེགས་པ་སྤྲིན་ཆེན་དབྱངས་སྙན་དང ། དེ་བཞིན་གཤེགས་པ་སྤྲིན་ཆེན་སྐར་མའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་ཚུབ་མའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་ཤིན་ཏུ་བརྟན་པའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་སྤྲིན་བརྟན་པས་དགའ་བར་མཛད་པ་དང ། དེ་བཞིན་གཤེགས་པ་སྤྲིན་ཆེན་འུར་འུར་སྒྲ་དང ། དེ་བཞིན་གཤེགས་པ་སྤྲིན་ཆེན་འཇིགས་པས་འཇིགས་མཛད་དང ། དེ་བཞིན་གཤེགས་པ་སྤྲིན་ཆེན་ཐོག་ཏོག་ཆར་འབེབས་དང ། དེ་བཞིན་གཤེགས་པ་སྤྲིན་ཆེན་རྣམ་པར་འཕྲུལ་པའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་བཀྲ་ཤིས་ཀྱི་ཆེད་དང ། སངས་རྒྱས་ཐམས་ཅད་ཀྱི་བྱིན་གྱི་བརླབས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱི་བརླབས་ཀྱི་ཕྱིར་དེ་བཞིན་གཤེགས་པ་སྤྲིན་ཆེན་པོ་སྤྲིན་ཆེན་སྙིང་པོ་ཐམས་ཅད་ལ་ཡང་དག་པར་སྐུལ་ལོ། །ཀླུ་ཐམས་ཅད་ཀྱི་བདེན་པས་ཀླུ་ཐམས་ཅད་ཀྱི་སྙིང་པོ་ལ་ཡང་དག་པར་སྐུལ་ལོ། །དཀོན་མཆོག་གསུམ་གྱི་བཀའ་ལུང་གིས་མྱུར་དུ་ཤེག་ཤིག་།ཀྱེ་ཀྱེ་ཀླུ་དང་ཀླུ་ཆེན་པོ་དག་ཚུར་ཤེག་ཚུར་ཤེག་།ཧུ་ལུ་ཧུ་ལུ། སུ་རུ་སུ་རུ། དྷ་བ་དྷ་བ། གྷ་ར་གྷ་ར། བྷུ་རུ་བྷུ་རུ། མ་འཕྱི་བར་སངས་རྒྱས་ཀྱི་བདེན་པས་ཚུར་ཤེག་།ཆོས་ཀྱི་བདེན་པས་ཚུར་ཤེག་།དགེ་འདུན་གྱི་བདེན་པས་ཚུར་ཤེག་།ཀླུ་ཐམས་ཅད་དང་ཀླུ་ཆེན་པོ་གོང་མ་གོང་མ་དག་གི་བདེན་པས་འཛམ་བུའི་གླིང་དུ་ཆར་ཕོབ་ཅིག་། ལ་ལ་ཞེས་གར་བྱེད་ཅིང་ཨ་ལ་ལ་ཞེས་གླུ་ལེན་པ་དང ། ་ལ་ལ་ཞེས་ཀླུའི་རྣམ་པར་འཕྲུལ་པ་ཆེན་པོ་བྱེད་ཅིང་འདུ་ལ་ཆར་གྱི་རྒྱུན་ཆེན་པོ་འབེབས་ཤིང ། ཀླུ་ཆེན་པོ་རྣམས་ཀྱི་ཆོས་ཀྱི་སྒྲ་ཡིད་དུ་འོང་བའི་སྟོན་པ་དག་།གུ་ལུ་གུ་ལུ། ནཱ་གེ་ནཱ་གེ། ཙ་ཊ་ཙ་ཊ། ནཱ་གཱ་ནི། ཧ་ཧ་ཧི་ཧི། ནཱ་གེ་ནཱ་གི་ནི་ནཱ་གེ། སརྦ་ནཱ་ག་བིཥྚ་མ་བྷ་ནི་མ་ར་ནི། སརྦ་ནཱ་ག་བིཥྚ་མ་བྷ་ནི། མ་ར་ནི། མ་རེ་ཏ་ར་ནི། ཏ་ར་ནི། ཏ་རེ་ཏ་ར་ཏ་ར། ཏཱ་རེ། ཀཱ་བི་ལ་ཀེ་ཤི། བི་ཀྲི་ཏ་དང་ཥྚཱི། བྷི་ཡཱ་ནཱ་གེ། ཨ་ཀད་དྷ། ཨ་ཀད་དྷ། མི་ལི་ལམ་བ་ཐ། བིད་དྷྱུད་ཛྭཱ་རེ། གྷོ་རཱ་རའུ་པི་ནི། ཀ་ལེ། ཨ་ཀ 107.209b ལེ། གརྫི་ཏ། སརྦ་མེ་གྷ་བི་ཀུཪྦ་ནི། སན་ཙ་ད་ནི། སརྦ་ཀྵེད་ཏྲན། ཨ་པུ་ར་ནི་ཙ་ཀྲེ། ཙ་ཀྲ་བརྟི། ཧི་རི་ཧི་རི། བྷེ་གེ་བྷེ་གེ། སྨ་ར་སྨ་ར། ཀཱ་ལི་ཀཱ་ལི། མ་ཧཱ་ཀ་ལི། ཧྲི་ད་ཡཾ། པྲ་བི་ཤ་ཨད་ཊེ། མད་ཊེ། སརྦ་ནཱ་ག་།ཱ་ཀཪྵ་ནི། པཱུ་ར་ཡ། ཧཱུཾ་ཧཱུཾ། རད་ན་ཏྲ་ཡ། བི་ཀུ་རི་ཏེ། བཛྲི་ནི། བཛྲེ་བཛྲ་པཱ་ནི། ཀ་ལ་ཤོ་དྷི་རེ། ནཱ་ག་རའུ་པི་ནི། སུ་རུ་པེ། བྷོ་གི་བྷོ་གི། མ་ཧཱ་བྷོ་གི། བྷོ་ག་རུ། པ་ཏ་ཡ་བ་ལེ་བཪྵ་ནི། སརྦ་ནཱ་ག་སན་ཙ་ད་ནི་སཝཱ་ཧཱ། ན་མོ་རད་ན་ཏྲ་ཡཱ་ཡ། ན་མ་ཤྩཎ་ཌ་བཛྲ་པཱ་ཎ་ཡེ། བྷན་དྷ་བྷན་དྷ། སུ་རུ་པེ། ཀ་ལ་རཱུ་པི་ནི་སཝཱ་ཧཱ། ཆོས་སྨྲ་བས་ཐོག་མ་ཁོ་ནར་བསྲུང་བའི་ཆོ་ག་བྱས་ལ། ཆོས་གོས་ཀྱི་གྲཝར་ལན་བདུན་བཟླས་བརྗོད་བྱས་ཏེ། མདུད་པ་བདུན་བོར་ནས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་འདི་ཞག་ཉི་ཤུ་རྩ་གཅིག་གི་བར་དུ་རྒྱུན་མ་ཆད་པར་བཀླག་པར་བྱའོ། །ཤར་ཕྱོགས་སུ་ནི་བ་ལང་གི་ལྕི་བས་ཀླུའི་རྒྱལ་པོ་མགོ་གསུམ་པ་ཞེས་བྱ་བ་འཁོར་དང་བཅས་ཏེ་བྲི་བར་བྱའོ། །ལྷོ་ཕྱོགས་སུ་ནི་ཀླུའི་རྒྱལ་པོ་རབ་ཏུ་རྒྱས་བྱེད་ཅེས་བྱ་བ་མགོ་ལྔ་པ་འཁོར་དང་བཅས་ཏེ་བྲི་བར་བྱའོ། །ནུབ་ཕྱོགས་སུ་ནི་ཀླུའི་རྒྱལ་པོ་སྣང་ལྡན་གཙུག་ཕུད་ཅན་ཞེས་བྱ་བ་མགོ་བདུན་པ་འཁོར་དང་བཅས་ཏེ་བྲི་བར་བྱའོ། །བྱང་ཕྱོགས་སུ་ནི་ཀླུའི་རྒྱལ་པོ་སྤྲིན་སྐུལ་ཞེས་བྱ་བ་མགོ་དགུ་པ་འཁོར་དང་བཅས་ཏེ་བྲི་བར་བྱའོ། །བླ་བྲེ་དང ། གོས་སྔོན་པོ་དང ། རྒྱལ་མཚན་སྔོན་པོ་དང ། ལྷ་བཤོས་ཐམས་ཅད་ཀྱང་སྔོན་པོར་བྱའོ། །ཀླུ་གནད་ལ་དབབ་པ་ནི་མངར་གསུམ་གྱིས་བྱའོ། །མངར་གསུམ་གྱི་དགང་བླུགས་བདུན་ཡང་ཀླུའི་སྙིང་པོས་སྦྱིན་བསྲེག་བྱའོ། །སྤྲིན་གྱི་རྒྱལ་པོ་རྣམས་ཀྱང་བྲིས་ཏེ་ཆར་གྱི་རྒྱུན་འབེབས་ལ་ཕན་ཚུན་ཐུག་ཅིང་མཐར་གློག་འགྱུར་བར་བྱའོ། །འདིར་དབབ་པ་ནི་ཁུར་བ་བཀྲ་ཤིས་ལྡན་དང ། པེན་ཙེ་དང ། ཤ་དང་ཉ་ཤ་དང ། སྦྲང་རྩི་ལས་བྱས་པའི་ཟས་མཆོག་རྒྱས་པར་བྱའོ། །དེ་ནས་ཆོས་སྨྲ་བ་གཙང་ཞིང་གོས་གཙང་མ་བགོས་པས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་བཀླག་པར་བྱའོ། །དེ་ནས་ཀླུ་རྣམས་དང་པོའི་ཉིན་མོ་ནས་བརྩམས་ཏེ། དི་རི་རིར་སྒྲ་སྒྲོགས་པར་བྱེད་ཅིང ། སྒྲ་ཡིད་དུ་འོང་བ་དག་འབྱིན་པར་འགྱུར་ཏེ། ལེའུ་འདི་ལ་ཐེ་ཚོམ་དང 107.210a བརྙས་པར་མི་བྱའོ། །གལ་ཏེ་རྒྱ་མཚོ་དུས་ཚོད་ལས་ཡོལ་ན་འདི་ཡང་ཆར་ལས་ཡོལ་བར་འགྱུར་རོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་སྒྲ་སྒྲོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་དཔལ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ཀུན་ཏུ་སྟོན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་རྣམ་པར་རྒྱས་མཛད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཡན་ལག་མཛེས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ལྟ་བུའི་ན་བཟའ་བནབས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་འབྲུ་སྐྲུན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཕྲེང་བ་ཅན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཐོར་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་དབང་ཕྱུག་ལ་ཕྱག་འཚལ་ལོ། །བཅོམ་ལྡན 107.210b འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱིས་བྱིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་རྣམ་པར་སྒྲོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཆུ་བ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་སྡུད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་ངེས་པར་བསྒྲགས་ལ་ཕྱག་འཚལ་ལོ། །སངས་རྒྱས་ཐམས་ཅད་ལ་ཕྱག་འཚལ་ལོ། །སེམས་ཅན་ཐམས་ཅད་ལ་བདེ་ལེགས་སུ་གྱུར་ཅིག་།འབྱུང་པོ་ཐམས་ཅད་ལ་བྱམས་པར་གྱུར་ཅིག་།དུད་འགྲོར་གྱུར་པ་ཐམས་ཅད་འཇིགས་པ་མེད་པར་གྱུར་ཅིག་།ངན་འགྲོ་ཐམས་ཅད་ཞི་བར་གྱུར་ཅིག་།སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་ཆོ་ག་སངས་རྒྱས་ཐམས་ཅད་ཀྱིས་གཟིགས་པའི་ཆོ་ག་འདི་གྲུབ་པར་གྱུར་ཅིག་།ཏདྱ་ཐཱ། སྥུ་ཊ་སྥུ་ཊ། སྥུ་ཊ་སྥུ་ཊ། སྥུ་ཊ་སྥུ་ཊ། སྥུ་ཊ་སཝཱ་ཧཱ། ཆར་མི་དབབ་པའི་ཚེ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་གིས་མགོ་བཀྲུས་ཏེ་གོས་གཙང་མ་བགོས་ལ་བྱམས་པའི་སེམས་དང་ལྡན་པས་དེ་བཞིན་གཤེགས་པའི་མཚན་འདི་དག་ཡི་གེར་བྲིས་ནས་གདན་གཙང་མ་ལ་བཞག་སྟེ། པོག་པོར་བདུན་གྱིས་ནམ་མཁའ་ལ་གྱེན་དུ་བདུག་ཅིང ། དེ་བཞིན་གཤེགས་པའི་མཚན་རྣམས་ལན་ལྔ་བཅུའི་བར་དུ་བརྗོད་ལ་མཆོད་པ་ཆེན་པོ་བྱས་ཏེ་ཞག་བདུན་གྱི་བར་དུ་རྒྱུན་མ་ཆད་པར་བྱས་ན་ཆར་འབབ་པར་འགྱུར་རོ། ། 107.211a འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང ། སུ་རེན་དྲ་བོ་དྷི་དང ། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། |