rKTs


J965

(e-text produced by ADARSHA)

see text in transliteration
107.211b
༄། ་།རྒྱ་གར་སྐད་དུ། ་ཨཱརྱ་གུ་ཎ་ཨ་ལཾ་ཀ་ར་ཨ་གྲ་ནཱ་མ་དྷཱ་ར་ཎཱི། བོད་སྐད་དུ། ་འཕགས་པ་སྡོང་པོ་རྒྱན་གྱི་མཆོག་ཅེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་གྱིས་བསྐྱབ་ཏུ་གསོལ། །བྱང་ཆུབ་མཆོག་ལ་ཕྱག་འཚལ་ལོ། །འཕགས་པ་ཀུན་གྱིས་བསྐྱབ་ཏུ་གསོལ། །རྡོ་རྗེ་མཆོག་ལ་ཕྱག་འཚལ་ལོ། །རིག་བྱེད་ཀུན་གྱིས་བསྐྱབ་ཏུ་གསོལ། །གཙང་རིས་ལྷ་ལ་ཕྱག་འཚལ་ལོ། །མགོན་པོ་ཀུན་གྱིས་བསྐྱབ་ཏུ་གསོལ། །བར་སྣང་ལྷ་ལ་ཕྱག་འཚལ་ལོ། །སྲིད་གསུམ་དབང་གིས་བསྐྱབ་ཏུ་གསོལ། །ཁམས་གསུམ་སྲིད་ལ་དབང་བསྒྱུར་བའི། །ཀུན་ལ་ཕྱག་འཚལ་རྗེས་སུ་མཆོད། །བདག་གི་ལྔ་ཕུང་ཡན་ལག་ལ། །ཐུགས་རྗེས་བྱིན་གྱིས་བརླབ་ཏུ་གསོལ། །དེ་ཡི་སྙིང་པོ་འདི་སྐད་གསུངས། །ོཾ་ཀ་ར་ཀ་ར་སཝཱ་ཧཱ། ཀུ་རུ་ཀུ་རུ་སཝཱ་ཧཱ། བྷ་ར་བྷ་ར་སཝཱ་ཧཱ། བྷུ་རུ་བྷུ་རུ་སཝཱ་ཧཱ། དྷ་ར་དྷ་ར་སཝཱ་ཧཱ། དྷུ་རུ་དྷུ་རུ་སཝཱ་ཧཱ། ཙ་ར་ཙ་ར་སཝཱ་ཧཱ། ཙུ་རུ་ཙུ་རུ་སཝཱ་ཧཱ། བདག་གི་ལྔ་ཕུང་ཡན་ལག་ལ། །ལོ་མི་རུང་དང་ཟླ་མི་རུང ། །ཞག་མི་རུང་དང་ཟ་མི་རུང ། །གཟའ་མི་རུང་དང་སྐར་མི་རུང ། །ཉིན་མི་རུང་དང་མཚན་མི་རུང ། །ཉིན་མཚན་ཕྱེད་མར་མི་རུང་དང ། །སྔ་དྲོ་ཕྱི་དྲོ་མི་རུང་དང ། །ཕྱོགས་མི་རུང་དང་མཚམས་མི་རུང ། །འདྲེ་ལྔ་སྡོད་དང་བདུད་གཅོད་པ། །དེ་དག་ཀུན་ལས་བསྐྱབ་ཏུ་གསོལ། །དེ་ཡི་སྙིང་པོ་འདི་སྐད་གསུངས། །ོཾ་པྲཛྙེ་པྲཛྙེ་པྲཛྙ
107.212a
་བ་ལོ་ཀི་ར་དྷ་ཏི་མ་ནི་སུ་སིད་དྷི་ཨཱརྱ་ཛྭ་ལ་ནཱ་མ་མཉྫུ་ཡེ་སཝཱ་ཧཱ། བདག་གི་ལྔ་ཕུང་ཡན་ལག་ལ། །དམར་གྱི་ཐུན་དང་ཕྲ་མེན་དང ། །གློ་དང་ནད་ངན་འོང་བ་དང ། །ལོ་སྐེག་ཟླ་སྐེག་ཞག་སྐེག་དང ། །དེ་བཞིན་ཟ་སྐེག་ལ་སོགས་པ། །རྨི་ལམ་ངན་དང་དགྲ་བགེགས་དང ། །མུན་པ་ལྟ་བུས་དབང་བྱས་ཀྱང ། །ཉི་ཟླ་ལྟ་བུའི་འོད་ཕྱུང་སྟེ། །མཐའ་ནས་རྣམ་པར་གསལ་བར་གསུངས། །ཕྱོགས་སྐྱོང་རྣམས་ཀྱིས་བསྲུང་དུ་གསོལ། །དེ་ཡི་སྙིང་པོ་འདི་སྐད་གསུངས། །ོཾ་ཧ་ཀུ་ཧཱུཾ། ཧཱུཾ་དུ་ཧཱུཾ། ཧཱུཾ་ན་ཧཱུཾ། ཧཱུཾ་ཡཾ་ཧཱུཾ། ཧཱུཾ་ཀེ་ཧཱུཾ། ཧཱུཾ་ཀི་ཧཱུཾ། ཧཱུཾ་ཀཱི་ཧཱུཾ། ཧཱུཾ་ཏི་ཧཱུཾ། ཧཱུཾ་ཏཱི་ཧཱུཾ། ཧཱུཾ་དཱུ་ཧཱུཾ། ཧཱུཾ་བེ་ཧཱུཾ། བདག་གི་ལྔ་ཕུང་ཡན་ལག་ལ། །ཐོག་མ་མེད་པའི་དུས་མཐའ་ནས། །ད་ལྟའི་ཚེ་ལུས་འདི་སྐྱེས་སུ། །བྲི་ཉེས་པ་དང་བཀླག་ཉེས་དང ། །མཉན་ཉེས་པ་དང་བཤད་ཉེས་དང ། །བསྒོམ་ཉེས་པ་དང་བསྒྲུབ་ཉེས་དང ། །ཁྲིམས་ཉམས་པ་དང་སྡོམ་ཉམས་དང ། །དམ་ཉམས་ཀུན་ལས་བསྲུང་དུ་གསོལ། །དེ་ཡི་སྙིང་པོ་འདི་སྐད་གསུངས། །ན་མོ་བྷ་ག་བ་ཏེ་སརྦ་དྷུ་ཡེ་དུཥྚན་སཝཱ་ཧཱ། འཕགས་པ་སྡོང་པོ་རྒྱན་གྱི་མཆོག་ཅེས་བྱ་བའི་གཟུངས། རྫོགས་སྷོ།།