D102

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D102</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D102&coll=derge">see text in Tibetan script</a></table>48-1-227a<br><font size=+1>

@##/ /rgya gar skad du/ Ar+ya sang g+hA TI sU tra d+har+m+ma par+yA ya/ bod skad du/ 'phags pa zung gi mdo'i chos kyi rnam grangs/bam po dang po/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 
rgyal po'i khab na/ bya rgod kyi phung po'i ri la dge slong gi dge 'dun chen po dge slong sum khri nyis stong la 'di lta ste/ tshe dang ldan pa kun shes kauN+Di n+ya dang / tshe dang ldan pa maud gal gyi bu chen po dang / tshe dang ldan pa shA ri'i bu dang / tshe dang ldan pa 'od srung chen po dang / tshe dang ldan pa sgra gcan 'dzin dang / 
tshe dang ldan pa bak+ku la dang / tshe dang ldan pa bzang skyong dang / tshe dang ldan pa bzang dpal dang / tshe dang ldan pa tsan dan dpal dang / tshe dang ldan pa dug sel dang / tshe dang ldan pa rab 'byor dang / tshe dang ldan pa nam gru dang / tshe dang ldan pa dga' sde dang / de dag la sogs pa dge slong sum khri nyis stong dang 
byang chub sems dpa' drug khri nyis stong la 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen po gzhon nu'i dpal dang / byang chub sems dpa' sems dpa' 
chen po gzhon nur gnas pa dang / byang chub sems dpa' sems dpa' chen po gzhon nu bzang po dang / byang chub sems dpa' sems dpa' chen po mi 'bri dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po kun tu bzang po dang / 
byang chub sems dpa' sems dpa' chen po blta na sdug dang / byang chub sems dpa' sems dpa' chen po sman gyi sde dang / byang chub sems dpa' sems dpa' chen po rdo rje'i sde dang / de dag la sogs pa byang chub sems dpa' sems dpa' chen po drug khri nyis stong dang / lha'i bu khri nyis stong 
la 'di lta ste/ lha'i bu srid sgrub dang / lha'i bu bzang po dang / lha'i bu shin tu bzang po dang / lha'i bu chos 'dod dang / lha'i bu tsan dan snying po dang / lha'i bu tsan dan gnas dang / lha'i bu tsan dan dang / de dag la sogs pa lha'i bu khri nyis stong dang / lha'i bu mo brgyad stong la 'di lta ste/

</font><hr>48-1-227b<br><font size=+1>

lha'i bu mo rnga ldan dang / lha'i bu mo mdzes ldan dang / lha'i bu mo bdag nyid che ldan dang / lha'i bu mo mig dpal dang / lha'i bu mo skye dgu'i bdag mo gnas pa dang / lha'i bu mo stobs 'dzin dang / lha'i bu mo nor dpal dang / lha'i bu mo lag pa bzang ldan dang / de dag la sogs pa lha'i bu 
mo brgyad stong dang / klu'i rgyal po brgyad stong la 'di lta ste/ klu'i rgyal po sog ma med dang / klu'i rgyal po e la'i 'dab ma dang / klu'i rgyal po nya mid dang / klu'i rgyal po bum pa'i snying po dang / klu'i rgyal po bum pa mgo dang / klu'i rgyal po dge byed dang / klu'i rgyal po shin tu dga' ba 
dang / klu'i rgyal po 'dab bzangs dang / klu'i rgyal po glang po'i mgo dang / de dag la sogs pa klu'i rgyal po brgyad stong dang thabs cig tu bzhugs te/ de dag thams cad kyang rgyal po'i khab ga la ba dang / bya rgod kyi phung po'i ri ga la ba dang / bcom ldan 'das ga la ba der dong ste lhags nas 
bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das kyi spyan sngar 'khod pa dang / bcom ldan 'das kyis cang mi gsung bar gyur pas gnang ngo / /de nas byang chub sems dpa' sems dpa' chen po kun tu dpa' ba stan las 
langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das lha bye ba dang / lha'i bu mo bye ba dang / byang chub sems dpa' 
bye ba mang po dag 'dus te/ bcom ldan 'das nyan thos bye ba mang po dang / klu'i rgyal po rnams kyang chos nyan pa'i slad du 'dus nas 'khod cing mchis na/ de bzhin gshegs pa dgra bcom pa yang dag par rdzogs pa'i sangs rgyas kyis chos kyi tshul la 'jug pa ji lta bus sems can rgan pa rnams ni 
thos ma thag tu las kyi sgrib pa thams cad byang bar 'gyur ba dang / sems can gzhon nu rnams ni dge ba'i chos rnams la mngon par brtson zhing khyad par du 'phags pa 'thob par 'gyur te/ dge ba'i chos rnams las mi nyams yongs su mi nyams shing yongs su nyams par mi 'gyur ba de lta bu'i chos kyi 

</font><hr>48-1-228a<br><font size=+1>

tshul la 'jug pa de legs par bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to/ /kun tu dpa' ba khyod de bzhin gshegs pa la don 'di 'dri bar sems pa ni kun 
tu dpa' ba legs so legs so/ /kun tu dpa' ba khyod de'i phyir legs par rab tu nyon la yid la zung shig dang ngas khyod la bshad do/ /bcom ldan 'das de de bzhin no zhes gsol nas byang chub sems dpa' sems dpa' chen po kun tu dpa' ba bcom ldan 'das kyi ltar nyan pa dang / bcom ldan 
'das kyis de la 'di skad ces bka' stsal to/ /kun tu dpa' ba zung zhes bya ba'i chos kyi rnam grangs gang da ltar yang 'dzam bu'i gling du spyod pa zhig yod de/ gang la la zhig zung gi chos kyi rnam grangs 'di thos na de'i mtshams med pa lnga'i las rnams byang zhing bla na med pa yang dag par rdzogs pa'i byang 
chub las phyir mi ldog par 'gyur ro/ /kun tu dpa' ba 'di ji snyam du sems/ gang dag gis zung gi mdo 'di thos pa de dag de bzhin gshegs pa gcig gi bsod nams kyi phung po ji snyed pa de snyed bskyed par 'gyur ro snyam na yang kun tu dpa' ba de ltar mi blta'o/ /kun tu dpa' bas gsol pa/ 
'o na ji ltar blta bar bgyi/ bcom ldan 'das kyis bka' stsal pa/ kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed rnams kyi bsod nams kyi phung po ji snyed par byang chub sems dpa' sems dpa' chen po de dag gi bsod 
nams kyi phung po yang de snyed bskyed par 'gyur ro/ /kun tu dpa' ba gang dag chos kyi rnam grangs 'di thos pa de dag thams cad ni phyir mi ldog par 'gyur ro/ /de dag thams cad ni de bzhin gshegs pa mthong bar 'gyur ro/ /de dag thams cad ni de bzhin gshegs pa mthong ba dang mi 'bral bar 
'gyur ro/ /de dag thams cad ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de dag thams cad kyis dge ba'i chos gang dag 'thob par 'gyur ba de dag la bdud sdig can gyis mi rdzi bar 'gyur ro/ /kun tu dpa' ba gang dag zung gi mdo 'di thos pa de dag 

</font><hr>48-1-228b<br><font size=+1>

thams cad skye ba dang 'gag pa shes par 'gyur ro/ /de nas byang chub sems dpa' de dag thams cad de'i tshe stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das la zhus pa/ bcom ldan 'das de bzhin gshegs pa 
gcig gi bsod nams kyi phung po ji snyed cig mchis/ bcom ldan 'das kyis bka' stsal pa/ rigs kyi bu dag sangs rgyas gcig gi bsod nams kyi phung po'i tshad nyon cig 'di lta ste/ dper na rgya mtsho chen po'i chu'i thigs pa dang / 'dzam bu'i gling gi rdul phra rab ji snyed pa dang / 
gang gA'i klung gi bye ma dang mnyam pa de dag thams cad sa bcu la gnas pa'i byang chub sems dpar gyur pa'i byang chub sems dpa' de dag thams cad kyi bsod nams kyi phung po bas ni sangs rgyas gcig gi bsod nams kyi phung po ches mang ngo / /gang zung gi chos kyi rnam grangs 'di thos pa'i sems can 
rnams ni bsod nams kyi phung po de bas kyang ches mang du bskyed par gyur te de'i bsod nams kyi phung po ji snyed pa ni bgrang ba'i tshul gyis mtha' rtogs par mi nus so/ /kun tu dpa' ba de'i tshe de'i dus na gang tshig 'di thos nas spro ba chen por 'gyur ba de ni bsod nams kyi phung po dpag tu med pa bskyed par 
'gyur ro/ /de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das sems can gang chos kyis yongs su skom par 'gyur ba de dag gang lags/ de skad ces gsol pa dang / bcom ldan 'das kyis byang 
chub sems dpa' sems dpa' chen po kun tu dpa' ba la 'di skad ces bka' stsal to/ /kun tu dpa' ba sems can gnyis po 'di dag ni chos kyis yongs su skom pa yin te/ gnyis gang zhe na/ kun tu dpa' ba 'di lta ste/ gcig ni sems can thams cad la sems mnyam pa'o/ /
kun tu dpa' ba gnyis pa ni gang chos thos nas sems can thams cad la mtshungs par yang dag par rab tu ston pa'o/ /byang chub sems dpa' kun tu dpa' bas gsol pa/ bcom ldan 'das chos thos nas sems can thams cad la mtshungs par yang dag par rab tu ston pa gang lags/

</font><hr>48-1-229a<br><font size=+1>

bcom ldan 'das kyis bka' stsal pa/ kun tu dpa' ba gcig ni chos thos nas byang chub tu yongs su bsngo ste/ nam byang chub tu yongs su bsngo ba de na sems can thams cad kyi phyir chos kyis yongs su skom pa yin no/ /kun tu dpa' ba gnyis pa ni gang theg pa chen po la 
'jug pa ste/ rtag tu yang chos kyis yongs su skom pa yin no/ /de nas lha dang / klu dang / mi dang / lha'i bu mo bye ba stan las langs nas bcom ldan 'das kyi spyan sngar thal mo sbyar te/ bcom ldan 'das la 'di skad ces gsol to/ /bcom ldan 'das bdag cag kyang chos kyis yongs 
su skom zhing mchis na/ bcom ldan 'das bdag cag dang sems can thams cad kyi bsam pa yongs su rdzogs par mdzad du gsol/de nas bcom ldan 'das kyis de'i tshe 'dzum pa mdzad do/ /de nas byang chub sems dpa' sems dpa' chen po kun tu dpa' ba stan las langs nas/ 
bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das 'dzum pa mdzad pa'i rgyu gang lags rkyen gang lags/ de nas bcom ldan 'das kyis byang chub sems dpa' sems dpa' chen po kun tu dpa' ba la 
bka' stsal pa/ kun tu dpa' ba sems can gang dag 'dir lhags nas bla na med pa yang dag par rdzogs pa'i byang chub mngon par rdzogs par 'tshang rgya ba de dag thams cad ni de bzhin gshegs pa'i spyod yul yongs su sgrub pa grub par 'gyur ro/ /byang chub sems dpa' kun tu dpa' 
bas gsol pa/ bcom ldan 'das rgyu gang dang rkyen gang gis na sems can 'dir lhags pa rnams bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das kyis bka' stsal pa/ kun tu dpa' ba khyod de bzhin gshegs pa la don 'di 'dri bar sems 
pa ni legs so legs so/ /kun tu dpa' ba de'i phyir 'di la yongs su bsngo ba'i khyad par nyon cig kun tu dpa' ba sngon byung ba 'das pa'i dus bskal pa grangs med par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen dpal zhes 

</font><hr>48-1-229b<br><font size=+1>

bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /kun tu dpa' ba de'i tshe de'i dus na nga bram ze'i khye'u zhig tu gyur te/ ngas 
sems can gang dag sangs rgyas kyi ye shes la so sor bkod pa de dag thams cad de'i tshe de'i dus na ri dgas su gyur nas/ ngas de'i tshe de'i dus na 'di skad du da ltar ri dgas gang la la sdug bsngal gyis yongs su gzir bar gyur pa de dag thams cad nga'i sangs rgyas kyi zhing du skye bar gyur cig  
de dag thams cad kyang bdag gis sangs rgyas kyi ye shes la so sor dgod par gyur cig ces smon lam btab ste/ ri dgas de dag gis kyang tshig de thos nas de bzhin du gyur cig ces de skad smras te/ kun tu dpa' ba dge ba'i rtsa ba des na sems can de dag 'dir lhags te/ bla na med pa yang dag par 
rdzogs pa'i byang chub mngon par rdzogs par 'tshang rgya bar 'gyur ro/ /de nas byang chub sems dpa' sems dpa' chen po kun tu dpa' bas bcom ldan 'das las spro ba chen po thos nas/ bcom ldan 'das la 'di skad ces gsol to/ /bcom ldan 'das sems can de dag gi tshe'i tshad ji srid cig 
thub par 'gyur/ bcom ldan 'das kyis bka' stsal pa/ sems can de dag gi tshe'i tshad ni bskal pa brgyad cu thub par 'gyur ro/ /byang chub sems dpa' kun tu dpa' bas gsol pa/ bcom ldan 'das bskal pa'i tshad ji tsam lags/ bcom ldan 'das kyis bka' stsal pa/ rigs 
kyi bu nyon cig 'di lta ste dper na mi la la zhig gis ra ba chu zheng du dpag tshad bcu gnyis la 'phang du dpag tshad gsum pa zhig brtsigs te/ ra ba de'i nang til gyi 'bru sha stag gis yongs su gang bar byas la/ de nas mi des lo stong 'das shing ra ba til gyi 'brus yongs su gang ba de las til 
gyi 'bru gcig phyi rol tu bor te/ de lta bu'i tshul du mi des til gyi 'bru de dag thams cad zad par byas la ra ba de'i rmang yang med gzhi yang med par gyur du zin kyang bskal pa ni zad par mi 'gyur ro/ /kun tu dpa' ba gzhan yang 'di lta ste/ dper na ri rngams su dpag tshad lnga bcu/ 'phang du dpag tshad bcu 

</font><hr>48-1-230a<br><font size=+1>

gnyis pa zhig yod la/ de nas mi la la zhig gis ri de'i ngos la khyim brtsigs te dus ring po lo brgya 'das shing ka shi ka'i ras kyis lan cig phyis te de ltar byas pas ri de zad par gyur du zin kyang bskal pa ni zad par mi 'gyur te/ kun tu dpa' ba bskal pa'i tshad ni de 
yin no/ /de nas byang chub sems dpa' sems dpa' chen po kun tu dpa' ba stan las langs te/ bcom ldan 'das la 'di skad ces gsol te/ bcom ldan 'das bsngo ba gcig gis kyang bsod nams kyi phung po mang du skyed pa ni 'di lta ste/ bde bar tshe'i tshad bskal pa brgyad cu thub par 'gyur 
na gang de bzhin gshegs pa'i bstan pa la bsnyen bkur shin tu mang por bgyid pa lta smos kyang ci 'tshal/ bcom ldan 'das kyis bka' stsal pa/ rigs kyi bu nyon cig /gang zung gi chos kyi rnam grangs thos pa de'i tshe'i tshad kyang bskal pa brgya khri bzhi stong thub par 'gyur na/ kun tu dpa' ba gang 
zung gi mdo yi ger 'drir 'jug pa dang / klog pa lta ci smos te/ kun tu dpa' ba de ni bsod nams kyi phung po rab tu mang po bskyed par 'gyur ro/ /kun tu dpa' ba sems dang ba gang zhig zung gi mdo la snying thag pa nas phyag 'tshal ba de ni bskal pa dgu bcu rtsa dgu tshe rabs dran par 'gyur ro/ /
bskal pa drug cu'i bar du 'khor los sgyur ba'i rgyal por 'gyur ro/ /tshe 'di la yang thams cad dga' bar 'gyur te/ kun tu dpa' ba de ni mtshon gyis 'chi ba'i dus byed par mi 'gyur/ dug gis 'chi ba'i dus byed par mi 'gyur ro/ /de la byad kyis tshugs par mi 'gyur ro/ /'chi khar yang sangs 
rgyas bye ba phrag dgu bcu rtsa dgu mngon sum du mthong bar 'gyur te/ kun tu dpa' ba sangs rgyas bcom ldan 'das de dag gis kyang de la skyes bu dam pa khyod kyis zung gi mdo'i chos kyi rnam grangs chen po legs par bshad pa thos pas bsod nams kyi phung po 'di skyes te/ sangs rgyas bcom ldan 'das bye ba phrag dgu 
bcu rtsa dgu po de dag gis kyang 'jig rten gyi khams so sor lung ston par 'gyur na/ kun tu dpa' ba gang zung gi mdo'i chos kyi rnam grangs chen po 'di mtha' dag rdzogs par rgya cher thos pa lta ci smos kyis ma 'jigs shig ces dbugs 'byin par 'gyur ro/ /de nas bcom ldan 'das la byang chub sems dpa' sems 

</font><hr>48-1-230b<br><font size=+1>

dpa' chen po kun tu dpa' bas 'di skad ces gsol to/ /bcom ldan 'das bdag gis kyang zung gi mdo'i chos kyi rnam grangs chen po mnyan par bgyi na/bcom ldan 'das bdag bsod nams kyi phung po ji tsam zhig bskyed par 'gyur/ bcom ldan 'das kyis bka' stsal pa/ kun tu 
dpa' ba sangs rgyas bcom ldan 'das gang gA'i klung gi bye ma dang mnyam pa rnams kyi bsod nams kyi phung po ji snyed par sems can de yang bsod nams kyi phung po de snyed bskyed par 'gyur ro/ /gsol pa/ bcom ldan 'das nam bdag gi zung gi mdo'i chos kyi rnam grangs chen po nyan pa de na/ 
bcom ldan 'das ngoms ma 'tshal to/ /bcom ldan 'das kyis bka' stsal pa/ kun tu dpa' ba khyod chos rnams kyis ngoms mi shes pa ni legs so legs so/ /kun tu dpa' ba nga yang chos rnams kyis ngoms mi shes na/ kun tu dpa' ba byis pa so so'i skye bo rnams kyis 
ngoms mi myong bar bya ba lta ci smos/ kun tu dpa' ba rigs kyi bu'am rigs kyi bu mo gang la la theg pa chen po la dad pa bskyed pa de bskal pa stong du log par ltung bar 'gro bar mi 'gyur/ bskal pa lnga stong du dud 'gror skye bar mi 'gyur/ bskal pa khri nyis stong du blo ngan par mi 'gyur 
bskal pa khri brgyad stong du mtha' 'khob tu skye bo'i nang du skye bar mi 'gyur/ bskal pa nyi khrir rab tu sbyin pa la dpa' bar 'gyur/ bskal pa nyi khri lnga stong du lha'i 'jig rten du skye bar 'gyur/ bskal pa sum khri lnga stong du tshangs par spyad pa spyod par 'gyur ro/ /de bskal pa bzhi khrir khyim gyis 
gnas nas 'byung bar 'gyur/ bskal pa lnga khrir chos 'dzin par 'gyur/ bskal pa drug khri lnga stong du 'chi ba rjes su dran pa sgom par 'gyur ro/ /kun tu dpa' ba rigs kyi bu'am/ rigs kyi bu mo de la sdig pa'i las cung zad kyang 'byung bar mi 'gyur ro/ /de la bdud sdig can gyis glags 
rnyed par mi 'gyur ro/ /nam du yang ma'i mngal du skye bar mi 'gyur ro/ /kun tu dpa' ba gang chos kyi rnam grangs 'di thos pa de dag ni gang dang gang du skye yang bskal pa grangs med pa dgu bcu rtsa lngar log par ltung bar 'gro bar mi 'gyur ro/ /bskal pa brgyad khrir thos pa 'dzin par 'gyur/ bskal 

</font><hr>48-1-231a<br><font size=+1>

pa stong du srog gcod pa spong bar 'gyur/ bskal pa dgu khri dgu stong du brdzun du smra ba spong bar 'gyur/ bskal pa khri sum stong du phra ma'i tshig spong bar 'gyur te/ kun tu dpa' ba gang chos kyi rnam grangs 'di thos pa'i sems can de dag ni rnyed par dka'o/ /de nas byang chub 
sems dpa' sems dpa' chen po kun tu dpa' ba stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom 
ldan 'das gang dag chos kyi rnam grangs 'di spong ba dag sdig pa'i las kyi phung po ji tsam zhig bskyed par 'gyur/ bcom ldan 'das kyis bka' stsal pa/ kun tu dpa' ba mang ngo / /gsol pa/ bcom ldan 'das sems can de dag sdig pa'i las kyi phung po ji tsam zhig bskyed par 'gyur/ 
bcom ldan 'das kyis bka' stsal pa/ kun tu dpa' ba kha rog kha rog nga la sdig pa'i las kyi phung po kun ma dri shig kun tu dpa' ba gang de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gnyis kyi bye ma snyed la gnod sems bskyed pa bas ni gang 
zung gi mdo la smod pa de de bas mi dge ba'i phung po ches mang du bskyed do/ /kun tu dpa' ba gang dag theg pa chen po la gnod pa'i sems bskyed pa de dag kyang de bas mi dge ba'i phung po ches mang du bskyed par 'gyur te/ kun tu dpa' ba sems can de dag ni tshig pa'o/ /tshig pa nyid do/ /kun tu 
dpa' bas gsol pa/ bcom ldan 'das sems can de dag ni thar bar bgyi mi nus lags sam/ bcom ldan 'das kyis bka' stsal pa/ kun tu dpa' ba de de bzhin te/ thar bar bya mi nus so/ /kun tu dpa' ba 'di lta ste/ dper na mi la la zhig gi mgo bcad la de la des sman 
sbrang rtsi'am/ khar 'am/ bu ram mam/ mar ram/ 'bru mar ram/ bsku ba'i sman gang yang rung ba zhig gis mgo la bskus na/ kun tu dpa' ba 'di ji snyam du sems/ sems can de slar ldang nus sam/ kun tu dpa' bas gsol pa/ bcom ldan 'das rngo mi thogs so/ /bcom 

</font><hr>48-1-231b<br><font size=+1>

ldan 'das kyis bka' stsal pa/ kun tu dpa' ba gzhan yang mi gzhan zhig kyang yod par gyur la/ des sems can gzhan la mtshon rnon pos btab na mtshon thang cig btab pas srog chod ma nus kyang / kun tu dpa' ba rma 'byung bar 'gyur te/ sman gyis sbyar na de'i rma 'tsho bar 'gyur ro/ /nam 
sos par gyur pa de na sdug bsngal dran nas da ni bdag gis shes kyis lan 'ga' yang sdig pa mi dge ba'i las mngon par 'du bya ba mi bya'o/ /snyam du sems pa de bzhin du kun tu dpa' ba mi de nam sdug bsngal dran pa de na sdig pa thams cad yongs su spong ngo / /de'i tshe chos thams cad mngon 
sum du byed par 'gyur ro/ /chos thams cad mngon sum du byas nas de'i tshe dge ba'i chos thams cad yongs su rdzogs par byed par 'gyur ro/ /kun tu dpa' ba 'di lta ste/ dper na mi zhig shi ba'i pha ma mya ngan byed cing smre sngags 'don kyang de la skyabs byed nus pa med pa de bzhin du kun tu 
dpa' ba byis pa so so'i skye bo'i sems can rnams kyang bdag la phan pa dang / gzhan la phan pa byed mi nus te/ pha ma de re thag chad pa bzhin du sems can de dag rnams kyang 'chi ba'i dus kyi tshe re thag chad par 'gyur ro/ /kun tu dpa' ba gnyis po 'di dag ni sems can rnams kyi re thag chad pa yin 
te/ gnyis gang zhe na/ 'di lta ste/ gcig ni sems can sdig pa byed pa'am/ byed du 'jug pa'o/ /mi cig shos ni dam pa'i chos spong ba ste/ gnyis po de dag ni sems can rnams 'chi ba'i dus kyi tshe re thag chad pa'o/ /byang chub sems dpa' kun tu dpa' bas gsol pa/ bcom 
ldan 'das sems can de dag gi 'gro ba gang lags/ tshe slad ma gang lags/ bcom ldan 'das kyis bka' stsal pa/ kun tu dpa' ba sems can dam pa'i chos la smod pa rnams kyi 'gro ba ni mtha' yas te/ tshe phyi ma yang mtha' yas so/ /kun tu dpa' ba dam pa'i chos spong 
ba'i sems can de dag ni bskal par sems can dmyal ba chen po ngu 'bod du tshor ba myong bar 'gyur ro/ /bskal par bsdus gzhom dang / bskal par tsha ba dang / bskal par rab tu tsha ba dang / bskal par sems can dmyal ba chen po thig nag dang / bskal par sems can dmyal ba 

</font><hr>48-1-232a<br><font size=+1>

chen po mnar med pa dang / bskal par sems can dmyal ba chen po spu zing zhes byed pa dang / bskal par sems can dmyal ba chen po kyi hud zer ba dang / kun tu dpa' ba sems can dmyal ba chen po brgyad po de dag tu bskal pa brgyad kyi bar du sdug 
bsngal myong bar 'gyur ro/ /de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das sdug bsngal lags so/ /bde bar gshegs pa sdug bsngal lags so/ /nyan par mi spro'o/ /de nas 
bcom ldan 'das kyis de'i tshe tshigs su bcad pa 'di dag bka' stsal to/ /sems can dmyal bar sems can rnams/ /ji ltar sdug bsngal rab tshor myong / /'jigs pa chen po'i tshig 'di la/ /khyod ni nyan par spro ma yin/ /gang zhig dge ba'i las byed pa/ /
de ni dge bar 'gyur ba yin/ /gang zhig mi dge'i las byed pa/ /de yang sdug bsngal nyid du 'gyur/ /gang zhig bde rgyu mi shes pa/ /skyes nas 'chi ba'i sdug bsngal dang / /mya ngan bcings pa'i sdug bsngal gyis/ /byis pa rtag tu sdug bsngal lo/ /gang dag sangs rgyas 
mchog dran pa/ /mkhas pa rnams ni bde ba yin/ /theg pa che la dad pa yang / /de dag ngan 'gror 'gro mi 'gyur/ /kun tu dpa' ba de bzhin du/ /sngon gyi las kyis rab bskul nas/ /las ni chung ngu byas pa yang / /'bras bu mtha' yas spyod par 'gyur/ /sangs rgyas 
zhing gi zhing mchog tu/ /sa bon btab na 'bras bu che/ /ji ltar sa bon nyung btab las/ /'bras bu mang por spyod pa bzhin/ /rgyal ba'i bstan la dga' byed pa/ /mkhas pa rnams ni bde bar 'gyur/ /sdig pa dag ni rnam par spong / /dge ba dag kyang mang du byed/ /gang dag 
nga yi bstan pa la/ /sbyin pa skra tsam byin pa ni/ /bskal pa stong phrag brgyad cu ru/ /longs spyod che zhing nor yang mang / /gang dang gang du skyes par yang / /de dag rtag tu sbyin pa can/ /de ltar sangs rgyas sbyin pa'i gnas/ /zab mo de ni 'bras bu che/ /de nas bcom ldan 'das la 

</font><hr>48-1-232b<br><font size=+1>

byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das ji ltar bcom ldan 'das kyis bstan pa'i chos 'tshal bar bgyi/ bcom ldan 'das ji ltar na zung gi mdo'i chos kyi rnam grangs thos nas dge ba'i rtsa ba yongs su 'dzin par 'gyur/ bcom 
ldan 'das kyis bka' stsal pa/ kun tu dpa' ba gang gis de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gnyis kyi bye ma snyed dag la bde ba'i yo byad thams cad kyis bsnyen bkur byas pa ltar gang gis zung gi mdo'i chos kyi rnam grangs 'di nyan 
pa de'i bsod nams kyi phung po yang de bzhin du shes par bya'o/ /byang chub sems dpa' kun tu dpa' bas gsol pa/ bcom ldan 'das ji ltar dge ba'i rtsa ba yongs su rdzogs par bgyi/ de skad ces gsol pa dang / bcom ldan 'das kyis byang chub sems dpa' sems dpa' chen 
po kun tu dpa' ba la 'di skad ces bka' stsal to/ /gang dge ba'i rtsa ba de ni de bzhin gshegs pa dang mtshungs par shes par bya'o/ /dge ba'i rtsa ba de de bzhin gshegs pa dang mtshungs par 'tshal bar bgyi ba gang lags/ bcom ldan 'das kyis bka' stsal pa/ kun tu dpa' ba chos 
smra ba de ni de bzhin gshegs pa dang mtshungs par shes par bya'o/ /kun tu dpa' bas gsol pa/ bcom ldan 'das chos smra ba gang lags/ bcom ldan 'das kyis bka' stsal pa/ gang zung gi mdo sgrogs pa de ni chos smra ba'o/ /kun tu dpa' bas gsol pa/ bcom ldan 'das gang 
dag zung gi mdo'i chos kyi rnam grangs thos pa de dag kyang 'di lta bu'i bsod nams kyi phung po bskyed par 'gyur na/ gang dag yi ger 'dri ba dang klog pa lta ci smos te/ de dag bsod nams kyi phung po ji tsam zhig bskyed par 'gyur/ bcom ldan 'das kyis bka' stsal pa/ kun tu dpa' ba nyon cig 'di 
lta ste/ dper na phyogs bzhi'i phyogs re rer yang de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gnyis kyi bye ma snyed dag bskal pa bcu gnyis kyi bar du bzhugs shing chos ston te/ zung gi mdo 'di yi ger 'dri ba de'i bsod nams kyi phung po brjod kyang de'i bsod 

</font><hr>48-1-233a<br><font size=+1>

nams kyi phung po'i mtha' rtogs par ram tshig gis brjod par mi nus so/ /sangs rgyas bcom ldan 'das gang gA'i klung bzhi bcu rtsa brgyad kyi bye ma snyed kyis kyang yi ger 'dri ba'i bsod nams kyi phung po de brjod par mi nus na/ gang yi ger 'dri ba dang / sems pa dang / klog 
pa de dag chos kyi gter du 'gyur ba lta ci smos/ byang chub sems dpa' kun tu dpa' bas gsol pa/ bcom ldan 'das klog pa'i bsod nams kyi phung po ji tsam du 'gyur/ de nas bcom ldan 'das kyis de'i tshe tshigs su bcad pa 'di dag bka' stsal to/ /tshig bzhi tshigs su bcad pa 
tsam/ bklags pa rnams kyi dge ba gang / /gang gA brgyad cu rtsa bzhi yi/ /bye ma snyed kyi rgyal ba yis/ /'di na zung gi mdo bklags pa/ /de dag bsod nams gang yod pa/ /rgyun mi 'chad par brjod gyur kyang / /bsod nams de ni zad mi 'gyur/ /sangs rgyas rnams kyi chos bstan pa/ /
rnyed par dka' zhing mtha' yas so/ /yang de'i tshe de'i dus na lha bye ba khrag khrig brgya stong phrag brgyad cu rtsa bzhis zung gi mdo'i chos kyi rnam grangs bstan pa ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das gang gi slad du chos kyi 
gter 'di lta bu bcom ldan 'das kyis 'dzam bu'i gling 'dir bzhag pa ni legs so legs so/ /gzhan gcer bu pa bye ba khrag khrig brgya stong phrag bco brgyad bcom ldan 'das ga la ba der lhags nas/ bcom ldan 'das la 'di skad ces gsol to/ /kye dge sbyong gau ta ma ni rgyal lo/ /
bcom ldan 'das kyis bka' stsal pa/ de bzhin gshegs pa ni rtag tu rgyal lo/ /kye mu stegs can gcer bu can dag mu stegs can khyed rnams ji ltar rgyal bar 'gyur/ de dag gis smras pa rgyal bar mdzod/ dge sbyong gau ta ma ni rgyal bar mdzod/ bcom ldan 'das kyis bka' stsal 
pa/ ngas khyed rnams la rgyal ba ma mthong ngo / /khyed ni phyin ci log gnas na/ /ji lta bur ni rgyal bar 'gyur/ /gcer bu khyed rnams nyon cig dang / /khyed la phan pa brjod par bya/ /byis pa'i blo la bde ba med/ /khyed cag rgyal bar ga la 'gyur/ /ngas ni sangs rgyas spyan gyis su/ /

</font><hr>48-1-233b<br><font size=+1>

zab mo'i lam yang bstan par bya/ /de nas gcer bu pa de dag bcom ldan 'das la khros pas ma dad pa'i sems skyed do/ /de'i tshe de'i dus na lha'i dbang po brgya byin gyis rdo rje gsor ba dang / de nas gcer bu pa bye ba phrag bco brgyad po de dag sngangs skrag nas sdug bsngal chen pos nyam 
thag ste ngu zhing mchi ma zag pa dang / de bzhin gshegs pas kyang sku mi snang bar mdzad do/ /de nas gcer bu pa de dag ngu zhing gdong mchi mas gang bas bcom ldan 'das ma mthong nas tshigs su bcad pa 'di dag smras so/ /'di na dpung gnyen su yang med/ /de bzhin pha med ma 
yang med/ /'brog dgon bzhin du rab tu mthong / /khang pa stong pa gnas med do/ /'di na chu yang ma yod do/ /shing yang med cing bya yang med/ /'di na skye bo ma mthong ste/ /mgon med sdug bsngal tshor ba ni/ /de bzhin gshegs pa ma mthong bas/ /mi bzad chen po myong bar gyur/ /
yang de'i tshe na gcer bu pa bye ba phrag bco brgyad po de dag stan las langs te pus mo gnyis sa la btsugs nas sgra 'byin cing dbyangs kyis go bar byed do/ /de bzhin gshegs pa thugs rje can/ /rdzogs pa'i sangs rgyas rkang gnyis mchog /bdag cag rnams la phan pa mdzod/ /'gro 
ba nyam thag bskyab tu gsol/ /de nas bcom ldan 'das kyis 'dzum pa mdzad nas byang chub sems dpa' kun tu dpa' ba la bka' stsal pa/ kun tu dpa' ba song la gzhan mu stegs can gcer bu pa rnams la chos shod cig /de skad ces bka' stsal pa dang / bcom ldan 'das 
la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das ri nag po ni ri rab ri'i rgyal po la gor ma bkum par rtse mo 'dud na de bzhin gshegs pa bzhugs bzhin du bdag gis ji ltar chos bstan par bgyi/ bcom ldan 'das kyis 
bka' stsal pa/ kha rog rigs kyi bu de bzhin gshegs pa rnams kyi thabs mkhas pa gang gis kun tu dpa' ba song la phyogs bcu'i 'jig rten gyi khams su ltos te de bzhin gshegs pa ga la snang ba dang / de bzhin gshegs pa'i gdan gang du bting ba ltos shig dang / kun tu dpa' ba nga nyid 

</font><hr>48-1-234a<br><font size=+1>

kyis gzhan mu stegs can gcer bu rnams la chos bstan par bya'o/ /byang chub sems dpa' kun tu dpa' bas gsol pa/ bcom ldan 'das rang gi rdzu 'phrul gyis sam/ 'on te de bzhin gshegs pa'i rdzu 'phrul gyi mthus sam/ su'i rdzu 'phrul gyi mthus mchi bar 
bgyi/ bcom ldan 'das kyis bka' stsal pa/ kun tu dpa' ba rang gi rdzu 'phrul gyi stobs kyi byin gyi rlabs kyis song shig /kun tu dpa' ba de bzhin gshegs pa'i mthus ni phyir shog shig /de nas byang chub sems dpa' kun tu dpa' ba stan las langs nas/ bcom ldan 'das 
la bskor ba byas te de nyid du mi snang bar gyur to/ /de nas bcom ldan 'das kyis gzhan mu stegs can de dag la chos bstan pa/ grogs po dag skye ba ni sdug bsngal ba yin te skye ba nyid kyang sdug bsngal ba'o/ /skyes nas sdug bsngal gyi 'jigs pa mang du 'byung ngo / /skyes nas nad kyi 
'jigs pa rnams 'byung ngo / /nad las rga ba'i 'jigs pa rnams 'byung ngo / /rgas pa las 'chi ba'i 'jigs pa rnams 'byung ngo / /bcom ldan 'das skyes pa las skye ba'i 'jigs pa skye bar 'gyur zhes bgyi ba gang lags/ mir skyes nas 'jigs pa mang du 'byung ste/ rgyal po'i 
'jigs pa 'byung ngo / /rkun po'i 'jigs pa 'byung ngo / /me'i 'jigs pa 'byung ngo / /dug gi 'jigs pa 'byung ngo / /chu'i 'jigs pa 'byung ngo / /rlung gi 'jigs pa 'byung ngo / /klong 'khyil ba'i 'jigs pa 'byung ngo / /rang gis byas pa'i las rnams kyi 'jigs pa 'byung ngo / /
bcom ldan 'das kyis skye ba'i gleng gzhi de lta bu rnam pa mang pos chos bstan pa dang / de'i tshe de'i dus na gzhan mu stegs can gcer bu pa de dag rab tu skrag par gyur nas bdag cag ni phyin cad skye ba la nam yang mi mos so zhes de skad smras so/ /bcom ldan 'das kyis zung gi mdo'i chos kyi rnam grangs 
'di bshad pa na/ gzhan mu stegs can gcer bu pa bye ba phrag bco brgyad po de dag bla na med pa yang dag par rdzogs pa'i byang chub yongs su rdzogs par gyur to/ /rang gi 'khor las kyang byang chub sems dpa' stong phrag bco brgyad sa bcu la rab tu gnas par gyur nas thams cad kyis kyang rdzu 

</font><hr>48-1-234b<br><font size=+1>

'phrul gyis rnam par 'phrul pa 'di lta ste/ rta'i gzugs dang / glang po che'i gzugs dang / stag gi gzugs dang / nam mkha' lding gi gzugs dang / ri rab kyi gzugs dang / g.yung drung ris lta bu'i gzugs dang / la la dag ni shing ljon pa'i gzugs su ston cing thams 
cad kyang pad ma'i khri la skyil mo krung du 'khod do/ /byang chub sems dpa' bye ba stong phrag dgu ni bcom ldan 'das kyi g.yas rol na 'khod/ byang chub sems dpa' bye ba stong phrag dgu ni bcom ldan 'das kyi g.yon rol na 'khod cing de bzhin gshegs pa ni rtag tu mnyam par bzhag ste/ 
thabs mkhas pas chos ston par snang ngo / /zhag bdun pa'i nyin mo de bzhin gshegs pa phyag gi mthil brkyang ste/ bcom ldan 'das kyis byang chub sems dpa' sems dpa' chen po kun tu dpa' ba pad ma bla ma'i 'jig rten gyi khams nas 'dir 'ong bar mkhyen to/ /byang chub 
sems dpa' sems dpa' chen po kun tu dpa' ba rnams 'gro ba de na rang gi rdzu 'phrul gyi stobs kyi byin gyi rlabs kyis pad ma bla ma'i 'jig rten gyi khams der nyin zhag bdun gyis phyin to/ /nam bcom ldan 'das kyis phyag brkyang ba de'i tshe byang chub sems dpa' kun tu dpa' ba bcom 
ldan 'das kyi spyan sngar 'dug ste/ bcom ldan 'das la lan gsum bskor ba byas nas/ bcom ldan 'das la sems dang zhing bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag 
phyogs bcu'i 'jig rten gyi khams thams cad du mchis na/ bcom ldan 'das bdag gis rdzu 'phrul gcig gis ni sangs rgyas kyi zhing bye ba stong phrag dgu bcu rtsa dgu dang / rdzu 'phrul gnyis kyis ni bcom ldan 'das bye ba stong mthong ste/ gdugs bdun pa la pad ma bla ma'i 
'jig rten gyi khams su phyin nas de'i bar na sangs rgyas kyi zhing mi 'khrugs pa bye ba brgya stong dag kyang mthong ste/ bcom ldan 'das de nas gdod sangs rgyas bcom ldan 'das rnams kyi rdzu 'phrul dang / sangs rgyas kyi zhing bye ba stong phrag dgu bcu rtsa gnyis dag na de bzhin gshegs pa 

</font><hr>48-1-235a<br><font size=+1>

chos ston pa dang / de nyid kyi gdugs la sangs rgyas kyi zhing bye ba stong phrag brgyad cu dag na de bzhin gshegs pa dgra bcom pa yang dag par rdzogs pa'i sangs rgyas bye ba stong phrag brgyad cu 'jig rten du byung ba mthong ste/ de bzhin gshegs pa de dag thams cad la phyag bgyis nas 
slar mchis so/ /bcom ldan 'das de nyid kyi gdugs la sangs rgyas kyi zhing bye ba stong phrag sum cu rtsa dgu 'das nas/ sangs rgyas kyi zhing bye ba stong phrag sum cu rtsa dgu po de dag thams cad na yang byang chub sems dpa' bye ba stong phrag sum cu rtsa dgu byung ste/ de nyid kyi gdugs la bla na med 
pa yang dag par rdzogs pa'i byang chub mngon par rdzogs par sangs rgyas te/ bcom ldan 'das de bzhin gshegs pa dgra bcom pa yang dag par rdzogs par sangs rgyas de dag la lan gsum bskor ba bgyis pa dang rdzu 'phrul gyis mi gda' bar gyur to/ /bcom ldan 'das sangs rgyas kyi 
zhing bye ba phrag drug cu rnams su yang sangs rgyas bcom ldan 'das dag mthong ste/ bcom ldan 'das sangs rgyas kyi zhing de dag dang / sangs rgyas bcom ldan 'das de dag la bdag gis phyag bgyis nas bdag thal byung mchis so/ /bcom ldan 'das sangs rgyas kyi zhing gzhan bye ba phrag 
brgyad na yang de bzhin gshegs pa yongs su mya ngan las 'da' bar mdzad pa rnams mthong ste/ bdag gis de bzhin gshegs pa de dag la yang phyag bgyis nas thal byung mchis so/ /bcom ldan 'das gzhan yang bdag gis sangs rgyas kyi zhing bye ba phrag dgu bcu rtsa lnga dag na dam pa'i chos 
nub pa mthong nas bcom ldan 'das bdag de la bsam pa skyes pa dang mchi ma shor to/ /gzhan yang lha dang / klu dang / gnod sbyin dang / srin po dang / 'dod pa'i gzugs can mang po dag ngu zhing mya ngan gyi zug rngu chen pos zug pa yang mthong ste/ de bzhin du bcom ldan 'das gzhan yang 
sangs rgyas kyi zhing rgya mtsho dang bcas pa/ ri rab dang bcas pa/ sa phyogs dang bcas pa ma lus pa thams cad tshig pa de la yang phyag bgyis nas re thag chad par gyur te mchis so/ /bcom ldan 'das bdag pad ma bla ma'i 'jig rten gyi khams su ma phyin gyi bar der bcom ldan 'das khri 

</font><hr>48-1-235b<br><font size=+1>

bshams pa bye ba brgya stong phrag lnga yang mthong ste/ lho phyogs na khri bshams pa bye ba brgya stong dang / byang phyogs na khri bshams pa bye ba brgya stong dang / shar phyogs na khri bshams pa bye ba brgya stong dang / nub phyogs na khri bshams pa bye ba brgya stong dang / steng gi phyogs na khri bshams 
pa bye ba brgya stong mthong ste/ bcom ldan 'das khri bshams pa de dag kyang rin po che sna bdun las bgyis pa sha stag ste/ khri de dag thams cad la yang de bzhin gshegs pa bzhugs shing chos ston te/ bcom ldan 'das de la bdag ngo mtshar du gyur nas de bzhin gshegs pa de dag la bcom 
ldan 'das 'jig rten gyi khams 'di'i ming ci zhes zhus pa dang / de bzhin gshegs pa de dag gis bka' stsal pa/ rigs kyi bu 'jig rten gyi khams 'di ni pad ma bla ma zhes bya'o/ /bcom ldan 'das de nas bdag gis de bzhin gshegs pa de dag la bskor ba bgyis nas sangs rgyas 
kyi zhing 'di'i de bzhin gshegs pa'i mtshan ci zhes zhus pa dang / de dag gis bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas pad ma'i snying po zhes bya ste/ sangs rgyas kyi zhing 'di na sangs rgyas kyi bya ba byed do/ /de la bdag gis 
'di skad ces gsol to/ /sangs rgyas bye ba brgya stong mang po zhig kyang gda' na pad ma'i snying po zhes bgyi ba'i de bzhin gshegs pa dgra bcom pa yang dag par rdzogs pa'i sangs rgyas de ma 'tshal na de gang lags/ bcom ldan 'das des bka' stsal pa/ rigs kyi bu de bzhin 
gshegs pa dgra bcom pa yang dag par rdzogs pa'i sangs rgyas pad ma'i snying po zhes bya ba de ngas khyod la bstan to/ /de nas de bzhin gshegs pa de dag thams cad kyi sku ni mi gda' bar gyur gyi byang chub sems dpa'i gzugs sha stag tu gda' ste/ de bzhin gshegs pa gcig 
pu zhig gda' nas bdag gis de bzhin gshegs pa de'i zhabs la mgo bos phyag 'tshal te der mchis pa dang / khri yang byung bar gyur nas khri de la mchis pa dang / bcom ldan 'das de'i tshe khri du ma zhig byung nas khri de dag la su yang mchis par ma mthong nas bdag gis de bzhin gshegs 

</font><hr>48-1-236a<br><font size=+1>

pa de la bcom ldan 'das khri 'di dag la sems can 'ga' yang ma mchis ma mthong ngo zhes gsol pa dang / bcom ldan 'das des bka' stsal pa/ sems can dge ba'i rtsa ba ma bskyed pa rnams ni khri 'di dag la 'dug pa'i mthu med do/ /gsol pa/ bcom ldan 'das 
dge ba'i rtsa ba ci zhig bskrun na khri de dag la mchis par 'gyur/ bcom ldan 'das des bka' stsal pa/ rigs kyi bu nyon cig sems can gang dag zung gi mdo'i chos kyi rnam grangs thos pa de dag dge ba'i rtsa ba des khri de dag la 'dug par 'gyur te/ gang dag yi ger 'dri ba dang / klog pa 
lta ci smos/ kun tu dpa' ba khyod kyis zung gi mdo'i chos kyi rnam grangs thos pas khyod khri 'di la 'dug par gyur gyi de lta ma yin na khyod sangs rgyas kyi zhing 'di'i nang du chud par ga la 'gyur/ bcom ldan 'das des de skad ces bka' stsal pa dang / bcom ldan 'das de la bdag gis 'di skad  
ces gsol to/ /bcom ldan 'das gang zung gi mdo'i chos kyi rnam grangs 'di thos pa de bsod nams kyi phung po ji tsam zhig bskyed par 'gyur/ de nas bcom ldan 'das pad ma'i snying po de bzhin gshegs pa 'dzum pa mdzad pa dang / bcom ldan 'das de ci'i slad du 'dzum pa mdzad pa 
bdag gis bcom ldan 'das de la zhus pa/ bcom ldan 'das rgyu gang dang ji zhig gi slad du de bzhin gshegs pa 'dzum pa mdzad/ bcom ldan 'das des bka' stsal pa/ rigs kyi bu byang chub sems dpa' sems dpa' chen po kun tu dpa' ba mthu chen po thob pa nyon cig /'di 
lta ste/ dper na la la zhig gling bzhi la dbang ba'i 'khor los sgyur ba'i rgyal por gyur la/ des gling bzhi'i zhing rnams la til btab na/ kun tu dpa' ba 'di ji snyam du sems/ de'i sa bon mang du skye ba yin nam/ kun tu dpa' bas gsol pa/ bcom ldan 'das mang lags 
so/ /bde bar gshegs pa mang lags so/ /bcom ldan 'das kyis bka' stsal pa/ kun tu dpa' ba de las sems can la la zhig gis til gyi 'bru de dag phung po gcig tu byas la mi gzhan zhig gis til gyi 'bru'i phung po de las til gyi 'bru re re nas blangs te phyogs gzhan du 

</font><hr>48-1-236b<br><font size=+1>

'jog na/ kun tu dpa' ba 'di ji snyam du sems/ sems can des til gyi 'bru de dag bgrang ba'am dpe bya nus sam/ byang chub sems dpa' kun tu dpa' bas gsol pa/ bcom ldan 'das de ma lags so/ /bde bar gshegs pa de ma lags so/ /til gyi 'bru de dag bgrang 
ba'am/ dpe bgyi bar rngo mi thogs so/ /kun tu dpa' ba de bzhin du zung gi mdo'i chos kyi rnam grangs kyi bsod nams kyi phung po ni de bzhin gshegs pa ma gtogs par gzhan gyis dpe bya bar mi nus so/ /kun tu dpa' ba 'di lta ste dper na/ til gyi 'bru de dag ji snyed pa de snyed du de bzhin 
gshegs par gyur la/ de dag thams cad kyis zung gi chos kyi rnam grangs thos pa'i dge ba'i rtsa ba'i bsod nams yongs su brjod kyang dpes kyang bsod nams zad par mi 'gyur na/ gang yi ge 'dri ba dang / klog pa dang / 'drir 'jug pa lta ci smos/ byang chub sems dpa' kun tu 
dpa' bas gsol pa/ bcom ldan 'das yi ger 'dri bas bsod nams ci tsam zhig skyed par 'gyur/ bcom ldan 'das kyis bka' stsal pa/ rigs kyi bu nyon cig /gang stong gsum gyi stong chen po'i 'jig rten gyi khams kyi rtswa 'am shing de dag thams cad sor gcig tsam du gtubs 
pa dang / kun tu dpa' ba dper bya ba gnyis kyang nyon cig /stong gsum gyi stong chen po'i 'jig rten gyi khams kyi rdo'am g.yang sa'am/ sa'am rdul phra rab ji snyed pa de dag thams cad gling bzhi la dbang ba'i 'khor los sgyur ba'i rgyal por gyur na de dag gi bsod nams de dpe bya bar nus 
sam/ kun tu dpa' bas gsol pa/ bcom ldan 'das de ma lags so/ /gzhan du na de bzhin gshegs pa ni ma gtogs so/ /kun tu dpa' ba de bzhin du zung gi mdo'i chos kyi rnam grangs yi ger 'dri ba'i bsod nams kyi phung po yang dpe byar mi nus te/ 'khor los sgyur 
ba'i rgyal po ji snyed pa de dag gi bsod nams kyi phung po bas ni gang chos kyi rnam grangs 'di la tha na yi ge 'bru gcig tsam bris te 'jog pa de bsod nams kyi phung po ches mang du bskyed par 'gyur te/ bsod nams rab tu mang gi 'khor los sgyur ba'i rgyal po de dag ni de lta ma yin no/ /kun tu dpa' 

</font><hr>48-1-237a<br><font size=+1>

ba de bzhin du byang chub sems dpa' sems dpa' chen po theg pa chen po'i dam pa'i chos 'dzin cing bsgrub pa la gnas pa'i bsod nams de la ni 'khor los sgyur ba'i rgyal pos zil gyis gnon mi nus so/ /de bzhin du zung gi mdo'i chos kyi rnam grangs yi ger 'dri ba de'i bsod nams 
kyi phung po de la yang dpe bya bar mi nus so/ /kun tu dpa' ba zung gi mdo 'di ni bsod nams kyi gter ston pa'o/ /de ni nyon mongs pa thams cad zhi bar byed pa'o/ /chos thams cad kyi sgron ma 'bar bar byed pa'o/ /bdud sdig can thams cad pham par byed pa'o/ /byang chub sems 
dpa' thams cad kyi gnas rnam par 'bar bar byed pa'o/ /chos thams cad mngon par sgrub pa mngon par sgrub pa'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das 
'di la tshangs par spyod pa ni rab tu dka' ba spyod pa lags so/ /de ci'i slad du zhe na/ bcom ldan 'das de bzhin gshegs pa'i spyod pa ni dkon pa lags te/ de bzhin du tshangs par spyod pa yang dkon pa lags so/ /gang gi tshe tshangs par spyad pa spyod pa de'i tshe de bzhin gshegs pa 
mngon du mthong bar 'gyur te/ nyin mtshan du de bzhin gshegs pa mthong bar 'gyur ro/ /gang gi tshe de bzhin gshegs pa mngon sum du mthong zhing nyin mtshan du de bzhin gshegs pa la lta bar 'gyur ba de na sangs rgyas kyi zhing mthong ngo / /nam sangs rgyas kyi zhing mthong ba de na gter 
thams cad mthong ngo / /de 'gum pa'i dus kyi tshe skrag pa skye bar mi 'gyur/ nam du yang ma'i mngal du skye bar mi 'gyur/ nam du yang mya ngan can du mi 'gyur/ sred pa'i zhags pas bcings par mi 'gyur ro/ /de skad ces gsol pa dang / bcom ldan 'das kyis byang chub sems 
dpa' sems dpa' chen po kun tu dpa' ba la 'di skad ces bka' stsal to/ /kun tu dpa' ba de bzhin gshegs pa rnams 'byung ba ni rnyed par dka'o/ /gsol pa/ bcom ldan 'das rnyed par dka' lags so/ /bde bar gshegs pa rnyed par dka' lags so/ /bcom ldan 'das 

</font><hr>48-1-237b<br><font size=+1>

kyis bka' stsal pa/ kun tu dpa' ba de bzhin du zung gi mdo'i chos kyi rnam grangs 'di yang rnyed par dka'o/ /kun tu dpa' ba zung gi chos kyi rnam grangs 'di gang gi rna lam du grag par gyur pa de bskal pa brgyad cu'i bar du tshe rabs dran par 'gyur ro/ /bskal pa drug khri'i bar du 'khor los 
sgyur ba'i rgyal po 'thob par 'gyur ro/ /bskal pa brgyad stong gi bar du brgya byin thob par 'gyur ro/ /bskal pa nyi khri'i bar du gnas gtsang ma'i ris kyi lha rnams dang skal ba mnyam par skye bar 'gyur ro/ /bskal pa sum khri brgyad stong gi bar du tshangs pa chen por 'gyur ro/ /
bskal pa dgu khri dgu stong gi bar du log par ltung bar 'gro bar mi 'gyur ro/ /bskal pa 'bum gyi bar du yi dgas rnams kyi nang du skye bar mi 'gyur ro/ /bskal pa nyi khri brgyad stong gi bar du dud 'gro rnams kyi nang du skye bar mi 'gyur ro/ /bskal pa khri sum stong gi bar du lha ma 
yin gyi ris su skye bar mi 'gyur ro/ /mtshon gyis 'chi ba'i dus byed par mi 'gyur ro/ /bskal pa nyi khri lnga stong gi bar du shes rab 'chal par mi 'gyur ro/ /bskal pa bdun stong gi bar du shes rab spyod par 'gyur ro/ /bskal pa dgu stong gi bar du mdzes shing blta na sdug 
par 'gyur te/ de bzhin gshegs pa'i gzugs kyi sku yongs su grub pa ji lta ba de bzhin du 'gyur ro/ /bskal pa khri lnga stong gi bar du bud med du skye bar mi 'gyur ro/ /bskal pa khri drug stong gi bar du lus la nad kyis btab par mi 'gyur ro/ /bskal pa sum khri lnga stong gi bar 
du lha'i mig can du 'gyur ro/ /bskal pa khri dgu stong gi bar du klu'i skye gnas rnams su skye bar mi 'gyur ro/ /bskal pa drug khri'i bar du khro ba'i zil gyis non par mi 'gyur ro/ /bskal pa bdun stong gi bar du dbul po'i khyim du skye bar mi 'gyur ro/ /bskal pa brgyad khri'i 
bar du gling gnyis la spyod par 'gyur ro/ /nam dbul por 'gyur ba de na yang 'di 'dra ba'i bde ba rab tu 'thob ste/ bskal pa khri nyis stong gi bar du dmus long gi skye gnas su skye bar mi 'gyur ro/ /bskal pa khri sum stong gi bar du ngan song rnams su skye bar mi 'gyur ro/ /bskal pa 

</font><hr>48-1-238a<br><font size=+1>

khri chig stong gi bar du bzod pa smra bar 'gyur ro/ /'chi ba'i dus kyi tshe yang rnam par shes pa tha ma 'gag par 'gyur ba na/ 'du shes phyin ci log tu mi 'gyur ro/ /khro ba'i zil gyis non par mi 'gyur ro/ /des shar phyogs su sangs rgyas bcom ldan 'das gang gA'i 
klung bcu gnyis kyi bye ma snyed mthong bar 'gyur ro/ /lho phyogs su sangs rgyas bcom ldan 'das gang gA'i klung gi bye ma snyed bye ba nyi shu mngon sum du mthong bar 'gyur ro/ /nub phyogs su sangs rgyas bcom ldan 'das gang gA'i klung nyi shu rtsa lnga'i bye ma snyed mthong bar 'gyur ro/ /byang phyogs su sangs 
rgyas bcom ldan 'das gang gA'i klung brgyad cu'i bye ma snyed mngon sum du mthong bar 'gyur ro/ /steng gi phyogs su sangs rgyas bcom ldan 'das bye ba stong phrag dgu bcu mngon sum du mthong bar 'gyur ro/ /'og gi phyogs su sangs rgyas bcom ldan 'das gang gA'i klung bye ba phrag 
brgya'i bye ma snyed mngon sum du mthong bar 'gyur te de dag thams cad kyis kyang rigs kyi bu de la/ rigs kyi bu khyod kyis zung gi chos kyi rnam grangs thos pas tshe gzhan du yon tan dang / phan yon dang / bde ba 'di snyed du 'gyur gyis ma 'jigs shig /ces dbugs 'byin to/ /
kye rigs kyi bu khyod kyis de bzhin gshegs pa gang gA'i klung gi bye ma snyed bye ba khrag khrig brgya stong phrag mang po 'di mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /bka' stsal pa/ kye rigs kyi bu de bzhin gshegs 
pa de dag khyod la gzigs su byon to/ /gsol pa/ bdag gis dge ba'i las ci zhig bgyis na de bzhin gshegs pa mang po zhig bdag ga la mchis par byon/ bka' stsal pa/ rigs kyi bu nyon cig /khyod kyis mi'i lus thob ste zung gi chos kyi rnam grangs rna lam du 
thos pas de'i phyir khyod kyi bsod nams kyi phung po de snyed skyes so/ /gsol pa/ bcom ldan 'das bdag gi bsod nams kyi phung po yang de snyed du gyur na gang mtha' dag chub par thos pa lta smos kyang ci 'tshal/ bka' stsal pa/ kha rog kha rog kye rigs kyi bu tshig bzhi pa'i tshigs 

</font><hr>48-1-238b<br><font size=+1>

su bcad pa'i bsod nams brjod kyis nyon cig /rigs kyi bu 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gsum gyi bye ma snyed rnams kyi bsod nams kyi phung po bas kyang bsod nams kyi phung po ches mang du bskyed 
do/ /gang gis de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gsum gyi bye ma snyed la mchod pa bas ni gang gis zung gi chos kyi rnam grangs 'di las tshig bzhi pa'i tshigs su bcad pa tsam thos pa de yang bsod nams kyi phung po de 
bas ches mang du bskyed par 'gyur na/ gang mtha' dag chub par thos pa lta ci smos/ rigs kyi bu gang gis zung gi mdo'i chos kyi rnam grangs 'di mtha' dag chub par thos par 'gyur ba nyon cig /gang gis stong gsum gyi stong chen po'i 'jig rten gyi khams thams cad du til btab pa'i 
til gyi 'bru ji snyed pa de snyed kyi 'khor los sgyur ba'i rgyal por gyur la/ de nas skyes bu phyug cing nor mang la longs spyod chen po dang ldan pa 'ga' zhig yod de de nas skyes bu des 'khor los sgyur ba'i rgyal po de dag la sbyin pa byin pas ni gang gis rgyun du zhugs pa gcig la sbyin pa 
byin pa de ni bsod nams kyi phung po de bas ches mang du bskyed do/ /stong gsum gyi stong chen po'i 'jig rten gyi khams kyi sems can de dag thams cad rgyun du zhugs par gyur la/ gang gis de dag thams cad la sbyin pa byin pa'i bsod nams kyi phung po bas ni gang gis lan cig phyir 
'ong ba gcig la sbyin pa byin na bsod nams kyi phung po de bas ches mang du bskyed do/ /stong gsum gyi stong chen po'i 'jig rten gyi khams kyi sems can de dag thams cad lan cig phyir 'ong bar gyur la/ gang gis de dag thams cad la sbyin pa byin pa'i bsod nams kyi phung po bas ni 
gang gis phyir mi 'ong ba gcig la sbyin pa byin na de ni bsod nams kyi phung po de bas ches mang du bskyed do/ /stong gsum gyi stong chen po'i 'jig rten gyi khams kyi sems can de dag thams cad phyir mi 'ong bar gyur la gang gis de dag thams cad la sbyin pa byin pa'i bsod nams kyi phung po 

</font><hr>48-1-239a<br><font size=+1>

bas ni gang gis dgra bcom pa gcig la sbyin pa byin na de ni bsod nams kyi phung po de bas ches mang du bskyed do/ /stong gsum gyi stong chen po'i 'jig rten gyi khams kyi sems can de dag thams cad dgra bcom par gyur la/ gang gis de dag thams cad la sbyin pa byin pa'i 
bsod nams kyi phung po bas ni gang gis rang sangs rgyas gcig la sbyin pa byin na de ni bsod nams kyi phung po de bas ches mang du bskyed do/ /stong gsum gyi stong chen po'i 'jig rten gyi khams kyi sems can de dag thams cad rang sangs rgyas su gyur la/ gang gis de dag thams cad 
la sbyin pa byin pa'i bsod nams kyi phung po de bas ni gang gis byang chub sems dpa' gcig la sbyin pa byin na de ni bsod nams kyi phung po de bas ches mang du bskyed do/ /stong gsum gyi stong chen po'i 'jig rten gyi khams kyi sems can de dag thams cad byang chub sems dpar gyur la/ 
gang gis de dag thams cad la sbyin pa byin pa'i bsod nams kyi phung po bas ni gang de bzhin gshegs pa gcig la sems dang bar byed pa dang / stong gsum gyi stong chen po'i 'jig rten gyi khams de bzhin gshegs pas yongs su gang ba la gang sems dang bar byed pa dang / gang zung gi mdo'i 
chos kyi rnam grangs 'di thos par 'gyur ba de ni bsod nams kyi phung po de bas ches mang du bskyed na/ kun tu dpa' ba gang chos kyi rnam grangs 'di yi ger 'dri ba dang / 'dzin pa dang / klog pa dang / kun chub par byed pa lta ci smos/ kun tu dpa' ba chos kyi rnam grangs 'di la sems dang bas 
phyag 'tshal ba lta smos kyang ci dgos/ kun tu dpa' ba 'di ji snyam du sems/ byis pa so so'i skye bo thams cad kyis 'di thos par nus sam zhe na/ gang dag thos par gyur yang dad pa skye bar mi 'gyur ro/ /kun tu dpa' ba nyon cig /byis pa so so'i skye bo'i sems can rnams las gang 
dag rgya mtsho chen po'i gting rnyed par nus pa yod dam/ gsol pa/ bcom ldan 'das de ma mchis so/ /bka' stsal pa/ kun tu dpa' ba gang lag mthil gcig gis rgya mtsho zad par byed pa'i sems can 'ga' yod dam/ gsol pa/ bcom ldan 'das de ma mchis so/ /bde bar 

</font><hr>48-1-239b<br><font size=+1>

gshegs pa de ma mchis so/ /bka' stsal pa/ kun tu dpa' ba ji ltar rgya mtsho chen po skems nus pa'i sems can 'ga' yang med pa de bzhin du/ kun tu dpa' ba dman pa la mos pa'i sems can gang gis kyang chos kyi rnam grangs 'di nyan mi nus so/ /kun tu dpa' ba 
gang dag gis de bzhin gshegs pa bye ba phrag gang gA'i klung brgyad cu'i bye ma snyed ma mthong ba de dag gis ni zung gi chos kyi rnam grangs 'di yi ger 'dri mi nus so/ /gang dag de bzhin gshegs pa gang gA'i klung dgu bcu'i bye ma snyed mthong ba de dag gis ni chos kyi rnam grangs 'di nyan mi 
nus te/ gang gis de bzhin gshegs pa bye ba khrag khrig brgya stong ma mthong ba de dag gis ni chos kyi rnam grangs 'di thos nas spong bar 'gyur ro/ /kun tu dpa' ba gang dag de bzhin gshegs pa bye ba brgya phrag gang gA'i klung gi bye ma snyed mthong ba de dag ni chos kyi rnam grangs 'di thos 
na sems dang ba bskyed par 'gyur ro/ /dga' bar 'gyur ro/ /yang dag pa ji lta ba bzhin du shes par 'gyur te/ de zung gi chos kyi rnam grangs 'di la dad cing mi spong bar 'gyur ro/ /kun tu dpa' ba nyon cig /gang gis zung gi mdo 'di las tshig bzhi pa'i tshigs su bcad pa 
gcig tsam yi ger 'dri ba de dag ni 'jig rten gyi khams bye ba stong phrag dgu bcu rtsa lnga las 'das nas de dag gi sangs rgyas kyi zhing ni bde ba can gyi 'jig rten gyi khams ji lta ba de bzhin du 'gyur ro/ /kun tu dpa' ba sems can de dag gi tshe'i tshad ni bskal pa brgyad khri bzhi stong thub par 
'gyur ro/ /kun tu dpa' ba nyon cig /byang chub sems dpa' sems dpa' chen po gang zung gi chos kyi rnam grangs 'di las tha na tshig bzhi pa'i tshigs su bcad pa tsam thos pa de dag ni kun tu dpa' ba 'di lta ste/ dper na sems can gang la las mtshams med pa lnga'i las byas sam 
byed du bcug gam/ byed pa la rjes su yi rang ba de yang zung gi chos kyi rnam grangs 'di las tshig bzhi pa'i tshigs su bcad pa tsam nyan na de'i mtshams med pa lnga'i sdig pa'i las de dag byang bar 'gyur ba bzhin no// //bam po gnyis pa/ kun tu dpa' ba nyon 

</font><hr>48-1-240a<br><font size=+1>

cig dang yon tan gzhan yang bshad par bya'o/ /'di lta ste dper na/ sems can la la zhig mchod rten bshig pa dang / dge 'dun gyi dbyen byas pa dang / byang chub sems dpa' ting nge 'dzin las g.yo bar byed pa dang / sangs rgyas kyi ye shes kyi bar chad 
byed pa dang / mi'i srog gcod pa'i sems can de phyis 'gyod cing mya ngan byed de lus 'dis bdag phung ngo / /'jig rten pha rol tu yang phung ste/ bdag ma rung ngo snyam du sems pa chen po byung ba dang / sdug bsngal gyi tshor ba myong ngo / /mi bzod pa'i tshor ba myong ngo / /kun tu dpa' ba 
sems can de ni sems can thams cad kyis spang bar 'gyur ro/ /smad par 'gyur ro/ /sems can de ni tshig pa/ ma rung bar gyur pa/ 'jig rten pa dang / 'jig rten las 'das pa'i chos kyang ma rung bar byas pa yin te/ ji ltar sdong dum tshig pa bzhin du mi de yang 
bskal pa du ma'i bar du de bzhin du 'gyur ro/ /ji ltar khyim legs par bris pa'i ka gdung tshig na mi mdzes pa ltar mi de yang de ltar 'gyur ro/ /'jig rten 'di na yang mi mdzes so/ /gang dang gang du 'gro ba de dang de dag tu yang sems can rnams kyis spyo zhing brdeg pa dang / 
bkres pa dang / skom pas nyen cing cung zad kyang mi snyed par 'gyur ro/ /de'i phyir sdug bsngal gyi tshor ba myong ste bkres shing skom pa'i rgyu dang spyos pa'i rgyus mchod rten bshig pa dang / mtshams med pa lnga'i las rjes su dran nas de'i phyir bdag gang du 'gro bar 'gyur/ bdag gi 
skyob pa ni su yin snyam du sdug bsngal la skyo ba'i sems bskyed de de yang 'di snyam du sems so/ /'di na ni bdag gi skyob pa su yang med kyis/ bdag ri dang ri'i sul dag tu song la der 'chi ba'i dus bya'o snyam mo/ /smras pa/ bdag gis sdig pa'i las byas pas/ /rtag tu sdong 
dum tshig pa bzhin/ /'jig rten 'di na'ang mi mdzes la/ /tshe gzhan na yang mdzes ma yin/ /khyim gyi nang na'ang mi mdzes la/ /phyi rol na yang mdzes ma yin/ /nyes pa'i rgyus ni sdig byas te/ /des ni ngan 'gror 'gro bar 'gyur/ /tshe gzhan du yang sdug bsngal na/ /

</font><hr>48-1-240b<br><font size=+1>

ngan 'gro 'dir ni gang du gnas/ /mchi mas brnangs par rab ngus nas/ /lha rnams kyis kyang tshig thos so/ /kyi hud 'jig rten pha rol tu/ /ngan 'gror 'gro bas re chad do/ /lha rnams kyis de la smras pa/ skyes bu blun po de snyam du/ /sdug bsngal sems pa thong la song / /
pha bsad cing ni ma bsad de/ /bdag gis mtshams med lnga byas pas/ /bdag la skyabs dang dpung gnyen med/ /sdug bsngal tshor ba myong bar 'gyur/ /ri yi rtse mor song nas su/ /de nas bdag lus dor bar bya/ /skyes bu blun po ma 'gro shig /gnod par byed pa'i sems 
kyis su/ /khyod kyis sdig pa mang byas kyis/ /sdig pa'i las ni ma byed cig /gang dag bdag la gnod byed rnams/ /sdug bsngal sems can dmyal bar 'gro/ /mya ngan byed cing ngu bas na/ /de phyir sa la 'gyel bar 'gyur/ /brtson 'grus des ni sangs rgyas mi 'gyur 
te/ /byang chub sems dpar 'gyur ba'ang ma yin no/ /nyan thos thar pa'i theg pa'ang mi 'thob kyis/ /brtson 'grus gzhan gyis rab tu 'bad par gyis/ /drang srong ga la yod pa'i ri der song / /song ste drang srong che ba nyid mthong nas/ /de yi rkang la mgo bos phyag 'tshal te/ /
sems can dam pa bdag la skyabs mdzod cig /bdag ni 'jigs skyed sdug bsngal rab tu gzir/ /sems can snying po drang srong tshig gson cig /bzhugs la sems kyi skabs ni dbye mdzod de/ /skad cig tsam zhig dge ba'i chos kyang shod/ /'jigs skrag sdug bsngal 
rab tu gzir bas na/ /de phyir skad cig yid tsam bzhugs su gsol/ /bdag gis sdig mang gang bgyis bshags par 'tshal/ /drang srong gis ni bdag la bka' stsol cig /drang srong gis smras pa/ sdug bsngal ngu zhing mya ngan byed pas gzir/ /khyod ni bkres shing skom 
pas nyen pa ste/ /re chad srid pa gsum du 'gro bas na/ /kha zas gang dag byin pa de dag zo/ /lus ni tshim par bya ba'i phyir/ /drang srong gis ni zas byin te/ /yid du 'ong ba zhim zos nas/ /sems can rab tu dga' bar gyur/ /sdig pa thams cad byang byed pa'i/ /

</font><hr>48-1-241a<br><font size=+1>

chos ni khyod la phyis 'chad do/ /de yi kha zas zhim po de/ /skad cig gcig la zos par gyur/ /zas zos nas kyang lag bkrus te/ /drang srong la ni bskor byas nas/ /skyil mo krung du 'dug nas su/ /sdig pa gang dang gang byas smras/ /pha bsad dang ni ma bsad 
dang / /mchod rten bshig pa bdag gis bgyis/ /bdag gis byang chub sems dpa' yi/ /sangs rgyas 'grub pa bar chad bgyis/ /de yi tshig de thos nas su/ /de nas drang srong tshig smras pa/ /khyod kyis sdig pa byas pas na/ /kye ma skyes bu khyod mi dge/ /sdig pa'i 
las ni byas pa dang / /byed du bcug pa bshags par gyis/ /de nas de'i tshe mya ngan gyi zug rngus zug ste/ 'jigs skrag skyo nas/ bdag la su zhig skyob par 'gyur/ /bdag gis sdig pa'i las byas pas/ /sdug bsngal tshor ba myong bar 'gyur/ /de nas mi des pus mo 
gnyis sa la btsugs nas drang srong de la smras pa/ bdag gis byas shing byed bcug pa/ /sdig pa thams cad bshags par bgyi/ /sdig pa'i 'bras bur de ma gyur/ /sdug bsngal bdag gis myong ma 'gyur/ /bdag ni khyod dang nye gyur gyis/ /drang srong bdag gi skyabs su gyur/ /
'gyod pa med cing zhi bas na/ /bdag gi sdig pa'i las rnams zhi/ /de nas de'i tshe de'i dus na drang srong des mi de la smras pa/ nga ni skyes bu khyod kyi skyabs su 'gyur/ nga ni rten du 'gyur/ nga ni dpung gnyen du 'gyur gyis khyod ma 'jigs par mngon sum du chos nyon cig /khyod 
kyis zung zhes bya ba'i chos kyi rnam grangs cung zad thos sam zhes dbugs phyung ba dang / des smras pa/ bdag gis yong ma thos so/ /drang srong gis smras pa/ gang snying rje la gnas pas sems can rnams la chos ston pa ma gtogs par sems can tshig pa la su zhig chos ston/ 
smras pa/ rigs kyi bu yang nyon cig /sngon byung ba 'das pa'i dus bskal pa grangs med pa'i yang shin tu grangs med par gyur pa de'i tshe de'i dus na/ rgyal po zla ba dri ma med pa zhes bya ba chos can chos kyi rgyal po zhig yod de/ rigs kyi bu rgyal po zla ba dri ma med pa de'i khyim du bu zhig 

</font><hr>48-1-241b<br><font size=+1>

btsas so/ /de nas rgyal po chen po zla ba dri ma med pas bram ze mtshan mkhan rnams bsdus nas 'di skad ces smras so/ /bram ze gzhon nu la mtshan ji lta zhig mthong / de nas bram ze mtshan mkhan rnams kyis smras pa/ rgyal po chen po mi dge'o/ /gzhon nu btsas pa 'di ni 
mi dge'o/ /rgyal pos smras pa/ bram ze 'di cir 'gyur/ mtshan mkhan rnams kyis smras pa/ rgyal po gzhon nu 'di gal te lo bdun thub par 'gyur na de yab yum gyi sku la rgal bar 'gyur ro/ /de nas rgyal pos 'di skad ces smras so/ /nga'i srog gi bar chad du gyur kyang 
rung gis nga'i bu 'di mi bsad do/ /brgya la brgya lam na 'jig rten du mir skye ba 'thob pas gang mi'i lus la gnod par 'gyur ba de lta bu mi bya'o/ /de nas gzhon nu de skye drag khyad du ni de zla ba gcig lon na gzhan lo gnyis lon pa tsam gyi tshad du skyes nas rgyal po zla ba dri ma med pas kyang 
gzhon nu 'di ni bdag gi las bsags pas skyes par shes so/ /de nas rgyal pos gzhon nu de la rgyal thabs byin nas 'di skad ces smras so/ /khyod srid che zhing grags pa'i rgyal por gyur la chos kyis dbang bar bya'i chos ma yin pas ni ma yin no/ /de nas rgyal thabs byin 
nas rgyal po zhes ming btags so/ /rgyal po zla ba dri ma med pa yang rang gi yul gyi rgyal po mi byed do/ /de nas blon po bye ba de dag rgyal po zla ba dri ma med pa de ga la ba der dong ste lhags nas rgyal po zla ba dri ma med pa la 'di skad ces smras so/ /kye rgyal po chen po khyod ci'i slad 
du rang gi yul gyi rgyal po mi mdzad/ rgyal pos smras pa/ ngas bskal pa mang po grangs med par gang rgyal srid dang longs spyod dang dbang phyug la dbang bar gyur kyang nga nam yang ngoms ma myong ngo / /yang de'i tshe de'i dus na yun ring mo zhig lon pa dang / bu des pha ma'i srog bcad de 
de na des mtshams med pa'i las bsags so/ /kye skyes bu gang gi tshe rgyal po de sdug bsngal gyi tshor ba skyes nas 'gyod de mchi mas brnangs par ngu ba dang / ngas de la snying rje chen po'i sems bskyed de der song nas chos bstan pa dang / des kyang chos de thos nas mtshams med pa de 

</font><hr>48-1-242a<br><font size=+1>

dag lhag ma ma lus par myur du byang bar gyur pa'i dus de yang dran no/ /smras pa/ zung gi chos kyi rnam grangs mdo'i rgyal po dka' thub chen po gang dag gis thos pa rnams chos kyi gnas bla na med pa sdig pa thams cad byang bar 'gyur ba nyon mongs pa thams cad zhi 
bar 'gyur ba 'di 'thob par 'gyur ro/ /gang gis myur du thar 'gyur ba/ /chos rnams bshad kyis rab tu nyon/ /tshig bzhi pa yi tshigs bcad tsam/ /rgyun mi 'chad par bshad pas na/ /sdig pa thams cad byang gyur nas/ /rgyun tu zhugs pa thob par 'gyur/ /sdig pa 
kun las thar to zhes/ /ched du brjod pa ched du brjod/ /sems dmyal 'jigs pa'i bcings pa las/ /sems can sdug bsngal rab tu dkrol/ /de nas mi de stan de las/ /langs te thal mo sbyar byas nas/ /de la mgo bos phyag 'tshal te/ /legs so zhes bya rab tu byin/ /
legs so dge ba'i bshes gnyen rnams/ /legs so sdig pa 'jig byed pa/ /gang dag zung mdo tshul chen bstan/ /thos par 'gyur ba rnams kyang legs/ /de nas de'i tshe de'i dus na steng gi bar snang las lha'i bu khri nyis stong thal mo sbyar te drang srong de'i gan du lhags nas rkang pa la 
phyag 'tshal te/ 'di skad ces bcom ldan 'das dka' thub chen po yun ji srid cig tshun chad dgos zhes smras so/ /de bzhin du klu'i rgyal po bye ba phrag bzhi lhags/ gnod sbyin gyi rgyal po khri brgyad stong lhags te drang srong de ga la ba de logs su thal mo sbyar ba btud nas/ 'di 
skad ces smras so/ /che ba nyid dang ldan pa yun ji srid tshun chad dgongs drang srong gis smras pa/ bskal pa grangs med pa bye ba khrag khrig brgya stong rnams so/ /smras pa/ dge ba'i las gang gis na skad cig gis sdig pa'i las 'di rab tu zhi bar 'gyur/ smras pa/ zung gi chos kyi 
rnam grangs thos pas so/ /gang der sems can tshogs pa rnams las gang dag gis chos kyi rnam grangs 'di thos nas dad pa de dag thams cad ni bla na med pa yang dag par rdzogs pa'i byang chub tu lung bstan to/ /mi gang gis mtshams med pa lnga'i las byas pa de dag gis zung zhes bya 

</font><hr>48-1-242b<br><font size=+1>

ba'i chos kyi rnam grangs 'di thos na yang skad cig gis mtshams med pa lnga'i las de dag ma lus par yongs su zad cing yongs su byang bar 'gyur te/ bskal pa bye ba khrag khrig brgya stong grangs med pa zhig gi bar du ngan 'gro rnams kyi sgo bcad par 'gyur ro/ /lha'i 'jig 
rten gyi sgo sum cu rtsa gnyis ni phye bar 'gyur ro/ /gang zung gi chos kyi rnam grangs 'di las tha na tshig bzhi pa'i tshigs su bcad pa tsam thos pa yang de'i dge ba'i rtsa ba 'di 'dra bar 'gyur na/ gang me tog dang / bdug pa dang / spos dang / phreng ba dang / byug pa dang / phye ma dang / 
chos gos dang / gdugs dang / rgyal mtshan dang / ba dan dag gis bsti stang byed pa dang / btsun par byed pa dang / ri mo byed pa dang / mchod par byed pa dang / sil snyan dang / rol mo sbyor ba'i las byed cing lan cig cig rjes su yi rang ste legs par bshad 
pa legs so legs so zhes smra bar lta ci smos/ de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das zung gi chos kyi rnam grangs 'chad pa na gang thal mo sbyar te phyag 'tshal ba de dag ci thal 
mo sbyar ba tsam gyis bsod nams kyi phung po skyed pa lags sam/ bcom ldan 'das kyis bka' stsal pa/ rigs kyi bu nyon cig /gang dag gis mtshams med pa lnga'i las byas sam/ byed du bcug gam/ byed pa la rjes su yi rang ba de dag kyang zung gi chos kyi rnam grangs 
'di las tha na tshig bzhi pa'i tshigs su bcad pa tsam thos nas thal mo sbyar te phyag 'tshal na de'i mtshams med pa lnga'i las thams cad kyang yongs su byang bar 'gyur na/ kun tu dpa' ba gang chos kyi rnam grangs 'di mtha' dag chub par thos pa lta ci smos te/ /de ni bsod nams kyi phung po 
de bas ches mang du skyed par 'gyur ro/ /rigs kyi bu zung gi mdo'i don go bar bya ba'i phyir khyod la dpe bstan par bya'o/ /kun tu dpa' ba 'di lta ste/ dper na klu'i rgyal po ma dros pa'i khang pa nyi ma nam yang mi 'char ba de nas klung chen po lnga 'bab po/ /de nas mi la la zhig klung chen 

</font><hr>48-1-243a<br><font size=+1>

po lnga po de dag gi thigs pa bgrang na/ kun tu dpa' ba de dag gis thigs pa bgrangs pas mtha' rtogs par nus sam/ gsol pa/ bcom ldan 'das de ni rngo mi thogs so/ /bcom ldan 'das kyis bka' stsal pa/ kun tu dpa' ba de bzhin du zung gi chos kyi rnam 
grangs kyi dge ba'i rtsa ba yang bskal pa brgyar ram/ bskal pa stong du yang bgrang ba'i tshul gyi mtha' rtogs par mi nus so/ /kun tu dpa' ba 'di ji snyam du sems/ gang zung gi chos kyi rnam grangs 'di yud tsam zhig 'chad pa de dka' ba byed pa yin nam/ gsol pa/ bcom ldan 
'das dka' ba bgyid pa lags so/ /bcom ldan 'das kyis bka' stsal pa/ kun tu dpa' ba gang zung gi chos kyi rnam grangs 'di 'chad nus par 'gyur ba de ni de bas kyang ches dka' ba byed pa yin no/ /'di lta ste/ dper na mtsho ma dros pa las klung chen po lnga 'bab pa de dag gi 
thigs pa ni bgrang ba'i tshul gyis mtha' rtogs par mi nus so/ /gsol pa/ bcom ldan 'das klung chen po lnga po de dag gang lags/ bcom ldan 'das kyis bka' stsal pa/ 'di lta ste gang gA dang / si ta dang / bag shu dang / ya mu na dang / tsan dra ba ga dang / klung chen po lnga po 
de dag ni rgya mtsho chen por 'bab ste/ klung chen po re re la yang 'khor klung lnga brgya lnga brgya yod do/ /kun tu dpa' ba klung chen po lnga po 'di dag kyang 'khor stong stong dang nam mkha' las babs te/ de dag gis skye dgu rnams ngoms par byed do/ /gsol pa/ 'khor stong stong po de dag gang lags 
bcom ldan 'das kyis bka' stsal pa/ mdzes ldan zhes bya ba 'khor stong dang / dung can zhes bya ba 'khor stong dang / 'bab pa zhes bya ba 'khor stong dang / sna tshogs sde zhes bya ba 'khor stong dang / chos tshul zhes bya ba 'khor stong ste/ kun tu dpa' ba klung chen po de dag ni 'khor 
stong stong dang ldan pa yin te/ de dag ni 'dzam bu'i gling du char gyi rgyun 'bebs so/ /kun tu dpa' ba de dag dus dus su char pa'i thigs pa'i rgyun rab tu gtong ste/ des me tog dang / 'bras bu dang / lo thog rnams skye'o/ /nam 'dzam bu'i gling du char gyi rgyun rab tu 

</font><hr>48-1-243b<br><font size=+1>

'bab pa de na chu skye bar 'gyur te/ chu skyes pas zhing dang kun dga'i ra ba thams cad ngoms par byed/ bde bar byed do/ /kun tu dpa' ba 'di lta ste dper na/ skye dgu'i bdag po ni 'dzam bu'i gling thams cad bde bar byed do/ /kun tu dpa' ba de bzhin du zung gi chos kyi rnam grangs  
'di yang skye bo mang po la phan pa dang / skye bo mang po la bde ba'i phyir 'dzam bu'i gling du bshad do/ /sum cu rtsa gsum pa'i lha rnams kyi tshe'i tshad ji lta ba bzhin du mi rnams kyi ni de lta ma yin no/ /kun tu dpa' ba sum cu rtsa gsum pa'i lha rnams gang zhe na/ lha'i dbang po brgya byin 
gang na gnas pa de dag ni sum cu rtsa gsum pa zhes bya'o/ /kun tu dpa' ba sems can gang dag ngag gis legs par spyod pa smra ba'ang yod de/ de dag gi bsod nams kyi phung po yang dper bya mi nus so/ /sems can gang dag ngag gis nyes par spyod pa smra ba yang yod de de dag gi 
sems can dmyal ba dang dud 'gror 'gyur ba yang dper bya bar mi nus so/ /sems can gang dag sems can dmyal ba dang / dud 'gro dang / yi dgas kyi sdug bsngal gyi tshor ba myong bar 'gyur ba de dag la skyabs gang yang med de/ de na re thag chad nas smre sngags 'don cing sems can 
dmyal bar ltung ba de dag ni mi dge ba'i grogs po'i dbang du blta'o/ /sems can gang dag ngag gis legs par spyod pa smra ba de de dag gi bsod nams kyi phung po dper bya bar mi nus pa de yang dge ba'i bshes gnyen gyi dbang du blta ste/ nam dge ba'i bshes gnyen mthong ba de na de bzhin 
gshegs pa mthong ba yin no/ /nam de bzhin gshegs pa mthong ba de na sdig pa thams cad byang ba yin no/ /nam skye dgu'i bdag po 'dzam bu'i gling du spro bar byed pa de na 'dzam bu'i gling gi sems can rnams kyi bde ba dper byar mi nus so/ /kun tu dpa' ba de bzhin du zung gi chos kyi 
rnam grangs 'di yang 'dzam bu'i gling gi sems can rnams la sangs rgyas kyi bya ba byed do/ /gang dag zung gi chos kyi rnam grangs thos par mi 'gyur ba de dag ni bla na med pa yang dag par rdzogs pa'i byang chub mngon par rdzogs par sangs rgyas par mi nus/ chos kyi 'khor lo rab tu bskor mi nus/

</font><hr>48-1-244a<br><font size=+1>

chos kyi gaN+DI rdung mi nus/ chos kyi seng ge'i khri la 'dug mi nus/ mya ngan las 'das pa'i dbyings su 'jug mi nus/ 'od zer dpag tu med pas snang bar byed mi nus so/ /kun tu dpa' ba de bzhin du gang dag zung gi chos kyi rnam grangs thos par mi 'gyur ba de dag kyang 
byang chub kyi snying po la 'dug par mi nus so/ /kun tu dpa' bas gsol pa/ bcom ldan 'das ngo mtshar cung zad cig zhu'o/ /bde bar gshegs pa ngo mtshar cung zad cig zhu'o/ /bcom ldan 'das kyis bka' stsal pa/ kun tu dpa' ba khyod ci dang ci 'dod pa dris shig dang ngas khyod kyi 
dogs pa bsal bar bya'o/ /gsol pa/ gang gis sems can de dag mtshams med pa lnga las yongs su thar bar bgyis nas phyir mi ldog pa'i sa la so sor bkod pa'i drang srong du gyur pa de gang lags/ bka' stsal pa/ sangs rgyas rnams kyi tshig zab ste/ /kun tu dpa' ba nga la 
nyon/ /zung gi mdo sde ston pa ni/ /drang srong gzugs su bstan pa'o/ /zung gis sangs rgyas sku dag kyang / /snying brtse'i phyir ni rab tu ston/ /gang gA'i bye ma ji snyed pa/ /de snyed kyi ni gzugs kyang ston/ /sangs rgyas kyi ni gzugs ston cing / /bdag nyid chos kyang rab tu ston/ /
sangs rgyas blta bar gang 'dod pa/ /zung ni sangs rgyas mtshungs pa yin/ /zung ni ga la yod pa na/ /sangs rgyas rtag par de na yod/ /bcom ldan 'das kyis bka' stsal pa/ rigs kyi bu nyon cig /kun tu dpa' ba sngon byung ba 'das pa'i dus bskal pa grangs med pa dgu bcu rtsa dgu na sangs rgyas bye ba phrag bcu gnyis byung ste/ de bzhin gshegs pa rin chen mchog ces bya ba byung ba de ni nga sbyin pa la dpa' bar gyur nas ngas sangs rgyas zla ba zhes bya ba bye ba phrag bcu gnyis la bsnyen bkur byas te/ bza' ba dang / bca' ba dang / spos dang / phreng ba dang / byug pa dang / 
ji ltar bde ba dang / kha zas bzang po dang / bde ba'i yo byad thams cad kyis rim gro byas so/ /rim gro byas nas kyang ngas der bla na med pa yang dag par rdzogs pa'i byang chub tu lung bstan pa thos pa dran no/ /kun tu dpa' ba ngas de bzhin gshegs pa rin po che thams cad snang ba zhes bya ba 

</font><hr>48-1-244b<br><font size=+1>

phrag bco brgyad byung ste/ de na yang nga sbyin pa la dpa' bar gyur nas de bzhin gshegs pa snying po'i sde zhes bya ba bye ba phrag bco brgyad la ngas spos dang / phreng ba dang / byug pa dang / rgyan dang / lhab lhub kyis so sor ci rigs par bsnyen bkur byas nas der yang ngas bla na 
med pa yang dag par rdzogs pa'i byang chub tu lung bstan pa thos pa dran no/ /kun tu dpa' ba ngas sangs rgyas bye ba phrag nyi shu dran te/ de bzhin gshegs pa dgra bcom pa yang dag par rdzogs pa'i sangs rgyas gtsug phud 'byung ba zhes bya ba sha stag go/ /kun tu dpa' ba 
ngas sangs rgyas bye ba phrag nyi shu dran te/ de bzhin gshegs pa dgra bcom pa yang dag par rdzogs pa'i sangs rgyas 'od srung zhes bya ba sha stag go/ /de na yang nga sbyin pa la dpa' bar gyur nas ngas de bzhin gshegs pa rnams la spos dang / phreng ba dang / byug pas bkur 
sti byas nas ji ltar de bzhin gshegs pa rnams la bla ma dang rim gror bya ba des bla ma dang / rim gror bya bas rim gro byas nas der yang ngas bla na med pa yang dag par rdzogs pa'i byang chub tu lung bstan pa thob bo/ /kun tu dpa' ba sangs rgyas 'od dri ma med pa zhes bya ba bye ba phrag bcu 
drug byung ste/ de'i tshe de'i dus na nga khyim bdag phyug cing nor che la longs spyod che ste/ bdog pa thams cad yongs su gtong ba zhig tu gyur nas/ ngas sangs rgyas bye ba phrag bcu drug po de dag la gding ba dang /bgo ba dang / spos dang / phreng ba dang / byug pa dang / dgab pas mchod 
de ji lta bus de bzhin gshegs pa rnams la bla ma dang / rim gro bya ba de lta bus rim gro byas nas de nyid du ngas bla na med pa yang dag par rdzogs pa'i byang chub tu lung bstan pa thob pa yang ngas dran te/ lung bstan pa'i dus dang tshod la yang ma bab bo/ /kun tu dpa' ba nyon cig /sangs rgyas 
bye ba phrag dgu bcu rtsa lnga 'jig rten du byung ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba sha stag ste/ nga ni de'i tshe de'i dus na/ rgyal po chos can chos kyi rgyal po zhig tu gyur nas ngas de bzhin gshegs pa shAkya thub pa 

</font><hr>48-1-245a<br><font size=+1>

zhes bya ba bye ba phrag dgu bcu rtsa lnga po de dag la spos dang / phreng ba dang / byug pa dang / gding ba dang / bgo ba dang / gdugs dang / rgyal mtshan dang / ba dan gyis bsnyen bkur byas nas de nyid du ngas bla na med pa yang dag par rdzogs pa'i byang chub tu lung 
bstan pa thob pa ngas dran no/ /kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig ces bya ba bye ba phrag dgu bcu 'jig rten du byung ste/ nga de'i tshe de'i dus na bram ze gzhon nu phyug cing nor mang la longs spyod che ste/ bdog pa 
thams cad yongs su gtong ba zhig tu gyur nas/ de bzhin gshegs pa de dag thams cad la spos dang / phreng ba dang / byug pa dang / gding ba dang / bgo ba dag gis bsnyen bkur byas te/ de bzhin gshegs pa rnams la so so ci rigs par rim gro byas nas ngas de nyid du 
bla na med pa yang dag par rdzogs pa'i byang chub tu lung bstan pa thob pa yang ngas dran te/ nga lung bstan pa'i dus dang tshod la yang ma bab bo/ /kun tu dpa' ba sangs rgyas bye ba phrag bco brgyad 'jig rten du byung ste/ thams cad kyang de bzhin gshegs pa dgra bcom pa yang dag par 
rdzogs pa'i sangs rgyas gser thub ces bya ba sha stag ste/ nga de'i tshe de'i dus na sbyin pa la dpa' bar gyur te/ ngas de bzhin gshegs pa dgra bcom pa yang dag par rdzogs pa'i sangs rgyas rnams la spos dang / phreng ba dang / byug pa dang / gding ba dang / bgo ba dang / rgyan rnams 
kyis bsnyen bkur byas te/ de bzhin gshegs pa la rim gro bya ba de lta bus rim gro byas nas ngas de nyid du bla na med pa yang dag par rdzogs pa'i byang chub tu lung bstan pa thob pa yang ngas dran te nga lung bstan pa'i dus dang tshod la yang ma bab bo/ /kun tu dpa' ba sangs rgyas bye ba 
phrag bcu gsum 'jig rten du byung ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas snang ba'i dpal zhes bya ba sha stag ste/ ngas de bzhin gshegs pa dgra bcom pa yang dag par rdzogs pa'i sangs rgyas de dag la gding ba dang / bgo ba 

</font><hr>48-1-245b<br><font size=+1>

dang / spos dang / phreng ba dang / byug pa dang / dgab pa dang / rgyan rnams kyis bsnyen bkur byas te/ ji ltar de bzhin gshegs pa rnams la bla ma dang / rim gro bya ba de lta bu'i bla ma dang / rim gro bya bas rim gro byas pa dang / de bzhin gshegs pa de dag gis kyang 
don dang 'dul ba rnam par nges pa'i chos kyi sgo sna tshogs bshad nas ngas de nyid du bla na med pa yang dag par rdzogs pa'i byang chub tu lung bstan pa thob pa yang ngas dran te/ de na yang lung bstan pa'i dus la ma bab bo/ /kun tu dpa' ba de bzhin gshegs pa dgra bcom pa yang 
dag par rdzogs pa'i sangs rgyas skar rgyal zhes bya ba bye ba phrag nyi shu rtsa lnga 'jig rten du byung ste/ nga de'i tshe de'i dus na rab tu byung nas de bzhin gshegs pa rnams la bsnyen bkur byas te/ da ltar nga la kun dga' bo rim gro byed pa ji lta ba bzhin du ngas kyang de bzhin gshegs pa rnams 
la rim gro byas nas ngas der bla na med pa yang dag par rdzogs pa'i byang chub tu lung bstan pa thob pa ngas dran te de na yang lung bstan pa'i dus la ma bab bo/ /kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya ba 
bye ba phrag bcu gnyis 'jig rten du byung ste/ ngas de bzhin gshegs pa de dag la gding ba dang / bgo ba dang / spos dang / phreng ba dang / byug pas bsnyen bkur byas nas/ ji lta bus de bzhin gshegs pa rnams la rim gro bya ba de lta bus ngas rim gro byas te/ nga de'i tshe 
de'i dus na rab tu byung bar gyur nas de nyid du nga bla na med pa yang dag par rdzogs pa'i byang chub tu lung bstan pa thob pa yang ngas dran te ring po ma lon par rnam par gzigs tha ma gang byung ba des zung gi chos kyi rnam grangs 'di bshad pa dang / ngas de shes nas de'i tshe 'dzam bu'i gling du rin po che 
sna bdun gyi char rab tu phab ste/ de na 'dzam bu'i gling gi sems can de dag dbul ba med par gyur nas/ ngas de nyid du bla na med pa yang dag par rdzogs pa'i byang chub tu lung bstan pa thob par gyur te/ de nas yun ring mo zhig lon gyi bar du yang nga lung ma bstan to/ /gsol pa/ dus 

</font><hr>48-1-246a<br><font size=+1>

de gang lags/ tshod de gang lags/ bcom ldan 'das kyis bka' stsal pa/ kun tu dpa' ba nyon cig /de nas bskal pa grangs med pa zhig na gdod de bzhin gshegs pa dgra bcom pa yang dag par rdzogs pa'i sangs rgyas mar me mdzad 'jig rten du byung ste/ 
nga de'i tshe de'i dus na bram ze'i khye'u sprin ces bya bar gyur to/ /de bzhin gshegs pa mar me mdzad 'jig rten du byung ba de na nga yang bram ze'i khye'u'i gzugs kyis tshangs par spyod pa spyad de/ de nas de bzhin gshegs pa mar me mdzad mthong nas me tog ud pa la bdun gyis 
gtor te bla na med pa yang dag par rdzogs pa'i byang chub tu bsngos pa dang / de bzhin gshegs pa des nga la bram ze'i khye'u khyod ma 'ongs pa'i dus bskal pa grangs med pa na 'jig rten du de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 
'gyur ro zhes lung bstan te/ kun tu dpa' ba de nas nga shing ta la bcu gnyis srid kyi steng gi nam mkha' bar snang la 'dug nas mi skye ba'i chos la bzod pa thob ste/ gang ngas bskal pa grangs med pa rnams su tshangs par spyod pa spyad pa dang / gang pha rol tu phyin pa dang ldan pa'i dge ba'i rtsa 
ba de thams cad khar sang dang de ring tsam du mngon sum du dran nas/ kun tu dpa' ba de na yang ngas sems can bye ba khrag khrig brgya stong grangs med pa dag dge ba'i chos rnams la so sor bkod par gyur na/ kun tu dpa' ba nga da ltar bla na med pa yang dag par rdzogs pa'i byang chub tu mngon par 
rdzogs par sangs rgyas nas sems can thams cad la phan par 'dod pa lta ci smos te/ kun tu dpa' ba ngas sems can rnams la chos rnam pa mang po bstan to/ /ji lta bu'i gzugs kyis 'dul ba de lta bu'i gzugs kyis sems can rnams la chos bstan te/ lha'i 'jig rten du ni 
lha'i gzugs kyis chos bstan to/ /klu'i gnas su ni klu'i gzugs kyis chos bstan to/ /gnod sbyin gyi gnas su ni gnod sbyin gyi gzugs kyis chos bstan to/ /yi dgas kyi gnas su ni yi dgas kyi gzugs kyis chos bstan to/ /mi'i 'jig rten du ni mi'i gzugs 

</font><hr>48-1-246b<br><font size=+1>

kyis chos bstan to/ /sangs rgyas kyis 'dul ba'i sems can rnams la ni sangs rgyas kyis gzugs kyis chos bstan to/ /byang chub sems dpas 'dul ba'i sems can rnams la ni byang chub sems dpa'i gzugs kyis chos bstan to/ /gang dang gang gis sems can rnams 
'dul bar 'gyur ba de dang de'i gzugs kyis ngas sems can rnams la chos bstan te/ kun tu dpa' ba de ltar sems can rnams la rnam pa mang pos chos bstan to/ /de ci'i phyir zhe na/ kun tu dpa' ba sems can rnams ji ltar chos rnam pa mang po thos pa de ltar sems can snying po de 
dag dge ba'i rtsa ba rnam pa mang po dag byed par 'gyur te sbyin pa rnams sbyin par 'gyur/ bsod nams dag byed par 'gyur/ bdag gi don du mi nyal ba yang byed par 'gyur/ 'chi ba rjes su dran pa yang sgom par 'gyur te/ de dag de lta bu'i dge ba'i las mngon par 'du bya ba rnams 
byed par 'gyur ro/ /de dag chos thos pa'i rgyus sngon gyi dge ba'i rtsa ba de dran par gyur te/ de lha dang mi de dag gis yun ring po'i don dang / phan pa dang bde bar 'gyur ro/ /kun tu dpa' ba de ltar na zung gi chos kyi rnam grangs thos ma thag tu yon tan dang phan yon de ltar dpag tu 
med par 'gyur ro/ /de nas sems can de dag gcig la gcig 'di skad 'dzer to/ /gang byas shing bsags pas bla na med pa yang dag par rdzogs pa'i byang chub tu mngon par rdzogs par 'tshang rgya zhing sems can thams cad la phan par 'dod pa'i dge ba'i chos kyi 'bras bu rnam par 
smin pa gzhan 'ga' zhig kyang yod pa lta/ de dag gis smras pa/ gang dag chos la yid ches nas 'di skad ces yang dag pa ji lta ba bzhin gyis chos yod do zhes zer ba de dag gi bde ba'i rnam par smin pa'i 'bras bu chen po ni chos kyi bde ba bla na med par 'gyur ro/ /sems can gti 
mug blun po gang dag 'di skad ces chos rnams kyang med do/ /chos rnams kyi pha rol tu 'gro ba yang med do zhes zer ba de dag gi rnam par smin pa'i 'bras bu chen po de ni ngan song rnams su 'gro bar 'gyur ro/ /de dag ni phyi phyir zhing ngan song gi sa la gzhol bar 'gyur ro/ /bskal pa 

</font><hr>48-1-247a<br><font size=+1>

brgyad kyi bar du sems can dmyal ba'i sdug bsngal gyi tshor ba myong bar 'gyur ro/ /bskal pa bcu gnyis kyi bar du yi dgas kyi yul rnams su sdug bsngal gyi tshor ba myong bar 'gyur ro/ /bskal pa bcu drug gi bar du lha ma yin rnams kyi nang du skye bar 'gyur 
ro/ /bskal pa dgu stong gi bar du 'byung po dang / sha za rnams kyi nang du skye bar 'gyur ro/ /bskal pa khri bzhi stong gi bar du lce med par 'gyur ro/ /bskal pa khri drug stong gi bar du ma'i mngal du 'chi ba'i dus byed par 'gyur ro/ /bskal pa khri nyis stong gi bar du sha ril ril 
por 'gyur ro/ /bskal pa khri chig stong gi bar du dmus long du skye zhing sdug bsngal gyi tshor ba myong bar 'gyur te/ de na pha ma dag 'di snyam du sems par 'gyur ro/ /bdag cag ni don med par sdug bsngal myong ngo / /bdag cag gi bu skyes pa ni don med do/ /zla ba dgu'i 
bar du don med par mngal du btsas so/ /grang ba dang dro ba'i tshor ba myong ngo / /bkres pa dang skom pa'i sdug bsngal kyang rab tu myong ngo / /tshe 'di la yang sdug bsngal mang po myong ngo / /pha mas khyim du bu skyes pa mthong na yang brod med cing pha ma rab tu re thag chad par 'gyur ro/ /
kun tu dpa' ba de bzhin du dam pa'i chos spong ba'i sems can rnams ni sems can dmyal ba dang dud 'gror gzhol ba yin te/ de dag 'chi ba'i dus kyi tshe mya ngan gyi zug rngu chen pos zug par 'gyur ro/ /kun tu dpa' ba gang dag tshig 'di skad ces chos rnams yod do/ /chos rnams kyi 
pha rol tu 'gro ba yod do/ /zhes zer ba de dag ni dge ba'i rtsa ba des bskal pa nyi shu'i bar du byang gi sgra mi snyan du skye bar 'gyur ro/ /bskal pa nyi shu rtsa lnga'i bar du sum cu rtsa gsum gyi lha rnams dang skal ba mnyam par skye bar 'gyur ro/ /sum cu rtsa gsum nas shi 'phos nas byang gi sgra mi 
snyan du skye bar 'gyur ro/ /ma'i mngal du skye bar mi 'gyur ro/ /'jig rten gyi khams brgya stong dag kyang mthong bar 'gyur te thams cad kyang bde ba can zhes bya ba sha stag go/ /sangs rgyas kyi zhing thams cad kyang mthong ngo / /mthong nas kyang de nyid du gnas te/ de nyid du byang chub mngon 

</font><hr>48-1-247b<br><font size=+1>

par rdzogs par 'tshang rgya bar 'gyur ro/ /kun tu dpa' ba de ltar na zung gi chos kyi rnam grangs 'di ni mthu che ba'o/ /gang dag 'di la sems dad pa de dag nam du yang ya nga ba ma spangs par 'chi ba'i dus byed par mi 'gyur ro/ /de dag tshul khrims yongs su dag pa dang yang ldan par 'gyur 
ro/ /kun tu dpa' ba la la dag de bzhin gshegs pas nyin mtshan du sems can mang po zhig yongs su thar bar byas nas kyang da dung du sems can gyi khams zad par ma gyur te mang po zhig ni byang chub tu smon lam 'debs/ mang po zhig ni mtho ris kyi 'jig rten du skyes/ mang po zhig ni mya ngan 
las 'das pa thob par gyur na/rgyu gang gis sems can zad par ma gyur ces 'dzer ba'i sems can dag kyang yod do/ /gzhan mu stegs can spyod pa pa dang / kun tu rgyu dang / gcer bu pa de dag 'di snyam du sems te/ bdag cag dge sbyong gau ta ma dang 'gyed du 'dod do snyam mo/ /de nas 
bram ze dang gzhan mu stegs can spyod pa pa dang / kun tu rgyu brgyad khri bzhi stong dang / gcer bu pa brgya phrag du ma zhig rgyal po'i khab ga la ba der dong ngo / /yang de'i tshe de'i dus na bcom ldan 'das 'dzum pa mdzad do/ /de nas byang chub sems dpa' sems dpa' chen po byams pa 
stan las langs nas bla gos phrag pa gcig tu gzar te pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das rgyu ma mchis rkyen ma mchis par ni de bzhin 
gshegs pa dgra bcom pa yang dag par rdzogs pa'i sangs rgyas rnams 'dzum pa mi mdzad na 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu nyon cig deng rgyal po'i khab 'dir 'dus pa chen po 'byung bar 'gyur ro/ /bcom 
ldan 'das 'dir lha 'am klu 'am gnod sbyin nam/ mi'am/ mi ma lags pa'am/ su dag mchi bar 'gyur/ bcom ldan 'das kyis bka' stsal pa/ byams pa deng 'dir lha dang / klu dang / gnod sbyin dang / mi dang mi ma yin pa de dag thams cad 'ong bar 'gyur te/ bram ze 

</font><hr>48-1-248a<br><font size=+1>

brgyad khri bzhi stong yang 'dir 'ong bar 'gyur ro/ /mu stegs can spyod pa pa dang / kun tu rgyu dang / gcer bu pa bye ba phrag dgu stong 'ong bar 'gyur te de dag dang ngar 'gyed par 'gyur ro/ /de dag thams cad kyi 'gyed pa zhi bar bya ba'i phyir chos bstan par bya ste/ bram ze de 
dag thams cad bla na med pa yang dag par rdzogs pa'i byang chub tu sems bskyed par 'gyur ro/ /mu stegs can spyod pa pa dang / kun tu rgyu dang / gcer bu pa bye ba stong phrag dgu po de dag thams cad ni rgyun du zhugs pa'i 'bras bu thob par 'gyur ro/ /klu'i rgyal po bye ba stong phrag bco brgyad 
'ong bar 'gyur te/ de dag nga las chos thos par 'gyur ro/ /thos nas kyang de dag thams cad bla na med pa yang dag par rdzogs pa'i byang chub tu sems bskyed par 'gyur ro/ /gnas gtsang ma'i ris kyi lha'i bu bye ba stong phrag drug cu 'ong bar 'gyur ro/ /bdud sdig can g.yog dang 
dang bcas pa bye ba stong phrag sum cu 'ong bar 'gyur ro/ /lha ma yin gyi rgyal po bye ba stong phrag bcu gnyis 'ong bar 'gyur ro/ /rgyal po lnga brgya tsam yang 'khor dang bcas nas chos nyan du 'ong bar 'gyur te/ de dag thams cad nga las chos thos nas bla na med pa yang dag par rdzogs 
pa'i byang chub tu sems bskyed par 'gyur ro/ /de nas byang chub sems dpa' sems dpa' chen po byams pas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas de nyid du mi snang bar gyur to/ /de nas byang chub sems 
dpa' sems dpa' chen po kun tu dpa' ba stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /
bcom ldan 'das rgyal po lnga brgya tsam po de dag gi ming ci zhes bgyi/ bcom ldan 'das kyis bka' stsal pa/ kun tu dpa' ba nyon cig /rgyal po dga' bo zhes bya ba dang / rgyal po nye dga' zhes bya ba dang / rgyal po rgyal ba'i khyu mchog ces bya ba dang / rgyal po tshangs pa'i 

</font><hr>48-1-248b<br><font size=+1>

sde zhes bya ba dang / rgyal po tshangs pa'i dbyangs zhes bya ba dang / rgyal po blta na mdzes zhes bya ba dang / rgyal po mdza' ba'i sde zhes bya ba dang / rgyal po dga' ba'i sde zhes bya ba dang / rgyal po gzugs can snying po zhes bya ba dang / rgyal po gsal rgyal zhes bya ba dang / rgyal 
po 'phags skyes po zhes bya ba dang / de dag la sogs pa rgyal po lnga brgya tsam dag rgyal po re re zhing yang g.yog bye ba brgya stong yod de/ rgyal po 'phags skyes po ma gtogs par de dag thams cad bla na med pa yang dag par rdzogs pa'i byang chub tu yang dag par zhugs pa sha stag 
go/ /shar phyogs nas byang chub sems dpa' bye ba stong phrag sum cu 'ong ngo / /lho phyogs nas byang chub sems dpa' bye ba stong phrag lnga bcu 'ong ngo / /nub phyogs nas byang chub sems dpa' bye ba stong phrag drug cu 'ong ngo / /byang phyogs nas byang chub sems dpa' bye ba stong 
phrag brgyad cu 'ong ngo / /'og gi phyogs nas byang chub sems dpa' bye ba stong phrag dgu bcu 'ong ngo / /steng gi phyogs nas byang chub sems dpa' bye ba stong phrag brgya 'ong ste/ thams cad kyang sa bcu la rab tu gnas pa sha stag go/ /de nas byang chub sems dpa' de dag thams cad 
bcom ldan 'das la blta ba'i phyir rgyal po'i khab ga la ba dang / bcom ldan 'das ga la ba der dong ngo / /byang chub sems dpa' de dag thams cad kyang bla na med pa yang dag par rdzogs pa'i byang chub tu yang dag par zhugs pa sha stag go/ /de nas bcom ldan 'das kyis byang chub 
sems dpa' sems dpa' chen po kun tu dpa' ba la bka' stsal pa/ kun tu dpa' ba khyod phyogs bcu'i 'jig rten gyi khams rnams su song ste/ byang chub sems dpa' thams cad la deng de bzhin gshegs pa rgyal po'i khab kyi grong khyer chen por chos ston gyis phyogs bcu'i 'jig 
rten na gnas pa khyed thams cad thal mo sbyar te thud cig ces de skad smros la go bar byas ma thag tu yud tsam gyis chos nyan du slar shog shig /de nas byang chub sems dpa' sems dpa' chen po kun tu dpa' ba stan las langs te/ bcom ldan 'das kyi zhabs la mgo bos phyag 'tshal nas/

</font><hr>48-1-249a<br><font size=+1>

bcom ldan 'das la lan gsum bskor ba byas te/ rdzu 'phrul gyi stobs kyis mi snang bar gyur to/ /de nas byang chub sems dpa' sems dpa' chen po kun tu dpa' ba phyogs bcu'i 'jig rten gyi khams rnams su song nas byang chub sems dpa' rnams 
la deng de bzhin gshegs pa rgyal po'i khab kyi grong khyer chen por chos ston gyis/ de la khyod cag gis legs so zhes bya ba gsol cig dang / de'i phyir khyed deng nyid du phan pa dang bde ba chen po thob par 'gyur ro zhes bsgo'o/ /de nas byang chub sems dpa' sems dpa' chen po 
kun tu dpa' ba phyogs bcu'i 'jig rten gyi khams rnams su song nas sangs rgyas thams cad la bsnyen bkur byas shing byang chub sems dpa' rnams la sbron pa ni 'di lta ste/ dper na skyes bu stobs dang ldan pas se gol gtogs pa tsam gyis byang chub sems dpa' sems dpa' chen 
po kun tu dpa' ba rgyal po'i khab kyi grong khyer chen po ga la ba dang / bcom ldan 'das ga la ba der 'ongs nas/ bcom ldan 'das kyi spyan sngar 'dug go/ /de na bram ze rnams dang / gzhan mu stegs can spyod pa pa dang / kun tu rgyu dang / gcer bu pa rnams kyang 
'dus/ lha dang / klu dang / gnod sbyin dang / mi mang po zhig dang / rgyal po g.yog dang bcas pa lnga brgya tsam yang 'dus/ bdud sdig can g.yog dang bcas pa bye ba stong phrag sum cu rtsa gsum yang 'dus so/ /yang de'i tshe rgyal po'i khab kyi grong khyer chen po rab tu 
g.yos so/ /de nas phyogs bcu'i 'jig rten gyi khams rnams su lha'i tsan dan gyi phye ma'i char rab tu bab/ lha'i me tog gi char kyang rab tu bab nas de bcom ldan 'das kyi dbu'i spyi gtsug gi mtshams su khang pa brtsegs par kun tu gnas so/ /yang de'i tshe de bzhin gshegs pa'i spyan 
sngar lha'i dbang po brgya byin gyis rdo rje gsor ba dang / de nas de'i tshe phyogs bzhi nas rlung gi rgyal po bzhi 'khrugs te/ langs nas gang rgyal po'i khab kyi grong khyer chen po'i nyal nyil dang / phyag dar dang / bye ma de rnams grong khyer gyi phyi rol tu bor nas/ phyogs bcu'i 'jig rten gyi 

</font><hr>48-1-249b<br><font size=+1>

khams rnams su spos chu'i char rab tu phab/ phyogs bcu'i 'jig rten gyi khams rnams su me tog ud pa la dang / pad ma dang / ku mu ta dang / pad ma dkar po'i char kyang rab tu phab nas me tog de dag thams cad kyang sems can de dag gi spyi gtsug gi steng du me tog gi gdugs 
su gnas so/ /de bzhin gshegs pa'i dbu'i gtsug gi steng gi bar snang la khang pa brtsegs pa brgyad khri bzhi stong kun tu gnas te/ khang pa brtsegs pa brgyad khri bzhi stong po rnams kyis nang nas rin po che sna bdun gyi khri brgyad khri bzhi stong byung ste/ khri de dag thams cad la yang de 
bzhin gshegs pa bzhugs nas chos ston to/ /de nas stong gsum gyi stong chen po'i 'jig rten gyi khams 'di rnam pa drug tu rab tu g.yos so/ /de nas byang chub sems dpa' sems dpa' chen po kun tu dpa' ba bcom ldan 'das ga la ba de logs su thal mo sbyar ba btud nas/ 
bcom ldan 'das la 'di skad ces gsol to/ /bcom ldan 'das rgyal po'i khab kyi grong khyer chen po 'dir cho 'phrul 'di lta bu gda' ba'i rgyu gang lags/ rkyen gang lags/ bcom ldan 'das kyis bka' stsal pa/ 'di lta ste dper na mi tsa ya can rgod de ba bdag tu 'dzin pa dang / bdag 
gir 'dzin pa la gnas pa dbul por gyur pa la la zhig yod la de'i mgo la rgyal pos byugs pa dang / de rgyal po'i sgo'i bar du song ste/ phyin nas nan gyis rgyal po'i pho brang gi nang du 'gro bar 'dod pa dang / de nas rgyal po'i blon po dang / 'khor gyis de bzung nas rnam pa mang pos brdegs 
pa dang / de nas de'i tshe de'i dus na mi dbul po de nan gyis nang du 'gro 'dod do zhes rgyal pos thos nas de 'di snyam du sems te/ gdon mi za bar nga la gsod 'dod pa zhig yin no/ /snyam nas rgyal po khros te 'khor rnams la 'di skad ces khyed deng la mi de ri khrod du khrid de sod cig /g.yog 
dang / pha ma dang / bu dang / bran pho dang / bran mo dang / las byed pa thams cad kyang sod cig /ces bsgo ba dang / de nas de dag thams cad bsad nas de'i gnyen bshes thams cad mya ngan gyi zug rngu mi bzad pas zug par gyur pa de bzhin du de bzhin gshegs pa dgra bcom pa yang dag 

</font><hr>48-1-250a<br><font size=+1>

par rdzogs pa'i sangs rgyas kyis chos bshad pa dang / de na mi nga rgyal can ji lta ba de bzhin du byis pa so so'i skye bo rnams de bzhin gshegs pa la gzugs dang / kha dog dang / mtshan dang / dbyibs dang / mtshan mar bzung ste/ de bzhin gshegs pa'i lus 
yin pa snyam du sems shing de na de dag chos mang po thos nas lhag pa'i nga rgyal du lhung ste kyal pa sna tshogs smra ba dang / bdag tu 'dzin pa dang / bdag gir 'dzin pa'i zil gyis non nas bdag nyid 'di lta bu'i chos mi nyan mi 'chad de/ gang la la zhig mdo'am/ tshigs su bcad 
pa'am/ tha na dpe tsam zhig de dag la bshad na yang nga bdag gis shes so zhes de dag la mi 'dzin cing rna bas kyang mi nyan to/ /de ci'i phyir zhe na/ 'di ltar nga rgyal can du gyur pa'i phyir te/ de dag ni mang du thos pas bag med pa'o/ /gang byis pa so so'i skye bo rnams dang 'grogs 
pa de dag ni 'di lta bu'i chos dang ldan pa byed par mi 'gyur/ de dag ni 'di lta bu'i chos dang ldan pa'i tshig thos par mi 'gyur gyi de dag ni mang du thos pa des rgyags par 'gyur te/ mi de lta bu de dag ni rang gi rang bzor byas pa 'jog par byed/ rang gi gzhung gi gleng gzhi yang 'jog par 
byed do/ /de dag ni bdag dang 'jig rten thams cad la slu zhing don med par yul 'khor gyi bsod snyoms mang po za ste zos nas kyang legs par 'ju bar mi 'gyur ro/ /de dag 'chi ba'i dus kyi tshe 'jigs pa chen po 'byung bar 'gyur te/ sems can de dag gis de la smras pa/ khyod kyis 
ni nga la bzo'i gnas mang du bslabs na ji ltar khyod bdag 'jog par mi nus/ des de dag la 'di skad ces smras so/ /grogs po dag nga ni da ltar bdag 'jog par mi nus so/ /de na sems can de dag smre sngags rnam pa sna tshogs 'don par 'gyur te/ ji ltar gzhan gyis ma lan gyis 
rang gi las kyi rkyen gyis gang zag de gcig pu'i phyir gnyen gyi tshogs mang po bsad par gyur pa de bzhin du sems can de dag kyang 'chi ba'i dus kyi tshe smre sngags 'don cing mi dge ba'i grogs po'i phyir bdag cag sems can dmyal ba'am dud 'gro'i skye gnas su gzhol bar mthong ngo / /de bzhin 

</font><hr>48-1-250b<br><font size=+1>

du khyed rnams la bram ze dang / gzhan mu stegs can rnams kyis smras pa/ khyed cag rgyags par ma gyur cig /'di lta ste/ dper na bya 'dab gshog ma rdzogs par lha'i 'jig rten du 'gro ba'i phyir nam mkha' la 'phur mi nus pa de bzhin du khyed rnams kyang mya ngan las 'das pa 
thob par mi nus te khyed cag la de lta bu'i rdzu 'phrul med do/ /de ci'i phyir zhe na/ las kyi rnam pas bya gag gi skye gnas su skyes nas lus 'di ring po mi thogs par lus 'jig cing mthar 'chi bar 'gyur te/ 'chi ba'i dus kyi tshe de dag ro bro ba med nas bdag cag gis lus 'di ci zhig gi 
phyir bzung / bdag cag gis gang lha'i 'jig rten gyi bde ba dang / mi'i 'jig rten gyi bde ba yang ma myong la/ mya ngan las 'das pa'i gnas la yang gnas par ma gyur te/ bdag cag gis lus 'di ni don med par bzung na bdag cag gi 'gro ba ni gang yin/ bdag cag gi rten du ni su 
zhig 'gyur/ gang du skye zhing gang du 'jig par 'gyur zhig gu snyam nas yongs su skrag par 'gyur ro/ /de nas bcom ldan 'das kyis gzhan mu stegs can spyod pa pa dang / kun tu rgyu dang gcer bu pa de dag la bka' stsal pa/ khyed cag rin po che'i 'dzam bu'i gling 'dir yi 
chad par ma byed cig khyed chos dkon mchog las phyi rol tu ma gyur cig kye grogs po dag khyed de bzhin gshegs pa la ci dang ci 'dod pa dris shig dang / ngas khyed kyi bsam pa thams cad yongs su rdzogs par bya'o/ /de nas bram ze dang gzhan mu stegs can spyod pa 
pa dang / kun tu rgyu dang / gcer bu pa de dag thams cad stan las langs nas bla gos phrag pa gcig tu bgos te/ thal mo sbyar nas bcom ldan 'das la zhus pa/ bcom ldan 'das de bzhin gshegs pas gdugs mtshan du sems can rnams 'khor ba las yongs su bkrol 
yang sems can gyi khams la bri ba'am gang bar yang mi gda' na/ bcom ldan 'das rgyu gang dang rkyen gang gis sems can de dag skye ba dang / 'gag pa mnyam par ston/ de nas bcom ldan 'das kyis byang chub sems dpa' sems dpa' chen po sman gyi sde la bka' stsal pa/ mu 

</font><hr>48-1-251a<br><font size=+1>

stegs can dag 'gyod pa chen po bsal ba dang / chos kyi sgron ma chen po 'bar bar bya ba'i phyir go cha chen po bgos nas 'dri ba'i gleng gzhi chen po 'dri ste/ phyi ma'i dus na sems can gzhon nu dang / rgan po rnams skye ba dang 'jig pa shes par 'gyur ro/ /sman gyi sde sems 
can rgan po dag kyang gzhon nu bzhin du ci yang mi shes pa yang yod do/ /sman gyi sde 'di lta ste/ dper na skyes bu la la zhig skra bkrus nas gos gsar pa bgos te/ de khyim gyi phyi rol tu byung ba de la sems can rnams kyis khyod gos gsar pa legs par bgos so zhes smras pa dang / 
sems can gzhan zhig kyang mgo bkrus nas gos rnying pa yang bkrus te bgos pa dang de zegs pas mi de skra bkrus kyang mdzes par ma gyur la/ de'i gos kyang mdzes par ma gyur pa de bzhin du/ sman gyi sde 'dzam bu'i gling na sems can rgan po yod pa dag ni mdzes pa ma yin te/ sems 
can gzhon nu dag ni skye ba dang 'gag pa ston to/ /de nas bram ze dang gzhan mu stegs can spyod pa pa dang / kun tu rgyu de dag thams cad stan las langs nas bcom ldan 'das la 'di skad ces gsol to/ /bcom ldan 'das bdag cag gi nang na gzhon nu ni gang lags/ rgan po ni gang 
lags/ bcom ldan 'das kyis bka' stsal pa/ khyed cag ni yang dang yang sems can dmyal ba dang / dud 'gro dang / yi dgas rnams su tshor ba myong yang khyed da dung du ngoms mi myong bas khyed cag ni rgan pa'o/ /de nas bcom ldan 'das la bram ze de dag thams cad dang / klu'i rgyal po 
thams cad kyis 'di skad ces gsol to/ /bcom ldan 'das slan chad 'khor bar sdug bsngal gyi tshor ba myong ba la mi spro'o/ /gang gzhan mu stegs can spyod pa pa dang / kun tu rgyu dang / gcer bu pa rnams kyis 'di skad ces smras so/ /sems can gzhon nu rnams las kyang 
gang chos nyid mngon sum du byed nus pa med do/ /de skad ces smras pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das ci'i slad du sems can rnams mos pa dka' ba la gzigs su gsol/ bcom 

</font><hr>48-1-251b<br><font size=+1>

ldan 'das kyis bka' stsal pa/ sman gyi sde nyon cig dang de bzhin gshegs pas ni 'jig rten thams cad mngon sum du mdzad do/ /de nas sems can gzhon nu bye ba stong phrag dgu bcu rtsa bzhi de bzhin gshegs pa'i spyan sngar 'dug ste/ de bzhin gshegs pa la phyag kyang mi 
'tshal tshig kyang mi smra'o/ /de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das sems can 'di dag bcom ldan 'das la mi smra/ kun tu mi smra zhing phyag kyang mi 'tshal/ bcom ldan 'das la zhu ba 
yang mi bgyid pa'i rgyu gang lags rkyen gang lags/ bcom ldan 'das kyis bka' stsal pa/ sman gyi sde nyon cig /sems can gzhon nu rnams kyis chos nyid mngon sum du byed mi nus so/ /zhes sems can gang de skad zer ba la/ sman gyi sde 'di dag ni khyed kyis sems can 
gzhon nu yin par blta'o/ /sems can de dag gis 'di skad ces gsol to/ /btsun pa bcom ldan 'das bdag cag ni sems can gzhon nu lags so/ /btsun pa bde bar gshegs pa bdag cag ni sems can gzhon nu lags so/ /bcom ldan 'das kyis bka' stsal 
pa/ kye sems can 'di dag ni 'jig rten mngon sum du byed pa yin gyis/ da rang gi lus las 'jig rten gyi tshad ston cig /de'i tshe de'i dus na sems can gzhon nu bye ba stong phrag dgu bcu rtsa bzhi lus dang ma bral bar steng gi nam mkha' la gnas te/ sa bcu rab tu thob par gyur 
to/ /de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /gang dag 'khor ba yongs su zad par bgyi ba dang yongs su byang bar bgyi ba'i slad du brtson 'grus rtsom pa'i sems can de lta bu ni rnyed pa legs par rnyed do/ /bcom 
ldan 'das sems can 'di dag ni deng nyid skyes la/ bcom ldan 'das sems can 'di dag ni deng nyid yongs su grol te thams cad kyang sa bcu rab tu thob par mthong ngo // //bam po gsum pa/ de nas bram ze dang / gzhan mu stegs can spyod pa pa dang / kun 

</font><hr>48-1-252a<br><font size=+1>

tu rgyu dang / gcer bu pa dang / klu'i rgyal po dang / bdud sdig can 'khor dang bcas pa thams cad lhags nas g.yo bya ba'i phyir bcom ldan 'das la 'di skad ces gsol to/ /bcom ldan 'das bdag cag 'dir de bzhin gshegs pa'i gan du mchis te chos kyi 
rnam grangs 'di thos nas bdag cag gis sangs rgyas kyi bde ba 'di lta bu thob par gyur cig /'jig rten du de bzhin gshegs pa dgra bcom pa yang dag par rdzogs pa'i sangs rgyas 'di lta bur gyur cig /bcom ldan 'das kyis bka' stsal pa/ bzhin bzangs dag de de 
bzhin te/ ji ltar khyed de bzhin gshegs pa'i gan du lhags nas khyed kyis zung gi chos kyi rnam grangs 'di thos pas bla na med pa yang dag par rdzogs pa'i byang chub tu sems bskyed do/ /des na khyed thams cad ring po mi thogs par bla na med pa yang dag par rdzogs pa'i byang chub 
mngon par rdzogs par 'tshang rgya bar 'gyur ro/ /bcom ldan 'das kyis tshig 'di gsungs ma thag tu/ de nas gzhan mu stegs can de dag thams cad mi skye ba'i chos la bzod pa thob par gyur te/ thams cad kyang sa bcu la rab tu gnas pa'i byang chub sems dpar gyur nas/ 
byang chub sems dpa' de dag thams cad steng gi nam mkha' bar snang la shing ta la bdun srid du mngon par 'phags nas rin po che sna bdun gyi khang pa brtsegs pa dag de bzhin gshegs pa la dbul zhing thams cad kyang rnam par 'phrul pa sna tshogs byin gyis rlob ste rdzu 'phrul mngon par 
'du bya ba mngon par 'du byed do/ /de nas bcom ldan 'das kyis dbu'i spyi gtsug gi steng logs su gnas te/ bcom ldan 'das la me tog sil ma sna tshogs 'thor zhing de bzhin gshegs pa thams cad kyang yid la byed de/ rang gi lus la yang sangs rgyas su 'du shes bskyed do/ /
lha'i bu bye ba brgya stong phrag du ma yang de bzhin gshegs pa la mngon par 'thor zhing tshig 'di skad du dge sbyong gau ta ma ni rnyed pa chen po'o/ /zhing chen po'o/ /'jig rten gyi mgon no/ /ting nge 'dzin gyi stobs bskyed pa brnyes pa'o/ /mkhas pa mkhas pa tshol ba lags te/ gang sems 

</font><hr>48-1-252b<br><font size=+1>

can 'di lta bu dag thabs mkhas pas mthar gyis 'khor ba las yongs su thar bar mdzad de legs par gsungs pa gcig tsam gyis kyang sems can de snyed cig 'khor ba las yongs su grol lo zhes smras so/ /de nas byang chub sems dpa' sems dpa' chen po sman gyi sde 
stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das rgyu gang dang rkyen gang gis 
rigs kyi bu de dag tshig 'di skad 'byin cing rdzu 'phrul mngon par 'du bgyi ba mang po bgyid de/ de bzhin gshegs pa'i bsngags pa mang po mngon par 'du bgyid/ bcom ldan 'das kyis bka' stsal pa/ rigs kyi bu nyon cig /de dag ni nga la bstod pa ma yin gyi/ rang gi lus 
la bstod cing rang gi lus chos kyi stan dam pa la 'jog par 'gyur/ rang gi lus las chos kyi 'od zer 'byin par 'gyur/ bla na med pa yang dag par rdzogs pa'i byang chub mngon par rdzogs par sangs rgyas par bya ba'i phyir/ sangs rgyas thams cad kyis kyang yongs su bzung bar 
'gyur ro/ /mngon par rdzogs par sangs rgyas nas kyang chos ston par 'gyur ro/ /de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das bde bar gshegs pa gdugs mtshan du sems 
can mang po zhig yongs su grol yang da dung du sems can rnams zad par ma gyur to/ /bcom ldan 'das kyis bka' stsal pa/ sman gyi sde khyod gang de bzhin gshegs pa la don 'di 'dri bar sems pa ni legs so legs so/ /sman gyi sde 'di lta ste/ dper na skyes bu la la 
zhig phyug cing nor che la longs spyod che ste/ nor dang / 'bru dang / mdzod dang / bang ba mang po dang ldan la/ bran po dang / bran mo dang / las byed pa dang / zho shas 'tsho ba'i mi mang po dang ldan te/ de nor gyi phung po mang la zhing dang kun dga'i ra ba mang du bdog cing / 'di 

</font><hr>48-1-253a<br><font size=+1>

lta ste/ nas dang / gro dang / 'bras dang / bal sran dang / sran chung la sogs pa 'bru mang du bdog pa zhig yod la/ mi des dpyid kyi dus la 'bru thams cad kyi sa bon btab nas dus gzhan zhig gi tshe sa bon de dag thams cad yongs su smin par gyur pa 
dang / mi des 'bru de dang de dag so sor 'jog ste/ bzhag nas kyang dpyid kyi dus kyi bar du zos nas yang 'debs pa bzhin du sman gyi sde sems can rnams kyang sngon las byas pa'i las de dag thams cad yongs su zad par gyur pa dang / de la bsod nams kyi zhing tshol te dge ba'i rtsa 
ba rnams bskyed do/ /bskyed nas kyang dge ba'i chos de la nan tan gyis sgrub ste chos thams cad 'phel bar byas nas dga' ba dang / mgu ba bskyed de/ sman gyi sde dga' zhing mgu ba'i sems des bskal pa bye ba'i bar du chud mi za'o/ /sman gyi sde de bzhin du byang chub sems 
dpa' sems dang po bskyed pa'i dge ba'i rtsa ba chud za ba'i chos can du nam yang mi 'gyur te/ mdor na chos thams cad rab tu shes so/ /gsol pa/ bcom ldan 'das byang chub sems dpa' sems dang po bskyed pa'i rmi lam ji lta bu mthong bar 'gyur/ bcom ldan 'das 
kyis bka' stsal pa/ sman gyi sde byang chub sems dpa' sems dang po bskyed pa'i rmi lam du 'jigs pa mang po mthong bar 'gyur ro/ /de ci'i phyir zhe na/ las thams cad yongs su sbyong ba'i phyir ro/ /sems can sdig pa'i las can gyis ni sdug bsngal mi bzad pa sel bar 
mi nus so/ /de ni sdig pa'i rmi lam mthong yang 'jigs pa ma yin no/ /gsol pa/ bcom ldan 'das byang chub sems dpa' sems dang po bskyed pa'i rmi lam du ji ltar 'jigs pa mthong bar 'gyur ba lags/ bcom ldan 'das kyis bka' stsal pa/ sman gyi sde me rab 
tu 'bar ba mthong ste/ de nas byang chub sems dpa' des bdag gis nyon mongs pa thams cad tshig par rig par bya'o/ /sman gyi sde gnyis su ni byang chub sems dpa' sems dang po bskyed pa des chu brug cing rab tu brug pa mthong yang 'jigs par mi bya'o/ /de ci'i phyir zhe na/

</font><hr>48-1-253b<br><font size=+1>

sman gyi sde de bzhin du gti mug gis bcings pa thams cad las bzlog nas sdig pa byang bar byas pa yin no/ /sman gyi sde gsum du na byang chub sems dpa' sems dang po bskyed pa'i rmi lam na 'jigs pa chen po mthong ngo / /gsol pa/ bcom ldan 'das gang lags/ 
bcom ldan 'das kyis bka' stsal pa/ bdag gi lus kyi mgo bregs pa mthong yang sman gyi sde de la des 'jigs par mi bya'o/ /de ci'i phyir zhe na/ bdag gi 'dod chags dang / zhe sdang dang / gti mug bregs pa yin te/ bdag ni 'gro ba drug tu 'khor ba las rgyal ba 
yin no snyam mo/ /de sems can dmyal bar gnas pa yang ma yin/ dud 'gro dang / yi dgas rnams kyi nang du ma yin/ lha ma yin rnams kyi nang du ma yin/ klu rnams kyi nang du ma yin/ lha rnams kyi nang du ma yin te/ sman gyi sde byang chub sems dpa' sems dang 
po bskyed pa ni sangs rgyas kyi zhing yongs su dag pa rnams su skye ba rab tu 'dzin to/ /sman gyi sde phyi ma'i tshe phyi ma'i dus na gal te sems can la la zhig byang chub tu sems yongs su bsngo bar 'gyur na des yi dam chen po bcas par blta ste/ brnyas par gnas par gyur kyang sman gyi sde 
de la des skyo ba'i sems bskyed par mi bya/ zhum par mi bya'o/ /sman gyi sde ngas chos mang du bstan te/ sman gyi sde ngas bskal pa bye ba khrag khrig brgya stong du ma zhig gi bar du dka' ba spyod pa spyad kyang sman gyi sde ngas longs spyod kyi phyir ram/'tsho ba'i longs spyod kyi phyir ram/ dbang 
phyug gi longs spyod kyi phyir dka' ba spyod pa spyad pa ma yin gyi/ sman gyi sde chos kyi ngo bo nyid khong du chud par bya ba'i phyir ngas dka' ba spyod pa spyad kyang ngas de srid kyi bar du bla na med pa yang dag par rdzogs pa'i byang chub ma thob kyi/ sman gyi sde gang gi tshe gang gi dus na ngas zung gi chos kyi rnam 
grangs 'di thos pa de nyid kyi nyin mo bla na med pa yang dag par rdzogs pa'i byang chub mngon par rdzogs par sangs rgyas te/ sman gyi sde chos kyi rnam grangs 'di zab bo/ /chos kyi rnam grangs 'di thos pa rnyed par dka'o/ /sman gyi sde de bzhin gshegs pa rnams 'byung ba yang mchog 

</font><hr>48-1-254a<br><font size=+1>

tu rnyed par dka'o/ /sman gyi sde chos kyi rnam grangs 'di 'dzin pa dag kyang mchog tu rnyed par dka'o/ /gang dag chos kyi rnam grangs 'di thos pa de dag thams cad ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /
sman gyi sde bskal pa stong du 'khor ba bsnyil bar 'gyur ro/ /sangs rgyas kyi zhing yongs su dag pa rab tu rnyed par 'gyur ro/ /'gog pa dang lam yang rab tu shes par 'gyur ro/ /gnas rab tu shes pa'i skal ba yod par 'gyur ro/ /dge ba'i gnas rab tu shes pa'i skal 
ba yod par 'gyur ro/ /mngon par shes pa dang dge ba'i gnas rab tu shes pa'i skal ba yod par 'gyur ro/ /dge ba'i gnas dang 'gog pa rab tu shes pa'i skal ba yod par 'gyur ro/ /sman gyi sde ci'i phyir 'gog pa zhes bya/ gsol pa/ bcom ldan 'das chos kyi 
gnas ni don zhes bgyi'o/ /bcom ldan 'das kyis bka' stsal pa/ sman gyi sde chos kyi gnas gang yin/ gsol pa/ bcom ldan 'das chos zhes bgyi ba ni brtson 'grus brtsams pa nyid dang / tshul khrims bsrungs pa nyid dang / tshul khrims dang ldan pa lags te/ chos 
kyi gter zhes bgyi'o/ /bcom ldan 'das 'di ni chos kyi gter 'byung ba'o/ /bcom ldan 'das kyis bka' stsal pa/ sman gyi sde de bzhin gshegs pa la don 'di yongs su 'dri bar sems pa ni legs so legs so/ /gsol pa/ bcom ldan 'das ci'i slad du de 
bzhin gshegs pa rnams 'jig rten du 'byung / bcom ldan 'das kyis bka' stsal pa/ sman gyi sde gang dag mang du thos pa dang ldan pa/ rab tu shes pa de dag gis de bzhin gshegs pa rnams kyi 'byung ba rab tu shes so/ /de bzhin gshegs pa rnams kyi 'byung ba 
shes nas de bzhin gshegs pa rnams kyi 'byung ba bde ba'i gnas 'di rab tu shes so/ /nam de bzhin gshegs pa rnams 'jig rten du 'byung ba de na sems can rnams kyis chos thams cad rab tu shes so/ /thabs mkhas pas chos rnams rab tu shes so/ /'jig rten pa 

</font><hr>48-1-254b<br><font size=+1>

dang 'jig rten las 'das pa'i chos rnams rab tu shes so/ /'jig rten dang 'jig rten las 'das pa'i ye shes rnams rab tu shes so/ /gsol pa/ ye shes nyid rtogs nas mya ngan las 'das pa gang rab tu 'tshal/ bcom ldan 'das kyis bka' stsal pa/ sman gyi 
sde chos rab tu shes nas chos rab tu shes so/ /sman gyi sde de bzhin du dam pa'i chos bsdu bar rab tu shes nas rnyed pa dang po skye'o/ /chos ji ltar thos pa bzhin du bzung nas chos dang ldan pa nyid rnyed par 'gyur ro/ /sman gyi sde 'di lta ste/ dper na mi tshong par gyur pa la la zhig mi 
khur stong gi gser khyer te de khe spogs kyi phyir song ba dang / de'i pha ma 'di skad smra ste/ bu nyon cig gser srang stong khyer la gzhan dang rang gi gser legs par khyer cig /tshong pa des gser khyer te song nas zla ba gcig tsam lon pa dang gser de dag thams cad chud gsan te med 
par byas kyi 'og tu de nas mi des bsams pa dang shin tu mi dga' nas snying la mya ngan gyi zug rngus zug ste de la gnong zhing ngo tsha nas rang gi khyim du ma song ba dang / de'i pha mas thos nas yi chad de/ snying la mya ngan gyi zug rngus zug nas gos dag kyang dral te bu ngan pa de bdag cag gi khyim 
du bu'i gzugs su skyes nas khyim so kun kyang bshig ste/ bdag cag la mkho ba med cing sdug bsngal bar byas so/ /bran gyi las byed du bcug go zhes de skad smre sngags 'don te/ de'i pha ma yi chad nas 'chi ba'i dus byas pa dang / de nas bu des pha ma bdag la yi chad de 'chi ba'i 
dus byas so/ /zhes thos nas bu de yang yi chad de 'chi ba'i dus byas pa de bzhin du/ sman gyi sde de bzhin gshegs pas don 'di bshad pa la yang gang dag nga'i bstan pa la mi dad pa de dag ni re thag chad nas 'chi ba'i dus kyi tshe snying la mya ngan gyi zug rngus zug ste 'chi ba'i dus byed par 
'gyur ro/ /ji ltar pha ma de dag yi chad de gser gyi phyir mya ngan byed cing / snying la mya ngan gyi zug rngus zug nas gzhan dang rang gi gser gyi phyir mya ngan gyi zug rngu dang ldan pa de bzhin du/ sman gyi sde gang dag nga'i bstan pa la ma dad pa de dag ni phyis 'chi ba'i dus kyi tshe brang brdung zhing smre 

</font><hr>48-1-255a<br><font size=+1>

sngags 'don la/ sdug bsngal gyi tshor ba myong zhing sngon las byas pa'i bsod nams dag chud zos nas phyin chad zhing bzang po dang ldan pa'i bsod nams dag mi byed de/ de dag gi snying mya ngan gyi zug rngu dang ldan pas de'i tshe de'i dus na sems can dmyal ba dang / 
dud 'gro'i skye gnas dang / gshin rje'i 'jig rten du skye zhing / mi bzad pa drag po mthong nas 'chi ba'i dus kyi tshe 'di snyam du sems te/ gang sems can dmyal ba dang / dud 'gro dang / yi dgas dang / gshin rje'i 'jig rten mthong bar mi 'gyur zhing sdug bsngal gyi tshor ba de myong 
bar mi 'gyur bar bdag la su zhig skyabs su 'gyur snyam pa dang / de'i pha mas 'di skad ces smras so/ /bu cig nad kyi 'jigs chen ni/ /'byung bar mi nus ji ltar bya/ /na ba 'chi bas 'jigs mod kyi/ /bu khyod 'chi ba yod ma yin/ /nad kyis 'jigs dang skrag pa las/ /
khyod ni thar bar 'gyur ba yin/ /bdag ni rnam par shes pa 'gag /bdag gi lus la rab tu gnod/ /yan lag thams cad sdug bsngal te/ /bdag gis 'chi ba mthong bar gyur/ /bdag gi mig ni mi mthong zhing / /bdag gi rna yang mi thos so/ /sna yang thob par 
mi 'gyur te/ /lus kyang zo mdog bde ma yin/ /yan lag nying lag sdug bsngal te/ /shing dang 'dra bas sems pa med/ /bdag gi 'chi ba 'ong med ces/ /yum gyis bdag gi spro bsring zad/ /mas smras pa/ bu khyod de skad smra mi rigs/ /nga la mchog tu 'jigs 
ma byed/ /khyod kyi lus la rims btab pas/ /rnam pa sna tshogs mthong bar 'gyur/ /bus smras pa/ lus la rims kyang ma mthong ste/ /na ba med cing sdug bsngal med/ /'chi ba shin tu mi bzad mthong / /bdag gi lus sdug bcom par gyur/ /bdag gi 
lus kun sdug bsngal gyis/ /rab tu gzir bar mthong gyur na/ /su la skyabs su 'gro bar bya/ /bdag gi skyob par su zhig 'gyur/ /pha mas smras pa bu khyod la/ /lha yang rab tu bkyon gyur gyis/ /lha rnams la ni mchod byas na/ /de yi 'og tu 'tsho bar gyur/ /bus 

</font><hr>48-1-255b<br><font size=+1>

smras pa/ gang gis bdag ni 'tsho 'gyur ba/ /khyod kyis de ltar mdzad du gsol/ /rings shing rab tu myur bzhud la/ /lha bon po la dri bar gsol/ /de nas de'i pha ma lha'i rten gyi drung du song nas lha la bdug pa phul ba dang / de nas lha bon pos lha la bdug pa phul 
nas/ tshig 'di skad ces smras so/ /khyod la lha bkyon gyis lha rjed cig /mchod sbyin gyis shig /de la phyugs sod cig /mi yang sod cig dang / de nas khyed kyi bu nad las yongs su thar bar 'gyur ro/ /de nas pha ma de dag gis bsams pa/ bdag cag ni 
dbul na ji ltar bya/ gal te lha ma mnyes na ni bu de yang 'chi ba'i dus byed par 'gyur/ ji ste mnyes par bya na bdag cag ni dbul bas mi dang phyugs gang nas blang snyam nas de dag rings shing myur bar khyim du dong ste/ khyim gyi rdzas cung zad ci bdog pa de thams cad phyugs nyo ba'i 
phyir 'tshong du dong ngo / /de nas mi gzhan zhig gi gan du phyin nas/ kye skyes bu gser zhig skyir byin skyin pa ni zhag bcu nas slar 'bul nus na ni legs/ ji ste 'bul ma nus na yang deng khyed kyi bran du khas blangs te las bya'o/ /zhes de skad smras nas de gnyis kyis gser de khyer 
te mi nyor dong ngo / /de gnyis kyis mi nyos nas mi des kyang bdag bsad par ni ma shes so/ /de nas pha ma rmongs par gyur pa de gnyis slar rang gi khyim du ma dong gi lha rten gyi drung du song ste/ lha bon po la da myur du mchod sbyin mdzod cig ces smras so/ /de nas pha ma de gnyis bdag 
nyid kyis phyugs kyang bsad mi de yang bsad do/ /de nas lha bon po des mchod sbyin bya bar bsams te me bus pa dang / de nas lha de babs te khyod kyi bu ni ngas khyer ro zhes smras so/ /de nas pha ma de gnyis dga' zhing mgu bas khyab nas bu 'di sos na bdag cag bran du gyur kyang bla 
zhes smras te/ pha mas lha la mchod sbyin byas nas slar log ste rang gi khyim du phyin nas bu 'chi ba'i dus byas pa mthong ngo / /de nas pha ma de gnyis sdug bsngal zhing yi mug pa chen pos snying la mya ngan gyi zug rngu zug ste yi chad par gyur nas de nyid du 'chi ba'i dus byas pa de bzhin du/

</font><hr>48-1-256a<br><font size=+1>

sman gyi sde mi dge ba'i grogs po dang bsten par mi bya'o/ /gsol pa/ bcom ldan 'das sems can de dag gang du skye ba zhu'o/ /bcom ldan 'das kyis bka' stsal pa/ sman gyi sde kha rog nga la ma 'dri shig /gsol pa/ bcom ldan 'das zhu'o/ /bde bar 
gshegs pa zhu'o/ /bcom ldan 'das kyis bka' stsal pa/ sman gyi sde de la ma ni sems can dmyal ba chen po ngu 'bod du skyes so/ /pha ni sems can dmyal ba chen po bsdus gzhom du skyes so/ /bu ni sems can dmyal ba chen po tsha bar skyes so/ /lha bon po ni 
sems can dmyal ba chen po mnar med par skyes so/ /gsol pa/ bcom ldan 'das mi ma nongs pa de gang du skyes de'i tshe slad ma gang lags/ bcom ldan 'das kyis bka' stsal pa/ sman gyi sde 'di la mi mnyes pa de ni sum cu rtsa gsum gyi lha rnams kyi nang du skyes so/ /
gsol pa/ bcom ldan 'das rgyu gang dang rkyen gang gis mi de sum cu rtsa gsum gyi lha rnams dang skal ba mnyam par skyes/ bcom ldan 'das kyis bka' stsal pa/ sman gyi sde nyon cig /mi de 'chi ba'i dus kyi tshe de bzhin gshegs pa la sems dad pas sangs rgyas la phyag 
'tshal lo zhes lan cig smras te/ sman gyi sde dge ba'i rtsa ba des bskal pa drug cu'i bar du sum cu rtsa gsum gyi lha rnams kyi bde ba myong bar 'gyur/ bskal pa brgyad cu'i bar du skye bar tshe rabs dran par 'gyur/ skye ba dang skye bar mya ngan gyi zug rngu thams cad dang bral bar 'gyur ro/ /skyes 
ma thag tu sdug bsngal thams cad zlog par byed do/ /sems can de dag thams cad yongs su mya ngan las bzla bar ni mi nus so/ /gsol pa/ bcom ldan 'das ji ltar sems can thams cad yongs su mya ngan las bzla bar rngo thogs pa lags/ bcom ldan 'das kyis bka' stsal 
pa/ sman gyi sde brtson 'grus brtsam par bya'o/ /gsol pa/ bcom ldan 'das brtson 'grus brtsam pa gang lags/ bcom ldan 'das kyis bka' stsal pa/ sman gyi sde nyon cig /brtson 'grus zhes bya ba ni 'bras bu rnams ston pa'o/ /'di lta ste/ rgyun du zhugs pa'i 'bras 

</font><hr>48-1-256b<br><font size=+1>

bu zhes bya ba ni brtson 'grus kyi gnas so/ /lan cig phyir 'ong ba'i 'bras bu zhes bya ba ni brtson 'grus kyi gnas so/ /phyir mi 'ong ba'i 'bras bu zhes bya ba ni brtson 'grus kyi gnas so/ /dgra bcom pa nyid kyi 'bras bu dang / dgra bcom pa'i 'bras bu 'gag pa zhes bya ba ni 
brtson 'grus kyi gnas so/ /rang sangs rgyas kyi 'bras bu dang / rang sangs rgyas kyi 'bras bu'i shes pa zhes bya ba ni brtson 'grus kyi gnas so/ /byang chub sems dpa'i 'bras bu dang / byang chub kyi gnas zhes bya ba ni brtson 'grus kyi gnas te/ sman gyi sde 'di dag ni brtson 
'grus kyi gnas zhes bya'o/ /gsol pa/bcom ldan 'das rgyun du zhugs pa dang / rgyun du zhugs pa'i 'bras bu ji ltar bstan par bgyi/ bcom ldan 'das kyis bka' stsal pa/ 'di lta ste/ dper na mi la la zhig gis shing zhig bskyed na de nyid kyi nyin mo shing 
de'i rtsa ba zug nas de nyid kyi nyin mo rtsa ba de dpag tshad tsam gyi 'og tu song ngo / /mi gzhan zhig gis kyang de bzhin du shing bskyed pa dang / de nyid kyi nyin mo rlung gis bskyod de shing de rtsa ba ma zug nas/ de nas mi des gnas de nas shing de phyung ba dang / mi cig shos kyis kyang ci'i 
phyir nga'i sa brkos zhes 'thab 'breg rtsod par gyur nas/ de'i tshe rgyal pos mi de gnyis 'thab 'breg rtsod par gyur to/ /zhes thos nas/ rgyal po des pho nya btang ste/ song la mi de gnyis khrid de shog shig /lha de ltar 'tshal lo zhes mi de rings pa'i gzugs su brgyugs 
nas mi de gnyis la 'di skad ces khyed la rgyal po 'bod do zhes smras pa dang / de nas mi gcig ni 'jigs shing skrag go/ /mi gcig ni 'jigs shing skrag pa med par rgyal po ga la ba der khrid do/ /khrid nas rgyal po'i mdun du 'khod do/ /de nas rgyal pos mi de gnyis la 'di 
skad ces smras so/ /kye khyed ci zhig gi phyir 'thab cing rtsod par gyur/ de nas mi de gnyis langs te rgyal po la 'di skad ces smras so/ /rgyal po chen po gsan du gsol/ bdag cag la ni sa phyogs cung zad kyang ma mchis kyi sa g.yar po zhig la shing bskyed pa las rlung gis 

</font><hr>48-1-257a<br><font size=+1>

bskyod nas rtsa ba yang ma zug lo ma dang me tog dang 'bras bu yang ma byung ste/ rgyal po chen po de'i rtsa ba dpag tshad tsam gyi 'og tu yang mchis pa dang / khyod kyis nyes so zhes mi 'dis bdag la thab mo brgal du bas kyi bdag gis ni ma nongs na lha de la bdag gis cung zad kyang 
ma nongs par mkhyen par mdzad du gsol/ de nas rgyal po des blon po bye ba phrag sum cu bkug ste/ bsogs nas 'di skad ces bsgo'o/ /khyed cag smros shig /blon po rnams kyis gsol pa/ ji skad smra bar bgyi/ gang gi nyin mo shing bskyed pa de nyid kyi nyin mo rtsa ba zug nas lo ma 
dang me tog dang 'bras bu 'byung ba de khyed kyis gang na yang mthong ngam/ thos sam khyed kyis zhag bdun nam zla phyed kyis 'di bye brag phyed par gyis shig /de nas blon po de dag stan las langs te rgyal po la 'di skad ces gsol to/ /rgyal po chen po bdag cag gis 'di bye brag phyed par bgyir 
mi rung ngo / /'di bye brag phyed par rngo mi thogs so/ /rgyal po chen po 'di ni ngo mtshar te/ re shig mi 'di nyid la rma bar bgyi'o/ /kye skyes bu gang smras pa'i don bden nam smros shig /smras pa rgyal po chen po don de mad do/ /rgyal pos smras pa/ gang gi nyin mo shing bskyed pa/ /de yi nyin 
mo rtsa zug cing / /'dab ma me tog 'bras byung zhes/ /de nyid nyin mo smra ba ni/ /khyod kyi tshig 'di 'thad par dka'/ /'di 'dra mthong ba'am thos pa med/ /de nas mi des thal sbyar te/ /rgyal po de la 'di skad smras/ /gshegs la nyid kyis shing bskyed de/ /rtsa ba zug la gzigs 
su gsol/ /de nas rgyal po de blon po bye ba phrag sum cu dang lhan cig phyi rol tu byung nas mi de gnyis kyang btson rar bcug go/ /de nas rgyal po de nyid kyis shing bskyed pa dang / shing de rtsa ba yang ma zug /lo ma dang / me tog dang / 'bras bu yang ma byung nas de nas rgyal po de khros te 'di skad 
ces khyed myur du deng la shing gshegs pa'i sta re rnams long shig /ces smras nas blangs pa dang / de nas gang mi des bskyed pa'i shing de la khros nas shing de'i lo ma dang / me tog dang / 'bras bu byung ba rnams bcad de shing gcig po de bcad pa dang shing bcu gnyis byung ngo / /shing bcu gnyis po 

</font><hr>48-1-257b<br><font size=+1>

bcad pa dang / rin po che sna bdun gyi shing rtsa ba dang bcas/ lo ma dang bcas/ myu gu dang bcas pa nyi shu rtsa bzhi byung ngo / /de nas shing nyi shu rtsa bzhi po de dag las bya gser gyi ze ba can/ gser gyi mchu can/ rin po che sna bdun gyi 'dab ma can nyi shu rtsa bzhi byung ngo / /de nas rgyal po 
de khro ba'i zil gyis non nas rang gi lag gis sta re blangs te shing de la gtsabs pa dang / shing gtsabs pa de las bdud rtsi'i chu byung ngo / /de nas rgyal po de yid mi bde nas song la mi de gnyis btson ra nas phyung shig ces bsgo ba dang / lha de ltar 'tshal lo zhes de'i mod la rab tu brgyugs te/ 
mi de gnyis btson ra nas phyung nas shing ga la ba der khrid pa dang / rgyal pos smras pa/ shing gcig bcad pa gnyis gyur du 'phel te nyi shu rtsa bzhir gyur pa de khyed kyis bskyed dam/ ngas bskyed pa'i shing ni rtsa ba dang / lo ma dang / me tog dang / 'bras bu yang ma skyes so/ /de nas mi des 
gsol pa/ rgyal po chen po bdag gi bsod nams ci 'dra ba de 'dra ba'i bsod nams khyod la mi mnga'o/ /de nas blon po bye ba phrag sum cus pus mo'i lha nga gnyis sa la btsugs nas mi de la 'di skad ces smras so/ /rgyal po snga ma 'di ni mi rung gis khyod kyis rgyal po bya dgos so/ /de nas mi des 
blon po de dag la tshigs su bcad pa 'di dag smras so/ /rgyal po longs spyod bdag mi dgos/ /nor dang 'bru yang dgos pa med/ /sangs rgyas rnams la bdag dad pas/ /rkang gnyis dag gi mchog tu shog /zhi ba mya ngan 'das pa'i dbyings/ /gang na de bzhin gshegs par 
'gro/ /mya ngan 'das khyim 'gro 'gyur ba/ /chos 'di khyed la bshad par bya/ /skyil mo krung ni bcas nas su/ /de nas yi dam rab bcas so/ /bdag gis sngon byas las rnams kyis/ /rgyal po'i btson rar phyin par gyur/ /smon lam 'di ni btab pas na/ /bdag gi las ni 
zad par gyur/ /de nas bya bye ba phrag nyi shu rtsa bzhis rdo rje'i mchus sil snyan rnams dkrol to/ /de nas de'i tshe de'i dus na khang pa brtsegs pa sum khri nyis stong byung ste/ khang pa brtsegs pa re re'i tshad kyang dpag tshad nyi shu rtsa lnga lnga par gyur to/ /khang pa brtsegs pa re re las kyang bya 

</font><hr>48-1-258a<br><font size=+1>

gser gyi ze ba can/ gser gyi mchu can gser gyi gdong can bye ba phrag nyi shu rtsa lnga lnga byung ste/ de dag gis mi'i skad du smras pa/ rgyal po khyod kyis legs ma byas/ /khyod kyis shing de bcad pas na/ /bye ba brgya yi shing rnams las/ /nyi shu rtsa 
bzhir gnas par gyur/ /sems can gang gis shing bskyed 'di/ /ci 'dra shes pa ma yin pa/ /sdig pa'i las kyis phyin chad kyang/ /mi sdug 'bras bu myong bar 'gyur/ /rgyal pos smras pa/ bdag gis don 'di mi shes kyis/ /dka' thub chen po lung ston 
cig /bya rnams kyis smras pa/ 'di ni 'jig rten snang byed de/ /rnam par 'dren par 'gyur ba yin/ /'khor ba'i srid pa'i btson ra las/ /sems can thams cad thar byed pa'o/ /rgyal pos smras pa/ gang gis shing ni ma skyes pa/ /skyes bu gnyis pa de gang yin/ /
des ni sdig pa'i las gang byas/ /gnyis skyes rnams ni smra bar byos/ /bya rnams kyis smras pa/ gang gi shing ni ma skyes pa/ /de ni lha sbyin glen pa ste/ /dge ba cung zad ma byas na/ /de yi shing ni ji ltar skye/ /de nas de'i tshe de'i dus na blon po bye ba phrag sum cu po 
rnams kyis chos kyi rnam grangs 'di thos nas thams cad kyang sa bcu la rab tu gnas te/ mngon par shes pa so sor thob par gyur to/ /rgyal po de yang sa bcu la gnas nas dge ba'i chos mngon par rtogs pa rjes su thob bo/ /de nas bcom ldan 'das la byang chub sems dpa' 
sems dpa' chen po sman gyi sdes 'di skad ces gsol to/ /bcom ldan 'das rgyu gang dang rkyen gang gis blon po bye ba phrag sum cu rtsa gsum po rnams sa bcu la gnas te/ mngon par shes pa so sor thob par gyur/ bcom ldan 'das kyis bka' stsal pa/ sman gyi sde nyon 
cig dang lung bstan par bya'o/ /de nas de'i tshe bcom ldan 'das 'dzum pa mdzad do/ /de nas de'i tshe bcom ldan 'das kyi zhal gyi sgo nas 'od zer kha dog du ma kha dog sna tshogs/ kha dog brgya stong phrag du ma 'di lta ste/ sngon po dang / ser po dang / dmar po dang / dkar po dang /

</font><hr>48-1-258b<br><font size=+1>

le brgan dang / shel dang / dngul gyi kha dog lta bu brgyad khri bzhi stong byung nas de dag gis 'jig rten gyi khams mtha' yas mu med pa snang bar byas te/ slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub bo/ /
de nas byang chub sems dpa' sems dpa' chen po sman gyi sde stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces 
gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis/ rkyen ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' 
stsal pa/ sman gyi sde phyogs bzhi'i 'jig rten gyi khams kun nas skye bo'i tshogs nga'i gan du 'ong ba mthong ngam/ gsol pa/ bcom ldan 'das de ma mthong ngo / /bcom ldan 'das kyis bka' stsal pa/ sman gyi sde de'i phyir skye bo'i tshogs la rnam par rtogs te ltos shig /
de nas byang chub sems dpa' sems dpa' chen po sman gyi sdes rnam par bltas pa dang / shar phyogs nas shing dpag tshad bdun stong pa cig byung nas/ de'i phyogs gcig na skye bo'i tshogs bye ba stong phrag nyi shu rtsa lnga 'dus te/ mi dag mi smra/ mi zer/ mi brjod/ mi za/ 
mi ldang / mi 'chag ste/ cang mi smra bar 'khod pa dang / lho phyogs nas shing dpag tshad bdun stong pa cig byung nas de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer mi smra/ kun tu mi smra/ yongs su mi brjod/ mi ldang / mi 'chag ste/ cang mi smra 
bar 'khod pa dang / nub phyogs nas shing dpag tshad bdun stong pa cig byung nas de la skye bo'i tshogs stong phrag nyi shu rtsa lnga 'dus te/ de dag kyang mi zer/ mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa dang / byang phyogs nas shing 

</font><hr>48-1-259a<br><font size=+1>

dpag tshad bdun stong pa cig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa dang / 'og gi phyogs nas shing dpag tshad 
bdun stong pa cig byung nas de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer/ mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa dang / steng gi phyogs nas shing dpag tshad bdun stong pa cig byung nas/ 
de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer/ mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa mthong ngo / /de nas bcom ldan 'das la byang chub sems dpa' sems dpa' chen po sman 
gyi sdes 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de 
skad ces gsol pa dang / bcom ldan 'das kyis byang chub sems dpa' sems dpa' chen po sman gyi sde la 'di skad ces bka' stsal to/ /sman gyi sde ci dang ci 'dod pa dris shig dang / dris pa de dang de'i lung bstan pas ngas khyod kyi sems rangs par bya'o/ /de skad ces bka' 
stsal pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das ci'i slad du phyogs bzhi'i 'jig rten nas skye bo'i tshogs mang po lhags shing gnas pa nas 'og dang steng phyogs kyi bar nas skye bo'i tshogs bye ba 
stong phrag lnga bcu lhags shing gnas par gyur pa'i rgyu gang lags/ rkyen gang lags/ bcom ldan 'das kyis bka' stsal pa/ sman gyi sde khyod song la 'di dag 'jig rten gyi khams gang nas lhags pa'i de bzhin gshegs pa de dag la khyod nyid kyis zhus shig /gsol pa/ su'i rdzu 

</font><hr>48-1-259b<br><font size=+1>

'phrul gyi stobs bskyed pas mchi bar bgyi/ bcom ldan 'das kyis bka' stsal pa/ sman gyi sde rang gi rdzu 'phrul gyi stobs bskyed par song shig /de nas byang chub sems dpa' sems dpa' chen po sman gyi sdes bcom ldan 'das la lan gsum bskor ba byas te de nyid du mi snang bar 
gyur nas/ 'jig rten gyi khams bye ba phrag dgu bcu rtsa drug 'das te/ 'jig rten gyi khams zla ba'i sgron ma zhes bya ba de na de bzhin gshegs pa dgra bcom pa yang dag par rdzogs pa'i sangs rgyas zla ba can gyi zhing zhes bya ba byang chub sems dpa' bye ba stong phrag brgyad cus yongs 
su bskor cing mdun gyis bltas nas chos ston pa'i 'jig rten gyi khams der phyin to/ /de nas byang chub sems dpa' sems dpa' chen po sman gyi sde bcom ldan 'das de bzhin gshegs pa zla ba can gyi zhing de'i spyan sngar 'dug nas/ bcom ldan 'das ga la ba de logs su thal mo sbyar ba 
btud de/ bcom ldan 'das la 'di skad ces gsol to/ /bcom ldan 'das rgyu gang gis mi mjed kyi 'jig rten gyi khams su shAkya thub pa de bzhin gshegs pa'i spyan sngar skye bo'i tshogs phyogs bcu nas 'dus shing lhags pa dag de na mchis pa'i tshe ni mthong la 'di na mchis pa'i tshe mi mthong 
bar gyur/ bcom ldan 'das kyis bka' stsal pa/ sman gyi sde de nyid na rgyu zhing gnas so/ /gsol pa/ bcom ldan 'das yang ji lta bu lags/ de nas byang chub sems dpa' sems dpa' chen po sman gyi sde de bzhin gshegs pa zla ba can gyi zhing ga la ba der song ste phyin nas de bzhin 
gshegs pa de'i spyan sngar 'dug ste/ bcom ldan 'das la 'di skad ces gsol to/ /bcom ldan 'das bdag 'jig rten gyi khams bye ba stong phrag dgu bcu rtsa drug 'das te mchis pa na/ bcom ldan 'das bdag gis de dag tu sems can ji snyed mthong ba de snyed ni gang na yang ma mthong ngo / /
bcom ldan 'das kyis bka' stsal pa/ sems can de dag ni sems pa med pa'i shing las byung ngo / /gsol pa/ bcom ldan 'das gang sems pa ma mchis pa'i shing las ni byung ba sus mthong sus thos/ bcom ldan 'das kyis bka' stsal pa/ sman gyi sde gang sems pa med pa'i 

</font><hr>48-1-260a<br><font size=+1>

shing las mi 'byung ba khyod kyis ma mthong ma thos sam/ gsol pa/ bcom ldan 'das bdag gis ma mthong ma thos so/ /bcom ldan 'das kyis bka' stsal pa/ sman gyi sde khyod mthong bar 'dod na deng ngas bstan par bya'o/ /gsol pa/ bcom ldan 'das 
'tshal lo/ /bde bar gshegs pa 'tshal lo/ /de nas de bzhin gshegs pa zla ba can gyi zhing nas phyag rkyang ba dang phyag de las skye bo'i tshogs bye ba stong phrag brgya byung ste/ skye bo'i tshogs re res kyang lag pa brgya brgya brkyang nas spos dang / phreng ba dang / byug pa sna tshogs de bzhin 
gshegs pa la gtor ba dang / bcom ldan 'das kyis bka' stsal pa/ sman gyi sde khyod kyis skye bo'i tshogs 'dis de bzhin gshegs pa la spos dang / phreng ba dang / byug pa gtor ba mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /
bcom ldan 'das kyis bka' stsal pa/ skye bo'i tshogs byung ba 'di dag ni sems pa med pa'o/ /mi 'di dag ni sems pa med pa'o/ /de nas mi bye ba stong phrag brgya po de dag re re zhing yang gang lag pa brgya brgya yod pa de dag thams cad lhung ngo / /de nas byang chub sems dpa' sems 
dpa' chen po sman gyi sdes de mthong nas/ bcom ldan 'das la 'di skad ces gsol to/ /bcom ldan 'das 'di ci zhig lags/ bde bar gshegs pa 'di ci zhig lags/ gang mi rnams kyi lag pa brgya po yang yud tsam gyis lhung ste/ bcom ldan 'das gal te 
lag pa brgya pa yang grol bar mi 'gyur na/ lag pa gnyis pa'i mi lta smos kyang ci 'tshal/ bcom ldan 'das kyis bka' stsal pa/ sman gyi sde de bzhin du sems can rnams ni sems pa med par skye'o/ /sems pa med par 'gag go/ /sman gyi sde de'i lus kyang sems pa 
med par gyur par shes par bya'o/ /gsol pa/ bcom ldan 'das gang sems can de dag la gzhon pa gang lags/ rgan pa gang lags/ bcom ldan 'das kyis bka' stsal pa/ sman gyi sde sems can gzhon pa yang yod/ rgan pa yang yod do/ /gsol pa/ bcom 

</font><hr>48-1-260b<br><font size=+1>

ldan 'das gzhon pa gang lags/ rgan pa gang lags/ bcom ldan 'das kyis bka' stsal pa/ gang dag da ltar lhung ba de dag ni rgan pa'o/ /gang dag shing rnams las skyes pa de dag ni gzhon pa'o/ /gsol pa/ bcom ldan 'das sems can gzhon nu rnams 
mthong bar 'tshal lo/ /de nas de bzhin gshegs pa zla ba can gyi zhing gis phyag g.yas pa'i mthil brkyang ba dang / de nas phyogs bcu nas skye bo'i tshogs bye ba stong phrag brgya brgya 'ong ngo / /'og dang steng gi phyogs nas skye bo'i tshogs bye ba phrag lnga bcu lnga bcu 'ong ste/ skye 
bo'i tshogs de dag lhags nas kyang bcom ldan 'das kyi zhabs la mgo bos phyag 'tshal nas/ de bzhin gshegs pa la mi smra/ kun tu mi smra zhing cang mi zer bar 'khod do/ /de nas bcom ldan 'das la byang chub sems dpa' sems dpa' chen po sman gyi sdes 'di skad 
ces gsol to/ /bcom ldan 'das ci'i slad du sems can de dag de bzhin gshegs pa la mi smra/ kun tu mi smra zhing cang mi mchi bar mchis/ bcom ldan 'das kyis bka' stsal pa/ sman gyi sde khyod mi shes sam/ sa phyogs ni sems pa med de mi smra/ kun tu mi 
smra zhing chos kyi phung po yang mi shes so/ /de ci'i phyir zhe na/ sman gyi sde 'di la sems can gzhon nu kha cig ni mthong yang skye ba mi shes/ 'gag pa dang / rga ba dang / nad dang / mya ngan dang / smre sngags 'don pa dang / sdug pa dang bral ba dang / mi sdug pa dang phrad pa 
dang / mdza' ba dang / bye ba dang / 'chi ba dang / dus ma yin par 'chi ba dang / sdug bsngal mi bzad pa de dag thams cad mi shes te/ mthong yang yid 'byung bar mi 'gyur na shes par lta ga la 'gyur te/ sman gyi sde de dag yang dang yang bslab par bya'o/ /de nas bcom 
ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das gang chos ma 'tshal ba'i sems can gzhon nu de dag gang nas mchis/ gang nas 'chi 'pho zhing gang du skye bar 'gyur/ bcom ldan 'das kyis bka' stsal 

</font><hr>48-1-261a<br><font size=+1>

pa/ sman gyi sde nyon cig /mi'i lus yongs su 'dzin pa de dag ni dngul mkhan gyis kyang ma byas/ zangs mkhan gyis kyang ma byas/ shing mkhan gyis kyang ma byas/ rdza mkhan gyis kyang ma byas te/ rgyal po'i 'jigs pas kyang ma byas kyi/ gzhan 
du na skyes pa dang bud med 'dus pa dang sdig pa'i las dang ldan pa las byung ngo / /sems can de dag kyang yang dang yang bzo'i las rnams slob pas de dag gi sdug bsngal mi bzad pa mtha' yas pa dang / tshor ba mi bzad pa 'byung ste/ der de dag sngon sdig pa mi dge ba'i las byas 
pa'i rnam par smin pa myong ngo / /sman gyi sde 'di nyid du gang sems can gzhon nu lhags pa mi ldang ba 'di dag ni 'di 'dra ba'i sdug bsngal gyi tshor ba myong bar 'gyur te/ sman gyi sde de'i phyir mi smra/ kun tu mi smra'o/ /sman gyi sde de ltar na sems can gzhon nu de dag ni dge ba yang mi 
shes/ skye ba yang mi shes/ 'gag pa yang mi shes te/ de dag mi'i lus kyang 'thob par mi 'gyur ba 'di dag kyang sman gyi sde sems can gzhon nu rnams zhes bya'o/ /gsol pa/ bcom ldan 'das sems can gzhon nu rnams ji ltar skye/ ji ltar 'gag /bcom ldan 
'das kyis bka' stsal pa/ sman gyi sde 'di lta ste/ dper na mi la la zhig gis me la shing gis reg par byas pa dang / shing de la mthar gyis me 'bar ba de bzhin du/ sman gyi sde thog ma mi'i lus su skye'o/ /skyes nas gdod tshor ba myong ngo / /gsol pa/ bcom ldan 
'das su zhig 'dir mngon par skye/ skyes nas su zhig yongs su mya ngan las 'das/ bcom ldan 'das kyis bka' stsal pa/ sman gyi sde sangs rgyas nyid skyes so/ /de bzhin gshegs pa nyid yongs su mya ngan las 'das so/ /'di lta ste dper na/ rgyal pos mi la la zhig 
bcings te khang pa mun pa mun nag gi nang du btson rar bcug pa dang / mi de khang pa mun nag der zhugs nas khang pa mun nag la khang pa mun nag tu mthong ngo / /de nas mi gzhan sngon sdug bsngal gyi tshor bas reg pa zhig gis mthong nas mi de ni ma rung bar gyur to/ /sngon sdug bsngal ma myong bas 'tsho 

</font><hr>48-1-261b<br><font size=+1>

ba srog chad par 'gyur ro/ /snyam bsams nas des der me khyer te 'ongs nas khyim de'i nang du me chung zad cig bor ba dang / mi btson rar bcug pa des me de mthong ngo / /mthong nas kyang de dbugs phyin par gyur te spro ba skyes so/ /me de yang rgyu gang gis 'bar ba'i me 'bar ba des khyim 
de kun tu 'bar bar gyur nas mi de yang de nyid du tshig pa dang / de tshig go zhes rgyal pos thos nas mi dga' ste/ de 'di snyam du phyin cad ni bdag gi yul du sems can gang yang btson rar mi gzhug go snyam du sems so/ /de nas rgyal po des rang gi yul na gnas pa'i sems can rnams la/ 
kye sems can khyed cag ma 'jigs shig /ma skrag shig /khyed cag 'jigs par ma gyur cig /phyin chad nga'i yul du chad pas gcad pa'am/ btson rar gzhug par mi bya'o/ /sems can gang yang srog dang dbral bar mi bya/ kye sems can khyed rnams ma 'jigs shig ces de ltar 
dbugs phyung ba de bzhin du/ sman gyi sde de bzhin gshegs pa ni nyon mongs pa thams cad bsregs pa nad thams cad rab tu zhi ba'o/ /ji ltar khyim tshig nas mi nyid kyi lus kyang tshig ste/ sems can rnams kyi don dang phan pa dang bde ba'i phyir zhugs nas sems can bcings pa yang 
bcings pa las yongs su thar bar byed pa de bzhin du/ de bzhin gshegs pa yang 'dod chags dang / zhe sdang dang / gti mug gi dri ma spangs te/ sems can thams cad la sgron ma bzhin du 'jig rten du byung nas sems can rnams sems can dmyal ba dang / dud 'gro dang / 
yi dgas dang / lha ma yin gyi lus rnams las yongs su thar bar mdzad cing sems can gzhon nu dang / rgan po rnams kyang yongs su thar bar mdzad do/ /de nas steng gi bar snang las tshigs su bcad pa 'di dag byung ngo / /rgyal ba'i zhing ni ngo mtshar zhing / /zhing bzangs mngon par 'dus 
byas pa/ /de la sa bon btab pa ni/ /rnam par chud zar mi 'gyur ro/ /rgyal ba'i zhing ni dag pa'i zhing / /sangs rgyas bstan pa bsngags pa ste/ /sems can thams cad bzung ba'i phyir/ /ston pas kyang ni thabs mdzad do/ /mya ngan 'das pa'i dbyings gnas kyang / /sa yi steng na kun tu snang / /

</font><hr>48-1-262a<br><font size=+1>

rtag tu 'jig rten zhi byas nas/ /sangs rgyas sbyin pa'i gnas rnams sbyong / /sems can gzhon nu thar bar byed/ /rgan po rnams kyang thar bar byed/ /sems can thams cad khams gsum las/ /mthar gyis yongs su thar bar byas/ /sems can dmyal 
ba'i sgo bcad de/ /dud 'gro yi dgas thar bar byas/ /'jig rten 'di yang zhi byas nas/ /'jig rten pha rol bde bar byed/ /de nas bcom ldan 'das kyis 'dzum pa mdzad nas/ bka' stsal pa/ legs pa rnams ni mthong na legs/ /sangs rgyas rnams kyang mthong na 
legs/ /dam chos yon tan zhing yang legs/ /dge 'dun 'dus pa mthong na legs/ /zung bstan pa yang legs pa ste/ /sdig pa rnam par 'jig pa legs/ /de nas byang chub sems dpa' sems dpa' chen po sman gyi sdes bcom ldan 'das ga la ba de logs su thal 
mo sbyar ba btud nas/ bcom ldan 'das la 'di skad ces gsol to/ /bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu khyod kyis sems can gzhon nu 'di dag mthong ngam/ gsol pa/ bcom 
ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ sman gyi sde 'di dag thams cad ni deng nyid du sa bcu la rab tu gnas par 'gyur ro/ /de nas byang chub sems dpa' sems dpa' chen po sman gyi sde dpag tshad brgyad khri srid 
kyi steng gi nam mkha' la gnas pa dang / lha bye ba stong phrag brgyad cu bcom ldan 'das la me tog gi char rab tu 'bebs so/ /sems can gzhon nu de dag kyang thal mo sbyar nas phyag 'tshal lo/ /de nas byang chub sems dpa' sems dpa' chen po sman gyi sdes bar snang la gnas 
bzhin du tshig 'di skad ces smras te/ des stong gsum gyi stong chen po'i 'jig rten gyi khams sgras gang bar gyur pa dang / sems can dmyal ba chen po sum cu rtsa gnyis su skyes pa'i sems can rnams sgra de nyan to/ /lha'i ris sum cu rtsa gnyis kyang sgra de la nyan to/ /stong gsum gyi stong chen 

</font><hr>48-1-262b<br><font size=+1>

po'i 'jig rten gyi khams kyang rnam pa drug tu rab tu g.yos so/ /rgya mtsho chen po'i nang gi klu brgyad khri bzhi stong yang 'khrugs so/ /srin po bye ba stong phrag sum cu yang 'dzam bu'i gling 'dir lhags so/ /yi dgas dang / gnod sbyin dang / srin po bye ba stong phrag nyi shu rtsa 
lnga yang lcang lo can gyi pho brang 'khor nas lhags te/ bcom ldan 'das kyi spyan sngar 'dus pa chen po kun tu 'dus so/ /de nas bcom ldan 'das kyis sems can gzhon nu de dag la chos bstan pa dang / phyogs bcu'i 'jig rten gyi khams nas/ byang chub sems dpa' 
sems dpa' chen po bye ba stong phrag brgya rang rang gi rdzu 'phrul gyis lhags so// //bam po bzhi pa ste tha ma/ de nas byang chub sems dpa' sems dpa' chen po sman gyi sdes bcom ldan 'das ga la ba de logs su thal mo sbyar ba btud nas/ bcom 
ldan 'das la 'di skad ces gsol to/ /bcom ldan 'das byang chub sems dpa' 'dus shing mchis pa mang ngo / /bde bar gshegs pa mang ngo / /bcom ldan 'das lha dang klu 'dus shing mchis pa yang mang ngo / /srin po bye ba phrag du ma zhig kyang lcang lo can gyi pho brang 'khor 
nas lhags te 'dus nas mchis par gyur to/ /de nas bcom ldan 'das kyis byang chub sems dpa' sems dpa' chen po sman gyi sde la bka' stsal pa/ rigs kyi bu mar shog /de nas byang chub sems dpa' sems dpa' chen po sman gyi sde rdzu 'phrul gyi stobs kyis steng nas 
babs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das chos kyi phung po chos kyi phung po zhes bgyi ba/ bcom ldan 'das ji tsam gyis na chos kyi phung po zhes bgyi/ bcom ldan 'das 
kyis bka' stsal pa/ rigs kyi bu chos kyi phung po zhes bya ba ni gang tshangs par spyod pa yongs su tshol zhing gang tshangs par spyod pa yongs su btsal nas kyang sdig pa thams cad spong ba'o/ /rigs kyi bu sems can gzhon nu mi tshangs par spyod pa spangs nas gdon mi za bar gzungs 

</font><hr>48-1-263a<br><font size=+1>

rab tu 'thob par 'gyur zhing chos thams cad dang yang ldan par 'gyur ba de dag mthong ngam/ gsol pa/ bcom ldan 'das thabs gang gis sems can mang po zhig 'dus shing chos kyi phung po nyan/ de nas bcom ldan 'das kyis byang chub sems dpa' sems dpa' 
chen po sman gyi sde la bka' stsal pa/ sman gyi sde gang dag skye ba nyid du sdug bsngal du mi nyan/ rga ba nyid du sdug bsngal du mi nyan/ nad nyid sdug bsngal dang / mya ngan sdug bsngal dang / smre sngags 'don pa sdug bsngal dang / sdug pa dang bral ba dang sdug bsngal dang / mi 
sdug pa dang phrad pa sdug bsngal du mi nyan pa'i sems can yang phal cher yod do/ /'chi ba ni sdug bsngal thams cad kyi phyir lus dang srog 'phrog pa yin te/ sman gyi sde 'di ni sdug bsngal thams cad ces bya'o/ /de nas sems can gzhon nu de dag gis bstan pa 'di thos nas/ 
bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag cag kyang 'gum par 'gyur ro/ /bcom ldan 'das kyis bka' stsal pa/ khyed dang sems can thams cad kyang 'chi'o/ /de dag gis 
gsol pa/ bcom ldan 'das ji ltar 'chi ba'i dus kyis non par 'gyur/ bcom ldan 'das kyis bka' stsal pa/ rigs kyi bu dag 'chi ba'i dus na rnam par shes pa tha ma la rnam par shes pa 'gag par byed pa zhes bya ba'i rlung dang / rnam par shes pa 'khrul bar byed pa zhes bya ba'i rlung 
dang / rnam par shes pa 'khrugs par byed pa zhes bya ba'i rlung dang / rigs kyi bu rlung gsum po 'di dag gis 'chi ba'i dus kyi tshe rnam par shes pa tha ma la klong bar 'gyur/ 'khrul bar 'gyur/ 'khrug pa skyed par 'gyur ro/ /de dag gis gsol pa/ bcom ldan 'das 'chi ba'i dus kyi tshe rnam 
par shes pa 'gag pa na lus 'joms par bgyid pa'i rlung gsum po gang lags/ bcom ldan 'das kyis bka' stsal pa/ grogs po dag mtshon zhes bya ba dang / skul ba zhes bya ba dang / zed pa zhes bya bas lus 'joms par byed do/ /gsol pa/ bcom ldan 'das lus zhes bgyi ba ji lta bu 

</font><hr>48-1-263b<br><font size=+1>

lags/ bcom ldan 'das kyis bka' stsal pa/ grogs po dag kun tu 'bar ba zhes kyang bya/ tshig pa zhes kyang bya/ ngar snabs zhes kyang bya/ sgregs pa zhes kyang bya/ dur khrod pa zhes kyang bya/ ngan pa'i blo zhes kyang bya/ khur lci ba zhes kyang bya/ skye bas yongs su 
gzir ba zhes kyang bya/ skye bas kun tu dkrugs pa zhes kyang bya/ srog yongs su gdung ba zhes kyang bya/ 'chi ba dang sdug pa dang bral bar byed pa zhes kyang bya ste/ grogs po dag 'di rnams ni lus zhes bya'o/ /de dag gis gsol pa/ bcom ldan 'das ji ltar 'gum/ 
ji ltar 'tsho/ bcom ldan 'das kyis bka' stsal pa/ grogs po dag rnam par shes pa zhes bya ba ni 'chi ba'o/ /tshe dang ldan pa bsod nams zhes bya ba ni 'tsho ba'o/ /grogs po dag lus zhes bya ba ni 'chi ba ste/ rgyus pa bye bas ni dkris/ spu'i khung brgyad khri bzhi stong dang 
ni ldan/ yan lag khri nyis stong gis ni sbrel/ rus pa sum brgya drug cus ni brtan/ lus kyi nang na srin bu'i rigs brgyad cu rtsa bzhi ni gnas te/ srog chags de dag thams cad la yang 'chi ba yang yod/ 'chi ba 'gag pa yang yod do/ /nam mi de 'chi ba de na srog chags de dag 
thams cad re thag chad par 'gyur te/ de na srog chags thams cad gcig la gcig za bas rlung 'khrug cing g.yo bar 'gyur te/ de na de dag sdug bsngal gyi tshor ba myong ngo / /la la ni bu'i phyir mya ngan byed/ la la ni bu mo'i phyir mya ngan byed/ la la ni gnyen gyi phyir mya ngan byed de/ de 
dag thams cad mya ngan gyi zug rngus zug go/ /gcig la gcig za bar brtsams nas de dag gcig gis gcig zos te srog chags gnyis shig las pa na de gnyis kyang zhag bdun gyi bar du 'thabs te zhag bdun 'das pa dang / srog chags gcig ni bcom mo/ /gcig ni thar 
to/ /tshe dang ldan pa chos zhes bya ba gang zhe na/ 'di snyam du sems te/ ji ltar srog chags rnams gcig la gcig mi 'thun par byas nas 'chi bar 'gyur ba de bzhin du byis pa so so'i skye bo'i sems can rnams kyang gcig la gcig mi 'thun pa byed de/ skye bas mi 'jigs/ rga bas mi 'jigs/

</font><hr>48-1-264a<br><font size=+1>

nad kyis mi 'jigs/ 'chi bas mi 'jigs/ ji ltar srog chags gnyis 'thab pa bzhin du byis pa so so'i skye bo rnams kyang phan tshun 'thab po/ /de nas 'chi ba'i dus na skyes bu dge ba rnams kyis smras pa/ skyes bu khyod ci zhig la yid rton/ ci khyod kyis nyes 
pa cung zad kyang ma mthong ngam/ skye ba'i nyes pa ma mthong ngam/ rga ba dang na ba'i nyes pa ma mthong ngam/ 'chi ba'i nyes pa ma mthong ngam/ smras pa/ tshe dang ldan pa bdag gis skye ba'i nyes pa yang mthong ngo / /rga ba dang na ba'i nyes pa yang mthong ngo / /thams cad kyi tha mar 'chi ba'i 
nyes pa yang mthong ngo / /smras pa/ ci'i phyir gang dge ba'i rtsa ba rnams kyi bya ba ma byas/ ci'i phyir 'jig rten gnyi gar bde ba 'phel ba'i chos kyi phung po'i dge ba'i rtsa ba rnams ma byas/ grogs po dag gnyis su yang dri'o/ /khyod ci'i phyir skye ba dang / 'chi ba las yongs su thar ba'i dge ba'i tshogs ma byas/ khyod kyis ci'i phyir tshul bzhin yid la byed pa so sor brtag pa ma byas/ ji ltar khyed kyis sa la gaN+DI rdung ba'i sgra ma thos/ de bzhin gshegs pa'i zhing la dge ba'i sa bon bskrun cing spos sam/ phreng ba'am/ mar me sbyin pa byin pa ma mthong / de 
bzhin gshegs pa la bza' ba dang / bca' ba 'bul ba dang / 'khor bzhi tshim par byas pa yang ma mthong / dge slong dang / dge slong ma dang / dge bsnyen dang / dge bsnyen ma bstan pa la mngon par dad pa de dag ni 'khor bzhi'o/ /de ltar de la phan pa'i phyir smras te/ 
bsnyad pa dang / lha cung zad kyang ma bgyis so/ /mi khyod kyis ni 'dzam bu'i gling du 'ongs nas mi dge ba byas so/ /de'i tshe mi shi ba de la chos kyi rgyal pos rjes su bstan pa'i tshigs su bcad pa smras pa/ de bzhin gshegs pa 'byung mthong zhing / /gaN+DI rdung ba thos gyur la/ /
mya ngan 'das pa zhir 'gro ba'i/ /chos bstan thos kyang ma byas so/ /de nas mi des slar smras pa/ /bdag ni byis pa'i blor gyur te/ /sdig pa'i grogs kyi dbang song nas/ /'dod pas 'khrul pa'i sems kyis su/ /bdag gis sdig pa'i las byas so/ /'dod pa dag kyang 

</font><hr>48-1-264b<br><font size=+1>

bsten pa dang / /bdag gis srog chags rnams kyang bsad/ /dge 'dun rnams kyang chud gsan pas/ /mi bzad de yi 'bras bu 'ong / /gnod par sems pa'i yid kyis su/ /bdag gis mchod rten bshig pa byas/ /tshig ngan rnams kyang rab tu smras/ bdag gis 
ma yang gdung bar byas/ /bdag gis lus kyis gang byas pa/ /nyes pa dag kyang rab tu shes/ /sems dmyal chen po ngu 'bod du/ /shin tu mi bzad skye ba mthong / /bsdus gzhom du yang tshor ba myong / /de bzhin rab tu tsha ba dang / /mnar med chen po mi bzad par/ /
tshor ba rjes su myong bar 'gyur/ /pad ma lta bur cher gas pa'i/ /sems can dmyal bar sdug bsngal du/ /thig nag btab pa 'jigs chen du/ /lan brgya bar du skye bar 'gyur/ /sems dmyal sems can bsad nas su/ /phyis kyang 'jigs pa de mthong ste/ /
dpag tshad brgyar ni yang dang yang / /'jigs pa chen por ltung bar 'gyur/ /de dag sgo rnyed mi 'gyur te/ /phyis kyang mun par rab tu ltung / /spu gri zhes bya sems dmyal du/ /spu gri stong yang 'byung bar 'gyur/ /bye ba stong phrag brgya rnams kyis/ /spu gri mdun du 'byung 'gyur te/ / 
bdag gis nyes pa'i las byas pas/ /de dag gis ni de lus gtubs/ /rlung 'khrugs chen po mi bzad pas/ /lus de thams cad 'jig par byed/ /rtag tu 'di 'dra'i sems dmyal du/ /bdag gis sdug bsngal myong bar 'gyur/ /lus ni rab tu sdug bsngal bar/ /sems 
can kun gyis bdag mthong ngo / /khyim so bya phyir gzhan dag gi/ /nor yang rab tu bdag gis blangs/ /bdag gi bu pho bu mo dang / /de bzhin phu nu sring mo dang / /bdag gi pha ma'ang de bzhin te/ /mdza' bo gnyen bshes mang po dang / /bran dang las byed rnams dang ni/ /
de bzhin ba dang phyugs dang g.yog /dgos pa ngan la bdag 'khrul te/ /gser dang dngul gyi snod rnams dang / /de bzhin phra rab gos rnams dang / /khyim byed bcug pas 'khrul pa ste/ /khyim yang shin tu bkra byas nas/ /skyes pa bud med lang long dang / /pi bang sil 

</font><hr>48-1-265a<br><font size=+1>

snyan 'khrol ba la/ /bdag yid ma dul dga' bar 'gyur/ /spos chu dag gis lus bkrus kyang / /da dung byas pa gzo ba med/ /lus khyod sems pa med pa ste/ /nga ni khyod kyi ched la 'khrul/ /phyin chad sems can 'ga' tsam yang / /bdag la skyob 
par 'gyur ba med/ /rlung 'khrug chen po mi bzad par/ /lus ni yongs su gdung ba na/ /ro dang ldan pa zhim zos te/ /lces kyang sna tshogs de bzhin no/ /phreng ba sna tshogs bzang mdzes pa/ /rab tu mang po mgo la bcings/ /mig ni gzugs kyis 'khrul byas te/ /
mig gi skyabs ni yod ma yin/ /bdag gis mthong nas gang byas pa/ /sdig pa rnams ni mig gi rgyu/ /lag pa rdo rjes bcad pa ni/ /bdag gi rna ba'i rgyu yin no/ /lag pa gnyis la gdu bu btags/ /sor mo rnams la sor gdub bcug /mgul du mu tig se mo do/ /
rkang pa gnyis kyang rab tu brgyan/ /de la dra ba byas pa dang / /de la gser yang gnas par byas/ /lus la rin chen sna tshogs dang / /gser gyi gdu bu'ang de bzhin no/ /longs spyod chen pos rab rtses nas/ /yid kyang shin tu rtag par gyur/ /rab tu 'jam la bdag reg nas/ /
shin tu sred pas de bsten to/ /gding ba sna tshogs mal cha yis/ /bdag gis lus ni rtser bcug go/ /spos chu bzang pos khrus byas te/ /spos rnams kyis kyang rab tu bskus/ /lha rdzas ga pur tsan dan gyi/ /bdug pa rnams kyis rab tu bdugs/ /kha dog bzang po byas nas 
kyang / /gla rtsi ldan pas rab tu bsgos/ /lo lon 'bru mar dri dag dang / /sna ma tsam pa ka la sogs/ /bskus nas phra mo ka shi ka/ /dkar po'i gos kyang rab tu bgos/ /glang po'i rgyab nas babs nas su/ /rta yi rgyab tu mngon par zhon/ /bdag ni rgyal po yin snyam sems/ /
skye bo bdag gi mdun na rgyug /glu gar shin tu bslabs pa yi/ /slas rnams kyang ni rab tu shes/ /ri dgas rnams ni ma nyes par/ /bdag gis mdas kyang ri dgas bsad/ /'jig rten phyi ma ma shes pas/ /bdag gis 'di 'dra'i sdig byas shing / /bdag gis gzhan gyi sha 

</font><hr>48-1-265b<br><font size=+1>

zos pas/ /de phyir bdag gi sdug bsngal 'di/ /mi bzad 'ong bar 'gyur ba yi/ /'chi ba bdag gis ma shes te/ /bdag ni byis pa'i blor gyur pas/ /bdag gi lus kyang gso ba byas/ /deng ni bdag la 'chi 'ong na/ /skyabs byed pa ni su yang med/ /gnyen 
rnams khyed cag thams cad kyang / /nga yi gdong du bltar ci yod/ /ci zhig phyir ni gos 'dral zhing / /ci phyir ngu zhing smre sngags 'don/ /ci phyir skra rnams rab 'jig cing / /ci phyir khrag kyang 'byin par byed/ /ci phyir mgo la rdul 'thor zhing / /brang yang rab tu rdung bar 
byed/ /bdag gson tshe na sdig pa rnams/ /spang bar bya rigs khyed ci mdud/ /bdag gi lus ni spyang ki dang / /khyi dang bya rog rnams dang ni/ /bya rnams kyis kyang bza' bar 'gyur/ /lus 'di dgos pa med par gsos/ /'chi ba'i sbrul dang ldan gyur nas/ /mi ni rtag 
tu skye bar 'gyur/ /'jigs pa 'di las grol 'gyur ba/ /de lta bu yi sman rnams bsten/ /bdag la sman pas gang byin pa'i/ /sman de dgos pa ma yin na/ /nyon mongs sbrul las thar byed pa/ /da ltar chos kyi sman rnams ni/ /'chi kar bdag la sbyin par byos/ /
sha ni nga la ma sbyin cig /lus 'di gso ba byas kyang ni/ /gdon mi za bar 'jig par 'gyur/ /gang phyir sdug bsngal sbyin gyur pa/ /sdig gi phung po ci phyir blangs/ /lus 'di shin tu gsos byas kyang / /bya ba ma rungs byed par 'gyur/ /bu dang bu mo ci zhig phyir/ /nga la 
mig gis lta bar byed/ /na ba 'di las nga skyobs shig /don med par ni ci phyir ngu / /bu dang bu mo khyed cag dag /nga ni ma rung ma byed cig /khyed cag gso bar bya ba'i phyir/ /ngas ni gzhan gyi nor yang phrogs/ /da ni 'chi dus bab pa na/ /re thag chad kyis ci zhig byed/ /
skye dang ngan 'gros rab tu 'jigs/ /'chi bas kyang ni yongs su gzir/ /tshor ba 'du shes 'du byed dang / /reg pa shin tu tshor ba'o/ /sred pas byis pa rnams kyang 'khyam/ /mi bzad 'bras bu rnams kyang thob/ /ngan pa'i rigs su skye ba ni/ /der yang mya ngan bcings par 'gyur/ /

</font><hr>48-1-266a<br><font size=+1>

bdag la bsod nams chung shes nas/ /skye bo gzhan dag mya ngan byed/ /sbyin dang tshul khrims yongs su nyams/ /chos la yang ni rgyab kyis phyogs/ /yang skye ba ni mi shes pas/ /nyon mongs sbrul gyis nyon mongs pa/ /ma rig pas ni byis 
pa rnams/ /gang na thar pa med par 'khyam/ /thar pa'i don ni mi shes nas/ /'khrul pas sdig pa rnams kyang byed/ /nyon mongs rnams kyis byis pa 'khyam/ /yid ni rtag tu rnam par 'khrugs/ /bcing ba sna tshogs ldan lus la/ /mes ni kun tu 'bar zhing tshig /
gang na bde ba med pa der/ /lus ni rnam par 'khrul pas 'khyam/ /gang las shin tu bde 'byung ba/ /bde ba de ni mi shes te/ /sangs rgyas zhing ni bde ba sbyin/ /chos kyi 'khor lo sman gyi mchog /tshul khrims bden pa'i tshul khrims so/ /de bzhin gshegs pa'i 
tshangs dbyangs yin/ /de nas bcom ldan 'das kyis byang chub sems dpa' sems dpa' chen po sman gyi sde la bka' stsal pa/ sman gyi sde sems can dag 'chi ba'i dus kyi tshe/ de ltar smre sngags 'don kyang legs par byas pa'i las kyi 'bras bu rnam par smin pa ma gtogs par de 
dag gi skyob par 'gyur ba su yang med do zhes bka' de skad stsal nas tshigs su bcad pa 'di dag kyang gsungs so/ /sdig pa'i las ni byas pas na/ /sems can dmyal ba rnams su ltung / /sreg pa'i gos ni gyon par 'gyur/ /skom du lcags khu 'thung bar 'gyur/ /lus rnams la ni 
me mdag 'bab/ /tshig nas rab tu mi bzad du/ /sems can dmyal ba 'jigs chen du/ /de yi lus ni rab tu 'tshig /bde ba dag ni mi shes shing / /chos kyang rnam par mi shes te/ /chos ma yin pas byis pa 'khyam/ /bde ba cung zad rnyed mi 'gyur/ /dad dang tshul khrims 
phun sum tshogs/ /shes rab ldan zhing dka' thub che/ /dge ba'i bshes gnyen bsten pa ni/ /de bzhin gshegs par myur du 'gyur/ /'jig rten sangs rgyas 'byung ba'i phyir/ /brtson 'grus kyi ni mchog rtsoms la/ /sems can thams cad yongs bzung ba/ /dge ba'i las kyi 

</font><hr>48-1-266b<br><font size=+1>

chos ston cig /byams pa'i sems dang de bzhin du/ /tshangs spyod mchog la snyoms par zhugs/ /sman sde de skad thos nas kyang / /mchog tu bsgrub par 'gyur bar bya/ /rnam grol mthong dang sangs rgyas dang / /sgra bsgrags rnam par 'dren pa dang / /'jig rten gyi ni pha dang ma/ /de ni byang 
chub sems zhes bya/ /'jig rten du ni chos 'di gang ston pa/ /dge ba'i bshes gnyen mchog tu rab rnyed dka'/ /sangs rgyas bstan la gang dag sus nyan pa/ /de dag bla med sangs rgyas bde gshegs 'gyur/ /zhi ba sangs rgyas sras rnams la/ /gang dag gus dang bcas 'gyur ba/ /de dag kyang 
ni sems can kun/ /thar byed 'jig rten mgon du 'gyur/ /de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das ci'i slad du dog sa 'di dag g.yo rab tu g.yo/ de skad ces gsol pa dang / bcom ldan 
'das kyis byang chub sems dpa' sems dpa' chen po sman gyi sde la 'di skad ces bka' stsal to/ /sman gyi sde ci mthong ltos/ byang chub sems dpa' sems dpa' chen po sman gyi sdes bltas pa dang / phyogs bzhi nas gas pa mthong ngo / /sa gas pas sa gas pa'i phrag nas mi 
bye ba phrag nyi shu byung ba dang / 'og gi phyogs nas mi bye ba phrag nyi shu byung ba dang / steng gi phyogs nas mi bye ba phrag nyi shu rtsa lnga byung ba mthong ngo / /de nas sems can gzhon nu de dag gis rnam par bltas nas/ bcom ldan 'das la 'di skad ces gsol to/ /bcom ldan 'das 'dir su dag skyes/ 
bcom ldan 'das kyis bka' stsal pa/ khyed cag skye bo'i tshogs 'di dag la ltos/ de dag gis gsol pa/ bcom ldan 'das mthong lags so/ /bcom ldan 'das kyis bka' stsal pa/ skye bo'i tshogs 'di dag ni khyed la bde ba'i phyir skyes so/ /gsol pa/ sems can 'di dag 
kyang 'gum par 'gyur ram/ bcom ldan 'das kyis bka' stsal pa/ grogs po dag de bzhin te/ sems can thams cad kyang 'chi bar 'gyur ro/ /de nas sems can gzhon nu snga ma gang dag thog ma nyid du skyes pa de dag gis bcom ldan 'das ga la ba de logs su thal mo sbyar ba btud nas/ bcom ldan 

</font><hr>48-1-267a<br><font size=+1>

'das la 'di skad ces gsol to/ /bcom ldan 'das bdag cag ni yang skye ba dang 'gum pa la blta bar mi spro'o/ /bcom ldan 'das kyis bka' stsal pa/ 'o na brtson 'grus kyi stobs rnyed par spro'am/ de dag gis gsol pa/ de bzhin gshegs pa mngon sum du blta bar bgyi'o/ /
de nas chos gang mnyan pa zhus te yid du 'ong ba mnyan par bgyi'o/ /de bzhin gshegs pa'i nyan thos kyi dge 'dun 'dus pa la blta bar bgyi'o/ /byang chub sems dpa' rdzu 'phrul che zhing mthu che ba rnams la blta bar bgyi ste/ bcom ldan 'das 'di lta bu la spro'i skye ba dang 'gum pa la ni blta 
bar mi spro'o/ /de nas byang chub sems dpa' sems dpa' chen po sman gyi sde rdzu 'phrul gyi stobs kyis byang chub sems dpa' lnga brgya po de dag dang lhan cig tu stan las langs nas de dag thams cad rdzu 'phrul gyis steng gi bar snang la 'gro zhing skyil mo krung bcas nas bsam gtan byed de/ 
de dag thams cad kyi lus las seng ge rnams byung ngo / /stag rnams byung ngo / /sbrul rnams byung ngo / /glang po rnams byung ngo / /rdzu 'phrul chen po rnam par 'phrul pa ston to/ /ril yang skyil mo krung bcas te 'khod do/ /steng du dpag tshad nyi khri srid du yang 'gro'o/ /zla ba dang nyi ma bye ba stong 
phrag bcu yang 'bab par byed do/ /de nas bcom ldan 'das la sems can gzhon nu de dag gis 'di skad ces gsol to/ /bcom ldan 'das 'od zer chen po gda' ba dang / rdzu 'phrul chen po rnam par 'phrul ba 'jig rten du byung ba'i rgyu gang lags/ rkyen gang lags/ 
bcom ldan 'das kyis bka' stsal pa/ rigs kyi bu khyed zla ba dang / nyi ma byung ba 'di la ltos/ de dag gis gsol pa/ bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ 'di 
ni byang chub sems dpa' rang gi lus las 'od zer snang ba dang / rdzu 'phrul dang / cho 'phrul bstan pa ste bstan nas kyang skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo'i tshogs chen po dang / lha rnams dang /

</font><hr>48-1-267b<br><font size=+1>

mi rnams kyi don dang / phan pa dang / bde ba'i phyir sems can rnams la chos ston te/ de dag 'dir mi'i lus dang / stobs dang brtson 'grus bstan nas 'di 'dra ba'i stobs nye bar ston to/ /gsol pa/ bcom ldan 'das 'od zer snang ba 'byung bar bgyi ba'i slad du 
chos bstan du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po sman gyi sde la 'di skad ces bka' stsal to/ /sman gyi sde khyod kyis stong gsum gyi stong chen po'i 'jig rten gyi khams rnam pa drug tu g.yos 
pa mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /des 'di snyam bsams te/ gang bdag gis de bzhin gshegs pa la don de zhu'o/ /snyam bsams pa dang / bcom ldan 'das 
kyis bka' stsal pa/ sman gyi sde ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ /bstan par bya'o/ /rnam par dbye bar bya'o/ /sman gyi sde gang 'das pa dang / ma 'ongs pa dang / da ltar byung ba'i dus 
rnams kyi de thams cad bstan par bya'o/ /gsol pa/ bcom ldan 'das the tsom bsal ba'i slad du bstan du gsol/ bcom ldan 'das bdag gis de bzhin gshegs pa lha'i bu stong phrag brgyad cu rtsa bzhis bskor ba dang / byang chub sems dpa' bye ba stong 
phrag brgyad cu rtsa bzhis bskor ba dang / klu'i rgyal po bye ba stong phrag bcu gnyis kyis bskor ba dang / 'byung po bye ba stong phrag bco brgyad kyis bskor ba dang / yi dgas dang / sha za bye ba stong phrag nyi shu rtsa lngas bskor ba mthong ngo / /bcom ldan 'das kyis bka' 
stsal pa/ sman gyi sde sems can 'di dag ni chos nyan pa'i phyir 'khor 'dir nga'i gan du 'dus shing 'khod gor ma chag ste/ sman gyi sde 'di dag ni deng kho nar 'khor ba bsnyil bar 'gyur ro/ /sems can thams cad la phan par 'dod pas deng nyid sa bcu rab tu 'thob par 'gyur 

</font><hr>48-1-268a<br><font size=+1>

ro/ /sa bcu la rab tu gnas nas mya ngan las 'das pa'i dbyings rjes su 'thob par 'gyur ro/ /rga dang 'chi las thar bya'i phyir/ /las byas bde ba thob byed cing / /nyon mongs zhags pa pham byas nas/ /sangs rgyas bstan pa 'thob par 'gyur/ /
gsol pa/bcom ldan 'das sems can gyi gnas mang po las sna tshogs kyis byung ba 'di ci'i slad du/ bcom ldan 'das la bskor cing gnas/ bcom ldan 'das kyis bka' stsal pa/ sman gyi sde nyon cig sems can rmongs pa mi shes pa/ /thar bar 
'gyur ba ga la yod/ /sems can gzhon nu mang po dag /de ring gzugs rnams thob par 'gyur/ /sa bcu dag ni 'thob pa'i phyir/ /chos kun rab tu shes par 'gyur/ /sa bcu dag kyang 'thob par 'gyur/ /sangs rgyas bya ba byed par 'gyur/ /chos 
kyi 'khor lo bskor bar 'gyur/ /chos char rab tu 'bebs par 'gyur/ /de ltar sems can 'dus pas na/ /nga yi bstan pa dga' ba'o/ /lha dang klu dang yi dgas dang / /lha min shin tu mi bzad pas/ /sa bcu la ni rab gnas te/ /chos 
kyi sgra yang sgrogs par 'gyur/ /chos kyi rnga yang rdung bar 'gyur/ /chos kyi dung yang rab tu 'bud/ /sems can gzhon nu 'di dag kyang / /brtson 'grus mthu dang ldan par 'gyur/ /de bzhin gshegs pas thob pa bzhin/ /de dag deng ni 
chos thob 'gyur/ /de nas sems can gzhon nu lnga stong tsam stan las langs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /gang phyir mtha' ni ma 'tshal ba/ /'khor 
ba na ni 'chi ba ste/ /lus ni khur lci bcom ldan 'das/ /'jigs pa chen po mi bzad pa/ /lam ni rnam par ma 'tshal te/ /lam nyid kyang ni mi gda' bas/ /mgon po bdag cag ldongs gyur na/ /bdag cag rnams ni bsdu bar gsol/ /

</font><hr>48-1-268b<br><font size=+1>

dpa' la bdag cag gsol ba 'tshal/ /'dren pas chos ni bshad du gsol/ /bdag cag shes rab chung ngur skyes/ /bde ba mngon par ma 'tshal to/ /bdag cag la ni chos bshad gsol/ /sdug bsngal mi bzad grol bar mdzod/ /gang 
dang gang du skyes par yang / /bdag cag sangs rgyas mthong gyur cig /de nas byang chub sems dpa' sems dpa' chen po sman gyi sde sems can gzhon nu rnams ga la ba der song ste phyin nas/ 'di skad ces smras so/ /khyed cag rnams ni zas zo shig /
rmad du byung ba'i ro yang 'thung / /'jigs pa med par gyur nas su/ /phyis gdod 'jigs med chos nyon cig /smras pa/ btsun pa gnas brtan khyod su zhig /bdag cag rnams kyis khyod mi shes/ /khyod ni rab tu mdzes par mthong / /gzugs 
ni zhi zhing grags pa che/ /yi dgas 'jig rten 'jigs chen dang / /sems dmyal dud 'gro rnams las thar/ /ji ltar 'gro ba mdzes pa bzhin/ /khyod kyi sdig pa thams cad zhi/ /khyod kyi lag na snod yod pa/ /rin chen sna bdun ldan pa dang / /
lus la rin chen srad bu dang / /gzi brjid phung pos brgyan pa mthong / /zhi ba khyod kyis tshig smras pa/ /bdag cag lan 'debs mi nus so/ /bdag cag la ni zas rnams dang / /zhim po'i skom yang mi dgos te/ /zas las bshang ba 'byung 
bar 'gyur/ /de bzhin skom yang gcin du 'gyur/ /khu ba rnams las khrag tu 'gyur/ /de bzhin khrag las shar 'gyur bas/ /zas dang skom rab sbyar ba yang / /bdag cag rnams la dgos ma yin/ /dar dang snam bu sbyar ba dang / /phra 
mo'i gos kyang dgos pa med/ /gser gyi gdu bu mi dgos te/ /mu tig phreng ba dgos ma yin/ /sor gdub dag kyang mi dgos te/ /de kun mi rtag chos can no/ /bdag cag ngan par 'gro rnams su/ /'gro bar mi 'gyur srog tshol lo/ /lha rnams kyi 

</font><hr>48-1-269a<br><font size=+1>

ni bde ba dang / /chos kyi sbyin pa don du gnyer/ /dge ba'i bshes gnyen rnams dgos te/ /'khor los sgyur rgyal ma yin no/ /rab tu bzang ba'i gling bor nas/ /'khor los sgyur ba 'chi bar 'gyur/ /bu yang phyi bzhin mi 'brang ste/ /
chung ma bu mo rnams kyang min/ /rin chen sna bdun phyi na las/ /phyi bzhin 'brang ba ma yin no/ /skye bo mang po bsdus pa yang / /phyi bzhin 'gro ba ma yin te/ /mdun du rgyug pa'ang ma yin no/ /de ltar phyin cad mi 'gyur ro/ /tshe gcig gis ni rgyal po las/ /
mi rtag pas ni 'khyam 'gyur te/ /sdig pa'i las rnams mang byas pas/ /de dag sems dmyal ngu 'bod ltung / /rin chen sna bdun rdzu 'phrul ches/ /phyogs bzhi kun tu bskor ba las/ /gang tshe ngu 'bod smin pa'i tshe/ /rdzu 'phrul 
de ni gang du song / /sa gang dag na yod min pa/ /shi nas rdzu 'phrul byed mi nus/ /gnas brtan bdag cag rnams la gson/ /gang na de bzhin gshegs par bzhud/ /pha dang ma ni ji lta bar/ /de ni mthong bar rab tu 'dod/ /bdag 
cag la ni ma yang med/ /pha med phu nu rnams kyang med/ /'jig rten gtso bo de bzhin gshegs/ /de nyid pha dang ma yin no/ /de nyid nyi ma zla ba ste/ /bde ba'i lam ni rab ston pa'o/ /gang phyir phyin chad mi skye bar/ /de ni 'khor ba 
thar mdzad pa'o/ /nyon mongs chu bo 'jigs chen dang / /chu bo sgrol ba'i gru de'o/ /de yis sems can rab bsgral te/ /phyin chad slar ni mi ldog go/ /byang chub mchog ni rab ston pa/ /dam pa'i chos kyang des bshad do/ /bdag 
cag rnams la zas mi dgos/ /rgyal srid 'bras bu mi 'dod de/ /sems can dmyal bas 'jigs pa ni/ /lha yi 'jig rten 'gro mi bya/ /mi yi tshe ni bde ba ste/ /de na thams cad mkhyen par snang / /rang gi las ni nyes byas pas/ /tshe thung rnams ni 

</font><hr>48-1-269b<br><font size=+1>

'khyam pa yin/ /de dag 'chi ba mi shes kyi/ /'dod pa'i longs spyod rgyal srid shes/ /skye dang 'gag pas bslus pa rnams/ /shes pa med cing 'jigs pa med/ /mi rtag pas ni sems 'khrul rnams/ /phra ba'i chos rnams mi shes te/ /phra ba'i dgos pa mi byed la/ /
zhi ba'i dbyings kyang mi shes so/ /'chi 'pho la ni skyo med pa/ /yang dang yang du skye bar 'gyur/ /yun ring sdug bsngal rab gzir cing / /rtag tu dbyug pas brdegs byas nas/ /gzhan dag gi yang 'phrog byed de/ /de bzhin bcing zhing bsad pa byas/ /sngon gyi sdig pas bskul bas 
na/ /de dag bcing ba lngas bcings so/ /re thag kyang ni chad par 'gyur/ /mya ngan zug rngus zug par 'gyur/ /rnam par shes pa 'gag pa na/ /snying rje bar ni smre sngags 'don/ /bdag gi skyob par su 'gyur la/ /gser dang dngul dang shel dag dang / /longs spyod thams cad bdag 
gis dbul/ /bdag ni bran du'ang 'gyur bar bya/ /bran gyi tshul du gang gyur pa/ /las rnams thams cad rab tu bya/ /rgyal srid longs spyod bdag mi dgos/ /nor dang 'bru yang ma yin no/ /rang gi lus ni bdag mi dgos/ /sdig pa byed pa mi 'grol te/ /de ltar gnas 
brtan bdag cag la/ /bza' ba dgos pa ma yin no/ /gang dag kha zas zhim zos pa/ /rgyal po rnams kyang 'chi bar 'gyur/ /btung ba mchog ni 'thungs pa yi/ /lha yi bu rnams 'chi bar 'gyur/ /cho ma cho dgu ro ldan pa/ /zas dang skom ni rab bshams te/ /rgyal po'i mdun 
du blangs nas su/ /kha zas la ni lces reg nas/ /rgyal po rnams ni ro la chags/ /sdig pa mi chung rnams kyang byed/ /gang la snying po med pa yi/ /mi rtag ro la chags par byed/ /bdag cag rnams la skom mi dgos/ /bza' ba dag kyang dgos ma yin/ /bdag cag sdug bsngal gang grol ba/ /chos 
nyid de 'dra dgos ma yin/ /sred pa'i bcings las rab grol zhing / /sred pa'i nyon mongs rnams thar te/ /bcings pa kun las rab grol ba'i/ /sangs rgyas de la skyabs su dong / /drang srong chen po 'jig mgon la/ /bdag cag rnams ni skyabs su 'dong / /sems can rnams kyis mthong dka' 

</font><hr>48-1-270a<br><font size=+1>

la/ /phyag 'tshal phyir ni bdag cag 'dong / /khyod kyi mtshan ni ma 'tshal gyis/ /snyan pa'i mtshan ni bstan du gsol/ /sman gyi sdes smras pa/ khyed dang skye bo thams cad dang / /de bzhin ming ni thos par 'dod/ /sems can gzhon nu bye ba phrag /stong 
gis de bzhin gshegs pa bskor/ /de dag gis smras pa/ khyod ni sangs rgyas nyan thos kyi/ /ming ni zab par grags pa yin/ /skye bo kun kyang de bzhin du/ /khyod kyi ming ni thos par 'dod/ /smras pa/ nga yi ming ni sman gyi sde/ /nga ni sems can rnams kyi sman/ /sman rnams kun gyi dam pa ni/ /khyed cag rnams la bshad par bya/ /nad kun gyis btab skye bo yi/ /nad rnams thams cad zhi bar byed/ /'dod chags nad ni nad po che/ /'jig rten 'jigs byed mi bzad pa/ /gang gis blo med 'khyam pa yi/ /gti mug nad ni che zhing drag /sems dmyal de bzhin 
dud 'gro dang / /yi dgas rnams su sems can 'gro/ /byis pa 'di dag zhe sdang zin/ /de dag ji ltar zhi bar 'gyur/ /de dag gis smras pa/ dge ba'i chos ni 'di thos pas/ /bdag cag sdug bsngal kun las grol/ /byis pa blo ni mi shes pa/ /sdug bsngal kun las grol nas 
kyang / /sdig pa'i las ni rnam spangs te/ /bdag cag chos kyi sbyin pa nyan/ /sdig pa thams cad rnam spangs nas/ /'jigs pa mi bzad rnams kyang spangs/ /nad rnams thams cad zhi byed pa/ /sman pa'i rgyal po sman pa ste/ /sdug bsngal ba rnams 
gso byed pa/ /yang dag sangs rgyas myur du blta/ /de bzhin gshegs la phyag bya phyir/ /gnas brtan khyod ni myur du bzhud/ /phyag byas bdag cag rnams kyi tshig /'jig rten rnam par 'dren la gsungs/ /nad 'di rab tu zhi bar mdzod/ /
lus ni thams cad rab 'bar te/ /tshig cing zhi ba med pa yi/ /mi bzad me ni zhi bar mdzod/ /lus kyi khur ni khur po che/ /shin tu mi bzad rno ba'i khur/ /sdug bsngal gzir ba bdag cag la/ /brtul zhugs dam pa thugs rje mdzod/ /skye bo rtag tu zhe sdang dang / /gti 

</font><hr>48-1-270b<br><font size=+1>

mug non pa'i khur khyer te/ /khur las thar ba mi shes pa/ /de dag yang dang yang khur khyer/ /thar pa'i lam ni mi shes shing / /thar pa'i lam ni ma mthong rnams/ /'chi ba rnam par shes mod kyi/ /'on kyang 'jigs pa mi skyed do/ /
bdag cag la ni nam du yang / /'chi ba med snyam bde bar gnas/ /kun tu 'khrul pas ma shi ba/ /mthong yang rnam par mi shes so/ /de dag pha yang mi dran te/ /nad kyis kyang ni rtag gzir cing / /nyon mongs las kyis rab dkrugs na/ /
ji ltar kha zas za bar 'gyur/ /sdug bsngal nyam thag mi shes te/ /bdag cag ngal ba don med do/ /khyod kyi sdug bsngal 'di 'dra ba/ /ma rig gzhi las skyes pa'o/ /'du shes 'du byed tshor ba rnams/ /'jigs chen lci ba'i khur yin no/ /
gang chos rnam par mi shes pa/ /byis pa sred pas rab tu 'khyam/ /lus kyi khur gyis bskor ba ni/ /'jig rten du ni don med skyes/ /gos gtsang shin tu bzang ba dang / /khrus dang byug pa dgos pa'o/ /lus la gang yid 'ong ba yi/ /kha zas 
zhim po dgos pa ste/ /yid 'ong ba yi sil snyan lnga/ /de bzhin rna bas tshor bar byed/ /rin chen bdun las byung ba yi/ /gzugs la mig gis chags par byed/ /zhim pa'i ro rnams thams cad ni/ /lces kyang tshor bar byed pa ste/ /
'jam zhing phra ba'i reg pa yang / /lus kyis rtag tu tshor bar byed/ /lus kyis su ni sha gnyis po/ /dga' bar yang ni bsgrubs pa las/ /sems pa med pa'i lus 'di skyes/ /de la dga' ba su zhig rnyed/ /de na bdag rkang dga' byed pa/ /
lham ni rab tu bzang gyon yang / /'chi bar 'gyur tshe gos rnams dang / /byug pa skyabs su mi 'gyur te/ /lus kyang skyabs su 'gyur min na/ /gos dang byug pa smos ci dgos/ /mi zhes bya ba lus yin te/ /dbugs dang stobs chen rnyed par 'gyur/ /

</font><hr>48-1-271a<br><font size=+1>

so sor rtog pa'i rna ba'i stobs/ /de ni lus la yon tan che/ /sngon chad rta dang glang po yis/ /kun tu bskor nas rtse zhing 'khyam/ /thar pa'i chos ni ma shes nas/ /bdag ci sdig pa'i las la chags/ /'jig rten pha rol ma shes nas/ /
rtse bas sdig pa byed du bcug /bdag ni yang dang yang skyes te/ /shi ba bdag la yang 'ongs so/ /yang dang yang du mya ngan mthong / /smre sngags 'don pas rab tu bcings/ /ma rnams kyang ni shi ba mthong / /pha rnams shi dang gnyen dag dang / /sring mo dang ni bu dag 
dang / /chung ma rnams kyang shi ba mthong / /mngon par 'du byed kun stong na/ /sems dang bcas pa su zhig chags/ /'dod pas zin pa'i sems kyis su/ /bdag gis yid brtan rung bar shes/ /zhi ba'i chos ni mi dmigs te/ /'chi ba la ni mngon dga' med/ /de phyir 
'dod pas bsgribs sems kyis/ /bdag gis sbyin pa ma byin no/ /de bas 'dod dang mnyam sdig med/ /de ni da dung mi ldog go/ /kun tu nor bas bdag cag skyes/ /'gro ba mtha' dag kun tu nor/ /kun tu nor ba'i sgra yang nyan/ /dam chos ma yin yongs su 
'dzin/ /thar pa dang ni bsam gtan btsal/ /lus ni khur du bkur mi bya/ /'jig rten don du 'gro ba'i gtso/ /sangs rgyas ston pa rnams su shog /sangs rgyas 'jig rten pha dang ma/ /sangs rgyas lam ni rab ston pa/ /'dzam bu'i gling ni kun tu yang / /rin chen 
char pa rab tu 'bebs/ /chos kyi bsdu ba ci 'dra ba/ /sems can blun pos mi shes te/ /byang chub tu ni sems bsngos na/ /chos kyi bsdu ba thob par 'gyur/ /'du byed thams cad stong pa ste/ /de bzhin longs spyod nor yang stong / /bdag kyang stong par mthong bas na/ /mthong 
nas re ba med par gyur/ /gnas brtan sman gyi sde khyod kyis/ /bdag cag rnams kyi tshig gson cig /byang chub sems dpa' rnams kyi phyir/ /khyod ni pho nyar bzhud 'tshal lo/ /'khor ba'i nyes pa rnams dran nas/ /byang chub sems dpa' skyo ba med/ /brtson 'grus ldan zhing dka' 

</font><hr>48-1-271b<br><font size=+1>

thub che/ /yon tan kun tu sdud par byed/ /ston de ga la bzhugs par bzhud/ /ston pa bde bar rab sad nas/ /rgyal ba cung zad mi skyo bar/ /bdag cag slad du zhu ba mdzod/ /khyod kyis bdud ni gzhom pa dang / stobs dang bcas pa pham par byas/ /sems 
can thams cad yongs 'dzin pa'i/ /chos kyang myur du 'bar bar byas/ /gang gis sangs rgyas 'gyur ba yi/ /chos ni bdag cag ma thos kyis/ /bdag cag rnams la phan pa'i phyir/ /gnas brtan myur du bzhud du gsol/ /sum cu rtsa gnyis mtshan 
mnga' ba'i/ /de bzhin gshegs pa ma mthong ba/ /de srid bdag cag mi rgal zhes/ /thams cad gus dang bcas par gnas/ /sman gyi sdes smras pa/ khyed cag de ltar ci zhig mthong / /re zhig gyen du blta bar byos/ /de dag gyen du bltas pa dang / /
khang pa brtsegs pa sum stong dang / /lnga brgya tham par tshang ba zhig /kun tu yang ni gnas par gyur/ /rin chen bdun gyis shin tu spras/ /rin chen dra bas legs par brgyan/ /dbus na me tog rab tu rgyas/ /lha rdzas spos kyang rab tu 'bab/ /de na 
gnas brtan dris pa ni/ /khang brtsegs rin chen dra ba dang / /pad ma ze bar kun gnas par/ /'di na snang ba 'di ci zhig /sman gyi sdes smras pa/ gnas 'di dag ni khyed kyi ste/ /sangs rgyas blta ba'i phyir deng shig /'jig rten 'das gtso gang yin pa/ /'jig 
rten snang byed de la thud/ /de dag gis smras pa/ de yi lam yang ma 'tshal te/ /de bzhin gshegs pa'ang ma mthong na/ /gang na lam yang ma 'tshal bas/ /phyag 'tshal du ni gang du mchi/ /sman gyi sdes smras pa/ nam mkha' mtha' yas ji bzhin du/ /reg 
par rung ba ma yin pas/ /bdud rtsi rab sbyin ston pa la/ /phyag 'tshal phyir ni 'gro mi nus/ /ji ltar ri rab gnas pa ltar/ /ston pa de yang gnas na bzhugs/ /ri rab gzhal du rung ba yin/ /rgya mtsho chen po gting tshod zin/ /stong gsum rdul phran dpag tu rung / /sangs rgyas 'byung 

</font><hr>48-1-272a<br><font size=+1>

ba shes ma yin/ /byang chub sems dpa' phyogs bcu nas/ /'jig rten snang bar mdzad la 'dud/ /smras pa/ 'jig rten mgon po bdag cag gzigs/ /bdag cag bsam pa rdzogs par mdzod/ /bdag cag sems kyis ston pa la/ /phyag bgyis de nas 'bras bu thob/ /
sman gyi sdes smras pa/ ston pa dri la mi chags te/ /phreng ba ma yin byug pa min/ /gang gis 'dus byas grol 'gyur ba/ /sems can rnams kyi rgyu 'dzin to/ /gang gis yid ni btul byas shing / /sangs rgyas la yang skyabs song ba/ /de la bdud ni mi bzad mchog /thab 
mo rgol bar mi byed do/ /'chi ba'i dbang du mi 'gro yi/ /gzungs ni myur du rnyed par 'gyur/ /de sems rab tu dang byas nas/ /de nas ston pa mthong bar 'gyur/ /de nas bcom ldan 'das de bzhin gshegs pa ka la ping ka'i sgra skad yid du 'ong ba 'dzum pa mdzad do/ /de nas byang chub sems 
dpa' sems dpa' chen po sman gyi sde stan las langs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das gang bcom ldan 'das kyi zhal gyi sgo nas 'od zer brgyad khri bzhi stong byung ste/ 'od zer 
de dag gis thams cad dang ldan pa'i stong gsum gyi stong chen po'i 'jig rten gyi khams 'di khyab par gyur/ sems can dmyal ba chen po sum cu rtsa gnyis po thams cad kyang khyab par gyur/ lha'i gnas sum cu rtsa gnyis kyang snang bar gyur/ 'od zer de dag kyang kha dog sna tshogs sha stag la 
'di lta ste/ sngon po dang ser po dang dmar po dang dkar po dang le brgan dang shel dang dngul gyi kha dog lta bu ste/ 'od zer de dag bcom ldan 'das kyi zhal gyi sgo nas byung nas stong gsum gyi stong chen po'i 'jig rten gyi khams kyi sems can rnams la bde bar sbyar ba thams cad bgyis nas slar log ste/ 
bcom ldan 'das la lan bdun bskor ba bgyis nas/ bcom ldan 'das kyi dbu'i gtsug tu nub par gyur pa'i 'dzum pa mdzad pa'i rgyu gang lags/ rkyen gang lags/ de nas yang bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das 

</font><hr>48-1-272b<br><font size=+1>

gal te bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' sems 
dpa' chen po sman gyi sde la 'di skad ces bka' stsal to/ /sman gyi sde khyod ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ /gsol pa/ bcom ldan 'das sems can gzhon nu bye ba stong phrag 
sum cu byung ba de dag gis de bzhin gshegs pa'i chos phra ba bstan pa rtogs nas/ sems can rgan po rnams la sems can rgan po khyed rnams ni chos mi shes pa'o/ /rtag tu chos ma yin pa dang / mi dge ba la chags pa'o/ /zhes phra mo rnams 
mi snyan pa mchi zhing yongs su rjod la gnod pa bgyid na/ bcom ldan 'das de ci'i slad du tshig snyan pa yid du 'ong ba 'di dag smras/ bcom ldan 'das kyis bka' stsal pa/ sman gyi sde de dag ci'i phyir tshig 'di skad smra ba mi shes sam/ de dag ni 
de bzhin gshegs pa la 'jam zhing shin tu snyan pa smra ste/ chos kyang thos pas sman gyi sde de'i phyir de dag chos thams cad kyi don khong du chud par 'gyur/ yon tan thams cad dang ldan par 'gyur/ de dag thams cad gzungs rtogs par 'gyur/ deng phyin chad sa 
bcu la gnas par 'gyur/ deng chos kyi rnga chen po'i sgra 'byin par 'gyur/ deng chos chen po'i rnam pa dang ldan par 'gyur ro/ /sman gyi sde khang pa brtsegs pa 'di dag mthong ngam/ gsol pa/ bcom ldan 'das mthong lags so/ /bde bar gshegs pa mthong 
lags so/ /bcom ldan 'das kyis bka' stsal pa/ sman gyi sde deng nyid sems can gzhon nu 'di dag khang pa brtsegs pa 'di dag gi nang du zhugs nas chos mngon par rtogs pa 'thob par 'gyur ro/ /deng nyid dge ba'i chos thams cad yongs su rdzogs par byed par 'gyur ro/ /

</font><hr>48-1-273a<br><font size=+1>

deng chos kyi rnga chen po rdung bar 'gyur te/ lha'i ris du ma zhig deng chos mngon par rtogs pa thob par byed par 'gyur ro/ /sems can dmyal ba pa'i sems can log par ltung ba la gnas pa mang po dag kyang de bzhin gshegs pa'i ye shes bstan pa thos 
nas 'khor ba bsnyil te rgyal bar 'gyur ro/ /de'i tshe sems can rgan po bye ba stong phrag dgu bcu thams cad kyis rgyun du zhugs pa'i 'bras bu 'thob ste/ de dag thams cad kyang chos dang ldan par 'gyur ro/ /sman gyi sde de dag thams cad ni sdug bsngal thams cad yongs su 
spangs par 'gyur ro/ /sman gyi sde de dag thams cad ni de bzhin gshegs pa mthong ba sgrub par 'gyur ro/ /sman gyi sde de dag thams cad ni chos chen po'i sgra dang ldan par 'gyur ro/ /sman gyi sde phyogs bzhir ltos shig /byang chub sems dpa' sems dpa' chen po 
sman gyi sdes phyogs bzhi kun tu bltas pa dang / shar phyogs nas byang chub sems dpa' gang gA'i klung bye ba phrag lnga bcu'i bye ma snyed 'ong / lho phyogs nas byang chub sems dpa' gang gA'i klung bye ba phrag drug cu'i bye ma snyed 'ong / nub phyogs nas byang chub sems dpa' gang gA'i 
klung bye ba phrag bdun cu'i bye ma snyed 'ong / byang phyogs nas byang chub sems dpa' gang gA'i klung bye ba phrag brgyad cu'i bye ma snyed 'ong / 'og gi phyogs nas byang chub sems dpa' gang gA'i klung bye ba phrag dgu bcu'i bye ma snyed 'ong / steng gi phyogs nas byang chub sems dpa' gang gA'i klung bye ba 
phrag brgya'i bye ma snyed 'ong ste/ de dag lhags nas bcom ldan 'das kyi spyan sngar phyogs gcig tu 'khod do/ /phyogs gcig tu 'khod pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das nam 
mkha' bar snang la gzugs nag po dang / gzugs dmar po gda' ba ci lags/ bka' stsal pa/ sman gyi sde gang bar snang la gzugs nag po dang / gzugs dmar po mthong ba 'di ci yin mi shes sam/ de bzhin gshegs pas ni mkhyen te/ sman gyi sde 

</font><hr>48-1-273b<br><font size=+1>

'di ni bdud yin no/ /sman gyi sde mthong bar 'dod dam/ gsol pa/ bcom ldan 'das 'tshal lo/ /bde bar gshegs pa 'tshal lo/ /bcom ldan 'das kyis bka' stsal pa/ sman gyi sde byang chub sems dpa' gang gA'i klung bye ba phrag brgya'i bye ma dang mnyam 
pa 'di lta bu lhags so/ /gsol pa/ bcom ldan 'das byang chub sems dpa' 'di dag lhags pa'i rgyu gang lags/ rkyen gang lags/ bka' stsal pa/ sman gyi sde sems can gzhon nu rnams kyi rkyen gyis te/ de sems can thams cad bsam gtan gyi chos dang 
ldan par 'gyur ro/ /sman gyi sde khyod kyis sems can gzugs sna tshogs 'dir lhags pa dang / rdzu 'phrul gyi stobs kyis byin gyi rlabs sna tshogs 'di lhags pa dag mthong ngam/ gsol pa/ bdag gis ni byang chub sems dpa' gang gA'i klung bye ba phrag brgya'i bye ma snyed dang / 
byang chub sems dpa' gang gA'i klung bye ba khrag khrig brgya stong gi bye ma snyed cig rdzu 'phrul gyi mthus gnas te/ gzugs sna tshogs kha dog sna tshogs dbyibs sna tshogs pa dag gnas la/ byang chub sems dpa' de dag 'phags pa'i chos kyi gnas la gnas te/ byang chub sems dpa' 
de dag 'khor dang bcas nas chos kyi gnas la gnas pa mthong ngo / /bcom ldan 'das kyis de skad ces bka' stsal nas/ byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen po sman gyi sde dang / byang chub sems dpa' gsar rnying de dag 
kun dang thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa zung gi mdo'i chos kyi rnam grangs rdzogs so// //
rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa// //

</font><hr>

</table>